rKTs


H3

(e-text produced by ACIP)

see text in transliteration
Ca30a
།།རྒྱ་གར་སྐད་དུ། བི་ན་ཡ་བི་བྷང་ག། བོད་སྐད་དུ། འདུལ་བ་རྣམ་པར་འབྱེད་པ། བམ་པོ་དང་པོ། དཀོན་མཆོག་གསུམ་ལ་ཕྱག་འཚལ་ལོ། །དུལ་བའི་རྒྱལ་པོ་རྗེ་ཡི་རིགས་སུ་འཁྲུངས། །སློབ་མ་འདུལ་མཛད་ཉེས་པ་རབ་ཐུལ་པ། །སངས་རྒྱས་འདུལ་བའི་གཙོ་ལ་ཕྱག་འཚལ་ཏེ། །འདུལ་བའི་བསྔགས་བ་ཅུང་ཟད་བརྗོད་པར་བྱ། །ཕ་རོལ་མ་
Ca30b
མཐོང་གཏིང་རྟོགས་མ་གྱུར་ཅིང ། །གླགས་པའི་མུན་གནག་སློབ་དཔོན་ཚོགས་རྣམས་ཀྱིས། །དབྱེ་བས་ཐ་དད་འདུལ་བ་རྒྱ་མཚོ་ལ། །ཡོན་ཏན་ཀུན་བསྟོད་རྩོལ་བློ་བདག་ལ་མེད། །ཇི་ལྟར་འདི་ན་ཤིང་རྩ་གཙོ་བོ་སྟེ། །རྣམ་པར་འཕེལ་དང་ཀུན་འཛིན་གཉིས་ཀྱི་གཞི། །དེ་བཞིན་དམ་ཆོས་ཚོགས་རྣམས་ཀུན་གྱི་ཡང ། །རྒྱུ་དང་རྩ་བ་འདུལ་བ་ཡིན་པར་གསུངས། །ཇི་ལྟར་ས་ནི་སྐྱེ་རྒུ་རྣམས་ཀྱི་གཞི། །དེ་ལས་འབྲུ་རྣམས་སྐྱེ་བར་འགྱུར་བ་ལྟར། །དེ་བཞིན་འདུལ་བའང་སྡོམ་བརྩོན་རྣམས་ཀྱི་གཞི། །དེ་བཞིན་དེ་ལས་བསོད་ནམས་རྣམས་ཀྱང་སྐྱེ། །ཚུལ་ཁྲིམས་ཡོན་ཏན་རྣམས་ཀྱི་གནས་སུ་དགོངས།། དེ་ཡི་གནས་ནི་འདུལ་བ་ཡིན་པར་གསུངས། །འདི་ལ་གནས་པར་གྱུར་ན་མཐར་ཕྱིན་འགྱུར། །འདི་ལ་མི་གནས་མཐར་ཕྱིན་ག་ལས་འགྱུར། །ཇི་ལྟར་ཆུ་ལོན་མི་ཕྱེད་སྲ་བ་ཡིས། །ཆུ་ཀླུང་ཆེ་ཡང་ཟློག་པར་འགྱུར་བ་ལྟར། །དེ་བཞིན་འདུལ་བ་འཕགས་པ་ཆུ་ལོན་འདིས། །ཚུལ་ཁྲིམས་འཆལ་བའི་ཆུ་ཀླུང་ཟློག་པར་འགྱུར། །སངས་རྒྱས་རྣམས་དང་རང་རྒྱལ་རྣམས་ཀྱིས་ཀྱང ། །བྱང་ཆུབ་གང་བརྙེས་ཐུབ་སློབ་རྣམ་དག་པའི། །སེམས་ཅན་དགྲ་བཅོམ་ཡོན་ཏན་ལྡན་པ་རྣམས། །དེ་ལའང་རྒྱུ་ནི་འདུལ་བ་ཡིན་པར་གསུངས། །ཇི་སྲིད་འགྲོ་འདིར་རྒྱལ་བ་ཐམས་ཅད་ཀྱི། མཛོད་མཆོག་འདུལ་བ་རྫོགས་པ་འདི་གནས་པ། །དེ་སྲིད་ཆོས་སྒྲོན་འདི་ནི་གནས་འགྱུར་ཞིང ། །བཟློག་པར་གྱུར་ན་ཞི་བ་ཐོབ་པར་འགྱུར། །སངས་རྒྱས་མི་བཞུགས་འཇིག་རྟེན་ཚིགས་བཅད་དང ། །མདོ་སྡེ་ཡན་
Ca31a
༄#། །ལག་དེ་དང་དེ་དག་སྤྱོད། །བསླབ་འཇུག་མེད་ན་འདུལ་བའང་མེད་འགྱུར་བས། །དེ་ཕྱིར་རྒྱལ་བ་དག་པས་ཆོས་འདི་དཀོན། །འཇོག་བྲལ་སེམས་གླང་ལྕགས་ཀྱོ་འདི་ཡིན་ཏེ། །གདུལ་བྱ་མ་དུལ་བ་ཡི་སྲབ་འདི་ཡིན། །ར་བའི་མཚམས་ཀྱི་འོབས་དང་འདྲ་བ་སྟེ། །ཟག་བ་ཀུན་གྱི་ཆུ་ལོན་འདུལ་བ་ཡིན། །རྒྱལ་བ་སྟོན་པ་དེ་ཡི་བསྟན་བཅོས་གང ། །མདོ་དང་ཆོས་མངོན་ཡིན་གསུངས་འདུལ་བ་ནི། །སྟོན་དང་བསྟན་བཅོས་དངོས་ཡིན་དེ་ཡི་ཕྱིར། །གཉིས་འགྱུར་ཕྱག་བྱ་སངས་རྒྱས་ཆོས་གཅིག་བཞིན། །གང་ལ་བརྟེན་ཏེ་གནས་པའི་སངས་རྒྱས་རྣམས། །དེ་ལ་གུས་བཅས་རྗེ་སར་བཅས་གྱུར་ཅིང ། །དེ་ནི་མགོན་པས་མགོན་ཡིན་སྐྱབས་གནས་ཡིན། །དེའི་ཕྱིར་རབ་བསྒྲིམས་འདུལ་ལ་ཕྱག་ཚོལ་ཅིག་།གང་ཞིག་སྟོན་པ་ཐུགས་རྗེའི་བསྟན་པ་ལ། །ཡང་བར་སེམས་ཤིང་ཅུང་ཟད་འདའ་བྱེད་པ། །དེ་ནི་དེ་ལས་སྡུག་བསྔལ་གཞན་དབང་འཐོབ། །སྨྱིགས་ཚལ་བྲེགས་པས་ཨ་མྲའི་ཚལ་ཉམས་བཞིན། །འདི་ན་ལ་ལས་རྒྱལ་པོའི་ཚིག་ཆེན་ཡང ། ། འདས་ན་ལན་འགའ་ཆད་པ་འཐོབ་མི་འགྱུར། །ཐུབ་པའི་བཀའ་ལུང་ཚུལ་མིན་བཟླ་བྱས་ན། །དུད་འགྲོར་འགྲོ་འགྱུར་ཨེ་ལའི་འདབ་ཀླུ་བཞིན། །སོ་སོར་ཐར་བྱ་གང་ཡིན་པ། །སངས་རྒྱས་འདུལ་བ་གངས་ཆེན་མཚོ། །གཏིང་མཐའ་མེད་པ་ཐམས་ཅད་ཀྱི། །གནས་པའི་སྙིང་དང་སྙིང་པོ་ཡིན། །འདི་ནི་དམ་ཆོས་རྒྱལ་པོ་ཡི། །ཆོས་རྣམས་ཀུན་གྱི་འདྲེན་པ་མཆོག་།འདི་ནི་དགེ་
Ca31b
སློང་ཚོང་ཚོགས་ཀྱི། །བསླབ་ཟོང་ཚོང་ཁང་ཆེན་པོ་ཡིན། །ཚུལ་ཁྲིམས་འཆལ་བས་ཟིན་རྣམས་ཀྱི། །གདུག་པ་རྣམས་སེལ་སྨན་འདི་ཡིན། །འདི་ནི་ལང་ཚོ་རྣམ་འཁྲུལ་པའི། །རྐང་གཉིས་གཞོན་ནུའི་ལྕགས་ཀྱོ་ཡིན། །མཚོ་བས་ཟབ་པའི་འཁོར་བ་ལས། །སྒྲོལ་བའི་རྒལ་ཐབས་འདི་ཡིན་ཏེ། །འདི་ནི་བཟང་འགྲོར་འགྲོ་བ་ཡི། །ངེས་པའི་ཆུ་ལོན་ཟམ་པ་ཡིན། །འདི་ནི་ཉོན་མོངས་ཕམ་བྱེད་ལམ། ། རྒྱལ་པོ་ཡི་ནི་འདྲེན་པ་མཆོག་།འདི་ནི་ཐར་པའི་གྲོང་འཇུག་པའི། །ཐེམ་སྐས་གཞི་དང་འདྲ་བར་གནས། །ང་ནི་མྱ་ངན་འདས་གྱུར་ན། འདི་ནི་ཁྱེད་ཀྱི་སྟོན་པའོ་ཞེས། །རང་བྱུང་ཉིད་ཀྱིས་གུས་བཅས་པར། །ནན་ཏན་དགེ་སློང་ཚོགས་མདུན་བསྟོད། །འདུལ་འདི་སོ་སོར་ཐར་པ་དེའི། །རྣམ་འབྱེད་ཡིན་པར་དགོངས་པས་ན། །ཐར་འདོང་རྣམས་ཀྱིས་གུས་བྱས་ཏེ། །འདི་ནི་ནན་ཏན་མཉན་པར་བྱ། །འདུལ་བ་ལ་བསྟོད་པ་རྫོགས་སོ།། །།བསྐལ་པ་བྱེ་བ་རྣམས་སུ་ཡང ། །འདུལ་བ་ཐོས་པར་འགྱུར་བ་དང ། །གཟུང་དང་འཛིན་པ་རྙེད་དཀའ་སྟེ། །བསྒྲུབ་པའང་ཤིན་ཏུ་རྙེད་པར་དཀའ། །སངས་རྒྱས་རྣམས་ནི་འབྱུང་བ་དང ། །ཆོས་བསྟན་པ་ཡང་བདེ་བ་ཡིན། །དགེ་འདུན་མཐུན་པ་བདེ་བ་སྟེ། །མཐུན་པ་རྣམས་ཀྱི་དཀའ་ཐུབ་བདེ། །འཕགས་པ་རྣམས་ནི་མཐོང་བ་བདེ།། དམ་པ་དག་དང་འགྲོགས་པ་བདེ། །བྱིས་པ་རྣམས་ནི་མ་མཐོང་ན། །རྟག་ཏུ་བདེ་བ་ཉིད་དུ་འགྱུར། །ཚུལ་ཁྲིམས་ལྡན་པ་མཐོང་བ་བདེ། །མང་དུ་ཐོས་པ་མཐོང་བ་བདེ། །ཡང་སྲིད་རྣམ་པར་གྲོལ་
Ca32a
༄#། །པ་ཡི། །དགྲ་བཅོམ་པ་དག་མཐོང་བ་བདེ། །འཇུག་ངོགས་བདེ་བའི་ཆུ་ཀླུང་བདེ། །ཆོས་ལ་གོམས་པའི་སྐྱེ་བོ་བདེ། །ཤེས་རབ་ཐོབ་པར་གྱུར་པ་བདེ། །ང་འོ་ང་རྒྱལ་ཟད་པ་བདེ། །ངེས་པར་བྱས་ཤིང་དབང་པོ་ཐུལ་བ་དག་།དགོན་པ་ཞི་བ་རྣམས་སུ་རྒས་གྱུར་དང ། །མང་དུ་ཐོས་པ་ནགས་ཀྱི་ནང་དག་ཏུ། །ལང་ཚོ་ཡོལ་བ་རྣམས་ཀྱིས་གནས་པ་བདེ། །ཤཱཀྱ་སེང་གེ་དེ་ལ་ནི། །སོར་མོ་བཅུ་ཡི་ཐལ་སྦྱར་ཏེ། །འདུལ་བ་རབ་ཏུ་གདོན་པར་བྱས། །གདུལ་བའི་དོན་དུ་ང་ལ་ཉོན། །ཐོས་ནས་དྲང་སྲོང་ཆེན་པོ་ཡིས། །ཇི་སྐད་གསུངས་བཞིན་བསྒྲུབ་བྱ་ཞིང ། །ཁ་ན་མ་ཐོ་ཕྲ་རྣམས་ལ། །བརྟུན་ཅིང་བྱེད་པ་ཉིད་དུ་གྱིས། །རྟག་ཏུ་འབད་པས་འདའ་བ་ཡི། །སེམས་རྟ་ཁ་བླན་དཀའ་བ་ལ། །མཐུན་པ་གཟེར་རྣོན་བརྒྱ་བ་ཡི། །སྲབ་ནི་འདུལ་བ་འདི་ཡིན་ནོ། །ཆེ་བ་གང་དག་ངག་ཙམ་གྱིས། །ལྡོག་ཅིང་མཚམས་ལས་མི་འདའ་བ། །དེ་དག་མི་རྟ་བཟང་པོ་སྟེ། །ཉོན་མོངས་གཡུལ་ལས་ངེས་རྒྱལ་འགྱུར། །སུ་ལ་སྲབ་འདི་མེད་པ་དང ། །ནམ་དུའང་འདོད་པར་མི་འགྱུར་ལ། །དེ་དག་ཉོན་མོངས་གཡུལ་གྱིས་དཀྲུགས། །འཇོག་བྲལ་རྣམ་པར་འཁྱམ་པར་འགྱུར། །བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ལོ་བཅུ་གཉིས་སུ་སྐྱོན་མེད་ཅིང་ཆུ་བུར་མེད་ལ་བཅོམ་ལྡན་འདས་ཀྱིས་ཉན་ཐོས་རྣམས་ཀྱི་སོ་སོར་ཐར་པའི་མདོ་གདོན་པ་ཡང་མདོར་བསྡུས་ཏེ། སྡིག་པ་ཐམས་ཅད་མི་བྱ་སྟེ། །དགེ་བ་ཕུན་སུམ་ཚོགས་པར་བྱ། །རང་གི་སེམས་ནི་ཡོངས་སུ་
Ca32b
གདུལ། །འདི་ནི་སངས་རྒྱས་བསྟན་པ་ཡིན། །ལུས་ཀྱི་སྡོམ་པ་ལེགས་པ་སྟེ། །ངག་གི་སྡོམ་པའང་ལེགས་པ་ཡིན། །ཡིད་ཀྱི་སྡོམ་པའང་ལེགས་པ་སྟེ། །ཐམས་ཅད་དུ་ནི་སྡོམ་པ་ལེགས། །ཀུན་ཏུ་བསྡམས་པའི་དགེ་སློང་ནི། །སྡུག་བསྔལ་ཀུན་ལས་རབ་ཏུ་གྲོལ། །ངག་རྣམས་བསྲུང་ཞིང་ཡིད་ཀྱིས་རབ་བསྡམས་ཏེ། །ལུས་ཀྱི་མི་དགེ་བ་དག་མི་བྱེད་ཅིང ། །ལས་ལམ་གསུམ་པོ་འདི་དག་རབ་སྦྱངས་ན། །དྲང་སྲོང་གསུངས་པའི་ལམ་ནི་ཐོབ་པར་འགྱུར། །ཞེས་བཏོན་པར་གྱུར་ཏོ། །ལོ་བཅུ་གསུམ་ལ་བབ་པ་ན་སངས་རྒྱས་བཅོམ་ལྡན་འདས་ཡུལ་སྤོང་བྱེད་དག་ན་ཀ་ལན་ད་ཀའི་གྲོང་ན་བཞུགས་སོ། །དེའི་ཚེ་ན་ཀ་ལན་ད་ཀའི་གྲོང་ན་ཀ་ལན་ད་ཀའི་བུ་བཟང་བྱིན་ཞེས་བྱ་བ་ཕྱུག་པ། ནོར་མང་བ་ལོངས་སྤྱོད་ཆེ་བ་ཡོངས་སུ་གཟུང་བ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ་རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དུས་གཞན་ཞིག་ན་སངས་རྒྱས་ལ་མངོན་པར་དད། ཆོས་དང་དགེ་འདུན་ལ་མངོན་པར་དད། སངས་རྒྱས་ལ་སྐྱབས་སུ་སོང ། ཆོས་དང་དགེ་འདུན་ལ་སྐྱབས་སུ་སོང་ཞིང ། དེས་སྲོག་གཅོད་པ་སྤངས་ཏེ། སྲོག་གཅོད་པ་ལས་ཕྱིར་ལོག་།མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་སྤངས་ཏེ། འབྲུའི་ཆང་དང་
Ca33a
༄#། །བཅོས་པའི་ཆང་མྱོས་པར་འགྱུར་བ་བག་མེད་པའི་གནས་ལས་ཕྱིར་ལོག་གོ་།དེ་དད་པ་སྔ་མ་དེ་ཉིད་རྗེས་སུ་སྤེལ་ཞིང་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས།་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །དེ་དེ་ལྟར་རབ་ཏུ་བྱུང་ནས་འདི་ལྟ་སྟེ། སྔོན་ཁྱིམ་པ་བཞིན་དུ་ཉེ་དུ་རྣམས་དང་ལྷན་ཅིག་འདྲེ་ཞིང་གནས་སོ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་འདི་སྙམ་དུ་སེམས་ཏེ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འདི་ལྟ་སྟེ། སྔོན་ཁྱིམ་པ་བཞིན་དུ་ཉེ་དུ་རྣམས་དང་ལྷན་ཅིག་འདྲེ་ཞིང་གནས་པ་ནི་བདག་གིས་མ་རྙེད་དེ་རྙེད་པ་མ་ཡིན་ཞིང ། ཉེས་པ་རྙེད་དེ་ལེགས་པར་རྙེད་པ་མ་ཡིན་གྱིས། བདག་ཉེ་དུ་རྣམས་དང་འབྲལ་བའི་ཕྱིར་ལྷུང་བཟེད་དང ། ཆོས་གོས་ཐོགས་ཏེ། ལྗོངས་རྒྱུར་འགྲོའོ་སྙམ་མོ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ཉེ་དུ་རྣམས་དང་འབྲལ་བའི་ཕྱིར། ལྷུང་བཟེད་དང ། ཆོས་གོས་ཐོགས་ཏེ། ལྗོངས་རྒྱུར་སོང་ངོ་།། དེའི་ཚེ་ན་མུ་གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང ། བྱ་བར་སེམས་པ་དཀའ་ན་སློང་མོ་པ་དག་ལྟ་ལ་སྨོས་ཀྱང་ཅི་དགོས་པ་བྱུང་ངོ ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་འདི་སྙམ་དུ་སེམས་ཏེ། ད་ལྟར་མུ་གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་ལ་
Ca33b
ཟས་སྦྱིན་པ་དང ། བྱ་བར་སེམས་པ་དཀའ་ན། སློང་མོ་པ་དག་ལྟ་ལ་སྨོས་ཀྱང་ཅི་དགོས་པ་བྱུང་ལ། བདག་ལ་ཉེ་དུ་ལོངས་སྤྱོད་ཆེན་པོ་དང་ལྡན་པ་དག་ཡོད་པས་བདག་ཀ་ལན་ད་ཀའི་གྲོང་དུ་སོང་སྟེ། ཉེ་དུ་རྣམས་ཀྱི་གན་དུ་སོང་ལ་དགེ་འདུན་ལ་ཟས་དག་སྦྱོར་དུ་གཞུག་ཅིང ། དགེ་འདུན་ལ་སྐྱོ་མ་དག་དང་ཐུག་པའི་བཏུང་བ་དག་དང་རྟག་རེས་འཁོར་དག་དང་མགྲོན་དུ་བོས་པ་དག་དང ། བརྒྱད་སྟོན་དང་བཅུ་བཞི་སྟོན་དང་ཉ་སྟོན་དང་སྤྱན་གཟིགས་ཕྲན་ཚེགས་སྦྱོར་དུ་གཞུག་གོ་སྙམ་མོ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ལྗོངས་སུ་ཇི་དགར་འདུག་ནས། ལྷུང་བཟེད་དང་ཆོས་གོས་ཐོགས་ཏེ་ཀ་ལན་ད་ཀའི་གྲོང་ག་ལ་བ་དེར་རྒྱུ་ཞིང་སོང་བ་ན་མཐར་གྱིས་རྒྱུ་བའི་ཚེ། ཀ་ལན་ད་ཀའི་གྲོང་དུ་ཕྱིན་ནས་ཀ་ལན་ད་ཀའི་གྲོང་ན་དགོན་པའི་སྤྱིལ་བུ་ན་གནས་སོ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ཉེ་དུ་རྣམས་ཀྱི་གན་དུ་སོང་སྟེ་ཕྱིན་ནས་དེ་དག་གི་མདུན་དུ་སངས་རྒྱས་དང་ཆོས་དང་དགེ་འདུན་གྱི་བསྔགས་པ་བརྗོད་དེ། དགེ་འདུན་ལ་ཟས་དག་སྦྱོར་དུ་འཇུག་ཅིང ། དགེ་འདུན་ལ་སྐྱོ་མ་དག་དང་ཐུག་པའི་བཏུང་བ་དག་དང་རྟག་རས་འཁོར་དག་དང ། མགྲོན་དུ་བོས་པ་དག་དང ། བརྒྱད་སྟོན་དང་བཅུ་བཞི་སྟོན་དང ། ཉ་སྟོན་དང་སྤྱན་གཟིགས་ཕྲན་ཚེགས་སྦྱོར་དུ་འཛུད་དོ། །དེའི་ཆེ་ན་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་དགོན་པ་པ་ཆོས་གོས་གསུམ་པ་ཕྱག་དར་ཁྲོད་པ་བསོད་སྙོམས་པ་མཐར་ཆགས་ཀྱིས་རྒྱུ་བར་གྱུར་ཏོ། །དེ་དུས་གཞན་ཞིག་ན་དང་པོ་ཁོ་ནར་དགེ་སློང་གི་དགེ་འདུན་ཐུག་པ་བསོད་པས་
Ca34a
༄#། །ཚིམ་པར་བྱས་ནས་སྔ་དྲོ་ཤམ་ཐབས་བགོས་ཏེ་ལྷུང་བཟེད་དང་ཆོས་གོས་ཐོགས་ནས། ཀ་ལན་ད་ཀའི་གྲོང་དུ་བསོད་སྙོམས་ལ་ཞུགས་པ་ན་མཐར་གྱིས་ཀ་ལན་ད་ཀའི་གྲོང་དུ་བསོད་སྙོམས་ལ་རྒྱུ་བའི་ཚེ་རང་གི་ཁྱིམ་དུ་ཕྱིན་ཏོ། །དེ་རང་གི་ཁྱིམ་ནས་སྦྱིན་པ་མ་ཐོབ་ཕྱིར་གཏོང་བ་མ་ཐོབ་པར་མྱུར་བ་མྱུར་བར་ཕྱིར་སོང་ངོ ། །དེའི་ཚེ་ན་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་བྱ་བ་འགའ་ཞིག་ལ་ཕྱི་རོལ་ཏུ་སོང་བར་གྱུར་ཏོ། །བྲན་མོ་རྙིང་པ་རྒན་མོ་ཞིག་གིས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་རང་གི་ཁྱིམ་ནས་སྦྱིན་པ་མ་ཐོབ་ཕྱིར་གཏོང་བ་མ་ཐོབ་པར་མྱུར་བ་མྱུར་བར་ཕྱིར་སོང་བ་མཐོང་ངོ ། །མཐོང་ནས་ཀྱང་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་ག་ལ་བ་དེར་སོང་སྟེ་ཕྱིན་ནས། ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་ལ་འདི་སྐད་ཅེས་སྨྲས་སོ། །ཇོ་མོ་མཁྱེན་པར་མཛོད་ཅིག་།ཇོ་བོ་བཟང་བྱིན་འཕྱི་བ་འཕྱི་བར་རང་གི་ཁབ་ཏུ་བྱོན་ནས་དེ་རང་གི་ཁབ་ནས་སྦྱིན་པ་མ་བརྙེས་སླར་གཏོང་བ་མ་བརྙེས་པར་མྱུར་བ་མྱུར་བར་སླར་བཞུད་དོ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་འདི་སྙམ་དུ་སེམས་ཏེ། ཀྱེ་མ་མ་ལ་ཀ་ལན་ད་ཀའི་བུ་བཟང་སྦྱིན་འདོད་པའམ། མངོན་པར་མི་དགའ་བའམ་རྣམ་པར་འཁྱམ་འདོད་པར་གྱུར་ཅིང ། དགེ་སྦྱོང་གི་ཚུལ་དོན་དུ་མི་གཉེར་བའམ། དགེ་སྦྱོང་གི་ཚུལ་གྱིས་སྒྱིད་ལུག་པའམ། མུས་བྱུང་བའམ། ཐེ་ཚོམ་ཟའམ། སྨོད་པའམ། དགེ་སྦྱོང་
Ca34b
གི་ཚུལ་ཡོངས་སུ་གཏོང་འདོད་པའམ། གཅིག་ཏུ་མ་གྱུར་གྲང་སྙམ་དུ་སེམས་ཤིང་རིག་ནས། ཀ་ལན་ད་ཀའི་གྲོང་ནས་བྱུང་སྟེ། ཀ་ལན་ད་ཀའི་བུ་ཚེ་དང་ལྡན་པ་བཟང་སྦྱིན་ག་ལ་བ་དེར་སོང་སྟེ་ཕྱིན་ནས། ཀ་ལན་དཀའི་བུ་ཚེ་དང་ལྡན་པ་བཟང་བྱིན་ལ་འདི་སྐད་ཅེས་སྨྲས་སོ། །བུ་བཟང་བྱིན་གལ་ཏེ་ཁྱོད་འདོད་པའམ། མངོན་པར་མི་དགའ་བའམ། རྣམ་པར་འཁྱམ་འདོད་ཅིང་དགེ་སྦྱོང་གི་ཚུལ་དོན་དུ་མི་གཉེར་བའམ། དགེ་སྦྱོང་གི་ཚུལ་གྱིས་སྒྱིད་ལུག་པའམ། མུས་བྱུང་བའམ། ཐེ་ཚོམ་ཟ་བའམ། སྨོད་པའམ། ཁྱོད་དགེ་སྦྱོང་གི་ཚུལ་ཡོངས་སུ་གཏོང་འདོད་པ་ལྟ་ན། བུ་བཟང་བྱིན་བུད་མེད་རྣམས་ཀྱི་བུད་མེད་ནོར་ཞེས་བྱ་བའམ། བུད་མེད་ཀྱི་བག་རྫོངས་ཞེས་བྱ་བའམ། བུད་མེད་དབང་བའི་རྫས་ཞེས་བྱ་བ་གང་ཡིན་པ་དེ་ནི་ཁྱོད་ཀྱི་མའི་དབྱིག་དང་གསེར་གྱི་ཕུང་པོ་ཆེན་པོ་གང་ལ་མཐའ་གཅིག་ན་འགྲེང་བའི་མིས་མཐའ་གཅིག་ན་འདུག་པའི་མི་མི་མཐོང་ལ། མཐའ་གཅིག་ན་འདུག་པའི་མིས་མཐའ་གཅིག་ན་འགྲེང་བའི་མི་མི་མཐོང་བ་ཡིན་ཏེ། དེ་ནི་ཁྱོད་ཀྱི་མའི་ཡིན་ནོ། །གཞན་ཡང་ཁྱེད་ཀྱི་ཕའི་དབྱིག་དང་གསེར་མཚན་མ་བཏབ་པ་ཡང་བརྒྱ་ཕྲག་དུ་མ་དང ། སྟོང་ཕྲག་དུ་མ་དང ། བརྒྱ་སྟོང་ཕྲག་དུ་མ་དག་ཡོད་ན་གཞན་དང་ཕལ་ལྟ་སྨོས་ཀྱང་ཅི་དགོས། བུ་བཟང་བྱིན་ཚུར་ཤོག་།ཁྱོད་འདུག་ལ་འདོད་པ་ལ་ཡང་ལོངས་སྤྱོད་ཅིང ། སྦྱིན་པ་དག་ཀྱང་བྱིན་ཅིག། བསོད་ནམས་དག་ཀྱང་གྱིས་ཤིག་།དེ་སྐད་ཅེས་སྨྲས་པ་དང ། ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱིས་མ་ལ་འདི་སྐད་
Ca35a
༄#། །ཅེས་སྨྲས་སོ། །ཡུམ་བདག་ནི་འདོད་པའམ། མངོན་པར་མི་དགའ་བའམ། རྣམ་པར་འཁྱམ་འཚལ་ཞིང་དགེ་སྦྱོང་གི་ཚུལ་དོན་དུ་མི་གཉེར་བའམ། དགེ་སྦྱོང་གི་ཚུལ་གྱིས་སྒྱིད་ལུག་པའམ། མུས་བྱུང་བའམ། ཐེ་ཚོམ་འཚལ་བའམ། སྨོད་པའམ། བདག་དགེ་སྦྱོང་གི་ཚུལ་ཡོངས་སུ་གཏོང་བ་མི་བགྱིད་དོ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་འདི་སྙམ་དུ་སེམས་ཏེ། བདག་གིས་དེ་སྐད་བྱས་ཀྱང་བུ་བཟང་བྱིན་ཕྱིར་བཟློག་པར་མ་ནུས་ཀྱིས། བདག་ཁྱིམ་དུ་སོང་ལ་འདིའི་བག་སར་སྤད་པར་བྱའོ་སྙམ་མོ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་ཁྱིམ་དུ་སོང་སྟེ། མནའ་མ་ལ་འདི་སྐད་ཅེས་སྨྲས་སོ། །ཀྱེ་སྲུ་ཁྱོད་གང་གི་ཚེ་དུས་ལ་བབ་ཅིང་ཟླ་མཚན་དང་ལྡན་པ་དེའི་ཚེ་ཁོ་མོ་ལ་སྦྲོན་ཅིག། ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་སྔོན་གྱི་ཆུང་མས་ཡུམ་བཀའ་བཞིན་འཚལ་ཞེས་སྒྱུག་མོ་ལས་མཉན་ཏོ། །དེ་ནས་དུས་གཞན་ཞིག་ན་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་སྔོན་གྱི་ཆུང་མ་དུས་ལ་བབ་ཅིང ། ཟླ་མཚན་དང་ལྡན་པར་གྱུར་ནས། ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་ག་ལ་བ་དེར་སོང་སྟེ་ཕྱིན་ནས། ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་ལ་འདི་སྐད་ཅེས་སྨྲས་སོ། །ཡུམ་ངན་བུ་དུས་ལ་བབ་ཅིང ། ཟླ་མཚན་དང་ལྡན་པར་གྱུར་ན། བདག་གིས་ཅི་བགྱི་བ་དེ་མཁྱེན་པར་མཛོད་ཅིག་།སྲུ་དེའི་ཕྱིར་ཁྱོད་ཀྱིས་སྐུ་མཉེ་ཇི་ལྟ་བུས་བསྐུ་མཉེ་བྱས་པ་དང ། ཁྲུས་ཇི་ལྟ་བུས་ཁྲུས་བྱས་
Ca35b
པ་དང ། དྲི་དང་ཕྲེང་བ་རྒྱུ་དང་བདུག་སྤོས་དང ། ཕྱེ་མ་དང་གོས་དང ། རྒྱན་ཇི་ལྟ་བུ་དག་གིས་བརྒྱན་ན་བུ་བཟང་བྱིན་སྔོན་ཁྱིམ་པ་ཉིད་ན་དགའ་བ་དང ། ཡིད་དུ་འོང་བར་གྱུར་པ་དེ་ལྟ་བུའི་སྐུ་མཉེས་སྐུ་མཉེ་གྱིས་ཤིག། དེ་ལྟ་བུའི་ཁྲུས་ཀྱིས་ཁྲུས་གྱིས་ཤིག། དེ་ལྟ་བུའི་དྲི་དང་ཕྲེང་བ་རྒྱུ་དང་བདུག་སྤོས་དང ། ཕྱེ་མ་དང་གོས་དང ། རྒྱན་དག་གིས་བརྒྱན་པར་གྱིས་ཤིག། དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་སྔོན་གྱི་ཆུང་མས་སྒྱུག་མོ་ལས་མཉན་ཏེ། སྐུ་མཉེ་ཇི་ལྟ་བུས་སྐུ་མཉེ་བྱས་པ་དང ། ཁྲུས་ཇི་ལྟ་བུས་ཁྲུས་བྱས་པ་དང ། དྲི་དང་ཕྲེང་བ་རྒྱུ་དང་བདུག་སྤོས་དང ། ཕྱེ་མ་དང ། གོས་དང་རྒྱན་ཇི་ལྟ་བུ་དག་གིས་བརྒྱན་ན་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་སྔོན་ཁྱིམ་པ་ཉིད་ན་དགའ་བ་དང ། ཡིད་དུ་འོང་བར་གྱུར་པ་དེ་ལྟ་བུའི་སྐུ་མཉེས་སྐུ་མཉེ་བྱས། དེ་ལྟ་བུའི་ཁྲུས་ཀྱིས་ཁྲུས་བྱས། དེ་ལྟ་བུའི་དྲི་དང་ཕྲེང་བ་རྒྱུ་དང་བདུག་སྤོས་དང ། ཕྱེ་མ་དང ། གོས་དང་བརྒྱན་དག་གིས་བརྒྱན་ནས། ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་ག་ལ་བ་དེར་སོང་སྟེ་ཕྱིན་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་ལ་འདི་སྐད་ཅེས་སྨྲས་སོ། །ཡུམ་ངན་བུ་འདི་འདྲ་ན་བདག་གིས་ཅི་ཞིག་བགྱི། དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མ་མནའ་མ་དང་ཤིང་རྟ་གཅིག་ཏུ་ཞུགས་ཏེ། ཀ་ལན་ད་ཀའི་གྲོང་ནས་བྱུང་ནས། ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་གནས་ག་ལ་བ་དེར་སོང་སྟེ་ཕྱིན་ནས་བཞོན་པའི་ས་ཇི་སྲིད་པ་དེ་སྲིད་དུ་བཞོན་པས་སོང་སྟེ། བཞོན་པ་ལས་བབས་ནས། རྐང་པ་དག་ཁོ་ནས་ཀ་
Ca36a
༄#། །ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་དྲུང་དུ་སོང་ངོ ། །དེའི་ཚེ་ན་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གནས་ཀྱི་ཕྱི་རོལ་བླ་གབ་མེད་པའི་འཆགས་ས་ན་འཆག་ས་ན་འཆག་གོ་།ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་མས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ག་ལ་བ་དེར་སོང་སྟེ་ཕྱིན་ནས། ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ལ་འདི་སྐད་ཅེས་སྨྲས་སོ། །བུ་བཟང་བྱིན་གལ་ཏེ་ཁྱོད་མི་འདོད་པའམ། མངོན་པར་མི་དགའ་བའམ། རྣམ་པར་འཁྱམ་འདོད་པར་མི་འགྱུར་ཞིང ། དགེ་སྦྱོང་གི་ཚུལ་དོན་དུ་མི་གཉེར་བ་མ་ཡིན་པའམ། དགེ་སྦྱོང་གི་ཚུལ་གྱིས་སྒྱིད་ལུག་པ་མ་ཡིན་པའམ། མུས་བྱུང་བ་མ་ཡིན་པའམ། ཐེ་ཚོམ་ཟ་བ་མ་ཡིན་པའམ། སྨོད་པ་མ་ཡིན་པའམ། ཁྱོད་དགེ་སྦྱོང་གི་ཚུལ་ཡོངས་སུ་གཏོང་འདོད་པ་མ་ཡིན་པ་ལྟ་ན། བུ་ཁྱོད་ཀྱི་བག་སར་འདི་དུས་ལ་བབ་ཅིང་ཟླ་མཚན་དང་ལྡན་པར་གྱུར་གྱིས་འདི་ལ་ས་བོན་གྱི་ཆོས་ཅུང་ཞིག་རྗེས་སུ་བྱིན་ཅིག་།ཁྱོད་ལ་བུ་མེད་པའི་ཕྱིར་དབང་པའི་རྫས་ཐམས་ཅད་དེ་བཞིན་དུའམ་ཇི་ལྟར་ཡང་རུང་བས་རྒྱལ་པོས་དབང་དུ་བྱས་པར་གྱུར་ན་མི་རུང་ངོ ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱིས་སྔར་བསླབ་པའི་གཞི་མ་བཅས་ཤིང་ཉེས་པ་མ་མཐོང་ལ་བུད་མེད་ཀྱི་ཡུལ་གཞོན་ནུ་ཁ་དོག་བཟང་བ་ཆགས་པར་གྱུར་པ་མཐོང་ནས། འདོད་ཆགས་ཀྱིས་སེམས་ཟིལ་གྱིས་ནོན་ཅིང་དེ་
Ca36b
འདོད་ཆགས་ཀྱིས་སེམས་ཟིལ་གྱིས་ནོན་པས་ཡོངས་སུ་གདུང་བའི་ལུས་དང ། ཡོངས་སུ་གདུང་བའི་སེམས་དང་ལྡན་ཞིང་དེ་ཡོངས་སུ་གདུང་བཞིན་པའི་ལུས་དང་ཡོངས་སུ་གདུང་བཞིན་པའི་སེམས་ཀྱིས་མ་ལ་འདི་སྐད་ཅེས་སྨྲས་སོ། །ཡུམ་བདག་གིས་དེ་ལྟར་བགྱིར་རུང་ངམ། བུ་བཟང་བྱིན་འདི་ལྟ་སྟེ། ས་བོན་གྱི་ཆོས་ལ་བརྟེན་ནས་ཤིན་ཏུ་རུང་ངོ ། །དེ་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱིས་མ་ལས་མཉན་ཏེ། སྔོན་གྱི་ཆུང་མའི་ལག་པ་གཉིས་ནས་བཟུང་སྟེ། ཕྱོགས་གཅིག་ཏུ་སོང་ནས་ཆོས་གོས་དག་བཞག་སྟེ། དེ་དང་ལྷན་ཅིག་ཏུ་མི་ཚངས་པར་སྤྱོད་པ་འཁྲིག་པའི་ཆེས་ལན་གཉིས་ལན་གསུམ་དུ་བསྟེན་ཏོ། །སེམས་ཅན་སྲིད་པ་ཐ་མས་སྤྱོད་པ་ཚོལ་བ་ཐར་པའི་སྙིང་པོ་བཟུང་བ་མྱ་ངན་ལས་འདས་པ་ལ་ཕྱོགས་པ། འཁོར་བ་ལས་ཕྱིར་ཕྱོགས་པ། སྲིད་པའི་འགྲོ་བ་ཐམས་ཅད་དུ་འཆི་འཕོ་བ་དང ། སྐྱེ་བ་དོན་དུ་མི་གཉེར་བ་ལུས་ཐ་མ་འཛིན་པ་ཞིག་ཀྱང་ལྷའི་རིས་བཟང་པོ་ཞིག་ནས་ཤི་འཕོས་ཏེ། དེ་སྐྱེ་རྒུའི་བདག་མོའི་མངལ་དུ་ཞུགས་སོ། །བུད་མེད་ཀྱི་ཡུལ་མཁས་པས་རང་བཞིན་ཅན་ལ་ལ་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་གྱུར་པ་ཤེས་ཤིང་ཆགས་པ་དང་བྲལ་བ་ཤེས་པ་དང ། དུས་ཤེས་ཤིང་ཟླ་མཚན་ཤེས་པ་དང ། མངལ་ན་གནས་པ་ཞུགས་པ་ཤེས་པ་དང།་གང་ལས་མངལ་ན་གནས་པ་ཞུགས་པ་དེ་ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན་དཀུ་གཡས་པར་རྟེན་ཅིང་འདུག་ལ། གལ་ཏེ་བུ་མོ་ཡིན་ན་དཀུ་གཡོན་པར་
Ca37a
༄#། །རྟེན་ཅིང་འདུག་པའོ། །དེ་ཡིད་དགའ་ཞིང་ཡིད་དགའ་ནས་སྒྱུག་མོ་ལ་སྨྲས་པ། ཡུམ་མཁྱེན་པར་མཛོད་ཅིག་།བདག་ལ་སེམས་ཅན་ཞུགས་པར་གྱུར་པ་ནི་འདི་ལྟར་བདག་གི་དཀུ་གཡས་པར་རྟེན་ཅིང་མཆིས་པས་ངེས་པར་ཁྱེའུར་འགྱུར་རོ། །དེ་ཡང་ཡིད་དགའ་ཞིང་ཡིད་དགའ་ནས་འདི་སྐད་ཅེས། ཁོ་མོ་ཡུན་རིང་པོ་ནས་མངོན་པར་འདོད་པ་ཚ་བོའི་ངོ་མཐོང་བ་དང ། ཁོ་མོ་དང་མཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང ། ཁོ་མོའི་བྱ་བ་དག་བྱེད་པ་དང ། གསོས་པས་ཕྱིར་གསོ་བ་དང ། བགོ་སྐལ་སྤྱོད་པ་དང ། ཁོ་མོའི་རིགས་བརྒྱུད་ཡུན་རིང་དུ་གནས་པར་འགྱུར་པ་དང ། བདག་ཅག་ཤི་ཞིང་དུས་ལ་བབ་པ་དག་ལ་ཉུང་ངུའམ། མང་པོ་ཡང་རུང་བའི་སྦྱིན་པ་དག་སྦྱིན་ཞིང་བསོད་ནམས་དག་བྱས་ནས། འདི་དེ་གཉིས་གང་དུ་སྐྱེས་པ་དེར་འགྲོ་ཞིང་རྗེས་སུ་འགྲོ་བར་གྱུར་ཅིག་ཅེས་མིང་གིས་ཡོན་བཤད་པ་བྱེད་པར་གྱུར་ཅིག་ཅེས་ཆེད་དུ་བརྗོད་པ་ཆེད་དུ་བརྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས་འདི་ལྟ་སྟེ། མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར། སྟེང་གི་ཁང་བཟང་གི་གཞིར་གཏོགས་པར་གྲང་བ་ན་གྲང་བའི་ཡོ་བྱད་དག་དང ། དྲོ་བ་ན་དྲོ་བའི་ཡོ་བྱད་དག་དང ། སྨན་པས་བཅས་པའི་ཁ་ཟས་ཧ་ཅང་མི་ཁ་བ་དང ། ཧ་ཅང་མི་སྐྱུར་བ་དང ། ཧ་ཅང་ལན་ཚཝ་མི་ཆེ་བ་དང ། ཧ་ཅང་མི་མངར་བ་དང ། ཧ་ཅང་མི་ཚབ་དང ། ཧ་ཅང་མི་བསྐ་བ་དང ། ཁ་བ་དང ། སྐྱུར་བ་དང ། ལན་ཚཝ་དང ། མངར་བ་དང ། ཚ་བ་དང ། བསྐ་བ་རྣམ་
Ca37b
པར་སྤངས་པའི་ཟས་དག་དང ། དོ་ཤལ་དང་སེ་མོ་དོ་དང་རྒྱན་གྱིས་ཀླུབས་པའི་ལུས་ལྷའི་བུ་མོ་དགའ་བའི་ཚལ་ན་རྣམ་པར་སྤྱོད་པ་ལྟ་བུ་དང ། ཁྲི་ནས་ཁྲིར་དང ། ཁྲིའུ་ནས་ཁྲིའུར་དང ། ཤོད་ཀྱིས་གཞིར་མི་འབབ་པ་དང ། དེས་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་གནོད་པ་མེད་པ་ཉིད་དུ་རིམ་གྲོ་བྱེད་དུ་འཇུད་དོ། །དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་གཟུགས་བཟང་བ་བལྟ་ན་སྡུག་པ་མཛེས་པ་གསལ་བ་གསེར་གྱི་མདོག་འདྲ་བ་མགོ་གདུགས་ལྟ་བུ་དང་ལྡན་པ་ལག་པ་རིང་བ་དཔྲལ་བའི་དབྱེས་ཆེ་བ་སྨིན་མ་འཛར་བ་སྣའི་གཟེངས་མཐོ་བ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །དེ་དག་འདི་སྙམ་དུ་སེམས་ཏེ་གང་གི་ཕྱིར་ཁྱེའུ་འདི་ས་བོན་གྱི་ཆོས་ལ་བརྟེན་ཏེ་རྙེད་པ་དེའི་ཕྱིར་ཁྱེའུ་ཡི་མིང་ས་བོན་པ་ཞེས་བྱའོ་ཞེས་དེའི་མིང་ས་བོན་པ་ཞེས་བྱ་བར་བཏགས་སོ། །ཁྱེའུ་ས་བོན་པ་མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་བསྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང་ཞོ་དང ། མར་དང་ཞུན་མར་དང་མར་གྱི་ཉིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད་སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་གྲངས་དང་རྩིས་དང་ལག་རྩིས་
Ca38a
༄#། །དང།་དབྱུང་བ་དང ། གཞུག་པ་དང ། གཞག་པ་ལ་ཉེ་བར་ཞུགས་ནས། དེ་ཡི་གེའི་མཐར་ཕྱིན་ཅིང་འབྱེད་པ་དང་ཀློག་པ་དང ། མཁས་པ་དང་སྤྱོད་པ་གསལ་བ་དང ། བརྟག་པ་བརྒྱད་པོ་འདི་ལྟ་སྟེ། རིན་པོ་ཆེ་བརྟག་པ་དང ། གཞི་བརྟག་པ་དང ། གོས་བརྟག་པ་དང ། ཤིང་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་ལ་མཁས་པར་གྱུར་ཏོ། །དེ་དུས་གཞན་ཞིག་ན་སངས་རྒྱས་ལ་མངོན་པར་དད། ཆོས་དང་དགེ་འདུན་ལ་མངོན་པར་དད། སངས་རྒྱས་ལ་སྐྱབས་སུ་སོང ། ཆོས་དང་དགེ་འདུན་ལ་སྐྱབས་སུ་སོང་ཞིང ། དེས་སྲོག་གཅོད་པ་སྤངས་ཏེ། སྲོག་གཅོད་པ་ལས་ཕྱིར་ལོག་།མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང་འབྲུའི་ཆང་དང་བཅོས་པའི་ཆང་མྱོས་པར་འགྱུར་བ་བག་མེད་པའི་གནས་སྤངས་ཏེ། འབྲུའི་ཆང་དང་བཅོས་པའི་ཆང་མྱོས་པར་འགྱུར་བ་བག་མེད་པའི་གནས་ལས་ཕྱིར་ལོག་གོ་།དེ་ཕ་ལས་བྱུང་བའི་དད་པ་སྔ་མ་དེ་ཉིད་རྗེས་སུ་སྤེལ་ཞིང་ལེགས་པར་གསུངས་པའི་ཆོས་འདུལ་བ་ལ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །དེ་དེ་ལྟར་རབ་ཏུ་བྱུང་ནས་གཅིག་བུ་དབེན་པ་བག་ཡོད་པ་བརྟུན་པ་དང་ལྡན་པ་བདག་ཉིད་གཏང་བར་གནས་སོ། །གཅིག་པུ་དབེན་པ་བག་ཡོད་པ་བརྟུན་པ་དང་ལྡན་པ་བདག་ཉིད་བཏང་བར་གནས་པ་ན། རིགས་
Ca38b
ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང ། དགྲ་བཅོམ་པ། ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང་རིག་པ་དང་མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ་དབང་པོ་དང་ཉེ་དབང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ས་བོན་པས་དགྲ་བཅོམ་པ་ཐོབ་ཅིང་རྣམ་པར་གྲོལ་བའི་དགའ་བ་དང་བདེ་བ་སོ་སོར་ཡང་དག་པར་རིག་པ་ན་དེའི་ཚེ་ཚིགས་སུ་བཅད་པ་སྨྲས་པ། ཆོས་རྣམས་ལས་ནི་སྐལ་བ་ཐོབ། །ཡབ་ནི་དཀོར་གྱིས་བདག་མི་གཏོང ། །བདག་གིས་ཧ་ཅང་ཕྱིན་ནས་ཤེས། །བདག་ནི་ཆུ་ངུས་ཤིན་ཏུ་འདས། །དེའི་ཚེ་ན་བཅོམ་ལྡན་འདས་དགེ་སློང་གི་འཁོར་བརྒྱ་ཕྲག་དུ་མའི་མདུན་ན་བཞུགས་ཤིང་ཉན་ཐོས་རྣམས་ལ་འདོད་ཆགས་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་
Ca39a
༄#། །པར་གྲོལ་བའི་ཆོས་སྟོན་ཏོ། །ཞེ་སྡང་འདོད་ཆགས་དང་བྲལ་བར་བྱ་བ་དང་གཏི་མུག་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་ཏོ། །དེའི་ཚེ་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་འཁོར་དེ་ཉིད་དུ་འདུག་ཅིང་མཐུན་པར་གྱུར་ཏོ། །བཅོམ་ལྡན་འདས་ཇི་ལྟ་ཇི་ལྟར་འདོད་ཆགས་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་པ་དང ། ཞེ་སྡང་འདོད་ཆགས་དང་བྲལ་བར་བྱ་བ་དང ། གཏི་མུག་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་བར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་པ་དེ་ལྟ་དེ་ལྟར་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ཅུང་ཟད་འགྱོད་པར་གྱུར། རྣམ་པར་འགྱོད་པར་གྱུར། རབ་ཏུ་འགྱོད་པར་གྱུར་ཅིང་འདུག་ལ། འགྱོད་པ་དང་ལྡན། འགྱོད་པ་ཐོབ་ཅིང་ཅང་མི་སྨྲ་བར་གྱུར། ཡུལ་ཡུལ་ཕོར་གྱུར། ཕྲག་པ་གློད། གདོང་སྨད་སྤོབས་པ་མེད། སེམས་ཁོང་དུ་ཆུད་ཅིང་འདུག་གོ། དེ་ནས་དུས་གཞན་ཞིག་ན་དགེ་སློང་རབ་ཏུ་མང་པོ་དག་གནས་ཉུལ་ཞིང་རྒྱུ་བ་ན་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་གྱི་གནས་ག་ལ་བ་དེར་དོང་སྟེ་ཕྱིན་ནས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང་ཡང་དག་པར་མགུ་བར་འགྱུར་བའི་གཏམ་སྣ་ཚོགས་བྱས་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་
Ca39b
ནས་དགེ་སློང་རབ་ཏུ་མང་པོ་དག་གིས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་བཟང་ཕྱིན་ཁྱོད་སྔོན་ཆད་དགེ་སློང་གློ་བུར་དུ་ལྷགས་པ་དག་མཐོང་ན་བཤེས་པ་དང་བཅས་པ་ཉིད་ཀྱི་ཚིག་གིས་བསུ་ནས་ལྷུང་བཟེད་དང་ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང ། ལྷམ་སྒྲོག་གུ་ཅན་དང ། མཆིལ་ལྷམ་དག་ལེན་པར་བྱེད་ན། ཁྱོད་ད་ལྟར་དགེ་སློང་གློ་བུར་དུ་ལྷགས་པ་དག་མཐོང་ན་ཅུང་ཟད་འགྱོད་པར་གྱུར། རྣམ་པར་འགྱོད་པར་གྱུར། རབ་ཏུ་འགྱོད་པར་གྱུར་ཅིང་འདུག་ལ་འགྱོད་པ་དང་ལྡན། འགྱོད་པ་ཐོབ་ཅིང་མི་སྨྲ་བར་གྱུར། ཡུལ་ཡུལ་བོར་གྱུར། ཕྲག་པ་གློད། གདོང་སྨད། སྤོབས་པ་མེད། སེམས་ཁོང་དུ་ཆུད་ཅིང་འདུག་ན། ཚེ་དང་ལྡན་པ་བཟང་བྱིན་དེ་ལྟར་ཁྱོད་ལ་ལུས་ཀྱི་གནོད་པའམ། སེམས་ཀྱི་ཡོངས་སུ་གདུང་བ་འགའ་ཞིག་མེད་གྲང ། ཚེ་དང་ལྡན་པ་དག་བདག་ལ་ད་ལྟར་ལུས་ཀྱི་གནོད་པ་ནི་འགའ་ཡང་མེད་མོད་ཀྱི། འོན་ཀྱང་བདག་ལ་སེམས་ཀྱི་ཡོངས་སུ་གདུང་བ་ཡོད་དོ། །ཚེ་དང་ལྡན་པ་ཁྱོད་ཀྱི་སེམས་ཀྱི་ཡོངས་སུ་གདུང་བ་གང་ཡིན། དེས་སྐབས་དེ་དགེ་སློང་རྣམས་ལ་རྒྱས་པར་བརྗོད་པ་དང ། དགེ་སློང་དེ་དག་དེ་ལ་མངོན་པར་བསྟོད་པར་ཡང་མི་བྱེད། ཕྱིར་ཟློག་པར་ཡང་མི་བྱེད་ཅིང་མངོན་པར་བསྟོད་པར་ཡང་མ་བྱས། ཕྱིར་བཟློག་པར་ཡང་མ་བྱས་པར་སྟན་དག་ལས་ལངས་ནས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་
Ca40a
༄#། །འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་སྐབས་དེ་རྒྱས་པར་གསོལ་ཏོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་དགེ་སློང་རབ་ཏུ་མང་པོ་དག་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་ཟག་པའི་གནས་ལྟ་བུའི་ཆོས་མང་པོ་རྣམས་ཀྱི་དང་པོ་ནི་ཀ་ལན་ད་ཀའི་བུ་བཟང་བྱིན་གྱིས་འདི་ལྟ་སྟེ། མི་ཚངས་པར་སྤྱོད་པའི་རྐྱེན་གྱིས་བྱས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །དེ་བཞིན་གཤེགས་པ་ནི་དོན་གྱི་དབང་གཉིས་གཟིགས་པ་ན་དགེ་སློང་གི་དགེ་འདུན་སྡུད་པར་མཛད་དེ། འདི་ལྟ་སྟེ། ངའི་ཉན་ཐོས་རྣམས་ཀྱིས་ཀུན་ཤེས་པ་ཉིད་དུ་བྱ་བའི་ཕྱིར་དང ། ངས་འདུལ་བ་ལ་བསླབ་པའི་གཞི་ལེགས་པར་བཅས་པར་འགྱུར་བའོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་མི་རྨེད་པ། དུས་སུ་རྨེད་པ། དུས་ལས་ཡོལ་བར་མི་རྨེད་པ། དོན་དང་ལྡན་པ་རྨེད་པ། དོན་དང་མི་ལྡན་པར་མི་རྨེད་པས། སངས་རྒྱས་བཅོམ་ལྡན་འདས་རྣམས་ནི་དོན་དང་མི་ལྡན་པ་རྨེད་པ་ལ་ཆུ་ལོན་གྱིས་བཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ནི་དོན་དང་ལྡན་པ་རྨེད་པ་ལ་དུས་མཁྱེན་པ་
Ca40b
ཡིན་པས། སངས་རྒྱས་བཅོམ་ལྡན་འདས་ཀྱིས་ཀ་ལན་ད་ཀའི་བུ་ཚེ་དང་ལྡན་པ་བཟང་བྱིན་ལ་རྨས་པ། བཟང་བྱིན་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །བཟང་བྱིན་ངས་འདོད་ཆགས་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང་ཤེས་རབ་རྣམ་པར་གྲོལ་བའི་ཆོས་བསྟན་པ་དང ། ཞེ་སྡང་འདོད་ཆགས་དང་བྲལ་བར་བྱ་བ་དང ། གཏི་མུག་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང་ཤེས་རབ་རྣམ་པར་གྲོལ་བའི་ཆོས་བསྟན་པ་ལ། ཁྱོད་ཀྱིས་ཅིའི་ཕྱིར་མི་མཛེས་པ་དེ་ལྟ་བུ་དེ་བྱས་པར་གྱུར། མི་གཏི་མུག་ཅན་ཁྱོད་ཀྱིས་སྦྲུལ་ནག་པོ་དུག་མྱུར་དུ་ཁྱབ་པ་དུག་དྲག་པོ་དུག་རྣོ་བའི་ཁར་རང་གི་ཡན་ལག་གི་རྣམ་པ་བཅུག་པར་གྱུར་པ་ནི་བླའི། དེ་ལྟར་གྱུར་པས་བུད་མེད་ཀྱི་ཡུལ་ལ་ནི་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། འདི་ལྟ་སྟེ། དགེ་འདུན་བསྡུ་བའི་ཕྱིར་དང ། དགེ་འདུན་ལེགས་པར་བྱ་བའི་ཕྱིར་དང ། དགེ་འདུན་བདེ་བར་གནས་པར་བྱ་བའི་ཕྱིར་དང ། གནོང་
Ca41a
༄#། །མི་བཀུར་བའི་གང་ཟག་རྣམས་ཚར་གཅད་པའི་ཕྱིར་དང ། ངོ་ཚ་ཤེས་པ་རྣམས་བདེ་བར་གནས་པར་བྱ་བའི་ཕྱིར་དང ། མངོན་པར་མ་དད་པ་རྣམས་མངོན་པར་དད་པར་བྱ་བའི་ཕྱིར་དང ། མངོན་པར་དད་པ་རྣམས་ཕྱིར་ཞིང་འབྱུང་བར་བྱ་བའི་ཕྱིར་དང ། ཚེ་འདིའི་ཟག་པ་རྣམས་བསྡམ་པར་བྱ་བའི་ཕྱིར་དང ། ཚེ་རབས་ཕྱི་མའི་རྣམས་བཟློག་པར་བྱ་བའི་ཕྱིར་དང ། ངའི་ཚངས་པར་སྤྱོད་པ་སྐྱེ་བོ་མང་པོ་ལ་ཕན་པ་ཡངས་པར་གྱུར་པ་ལྷ་དང ། མིའི་བར་དག་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་བྱ་བའི་ཕྱིར། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་རྣམས་དང་ལྷན་ཅིག་བསླབ་པ་མཚུངས་པར་གྱུར་པས་བསླབ་པ་མ་ཕུལ་བསླབ་པ་ཉམས་པར་མ་བྱས་པར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན་དགེ་སློང་དེ་ཕམ་པར་གྱུར་པ་ཡིན་གྱིས་གནས་པར་མི་བྱའོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་དགེ་སློང་ཞིག་རྒྱལ་པོའི་ཁབ་ན་དགོན་པའི་སྤྱིལ་བུ་ན་འདུག་གོ་།དེ་ནས་དགེ་སློང་དེས་དགོན་པའི་སྤྲ་མོ་ཞིག་ཟས་ཀྱིས་བརྔོད་བརྗོད་ནས། དེ་དང་ལྷན་ཅིག་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ཏོ། །དེ་ནས་དགེ་སློང་རབ་ཏུ་མང་
Ca41b
པོ་དག་གནས་ཉུལ་ཞིང་རྒྱུ་བ་ན་དགེ་སློང་དེའི་སྤྱིལ་བུ་ག་ལ་བ་དེར་དོང་སྟེ་ཕྱིན་ནས། དགེ་སློང་དེ་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་སྣ་ཚོགས་བྱས་ཏེ་མཐའ་གཅིག་ཏུ་འཁོད་དོ། །དེ་ནས་སྤྲ་མོ་དེ་སྔོན་གྱི་སྡིག་པ་ཅན་དམ་པ་མ་ཡིན་པའི་ཆོས་དེ་ཉིད་རྗེས་སུ་དྲན་ནས་དགེ་སློང་དེ་ག་ལ་བ་དེར་སོང་སྟེ་ཕྱིན་ནས་དགེ་སློང་དེའི་གདོང་དུ་རྣམ་པར་ལྟ་བར་བྱེད། རོ་སྨད་སྟོབས་པར་བྱེད་ནས་དགེ་སློང་དེ་འདི་ལྟ་སྟེ། དགེ་སློང་དེ་དག་ལ་ངོ་ཚ་བས་དེ་ཟློག་པར་བྱེད་དོ། །སྤྲ་མོ་དེ་ལན་གཉིས་ལན་གསུམ་དུ་དགེ་སློང་དེའི་གདོང་དུ་རྣམ་པར་ལྟ་བར་བྱེད། རོ་སྨད་སྟོབས་པར་བྱེད་ནས། དགེ་སློང་དེ་འདི་ལྟ་སྟེ་དགེ་སློང་དེ་དག་ལ་ངོ་ཚ་བ། ལན་གཉིས་ལན་གསུམ་དུ་དེ་ཟློག་པར་བྱེད་དོ། །དེ་ནས་སྤྲ་མོ་དེ་ཁྲོས་འཁྲུགས་རྔམ་པར་གྱུར་ཅིང་ཡིད་མི་དགའ་ནས། དགེ་སློང་དེའི་གདོང་དང་སྣ་དང་ཆོས་གོས་རྐང་པའི་སེན་མོ་དག་གིས་མངོན་པར་བྲད་དེ་མཐའ་གཅིག་ཏུ་སོང་ནས་ངུ་རུ་རུ་ཟེར་ཞིང་ཁྱི་ཚུགས་སུ་འདུག་གོ་།དེ་ནས་དགེ་སློང་དེ་དག་གིས་དགེ་སློང་དེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཅིའི་ཕྱིར་དགོན་པའི་སྤྲ་མོ་འདི་ཁྱོད་ཀྱི་གདོང་དུ་རྣམ་པར་ལྟ་བར་བྱེད། རོ་སྨད་སྟོབས་པར་བྱེད་ནས། ཁྱོད་འདི་ལྟ་སྟེ། ཁོ་བོ་ཅག་ལ་ངོ་ཚ་བས་དེ་ཟློག་པར་བྱེད། ཅིའི་ཕྱིར་དགོན་པའི་སྤྲ་མོ་འདི་ལན་གཉིས་ལན་གསུམ་དུ་ཁྱོད་ཀྱི་གདོང་དུ་རྣམ་པར་ལྟ་བར་བྱེད། རོ་སྨད་སྟོབས་པར་བྱེད་ནས་ཁྱོད་འདི་ལྟ་སྟེ། ཁོ་བོ་ཅག་ལ་ངོ་ཚ་བས་དེ་ཟློག་པར་བྱེད། འོན་ཀྱང་
Ca42a
༄#། །དགོན་པའི་སྤྲ་མོ་འདི་ཁྱོད་ལ་ཁྲོས་འཁྲུགས་རྔམ་པར་གྱུར་ཅིང་ཡིད་མི་དགའ་ནས། ཁྱོད་ཀྱི་གདོང་དང་སྣ་དང་ཆོས་གོས་རྐང་པའི་སེན་མོ་དག་གིས་མངོན་པར་བྲད་དེ་མཐའ་གཅིག་ཏུ་སོང་ནས་ངུ་རུ་རུ་ཟེར་ཞིང་ཁྱི་ཚུགས་སུ་འདུག་།དེས་སྐབས་དེ་དགེ་སློང་དེ་དག་ལ་རྒྱས་པར་བརྗོད་དོ། །དེ་སྐད་ཅེས་སྨྲས་པ་དང ། དགེ་སློང་དེ་དག་གིས་དགེ་སློང་དེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་འོ་ན་བཅོམ་ལྡན་འདས་ཀྱིས་མི་ཚངས་པར་སྤྱོད་པ་འཁྲིག་པའི་ཆོས་མ་བཀག་གམ། ཚེ་དང་ལྡན་པ་དག་བཀག་སྟེ། དེ་ཡང་མི་ཉིད་ལ་ཡིན་གྱི། དུད་འགྲོར་སྐྱེས་པ་ལ་ནི་མ་ཡིན་ནོ། །དགེ་སློང་དེ་དག་དེ་ལ་མངོན་པར་བསྟོད་པར་ཡང་མི་བྱེད། ཕྱིར་ཟློག་པར་ཡང་མི་བྱེད་ཅིང་མངོན་པར་བསྟོད་པར་ཡང་མ་བྱས། ཕྱིར་བཟློག་པ་ཡང་མ་བྱས་པར་སྟན་དག་ལས་ལངས་ནས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས། བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་སྐབས་དེ་རྒྱས་པར་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་རེ་ཞིག་མི་ལ་ཡང་བཀག་ན་དུད་འགྲོར་སྐྱེས་པ་ལྟ་ལ་ཅི་སྨོས་ཏེ། དགེ་སློང་དག་མི་གཏི་མུག་ཅན་དེ་ནི་ཕམ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །
Ca42b
སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པས་ཞེས་བྱ་བ་ནས་སངས་རྒྱས་བཅོམ་ལྡན་འདས་ཀྱིས་དགེ་སློང་དེ་ལ་རྨས་པ་ཞེས་བྱ་བའི་བར་དུ་སྔ་མ་བཞིན་ནོ། །དགེ་སློང་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་ཞེས་བྱ་བ་ནས་མི་གཏི་མུག་ཅན་ཁྱོད་ཀྱིས་སྦྲུལ་ནག་པོ་དུག་མྱུར་དུ་ཁྱབ་པ་དུག་དྲག་པ་རྩུབ་པ་དུག་རྣོ་བའི་ཁར་རང་གི་ཡན་ལག་གི་རྣམ་པ་བཅུག་པར་གྱུར་པ་ནི་བླའི། དེ་ལྟར་གྱུར་པས་དུད་འགྲོའི་སྐྱེ་གནས་སུ་སྐྱེས་པ་ལ་ནི་མ་ཡིན་ནོ་ཞེས་བྱ་བའི་བར་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པའོ། །འདི་ནི་རྗེས་སུ་བཅས་པའོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་རྣམས་དང་ལྷན་ཅིག་བསླབ་པ་མཚུངས་པར་གྱུར་པས་བསླབ་པ་མ་ཕུལ། བསླབ་པ་ཉམས་པར་མ་བྱས་པར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན་ཐ་ན་དུད་འགྲོའི་སྐྱེ་གནས་སུ་སྐྱེ་པ་དང་ལྷན་ཅིག་ཀྱང་རུང་སྟེ་དགེ་སློང་དེ་ཕམ་པར་གྱུར་བ་ཡིན་གྱིས་གནས་པར་མི་བྱའོ། །ཡང་དགེ་སློང་གང་ཞེས་བྱ་བ་ནི་དགེ་སློང་རྣམ་པ་བཞི་པོ་མིང་གི་དགེ་སློང་དང ། ཁས་འཆེ་བའི་དགེ་སློང་དང ། སློང་བའི་ཕྱིར་དགེ་སློང་དང ། ཉོན་མོངས་པ་བཅོམ་པའི་ཕྱིར་དགེ་སློང་
Ca43a
༄#། །ལས་མིང་གི་དགེ་སློང་གང་ཞེ་ན། གང་གི་མིང་དང་མིང་དུ་བརྗོད་པ་དང ། ཚིག་གཉིས་པ་དང ། ཚིག་བླ་དྭགས་དང་འདུ་ཤེས་དང ། བོད་པ་དང་གདགས་པ་དང ། ཐ་སྙད་དགེ་སློང་ཞེའམ་དགེ་སློང་གི་རིགས་ཞེས་སམ། དགེ་སློང་དང་འདྲ་བར་གྱུར་པ་ཞེས་བྱ་བ་དེ་ནི་མིང་གི་དགེ་སློང་ཞེས་བྱའོ། །ཁས་འཆེ་བའི་དགེ་སློང་གང་ཞེ་ན། གང་དགེ་སློང་མ་ཡིན་བཞིན་དུ་བདག་ཉིད་དགེ་སློང་ངོ་ཞེས་ཁས་འཆེ་བར་བྱེད་པ་དང ། རྐུ་ཐབས་སུ་གནས་ཤིང་དགེ་སློང་དུ་དམ་འཆའ་བར་བྱེད་པ་ནི་ཁས་འཆེ་བའི་དགེ་སློང་ཞེས་བྱའོ། །སློང་བའི་ཕྱིར་དགེ་སློང་གང་ཞེ་ན། གང་ཆོས་དང་ལྡན་པས་སློང་མོ་སྤྱོད་པས་འཚོ་བར་བྱེད་པ་ནི་སློང་བའི་ཕྱིར་དགེ་སློང་ཞེས་བྱའོ། །ཉོན་མོངས་པ་བཅོམ་པའི་ཕྱིར་དགེ་སློང་གང་ཞེ་ན། གང་གི་ཟག་པ་ཀུན་ནས་ཉོན་མོངས་པར་བྱེད་པ་ཡང་སྲིང་པར་བྱེད་པ་རིམས་ནད་དང་བཅས་པ་རྣམ་པར་སྨིན་པ་སྡུག་བསྔལ་བ་ཕྱི་མ་ལ་སྐྱེ་བ་དང་རྒ་བ་དང་འཆི་བར་འགྱུར་བ་གང་དག་ཡིན་པ་དེ་དག་སྤངས་པ་དང ། ཡོངས་སུ་ཤེས་པ་དང།་རྩ་བ་ནས་བཅད་པ་དང ། ཤིང་ཏ་ལའི་མགོ་བཞིན་དུ་གཞི་མི་སྣང་བ་དང ། ཕྱི་མ་ལ་མི་སྐྱེ་བའི་ཆོས་ཅན་དུ་གྱུར་པ་དེ་ནི་ཉོན་མོངས་པ་བཅོམ་པའི་ཕྱིར་དགེ་སློང་ཞེས་བྱའོ། །དོན་འདིར་ནི་གསོལ་བ་དང ། བཞིའི་ལས་མི་གཡོ་བ་གཞག་པར་མི་འོས་པས་བསྙེན་པར་རྫོགས་པ་གང་ཡིན་པ་དེ་དགེ་སློང་དུ་དགོངས་ཏེ། དེས་ན་ཡང་དགེ་སློང་གང་ཞེས་གསུངས་སོ། །དགེ་སློང་
Ca43b
རྣམས་དང་ལྷན་ཅིག་ཅེས་བྱ་བ་ནི། དེ་ལས་གཞན་པ་ཆོས་མཐུན་པ་ཚངས་པ་མཚུངས་པར་སྤྱོད་པ་རྣམས་དང་ངོ ། །བསླབ་པ་མཚུངས་པར་གྱུར་པས་ཞེས་བྱ་བ་ནི། བསླབ་པ་གང་ལ་བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་གིས་བསླབ་པར་བྱ་བ་དེ་ལ་དེང་བསྙེན་པར་རྫོགས་པས་དང ། དེང་བསྙེན་པར་རྫོགས་པས་གང་ལ་བསླབ་པར་བྱ་བ་དེ་ལ་བསྙེན་པར་རྫོགས་ནས་ལོ་བརྒྱ་ལོན་པས་ཀྱང་ངོ་ཞེས་འདི་ལ་ཚུལ་ཁྲིམས་ཉིད་ཀྱིས་མཉམ་པ་དང ། བསླབ་པ་ཉིད་ཀྱིས་མཉམ་པ་དང ། སོ་སོར་ཐར་པའི་མདོ་གདོན་པ་ཉིད་ཀྱིས་མཉམ་པ་གང་ཡིན་པ་དེ་ནི་བསླབ་པ་མཚུངས་པར་གྱུར་པས་ཞེས་བྱ་སྟེ།་དེས་ན་བསླབ་པ་མཚུངས་པར་གྱུར་པས་ཞེས་གསུངས་སོ། །བསླབ་པ་མ་ཕུལ་ཞེས་བྱ་བ་ལ། ཇི་ཙམ་གྱིས་ན་བསླབ་པ་མ་ཕུལ་བ་ཡིན་ཞེ་ན། འདི་ལྟ་སྟེ། དགེ་སློང་ཁྲོས་ཤིང་ཁྲོ་བའི་ཟིལ་གྱིས་ནོན་པས་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །མྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པས་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། ། སྨྱོན་པ་ལ་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །གླེན་པ་དང་ལྐུག་པ་དང་འོན་པ་ལ་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །དབེན་པར་དབེན་པར་འདུ་ཤེས་པས་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །དབེན་པར་
Ca44a
༄#། །མི་དབེན་པར་འདུ་ཤེས་པས་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །མི་དབེན་པར་དབེན་པར་འདུ་ཤེས་པས་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །དབུས་པས་མཐའ་འཁོབ་པའི་ཚིག་གིས་དབུས་པ་ལ་བསླབ་པ་འབུལ་བར་བྱེད་ལ། དབུས་པས་གལ་ཏེ་མཐའ་འཁོབ་པའི་ཚིག་སྨྲས་པ་དེ་མ་ཤེས་ན་བསླབ་པ་མ་ཕུལ་བར་བརྗོད་པར་བྱའོ། །མཐའ་འཁོབ་པས་དབུས་པའི་ཚིག་གིས་མཐའ་འཁོབ་པ་ལ་བསླབ་པ་འབུལ་བར་བྱེད་ལ། མཐའ་འཁོབ་པས་གལ་ཏེ་དབུས་པའི་ཚིག་སྨྲས་པ་དེ་མ་ཤེས་ན་བསླབ་པ་མ་ཕུལ་བར་བརྗོད་པར་བྱའོ། །མཐའ་འཁོབ་པས་མཐའ་འཁོབ་པའི་ཚིག་གིས་དབུས་པ་ལ་བསླབ་པ་འབུལ་བར་བྱེད་ལ་དབུས་པས་གལ་ཏེ་མཐའ་འཁོབ་པའི་ཚིག་སྨྲས་པ་དེ་མ་ཤེས་ན་བསླབ་པ་མ་ཕུལ་བར་བརྗོད་པར་བྱའོ། །དབུས་པས་དབུས་པའི་ཚིག་གིས་མཐའ་འཁོབ་པ་ལ་བསླབ་པ་འབུལ་བར་བྱེད་པ་ལ་མཐའ་འཁོབ་པས་གལ་ཏེ་དབུས་པའི་ཚིག་སྨྲས་པ་མ་ཤེས་ན་བསླབ་པ་མ་ཕུལ་བར་བརྗོད་པར་བྱའོ། །མི་གཉིད་ལོག་པ་དང་སྙོམས་པར་ཞུགས་པ་དང་ལྷ་དང་སྤྲུལ་པ་དང་དུད་འགྲོ་དང་གཟུགས་བརྙན་ལ་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །ཀླག་ཅོར་ཅན་གྱིས་ཀླག་ཅོར་ཅན་ལ་བསླབ་པ་འབུལ་ན་བསླབ་པ་མ་ཕུལ་བར་བརྗོད་པར་བྱའོ། །གཏོང་བའི་སེམས་མེད་པ་དང ། དགེ་སྦྱོང་གི་ཚུལ་འདོད་པ་དང ། ཁྱིམ་ན་
Ca44b
གནས་པར་མི་འདོད་པ་དང ། མི་རང་བཞིན་དུ་གནས་པ་ཤེས་པས་འགའ་ལ་ཡང་རྣམ་པར་རིག་པར་མི་བྱེད་ན་བསླབ་པ་མ་ཕུལ་བར་བརྗོད་པར་བྱ་སྟེ། དེས་ན་བསླབ་པ་མ་ཕུལ་ཞེས་གསུངས་སོ། །བསླབ་པ་ཉམས་པར་མ་བྱས་པར་ཞེས་བྱ་བ་ལ། བསླབ་པ་ཕུལ་ལ་བསླབ་པ་ཉམས་པར་མ་བྱས་པ་ཡང་ཡོད། བསླབ་པ་ཉམས་པར་བྱས་ལ་བསླབ་པ་མ་ཕུལ་བ་ཡང་ཡོད། བསླབ་པ་ཉམས་པར་ཡང་བྱས་ལ་བསླབ་པ་ཕུལ་བ་ཡང་ཡོད། བསླབ་པ་མ་ཕུལ་ཞིང་བསླབ་པ་ཉམས་པར་མ་བྱས་པ་ཡང་ཡོད་དོ། །དེ་ལ་རེ་ཞིག་བསླབ་པ་ཕུལ་ལ་བསླབ་པ་ཉམས་པར་མ་བྱས་པ་ནི་འདི་ལྟ་སྟེ། དགེ་སློང་འདོད་པའམ། མངོན་པར་མི་དགའ་བའམ། རྣམ་པར་འཁྱམ་འདོད་ཅིང ། དགེ་སློང་གི་ཚུལ་དོན་དུ་མི་གཉེར་བའམ། དགེ་སྦྱོང་གི་ཚུལ་གྱིས་སྒྱིད་ལུག་པའམ། མུས་བྱུང་བའམ། ཐེ་ཚོམ་ཟ་བའམ། སྨོད་པའམ། དགེ་སྦྱོང་གི་ཚུལ་ཡོངས་སུ་གཏོང་འདོད་པ་ན་དགེ་སློང་གི་དྲུང་དུ་སོང་སྟེ། འདི་སྐད་ཅེས་ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བགྱི་བ་བསླབ་པ་འབུལ་ལོ་ཞེས་ཟེར་ན་བསླབ་པ་ཕུལ་བར་བརྗོད་པར་བྱའོ། །སངས་རྒྱས་དང་ཆོས་དང་དགེ་འདུན་འབུལ་ལོ་ཞེས་ཟེར་ན་བསླབ་པ་ཕུལ་བར་བརྗོད་པར་བྱའོ། །མདོ་སྡེ་དང་འདུལ་བ་དང་མ་མོ་འབུལ་ལོ་ཞེས་ཟེར་ན་བསླབ་པ་ཕུལ་བར་བརྗོད་པར་བྱའོ། ། མཁན་པོ་དང་སློབ་དཔོན་འབུལ་ལོ་ཞེས་ཟེར་ན་བསླབ་པ་ཕུལ་བར་བརྗོད་པར་བྱའོ། །བདག་ཁྱིམ་པའམ། དགེ་ཚུལ་ལམ། ཟ་མའམ། མ་ནིང་ངམ། དགེ་སློང་མ་སུན་ཕྱུང་བའམ། མ་བསད་པའམ།
Ca45a
༄#། །ཕ་བསད་པའམ། དགྲ་བཅོམ་པ་བསད་པའམ། དགེ་འདུན་གྱི་དབྱེན་བྱས་པའམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བའམ། མུ་སྟེགས་ཅན་ནམ། མུ་སྟེགས་ཅན་ཞུགས་པའམ། རྐུ་ཐབས་སུ་གནས་པའམ། ཐ་དད་པར་གནས་པའམ། གནས་པར་མི་བྱ་བར་གཟུང་དུ་གསོལ་ཞེའམ། ཐ་ན་འདི་སྐད་ཅེས་བདག་ཁྱེད་ལྟ་བུ་ཆོས་མཐུན་པ་ཚངས་པ་མཚུངས་པ་སྤྱོད་པ་དག་གིས་ཆོག་གོ་ཞེས་ཟེར་ན་བསླབ་པ་ཕུལ་བར་བརྗོད་པར་བྱ་སྟེ། དེ་ལྟར་ན་བསླབ་པ་ཕུལ་ལ་བསླབ་པ་ཉམས་པར་མ་བྱས་པ་ཡིན་ནོ། །ཇི་ལྟར་ན་བསླབ་པ་ཉམས་པར་བྱས་ལ་བསླབ་པ་མ་ཕུལ་བ་ཡིན་ཞེ་ན། འདི་ལྟ་སྟེ། དགེ་སློང་འདོད་པའམ། མངོན་པར་མི་དགའ་བའམ། རྣམ་པར་འཁྱམ་འདོད་ཅིང་དགེ་སྦྱོང་གི་ཚུལ་མི་འདོད་པའམ། དགེ་སྦྱོང་གི་ཚུལ་གྱིས་སྒྱིད་ལུག་པའམ། མུས་བྱུང་བའམ། ཐེ་ཚོམ་ཟ་བའམ། སྨོད་པའམ། དགེ་སྦྱོང་གི་ཚུལ་ཡོངས་སུ་གཏོང་འདོད་པ་ན་དགེ་སློང་གི་དྲུང་དུ་སོང་སྟེ། འདི་སྐད་ཅེས་ཚེ་དང་ལྡན་པ་མཁྱེན་པར་མཛོད་ཅིག་།ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པར་བྱའོ། །གཅིག་པུ་ཉིད་ལ་མངོན་པར་དགའ་བ་དཀའོ། །གནས་མལ་དགོན་པ་ནགས་ཁྲོད་དང ། རི་དྲུང་དང་བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཕ་མ་དང་ཕུ་ནུ་དང་བུ་སྲིང་དྲན་ནོ། །བདག་བཟོ་དག་སློབ་ཏུ་ཆུག་ཅིག་།བདག་གི་ལས་ཀྱི་མཐའ་དག་
Ca45b
ཚོལ་ཅིག་།བདག་ཁྱིམ་བཟང་པོ་དག་ཏུ་གཏོད་ཅིག་ཅེས་དེ་ལྟར་དེ་ལ་འདོད་པའམ། མངོན་པར་མི་དགའ་བའམ། རྣམ་པར་འཁྱམ་འདོད་ཅིང་དགེ་སྦྱོང་གི་ཚུལ་མི་འདོད་པའམ། དགེ་སྦྱོང་གི་ཚུལ་གྱིས་སྒྱིད་ལུག་པའམ། མུས་བྱུང་བའམ། ཐེ་ཚོམ་ཟ་བའམ། སྨོད་པའམ། དགེ་སྦྱོང་གི་ཚུལ་ཡོངས་སུ་གཏོང་འདོད་པའི་ངག་དང་ཚིག་དང་ཐ་སྙད་དང་སྐད་དང་བརྗོད་པ་དང་ངེས་པའི་ཚིག་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་རྣམ་པར་རིག་བྱེད་གང་ཡིན་པ་དག་ནི་རྗོད་པར་བྱེད་ལ། འདི་སྐད་ཅེས་ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བགྱི་བ་བསླབ་པ་འབུལ་ལོ་ཞེའམ། སངས་རྒྱས་དང་ཆོས་དང་དགེ་འདུན་འབུལ་ལོ་ཞེའམ། མདོ་སྡེ་དང་འདུལ་བ་དང་མ་མོ་འབུལ་ལོ་ཞེའམ། མཁན་པོ་དང་སློབ་དཔོན་འབུལ་ལོ་ཞེའམ། བདག་ཁྱིམ་པའམ། དགེ་ཚུལ་ལམ། ཟ་མའམ། མ་ནིང་ངམ། དགེ་སློང་མ་སུན་ཕྱུང་བའམ། མ་བསད་པའམ། ཕ་བསད་པའམ། དགྲ་བཅོམ་པ་བསད་པའམ། དགེ་འདུན་གྱི་དབྱེན་བྱས་པའམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བའམ། མུ་སྟེགས་ཅན་ནམ། མུ་སྟེགས་ཅན་ཞུགས་པའམ། རྐུ་ཐབས་སུ་གནས་པའམ། ཐ་དད་པར་གནས་པའམ། གནས་པར་མི་བྱ་བར་གཟུང་དུ་གསོལ་ཞེའམ། ཐ་ན་འདི་སྐད་ཅེས་བདག་ཁྱོད་ལྟ་བུ་ཆོས་མཐུན་པ་ཚངས་པ་མཚུངས་པར་སྤྱོད་པ་དག་གིས་ཆོག་གོ་ཞེས་ནི་མི་ཟེར་བ་སྟེ། དེ་ལྟར་ན་བསླབ་པ་ཉམས་པར་བྱས་ལ་བསླབ་པ་མ་ཕུལ་
Ca46a
༄#། །བ་ཡིན་ནོ། །ཇི་ལྟར་ན་བསླབ་པ་ཉམས་པར་ཡང་བྱས་ལ། བསླབ་པ་ཕུལ་བ་ཡང་ཡིན་ཞེ་ན། འདི་ལྟ་སྟེ། དགེ་སློང་འདོད་པའམ། མངོན་པར་མི་དགའ་བའམ། རྣམ་པར་འཁྱམ་འདོད་ཅིང་དགེ་སྦྱོང་གི་ཚུལ་མི་འདོད་པའམ། དགེ་སྦྱོང་གི་ཚུལ་གྱིས་སྒྱིད་ལུག་པའམ། མུས་བྱུང་བའམ། ཐེ་ཚོམ་ཟ་བའམ། སྨོད་པའམ། དགེ་སྦྱོང་གི་ཚུལ་ཡོངས་སུ་གཏོང་འདོད་པ་དང ། དགེ་སློང་གི་དྲུང་དུ་སོང་སྟེ་འདི་སྐད་ཅེས་ཚེ་དང་ལྡན་པ་མཁྱེན་པར་མཛོད་ཅིག། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པར་བྱ་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་དང་རི་དྲུང་དང ། བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཕ་མ་དང་ཕུ་ནུ་དང་བུ་སྲིང་དྲན་ནོ། །བདག་བཟོ་དག་སློབ་ཏུ་ཆུག་ཅིག། བདག་གིས་ལས་ཀྱི་མཐའ་དག་ཚོལ་ཅིག། བདག་ཁྱིམ་བཟང་པོ་དག་ཏུ་གཏོད་ཅིག་ཅེས་དེ་ལྟར་དེ་ལ་འདོད་པའམ། མངོན་པར་མི་དགའ་བའམ། རྣམ་པར་འཁྱམ་འདོད་པར་གྱུར་ཅིང་དགེ་སྦྱོང་གི་ཚུལ་མི་འདོད་པའམ། དགེ་སྦྱོང་གི་ཚུལ་གྱིས་སྒྱིད་ལུག་པའམ། མུས་བྱུང་བའམ། ཐེ་ཚོམ་ཟ་བའམ། སྨོད་པའམ། དགེ་སྦྱོང་གི་ཚུལ་ཡོངས་སུ་གཏོང་འདོད་པའི་ངག་དང་ཚིག་དང་ཐ་སྙད་དང་སྐད་དང་བརྗོད་པ་དང ། ངེས་པའི་ཚིག་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་
Ca46b
རྣམ་པར་རིག་བྱེད་གང་ཡིན་པ་དག་ཀྱང་རྗོད་པར་བྱེད་ལ། འདི་སྐད་ཅེས་ཚེ་དང་ལྡན་པ་དགོངས་སུ་གསོལ། བདག་མིད་འདི་ཞེས་བགྱི་བ་བསླབ་པ་འབུལ་ལོ་ཞེའམ། སངས་རྒྱས་དང་ཆོས་དང་དགེ་འདུན་འབུལ་ལོ་ཞེའམ། མདོ་སྡེ་དང་འདུལ་བ་དང ། མ་མོ་འབུལ་ལོ་ཞེའམ། མཁན་པོ་དང་སློབ་དཔོན་འབུལ་ལོ་ཞེའམ། བདག་ཁྱིམ་པའམ། དགེ་ཚུལ་ལམ། ཟ་མའམ། མ་ནིང་ངམ། དགེ་སློང་མ་སུན་ཕྱུང་བའམ། མ་བསད་པའམ། ཕ་བསད་པའམ། དགྲ་བཅོམ་པ་བསད་པའམ། དགེ་འདུན་གྱི་དབྱེན་བྱས་པའམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བའམ། མུ་སྟེགས་ཅན་ནམ། མུ་སྟེགས་ཅན་ཞུགས་པའམ། རྐུ་ཐབས་སུ་གནས་པའམ། ཐ་དད་པར་གནས་པའམ། གནས་པར་མི་བྱ་བར་གཟུང་དུ་གསོལ་ཞེའམ། ཐ་ན་འདི་སྐད་ཅེས་བདག་ཁྱེད་ཅག་ལྟ་བུ་ཆོས་མཐུན་པ་ཚངས་པ་མཚུངས་པར་སྤྱོད་པ་དག་གིས་ཆོག་གོ་ཞེས་ཀྱང་ཟེར་ན་བསླབ་པ་ཕུལ་བར་བརྗོད་པར་བྱ་སྟེ། དེ་ལྟར་ན་བསླབ་པ་ཉམས་པར་ཡང་བྱས་ལ་བསླབ་པ་ཕུལ་པ་ཡང་ཡིན་ནོ།། ཇི་ལྟར་ན་བསླབ་པ་མ་ཕུལ་ཞིང་བསླབ་པ་ཉམས་པར་མ་བྱས་པ་ཡང་ཡིན་ཞེ་ན། རྣམ་པ་དེ་དག་མ་གཏོགས་པ་སྟེ། དེས་ན་བསླབ་པ་ཉམས་པར་མ་བྱས་པར་ཞེས་གསུངས་སོ། །མི་ཚངས་པར་སྤྱོད་པ་ཞེས་བྱ་བ་ནི། གཉིས་ཀྱི་གཉིས་སྤྲོད་པའོ། །འཁྲིག་པ་ཞེས་བྱ་བ་ནི་མི་ཚངས་པར་སྤྱོད་པ་གང་ཡིན་པ་དེ་འཁྲིག་པ་ཡང་ཡིན་ནོ། །ཆོས་ཤེས་བྱ་བ་ནི་ཆོས་མ་ཡིན་པ་དེ་ཆོས་
Ca47a
༄#། །ཀྱི་སྒྲར་གསུངས་པའོ། །བརྟེན་ན་ཞེས་བྱ་བ་ནི་ལྷག་པར་སྤྱད་ནའོ། །ཐ་ན་དུད་འགྲོའི་སྐྱེ་གནས་སུ་སྐྱེས་པ་དང་ལྷན་ཅིག་ཀྱང་རུང་སྟེ་ཞེས་བྱ་བ་ནི་སྤྲ་མོའམ་སྤྲ་མོ་དང་འདྲ་བར་གཏོགས་པ་དང་ངོ ། །དགེ་སློང་ཞེས་བྱ་བ་ནི། གང་ལ་དགེ་སློང་གི་དངོས་པོ་ཡོད་པ་གང་ཡིན་པའོ། །དགེ་སློང་གི་དངོས་པོ་གང་ཞེ་ན། བསྙེན་པར་རྫོགས་པ་གང་ཡིན་པའོ། །བསྙེན་པར་རྫོགས་པ་གང་ཞེ་ན། གསོལ་བ་དང་བཞིའི་ལས་ཀྱི་བྱ་བ་བྱེད་པ་ཉིད་དང ། རྟོག་པ་ཉིད་དང ། ཡང་དག་པར་རྟོག་པ་ཉིད་དང ། མཐར་ཕྱིན་པར་བྱེད་པ་ཉིད་དང ། ཡང་དག་པར་མཐར་བྱིན་པར་བྱེད་པ་ཉིད་གང་ཡིན་པ་དང ། གང་ཟག་དེའི་ཁས་ལེན་པ་དང ། མངོན་པར་ཁས་ལེན་པ་དང ། ཕྱིར་མི་ཟློག་པ་དང ། ཕྱིར་མི་འགོག་པ་ཉིད་དང ། ངག་དང་ཚིག་དང ། ཐ་སྙད་དང ། སྐད་དང་བརྗོད་པ་དང ། ངེས་པའི་ཚིག་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་རྣམ་པར་རིག་བྱེད་གང་ཡིན་པའོ། །དེ་ཞེས་བྱ་བ་ནི། ཉེ་བར་བསྟན་པ་དང ། ཀུན་ཏུ་བསྟན་པའི་ཚིག་བླ་དྭགས་དེའོ། །ཕམ་པར་གྱུར་པ་ཡིན་གྱིས་ཞེས་བྱ་བ་ནི། དེ་མཐའ་གྱུར་པ་དང ། ལྟུང་བ་དང ། དམན་པ་དང ། མཇུག་ན་འདུག་པ་དང ། ཐ་ཆད་དང་ཡིད་དང་མི་མཐུན་པ་ཡིན་པའོ། །ཡང་གང་གིས་ལྟུང་བ་དེ་བྱས་ན་བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སྦྱོང་གི་དངོས་པོ་ལས་ཉམས་པར་
Ca47b
འགྱུར་པ་སྟེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང ། ཉམས་པ། བཅོམ་པ། ལྟུང་བ་ཕམ་པར་གྱུར་པ་སྟེ། དེའི་དགེ་སློང་གི་ཚུལ་ཕྱིར་བླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན། ཤིང་ཏ་ལའི་མགོ་བཅད་སྔོན་པོར་འགྱུར་དུ་མི་རུང་བ་འཕེལ་ཞིང་རྒྱས་པ་དང ། ཡངས་པར་འགྱུར་དུ་མི་རུང་བ་དེ་བཞིན་དུ་དགེ་སློང་གིས་གནས་དེ་ལྟ་བུ་བྱས་ན། བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་ཉམས་པར་འགྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང ། ཉམས་པ། བཅོམ་པ། ལྟུང་བ་ཕམ་པར་གྱུར་པ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་བས། དེས་ན་ཕམ་པར་གྱུར་པ་ཡིན་གྱིས་ཞེས་གསུངས་སོ། །གནས་པར་མི་བྱའོ་ཞེས་བྱ་བ་ནི། དགེ་སློང་རྣམས་ཀྱིས་དེ་དང་གསོ་སྦྱོང་དང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་ལ་གནས་པར་མི་བྱའོ། །གང་ཟག་བཅུ་གཉིས་པོ་དག་ཏུ་བསྐོ་བས་བསྐོ་བར་མི་བྱ་བ་སྟེ་དེས་ན་གནས་པར་མི་བྱའོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། སྡོམ་ལ། འབའ་ཞིག་དང་ནི་གནས་གསུམ་དང ། །བུད་མེད་སྐྱེས་པ་མ་ནིང་དང ། །སྟེན་ལ་གཞོལ་དང་རྩོལ་བ་དང ། །མྱོས་པར་བྱས་དང་མཐུས་འཛིན་པའོ།། དགེ་སློང་གིས་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན་ཕམ་པར་འགྱུར་རོ། །དགེ་སློང་གིས་གནས་གསུམ་གྱིས་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན་ཕམ་པར་འགྱུར་རོ། །
Ca48a
༄#། །ཟག་བྱེད་ཟག་བྱེད་དམ་ཁའམ། བཤང་བའི་ལམ་དུ་འཛུད་ན། བཅུག་མ་ཐག་ཏུ་ཕམ་པར་འགྱུར་རོ། །དགེ་སློང་གིས་བུད་མེད་དང་སྐྱེས་པ་དང་མ་ནིང་གསུམ་དང་ལྷན་ཅིག་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན་ཕམ་པར་འགྱུར་རོ། །དགེ་སློང་གི་སེམས་སྟེན་པ་ལ་གཞོལ་བ་དང་སྟེན་པ་ལ་འབབ་པ་དང་སྟེན་པ་ལ་བབ་པར་གྱུར་ཅིང་དེ་སེམས་སྟེན་པ་ལ་གཞོལ་བ་དང།་སྟེན་པ་ལ་འབབ་པ་དང ། སྟེན་པ་ལ་བབ་པས་མིའི་བུད་མེད་གསོན་པོ་མ་ཉམས་པ་ལ་ཟག་བྱེད་པར་དང་བཅས་བར་ཆད་དང་བཅས་པ་དང ། བར་དང་བཅས་པས་བར་ཆད་མེད་པ་དང ། བར་མེད་པས་བར་ཆད་དང་བཅས་པ་དང ། བར་མེད་པས་བར་ཆད་མེད་པ། ཟག་བྱེད་དམ་ཁའམ་བཤང་བའི་ལམ་དུ་འཛུད་ན། བཅུག་མ་ཐག་ཏུ་ཕམ་པར་འགྱུར་རོ། །དགེ་སློང་གི་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པར་གྱུར་ཅིང་དེ་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པས་མིའི་བུད་མེད་གསོན་པོ་ཉམས་པ་ལ། ཟག་བྱེད་པར་དང་བཅས་པས་བར་ཆད་དང་བཅས་པ་དང ། བར་དང་བཅས་པས་བར་ཆད་མེད་པ་དང ། བར་མེད་པས་བར་ཆད་དང་བཅས་པ་དང ། བར་མེད་པས་བར་ཆད་མེད་པ། ཟག་བྱེད་དམ་ཁའམ་བཤང་བའི་ལམ་དུ་འཛུད་ན། བཅུག་མ་ཐག་ཏུ་ཉེས་པ་སྦོམ་པོར་འགྱུར་རོ། །དགེ་སློང་གི་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་
Ca48b
པ་ལ་བབ་པར་གྱུར་ཅིང་དེ་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པས་མིའི་བུད་མེད་ཤི་བ་མ་ཉམས་པ་ལ། ཟག་བྱེད་བར་དང་བཅས་པས་བར་ཆད་དང་བཅས་པ་དང ། བར་དང་བཅས་པས་བར་ཆད་མེད་པ་དང ། བར་མེད་པས་བར་ཆད་དང་བཅས་པ་དང ། བར་མེད་པས་བར་ཆད་མེད་པ། ཟག་བྱེད་དམ་ཁའམ་བཤང་བའི་ལམ་དུ་འཛུད་ན། བཅུག་མ་ཐག་ཏུ་ཕམ་པར་འགྱུར་རོ། །དགེ་སློང་གི་སེམས་སྟེན་པ་ལ་གཞོལ་བ་དང་སྟེན་པ་ལ་འབབ་པ་དང ། སྟེན་པ་ལ་བབ་པར་གྱུར་ཅིང ། དེ་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པས་མིའི་བུད་མེད་ཤི་བ་ཉམས་པ་ལ། ཟག་བྱེད་བར་དང་བཅས་པས་བར་ཆད་དང་བཅས་པ་དང ། བར་དང་བཅས་པས་བར་ཆད་མེད་པ་དང ། བར་མེད་པས་བར་ཆད་དང་བཅས་པ་དང ། བར་མེད་པས་བར་ཆད་མེད་པ་ཟག་བྱེད་དམ་ཁའམ་བཤང་བའི་ལམ་དུ་འཛུད་ན། བཅུག་མ་ཐག་ཏུ་ཉེས་པ་སྦོམ་པོར་འགྱུར་རོ། །མིའི་བུད་མེད་གསོན་པོ་དང་ཤི་བ་ལ་ཇི་ལྟ་བ་དེ་བཞིན་དུ་མི་མ་ཡིན་པ་མོ་གསོན་པོ་དང་ཤི་བ་དང ། དུད་འགྲོའི་སྐྱེས་གནས་སུ་སྐྱེས་པ་མོ་གསོན་པོ་དང་ཤི་བ་ལ་ཡང་དེ་བཞིན་ནོ། །སྐྱེས་པ་གསོན་པོ་དང་ཤི་བ་ལ་རྨའི་སྒོ་གཉིས་སུ་ཡང་དེ་བཞིན་ནོ། །སྐྱེས་པ་གསོན་པོ་དང་ཤི་བ་ལ་རྨའི་སྒོ་གཉིས་སུ་ཇི་ལྟ་བ་དེ་བཞིན་དུ། མི་མ་ཡིན་པ་ཕོ་གསོན་པོ་དང་ཤི་བ་ལ་རྨའི་སྒོ་གཉིས་སུ་དང ། དུད་འགྲོའི་སྐྱེ་གནས་སུ་སྐྱེས་པ་ཕོག་གསོན་པོ་དང་ཤི་བ་ལ་རྨའི་སྒོ་གཉིས་སུ་ཡང་དེ་བཞིན་
Ca49a
༄#། །ནོ། །སྐྱེས་པ་ལ་ཇི་ལྟ་བ་དེ་བཞིན་དུ་མིའི་མ་ནིང་ཕོ་གསོན་པོ་དང་ཤི་བ་ལ་རྨའི་སྒོ་གཉིས་སུ་དང ། མི་མ་ཡིན་པའི་མ་ནིང་ཕོ་གསོན་པོ་དང་ཤི་བ་ལ་རྨའི་སྒོ་གཉིས་སུ་དང ། དུད་འགྲོའི་སྐྱེ་གནས་སུ་སྐྱེས་པའི་མ་ནིང་ཕོ་གསོན་པོ་དང་ཤི་བ་ལ་རྨའི་སྒོ་གཉིས་སུ་ཡང་དེ་བཞིན་ནོ། །དགེ་སློང་གིས་དགེ་སློང་ཉལ་བ་ལ་རྩོལ་བར་བྱེད་ཅིང ། གལ་ཏེ་དགེ་སློང་གིས་དེ་དང་པོར་ཡང་མ་ཤེས་བར་དུ་ཡང་མ་ཤེས་ཐ་མར་ཡང་མ་ཤེས་ན་གང་རྩོལ་བར་བྱེད་པ་དེ་བསྙིལ་བར་བྱའོ། །དགེ་སློང་གིས་དགེ་སློང་ཉལ་བ་ལ་རྩོལ་བར་བྱེད་ཅིང ། གལ་ཏེ་དགེ་སློང་གིས་དེ་དང་པོར་ཤེས་ཤིང་བར་དུ་ཡང་མ་ཤེས་ཐ་མར་ཡང་མ་ཤེས་ན་གང་རྩོལ་བར་བྱེད་པ་དེ་བསྙིལ་བར་བྱའོ། །དགེ་སློང་གིས་དགེ་སློང་ཉལ་བ་ལ་རྩོལ་བར་བྱེད་ཅིང ། གལ་ཏེ་དགེ་སློང་གིས་དེ་དང་པོར་ཡང་ཤེས་བར་དུ་ཡང་ཤེས་ཤིང་ཐ་མར་མ་ཤེས་ན། གང་རྩོལ་བར་བྱེད་པ་དེ་བསྙིལ་བར་བྱའོ། །དགེ་སློང་གིས་དགེ་སློང་ཉལ་བ་ལ་རྩོལ་བར་བྱེད་ཅིང ། གལ་ཏེ་དགེ་སློང་གིས་དེ་དང་པོར་ཡང་ཤེས་བར་དུ་ཡང་ཤེས་ཐ་མར་ཡང་ཤེས་ལ། ཤེས་ནས་ཀྱང་བདག་གིར་མི་བྱེད་ན་གང་རྩོལ་བར་བྱེད་པ་དེ་བསྙིལ་བར་བྱའོ། །དགེ་སློང་གིས་དགེ་སློང་ཉལ་བ་ལ་རྩོལ་བ་བྱེད་ཅིང ། གལ་ཏེ་དགེ་སློང་གིས་དེ་དང་པོར་ཡང་ཤེས་བར་དུ་ཡང་ཤེས་ཐ་མར་ཡང་ཤེས་ལ་ཤེས་ནས་ཀྱང་བདག་གིར་བྱེད་ན་གཉི་ག་བསྙིལ་བར་བྱའོ། །དགེ་སློང་གིས་དགེ་སློང་ལ་ཇི་ལྟ་བ་བཞིན་དུ་དགེ་སློང་གིས་དགེ་སློང་མ་
Ca49b
དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་དང ། དགེ་སློང་མས་དགེ་སློང་དང ། དགེ་ཚུལ་ལ་དང ། དགེ་སློབ་མས་དགེ་སློང་དང ། དགེ་ཚུལ་ལ་དང ། དགེ་ཚུལ་མས་དགེ་སློང་དང ། དགེ་ཚུལ་ལ་དང ། དགེ་ཚུལ་གྱིས་དགེ་སློང་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ཡང་དེ་བཞིན་ནོ། །དགེ་སློང་གིས་དགེ་སློང་འབྲུའི་ཆང་གིས་མྱོས་པར་བྱེད་དུ་བཅུག་སྟེ།་རྩོལ་བར་བྱེད་ཅིང ། གལ་ཏེ་དགེ་སློང་གིས་དེ་དང་པོར་ཡང་མ་ཤེས་བར་དུ་ཡང་མ་ཤེས་ཐ་མར་ཡང་མ་ཤེས་ན་གང་རྩོལ་བར་བྱེད་པ་དེ་བསྙིལ་བར་བྱའོ། །དགེ་སློང་གིས་དགེ་སློང་འབྲུའི་ཆང་གིས་མྱོས་པར་བྱེད་དུ་བཅུག་སྟེ། རྩོལ་བར་བྱེད་ཅིང་གལ་ཏེ་དགེ་སློང་གིས་དེ་དང་པོར་ཤེས་ཤིང་བར་དུ་ཡང་མ་ཤེས་ཐ་མར་ཡང་མ་ཤེས་ན་གང་རྩོལ་བར་བྱེད་པ་དེ་བསྙིལ་བར་བྱའོ། །དགེ་སློང་གིས་དགེ་སློང་འབྲུའི་ཆང་གིས་མྱོས་པར་བྱེད་དུ་བཅུག་སྟེ། རྩོལ་བར་བྱེད་ཅིང་གལ་ཏེ་དགེ་སློང་གིས་དེ་དང་པོར་ཡང་ཤེས་པར་དུ་ཡང་ཤེས་ཤིང་ཐ་མར་མ་ཤེས་ན་གང་རྩོལ་བར་བྱེད་པ་དེ་བསྙིལ་བར་བྱའོ། །དགེ་སློང་གིས་དགེ་སློང་འབྲུའི་ཆང་གིས་མྱོས་པར་བྱེད་དུ་བཅུག་སྟེ། རྩོལ་བར་བྱེད་ཅིང་གལ་ཏེ་དགེ་སློང་གིས་དེ་དང་པོར་ཡང་ཤེས་བར་དུ་ཡང་ཤེས་ཐ་མར་ཡང་ཤེས་ལ་ཤེས་ནས་ཀྱང་བདག་གིར་མི་བྱེད་ན་གང་རྩོལ་བར་བྱེད་པ་དེ་བསྙིལ་བར་བྱའོ། །དགེ་སློང་གིས་དགེ་སློང་འབྲུའི་ཆང་གིས་མྱོས་པར་བྱེད་དུ་བཅུག་སྟེ། རྩོལ་བར་བྱེད་ཅིང་གལ་ཏེ་དགེ་སློང་གིས་དེ་དང་པོར་ཡང་ཤེས་བར་དུ་ཡང་ཤེས་ཐ་
Ca50a
༄#། །མར་ཡང་ཤེས་ལ་ཤེས་ནས་ཀྱང་བདག་གིར་བྱེད་ན་གཉི་ག་བསྙིལ་བར་བྱའོ། །དགེ་སློང་གིས་དགེ་སློང་ལ་ཇི་ལྟ་བ་བཞིན་དུ། དགེ་སློང་གིས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། དགེ་སློང་མས་དགེ་སློང་དང ། དགེ་ཚུལ་དང ། དགེ་སློབ་མས་དགེ་སློང་དང ། དགེ་ཚུལ་དང ། དགེ་ཚུལ་མས་དགེ་སློང་དང་དགེ་ཚུལ་དང ། དགེ་ཚུལ་གྱིས་དགེ་སློང་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ཡང་དེ་བཞིན་ནོ། །འབྲུའི་ཆང་གིས་ཇི་ལྟ་བ་དེ་བཞིན་དུ་བཅོས་པའི་ཆང་དང ། སྦྱར་བའི་ཆང་དང ། རྩ་བའི་བཏུང་བ་དང ། སྡོང་བུའི་བཏུང་བ་དང ། འདབ་མའི་བཏུང་བ་དང ། མེ་ཏོག་གི་བཏུང་བ་དང ། འབྲས་བུའི་བཏུང་བས་སམ། གསང་སྔགས་དག་དང་རིག་སྔགས་དག་དང ། སྨན་གྱིས་སེམས་འཁྲུགས་པར་བྱས་པའམ། གཉིད་ལོག་པར་བྱས་ཏེ་ཡང་དེ་བཞིན་ནོ། །དགེ་སློང་གིས་དགེ་སློང་གྱ་ཚོམ་དུ་མཐུས་བཟུང་སྟེ། རྩོལ་བར་བྱེད་ཅིང་གལ་ཏེ་དགེ་སློང་གིས་དེ་འཛུད་པ་ན་བདག་གིར་བྱེད་ན་གཉི་ག་བསྙིལ་བར་བྱའོ། །འཛུད་པ་ན་མི་བྱེད་ཀྱང་བཅུག་པ་ན་བདག་གིར་བྱེད་ན་གཉི་ག་བསྙིལ་བར་བྱའོ། །འཛུད་པ་ན་ཡང་མི་བྱེད། བཅུག་པ་ན་ཡང་མི་བྱེད་མོད་ཀྱི་འབྱིན་པ་ན་བདག་གིར་བྱེད་ན་གཉི་ག་བསྙིལ་བར་བྱའོ། །འཛུད་པ་ན་ཡང་བདག་གིར་མི་བྱེད། བཅུག་པ་ན་ཡང་མི་བྱེད། འབྱིན་པ་ན་ཡང་མི་བྱེད་ན་གང་རྩོལ་བ་དེ་བསྙིལ་བར་བྱའོ། །དགེ་སློང་གིས་
Ca50b
དགེ་སློང་ལ་ཇི་ལྟ་བ་བཞིན་དུ་དགེ་སློང་གིས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། དགེ་སློང་མས་དགེ་སློང་དང ། དགེ་ཚུལ་དང ། དགེ་སློབ་མས་དགེ་སློང་དང ། དགེ་ཚུལ་དང ། དགེ་ཚུལ་མས་དགེ་སློང་དང ། དགེ་ཚུལ་དང ། དགེ་ཚུལ་གྱིས་དགེ་སློང་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ཡང་དེ་བཞིན་ནོ།། །། འདུལ་བ་རྣམ་པར་འབྱེད་པ། བམ་པོ་གཉིས་པ། སྡོམ་ལ། རྒྱབ་གཉེན་དང་ནི་འཕྱང་བ་ཅན། །མཛེས་དགའ་ཚོགས་ཅན་རྒན་མོ་དང ། །དགེ་སློང་གཉིད་ཀྱིས་ལོག་པ་ལ། །ལྕི་ཐུན་མས་བརྩལ་ཉེས་མེད་པའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དུས་གཞན་ཞིག་ན་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེའི་ཆུང་མ་ལ་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་ཞིག་བྱུང་བ་དེའི་རྒྱབ་འདི་ལྟ་སྟེ། དཔེར་ན་རི་བོང་ངམ་བྱི་ལའི་ལྟར་མཉེན་པ་དང ། ཤིན་ཏུ་མཉེན་པར་གྱུར་ཏོ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཅས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །དེ་
Ca51a
༄#། །དག་འདི་སྙམ་དུ་སེམས་ཏེ་གང་གི་ཕྱིར་ཁྱེའུ་འདིའི་རྒྱབ་འདི་ལྟ་སྟེ། དཔེར་ན་རི་བོང་ངམ་བྱི་ལའི་ལྟར་མཉེན་པ་དང་ཤིན་ཏུ་མཉེན་པ་དེའི་ཕྱིར་ཁྱེའུ་འདིའི་མིང་རྒྱབ་མཉེན་ཞེས་བྱའོ། །ཞེས་དེའི་མིང་རྒྱབ་མཉེན་ཞེས་བྱ་བར་བཏགས་སོ། །དེ་འོ་མ་དང་ཞོ་དང་མར་དང་ཞུན་མར་དང་མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད་སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ ། །དེ་དེ་ལྟར་རབ་ཏུ་བྱུང་ནས་དེ་སྔ་དྲོ་ཤམ་ཐབས་བགོས། ཆོས་གོས་དང་ལྷུང་བཟེད་ཐོགས་ཏེ། གྲོང་ངམ་གྲོང་རྡལ་གང་ན་ཉེ་བར་རྟེན་ཅིང་གནས་པའི་གྲོང་ངམ་གྲོང་རྡལ་དེ་ཉིད་དུ་ལུས་མ་བསྲུངས་དབང་པོ་དག་མ་བསྡམས་དྲན་པ་ཉེ་བར་མ་བཞག་པར་བསོད་སྙོམས་ལ་ཞུགས་སོ། །དེས་གྲོང་ངམ། གྲོང་རྡལ་དེ་ཉིད་དུ་བསོད་སྙོམས་ལ་བརྒྱུས་ནས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ལྷུང་བཟེད་དང་ཆོས་གོས་མཁོས་སུ་ཕབ་ནས་རྐང་པ་གཉིས་བཀྲུས་ཏེ་ནང་དུ་ཡང་དག་འཇོག་གི་ཕྱིར་གནས་སུ་ཞུགས་སོ། །དེའི་སེམས་གང་གི་ཚེ་འདོད་པ་ལ་འདོད་ཆགས་ཀྱིས་ཀུན་ནས་བཀྲིས་པར་གྱུར་པ་དེའི་ཚེ། དེས་རང་གི་ཡན་ལག་གི་རྣམ་པ་ལས་སུ་རུང་བར་བྱས་ཏེ་རང་གི་ཁར་བཅུག་ནས་རྩོལ་བ་བྱེད་དོ། །དེ་ནས་དུས་གཞན་ཞིག་ན་དགེ་སློང་རབ་ཏུ་མང་པོ་
Ca51b
གནས་ཉུལ་ཞིང་རྒྱུ་བ་དག་དགེ་སློང་དེའི་གནས་ག་ལ་བ་དེར་ཕྱིན་པ་དང ། དགེ་སློང་དེ་དག་གིས་དགེ་སློང་དེ་དེ་ལྟར་བྱེད་པ་མཐོང་ངོ ། །མཐོང་ནས་ཀྱང་ཡིད་མི་དགའ་ཞིང་མངོན་པར་མ་མགུ་ནས། དགེ་སློང་དེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཅི་བྱེད། རེག་པ་བདག་གིར་བྱེད་དོ། །ཚེ་དང་ལྡན་པ་འོ་ན་བཅོམ་ལྡན་འདས་ཀྱིས་མི་ཚངས་པར་སྤྱོད་པ་འཁྲིག་པའི་ཆོས་མ་བཀག་གམ། ཚེ་དང་ལྡན་པ་དག་བཀག་སྟེ།་དེ་ནི་གཞན་གྱི་ལ་ཡིན་གྱི་རང་གི་ལ་ནི་མ་ཡིན་ནོ། །དགེ་སློང་དེ་དག་དེ་ལ་མངོན་པར་བསྟོད་པར་ཡང་མི་བྱེད། ཕྱིར་ཟློག་པར་ཡང་མི་བྱེད་ཅིང་མངོན་པར་བསྟོད་པར་ཡང་མ་བྱས། ཕྱིར་བཟློག་པར་ཡང་མ་བྱས་པར་དོང་ནས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་སྐབས་དེ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་རེ་ཞིག་གཞན་གྱི་ལ་ཡང་བཀག་ན་རང་གི་ལ་ལྟ་སྨོས་ཀྱང་ཅི་དགོས་ཏེ། མི་གཏི་མུག་ཅན་དེ་ནི་ཕམ་པར་གྱུར་ཏོ། །དགེ་སློང་གི་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པར་གྱུར་ཅིང་དེ་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པས་རང་གི་ཡན་ལག་གི་རྣམ་པ་ལས་སུ་རུང་བར་བྱས་ཏེ། རང་གིའམ་གཞན་གྱི་ཁར་བཅུག་ནས་རྩོལ་བར་བྱེད་ན་བཅུག་མ་ཐག་ཏུ་ཕམ་པར་འགྱུར་
Ca52a
༄#། །རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །དུས་གཞན་ཞིག་ན་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེའི་ཆུང་མ་ལ་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་ཡན་ལག་གི་རྣམ་པ་ཚད་ལས་ཤིན་ཏུ་འདས་པ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །དེ་དག་འདི་སྙམ་དུ་སེམས་ཏེ་གང་གི་ཕྱིར་ཁྱེའུ་འདིའི་ཡན་ལག་གི་རྣམ་པ་ཚད་ལས་ཤིན་ཏུ་འདས་པ་དེའི་ཕྱིར་ཁྱེའུ་འདི་འཕྱང་བ་ཅན་ཞེས་བྱའོ་ཞེས་དེའི་མིང་འཕྱང་བ་ཅན་ཞེས་བྱ་བར་བཏགས་སོ། །དེ་འོ་མ་དང་ཞོ་དང་མར་དང་ཞུན་མར་དང་མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད་སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ ། །དེ་དེ་ལྟར་རབ་ཏུ་བྱུང་ནས་དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། གྲོང་ངམ་གྲོང་རྡལ་གང་ན་ཉེ་བར་རྟེན་ཅིང་གནས་པའི་
Ca52b
གྲོང་ངམ་གྲོང་རྡལ་དེ་ཉིད་དུ་ལུས་མ་བསྲུངས། དབང་པོ་དག་མ་བསྡམས། དྲན་པ་ཉེ་བར་མ་བཞག་པར་བསོད་སྙོམས་ལ་ཞུགས་སོ། །དེས་གྲོང་ངམ་གྲོང་རྡལ་དེ་ཉིད་དུ་བསོད་སྙོམས་ལ་བརྒྱུས་ནས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས། ལྷུང་བཟེད་དང་ཆོས་གོས་མཁོས་སུ་ཕབ་ནས་རྐང་པ་གཉིས་བཀྲུས་ཏེ་ནང་དུ་ཡང་དག་འཇོག་གི་ཕྱིར་གནས་སུ་ཞུགས་སོ། །དེའི་སེམས་གང་གི་ཚེ་འདོད་པ་ལ་འདོད་ཆགས་ཀྱི་ཀུན་ནས་དཀྲིས་པར་གྱུར་པ་དེའི་ཚེ། དེས་རང་གི་ཡན་ལག་གི་རྣམ་པ་ལས་སུ་རུང་བར་བྱས་ཏེ་རང་གི་བཤང་བའི་ལམ་དུ་བཅུག་ནས་རྩོལ་བར་བྱེད་དོ། །དེ་ནས་དུས་གཞན་ཞིག་ན་དགེ་སློང་རབ་ཏུ་མང་པོ་གནས་ཉུལ་ཞིང་རྒྱུ་བ་དག་དགེ་སློང་དེའི་གནས་ག་ལ་བ་དེར་ཕྱིན་པ་དང ། དགེ་སློང་དེ་དག་གིས་དགེ་སློང་དེ་དེ་ལྟར་བྱེད་པ་མཐོང་ངོ ། །མཐོང་ནས་ཀྱང་ཡིད་མི་དགའ་ཞིང་མངོན་པར་མ་མགུ་ནས། དགེ་སློང་དེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཅི་བྱེད། རེག་པ་བདག་གིར་བྱེད་དོ། །ཚེ་དང་ལྡན་པ་འོ་ན་བཅོམ་ལྡན་འདས་ཀྱིས་མི་ཚངས་པར་སྤྱོད་པ་འཁྲིག་པའི་ཆོས་མ་བཀག་གམ། ཚེ་དང་ལྡན་པ་དག་བཀག་སྟེ་དེ་ནི་གཞན་གྱི་ལ་ཡིན་གྱི་རང་གི་ལ་ནི་མ་ཡིན་ནོ། །དགེ་སློང་དེ་དག་དེ་ལ་མངོན་པར་བསྟོད་པར་ཡང་མི་བྱེད། ཕྱིར་ཟློག་པར་ཡང་མི་བྱེད་ཅིང ། མངོན་པར་བསྟོད་པར་ཡང་མ་བྱས། ཕྱིར་བཟློག་པར་ཡང་མ་བྱས་པར་དོང་ནས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་
Ca53a
༄#། །ནས། བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་སྐབས་དེ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་རེ་ཞིག་གཞན་གྱི་ལ་ཡང་བཀག་ན་རང་གི་ལ་ལྟ་སྨོས་ཀྱང་ཅི་དགོས་ཏེ། མི་གཏི་མུག་ཅན་དེ་ནི་ཕམ་པར་གྱུར་ཏོ། །དགེ་སློང་གི་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པར་གྱུར་ཅིང ། དེ་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པས་རང་གི་ཡན་ལག་གི་རྣམ་པ་ལས་སུ་རུང་བར་བྱས་ཏེ། རང་གིའམ་གཞན་གྱི་བཤང་བའི་ལམ་དུ་བཅུག་ནས་རྩོལ་བར་བྱེད་ན། བཅུག་མ་ཐག་ཏུ་ཕམ་པར་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། དེའི་ཚེ་ན་འཕགས་རྒྱལ་ན་དེད་དཔོན་དགའ་བོ་ཞེས་བྱ་བ་ཕྱུག་པ་ནོར་མང་བ་ལོངས་སྤྱོད་ཆེ་བ་ཡོངས་སུ་གཟུང་བ་ཡངས་ཤིང་རྒྱ་ཆེ་བ་རྣམས་ཐོས་ཀྱི་བུའི་ནོར་དང་ལྡན་པ་རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེ་ལ་བུ་ཡང་མེད། བུ་མོ་ཡང་མེད་ནས། དེ་བུ་མེད་ཅིང་བུ་མངོན་པར་འདོད་པས་ཞི་བ་དང་ཆུ་ལྷ་དང་ལུས་ངན་དང་བརྒྱ་བྱིན་དང་ཚངས་པ་ལ་སོགས་པ་དག་ལ་
Ca53b
གསོལ་བ་འདེབས་ཤིང ། ལྷའི་བྱེ་བྲག་གཞན་འདི་ལྟ་སྟེ། ཀུན་དགའ་ར་བའི་ལྷ་དག་དང ། ཚལ་གྱི་ལྷ་དག་དང ། བཞི་མདོའི་ལྷ་གད་དང ། སུམ་མདོའི་ལྷ་དག་དང ། གཏོར་མ་ལེན་པའི་ལྷ་དག་དང ། ལྷན་ཅིག་སྐྱེས་པ་དག་དང ། ཆོས་མཐུན་པ་དག་དང ། རྟག་ཏུ་རྗེས་སུ་འབྲང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན་གང་གསོལ་བ་འདེབས་པའི་རྒྱུ་ལས་བུ་དག་དང་བུ་མོ་དག་སྐྱེའོ་ཞེས་བྱ་བའི་གཏམ་དེ་ལྟ་བུ་ཡོད་དེ། དེ་ནི་དེ་ལྟ་མ་ཡིན་ཏེ་གལ་ཏེ་དེ་ལྟར་གྱུར་དུ་ཟིན་ན་རེ་རེ་ལ་ཡང་འདི་ལྟ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འདི་ལྟར་གནས་གསུམ་པོ་དག་མངོན་དུ་གྱུར་པ་ལས་བུ་དང་བུ་མོ་དག་སྐྱེ་བར་འགྱུར་ཏེ། གསུམ་པོ་དེ་དག་གང་ཞེ་ན། ཕ་དང་མ་གཉིས་ཆགས་པར་གྱུར་ཅིང་འདུས་པ་དང ། མ་དུས་ལ་བབ་ཅིང་ཟླ་མཚན་དང་ལྡན་པ་དང ། དྲི་ཟ་ཉེ་བར་གནས་ཤིང་འཇུག་འདོད་པ་སྟེ། གནས་གསུམ་པོ་དེ་དག་མངོན་དུ་གྱུར་པ་ལས་བུ་དང་བུ་མོ་དག་སྐྱེ་བར་འགྱུར་རོ། །དེ་དེ་ལྟར་གསོལ་བ་འདེབས་པ་ལྷུར་ལེན་ཅིང་འདུག་པ་ན། སེམས་ཅན་ཞིག་ཀྱང་ལྷའི་རིས་ནས་ཤི་འཕོས་ཏེ། དེའི་སྐྱེ་དགུའི་བདག་མོའི་མངལ་དུ་ཞུགས་སོ། །བུད་མེད་ཀྱི་ཡུལ་མཁས་པའི་རང་བཞིན་ཅན་ལ་ལ་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་གྱུར་པ་ཤེས་ཤིང་ཆགས་པ་དང་བྲལ་བ་ཤེས་པ་དང ། དུས་ཤེས་ཤིང་ཟླ་མཚན་ཤེས་པ་དང ། མངལ་ན་གནས་པ་ཞུགས་པ་ཤེས་པ་དང ། གང་ལས་མངལ་ན་གནས་པ་ཞུགས་པ་དེ་
Ca54a
༄#། །ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན་དཀུ་གཡས་པར་རྟེན་ཅིང་འདུག་ལ། གལ་ཏེ་བུ་མོ་ཡིན་ན་ནི་དཀུ་གཡོན་པར་རྟེན་ཅིང་འདུག་པའོ། །དེ་ཡིད་དགའ་ཞིང་ཡིད་དགའ་ནས། ཁྱིམ་ཐབ་ལ་སྨྲས་པ། རྗེའི་སྲས། བདག་ལ་སེམས་ཅན་ཞུགས་པར་གྱུར་པ་ནི། འདི་ལྟར་བདག་གི་དཀུ་གཡས་པར་རྟེན་ཅིང་མཆིས་པས་ངེས་པར་ཁྱེའུར་འགྱུར་གྱིས། དགྱེས་པ་བསྐྱེད་དུ་གསོལ། དེ་ཡང་ཡིད་དགའ་ཞིང་ཡིད་དགའ་ནས་རོ་སྟོད་བསྲང་སྟེ་ལག་པ་གཡས་པ་བརྐྱངས་ནས། འདི་སྐད་ཅེས་ཁོ་བོ་ཡུན་རིང་པོ་ནས་མངོན་པར་འདོད་པ་བུའི་ངོ་མཐོང་བ་དང ། ཁོ་བོ་དང་མཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང ། ཁོ་བོའི་བྱ་བ་དག་བྱེད་པ་དང ། གསོས་པས་ཕྱིར་གསོ་བ་དང ། བགོ་སྐལ་ལ་སྤྱོད་པ་དང ། ཁོ་བོའི་རིགས་རྒྱུད་ཡུན་རིང་དུ་གནས་པར་འགྱུར་བ་དང ། བདག་ཅག་ཤི་ཞིང་དུས་ལ་བབ་པ་དག་ལ་ཉུང་ངུའམ་མང་པོ་ཡང་རུང་བའི་སྦྱིན་པ་དག་བྱིན་ཞིང་བསོད་ནམས་དག་བྱས་ནས། འདི་དེ་གཉིས་གང་དུ་སྐྱེས་པ་དེར་འགྲོ་ཞིང་རྗེས་སུ་འགྲོ་བར་གྱུར་ཅིག་ཅེས་མིང་གིས་ཡོན་བཤད་པ་བྱེད་པར་གྱུར་ཅིག་ཅེས་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས་འདི་ལྟ་སྟེ། མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར་སྟེང་གི་ཁང་བཟང་གི་གཞིར་གཏོགས་པ་ན་གྲང་བ་ན་གྲང་བའི་ཡོ་བྱད་དག་དང ། དྲོ་བ་ན་དྲོ་བའི་ཡོ་བྱད་དག་དང ། སྨན་པས་བཅས་པའི་
Ca54b
ཟས་ཧ་ཅང་མི་ཁ་བ་དང ། ཧ་ཅང་མི་སྐྱུར་བ་དང ། ཧ་ཅང་ལན་ཚཝ་མི་ཆེ་བ་དང ། ཧ་ཅང་མི་མངར་བ་དང ། ཧ་ཅང་མི་ཚ་བ་དང ། ཧ་ཅང་མི་བསྐ་བ་དང ། ཁ་བ་དང ། སྐྱུར་བ་དང ། ལན་ཚཝ་དང ། མངར་བ་དང ། ཚ་བ་དང ། བསྐ་བ་རྣམ་པར་སྤངས་པའི་ཟས་དག་དང ། དོ་ཤལ་དང ། སེ་མོ་དོ་དང ། རྒྱན་གྱིས་ཀླུབས་པའི་ལུས་ལྷའི་བུ་མོ་དགའ་བའི་ཚལ་ན་རྣམ་པར་སྤྱོད་པ་ལྟ་བུ་དང ། ཁྲི་ནས་ཁྲིར་དང ། ཁྲིའུ་ནས་ཁྲིའུར་རྒྱུ་ཞིང ། ཤོད་ཀྱི་ས་གཞིར་མི་འབབ་པ་དང ། དེས་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་གནོད་པ་མེད་པ་ཉིད་དུ་རིམ་གྲོ་བྱེད་དུ་འཇུད་དོ། །དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས། ཁྱེའུ་གཟུགས་བཟང་བ་བལྟ་ན་སྡུག་པ་མཛེས་པ་གསལ་བ། གསེར་གྱི་མདོག་འདྲ་བ། མགོ་བོ་གདུགས་ལྟ་བུ་དང་ལྡན་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ་ཞིག་བྱུང་ངོ་།། དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །ཡུལ་དབུས་ན་གང་གཟུགས་བཟང་བ་བལྟ་ན་སྡུག་པ་མཛེས་པ་དེ་ལ་མཛེས་པ་ཞེས་བྱའོ་ཞེས་ཀུན་ཏུ་སྤྱོད་པས་དེ་དག་འདི་སྙམ་དུ་སེམས་ཏེ། གང་གི་ཕྱིར་ཁྱེའུ་འདི་གཟུགས་བཟང་བ་བལྟ་ན་སྡུག་པ་མཛེས་པ་ཡིན་ལ། དེ་དེད་དཔོན་དགའ་བོའི་བུ་ཡིན་པ་དེའི་ཕྱིར་ཁྱེའུ་ཡི་མིང་མཛེས་དགའ་ཞེས་བྱའོ་ཞེས་དེའི་མིང་མཛེས་དགའ་ཞེས་བྱ་བར་བཏགས་སོ། །ཁྱེའུ་མཛེས་དགའ་མ་མ་བརྒྱད་པོ། པང་ན་འཚོ་བའི་མ་མ་
Ca55a
༄#། །གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དེ་དག་གིས་འོ་མ་དང་ཞོ་དང་མར་དང་ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད་སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེ་པར་བྱེད་དོ། དེ་གང་གི་ཚེ་ཆེན་པོར་གྱུར་པ་དེའི་ཚེ། ཡི་གེ་དང་གྲངས་དང ། རྩིས་དང་ལག་རྩིས་དང་དབྱུང་བ་དང ། གཞུག་པ་དང་གཞག་པ་ལ་ཉེ་བར་ཞུགས་ནས། དེ་ཡི་གེའི་མཐར་ཕྱིན་ཅིང་འབྱེད་པ་དང ། ཀློག་པ་དང་མཁས་པ་དང་སྤྱོད་པ་གསལ་བ་དང ། བརྟག་པ་བརྒྱད་པོ་འདི་ལྟ་སྟེ། རིན་པོ་ཆེ་བརྟག་པ་དང ། གཞི་བརྟག་པ་དང ། གོས་བརྟག་པ་དང ། ཤིང་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་ལ་མཁས་པར་གྱུར་ཏོ། །ཕས་དེའི་ཆུང་མའི་འཁོར་གསུམ་པོ་རབ་དང ། འབྲིང་དང ། ཐ་མ་དག་རྣམ་པར་བཞག་གོ་།འདུག་པའི་གནས་གསུམ་པོ་དགུན་གྱི་དང ། དཔྱིད་ཀྱི་དང ། དབྱར་གྱི་དག་བྱེད་དུ་བཅུག་གོ་།སྐྱེད་མོས་ཚལ་གསུམ་པོ་དགུན་གྱི་དང ། དཔྱིད་ཀྱི་དང ། དབྱར་གྱི་དག་བྱེད་དུ་བཅུག་གོ་།དེ་སྟེང་གི་ཁང་བཟང་གི་གཞིར་གཏོགས་པ་ན་སྐྱེས་པ་མེད་པར་སིལ་སྙན་གྱི་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །དེད་དཔོན་དགའ་བོ་རྟག་ཏུ་རྩིས་ལ་ཆགས་ཤིང་འདུ་བ་དང་འགོད་པ་དག་ཀྱང་སྦྱོང་བར་
Ca55b
བྱེད་ནས། མཛེས་དགས་སྨྲས་པ། ཡབ་ཁྱོད་ཅིའི་སླད་དུ་རྟག་ཏུ་རྩིས་ལ་ཆགས་ཤིང་བཞུགས། དེས་སྨྲས་པ། བུ་ཅི་སྟེང་གི་ཁང་བཟང་གི་གཞིར་གཏོགས་པ་ན། རྩེ་བ་ཉིད་ཀྱིས་ནོར་བསྒྲུབ་པར་བྱར་ནུས་སམ། ངས་ཁྱིམ་གྱི་བྱ་བ་ལོས་ཀྱང་བསམ་དགོས་སོ། །མཛེས་དགས་དོན་གྱིས་འདིས་བདག་ལ་བསྐུལ་ཏོ་སྙམ་དུ་རིག་ནས། དེས་དེའི་རྐང་པ་གཉིས་ལ་གཏུགས་ཏེ་སྨྲས་པ། ཡབ་གལ་ཏེ་དེ་ལྟར་རྗེས་སུ་གནང་ན་ཡུལ་གཞན་དུ་མཆིས་ལ་ནོར་བསྒྲུབ་པར་བགྱིའོ། །དེས་སྨྲས་པ། བུ་ནོར་གྱི་རྣམ་པ་མང་པོ་ཡོད་ན་ཅིའི་ཕྱིར་ཡུལ་གཞན་དུ་འགྲོ། འདུག་ཅིག། དེས་སྨྲས་པ། ཡབ་ངན་བུ་གོར་མ་བཀུམ་པར་མཆིའོ། །དེད་དཔོན་དགའ་བོས་འདི་འདོད་པ་ལ་བབ་པར་བྱའོ་སྙམ་དུ་བསམས་ནས་དེས་ལྡེ་མིག་དང་ལྡེ་མིག་ཀྱོག་པོ་ལ་སོགས་པ་བླངས་ཏེ། དབྱིག་དང་གསེར་བྱས་པ་དང་མ་བྱས་པ་དེའི་མཛོད་གང་བ་བདུན་ཕྱེ་སྟེ་བསྟན་ནས་སྨྲས་པ། བུ་མཛེས་དགའ་ནོར་གྱི་རྣམ་པ་འདི་སྙེད་ཡོད་ཀྱིས་ཁྱོད་འདི་ཉིད་དུ་འདུག་ལ་འདོད་པ་ལ་ཡང་ལོངས་སྤྱོད་ཅིག་།སྦྱིན་པ་དག་ཀྱང་བྱིན་ཅིག། བསོད་ནམས་དག་ཀྱང་གྱིས་ཤིག། ཡུལ་གཞན་དུ་འགྲོ་མི་དགོས་སོ། །དེས་སྨྲས་པ། ཡབ་ཁྱོད་ངན་བུ་ལ་སྟོན་པར་མཛད་ན། ངན་བུས་བུ་རྣམས་ལ་ཅི་ཞིག་བསྟན་པར་བགྱི། དེད་དཔོན་དགའ་བོས་དེ་ཟེར་བ་བཟང་སྟེ། བདག་འདས་ནས་འདིས་ཁྱིམ་གྱི་བྱ་བ་སྦྱོང་བར་འགྱུར་བས། དེའི་ཕྱིར་ཇི་སྲིད་བདག་གསོན་པ་དེ་སྲིད་དུ་ཟོང་མནོས་ཤིང་ཡུལ་གཞན་དུ་འགྲོ་ལ་རག་སྟེ། ཡུལ་གཞན་དུ་འདི་ལ་ཕའི་གྲོགས་དག་ཀྱང་མངོན་དུ་གྱུར་པས་དེ་ལྟ་ན་བདག་འདས་ནས་འདིའི་འགོ་བའི་ཕྱོགས་མུན་པ་མེད་པར་འགྱུར་རོ་སྙམ་དུ་
Ca56a
༄#། །ཤེས་ཤིང་རིག་ནས་ཆུང་མ་ལ་སྨྲས་པ། བཟང་མོ་ཁོ་བོ་འདས་ནས་མཛེས་དགས་ཁྱིམ་གྱི་བྱ་བ་སྦྱོང་བར་འགྱུར་བས་དེའི་ཕྱིར་ཇི་སྲིད་ཁོ་བོ་གསོན་པ་དེ་སྲིད་དུ་ཟོང་མནོས་ཤིང་ཡུལ་གཞན་དུ་འགྲོ་ལ་རག་སྟེ་ཡུལ་གཞན་དུ་འདི་ལ་ཕའི་གྲོགས་དག་ཀྱང་མངོན་དུ་གྱུར་པས། དེ་ལྟར་ན་ཁོ་བོ་འདས་ནས་འདིའི་འགྲོ་བའི་ཕྱོགས་མུན་པ་མེད་པར་འགྱུར་རོ། །དེས་སྨྲས་པ། རྗེའི་སྲས། མ་ནོངས་ཏེ་དེ་བཞིན་མཆི་ལ་རག་གོ་།དེ་ནས་དེད་དཔོན་དགའ་བོས། མཛེས་དགའ་བོས་ཏེ་སྨྲས་པ། བུ་ཁྱོད་ཀྱིས་ཟོང་མནོས་ཏེ་ཡུལ་གཞན་དུ་འགྲོའོ་སྙམ་དུ་སེམས་བསྐྱེད་པ་མ་ཉེས་ཏེ། ཁོ་བོ་འདས་ནས་ཁྱོད་ཀྱིས་ཁྱིམ་གྱི་བྱ་བ་སྦྱོང་བར་འགྱུར་བས་དེའི་ཕྱིར་ཇི་སྲིད་ཁོ་བོ་གསོན་པ་དེ་སྲིད་དུ་ཟོང་མནོས་ཤིང་ཡུལ་གཞན་དུ་འགྲོ་ལ་རག་སྟེ། ཡུལ་གཞན་དུ་ཁྱོད་ལ་ཕའི་གྲོགས་དག་ཀྱང་མངོན་དུ་གྱུར་པས་དེ་ལྟ་ན་ཁོ་བོ་འདས་ནས་ཁྱོད་ཀྱིས་འགྲོ་བའི་ཕྱོགས་མུན་པ་མེད་པར་འགྱུར་རོ། །མཛེས་དགས་སྨྲས་པ། ཡབ་བཀའ་བཞིན་འཚལ་མཆིའོ། །དེ་ནས་དེད་དཔོན་དགའ་བོས་འཕགས་རྒྱལ་དུ་དྲིལ་བསྒྲག་པ་བྱེད་དུ་བཅུག་སྟེ་འཕགས་རྒྱལ་ན་གནས་པ་དང ། ཕྱོགས་གཞན་ཐ་དད་པ་ནས་ལྷགས་པའི་ཚོང་པ་རྣམས་ལ་ཤེས་ལྡན་དག་ཉོན་ཅིག་།དེད་དཔོན་མཛེས་དགས་ཟོང་མནོས་ཤིང་ཡུལ་གཞན་དུ་འགྲོའི། ཁྱེད་ཅག་ལས་དེད་དཔོན་མཛེས་དགའ་དང་ལྷན་ཅིག་ཏུ་ཤོ་གམ་མེད་པ་དང ། ལ་གཅན་མེད་པ་དང ། གྲུ་བཙས་མེད་པར་ཡུལ་གཞན་དུ་འགྲོ་བར་སྤྲོ་བ་གང་ཡིན་པ་དེས་ཡུལ་གཞན་དུ་འགྲོ་བ་དང་མཐུན་པའི་ཟོང་བསྡོགས་ཤིག་།ཚོང་པ་ལྔ་བརྒྱས་ཡུལ་གཞན་དུ་འགྲོ་བ་དང་མཐུན་པའི་ཟོང་བསྡོགས་སོ། །དེད་དཔོན་དགའ་བོས་ཚོང་
Ca56b
པ་དེ་དག་མགྲོན་དུ་བོས་ཏེ་ཟན་བྱིན་ནས་སྨྲས་པ། ཤེས་ལྡན་དག་ཇི་ལྟར་མཛེས་དགའ་འདི་ཁོ་བོའི་བུ་ཡིན་པ་དེ་ཁོ་ན་བཞིན་དུ་ཁྱེད་ཅག་གི་ཡང་ཡིན་གྱིས། ཚོང་པ་ཡུལ་གཞན་དུ་དོང་བ་རྣམས་ཀྱི་བར་ཆད་ནི་གསུམ་ཡོད་དེ། རྒྱན་པོ་དང ། འཇུད་མཐུན་མ་དང ། ཆང་གི་གནས་སོ། །ཁྱེད་ཅག་གི་འདི་གནོད་པ་ལས་ངེས་པར་བཟློག་པར་བྱ་ཞིང་ཕན་པ་ལ་ཡང་དག་པར་སྦྱར་བར་བྱའོ། གལ་ཏེ་གནོད་པ་ལས་ངེས་པར་བཟློག་ཅིང་ཕན་པ་ལ་ཡང་དག་པར་སྦྱོར་བར་བྱེད་པ་ན་རབ་ཏུ་གནས་པར་གྱུར་ན་དེ་ལྟ་ན་ལེགས། གལ་ཏེ་རབ་ཏུ་མི་གནས་པར་གྱུར་ན་ཁྱེད་ཀྱིས་ཟོང་རྣམ་པར་སྤངས་ཤིང་རིན་མནོས་ཏེ་འགྲོ་བར་བྱའོ། །མཛེས་དགའ་ལ་ཡང་སྨྲས་པ། བུ་མཛེས་དགའ་ཇི་ལྟར་ཁྱོད་ཁོ་བོའི་བུ་ཡིན་པ་དེ་ཁོ་ན་བཞིན་དུ་ཚོང་པ་འདི་དག་གི་ཡང་ཡིན་གྱིས། ཁྱོད་ཀྱིས་འདི་དག་གི་ཚིག་དད་པས་མཉན་ཅིང་བྱ་བར་སོམས་ཤིག་།དེད་དཔོན་མཛེས་དགས་ཡབ་བཀའ་བཞིན་འཚལ་ཞེས་དེད་དཔོན་དགའ་བོ་ལས་མཉན་ནས། དགེ་མཚན་དང་བཀྲ་ཤིས་དང་བདེ་ལེགས་སུ་འགྱུར་བ་བྱས་ཏེ། ཤིང་རྟ་དག་དང ། ཁུར་དག་དང ། སྦྱང་དག་དང ། གླེང་བ་དག་དང ། རྔ་མོ་དག་དང ། བ་ལང་དག་དང ། བོང་བུ་དག་གིས་ཟོང་མང་པོ་བླངས་ཏེ། ཚོང་པ་ལྔ་བརྒྱ་དང་ལྷན་ཅིག་ཡུལ་གཞན་དུ་འཕགས་སོ། །དེ་མཐར་གྱིས་གྲོང་དང་གྲོང་རྡལ་དང་ཡུལ་འཁོར་དང ། རྒྱལ་པོའི་ཕོ་བྲང་གི་གནས་དག་ཏུ་ཁད་ཀྱིས་རྒྱུ་བ་ན་མཉན་ཡོད་དུ་ཕྱིན་ནས། མཉན་ཡོད་དུ་མཛོད་ཅིག་ཏུ་ཟོང་བཙུད་དེ་འདུག་གོ་།དེའི་ཚེ་ན་མཉན་ཡོད་ན་གཟུགས་འཚོ་མ་བཟང་མོ་ཞེས་བྱ་བ་གཟུགས་བཟང་བ་བལྟ་ན་
Ca57a
༄#། །སྡུག་པ་མཛེས་པ་སྐྱེས་བུ་དགའ་བ་ཞིག་འདུག་སྟེ། དེ་ཀར་ཤ་པ་ཎ་ལྔ་བརྒྱས་སྐྱེས་པ་དང་ལྷན་ཅིག་དགའ་མགུར་སྤྱོད་པར་བྱེད་དོ། །དེས་འཕགས་རྒྱལ་ན་དེད་དཔོན་དགའ་བོ་ཞེས་བྱ་བ་འདུག་པ་དེའི་བུ་མཛེས་དགའ་ཞེས་བྱ་བ་གཟུགས་བཟང་བ་བལྟ་ན་སྡུག་པ་མཛེས་པ་དེ་ཚོང་པ་ལྔ་བརྒྱ་དང་ལྷན་ཅིག་ཏུ་འདིར་ཕྱིན་ནས་མཛོད་ཆེ་གེ་མོ་ཞིག་ཏུ་ཟོང་མཁོས་སུ་ཕབ་སྟེ། འདུག་གོ་ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། གལ་ཏེ་བདག་གིས་དེའི་ཟོང་ཐམས་ཅད་མ་འཕྲོགས་ན་བཟང་མོ་ཞེས་བྱ་བའི་མིང་མི་བཟུང་ངོ་སྙམ་མོ། །དེས་བུ་མོ་མངག་གཞུག་མ་ལ་སྨྲས་པ།་བུ་མོ་དེད་དཔོན་མཛེས་དགའ་ཞེས་བྱ་བ་འབྱོར་བ་རྒྱ་ཆེན་པོ་དང་ལྡན་པས་ཟོང་ཁྱེར་ཏེ་འོངས་ནས་མཛོད་ཆེ་གེ་མོ་ཞིག་ཏུ་བཙུད་ཀྱིས། དྲི་དང་ཕྲེང་བ་རྒྱུ་ཐོགས་ཏེ་དེའི་དྲུང་དུ་སོང་ལ་འདི་སྐད་ཅེས་ཇོ་མོ་བཟང་མོ་ཁྱོད་ཀྱི་ཞབས་ལ་ཕྱག་འཚལ་ཞིང ། རྗེའི་སྲས་ཀྱིས་ཅིའི་སླད་དུ་རང་གི་ཕོ་བྲང་སྤངས་ཏེ་མི་ཕལ་བ་བཞིན་དུ་མཛོད་ན་བཞུགས། འདི་ནི་ཁྱོད་ཉིད་ཀྱི་ཕོ་བྲང་ལགས་ཀྱིས་ཚུར་སྤྱོན་ཅིག་ཅེས་ཀྱང་མཆིའོ་ཞེས་གྱིས་ཤིག་།ཇོ་མོ་བཀའ་བཞིན་དུ་འཚལ་ཞེས་བུ་མོ་མངག་གཞུག་མ་དེས་གཟུགས་འཚོ་མ་བཟང་མོ་ལས་མཉན་ཏེ། དྲི་དང་ཕྲེང་བ་རྒྱུ་ཐོགས་ནས་དེད་དཔོན་མཛེས་དགའ་ག་ལ་བ་དེར་སོང་སྟེ་ཕྱིན་ནས། དེད་དཔོན་མཛེས་དགའ་ལ་འདི་སྐད་ཅེས་སྨྲས་སོ། །ཇོ་མོ་བཟང་མོ་ཁྱོད་ཀྱི་ཞབས་ལ་ཕྱག་འཚལ་ཞིང་དྲི་དང་ཕྲེང་བ་རྒྱུ་འདི་ཡང་བསྐུར། རྗེའི་སྲས་
Ca57b
ཀྱིས་ཅིའི་སླད་དུ་རང་གི་ཕོ་བྲང་སྤངས་ཏེ་མི་ཕལ་བ་བཞིན་དུ་མཛོད་ན་བཞུགས། འདི་ནི་ཁྱོད་ཉིད་ཀྱི་ཕོ་བྲང་ལགས་ཀྱིས་ཚུར་སྤྱོན་ཅིག་ཅེས་ཀྱང་མཆིའོ། །མཛེས་དགས་སྨྲས་པ། བུ་མོ་སོང་ཞིག་དང ། ཁོ་བོ་དྲི་དང་ཕྲེང་བ་རྒྱུ་འདི་བཏགས་ཏེ་འོང་ངོ ། །དེ་ནས་བུ་མོ་མངག་གཞུག་མ་དེ་གཟུགས་འཚོ་མ་བཟང་མོ་ག་ལ་བ་དེར་སོང་སྟེ་ཕྱིན་ནས། དེས་དེད་དཔོན་མཛེས་དགའ་དང་ལྷན་ཅིག་སྐབས་ཀྱི་གཏམ་ཇི་སྙེད་བྱས་པར་གྱུར་པ་དེ་དག་ཐམས་ཅད་གཟུགས་འཚོ་མ་བཟང་མོ་ལ་བསྙད་དོ། །དེ་ནས་གཟུགས་འཚོ་མ་བཟང་མོས་བུ་མོ་མངག་གཞུག་མ་ལས་ཐོས་ནས་དགའ་བ་དང་ཡིད་བདེ་བ་སྐྱེས་ཏེ། ཁྱིམ་བྱུག་པས་བསྐུས་ཤིང ། བྱི་དོར་བྱེད་དུ་བཅུག་ནས་མེ་ཏོག་སྣ་ཚོགས་བཀྲམ་ཞིང་འདུག་སྤོས་ཞིམ་པོས་བདུགས་ཏེ། བླ་རེས་བྲེས་པ་དང་བཅས་པའི་མལ་བཤམས་ནས་གཙོ་ཆེར་དེད་དཔོན་མཛེས་དགའ་ལ་སྡོད་ཅིང་འདུག་གོ་།དེད་དཔོན་མཛེས་དགའ་ཡང་དྲི་དང་ཕྲེང་བ་རྒྱུ་དང་རྒྱན་གྱིས་ཀླུབས་ཏེ་བཞོན་པ་ལ་ཞོན་ནས། ཁྱེའུ་མངག་གཞུག་པས་ཡོངས་སུ་བསྐོར་ཅིང་ལང་ཚོའི་གཟུགས་མཆོག་ཏུ་སྡུག་པས་རྣམ་པར་མཛེས་ཤིང་གཟུགས་འཚོ་མ་བཟང་མོའི་གནས་ག་ལ་བ་དེར་སོང་ངོ ། །གཟུགས་འཚོ་མ་བཟང་མོ་དེད་དཔོན་མཛེས་དགའ་ལང་ཚོའི་གཟུགས་མཆོག་ཏུ་སྡུག་པས། རྣམ་པར་མཛེས་པ་མཐོང་ངོ ། །མཐོང་ནས་ཀྱང་བྲན་མོ་མངག་གཞུག་མ་ལ་དྲིས་པ། བུ་མོ་འདི་དེད་དཔོན་མཛེས་དགའ་ཡིན་ནམ། དེས་སྨྲས་པ། ཇོ་མོ་དེད་དཔོན་མཛེས་དགའ་ནི་འདི་ཁོ་ན་ལགས་སོ། །
Ca58a
༄#། །དེ་ནས་གཟུགས་འཚོ་མ་བཟང་མོ་དགའ་བ་དང་ཡིད་བདེ་བ་སྐྱེས་ནས། ཚིགས་སུ་བཅད་པ་སྨྲས་པ། རིགས་སྐྱེས་རིགས་མིན་སྐྱེས་པའམ། ནོར་ཉམས་ནོར་ཀྱིས་འབྱོར་པའང་རུང ། ། གཟུགས་ཀྱིས་ཕྱུག་པ་མཐོང་བས་ནི། །བུད་མེད་རྣམས་ཀྱི་ཡིད་འཕྲོག་བྱེད། །དེ་བཞོན་པའི་ས་ཇི་སྲིད་པ་དེ་སྲིད་དུ་བཞོན་པས་སོང་ནས་བཞོན་པ་ལས་བབས་ཏེ་རྐང་པ་དག་ཁོ་ནས་གཟུགས་འཚོ་མ་བཟང་མོའི་ཁྱིམ་དུ་འཇུག་པར་བརྩམས་པ་དང ། དེས་མྱུར་བ་མྱུར་བར་ཁང་ཐོག་ནས་བབས་ཏེ་དེ་བསུ་ནས་ཡན་ལག་ཐམས་ཅད་ཀྱིས་འཁྱུད་དེ། ཁྱིམ་གྱི་ནང་དུ་ཁྲིད་ནས་བུད་མེད་ཀྱི་ཁྲི་ལ་བཞག་སྟེ་སྨྲས་པ། རྗེའི་སྲས་ཀྱི་མཚན་ཅི། དེས་སྨྲས་པ། མཛེས་དགའོ། །དེས་སྨྲས་པ། ཨེ་མའོ་ཁྱོད་ཀྱི་མཚན་ནི་གཟུགས་དང་འདྲ་ལ་གཟུགས་ཀྱང་མཚན་དང་འདྲ་སྟེ། གལ་ཏེ་ཡབ་ཡུམ་དག་གིས་ཁྱོད་ཀྱི་མཚན་མཛེས་དགའ་ཞེས་བགྱི་བར་མ་གསོལ་བར་གྱུར་ན། དེང་བདག་གིས་ཁྱོད་ཀྱི་མཚན་མཛེས་དགའ་ཞེས་བགྱི་པར་གསོལ་པར་འགྱུར་རོ། །དེས་སྨྲས་པ། ཁྱོད་ཀྱི་མཚན་ཅི། དེས་སྨྲས་པ། བཟང་མོའོ། །དེས་སྨྲས་པ། ཨེ་མའོ་ཁྱོད་ཀྱི་མཚན་ནི་གཟུགས་དང་འདྲ་ལ་གཟུགས་ཀྱང་མཚན་དང་འདྲ་སྟེ། གལ་ཏེ་ཡབ་ཡུམ་དག་གིས་ཁྱོད་ཀྱི་མཚན་བཟང་མོ་ཞེས་བགྱི་བར་མ་གསོལ་བར་གྱུར་ན། དེང་བདག་གིས་ཁྱོད་ཀྱི་མཚན་བཟང་མོ་ཞེས་བགྱི་བར་གསོལ་བར་འགྱུར་རོ། །མཛེས་དགས་སྨྲས་པ། བཟང་མོ་དགུང་གཅིག་གི་གླ་ཇི་ཙམ། དེས་སྨྲས་པ། རྗེའི་སྲས་ཀྱིས་མི་ཕལ་བ་བཞིན་དུ་མི་
Ca58b
གཤའ་བ་ཞིག་བཀའ་སྩལ་ཏོ། །དེའི་བུ་མོ་མངག་གཞུག་མས་སྨྲས་པ། དགུང་རེ་ཞིང་ཀར་ཤ་པ་ཎ་ལྔ་བརྒྱ་ལྔ་བརྒྱའོ། །དེས་མི་ལ་ཁྱོད་ཀྱིས་ཉིན་རེ་ཞིང་ཀར་ཤ་པ་ཎ་ལྔ་བརྒྱ་ལྔ་བརྒྱ་བསྐུར་བར་བྱའོ་ཞེས་བསྒོ་ནས། དེ་དེ་དང་ལྷན་ཅིག་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །འདོད་པ་དག་ནི་བསྟེན་པ་ན་ལོག་པའམ་ངོམས་པའམ། མཐར་ཐུག་པ་མེད་པས། དེ་ཉི་མ་མང་པོ་འདས་ཀྱང་ངོམས་པར་མ་གྱུར་ཅིང ། མིས་ཀྱང་ཉིན་རེ་ཞིང་ཀར་ཤ་པ་ཎ་ལྔ་བརྒྱ་ལྔ་བརྒྱ་འབུལ་བ་ཁོ་ནར་བྱེད་དོ། །ཚོང་པ་དག་གིས་སྨྲས་པ། ཤེས་ལྡན་དག་དེད་དཔོན་མཛེས་དགའ་མི་སྣང་ན། དེ་བདག་ཅག་ལ་གྲོགས་པོས་གཏད་པས་ཀུན་ཏུ་བཙལ་བར་བྱའོ། །ཚོང་པ་དག་གིས་དེའི་གཡོག་དག་ལ་དྲིས་པ། དེད་དཔོན་གར་བཞུད། དེ་དག་གིས་སྨྲས་པ། དེད་དཔོན་ཉི་མ་གང་ཁོ་ན་ལ་མཉན་ཡོད་དུ་ཕྱིན་པའི་ཉི་མ་དེ་ཉིད་ལ་འཇུད་མཐུན་མའི་ཁྱིམ་དུ་ཞུགས་ཏེ་འདུག་ན་ཁྱེད་ཅག་གིས་དེང་གཟོད་དྲན་ནམ། ཚོང་པ་དག་གིས་སྨྲས་པ། ཤེས་ལྡན་དག་ཡུ་བུ་ཅག་གིས་དེད་དཔོན་མཛེས་དགའ་ཡལ་བར་བོར་བ་ནི་མ་ལེགས་པར་བྱས་ཏེ། འདིའི་ཕས་ཡུ་བུ་ཅག་ལ་ཀླན་ཀར་འགྱུར་རོ། །ཚོང་པ་དག་གིས་མཛེས་དགའ་ལ་དོན་མཐུན་རྣམས་ཀྱི་མཆིད་ནས་ཚུར་སྤྱོན་ཅིག་ཅེས་མཆིའོ་ཞེས་བང་ཆེན་བཏང་ངོ ། །བང་ཆེན་དེས་མཛེས་དགའ་ལ་བསྒོ་ནས། མཛེས་དགས་འབྱུང་བར་བརྩམས་པ་དང ། བཟང་མོས་གོས་ཀྱི་མཐའ་ནས་བཟུང་སྟེ་སྨྲས་པ། རྗེའི་སྲས་འདོད་པ་དག་ནི་རྒྱུ་གཉིས་ཀྱིས་བསྟེན་པར་བགྱི་སྟེ། གཟུགས་
Ca59a
༄#། །བཟང་བ་ཉིད་དང ། ལང་ཚོ་ཉིད་ཀྱིས་སོ། །ཁྱོད་ནི་གཟུགས་བཟང་བ་དང ། ལང་ཚོ་ལ་བབ་པ་ལེགས་ན། གཞོན་པའི་གནས་སྐབས་སུ་རེ་ཞིག་རྩེ་བ་དང་དགའ་བ་དང་དགའ་མགུར་སྤྱོད་པ་མཛོད་ལ་བགྲེས་པའི་གནས་སྐབས་སུ་ནོར་བསྒྲུབ་པ་མཛོད་ཅིག་།མཛེས་དགས་བང་ཆེན་དེ་ལ་སྨྲས་པ། ཀྱེ་ཁྱོ་ག་སོང་ཞིག་དང ། འོང་ངོ ། །བང་ཆེན་དེ་སོང་སྟེ་ཚོང་པ་རྣམས་ལ་སྨྲས་པ། དེད་དཔོན་གྱི་ཞལ་ནས་སོང་ཞིག་དང་འོང་ངོ་ཞེས་གསུང་ངོ ། །ཚོང་པ་དེ་དག་འདུས་ཏེ་སྡོད་པ་ན་མཛེས་དགའ་ཐོགས་ནས། ཚོང་པ་དེ་དག་ཐམས་ཅད་འདུས་ཏེ་འཇུད་མཐུན་མའི་ཁྱིམ་དུ་དོང་ནས་ཚོང་པ་དེ་དག་གིས་སྒོར་བསྡད་དེ། མི་ལ་སྨྲས་པ། ཀྱེ་ཁྱོ་ག་སོང་ལ་དེད་དཔོན་ལ་ཚོང་པའི་ཚོགས་རྣམས་སྒོ་ན་སྡོད་ཅིང་དེད་དཔོན་ལྟ་བར་འཚལ་ལོ་ཞེས་གྱིས་ཤིག་།མི་དེས་སོང་སྟེ་མཛེས་དགའ་ལ་བརྗོད་ནས། མཛེས་དགས་འབྱུང་བར་བརྩམས་པ་དང ། ཡང་གཟུགས་འཚོ་མ་བཟང་མོས་གོས་ཀྱི་མཐའ་ནས་བཟུང་སྟེ་སྨྲས་པ། རྗེའི་སྲས་ཚོང་བ་དེ་དག་ཀྱང་བདག་དང་ལྷན་ཅིག་དགའ་མགུར་སྤྱོད་འཚལ་ཏེ། དེ་དག་དང་ལྷན་ཅིག་དགའ་མགུར་སྤྱད་དུ་ག་ལ་རུང་བཞུགས་ཤིག་།འདོད་པ་དག་ནི་བསྟེན་པ་ན་ཀུན་ཏུ་སྦྱོར་བ་དག་འཕེལ་བར་བྱེད་པ་ཡིན་པས། མཛེས་དགས་སྨྲས་པ། གང་གི་ཚེ་ཁོ་བོ་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་འབྱུང་བར་འགྱུར་རོ། །མི་དེས་སོང་སྟེ་ཚོང་པའི་ཚོགས་རྣམས་ལ་སྨྲས་པ། དེད་དཔོན་གྱི་ཞལ་ནས་གང་གི་ཚེ་ཁོ་བོ་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་འབྱུང་ངོ་
Ca59b
ཞེས་གསུང་ངོ ། །ཚོང་པ་དག་གིས་སྨྲས་པ། ཀྱེ་མ་མཛེས་དགའ་འདི་བྱ་བ་མ་ཡིན་པ་ལ་ཞུགས་ཀྱིས་འདོང་ངོ་ཞེས་དེ་དག་གིས་ཟོང་རྣམ་པར་སྤངས་ནས་རིན་བླངས་ཏེ་འཕགས་སོ། །དེ་ནས་མི་གང་གིས་ཉི་མ་རེ་རེ་ཞིང་བཟང་མོ་ལ་ཀར་ཤ་པ་ཎ་ལྔ་བརྒྱ་ཕུལ་བར་གྱུར་པ་དེས་ཕྱིན་ཆད་འབུལ་བར་མི་བྱེད་དོ། །དེ་ནས་དུས་གཞན་ཞིག་ན་བཟང་མོས་མི་དེ་ལ་དྲིས་ཤིང་སྨྲས་པ། ཀྱེ་ཁྱོ་ག་ཅིའི་ཕྱིར་ཕྱིན་ཆད་ཀར་ཤ་པ་ཎ་དག་འབུལ་བར་མི་བྱེད། དེས་སྨྲས་པ། དོན་མཐུན་དག་དོང་བས་བདག་གིས་ག་ལས་དབུལ། ཅི་དོན་མཐུན་དག་གིས་མཛེས་དགའི་ཟོང་ཡང་ཁྱེར་རམ། ཁྱེར་རོ། །བཟང་མོས་མཛེས་དགའ་དང་ལྷན་ཅིག་ཉི་མ་གཉིས་སམ་གསུམ་དགའ་མགུར་སྤྱད་ནས་སྨྲས་པ། རྗེའི་སྲས་བདག་ལ་ཞིང་ཡང་མ་མཆིས། ལས་ཀྱི་མཐའ་བགྱིད་པ་དག་ཀྱང་མ་མཆིས། གྲོང་མི་ཟོང་མ་ནོས་ཏེ་ཡུལ་གཞན་དུ་མཆི་བ་དག་ཀྱང་མ་མཆིས་ཏེ། ཁྱོད་ལྟ་བུ་དག་གི་དྲུང་ནས་གང་ཐོབ་བ་དེས་བདག་འཚོ་བར་འགྱུར་བ་ཁོ་ནར་བས་ན། ཡང་ན་ནི་ཀར་ཤ་པ་ཎ་དག་སྩོལ་ཅིག་།ཡང་ན་ནི་སྐྱེས་པ་གཞན་གྱི་སྐབས་དབྱེ་བ་མཛོད་ཅིག་།མཛེས་དགས་སྨྲས་པ། བཟང་མོ་ཁྱོད་ལ་སྡུག་པ་འགའ་ཡང་མེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། ཚོགས་ཅན་རྣམས་ལ་སྡུག་པ་མེད། དེ་དག་རང་བཞིན་རིང་མི་གནས། བྱ་རྣམས་འབྲས་མེད་ལྗོན་པ་བཞིན། །དེ་དག་རྙིང་པ་རྣམ་པར་སྤོང ། །ཞེས་བགྱི་བ་མ་གསན་ཏམ། མཛེས་དགས་སྨྲས་པ། བཟང་མོ་ཁྱོད་ལ་ཇི་སྲིད་དུ་ནོར་སྦྱིན་པར་བྱེད་པ་དེ་སྲིད་དུ་ཁྱོད་སྐྱེས་པའི་དབང་དུ་འགྱུར་རམ། བཟང་མོ་སྨྲས་པ།
Ca60a
༄#། །རྗེའི་སྲས་ཁྱོད་ཀྱིས། ཇི་སྲིད་བརྒྱ་བྱིན་ཆར་འབེབས་པ། །དེ་སྲིད་རི་ཀླུང་ཆུ་འབེབས་ལྟར། །ཇི་སྲིད་ནོར་ནི་སྦྱིན་བྱེད་པ། །དེ་སྲིད་འཇུད་མཐུན་སྐྱེས་བུ་དབང ། །ཞེས་བགྱི་བ་མ་གསན་ཏམ། མཛེས་དགས་སྨྲས་པ། བཟང་མོ་ཁྱོད་སུ་ལ་ཡང་ཡིད་འབེབས་པར་མི་བྱེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། འཇུད་མཐུན་དགོངས་ཀར་རང་ལུས་བཞིན། ། གཅུགས་དང་གཏམ་གྱིས་དགའ་བར་བྱེད། །དེ་ནས་ནམ་ཕྱེད་དབུས་གནས་ཤིང ། །ནམ་ལངས་ཕན་ཆད་རྩཝ་བཞིན་སྤོང ། །ཞེས་བགྱི་བ་མ་གསན་ཏམ། མཛེས་དགས་སྨྲས་པ། བཟང་མོ་ཁྱོད་ནོར་དང་བཅས་པའི་མི་དག་ལ་སྤྱོད་པར་བྱེད་དམ། བཟང་མོས་སྨྲས་པ། རྗེའི་སྲས་ཁྱོད་ཀྱིས། ནོར་དང་བཅས་པའི་མི་དག་དང ། །ནོར་མ་སྤྱད་པ་རྣམས་ལ་ཡང ། །སར་པའི་རྩཝ་ལ་བ་ལང་བཞིན།། བདག་ཅག་རྣམས་ཀྱིས་སྤྱད་པར་བྱ། །ཞེས་བགྱི་བ་མ་གསན་ཏམ། མཛེས་དགས་འབྱུང་བར་བརྩམས་པ་དང ། བཟང་མོས་བསམས་པ། མཛེས་དགའ་འདི་ནི་གཟུགས་བཟང་བ་བལྟ་ན་སྡུག་པ་མཛེས་པ་ཡིན་པས་ཤིན་ཏུ་ཐག་རིང་བར་སོང་ཡང་སྐྱེས་བུ་འདི་ལྟ་བུ་འདི་ལྟ་བུ་དང་ལྷན་ཅིག་རྩེ་བར་བྱ། དགའ་བར་བྱ། དགའ་མགུར་སྤྱོད་པར་བྱ་བ་ཡིན་པས། དེའི་ཕྱིར་ཇི་སྲིད་དུ་གཞན་ཀར་ཤ་པ་ན་དག་ཐོགས་ཏེ། མ་འོང་བ་དེ་སྲིད་དུ་འདི་དང་ལྷན་ཅིག་རྩེ་བར་བྱ། དགའ་བར་བྱ། དགའ་མགུར་སྤྱད་པར་བྱའོ་སྙམ་དུ་ཤེས་ཤིང་རིག་ནས། བཟང་མོས་མཛེས་དགའི་གོས་ཀྱི་མཐའ་ནས་བཟུང་སྟེ། འཛིན་
Ca60b
ཅིང་སྨྲས་པ། རྗེའི་སྲས་ཁྱོད་ལ་ཁབ་ན་བཞད་གད་དག་མི་བགྱིད་དམ། དེ་ནི་བདག་གིས་བཞད་གད་བགྱིས་པ་ལགས་ཀྱིས་བཞེས་ཤིག་།མ་བཞུད་ཅིག་།མཛེས་དགའ་འདོད་ཆགས་ཤས་ཆེན་པོས་འདུག་པ་དང ། སྐྱེས་པ་གཞན་ཞིག་ཀར་ཤ་པ་ན་ལྔ་བརྒྱ་ཐོགས་ཏེ་དེར་ཞུགས་ནས། དེས་བཟང་མོ་དགའ་མགུར་སྤྱད་ཀྱིས་བཞུད་ཅེས་སྨྲས་པ་དང ། བཟང་མོ་མཛེས་དགའ་ཉིད་ཀྱི་མདུན་དུ་ཡོལ་བས་བཅད་དེ་དགའ་མགུར་སྤྱད་པར་བརྩམས་ནས། མཛེས་དགས་འདི་བདག་ཁོ་ནའི་མདུན་དུ་སྐྱེས་པ་འདི་དང་ལྷན་ཅིག་དགའ་མགུར་སྤྱོད་པར་བྱེད་དོ་སྙམ་དུ་ཤེས་ཤིང་རིག་ནས་སོང་ངོ ། །མཛེས་དགའ་ལམ་པོ་ཆེ་ལ་མི་མཁས་པས་གང་དུ་འགྲོ་བར་བྱ་བ་མི་ཤེས་ནས། ཇི་ཙམ་ན་དགེ་སློང་ཞིག་མཉན་ཡོད་དུ་བསོད་སྙོམས་ལ་བརྒྱུས་ནས་ཕྱིར་བྱུང་བ་དེ་མཛེས་དགས་མཐོང་ནས་དགེ་སློང་དེའི་ཕྱི་ཐོག་ཐག་རྗེས་སུ་སོང་ངོ ། །དེ་ནས་དགེ་སློང་དེ་གཙུག་ལག་ཁང་དུ་སོང་སྟེ། ལྷུང་བཟེད་དང་ཆུ་ཚགས་མཐའ་གཅིག་ཏུ་བཞག་ནས། སྣམ་སྦྱར་སྤྲུགས་ཏེ་རྐང་པ་གཉིས་བཀྲུས་ནས་ལག་པ་གཉིས་བསྙལ་ཏེ་ཆུ་བཙགས་ནས་ལོ་མ་ལྷགས་པ་དག་བླངས་ཏེ་འདུག་ནས་ཟས་ཀྱི་བྱ་བ་བྱ་བར་བརྩམས་པ་དང ། མཛེས་དགའ་དེའི་མདུན་ན་འགྲེང་ངོ ། །དགེ་སློང་དེས་མཛེས་དགའ་ལ་སྨྲས་པ། བཞིན་བཟང་ལྷུང་བཟེད་ཀྱི་ལྷག་མ་འདོད་དམ། མཛེས་དགས་གལ་ཏེ་མ་ཟོས་ན་བཀྲེས་པས་འཆི་བར་འགྱུར་བར་ཤེས་ཤིང་རིག་ནས་སྨྲས་པ། འཕགས་པ་འཚལ་ལོ། །དགེ་སློང་དེས་མཛེས་དགའ་ལ་ལྷུང་བཟེད་ཀྱི་ལྷག་མ་
Ca61a
༄#། །བྱིན་པ་དང ། མཛེས་དགས་ཟོས་སོ། །ཟོས་ནས་དྲིས་པ། བཞིན་བཟང་ཁྱོད་ག་ལ་འོངས། མཛེས་དགས་སྨྲས་པ། འཕགས་པ་བདག་ནི་ཡུལ་སྲུང་བྱེད་དག་ན་གྲོང་ཁྱེར་འཕགས་རྒྱལ་ཞེས་བགྱི་བ་དེ་ན་དེད་དཔོན་དགའ་བོ་ཞེས་བགྱི་བ་མཆིས་པ་དེའི་བུ་མཛེས་དགའ་ཞེས་བགྱི་བ་ལགས་ཏེ་བདག་ཟོང་མང་པོ་འཚལ་ཏེ་མཆིས་པ་ལས་འཇུད་མཐུན་མས་ཚུལ་མ་ལགས་པས་གནོད་པ་བསྒྲུབས་པར་གྱུར་ཏོ། །དགེ་སློང་དེས་སྨྲས་པ། བཞིན་བཟང་ཅིའི་ཕྱིར་རབ་ཏུ་མི་འབྱུང ། མཛེས་དགས་གལ་ཏེ་བདག་འཕགས་རྒྱལ་དུ་སོང་བར་གྱུར་ན། སུ་ཞིག་མཆིལ་མ་དག་ས་ལ་འདོར་བར་འགྱུར་ཏེ། བདག་ཁོ་ནའི་སྟེང་འབའ་ཞིག་ཏུའོ་སྙམ་དུ་ཤེས་ཤིང་རིག་ནས་སྨྲས་པ། འཕགས་པ་བདག་རབ་ཏུ་འབྱུང་ངོ ། །དགེ་སློང་དེས་མཛེས་དགའ་རབ་ཏུ་ཕྱུང་བསྙེན་པར་རྫོགས་པར་བྱས་ནས་དེའི་འོག་ཏུ་ཉི་མ་གཉིས་སམ་གསུམ་དུ་ཀུན་ཏུ་སྤྱད་པའི་ཆོས་དག་སློབ་ཏུ་བཅུག་ནས་སྨྲས་པ། བཞིན་བཟང་རི་དྭགས་ཀྱིས་རི་དྭགས་མི་སོས། མཉན་ཡོད་རྒྱ་ཆེ་ལ་རང་གི་སྤྱོད་ཡུལ་དང་ཡབ་ཀྱི་ཡུལ་ཡིན་གྱིས་བསོད་སྙོམས་བསྒྲུབས་ལ་འཚོ་བར་གྱིས་ཤིག་།མཛེས་དགའ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་སོ། །གཟུགས་འཚོ་མ་བཟང་མོ་ཡང་འགྱོད་པ་སྐྱེས་ཏེ་བདག་གིས་ཀར་ཤ་པ་ན་འདོད་པའི་རྒྱུས་དེད་དཔོན་མཛེས་དགའ་དེ་ཙམ་དུ་མཛེས་ཤིང་ལང་ཚོ་ལ་བབ་པ་དེ་བསྐྲད་པ་ནི་མ་
Ca61b
ལེགས་པ་བྱས་ཏེ། ཤིན་ཏུ་ཐག་རིང་བར་སོང་ཡང་སྐྱེས་བུ་དེ་ལྟ་བུ་ལྷན་ཅིག་དགའ་མགུར་སྤྱད་པར་བྱ་བ་ཡིན་པར་ཤེས་ཤིང་རིག་ནས། བུ་མོ་མངག་གཞུག་མ་ལ་བུ་མོ་གལ་ཏེ་དེད་དཔོན་མཛེས་དགའ་མཐོང་ན་ཡང་འཇུག་ཏུ་ཆུག་ཅིག་ཅེས་བསྒོའོ། །མཛེས་དགའ་སྤྱོད་ཡུལ་ལ་མི་མཁས་པས་བསོད་སྙོམས་སྒྲུབ་པ་ན་འཇུད་མཐུན་མའི་ཁྱིམ་དེ་ཉིད་དུ་ཕྱིན་པ་དང ། བུ་མོ་མངག་གཞུག་མ་དེས་མཐོང་ནས་ཡོངས་སུ་དགའ་བས་བཟང་མོ་ལ་ཇོ་མོ་མཛེས་དགའ་ཁབ་སྒོར་མཆིས་སོ་ཞེས་སྦྲན་ཏོ། །བཟང་མོས་སྨྲས་པ། འཇུག་ཏུ་ཆུག་ཅིག་།བུ་མོས་སྨྲས་པ། རབ་ཏུ་བྱུང་ངོ ། །བཟང་མོས་སྨྲས་པ། རབ་ཏུ་བྱུང་ཡང་འཇུག་ཏུ་ཆུག་ཅིག་།མངག་གཞུག་མ་དེས་མཛེས་དགའ་འཇུག་ཏུ་བཅུག་ནས་གཟུགས་འཚོ་མ་བཟང་མོས་མཐོང་བ་དང ། བཟང་མོས་བྲང་བརྡུངས་ཏེ་སྨྲས་པ། མཛེས་དགའ་ཁྱོད་ཀྱིས་ཅིའི་སླད་དུ་ངན་བུ་སྤངས་ཏེ་རབ་ཏུ་བྱུང ། མཛེས་དགས་སྨྲས་པ། སྐལ་ཆད་མ་ཁྱོད་ཁོ་བོ་ཁོ་ནའི་མདུན་དུ་སྐྱེས་པ་གཞན་དང་ལྷན་ཅིག་དགའ་མགུར་སྤྱོད་པར་བྱེད་ན་ཁོ་བོ་ཇི་ལྟར་རབ་ཏུ་མི་འབྱུང ། བཟང་མོས་སྨྲས་པ། རྗེའི་སྲས་བུད་མེད་ཀྱི་ཡུལ་ནི་རྟག་ཏུ་ནོངས་པ་མཆིས་པས་བདག་ནོངས་པ་མཆིས་པ་དེ་བཟོད་པར་མཛད་ཅིང ། ད་ནི་བདག་དང་རྫས་ཀྱང་ཁྱོད་ཀྱི་ལགས་ཀྱིས་ཚུར་སྤྱོན་བདག་དང་ལྷན་ཅིག་དགའ་མགུར་སྤྱད་དུ་གསོལ། མཛེས་དགས་སྨྲས་པ། དེའི་ཡང་ཁྱོད་ཀྱིས་ཁོ་བོ་རེ་ཞིག་ནོར་དང་དོན་མཐུན་དག་ལས་ཡོངས་སུ་ཉམས་པ་བྱས་ན། ཅི་ད་ཚུལ་ཁྲིམས་ལས་ཀྱང་ཡོངས་སུ་ཉམས་པར་བྱེད་
Ca62a
༄#། །འདོད་དམ། བཟང་མོས་སྨྲས་པ། འཕགས་པ་སླད་རོལ་དུ་དྲུད་ཅིང་ནང་དུ་ཕོ་ལ་ནང་དུ་དྲུད་ཅིང་སླད་རོལ་ཏུ་ཕོ་ཞིག་དང ། འདི་ལ་ཚུལ་ཁྲིམས་འཆལ་བ་ཅི་མཆིས། མཛེས་དགས་དགེ་སློང་གནས་བརྟན་ནོ་ཅོག་འདིར་བསོད་སྙོམས་ལ་འཇུག་པ་དེ་དག་ཀྱང་གོར་མ་ཆག་པར་འདི་ལྟར་བྱེད་པས་དེས་ན་འདི་སྐད་ཟེར་རོ་སྙམ་དུ་ཤེས་ཤིང་རིག་ནས། མཛེས་དགས་ལྷུང་བཟེད་དང་ཆོས་གོས་མཐའ་གཅིག་ཏུ་གཞག་སྟེ། ཕྱི་རོལ་དུ་དྲུད་ཅིང་ནང་དུ་ཕོ་ནང་དུ་དྲུད་ཅིང་ཕྱི་རོལ་དུ་ཕོ་ནས་ཡ་མཚན་དང་བྲལ་བར་གྱུར་ཏོ། །དེ་ནས་བཟང་མོས་བཅའ་བ་དང ། བཟའ་བ་གཙང་མ་བསོད་པས་ལྷུང་བཟེད་འགེངས་སུ་བཅུག་སྟེ་བྱིན་ནས། འཕགས་པ་གལ་ཏེ་ཡང་བཞེད་པར་གྱུར་ན་སྤྱོན་ཅིག་ཅེས་ཀྱང་སྨྲས་སོ། །མཛེས་དགས་བསོད་སྙོམས་བླངས་ཏེ་སོང་ངོ ། །ཇི་ཙམ་ན་བཅོམ་ལྡན་འདས་འདོད་ཆགས་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་ཏོ། །ཞེ་སྡང་འདོད་ཆགས་དང་བྲལ་བར་བྱ་བའི་ཕྱིར་དང ། གཏི་མུག་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་ཏོ། །བཅོམ་ལྡན་འདས་ཇི་ལྟ་ཇི་ལྟར་འདོད་ཆགས་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་པ་དང ། ཞེ་སྡང་འདོད་ཆགས་དང་བྲལ་བར་བྱ་བའི་ཕྱིར་དང ། གཏི་མུག་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་
Ca62b
གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་པ་དེ་ལྟ་དེ་ལྟར། ཚེ་དང་ལྡན་པ་མཛེས་དགའ་ཅུང་ཟད་འགྱོད་པར་གྱུར། རྣམ་པར་འགྱོད་པར་གྱུར། རབ་ཏུ་འགྱེད་པར་གྱུར་ཅིང་འདུག་ལ། འགྱོད་པ་དང་ལྡན། འགྱོད་པ་ཐོབ། ཅང་མི་སྨྲ་བར་གྱུར། ཡུལ་ཡུལ་པོར་གྱུར། ཕྲག་པ་གློད། གདོང་སྨད། སྤོབས་པ་མེད། སེམས་ཁོང་དུ་ཆུད་ཅིང་འདམ་བུ་སྔོན་པོ་བརྔས་པ་རྙིངས་པར་འགྱུར། སྐམ་པར་འགྱུར་བ་ལྟར་འདུག་གོ་།དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་མཛེས་དགའ་ཁྱོད་ལ་ལུས་ཀྱི་གནོད་པའམ། སེམས་ཀྱི་ཡོངས་སུ་གདུང་བ་འགའ་ཞིག་མེད་དམ། དེ་ངོ་ཚ་བས་སྨྲ་བར་མི་བྱེད་ཅིང་འགའ་ཡང་མེད་དོ་ཞེས་ཟེར་རོ། །སྨན་པ་ཞིག་ཕྱོགས་དེར་འོངས་པ་དེ་ལ་དགེ་སློང་རྣམས་ཀྱིས་སྨྲས་པ། བཞིན་བཟང་གཞོན་ནུ་འདི་ནད་ཅི་ཡིན་པ་དེ་ལྟོས་ཤིག་།སྨན་པ་དེས་དེ་བརྟག་པར་བརྩམས་པ་དང ། དབང་པོ་གསལ་བ་མཐོང་ནས་སྨྲས་པ། འཕགས་པ་དག་འདིའི་དབང་པོ་དག་གསལ་བས། འདི་ལ་ལུས་ཀྱི་ནད་ནི་འགའ་ཡང་མ་མཆིས་ཀྱི། འདི་ལ་སེམས་ཀྱི་ཡོངས་སུ་གདུང་བ་ནི་གོར་མ་བཀུམ་པར་མཆིས་སོ། །དགེ་སློང་རྣམས་ཀྱིས་སྨྲས་པ། བཞིན་བཟང་འདིའི་སེམས་ཀྱི་ཡོངས་སུ་གདུང་བ་ཇི་ལྟ་བུ་ཡིན། སྨན་པས་སྨྲས་པ། འཕགས་པ་བདག་ཅག་སྨན་པ་དག་ནི་ལུས་གསོ་བར་བགྱིད་པ་ལགས་ཀྱི་སེམས་གསོ་བར་བགྱིད་པ་མ་ལགས་ཏེ། འདི་ལྟར་འཕགས་པ་དག་ཉིད་སེམས་གསོ་བར་མཛད་པ་ལགས་པས། འཕགས་པ་དག་ཉིད་ཀྱིས་མཁྱེན་པར་འགྱུར་རོ་ཞེས་སྨྲས་ཏེ་སོང་ངོ ། །
Ca63a
༄#། །དགེ་སློང་རྣམས་ཀྱིས་མཛེས་དགའ་ལ་སྨྲས་པ། ཚེ་དང་ལྡན་པ་འདི་ན་ཁྱོད་ཀྱི་ཕ་ཡང་མེད་མ་ཡང་མེད་རྩ་ལག་གཞན་ཡང་མེད་དེ། ཚངས་པ་མཚུངས་པར་སྤྱོད་པ་ངེད་ཅག་ཁོ་ནར་ཟད་པས་ངེས་ཀྱིས་ཁྱོད་ཀྱི་བསྙེན་བཀུར་བྱས། ཇི་ལྟར་གྱུར་པ་སྨྲོས་ཤིག་།མཛེས་དགས་དགེ་སློང་དེ་དག་ལ་སྐབས་དེ་རྒྱས་པར་བརྗོད་དོ། །དགེ་སློང་དེ་དག་གིས་སྨྲས་པ། ཚེ་དང་ལྡན་པ་ནི་འབྲས་བུ་ཁོ་ནས་ཚ་བར་གྱུར་ཏེ། ཚེ་དང་ལྡན་པས་རབ་ཏུ་བྱུང་བ་ཙམ་ཉིད་ཀྱིས་བསྟན་པ་ལ་ཆུ་བུར་ཕྱུང་བར་གྱུར་ཏོ་ཞེས་དགེ་སློང་དེ་དག་མཛེས་དགས་སྨྲས་པ་ལ་མངོན་པར་བསྟོད་པར་ཡང་མི་བྱེད། ཕྱིར་ཟློག་པར་ཡང་མི་བྱེད་ཅིང ། མངོན་པར་བསྟོད་པ་ཡང་མ་བྱས། ཕྱིར་བཟློག་པ་ཡང་མ་བྱས་པར་དོང་ནས། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་དེ་དག་གི་སྐབས་དེ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེས་ཀྱང་མི་གཏི་མུག་ཅན་དེ་ཕམ་པར་གྱུར་ཏོ། །དགེ་སློང་གི་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པར་གྱུར་ཅིང ། དེ་སེམས་སྟེན་པ་ལ་གཞོལ་བ་དང ། སྟེན་པ་ལ་འབབ་པ་དང ། སྟེན་པ་ལ་བབ་པས་ཟག་བྱེད་ཟག་བྱེད་ཀྱི་ཕྱི་རོལ་ཏུ་དྲུད་ཅིང་ནང་དུ་འབོ་བ་དང ། ནང་དུ་དྲུད་ཅིང་ཕྱི་རོལ་ཏུ་འབོ་བར་བྱེད་ན་ཕམ་པར་འགྱུར་རོ། །
Ca63b
སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་པ་དང་ཆུང་མ་དེ་རང་གི་ལས་དག་གིས་དུས་ལ་བབ་བོ། །གཉིས་པ་བླངས་པ་དང་དེ་ཡང་དུས་ལ་བབ་བོ། །དེ་བཞིན་དུ་ཆུང་མ་བདུན་པའི་བར་དུ་བླངས་པ་དང་དེ་ཡང་དུས་ལ་བབ་བོ། །ཁྱིམ་ཐབ་དེ་ཡང་སྐུར་པ་གདབ་པར་འགྱུར་བའི་ལས་དག་གིས་ཆུང་མ་གསོད་པ་ཆུང་མ་གསོད་ཅེས་བྱ་བའི་མིང་དུ་གྱུར་ཏོ། །ཁྱིམ་བདག་དེས་ཡང་བུ་མོ་བླངས་པ་དང ། མི་སྟེར་ཅིང་ངེད་ཀྱིས་ཅིའི་ཕྱིར་བུ་མོ་ཡོངས་སུ་གཏང ། མི་སྦྱིན་ནོ་ཞེས་ཀྱང་ཟེར་རོ། །ཁྱིམ་བདག་དེས་ཡུགས་མོ་དག་བླངས་པ་དང ། ཡུག་ས་མོ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་གཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །ཁྱིམ་བདག་དེ་རྣམ་པ་ཐམས་ཅད་དུ་ཡི་ཆད་ནས། རང་ཉིད་ཀྱིས་ཁྱིམ་གྱི་སོ་ཚིས་དག་བྱ་བར་བརྩམས་པ་དང ། དུས་གཞན་ཞིག་ན་ཁྱིམ་བདག་དེའི་ཆུང་པོ་གྲོགས་ཤིག་འོངས་ནས་དེས་ཁྱིམ་བདག་དེ་མཐོང་ནས་དྲིས་པ་ཁྱོད་ཅི་བྱེད། ཁྱིམ་བདག་གིས་སྨྲས་པ། ཁྱིམ་གྱི་སོ་ཚིས་དག་བྱེད་དོ། །དེས་སྨྲས་པ། ཁྱོད་ཅིའི་ཕྱིར་རང་ཉིད་ཀྱིས་ཁྱིམ་གྱི་སོ་ཚིས་དག་བྱེད། ཁྱིམ་བདག་གིས་སྨྲས་པ། ཁོ་བོས་ཆུང་མ་གཅིག་བླངས་པ་དང ། དེ་རང་གི་ལས་དག་གིས་དུས་ལ་བབ་བོ། །གཉིས་པ་བླངས་པ་དང་དེ་ཡང་དུས་ལ་བབ་བོ། །དེ་བཞིན་དུ་བདུན་པའི་བར་དུ་བླངས་པ་དང་དེ་ཡང་དུས་ལ་བབ་བོ། །དེས་སྨྲས་
Ca64a
༄#། །པ།་གཞན་དག་ཅིའི་ཕྱིར་མི་སློང ། ཁྱིམ་བདག་གིས་སྨྲས་པ། བསླངས་ན་མི་སྟེར་ཅིང་ངེད་ཀྱིས་ཅིའི་ཕྱིར་བུ་མོ་ཡོངས་སུ་གཏང ། མི་སྦྱིན་ནོ་ཞེས་ཟེར་རོ། །དེས་སྨྲས་པ།་ཡུག་ས་མོ་དག་ཅིའི་ཕྱིར་མི་སློང ། ཁྱིམ་བདག་གིས་སྨྲས་པ། བསླངས་ཏེ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་གཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །ཁྱིམ་བདག་དེའི་ཁྱིམ་གྱི་ཧ་ཅང་ཡང་མི་རིང་བ་ན་ཚོགས་ཅན་མ་རྒན་མོ་ཞིག་འདུག་ནས་ཆུང་པོ་གྲོགས་དེས་ཁྱིམ་བདག་ལ་སྨྲས་པ། ཚོགས་ཅན་མ་རྒན་མོ་དེ་ཅིའི་ཕྱིར་འཇུག་ཏུ་མི་གཞུག་།ཁྱིམ་བདག་གིས་སྨྲས་པ།་ཅི་ཁོ་བོས་འཇུད་མཐུན་མའི་ཁྱིམ་བྱའམ། དེས་སྨྲས་པ། ཚོགས་ཅན་མ་དེ་སྡིག་པ་ཅན་དམ་པ་མ་ཡིན་པའི་ཆོས་དེ་ལས་ཕྱིར་ལྡོག་གིས་འཇུག་ཏུ་ཆུག་ཅིག་།ཁྱིམ་བདག་དེ་ཆུང་པོ་གྲོགས་དེས་ནན་གྱི་མནན་པ་ན་ཚོགས་ཅན་མ་དེའི་གན་དུ་སོང་སྟེ། བདེ་ལེགས་བདེ་ལེགས་ཞེས་སྨྲས་པ་དང ། རྒན་མོས་སྨྲས་པ། བྱོན་པ་ལེགས་སོ་ཅི་བཞེད། ཁྱིམ་བདག་གིས་སྨྲས་པ། ཁྱོད་འཚལ་ན་ཁྱོད་སུའི། རྒན་མོས་སྨྲས་པ། བདག་ལ་ཟས་དང་གོས་སྦྱིན་པ་གང་ལགས་པའིའོ། །ཁྱིམ་བདག་གིས་སྨྲས་པ། ཁྱོད་སྔོན་གྱི་ཉོན་མོངས་པ་དག་ཀུན་ཏུ་མི་སྤྱོད་དམ། རྒན་མོས་སྨྲས་པ། ཅི་བདག་གིས་སྐྱེས་པ་མ་མཐོང་ངམ། བདག་སྡིག་པ་ཅན་དམ་པ་མ་ལགས་པའི་ཆོས་དེ་ལས་ནི་ཕྱིར་ལོག་གོ་།ཁྱིམ་བདག་གིས་སྨྲས་པ། ཚུར་སྤྱོན་བཞུད་བདག་གིས་ཁྱོད་ཀྱི་ན་བཟའ་དང་
Ca64b
བཤོས་གསོལ་གྱིས། ཁྱོད་ཀྱིས་བདག་གི་ཁྱིམ་གྱི་སོ་ཚིས་དག་མཛོད་ཅིག་།ཁྱིམ་བདག་དེས་ཚོགས་ཅན་མ་རྒན་མོ་དེ་ཁྱིམ་དུ་བཅུག་སྟེ། ལྡེ་མིག་དང ། ལྡེ་མིག་འཁྱོག་པོ་དག་གཏད་ནས་སྨྲས་པ།་འདི་ཁྱོད་ཀྱི་ཁྱིམ་ཡིན་གྱིས་ཁྱོད་ཀྱིས་བྱིན་པས་ཁོ་བོ་བྱ་བ་བྱེད་དོ། །ཚོགས་ཅན་མ་རྒན་མོ་དེས་ཁྱིམ་བདག་དེའི་ཁྱིམ་གྱི་སོ་ཚིས་དག་བྱ་བར་བརྩམས་ནས། དེའི་འོག་ཏུ་གོས་དང་ཟས་བཟང་པོས་དུས་ཡུན་མི་རིང་བ་ཞིག་གིས་པགས་པ་དང་ཤ་དང་ཁྲག་དག་རྟས་པར་གྱུར་ཏོ། །དེའི་སྒོའི་ཉེ་འཁོར་ནས་བུ་མོ་རབ་ཏུ་མང་པོ་དག་ཅིག་རྒྱལ་བྱེད་ཀྱི་ཚལ་དུ་འདོང་བ་ཚོགས་ཅན་མ་རྒན་མོས་མཐོང་ནས། གར་འདོང་ཞེས་དྲིས་པ་དང ། བུ་མོ་དག་གིས་སྨྲས་པ། རྒྱལ་བྱེད་ཀྱི་ཚལ་དུ་འདོང་ངོ ། །རྒན་མོས་སྨྲས་པ། ཁོ་མོ་གོས་དང་རྒྱན་ཐོགས་ཀྱི་བར་དུ་རེ་ཞིག་སྡོད་ཅིག། །རྒན་མོ་གོས་དང་རྒྱན་ཐོགས་པ་དེའི་བར་དུ་བུ་མོ་དག་ཐལ་ཏེ་དོང་ངོ ། །རྒན་མོ་ཡང་གོས་དང་རྒྱན་ཐོགས་ནས་ཕྱི་བཞིན་མྱུར་བ་མྱུར་བར་འཕགས་སོ། །ཇི་ཙམ་ན་བུ་མོ་དེ་དག་གཙུག་ལག་ཁང་དུ་ཞུགས་པ་ན། གཙུག་ལག་ཁང་དེ་ན་དགེ་སློང་ཞིག་གནས་ཁང་སྒོ་མ་བཅད་པ་ན་གཉིད་ལོག་པར་གྱུར་པ་དེའི་གོས་རྣམ་པར་འཐོར་བར་གྱུར་ཅིང ། དེའི་ཡན་ལག་གི་རྣམ་པ་ཡང་ལས་སུ་རུང་བར་གྱུར་པ་བུ་མོ་དེ་དག་གིས་མཐོང་ནས། བུ་མོ་དེ་དག་དགོད་ཅིང་གཙུག་ལག་ཁང་ནས་ཕྱིར་བྱུང་ངོ ། །ཚོགས་ཅན་མ་རྒན་མོ་ཡང་འཇུག་ཅིང་རྒན་མོས་བུ་མོ་དེ་དག་མཐོང་ནས་སྨྲས་པ། ཁྱེད་ཅག་ཅི་ལ་དགོད། གང་བསྟི་གནས་སུ་དགོད་
Ca65a
༄#། །པ་དེ་སོ་སྟོ་མར་འགྱུར་རོ་ཞེས་བྱ་བ་ཁྱེད་ཀྱིས་མ་ཐོས་སམ། བུ་མོ་དེ་དག་ཅང་མི་སྨྲ་བར་ཉིད་དུ་བྱུང་སྟེ་དོང་ངོ ། །ཚོགས་ཅན་རྒན་མོས་བུ་མོ་དེ་དག་གིས་འདིར་བྱ་གག་གམ་སྤྲེའུ་ཞིག་མཐོང་བར་གྱུར་གོར་མ་ཆག་སྙམ་དུ་ཤེས་ཤིང་རིག་ནས་སེམས་གཏོད་ཅིང་ངེས་པར་རྟོག་བཞིན་དུ་ཞུགས་པ་དང ། ཇི་ཙམ་ན་དགེ་སློང་དེ་དེ་ལྟར་རྣམ་པར་གྱུར་པ་མཐོང་ངོ ། །མཐོང་ནས་ཀྱང་དེ་ལ་འདོད་པའི་ཆོས་སྐྱེས་ནས། ཚོགས་ཅན་མ་རྒན་མོ་དེས་དགེ་སློང་དེའི་སྟེང་དུ་བགྲད་དེ་བརྩལ་བར་བརྩམས་པ་དང ། དགེ་སློང་དེ་གཉིད་སྟུག་པོས་ནོན་པས་ཕྱིར་མ་སད་དོ། །ཚོགས་ཅན་མ་རྒན་མོས་བདག་ཅག་ཚོགས་ཅན་མ་དག་གིས་ནི་སྒྱུ་རྩལ་དྲུག་ཅུ་རྩ་བཞི་མངོན་པར་ཤེས་ན་རབ་ཏུ་བྱུང་བ་འདིས་ཀོ་སྒྱུ་རྩལ་དྲུག་ཅུ་རྩ་ལྔ་ཤེས་ཏེ་འདི་ལྟར་རེག་པ་ནི་བདག་གིར་བྱེད་ལ་ཚིག་ནི་མི་སྟེར་ཏོ་སྙམ་དུ་ཤེས་ཤིང་རིག་ནས། གང་གི་ཚེ་ཚོགས་ཅན་མ་རྒན་མོ་དེས་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་དགེ་སློང་དེ་སད་པར་བྱས་ཏེ་སྨྲས་པ། འཕགས་པ་བདག་གི་སྡུམ་པ་ཕྱོགས་ག་གེ་མོ་ཞིག་ན་མཆིས་ཀྱིས། གལ་ཏེ་ཡང་བཞེད་པར་གྱུར་ན་སྤྱོན་ཅིག་།དགེ་སློང་དེས་སྨྲས་པ། སྐལ་ཆད་མ་བསྟི་གནས་སུ་ན་པར་བྱེད་པ་དེ་ཡང་རེ་ཞིག་ཁོ་བོ་བདག་གིར་མི་བྱེད་ན། ཁྱོད་ཀྱི་ཁྱིམ་དུ་འོང་བར་འགྱུར་རེ་སྐན། དགེ་སློང་དེ་བདག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས་དེས་དགེ་སློང་རྣམས་ལ་སྐབས་དེ་རྒྱས་པར་བརྗོད་དོ། །དགེ་སློང་རྣམས་ཀྱིས་
Ca65b
བཅོམ་ལྡན་འདས་ལ་གསོལ་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། དགེ་སློང་ཁྱོད་ཀྱིས་རེག་པ་བདག་གིར་མ་བྱས་སམ། དེས་གསོལ་པ། བཙུན་པ་བདག་གིས་རེག་པ་བདག་གིར་མ་བགྱིས་ཏེ། བདག་དང་པོ་ཉིད་ནས་གཉིད་སྟུག་པོས་ནོན་པས་བདག་རེག་པ་བདག་གིར་བགྱིད་པར་ག་ལ་འགྱུར། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་རེག་པ་བདག་གིར་མ་བྱས་པ་འདི་ལ་ནི་ལྟུང་བ་མེད་མོད་ཀྱི་འོན་ཀྱང་ངས་དགེ་སློང་གྲོང་མཐའ་བའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་གྲོང་མཐའ་པ་ཉིན་པར་གློས་ཕབ་སྟེ་གཉིད་ལོག་པས་སྒོ་སྒོ་གཏན་གྱིས་གཅད་པར་བྱ་བའམ། སྲུང་མ་དགེ་སློང་གཞག་པར་བྱ་བའམ། གོས་བཅིང་བར་བྱའོ། །སྒོ་སྒོ་གཏན་གྱིས་གཅོད་པར་མི་བྱེད་དམ། སྲུང་མ་དགེ་སློང་འཇོག་པར་མི་བྱེད་དམ། གོས་འཆིང་བར་མི་བྱེད་པར་ཉིན་པར་དེ་བཞིན་དུ་གློས་ཕབ་སྟེ། གཉིད་ལོག་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་དགོན་པ་པ་བསམ་གཏན་བཞི་པ་ཐོབ་པ་ཞིག་འདུག་པ་དེ་ཡང་དང་ཡང་དུ་བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་བྱ་བའི་ཕྱིར་ཉེ་བར་འགྲོ་བས་དེ་དགེ་སློང་གསར་བུ་གསར་བུ་དག་གིས་ངོ་ཤེས་པར་བྱས་སོ། །དེ་ལ་དུས་གཞན་ཞིག་ན་གཡན་པའི་ནད་
Ca66a
༄#། །བྱུང་ནས། དེ་ལ་དགེ་སློང་གསར་བུ་གསར་བུ་དེ་དག་གིས་སྨྲས་པ། གནས་བརྟན་ཁྱོད་ལ་གཡན་པའི་སྙུན་བྱུང་ངམ། དེས་སྨྲས་པ། བཞིན་བཟང་དག་དེ་དེ་བཞིན་ནོ། །དེ་དག་གིས་སྨྲས་པ། གནས་བརྟན་ཅིའི་སླད་དུ་སྨན་པ་ལ་རྨས་ཏེ་བྱ་བ་མི་མཛད། དེས་སྨྲས་པ། བཞིན་བཟང་དག་སྐྱེ་བོ་མང་པོ་མི་འདོད་པ་དང ། སྐྱེ་བོ་མང་པོ་མི་དགའ་བ་དང ། སྐྱེ་བོ་མང་པོ་ལ་མི་སྡུག་བ་དང ། སྐྱེ་བོ་མང་པོའི་ཡིད་དུ་མི་འོང་བ་འཇིག་རྟེན་ཐམས་ཅད་དང་ཐུན་མོང་བ་འདི་ལྟ་སྟེ། འཆི་བ་ཞེས་བྱ་བའི་ཆོས་དེ་འོང་བར་འགྱུར་ཞིང་དེས་ནད་འདི་དང་ཁོ་བོ་ཡང་འཇིག་རྟེན་འདི་ནས་འཇིག་རྟེན་ཕ་རོལ་ཏུ་ཁྲིད་པར་འགྱུར་བས་བྱ་བ་བྱར་ཅི་ཡོད། དེ་དག་གིས་སྨྲས་པ། གནས་བརྟན་འོ་ན་བཅོམ་ལྡན་འདས་ཀྱིས་སྐྱེས་བུ་གང་ཟག་ཚུལ་ཁྲིམས་དང་ལྡན་པ་ཡུན་རིང་པོ་ཇི་སྲིད་དུ་འཚོ་བ་དེ་སྲིད་དུ་བསོད་ནམས་མང་པོ་འཕེལ་ཞིང་ཇི་སྲིད་དུ་བསོད་ནམས་མང་པོ་འཕེལ་བ་དེ་སྲིད་དུ་ཡུན་རིང་པོར་མཐོ་རིས་དག་ཏུ་དགའ་བར་འགྱུར་རོ་ཞེས་མ་གསུངས་སམ། བཞུད་ལ་བྱ་བ་མཛོད་ཅིག་།དེ་དེ་དག་གིས་ནན་གྱིས་མནན་པ་ན་སྨན་པའི་གན་དུ་སོང་བ་དང ། སྨན་པས་དེ་མཐོང་ནས་སྨྲས་པ། འཕགས་པ་ཁྱོད་ལ་གཡན་པའི་སྙུན་བྱུང་ངམ། དེས་སྨྲས་པ། བཞིན་བཟང་དེ་བཞིན་ཏེ། དེའི་དོན་ཁོ་ནར་ཁོ་བོ་འོངས་ཀྱིས་བདག་ལ་སྨན་སྟོན་ཅིག་།འཕགས་པ་བཤོས་བསོད་པ་གསོལ་ལ་ཡུངས་མར་གྱིས་སྐུ་དག་བསྐུས་ཏེ། གདུགས་ལ་བཞུགས་ཤིག་དང་ཁྱོད་སོས་པར་འགྱུར་རོ། །བཞིན་
Ca66b
བཟང་ཁོ་བོ་ལ་ཡུངས་མར་སྩོལ་ཅིག་།འཕགས་པ་བདག་ཅག་སྨན་པ་དག་ནི་སྨན་སྟོན་པ་ལགས་ཀྱི་འབུལ་བ་ནི་མ་ལགས་ཏེ། གལ་ཏེ་རེ་རེ་ལ་ཡང་འབུལ་ན་བདག་ཅག་ལ་འཚལ་མ་ཡང་མ་མཆིས། རད་པ་ཡང་མ་མཆིས་པར་འགྱུར་རོ། །འདི་ལྟར་ཁྱིམ་བདག་ཆེ་གེ་མོ་ཞིག་ལ་བྲོ་ནད་འདི་ལྟ་བུ་བྱུང་བར་གྱུར་ནས། བདག་གིས་དེའི་གཡན་པའི་ནད་རབ་ཏུ་ཞི་བར་འགྱུར་བའི་ཡུངས་མར་བསྐོལ་གྱིས།་དེའི་གན་དུ་བཞུད་ལ་སློངས་ཤིག་།བཞིན་བཟང་མི་སྟེར་བར་འགྱུར་རོ། །འཕགས་པ་བཞུད་ཅིག་དང ། དེ་དད་པ་ཅན་ལགས་པས་འབུལ་བར་འགྱུར་རོ། །བཞིན་བཟང་ཨ་རོག་གྱ། དོན་གྱིས་ན་ཁྱོད་ཉིད་ཀྱིས་བྱིན་ནོ་ཞེས་སྨྲས་ཏེ་སོང་ནས་ཁྱིམ་བདག་དེའི་ཁྱིམ་ག་ལ་བ་དེར་སོང་བ་དང ། ཁྱིམ་བདག་དེས་དེ་ཐག་རིང་པོ་ནས་མཐོང་ནས་སྨྲས་པ། འཕགས་པ་ཁྱོད་ལ་གཡན་པའི་སྙུན་བྱུང་ངམ།་བཞིན་བཟང་དེ་དེ་བཞིན་ནོ། །འཕགས་པ་ཡུངས་མར་གྱིས་སྐུ་དག་བསྐུས་ཏེ་གདུགས་ལ་བཞུགས་ཤིག་དང་ཁྱོད་སོས་པར་འགྱུར་རོ། །བཞིན་བཟང་དེའི་དོན་ཁོ་ནར་ཁོ་བོ་འོངས་ཏེ། ཁོ་བོས་ཁྱོད་ལ་གཡན་པའི་ནད་རབ་ཏུ་ཞི་བར་འགྱུར་བའི་ཡུངས་མར་ཡོད་པར་ཤེས་ཀྱིས་དེ་བྱིན་ཅིག་དང ། ཁྱོད་ལ་བསོད་ནམས་སུ་འགྱུར་རོ། །འཕགས་པ་དམ་ཚིག་ལ་དབུལ་བར་བགྱི་སྟེ། གལ་ཏེ་བདག་ལས་བསོད་སྙོམས་གསོལ་བར་འགྱུར་ནའོ། །བཞིན་བཟང་བཟའ་བར་བྱའོ། །ཁྱིམ་བདག་དེས་དེ་ཟས་བསོད་པས་ཚིམ་པར་བྱས་ནས་གཡན་པའི་ནད་རབ་ཏུ་ཞི་བར་འགྱུར་བའི་ཡུངས་མར་གྱིས་
Ca67a
༄#། །ལྷུང་བཟེད་ཆུང་ངུ་འགེངས་སུ་བཅུག་སྟེ་བྱིན་ནོ། །དགེ་སློང་དེས་ཨ་རོག་གྱ་ཞེས་བརྗོད་དེ་སོང་ནས། དགོན་པའི་གནས་སུ་སོང་སྟེ་དམ་དུམ་དག་གྱོན་ནས་ཡུངས་མར་དེས་ལུས་དག་བསྐུས་ཏེ་ཉི་མ་ལ་འདུག་པ་དང་དེ་ལ་བདེ་བའི་འདུ་ཤེས་སྐྱེས་པར་གྱུར་ནས་གཉིད་ལོག་པ་དང ། དེའི་ཡན་ལག་གི་རྣམ་པ་སྲོག་ཆགས་ཨུད་ཙ་ཏིང་གས་ཟིན་ཅིང་ལས་སུ་རུང་བར་གྱུར་ནས། དེའི་གོས་ཀྱང་འཐོར་བར་གྱུར་པ་དང ། ཇི་ཙམ་ན་གཞོན་ནུ་མ་ཆེན་མོ་ཞིག་ལྕི་བ་ཐུ་བ་ན་ཕྱོགས་དེར་སོན་པ་དང ། དེས་དགེ་སློང་དེ་དེ་ལྟར་རྣམ་པར་གྱུར་པ་མཐོང་ངོ ། །མཐོང་ནས་དེ་ལ་འདོད་པ་ལ་འདོད་ཆགས་ཀྱི་ཀུན་ནས་དཀྲིས་པ་སྐྱེས་ནས། དེས་དགེ་སློང་དེའི་སྟེང་དུ་བརྩལ་བར་བརྩམས་པ་དང ། དགེ་སློང་དེ་སད་ན་ཉམས་ཆུང་བས་ཕྱིར་བཟློག་པར་མ་ནུས་སོ། ། གང་གི་ཚེ་དེ་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་སྨྲས་པ། འཕགས་པ་བདག་གི་སྡུམ་བ་ཕྱོགས་ག་གེ་མོ་ཞིག་ན་མཆིས་ཀྱིས་གལ་ཏེ་ཡང་བཞེད་པར་གྱུར་ན་སྤྱོན་ཅིག་།དགེ་སློང་དེས་སྨྲས་པ། སྐལ་ཆད་མ་བསྟི་གནས་སུན་པར་བྱེད་པ། ཁོ་བོ་རེ་ཞིག་དེ་ཡང་བདག་གིར་མི་བྱེད་ན། ཁྱོད་ཀྱི་ཁྱིམ་དུ་འོང་བར་འགྱུར་རེ་སྐན། དགེ་སློང་དེ་བདག་ལ་ཕམ་པར་གྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་དགེ་སློང་རྣམས་ལ་སྐབས་དེ་རྒྱས་པར་བརྗོད་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། དེ་ནས་བཅོམ་
Ca67b
ལྡན་འདས་ཀྱིས་དགེ་སློང་དེ་ལ་བཀའ་སྩལ་པ། དགེ་སློང་ཁྱོད་ཀྱིས་རེག་པ་བདག་གིར་མ་བྱས་སམ། དེས་གསོལ་པ། བཙུན་པ་བདག་གིས་རེག་པ་བདག་གིར་མ་བགྱིས་ཏེ། བདག་དང་པོ་ཉིད་ནས་འདོད་པ་ལས་འདོད་ཆགས་དང་བྲལ་བས་བདག་རེག་པ་བདག་གིར་ག་ལ་བགྱིད། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་རེག་པ་བདག་གིར་མི་བྱེད་པ་འདི་ལ་ནི་ལྟུང་བ་མེད་མོད་ཀྱིས། འོན་ཀྱང་ངས་དགེ་སློང་དགོན་པ་པའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་དགོན་པ་པ་ཉིན་པར་གློས་ཕབ་སྟེ་གཉིད་ལོག་པས་ཕྱོགས་དེ་ཡལ་ག་དག་གམ། སེག་དག་གམ། རེ་ལྡེ་དག་གིས་བསྐོར་བར་བྱ་བའམ། སྲུང་མ་དགེ་སློང་གཞག་པར་བྱ་བའམ། གོས་བཅིང་བྱའོ། །ཕྱོགས་དེ་ཡལ་ག་དག་གམ། སེག་དག་གམ། རེ་ལྡེ་དག་གིས་བསྐོར་བར་མི་བྱེད་དམ། སྲུང་མ་དགེ་སློང་འཇོག་པར་མི་བྱེད་དམ། གོས་འཆིང་བར་མི་བྱེད་པ་དེ་བཞིན་དུ་གློས་ཕབ་སྟེ་གཉིད་ལོག་པར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གལ་ཏེ་དགེ་སློང་འདི་རེ་ཞིག་འདོད་པ་ལས་འདོད་ཆགས་དང་བྲལ་བ་ལགས་ན་ཅིའི་སླད་དུ་དེའི་ཡན་ལག་གི་རྣམ་པ་ལས་སུ་རུང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདོད་ཆགས་དང་མ་བྲལ་བའི་ཡན་ལག་གི་རྣམ་པ་ནི་རྒྱུ་ལྔས་ལས་སུ་རུང་བར་འགྱུར་ལ། འདོད་
Ca68a
༄#། །ཆགས་དང་བྲལ་བའི་ནི་རྒྱུ་བཞིས་སོ། །འདོད་ཆགས་དང་མ་བྲལ་བའི་རྒྱུ་ལྔ་གང་ཞེ་ན། བཤང་བས་ཉེ་བར་ནོན་པ་དང ། གཅི་བས་ཉེ་བར་ནོན་པ་དང ། རླུང་གིས་ཉེ་བར་ནོན་པ་དང ། སྲོག་ཆགས་ཨུ་ཙ་ཏིང་གས་ཟིན་པ་དང ། འདོད་པ་ལ་འདོད་ཆགས་ཀྱིས་ཀུན་ནས་དཀྲིས་པ་ཉིད་ནི་ལྔ་པ་སྟེ། འདོད་ཆགས་དང་མ་བྲལ་བ་ནི་རྒྱུ་ལྔ་པོ་དེ་དག་གིས་སོ། །འདོད་ཆགས་དང་བྲལ་བའི་རྒྱུ་བཞི་པོ་གང་ཞེ་ན། བཤང་བས་ཉེ་བར་ནོན་པ་དང ། གཅི་བས་ཉེ་བར་ནོན་པ་དང ། རླུང་གིས་ཉེ་བར་ནོན་པ་དང ། སྲོག་ཆགས་ཨུ་ཙ་ཏིང་གས་ཟིན་པ་སྟེ། འདོད་ཆགས་དང་བྲལ་བའི་རྒྱུ་ནི་བཞི་པོ་དེ་དག་གིས་སོ། །དགེ་སློང་འདིའི་ཡན་ལག་གི་རྣམ་པ་ནི་དེའི་ཚེ་ན་སྲོག་ཆགས་ཨུ་ཙ་ཏིང་གས་ཟིན་པས་དེས་ན་འདིའི་ལས་སུ་རུང་བར་གྱུར་ཏོ།། །། འདུལ་བ་རྣམ་པར་འབྱེད་པ། བམ་པོ་གསུམ་པ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཀ་ལན་དཀའི་བུ་ཚེ་དང་ལྡན་པ་བཟང་བྱིན་གྱིས་དགེ་སློང་གི་དགེ་འདུན་སྐྱོན་མ་མཆིས་ཤིང་ཆུ་བུར་མ་མཆིས་པ་ལ་དེའི་དང་པོར་འདི་ལྟ་སྟེ། མི་ཚངས་པར་སྤྱོད་པའི་རྐྱེན་གྱིས་ཆུ་བུར་ཕྱུང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་དུ་མ་ཟད་ཀྱི་འདི་ལྟར་འདས་པའི་དུས་ན་ཡང་འདིས་འཇིག་རྟེན་སྐྱོན་མེད་ཅིང་ཆུ་བུར་མེད་པ་ལ་དེའི་དང་པོར་འདི་ལྟ་སྟེ། མི་ཚངས་པར་སྤྱོད་
Ca68b
པའི་རྐྱེན་གྱིས་ཆུ་བུར་ཕྱུང་སྟེ། དེ་ཉོན་ཅིག་།དགེ་སློང་དག་འཇིག་རྟེན་འདི་འཇིག་པའི་དུས་གང་ཡིན་པ་དེ་ཡང་ཡོད་དེ། འཇིག་རྟེན་འཇིག་པ་ན། སེམས་ཅན་དག་ཕལ་ཆེར་འོད་གསལ་གྱི་ལྷའི་རིས་སུ་སྐྱེའོ། །དེ་དག་དེ་ནི་གཟུགས་ཅན་ཡིད་ལས་བྱུང ། མ་ཚང་བ་མེད་པ། དབང་པོ་མ་ཉམས་པ། ཡན་ལག་ཉིང་ལག་ཐམས་ཅད་དང་ལྡན་པ། བཟང་བ་ཁ་དོག་དང་ལྡན་པ། རང་ལས་འོད་འབྱུང་བ།་ནམ་མཁའ་ལ་འགྲོ་བ། དགའ་བ་ཟ་བ། དགའ་བའི་ཟས་དང་ལྡན་པ། ཚེ་རིང་ཞིང་ཡུན་རིང་དུ་གནས་སོ། །དེའི་ཚེ་ན་ས་ཆེན་པོ་འདི་ཆུ་འབའ་ཞིག་དང་རྒྱ་མཚོ་འབའ་ཞིག་ཏུ་གྱུར་ཏེ། ས་ཆེན་པོ་ཆུ་འབའ་ཞིག་དང ། རྒྱ་མཚོ་འབའ་ཞིག་ཏུ་གྱུར་པའི་སྟེང་དུ་རླུང་གིས་སྤྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་དེ། འདི་ལྟ་སྟེ་དཔེར་ན་འོ་མ་བསྐོལ་བ་གྲང་པར་གྱུར་པའི་སྟེང་དུ་ཡང་རླུང་གིས་སྤྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་པ་དེ་བཞིན་དུ། ས་ཆེན་པོ་ཆུ་འབའ་ཞིག་དང་རྒྱ་མཚོ་འབའ་ཞིག་ཏུ་གྱུར་པའི་སྟེང་དུ་ཡང་རླུང་གིས་སྤྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་དོ། །དེ་ནི་སའི་བཅུད་ཁ་དོག་ཕུན་སུམ་ཚོགས་པ་དྲི་ཕུན་སུམ་ཚོགས་པ་རོ་ཕུན་སུམ་ཚོགས་པ་ཡིན་ཏེ། ཁ་དོག་གིས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན་མར་ལྟ་བུའོ། །རོས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན་སྦྲང་བུའི་སྦྲང་རྩི་མ་བསྐོལ་བ་ལྟ་བུའོ། །དགེ་སློང་དག་འཇིག་
Ca69a
༄#། །རྟེན་འདི་འཆགས་པའི་དུས་གང་ཡིན་པ་དེ་ཡང་ཡོད་དེ། འཇིག་རྟེན་འཆགས་པ་ན་འོད་གསལ་གྱི་ལྷའི་རིས་དེ་ནས་སེམས་ཅན་ཁ་ཅིག་ཚེ་ཟད་ལས་ཟད་བསོད་ནམས་ཟད་པས་ཤི་འཕོས་ཏེ། འདི་ལྟ་བུ་ཉིད་དུ་མི་རྣམས་དང་སྐལ་བ་མཐུན་པ་ཉིད་དུ་འོང་ཞིང་འདིར་ཡང་གཟུགས་ཅན་ཡིད་ལས་བྱུང་བ། མ་ཚང་བ་མེད་པ། དབང་པོ་མ་ཉམས་པ། ཡན་ལག་དང་ཉིང་ལག་ཐམས་ཅད་དང་ལྡན་པ། བཟང་བ། ཁ་དོག་དང་ལྡན་པ། རང་ལས་འོད་འབྱུང་བ། ནམ་མཁའ་ལ་འགྲོ་བ། དགའ་བ་ཟ་བ། དགའ་བའི་ཟས་དང་ལྡན་པ། ཚེ་རིང་ཞིང་ཡུན་རིང་དུ་གནས་སོ། །དེའི་ཚེ་ན་འཇིག་རྟེན་དུ་ཉི་མ་དང་ཟླ་བ་དག་ཀྱང་མ་བྱུང་ངོ ། །འཇིག་རྟེན་དུ་རྒྱུ་སྐར་དག་ཀྱང་མ་བྱུང ། མཚན་མོ་དང་ཉིན་མོ་དག་ཀྱང་མ་བྱུང ། སྐད་ཅིག་དང་ཐང་ཅིག་དང་ཡུད་ཙམ་དག་ཀྱང་མ་བྱུང་ངོ ། །ཟླ་བ་དང ། ཟླ་བ་ཕྱེད་དང་དུས་ཚིགས་དང་ལོ་དག་ཀྱང་མ་བྱུང་ངོ ། །བུད་མེད་ཀྱང་མེད། སྐྱེས་པ་ཡང་མེད་དེ། སེམས་ཅན་སེམས་ཅན་ཞེས་བྱ་བ་འབའ་ཞིག་གི་གྲངས་སུ་འགྲོའོ། །དེ་ནས་སེམས་ཅན་བརྐམ་པའི་རང་བཞིན་ཅན་ཞིག་གི་སོར་མོའི་རྩེ་མོས་སའི་བཅུད་མྱང་བར་བྱེད་དོ། །ཇི་ལྟ་ཇི་ལྟར་མྱང་བར་བྱེད་པ་དེ་ལྟ་དེ་ལྟར་འདོད་པར་བྱེད་དོ། །ཇི་ལྟ་ཇི་ལྟར་འདོད་པར་བྱེད་པ་དེ་ལྟ་དེ་ལྟར་ཁམ་གྱི་ཟས་ཀྱི་རྩོམ་པས་ཟོས་པར་གྱུར་ཏོ། །སེམས་ཅན་གཞན་དག་གིས་ཀྱང་སེམས་ཅན་དེ་སོར་མོའི་རྩེ་མོས་སའི་བཅུད་མྱང་བར་བྱེད་པ་ན། ཇི་ལྟ་ཇི་ལྟར་མྱང་བར་བྱེད་པ་དེ་ལྟ་དེ་ལྟར་འདོད་པར་བྱེད་པ་དང ། ཇི་ལྟ་ཇི་ལྟར་འདོད་
Ca69b
པར་བྱེད་པ་དེ་ལྟ་དེ་ལྟར་ཁམས་ཀྱི་ཟས་ཀྱི་རྩོམ་པས་ཟོས་པར་གྱུར་པ་མཐོང་ངོ ། །མཐོང་ནས་སེམས་ཅན་དེ་དག་ཀྱང་སོར་མོའི་རྩེ་མོས་སའི་བཅུད་མྱང་བར་བྱེད་དོ། །ཇི་ལྟ་ཇི་ལྟར་མྱང་བར་བྱེད་པ་དེ་ལྟ་དེ་ལྟར་འདོད་པར་བྱེད་དོ། །ཇི་ལྟ་ཇི་ལྟར་འདོད་པར་བྱེད་པ་དེ་ལྟ་དེ་ལྟར་ཁམས་ཀྱི་ཟས་ཀྱི་རྩོམ་པས་ཟོས་པར་གྱུར་ཏོ། །གང་གི་ཕྱིར་སེམས་ཅན་དེ་དག་གིས་སའི་བཅུད་ཁམ་གྱི་ཟས་ཀྱི་རྩོམ་པས་ཟོས་པར་གྱུར་པ་དེའི་ཕྱིར་དེ་དག་གི་ལུས་ལ་སྲ་བ་ཉིད་དང ། ལྕི་བ་ཉིད་བྱུང་ཞིང་དེ་དག་གི་ཁ་དོག་གསལ་བ་བཟང་པོ་གང་ཡིན་པ་དེ་ཡང་མེད་པར་གྱུར། འཇིག་རྟེན་དུ་མུན་པ་ཡང་བྱུང་བར་གྱུར་ཏོ། །དགེ་སློང་དག་ཆོས་ཉིད་ཀྱིས་ན་འཇིག་རྟེན་དུ་མུན་པ་བྱུང་ན་འཇིག་རྟེན་དུ་ཉི་མ་དང་ཟླ་བ་དག་ཀྱང་འབྱུང་བར་འགྱུར་རོ། །འཇིག་རྟེན་དུ་རྒྱུ་སྐར་དག་དང ། མཚན་མོ་དང ། ཉིན་མོ་དག་དང ། སྐད་ཅིག་དང་ཐང་གཅིག་དང་ཡུད་ཙམ་དག་དང ། ཟླ་བ་དང་ཟླ་བ་ཕྱེད་དང ། དུས་ཚིགས་དང་ལོ་དག་ཀྱང་འབྱུང་བར་འགྱུར་རོ། །དེ་དག་དེ་ཟ་ཞིང་ཟས་དེ་དང་ལྡན་ལ་ཚེ་རིང་ཞིང་ཡུན་རིང་དུ་གནས་སོ། །དེ་དག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་འགྱུར་རོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན། སེམས་ཅན་གྱིས་སེམས་ཅན་ལ། ཀཝའེ་སེམས་ཅན་ང་ནི་ཁ་དོག་དང་ལྡན་པ་ཡིན་ལ་ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །དེ་དག་ཁ་དོག་གིས་མངོན་པའི་
Ca70a
༄#། །ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་སའི་བཅུད་མེད་པར་གྱུར་ཏོ། །དགེ་སློང་དག་སེམས་ཅན་དེ་དག་སའི་བཅུད་མེད་པར་གྱུར་པ་ན། འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཀྱེ་མའོ་བཅུད་ཀྱེ་མའོ་བཅུད་ཅེས་ཀྱང་ཟེར་ཅིང་འདི་ལྟ་སྟེ་དཔེར་ན།་དེང་སང་མི་དག་ཟས་ཞིམ་པ་བཟང་པོ་ཅུང་ཞིག་རྙེད་ནས། ཡི་གེ་དང་སྦྱར་བ་དང ། ཚིག་རྙིང་པ་དེ་དག་ཉིད་ཀྱིས་རྗེས་སུ་ཐ་སྙད་འདོགས་ཤིང་འདི་སྐད་ཅེས་ཀྱེ་མའོ་བཅུད་ཀྱེ་མའོ་བཅུད་ཅེས་ཀྱང་ཟེར་བ་དེ་བཞིན་དུ། སེམས་ཅན་དེ་དག་ཀྱང་སའི་བཅུད་མེད་པར་གྱུར་པ་རྣམས་འདུས་ཤིང་ལྷགས་ནས། མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཀྱེ་མའོ་བཅུད་ཀྱེ་མའོ་བཅུད་ཅེས་ཟེར་ཡང ། སྨྲས་པ་འདིའི་དོན་ནི་འདིའོ། །སྨྲས་པ་འདིའི་དོན་ནི་འདིའོ་ཞེས་སྨྲས་པ་དེའི་དོན་ནི་མི་ཤེས་སོ། །དགེ་སློང་དག་སེམས་ཅན་དེ་དག་གི་སའི་བཅུད་མེད་པར་གྱུར་པ་ན། ས་ཞག་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། ཁ་དོག་གིས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། དོང་ཀའི་མེ་ཏོག་ལྟ་བུའོ། ། རོས་ནི་འདི་ལྟ་བུ་འདི་ལྟ་སྟེ་དཔེར་ན། སྦྲང་བུའི་སྦྲང་རྩི་མ་བསྐོལ་བ་ལྟ་བུའོ། །དེ་དག་དེ་ཟ་ཞིང་ཟས་དེ་དང་ལྡན་ལ་ཚེ་རིང་ཞིང་ཡུན་རིང་དུ་གནས་སོ། །དེ་དག་ལས་གང་ཟས་ཆེས་ཆུང་ངུ་ཟ་བ་དེ་ནི་
Ca70b
ཁ་དོག་དང་ལྡན་པར་གྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་འགྱུར་རོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན། སེམས་ཅན་གྱིས་སེམས་ཅན་ལ། ཀཝའེ་སེམས་ཅན་ང་ནི་ཁ་དོག་དང་ལྡན་པ་ཡིན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །དེ་དག་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་ས་ཞག་མེད་པར་གྱུར་ཏོ། །དགེ་སློང་དག་སེམས་ཅན་དེ་དག་ས་ཞག་མེད་པར་གྱུར་པ་ན་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཀྱེ་མའོ་ཀྱེ་མའོ་ཞེས་ཀྱང་ཟེར་ཏེ། འདི་ལྟ་སྟེ་དཔེར་ན། དེང་སང་མི་དག་སྡུག་བསྔལ་དང་ཡིད་མི་བདེ་བ་འགའ་ཞིག་གིས་རེག་པ་ན་ཡི་གེ་དང་སྦྱར་བ་དང་ཚིག་རྙིང་པ་དེ་དག་ཉིད་ཀྱིས་རྗེས་སུ་ཐ་སྙད་འདོགས་ཤིང ། འདི་སྐད་ཅེས་ཀྱེ་མའོ་ཀྱེ་མའོ་ཞེས་ཀྱང་ཟེར་བ་དེ་བཞིན་དུ། སེམས་ཅན་དེ་དག་ཀྱང་ས་ཞག་མེད་པར་གྱུར་པ་ན། འདུས་ཤིང་ལྷགས་ནས། མྱ་ངན་བྱེད་སྒྱིད་ལུག་པར་བྱེད་སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཀྱེ་མའོ་ཀྱེ་མའོ་ཞེས་ཟེར་ཡང ། སྨྲས་པ་འདིའི་དོན་ནི་འདིའོ། །སྨྲས་པ་འདིའི་དོན་ནི་འདིའོ་ཞེས་སྨྲས་པ་དེའི་དོན་ནི་མི་ཤེས་སོ། །དགེ་སློང་དག་སེམས་ཅན་དེ་དག་ས་ཞག་མེད་པར་གྱུར་པ་ན། མྱུ་གུའི་ཚལ་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ།
Ca71a
༄#། །ཁ་དོག་གིས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། ཀ་དམ་བུ་ཀའི་མེ་ཏོག་ལྟ་བུའོ། །རོས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། སྦྲང་བུའི་སྦྲང་རྩི་མ་བསྐོལ་བ་ལྟ་བུའོ། ། དེ་དག་དེ་ཟ་ཞིང་ཟས་དེ་དང་ལྡན་པ་ཚེ་རིང་ཞིང་ཡུན་རིང་དུ་གནས་སོ། །དེ་དག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་འགྱུར་རོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན་སེམས་ཅན་གྱིས་སེམས་ཅན་ལ། ཀཝའི་སེམས་ཅན་ང་ནི་ཁ་དོག་དང་ལྡན་པ་ཡིན་ལ་ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །དེ་དག་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་མྱུ་གུའི་ཚལ་མེད་པར་གྱུར་ཏོ། །དགེ་སློང་དག་སེམས་ཅན་དེ་དག་མྱུ་གུའི་ཚལ་མེད་པར་གྱུར་པ་ན་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཕར་སོང་ཕར་སོང་ཞེས་ཀྱང་ཟེར་ཏེ། འདི་ལྟ་སྟེ་དཔེར་ན། དེང་སང་མི་དག་སྨད་པ་རྣོན་པོ་འབའ་ཞིག་གིས་སྨད་པ་ན་ཡི་གེ་དང་སྦྱར་བ་དང་ཚིག་རྙིང་པ་དེ་དག་ཉིད་ཀྱིས་རྗེས་སུ་ཐ་སྙད་འདོགས་ཤིང ། འདི་སྐད་ཅེས་ཕར་སོང་ཕར་སོང་ཞེས་ཀྱང་ཟེར་བ་དེ་བཞིན་དུ། སེམས་ཅན་དེ་དག་ཀྱང་མྱུ་གུའི་ཚལ་མེད་པར་གྱུར་པ་ན་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་
Ca71b
པར་བྱེད། སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཕར་སོང་ཕར་སོང་ཞེས་ཟེར་ཡང་སྨྲས་པ་འདིའི་དོན་ནི་འདིའོ། །སྨྲས་པ་འདིའི་དོན་ནི་འདིའོ་ཞེས་སྨྲས་པ་དེའི་དོན་མི་ཤེས་སོ། །དགེ་སློང་དག་སེམས་ཅན་དེ་དག་གི་མྱུ་གུའི་ཚལ་མེད་པར་གྱུར་པ་ན་མ་རྨོས་མ་བཏབ་པའི་འབྲས་སཱ་ལུའི་འབྲུ། སོ་བ་མེད་པ། སྦུན་པ་མེད་པ། དག་པ་གཙང་བ། སོར་བཞི་པ། ཀུན་ནས་མ་དཀྲིས་པ་ནུབ་བརྔས་ན་ནང་རྒྱས་ཤིང་ཕྱིར་སྐྱེ་ལ། ནང་བརྔས་ན་ནུབ་རྒྱས་ཤིང་ཕྱིར་སྐྱེ་བ། བརྔས་སོ་ཅོག་ཕྱིར་སྐྱེ་བ། བརྔས་པར་ཡང་མི་མངོན་པ་བྱུང་བར་གྱུར་ཏེ། དེ་དག་དེ་ཟ་ཞིང་ཟས་དེ་དང་ལྡན་ལ་ཚེ་རིང་ཞིང་ཡུན་རིང་དུ་གནས་སོ། །གང་གི་ཕྱིར་སེམས་ཅན་དེ་དག་གིས་མ་རྨོས་མ་བཏབ་པའི་འབྲས་སཱ་ལུའི་འབྲུ་ཁམ་གྱི་ཟས་ཀྱི་རྩོམ་པས་ཟོས་པར་གྱུར་པ་དེའི་ཕྱིར་དེ་དག་ལ་དབང་པོ་ཐ་དད་པ་བྱུང་བར་གྱུར་ཏེ། ཁ་ཅིག་ནི་ཕོའི་དབང་པོ་དང་ལྡན། ཁ་ཅིག་ནི་མོའི་དབང་པོ་དང་ལྡན་ནོ། །དེ་ན་གང་དག་ཕོའི་དབང་པོ་དང་ལྡན་པ་དང ། གང་དག་མེའི་དབང་པོ་དང་ལྡན་པ་དེ་དག་གཅིག་ལ་གཅིག་མིག་གིས་མིག་ལ་བརྟེན་ཏེ་ལྟ་བར་བྱེད་དོ། །ཇི་ལྟ་ཇི་ལྟར་གཅིག་ལ་གཅིག་མིག་གིས་མིག་ལ་བརྟེན་ཏེ་ལྟ་བར་བྱེད་པ་དེ་ལྟ་དེ་ལྟར་ཀུན་ཏུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་བྲལ་ཏོ། །ཇི་ལྟ་ཇི་ལྟར་བྲལ་བ་དེ་ལྟ་དེ་ལྟར་ལོག་པར་ཞུགས་སོ། །སེམས་ཅན་གཞན་དག་གིས་ཀྱང་སེམས་ཅན་སེམས་ཅན་ལ་ལོག་པར་ཞུགས་པ་མཐོང་ངོ ། །མཐོང་ནས་སས་ཀྱང་འཐོར་བར་བྱེད། བོང་བ་དང ། གསེག་
Ca72a
༄#། །མ་དང་གྱོ་མོ་དང་གྱོ་དུམ་དག་ཀྱང་འཕེན་པར་བྱེད་ཅིང ། འདི་སྐད་ཅེས་སེམས་ཅན་ངན་བ་གྲོང་བ་བྱ་བ་མ་ཡིན་པ་བྱེད། སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། ཀཝའེ་སེམས་ཅན་ཁྱོད་ཅིའི་ཕྱིར་སེམས་ཅན་སུན་པར་བྱེད་ཅེས་ཀྱང་ཟེར་ཏེ་འདི་ལྟ་སྟེ་དཔེར་ན། དེང་སང་སེམས་ཅན་དག་བག་སར་བག་མར་ལེན་པ་ན་ཕྱེ་མས་ཀྱང་འཐོར་བར་བྱེད ། དྲི་དང་མེ་ཏོག་དང་འབྲས་ཡོས་དག་གིས་ཀྱང་འཐོར་བར་བྱེད་ཅིང ། འདི་སྐད་ཅེས་སྲུ་བདེ་བར་གྱུར་ཅིག་ཅེས་ཀྱང་ཟེར་བ་དེ་བཞིན་དུ། སེམས་ཅན་དེ་དང་དེ་དག་གིས་ཀྱང་སེམས་ཅན་སེམས་ཅན་ལ་ལོག་པར་ཞུགས་པ་མཐོང་ནས་སས་ཀྱང་འཐོར་བར་བྱེད། བོང་བ་དང་གསེག་མ་དང ། གྱོ་མོ་དང་གྱོ་དུམ་དག་ཀྱང་འཕེན་པར་བྱེད་ཅིང་འདི་སྐད་ཅེས་སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། ཀཝའི་སེམས་ཅན་ཁྱོད་ཅིའི་ཕྱིར་སེམས་ཅན་སུན་པར་བྱེད་ཅེས་ཀྱང་ཟེར་རོ། །དགེ་སློང་དག་དེ་ལྟར་ན་སྔོན་ཆོས་མ་ཡིན་པར་གྲགས་པ་གང་ཡིན་པ་དེ་ནི་དེང་སང་ཆོས་སུ་གྲགས་ལ། སྔོན་འདུལ་བ་མ་ཡིན་པར་གྲགས་པ་གང་ཡིན་པ་དེ་ནི་དེང་སང་འདུལ་བར་གྲགས། སྔོན་སྨད་པར་བྱ་བ་གང་ཡིན་པ་དེ་ནི་དེང་སང་བསྟོད་པར་བྱ་བ་ཡིན་ནོ། །དེ་ཉི་མ་གཅིག་ཙམ་སྤོང་བར་བྱེད། ཉི་མ་གཉིས་སམ་གསུམ་མམ་བདུན་ཙམ་སྤོང་བར་བྱེད་དོ། །གང་གི་ཕྱིར་སེམས་ཅན་དེ་དག་སྡིག་པ་ཅན་དམ་པ་མ་ཡིན་པའི་ཆོས་དེ་ལ་ཤིན་ཏུ་སྡང་བར་བྱེད་པས་
Ca72b
བརྟུལ་ཞུགས་ལ་ཞུགས་པ་དེའི་ཕྱིར། དེ་དག་ཁྱིམ་རྩིག་པ་ལ་ཞུགས་ཏེ་བདག་ཅག་གིས་འདིར་བྱ་བ་མ་ཡིན་པ་བྱའོ། །བདག་ཅག་གིས་འདིར་བྱ་བ་མ་ཡིན་པ་བྱའོ་ཞེས་ཟེར་བ་ལས་ཁྱིམ་ཁྱིམ་ཞེས་བྱ་བའི་མིང་བྱུང་ངོ ། །དགེ་སློང་དག་འདི་ནི་ཁྱིམ་གྱི་ལས་ཀྱི་མཐའ་དག་འཇིག་རྟེན་དུ་འབྱུང་བའི་དང་པོ་རྩོམ་པ་ཡིན་ཏེ། དེ་ཡང་ཆོས་ཀྱིས་ཡིན་གྱི་ཆོས་མ་ཡིན་པས་ནི་མ་ཡིན་ནོ། །དེ་ལ་ཆོས་ནི་འདི་ཡིན་ཏེ། རྒྱལ་བ་དབང་པོ་རྣམས་ཀྱི་ཆོས་མཆོག་ཡིན་ནོ། །དགེ་སློང་དག་དེ་ལ་དེའི་ཚེ་དེའི་དུས་ན་གང་གིས་དེའི་དང་པོར་སེམས་ཅན་སུན་ཕྱུང་བར་གྱུར་པའི་སེམས་ཅན་གང་ཡིན་པ་དེ་ནི་ཀ་ལན་ད་ཀའི་བུ་བཟང་བྱིན་ཡིན་ཏེ། འདིས་དེའི་ཚེ་ཡང་འཇིག་རྟེན་སྐྱོན་མེད་ཅིང་ཆུ་བུར་མེད་པ་ལ་དེའི་དང་པོར་འདི་ལྟ་སྟེ། མི་ཚངས་པར་སྤྱོད་པའི་རྐྱེན་གྱིས་ཆུ་བུར་བྱུང་ངོ ། །འདིས་ད་ལྟར་ཡང་དགེ་སློང་གི་དགེ་འདུན་སྐྱོན་མེད་ཅིང་ཆུ་བུར་མེད་པ་ལ་དེའི་དང་པོར་འདི་ལྟ་སྟེ། མི་ཚངས་པར་སྤྱོད་པའི་རྐྱེན་གྱིས་ཆུ་བུར་ཕྱུང་ངོ ། །དགེ་སློང་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། འདོད་ཆགས་སྤང་བའི་ཕྱིར་འབད་པར་བྱའོ། །ཞེ་སྡང་སྤང་བའི་ཕྱིར་དང ། གཏི་མུག་སྤང་བར་བྱ་བའི་ཕྱིར་འབད་པར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང།་ཚོར་བ་དག་གིས་ཉེན་པ་ལ་ནི་ལྟུང་བ་མེད་དོ། །ཕམ་པར་འགྱུར་བ་དང་པོ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་
Ca73a
༄#། །བཞུགས་སོ། །དེའི་ཚེ་ན་སྔོན་རྫ་མཁན་དགེ་སློང་ནོར་ཅན་རྒྱལ་པོའི་ཁབ་ན་དགོན་པའི་སྤྱིལ་བུ་ན་གནས་སོ། །དེ་ནས་སྔོན་རྫ་མཁན་དགེ་སློང་ནོར་ཅན་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང ། རྒྱལ་པོའི་ཁབ་ཀྱི་མི་བ་ལང་རྫི་དག་དང ། ཕྱུགས་རྫི་དག་དང ། རྩཝ་ཐུན་དག་དང ། ཤིང་ཐུན་དག་དང ། ལམ་གྱིས་འཚོ་བ་དག་དང ། ལམ་གོལ་བས་འཚོ་བའི་མི་དག་གིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་ཤིང་ཐམས་ཅད་ཀྱང་ཁྱེར་རོ། །དེའི་འོག་ཏུ་སྔོན་རྫ་མཁན་དགེ་སློང་ནོར་ཅན་འོངས་པ་དང ། སྔོན་རྫ་མཁན་དགེ་སློང་ནོར་ཅན་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་ཤིང་ཐམས་ཅད་ཀྱང་ཁྱེར་བ་མཐོང་ངོ ། །མཐོང་ནས་ཡང་རྩཝ་དང་ཤིང་བླངས་ཏེ་སྤྱིལ་བུ་གཞན་བྱེད་དོ། །སྔོན་རྫ་མཁན་དགེ་སློང་ནོར་ཅན་ལན་གཉིས་ལན་གསུམ་དུ་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང ། རྒྱལ་པོའི་ཁབ་ཀྱི་མི་བ་ལང་རྫི་དག་དང ། ཕྱུགས་རྫི་དག་དང ། རྩཝ་ཐུན་དག་དང ། ཤིང་ཐུན་དག་དང ། ལམ་གྱིས་འཚོ་བ་དག་དང ། ལམ་གོལ་བས་འཚོ་བའི་མི་དག་གིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་ཤིང་ཐམས་ཅད་ཀྱང་ཁྱེར་རོ། །དེའི་འོག་ཏུ་སྔོན་རྫ་མཁན་དགེ་སློང་ནོར་ཅན་འོངས་པ་དང ། སྔོན་རྫ་མཁན་དགེ་སློང་ནོར་ཅན་གྱིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་ཤིང་ཐམས་ཅད་ཀྱང་ཁྱེར་བ་མཐོང་ངོ ། །དེ་ནས་སྔོན་རྫ་མཁན་དགེ་སློང་ནོར་ཅན་འདི་
Ca73b
སྙམ་དུ་སེམས་ཏེ། འདི་ལྟར་བདག་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང ། རྒྱལ་པོའི་ཁབ་ཀྱི་མི་བ་ལང་རྫི་དག་དང ། ཕྱུགས་རྫི་དག་དང ། རྩཝ་ཐུན་དག་དང ། ཤིང་ཐུན་དག་དང ། ལམ་གྱིས་འཚོ་བ་དག་དང ། ལམ་གོལ་བས་འཚོ་བའི་མི་དག་གིས་ལན་གསུམ་གྱི་བར་དུ་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ། རྩཝ་དང་ཤིང་ཐམས་ཅད་ཀྱང་ཁྱེར་བ་ནི། ཀྱེ་མའོ་སྡུག་བསྔལ་ཀྱེ་མའོ་མི་བཟང་སྟེ། བདག་ཕའི་བཟོའི་གནས་དང་ལས་ཀྱི་གནས་ལ་མཁས་ཀྱིས་བདག་གི་གནས་ཁང་ཐམས་ཅད་ས་ལས་བྱས་པ་ཞིག་བྱའོ་སྙམ་མོ། །དེ་ནས་སྔོན་རྫ་མཁན་དགེ་སློང་ནོར་ཅན་གྱིས་ལུས་ཀྱིས་ས་དག་བསྐྱས་ཤིང་བསྐྱས་ཤིང་སྲོག་ཆགས་མེད་པའི་ཆུས་སྦངས་ཏེ། གནས་ཁང་གི་གཞིའི་རྨང་དང་ཐོག་དང་ཀ་བ་དང་སྟེང་རིམ་རྩིག་པར་བྱེད་ཅིང ། ཆོས་གོས་ཀྱི་གདང་ཁུང་དང་ཆོས་གོས་ཀྱི་གདང་དང་སྟེགས་དང་ཁྲི་དང་ཁྲིའུ་དང་ཨན་ཁྲིའུ་དང ། སྒོ་སྐྱེས་དག་ཀྱང་བྱེད་དོ། །དེ་བསྐམས་པར་རིག་ནས། ཁ་དོག་ཅན་གྱིས་སྐུད་པར་བྱེད་ཅིང་ཁ་དོག་ཅན་གྱིས་བསྐུས་ནས་ཤིང་དང་ལྕི་བ་དང་རྩཝ་སྐམ་པོ་དག་བཅེར་ཏེ་སོ་གཏོང་བར་བྱེད་དོ། །དེའི་གནས་ཁང་དེ་ཚོས་པ་ཤིན་ཏུ་ཚོས་པ། གྲུབ་པ་མཆོག་ཏུ་གྲུབ་པ། དམར་བ་མདོག་དམར་བ་འོད་དམར་བ་འདི་ལྟ་སྟེ་དཔེར་ན། མེ་ཏོག་བན་དྷུ་ཛི་བ་ཀ་འདྲའོ། །དེ་ནས་སྔོན་རྫ་མཁན་དགེ་སློང་ནོར་ཅན་འདི་སྙམ་དུ་སེམས་ཏེ། བདག་གི་གནས་ཁང་ཚོས་པ་ཤིན་ཏུ་ཚོས་པ། གྲུབ་པ་མཆོག་ཏུ་གྲུབ་པ། དམར་བ་མདོག་དམར་པོ་འོད་དམར་བ་འདི་ལྟ་སྟེ་དཔེར་ན།
Ca74a
༄#། །མེ་ཏོག་བན་དྷུ་ཛི་བ་ཀ་འདྲས། བདག་གིས་ད་ནི་གནས་ཁང་གི་དུས་སྟོན་བྱའོ་སྙམ་མོ། །དེ་ནས་སྔོན་རྫ་མཁན་དགེ་སློང་ནོར་ཅན་གྱིས་དགེ་སློང་ཉེ་འཁོར་བ་དག་ལ་གནས་ཁང་ལྟར་བཅུག་སྟེ། ལྷུང་བཟེད་དང་ཆོས་གོས་ཐོགས་ནས་ལྗོངས་རྒྱུར་སོང་ངོ ། །ཆོས་ཉིད་ཀྱིས་ན་སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ། འཚོ་ཞིང་གཞེས་པ་དག་ནི་འདུལ་བར་གྱུར་པའི་དབང་གིས་དུས་དང་དུས་སུ་སེམས་ཅན་དམྱལ་བར་རྒྱུར་གཤེགས་པ་དང ། དུད་འགྲོ་རྒྱུ་བ་དང ། ཡི་དྭགས་རྒྱུ་བ་དང ། ལྷ་རྒྱུ་བ་དང ། ལྗོངས་རྒྱུ་བ་དང ། ཆུ་ཀླུང་རྒྱུ་བ་དང ། དགོན་པ་རྒྱུར་བ་དང ། དུར་ཁྲོད་རྒྱུ་བ་དང ། རི་རྒྱུ་བ་དང ། གཙུག་ལག་ཁང་རྒྱུར་གཤེགས། དོན་འདིར་ནི་སངས་རྒྱས་བཅོམ་ལྡན་འདས་གཙུག་ལག་ཁང་རྒྱུར་གཤེགས་པར་བཞེད་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ། དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་ད་གཙུག་ལག་ཁང་རྒྱུར་གཤེགས་ཀྱིས་ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་གཙུག་ལག་ཁང་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོང་ཞིག་ཅེས་བསྒོ་ཞིག་།ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ལྡེ་མིག་ཀྱོག་པོ་ཐོགས་ཏེ་ཀུན་དགའི་ར་བ་ནས་ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ །
Ca74b
འཆག་ས་ནས་འཆག་སར། གོལ་བར་འགྲོ་ཞིང་དྲང་པོར་འགྲོ་བ་ན་དགེ་སློང་དེ་དག་མཐོང་ནས་འདི་སྐད་ཅེས་སྨྲས་སོ། །ཚེ་དང་ལྡན་པ་དག་བཅོམ་ལྡན་འདས་དེ་གཙུག་ལག་ཁང་རྒྱུར་གཤེགས་ཀྱིས་ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་གཙུག་ལག་ཁང་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོང་ཞིག་།དགེ་སློང་དེ་དག་གིས་ཚེ་དང་ལྡན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོ་ལས་མཉན་ནས་ཆོས་གོས་དག་བླངས་ཏེ། བཅོམ་ལྡན་འདས་ག་ལ་བ་དེར་དོང་ངོ ། །དེ་ནས་བཅོམ་ལྡན་འདས་དགེ་སློང་རབ་ཏུ་མང་པོ་དག་དང་ཐབས་ཅིག་གཙུག་ལག་ཁང་རྒྱུར་གཤེགས་ཏེ།་མཐར་གྱིས་གཙུག་ལག་ཁང་རྒྱུ་ཞིང་གཤེགས་པ་ན་སྔོན་རྫ་མཁན་དགེ་སློང་ནོར་ཅན་གྱི་གཙུག་ལག་ཁང་ག་ལ་བ་དེར་གཤེགས་པ་དང ། བཅོམ་ལྡན་འདས་ཀྱིས་སྔོན་རྫ་མཁན་དགེ་སློང་ནོར་ཅན་གྱི་གནས་ཁང་ཚོས་པ་ཤིན་ཏུ་ཚོས་པ། གྲུབ་པ་མཆོག་ཏུ་གྲུབ་པ། དམར་བ་མདོག་དམར་བ་འོད་དམར་བ་འདི་ལྟ་སྟེ་དཔེར་ན། མེ་ཏོག་བན་དྷུ་ཛི་བ་ཀ་འདྲ་བ་གཟིགས་སོ། །གཟིགས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་གནས་ཁང་འདི་སུའི་ཡིན། བཙུན་པ་སྔོན་རྫ་མཁན་དགེ་སློང་ནོར་ཅན་གྱི་ལགས་སོ། །དགེ་སློང་དག་ང་ལ་གཞི་འདིས་མུ་སྟེགས་ཅན་དག་དགེ་སྦྱོང་གོའུ་ཏ་མ་འདུག་བཞིན་དུ་ཉན་ཐོས་རྣམས་ལ་ཟག་པའི་གནས་ལྟ་བུའི་ཆོས་ཁ་ཅིག་བྱུང་བར་གྱུར་ཏོ་ཞེས་ཁ་ཟེར་བར་འགྱུར་གྱིས་གནས་ཁང་ཤིག་ཅིག་།རྣམ་པར་དཀྲུགས་ཤིག་།དགེ་སློང་དེ་དག་གིས་འདི་ལྟ་སྟེ། སྟོན་པའི་
Ca75a
༄#། །བཀའ་ལུང་གིས་གནས་ཁང་བཤིག་ཅིང་རྣམ་པར་དཀྲུགས་སོ། །བཅོམ་ལྡན་འདས་ཀྱང་གནས་ཁང་བཤིག་ཅིང་རྣམ་པར་དཀྲུགས་ནས་གཤེགས་སོ། །སྔོན་རྫ་མཁན་དགེ་སློང་ནོར་ཅན་འོངས་པ་དང ། སྔོན་རྫ་མཁན་དགེ་སློང་ནོར་ཅན་གྱི་གནས་ཁང་བཤིག་ཅིང་རྣམ་པར་དཀྲུགས་པ་མཐོང་ངོ ། །མཐོང་ནས་དགེ་སློང་ཉེ་འཁོར་བ་རྣམས་ལ་སྨྲས་པ། ཚེ་དང་ལྡན་པ་དག་ཁོ་བོའི་གནས་ཁང་སུས་བཤིག་ཅིང་རྣམ་པར་དཀྲུགས། ཚེ་དང་ལྡན་པ་འདི་ལྟ་སྟེ། སྟོན་པའི་བཀའ་ལུང་གིས་དགེ་སློང་དག་གིས་སོ། །གལ་ཏེ་བཅོམ་ལྡན་འདས་ཆོས་ཀྱི་རྗེ། བདེ་བར་གཤེགས་པ་ཆོས་ཀྱི་རྗེས་བཤིག་ན་བཤིག་པ་ལེགས་སོ། །དེའི་ཚེ་ན་གྲོང་ཁྱེར་རྒྱལ་པོའི་ཁབ་ན་ཤིང་སྲུང་བའི་མི་སྣ་ཆེན་པོ་ལ་གཏོགས་པ་སྔོན་རྫ་མཁན་དགེ་སློང་ནོར་ཅན་གྱི་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཤིག་འདུག་གོ་།དེ་ནས་སྔོན་རྫ་མཁན་དགེ་སློང་ནོར་ཅན་འདི་སྙམ་དུ་སེམས་ཏེ། གྲོང་ཁྱེར་རྒྱལ་པོའི་ཁབ་ན་ཤིང་སྲུང་བའི་མི་སྣ་ཆེན་པོ་ལ་གཏོགས་པ་བདག་གི་གཏམ་འདྲེས་པ། ཕེབས་པ་སྨྲ་བ། སྨོས་འདྲིན་འགྲོགས་བཤེས་ཤིག་ཡོད་ཀྱིས་བདག་གིས་གནས་ཁང་ཐམས་ཅད་ཤིང་ལས་བྱས་པ་ཞིག་བྱའོ་སྙམ་དུ་ཤེས་ཤིང་རིག་ནས། ཤིང་སྲུང་བའི་མི་སྣ་ཆེན་པོ་ལ་གཏོགས་པ་ག་ལ་བ་དེར་སོང་སྟེ་ཕྱིན་ནས། ཤིང་སྲུང་བའི་མི་སྣ་ཆེན་པོ་ལ་གཏོགས་པ་ལ་འདི་སྐད་ཅེས་སྨྲས་སོ། །ཀྱེ་ནང་པོ་ཤེས་པར་གྱིས་ཤིག་།ལུས་འཕགས་
Ca75b
མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་བདག་ལ་ཤིང་དག་བྱིན་པ་དེ་དག་འདྲེན་པར་འདོད་ཀྱིས་བདག་ལ་བྱིན་ཅིག་།འཕགས་པ་གལ་ཏེ་ལྷས་ཁྱོད་ལ་ཞུགས་ཤིང་དག་གསོལ་ན་གསོལ་བ་ལེགས་ཀྱིས་ཁྱོད་ཅི་བདེར་སྣོམས་ཤིག་།དེ་ནས་སྔོན་རྫ་མཁན་དགེ་སློང་ནོར་ཅན་གྱིས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་ཤིང་གང་དག་གྲོང་ཁྱེར་རྒྱལ་པོའི་ཁབ་རལ་བ་དང་འདྲུམས་པ་བཅོས་པའི་ཕྱིར་བྲེལ་བའི་དོན་དུ་བཞག་པ། སྦས་པ་ཤིན་ཏུ་སྦས་པ། བསྲུངས་པ་ཤིན་ཏུ་བསྲུངས་པ་གང་ཡིན་པ་སུ་ལ་ཡང་སྟེར་བར་སླ་བ་མ་ཡིན་པ་དེ་དག་ལས་ཤིང་ཁ་ཅིག་ཕྱུང་སྟེ། བཅད་ཅིང་གཤགས་ནས་འདྲེན་པར་བྱེད་དོ། །གྲོང་ཁྱེར་སྲུང་བའི་མི་སྣ་ཆེན་པོ་ལ་གཏོགས་པ་ཞིག་གྲོང་ཁྱེར་རྒྱལ་པོའི་ཁབ་ཀྱི་མཁར་ཕྱིའི་ལམ་ཉུལ་བ་ན་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་ཤིང་གང་དག་གྲོང་ཁྱེར་རྒྱལ་པོའི་ཁབ་རལ་བ་དང་འདྲུམས་པ་བཅོས་པའི་ཕྱིར་བྲེལ་བའི་དོན་དུ་བཞག་པ། སྦས་པ་ཤིན་ཏུ་སྦས་པ། བསྲུངས་པ་ཤིན་ཏུ་བསྲུངས་པ་གང་ཡིན་པ་སུ་ལ་ཡང་སྟེར་བར་སླ་བ་མ་ཡིན་པ་དེ་དག་ལས་ཤིང་ཁ་ཅིག་ཕྱུང་སྟེ་བཅད་ཅིང ། གཤགས་ནས་དྲངས་པ་མཐོང་ངོ ། །མཐོང་ནས་དེ་འདི་ལྟར་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་ཤིང་གང་དག་གྲོང་ཁྱེར་རྒྱལ་པོའི་ཁབ་རལ་བ་དང་འདྲུམས་པ་བཅོས་པའི་ཕྱིར་བྲེལ་བའི་དོན་དུ་བཞག་པ། སྦས་པ་ཤིན་ཏུ་སྦས་པ། བསྲུངས་པ་ཤིན་ཏུ་བསྲུངས་པ། གང་ཡིན་པ་སུ་ལ་ཡང་སྟེར་བར་སླ་བ་མ་ཡིན་པ་དེ་དག་ལས་ཤིང་ཁ་ཅིག་ཕྱུང་སྟེ་བཅད་ཅིང་
Ca76a
༄#། །གཤགས་ནས་དྲངས་པ་ལས་ན། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་གྲོང་ཁྱེར་རྒྱལ་པོའི་ཁབ་ཏུ་ཐོང་མི་པའམ། ཆོམ་རྐུན་པའམ། དགྲ་པོ་འགའ་ཞིག་ཞུགས་པར་མ་གྱུར་ཏམ་སྙམ་དུ་འཇིགས་པར་གྱུར། སྔངས་པར་གྱུར། སྤུ་ཟིང་ཞེས་བྱེད་པར་གྱུར་ཏོ། །དེ་ནས་ཤིང་སྲུང་བའི་མི་སྣ་ཆེན་པོ་ལ་གཏོགས་པ་ག་ལ་བ་དེར་སོང་སྟེ་ཕྱིན་ནས། ཤིང་སྲུང་བའི་མི་སྣ་ཆེན་པོ་ལ་གཏོགས་པ་དེ་ལ་འདི་སྐད་ཅེས་སྨྲས་སོ། །ཀྱེ་ནང་པོ་ཤེས་པར་གྱིས་ཤིག། བདག་འདི་ན་གྲོང་ཁྱེར་རྒྱལ་པོའི་ཁབ་ཀྱི་མཁར་ཕྱིའི་ལམ་ཉུལ་བ་ན་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་ཤིང་གང་དག་གྲོང་ཁྱེར་རྒྱལ་པོའི་ཁབ་རལ་བ་དང་འདྲུམས་པ་བཅོས་པའི་ཕྱིར་བྲེལ་བའི་དོན་དུ་བཞག་པ། སྦས་པ་ཤིན་ཏུ་སྦས་པ། བསྲུངས་པ་ཤིན་ཏུ་བསྲུངས་པ། གང་ཡིན་པ་སུ་ལ་ཡང་སྟེར་བར་སླ་བ་མ་ཡིན་པ་དེ་དག་ལས་ཤིང་ཁ་ཅིག་ཕྱུང་སྟེ། བཅད་ཅིང་གཤགས་ནས་དྲངས་པ་མཐོང་ངོ ། །མཐོང་ནས་བདག་འདི་ལྟར་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་ཤིང་གང་དག་གྲོང་ཁྱེར་རྒྱལ་པོའི་ཁབ་རལ་བ་དང ། འདྲུམས་པ་བཅོས་པའི་ཕྱིར་བྲེལ་བའི་དོན་དུ་བཞག་པ། སྦས་པ་ཤིན་ཏུ་སྦས་པ།་བསྲུངས་པ་ཤིན་ཏུ་བསྲུངས་པ་གང་ཡིན་པ་སུ་ལ་ཡང་སྟེར་བར་སླ་བ་མ་ཡིན་པ་དེ་དག་ལས་ཤིང་ཁ་ཅིག་ཕྱུང་སྟེ། བཅད་ཅིང་གཤགས་ནས་དྲངས་པ་ལས་ན། ལུས་འཕགས་མའི་
Ca76b
བུམ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་གྲོང་ཁྱེར་རྒྱལ་པོའི་ཁབ་ཏུ་ཐོང་མི་པའམ། ཆོམ་རྐུན་པའམ། དགྲ་བོ་འགའ་ཞིག་ཞུགས་པར་མ་གྱུར་ཏམ་སྙམ་དུ་འཇིགས་པར་གྱུར། སྔངས་པར་གྱུར། སྤུ་ཟིང་ཞེས་བྱེད་པར་གྱུར་ན། ཀྱེ་ནང་པོ་ཁྱོད་ཀྱིས་ཤིང་དག་སུ་ལ་ཡང་མ་བྱིན་ནམ། ཀྱེ་ནང་པོ་སུ་ལ་ཡང་མ་བྱིན་ཏེ། འོན་ཀྱང་སྔོན་རྫ་མཁན་དགེ་སློང་ནོར་ཅན་འོངས་ནས་དེ་འདི་སྐད་ཅེས། ཀྱེ་ནང་པོ་ཤེས་པར་གྱིས་ཤིག་།ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་བདག་ལ་ཤིང་དག་བྱིན་པ་དེ་དག་འདྲེན་པར་འདོད་ཀྱིས་བདག་ལ་བྱིན་ཅིག་ཅེས་ཟེར་ནས། བདག་གིས་དེ་ལ་འདི་སྐད་ཅེས་འཕགས་པ་གལ་ཏེ་ལྷས་ཁྱོད་ལ་ཞུགས་ཤིང་དག་གསོལ་ན། གསོལ་བ་ལེགས་ཀྱིས་ཁྱོད་ཅི་བདེར་སྣོམས་ཤིག་ཅེས་བརྗོད་པས་དེས་དྲངས་པའམ་གཅིག་ཏུ་མ་གྱུར་ཏམ། དེ་ནས་གྲོང་ཁྱེར་སྲུང་བའི་མི་སྣ་ཆེན་པོ་ལ་གཏོགས་པ་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ག་ལ་བ་དེར་སོང་སྟེ་ཕྱིན་ནས། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛོད་ཅིག་།བདག་འདི་ན་གྲོང་ཁྱེར་རྒྱལ་པོའི་ཁབ་ཀྱི་མཁར་ཕྱིའི་ཤུལ་ཉུལ་བ་ན་ལྷའི་ཞུགས་ཤིང་གང་དག་གྲོང་ཁྱེར་རྒྱལ་པོའི་ཁབ་རལ་བ་དང ། འདྲུམས་པ་བཅོས་པའི་སླད་དུ་བྲེལ་བའི་དོན་དུ་བཞག་པ། སྦས་པ་ཤིན་ཏུ་སྦས་པ། བསྲུངས་པ་ཤིན་ཏུ་བསྲུངས་པ་གང་ལགས་པ་སུ་ལ་ཡང་སྩལ་བར་སླ་བ་མ་ལགས་པ་དེ་དག་ལས་ཞུགས་ཤིང་ཁ་ཅིག་ཕྱུང་སྟེ།
Ca77a
༄#། །བཅད་ཅིང་གཤགས་ནས་དྲངས་པ་མཐོང་ངོ ། །མཐོང་ནས་བདག་འདི་ལྟར་ལྷའི་ཞུགས་ཤིང་གང་དག་གྲོང་ཁྱེར་རྒྱལ་པོའི་ཁབ་རལ་བ་དང ། འདྲུམས་པ་བཅོས་པའི་སླད་དུ་བྲེལ་བའི་དོན་དུ་བཞག་པ། སྦས་པ་ཤིན་ཏུ་སྦས་པ། བསྲུངས་པ་ཤིན་ཏུ་བསྲུངས་པ་གང་ལགས་པ་སུ་ལ་ཡང་སྩལ་བར་སླ་བ་མ་ལགས་པ་དེ་དག་ལས་ཞུགས་ཤིང་ཁ་ཅིག་ཕྱུང་སྟེ།་བཅད་ཅིང་གཤགས་ནས་དྲངས་པ་ལས་ན། ལྷའི་གྲོང་ཁྱེར་རྒྱལ་པོའི་ཁབ་ཏུ་ཐོང་མི་པའམ། ཆོམ་རྐུན་པའམ། དགྲ་བོ་འགའ་ཞིག་ཞུགས་པར་མ་གྱུར་ཏམ་སྙམ་དུ་འཇིགས་པར་གྱུར།་སྔངས་པར་གྱུར། སྤུ་ཟིང་ཞེས་བགྱིད་པར་གྱུར་ནས། ཞུགས་ཤིང་སྲུང་བའི་མི་སྣ་ཆེན་པོ་ལ་གཏོགས་པ་ག་ལ་བ་དེར་མཆིས་ཏེ་མཆིས་ནས། ཞུགས་ཤིང་སྲུང་བའི་མི་སྣ་ཆེན་པོ་ལ་གཏོགས་པ་ལ་འདི་སྐད་ཅེས་ཀྱེ་ནང་པོ་ཤེས་པར་གྱིས་ཤིག་།བདག་འདི་ན་གྲོང་ཁྱེར་རྒྱལ་པོའི་ཁབ་ཀྱི་མཁར་ཕྱིའི་ལམ་ཉུལ་བ་ན་ལྷའི་ཤིང་གང་དག་གྲོང་ཁྱེར་རྒྱལ་པོའི་ཁབ་རལ་བ་དང ། འདྲུམས་པ་བཅོས་པའི་ཕྱིར་བྲེལ་བའི་དོན་བཞག་པ། སྦས་པ་ཤིན་ཏུ་སྦས་པ། བསྲུངས་པ་ཤིན་ཏུ་བསྲུངས་པ། གང་ཡིན་པ་སུ་ལ་ཡང་སྟེར་བར་སླ་བ་མ་ཡིན་པ་དེ་དག་ལས་ཤིང་ཁ་ཕྱུང་སྟེ་བཅད་ཅིང་གཤགས་ནས་དྲངས་པ་མཐོང་ན། ཀྱེ་ནང་པོ་ཁྱོད་ཀྱིས་ཤིང་དག་སུ་ལ་ཡང་མ་བྱིན་ནམ་ཞེས་བགྱིས་ན། དེ་འདི་སྐད་ཅེས་ཀྱེ་ནང་པོ་སུ་ལ་ཡང་མ་བྱིན་ཏེ། འོན་ཀྱང་སྔོན་རྫ་མཁན་དགེ་སློང་ནོར་ཅན་
Ca77b
འོངས་ནས་དེ་འདི་སྐད་ཅེས། ཀྱེ་ནང་པོ་ཤེས་པར་གྱིས་ཤིག་།ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་བདག་ལ་ཤིང་དག་བྱིན་པ་དེ་དག་འདྲེན་པར་འདོད་ཀྱིས་བདག་ལ་བྱིན་ཅིག་ཅེས་ཟེར་ནས། བདག་གིས་དེ་ལ་འདི་སྐད་ཅེས་འཕགས་པ་གལ་ཏེ་ལྷས་ཁྱོད་ལ་ཞུགས་ཤིང་དག་གསོལ་ན་གསོལ་བ་ལེགས་ཀྱིས་ཁྱོད་ཅི་བདེར་སྣོམས་ཤིག་ཅེས་བརྗོད་པས་དེས་དྲངས་པའམ་གཅིག་ཏུ་མ་བྱུར་ཏམ་ཞེས་མཆི་ན། ལྷས་ཞུགས་ཤིང་དག་སུ་ལ་ཡང་སྩལ་ཏམ། ཀཝའེ་ནང་རྗེ་སུ་ལ་ཡང་མ་བྱིན་ནོ། །ལྷ་ཞུགས་ཤིང་སྲུང་བའི་མི་སྣ་ཆེན་པོ་ལ་གཏོགས་པ་དེ་སྐད་མཆིའོ། །དེ་ནས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་མི་ཞིག་ལ་སྨྲས་པ། ཀཝའེ་ནང་རྗེ་ཚུར་ཤོག་།ཤིང་སྲུང་བའི་མི་སྣ་ཆེན་པོ་ལ་གཏོགས་པ་ག་ལ་བ་དེར་སོང་ལ་ཕྱིན་ནས། ཤིང་སྲུང་བའི་མི་སྣ་ཆེན་པོ་ལ་གཏོགས་པ་ལ་འདི་སྐད་ཅེས། ཀཝའེ་ནང་རྗེ་ཁྱོད་ལ་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་གསུང་ངོ་ཞེས་གྱིས་ཤིག་།མི་དེས་ལྷ་བཀའ་བཞིན་འཚལ་ཞེས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ལས་མཉན་ནས། ཤིང་སྲུང་བའི་མི་སྣ་ཆེན་པོ་ལ་གཏོགས་པ་ག་ལ་བ་དེར་སོང་སྟེ་ཕྱིན་ནས། ཤིང་སྲུང་བའི་མི་སྣ་ཆེན་པོ་ལ་གཏོགས་པ་ལ་འདི་སྐད་ཅེས་སྨྲས་སོ།། ཀྱེ་ནང་པོ་ཤེས་པར་གྱིས་ཁྱོད་ལ་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་གསུང་ངོ ། །ཤིང་སྲུང་བའི་མི་སྣ་ཆེན་པོ་ལ་གཏོགས་པས་ཀྱེ་ནང་པོ་བཀའ་བཞིན་འཚལ་ཞེས་མི་དེ་
Ca78a
༄#། །ལས་མཉན་ནས། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་དྲུང་དུ་འཕགས་སོ། །དེའི་ཚེ་ན་སྔོན་རྫ་མཁན་དགེ་སློང་ནོར་ཅན་བྱ་བ་འགའ་ཞིག་ལ་རྒྱལ་པོའི་ཁབ་ཏུ་འཕགས་པར་གྱུར་པ་དང ། ཤིང་སྲུང་བའི་མི་སྣ་ཆེན་པོ་ལ་གཏོགས་པས་སྔོན་རྫ་མཁན་དགེ་སློང་ནོར་ཅན་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་སྔོན་རྫ་མཁན་དགེ་སློང་ནོར་ཅན་ལ་འདི་སྐད་ཅེས་སྨྲས་སོ། །འཕགས་པ་མཁྱེན་པར་མཛོད་ཅིག་།བདག་ནི་ཞུགས་ཤིང་དེ་དག་གི་སླད་དུ་བཀུག་གོ་།ཀྱེ་ནང་པོ་ཁྱོད་སོང་ཞིག་དང་བདག་ཀྱང་འོང་ངོ ། །དེ་ནས་ཤིང་སྲུང་བའི་མི་སྣ་ཆེན་པོ་ལ་གཏོགས་པ་དང ། སྔོན་རྫ་མཁན་དགེ་སློང་ནོར་ཅན་དང ། མི་དེ་ཡང་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་གནས་ག་ལ་བ་དེར་དོང་སྟེ་ཕྱིན་ནས། རྒྱལ་པོའི་སྒོར་བསྡད་དོ། །དེ་ནས་མི་དེ་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ག་ལ་བ་དེར་སོང་སྟེ་ཕྱིན་ནས། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ལྷ་ཞུགས་ཤིང་སྲུང་བའི་མི་སྣ་ཆེན་པོ་ལ་གཏོགས་པ་དེ་ཆབ་སྒོ་ན་སྡོད་དོ། །རབ་ཏུ་བྱུང་བ་དེ་ཡང་མ་སྦྲན་པ་ཉིད་དུ་མཆིས་སོ། །ཀཝའེ་ནང་རྗེ་ཤིང་སྲུང་བའི་མི་སྣ་ཆེན་པོ་ལ་གཏོགས་པ་རེ་ཞིག་ཞོག་ལ་རབ་ཏུ་བྱུང་བ་དེ་འཇུག་ཏུ་ཆུག་ཅིག་།མི་དེས་ལྷ་བཀའ་བཞིན་འཚལ་ཞེས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་
Ca78b
ལས་མཉན་ནས། སྔོན་རྫ་མཁན་དགེ་སློང་ནོར་ཅན་ག་ལ་བ་དེར་སོང་སྟེ་ཕྱིན་ནས། སྔོན་རྫ་མཁན་དགེ་སློང་ནོར་ཅན་ལ་འདི་སྐད་ཅེས་སྨྲས་སོ། །འཕགས་པ་མཁྱེན་པར་མཛོད་ཅིག་།ཁྱོད་ལ་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་གསུང་ངོ ། །སྔོན་རྫ་མཁན་དགེ་སློང་ནོར་ཅན་གྱི་ཀྱེ་ནང་པོ་བཀའ་བཞིན་འཚལ་ཞེས་མི་དེ་ལས་མཉན་ནས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ག་ལ་བ་དེར་སོང་སྟེ་ཕྱིན་ནས། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ལ་ཨ་རོག་གྱ་ཞེས་བྱས་ཏེ་མཐའ་གཅིག་ཏུ་འདུག་གོ། །སྔོན་རྫ་མཁན་དགེ་སློང་ནོར་ཅན་མཐའ་གཅིག་ཏུ་འདུག་པ་ལ་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་འདི་སྐད་ཅེས་སྨྲས་སོ། །འཕགས་པས་ཤིང་མ་བྱིན་པ་དག་བླང་དུ་རུང་ངམ། ལྷ་མི་རུང་ངོ ། །འོན་ཁྱོད་ཀྱིས་ཅིའི་ཕྱིར་བླངས། ལྷས་སྩལ་པ་དག་གོ་།འཕགས་པ། མི་དྲན་ནོ། །བདག་གིས་ལྷས་དགོངས་པར་བགྱིའོ། །ལྷས་ཡབ་ཀྱི་རྒྱལ་སྲིད་ཀྱི་དབང་ཕྱུག་མངའ་བདག་ཏུ་མངའ་བཞེས་པར་གྱུར་ནས་རིང་པོ་མ་ལགས་པར་ངའི་མངའ་རིས་ན་དགེ་སྦྱོང་དང་བྲམ་ཟེར་རང་བཞིན་བཟང་བར་གྲགས་པ་རྩཝ་དང་ཤིང་དང་ཆུ་མ་བྱིན་པ་ཡོངས་སུ་མི་སྤྱོད་པ་གང་དག་འཁོད་པ་དེ་དག་དེང་ཕྱིན་ཆད་ནི་བདེར་སྤྱོད་ཅིག་།ཅེས་དེ་ལྟ་བུའི་ཁྱུ་མཆོག་གི་བཀའ་རྒྱ་ཆེན་པོ་བཏགས་ཏེ། གཅིག་ཏུ་དང་དུ་བཞེས་ཤིང་འཁོར་གྱི་ནང་དུ་ཡང་དག་པར་སེང་གེའི་སྒྲ་བསྒྲགས་པ་ལྷས་དགོངས་ཤིག་།འཕགས་པ་དེ་ནི་ཁོ་བོས་ཡོངས་སུ་མ་
Ca79a
༄#། །བཟུང་བ་ལ་བསམས་ཏེ་སྨྲས་ཀྱི་འདི་ནི་ཡོངས་སུ་བཟུང་བ་དང་བཅས་པ་ཡིན་ནོ། །ལྷ་རེ་ཞིག་ཡོངས་སུ་མ་བཟུང་བ་གང་ལགས་པ་དེ་ལ་ལྷས་ཅི་ཞིག་བགྱིར་མཆིས། དེ་སྐད་ཅེས་སྨྲས་པ་དང ། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ཁྲོས་འཁྲུགས་རྔམ་པར་གྱུར་ཅིང་ཡིད་མི་དགའ་ནས་དཔྲལ་བར་དཔྲལ་རྩ་གསུམ་བསྒྲེངས་ཞིང་ཁྲོ་གཉེར་བསྡུས་བཞིན་སྒྱུར་མིག་དགྲད་དེ་ལག་མཐིལ་གཉིས་འདྲིལ་ཞིང་འདི་སྐད་ཅེས་སྨྲས་སོ། །དགེ་སྦྱོང་གསད་པའི་རིགས་པ་ཁྱོད་སོང་ལ་ཕྱིན་ཆད་དེ་ལྟ་མ་བྱེད་ཅིག་།དེ་ནས་འཁོར་དེས་ཤེས་ལྡན་དག་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་འདི་ཙམ་དུ་གཏུམ་པ། འདི་ཙམ་དུ་རྟུན་ངས་པ། འདི་ཙམ་དུ་དྲག་ཤུལ་ཆེ་བ། འདི་ཙམ་དུ་ཚ་མ་ཚོམ་མེད་པ་དེས་དགེ་སྦྱོང་གསད་པའི་རིགས་པ་ཁྱོད་ཅེས་པའི་ཚིག་སྙིང་པོ་མེད་པས་སྤྱོས་ཏེ་བཏང་བ་ནི་ངོ་མཚར་ཏོ་ཞེས་སྐད་ཕྱུང་ཞིང་སྒྲ་མཐོན་པོ་དང ། སྒྲ་ཆེན་པོ་ཕྱུང་བར་གྱུར་ཏོ། །དེ་ནས་སྔོན་རྫ་མཁན་དགེ་སློང་ནོར་ཅན་གཙུག་ལག་ཁང་དུ་སོང་སྟེ་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་ཁོ་བོ་གྱོད་ལ་སྐྲིན་ཅིང་སྲོག་དང་བྲལ་བར་དེའུ་བྱས་སོ། །དགེ་སློང་དག་གིས་ཅིའི་ཕྱིར་ཞེས་དྲིས་པ་དང ། དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་
Ca79b
འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སྣམ་སྦྱར་གྱོན་ཏེ་དགེ་སློང་ཕྱིར་བཞིན་འབྲང་བའི་དགེ་སྦྱོང་ཞིག་དང་སོང་ལ། རྒྱལ་པོའི་ཁབ་ཏུ་ཞུགས་ཏེ་གྲོང་ཁྱེར་རྒྱལ་པོའི་ཁབ་ཀྱི་ལམ་པོ་ཆེ་དང་སྲང་དང་བཞི་མདོ་དང་སུམ་མདོ་དག་དང་བཀའ་འདོགས་པའི་གནས་དག་ཏུ་འདུག་ལ། དད་པ་ཅན་དག་དང ། མ་དད་པ་དག་དང ། བྲམ་ཟེ་དང ། ཁྱིམ་བདག་དང ། གྲོང་རྡལ་པ་དག་དང ། ཡུལ་མི་དག་དང ། ནོར་ཅན་དག་དང ། ཚོང་དཔོན་དག་དང ། དེད་དཔོན་དག་ལ་ཤེས་ལྡན་དག་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་ཇི་ཙམ་མ་བྱིན་པར་བླངས་པས་གྱོད་ལ་སྐྲིན་ཅིང་སྲོག་དང་འབྲལ་བར་བྱེད་ཅེས་དྲིས་ཤིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། རྒྱལ་པོའི་ཁབ་ཏུ་ཞུགས་ཏེ་གྲོང་ཁྱེར་རྒྱལ་པོའི་ཁབ་ཀྱི་ལམ་པོ་ཆེ་དང་སྲང་དང་བཞི་མདོ་དང་སུམ་མདོ་དག་དང་བཀའ་འདོགས་པའི་གནས་དག་ཏུ་འདུག་ནས། དད་པ་ཅན་དག་དང་མ་དད་པ་དག་དང་བྲམ་ཟེ་དང་ཁྱིམ་བདག་དང་གྲོང་རྡལ་པ་དག་དང ། ཡུལ་མི་དག་དང་ནོར་ཅན་དག་དང་ཚོང་དཔོན་དག་དང་དེད་དཔོན་དག་ལ་སྨྲས་པ། ཤེས་ལྡན་དག་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་ཇི་ཙམ་མ་བྱིན་པར་བླངས་པས་གྱོད་ལ་སྐྲིན་ཅིང་སྲོག་དང་འབྲལ་བར་བྱེད། དེ་དག་གིས་སྨྲས་པ། བཙུན་པ་ཀུན་དགའ་བོ། མ་ཤ་ཀ་ལྔའམ་མ་ཤ་ཀ་ལྔ་ལས་ལྷག་བས་སོ། །དེ་ནས་ཚེ་དང་ལྡན་
Ca80a
༄#། །པ་ཀུན་དགའ་བོ་རྒྱལ་པོའི་ཁབ་ནས་བྱུང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མ་གོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བདག་གཟོད་སྣམ་སྦྱར་འཚལ་ཏེ་དགེ་སློང་སླད་བཞིན་འབྲང་བའི་དགེ་སྦྱོང་ཞིག་དང་རྒྱལ་པོའི་ཁབ་ཏུ་ཞུགས་ནས། གྲོང་ཁྱེར་རྒྱལ་པོའི་ཁབ་ཀྱི་ལམ་པོ་ཆེ་དང་སྲང་དང་བཞི་མདོ་དང་སུམ་མདོ་དག་དང་བཀའ་འདོགས་པའི་གནས་དག་ཏུ་མཆིས་ཏེ། དད་པ་ཅན་དག་དང་མ་དད་པ་དང་བྲམ་ཟེ་དང་ཁྱིམ་བདག་དང་གྲོང་རྡལ་བ་དང་ཡུལ་མི་དག་དང ། ནོར་ཅན་དག་དང ། ཚོང་དཔོན་དག་དང་དེད་དཔོན་དག་ལ་ཤེས་ལྡན་དག་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་ཇི་ཙམ་མ་བྱིན་པར་བླངས་པས་གྱོད་ལ་སྐྲིན་ཅིང་སྲོག་དང་བྲལ་བར་བགྱིད་ཅེས་རྨས་ན། དེ་དག་གི་མཆིད་ནས་བཙུན་པ་ཀུན་དགའ་བོ་མ་ཤ་ཀ་ལྔའམ་མ་ཤ་ཀ་ལྔ་ལས་ལྷག་པས་སོ་ཞེས་མཆིའོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །དེ་བཞིན་གཤེགས་པ་ནི་དོན་གྱི་དབང་གཉིས་གཟིགས་པ་ན། དགེ་སློང་གི་དགེ་འདུན་སྡུད་པར་མཛད་དེ། འདི་ལྟ་སྟེ་ངའི་ཉན་ཐོས་རྣམས་ཀྱིས་ཀུན་ཤེས་པ་ཉིད་དུ་བྱ་བའི་ཕྱིར་དང །
Ca80b
ངས་འདུལ་བ་ལ་བསླབ་པའི་གཞི་ལེགས་པར་བཅས་པར་འགྱུར་བའོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་མི་རྨེད་པ། དུས་སུ་རྨེད་པ། དུས་ལས་ཡོལ་བར་མི་རྨེད་པ། དོན་དང་ལྡན་པ་རྨེད་པ། དོན་དང་མི་ལྡན་པ་མི་རྨེད་པས། སངས་རྒྱས་བཅོམ་ལྡན་འདས་རྣམས་ནི་དོན་དང་མི་ལྡན་པ་རྨེད་པ་ལ་ཆུ་ལོན་གྱིས་བཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ནི་དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས། སངས་རྒྱས་བཅོམ་ལྡན་འདས་ཀྱིས་སྔོན་རྫ་མཁན་དགེ་སློང་ནོར་ཅན་ལ་རྨས་པ། ནོར་ཅན་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །ནོར་ཅན་ངས་འདོད་ཆགས་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་བསྟན་པ་དང ། ཞེ་སྡང་འདོད་ཆགས་དང་བྲལ་བར་བྱ་བ་དང ། གཏི་མུག་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བར་བྱ་བའི་ཕྱིར་ཆོས་སྟོན་པ་ལ་ཁྱོད་ཀྱིས་ཅིའི་ཕྱིར་མི་མཛེས་པ་དེ་ལྟ་བུ་དེ་བྱས་པར་གྱུར་ཅེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་
Ca81a
༄#། །པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། འདི་ལྟ་སྟེ། དགེ་འདུན་བསྡུ་བའི་ཕྱིར་དང ། དགེ་འདུན་ལེགས་པར་བྱ་བའི་ཕྱིར་དང ། དགེ་འདུན་བདེ་བར་གནས་པར་བྱ་བའི་ཕྱིར་དང ། གནོང་མི་བཀུར་བའི་གང་ཟག་རྣམས་ཚར་གཅད་པར་བྱ་བའི་ཕྱིར་དང ། ངོ་ཚ་ཤེས་པ་རྣམས་བདེ་བར་གནས་པར་བྱ་བའི་ཕྱིར་དང ། མངོན་པར་མ་དད་པ་རྣམས་མངོན་པར་དད་པར་བྱ་བའི་ཕྱིར་དང ། མངོན་པར་དད་པ་རྣམས་ཕྱིར་ཞིང་འབྱུང་བར་བྱ་བའི་ཕྱིར་དང ། ཚེ་འདིའི་ཟག་པ་རྣམས་བསྡམ་པར་བྱ་བའི་ཕྱིར་དང ། ཚེ་རབས་ཕྱི་མའི་རྣམས་བཟློག་པར་བྱ་བའི་ཕྱིར་དང ། ངའི་ཚངས་པར་སྤྱོད་པ་སྐྱེ་བོ་མང་པོ་ལ་ཕན་པ་ཡངས་པར་གྱུར་པ་ལྷ་དང་མིའི་བར་དག་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་འགྱུར་བའོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་གཞན་དག་གི་གྲོང་ན་འདུག་པའམ། དགོན་པ་ན་འདུག་པ་མ་བྱིན་པ་རྐུ་བའི་གྲངས་སུ་གཏོགས་པ་བླངས་ན་ཇི་ཙམ་མ་བྱིན་པར་བླངས་པས་དེ་རྒྱལ་པོའམ། བློན་པོ་ཆེན་པོས་བཟུང་ནས་དེ་ལ་འདི་སྐད་ཅེས། ཀྱེ་མི་ཁྱོད་ནི་རྐུན་མའོ་བྱིས་པའི་བླུན་པའོ་རྐུན་པའོ་ཞེས་ཟེར་ཞིང་གསོད་དམ། འཆིང་ངམ། སྤྱུག་ཀྱང་རུང་སྟེ། དགེ་སློང་
Ca81b
དེ་ལྟར་མ་བྱིན་པར་ལེན་ན་དགེ་སློང་དེ་ཕམ་པར་གྱུར་པ་ཡིན་གྱིས་གནས་པར་མི་བྱའོ། །ཡང་དགེ་སློང་གང་ཞེས་བྱ་བ་ནི། དགེ་སློང་བཞི་པོ་མིང་གི་དགེ་སློང་དང ། ཁས་འཆེ་བའི་དགེ་སློང་དང ། སློང་བའི་ཕྱིར་དགེ་སློང་དང ། ཉོན་མོངས་པ་བཅོམ་པའི་ཕྱིར་དགེ་སློང་ལས་ཞེས་བྱ་བ་ནས། དེ་ན་འདིར་ནི་གསོལ་བ་དང་བཞིའི་ལས་མི་གཡོ་བ་གཞག་པར་མི་འོས་པས་བསྙེན་པར་རྫོགས་པ་གང་ཡིན་པར་དེ་དགེ་སློང་དུ་དགོངས་ཏེ་ཞེས་བྱ་བའི་བར་དུ་སྔ་མ་བཞིན་ཏེ། དེས་ན་ཡང་དགེ་སློང་གང་ཞེས་གསུངས་སོ། །གཞན་དག་གི་ཞེས་བྱ་བ་ནི། སྐྱེས་པ་དང་བུད་མེད་དང་མ་ནིང་དག་གིའོ། །གྲོང་ན་འདུག་པའམ་ཞེས་བྱ་བ་ནི་ར་བའི་ནང་ན་འདུག་པའོ། །དགོན་པ་ན་འདུག་པ་ཞེས་བྱ་བ་ནི་ར་བའི་ཕྱི་རོལ་ན་འདུག་པའོ། །མ་བྱིན་པ་ཞེས་བྱ་བ་ནི། དེ་ལ་སྐྱེས་པའམ་བུད་མེད་དམ་མ་ནིང་གང་གིས་ཀྱང་མ་བྱིན་པའོ། །རྐུ་བའི་གྲངས་སུ་གཏོགས་པ་ཞེས་བྱ་བ་ནི། མ་བྱིན་པ་གང་ཡིན་པ་དེ་རྐུ་བའི་གྲངས་སུ་གཏོགས་པ་ཡང་ཡིན་ནོ། །བླངས་ན་ཞེས་བྱ་བ་ནི། ལེན་ནའོ། །ཇི་ཙམ་མ་བྱིན་པར་བླངས་པས་ཞེས་བྱ་བ་ནི། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པས་སོ། །དེ་རྒྱལ་པོའམ། ཞེས་བྱ་བ་ནི་འདི་ལྟ་སྟེ། བུད་མེད་རྒྱལ་སྲིད་ལ་དབང་བསྐུར་བས་དབང་བསྐུར་བར་གྱུར་ན་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ལ། རྒྱལ་རིགས་དང་བྲམ་ཟེ་དང་རྗེའུ་རིགས་དང་དམངས་རིགས་རྒྱལ་སྲིད་ལ་དབང་བསྐུར་བས་དབང་བསྐུར་བར་གྱུར་ན། དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་
Ca82a
༄#། །པ་ཡིན་ནོ། །བློན་པོ་ཆེན་པོས་ཞེས་བྱ་བ་ནི་དེ་ལས་གཞན་པ་བློན་པོ་དང་རྩིས་མཁན་དང་སྣ་ཆེན་པོ་ལ་གཏོགས་པ་རྒྱལ་སྲིད་བྱེད་པ་གསང་ཚིག་མཐུན་པས་འཚོ་བ་གང་དག་དེ་ལ་བརྟེན་ནས་འཚོ་བར་བྱེད་པ་དག་གིས་སོ། །བཟུང་ནས་ཞེས་བྱ་བ་ནི་བླངས་ནས་སོ། །དེ་ལ་འདི་སྐད་ཅེས་ཀྱེ་མི་ཁྱོད་ནི་རྐུན་མའོ་བྱིས་པའོ་བླུན་པའོ་རྐུ་བའོ་ཞེས་བྱ་བ་དེ་དག་ནི་སྤྱོ་བའི་ཚིག་གོ་།ཟེར་ཞིང་ཞེས་བྱ་བ་ནི་རྗོད་ཅིང་ངོ ། །གསོད་དམ་ཞེས་བྱ་བ་ནི་སྲོག་དང་བྲལ་བར་བྱེད་པའོ། །འཆིང་ངམ་ཞེས་བྱ་བ་ནི། ཆིངས་མ་གསུམ་པོ་ལྕགས་ལས་བྱས་པ་དང ། ཤིང་ལས་བྱས་པ་དང ། རྩཝ་ལས་བྱས་པ་དག་གི་སོ། །སྤྱུག་ཀྱང་རུང་སྟེ་ཞེས་བྱ་བ་ནི། ཡུལ་མེད་པར་བྱེད་ཀྱང་རུང་སྟེའོ། །དགེ་སློང་ཞེས་བྱ་བ་ནི་གང་ལ་དགེ་སློང་གིས་དངོས་པོ་ཡོད་པ་གང་ཡིན་པའོ། །དགེ་སློང་གི་དངོས་པོ་གང་ཞེ་ན། བསྙེན་པར་རྫོགས་པ་གང་ཡིན་པའོ། །བསྙེན་པར་རྫོགས་པ་གང་ཞེ་ན། གསོལ་བ་དང་བཞིའི་ལས་ཀྱི་བྱ་བ་བྱེད་པ་ཉིད་དང ། རྟོག་པ་ཉིད་དང ། ཡང་དག་པར་རྟོག་པ་ཉིད་དང ། མཐར་ཕྱིན་པར་བྱེད་པ་ཉིད་དང ། ཡང་དག་པར་མཐར་ཕྱིན་པར་བྱེད་པ་གང་ཡིན་པ་དང ། གང་ཟག་དེའི་ཁས་ལེན་པ་དང ། མངོན་པར་ཁས་ལེན་པ་དང ། ཕྱིར་མི་ཟློག་པ་དང ། ཕྱིར་མི་ཟློག་པ་ཉིད་དང ། ངག་དང ། ཚིག་དང ། ཐ་སྙད་དང ། སྐད་དང ། རྗོད་པ་དང ། ངེས་པའི་ཚིག་དང ། ཚིག་གི་ལམ་དང ། ཚིག་
Ca82b
གི་སྒྲ་དང ། ངག་གི་ལས་དང ། ངག་གི་རྣམ་པར་རིག་བྱེད་གང་ཡིན་པའོ། །དེ་ཡང་ཞེས་བྱ་བ་ནི་ཉེ་བར་བསྟན་པ་དང ། ཀུན་ཏུ་བསྟན་པའི་ཚིག་བླ་དྭགས་དེ་ཡང་ངོ ། །ཕམ་པར་གྱུར་པ་ཡིན་གྱིས་ཞེས་བྱ་བ་ནི། དེ་མཐར་གྱུར་པ་དང ། ལྟུང་བ་དང ། དམན་པ་དང ། མཇུག་ན་འདུག་པ་དང ། ཐ་ཆད་དང ། ཡིད་དང་མི་མཐུན་པ་གང་ཡིན་པའོ། །ཡང་གང་གིས་ལྟུང་བ་དེ་བྱས་ན། བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་ཉམས་པར་འགྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང ། ཉམས་པ་བཅོམ་པ་ལྟུང་བ་ཕམ་པར་གྱུར་པ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན། ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ་འཕེལ་ཞིང་རྒྱས་པ་དང ། ཡངས་པར་འགྱུར་དུ་མི་རུང་བ་དེ་བཞིན་དུ། དགེ་སློང་གིས་དེ་ལྟ་བུ་བྱས་ན་བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་ཉམས་པར་གྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང ། ཉམས་པ་བཅོམ་པ་ལྟུང་བ་ཕམ་པར་གྱུར་པ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་བས། དེས་ན་ཕམ་པར་གྱུར་བ་ཡིན་གྱིས་ཞེས་གསུངས་སོ། །གནས་པར་མི་བྱའོ། །ཞེས་བྱ་བ་ནི་དགེ་སློང་རྣམས་ཀྱིས་དེ་དང་གསོ་སྦྱོང་དང ། དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་
Ca83a
༄#། །དང་བཞིའི་ལས་ལ་གནས་པར་མི་བྱའོ། །ཡང་གང་ཟག་བཅུ་གཉིས་པོ་དག་ཏུ་བསྐོ་བས་བསྐོ་བར་མི་བྱ་སྟེ། དེ་ན་གནས་པར་མི་བྱའོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། སྤྱི་སྡོམ་ལ། བདག་ཉིད་ས་དང་ནམ་མཁའ་དང ། །ས་ཡི་གཅལ་དང་བཞོན་དང་གྲུ། །སྟོན་ཀ་འབྱུང་དང་ཆུ་དང་ནི། །རྐུ་དང་ས་གཞི་འཆོལ་བ་དང ། །རྐང་མེད་དང་ནི་གདོལ་པ་དང ། །འཕྱང་བར་གྱུར་པ་ཐ་མ་ཡིན། །སྡོམ་ལ། བདག་ཉིད་དང་ནི་མ་བྱིན་དང ། །སེམས་དང་ཡོངས་སུ་བཟུང་བ་དང ། །འདུ་ཤེས་དང་ནི་བཞི་པ་བཞི། །ལྔ་པ་གཉིས་སུ་བྱས་པ་ཡིན།། དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གསུམ་གང་ཞེ་ན། བདག་ཉིད་ཀྱིས་དང ། ཞལ་ཏ་བྱས་ཏེ་དང ། མངགས་པས་སོ། །ཇི་ལྟར་བདག་ཉིད་ཀྱིས་ཤེ་ན། བདག་ཉིད་ཀྱིས་རྐུ་བ་དང ། བདག་ཉིད་ཀྱིས་རྐུར་འཇུག་པ་དང ། བདག་ཉིད་ཀྱིས་གནས་ནས་གནས་སུ་སྦེད་པར་བྱེད་པ་སྟེ། དེ་ལྟར་བདག་ཉིད་ཀྱིས་སོ། །ཇི་ལྟར་ཞལ་ཏ་བྱས་ཏེ་ཞེ་ན། ཞལ་ཏ་བྱས་ཏེ་རྐུ་བ་དང ། ཞལ་ཏ་བྱས་ཏེ་རྐུར་འཇུག་པ་དང ། ཞལ་ཏ་བྱས་ཏེ་གནས་ནས་གནས་སུ་སྦེད་པར་བྱེད་པ་སྟེ། དེ་ལྟར་ཞལ་ཏ་བྱས་ཏེའོ། །ཇི་ལྟར་མངགས་པས་ཤེ་ན། མངགས་པས་རྐུ་བ་དང ། མངགས་པས་རྐུར་འཇུད་པ་དང ། མངགས་པས་གནས་ནས་གནས་སུ་སྦེད་པར་བྱེད་པ་སྟེ། དེ་ལྟར་མངགས་པས་སོ། །དགེ་སློང་གིས་གཞན་དག་གི་ཡོ་བྱད་ལྕི་བ་
Ca83b
དག་རྒྱུ་དེ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གཞན་ཡང་དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གསུམ་གང་ཞེ་ན།་མ་བྱིན་པ་དང ། ལྕི་བ་དང ། གནས་ནས་གནས་སུ་སྦེད་པའོ། །ཇི་ལྟར་མ་བྱིན་པ་ཡིན་ཞེ་ན། དེ་ལ་སྐྱེས་པའམ། བུད་མེད་དམ་མ་ནིང་གང་གིས་ཀྱང་མ་བྱིན་པ་སྟེ། དེ་ལྟར་མ་བྱིན་པ་ཡིན་ནོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པ་སྟེ། དེ་ལྟར་ལྕི་བ་ཡིན་ནོ། །ཇི་ལྟར་གནས་ནས་གནས་སུ་སྦེད་པ་ཡིན་ཞེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པ་སྟེ། དེ་ལྟར་གནས་ནས་གནས་སུ་སྦེད་དོ། །དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གཞན་ཡང་དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གསུམ་གང་ཞེ་ན། སེམས་པར་བྱེད་པ་དང ། རྩོལ་བར་བྱེད་པ་དང ། གནས་ནས་གནས་སུ་སྦེད་པའོ། །ཇི་ལྟར་སེམས་པར་བྱེད་ཅེ་ན། དེ་ལ་རྐུ་སེམས་ཉེ་བར་གནས་པར་གྱུར་པ་སྟེ། དེ་ལྟར་སེམས་པར་བྱེད་དོ། །ཇི་ལྟར་རྩོལ་བར་བྱེད་ཅེ་ན། ལག་པ་དག་དང་རྐང་པ་དག་གིས་རྩོལ་བར་བྱེད་པ་སྟེ། དེ་ལྟར་རྩོལ་བར་བྱེད་དོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་
Ca84a
༄#། །འཇོག་པར་བྱེད་པ་སྟེ། དེ་ལྟར་གནས་ནས་གནས་སུ་སྦེད་དོ། །དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གཞན་ཡང་དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གསུམ་གང་ཞེ་ན། གཞན་གྱིས་ཡོངས་སུ་བཟུང་བ་དང ། ལྕི་བ་དང ། གནས་ནས་གནས་སུ་སྦེད་པའོ། །ཇི་ལྟར་གཞན་གྱིས་ཡོངས་སུ་བཟུང་བ་ཡིན་ཞེ་ན། འདི་ལྟ་སྟེ་ཡོ་བྱད་ལྕི་བ་དག་གཞན་སྐྱེས་པའམ། བུད་མེད་དམ་མ་ནིང་དག་གིས་ཡོངས་སུ་བཟུང་བར་གྱུར་པ་སྟེ། དེ་ལྟར་གཞན་གྱིས་ཡོངས་སུ་བཟུང་བ་ཡིན་ནོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པ་སྟེ། དེ་ལྟར་ལྕི་བ་ཡིན་ནོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པ་སྟེ། དེ་ལྟར་གནས་ནས་གནས་སུ་སྦེད་དོ། །དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གཞན་ཡང་དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ། །གསུམ་གང་ཞེ་ན། གཞན་གྱིས་ཡོངས་སུ་བཟུང་བར་འདུ་ཤེས་པ་དང ། ལྕི་བ་དང ། གནས་ནས་གནས་སུ་སྦེད་པའོ། །ཇི་ལྟར་གཞན་གྱིས་ཡོངས་སུ་བཟུང་བར་འདུ་ཤེས་པ་ཡིན་ཞེ་ན། འདི་ལྟ་སྟེ་དགེ་
Ca84b
སློང་གིས་འདི་ལྟར་ཡོ་བྱད་ལྕི་བ་འདི་དག་གཞན་སྐྱེས་པའམ། བུད་མེད་དམ་མ་ནིང་དག་གིས་ཡོངས་སུ་བཟུང་བར་འདུ་ཤེས་པ་སྟེ། དེ་ལྟར་གཞན་གྱིས་ཡོངས་སུ་བཟུང་བར་འདུ་ཤེས་པ་ཡིན་ནོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པ་སྟེ། དེ་ལྟར་ལྕི་བ་ཡིན་ནོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པ་སྟེ། དེ་ལྟར་གནས་ནས་གནས་སུ་སྦེད་དོ། །དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་གསུམ་གྱིས་མ་བྱིན་པར་ལེན་ན་ཕམ་པར་འགྱུར་རོ།། དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་བཞིས་མ་བྱིན་པར་ལེན་ན་ཕམ་པར་འགྱུར་རོ། །བཞི་གང་ཞེ་ན། གཞན་གྱིས་ཡོངས་སུ་བཟུང་བ་དང ། གཞན་གྱིས་ཡོངས་སུ་བཟུང་བར་འདུ་ཤེས་པ་དང ། ལྕི་བ་དང ། གནས་ནས་གནས་སུ་སྦེད་པའོ། །ཇི་ལྟར་གཞན་གྱིས་ཡོངས་སུ་བཟུང་བ་ཡིན་ཞེ་ན། འདི་ལྟ་སྟེ་ཡོ་བྱད་ལྕི་བ་དག་གཞན་སྐྱེས་པའམ། བུད་མེད་དམ་མ་ནིང་དག་གིས་ཡོངས་སུ་བཟུང་བར་གྱུར་པ་སྟེ། དེ་ལྟར་གཞན་གྱིས་ཡོངས་སུ་བཟུང་བ་ཡིན་ནོ། །ཇི་ལྟར་གཞན་གྱིས་ཡོངས་སུ་བཟུང་བར་འདུ་ཤེས་པ་ཡིན་ཞེ་ན། འདི་ལྟ་སྟེ་དགེ་སློང་གིས་འདི་ལྟར་ཡོ་བྱད་ལྕི་བ་འདི་དག་གཞན་སྐྱེས་པའམ། བུད་མེད་དམ་མ་ནིང་དག་གིས་ཡོངས་སུ་བཟུང་བར་འདུ་ཤེས་པ་སྟེ། དེ་ལྟར་གཞན་གྱིས་ཡོངས་སུ་བཟུང་བར་འདུ་ཤེས་པ་ཡིན་ནོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་
Ca85a
༄#། །ལྔའམ། མ་ཤ་ཀ་ལྔ་ལས་ལྷག་པ་སྟེ། དེ་ལྟར་ལྕི་བ་ཡིན་ནོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པ་སྟེ། དེ་ལྟར་གནས་ནས་གནས་སུ་སྦེད་དོ། །དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་བཞིས་མ་བྱིན་པར་ལེན་ན་ཕམ་པར་འགྱུར་རོ། །གཞན་ཡང་དགེ་སློང་གིས་གཞན་དག་གི་ཡོ་བྱད་ལྕི་བ་རྒྱུ་བཞིས་མ་བྱིན་པར་ལེན་ན་ཕམ་པར་འགྱུར་རོ། །བཞི་གང་ཞེ་ན། སེམས་པར་བྱེད་པ་དང ། རྩོལ་བར་བྱེད་པ་དང ། ལྕི་བ་དང ། གནས་ནས་གནས་སུ་སྦེད་པའོ། །ཇི་ལྟར་སེམས་པར་བྱེད་ཅེ་ན། དེ་ལྟ་རྐུ་སེམས་ཉེ་བར་གནས་པར་གྱུར་པ་སྟེ། དེ་ལྟར་སེམས་པར་བྱེད་དོ། །ཇི་ལྟར་རྩོལ་བར་བྱེད་ཅེ་ན། ལག་པ་དག་དང་རྐང་པ་དག་གིས་རྩོལ་བར་བྱེད་པ་སྟེ། དེ་ལྟར་རྩོལ་བར་བྱེད་དོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པ་སྟེ། དེ་ལྟར་ལྕི་བ་ཡིན་ནོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པ་སྟེ། དེ་ལྟར་གནས་ནས་གནས་སུ་སྦེད་དོ། །དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་བཞིས་མ་བྱིན་པར་ལེན་ན་ཕམ་པར་འགྱུར་རོ། །གཞན་ཡང་དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་བཞིས་མ་བྱིན་པར་ལེན་ན་ཕམ་
Ca85b
པར་འགྱུར་རོ། །བཞི་གང་ཞེ་ན། བསྲུངས་པ་དང ། བདག་གིར་བྱས་པ་དང ། ལྕི་བ་དང ། གནས་ནས་གནས་སུ་སྦེད་པའོ། །ཇི་ལྟར་བསྲུངས་པ་ཡིན་ཞེ་ན། འདི་ལྟ་སྟེ་མི་རྣམས་ཀྱི་ཡོ་བྱད་ལྕི་བ་དག་སྣོད་འདི་ལྟ་སྟེ། ཟངས་པོ་ཆེ་དང ། ཟངས་དང ། རྫ་བོ་དང ། སྒྲོམ་དང ། ཀོ་ལྤགས་སུ་བཅུག་པར་གྱུར་ཅིང ། དེར་ཡང་སྲུང་མ་འདི་ལྟ་བུ་འདི་ལྟ་སྟེ། གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚིགས་དག་བཀོད་པར་གྱུར་ཅིང ། དེ་དག་དེ་ན་སྲུང་བར་བྱེད་པ་སྟེ། དེ་ལྟར་བསྲུངས་པ་ཡིན་ནོ། །ཇི་ལྟར་བདག་གིར་བྱས་པ་ཡིན་ཞེ་ན། འདི་ལྟ་སྟེ ། མི་རྣམས་ཀྱི་ཡོ་བྱད་ལྕི་བ་དག་སྣོད་འདི་ལྟ་སྟེ། ཟངས་པོ་ཆེ་དང ། ཟངས་དང ། རྫ་བོ་དང ། སྒྲོམ་དང ། ཀོ་ལྤགས་སུ་བཅུག་པར་གྱུར་ཅིང ། དེ་དག་གིས་འདི་དག་བདག་ཅག་གི་ཡིན་ནོ་ཞེས་དེ་དག་བདག་གིར་བྱེད་པ་སྟེ། དེ་ལྟར་བདག་གིར་བྱས་པ་ཡིན་ནོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པ་སྟེ། དེ་ལྟར་ལྕི་བ་ཡིན་ནོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དུ་འཇོག་པར་བྱེད་པ་སྟེ། དེ་ལྟར་གནས་ནས་གནས་སུ་སྦེད་དོ། །དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་བཞིས་མ་བྱིན་པར་ལེན་ན་ཕམ་པར་འགྱུར་རོ། །གཞན་ཡང་དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་བཞིས་མ་བྱིན་པར་ལེན་ན་ཕམ་པར་འགྱུར་རོ། །བཞི་གང་ཞེ་ན། བསྲུངས་
Ca86a
༄#། །ཤིང་བདག་གིར་མ་བྱས་པ་དང ། བདག་གིར་བྱས་ཤིང་མ་བསྲུངས་པ་དང ། ལྕི་བ་དང ། གནས་ནས་གནས་སུ་སྦེད་པའོ། །ཇི་ལྟར་བསྲུངས་ཤིང་བདག་གིར་མ་བྱས་པ་ཡིན་ཞེ་ན། འདི་ལྟ་སྟེ། ཆོམ་རྐུན་པ་དག་གིར་གྲོང་གཞོམ་པ་དང ། གྲོང་ཁྱེར་གཞོམ་པ་དང ། ཡུལ་གཞོམ་པར་བྱས་ཏེ། དགོན་པར་ཀུན་ནས་འདུ་བར་བྱེད་ཅིང ། དེར་མི་ཁ་ལུངས་པ་ལ་གཅན་བདག་གིས་དེ་དག་ལས། རྐུན་རྫས་ཕྲོགས་ཏེ་སྤུངས་ནས་སྲུང་བར་བྱེད་ཅིང ། བདག་གིར་མི་བྱེད་པ་སྟེ། དེ་ལྟར་བསྲུངས་ཤིང་བདག་གིར་མ་བྱས་པ་ཡིན་ནོ། །ཇི་ལྟར་བདག་གིར་བྱས་ཤིང་མ་བསྲུངས་པ་ཡིན་ཞེ་ན། འདི་ལྟ་སྟེ། མི་རྣམས་ཀྱི་ཡོ་བྱད་ལྕི་བ་དག་སྣོད་འདི་ལྟ་སྟེ། ཟངས་པོ་ཆེ་དང ། ཟངས་དང ། རྫ་བོ་དང ། སྒྲོམ་དང ། ཀོ་ལྤགས་སུ་བཅུག་པར་གྱུར་ཅིང ། དེ་དག་གིས་འདི་དག་བདག་ཅག་གི་ཡིན་ནོ་ཞེས་དེ་དག་བདག་གིར་བྱེད་ཅིང ། སྲུང་མ་འདི་ལྟ་བུ། འདི་ལྟ་སྟེ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་དག་བཀོད་པར་ནི་མ་གྱུར་པ་སྟེ། དེ་ལྟར་བདག་གིར་བྱས་ཤིང་མ་བསྲུངས་པ་ཡིན་ནོ། །ཇི་ལྟར་ལྕི་བ་ཡིན་ཞེ་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པ་སྟེ། དེ་ལྟར་ལྕི་བ་ཡིན་ནོ། །ཇི་ལྟར་གནས་ནས་གནས་སུ་སྦེད་ཅེ་ན། གནས་གང་དུ་བཞག་པར་གྱུར་པའི་གནས་དེ་ནས་སྤགས་ཤིང་གནས་གཞན་དག་ཏུ་འཇོག་པར་བྱེད་པ་སྟེ། དེ་ལྟར་གནས་ནས་གནས་སུ་སྦེད་དོ། །
Ca86b
དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་བཞིས་མ་བྱིན་པར་ལེན་ན་ཕམ་པར་འགྱུར་རོ། །དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་ལྔས་མ་བྱིན་པར་ལེན་ན་ཕམ་པར་འགྱུར་རོ། །ལྔ་གང་ཞེ་ན། རང་གི་འདུ་ཤེས་ཀྱིས་ལེན་པར་མི་བྱེད་པ་དང ། ཡིད་གཅུགས་པའི་འདུ་ཤེས་ཀྱིས་ལེན་པར་མི་བྱེད་པ་དང ། རེ་ཞིག་གི་འདུ་ཤེས་ཀྱིས་ལེན་བར་མི་བྱེད་པ་དང ། ལེན་པ་ན་གཞན་ལ་གོ་བར་མི་བྱེད་པ་དང ། དེ་ལ་རྐུ་སེམས་ཉེ་བར་གནས་པར་གྱུར་པ་སྟེ། དགེ་སློང་གིས་གཞན་དག་གི་ཡོ་བྱད་ལྕི་བ་དག་རྒྱུ་དེ་ལྔས་མ་བྱིན་པར་ལེན་ན་ཕམ་པར་འགྱུར་རོ། །རྒྱུ་ལྔས་ནི་ལྟུང་བ་མེད་དེ། ལྔ་གང་ཞེ་ན། རང་གི་འདུ་ཤེས་ཀྱིས་ལེན་པར་བྱེད་པ་དང ། ཡིད་གཅུགས་པའི་འདུ་ཤེས་ཀྱིས་ལེན་པར་བྱེད་པ་དང ། རེ་ཞིག་གི་འདུ་ཤེས་ཀྱིས་ལེན་པར་བྱེད་པ་དང ། ལེན་པ་ན་གཞན་ལ་གོ་བར་བྱེད་པ་དང ། དེ་ལ་རྐུ་སེམས་ཉེ་བར་གནས་པར་མ་གྱུར་པ་སྟེ། རྒྱུ་དེ་ལྔས་ལྟུང་བ་མེད་དོ།། །།འདུལ་བ་རྣམ་པར་འབྱེད་པ། བམ་པོ་བཞི་པ། སྡོམ་ལ། ས་ལ་འདུག་དང་སྣོད་འདུག་དང ། །གཡུལ་ན་འདུག་དང་དོང་ན་འདུག་།རྩ་བའི་སྨན་ནི་ལྔ་པ་སྟེ། །སྡེ་ཚན་ཡང་དག་བསྡུས་པ་ཡིན། །འདི་ལྟར་གཞན་དག་གི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་ས་ལ་འདུག་པ་ལ་དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་
Ca87a
༄#། །བར་བྱེད་ཅིང ། ཇི་སྲིད་དུ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་ས་དེ་འཇམ་ཞིང་མུ་གཅིག་པ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་གྱོད་གྲུགས་སམ། གས་པའམ། ཡི་གེ་བྲིས་པའམ། ཚོན་སྣ་ཚོགས་བཀྲ་བ་ཡིན་ན་ཕྱོགས་ཐ་དད་པར་བརྗོད་པར་བྱའོ། །འདི་ལྟར་གཞན་དག་གི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་སྣོད་ན་འདུག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད་འགྲོ་བར་བྱེད་ཅིང ། ཇི་སྲིད་དུ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་སྣོད་དེ་འཇམ་ཞིང་
Ca87b
དུམ་བུ་གཅིག་པ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་གྱོང་གྲུགས་སམ། གས་པའམ། མཚམས་ཅན་ནམ། ཡི་གེ་བྲིས་པའམ། ཚོན་སྣ་ཚོགས་བཀྲ་བ་ཡིན་ན། ཕྱོགས་ཐ་དད་པར་བརྗོད་པར་བྱའོ། །འདི་ལྟར་གཞན་དག་གིས་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་གཡུལ་ན་འདུག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད་ཅིང ། ཇི་སྲིད་དུ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན། བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་གཡུལ་དེ་འབྲུ་ཁ་དོག་གཅིག་པ་གང་བ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་འབྲུ་ཁ་དོག་སྣ་ཚོགས་ཀྱིས་གང་བ་ཡིན་ན་ཕྱོགས་ཐ་དད་པར་བརྗོད་པར་བྱའོ། །འདི་ལྟར་གཞན་དག་གི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། །དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་དོང་ན་འདུག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་
Ca88a
༄#། །གྱོན་པར་བྱེད། འགྲོ་བར་བྱེད་ཅིང ། ཇི་སྲིད་དུ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན། བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱེ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་དོང་དེ་འབྲུ་ཁ་དོག་གཅིག་པས་གང་བ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་འབྲུ་ཁ་དོག་སྣ་ཚོགས་ཀྱིས་གང་བ་ཡིན་ན་ཕྱོགས་ཐ་དད་པར་བརྗོད་པར་བྱའོ། །གལ་ཏེ་དོང་དེ་གང་ཞིང་མུ་དང་ཁད་ཆད་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་མ་གང་བ་ཡིན་ན་དེ་ལ་ཤིང་བུས་བར་དུ་ཆོད་པའམ། སེག་གིས་བར་དུ་ཆོད་པའམ། རེ་ལྡེས་པར་དུ་ཆོད་པ་གང་དག་ཡོད་པ་དེ་དག་ཕྱོགས་ཐ་དད་པར་བརྗོད་པར་བྱའོ། །འདི་ལྟར་མི་རྣམས་ཀྱི་རྩ་བའི་ལས་ཀྱི་མཐའ་འདི་ལྟ་སྟེ། གླ་སྒང་ངམ་ཤུ་དག་གམ་ཡུང་ངམ་སྒེའུ་གཤེར་རམ་བོང་ང་དཀར་པོ་དེ་ལྟ་བུ་དེ་དག་ཉེ་བར་གནས་པ་ལ་དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པ་བྱེད། འགྲོ་བར་བྱེད་ཅིང ། ཇི་སྲིད་དུ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་འབྱིན་པར་བྱེད་ཁུར་འདྲག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་
Ca88b
སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །སྡོམ་ལ། ནམ་མཁའ་ལ་ནི་གསུམ་དུ་བྱ། །བྱ་རྣམས་ཀྱིས་ནི་གཞན་གསུམ་དང ། །གསང་སྔགས་དག་གིས་འདྲེན་བྱས་ཏེ། །སྡེ་ཚན་ཡང་དག་བསྡུས་པ་ཡིན། །འདི་ལྟར་མི་རྣམས་ཀྱིས་ཁང་ཐོག་དག་ཏུ་གོས་ཁ་དོག་སྣ་ཚོགས་དག་བཏིང་བ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། ཡ་གད་འཛུགས་པར་བྱེད། ཁྲི་འཕང་དང།་ཐག་སྐས་འཆའ་བར་བྱེད། །དཔྱང་ཐག་འདོར་བར་བྱེད། །འཛེག་པར་བྱེད་ཅིང ། ཇི་སྲིད་དུ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་གོས་དག་སྡུད་པར་བྱེད་བམ་པོར་སྒྲེ་བར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །འདི་ལྟར་བཙོ་བླག་མཁན་གྱི་གོས་དག་བཏིང་བ་རླུང་གིས་ཁྱེར་ཞིང་དེ་དག་དགེ་སློང་རྣམས་ཀྱི་འཆག་ས་དག་གམ། དགར་དག་གམ། སྒོ་ཁང་དག་ཏུ་ལྟུང་བ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད་ཅིང ། ཇི་སྲིད་དུ་ནོམ་པར་མི་
Ca89a
༄#། །བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་གོས་དག་སྡུད་པར་བྱེད། བམ་པོར་སྒྲེ་བར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །འདི་ལྟར་མི་རྣམས་ཀྱི་ཁང་པ་བརྩེགས་པའམ་ཁང་པ་བརྩེགས་པའི་སྟེང་དུ་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང ། །གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་བཞག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། ཡ་གད་འཛུགས་པར་བྱེད། ཁྲི་འཕང་དང་ཐག་སྐས་འཆའ་བར་བྱེད། དཔྱང་ཐག་འདོར་བར་བྱེད། འཛེག་པར་བྱེད་ཅིང ། ཇི་སྲིད་དུ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། ། ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན། བརྐུས་པར་བརྗོད་པར་བྱ་སྟེ ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །འདི་ལྟར་མི་རྣམས་ཀྱི་ཁྱིམ་དག་གམ། ཆུའི་གནས་དག་ཏུ་འདུག་པའི་ཤིང་ལྗོན་པ་
Ca89b
དག་བསྐྱེད་པ་རྒྱན་སྣ་ཚོགས་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་གིས་བརྒྱན་པ་དེ་ལས་ཟས་ལ་ཆགས་པའི་བྱས་རྒྱན་གང་ཡང་རུང་བ་ཁྱེར་བ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། བྱ་འཛིན་པར་བྱེད་ཅིང ། ཇི་སྲིད་དུ་རྒྱན་ལ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་ལ་དེ་འདི་སྙམ་དུ་བྱ་ལས་བརྐུ་བར་བྱའི། མི་ལས་མ་ཡིན་ནོ་སྙམ་དུ་སེམས་ན་ཉེས་བྱས་སུ་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །གལ་ཏེ་དེ་འདི་སྙམ་དུ་མི་ལས་བརྐུ་བར་བྱའི་བྱ་ལ་རྒྱན་ག་ལ་ཡོད་སྙམ་དུ་སེམས་ན། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །འདི་ལྟར་མི་རྣམས་ཀྱི་ཁང་ཐོག་དག་གམ། སྐོན་པ་དག་ཏུ་རྒྱན་སྣ་ཚོགས་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་
Ca90a
༄#། །དང།་མུ་ཏིག་གི་ཆུན་པོ་དག་བཞག་པ་དེ་ལས་ཟས་ལ་ཆགས་པའི་བྱས་རྒྱན་གང་ཡང་རུང་བ་ཁྱེར་བ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། བྱ་འཛིན་པར་བྱེད་ཅིང ། ཇི་སྲིད་དུ་རྒྱན་ལ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང་ཇི་སྲིད་དུ་གནས་ནས་གནས་སུ་སྦེད་པར་མི་བྱེད་ལ། དེ་འདི་སྙམ་དུ་བྱ་ལས་བརྐུ་བར་བྱའི་མི་ལས་མ་ཡིན་ནོ་སྙམ་དུ་སེམས་ན་ཉེས་བྱས་སུ་འགྱུར་རོ། །གནས་ནས་གནས་སུ་སྦེད་པར་བྱེད་ན། བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །གལ་ཏེ་དེ་འདི་སྙམ་དུ་མི་ལས་བརྐུ་བར་བྱའི་བྱ་ལ་རྒྱན་ག་ལ་ཡོད་སྙམ་དུ་སེམས་ན། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །འདི་ལྟར་མི་རྣམས་ཀྱི་ཁྱིམ་དག་གམ། ཆུའི་གནས་དག་ཏུ་རྩེད་མོའི་བྱ་འདི་ལྟ་སྟེ། ནེ་ཙོ་འམ། རི་སྐེགས་སམ།་ཁུ་བྱུག་གམ། ཤང་ཤང་ཏེའུའམ། རྨ་བྱ་དག་བཞག་པ་དེ་དག་ལ་རྒྱན་སྣ་ཚོགས་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་
Ca90b
དང།་སེ་མོ་དོ་དག་དང ། མུ་ཏིག་གི་ཆུན་པོ་དག་གིས་བརྒྱན་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། བྱ་འཛིན་པར་བྱེད་ཅིང ། ཇི་སྲིད་དུ་རྒྱན་ལ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་ལ། དེ་འདི་སྙམ་དུ་བྱས་ལས་བརྐུ་བར་བྱའི་མི་ལས་མ་ཡིན་ནོ་སྙམ་དུ་སེམས་ན་ཉེས་བྱས་སུ་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །གལ་ཏེ་དེ་འདི་སྙམ་དུ་མི་ལས་བརྐུ་བར་བྱའི་བྱ་ལ་རྒྱན་ག་ལ་ཡོད་སྙམ་དུ་སེམས་ན། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གཏེར་གཉིས་པོ་བདག་པོ་དང་བཅས་པ་དང ། བདག་པོ་མེད་པ་ལས་དགེ་སློང་གིས་བདག་པོ་དང་བཅས་པའི་གཏེར་གྱི་ཕྱིར་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། དཀྱིལ་འཁོར་ཉུག་པར་བྱེད། ཕྱོགས་གཞིར་སེང་ལྡེང་གི་ཕུར་པ་འཛུགས་པར་བྱེད། ཚོན་སྐུད་སྣ་ལྔས་བསྐོར་ཏེ་མེ་སྦར་བར་བྱེད། ཡམ་སྲེག་ཤིང་འཛུད་པར་བྱེད། གསང་སྔགས་རྗོད་པར་བྱེད་
Ca91a
༄#། །ཅིང་བདག་ལ་བདག་པོ་དང་བཅས་པའི་གཏེར་འོང་བར་གྱུར་ལ། བདག་པོ་མེད་པ་འོང་བར་མ་གྱུར་ཅིག་སྙམ་པ་ལས། གལ་ཏེ་དེ་ལ་བདག་པོ་དང་བཅས་པའི་གཏེར་འོང་བར་གྱུར་ཅིང་བདག་པོ་མེད་པ་འོང་བར་མི་འགྱུར་ན། ཇི་སྲིད་དུ་མིག་སྔར་སྣང་བར་མ་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གལ་ཏེ་མིག་སྔར་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །དགེ་སློང་གིས་བདག་པོ་དང་བཅས་པའི་གཏེར་གྱི་ཕྱིར་སྦྱོར་བ་བྱས་ནས། དེ་འདི་སྙམ་དུ་བདག་ལ་བདག་པོ་མེད་པའི་གཏེར་འོང་བར་གྱུར་ལ། བདག་པོ་དང་བཅས་པ་འོང་བར་མ་གྱུར་ཅིག་སྙམ་པ་ལས། གལ་ཏེ་དེ་ལ་བདག་པོ་མེད་པའི་གཏེར་འོང་བར་གྱུར་ཅིང ། བདག་པོ་དང་བཅས་པ་འོང་བར་མི་འགྱུར་ན། ཇི་སྲིད་དུ་མིག་སྔར་སྣང་བར་མ་གྱུར་པ་དེ་སྲིད་དུ་ཉེས་བྱས་སུ་འགྱུར་རོ། །གལ་ཏེ་མིག་སྔར་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །དགེ་སློང་གིས་བདག་པོ་མེད་པའི་གཏེར་གྱི་ཕྱིར་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད།་དཀྱིལ་འཁོར་ཉུག་པར་བྱེད། ཕྱོགས་བཞིར་སེང་ལྡེང་གི་ཕུར་པ་འཛུགས་པར་བྱེད། ཚོན་སྐུད་སྣ་ལྔས་བསྐོར་ཏེ་མེ་སྦར་བར་བྱེད། ཡམ་སྲེག་ཤིང་འཛུད་པར་བྱེད། གསང་སྔགས་
Ca91b
རྗོད་པར་བྱེད་ཅིང ། བདག་ལ་བདག་པོ་མེད་པའི་གཏེར་འོང་བར་གྱུར་ལ་བདག་པོ་དང་བཅས་པ་འོང་བར་མ་གྱུར་ཅིག་སྙམ་པ་ལས། གལ་ཏེ་དེ་ལ་བདག་པོ་མེད་པའི་གཏེར་འོང་བར་གྱུར་ཅིང ། བདག་པོ་དང་བཅས་པ་འོང་བར་མི་འགྱུར་ན། ཇི་སྲིད་དུ་མིག་སྔར་སྣང་བར་མ་གྱུར་པ་དེ་སྲིད་དུ་ཉེས་བྱས་སུ་འགྱུར་རོ། །གལ་ཏེ་མིག་སྔར་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །དགེ་སློང་གིས་བདག་པོ་མེད་པའི་གཏེར་གྱི་ཕྱིར་སྦྱོར་བ་བྱས་ནས། དེ་འདི་སྙམ་དུ་བདག་ལ་བདག་པོ་དང་བཅས་པའི་གཏེར་འོང་བར་གྱུར་ལ། བདག་པོ་མེད་པའི་འོང་བར་མ་གྱུར་ཅིག་སྙམ་པ་ལས། གལ་ཏེ་དེ་ལ་བདག་པོ་དང་བཅས་པའི་གཏེར་འོང་བར་གྱུར་ཅིང ། བདག་པོ་མེད་པའི་འོང་པར་མི་འགྱུར་ན། ཇི་སྲིད་དུ་མིག་སྔར་སྣང་བར་མ་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གལ་ཏེ་མིག་སྔར་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །སྡོམ་ལ། ས་ཡི་གཅལ་དང་རྡོ་དང་ནི། །སྤང་ལེབ་དང་ནི་རྩིག་མང་དང ། །རྩིག་པའི་སྟེང་དང་གཡོགས་མ་དང ། །རིམ་པ་ཆོས་གོས་གདང་ཁུང་དང ། །ཆོས་གོས་གདང་དང་ཟུང་ང་དང ། །ལྕགས་སྒྱེད་ཁྲི་དང་ཁྲེའུ་དང་ནི། ། ན་ཁྲིའུ་དང་སྒོ་སྐྱེས་དང ། །ཤིང་ལྗོན་རྣམ་པ་གསུམ་པོ་ཡིན། །འདི་ལྟར་མི་རྣམས་ཀྱི་ཡོ་བྱད་ལྕི་
Ca92a
༄#། །བ་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་ས་ལ་གཅལ་བཏིང་བའི་སྟེང་ན་འདུག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད་ཅིང ། ཇི་སྲིད་དུ་ནོམ་པར་མི་བྱད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ་དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་གཅལ་ཏེ་རྩཝ་ཁ་དོག་གཅིག་པ་དག་གིས་བཀྲམ་པ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་རྩཝ་ཁ་དོག་སྣ་ཚོགས་དག་གིས་བཀྲམ་པ་ཡིན་ན་ཕྱོགས་ཐ་དད་པར་བརྗོད་པར་བྱའོ། །འདི་ལྟར་མི་རྣམས་ཀྱི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང།་གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་རྡོའི་སྟེང་ན་འདུག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད་ཅེས་བྱ་བ་ནས། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ་ཞེས་བྱ་བའི་བར་དུ་སྔ་མ་བཞིན་ནོ། །གལ་ཏེ་རྡོ་དེ་འཇམ་ཞིང་མུ་གཅིག་པ་ཡིན་ན་ཕྱོགས་གཅིག་པར་བརྗོད་པར་བྱའོ། །
Ca92b
གལ་ཏེ་གྱོང་གྲུགས་སམ། གས་པའམ། མཚམས་ཅན་ནམ། ཡི་གེ་བྲིས་པའམ། ཚོན་སྣ་ཚོགས་བཀྲ་བ་ཡིན་ན་ཕྱོགས་ཐ་དད་པར་བརྗོད་པར་བྱའོ། །རྡོ་ལ་ཇི་ལྟ་བ་བཞིན་དུ་སྤང་ལེབ་དང་རྩིག་པ་དང་སྟེང་དང་གཡོགས་མ་དང་རིམ་པ་དང ། ཆོས་གོས་ཀྱི་གདང་ཁུང་དང ། ཆོས་གོས་ཀྱི་གདང་དང ། ཟུང་དང ། ལྕགས་སྒྱེད་དང ། ཁྲི་དང་ཁྲིའུ་དང ། ན་ཁྲིའུ་དང ། སྒོ་སྐྱེས་དང ། ཤིང་ལྗོན་པ་གསུམ་པོ་མེ་ཏོག་གི་ཤིང་ལྗོན་པ་དང ། འབྲས་བུའི་ཤིང་ལྗོན་པ་དང ། བདུག་པའི་ཤིང་ལྗོན་པ་ལ་ཡང་དེ་བཞིན་ཏེ། དགེ་སློང་གིས་མེ་ཏོག་གི་ཤིང་ལྗོན་པ་ཕྱུང་སྟེ་རྐུ་ན་མེ་ཏོག་གི་ཤིང་ལྗོན་པའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །མེ་ཏོག་གི་ཤིང་ལྗོན་པ་ལ་ཇི་ལྟ་བ་བཞིན་དུ་འབྲས་བུའི་ཤིང་ལྗོན་པ་དང ། བདུག་པའི་ཤིང་ལྗོན་པ་ལ་ཡང་དེ་བཞིན་ནོ། །སྡོམ་ལ། བཞོན་དང་སྲང་གི་ཁང་པ་དང ། །གླང་ཆེན་བཞོན་དང་རྟ་བཞོན་དང ། །ཤིང་རྟའི་བཞོན་དང་རྐང་འགྲོ་དང ། །ཟུང་ཁྱོགས་བཞོན་དང་ཤིང་རྟ་དང ། །ཁྱོགས་སྤྱིལ་པ་ཡི་བཞོན་པ་ཡིན། ། འདི་ལྟར་མི་རྣམས་ཀྱི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་བཞོན་པའི་སྟེང་ན་འདུག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། བཞོན་པ་ལ་ཞོན་པར་བྱེད་ཅིང ། ཇི་སྲིད་དུ་ནོམ་པར་མི་བྱེད།
Ca93a
༄#། །ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བཞོན་པ་དེ་གོས་ཁ་དོག་གཅིག་པ་དག་གིས་བཤམས་པ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་གོས་ཁ་དོག་སྣ་ཚོགས་དག་གིས་བཤམས་པ་ཡིན་ན་ཕྱོགས་ཐ་དད་པར་བརྗོད་པར་བྱའོ། །བཞོན་པ་ལ་ཇི་ལྟ་བ་བཞིན་དུ་སྲང་གི་ཁང་པ་ལ་ཡང་དེ་བཞིན་ནོ། །འདི་ལྟར་མི་རྣམས་ཀྱི་ཡོ་བྱད་ལྕི་བ་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང།་དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་གླང་པོ་ཆེའི་བཞོན་པའི་སྟེང་ན་འདུག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད།་འགྲོ་བར་བྱེད། གླང་པོ་ཆེ་ལ་ཞོན་པར་བྱེད་ཅིང ། ཇི་སྲིད་དུ་ནོམ་པར་མི་བྱེད་ཅིང ། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་
Ca93b
པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་གླང་པོ་ཆེ་དེ་ཚོ་བ་དང་པགས་པ་དང་ཤ་དང་ཁྲག་རྒྱས་པ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་རིད་པ་དང་ཉམ་ཆུང་བ་དང ། རྐེ་བ་དང་སྐམ་པ་དང་ལུས་མ་ཐོབ་པ་ཡིན་ན། དེ་ལ་སོས་པར་དུ་ཆོད་པའམ། སྣས་པར་དུ་ཆོད་པའམ། རྣ་བས་བར་དུ་ཆོད་པའམ། རྩིབ་མས་བར་དུ་ཆོད་པའམ། རྐེད་པས་བར་དུ་ཆོད་པའམ། མཇུག་ངོས་པར་དུ་ཆོད་པ་གང་དག་ཡིན་པ་དེ་དག་ཕྱོགས་ཐ་དད་པར་བརྗོད་པར་བྱའོ། །གླང་པོ་ཆེའི་རྒྱབ་དེར་ཁང་པ་བརྩེགས་པ་དང་བཅས་ཤིང་ཁང་པ་བརྩེགས་པ་དེར་རྒྱན་སྣ་ཚོགས་པའི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་བཞག་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། གླང་པོ་ཆེ་ལ་ཞོན་པར་བྱེད། ཁང་པ་བརྩེགས་པ་ལ་འཇུག་པར་བྱེད་ཅིང ། ཇི་སྲིད་དུ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་ཁང་པ་བརྩེགས་པ་དེ་གོས་ཁ་དོག་གཅིག་
Ca94a
༄#། །པ་དག་གིས་བཤམས་པ་ཡིན་ན་ཕྱོགས་གཅིག་པར་བརྗོད་པར་བྱའོ། །གལ་ཏེ་གོས་ཁ་དོག་སྣ་ཚོགས་དག་གིས་བཤམས་པ་ཡིན་ན་ཕྱོགས་ཐ་དད་པར་བརྗོད་པར་བྱའོ། ། ཁང་པ་བརྩེགས་པ་ལ་ཇི་ལྟ་བ་བཞིན་དུ་ཁང་པ་བརྩེགས་པ་ཕྱེད་མ་ལ་ཡང་དེ་བཞིན་ནོ། །གླང་པོ་ཆེའི་བཞོན་པ་ལ་ཇི་ལྟ་བ་བཞིན་དུ་རྟའི་བཞོན་པ་དང ། ཤིང་རྟའི་བཞོན་པ་དང ། རྐང་གིས་འགྲོ་བ་དང ། ཟུང་ཁྱོགས་ཀྱི་བཞོན་པ་དང ། ཤིང་རྟ་དང་ཁྱོགས་སྤྱིལ་དང ། བྱིས་པའི་བཞོན་པ་ལ་ཡང་དེ་བཞིན་ནོ། །སྡོམ་ལ། གྲུ་སྐྱོད་རྒྱུན་ཕྱོགས་བཟློག་ཕྱོགས་དང ། །ཚུ་རོལ་ཕ་རོལ་སྐམ་ས་དང ། །རྫབ་ཏུ་སྦེད་པར་བྱེད་པ་དང ། །བདེ་བ་མེད་པར་ཆུད་གཟོན་པའོ། །དགེ་སློང་གི་རྐུན་སེམས་ཀྱིས་གྲུ་ཕུར་པ་ལ་བཏགས་པ་སྐྱོད་པར་བྱེད་ན་ཉེས་བྱས་སུ་འགྱུར་རོ། །གལ་ཏེ་ཆུའི་རྒྱུན་ཕྱོགས་སུ་ཁྲིད་པར་བྱེད་ན། ཇི་སྲིད་དུ་མིག་སྔར་སྣང་བར་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །མིག་སྔར་མི་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་ཆུའི་རྒྱུན་ལས་བཟློག་ཕྱོགས་སུ་ཁྲིད་པར་བྱེད་ན། ཇི་སྲིད་དུ་གྲུ་ཚུགས་ལས་འདས་པར་མ་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གྲུ་ཚུགས་ལས་འདས་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་
Ca94b
འགྱུར་རོ། །གལ་ཏེ་ཚུ་རོལ་ནས་ཕ་རོལ་ཏུ་ཁྲིད་པར་བྱེད་དམ། ཕ་རོལ་ནས་ཚུ་རོལ་དུ་འདྲེན་པར་བྱེད་ན། ཇི་སྲིད་དུ་མིག་སྔར་སྣང་བར་འགྱུར་བ་དེ་སྲིད་དུ་ཉེས་པ་སྦོམ་པོར་འགྱུར་རོ། །མིག་སྔར་མི་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ་དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་སྐམ་ས་ལ་ཕྱུང་སྟེ་རྐུ་བར་བྱེད་ན། ཇི་སྲིད་དུ་མིག་སྔར་སྣང་བར་འགྱུར་བ་དེ་སྲིད་དུ་ཉེས་པ་སྦོམ་པོར་འགྱུར་རོ། །མིག་སྔར་མི་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་ཕྱིས་བཀུར་རོ་སྙམ་པས་རྫབ་ཏུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བདེ་བ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས་རྫབ་ཏུ་སྦེད་པར་བྱེད་དམ། སྲེག་པར་བྱེད་དམ། གཅོག་པར་བྱེད་དམ། འཆག་པར་བྱེད་ན་ཉེས་པ་སྦོམ་པོར་འགྱུར་རོ། །སྡོམ་ལ། སྟོན་ཀ་འབྱུང་དང་གྲུ་གསུམ་དང ། །ངང་པ་དང་ནི་ཨུཏྤ་ལ། །ཆུ་ནས་སྐྱེ་དང་སྐམ་ལས་སྐྱེ། །རྔོན་སྤྱད་དང་ནི་ཉ་གདང་ངོ ། ། འདི་ལྟར་མི་རྣམས་ཀྱི་སྟོན་ཀ་འབྱུང་བའི་ལས་ཀྱི་མཐའ་འདི་ལྟ་སྟེ། སཱ་ལུའི་ལས་ཀྱི་མཐའ་དང ། བུ་རམ་ཤིང་གི་ལས་ཀྱི་མཐའ་དང ། ལན་ཚཝའི་ལས་ཀྱི་མཐའ་དེ་ལྟ་བུ་དེ་ལྟ་བུ་དེ་དག་ཉེ་བར་གནས་པར་
Ca95a
༄#། །གྱུར་ཅིང ། དེ་དག་ལན་འགའ་ནི་ཆུ་ཤིན་ཏུ་མོད་ཅིང ། ལན་འགའ་ནི་ཆུ་ཤིན་ཏུ་དཀོན་པར་གྱུར་པ་ན། དགེ་སློང་གིས་ཆུ་ཤིན་ཏུ་དཀོན་པའི་ཚེ་བདག་གི་འབྱོར་བར་གྱུར་ལ།་གཞན་གྱི་རྒུད་པར་གྱུར་ཅིག་སྙམ་པས་བདག་གི་སཱ་ལུའི་རྣང་ལ་ཡུར་བ་གཏོང་བར་བྱེད་ཅིང་གཞན་གྱི་ལ་གཅོད་པར་བྱེད་ན། གལ་ཏེ་དེའི་འབྱོར་བར་གྱུར་ཅིང་གཞན་གྱི་རྒུད་པར་གྱུར་ན། དེའི་འབྱོར་པའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །ཆུ་ཤིན་ཏུ་མོད་པའི་ཚེ་བདག་གི་འབྱོར་བར་འགྱུར་ལ་གཞན་གྱི་རྒུད་པར་གྱུར་ཅིག་སྙམ་པས་བདག་གི་ལ་གཅོད་པར་བྱེད་ཅིང ། གཞན་གྱི་ལ་གཏོང་བར་བྱེད་ན། གལ་ཏེ་དེའི་འབྱོར་པར་གྱུར་ཅིང་གཞན་གྱི་རྒུད་པར་གྱུར་ལ། དེའི་འབྱོར་བའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བདེ་བ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས་བདག་གི་ལ་ཡང་གཏོང་བར་བྱེད་ཅིང ། གཞན་གྱི་ལ་ཡང་གཏོང་བར་བྱེད་ན་ཉེས་པ་སྦོམ་པོར་འགྱུར་རོ། །སཱ་ལུའི་ལས་ཀྱི་མཐའ་ལ་ཇི་ལྟ་བ་བཞིན་དུ་བུ་རམ་ཤིང་གི་ལས་ཀྱི་མཐའ་དང་ལན་ཚཝའི་ལས་ཀྱི་མཐའ་ལ་ཡང་དེ་བཞིན་ནོ། །གྲུ་ནི་གསུམ་སྟེ། བུམ་པའི་གྲུ་དང ། རྫ་མའི་གྲུ་དང ། ར་རྐྱལ་གྱིའོ། །ཟོང་ནི་བཞི་སྟེ། ཟོང་ལྕི་ཞིང་རིན་ལྕི་བ་ཡང་ཡོད། ཟོང་ཡང་ཞིང་རིན་ལྕི་
Ca95b
བ་ཡང་ཡོད། ཟོང་ལྕི་ཞིང་རིན་ཡང་བ་ཡང་ཡོད། ཟོང་ཡང་ཞིང་རིན་ཡང་བ་ཡང་ཡོད་དོ། །ཟོང་ལྕི་ཞིང་རིན་ལྕི་བ་གང་ཞེ་ན། འདི་ལྟ་སྟེ་ནོར་བུ་དག་དང ། མུ་ཏིག་དང ། བཻཌཱུ་ ་དང ། མན་ཤེལ་དཀར་པོ་དང།་བྱུ་རུ་དང ། དངུལ་དང ། ས་ལེ་སྦྲམ་དང ། རྡོའི་སྙིང་པོ་དང ། སྤུག་དང ། དམར་པོ་དང ། གཡས་སུ་འཁྱིལ་བ་སྟེ། དེ་ནི་ཟོང་ལྕི་ཞིང་རིན་ལྕི་བ་ཡིན་ནོ། །ཟོང་ཡང་ཞིང་རིན་ལྕི་བ་གང་ཞེ་ན། འདི་ལྟ་སྟེ་དར་དག་དང ། སྲིན་བལ་དང ། གུར་ཀུམ་དང ། སུག་སྨེལ་ཏེ། དེ་ནི་ཟོང་ཡང་ཞིང་རིན་ལྕི་བ་ཡིན་ནོ། །ཟོང་ལྕི་ཞིང་རིན་ཡང་བ་གང་ཞེ་ན། འདི་ལྟ་སྟེ་ལྕགས་དང ། རྡོ་དང ། ཁྲོ་ཆུ་སྟེ། དེ་ནི་ཟོང་ལྕི་ཞིང་རིན་ཡང་བ་ཡིན་ནོ། །ཟོང་ཡང་ཞིང་རིན་ཡང་བ་གང་ཞེ་ན། འདི་ལྟ་སྟེ། བལ་དང ། ཤ་ན་དང ། རས་བལ་དང ། ན་མེ་རུ་སྟེ། དེ་ནི་ཟོང་ཡང་ཞིང་རིན་ཡང་བ་ཡིན་ནོ། །དེ་ལ་ཟོང་ལྕི་ཞིང་རིན་ལྕི་བ་གང་ཡིན་པ་དེ་དང ། ཟོང་ཡང་ཞིང་རིན་ཡང་བ་གང་ཡིན་པ་དེ་གྲུ་གཅིག་ཏུ་བཅུག་པར་གྱུར་པ་ལས། དེ་དག་གི་གྲུ་དེ་རྒུད་པར་གྱུར་ཅིང་འབྱོར་པར་མ་གྱུར་ཏེ་ཟོང་འཕྱོ་བ་ན་ཤེས་ལྡན་དག་བྱིང་བ་གང་ཡིན་པ་དེ་ནི་ཁོ་བོ་ཅག་གི་ཡིན་ལ། འཕྱོ་བ་གང་ཡིན་པ་དེ་ནི་ཅི་བདེ་ཁོ་ནར་འབྱིན་ལ་རག་གོ་ཞེས་ཐོབ་རྒྱལ་དུ་སྒྲོགས་པར་བྱེད་པ་ན། དགེ་སློང་གིས་ཟོང་བྱིང་བའི་ཕྱིར་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད།་འགྲོ་བར་བྱེད། གོས་འཆིང་བར་བྱེད། ཆུར་འཇུག་པར་བྱེད། གཏིང་དུ་འཇུག་པར་བྱེད། འབྱུང་བར་བྱེད་ཅིང ། ཇི་སྲིད་དུ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །
Ca96a
༄#། །ནོམ་པར་བྱེད་ཉུག་པར་བྱེད་ཅིང་ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་ཕྱིས་བཀུར་རོ་སྙམ་པས་རྫབ་ཏུ་འཇུད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བདེ་བ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས་རྫབ་ཏུ་འཇུག་པར་བྱེད་ན་ཉེས་པ་སྦོམ་པོར་འགྱུར་རོ། །དེ་ལ་ཟོང་ཡང་ཞིང་རིན་ལྕི་བ་གང་ཡིན་པ་དེ་དང ། ཟོང་ལྕི་ཞིང་རིན་ཐང་ཡང་བ་གང་ཡིན་པ་དེ་གྲུ་གཅིག་ཏུ་བཅུག་པར་གྱུར་པ་ལས། དེ་དག་གི་གྲུ་དེ་རྒུད་པར་གྱུར་ཅིང་འབྱོར་བར་མ་གྱུར་ཏེ། ཟོང་བྱིན་བ་ན། ཤེས་ལྡན་དག་འཕྱོ་བ་གང་ཡིན་པ་དེ་ནི་ཁོ་བོ་ཅག་གི་ཡིན་ལ།་བྱིང་བ་གང་ཡིན་པ་དེ་ནི་ཅི་བདེ་ཁོ་ནར་འབྱིན་ལ་རག་གོ་ཞེས་ཐོབ་རྒྱལ་དུ་སྒྲོགས་པར་བྱེད་པ་ན། དགེ་སློང་གིས་ཟོང་འཕྱོ་བའི་ཕྱིར་ཁྲི་ལས་ལྡང་བར་བྱེད། །ཤམ་ཐབས་གྱོན་པར་བྱེད། འགྲོ་བར་བྱེད། གོས་འཆིང་བར་བྱེད། ཆུར་འཇུག་པར་བྱེད། གཏིང་དུ་འཇུག་པར་བྱེད། འབྱུང་བར་བྱེད་ཅིང ། ཇི་སྲིད་དུ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །
Ca96b
ནོམ་པར་བྱེད་ཉུག་པར་མི་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་ཕྱིས་བཀུར་རོ་སྙམ་པས་རྫབ་ཏུ་འདུད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བདེ་བ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས་རྫབ་ཏུ་འཇུད་པར་བྱེད་ན། ཉེས་པ་སྦོམ་པོར་འགྱུར་རོ། །འདི་ལྟར་མི་རྣམས་ཀྱི་ཁྱིམ་དག་གམ། ཆུའི་གནས་དག་ཏུ་རྫིང་བུ་སྣ་ཚོགས་དག་བྱས་ཤིང་རྫིང་བུ་དེ་དག་ཏུ་རྩེད་མོའི་བྱ་སྣ་ཚོགས་འདི་ལྟ་སྟེ། ངང་པ་དག་དང ། ཀ་རན་ད་ཀ་དག་དང ། ངུར་པ་དག་བཞག་པར་གྱུར་ལ་དེ་དག་ཀྱང་རྒྱན་སྣ་ཚོགས་འདི་ལྟ་སྟེ། མགུལ་གདུབ་དག་དང ། གདུབ་བུ་རྒྱན་ཅན་དག་དང ། དཔུང་རྒྱན་དག་དང ། དོ་ཤལ་དག་དང ། སེ་མོ་དོ་དག་དང ། མུ་ཏིག་གི་ཆུན་པོ་དག་གིས་བརྒྱན་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། གོས་འཆིང་བར་བྱེད། ཆུར་འཇུག་པར་བྱེད། གཏིང་དུ་འཇུག་པར་བྱེད། བྱ་འཛིན་པར་བྱེད་ཅིང ། ཇི་སྲིད་དུ་རྒྱན་ལ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་
Ca97a
༄#། །པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གལ་ཏེ་དེ་འདི་སྙམ་དུ་བྱ་ལས་བརྐུ་བར་བྱའི་མི་ལས་མ་ཡིན་སྙམ་དུ་སེམས་ན་ཉེས་བྱས་སུ་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །གལ་ཏེ་དེ་འདི་སྙམ་དུ་མི་ལས་བརྐུ་བར་བྱའི། །བྱ་ལ་རྒྱན་ག་ལ་ཡོད་སྙམ་དུ་སེམས་ན། དེ་ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །རྫིང་བུ་དེ་དག་ཏུ་ཕྲེང་བ་རྒྱུ་ཆུ་ནས་སྐྱེ་བ་སྣ་ཚོགས་འདི་ལྟ་སྟེ། ཨུཏྤ་ལ་དང ། ཀུ་མུད་དང ། པདྨ་དཀར་པོ་དང ། དྲི་མཆོག་དང ། དྲི་ངད་འཇམ་དང ། དུས་ཚིགས་ཐམས་ཅད་དང ། དུས་ཐམས་ཅད་པ་སྐྱེ་བོ་ཐམས་ཅད་ལས་བསྐྱབས་པ་དག་བསྐྱེད་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། གོས་འཆིང་བར་བྱེད། ཆུར་འཇུག་པར་བྱེད། གཏིང་དུ་འཇུག་པར་བྱེད་ཅིང་ཇི་སྲིད་དུ་ནོམ་པར་མི་བྱེད་ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད་ཅིང ། ཇི་སྲིད་དུ་འཐོག་པར་མི་བྱེད། ཁུར་འདྲག་པར་མི་བྱེད། གནས་ནས་
Ca97b
གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །རྫིང་བུ་དེ་དག་གི་འགྲམ་གཉིས་སུ་ཕྲེང་བ་རྒྱུ་སྐམ་ལས་སྐྱེ་བ་སྣ་ཚོགས་འདི་ལྟ་སྟེ། ཨ་ཏི་མུག་ཏ་ཀ་དང ། ཙམ་པ་ཀ་དང ། སྐྱ་སྣར་དང ། པར་ཤི་ཀ་དང།་མ་ལི་ཀ་དང ། ན་བ་མ་ལི་ཀ་དང ། ཡིད་དགའ་དང ། ཡུ་ཏི་ཤ་དང ། དྷ་ནུ་སྐ་རི་དང ། དུས་ཚིགས་ཐམས་ཅད་པ་དང ། དུས་ཐམས་ཅད་པ་སྐྱེ་བོ་ཐམས་ཅད་ལས་བསྐྱབས་པ་དག་བསྐྱེད་པ་ལ། དགེ་སློང་གིས་དེ་ལ་སྦྱོར་བས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད་ཅིང ། ཇི་སྲིད་དུ་ནོམ་པར་མི་བྱེད། ཉུག་པར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་རོ། །ནོམ་པར་བྱེད་ཉུག་པར་བྱེད། མེ་ཏོག་གི་ཤིང་ལ་འཛེག་པར་བྱེད། མེ་ཏོག་འཐོག་པར་བྱེད། ཐུ་བ་འགེངས་པར་བྱེད་ཅིང ། ཇི་སྲིད་དུ་གནས་ནས་གནས་སུ་སྦེད་པར་མི་བྱེད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །མེ་ཏོག་འཐོག་པར་བྱེད་ཅིང་ཐུ་བཀང་སྟེ་གནས་ནས་གནས་སུ་སྦེད་པར་བྱེད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །འདི་ལྟར་རི་དྭགས་ཀྱི་རྔོན་པའམ། རི་དྭགས་ཀྱི་རྔོན་པའི་སློབ་མ་མཁས་པས་དགོན་པ་ནགས་མཆོག་ཏུ་འདི་ལྟ་སྟེ། རི་དྭགས་མང་པོ་དྲུངས་དབྱུང་བའི་ཕྱིར་དང་ཉམས་པར་བྱ་
Ca98a
༄#། །བའི་ཕྱིར་དང ། ཚུལ་མ་ཡིན་པས་སྡུག་བསྔལ་བར་བྱ་བའི་ཕྱིར་རྔོན་སྤྱད་བཙུགས་པ་ལ་དགེ་སློང་གིས་རྐུ་སེམས་ཀྱིས་རྔོན་སྤྱད་རྐུ་བར་བྱེད་ན། རྔོན་སྤྱད་ཀྱི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་ཕན་པ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས་སྲེག་པར་བྱེད་དམ། གཅོག་པར་བྱེད་དམ། འཆག་པར་བྱེད་ན་ཉེས་པ་སྦོམ་པོར་འགྱུར་རོ། །གལ་ཏེ་སྙིང་རྗེའི་བསམ་པས་འདིས་སེམས་ཅན་འདི་དག་སྲོག་དང་བྲལ་བར་གྱུར་ན་མི་རུང་ངོ ། །གཞི་འདིས་སེམས་ཅན་དེ་ལ་ཡང་བསོད་ནམས་མ་ཡིན་པ་མང་པོ་སྐྱེ་བར་གྱུར་ན་མི་རུང་ངོ་སྙམ་པས་སྲེག་པར་བྱེད་དམ། གཅོག་པར་བྱེད་དམ། འཆག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་རྔོན་སྤྱད་ལ་ཐོགས་པའི་རི་དྭགས་རྐུ་བར་བྱེད་ན། རི་དྭགས་ཀྱི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བདེ་བ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས་གཏོང་བར་བྱེད་ན་ཉེས་པ་སྦོམ་པོར་འགྱུར་རོ། ། གལ་ཏེ་སྙིང་རྗེའི་བསམ་པས་འདིས་སེམས་ཅན་འདི་དག་སྲོག་དང་བྲལ་བར་གྱུར་ན་མི་རུང་ངོ ། །གཞི་འདིས་སེམས་ཅན་དེ་ལ་ཡང་བསོད་ནམས་མ་ཡིན་པ་མང་པོ་སྐྱེ་བར་གྱུར་ན་མི་རུང་ངོ་
Ca98b
སྙམ་པས་གཏོང་བར་བྱེད་ན་ཉེས་བྱས་སུ་འགྱུར་རོ། །འདི་ལྟར་ཉ་པའམ་ཉ་པའི་སློབ་མ་མཁས་པས་ཆུ་ཀླུང་གི་ཁར་རམ། ཡུར་པོ་ཆེའི་ཁར་འདི་ལྟ་སྟེ། ཉ་མང་པོ་དག་དྲུངས་དབྱུང་བའི་ཕྱིར་དང་ཉམས་པར་བྱ་བའི་ཕྱིར་དང ། ཚུལ་མ་ཡིན་པས་སྡུག་བསྔལ་བར་བྱ་བའི་ཕྱིར་ཉ་གདང་བཙུགས་པ་ལ། དགེ་སློང་གིས་རྐུ་སེམས་ཀྱིས་ཉ་གདང་རྐུ་བར་བྱེད་ན། ཉ་གདང་གི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་ཕན་པ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས། སྲེག་པར་བྱེད་དམ་གཅོག་པར་བྱེད་དམ་འཆག་པར་བྱེད་ན་ཉེས་པ་སྦོམ་པོར་འགྱུར་རོ། །གལ་ཏེ་སྙིང་རྗེའི་བསམ་པས་འདིས་སེམས་ཅན་འདི་དག་སྲོག་དང་བྲལ་བར་གྱུར་ན་མི་རུང་ངོ ། །གཞི་འདིས་སེམས་ཅན་དེ་ལ་ཡང་བསོད་ནམས་མ་ཡིན་པ་མང་པོ་སྐྱེ་བར་གྱུར་ན་མི་རུང་ངོ་སྙམ་པས་སྲེག་པར་བྱེད་དམ་གཅོག་པར་བྱེད་དམ་འཆག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཉ་གདང་ལ་ཐོགས་པའི་ཉ་རྐུ་བར་བྱེད་ན། ཉའི་རིན་ཐང་བརྩི་བར་བྱ་ཞིང ། དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་བདེ་བ་མེད་པར་བྱ་བའི་བསམ་པས་དེ་ཡིར་ཡང་མ་གྱུར་ལ། བདག་གིར་ཡང་མ་གྱུར་ཅིག་སྙམ་པས་གཏོང་བར་བྱེད་ན་ཉེས་པ་སྦོམ་པོར་འགྱུར་རོ། །གལ་ཏེ་སྙིང་རྗེའི་བསམ་པས་འདིས་སེམས་ཅན་འདི་དག་སྲོག་དང་བྲལ་བར་འགྱུར་ན་མི་རུང་ངོ ། །གཞི་
Ca99a
༄#། །འདིས་སེམས་ཅན་དེ་ལ་ཡང་བསོད་ནམས་མ་ཡིན་པ་མང་པོ་སྐྱེ་བར་གྱུར་ན་མི་རུང་ངོ་སྙམ་པས་གཏོང་བར་བྱེད་ན་ཉེས་བྱས་སུ་འགྱུར་རོ། །སྡོམ་ལ། སྐམ་སར་མི་ཡི་ཆུ་དང་ནི། དེ་བཞིན་དུད་འགྲོའི་ཆུ་དང་ཡང ། །རྒྱ་མཚོར་མི་ཡི་ཆུ་དག་དང ། །དུད་འགྲོའི་ཆུ་ཡང་དེ་བཞིན་ནོ། །འདི་ལྟར་ཚོང་པ་རབ་ཏུ་མང་པོ་དག་ཟོང་ཁྱེར་ཏེ་དགོན་པའི་ལམ་དུ་ཞུགས་པ་ན་དེ་ན་ཆུ་དཀོན་ཞིང་རིན་ཆེ་བར་གྱུར་པའི་ཚེ། །དེ་དག་གིས་དེར་སྣོད་སྣ་ཚོགས་འདི་ལྟ་སྟེ། རྫ་མ་དག་དང ། ཕྲུ་བ་དག་དང ། རིལ་བ་དག་དང ། ར་རྐྱལ་དག་གིས་ཆུའི་ཚོགས་བྱས་ཤིང ། དེ་ན་ཆུའི་ཚད་མི་ལ་ནི་འདི་ཙམ་ཞིག་གོ། དུད་འགྲོ་ལ་ནི་འདི་ཙམ་ཞིག་གོ་ཞེས་སྦྱིན་པར་བྱེད་པ་ན། དགེ་སློང་གིས་རྐུ་སེམས་ཀྱིས་མིའི་སྐལ་བའི་ཆུ་བདག་གིར་བྱེད་ན་དེའི་གནས་སྐབས་སུ་མིའི་སྐལ་བའི་ཆུའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་དུད་འགྲོའི་སྐལ་བའི་ཆུ་བདག་གིར་བྱེད་ན། དེའི་གནས་སྐབས་སུ་དུད་འགྲོའི་སྐལ་བའི་ཆུའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །འདི་ལྟར་འཛམ་བུའི་གླིང་པའི་ཚོང་པ་རབ་ཏུ་མང་པོ་ནོར་སྒྲུབ་པ་དག་རྒྱ་མཚོའི་གྲུར་ཞུགས་ཏེ་རྒྱ་མཚོ་ཆེན་པོར་འཇུག་པ་ན། རྒྱ་མཚོ་ཆེན་པོ་ལན་ཚཝའི་རོ་འབའ་ཞིག་ཡིན་པས་དེ་དག་གིས་དེར་སྣོད་སྣ་ཚོགས་འདི་ལྟ་སྟེ། རྫ་མ་དག་དང ། ཕྲུ་བ་དག་དང ། རིལ་བ་དག་དང་ར་རྐྱལ་དག་གིས་
Ca99b
ཆུའི་ཚོགས་བྱས་ཤིང ། དེ་ན་ཆུའི་ཚད་མི་ལ་ནི་འདི་ཙམ་ཞིག་གོ་།དུད་འགྲོ་ལ་ནི་འདི་ཙམ་ཞིག་གོ་ཞེས་སྦྱིན་པར་བྱེད་པ་ན། དགེ་སློང་གིས་རྐུ་སེམས་ཀྱིས་མིའི་སྐལ་བའི་ཆུ་བདག་གིར་བྱེད་ན།་དེའི་གནས་སྐབས་སུ་མིའི་སྐལ་བའི་ཆུའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ་དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་དུད་འགྲོའི་སྐལ་བའི་ཆུ་བདག་གིར་བྱེད་ན། དེའི་གནས་སྐབས་སུ་དུད་འགྲོའི་སྐལ་བའི་ཆུའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཉེས་པ་སྦོམ་པོར་འགྱུར་ལ། དངོས་པོ་མ་ཚང་ན་ཉེས་བྱས་སུ་འགྱུར་རོ། །སྡོམ་ལ། རྐུ་བ་གོམ་པ་སྲི་བ་དང ། དེ་བཞིན་གོམ་པ་སྐྱེད་པ་དང ། གནས་ནས་ཁྱམས་སུ་འགྲོ་ལ་སོགས། སྡེ་ཚན་ཡང་དག་བསྡུས་པ་ཡིན། འདི་ལྟར་མཁན་པོ་དང ། སློབ་དཔོན་ལམ་གྱི་བགྲོད་པར་ཞུགས་པ་དེ་དག་གིས་ལྷན་ཅིག་གནས་པ་དང་ཉེ་གནས་དག་གི་ལག་ཏུ་ཆོས་གོས་དག་གཏད་པ་ན། དེ་ལ་དེ་དག་རྐུ་སེམས་ཉེ་བར་གནས་པར་གྱུར་ཅིང་དེ་དག་གོམ་པ་སྲི་བས་འགྲོ་ཞིང་སྦྱང་འབྲང་དུ་འགྲོ་ན་གོམ་པ་རེ་རེ་ལ་ཉེས་བྱས་སུ་འགྱུར་རོ། །ཇི་སྲིད་དུ་མིག་སྔར་སྣང་བར་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །མིག་སྔར་སྣང་བར་མ་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང ། དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་གོམ་པ་བསྐྱེད་དེ་མདུན་དུ་འགྲོ་ན་གོམ་པ་རེ་རེ་ལ་ཉེས་བྱས་སུ་འགྱུར་རོ། །ཇི་སྲིད་དུ་
Ca100a
༄#། །མིག་སྔར་སྣང་བར་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །མིག་སྔར་སྣང་བར་མ་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ་དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །འདི་ལྟར་དགེ་སློང་ལྷན་ཅིག་གནས་པ་དང་ཉེ་གནས་དག་གིས་རྐུ་སེམས་ཀྱིས་མཁན་པོ་དང་སློབ་དཔོན་དག་གི་ཆོས་གོས་དག་རྐུ་བར་བྱེད་ཅིང ། དེ་དག་གིས་དེ་དག་ཁྱེར་ཏེ་གནས་ཁང་ནས་ཁྱམས་སུ་དང་ཁྱམས་ནས་གནས་ཁང་དུ་འཇུག་པ་དང ། གནས་ཁང་ནས་ཡང་ཁྱམས་སུ་འབྱུང་བ་དང ། སྟེང་གི་གཞིར་འཛེག་པ་དང ། དེ་ནས་ཡང་འབབས་ཤིང་འོག་གི་གཞིར་འབབ་པ་དང ། སྒོ་ཁང་དུ་འཇུག་པ་དང ། སྒོ་ཁང་ནས་ཕྱི་རོལ་གྱི་བང་རིམ་དུ་འབྱུང་བ་དང ། ཕྱི་རོལ་གྱི་བང་རིམ་ནས་ལྕོང་དུ་འབབ་པ་དང ། ལྕོང་ནས་ཐང་ལ་འཛེག་པ་དང ། ཐང་ནས་ཡང་ལྕོང་དུ་འབབ་པ་དང ། ལྕོང་ནས་ཐིབས་པོར་འཇུག་པ་དང ། ཐིབས་པོ་ནས་བླ་གབ་མེད་པར་འབྱུང་བར་བྱེད་ན། ཐམས་ཅད་དུ་ཡང་གོམ་པ་རེ་རེ་ལ་ཉེས་བྱས་སུ་འགྱུར་རོ། །ཇི་སྲིད་དུ་མིག་སྔར་སྣང་བར་གྱུར་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །མིག་སྔར་སྣང་བར་མ་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །སྡོམ་ལ། རྐུན་ཤས་ནོད་པར་བྱེད་པ་དང ། འགྱོད་པར་གྱུར་ཅིང་ཟློག་བྱེད་དང ། །
Ca100b
ཁྱིམ་དུ་སྦྲོན་པར་བྱེད་པ་ཡི། །སྡེ་ཚན་ཡང་དག་བསྡུས་པ་ཡིན། །འདི་ལྟར་དགེ་སློང་དགོན་པ་ན་གནས་པ་དེ་ལ་ཆོམ་རྐུན་པ་གྲོང་འཇོམས་པ་དག་འོངས་ཏེ་རྨས་པ། འཕགས་པ་གྲོང་ཆེ་གེ་མོ་ཞིག་ཤེས་སམ། ཤེས་སོ། །འཕགས་པ་འོ་ན་གྲོང་དེར་བུད་མེད་མང་བ་དང ། སྐྱེས་པ་ཉུང་བ་དང ། ལ་གཅན་པ་དང་ཐག་རིང་བ་དང ། ཁྱི་ཟ་བ་མེད་པ་དང ། འཇུག་སླ་བ་དང ། འབྱུང་སླ་བ་དང ། བདག་ཅག་གིས་དེར་མི་སྨས་མི་ཉམས་པར་ལས་བྱ་བར་ནུས་སམ། བདེ་ལེགས་སུ་ཕྱིར་འོངས་ན་འཕགས་པ་ལ་ཡང་སྐལ་བ་སྦྱིན་ནོ་ཞེས་ཟེར་བ་ལ། གལ་ཏེ་དགེ་སློང་གིས་འདི་སྐད་ཅེས། ཤེས་ལྡན་དག་གྲོང་དེ་ཏེ་པོར་བུད་མེད་མང་བ་དང ། སྐྱེས་པ་ཉུང་བ་དང ། ལ་གཅན་པ་དང་ཐག་རིང་བ་དང ། ཁྱི་ཟ་བ་མེད་པ་དང ། འཇུག་སླ་བ་དང ། འབྱུང་སླ་བ་དང ། ཁྱེད་ཅག་གིས་དེར་མི་སྨས་མི་ཉམས་པར་ལས་བྱ་བར་ནུས་སོ་ཞེས་སྨྲས་ཏེ། ཆོམ་རྐུན་པ་དག་གིས་དེར་ལས་བྱས་ཤིང་བདེ་ལེགས་སུ་ཕྱིར་འོངས་ནས་དགེ་སློང་ལ། རྐུན་ཤས་འབུལ་བར་བྱེད་ཅིང་དགེ་སློང་གིས་རྐུན་ཤས་བདག་གིས་བྱེད་ན། རྐུན་ཤས་ཀྱི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ་དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་དེ་དེ་སྐད་སྨྲས་ནས་འགྱོད་པར་གྱུར་ཅིང་དེ་ཆོམ་རྐུན་པ་དེ་དག་གི་གན་དུ་སོང་སྟེ་འདི་སྐད་ཅེས། ཤེས་ལྡན་དག་ཤེས་པར་གྱིས་ཤིག་།འདི་ལྟ་སྟེ་བྱིས་པ་བླུན་པ་མི་གསལ་བ་མི་མཁས་པ་བདག་གིས་ཏེ་པོར་གྱ་ཚོམ་དང ། བྱུང་རྒྱལ་གྱིས་སོ་སོར་མ་བ་རྟགས་པར་ཚིག་སྨྲས་
Ca101a
༄#། །ཏེ།་གྲོང་དེ་ནི་ཏེ་པོར་བུད་མེད་ཉུང་བ་དང ། སྐྱེས་པ་མང་བ་དང ། ལ་གཅན་པ་དང་ཐག་ཉེ་བ་དང ། ཁྱི་ཟ་བ་དང ། འཇུག་དཀའ་བ་དང ། འབྱུང་དཀའ་བ་དང ། ཁྱེད་ཅག་གིས་དེར་མི་སྨས་མི་ཉམས་པར་ལས་བྱ་བར་མི་ནུས་སོ་ཞེས་སྨྲས་ན་ཆོམ་རྐུན་པ་དག་གིས་དེར་ལས་བྱས་ཀྱང་རུང ། མ་བྱས་ཀྱང་རུང་སྟེ། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་དེས་ཆོམ་རྐུན་པ་དེ་དག་བཙལ་བ་ན་མ་མཐོང་ནས་ཁྱིམ་དེར་སོང་སྟེ། འདི་སྐད་ཅེས་ཤེས་ལྡན་དག་བྱར་གྱིས་ཤིག་།ཤེས་ལྡན་དག་བག་གྱིས་ཤིག་།དེང་འདིར་ཆོམ་རྐུན་པ་གྲོང་འཇོམས་པ་དག་འོང་བར་འགྱུར་གྱིས། དེ་དག་གིས་ཁྱེད་ཀྱི་རྫས་ཕྲོགས་པར་གྱུར་ཏམ། ཐམས་ཅད་དང་ཐམས་ཅད་དུ་སྲོག་དང་བྲལ་བར་གྱུར་ན་མི་རུང་ངོ་ཞེས་སྨྲས་ན། ཆོམ་རྐུན་པ་དག་གིས་དེར་ལས་བྱས་ཀྱང་རུང ། མ་བྱས་ཀྱང་རུང་སྟེ། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །སྡོམ་ལ། ཞིང་གི་ས་གཞི་འོག་ཟུར་དང ། །བླ་ཡི་གྲཝར་ཡང་དེ་བཞིན་ཏེ། །ཁྱིམ་གྱི་གཞི་ལའང་རྣམ་གཉིས་དང ། །ཟོང་གི་གཞི་ཡང་རྣམ་གཉིས་ཡིན། །ས་གཞི་ནི་གསུམ་སྟེ། ཞིང་གི་ས་གཞི་དང ། ཁྱིམ་གྱི་ས་གཞི་དང ། ཟོང་གི་ས་གཞིའོ། །ཞིང་གི་ས་གཞི་ནི་རྣམ་པ་གཉིས་ཀྱིས་བརྐུས་པ་ཡིན་ཏེ། ཤགས་ཀྱིས་དང་ཡོངས་སུ་བསྐོར་བས་སོ། །ཇི་ལྟར་ཤགས་ཀྱིས་ཤེ་ན། དགེ་སློང་གིས་ཞིང་གི་ས་གཞིའི་ཕྱིར་ཁྱིམ་
Ca101b
པ་དང་ལྷན་ཅིག་འོག་ཟུར་ཤགས་འགྱེད་པར་བྱེད་ན། གལ་ཏེ་དགེ་སློང་ཁྱིམ་པས་ཕམ་པར་བྱས་ན་དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་གིས་ཁྱིམ་པ་ཕམ་པར་བྱས་ན།་ཇི་སྲིད་དུ་ཁྱིམ་པས་སྦྱོར་བ་མ་བཏང་བ་དེ་སྲིད་དུ་དགེ་སློང་ལ་ཉེས་པ་སྦོམ་པོར་འགྱུར་རོ། །ཁྱིམ་པས་སྦྱོར་བ་གཏང་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་ཁྱིམ་པ་དང་ལྷན་ཅིག་བླའི་གྲར་ཤགས་འགྱེད་པར་བྱེད་ན། གལ་ཏེ་དགེ་སློང་ཁྱིམ་པས་ཕམ་པར་བྱས་ན་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་གིས་ཁྱིམ་པ་ཕམ་པར་བྱས་ན། དགེ་སློང་དག་རྒྱལ་པོ་ནི་རྩོད་པ་ཐམས་ཅད་ཀྱི་དཔོན་པོ་ཡིན་པས་བརྐུས་པར་བརྗོད་པར་བྱ་སྟེ། རིན་ཐང་བརྩེ་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ་དངོས་པོ་མ་ཚང་ན་ཉེས་པ་སྦོམ་པོར་འགྱུར་ཏེ། དེ་ལྟར་ཤགས་ཀྱིས་སོ། །ཇི་ལྟར་ཡོངས་སུ་བསྐོར་བར་ཞེ་ན། འདི་ལྟར་དགེ་སློང་གིས་ཞིང་གི་ས་གཞི་རྩིག་པ་དག་གམ། ཡ་གད་དག་གམ། སེག་དག་གམ། རེ་ལྡེ་དག་གམ། འོབས་དག་གམ། ཚེར་མ་དག་གིས་ཡོངས་སུ་སྐོར་བར་བྱེད་ན་ཇི་སྲིད་དུ་མཚམས་ཀྱི་སྣ་དང ། མཚམས་ཀྱི་སྣར་མ་ཕྲད་པ་དེ་སྲིད་དུ་ཉེས་པ་སྦོམ་པོར་འགྱུར་རོ། །མཚམས་ཀྱི་སྣ་དང་མཚམས་ཀྱི་སྣར་ཕྲད་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་
Ca102a
༄#། །མ་ཚང་ན་ཉེས་པ་སྦོམ་པོར་འགྱུར་རོ། །ཞིང་གི་ས་གཞི་ལ་ཇི་ལྟ་བ་བཞིན་དུ་ཁྱིམ་གྱི་ས་གཞི་དང་ཟོང་གི་ས་གཞི་ཡང་དེ་བཞིན་ནོ། །སྡོམ་ལ། འཆོལ་དང་ལེན་དང་སྲུང་མ་དང ། །ཀླག་ཅོར་ཕ་མ་མདུན་བྱུང་སློང ། །ཡུག་ཆེན་རྒན་གཞོན་རུང་བྱ་དང ། །དྲི་བྱ་སྒེའུ་ཆུང་སྨོད་པའོ། །གང་གི་ཚེ་བཅོམ་ལྡན་འདས་ཀྱིས་བླ་ན་མེད་པའི་ཡེ་ཤེས་ཐུགས་སུ་ཆུད་ཅིང་བསྟན་པ་རྒྱས་པར་མ་གྱུར་པ་དེའི་ཚེ་ན། དགེ་སློང་དག་སྤ་བཀོང་སླ་ཞིང ། ཁྱིམ་བདག་སྤ་བཀོང་དཀའ་བའི་ཚེ། ཇི་ཙམ་ན་དགེ་སློང་རབ་ཏུ་མང་པོ་དག་ཚོང་པ་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན་ཤོ་གམ་གྱི་གནས་ཀྱི་དྲུང་དུ་ཕྱིན་པ་དང ། དེ་དག་གིས་ཚོང་པ་རྣམས་ལ་སྨྲས་པ། བཞིན་བཟང་དག་ཁོ་བོ་ཅག་ལ་ཤོ་གམ་གཞལ་དགོས་པའི་རྫས་ཅུང་ཞིག་ཡོད་པ་དེ་ཤོ་གམ་པ་དག་གིས་ཤོ་གམ་འཇལ་དུ་འཇུག་པར་མི་འགྱུར་བར་རེ་ཞིག་ཤོ་གམ་གྱི་གནས་ནས་ཟློས་ལ་ཕྱིར་བྱིན་ཅིག། ཚོང་པ་དག་གིས་སྨྲས་པ། འཕགས་པ་དག་བཀའ་བཞིན་འཚལ། བཟླ་བར་བགྱིའོ། །ཚོང་པ་དེ་དག་གིས་དགེ་སློང་དེ་དག་གི་ཤོ་གམ་གཞལ་དགོས་པའི་རྫས་དེ་ཤོ་གམ་གྱི་གནས་ནས་བཟླས་ཏེ་བྱིན་ནོ། །དགེ་སློང་དག་མཐར་གྱིས་རྒྱུ་ཞིང་འདོང་བ་ན། གཙུག་ལག་ཁང་དུ་ཕྱིར་ཕྱིན་པ་དང ། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། ཁྱེད་ཅག་ཤོ་གམ་པ་
Ca102b
དག་དང ། ལ་གཅན་པ་དག་དང ། གྲུ་བཙས་གཅོད་པ་དག་གིས་ཡོངས་སུ་གཙེས་པར་མ་གྱུར་ཏམ། དེ་དག་གིས་སྨྲས་པ། ཚ་དང་ལྡན་པ་དག་བདེ་བར་བརྒྱུས་ཏེ། སུས་ཀྱང་ཡོངས་སུ་གཙེས་པར་མ་གྱུར་ཏོ། །ཅི་ཁྱེད་ཅག་གིས་སར་ཕྱིན་པའི་ཤོ་གམ་གཞལ་དགོས་པའི་རྫས་མེད་དམ། དེ་དག་གིས་སྨྲས་པ། བདག་ཅག་ལ་ཤོ་གམ་གཞལ་དགོས་པའི་རྫས་ཡོད་མོད་ཀྱི། འོན་ཀྱང་ཚོང་པ་བཤེས་པ་དག་གིས་ཤོ་གམ་གྱི་གནས་ནས་བཟླས་ཏེ་བྱིན་ནོ། །དགེ་སློང་དེ་དག་གིས་སྨྲས་པ། ཁྱེད་ཅག་གིས་སར་ཕྱིན་པའི་ཤོ་གམ་བཟླར་རུང་ངམ། དེ་དག་གིས་སྨྲས་པ། རུང་ཡང་སྲིད་མི་རུང་ཡང་སྲིད་དེ།་འདི་ལྟར་བདག་ཅག་གིས་ནི་བཟླས་སོ། །དགེ་སློང་དེ་དག་བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་དག་ལ་ནི་ལྟུང་བ་མེད་མོད་ཀྱི། ཡང་དགེ་སློང་གིས་སར་ཕྱིན་པའི་ཤོ་གམ་བཟླར་གཞུག་པར་མི་བྱའོ། །དགེ་སློང་གིས་སར་ཕྱིན་པའི་ཤོ་གམ་བཟླར་འཇུག་པར་བྱེད་ན། འགལ་ཚབས་ཅན་དུ་འགྱུར་རོ། །གང་གི་ཚེ་བཅོམ་ལྡན་འདས་ཀྱིས་ཤར་བའི་ཚལ་གསེབ་ཏུ་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལྷ་བརྒྱད་ཁྲི་དང་མ་ག་དྷར་བྱུང་བའི་བྲམ་ཟེ་དང་ཁྱིམ་བདག་འབུམ་ཕྲག་དུ་མ་དག་དང་ལྷན་ཅིག་བདེན་པ་དག་ལ་བཀོད་ནས་མཉན་ཡོད་
Ca103a
༄#། །དུ་གཤེགས་ཏེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གཞོན་ནུའི་དཔེའི་མདོ་སྡེས་བཏུལ་ནས། དེ་གཉིས་ཀྱིས་དགེ་སློང་རྣམས་ལ་གཞོན་ནུའི་ཡོངས་སུ་སྤང་བ་བྱིན་ཞིང ། དགེ་སློང་མ་རྣམས་ལ་བཙུན་མའི་འཁོར་གྱི་ཡོངས་སུ་སྤང་བ་བྱིན་ཞིང ། དགེ་སློང་མ་རྣམས་ལ་ཤོ་གམ་མེད་པ་དང ། ལ་གཅན་མེད་པ་དང ། གྲུ་བཙས་མེད་པར་བཏང་བ་དེའི་ཚེ་ན། བཅོམ་ལྡན་འདས་ཀྱི་བསྟན་པ་རྒྱས་པར་གྱུར་ཏེ། ཁྱིམ་པ་དག་སྤ་བཀོང་སླ་ཞིང་དགེ་སློང་དག་སྤ་བཀོང་དཀའ་བའི་ཚེ། ཇི་ཙམ་དུས་གཞན་ཞིག་ན་དགེ་སློང་རབ་ཏུ་མང་པོ་དག་ཚོང་པ་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན་ཤོ་གམ་གྱི་གནས་ཀྱི་དྲུང་དུ་ཕྱིན་པ་དང ། ཚོང་པ་དེ་དག་གིས་དགེ་སློང་རྣམས་ཀྱི་རྐང་པ་གཉིས་ལ་གཏུགས་ཏེ་སྨྲས་པ། འཕགས་པ་དག་བདག་ཅག་གྲང་བ་ན་གྲང་བས་སྦྲེབས་བཞིན་པ་དང ། ཚ་བ་ན་ཚ་བས་གདུངས་བཞིན་པ་དང ། བཀྲེས་པ་དང ། སྐོམ་པ་དག་གིས་གནོད་པ་བཞིན་པ་དང ། ཤ་སྦྲང་དང་སྦྲང་བུ་དང་རླུང་དང་ཉི་མ་དང་སྡིག་སྤྲུལ་གྱི་རེག་པ་དག་གིས་ཉེན་བཞིན་དུ། ལོངས་སྤྱོད་དག་མངོན་པར་བསྒྲུབ་པའི་སླད་དུ་སྤྲོ་བར་བགྱིད། འབད་པར་བགྱིད། རྩོལ་བར་བགྱིད་པ་གང་ལགས་པ་དེ་དག་ཐམས་ཅད་སངས་རྒྱས་དང ། ཆོས་དང ། དགེ་འདུན་ལ་མཆོད་པ་དག་བགྱིའོ་སྙམ་པ་ལགས་པས། དེའི་སླད་དུ་བདག་ཅག་ལ་ཤོ་གམ་གཞལ་འཚལ་བའི་རྫས་མཆིས་པ་
Ca103b
ཤོ་གམ་གྱི་གནས་ནས་བཟླས་ཏེ་སྩལ་བར་རིགས་སོ། །དགེ་སློང་དེ་དག་གིས་སྨྲས་པ། བཞིན་བཟང་དག་འཇལ་གྱིས་བཟླ་བར་བྱའོ། །དགེ་སློང་དེ་དག་གིས་ཚོང་པ་དེ་དག་གི་ཤོ་གམ་གཞལ་དགོས་པའི་རྫས་ཤོ་གམ་གྱི་གནས་ནས་བཟླས་ཏེ་བྱིན་ནོ། །དགེ་སློང་དག་མཐར་གྱིས་རྒྱུ་ཞིང་འདོང་བ་ན། མཉན་ཡོད་དུ་ཕྱིར་ཕྱིན་པ་དང ། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། ཁྱེད་ཅག་ཤོ་གམ་པ་དག་དང ། ལ་གཅན་པ་དག་དང ། གྲུ་བཙས་གཅོད་པ་དག་གིས་ཡོངས་སུ་གཙེས་པར་མ་གྱུར་ཏམ།་དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་གིས་རེ་ཞིག་གཞན་དག་ཀྱང་དགའ་བར་བྱས་ན། བདག་ཅག་ལྟ་ཅི་སྨོས་ཏེ་སུས་ཀྱང་ཡོངས་སུ་གཙེས་པར་མ་གྱུར་ཏོ། །དགེ་སློང་དེ་དག་གིས་སྨྲས་པ། ཇི་ལྟར་གྱུར། དེ་དག་གིས་སྐབས་དེ་དགེ་སློང་དེ་དག་ལ་རྒྱས་པར་བརྗོད་དོ། །དགེ་སློང་དེ་དག་གིས་སྨྲས་པ། ཁྱེད་ཅག་གིས་སར་ཕྱིན་པའི་ཤོ་གམ་བཟླར་རུང་ངམ། དེ་དག་གིས་སྨྲས་པ། རུང་ཡང་སྲིད་མི་རུང་ཡང་སྲིད་དེ། འདི་ལྟར་བདག་ཅག་གིས་ནི་བཟླས་སོ། །དགེ་སློང་དེ་དག་བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་དག་ལ་ནི་ལྟུང་བ་མེད་
Ca104a
༄#། །མོད་ཀྱི། ཡང་དགེ་སློང་གིས་སར་ཕྱིན་པའི་ཤོ་གམ་བཟླ་བར་མི་བྱའོ། །དགེ་སློང་གིས་སར་ཕྱིན་པའི་ཤོ་གམ་ཟློ་བར་བྱེད་ན། འགལ་ཚབས་ཅན་དུ་འགྱུར་རོ། ། ཞེས་དེ་ལྟར་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མཛད་དོ། །ཇི་ཙམ་དུས་གཞན་ཞིག་ན། དགེ་སློང་རབ་ཏུ་མང་པོ་དག་ཚོང་པ་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན་ཤོ་གམ་གྱི་གནས་ཀྱི་དྲུང་དུ་ཕྱིན་པ་དང ། ཚོང་པ་དེ་དག་གིས་དགེ་སློང་རྣམས་ཀྱི་རྐང་པ་གཉིས་ལ་གཏུགས་ཏེ་སྨྲས་པ། འཕགས་པ་དག་བདག་ཅག་གྲང་བ་ན་གྲང་བས་སྦྲེབས་བཞིན་པ་དང ། ཚ་བ་ན་ཚ་བས་གདུངས་བཞིན་པ་དང ། བཀྲེས་པ་དང ། སྐོམ་པ་དག་གིས་གནོད་བཞིན་པ་དང ། ཤ་སྦྲང་དང་སྦྲང་བུ་དང་རླུང་དང་ཉི་མ་དང་སྡིག་སྦྲུལ་གྱི་རེག་པ་དག་གིས་ཉེན་བཞིན་དུ་ལོངས་སྤྱོད་དག་མངོན་པར་བསྒྲུབ་པའི་སླད་དུ་སྤྲོ་བར་བགྱིད། འབད་པར་བགྱིད། རྩོལ་བར་བགྱིད་པ་གང་ལགས་པ་དེ་དག་ཐམས་ཅད་སངས་རྒྱས་དང ། ཆོས་དང ། དགེ་འདུན་ལ་མཆོད་པ་དག་བགྱིའོ་སྙམ་པ་ལགས་པས། དེའི་སླད་དུ་བདག་ཅག་ལ་ཤོ་གམ་གཞལ་འཚལ་བའི་རྫས་མཆིས་པ་ཤོ་གམ་གྱི་གནས་ནས་བཟླས་ཏེ་སྩལ་བར་རིགས་སོ། །དགེ་སློང་དེ་དག་གིས་སྨྲས་པ།་བཞིན་བཟང་དག་བཅོམ་ལྡན་འདས་ཀྱིས་ཡང་དགེ་སློང་གིས་སར་ཕྱིན་པའི་ཤོ་གམ་བཟླ་བར་མི་བྱའོ་ཞེས་བསླབ་པའི་གཞི་བཅའ་བ་མཛད་པས། བདག་ཅག་གིས་བཟླ་བར་མི་བྱའོ། །
Ca104b
ཚོང་པ་རྣམས་ཀྱིས་འཕགས་པ་འདི་དག་ནི་མི་མཐུན་པར་བྱེད་པ་ཡིན་པས་བཟླ་བར་མི་བྱེད་ཀྱིས་ཐབས་ཀྱི་རྣམ་པ་བྱའོ་སྙམ་དུ་ཤེས་ཤིང་རིག་ནས་དེ་དག་གིས་ཕན་ཚུན་གྲོས་བྱས་ཏེ་སྨྲས་པ། འཕགས་པ་དག་དེང་བདག་ཅག་བྲེལ་བས། ཁྱེད་ཅག་ལ་བསོད་སྙོམས་དབུལ་བའི་རྔོ་མི་ཐོག་གིས་བཞུད་ལ་གྲོང་དུ་བསོད་སྙོམས་ལ་འཇུག་པར་མཛོད་ཅིག་།དགེ་སློང་དེ་དག་གྲོང་དུ་བསོད་སྙོམས་ལ་ཞུགས་པ་དང།་ཚོང་པ་དེ་དག་གིས་དགེ་སློང་བསོད་སྙོམས་ལ་ཞུགས་པ་དེ་དག་གི་གཏུར་བུ་དག་དང་ལྷུང་བཟེད་ཀྱི་སྣོད་དག་དང་པར་བུར་སྣོད་དག་ཏུ་ཤོ་གམ་གཞལ་དགོས་པའི་རྫས་བཅུག་གོ་།དགེ་སློང་དག་བསོད་སྙོམས་བརྒྱུས་ནས་གྲོང་ནས་ཕྱིར་བྱུང་སྟེ། དེ་དག་ཟས་ཀྱི་བྱ་བ་བྱས་ནས་གང་གི་ཚེ་ཤོ་གམ་གྱི་གནས་ནས་འདས་པ་དེའི་ཚེ་ཚོང་པ་དེ་དག་གིས་དགེ་སློང་དེ་དག་གི་སྣོད་ལ་ནོམ་པར་བརྩམས་པ་དང ། དགེ་སློང་རྣམས་ཀྱིས་སྨྲས་པ། བཞིན་བཟང་དག་ཁྱེད་ཅིའི་ཕྱིར་ཁོ་བོ་ཅག་གི་སྣོད་དག་ལ་ནོམ་པར་བྱེད། ཚོང་པ་དག་གིས་སྨྲས་པ། འཕགས་པ་དག་བདག་ཅག་གིས་འདིར་ཤོ་གམ་གཞལ་འཚལ་བའི་རྫས་བཅུག་པ་དེ་འབྱིན་ཏོ། །དགེ་སློང་དག་གིས་སྨྲས་པ། བཞིན་བཟང་དག་ཁྱེད་ཀྱིས་ཆེད་དུ་བསམས་ཏེ། ཁོ་བོ་ཅག་ལྟུང་བ་དང་བཅས་པར་བྱས་མོད། ཚོང་པ་དག་གིས་སྨྲས་པ། འཕགས་པ་དག་འདི་ལ་ཁྱེད་ཀྱི་ལུས་ཀྱིས་ལས་ཀྱང་མ་མཆིས། ངག་གི་ལས་ཀྱང་མ་མཆིས་ན། ཇི་ལྟར་ཁྱེད་ཅག་ལྟུང་བ་དང་བཅས་པ་ལགས། དགེ་སློང་དེ་དག་བདག་ཅག་
Ca105a
༄#། །ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས་དེ་དག་མཐར་གྱིས་མཉན་ཡོད་དུ་ཕྱིར་ཕྱིན་པ་དང ། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། ཁྱེད་ཅག་ཤོ་གམ་པ་དག་དང་ལ་གཅན་པ་དག་དང་གྲུ་བཙས་གཅོད་པ་དག་གིས་ཡོངས་སུ་གཙེས་པར་མ་གྱུར་ཏམ། དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་དེ་དག་གིས་ཡོངས་སུ་གཙེས་པར་མ་གྱུར་མོད་ཀྱི། འོན་ཀྱང་བདག་ཅག་བསོད་སྙོམས་ལ་ཞུགས་པ་དག་གི་གཏུར་བུ་དག་དང ། ཆོས་གོས་ཀྱི་སྣོད་དག་དང ། བར་བུར་སྣོད་དག་ཏུ་ཚོང་པ་དག་གིས་ཤོ་གམ་གཞལ་དགོས་པའི་རྫས་བཅུག་པ་དེ་བདག་ཅག་གིས་མ་ཤེས་ནས་ཤོ་གམ་གྱི་གནས་ནས་བཟླས་པས། དེའི་ཕྱིར་བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་སོ། །དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་དག་ལ་ནི་ལྟུང་བ་མེད་མོད་ཀྱི། ཡང་དགེ་སློང་གིས་སྣོད་དག་ཡལ་བར་བོར་ཏེ། འགྲོ་བར་མི་བྱ་བར་འདི་ལྟར་སྲུང་མ་དགེ་སློང་གཞག་པར་བྱའོ། །དེ་དག་གིས་དགེ་སློང་བཞག་སྟེ་བསོད་སྙོམས་ལ་ཞུགས་པ་ན། དགེ་སློང་དེ་གང་གི་ཚེ་བཤང་བ་དང ། གཅི་བའམ། ཆུ་འཚག་ཏུ་འགྲོ་བ་དེའི་ཚེ། ཚོང་པ་དེ་དག་
Ca105b
གིས་དེ་ཁོ་ན་བཞིན་དུ་ཤོ་གམ་གཞལ་དགོས་པའི་རྫས་དག་གཏུར་བུ་དག་དང ། ལྷུང་བཟེད་ཀྱི་སྣོད་དང ། བར་བུར་སྣོད་དག་ཏུ་འཇུག་པར་བྱེད་ཅིང་དེ་ཁོ་ན་བཞིན་དུ་ཤོ་གམ་གྱི་གནས་ནས་འདས་པ་དང ། དེའི་ཚེ་ཚོང་པ་དག་དགེ་སློང་དེ་དག་གི་སྣོད་དག་ལ་ནོམ་པར་བྱེད་ནས། དགེ་སློང་དག་འགྱོད་པར་གྱུར་པ་ན། དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་དག་ལ་ནི་ལྟུང་བ་མེད་མོད་ཀྱི། འོན་ཀྱང་སྲུང་མ་དགེ་སློང་གཉིས་གཞག་པར་བྱའོ། །དགེ་སློང་རབ་ཏུ་མང་པོ་དག་ཚོང་པ་དོན་མཐུན་དང་ལྷན་ཅིག་འདོང་བ་ན། སྲུང་མ་དགེ་སློང་གཉིས་བཞག་སྟེ། བསོད་སྙོམས་ལ་ཞུགས་པ་དང ། དེ་གཉིས་ལས་གཅིག་ཇི་སྲིད་དུ་བཤང་བ་དང ། གཅི་བ་དང ། ཆུ་འཚག་ཏུ་སོང་པ་དེ་སྲིད་དུ་ཚོང་པ་དེ་དག་གིས་ཅིག་ཤོས་དེའི་ལག་པ་ལ་འཇུ་བར་བྱེད། རྐང་པ་ལ་འཇུ་བར་བྱེད་ཅིང ། གཞན་གྱིས་སྣོད་དག་ཏུ་འཇུག་པར་བྱེད་དོ། །དགེ་སློང་དེས་ཚངས་པ་མཚུངས་པར་སྤྱོད་པ་ལྷགས་པ་རྣམས་ལ་བརྗོད་པར་བྱའོ་སྙམ་དུ་ཤེས་ནས་དགེ་སློང་དེ་དག་ཀྱང་སྤྱོད་ཡུལ་ནས་ལྷགས་པ་དང ། ཚོང་པ་རྣམས་ཀྱིས་ཇི་ནས་ཀྱང་དགེ་སློང་དེ་གཉིས་ཀྱིས་དགེ་སློང་དེ་དག་ལ་བརྗོད་མི་ནུས་པར་འགྱུར་བ་དེ་ལྟ་བུའི་ཀླག་ཅོར་དག་བྱས་སོ། །དེ་དག་གང་གི་ཚེ་ཤོ་གམ་གྱི་གནས་ནས་འདས་པ་དེའི་ཚེ། སྣོད་དག་ལ་ནོམ་པར་བྱེད་ནས་
Ca106a
༄#། །དགེ་སློང་རྣམས་ཀྱིས་དེ་དག་ལ་སྨྲས་པ། བཞིན་བཟང་དག་ཅིའི་ཕྱིར་སྣོད་དག་ལ་ནོམ་པར་བྱེད། དེ་དག་གིས་སྨྲས་པ། འཕགས་པ་དག་འདིར་བདག་ཅག་གི་ཤོ་གམ་གཞལ་འཚལ་བའི་རྫས་བཅུག་པ་འབྱིན་ཏོ། །དགེ་སློང་རྣམས་ཀྱིས་སྲུང་མའི་དགེ་སློང་དེ་གཉིས་ལ་ཁྱེད་གཉིས་འདིར་བཞག་པ་དག་གིས་ཁོ་བོ་ཅག་ལྟུང་བ་དང་བཅས་པར་བྱས་སོ་ཞེས་གྱོད་རྨས་པ་དང ། དེ་གཉིས་ཀྱིས་བྱུང་བའི་མཐའ་ཇི་ལྟ་བ་བཞིན་དུ་བརྗོད་དོ། །དགེ་སློང་དེ་དག་བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེ་དག་གིས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་དག་ལ་ནི་ལྟུང་བ་མེད་མོད་ཀྱི། ཤོ་གམ་གཞལ་དགོས་པའི་རྫས་དེ་ཁྱིམ་པའམ། དགེ་ཚུལ་གྱིས་ཕྱུང་སྟེ་ཚོང་པ་དེ་དག་ལ་ཕྱིར་གཏད་པར་བྱའོ། །ཁྱིམ་པའམ་དགེ་ཚུལ་མེད་ན་རང་ཉིད་ཀྱིས་ཕྱུང་སྟེ། མདུན་དུ་གཞག་པར་བྱ་ཞིང་ཁྱེད་ཀྱི་རྫས་འདི་ཡིན་གྱིས་ཤེས་པར་གྱིས་ཤིག་ཅེས་ཀྱང་བརྗོད་པར་བྱའོ།། །།འདུལ་བ་རྣམ་པར་འབྱེད་པ། བམ་པོ་ལྔ་པ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་
Ca106b
དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱད་པར་བྱེད་པ་དེའི་ཆུང་མ་ལས་བུ་བྱུང་ནས་སྲིང་བར་བྱེད་སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ་ཞེས་བྱ་བའི་བར་དུ་སྔ་མ་བཞིན་ནོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ ། །དེ་ལྗོང་\་LJཱོཎGཥ?\་རྒྱུར་སོང་བས་རས་ཡུག་ཆེན་གཉིས་ཤིག་རྙེད་ནས། དེས་བཅོམ་ལྡན་འདས་ཀྱིས་རབ་ཏུ་བྱུང་བས་ཀྱང་ཕ་མ་དག་ལ་མཁོ་བ་བསྟབ་པར་བྱའོ་ཞེས་གསུངས་པས།་དེའི་ཕྱིར་གཅིག་ནི་ཕ་ལ་དབུལ་ལོ། །ཅིག་ཤོས་ནི་མ་ལ་དབུལ་ལོ་སྙམ་དུ་ཤེས་ནས། དེ་ཇི་དགའ་བར་ལྗོངས་སུ་འདུག་ནས་ལྷུང་བཟེད་དང ། ཆོས་གོས་ཐོགས་ཏེ་མཉན་ཡོད་ག་ལ་བ་དེར་རྒྱུ་ཞིང་འགྲོ་བ་ན་མཐར་གྱིས་རྒྱུ་ཞིང་འགྲོ་བའི་ཚེ་ཤོ་གམ་གྱི་གནས་སུ་ཕྱིན་པ་དང ། ཤོ་གམ་པས་སྨྲས་པ། འཕགས་པ་ཁྱོད་ལ་ཤོ་གམ་གཞལ་འཚལ་བའི་རྫས་ཅུང་ཟད་མ་མཆིས་སམ། དགེ་སློང་དེས་སྨྲས་པ། བཞིན་བཟང་མེད་དོ། །ཤོ་གམ་པས་སྨྲས་པ། བལྟས་གཞག་ཏུ་གསོལ་ཞེས་དེས་བརྟག་པར་བརྩམས་པ་དང ། ཇི་ཙམ་ན་རས་ཡུག་ཆེན་གཉིས་མཐོང་ནས་དེས་སྨྲས་པ། འཕགས་པ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བས་རས་ཡུག་ཆེན་གཉིས་ཙམ་གྱི་སླད་དུ་བརྫུན་དུ་སྨྲ་བ་གསུང་ངམ། དགེ་སློང་དེས་སྨྲས་པ། བཞིན་བཟང་འདི་གཉིས་ནི་ཁོ་བོ་མི་དབང་
Ca107a
༄#། །ངོ། །འཕགས་པ་འོ་ན་སུ་དབང ། བཞིན་བཟང་གཅིག་ནི་ཕའི་འོ། །ཅིག་ཤོས་ནི་མའི་འོ། །འཕགས་པ་བདག་གིས་ཡབ་ཀྱང་མ་འཚལ། ཡུམ་ཀྱང་མ་འཚལ་གྱིས་ཤོ་གམ་སྩོལ་ལ་བཞུད་ཅིག་།དགེ་སློང་དེ་ཤོ་གམ་པ་དེས་ཡུན་རིང་ཞིག་བསྒྱངས་ཏེ་བཏང་ནས། དེ་མཐར་གྱིས་མཉན་ཡོད་དུ་ཕྱིར་ཕྱིན་པ་དང ། དེ་འགྱོད་པ་སྐྱེས་ནས། དེས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་ཀྱི།་ཡང་དགེ་སློང་གིས་དེ་བཞིན་དུ་འགྲོ་བར་མི་བྱ་བར་འདི་ལྟར་ཤོ་གམ་པའི་མདུན་དུ་ཕ་མའི་བསྔགས་པ་བརྗོད་པར་བྱ་སྟེ། བཞིན་བཟང་བཅོམ་ལྡན་འདས་ཀྱིས་དགེ་སློང་དག་བུའི་ཕ་མ་སྙོད་པར་བྱེད་པ། གསོ་བར་བྱེད་པ། སྐྱེད་པར་བྱེད་པ། ནུ་མ་སྣུན་པར་བྱེད་པ། འཛམ་བུའི་གླིང་སྣ་ཚོགས་སྟོན་པར་བྱེད་པ་གཉིས་ནི་བྱ་དཀའ་བ་བྱེད་པ་དག་ཡིན་ཏེ། བུས་ཕྲག་པ་གཅིག་གིས་ནི་ཕ། ཅིག་ཤོས་ཀྱིས་ནི་མ་ལོ་བརྒྱ་ཐམ་པར་ཡོངས་སུ་པང་བ་བྱས་སམ། ས་ཆེན་པོ་འདིར་ནོར་བུ་དང ། མུ་ཏིག་དང ། བཻ་ཌཱུརྱ་དང ། མན་ཤེལ་དཀར་པོ་དང ། བྱུ་རུ་དང ། དངུལ་དང ། ས་ལེ་སྦྲམ་དང ། རྡོའི་སྙིང་པོ་དང ། སྤུག་དང ། དམར་པོ་དང ། གཡས་སུ་འཁྱིལ་དང ། དེ་ལྟ་བུའི་དབང་ཕྱུག་གི་བདག་པོ་ལ་བཀོད་པར་གྱུར་པ་གང་ཡིན་པ་དེ་ཙམ་གྱིས་ནི་བུས་ཕ་
Ca107b
མ་གཉིས་ལ་བྱས་པ་དང ། ཉེ་བར་བྱས་པར་མི་འགྱུར་གྱི། དེས་ཕ་མ་མ་དད་པ་གཉིས་དད་པ་ཕུན་སུམ་ཚོགས་པ་ཡང་དག་པར་འཛིན་དུ་འཇུད། འདུལ་བར་བྱེད། འཛུད་པར་བྱེད། རབ་ཏུ་འགོད་པར་བྱེད་པ་དང ། ཚུལ་ཁྲིམས་འཆལ་བ་གཉིས་ཚུལ་ཁྲིམས་ཕུན་སུམ་ཚོགས་པ་དང ། སེར་སྣ་ཅན་གཉིས་གཏོང་བ་ཕུན་སུམ་ཚོགས་པ་དང ། ཤེས་རབ་འཆལ་བ་གཉིས་ཤེས་རབ་ཕུན་སུམ་ཚོགས་པ་ཡང་དག་པར་འཛིན་དུ་འཇུད། འདུལ་བར་བྱེད། འཛུད་པར་བྱེད། རབ་ཏུ་འགོད་པར་བྱེད་ན། དེ་ཙམ་གྱིས་ནི་བུས་ཕ་མ་གཉིས་ལ་བྱས་པ་དང ། ཉེ་བར་བྱས་པར་འགྱུར་ཞེས་གསུངས་སོ། ། ཞེས་བརྗོད་པར་བྱའོ། །གལ་ཏེ་དེ་ལྟར་ཕ་མ་གཉིས་ཀྱི་བསྔགས་པ་བརྗོད་པ་ན་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཤོ་གམ་གཞལ་ཏེ་འགྲོ་བར་བྱའོ། །དེ་བཞིན་དུ་མི་འགྲོ་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་བརྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེའི་ཆུང་མ་ལས་བུ་བཙས་ནས་སྲིང་པར་བྱེད་སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །ཞེས་བྱ་བའི་བར་དུ་སྔ་མ་བཞིན་ནོ། །གང་གི་ཚེ་དེ་ཆེན་པོར་གྱུར་པ་དེའི་ཚེ་ལེགས་པར་གསུངས་པའི་ཆོས་འདུལ་བ་ལ་
Ca108a
༄#། །རབ་ཏུ་བྱུང་ངོ ། །བཅོམ་ལྡན་འདས་ཀྱིས། བསོད་ནམས་དག་ནི་བྱ་བ་སྟེ། །བསོད་ནམས་མ་བྱས་སྡུག་བསྔལ་འགྱུར། །འཇིག་རྟེན་འདི་དང་ཕ་རོལ་ཏུ། །བསོད་ནམས་བྱས་པ་དགའ་བར་འགྱུར། །ཞེས་གསུངས་པ་ཐོས་ནས་དགེ་སློང་དག་གིས་འདུན་པ་ལས་བྱུང་བའི་སློང་མོ་བྱས་ཏེ། སངས་རྒྱས་དང་ཆོས་དང་དགེ་འདུན་དག་ལ་མཆོད་པ་དག་བྱ་བར་བརྩམས་ཤིང།་བཅོམ་ལྡན་འདས་ཀྱི་བསྟན་པ་རྒྱས་པར་གྱུར་པ་ན། དགེ་སློང་དེས་དགེ་སློང་འདུན་པ་ལས་བྱུང་བ་སློང་བ་མང་ཞིང་འདི་དག་ཟད་པར་གྱིས་མཉན་ཡོད་ཁྱབ་པར་འགྱུར་གྱི། བདག་ལྗོངས་སུ་འགྲོ་ཞིང་སོང་ནས་ཡང་དག་པར་སྦྱོར་དུ་གཞུག་གོ་སྙམ་དུ་ཤེས་ནས་དེ་ལྗོངས་སུ་སོང་བ་དང ། དེས་ལྗོངས་དག་ཏུ་སངས་རྒྱས་དང་ཆོས་དང་དགེ་འདུན་གྱི་ཕྱིར་གོས་ཁ་དོག་སྣ་ཚོགས་ཀྱིས་གང་བའི་གཏུར་བུ་གསུམ་ཡང་དག་པར་སྦྱོར་དུ་བཅུག་གོ་།དེ་ལྗོངས་སུ་ཅི་དགར་འདུག་ནས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་ག་ལ་བ་དེར་རྒྱུ་ཞིང་སོང་བ་ན་མཐར་གྱིས་རྒྱུ་ཞིང་འགྲོ་བའི་ཚེ་ཤོ་གམ་གྱི་གནས་སུ་ཕྱིན་པ་དང ། ཤོ་གམ་པས་སྨྲས་པ། འཕགས་པ་ཁྱོད་ལ་ཤོ་གམ་གཞལ་འཚལ་བའི་རྫས་ཅུང་ཟད་མ་མཆིས་སམ། དགེ་སློང་དེས་སྨྲས་པ། བཞིན་བཟང་མེད་དོ། །ཤོ་གམ་པས་སྨྲས་པ།་བལྟས་གཞག་ཏུ་གསོལ་ཞེས་དེས་བརྟག་པར་བརྩམས་པ་དང ། ཇི་ཙམ་ན་གོས་ཁ་དོག་སྣ་ཚོགས་ཀྱིས་གང་བ་གཏུར་བུ་གསུམ་མཐོང་ནས། དེས་སྨྲས་པ། འཕགས་པ་གོས་ཁ་དོག་སྣ་ཚོགས་
Ca108b
ཀྱིས་གང་བའི་གཏུར་བུ་གསུམ་པོ་འདི་དག་ནི་ཉུང་བས། གལ་ཏེ་རྔ་མོའི་ཁལ་ལོངས་པར་གྱུར་ན། དེ་ལྟ་ན་ཁྱོད་ཀྱིས་ཤོ་གམ་གཞལ་དགོས་པར་འགྱུར་རོ། །དགེ་སློང་དེས་སྨྲས་པ། བཞིན་བཟང་འདི་དག་ནི་ཁོ་བོ་མི་དབང་ངོ ། །འཕགས་པ་འོ་ན་སུ་དབང ། བཞིན་བཟང་གཅིག་ནི་སངས་རྒྱས་ཀྱིའོ། །གཅིག་ནི་ཆོས་ཀྱིའོ། །གཅིག་ནི་དགེ་འདུན་གྱིའོ། །འཕགས་པ་བདག་གིས་སངས་རྒྱས་ཀྱང་མ་འཚལ། ཆོས་ཀྱང་མ་འཚལ། དགེ་འདུན་ཀྱང་མ་འཚལ་གྱིས་ཤོ་གམ་སྩལ་ལ་བཞུད་ཅིག་།དགེ་སློང་དེ་ཤོ་གམ་པ་དེས་ཡུན་རིང་ཞིག་བསྒྱངས་ཏེ་བཏང་ནས་དེ་མཐར་གྱིས་མཉན་ཡོད་དུ་ཕྱིན་པ་དང ། དེ་འགྱོད་པ་སྐྱེས་ནས་དེས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་ཀྱི། ཡང་དགེ་སློང་གིས་དེ་བཞིན་དུ་འགྲོ་བར་མི་བྱ་བར་འདི་ལྟར་ཤོ་གམ་པའི་མདུན་དུ་སངས་རྒྱས་དང་ཆོས་དང་དགེ་འདུན་གྱི་བསྔགས་པ་བརྗོད་པར་བྱ་སྟེ། འདི་ལྟར་བཅོམ་ལྡན་འདས་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེ་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཡིན་ནོ། །བཅོམ་ལྡན་འདས་ཀྱི་ཆོས་ནི་ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་གཏོད་པ། འདི་མཐོང་
Ca109a
༄#། །བ་ལ་དོན་ཡོད་པ། མཁས་པ་རྣམས་ཀྱིས་སོ་སོར་རང་རིག་པར་བྱ་བ་ཡིན་ནོ། །བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ནི་ལེགས་པར་ཞུགས་པ། རིགས་པར་ཞུགས་པ། དྲང་པོར་ཞུགས་པ། མཐུན་པར་ཞུགས་པ། ཆོས་ཀྱི་རྗེས་སུ་མཐུན་པའི་ཆོས་ལ་ཞུགས་པ། ཆོས་ཀྱི་རྗེས་སུ་མཐུན་པར་སྤྱོད་པ་སྟེ། དགེ་འདུན་ལ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་དག་ཀྱང་ཡོད། དགེ་འདུན་ལ་རྒྱུན་དུ་ཞུགས་པ་དག་ཀྱང་ཡོད། དགེ་འདུན་ལ་ལན་ཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་དག་ཀྱང་ཡོད། དགེ་འདུན་ལ་ལན་ཅིག་ཕྱིར་འོང་བ་དག་ཀྱང་ཡོད། དགེ་འདུན་ལ་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་དག་ཀྱང་ཡོད། དགེ་འདུན་ལ་ཕྱིར་མི་འོང་བ་དག་ཀྱང་ཡོད། དགེ་འདུན་ལ་དགྲ་བཅོམ་པ་ཉིད་ཀྱི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་དག་ཀྱང་ཡོད་དོ། །དགེ་འདུན་ལ་དགྲ་བཅོམ་པ་དག་ཀྱང་ཡོད་དེ། དེ་ལྟར་དེ་དག་ནི་སྐྱེས་བུ་ཟུང་བཞི་དང ། སྐྱེས་བུ་གང་ཟག་བརྒྱད་ཡིན་ནོ། ། བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་དེ་ནི་ཚུལ་ཁྲིམས་ཕུན་སུམ་ཚོགས་པ། ཏིང་ངེ་འཛིན་ཕུན་སུམ་ཚོགས་པ། ཤེས་རབ་ཕུན་སུམ་ཚོགས་པ། རྣམ་པར་གྲོལ་བ་ཕུན་སུམ་ཚོགས་པ། རྣམ་པར་གྲོལ་བ་ཤེས་པ་དང་མཐོང་བ་ཕུན་སུམ་ཚོགས་པ། ཀུན་ནས་སྦྱིན་པའི་འོས་སུ་གྱུར་པ། རབ་ཏུ་སྦྱིན་པའི་འོས་སུ་གྱུར་པ། ཐལ་མོ་སྦྱར་བའི་འོས་སུ་གྱུར་པ། ཕྱག་བྱ་བའི་འོས་སུ་གྱུར་པ།
Ca109b
བསོད་ནམས་ཀྱི་ཞིང་བླ་ན་མེད་པ། འཇིག་རྟེན་གྱི་ཡོན་གནས་ཡིན་ནོ་ཞེས་བརྗོད་པར་བྱའོ། །གལ་ཏེ་དེ་ལྟར་སངས་རྒྱས་དང་ཆོས་དང་དགེ་འདུན་གྱི་བསྔགས་པ་བརྗོད་པ་ན་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཤོ་གམ་གཞལ་ཏེ་འགྲོ་བར་བྱའོ། །དེ་བཞིན་དུ་མི་འགྲོ་ན་འགལ་ཚབས་ཅན་དུ་འགྱུར་རོ། །དགེ་སློང་དག་གིས་དཀོན་མཆོག་གསུམ་གྱི་ཕྱིར་ཤོ་གམ་གཞལ་དགོས་པའི་རྫས་བསྐུར་བར་བརྩམས་ཤིང་ཤོ་གམ་གྱི་གནས་སུ་སངས་རྒྱས་དང་ཆོས་དང་དགེ་འདུན་དག་གི་བསྔགས་པ་བརྗོད་པ་ན་མི་གཏོང་ནས། དགེ་སློང་དག་གཅིག་གི་སྐལ་བ་ལས་སྦྱིན་པར་བྱེད་པ་དང ། བཅོམ་ལྡན་འདས་ཀྱིས་བཀའ་སྩལ་པ། གསུམ་ཆར་ལས་ཀྱང་སྤྱིར་སྦྱིན་པར་བྱའོ། །དགེ་སློང་དག་གསུམ་ཆར་ལས་སྤྱིར་སྦྱིན་པར་བྱེད་པ་ན། དོན་མཐུན་དང་ཡོངས་སུ་བྲལ་ནས་དེ་དག་སེང་གེ་དག་དང ། སྟག་དག་དང ། ཆོམ་རྐུན་པ་དག་གིས་བགྲོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གཅིག་གི་ལས་བྱིན་ལ་ཆས་སྐལ་བ་བསབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་སྡེ་སྣོད་གསུམ་དང་ལྡན་པ། ཆོས་སྨྲ་བ་རིག་པ་དང་གྲོལ་བའི་སྤོབས་པ་དང་ལྡན་པ་ཞིག་འདུག་པ་དེ་ལྗོངས་རྒྱུར་སོང་བ་ན་མཐར་གྱིས་རྒྱལ་པོའི་ཁབ་ཏུ་ཕྱིན་ནས་རྒྱལ་པོའི་ཁབ་ཏུ་དབྱར་གནས་ཏེ་ཟླ་བ་གསུམ་འདས་པ་དང་མཉན་ཡོད་དུ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏུ་འཕགས་པ་ན། དོན་མཐུན་
Ca110a
༄#། །བཙལ་བ་དང་ཇི་ཙམ་ན་དེད་དཔོན་ཞིག་གིས་རྒྱལ་པོའི་ཁབ་ནས་ཟོང་བླངས་ཏེ། མཉན་ཡོད་དུ་འཕགས་ནས་དེའི་དྲུང་དུ་སོང་སྟེ་བསོད་ནམས་བྱ་བའི་གཞི་གསུམ་པོ་དག་གི་བསྔགས་པ་བརྗོད་ཅིང་དེ་དག་ལ་བཀོད་ནས་ཅི་ནས་ཀྱང་དེའི་ཚེ་སེམས་མངོན་པར་དད་པར་འགྱུར་བ་དེ་ལྟ་དེ་ལྟར་རྣམ་པར་བཤད་པ་དང ། དེ་དད་པ་སྐྱེས་པས་དགེ་སློང་དེ་ལ་ཟན་བྱིན་ཏེ། རས་ཡུག་ཆེན་རིན་ཆེ་བ་ཆེ་བར་འོས་པས་བཀབ་ནས་དེའི་འོག་ཏུ་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ་བདག་གིས་ཅི་བགྱི་བ་བཀའ་སྩོལ་ཅིག་།དགེ་སློང་དེས་སྨྲས་པ། བཞིན་བཟང་བདག་མཉན་ཡོད་དུ་སྟོན་པའི་ཞབས་ལ་ཕྱག་འཚལ་དུ་འགྲོ་འདོད་ཀྱིས་དེའི་ཕྱིར་བདག་ལ་བྱམས་པས་བསྐྱང་བ་གྱིས་ཤིག་།ཁྱིམ་བདག་དེས་སྨྲས་པ། འཕགས་པ་བཀའ་བཞིན་འཚལ་མ་ནོངས་ཀྱིས་གཤེགས་སོ། །དགེ་སློང་དེ་དེད་དཔོན་དེ་དང་ལྷན་ཅིག་འཕགས་པ་དང ། དེད་དཔོན་དེས་སྨྲས་པ། འཕགས་པ་ཁྱོད་ནི་བསོད་སྙོམས་བཞེད་པ་ལགས་ལ། བདག་ནི་བསོད་ནམས་འཚལ་བ་ལགས་ཀྱིས། རྒྱལ་པོའི་ཁབ་ནས་མཉན་ཡོད་ཀྱི་བར་ཇི་སྲིད་པར་ཆོས་གོས་དང་བསོད་སྙོམས་དང ། གནས་མལ་དང ། ནད་པའི་རྐྱེན་དང་སྨན་གྱི་ཡོ་བྱད་དག་གིས་ཐུགས་ལས་ཆུང་ངུར་མཛད་དུ་གསོལ། དགེ་སློང་དེས་དང་དུ་བླངས་ནས་ཇི་ཙམ་ན་ཤོ་གམ་གྱི་གནས་ཀྱི་དྲུང་དུ་ཕྱིན་པ་དང ། དེད་དཔོན་གྱིས་རྫས་ཤོ་གམ་བཅད་ནས། དེད་དཔོན་དེས་བདག་གི་རྫས་ཤོ་གམ་བཅད་ཅིང །
Ca110b
འཕགས་པའི་རས་ཡུག་ཆེན་ནི་ཤོ་གམ་མ་བཅད་པས་བདག་ཁོ་ནས་ཤོ་གམ་གཞལ་དགོས་པར་འགྱུར་བའི་གནས་དེ་ལྟ་བུ་ཡོད་པས་བདག་ཉིད་ཀྱི་སྣོད་དུ་གཞུག་པར་བྱའོ་སྙམ་དུ་ཤེས་ནས། དེད་དཔོན་དེས་དགེ་སློང་དེ་ལ་སྨྲས་པ། འཕགས་པ་རས་ཡུག་ཆེན་སླར་སྩོལ་ཅིག་།དགེ་སློང་དེས་སྨྲས་པ། བཞིན་བཟང་ཅི་ཟེར། ཁྱོད་འགྱོད་པ་སྐྱེས་པར་མ་གྱུར་ཏམ། དེད་དཔོན་གྱིས་སྨྲས་པ། འཕགས་པ་བདག་ལ་འགྱོད་པ་མ་མཆིས་ཏེ། འདི་ལྟར་བདག་གི་རྫས་ནི་ཤོ་གམ་བཀུམ་ལ་ཁྱོད་ཀྱི་རས་ཡུག་ཆེན་འདི་ནི་ཤོ་གམ་མ་བཀུམ་པས་གལ་ཏེ་ཤོ་གམ་པ་དག་རས་ཡུག་ཆེན་གྱི་ཤོ་གམ་འཚལ་ན། དོན་གྱིས་བདག་ཁོ་ནས་གཞལ་བར་བགྱི་བ་ལགས་པས། ཤོ་གམ་གྱི་གནས་ནས་བཟླས་ཏེ་དབུལ་བར་བགྱིའོ། །དགེ་སློང་དེས་སྨྲས་པ། བཞིན་བཟང་བཅོམ་ལྡན་འདས་ཀྱིས་དགེ་སློང་གིས་ཤོ་གམ་གཞལ་དགོས་པའི་རྫས་ཤོ་གམ་གྱི་གནས་ནས་བཟླ་བར་མི་བྱའོ་ཞེས་བསླབ་གཞི་བཅའ་བ་མཛད་པས་བདག་ལྟུང་བ་དང་བཅས་པར་གྱུར་ན་མི་རུང་བས། མི་སྦྱིན་ནོ། །དེད་དཔོན་དེས་འཕགས་པ་དག་ནི་མི་མཐུན་པ་བྱེད་པ་ཡིན་པས། འདི་ལ་བདག་གིས་དུས་ཤེས་པར་འགྱུར་རོ་སྙམ་དུ་ཤེས་ནས། དེད་དཔོན་དེས་དགེ་སློང་དེ་ལ་སྨྲས་པ། འཕགས་པ་དེས་བདག་བྲེལ་བས་ཁྱོད་ཀྱི་བསོད་སྙོམས་འགའ་ཡང་སྒྲུབ་པར་རྔོ་མི་ཐོག་གིས་བཞུད་ལ་གྲོང་དུ་བསོད་སྙོམས་ལ་འཇུག་པར་མཛོད་ཅིག་།དགེ་སློང་དེ་བསོད་སྙོམས་ལ་ཞུགས་པ་དང ། ཇི་སྲིད་དུ་དེ་ཞུགས་པ་དེའི་བར་དུ་དེད་དཔོན་དེས་རས་ཡུག་
Ca111a
༄#། །ཆེན་དེ་བདག་ཉིད་ཀྱི་སྣོད་དུ་བཅུག་གོ་།ཇི་ཙམ་ན་དགེ་སློང་དེ་ལ་ཤོ་གམ་པས་དྲིས་པ། འཕགས་པ་ཁྱོད་ལ་ཤོ་གམ་གཞལ་འཚལ་བའི་རྫས་ཅུང་ཟད་མཆིས་སམ། དགེ་སློང་དེས་སྨྲས་པ། བཞིན་བཟང་རས་ཡུག་ཆེན་གཅིག་ཡོད་དོ། །ཤོ་གམ་པས་སྨྲས་པ། འཕགས་པ་བལྟས་གཞག་ཏུ་གསོལ། དགེ་སློང་དེས་གཏུར་བུར་བརྟགས་པ་དང ། རས་ཡུག་ཆེན་མི་སྣང་ནས་དེ་བཞིན་བསྒྱུར་ཞིང་ལག་པ་གཉིས་འདྲིལ་བར་བྱེད་དོ། །ཤོ་གམ་པས་སྨྲས་པ། འཕགས་པ་ཅིའི་སླད་དུ་འདི་ལྟར་མཛད། དགེ་སློང་དེས་སྨྲས་པ། བཞིན་བཟང་ཁོ་བོའི་རས་ཡུག་ཆེན་དེ་མ་བྱིན་པར་ལེན་པ་དག་གིས་བརྐུས་སོ། །ཤོ་གམ་པས་སྨྲས་པ། འཕགས་པ་དེ་ནི་ཁྱོད་ཀྱིས་མ་བརྐུས་ཀྱི་འདི་ལྟར་བདག་གིས་བརྐུས་པ་ལགས་ཏེ། དེས་ན་བདག་གིས་ཤོ་གམ་མ་ཐོབ་བོ། །གང་གི་ཚེ་དགེ་སློང་དེ་ཤོ་གམ་གྱི་གནས་ནས་འདས་པ་དེའི་ཚེ་དེད་དཔོན་དེས་སྨྲས་པ། འཕགས་པ་ཅིའི་སླད་དུ་སེམས་ཁོང་དུ་ཆུད། བཞིན་བཟང་ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་སྐྱེས་མོད་ཀྱི། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི་མ་སྐྱེས་སོ། །འཕགས་པ་ཅིའི་སླད་དུ། ཁོ་བོའི་རས་ཡུག་ཆེན་དེ་མ་བྱིན་པར་ལེན་པ་དག་གིས་བརྐུས་སོ། །དེད་དཔོན་དེས་སྨྲས་པ། འཕགས་པ་དེ་ནི་མ་བྱིན་པར་ལེན་པར་ལེན་པ་དག་གིས་མ་བརྐུས་ཏེ། འདི་ལྟར་བདག་གིས་ཤོ་གམ་གྱིས་འཇིགས་པས་རང་གི་སྣོད་དུ་སྩལ་ཏེ། འཚལ་ཏེ་མཆིས་ན་ཇི་ལྟར་བགྱི།
Ca111b
དབུལ་ལམ། དགེ་སློང་དེས་སྨྲས་པ། བཞིན་བཟང་བདག་ལ་མ་བྱིན་པར་ལེན་པ་དག་གིས་བརྐུས་པ་ནི་ལེགས་ཀྱི། བདག་ལྟུང་བ་དང་བཅས་པར་གྱུར་པ་ནི་མ་ལེགས་སོ། །འཕགས་པ་འདི་ལ་ཁྱོད་ཀྱི་ལུས་ཀྱི་ལས་ཀྱང་མ་མཆིས། ངག་གི་ལས་ཀྱང་མ་མཆིས་ན། ཅིའི་སླད་དུ་ཁྱོད་ལྟུང་བ་དང་བཅས་པར་འགྱུར། དགེ་སློང་དེ་འགྱོད་པ་སྐྱེས་ནས་མཐར་གྱིས་མཉན་ཡོད་དུ་ཕྱིར་ཕྱིན་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། དགེ་སློང་དེས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་ཀྱི། འོན་ཀྱང་ངས་དགེ་སློང་ལམ་དུ་ཞུགས་པའི་ཀུན་ཏུ་སྤྱད་པའི་ཆོས་དག་བཅའ་བར་བྱ་སྟེ། དགེ་སློང་ལམ་དུ་ཞུགས་པ་གྲོང་དུ་བསོད་སྙོམས་ལ་འཇུག་པས་སྣོད་ལ་མཚན་མ་བཏབ་སྟེ་འགྲོ་བར་བྱ་ཞིང ། ཕྱིར་འོངས་ནས་ཀྱང་སོ་སོར་བརྟག་པར་བྱའོ།། དགེ་སློང་ལམ་དུ་ཞུགས་པས་ཀུན་ཏུ་སྤྱད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྒན་པོ་ཞིག་དང་གཞོན་ནུ་ཞིག་ལྗོངས་རྒྱུར་འཕགས་སོ། །དེ་ན་རྒན་པོ་ནི་ཤེས་པ་ཆེ་བ། རྫས་
Ca112a
༄#། །མང་བ་ཡོ་བྱད་མང་བ་ཡིན་ལ། གཞོན་ནུ་ནི་ཤེས་པ་ཆུང་བ། ཆོས་གོས་གསུམ་ལ་འཆེལ་བ་ཡིན་པས་རྒན་པོ་ལ་ཤོ་གམ་གཞལ་དགོས་པའི་རྫས་ཡོད་ནས་ཇི་ཙམ་ན་མཐར་གྱིས་ཤོ་གམ་གྱི་གནས་ཀྱི་དྲུང་དུ་ཕྱིན་པ་དང ། རྒན་པོས་བདག་ལ་ཤོ་གམ་གཞལ་དགོས་པའི་རྫས་ཡོད་པས་གལ་ཏེ་ཤོ་གམ་པ་དག་འཕགས་པ་ལ་ཤོ་གམ་གཞལ་འཚལ་བའི་རྫས་ཅུང་ཟད་མཆིས་སམ་ཞེས་འདྲི་ན་གལ་ཏེ་མེད་དོ་ཞེས་བརྗོད་ན་ནི་བརྫུན་དུ་སྨྲ་བར་འགྱུར་ལ། གལ་ཏེ་ཡོད་དོ་ཞེས་བརྗོད་ན་ནི་ངེས་པར་ཤོ་གམ་གཞལ་དགོས་པར་འགྱུར་པས། དེའི་ཕྱིར་གང་གིས་ཤོ་གམ་ཡང་གཞལ་མི་དགོས་ལ་བརྫུན་དུ་སྨྲ་བར་ཡང་མི་འགྱུར་བའི་ཐབས་ཅི་ཡོད་སྙམ་དུ་ཤེས་ནས་དེ་འདི་སྙམ་དུ་སེམས་ཏེ། གཞོན་ནུ་འདི་ལ་སྦྱིན་ཞིང་ཤོ་གམ་གྱི་གནས་ནས་འདས་ན་བླང་བར་བྱའོ་སྙམ་ནས། དེས་གཞོན་ནུ་དེ་ལ་སྨྲས་པ། ཚེ་དང་ལྡན་པ་རེ་ཞིག་ཡུད་ཙམ་ཞིག་ལྷུང་བཟེད་དང་ཆོས་གོས་ལོང་ཞིག་།གཞོན་ནུ་དེས་གནས་བརྟན་ངལ་བར་གྱུར་པས་དེས་ན་བདག་ལ་སྦྱིན་གོར་མ་ཆག་སྙམ་དུ་ཤེས་ནས། དེས་བླངས་ཤིང་དེས་དེ་ཁྱེར་ཏེ་མདུན་དུ་འཕགས་པ་དང ། ཤོ་གམ་པས་མཐོང་ནས་དེས་སྨྲས་པ། འཕགས་པ་ཁྱོད་ལ་ཤོ་གམ་གཞལ་འཚལ་བའི་རྫས་ཅུང་ཟད་མཆིས་སམ། དགེ་སློང་དེས་སྨྲས་པ། བཞིན་བཟང་མེད་དོ། །ཤོ་གམ་པ་དེས་དགེ་སློང་དེ་ཡལ་བར་བོར་ནས། ཤོ་གམ་གྱི་གནས་ནས་འདས་པ་དང ། རྒན་
Ca112b
པོ་ཡང་སྟོང་པར་འབྲང་ཞིང་འོངས་ནས་ཤོ་གམ་པ་དེས་རྒན་པོ་དེ་ལ་ནི་མ་དྲིས་སོ། །རྒན་པོ་དེ་གང་གི་ཚེ་ཤོ་གམ་གྱི་གནས་ནས་འདས་པ་དེའི་ཚེ་སྨྲས་པ། ཚེ་དང་ལྡན་པ་རྫས་ཁྱེར་ཤོག་།གཞོན་ནུ་སྨྲས་པ། གནས་བརྟན་ཅི་ལགས། བསྙེལ་བ་སོས་ལགས་སམ། རྒན་པོས་སྨྲས་པ། ཚེ་དང་ལྡན་པ་ཁོ་བོ་ངལ་བས་ཁྱོད་ལ་བྱིན་པ་ནི་མ་ཡིན་གྱི་འདི་ལྟར་ཁོ་བོ་ལ་ཤོ་གམ་གཞལ་དགོས་པའི་རྫས་ཡོད་པས་གལ་ཏེ་ཁོ་བོ་ལ་ཤོ་གམ་པ་འཕགས་པ་ལ་ཤོ་གམ་གཞལ་འཚལ་བའི་རྫས་ཅུང་ཟད་མཆིས་སམ་ཞེས་འདྲི་ན་གལ་ཏེ་མེད་དོ་ཞེས་བརྗོད་ན་ནི་བརྫུན་དུ་སྨྲ་བར་འགྱུར་ལ། གལ་ཏེ་ཡོད་དོ་ཞེས་བརྗོད་ན་ནི་ངེས་པར་ཤོ་གམ་གཞལ་དགོས་པར་འགྱུར་རོ་སྙམ་པའི་བློ་སྐྱེས་པས་དེའི་ཕྱིར་ཁོ་བོས་ལྷུང་བཟེད་དང་ཆོས་གོས་བྱིན་པ་ཡིན་པས་དེ་ནི་ཤོ་གམ་གྱི་གནས་ལས་འདས་པས་དེས་ན་ཡང་ཕྱིར་ལེན་ཏོ། །གཞོན་ནུས་སྨྲས་པ། དེ་ལྟ་ན་གནས་བརྟན་གྱིས་བདག་ཉིད་ཐར་པར་མཛད་ལ་ངན་བུ་ནི་ལྟུང་བ་དང་བཅས་པར་བགྱིས་སོ། །རྒན་པོས་སྨྲས་པ། ཚེ་དང་ལྡན་པ་ཁྱོད་ཀྱིས་མི་ཤེས་པས་འདི་ལ་ཁྱོད་ཀྱིས་ལྟུང་བ་ཅི་ཞིག་ཡོད། དགེ་སློང་གཞོན་ནུ་དེ་འགྱོད་པ་སྐྱེས་ནས་མཐར་གྱིས་མཉན་ཡོད་དུ་ཕྱིར་ཕྱིན་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། དགེ་སློང་དེས་སྨྲས་པ། འདིར་ག་ལ་བདེ་བར་བརྒྱུས། དགེ་སློང་རྣམས་ཀྱིས་སྨྲས་པ་ཚེ་དང་ལྡན་པ་ཅིའི་ཕྱིར་དེ་སྐད་ཟེར།
Ca113a
༄#། །དགེ་སློང་དེས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་ཀྱི། ཡང་དགེ་སློང་ལམ་དུ་ཞུགས་པས་མ་དྲིས་པར་རྫས་བླང་བར་མི་བྱ་བར་ལེན་པ་ཉིད་ན་འདི་ན་ཤོ་གམ་གཞལ་དགོས་པའི་རྫས་ཅུང་ཟད་མེད་དམ་ཞེས་དྲི་བར་བྱ་བའོ། །མ་དྲིས་པར་ལེན་ན་འགལ་ཚབས་ཅན་དུ་འགྱུར་རོ། །གཞན་ཡང་དགེ་སློང་གིས་ཤོ་གམ་གཞལ་དགོས་པའི་རྫས་ལམ་དུ་བཟླ་བར་མི་བྱའོ། །ཟློ་བར་བྱེད་ན་འགལ་ཚབས་ཅན་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཤོ་ག་མ་གཞལ་དགོས་པའི་རྫས་ལམ་དུ་བཟླ་བར་མི་བྱའོ་ཞེས་བཀའ་སྩལ་པ་ན། དགེ་སློང་དྲུག་ཅུ་ལྗོངས་རྒྱུ་ཞིང་འདོང་བའི་ཚེ།་རི་བྲགས་ཤིག་ཏུ་ཕྱིན་པ་དང ། རི་བྲགས་དེ་ན་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཞིག་འདུག་ཅིང་དེ་ཡང་དད་པ་དང་ལྡན་པ་ཡིན་པས་དེས་དགེ་སློང་དེ་དག་མགྲོན་དུ་བོས་ཏེ།་ཟས་བྱིན་ནས་རེ་རེ་ལ་གོས་ཕྲུགས་རེ་བསྐོན་པར་བྱས་པ་དང ། དགེ་སློང་རྣམས་ཀྱིས་སྨྲས་པ། ཁྱིམ་བདག་བཅོམ་ལྡན་འདས་ཀྱིས་ཤོ་གམ་གཞལ་དགོས་པའི་རྫས་ལམ་དུ་བཟླ་བར་མི་བྱའོ་ཞེས་དགག་པ་མཛད་པས། དེའི་ཕྱིར་བདག་ཅག་གིས་ཇི་ལྟར་བླང་བར་བྱ། ཁྱིམ་བདག་དེ་ཅང་མི་སྨྲ་བར་འདུག་པ་དང ། དགེ་སློང་རྣམས་ཀྱི་ཡོན་བཤད་པ་བྱས་ཏེ། དོང་ནས་མཐར་
Ca113b
གྱིས་མཉན་ཡོད་དུ་ཕྱིར་ཕྱིན་པ་དང ། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། དེ་དག་གིས་སྨྲས་པ། བདེ་བར་བརྒྱུས་མོད་ཀྱི། འོན་ཀྱང་ཁྱིམ་བདག་གཅིག་གིས་བདག་ཅག་ལ་ཟན་བྱིན་ཏེ་གོས་ཕྲུགས་རེ་བསྐོན་པར་བྱས་ན། དེ་ལ་བདག་ཅག་གིས་ཁྱིམ་བདག་བཅོམ་ལྡན་འདས་ཀྱིས་དགེ་སློང་གིས་ཤོ་གམ་གཞལ་དགོས་པའི་རྫས་ལམ་དུ་བཟླ་བར་མི་བྱའོ་ཞེས་དགག་པ་མཛད་པས། དེའི་ཕྱིར་བདག་ཅག་གིས་ཇི་ལྟར་བླང་བར་བྱ་ཞེས་མ་བླངས་སོ། །དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་ཞིང་བླངས་ནས་རུང་བར་བྱ་སྟེ། ལམ་དུ་བཟླ་བར་བྱའོ། །དགེ་སློང་དག་ཚོན་རྩི་དང་ཤིང་དང་ཟངས་དང་བུམ་པ་དག་ཚོལ་བ་ན་ལམ་གྱིས་དུབ་ཅིང་སྒྱིད་ལུག་པ་དང་དོན་མཐུན་དང་བྲལ་བར་གྱུར་ནས། དེ་དག་སེང་གེ་དང ། སྟག་དག་དང ། ཚོམ་རྐུན་པ་དག་གིས་བགྲོད་པར་གྱུར་ཏོ། །དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཐའ་ཆག་གམ་རང་ཆག་བྱས་ཏེ་འགྲོ་བར་བྱའོ། །ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བ་ལང་གི་ལྕི་བ་བཙིར་བས་རུང་བར་བྱ་བའམ་བཀྲུ་བར་བྱའོ། །དེ་ལྟ་ནའང་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཐ་ན་ཁ་ཚར་རམ་
Ca114a
༄#། །ཕུན་ཚར་ཡང་གཅད་པར་བྱའོ། །ངས་ཕོངས་པ་དག་ཏུ་རྗེས་སུ་གནང་བ་གང་ཡིན་པ་དེ་གནས་སྐབས་ཐ་མལ་པ་དག་ཏུ་ལྷག་པར་སྤྱད་པར་མི་བྱའོ། །ལྷག་པར་སྤྱོད་པར་ཕྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་ཞིག་རྒྱལ་པོའི་ཁབ་ཏུ་དབྱར་གནས་པར་ཁས་བླངས་ནས། དེ་དབྱར་ཟླ་བ་གསུམ་འདས་ནས་ཆོས་གོས་མ་རྙེད་པ་ཁོ་ནར་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཉན་ཡོད་དུ་འཕགས་པ་དང།་དེ་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཆོས་གོས་ཀྱིས་རྙེད་པ་མ་ཐོབ་ཀྱི་བར་དུ་ཁྱོད་མ་རིངས་ཤིག་།དེ་མངོན་པར་མི་དགའ་བས་མི་སྡོད་པ་དང ། དེ་ལ་དགེ་སློང་ཞིག་གིས་རས་ཡུག་ཆེན་བྱིན་ནས། དེས་གལ་ཏེ་འདི་རུང་བར་བྱེད་ན་ཚངས་པ་མཚུངས་པར་སྤྱོད་པ་དག་མི་མཐོང་བར་འགྱུར་བས་དགེ་སློང་བཤེས་པ་ཞིག་ལ་རུང་བར་བྱེད་དུ་གཞུག་གོ་སྙམ་དུ་ཤེས་ནས་དེས་དགེ་སློང་བཤེས་པ་ལ་སྨྲས་པ། ཁོ་བོ་ཚངས་པ་མཚུངས་པར་སྤྱོད་པ་དག་ལ་ལྟ་བའི་བར་དུ་རས་ཡུག་ཆེན་འདི་རུང་བར་གྱིས་ལ་གཏུར་བུར་ཆུག་ཅིག་།དེ་ལེ་ལོ་ཅན་ཞིག་པས་དེས་རུང་བར་མ་བྱས་པ་ཁོ་ནར་གཏུར་བུར་བཅུག་གོ་།ཇི་ཙམ་ན་དགེ་སློང་དེས་གཏོར་བུ་ཐོགས་ཏེ་འཕགས་ནས། མཐར་གྱིས་ཤོ་གམ་གྱི་གནས་སུ་ཕྱིན་པ་དང ། ཤོ་གམ་པས་སྨྲས་པ། འཕགས་
Ca114b
པ་ཁྱོད་ལ་ཤོ་གམ་གཞལ་འཚལ་བའི་རྫས་ཅུང་ཟད་མཆིས་སམ། བཞིན་བཟང་མེད་དོ། །བལྟས་གཞག་ཏུ་གསོལ། དེས་བཞག་ནས་དེས་བརྟག་པར་བརྩམས་པ་དང་རས་ཡུག་ཆེན་མཐོང་ནས་དེས་སྨྲས་པ། འཕགས་པ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ན་ཇི་ལྟར་རས་ཡུག་ཆེན་གྱི་སླད་དུ་བརྫུན་དུ་སྨྲ་བ་གསུང ། དགེ་སློང་དེས་སྨྲས་པ། བཞིན་བཟང་ཁོ་བོས་མི་ཤེས་ཏེ་ཁོ་བོ་འཕགས་པ་ན་རས་ཡུག་ཆེན་འདི་རྙེད་ནས་ཁོ་བོས་བཤེས་པ་ལ་ཁོ་བོ་ཚངས་པ་མཚུངས་པར་སྤྱོད་པ་དག་ལ་ལྟ་བའི་བར་དུ་རས་ཡུག་ཆེན་འདི་རུང་བར་གྱིས་ལ་གཏུར་བུར་ཆུག་ཅིག་ཅེས་སྨྲས་ནས། དེ་ལེ་ལོ་ཅན་ཞིག་པས་དེས་འདི་རུང་བར་མ་བྱས་པ་ཁོ་ནར་གཏུར་བུར་བཅུག་གོ་།ཤོ་གམ་པས་སྨྲས་པ། འཕགས་པ་དེ་ནི་ཁྱོད་ཀྱི་བཤེས་པ་མ་ལགས་ཀྱི་འདི་ལྟར་དེ་ནི་བདག་གི་བཤེས་པ་ལགས་ཏེ་དེས་ན་བདག་ལ་ཤོ་གམ་བྱུང་གིས་སྩོལ་ལ་བཞུད་ཅིག་།དགེ་སློང་དེ་འགྱོད་པ་སྐྱེས་ནས་དེ་མཐར་གྱིས་མཉན་ཡོད་དུ་ཕྱིན་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། དེས་སྨྲས་པ། ཚེ་དང་ལྡན་པ་དག་ཇི་ལྟར་བདེ་བར་བརྒྱུས། དེ་དག་གིས་སྨྲས་པ། ཚེ་དང་ལྡན་པ་ཅིའི་ཕྱིར་དེ་སྐད་ཟེར། དེས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་
Ca115a
༄#། །མོད་ཀྱི། ཡང་དགེ་སློང་གིས་མ་དྲིས་པར་བླང་བར་མི་བྱ་བར་ཅི་ཁྱོད་ཀྱིས་རུང་བར་བྱས་སམ། འོན་ཏེ་མ་བྱས་ཞེས་དྲི་བར་བྱའོ། །མ་དྲིས་པར་ལེན་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ལྷུང་བཟེད་ནག་པོ་ཅན་འདི་དག་ནི་རྐང་པ་སྤྲེའུ་ཞག་གིས་བསྐུས་ཏེ། འགྲོ་ན་ཡང་འགྲོ་བར་ཆས་པའི་རྙེད་པ་སྒྲུབ་པར་བྱེད། འོང་ན་ཡང་གློ་བུར་དུ་འོངས་པའི་རྙེད་པ་སྒྲུབ་པར་བྱེད་ཅིང་སྐྱེ་བོ་མང་པོ་དགའ་བ་དང ། ཡིད་དུ་འོང་བར་ཡང་འགྱུར་རོ། །ཡུ་བུ་ཅག་ནི་ཁྲོན་པའི་རུས་སྦལ་དང་འདྲ་བར་གར་ཡང་མི་འདོང ། གང་ནས་ཀྱང་མི་འོང་བས་རྙེད་པ་འཐོབ་པ་དང་སྐྱེ་བོ་མང་པོ་དགའ་བ་དང ། ཡིད་དུ་འོང་བར་ག་ལ་འགྱུར་གྱིས་ཡུ་བུ་ཅག་ཀྱང་འདོང་ངོ ། །གང་དུ་འདོང ། གང་དུ་དོན་མཐུན་འགྲུབ་པར་རོ། །དེ་དག་གིས་དོན་མཐུན་བཙལ་བར་བརྩམས་པ་དང ། དེ་དག་གིས་བྱང་ལམ་དུ་འགྲོ་བའི་དོན་མཐུན་མཐོང་ནས་དེའི་དྲུང་དུ་སོང་སྟེ་སྨྲས་པ། བཞིན་བཟང་དག་ཁྱེད་གང་དུ་འཕགས། འཕགས་པ་དག་བྱང་ལམ་དུའོ། །བཞིན་བཟང་ཁོ་བོ་ཅག་ཀྱང་ཁྱེད་དང་ལྷན་ཅིག་འདོང་ངོ ། ། འཕགས་པ་དག་བྱང་ལམ་ནི་མཐོ་དམན་ཅན་ཁྱི་ཟ་བ་བུད་མེད་ཀྱི་ཡུལ་གནས་ངན་ལེན་ཀུན་ཏུ་སྤྱོད་པ་ལགས་པས། ཁྱེད་ཅག་དེར་དགེས་པར་མི་འགྱུར་རོ། །བཞིན་བཟང་དག་གལ་ཏེ་དེ་
Ca115b
ལྟ་བུ་ཡིན་དུ་ཟིན་ཀྱང་ཡུལ་མཐོང་བར་འགྱུར་བས་འདོང་བར་བྱའོ། །འཕགས་པ་དག་གལ་ཏེ་དེ་ལྟ་ན་ཚུར་སྤྱོན་བཞུད་དོ། །དྲུག་སྡེ་དག་དོན་མཐུན་དེ་དང་ལྷན་ཅིག་བྱང་ལམ་དུ་འཕགས་ནས་མཐར་གྱིས་བྱང་ལམ་དུ་ཕྱིན་པ་དང ། ཉི་མ་གང་ཁོ་ན་ལ་བྱང་ལམ་དུ་ཕྱིན་པའི་ཉི་མ་དེ་ཉིད་ལ་མངོན་པར་མི་དགའ་བར་གྱུར་ནས། དེ་དག་ནང་པར་སྔར་ལངས་ཏེ་ལམ་སྲང་དུ་འདོང་བ་དང ། ཚོང་པ་དེ་དག་གིས་དྲུག་སྡེ་དག་མཐོང་ནས་དེ་དག་གི་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་དག་བྱང་ལམ་ཅི་འདྲ། ཁྱེད་ཅག་མངོན་པར་མི་དགེས་པར་མ་གྱུར་ཏམ། བཞིན་བཟང་དག་ཉི་མ་གང་ཁོ་ན་ལ་བྱང་ལམ་དུ་ཕྱིན་པའི་ཉི་མ་དེ་ཉིད་ལ་མངོན་པར་མི་དགའ་བར་གྱུར་ཏོ། །འཕགས་པ་དག་བདག་ཅག་གིས། ཁྱེད་ལ་དང་པོ་ཁོ་ན་ནས་བྱང་ལམ་ནི་མཐོན་དམན་ཅན་ཁྱི་ཟ་བ་བུད་མེད་ཀྱི་ཡུལ་གནས་ངན་ལེན་ཀུན་ཏུ་སྤྱོད་པ་ལགས་པས། ཁྱེད་ཅག་དེར་དགེས་པར་མི་འགྱུར་རོ་ཞེས་མ་བགྱིས་སམ། བཞིན་བཟང་དག་ཅི་དེ་ལྟ་ན་འགྲོའམ་འདོང་ངོ ། །འཕགས་པ་དག་བདག་ཅག་གིས་ཟོང་མ་བསྒྱུར་ཏེ།་དེ་ལྟ་ལགས་མོད་ཀྱི་འོན་ཀྱང་བདག་ཅག་དང་བཤེས་པའི་ཚོང་པ་གཞན་དག་མཆིས་པ་དེ་དག་གིས་ཟོང་བསྒྱུར་པས། དེ་དག་ལ་གཏད་པར་བགྱིས། དེ་དག་དང་ཐབས་ཅིག་བཞུད་ཅིག་།དྲུག་སྡེ་དག་གིས་སྨྲས་པ་དེ་མ་ནོངས་ཀྱི་དེ་བཞིན་བགྱིའོ། །དྲུག་སྡེ་དག་དོན་མཐུན་དེ་དག་གིས་གཏད་པའི་དོན་མཐུན་དེ་དང་ལྷན་ཅིག་འཕགས་སོ། །དྲུག་སྡེ་དག་གིས་ཀུན་ཏུ་སྤྱོད་པ་ནི་རྡུལ་གྱིས་འཇིགས་པས་
Ca116a
༄#། །ཡང་ན་ནི་དོན་མཐུན་གྱི་མདུན་དུ་འགྲོའོ། །ཡང་ན་ནི་ཕྱི་ནས་འགྲོ་བས་དེ་དག་ཕྱི་ནས་འགྲོ་བར་བརྩམས་པ་དང ། ཇི་ཙམ་ན་ཡུལ་དབུས་ནས་ཕྱིར་འོང་བའི་དོན་མཐུན་འོངས་ནས་ཚོང་པ་དེ་དག་གིས་ཚོང་པ་དོན་མཐུན་ཕྱིར་འོངས་པ་དེ་དག་ལ་འོངས་པ་ལེགས་སོ་ཞེས་བརྗོད་པས་སོ་སོར་ཡང་དག་པར་དགའ་བར་བྱས་ཏེ་སྨྲས་པ། ཁྱེད་ག་ལས་འོངས། ཡུལ་དབུས་ནས་སོ། །ཤེས་ལྡན་དག་ཇི་ལྟར་ཡུལ་དབུས་སུ་ཁེ་སྤོགས་མང་པོ་གྲུབ་བམ། ཤོ་གམ་མམ་ལ་གཅན་ནམ་གྲུ་བཙས་ཀྱིས་ཡོངས་སུ་ཡི་ཆད་པ་མེད་དམ། དེ་དག་གིས་སྨྲས་པ། ཤེས་ལྡན་དག་ཡུལ་དབུས་སུ་ཁེ་སྤོགས་མང་པོ་གྲུབ་མོད་ཀྱི་འོན་ཀྱང་དེ་ན་གོས་དཀར་པོ་ཅན་ཆོམ་རྐུན་པ་ལྟ་བུ་ཤོ་གམ་དང་ལ་གཅན་དང་གྲུ་བཙས་ཀྱི་ལྕེ་རྟེན་གྱིས་བདེན་པས་མི་མགུ་བ་དག་འཁོད་པས་རྫས་ཐམས་ཅད་འཕྲོག་པར་བྱེད་པས་ཤོ་གམ་དང་ལ་གཅན་དང་གྲུ་བཙས་ཀྱིས་ཡོངས་སུ་ཡི་ཆད་པ་ཡོད་དོ། །དེ་དག་གིས་ཐོས་ནས་འཚེར་ཞིང་ཕྱོགས་གཅིག་ཏུ་དོང་ནས་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འཁོད་དོ། །དྲུག་སྡེ་དག་ལྷག་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་།ཚོང་པ་དག་གིས་སྨྲས་པ། འཕགས་པ་དག་བདག་ཅག་གྲང་བ་ན་གྲང་བས་སྦྲེབས་བཞིན་པ་དང ། ཚ་བ་ན་ཚ་བས་གདུང་བཞིན་པ་དང ། བཀྲེས་པ་དང་སྐོམ་པ་དག་གིས་གནོད་བཞིན་པ་དང ། ཤ་སྦྲང་དང་སྦྲང་བུ་དང་རླུང་དང་
Ca116b
ཉི་མ་དང་སྡིག་སྦྲུལ་གྱི་རེག་བ་དག་གིས་ཉེན་བཞིན་དུ་ལོངས་སྤྱོད་དག་མངོན་པར་སྒྲུབ་པའི་སླད་དུ་སྤྲོ་བར་བགྱིད། འབད་པར་བགྱིད། རྩོལ་པར་བགྱིད་པ་གང་ལགས་པ་དེ་དག་ཐམས་ཅད་བདག་ཅག་ཡུལ་དབུས་སུ་འཕགས་པ་ལགས་ཏེ་ཡུལ་དབུས་སུ་ཁེ་སྤོགས་མང་པོ་འགྲུབ་པ་ལགས་མོད་ཀྱི། འོན་ཀྱང་བདག་ཅག་གི་དོན་མཐུན་སླར་མཆི་བ་དག་ལས་ཐོས་ན། དེ་ན་གོས་དཀར་པོ་ཅན་ཆོམ་རྐུན་པ་ལྟ་བུ་ཤོ་གམ་དང་ལ་གཅན་དང་གྲུ་བཙས་ཀྱི་ལྕེ་རྟེན་གྱི་བདེན་པས་མི་མགུ་བ་དག་འཁོད་པས་རྫས་ཐམས་ཅད་འཕྲོག་པར་བགྱིད་པས་ཤོ་གམ་དང་ལ་གཅན་དང་གྲུ་བཙས་ཀྱིས་ཡོངས་སུ་ཡི་ཆད་པར་འགྱུར་རོ། །ཞེས་མཆིའོ། །དྲུག་སྡེ་དག་གིས་སྨྲས་པ། བཞིན་བཟང་དག་གང་དག་ལ་ཁོ་བོ་ཅག་བཤེས་སུ་བདོག་པ་ཁྱེད་ཀྱང་སེམས་ཁོང་དུ་ཆུད་ཅིང་འཁོད་དམ། འཕགས་པ་དག་ཅི་ལགས། ཁྱེད་ཀྱིས་བདག་ཅག་གི་སླད་དུ། རྒྱལ་པོ་ལ་གསོལ་བ་བགྱིའམ། བཞིན་བཟང་དག་རྒྱལ་པོ་ལ་ནི་གསོལ་བར་མི་བྱེད་དེ། འོན་ཀྱང་མཉན་ཡོད་ནི་ཀུན་ཤེས་པའི་ཤོ་གམ་ཅན་ཡིན་ལ། དེ་ལ་སྒོ་ནི་བཅོ་བརྒྱད། སྒེའུ་ཆུང་ནི་སུམ་ཅུ་རྩ་དྲུག་ཡོད་པས་ཁྱེད་ཅག་སྒེའུ་ཆུང་ནས་འཇུག་ཏུ་གཞུག་གིས། ལོངས་ཤིག་འདོང་ངོ ། །ཚོང་པ་དེ་དག་ཡོངས་སུ་མགུ་ནས་འཕགས་པ་དང་མཉན་ཡོད་དང་ཧ་ཅང་མི་རིང་བའི་རི་བྲགས་ཤིག་ཏུ་ཕྱིན་ནས། དྲུག་སྡེ་དག་གིས་སྨྲས་པ། བཞིན་བཟང་དག་རེ་ཞིག་ངལ་བསོས་ལ་མཉན་
Ca117a
༄#། །ཡོད་དུ་མཚན་མོ་འཇུག་པར་བྱས། རྔ་མོ་དང་གླང་དང་བོང་བུ་དག་ཐོང་ཞིག་།ཚོང་བ་དེ་དག་གིས་དེ་དག་བཏང་ནས། ཇི་ཙམ་ན་ཉི་མ་ནུབ་པར་འགྱུར་བ་དེའི་ཚེ། དུས་ཡིན་ནོ་ཞེས་རེ་ཞིག་ངལ་བསོ་བར་བྱེད་དོ། །མཉན་ཡོད་ན་ཤོ་གམ་པ་དག་གིས་བྱང་ལམ་ནས་དོན་མཐུན་ཕུན་སུམ་ཚོགས་པ་འོངས་སོ་ཞེས་ཐོས་ནས། དེ་དག་གིས་གནོད་སྦྱིན་ལ་གཏོར་མ་བྱས་ཏེ་སྒོ་དག་མནན་ཏེ་སྡོད་དོ། །དྲུག་སྡེ་དག་གིས་སྨྲས་པ། ཤེས་ལྡན་དག་མིག་ལམ་ཆད་ཀྱིས། ལོངས་ཤིག་།འདོང་ངོ ། །ཡོངས་སུ་མི་ཤེས་པར་སྒེའུ་ཆུང་ནས་བདེ་བར་འཇུག་ཏུ་གཞུག་གོ་།དེ་དག་འཕགས་ཏེ་མཐར་གྱིས་བོང་བུ་དང་རྔ་མོ་དང་གླང་དག་འདེབས་ཤིང་སྒེའུ་ཆུང་ནས་མཉན་ཡོད་དུ་ཞུགས་ནས་མཚན་མོ་ནམ་ལངས་པ་དང ། སྲང་དུ་དོང་སྟེ་བྱང་ལམ་པའི་ཟོང་བཀྲམ་ནས་བཙོངས་པར་བརྩམས་སོ། །མི་ཞིག་དོན་མཐུན་དེ་ཉིད་དང་བྲལ་བ་སྒོ་ནས་ཞུགས་པ་ཤོ་གམ་པ་དག་གིས་མཐོང་ནས་སྨྲས་པ། ཀྱེ་ནང་རྗེ་ག་ལས་འོངས། མི་དེས་སྨྲས་པ། རི་བྲགས་ཆེ་གེ་མོ་ཞིག་ནས་སོ། །དེ་དག་གིས་སྨྲས་པ། ཀྱེ་ནང་རྗེ་རི་བྲགས་དེ་ན་བྱང་ལམ་པའི་དོན་མཐུན་འདུག་ཅེས་གྲགས་ན། ཁྱོད་ཀྱིས་དེ་མ་མཐོང་ངམ།་མི་དེས་སྨྲས་པ། ཤེས་ལྡན་དག་ཁོ་བོ་ནི་དོན་མཐུན་དེ་ཉིད་དང་བྲལ་ཞིང་འགྲོ་བ་ཡང་ཡིན་ཏེ། དེ་ནི་སྔར་སོང་ཟིན་ཏོ། །ཤོ་གམ་པ་དག་གིས་ཐོས་ནས་ཡིད་མི་བདེ་བར་གྱུར་ཏེ་སྨྲས་
Ca117b
པ།་ཀྱེ་ནང་རྗེ་ཁོ་བོ་ཅག་སྒོ་གནོན་ཅིང་འཁོད་ན་དེ་ག་ལས་ཞུགས། མི་དེས་སྨྲས་པ། ཤེས་ལྡན་དག་གལ་ཏེ་ཁྱེད་ཅག་ཡིད་མི་ཆེས་ན་ཚུར་ཤོག་སྲང་དུ་འདོང་དང་རང་ཉིད་ཀྱིས་མཐོང་བར་འགྱུར་རོ། །དེ་དག་དེ་དང་ལྷན་ཅིག་སྲང་དུ་དོང་བ་དང་དོན་མཐུན་དག་བྱང་ལམ་པའི་ཟོང་བཀྲམ་ཞིང་འཚོང་བ་མཐོང་ནས། དེ་དག་གིས་དྲིས་པ། ཤེས་ལྡན་དག་ཁྱེད་ཅག་གང་གིས་ཞུགས། དོན་མཐུན་དག་གིས་སྨྲས་པ། རྐང་པ་དག་གིས་སོ། །ཤོ་གམ་པ་དག་གིས་སྨྲས་པ། ཁྱེད་ཅག་ཇི་ལྟར་རྐང་པ་དག་གིས་ཞུགས་པར་ལྟ་ཁོ་བོ་ཅག་གིས་ཀྱང་ཤེས་ཀྱི། འདི་ལྟར་ཁྱེད་ཅག་གང་གིས་འཇུག་ཏུ་བཅུག་པ་དང ། སྒོ་གང་ནས་ཞུགས་པ་དེ་འདྲིས་སྨྲོས་ཤིག་དང་ཁྱེད་ཅག་དང་བཤེས་པར་བྱའོ། །དོན་མཐུན་དག་གིས་སྨྲས་པ། འཕགས་པ་དྲུག་སྡེ་དག་གིས་སྒེའུ་ཆུང་ནས་འཇུག་ཏུ་བཅུག་གོ་།ཤོ་གམ་པ་དེ་དག་ཤཱཀྱའི་སྲས་ཀྱི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་པ་ཡིན་ནོ། །བྲམ་ཟེའི་ཚུལ་ནི་ཚིག་པ་ཡིན་ཏེ། གང་ལ་ད་ལྟར་གཞན་གྱི་འཚོ་བ་ལ་ཡང་གནོད་པར་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་གིས་གཞན་གྱི་འཚོ་བ་ལ་གནོད་པར་མི་བྱའོ། །གནོད་པར་བྱེད་ན་འགལ་ཚབས་ཅན་དུ་འགྱུར་རོ། །ཤོ་གམ་པ་དག་གིས་དྲུག་སྡེ་འདི་དག་ནི་དགེ་སྦྱོང་མི་སྲུན་པ་དག་
Ca118a
༄#། །ཡིན་པས་དོ་བྱའོ་སྙམ་དུ་བསམས་ནས། ཇི་ཙམ་དུས་གཞན་ཞིག་ན་ཚེ་དང་ལྡན་པ་ཉེ་དགའ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ། ཤོ་གམ་པ་ཞིག་གིས་མཐོང་ནས་དེས་སྨྲས་པ། འཕགས་པ་ཕྱག་འཚལ་ལོ། ལྷུང་བཟེད་ན་ཅུང་ཟད་མཆིས་སམ་གཟིགས། ཉེ་དགས་སྨྲས་པ། བཞིན་བཟང་ཅི་སེམས། ལྷུང་བཟེད་ན་ཤོ་གམ་གཞལ་དགོས་པའི་རྫས་མེད་དོ། །དེས་སྨྲས་པ། འཕགས་པ་སྡིག་པ་ཞི་བར་གྱུར་ཅིག་།བདག་དེ་སྙམ་མི་སེམས་ཀྱི་འདི་ལྟར་བཅའ་བ་དང་བཟའ་བ་བསོད་པ་ཅུང་ཟད་མཆིས་ན། དེ་ཁྱོད་ལས་བསླངས་ཏེ་འཚལ་སྙམ་མོ། །ཉེ་དགས་སྨྲས་པ། བཞིན་བཟང་ཅི་ཆུ་ཀླུང་རྒྱུན་ལས་བཟློག་ཕྱོགས་སུ་འབབ་བམ།་ཁྱོད་ཀྱིས་ཁོ་བོ་ལ་སྦྱིན་པར་བྱ་བ་ཡིན་གྱི། ཁོ་བོས་ཁྱོད་ལ་སྦྱིན་པར་བྱ་བ་མ་ཡིན་ནོ། །དེས་སྨྲས་པ། འཕགས་པ་བཞད་གད་བགྱིའོ། །ཚུར་སྤྱོན་ཁྱིམ་དུ་བཞུད་དོ། །ཤོ་གམ་པ་དེས་ཉེ་དགའ་ཁྱིམ་དུ་ཁྲིད་ནས་བཅའ་བ་དང་བཟའ་བ་བསོད་པས་ལྷུང་བཟེད་བཀང་སྟེ་བྱིན་ནས་སྨྲས་པ། འཕགས་པ་བདག་ལ་བཀའ་སྩོལ་ཅིག་དང ། བཀའ་བཞིན་བགྱིད་ཅིང།་འཕགས་པས་བཀའ་སྩལ་པ་ཐམས་ཅད་བསྒྲུབ་པར་བགྱིའོ། ཉེ་དགས་བཞིན་བཟང་ཁྱོད་ནད་མེད་པར་གྱུར་ཅིག་ཅེས་སྨྲས་ཏེ་སོང་ངོ ། །དྲུག་སྡེ་དག་གི་ཀུན་ཏུ་སྤྱོད་པ་ནི་
Ca118b
འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་བསྟན་པར་བྱ། རྒོལ་བ་དག་ཚར་གཅད་པར་བྱ། །རང་གི་གྲགས་པ་བསྒྲག་པར་བྱ། །རྙེད་པ་ཡང་བསྒྲུབ་པར་བྱའོ་ཞེས་ཡང་ན་ནི་སྒོ་དྲུང་དུ་བཙུག་\་GཊZཱུG\་ལག་ཁང་ནོད་པར་བྱེད། ཡང་ན་ནི་ལམ་དང་ཉེ་བར་གཙུག་ལག་ཁང་ནོད་པར་བྱེད་པས། ཉེ་དགས་ལམ་དང་ཉེ་བར་གཙུག་ལག་ཁང་མནོས་ནས། དེ་དེའི་སྟེང་དུ་ནམ་གྱི་ཆ་སྟོད་དང ། ནམ་གྱི་ཆ་སྨད་ལ་མི་ཉལ་བའི་སྦྱོར་བ་ལ་རྗེས་སུ་བརྩོན་པར་གནས་སོ། །ཇི་ཙམ་དུས་གཞན་ཞིག་ན་ཚོང་པ་ཤོ་གམ་འདྲལ་བ་དག་གཙུག་ལག་ཁང་དང་ཧ་ཅང་ཐག་མི་རིང་བ་ནས་འདོང་བ་དང ། ཉེ་དགའ་སྒྲ་ལ་མཁས་པས་དེས་དེ་དག་གི་རྟིང་སྒྲ་ཐོས་ནས། ཡོངས་སུ་གཡོ་བ་དང་བཅས་བཞིན་དུ་སྨྲས་པ། འདོང་བ་འདི་དག་སུ་ཡིན། ཚོང་པ་དེ་དག་ཅང་མི་སྨྲ་པར་སྡོད་པ་དང ། ཉེ་དགའ་མྱུར་བ་མྱུར་བར་གཙུག་ལག་ཁང་གི་སྟེང་ནས་བབས་ཏེ། ཚོང་པ་དེ་དག་གི་དྲུང་དུ་སོང་ནས་སྨྲས་པ། ཤེས་ལྡན་དག་མཚན་མོ་ནོར་དང་བཅས་པ་ཁོ་ནར་འདོང་བ་འདི་དག་སུ་ཡིན། ཚོང་པ་དེ་དག་གིས་སྨྲས་པ། འཕགས་པ་བདག་ཅག་ནི་ཚོང་པ་ཤོ་གམ་འདྲལ་བ་དག་ལགས་སོ། །ཉེ་དགས་སྨྲས་པ་བཀྲེན་པ་དག་ཁོ་བོ་ཅག་ལ་རྒྱལ་པོ་ཡོ་བྱད་ཐམས་ཅད་ཀྱིས་ཉེ་བར་གནས་པ་ཡིན་ཏེ། གནས་བརྟན་ཀུན་ཤེས་ཀོའུ་དི་ནྱ་ཡང་དེ་ལ་འདི་སྐད་ཅེས་ཇི་ནས་ཀྱང་རྒྱལ་པོ་འདིའི་ལོངས་སྤྱོད་མ་བྱུང་བ་དག་ནི་འབྱུང་བར་གྱུར་ཅིག་།བྱུང་བ་དག་ནི་རྒྱས་པ་དང་
Ca119a
༄#། །འཕེལ་བ་དང་ཡངས་པར་གྱུར་ཅིག་ཅེས་ཡོན་བཤད་པ་བྱེད་པ་ཡིན་ན། ཁྱེད་ཅག་དེ་དབང་བའི་ཤོ་གམ་དྲལ་ཏེ་འདོང་ན་ཁོ་བོ་ཅག་གིས་ཅིའི་ཕྱིར་ཡལ་བར་དོར་བར་བྱ། དེང་ཁྱེད་ལ་གནོད་པ་བྱེད་དུ་གཞུག་གོ་།དེ་དག་སྐྲག་ནས་སྨྲས་པ། འཕགས་པ་ཁྱེད་ནི་ཐུགས་རྗེ་ཅན་དག་ལགས་པས་བཟོད་པར་མཛོད་ཅིག་དང་བདག་ཅག་གིས་འཕགས་པ་ལ་མཁོ་བ་དག་བགྱིའོ། ། ཉེ་དགས་སྨྲས་པ་ཅི་ཞིག་བྱ། བཅའ་བའི་ཆ་བ་རིན་དག་དབུལ་ལོ། །འབུལ་ལམ། འབུལ་ལོ། །དེང་ཞིག་།དེ་དག་དེ་ནས་དོང་སྟེ་ཉེ་དགའི་དྲུང་ནས་བྲལ་བ་དང ། འདི་སྐད་ཅེས་ཡུ་བུ་ཅག་ཀོ་ས་ལ་ར་བྱུང་བའི་རྒྱལ་པོ་གསལ་རྒྱལ་ལ་ཡང་ཤོ་གམ་མི་འཇལ་ན། དགེ་སྦྱོང་མགོ་རེག་ཉེ་དགའ་ལ་འཇལ་བ་ལྟ་སྨོས་ཀྱང་ཅི་དགོས་ཞེས་ཀུན་ཏུ་བརྗོད་པར་བྱེད་དོ། །ཉེ་དགའ་ཡང་མྱུར་བ་མྱུར་བར་ཟས་ཀྱི་བྱ་བ་བྱས་ཏེ། སྒོ་དྲུང་ན་ལྷུང་བཟེད་འཁྲུ་ཞིང་ཕྱོགས་བཞིར་རྣམ་པར་ལྟ་བར་བྱེད་དོ། །གཞོན་ནུ་ཞིག་གིས་ཉེ་དགའ་ཕྱོགས་བཞིར་རྣམ་པར་ལྟ་བར་བྱེད་པ་མཐོང་ནས། དེས་སྨྲས་པ། གནས་བརྟན་ཅིའི་སླད་དུ་ཕན་ཚུན་རྣམ་པར་གཟིགས་པ་མཛད། ཉེ་དགས་སྨྲས་པ། ཚེ་དང་ལྡན་པ་ཁོ་བོའི་མཛའ་བཤེས་ཚོང་པ་དག་ཟོང་ཐོགས་ཏེ་མཉན་ཡོད་དུ་ཞུགས་པ་དེ་དག་ལྟའོ། །གཞོན་ནུ་དེས་སྨྲས་པ།་གནས་བརྟན་ཁྱོད་ཇི་ཙམ་ན་ཟས་ཀྱི་བྱ་བ་མཛད་པ་དེ་ཙམ་ན་དེ་དག་དོང་ལགས་སོ། །ཉེ་དགའ་མི་བཟོད་པ་སྐྱེས་ནས་ཁོ་བོ་ཡང་དེ་དག་གིས་བསླུས་ཏེ་སྤུ་གྲི་ལ་ཁུ་ཚུར་གྱིས་བརྡེགས་ཤིང་རང་ཐགས་
Ca119b
ཀྱི་རྡོ་ལ་རྩཝས་ཕུག་གིས། ཁོ་བོས་དེ་དག་ལ་གང་བྱ་བ་ཤེས་སོ་སྙམ་དུ་སེམས་སོ། །ཇི་ཙམ་ན་ཚོང་པ་དེ་དག་ཡང་དེ་ཁོ་ན་བཞིན་དུ་འོངས་པ་དང ། ཉེ་དགས་ཀྱང་དེ་ཁོ་ན་བཞིན་ལན་གཉིས་སུ་བཟུང་སྟེ་ཁྱེད་ཀྱིས་ཁོ་བོ་ཡང་བསླུས་སོ་ཞེས་སྨྲས་པ་དང ། ཚོང་པ་དེ་དག་གིས་སྨྲས་པ། འཕགས་པ་བདག་ཅག་ལ་བགྱི་བ་ཅུང་ཞིག་བྱུང་བས་དེས་ན་བདག་ཅག་མ་ཞུས་པར་མཆིས་ཏེ། ད་ནི་དེ་དང་གཞན་ཡང་ཐམས་ཅད་འབུལ་ལོ། །འབུལ་ལམ། འབུལ་ལོ། །དེད་ཞིག། དེ་དག་དེ་དག་དེ་ནས་དོང་སྟེ་ཉེ་དགའི་དྲུང་ནས་བྲལ་བ་དང ། འདི་སྐད་ཅེས་ཡུ་བུ་ཅག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཡང་ཤོ་གམ་མི་འཇལ་ན། དགེ་སྦྱོང་མགོ་རེག་ཉེ་དགའ་ལ་འཇལ་བ་ལྟ་སྨོས་ཀྱང་ཅི་དགོས་ཞེས་ཀུན་ཏུ་རྗོད་པར་བྱེད་དོ། །ཉེ་དགས་ཚོང་པ་དེ་དག་གིས་བདག་ལ་མང་པོ་ཞིག་ཁས་བླངས་པས་ཡང་དེ་ཁོ་ན་བཞིན་དུ་མི་ལྟ་བར་སོང་ན་མི་རུང་གིས་མཚན་མ་དང་བཅས་པ་ཁོ་ནར་ལངས་ཏེ། དེ་དག་གི་དྲུང་དུ་འགྲོ་བར་བྱའོ་སྙམ་དུ་བསམས་ནས་དེས་སྣམ་སྦྱར་བགོས་ཏེ་སྲང་དུ་སོང་བ་དང ། ཚོང་པ་དེ་དག་ཀྱང་ཟོང་བཀྲམ་སྟེ་འཚོང་བར་བྱེད་ནས། ཉེ་དགས་དེ་དག་ལ་མཚན་མ་བརྟན་པར་བརྩམས་པ་དང ། དེ་དག་གིས་སྨྲས་པ། འཕགས་པ་ཇེ་ཟོང་བསྒྱུར་བར་བགྱིས། བཞུད་ཅིག་དང ། བདག་ཅག་མཆིས་ཏེ་དབུལ་བར་བགྱིའོ། །ཉེ་དགས་སྨྲས་པ། གལ་ཏེ་བདེན་ནའོ། །དེ་དག་གིས་སྨྲས་པ། འཕགས་པ་ཁྱོད་ནི་འདའ་བར་བགྱི་བ་མ་ལགས་ཀྱིས་བཞུད་ཅིག་།ཉེ་དགའ་སོང་སྟེ། མྱུར་བ་མྱུར་བར་གཙུག་ལག་ཁང་དུ་སོང་ནས་
Ca120a
༄#། །ཟས་ཀྱི་བྱ་བ་བྱས་ཏེ། ལྷུང་བཟེད་འཁྲུ་ཞིང་ཕྱོགས་སུ་རྣམ་པར་ལྟ་བར་བྱེད་དོ། །དེ་བཞིན་དུ་གཞོན་ནུ་ཞིག་གིས་སྨྲས་པ། གནས་བརྟན་ཅིའི་སླད་དུ་ཕན་ཚུན་རྣམ་པར་གཟིགས་པར་མཛད། ཉེ་དགས་སྨྲས་པ། ཚེ་དང་ལྡན་པ་ཁོ་བོའི་མཛའ་བཤེས་ཚོང་པ་དག་ཟོང་ཐོགས་ཏེ་མཉན་ཡོད་དུ་ཞུགས་པ་དེ་དག་ལྟའོ། །གཞོན་ནུ་དེས་སྨྲས་པ། གནས་བརྟན་ཁྱོད་ཇི་ཙམ་ན་ཟས་ཀྱི་བྱ་བ་མཛད་པ་དེ་ཙམ་ན་དེ་དག་དོང་ལགས་སོ། །ཉེ་དགའ་རྒྱ་ཆེར་མི་བཟོད་པ་སྐྱེས་ནས་མགོ་བསིགས་ཏེ་ཁོ་བོ་དེ་དག་གིས་ལན་གཉིས་སུ་བསླུས་ཀྱིས། ད་ནི་གལ་ཏེ་དེ་དག་མཐོང་ན་གང་གིས་ཕྱིན་ཆད་ཚོང་པར་མི་འགྱུར་བ་དེ་འདྲ་བའི་ཁྲིམས་འཆར་གཞུག་གོ་སྙམ་དུ་སེམས་སོ། །ཇི་ཙམ་ན་ཡང་ཚོང་པ་དེ་དག་དེ་ཁོ་ན་བཞིན་དུ་འོངས་པ་དང ། ཉེ་དགས་སྨྲས་པ། ཤེས་ལྡན་དག་ཁྱེད་ཀྱིས་ཡང་དང་ཡང་དུ་ཁོ་བོ་བསླུས་པས་ད་ནི་གང་བྱ་བ་དེ་ལྟོས་ཤིག་།དེ་དག་གིས་སྨྲས་པ། འཕགས་པ་བཟོད་པར་མཛོད་ཅིག་།བདག་ཅག་ཚོང་པ་དག་ནི་རྟག་ཏུ་འཇལ་ཚོངས་ཀྱིས་སེམས་གཡེངས་པ་ལགས་པས། ད་ནི་སྔར་མཆིད་ཀྱིས་འཚལ་བ་གང་ལགས་པ་དང ། སླད་ཀྱི་མཆིད་ཀྱིས་འཚལ་བ་གང་ལགས་པ་དེ་དང་གཞན་ཐམས་ཅད་ཀྱང་དབུལ་བར་བགྱིའོ། །ཉེ་དགས་གལ་ཏེ་འདི་དག་ལ་གཟུ་ལུམས་སུ་འཇུག་པར་བྱས་ན་ཤེས་པར་འགྱུར་གྱིས་མཐུན་པར་བརྗོད་པར་བྱའོ་སྙམ་དུ་ཤེས་ཤིང་རིག་ནས་སྨྲས་པ། བཞིན་
Ca120b
བཟང་དག་ངེས་པར་འབུལ་ལམ། འཕགས་པ་ངེས་པར་འབུལ་ལོ། །གལ་ཏེ་དེ་ལྟ་ན་ཁྱེད་ཅག་ལ་ཉེས་དམིགས་འགའ་ཞིག་བྱུང་བར་གྱུར་ཏམ། ཁོ་བོ་ཅག་ལ་ཡང་གཙུག་ལག་ཁང་གི་དྲུང་དུ་ཚོང་པ་དག་ཚོང་པ་མ་ཡིན་པར་རྣམ་པར་གཞག་པར་གྱུར་ན་མ་ལེགས་ཀྱིས་རེ་ཞིག་ལམ་ལྟ་བ་དེ་སྲིད་ཀྱི་བར་དུ་སྡོད་ཅིག་།དེ་དག་སྡོད་པ་དང་ཉེ་དགའ་དེ་ན་ཤོ་གམ་པ་དག་གི་དྲུང་དུ་སོང་ངོ ། ། དེའི་ཚེ་ན་ཤོ་གམ་པ་དག་ཤེས་ལྡན་དག་ཚོང་པ་ཤོ་གམ་འདྲལ་བ་དག་གིས་ཤོ་གམ་དྲལ་ཅིང་དྲལ་ཅིང་སྒེའུ་ཆུང་ནས་འཇུག་པས། ལོ་ཐང་འདུ་བ་མི་འབྱུང་ལ། དུས་ལ་ནི་བབ། རྒྱལ་པོ་ནི་གཏུམ་པས་བདག་ཅག་བུ་དང་ཆུང་མ་དང་རྩ་ལག་དག་དང་བཅས་པ་བཙོན་རར་བཅུག་སྟེ། གསད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་དོ་ཞེས་ཟེར་ཞིང་སེམས་ཁོང་དུ་ཆུད་ཅིང་འདུག་གོ་།དེ་དག་དེ་ལྟར་སེམས་ཁོང་དུ་ཆུད་ཅིང་འདུག་པ་ན་ཉེ་དགས་སྨྲས་པ། ཁྱེད་ཅག་ཅིའི་ཕྱིར་འདི་ལྟར་སེམས་ཁོང་དུ་ཆུད་ཅིང་འདུག་།འཕགས་པ་ཇི་ལྟར་སེམས་ཁོང་དུ་ཆུད་ཅིང་མི་མཆིས། ཚོང་པ་ཤོ་གམ་འདྲལ་བ་དག་གིས་ཤོ་གམ་དྲལ་ཅིང་དྲལ་ཅིང་སྒེའུ་ཆུང་ནས་འཇུག་པས་ལོ་ཐང་འདུ་བ་མི་འབྱུང་ལ་དུས་ལ་ནི་བབ། རྒྱལ་པོ་ནི་གཏུམ་པས། བདག་ཅག་བུ་དང་ཆུང་མ་དང་རྩ་ལག་དག་དང་བཅས་པ་བཙོན་རར་བཅུག་སྟེ། གསད་པར་འགྱུར་བ་གང་ལགས་པ་དེ་ལྟ་བུའི་གནས་མཆིས་སོ། །བཀྲེན་པ་དག་ཁྱེད་ཅག་སུས་ཤོ་གམ་གྱི་
Ca121a
༄#། །གནས་སུ་བཞག་།ཁྱེད་ཅག་ནི་ལྕག་རྒོད་མང་པོས་བྲིམས་ལས་སྐྱེད་པའམ། ཤིང་འཆག་ཏུ་གཞུག་པར་བྱ་བ་ཡིན་ནོ། །ཅིའི་ཕྱིར་ཁྱེད་ཀྱིས་ཚོང་པ་ཤོ་གམ་འདྲལ་བ་གཅིག་ཙམ་ཡང་ནོར་ཐམས་ཅད་དང་བྲལ་བར་མི་བྱེད། འཕགས་པ་མཉན་ཡོད་ནི་ཀུན་ཤེས་པའི་ཤོ་གམ་ཅན་ལགས་ཀྱི། ཉེས་པ་བྱེད་པའི་ཤོ་གམ་ཅན་མ་ལགས་པས་ཇི་ལྟར་ནོར་ཐམས་ཅད་དང་བྲལ་བར་བགྱི། བཀྲེན་པ་དག་མཉན་ཡོད་ནི་ཉེས་པ་བྱེད་པའི་ཤོ་གམ་ཅན་ཡིན་གྱི་ཀུན་ཤེས་པའི་ཤོ་གམ་ཅན་མ་ཡིན་ནོ། །འཕགས་པ་བདག་ཅག་གིས་ཡུན་དེ་སྲིད་དུ་ཤོ་གམ་བསྒྲུབས་ན་ལན་འགའ་ཡང་ཉེས་པ་བགྱིད་པའི་ཤོ་གམ་ཅན་མ་ལགས་ན། ད་ཇི་ལྟར་ཉེས་པ་བགྱིད་པའི་ཤོ་གམ་ཅན་དུ་འགྱུར། བཀྲེན་བ་དག་སྡོད་ཅིག་དང ། ང་སོང་ལ་ཚོང་པ་ཤོ་གམ་འདྲལ་བ་དག་གཏང་བར་བྱས། དེ་དག་ཁྱེད་ཀྱིས་ཟུང་ལ་ནོར་ཐམས་ཅད་དང་བྲལ་བར་གྱིས་ཤིག་།གལ་ཏེ་མཉན་ཡོད་ནི་ཀུན་ཤེས་པའི་ཤོ་གམ་ཅན་ཡིན་གྱི་ཉེས་པ་བྱེད་པའི་ཤོ་གམ་ཅན་ནི་མ་ཡིན་ནོ་ཞེས་ཟེར་ན། མཉན་ཡོད་ནི་ཉེས་པ་བྱེད་པའི་ཤོ་གམ་ཅན་ཡིན་གྱི་ཀུན་ཤེས་པའི་ཤོ་གམ་ཅན་ནི་མ་ཡིན་ནོ་ཞེས་བརྗོད་པར་བྱའོ། །གལ་ཏེ་ཡུན་དེ་སྲིད་དུ་ཁོ་བོ་ཅག་ཚོང་པའི་ཐ་སྙད་བྱེད་པ་ན་ལན་འགའ་ཡང་མཉན་ཡོད་ཉེས་པ་བྱེད་པའི་ཤོ་གམ་ཅན་མ་ཡིན་ན། ད་ཉེས་པ་བྱེད་པའི་ཤོ་གམ་ཅན་དུ་གྱུར་ཏམ། ཚུར་ཤོག་ཚོང་པའི་ཚོགས་ཀྱི་ནང་དུ་
Ca121b
འདོང་ངོ་ཞེས་ཟེར་ན། རྒྱལ་པོའི་ཕོ་བྲང་དུ་བཀྲི་བར་བྱའོ། །གལ་ཏེ་རྒྱལ་པོ་ན་རེ། ཤེས་ལྡན་དག་ཡུན་དེ་སྲིད་དུ་ངའི་རྒྱལ་སྲིད་བྱེད་དུ་བཅུག་ན་ལན་འགའ་ཡང་ངས་མཉན་ཡོད་ཉེས་པ་བྱེད་པའི་ཤོ་གམ་ཅན་དུ་མ་ཐོས་ན། ད་ཉེས་པ་བྱེད་པའི་ཤོ་གམ་ཅན་དུ་གྱུར་ཏམ་ཞེས་ཟེར་ན། རྒྱལ་པོ་ཨ་ར་ད་ཚངས་བྱིན་ཚོང་པའི་ཚོགས་དང་བཅས་པས་གང་སྐྱེད་མོས་ཚལ་ལམ། མདུན་སའམ། ལྷའི་གནས་ཆེ་གེ་མོ་ནས་མཉན་ཡོད་དུ་འཇུག་པ་དེ་ལ་ནི་ཀུན་ཤེས་པའི་ཤོ་གམ་ཅན་ཡིན་ལ། གང་སྐྱེད་མོས་ཚལ་ལམ། འདུན་སའམ། ལྷའི་གནས་ཆེ་གེ་མོ་ནས་མཉན་ཡོད་དུ་འཇུག་བ་དེ་ལ་ཉེས་པ་བྱེད་བའི་ཤོ་གམ་ཅན་ཡིན་ནོ་ཞེས་ཁྲིམས་སུ་བྱ་བ་རྣམ་པར་གཞག་པ་གང་ལགས་པ་དེ་ལྷ་ལ་བཙན་ནམ་ཞེས་བརྗོད་པར་བྱའོ། །གལ་ཏེ་བཙན་ནོ་ཞེས་ཟེར་ན། ལྷ་མཛོད་ཆེ་གེ་མོ་ཞིག་ན་སྒྲོམ་མཆིས་པ་དེ་ན་ཟངས་མའི་གླེགས་བུ་ལ་ཡི་གེ་བྲིས་པ་མཆིས་པ་དེ་ལྷས་གཟིགས་སུ་གསོལ་ཞེས་བརྗོད་པར་བྱའོ། །ཇི་ཙམ་ན་ཤོ་གམ་པ་དེ་དག་གིས་ཚོང་པ་ཤོ་གམ་འདྲལ་བ་དེ་དག་བཟུང་སྟེ་ནོར་ཐམས་ཅད་དང་བྲལ་བར་བྱས་པ་ན་ཚོང་པ་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་ཁོ་བོ་ཅག་ནོར་ཐམས་ཅད་དང་བྲལ་པར་བྱེད། མཉན་ཡོད་ནི་ཀུན་ཤེས་པའི་ཤོ་གམ་ཅན་ཡིན་གྱི་ཉེས་པ་བྱེད་པའི་ཤོ་གམ་ཅན་ནི་མ་ཡིན་ནོ། །ཤོ་གམ་པ་དག་གིས་སྨྲས་པ། མཉན་ཡོད་ནི་ཉེས་པ་བྱེད་པའི་ཤོ་གམ་ཅན་ཡིན་གྱི་ཀུན་ཤེས་པའི་ཤོ་གམ་ཅན་ནི་མ་ཡིན་ནོ། །ཚོང་པ་དག་གིས་སྨྲས་པ། ཡུན་དེ་སྲིད་དུ་ཁོ་
Ca122a
༄#། །བོ་ཅག་ཚོང་པའི་ཐ་སྙད་བྱེད་བྱེད་ན་ལན་འགའ་ཡང་མཉན་ཡོད་ཉེས་པ་བྱེད་པའི་ཤོ་གམ་ཅན་མ་ཡིན་ན། ད་ཉེས་པ་བྱེད་པའི་ཤོ་གམ་ཅན་དུ་གྱུར་ཏམ། ཚུར་ཤོག་ཚོང་པའི་ཚོགས་ཀྱི་ནང་དུ་འདོང་ངོ ། །ཤོ་གམ་པ་དག་གིས་སྨྲས་པ། ཚོང་པའི་ཚོགས་ཀྱི་ནང་དུ་མི་འགྲོས། ཚུར་ཤོག་རྒྱལ་པོའི་ཕོ་བྲང་དུ་འདོང་ངོ་ཞེས་དེ་དག་འཁང་བཞིན་དུ་མཐུས་རྒྱལ་པོའི་ཕོ་བྲང་དུ་ཁྲིད་པ་དང ། དེ་དག་གིས་ཚོང་པའི་ཚོགས་ལ་ཤེས་ལྡན་དག་ཁོ་བོ་ཅག་ཤོ་གམ་པ་དག་གིས་ནོར་ཐམས་ཅད་དང་བྲལ་བར་བྱས་ཀྱིས་གྲོགས་གྱིས་ཤིག་ཅེས་ར་མདའ་བཟློག་པའི་སྐད་ཕྱུང་ངོ ། ། ཚོང་པའི་ཚོགས་ཀྱང་དེ་དག་དང་ལྷན་ཅིག་རྒྱལ་པོའི་སྤྱན་སྔར་སོང་ནས། ལྷ་ཁྱོད་ཀྱི་རྒྱལ་སྲིད་ལ་ཤོ་གམ་པ་དག་གིས་ཚོང་པ་གློ་བུར་དུ་ལྷགས་པ་དག་ནོར་ཐམས་ཅད་བྲལ་བར་བགྱིས་ཀྱིས་ཡོངས་སུ་བསྐྱབ་ཏུ་གསོལ་ཞེས་སྨྲས་སོ། །རྒྱལ་པོས་བློན་པོ་རྣམས་ལ་ཤེས་ལྡན་དག་ཤོ་གམ་པ་དག་ཁུག་ཅིག་ཅེས་བསྒོ་ནས། བློན་པོ་རྣམས་ཀྱིས་ཤོ་གམ་པ་དག་པ་བཀུག་པ་དང ། རྒྱལ་པོས་སྨྲས་པ། ཤེས་ལྡན་དག་ཅིའི་ཕྱིར་ཁྱེད་ཀྱིས་ཚོང་པ་དག་ནོར་ཐམས་ཅད་དང་བྲལ་བར་བྱས། ཤོ་གམ་པ་དག་གིས་སྨྲས་པ། ལྷ་ཚོང་པ་འདི་དག་ནི་ཤོ་གམ་འདྲལ་བ་ལགས་ལ་མཉན་ཡོད་ནི་ཉེས་པ་བགྱིད་པའི་ཤོ་གམ་ཅན་ལགས་པས། དེའི་སླད་དུ་བདག་ཅག་གིས་འདི་དག་ནོར་ཐམས་ཅད་དང་བྲལ་བར་བགྱིས་སོ། །རྒྱལ་པོས་སྨྲས་པ། ཤེས་ལྡན་དག་ཡུན་དེ་སྲིད་དུ་ངའི་རྒྱལ་སྲིད་བྱེད་དུ་བཅུག་ན་ལན་
Ca122b
འགའ་ཡང་ངས་མཉན་ཡོད་ཉེས་པ་བྱེད་པའི་ཤོ་གམ་ཅན་དུ་མ་ཐོས་ན། ད་ཉེས་པ་བྱེད་པའི་ཤོ་གམ་ཅན་དུ་གྱུར་ཏམ། ཤོ་གམ་ཡང་དག་པ་ལོང་ལ་ཐོང་ཞིག་།ཤོ་གམ་པ་དག་གིས་སྨྲས་པ།་རྒྱལ་པོ་ཨ་ར་ད་ཚངས་བྱིན་ཚོང་པའི་ཚོགས་དང་བཅས་པས་གང་སྐྱེད་མོས་ཚལ་ལམ། འདུན་སའམ། ལྷའི་གནས་ཆེ་གེ་མོ་ནས་མཉན་ཡོད་དུ་འཇུག་པ་དེ་ལ་ནི་ཀུན་ཤེས་པའི་ཤོ་གམ་ཅན་ཡིན་ལ། གང་སྐྱེད་མོས་ཚལ་ལམ། འདུན་སའམ། ལྷའི་གནས་ཆེ་གེ་མོ་ནས་མཉན་ཡོད་དུ་འཇུག་པ་དེ་ལ་ནི་གནོད་པ་བྱེད་པའི་ཤོ་གམ་ཅན་ཡིན་ནོ་ཞེས་ཁྲིམས་སུ་བྱ་བ་རྣམ་པར་གཞག་པ་གང་ལགས་པ་དེ་ལྷ་ལ་བཙན་ནམ། རྒྱལ་པོས་སྨྲས་པ། ཤེས་ལྡན་དག་ངའི་ཡབ་ཀྱིས་མཛད་པ་གང་ཡིན་པ་དེ་ནི་བརྒྱ་བྱིན་གྱིས་མཛད་པ། ཚངས་པས་མཛད་པ་ཡིན་ཏེ། མཆོག་ཏུ་བཙན་ནོ། །ཤོ་གམ་པ་དག་གིས་སྨྲས་པ། ལྷ་མཛོད་ཆེ་གེ་མོ་ཞིག་ན་སྒྲོམ་མཆིས་པ་དེ་ན་ཟངས་མའི་གླེགས་བུ་ལ་ཡི་གེ་བྲིས་པ་མཆིས་པ་དེ་ལྷས་གཟིགས་སུ་གསོལ།་རྒྱལ་པོས་གཏོགས་པར་བྱས་བདག་ལ་ཟངས་མའི་གླེགས་བུ་དེ་འོན་ཅིག་ཅེས་བསྒོ་ནས། བླངས་ཏེ་བཀླགས་པ་དང ། རྒྱལ་པོས་ཕའི་བསྔགས་པ་ཐོས་ནས། མཆི་མ་དང་བཅས་པའི་སྐད་ཀྱིས་སྨྲས་པ། ཤེས་ལྡན་དག་ངའི་ཡབ་ཀྱིས་མཛད་པ་གང་ཡིན་པ་དེ་ནི་བརྒྱ་བྱིན་གྱིས་མཛད་པ། ཚངས་པས་མཛད་པ་ཡིན་ཏེ་གལ་ཏེ་ནོར་ཐམས་ཅད་དང་བྲལ་བར་
Ca123a
༄#། །བྱས་ན་ལེགས་སོ། །ཚོང་པ་དེ་དག་རེ་བ་མེད་པར་གྱུར་ནས། མཆི་མ་དང་བཅས་པའི་སྐད་ཀྱིས་དོང་ནས། དེ་དག་གིས་ཤོ་གམ་པ་དེ་དག་ལ་སྨྲས་པ། ཤེས་ལྡན་དག་ཁྱེད་ལ་སུས་སྦྲན་པ་སྨྲོས་ཤིག་།ཤོ་གམ་པ་དག་གིས་སྨྲས་པ། ཁོ་བོ་ཅག་ལ་སུ་ཞིག་སྦྲན་པར་འགྱུར། ཁོ་བོ་ཅག་ཉིད་ཀྱིས་ཤེས་མོད་ཀྱི་འོན་ཀྱང་ཁོ་བོ་ཅག་ཁྱེད་ལ་སྙིང་རྗེ་བས་ཡལ་བར་བོར་རོ། །ཁྱེད་ཅག་ཧ་ཅང་བྱ་བ་བྱེད་པར་བརྩམས་པས་དེས་ན་ཁོ་བོ་ཅག་མི་བཟོད་པ་སྐྱེས་སོ། །ཚོང་པ་དག་གིས་སྨྲས་པ། ཁྱེད་ལ་སྙིང་རྗེ་ག་ལ་ཡོད། སྨྲོས་ཤིག་དང་ཁོ་བོ་ཅག་ཁྱེད་དང་མཛའ་བོར་འགྱུར་རོ། །ཤོ་གམ་པ་དག་གིས་སྨྲས་པ། འཕགས་པ་དྲུག་སྡེ་དག་གིས་སོ། །ཚོང་པ་དེ་དག་ཤཱཀྱའི་སྲས་ཀྱི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་པ་ཡིན་ནོ། །བྲམ་ཟེའི་ཚུལ་ནི་ཚིག་པ་ཡིན་ཏེ། གང་ལ་ད་ལྟར་གཞན་གྱི་འཚོ་བ་ལ་ཡང་གནོད་པར་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གཞན་གྱི་འཚོ་བ་ལ་གནོད་པར་མི་བྱའོ། །གནོད་པ་བྱེད་ན་འགལ་ཚབས་ཅན་དུ་འགྱུར་རོ། །སྡོམ་ལ། རྐང་མེད་དང་ནི་རྐང་གཉིས་དང ། །རྐང་བཞི་པ་དང་རྐང་མངས་ཀྱི། །སྡེ་ཚན་ཡང་དག་བསྡུས་པ་ཡིན། །རྐང་མེད་ཅེས་བྱ་བ་ནི། སྦྲུལ་དང ། པད་པ་དང ། སྲོག་ཆགས་དྲེའུ་སྲིན་དག་གོ་།དེ་དག་ནི་
Ca123b
གསུམ་གྱིས་སོགས་པར་བྱེད་དེ། སྦྲུལ་ཁས་བསྡིགས་པ་དག་དང ། རྒྱལ་པོའི་སྨན་པ་དག་དང ། ཁ་ལུངས་པའི་ཡབ་ན་དག་གིས་སོ། །ཇི་ལྟར་སྦྲུལ་ཁས་བསྡིགས་པ་དག་གིས་ཤེ་ན། འདི་ལྟར་སྦྲུལ་ཁས་བསྡིགས་པ་དག་སྦྲུལ་ལ་བརྟེན་ཏེ་འཚོ་བར་བྱེད་པ་སྟེ། དེ་ལྟར་སྦྲུལ་ཁས་བསྡིགས་པ་དག་གིས་སོ། །ཇི་ལྟར་རྒྱལ་པོའི་སྨན་པ་དག་གིས་ཤེ་ན། འདི་ལྟར་རྒྱལ་པོའི་སྨན་པ་དག་པད་པ་ལ་བརྟེན་ཏེ་འཚོ་བར་བྱེད་པ་སྟེ། དེ་ལྟར་རྒྱལ་པོའི་སྨན་པ་དག་གིས་སོ། །ཇི་ལྟར་ཁ་ལུངས་པའི་ཡ་བ་ན་དག་གིས་ཤེ་ན། འདི་ལྟར་ཁ་ལུངས་པའི་ཡ་བ་ན་དག་སྲོག་ཆགས་དྲིའུ་སྲིན་དག་བག་བྱེ་སོན་པར་བྱེད། ས་འབྱིན་པར་བྱེད་ཅིང་སླ་ང་ལ་རྔོ་བར་བྱེད་དེ། དེ་དག་དེ་འཆའ་ཞིང་མྱོས་པ་འགྱུར་བའི་བཏུང་བ་རྣམ་པ་དུ་མ་འཐུང་བར་བྱེད་དེ། དེ་ལྟར་ཁ་ལུངས་པའི་ཡ་བ་ན་དག་གིས་སོ། །དགེ་སློང་གིས་སྲོག་ཆགས་རྐང་མེད་དག་རྐུ་བར་བྱེད་ན། སྲོག་ཆགས་རྐང་མེད་དག་གི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །རྐང་གཉིས་ཞེས་བྱ་བ་ནི་མི་རྣམས་དང ། བྱ་ཁ་ཅིག་གོ་།མི་རྣམས་ནི་རྣམ་པ་གསུམ་གྱིས་རྐུ་སྟེ། ཡུལ་ཕྱོགས་དང ། བརྡ་དང ། མཚན་མས་སོ། ། ཇི་ལྟར་ཡུལ་ཕྱོགས་ཀྱིས་ཤེ་ན། གང་གི་ཚེ་ན་ཁོ་བོ་སྐྱེད་མོས་ཚལ་ལམ། འདུན་སའམ། ལྷའི་གནས་ཆེ་གེ་མོ་ཞིག་ཏུ་མཐོང་བ་དེའི་ཚེ་ཁྱོད་ཀྱིས་བྱ་བ་དེ་བྱས་པར་ཤེས་པར་གྱིས་ཤིག་
Ca124a
༄#། །ཅེས་བྱ་བ་སྟེ། དེ་ལྟར་ཡུལ་ཕྱོགས་ཀྱིས་སོ། །ཇི་ལྟར་བརྡས་ཤེ་ན། གང་གི་ཚེ་ཁོ་སྔ་དྲོའམ་གུང་ཚིགས་སམ། ཕྱེ་མ་བྲེད་མཐོང་བ་དེའི་ཚེ་ཁྱོད་ཀྱིས་བྱ་བ་དེ་བྱས་པར་ཤེས་པར་གྱིས་ཤིག་ཅེས་བྱ་བ་སྟེ། དེ་ལྟར་བརྡས་སོ། །ཇི་ལྟར་མཚན་མས་ཤེ་ན། གང་གི་ཚེ་ཁོ་བོ་སྐྲ་དང་ཁ་སྤུ་བྲེགས་ནས་རིང་པོར་མ་ལོན་པའམ། སྣམ་སྦྱར་དམར་སེར་རམ། ཞ་ཉེའི་དབྱར་འདབ་ཀྱིས་གླན་པའི་ལྷུང་བཟེད་དམ། འཁར་བ་སྦུབས་ཅན་ནམ། ཞུན་མར་གྱི་ལྷུང་བཟེད་དམ། འབྲུ་མར་གྱི་ལྷུང་བཟེད་དམ། སྦྲང་རྩིའི་ལྷུང་བཟེད་དམ། བུ་རམ་གྱི་དབུ་བའི་ལྷུང་བཟེད་ཐོགས་པར་མཐོང་བ་དེའི་ཚེ་ཁྱོད་ཀྱིས་བྱ་བ་དེ་བྱས་པར་ཤེས་པར་གྱིས་ཤིག་ཅེས་བྱ་བ་སྟེ། དེ་ལྟར་མཚན་མས་སོ། །དགེ་སློང་གིས་མི་རྐུ་བར་བྱེད་ན་མིའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །བྱ་ནི་རྣམ་པ་གཉིས་ཀྱིས་རྐུ་སྟེ། སྤར་བ་དང ། མངོན་སུམ་དུ་བབས་པས་སོ། །ཇི་ལྟར་སྤར་བས་ཤེ་ན། འདི་ལྟར་དགེ་སློང་གིས་བྱ་སྤར་ཏེ་རྐུ་བར་བྱེད་ན་བྱའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་ཏེ། དེ་ལྟར་སྤར་བས་སོ། །ཇི་ལྟར་མངོན་སུམ་དུ་བབས་པས་ཤེ་ན། འདི་ལྟར་བྱ་བའམ། བྱ་བའི་སློབ་མ་མཁས་པ་ཞིག་གིས་བྱ་དྲུངས་དབྱུང་བའི་ཕྱིར་དང །
Ca124b
ཆུད་གཟན་པར་བྱ་བའི་ཕྱིར་དང ། ཚུལ་མ་ཡིན་པས་སྡུག་བསྔལ་བར་བྱ་བའི་ཕྱིར་ནགས་མེས་བཏང་བར་གྱུར་ཅིང ། དེ་ན་བྱ་ཁ་ཅིག་དུ་བས་ཁྱབ་ཅིང་འཁྲུགས་པར་གྱུར་ནས། དགེ་སློང་རྣམས་ཀྱི་འཆག་ས་དག་ཏུ་བབས་སམ། དང་ར་དག་གམ། སྒོ་ཁང་དག་ཏུ་བབས་པར་གྱུར་པ་ན། དགེ་སློང་གིས་དེ་ལྟར་བབས་པའི་བྱ་རྐུ་བར་བྱེད་ན། བྱའི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་ཏེ། དེ་ལྟར་མངོན་སུམ་དུ་བབས་པས་སོ།། །།འདུལ་བ་རྣམ་པར་འབྱེད་པ། བམ་པོ་དྲུག་པ། རྐང་བཞི་པ་ཞེས་བྱ་བ་ནི། གླང་པོ་ཆེ་དང ། རྟ་དང ། རྔ་མོ་དང ། བ་ལང་དང ། བོང་བུ་དང ། ར་དང ། རི་དྭགས་དང ། མ་ཧེ་དང ། ཕག་དག་གོ་།དེ་དག་ནི་རྣམ་པ་གཉིས་ཀྱིས་རྐུ་སྟེ། ཁྱུ་ནས་དགར་བ་དང ། བརྟོད་པས་སོ། །ཇི་ལྟར་ཁྱུ་ནས་དགར་བས་ཤེ་ན། དགེ་སློང་གིས་གླང་པོ་ཆེ་ཁྱུ་ནས་དགར་བས་རྐུ་བར་བྱེད་ན། ཇི་སྲིད་མིག་སྔར་སྣང་བ་དེ་སྲིད་དུ་ཉེས་པ་སྦོམ་པོར་འགྱུར་ལ། མིག་སྔར་མི་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་ཏེ། དེ་ལྟར་ཁྱུ་ནས་དགར་བས་སོ། །ཇི་ལྟར་བརྟོད་པས་ཤེ་ན། དགེ་སློང་གིས་གླང་པོ་ཆེ་བརྟོད་པ་སྣ་ཚོགས་ཤིང་ལྗོན་པའམ། རྩིག་པའམ། གཞན་དག་ལ་བརྟོད་པར་
Ca125a
༄#། །བྱེད་ནས། ཇི་སྲིད་མིག་སྔར་སྣང་བ་དེ་སྲིད་དུ་ཉེས་པ་སྦོམ་པོར་འགྱུར་ཏེ། མིག་སྔར་མི་སྣང་བར་གྱུར་ན་བརྐུས་པར་བརྗོད་པར་བྱ་སྟེ། རིན་ཐང་བརྩི་བར་བྱ་ཞིང་དངོས་བོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་ཏེ། དེ་ལྟར་བརྟོད་པས་སོ། །གླང་པོ་ཆེ་ལ་ཇི་ལྟ་བ་བཞིན་དུ་རྟ་ལ་སོགས་པ་རྐང་བཞི་པ་ལྷག་མ་རྣམས་ལ་ཡང་དེ་བཞིན་ནོ། །རྐང་མངས་ཞེས་བྱ་བ་ནི་གྲོག་མ་དང ། ཕྱེ་མ་ལེབ་དང ། ཏིལ་དང་ཕུབ་མ་དང་རུལ་བ་ཟ་བ་དང ། སྡིག་པ་དང ། ཏྲྱ་མ་བུ་ཀ་དང ། ཏྲེའི་ལ་ཏ་དག་གོ་།དེ་དག་ནི་གསུམ་གྱིས་སོགས་པར་བྱེད་དེ། གནོད་བྱེད་དག་དང ། གྲོང་ཁྱེར་སྲུང་བའི་སྣ་ཆེན་པོ་ལ་གཏོགས་པ་དག་དང ། རྒྱ་མཚོའི་ཚོང་བ་དག་གིས་སོ། །ཇི་ལྟར་གནོད་བྱེད་དག་གིས་ཤེ་ན། འདི་ལྟར་གནོད་བྱེད་དག་གིས་སྲོག་ཆགས་རྐང་མངས་དག་གིས་བུམ་པས་སོ་བཏང་བ་བཀང་སྟེ་འཇོག་པར་བྱེད་ཅིང ། དེ་དག་གིས་གང་གི་ཚེ་ཆད་པས་གཅད་པ་དག་ཁྲིད་དེ། དེ་དག་གི་རྐང་པའམ། ལག་པ་བུམ་པ་དེ་དག་གི་ནང་དུ་འཇུག་པར་བྱེད་ཅིང ། དེ་དག་དེ་དག་གིས་ཟིན་པ་ན་མྱུར་དུ་དཔྱ་དང་གསུག་མང་པོ་འཇལ་བར་བྱེད་དེ། དེ་ལྟར་གནོད་བྱེད་དག་གིས་སོ། །ཇི་ལྟར་གྲོང་ཁྱེར་སྲུང་བའི་སྣ་ཆེན་པོ་ལ་གཏོགས་པ་དག་གིས་ཤེ་ན། འདི་ལྟར་གྲོང་ཁྱེར་སྲུང་བའི་སྣ་ཆེན་པོ་ལ་གཏོགས་པ་དག་གིས་སྲོག་ཆགས་རྐང་མངས་དག་གིས་བུམ་པ་སོ་མ་བཏང་བ་བཀང་སྟེ་འཇོག་པར་བྱེད་ཅིང ། དེ་དག་གིས་གང་གི་ཚེ་ཕ་རོལ་ཀྱི་དཔུང་འོང་བ་དེའི་ཚེ་དེ་དང་ལྷན་ཅིག་གཡུལ་སྤྲོད་པར་བྱེད་པ་ན། གལ་ཏེ་དེ་དག་
Ca125b
གིས་འཇོམས་པར་ནུས་ན་དེ་ལྟ་ན་ལེགས། གལ་ཏེ་མི་ནུས་ན་སྲོག་ཆགས་རྐང་མངས་དག་གིས་བཀང་བའི་བུམ་པ་སོ་མ་བཏང་བ་ར་བ་ལ་གནས་པ་འཕེན་པར་བྱེད་ཅིང་དེ་དག་སྲོག་ཆགས་རྐང་མངས་དག་གིས་ཟིན་པ་ན་འབྱེར་བར་འགྱུར་ཏེ། དེ་ལྟར་གྲོང་ཁྱེར་སྲུང་བའི་སྣ་ཆེན་པོ་ལ་གཏོགས་པ་དག་གིས་སོ། །ཇི་ལྟར་རྒྱ་མཚོའི་ཚོང་པ་དག་གིས་ཤེ་ན། འདི་ལྟར་རྒྱ་མཚོའི་ཚོང་པ་དག་གིས་སྲོག་ཆགས་རྐང་མངས་དག་གིས་བུམ་བ་སོ་མ་བཏང་བ་བཀང་སྟེ་རྒྱ་མཚོའི་གྲུ་སྦྱར་ནས་ནོར་སྒྲུབ་པ་དག་རྒྱ་མཚོ་ཆེན་པོར་རྒལ་བ་ན་དེར་དེ་དག་ལ་ཆོམ་རྐུན་པ་རྟགས་མཚན་སྔོན་པོའམ་ནག་པོ་ཅན་དག་འོང་ཞིང་གྲུ་འཇོམས་པར་བྱེད་པ་ན། ཚོང་པ་དག་གིས་དེ་དག་དང་ལྷན་ཅིག་གཡུལ་སྤྲོད་པར་བྱེད་པ་ན། གལ་ཏེ་དེ་དག་གིས་འཇོམས་པར་བྱེད་ནུས་ན་དེ་ལྟ་ན་ལེགས། གལ་ཏེ་མི་ནུས་ན་སྲོག་ཆགས་རྐང་མངས་དག་གིས་བཀང་བའི་བུམ་པ་སོ་མ་བཏང་བ་འཕེན་པར་བྱེད་ཅིང ། དེ་དག་སྲོག་ཆགས་རྐང་མངས་དག་གིས་ཟིན་པ་ན་འབྱེར་བར་འགྱུར་ཏེ། དེ་ལྟར་རྒྱ་མཚོའི་ཚོང་པ་དག་གིས་སོ། །དགེ་སློང་གིས་སྲོག་ཆགས་རྐང་མངས་དག་རྐུ་བར་བྱེད་ན་སྲོག་ཆགས་རྐང་མངས་དག་གི་རིན་ཐང་བརྩི་བར་བྱ་ཞིང་དངོས་པོ་ཚང་ན་ཕམ་པར་འགྱུར་ལ། དངོས་པོ་མ་ཚང་ན་ཉེས་པ་སྦོམ་པོར་འགྱུར་རོ། །སྡོམ་ལ། གདོལ་པ་དང་ནི་བག་རྫངས་ཅན། །སྣམ་སྦྱར་རེ་ཞིག་དུས་དང་ནི། །མཚན་བཟང་དང་ནི་ནོར་གྱིས་བྱིན། །རང་གིར་ཤེས་པས་ལྷུང་བཟེད་ལེན། །མི་ཕམ་དང་ནི་ཟླ་བས་སྦས། །བདག་ཉིད་སུན་འབྱིན་རྐུ་བ་ཡིན། སངས་
Ca126a
༄#། །རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་གདོལ་པ་དང ། བག་རྫངས་ཅན་ཞེས་བྱ་བ་གཏམ་འདྲེ་བ་ཕེབས་པར་སྨྲ་བ་འགྲོགས་བཤེས་སྨོས་འདྲིན་གནས་སྐབས་མཉམ་པར་སྤྱོད་པ་གཉིས་ཤིག་འཁོད་དེ། དེ་ལ་གདོལ་པ་ནི་གྲགས་པ་དང་བསོད་ནམས་ཆེ་བ་ཡིན་མོད་ཀྱི་ལུས་ཆུང་སྟེ་དེ་ལ་ལྷུང་བཟེད་དང་ཆོས་གོས་དང་འདྲ་བ་དང་ཕོར་བུ་དང་སྐ་རགས་ལྷག་པ་དག་ཡོད་དོ། །བག་རྫངས་ཅན་ནི་ལུས་ཆེ་བ་ཡིན་མོད་ཀྱི་གྲགས་པ་དང་བསོད་ནམས་ཆུང་སྟེ། ཆོས་གོས་གསུམ་ལྷུར་ལེན་ཅིང་དེའི་ཆོས་གོས་གསུམ་ངན་ཅིང་སྣམ་སྦྱར་ཡང་ཡོངས་སུ་རྙིངས་པ་ཡིན་ནོ། །དགེ་སློང་རྣམས་ཀྱིས་བག་རྫངས་ཅན་ལ་སྨྲས་པ། ཚེ་དང་ལྡན་པ་ཁྱོད་ཏེ་བོར་འདོད་པ་ཆུང་བར་གྱུར་ན། ཅིའི་ཕྱིར་བདག་ཉིད་གཅེར་བུར་སྟོན་པར་བྱེད། ཅི་རྙེད་པས་སམ། མ་རྙེད་པས། བག་རྫངས་ཅན་གྱིས་སྨྲས་པ། མ་རྙེད་པས་སོ། །ཅིའི་ཕྱིར་སྦྱོར་དུ་མི་འཇུད། སངས་རྒྱས་དང ། ཚེས་དང ། དགེ་འདུན་སྤངས་ཏེ་སུ་ཞིག་ཁོ་བོ་ལ་སྦྱིན་པར་བྱེད། དགེ་སློང་གདོལ་པ་དེ། ཁྱོད་ཀྱི་གཏམ་འདྲེ་བ་ཕེབས་པར་སྨྲ་བ་འགྲོགས་བཤེས་སྨོས་འདྲིན་ཡིན། དེ་ལ་ལྷུང་བཟེད་དང་ཆོས་གོས་དང་དྲ་བ་དང་ཕོར་བུ་དང་སྐ་རགས་ལྷག་པ་དག་ཡོད་ན་ཅིའི་ཕྱིར་དེ་ལ་མི་སློང ། བག་རྫངས་ཅན་གྱིས་སྨྲས་པ། མི་སྟེར་རོ། །ཅི་ཁྱོད་ཀྱིས་སྔོན་ལན་འགའ་བསླངས་སམ། ལན་འགའ་ཡང་མ་བསླངས་སོ། །ཅི་ཆུའི་
Ca126b
སྒྲ་ཁོ་ནས་ལྷམ་དག་འབུད་པར་བྱེད་དམ། སོང་ལ་སློང་ཤིག་དང་སྟེར་རོ། །བག་རྫངས་ཅན་དེ་དགེ་སློང་དེ་དག་གིས་སྤྲོ་བར་བྱས་ནས་གདོལ་པའི་གན་དུ་སོང་བ་དང ། གདོལ་པ་མེད་ནས་བག་རྫངས་ཅན་གྱིས་གདོལ་པ་ནི་ལུས་ཆུང་བ་ཡིན་པས་ཇི་འདིའི་ཆོས་གོས་གཞལ་བར་བྱ་སྟེ། གལ་ཏེ་བདག་གི་ལུས་ཀྱི་ཚད་དུ་འགྱུར་ན་བསླང་བར་བྱའི། གལ་ཏེ་མི་འགྱུར་ན། ཅིའི་ཕྱིར་དེ་དྲིན་བགྲང་དུ་གཞུག་པར་བྱ་སྙམ་དུ་བསམས་ནས། བག་རྫངས་ཅན་གདོལ་པའི་གནས་ཁང་དུ་ཞུགས་ཏེ། སྣམ་སྦྱར་ལྟ་བར་བརྩམས་པ་དང ། ཇི་ཙམ་ན་ཆོས་གོས་ཀྱི་གདང་ལ་སྣམ་སྦྱར་དམར་སེར་འདུག་པ་མཐོང་ནས་བག་རྫངས་ཅན་གྱིས་ཕོག་སྟེ་གྱོན་ཞིང་བསྙམས་ནས། ངོས་དང་ངོས་ལ་རྟོག་པར་བྱེད་པ་ན། གདོལ་པ་འོངས་ཏེ་མཐོང་མ་ཐག་ཏུ་སྨྲས་པ། ཚེ་དང་ལྡན་པ་ཁྱོད་ཀྱིས་སྣམ་སྦྱར་འདི་རྐུ་སེམས་ཀྱིས་བླངས་སོ། །བག་རྫངས་ཅན་གྱིས་སྨྲས་པ། ཚེ་དང་ལྡན་པ་ཁོ་བོས་རྐུ་སེམས་ཀྱིས་མ་བླངས་ཏེ། འདི་ལྟར་ཁོ་བོ་ལ་གདོལ་པ་ནི་ལུས་ཆུང་བ་ཡིན་པས། ཇེ་འདིའི་ཆོས་གོས་གཞལ་པར་བྱ་སྟེ། གལ་ཏེ་བདག་གི་ལུས་ཀྱི་ཚད་དུ་འགྱུར་ན་བསླང་བར་བྱའི། གལ་ཏེ་མི་འགྱུར་ན་ཡོ་བྱད་དོན་མེད་པ་འདིས་ཅི་བྱ་སྙམ་པའི་བློ་སྐྱེས་སོ། །གདོལ་པས་སྨྲས་པ། ཚེ་དང་ལྡན་པ་ཅིའི་ཕྱིར་གཞན་ནས་གཞན་དུ་འཕྲོ་བར་བྱེད། ཁྱོད་ཀྱི་རྐུ་སེམས་ཀྱིས་བླངས་པས་ཁྱོད་ལ་ཕམ་པར་འགྱུར་བའི་ལྟུང་བ་བྱུང་ངོ ། །བག་རྫངས་ཅན་བདག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་
Ca127a
༄#། །རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། སངས་རྒྱས་བཅོམ་ལྡན་འདས་ཀྱིས་དགེ་སློང་དེ་ལ་རྨས་པ། དགེ་སློང་ཁྱོད་ཀྱི་བསམ་པ་ཇི་ལྟ་བུས་སྣམ་སྦྱར་དེ་བགོས། བག་རྫངས་ཅན་གྱིས་ཇི་ལྟར་གྱུར་པ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དཔྱོད་པའི་བསམ་པ་ཅན་འདི་ལ་ནི་ལྟུང་བ་མེད་དེ། ཡང་དགེ་སློང་གིས་ཡིད་གཅུགས་པ་མ་ཡིན་པ་ལ་ཡིད་གཅུགས་པ་བསྐྱེད་པར་མི་བྱའོ། །འདི་ལྟར་མཛའ་བཤེས་ནི་གསུམ་སྟེ། ཐ་མ་དང་འབྲིང་དང་ཆེན་པོའོ། །འདི་ལ་མཛའ་བཤེས་ཐ་མ་ལ་ནི་ཡིད་གཅུགས་པ་ཆུང་བྱའི། འབྲིང་ཡང་མི་བྱ། །ཆེན་པོ་ཡང་མི་བྱའོ། །མཛའ་བཤེས་འབྲིང་ལ་ནི་ཡིད་གཅུགས་པ་ཆུང་ངུ་དང་འབྲིང་བྱའི། ཆེན་པོ་མི་བྱའོ། །མཛའ་བཤེས་ཆེན་པོ་ལ་ནི་ཡིད་གཅུགས་པ་ཆུང་ངུ་དང་འབྲིང་དང་ཆེན་པོ་ཡང་བྱའོ། །དགེ་སློང་གིས་ཡིད་གཅུགས་པ་མ་ཡིན་པ་ལ་ཡིད་གཅུགས་པ་སྐྱེད་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མཚན་བཟང་དང ། ནོར་གྱིས་བྱིན་ཞེས་བྱ་བ་གཏམ་འདྲེ་བ་ཕེབས་པར་སྨྲ་བ་འགྲོགས་བཤེས་སྨོས་འདྲིན་མཚུངས་པར་འདོན་པ་གཉིས་ཤིག་འཁོད་དེ། མཚན་བཟང་གི་ལྷུང་བཟེད་ནི་མཛེས་པ་གསལ་བ་ཟླུམ་པ་ལོངས་སྤྱོད་བཟོད་པ་ཡིན་ལ།
Ca127b
ནོར་གྱིས་བྱིན་གྱི་ལྷུང་བཟེད་ཆུང་ངུ་ཡང་མཛེས་པ་གསལ་བ་ཟླུམ་པ་ལོངས་སྤྱད་བཟོད་པ་ཡིན་ནོ། །དེ་གཉིས་དུས་གཞན་ཞིག་ན་ཟས་ཀྱི་བྱ་བ་བྱས་ཏེ། འཆགས་ན་ལྷུང་བཟེད་འཁྲུ་བའི་ཚེ་མཚན་བཟང་གིས་ནོར་གྱིས་བྱིན་དབང་བའི་ལྷུང་བཟེད་ཆུང་ངུ་རང་གི་ལྷུང་བཟེད་དུ་བཅུག་སྟེ་སྨྲས་པ། ཚེ་དང་ལྡན་པ་ནོར་གྱིས་བྱིན་གང་ལ་ལྷུང་བཟེད་དང་ལྷུང་བཟེད་ཆུང་ངུ་འདི་ལྟ་བུ་བདོག་པ་དེ་ནི་སྙིང་ལས་ཆུང་ངུ་དགེ་བའི་ཕྱོགས་སྤྱོད་པར་བྱེད་དོ། །ནོར་གྱིས་བྱིན་གྱིས་སྨྲས་པ། གལ་ཏེ་ཐོབ་ན་ཁྱེར་ཤིག་།ཇི་ཙམ་དུ་གཞན་ཞིག་ན་ནོར་གྱིས་སྦྱིན་ལ་རི་བྲགས་ཤིག་ཏུ་བྱ་བ་ཅུང་ཞིག་བྱུང་ནས། དེས་སྨྲས་པ། ཚེ་དང་ལྡན་པ་མཚན་བཟང་ཁོ་བོ་ལ་རི་བྲགས་ཤིག་ཏུ་བྱ་བ་ཅུང་ཞིག་བྱུང་ན། ཁོ་བོའི་བྱ་བ་དེ་བྱེད་པ་དེ་ལ་ཁོ་བོས་ལྷུང་བཟེད་ཆུང་ངུ་སྦྱིན་ནོ། །མཚན་བཟང་གིས་སྨྲས་པ། སྦྱིན་ནམ། སྦྱིན་ནོ། །ཐབས་ཡིན་ནོ། །མཚན་བཟང་གིས་ཐབས་ཀྱིས་ཡིན་ནོ་ཞེས་བྱས་ནས་བདག་ལ་གཞི་འདིས་ཚངས་པ་མཚུངས་པར་སྤྱོད་པ་རྣམས་མཚན་བཟང་ནི་གླ་རྔན་གྱིས་ལས་བྱེད་དོ་ཞེས་ཟེར་བར་འགྱུར་རོ་སྙམ་ནས་འགྱོད་པ་སྐྱེས་ཏེ་མ་སོང་ངོ། །ཇི་ཙམ་དུ་གཞན་ཞིག་ན་མཚན་བཟང་ལ་རི་བྲགས་དེར་བདག་ཉིད་ཀྱི་བྱ་བ་ཞིག་བྱུང་ནས། དེས་སོང་ལ་དེ་གཉི་ག་བྱས་ཏེ་ཕྱིར་འོང་ངོ་སྙམ་དུ་བསམས་ནས། མཚན་བཟང་སོང་སྟེ་གཉི་ག་བྱས་ནས་ཕྱིར་འོངས་ཏེ་སྨྲས་པ། ཚེ་དང་ལྡན་པ་ནོར་གྱིས་བྱིན་ཁོ་བོས་ཁྱོད་ཀྱི་དགོས་པ་དེ་བསྒྲུབས་ཀྱིས་ལྷུང་བཟེད་ཆུང་ངུ་བྱིན་ཅིག་།ནོར་གྱིས་བྱིན་གྱིས་སྨྲས་པ། ཁྱོད་བདག་ཉིད་ཀྱི་དགོས་པ་ལ་སོང་བ་ཡིན་
Ca128a
༄#། །གྱི་ཁོ་བོའི་དོགས་པ་ལ་སོང་བ་མ་ཡིན་པས། ཁོ་བོས་མི་སྦྱིན་ནོ། །མཚན་བཟང་གིས་སྨྲས་པ། གལ་ཏེ་མི་སྦྱིན་ན་ཁོ་བོ་རང་ཉིད་ཀྱིས་བླང་བར་བྱའོ། །གལ་ཏེ་ཐོབ་ནའོ།། ཇི་ཙམ་ན་ནོར་གྱིས་བྱིན་ཕྱིར་བྱུང་བ་དེ་ན། མཚན་བཟང་གིས་ལྷུང་བཟེད་ཆུང་ངུ་བླངས་ཏེ། རང་གི་ལྷུང་བཟེད་དུ་བཅུག་སྟེ་བཞག་གོ་།ཇི་ཙམ་ན་ནོར་གྱིས་བྱིན་འོངས་པ་ན་ལྷུང་བཟེད་ཆུང་ངུ་མི་སྣང་ནས་དེས་སྨྲས་པ། ཚེ་དང་ལྡན་པ་ཁོ་བོའི་ལྷུང་བཟེད་ཆུང་ངུ་སུས་བླངས། མཚན་བཟང་གིས་སྨྲས་པ། སུ་དབང་བས་སོ། །སུ་དབང ། ཁོ་བོ་དབང་ངོ ། །ནོར་གྱིས་བྱིན་གྱིས་སྤྱོས་ཏེ་སྨྲས་པ། ཁྱོད་ཀྱིས་རྐུ་སེམས་ཀྱིས་བླངས་པས་ཁྱོད་ལ་ཕམ་པར་འགྱུར་བའི་ལྟུང་བ་བྱུང་ངོ ། །མཚན་བཟང་བདག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། སངས་རྒྱས་བཅོམ་ལྡན་འདས་ཀྱིས་མཚན་བཟང་ལ་རྨས་པ། དགེ་སློང་ཁྱོད་ཀྱིས་བསམ་པ་ཇི་ལྟ་བུས་ལྷུང་བཟེད་ཆུང་ངུ་དེ་བླངས། དེས་ཇི་ལྟར་གྱུར་པ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་རང་གིར་འདུ་ཤེས་པས་ལྷུང་བཟེད་ཆུང་ངུ་བླངས་པས་འདི་ལ་ནི་ལྟུང་བ་མེད་དེ། ཡང་དགེ་སློང་གི་གླ་རྔན་གྱི་ལས་མི་བྱ་བར་འདི་ལྟར་ལག་པོད་དམ། བསོད་ནམས་འདོད་པས་ལས་བྱའོ། །དགེ་སློང་གིས་གླ་རྔན་གྱིས་
Ca128b
ལས་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མི་ཕམ་དང་ཟླ་བས་སྦས་ཞེས་བྱ་བ་གཏམ་འདྲེ་བ་ཕེབས་པར་སྨྲ་བ་འགྲོགས་བཤེས་སྨོས་འདྲིན་གཉིས་ཤིག་འཁོད་དོ། །ཟླ་བས་སྦས་ནི་གྲགས་པ་དང་བསོད་ནམས་ཆེ་བ་ཡིན་ཏེ། དེ་ལ་ལྷུང་བཟེད་དང་ཆོས་གོས་དང་དྲ་བ་དང་ཕོར་བུ་དང་སྐ་རགས་ལྷག་པ་དག་ཡོད་དོ། །མི་ཕམ་ནི་གྲགས་པ་དང་བསོད་ནམས་ཆུང་སྟེ་ཆོས་གོས་གསུམ་ལྷུར་ལེན་ཅིང་དེའི་ཆོས་གོས་གསུམ་ངན་ཅིང་སྣམ་སྦྱར་ཡང་ཡོངས་སུ་རྙིངས་པ་ཡིན་ནོ། །དགེ་སློང་རྣམས་ཀྱི་མི་ཕམ་ལ་སྨྲས་པ། ཚེ་དང་ལྡན་པ་ཁྱོད་ཏེ་པོར་འདོད་པ་ཆུང་བར་གྱུར་ན། ཅིའི་ཕྱིར་བདག་ཉིད་གཅེར་བུར་སྟོན་པར་བྱེད། ཅི་རྙེད་པས་སམ། མ་རྙེད་པས། མི་ཕམ་གྱིས་སྨྲས་པ། མ་རྙེད་པས་སོ། །ཅིའི་ཕྱིར་སྦྱར་དུ་མི་འཇུད། སངས་རྒྱས་དང་ཆོས་དང་དགེ་འདུན་སྤངས་ཏེ་སུ་ཞིག་ཁོ་བོ་ལ་སྦྱིན་པར་བྱེད། དགེ་སློང་ཟླ་བས་སྦས་དེ་ཁྱོད་ཀྱི་གཏམ་འདྲེ་བ་ཕེབས་པར་སྨྲ་བ་འགྲོགས་བཤེས་སྨོས་འདྲིན་ཡིན་ལ། དེ་ལ་ལྷུང་བཟེད་དང་ཆོས་གོས་དང་དྲ་བ་དང་ཕོར་བུར་དང་སྐ་རགས་ལྷག་པ་དག་ཡོད་ན། ཅིའི་ཕྱིར་དེ་ལ་མི་སློང ། མི་ཕམ་གྱིས་སྨྲས་པ། མི་སྟེར་རོ། །ཅི་ཁྱོད་ཀྱིས་སྔོན་ལན་འགའ་བསླངས་སམ། ལན་འགའ་ཡང་མ་བསླངས་སོ། །ཅི་ཆུའི་སྒྲ་ཁོ་ནས་ལྷམ་དག་འབུད་པར་བྱེད་དམ། སོང་ལ་སློངས་ཤིག་དང་སྟེར་རོ། །
Ca129a
༄#། །མི་ཕམ་དེ་དགེ་སློང་དེ་དག་གིས་སྤྲོ་བར་བྱས་ནས་ཟླ་བས་སྦས་ཀྱི་གན་དུ་སོང་སྟེ་སྨྲས་པ། ཚེ་དང་ལྡན་པ་ཟླ་བས་སྦས་བདག་ལ་ལྷུང་བཟེད་བྱིན་ཅིག་།ཟླ་བས་སྦས་ཀྱིས་སྨྲས་པ། མི་སྦྱིན་ནོ། །མི་ཕམ་གྱིས་སྨྲས་པ། གལ་ཏེ་ལྷུང་བཟེད་མི་སྦྱིན་ན་ཆོས་གོས་བྱིན་ཅིག་།ཟླ་བས་སྦས་ཀྱིས་སྨྲས་པ། ཅི་ཁོ་བོ་ཁྱོད་ཀྱིས་ཁྱིམ་བདག་མགོ་རེག་ཏུ་མཐོང་ངམ། ཁྱོད་ལ་ཁ་ཚར་ཡང་ཡོངས་སུ་མི་གཏང་ན། ཆོས་གོས་ལྟ་སྨོས་ཀྱང་ཅི་དགོས། མི་ཕམ་གྱིས་སྤྱོས་ཏེ། ཁོ་བོ་འདིའི་འཕྲལ་གྱི་བྱ་བ་ཐམས་ཅད་ལ་ཐོག་མར་འགྲོ་བ་ཡིན་ན། འདི་དེ་སྐད་ཅེས་ཁ་ཚར་ཡང་ཁྱོད་ལ་ཡོངས་སུ་མི་གཏང་ན། ཆོས་གོས་ལྟ་སྨོས་ཀྱང་ཅི་དགོས་ཞེས་ཟེར་རོ་སྙམ་དུ་བསམས་ནས། མི་ཕམ་གྱིས་སྨྲས་པ། དེང་གོས་ཐམས་ཅད་མ་ཕྲོགས་ན། མི་ཕམ་ཞེས་བྱ་བའི་མིང་མི་བཟུང་ངོ་ཞེས་མི་ཕམ་དེ་ནམ་ཞིག་ན་འདིའི་ཆོས་གོས་དག་རྐུ་བར་བྱ་སྙམ་དུ་སྐབས་ཚོལ་ཞིང་དེ་ལྷུར་ལེན་བཞིན་དུ་སྡོད་དོ། །ཇི་ཙམ་དུས་གཞན་ཞིག་ན་ཟླ་བས་སྦས་ལ་བཙོ་བླག་གི་ལས་ཉེ་བར་གནས་པར་གྱུར་པ་དང ། མི་ཕམ་དེ་ཟླ་བས་སྦས་ཀྱི་དྲུང་དུ་སོང་སྟེ་སྨྲས་པ། ཚེ་དང་ལྡན་པ་ཟླ་བས་སྦས་ཁོ་བོས་ཀྱང་གྲོགས་བྱའོ། །ཟླ་བས་སྦས་ཀྱིས་སྨྲས་པ། མ་ཉེས་ཀྱིས་དེ་བཞིན་གྱིས་ཤིག། མི་ཕམ་དེ་ཟླ་བས་སྦས་ཀྱི་ཆོས་གོས་དག་འཚེང་པར་བྱེད། བྱི་དོར་བྱེད། འདྲེན་པར་བྱེད་ཅིང་བཟློག་ཅིང་བཟློག་ཅིང་རྟོག་པར་བྱེད་དོ། །ཟླ་བས་སྦས་ཀྱིས་འདི་འདི་ལྟར་ལྟ་བས་བདག་གི་ཆོས་གོས་དག་བཟློག་ཅིང་བཟློག་ཅིང་རྟོག་པར་བྱེད་པ་ལས་ན་
Ca129b
གདོན་མི་ཟ་བར་བདག་གི་ཆོས་གོས་འདི་དག་རྐུ་བར་བྱེད་དོ་སྙམ་དུ་བསམས་ནས། ཟླ་བས་སྦས་དོགས་པ་དང་བཅས་པས་ཆོས་གོས་དག་ཁ་བསྒྱུར་ནས་གཏུར་བུར་བཅུག་སྟེ་དེ་དག་སྔས་སུ་བཅུག་ནས་ཉལ་ལོ། ། དགེ་སློང་དག་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་སྤྱོད་པས། མི་ཕམ་གྱིས་སྨྲས་པ། ཚེ་དང་ལྡན་པ་ཟླ་བ་སྦས་ཚུར་ཤོག་དགེ་བའི་ཕྱོགས་བྱེད་དུ་འདོང ། ཟླ་བས་སྦས་ཀྱིས་སྨྲས་པ། ཁྱོད་སོང་ཞིག་།ཁོ་བོ་ངལ་བས་ཕྱི་བཞིན་འོང་ངོ ། །མི་ཕམ་པ་ཚེ་དང་ལྡན་པ་ཤོག་ཅིག་ཅེས་ཟེར་ཏེ་ཕྱིར་བྱུང་ངོ ། །ཟླ་བས་སྦས་ཀྱིས། གལ་ཏེ་འགྲོ་ན་ནི་ཆོས་གོས་དག་བརླག་པར་འགྱུར། འོན་ཏེ་མི་འགྲོ་ན་ནི་བདག་གི་དགེ་བའི་ཕྱོགས་ཡོངས་སུ་ཉམས་པར་འགྱུར་ན། གང་གི་ཕྱིར་བདག་གི་ཆོས་གོས་དག་ཀྱང་བརླག་པར་མི་འགྱུར་ལ། དགེ་བའི་ཕྱོགས་ཀྱང་ཡོངས་སུ་ཉམས་པར་མི་འགྱུར་བའི་ཐབས་ཅི་ཡོད་སྙམ་དུ་སེམས་ཤིང་རིག་ནས། བདག་ཉིད་ཀྱི་གཏུར་བུ་མི་ཕམ་གྱི་སྔས་སུ་བཅུག་སྟེ། མི་ཕམ་དབང་བའི་གཏུར་བུ་བདག་ཉིད་ཀྱི་སྔས་སུ་བཅུག་ནས་ཉལ་ལོ། ། དགེ་སློང་དག་གིས་ནམ་གྱི་ཆ་སྨད་ལ་ཁ་ཏོན་བྱ་བར་བརྩམས་པ་དང ། ཟླ་བས་སྦས་ཀྱིས་མི་ཕམ་ལ་སྨྲས་པ། ཚེ་དང་ལྡན་པ་མི་ཕམ་ལོངས་ལ་དགེ་བའི་ཕྱོགས་སྤྱོད་ཅིག་།མི་ཕམ་གྱིས་སྨྲས་པ། ཁོ་བོས་དགེ་བའི་ཕྱོགས་བྱས་ཟིན་གྱིས། ད་ཁྱོད་སོང་ལ་དགེ་བའི་ཕྱོགས་སྤྱོད་ཅིག་།ཁོ་བོ་ངལ་བ་ངལ་སོས་སོ་ཞེས་ཟླ་བས་སྦས་དགེ་བའི་ཕྱོགས་ཀྱི་ཆེད་དུ་སོང་ངོ ། །མི་ཕམ་གྱིས་རེ་ཞིག་དུས་ནི་སྣང་ན། ལམ་གྱི་
Ca130a
༄#། །དུས་ཡིན་ནམ་མ་ཡིན་སྙམ་དུ་བསམས་ནས། དུས་བཟང་པོ་མཐོང་བ་དང་དེས་ཟླ་བས་སྦས་ཀྱི་སྔ་ནས་བདག་ཉིད་ཀྱི་གཏུར་བུ་ཁྱེར་ཏེ་སོང་ངོ ། །ཇི་ཙམ་ན་མཚན་མོ་ནམ་ནངས་པར་གྱུར་པ་དང ། དེས་རེ་ཞིག་གོས་ཅི་འདྲ་བ་དག་གིས་བདག་ཕམ་པར་གྱུར་པའི་ལྟུང་བ་བྱུང་བ་བལྟའོ་སྙམ་དུ་བསམས་ནས། ཇི་ཙམ་ན་བདག་ཉིད་ཀྱི་རྙང་རྙིང་དག་མཐོང་ནས་ཡིད་མི་བདེ་བར་གྱུར་ཏེ། བདག་ཉིད་ཀྱི་ཆོས་གོས་དག་ཁོ་ནས་བདག་ཕམ་པར་གྱུར་གྱིས་ལྕགས་ཀྱི་ཐུ་ལུམ་འཆའ་བས་ཅི་བྱ། ཕྱིར་འབབས་པར་བྱའོ་སྙམ་མོ། །དེས་ཡང་ཇེ་བཅོམ་ལྡན་འདས་ཀྱི་སྤྱན་སྔར་འགྲོ་བར་བྱ་སྟེ། གལ་ཏེ་སྐལ་པ་ཡོད་པར་འགྱུར་ན་ནི་བཅོམ་ལྡན་འདས་ཀྱི་དྲུང་དུ་ཚངས་པར་སྤྱོད་པ་སྤྱད་པར་བྱའོ། །འོན་ཏེ་སྐལ་པ་མེད་ན་ནི་ཕྱིར་འབབས་སོ་སྙམ་དུ་བསམས་ནས། དེ་བཅོམ་ལྡན་འདས་གང་ན་བ་དེར་སོང་ངོ ། །དེའི་ཚེ་ན་བཅོམ་ལྡན་འདས་དགེ་སློང་བརྒྱ་ཕྲག་དུ་མའི་འཁོར་གྱི་མདུན་ན་ཆོས་སྟོན་པའི་ཕྱིར་བཞུགས་ཤིང་ཆོས་སྟོན་ཏོ། །བཅོམ་ལྡན་འདས་ཀྱིས་ཚེ་དང་ལྡན་པ་མི་ཕམ་ཐག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེར་གྱིས་ཐག་རིང་པོ་ཁོ་ན་ནས་འོང་བའི་དགེ་སློང་དེ་མཐོང་ངམ། བཙུན་པ་མཐོང་ངོ ། །དགེ་སློང་དག་མི་ཕམ་མི་གཏི་མུག་ཅན་འདི་ནི་རང་གི་ཆོས་གོས་རྙང་རྙིང་དག་གིས་ཉེས་པ་སྦོམ་པོའི་ལྟུང་བ་བྱུང་ངོ ། །དགེ་སློང་དག་དེ་ལྟར་རྐུ་སེམས་ལ་ནི་ཉེས་
Ca130b
དམིགས་འདི་དང་གཞན་དག་ཀྱང་ཡོད་པས། དེའི་ཕྱིར་དགེ་སློང་གིས་རྐུ་སེམས་ཀྱིས་རང་གི་ལྷུང་བཟེད་དང་ཆོས་གོས་ཀྱང་བླང་བར་མི་བྱའོ། །དགེ་སློང་གིས་རྐུ་སེམས་ཀྱིས་རང་གི་ལྷུང་བཟེད་དང་ཆོས་གོས་ལེན་ན་ཉེས་པ་སྦོམ་པོར་འགྱུར་རོ། །སྡོམ་ལ། སྣམ་སྦྱར་འཕྱང་བར་གྱུར་པ་དང ། །བགམ་ཕྱིར་འབྲུ་མར་སློང་བ་དང ། །ཁྱིམ་བདག་བུ་དང་ཚ་བོ་དང ། །ལྷ་འབངས་པི་ལི་ད་ཡི་བུ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མ་ཤར་ནས་སྐྱེས་པ་དང ། ལྷོ་ནས་སྐྱེས་པ་གཉིས་ཤིག་འདུག་སྟེ།་ཤར་ནས་སྐྱེས་པ་ནི་མདུན་དུ་འགྲོ་བའི་དགེ་སྦྱོང་མ་ཡིན། ལྷོ་ནས་སྐྱེས་པ་ནི་ཕྱི་བཞིན་འབྲང་བའི་དགེ་སྦྱོང་མ་ཡིན་ནོ། །དེ་གཉིས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཞིང་སྤྱན་སྔར་སོང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །བཅོམ་ལྡན་འདས་ཀྱིས་དེ་གཉིས་ལ་ཆོས་བསྟན་ནས། དེ་གཉིས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་དོང་བ་དང ། ཤར་ནས་སྐྱེས་པ་མདུན་དུ་འགྲོ་བ་དེའི་སྣམ་སྦྱར་ཕྲག་པ་ལ་གྱོན་པ་འཕྱང་བར་གྱུར་ནས་ལྷོ་ནས་སྐྱེས་པ་ཕྱི་བཞིན་འོང་བས་སྨྲས་པ། འཕགས་མ་ཨ་བ་ས་ཋ་ཨ་བ་ས་ཋ། ཤར་ནས་སྐྱེས་པ་དེ་ཆོས་ཀྱི་ཤུགས་ཐོབ་པས་མི་སེམས་པས་སྣམ་སྦྱར་ལྷུང་བར་གྱུར་ནས། ལྷོ་ནས་སྐྱེས་པས་བླངས་ཏེ། དེས་འདི་ལྟར་བདག་གིས་དེ་ཕུལ་ན། འཕགས་མའི་དགེ་བའི་ཕྱོགས་ཡོངས་
Ca131a
༄#། །སུ་ཉམས་པར་འགྱུར་བས་དབྱར་ཁང་དུ་ཕྱིན་ནས་དབུལ་བར་བྱའོ་སྙམ་དུ་བསམས་ནས་དེ་གཉིས་དབྱར་ཁང་དུ་སོན་པ་དང ། ཤར་ནས་སྐྱེས་མྱུར་བ་མྱུར་བ་ཁོ་ནར་གཙུག་ལག་ཁང་གི་ཕྱི་རོལ་དུ་རྐང་པ་གཉིས་བཀྲུས་ནས། གཙུག་ལག་ཁང་དུ་ཞུགས་ཏེ་སྐྱིལ་མོ་ཀྲུང་ཕྱེད་ཀྱིས་འདུག་གོ་།ལྷོ་ནས་སྐྱེས་པས་གལ་ཏེ་ཕུལ་ན་ཉེས་དམིགས་དེ་ཁོ་ན་བསྟབ་པར་འགྱུར་བས། རེ་ཞིག་ཕྱིས་ལངས་པ་ལ་དབུལ་ལོ་སྙམ་དུ་བསམས་ནས། དེས་སྣམ་སྦྱར་དེ་རང་གི་གནས་ཁང་དུ་ཁྱེར་ཏེ་ཆོས་གོས་ཀྱི་གདང་ལ་བཞག་གོ་།ཇི་ཙམ་ཉི་མ་གཞན་ཞིག་ན་མཚན་མོ་ནམ་ནངས་པ་དང ། ཤར་ནས་སྐྱེས་པས་སྨྲས་པ། གཞོན་ནུ་མ་སྣམ་སྦྱར་ཁྱེར་ཤོག་།བསོད་སྙོམས་ལ་འགྲོའོ། །གཞོན་ནུ་མ་དེ་གནས་ཁང་དུ་ཞུགས་ཏེ། ཆོས་གོས་ཀྱི་གདང་ལ་བལྟས་པ་དང ། སྣམ་སྦྱར་མ་མཐོང་ནས། དེས་སྨྲས་པ། འཕགས་མ་སྣམ་སྦྱར་མ་མཆིས་སོ། །ཤར་ནས་སྐྱེས་པས་སྨྲས་པ། ལྷོ་ནས་སྐྱེས་པའི་གནས་ཁང་དུ་ལྟོས་ཤིག་།གཞོན་ནུ་མ་དེ་ལྷོ་ནས་སྐྱེས་པའི་གནས་ཁང་དུ་ཞུགས་པ་དང ། ཆོས་གོས་ཀྱི་གདང་ལ་སྣམ་སྦྱར་བཞག་པ་མཐོང་ངོ ། །མཐོང་ནས་ཀྱང་སུས་འཕགས་མའི་སྣམ་སྦྱར་འདི་འདིར་ཁྱེར་སྙམ་དུ་སེམས་སོ། །ལྷོ་ནས་སྐྱེས་པས་ཐོས་ནས་དེས་སྨྲས་པ། ཁོ་མོས་ཁྱེར་ཏེ་འོངས་སོ། །ཅིའི་ཕྱིར་ལྷོ་ནས་སྐྱེས་པས་ཇི་ལྟར་གྱུར་པ་དེ་ལ་གོ་བར་བྱས་སོ། །དགེ་སློང་མ་དེ་དེ་ལ་ནང་དང་བཅས་པས་གཤེ་ཞིང་སྨྲས་པ། ཁྱོད་ཀྱིས་རྐུ་སེམས་ཀྱིས་
Ca131b
རང་གི་གནས་ཁང་དུ་བཅུག་སྟེ་བཞག་པས། ཁྱོད་ལ་ཕམ་པར་འགྱུར་བའི་ལྟུང་བ་བྱུང་ངོ ། །ལྷོ་ནས་སྐྱེས་པའི་དགེ་སློང་མ་དེ་བདག་ལ་ཡང་དག་པ་ཁོ་ནར་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་མ་རྣམས་ལ་བརྗོད་པ་དང ། དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་ནས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། སངས་རྒྱས་བཅོམ་ལྡན་འདས་ཀྱིས་དགེ་སློང་མ་དེ་ལ་སྨྲས་པ། དགེ་སློང་མ་ཁྱོད་ཀྱིས་ཨ་བ་ས་ཋ་ཞེས་བརྗོད་པ་ཅིའི་ཐ་ཚིག་།བཙུན་པ་ཡུལ་དབུས་ན་ནར་བ་དང ། ལྷུང་བ་གང་ལགས་པ་དེ་ལ་བདག་ཅག་ཨ་བ་ས་ཋ་ཞེས་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་འདི་ལ་ནི་སྐད་ཀྱི་ངེས་པའི་ཚིག་དང ། ཡུལ་གྱི་ངེས་པའི་ཚིག་དང ། ལྗོངས་ཀྱི་ངེས་པའི་ཚིག་གིས་ལྟུང་བ་མེད་མོད་ཀྱི།་འོན་ཀྱང་ཉེས་དམིགས་གང་ཡིན་པ་དེ་ཐམས་ཅད་གཞན་གྱི་དངོས་པོ་ལྷུང་བ་ཡུན་རིང་དུ་འཆང་བ་ལས་གྱུར་པ་ཡིན་པས། དེ་ལྟ་བས་ན་དགེ་སློང་ངམ། དགེ་སློང་མས་གཞན་གྱི་དངོས་པོ་ལྷུང་བ་ཡུན་རིང་དུ་བཅང་བར་མི་བྱ་སྟེ། འཆང་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་ངམ། དགེ་སློང་མས་གཞན་གྱི་དངོས་པོ་ལྷུང་བ་ཡུན་རིང་དུ་བཅང་བར་མི་བྱའོ་ཞེས་གསུངས་ནས། དགེ་སློང་ཞིག་གིས་གཞན་གྱི་དངོས་པོ་ལྷུང་བ་མཐོང་ནས། འདི་དགེ་སློང་ཆེ་གེ་མོ་ཞིག་གི་ཡིན་ནོ་ཞེས་ངོ་ཤེས་ནས། དགེ་སློང་དེའི་གནས་ཁང་དུ་སོང་སྟེ། དལ་བུས་ཁད་ཀྱིས་
Ca132a
༄#། །ཁད་ཀྱིས་སྒོ་གཏན་ལ་བརྡུངས་པ་དང ། དགེ་སློང་དེ་ཏིང་ངེ་འཛིན་ལས་ལངས་ནས་སྨྲས་པ། འདི་སུ། དེས་སྨྲས་པ། ཚེ་དང་ལྡན་པ་ཁྱོད་ཀྱི་དངོས་པོ་ལྷུང་བ་འདི་ཁོ་བོས་མཐོང་གིས་ལོངས་ཞིག་།དེས་སྨྲས་པ། ཚེ་དང་ལྡན་པ་ཁོ་བོ་ལ་དངོས་པོ་དེ་མ་བྱིན་པར་ལེན་པ་དག་གིས་བརྐུས་པར་གྱུར་པ་ནི་བླའི། ཁོ་བོ་ཁྱོད་ཀྱི་ཏིང་ངེ་འཛིན་གྱི་མཚན་མ་བཟང་པོ་འདི་འདྲ་བ་ལས་བསླང་བ་ནི་མ་ཡིན་ནོ། །དགེ་སློང་དེ་བདག་ལ་དགེ་སློང་ཏིང་ངེ་འཛིན་ལས་བསླང་བས་ལྟུང་བ་དང་བཅས་པར་མ་གྱུར་ཏམ་སྙམ་དུ་འགྱོད་པ་སྐྱེས་ནས་དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་དགེ་སློང་དོན་དེའི་ཕྱིར་ཏིང་ངེ་འཛིན་ལས་བསླང་བར་མི་བྱ་བར་འདི་ལྟར་དེའི་མངོན་སུམ་དུ་གཟར་ཐག་ལ་བཏགས་ཏེ་གཞག་པར་བྱའོ། །དགེ་སློང་ཞིག་གིས་གཞན་གྱི་དངོས་པོ་ལྷུང་བ་མཐོང་ནས། དེས་འདི་དགེ་སློང་ཆེ་གེ་མོ་ཞིག་གི་ཡིན་ནོ་ཞེས་ངོ་ཤེས་ནས། དེས་དེ་ཁྱེར་ཏེ་དགེ་སློང་དེའི་དྲུང་དུ་སོང་ནས་ཚེ་དང་ལྡན་པ་ཁྱོད་ཀྱི་དངོས་པོ་ལྷུང་བ་འདི་ཁོ་བོས་མཐོང་གིས་ལོང་ཞིག་།དགེ་སློང་དེ་དེ་ལ་ནང་དང་བཅས་པ་ཡིན་པས་སྨྲས་པ། ཚེ་དང་ལྡན་པ་ཁྱོད་ཀྱིས་འདི་ལྷུང་བ་མཐོང་བ་མ་ཡིན་གྱི་འདི་ལྟར་ཁྱོད་ཀྱི་རྐུ་སེམས་ཀྱིས་བརྐུས་སོ། །དགེ་སློང་དེ་བདག་ལྟུང་བ་དང་བཅས་པར་མ་གྱུར་ཏམ་སྙམ་
Ca132b
དུ་འགྱོད་པ་སྐྱེས་པར་གྱུར་ནས། དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་མོད་ཀྱི། འོན་ཀྱང་དགེ་སློང་གིས་དགེ་སློང་གི་ཡོ་བྱད་ལྷུང་བ་མཐོང་ན་དགེ་སྐོས་ལ་གཏད་པར་བྱ་ཞིང ། དགེ་སྐོས་ཀྱིས་ཀྱང་ཉི་མ་གཉིས་སམ་གསུམ་དུ་དགེ་འདུན་གྱི་ནང་དུ་བྲིམ་པར་བྱ་ཞིང་གལ་ཏེ་ངོ་ཤེས་པ་ཡོད་ན་དེ་གཏད་པར་བྱའོ། །གལ་ཏེ་མེད་ན་དགེ་འདུན་གྱིས་ཅི་བདེར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མ་རི་མ་ཞེས་བྱ་བ་དགྲ་བཅོམ་པ་རྣམ་པར་རྒྱལ་བར་བྱ་བ་ལས་རྣམ་པར་རྒྱལ་བ་ཞིག་འདུག་པ་དེ་ལ། སྤོས་འཚོང་གི་ཁྱེའུ་ཞིག་མངོན་པར་དད་པར་གྱུར་ནས། དེས་དེའི་རྐང་པ་གཉིས་ལ་ཕྱག་འཚལ་ཏེ། འཕགས་མ་ཁྱོད་ལ་ཅི་དང་ཅི་འཚལ་བ་དེའི་སླད་དུ་བཀའ་སྩོལ་ཅིག་དང ། ཐམས་ཅད་བསྒྲུབ་པར་བགྱིའོ་ཞེས་ཡོ་བྱད་ཐམས་ཅད་ཀྱིས་བསྟབས་པ་དང ། དེས་ཀྱང་བཞིན་བཟང་ཨ་རོག་གྱ་དེ་ལྟར་བྱའོ་ཞེས་དང་དུ་བླངས་སོ། །ཇི་ཙམ་དུས་གཞན་ཞིག་ན་དགེ་སློང་མ་རི་མ་ན་བར་གྱུར་ནས་བསོད་སྙོམས་ལ་མ་སོང་ཞིང་དགེ་སློང་མ་དག་བསོད་སྙོམས་ལ་ཞུགས་པ་དང ། སྤོས་འཚོང་གི་ཁྱེའུ་དེས། དེ་དག་ལ་ཕྱག་འཚལ་ཏེ་སྨྲས་པ། འཕགས་མ་དག་འཕགས་མ་རི་མ་རེ་ཞིག་མི་གདའ་ན་གར་བཞུད་ཞུའོ། །དེ་
Ca133a
༄#། །དག་གིས་སྨྲས་པ། བཞིན་བཟང་ཐུགས་མི་བདེའོ། །དེས་སྨྲས་པ། འཕགས་མ་དེ་ལ་བདག་གིས་ཡོ་བྱད་ཐམས་ཅད་ཀྱིས་བསྟབས་ན། དེས་བདག་ལ་ལན་འགའ་ཡང་ཅུང་ཟད་ཀྱང་མ་བླངས་ནས། དེའི་སླད་དུ་གལ་ཏེ་དེ་ལ་འཚལ་བ་འགའ་ཞིག་མཆིས་ན་སྤྱོན་ལ་སྙོམས་ཤིག་།དེ་དག་གིས་སྨྲས་པ། བཞིན་བཟང་ཨ་རོག་གྱ་དེ་བཞིན་བྱའོ་ཞེས་སྨྲས་ཏེ་དོང་ངོ ། ། དེས་དེ་བཞིན་ལན་གསུམ་གྱི་བར་དུ་བསྟབས་པ་དང ། དེ་ན་གཞོན་ནུ་མ་ཞིག་གིས་སྤོས་འཚོང་གི་ཁྱེའུ་འདི་ཡང་དང་ཡང་དུ་སྟོབས་པར་བྱེད་ན། ཅི་འདིའི་ཡང་དག་པར་སྟོབས་པས་སྟོབས་པར་བྱེད་དམ། འོན་ཏེ་རྟོག་པས་སྟོབས་པར་བྱེད་པ་བགམ་པར་བྱའོ་སྙམ་དུ་བསམས་ནས་དེས་དེ་ལ་འཕགས་མ་རི་མ་ལ་འབྲུ་མར་དགོས་སོ་ཞེས་ལྷུང་བཟེད་ཆུང་ངུ་ཕུལ་བ་དང ། དེས་དེ་ཉིད་ལ་འཕྲལ་ལ་བཙིར་བའི་འབྲུ་མར་གྱིས་ལྷུང་བཟེད་ཆུང་ངུ་བཀང་སྟེ་བྱིན་ནས་སྨྲས་པ། འཕགས་མ་གལ་ཏེ་ཡང་དེ་ལ་འཚལ་བ་ཅུང་ཟད་མཆིས་ན་སྤྱོན་ལ་སྣོམས་ཤིག་།གཞོན་ནུ་མ་དེས། བཞིན་བཟང་ཨ་རོག་གྱ་དེ་ལྟར་བྱའོ་ཞེས་སྨྲས་ཏེ་སོང་ནས། དེས་འབྲུ་མར་དེ་དགེ་སློང་མ་རི་མའི་ལག་པའི་བསྐུ་མཉེ་དང ། རྐང་པའི་བསྐུ་མཉེ་དང ། མགོ་དང་ལུས་ཀྱི་བསྐུ་མཉེ་དང ། མར་མེའི་འབྲུ་མར་དུ་སྤྱད་དོ། །ཇི་ཙམ་དུས་གཞན་ཞིག་ན་དགེ་སློང་མ་རི་མ་ནད་སོས་ཏེ་བསོད་སྙོམས་ལ་ཞུགས་པ་དང་སྤོས་འཚོང་གི་ཁྱེའུ་དེས་མཐོང་ནས། དེས་ཕྱག་འཚལ་ཏེ་སྨྲས་པ། འཕགས་མ་ཧ་ཅང་ཡུན་རིང་
Ca133b
ཞིག་མཐོང་ངོ ། །དེས་སྨྲས་པ། བུ་བདག་བྲོ་འཚལ་བར་གྱུར་ཏོ། །འཕགས་མ་བདག་གིས་ཡོ་བྱད་ཐམས་ཅད་ཀྱིས་བསྟབས་ན། ཁྱོད་ཀྱིས་ལན་འགའ་ཡང་ཅུང་ཟད་ཀྱང་བཀའ་སྩལ་ནས། འདི་ལྟར་འཕགས་མ་གཅིག་ཅིག་མཆིས་ཏེ། འཕགས་མ་རི་མ་ལ་འབྲུ་མར་འཚལ་ལོ་ཞེས་མཆི་ནས། བདག་གིས་དེ་ཉིད་ཀྱི་སུག་པར་འབྲུ་མར་འཕྲལ་ལ་བཙིར་བས་ལྷུང་བཟེད་ཆུང་ངུ་བཀང་སྟེ་སྩལ་ཏོ། །དེས་སྨྲས་པ། ཨ་རོག་གྱ་མ་ནོངས་སོ་ཞེས་སྨྲས་ཏེ་སོང་ནས། བསོད་སྙོམས་བརྒྱུས་ཏེ་དབྱར་ཁང་དུ་ཕྱིན་ནས། སྨྲས་པ། གཞོན་ནུ་མ་ཁྱེད་ཀྱིས་ཁོ་མོའི་མིང་གིས་སྤོས་འཚོང་གི་ཁྱེའུ་ཆེ་གེ་མོ་ཞིག་ལས་ལན་ཅིག་འབྲུ་མར་བླངས་སམ། གཞོན་ནུ་མ་དེས་སྨྲས་པ། འཕགས་མ་བདག་བསོད་སྙོམས་ལ་ཞུགས་པ་ན། དེས་ལན་གསུམ་གྱི་བར་དུ་འཕགས་མ་རི་མ་ལ་བདག་གིས་ཡོ་བྱད་ཐམས་ཅད་ཀྱིས་བསྟབས་ན། དེས་བདག་ལ་ལན་འགའ་ཡང་ཅུང་ཟད་ཀྱང་མ་བསླངས་ན། གལ་ཏེ་འཕགས་མ་ལ་འཚལ་བ་ཅུང་ཟད་མཆིས་ན། སྤྱོན་ལ་སྣོམས་ཤིག་ཅེས་མཆིས་ན། བདག་ལ་འདི་ཡང་དང་ཡང་དུ་སྟོབས་ན། ཅི་འདི་ཡང་དག་པར་སྟོབས་པས་སྟོབས་པར་བགྱིད་དམ། འོན་ཏེ་རྟོག་པས་སྟོབས་པར་བགྱིད་པ་བག་མ་མོ་སྙམ་པའི་བསམ་པ་བྱུང་ནས་བདག་གིས་དེ་ལ་འཕགས་མ་རི་མ་ལ་འབྲུ་མར་འཚལ་ལོ་ཞེས་ལྷུང་བཟེད་ཆུང་ངུ་ཕུལ་བ་དང ། དེས་འབྲུ་མར་གྱི་ལྷུང་བཟེད་ཆུང་ངུ་གཏམས་ཏེ་སྩལ་ནས། བདག་གིས་དེ་འཕགས་མའི་ཕྱག་དང་ཞབས་དང་དབུ་དང་སྐུའི་བསྐུ་མཉེ་
Ca134a
༄#། །དང་ཞུགས་མར་གྱི་འབྲུ་མར་དུ་སྤྱད་དོ། །དེས་སྨྲས་པ། ཅི་ཁོ་མོས་ཁྱོད་ལ་ལན་འགའ་ཞིག་དེའི་གན་དུ་སོང་ལ་འབྲུ་མར་ཁྱེར་ཏེ་ཤོག་ཅིག་ཅེས་སྨྲས་སམ། ལན་འགའ་ཡང་བཀའ་མ་སྩལ་ཏོ། །དེ་ལ་ནང་དང་བཅས་པའི་དགེ་སློང་མ་གཞན་ཞིག་གིས་སྨྲས་པ། འཕགས་མ་ཅི་འདི་འབའ་ཞིག་ཏུ་བས་སྙམ་མམ། འདིས་འཕགས་མ་རི་མ་རྒྱུར་བགྱིས་ཏེ་མཉན་ཡོད་ཐམས་ཅད་ཁྱབ་པར་བགྱིས་པས། ཕམ་པར་གྱུར་པ་དག་གིས་ལྟོ་གང་ངོ ། །དགེ་སློང་མ་དེ་བདག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་མ་རྣམས་ལ་བརྗོད་དོ། །དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། སངས་རྒྱས་བཅོམ་ལྡན་འདས་ཀྱིས་དགེ་སློང་མ་དེ་ལ་རྨས་པ། དགེ་སློང་མ་ཁྱོད་ཀྱིས་བསམ་པ་ཇི་ལྟ་བུས་འབྲུ་མར་བླངས། བཅོམ་ལྡན་འདས་བགམ་པའི་བསམ་པས་སོ། །བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག་དགེ་སློང་མ་བགམ་པའི་བསམ་པ་ཅན་འདི་ལ་ནི་ལྟུང་བ་མེད་དེ། ཡང་དགེ་སློང་ངམ། དགེ་སློང་མས་ནད་པ་ལ་མ་དྲིས་པར་སྨན་སྦྱོར་དུ་གཞུག་པར་མི་བྱ་བར་འདི་ལྟར་དགེ་འདུན་གྱི་ནད་པའི་སྨན་ཁང་ནས་བསླང་བར་བྱ་བའམ། འོན་ཏེ་དད་པ་ཅན་ལས་སམ། ཉེ་དུ་མང་བ་ཉིད་ཡིན་ན་ཡང་གང་སྦྱོར་དུ་གཞུག་ཅེས་ནད་པ་ལ་དྲི་བར་བྱ་ཞིང་དེས་གང་བརྗོད་པ་དེ་ལས་
Ca134b
བླང་བར་བྱའོ། །དགེ་སློང་ངམ་དགེ་སློང་མས་ནད་པ་ལ་མ་དྲིས་པར་སྨན་སྦྱོར་དུ་བཅུག་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། མཐར་གྱིས་བསོད་སྙོམས་ལ་རྒྱུ་ཞིང་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་ག་ལ་བ་དེར་སོང་ངོ ། །དེའི་ཚེ་ན་ཁྱིམ་བདག་མགོན་མེད་ཟས་སྦྱིན་གྱི་བུ་དག་ཕྱི་རོལ་གྱི་བསྟན་བཅོས་དག་ཀློག་གོ་།ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཁྱིམ་བདག་མགོན་མེད་ཟས་སྦྱིན་གྱི་བུ་དག་ཕྱི་རོལ་གྱི་བསྟན་བཅོས་དག་ཀློག་པ་མཐོང་ངོ ། །མཐོང་ནས་ཀྱང་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་ཁྱེའུ་དག་ཅི་ཀློག་།འཕགས་པ་སླད་རོལ་གྱི་བསྟན་བཅོས་དག་གོ་།ཁྱིམ་བདག་ཕྱི་རོལ་གྱི་བསྟན་བཅོས་དག་ནི་ལྕགས་ཀྱི་སེའུ་དང་འདྲ་སྟེ། རྟོགས་པར་དཀའ་ཞིང་རྟོགས་ན་ཡང་དེ་དག་གིས་ངེས་པ་ལ་འཇུག་པར་ཡང་མི་འགྱུར། ཟག་པ་ཟད་པར་ཡང་མི་འགྱུར་རོ། །སངས་རྒྱས་ཀྱི་བཀར་ནི་ཐོག་མ་དང་བར་དང་ཐ་མར་དགེ་བ། མངོན་པར་ཤེས་པ་དང ། རྫོགས་པར་བྱང་ཆུབ་པ་དང ། མྱ་ངན་ལས་འདའ་བར་འགྱུར་བ་ཡིན་ན། ཅིའི་ཕྱིར་དེ་མི་ཀློག་།འཕགས་པ་སུས་དེ་ཀློག་ཏུ་སྩོལ། ཁོ་བོས་ཀློག་ཏུ་གཞུག་
Ca135a
༄#། །གོ་།འཕགས་པ་མ་ནོངས་ཀྱིས་ཀློག་ཏུ་སྩོལ་ཅིག་།ཁྱིམ་བདག་མགོན་མེད་ཟས་སྦྱིན་གྱིས། ཁྱེའུ་དེ་དག་ལ་སྨྲས་པ། ཁྱེའུ་དག་འཕགས་པའི་དྲུང་དུ་རྒྱལ་བྱེད་ཀྱི་ཚལ་དུ་དེང་ལ་སངས་རྒྱས་ཀྱི་བཀའ་ཀློགས་ཤིག་།ཁྱེའུ་དེ་དག་ཉི་མ་རེ་རེ་ཞིང་རྒྱན་གྱིས་ཀླུབས་ཏེ་ཁྱེའུ་མངག་གཞུག་པ་དག་གིས་ཡོངས་སུ་བསྐོར་ནས་རྒྱལ་བྱེད་ཀྱི་ཚལ་དུ་དོང་སྟེ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་སངས་རྒྱས་ཀྱི་བཀའ་བཀླག་པར་བརྩམས་སོ། །མཉན་ཡོད་ན་སྟོན་ཟླ་ཐ་ཆུང་གི་གཡོན་ཅན་ཞེས་བྱ་བ་ཆོམ་རྐུན་པ་དག་གི་ཀུན་ཏུ་སྤྱོད་པ་ནི་དེ་དག་དགག་དབྱེ་བྱས་མ་ཐག་ཏུ་ཤེས་ལྡན་དག་བདག་ཅག་གིས་ལས་ཅི་ཞིག་བྱས་ན། དེས་བཙལ་མི་དགོས་པར་ལོ་བསྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་ཞེས་ཕན་ཚུན་གྲོས་བྱེད་དོ། །དེ་དག་ལ་ཁྱིམ་བདག་མགོན་མེད་ཟས་སྦྱིན་གྱི་བུ་དག་ཉི་མ་རེ་རེ་ཞིང ། རྒྱན་ཐམས་ཅད་ཀྱིས་ཀླུབས་ཏེ་ཁྱེའུ་མངག་གཞུག་པ་དག་གིས་བསྐོར་ནས་རྒྱལ་བྱེད་ཀྱི་ཚལ་དུ་འདོང་ཞིང་འཕགས་པ་མོའུ་འགལ་གྱི་བུ་ཆེན་པོ་ལས་སངས་རྒྱས་ཀྱི་བཀའ་ཀློག་པར་བྱེད་ཀྱིས་ལམ་གྱི་བར་དུ་བསྡད་དེ། དེ་དག་བཟུང་ན་འཕགས་པ་མོའུ་འགལ་གྱི་བུ་ཆེན་པོས་ནི་ཁྱེའུ་དག་ཁྱིམ་ན་འཁོད་དོ་སྙམ་དུ་ཤེས་ལ། ཁྱིམ་བདག་གིས་ཀྱང་འཕགས་པ་མོའུ་འགལ་གྱི་བུ་ཆེན་པོའི་དྲུང་ན་འཁོད་དོ་སྙམ་དུ་ཤེས་པས་གལ་ཏེ་ཁྱེའུ་དག་དབྲོག་པར་ནུས་ན་ནི་བདག་ཅག་གི་འཚོ་བའི་བར་གྱི་འཚོ་བ་ཡོད་ལ། ཇི་སྟེ་མ་ནུས་ན་རྒྱན་
Ca135b
དབྲོག་པར་བྱ་སྟེ། དེས་ཀྱང་བདག་ཅག་བརྩལ་མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་རོ་སྙམ་པའི་བློ་སྐྱེས་སོ། །དེ་དག་བརྡ་བྱས་ཏེ་ལམ་གྱི་བར་དུ་དོང་ནས་འཁོད་པ་དང ། ཁྱེའུ་དེ་དག་ཀྱང་རྒྱན་ཐམས་ཅད་ཀྱིས་ཀླུབས་ཏེ་འོངས་ནས། ཆོམ་རྐུན་པ་དེ་དག་གིས་ཁྱེའུ་དེ་དག་ཁྱེར་རོ། །ཁྱེའུ་དེ་དག་གི་ཕྱི་བཞིན་ཁྱེའུ་མངག་གཞུག་པ་དག་འདོང་བ་དེ་དག་གིས་ཁྱེའུ་དེ་དག་ཆོམ་རྐུན་པ་དག་གིས་བརྐུས་པ་མཐོང་ནས། དེ་དག་གིས་ཁྱིམ་བདག་མགོན་མེད་ཟས་སྦྱིན་གྱི་དྲུང་དུ་བརྒྱུགས་ཏེ་སྦྲན་པ། ཁྱིམ་བདག་ཁྱོད་ཀྱི་སྲས་བུ་དག་།སྟོན་ཟླ་ཐ་ཆུང་གི་གཡོན་ཅན་དག་གིས་བརྐུས་ཀྱི།་ཐབས་དགོངས་ཤིག་།ཁྱིམ་བདག་མགོན་མེད་ཟས་བྱིན་བརྒྱུགས་ཏེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་སོང་ནས་སྨྲས་པ། ལྷ་བདག་གི་བུ་དག་སྟོན་ཟླ་ཐ་ཆུང་གི་གཡོན་ཅན་དག་གིས་ཕྲོགས་ཀྱིས། བུའི་སློང་མོ་སྩལ་དུ་གསོལ། རྒྱལ་པོ་གསལ་རྒྱལ་གྱིས་རྒྱལ་བུ་གཞོན་ནུ་འཕགས་སྐྱེས་པོ་ལ་བསྒོ་བ། སོང་ལ་ཁྱིམ་བདག་གི་བུ་རྣམས་དང་ཆོམ་རྐུན་པ་དག་མྱུར་དུ་ཁུག་ཅིག་།འཕགས་སྐྱེས་པོ་ཡུན་རིང་པོ་ནས་ཁྱིམ་བདག་མགོན་མེད་ཟས་སྦྱིན་དང་ནང་དང་བཅས་པར་གྱུར་པས་དེའི་མོད་ལ་མ་སོང་ངོ ། །དེ་ནས་ལྷ་གང་དག་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་མངོན་པར་དད་པ་དེ་དག་གིས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་མཁྱེན་པར་མཛོད་ཅིག་།ཁྱོད་ཀྱི་ཉེ་གནས་དག་སྟོན་ཟླ་ཐ་ཆུང་གི་
Ca136a
༄#། །གཡོན་ཅན་དག་གིས་ཕྲོགས་ཀྱིས། བརྩོན་པར་མཛད་དུ་གསོལ། ཚེ་དང་ལྡན་པ་མོའུ་འགལ་གྱི་བུ་ཆེན་པོས་གལ་ཏེ་ཁྱེའུ་དག་ལ་མ་བསམས་ན། རེ་ཞིག་ཁྱེའུ་དག་ཕ་མ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ཞིང་ཕ་མ་དག་ཀྱང་བུ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ། མ་དད་པ་དག་གིས་ཀྱང་གླགས་རྙེད་པར་འགྱུར་ཞིང་དད་པ་རྣམས་ཀྱང་འདི་ལྟར་དོང་ངོ་ཅོག་སྟོན་ཟླ་ཐ་ཆུང་གི་གཡོན་ཅན་དག་གི་འཕྲོག་པར་བྱེད་ན། ཕྱིན་ཆད་སུ་ཞིག་རྒྱལ་བྱེད་ཀྱི་ཚལ་དུ་འགྲོ་བར་འགྱུར་ཞེས་གཞན་དུ་གྱུར་པ་ཉིད་དུ་འགྱུར་གྱིས་བདག་གིས་རྫུ་འཕྲུལ་རྣམ་པར་བསྟན་པར་བྱའོ་སྙམ་དུ་བསམས་ཤིང་རིག་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་རྫུ་འཕྲུལ་གྱིས། འཕགས་སྐྱེས་པོའི་དཔུང་མངོན་པར་སྤྲུལ་ཏེ། ཕྱོགས་བཞིར་རྔ་པ་ཊ་ཧ་བརྡུངས་པ་དང ། སྟོན་ཟླ་ཐ་ཆུང་གི་གཡོན་ཅན་དག་གིས་ཤེས་ལྡན་དག་བདག་ཅག་དམག་དཔོན་འཕགས་སྐྱེས་པོས་ཕྱོགས་བཞི་ནས་བསྐོར་གྱིས་ཟིན་པར་གྱུར་ན་མི་རུང་གིས་བོར་ལ་འདོང་ངོ་སྙམ་དུ་བསམས་ནས། དེ་དག་གིས་ཁྱེའུ་དེ་དག་བོར་ཏེ་བྱེར་རོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཀྱང་རྫུ་འཕྲུལ་མངོན་པར་འདུ་བྱ་བ་དེ་ཕྱིར་བརྟུལ་ནས་ལམ་དང་ཉེ་བར་ཤིང་ལྗོན་པའི་དྲུང་དུ་འདུག་གོ་།ཁྱེའུ་དེ་དག་ཀྱང་འོངས་པ་དང ། འཕགས་པ་མོའུ་འགལ་གྱི་བུ་ཆེན་པོས་སྨྲས་པ། ཁྱེའུ་དག་ཁྱེད་ཅག་གར་
Ca136b
དོང་དོང ། འཕགས་པ་བདག་ཅག་སྟོན་ཟླ་ཐ་ཆུང་གི་གཡོན་ཅན་དག་གིས་བརྐུས་སོ། །འོ་ན་སུས་ཐར་བར་བྱས། དམག་དཔོན་འཕགས་སྐྱེས་པོས་སོ། །ཁྱེའུ་དག་དེ་རིང་ཁྱེད་ཅག་གི་ཕ་མ་དག་ཡིད་མི་བདེ་བར་འཁོད་ཀྱིས་དེང་ལ་སང་ལྷོགས་ཤིག་།ཁྱེའུ་དེ་དག་ཁྱིམ་དུ་འཕགས་པ་དང ། དམག་དཔོན་འཕགས་སྐྱེས་པོ་ཡང་དཔུང་གི་ཚོགས་ཡན་ལག་བཞི་པ་གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ་མཉན་ཡོད་ནས་བྱུང་ངོ ། །འཕགས་སྐྱེས་པོས་ཁྱེའུ་དེ་དག་མཐོང་ནས་སྨྲས་པ། ཁྱེའུ་དག་ཁྱེད་ཅག་གར་དོང་དོང ། དེ་དག་གིས་སྨྲས་པ། རྒྱལ་བྱེད་ཀྱི་ཚལ་དུ་འདོང་བ་ན། བདག་ཅག་སྟོན་ཟླ་ཐ་ཆུང་གི་གཡོན་ཅན་དག་གིས་བརྐུས་སོ། །འོ་ན་ཁྱེད་ཅག་སུས་ཐར་བར་བྱས། དམག་དཔོན་འཕགས་སྐྱེས་པོས་སོ། །འཕགས་སྐྱེས་པོས་བདག་ད་ལྟར་འགྲོ་བས་བདག་གིས་ཇི་ལྟར་འདི་དག་ཐར་བར་བྱས། འཕགས་པ་རྫུ་འཕྲུལ་ཆེ་བ་མཐུ་ཆེ་བ་འགའ་ཞིག་གིས་འདི་དག་ཐར་བར་བྱས་གོར་མ་ཆག་སྙམ་དུ་བསམས་ཤིང་རིག་ནས་སྨྲས་པ། ཁྱེའུ་ངག་ཁྱེད་ཅག་གིས་ཕྱོགས་དེ་ན་སུ་མཐོང ། འཕགས་པ་མོའུ་འགལ་གྱི་བུ་ཆེན་པོའོ། །འཕགས་སྐྱེས་པོ་དེས་འདི་དག་ཐར་བར་བྱས་ཀྱི།་གཞན་སུ་ཞིག་གིས་ནུས་སྙམ་དུ་བསམས་ཤིང་རིག་ནས་ཡིད་དགའ་ཞིང་ཡིད་དགའ་ནས། བདག་ཅག་གི་ཡུལ་ན་འཕགས་པ་དེ་ལྟར་རྫུ་འཕྲུལ་ཆེ་བ་མཐུ་ཆེ་བ་འཚེ་འདིའི་དོན་དང ། ཚེ་ཕྱི་
Ca137a
༄#། །མའི་དོན་དང ། ཚེ་འདི་དང་ཚེ་ཕྱི་མའི་དོན་ལ་སྐྱབས་མཛད་པ་བཞུགས་པ་ནི་བདག་ཅག་གིས་རྙེད་པ་ལེགས་པར་རྙེད་དོ་ཞེས་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་བསྔགས་པ་བརྗོད་ཅིང་མཉན་ཡོད་དུ་འཇུག་པ་ན་དྲུག་སྡེ་དག་ཀྱང་ཕྱིར་འབྱུང་ཞིང ། དྲུག་སྡེ་དག་གིས་སྨྲས་པ། ཁྱོད་སུའི་བསྔགས་པ་བརྗོད། འཕགས་སྐྱེས་པོས་སྨྲས་པ ། ཁྱེད་ཀྱིའོ། །ངེད་ཀྱིས་ཅི་བྱས། འཕགས་པ་མོའུ་འགལ་གྱི་བུ་ཆེན་པོས་ཁྱིམ་བདག་མགོན་མེད་ཟས་སྦྱིན་གྱི་བུ་དག་སྟོན་ཟླ་ཐ་ཆུང་གི་གཡོན་ཅན་དག་གིས་ཕྲོགས་པ་ཐར་པར་བྱས་སོ།། བཀྲེན་པ་དག་ཁོ་བོ་ཅག་དེ་འདྲ་ཡང་འོན་ཀྱང་འདི་ན་ལ་ལ་བྱི་བོ་གཅེར་བུ་དག་ལ་མངོན་པར་དད་དེ། གལ་ཏེ་གཅེར་བུ་དག་གིས་མཐོང་བར་གྱུར་དུ་ཟིན་ན། དེ་དག་གིས་ལམ་ཡང་ཉེ་བར་བསྟན་པར་འགྱུར་རོ། །དེ་དག་ཅང་མི་སྨྲ་བར་འཁོད་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་དེ་དག་ལ་གོ་བར་བྱས་སོ། །དོན་ཉུང་ངུ་ལ་ལྟུང་བ་བྱུང་གིས་དོང་ལ་འཆགས་སུ་བཞུག་གོ་།དྲུག་སྡེ་དག་གཙུག་ལག་ཁང་དུ་དོང་སྟེ་ཟས་ཀྱི་བྱ་བ་བྱས་ནས། རྒན་རིམས་ཀྱིས་ཕྱག་འཚལ་ཏེ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ག་ལ་བ་དེར་དོང་ནས་ཕྱིན་པ་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །གནས་བརྟན་ཕྱག་འཚལ་ལོ། །ཚེ་དང་ལྡན་པ་དག་ཨ་རོག་གྱ། གནས་བརྟན་ཇེ་སྐབས་ཕྱེ་ཤིག་།ལྟུང་བ་སྡེ་ལྔ་པོ་
Ca137b
དག་ལ་སྐབས་ཕྱེའོ། །གནས་བརྟན་གྱིས་ཁྱིམ་བདག་མགོན་མེད་ཟས་སྦྱིན་གྱི་བུ་དག་སྟོན་ཟླ་ཐ་ཆུང་གི་གཡོན་ཅན་དག་གིས་ཕྲོགས་པ་ཐར་བར་བགྱིས་སམ། དེ་བཞིན་ཏེ་ཐར་པར་བྱས་སོ། ། གནས་བརྟན་བདག་ཅག་གིས་གནས་བརྟན་གོ་བསམ་གཏན་དང་རྣམ་པར་ཐར་པ་དང ། ཏིང་ངེ་འཛིན་དང་སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་མཛད་ཅིང་བཞུགས་པར་འཚལ་གྱིས་བདག་ཅག་གིས་ཐུགས་རྗེ་ཕྱོགས་གཅིག་པ་དང་ལྡན་ཞིང་ཉེ་གནས་ལ་ཐུགས་རྗེ་བར་མཛད་ལ་སྟོན་ཟླ་ཐ་ཆུང་གི་གཡོན་ཅན་དག་ལ་ཐུགས་རྗེ་བར་མི་མཛད་པར་མ་འཚལ་ཏོ། །གཞན་དག་གིས་བདག་གིར་བགྱིས་པའི་ནོར་དག་ཐར་པར་བགྱིས་པའི་ལྟུང་བ་བྱུང་བ་ཆོས་བཞིན་དུ་སླར་མཛོད་ཅིག་།ལྟུང་བ་མ་མཐོང་ངོ ། །ཚེ་དང་ལྡན་པ་དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ་ཞེས་གསུངས་ཀྱིས་ཁང་སྐྱོང་སུ་སྣང ། གཎྜཱི་རྡུངས་ཤིག་།འདི་གནས་ནས་དབྱུང་བའི་ལས་བྱའོ་ཞེས་ཁང་སྐྱོང་གི་གན་དུ་དོང་ནས། སྨྲས་པ། ཚེ་དང་ལྡན་པ་གཎྜཱི་རྡུངས་ཤིག། ཅིའི་ཕྱིར། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་པས་དེ་གནས་ནས་དབྱུང་བའི་ལས་བྱའོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་ཅིང་བསྟན་པ་ལ་ཆོས་ཀྱི་སྒྱུ་ཐབས་ཀྱིས་མི་མཐུན་པ་འགའ་མི་འབྱུང་ངམ་ཞེས་ཀུན་ཏུ་སྤྱོད་པའི་ཆོས་རྨེད་པར་བྱེད་པས། དེས་ཁང་སྐྱོང་ལ་སྨྲས་པ། ཚེ་དང་ལྡན་པ་སུ་ཞིག་ཡོངས་སུ་གནས་
Ca138a
༄#། །པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་བྱེད། གནས་བརྟན་སུ་ཡང་མི་བགྱིད་དེ། འདི་ལྟར་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལྟུང་བ་བྱུང་བ་ཆོས་བཞིན་སླར་མི་བགྱིད་པས། དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིད་དོ། །ཚེ་དང་ལྡན་པ་དགེ་སློང་གནས་བརྟན་ལ་མཐོ་མ་འཚམ་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་པར་མཛད་པ་ཡིན་གྱིས་དེའི་གན་དུ་སོང་ལ་ཞུས་ཤིག་དང ། བཅོམ་ལྡན་འདས་ཀྱིས་ཁྱེད་ཅག་ལ་ཇི་སྐད་ལུང་སྟོན་པར་མཛད་པ་དེ་དེ་བཞིན་དུ་ཟུངས་ཤིག་།སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་རྨས་པ། མོའུ་འགལ་གྱི་བུ་ཁྱོད་ཀྱི་བསམ་པ་ཇི་ལྟ་བུས་རྫུ་འཕྲུལ་རྣམ་པར་བསྟན། བཙུན་པ་བདག་འདི་སྙམ་བགྱིད་དེ། གལ་ཏེ་ཁྱེའུ་དག་ལ་མ་བསམས་ན་རེ་ཞིག་ཁྱེའུ་དག་ཕ་མ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ཞིང ། ཕ་མ་དག་ཀྱང་བུ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ། མ་
Ca138b
དད་པ་དག་གིས་ཀྱང་གླགས་རྙེད་པར་འགྱུར་ཞིང་དད་པ་རྣམས་ཀྱང་འདི་ལྟར་དོང་ངོ་ཅོག་སྟོན་ཟླ་ཐ་ཆུང་གི་གཡོན་ཅན་དག་གིས་འཕྲོག་པར་བྱེད་ན། ཕྱིན་ཆད་སུ་ཞིག་རྒྱལ་བྱེད་ཀྱི་ཚལ་དུ་འགྲོ་བར་འགྱུར་ཞེས་གཞན་དུ་གྱུར་པ་ཉིད་དུ་འགྱུར་གྱིས། བདག་གིས་རྫུ་འཕྲུལ་རྣམ་པར་བསྟན་པར་བགྱིའོ་སྙམ་དུ་བསམས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མོའུ་འགལ་གྱི་བུས་བསམ་པ་དེ་ལྟ་བུས་རྫུ་འཕྲུལ་རྣམ་པར་བསྟན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེ་ནས་ཚེ་དང་ལྡན་པ་པི་ལིན་དའི་བུ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་ནས། མཐར་གྱིས་བསོད་སྙོམས་ལ་རྒྱུ་ཞིང་མག་པའི་ཁྱིམ་ག་ལ་བ་དེར་སོང་ངོ ། །དེའི་ཚེ་ན་ཚེ་དང་ལྡན་པ་པི་ལིན་དའི་བུའི་ཚ་བོ་དག་ཕྱི་རོལ་གྱི་བསྟན་བཅོས་དག་ཀློག་གོ་།ཚེ་དང་ལྡན་པ་པི་ལིན་དའི་བུས་ཚ་བོ་དག་ཕྱི་རོལ་གྱི་བསྟན་བཅོས་དག་ཀློག་པ་མཐོང་ངོ ། ། མཐོང་ནས་ཀྱང་མག་པ་ལ་འདི་སྐད་ཅེས་སྨྲས་སོ། །ཚ་བོ་ཁྱེའུ་དག་ཅི་ཀློག་།འཕགས་པ་སླད་རོལ་གྱི་བསྟན་བཅོས་དག་གོ་།ཚ་བོ་ཕྱི་རོལ་གྱི་བསྟན་བཅོས་དག་ནི་ལྕགས་ཀྱི་སེའུ་དང་འདྲ་སྟེ་རྟོགས་པར་དཀའ་ཞིང་རྟོགས་ན་ཡང་དེ་དག་གིས་ངེས་པ་ལ་འཇུག་པར་ཡང་མི་འགྱུར། ཟག་པ་ཟད་པར་ཡང་མི་འགྱུར་རོ། །སངས་རྒྱས་ཀྱི་བཀའ་ནི་ཐོག་མ་དང་བར་དང་ཐ་མར་དགེ་བ། མངོན་པར་
Ca139a
༄#། །ཤེས་པ་དང ། རྫོགས་པར་བྱང་ཆུབ་པ་དང ། མྱ་ངན་ལས་འདའ་བར་འགྱུར་བ་ཡིན་ན་ཅིའི་ཕྱིར་དེ་མི་ཀློག་།འཕགས་པ་སུས་དེ་ཀློག་ཏུ་སྩོལ། ཁོ་བོས་ཀློག་ཏུ་གཞུག་གོ་།འཕགས་པ་མ་ནོངས་ཀྱིས་ཀློག་ཏུ་སྩོལ་ཅིག་།མག་པ་དེས་ཁྱེའུ་དེ་དག་ལ་སྨྲས་པ། ཁྱེའུ་དག་འཕགས་པའི་དྲུང་དུ་འོད་མའི་ཚལ་དུ་དེང་ལ་སངས་རྒྱས་ཀྱི་བཀའ་ལྷོགས་ཤིག ། ཁྱེའུ་དེ་དག་ཉི་མ་རེ་རེ་ཞིང་རྒྱན་གྱིས་ཀླུབས་ཏེ་ཁྱེའུ་མངག་གཞུག་པ་དག་གིས་ཡོངས་སུ་བསྐོར་ནས། འོད་མའི་ཚལ་དུ་དོང་སྟེ། ཚེ་དང་ལྡན་པ་པི་ལིན་དའི་བུ་ལས་སངས་རྒྱས་ཀྱི་བཀའ་བཀླག་པར་བརྩམས་སོ། །རྒྱལ་པོའི་ཁབ་ན་སྟོན་ཟླ་ཐ་ཆུང་གི་གཡོན་ཅན་ཞེས་བྱ་བ་ཆོམ་རྐུན་པ་དག་གི་ཀུན་ཏུ་སྤྱོད་པ་ནི་དེ་དག་དགག་དབྱེ་བྱས་མ་ཐག་ཏུ་ཤེས་ལྡན་དག་བདག་ཅག་གིས་ལས་ཅི་ཞིག་བྱས་ན། དེས་བརྩལ་མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་ཞེས་ཕན་ཚུན་གྲོས་བྱེད་དོ། །དེ་དག་ལ་འཕགས་པ་པི་ལིན་དའི་བུའི་ཚ་བོ་དག་ཉི་མ་རེ་རེ་ཞིང ། རྒྱན་ཐམས་ཅད་ཀྱིས་ཀླུབས་ཏེ་ཁྱེའུ་མངག་གཞུག་པ་དག་གིས་བསྐོར་ནས། འོད་མའི་ཚལ་དུ་འདོང་ཞིང་འཕགས་པ་པི་ལིན་དའི་བུ་ལས་སངས་རྒྱས་ཀྱི་བཀའ་ཀློག་པར་བྱེད་ཀྱིས་ལམ་གྱི་བར་དུ་བསྡད་དེ། དེ་དག་བཟུང་ན་འཕགས་པ་པི་ལིན་དའི་བུས་ནི་ཁྱེའུ་དག་ཁྱིམ་ན་འཁོད་དོ་སྙམ་དུ་ཤེས་ལ། བྲམ་ཟེས་ཀྱང་འཕགས་པ་པི་ལིན་དའི་བུའི་དྲུང་ན་འཁོད་
Ca139b
དོ་སྙམ་དུ་ཤེས་པས་གལ་ཏེ་ཁྱེའུ་དག་དབྲོག་པར་ནུས་ན་ནི་བདག་ཅག་གི་འཚོ་བའི་བར་གྱི་འཚོ་བ་ཡོད་ལ། ཅི་སྟེ་མ་ནུས་ན་ནི་རྒྱན་དབྲོག་པར་བྱ་སྟེ། དེས་ཀྱང་བདག་ཅག་བརྩལ་མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་རོ་སྙམ་པའི་བློ་སྐྱེས་སོ། །དེ་དག་བརྡ་བྱས་ཏེ་ལམ་གྱི་བར་དུ་དོང་ནས་འཁོད་པ་དང ། ཁྱེའུ་དེ་དག་ཀྱང་རྒྱན་ཐམས་ཅད་ཀྱིས་ཀླུབས་ཏེ་འོངས་ནས། ཆོམ་རྐུན་པ་དེ་དག་གིས་ཁྱེའུ་དེ་དག་གྲུར་བཅུག་སྟེ་ཁྱེར་རོ། །ཁྱེའུ་དེ་དག་གི་ཕྱི་བཞིན་ཁྱེའུ་མངག་གཞུག་པ་དག་འདོང་བ་དེ་དག་གིས་ཁྱེའུ་དེ་དག་ཆོམ་རྐུན་པ་དག་གིས་བརྐུས་པ་མཐོང་ནས། དེ་དག་གིས་ཚེ་དང་ལྡན་པ་པི་ལིན་དའི་བུའི་མག་པའི་དྲུང་དུ་བརྒྱུགས་ཏེ་སྦྲན་པ། ཇོ་བོ་ཁྱོད་ཀྱི་སྲས་བུ་དག་སྟོན་ཟླ་ཐ་ཆུང་གི་གཡོན་ཅན་དག་གིས་བརྐུས་ཀྱིས་ཐབས་དགོངས་ཤིག་།བྲམ་ཟེ་ཡང་བརྒྱུགས་ཏེ་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོའི་གན་དུ་སོང་ནས་སྨྲས་པ། ལྷ་བདག་གི་བུ་དག་སྟོན་ཟླ་ཐ་ཆུང་གི་གཡོན་ཅན་དག་གིས་ཕྲོགས་ཀྱིས་བུའི་སློང་མོ་སྩལ་དུ་གསོལ།་རྒྱལ་པོ་གཟུགས་ཅན་སྙིང་པོས་རྒྱལ་པོ་གཞོན་ནུ་མ་སྐྱེས་དགྲ་ལ་བསྒོ་བ། སོང་ལ་བྲམ་ཟེའི་བུ་རྣམས་དང་ཆོམ་རྐུན་པ་དག་མྱུར་དུ་ཁུག་ཅིག་།མ་སྐྱེས་དགྲ་ཡུན་རིང་པོ་ནས་བྲམ་ཟེ་དེ་དང་ནང་དང་བཅས་པར་གྱུར་པས། དེའི་མོད་ལ་མ་སོང་ངོ ། །དེ་ན་ལྷ་གང་དག་ཚེ་དང་ལྡན་པ་པི་ལིན་དའི་བུ་ལ་མངོན་པར་དད་པ་དེ་དག་གིས་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །
Ca140a
༄#། །འཕགས་པ་མཁྱེན་པར་མཛོད་ཅིག་།ཁྱོད་ཀྱི་ཚ་བོ་དག་སྟོན་ཟླ་ཐ་ཆུང་གི་གཡོན་ཅན་དག་གིས་ཕྲོགས་ཀྱི་བརྩོན་པར་མཛད་དུ་གསོལ། ཚེ་དང་ལྡན་པ་པི་ལིན་དའི་བུས་གལ་ཏེ་ཁྱེའུ་དག་ལ་མ་བསམས་ན་རེ་ཞིག་ཁྱེའུ་དག་ཕ་མ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ཞིང ། ཕ་མ་དག་ཀྱང་བུ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ་མ་དད་པ་དག་གིས་ཀྱང་གླགས་རྙེད་པར་གྱུར་ཞིང ། དད་པ་རྣམས་ཀྱང་འདི་ལྟར་དོང་ངོ་ཅོག་སྟོན་ཟླ་ཐ་ཆུང་གི་གཡོན་ཅན་དག་གིས་འཕྲོག་པར་བྱེད་ན། ཕྱིན་ཆད་སུ་ཞིག་འོད་མའི་ཚལ་དུ་འགྲོ་བར་འགྱུར་ཞེས་གཞན་དུ་གྱུར་པ་ཉིད་དུ་འགྱུར་གྱིས་བདག་གིས་རྫུ་འཕྲུལ་རྣམ་པར་བསྟན་པར་བྱའོ་སྙམ་དུ་བསམས་ཤིང་རིག་ནས་ཚེ་དང་ལྡན་པ་པི་ལིན་དའི་བུས་རྫུ་འཕྲུལ་གྱིས་སོང་སྟེ། གྲུའི་དྲུང་དུ་འདུག་པ་དང ། གྲུ་དེ་མི་འགུལ་བར་འདུག་གོ་།ཆོམ་རྐུན་པ་དག་གིས་ཅིའི་ཕྱིར་གྲུ་འདི་མི་འགུལ་པར་འདུག་སྙམ་དུ་བསམས་པ་དང ། ཚེ་དང་ལྡན་པ་པི་ལིན་དའི་བུ་གྲུ་དང་ཉེ་བ་ན་འདུག་པ་མཐོང་ངོ ། །མཐོང་ནས་ཀྱང་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །འཕགས་པ་ཅིའི་སླད་དུ་མཐོ་འཚམ་པར་མཛད། རྒ་བའི་ཆོས་ཅན་དག་ཁོ་བོ་འགའ་ཞིག་མཐོ་འཚམ་པར་བྱེད་དམ། གལ་ཏེ་ཁོ་བོས་ཡོན་ཏན་གྱི་ཚོགས་འདི་ལྟ་བུ་རྟོགས་པར་མ་གྱུར་དུ་ཟིན་ན། དེང་ཁྱེད་ཀྱིས་ཁོ་བོའི་ཚ་བོ་དག་བརྐུས་པར་མི་འགྱུར་
Ca140b
རམ།་འཕགས་པ་གཏང་དུ་གསོལ། དེང་ཞིག་།ཚེ་དང་ལྡན་པ་པི་ལིན་དའི་བུས་རྫུ་འཕྲུལ་མངོན་པར་འདུ་བྱ་བ་དེ་དག་ཕྱིར་བརྟུལ་ནས་ཁྱེའུ་དེ་དག་ལ་འདི་སྐད་ཅེས་སྨྲས་སོ། ། ཁྱེའུ་དག་དེ་རིང་ཁྱེད་ཅག་གི་ཕ་མ་དག་ཡིད་མི་བདེ་བར་འཁོད་ཀྱིས་དེང་ལ་སང་ལྷོགས་ཤིག་།ཁྱེའུ་དེ་དག་ཁྱིམ་དུ་འཕགས་པ་དང ། གཞོན་ནུ་མ་སྐྱེས་དགྲ་ཡང་དཔུང་གི་ཚོགས་ཡན་ལག་བཞི་པ་གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ་རྒྱལ་པོའི་ཁབ་ནས་བྱུང་ངོ ། །མ་སྐྱེས་དགྲས་ཁྱེའུ་དེ་དག་མཐོང་ནས་སྨྲས་པ་ཁྱེའུ་དག་ཁྱེད་ཅག་གར་དོང་དོང ། དེ་དག་གིས་སྨྲས་པ། འོད་མའི་ཚལ་དུ་འདོང་བ་ན་བདག་ཅག་སྟོན་ཟླ་ཐ་ཆུང་གི་གཡོན་ཅན་དག་གིས་བརྐུས་སོ། །འོ་ན་ཁྱེད་ཅག་སུས་ཐར་བར་བྱས། འཕགས་པ་པི་ལིན་དའི་བུས་སོ། །མ་སྐྱེས་དགྲ་ཡིད་དགའ་ཞིང་ཡིད་དགའ་ནས་བདག་ཅག་གི་ཡུལ་ན་འཕགས་པ་དེ་ལྟར་རྫུ་འཕྲུལ་ཆེ་བ་དེ་ལྟར་མཐུ་ཆེ་བ། ཚེ་འདིའི་དོན་དང་ཚེ་ཕྱི་མའི་དོན་དང ། ཚེ་འདི་དང་ཕྱི་མའི་དོན་ལ་སྐྱབས་མཛད་པ་བཞུགས་པ་ནི་བདག་ཅག་གིས་རྙེད་པ་ལེགས་པར་རྙེད་དོ་ཞེས་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་བསྔགས་པ་བརྗོད་ཅིང་རྒྱལ་པོའི་ཁབ་ཏུ་འཇུག་པ་ན་དྲུག་སྡེ་དག་ཀྱང་ཕྱིར་འབྱུང་ཞིང་དྲུག་སྡེ་དག་གིས་སྨྲས་པ། ཁྱོད་སུའི་བསྔགས་པ་བརྗོད། མ་སྐྱེས་དགྲས་སྨྲས་པ། ཁྱེད་ཀྱིའོ། །ངེད་ཀྱིས་ཅི་བྱས། འཕགས་པ་པི་ལིན་དའི་བུས། བྲམ་
Ca141a
༄#། །ཟེའི་བུ་དག་སྟོན་ཟླ་ཐ་ཆུང་གི་གཡོན་ཅན་དག་གིས་ཕྲོགས་པ་ཐར་བར་བྱས་སོ། །བཀྲེན་པ་དག་ཁོ་བོ་ཅག་དེ་འདྲ་ཡང་འོན་ཀྱང་འདི་ན་ལ་ལ་བྱི་བོ་གཅེར་བུ་དག་ལ་མངོན་པར་དད་དེ། གལ་ཏེ་གཅེར་བུ་དག་གིས་མཐོང་བར་གྱུར་ཏུ་ཟིན་ན། དེ་དག་གིས་ལམ་ཡང་ཉེ་བར་བསྟན་པར་འགྱུར་རོ། །དེ་དག་ཅང་མི་སྨྲ་བར་འཁོད་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་དེ་དག་ལ་གོ་བར་བྱས་སོ། །དོན་ཉུང་ངུ་ལ་ལྟུང་བ་བྱུང་གིས་དོང་ལ་འཆགས་སུ་གཞུག་གོ་།དྲུག་སྡེ་དག་གཙུག་ལག་ཁང་དུ་དོང་སྟེ་ཟས་ཀྱི་བྱ་བ་བྱས་ནས།་རྒན་རིམས་ཀྱིས་ཕྱག་འཚལ་ཏེ། ཚེ་དང་ལྡན་པ་པི་ལིན་དའི་བུ་ག་ལ་བ་དེར་དོང་ནས་ཕྱིན་པ་དང ། ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །གནས་བརྟན་ཕྱག་འཚལ་ལོ། །ཚེ་དང་ལྡན་པ་ཨ་རོག་གྱ། གནས་བརྟན་ཇེ་སྐབས་ཕྱེ་ཞིག་།ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །གནས་བརྟན་གྱིས་བྲམ་ཟེའི་བུ་དག་སྟོན་ཟླ་ཐ་ཆུང་གི་གཡོན་ཅན་དག་གིས་ཕྲོགས་པ་ཐར་བར་བགྱིས་སམ། དེ་བཞིན་དུ་ཐར་བར་བྱས་སོ། །གནས་བརྟན་བདག་ཅག་གིས་གནས་བརྟན་གོ་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་མཛད་ཅིང་བཞུགས་པར་འཚལ་གྱི། བདག་ཅག་གིས་ཐུགས་རྗེ་ཕྱོགས་གཅིག་པ་དང་ལྡན་ཞིང་བྲམ་ཟེའི་བུ་དག་ལ་ཐུགས་རྗེ་བར་
Ca141b
མཛད་ལ། སྟོན་ཟླ་ཐ་ཆུང་གི་གཡོན་ཅན་དག་ལ་ཐུགས་རྗེ་བར་མི་མཛད་པར་མ་འཚལ་ཏོ། །གཞན་དག་གིས་བདག་གིར་བགྱིས་པའི་ནོར་དག་ཐར་བར་བགྱིས་པའི་ལྟུང་བ་བྱུང་བ་ཆོས་བཞིན་དུ་མཛོད་ཅིག། ལྟུང་བ་མ་མཐོང་ངོ ། །ཚེ་དང་ལྡན་པ་དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ་ཞེས་གསུངས་ཀྱི་ཁང་སྐྱོང་སུ་སྣང ། གཎྜཱི་རྡུངས་ཤིག་།འདི་གནས་ནས་དབྱུང་བའི་ལས་བྱའོ་ཞེས་ཁང་སྐྱོང་གི་གན་དུ་དོང་ནས་སྨྲས་པ། ཚེ་དང་ལྡན་པ་གཎྜཱི་བརྡུངས་ཤིག་།ཅིའི་ཕྱིར། ཚེ་དང་ལྡན་པ་པི་ལིན་དའི་བུ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་པས། དེ་གནས་ནས་དབྱུང་བའི་ལས་བྱའོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་ཅིང་བསྟན་པ་ལ་ཆོས་སྒྱུ་ཐབས་ཀྱིས་མི་མཐུན་པ་འགའ་མི་འབྱུང་ངམ་ཞེས་ཀུན་ཏུ་སྤྱོད་པའི་ཆོས་རྨེད་པར་བྱེད་པས་དེས་ཁང་སྐྱོང་ལ་སྨྲས་པ། ཚེ་དང་ལྡན་པ་སུ་ཞིག་ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་བྱེད། གནས་བརྟན་སུ་ཡང་མི་བགྱིད་དེ། འདི་ལྟར་ཚེ་དང་ལྡན་པ་པི་ལིན་དའི་བུ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པས་དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིད་དོ། །ཚེ་དང་ལྡན་པ་དགེ་སློང་གནས་བརྟན་ལ་མཐོ་མ་འཚམ་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་
Ca142a
༄#། །ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་པར་མཛད་པ་ཡིན་གྱིས་དེའི་གན་དུ་སོང་ལ་ཞུས་ཤིག་དང ། བཅོམ་ལྡན་འདས་ཀྱིས་ཁྱེད་ཅག་ལ་ཇི་སྐད་ལུང་སྟོན་པར་མཛད་པ་དེ་དེ་བཞིན་དུ་ཟུང་ཞིག་།སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་པི་ལིན་དའི་བུ་ལ་རྨས་པ། པི་ལིན་དའི་བུ་ཁྱོད་ཀྱིས་བསམ་པ་ཇི་ལྟ་བུས་རྫུ་འཕྲུལ་རྣམ་པར་བསྟན། བཙུན་པ་བདག་འདི་སྙམ་བགྱིད་དེ། གལ་ཏེ་ཁྱེའུ་དག་ལ་མ་བསམས་ན་རེ་ཞིག་ཁྱེའུ་དག་ཕ་མ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ཞིང།་ཕ་མ་དག་ཀྱང་བུ་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ། མ་དད་པ་དག་གིས་ཀྱང་གླགས་རྙེད་པར་འགྱུར་ཞིང ། དད་པ་རྣམས་ཀྱང་འདི་ལྟར་དོང་ངོ་ཅོག་སྟོན་ཟླ་ཐ་ཆུང་གི་གཡོན་ཅན་དག་གིས་འཕྲོག་པར་བྱེད་ན། ཕྱིན་ཆད་སུ་ཞིག་འོད་མའི་ཚལ་དུ་འགྲོ་བར་འགྱུར་ཞེས་གཞན་དུ་གྱུར་པ་ཉིད་དུ་འགྱུར་གྱིས་བདག་གིས་རྫུ་འཕྲུལ་རྣམ་པར་བསྟན་པར་བགྱིའོ་སྙམ་དུ་བསམས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་པི་ལིན་དའི་བུས་བསམ་པ་དེ་ལྟ་བུས་རྫུ་འཕྲུལ་རྣམ་པར་བསྟན་པ་ལ་ལྟུང་བ་མེད་དོ།། །།
Ca142b
འདུལ་བ་རྣམ་པར་འབྱེད་པ། བམ་པོ་བདུན་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །རྒྱལ་པོ་གཟུགས་ཅན་སྙིང་པོའི་ཀུན་ཏུ་སྤྱོད་པ་ནི་ཉི་མ་རེ་རེ་ཞིང་བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་དུ་འགྲོའོ། །ཇི་ཙམ་ན་དུས་གཞན་ཞིག་ན་རྒྱལ་པོ་གཟུགས་ཅན་སྙིང་པོ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།བཅོམ་ལྡན་འདས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་མཐའ་གཅིག་ཏུ་འདུག་པ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས། སྟན་ལས་ལངས་ཏེ་སོང་ནས། ཚེ་དང་ལྡན་པ་པི་ལིན་དའི་བུའི་གཙུག་ལག་ཁང་ག་ལ་བ་དེར་སོང་ངོ ། །དེའི་ཚེ་ན་ཚེ་དང་ལྡན་པ་པི་ལིན་དའི་བུ་གཙུག་ལག་ཁང་དེ་རལ་བ་དང ། འདྲུམས་པ་རང་ཉིད་ཀྱིས་ཕྱིར་འཆོས་པར་བྱེད་དོ། །ཚེ་དང་ལྡན་པ་པི་ལིན་དའི་བུས་མ་
Ca143a
༄#། །ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ལག་པ་དང་རྐང་པ་དག་བཀྲུས་ཏེ་སྟན་བཤམས་པ་ཉིད་ལ་འདུག་གོ་།དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ཚེ་དང་ལྡན་པ་པི་ལིན་དའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །འཕགས་པ་ཅི་ལགས། རང་ཉིད་ཀྱིས་རལ་བ་དང ། འདྲུམས་པ་སླར་འཆོས་པར་མཛད་དམ། རྒྱལ་པོ་ཆེན་པོ་རབ་ཏུ་བྱུང་བ་ནི་རང་ཉིད་ཀྱིས་བྱེད་པ་ཡིན་ཏེ། བདག་ཅག་ནི་རབ་ཏུ་བྱུང་བ་ཡིན་པས་གཞན་སུ་ཞིག་བྱེད་པར་འགྱུར། འཕགས་པ་གལ་ཏེ་དེ་ལྟ་ན་བདག་གིས་འཕགས་པ་ལ་ཞམ་རིང་བ་དབུལ་ལོ། །རྒྱལ་པོ་ཆེན་པོ་ཨ་རོག་གྱ། དེ་བཞིན་ལན་བཞིའི་བར་དུ་སྨྲས་ནས་ལན་ལྔ་པ་ལ་ཡང་དེ་ཁོ་ན་སྐད་དུ། བདག་གིས་འཕགས་པ་ལ་ཞམ་རིང་བ་དབུལ་ལོ་ཞེས་ཟེར་བ་དང ། ཚེ་དང་ལྡན་པ་པི་ལིན་དའི་བུའི་ལྷན་ཅིག་གནས་པ་བདེན་པ་དང་མཐུན་པ་དང་ངོ་ཟློག་ཕོད་པར་སྨྲ་བ་ཞིག་གིས་སྨྲས་པ། རྒྱལ་པོ་ཆེན་པོ་གང་ཚུན་ཆད་ནས་རྒྱལ་པོ་ཆེན་པོས་མཁན་པོ་ལ་ཞམ་རིང་དག་གིས་བསྟབས་པ་ནས། མཁན་པོས་གལ་ཏེ་གཙུག་ལག་ཁང་འདི་ཡལ་བར་བོར་དུ་ལགས་ན་ད་ཙམ་ངོས་རྡིབ་པར་ཡང་གྱུར་ཏོ། །རྒྱལ་པོས་སྨྲས་པ། འཕགས་
Ca143b
པ་ཅི་ལགས། བདག་ཅག་གིས་ཡང་དང་ཡང་དུ་ཁས་བླངས་སམ། རྒྱལ་པོ་ཆེན་པོ་ལན་ཅིག་ཏུ་མ་བས་ཀྱི་འདི་ལྟར་འདི་ནི་ལན་ལྔ་པ་ལགས་སོ། །རྒྱལ་པོ་དེ་བརྗེད་ངས་པས་རྒྱལ་པོ་དེའི་ཀུན་ཏུ་སྤྱོད་པ་ནི་གང་ཡང་རུང་བ་ལ་ཅུང་ཟད་ཁས་བླངས་པ་ཅི་ཡང་རུང་སྟེ། དེ་ཐམས་ཅད་ཕྱི་ན་འདུག་པའི་མིས་ཡི་གེར་འདྲི་བར་བྱེད་པས་རྒྱལ་པོ་དེས་མི་དེ་ལ་སྨྲས་པ། ཀཝའེ་ནང་རྗེ་ཁོ་བོས་ཡང་དང་ཡང་དུ་ཁས་བླངས་པ་བདེན་ནམ། ལྷ་མད་དེ། འདི་ནི་ལན་ལྔ་པ་ལགས་སོ། །དེ་ལྟ་ན་ཁོ་བོ་ཆད་པའི་ལས་ལ་ཐུག་གིས། ཁོ་བོས་འཕགས་པ་ལ་ཞམ་རིང་པ་ལྔ་བརྒྱ་དབུལ་ལོ། །དེས་བློན་པོ་རྣམས་ལ་བསྒོ་བ། འཕགས་པ་ལ་ཞམ་རིང་པ་ལྔ་བརྒྱ་ཕུལ་ཅིག་།ཚེ་དང་ལྡན་པ་པི་ལིན་དའི་བུས་སྨྲས་པ། རྒྱལ་པོ་ཆེན་པོ་ཁོ་བོ་རང་གི་གཡོག་ཉིད་སྤངས་ཏེ། རབ་ཏུ་བྱུང་བ་ལ་གཡོག་དག་གིས་ཅི་བྱ། འཕགས་པ་དགེ་འདུན་གྱི་དོན་དུ་བཞེས་ཤིག་།རྒྱལ་པོ་ཆེན་པོ་གལ་ཏེ་དེ་ལྟ་ན་བཅོམ་ལྡན་འདས་ལ་ཞུའོ། །འཕགས་པ་དེ་མ་ནོངས་ཀྱིས་ཞུས་ཤིག་།སྐབས་དེ་ཚེ་དང་ལྡན་པ་པི་ལིན་དའི་བུས། བཅོམ་ལྡན་འདས་ལ་ཞུས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་དོན་དུ་གཡོག་དག་བླང་བར་བྱའོ། །ཚེ་དང་ལྡན་པ་པི་ལིན་དའི་བུས་གཡོག་དེ་དག་བླངས་པ་དང ། གཡོག་དེ་དག་ཡང་དང་ཡང་དུ་རྒྱལ་པོའི་ཕོ་བྲང་དུ་ལས་བྱེད་དུ་བཅུག་ནས། དེ་དག་གིས་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །འཕགས་པ་བདག་ཅག་འཕགས་པ་དག་གི་ཞམ་རིང་པར་ཕུལ་
Ca144a
༄#། །བ་ནི་བདག་ཅག་གློ་བ་དགའ་ན་ཅིའི་སླད་དུ་བདག་ཅག་ཡང་དང་ཡང་དུ་རྒྱལ་པོའི་ཕོ་བྲང་དུ་སུག་ལས་བགྱིད། བཞིན་བཟང་དག་འཁྲུག་ལོངས་མ་བྱེད་ཅིག་དང ། ཁོ་བོས་རྒྱལ་པོ་ལ་གསོལ་བ་བྱའོ། །ཇི་ཙམ་དུས་གཞན་ཞིག་ན། མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་ཚེ་དང་ལྡན་པ་བི་ལིན་དའི་བུའི་དྲུང་དུ་འོངས་ཏེ། རྐང་པ་ལ་ཕྱག་འཚལ་ནས། ཚེ་དང་ལྡན་པ་པི་ལིན་དའི་བུའི་མདུན་དུ་འདུག་པ་དང ། ཚེ་དང་ལྡན་པ་པི་ལིན་དའི་བུས་སྨྲས་པ། རྒྱལ་པོ་ཆེན་པོ་ཁྱོད་དགེ་འདུན་གྱི་དོན་དུ་གཡོག་དག་ཕུལ་བས་འགྱོད་པར་མ་གྱུར་ཏམ། འཕགས་པ་བདག་ལ་འགྱོད་པ་འགའ་ཡང་མ་མཆིས་སོ། །འོ་ན་ཅིའི་ཕྱིར་གཡོག་དེ་དག་ཡང་རྒྱལ་པོའི་ཕོ་བྲང་དུ་ལས་བྱེད་དུ་བཅུག་།རྒྱལ་པོས་སྟན་དེ་ཉིད་ལ་འདུག་བཞིན་དུ་བློན་པོ་རྣམས་ལ་བསྒོ་བ། ཤེས་ལྡན་དག་འཕགས་པ་རྣམས་ཀྱི་ཞམ་རིང་བ་དག་ཕྱིན་ཆད་རྒྱལ་པོའི་ཕོ་བྲང་དུ་ལས་བྱེད་དུ་མ་གཞུག་ཅིག་།བློན་པོ་རྣམས་ཀྱིས་གང་ཡང་རུང་བ་དག་ལ་རྒྱལ་པོའི་ཕོ་བྲང་དུ་ལས་གྱིས་ཤིག་ཅེས་བསྒོ་བ་ན། དེ་དག་ན་རེ། བདག་ཅག་འཕགས་པ་དག་གི་ཡིན་ནོ་ཞེས་ཟེར་ནས། བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་གང་ལ་ཡང་མཆིད་སྩལ་བར་རྔོ་མ་ཐོག་སྟེ།་གང་ཡང་རུང་བ་དག་ལ་རྒྱལ་པོའི་ཕོ་བྲང་དུ་སུག་ལས་ཚོལ་ཅིག་ཅེས་བགྱིས་ན། དེ་དག་བདག་ཅག་འཕགས་པ་རྣམས་ཀྱི་ལགས་སོ་ཞེས་མཆིའོ། །རྒྱལ་པོས་སྨྲས་པ། སོང་ལ་ཐམས་
Ca144b
ཅད་ལས་བྱེད་དུ་ཆུག་ཅིག་།དེ་དག་ཐམས་ཅད་ཡང་རྒྱལ་པོའི་ཕོ་བྲང་དུ་ལས་བྱེད་དུ་བཅུག་ནས། དེ་དག་གིས་ཡང་ཚེ་དང་ལྡན་པ་པི་ལིན་དའི་བུ་ལ་སྨྲས་པ། འཕགས་པ་བདག་ཅག་ཡང་དེ་ཁོ་ན་བཞིན་དུ་རྒྱལ་པོའི་ཕོ་བྲང་དུ་སུག་ལས་བགྱིད་དུ་སྩལ་ན། འཕགས་པས་མ་གསོལ་ཏམ། བཞིན་བཟང་དག་གསོལ་ཏེ། ཡང་གསོལ་བ་བྱའོ། །ཚེ་དང་ལྡན་པ་པི་ལིན་དའི་བུས། མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་དེ་ཁོ་ན་བཞིན་འོངས་པ་ལ་སྨྲས་པ། རྒྱལ་པོ་ཆེན་པོ་ཅི་ལགས། ཁྱོད་ཀྱང་འགྱོད་པ་སྐྱེས་པར་གྱུར་ཏམ། འཕགས་པ་ཅི་ནོངས། གཡོག་དག་ཡང་དེ་ཁོ་ན་བཞིན་དུ་ལས་བྱེད་དུ་བཅུག་གོ་།འཕགས་པ་གང་ལ་ཡང་མཆིད་སྩལ་པར་རྔོ་མ་ཐོག་སྟེ། གང་ཡང་རུང་བ་ལ་མཆིད་སྩལ་བ་ན། དེ་དག་བདག་ཅག་འཕགས་པ་དག་གི་ལགས་སོ་ཞེས་མཆིའོ། །ེ་མ་འཕགས་པ་དག་གི་ལྷ་འབངས་ཀྱི་སྡུམ་པ་ལོགས་ཤིག་ཏུ་བརྩིག་ཏུ་སྩལ་ན་འདི་དག་ནི་རྒྱལ་པོའི་འོ། །འདི་དག་ནི་འཕགས་པ་དག་གིའོ་ཞེས་འཚལ་བར་འགྱུར་རོ། །ཚེ་དང་ལྡན་པ་པི་ལིན་དའི་བུས་སྨྲས་པ། བཅོམ་ལྡན་འདས་ལ་ཞུའོ། །དེ་ནས་ཚེ་དང་ལྡན་པ་པི་ལིན་དའི་བུས་དོན་དེ་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལྷ་འབངས་ཀྱི་སྡུམ་པ་བརྩིག་ཏུ་འཇུད་པར་རྗེས་སུ་གནང་ངོ ། །དགེ་སློང་དག་གིས་གནས་གང་དུ་ལྷ་འབངས་ཀྱི་སྡུམ་པ་བརྩིག་ཏུ་འཇུག་པ་མི་ཤེས་
Ca145a
༄#། །ནས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོའི་ཕོ་བྲང་གི་ཕྱི་རོལ་དང ། འོད་མའི་ཚལ་གྱི་ཕྱི་རོལ་གྱི་བར་གང་དུ་སྐད་ཀྱིས་བོས་པ་ཐོས་ནས། དགེ་འདུན་གྱི་དོན་སྒྲུབ་པར་འགྱུར་བ་དེར་ལྷ་འབངས་ཀྱི་སྡུམ་པ་བརྩིག་ཏུ་གཞུག་གོ་།དགེ་སློང་རྣམས་ཀྱིས་ཞང་བློན་དག་ལ་བསྒོ་བ། བཅོམ་ལྡན་འདས་ཀྱིས་ཕྱོགས་འདིར་ལྷ་འབངས་ཀྱི་སྡུམ་པ་བརྩིག་ཏུ་ཆུག་ཅིག་ཅེས་བཀའ་སྩལ་གྱིས། དེ་ཁྱེད་ཅག་གིས་ཤེས་པར་གྱིས་ཤིག་།ཞང་བློན་དག་གིས་རྒྱལ་པོའི་ཁབ་ཏུ་དྲིལ་གྱི་སྒྲ་སྒྲོག་ཏུ་བཅུག་སྟེ། གང་དག་འཕགས་པ་རྣམས་ཀྱི་ཞམ་རིང་པ་ཡིན་པ་དེ་དག་རྒྱལ་པོའི་ཁབ་ཀྱི་ཕྱི་རོལ་དང ། འོད་མའི་ཚལ་གྱི་ཕྱི་རོལ་གྱི་བར་དུ་འདུག་པར་ཆད་ཀྱིས་དེང་ལ་དེར་སྡུམ་པ་རྩིགས་ཤིག་ཅེས་བསྒོ་ནས། དེ་དག་དེར་དོང་སྟེ་སྡུམ་པ་བརྩིགས་སོ། ། ལྷ་འབངས་ཀྱི་སྡུམ་པ་བརྩིགས་ནས་དེ་དག་གཙུག་ལག་ཁང་དུ་དོང་སྟེ་ལས་བྱེད་ཅིང ། དགེ་སློང་རྣམས་ཀྱིས་དེ་དག་ལ་ལས་འདི་ནི་རུང་བ་ཡིན་གྱིས་ཁྱེད་ཀྱིས་བྱའོ། །འདི་ནི་རུང་བ་མ་ཡིན་གྱིས་ཁྱེད་ཀྱིས་མི་བྱའོ་ཞེས་ལས་བསྟན་ནས། དེ་དག་ལས་རུང་བ་བྱེད་པས། ལྷ་འབངས་ལྷ་འབངས་ཞེས་བྱ་བའི་མིང་དུ་གྱུར་ཏོ། །དགེ་འདུན་གྱི་ཀུན་དགའ་ར་བ་སྐྱོང་བར་བྱེད་པས། རྩེ་རྒོད་རྩེ་རྒོད་ཅེས་བྱ་བའི་མིང་དུ་གྱུར་ཏོ། །དེ་དག་ཐམས་ཅད་གཙུག་ལག་ཁང་དུ་འཇུག་པས་ཀླག་ཅོར་གྱི་སྒྲས་དགེ་སློང་དག་གིས་སེམས་རྩེ་གཅིག་པ་ཉིད་མི་འགྲུབ་ནས། བཅོམ་ལྡན་འདས་ཀྱིས་བཀའ་སྩལ་
Ca145b
པ།་ཇི་སྙེད་དག་གིས་ལས་འགྲུབ་པ་དེ་སྙེད་འཇུག་པར་བྱའི་ཐམས་ཅད་མི་བྱའོ། །དགེ་སློང་དག་གིས་དེ་དག་ཐམས་ཅད་ལ་ཟས་དང་གོས་སྦྱིན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ།་གང་དག་ལས་བྱེད་པ་དེ་དག་ལ་ཟས་དང་གོས་སྦྱིན་པར་བྱའི། །ཐམས་ཅད་ལ་མི་བྱའོ། །དགེ་སློང་རྣམས་ཀྱིས་དེ་དག་ན་བ་ཡལ་བར་བོར་ནས། བཅོམ་ལྡན་འདས་ཀྱིས་བཀའ་སྩལ་པ། གང་དག་ན་བ་དེ་དག་ལ་ཟས་དང་གོས་སྦྱིན་པར་བྱ་ཞིང་བསྙེན་བཀུར་ཡང་བྱའོ། །ཇི་ཙམ་དུས་གཞན་ཞིག་ན། ཉེ་དགའ་དགེ་སྐོས་བྱེད་པས་དེས་ལྷ་འབངས་དེ་དག་ལ་སྨྲས་པ། བཞིན་བཟང་དག་ཁོ་བོ་དགེ་སྐོས་བྱེད་ཀྱིས་ཁྱེད་ཅག་ནང་པར་སྔར་ཤོག་ཅིག་།རྒྱལ་པོའི་ཁབ་ན་སྟོན་ཟླ་ཐ་ཆུང་གི་གཡོན་ཅན་ཞེས་བྱ་བ་ཆོམ་རྐུན་པ་དག་གི་ཀུན་ཏུ་སྤྱོད་པ་ནི་དེ་དག་དགག་དབྱེ་བྱས་མ་ཐག་ཏུ་ཤེས་ལྡན་དག་བདག་ཅག་གིས་ལས་ཅི་ཞིག་བྱས་ན་དེས་བརྩལ་མི་དགོས་པར་ལོ་བསྐོར་དུ་ལོངས་སྤྱོད་ཅིང་བདེ་བར་གནས་པར་འགྱུར་ཞེས་ཕན་ཚུན་གྲོས་བྱེད་དོ། །དེ་ན་དགེ་སློང་གི་རྒྱུས་ཤེས་པ་ཞིག་འདུག་པ་དེས་སྨྲས་པ། ཤེས་ལྡན་དག་འཕགས་པ་དག་གི་གཡོག་གང་དག་གྲོང་ཁྱེར་གྱི་ཕྱི་རོལ་ན་འཁོད་པ་དེ་དག་གཞོམ་པར་བྱའོ། །གཞན་དག་གིས་སྨྲས་པ། རེ་ཞིག་དེ་དག་གི་ཇོ་བོ་གང་དག་ཡིན་པ་དེ་དག་ཀྱང་སྒོ་འཕར་བརྒྱ་སྙེད་བཟླ་བ་བྱས་ཀྱང་ལྟོ་ཁེངས་པ་འགྲུབ་པར་དཀའ་བས་དེ་དག་ལ་ཡང་ཅུང་ཟད་ཀྱང་མེད་ན་དེ་དག་གི་གཡོག་དེ་དག་ལྟ་ལྟ་སྨོས་ཀྱང་ཅི་དགོས། དགེ་
Ca146a
༄#། །སློང་གི་རྒྱུས་ཤེས་པ་དེས་སྨྲས་པ། ཤེས་ལྡན་དག་ཁྱེད་མི་ཤེས་ཏེ། དེ་དག་ནི་ཟན་གཞན་ལས་ཟ་ཞིང་རང་གི་ལས་རྗེས་སུ་བསྒྲུབ་པ་དེ་ལྷུར་ལེན་ཏེ། ཐབས་དུ་མ་དག་གིས་ནོར་སྒྲུབ་པར་བྱེད་པས་དེ་དག་ལ་གང་ཡོད་པ་དེ་ནི་གྲོང་ཁྱེར་འདི་ན་ཡང་མེད་ཀྱི་ཅུང་ཞིག་གཞོམ་པར་བྱའོ། །དེ་དག་གིས་བརྡ་བྱས་ཏེ། དོང་ནས་དེ་དག་གཞོམ་པར་བརྩམས་སོ། །དེ་ནས་ལྷ་གང་དག་ཚེ་དང་ལྡན་པ་པི་ལིན་དའི་བུ་ལ་མངོན་པར་དད་པ་དེ་དག་གིས་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །འཕགས་པ་མཁྱེན་པར་མཛོད་ཅིག་།ཁྱེད་ཀྱི་ཞམ་རིང་བ་དག་སྟོན་ཟླ་ཐ་ཆུང་གི་གཡོན་ཅན་དག་གིས་འཇོམས་པར་འགྱུར་གྱིས་བརྩོན་པར་མཛད་དུ་གསོལ། ཚེ་དང་ལྡན་པ་པི་ལིན་དའི་བུས་གལ་ཏེ་གཡོག་དག་ལ་མ་བསམས་ན། གཡོག་དག་ཀྱང་རེ་ཞིག་ནོར་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ལ། མ་དད་པ་རྣམས་ཀྱིས་ཀྱང་གླགས་རྙེད་པར་འགྱུར་ཞིང ། དད་པ་རྣམས་ཀྱང་འདི་ལྟར་སྦྱིན་པར་བྱ་བའི་ཆོས་བྱིན་པ་དག་ཡོངས་སུ་སྐྱོང་བར་མི་བྱེད་ན། ཕྱིན་ཆད་སུ་ཞིག་ཤཱཀྱའི་སྲས་ཀྱི་དགེ་སྦྱོང་རྣམས་ལ་སྦྱིན་པ་དང་བྱ་བར་སེམས་ཞེས་གཞན་དུ་གྱུར་པ་ཉིད་དུ་འགྱུར་གྱིས་རྫུ་འཕྲུལ་རྣམ་པར་བསྟན་པར་བྱའོ་སྙམ་དུ་བསམས་ཤིང་རིག་ནས་ཚེ་དང་ལྡན་པ་པི་ལིན་དའི་བུས། ལྷ་འབངས་ཀྱི་སྡུམ་པ་དེ་ལྕགས་ཀྱི་ར་བས་བསྐོར་ཏོ། །ཆོམ་རྐུན་པ་དག་གིས་རྐུན་རྫས་ཐོགས་ཏེ་འཕགས་པ་དང ། ལྕགས་
Ca146b
ཀྱི་ར་བ་མཐོང་ནས། དེ་དག་གིས་ཕན་ཚུན་ཀུན་ཏུ་འགྲོ་བར་བརྩམས་ན་ལམ་མ་རྙེད་དོ། །དེ་དག་གིས་རྐུན་རྫས་བོར་ཏེ་འཕགས་པ་དང་ལྕགས་ཀྱི་ར་བ་དེ་ཡང་མི་སྣང་བར་གྱུར་ཏོ། །དེ་དག་གིས་ཡང་རྐུན་རྫས་བླངས་པ་དང ། ལྕགས་ཀྱི་ར་བ་དེ་ཡང་ཡང་ཕྱིར་བྱུང་སྟེ་ལན་བདུན་གྱི་བར་དུ་དེ་ལྟར་གྱུར་པ་དང ། དེ་དག་གིས་སྨྲས་པ། ཤེས་ལྡན་དག་འཕགས་པ་རྫུ་འཕྲུལ་ཆེ་བ་མཐུ་ཆེ་བ་འགའ་ཞིག་གིས་འདི་དག་ལ་དགོངས་པ་འདྲའི་རྐུན་རྫས་བོར་ལ་འབྲོས་པར་བྱའོ། །དེ་དག་གིས་རྐུན་རྫས་ཕྱོགས་གཅིག་ཏུ་བོར་ཏེ་བྲོས་སོ། །ལྷ་འབངས་དེ་དག་སད་པ་དང ། ཤེས་ལྡན་དག་བདག་ཅག་བཅོམ་མོ། །བདག་ཅག་བཅོམ་མོ་ཞེས་ཀུ་ཅོ་འདོན་ཞིང་དེ་དག་ནོར་དང་བྲལ་བ་ལས་བྱུང་བའི་ཡིད་མི་བདེ་བ་དང་ལྡན་ཞིང་ཐམས་ཅད་འདུས་ནས། ལྷ་འབངས་ཀྱི་སྡུམ་པ་ཀུན་ཏུ་བྱུལ་བར་བརྩམས་པ་དང།་ཕྱོགས་གཅིག་ན་རྫས་ཐམས་ཅད་སྤུངས་ཏེ་བཞག་པ་མཐོང་ངོ ། །དེ་ནས་དགའ་བ་དང་ཡིད་བདེ་བ་སྐྱེས་ཏེ། རང་རང་གི་རྫས་དེ་བླངས་ནས་ཁྱིམ་ཁྱིམ་དུ་དོང་ངོ ། །དེ་དག་གིས་སོ་སོའི་ཁྱིམ་སྲུང་བ་བཞག་སྟེ། གཉིད་ལོག་པ་ན་ལྷ་དེས་དེ་དག་གི་རྨི་ལམ་དུ་སྦྲན་པ། ཤེས་ལྡན་དག་ཁྱེད་ཅག་སྟོན་ཟླ་ཐ་ཆུང་གི་གཡོན་ཅན་དག་གིས་མ་བཅོམ་པ་འདི་ཐམས་ཅད་ནི་འཕགས་པ་པི་ལིན་དའི་བུའི་མཐུ་ཡིན་ནོ། །དེ་ནས་མཚན་མོ་ནམ་ལངས་པ་དང ། ཐམས་ཅད་འདུས་ཏེ་སྨྲས་པ། ཤེས་ལྡན་དག་ལྷས་རྨི་ལམ་དུ་ཁྱེད་ཅག་སྟོན་ཟླ་ཐ་ཆུང་གི་གཡོན་ཅན་དག་གིས་མ་བཅོམ་
Ca147a
༄#། །པ་འདི་དག་ཐམས་ཅད་ནི། འཕགས་པ་པི་ལིན་དའི་བུའི་མཐུ་ཡིན་ནོ་ཞེས་བསྟན་ཏེ། དེ་ནི་དེ་ཁོ་ན་བཞིན་ཡིན་གྱི་གཞན་དུ་ན་འཕགས་པ་པི་ལིན་དའི་བུ་མ་གཏོགས་པ་གཞན་སུ་ཞིག་བདག་ཅག་ལ་སྙིང་རྗེ་བར་འགྱུར། དེའི་ཚེ་དེ་དག་བྱི་དོར་བྱས་ལ་ཕྱིས་གཙུག་ལག་ཁང་དུ་འདོང་ཞེས་དེ་དག་ཁྲུས་བྱས་ཤིང་གོས་དཀར་པོ་དང་དྲི་དང་ཕྲེང་བ་བརྒྱུས་བརྒྱན་ཏེ།་བྱི་དོར་བྱས་ཏེ། གཙུག་ལག་ཁང་དུ་དོང་ངོ ། །ཉེ་དགའ་ཡང་ནང་པར་སྔར་ལངས་ནས་ལྡེ་མིག་དང་ལྡེ་མིག་ཀྱོག་པོ་ཐོགས་ནས། གཙུག་ལག་ཁང་གི་སྒོ་ཕྱེ་སྟེ་མར་མེའི་ཀོང་བུ་བསལ་ནས། གཙུག་ལག་ཁང་དུ་ཆག་ཆག་དང་བྱུག་པ་བྱས་ཏེ་གནས་མལ་བཤམས་ནས། མཆོད་རྟེན་གྱི་འཁོར་སར་བདུག་སྤོས་བྲིམས་ནས། ཁང་སྟེང་དུ་འཛེགས་ཏེ་གཎྜཱི་རྡུང་ཞིང་ཕྱོགས་བཞིར་རྣམ་པར་བལྟའོ། །དེས་དེ་དག་གོས་དཀར་པོ་དང་དྲི་དང་ཕྲེང་བ་བརྒྱུས་བརྒྱན་པ་མཐོང་ནས། དེ་འདི་དག་ནོར་ཅན་དག་གམ། ཚོང་དཔོན་དག་གམ། དེད་དཔོན་གཙུག་ལག་ཁང་ལྟར་འོང་བ་སུ་ཞིག་ཡིན་སྙམ་དུ་སེམས་སོ། །གང་གི་ཚེ་མཆོད་རྟེན་གྱི་འཁོར་སར་ཞུགས་པ་དེའི་ཚེ། དེས་དེ་དག་ངོ་ཤེས་ནས། ཉེ་དགས་གཤེ་ཞིང་སྨྲས་པ། ངས་ཁྱེད་ཅག་ལ་སང་ནང་བར་སྔར་ཤོག་ཅིག་ཅེས་མ་བསྒོ་འམ། ཁྱེད་གར་དོང་དོང ། དེ་དག་གིས་སྨྲས་པ། འཕགས་པ་གལ་ཏེ་བདག་ཅག་ལ་འཕགས་པ་པི་ལིན་དའི་བུས་མ་དགོངས་སུ་ལགས་ན།
Ca147b
བདག་ཅག་དེང་ཁོ་ནར་སྟོན་ཟླ་ཐ་ཆུང་གི་གཡོན་ཅན་དག་གིས་ཚུལ་མ་ལགས་པས་སྡུག་བསྔལ་བསྒྲུབས་པར་འགྱུར་རོ། །ཉེ་དགས་གཤེ་ཞིང་སྨྲས་པ། ཁྱེད་ཅག་རེ་ཞིག་གང་གི་མཐུས་སྙེམ་པ་དེ་ལ་ཡང་ཇེ་ཁྲིམས་བཅའ་བར་བྱའོ་ཞེས་རིག་ནས་དྲུག་སྡེ་དག་སྦྲན་ཏེ། ཚེ་དང་ལྡན་པ་པི་ལིན་དའི་བུ་ག་ལ་བ་དེར་སོང་ནས་ཕྱིན་པ་དང ། ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །གནས་བརྟན་ལ་ཕྱག་འཚལ་ལོ། །ཚེ་དང་ལྡན་པ་དག་ཨ་རོག་གྱ། གནས་བརྟན་ཇེ་སྐབས་ཕྱེ་ཤིག་།ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །གནས་བརྟན་གྱིས་ཞམ་རིང་བ་དག་གི་ནོར་སྟོན་ཟླ་ཐ་ཆུང་གི་གཡོན་ཅན་དག་གིས་བརྐུས་པ་ཐར་པར་བགྱིས་སམ། དེ་བཞིན་ཏ་ཐར་བར་བྱས་སོ། །གནས་བརྟན་བདག་ཅག་གིས་གནས་བརྟན་གོ་བསམ་གཏན་དང་རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་དག་གི་བདེ་བ་ཉམས་སུ་མྱོང་བར་མཛད་ཅིང་བཞུགས་པར་འཚལ་གྱིས། བདག་ཅག་གིས་ཐུགས་རྗེ་ཕྱོགས་གཅིག་པ་དང་ལྡན་ཞིང་ཞམ་རིང་བ་དག་ལ་ཐུགས་རྗེ་བར་མཛད་ལ། སྟོན་ཟླ་ཐ་ཆུང་གི་གཡོན་ཅན་དག་ལ་མི་མཛད་པར་མ་འཚལ་ཏེ། གཞན་དག་གིས་བདག་གིར་བགྱིས་པའི་ནོར་དག་ཐར་པར་བགྱིས་པའི་ལྟུང་བ་བྱུང་བ་ཆོས་བཞིན་དུ་སླར་མཛོད་ཅིག་།ལྟུང་བ་མ་མཐོང་ངོ ། ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ་ཞེས་གསུངས་ཀྱིས་ཁང་སྐྱོང་སུ་སྣང ། གཎྜཱི་རྡུངས་ཤིག་།འདི་གནས་ནས་དབྱུང་བའི་ལས་
Ca148a
༄#། །བྱའོ་ཞེས་དེ་དག་ཁང་སྐྱོང་གི་གན་དུ་དོང་ནས་སྨྲས་པ། ཚེ་དང་ལྡན་པ་གཎྜཱི་རྡུངས་ཤིག་།ཅིའི་ཕྱིར། དོན་ཉུང་དུ་ལ་ལྟུང་བ་བྱུང་བ་ཆོས་བཞིན་དུ་ཕྱིར་མི་འཆོས་པས་དེ་གནས་ནས་དབྱུང་བའི་ལས་བྱའོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་ཅིང ། བསྟན་པ་ལ་ཆོས་ཀྱི་སྒྱུ་ཐབས་ཀྱིས་མི་མཐུན་པ་འགའ་འབྱུང་བར་མི་འགྱུར་རམ་ཞེས་ཀུན་ཏུ་སྤྱོད་པའི་ཆོས་རྨེད་པར་བྱེད་པས་དེས་ཁང་སྐྱོང་ལ་རྨས་པ། ཚེ་དང་ལྡན་པ་སུ་ཞིག་ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་བྱེད། སུ་ཡང་མི་བགྱིད་དེ། འདི་ལྟར་ཚེ་དང་ལྡན་པ་པི་ལིན་དའི་བུ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པ་དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིད་དོ། །ཚེ་དང་ལྡན་པ་དགེ་སློང་གནས་བརྟན་ལ་མཐོ་མ་འཚམ་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་པར་མཛད་པ་ཡིན་གྱིས་དེའི་གན་དུ་དེང་ལ་དོན་འདི་ཞུས་ཤིག་དང ། བཅོམ་ལྡན་འདས་ཀྱིས་ཁྱོད་ལ་ཇི་སྐད་ལུང་བསྟན་པ་དེ། དེ་ཁོ་ན་བཞིན་དུ་ཟུང་ཞིག་།སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་
Ca148b
ཡིན་པས་སངས་རྒྱས་བཅོམ་ལྡན་འདས་རྣམས་ཀྱིས། ཚེ་དང་ལྡན་པ་པི་ལིན་དའི་བུ་ལ་རྨས་པ། པི་ལིན་དའི་བུ་ཁྱོད་ཀྱིས་བསམ་པ་ཇི་ལྟ་བུས་རྫུ་འཕྲུལ་རྣམ་པར་བསྟན། བཙུན་པ་བདག་འདི་སྙམ་བགྱིད་དེ། གལ་ཏེ་སུག་རྗེད་དག་ལ་མ་བསམས་ན། སུག་རྗེད་དག་ཀྱང་རེ་ཞིག་ནོར་དང་བྲལ་བ་ལས་བྱུང་བའི་སྡུག་བསྔལ་ཉམས་སུ་མྱོང་བར་འགྱུར་ཞིང་མ་དད་པ་རྣམས་ཀྱིས་ཀྱང་གླགས་རྙེད་པར་འགྱུར་ལ། དད་པ་རྣམས་ཀྱང་འདི་ལྟར་སྦྱིན་པར་བྱ་བའི་ཆོས་བྱིན་པ་ཡོངས་སུ་སྐྱོང་བར་མི་བྱེད་པས། ཕྱིན་ཆད་སུ་ཞིག་ཤཱཀྱའི་སྲས་ཀྱི་དགེ་སློང་རྣམས་ལ་སྦྱིན་པ་དང་བྱ་བར་སེམས་ཞེས་གཞན་དུ་གྱུར་པ་ཉིད་དུ་འགྱུར་གྱིས་བདག་གིས་རྫུ་འཕྲུལ་རྣམ་པར་བསྟན་པར་བགྱིའོ་སྙམ་པས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་པི་ལིན་དའི་བུས་བསམ་པ་དེ་ལྟ་བུས་རྫུ་འཕྲུལ་རྣམ་པར་བསྟན་པ་ལ་ལྟུང་བ་མེད་དོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ནོར་ཅན་གྱིས་དགེ་སློང་གི་དགེ་འདུན་སྐྱོན་མ་མཆིས་ཤིང་ཆུ་བུར་མ་མཆིས་པ་ལ་དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས་ཆུ་བུར་བྱུང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་དུ་མ་ཟད་ཀྱི་འདི་ལྟར་འདས་པའི་དུས་ན་ཡང་འདིས་འཇིག་རྟེན་སྐྱོན་མེད་ཅིང་ཆུ་བུར་མེད་པ་ལ་དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས་ཆུ་
Ca149a
༄#། །བུར་ཕྱུང་སྟེ། དེ་ཉོན་ཅིག་།དགེ་སློང་དག་འཇིག་རྟེན་འདི་འཇིག་པའི་དུས་གང་ཡིན་པ་དེ་ཡང་ཡོད་དེ། འཇིག་རྟེན་འཇིག་པ་ན་སེམས་ཅན་དག་ཕལ་ཆེར་འོད་གསལ་གྱི་ལྷའི་རིས་སུ་སྐྱེའོ། །དེ་དག་དེ་ན་གཟུགས་ཅན་ཡིད་ལས་བྱུང་བ་མ་ཚང་བ་མེད་པ། དབང་པོ་མ་ཉམས་པ། ཡན་ལག་དང་ཉིད་ལག་ཐམས་ཅད་དང་ལྡན་པ། བཟང་བ་ཁ་དོག་དང་ལྡན་པ། རང་ལས་འོད་འབྱུང་བ། ནམ་མཁའ་ལ་འགྲོ་བ། དགའ་བ་ཟ་བ། དགའ་བའི་ཟས་དང་ལྡན་པ་ཚེ་རིང་ཞིང་ཡུན་རིང་དུ་གནས་སོ། །དེའི་ཚེ་ནས་ཆེན་པོ་འདི་ཆུ་འབའ་ཞིག་དང་རྒྱ་མཚོ་འབའ་ཞིག་ཏུ་གྱུར་ཏེ། ས་ཆེན་པོ་ཆུ་འབའ་ཞིག་དང་རྒྱ་མཚོ་འབའ་ཞིག་ཏུ་གྱུར་པའི་སྟེང་དུ་རླུང་གིས་སྤྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་དེ། འདི་ལྟ་སྟེ་དཔེར་ན། འོ་མ་བསྐོལ་བ་གྲང་བར་གྱུར་པའི་སྟེང་དུ་རླུང་གིས་སྤྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་པ་དེ་བཞིན་དུ་ས་ཆེན་པོ་ཆུ་འབའ་ཞིག་དང་རྒྱ་མཚོ་འབའ་ཞིག་ཏུ་གྱུར་པའི་སྟེང་དུ་ཡང་རླུང་གིས་སྤྲིས་མ་ཀུན་ཏུ་འཆགས་པར་བྱེད། ཀུན་ཏུ་འཐས་པར་བྱེད། ཀུན་ཏུ་ཁྱབ་པར་བྱེད་དོ། །དེ་ནི་སའི་བཅུད་ཁ་དོག་ཕུན་སུམ་ཚོགས་པ།་དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་ཡིན་ཏེ། ཁ་དོག་གིས་ནི་འདི་ལྟ་བུ་སྟེ། འདི་ལྟ་སྟེ། དཔེར་ན། མར་ལྟ་བུའོ། །རོས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། སྦྲང་བུའི་
Ca149b
སྦྲང་རྩི་མ་བསྐོལ་བ་ལྟ་བུའོ། །དགེ་སློང་དག་འཇིག་རྟེན་འདི་ཆགས་པའི་དུས་གང་ཡིན་པ་དེ་ཡང་ཡོད་དེ། འཇིག་རྟེན་འཆགས་པ་ན་འོད་གསལ་གྱི་ལྔའི་རིས་དེ་ནས་སེམས་ཅན་ཁ་ཅིག་ཚེ་ཟད། ལས་ཟད། བསོད་ནམས་ཟད་པས། ཤི་འཕོས་ཏེ་འདི་ལྟ་བུ་ཉིད་དུ་མི་རྣམས་དང་སྐལ་བ་མཐུན་པ་ཉིད་དུ་འོང་ཞིང ། འདིར་ཡང་གཟུགས་ཅན་ཡིད་ལས་བྱུང་བ་མ་ཚང་བ་མེད་པ་དབང་པོ་མ་ཉམས་པ།་ཡན་ལག་དང་ཉིད་ལག་ཐམས་ཅད་དང་ལྡན་པ། བཟང་བ་ཁ་དོག་དང་ལྡན་པ། རང་ལས་འོད་འབྱུང་བ། ནམ་མཁའ་ལ་འགྲོ་བ། དགའ་བ་ཟ་བ། དགའ་བའི་ཟས་དང་ལྡན་པ། ཚེ་རིང་ཞིང་ཡུན་རིང་དུ་གནས་སོ། །དེའི་ཚེ་ན་འཇིག་རྟེན་དུ་ཉི་མ་དང་ཟླ་བ་དག་ཀྱང་མ་བྱུང་ངོ ། །འཇིག་རྟེན་དུ་རྒྱུ་སྐར་དག་ཀྱང་མ་བྱུང ། མཚན་མོ་དང་ཉིན་མོ་དག་ཀྱང་མ་བྱུང ། སྐད་ཅིག་དང་ཐང་ཅིག་དང་ཡུད་ཙམ་དག་ཀྱང་མ་བྱུང ། ཟླ་བ་དང་ཟླ་བ་ཕྱེད་དང་དུས་ཚིགས་དང་ལོ་དག་ཀྱང་མ་བྱུང་ངོ ། །བུད་མེད་ཀྱང་མེད། སྐྱེས་པ་ཡང་མེད་དེ། སེམས་ཅན་སེམས་ཅན་ཞེས་བྱ་བ་འབའ་ཞིག་གི་གྲངས་སུ་འགྲོའོ། །དེ་ནས་སེམས་ཅན་བརྐམ་པའི་རང་བཞིན་ཅན་ཞིག་སོར་མོའི་རྩེ་མོས་སའི་བཅུད་མྱང་བར་བྱེད་དོ། །ཇི་ལྟ་ཇི་ལྟར་མྱང་བར་བྱེད་པ་དེ་ལྟ་དེ་ལྟར་འདོད་པར་བྱེད་དོ། །ཇི་ལྟ་ཇི་ལྟར་འདོད་པར་བྱེད་པ་དེ་ལྟ་དེ་ལྟར་ཁམ་གྱི་ཟས་ཀྱི་རྩོམ་པས་ཟོས་པར་གྱུར་ཏོ། །སེམས་ཅན་གཞན་དག་གིས་ཀྱང་སེམས་ཅན་དེ་སོར་མོའི་རྩེ་མོས་སའི་བཅུད་མྱང་བར་བྱེད་པ་ན། ཇི་ལྟ་ཇི་ལྟར་
Ca150a
༄#། །མྱང་བར་བྱེད་པ་དེ་ལྟ་དེ་ལྟར་འདོད་པར་བྱེད་པ་དང ། ཇི་ལྟ་ཇི་ལྟར་འདོད་པར་བྱེད་པ་དེ་ལྟ་དེ་ལྟར་ཁམ་གྱི་ཟས་ཀྱི་རྩོམ་པས་ཟོས་པར་གྱུར་པ་མཐོང་ངོ ། །མཐོང་ནས་སེམས་ཅན་དེ་དག་ཀྱང་འདི་སྙམ་དུ་ཀྱེ་མ་དེ་ནི་ལེགས་སོ། །ཀྱེ་མ་དེ་ནི་བཟང་ངོ ། །བདག་ཅག་གིས་ཀྱང་སོར་མོའི་རྩེ་མོས་སའི་བཅུད་མྱང་བར་བྱའོ་སྙམ་དུ་སེམས་ཤིང་དེ་དག་ཀྱང་སོར་མོའི་རྩེ་མོས་སའི་བཅུད་མྱང་བར་བྱེད་དོ། །ཇི་ལྟ་ཇི་ལྟར་མྱང་བར་བྱེད་པ་དེ་ལྟ་དེ་ལྟར་འདོད་པར་བྱེད་དོ། །ཇི་ལྟ་ཇི་ལྟར་འདོད་པར་བྱེད་པ་དེ་ལྟ་དེ་ལྟར་ཁམ་གྱི་ཟས་ཀྱི་རྩོམ་པས་ཟོས་པར་གྱུར་ཏོ། ། གང་གི་ཕྱིར་སེམས་ཅན་དེ་དག་གིས་སའི་བཅུད་ཁམ་གྱི་ཟས་ཀྱི་རྩོམ་པས་ཟོས་པར་གྱུར་པ་དེའི་ཕྱིར། དེ་དག་གིས་ལུས་ལ་སྲ་བ་ཉིད་དང ། ལྕི་བ་ཉིད་བྱུང་ཞིང ། དེ་དག་གི་ཁ་དོག་གསལ་བ་བཟང་པོ་གང་ཡིན་པ་དེ་ཡང་མེད་པར་གྱུར། འཇིག་རྟེན་དུ་མུན་པ་ཡང་བྱུང་བར་གྱུར་ཏོ། །དགེ་སློང་དག་ཆོས་ཉིད་ཀྱིས་ནི་འཇིག་རྟེན་དུ་མུན་པ་བྱུང་བ་ན། འཇིག་རྟེན་དུ་ཉི་མ་དང་ཟླ་བ་དག་ཀྱང་འབྱུང་བར་འགྱུར་རོ། །འཇིག་རྟེན་དུ་རྒྱུ་སྐར་དག་དང ། མཚན་མོ་དག་དང ། ཉིན་མོ་དག་དང ། སྐད་ཅིག་དང་ཐང་ཅིག་དང་ཡུད་ཙམ་དག་དང ། ཟླ་བ་དང་ཟླ་བ་ཕྱེད་དང་དུས་ཚིགས་དང ། ལོ་དག་ཀྱང་འབྱུང་བར་འགྱུར་རོ། །དེ་དག་དེ་ཟ་ཞིང་ཟས་དེ་དག་དང་ལྡན་པ་ཚེ་རིང་ཞིང་ཡུན་རིང་དུ་གནས་སོ། །དེ་དག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་
Ca150b
འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་འགྱུར་རོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས། ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན། སེམས་ཅན་གྱིས་སེམས་ཅན་ལ། ཀཝའེ་སེམས་ཅན་ང་ནི་ཁ་དོག་དང་ལྡན་པ་ཡིན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །དེ་དག་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས། སའི་བཅུད་མེད་པར་གྱུར་ཏོ། །དགེ་སློང་དག་སེམས་ཅན་དེ་དག་སའི་བཅུད་མེད་པར་གྱུར་པ་ན། འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཀྱེ་མའོ་བཅུད། ཀྱེ་མའོ་བཅུད་ཅེས་ཀྱང་ཟེར་ཏོ། །འདི་ལྟ་སྟེ་དཔེར་ན། དེང་སང་མི་དག་ཟས་ཞིམ་པ་བཟང་པོ་ཅུང་ཞིག་རྙེད་ནས། ཡི་གེ་དང་སྦྱར་བ་དང ། ཚིག་རྙིང་པ་དེ་དག་ཉིད་ཀྱིས་རྗེས་སུ་ཐ་སྙད་འདོགས་ཤིང་འདི་སྐད་ཅེས་ཀྱེ་མའོ་བཅུད། ཀྱེ་མའོ་བཅུད་ཅེས་ཀྱང་ཟེར་བ་དེ་བཞིན་དུ། སེམས་ཅན་དེ་དག་ཀྱང་སའི་བཅུད་མེད་པར་གྱུར་པ་ན་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད་དེ། སྨྲེ་སྔགས་འདོན་པར་བྱེད་ཅིང་འདི་སྐད་ཅེས། ཀྱེ་མའོ་བཅུད། ཀྱེ་མའོ་བཅུད་ཅེས་ཟེར་ཡང་སྨྲས་པ་འདིའི་དོན་འདིའོ། །སྨྲས་པ་འདིའི་དོན་འདིའོ་ཞེས་སྨྲས་པ་དེའི་དོན་མི་ཤེས་སོ། །དགེ་སློང་དག་སེམས་ཅན་དེ་དག་གི་སའི་བཅུད་མེད་པར་གྱུར་པ་ན། ས་ཞག་ཁ་དོག་ཕུན་སུམ་
Ca151a
༄#། །ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། ཁ་དོག་གིས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། དོང་ཀའི་མེ་ཏོག་ལྟ་བུའོ། །རོས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། སྦྲང་བུའི་སྦྲང་རྩི་མ་བསྐོལ་བ་ལྟ་བུའོ། །དེ་དག་དེ་ཟ་ཞིང་ཟས་དེ་དང་ལྡན་ལ། ཚེ་རིང་ཞིང་ཡུན་རིང་དུ་གནས་སོ། །དེ་དག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་འགྱུར་རོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས། ཁ་དོག་རྣམས་གཉིས་ཉིད་དུ་མངོན་ལ། ཁ་དོག་རྣམས་གཉིས་ཉིད་དུ་གྱུར་པ་ན་སེམས་ཅན་གྱིས་སེམས་ཅན་ལ། ཀཝའི་སེམས་ཅན་ང་ནི་ཁ་དོག་དང་ལྡན་པ་ཡིན་ལ་ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །དེ་དག་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན ། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་ས་ཞག་མེད་པར་གྱུར་ཏོ། །དགེ་སློང་དག་སེམས་ཅན་དེ་དག་ས་ཞག་མེད་པར་གྱུར་པ་ན་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང་འདི་སྐད་ཅེས་ཀྱེ་མའོ་ཀྱེ་མའོ་ཞེས་ཀྱང་ཟེར་ཏེ། འདི་ལྟ་སྟེ་དཔེར་ན། དེང་སང་མི་དག་སྡུག་བསྔལ་དང་ཡིད་མི་བདེ་བ་འགའ་ཞིག་གིས་རེག་པ་ན། ཡི་གེ་དང་སྦྱར་བ་དང ། །ཚིག་རྙིང་པ་དེ་དག་ཉིད་ཀྱིས་རྗེས་སུ་ཐ་སྙད་འདོགས་ཤིང ། འདི་སྐད་ཅེས་ཀྱེ་མའོ་ཀྱེ་མའོ་ཞེས་ཀྱང་ཟེར་བ་དེ་བཞིན་དུ། སེམས་ཅན་དེ་དག་
Ca151b
ཀྱང་ས་ཞག་མེད་པར་གྱུར་པ་ན། འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཀྱེ་མའོ་ཀྱེ་མའོ་ཞེས་ཟེར་ཡང་སྨྲས་པ་འདིའི་དོན་ནི་འདིའོ།། སྨྲས་པ་འདིའི་དོན་ནི་འདིའོ་ཞེས་སྨྲས་པ་དེའི་དོན་ནི་མི་ཤེས་སོ། །དགེ་སློང་དག་སེམས་ཅན་དེ་དག་གིས་ཞག་མེད་པར་གྱུར་པ་ན། མྱུ་གུའི་ཚལ་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པར་བྱུང་བར་གྱུར་ཏེ། ཁ་དོག་གིས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། ཀ་དམ་བུ་ཀའི་མེ་ཏོག་ལྟ་བུའོ། །རོས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། སྦྲང་བུའི་སྦྲང་རྩི་མ་བསྐོལ་བ་ལྟ་བུའོ། །དེ་དག་དེ་ཟ་ཞིང་ཟས་དེ་དང་ལྡན་ལ། ཚེ་རིང་ཞིང་ཡུན་རིང་དུ་གནས་སོ། །དེ་དག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་འགྱུར་རོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན་སེམས་ཅན་གྱིས་སེམས་ཅན་ལ། ཀཝའེ་སེམས་ཅན་ང་ནི་ཁ་དོག་དང་ལྡན་པ་ཡིན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །དེ་དག་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་མྱུ་གུའི་ཚལ་མེད་པར་གྱུར་ཏོ། །དགེ་སློང་དག་སེམས་ཅན་དེ་དག་མྱུ་གུའི་ཚལ་མེད་པར་གྱུར་པ་ན་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་
Ca152a
༄#། །འདོན་པར་བྱེད་ཅིང ། འདི་སྐད་ཅེས་ཕར་སོང་ཕར་སོང་ཞེས་ཀྱང་ཟེར་ཏེ། འདི་ལྟ་སྟེ་དཔེར་ན། དེང་སང་མི་དག་སྨད་པ་རྣོན་པོ་འགའ་ཞིག་གིས་སྨད་པ་ན་ཡི་གེ་དང་སྦྱར་བ་དང་ཚིག་རྙིང་པ་དེ་དག་ཉིད་ཀྱིས་རྗེས་སུ་ཐ་སྙད་འདོགས་ཤིང་འདི་སྐད་ཅེས་ཕར་སོང་ཕར་སོང་ཞེས་ཀྱང་ཟེར་བ་དེ་བཞིན་དུ་སེམས་ཅན་དེ་དག་ཀྱང་མྱུ་གུའི་ཚལ་མེད་པར་གྱུར་པ་ན། འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང ། འདི་སྐད་ཅེས་ཕར་སོང་ཕར་སོང་ཞེས་ཟེར་ཡང་སྨྲས་པ་འདིའི་དོན་ནི་འདིའོ། །སྨྲས་པ་འདིའི་དོན་ནི་འདིའོ་ཞེས་སྨྲས་པ་དེའི་དོན་ནི་མི་ཤེས་སོ། །དགེ་སློང་དག་སེམས་ཅན་དེ་དག་གི་མྱུ་གུའི་ཚལ་མེད་པར་གྱུར་པ་ན་མ་རྨོས་མ་བཏབ་པའི་འབྲས་སཱ་ལུའི་འབྲུ་སོ་བ་མེད་པ། སྦུན་པ་མེད་པ་དག་པ་གཙང་བ་སོར་བཞི་པ། ཀུན་ནས་མ་དཀྲིས་པ། ནུབ་བརྔས་ན་ནང་རྒྱས་ཞིང་ཕྱིར་སྐྱེ་ལ། ནང་བརྔས་ན་ནུབ་རྒྱས་ཞིང་ཕྱིར་སྐྱེ་བ། བརྔས་སོ་ཅོག་ཕྱིར་སྐྱེ་བ། བརྔས་པར་ཡང་མི་མངོན་པ་འབྱུང་བར་འགྱུར་ཏེ། དེ་དག་དེ་ཟ་ཞིང་ཟས་དེ་དང་ལྡན་ལ་ཚེ་རིང་ཞིང་ཡུན་རིང་དུ་གནས་སོ། །གང་གི་ཕྱིར་སེམས་ཅན་དེ་དག་གིས་མ་རྨོས་མ་བཏབ་པའི་འབྲས་སཱ་ལུའི་འབྲུ་ཁམ་གྱི་ཟས་ཀྱི་རྩོམ་པས་ཟོས་པར་གྱུར་པ་དེའི་ཕྱིར་དེ་དག་ལ་དབང་པོ་ཐ་དད་པ་བྱུང་བར་གྱུར་ཏེ། ཁ་ཅིག་ནི་ཕོའི་དབང་པོ་དང་ལྡན། ཁ་ཅིག་ནི་མོའི་དབང་པོ་དང་ལྡན་ནོ། །དེ་ན་གང་དག་ཕོའི་དབང་པོ་དང་ལྡན་པ་དང ། གང་དག་མོའི་དབང་པོ་དང་ལྡན་པ་དེ་དག་
Ca152b
གཅིག་ལ་གཅིག་མིག་གིས་མིག་ལ་བརྟེན་ཏེ་ལྟ་བར་བྱེད་དོ། །ཇི་ལྟ་ཇི་ལྟར་གཅིག་ལ་གཅིག་མིག་གིས་མིག་ལ་བརྟེན་ཏེ་ལྟ་བར་བྱེད་པ་དེ་ལྟ་དེ་ལྟར་ཀུན་ཏུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་དེ་ལྟ་དེ་ལྟར་ལོག་པར་ཞུགས་སོ། །སེམས་ཅན་གཞན་དག་གིས་ཀྱང་སེམས་ཅན་སེམས་ཅན་ལ་ལོག་པར་ཞུགས་པ་མཐོང་ངོ ། །མཐོང་ནས་སས་ཀྱང་འཐོར་བར་བྱེད། བོང་པ་དང་གསེག་མ་དང ། གྱོ་མོ་དང་གྱོ་དུ་མ་དག་ཀྱང་འཕེན་པར་བྱེད་ཅིང ། འདི་སྐད་ཅེས་སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ།་ཀཝའི་སེམས་ཅན་ཁྱོད་ཅིའི་ཕྱིར། སེམས་ཅན་སུན་པར་བྱེད་ཅེས་ཀྱང་ཟེར་ཏེ། འདི་ལྟ་སྟེ་དཔེར་ན་དེང་སང་སེམས་ཅན་དག་བག་སར་བག་མར་ལེན་པ་ན་ཕྱེ་མས་ཀྱང་འཐོར་བར་བྱེད། དྲི་དང་མེ་ཏོག་དང་འབྲས་ཡོས་དག་གིས་ཀྱང་འཐོར་བར་བྱེད་ཅིང ། འདི་སྐད་ཅེས་སྲུ་བདེ་བར་གྱུར་ཅིག་ཅེས་ཀྱང་ཟེར་བ་དེ་བཞིན་དུ་སེམས་ཅན་དེ་དག་གིས་ཀྱང་སེམས་ཅན་ལ་ལོག་པར་ཞུགས་པ་མཐོང་ནས་སས་ཀྱང་འཐོར་བར་བྱེད། བོང་བ་དང་གསེག་མ་དང་གྱོ་མོ་དང་གྱོ་དུམ་དག་ཀྱང་འཕེན་པར་བྱེད་ཅིང ། འདི་སྐད་ཅེས་སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། ཀཝའེ་སེམས་ཅན་ཁྱོད་ཅིའི་ཕྱིར་སེམས་ཅན་སུན་པར་བྱེད་ཅེས་ཀྱང་ཟེར་རོ། །དགེ་སློང་དག་དེ་ལྟར་ན་སྔོན་ཆོས་མ་ཡིན་པར་གྲགས་པ་གང་ཡིན་པ་དེ་ནི་
Ca153a
༄#། །དེང་སངས་ཆོས་སུ་གྲགས་ལ། སྔོན་འདུལ་བ་མ་ཡིན་པར་གྲགས་པ་གང་ཡིན་པ་དེ་ནི་དེང་སང་འདུལ་བར་གྲགས། སྔོན་སྨད་པར་བྱ་བ་གང་ཡིན་པ་དེ་ནི་དེང་སང་བསྟོད་པར་བྱ་བ་ཡིན་ནོ། །དེ་ཉི་མ་གཅིག་ཙམ་སྤོང་བར་བྱེད། ཉི་མ་གཉིས་སམ་གསུམ་མམ་བདུན་ཙམ་སྤོང་བར་བྱེད་དོ། །གང་གི་ཕྱིར་སེམས་ཅན་དེ་དག་སྡིག་པ་ཅན་དམ་པ་མ་ཡིན་པའི་ཆོས་དེ་ལ་ཤིན་ཏུ་ལྟུང་བར་བྱེད་པས་བརྟུལ་ཞུགས་ལ་ཞུགས་པ་དེའི་ཕྱིར་དེ་དག་ཁྱིམ་བརྩིག་པ་ལ་ཞུགས་ཏེ་བདག་ཅག་གིས་འདིར་བྱ་བ་མ་ཡིན་པ་བྱའོ། །བདག་ཅག་གིས་འདིར་བྱ་བ་མ་ཡིན་པར་བྱའོ་ཞེས་ཟེར་བ་ལས་ཁྱིམ་ཁྱིམ་ཞེས་བྱ་བའི་མིང་བྱུང་ངོ ། །དགེ་སློང་དག་འདི་ནི་ཁྱིམ་གྱི་ལས་ཀྱི་མཐའ་དག་འཇིག་རྟེན་དུ་འབྱུང་བའི་དང་པོ་རྩོམ་པ་ཡིན་ཏེ། དེ་ཡང་ཆོས་ཀྱིས་ཡིན་གྱི་ཆོས་མ་ཡིན་པས་ནི་མ་ཡིན་ནོ། །དེ་ལ་ཆོས་ནི་འདི་ཡིན་ཏེ། རྒྱལ་བ་དབང་པོ་རྣམས་ཀྱི་ཆོས་མཆོག་ཡིན་ནོ། །དེ་དག་དགོངས་ཀར་ཡང་དགོངས་ཀ་ཟ་འདོད་པས་སཱ་ལུའི་དོན་དུ་འདོང་པར་བྱེད། ནང་པར་ཡང་ནང་པར་ཟ་འདོད་པས་སཱ་ལུའི་དོན་དུ་འདོང་བར་བྱེད་དོ། །དེ་ནས་སེམས་ཅན་ལེ་ལོའི་རང་བཞིན་ཅན་ཞིག་གིས་དགོངས་ཀ་དང་ངན་པར་གྱི་སཱ་ལུ་གཅིག་ཅར་བླངས་པར་གྱུར་ཏོ། ། སེམས་ཅན་ཞིག་གིས་སེམས་ཅན་དེ་ལ་སྨྲས་པ། ཀཝའེ་སེམས་ཅན་ཚུར་ཤོག་།སཱ་ལུའི་ཕྱིར་འདོང་ངོ ། །སེམས་ཅན་དེས་སྨྲས་པ། ཀཝའེ་སེམས་ཅན་ཁྱོད་རང་གི་སཱ་ལུའི་ཕྱིར་སོམས་ཤིག །
Ca153b
བདག་གིས་དགོངས་ཀ་དང་ནང་པར་གྱི་སཱ་ལུ་གཅིག་ཅར་བླངས་ཟིན་ཏོ། །དེ་ནས་སེམས་ཅན་དེ་འདི་སྙམ་དུ་ཀྱེ་མ་དེ་ནི་ལེགས་སོ། །ཀྱེ་མ་དེ་ནི་བཟང་ངོ ། །བདག་གིས་ཀྱང་ཉི་མ་གཉིས་ཀྱི་དང་ཉི་མ་གསུམ་གྱི་དང་ཉི་མ་བདུན་གྱི་བར་གྱི་སཱ་ལུ་བླང་བར་བྱའོ་སྙམ་ནས། དེས་ཉི་མ་གཉིས་ཀྱི་དང་ཉི་མ་གསུམ་གྱི་དང་ཉི་མ་བདུན་གྱི་བར་གྱི་སཱ་ལུ་བླངས་པར་གྱུར་ཏོ། །དེ་ནས་སེམས་ཅན་ཞིག་གིས་སེམས་ཅན་དེ་དག་ལ་འདི་སྐད་ཅེས་སྨྲས་སོ། །ཀཝའེ་སེམས་ཅན་ཚུར་ཤོག་།སཱ་ལུའི་ཕྱིར་འདོང་ངོ ། །སེམས་ཅན་དེས་སྨྲས་པ། ཀཝའེ་སེམས་ཅན་ཁྱོད་རང་གི་སཱ་ལུའི་ཕྱིར་སོམས་ཤིག་།བདག་གིས་ཉི་མ་གཉིས་ཀྱི་དང་ཉི་མ་གསུམ་གྱི་དང་ཉི་མ་བདུན་གྱི་སཱ་ལུ་བླངས་ཟིན་ཏོ། །དེ་ནས་སེམས་ཅན་དེ་འདི་སྙམ་དུ་ཀྱེ་མ་དེ་ནི་ལེགས་སོ། །ཀྱེ་མ་དེ་ནི་བཟང་ངོ ། །བདག་གིས་ཀྱང་ཟླ་བ་ཕྱེད་ཀྱི་དང ། ཟླ་བ་གཅིག་གི་སཱ་ལུ་བླང་བར་བྱའོ་སྙམ་ནས། དེས་ཟླ་བ་ཕྱེད་ཀྱི་དང་ཟླ་བ་གཅིག་གི་སཱ་ལུ་བླངས་པར་གྱུར་ཏོ། །གང་གི་ཕྱིར་སེམས་ཅན་དེ་དག་གིས། མ་རྨོས་མ་བཏབ་པའི་འབྲས་སཱ་ལུའི་འབྲུ་གསོག་འཇོག་གི་ཡོངས་སུ་སྤྱོད་པས་ཟོས་པར་གྱུར་པ་དེའི་ཕྱིར་སཱ་ལུ་དེ་ལ་སོ་བ་དང ། སྦུན་པ་དང་འབྲས་ཀུན་ནས་དཀྲིས་པར་གྱུར་ཅིང་བརྔས་སོ་ཅོག་ཀྱང་ཕྱིར་མི་སྐྱེ་ལ་བརྔས་པར་ཡང་མངོན་ཞིང ། སཱ་ལུ་བྱིངས་དང་བྱིངས་མ་ཡིན་པ་དག་ན་རྣམ་པར་གནས་སོ། །དེ་ནས་སེམས་ཅན་དེ་དག་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད། སྨྲེ་སྔགས་འདོན་པར་བྱེད་ཅིང ། ཤེས་ལྡན་དག་བདག་ཅག་སྔོན་གཟུགས་ཅན་ཡིད་
Ca154a
༄#། །ལས་བྱུང་བ་མ་ཚང་བ་མེད་པ། དབང་པོ་མ་ཉམས་པ། ཡན་ལག་དང་ཉིང་ལག་ཐམས་ཅད་དང་ལྡན་པ། བཟང་བ་ཁ་དོག་དང་ལྡན་པ། རང་ལས་འོད་འབྱུང་བ། ནམ་མཁའ་ལ་འགྲོ་བ། དགའ་བ་ཟ་བ། དགའ་བའི་ཟས་དང་ལྡན་པ། ཚེ་རིང་ཞིང་ཡུན་རིང་དུ་གནས་པ་ན། བདག་ཅག་ལ་སའི་བཅུད་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ། བྱུང་བར་གྱུར་ནས། གང་གི་ཕྱིར་བདག་གི་སའི་བཅུད་ཁམ་གྱི་ཟས་ཀྱི་རྩོམ་པས་ཟོས་པར་གྱུར་པ་དེའི་ཕྱིར་བདག་ཅག་གི་ལུས་ལ་སྲ་བ་ཉིད་དང་ལྕི་བ་ཉིད་བྱུང་ཞིང ། བདག་ཅག་གི་ཁ་དོག་གསལ་བ་བཟང་པོ་གང་ཡིན་པ་དེ་ཡང་མེད་པར་གྱུར། འཇིག་རྟེན་དུ་མུན་པ་ཡང་བྱུང་བར་གྱུར་ཏོ། །བདག་ཅག་དེ་ཟ་ཞིང་ཟས་དེ་དང་ལྡན་ལ། ཚེ་རིང་ཞིང་ཡུན་རིང་དུ་གནས་པ་ལས་བདག་ཅག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་གྱུར་ཏོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ།་ཁ་དོག་རྣམ་གཉིས་ཉིད་དུ་གྱུར་པ་ན། སེམས་ཅན་གྱིས་སེམས་ཅན་ལ། ཀཝའེ་སེམས་ཅན་ང་ནི་ཁ་དོག་དང་ལྡན་པ་ཡིན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། ། བདག་ཅག་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་སའི་བཅུད་མེད་པར་གྱུར་ཏོ། །སའི་བཅུད་མེད་པར་གྱུར་པ་
Ca154b
ན་ས་ཞག་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། བདག་ཅག་དེ་ཟ་ཞིང་ཟས་དེ་དང་ལྡན་ལ། ཚེ་རིང་ཞིང་ཡུན་རིང་དུ་གནས་སོ། །བདག་ཅག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་གྱུར་ཏོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན་སེམས་ཅན་གྱིས་སེམས་ཅན་ལ། ཀཝའི་སེམས་ཅན་ནང་ནི་ཁ་དོག་དང་ལྡན་པ་ཡིན་ལ་ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །བདག་ཅག་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་ས་ཞག་མེད་པར་གྱུར་ཏོ། །ས་ཞག་མེད་པར་གྱུར་པ་ན་མྱུ་གུའི་ཚལ་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། བདག་ཅག་དེ་ཟ་ཞིང་ཟས་དེ་དང་ལྡན་ལ་ཚེ་རིང་དུ་གནས་སོ། །བདག་ཅག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་གྱུར་ཏོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན་སེམས་ཅན་གྱིས་སེམས་ཅན་ལ། ཀཝའི་སེམས་ཅན་ང་ནི་ཁ་དོག་དང་ལྡན་པ་ཡིན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །བདག་ཅག་ལ་ཁ་དོག་གིས་
Ca155a
༄#། །མངོན་པའི་ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་མྱུ་གུའི་ཚལ་མེད་པར་གྱུར་ཏོ། །མྱུ་གུའི་ཚལ་མེད་པར་གྱུར་བ་ན། མ་རྨོས་མ་བཏབ་པའི་འབྲས་སཱ་ལུའི་འབྲུ་སོ་བ་མེད་པ། སྦུན་པ་མེད་པ་དག་པ་གཙང་བ་སོར་བཞི་པ། ཀུན་ནས་མ་དཀྲིས་པ། ནུབ་བརྔས་ན་ནང་རྒྱས་ཤིང་ཕྱིར་སྐྱེ་ལ། ནང་བརྔས་ན་ནུབ་རྒྱས་ཞིང་སྐྱེ་བ། བརྔས་སོ་ཅོག་ཕྱིར་སྐྱེ་བ། བརྔས་པར་ཡང་མི་མངོན་པ་བྱུང་བར་གྱུར་ཏེ། བདག་ཅག་དེ་ཟ་ཞིང་ཟས་དེ་དང་ལྡན་ལ། ཚེ་རིང་ཞིང་ཡུན་རིང་དུ་གནས་སོ། །གང་གི་ཕྱིར་བདག་ཅག་གིས་མ་རྨོས་མ་བཏབ་པའི་འབྲས་སཱ་ལུའི་འབྲུ་གསོག་འཇོག་གི་ཡོངས་སུ་སྤྱོད་པས་ཟོས་པར་གྱུར་པ་དེའི་ཕྱིར་བདག་ཅག་ལ་འབྲས་སཱ་ལུ་སོ་བ་དང་སྦུན་པ་དང་འབྲས་ཀུན་ནས་དཀྲིས་པར་གྱུར་ཅིང་བརྔས་སོ་ཅོག་ཀྱང་ཕྱིར་མི་སྐྱེ་ལ། བརྔས་པར་ཡང་མངོན་ཞིང་སཱ་ལུ་བྱིངས་དང་བྱིངས་མ་ཡིན་པ་དག་ན་རྣམ་པར་གནས་པར་གྱུར་གྱིས་བདག་ཅག་འདུས་ཤིང་ལྷགས་ནས། མཚམས་གཅད་བར་བྱ་ཞིང་འདི་ནི་ཁྱོད་ཀྱིའོ། །འདི་ནི་ངའི་འོ་ཞེས་མུ་ཐུག་རྣམ་པར་གཞག་པར་བྱ་བ་སྙམ་ཞེས་དེ་དག་འདུས་ཤིང་ལྷགས་ནས། མཚམས་གཅོད་པར་བྱེད་ཅིང་འདི་ནི་ཁྱོད་ཀྱིའོ། །འདི་ནི་ངའི་འོ་ཞེས་མུ་ཐུག་རྣམ་པར་འཇོག་པར་བྱེད་དོ། །དགེ་སློང་དག་འདི་ནི་མུ་ཐུག་གི་ཡས་ཀྱི་མཐའ་དག་འཇིག་རྟེན་དུ་འབྱུང་བའི་དང་པོ་རྩོམ་པ་ཡིན་ཏེ། དེ་ཡང་ཆོས་ཀྱིས་ཡིན་གྱི། ཆོས་མ་ཡིན་པས་
Ca155b
ནི་མ་ཡིན་ནོ། །དེ་ལ་ཆོས་ནི་འདི་ཡིན་ཏེ། རྒྱལ་བ་དབང་པོ་རྣམས་ཀྱི་ཆོས་མཆོག་ཡིན་ནོ། །དེ་ནས་སེམས་ཅན་ཞིག་གིས་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་བླངས་སོ། །སེམས་ཅན་གཞན་ཞིག་གིས་སེམས་ཅན་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན་པ་དེ་མཐོང་ངོ ། །མཐོང་ནས་ཀྱང་སེམས་ཅན་དེ་ལ་འདི་སྐད་ཅེས་སྨྲས་སོ། །ཀཝའི་སེམས་ཅན་ཁྱོད་ཅིའི་ཕྱིར་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན། ཀཝའི་སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིང ། སེམས་ཅན་དེས་ལན་གཉིས་ལན་གསུམ་དུ་ཡང་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་བླངས་སོ། །སེམས་ཅན་གཞན་དེས་ཀྱང ། སེམས་ཅན་གཞན་དེ་ལན་གཉིས་ལན་གསུམ་དུ་ཡང་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན་པ་དེ་མཐོང་ངོ ། །མཐོང་ནས་ཀྱང་ཡང་སེམས་ཅན་དེ་ལ་འདི་སྐད་ཅེས་སྨྲས་སོ། །ཀཝའི་སེམས་ཅན་ཁྱོད་ཅིའི་ཕྱིར་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན་ཅེས་སེམས་ཅན་དེས་སེམས་ཅན་དེ་འདྲེན་པར་བྱེད། ཁྲིད་པར་བྱེད་ཅིང་འཁོར་གྱི་ནང་དུ་ཡང་ཤེས་ལྡན་དག་སེམས་ཅན་འདི་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན་ཏོ་ཞེས་སྨོད་པའི་བར་དུ་བྱེད་དོ། །དེ་ནས་སེམས་ཅན་དེ་དག་གིས་སེམས་ཅན་དེ་དག་ལ་འདི་སྐད་ཅེས་སྨྲས་སོ། །ཀཝའི་སེམས་ཅན་ཁྱོད་ཅིའི་ཕྱིར་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན། ཀཝའི་
Ca156a
༄#། །སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིག་།དེ་ནས་སེམས་ཅན་མ་བྱིན་པར་ལེན་པ་དེས་སེམས་ཅན་དེ་དག་ལ་འདི་སྐད་ཅེས་སྨྲས་སོ། །ཤེས་ལྡན་དག་སེམས་ཅན་འདིས་ཁོ་བོ་ལ་སཱ་ལུའི་ཕྱིར་སྨྲས་ཏེ། འདྲེན་པར་བྱེད་ཁྲིད་པར་བྱེད་ཅིང་འཁོར་གྱི་ནང་དུ་སྨོད་པའི་བར་དུ་བྱེད་དོ། །དེ་ནས་སེམས་ཅན་དེ་དག་གིས་སེམས་ཅན་སཱ་ལུའི་ཕྱིར་སྨྲ་བ་དེ་ལ་འདི་སྐད་ཅེས་སྨྲས་སོ། །ཀཝའི་སེམས་ཅན་ཁྱོད་ཅིའི་ཕྱིར་སཱ་ལུའི་ཕྱིར་སེམས་ཅན་ལ་སྨྲ་ཞིང་འདྲེན་པར་བྱེད། ཁྲིད་པར་བྱེད་ལ་འཁོར་གྱི་ནང་དུ་སྨོད་པའི་བར་དུ་བྱེད། ཀཝའེ་སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིག་།དེ་ནས་སེམས་ཅན་དེ་དག་འདི་སྙམ་དུ་ཤེས་ལྡན་དག་སཱ་ལུའི་ཕྱིར་འདྲེན་པར་བྱེད། ཁྲིད་པར་བྱེད་པ་ནས། འཁོར་གྱི་ནང་དུ་སྨོད་པར་བྱེད་པའི་བར་དག་སྣང་གིས། བདག་ཅག་འདུས་ཤིང་ལྷགས་ནས་བདག་ཅག་གི་ནང་ནས་སེམས་ཅན་གང་ཆེས་གཟུགས་བཟང་བ། ཆེས་བལྟ་ན་སྡུག་པ། ཆེས་མཛེས་པ། ཆེས་ལུས་ཆེ་བ། དེ་དག་བདག་ཅག་གིས་ཞིང་རྣམས་ཀྱི་བདག་པོར་བསྐོས་ན། བདག་ཅག་ལས་གང་ཆད་པས་གཅད་པར་བྱ་བ་ཡང་ཆད་པས་གཅོད་པར་འགྱུར་ཞིང ། ཕན་གདགས་པར་བྱ་བ་ལ་ཡང་ཕན་འདོགས་པར་འགྱུར་ལ། བདག་ཅག་གི་ཞིང་དག་ལས་ཅི་འབྱུང་བར་འགྱུར་བ་དེ་ལས་ཆོས་དང་ལྡན་པའི་ཐོག་ཤས་ཀྱང་དབུལ་བར་བྱའོ་སྙམ་ནས། སེམས་ཅན་དེ་དག་འདུས་ཤིང་ལྷགས་
Ca156b
ནས་དེ་དག་གི་ནང་ནས། སེམས་ཅན་གང་ཆེས་གཟུགས་བཟང་བ། ཆེས་བལྟ་ན་སྡུག་པ། ཆེས་མཛེས་པ། ཆེས་ལུས་ཆེ་བ་དེ་ཞིང་རྣམས་ཀྱི་བདག་པོར་སྐོ་ཞིང་འདི་སྐད་ཅེས། ཀྱེ་སེམས་ཅན་ཁྱོད་ཚུར་སྤྱོན། ཁྱོད་ཀྱིས་བདག་ཅག་ལས་གང་ཆད་པས་གཅད་པར་བྱ་བ་ཡང་ཆད་པས་ཆོད་ཅིག་།ཕན་གདགས་པར་བྱ་བ་ལ་ཡང་ཕན་ཐོགས་ཤིག་།བདག་ཅག་གི་ཞིང་དག་ལས་ཅི་འབྱུང་བ་དེ་ལས་ཀྱང་བདག་ཅག་གིས་ཁྱོད་ལ་ཆོས་དང་མཐུན་པའི་ཐོག་ཤས་དབུལ་ལོ་ཞེས་སྨྲས་ཏེ། དེ་ལྟར་སྐྱེ་བོ་མང་པོས་བཀུར་ཞིང་སྐྱེ་བོ་མང་པོས་བཀུར་བས། དེ་མང་པོས་བཀུར་བ་མང་པོས་བཀུར་བ་ཞེས་བྱ་བའི་མིང་དུ་གྱུར་ཏོ། །ཞིང་རྣམས་ཀྱི་བདག་པོ་དང་སྨས་པ་ལས་སྐྱོབ་པར་བྱེད་པས། རྒྱལ་རིགས་རྒྱལ་རིགས་ཞེས་བྱ་བའི་མིང་དུ་གྱུར་ཏོ། །ཚུལ་ཁྲིམས་ཀྱི་སྤྱོད་པ་ཀུན་ཏུ་སྤྱོད་པ་དང ། ཤེས་རབ་ཀྱི་སྤྱོད་པ་ཀུན་ཏུ་སྤྱོད་པས་ཆོས་ཀྱི་སྐྱེ་དགུ་དགའ་བར་བྱེད་པས་རྒྱལ་པོ་རྒྱལ་པོ་ཞེས་བྱ་བའི་མིང་དུ་གྱུར་ཏོ། །དགེ་སློང་དག་འདི་ནི་རྒྱལ་རིགས་ཀྱི་དཀྱིལ་འཁོར་འཇིག་རྟེན་དུ་འབྱུང་བའི་དང་པོ་རྩོམ་པ་ཡིན་ཏེ། དེ་ཡང་ཆོས་ཀྱིས་ཡིན་གྱི། ཆོས་མ་ཡིན་པས་ནི་མ་ཡིན་ནོ། །དེ་ལ་ཆོས་ནི་འདི་ཡིན་ཏེ། རྒྱལ་བ་དབང་པོ་རྣམས་ཀྱི་ཆོས་མཆོག་ཡིན་ནོ། །དགེ་སློང་དག་བྲམ་ཟེའི་དཀྱིལ་འཁོར་འཇིག་རྟེན་དུ་འབྱུང་བའི་དང་པོ་རྩོམ་པ་གང་ཞེ་ན། དགེ་སློང་དག་དེ་ནས་སེམས་ཅན་ཁ་ཅིག་གིས་ཡོངས་སུ་འཛིན་པ་ནི་ནད་དོ། །ཡོངས་སུ་འཛིན་པ་ནི་འབྲས་སོ། །
Ca157a
༄#། །ཡོངས་སུ་འཛིན་པ་ནི་ཟུག་རྔུའོ། །ཡོངས་སུ་འཛིན་པ་ནི་སྡུག་བསྔལ་གྱི་རྩ་བའོ་ཞེས་བྱ་བར་རིག་ནས། གྲོང་ནས་དགོན་པའི་གནས་སུ་དོང་སྟེ་ཡལ་ག་དང ། ལོ་མའི་སྤྱིལ་པོ་དག་བྱས་ནས་གནས་བཅས་ཏེ་འཁོད་དོ། །དེ་དག་དགོངས་ཀར་ཡང་དགོངས་ཀའི་ཟས་འདོད་པས། གྲོང་དུ་བསོད་སྙོམས་ལ་ཞུགས་སོ། །ནང་པར་ཡང ། ནང་པར་གྱི་ཟས་འདོད་པས་གྲོང་དུ་བསོད་སྙོམས་ལ་ཞུགས་སོ། །དེ་ནས་སེམས་ཅན་གཞན་དག་འདི་སྙམ་དུ་ཤེས་ལྡན་འདི་དག་གིས་འདི་ལྟར་ཡོངས་སུ་འཛིན་པ་ནི་ནད་དོ། །ཡོངས་སུ་འཛིན་པ་ནི་འབྲས་སོ། །ཡོངས་སུ་འཛིན་པ་ནི་ཟུག་རྔུའོ། །ཡོངས་སུ་འཛིན་པ་ནི་སྡུག་བསྔལ་གྱི་རྩ་བའོ་ཞེས་བྱ་བར་རིག་ནས། གྲོང་ནས་དགོན་པའི་གནས་སུ་དོང་སྟེ་ཡལ་ག་དང་ལོ་མའི་སྤྱིལ་པོ་དག་བྱས་ནས་གནས་བཅས་ཏེ། འཁོད་ཅིང་དགོངས་ཀར་ཡང་དགོངས་ཀའི་ཟས་འདོད་པས། གྲོང་དུ་བསོད་སྙོམས་ལ་འཇུག་པར་བྱེད། ནང་པར་ཡང་ནང་པར་གྱི་ཟས་འདོད་པས། གྲོང་དུ་བསོད་སྙོམས་ལ་འཇུག་པར་བྱེད་པ་ནི་དཀའ་བ་བྱེད་པ་ཡིན་ནོ་སྙམ་ནས། དེ་དག་ལ་ཏེ་པོར་སྦྱིན་པ་དག་བྱ་བར་སེམས་སོ། །དེ་ནས་སེམས་ཅན་ཁ་ཅིག་བསམ་གཏན་དེ་དང་རབ་ཏུ་དབེན་པ་དེ་མངོན་པར་རྫོགས་པར་མ་རྟོགས་པ་ན། མཐའ་གཅིག་ཏུ་དོང་སྟེ། ཡལ་ག་དང་ལོ་མའི་སྤྱིལ་པོ་དག་བྱས་ནས། འདིར་བདག་ཅག་གིས་
Ca157b
གསང་སྔགས་ཀྱི་གཞུང་དག་བྱ། རིག་བྱེད་དག་སྦྱོར་བར་བྱའོ་ཞེས་གནས་བཅས་ཏེ་འཁོད་པར་གྱུར་ཅིང་དེ་དག་དེ་ན་གསང་སྔགས་ཀྱི་གཞུང་དག་བྱེད། རིག་བྱེད་དག་སྦྱོར་བར་བྱེད་དོ། །དེ་ནས་དེ་ལས་སེམས་ཅན་ཁ་ཅིག་གིས་བསམ་གཏན་དེ་དང ། རབ་ཏུ་དབེན་པ་དེ་དང ། གསང་སྔགས་ཀྱི་གཞུང་དེ་དང ། རིག་བྱེད་སྦྱར་བ་དེ་མངོན་པར་རྫོགས་པར་མ་རྟོགས་པ་ན་ཡང་ཕྱིར་དགོན་པ་ནས་གྲོང་མཐར་ལྷགས་ཏེ། ཁང་ཁྱིམ་སྒོ་བཞི་པ་དག་བརྩིགས་ནས། འདིར་བདག་ཅག་གིས་སྦྱིན་པ་དག་སྦྱིན་པར་བྱ། བསོད་ནམས་དག་སྤེལ་བར་བྱ། སྐྱེ་བོ་མགྲོན་པ་འོངས་ཤིང་ལྷགས་པ་རྣམས་ལ་ཅི་ནུས་ཅི་ལྕོགས་སུ་བཟའ་བ་དང ། བཏུང་བས་ཚིམ་པར་བྱའོ་ཞེས་དེ་དག་དེ་ན་སྦྱིན་པ་དག་སྦྱིན། བསོད་ནམས་དག་བྱེད། སྐྱེ་བོ་མགྲོན་པ་འོངས་ཤིང་ལྷགས་པ་རྣམས་ལ་ཅི་ནུས་ཅི་ལྕོགས་སུ་བཟའ་བ་དང ། བཏུང་བས་ཚིམ་པར་བྱེད་དོ། །འདི་དག་གྲོང་ལས་ཕྱི་རོལ་ཏུ་རྟེན་ཅིང ། ཕྱི་རོལ་ཏུ་སེམས་པ་ཞེས་བྱ་བ་ལས་བྲམ་ཟེ་བྲམ་ཟེ་ཞེས་བྱ་བའི་མིང་དུ་གྱུར་ཏོ། །ཡང་འདི་དག་ནི་བསམ་གཏན་མི་བྱེད་དོ་ཞེས་བྱ་བ་ལས་ཀློག་ཏུ་འཇུད་པ་ཀློག་ཏུ་འཇུད་པ་ཞེས་བྱ་བའི་མིང་དུ་གྱུར་ཏོ། །དགོན་པ་ནས་ཡང་ཕྱིར་གྲོང་མཐར་ལྷགས་པས། གྲོང་པ་གྲོང་པ་ཞེས་བྱ་བའི་མིང་དུ་གྱུར་ཏོ། །དགེ་སློང་དག་འདི་ནི་བྲམ་ཟེའི་དཀྱིལ་འཁོར་འཇིག་རྟེན་དུ་འབྱུང་བའི་དང་པོ་རྩོམ་པ་ཡིན་ཏེ། དེ་ཡང་ཆོས་ཀྱིས་ཡིན་གྱི་ཆོས་མ་ཡིན་པས་ནི་མ་ཡིན་ནོ། །དེ་ལ་ཆོས་ནི་འདི་ཡིན་
Ca158a
༄#། །ཏེ།་རྒྱལ་བ་དབང་པོ་རྣམས་ཀྱིས་ཆོས་མཆོག་ཡིན་ནོ། །དགེ་སློང་དག་རྗེའུ་རིགས་ཀྱི་དཀྱིལ་འཁོར་འཇིག་རྟེན་དུ་འབྱུང་བའི་དང་པོ་རྩོམ་པ་གང་ཞེ་ན། དགེ་སློང་དག་དེ་ནས་སེམས་ཅན་ཁ་ཅིག་ཁང་ཁྱིམ་སོ་སོ་དང་ལྡན་པའི་བཟོའི་གནས་དང ། ལས་ཀྱི་གནས་དག་ལ་བརྩོན་པ་དག་ལ། སེམས་ཅན་འདི་དག་བཟོའི་གནས་དང ། ལས་ཀྱི་གནས་སོ་སོར་སྒྲུབ་པར་བྱེད་དོ་ཞེས་བྱ་བ་ལས་རྗེའུ་རིགས་རྗེའུ་རིགས་ཞེས་བྱ་བའི་མིང་དུ་གྱུར་ཏོ། །དགེ་སློང་དག་འདི་ནི་རྗེའུ་རིགས་ཀྱི་དཀྱིལ་འཁོར་འཇིག་རྟེན་དུ་འབྱུང་བའི་དང་པོ་རྩོམ་པ་ཡིན་ཏེ། དེ་ཡང་ཆོས་ཀྱིས་ཡིན་གྱི་ཆོས་མ་ཡིན་པས་ནི་མ་ཡིན་ནོ། །དེ་ལ་ཆོས་ནི་འདི་ཡིན་ཏེ། རྒྱལ་བ་དབང་པོ་རྣམས་ཀྱི་ཆོས་མཆོག་ཡིན་ནོ། །དགེ་སློང་དག་ཆོས་ཉིད་ཀྱིས་ན་དཀྱིལ་འཁོར་གསུམ་པོ་དག་འཇིག་རྟེན་དུ་བྱུང་བས། བཞི་པ་དགེ་སྦྱོང་གི་དཀྱིལ་འཁོར་ཡང་འཇིག་རྟེན་དུ་འབྱུང་བར་འགྱུར་རོ། །ཇི་ལྟར་ཞེ་ན། དགེ་སློང་དག་རྒྱལ་རིགས་ཀྱི་ཁྱིམ་ནས་ཀྱང་རིགས་ཀྱི་བུ་དག་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པས། རྒྱལ་རིགས་ཀྱིས་ཀྱང་དེ་དག་ལ་མངོན་དུ་སྨྲ་བ་དང ། ཕྱག་བྱ་བ་དང ། ལྡང་བ་དང ། ཐལ་མོ་སྦྱར་བ་དང ། འདུད་པའི་ལས་བྱ་བར་འོས་པ་ཡིན་ལ། བྲམ་ཟེ་དང ། རྗེའུ་རིགས་དག་གིས་ཀྱང་མངོན་དུ་སྨྲ་བ་དང ། ཕྱག་བྱ་བ་དང ། ལྡང་བ་དང །
Ca158b
ཐལ་མོ་སྦྱར་བ་དང ། འདུད་པའི་ལས་བྱ་བར་འོས་པ་ཡིན་ནོ། །བྲམ་ཟེའི་ཁྱིམ་དང ། རྗེའུ་རིགས་ཀྱི་ཁྱིམ་ནས་ཀྱང་རིགས་ཀྱི་བུ་དག་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་ཅིང ། རྒྱལ་རིགས་ཀྱིས་ཀྱང་དེ་དག་ལ་མངོན་དུ་སྨྲ་བ་དང ། ཕྱག་བྱ་བ་དང ། ལྡང་བ་དང ། ཐལ་མོ་སྦྱར་བ་དང ། འདུད་པའི་ལས་བྱ་པར་འོས་པ་ཡིན་ལ། བྲམ་ཟེ་དང ། རྗེའུ་རིགས་དག་གིས་ཀྱང་དེ་དག་ལ་མངོན་དུ་སྨྲ་བ་དང ། ཕྱག་བྱ་བ་དང ། ལྡང་བ་དང ། ཐལ་མོ་སྦྱར་བ་དང ། འདུད་པའི་ལས་བྱ་བར་འོས་པ་ཡིན་ནོ། །དགེ་སློང་དག་དེ་ལ་དེའི་ཚེ་དེའི་དུས་ན། གང་གིས་དེའི་དང་པོར་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་བླངས་པའི་སེམས་ཅན་དེ་ནི་དགེ་སློང་ནོར་ཅན་ཏེ། འདིས་དེའི་ཚེ་ཡང་འཇིག་རྟེན་སྐྱོན་མེད་ཅིང་ཆུ་བུར་མེད་པ་ལ་དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས་ཆུ་བུར་ཕྱུང་ངོ ། །འདིས་ད་ལྟར་ཡང་དགེ་སློང་གི་དགེ་འདུན་སྐྱོན་མེད་ཅིང་ཆུ་བུར་མེད་པ་ལ། དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས་ཆུ་བུར་ཕྱུང་ངོ ། །དགེ་སློང་དག་དེ་ལྟ་བས་ན། འདི་ལྟར་བསླབ་པར་བྱ་སྟེ། འདོད་ཆགས་སྤང་བའི་ཕྱིར་འབད་པར་བྱའོ། །ཞེ་སྡང་སྤང་བའི་ཕྱིར་དང ། གཏི་མུག་སྤང་བའི་ཕྱིར་འབད་པར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ནི་ལྟུང་བ་མེད་
Ca159a
༄#། །དོ། །ཕམ་པར་འགྱུར་བ་གཉིས་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་བརྒྱད་པ། ཕམ་པར་འགྱུར་བ་གསུམ་པའི་སྤྱི་སྡོམ་ལ།་བྲན་པ་དང་ནི་བདག་ཉིད་དང ། །དུག་དང་རོ་ལངས་བསྲོ་ཁང་ངོ ། །སྡོམ་ལ། བྲན་པ་དང་ནི་སྐྱོང་བ་དང ། །མཆུ་ཅན་དང་ནི་ཤི་རི་ཀ། ལྷུང་བཟེད་དང་ནི་ཆོས་གོས་དང ། །མངལ་ན་གནས་དང་ཚོང་དཔོན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་བྲན་པ་དང་སྐྱོང་བ་ཞེས་བྱ་བ་ཕན་ཚུན་གཏམ་འདྲེས་པ། ཕེབས་པར་སྨྲ་བ། འགྲོགས་བཤེས་སྨོས་འདྲིན་མཐུན་པར་བརྗོད་པ་གཉིས་ཤིག་འཁོད་དོ། །ཇི་ཙམ་དུས་གཞན་ཞིག་ན་སྐྱོང་བ་ན་བར་གྱུར་ནས་དེའི་ནད་གཡོག་བྲན་པ་བྱེད་པ་ན། སྐྱོང་བས་མཚན་མོ་སྒྲ་བསྒྲག་པར་བརྩམས་པ་དང ། བྲན་པས་སྨྲས་པ། ཚེ་དང་ལྡན་པ་སྐྱོང་བ་ཅིའི་ཕྱིར་སྒྲ་སྒྲོགས་པར་བྱེད། སྐྱོང་བས་སྨྲས་པ། ཁོ་བོ་བཀྲེས་སོ། །སྐོམ་མོ། བྲན་པས་སྨྲས་པ། ཚེ་དང་ལྡན་པ་སྐྱོང་བ་རབ་ཏུ་བྱུང་བའི་སེམས་ཉེ་བར་གཞག་པར་གྱིས་ཤིག་།གལ་ཏེ་ད་ལྟར་སྨན་ཡོད་དུ་ཟིན་ཀྱང་རེ་ཞིག་བྱིན་ལེན་སྟོབས་པ་ཡང་མེད་ན། ཁྱོད་ལ་སྨན་ལྟ་སྨོས་ཀྱང་ཅི་དགོས་ཏེ་མེད་དོ། །སྐྱོང་བ་དེ་སོ་སོར་རྟོག་པ་མི་མངའ་བ་ཡིན་པས་དེ་ཁོ་བོ་སྐོམ་མོ། །བཀྲེས་སོ། །ཞེས་སྒྲ་སྒྲོགས་བཞིན་པ་ལས་ནམ་ནངས་པ་དང ། བྲན་
Ca159b
པས་སྨྲས་པ། ཚེ་དང་ལྡན་པ་སྐྱོང་བ་ཁོ་བོས་སྨན་པ་ལ་དྲིས་ཏེ་འོང་གི་བར་དུ་ཁྱོད་ཀྱིས་རེ་ཞིག་སོ་ཤིང་འོར་ཅིག་།བྲན་པས་སྨན་པའི་གན་དུ་སོང་ཏེ་སྨྲས་པ། བཞིན་བཟང་གཞོན་ནུ་ཞིག་ན་ན་དེ་ལ་འཕྲོད་པའི་སྨན་སྟོན་ཅིག་།སྨན་པས་སྨྲས་པ། འཕགས་པ་དགེ་སློང་དེའི་སྨན་ནི་འདི་དང་འདི་ལྟ་བུ་ལགས་སོ། །བྲན་པ་སྨན་པའི་གན་དུ་ཇི་སྲིད་སོང་བ་དེའི་ཚེ་ན། ཚེ་དང་ལྡན་པ་སྐྱོང་བ་ཁྲི་ལས་ལངས་ཏེ། ཤམ་ཐབས་གྱོན་ནས་འདག་རྫས་དང་རི་ལ་བ་སྤྱི་བླུགས་དང་སོ་ཤིང་ཐོགས་ཏེ་བང་རིམ་དུ་བྱུང་ནས། སོ་ཤིང་དོར་པར་བརྩམས་པ་དང ། དེ་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་སྐྱོང་བ་ཅིའི་ཕྱིར་མཚན་མོ་ཏེ་བོར་སྒྲ་སྒྲོགས་པར་བྱེད། སྐྱོང་བས་སྨྲས་པ། ཚེ་དང་ལྡན་པ་དག་ཁོ་བོ་ཏེ་བོར་སྐོམ་པ་དང ། བཀྲེས་པར་གྱུར་ཏོ། །དེ་ནས་དགེ་སློང་ཞིག་གིས་སྨྲས་པ། ཚེ་དང་ལྡན་པ་སྐྱོང་བ་ཁོ་བོ་ལ་ཆུའི་ཐུག་པ་ཡོད་ན་ཅི་མི་འཐུང་ངམ། སྐྱོང་བས་སྨྲས་པ། མ་ནོངས་ཀྱིས་བཏུང་ངོ་ཞེས་དེས་དེ་འཐུངས་སོ། །དགེ་སློང་གཞན་དག་གིས་སྨྲས་པ། ཁོ་བོ་ཅག་ལ་འོ་ཐུག་དང ། ཞོ་ཐུག་དང ། འཁུར་བ་དང ། ཤ་དང ། སྤྱན་གཟིགས་དག་ཡོད་ན་ཅི་མི་ཟའམ། སྐྱོང་བས་དགེ་སློང་དེ་དག་ལས་ཚངས་པ་མཚུངས་པར་སྤྱོད་པ་རྗེས་སུ་བསྲུང་བ་དང་བརྐམ་ཆགས་ཉིད་ཀྱིས་ཅུང་ཟད་ཅུང་ཟད་ལོངས་སྤྱོད་པ་དང ། ཧ་ཅང་ཟས་དྲགས་ནས་དེ་གློས་ཕབ་སྟེ་ཉལ་ལོ། །བྲན་པ་ཡང་སྨན་པ་ལ་དྲིས་ནས་མྱུར་བ་མྱུར་བར་འོངས་ཏེ་དེ་ནས་སྨན་པས། ཇི་སྐད་བསྟན་པའི་སྨན་སྦྱར་ཏེ་སྨྲས་པ། ཚེ་
Ca160a
༄#། །དང་ལྡན་པ་སྐྱོང་བ་ལོངས་ལ་སོ་ཤིང་འོར་ཅིག་།སྐྱོང་བས་སྨྲས་པ། བོར་ཟིན་ཏོ། །བྲན་པས་སྨྲས་པ། མ་ཉེས་སོ་ཞེས་དེས་དཀྱིལ་འཁོར་བྱུགས་ཤིང་སྣོད་དང་ཁ་གཟར་བྱི་དོར་བྱས་ཏེ། ལོངས་ལ་ཟོ་ཞིག་ཅེས་སྨྲས་པ་དང ། སྐྱོང་བས་དེ་རྗེས་སུ་བསྲུང་བས་ལངས་སོ། །བྲན་པས་སྨན་བྱིན་ལེན་བྱེད་དུ་བཅུག་སྟེ་ཕུལ་བ་དང ། སྐྱོང་བས་ཁ་གཟར་དོའམ་གསུམ་བཀང་སྟེ་ཟོས་ནས། གློས་ཕབ་སྟེ་ཉལ་ལོ། །བྲན་པས་སྨྲས་པ། ཚེ་དང་ལྡན་པ་སྐྱོང་བ་ཅིའི་ཕྱིར་མི་ཟ། སྐྱོང་བས་སྨྲས་པ། ཁོ་བོ་མི་འདོད་དོ། །བྲན་པས་སྨྲས་པ། ཁྱོད་ཀྱིས་མཚན་ཐོག་ཐག་ཏུ་ཁོ་བོ་བཀྲེས་སོ། །སྐོམ་མོ་ཞེས་ཁོ་བོ་ལ་མཐོ་བཙམས་ན། ད་ནི་ཁྱོད་མི་འདོད་དོ་ཞེས་ཟེར་ན། ད་ཁྱོད་དུས་ལ་བབ་བོ། །དགེ་སློང་རྣམས་ཀྱིས་བྲན་པ་ལ་སྨྲས་པ། ཚེ་དང་ལྡན་པ་བྲན་པ་འདི་ལ་བག་བྱོས་ཤིག་།འདིས་ཁོ་བོ་ཅག་ལས་ཆུའི་ཐུག་པ་དང ། འོ་ཐུག་དང་ཞོ་ཐུག་དག་འཐུངས་ཤིང ། འཁུར་བ་དང ། ཤ་དང་སྤྱན་གཟིགས་དག་ཟོས་སོ། ། བྲན་པས་སྨྲས་པ། ཚེ་དང་ལྡན་པ་སྐྱོང་བ་ཁྱོད་ཀྱིས་དེ་ལྟ་བྱས་པ་བདེན་ནམ། སྐྱོང་བ་ཉེས་པ་དང་བཅས་པས་ཡིད་བསྒྱངས་ཏེ་སྨྲས་པ། བྱས་སོ། །བྲན་པས་སྨྲས་པ། ཁོ་བོ་ལྷུང་བཟེད་ཟད་ཟད། ཆོས་གོས་དེངས་དེངས། དགེ་བའི་ཕྱོགས་ཉམས་ཉམས་སུ་ཁྱོད་ཀྱི་ནད་གཡོག་བྱེད་ན། ཁྱོད་དེ་ལྟར་མི་མཐུན་པ་བྱེད་པས་ཁྱོད་ཀྱིས་དུག་ཟོས་པར་གྱུར་པ་ནི་བླའི། དེ་
Ca160b
ལྟར་མི་མཐུན་པ་ཟོས་པ་ནི་མ་ཡིན་ནོ། །སྐྱོང་བ་ངོ་ཚ་ནས། བདག་གི་ཚངས་པ་མཚུངས་པར་སྤྱོད་པ་ཟེར་བ་བཟང་སྟེ། འདི་ལྷུང་བཟེད་ཟད་ཟད། ཆོས་གོས་དེངས་དེངས། དགེ་བའི་ཕྱོགས་ཉམས་ཉམས་སུ་བདག་གི་ནད་གཡོག་བྱེད་ན། བདག་དེ་ལྟར་མི་མཐུན་པ་བྱེད་པས་བདག་གིས་དུག་ཟོས་པ་ནི་བླའི། དེ་ལྟར་མི་མཐུན་པ་བྱེད་པ་ནི་མ་ཡིན་པས། བདག་གིས་དུག་ཟའོ་སྙམ་དུ་བསམས་ནས། དེ་ལངས་ཏེ་སྣོད་དུ་བརྟགས་པར་བརྩམས་པ་དང ། དེས་པར་བུར་སྣོད་ན་དུག་གི་དུམ་བུ་མཐོང་ནས། དེས་དེ་ཟོས་པ་དང ། དེ་དུག་གིས་ཡོངས་སུ་འཁྲུགས་པར་གྱུར་པའི་སེམས་ཀྱིས་འཆི་བར་བརྩམས་ཏེ།་ཁ་ཆུ་འཛག། མིག་འགྱུར། བཞིན་བསྒྱུར་ཞིང་འདི་སྐད་ཅེས་བྲན་པ་ཁོ་བོ་ཤིའོ། །ཁོ་བོ་ཤིའོ་ཞེས་ཀྱང་ཟེར་རོ། །བྲན་པས་ཐོས་ནས། དེ་བརྟན་ཅིང་མྱུར་བ་མྱུར་བར་སྨྲས་པ། ཚེ་དང་ལྡན་པ་སྐྱོང་བ་ཅིའི་ཕྱིར་དེ་སྐད་ཀུ་ཅོ་འདོན་པར་བྱེད། སྐྱོང་བས་སྨྲས་པ། ཁྱོད་ན་རེ། ཚེ་དང་ལྡན་པ་སྐྱོང་བ་ཁོ་བོ་ལྷུང་བཟེད་ཟད་ཟད། ཆོས་གོས་དེངས་དེངས། དགེ་བའི་ཕྱོགས་ཉམས་ཉམས་སུ་ཁྱོད་ཀྱི་ནད་གཡོག་བྱེད་ན། ཁྱོད་དེ་ལྟར་མི་མཐུན་པ་བྱེད་པས་ཁྱོད་ཀྱིས་དུག་ཟོས་པར་གྱུར་པ་ནི་བླའི། ཁྱོད་ཀྱིས་དེ་ལྟར་མི་མཐུན་པ་ཟོས་པ་ནི་མ་ཡིན་ནོ་ཞེས་ཟེར་བས། བདག་ལ་བདག་གི་ཚངས་པ་མཚུངས་པར་སྤྱོད་པ་ཟེར་བ་བཟང་སྟེ། འདི་ལྷུང་བཟེད་ཟད་ཟད། ཆོས་གོས་དེངས་དེངས། དགེ་བའི་ཕྱོགས་ཉམས་ཉམས་སུ་བདག་གི་ནད་གཡོག་བྱེད་ན། བདག་དེ་ལྟར་མི་མཐུན་པ་
Ca161a
༄#། །བྱེད་པས་བདག་གིས་དུག་ཟོས་པར་གྱུར་པ་ནི་བླའི། དེ་ལྟར་མི་མཐུན་པ་ཟོས་པ་ནི་མ་ཡིན་པས། བདག་གིས་དུག་ཟའོ་སྙམ་པའི་བློ་སྐྱེས་ནས། བདག་གི་སྣོད་དུ་བརྟག་པར་བརྩམས་པ་དང ། བར་བུར་སྣོད་ན་དུག་གི་དུམ་བུ་མཐོང་ནས་བདག་གིས་དེ་ཟོས་སོ། །བྲན་པས་ཡི་ཆད་པའི་བཞིན་གྱིས་སྨྲས་པ། ཚེ་དང་ལྡན་པ་ཁྱོད་ཀྱིས་མ་ལེགས་པ་བྱས་སོ་ཞེས་སྨྲས་ཏེ། སྨན་པའི་དྲུང་དུ་སོང་བ་དང ། དུག་དེ་རྣོན་པོ་ཞིག་ཡིན་པས་གཟུང་བར་མ་ནུས་ཏེ་དེ་དུས་ལ་བབ་བོ། །བྲན་པས་སྨན་པ་ཁྲིད་དེ་འོངས་པ་ན། དེ་དུས་ལ་བབ་པ་མཐོང་ནས། བྲན་པ་བདག་གིས་འཆིར་བཅུག་པར་མ་གྱུར་ཏམ་སྙམ་དུ་འགྱོད་པ་སྐྱེས། དེས་སྐབས་དེ་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་ནད་པ་ལ་གང་ཐོས་ན་ནད་པ་འཆི་བའི་ཕྱིར་རྩོལ་བར་བྱེད་པ་དེ་ལྟ་བུའི་གཏམ་ཉེ་བར་བརྗོད་པས་ཉེ་བར་བརྗོད་པར་མི་བྱའོ། །དགེ་སློང་གིས་ནད་པ་ལ་གང་ཐོས་ན། ནད་པ་འཆི་བའི་ཕྱིར་རྩོལ་བར་འགྱུར་བ་དེ་ལྟ་བུའི་གཏམ་ཉེ་བར་བརྗོད་པ་ཉེ་བར་རྗོད་པར་བྱེད་ན། འགལ་ཚབས་ཅན་དུ་འགྱུར་རོ། །འདི་ནི་རེ་ཞིག་བྱུང་བ་ཡིན་གྱི། སངས་རྒྱས་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བ་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་
Ca161b
རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མཆུ་ཅན་དང་ཤི་རི་ཀ་ཞེས་བྱ་བ། གཏམ་འདྲེས་པ། ཕེབས་པར་སྨྲ་བ་འགྲོགས་བཤེས་སྨོས་འདྲིན་མཚུངས་པར་བརྗོད་པ་གཉིས་ཤིག་འཁོད་དོ། །མཆུ་ཅན་ནི་རྔོན་པ་ལས་རབ་ཏུ་བྱུང་བ་ཡིན་ལ། ཤི་རི་ཀ་ནི་ཁྱིམ་བདག་ལས་རབ་ཏུ་བྱུང་བ་ཡིན་ནོ། །ཇི་ཙམ་དུས་གཞན་ཞིག་ན་མཆུ་ཅན་གྱི་ཚ་བོ་གཉིས་ཤིག་ཕ་མ་དང་བྲལ་བས་དེ་དང་དེར་འཁྱམ་པ་ན། རྒྱལ་བྱེད་ཀྱི་ཚལ་དུ་ཕྱིན་ཏེ་སྒོ་ན་སྡོད་དོ། །མཆུ་ཅན་ཕྱིར་བྱུང་བ་དང ། དེས་དེ་གཉིས་བཞིན་གཟུགས་ལས་ངོ་ཤེས་ནས། དེས་དེ་གཉིས་ལ་སྨྲས་པ། ཁྱེད་གཉིས་ཀྱི་ཕ་མ་དག་གར་དོང ། དེ་གཉིས་ཀྱིས་སྨྲས་པ། དུས་ལ་བབ་བོ། །དེ་ཉེ་དུ་ལ་མཉེས་གཤིན་པས་ཐོས་ནས། མཆི་མ་དང་བཅས་པའི་སྐད་ཀྱིས་འདུག་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་མཆུ་ཅན། ཁྱེའུ་འདི་གཉིས་སུའི། མཆུ་ཅན་གྱིས་སྨྲས་པ། བདག་གི་ཚ་བོ་གཉིས་ཡིན་ནོ། །དགེ་སློང་རྣམས་ཀྱིས་སྨྲས་པ། ཅིའི་ཕྱིར་འདི་གཉིས་སྡུད་པར་མི་བྱེད། མཆུ་ཅན་གྱིས་སྨྲས་པ། བདག་ཀྱང་རེ་ཞིག་དཀའ་བས་བསོད་སྙོམས་སྒྲུབ་པར་བྱེད་ན། འདི་གཉིས་ཅི་ཞིག་གིས་བསྡུ་བར་བྱ། དགེ་སློང་དག་གིས་སྨྲས་པ། འདི་གཉིས་འདོད་ན་དགེ་སློང་རྣམས་ལ་འདབ་མ་དང་མེ་ཏོག་དང་འབྲས་བུ་དང་སོ་ཤིང་དག་འབུལ་དུ་ཆུག་ཅིག་དང ། དགེ་སློང་དག་གིས་ཀྱང་འདི་གཉིས་ལ་ལྷུང་བཟེད་ཀྱི་ལྷག་མ་སྦྱིན་པར་
Ca162a
༄#། །འགྱུར་རོ། །མཆུ་ཅན་གྱིས་དེ་གཉིས་བླངས་ནས། དེ་གཉིས་ཀྱང་གྲིམས་པ་ལེ་ལོ་མེད་པ་སྒྲུབ་ཕོད་པ་ཡིན་པས་དགེ་སློང་རྣམས་ལ་འདབ་མ་དང་མེ་ཏོག་དང་འབྲས་བུ་དང ། སོ་ཤིང་དག་འབུལ་བར་བྱེད་ནས། དགེ་སློང་རྣམས་ཀྱིས་ཀྱང་དེ་གཉིས་ལ་ལྷུང་བཟེད་ཀྱི་ལྷག་མ་སྦྱིན་པར་བྱེད་དོ། །དེ་གཉིས་གོས་དང་ཟས་བཟང་པོ་དུས་ཡུན་མི་རིང་བས་པགས་པ་དང་ཤ་དང་ཁྲག་རྟས་ཤིང་དེ་གཉིས་སྟོབས་དང་སྙེམས་པ་དང་ལྡན་པར་གྱུར་ཏོ། །དེ་གཉིས་དུས་གཞན་ཞིག་ན་རྒྱལ་བྱེད་ཀྱི་ཚལ་གྱི་སྒོ་ན་རྩེ་ཞིང་འཁོད་པ་དང ། དེ་གཉིས་ཀྱི་ཉེ་དུ་དག་ལག་ན་མདའ་གཞུ་ཐོགས་ཤིང་རྒྱལ་བྱེད་ཀྱི་ཚལ་གྱི་སྒོ་ནས། རི་དྭགས་ཤོར་དུ་འདོང་བ་དེ་དག་གིས་དེ་གཉིས་མཐོང་ནས་དེ་དག་གིས་སྨྲས་པ། ཁྱེའུ་གཉིས། ཁྱེད་གཉིས་ག་ལས་འདིར་འོངས། ཁྱེའུ་གཉིས་ཀྱིས་སྨྲས་པ། ཤཱཀྱའི་སྲས་ཀྱི་དགེ་སྦྱོང་གི་ནང་འདི་ན་བདག་ཅག་གཉིས་ཀྱི་ཞང་པོ་རབ་ཏུ་བྱུང་བ་དེའི་གནས་ན་འཁོད་དོ། །དེ་དག་གིས་སྨྲས་པ། ཁྱེད་གཉིས་ཀྱི་ཞང་པོ་དེ་ཡང་རེ་ཞིག་ཤཱཀྱའི་སྲས་ཀྱི་དགེ་སྦྱོང་ལས་མེད་པའི་ངང་ཚུལ་ཅན་རྣམས་ཀྱི་ནང་དུ་རབ་ཏུ་བྱུང་བ་ཡིན་ན། ཅི་ཁྱེད་གཉིས་ཀྱང་ལས་མེད་པའི་ངང་ཚུལ་ཅན་དུ་བྱེད་དམ། ཚུར་ཤོག་།ཕའི་ལས་རྗེས་སུ་སྒྲུབས་ཤིག་།དེ་གཉིས་ཀྱིས་སྨྲས་པ། ཁོ་བོ་ཅག་གཉིས་ལ་ཞང་པོས་ཕན་བཏགས་པས་ཇེ་དེ་ལ་དྲི་བར་བྱའོ། །ཞེས་དེ་གཉིས་ཚེ་དང་ལྡན་པ་མཆུ་ཅན་ག་ལ་བ་དེར་དོང་སྟེ་ཕྱིན་
Ca162b
ནས། ཚེ་དང་ལྡན་པ་མཆུ་ཅན་ལ་འདི་སྐད་ཅེས་སྨྲས་སོ། །ཞང་པོ་བདག་ཅག་གཉིས་ཕའི་ལས་རྗེས་སུ་སྒྲུབ་ཏུ་མཆིའོ། །མཆུ་ཅན་གྱིས་སྨྲས་པ། ཁོ་བོས་ཁྱེད་གཉིས་དད་པས་སྦྱིན་པར་བྱས་པས་བསྐྱེད་བསྐྱེད་ན། ད་ཅིའི་ཕྱིར་ཉེས་པར་སྤྱོད་པའི་ལས་འདི་ལྟ་བུ་བྱེད། དེ་གཉིས་ཀྱིས་སྨྲས་པ། ཞང་པོ་བདག་ཅག་གཉིས་མགོ་ལ་གསེར་གྱི་ཕྲེང་བས་བཅིངས་པ་ནི་ངོ་ཚའི། ཕའི་ལས་རྗེས་སུ་སྒྲུབ་པས་ནི་དེ་ལྟ་མ་ལགས་ཀྱིས་མཆིའོ་ཞེས་དེ་གཉིས་ཀྱིས་དེའི་ཚིག་ཚིག་མ་ཡིན་པར་བྱས་ཏེ་དོང་ནས། དེ་གཉིས་རི་དྭགས་གསོད་ཅིང་འཚོ་བར་བྱེད་དོ། །ཇི་ཙམ་དུས་གཞན་ཞིག་ན། ཤི་རི་ཀ་ན་བར་གྱུར་ནས། མཆུ་ཅན་དེའི་ནད་གཡོག་བྱེད་པ་ན་ཤི་རི་ཀ་སྡུག་བསྔལ་གྱི་ཚོར་བ་དག་གིས་ཉེན་ནས། བདག་རེ་ཞིག་ཚུལ་ཁྲིམས་དང་ལྡན་པས། བདག་ཡུལ་གཞན་དུ་སོང་ན་ལོ་ལེགས་ཤིང ། མཐོ་རིས་ནི་དར་གྱིས་ཆོད་པ་ཙམ། ཐར་པ་ནི་ཡོལ་བས་བསྒྲིབས་པ་ཙམ་སྟེ། ལུས་ཞིག་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་བས་རྣམ་པ་ཐམས་ཅད་དུ་བདག་ཉིད་གསད་པར་བྱའོ་སྙམ་དུ་སེམས་སོ། །ཡང་བདག་ཉིད་གསོད་པར་བྱེད་པ་ནི། སྡུག་བསྔལ་བ་ཡིན་གྱིས་གསོད་པར་བྱེད་པ་ཞིག་བཙལ་ལོ་སྙམ་དུ་སེམས་ཤིང ། དེ་བདག་གི་སྲོག་གཅོད་བར་བྱེད་པ་སུ་ཡོད་སྙམ་དུ་དཔྱོད་པ་ལ་ཞུགས་པ་དང ། དེ་ལ་མཆུ་ཅན་གྱི་ཚ་བོ་གཉིས་དྲག་ཤུལ་ཅན་ལག་པ་དམར་པ། བསྣུན་པ་དང་རབ་ཏུ་བསྣུན་པ་ལ་ཞུགས་པ། གཞན་གྱི་སྲོག་འཕྲོག་པ་གཞན་གྱི་སྲོག་གཅོད་དུ་འཇུད་པ།
Ca163a
༄#། །གཞན་གྱི་སྲོག་གཅོད་པས་འཚོ་བར་བྱེད་པ་ཡིན་པས་དེ་གཉིས་ཀྱི་བདག་གསོད་པར་ནུས་ཀྱི། གཞན་སུས་ཀྱང་མི་ནུས་སོ་སྙམ་པའི་བློ་སྐྱེས་ཤིང་རིག་ནས། ཚེ་དང་ལྡན་པ་མཆུ་ཅན་ལ་སྨྲས་པ། ཚེ་དང་ལྡན་པ་མཆུ་ཅན་ཁྱོད་ཀྱི་ཚ་བོ་དེ་གཉིས་མི་སྣང་ན་གར་དོང ། མཆུ་ཅན་གྱིས་སྨྲས་པ། ཁྱོད་དེ་གཉིས་ཀྱི་མིང་མ་འཛིན་ཅིག་།དེ་གཉིས་ནི་འདི་ལྟ་བུའི་སྡིག་པ་བྱེད་པ་ཡིན་ཏེ། དེ་གཉིས་ཁོ་བོས་དད་པས་སྦྱིན་པར་བྱ་བས་བསྐྱེད་བསྐྱེད་ན་དེ་གཉིས་ད་ཉེས་པར་སྤྱོད་པའི་ལས་བྱ་བ་ལ་ཞུགས་ཤིང་ཕའི་ལས་རྗེས་སུ་སྒྲུབ་པར་བྱེད་དེ། གཞན་གྱི་སྲོག་འཕྲོག་པར་བྱེད། གཞན་གྱི་སྲོག་གཅོད་པས་འཚོ་བར་བྱེད་དོ། །ཤི་རི་ཀས་སྨྲས་པ། དེ་གཉིས་ལ་ཀུན་ནས་མནར་སེམས་མ་སྐྱེད་ཅིག་།དེ་ནི་འདུ་འཛིའི་རིགས་པ་ཡིན་ཏེ། གང་གི་ཚེ་དེ་གཉིས་རྒྱལ་བྱེད་ཀྱི་ཚལ་ན་འཁོད་པ་དེའི་ཚེ་ན། དེ་གཉིས་ཀྱིས་གྲོག་སྤུར་ཕྲ་མོའི་སྲོག་ཀྱང་མ་བཅད་དོ། །དེ་གཉིས་དེ་ལྟ་བུ་དག་དང་ལྷན་ཅིག་གནས་པས་དེ་ལྟ་བུའི་ཉེས་པར་སྤྱོད་པ་དག་བྱེད་ན། དེ་གཉིས་དེ་དག་དང་ཤིན་ཏུ་དབྲལ་བར་བྱ་ཞིང་འདི་ལྟར་གང་གི་ཚེ་ཁྱོད་ག་ཤེད་དུ་འགྲོ་བ་དེའི་ཚེ་ན་ཁོ་བོ་སྲུང་བར་བྱེད་པ་འགའ་ཡང་མེད་པས། གལ་ཏེ་དེ་གཉིས་སྣང་ན་ཁོ་བོའི་གན་དུ་ཐོང་ལ་དེ་གཉིས་ཁོ་བོ་སྲུང་དུ་ཆུག་ཅིག་།ཇི་ཙམ་ན་མཆུ་ཅན་བསོད་སྙོམས་ལ་ཞུགས་པ་ན། དེའི་ཚ་བོ་དེ་གཉིས་ཚོང་འདུས་ན་ཤ་འཚོང་ཞིང་འདུག་པ་དེས་མཐོང་ནས། དེ་གཉིས་ལངས་ཏེ་དེའི་
Ca163b
རྐང་པ་གཉིས་ལ་གཏུགས་པ་དང ། དེས་སྨྲས་པ། ཁྱེའུ་གཉིས་ཁོ་བོ་ཁྱེད་གཉིས་ཀྱི་ཅིར་འོངས། ཞང་པོར་མཆིའོ། །ཤི་རི་ཀ་ཅིར་འོང ། དེ་ཡང་ཞང་པོར་མཆིའོ། །དེ་དུས་དེ་སྲིད་དུ་ན་ན་ཁྱེད་གཉིས་དེ་ལ་ལྟར་མ་དོང་ངམ། ཞང་པོ་བདག་ཅག་གིས་མ་འཚལ་ཏོ། །ད་དེང་ཞིག་།བདག་ཅག་གཉིས་ཀྱིས་བགྱི་བ་ཅི་མཆིས། དེ་ཅི་ཟེར་བ་དེ་བཞིན་དུ་གྱིས་ཤིག་།དེ་གཉིས་ཚེ་དང་ལྡན་པ་ཤི་རི་ཀ་ག་ལ་བ་དེར་སོང་སྟེ་ཕྱིན་ནས། དེའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འཁོད་དོ། །ཤི་རི་ཀས་སྨྲས་པ། ཁྱེའུ་གཉིས་མཆུ་ཅན་ཁྱེད་གཉིས་ཀྱི་ཅིར་འོང ། ཞང་པོར་མཆིའོ།། ཁོ་བོ་ཅིར་འོང ། ཞང་པོར་མཆིའོ། །ཁོ་བོ་དུས་དེ་སྲིད་དུ་ན་ན་ཁྱེད་གཉིས་ཀྱིས་ཁོ་བོ་ལན་འགའ་ཡང་མ་བལྟས་སོ། །ཞང་པོ་བདག་ཅག་གཉིས་ཀྱིས་མ་འཚལ་ཏེ། བདག་ཅག་གཉིས་ཀྱིས་ད་གཟོད་ཐོས་ནས། དེའི་སླད་དུ་བདག་ཅག་གཉིས་མཆིས་སོ། །ཚ་བོ་གཉིས་ཁྱེད་གཉིས་ཁོ་བོ་ལྷ་རྣམས་ཀྱི་ནང་དུ་སྐྱེ་བར་འདོད་དམ། ཞང་པོ་བདག་ཅག་གཉིས་གཞན་ཡང་ལྷ་རྣམས་ཀྱི་ནང་དུ་སྐྱེ་བར་འཚལ་ན།་ཞང་པོ་ལྟ་སྨོས་ཀྱང་ཅི་འཚལ། ཚ་བོ་གཉིས་གལ་ཏེ་དེ་ལྟ་ན་ཁོ་བོ་ཡུལ་གཞན་དུ་སོང་ན་ལོ་ལེགས་ཤིང ། མཐོ་རིས་ནི་དར་གྱིས་ཆོད་པ་ཙམ། ཐར་པ་ནི་ཡོལ་བས་བསྒྲིབས་པ་ཙམ་སྟེ། ལུས་ཞིག་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་ན་བདག་ལ་རྩོམ་པར་བྱེད་པ་སྡུག་བསྔལ་བ་ཡིན་གྱིས་ཁྱེད་གཉིས་ཀྱི་ཁོ་བོ་སོད་ཅིག་།ཞང་པོ་གལ་ཏེ་གཞན་འགའ་ཞིག་གིས་ཁྱོད་དགྲོངས་པར་
Ca164a
༄#། །བགྱིད་ན་ཡང་བདག་ཅག་གཉིས་ཀྱིས་དེ་དགུམ་པར་བགྱི་ན། བདག་ཅག་གཉིས་ཀྱིས་ཞང་པོ་དགྲོངས་པ་ལྟ་སྨོས་ཀྱང་ཅི་འཚལ། མཆུ་ཅན་གྱིས་ཁྱེད་གཉིས་ལ་ཇི་སྐད་བསྒོ། ཞང་པོ་ཅི་གསུང་བ་དེ་བཞིན་གྱིས་ཤིག་ཅེས་སོ། །ཚ་བོ་གཉིས་གལ་ཏེ་དེ་ལྟ་ན་ཁོ་བོ་འདི་སྐད་ཟེར་ཏེ། ཁོ་བོ་སྡུག་བསྔལ་གྱི་ཚོར་བས་ཉེན་གྱིས་ཁོ་བོ་སོད་ཅིག་།དེ་གཉིས་ཀྱིས་འདི་དང་ཞང་པོ་སྔར་བགྲོས་པར་གྱུར་གོར་མ་ཆག་སྟེ། དེས་ན་ཞང་པོས་བདག་ཅག་གཉིས་འདིའི་གན་དུ་བཏང་ངོ་སྙམ་དུ་བསམས་ནས། དེ་གཉིས་ལས་གཅིག་ཆེས་དྲག་ཤུལ་ཅན་ཡིན་པས་མཚོན་རྣོན་པོས་དེའི་མགོ་བཅད་ནས་དེའི་འོག་ཏུ་རས་ཀྱིས་གཡོགས་ཏེ་འཁོད་དོ། །མཆུ་ཅན་ཡང་སྤྱོད་ཡུལ་ནས་ཕྱིར་འོངས་ཏེ་དེས་དེ་རས་ཀྱིས་གཡོགས་པ་མཐོང་ནས་དེས་སྨྲས་པ། ཚ་བོ་གཉིས་ཁྱེད་གཉིས་འཁོད་བཞིན་དུ་ཡང་འདི་ཉལ་ལམ། ཞང་པོ་འདི་ལྟར་ནམ་ཡང་ལྡང་བར་མི་འགྱུར་བ་དེ་ལྟར་ཉལ་ལོ། །མཆུ་ཅན་གྱིས་འདི་གཉིས་སྔོན་མ་བྱུང་བའི་ཚིག་སྨྲ་ན་དྲིའོ་སྙམ་དུ་བསམས་ནས། དེས་དེ་གཉིས་ལ་དྲིས་པ་དང ། དེ་གཉིས་ཀྱིས་སྐབས་དེ་རྒྱས་པར་མཆུ་ཅན་ལ་བརྗོད་དོ། །མཆུ་ཅན་ཡིད་མི་བདེ་བ་སྐྱེས་ནས་རས་དེ་བཤུས་པ་དང ། དེ་མཐོང་ནས་དེ་བདག་གིས་མཚོན་ཐོགས་པ་གཉེར་བར་མ་གྱུར་ཏམ་སྙམ་དུ་འགྱོད་པ་ཡང་སྐྱེས། བཤེས་པ་དང་བྲལ་བས་འགྱོད་པས་གདུངས་པའི་སེམས་ཀྱིས་ཡིད་མི་བདེ་བར་གྱུར་ནས། དེས་སྐབས་དེ་དགེ་སློང་རྣམས་
Ca164b
ལ་རྒྱས་པར་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་ནད་པའི་ནད་གཡོག་མི་མཁས་པ་བཞག་སྟེ་འགྲོ་བར་མི་བྱའོ། །གལ་ཏེ་འགྲོ་དགོས་པའི་རྐྱེན་དེ་ལྟ་བུ་ཞིག་བྱུང་ན་ནད་གཡོག་མི་མཁས་པ་ལ་གལ་ཏེ་འདི་མེར་མཆོང་ངམ། དུག་ཟའམ། མཚོན་འབྱིན་ཏམ། བདག་ཉིད་གཡང་སར་མཆོང་ངམ། ཐག་པས་འཆིང་ངམ། གཞན་ཡང་མི་འཕྲོད་པ་ཟ་བར་བྱེད་ན་བཟློག་པར་བྱའོ་ཞེས་བསྒོ་སྟེ་འགྲོ་བར་བྱའོ། །དགེ་སློང་གིས་ནད་གཡོག་མི་མཁས་པ་ལ་མ་བསྒོ་བར་དེ་བཞིན་དུ་འགྲོ་ན་འགལ་ཚབས་ཅན་དུ་འགྱུར་རོ། །འདི་ཡང་བྱུང་བ་ཡིན་གྱི་རེ་ཞིག་སངས་རྒྱས་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་ཞིག་འདུག་པ་དེའི་ལྷུང་བཟེད་ལ་བཙའ་ཞུགས་ནས། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཁྱོད་ཀྱི་ལྷུང་བཟེད་འདི་བཙའ་ཞུགས་ན། ཅིའི་ཕྱིར་མི་སྲེག་།དེས་སྨྲས་པ། འདི་ལ་རྫ་བོ་དང ། ལྕི་བ་དང ། ཏིལ་གྱི་ཚིགས་མ་དང ། ཡོ་བྱད་གཞན་ཡང་མང་དུ་དགོས་སོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཅི། ལྷུང་བཟེད་མེད་པས་འགྲུབ་པར་འགྱུར་རམ། དེས་སྨྲས་པ། ཁོ་བོ་ལྷུང་བཟེད་མེད་པས་
Ca165a
༄#། །འགྲུབ་པར་མི་འགྱུར་ཏེ། འདི་ལྟར་ཁང་ཁྱིམ་ཆེ་གེ་མོ་ཞིག་ན། དགེ་སློང་ཞིག་ནད་ཀྱིས་བཏབ་ཅིང་སྡུག་བསྔལ་བ། ན་ཚབས་ཆེ་བ་ཡུན་མི་རིང་བར་དུས་བྱེད་པར་འགྱུར་བ་དེའི་ལྷུང་བཟེད་གསལ་བ་ཟླུམ་པ་ལོངས་སྤྱད་པར་བཟོད་པ་དེ་བླང་བར་བྱའོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཁྱོད་ལྷུང་བཟེད་ཀྱི་ཕྱིར་གདོལ་བ་དང་འདྲ་བར་དྲག་ཤུལ་གྱི་སེམས་འདི་ལྟ་བུ་བསྐྱེད་དུ་རུང་ངམ། དགེ་སློང་དེ་ངོ་ཚ་བར་གྱུར་ནས། ཅང་མི་སྨྲ་བར་འདུག་གོ་།སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་ལྷུང་བཟེད་ཀྱི་ཕྱིར་གདོལ་བ་དང་འདྲ་བར་དྲག་ཤུལ་གྱི་སེམས་དེ་ལྟ་བུ་བསྐྱེད་པར་མི་བྱའོ། །དགེ་སློང་གིས་ལྷུང་བཟེད་ཀྱི་ཕྱིར་གདོལ་པ་དང་འདྲ་བར་དྲག་ཤུལ་གྱི་སེམས་དེ་ལྟ་བུ་སྐྱེད་པར་བྱེད་ན། འགལ་ཚབས་ཅན་དུ་འགྱུར་རོ། །གཞན་ཡང་དགེ་སློང་གིས་ལྷུང་བཟེད་མིག་བཞིན་དུ་ཡོངས་སུ་བཅང་བར་བྱ་སྟེ། གླན་པར་འོས་པ་ནི་གླན་པར་བྱ། བསྲེག་པར་འོས་པ་ནི་བསྲེག་པར་བྱའོ། །དགེ་སློང་གིས་ལྷུང་བཟེད་གླན་པར་འོས་པ་གློན་པར་མི་བྱེད་དམ། བསྲེག་པར་འོས་པ་སྲེག་པར་མི་བྱེད་ན། འགལ་ཚབས་ཅན་དུ་འགྱུར་རོ། །འདི་ཡང་བྱུང་བ་ཡིན་གྱི་རེ་ཞིག་སངས་རྒྱས་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་
Ca165b
མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་ཞིག་འདུག་པ་དེའི་སྣམ་སྦྱར་རྙིངས་ཤིང་དྲི་མས་གོས་ལ་རྡོལ་བར་གྱུར་ནས། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཁྱོད་ཀྱི་སྣམ་སྦྱར་འདི་རྙིངས་ཤིང་དྲི་མས་གོས་ལ་རྡོལ་བར་གྱུར་ན། ཅིའི་ཕྱིར་འདི་མི་འཁྲུ་མི་འཚེམ། ཁ་བསྒྱུར་བར་མི་བྱེད། དེས་སྨྲས་པ། འདི་ལ་ཟངས་དང ། ཆུ་དང ། ཤིང་དང ། སྐུད་པ་དང ། ཚོན་དང ། ཡོ་བྱད་གཞན་ཡང་མང་དུ་དགོས་སོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཅི། སྣམ་སྦྱར་མེད་པས་འགྲུབ་པར་འགྱུར་རམ། དེས་སྨྲས་པ། ཁོ་བོ་སྣམ་སྦྱར་མེད་པས་འགྲུབ་པར་མི་འགྱུར་ཏེ། འདི་ལྟར་ཁང་ཁྱིམ་ཆེ་གེ་མོ་ཞིག་ན་དགེ་སློང་ཞིག་ནད་ཀྱིས་བཏབ་ཅིང་སྡུག་བསྔལ་བ་ནད་ཚབས་ཆེ་བ་ཡུན་མི་རིང་བར་དུས་བྱེད་པར་འགྱུར་བ་དེའི་སྣམ་སྦྱར་ཉིས་རིམ་དམར་སེར་ཚོན་སར་པས་ཁ་བསྒྱུར་བ་ལོངས་སྤྱོད་པར་བཟོད་པ་དེ་བླང་བར་བྱའོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཁྱོད་སྣམ་སྦྱར་གྱི་ཕྱིར་གདོལ་བ་དང་འདྲ་བར་དྲག་ཤུལ་གྱི་སེམས་འདི་ལྟ་བུ་བསྐྱེད་དུ་རུང་ངམ། དེ་ངོ་ཚ་བར་གྱུར་ནས་ཅང་མི་སྨྲ་བར་འདུག་གོ་།སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་སྣམ་སྦྱར་གྱི་ཕྱིར་གདོལ་བ་དང་འདྲ་བར་དྲག་ཤུལ་གྱི་སེམས་
Ca166a
༄#། །དེ་ལྟ་བུ་བསྐྱེད་པར་མི་བྱའོ། །དགེ་སློང་གིས་སྣམ་སྦྱར་གྱི་ཕྱིར་གདོལ་པ་དང་འདྲ་བར་དྲག་ཤུལ་གྱི་སེམས་དེ་ལྟ་བུ་སྐྱེད་པར་བྱེད་ན། འགལ་ཚབས་ཅན་དུ་འགྱུར་རོ། ། གཞན་ཡང་དགེ་སློང་གིས་སྣམ་སྦྱར་པགས་པ་བཞིན་དུ་ཡོངས་སུ་བཅང་བར་བྱ་སྟེ། བཀྲུ་བར་འོས་པ་ནི་བཀྲུ་བར་བྱ། བཙེམ་པར་འོས་པ་ནི་བཙེམ་པར་བྱ། ཁ་བསྒྱུར་བར་འོས་པ་ནི་ཁ་བསྒྱུར་བར་བྱའོ། །དགེ་སློང་གིས་སྣམ་སྦྱར་བཀྲུ་བར་འོས་པ་འཁྲུ་བར་མི་བྱེད་དམ། བཙེམ་པར་འོས་པ་འཚེམ་པར་མི་བྱེད་དམ། ཁ་བསྒྱུར་བར་འོས་པ་ཁ་བསྒྱུར་བར་མི་བྱེད་ན། འགལ་ཚབས་ཅན་དུ་འགྱུར་རོ། །འདི་ཡང་བྱུང་བ་ཡིན་གྱི་རེ་ཞིག་སངས་རྒྱས་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་སྟོབས་སྡེ་ཞེས་བྱ་བ་ཕྱུག་པ་ནོར་མང་བ་ལོངས་སྤྱོད་ཆེ་བ་ཞིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན། སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ། བཙས་པ་ལས་ཁྱེའུ་གཟུགས་བཟང་བ་བལྟ་ན་སྡུག་པ་མཛེས་པ་ཞིག་བྱུང་ངོ ། །ཉི་མ་བདུན་
Ca166b
གསུམ་ཉི་ཤུ་གཅིག་ཏུ་དེའི་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་པ་ན། ཉེ་དུ་རྣམས་ཀྱིས་སྨྲས་པ། གང་གི་ཕྱིར་ཁྱེའུ་འདི་ཁྱིམ་བདག་སྟོབས་སྡེའི་བུ་ཡིན་པ་དེའི་ཕྱིར། ཁྱེའུ་སྡེ་པ་ཞེས་བྱའོ་ཞེས་དེའི་མིང་སྡེ་པ་ཞེས་བྱ་བར་བཏགས་སོ། །ཁྱིམ་བདག་སྟོབས་སྡེ་དེ་ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་ཞིག་བཙས་ནས་དེའི་མིང་ནི་ཉེ་སྡེ་ཞེས་བྱ་བར་བཏགས་སོ། །ཇི་ཙམ་དུས་གཞན་ཞིག་ན་ཁྱིམ་བདག་སྟོབས་སྡེའི་ཆུང་མ་དུས་ལ་བབ་ནས་དེ་དེ་དག་གིས་གོས་སྔོན་པོ་དང་སེར་པོ་དང་དམར་པོ་དང་དཀར་པོ་དག་གིས་ཁྱོགས་བརྒྱན་ཏེ་དུར་ཁྲོད་དུ་བསྐྱལ་ནས། བསྲེགས་ཏེ་མྱ་ངན་བསངས་བ་བྱས་ཏེ་འཁོད་དོ། །ཁྱིམ་བདག་སྟོབས་སྡེས་དེའི་ཤིད་དག་བྱས་ནས། གལ་ཏེ་བདག་གིས་ཆུང་མ་གཞན་ཞིག་བླངས་པར་གྱུར་ན། ཁྱེའུ་གཉིས་སྡུག་བསྔལ་བར་འགྱུར་གྱིས། བདག་གིས་སྡེ་པའི་ཕྱི་མ་དབུབ་པར་བྱའོ་སྙམ་དུ་བསམས་ནས། དེས་དེའི་ཁྱིམ་ཕུབ་བོ། །ཇི་ཙམ་དུས་གཞན་ཞིག་ན་ཁྱིམ་བདག་སྟོབས་སྡེ་ན་བར་གྱུར་ནས། དེ་ལ་རྩ་བ་དང་སྡོང་བུ་དང་འདབ་མ་དང་མེ་ཏོག་དང་འབྲས་བུའི་སྨན་དག་གིས་བསྙེན་བཀུར་བྱས་ཀྱང་ནད་དེ་ཉེ་བར་ཞི་བར་མ་གྱུར་ཅིང་ཉམ་དམས་ནས། དེས་སྡེ་པ་དང་ཉེ་སྡེ་གཉིས་ལ་སྙིང་བཞོས་ནས། བསགས་པ་ཀུན་གྱི་མཐའ་འཛད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་པ་སྟེ། །གསོན་པོའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་ཆོས་དང་ལྡན་པར་གྱུར་
Ca167a
༄#། །ཏོ། །དེ་ཁྱེའུ་གཉིས་ཀྱིས་གོས་སྔོན་པོ་དང་སེར་པོ་དང་དམར་པོ་དང་དཀར་པོ་དག་གིས་ཁྱོགས་སྤྱིལ་བརྒྱན་ཏེ་དུར་ཁྲོད་དུ་བསྐྱལ་ནས། བསྲེགས་ཏེ་དེའི་འོག་ཏུ་མྱ་ངན་བསངས་པ་བྱས་ནས་ཤིད་དག་བྱས་ཏེ་འཁོད་དོ། །སྡེ་པས་བསམས་པ། གང་གི་ཚེ་བདག་ཅག་ཕ་གསོན་པ་དེའི་ཚེ་ན་ནི་གཞན་གྱིས་སྲོག་གསོ་བ་བྱེད་ན། ད་ནི་དེའི་དུས་ལ་བབ་པས་ཁྱིམ་གྱི་བྱ་བ་སྦྱང་བར་བྱ་དགོས་ཏེ། གལ་ཏེ་ཁྱིམ་གྱི་བྱ་བ་དམས་པ་ཡལ་བར་བོར་ན་ཉེ་དུ་རྣམས་ཀྱིས་ཁྲེལ་བར་འགྱུར་བས་བདག་ཟོང་ཐོགས་ཏེ་ཡུལ་གཞན་དུ་འགྲོའོ་སྙམ་དུ་རིག་ནས། ཉེ་སྡེ་ལ་སྨྲས་པ།་ནུ་བོ་གང་གི་ཚེ་བདག་ཅག་ཕ་གསོན་པ་དེའི་ཚེ་ན་ནི་གཞན་གྱིས་སྲོག་གསོ་བར་བྱེད་ན་ད་ནི་དེའི་དུས་ལ་བབ་པས་ཁྱིམ་གྱི་བྱ་བ་སྦྱང་བར་བྱ་དགོས་ཏེ། གལ་ཏེ་ཁྱིམ་གྱི་བྱ་བ་དམས་པ་ཡལ་བར་བོར་ན། ཉེ་དུ་རྣམས་ཀྱིས་ཁྲེལ་བར་འགྱུར་གྱིས། ཁྱོད་ནི་འདི་ཉིད་ན་ཁྱིམ་གྱི་བྱ་བ་གྱིས་ཤིག་།ཁོ་བོ་ནི་ཟོང་ཐོགས་ཏེ་ཡུལ་གཞན་དུ་འགྲོའོ། །ཉེ་སྡེས་སྨྲས་པ། དེ་ལྟར་མཛོད་ཅིག ། སྡེ་བ་ཟོང་མང་པོ་ཐོགས་ཏེ། ཡུལ་གཞན་དུ་སོང་བ་དང ། དེས་དེར་ཁེ་སྤོགས་མང་པོ་གྲུབ་ནས། སྡེ་པས་ནུ་བོ་ཉེ་སྡེ་ལ་ནུ་བོ་ཁོ་བོས་ཁེ་སྤོགས་མང་པོ་གྲུབ་སྟེ། རིང་པོར་མི་ཐོགས་པར་འོང་གིས་བརྟན་པ་དང ། སྤུངས་དང ། སྤྲོ་བ་ཆེན་པོར་གྱིས་ཤིག་ཅེས་སྤྲིང་ཡིག་བསྐུར་རོ། །སྡེ་པས་ཕྱིར་ཞིང་ཡང་ཁེ་སྤོགས་མང་པོ་གྲུབ་ནས་དེས་ཕྱིས་ཀྱང་དེ་ཁོ་ན་བཞིན་དུ་སྤྲིང་ཡིག་བསྐུར་རོ། །ཡང་སྡེ་
Ca167b
པས་ཕྱི་ཕྱིར་ཞིང་ཡང་ཁེ་སྤོགས་མང་པོ་གྲུབ་ནས། དེས་ཡང་དེ་ཁོ་ན་བཞིན་དུ་སྤྲིང་ཡིག་བསྐུར་ཏེ་སྡེ་པ་དེ་དེ་བཞིན་དུ་དུས་དང་མཐུན་པའི་དུས་སུ་སྤྲིང་ཡིག་སྐུར་བར་བྱེད་དོ། །ཆོས་ཉིད་ཀྱིས་ན། གང་ཕྱིར་རྙེད་པ་དེ་ཕྱིར་ཆགས། །རྙེད་ལས་ཆགས་པ་སྐྱེ་བར་འགྱུར། །ཆགས་པས་ཟིལ་ནོན་མི་ཡིས་ནི། །བྱ་དང་བྱ་མིན་རྟོགས་མི་འགྱུར། །ཞེས་བྱ་བ་ཡིན་པས་སྡེ་པ་ཤིན་ཏུ་ཐག་རིང་པོར་སོང་ནས། ཕྱིན་ཆད་སྤྲིང་ཡིག་སྐུར་བར་མི་བྱེད་དོ། །དེ་ནས་སྡེ་པའི་ཆུང་མ་གོས་དང་ཟས་བཟང་བས་ཉོན་མོངས་པ་དག་གིས་གནོད་པར་གྱུར་ནས། དེས་ཉེ་སྡེ་ལ་མཚན་མ་སྟོན་པར་བྱེད་པ་དང ། ཉེ་སྡེས་དབང་པོ་རྣམས་ཕྱིར་བསླན་ཏེ་འདུག་།སྡེ་པའི་ཆུང་མ་དེ་ངོ་ཚ་མེད་པར་གྱུར་ནས། ཡང་སྨྲས་པ། ཉེ་སྡེ་ཚུར་སྤྱོན། འདི་དང་འདི་ལྟ་བུ་བགྱིའོ། །ཉེ་སྡེས་རྣ་བ་བཀབ་སྟེ་སྨྲས་པ། ཁྱོད་ཁོ་བོའི་མ་དང་འདྲས་ཕྱིན་ཆད་དེ་སྐད་མ་ཟེར་ཅིག་།བུད་མེད་ཀྱི་ཡུལ་ནི་མ་བསླབས་པར་མཁས་པ་ཡིན་པས། སྡེ་པའི་ཆུང་མ་དེ་ཉེ་དུའི་ཁྱིམ་དུ་སོང་ནས། གོས་དྲི་མ་ཅན་དག་བགོས་ཏེ་ཁྲི་ཞིག་པ་ལ་འདུག་ཅིང་འདུག་གོ། དེ་ལ་མ་དང་ནང་མི་དག་གིས་སྨྲས་པ། ཁྱོད་ཅིའི་ཕྱིར་འདི་ལྟར་འདུག་།སྡེ་པའི་ཆུང་མས་སྨྲས་པ། ཅི་བུད་མེད་ཀྱི་ཡུལ་ལ་གང་གནོད་པ་དེ་མི་ཤེས་སམ། ཁོ་མོ་ཉོན་མོངས་པ་དག་གིས་ཤིན་ཏུ་གནོད་པར་གྱུར་ཏོ། །དེ་དག་གིས་སྨྲས་པ་ཁྱོད་ཀྱི་སྐུད་པོ་ཉེ་སྡེ་གཟུགས་བཟང་བ་བལྟ་ན་སྡུག་པ་མཛེས་པ་ཡིན་ན་ཅིའི་ཕྱིར་དེ་ལ་འཆོལ་བར་མི་བྱེད། སྡེ་པའི་ཆུང་མས་སྨྲས་པ། བདག་གིས་དེ་ལ་བཅོལ་
Ca168a
༄#། །ན་མ་གྲུབ་བོ། །དེ་དག་གིས་སྨྲས་པ། བུད་མེད་གཞན་གང་དག་ཁྱིམ་ཐབ་དག་ཆེས་ཡུན་རིང་ནས་དོང་སྟེ། དུས་སུ་མ་འཁོར་བ་དེ་དག་ཆེས་དཀའ་བ་བྱེད་པ་ཡིན་ནོ། །སྡེ་པའི་ཆུང་མས་སྨྲས་པ། དེ་དག་ལ་ནི་ཁྱིམ་ཐབ་དག་གིས་དུས་དང་མཐུན་པའི་དུས་སུ་གཏམ་རྨེད་པར་བྱེད་དེ། ཁོ་མོ་ལ་ཡང་གང་གི་ཚེ་ཁྱིམ་ཐབ་གསོན་པར་གྱུར་པ་དེའི་ཚེ་ན་ནི་དུས་དང་མཐུན་པའི་དུས་སུ་སྤྲིང་ཡིག་བསྐུར་བར་ཡང་གྱུར་ན། ད་སྐུར་བར་མི་བྱེད་པས་དུས་ལ་བབ་གོར་མ་ཆག་གོ་།དེ་དག་གིས་སྡེ་པའི་ཆུང་མ་དེ་ལ་ཐབས་དུ་མ་དག་གིས་ཡིད་བཞོས་ཀྱང་ཁྲི་ལས་ལྡང་བར་མི་བྱེད་ཅིང་དེས་སྨྲས་པ། གལ་ཏེ་ཁོ་མོ་གཞན་ལ་མི་སྦྱིན་ན། ཁོ་མོས་ངེས་པར་རིགས་གཉི་ག་ལ་མི་སྙན་པ་འབྱུང་བར་བྱའོ། །དེ་ནས་སྡེ་པའི་ཆུང་མའི་ཕ་མ་དང་ཉེ་དུ་དང་རྩ་ལག་གི་ཚོགས་དག་གིས་གྲོས་བྱ་བར་བརྩམས་ཏེ། འདི་དེ་ལྟར་ཟློག་ཏུ་མ་བཏུབ་པས་ངེས་པར་རིགས་གཉི་ག་ལ་མི་སྙན་པ་འབྱུང་བར་བྱེད་ཀྱིས། ཉེ་སྡེ་མགྲོན་དུ་བོས་ཏེ། ཟན་བྱིན་ལ་དེ་ལ་འདི་སྦྱིན་པར་བྱ་བ་ནི་འདིར་དུས་ལ་བབ་པ་ཡིན་ནོ་ཞེས་གྲོས་བྱས་ནས། དེ་དག་གིས་ཉེ་སྡེ་མགྲོན་དུ་བོས་ཏེ། ཟན་བྱིན་ནས་སྨྲས་པ། ཉེ་སྡེ་ཁྱོད་ཀྱི་ཕུ་བོའི་ཆུང་མ་འདི་ཉོན་མོངས་པ་ཀུན་ཏུ་སྤྱོད་པས་ཤིན་ཏུ་གཡེན་སྤྱོ་བར་གྱུར་པས་ངེས་པར་རིགས་གཉི་ག་ལ་མི་སྙན་པ་འབྱིན་པར་བྱེད་ན། གལ་ཏེ་ཁྱོད་འདི་དང་ལྷན་ཅིག་ཏུ་སྤྱོད་པར་བྱེད་ན། དེ་ལྟ་ན་ལེགས། གལ་ཏེ་མི་བྱེད་ན་བདག་ཅག་གིས་
Ca168b
འདི་གཞན་ལ་སྦྱིན་པར་བྱའོ། །ཉེ་སྡེས་བསམས་པ། འདི་བདག་ཅག་གིས་བྱིས་པ་ནས་བསྐྱེད་པ་ཡིན་པས། གལ་ཏེ་གཞན་དུ་འགྲོ་བར་འགྱུར་ཞིང་རིགས་གཉི་ག་ལ་མི་སྙན་པ་འབྱིན་པར་འགྱུར་ན།་མ་ལེགས་ཀྱིས་བདག་གིས་འདི་བདག་གིར་བྱའོ་སྙམ་དུ་རིག་ནས། དེས་དང་དུ་བླངས་པར་ཁས་བླངས་སོ། །དེ་ནས་ཉེ་སྡེས་སྡེ་པའི་ཆུང་མ་རང་གི་ཁྱིམ་དུ་ཁྲིད་ནས་དེ་དེ་དང་ལྷན་ཅིག་ཏུ་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །དེ་ལ་མངལ་ན་གནས་པའི་མཚན་མ་དག་བྱུང་བར་གྱུར་ནས། དེ་ལ་ན་ཟླ་དག་གིས་སྨྲས་པ། འདི་ག་ལས་འོངས། སྡེ་པའི་ཆུང་མས་སྨྲས་པ། ཁོ་མོ་ཚུལ་ཁྲིམས་དང་ལྡན་པ་ཁོ་ན་ཡིན་གྱིས་ཁྱེ་ཅག་རྫུན་གྱི་སྐུར་བས་ཁོ་མོ་ལ་ཀུན་ཏུ་མ་སྤྱོད་ཅིག་།དེའི་གྲོགས་མོ་ཆེས་མཛའ་བ་ཞིག་ཡོད་པ་དེས་སྨྲས་པ། ཅིའི་ཕྱིར་གསང་བར་བྱེད། འདི་གདོན་མི་ཟ་བར་གྲགས་པར་འགྱུར་གྱིས་སྨྲོས་ཤིག་།སྡེ་པའི་ཆུང་མས་སྨྲས་པ། ཉེ་སྡེ་ལས་སོ། །ལེགས་ཏེ་ཁྱིམ་ཐབ་ལས་སམ། སྐུད་པོ་ལས་ཀྱང་རུང་འདི་ལ་ཉེས་པ་འགའ་ཡང་མེད་དོ། །སྡེ་པའི་ཆུང་མ་དེ་སེམས་ཅན་དང་ལྡན་པར་གྱུར་པ་ན། སྡེ་པས་ཉེ་སྡེ་ལ་ནུ་བོ་བརྟན་པ་དང་སྤུངས་དང་སྤྲོ་བ་ཆེར་གྱིས་ཤིག་།ཁོ་བོ་ཡང་ཡི་གེའི་རྗེས་བཞིན་ཁོ་ནར་འོང་ངོ་ཞེས་སྤྲིང་ཡིག་བསྐུར་རོ། །ཉེ་སྡེས་ཐོས་ནས་ཉམ་ང་བར་གྱུར་ཏེ་བསམས་པ། གང་གི་ཚེ་བདག་ཕུ་བོ་དེ་ལ་སྤྲིན་བཞིན་དུ་ལྟ་བར་འདོད་པ་དེའི་ཚེ་ན་ནི་དེ་མ་འོངས་ལ། ད་བདག་གིས་ཉེས་པར་སྤྱོད་པ་འདི་ལྟ་བུ་བྱས་ན་དེ་འོང་བར་གྱུར་ཏེ།
Ca169a
༄#། །འཁོན་རྣམས་ཀྱི་ནང་ན་འདི་ལྟ་སྟེ། བུད་མེད་ཀྱི་འཁོན་ཐ་ཆད་ཡིན་པས། བདག་ལ་གནོད་པ་བྱེད་པར་གྱུར་པ་གང་ཡིན་པ་དེ་ལྟ་བུའི་གནས་ཡོད་ཀྱིས་བྲོས་ཏེ་འགྲོའོ་སྙམ་མོ། །ཡང་བསམས་པ། ཡུལ་ཡོངས་སུ་གཏོང་བར་བྱེད་པ་ནི་སྡུག་བསྔལ་བ་ཡིན་ཏེ། ཤཱཀྱའི་སྲས་ཀྱི་དགེ་སྦྱོང་འདི་དག་གིས། ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་གཞོན་ནུའི་ཡོངས་སུ་སྤང་བ་ཐོབ་པས་དེ་དག་གི་ནང་དུ་རབ་ཏུ་བྱུང་ན་དེས་དེར་ཅི་ཞིག་བྱ་བར་འགྱུར་སྙམ་ནས། ཉེ་སྡེ་རྒྱལ་བྱེད་ཀྱི་ཚལ་དུ་སོང་སྟེ་དགེ་སློང་ཞིག་གི་གན་དུ་ཕྱིན་ནས་སྨྲས་པ། འཕགས་པ་དག་རབ་ཏུ་འབྱུང་བར་འཚལ་ལོ། །དགེ་སློང་དེས་སྨྲས་པ། བཞིན་བཟང་ལེགས་ཏེ་ལོངས་སྤྱོད་དག་ནི་འགྱུར་བ་ཡིན་གྱིས་རབ་ཏུ་ཕྱུང་ཞིག་།དགེ་སློང་དེ་ཉེ་སྡེ་རབ་ཏུ་ཕྱུང ། རྫོགས་པར་བསྙེན་པར་བྱས་ནས ། དེའི་འོག་ཏུ་ཉི་མ་གཉིས་སམ་གསུམ་ཀུན་ཏུ་སྤྱོད་པའི་ཆོས་དག་སློབ་ཏུ་བཅུག་ནས་སྨྲས་པ། བཞིན་བཟང་རི་དྭགས་ཀྱིས་རི་དྭགས་མི་སོས། མཉན་ཡོད་རྒྱ་ཆེ་ལ་རང་གི་སྤྱོད་ཡུལ་དང་ཡབ་ཀྱི་ཡུལ་ཡིན་གྱིས་བསོད་སྙོམས་རྒྱུས་ལ་འཚོ་བར་གྱིས་ཤིག་།ཉེ་སྡེ་མཁན་པོས་དེ་སྐད་བསྒོ་ནས་མཁན་པོ་བཀའ་བཞིན་འཚལ་ཞེས་སྨྲས་ཏེ། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །དེ་སྤྱོད་ཡུལ་ལ་མི་མཁས་པས་གྲོང་རིམས་ཀྱིས་རང་གི་ཁྱིམ་དུ་ཞུགས་པ་དང ། སྡེ་པའི་ཆུང་མས་ཉེ་སྡེ་མཐོང་ནས་དེས་བྲང་བརྡུངས་
Ca169b
ཏེ་སྨྲས་པ། ཉེ་སྡེ་ཅིའི་སླད་དུ་ཁྱོད་ཀྱིས་ཁོ་མོ་སྤངས་ཏེ་རབ་ཏུ་བྱུང ། ཉེ་སྡེས་སྨྲས་པ། ཁྱོད་ཀྱང་དེ་སྐད་ཅེས་ཅིའི་སླད་དུ་ཁྱོད་ཀྱིས་ཁོ་མོ་སྤངས་ཏེ་རབ་ཏུ་བྱུང་ཞེས་ཟེར་རམ། གང་གི་ཚེ་བདག་ཕུ་བོ་དེ་ལ་སྤྲིན་བཞིན་དུ་ལྟ་བར་འདོད་པ་དེའི་ཚེ་ན་ནི་དེ་མ་འོངས་ལ། བདག་གིས་ཉེས་པར་སྤྱོད་པ་འདི་ལྟ་བུ་བྱས་ན་དེ་འོང་བར་འགྱུར་ཏེ། འཁོན་རྣམས་ཀྱི་ནང་ན་འདི་ལྟ་སྟེ་བུད་མེད་ཀྱི་འཁོན་ཐ་ཆད་ཡིན་པས། བདག་ལ་གནོད་པར་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་དོ། །སྡེ་པའི་ཆུང་མས་སྨྲས་པ། ཁྱོད་ཀྱིས་ནི་རེ་ཞིག་བདག་ཉིད་ཐར་བར་བགྱིས་ན། ཁོ་མོས་ཇི་ལྟར་བསྒྲུབ་པར་བགྱི། ཉེ་སྡེས་སྨྲས་པ། དེ་ནི་ཁྱོད་ཉིད་ཀྱིས་ཉོན་མོངས་པའི་དབང་གིས་རྣམ་པར་བསམས་པ་ཡིན་གྱི་ཁོ་བོ་ནི་མི་འདོད་བཞིན་བྱེད་དུ་བཅུག་པ་ཡིན་པས་ཁྱོད་ཉིད་ཤེས་སོ་ཞེས་སྨྲས་ཏེ་སོང་ངོ ། །ཉེ་སྡེའི་ཆུང་བོ་གྲོགས་སྔོན་སྨན་པ་སྤོས་འཚོང་གི་ཁྱེའུ་ཞིག་ཡོད་པ་དེ། སྡེ་པའི་ཆུང་མའི་ཁྱིམ་དུ་སོང་སྟེ། ཉེ་སྡེ་གར་སོང་ཞེས་དྲིས་པ་དང ། སྡེ་པའི་ཆུང་མས་སྨྲས་པ། ཉེ་སྡེས་ལམ་ལམ་པོར་བྱས་ཏེ་རབ་ཏུ་བྱུང ། གང་དུ་ཤཱཀྱ་སྲས་ཀྱི་དགེ་སྦྱོང་རྣམས་ཀྱི་ནང་དུའོ། །གལ་ཏེ་ཡིད་མི་ཆེས་ན་རྒྱལ་བྱེད་ཀྱི་ཚལ་དུ་སོང་ལ་ལྟོས་ཤིག་།དེ་རྒྱལ་བྱེད་ཀྱི་ཚལ་དུ་སོང་བ་ན་རབ་ཏུ་བྱུང་བ་ཐམས་ཅད་ཆ་ལུགས་འདྲ་བས་དེ་གང་ཡིན་མི་ཤེས་ནས། དེས་དགེ་སློང་ཞིག་ལ་དྲིས་པ། འཕགས་པ་མཉན་ཡོད་པའི་ཁྱིམ་བདག་གི་བུ་ཉེ་སྡེ་ཞེས་བགྱི་བ་འདིར་རབ་ཏུ་བྱུང་ན་ག་ལ་མཆིས། དགེ་སློང་དེས་བསྟན་ནས། སྤོས་འཚོང་གི་
Ca170a
༄#། །ཁྱེའུ་དེ་ཉེ་སྡེའི་དྲུང་དུ་སོང་སྟེ་སྨྲས་པ། ཉེ་སྡེ་ཁྱོད་ཀྱིས་ཅི་ཞིག་རྗེས་སུ་བསྒྲུབས་ན། ཁོ་བོ་ལ་ཡང་མ་དྲིས་པར་རབ་ཏུ་བྱུང ། ཉེ་སྡེས་སྨྲས་པ། ཁྱོད་ཀྱང་དེ་སྐད་ཅེས་ཁྱོད་ཀྱིས་ཅི་ཞིག་རྗེས་སུ་བསྒྲུབས་ན། ཁོ་བོ་ལ་ཡང་མ་དྲིས་པར་རབ་ཏུ་བྱུང་ཞེས་ཟེར་རམ། གང་གི་ཚེ་བདག་ཕུ་བོ་དེ་ལ་སྤྲིན་བཞིན་དུ་བལྟ་བར་འདོད་པ་དེའི་ཚེ་ན་ནི་དེ་མ་འོངས་ལ། ད་བདག་གིས་ཉེས་པར་སྤྱད་པ་འདི་ལྟ་བུ་བྱས་ན་དེ་འོང་བར་འགྱུར་ཏེ། འཁོན་རྣམས་ཀྱི་ནང་ན་འདི་ལྟ་སྟེ། བུད་མེད་ཀྱི་འཁོན་ཐ་ཆད་ཡིན་པས། བདག་ལ་གནོད་པར་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་དོ། །སྤོས་འཚོང་གི་ཁྱེའུས་སྨྲས་པ། ཁོ་བོ་ཅག་སྤོས་འཚོང་གི་ཁྱེའུ་དག་ནི་སྨན་པའི་ཕྱེད་ཡིན་པས་ཁོ་བོས་རེ་ཞིག་མངལ་ན་གནས་པ་རླུགས་པར་བྱ་བ་དེ་ལྟ་བུ་དག་བྱིན་པར་གྱུར་ན། དེས་མངལ་ན་གནས་པ་དེ་དུམ་བུ་དུམ་བུར་ཞིག་པར་འགྱུར་བ་ཞིག་ན་ཁྱོད་ཀྱིས་ཁོ་བོ་ལ་ཅིའི་ཕྱིར་མ་སྨྲས། འདི་ལྟར་ད་ཡང་སྦྱིན་པར་བྱའོ། །ཉེ་སྡེས་དང་དུ་བླངས་སོ། །དེ་ནས་སྤོས་འཚོང་གི་ཁྱེའུ་དེས་རྫས་རྣོན་པོ་དག་ཕྱེ་མར་བྱས་ཏེ་བུ་མོ་ཞིག་གི་ལག་ཏུ་བྱིན་ནས་སྨྲས་པ། ཁྱོད་སོང་ལ་སྡེ་པའི་ཁྱིམ་དུ་སོང་སྟེ། སྡེ་པའི་ཆུང་མ་ལ་ཉེ་སྡེ་ན་རེ་ཕྱེ་མ་འདི་ཆུ་དྲོན་མོ་དང་སྦྱོར་ལ་འཐུང་ཞིག་དང ། ཁྱོད་སོས་པར་འགྱུར་ཞེས་ཟེར་རོ་ཞེས་གྱིས་ཤིག་།བུ་མོ་དེས་ཇོ་བོ་བཀའ་བཞིན་འཚལ་ཞེས་སྤོས་འཚོང་གི་ཁྱེའུ་ལས་མཉན་ནས། སྡེ་པའི་ཁྱིམ་ག་ལ་བ་དེར་སོང་
Ca170b
སྟེ་ཕྱིན་ནས། སྡེ་པའི་ཆུང་མ་ལ་སྨྲས་པ། ཉེ་སྡེའི་ཞལ་ནས་ཕྱེ་མ་འདི་ཆུང་དྲོན་མོ་དང་སྦྱོར་ལ་འཐུང་ཞིག་དང ། ཁྱོད་སོས་པར་འགྱུར་ཞེས་གསུང་ངོ ། །སྡེ་པའི་ཆུང་མ་དེས་ཕྱེ་མ་དེ་ཆུ་དྲོན་པོ་དང་སྦྱར་ཏེ་འཐུངས་པ་དང ། དེ་ནས་དེའི་མངལ་ན་གནས་པ་དེ་དུམ་བུ་དུམ་བུར་ཞིག་པར་གྱུར་ཅིང་མངལ་ན་གནས་པའི་མཚན་མ་དག་ཀྱང་མེད་པར་གྱུར་ཏོ། །ཡང་ན་ཟླ་དག་གིས་མཐོང་ནས་དེ་དག་གིས་སྨྲས་པ། ཁྱོད་ཀྱི་མངལ་ན་གནས་པ་དེ་གར་སོང ། སྡེ་པའི་ཆུང་མས་སྨྲས་པ། ཁོ་མོས་དང་པོ་ཉིད་ནས་ཁོ་མོ་ཚུལ་ཁྲིམས་དང་ལྡན་པ་ཉིད་ཡིན་གྱིས་ཁྱེད་ཅག་རྫུན་གྱི་སྐུར་བས་ཁོ་མོ་ལ་ཀུན་ཏུ་མ་སྤྱོད་ཅིག་ཅེས་མ་སྨྲས་སམ། དེའི་གྲོགས་མོ་ཆེས་མཛའ་བ་དེ་དེའི་གན་དུ་སོང་སྟེ་སྨྲས་པ། ཁྱོད་ཀྱིས་སྔར་འདི་སྐད་ཅེས་ཉེ་སྡེ་ལས་སོ་ཞེས་ཁོ་མོ་ལ་སྨྲས་པའི་མངལ་ན་གནས་པ་དེ་ད་གར་སོང ། སྡེ་པའི་ཆུང་མས་སྨྲས་པ། གང་ཁོ་ན་ལས་འོངས་པ་དེ་ཁོ་ནར་སོང་ངོ ། །ཇི་ལྟར་གྱུར། ཉེ་སྡེས་ཕྱེ་མ་རྣོན་པོ་དེ་ལྟ་བུ་བྱིན་པས་དེས་ན་མངལ་ན་གནས་པ་དེ་དུམ་བུ་དུམ་བུར་ཞིག་པ་འགྱུར་ཏོ། །དེ་ཤཱཀྱའི་སྲས་ཀྱི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ་།བྲམ་ཟེའོ་ཚུལ་ནི་ཚིག་སྟེ་འདི་ལྟར་མངལ་ན་གནས་པ་ཡང་རླུགས་པར་བྱེད་དོ་ཞེས་སྨོད་པར་བྱེད། ཕྱར་ཁ་གཏོང་བར་བྱེད། ཁ་ཟེར་བར་བྱེད་དོ། །ཉེ་སྡེས་སྡིག་པའི་ལས་འདི་དང་འདི་ལྟ་བུ་བྱས་སོ་ཞེས་བྱ་བའི་སྒྲ་དེ་ཡང་མཉན་ཡོད་ཀུན་ཏུ་གྲགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་སངས་རྒྱས་བཅོམ་ལྡན་འདས་ཀྱིས་ཚེ་
Ca171a
༄#། །དང་ལྡན་པ་ཉེ་སྡེ་ལ་རྨས་པ། ཉེ་སྡེ་ཁྱོད་ཀྱིས་སྡིག་པའི་ལས་དེ་ལྟ་བུ་དེ་བྱས་པ་བདེན་ནམ། བཙུན་པ་མ་བགྱིས་ཏེ། འདི་ལྟར་བདག་གིས་རྗེས་སུ་ཡི་རང་བར་ནི་བགྱིས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཉེ་སྡེ་ལ་ནི་ལྟུང་བ་མེད་དོ། །ཡང་དགེ་སློང་གིས་གནས་དེ་ལྟ་བུ་ལ་རྗེས་སུ་ཡི་རང་བར་མི་བྱའོ། །དགེ་སློང་གནས་དེ་ལྟ་བུ་ལ་རྗེས་སུ་ཡི་རང་བར་བྱེད་ན། འགལ་ཚབས་ཅན་དུ་འགྱུར་རོ། །དེའི་བར་སྐབས་སུ་སྡེ་པ་དོན་ལེགས་པར་གྲུབ་སྟེ་མཉན་ཡོད་དང་ཉེ་བར་ཕྱིན་ཏོ། །འཇིག་རྟེན་ནི་འབྱོར་པ་འདོད་ལ་རྒུད་པ་དང་མི་མཐུན་པ་ཡིན་པས། ཁ་ཅིག་གིས་མྱུར་བ་མྱུར་བར་དོང་སྟེ། སྡེ་པའི་ཆུང་མ་ལ་སྨྲས་པ། ཁྱོད་ཀྱི་ཁྱིམ་ཐབ་དོན་ལེགས་པར་གྲུབ་སྟེ་མཉན་ཡོད་དང་ཉེ་བར་འོངས་ཀྱིས་སྤྲོ་བ་སྐྱེད་ཅིག་།བུད་མེད་ཀྱི་ཡུལ་ནི་མ་བསླབས་པར་མཁས་པ་ཡིན་པས་སྡེ་པའི་ཆུང་མ་དེ་ཡི་ཆད་པའི་སེམས་ཀྱིས་གོས་དྲི་མ་ཅན་དག་བགོས་ཏེ། ཁྲི་ཞིག་པ་ལ་འདུག་ཅིང་འདུག་གོ ། ཇི་ཙམ་ན་སྡེ་པ་མཉན་ཡོད་དུ་ཞུགས་ནས་ཟོང་མཛོད་དུ་མཁོས་སུ་ཕབ་སྟེ། རང་གི་ཁྱིམ་དུ་འོངས་པ་དང ། ཁྱིམ་མ་བྱུགས། བྱི་དོར་མ་བྱས། གསལ་བ་མེད་པ་མཐོང་ནས། དེས་བུ་མོ་མོ་མངག་གཞུག་མ་ལ་དྲིས་པ། ཁྱིམ་བདག་གི་ཆུང་མ་གར་སོང ། བུ་མོས་སྨྲས་པ། རྗེའི་སྲས་སྤྱོད་ལམ་བཅད་དེ་ཁྲི་ཞིག་པ་ལ་མཆིས་ཤིང་མཆིས་སོ། །དེ་ནས་སྡེ་པ་ཡི་མི་
Ca171b
བདེ་བ་སྐྱེས་ཏེ། ཆུང་མའི་གན་དུ་སོང་ནས་སྨྲས་པ། བཟང་མོ་ཁྱོད་ཁོ་བོ་འོངས་པས་མི་བདེའམ། རྗེའི་སྲས་བདག་ཁྱོད་བྱོན་པས་མི་བདེ་བ་མ་མཆིས་ཏེ། འདི་ལྟར་རྗེའི་སྲས་ཀྱིས་སྲུང་མ་གང་ལགས་པ་དེ་དག་ཉིད་རྐུན་མ་དག་ལགས་སོ། །ཅི་ཞིག་བྱས། བཀག་བཞིན་དུ་ཉེ་སྡེས་ནན་གྱིས་ཁོ་མོ་བདག་གིར་བགྱིས་སོ། །བཟང་མོ་དེ་ནི་དེས་ཁྱོད་ཟིལ་གྱིས་མནན་པ་མ་ཡིན་གྱི་ཁོ་བོ་ཟིལ་གྱིས་མནན་པ་ཡིན་གྱིས། ལོངས་ཤིག་།ཁོ་བོས་དེ་ལ་མཚམས་གཅད་པར་བྱའོ། །བཟང་མོ་ཉེ་སྡེ་ག་ལ་འདུག་།རྗེའི་སྲས་ཁྱོད་བྱོན་པ་ཐོས་ནས་རབ་ཏུ་བྱུང་ངོ ། །གང་དུ་རྒྱལ་བྱེད་ཀྱི་ཚལ་དུ་ཤཱཀྱའི་སྲས་ཀྱི་དགེ་སྦྱོང་རྣམས་ཀྱི་ནང་དུའོ། །བཟང་མོ་ཅི་དེ་འཇིགས་པ་མེད་པའི་གྲོང་ཁྱེར་ཡིན་ནམ། ཁོ་བོ་དེར་ཡང་སོང་ལ་དེ་ལ་མཚམས་ཆེན་པོ་གཅད་པར་བྱའོ། །འཇིག་རྟེན་ནི་མཛའ་བཤེས་དང་དགྲ་བོ་དང་བར་མ་ཡིན་པས། ཁ་ཅིག་ཉེ་སྡེའི་དྲུང་དུ་སོང་སྟེ་སྨྲས་པ། ཉེ་སྡེ་ཁྱེད་ཀྱི་ཕུ་བོ་འོངས་སོ། །ཉེ་སྡེས་སྨྲས་པ། ཇི་སྐད་ཟེར། དེ་དག་གིས་སྨྲས་པ། ཅི་དེ་འཇིགས་པ་མེད་པའི་གྲོང་ཁྱེར་ཡིན་ནམ། ཁོ་བོ་དེར་ཡང་སོང་ལ། དེ་ལ་མཚམས་ཆེན་པོ་གཅད་པར་བྱའོ་ཞེས་ཟེར་རོ། །ཉེ་སྡེས་ཐོས་ནས་ཉམ་ང་བར་གྱུར་ཏེ། བསམས་པ། བདག་འཇིགས་པ་དག་གིས་རབ་ཏུ་བྱུང་བ་དེ། འདིར་ཡང་འབྱུང་བར་མི་འགྱུར་རམ། འདི་ལྟར་བདག་ཅག་རྒྱལ་པོས་གཞོན་ནུའི་ཡོངས་སུ་སྤང་བ་བྱིན་མོད་ཀྱི་འོན་ཀྱང་བདག་ཉེས་པ་དང་བཅས་པ་ཡིན་པས། གལ་ཏེ་ན་བདག་ལ་འདིར་ཡང་གནོད་པ་བྱེད་པར་
Ca172a
༄#། །འགྱུར་བའི་གནས་ཡོད་ཀྱིས་བྲོས་ཏེ་འགྲོའོ་སྙམ་ནས། དེས་མཁན་པོ་ལ་མཁན་པོ་བདག་འཇིགས་པ་གང་གིས་རབ་ཏུ་བྱུང་བ་དེ། འདིར་ཡང་རྗེས་སུ་འབྲེལ་བར་གྱུར་ཏོ་ཞེས་བྱུང་བའི་མཐའ་དེ་རྒྱས་པར་བརྗོད་དོ། །མཁན་པོས་སྨྲས་པ། བུ་ཅི་ཉེས། མཁན་པོ་བདག་གི་ཕུ་བོ་དེ་མཆིས་ནས་ཏེ་པོར་མཆིད་འབོ་ཞིང ། ཇི་དེ་འཇིགས་པ་མེད་པའི་གྲོང་ཁྱེར་ཡིན་ནམ། ཁོ་བོ་དེར་ཡང་སོང་ལ་དེ་ལ་མཚམས་ཆེན་པོ་གཅད་པར་བྱའོ་ཞེས་མཆིའོ། །འདི་ལྟར་བདག་ཅག་རྒྱལ་པོས་གཞོན་ནུའི་ཡོངས་སུ་སྤང་བ་སྩལ་མོད་ཀྱི་འོན་ཀྱང་བདག་ནོངས་པ་དང་བཅས་པ་ལགས་པས། གལ་ཏེ་ན་འདིར་ཡང་བདག་ལ་གནོད་པ་བགྱིད་པར་འགྱུར་བའི་གནས་མཆིས་ཀྱིས། བྲོས་ཏེ་མཆིའོ། །བུ་གང་དུ་འགྲོ། མཁན་པོ་རྒྱལ་པོའི་ཁབ་ཏུའོ། །བུ་དེ་ན་ཁོ་བོ་མཛའ་བཤེས་དགེ་སློང་ཞིག་འདུག་གི་།དེ་ལ་སྤྲིང་ཡིག་བསྐུར་གྱིས། དེའི་དྲུང་ན་འདུག་ཅིག་དང ། དེ་ཁྱོད་ལ་བྱམས་པས་རྗེས་སུ་སྐྱོང་བར་འགྱུར་རོ། །མཁན་པོ་ལེགས་སོ། །དེས་དགེ་སློང་དེ་ལ་སྔར་བྲོ་རྨ་བ་དྲིས་ཏེ།་བདག་གི་ལྷན་ཅིག་གནས་པ་བདག་གིས་ཁྱོད་ཀྱི་གན་དུ་གཏང་སྟེ་འོང་གིས། དེའི་སླད་དུ་ཇི་ལྟར་འདི་ནི་མངོན་པར་དགའ་བ་བཞིན་དུ་བྱམས་པས་རྗེས་སུ་སྐྱོངས་ཤིག་ཅེས་སྤྲིང་ཡིག་བྲིས་ནས། ཉེ་སྡེས་སྤྲིང་ཡིག་དེ་མནོས་ཏེ་བག་ཚ་བས་ཡིད་མི་བདེ་ཞིང་ཕྱོགས་སུ་རྣམ་པར་ལྟ་བ་བཞིན་དུ་རྒྱལ་པོའི་ཁབ་ཏུ་འཕགས་ཏེ་མཐར་གྱིས་རྒྱལ་པོའི་ཁབ་ཏུ་སོང་ནས། ཐོས་པ་བརྒྱུད་པས་དགེ་སློང་དེའི་གན་དུ་
Ca172b
ཕྱིན་ནས་རྐང་པ་གཉིས་ལ་མགོ་བོས་ཕྱག་འཚལ་ཏེ། སྤྲིང་ཡིག་ཕུལ་ནས་མཐའ་གཅིག་ཏུ་འདུག་གོ་།དེ་ནས་དགེ་སློང་དེས་སྤྲིང་ཡིག་བཀླགས་ཏེ་སྨྲས་པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་ཁྱོད་དེའི་ཉེ་གནས་ཡིན་པ་དེ་བཞིན་དུ། ཁོ་བོའི་ཡང་ཡིན་གྱིས་བསླབ་པ་ལ་གུས་པར་གྱིས་ཤིག་དང ། ཁོ་བོས་ཁྱོད་ལྷུང་བཟེད་དང་ཆོས་གོས་དང་དྲ་བ་དང་ཕོར་བུ་དང་སྐ་རགས་ཀྱིས་མི་བྲེལ་བར་བྱའོ། །གཞན་ཡང་དགེ་སློང་གི་ལས་ནི་གཉིས་ཏེ། བསམ་གཏན་དང་ཀློག་པ་ཡིན་ན། ཁྱོད་བསམ་གཏན་དང་ཀློག་པ་གང་འདོད། བསམ་གཏན་འཚལ་ལོ། །བུ་ལེགས་སོ། །དེས་དེ་ལ་གདམས་ངག་བྱིན་ནས་ཉེ་སྡེ་བསིལ་བ་ཚལ་གྱི་དུར་ཁྲོད་དུ་སོང་སྟེ། བརྩོན་པ་དང་འབད་པ་དང ། བརྩལ་བས་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་དུ་བྱས་ཏེ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ། རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང་མངོན་པར་ཤེས་པ་དང་སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེའི་བར་སྐབས་སུ་སྡེ་པ་ཡང་རྒྱལ་བྱེད་ཀྱི་ཚལ་དུ་སོང་སྟེ་དགེ་སློང་རྣམས་ལ་དྲིས་པ། འཕགས་
Ca173a
༄#། །པ་དག་འདི་ན་མཉན་ཡོད་པའི་ཁྱིམ་བདག་གི་བུ་རབ་ཏུ་བྱུང་བ་ཞིག་མཆིས་སམ། རབ་ཏུ་བྱུང་ངོ ། །དེ་ག་ལ་མཆིས། རྒྱལ་པོའི་ཁབ་ཏུ་སོང་ངོ ། །དེ་ཁྱེད་ཀྱི་ཅིར་འོང་ནུ་བོར་མཆིའོ། །སྡེ་པས་དགེ་སློང་དེ་དག་གི་རྐང་པ་ལ་ཕྱག་འཚལ་ཏེ་སོང་ནས་བསམས་པ། རྒྱལ་པོའི་ཁབ་ཀྱང་འཇིགས་པ་མེད་པའི་གྲོང་ཁྱེར་མ་ཡིན་གྱིས་བདག་དེར་ཡང་སོང་ལ། དེ་ལ་མཚམས་ཆེན་པོ་གཅད་པར་བྱའོ་སྙམ་ནས། དེ་ལམ་བརྒྱགས་མང་པོ་དང་ཀར་ཤ་པ་ཎ་དག་ཁྱེར་ཏེ་རྒྱལ་པོའི་ཁབ་ཏུ་སོང་ངོ ། །དེ་འོད་མའི་ཚལ་དུ་སོང་ནས་དགེ་སློང་རྣམས་ལ་དྲིས་པ། འཕགས་པ་དག་འདི་ན་མཉན་ཡོད་པའི་ཁྱིམ་བདག་གི་བུ་རབ་ཏུ་བྱུང་བ་ཞིག་མཆིས་སམ། འདིར་འོངས་སོ། །དེ་ཁྱོད་ཀྱི་ཅིར་འོང ། ནུ་བོར་མཆིའོ། །དེ་ག་ལ་མཆིས། བསིལ་བ་ཚལ་གྱི་དུར་ཁྲོད་ནའོ། །སྡེ་པ་དེ་བསིལ་བ་ཚལ་གྱི་དུར་ཁྲོད་དུ་སོང་བ་དང ། དེས་ཉེ་སྡེ་བྱིས་པའི་གནས་སྐབས་ན་མཐོང་བ་ཆེན་པོར་གྱུར་པས། མཁས་པ་དང་རྣམ་པར་གནོན་པ་ལས་ངོ་མ་ཤེས་མོད་ཀྱི་ཏེ་པོར་བརྟགས་པ་དང་བཞིན་གཟུགས་ལས་ངོ་ཤེས་པར་གྱུར་ནས། དེས་བསམས་པ། གལ་ཏེ་འདིས་བདག་ངོ་ཤེས་པར་གྱུར་ན། ངེས་པར་འདིས་བདག་གསོད་པར་བྱེད་པས་དེའི་ཐབས་སྦྱར་བར་བྱའོ་སྙམ་ནས། དེ་མཐའ་གཅིག་ཏུ་སོང་སྟེ་ཕྱོགས་སུ་རྣམ་པར་བལྟ་ཞིང་འདུག་གོ་།ཇི་ཙམ་ན་ལམ་དེར་རྔོན་པ་ལག་ན་མདའ་གཞུ་ཐོགས་པ་ཞིག་རི་དྭགས་བཤོར་བའི་ཕྱིར་འོངས་པ་དང ། སྡེ་པ་དེའི་གན་དུ་སོང་སྟེ་སྨྲས་པ། ཀྱེ་
Ca173b
གྲོགས་པོ་ཁྱོད་ལག་ན་མདའ་གཞུ་ཐོགས་ཏེ་གར་འགྲོ་།དེས་སྨྲས་པ། གྲོགས་པོ་རི་དྭགས་ཤོར་དུའོ། །དེ་ལས་ཁྱོད་ཀྱི་རྙེད་པ་ཇི་ཙམ་འགྲུབ། གྲོགས་པོ་ལན་འགའ་ནི་འགྲུབ། ལན་འགའ་ནི་མི་འགྲུབ་བོ། །གང་གི་ཚེ་འགྲུབ་པ་དེའི་ཚེ་ན་མང་ཉུང་ཇི་ཙམ། གྲོགས་པོ་ཀར་ཤ་པ་ཎི་ལྔ་བརྒྱ་ཙམ་མོ། །སྡེ་པས་སྨྲས་པ། གྲོགས་པོ་གལ་ཏེ་དེ་ལྟ་ན་རབ་ཏུ་བྱུང་བ་འདི་སོད་ཅིག་དང ། ཁོ་བོས་ཁྱོད་ལ་ཀར་ཤ་པ་ཎ་ལྔ་བརྒྱ་བྱིན་ནོ། །རྔོན་པ་དེ་འདོད་པས་དྲངས་པའི་ཡིད་དང་ལྡན་པས་དེས་སྡེ་པ་ལས་ཀར་ཤ་པ་ཎ་ལྔ་བརྒྱ་བླངས་ནས། དེའི་འོག་ཏུ་བསམས་པ། རབ་ཏུ་བྱུང་བ་འདི་དག་ནི་རྒྱལ་པོ་གཟུགས་ཅན་སྙིང་པོས་གཞོན་ནུའི་ཡོངས་སུ་སྤང་བ་བྱིན་པ་ཡིན་ལ། བདག་ནི་ཕྱོགས་འདིར་རྟག་ཏུ་རྒྱུ་བ་ཡིན་པས། གལ་ཏེ་བདག་གིས་རབ་ཏུ་བྱུང་བ་འདི་བསད་པར་གྱུར་ན། བདག་ཀྱང་བུ་དང་རྩ་ལག་དང་ཕྱུགས་དང་བཅས་ཏེ་ངེས་པར་བཙོན་རར་བཅུག་ཅིང་གསོད་པར་འགྱུར་རོ། །འདི་ལྟར་ཁྱིམ་བདག་འདི་ནི་ན་ལེ་ཤམ་དཀར་པོ་འབྱུང་བ་དང་འདྲ་བར་འདི་ག་ལས་འོངས་པ་སུས་ཀྱང་མི་ཤེས་པ་ཡིན་གྱིས། རྣམ་པ་ཐམས་ཅད་དུ་འདི་གསད་པར་བྱའོ་སྙམ་ནས། རྔོན་པ་དེས་མདའ་དུག་ཅན་གྱིས་གཞུ་རྔའི་དབྱིབས་འདྲ་བར་རྣ་དྲུང་དུ་ཐུག་པར་བཀང་སྟེ་སྡེ་པའི་གནད་དུ་བསྣུན་ཏོ། །སྡེ་པ་དེ་སྡུག་བསྔལ་གྱི་ཚོར་བ་དག་གིས་ཉེན་པས་བདག་བསད་པར་གྱུར་པ་གང་ཡིན་པ་དེ་ཐམས་ཅད་ངེས་པར་རབ་ཏུ་བྱུང་བ་འདིས་རྔོན་པ་འདི་དང་ལྷན་ཅིག་བརྡ་བྱས་པ་ཡིན་གྱི་
Ca174a
༄#། །གང་དུ་འདི་གསོད་པར་འགྱུར་བ་དེར་སྐྱེ་བ་བླང་ངོ་སྙམ་དུ་སེམས་དག་གསོ་བར་བྱེད་ཅིང ། དེས་སྨོན་ལམ་ལོག་པར་བཏབ་ནས། ཉེ་སྡེའི་གནས་ཁང་གི་སྒོ་གླེགས་འདྲུད་པའི་འོག་ཏུ་སྦྲུལ་དུག་མྱུར་དུ་ཁྱབ་པར་བྱེད་པ་ཞིག་ཏུ་སྐྱེས་སོ། །དགྲ་བཅོམ་པ་དག་ནི་མ་བསམས་པར་ཤེས་པ་དང ། མཐོང་བ་མི་འཇུག་པས། ཉེ་སྡེས་སྒོ་གླེགས་ཕྱེ་བས་སྦྲུལ་དུག་མྱུར་དུ་ཁྱབ་པར་བྱེད་པ་དེ་ཤི་བར་གྱུར་ཏོ། །དེ་ནས་སྒོ་གླེགས་འདྲུད་པའི་སྟེང་དུ་སྐྱེས་ནས་དེར་ཡང་ཤི་བར་གྱུར་ཏོ། །དེ་ནས་ཁྲིའི་རྐང་རྟེན་གཅིག་གི་འོག་ཏུ་སྐྱེས་ནས་དེར་ཡང་ཤི་བར་གྱུར་ཏོ། །དེ་བཞིན་དུ་ལན་གཉིས་ལན་གསུམ་ལན་བཞིར་འོག་ཏུ་སྐྱེ་ནས། དེར་ཡང་ཤི་བར་གྱུར་ཏོ། །ཇི་ལྟ་ཇི་ལྟར་འཆི་བར་འགྱུར་བ་དེ་ལྟ་དེ་ལྟར་དུག་ཤིན་དུ་རྣོ་བ་དང ། ལུས་ཤིན་ཏུ་ཕྲ་བས་ཉིང་མཚམས་སྦྱོར་བ་ལེན་པ་བྱེད་དོ། །ཇི་ཙམ་དུས་གཞན་ཞིག་ན་དེ་སྟེང་གི་སྤང་ལེབ་ཀྱི་བར་དུ་སྐྱེས་ནས། ཚེ་དང་ལྡན་པ་ཉེ་སྡེ་གཅིག་པུ་དབེན་པར་སོང་སྟེ་ནང་དུ་ཡང་དག་འཇོག་ལ་ཞུགས་པའི་ལུས་ལ་ལྟུང་བར་གྱུར་ཏོ། །དེ་ནས་ཚེ་དང་ལྡན་པ་ཉེ་སྡེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་ཁོ་བོའི་ལུས་ལ་སྦྲུལ་དུག་མྱུར་དུ་ཁྱབ་པར་བྱེད་པ། འབར་བ་རྣོ་བ་དུག་དྲག་པ། འདི་ལྟ་སྟེ་དཔེར་ན་མིག་སྨན་གྱི་ཐུར་མ་ལྟར་ཕྲ་བ་ལྟུང་གིས། ཀྱེ་ཚེ་དང་ལྡན་པ་དག་ལུས་ཀྱི་ཐན་ཀོར་ནས་བཟུང་ལ། འདི་ཉིད་དུ་འདི་ལྟ་སྟེ་དཔེར་ན་སྦུན་པའི་ཆང་བུ་ལྟར་ཞིགས་པར་མི་འགྱུར་བར་གཙུག་ལག་
Ca174b
ཁང་གི་ཕྱི་རོལ་དུ་ཕྱུང་ཞིག་།དེའི་ཚེ་ན་ཚེ་དང་ལྡན་པ་ཤཱ་རིའི་བུ། ཚེ་དང་ལྡན་པ་ཉེ་སྡེ་དང་ཧ་ཅང་མི་རིང་བའི་ཤིང་དྲུང་ཞིག་ན་རྟེན་ཅིང་ཉིན་མོ་གནས་པའི་ཕྱིར་འདུག་གོ་།ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་ཉེ་སྡེའི་ཚིག་བརྗོད་པ་རྣམ་པ་དེ་ལྟ་བུ་དེ་ཐོས་སོ། །ཐོས་ནས་ཀྱང་ཚེ་དང་ལྡན་པ་ཉེ་སྡེ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཉེ་སྡེ་ལ་འདི་སྐད་ཅེས་སྨྲས་སོ། ། བདག་གིས་ཚེ་དང་ལྡན་པ་ཉེ་སྡེ་བཞིན་གཞན་དུ་གྱུར་པའམ། དབང་པོ་རྣམས་སྣ་ཚོགས་སུ་གྱུར་པ་མ་མཐོང་ན། འོན་ཀྱང་ཚེ་དང་ལྡན་པ་ཉེ་སྡེ་འདི་སྐད་ཅེས། ཚེ་དང་ལྡན་པ་དག་ཁོ་བོའི་ལུས་ལ་སྦྲུལ་དུག་མྱུར་དུ་ཁྱབ་པར་བྱེད་པ། འབར་བ། རྣོ་བ། དུག་དྲག་པ། འདི་ལྟ་སྟེ་དཔེར་ན། མིག་སྨན་གྱི་ཐུར་མ་ལྟར་ཕྲ་བ་ལྷུང་གིས། ཀྱེ་ཚེ་དང་ལྡན་པ་དག་ལུས་ཀྱི་ཐན་ཀོར་ནས་བཟུང་ལ། འདི་ཉིད་དུ་འདི་ལྟ་སྟེ་དཔེར་ན། སྦུན་པའི་ཆང་བུ་ལྟར་ཞིགས་པར་མི་འགྱུར་བར་གཙུག་ལག་ཁང་གི་ཕྱི་རོལ་དུ་ཕྱུང་ཞིག་ཅེས་ཟེར་རོ། །ཚེ་དང་ལྡན་པ་ཤཱ་རིའི་བུ་གང་ལ་འདི་ལྟར་མིག་བདག་ཡིན་ནོ། །མིག་བདག་གི་ཡིན་ནོ། །རྣ་བ་དང་སྣ་དང་ལྕེ་དང་ལུས་དང་ཡིད་བདག་ཡིན་ནོ། །ཡིད་བདག་གི་ཡིན་ནོ། །གཟུགས་བདག་ཡིན་ནོ། །གཟུགས་བདག་གི་ཡིན་ནོ། །སྒྲ་དང ། དྲི་དང ། རོ་དང ། རེག་བྱ་དང ། ཆོས་བདག་ཡིན་ནོ། །ཆོས་བདག་གི་ཡིན་ནོ། །སའི་ཁམས་བདག་ཡིན་ནོ། །སའི་ཁམས་བདག་གི་ཡིན་ནོ། །ཆུའི་ཁམས་དང ། མེའི་ཁམས་དང ། རླུང་གི་ཁམས་
Ca175a
༄#། །དང ། ནམ་མཁའི་ཁམས་དང ། རྣམ་པར་ཤེས་པའི་ཁམས་བདག་ཡིན་ནོ། །རྣམ་པར་ཤེས་པའི་ཁམས་བདག་གི་ཡིན་ནོ། །གཟུགས་ཀྱི་ཕུང་པོ་བདག་ཡིན་ནོ། །གཟུགས་ཀྱི་ཕུང་པོ་བདག་གི་ཡིན་ནོ། །ཚོར་བའི་ཕུང་པོ་དང ། འདུ་ཤེས་ཀྱི་ཕུང་པོ་དང ། འདུ་བྱེད་ཀྱི་ཕུང་པོ་དང ། རྣམ་པར་ཤེས་པའི་ཕུང་པོ་བདག་ཡིན་ནོ། །རྣམ་པར་ཤེས་པའི་ཕུང་པོ་བདག་གི་ཡིན་ནོ་ཞེས་བྱ་བ་ཡོད་པ་དེ་ལ་ནི། བཞིན་གཞན་དུ་གྱུར་པའམ། དབང་པོ་རྣམས་སྣ་ཚོགས་སུ་གྱུར་པར་འགྱུར་གྱིས། ཚེ་དང་ལྡན་པ་ཤཱ་རིའི་བུ་ཁོ་བོ་ལ་ནི་འདི་ལྟར་མིག་བདག་ཡིན་ནོ། །མིག་བདག་གི་ཡིན་ནོ། །རྣ་བ་དང་སྣ་དང་ལྕེ་དང་ལུས་དང་ཡིད་བདག་ཡིན་ནོ། །ཡིད་བདག་གི་ཡིན་ནོ། །གཟུགས་བདག་ཡིན་ནོ། །གཟུགས་བདག་གི་ཡིན་ནོ། །སྒྲ་དང་དྲི་དང་རོ་དང་རེག་བྱ་དང་ཆོས་བདག་ཡིན་ནོ། །ཆོས་བདག་གི་ཡིན་ནོ། །སའི་ཁམས་བདག་ཡིན་ནོ། །སའི་ཁམས་བདག་གི་ཡིན་ནོ། །ཆུའི་ཁམས་དང་མེའི་ཁམས་དང་རླུང་གི་ཁམས་དང་ནམ་མཁའི་ཁམས་དང་རྣམ་པར་ཤེས་པའི་ཁམས་བདག་ཡིན་ནོ། །རྣམ་པར་ཤེས་པའི་ཁམས་བདག་གི་ཡིན་ནོ། །གཟུགས་ཀྱི་ཕུང་པོ་བདག་ཡིན་ནོ། །གཟུགས་ཀྱི་ཕུང་པོ་བདག་གི་ཡིན་ནོ། །ཚོར་བའི་ཕུང་པོ་དང ། འདུ་ཤེས་ཀྱི་ཕུང་པོ་དང ། འདུ་བྱེད་ཀྱི་ཕུང་པོ་དང ། རྣམ་པར་ཤེས་པའི་ཕུང་པོ་བདག་ཡིན་ནོ། །རྣམ་པར་ཤེས་པའི་ཕུང་པོ་བདག་གི་ཡིན་ནོ་ཞེས་བྱ་བ་མེད་པས། ཁོ་བོའི་བཞིན་
Ca175b
གཞན་དུ་གྱུར་པའམ། དབང་པོ་རྣམས་སྣ་ཚོགས་སུ་གྱུར་པ་ག་ལ་འགྱུར། ཚེ་དང་ལྡན་པ་ཉེ་སྡེ་ཡུན་རིང་པོ་ནས་བདག་ཏུ་འཛིན་པ་དང ། བདག་གིར་འཛིན་པ་དང ། ངའི་སྙམ་པའི་ང་རྒྱལ་དང ། མངོན་པར་ཞེན་པ་དང ། བག་ལ་ཉལ་བ་དག་སྤངས་ཤིང་ཡོངས་སུ་ཤེས་ལ་ཏཱ་ལའི་མགོ་བཞིན་དུ་དྲུངས་ནས་བཅད་ཅིང་གཞི་མི་སྣང་ལ་ཕྱིས་ཀྱང་མི་སྐྱེ་བའི་ཆོས་ཅན་དུ་གྱུར་པས། ཁྱོད་ལ་བཞིན་གཞན་དུ་གྱུར་པའམ། དབང་པོ་རྣམས་སྣ་ཚོགས་སུ་གྱུར་པར་ག་ལ་འགྱུར། དེ་ནས་ཚེ་དང་ལྡན་པ་ཤཱ་རིའི་བུ་དགེ་སློང་རབ་ཏུ་མང་པོ་དག་དང་བཅས་པས། ཚེ་དང་ལྡན་པ་ཉེ་སྡེའི་ལུས་ཀྱི་ཐན་ཀོར་ནས་བཟུང་སྟེ། གཙུག་ལག་ཁང་གི་ཕྱི་རོལ་དུ་བསྐྱལ་ནས། ཚེ་དང་ལྡན་པ་ཉེ་སྡེའི་ལུས་འདི་ལྟ་སྟེ། དཔེར་ན་སྦུན་པའི་ཆང་བུ་ལྟར་རྣམ་པར་བརྒྱར་ཞིགས་སོ། །དེ་ནས་ཚེ་དང་ལྡན་པ་ཤཱ་རིའི་བུས་དེའི་ཚེ་ཚིགས་སུ་བཅད་པ་སྨྲས་པ། ཚངས་སྤྱོད་ལེགས་པར་སྤྱད་པ་དང ། ལམ་ཉིད་ལེགས་པར་བསྒོམས་པ་ནི། །ཚེ་ཟད་དགའ་བར་འགྱུར་བ་སྟེ། །ནད་དང་བྲལ་བ་ཇི་བཞིན་ནོ། །ཚངས་སྤྱོད་ལེགས་པར་སྤྱད་པ་དང ། །ལམ་ཉིད་ལེགས་པར་བསྒོམས་པ་ནི། །ཚེ་ཟད་དགའ་བར་འགྱུར་བ་སྟེ། །དུག་སྣོད་སྤངས་པ་ཇི་བཞིན་ནོ། །ཚངས་སྤྱོད་ལེགས་པར་སྤྱད་པ་དང ། །ལམ་ཉིད་ལེགས་པར་བསྒོམས་པ་ནི། །འབར་བའི་ཁྱིམ་ནས་ཐར་བ་ལྟར། །འཆི་བའི་མཐར་ནི་མྱ་ངན་མེད། །ཚངས་སྤྱོད་ལེགས་པར་སྤྱད་པ་དང ། །ལམ་ཉིད་ལེགས་པར་བསྒོམས་པ་ནི། །གང་ཚེ་འཇིག་རྟེན་ཤེས་རབ་ཀྱིས། །རྩཝ་དང་ཤིང་འདྲར་མཐོང་
Ca176a
༄#། །གྱུར་པ། །དེ་ཚེ་ཉིང་མཚམས་སྦྱོར་མེད་ལས། །གཞན་པ་འདོད་པར་མི་བྱེད་དོ། །དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་ཉེ་སྡེའི་ལུས་ལ་ལུས་ཀྱི་མཆོད་པ་བྱས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཙུན་པ་ཚེ་དང་ལྡན་པ་ཉེ་སྡེའི་ལུས་ལ་སྦྲུལ་དུག་མྱུར་དུ་ཁྱབ་པར་བགྱིད་པ། འབར་བ། རྣོ་བ། དུག་དྲག་པ་འདི་ལྟ་སྟེ་དཔེར་བགྱི་ན། མིག་སྨན་གྱི་ཐུར་མ་ལྟར་ཕྲ་བ་ལྷུང་ནས། དེའི་ལུས་འདི་ལྟ་སྟེ་དཔེར་བགྱི་ན། སྦུན་པའི་ཆང་བུ་ལྟར་ཞིགས་པར་གྱུར་ཏོ། །ཤཱ་རིའི་བུ་ཚེ་དང་ལྡན་པ་ཉེ་སྡེ་ལ་གལ་ཏེ་དེའི་ཚེ་ཚིགས་སུ་བཅད་པ་འདི་དག་དང ། གསང་སྔགས་ཀྱི་ཚིག་འདི་དག་སྣང་བར་གྱུར་ན། དེའི་ལུས་ལ་སྦྲུལ་དུག་མྱུར་དུ་ཁྱབ་པར་བྱེད་པ། འབར་བ། རྣོ་བ། དུག་དྲག་པས་ཚུགས་པར་མི་འགྱུར་ཞིང ། དེའི་ལུས་འདི་ལྟ་སྟེ་དཔེར་ན་སྦུན་པའི་ཆང་བུ་ལྟར་ཞིགས་པར་ཡང་མི་འགྱུར་རོ། །བཙུན་པ་ཚིགས་སུ་བཅད་པ་དེ་དག་དང ། གསང་སྔགས་ཀྱི་ཚིག་དེ་དག་གང་ལགས། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་བཀའ་སྩལ་པ། ང་ནི་ཡུལ་འཁོར་སྲུང་ལ་བྱམས། །ས་སྲུང་བུ་ལ་བྱམས་པ་སྟེ། །ལ་བ་དང་ནི་མགྱོགས་མཆོག་དང ། །གཅོད་ལྡན་བུ་ལ་ང་བྱམས་སོ། །གོའུ་
Ca176b
ཏ་མ་ནི་ནག་པོ་དང ། །མིག་མི་བཟང་ལ་ང་བྱམས་ཏེ། །ཀླུ་གང་དགའ་བོ་ཉེ་དགའ་བོ། །དེ་གཉིས་ལ་ནི་ང་རྟག་བྱམས། །རྐང་མེད་རྣམས་ལ་ང་བྱམས་ཏེ། །རྐང་གཉིས་རྣམས་ལའང་ང་བྱམས་སོ།། རྐང་བཞི་རྣམས་ལ་ང་བྱམས་ཏེ། །རྐང་མང་རྣམས་ལའང་ང་བྱམས་སོ། །གང་དག་རྒྱ་མཚོར་རྟེན་པ་ཡི། །ཀླུ་རྣམས་ཀུན་ལ་ང་བྱམས་སོ། །སེམས་ཅན་གང་དག་མགུལ་གནས་པའི། །སེམས་ཅན་ཀུན་ལ་ང་བྱམས་སོ། །སེམས་ཅན་ཀུན་དང་སྲོག་ཆགས་ཀུན། །འབྱུང་པོ་ཀུན་དང་མ་འདྲིས་ཤོག་།ཐམས་ཅད་བདེ་བ་ཉིད་གྱུར་ཅིང ། །ཐམས་ཅད་ནད་ནི་མེད་གྱུར་ཅིག་།ཀུན་གྱི་བཟང་པོ་མཐོང་གྱུར་ཅིང ། །གང་ལའང་སྡིག་པར་མ་གྱུར་ཅིག་།སྦྲུལ་གྱིས་གང་བའི་བྱ་སྐྱིབས་སུ། །རྟག་ཏུ་བདག་གི་གནས་གྱུར་ཀྱང ། །དུག་མྱུར་ཁྱབ་དང་དུག་དྲག་པོས། །བདག་གི་སྲོག་ལ་གནོད་མི་འགྱུར། ། བདག་གི་བདེན་ཚིག་གང་གིས་ནི། །སྟོན་པ་འཇིག་རྟེན་བླ་ན་མེད། །བདག་གི་བདེན་ཚིག་དེ་ཡིས་ནི། །བདག་གིས་ལུས་ལ་དུག་མ་འཇུག་།འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །སངས་རྒྱས་བཅོམ་ལྡན་དུག་མི་མངའ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །སངས་རྒྱས་ཆོས་ནི་དུག་མི་མངའ། །ཆོས་ཀྱི་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་དགེ་འདུན་དུག་མི་མངའ། །དགེ་འདུན་བདེན་པས་
Ca177a
༄#། །དུག་བཅོམ་མོ། །དུག་དང་དྲག་པོའི་དུག་བཅོམ་སྟེ། །བསྲུང་བས་ཡོངས་སུ་བསྲུང་བ་བྱས། །སངས་རྒྱས་ཐམས་ཅད་དུག་བཅོམ་པས། །བྲང་འགྲོ་ཁྱོད་ཀྱི་དུག་བཅོམ་མོ། །དེ་ལ་གསང་སྔགས་ཀྱི་ཚིག་རྣམས་འདི་དག་ཡིན་ཏེ། ཏདྱ་ཐཱ། ཨོཾ་ཏུམ་པི་ལེ། ཏུམ་པི་ལེ། ཏུམ་པེ། པྲ་ཏུམ་པེ། ནད་ཏེ། སུ་ན་ཊ་ཊེ། ཀེ་པ་ཊ་ཊེ། མུ་ན་ཡེ། ས་མ་ཡེ། དན་ཏེ། དན་ཏི་ལེ། ནི་ལེ། ནི་ལ་ཀེ་ཤེ། བཱ་ལེ། བཱ་ལ་ཀོ་པེ། ཨོ་ལེ། ནྱང་གོ་ལེ་སཝཱ་ཧཱ། ཤཱ་རིའི་བུ་གལ་ཏེ་དེའི་ཚེ་རིགས་ཀྱི་བུ་ཉེ་སྡེ་ལ་ཚིགས་སུ་བཅད་པ་དེ་དག་དང ། གསང་སྔགས་ཀྱི་ཚིག་དེ་དག་སྣང་བར་གྱུར་ན། དེའི་ལུས་ལ་དུག་མྱུར་དུ་ཁྱབ་པར་བྱེད་པས་ཚུགས་པར་མི་འགྱུར་ཞིང་དེའི་ལུས་ལ་འདི་ལྟ་སྟེ་དཔེར་ན། སྦུན་པའི་ཆང་བུ་ལྟར་རྣམ་པ་བརྒྱར་ཞིགས་པར་ཡང་མི་འགྱུར་རོ། །བཙུན་པ་དེའི་ཚེ་ན་ཚེ་དང་ལྡན་པ་ཉེ་སྡེས་ཚིགས་སུ་བཅད་པ་དེ་དག་དང ། གསང་སྔགས་ཀྱི་ཚིག་དེ་དག་སྔོན་མ་ཐོས་པས་དེ་ལ་ད་ལྟར་བཅོམ་ལྡན་འདས་ལ་ཇི་ལྟར་བ་བཞིན་དུ་སྣང་བར་ག་ལ་འགྱུར། དེ་ནས་ཚེ་དང་ལྡན་པ་ཤཱ་རིའི་བུས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་དགུ་པ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་
Ca177b
ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཉེ་སྡེས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཕྱུག་པ་ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེས། ལས་ཅི་ཞིག་བགྱིས་ན། དེས་བཅོམ་ལྡན་འདས་ཀྱི་སྤྱན་སྔར་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བགྱིས། ལས་ཅི་ཞིག་བགྱིས་ན་དེས་དགྲ་བཅོམ་པ་ཉིད་ཐོབ་ཀྱང་དུག་གིས་གཟིར་བའི་སྙུན་གྱིས་ཡོངས་སུ་མྱ་ངན་ལས་འདས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རིགས་ཀྱི་བུ་ཉེ་སྡེ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ་འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས་ཉེ་སྡེ་ཉིད་ཀྱི་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། ། འབྲས་བུ་དག་ཏུ་འགྱུར་པ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན། སངས་རྒྱས་རྣམས་འབྱུང་བ་མེད་པའི་ཚེ། རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་
Ca178a
༄#། །མཐའི་གནས་མལ་ལ་དགའ་བ་བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཅི་ཙམ་ན་རི་བྲགས་ཤིག་ན་རྔོན་པ་ཞིག་འདུག་སྟེ། རི་བྲགས་དེ་དང་ཧ་ཅང་མི་རིང་བ་ཞིག་ན་རི་དྭགས་དང་བྱ་མང་པོ་དག་གི་རྟེན་དུ་གྱུར་པ། མཚེའུ་ཞིག་ཡོད་པ་དེར་རྔོན་པ་དེ་ཉི་མ་རེ་རེ་ཞིང་རི་དྭགས་དང་བྱ་མང་པོ་དག་དྲུངས་དབྱུང་བའི་ཕྱིར་དང ། ཉམས་པར་བྱ་བའི་ཕྱིར་དང ། ཚུལ་མ་ཡིན་པས་སྡུག་བསྔལ་བར་བྱ་བའི་ཕྱིར་རྔོན་སྤྱད་དང ། རྙི་དང་རྙོང་མང་པོ་དག་འཇུག་པར་བྱེད་དོ། །དེའི་རྔོན་སྤྱད་དང་རྙི་དང་རྙིང་དེ་དག་ཀྱང་དོན་ཡོད་པ་ཡིན་ནོ། །ཇི་ཙམ་དུས་གཞན་ཞིག་ན་རང་སངས་རྒྱས་ཞིག་ལྗོངས་རྒྱུ་ཞིང་སོང་བ་ན། རི་བྲགས་དེར་ཕྱིན་ནས་ལྷའི་གནས་ཤིག་ཏུ་མཚན་མོ་གནས་པར་ཁས་བླངས་ནས། དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། རི་བྲགས་དེར་བསོད་སྙོམས་ལ་ཞུགས་སོ། །དེར་བསོད་སྙོམས་བརྒྱུས་ནས། བསམས་པ། ལྷའི་གནས་འདི་ཉིན་མོ་རྒྱུན་ལུགས་མང་བ་ཡིན་གྱིས། རི་བྲགས་ཀྱི་ཕྱི་རོལ་གྱི་གནས་ཞིག་བ་ཞིག་ཏུ་བསོད་སྙོམས་བཟའོ་སྙམ་ནས་དེ་རི་བྲགས་ནས་བྱུང་སྟེ། འདི་ནི་ཞི་བའོ་འདི་ནི་ཞི་བའོ་ཞེས་མཚེའུ་དེ་ག་ལ་བ་དེར་སོང་སྟེ་ཕྱིན་ནས། ལྷུང་བཟེད་དང་ཆུ་ཚགས་མཐའ་གཅིག་ཏུ་བཞག་སྟེ། རྐང་པ་གཉིས་པ་བཀྲུས་ནས་ལག་པ་གཉིས་བསྙལ་ཏེ་ཆུ་བཙགས་ནས་ལོ་མ་ལྷགས་པ་དག་བླངས་ཏེ་འདུག་ནས་ཟས་ཀྱི་བྱ་བ་བྱས་ཏེ།
Ca178b
ལག་པ་གཉིས་བསྙལ་ནས་ཁ་བཀྲུས་ཏེ། ལྷུང་བཟེད་དང་ཆུ་ཚགས་གནས་ཇི་ལྟ་བ་བཞིན་དུ་བཞག་ནས། རྐང་པ་གཉིས་བཀྲུས་ཏེ། ཤིང་དྲུང་ཞིག་ཏུ་བརྟེན་ནས། བྲང་འགྲོའི་རྒྱལ་པོ་ཉལ་བའི་ལུས་བསྐྱིལ་བ་ལྟར། སྐྱིལ་མོ་ཀྲུང་བཅས་ཏེ་སྤྱོད་ལམ་ཞི་བར་འདུག་པ་དང ། དེའི་ཉིན་མོ་མིའི་དྲིས་རི་དྭགས་གཅིག་ཀྱང་མ་ཟིན་ཏོ། །དེ་ནས་རྔོན་པ་དེ་ནང་པར་སྔར་ལངས་ཏེ། མཚེའུ་དེ་ག་ལ་བ་དེར་སོང་ནས། དེས་རྔོན་སྤྱད་དང ། རྙི་དང་རྙིང་དེ་དག་བྱུལ་བར་བརྩམས་པ་དང ། རི་དྭགས་གཅིག་ཀྱང་མ་མཐོང་ནས། དེ་འདི་སྙམ་དུ་སེམས་ཏེ། བདག་གི་རྔོན་སྤྱད་དང ། རྙི་དང་རྙིང་འདི་དག་དོན་ཡོད་པ་ཡིན་ན། གང་གི་ཕྱིར་དེང་རི་དྭགས་གཅིག་ཀྱང་མ་ཟིན་པ་འདིའི་རྒྱུ་གང་ཡིན་སྙམ་ནས། དེས་མཚེའུ་དེའི་ཐན་ཀོར་བྱུལ་བར་བརྩམས་པ་དང ། མིའི་རྗེས་མཐོང་ནས། དེ་རྗེས་དེའི་ཕྱི་བཞིན་དུ་སོང་བ་དང ། རང་སངས་རྒྱས་སྤྱོད་ལམ་ཞི་བར་འདུག་པ་དེ་མཐོང་ནས་དེས་བསམས་པ། རབ་ཏུ་བྱུང་བ་སེམས་ཞི་བ་འདི་དག་གནས་འདི་ལྟ་བུ་དག་ཏུ་མངོན་པར་དགའ་བར་བྱེད་པས། གལ་ཏེ་བདག་གིས་འདིའི་སྲོག་གཅད་པར་མ་བྱས་ན། འདི་དག་གིས་ངེས་པར་བདག་གི་འཚོ་བ་གཅོད་པར་བྱེད་ཀྱིས། རྣམ་པ་ཐམས་ཅད་དུ་འདི་གསད་པར་བྱའོ་སྙམ་ནས། སྙིང་རྗེ་མེད་པའི་སེམས་དང་ལྡན་པ། འཇིག་རྟེན་ཕ་རོལ་བཏང་བ་དེས། མདའ་དུག་ཅན་གྱིས་གཞུ་རྔའི་དབྱིབས་འདྲ་བ་རྣ་དྲུང་དུ་ཐུག་པར་བཀང་སྟེ། རང་སངས་རྒྱས་དེའི་གནད་དུ་བསྣུན་ཏོ། །རང་སངས་རྒྱས་བདག་ཉིད་ཆེན་པོ་དེས་བསམས་པ། རྔོན་པ་ཉོན་
Ca179a
༄#། །མོངས་པ་འདི་ཧ་ཅང་སྨས་པ་དང་ཉམས་པར་གྱུར་ན་མི་རུང་གིས་འདི་ལག་ནས་དྲང་བ་སྦྱིན་ནོ་སྙམ་ནས་དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས། འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། རྔོན་པ་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ། རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་གི་སུག་པ་ནས་དྲང་བ་སྩལ་དུ་གསོལ། རང་སངས་རྒྱས་དེ་རྔོན་པ་དེ་ལ་རྗེས་སུ་སྙིང་བརྩེ་བའི་ཕྱིར། སྟེང་གི་ནམ་མཁའ་ལས་ཤོད་དུ་བབས་སོ། །དེ་ནས་རྔོན་པ་དེས་ཟུག་རྔུ་མེད་པར་བྱས་ཏེ་རྨ་ལྷན་གྱི་གླན་ནས་སྨྲས་པ། འཕགས་པ་སྡུམ་པར་གཤེགས་སུ་གསོལ། གལ་ཏེ་འདིར་གསེར་གྱི་ལྷན་པ་ཀླན་པར་མཛད་ན། དེ་ཡང་བདག་གིས་སྦྱར་བར་བགྱིའོ། །རང་སངས་རྒྱས་ཀྱིས་བསམས་པ། བདག་གིས་རྣག་གི་ལུས་འདིས་ཐོབ་པར་བྱ་བ་གང་ཡིན་པ་ཐོབ་ཟིན་པས། དེའི་ཕྱིར་ད་ནི་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཇུག་པར་བྱའོ་སྙམ་ནས། དེ་རྔོན་པ་དེ་ཉིད་ཀྱི་མདུན་དུ་ཡང་ནམ་མཁའི་དཀྱིལ་དུ་འཕགས་ཏེ། ཆོ་འཕྲུལ་རྣམ་པ་སྣ་ཚོགས་དག་རྣམ་
Ca179b
པར་བསྟན་ནས། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །རྔོན་པ་དེ་ནོར་དང་ལྡན་པ་ཡིན་པས། དེས་སྤོས་ཀྱི་ཤིང་ཐམས་ཅད་ཀྱིས་ཕུང་པོར་གཅེར་ཏེ་བསྲེགས་ནས་ཕུང་པོ་དེ་འོ་མས་ཞི་བར་བྱས་ཏེ། རུས་པ་དེ་དག་གསེར་གྱི་བུམ་པར་བཅུག་ནས་ལམ་པོ་ཆེའི་བཞི་མདོར་ལུས་ཀྱི་མཆོད་རྟེན་བརྩིག་ཏུ་བཅུག་སྟེ། གདུགས་དང་རྒྱལ་མཚན་དང ། བ་དན་དག་བསྒྲེང་ཞིང ། དྲི་དང་ཕྲེང་བ་རྒྱུ་བ་དང ། བདུག་སྤོས་དང ། ཕྱེ་མ་དང ། སིལ་སྙན་དག་གིས་མཆོད་པ་བྱས་ནས། རྐང་པ་གཉིས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས། བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མི་འགྱུར་བར། མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས། བདག་ཕྱུག་པ་ནོར་མང་བ། ལོངས་སྤྱོད་ཆེ་བའི་ཁྱིམ་དུ་གཟུགས་བཟང་བ། བལྟ་ན་སྡུག་པ། མཛེས་པར་སྐྱེ་ཞིང ། འདི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང་ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་ཐོབ་པར་གྱུར་ཅིག་ཅེས་སྨོན་ལམ་བཏབ་བོ། །དགེ་སློང་དག་དེའི་ཚེ་དེའི་དུས་ཀྱིས་རྔོན་པ་གང་ཡིན་པ་དེ་ནི་ཉེ་སྡེ་འདི་ཡིན་ཏེ། དེས་རང་སངས་རྒྱས་ཀྱི་གནད་དུ་མདའ་དུག་ཅན་གྱི་བསྣུན་པ་གང་ཡིན་པའི་ལས་དེའི་རྣམ་པར་སྨིན་པས་བསྐལ་པར་སེམས་ཅན་དམྱལ་བ་ཆེན་པོ་མནར་མེད་པར་གདུངས་ནས། ལས་དེ་ཉིད་ཀྱི་ལྷག་མས་ཚེ་རབས་ལྔ་བརྒྱར་དུག་གིས་དུས་ལ་བབ་སྟེ། ད་ལྟར་གྱི་བར་དུ་ཡང་དགྲ་
Ca180a
༄#། །བཅོམ་པ་ཐོབ་ཀྱང ། དེ་དུག་གིས་ཡོངས་སུ་མྱ་ངན་ལས་འདས་སོ། །མཆོད་པ་བྱས་ནས་སྨོན་ལམ་བཏབ་པ་གང་ཡིན་པ་དེས་ནི་ད་ལྟར་ཕྱུག་པ་ནོར་མང་བ་ལོངས་སྤྱོད་ཆེ་བའི་ཁྱིམ་དུ་གཟུགས་བཟང་བ་ལྟ་ན་སྡུག་པ་མཛེས་པར་སྐྱེས་ཤིང ། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱས་ཤིང ། འདིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཤིང་ཐུགས་བྱུང་བར་མ་བྱས་སོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། ། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །འདི་ཡང་རེ་ཞིག་བྱུང་བ་ཡིན་གྱི། སངས་རྒྱས་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཚོང་དཔོན་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་
Ca180b
རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེ་ལ་བུ་བཙས་ནས། དེ་བཙས་པའི་རིམ་གྱིས་རིགས་དང་མཐུན་པའི་མིང་བཏགས་ཏེ། དེ་བསྲིངས་ཤིང་བསྐྱེད་ནས་ཆེན་པོར་གྱུར་ཏོ། །ཇི་ཙམ་ན་ཚོང་དཔོན་དེའི་ཆུང་མ་དུས་ལ་བབ་ནས། དེས་ཆུང་མ་གཞན་ཞིག་བླངས་ཏེ། ཚོང་དཔོན་དེས་ཆུང་མ་དེ་ལ་སྨྲས་པ་བཟང་མོ་གཞན་ལས་སྐྱེས་པས་ནི་བྱ་བ་བྱེད་པར་ནུས་ཀྱི་མི་མཐུན་པར་སྐྱེས་པས་ནི་མི་ནུས་པས། ཁྱེའུ་འདི་ཁྱོད་ཀྱི་བུ་ཡིན་གྱིས། ཁྱོད་ཀྱིས་འདི་ལ་མཁོ་བ་བསྟབ་པར་བྱའོ། །ཇི་ཙམ་དུས་གཞན་ཞིག་ན་ཆུང་མ་གཉིས་པ་དེ་ལ་ཡང་སེམས་ཅན་ཞུགས་པར་གྱུར་ནས། དེས་བསམས་བ། བདག་ལ་ཡང་བུ་ཡོད་པར་གྱུར་པས་ཁྱེའུ་འདི་དེའི་ཟླ་བོར་འགྱུར་གྱིས་འདི་བསྟོད་པར་མི་བྱའོ་སྙམ་ནས། དེས་ཁྱེའུ་དེ་ཟས་ངན་པ་དང ། གོས་ངན་པ་བསྲེལ་དུ་འཇུག་ཅིང་ཁུ་ཚུར་དང་ཐལ་ལྕག་དག་གིས་ཀྱང་ཡང་དང་ཡང་དུ་རྡེག་པར་བྱེད་དོ། །ཁྱེའུ་དེ་ཕའི་གན་དུ་སོང་སྟེ་སྨྲས་པ། ཡབ་བདག་ལ་མ་ཡར་མོ་འདིས་ཟས་ངན་པ་དང ། གོས་ངན་པ་བསྲེལ་དུ་སྩོལ་ཅིང ། ཁུ་ཚུར་དང་ཐལ་ལྕག་དག་གིས་ཀྱང་ཡང་དང་ཡང་དུ་རྡེག་པར་བགྱིད་དོ། །ཚོང་དཔོན་དེས་སྨྲས་པ། བུ་ཅི་ནས་ཀྱང་ཕྱིན་ཆད་དེ་ལྟར་མི་བྱེད་པར་བཟློག་པར་བྱའོ། །ཚོང་དཔོན་དེས་ཆུང་མ་ལ་སྨྲས་པ། བཟང་མོ་ཁོ་བོས་ཁྱོད་ལ་དང་པོ་ཉིད་ནས་གཞན་ལས་སྐྱེས་པས་ནི་བྱ་བ་བྱེད་པར་ནུས་ཀྱིས། མི་མཐུན་པར་སྐྱེས་པས་ནི་
Ca181a
༄#། །མི་ནུས་པས་ཁྱེའུ་འདི་ཁྱོད་ཀྱི་བུ་ཡིན་གྱིས་ཁྱོད་ཀྱིས་འདི་ལ་མཁོ་བ་བསྟབ་པར་བྱའོ་ཞེས་མ་སྨྲས་སམ། ཅིའི་ཕྱིར་ཁྱོད་ཀྱིས་འདི་ལ་ཟས་ངན་པ་དང ། གོས་ངན་པ་བསྲེལ་དུ་འཇུད་ཅིང ། ཁུ་ཚུར་དང་ཐལ་ལྕག་དག་གིས་ཀྱང་ཡང་དང་ཡང་དུ་རྡེག་པར་བྱེད། ཆུང་མས་སྨྲས་པ། རྗེའི་སྲས་བདག་གིས་འདི་བསླབ་པར་བགྱི་སྟེ། འདི་ནི་ཚོང་དཔོན་གྱི་བུ་ལགས་པས། གལ་ཏེ་མ་བསླབས་ན་རྗེའི་སྲས་ཉིད་ལ་ཡང་འཇིག་རྟེན་དག་ངེས་པར་སྨོད་པར་འགྱུར་རོ། །ཚོང་དཔོན་གྱིས་སྨྲས་པ། ཁྱོད་འདི་སློབ་པར་མ་བསྐོས་ཀྱིས། ཕྱིན་ཆད་འདི་ཟས་ངན་པ་དང་གོས་ངན་པ་བསྲེལ་དུ་མི་གཞུག་ཅིང ། ཁུ་ཚུར་དང་ཐལ་ལྕག་གིས་ཡང་དང་ཡང་དུ་མ་རྡེགས་ཤིག་།ཆུང་མ་དེ་ཚོང་དཔོན་དེའི་ཤིན་ཏུ་གནང་ཆེན་ཡིན་པས། ཆུང་མ་དེས་ཁྱེའུ་དེ་ཕྱིར་ཞིང་ཤས་ཆེར་གོས་ངན་པ་དང ། ཟས་ངན་པ་བསྲེལ་དུ་འཇུད་ཅིང ། ཁུ་ཚུར་དང་ཐལ་ལྕག་གིས་ཀྱང་ཡང་དང་ཡང་དུ་རྡེག་པར་བྱེད་དོ། །ཁྱེའུ་དེས་བསམས་པ། བདག་གི་ཕས་མ་ཡར་མོ་འདི་དྲག་ཏུ་མ་བཟློག་པས། དེས་ན་མ་ཡར་མོ་འདི་བདག་ལ་ཕྱིར་ཞིང་ཤས་ཆེར་ཟས་ངན་པ་དང ། གོས་ངན་པ་བསྲེལ་དུ་འཇུད་ཅིང ། ཁུ་ཚུར་དང་ཐལ་ལྕག་དག་གིས་ཀྱང་ཡང་དང་ཡང་དུ་རྡེག་པར་བྱེད་ཀྱིས་བདག་རབ་ཏུ་འབྱུང་དུ་འགྲོའོ་སྙམ་ནས། ཁྱེའུ་དེས་ཕ་ལ་ཡབ་ཁྱོད་ཀྱིས་བདག་གི་མ་ཡར་མོ་འདི་བཟློག་ཀྱང་འདིས་སླར་ཞིང་ཤས་ཆེར་བདག་ཟས་ངན་པ་དང་གོས་ངན་པ་བསྲེལ་དུ་
Ca181b
དུ་སྩལ་ཅིང ། ཁུ་ཚུར་དང་ཐལ་ལྕག་དག་གིས་ཀྱང་ཡང་དང་ཡང་དུ་རྡེག་པར་བགྱིད་ཀྱིས་བདག་རབ་ཏུ་འབྱུང་དུ་མཆིའོ་ཞེས་ཅི་ནས་ཅིར་བརྒྱུད་དེ་གསོལ་བ་བྱས་སོ། །ཚོང་དཔོན་དེ་ཆུང་མ་དེ་ལ་ཧ་ཅད་བྱམས་ཤིང་དེའི་སེམས་སྲུང་བས། དེ་དྲག་ཏུ་བཟློག་པར་མ་ནུས་ནས། དེས་སྨྲས་པ། བུ་ཁྱིམ་བདག་གི་ཆུང་མ་འདི་གཏུམ་པ་བརྟུན་ངས་པ་དྲག་ཤུལ་ཆེ་བ་ཡིན་གྱིས་སོང་ལ་རབ་ཏུ་བྱུང་ཞིག་དང་ཁྱོད་གསོན་པ་མཐོང་བར་ཡང་འགྱུར་གྱི། གལ་ཏེ་ན་ཁྱོད་ལ་གནོད་པ་བྱེད་པར་འགྱུར་བའི་གནས་ཀྱང་ཡོད་དོ། །ཁྱེའུ་དེ་ཕས་གནང་ནས་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་དྲུང་དུ་སོང་ནས་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དགེ་སློང་དེས་སྨྲས་པ། བཞིན་བཟང་ཁྱོད་ཀྱིས་སེམས་བསྐྱེད་པ་ལེགས་ཏེ། ལོངས་སྤྱོད་དག་ནི་འགྱུར་བ་ཡིན་གྱིས་རབ་ཏུ་བྱུང་ཞིག་།དགེ་སློང་དེས་ཁྱེའུ་དེ་རབ་ཏུ་ཕྱུང་རྫོགས་པར་བསྙེན་པར་བྱས་ནས་སྨྲས་པ། བཞིན་བཟང་དགེ་སློང་གི་ལས་ནི་གཉིས་ཏེ། བསམ་གཏན་དང ། ཀློག་པ་ཡིན་ནོ། །ཁོ་བོ་ནི་བསམ་གཏན་པ་ཡིན་ན། ཁྱོད་བསམ་གཏན་དང ། ཀློག་པ་གང་བྱེད། དེས་སྨྲས་པ། མཁན་པོ་ཀློག་པའོ། །བུ་ལེགས་ཀྱིས་ཁྱོད་ཀྱིས་སྡེ་སྣོད་གསུམ་པོ་དག་བཀླག་པར་བྱའོ། །དེས་བསམས་པ། གཞུང་མ་ལ་མཁན་པོ་རྗེས་སུ་བསྲུང་དགོས་པས་འདི་ན་བདག་ལ་ཀློག་ཏུ་འཇུད་པ་མེད་ཀྱིས། ཡུལ་གཞན་དུ་འགྲོའོ་སྙམ་ནས་དེ་ཡུལ་གཞན་དུ་སོང་ངོ ། །དེས་དེར་སྡེ་
Ca182a
༄#། །སྣོད་གསུམ་པོ་དག་བཀླགས་ཤིང་སྡེ་སྣོད་གསུམ་དང་ལྡན་པ་ཆོས་སྒྲོགས་པ། རིག་པ་དང་གྲོལ་བའི་སྤོབས་པ་ཅན་དུ་གྱུར་ཏོ། །དེས་བསམས་པ། བཅོམ་ལྡན་འདས་ཀྱིས་དགེ་སློང་དག་བུའི་ཕ་མ་སྙོད་པར་བྱེད་པ། གསོ་བར་བྱེད་པ། སྐྱེད་པར་བྱེད་པ། ནུ་མ་སྣུན་པར་བྱེད་པ། འཛམ་བུའི་གླིང་སྣ་ཚོགས་སྟོན་པར་བྱེད་པ་གཉིས་ནི་དཀའ་བ་བྱེད་པ་དག་ཡིན་ཏེ། བུས་ཕྲག་པ་གཅིག་གིས་ནི་ཕ། ཅིག་ཤོས་ཀྱིས་ནི་མ་ལོ་བརྒྱ་ཐམ་པར་ཡོངས་སུ་པང་བ་བྱས་སམ། ས་ཆེན་པོ་འདིར་ནོར་བུ་དང ། མུ་ཏིག་དང ། ་དང ། མན་ཤེལ་དཀར་པོ་དང ། བྱི་རུ་དང ། དངུལ་དང ། ས་ལེ་སྦྲམ་དང ། རྡོའི་སྙིང་པོ་དང ། སྤུག་དང ། དམར་པོ་དང ། གཡས་སུ་འཁྱིལ་དང ། དེ་ལྟ་བུའི་དབང་ཕྱུག་གི་བདག་པོ་ལ་བཀོད་པར་གྱུར་པ་གང་ཡིན་པ་དེ་ཙམ་གྱིས་ནི་བུས་ཕ་མ་གཉིས་ལ་བྱས་པ་དང ། ཉེ་བར་བྱས་པར་མི་འགྱུར་གྱི། དེ་ཕ་མ་མ་དད་པ་གཉིས་དད་པ་ཕུན་སུམ་ཚོགས་པ། ཡང་དག་པར་འཛིན་དུ་བྗུད་\་འJཱུཌ?\་འདུལ་བར་བྱེད། འཛུད་པར་བྱེད། རབ་ཏུ་འགོད་པར་བྱེད། ཚུལ་ཁྲིམས་འཆལ་པ་གཉིས་ཚུལ་ཁྲིམས་ཕུན་སུམ་ཚོགས་པ་དང ། སེར་སྣ་ཅན་གཉིས་གཏོང་བ་ཕུན་སུམ་ཚོགས་པ་དང ། ཤེས་རབ་འཆལ་བ་གཉིས་ཤེས་རབ་ཕུན་སུམ་ཚོགས་པ་ཡང་དག་པར་འཛིན་དུ་འཇུད། འདུལ་བར་བྱེད། འཛུད་པར་བྱེད། རབ་ཏུ་འགོད་པར་བྱེད་ན། དེ་ཙམ་གྱིས་ནི་བུས་ཕ་མ་
Ca182b
གཉིས་ལ་བྱས་པ་དང ། ཉེ་བར་བྱས་པར་འགྱུར་རོ་ཞེས་གསུངས་པས་བདག་གི་ཕ་དེ་ཡང་མ་དད་པ་ཡིན་གྱིས་བདག་སོང་ལ་དེ་ལ་ཆོས་བསྟན་པར་བྱའོ་སྙམ་ནས་དེ་ལྷུང་བཟེད་དང་ཆོས་གོས་ཐོགས་ཏེ།་མཉན་ཡོད་ག་ལ་བ་དེར་རྒྱུ་ཞིང་སོང་བ་ན། མཐར་གྱིས་མཉན་ཡོད་དུ་ཕྱིན་ནས། དེ་མཉན་ཡོད་དུ་འཇུག་པ་ཉིད་ན་རྒྱལ་བྱེད་ཀྱི་ཚལ་དུ་སོང་ངོ ། །མཉན་ཡོད་ཀུན་ཏུ་ཚོང་དཔོན་ཆེ་གེ་མོའི་བུ་ཞིག་ལྗོངས་ནས་སྡེ་སྣོད་གསུམ་བཀླགས་ཏེ་རྒྱལ་བྱེད་ཀྱི་ཚལ་དུ་འོངས་སོ་ཞེས་བྱ་བའི་སྒྲས་ཁྱབ་པར་གྱུར་པ་དེ་ཚོང་དཔོན་དེས་ཐོས་ནས་བདག་གི་བུ་སྡེ་སྣོད་གསུམ་བཀླགས་ཏེ་ལྗོངས་ནས་རྒྱལ་བྱེད་ཀྱི་ཚལ་དུ་འོངས་ཀྱིས། དེ་ཡང་དག་པར་རབ་ཏུ་དགའ་བར་བྱེད་དུ་འགྲོའོ་སྙམ་ནས། ཚོང་དཔོན་དེ་རྒྱལ་བྱེད་ཀྱི་ཚལ་དུ་སོང་བ་དང ། དེས་བུ་དེ་མཐོང་ནས་སྨྲས་པ། བུ་ཁྱོད་ཀྱིས་ཁོ་བོ་སྤངས་ཏེ་རབ་ཏུ་བྱུང་མོད་ཀྱི། ཁྱོད་དགེ་སློང་དུ་རེད་ཅིང་མང་དུ་ཐོས་པར་གྱུར་པ་ལེགས་ཏེ་བདག་ཀྱང་ཡོངས་སུ་དགའོ་ཞེས་སྨྲས་ནས་དེའི་མདུན་དུ་འདུག་གོ་།དགེ་སློང་དེས་ཚོང་དཔོན་དེ་ལ་གང་གིས་ཚོང་དཔོན་དེ་དད་པ་སྐྱེས་པས་སྐྱབས་སུ་འགྲོ་བ་དང ། བསླབ་པའི་གཞི་དག་གཟུང་བར་གྱུར་པ་དེ་འདྲ་བའི་ཆོས་བསྟན་པར་བྱས་སོ། །ཚོང་དཔོན་དེས་བུའི་རྐང་པ་གཉིས་ལ་ཕྱག་འཚལ་ཏེ། ཕྱི་དེ་ཉིན་པར་ཟན་ལ་མགྲོན་དུ་བོས་པ་དང ། བུ་དེས་ཀྱང་ཅང་མི་སྨྲ་བས་དང་དུ་བླངས་སོ། །དེ་ནས་ཚོང་དཔོན་དེས་བུའི་རྐང་པ་གཉིས་ལ་ཕྱག་འཚལ་ཏེ་སོང་པ་དང ། དེ་ལ་ལམ་ཁར་བློ་སྐྱེས་པ།
Ca183a
༄#། །བདག་གིས་བུ་དེ་མ་བགྲོས་པར་གྱ་ཚོམ་དུ་མགྲོན་དུ་བོས་ན། བདག་གི་ཆུང་མ་དེ་ཡང་གཏུམ་པ་བརྟུན་ངས་པ་དྲག་ཤུལ་ཆེ་བ་ཡིན་པས་བུ་དེ་ལ་བསྙེན་བཀུར་བྱེད་པར་མི་འགྱུར་ན། དེ་ལ་ཇི་ལྟར་བསྒྲུབ་པར་བྱ་སྙམ་མོ། །ཡང་བསམས་པ། ད་ནི་དེ་མགྲོན་དུ་བོས་ཟིན་པས་ཅི་བྱར་ཡང་མེད་ཀྱིས། བདག་གིས་གང་གིས་ཆུང་མ་དེ་འཁྲུགས་པར་མི་འགྱུར་བར་རྣམ་པ་ཐམས་ཅད་དུ་དགའ་བ་དང་སྙན་པའི་ཚིག་དག་གིས་ཐབས་བཤམས་པར་བྱའོ་སྙམ་ནས། དེ་ཁྱིམ་དུ་སོང་སྟེ་ཆུང་མ་ལ་སྨྲས་པ། བཟང་མོ་འཁྱམས་པ་དང ། ཤི་བ་དང ། རབ་ཏུ་བྱུང་བ་ཞེས་བྱ་བ་དག་དོན་གཅིག་གམ། འོན་ཏེ་ཐ་དད་དུ་བྱ་བ་ཅུང་ཟད་ཡོད། ཆུང་མས་སྨྲས་པ། རྗེའི་སྲས་ཐ་དད་དུ་བགྱི་བ་ཅུང་ཟད་ཀྱང་མ་མཆིས་སོ། །ཚོང་དཔོན་གྱིས་སྨྲས་པ། བཟང་མོ་གཞན་དག་ན་རེ། ཁྱོད་ཀྱི་བུ་ཡར་པོ་དེ་དགེ་སློང་བཟང་པོར་རེད་དེ་ལྗོངས་ནས་སྡེ་སྣོད་གསུམ་བཀླགས་ནས་རྒྱལ་བྱེད་ཀྱི་ཚལ་དུ་འོངས་ཏེ། སྡེ་སྣོད་གསུམ་དང་ལྡན་པ་འབའ་ཞིག་ཏུ་ཡང་མ་ཟད་ཀྱི། ཆོས་སྒྲོགས་པ། རིག་པ་དང་གྲོལ་བའི་སྤོབས་པ་ཅན་དུ་ཡང་གྱུར་ཅེས་ཟེར་རོ། །ཆུང་མས་སྨྲས་པ། རྗེའི་སྲས་གལ་ཏེ་དེ་ལྟ་ན་ཅིའི་སླད་དུ་འཚལ་མ་ལ་གཡར་མི་དྲང ། བཟང་མོ་མགྲོན་དུ་བོས་ཀྱིས་ཟས་སྟ་གོན་གྱིས་ཤིག་།ཆུང་མ་དེ་དེ་ལ་ཞེ་སྡང་གི་ཀུན་ནས་དཀྲིས་པ་དང་བྲལ་ནས་དེས་ཟས་བསིལ་བའི་རོ་དང་ལྡན་པ་གང་
Ca183b
དག་ཡིན་པ་དེ་དག་ནི་དེ་ཉིད་ཀྱི་ཉིན་མོ་སྟ་གོན་བྱས། ཟས་དྲོ་བའི་རོ་དང་ལྡན་པ་གང་དག་ཡིན་པ་དེ་དག་ནི་ཕྱི་དེ་ཉིན་པར་སྟ་གོན་བྱས་ནས། བཙུན་པ་གདུགས་ཚོད་གཡར་གོང་འཚལ་ལགས་ན་དེའི་དུས་ལགས་པར་དགོངས་སུ་གསོལ་ཞེས་གཡར་འདྲེན་པའི་མི་བཏང་ངོ ། །དགེ་སློང་དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ནས་ཕའི་ཁྱིམ་ག་ལ་བ་དེར་སོང་སྟེ། ཕྱིན་ནས་སྟན་བཤམས་པ་ཉིད་ལ་འདུག་གོ་།དེ་ནས་ཚོང་དཔོན་དེ་ཆུང་མ་དང་བཅས་པས་རང་གི་ལག་ནས་ཟས་བསོད་བས་དགེ་སློང་དེ་ཚིམ་པར་བྱས་ཤིང་རང་གི་ལག་ནས་བསྟབས་སོ། ། ཚིམ་པར་བྱས་ཤིང་བསྟབས་ཏེ་ཟོས་ཟིན་པར་རིག་ནས། ལག་པ་བསྙལ་ཅིང་ལྷུང་བཟེད་བཞག་པ་ན་རྐང་པ་ལ་ཕྱག་འཚལ་ཏེ། ཆོས་མཉན་པའི་ཕྱིར་མདུན་དུ་འདུག་གོ་།དེས་མ་ཡར་མོ་དེ་ལ་ཡང་གང་ཐོས་ནས་དེས་ཀྱང་སྐྱབས་སུ་འགྲོ་བ་དང་བསླབ་པའི་གཞི་དག་གཟུང་བར་གྱུར་པའི་རྣམ་པ་དེ་ལྟར་ཆོས་བསྟན་པར་བྱས་སོ། །དེས་ཁྱིམ་དེ་ཇི་ལྟར་དགེ་སློང་རྣམས་དང ། དགེ་སློང་མ་རྣམས་ཀྱིས་ཁྲོན་པ་ལྟ་བུར་གྱུར་པ་དེ་ལྟར་བཏུལ་ནས། དེ་དག་སྦྱིན་པ་དང་བྱ་བར་སེམས་པ་གང་ཡིན་པ་ཅི་ཡང་རུང་སྟེ། དེ་ཐམས་ཅད་དགེ་སློང་རྣམས་དང་དགེ་སློང་མ་རྣམས་ལ་སེམས་སོ། །ཇི་ཙམ་དུས་གཞན་ཞིག་ན་ཚོང་དཔོན་དེའི་འབྱུང་བ་ཆེན་པོ་མ་སྙོམས་པས་ན་བར་གྱུར་ནས། དེའི་བུས་བདག་གི་ཕན་པར་གྱུར་ཏོ་ཞེས་ཐོས་ནས་དེ་འདི་སྙམ་དུ་སེམས་ཏེ། བདག་སོང་
Ca184a
༄#། །ལ་ཕ་དེ་ལ་མཆོག་ཏུ་དགའ་བར་འགྱུར་བའི་ཆོས་བསྟན་པར་བྱའོ་སྙམ་ནས། དགེ་སློང་དེ་དེའི་དྲུང་དུ་དུས་དང་མཐུན་པའི་དུས་སུ་སོང་ནས་འདི་སྐད་ཅེས།་ཡབ་ཁྱོད་ཀྱིས་མི་བགྱིས་པར་མི་བགྱི་སྟེ། འདི་ལྟར་ཁྱོད་ཀྱིས་དགེ་བའི་བཤེས་གཉེན་བདག་ལ་བརྟེན་ནས་སངས་རྒྱས་ལ་སྐྱབས་སུ་སོང ། ཆོས་དང་དགེ་འདུན་ལ་སྐྱབས་སུ་སོང་ཞིང་བསླབ་པའི་གཞི་དག་བླངས། སྦྱིན་པ་དག་བྱིན། བསོད་ནམས་དག་བྱས་པས། ཁྱོད་ཡུལ་གཞན་དུ་སོང་ན་ལོ་ལེགས་ཤིང ། མཐོ་རིས་ནི་དར་གྱིས་ཆོད་པ་ཙམ། ཐར་པ་ནི་ཡོལ་བས་བསྒྲིབས་པ་ཙམ་སྟེ། ལུས་ཞིག་ནས་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་ཆོས་སྟོན་པར་བྱེད་དོ། །ཚོང་དཔོན་གྱིས་སྨྲས་པ། བུ་དེ་དེ་བཞིན་ནོ། ། དེ་དེ་བཞིན་ཏེ། བདག་གིས་དགེ་བའི་བཤེས་གཉེན་ཁྱོད་ལ་བརྟེན་ནས། སངས་རྒྱས་ལ་སྐྱབས་སུ་སོང ། ཆོས་དང་དགེ་འདུན་ལ་སྐྱབས་སུ་སོང་ཞིག་བསླབ་པའི་གཞི་དག་བླངས། སྦྱིན་པ་དག་བྱིན། བསོད་ནམས་དག་བྱས་པས། བདག་ཡུལ་གཞན་དུ་སོང་ན་ལོ་ལེགས་ཤིང ། མཐོ་རིས་ནི་དར་གྱིས་ཆོད་པ་ཙམ། ཐར་པ་ནི་ཡོལ་བས་བསྒྲིབས་པ་ཙམ་སྟེ། ལུས་ཞིག་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཚོང་དཔོན་དེའི་བུ་དེས། ཕ་ལ་དེ་ལྟར་ཆོས་བསྟན་ནས་སོང་ངོ ། །ཚོང་དཔོན་དེ་ལ་བློ་སྐྱེས་པ་བདག་གི་བུ་སྡེ་སྣོད་གསུམ་
Ca184b
དང་ལྡན་པ། ཆོས་སྒྲོགས་པ། རིག་པ་དང་གྲོལ་བའི་སྤོབས་པ་ཅན་དེ་གཞན་དུ་སྨྲ་བར་མི་འགྱུར་བས་བདག་སྡུག་བསྔལ་གྱི་ཚོར་བས་ཉེན་པ་ནི་ཐུན་མོང་མ་ཡིན་པས་བདག་གིས་བདག་ཉིད་གསད་པར་བྱའོ་སྙམ་མོ། །ཡང་བསམས་པ། བདག་ཉིད་ལ་རྩོམ་པར་བྱེད་པ་ནི་སྡུག་བསྔལ་བ་ཡིན་ན། དེའི་ཕྱིར་བདག་སྲོག་དང་བྲལ་བར་བྱེད་ནུས་པ་སུ་ཡོད་སྙམ་ནས། དེ་ལ་བྲན་མོ་མངག་གཞུག་མ་སྐྱོང་མ་ཞེས་བྱ་བ་སྦོམ་མོ་གླེན་མ་དམན་པ་ཞིག་ཡོད་ནས། ཚོང་དཔོན་དེས་བསམས་པ། སྐྱོང་མ་འདི་ནི་སྦོམ་མོ་གླེན་མ་དམན་པ་ཡིན་པས་འདིས་བདག་སྲོག་དང་བྲལ་བར་བྱེད་ནུས་ཀྱིས། གཞན་གྱིས་ནི་མི་ནུས་སྙམ་མོ། །ཚོང་དཔོན་དེའི་ཁྱིམ་དང་ཧ་ཅང་ཐག་མི་རིང་བ་ཞིག་ན། ཁྱིམ་བདག་ཅིག་གི་བུས་བག་མ་བླངས་པ་དེར། ཚོང་དཔོན་དེའི་ཆུང་མ་བྲན་མོ་མངག་གཞུག་མ་སྐྱོང་མ་དང་བཅས་ཤིང་མགྲོན་དུ་བོས་ཏེ་སོང་ངོ ། །བག་མ་བླངས་པ་དང ། སྟོན་མོ་ཟིན་ནས། ཚོང་དཔོན་གྱི་ཆུང་མས་སྐྱོང་མ་ལ་སྨྲས་པ། སྐྱོང་མ་ཁྱོད་སོང་ལ་ཚོང་དཔོན་གཉིད་ལོག་པར་མི་འགྱུར་བར་སྲུང་ཤིག་།ཁོ་མོ་ཡང་ཕྱི་བཞིན་འོང་ངོ ། །སྐྱོང་མས་ཇོ་མོའི་ཚིག་མཉན་ཏེ། ཁྱིམ་དུ་སོང་ནས་ཚོང་དཔོན་གྱི་དྲུང་དུ་ཕྱིན་པ་དང ། ཚོང་དཔོན་གྱིས་སྨྲས་པ། སྐྱོང་མ་ཁྱོད་ག་ལས་འདིར་འོངས། སྐྱོང་མས་སྨྲས་པ། རྗེའི་སྲས་ཁྱིམ་བདག་ཆེ་གེ་མོའི་བུས་བག་མ་བླངས་པ་དེ་བདག་གིས་བལྟས་ཏེ་འཚལ་མ་འཚལ་ནས་མཆིས་སོ། །སྐྱོང་མ་བག་མ་ལེན་པ་བཟང་ངམ། རྗེའི་
Ca185a
༄#། །སྲས་བཟང་ངོ ། །གལ་ཏེ་ངས་ཁྱོད་དེ་ལྟར་བག་མར་གཏང་བར་བྱ་ན་ཁྱོད་དགའམ། རྗེའི་སྲས་དགའོ། །གལ་ཏེ་དེ་ན་ཁོ་བོ་ཅི་ཟེར་བ་དེ་བཞིན་དུ་བྱེད་ན། ཁོ་བོ་ཁྱོད་དགའ་བར་འགྱུར་བ་ཤེས་སོ། །སྐྱོང་མས་སྨྲས་པ། རྗེའི་སྲས་དེ་བཞིན་དུ་བགྱིའོ། །སྐྱོང་མ་གལ་ཏེ་དེ་ལྟ་ན་ཁོ་བོའི་ལྟོར་མི་མ་ཡིན་པ་ཞིག་ཞུགས་ཀྱིས་དེ་སོད་ཅིག ། རྗེའི་སྲས་གོ་རིམས་ཇི་ལྟར་བགྱི། སྐྱོང་མ་དང་པོར་ངའི་རྐང་པ་གཉིས་ཚིར་ཅིག་།དེའི་འོག་ཏུ་བྱིན་པ་གཉིས། དེའི་འོག་ཏུ་པུས་མོ་གཉིས། དེའི་འོག་ཏུ་བརླ་གཉིས། དེའི་འོག་ཏུ་རྐེད་པ། དེའི་འོག་ཏུ་ལྟོ་བ། དེའི་འོག་ཏུ་བྲང ། དེའི་འོག་ཏུ་གྲེ་བར་ཚིར་ལ་གལ་ཏེ་ཁོ་བོ་མགུལ་ན་མ་བཏང་ཞིག་།སྐྱོང་མ་གླེན་མ་དེས་དེ་བཞིན་དུ་བྱས་ཏེ་དེས་དམ་དུ་བཙིར་བ་དང ། ཚོང་དཔོན་གྱིས་བསམས་པ། ཀྱེ་མའོ་བདག་སྐྱོང་མ་འདིས་བཏང་ཡང་ཅི་མ་རུང་སྙམ་ན། སྐྱོང་མས་དེ་བས་ཀྱང་ཆེས་དམ་དུ་བཙིར་ཏོ། །ལྷས་ཚིགས་སུ་བཅད་པ་སྨྲས་པ། བློ་ངན་གྱིས་ནི་གང་འཛིན་པ། ། རུས་སྦལ་གྱིས་ནི་གང་འཛིན་བཞིན། །སྐྱོང་མས་ཟིན་པར་གྱུར་པས་ན། །ཁྱོད་ནི་འཚོ་བར་མ་མཐོང་ངོ ། །ཚོང་དཔོན་དེ་དུས་ལ་བབ་ནས། །སྐྱོང་མས་རས་ཀྱིས་གཡོགས་ཏེ་བཞག་གོ། དེ་ནས་ཚོང་དཔོན་གྱི་ཆུང་མ་ཕྱི་བཞིན་འོངས་ནས་དེ་སྨྲས་པ། སྐྱོང་མ་ཁྱོད་འདུག་བཞིན་དུ་ཚོང་དཔོན་ཉལ་དུ་བཅུག་གམ་ཞེས་ཚོང་དཔོན་གྱི་ཆུང་མ་དེས་ཚོང་དཔོན་བསླང་བར་བརྩམས་པ་དང །
Ca185b
སྐྱོང་མས་སྨྲས་པ། ངན་བུས་འདིའི་ལྟོ་ན་དགྲ་བོ་མཆིས་པ་ཕྱུང་བས། དེས་ན་འདི་ཉལ་བར་གྱུར་གྱིས་འདི་མ་བསླངས་ཤིག་།ཚོང་དཔོན་གྱི་ཆུང་མས་བསམས་པ། འདིའི་དགྲ་བོ་ཅི་འདྲ་བ་ཞིག་ཡིན་པ་དེ་བལྟའོ་སྙམ་ནས། དེས་བརྟག་པར་བརྩམས་པ་དང ། དུས་ལ་བབ་པ་མཐོང་ངོ ། །ཚོང་དཔོན་གྱི་ཆུང་མ་དེ་ལ་བློ་སྐྱེས་པ། འདི་ནི་སྐྱོང་མའི་སྤོབས་པ་མ་ཡིན་གྱི་འདི་ནི་བུ་ཟན་མོའི་བུ་སྡེ་སྣོད་གསུམ་དང་ལྡན་པ་དེའི་སྤོབས་པ་ཡིན་ཏེ། དེས་སྡེ་སྣོད་གསུམ་བཀླགས་ན་ཆོས་གཞན་འགའ་ཡང་བསྟན་པ་མ་བྱས་པར་ཡབ་ཁྱོད་ཀྱིས་མི་དགྱེས་པར་མི་བགྱི་སྟེ། ཁྱོད་ཡུལ་གཞན་དུ་སོང་ན་ལོ་ལེགས་ཤིང་མཐོ་རིས་ནི་དར་གྱིས་ཆོད་པ་ཙམ། ཐར་པ་ནི་ཡོལ་བས་བསྒྲིབས་པ་ཙམ་སྟེ། ལུས་ཞིག་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་བསྟན་པས། ད་ནི་འདིའི་ལུས་ཀྱང་ཞིག་།ལྷ་རྣམས་ཀྱི་ནང་དུ་ཡང་སྐྱེས་ཟིན་གྱིས་ཁྱོད་ཚུར་ཤོག་།ཁོ་མོ་དང་ལྷན་ཅིག་དགའ་མགུར་སྤྱོད་ཅིག་།ཁྱིམ་གྱི་བྱ་བ་ཡང་རྗེས་སུ་སྒྲུབས་ཤིག་།ཅེས་ཆུང་མ་སྡུག་བསྔལ་གྱི་ཚོར་བས་ཉེན་པ་ངེས་ཚིག་ཏུ་བརྗོད་ནས། དེའི་འོག་ཏུ་གོས་སྔོན་པོ་དང་སེར་པོ་དང་དམར་པོ་དང་དཀར་པོ་དག་གིས་ཁྱོགས་བརྒྱན་ནས་མཉན་ཡོད་ཀྱི་ཕྱི་རོལ་གྱི་དུར་ཁྲོད་དུ་བསྲེགས་ཏེ། དེ་ནས་མྱ་ངན་བསངས་པ་བྱས་ཏེ་འདུག་གོ་།ཆུང་མ་དེ་བར་བར་དུ་ཡང་དེ་སྐད་ཤ་སྟག་ཟེར་བས་དགེ་སློང་སྡེ་སྣོད་གསུམ་པ་དེས་བདག་གི་ཕ་དུས་ལ་བབ་པར་ཐོས་ནས། དེས་བསམས་པ། འདི་ནི་འདུས་བྱས་རྣམས་
Ca186a
༄#། །ཀྱི་ཆོས་ཉིད་ཡིན་མོད་ཀྱི་འོན་ཀྱང་མ་ཡར་མོ་དེའི་མྱ་ངན་བསང་བ་བྱར་འགྲོའོ་སྙམ་ནས། དེ་སོང་བ་དང ། མ་ཡར་མོ་དེས་ཐག་རིང་པོ་ཁོ་ན་ནས་དགེ་སློང་དེ་མཐོང་ངོ ། ། མཐོང་ནས་ཀྱང་ཡང་བུ་ཟན་མོའི་བུ་སྡེ་སྣོད་གསུམ་དང་ལྡན་པས་སྡེ་སྣོད་གསུམ་བཀླགས་ན་ཆོས་གཞན་འགའ་ཡང་བསྟན་པ་མ་བྱས་པར་ཡབ་ཁྱོད་ཀྱིས་མི་དགྱེས་པར་མི་བགྱི་སྟེ། ཁྱོད་ཡུལ་གཞན་དུ་སོང་ན་ལོ་ལེགས་ཤིང་མཐོ་རིས་ནི་དར་གྱིས་ཆོད་པ་ཙམ། ཐར་པ་ནི་ཡོལ་བས་བསྒྲིབས་པ་ཙམ་སྟེ། ལུས་ཞིག་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་བསྟན་པས་ད་ནི་འདིའི་ལུས་ཀྱང་ཞིག། ལྷ་རྣམས་ཀྱི་ནང་དུ་ཡང་སྐྱེས་ཟིན་གྱིས་ཁྱོད་ཚུར་ཤོག་ཁོ་མོ་དང་ལྷན་ཅིག་དགའ་མགུར་སྤྱོད་ཅིག། ཁྱིམ་གྱི་བྱ་བ་ཡང་རྗེས་སུ་སྒྲུབས་ཤིག་ཅེས་སྨྲ་བར་བརྩམས་པ་དང ། དགེ་སློང་དེ་ཉམ་ང་ནས་དེ་ཉིད་ནས་ཕྱིར་ལོག་གོ་།དེ་བདག་གིས་འཆིར་བཅུག་པར་མ་གྱུར་ཏམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དོ། །ཡང་དགེ་སློང་གིས་ནད་པ་ལ་གང་ཐོས་ན་ནད་པ་འཆི་བར་སེམས་པ་དེ་འདྲ་བའི་ཆོས་བསྟན་པར་མི་བྱའོ། །དགེ་སློང་གིས་ནད་པ་ལ་གང་ཐོས་ན་ནད་པ་འཆི་བར་སེམས་པ་དེ་འདྲ་བའི་ཆོས་སྟོན་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ཡང་རེ་ཞིག་
Ca186b
བྱུང་བ་ཡིན་གྱིས་སངས་རྒྱས་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་སྤོང་བྱེད་དག་ན་ཆུ་ཀླུང་ཡིད་འོང་ལྡན་གྱི་འགྲམ་ན་སྒྲོན་ཤིང་གི་ཚལ་གསེབ་ན་བཞུགས་སོ། །དེ་ན་བཅོམ་ལྡན་འདས་དགེ་སློང་གི་དགེ་འདུན་ལ། དགེ་སློང་དག་མི་སྡུག་པ་སྒོམས་ཤིག་།མི་སྡུག་པ་བསྟེན་ཅིང་གོམས་པར་བྱས། ལན་མང་དུ་བྱས་ན་འབྲས་བུ་ཆེན་པོ་དང་ཕན་ཡོན་ཆེན་པོར་འགྱུར་རོ་ཞེས་མི་སྡུག་པ་སྟོན་པར་མཛད་ཅིང་མི་སྡུག་པ་སྒོམ་པའི་བསྔགས་པ་བརྗོད་པར་ཡང་མཛད་དོ། །བཅོམ་ལྡན་འདས་ཀྱིས་དགེ་སློང་དག་མི་སྡུག་བ་སྒོམས་ཤིག་།མི་སྡུག་པ་བསྟེན་ཅིང་གོམས་པར་བྱས། ལན་མང་དུ་བྱས་ན་འབྲས་བུ་ཆེན་པོ་དང་ཕན་ཡོན་ཆེན་པོར་འགྱུར་རོ་ཞེས་གསུངས་པས་དེའི་ཚེ་ན་དགེ་སློང་དག་མི་སྡུག་པ་སྒོམ་པར་བྱེད་དེ། དེ་དག་མི་སྡུག་པ་སྒོམ་པར་བྱེད་པ་དེའི་ཚེ། རྣག་གི་ལུས་འདིས་སྒྱིད་ལུག་པ་དང ། མུས་བྱུང་བ་དང ། ཐེ་ཚོམ་ཟ་བ་དང ། སྨོད་པར་བྱེད་པ་ན་མཚོན་ཡང་འབྱིན་པར་བྱེད། དུག་ཀྱང་ཟ་བར་བྱེད། ཐག་པས་འཆིང་བར་བྱེད་འཆི་བར་བྱེད། གཡང་སར་ཡང་མཆོང་བར་བྱེད་ཅིང་འདི་ལྟར་དགེ་སློང་གིས་ཀྱང་དགེ་སློང་ལ་རྩོལ་བར་བྱེད་དོ། །དེ་ནས་དགེ་སློང་གཞན་ཞིག་རྣག་གི་ལུས་འདིས་སྒྱིད་ལུག་པ་དང ། མུས་བྱུང་བ་དང ། ཐེ་ཚོམ་ཟ་བ་དང ། སྨོད་པར་བྱེད་པ་ན་རི་དྭགས་ཟློག་དགེ་སྦྱོང་
Ca187a
༄#། །སྦེད་ག་ལ་བ་དེར་སོང་སྟེ་ཕྱིན་ནས་རི་དྭགས་ཟློག་དགེ་སྦྱོང་སྦེད་ལ་འདི་སྐད་ཅེས་སྨྲས་སོ། །བཞིན་བཟང་ཚུར་ཤོག་།ཁོ་བོ་སྲོག་དང་ཕྲོལ་ཅིག་དང ། ཁོ་བོའི་ལྷུང་བཟེད་དང་ཆོས་གོས་གང་ཡིན་པ་དེ་ཁྱོད་ཀྱིར་འགྱུར་རོ། །དེ་ནས་རི་དྭགས་ཟློག་དགེ་སྦྱོང་སྦེད་ཀྱིས་དགེ་སློང་དེ་སྲོག་དང་ཕྲལ་ནས་རལ་གྲི་ཁྲག་གིས་གོས་པ་ཁྱེར་ཏེ་ཆུ་ཀླུང་ཡིད་འོང་ལྡན་ག་ལ་བ་དེར་སོང་ནས་ཕྱིན་པ་དང ། ཆུ་ཀླུང་ཡིད་འོང་ལྡན་གྱི་འགྲམ་དུ་ཙོག་ཙོག་པོར་འདུག་སྟེ་རལ་གྲི་ཁྲག་གིས་གོས་པ་འཁྲུ་བར་བྱེད་དོ། །དེ་ནས་བདུད་ཀྱི་རིས་ཀྱི་ལྷ་ཞིག་ཆུ་ཀླུང་ཡིད་འོང་ལྡན་གྱི་རྒྱུན་མ་ཕྱེ་བར་འདུག་ནས། རི་དྭགས་ཟློག་དགེ་སྦྱོང་སྦེད་ལ་འདི་སྐད་ཅེས་སྨྲས་སོ། །བཞིན་བཟང་ལེགས་སོ་ལེགས་སོ། །འདི་ལྟར་ཁྱོད་དགེ་སྦྱོང་ཚུལ་ཁྲིམས་དང་ལྡན་པ་ཡོན་ཏན་དང་ལྡན་པ་དག་མ་རྒལ་བ་རྒལ་བར་བྱེད། མ་གྲོལ་བ་གྲོལ་བར་བྱེད། དབུགས་མ་ཕྱིན་པ་དབུགས་འབྱིན་པར་བྱེད། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་བར་བྱེད་པ་ནི་ཁྱོད་ལ་བསོད་ནམས་མང་དུ་སྐྱེ་བར་འགྱུར་ཞིང ། དེ་དག་གི་ལྷུང་བཟེད་དང་ཆོས་གོས་གང་ཡིན་པ་དེ་ཁྱོད་ཀྱིར་འགྱུར་བ་འདི་ཡང་ཁྱོད་ཀྱི་རྙེད་པ་ལྷག་པ་ཡིན་ནོ། ། དེ་ལྟར་དེ་ལ་རི་དྭགས་ཟློག་དགེ་སྦྱོང་སྦེད་འདི་སྙམ་དུ་འདི་ལྟར་བདག་དགེ་སྦྱོང་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ་དག་མ་རྒལ་བ་རྒལ་བར་བྱེད། མ་གྲོལ་བ་གྲོལ་པར་བྱེད།
Ca187b
དབུགས་མ་ཕྱིན་པ་དབུགས་འབྱིན་པར་བྱེད། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་བར་བྱེད་པ་ནི་བདེན་མོད་བདག་ལ་བསོད་ནམས་མང་དུ་སྐྱེ་ཞིང ། དེ་དག་གི་ལྷུང་བཟེད་དང་ཆོས་གོས་གང་ཡིན་པ་དེ་བདག་གིར་འགྱུར་བ་འདི་ཡང་བདག་གི་རྙེད་པ་ལྷག་པ་ཡིན་ནོ་སྙམ་དུ་རྒྱ་ཆེར་སྡིག་པ་ཅན་གྱི་ལྟ་བའི་རྣམ་པ་ཐོབ་པར་གྱུར་ཏོ། །དེ་ནས་རི་དྭགས་ཟློག་དགེ་སྦྱོང་སྦེད་རལ་གྲི་རྣོན་པོ་མཆན་ཁུང་གིས་ཁྱེར་ཏེ། ཀུན་དགའི་ར་བ་ནས་ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་སར་དང ། ལམ་གོལ་བར་རྗེས་སུ་རྒྱུ་བ་ན། དགེ་སློང་དེ་དང་དེ་དག་མཐོང་ནས་འདི་སྐད་ཅེས་སྨྲས་སོ། །དགེ་སྦྱོང་ཚུལ་ཁྲིམས་དང་ལྡན་པ་ཡོན་ཏན་དང་ལྡན་པ། མ་རྒལ་བ་རྒལ་བར་བྱ་བ། མ་གྲོལ་བ་དགྲོལ་བར་བྱ་བ།་དབུགས་མ་ཕྱིན་པ་དབུགས་དབྱུང་བར་བྱ་བ། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་བར་བྱ་བ་གང་ཡིན། དེས་ན་དགེ་སློང་ཞིག་རྣག་གི་ལུས་འདིས་སྒྱིད་ལུག་པ་དང ། མུས་བྱུང་བ་དང ། ཐེ་ཚོམ་ཟ་བ་དང་སྨོད་པ་ན་གནས་ནས་ཕྱིར་ཕྱུང་སྟེ་རི་དྭགས་ཟློག་དགེ་སྦྱོང་སྦེད་ལ་འདི་སྐད་ཅེས་སྨྲས་སོ། །བཞིན་བཟང་བདག་མ་རྒལ་བ་ཡིན་གྱིས་སྒྲོལ་ཅིག་།བདག་མ་གྲོལ་བ་ཡིན་གྱིས་ཁྲོལ་ཅིག་།བདག་དབུགས་མ་ཕྱིན་པ་ཡིན་གྱིས་དབུགས་ཕྱུང་ཞིག་།བདག་ཡོངས་སུ་མྱ་ངན་ལས་མ་འདས་པ་ཡིན་གྱིས་ཡོངས་སུ་མྱ་ངན་ལས་ཟློས་ཤིག་།དེ་ནས་རི་དྭགས་ཟློག་དགེ་སྦྱོང་སྦེད་ཀྱིས་
Ca188a
༄#། །དགེ་སློང་དེ་སྲོག་དང་བྲལ་བར་བྱས་ཏེ་དེ་བཞིན་དུ་གཉིས་དང་གསུམ་ནས་དགེ་སློང་དྲུག་ཅུའི་བར་དག་སྲོག་དང་བྲལ་བར་བྱས་སོ། །དེའི་ཚེ་དགེ་སློང་དག་ཉུང་ངུར་གྱུར། ཉམས་པར་གྱུར། རྔ་རྡོར་གྱུར་ཅིང་དགེ་སློང་གི་དགེ་འདུན་སྲབས་པར་གྱུར་ཏོ། །དེ་ནས་བཅོམ་ལྡན་འདས་དེ་ཉིད་ཀྱི་ཚེས་བཅོ་ལྔའི་གསོ་སྦྱོང་ལ་དགེ་སློང་གི་དགེ་འདུན་གྱི་གུང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་འཁོར་ཐམས་ཅད་ལ་རྣམ་པར་གཟིགས་ཏེ། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གང་གིས་ད་ལྟར་དགེ་སློང་དག་ཉུང་ངུར་གྱུར། ཉམས་པར་གྱུར། རྔ་རྡོར་གྱུར་ཅིང་དགེ་སློང་གི་དགེ་འདུན་སྲབས་པར་གྱུར་པའི་རྒྱུ་ནི་གང་ཡིན། རྐྱེན་ནི་གང་ཡིན། བཙུན་པ་དུས་གཅིག་ན་བཅོམ་ལྡན་འདས་དགེ་སློང་གི་དགེ་འདུན་ལ་དགེ་སློང་དག་མི་སྡུག་པ་སྒོམས་ཤིག་།མི་སྡུག་པ་སྟེན་ཅིང་གོམས་པར་བྱས། ལན་མང་དུ་བྱས་ན་འབྲས་བུ་ཆེན་པོ་དང་ཕན་ཡོན་ཆེན་པོར་འགྱུར་རོ་ཞེས་མི་སྡུག་པ་སྟོན་པར་མཛད་ཅིང་མི་སྡུག་པ་སྒོམ་པའི་བསྔགས་པ་བརྗོད་པར་ཡང་མཛད་དོ། །དེའི་ཚེ་ན་དགེ་སློང་དག་མི་སྡུག་པ་སྒོམ་པར་བགྱིད་དེ། དེ་དག་མི་སྡུག་པ་སྒོམ་པར་བགྱིད་པའི་ཚེ་རྣག་གི་ལུས་འདིས་སྒྱིད་ལུག་པ་དང ། མུས་བྱུང་བ་དང ། ཐེ་ཚོམ་ཟ་བ་དང ། སྨོད་པར་བགྱིད་པ་ན་མཚོན་ཡང་འབྱིན་པར་བགྱིད། དུག་ཀྱང་འཚལ་བར་བགྱིད། ཐག་པས་འཆིང་བས་ཀྱང་འགུམ་པར་བགྱིད།
Ca188b
གཡང་སར་ཡང་མཆོང་བར་བགྱིད་ཅིང ། དགེ་སློང་གིས་ཀྱང་དགེ་སློང་ལ་རྩོལ་བར་བགྱིད་དོ། །དེ་ནས་དགེ་སློང་གཞན་ཞིག་རྣག་གི་ལུས་འདིས་སྒྱིད་ལུག་པ་དང ། མུས་བྱུང་བ་དང ། ཐེ་ཚོམ་ཟ་བ་དང ། སྨོད་པར་བགྱིད་པ་ན། རི་དྭགས་ཟློག་དགེ་སྦྱོང་སྦེད་ག་ལ་བ་དེར་མཆིས་ཏེ་ཕྱིན་ནས། རི་དྭགས་ཟློག་དགེ་སྦྱོང་སྦེད་ལ་འདི་སྐད་ཅེས། བཞིན་བཟང་ཚུར་ཤོག་།ཁོ་བོ་སྲོག་དང་ཕྲོལ་ཅིག་དང ། ཁོ་བོའི་ལྷུང་བཟེད་དང་ཆོས་གོས་གང་ཡིན་པ་དེ་ཁྱོད་ཀྱིར་འགྱུར་རོ་ཞེས་མཆིའོ། །དེ་ནས་རི་དྭགས་ཟློག་དགེ་སྦྱོང་སྦེད་ཀྱིས་དགེ་སློང་དེ་སྲོག་དང་ཕྲལ་ནས་རལ་གྲི་ཁྲག་གིས་གོས་པ་འཚལ་ཏེ། ཆུ་ཀླུང་ཡིད་འོང་ལྡན་ག་ལ་བ་དེར་མཆིས་ནས་ཕྱིན་པ་དང ། ཆུ་ཀླུང་ཡིད་འོང་ལྡན་གྱི་འགྲམ་དུ་ཙོག་ཙོག་པོར་མཆིས་ཏེ། རལ་གྲི་ཁྲག་གིས་གོས་པ་འཁྲུ་བར་བགྱིད་དོ། །དེ་ནས་བདུད་ཀྱི་རིས་ཀྱི་ལྷ་ཞིག་ཆུ་ཀླུང་ཡིད་འོང་ལྡན་གྱི་རྒྱུན་མ་ཕྱེ་བར་མཆིས་ནས་རི་དྭགས་ཟློག་དགེ་སྦྱོང་སྦེད་ལ་འདི་སྐད་ཅེས་བཞིན་བཟང་ལེགས་སོ་ལེགས་སོ། །འདི་ལྟར་ཁྱོད་དགེ་སྦྱོང་ཚུལ་ཁྲིམས་དང་ལྡན་པ་ཡོན་ཏན་དང་ལྡན་པ་དག་མ་རྒལ་བ་རྒལ་བར་བྱེད། མ་གྲོལ་བ་གྲོལ་བར་བྱེད། དབུགས་མ་ཕྱིན་པ་དབུགས་འབྱིན་པར་བྱེད། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་བར་བྱེད་བ་ནི་ཁྱོད་ལ་བསོད་ནམས་མང་དུ་སྐྱེ་བར་འགྱུར་ཞིང ། དེ་དག་གི་ལྷུང་བཟེད་དང་ཆོས་གོས་གང་ཡིན་པ་དེ་ཁྱོད་ཀྱིར་འགྱུར་བ་འདི་ཡང་ཁྱོད་ཀྱི་རྙེད་པ་ལྷག་པ་ཡིན་ནོ་ཞེས་མཆི་ནས། དེ་
Ca189a
༄#། །ལྟར་དེ་ལ་རི་དྭགས་ཟློག་དགེ་སྦྱོང་སྦེད་འདི་སྙམ་དུ། ད་ལྟར་བདག་དགེ་སྦྱོང་ཚུལ་ཁྲིམས་དང་ལྡན་པ་ཡོན་ཏན་དང་ལྡན་པ་དག་མ་རྒལ་བ་རྒལ་བར་བྱེད། མ་གྲོལ་བ་གྲོལ་བར་བྱེད། དབུགས་མ་ཕྱིན་པ་དབུགས་འབྱིན་པར་བྱེད། ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་བར་བྱེད་པ་ནི་བདེན་མོད། བདག་ལ་བསོད་ནམས་མང་དུ་སྐྱེ་ཞིང་དེ་དག་གི་ལྷུང་བཟེད་དང་ཆོས་གོས་གང་ཡིན་པ་དེ་བདག་གིར་འགྱུར་བ་འདི་ཡང་བདག་གི་རྙེད་པ་ལྷག་པ་ཡིན་ནོ་སྙམ་དུ་རྒྱ་ཆེར་སྡིག་པ་ཅན་གྱི་ལྟ་བའི་རྣམ་པ་ཐོབ་པར་གྱུར་ཏོ། །དེ་ནས་རི་དྭགས་ཟློག་དགེ་སྦྱོང་སྦེད་རལ་གྲི་རྣོན་པོ་མཆན་ཁུང་གིས་འཚལ་ཏེ། ཀུན་དགའི་ར་བ་ནས་ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་སར་དང ། ཤུལ་གོལ་བ་རྗེས་སུ་རྒྱུ་བ་ན། དགེ་སྦྱོང་དེ་དང་དེ་དག་མཐོང་ནས་འདི་སྐད་ཅེས་དགེ་སྦྱོང་ཚུལ་ཁྲིམས་དང་ལྡན་པ་ཡོན་ཏན་དང་ལྡན་པ། མ་རྒལ་བ་རྒལ་བར་བྱ་བ། མ་གྲོལ་བ་གྲོལ་བར་བྱ་བ། དབུགས་མ་ཕྱིན་པ་དབུགས་དབྱུང་བར་བྱ་བ།་ཡོངས་སུ་མྱ་ངན་ལས་མ་འདས་པ་ཡོངས་སུ་མྱ་ངན་ལས་འདའ་བར་བྱ་བ་གང་ཡིན་ཞེས་མཆིའོ། །དེ་ནས་དགེ་སློང་ཞིག་རྣག་གི་ལུས་འདིས་སྒྱིད་ལུག་པ་དང ། མུས་བྱུང་བ་དང ། ཐེ་ཚོམ་ཟ་བ་དང ། སྨོད་པ་ན་གནས་ནས་སླར་བྱུང་སྟེ་རི་དྭགས་ཟློག་དགེ་སྦྱོང་སྦེད་ལ་འདི་སྐད་ཅེས། བཞིན་བཟང་བདག་མ་རྒལ་བ་ཡིན་གྱིས་སྒྲོལ་ཅིག་།བདག་མ་གྲོལ་བ་ཡིན་གྱིས་ཁྲོལ་ཅིག །
Ca189b
བདག་དབུགས་མ་ཕྱིན་པ་ཡིན་གྱིས་དབུགས་ཕྱུང་ཞིག་།བདག་ཡོངས་སུ་མྱ་ངན་ལས་མ་འདས་པ་ཡིན་གྱིས་ཡོངས་སུ་མྱ་ངན་ལ་ཟློས་ཤིག་ཅེས་མཆིའོ། །དེ་ནས་རི་དྭགས་ཟློག་དགེ་སྦྱོང་སྦེད་ཀྱི་དགེ་སློང་དེ་སྲོག་དང་བྲལ་བར་བགྱིས་ཏེ། དེ་བཞིན་དུ་གཉིས་དང་གསུམ་ནས་དགེ་སློང་དྲུག་ཅུའི་བར་དག་སྲོག་དང་བྲལ་བར་བགྱིས་པས། བཙུན་པ་གང་གིས་ད་ལྟར་དགེ་སློང་དག་ཉུང་ངུར་གྱུར། ཉམས་པར་གྱུར། རྔ་རྡོར་གྱུར་ཅིང་དགེ་སློང་གི་དགེ་འདུན་སྲབས་པར་གྱུར་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཀུན་དགའ་བོ་དགེ་སློང་ཡང་དགེ་སློང་ལ་རྩོལ་བ་བྱེད་དམ། བཙུན་པ་རྩོལ་བར་བགྱིད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་སྨད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། འདི་ལྟ་སྟེ་དགེ་འདུན་བསྡུ་བའི་ཕྱིར་དང ། དགེ་འདུན་ལེགས་པར་བྱ་བའི་ཕྱིར་དང ། དགེ་འདུན་བདེ་བར་གནས་པར་བྱ་བའི་ཕྱིར་དང ། གནོང་མི་བཀུར་བའི་གང་ཟག་རྣམས་ཚར་གཅད་པར་བྱ་བའི་ཕྱིར་དང ། ངོ་ཚ་ཤེས་པ་རྣམས་བདེ་བར་གནས་པར་བྱ་བའི་ཕྱིར་དང ། མངོན་པར་མ་དད་པ་རྣམས་མངོན་པར་དད་པར་བྱ་བའི་ཕྱིར་དང ། མངོན་པར་དད་པ་རྣམས་ཕྱིར་ཞིང་འབྱུང་བར་བྱ་
Ca190a
༄#། །བའི་ཕྱིར་དང ། ཚེ་འདིའི་ཟག་པ་རྣམས་བསྡམ་པར་བྱ་བའི་ཕྱིར་དང ། ཚེ་རབས་ཕྱི་མའི་རྣམས་བཟློག་པར་བྱ་བའི་ཕྱིར་དང ། ངའི་ཚངས་པར་སྤྱོད་པ་སྐྱེ་བོ་མང་པོ་ལ་ཕན་པ་ཡངས་པར་གྱུར་པ་ལྷ་དང་མིའི་བར་དག་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་འགྱུར་བའོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མིའམ་མིར་ཆགས་པ་ལ་བསམས་བཞིན་དུ་རང་གི་ལག་བདར་ཏེ་སྲོག་བཅད་དམ། དེ་ལ་མཚོན་བྱིན་ནམ། དེ་ལ་མཚོན་ཐོགས་པ་གཉེར་ཏམ། དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་ཀྱང་རུང་སྟེ། དེ་ལ་འདི་སྐད་ཅེས་ཀྱེ་མི་ཁྱེད་འཚོ་བ་སྡིག་པ་མི་གཙང་བ་ངན་པ་འདིས་ཅི་ཞིག་བྱ། ཀྱེ་མི་ཁྱོད་གསོན་པ་བས་ཤི་བླའོ་ཞེས་ཟེར་ཞིང་སེམས་ཀྱི་འདོད་པ་དང ། སེམས་ཀྱི་ཀུན་ཏུ་རྟོག་པ་དག་གིས་རྣམ་གྲངས་དུ་མས་དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་དེ། དེའང་རྩོམ་པ་དེས་དུས་བྱས་ན་དགེ་སློང་དེའང་ཕམ་པར་གྱུར་པ་ཡིན་གྱིས་གནས་པར་མི་བྱའོ། །ཡང་དགེ་སློང་གང་ཞེས་བྱ་བ་ནི། དགེ་སློང་རྣམ་པ་བཞི་པོ་མིང་གི་དགེ་སློང་དང ། ཁས་འཆེ་བའི་དགེ་སློང་དང ། སློང་བའི་ཕྱིར་དགེ་སློང་དང ། ཉོན་མོངས་པ་བཅོམ་པའི་ཕྱིར་དགེ་སློང་ལས། མིང་གི་དགེ་སློང་གང་ཞེ་ན། གང་གི་མིང་དང་མིང་དུ་བརྗོད་པ་དང ། ཚིག་གཉིས་པ་དང ། ཚིག་བླ་དྭགས་དང ། འདུ་ཤེས་དང ། བོད་པ་དང ། གདགས་པ་དང་ཐ་སྙད་
Ca190b
དགེ་སློང་ཞེའམ། དགེ་སློང་གི་རིགས་ཤེའམ་དགེ་སློང་དང་འདྲ་བར་གྱུར་པ་ཞེས་བྱ་བ་དེ་ནི་མིང་གི་དགེ་སློང་ཞེས་བྱའོ། །ཁས་འཆེ་བའི་དགེ་སློང་གང་ཞེ་ན། གང་དགེ་སློང་མ་ཡིན་བཞིན་དུ་བདག་ཉིད་དགེ་སློང་ངོ་ཞེས་ཁས་འཆེ་བར་བྱེད་པ་དང ། རྐུ་ཐབས་སུ་གནས་ཤིང་དགེ་སློང་དུ་དམ་འཆའ་བར་བྱེད་པ་དེ་ནི་ཁས་འཆེ་བའི་དགེ་སློང་ཞེས་བྱའོ། །སློང་བའི་ཕྱིར་དགེ་སློང་གང་ཞེ་ན། གང་ཆོས་དང་ལྡན་པས་སློང་མོ་སྤྱོད་པས་འཚོ་བར་བྱེད་པ་དེ་ནི་སློང་བའི་ཕྱིར་དགེ་སློང་ཞེས་བྱའོ། །ཉོན་མོངས་པ་བཅོམ་པའི་ཕྱིར་དགེ་སློང་གང་ཞེ་ན། གང་གི་ཟག་པ་ཀུན་ནས་ཉོན་མོངས་པར་བྱེད་པ་ཡང་སྲིད་པར་བྱེད་པར་རིམས་ནད་དང་བཅས་པ་རྣམ་པར་སྨིན་པ་སྡུག་བསྔལ་བ་ཕྱི་མ་ལ་སྐྱེ་བ་དང ། རྒ་བ་དང ། འཆི་བར་འགྱུར་བ་གང་དག་ཡིན་པ་དེ་དག་སྤངས་པ་དང ། ཡོངས་སུ་ཤེས་པ་དང ། རྩ་བ་ནས་བཅད་པ་དང ། ཤིང་ཏཱ་ལའི་མགོ་བཞིན་དུ་གཞི་མི་སྣང་བ་དང ། ཕྱི་མ་ལ་མི་སྐྱེ་བའི་ཆོས་ཅན་དུ་གྱུར་པ་དེ་ནི་ཉོན་མོངས་པ་བཅོམ་པའི་ཕྱིར་དགེ་སློང་ཞེས་བྱའོ། །དོན་འདིར་ནི་གསོལ་བ་དང་གཞིའི་ལས་མི་གཡོ་བ་བཞག་པར་མི་འོས་པས་བསྙེན་པར་རྫོགས་པ་གང་ཡི་པ་དེ་དགེ་སློང་དུ་དགོངས་ཏེ། དེས་ན་ཡང་དགེ་སློང་གང་ཞེས་གསུངས་སོ། །མི་འམ་ཞེས་བྱ་བ་ནི། གང་གིས་མའི་ལྟོར་དབང་པོ་དྲུག་པོ་འདི་ལྟ་སྟེ། མིག་གི་དབང་པོ་དང ། རྣ་བའི་དབང་པོ་དང ། སྣའི་དབང་པོ་དང ། ལྕེའི་དབང་པོ་དང ། ལུས་ཀྱི་དབང་པོ་དང ། ཡིད་ཀྱི་དབང་པོ་ཐོབ་པར་གྱུར་པའོ། །མིར་ཆགས་
Ca191a
༄#། །པ་ལ་ཞེས་བྱ་བ་ནི། གང་གིས་མའི་ལྟོར་དབང་པོ་གསུམ་པོ་འདི་ལྟ་སྟེ། ལུས་ཀྱི་དབང་པོ་དང ། ཚོར་བའི་དབང་པོ་དང ། ཡིད་ཀྱི་དབང་པོ་ཐོབ་པར་གྱུར་པ་ལའོ། །བསམས་བཞིན་དུ་ཞེས་བྱ་བ་ནི་རྣམ་པར་བརྟགས་པ་ནས་སོ། །རང་གི་ལག་དར་ཏེ་ཞེས་བྱ་བ་ནི་ལག་པས་ལག་དར་ཏེའོ། །སྲོག་བཅད་དམ་ཞེས་བྱ་བ་ནི་དེའི་སྲོག་བཅད་པར་གྱུར་ནའོ། །དེ་ལ་མཚོན་བྱིན་ནམ་ཞེས་བྱ་བ་ནི། རལ་གྲིའམ་སྤུ་གྲིའམ་ཆུ་གྲིའོ། །དེ་ལ་མཚོན་ཐོགས་པ་གཉེར་ཏམ་ཞེས་བྱ་བ་ནི། སྐྱེས་པའམ། བུད་མེད་དམ། མ་ནིང་ངོ ། །དེ་འཆིར་བཅུག་གམ་ཞེས་བྱ་བ་ནི། འཆིར་གཞུག་པ་ནི་རྣམ་པ་གསུམ་སྟེ། ཚུལ་ཁྲིམས་འཆལ་བ་དང ། ཚུལ་ཁྲིམས་དང་ལྡན་པ་དང ། ནད་པའོ། །ཚུལ་ཁྲིམས་འཆལ་བ་ལ་ཇི་ལྟར་ཞེ་ན། འདི་ལྟར་དགེ་སློང་ཚུལ་ཁྲིམས་འཆལ་བ་ལ་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སློང་གི་འཚོ་བའི་ཡོ་བྱད་གང་ཡང་རུང་བ་ཅུང་ཞིག་རག་ལུས་པ་ན། དེ་འདི་སྙམ་དུ་སེམས་ཏེ། ཇི་སྲིད་དུ་ཚེ་དང་ལྡན་པ་འདི་གསོན་པ་དེ་སྲིད་དུ་བདག་གིས་ཐོབ་པར་མི་འགྱུར་གྱིས། བདག་དེའི་དྲུང་དུ་སོང་ལ་འཆིར་གཞུག་གོ་སྙམ་ནས། དེ་དེའི་དྲུང་དུ་སོང་སྟེ་འདི་སྐད་ཅེས། ཚེ་དང་ལྡན་པ་ནི་ཚུལ་ཁྲིམས་འཆལ་བ་སྡིག་པའི་ཆོས་ཅན་ལུས་ཀྱིས་ཉེས་པར་སྤྱད་པ་དང་ལྡན་པ་ངག་དང་ཡིད་ཀྱིས་ཉེས་པར་སྤྱད་པ་དང་ལྡན་པ་ཡིན་པས། ཚེ་དང་ལྡན་པ་ཇི་སྲིད་ཡུན་རིང་དུ་འཚོ་བར་འགྱུར་བ་དེ་སྲིད་དུ་བསོད་ནམས་མ་ཡིན་པ་མང་དུ་འཕེལ་བར་འགྱུར་ཞིང །
Ca191b
བསོད་ནམས་མ་ཡིན་པ་མང་དུ་འཕེལ་ན་ཡུན་རིང་དུ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ་ཞེས་སྨྲས་པ་ན། ཚུལ་ཁྲིམས་འཆལ་བ་དེ་དགེ་སློང་དེ་ལ་འདི་སྐད་ཅེས་ཚེ་དང་ལྡན་པ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ། ཚེ་དང་ལྡན་པ་ཚུར་ཤོག་ཁྱོད་ཀྱིས་བདག་ཉིད་ཐོང་ཞིག་།བདག་ཉིད་སོད་ཅིག་།བདག་ཉིད་སྲོག་དང་བྲལ་བར་བྱེད་དུ་ཆུག་ཅིག་ཅེས་སྨྲས་ན། གལ་ཏེ་ཚུལ་ཁྲིམས་འཆལ་བ་དེ་བདག་ཉིད་གཏོང་བར་བྱེད་དམ། བདག་ཉིད་གསོད་པ་བྱེད་དམ། བདག་ཉིད་སྲོག་དང་བྲལ་བར་བྱེད་དུ་འཇུག་ན་དགེ་སློང་དེ་ཕམ་པར་འགྱུར་རོ། །གལ་ཏེ་ཚུལ་ཁྲིམས་འཆལ་བ་དེ་འདི་སྙམ་དུ་དེ་ལྟར་ཡིན་ནོ་སྙམ་མོད་ཀྱི། འོན་ཀྱང་འདི་སྐད་ཅེས་ཁོ་བོ་བདག་ཉིད་མི་གཏོང་ངོ ། །ཁོ་བོ་བདག་ཉིད་མི་གསོད་དོ། །ཁོ་བོ་བདག་ཉིད་སྲོག་དང་བྲལ་བར་བྱེད་དུ་མི་འཇུད་དོ་ཞེས་ཟེར་ཞིང་གལ་ཏེ་དེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུད་ན། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་དེ་དེ་སྐད་སྨྲས་ནས་འགྱོད་པར་གྱུར་ཅིང་དེ་ཚུལ་ཁྲིམས་འཆལ་བ་དེའི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཤེས་པར་གྱིས་ཤིག་།འདི་ལྟ་སྟེ་བྱིས་པ་བླུན་པ། མི་གསལ་བ། མི་མཁས་པ་དག་གིས་ཏེ་བོར་གྱ་ཚོམ་དང ། བྱུང་རྒྱལ་གྱིས་སོ་སོར་མ་བརྟགས་པར་ཚིག་སྨྲས་ཏེ། འདི་ལྟར་ཚེ་དང་ལྡན་པས་དགེ་བའི་བཤེས་གཉེན་འགའ་ཞིག་མགུ་བར་བྱས་ན། དེས་ལུས་ཀྱི་ཀུན་དུ་སྤྱོད་པ་ཡོངས་སུ་མ་དག་པ་
Ca192a
༄#། །ཉིད་འདི་ལས་བསླང་སྟེ། ལུས་ཀྱི་ཀུན་དུ་སྤྱོད་པ་ཡོངས་སུ་དག་པ་ཉིད་ལ་འཇོག་པ་དང་ངག་དང་ཡིད་ཀྱི་ཀུན་དུ་སྤྱོད་པ་ཡོངས་སུ་མ་དག་པ་ཉིད་འདི་ལས་བསླང་སྟེ། ངག་དང་ཡིད་ཀྱི་ཀུན་དུ་སྤྱོད་པ་ཡོངས་སུ་དག་པ་ཉིད་ལ་འཇོག་པར་གྱུར་ན། དེ་ལྟར་ན་ཚེ་དང་ལྡན་པ་ལུས་ཀྱི་ཀུན་དུ་སྤྱོད་པ་ཡོངས་སུ་དག་པ་དང་ངག་དང་ཡིད་ཀྱི་ཀུན་དུ་སྤྱོད་པ་ཡོངས་སུ་དག་པ་ཡིན་པས་ལུས་ཞིག་ན་ཡང་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་སྨྲས་པ་ན། གལ་ཏེ་ཚུལ་ཁྲིམས་འཆལ་བ་དེ་དགེ་སློང་དེ་ལ་འདི་སྐད་ཅེས་ཚེ་དང་ལྡན་པ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ། དགེ་སློང་དེས་འདི་སྐད་ཅེས། ཚེ་དང་ལྡན་པ་ཁྱོད་བདག་ཉིད་མ་གཏོང་ཞིག། བདག་ཉིད་མ་གསོད་ཅིག་།བདག་ཉིད་སྲོག་དང་བྲལ་བར་བྱེད་དུ་མ་འཇུག་ཅིག་ཅེས་སྨྲས་ནས། གལ་ཏེ་ཚུལ་ཁྲིམས་འཆལ་བ་དེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུག་ཀྱང་དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་ཚུལ་ཁྲིམས་འཆལ་བ་དེ་འདི་སྙམ་དུ་དེ་ལྟ་ཡིན་ནོ་སྙམ་མོད་ཀྱི་འོན་ཀྱང་འདི་སྐད་ཅེས་ཁོ་བོ་བདག་ཉིད་གཏོང་ངོ ། །ཁོ་བོ་བདག་ཉིད་གསོད་དོ།། ཁོ་བོ་བདག་ཉིད་སྲོག་དང་བྲལ་བར་བྱེད་དུ་འཇུད་དོ་ཞེས་ཟེར་ཞིང ། གལ་ཏེ་དེ་བདག་ཉིད་གཏོང་བར་བྱེད། བདག་ཉིད་གསོད་པར་བྱེད། བདག་ཉིད་སྲོག་དང་བྲལ་བར་བྱེད་དུ་འཇུད་ན། དགེ་སློང་དེ་
Ca192b
ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་ཏེ། རེ་ཞིག་ཚུལ་ཁྲིམས་འཆལ་བ་ལ་ནི་དེ་ལྟར་རོ། །ཚུལ་ཁྲིམས་དང་ལྡན་པ་ལ་ཇི་ལྟར་ཞེ་ན། འདི་ལྟར་དགེ་སློང་ཚུལ་ཁྲིམས་དང་ལྡན་པ་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སློང་གི་འཚོ་བའི་ཡོ་བྱད་གང་ཡང་རུང་བ་ཅུང་ཞིག་རག་ལུས་པ་ན། དེ་འདི་སྙམ་དུ་སེམས་ཏེ་ཇི་སྲིད་དུ་ཚེ་དང་ལྡན་པ་འདི་གསོན་པ་དེ་སྲིད་དུ་བདག་གིས་ཐོབ་པར་མི་འགྱུར་གྱིས། བདག་དེའི་དྲུང་དུ་སོང་ལ་འཆིར་གཞུག་གོ་སྙམ་ནས་དེ་དེའི་དྲུང་དུ་སོང་སྟེ། འདི་སྐད་ཅེས་ཚེ་དང་ལྡན་པ་ནི་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ལྷུག་པར་གཏོང་བ། ལག་རྐྱོང་བ། རྣམ་པར་གཏོང་བ་ལ་དགའ་བ། མཆོད་སྦྱིན་རྒྱུན་དུ་བྱེད་པ། གཏོང་བ་ཕུན་སུམ་ཚོགས་པ། སྦྱིན་པ་ལ་འགེད་པར་དགའ་བ་ཡིན་པས། ཚེ་དང་ལྡན་པ་ཡུལ་གཞན་དུ་སོང་ན་ལོ་ལེགས་ཤིང་མཐོ་རིས་ནི་དར་གྱིས་ཆོད་པ་ཙམ། ཐར་པ་ནི་ཡོལ་བས་བསྒྲིབས་པ་ཙམ་སྟེ། ལུས་ཞིག་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་སྨྲས་པ་ན། ཚུལ་ཁྲིམས་དང་ལྡན་པ་དེ་དགེ་སློང་དེ་ལ་འདི་སྐད་ཅེས། ཚེ་དང་ལྡན་པ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ་ཚེ་དང་ལྡན་པ་ཚུར་ཤོག་།ཁྱོད་ཀྱིས་བདག་ཉིད་ཐོང་ཞིག་།བདག་ཉིད་སོག་ཅིག་།བདག་ཉིད་སྲོག་དང་བྲལ་བར་བྱེད་དུ་ཆུག་ཅིག་ཅེས་སྨྲས་ནས། གལ་ཏེ་ཚུལ་ཁྲིམས་དང་ལྡན་པ་དེ་བདག་ཉིད་གཏོང་བར་བྱེད་དམ། བདག་ཉིད་གསོད་པར་བྱེད་དམ། བདག་ཉིད་སྲོག་དང་བྲལ་བར་བྱེད་དུ་འཇུད་ན། དགེ་སློང་
Ca193a
༄#། །དེ་ཕམ་པར་འགྱུར་རོ། །གལ་ཏེ་ཚུལ་ཁྲིམས་དང་ལྡན་པ་དེ་འདི་སྙམ་དུ་དེ་ལྟ་ཡིན་ནོ་སྙམ་མོད་ཀྱི། འོན་ཀྱང་འདི་སྐད་ཅེས་ཁོ་བོ་བདག་ཉིད་མི་གཏོང་ངོ ། །ཁོ་བོ་བདག་ཉིད་མི་གསོད་དོ། །ཁོ་བོ་བདག་ཉིད་སྲོག་དང་བྲལ་བར་བྱེད་དུ་མི་འཇུད་དོ་ཞེས་ཟེར་ཞིང ། གལ་ཏེ་དེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུད་ན། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་དེ་དེ་སྐད་སྨྲས་ནས་འགྱོད་པར་གྱུར་ཅིང་དེ་ཚུལ་ཁྲིམས་དང་ལྡན་པ་དེའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཤེས་པར་གྱིས་ཤིག་།འདི་ལྟ་སྟེ་བྱིས་པ་བླུན་པ་མི་གསལ་བ་མི་མཁས་པ་དག་གིས་ཏེ་པོར་གྱ་ཚོམ་དང ། བྱུང་རྒྱལ་གྱིས་སོ་སོར་མ་བརྟགས་པར་ཚིག་སྨྲས་ཏེ།་འདི་ལྟར་ཚེ་དང་ལྡན་པ་ནི་ཚུལ་ཁྲིམས་དང་ལྡན་པ། དགེ་བའི་ཆོས་ཅན། ལྷུག་པར་གཏོང་བ། ལག་རྐྱོང་བ། རྣམ་པར་གཏོང་བ་ལ་དགའ་བ། མཆོད་སྦྱིན་རྒྱུན་དུ་བྱེད་པ། གཏོང་བ་ཕུན་སུམ་ཚོགས་པ། སྦྱིན་པ་ལ་འགེད་པར་དགའ་བ་ཡིན་པས། ཚེ་དང་ལྡན་པ་ཇི་སྲིད་དུ་ཡུན་རིང་དུ་འཚོ་བར་འགྱུར་བ་དེ་སྲིད་དུ་བསོད་ནམས་མང་དུ་འཕེལ་བར་འགྱུར་ཞིང་བསོད་ནམས་མང་དུ་འཕེལ་ན་ཡུན་རིང་དུ་མཐོ་རིས་དག་ཏུ་དགའ་བར་འགྱུར་རོ་ཞེས་སྨྲས་པ་ན། གལ་ཏེ་ཚུལ་ཁྲིམས་དང་ལྡན་པ་དེ་དགེ་སློང་དེ་ལ་འདི་སྐད་ཅེས། ཚེ་དང་ལྡན་པ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ། དགེ་སློང་
Ca193b
དེས་འདི་སྐད་ཅེས། ཚེ་དང་ལྡན་པ་ཁྱོད་བདག་ཉིད་མ་གཏོང་ཞིག་།བདག་ཉིད་མ་གསོད་ཅིག་།བདག་ཉིད་སྲོག་དང་བྲལ་བར་བྱེད་དུ་མ་འཇུག་ཅིག་ཅེས་སྨྲས་ནས། གལ་ཏེ་ཚུལ་ཁྲིམས་དང་ལྡན་པ་དེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུད་ཀྱང ། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་ཚུལ་ཁྲིམས་དང་ལྡན་པ་དེ་འདི་སྙམ་དུ་དེ་ལྟ་ཡིན་ནོ་སྙམ་མོད་ཀྱི། འོན་ཀྱང་འདི་སྐད་ཅེས་ཁོ་བོ་བདག་ཉིད་གཏོང་ངོ ། །ཁོ་བོ་བདག་ཉིད་གསོད་དོ། །ཁོ་བོ་བདག་ཉིད་སྲོག་དང་བྲལ་བར་བྱེད་དུ་འཇུད་དོ་ཞེས་ཟེར་ཞིང་གལ་ཏེ་བདག་ཉིད་གཏོང་བར་བྱེད། བདག་ཉིད་གསོད་པར་བྱེད། བདག་ཉིད་སྲོག་དང་བྲལ་བར་བྱེད་དུ་འཇུད་ན། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་ཏེ། ཚུལ་ཁྲིམས་དང་ལྡན་པ་ལ་ནི་དེ་ལྟར་རོ།། ནད་པ་ལ་ཇི་ལྟར་ཞེ་ན། འདི་ལྟར་དགེ་སློང་ནད་པ་ལ་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་ཅུང་ཞིག་རག་ལུས་པ་ན། དེ་འདི་སྙམ་དུ་སེམས་ཏེ། ཚེ་དང་ལྡན་པ་ནི་ན་བ་སྡུག་བསྔལ་བ་ནད་ཚབས་ཆེ་བ་འདི་སྲིད་དུ་གསོན་པ་དེ་སྲིད་དུ་བདག་ལ་མི་སྟེར་གྱིས། བདག་དེའི་དྲུང་དུ་སོང་ལ་འཆིར་གཞུག་གོ་སྙམ་ནས། དེ་དེའི་དྲུང་དུ་སོང་སྟེ་འདི་སྐད་ཅེས་ཚེ་དང་ལྡན་པ་ནི་ན་བ་སྡུག་བསྔལ་བ་ནད་ཚབས་ཆེ་བ་ཡིན་པས་ཚེ་དང་ལྡན་པ་ཇི་སྲིད་དུ་ཡུན་རིང་དུ་འཚོ་བ་དེ་སྲིད་དུ་ཚོར་བ་སྡུག་བསྔལ་བ། མི་བཟད་པ། རྩུབ་པ། ཚ་བ་ཡིད་དུ་མི་འོང་བ་དག་
Ca194a
༄#། །ཉམས་སུ་མྱོང་བར་འགྱུར་རོ་ཞེས་སྨྲས་པ་ན། ནད་པ་དེ་དགེ་སློང་དེ་ལ་འདི་སྐད་ཅེས། ཚེ་དང་ལྡན་པ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ། ཚེ་དང་ལྡན་པ་ཚུར་ཤོག་།ཁྱོད་ཀྱིས་བདག་ཉིད་ཐོང་ཞིག་།བདག་ཉིད་སོད་ཅིག་།བདག་ཉིད་སྲོག་དང་བྲལ་བར་བྱེད་དུ་ཆུག་ཅིག་ཅེས་སྨྲས་ནས། གལ་ཏེ་ནད་པ་དེ་བདག་ཉིད་གཏོང་བར་བྱེད་དམ། བདག་ཉིད་གསོད་པར་བྱེད་དམ་བདག་ཉིད་སྲོག་དང་བྲལ་བར་བྱེད་དུ་འཇུག་ན། དགེ་སློང་དེ་ཕམ་པར་འགྱུར་རོ། །གལ་ཏེ་ནད་པ་དེ་འདི་སྙམ་དུ་དེ་ལྟ་ཡིན་ནོ་སྙམ་མོད་ཀྱི། འོན་ཀྱང་འདི་སྐད་ཅེས་ཁོ་བོ་བདག་ཉིད་མི་གཏོང་ངོ ། །ཁོ་བོ་བདག་ཉིད་མི་གསོད་དོ། །ཁོ་བོ་བདག་ཉིད་སྲོག་དང་བྲལ་བར་བྱེད་དུ་མི་འཇུད་དོ་ཞེས་ཟེར་ཞིང ། གལ་ཏེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུད་ན། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་དེ་དེ་སྐད་སྨྲས་ནས། འགྱོད་པར་གྱུར་ཅིང་དེ་ནད་པ་དེའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཤེས་པར་གྱིས་ཤིག་།འདི་ལྟ་སྟེ། བྱིས་པ་བླུན་པ་མི་གསལ་བ། མི་མཁས་པ་བདག་གིས་ཏེ་བོར་གྱ་ཚོམ་དང ། བྱུང་རྒྱལ་གྱིས་སོ་སོར་མ་བརྟགས་པར་ཚིག་སྨྲས་ཏེ། འདི་ལྟར་ཚེ་དང་ལྡན་པ་དགེ་བའི་བཤེས་གཉེན་འགའ་ཞིག་མགུ་བར་བྱས་ན། དེས་ཁྱོད་ལ་སྨན་མཐུན་པ་དང ། འཕྲོད་པ་དག་དང ། ཟས་སོ་སོར་བསྟེན་པར་བྱ་བ་དག་དང ། ནད་གཡོག་ཚུལ་དང་མཐུན་པ་དག་གིས་བསྙེན་བཀུར་
Ca194b
བྱེད་པར་འགྱུར་ཏེ། དེ་ལྟར་ན་ཚེ་དང་ལྡན་པ་ཡུན་མི་རིང་བ་ཁོ་ནར་བདེ་བ་དང ། ནད་མེད་པ་དང ། སྟོབས་དང་ལྡན་པ་དང ། གང་དུ་དགའ་བར་འགྲོ་བར་འགྱུར་རོ་ཞེས་སྨྲས་པ་ན། གལ་ཏེ་ནད་པ་དེ་དགེ་སློང་དེ་ལ་འདི་སྐད་ཅེས། ཚེ་དང་ལྡན་པ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ། དགེ་སློང་དེས་འདི་སྐད་ཅེས། ཚེ་དང་ལྡན་པ་ཁྱོད་བདག་ཉིད་མ་གཏོང་ཞིག་།བདག་ཉིད་མ་གསོད་ཅིག་།བདག་ཉིད་སྲོག་དང་བྲལ་བར་བྱེད་དུ་མ་འཇུད་ཅིག་ཅེས་སྨྲས་ནས། གལ་ཏེ་ནད་པ་དེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བར་བྱེད་དུ་མི་འཇུད་ཀྱང ། དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་ནད་པ་དེ་འདི་སྙམ་དུ་དེ་ལྟ་ཡིན་ནོ་སྙམ་མོད་ཀྱི། འོན་ཀྱང་འདི་སྐད་ཅེས་ཁོ་བོ་བདག་ཉིད་གཏོང་ངོ ། །ཁོ་བོ་བདག་ཉིད་གསོད་དོ། །ཁོ་བོ་བདག་ཉིད་སྲོག་དང་བྲལ་བར་བྱེད་དུ་འཇུད་དོ་ཞེས་ཟེར་ཞིང ། གལ་ཏེ་བདག་ཉིད་གཏོང་བར་བྱེད། བདག་ཉིད་གསོད་པར་བྱེད། བདག་ཉིད་སྲོག་དང་བྲལ་བར་བྱེད་དུ་འཇུད་ན་དགེ་སློང་དེ་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་ཏེ། ནད་པ་ལ་ནི་དེ་ལྟར་རོ། །དེས་ན་འཆིར་བཅུག་གམ་ཞེས་གསུངས་སོ། །དེ་ལ་འཆི་བའི་བསྔགས་པ་བརྗོད་ཀྱང་རུང་སྟེ་ཞེས་བྱ་བ་ནི། འཆི་བར་མངོན་པར་དགའ་བའི་མདུན་དུ་འཆི་བའི་བསྔགས་པ་བརྗོད་པའོ། །དེ་ལ་འདི་སྐད་ཅེས། ཀྱེ་མི་ཁྱོད་ཅེས་བྱ་བ་ནི། བོད་པའི་ཚིག་བླ་དྭགས་ཡིན་ནོ། །འཚོ་བ་སྡིག་པ་མི་གཙང་བ་ངན་པ་འདིས་ཅི་ཞིག་བྱ། ཀྱེ་མི་ཁྱོད་གསོན་པ་བས་
Ca195a
༄#། །ཤི་བླའོ་ཞེས་བྱ་བ་དེ་དག་ནི་སྨད་པའི་ཚིག་ཡིན་ནོ་ཟེར་ཞིང་ཞེས་བྱ་བ་ནི་བརྗོད་པར་བྱེད་ཅིང་ངོ ། །སེམས་ཀྱི་འདོད་པ་དང ། སེམས་ཀྱི་ཀུན་ཏུ་རྟོག་པ་དག་གིས་ཞེས་བྱ་བ་ནི། སེམས་ཀྱི་མངོན་པར་འདོད་པ་དང ། སེམས་ཀྱི་རྣམ་པར་རྟོག་པ་དག་གིས་སོ། །རྣམ་གྲངས་དུ་མས་ཞེས་བྱ་བ་ནི། རྣམ་པ་མང་པོས་སོ། །དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་དེ་ཞེས་སྨོས་པ་ནི། འཆི་བར་མངོན་པར་དགའ་བའི་མདུན་དུ་རྣམ་གྲངས་དུ་མས་འཆི་བའི་བསྔགས་པ་བརྗོད་པ་བཟློག་པའི་ཕྱིར་རོ། །དེ་ཡང་རྩོམ་པ་དེས་དུས་བྱས་ན་ཞེས་བྱ་བ་ནི། དེ་ཉིད་ཀྱིས་ཡིན་གྱི་གཞན་གྱིས་མ་ཡིན་ནའོ། །དགེ་སློང་ཞེས་བྱ་བ་ནི། གང་ལ་དགེ་སློང་གི་དངོས་པོ་ཡོད་པ་གང་ཡིན་པའོ། །དགེ་སློང་གི་དངོས་པོ་གང་ཞེ་ན། བསྙེན་པར་རྫོགས་པ་གང་ཡིན་པའོ། །བསྙེན་པར་རྫོགས་པ་གང་ཞེ་ན། གསོལ་བ་དང་བཞིའི་ལས་ཀྱི་བྱ་བ་བྱེད་པ་ཉིད་དང་རྟོག་པ་ཉིད་དང ། ཡང་དག་པར་རྟོག་པ་ཉིད་དང ། མཐར་ཕྱིན་པར་བྱད་པ་ཉིད་དང ། ཡང་དག་པར་མཐར་ཕྱིན་པར་བྱེད་པ་ཉིད་གང་ཡིན་པ་དང ། གང་ཟག་དེ་ཁས་ལེན་པ་དང ། མངོན་པར་ཁས་ལེན་པ་དང ། ཕྱིར་མི་ལྡོག་པ་དང ། ངག་དང་ཚིག་དང་ཐ་སྙད་དང་སྐད་དང ། རྗོད་པ་དང ། ངེས་པའི་ཚིག་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་རྣམ་པར་རིག་བྱེད་གང་ཡིན་པའོ། །དེ་ཞེས་བྱ་བ་ནི་ཉེ་བར་བསྟན་པ་དང ། ཀུན་ཏུ་བསྟན་པའི་ཚིག་བླ་དྭགས་དེའོ། །ཕམ་པར་གྱུར་པ་ཡིན་གྱིས་ཞེས་བྱ་བ་
Ca195b
ནི།་དེ་མཐར་གྱུར་པ་དང ། ལྟུང་བ་དང ། དམན་པ་དང ། མཇུག་ན་འདུག་པ་དང ། ཐ་ཆད་དང ། ཡིད་དང་མི་མཐུན་པ་ཡིན་པའོ། །ཡང་གང་གིས་ལྟུང་བ་དེ་བྱས་ན་བྱས་མ་ཐག་ཏུ་དགེ་སློང་དུ་མི་རུང་བར་འགྱུར། །དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་ཉམས་པར་འགྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང་ཉམས་པ་བཅོམ་པ་ལྟུང་བ་ཕམ་པར་གྱུར་པ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན། ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ། འཕེལ་ཞིང་རྒྱས་པ་དང ། ཡངས་པར་འགྱུར་དུ་མི་རུང་བ་དེ་བཞིན་དུ་དགེ་སློང་གིས་གནས་དེ་ལྟ་བུ་བྱས་ན་བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སྦྱོང་གི་དངོས་པོ་ལས་ཉམས་པར་འགྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང ། ཉམས་པ་བཅོམ་པ། ལྟུང་བ་ཕམ་པར་གྱུར་པ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་བས། དེས་ན་ཕམ་པར་གྱུར་པ་ཡིན་གྱིས་ཞེས་གསུངས་སོ། །གནས་པར་མི་བྱའོ་ཞེས་བྱ་བ་ནི། དགེ་སློང་རྣམས་ཀྱིས་དེ་དང ། གསོ་སྦྱོང་དང ། དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་ལ་གནས་པར་མི་བྱའོ། །གང་ཟག་བཅུ་གཉིས་པོ་དག་ཏུ་བསྐོ་བར་མི་བྱ་བ་སྟེ། དེས་ན་གནས་པར་མི་བྱའོ་ཞེས་གསུངས་སོ།། །།འདུལ་བ་རྣམ་པར་འབྱེད་པ། བམ་པོ་བཅུ་པ། དེ་ལ་ལྟུང་
Ca196a
༄#། །བ་ཇི་ལྟར་འགྱུར་ཞེ་ན། སྡོམ་ལ། བདག་ཉིད་ཀྱིས་ནི་ཟིན་པ་དང ། །ཕྱི་རོལ་ཏུ་ནི་འཕངས་པ་དང ། །གཉི་ག་དང་ནི་ལྡན་པ་ཡི། །སྡེ་ཚན་ཡང་དག་བསྡུས་པ་ཡིན། ། ཇི་ལྟར་བདག་ཉིད་ཀྱིས་ཟིན་པས་ཤེ་ན། དགེ་སློང་གིས་སྐྱེས་པ་དང ། བུད་མེད་དང ། མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་རུ་དུས་བྱེད་པར་གྱུར་ཅིག་སྙམ་པས་སོར་མོ་གཅིག་གིས་སྣུན་པར་བྱེད་ཅིང་དེ་ཡང་རྩོམ་པ་དེས་དུས་བྱེད་ན། དགེ་སློང་དེ་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང ། དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ། དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །སོར་མོ་གཅིག་གིས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སོར་མོ་གཉིས་ཀྱིས་སམ། གསུམ་གྱིས་སམ། བཞིས་སམ། ལྔས་སམ། ཁུ་ཚུར་གྱིས་སམ། གྲུ་མོས་སམ། ཕྲག་པས་སམ། མགོ་བོས་སམ། གློས་སམ། རྐེད་པས་སམ། བརླས་སམ། པུས་མོས་སམ། རྗེ་ངར་གྱིས་སམ། ལོང་བུས་སམ། རྐང་མཐིལ་གྱིས་སམ། ཐ་ན་རྐང་པའི་མཐེ་བོང་སྣུན་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ལ། དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་ཏེ། དེ་ལྟར་བདག་ཉིད་ཀྱིས་ཟིན་པས་སོ། །
Ca196b
ཇི་ལྟར་ཕྱིར་རོལ་དུ་འཕངས་པས་ཤེ་ན། དགེ་སློང་གིས་སྐྱེས་པ་དང ། བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་མདས་སྣུན་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །མདས་ཇི་ལྟ་བ་དེ་བཞིན་དུ་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་ལྕགས་མདས་སམ། མདའ་ཕྱེད་ལྕགས་ལས་བྱས་པས་སམ། ཏེའུ་ཀ་མས་སམ། མདེའུ་བེའུ་སོ་ལྟ་བུས་སམ། མདེའུ་ཟུར་བཞི་མས་སམ། མདེའུ་ཀ་ར་བི་རའི་ལོ་མ་ལྟ་བུས་སམ། མདེའུ་བྱིའུ་སྙིང་མས་སམ། འཁོར་ལོས་སམ། རྡོ་རྗེ་རྩེ་གཅིག་པས་སམ། མདའ་བོ་ཆེས་སམ། མཚོན་རྩེ་གཅིག་པས་སམ། ཐ་ན་རྒྱ་ཤུག་གི་འབྲས་བུས་སྣུན་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་བོར་འགྱུར་ཏེ། དེ་ལྟར་ཕྱི་རོལ་དུ་འཕངས་པས་སོ། །ཇི་ལྟར་གཉི་ག་དང་ལྡན་པས་ཤེ་ན། དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་རལ་གྲིས་སྣུན་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་
Ca197a
༄#། །དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །རལ་གྲིས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་དུས་བྱེད་པར་གྱུར་ཅིག་སྙམ་པས། ཤང་ལང་གིས་སམ། རལ་གྲི་སོ་གཅིག་པས་སམ། རལ་གྲི་སོ་གཉིས་པས་སམ། མདུང་གིས་སམ། མདུང་ཐུང་གིས་སམ། འཕང་མདུང་གིས་སམ། ཀྱོ་བ་ཁ་བྲག་གིས་སམ། ཚ་ལྕགས་ཀྱིས་སམ། ཐ་ན་རྩཝ་མདས་སྣུན་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་ཏེ། དེ་ལྟར་གཉི་ག་དང་ལྡན་པས་སོ། །སྡོམ་ལ། དུག་དང་ཕྱེ་མའི་སྦྱོར་བ་དང ། ས་དང་ཤིང་ལ་འཆིང་བ་དང ། ། མྱོས་པར་བྱེད་དང་བྲང་འདེབས་དང ། འཁྲུལ་འཁོར་དང་ནི་རྔོན་སྤྱད་དོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས། འདི་ལྟ་སྟེ་བཅའ་བར་རམ། བཟའ་བར་རམ། བལྡག་པར་རམ། བཞིབ་པར་རམ། བཏུང་བར་དུག་གི་སྦྱོར་བ་བྱེད་ཅིང་དེ་ཡང་རྩོམ་པ་དེས་དུས་བྱེད་ན། དགེ་སློང་ཕམ་པར་
Ca197b
འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་རྩོམ་པ་འདིས་འདི་དུས་བྱེད་པར་འགྱུར་ཅིག་སྙམ་པས། འདི་ལྟ་སྟེ་དྲིལ་ཕྱིར་རམ། ཁྲུས་སུའམ། མཉེ་བར་རམ། ཕྲེང་བ་དང ། དྲི་དང ། བྱུག་པར་རམ། བདུག་སྤོས་སུ་དུག་གི་ཕྱེ་མའི་སྦྱོར་བ་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང ། དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །འཆིང་བ་ནི་གཉིས་ཏེ། ས་ལ་འཆིང་བ་དང ། ཤིང་ལ་འཆིང་བའོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས། སེང་གེ་དག་གམ། སྟག་དག་གམ། གུང་དག་གམ། མཚའ་དག་གམ། སྤྱང་གི་དག་གིས་ཟོས་པར་གྱུར་པས་སམ། རླུང་དང་ཉི་མ་དག་གིས་ཡོངས་སུ་སྐམ་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་པས་སམ། བཀྲེས་པ་དང་སྐོམ་པའི་ཉམ་ཆུང་བས་དཀྲིས་པས་དུས་བྱེད་པར་གྱུར་ཅིག་སྙམ་པས། སའི་འཆིང་བར་འཇོག་པར་བྱེད་ཅིང་ལོང་བུ་མན་ཆད་འཇུད་པར་བྱེད་ལ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །
Ca198a
༄#། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །ལོང་བུ་མན་ཆད་ཇི་ལྟ་བ་དེ་བཞིན་དུ། འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སམ། སེང་གེ་དག་གམ། སྟག་དག་གམ། གུང་དག་གམ། མཚའ་དག་གམ། སྤྱང་གི་དག་གིས་ཟོས་པར་གྱུར་པས་སམ། རླུང་དང་ཉི་མ་དག་གིས་ཡོངས་སུ་སྐམ་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་པས་སམ། བཀྲེས་པ་དང ། སྐོམ་པའི་ཉམ་ཆུང་བས་དཀྲིས་པས་དུས་བྱེད་པར་གྱུར་ཅིག་སྙམ་པས་བྱིན་པ་མན་ཆད་དམ། བརླ་མན་ཆད་དམ། རྐང་པ་མན་ཆད་དམ། བྲང་མན་ཆད་དམ། མགྲིན་པ་མན་ཆད་འཇུག་པར་བྱེད་ལ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས། འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སམ། སེང་གེ་དག་གམ། སྟག་དག་གམ། གུང་དག་གམ། མཚའ་དག་གམ། སྤྱང་གི་དག་གིས་ཟོས་པར་གྱུར་པས་སམ། རླུང་དང་ཉི་མ་དག་གིས་ཡོངས་སུ་སྐམ་པ་དང །
Ca198b
ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་པས་སམ། བཀྲེས་པ་དང་སྐོམ་པས་ཉམ་ཆུང་བའི་དཀྲིས་པས་དུས་བྱེད་པར་གྱུར་ཅིག་སྙམ་པས་ཤིང་ལ་འཆིང་བར་བྱེད། འཇོག་པར་བྱེད་ཅིང ། ཀ་བའམ་ཕུར་བ་བརྟན་པོ་ལ་འབྲེད་རློན་གྱིས་ལོང་བུ་མན་ཆད་འཆིང་བར་བྱེད་ལ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །ལོང་བུ་མན་ཆད་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སམ། སེང་གེ་དག་གམ། སྟག་དག་གམ། གུང་དག་གམ། མཚའ་དག་གམ། སྤྱང་ཀི་དག་གིས་ཟོས་པར་གྱུར་པས་སམ། རླུང་དང་ཉི་མ་དག་གིས་ཡོངས་སུ་སྐམ་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་པས་སམ། བཀྲེས་པ་དང་སྐོམ་པའི་ཉམ་ཆུང་བས་དཀྲིས་པས་དུས་བྱེད་པར་གྱུར་ཅིག་སྙམ་པས་བྱིན་པ་མན་ཆད་དམ། བརླ་མན་ཆད་དམ། རྐེད་པ་མན་ཆད་དམ། བྲང་མན་ཆད་དམ། མགྲིན་པ་མན་ཆད་འཆིང་བར་བྱེད་ལ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་
Ca199a
༄#། །གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སམ། སེང་གེ་དག་གམ། སྟག་དག་གམ། གུང་དག་གམ། མཚའ་དག་གམ། སྤྱང་ཀི་དག་གིས་ཟོས་པར་གྱུར་པས་སམ། རླུང་དང་ཉི་མ་དག་གིས་ཡོངས་སུ་སྐམ་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་པས་སམ། བཀྲེས་པ་དང་སྐོམ་པའི་ཉམ་ཆུང་བས་དཀྲིས་པས་དུས་བྱེད་པར་གྱུར་ཅིག་སྙམ་པས་ཆང་གིས་མྱོས་པར་བྱེད་དུ་འཇུད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །ཆང་གིས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སམ། རྒྱལ་པོའམ། བློན་པོའམ། ཆོམ་རྐུན་པ་དག་གིས་སམ། གཡོན་ཅན་དག་གིས་སམ། ཐོང་མི་པ་དག་གིས་སམ། དགྲ་བོ་དག་གིས་སམ། ཕས་ཀྱི་དགྲ་དག་གིས་དུས་བྱེད་པར་གྱུར་ཅིག་སྙམ་པས་བཅོས་པའི་ཆང་གིས་སམ། འབྲུའི་ཆང་གིས་སམ། བཅོས་པའི་ཆང་གིས་སམ། རྩ་བའི་བཏུང་བས་སམ། སྡོང་བུའི་བཏུང་བས་སམ། འདབ་མའི་བཏུང་བས་སམ། མེ་ཏོག་གི་བཏུང་བས་སམ། འབྲས་བུའི་བཏུང་བས་མྱོས་པར་བྱེད་དུ་འཇུད་དམ། གསང་སྔགས་དག་གམ། སྨན་དག་གམ། རིག་སྔགས་དག་གིས་སེམས་འཁྲུགས་
Ca199b
པར་བྱེད་དམ། གཉིད་ལོག་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས། འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས། བྲང་དུ་འདེབས་པ་སྦྱོར་བར་བྱེད་ཅིང ། སྐྱེས་པའམ། བུད་མེད་དམ། མ་ནིང་ཆེ་གེ་མོ་ཞིག་འོང་བར་འགྱུར་བ་དེའི་ལག་པའམ། རྐང་པའམ། གདོང་ངམ། ཡན་ལག་དང་ཉིང་ལག་གང་ཡང་རུང་བ་གཅོད་པར་གྱུར་ཅིག་སྙམ་པའམ། ཐམས་ཅད་ཀྱི་ཐམས་ཅད་དུ་སྲོག་དང་བྲལ་བར་བྱེད་པར་གྱུར་ཅིག་སྙམ་པས་དེ་ལ་ཡང་རལ་གྲིའམ། སྤུ་གྲིའམ། ཆུ་གྲི་འདོགས་པར་བྱེད་ཅིང ། གལ་ཏེ་དེས་དེའི་ལག་པའམ། རྐང་པའམ། གདོང་ངམ། ཡན་ལག་དང་ཉིང་ལག་གང་ཡང་རུང་བ་གཅོད་པར་བྱེད་དམ། ཐམས་ཅད་ཀྱི་ཐམས་ཅད་དུ་སྲོག་དང་བྲལ་བར་བྱེད་ཅིང་དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །འཁྲུལ་འཁོར་དང་རྔོན་སྤྱད་ལ་ཡང་དེ་བཞིན་དུ་བརྗོད་པར་བྱའོ། །སྡོམ་ལ། རོ་ལངས་དང་ནི་རོ་ལངས་ཕྱེད། །དཀུ་མཉེད་པ་དང་སྲོག་འགོག་
Ca200a
༄#། །དང ། གཡངས་ཆུ་དང་མེ་དང་ནི། །མངགས་པ་དང་ནི་གྲང་དྲོའོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་ཟླ་བ་མར་གྱི་ངོའི་ཚེས་བཅུ་བཞི་ལ་དུར་ཁྲོད་དུ་སོང་སྟེ། ཤི་བའི་རོ་ཐ་ན་སྲོག་ཆགས་གྲོག་བུར་ཕྲ་མོས་ཀྱང་མ་སྨས་མ་ཉམས་པ་ཚོལ་བར་བྱེད་ཅིང་རྙེད་ནས་ས་དཀར་གྱིས་དྲིལ་ཕྱི་བྱེད་ཅིང ། ས་དཀར་གྱིས་དྲིལ་ཕྱི་བྱས་ནས་སྤོས་ཆུས་འཁྲུ་བར་བྱེད་ལ། སྤོས་ཆུས་བཀྲུས་ནས་རས་སར་པ་སྐོན་པར་བྱེད་ཅིང ། དེའི་རྐང་པ་གཉིས་ཀྱང་སྐུད་པར་བྱེད། གསང་སྔགས་ཀྱང་རྗོད་པར་བྱེད་པ་ན། དེ་ལངས་པར་གྱུར་ཏེ་བྱ་སྨྱངས་\་RཾYཱཎG?\བྱེད་པའི་ཚེ།་དེས་དེ་འཁོར་ལོ་གཉིས་དང་ལྡན་པའི་ཤིང་རྟ་ལ་འཇོག་པར་བྱེད་ཅིང ། དེའི་མགུལ་དུ་དྲིལ་བུ་གཉིས་ཀྱང་འདོགས་པར་བྱེད། ལག་པར་རལ་གྲི་སོ་གཉིས་པ་ཡང་སྦྱིན་པར་བྱེད་པ་ན། དེ་ལངས་ཏེ་བླག་བླག་ཟེར་ཞིང་འདི་སྐད་ཅེས་ངས་གང་བཏང་བར་བྱ། ངས་གང་གསད་པར་བྱ། ངས་གང་སྲོག་དང་བྲལ་བར་བྱ་ཞེས་ཟེར་བའི་ཚེ། དགེ་སློང་དེས་རོ་ལངས་ད་ལ་འདི་སྐད་ཅེས་ཁྱོད་ཀྱིས་སྐྱེས་པ་དང་བུད་མེད་དང་མ་ནིང་ཆེ་གེ་མོ་ཞིག་ཤེས་སམ། ཞེས་སྨྲས་པ་ན། ཤེས་སོ་ཞེས་ཟེར་བའི་ཚེ། དེ་ཐོང་ཞིག་།དེ་སོད་ཅིག་།དེ་སྲོག་དང་བྲལ་བར་གྱིས་ཤིག་ཅེས་སྨྲས་ནས། གལ་ཏེ་རོ་ལངས་དེས་དེ་གཏོང་བར་བྱེད་དམ། གསོད་པར་བྱེད་དམ། སྲོག་དང་བྲལ་བར་བྱེད་ན། དགེ་སློང་ཕམ་པར་འགྱུར་རོ། །གལ་ཏེ་དེ་ན་སྲུང་བར་བྱེད་པ་འདི་ལྟ་བུ་འདི་ལྟ་སྟེ་སྒོར་ནགས་ཀྱི་ཕྲེང་བ་བཏགས་པའམ། བུམ་པ་གང་
Ca200b
བ་བཞག་པའམ། བ་དང་བེའུ་འདྲ་བ་བཏགས་པའམ། ལུག་བཏགས་པའམ། མཆིག་མཆིག་གུ་དང་བཅས་པ་བཞག་པའམ། སྒོར་འཁོར་གཏན་བསྙལ་བའམ། མེ་ཚུགས་སྦར་བའམ། རྒྱལ་བ་བཞུགས་པའམ། རྒྱལ་བས་བཀའ་སྩལ་པའམ། འཁོར་ལོས་སྒྱུར་བའམ། འཁོར་ལོས་སྒྱུར་བའི་མའི་མངལ་དུ་འཁོར་ལོས་སྒྱུར་བ་ཞུགས་པའམ། བྱང་ཆུབ་སེམས་དཔའ་མ། བྱང་ཆུབ་སེམས་དཔའི་མའི་མངལ་དུ་བྱང་ཆུབ་སེམས་དཔའ་ཞུགས་པ་འདུག་པའམ། སོ་སོར་ཐར་པའི་མདོ་མ་བཏོན་བར་འདོན་པར་བྱེད་པའམ། བཏོན་པ་རྒྱ་ཆེར་དབྱངས་ཀྱིས་ཁ་ཏོན་བྱེད་པའམ། མདོ་སྡེའི་སྡེ་ཚན་བཞི་པོ་གང་རུང་བ་མ་བཏོན་པ་འདོན་པར་བྱེད་པའམ། བཏོན་པ་རྒྱ་ཆེར་དབྱངས་ཀྱིས་ཁ་ཏོན་བྱེད་པའམ། མདོ་ཆེན་པོ་ཆེ་བ་འདི་ལྟ་སྟེ། ཆུང་ངུ་སྟོང་པ་ཉིད་དང ། ཆེན་པོ་སྟོང་པ་ཉིད་དང ། ལྔ་གསུམ་པ་དང ། སྒྱུ་མའི་དྲ་བ་དང ། གཟུགས་ཅན་སྙིང་པོས་བསུ་བ་དང ། རྒྱལ་མཚན་དམ་པ་དང ། ཀུན་ཏུ་རྒྱུ་བ་དང ། ཀུན་ཏུ་མི་རྒྱུ་བ་དང ། མཐུན་པའི་མདོ་དང ། འདུས་པ་ཆེན་པོའི་མདོ་དེ་དག་མ་བཏོན་པ་འདོན་པར་བྱེད་པ་དང ། བཏོན་པ་དག་རྒྱ་ཆེར་དབྱངས་ཀྱིས་ཁ་ཏོན་བྱེད་པ་བཞག་པར་གྱུར་ན། གཏང་ཉེས་པ་ཡིན་པས་རོ་ལངས་ཀྱིས་དགེ་སློང་བདག་ཉིད་གསོད་པར་སེམས་པ་གྱུར་པས། གལ་ཏེ་རོ་ལངས་ཀྱིས་དགེ་སློང་གསོད་པར་བྱེད་ན། དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་དགེ་སློང་གིས་རོ་ལངས་གསོད་པར་བྱེད་ན་དགེ་སློང་ལ་ཉེས་པ་སྦོམ་པོ་གཉིས་སུ་འགྱུར་ཏེ། གཅིག་ནི་རོ་ལངས་བསད་པ་ལས་སོ། །གཉིས་པ་ནི་སྦྱོར་བ་སྔ་མ་དེ་ཉིད་ལས་སོ། །རོ་ལངས་ལ་ཇི་ལྟ་བ་
Ca201a
༄#། །བཞིན་དུ་རོ་ལངས་ཕྱེད་ལ་ཡང་དེ་བཞིན་ཏེ། རོ་ལངས་དང་རོ་ལངས་ཕྱེད་ལ་བྱེ་བྲག་ནི་འདི་ཡོད་དེ། འཁོར་ལོ་གཅིག་དང་ལྡན་པའི་ཤིང་རྟ་ལ་འཇོག་པ་དང ། མགུལ་དུ་དྲིལ་བུ་གཅིག་འདོགས་པ་དང ། ལག་པར་རལ་གྲི་སོ་གཅིག་པ་སྦྱིན་པ་ནི་རོ་ལངས་ཕྱེད་ཅེས་བྱའོ། །ལྟུང་བ་རྣམ་པར་གཞག་པ་ནི་ཐམས་ཅད་སྔ་མ་བཞིན་དུ་བརྗོད་པར་བྱའོ། །དགེ་སློང་གིས་བུད་མེད་གསད་པའི་སེམས་ཀྱིས་བུད་མེད་གསད་པར་བྱའི་མངལ་ན་གནས་པ་ནི་མི་བྱའོ་སྙམ་པས་སྦྲུམ་མའི་དཀུ་མཉེད་པར་བྱེད་ཅིང ། གལ་ཏེ་བུད་མེད་ཤི་བར་གྱུར་ལ་མངལ་ན་གནས་པ་མ་ཤི་ན། དགེ་སློང་ཕམ་པར་འགྱུར་རོ། །གལ་ཏེ་མངལ་ན་གནས་པ་ཤི་བར་གྱུར་ལ། བུད་མེད་མ་ཤི་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གཉི་ག་ཤི་བར་གྱུར་ན་དགེ་སློང་ཕམ་པར་འགྱུར་རོ། །གཉི་ག་ཤི་བར་མ་གྱུར་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་མངལ་ན་གནས་པ་གསད་པའི་སེམས་ཀྱིས་མངལ་ན་གནས་པ་གསད་པར་བྱའི་བུད་མེད་ནི་མི་བྱའོ་སྙམ་པས་བུད་མེད་ཀྱི་དཀུ་མཉེད་པར་བྱེད་ཅིང ། གལ་ཏེ་མངལ་ན་གནས་པ་ཤི་བར་གྱུར་ལ། བུད་མེད་མ་ཤི་ན་དགེ་སློང་ཕམ་པར་འགྱུར་རོ། །གལ་ཏེ་བུད་མེད་ཤི་བར་གྱུར་ལ། མངལ་ན་གནས་པ་མ་ཤི་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གཉི་ག་ཤི་བར་གྱུར་ན་དགེ་སློང་ཕམ་པར་འགྱུར་རོ། །གཉི་ག་ཤི་བར་མ་གྱུར་ན་
Ca201b
དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། དཀྱིལ་འཁོར་ཉུག་པར་བྱེད། མེ་སྦར་བར་བྱེད། ཡམ་སྲེག་ཤིང་འཇུག་པར་བྱེད། གསང་སྔགས་རྗོད་པར་བྱེད་ཅིང ། ཡམ་སྲེག་ཤིང་འདི་དག་ཀྱང་ཚིག་པར་གྱུར་ཅིག་།སྐྱེས་པའམ་བུད་མེད་དམ་མ་ནིང་ཆེ་གོ་མོ་ཞིག་སྲོག་ཀྱང་ཉེ་བར་འགག་པར་གྱུར་ཅིག་སྙམ་པ་ལས། གལ་ཏེ་ཡམ་སྲེག་ཤིང་དེ་དག་ཚིག་པ་ན་སྐྱེས་པའམ་བུད་མེད་དམ་མ་ནིང་དེའི་སྲོག་ཉེ་བར་འགགས་པར་གྱུར་ན། དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་ཡམ་སྲེག་ཤིང་དེ་ཚིག་པར་གྱུར་པ་ན། སྐྱེས་པའམ་བུད་མེད་དམ་མ་ནིང་དེའི་སྲོག་ཀྱང་ཉེ་བར་འགགས་པར་གྱུར་ན། དགེ་སློང་ཕམ་པར་འགྱུར་རོ། །དགེ་སློང་གིས་སྐྱེས་པ་དང ། བུད་མེད་དང་མ་ནིང་ལ་གསད་པའི་སེམས་ཀྱིས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད། ཏིལ་བྲེའུ་ཆུང་གང་ངམ། ཡུངས་ཀར་བྲེའུ་ཆུང་གང་གཏུན་དུ་བླུགས་ཏེ་གཏུན་བུའི་རྩེ་མོས་རྡུང་བར་བྱེད། གསང་སྔགས་རྗོད་པར་བྱེད་ཅིང ། འབྲུ་འདི་དག་ཀྱང་འདྲེས་པར་གྱུར་པ་ན་སྐྱེས་པའམ་བུད་མེད་དམ་མ་ནིང་ཆེ་གེ་མོ་ཞིག་གི་སྲོག་ཀྱང་ཉེ་བར་འགག་པར་གྱུར་ཅིག་སྙམ་པ་ལས་གལ་ཏེ་འབྲུ་དེ་དག་འདྲེ་བ་ན། སྐྱེས་པའམ་བུད་མེད་དམ་མ་ནིང་དེའི་སྲོག་ཉེ་བར་འགགས་པར་མ་གྱུར་ན། དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་འབྲུ་དེ་དག་འདྲེས་པར་གྱུར་པ་ན། སྐྱེས་པའམ་བུད་མེད་དམ་
Ca202a
༄#། །མ་ནིང་དེའི་སྲོག་ཀྱང་ཉེ་བར་འགགས་པར་གྱུར་ན་དགེ་སློང་ཕམ་པར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། འགྲོ་བར་བྱེད་དམ། འོ་མ་བྲེའུ་ཆུང་གང་ངམ། ཞོ་བྲེའུ་ཆུང་གང་སྣོད་དུ་བླུགས་ཏེ་སོར་མོས་འཁྲུག་པར་བྱེད། གསང་སྔགས་རྗོད་པར་བྱེད་ཅིང ། འདི་ཡང་ཁྲག་ཏུ་གྱུར་ཅིག་།སྐྱེས་པ་དང་བུད་མེད་མ་ནིང་ཆེ་གེ་མོ་ཞིག་གི་སྲོག་ཀྱང་ཉེ་བར་འགག་པར་གྱུར་ཅིག་སྙམ་པ་ལས། གལ་ཏེ་དེ་ཁྲག་ཏུ་གྱུར་པ་ན་སྐྱེས་པའམ་བུད་མེད་དམ་མ་ནིང་དེའི་སྲོག་ཉེ་བར་འགགས་པར་མ་གྱུར་ན། དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་ཁྲག་ཏུ་གྱུར་པ་ན། སྐྱེས་པའམ་བུད་མེད་དམ་མ་ནིང་དེའི་སྲོག་ཀྱང་ཉེ་བར་འགགས་པར་གྱུར་ན། དགེ་སློང་ཕམ་པར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་ཚོན་སྣ་ལྔའི་སྐུད་པས་སྣམ་སྦྱར་ལ་འཚེམ་པར་བྱེད། གསང་སྔགས་རྗོད་པར་བྱེད་ཅིང ། སྣམ་སྦྱར་འདི་ཡང་བཙེམས་པར་གྱུར་ཅིག་།སྐྱེས་པའམ་བུད་མེད་དམ་མ་ནིང་ཆེ་གེ་མོ་ཞིག་གི་སྲོག་ཀྱང་ཉེ་བར་འགག་པར་གྱུར་ཅིག་སྙམ་པ་ལས། གལ་ཏེ་སྣམ་སྦྱར་དེ་འཚེམ་པ་ན། སྐྱེས་པའམ་བུད་མེད་དམ་མ་ནིང་དེའི་སྲོག་ཀྱང་ཉེ་བར་འགག་པར་མ་གྱུར་ན། དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་སྣམ་སྦྱར་དེ་བཙེམས་པར་གྱུར་པ་ན། སྐྱེས་པའམ་བུད་མེད་དམ་མ་ནིང་དེའི་སྲོག་ཀྱང་ཉེ་བར་འགགས་
Ca202b
པར་གྱུར་ན། དགེ་སློང་ཕམ་པར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་ས་ལ་རི་མོ་བདུན་འདྲེན་པར་བྱེད། གསང་སྔགས་རྗོད་པར་བྱེད་ཅིང ། རི་མོ་འདི་དག་ཀྱང་བྱིད་པར་གྱུར་ཅིག་།སྐྱེས་པའམ་བུད་མེད་དམ་མ་ནིང་ཆེ་གེ་མོ་ཞིག་གི་སྲོག་ཀྱང་ཉེ་བར་འགག་པར་གྱུར་ཅིག་སྙམ་པ་ལས། གལ་ཏེ་རི་མོ་དེ་དག་འབྱིད་པ་ན། སྐྱེས་པའམ་བུད་མེད་དམ་མ་ནིང་དེའི་སྲོག་ཀྱང་ཉེ་བར་འགག་པར་མ་གྱུར་ན། དགེ་སློང་ལ་ཉེས་པ་སྦོམ་པོར་འགྱུར་རོ། །གལ་ཏེ་རི་མོ་དེ་དག་བྱིད་པར་གྱུར་པ་ན། སྐྱེས་པའམ་བུད་མེད་དམ་མ་ནིང་དེའི་སྲོག་ཀྱང་ཉེ་བར་འགགས་པར་གྱུར་ན་དགེ་སློང་ཕམ་པར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་གཡང་ས་ནས་གཡང་དུ་གཏོང་བར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན། དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གཡང་ས་ནས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་ཁང་བཟང་ནས་སམ། ར་བ་ལས་སམ། གླང་པོ་ཆེའི་གཤུལ་\་ཥཿ ཱུL?\་ནས་སམ། རྟའི་རྒྱབ་ནས་སམ། ཁྱོགས་སྤྱིལ་ལས་སམ། ཁྲི་ལས་སམ། ཁྲིའུ་ལས་སམ། ཕྲག་པ་ནས་སམ། གློ་ནས་སམ། རྐེད་པ་ནས་སམ།
Ca203a
༄#། །བརླ་ནས་སམ། བྱིན་པ་ནས་སམ། ཐ་ན་ལོང་བུ་ནས་ས་ལ་ལྟུང་བར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་ཆུར་འཇུད་པར་བྱེད་ཅིང་དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ། དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །ཆུར་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་ཤར་ཕྱོགས་ཀྱི་རྒྱ་མཚོ་ཆེན་པོར་རམ། ལྷོ་ཕྱོགས་ཀྱི་རྒྱ་མཚོ་ཆེན་པོར་རམ། ནུབ་ཕྱོགས་ཀྱི་རྒྱ་མཚོ་ཆེན་པོར་རམ། བྱང་ཕྱོགས་ཀྱི་རྒྱ་མཚོ་ཆེན་པོར་རམ། མཚོར་རམ། ལྟེད་\་LཊཱེཎG\་ཀར་རམ། ལྗན་ལྗིན་དུ་འཇུད་དམ། ཐ་ན་དེའི་ཁར་སྙིམ་པའི་ཆུ་ལྡུགས་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན།
Ca203b
དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་མེར་འཇུད་པར་བྱེད་ཅིང་དེ་ཡང་རྩོམ་པ་དེས་དུས་བྱེད་ན། དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །མེར་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས། གྲོང་ཁྱེར་སྲེག་པའམ། གྲོང་སྲེག་པའམ། ཡུལ་སྲེག་པའམ། རྒྱལ་ཐབས་སམ། ད་ནུར་དུ་འཇུད་དམ། ཐ་ན་དེའི་ཁར་མགལ་བ་ཙམ་འཇུད་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སམ། སེང་གེ་དག་གམ། སྟག་དག་གམ། གུང་དག་གམ། མཚའ་དག་གམ། སྤྱང་ཀི་དག་གིས་ཟོས་པར་གྱུར་པས་སམ། ཉི་མ་དང་རླུང་དག་གིས་ཡོངས་སུ་སྐམ་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་པས་སམ།
Ca204a
༄#། །བཀྲེས་པ་དང ། སྐོམ་པའི་ཉམ་ཆུང་བས་དཀྲིས་པས་དུས་བྱེད་པར་གྱུར་ཅིག་སྙམ་པས་འཇིགས་པ་དང་བཅས་པའི་ཕྱོགས་སུ་མངག་པ་ཉིད་དུ་གཏོང་བར་བྱེད་ཅིང་དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས། དུས་གྲང་བ་མཆོག་ཏུ་གྲང་བ་གང་དག་ཡིན་པ་དེ་དག་གི་ཚེས་བརྒྱད་ཀྱི་བར་གང་དག་ཏུ་འོད་མ་འགས་པའི་རླུང་དག་ལྡང་བ་དེ་དག་ཏུ་ཉིན་མོ་སྟེང་གཡོགས་པར་འཛིན་དུ་བཅུག་ནས་མཚན་མོ་བླ་གབ་མེད་པར་འཛིན་ཅིང ། དེའི་སྟེང་དུ་སོག་མའི་ཆག་ཆག་འདེབས་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །དགེ་སློང་གིས་སྐྱེས་པ་དང་བུད་མེད་དང་མ་ནིང་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་དུས་ཚ་བ་མཆོག་ཏུ་ཚ་བ་གང་དག་ཡིན་པ་དེ་དག་གིས་སོས་ཀའི་གུང་གི་ཚབ་ལ་བབ་པ་གང་དག་ཏུ་སྲོག་ཆགས་
Ca204b
ཕྲ་མོ་སྐྱེ་བ་དེ་དག་ཏུ་ཉིན་མོ་བླ་གབ་མེད་པར་འཛིན་ཏུ་བཅུག་ནས། མཚན་མོ་སྟེང་གཡོགས་པར་འཛིན་ཅིང་དེའི་ལུས་ལ་གསག་གམ། རེ་ལྡེས་ཀྱང་འཁྲི་བར་བྱེད། དུ་བ་རྔུབ་པས་ཀྱང་འདུག་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ཕམ་པར་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ཕམ་པར་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །སྡོམ་ལ། བསྲོ་ཁང་དང་ནི་མེ་ཁང་དང ། །འཆར་ཀ་དང་ནི་གཉིས་པོ་དང ། །སྐྱོང་མ་དང་ནི་བཅུ་བདུན་སྡེ། །རི་བྲགས་པ་དང་རྒན་ཞུགས་སོ། །སངས་རྒྱས་བཅོམ་ལྡན་འདས་འབྲོག་གནས་ན། འབྲོག་གི་གནས་མཆོག་ན་བཞུགས་སོ། །དེ་ན་དགེ་སློང་བསོད་སྙོམས་པ་ཞིག་ཁྱིམ་བདག་གཅིག་གི་སྡུམ་པར་དུས་དང་མཐུན་པའི་དུས་སུ་འགྲོ་ཞིང་ཆོས་ཀྱང་སྟོན་པར་བྱེད་དོ། །ཇི་ཙམ་ན་དགེ་སློང་དེས་ཁྱིམ་བདག་དེ་སྐྱབས་སུ་འགྲོ་བ་དང་བསླབ་པའི་གཞི་དག་ལ་རབ་ཏུ་བཞག་གོ་།དེ་ནས་ཡང་དགེ་སློང་དེ་ཉེ་བར་སོང་ནས་ཁྱིམ་བདག་དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་དག་གིས་བསྔགས་པ་རྒྱ་ཆེར་བརྗོད་པ་དང ། ཁྱིམ་བདག་དེས་སྨྲས་པ། འཕགས་པ་བདག་གིས་ཀྱང་དགེ་འདུན་ལ་རྫས་ལས་བྱུང་བའི་བསོད་ནམས་བྱ་བའི་གཞི་འགའ་ཞིག་བགྱིད་དུ་སྩལ་ཏོ། །བསོད་སྙོམས་པས་སྨྲས་པ། ཁྱིམ་བདག་ལེགས་ཀྱིས་བྱེད་དུ་ཆུག་ཅིག་།འཕགས་པ་ཅི་ཞིག་བགྱིད་དུ་སྩལ། ཁྱིམ་བདག་དགེ་འདུན་
Ca205a
༄#། །ལ་བསྲོ་ཁང་གི་ཁང་པ་མེད་ཀྱིས་དེ་བྱེད་དུ་ཆུག་ཅིག་།འཕགས་པ་བདག་ལ་ཀར་ཤ་པ་ན་དག་ནི་མཆིས་མོད་ཀྱི། འོན་ཀྱང་བསོད་ནམས་ཀྱི་གྲོགས་བགྱིད་པ་མ་མཆིས་སོ། ། ཁྱིམ་བདག་ཁོ་བོ་ཁྱེད་ཀྱི་བསོད་ནམས་ཀྱི་གྲོགས་ཡིན་ནོ། །འཕགས་པ་ལེགས་སོ། །ཁྱིམ་བདག་དེས་བསོད་སྙོམས་པ་དེ་ལ་ཀར་ཤ་པ་ཎ་དག་ཕུལ་ནས་བསོད་སྙོམས་པ་དེ་དགེ་འདུན་གྱི་བསྲོ་ཁང་གི་ཁང་པ་བྱེད་དུ་འཇུད་པ་ལ་ཞུགས་སོ། །ཇི་ཙམ་དུས་གཞན་ཞིག་ན་འབྲོག་གནས་སུ་དུས་སྟོན་བྱུང་ནས། གླ་མི་དག་མ་འོངས་པ་དང ། བསོད་སྙོམས་པས་དེ་དག་བོས་ཏེ་སྨྲས་པ། བཞིན་བཟང་དག་དེང་ཁྱེད་ཅག་ཅིའི་ཕྱིར་མ་འོངས། དེ་དག་གིས་སྨྲས་པ། འཕགས་པ་དེང་འཇིག་རྟེན་གྱི་དུས་སྟོན་ལགས་པས། དེའི་སླད་དུ་བདག་ཅག་མ་མཆིས་སོ། །བསོད་སྙོམས་པས་སྨྲས་པ། བཞིན་བཟང་དག་གང་དག་བསོད་ནམས་ཀྱི་འབྲས་བུས་འཚོ་བ་དེ་དག་ལ་ནི་དུས་སྟོན་ཡོད་ན། ཁྱེད་ཅག་མཁར་ལན་གྱི་འབྲས་བུས་འཚོ་བ་དག་ལ་དུས་སྟོན་ཅི་འདྲ་བ་དག་ཅིག་ཡོད། ཚུར་ཤེག་\་ཥཿ ཱོG?\་ལ་ལས་གྱིས་ཤིག་དང ། དེའི་ཕྱིར་གླ་ཉིས་གྱུར་དུ་སྦྱིན་ནོ། །དེ་དག་གིས་སྨྲས་པ། འཕགས་པ་གང་དག་བསོད་ནམས་ཀྱི་འབྲས་བུས་འཚོ་བ་དེ་དག་ལ་ནི་རྟག་པ་ཁོ་ནར་དུས་སྟོན་མཆིས་ཀྱི་བདག་ཅག་ནི་མཁར་ལན་གྱི་འབྲས་བུས་འཚོ་བ་ལགས་པས་དེ་ཉིད་ཀྱིས་ན་བདག་ཅག་ལ་བརྒྱ་ལ་བརྒྱ་ལམ་ན་དུས་སྟོན་འབྱུང་བས། གལ་ཏེ་གླ་སུམ་གྱུར་དུ་སྩལ་དུ་ལགས་ཀྱང་བདག་དེང་ནི་ལས་མི་
Ca205b
བགྱིད་དོ་ཞེས་དེ་དག་མ་བཏུབ་སྟེ་དོང་ནས། བསོད་སྙོམས་པ་ཡང་སྙིང་ལས་ཆུང་ངུར་འདུག་གོ་།ཁྱིམ་བདག་གིས་བསམས་པ། བདག་གིས་སྦྱིན་པར་བྱ་བའི་ཆོས་དེ་ལ་ཇི་ཙམ་ནི་བྱས། ཇི་ཙམ་ནི་མ་བྱས་པ་དེ་ལྟར་འགྲོའོ་སྙམ་ནས་དེ་ནང་པར་སྔར་ལངས་ཏེ་སོང་བ་དང་འགའ་ཡང་ལས་མི་བྱེད་པ་མཐོང་ན། དེ་བསོད་སྙོམས་པའི་དྲུང་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་སྨྲས་པ། འཕགས་པ་གླ་མི་དག་དེང་ལས་མི་བགྱིད་དམ། ཁྱིམ་བདག་མི་བྱེད་དོ། །ཅིའི་སླད་དུ། དེ་དག་ན་རེ། དེང་འཇིག་རྟེན་གྱི་དུས་སྟོན་ཡིན་པས་བདག་ཅག་ལས་མི་བྱེད་དོ་ཞེས་ཟེར་རོ། །ཁྱིམ་བདག་གིས་སྨྲས་པ།་འཕགས་པ་དེ་དག་ནི་མཁར་ལན་གྱི་འབྲས་བུས་འཚོ་བ་ལགས་པས། འཕགས་པས་དེ་དག་ལ་གླ་མ་སྩལ་པས། དེས་ན་མ་བཏུབ་གོར་མ་བཀུམ། བསོད་སྙོམས་པས་སྨྲས་པ། ཁྱིམ་བདག་ཁོ་བོས་གླ་ཉིས་གྱུར་བྱིན་ཡང་མ་གྲུབ་སྟེ། དེ་དག་ན་རེ། འཕགས་པ་གང་དག་བསོད་ནམས་ཀྱི་འབྲས་བུས་འཚོ་བ་དེ་དག་ནི་རྟག་པ་ཁོ་ནར་དུས་སྟོན་མཆིས་ཀྱི། བདག་ཅག་ནི་མཁར་ལན་གྱི་འབྲས་བུས་འཚོ་བ་ལགས་པས། དེ་ཉིད་ཀྱིས་ན་བདག་ཅག་ལ་བརྒྱ་ལ་བརྒྱ་ལམ་ན་དུས་སྟོན་འབྱུང་བས། གལ་ཏེ་གླ་སུམ་གྱུར་དུ་སྩལ་ཏུ་ལགས་ཀྱང་བདག་ཅག་དེང་ནི་ལས་མི་བགྱིད་དོ་ཞེས་ཟེར་རོ། །ཁྱིམ་བདག་གིས་སྨྲས་པ། འཕགས་པ་བདག་ནི་བདག་གི་སླད་དུ་ཡང་བགྱིད་དུ་མ་རྩོལ་ལ། ཉེ་དུ་རྣམས་ཀྱི་སླད་དུ་ཡང་བགྱིད་དུ་མི་རྩོལ་གྱི་འདི་ལྟར་འཕགས་པ་རྣམས་ཀྱི་སླད་དུ་བགྱིད་དུ་རྩོལ་བ་ལགས་པས།
Ca206a
༄#། །ཀྱེ་མ་འཕགས་པ་རྣམས་ཀྱིས་ཀྱང་བརྒྱ་ལ་བརྒྱ་ལམ་དུ་མཁར་ལན་གྱི་སྟོངས་མོ་མཛོད་ཅིག་།བསོད་སྙོམས་པས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཞི་མ་ཟིན་པ་ལ་དགེ་སློང་རྣམས་ཀྱིས་མཁར་ལན་གྱི་སྟོངས་མོ་བྱའོ། །བཅོམ་ལྡན་འདས་ཀྱིས་གཞི་མ་ཟིན་པ་ལ་དགེ་སློང་རྣམས་ཀྱིས་མཁར་ལན་གྱི་སྟོངས་མོ་བྱའོ་ཞེས་བཀའ་སྩལ་ནས། དགེ་སློང་དག་གིས་མཁར་ལན་གྱི་སྟོངས་མོ་བྱ་བར་བརྩམས་ནས། དེ་དག་ཕན་ཚུན་སོ་ཕག་འཕེན་པར་བྱེད་དོ། །ཇི་ཙམ་ན་དགེ་སློང་ཞིག་གིས་དགེ་སློང་ལ་སོ་ཕག་འཕངས་པ་དང ། ལག་པ་ནས་ཤོར་ཏེ་དགེ་སློང་གི་མགོ་ལ་ཕོག་ནས་དེ་དུས་ལ་བབ་བོ། །དགེ་སློང་དེ་དག་འགྱོད་པ་སྐྱེས་ཤིང་དེ་དག་ཡིད་མི་བདེ་ནས། འདི་སྐད་ཅེས་ཚེ་དང་ལྡན་པ་དག་བསོད་སྙོམས་པ་ལས་མེད་པས། ལས་ཕྱུང་ནས་བདག་ཅག་ཚངས་པ་མཚུངས་པར་སྤྱོད་པ་ཡིད་དུ་འོང་བ་དང་བྲལ་བར་གྱུར་ཅིང་བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་པར་གྱུར་ཏོ་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ལ་ནི་ལྟུང་བ་མེད་དོ། །ཡང་དགེ་སློང་རྣམས་ཀྱིས་སོ་ཕག་འཕང་བར་མི་བྱ་བར་འདི་ལྟར་ལག་པས་ལག་པར་བརྒྱུད་བར་བྱའོ། །གལ་ཏེ་བྱེ་བའམ། གས་པ་ཡིན་ན་གོ་བར་བྱ་སྟེ་བརྒྱུད་
Ca206b
པར་བྱའོ། །གོ་བར་མ་བྱས་པར་བརྒྱུད་པར་བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་མཁར་ལན་གྱི་སྟོངས་མོ་བྱའོ་ཞེས་བཀའ་སྩལ་ནས། དགེ་སློང་རྣམས་ཉི་མ་རངས་པར་ལས་བྱེད་ནས་བྲམ་ཟེ་དང་ཁྱིམ་བདག་དག་ཅིའི་ཕྱིར་དགེ་སློང་འདི་དག་ཉི་མ་རངས་པར་གླ་མི་བཞིན་དུ་ལས་བྱེད་ཅེས་འཕྱ་བར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཉི་མ་རངས་པར་ལས་མི་བྱ་བར་འདི་ལྟར་ལན་ཅིག་བྱའོ། །དགེ་སློང་དག་སོ་ག་ཕྱི་དྲོ་ལས་བྱེད་ལ། དགུན་ནི་སྔ་དྲོ་ལས་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། སོ་ག་ནི་སྔ་དྲོ་ལས་བྱ་བ་ལ། དགུན་ནི་ཕྱི་དྲོ་ལས་བྱའོ། །དེ་དག་དུས་རྟིང་ལ་ཐུག་པ་ན་གཏོང་ཞིང་འཇིམ་རྫབ་ཀྱིས་གོས་པའི་ལུས་ཀྱིས་དེ་བཞིན་རིངས་པ་རིངས་པར་བསོད་སྙོམས་ལ་འཇུག་པ་ན་མ་དད་པ་དག་འཕགས་པ་དག་ཁྱེད་ཅག་གིས་གླ་མི་དག་ཀྱང་ཕམ་པར་བྱས་ཏེ། དེ་དག་ཀྱང་ཟས་ཀྱི་དུས་ཡོངས་སུ་སྤོང་བར་བྱེད་ན་ཁྱེད་ཅག་ཟས་ཀྱི་དུས་ཀྱང་སྤོང་བར་མི་བྱེད་དོ་ཞེས་ཅོ་འདྲི་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། བསོད་སྙོམས་པ་གང་དག་ཡིན་པ་དེ་དག་གིས་ནི་སྟ་གོན་བྱས་ནས། གྲོང་དུ་བསོད་སྙོམས་ལ་འཇུག་ཁོམ་པ་དང ། གང་དག་དགེ་འདུན་གྱི་རྙེད་པ་དབང་བ་དེ་དག་གིས་ནི་སྟ་གོན་བྱས་ནས། དགེ་འདུན་གྱི་དབུས་སུ་འཇུག་ཁོམ་པ་
Ca207a
༄#། །དེ་ལྟར་དུས་ཤེས་པར་བྱས་ཏེ་གཏང་བར་བྱའོ། །བཅོམ་ལྡན་འདས་ཀྱིས་སྟ་གོན་བྱས་ནས་གྲོང་དུ་བསོད་སྙོམས་ལ་འཇུག་པར་བྱ་ཞིང་དགེ་འདུན་གྱི་དབུས་སུ་ཡང་འཇུག་པར་བྱའོ་ཞེས་བཀའ་སྩལ་ནས། དགེ་སློང་རྣམས་ཀྱིས་ཇི་ཙམ་གྱིས་ན་སྟ་གོན་བྱས་པར་བརྗོད་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཇི་ཙམ་གྱིས་ལག་པ་གཉིས་དང ། རྐང་པ་གཉིས་བཀྲུས་པ་དང ། ལྷུང་བཟེད་བཀྲུས་པར་གྱུར་པ་དེ་ཙམ་གྱིས་ན་སྟ་གོན་བྱས་པར་བརྗོད་པར་བྱའོ། །གཞན་ཡང་ངས་དགེ་སློང་མཁར་ལན་བྱེད་པ་དག་གིས་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་མཁར་ལན་བྱེད་པས་དུས་ཇི་ལྟ་བ་བཞིན་དུ་སྔ་དྲོ་ནི་ཁྱེའུ་སུས་དག་སྦྱོར་དུ་གཞུག་པར་བྱའོ། །ཕྱི་དྲོ་ནི་སྐོམ་དང་ལག་པ་དང་རྐང་པའི་བསྐུ་མཉེ་རྒྱུ་དག་སྦྱོར་དུ་གཞུག་པར་བྱའོ། །དགེ་སློང་མཁར་ལན་བྱེད་པས་ཀུན་དུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །འབྲོག་གནས་སུ་བསོད་སྙོམས་པས་བསྲོ་ཁང་བྱེད་དུ་བཅུག་པ་ཇི་ལྟ་བ་བཞིན་དུ་མེ་ཁང་གི་གླེང་གཞི་ཡང་དེ་ཁོ་ན་བཞིན་དུ་རྒྱས་པར་བརྗོད་པར་བྱའོ། །བྱེ་བྲག་ནི་འདི་ཡོད་དེ། བཅོམ་ལྡན་འདས་ཀྱིས་གཞི་མ་ཟིན་པ་ལ་མཁར་ལན་གྱི་སྟོངས་མོ་བྱའོ་ཞེས་བཀའ་སྩལ་ནས། དགེ་སློང་དག་མེ་ཁང་གི་ལས་བྱེད་ཅིང་ཕམ་དག་ཕར་སྦེད་ཚུར་སྦེད་པ་ན་དེ་དག་གི་འོག་ན་ཤིང་མཁན་ཞིག་ཞལ་ཏ་བྱེད་དེ།
Ca207b
ཇི་ཙམ་ན་ཕྱམ་དག་སྦེད་པ་ན། དགེ་སློང་གི་ལག་ནས་ཕྱམ་ཤོར་བས་ཤིང་མཁན་གྱི་མགོར་ཕོག་ནས་དེ་དུས་ལ་བབ་པ་དང ། དགེ་སློང་དེ་དག་ཚེ་དང་ལྡན་པ་དག་བསོད་སྙོམས་པ་ལས་མེད་པ་ལས་བྱུང་བས། བདག་ཅག་ལ་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ལ་ནི་ལྟུང་བ་མེད་དེ། ཡང་དགེ་སློང་དག་གིས་མི་བཟོད་པའི་ཁུར་གདེག་པར་མི་བྱའོ། །རྐྱེན་དེ་ལྟ་བུ་ཞིག་བྱུང་ན་མདོར་ཁྱིམ་པ་དག་འཛིན་དུ་གཞུག་པར་བྱ་ཞིང་གདེག་པ་དང ། གཞག་པ་དག་ཀྱང་བརྗོད་པར་བྱ་སྟེ། མཉམ་དུ་གདེག་པ་དང་མཉམ་དུ་གཞག་པར་བྱའོ། །དགེ་སློང་དག་མི་བཟོད་པའི་ཁུར་འདེགས་པར་བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་དག་གིས་མི་བཟོད་པའི་ཁུར་གདེག་པར་མི་བྱའོ་ཞེས་བཀའ་སྩལ་ནས། དགེ་སློང་རྣམས་ཀྱིས་ཇི་ཙམ་ནི་བཟོད་པ་ཡིན། ཇི་ཙམ་ནི་མི་བཟོད་པ་ཡིན་པ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པ་གཅིག་གི་ཁུར་གང་ཡིན་པ་དེ་དག་དགེ་སློང་གཉིས་ཀྱིས་གདེག་པར་བྱའོ། །སངས་རྒྱས་བཅོམ་ལྡན་འདས་མཉམ་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་འཆར་ཀས་གཏུམ་མོ་བཏུལ་ཏེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཀོད་པ་དེའི་ཚེ། དེས་ཚེ་དང་ལྡན་པ་འཆར་ཀའི་རྐང་པ་གཉིས་ལ་
Ca208a
༄#། །ཕྱག་འཚལ་ནས། ཡོ་བྱད་ཐམས་ཅད་ཀྱིས་བསྟབས་པ་དང ། ཚེ་དང་ལྡན་པ་འཆར་ཀས་དང་དུ་མ་བླངས་ཏེ་སྨྲས་པ། སྲིང་མོ་བཅོམ་ལྡན་འདས་ཀྱི་བསྟན་པ་ནི་གཞན་ལ་ཕན་པས་རྗེས་སུ་འཛིན་པར་ཞུགས་པ་ཡིན་པས། ཁོ་བོས་ཀྱང་གཞན་ལ་ཕན་པར་བྱེད་དགོས་སོ། །གཏུམ་མོས་སྨྲས་པ། འཕགས་པ་གལ་ཏེ་དེ་ལྟ་ལགས་ཏེ་དང་དུ་མི་བཞེས་ན། བདག་གིས་འཕགས་པའི་སླད་དུ་དྲང་སྲོང་གི་གདན་བཤམ་པར་བགྱིས། ཁྱོད་ཀྱིས་བསོད་སྙོམས་བརྒྱུས་ནས། དྲང་སྲོང་གི་གདན་ལ་ལོངས་སྤྱད་དེ་གཤེགས་པར་རིགས་སོ། །ཚེ་དང་ལྡན་པ་འཆར་ཀས་སྨྲས་པ། སྲིང་མོ་དེ་བཞིན་བྱའོ་ཞེས་ཚེ་དང་ལྡན་པ་འཆར་ཀ་ཉི་མ་རེ་རེ་ཞིང་བསོད་སྙོམས་བརྒྱུས་ནས། གཏུམ་མོའི་ཁྱིམ་དུ་དྲང་སྲོང་གི། སྟན་ལ་ལོངས་སྤྱད་དེ་འགྲོའོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་འཆར་ཀ་ལ་ལྗོངས་སུ་བྱ་བ་ཞིག་བྱུང་ནས། ཚེ་དང་ལྡན་པ་འཆར་ཀས་བསམས་པ། བདག་ཇེ་སོང་ལ་སྲིང་མོ་བལྟ་བར་བྱའོ་སྙམ་ནས། ཚེ་དང་ལྡན་པ་འཆར་ཀ་གཏུམ་མོའི་གན་དུ་སོང་སྟེ་སྨྲས་པ། སྲིང་མོ་ཁོ་བོ་ལྗོངས་རྒྱུར་འགྲོའི། །ཁྱོད་ཀྱིས་ཆོས་ཀྱི་ལུས་ལ་བག་གྱིས་ཤིག་།གཏུམ་མོས་སྨྲས་པ། འཕགས་པ་མྱུར་དུ་སླར་གཤེགས་པའི་རིགས་ཏེ།་དེར་བཞུགས་པར་མི་མཛད་ཅིང ། དེར་དགྱེས་པ་མི་བསྐྱེད་དུ་གསོལ། ཚེ་དང་ལྡན་པ་འཆར་ཀས་གཏུམ་མོ་བལྟས་ཏེ། ལྗོངས་རྒྱུར་འཕགས་པ་དང ། ཚེ་དང་ལྡན་པ་ཀུན་དགའ་བོས་
Ca208b
དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ལྗོངས་རྒྱུར་གཤེགས་ཀྱིས། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་།ཚེ་དང་ལྡན་པ་འཆར་ཀས་ཐོས་ནས་བསམས་པ། སངས་རྒྱས་ཀྱི་རྒྱུ་བ་ལ་ནི་ཕན་ཡོན་བཅོ་བརྒྱད་ཡོད་དེ། རྒྱལ་པོའི་འཇིགས་པ་མེད་པ་དང ། ཆོམ་རྐུན་གྱི་འཇིགས་པ་མེད་པ་དང ། མེའི་འཇིགས་པ་མེད་པ་དང ། མིའི་འཇིགས་པ་མེད་པ་དང ། མི་མ་ཡིན་པའི་འཇིགས་པ་མེད་པ་དང ། ཀླུའི་འཇིགས་པ་མེད་པ་དང ། གདུག་པའི་འཇིགས་པ་མེད་པ་དང ། སེང་གེའི་འཇིགས་པ་མེད་པ་དང ། སྟག་གི་འཇིགས་པ་མེད་པ་དང ། གུང་གི་འཇིགས་པ་མེད་པ་དང ། ཕ་རོལ་གྱི་དམག་ཚོགས་ཀྱི་འཇིགས་པ་མེད་པ་དང ། སྤྱང་ཀིའི་འཇིགས་པ་མེད་པ་དང ། ཤོ་གམ་གྱི་འཇིགས་པ་མེད་པ་དང ། ལ་གཅན་གྱི་འཇིགས་པ་མེད་པ་དང ། གྲུ་བཙས་ཀྱི་འཇིགས་པ་མེད་པ་དང ། དུས་དང་དུས་སུ་ལྷའི་གཟུགས་དག་མཐོང་ཞིང་ལྷའི་སྒྲ་དག་ཐོས་ལ་ཀུན་ཤེས་པ་བརྡ་སྤྲོད་པ་དག་ཐོས་པ་དང ། ཆོས་ཀྱི་ལོངས་སྤྱོད་དང ། ཟང་ཟིང་གི་ལོངས་སྤྱོད་ཡོད་པ་དང ། སངས་རྒྱས་ཀྱི་རྒྱུ་བ་ལ་གནོད་པ་ཉུང་བ་ཡིན་གྱིས། བདག་ཀྱང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོའི། ཕྱིར་ལྡོག་པར་བྱའོ་སྙམ་ནས་ཚེ་དང་ལྡན་པ་འཆར་ཀ་ཕྱིར་ལོག་གོ་།དེའི་བར་སྐབས་སུ་གཏུམ་མོའི་ཁྱིམ་དུ་བུ་མོ་ཞིག་ལ་ཁྱེའུ་ཞིག་བཙས་ནས། གཏུམ་མོས་ཁྱེའུ་དེའི་མ་ལ་སྨྲས་པ། བུ་མོ་ཁྱེའུ་འདི་ཁྲུས་གྱིས་ལ་གོས་དཀར་པོས་དཀྲིས་ཏེ།
Ca209a
༄#། །དྲང་སྲོང་གི་སྟན་འདི་ལ་སྙོལ་ཅིག་དང ། ཡུན་རིང་དུ་འཚོ་བར་འགྱུར་ཞིང ། ཚེ་རིང་དུ་སྐྱོང་བར་འགྱུར་རོ། །བུ་མོ་དེས་ཁྱེའུ་དེ་ཁྲུས་བྱས་ཏེ་གོས་དཀར་པོས་དཀྲིས་ནས། དྲང་སྲོང་དེའི་སྟན་དེ་ལ་རྟག་ཏུ་བསྙལ་ལོ། །ཚེ་དང་ལྡན་པ་འཆར་ཀ་ཡང་ཉི་མ་གཞན་ཞིག་ན་བསོད་སྙོམས་ལ་ཞུགས་ནས། གཏུམ་མོའི་ཁྱིམ་ག་ལ་བ་དེར་སོང་ངོ ། །དགྲ་བཅོམ་པ་དག་ནི་མ་བསམས་པར་ཤེས་པ་དང་མཐོང་བ་མི་འཇུག་པས། ཚེ་དང་ལྡན་པ་འཆར་ཀ་དེ་བཞིན་དུ་དྲང་སྲོང་གི་སྟན་དེ་ལ་འདུག་པ་དང ། བུད་མེད་ཀྱི་ཡུལ་དེ་བརྟད་པ་དང་བཅས་ཤིང ། འཕགས་པ་ཁྱེའུ། འཕགས་པ་ཁྱེའུ་ཞེས་ཟེར་ནས། ཚེ་དང་ལྡན་པ་འཆར་ཀ་མྱུར་དུ་ལངས་ཏེ་བལྟས་ན། ཁྱེའུ་དུས་ལ་བབ་པ་མཐོང་ངོ ། །ཁྱིམ་མི་དག་གིས་ཆོ་ངེས་གདབ་པར་བརྩམས་པ་དང ། ཚེ་དང་ལྡན་པ་འཆར་ཀས་སྨྲས་པ། སྲིང་མོ་མ་ངུ་ཞིག་།སེམས་ཅན་འདིས་ཚེ་ཐུང་བར་འགྱུར་བའི་ལས་བྱས་ཏེ། བཅོམ་ལྡན་འདས་ཀྱིས་ཀྱང་འདུ་བྱེད་ཐམས་ཅད་ནི་མི་རྟག་གོ་ཞེས་གསུངས་སོ། །དེ་ལྟ་མོད་ཀྱི་འདི་ལ་ཁོ་བོས་ངུད་མོས་གདབ་པར་བྱ་བ་ཡིན་ཏེ། འདི་ལྟར་ཁོ་བོས་དགྲ་བཅོམ་པ་ཉིད་ཐོབ་ཀྱང་ཁོ་བོ་ལ་བརྟེན་ཏེ་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་འགྱུར་རོ། །དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་འཆར་ཀ་ལ་
Ca209b
ནི་ལྟུང་བ་མེད་དེ། ཡང་དགེ་སློང་གིས་ཁྱིམ་གཞན་དུ་སྟན་ལ་མ་བརྟགས་པར་འདུག་པར་མི་བྱའོ། །འདུག་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ། ཕན་ཚུན་གཏམ་འདྲེས་པ། ཕེབས་པར་སྨྲ་བ། འགྲོགས་བཤེས། སྨོས་འདྲིན་གཉིས་ཤིག་འཁོད་དོ། །ཇི་ཙམ་དུས་གཞན་ན་དེ་གཉིས་ནོར་ཟད་པ་དང ། ལོངས་སྤྱོད་ཟད་པར་གྱུར་ནས། དེ་གཉིས་ཀྱིས་གྲོས་བྱ་བར་བརྩམས་པ། བདག་ཅག་གཉིས་འདི་ཉིད་དུ་མ་ཐོས་པ་དང་དམས་པར་གྱུར་པས་རྣམ་པ་འདི་ལྟ་བུའི་འཚོ་བ་ཟ་ཞིང་ལོངས་སྤྱོད་པས་ཅི་བྱ། རབ་ཏུ་འབྱུང་དུ་འདོང་ངོ་ཞེས་དེ་གཉིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ ། །དེ་ན་གཅིག་ན་བར་གྱུར་ནས། ཅིག་ཤོས་དེའི་ནད་གཡོག་བྱེད་དོ། །ནད་པ་དེ་ཉམས་དམས་ཤིང་སོས་པར་མ་གྱུར་ནས། ནད་གཡོག་དེས་ནད་པ་ལ་སྨྲས་པ། ཚེ་དང་ལྡན་པ་ཁྱོད་ལ་སྔོན་ཁྱིམ་བའི་ཚེ་ན་ལན་འགའ་ནད་འདི་ལྟ་བུ་བྱུང་ངམ། སྔོན་ཡང་བྱུང་ངོ ། །འོ་ན་ཅི་ཞིག་གིས་ཞི་བར་གྱུར། ལན་ཚཝའི་སྨན་རྩབས་ཀྱིས་སོ། །འོ་ན་དེ་ཅིའི་ཕྱིར་ལན་ཚཝའི་སྨན་རྩབས་མི་འཐུང་ཞེས་ནད་གཡོག་དེས་ལན་ཚཝའི་སྨན་རྩབས་བསླངས་ཏེ་ནད་པ་ལ་བླུད་པ་དང ། ནད་པ་དེ་དུས་ཀྱི་ཆོས་དང་ལྡན་པར་གྱུར་ནས། དགེ་སློང་དེ་བདག་གིས་འདི་ལ་སྨན་པ་ཡིན་པ་བྱིན་པར་མ་གྱུར་ཏམ་སྙམ་དུ་འགྱོད་པ་སྐྱེས་ནས། དེས་སྐབས་དེ་
Ca210a
༄#། །དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་གིས་སྨན་པ་ལ་མ་དྲིས་པར་རང་གི་བློས་ནད་པ་ལ་སྨན་སྦྱིན་པར་མི་བྱའོ། །གལ་ཏེ་སྨན་པ་མེད་ན་སྨན་པ་རབ་ཏུ་བྱུང་བ་ལ་དྲི་བར་བྱའོ། །སྨན་པ་རབ་ཏུ་བྱུང་བ་མེད་ན་སྨན་པས་བཀོལ་བ་ལ་དྲི་བར་བྱའོ། །སྨན་པས་བཀོལ་བ་མེད་ན་ནད་ཀྱིས་ཐེབས་པ་ལ་དྲི་བར་བྱའོ། །ནད་ཀྱིས་ཐེབས་པ་མེད་ན་དགེ་སློང་རྒན་པ་རྒན་པ་དག་ལ་དྲི་བར་བྱའོ། །དགེ་སློང་གིས་སྨན་པ་ལ་མ་དྲིས་སམ། ཇི་སྐད་བསྟན་པའི་རིམ་བ་བཞིན་མ་བྱས་པར་རང་གི་བློས་ནད་པ་ལ་སྨན་སྦྱིན་ན་འགལ་ཚབས་ཅན་དུ་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དགེ་སློང་དེ་ལ་སྨན་གང་ལགས་པ་དེ་ཉིད་སྨན་མ་ལགས་པ་ཉིད་དུ་གྱུར་པའི་རྒྱུ་ནི་གང་ལགས། རྐྱེན་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། དེ་སྔོན་ཁྱིམ་པའི་ཚེ་ན་རླུང་དང་བད་ཀན་ཅན་དུ་གྱུར་ལ། ད་ལྟར་ནི་རླུང་དང་མཁྲིས་པ་ཅན་དུ་གྱུར་པས། དེས་ན་དེ་ལ་སྨན་གང་ཡིན་པ་དེ་ཉིད་སྨན་མ་ཡིན་པ་ཉིད་དུ་གྱུར་ཏོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་མ་ག་དྷར་བྱུང་
Ca210b
བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལྷ་བརྒྱད་ཁྲི་དང ། མ་ག་དྷར་བྱུང་བའི་བྲམ་ཟེ་དང་ཁྱིམ་བདག་བརྒྱ་སྟོང་ཕྲག་དུ་མ་དང་ལྷན་ཅིག་བདེན་པ་དག་ལ་བཀོད་པ་དེའི་ཚེ་ན། མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས། རྒྱལ་པོའི་ཁབ་ཏུ་འདི་སྐད་ཅེས་རྒྱལ་པོའི་ཁབ་ཏུ་འཁོད་པ་དང ། ཕོ་བྲང་འཁོར་བ་དང ། ཡུལ་ཐ་དད་པ་ནས་ལྷགས་པའི་ཚོང་བའི་ཚོགས་ཤེས་ལྡན་དག་ཉོན་ཅིག་།ངའི་ཡུལ་དུ་གང་གིས་ཀྱང་ཆོམ་རྐུན་མི་བྱའོ། །གང་ངའི་ཡུལ་དུ་ཆོམ་རྐུན་བྱེད་པ་དེ་ངས་ཡུལ་མེད་པར་བྱའོ། །བཅོམ་པ་རྣམས་ཀྱི་རྐུན་རྫས་ནི་ངའི་མཛོད་དང་བང་བ་ནས་སྦྱིན་ནོ་ཞེས་དྲིལ་གྱི་སྒྲ་བསྒྲགས་པ་བྱས་སོ། །གང་གི་ཚེ་བཅོམ་ལྡན་འདས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གཞོན་ནུའི་དཔེའི་མདོ་སྡེས་བཏུལ་བ་དེའི་ཚེ་ན། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཀྱང་མཉན་ཡོད་དུ་འདི་སྐད་ཅེས་མཉན་ཡོད་ན་འཁོད་པ་དང ། ཕོ་བྲང་འཁོར་བ་དང ། ཡུལ་ཐ་དད་པ་ནས་ལྷགས་པའི་ཚོང་པའི་ཚོགས་ཤེས་ལྡན་དག་ཉོན་ཅིག་།ངའི་ཡུལ་དུ་གང་གིས་ཀྱང་ཆོམ་རྐུན་མི་བྱའོ། །གང་ངའི་ཡུལ་དུ་ཆོམ་རྐུན་བྱེད་པ་དེས་ངས་གསད་པའི་གྱོད་ལ་བསྐྲིན་པར་བྱའོ། །བཅོམ་པ་རྣམས་ཀྱི་རྐུན་རྫས་ནི་ངའི་མཛོད་དང་བང་བ་ནས་སྦྱིན་ནོ་ཞེས་དྲིལ་གྱི་སྒྲ་བསྒྲགས་པ་བྱས་སོ། །དེའི་བར་སྐབས་ན་ཆོམ་རྐུན་པ་གང་དག་ཡུལ་མ་ག་དྷ་ན་གནས་པ་དག་དང་ཆོམ་རྐུན་པ་གང་དག་ཡུལ་གོ་ས་ལ་ན་གནས་པ་དེ་དག་ས་མཚམས་ཀྱི་བར་དུ་དོང་སྟེ་འཁོད་དོ།
Ca211a
༄#། །ཐམས་ཅད་དུ་ཆོམ་རྐུན་པ་གང་དག་ཡུལ་མ་ག་དྷ་ན་གནས་པ་དག་དང ། ཆོམ་རྐུན་པ་གང་དག་ཡུལ་ཀོ་ས་ལ་ན་གནས་པ་དེ་དག་ས་མཚམས་ཀྱི་བར་དུ་དོང་སྟེ། འཁོད་ཅིང་དོན་མཐུན་འཇོམས་པར་བྱེད་དོ་ཞེས་བྱ་བའི་སྒྲ་དེ་ལྟ་བུས་ཀྱང་ཁྱབ་པར་གྱུར་ཏོ། །དེ་ཐོས་ནས་ཡུལ་མ་ག་དྷ་ནས་དོན་མཐུན་བསེལ་བ་དང་བཅས་པས། ཡུལ་ཀོ་ས་ལར་འགྲོ་བར་བརྩམས་ཤིང ། ཡུལ་ཀོ་ས་ལ་ནས་ཀྱང་དོན་མཐུན་བསེལ་བ་དང་བཅས་པས་ཡུལ་མ་ག་དྷར་འགྲོ་བར་བརྩམས་སོ། །ཇི་ཙམ་དུས་གཞན་ཞིག་ན་ཡུལ་མ་ག་དྷ་ནས་དོན་མཐུན་བསེལ་བ་དང་བཅས་པ་ཡུལ་ཀོ་ས་ལར་འཕགས་ནས་དེ་གང་གི་ཚེ་ས་མཚམས་ཀྱི་བར་ལས་འདས་ཏེ་ཡུལ་ཀོ་ས་ལར་ཞུགས་པ་དེའི་ཚེ་ན། དེད་དཔོན་གྱིས་སྨྲས་པ། ཤེས་ལྡན་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་འདི་ནི་གཏུམ་པ། བརྟུན་དས་པ། དྲག་ཤུལ་ཆེ་བ། དཔའ་བ། རྩལ་ཆེ་བ་ཞེས་གྲགས་པས། གལ་ཏེ་དོན་མཐུན་ཆོམ་རྐུན་པས་བཅོམ་པར་གྱུར་ན་ཡང ། དེས་བདག་ཅག་ལ་རྐུན་རྫས་སྦྱིན་པར་ནུས་ཀྱིས་བསེལ་བ་ཕྱིར་ཐོང་ཞིག་།དོན་མཐུན་དག་གིས་སྨྲས་པ། དེད་དཔོན་གལ་ཏེ་དེ་ལྟ་ན་དེ་ལྟར་བགྱིའོ་ཞེས་དེ་དག་གིས་བསེལ་བ་ཕྱིར་བཏང་ངོ ། །ཆོམ་རྐུན་པ་དག་གིས་བྱ་མ་རྟ་བཞག་སྟེ་འཁོད་པ་དང ། བྱ་མ་རྟ་དག་གིས་བསེལ་བ་ཕྱིར་བཏང་བ་དེ་མཐོང་ནས་དེ་དག་གིས་སྨྲས་པ། ཤེས་ལྡན་དག་བསེལ་བ་ཕྱིར་ལོག་གིས་དོན་མཐུན་གཞོམ་པར་བྱས་འདོང་ངོ་ཞེས་དེ་དག་གིས་
Ca211b
དོན་མཐུན་སཱ་ལའི་དགོན་པར་ཞུགས་པ་བཅོམ་མོ། །དེ་ན་ཚོང་པ་ཁ་ཅིག་ནི་བསད། ཁ་ཅིག་ནི་བྱེར་རོ། །དེ་ན་གང་དག་བྱེར་བ་དེ་དག་མགོ་ས་རྡུལ་གྱིས་བཀང་སྟེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་དྲུང་དུ་དོང་ནས་སྨྲས་པ། ལྷ་བདག་ཅག་ཚོང་པ་རྣམས་ཁྱོད་ཀྱི་ཡུལ་དུ་ཚོང་པར་མི་རུང་བར་རྣམ་པར་བཀོད་དོ། །ཅི་ཞིག་བྱས། ལྷ་བདག་ཅག་ཆོམ་རྐུན་པ་དག་གིས་བཅོམ་མོ། །རྒྱལ་པོས་དམག་དཔོན་འཕགས་སྐྱེས་པོ་ལ་བསྒོ་བ། གཞོན་ནུ་སོང་ལ་ཆོམ་རྐུན་པ་དག་དང ། རྐུན་རྫས་དག་མྱུར་དུ་ཁུག་ཅིག་།དམག་དཔོན་འཕགས་སྐྱེས་པོས་ལྷ་བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས། དཔུང་གི་ཚོགས་ཡན་ལག་བཞི་པ་གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ།་མྱུར་བ་མྱུར་བར་སཱ་ལའི་དགོན་པར་སོང་ངོ ། །དེའི་བར་སྐབས་ན་ཆོམ་རྐུན་པ་དག་སཱ་ལའི་དགོན་པ་ཤིན་ཏུ་སྟུག་པོའི་ནང་ན་ཞུགས་ནས། བག་ཕབ་སྟེ་རྐུན་རྫས་བགོད་པར་བྱེད་དོ། །འཕགས་སྐྱེས་པོས་ཀྱང་དེ་དག་གི་སྟེང་དུ་བརྫིས་ནས། དེ་ན་ཆོམ་རྐུན་པ་ཁ་ཅིག་ནི་བསད། ཁ་ཅིག་ནི་བྱེར། ཆོམ་རྐུན་པ་དྲུག་ཅུ་ནི་གསོན་པོར་བཟུང་ངོ ། །དེ་ནས་གཡུལ་ལས་རྣམ་པར་རྒྱལ་ཞིང་ཆོམ་རྐུན་པ་དང་རྐུན་རྫས་ཁྱེར་ཏེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་དྲུང་དུ་སོང་ནས། རྐང་པ་གཉིས་ལ་ཕྱག་འཚལ་ཏེ་སྨྲས་པ། ལྷ་ཆོམ་རྐུན་པ་ནི་འདི་དག་ལགས། རྐུན་རྫས་ནི་འདི་དག་ལགས་སོ།།
Ca212a
༄#། །རྒྱལ་པོས་ཆོམ་རྐུན་པ་དག་ལ་སྨྲས་པ། ཤེས་ལྡན་དག་ངས་འདི་སྐད་ཅེས་ངའི་ཡུལ་དུ་གང་གིས་ཀྱང་ཆོམ་རྐུན་མི་བྱའོ། །གང་ངའི་ཡུལ་དུ་ཆོམ་རྐུན་བྱེད་པ་དེ་ངས་གསད་པའི་གྱོད་ལ་བསྐྲིན་པར་བྱའོ། །བཅོམ་པ་རྣམས་ཀྱི་རྐུན་རྫས་ནི་ངའི་མཛོད་དང་བང་བ་ནས་སྦྱིན་ནོ་ཞེས་དྲིལ་གྱི་སྒྲ་བསྒྲགས་པ་བྱས་པ་དེ་ཁྱོད་ཀྱིས་མ་ཐོས་སམ། ལྷ་ཐོས་སོ། །འོ་ན་ཁྱེད་ཀྱིས་ཅིའི་ཕྱིར་ཚོང་པ་འདི་དག་བཅོམ། ལྷ་བདག་ཅག་འཚོ་བ་མ་མཆིས་སོ། །གལ་ཏེ་དེ་ལྟ་ན་ཡང་ཅིའི་ཕྱིར་གཞན་གསད་པར་གྱུར། ལྷ་འཇིགས་པ་བསྟན་པའི་སླད་དུའོ། །ངས་ཀྱང་ཁྱེད་ལ་སྔོན་སུས་ཀྱང་མ་བསྟན་པ་དེ་ལྟ་བུའི་འཇིགས་པ་བསྟན་པར་བྱའོ། །རྒྱལ་པོ་དེ་གཏུམ་པས་དེས་བློན་པོ་རྣམས་ལ་བསྒོ་བ། ཤེས་ལྡན་དག་དེང་ལ་ཆོམ་རྐུན་པ་འདི་དག་གསད་སར་ཁྲིད་ལ་ལག་པ་དང་རྐང་པ་ཆོད་ཅིག་།ཚོང་བ་འདི་དག་གི་ཅི་ཕྲོགས་པ་ངའི་བང་མཛོད་ནས་བྱིན་ཅིག་།བློན་པོ་དེ་དག་གིས་ཆོམ་རྐུན་པ་དེ་དག་ངུར་ཁྲོད་དུ་ཁྲིད་དེ་ལག་པ་དང ། རྐང་པ་བཅད་ནས། ཚོང་པ་རྣམས་ལ་རྐུན་རྫས་རྒྱལ་པོའི་བང་བ་དང་མཛོད་ནས་བྱིན་ནོ། །བཅོམ་ལྡན་འདས་ཀྱིས་དགེ་སློང་དག་བདག་གི་རྒུད་པ་དང་གཞན་གྱི་རྒུད་པ་ལ་ཡང་དང་ཡང་དུ་སོ་སོར་རྟོགས་ཤིག་།བདག་གི་འབྱོར་པ་དང་གཞན་གྱི་འབྱོར་པ་ལ་ཡང་དང་ཡང་དུ་སོ་སོར་རྟོགས་ཤིག། དེ་ཅིའི་ཕྱིར་ཞེ་ན། དགེ་སློང་དག་བདག་དང་གཞན་གྱི་རྒུད་པ་ལ་ནི་ཡིད་འབྱུང་བའི་གནས་ཡིན་ལ།
Ca212b
བདག་དང་གཞན་གྱི་འབྱོར་པ་ཡང་ཡིད་འབྱུང་བའི་གནས་ཡིན་པའི་ཕྱིར་རོ་ཞེས་བཀའ་སྩལ་ནས། དགེ་སློང་དག་ལངས་ཤིང་ལངས་ཤིང་ངུར་ཁྲོད་རྒྱུར་འགྲོ་བར་བརྩམས་སོ། །དགེ་སློང་མ་དག་ཀྱང་ལངས་ཤིང་ལངས་ཤིང་དུར་ཁྲོད་རྒྱུར་འགྲོ་བར་བརྩམས་སོ། །དེའི་ཚེ་ན་རབ་ཏུ་མང་པོ་དག་དུར་ཁྲོད་རྒྱུར་དོང་ཞིང་དེ་དང་དེ་དག་གིས་ཆོམ་རྐུན་པ་དག་ལ་ངེས་པར་བརྟག་པར་བརྩམས་སོ། །མི་གཞན་ཞིག་ཀྱང་དེ་དག་ཉིད་ལ་རྟོག་ཅིང་འདུག་པ་དེས་སྨྲས་པ། གལ་ཏེ་དོན་འདོད་པ་འགའ་ཞིག་གིས་འདི་དག་ལ་ལན་ཚའི་སྨན་རྩབས་བླུད་པར་གྱུར་ན། དེས་ན་འདི་དག་འདི་ནས་ཤི་འཕོས་ན། མ་གཞོན་ནུ་དག་གི་ནུ་ཞོ་འཐུང་བར་འགྱུར་རོ། །དགེ་སློང་མ་དེ་དག་གི་ནང་ན། དགེ་སློང་མ་སྐྱོང་མ་ཞེས་བྱ་བ་སྦོམ་མོ། གླེན་མ་མི་གསལ་བ་ཞིག་འདུག་པ་དེས་དེ་ཐོས་ནས་དེས་བསམས་པ། གལ་ཏེ་བདག་བསོད་ནམས་ཀྱི་ཕུང་པོ་དེ་ལྟ་བུ་ལས་ཡོངས་སུ་ཉམས་པར་གྱུར་ན། བདག་གིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས། ཅི་ཞིག་རྙེད་ཀྱིས་བདག་སོང་ལ་ལན་ཚཝའི་སྨན་རྩབས་བསླངས་ཏེ་འདི་དག་ལ་བླུད་པར་བྱའོ་སྙམ་ནས། དགེ་སློང་མ་སྐྱོང་མ་དེ་དགེ་སློང་མ་རྣམས་ཀྱི་ནང་ནས་ཕྱིར་བྱུང་སྟེ། གནས་སུ་སོང་ནས་དེ་ནས་ལན་ཚའི་སྨན་རྩབས་ཀྱི་ཕྲུ་བ་དང ། ཁ་ཕོར་དྲུག་ཅུ་བླངས་ཏེ། ཆོམ་རྐུན་པ་དག་གི་དྲུང་དུ་སོང་བ་དང ། ཆོམ་རྐུན་པ་དེ་དག་སྡུག་བསྔལ་གྱི་ཚོར་བ་དག་གིས་ཉེན་ཅིང་སྲོག་ལ་མི་ལྟོས་པ། སྐོམ་པས་གདུངས་པ་དག་གིས་བསམས་པ། ཀྱེ་མ་འཕགས་མ་འདིས་བདག་ཅག་སྐོམ་གྱིས་གདུངས་པ་རྣམས་
Ca213a
༄#། །ལ་བུམ་པ་དེ་ནས་སྐོམ་བླུད་ན་ཅི་མ་རུང་སྙམ་མོ། །སྐྱོང་མས་བསོད་ནམས་ཀྱི་འདུ་ཤེས་ཀྱིས་རེ་རེ་ལ་ཁམ་ཕོར་བྱིན་ཏེ་ལན་ཚཝའི་སྨན་རྩབས་བྲིམས་པ་དང ། གང་གིས་འཐུངས་པ་དེ་དུས་ལ་བབ་སྟེ། དེ་བཞིན་དུ་ཐམས་ཅད་དུས་ལ་བབ་བོ། །སྐྱོང་མ་ཆོམ་རྐུན་པ་དེ་དག་ལ་ལན་ཚཝའི་སྨན་རྩབས་འབྲིམ་པར་བྱེད་པ་ན་ནམ་སྲོས་པར་གྱུར་ནས། དགེ་སློང་མའི་དབྱར་ཁང་སྒོ་བཅད་པ་ན། སྐྱོང་མ་འོངས་ནས་དེས་དལ་བུས་ཁད་ཀྱིས་ཁད་ཀྱིས་སྒོ་གཏན་བརྡུངས་པ་དང ། དགེ་སློང་མ་རྣམས་ཀྱིས་སྨྲས་པ། སྒོ་གཏན་རྡུང་བར་བྱེད་པ་འདི་སུ། སྐྱོང་མས་སྨྲས་པ།་བདག་སྐྱོང་མའོ། །ཁྱོད་ནམ་སྲོས་ནས་ག་ལས་འོངས། ཕུ་ནུ་མོ་དག་རྗེས་སུ་ཡི་རང་བར་གྱིས་ཤིག་།རྗེས་སུ་ཡི་རང་བར་གྱིས་ཤིག་།ཅི་ཁྱེད་ཀྱིས་དགྲ་བཅོམ་པ་ཉིད་མངོན་སུམ་དུ་བྱས་སམ། འོན་ཏེ་ཕྱིར་མི་འོང་བའི་འབྲས་བུའམ། ལན་ཅིག་ཕྱིར་འོང་བའི་འབྲས་བུའམ། རྒྱུན་དུ་ཞུགས་པའི་འབྲས་བུ་མངོན་དུ་བྱས་སམ། འོན་ཏེ་དགེ་འདུན་གྱི་གཙུག་ལག་ཁང་བྱེད་དུ་བཅུག་།ཕུ་ནུ་མོ་དག་།མ་ཡིན་ནོ། །འོན་ན་འབྲས་ཆན་ནམ། སྐྱོ་མའམ། ཐུག་པའི་བཏུང་བའམ། རས་ཡུག་ཆེན་སྦྱོར་དུ་བཅུག་གམ། སྐྱོང་མས་སྨྲས་པ། ཕུ་ནུ་མོ་དག་ཅི་ཁྱེད་ཅག་ལ་འབྲས་ཆན་དང ། སྐྱོ་མ་དང ། ཐུག་པའི་བཏུང་བ་དང ། རས་ཡུག་ཆེན་སྦྱོར་དུ་གཞུག་པ་བཙལ་བ་ལས། ལས་གཞན་མེད་དམ། འོ་ན་གཞན་ཅི་བྱས། ཁྱེད་ཅག་གིས་ཆོམ་རྐུན་པ་
Ca213b
དྲུག་ཅུ་པོ་ལག་པ་དང ། རྐང་པ་བཅད་པ་དེ་དག་མཐོང་ངམ། མཐོང་ངོ ། །བདག་གིས་ལན་ཚཝའི་སྨན་རྩབས་བསླངས་ཏེ་དེ་དག་འཐུང་དུ་བཅུག་ནས་འཐུངས་པ་དང ། དེ་དག་དུས་ལ་བབ་པས་མ་གཞོན་ནུ་དག་གི་ནུ་ཞོ་འཐུང་དུ་བཅུག་གོ་།སྐལ་ཆད་མ་ཁྱོད་ལྟོ་ཕམ་པར་འགྱུར་བ་དག་གིས་བཀང་ལ། ངེད་ཅག་རྗེས་སུ་ཡི་རང་བར་བྱེད་དུ་འཇུད་དམ། དེ་བདག་ལ་ཡང་དག་པར་ཕམ་པར་འགྱུར་བའི་ལྟུང་བ་མ་བྱུང་ངམ་སྙམ་དུ་འགྱོད་པ་སྐྱེས་ནས། དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མ་དེ་ལ་འདུ་ཤེས་ཀྱང་ཡོད། སེམས་པ་ཡང་ཡོད་པས་ཕམ་པར་གྱུར་ཏོ། །དེ་ལྟ་བས་ན། དགེ་སློང་ངམ་དགེ་སློང་མས་ནད་པ་ལ་ཅི་ནས་ཀྱང་ནད་པ་དུས་བྱེད་པར་གྱུར་ཅིག་སྙམ་པ་དེ་ལྟ་བུའི་སེམས་ཀྱིས་སྨན་སྦྱིན་པར་མི་བྱ་བར་འདི་ལྟར་ཅི་ནས་ཀྱང་ནད་སོས་པར་གྱུར་ཅིག་སྙམ་པ་དེ་ལྟ་བུའི་སེམས་ཀྱིས་སྨན་སྦྱིན་པར་བྱའོ། །དགེ་སློང་གིས་ནད་པ་ལ་ཅི་ནས་ཀྱང་ནད་པ་དུས་བྱེད་པར་གྱུར་ཅིག་སྙམ་པ་དེ་ལྟ་བུའི་སེམས་ཀྱིས་སྨན་སྦྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཉེ་བར་འཁོར་ལ་སོགས་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་
Ca214a
༄#། །རབ་ཏུ་ཕྱུང་རྫོགས་པར་བསྙེན་པར་བྱས་པ་དེའི་ཚེ་ན། བཅུ་བདུན་སྡེ་དག་གལ་ཏེ་གཅིག་ལ་ལས་སུ་བསྐོ་བ་བབ་ན་ཡང་དེ་དག་ཐམས་ཅད་བསྡོངས་ཏེ་བྱེད་དོ། །ཇི་ཙམ་དུས་གཞན་ཞིག་ན་གཙུག་ལག་ཁང་དེར་མཚན་ཐོགས་ཐག་ཏུ་ཆོས་མཉན་པ་བྱུང་ནས་དེར་དེ་དག་ཐམས་ཅད་ཀྱིས་བསྡོངས་ཏེ་ཏྲོན་བྱས་སོ། །ཕྱི་དེ་ཉིན་པར་དགེ་འདུན་གྱི་བསྲོ་གང་བྱུང་ནས་དེར་ཡང་དེ་དག་ཐམས་ཅད་ཀྱིས་བསྡོངས་ཏེ་ཏྲོན་བྱས་སོ། །དེའི་ཕྱི་དེ་ཉིན་པར་བཅུ་བདུན་སྡེ་ལས་གཅིག་ལ་དགེ་སྐོས་བབ་ནས་དེའི་ཉིན་མོ་ཡང་ཐམས་ཅད་ཀྱིས་གཙུག་ལག་ཁང་བརྒྱན་ཏེ་འཁོད་དོ། །དེ་ན་དགེ་སྐོས་ཏྲོན་བྱེད་པའི་ཚེ་བཅུ་བདུན་སྡེ་ལས་གཅིག་ལ་བློ་བྱུང་བ་བདག་ནི་ཆད་ཀྱིས་ཉལ་ལོ། །མི་བཅུ་དྲུག་གིས་ཅིའི་ཕྱིར་ཏྲོན་མི་ནུས་སྙམ་མོ། །དེ་བཞིན་དུ་རེ་རེ་ལ་ཡང་བློ་དེ་ལྟ་བུ་བྱུང་ནས་གཞན་བཅུ་དྲུག་པོ་ཐམས་ཅད་སོ་སོར་ཉལ་དུ་དོང་ངོ ། །དགེ་སྐོས་དེ་འབའ་ཞིག་གཅིག་པུས་མཚན་ཐོག་ཐག་ལས་བྱས་ཏེ། མཚན་མོ་ནམ་ནངས་པ་དང ། མར་མེའི་ཀོང་བུ་དག་བསྡུས། སྒོ་དག་ཕྱེ། གཙུག་ལག་ཁང་ཆག་ཆག་བཏབ། བྱུག་པ་བྱས་ཏེ། དུས་ཤེས་པར་བྱས་ནས་སྟན་བཤམས་ཤིང་མཆོད་རྟེན་གྱི་འཁོར་སར་བདུག་སྤོས་བྲིམས་ཏེ། གཙུག་ལག་ཁང་གི་སྟེང་དུ་འགྲེང་ནས་གཎྜཱི་བརྡུང་བར་བརྩམས་སོ། །དེ་ནས་བཅུ་དྲུག་པོ་དེ་དག་གཎྜཱིའི་སྒྲས་སད་ནས། རང་རང་གི་གནས་ཁང་དག་ནས་ལྷུང་བཟེད་ཐོགས་ཏེ་བྱུང་བ་དང ། དེ་དག་གིས་
Ca214b
དགེ་སྐོས་དེ་གཅིག་པུ་ཕར་རྒྱུགས་ཚུར་རྒྱུག་ཅིང་འདུག་པ་མཐོང་ནས། དེ་དག་གིས་ཕན་ཚུན་སྨྲས་པ། ཚེ་དང་ལྡན་པ་དག་འདི་གཅིག་པུ་ཕར་རྒྱུག་ཚུར་རྒྱུག་ཅིང་འདུག་ན། ཡུ་བུ་ཅག་ལས་སུས་ཀྱང་འདིའི་གྲོགས་མ་བྱས་སམ། གཅིག་གིས་སྨྲས་པ། ཁོ་བོ་ལ་བློ་བྱུང་བ་བདག་ནི་ཆད་ཀྱི་ཉལ་ལོ། །མི་བཅུ་དྲུག་གིས་ཅིའི་ཕྱིར་ཏྲོན་མི་ནུས་སྙམ་མོ། །དེ་བཞིན་དུ་གཞན་ཡང་དེ་སྐད་ཟེར། གཞན་དག་ཀྱང་ཟེར་ཏེ། ཐམས་ཅད་ཀྱིས་དེ་སྐད་སྨྲས་སོ། །དེ་ནས་བཅུ་དྲུག་པོ་དག་གིས་སྨྲས་པ། ཚེ་དང་ལྡན་པ་དག་འདི་བདག་ཅག་གི་འཕྲལ་གྱི་བྱ་བ་ཐམས་ཅད་ལ་ཐོག་མར་འགྲོ་བ་ཡིན་ན། བདག་ཅག་གིས་འདིའི་གྲོགས་མ་བྱས་པ་ནི་ཡུ་བུ་ཅག་གིས་མ་ལེགས་པ་བྱས་ཏེ། འདི་བདག་ཅག་ལ་གཤེ་བར་འགྱུར་གྱིས། ཟན་ཟོས་མ་ཐག་ཏུ་བཟོད་པ་གསོལ་བར་བྱའོ་ཞེས་དེ་དག་གིས་ཟན་ཟོས་ནས་བཟོད་པ་གསོལ་བར་བརྩམས་ཏེ། གཞོན་པ་རྣམས་ཀྱིས་ནི་དེའི་རྐང་པ་གཉིས་ལ་གཏུགས། རྒན་པ་རྣམས་ཀྱིས་ནི་མགུལ་ནས་འཁྱུད་དེ་ཚེ་དང་ལྡན་པ་བཟོད་པར་གསོལ་ཞེས་བྱས་ནས་དེ་ཅང་མི་སྨྲ་བ་ཉིད་དུ་འདུག་གོ་།དེ་དང་ཆེས་བཤེས་པ་གཅིག་ཡོད་པ་དེས་ག་ག་ཚིལ་བྱས་པ་དང ། དེས་དགོད་པར་བརྩམས་ཏེ་བཟོད་དོ་ཞེས་ཀྱང་ཟེར་རོ། །དེ་དག་གིས་བསམས་པ། དེ་ནི་ཐབས་ལེགས་པ་ཡིན་ནོ་སྙམ་ནས། གཞན་གྱིས་ཀྱང་ག་ག་ཚིལ་བྱས་ཤིང་དེ་བཞིན་དུ་ཐམས་ཅད་ཀྱི་བར་གྱིས་ག་ག་ཚིལ་བྱས་པ་དང ། དེ་རླུང་གྱེན་དུ་འཆུགས་ཏེ་དུས་ལ་བབ་བོ། །དེ་དག་བརྟད་
Ca215a
༄#། །ཅིང་མྱ་ངན་བྱ་བར་བརྩམས་པ་དང ། དགེ་སློང་རྣམས་གྱིས་སྨྲས་པ། ཀྱེ་བཅུ་བདུན་སྡེ་དག་ཅིའི་ཕྱིར་བརྟད་ཅིང་མྱ་ངན་བྱེད། དེ་དག་གིས་སྨྲས་པ། བདག་ཅག་སྔོན་ནི་བཅུ་བདུན་སྡེར་གྱུར་ན། ད་ནི་བཅུ་དྲུག་སྡེར་གྱུར་ཏེ། ཚངས་པ་མཚུངས་པར་སྤྱོད་པ་ཡིད་དུ་འོང་པ་དང་བྲལ་ཞིང་ཕམ་པར་གྱུར་པའི་ལྟུང་བ་བྱུང་ངོ ། །དགེ་སློང་དེ་དག་གིས་མ་ལེགས་སོ་ཞེས་སྨྲས་ཏེ་དོང་ངོ ། ། བཅུ་དྲུག་པོ་དེ་དག་ཀྱང་མཐའ་ཅིག་ཏུ་དོང་སྟེ། སེམས་ཁོང་དུ་ཆུད་ཅིང་འཁོད་པ། དགེ་སློང་གཞན་དག་གིས་མཐོང་ནས། དགེ་སློང་དེ་དག་གིས་སྦྱོར་བར་བརྩམས་ཏེ། ཚེ་དང་ལྡན་པ་བཅུ་བདུན་སྡེ་འདི་དག་ནི་སོག་མའི་མེ་བཞིན་དུ་སྐད་ཅིག་གིས་འབར་ཞིང་སྐད་ཅིག་གིས་ཤི་བར་འགྱུར་ཏེ། ཡུད་ཙམ་ཞིག་གིས་རྒོད་བག་བྱེད་ཅིང་ཡུད་ཙམ་ཞིག་གིས་སེམས་ཁོང་དུ་ཆུད་ཅིང་འཁོད་དོ་ཞེས་ཟེར་རོ། །དེ་དག་མྱ་ངན་གྱི་མེས་ཡིད་གདུངས་པས། ཡོངས་སུ་སྤྱོད་ཀྱང་ཅང་མི་སྨྲ་བར་འཁོད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་རྣམས་ལ་ནི་ལྟུང་བ་མེད་དེ། ཡང་དགེ་སློང་གིས་ག་ག་ཚིལ་མི་བྱའོ། །བྱེད་ན་འགལ་ཚབས་ཅན་དུ་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་བཅུ་གཅིག་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ནས་ཧ་ཅང་མི་རིང་བ་
Ca215b
ན་རི་བྲགས་ཤིག་ཡོད་པ་དེ་ན་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཞིག་འདུག་སྟེ། དེ་ཡང་དད་པ་ཅན་བཟང་བ་དགེ་བའི་བསམས་པ་ཅན་ཡིན་པས། དེས་དགེ་འདུན་ལ་བསྡོས་ཏེ། གཙུག་ལག་ཁང་རྟ་བབས་མཐོན་པོ་དང ། སྐར་ཁུང་དང ། སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ། སྙིང་དང་མིག་འཕྲོག་པ། མཐོ་རིས་ཀྱི་ཐེམ་སྐས་སུ་གྱུར་པ་ཞིག་བྱེད་དུ་བཅུག་གོ་།གཙུག་ལག་ཁང་དེར་དགེ་སློང་དྲུག་ཅུས་དབྱར་གནས་པ་དག་བྱས་ཏེ་དོང་ནས་ཁྱིམ་བདག་དེས་དེར་མ་བྱིན་པར་ལེན་པ་དག་གི་ཁྲིའམ་ཁྲིའུ་དག་མི་རྐུས་པར་གྱིས་ཤིག་ཅེས་སྲུང་མའི་མི་བཞག་གོ་།ཇི་ཙམ་དུས་གཞན་ཞིག་ན་དགེ་སློང་གཞན་དྲུག་ཅུ་ལྗོངས་རྒྱུ་ཞིང་འགྲོ་བ་ན་རི་བྲགས་དེར་ཕྱིན་ནས། བསྟི་གནས་རྙན་པར་བྱེད་པ་ན་མི་ཞིག་གིས་སྨྲས་པ། འཕགས་པ་དག་ཁྱེད་ཅག་ཅིའི་སླད་དུ་གཙུག་ལག་ཁང་དུ་མི་གནས། བཞིན་བཟང་གཙུག་ལག་ཁང་ག་ལ་ཡོད། འཕགས་པ་དག་དགོན་པ་འདི་ནའོ། །དགེ་སློང་དེ་དག་དེར་དོང་བ་དང ། སྲུང་མའི་མིས་མཐོང་ནས། དེས་འོངས་པ་ལེགས་སོ་ཞེས་བྱ་བའི་ཚིག་གིས་བསྙེན་བཀུར་བྱས་ཏེ། གནས་ཁང་དག་བསྐོས་ནས་ཁྲི་དང་ཁྲིའུ་དང་སྟན་ནང་ཚངས་ཅན་དང ། ལ་བ་ལ་སོགས་པ་དག་ཕུལ་ཏེ། སྦྱངས་ཙགས་གཡར་ནས་སྨྲས་པ། འཕགས་པ་དག་རེ་ཞིག་ཆབ་བཙག་པར་མཛོད་ཅིག་དང ། དེའི་བར་དུ་བདག་གིས་ཁྱིམ་བདག་ལ་བརྗོད་པར་བགྱིའོ་ཞེས་མི་དེ་ཁྱིམ་བདག་གི་དྲུང་དུ་སོང་སྟེ། སྨྲས་པ། ཁྱིམ་བདག་དགྱེས་པ་སྐྱེད་ཅིག་།ཁྱོད་ཀྱི་གཙུག་ལག་
Ca216a
༄#། །ཁང་དུ་དགེ་སློང་གློ་བུར་དུ་ལྷགས་པ་དྲུག་ཅུ་མཆིས་སོ། །ཁྱིམ་བདག་གུས་པར་བསྒྲིམ་པ་དང་བཅས་པས་ནང་མི་དག་ལ་སྨྲས་པ། ཤེས་ལྡན་དག་ཁོ་བོའི་གཙུག་ལག་ཁང་དུ་དགེ་སློང་གི་དགེ་འདུན་བྱོན་པ་དེ་དག་ལེགས་པར་སྦྱར་བའི་བཏུང་བས་ཚིམ་པར་བྱས། བུ་རམ་དང་ཧཝགས་དང་ལི་ཁར་དང་དགུན་དང་བལ་བུ་སེའུ་ལོང་ཞིག་ཅེས་ཁྱིམ་བདག་ལེགས་པར་སྦྱར་བའི་བཏུང་བ་སྦྱར་ནས་གཙུག་ལག་ཁང་དུ་སོང་བ་དང ། དགེ་སློང་དག་ཀྱང་ཆུ་བཙགས་ཏེ་རང་རང་གི་སྤྱོད་ལམ་གྱིས་འཁོད་དོ། །ཁྱིམ་བདག་དེས་དགེ་སློང་དེ་དག་ཐག་རིང་པོ་ཁོ་ན་ནས་མཐོང་སྟེ། དེས་གཙུག་ལག་ཁང་དེ་མཚོ་པདྨས་གང་བ་བཞིན་དུ་མཐོང་ནས། རྒྱ་ཆེར་དད་པའི་ཤུགས་ཀྱིས་བསྒྱུར་བའི་རྒྱུད་ཀྱིས་ཚིགས་སུ་བཅད་པ་སྨྲས་པ། གྲོང་ངམ་ཡང་ན་དགོན་པའང་རུང ། །གཤོང་ངམ་ཡང་ན་ཐང་ཡང་རུང ། །གང་ན་འོས་པ་གནས་པ་ཡི། །ས་གཞི་དེ་ནི་དགའ་བྱེད་ཡིན། །དེ་ནས་ལེགས་པར་སྦྱར་བའི་བཏུང་བ་སྟ་གོན་བྱས་ཏེ། རང་གི་ལག་ནས་དགེ་སློང་གི་དགེ་འདུན་དེ་ཚིམ་པར་བྱས་ནས། རང་ཉིད་ཀྱིས་པོག་པོར་ཐོགས་ཏེ། དགེ་སློང་གི་དགེ་འདུན་དང་ལྷན་ཅིག་མཆོད་རྟེན་ལ་ཕྱག་འཚལ་ནས་གཙུག་ལག་ཁང་དུ་ཞུགས་ཏེ་རྒན་པའི་མཐའ་ལོགས་སུ་འདུག་གོ་།དགེ་འདུན་གྱི་གནས་བརྟན་གྱིས་ཡོན་བཤད་ནས། །ཁྱིམ་བདག་དེས་རྐང་པ་གཉིས་ལ་ཕྱག་འཚལ་ཏེ། སང་བདག་གི་སྡུམ་པར་འཕགས་པའི་དགེ་འདུན་
Ca216b
གྱིས་གདུགས་ཚོད་གསོལ་བར་ཅི་གནང་ཞེས་སྨྲས་པ་དང ། དགེ་སློང་རྣམས་ཀྱིས་ཀྱང་དང་དུ་བླངས་ནས། ཁྱིམ་བདག་དེས་རྐང་པ་གཉིས་ལ་ཕྱག་འཚལ་ཏེ་སོང་ངོ ། །ཁྱིམ་བདག་དེས་ཕྱི་དེ་ཉིན་པར་ཟས་བསོད་པས་དགེ་སློང་དག་ཚིམ་པར་བྱས་ཤིང་དུས་མ་ཡིན་པར་ཡང་བཏུང་བ་བླུད་ནས། དགེ་སློང་རྣམས་ཀྱིས་ཀྱང་ཆོས་སྟོན་ཏོ། །ཕྱིས་ཀྱང་དེ་ཁོ་ན་བཞིན་དུ་དགེ་འདུན་གྱི་གནས་བརྟན་གྱིས་ཡོན་བཤད་པ་དང ། ཁྱིམ་བདག་དེ་རྒན་པའི་མཐའ་ལོགས་སུ་འདུག་སྟེ་སྨྲས་པ། འཕགས་པ་དག་བདག་གིས་གཙུག་ལག་ཁང་འདི་བདག་ཉིད་ཀྱི་སླད་དུ་ཡང་བགྱིད་དུ་མ་སྩལ། ཉེ་དུ་རྣམས་ཀྱི་སླད་དུ་ཡང་བགྱིད་དུ་མ་སྩལ་ཀྱི། འདི་ལྟར་འཕགས་པ་རྣམས་ཀྱི་སླད་དུ་བགྱིད་དུ་སྩལ་པ་ལགས་ཀྱིས་འདི་ཉིད་དུ་དབྱར་གནས་པར་ཞལ་གྱིས་བཞེས་ཤིག་དང ། བདག་གིས་འཕགས་པ་རྣམས་ལ་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ། །དགེ་སློང་རྣམས་ཀྱིས་སྨྲས་པ། ཁྱིམ་བདག་གཉན་ཡོད་ན་བཅོམ་ལྡན་འདས་ཆོས་ཀྱི་རྗེ་མངོན་སུམ་དུ་བཞུགས་ཤིང ། དུས་དང་དུས་སུ་དགེ་སློང་ཆེ་གེ་མོ་ཞིག་གིས་ནི་དགྲ་བཅོམ་པ་ཉིད་མངོན་སུམ་དུ་བྱས། ཆེ་གེ་མོ་ཞིག་གིས་ནི་མི་སྡུག་པའི་བར་གྲུབ་བོ་ཞེས་ཤེས་པ་བརྡ་སྤྲོད་པ་དག་ཀྱང་ཐོས་པར་འགྱུར། རྒྱལ་པོ་ཡང་བསྟན་པ་ལ་ཤིན་ཏུ་དད། བཙུན་མོ་ཕྲེང་ལྡན་མ་དང་རྒྱལ་རིགས་དབྱར་ཚུལ་མ་དང ། བླ་མཁྱེན་དྲང་སྲོང་བྱིན་དང ། རྙིང་པ་དང ། དགེ་བསྙེན་མ་ས་ག་དང ། རི་དྭགས་འཛིན་གྱི་མ་དང ། གཞན་ཡང་དད་པ་ཅན་མང་དུ་ཡོད་པས། དེར་ཟང་
Ca217a
༄#། །ཟིང་གི་ལོངས་སྤྱོད་དང ། ཆོས་ཀྱི་ལོངས་སྤྱོད་ཆེན་པོ་ཡང་འགྲུབ་པས་བདག་ཅག་དེ་ཉིད་དུ་འདོང་ངོ ། །འཕགས་པ་དག་ཆོས་ཀྱི་ལོངས་སྤྱོད་ནི་འཕགས་པ་བདག་ཉིད་ལ་རག་ལས་པ་ལགས་ཀྱི། ཟང་ཟིང་གི་ལོངས་སྤྱོད་ནི་བདག་ལ་རག་ལས་པ་ལགས་པས་དགྱེས་པ་སྐྱེད་ཅིག་དང ། ཅུང་ཟད་ཀྱང་ཉམས་པར་མི་འགྱུར་རོ། །དགེ་འདུན་གྱི་གནས་བརྟན་གྱིས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་དད་པ་ཅན་གྱི་དད་པ་སྤེལ་བར་བྱ་ཞིང་སྦྱིན་བདག་ལ་རྗེས་སུ་སྙིང་བརྩེ་བར་བྱའོ་ཞེས་གསུངས་པས། འདི་ཉིད་དུ་འཁོད་པར་བྱའོ་ཞེས་དེ་དག་དེར་འཁོད་ནས། བློ་བརྟན་པས་གཙུག་ལག་ཁང་དེའི་ཕྱི་ནང་བཅས་པར་སོ་སོར་བརྟག་པར་བརྩམས་པ་དང ། གཙུག་ལག་ཁང་དེ་མེ་ཏོག་ཕུན་སུམ་ཚོགས་པ་དང ། འབྲས་བུ་ཕུན་སུམ་ཚོགས་པ་ཤིན་ཏུ་དགའ་བ་མཐོང་ནས། དགེ་འདུན་གྱི་གནས་བརྟན་གྱིས་སྨྲས་པ། ཚེ་དང་ལྡན་པ་དག་གཙུག་ལག་ཁང་འདི་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ་ཤིན་ཏུ་དགའ་བ་ཡིན་པས། གལ་ཏེ་བདག་ཅག་གིས་འདིར་དབྱར་སྔ་མ་གནས་པར་ཁས་བླངས་ན་མེ་ཏོག་དང་འབྲས་བུ་ཐམས་ཅད་ཡོངས་སུ་ལོངས་སྤྱད་པར་མི་འགྱུར་གྱིས། བདག་ཅག་གིས་ངེས་པར་དབྱར་ཕྱི་མ་གནས་པར་ཁས་བླང་བར་བྱའོ་ཞེས་དེ་དག་གིས་དེར་དབྱར་ཕྱི་མ་གནས་པར་ཁས་བླངས་སོ། །ཁྱིམ་བདག་དེ་ལ་གཙུག་ལག་ཁང་དེ་གཅིག་པུ་འབའ་ཞིག་ཡོད་པས་དེ་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་དོ། །རི་བྲགས་
Ca217b
དེ་ན་ཡང་གཙུག་ལག་ཁང་གཞན་མེད་པས་རི་བྲགས་པ་དེ་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་དོ། །རི་བྲགས་དེའི་ཉེ་འཁོར་ན་ཡང་གཙུག་ལག་ཁང་གཞན་མེད་པས། རི་བྲགས་ཀྱི་ཉེ་འཁོར་བ་དེ་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་དག་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་པས། དེར་དབྱར་གནས་པར་ཁས་བླངས་པའི་དགེ་སློང་རྣམས་ལ་རྙེད་པ་མང་པོ་བྱུང་ངོ ། །སྟོན་ཟླ་ཐ་ཆུང་གི་གཡོན་ཅན་དག་གི་ཀུན་ཏུ་སྤྱོད་པ་ནི། དགག་དབྱེ་བྱས་མ་ཐག་ཏུ་འདུས་ཏེ་བདག་ཅག་གིས་ལས་ཅི་ཞིག་བྱས་ན། དེས་བརྩལ་མི་དགོས་པར་ལོ་སྐོར་དུ་ལོངས་སྤྱོད་ཅིང་བདེ་བར་འཁོད་པར་འགྱུར་ཞེས་ཕན་ཚུན་གྲོས་བྱེད་དོ། །དེ་དག་འདི་སྙམ་དུ་སེམས་ཏེ། ཤཱཀྱའི་སྲས་ཀྱི་དགེ་སྦྱོང་འདི་དག་གཞོམ་པར་བྱའོ་སྙམ་མོ། །གཞན་དག་གིས་སྨྲས་པ། དེ་དག་ནི་སྒོ་འཕར་བརྒྱ་སྙེད་བཟླ་བ་བྱས་ཀྱང་ལྟོ་ཁེངས་པ་འགྲུབ་པར་དཀའ་བས་དེ་དག་ལ་ཅི་ཡང་མེད་ན། བདག་ཅག་ཅིའི་ཕྱིར་ཡུལ་དེ་སྲིད་དུ་བསྡད་པར་བྱ། དེ་ན་དགེ་སློང་གི་རྒྱུས་ཤེས་པ་གཅིག་འདུག་པས་སྨྲས་པ། ཁྱེད་ཅི་ཤེས། དེ་དག་ལ་མང་དུ་ཡོད་དོ། །ཇི་ལྟར་རེ་ཞིག་གཙུག་ལག་ཁང་འདི་གང་གི་ཡིན་པ་ཁྱིམ་བདག་དེ་ནི་དད་ཅན་བཟང་བ་དགེ་བའི་བསམ་པ་ཅན་ཡིན་ལ། ཁྱིམ་བདག་དེ་ལ་ཡང་གཙུག་ལག་ཁང་འདི་གཅིག་པུ་འབའ་ཞིག་ཡོད་པས། དེ་སྦྱིན་པ་དང ། བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་དོ། །རི་བྲགས་འདི་ན་ཡང་གཙུག་
Ca218a
༄#། །ལག་ཁང་གཞན་མེད་པས་རི་བྲགས་པ་འདི་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་དོ། །རི་བྲགས་འདིའི་ཉེ་འཁོར་ན་ཡང་གཙུག་ལག་ཁང་གཞན་མེད་པས། རི་བྲགས་ཀྱི་ཉེ་འཁོར་བ་འདི་དག་ཀྱང་སྦྱིན་པ་དང་བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་པས། འདིར་དབྱར་གནས་པར་ཁས་བླངས་པའི་དགེ་སློང་རྣམས་ལ་རྙེད་པ་མང་པོ་བྱུང་ངོ ། །གལ་ཏེ་ཡིད་མི་ཆེས་ན་སོང་ལ་ལྟོས་ཤིག་དང་རང་ཉིད་ཀྱི་མངོན་སུམ་དུ་འགྱུར་རོ། །གལ་ཏེ་དེ་ལྟ་ན་ཁྱོད་ཉིད་ཇེ་སོང་ལ་མངོན་སུམ་དུ་གྱིས་ཤིག་དང ། ཁོ་བོ་ཅག་ཕྱིས་འོང་ངོ ། །དེས་སྨྲས་པ། ལེགས་ཀྱིས་དེ་བཞིན་གྱིས་ཤིག་དང ། ཁོ་བོ་འགྲོའོ་ཞེས་དེས་གོས་ཚགས་བཅོས་ཏེ། འཕགས་ཤིང་དེ་ནས་ཚིགས་སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་འཚལ་ཏེ། གཙུག་ལག་ཁང་དེར་ཞུགས་སོ། །ཇི་ཙམ་ན་སྒོ་ཁང་ན་རྒན་ཞུགས་ཤིག་འདུག་ནས་གཡོན་ཅན་དེ་དེའི་རྐང་པ་ལ་ཕྱག་འཚལ་ཏེ་དྲི་བར་བརྩམས་པ། འཕགས་པ་གཙུག་ལག་ཁང་སྙིང་དང་མིག་འཕྲོག་པ་མཐོ་རིས་ཀྱི་ཐེམ་སྐས་སུ་གྱུར་པ་འདི་སུའི་ལགས། བཞིན་བཟང་ཁྱིམ་བདག་ཆེ་གེ་མོ་ཞིག་གི་ཡིན་ནོ། །འཕགས་པ་ཅི་འདི་གཙུག་ལག་ཁང་ལགས་སམ། འོན་ཏེ་ཕོངས་པ་ལགས། བཞིན་བཟང་གཙུག་ལག་ཁང་ནི་ཇི་ལྟ་བུ་ཡིན། ཕོངས་པ་ནི་ཇི་ལྟ་བུ་ཡིན། འཕགས་པ་
Ca218b
གང་ན་ཡོ་བྱད་ཕུན་སུམ་ཚོགས་པ་ནི་གཙུག་ལག་ཁང་ལགས་སོ། །གང་ན་ཡོ་བྱད་མ་མཆིས་པ་ནི་ཕོངས་པ་ལགས་སོ། །བཞིན་བཟང་འོ་ན་འདི་ནི་གཙུག་ལག་ཁང་ཡིན་གྱི། ཕོངས་པ་མ་ཡིན་ཏེ། འདི་ན་ཡོ་བྱད་ཕུན་སུམ་ཚོགས་པ་ཡོད་ཀྱི། འདི་ན་ཡོ་བྱད་མེད་པ་མ་ཡིན་ནོ། །འཕགས་པ་ཟས་ཟ་བ་ནི་འགའ་ཡང་ས་རྡུལ་མི་ཟ་ལ། གོས་དག་གྱོན་པ་ནི་འགའ་ཡང་ཤིང་ཤུན་དག་མི་གྱོན་པས་ཁྱེད་ཅག་ལ་གོས་ཅུང་ཟད་མཆིས་སམ། རྒན་ཞུགས་དེ་དྲང་བའི་རང་བཞིན་ཅན་ཡིན་པས། དེས་གཡོན་ཅན་དེའི་ལག་ནས་བཟུང་སྟེ་གནས་ཁང་དུ་བཅུག་ནས་སྨྲས་པ། བཞིན་བཟང་གོས་ཀྱི་གདང་གོས་དག་གིས་ཕུར་ཤོག་ཅིང་འདུག་པ་ལ་ལྟོས། འཕགས་པ་ཅི་འདི་ཁྱོད་ཀྱི་ལགས་སམ། འོན་ཏེ་དགེ་འདུན་གྱི་ལགས། བཞིན་བཟང་འདི་ཁོ་བོ་གང་ཟག་གི་ཡིན་ནོ། །འཕགས་པ་འོ་ན་ཁྱོད་ནི་གོར་མ་བཀུམ་པར་དགེ་འདུན་གྱི་གནས་བརྟན་ནམ་ཆོས་སྒྲོག་པ་ཞིག་ལགས་སོ། །བཞིན་བཟང་ཁོ་བོ་ནི་དགེ་འདུན་གྱི་གནས་བརྟན་ཡང་མ་ཡིན་ལ་ཆོས་སྒྲོག་པ་ཡང་མ་ཡིན་ཏེ། འདི་ལྟར་ཁོ་བོ་ནི་དགེ་འདུན་གསར་བུ་དགེ་ཚུལ་ཞིག་ཡིན་ནོ། །འཕགས་པ་དེ་ནི་མཇལ་ན་འདི་ན་དགེ་འདུན་གྱི་གནས་མལ་ཅུང་ཟད་མཆིས་སམ། བཞིན་བཟང་མང་དུ་ཡོད་དེ། རེ་ཞིག་ཁོ་བོའི་བྱུག་རིས་སུ་ཡང་དངོས་པོ་བདུན་པོ་དག་འཐོབ་བོ། །འཕགས་པ་དེ་ཡང་མཇལ་གྱིས་འདི་ཞུའོ། །གཙུག་ལག་ཁང་འདི་ན་གང་ལ་ལ་འཚལ་མ་བགྱིད་པ་དེ་ཅི་རྫ་མཁན་གྱི་སྣོད་དུ་འཚོད་དམ། འོན་ཏེ་ཟངས་མའི་སྣོད་དུ་འཚོད།
Ca219a
༄#། །བཞིན་བཟང་ཁྱོད་ཀྱིས་གནས་ཁང་འདི་དག་མཐོང་ངམ། འཕགས་པ་མཐོང་ངོ ། །བཞིན་བཟང་གནས་ཁང་འདི་ཟངས་མའི་སྣོད་ཀྱིས་གང་ཞིང་འདུག་གོ་།གཡོན་ཅན་དེས་བསམས་པ་ལེགས་པར་བྲིད་ཟིན་གྱིས་ད་ནི་འགྲོའོ་སྙམ་ནས་གཡོན་ཅན་དེས་སྨྲས་པ། འཕགས་པ་ཁྱོད་ཀྱི་དགེ་བའི་ཕྱོགས་ཡོངས་སུ་ཉམས་པ་ནི་བདག་གི་དོན་ཡོངས་སུ་ཉམས་པ་ལགས་པས་བདག་སླད་ཀྱིས་ཀྱང་མཆིའི་ད་ནི་མཆིའོ། །བཞིན་བཟང་དེ་བཞིན་གྱིས་ཤིག་།གཡོན་ཅན་དེས་རྒན་ཞུགས་དེའི་རྐང་པ་ལ་ཕྱག་འཚལ་ཏེ་སོང་ནས། གཡོན་ཅན་དེ་ཆོམ་རྐུན་པ་དེ་དག་གི་དྲུང་དུ་སོང་སྟེ་སྨྲས་པ། པད་མའི་མིག་ཅན་དག་རྫས་ཐམས་ཅད་ཀྱིས་གང་བའི་གྲུ་བོ་ཆེ་སྐམས་ལ་འདུག་གིས་ཕྲོགས་ཤིག་ཕྲོགས་ཤིག་།དེ་ནས་གཅིག་གིས་སྨྲས་པ། དེ་ན་འཁོད་པའི་རབ་ཏུ་བྱུང་བ་དྲུག་ཅུ་པོ་དག་ནི་འཕོང་གི་སློབ་དཔོན་ཤ་སྟག་ཡིན་ཞེས་གྲགས་པས། དེ་བཞིན་དུ་གཞོམ་པར་མི་ནུས་ཀྱིས། གང་གིས་ཚེ་དེ་དག་མཚན་མོ་ཆོས་ཉན་པ་དེའི་ཚེ་གཞོམ་མོ། ། གཞན་དག་གིས་སྨྲས་པ། ཉི་མ་གང་ལ་དེ་དག་གི་ཆོས་ཉན་པ་འབྱུང་བར་འགྱུར། དེས་སྨྲས་པ། ཚེས་བརྒྱད་དང་བཅུ་བཞི་ལ་འབྱུང་སྟེ། དེ་ལ་ཚེས་བརྒྱད་ནི་ཐལ་ཟིན་པས། ཚེས་བཅུ་བཞི་ལ་འབྱུང་བར་འགྱུར་རོ། །དེ་དག་སོར་མོ་དག་གིས་ཉི་མ་བགྲང་ཞིང་འཁོད་འཁོད་ནས། ཇི་ཙམ་ན་ཚེས་བཅུ་བཞི་ལ་བབ་སྟེ། དགེ་འདུན་གྱི་གནས་བརྟན་གྱིས་སོ་སོར་ཐར་པའི་མདོ་བཏོན་ཏེ། དགེ་འདུན་གྱི་
Ca219b
གསོ་སྦྱོང་བྱས་ནས། ཆོས་སྒྲོག་པ་སེང་གེའི་ཁྲི་ལ་འཛེགས་ཏེ་འདི་སྐད་ཅེས། མི་མཆོག་འདུལ་བ་ཁ་ལོ་སྒྱུར་མཛད་པ། །ཀུན་སྦྱོར་འཆིང་བ་གཅོད་པ་དེ་བཞིན་གཤེགས། །དབང་པོ་ཞི་ཞིང་ཉེར་ཞི་ཞི་ལ་མཁས། །མཉན་ཡོད་བཞུགས་པའི་བཀའ་བཞིན་བྱེད་ལ་གསུངས། །ཞེས་སྨྲ་བར་བརྩམས་པ་དང ། གཡོན་ཅན་དེ་དག་གིས་སྒོ་བརྡུངས་སོ། །དགེ་སློང་དེ་དག་གིས་ཚོར་ནས་སྨྲས་པ། ཤེས་ལྡན་དག་ཁྱེད་ཅག་སུ་ཡིན། འཕགས་པ་དག་བདག་ཅག་རིགས་ཀྱི་བུ་དག་གོ། དགེ་སློང་རྣམས་ཀྱིས་བསམས་པ། རི་བྲགས་ནས་སྐྱེ་བོའི་ཚོགས་དག་ཆོས་ཉན་དུ་ལྷགས་གོར་མ་ཆག་གིས་སྒོ་དབྱེའོ་སྙམ་ནས། དེ་དག་གིས་སྒོ་ཕྱེ་བ་དང་དེ་དག་ཞུགས་སོ། །ཇི་ཙམ་ན་གཞོམ་པར་བརྩམ་པ་དང ། དགེ་སློང་རྣམས་ཀྱིས་སྨྲས་པ། ཤེས་ལྡན་དག་ཁྱེད་ཅག་ན་རེ། བདག་ཅག་རིགས་ཀྱི་བུ་དག་གོ་ཞེས་ཟེར་ན། ད་ངེད་ཅག་འཇོམས་པར་བྱེད་དམ། དེ་དག་གིས་སྨྲས་པ། འཕགས་པ་དག་བདག་ཅག་ལ་མིང་གཉིས་ཏེ། སླད་རོལ་དུ་ནི་རིགས་ཀྱི་བུ་དག་ཅེས་བགྱི་ལ། ནང་དུ་ནི་ཆོམ་རྐུན་པ་དག་ཅེས་བགྱིའོ། ། ཁྱེད་ཅག་མིང་འདོགས་པར་བྱེད་པ་ནི་ཉམས་སོ། །གཡོན་ཅན་དེ་དག་གིས་དགེ་སློང་དག་བཅོམ་སྟེ་དོང་ནས། དགེ་སློང་བཅོམ་པ་དེ་དག་གིས་གྲོས་བྱས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྷག་མ་དང་བཅས་པར་བཞོ་བར་བྱའོ་ཞེས་གསུངས་པས་རེ་ཞིག་ཁྱིམ་བདག་འདི་ཕྱོགས་བཞིའི་དགེ་སློང་གི་དགེ་འདུན་ལ་སྦྱིན་དུ་བཅུག་སྟེ་ཡང་ཅི་བྱ། བདག་ཅག་ལ་སྦྱིན་དུ་བཅུག་སྟེ་ཡང་ཅི་བྱས། བདག་ཅག་མཉན་
Ca220a
༄#། །ཡོད་ཉིད་དུ་དོང་ན་དེར་བདག་ཅག་རེ་རེ་ལ་ཚངས་པ་མཚུངས་པར་སྤྱོད་པ་དག་གིས་ཆོས་གོས་དག་གིས་མི་ཕོངས་པར་བྱེད་པར་འགྱུར་རོ་ཞེས་གྲོས་བྱས་སོ། །ཇི་ལྟར་འདོང་བར་བྱ། མཚན་མོ་འགེབས་པས་འདོང་ཞིང་ཉིན་མོ་ཐིབས་པོར་ཞུགས་ཏེ་འགྲོ་བར་བྱའོ་ཞེས་དེ་དག་གིས་ཁྱིམ་བདག་ལ་ཡང་མ་བལྟས་པར་དོང་ངོ ། །ཇི་ཙམ་ན་མཐར་གྱིས་མཉན་ཡོད་དུ་ཕྱིན་པ་དང ། དགེ་སློང་དག་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་གནས་པ་དེ་དག་གིས་དགེ་སློང་དེ་དག་སྒྲེན་མོར་སྒོའི་གམ་ཡོ་ན་རྒྱུ་བ་མཐོང་ནས་སྨྲས་པ། གཅེར་བུ་སྒྲེ་བྱི་དག་ཁྱེད་ཅག་འདིར་ཅི་འདོད། འདི་ཁྱེད་ཀྱི་གཙུག་ལག་ཁང་མ་ཡིན་ལ་འདུག་གནས་ཀྱང་མ་ཡིན་ནོ། །དེ་དག་གིས་སྨྲས་པ་ཚེ་དང་ལྡན་པ་དག། བདག་ཅག་གཅེར་བུ་དག་མ་ཡིན་ནོ། །འོ་ན་ཁྱེད་སུ་ཡིན། དགེ་སློང་དག་གོ་།འདི་ལྟ་བུ་དག་དགེ་སློང་ཡིན་ནམ། གང་དག་རྐུན་པོ་དག་གིས་བཅོམ་པ་དེ་དག་ཇི་ལྟ་བུ་ཡིན། ཁྱེད་ཅག་མིང་ཅི། སངས་རྒྱས་འཚོའོ། །ཆོས་འཚོའོ། །དགེ་འདུན་འཚོའོ། ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ་ཞེས་དེ་དག་གིས་སྒོ་ཕྱེ་ནས་དགེ་སློང་དེ་དག་འཇུག་ཏུ་བཅུག་སྟེ། དེ་དག་ལ་ལ་ལས་ནི་ཆོས་གོས་བྱིན། ལ་ལས་ནི་ཤམ་ཐབས་བྱིན། ལ་ལས་ནི་རྔུལ་ཟན་\་GZཱཎ?\་བྱིན། ལ་ལས་ནི་ལྷུང་བཟེད་བྱིན། ལ་ལས་ནི་ཆུ་ཚགས་བྱིན་ཏེ། བགོ་བཤའ་ཇི་ལྟ་བ་བཞིན་དུ་ཐམས་ཅད་བགོ་བཤའ་བྱས་པའི་སྐབས་དེ། དགེ་སློང་རྣམས་
Ca220b
ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མི་ཤེས་པ་ལ་གཙུག་ལག་ཁང་གི་སྒོ་གྱ་ཚོམ་དུ་དབྱེ་བར་མི་བྱ་སྟེ། གལ་ཏེ་འགའ་ཞིག་མཚན་མོ་སྒོ་འདོད་ན། དེའི་མིང་དང་རུས་དྲི་བར་བྱ་ཞིང་གལ་ཏེ་ངོ་ཤེས་ན་སྒོ་དབྱེ་བར་བྱ་ཞིང ། ངོ་མི་ཤེས་ན་སྒོ་དབྱེ་བར་མི་བྱའོ། །གཞན་ཡང་ཆོས་མཉན་པ་ལ་བབ་པའི་ཚེ། དགེ་སློང་མེལ་ཚེ་བ་གཞག་པར་བྱ་ཞིང ། གལ་ཏེ་ཆོམ་རྐུན་འོངས་ན་གཎྜཱི་འོན་ཅིག་།གཎྜཱི་ཐེའུ་འོན་ཅིག་།དུས་ཀྱི་འཁོར་ལོ་འོན་ཅིག་།སྣམ་སྦྱར་དང ། བདུན་པ་དང ། ལྔ་པ་དང ། གཏུར་བུ་དང ། རྒྱ་ཅང་དང ། ཤུར་བུ་དང ། ལྕག་པོ་དེ་དང ། ཤུར་བུ་ཕྲེའུ་འོན་ཅིག་ཅེས་ཚམ་ངམ་བྱའོ། །གཞན་ཡང་ངས་དགེ་སློང་དགེ་འདུན་གྱི་གནས་བརྟན་གྱི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་དགེ་འདུན་གྱི་གནས་བརྟན་གྱིས་ཆོས་མཉན་པ་ལ་བབ་པའི་ཚེ། དགེ་སྐོས་ལ་ཚེ་དང་ལྡན་པ་ཁྱོད་ཀྱིས་གཙུག་ལག་ཁང་གི་སྒོ་བཅད་དམ། སོ་སོར་བརྟགས་སམ། ཆོས་སྨྲ་བ་ལ་གསོལ་བ་བཏབ་བམ། བཤང་བ་དང་གཅི་བའི་སྐྱབས་བྱི་དོར་བྱས་སམ་ཞེས་དྲི་བར་བྱའོ། །དགེ་སློང་དགེ་འདུན་གྱི་གནས་བརྟན་གྱིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་ཆོམ་རྐུན་པས་བཅོམ་པའི་དགེ་སློང་དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་ཁོ་བོ་ཅག་གིས་ཁྱེད་ཅག་ལ་བགོ་བཤའ་ཇི་ལྟ་བ་བཞིན་དུ་བགོ་བཤའ་བྱས་མོད་ཀྱི་འོན་ཀྱང་ད་དུང་ཁྱེད་ཅག་ཆོས་གོས་
Ca221a
༄#། །དག་གིས་བྲེལ་གྱིས་ཁྱེད་ཅག་ཁྱིམ་བདག་གང་གི་གཙུག་ལག་ཁང་དུ་བཅོམ་པར་གྱུར་པའི་ཁྱིམ་བདག་དེ་ནི་དད་པ་ཅན་བཟང་བ་དགེ་བའི་བསམ་པ་ཅན་ཡིན་པས་དེ་ཉིད་ཀྱི་གཙུག་ལག་ཁང་དུ་དེང་ཞིག་དང ། དེ་ཉིད་ཀྱིས་ཁྱེད་ལ་ཆོས་གོས་དག་གིས་མི་བྲེལ་བར་བྱེད་པར་འགྱུར་རོ། །དགེ་སློང་དེ་དག་མཐའ་གཅིག་ཏུ་དོང་སྟེ། ཕན་ཚུན་གྲོས་བྱ་བར་བརྩམས་པ། ཚེ་དང་ལྡན་པ་དག་ཚངས་པར་མཚུངས་པར་སྤྱོད་པ་འདི་དག་ཟེར་བ་ནི་བཟང་སྟེ། བདག་ཅག་གིས་ཁྱིམ་བདག་ལ་མ་བལྟས་པར་འོངས་པས་ཡང་ཕྱིར་དེ་ཉིད་དུ་དོང་ན་དེས་བདག་ཅག་ལ་ཆོས་གོས་དག་གིས་བགོ་བཤའ་བྱེད་པར་འགྱུར་བའི་གནས་ཀྱང་ཡོད་དོ་ཞེས་དེ་དག་ཡང་ཕྱིར་དེར་དོང་ངོ ། །དེ་ནས་ཁྱིམ་བདག་དེས་མཐོང་ནས་སྨྲས་པ། འཕགས་པ་དག་ཅིའི་སླད་དུ་ཁྱེད་ཀྱིས་བདག་ལ་མ་གཟིགས་པར་བཞུད། དགེ་སློང་དེ་དག་གིས་སྨྲས་པ། ཁྱིམ་བདག་བཅོམ་ལྡན་འདས་ཀྱིས་ལྷག་མ་དང་བཅས་པར་བཞོ་བར་བྱའོ། །ཞེས་གསུངས་པས། དེས་ན་བདག་ཅག་ལ་བློ་བྱུང་བ་རེ་ཞིག་ཁྱིམ་བདག་འདི་ཕྱོགས་བཞིའི་དགེ་སློང་གི་དགེ་འདུན་ལ་སྦྱིན་དུ་བཅུག་སྟེ་ཡང་ཅི་བྱ། བདག་ཅག་ལ་སྦྱིན་དུ་བཅུག་སྟེ་ཡང་ཅི་བྱས། བདག་ཅག་མཉན་ཡོད་དུ་དོང་ན་དེར་བདག་ཅག་ལ་ཚངས་པ་མཚུངས་པར་སྤྱོད་པ་དག་གིས་ཆོས་གོས་དག་གིས་མི་ཕོངས་པར་བྱེད་པར་འགྱུར་རོ་སྙམ་ནས། དེའི་ཕྱིར་བདག་ཅག་མཉན་ཡོད་དུ་དོང་ངོ ། །ཁྱིམ་བདག་གིས་སྨྲས་པ། འཕགས་པ་དག་གལ་ཏེ་
Ca221b
བདག་གི་གཙུག་ལག་ཁང་བཅོམ་པས། ཅི་ཁྱིམ་ན་བདག་དབང་བའི་རྫས་དག་ཀྱང་བཅོམ་སྙམ་མམ། འཕགས་པ་དག་ཁྱེད་ཅག་གང་གི་སླད་དུ་བྱོན་པ་ནི་ལེགས་སོ་ཞེས་ཁྱིམ་བདག་དེས་ཡང་རྒྱ་ཆེར་གུས་པ་དང་བཅས་པས་མཁོས་སུ་ཕབ་སྟེ་དགེ་སློང་རེ་རེ་ལ་ཡང་ཡོ་བྱད་བཅུ་གསུམ་བཅུ་གསུམ་ཕུལ་ལོ། །ཆོམ་རྐུན་པ་དེ་དག་ཡང་ཕྱིར་འོངས་ཏེ་གཙུག་ལག་ཁང་གི་སྒོ་རྡུང་བར་བྱེད་པ་དང ། དགེ་སློང་རྣམས་ཀྱིས་ཚོར་ནས་དེ་དག་གིས་སྨྲས་པ། ཚེ་དང་ལྡན་པ་དག་གཡོན་ཅན་དེ་དག་ཉིད་ལྷགས་ཀྱིས་ཚམ་ངམ་གྱིས་ཤིག་ཅེས། གཎྜཱི་འོན་ཅིག་།གཎྜཱིའི་ཐེའུ་དང ། དུས་ཀྱི་འཁོར་ལོ་དང ། སྣམ་སྦྱར་དང ། བདུན་པ་དང ། ལྔ་པ་དང ། གཏུར་བུ་དང ། རྒྱ་ཅང་དང ། ཤུར་བུ་དང ། ལྕག་པོད་དང ། ཤུར་བུ་ཕྲེའུ་འོན་ཅིག་ཅེས་ཚམ་ངམ་བྱ་བར་བརྩམས་པ་དང ། གཡོན་ཅན་དེ་དག་སྐྲག་སྟེ་འབྱེར་བར་བརྩམས་པ་ན། ལྷས་ཚིགས་སུ་བཅད་པ་སྨྲས་པ། ལེགས་གསུངས་རྐང་གཉིས་གཙོ་བོ་ཐུབ་པ་ཡིས། །ཉན་ཐོས་རྣམས་ཀྱི་ཚམ་ངམ་གང་བསྟན་པ། །ཚམ་ངམ་རབ་བརྩོན་པ་དག་མཆོག་ཡིན་གྱི། ། གཡོན་ཅན་གཡུལ་ལ་སྡར་བ་གོ་གྱོན་པ། །ལྔ་བརྒྱ་དག་ནི་དེ་ལྟ་མ་ཡིན་ནོ། །གཡོན་ཅན་དེ་དག་ལ་དགེ་སློང་གི་རྒྱུས་ཤེས་པ་དེས་སྨྲས་པ། ཤེས་ལྡན་དག་ཁྱེད་ཅག་ཅིའི་ཕྱིར་འབྱེར་བར་བྱེད། །དེ་དག་གིས་སྨྲས་པ། ཁྱོད་ཉིད་ན་རེ། འདི་ན་འཁོད་པའི་རབ་ཏུ་བྱུང་བ་དྲུག་བཅུ་པོ་དག་ནི་འཕོང་གི་སློབ་དཔོན་ཤ་སྟག་ཡིན་ནོ་ཞེས་ཟེར་བས། ཇི་ལྟར་མི་འབྲོས་སུ་རུང ། གཞན་ཡང་བདག་ཅག་གིས་གཎྜཱི་ཞེས་བྱ་བ་ལ་སོགས་
Ca222a
༄#། །པའི་མཚོན་དེ་ལྟ་བུ་དག་གི་མིང་ནི་སྔོན་ལན་འགའ་ཡང་མ་ཐོས་སོ། །དེས་སྨྲས་པ། དེ་དག་ནི་མཚོན་མ་ཡིན་ནོ། །འོ་ན་དེ་དག་ཅི་ཡིན། རེ་ཞིག་གཎྜཱི་ཞེས་བྱ་བ་ནི། དེ་དག་གི་བརྡུང་བའོ། །གཎྜཱིའི་ཐེའུ་ཞེས་བྱ་བ་ནི་གང་གིས་རྡུང་བར་བྱེད་པའོ། །དུས་ཀྱི་འཁོར་ལོ་ཞེས་བྱ་བ་ནི་དུས་ཡོངས་སུ་གཅོད་པར་བྱེད་པའོ། །སྣམ་སྦྱར་དང ། བདུན་པ་དང ། ལྔ་པ་ཞེས་བྱ་བ་དེ་དག་ནི་ཆོས་གོས་དག་གི་མིང་ངོ ། །གཏུར་བུ་ཞེས་བྱ་བ་ནི་གང་དུ་དེ་དག་གཞུག་པའོ། །རྒྱ་ཅང་དང ། ཤུར་བུ་དང ། ལྕག་པོད་དང ། ཤུར་བུ་ཕྲེའུ་ཞེས་བྱ་བ་དེ་དག་གི་སྐ་རགས་ཀྱི་མིང་ཡིན་གྱི། ཁྱེད་ཅག་མ་སྡར་བར་ཡང་ཕྱིར་འདོང་ལ་གཞོམ་པར་བྱའོ་ཞེས་སྨྲས་ནས། དེ་དག་ཡང་ཕྱིར་ལོག་སྟེ། ཆོམ་རྐུན་པའི་དམག་དཔོན་གྱིས་ཡ་གད་གཙུགས་\་BཊZཱུGཥ?\་ཏེ་འཛེག་པར་བརྩམས་པ་དང ། དེ་ན་རྒན་ཞུགས་ཤིག་མེལ་ཚེ་བར་བཞག་པ་དེས་ཆོམ་རྐུན་པའི་དམག་དཔོན་འཛེག་པ་མཐོང་ནས། རྒན་ཞུགས་དེས་བསམས་པ། གཡོན་ཅན་འདི་དག་ནི་གང་དག་གིས་བདག་ཅག་ལྷུང་བཟེད་དང་ཆོས་གོས་ཕྲོགས་ཏེ་སྒྲེན་མོར་བཞག་པ་དག་ཡིན་གྱིས། གལ་ཏེ་འདི་དག་ལ་བཏང་སྙོམས་བྱས་ན། ཡང་འདི་དག་གིས་བདག་ཅག་གི་ལྷུང་བཟེད་དང་ཆོས་གོས་ཕྲོགས་ཏེ་སྒྲེན་མོར་བཞག་པར་འགྱུར་བས་འདི་དག་བསྡིགས་པར་བྱའོ་སྙམ་ནས། རྒན་ཞུགས་དེས་དལ་བུས་ཁད་ཀྱིས་ཁད་ཀྱིས་སོང་སྟེ། ཆོམ་རྐུན་པའི་དམག་དཔོན་དེའི་མགོར་གཎྜཱི་འཕངས་པ་དང ། དེའི་གླད་པ་ཞོམ་ནས། དེ་བསྣུན་པ་
Ca222b
དྲག་པོས་ཕོག་པས་སྡུག་བསྔལ་གྱི་ཚོར་བ་དག་གིས་ཉེན་ནས་ཚེགས་ཆེན་པོས་བབས་ཏེ། ཅུང་ཞིག་ཏུ་སོང་བ་དང ། དུས་ལ་བབ་བོ། །རྒན་ཞུགས་དེས་ཆོམ་རྐུན་པ་ཆོམ་རྐུན་པ་ཞེས་ཀུ་ཙོའི་སྒྲ་ཕྱུང་བ་དང ། དགེ་སློང་རྣམས་ཀྱིས་ཆོས་ཉན་པ་བཅད་དེ། ཁང་སྟེང་དུ་འཛེགས་ནས། སྨྲས་པ། ཆོམ་རྐུན་པ་དེ་དག་གར་དོང ། རྒན་ཞུགས་ཀྱིས་སྨྲས་པ། ཕྱོགས་འདིར་ཡ་གད་བཙུགས་ཏེ། འཛེགས་པ་ན་ཁོ་བོས་བསྡིགས་ནས་བྱེར་རོ། །དགེ་སློང་རྣམས་ཀྱིས་སྨྲས་པ། གལ་ཏེ་བྱེར་ན་ལེགས་སོ་ཞེས་དེ་དག་བབས་ཏེ། ཇི་ཙམ་ན་མཚན་མོ་ནམ་ནངས་པ་དང ། གཙུག་ལག་ཁང་གི་ཉེ་འཁོར་སོ་སོར་བརྟགས་པར་བརྩམས་ཏེ། ཆོམ་རྐུན་པ་དེ་དག་འཛེགས་པར་གྱུར་པའི་ཕྱོགས་དེ་གང་ཡིན་ཞེས་དེ་དག་གིས་སོ་སོར་བརྟགས་པ་ན་ཁྲག་མཐོང་ངོ ། །དེ་དག་ཁྲག་རྗེས་སུ་དོང་བ་དང ། ཆོམ་རྐུན་པའི་དམག་དཔོན་བསད་པ་མཐོང་ངོ ། །མཐོང་ནས་ཀྱང་བསླབ་པ་འཁྲུགས་པའི་འཇིགས་པས་སྐྲག་སྟེ་སྨྲ་བར་བརྩམས་པ། ཚེ་དང་ལྡན་པ་དག་བདག་ཅག་སྔོན་མ་བཅོམ་གྱིས་བདག་ཅག་གང་གིས་ཕམ་པར་གྱུར་པའི་ལྟུང་བ་བྱུང་བས་ད་ནི་བཅོམ་པར་གྱུར་ཏོ་ཞེས་དེ་དག་འགྱོད་པ་སྐྱེས་པའི་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཅག་ལ་ནི་ལྟུང་བ་མེད་དེ། ཡང་དགེ་སློང་གིས་ཅི་ནས་ཀྱང་འདི་ལ་བསྣུན་པས་བསྣུན་པར་བྱའོ་སྙམ་པ་དེ་ལྟ་བུའི་སེམས་ཀྱིས་འཕང་བར་མི་བྱ་བར་འདི་ལྟར་གློའམ། རྒྱབ་ལོགས་སུ་འཕང་བར་
Ca223a
༄#། །བྱ་ཞིང་བསྡིགས་པ་བསྐྱེད་པའི་ཕྱིར་ཚམ་ངམ་བྱའོ། །དགེ་སློང་གིས་ཅི་ནས་ཀྱང་བསྣུན་པས་བསྣུན་པར་བྱའོ་སྙམ་པ་དེ་ལྟ་བུའི་སེམས་ཀྱིས་འཕེན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་གཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ན་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་ཞིག་བྱུང་ནས་དེ་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །ཇི་ཙམ་དུས་གཞན་ཞིག་ན་ཁྱིམ་བདག་དེ་ཉེ་དུ་ཟད་པར་གྱུར་ཅིང་ནོར་དང་ལོངས་སྤྱོད་ཀྱང་ཟད་པར་གྱུར། དེའི་ཆུང་མ་ཡང་དུས་ལ་བབ་ནས་དེས་བུ་ལ་སྨྲས་པ། བུ་ཁོ་བོས་ནི་རྒས་པའི་གནས་སྐབས་སུ་ནོར་སྒྲུབ་ཏུ་འགྲོ་མི་ནུས་ཀྱིས་རབ་ཏུ་འབྱུང་དུ་འགྲོའོ། །བུས་སྨྲས་པ་ཡབ་གལ་ཏེ་དེ་ལྟ་ན་བདག་ཀྱང་རབ་ཏུ་འབྱུང་ངོ ། །བུ་ལེགས་སོ་ཞེས་དེས་ཁྱེའུ་དེ་ཁྲིད་དེ་རྒྱལ་བྱེད་ཀྱི་ཚལ་དུ་སོང་ནས། དགེ་སློང་གི་དྲུང་དུ་སོང་སྟེ། རྐང་པ་གཉིས་ལ་ཕྱག་འཚལ་ནས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དགེ་སློང་དེས་སྨྲས་པ། ཅི་ཁྱེའུ་འདི་ཡང་རབ་ཏུ་འབྱུང་ངམ། འཕགས་
Ca223b
པ་རབ་ཏུ་འབྱུང་ངོ ། །དགེ་སློང་དེ་ཁྱེའུ་དེ་འདོད་པས་དེ་བུ་དང་བཅས་ཏེ་རབ་ཏུ་བྱུང་ངོ ། །ཆོས་ཉིད་ཀྱི་ས་ན་རྒན་པའི་མཐའ་ནས་རྙེད་པ་འཐོབ་ལ་གཞོན་པའི་མཐའ་ནས་ལས་སུ་བསྐོ་བ་ཡིན་པས། རྒན་ཞུགས་ཀྱི་བུ་རྟག་ཏུ་ལས་སུ་སྐོ་བར་བྱེད་ནས། དེས་ཕ་ལ་སྨྲས་པ། ཡབ་བདག་ཅག་གཉིས་གང་ཅུང་ཟད་ཟིལ་གྱིས་ནོན་པ་དེ་ཐམས་ཅད་ཐོས་པ་ཉུང་བ་ལས་གྱུར་པ་ལགས་ཀྱིས་བཞེངས་ཤིག་དང ། སྐོལ་ཅག་གཉིས་ཡུལ་གཞན་དུ་བཞུད་ལ་ཐོས་པ་གཟུང་བར་བགྱིའོ། །རྒན་ཞུགས་ཀྱིས་སྨྲས་པ། བུ་ལེགས་ཀྱིས་འདོང་ངོ་ཞེས་དེ་གཉིས་ཡུལ་གཞན་དུ་དོང་ངོ ། །འོན་ཀྱང་གཞོན་པའི་མཐའ་ཉིད་ནས་ལས་སུ་བསྐོ་བས། དེ་གཉིས་སོན་མ་ཐག་ཁོ་ནར་ལས་སུ་བསྐོ་བར་བསྐོས་པ་དང ། བུས་རྒན་ཞུགས་ལ་སྨྲས་པ། ཡབ་མཉན་ཡོད་ན་ལས་སུ་བསྐོ་བ་མཆིས་སུ་ལགས་ཀྱང ། དེ་ན་བཅོམ་ལྡན་འདས་ཆོས་ཀྱི་རྗེ་མངོན་སུམ་དུ་བཞུགས་ཤིང ། དུས་དང་དུས་སུ་དགེ་སློང་ཆེ་གེ་མོ་ཞིག་གིས་ནི་དགྲ་བཅོམ་པ་ཉིད་མངོན་དུ་བྱས་སོ། །ཆེ་གེ་མོ་ཞིག་གིས་ནི་མི་སྡུག་པའི་བར་གྲུབ་བོ་ཞེས་ཤེས་པ་བརྡ་སྤྲོད་པ་ཡང་ཐོས་པར་འགྱུར། རྒྱལ་པོ་ཡང་བསྟན་པ་ལ་ཤིན་ཏུ་དད་ཅིང ། བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་ཚུལ་མ་དང ། བླ་མཁྱེན་དྲང་སྲོང་བྱིན་དང ། རྙིང་པ་དང ། དགེ་བསྙེན་མ་ས་ག་དང ། རི་དྭགས་འཛིན་གྱི་མ་དང ། གཞན་ཡང་དད་པ་ཅན་མང་དུ་མཆིས་པས་དེ་ན་ཟང་ཟིང་གི་ལོངས་སྤྱོད་དང ། ཆོས་ཀྱི་ལོངས་སྤྱོད་ཆེན་པོ་ཡང་མཆིས་ཀྱིས་དེར་བཞུད་དོ། །
Ca224a
༄#། །ཞེས་སྨྲས་ནས། དེ་གཉིས་ཅི་དགར་ལྗོངས་སུ་འཁོད་ནས་མཉན་ཡོད་ག་ལ་བ་དེར་རྒྱུ་ཞིང་དོང་བ་ན། མཐར་གྱིས་རྒྱུ་ཞིང་འདོང་བའི་ཚེ། མཉན་ཡོད་དུ་ཕྱིར་ཕྱིན་ཏོ། །ཇི་ཙམ་ན་རྒྱལ་བྱེད་ཀྱི་ཚལ་དང་ཉེ་བར་ཕྱིན་པ་ན་གཎྜཱི་ཡང་བརྡུངས་ནས་བུས་སྨྲས་པ། ཡང་གཙུག་ལག་ཁང་དུ་གཎྜཱི་བརྡུངས་ཀྱིས་མྱུར་བ་མྱུར་བར་བཞུད་དོ། །རྒན་ཞུགས་དེས། རྒས་པར་གྱུར་པས་ཤིན་ཏུ་ངལ་ཞིང་འགྲོ་མི་ནུས་པས་དེ་དལ་བུས་འགྲོ་བ་ན། བུས་དེའི་གཉའ་བ་ནས་བཟུང་སྟེ་ཕུལ་བ་དང ། རྒན་ཞུགས་དེས་མྱུར་བ་མྱུར་བར་འགྲོ་བར་བརྩམས་སོ། །བུས་བསམས་པ། ཐབས་འདི་ནི་བཟང་པོ་ཞིག་ཡིན་གྱིས་ཡང་དབུལ་བར་བྱའོ་སྙམ་ནས། བུས་དེས་རྒན་ཞུགས་དེ་ཡང་དེ་བཞིན་དུ་ཕུལ་བ་དང ། རྒན་ཞུགས་དེ་ས་ལ་ཁ་བུབ་ཏུ་འགྱེལ་ནས་དེའི་ཁ་ཕང་ལོས་གློགས་པའི་སས་གང་སྟེ་དུས་ལ་བབ་བོ། །བུ་དེས་དུད་མོས་བཏབ་སྟེ་རྒན་ཞུགས་ཀྱི་རོ་དེ་ལམ་གྱི་མཐའ་གཅིག་ཏུ་བོར་རོ། །དེ་ནས་བུ་དེས་ལྷུང་བཟེད་དང་ཆོས་གོས་ཁྱེར་ཏེ། རྒྱལ་བྱེད་ཀྱི་ཚལ་དུ་སོང་བ་དང ། དགེ་སློང་རྣམས་ཀྱིས་དེ་མཐོང་ནས་སྨྲས་པ། རྒན་ཞུགས་ཀྱི་བུ་འོངས་པ་ལེགས་སོ། །འོངས་པ་ལེགས་སོ། །ཁྱོད་ཀྱི་རྒན་ཞུགས་དེ་ག་ལ་འདུག་ཅེས་དྲིས་པ་དང ། གསར་བུ་དེས་ངུ་བར་བརྩམས་སོ། །དགེ་སློང་རྣམས་ཀྱིས་སྨྲས་པ། བུ་ཅིའི་ཕྱིར་ངུ་བར་བྱེད། གསར་བུ་དེས་སྨྲས་པ། བདག་གི་རྒན་ཞུགས་དེ་དུས་ལ་བབ་བོ། །དགེ་སློང་དེ་དག་གིས་སྨྲས་པ། བུ་འདུ་བྱེད་ཐམས་ཅད་ཀྱི་ཆོས་དེ་ལྟ་བུ་ཡིན་ལ། ཁྱོད་ནི་
Ca224b
ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་ཡིན་པས་མྱ་ངན་མ་བྱེད་ཅིག་།གསར་བུས་སྨྲས་པ། དེ་བདག་གིས་བསད་དོ། །དགེ་སློང་དེ་དག་གིས་སྨྲས་པ། བུ་འོ་ན་ཁྱོད་ཀྱིས་མཚམས་མེད་པའི་ལས་གང་ཡིན་པ་ཡང་བྱས་ལ། ཕམ་པར་འགྱུར་བའི་ལྟུང་བ་གང་ཡིན་པ་ཡང་བྱུང་བས་ཡུན་རིང་པོར་སེམས་ཅན་དམྱལ་བ་ཆེན་པོ་མནར་མེད་པར་གནས་པར་འགྱུར་བས་ད་ངུ་བའི་རིགས་སོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་དེ་ལ་ནི་ལྟུང་བ་མེད་དེ། ཡང་དགེ་སློང་ལམ་དུ་ཞུགས་པས་དགེ་སློང་ལམ་གྱིས་དུབ་པ་དབུལ་བར་མི་བྱའོ། །ངས་དགེ་སློང་ལམ་དུ་ཞུགས་པའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་ལམ་དུ་ཞུགས་པས་དགེ་སློང་ལམ་གྱིས་དུབ་པ་ངལ་སོར་གཞུག་པར་བྱ། ཆོས་གོས་གསུམ་དང ། ལྷུང་བཟེད་དང ། ཆུ་ཚགས་དང ། ལྷུང་བཟེད་ཀྱི་སྣོད་དང ། བར་བུར་སྣོད་ཀྱི་རྫས་བླང་བར་བྱའོ། །དུས་ཤེས་པར་བྱ་སྟེ། གལ་ཏེ་འགྲོ་ནུས་ན་དེ་ལྟ་ན་ལེགས། གལ་ཏེ་འགྲོ་མི་ནུས་ན་ཆེས་སྔར་སོང་སྟེ། ལྷུང་བཟེད་བཀྲུ་བར་བྱ། གོས་གཞག་པར་བྱ། སྣོད་དག་བྱིན་ལེན་བྱེད་དུ་བཅུག་ནས་སོ་སོར་བརྟག་པར་བྱའོ། །གལ་ཏེ་འོང་མི་ནུས་ན་ཟས་མནོས་ཏེ་བསུ་བར་བྱའོ། །དུས་མ་ཡིན་ན་སྐོམ་གྱིས་བསུ་བར་བྱའོ། །དགེ་སློང་ལམ་དུ་ཞུགས་པས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །
Ca225a
༄#། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་རྒན་ཞུགས་ཀྱི་བུ་འདིས་ཕ་སྲོག་དང་བྲལ་ཡང་མཚམས་མ་མཆིས་པའི་ཁ་ན་མ་ཐོ་བས་ཀྱང་མ་རེག་ལ། ཕམ་པར་འགྱུར་བའི་ལྟུང་བ་ཡང་མ་བྱུང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་འབའ་ཞིག་ཏུ་མ་ཟད་དེ། འདི་ལྟར་འདས་པའི་དུས་ན་ཡང་འདིས་ཕ་སྲོག་དང་ཕྲལ་ཡང ། མཚམས་མེད་པའི་ཁ་ན་མ་ཐོ་བས་མ་རེག་སྟེ་དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན། རི་བྲགས་ཤིག་ན་བཙོ་བླག་མཁན་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལས་བུ་བྱུང་ནས། དེ་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །ཇི་ཙམ་དུས་གཞན་ཞིག་ན་རི་བྲགས་དེར་དུས་སྟོན་བྱུང་ནས། དེ་ལ་གོས་བཀྲུ་བཤལ་བྱ་བ་མང་པོ་དག་བྱུང་བ་དང ། དེས་བུ་ལ་སྨྲས་པ། བུ་གོས་མང་པོ་དག་བཀྲུ་བཤལ་བྱ་དགོས་པས་ཁོ་བོ་ཁྱིམ་དུ་སོང་སྟེ་ཟན་ཟ་མི་ནུས་ཀྱི་ཚུར་ཤོག་གོས་དག་ཁྱེར་ཏེ་འདོད་\་འཌཱོཎG\་ངོ ། །ཕྱིར་སོང་ལ་ཟས་ཁྱེར་ཏེ་ཤོག་ཅིག་།དེ་བུ་དང་ལྷན་ཅིག་གོས་དག་ཁྱེར་ཏེ་སོང་ངོ ། །བུ་ཕྱིར་སོང་སྟེ་ཟན་ཁྱེར་ཏེ་འོངས་ནས། དེས་ཟན་ཟོས་ཏེ་སྨྲས་པ། བུ་ཁོ་བོ་ངལ་གྱིས་ཉལ་ལོ། །ཁྱོད་རེ་ཞིག་གོས་དག་བཀྲུ་བཤལ་
Ca225b
གྱིས་ཤིག་།བུས་སྨྲས་པ་དེ་ལྟར་བགྱིའོ། །བཙོ་བླག་མཁན་དེ་ཕྱོགས་གཅིག་ཏུ་གློས་ཕབ་སྟེ་གཉིད་ལོག་གོ་།དེ་སྤྱི་ཅེར་ཞིག་ཡིན་པས་དེའི་མགོ་ལ་སྦྲང་བུ་ཆགས་སོ། །ཇི་ཙམ་ན་བཙོ་བླག་མཁན་གྱི་བུ་དེས་གོས་དག་བཀྲུ་བཤལ་བྱས་ནས་ཕའི་གན་དུ་སོང་བ་དང ། ཕའི་མགོ་ལ་སྦྲང་བུ་ཆགས་པ་མཐོང་ནས་དེས་བསྐྲད་པར་བརྩམས་པ་དང ། སྦྲང་བུ་ཁྲག་གིས་མྱོས་པ་འཕུར་དུ་མ་བཏུབ་ནས། བུ་དེ་མི་བཟོད་པ་སྐྱེས་ཏེ་བསམས་པ། སྦྲང་བུ་འདིས་བདག་གི་ཕ་གསོན་བཞིན་དུ་ཁྲག་འཐུང་བར་བྱེད་ཀྱིས་གསད་པར་བྱའོ་སྙམ་ནས་བུ་དེས་དེ་ལ་སྤང་ལེབ་ཀྱིས་བསྣུན་པ་དང ། །སྦྲང་བུ་དེ་ནི་བྲོས་ཏེ་སོང་གིས་ཕའི་ཀླད་པ་ཞོམ་ནས་དེ་དུས་ལ་བབ་པ་དང ། ལྷས་ཚིགས་སུ་བཅད་པ་སྨྲས་པ། དགྲ་བོ་བློ་གྲོས་ལྡན་པ་མཆོག་ཡིན་ཏེ། །མཛའ་བཤེས་བློ་གྲོས་བྲལ་བ་དེ་ལྟ་མིན། །བློ་གྲོས་ཆུང་ངུས་སྦྲང་བུ་གསད་སྙམ་ནས།། ཐོ་བས་ཕ་ཡི་ཀླད་པ་བཅོམ་པར་གྱུར། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་བཙོ་བླག་མཁན་གང་ཡིན་པ་དེ་ནི་རྒན་ཞུགས་འདི་ཉིད་ཡིན་ནོ། །དེའི་ཚེ་དེའི་དུས་ན་བཙོ་བླག་མཁན་གྱི་བུ་གང་ཡིན་པ་དེ་ནི་རྒན་ཞུགས་ཀྱི་བུ་འདི་ཉིད་ཡིན་ཏེ། འདིས་དེའི་ཚེ་ཡང་ཕ་སྲོག་དང་ཕྲལ་ཡང་མཚམས་མེད་པའི་ཁ་ན་ཐོ་བས་མ་རེག་ལ། འདིས་ད་ལྟར་ཡང་ཕ་སྲོག་དང་ཕྲལ་ཡང་མཚམས་མེད་པའི་ཁ་ན་མ་ཐོ་བས་ཀྱང་མ་རེག་ལ། ཕམ་པར་འགྱུར་བའི་ལྟུང་བ་ཡང་མ་བྱུང་ངོ ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཕམ་པར་
Ca226a
༄#། །འགྱུར་པ་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་ཡངས་པ་ཅན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་བཟང་ན་བཞུགས་སོ། །དེའི་ཚེ་ན་ཉ་པ་ལྔ་བརྒྱ་ཆུ་ཀླུང་ཡིད་འོང་ལྡན་ལ་རྟེན་ཅིང་འཁོད་དོ། །དེ་དག་ལ་རྒྱ་མོ་སྤྱོད་པ་དང ། སྤྱོད་པ་ཆེན་མོ་ཞེས་བྱ་བ་གཉིས་ཤིག་ཡོད་དོ། །དེ་དག་ལན་འགའ་ནི་རྒྱ་མོ་སྤྱོད་པ་འཇུད་པར་བྱེད་ལ། ལན་འགའ་ནི་སྤྱོད་པ་ཆེན་མོ་འཇུད་པར་བྱེད་དེ། གང་གི་ཚེ་ཉ་དག་ཉོ་བ་མེད་པ་དེའི་ཚེ་ན་རྒྱ་མོ་སྤྱོད་པ་འཇུད་པར་བྱེད་ལ། གང་གི་ཚེ་ཉ་དག་ཉོ་བ་ཡོད་པ་དེའི་ཚེ་ནི་སྤྱོད་པ་ཆེན་མོ་འཇུད་པར་བྱེད་དོ། །ཇི་ཙམ་དུས་གཞན་ཞིག་ན་ཡངས་པ་ཅན་དུ་དུས་སྟོན་བྱུང་ནས། དེ་དག་གིས་རྒྱ་མོ་གཉིས་ཀ་བཅུག་སྟེ། ཉིས་བརྒྱ་ལྔ་བཅུས་ནི་རྒྱ་མོ་སྤྱོད་པ་བཅུག་།ཉིས་བརྒྱ་ལྔ་བཅུས་ནི་སྤྱོད་པ་ཆེན་པོ་བཅུག་གོ་།གང་དག་གིས་རྒྱ་མོ་སྤྱོད་པ་བཅུག་པ་དེ་དག་གིས་ནི་ཉ་དང ། རུས་སྦལ་དང ། སྦལ་པ་དང ། ཆུ་སྲིན་བྱིས་པ་གསོད་དང ། ཉ་ཁྱི་པ་ལ་སོགས་མང་པོ་དག་འདི་ལྟ་སྟེ། དཔེར་ན་ཏིལ་དང ། འབྲས་ཐུག་པོ་ཆེ་དང ། རྒྱ་ཤུག་དང ། རྒྱ་སྲན་ལ་སོགས་པ་བཞིན་དུ་ཕུང་པོ་ཆེན་པོར་རྣམ་པར་བཞག་གོ་།གང་དག་གིས་རྒྱ་མོ་སྤྱོད་པ་ཆེན་མོ་བཅུག་པ་དེ་དག་གིས་ནི་རྒྱ་མཚོ་ཆེན་པོ་ནས་ཆུ་ཀླུང་ཡིད་འོང་ལྡན་དུ་ཞུགས་པ་ཆུ་སྲིན་ཉའི་རིགས་བོང་ཚོད་ཆེན་པོ་ཉལ་བ་ཟིན་ནས། དེ་དག་གིས་དེ་དྲང་བར་བརྩམས་སོ། །དེ་དག་གིས་དྲངས་པ་ན་དེ་སད་ནས་ཉ་པ་ཉིས་བརྒྱ་ལྔ་བཅུ་
Ca226b
པོ་དེ་དག་དང ། རྒྱ་མོ་སྤྱོད་པ་ཆེན་མོ་ཁྱེར་ཏེ། རྒྱུན་ཕྱོགས་སུ་ཞུགས་སོ། །ཉ་པ་དེ་དག་གིས་ཉ་པ་ཉིས་བརྒྱ་ལྔ་བཅུ་པོ་གཞན་དག་ལ་ཤེས་ལྡན་དག་རྒྱ་མོ་སྤྱོད་པ་ཆེན་མོ་དང ། བདག་ཅག་ཁྱེར་གྱིས་ར་མདའ་ཟློག་ཅིག་།ཅེས་བྱས་སོ། །དེ་དག་གིས་ཐོས་ནས་ཉ་པ་ཉིས་བརྒྱ་ལྔ་བཅུ་པོ་གཞན་དག་ཀྱང་ལྷགས་ཏེ། དེ་ཉིད་ལ་རུབ་པ་དང ། དེས་ཉ་པ་ལྔ་བརྒྱ་དང ། རྒྱ་མོ་སྤྱོད་པ་ཆེན་མོ་ཁྱེར་ཏེ་རྒྱུན་ཕྱོགས་སུ་ཞུགས་ནས་གཟུང་བར་མ་ནུས་སོ། །སྐྱབས་མེད་པ་དེ་དག་གིས་ཀུན་ཏུ་ཤེས་ལྡན་དག་རྒྱ་མོ་སྤྱོད་པ་ཆེན་མོ་དང་བདག་ཅག་ཁྱེར་གྱིས་གྲོགས་གྱིས་ཤིག་ཅེས་ར་མདའ་བཟློག་པ་དང ། ལས་མ་མཐོང་བའི་མི་བ་ལང་རྫི་དག་དང་ཕྱུགས་རྫི་དག་དང་ཤིང་གི་\?\ཐུན་དག་དང་རྩཝ་ཐུན་དག་དང ། ལམ་གྱིས་འཚོ་བ་དག་དང ། ལམ་གོལ་བས་འཚོ་བའི་མི་དག་དང ། གཞན་ཡང་སྲོག་ཆགས་བརྒྱ་སྟོང་ཕྲག་དུ་མ་དག་ལོག་ནས། དེ་དག་གིས་ལུས་སྨས་པ་དང ། རྣམ་པར་སྨས་པ་དག་གིས་རྒྱ་མོ་རལ་བ་དང ། རབ་ཏུ་རལ་པས་ཆུ་སྲིན་དེ་ཆུ་ནས་སྐམ་ལ་ཕྱུང་ངོ ། །དེ་ལ་མགོ་བཅོ་བརྒྱད་དང་མིག་སུམ་ཅུ་རྩ་དྲུག་ཡོད་དེ། དེའི་མགོ་ལ་ལ་ནི་གླང་པོ་ཆེའི་མགོ་འདྲ། ལ་ལ་ནི་རྟའི་མགོ་འདྲ། ལ་ལ་ནི་རྔ་མོའི་མགོ་དང ། བོང་བུའི་མགོ་དང ། བ་ལང་གི་མགོ་དང ། སྤྲེའུ་ཡི་མགོ་དང ། སེང་གེའི་མགོ་དང ། སྟག་གི་མགོ་དང།་དོམ་གྱི་མགོ་དང ། དྲེད་མོའི་མགོ་དང ། གུང་གི་མགོ་དང ། བྱི་ལའི་མགོ་དང ། རའི་མགོ་དང ། ལུག་གི་མགོ་དང ། རི་དྭགས་ཀྱི་མགོ་དང ། མ་ཧེའི་མགོ་དང ། ཕག་གི་མགོ་དང ། ཁྱིའི་མགོ་
Ca227a
༄#། །འདྲའོ། །ཀུན་དུ་ཆུ་ཀླུང་ཡིད་འོང་ལྡན་པའི་ཉ་པ་ལྔ་བརྒྱས་རྒྱ་མཚོ་ཆེན་པོ་ནས་ཆུ་ཀླུང་ཡིད་འོང་ལྡན་དུ་ཞུགས་པའི་ཆུ་སྲིན་ཉའི་རིགས་བོང་ཚོད་ཆེན་པོ་ཞིག་རྒྱ་མོ་སྤྱོད་པ་ཆེན་མོས་ཟིན་ཏེ། ཆུ་ནས་སྐམ་ལ་ཕྱུང་ཞིང་དེ་ལ་མགོ་བཅོ་བརྒྱད་དང ། མིག་སུམ་ཅུ་རྩ་དྲུག་ཡོད་དོ་ཞེས་སྒྲས་ཁྱབ་པར་གྱུར་ཏོ། །དེ་ཐོས་ནས་སྲོག་ཆགས་བརྒྱ་སྟོང་ཕྲག་དུ་མ་དག་ཆུ་ཀླུང་ཡིད་འོང་ལྡན་གྱི་འགྲམ་དུ་ལྷགས་ཏེ། ཁ་ཅིག་ནི་ལྟད་མོ་སྐྱེས་པར་གྱུར། ཁ་ཅིག་ནི་སྔོན་གྱི་དགེ་བའི་རྩ་བ་དག་གིས་བསྐུལ་པར་གྱུར་ཏོ། །རྫོགས་བྱེད་ལ་སོགས་པའི་སྟོན་པ་དྲུག་པོ་ཡངས་པ་ཅན་ན་རྟེན་ཅིང་གནས་པ་དག་ཀྱང་ལྟད་མོ་སྐྱེས་ཏེ་དེར་ལྷགས་སོ། །སྐྱེ་བོའི་ཚོགས་ཆེན་པོ་ཡང་ཡ་མཚན་སྐྱེས་ཏེ་མིག་ཚུགས་སུ་རྟོག་ཅིང ། ཤེས་ལྡན་དག་འདིའི་མགོ་ལ་ལ་ནི་གླང་པོ་ཆེའི་མགོ་འདྲ་ལ་དེ་ནས་རྟོག་པར་བྱེད། དེའི་མགོ་ལ་ལ་ནི་ཁྱིའི་བར་གྱི་མགོ་འདྲ་ལ་དེ་ནས་རྟོག་པར་བྱེད་དོ་ཞེས་ཀྱང་ཟེར་རོ། །དེའི་སྐབས་སུ་སངས་རྒྱས་བཅོམ་ལྡན་འདས་རྣམས་ལ་ནི་མི་མཁྱེན་པ་དང ། མ་གཟིགས་པ་དང ། མ་རིག་པ་དང ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་བས། སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་བཞུགས་པ། བསྲུང་བ་གཅིག་པུ་བ། ཉག་གཅིག་དཔའ་བ། གཉིས་པ་མེད་པ། གཉིས་སུ་མི་གསུང་བ། ཞི་གནས་དང ། ལྷག་མཐོང་གིས་བཞུགས་པ། རིག་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་
Ca227b
པར་བསླབས་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱངས་པ་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་བསྒྱུར་བ་ལས་ཁྱད་པར་དུ་འཕགས་པ་རྣམས་ཀྱི་ཆོས་ཉིད་ནི་ཉིན་ལན་གསུམ་མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ནས་གང་ནི་ཉམས་པར་འགྱུར། གང་ནི་འཕེལ་བར་འགྱུར། གང་ནི་གནོད་པར་གྱུར། གང་ནི་ཉམ་ང་བར་གྱུར། གང་ནི་མི་བདེ་བར་གྱུར། གང་ནི་གནོད་པ་དང ། ཉམ་ང་བ་དང ། མི་བདེ་བར་གྱུར། གང་ནི་ངན་སོང་ལ་གཞོལ། གང་ནི་ངན་སོང་ལ་འབབ། གང་ནི་ངན་སོང་ལ་བབ། ངས་གང་ནི་ངན་སོང་གི་ལམ་ནས་བསླང་སྟེ། མཐོ་རིས་དང་ཐར་པ་དང ། འབྲས་བུ་ལ་གཞག་པར་བྱ། འདོད་པའི་འདམ་དུ་བྱིང་པ་གང་གི་ལག་ནས་ནི་དྲང་བར་བྱ། འཕགས་པའི་ནོར་གྱི་
Ca228a
༄#། །དབྱིག་དང་བྲལ་བ་གང་ནི་འཕགས་པའི་ནོར་གྱི་དབང་ཕྱུག་ལ་གཞག་པར་བྱ། གང་གི་སངས་རྒྱས་འབྱུང་བས་བརྒྱན་པའི་འཇིག་རྟེན་རྣམས་འབྲས་བུ་དང་བཅས་པར་བྱ། གང་གི་དགེ་བའི་རྩ་བ་དག་མ་བསྐྱེད་པ་ནི་བསྐྱེད་པར་བྱ། གང་གི་དགེ་བའི་རྩ་བ་དག་བསྐྱེད་པ་ནི་ཡོངས་སུ་སྨིན་པར་བྱ། ཡོངས་སུ་སྨིན་པ་གང་ནི་རྣམ་པར་གྲོལ་བར་བྱ་ཞེས་མཁྱེན་པ་དང་གཟིགས་པ་འཇུག་གོ་།སྨྲས་པ། ཆུ་སྲིན་གནས་ཀྱི་དུག་ཅན་པ། །དུས་ལས་འདའ་བར་འགྱུར་སྲིད་ཀྱི། །སངས་རྒྱས་འདུལ་ལ་བྱམས་པ་ནི། །དུས་ལས་འདའ་བར་མི་འགྱུར་རོ། །ཇི་ལྟར་མ་ནི་བུ་སྡུག་གཅིག་པུ་ལ། །རྟོག་ཅིང་དེ་སྲོག་སྲུང་བར་བྱེད་པ་ལྟར། །དེ་བཞིན་གཤེགས་པའང་གདུལ་བའི་སྐྱེ་བོ་ལ། །རྟོག་པར་མཛད་ཅིང་དེ་སྲོག་སྲུང་བར་མཛད། །ཀུན་མཁྱེན་རྒྱུད་ལ་མངའ་བའི་ཐུགས་རྗེ་ཡི། །གཞོན་མ་གདུལ་བའི་བེའུ་ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་ལ་བྱམས་པ་ནི། །རབ་འབྱམས་བེའུ་ལ་བྱམས་པའི་བ་བཞིན་ནོ། །བཅོམ་ལྡན་འདས་ཀྱིས་དགོངས་པ་ཆུ་སྲིན་ཉའི་རིགས་གནོད་པ་དང་ཉམ་ང་བ་མི་བདེ་བ་ཐོབ་པར་གྱུར་པ་འདི་ནི། སྔོན་གྱི་སངས་རྒྱས་དག་ལ་བྱ་བ་ལྷག་པར་བྱས་པ་ཡིན་གྱིས། ངས་ཆུ་སྲིན་ཉའི་རིགས་འདི་ལ་རྟེན་ཏེ་གདུལ་བར་གྱུར་པའི་རྒྱ་མོ་ཆེན་མོ་དྲང་བར་བྱས། དེའི་ཕྱིར་ཆུ་ཀླུང་ཡིད་འོང་ལྡན་གྱི་འགྲམ་དུ་འགྲོའོ་སྙམ་མོ། །སངས་རྒྱས་བཅོམ་ལྡན་འདས་འཚོ་ཞིང་བཞུགས་ལ་
Ca228b
གསོན་ཞིང་གཞེས་པ་རྣམས་ཀྱི་ཆོས་ཉིད་ནི་གདུལ་བར་གྱུར་པའི་སྐྱེ་བོ་ལ་རྗེས་སུ་ཐུགས་བརྩེ་བས་དུས་དང་དུས་སུ་སེམས་ཅན་དམྱལ་བ་རྒྱུར་གཤེགས་པ་དང ། དུད་འགྲོ་རྒྱུ་བ་དང ། ཡི་དྭགས་རྒྱུ་བ་དང ། ལྷ་རྒྱུ་བ་དང ། ལྗོངས་རྒྱུ་བ་དང ། ཆུ་ཀླུང་རྒྱུ་བ་དང ། རི་རྒྱུ་བ་དང ། དུར་ཁྲོད་རྒྱུ་བ་དང ། གཙུག་ལག་ཁང་རྒྱུར་གཤེགས་པས། དོན་འདིར་ནི་སངས་རྒྱས་བཅོམ་ལྡན་འདས་ཀླུང་རྒྱུར་གཤེགས་པར་བཞེད་ནས་འཛུམ་པ་མཛད་དོ། །ཆོས་ཉིད་ཀྱིས་ནི་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ན་ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་ཁ་དང ། ཤེལ་དང ། དངུལ་གྱི་ཁ་དོག་ལྟ་བུ་དག་བྱུང་ནས། ཁ་ཅིག་ནི་འོག་ལོགས་སུ་དོང ། ཁ་ཅིག་ནི་སྟེང་ལོགས་སུ་འདོང་བས། གང་དག་འོག་ལོགས་སུ་འདོང་བ་དེ་དག་ནི་སེམས་ཅན་དམྱལ་བ་ཡང་སོས་དང ། ཐིག་ནག་དང ། བསྡུས་གཞོམ་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཆུ་བུར་རྡོལ་བ་དང ། སོ་ཐམས་ཐམས་དང ། ཀྱེ་ཧུད་ཟེར་བ་དང ། ་ཆུ་ཟེར་བ་དང ། ུཏྤལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་པོར་དོང་སྟེ། སེམས་ཅན་དམྱལ་བ་ཚ་བ་གང་དག་ཡིན་པ་དེ་དག་ཏུ་ནི་བསིལ་བར་གྱུར་ཏེ་འབབ་པར་བྱེད་ལ། སེམས་ཅན་དམྱལ་བ་གྲང་བ་གང་ཡིན་པ་དེ་དག་ཏུ་ནི་དྲོ་བར་གྱུར་ཏེ་འབབ་པར་བྱེད་དོ། །དེས་སེམས་ཅན་དེ་དག་གི་
Ca229a
༄#། །གནོད་པའི་བྱེ་བྲག་དག་རྒྱུན་གཅོད་པར་བྱེད་ཅིང་དེ་དག་འདི་སྙམ་དུ་ཤེས་ལྡན་དག་ཅི་བདག་ཅག་འདི་ནས་ཤི་འཕོས་སམ། འོན་ཏེ་གཞན་དུ་སྐྱེས་སྙམ་དུ་སེམས་སོ། ། དེ་དག་དད་པ་བསྐྱེད་པར་བྱ་བའི་ཕྱིར་བཅོམ་ལྡན་འདས་ཀྱིས་སྤྲུལ་པ་གཏོང་བར་མཛད་དེ། དེ་དག་གིས་སྤྲུལ་པ་མཐོང་ནས་འདི་སྙམ་དུ་ཤེས་ལྡན་དག་བདག་ཅག་འདི་ནས་ཤི་འཕོས་པ་ཡང་མ་ཡིན་ལ། གཞན་དུ་སྐྱེས་པ་ཡང་མ་ཡིན་ཏེ། འདི་ལྟར་སེམས་ཅན་སྔོན་མ་མཐོང་བ་འདིའི་མཐུས་བདག་ཅག་གི་གནོད་པའི་བྱེ་བྲག་དག་རྒྱུན་ཆད་པར་གྱུར་ཏོ་སྙམ་དུ་སེམས་སོ། །དེ་དག་སྤྲུལ་པ་ལ་སེམས་མངོན་པར་དད་པར་གྱུར་ནས། སེམས་ཅན་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས། གང་དུ་བདེན་པ་དག་གི་སྣོད་དུ་གྱུར་པར་འགྱུར་བའི་ལྷ་དང་མི་རྣམས་ཀྱི་ནང་དུ་ཉིང་མཚམས་སྦྱོར་བ་ལེན་པར་བྱེད་དོ། །གང་དག་སྟེང་ལོགས་སུ་དོང་བ་དེ་དག་ནི་རྒྱལ་ཆེན་བཞི་པ་དང ། སུམ་ཅུ་རྩ་གསུམ་པ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་སྐྱེས་དང ། འབྲས་བུ་ཆེ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་དང ། ཤིན་ཏུ་མཐོང་དང ། འོག་མིན་གྱི་ལྷ་རྣམས་ཀྱི་ནང་དུ་དོང་ནས། མི་
Ca229b
རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་ཞེས་བྱ་བའི་སྒྲ་སྒྲོག་པར་བྱེད་ཅིང་ཚིགས་སུ་བཅད་པ་གཉིས་པོ། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་སྨྲས་སོ། །དེ་ནས་འོད་ཟེར་དེ་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱུལ་ནས། བཅོམ་ལྡན་འདས་ཉིད་ཀྱི་སླད་བཞིན་སླད་བཞིན་དུ་རྗེས་སུ་འདོང་སྟེ། དེ་ལ་གལ་ཏེ་བཅོམ་ལྡན་འདས་འདས་པའི་ལུང་སྟོན་པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་སུ་ནུབ་པར་འགྱུར་རོ། །མ་འོངས་པའི་ལས་ལུང་སྟོན་པར་བཞེད་ན་ནི་མདུན་ལོགས་སུ་ནུབ་པར་འགྱུར། སེམས་ཅན་དམྱལ་བར་སྐྱེ་བར་ལུང་སྟོན་པར་བཞེད་ན་ནི་ཞབས་ཀྱི་མཐིལ་དུ་ནུབ་པར་འགྱུར། དུད་འགྲོར་སྐྱེ་བར་ལུང་སྟོན་པར་བཞེད་ན་ནི་ལོང་བུར་ནུབ་པར་འགྱུར། ཡི་དྭགས་སུ་སྐྱེ་བར་ལུང་སྟོན་པར་བཞེད་ན་ནི་ཞབས་ཀྱི་མཐེ་བོར་ནུབ་པར་འགྱུར། མིར་སྐྱེ་བར་ལུང་སྟོན་པར་བཞེད་ན་ནི་པུས་མོར་ནུབ་པར་འགྱུར། སྟོབས་ཀྱི་འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི་ཕྱག་མཐིལ་གཡོན་པར་ནུབ་པར་འགྱུར། འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི་ཕྱག་མཐིལ་གཡས་པར་ནུབ་པར་འགྱུར། ལྷར་སྐྱེ་བར་ལུང་སྟོན་པར་བཞེད་ན་ནི་ལྟེ་བར་ནུབ་པར་
Ca230a
༄#། །འགྱུར། ཉན་ཐོས་ཀྱི་བྱང་ཆུབ་ལུང་སྟོན་པར་བཞེད་ན་ནི་ཞལ་དུ་ནུབ་པར་འགྱུར། རང་སངས་རྒྱས་ཀྱི་བྱང་ཆུབ་ལུང་སྟོན་པར་བཞེད་ན་ནི་མཛོད་སྤུར་ནུབ་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་བཞེད་ན་ནི་གཙུག་ཏོར་ཏུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ལྟེ་བར་ནུབ་བོ། །དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ། བཅོམ་ལྡན་འདས་ལ་ཞུས་པ། བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་མ་མཆིས། རྐྱེན་མ་མཆིས་པར་འཛུམ་པ་མི་མཛད་ན། བཙུན་པ་འཛུམ་པ་མཛད་པའི་རྒྱུ་ནི་གང་ལགས། རྐྱེན་ནི་གང་ལགས། ཚིགས་སུ་བཅད་པ་ཡང་གསོལ་པ། ཁ་དོག་སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱི་སྒོས་ནས་བྱུང་གྱུར་ཏེ། །དེ་ཡིས་ཕྱོགས་རྣམས་ཐམས་ཅད་སྣང་བགྱིས་པ། །ཉི་གདུགས་བདལ་བར་གྱུར་པ་ཇི་བཞིན་ནོ། །རྒོད་བྲལ་ཞུམ་དང་རྒྱགས་པ་རབ་སྤངས་པ། །སངས་རྒྱས་འགྲོ་བ་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བསྟན་པ་རང་བློས་དུས་མཁྱེན་ནས། །ཐུབ་པ་ཁྱུ་མཆོག་དགེ་སྦྱོང་སྐྱེ་དབང་པོ། །ཉན་པའི་སྐྱེ་བོ་སོམ་ཉི་ལྡན་རྣམས་ལ། །ཐེ་ཚོམ་སྐྱེས་པ་གསུང་ཚིག་བརྟན་པ་དང ། །དམ་པ་དགེ་བ་དག་གིས་བསལ་དུ་གསོལ། །ཚ་
Ca230b
ཆུ་རི་རྒྱལ་ལྟ་བུར་བརྟན་པ་ཡི། །སངས་རྒྱས་མགོན་རྣམས་གློ་བུར་འཛུམ་མི་སྟོན། །བསྟན་པ་ཅི་སླད་འཛུམ་པ་སྟོན་མཛད་པ། །སྐྱེ་བོའི་ཚོགས་རྣམས་དེ་ནི་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ནོ། །དེ་དེ་བཞིན་ཏེ། ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་ཀྱིས། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་ཆུ་ཀླུང་རྒྱུར་གཤེགས་བཞེད་ཀྱིས། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཏུ་ཆུ་ཀླུང་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོང་ཞིག་ཅེས་བསྒོ་ཞིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཆུ་ཀླུང་རྒྱུར་གཤེགས་བཞེད་ཀྱིས། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཏུ་ཆུ་ཀླུང་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོང་ཞིག།། །། འདུལ་བ་རྣམ་པར་འབྱེད་པ། བམ་པོ་བཅུ་གཉིས་པ། དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་
Ca231a
༄#། །པ།་མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་བའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་བའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་སྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། ནོར་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་
Ca231b
ཡོངས་སུ་བསྐོར་བ། བརྒྱ་བྱིན་ལྟར་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཀྱིས་ཤིན་ཏུ་དུལ་བ་དང ། སྤྱོད་ལམ་དང་སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གི་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང་མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ་ཀུན་ཤེས་ཀོའུ་ཌི་ཎྱ་དང ། རླངས་པ་དང ། མིང་ཆེན་དང ། མ་འགགས་པ་དང ། ཤཱ་རིའི་བུ་དང ། མོའུ་འགལ་གྱི་བུ་དང ། འོད་སྲུང་དང ། ཀུན་དགའ་བོ་དང ། ནམ་གྲུ་ལ་སོགས་པ་ཉན་ཐོས་ཆེན་པོ་དག་དང ། གཞན་ཡང་དགེ་སློང་གི་དགེ་འདུན་མང་པོས་བསྐོར་ཏེ། ཆུ་ཀླུང་ཡིད་འོང་ལྡན་ག་ལ་བ་དེར་རྒྱུ་ཞིང་གཤེགས་སོ། །འཁོར་དེས་ཐག་རིང་པོ་ཁོ་ན་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་མཐོང་ངོ ། །མཐོང་ནས་ཀྱང་གང་དག་མ་དད་པ་དེ་དག་ནི་དགེ་སྦྱོང་གོའུ་ཏ་མ་ལྟད་མོ་དང་བྲལ་ལོ་ཞེས་གྲག་ན། དེ་ཡང་ལྟད་མོ་སྐྱེས་ཏེ་ཆུ་སྲིན་ཉའི་རིགས་བལྟ་བའི་ཕྱིར་ཉེ་བར་འོངས་སོ་ཞེས་ཟེར་རོ། །གང་དག་དད་པ་དང་ལྡན་པ་དེ་
Ca232a
༄#། །དག་ནི་མ་དད་པ་དེ་དག་ལ་ཤེས་ལྡན་དག་སངས་རྒྱས་བཅོམ་ལྡན་འདས་རྣམས་ནི་ལྟད་མོ་དང་བྲལ་བ་ཁོ་ན་ཡིན་ཏེ། བཅོམ་ལྡན་འདས་ཆུ་སྲིན་ཉའི་རིགས་ལས་བརྩམས་ཏེ། སྐྱེ་བོའི་ཚོགས་ཆེན་པོ་ལ་ངོ་མཚར་རྨད་དུ་བྱུང་བའི་ཆོས་ཅུང་ཞིག་སྟོན་པར་བཞེད་གོར་མ་ཆག་གོ་ཞེས་ཟེར་ཞིང་འདི་སྐད་ཅེས་ཀྱང་སྨྲས་སོ། །ཐུབ་པ་ལྟད་མོ་བྲལ་བའི་དགོངས་ལྡན་པ། །ལྟད་མོ་མེད་ལ་སྐྱེ་ངན་དོན་མེད་སྨྲ། །གཞན་ཕན་དེ་ལ་གཞོལ་བའི་རྒྱལ་བ་འདི། །ལུས་ཅན་ཕན་ཕྱིར་ངེས་པར་འདིར་གཤེགས་སོ། །དེ་ནས་འཁོར་དེས་བཅོམ་ལྡན་འདས་མཐོང་ནས་འཕྲལ་ཁོ་ནས་མངོན་པར་ལངས་ཏེ། འདི་ལྟར་བཅོམ་ལྡན་འདས་སྔོན་བྱང་ཆུབ་སེམས་དཔར་གྱུར་པས། ཡབ་དང ། ཡུམ་དང ། མཁན་པོ་དང ། སློབ་དཔོན་དང ། བླ་མ་དང ། བླ་མའི་གནས་ལྟ་བུ་དག་ལ་མངོན་པར་བཞེངས་པ་མཛད་མཛད་པའི་ཕྱིར་རོ། །དེ་ནས་བཅོམ་ལྡན་འདས་འཁོར་དེའི་དབུས་སུ་གཤེགས་ཏེ། དགེ་སློང་གི་དགེ་འདུན་གྱི་གོང་དུ་གདན་གཤམས་\་Bཥཿ ཱཾཥ?\་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་ཉ་པ་ལྔ་བརྒྱ་པོ་དེ་དག་ལ་བཀའ་སྩལ་པ། བཞིན་བཟང་དག་རེ་ཞིག་ཁྱེད་ཅག་ནི་ཉེས་པར་བྱས་པའི་ལས་བྱེད་པ་ཡིན་ཏེ། དེས་ན་ད་ལྟ་ཉ་པའི་སྐྱེ་གནས་དམན་པར་སྐྱེས་ཤིང་ཁྱེད་ཅག་ད་ལྟར་དྲག་ཤུལ་ཅན། ལག་པ་ཁྲག་གིས་གོས་པ། ཉམས་པ་དང་རབ་ཏུ་ཉམས་པ་ལ་ཞེན་པ། གཞན་གྱི་སྲོག་འཕྲོག་པ། གཞན་གྱི་སྲོག་གཅོད་པས་འཚོ་
Ca232b
བར་བྱེད་དེ། འདི་ནས་ཤི་འཕོས་ན་ཁྱེད་ཅག་གི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། དེ་དག་གིས་གསོལ་པ། བཅོམ་ལྡན་འདས་བདག་ཅག་གིས་ཅི་ཞིག་བགྱི་པ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཉ་དང ། རུས་སྦལ་དང ། སྦལ་པ་དང ། ཆུ་སྲིན་བྱིས་པ་གསོད་དང ། ཉ་ཁྱི་བ་ལ་སོགས་ཆུ་ནས་བཏོན་པ་འདི་དག་ཐོང་ཞིག་།བཅོམ་ལྡན་འདས་ཀྱིས་ཇི་ལྟར་བཀའ་སྩལ་པ་བཞིན་བཏང་བར་བགྱིའོ་ཞེས་དེ་དག་གིས་བཅོམ་ལྡན་འདས་ཀྱི་བཀའ་སྩལ་པའི་དུས་ཀྱི་མཇུག་ཐོགས་སུ་དེ་དག་བཏང་ངོ ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངས་ཅི་ནས་ཀྱང་ཆུ་སྲིན་ཉའི་རིགས་མ་གཏོགས་པ། ཉ་དང ། རུས་སྦལ་དང ། སྦལ་པ་དང ། ཆུ་སྲིན་བྱིས་པ་གསོད་དང ། ཉ་ཁྱི་བ་ལ་སོགས་པའི་སྲོག་ཆགས་འདི་དག་ཆུ་ཇི་ལྟ་བ་ཁོ་ན་བཞིན་དུ་ཆུ་ཀླུང་ཡིད་འོང་ལྡན་དུ་འཇུག་པར་འགྱུར་བ་དང ། ཆུ་སྲིན་ཉའི་རིགས་ཀྱང་སྔོན་གྱི་སྐྱེ་བ་རྗེས་སུ་དྲན་ཞིང་མིའི་སྐད་བརྗོད་པར་འགྱུར་ལ། ང་དང་ཐབས་ཅིག་སྨྲ་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱའོ་སྙམ་མོ། །དེ་ནས་བཅོམ་ལྡན་འདས་ཀྱིས་ཅི་ནས་ཀྱང་ཆུ་སྲིན་ཉའི་རིགས་མ་གཏོགས་པ་ཉ་དང་རུས་སྦལ་དང་སྦལ་པ་དང ། ཆུ་སྲིན་བྱིས་པ་གསོད་དང ། ཉ་ཁྱི་བ་ལ་སོགས་པའི་སྲོག་ཆགས་དེ་དག་ཆུ་ཇི་ལྟ་བ་ཁོ་ན་བཞིན་དུ་ཆུ་ཀླུང་ཡིད་འོང་ལྡན་དུ་འཇུག་པར་འགྱུར་བ་དང ། ཆུ་སྲིན་ཉའི་རིགས་ཀྱང་སྔོན་གྱི་སྐྱེ་བ་རྗེས་སུ་དྲན་ཞིང་མིའི་སྐད་བརྗོད་པར་འགྱུར་ལ། བཅོམ་ལྡན་འདས་
Ca233a
༄#། །དང་ཐབས་ཅིག་སྨྲ་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །དེ་ནས་བཅོམ་ལྡན་འདས་ཀྱིས་ཆུ་སྲིན་ཉའི་རིགས་ལ་བཀའ་སྩལ་པ། བུ་ཁྱོད་སེར་སྐྱ་ཡིན་ནམ། བཅོམ་ལྡན་འདས་བདག་སེར་སྐྱ་ལགས་སོ། །བུ་ཁྱོད་སེར་སྐྱ་ཡིན་ནམ། བདེ་བར་གཤེགས་པ་བདག་སེར་སྐྱ་ལགས་སོ། །བུ་ཁྱོད་ལ་ལུས་ཀྱིས་ཉེས་པར་སྤྱད་པ་ཡོད་དམ། བཅོམ་ལྡན་འདས་མཆིས་ལགས་སོ། །བུ་ཁྱོད་ལ་ངག་དང་ཡིད་གཉིས་ཀྱིས་ཉེས་པར་སྤྱད་པ་ཡོད་དམ། བདེ་བར་གཤེགས་པ་མཆིས་སོ། །བུ་ཁྱོད་ཀྱིས་ལུས་ཀྱིས་ཉེས་པར་སྤྱད་པའི་རྣམ་པར་སྨིན་པ་ཉམས་སུ་མྱོང་ངམ། བཅོམ་ལྡན་འདས་ཉམས་སུ་མྱོང་ངོ ། །བུ་ཁྱོད་ཀྱིས་ངག་དང་ཡིད་ཀྱི་ཉེས་པར་སྤྱད་པའི་རྣམ་པར་སྨིན་པ་ཉམས་སུ་མྱོང་ངམ། བདེ་བར་གཤེགས་པ་ཉམས་སུ་མྱོང་ངོ ། །འོ་ན་ཁྱོད་ཀྱི་མི་དགེ་བའི་བཤེས་གཉེན་སུ་ཡིན། བདག་གི་མ་ལགས་སོ། །དེ་གང་དུ་སྐྱེས། སེམས་ཅན་དམྱལ་བ་རྣམས་སུའོ། །ཁྱོད་གང་དུ་སྐྱེས། དུད་འགྲོར་རོ། །ཇི་སྙམ་དུ་སེམས། ཁྱོད་འདི་ནས་ཤི་འཕོས་ནས་གང་དུ་སྐྱེ་བར་འགྱུར། བཅོམ་ལྡན་འདས་སེམས་ཅན་དམྱལ་བ་རྣམས་སུའོ། །བདེ་བར་གཤེགས་པ་སེམས་ཅན་དམྱལ་བ་རྣམས་སུའོ་ཞེས་གསོལ་ནས་ངུ་བ་ལ་ཞུགས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་བཀའ་སྩལ་པ། ཁྱོད་ནི་དུད་འགྲོའི་སྐྱེ་གནས་སྐྱེས། མི་ཁོམ་ཞུགས་པར་གྱུར་པ་ལ། །དེ་ལྟར་ངས་ཀྱང་ཅི་
Ca233b
བྱར་མེད། །དོན་མེད་ངུས་པས་ཅི་ལ་ཕན། །ཐུགས་རྗེ་ལྡན་རྒྱལ་ང་ལ་ནི། །ལེགས་པར་སེམས་ནི་དད་གྱིས་དང ། །དུད་འགྲོའི་སྐྱེ་འདིར་ཆགས་བྲལ་ཞིང ། །དེ་ནས་མཐོ་རིས་འགྲོ་བར་འགྱུར། །དེས་བཅོམ་ལྡན་འདས་ལ་སེམས་དད་པར་བྱས་ནས། དེ་ནས་བཅོམ་ལྡན་འདས་ཀྱི་དེ་ལ་བཞིན་བཟང་འདི་ལྟར་འདུ་བྱེད་ཐམས་ཅད་ནི་མི་རྟག་པའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་བའོ་ཞེས་ཚིག་གསུམ་གྱིས་ཆོས་བསྟན་ཏོ། །དེ་ནས་འཁོར་དེ་མཆོག་ཏུ་ངོ་མཚར་སྐྱེས་ནས། ཤེས་ལྡན་དག་བཅོམ་ལྡན་འདས་ཀྱིས་བཀའ་སྩལ་པས་སྔོན་གྱི་སྐྱེ་བ་དྲན་པར་བྱས་ཤིང་མིའི་སྐད་ཀྱང་རྗོད་པར་བྱེད་ལ་བཅོམ་ལྡན་འདས་དང་ཐབས་ཅིག་སྨྲ་བར་བྱེད་པ་འདི་སུ་ཞིག་ཡིན། སངས་རྒྱས་བཅོམ་ལྡན་འདས་རྣམས་ནི་བསྙེན་པར་དཀའ་བ་དང་བཟོད་པར་དཀའ་བ་ཡིན་པས་བདག་ཅག་གིས་བཅོམ་ལྡན་འདས་ལ་དོན་དེ་ཞུ་བར་ནི་མི་ནུས་ཀྱིས་བདག་ཅག་འཕགས་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས་འཕགས་པ་ཀུན་དགའ་བོ་ལ་དོན་དེ་ཞུ་བར་བྱ་ཞིང ། འཕགས་པ་ཀུན་དགའ་བོས་བདག་ཅག་ལ་ཇི་སྐད་ལུང་སྟོན་པར་འགྱུར་བ་དེ་དེ་ཁོ་ན་བཞིན་དུ་གཟུང་བར་བྱའོ་ཞེས་ཟེར་རོ། །དེ་ནས་འཁོར་དེ་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །འཕགས་པ་ཀུན་དགའ་བོ་བཅོམ་ལྡན་འདས་ཀྱིས་བཀའ་སྩལ་པས། སྔོན་གྱི་སྐྱེ་བ་དྲན་པར་བགྱིས་ཤིང་མིའི་སྐད་ཀྱང་རྗོད་པར་བགྱིད་ལ།
Ca234a
༄#། །བཅོམ་ལྡན་འདས་དང་ཐབས་ཅིག་སྨྲ་བར་བགྱིད་པ་འདི་སུ་ཞིག་ལགས། ཀུན་དགའ་བོས་སྨྲས་པ། ཤེས་ལྡན་ངག་བཅོམ་ལྡན་འདས་ཉིད་ལ་དོན་དེ་ཞུས་ཤིག་།འཕགས་པ་ཀུན་དགའ་བོ། སངས་རྒྱས་བཅོམ་ལྡན་འདས་རྣམས་ནི་བསྙེན་པར་དཀའ་བ་དང ། བཟོད་པར་དཀའ་བ་ལགས་པས། བདག་ཅག་གིས་བཅོམ་ལྡན་འདས་ལ་དོན་དེ་ཞུ་བར་རྔོ་མི་ཐོག་ལགས་སོ། །ཤེས་ལྡན་དག་ཁོ་བོ་ལ་ཡང་སངས་རྒྱས་བཅོམ་ལྡན་འདས་རྣམས་བསྙེན་པར་དཀའ་བ་དང ། བཟོད་པར་དཀའ་བ་ཡིན་པས་ཁོ་བོས་ཀྱང་བཅོམ་ལྡན་འདས་ལ་དོན་དེ་ཞུ་བར་མི་ནུས་མོད་ཀྱི། །འོན་ཀྱང་ཁྱོད་ཀྱི་དོན་དུ་ཞུ་བར་བྱའོ་ཞེས་སྨྲས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་བཀའ་སྩལ་པས། སྔོན་གྱི་སྐྱེ་བ་དྲན་པར་བགྱིས་ཤིང་མིའི་སྐད་ཀྱང་རྗོད་པར་བགྱིས་ལ། བཅོམ་ལྡན་འདས་དང་ཐབས་ཅིག་སྨྲ་བར་བགྱིད་པ་འདི་སུ་ཞིག་ལགས། ཀུན་དགའ་བོ་འདི་ནི་ཆུ་སྲིན་ཉའི་རིགས་ཡིན་ནོ། །ཀུན་དགའ་བོ།། ཁྱོད་ཆུ་སྲིན་ཉའི་རིགས་ཀྱི་སྔོན་གྱི་ལས་ཀྱི་རྒྱུ་བ་ལས་བརྩམས་ཏེ། ཆོས་དང་ལྡན་པའི་གཏམ་ཉན་པར་འདོད་དམ། བཅོམ་ལྡན་འདས་ཀྱིས་ཆུ་སྲིན་ཉའི་རིགས་ཀྱི་སྔོན་གྱི་ལས་ཀྱི་རྒྱུ་བ་ལས་
Ca234b
བརྩམས་ཏེ། དགེ་སློང་རྣམས་དང་སྐྱེ་བོའི་ཚོགས་ལ་ཆོས་དང་ལྡན་པའི་བཀའ་མཆིད་བཀའ་སྩལ་པར་གྱུར་ན། བཅོམ་ལྡན་འདས་ལས་ཐོས་ནས་དགེ་སློང་རྣམས་དང་སྐྱེ་བོའི་ཚོགས་དག་འཛིན་པར་འགྱུར་བས། བཅོམ་ལྡན་འདས་དེ་ནི་དུས་ལགས་སོ། །བདེ་བར་གཤེགས་པ་དེ་ནི་དུས་ལགས་སོ། །ཀུན་དགའ་བོ་དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་གྱིས་ཤིག་དང་བཤད་པར་བྱའོ། །ཀུན་དགའ་བོ་སྔོན་བྱུང་བ་བསྐལ་པ་ཆེན་པོ་བཟང་པོ་འདི་ཉིད་ལ། སྐྱེས་དགུའི་ཚེ་ལོ་ཉི་ཁྲི་ཐུབ་པ་ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་དགེ་སློང་ཉི་ཁྲིས་བསྐོར་ཅིང་གྲོང་ཁྱེར་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །དེའི་ཚེ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཀྲི་ཀྲི་ཞེས་བྱ་བས་རྒྱལ་སྲིད་འབྱོར་པ། རྒྱས་པ་བདེ་བ། ལོ་ལེགས་པ། སྐྱེ་བོ་དང ། མི་མང་པོས་གང་བ། འཐབ་མོ་དང་འཐབ་པ་དང ། ཕྱི་དགྲ་དང་ནང་འཁྲུག་རབ་ཏུ་ཞི་བ། ཆོམ་རྐུན་དང་མུ་གེ་དང ། ནད་དང་བྲལ་བ། སཱ་ལུ་དང་བུ་རམ་ཤིང་གི་ཕྲེང་བ་དང ། བ་ལང་དང་མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ་ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།དེ་ནས་ཤེད་བུ་གསང་ཚིག་འདོད་པ། གསང་ཚིག་ཚོལ་བ་ཞིག་ཡུལ་དབུས་ནས་
Ca235a
༄#། །ལྷོ་ལམ་དུ་སོང་ངོ ། །དེ་ན་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ། ཡུལ་ཐ་དད་པ་ན་གནས་པའི་བྲམ་ཟེ་རྣམས་ཀྱིས་སྟོན་པར་གྱུར་པ་ཞིག་འདུག་ནས། ཤེད་བུ་དེ་བྲམ་ཟེ་དེའི་དྲུང་དུ་སོང་སྟེ་ཕྱིན་ནས། ཞི་བ་དང་སྤྱོད་ལམ་ཞི་བས་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ་།དེ་ནས་བྲམ་ཟེ་དེས་ཤེད་བུ་དེ་ལ་འོངས་པ་ལེགས་སོ། །ཞེས་བྱ་བའི་ཚིག་གིས་ཀུན་ཏུ་སྤྱད་ནས་སྨྲས་པ། ཀྱེ་ཤེད་བུ་ཁྱོད་ག་ལས་འོངས། ཅི་ཞིག་འདོད། ཤེད་བུས་སྨྲས་པ། བདག་ཡུལ་དབུས་ནས་མཆིས་ཏེ། མཁན་པོའི་ཞབས་ལ་སྲི་ཞུ་བགྱིད་པར་འཚལ་ལོ། །ཅི་ཞིག་གི་ཕྱིར། རིག་བྱེད་བཀླག་པའི་སླད་དུའོ། །ཤེད་བུ་ལེགས་ཀྱིས་དེ་བཞིན་གྱིས་ཤིག་།དེ་ནི་བྲམ་ཟེས་བྱ་བ་ཡིན་ནོ། །ཤེད་བུ་དེས་བྲམ་ཟེའི་དྲུང་དུ་རིག་བྱེད་བཀླག་པར་བྱ་བར་བརྩམས་སོ། །ཤེད་བུ་རྣམས་ཀྱི་ཀུན་ཏུ་སྤྱོད་པ་ནི་འདི་ཡིན་ཏེ། གང་གི་ཚེ་མི་ཀློག་པར་གྱུར་པ་དེའི་ཚེ་ན་ལན་དགའ་ནི་ཆུ་ངོགས་སུ་ཉེ་རེག་བྱེད་དུ་འདོང་ངོ ། །ལན་འགའ་ནི་གྲོང་ཁྱེར་ལྟར་འདོང་ངོ ། །ལན་འགའ་ནི་ཡམ་སྲོག་ཤིང་ཐུར་འདོང་ངོ ། །ཅི་ཙམ་དུས་གཞན་ཞིག་ན་དེ་དག་མི་ཀློག་པར་གྱུར་ནས། དེའི་ཚེ་དེ་དག་ཡམ་སྲེག་ཤིང་ཐུར་དོང་བ་དང ། དེ་དག་ལ་ལམ་གྱི་བར་དུ་བར་སྐབས་ཀྱི་གཏམ་རྗོད་པ་འདི་ལྟ་བུ་འདི་བྱུང་སྟེ། ཀྱེ་ཀུད་སའི་རིགས་དག་།བད་སའི་རིགས་དག་།ཤན་དི་ལའི་རིགས་དག་།བར་དྭ་ཛའི་རིགས་དག་།ལྔ་པའི་རིགས་དག་།ཉེ་ལྔའི་རིགས་
Ca235b
དག་ཇེ་ཁྱེད་ཅག་ལས་གང་ནི་ཡུལ་ག་ལས་འོངས་པ་དྲི་བར་བྱའོ། །དེ་ན་ཤེད་བུ་གཅིག་གིས་སྨྲས་པ། ཁོ་བོ་ནི་ཡུལ་ཤར་ནས་སོ། །གཞན་ཞིག་གིས་སྨྲས་པ། ཁོ་བོ་ནི་ལྷོ་ལམ་ནས་སོ། །ཡང་གཞན་ཞིག་གིས་སྨྲས་པ། ཁོ་བོ་ནི་ནུབ་ཀྱི་ནས་སོ། །ཡང་གཞན་ཞིག་གིས་སྨྲས་པ། ཁོ་བོ་ནི་བྱང་ལམ་ནས་སོ། །ཤེད་བུ་དེས་སྨྲས་པ། ཁོ་བོ་ནི་ཡུལ་དབུས་ནས་སོ། །དེ་དག་གིས་སྨྲས་པ། ཤེས་ལྡན་དག་བདག་ཅག་གིས་ཡུལ་ཐམས་ཅད་མཐོང་ཞིང་ཐོས་ནས་ཡུལ་དབུས་མ་མཐོང་མ་ཐོས་སོ། །ཤར་ན་བློ་ཅན་གནས་པ་སྟེ། ལྷོ་ལམ་ན་ནི་ཡོན་བྱེད་འདུག་།ནུབ་ཀྱི་ཡུལ་ན་ཕྲ་མ་ཅན། །བྱང་ལམ་ན་ནི་ཚིག་རྩུབ་པོ། །ཞེས་ཚིགས་སུ་བཅད་པ་ཡང་སྨྲས་སོ། །དེ་ནས་དྲིས་པ། ཤེད་པུ་ཡུལ་དབུས་ཅི་འདྲ། ཤེས་ལྡན་དག་ཡུལ་དབུས་ནི་ཡུལ་རྣམས་ཀྱི་མཆོག་ཡིན་ཏེ། སཱ་ལུ་དང་བུ་རམ་ཤིང་གི་ཕྲེང་བ་དང ། བ་ལང་དང་མ་ཧེ་ཕུན་སུམ་ཚོགས་པ། སློང་མོ་བ་བརྒྱས་ཁྱབ་པ། དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པ། དེ་ན་ཆུ་ཀླུང་གངྒཱ་ཁ་རྗེ་དང་བསོད་ནམས་དང ། བཀྲ་ཤིས་དང་གཙང་བ་དང ། གཙང་བ་ཉིད་ཀྱི་གནས་སུ་གྲགས་པ། འགྲམ་གཉིས་ནས་རླན་འཕྱོ་བ། དྲང་སྲོང་རྣམས་ཀྱི་བསྟི་གནས་ཞེས་བྱ་བ་ཆུ་དགུར་བཅོ་བརྒྱད་འབབ་པ་ཡོད་དེ། དེར་དྲང་སྲོང་རྣམས་ཀྱིས་དཀའ་ཐུབ་སྤྱད་ན། རང་གི་ལུས་ཉིད་ཀྱིས་མཐོ་རིས་སུ་འདོང་བ་ཡིན་ནོ། །ཀྱེ་ཤེད་བུ་དེ་ནི་མཇལ་གྱིས་གཞན་འདི་འདྲིའོ། །ཡུལ་དབུས་ན་མཁས་པར་བགྲང་
Ca236a
༄#། །བ་དག་ཡོད་དམ། ཤེས་ལྡན་དག་ཁོ་བོས་དང་པོ་ཉིད་ནས། ཤས་ལྡན་དག་ཡུལ་དབུས་ནི་དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པའོ་ཞེས་མ་སྨྲས་སམ། ཤེད་བུ་ཁྱོད་ཀྱིས་དེ་སྐད་སྨྲས་སོ། །ཤེད་བུ་ཡུལ་དབུས་ན་འདི་ལྟ་སྟེ། དཔེར་ན་བདག་ཅག་གི་མཁན་པོ་དང་འདྲ་བ་སྨྲ་བའི་ཁྱུ་མཆོག་དེ་ལྟ་བུ་དག་ཡོད་དམ། ཤེས་ལྡན་དག་ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་ལྟ་བར་ཡང་མི་ནུས་པ། སྙན་པར་སྨྲ་བ། སྨྲ་བའི་ཁྱུ་མཆོག་དེ་ལྟ་བུ་དག་ཡོད་དོ། །ཤེད་བུ་དེ་དག་ལ་དེ་ལྟ་དེ་ལྟར་ཡུལ་དབུས་ཀྱི་བསྔགས་པ་བརྗོད་པ་དང ། འདི་ལྟར་དེ་དག་ཐམས་ཅད་ཡུལ་དབུས་སུ་འདོང་འདོད་པར་གྱུར་ཏོ། །དེ་ནས་ཤེད་བུ་དེ་དག་གིས་ཡམ་སྲེག་ཤིང་དག་བཙལ་ཏེ། ཡམ་སྲེག་ཤིང་གི་ཁུར་ཐོགས་ནས་བྲམ་ཟེ་དེའི་ཁྱིམ་གལ་བ་དེར་དོང་སྟེ་ཕྱིན་ནས། ཡམ་སྲེག་ཤིང་གི་ཁུར་མཐའ་གཅིག་ཏུ་བཞག་སྟེ། བྲམ་ཟེ་དེ་ག་ལ་བར་དོང་སྟེ་ཕྱིན་པ་དང ། བྲམ་ཟེ་དེ་ལ་འདི་སྐད་ཅེས་སྨྲས་སོ། །མཁན་པོ་མཁྱེན་པར་མཛོད་ཅིག་།ཤེད་བུ་འདིས་ཅི་ནས་ཀྱང་བདག་ཅག་ཐམས་ཅད་ཡུལ་དབུས་སུ་མཆི་འཚལ་བར་གྱུར་པ་དེ་ལྟར་ཡུལ་དབུས་ཀྱི་བསྔགས་པ་བརྗོད་དོ། །བྲམ་ཟེ་དེས་སྨྲས་པ། བུ་དག་ཅི་སྙེད་ཐོས་པ་དེ་སྙེད་བགྲོད་པར་བྱ་བ་ཡིན་ནམ། འདི་ལྟར་ཡུལ་དག་ནི་ཐོས་ནས་དགའ་བར་འགྱུར་བ་ཡིན་པས་མཉན་པར་བྱའི་བགྲོད་པར་ནི་མི་བྱའོ། །མཁན་པོ་ཤེད་བུ་
Ca236b
འདིའི་མཆིད་ནས་ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་ལྟ་བར་ཡང་མི་ནུས་པ། སྙན་པར་སྨྲ་བ། སྨྲ་བའི་ཁྱུ་མཆོག་དེ་ལྟ་བུ་དག་མཆིས་སོ་ཞེས་མཆིའོ། །བུ་དག་ཅི་ཁོ་བོ་ན་རེ།་སའི་སྟེང་ན་ཁོ་བོ་གཅིག་པུ་ཁོ་ན་སྨྲ་བ་ཡིན་གྱི་སྨྲ་བ་གཞན་འགའ་ཡང་མེད་དོ་ཞེས་ཟེར་རམ། ས་ནི་རིན་པོ་ཆེ་མང་པོ་འཛིན་པ་ཡིན་པས། ས་གཞི་ནི་མཛེས་པ་མཛེས་པ་དག་གིས་གང་བ་ཡིན་ནོ། ། མཁན་པོ་རེ་ཞིག་ཡུལ་དེ་ཡང་མཐོང་བར་འགྱུར་ཞིང་ཆུ་ངོགས་སུ་ཉེ་རེག་ཀྱང་བགྱི། སྨྲ་བའི་ཁྱུ་མཆོག་དེ་དག་ལ་ཡང་བསྙེན་བཀུར་བགྱི། རྒོལ་བ་དག་ཀྱང་ཚར་གཅད་པར་བགྱི། རང་གི་གྲགས་པ་ཡང་བསྒྲག་པར་བགྱི། རྙེད་པ་ཡང་བསྒྲུབ་པར་བགྱིས། བདག་ཅག་ཡུལ་དབུས་སུ་མཆིའོ། །བྲམ་ཟེ་དེ་སློབ་མ་ལ་རྗེས་སུ་ཆགས་པ་དང་བཅས་པ་དང་འཁོར་ཉུང་བ་ཡིན་པས། དེས་ཤེད་བུ་དེ་དག་ལ་འདི་སྐད་ཅེས་སྨྲས་སོ། །བུ་དག་གལ་ཏེ་དེ་ལྟ་ན་གཡང་གཞི་དག་དང་ཤིང་ཤུན་དག་དང་དབྱུག་གུ་དག་དང ། བླུགས་གཟར་དག་དང་དགང་གཟར་དག་དང་རིལ་བ་དག་ལོང་ཞིག་དང་ཡུལ་དབུས་སུ་འདོང་ངོ། །དེ་དག་གིས་དེ་དག་བླངས་ནས་བྲམ་ཟེ་དེ་ཤེད་བུ་དེ་དག་དང་ལྷན་ཅིག་ཡུལ་དབུས་སུ་འཕགས་པ་དང ། དེས་རྒོལ་བ་ཁ་ཅིག་ནི་ཚར་བཅད་དེ་རྒོལ་བའི་ཤིང་རྟ་ལ་སྦྱོར་བར་བྱེད། ཁ་ཅིག་ནི་མགོར་ཐལ་བའི་བུམ་པ་དག་གིས་བསྣུན། ཁ་ཅིག་ནི་འཕོང་གི་དཔོང་སར་ཁཝ་བཞིན་དུ་ཐག་རིང་པོ་ནས་ཡོངས་སུ་སྤོང་བར་བྱེད། ཁ་ཅིག་ནི་གདུགས་དང་རྒྱལ་མཚན་དང་བ་དན་དག་གིས་བསུ་བར་བྱེད། ཁ་ཅིག་ནི་སློབ་མ་ཉིད་དུ་
Ca237a
༄#། །ཁས་ལེན་པར་བྱེད་ཅིང་དེ་མཐར་གྱིས་གྲོང་དང་གྲོང་ཁྱེར་དང་གྲོང་རྡལ་དང ། དབྱེ་ཚོངས་དང ། ཚོང་རྡལ་དག་ཏུ་རྒོལ་བ་འདུལ་ཞིང་ཝཱ་ར་ཎཱ་སིར་ཕྱིན་ཏོ། །བྲམ་ཟེ་དེས་བསམས་པ། བདག་གིས་ཅིའི་ཕྱིར་རྩ་བ་སྤངས་ཏེ་ཡལ་ག་དང་འདབ་མ་དང་ལོ་མ་ལ་ཉུག་པར་བྱ། རྒོལ་བ་གང་དག་དང་མཁས་པར་བགྲང་བ་གང་ཇི་སྙེད་པ་དེ་དག་ཐམས་ཅད་ཀྱང་རྒྱལ་པོ་དང་ཉེ་བ་ཡིན་གྱིས་བདག་ཀྱང་རྒྱལ་པོའི་གན་དུ་འགྲོའོ་སྙམ་ནས། བྲམ་ཟེ་དེ་རྒྱལ་པོ་ཀྲི་ཀྲི་ག་ལ་བ་དེར་སོང་སྟེ་ཕྱིན་ནས། རྒྱལ་པོ་ཀྲི་ཀྲི་ལ་རྒྱལ་བ་དང་ཚེ་སྤེལ་བ་བྱས་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་རྒྱལ་པོ་ཀྲི་ཀྲི་ལ་འདི་སྐད་ཅེས་སྨྲས་སོ། །ལྷ་བདག་ལ་བླ་མ་ལས་ཡི་གེ་ཉུང་ཤས་ཤིག་བླངས་པ་མཆིས་ཏེ་དེའི་སླད་དུ་ལྷའི་སྤྱན་སྔར་རྒོལ་བ་དག་དང་ལྷན་ཅིག་བཀའ་མཆིད་རྣམ་པར་གཏན་ལ་དབབ་པར་འཚལ་ལོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ངའི་ཡུལ་ན་བྲམ་ཟེ་འདི་དང་ལྷན་ཅིག་གཏམ་རྣམ་པར་གཏན་ལ་འབེབས་པར་བྱེད་པའི་རྒོལ་བ་འགའ་ཡོད་དམ། བློན་པོ་རྣམས་ཀྱིས་སྨྲས་པ། ལྷ་རི་བྲགས་ཆེ་གེ་མོ་ཞིག་ན་བྲམ་ཟེ་སེར་སྐྱ་ཞི་བ་ཞེས་བགྱི་བ་རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་ཏུ་ཕྱིན་པ། ཞུགས་ལྟ་བུའི་ཤེས་པས་རང་གི་སྨྲ་བ་གསལ་བར་བགྱིད་པ། གཞན་གྱི་སྨྲ་བ་ཚར་གཅོད་པར་རྔོ་ཐོག་པ་ཞིག་མཆིས་སོ། །མཁན་པོ་དེ་བོས་ཤིག་།ལྷ་བོད་པར་བགྱིའོ་ཞེས་དེ་དག་གིས་དེ་བོས་ནས། དེ་རྒྱལ་པོ་ཀྲི་ཀྲི་ག་ལ་བ་
Ca237b
དེར་སོང་སྟེ་ཕྱིན་ནས། རྒྱལ་པོ་ཀྲི་ཀྲི་ལ་རྒྱལ་བ་དང་ཚེ་སྤེལ་བ་བྱས་ཏེ་མཐའ་གཅིག་ཏུ་འདུག་པ་དང ། བློན་པོ་རྣམས་ཀྱིས་སྨྲས་པ། ལྷ་མཁན་པོ་དེ་འདི་ལགས་སོ། །རྒྱལ་པོས་འོངས་པ་ལེགས་སོ་ཞེས་བྱ་བའི་ཚིག་གིས་ཀུན་དུ་སྤྱད་དེ་སྨྲས་པ། མཁན་པོ་ཁྱོད་ཁོ་བོའི་མདུན་དུ་བྲམ་ཟེ་འདི་དང་ལྷན་ཅིག་གཏམ་རྣམ་པར་གཏན་ལ་དབབ་པར་བྱེད་ནུས་སམ། སེར་སྐྱ་ཞི་བས་སྨྲས་པ། བདག་གིས་རྡོ་ཅི་ཐོག་པས་རྒྱལ་པོ་དགྱེས་པར་བགྱིའོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་རྒོལ་བའི་དཀྱིལ་འཁོར་ཤོམས་ཤིག་།ཕྱོགས་དང་གཞན་གྱི་ཕྱོགས་དག་རྣམ་པར་ཞོག་ཅིག་།བློན་པོ་རྣམས་ཀྱིས་རྒོལ་བའི་དཀྱིལ་འཁོར་བཤམས་ཤིང་ཕྱོགས་དང་གཞན་གྱི་ཕྱོགས་དག་རྣམ་པར་བཞག་གོ་།དེ་ནས་བློན་པོ་རྣམས་ཀྱིས་རྒྱལ་པོའི་རྐང་པ་གཉིས་ལ་ཕྱག་འཚལ་ཏེ་སྨྲས་པ། ལྷ་ཕྱོགས་སྔ་མ་གང་བགྱིད་དུ་སྩལ། རྒྱལ་པོས་སྨྲས་པ། བྲམ་ཟེ་འདི་མགྲོན་པ་ཡིན་གྱིས་འདི་ཕྱོགས་སྔ་མ་བྱེད་དུ་ཆུག་ཅིག་།བྲམ་ཟེ་དེ་ཕྱོགས་སྔ་མ་བྱེད་དུ་བཅུག་ནས་དེས་རྒྱུད་ཆགས་ལྔ་བརྒྱ་བཟླས་སོ། །སེར་སྐྱ་ཞི་བས་ཕྱིར་བཟླས་ཏེ་ཁྱོད་ཀྱི་འདི་ནི་རིགས་པ་མེད་པ་ཡིན་ནོ། །འདི་ནི་མི་མཐུན་པ་ཡིན་ནོ། །འདི་ནི་མི་འཐད་པ་ཡིན་ནོ་ཞེས་སྐྱོན་བཏགས་པ་དང་བྲམ་ཟེ་དེ་ཅང་མི་སྨྲ་བར་འདུག་གོ་།ཚར་གཅད་པའི་གནས་རྣམས་ཀྱི་ནང་ན་འདི་ལྟ་སྟེ། ལན་ལ་སྤོབས་པ་མེད་པ་འདི་ནི་ཐ་ཆད་ཡིན་ནོ། །དེ་ནས་རྒྱལ་པོ་མངོན་པར་དགའ་ནས་སྨྲས་པ། མཁན་པོ་ཁྱོད་གནས་གང་དུ་གནས། སེར་སྐྱ་ཞི་བས་སྨྲས་པ། ལྷ་རི་
Ca238a
༄#། །བྲགས་ཆེ་གེ་མོ་ཞིག་ཏུའོ། །ཁྱོད་སོང་ལ་རི་བྲགས་དེ་ཁྱོད་ཀྱི་རྒོལ་བའི་ལོངས་སྤྱོད་གྱིས་ཤིག་།སེར་སྐྱ་ཞི་བ་རངས་པ་དང་དགའ་བ་དང ། མཆོག་ཏུ་དགའ་བར་གྱུར་ནས་སྐྱེ་བོ་མཁས་པ་དག་གིས་ཡོངས་སུ་བསྐོར་ཏེ་རི་བྲགས་དེར་སོང་ངོ ། །འཇིག་རྟེན་ནི་འབྱོར་པ་འདོད་པ་ཡིན་པས་སེར་སྐྱ་ཞི་བ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད་དགུར་སྤྱོད་པར་བྱེད་པ་དེའི་ཆུང་མ་བུ་རལ་པ་སེར་སྐྱ་ཅན་ཞིག་བཙས་ནས། ཞག་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ཏེ། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ། ཁྱེའུ་འདི་བྲམ་ཟེ་སེར་སྐྱ་ཞི་བའི་བུ་ཡིན་ལ། འདིའི་རལ་པ་ཡང་སེར་སྐྱར་འདུག་པས་ཁྱེའུ་འདིའི་མིང་སེར་སྐྱར་གདགས་སོ་ཞེས་དེའི་མིང་སེར་སྐྱར་བཏགས་སོ། །དེ་འོ་མ་དང་ཞོ་དང་མར་དང ། ཞུན་མར་དང་མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ན་ཡི་གེ་དང་གྲངས་དང ། རྩིས་དང ། ལག་རྩིས་དང ། དབྱུང་བ་དང ། གཞུག་པ་དང ། གཞག་པ་དང ། འབྱེད་པ་དང ། ཀློག་པའི་ཕ་རོལ་ཏུ་སོན་ཅིང ། དེའི་ཚེ་ན་བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྦྲ་དང །
Ca238b
ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུམ་བླང་བ་དང ། ས་བླང་བ་དང ། ལག་སྟངས་དང ། ཐོར་ཚུགས་དང ། རབ་བསྔགས་བྱེ་བ་དང ། ཀྱེ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། བྲམ་ཟེའི་ལས་དྲུག་པོ་མཆོད་སྦྱིན་བྱེད་པ་དང ། མཆོད་སྦྱིན་བྱེད་དུ་འཛུད་པ་དང ། ཀློག་པ་དང་ཀློག་ཏུ་འཛུད་པ་དང ། སྦྱིན་པ་དང་ལེན་པ་ལ་མཁས་པའི་བྲམ་ཟེའི་རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ་མེ་ལྟ་བུའི་ཤེས་པས་རང་གི་སྨྲ་བ་གསལ་བར་བྱེད་པ། གཞན་གྱི་སྨྲ་བ་ཚར་གཅོད་ནུས་པར་གྱུར་ཏོ། །དེའི་ཚེ་བྲམ་ཟེ་སེར་སྐྱ་ཞི་བས་བྲམ་ཟེའི་ཁྱེའུ་ལྔ་བརྒྱ་ཙམ་དག་བྲམ་ཟེའི་གསང་ཚིག་དག་འདོན་དུ་བཅུག་གོ་།ཇི་ཙམ་དུས་གཞན་ཞིག་ན་ཤེད་བུ་སེར་སྐྱ་ཀློག་པར་བྱེད་པས་ཕ་ལ་སྨྲས་པ། ཡབ་རི་ཙ་ཞེས་བགྱི་བ་འདིའི་དོན་ཅི་ལགས། སེར་སྐྱ་ཞི་བས་སྨྲས་པ། བུ་ཡི་གེ་དག་ནི་ཡུན་རིང་པོ་ནས་བྲལ་བ་དག་སྟེ། བླ་མའི་ཚིག་ཤེས་པར་དཀའ་བ་ཡིན་པས། དྲང་སྲོང་དེ་དག་གིས་དོན་དང་བྲལ་བའི་བསྟན་བཅོས་ཉེ་བར་སྦྱར་བ་འདི་ཅི་ཡིན་མི་ཤེས་སོ། །སེར་སྐྱས་སྨྲས་པ། ཡབ་བདག་གིས་རི་ཙ་ཞེས་བགྱི་བ་འདིའི་དོན་དེ་འཚལ་ཏོ། །བྲམ་ཟེ་སེར་སྐྱ་ཞི་བས་བསམས་པ། འདི་ལྟར་ཕས་བུ་ལ་བདག་དང་མཉམ་པའམ། ཁྱད་པར་དུ་འཕགས་པ་དེ་ནི་འདོད་པར་བྱ་བ་ཡིན་པས། དེའི་ཕྱིར་འང་བདག་པས་ཆེས་ཁྱད་པར་དུ་འཕགས་པ་ཡིན་གྱིས། བདག་གིས་འདི་ལ་བྲམ་ཟེའི་ཁྱེའུ་ལྔ་བརྒྱ་པོ་འདི་དག་གཏད་པར་
Ca239a
༄#། །བྱའོ་སྙམ་དུ་རིག་ནས། བྲམ་ཟེའི་ཁྱེའུ་སེར་སྐྱ་ལ་སྨྲས་པ། བུ་འདི་ལྟར་ཕས་བུ་ལ་བདག་དང་མཉམ་པའམ་ཁྱད་པར་དུ་འཕགས་པ་དེ་ནི་འདོད་པར་བྱ་བ་ཡིན་པས་དེའི་ཕྱིར་ཁྱོད་ཁོ་བོ་བས་ཆེས་ཁྱད་པར་དུ་འཕགས་པ་ཡིན་གྱིས། ཁྱོད་ཀྱིས་བྲམ་ཟེའི་ཁྱེའུ་ལྔ་བརྒྱ་པོ་འདི་དག་བྲམ་ཟེའི་གསང་ཚིག་དག་འདོན་དུ་ཆུག་ཅིག་།སེར་སྐྱས་སྨྲས་པ། བཀའ་བཞིན་འཚལ་འདོན་དུ་སྩལ་ཏེ་ཞེས་དེས་བྲམ་ཟེའི་ཁྱེའུ་ལྔ་བརྒྱ་པོ་དེ་དག་བྲམ་ཟེའི་གསང་ཚིག་དག་འདོན་དུ་གཞུག་པར་བརྩམས་སོ། །བྲམ་ཟེ་སེར་སྐྱ་ཞི་བ་ཡང་བྱ་བ་མེད་ཅིང་ཅིར་དགར་འགྲོ་བ་དང་སྤྱོད་པས་དགའ་མགུར་སྤྱོད་པར་བརྩམས་སོ། །དེ་དུས་གཞན་ཞིག་ན་དྲང་སྲོང་སྨྲ་བར་སོང་སྟེ། དེར་དགེ་སློང་ཞིག་གི་གན་དུ་སོང་ནས་སྨྲས་པ། སློབ་དཔོན་ཚིག་འདིའི་དོན་ཅི་ལགས། དགེ་སློང་དེས་སྨྲས་པ། ཚེ་དང་ལྡན་པ་དྲི་བ་དེ་ནི་དེ་སྐད་དྲི་བར་མི་བྱ་སྟེ། དྲི་བ་དེ་དེ་སྐད་དྲིས་ན་ཡོངས་སུ་རྫོགས་པར་མི་འགྱུར་རོ། །འདི་ལྟར་དྲི་བ་དེ་ནི་འདི་སྐད་དྲི་བར་བྱ་སྟེ། དྲི་བ་དེ་འདི་སྐད་དྲིས་ན་ཚིག་འདིའི་དོན་འདི་ཡིན་ནོ་ཞེས་ཡོངས་སུ་རྫོགས་པར་འགྱུར་རོ། །བྲམ་ཟེ་སེར་སྐྱ་ཞི་བས་བསམས་པ། བདག་གིས་འདི་དག་ལ་དྲི་བ་ཡང་འདྲི་བར་མི་ནུས་ན་བདག་གིས་འདི་དག་དང་ལྷན་ཅིག་ཇི་ལྟར་སྨྲ་བར་འགྱུར་སྙམ་ནས། དེ་དགེ་སློང་རྣམས་ལ་ཤིན་ཏུ་མངོན་པར་དད་པར་གྱུར་ནས། དུས་དང་དུས་སུ་དགེ་སློང་དག་མགྲོན་དུ་པོས་ཏེ་ཁྱིམ་གཞན་དུ་ཟན་སྦྱིན་པར་བྱེད་དོ། །དེ་དུས་གཞན་ཞིག་ནན་པར་གྱུར་ནས་དེས་ཤེད་བུ་སེར་སྐྱ་ལ་སྨྲས་པ། བུ་ཇི་ཙམ་ན་ཉི་མ་
Ca239b
འཆར་བ་དང ། ཇི་ཙམ་ན་ནུབ་པ་དེའི་བར་དུ་ཁྱོད་དང་འདྲ་བའི་སྨྲ་བ་གཞན་མེད་ཀྱིས་དེའི་ཕྱིར་ཁྱོད་ཀྱིས་ཁོ་བོ་འདས་ནས། སྨྲ་བ་ཐམས་ཅད་དང་ལྷན་ཅིག་འཇིགས་པ་མེད་པ་དང ། བག་ཚ་བ་མེད་པར་སྨྲ་བར་བྱའོ། །འོད་སྲུང་གི་དགེ་སྦྱོང་རྣམས་ནི་མ་གཏོགས་ཏེ། དེ་དག་ནི་རྒྱུད་རྒྱ་ཆེན་པོ་དང་ལྡན་པ། རྒྱུད་ཟབ་མོ་དང་ལྡན་པ། རྒྱུད་བཟང་པོ་དང་ལྡན་པ། འཇིག་རྟེན་པ་ལས་ཕམ་པར་མི་ནུས་པ། འཇིག་རྟེན་ལས་འདས་པ་ལ་གཏིང་མེད་པ་ཡིན་ཏེ། དེ་དག་ནི་མང་བ་དང ། མཐུན་པ་དང ། ལོངས་སྤྱོད་དག་དོན་དུ་མི་གཉེར་བ་ཡིན་ནོ། །སེར་སྐྱས་སྨྲས་པ་ཡབ་དེ་བཞིན་བགྱིའོ། །བྲམ་ཟེ་སེར་སྐྱ་ཞི་བ་ན་བ་ལས་མ་ལངས་ཏེ་དེ་རྩ་བ་དང་སྡོང་བུ་དང་འདབ་མ་དང ། མེ་ཏོག་དང་འབྲས་བུའི་སྨན་དག་གིས་བསྙེན་བཀུར་བྱས་ཀྱང་ཉམས་པ་ཉིད་དུ་གྱུར་ནས། ཅི་ཙམ་ན། བསགས་པ་ཀུན་གྱི་མཐའ་ཟད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་ཆོས་རྣམས་དང་ལྡན་པར་གྱུར་ཏོ། །དེ་ཤེད་བུ་སེར་སྐྱ་དང ། ནང་མིས་གོས་སྔོན་པོ་དང་སེར་པོ་དང ། དམར་པོ་དང ། དཀར་པོ་དག་གིས་ཁྱོགས་སྤྱིལ་བརྒྱན་ཏེ། དུར་ཁྲོད་དུ་བསྐྱལ་ནས། བསྲེགས་ཏེ་དེའི་འོག་ཏུ་མྱ་ངན་བསངས་པ་བྱས་ནས་འཁོད་དོ། །ལྷོ་ཕྱོགས་ནས་ལྷགས་པའི་སྨྲ་བ་དེ་དག་གིས་བྲམ་ཟེ་སེར་སྐྱ་ཞི་བ་དུས་ལ་བབ་ཅེས་ཐོས་སོ། །ཐོས་ནས་ཀྱང་ཕན་ཚུན་སྨྲ་བར་བརྩམས་པ། ཤེས་ལྡན་དག་བྲམ་ཟེ་སྨྲ་བ་དེ་དུས་ལ་བབ་གྱིས། ད་ནི་འདོང་བར་བྱའོ་ཞེས་དེ་དག་ཐམས་ཅད་
Ca240a
༄#། །འདུས་ཏེ་རྒྱལ་པོ་ཀྲི་ཀྲིའི་གན་དུ་དོང་ངོ ། །དེ་ནས་རྒྱལ་པོ་ལ་རྒྱལ་བ་དང ། ཚེ་སྤེལ་བ་བྱས་ཏེ་སྨྲས་པ། ལྷ་བདག་ཅག་ལ་བླ་མ་ལས་ཡི་གེ་ཉུང་ཤས་ཤིག་བླངས་པ་མཆིས་ཏེ་བདག་ཅག་ལྷའི་སྤྱན་སྔར་བཀའ་མཆིད་རྣམ་པར་གཏན་ལ་དབབ་པར་བགྱིད་པར་འཚལ་ལོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་མཁན་པོ་དེ་བོས་ཤིག་།བློན་པོ་རྣམས་ཀྱིས་སྨྲས་པ། ལྷ་བྲམ་ཟེ་སྨྲ་བ་དེ་དུས་ལ་བབ་བོ། །རྒྱལ་པོས་སྨྲས་པ། དེའི་ཕྱིར་འདི་དག་གཡུལ་དུ་ཕུག་རོན་བཞིན་དུ་འདུས་ཏེ་ངའི་དྲུང་དུ་ལྷགས་ཀྱིས་བྲམ་ཟེ་དེའི་བུའམ་ཕུ་ནུ་པོ་འགའ་ཅི་ཡོད། ལྷ་དེའི་བུ་ཤེད་བུ་སེར་སྐྱ་ཞེས་བགྱི་བ་མཆིས་སོ། །མཁན་པོའི་བུ་དེ་བོས་ཤིག་།དེ་དག་གིས་དེ་བོས་ནས། དེས་རྒྱལ་པོ་ལ་རྒྱལ་བ་དང ། ཚེ་སྤེལ་བ་བྱས་ཏེ་མཐའ་གཅིག་ཏུ་འདུག་པ་དང ། བློན་པོ་རྣམས་ཀྱིས་སྨྲས་པ།་ལྷ་དེའི་བུ་ཤེད་བུ་སེར་སྐྱ་ཞེས་བགྱི་བ་འདི་ལགས་སོ། །རྒྱལ་པོས་དེ་ལ་འོངས་པ་ལེགས་སོ། །ཞེས་བྱ་བའི་ཚིག་གིས་ཀུན་ཏུ་སྤྱད་ནས་སྨྲས་པ། མཁན་པོའི་བུ་བྲམ་ཟེ་སྨྲ་བར་འདོད་པ་ཡུལ་ཐ་དད་པ་ན་གནས་པ་འདི་དག་ངའི་དྲུང་དུ་ལྷགས་ན། ཁྱོད་འདི་དག་དང་ལྷན་ཅིག་སྨྲ་བར་བྱེད་པར་ནུས་སམ། རྔོ་ཅི་ཐོགས་ཀྱིས་ལྷ་དགྱེས་པར་བགྱིའོ། །དེ་ནས་རྒོལ་བའི་དཀྱིལ་འཁོར་བཤམས་ཤིང་ཕྱོགས་དང་གཞན་གྱི་ཕྱོགས་དག་རྣམ་པར་བཞག་སྟེ། དེ་དག་ཕྱོགས་སྔ་མ་བྱེད་དུ་བཅུག་པ་དང ། སྨྲ་བ་དེ་དག་བྲམ་ཟེ་སེར་སྐྱ་དང་ལྷན་ཅིག་གཞི་གང་དང་གང་ལ་སྨྲ་བ་དེ་དང་དེ་ལ་བྲམ་ཟེ་སེར་སྐྱས་སྤོབས་
Ca240b
པ་མེད་པར་བྱས་ནས། དེ་དག་ཅང་མི་སྨྲ་བར་འཁོད་དོ། །ཚར་གཅད་པའི་གནས་རྣམས་ཀྱི་ནང་ན་འདི་ལྟ་སྟེ། ལན་ལ་སྤོབས་པ་མེད་པ་ཉིད་ནི་ཐ་ཆད་ཡིན་ནོ། །རྒྱལ་པོ་ངོ་མཚར་སྐྱེས་ཏེ། ཨེ་མན་ཚོད་གཞོན་ལ་ཤེས་རབ་ཀྱི་སྤོབས་པ་འདི་དང་འདི་ལྟ་བུ་ཡོད་དོ་ཞེས་ངོ་མཚར་སྐྱེས་ནས། དེའི་འོག་ཏུ་མངོན་པར་དད་པས་གླང་པོ་ཆེའི་གཤུལ་\་ཥཿ ཱུL?\་དུ་བསྐྱོན་ཏེ་སྨྲ་བའི་རྒྱལ་སྲིད་ལ་དབང་བསྐུར་རོ། །སེར་སྐྱ་དེའི་མ་སེམས་ཁོང་དུ་ཆུད་ཅིང་རྣམ་པར་རྟོག་པ་བཟང་པོ་མ་ཡིན་པ་དག་ལ་རྣམ་པར་རྟོག་པར་བྱེད་དེ། སེར་སྐྱ་དེས་ཧབ་ཤུར་གྱིས་རྒོལ་བའི་ལོངས་སྤྱོད་འཕྲོག་ཏུ་བཅུག་སྟེ་འོང་བར་མི་འགྱུར་རམ་སྙམ་དུ་དེ་དེ་ལྟར་སེམས་ཁོང་དུ་ཆུད་ཅིང་རྣམ་པར་རྟོག་པ་བཟང་པོ་མ་ཡིན་པ་དག་ལ་རྣམ་པར་རྟོག་པར་བྱེད་ཅིང་འདུག་པ་ན། ཤེད་བུ་སེར་སྐྱ་སྨྲ་བའི་རྒྱལ་སྲིད་ལ་དབང་བསྐུར་བས་དབང་བསྐུར་ཏེ། སྐྱེ་བོ་མཁས་པས་ཡོངས་སུ་བསྐོར་ནས་རང་གི་སྡུམ་པར་འོངས་སོ། །དེ་ནས་དེའི་མས་གུས་པར་བསྒྲིམས་པ་དང་བཅས་པས་སྨྲས་པ། བུ་ཁྱོད་ཀྱིས་སྨྲ་བ་ཐམས་ཅད་ཚར་བཅད་དམ། སེར་སྐྱས་སྨྲས་པ། ཡུམ་ཚར་བཅད་དེ། འོད་སྲུང་གི་དགེ་སྦྱོང་རྣམས་ནི་མ་གཏོགས་སོ། །སེར་སྐྱའི་མ་བཞིན་སྒྱུར་བར་བྱེད། ལག་མཐིལ་གཉིས་འདྲིལ་བར་བྱེད་དོ། །ཤེད་བུ་སེར་སྐྱས་སྨྲས་པ། ཡུམ་ཁྱོད་ཅིའི་སླད་དུ་བཞིན་སྒྱུར་བ་མཛད། ལག་མཐིལ་གཉིས་འདྲི་བར་མཛད། མས་སྨྲས་པ། བུ་ད་དུང་ཡང་ཁྱོད་འགྲན་ཟླ་དང་བཅས་པ་ཡིན་པས། འོད་སྲུང་གི་དགེ་སྦྱོང་དེ་དག་གིས་རྒོལ་བའི་ལོངས་སྤྱོད་དག་ཕྲོགས་པར་
Ca241a
༄#། །འགྱུར་བའི་གནས་དེ་ལྟ་བུ་ཡོད་ཀྱིས་སོང་ལ་འདི་དག་ཚར་ཆོད་ཅིག་།སེར་སྐྱས་སྨྲས་པ། ཡུམ་བདག་ལ་ཕའི་མཆིད་ནས་བུ་ཇི་ཙམ་ན་ཉི་མ་འཆར་པ་དང ། ཇི་ཙམ་ན་ནུབ་པ་དེའི་བར་དུ་ཁྱོད་དང་འདྲ་བའི་སྨྲ་བ་གཞན་མེད་ཀྱིས་དེའི་ཕྱིར་ཁྱོད་ཀྱིས་ཁོ་བོ་འདས་ནས་སྨྲ་བ་ཐམས་ཅད་དང་ལྷན་ཅིག་འཇིགས་པ་མེད་པ་དང ། བག་ཚ་བ་མེད་པར་སྨྲ་བར་བྱའོ། །འོད་སྲུང་གི་དགེ་སྦྱོང་རྣམས་ནི་མ་གཏོགས་ཏེ་དེ་དག་ནི་རྒྱུད་རྒྱ་ཆེན་པོ་དང་ལྡན་པ། རྒྱུད་ཟབ་མོ་དང་ལྡན་པ། རྒྱུད་བཟང་པོ་དང་ལྡན་པ། འཇིག་རྟེན་པ་ལས་ཕམ་པར་མི་ནུས་པ། འཇིག་རྟེན་ལས་འདས་པ་ལ་གཏིང་མེད་པ་ཡིན་ཏེ། དེ་དག་ནི་མང་བ་དང་མཐུན་པ་དང་ལོངས་སྤྱོད་དང་དོན་དུ་མི་གཉེར་བ་ཡིན་ནོ་ཞེས་མཆིའོ། །མས་སྨྲས་པ། བུ་ཁྱོད་ཀྱི་ཕ་ནི་དགེ་སྦྱོང་གི་བྲན་དུ་གྱུར་པ་ཡིན་ན། ཅི་ཁྱོད་ཀྱང་དགེ་སྦྱོང་གི་བྲན་དུ་འགྱུར་རམ། སོང་ལ་དེ་དག་ཚར་ཆོད་ཅིག་།སེར་སྐྱ་དེ་མ་ལ་གུས་པ་ཡིན་པས། དེས་མའི་ཚིག་མདུན་དུ་བྱས་ཏེ། དྲང་སྲོང་སྨྲ་བར་འཕགས་པ་དང ། དགེ་སློང་ཞིག་ཀྱང་ཝཱ་ར་ཎཱ་སིར་འཕགས་ནས། སེར་སྐྱས་དགེ་སློང་དེ་ལམ་གྱི་བར་དུ་མཐོང་ནས་སྨྲས་པ། ཀྱེ་དགེ་སློང་ག་ལས་འོངས། དྲང་སྲོང་སྨྲ་བ་ནས་སོ། །དྲང་སྲོང་སྨྲ་བ་ན་དགེ་སློང་ཇི་སྙེད་ཡོད། དགེ་སློང་ཉི་ཁྲི་ལྷག་ཙམ་མོ། །རེ་ཞིག་དགེ་སློང་དག་ནི་མང་ན་བསྟན་བཅོས་ཀྱི་ཚད་ཇི་ཙམ། སྡེ་སྣོད་གསུམ་མོ། །སྡེ་སྣོད་གསུམ་གྱི་ཚད་ཇི་ཙམ་སྟོང་ཕྲག་བརྒྱའོ། །ཁྱིམ་པས་གཟུང་དུ་རུང་ངམ། མདོ་སྡེ་དང་
Ca241b
ཆོས་མངོན་པ་གཉིས་ནི་རུང་ངོ ། །འདུལ་བ་ནི་ཆོ་གའི་གཞུང་ཡིན་པས་མི་རུང་ངོ ། །སེར་སྐྱས་བསམས་པ། འདི་དག་གི་སྨྲ་བའི་བསྟན་བཅོས་གང་ཡིན་པ་དེ་ནི་ཁྱིམ་པ་ལ་མི་སྟོན་ཏོ་སྙམ་དུ་རིག་ནས་སྨྲས་པ། ཀྱེ་དགེ་སློང་ཇེ་སངས་རྒྱས་ཀྱི་བཀའ་ལས་ཅུང་ཞིག་སྨྲོས་ཤིག་།དགེ་སློང་དེས་བསམས་པ། བྲམ་ཟེ་འདི་ནི་སྨྲ་བ་ཡིན་པས་ཅི་འདི་འཇལ་བར་འདོད་པས་དྲི་བ་འདྲིའམ། འོན་ཏེ་ཀུན་ཤེས་པར་འདོད་པས་དྲི་བ་འདྲི་བ་དེ་ཇེ་ལྟའོ་སྙམ་ནས། དེས་ཚིགས་སུ་བཅད་པ་སྨྲས་པ། མཚོ་རྣམས་གང་དུ་ལྡོག་པར་འགྱུར། །ལམ་ནི་གང་དུ་ལྡོག་པར་འགྱུར། །གང་དུ་འཇིག་རྟེན་བདེ་སྡུག་བསྔལ། །མ་ལུས་པར་ནི་འགག་པར་འགྱུར། །ཞེས་བརྗོད་དེ་སྨྲས་པ། བྲམ་ཟེ་ཚིགས་སུ་བཅད་པ་འདིའི་དོན་ཅི་ཡིན་སྨྲོས་ཤིག་།བྲམ་ཟེས་རིག་པའི་གནས་ཐམས་ཅད་ལ་རྣམ་པར་དཔྱད་པར་བརྩམས་ན། མཚོ་ཡང་མ་ཤེས། ལམ་ཡང་མ་ཤེས། ལྡོག་པ་ཡང་མ་ཤེས་ནས། དེ་བདག་ལ་ལས་མཐོང་བར་མ་གྱུར་ཏམ་སྙམ་དུ་ཕྱོགས་བཞིར་རྣམ་པར་ལྟ་བར་བྱེད་ཅིང་བསམས་པ། གལ་ཏེ་འདི་ན་གཟུ་བོ་འགའ་ཞིག་ཡོད་པར་གྱུར་དུ་ཟིན་ན། བདག་དེང་ཉིད་དུ་ཚར་གཅད་པར་འགྱུར་བས། རྣམ་པ་ཐམས་ཅད་དུ་སྤང་བར་བྱའོ་སྙམ་དུ་རིག་ནས་སྨྲས་པ། ཀྱེ་དགེ་སློང་ཚིགས་སུ་བཅད་པ་དེ་ནི་རྒྱུད་རྒྱ་ཆེན་པོ་དང་ལྡན་པ། དོན་ཟབ་མོ་ཉིད་དང་ལྡན་པ་ཡིན་ལ་ཁྱོད་ཀྱང་ཝཱ་ར་ཎཱ་སིར་འཕགས་པ་ཡིན། ཁོ་བོ་ཡང་དྲང་སྲོང་སྨྲ་བར་འཕགས་པ་ཡིན་པས། འདིའི་དོན་འཕྲལ་ཁོ་ནར་སྨྲ་བར་མི་ནུས་ཀྱིས་སོང་ཞིག་དང་
Ca242a
༄#། །ཕྱིས་ཀྱང་འདིའི་དོན་སྨྲ་བར་མི་དཀའོ་ཞེས་དེ་དྲང་སྲོང་སྨྲ་བར་སོང་བ་དང ། དགེ་སློང་ཀློག་པ་དང ། ཁ་ཏོན་ཡིད་ལ་བྱེད་པའི་སྦྱོར་བའི་རྗེས་སུ་བརྩོན་པ་དག་མཐོང་ངོ ། །མཐོང་མ་ཐག་ཏུ་དེ་སེམས་མངོན་པར་དད་པར་གྱུར་ནས་བསམས་པ། སུ་ཞིག་སྙིང་རྗེ་མེད་ཅིང་འཇིག་རྟེན་ཕ་རོལ་བཏང་སྟེ། འདི་དག་ལ་རབ་ཏུ་སྡང་བའི་སེམས་བསྐྱེད་ཅིང་འདི་དག་དང་ལྷན་ཅིག་རྩོད་པ་སྐྱེད་པར་འགྱུར་སྙམ་དུ་རིག་ནས་རང་གི་ཁྱིམ་དུ་སོང་བ་དང ། དེ་ལ་མས་སྨྲས་པ། བུ་ཁྱོད་ཀྱིས་འོད་སྲུང་གི་དགེ་སློང་དག་ཚར་བཅད་དམ། སེར་སྐྱས་སྨྲས་པ། ཡུམ་ཁྱོད་བདག་གི་རྒོལ་བའི་ལོངས་སྤྱོད་དག་གིས་མི་དགྱེས་སམ། འདི་ལྟར་ཁྱོད་ནི་རྒོལ་བའི་ལོངས་སྤྱོད་དག་འཕྲོག་ཏུ་སྩོལ་བར་བཞེད་པར་གདའོ། །བུ་ཇི་སྐད་ཟེར། ཡུམ་བདག་དེང་དྲང་སྲོང་སྨྲ་བར་འཕགས་པ་དང ། ཇི་ཙམ་ན་བདག་གིས་ཤུལ་གྱི་བར་དུ་དགེ་སློང་ཞིག་མཐོང་ནས་བདག་གིས་དེ་ལ་ཀྱེ་དགེ་སློང་ཇེ་སངས་རྒྱས་ཀྱི་བཀའ་ལས་ཅུང་ཞིག་སྨྲོས་ཤིག་ཅེས་བགྱིས་པ་དང ། དེས་ཚིགས་སུ་བཅད་པ། མཚོ་རྣམས་གང་དུ་ལྡོག་པར་འགྱུར། །ལམ་ནི་གང་དུ་ལྡོག་པར་འགྱུར། །གང་དུ་འཇིག་རྟེན་བདེ་སྡུག་བསྔལ། །མ་ལུས་པར་ནི་འགག་པར་འགྱུར། །ཞེས་བརྗོད་ནས་བདག་གིས་རིག་པའི་གནས་ཐམས་ཅད་ལ་རྣམ་པར་དཔྱད་པར་བརྩམས་ན། མཚོ་ཡང་མ་འཚལ། ལམ་ཡང་མ་འཚལ། ལྡོག་པ་ཡང་མ་འཚལ་ནས་གལ་ཏེ་དེ་ན་གཟུ་བོ་འགའ་ཞིག་མཆིས་པར་གྱུར་ཏུ་ལགས་ན། བདག་དེང་ཉིད་དུ་
Ca242b
ཚར་བཀུམ་པར་ཡང་འགྱུར་རོ། །བུ་གལ་ཏེ་དེ་ལྟ་ན་སོང་ལ་སངས་རྒྱས་ཀྱི་བཀའ་ལྷོགས་ཤིག་།ཡུམ་ཅི་ཞིག་བཀླག་པར་བགྱི་སྟེ། དེ་དག་གི་སྨྲ་བའི་བསྟན་བཅོས་གང་ལགས་པ་དེ་ནི་ཁྱིམ་པ་ལ་མི་སྟོན་ཏོ། །བུ་སོང་ལ་རབ་ཏུ་བྱུང་སྟེ་ལྷོགས་ཤིག་།ཡུམ་རིགས་མཆོག་ཏུ་གྱུར་ནས། རིགས་ཐ་དད་པ་རྣམས་ཀྱི་ནང་དུ་ཇི་ལྟར་རབ་ཏུ་འབྱུང་བར་བགྱི། བུ་ཅི་ཁྱོད་ཀྱི་མགོ་བོ་ལ་སྨིག་མ་དང་རྩཝ་དག་སྐྱེ་བར་འགྱུར་རམ། ཡང་ཕྱིར་ཕོབས་ཤིག་།དེ་མ་ལ་གུས་པས་ནན་གྱིས་མནན་པ་ན་རབ་ཏུ་འབྱུང་ངོ་ཞེས་དྲང་སྲོང་སྨྲ་བར་སོང་སྟེ་དགེ་སློང་གི་དྲུང་དུ་སོང་ནས་སྨྲས་པ། ཀྱེ་དགེ་སློང་བདག་རབ་ཏུ་འབྱུང་བར་འཚལ་ལོ། །དགེ་སློང་གིས་བསམས་པ། བྲམ་ཟེ་སྨྲ་བ་འདི་རབ་ཏུ་བྱུང་ན་བསྟན་པ་ལ་གཅེས་པ་བསྟབས་པར་འགྱུར་རོ་སྙམ་དུ་རིག་ནས་སྨྲས་པ། བྲམ་ཟེ་ལེགས་ཀྱིས་དེ་ལྟར་བྱའོ། ། ལོངས་སྤྱོད་དག་ནི་མི་རྟག་པ་ཡིན་པས་རབ་ཏུ་བྱུང་ཞིག་།སེར་སྐྱས་སྨྲས་པ། ཀྱེ་དགེ་སློང་བདག་ནི་རབ་ཏུ་ཤེས་པའི་བྲམ་ཟེ་ལགས་པས་བདག་གིས་འདིར་རབ་ཏུ་འབྱུང་བར་རྔོ་མི་ཐོག་གིས་ལྗོངས་སུ་བཞུད་དོ། །དགེ་སློང་དེས་བྲམ་ཟེ་དེ་ལྗོངས་སུ་ཁྲིད་ནས་རབ་ཏུ་ཕྱུང་རྫོགས་པར་བསྙེན་པར་བྱས་ཏེ། བཀླག་པ་དང ། ཁ་ཏོན་དག་ལ་ངེས་པར་སྦྱར་ཏེ། སེར་སྐྱ་དེས་བཀླག་པ་དང ། ཁ་ཏོན་འདོན་པ་ན་སྡེ་སྣོད་གསུམ་པོ་དག་བཀླགས་ཤིང་སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་དུ་གྱུར་ཏོ། །གང་གི་ཚེ་ཆོས་མཉན་པ་སྦྱིན་པར་འདོད་པ་དེའི་ཚེ་ན། སེང་
Ca243a
༄#། །གེའི་ཁྲི་རིན་པོ་ཆེ་སྣ་ཚོགས་ཀྱིས་བརྒྱན་པ་ཤོམ་པར་བྱེད། དུང་སྒྲིལ་མ་འབུད་དུ་འཇུད་པར་བྱེད། རྔ་བོ་ཆེ་རྡུང་དུ་འཇུད་པར་བྱེད་ཅིང ། རྒྱལ་པོ་དང་བཅས་པའི་འཁོར་སྡུད་པར་བྱེད། སྐྱེ་བོ་ཕལ་པོ་ཆེའི་ཚོགས་ཀྱང་མངོན་པར་དད་པར་བྱེད་དོ། །ཆོས་སྒྲོག་པ་སེར་སྐྱས་བསམས་པ། བདག་གིས་ཐོས་པས་ཐོབ་པར་བྱ་བ་གང་ཡིན་པ་དེ་ཐོབ་ཀྱིས་བདག་ཝཱ་ར་ཎཱ་སིར་སོང་སྟེ་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱའོ་སྙམ་ནས་དེ་ལྗོངས་སུ་ཅི་དགར་འདུག་སྟེ་ཝཱ་ར་ཎཱ་སི་ག་ལ་བ་དེར་རྒྱུ་ཞིང་སོང་བ་ན་མཐར་གྱིས་རྒྱུ་ཞིང་འགྲོ་བའི་ཆེ་ཝཱ་ར་ཎཱ་སིར་ཕྱིན་ཏོ། །དེ་ནས་དེའི་མས་ཐོས་ནས་མ་དེ་བུ་ཚོལ་ཞིང་དྲང་སྲོང་སྨྲ་བར་སོང་བ་དང ། དེས་བུ་མཐོང་ནས་སྨྲས་པ། བུ་ཁྱོད་ཀྱིས་འོད་སྲུང་གི་དགེ་སྦྱོང་རྣམས་ཚར་བཅད་དམ། ཡུམ་བདག་ནི་ལུང་ཙམ་དང་ལྡན་པ་ལགས་ལ་དེ་དག་ནི་ལུང་དང་རྟོགས་པ་དང་ལྡན་པ་ལགས་པས་དེའི་སླད་དུ་བདག་གིས་དེ་དག་ཚར་དགུམ་པར་ཇི་ལྟར་རྔོ་ཐོག་།བུ་ཁྱོད་ཀྱིས་དེ་དག་གདོན་མི་ཟ་བར་ཚར་གཅད་པར་བྱ་བ་དག་ཡིན་གྱིས་ཚར་ཆོད་ཅིག་།སེར་སྐྱ་དེ་མ་ལ་གུས་པས་མས་ནན་གྱིས་མནན་པ་ན། དང་དུ་བླངས་ཏེ་སྨྲས་པ། ཡུམ་གང་གི་ཚེ་སེང་གེའི་ཁྲི་བཤམས་པར་གྱུར། དུང་སྒྲིལ་མ་བུས་པར་གྱུར། རྔ་བོ་ཆེ་བརྡུངས་པར་གྱུར་ཅིང ། རྒྱལ་པོ་དང་བཅས་པའི་འཁོར་འདུས་པར་གྱུར་པ་དེའི་ཚེ་ཁྱོད་སྤྱོན་ཅིག་།བུ་ལེགས་ཀྱིས་འོང་བར་བྱའོ། །ཇི་ཙམ་དུས་གཞན་ཞིག་ན་སེར་སྐྱ་ལ་ཆོས་སྒྲོག་པར་གསོལ་བ་བཏབ་ནས་སེང་གེའི་ཁྲི་བཤམས་
Ca243b
པར་གྱུར། དུང་སྒྲིལ་མ་བུས་པར་གྱུར། རྔ་བོ་ཆེ་བརྡུངས་པར་གྱུར་ཅིང ། རྒྱལ་པོ་དང་བཅས་པའི་འཁོར་འདུས་པར་གྱུར་ཏོ། །དེ་ནས་སེར་སྐྱའི་མས་དུང་དང་རྔ་བོ་ཆེའི་སྒྲ་ཐོས་ནས་རིངས་པ་རིངས་པར་དྲང་སྲོང་སྨྲ་བར་སོང་སྟེ། གཙུག་ལག་ཁང་དུ་ཞུགས་ནས་སེང་གེའི་ཁྲིའི་རྒྱབ་ལོགས་སུ་འདུག་གོ་།ཆོས་སྒྲོག་པ་སེར་སྐྱ་ཡང་སེང་གེའི་ཁྲི་ལ་འཛེགས་ཏེ་ཆོས་བསྟན་པར་བརྩམས་ནས་དེས་ཆོས་ཇི་ཙམ་པ་དེ་ཙམ་ཞིག་བསྟན་ནས་ཆོས་མ་ཡིན་པ་བསྟན་པར་བརྩམས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་མདོ་སྡེའི་མཐའ་ལ་གནོད་པ་མ་བྱེད་ཅིག་།ཆོས་ཀྱི་ཁྲིད་བྱེད་རྣམ་པར་དཀྲུག་པར་མ་བྱེད་ཅིག་།ཆོས་ཀྱི་མངལ་མ་རྟོལ་ཅིག་།ཆོས་ཀྱི་རྒྱལ་མཚན་མ་རྟིབ་ཅིག་།བདུད་ཀྱི་རྒྱལ་མཚན་མ་སྒྲེངས་ཤིག་།སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག་།སེར་སྐྱ་དེ་ཉམ་ང་ནས་བབས་ཏེ་དེའི་འོག་ཏུ་མ་ལ་སྨྲས་པ། ཡུམ་ཁྱོད་ཀྱིས་གཟིགས་སམ། བུ་མཐོང་ངོ ། །བདག་གིས་དང་པོ་ནས་ཁྱོད་ལ་ཡུམ་བདག་ནི་ལུང་ཙམ་དང་ལྡན་པ་ལགས་ལ་དེ་དག་ནི་ལུང་དང་རྟོགས་པ་དང་ལྡན་པ་ལགས་པས་དེའི་སླད་དུ་བདག་གིས་དེ་དག་ཚར་དགུམ་པར་ཇི་ལྟར་རྔོ་ཐོག་ཅེས་མ་བགྱིས་སམ། བུ་གང་གི་ཚེ་ཁྱོད་ཆོས་སྟོན་པ་དེའི་ཚེ་ནི། ཆོས་ཇི་ཙམ་དེ་ཙམ་ཞིག་བསྟན་ནས་ཆོས་མ་ཡིན་པ་སྟོན་ཅིག་།གལ་ཏེ་ཁྱོད་ལ་དེ་དག་ན་རེ། ཚེ་དང་ལྡན་པ་མདོ་སྡེའི་མཐའ་ལ་གནོད་པར་མ་བྱེད་ཅིག་།ཆོས་ཀྱི་ཁྲིད་བྱེད་རྣམས་པར་དཀྲུག་པར་མ་བྱེད་ཅིག་།ཆོས་ཀྱི་མངལ་མ་རྟོལ་ཅིག་།ཆོས་ཀྱི་རྒྱལ་མཚན་མ་རྟིབ་ཅིག་།བདུད་ཀྱི་རྒྱལ་མཚན་
Ca244a
༄#། །མ་སྒྲེངས་ཤིག་།སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག་ཅེས་ཟེར་ན། དེའི་ཚེ་ཁྱོད་ཀྱིས་ཚིག་གི་མཚོན་གྱིས་གདབ་པར་བྱ་སྟེ། དེ་དག་ནི་ལེགས་པ་མ་ཡིན་པ་བྱེད་པས་འཇིགས་པ་ཡིན་པས་ཅང་མི་སྨྲ་བར་འདུག་པར་འགྱུར་ཏེ། དེས་ན་འཇིག་རྟེན་དག་གི་སྙིང་ལམ་ན་ཚར་བཅད་དོ་སྙམ་དུ་ཤེས་པར་འགྱུར་རོ། །ཡུམ་ཐབས་དེ་ནི་བཟང་སྟེ། འོན་ཀྱང་དེའི་ཚེ་ཁྱོད་ཀྱང་ཡང་སྤྱོན་ཅིག་།བུ་དེ་ལྟར་བྱ་སྟེ་ཁོ་མོ་ཡང་འོང་ངོ ། །ཇི་ཙམ་ན་ཡང་ཆོས་མཉན་པའི་སེང་གེའི་ཁྲི་བཤམས་ནས་སེར་སྐྱ་ལ་ཆོས་སྒྲོག་པར་གསོལ་བ་བཏབ་སྟེ། དུང་སྒྲིལ་མ་ཡང་བུས། རྔ་བོ་ཆེ་ཡང་བརྡུངས་ཤིང ། རྒྱལ་པོ་དང་བཅས་པའི་འཁོར་འདུས་པ་དང ། སེར་སྐྱའི་མ་དེ་ཡང་སྔ་མ་བཞིན་དུ་འོངས་ཏེ། སེང་གེའི་ཁྲིའི་རྒྱབ་ལོགས་སུ་འདུག་གོ་།ཆོས་སྒྲོག་པ་སེར་སྐྱ་ཡང་སེང་གེའི་ཁྲི་ལ་འཛེགས་ཏེ་ཆོས་བསྟན་པར་བརྩམས་ནས། དེས་ཆོས་ཇི་ཙམ་པ་དེ་ཙམ་ཞིག་བསྟན་ནས་ཡང་ཆོས་མ་ཡིན་པ་བསྟན་པར་བརྩམས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་མདོ་སྡེའི་མཐའ་ལ་གནོད་པར་མ་བྱེད་ཅིག་།ཆོས་ཀྱི་ཁྲིད་བྱེད་རྣམ་པར་དཀྲུག་པར་མ་བྱེད་ཅིག་།ཆོས་ཀྱི་མངལ་མ་རྟོལ་ཅིག་།ཆོས་ཀྱི་རྒྱལ་མཚན་མ་རྟིབ་ཅིག་།བདུད་ཀྱི་རྒྱལ་མཚན་མ་སྒྲེངས་ཤིག་།སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག་།སེར་སྐྱ་དེ་མས་བསླུས་པས་མི་བཟོད་པ་སྐྱེས་ནས། ཚིག་གི་མཚོན་གྱིས་གདབ་པར་བརྩམས་ཏེ། གླང་པོ་ཆེའི་མགོ་ཅན་ཁྱོད་
Ca244b
ཀྱིས་རེ་ཞིག་ཆོས་སམ། ཆོས་མ་ཡིན་པའམ། འདུལ་བའམ། འདུལ་བ་མ་ཡིན་པ་ཅི་ཤེས། རྟ་མགོ་ཅན། རྔ་མོའི་མགོ་ཅན། བོང་བུའི་མགོ་ཅན། བ་ལང་གི་མགོ་ཅན། སྤྲེའུའི་མགོ་ཅན། སེང་གེའི་མགོ་ཅན། སྟག་མགོ་ཅན། དོམ་མགོ་ཅན། དྲེད་མགོ་ཅན། གུང་མགོ་ཅན། བྱི་ལའི་མགོ་ཅན། ར་མགོ་ཅན། ལུག་མགོ་ཅན། རི་དྭགས་ཀྱི་མགོ་ཅན། མ་ཧེའི་མགོ་ཅན། ཕག་གི་མགོ་ཅན། ཁྱི་མགོ་ཅན་ཁྱེད་ཀྱིས་ཆོས་སམ། ཆོས་མ་ཡིན་པའམ། འདུལ་བའམ་འདུལ་བ་མ་ཡིན་པ་ཅི་ཤེས་ཞེས་སྨྲས་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་འདིས་ཚིག་གི་མཚོན་གྱིས་གདབ་པར་བརྩམས་ཀྱིས་འདོང་ངོ་ཞེས་ཟེར་རོ། །དེ་ན་གང་འདི་དག་སོ་སོར་རྟོག་པ་མི་མང་བ་དེ་དག་ནི་འདོང་ངོ ། །གང་དག་སྤྲོ་རིང་བ་དེ་དག་ནི་གལ་ཏེ་རེ་ཞིག་ཆོས་སྟོན་པར་འགྱུར་ན་ནི་མཉན་པར་བྱའོ། །འོན་ཏེ་ཆོས་མ་ཡིན་པ་སྟོན་པར་འགྱུར་ན་ནི་འདི་ཉིད་ཀྱིས་འགྱུར་བར་ཟད་དོ་ཞེས་དེ་ཉིད་ན་འཁོད་དོ། །དེ་ནས་ཆོས་སྒྲོག་པ་སེར་སྐྱས་དགེ་སློང་སློབ་པ་དང ། མི་སློབ་པ་དག་ལ་ངག་གིས་ཉེས་པར་སྤྱད་པ་བཅོ་བརྒྱད་བྱས་ནས་སེང་གེའི་ཁྲི་ལས་བབས་ཏེ་མ་ལ་སྨྲས་པ། ཡུམ་ཁྱོད་དགྱེས་པར་གྱུར་ཏམ། བུ་ཁོ་མོ་དགའ་བར་གྱུར་གྱིས་ཚུར་ཤོག་ཁྱིམ་དུ་འདོང་ངོ ། །སེར་སྐྱས་སྨྲས་པ། ཡུམ་བདག་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་གི་གསུང་རབ་ལ་མངོན་པར་དགའ་བས་མི་མཆིའོ། །བུ་ཁྱོད་ཀྱིས་མའི་ཚིག་ཚིག་མ་ཡིན་པར་མི་བྱའོ་ཞེས་བྱ་བ་མ་ཐོས་སམ་ཚུར་ཤོག་འདོང་ངོ ། །སེར་སྐྱས་སྨྲས་པ། ཁོ་བོ་འཁོར་
Ca245a
༄#། །བ་ན་ཁྱོད་འདྲ་བའི་མ་ཡོད་པར་མ་གྱུར་ཅིག་།དེང་མི་དགེ་བའི་བཤེས་གཉེན་ཁྱོད་ལ་བརྟེན་ནས་ཁོ་བོས་གང་ཟག་སློབ་པ་དང་མི་སློབ་པ་དག་ལ་ངག་གི་ལས་རྩུབ་པོ་བརྗོད་པས་དེ་ནི་རྣམ་པར་སྨིན་པ་མི་འདོད་པ་སོ་སོར་མྱོང་བར་འགྱུར་རོ། །སེར་སྐྱའི་མ་དེས་ཝཱ་ར་ཎཱ་སིའི་ལམ་པོ་ཆེ་དང་སྲང་དང་བཞི་མདོ་དང་སུམ་མདོ་དག་ཏུ་ཝཱ་ར་ཎཱ་སིན་གནས་པ་དང ། ཕོ་བྲང་འཁོར་བ་དང ། ཡུལ་མི་ཤེས་ལྡན་དག་ཉོན་ཅིག་།འོད་སྲུང་གི་དགེ་སྦྱོང་རྣམས་ཀྱིས་ཁོ་མོའི་བུ་ཕྲོགས་ཀྱིས་གྲོགས་གྱིས་ཤིག་ཅེས་ཀུ་ཅོ་གདོན་པར་བརྩམས་སོ། །དེ་ན་གང་དག་དད་པ་ཅན་དེ་དག་ནི་ཡང་དག་པར་དབུགས་འབྱིན་པར་བྱེད་དོ། །གང་དག་མ་དད་པ་དེ་དག་ནི་མཐོ་འཚམ་པར་བྱེད་དོ། །སེར་སྐྱའི་མ་དེ་ལ་མཐོ་བཙམས་པ་ན་འདི་ལྟ་བུའི་ཀུན་ནས་དཀྲིས་པ་བྱུང་སྟེ། དེས་ཁྲག་ཚ་བ་སྐྱུགས་ནས་དུས་ལ་བབས་ཏེ། སེམས་ཅན་དམྱལ་བ་རྣམས་ཀྱི་ནང་དུ་སྐྱེས་སོ། །ཆོས་སྒྲོག་པ་སེར་སྐྱ་ཡང་དགེ་སློང་སློབ་པ་དང་མི་སློབ་པ་རྣམས་ལ་ངག་གི་ཉེས་པར་སྤྱད་པ་བཅོ་བརྒྱད་བྱས་པས་དུས་ལ་བབ་སྟེ། དུད་འགྲོ་རྣམས་ཀྱི་ནང་དུ་ཆུ་སྲིན་ཉའི་རིགས་འཇིགས་སུ་རུང་བ་འདིར་སྐྱེས་སོ། །དེ་ནས་འཁོར་དེ་ཡིད་ལ་གཅགས་ཏེ། ཤེས་ལྡན་དག་ཆོས་སྒྲོག་པ་སེར་སྐྱ་སྡེ་སྣོད་གསུམ་དང་ལྡན་པ་རིག་པ་དང་གྲོལ་བའི་སྤོབས་པ་ཅན་གྱིས་སྲོག་ཆགས་བརྒྱ་སྟོང་ཕྲག་དུ་མ་དག་གི་རྣ་བའི་སྦུབས་དག་ཚིམ་པར་བྱས་ནས། ངག་གི་ཉེས་པར་སྤྱད་པ་ཙམ་གྱིས་དུད་འགྲོའི་སྐྱེ་གནས་ངན་པར་སྐྱེས་པར་གྱུར་ན།
Ca245b
བདག་ཅག་འདི་ནས་ཤི་འཕོས་པ་རྣམས་ཀྱི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར་ཞེས་ཟེར་རོ། །དེ་ནས་བཅོམ་ལྡན་འདས་ཀྱིས་འཁོར་དེའི་བསམ་པ་དང་བག་ལ་ཉལ་དང་ཁམས་དང་རང་བཞིན་ཐུགས་སུ་ཆུད་ནས། གང་ཐོས་ནས་ཁ་ཅིག་གིས་དྲི་བར་གྱུར་པ་དག་རྟོགས་པ་དང ། ཁ་ཅིག་གིས་རྩེ་མོ་དག་དང ། ཁ་ཅིག་གིས་བཟོད་པ་དག་དང ། ཁ་ཅིག་གིས་འཇིག་རྟེན་པའི་ཆོས་ཀྱི་མཆོག་དག་རྟོགས་པ་དང ། ཁ་ཅིག་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དང ། ཁ་ཅིག་གིས་ལན་ཅིག་ཕྱིར་འོང་བའི་འབྲས་བུ་དང ། །ཁ་ཅིག་གིས་ནི་ཕྱིར་མི་འོང་བའི་འབྲས་བུ་དང ། ཁ་ཅིག་གིས་ནི་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་པ་དང ། ཁ་ཅིག་གིས་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་པ་དང ། ཁ་ཅིག་གིས་རང་སངས་རྒྱས་ཀྱི་བྱང་ཆུབ་དང ། ཁ་ཅིག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དང ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་རྣམ་པར་གཞག་པ་དེ་ལྟ་བུའི་ཆོས་བསྟན་པ་མཛད་དོ། །དེ་ནས་བཅོམ་ལྡན་འདས་གདུལ་བའི་དོན་ཆེན་པོ་མཛད་ནས་གཤེགས་སོ། །དེ་ནས་ཆུ་སྲིན་ཉའི་རིགས་འདི་སྙམ་དུ་སེམས་ཏེ། གང་གི་ཕྱིར་བདག་གིས་བཅོམ་ལྡན་འདས་ཀྱི་སྤྱན་སྔར་ཚིག་གསུམ་གྱི་ཆོས་ཐོས་ནས། ཟས་ཟ་བར་བྱེད་པ་ནི་བདག་གི་ཚུལ་དང་མཐུན་པ་མ་ཡིན་ནོ་སྙམ་ནས། དེས་ཟས་མི་ཟ་བ་
Ca246a
༄#། །ལ་ཞུགས་སོ། །དུད་འགྲོའི་སྐྱེ་གནས་སུ་སྐྱེས་པ་རྣམས་ཀྱི་མེ་ནི་རྣོ་བ་ཡིན་པས་དེ་བཀྲེས་པས་ཉམས་དམས་པ་ན། བཅོམ་ལྡན་འདས་ལ་སེམས་མངོན་པར་དད་པར་བྱས་ནས་དུས་ལ་བབ་པ་དང ། རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་སོ། །ལྷའི་བུའམ་ལྷའི་བུ་མོའི་ཆོས་ཉིད་ནི་སྐྱེས་ནས་རིང་པོ་མ་ལོན་པ་ལ་སེམས་གསུམ་སྐྱེ་སྟེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། །ལས་གང་གིས་སྐྱེས་པའོ། །དེས་དུད་འགྲོ་རྣམས་ཀྱི་ནང་ནས་ཤི་འཕོས་པ་དང ། རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་པ་དང ། བཅོམ་ལྡན་འདས་ལ་སེམས་མངོན་པར་དད་པར་བྱས་པས་སྐྱེས་པ་མཐོང་ངོ ། །དེ་ནས་སྔོན་ཆུ་སྲིན་ལྷའི་བུ་དེ་འདི་སྙམ་དུ་སེམས་ཏེ། གང་གི་ཕྱིར་བདག་ཡོངས་སུ་གནས་པ་བསྟན་ཏེ། བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི་བདག་གི་ཚུལ་དང་མཐུན་པ་མ་ཡིན་གྱིས་བདག་ཡོངས་སུ་གནས་པ་མ་བསྟེན་པ་ཁོ་ནར་བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་ཉེ་བར་འགྲོའོ་སྙམ་མོ། །དེ་ནས་སྔོན་ཆུ་སྲིན་ལྷའི་བུ་རྣ་ཆ་གདུབ་ཀོར་གཡོ་ཞིང་དྲི་མ་མེད་པ་ཐོགས་ཏེ་དོ་ཤལ་དང་སེ་མོ་དོས་བརྒྱན་པའི་ལུས་ཀྱིས་ལྷའི་ཨུཏྤ་ལ་དང་པདྨ་དང་ཀུ་མུ་ཏ་དང ། པདྨ་དཀར་པོ་དག་གིས་ཐུབ་བཀང་སྟེ། ཁ་དོག་ཤིན་ཏུ་འདས་པས་མཚན་མོ་ལ་བབ་པ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་མེ་ཏོག་དག་གིས་
Ca246b
མངོན་བར་གཏོར་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་པ་དང ། འདི་ལྟར་སྔོན་ཆུ་སྲིན་ལྷའི་བུའི་ཁ་དོག་གིས་མཐུས་ཁང་པ་བརྩེགས་པའི་ཁང་བཟང་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་སྔོན་ཆུ་སྲིན་ལྷའི་བུའི་བསམ་པ་དང ། བག་ལ་ཉལ་དང ། ཁམས་དང་རང་བཞིན་ཐུགས་སུ་ཆུད་ནས་གང་ཐོས་ནས་སྔོན་ཆུ་སྲིན་ལྷའི་བུས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པ་མཛད་དོ། །དེས་བདེན་པ་མཐོང་ནས། བཙུན་པ་བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང་རྩ་ལག་གི་ཚོགས་དག་གིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམ། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ་མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང ། དུད་འགྲོ་དང་ཡི་དྭགས་དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་གོ་ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་
Ca247a
༄#། །དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་རྒལ་བར་གྱུར། །འགྲོ་བ་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བར་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །དེ་ནས་འདུད་བྱས་དོ་ཤལ་རབ་འཕྱང་བས། །ཞབས་ལ་ཕྱག་འཚལ་རངས་པ་སྐྱེས་གྱུར་ནས། །དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང ། །དེ་ནས་སྔོན་ཆུ་སྲིན་ལྷའི་བུ་ཚོང་པ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཐོག་འབྱོར་པ་ལྟ་བུ་དང ། དཔའ་བོ་གཡུལ་ལས་རྣམ་པར་རྒྱལ་པ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་བ་ལྟ་བུར་གྱུར་ཏེ། ཆ་ལུགས་གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་ཆ་ལུགས་དེ་ཉིད་ཀྱིས་རང་གི་གནས་སུ་སོང་ངོ ། །དགེ་སློང་དག་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་པའི་རྗེས་སུ་བརྩོན་པར་གནས་པ་དེ་དག་གིས་བཅོམ་ལྡན་འདས་ཀྱི་སྤྱན་སྔར་སྣང་བ་རྒྱ་ཆེན་པོས་ཁྱབ་པར་གྱུར་པ་མཐོང་ངོ ། །མཐོང་ནས་ཐེ་ཚོམ་ཟ་བའི་ཡིད་ཀྱིས་མཚན་མོ་ནམ་ནངས་པ་དང །
Ca247b
བཅོམ་ལྡན་འདས་ལ་ཞུས་པ། བཅོམ་ལྡན་འདས་ཅི་ལགས། མདང་སུམ་མི་མཇེད་ཀྱི་བདག་པོ་ཚངས་པའམ། ལྷའི་དབང་པོ་བརྒྱ་བྱིན་ནམ། འཇིག་རྟེན་སྐྱོང་པ་བཞིའམ། ལྷའི་བུ་འབྱོར་པ་ཆེ་བ། མཐུ་ཆེ་བ་གཞན་ཞིག་བཅོམ་ལྡན་འདས་ལ་བལྟ་བའི་སླད་དུ་ཉེ་བར་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མི་མཇེད་ཀྱི་བདག་པོ་ཚངས་པ་ང་ལ་བལྟ་བའི་ཕྱིར་ཉེ་བར་འོངས་པ་ཡང་མ་ཡིན། ལྷའི་དབང་པོ་བརྒྱ་བྱིན་ཡང་མ་ཡིན། འཇིག་རྟེན་སྐྱོང་བ་བཞི་ཡང་མ་ཡིན། ལྷའི་བུ་འབྱོར་པ་ཆེ་བ་མཐུ་ཆེ་བ་གཞན་མ་ཡིན་ཏེ། དགེ་སློང་དག་འདི་ལྟར་ཁྱེད་ཀྱིས་ངས་ཆུ་སྲིན་ཉའི་རིགས་གང་ལ་ཚིག་གསུམ་གྱི་ཆོས་བསྟན་པ་དེ་མཐོང་ངམ། བཅོམ་ལྡན་འདས་མཐོང་ངོ ། །དགེ་སློང་དག་དེ་དེ་ནས་ཤི་འཕོས་ཏེ་རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་ནས་དེ་མདང་སུམ་ངའི་གན་དུ་འོངས་ཏེ། ངས་དེ་ལ་ཆོས་བསྟན་ནས་དེས་བདེན་པ་མཐོང་སྟེ། རང་གི་གནས་སུ་སོང་ངོ ། །ཡང་དགེ་སློང་རྣམས་ཀྱིས་བཅོམ་ལྡན་འདས་ལ་ཞུས་པ། བཙུན་པ་སྔོན་ཆུ་སྲིན་ལྷའི་བུས་ལས་ཅི་བགྱིས་ན། དེས་རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་པར་གྱུར། ལས་ཅི་བགྱིས་ན་དེས་བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བར་བགྱིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔོན་ཆུ་སྲིན་ལྷའི་བུ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་པ་འོང་བ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། སྔོན་ཆུ་སྲིན་ལྷའི་བུས་
Ca248a
༄#། །ལས་བྱས་ཤིང་བསགས་པ་དག་གཞན་སུ་ཞིག་གིས་ཉམས་སུ་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར། རླུང་གི་ཁམས་ལ་མི་འགྱུར། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་རོ། །ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྐྱེས་ནས་མྱོང་བར་འགྱུར་བའི་ལས་ཀྱང་ཡོད། ལན་གྲངས་གཞན་ལ་མྱོང་བར་འགྱུར་བའི་ལས་ཀྱང་ཡོད་དོ། །སྐྱེས་ནས་མྱོང་བར་འགྱུར་པའི་ལས་གང་ཞེ་ན། འདིས་ཆུ་སྲིན་དུ་གྱུར་པ་ན་ང་ལ་སེམས་མངོན་པར་དད་པ་བྱས་པ་གང་ཡིན་པ་དེ་ནི་སྐྱེས་ནས་མྱོང་བར་འགྱུར་བའི་ལས་ཞེས་བྱ་སྟེ། དེའི་རྣམ་པར་སྨིན་པས་རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་པར་གྱུར་ཏོ། །ལན་གྲངས་གཞན་ལ་མྱོང་བར་འགྱུར་བའི་ལས་གང་ཞེ་ན། སེར་སྐྱས་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་བ་དང ། ལུང་ཕོག་པ་དང་བཀླགས་པ་དང ། ཁ་ཏོན་བྱས་པ་དང ། ཕུང་པོ་ལ་མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་པར་འབྱུང་བ་ལ་མཁས་པ་
Ca248b
དང ། གནས་དང་གནས་མ་ཡིན་པ་ལ་མཁས་པར་བྱས་པ་གང་ཡིན་པ་དེ་ནི་ལན་གྲངས་གཞན་ལ་མྱོང་བར་འགྱུར་བའི་ལས་ཞེས་བྱ་སྟེ། ལས་དེའི་ཚོགས་ཀྱི་དངོས་པོས་ད་ལྟར་ལྷའི་བུར་གྱུར་པས་ངའི་སྤྱན་སྔར་བདེན་པ་མཐོང་བར་བྱས་སོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འདུལ་བ་རྣམ་པར་འབྱེད་པ། བམ་པོ་བཅུ་གསུམ་པ། དེ་ནས་རིགས་ཀྱི་བུ་ལྔ་བརྒྱ་པོ་དེ་དག་འདི་སྙམ་དུ་སེམས་ཏེ།་ཤེས་ལྡན་དག་རེ་ཞིག་ཆོས་སྒྲོག་པ་སེར་སྐྱ་དེ་སྡེ་སྣོད་གསུམ་དང་ལྡན་པ། རིག་པ་དང་གྲོལ་པའི་སྤོབས་པ་ཅན་དུ་གྱུར་ཏོ། །སྲོག་ཆགས་བརྒྱ་སྟོང་ཕྲག་དུ་མ་དག་གི་རྣ་བའི་སྦུབས་དག་ཚིམ་པར་བྱས་ནས། ངག་གིས་ཉེས་པར་སྤྱད་པ་ཙམ་གྱིས་དུད་འགྲོའི་སྐྱེ་གནས་ངན་པར་སྐྱེས་པར་གྱུར་ན། བདག་ཅག་ད་ལྟར་དྲག་ཤུལ་ཅན་ལག་པ་དམར་པ། སྣུན་པ་དང་རབ་ཏུ་སྣུན་པ་ལ་ཞུགས་པ།
Ca249a
༄#། །གཞན་གྱི་སྲོག་འཕྲོག་པ། གཞན་གྱི་སྲོག་གཅོད་དུ་འཛུད་པ། གཞན་གྱི་སྲོག་གཅོད་པས་འཚོ་བར་བྱེད་པ་དག་ཡིན་པས། བདག་ཅག་འདི་ནས་ཤི་འཕོས་པ་རྣམས་ཀྱི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། གལ་ཏེ་བདག་ཅག་རིགས་དམའ་བར་སྐྱེས་པར་མ་གྱུར་ན། བདག་ཅག་གིས་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང ། ཆུ་བོ་རྣམས་ལས་རྒལ་བར་བྱ་བ་དང ། སྦྱོར་བ་རྣམས་ལས་ཡང་དག་པར་འདའ་བར་བྱ་བའི་ཕྱིར་སྤྲོ་བར་བྱ། འབད་པར་བྱ། བརྩལ་བར་བྱ་བ་ཞིག་ན་སྙམ་མོ། །སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ། འཚོ་ཞིང་གཞེས་པ་རྣམས་ཀྱི་ཆོས་ཉིད་ནི་འདུལ་བར་གྱུར་པའི་སྐྱེ་བོ་ལ་ཐུགས་བརྩེ་བས་ཉིན་ལན་གསུམ། མཚན་ལན་གསུམ། སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་པ་མཛད་དོ། །ཉན་ཐོས་ཆེན་པོ་རྣམས་ཀྱང་དེ་བཞིན་པས། ཚེ་དང་ལྡན་པ་ཤཱ་རིའི་བུས་ཉན་ཐོས་ཀྱི་མིག་གི་འཇིག་རྟེན་ལ་རྣམ་པར་བལྟས་པ་ན། རིགས་ཀྱི་བུ་ལྔ་བརྒྱ་པོ་དེ་དག་ཤིན་ཏུ་ཡིད་ལ་གཅགས་ཤིང་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འཁོད་པ་དག་མཐོང་ངོ ། །མཐོང་ནས་ཀྱང་རིགས་ཀྱི་བུ་ལྔ་བརྒྱ་པོ་དེ་དག་ག་ལ་བ་དེར་སོང་སྟེ་ཕྱིན་ནས་དེ་དག་ལ་འདི་སྐད་ཅེས་སྨྲས་སོ། །བཞིན་བཟང་དག་ཁྱེད་ཅག་ཅིའི་ཕྱིར་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འཁོད། དེ་དག་གིས་སྨྲས་པ། འཕགས་
Ca249b
པ་འདི་ལྟར་ཆོས་སྒྲོག་པ་སེར་སྐྱ་དེ་སྡེ་སྣོད་གསུམ་དང་ལྡན་པ། རིགས་པ་དང་གྲོལ་བའི་སྤོབས་པ་ཅན་དུ་གྱུར་ཏེ། སྲོག་ཆགས་བརྒྱ་སྟོང་ཕྲག་དུ་མ་དག་གི་རྣ་བའི་སྦུབས་དག་ཚིམ་པར་བགྱིས་ནས། ངག་གིས་ཉེས་པར་སྤྱད་པ་ཙམ་གྱིས་དུད་འགྲོའི་སྐྱེ་གནས་ངན་པར་སྐྱེས་པར་གྱུར། བདག་ཅག་ད་ལྟར་དྲག་ཤུལ་ཅན་སུག་པ་དམར་བ། སྣུན་པ་དང་རབ་ཏུ་སྣུན་པ་ལ་ཞུགས་པ། གཞན་གྱི་སྲོག་འཕྲོག་པ། གཞན་གྱི་སྲོག་གཅོད་དུ་སྩོལ་བ། གཞན་གྱི་སྲོག་གཅོད་པས་འཚོ་བར་བགྱིད་པ་དག་ལགས་པས། བདག་ཅག་འདི་ནས་ཤི་འཕོས་པ་རྣམས་ཀྱི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། གལ་ཏེ་བདག་ཅག་རིགས་དམའ་བར་སྐྱེས་པར་མ་གྱུར་ན། བདག་ཅག་གིས་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང ། ཆུ་བོ་རྣམས་ལས་རྒལ་བར་བགྱི་བ་དང ། སྦྱོར་བ་རྣམས་ལས་ཡང་དག་པར་འདའ་བར་བགྱི་བའི་སླད་དུ་སྤྲོ་བར་བགྱི། འབད་པར་བགྱི། བརྩལ་བར་བགྱི་བ་ཞིག་ན་སྙམ་པས་བདག་ཅག་ཇི་ལྟར་སེམས་ཁོང་དུ་ཆུད་ཅིང་མི་མཆིས་སུ་རུང ། བཞིན་བཟང་དག་ཐུབ་པའི་དབང་པོའི་གསུང་རབ་འདི་ལ་ནི་རིགས་གཅེས་པ་མ་ཡིན། ཁྱིམ་གཅེས་པ་མ་ཡིན། རུས་གཅེས་པ་མ་ཡིན་གྱི། ཐུབ་པའི་དབང་པོའི་གསུང་རབ་འདི་ལ་ནི་སྒྲུབ་པ་གཅེས་པ་ཡིན་ནོ། །ཡང་སྨྲས་པ། དེ་བཞིན་གཤེགས་རྣམས་རིགས་དང་ནི། །ཁྱིམ་དང་རུས་དག་རྟོག་མི་མཛད། །ཡུན་རིང་བྱས་པར་གྱུར་ཀྱང་ནི། །ལས་རྣམས་ལ་ནི་ཡོངས་རྟོག་མཛད། །གལ་ཏེ་ཁྱེད་ཅག་ལེགས་པར་གསུངས་
Ca250a
༄#། །པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འདོད་ན་ཚུར་ཤེག་།ཡུ་བུ་ཅག་བཅོམ་ལྡན་འདས་ག་ལ་བ་དེར་འདོང་དང ། བཅོམ་ལྡན་འདས་ཀྱིས་ཁྱེད་ཅག་རབ་ཏུ་འབྱིན་པར་འགྱུར་རོ། །འཕགས་པ་ལེགས་ཏེ། གལ་ཏེ་དེ་ལྟ་ན་བདག་ཅག་བཅོམ་ལྡན་འདས་ཀྱི་སྤྱན་སྔར་རབ་ཏུ་འབྱུང་དུ་མཆིའོ། །དེ་ནས་ཚེ་དང་ལྡན་པ་ཤཱ་རིའི་བུས་རིགས་ཀྱི་བུ་ལྔ་བརྒྱ་པོ་དེ་དག་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་རིགས་ཀྱི་བུ་ལྔ་བརྒྱ་པོ་འདི་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཚལ་ན། བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་འདི་དག་རབ་ཏུ་དབྱུང་དུ་གསོལ། བསྙེན་པར་རྫོགས་པར་མཛད་དུ་གསོལ། བཅོམ་ལྡན་འདས་ཀྱིས་དེ་དག་ལ་དགེ་སློང་ཚུར་ཤོག ། ཅེས་པས་རབ་ཏུ་ཕྱུང་ཞིང་དགེ་སློང་དག་ཚུར་ཤོག་ཚངས་པར་སྤྱད་པ་སྤྱོད་ཅིག་ཅེས་བཀའ་སྩལ་པ་དང ། དེ་དག་བཅོམ་ལྡན་འདས་ཀྱི་བཀའི་མཇུག་ཁོ་ནར་སྐྲ་བྱི་བ་དང ། སྣམ་སྦྱར་གྱོན་པར་གྱུར་ཏོ། །སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང ། ལག་པ་ལྷུང་བཟེད་དང་བྱ་མ་བུམ་གྱིས་བྲེལ་བ་དང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །ཡང་
Ca250b
སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་ནས་བཅོམ་ལྡན་འདས་ཀྱིས་རིགས་ཀྱི་བུ་ལྔ་བརྒྱ་པོ་དེ་དག་རབ་ཏུ་བྱུང་བསྙེན་པར་རྫོགས་པར་མཛད་ནས། ཡངས་པ་ཅན་དུ་ཅི་དགྱེས་པར་བཞུགས་ཏེ། འོད་མ་ཅན་གྱི་གྲོང་ག་ལ་བ་དེར་རྒྱུ་ཞིང་གཤེགས་ནས་མཐར་གྱིས་རྒྱུ་ཞིང་གཤེགས་པ་ན། འོད་མ་ཅན་གྱི་གྲོང་དུ་བྱོན་ནས་འོད་མ་ཅན་གྱི་གྲོང་ན་གྲོང་གི་བྱང་ཕྱོགས་ཤིང་ཤ་བའི་ཚལ་ན་བཞུགས་སོ། །དེའི་ཚེ་ན་མུ་གེ་ཉམ་ང་བ་དགོན་པ་སློང་མོ་བས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང ། བྱ་བར་སེམས་པ་དཀའ་ན་སློང་མོ་བ་དག་ལྟ་ལ་སྨོས་ཀྱང་ཅི་དགོས་པ་བྱུང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ད་ལྟར་མུ་གེ་ཉམ་ང་བ་དགོན་པ་སློང་མོ་བས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང ། བྱ་བར་སེམས་པ་དཀའ་ན་སློང་མོ་བ་དག་ལྟ་ལ་སྨོས་ཀྱང་ཅི་དགོས་པ་བྱུང་གིས་དགེ་སློང་དག་ཁྱེད་ཅག་ཚུར་ཤོག་ལ་སྨོས་འདྲིན་ཅི་ལྟ་བ་དང ། ཕེབས་པར་སྨྲ་བ་ཅི་ལྟ་བ་དང ། འགྲོགས་བཤེས་ཇི་ལྟ་བས་ཡངས་པ་ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་ལོང་ཞིག་།ང་ཡང་འོད་མ་ཅན་གྱི་གྲོང་འདི་ཉིད་དུ་བསྙེན་བཀུར་བ་དགེ་སློང་ཀུན་དགའ་བོ་དང་དབྱར་གནས་པར་ཁས་ལེན་གྱིས། ཐམས་ཅད་ཉིད་ནི་བསོད་སྙོམས་ཀྱིས་ཉོན་མོངས་པར་གྱུར་ན་མི་རུང་ངོ ། །དགེ་སློང་དེ་དག་གིས་བཙུན་
Ca251a
༄#། །པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་སྨོས་འདྲིན་ཇི་ལྟ་བ་དང ། ཕེབས་པར་སྨྲ་བ་ཇི་ལྟ་བ་དང ། འགྲོགས་བཤེས་ཇི་ལྟ་བས་ཡངས་པ་ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་སོ། །བཅོམ་ལྡན་འདས་ཀྱང་འོད་མ་ཅན་གྱི་གྲོང་དེ་ཉིད་དུ་བསྙེན་བཀུར་བ་ཚེ་དང་ལྡན་པ་ཀུན་དགའ་བོ་དང་དབྱར་གནས་པར་ཞལ་གྱིས་བཞེས་སོ། ། དེ་ནས་དགེ་སློང་ལྔ་བརྒྱ་པོ་དེ་དག་འདི་སྙམ་དུ་སེམས་ཏེ། ཚེ་དང་ལྡན་པ་དག་ཤེས་པར་གྱིས་ཤིག་།བཅོམ་ལྡན་འདས་ཀྱིས་འདི་སྐད་ཅེས་དགེ་སློང་དག་ད་ལྟར་མུ་གེ་ཉམ་ང་བ་དགོན་པ་སློང་མོ་བས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང ། བྱ་བ་སེམས་པ་དཀའ་ན་སློང་མོ་བ་དག་ལྟ་ལ་སྨོས་ཀྱང་ཅི་དགོས་པ་དག་བྱུང་གིས། དགེ་སློང་དག་ཁྱེད་ཅག་ཚུར་ཤོག་ལ་སྨོས་འདྲིན་ཇི་ལྟ་བ་དང།་ཕེབས་པར་སྨྲ་བ་ཇི་ལྟ་བ་དང ། འགྲོགས་བཤེས་ཇི་ལྟ་བས་ཡངས་པ་ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་ལོང་ཞིག་།ང་ཡང་འོད་མ་ཅན་གྱི་གྲོང་འདི་ཉིད་དུ་བསྙེན་བཀུར་བ་དགེ་སློང་ཀུན་དགའ་བོ་དང་དབྱར་གནས་པར་ཁས་ལེན་གྱིས། ཐམས་ཅད་ཉིད་ནི་བསོད་སྙོམས་ཀྱིས་ཉོན་མོངས་པར་གྱུར་ན་མི་རུང་ངོ་ཞེས་བཀའ་སྩལ་ན། འདི་ན་བདག་ཅག་ལ་ཉེ་དུ་འགའ་ཡང་མེད་དེ། ཉ་བའི་གྲོང་ན་བདག་ཅག་གི་ཉེ་དུ་དག་འཁོད་ཀྱིས་བདག་ཅག་ཉ་པའི་གྲོང་དུ་དོང་སྟེ་ཉེ་དུ་རྣམས་བལྟས་ནས། ཉ་པའི་གྲོང་གི་ཉེ་འཁོར་དུ་ལོ་མ་དང་འདབ་མའི་སྤྱིལ་བུ་དག་བྱས་ཏེ། དབྱར་གནས་པར་ཁས་བླང་བར་
Ca251b
བྱ་གོར་མ་ཆག་སྙམ་མོ། །དེ་ནས་དགེ་སློང་ལྔ་བརྒྱ་པོ་དེ་དག་ཉ་པའི་གྲོང་དུ་དོང་སྟེ་ཉེ་དུ་དག་ལ་བལྟས་ནས་ཉ་པའི་གྲོང་གི་ཉེ་འཁོར་དུ་ལོ་མ་དང ། འདབ་མའི་སྤྱིལ་བུ་དག་བྱས་ཏེ་དབྱར་གནས་པར་ཁས་བླངས་སོ། ། དེ་དག་འདི་སྙམ་དུ་སེམས་ཏེ། ཚེ་དང་ལྡན་པ་ཤེས་པར་གྱིས་ཤིག་།བདག་ཅག་ནི་ཐོས་པ་ཉུང་བ་ཐོས་པ་ཉུང་ངུ་དང་ལྡན་པ་དག་ཡིན་པས་བདག་ཅག་གི་ཉེ་དུ་དག་ཉེ་བར་འོངས་པར་གྱུར་ན། བདག་ཅག་གིས་ཉེ་བར་འོངས་པ་དེ་དག་ལ་ཆོས་སྟོན་པར་མི་ནུས་ཀྱིས། བདག་ཅག་གི་ཉེ་དུ་འོངས་པ་དག་ལ་ཉེ་དུ་དག་ཁྱེད་ཅག་གང་དག་གི་གྲོང་ཚིགས་ན་དགེ་སློང་གི་དགེ་འདུན་འདི་འདི་ལྟར་དབྱར་གནས་པར་ཁས་བླངས་པར་གྱུར་པའི་ཉེ་དུ་དེ་དག་གིས་ནི་རྙེད་པ་ལེགས་པ་རྙེད་པ་ཡིན་ཏེ། དགེ་སློང་འདི་ནི་མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་ཤེས་པ་དང ། སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་སྡུག་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་རྣགས་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིགས་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང ། སྟོང་པ་
Ca252a
༄#། །ཉིད་དུ་སོ་སོར་རྟོག་པའི་འདུ་ཤེས་ཐོབ་པ་ཡིན་ནོ། །དགེ་སློང་འདི་ནི་བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང ། རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཡོངས་སུ་ཤེས་པ་དང ། སྔོན་གྱི་གནས་དང ། འཆི་འཕོ་དང་སྐྱེ་བ་དང ། ཟག་པ་ཟད་པ་ཐོབ་པ་ཡིན་ནོ། །དགེ་སློང་འདི་ནི་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་ཡིན་ནོ། །དགེ་སློང་འདི་ནི་གཉི་གའི་ཆ་ལས་རྣམ་པར་གྲོལ་བ་ཡིན་ནོ། །ཞེས་གཅིག་གིས་གཅིག་གི་ཡོན་ཏན་བསྒྲག་པར་བྱ་གོར་མ་ཆག་སྙམ་མོ། །དེ་དག་གི་ཉེ་དུ་དག་ཉེ་བར་འོངས་པར་གྱུར་ནས། དེ་དག་གིས་ཉེ་དུ་དག་ཉེ་བར་འོངས་པ་དེ་དག་ལ་གཅིག་གིས་གཅིག་གི་ཡོན་ཏན་བསྒྲག་པར་བརྩམས་ཏེ། ཉེ་དུ་དག་ཁྱེད་ཅག་གང་དག་གི་གྲོང་ཚིགས་ན་དགེ་སློང་གི་དགེ་འདུན་ཡོན་གྱི་གནས་འདི་ལྟ་བུ་འདི་ལྟར་དབྱར་གནས་པར་ཁས་བླངས་པར་གྱུར་པའི་ཉེ་དུ་དེ་དག་གིས་ནི་རྙེད་པ་ལེགས་པར་རྙེད་པ་ཡིན་ཏེ། དགེ་སློང་འདི་ནི་མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་ཤེས་དང །
Ca252b
སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་སྡུག་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་རྣགས་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིགས་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང ། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་པ་ཡིན་ནོ། །དགེ་སློང་འདི་ནི་བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང ། རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཡོངས་སུ་ཤེས་པ་དང ། སྔོན་གྱི་གནས་དང ། འཆི་འཕོ་དང་སྐྱེ་བ་དང ། ཟག་པ་ཟད་པ་ཐོབ་པ་ཡིན་ནོ། །དགེ་སློང་འདི་ནི་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་
Ca253a
༄#། །གཏན་པ་ཡིན་ནོ། །དགེ་སློང་འདི་ནི་གཉི་གའི་ཆ་ལས་རྣམ་པར་གྲོལ་བ་ཡིན་ནོ། །དེ་དག་གིས་སྨྲས་པ། འཕགས་པ་དག་ཁྱེད་ཀྱིས་ཡོན་ཏན་གྱི་ཚོགས་དེ་ལྟ་བུ་དག་ཐོབ་བམ། ཐོབ་བོ། འཇིག་རྟེན་ནི་ཡོན་ཏན་ལ་དགའ་བ་ཡིན་པས། རེ་ཞིག་རང་གི་བུ་དག་ལས་ཀྱང་ཕྲོགས་ཏེ་དེ་དག་ལ་བསོད་སྙོམས་སྦྱིན་པ་དང་བྱ་བར་སེམས་སོ། །སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ། འཚོ་ཞིང་གཞེས་པ་རྣམས་ལ་ཆོས་ཉིད་ཀྱིས་ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི་དབྱར་ཟླ་འབྲིང་པོ་ཉ་ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི་སྟོན་ཟླ་འབྲིང་པོའི་ཟླ་བ་ཉ་ལའོ། །དེ་ལ་གང་དག་དབྱར་ཟླ་འབྲིང་པོའི་ཉ་ལ་དབྱར་ཉེ་བར་སྒྲུབ་པའི་ཚེ་གདམས་ངག་མནོས་ཏེ། གྲོང་དང་གྲོང་རྡལ་དང ། ཡུལ་འཁོར་དང་རྒྱལ་པོའི་ཕོ་བྲང་དག་ཏུ་དབྱར་གནས་པར་ཁས་ལེན་པ་དེ་དག་ནི་སྟོན་ཟླ་འབྲིང་པོའི་ཟླ་བ་ཉ་ལ་ལྷགས་ནས། ཇི་ལྟར་ཐོབ་པ་ནི་རྗོད་པར་བྱེད། མ་ཐོབ་པ་ནི་ཐོབ་པར་བྱ་བའི་ཕྱིར་འོག་ཏུ་འདྲི་བར་བྱེད་དོ། །དེ་ནས་དགེ་སློང་གང་དག་ཡངས་པ་ཅན་གྱི་ཉེན་ཀོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་པ་དེ་དག་དབྱར་གྱི་ཟླ་བ་གསུམ་པོ་འདས་ནས། ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པས་ལྷུང་བཟེད་དང ། ཆོས་གོས་ཐོགས་ཏེ། འོད་མ་ཅན་གྱི་གྲོང་ག་ལ་བ་དེར་རྒྱུ་ཞིང་འདོང་བ་ན་མཐར་
Ca253b
གྱིས་རྒྱུ་ཞིང་འདོང་བའི་ཚེ་འོད་མ་ཅན་གྱི་གྲོང་དུ་ཕྱིན་པ་དང ། ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་མཉེས་གཤིན་པས་བཤེས་པ་དང་བཅས་པ་ཉིད་ཀྱིས་ཚིག་གིས་བསུ་ནས་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་ཡུ་ཆད་དང ། མཆིལ་ལྷམ་ལེན་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །ཚེ་དང་ལྡན་པ་དག་ཚུར་ཤེག་འོངས་པ་ལེགས་སོ། །ཚེ་དང་ལྡན་པ་དག་ཁྱེད་ཅག་གང་ནས་ད་ལྟར་འདིར་འོངས། ཁྱེད་ཅག་གང་དུ་དབྱར་གནས་པར་ཁས་བླངས། ཚེ་དང་ལྡན་པ་ཀུན་དགའ་བོ་བདག་ཅག་སྤོང་བྱེད་ཀྱི་གྲོང་ནས་འདིར་འོངས་སོ། །བདག་ཅག་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་ཇི་ལྟར་སྤོང་བྱེད་ཀྱི་གྲོང་དུ་བདེ་བ་ལ་རེག་པར་དབྱར་གནས་པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་ངལ་བར་མ་གྱུར་ཏམ། ཚེ་དང་ལྡན་པ་ཀུན་དགའ་བོ་བདག་ཅག་སྤོང་བྱེད་ཀྱི་གྲོང་དུ་ཏེ་བོར་བདེ་བ་ལ་རེག་པར་དབྱར་གནས་པར་ཁས་བླངས་མོད་ཀྱི་བདག་ཅག་བསོད་སྙོམས་ཀྱིས་ངལ་བར་གྱུར་ཏེ། ཚེ་དང་ལྡན་པ་དག་དེ་ཁོ་ན་ལྟར་སྣང་སྟེ། འདི་ལྟར་བསོད་སྙོམས་ཀྱིས་བྲེལ་བས་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པ་དང ། པགས་པ་དང ། ཤ་དང་ཁྲག་བྲི་བར་གྱུར་ཏོ། །དགེ་སློང་གང་དག་ཉ་པའི་གྲོང་གི་ཉེ་འཁོར་དུ་དབྱར་གནས་པར་ཁས་བླངས་པ་དེ་དག་ཀྱང་དབྱར་གྱི་ཟླ་བ་གསུམ་པོ་དག་འདས་ནས། ཆོས་གོས་བྱས་པ་
Ca254a
༄#། །དང་ལྡན། ཆོས་གོས་ཟིན་པ་དང་ལྡན་ཞིང་ཚོ་བ་དང ། པགས་པ་དང ། ཤ་དང་ཁྲག་རྒྱས་པས་ལྷུང་བཟེད་དང ། ཆོས་གོས་ཐོགས་ཏེ། འོད་མ་ཅན་གྱི་གྲོང་ག་ལ་བ་དེར་རྒྱུ་ཞིང་འདོང་བ་ན་མཐར་གྱིས་རྒྱུ་ཞིང་འདོད་\་འཌཱོཎG?\་བའི་ཚེ་འོད་མ་ཅན་གྱི་གྲོང་དུ་ཕྱིན་པ་དང ། ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་མཉེས་གཤིན་པས་བཤེས་པ་དང་བཅས་པ་ཉིད་ཀྱིས་ཚིག་གིས་བསུ་ནས་ལྷུང་བཟེད་དང་ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་ཡུ་ཆད་དང ། མཆིལ་ལྷམ་ལེན་པར་བྱེད་ཅིང ། འདི་སྐད་ཅེས་ཀྱང་སྨྲས་སོ། །ཚེ་དང་ལྡན་པ་དག་ཚུར་ཤེག་འོངས་པ་ལེགས་སོ། །ཚེ་དང་ལྡན་པ་དག་ཁྱེད་ཅག་གང་ནས་ད་ལྟར་འདིར་འོངས། ཁྱེད་ཅག་དབྱར་གང་དུ་གནས་པར་ཁས་བླངས། ཚེ་དང་ལྡན་པ་ཀུན་དགའ་བོ་བདག་ཅག་ཉ་པའི་གྲོང་ནས་འདིར་འོངས་སོ། །བདག་ཅག་ཉ་པའི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་ཇི་ལྟར་ཉ་པའི་གྲོང་དུ་བདེ་བ་ལ་རེག་པར་དབྱར་གནས་པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་ངལ་བར་མ་གྱུར་ཏམ། ཚེ་དང་ལྡན་པ་ཀུན་དགའ་བོ་བདག་ཅག་ཉ་པའི་གྲོང་དུ་ཏེ་པོར་བདེ་བ་ལ་རེག་པར་དབྱར་གནས་པར་ཁས་བླངས་ཏེ།་བདག་ཅག་བསོད་སྙོམས་ཀྱིས་ཀྱང་ངལ་བར་མ་གྱུར་ཏོ། །ཚེ་དང་ལྡན་པ་དག་དེ་ཁོ་ན་ལྟར་སྣང་སྟེ། འདི་ལྟར་བསོད་སྙོམས་ཀྱིས་བྲེལ་བ་མེད་པས་ཚོ་བ་དང ། པགས་པ་དང ། ཤ་དང་ཁྲག་རྒྱས་པར་གྱུར་ཏོ། །
Ca254b
ཚེ་དང་ལྡན་པ་དག་ད་ལྟར་མུ་གེ་ཉམ་ང་བ་དགོན་པ་སློང་མོ་བས་ཟས་རྙེད་པར་དཀའ་ཞིང་ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང ། བྱ་བར་སེམས་པར་དཀའ་ན་སློང་མོ་བ་ལྟ་ལ་སྨོས་ཀྱང་ཅི་དགོས་པ་བྱུང་ན་འདིར། ཚེ་དང་ལྡན་པ་དག་ཁྱེད་ཅག་བསོད་སྙོམས་ཀྱིས་བྲེལ་བ་མེད་པར་གྱུར་པའི་རྒྱུ་ནི་གང་ཡིན། རྐྱེན་ནི་གང་ཡིན། ཚེ་དང་ལྡན་པ་ཀུན་དགའ་བོ་བདག་ཅག་གིས་ཉེ་དུ་རྣམས་ཀྱི་མདུན་དུ་གཅིག་གིས་གཅིག་གི་ཡོན་ཏན་བསྒྲགས་པར་བྱས་ཏེ། དགེ་སློང་འདི་ནི་མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་ཤེས་དང ། སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་སྡུག་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་རྣགས་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིག་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང ། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་པ་ཡིན་ནོ། ། དགེ་སློང་འདི་ནི་བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་
Ca255a
༄#། །མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང ། རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཡོངས་སུ་ཤེས་པ་དང ། སྔོན་གྱི་གནས་དང ། འཆི་འཕོ་དང་སྐྱེ་བ་དང ། ཟག་པ་ཟད་པ་ཐོབ་པ་ཡིན་ནོ། །དགེ་སློང་འདི་ནི་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་ཡིན་ནོ། །དགེ་སློང་འདི་ནི་གཉི་གའི་ཆ་ལས་རྣམ་པར་གྲོལ་བ་ཡིན་ནོ་ཞེས་གཅིག་གིས་གཅིག་གི་ཡོན་ཏན་བསྒྲག་པར་བྱས་སོ། །ཅི་ཡང་དག་པས་སམ། ཡང་དག་པ་མ་ཡིན་པས། ཡང་དག་པ་མ་ཡིན་པས་སོ། །ཁྱེད་ཅག་ཟང་ཟིང་ཅུང་ཟད་ཙམ་གྱི་ཕྱིར་མིའི་ཆོས་བླ་མ་མེད་ལ་མེད་བཞིན་དུ་སྨྲར་རུང་ངམ། རུང་ཡང་སྲིད་མི་རུང་ཡང་སྲིད་དེ། འདི་ལྟར་བདག་ཅག་གིས་སྨྲས་སོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཟང་ཟིང་ཅུང་ཟད་ཙམ་གྱི་ཕྱིར་མིའི་ཆོས་བླ་མ་མེད་ལ་མེད་བཞིན་དུ་སྨྲ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཆུ་ཀླུང་ཡིད་འོང་ལྡན་གྱི་
Ca255b
འགྲམ་ན་གནས་པའི་དགེ་སློང་རྣམས་ལ་རྨས་པ། དགེ་སློང་དག་ཁྱོད་ཀྱིས་ཟང་ཟིང་ཅུང་ཟད་ཙམ་གྱི་ཕྱིར་མིའི་ཆོས་བླ་མ་མེད་ལ་མེད་བཞིན་དུ་སྨྲས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་དོ། །དགེ་སློང་དག་གསུམ་པོ་འདི་དག་ནི་འཇིག་རྟེན་ན་ཡོད་ཅིང ། སྲིད་པའི་རྐུན་པོ་རྐུན་པོ་ཆེན་པོ་ཡིན་ཏེ། གསུམ་གང་ཞེ་ན། དགེ་སློང་དག་འདི་ལ་རྐུན་པོ་འཁོར་བརྒྱ་དང་ལྡན་པའམ། འཁོར་སྟོང་དང་ལྡན་པ་དེ་བརྒྱའམ་སྟོང་གི་མདུན་དུ་སོང་སྟེ། ཁྱིམ་འབུགས་པར་བྱེད། མདུད་པ་འགྲོལ་བར་བྱེད། རིལ་གྱིས་འཕྲོག་པར་བྱེད། ལམ་སྒུགས་ཤིང་འདུག་པར་བྱེད། མེ་གཏོང་བར་བྱེད། ལམ་པ་འཇོམས་པར་བྱེད། རྒྱལ་པོའི་མཛོད་རྐུ་བར་བྱེད། གྲོང་འཇོམས་པར་བྱེད། གྲོང་ཁྱེར་འཇོམས་པར་བྱེད། ཡུལ་འཇོམས་པར་བྱེད་པ་དེ་ནི། དགེ་སློང་དག་འཇིག་རྟེན་ན་ཡོད་ཅིང་སྲིད་པའི་རྐུན་པོ་རྐུན་པོ་ཆེན་པོ་དང་པོ་ཡིན་ནོ། །དགེ་སློང་དག་གཞན་ཡང་རྐུན་པོ་རྐུན་པོ་ཆེན་པོ་འཁོར་བརྒྱ་དང་ལྡན་པ་ཡང་མ་ཡིན། འཁོར་སྟོང་དང་ཡང་ལྡན་པ་མ་ཡིན་ལ། དེ་བརྒྱའམ་སྟོང་གི་མདུན་དུ་སོང་སྟེ། ཁྱིམ་འབུགས་པར་མི་བྱེད། མདུད་པ་འགྲོལ་བར་མི་བྱེད། རིལ་གྱིས་འཕྲོག་པར་མི་བྱེད། ལམ་སྒུགས་ཤིང་འདུག་པར་མི་བྱེད། མེ་གཏོང་བར་མི་བྱེད། ལམ་པ་འཇོམས་པར་མི་བྱེད། རྒྱལ་པོའི་
Ca256a
༄#། །མཛོད་རྐུ་བར་མི་བྱེད། གྲོང་འཇོམས་པར་མི་བྱེད། གྲོང་ཁྱེར་འཇོམས་པར་མི་བྱེད། ཡུལ་འཇོམས་པར་མི་བྱེད་མོད་ཀྱི་འོན་ཀྱང་དགེ་འདུན་གྱི་རྩའམ། ཤིང་ངམ། མེ་ཏོག་གམ། འབྲས་བུའམ། འོད་མའམ། གཞལ་བ་གང་ཡང་རུང་བ་དེ་བཙོངས་ཤིང་བཙོངས་ཤིང་འཚོ་བར་བྱེད་པ་དང ། དེས་ཁྱིམ་མི་གསོ་བར་བྱེད་པ་འདི་ནི་འཇིག་རྟེན་ན་ཡོད་ཅིང་སྲིད་པའི་རྐུན་པོ་རྐུན་པོ་ཆེན་པོ་གཉིས་པ་ཡིན་ནོ། །དགེ་སློང་དག་གཞན་ཡང་རྐུན་པོ་རྐུན་པོ་ཆེན་པོ་འཁོར་བརྒྱ་དང་ལྡན་པ་ཡང་མ་ཡིན། འཁོར་སྟོང་དང་ལྡན་པ་ཡང་མ་ཡིན་ལ། དེ་བརྒྱའམ་སྟོང་གི་མདུན་དུ་སོང་སྟེ། ཁྱིམ་འབུགས་པར་མི་བྱེད། མདུད་པ་འགྲོལ་བར་མི་བྱེད། རིལ་གྱིས་འཕྲོག་པར་མི་བྱེད། ལམ་སྒུགས་ཤིང་འདུག་པར་མི་བྱེད། མེ་གཏོང་བར་མི་བྱེད། ལམ་པ་འཇོམས་པར་མི་བྱེད། རྒྱལ་པོའི་མཛོད་རྐུ་བར་མི་བྱེད། གྲོང་འཇོམས་པར་མི་བྱེད། གྲོང་ཁྱེར་འཇོམས་པར་མི་བྱེད། ཡུལ་འཇོམས་པར་མི་བྱེད་ཅིང ། དགེ་འདུན་གྱི་རྩཝའམ། ཤིང་ངམ། མེ་ཏོག་གམ། འབྲས་བུའམ། འོད་མའམ། གཞལ་བ་གང་ཡང་རུང་བ་དེ་བཙོངས་ཤིང་བཙོངས་ཤིང་འཚོ་བར་མི་བྱེད་ལ། དེས་ཁྱིམ་མི་གསོ་བར་མི་བྱེད་མོད་ཀྱི་འོན་ཀྱང་མི་ཆོས་བླ་མ་མེད་ལ་མེད་བཞིན་དུ་སྨྲ་བར་བྱེད་པ་འདི་ནི་འཇིག་རྟེན་ན་ཡོད་ཅིང་སྲིད་པའི་རྐུན་པོ་རྐུན་པོ་ཆེན་པོ་གསུམ་པ་ཡིན་ནོ། །དགེ་སློང་དག་རྐུན་པོ་རྣམས་ཀྱི་ནང་ན་རྐུན་པོ་གང་འཁོར་བརྒྱ་དང་ལྡན་པའམ། འཁོར་སྟོང་དང་ལྡན་པའམ། བརྒྱའམ་སྟོང་
Ca256b
གི་མདུན་དུ་སོང་སྟེ། ཁྱིམ་འབུགས་པར་བྱེད། མདུད་པ་འགྲོལ་བར་བྱེད། རིལ་གྱིས་འཕྲོག་པར་བྱེད། ལམ་སྒུགས་ཤིང་འདུག་པར་བྱེད། མེ་གཏོང་བར་བྱེད། ལམ་པ་འཇོམས་པར་བྱེད། རྒྱལ་པོའི་མཛོད་རྐུ་བར་བྱེད། གྲོང་འཇོམས་པར་བྱེད། གྲོང་ཁྱེར་འཇོམས་པར་བྱེད། ཡུལ་འཇོམས་པར་བྱེད་པ་དེ་ནི་ཅུང་ཟད་ཙམ་ཡིན་ནོ། །རྐུན་པོ་རྣམས་ཀྱི་ནང་ན་རྐུན་པོ་གང་དགེ་འདུན་གྱི་རྩཝའམ། ཤིང་ངམ།་མེ་ཏོག་གམ། འབྲས་བུའམ། འོད་མའམ། གཞལ་བ་གང་ཡང་རུང་བ་དེ་བཙོངས་ཤིང་བཙོངས་ཤིང་འཚོ་བར་བྱེད་པ་དང ། དེས་ཁྱིམ་མི་གསོ་བར་བྱེད་པ་དེ་ཡང་ཅུང་ཟད་ཙམ་ཡིན་ནོ། ། དགེ་སློང་དག་རྐུན་པོ་རྣམས་ཀྱི་ནང་ན་གང་མིའི་ཆོས་བླ་མ་མེད་ལ་མེད་བཞིན་དུ་སྨྲ་བར་བྱེད་པ་དེ་ནི། འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང ། ལྷ་དང་མིར་བཅས་པའི་ནང་ན་རྐུན་པོ་རྐུན་པོ་ཆེན་པོ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །འདི་ན་གང་ཞིག་དགྲ་བཅོམ་མ་གྱུར་པར། །བདག་ཉིད་དགྲ་བཅོམ་པར་ཡང་རྗོད་བྱེད་པ། །དེ་ནི་ཚངས་བཅས་འཇིག་རྟེན་རྐུན་པོ་སྟེ། །ཚུལ་ཁྲིམས་འཆལ་བ་ཡིན་པར་བརྗོད་པར་བྱ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་
Ca257a
༄#། །པས་ངས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། འདི་ལྟ་སྟེ། དགེ་འདུན་བསྡུ་བའི་ཕྱིར་ཞེས་བྱ་བ་ནས། ངའི་ཚངས་པར་སྤྱོད་པ་སྐྱེ་བོ་མང་པོ་ལ་ཕན་པ་ཡངས་པར་གྱུར་པ་ལྷ་དང་མིའི་བར་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་བྱ་བའི་ཕྱིར་ཞེས་བྱ་བའི་བར་དུ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་ལ། མིའི་ཆོས་བླ་མ་མཐའ་དང ། འཕགས་པ་དང ། བྱེ་བྲག་ཐོབ་པ་དང ། ཤེས་པ་དང་མཐོང་བ་དང།་རེག་པར་སྤྱོད་པ་མེད་ལ་མེད་བཞིན་དུ་འདི་ཤེས་སོ། །འདི་མཐོང་ངོ་ཞེས་ཁས་འཆེས་པ་ལས། དེ་ལྟུང་བ་བྱུང་བ་རྣམ་པར་དག་པར་འདོད་ནས། དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང ། འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་བརྫུན་དུ་སྨྲས་སོ་ཞེས་ཟེར་ན། དགེ་སློང་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་མཛད་དོ། །དགེ་སློང་རབ་ཏུ་མང་པོ་གནས་མལ་དགོན་པ་ནགས་ཁྲོད་དང ། རི་དྲུང་དང ། བས་མཐའ་དག་ན་རྣལ་འབྱོར་གྱི་རྗེས་སུ་བརྩོན་པར་གནས་པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ཡིད་
Ca257b
ལ་བྱེད་པས། ཉོན་མོངས་པ་དག་རྣམ་པར་མནན་པས་དེས་ན་འདོད་པ་ལ་འདོད་ཆགས་དང ། གནོད་སེམས་དག་དེ་དག་གི་རྒྱུད་ལ་ཀུན་ཏུ་མི་འབྱུང་ནས་དེའི་འོག་ཏུ་དེ་དག་གིས་གཅིག་ལ་གཅིག་ཚེ་དང་ལྡན་པ་དག་ཤེས་པར་གྱིས་ཤིག་།དགོན་པ་པ་དག་གིས་ཐོབ་པར་བྱ་བ་གང་ཡིན་པ་དེ་བདག་ཅག་གིས་ཐོབ་སྟེ། བདག་ཅག་སྐྱེ་བ་ནི་ཟད། ཚངས་པར་སྤྱད་པ་ནི་བསྟེན། བྱ་བ་ནི་བྱས། སྲིད་པ་འདི་ལས་གཞན་ནི་མི་ཤེས་ཀྱིས། ཚུར་ཤེག་བདག་ཅག་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་འཇུག་པར་བྱའོ་ཞེས་བརྗོད་ནས། དེ་དག་གིས་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་ཞུགས་པ་དང ། དེར་དེ་དག་ཡང་དང་ཡང་དུ་བུད་མེད་ཀྱི་ཡུལ་མཐོང་ཞིང་ཀུན་དགའ་ར་བའི་དགེ་ཚུལ་རྣམས་དང་ལྷན་ཅིག་འདྲེ་ཞིང་གནས་པ་དག་ལ་ཡང་ཉོན་མོངས་པ་དག་བྱུང་བར་གྱུར་ཏེ། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་བྱུང་བར་གྱུར་ནས་དེ་དག་འདི་སྙམ་དུ་སེམས་ཏེ། ཚེ་དང་ལྡན་པ་དག་ཤེས་པར་གྱིས་ཤིག་།བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་འདི་ལྟར་བཅའ་བ་མཛད་དེ། ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་ལ་མིའི་ཆོས་བླ་མ་མཐའ་དང ། འཕགས་པ་དང ། བྱེ་བྲག་ཐོབ་པ་དང ། ཤེས་པ་དང ། མཐོང་བ་དང ། རེག་པར་སྤྱོད་པ་མེད་ལ་མེད་བཞིན་དུ་འདི་ཤེས་སོ་འདི་མཐོང་ངོ་ཞེས་ཁས་འཆེས་པ་ལས། དེ་ལྟུང་བ་བྱུང་བ་རྣམ་པར་དག་པར་འདོད་ནས།
Ca258a
༄#། །དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང ། འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་བརྫུན་དུ་སྨྲས་སོ་ཞེས་ཟེར་ན། དགེ་སློང་དེ་ཡང་ཕམ་པར་གྱུར་པ་ཡིན་གྱི་གནས་པར་མི་བྱའོ་ཞེས་བཅའ་བ་མཛད་ན། བདག་ཅག་གནས་མལ་དགོན་པ་ནགས་ཁྲོད་དང་རི་དྲུང་བས་མཐའ་དག་ན་གནས་པ་དག་གིས་ཞི་གནས་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས། འཇིག་རྟེན་པའི་ཡིད་ལ་བྱེད་པས་ཉོན་མོངས་པ་དག་རྣམ་པར་མནན་པས་འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་མི་འབྱུང་ནས། བདག་ཅག་གིས་གཅིག་ལ་གཅིག་ཚེ་དང་ལྡན་པ་དག་ཤེས་པར་གྱིས་ཤིག་།དགོན་པ་དག་གིས་ཐོབ་པར་བྱ་བ་གང་ཡིན་པ་དེ་དག་བདག་ཅག་གིས་ཐོབ་སྟེ། བདག་ཅག་སྐྱེ་བ་ནི་ཟད། ཚངས་པར་སྤྱད་པ་ནི་བསྟེན། བྱ་བ་ནི་བྱས། སྲིད་པ་འདི་ལས་གཞན་ནི་མི་ཤེས་ཀྱིས། ཚུར་ཤེག་བདག་ཅག་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་འཇུག་པར་བྱའོ་ཞེས་བརྗོད་ནས། བདག་ཅག་གིས་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་ཞུགས་པ་དང།་དེར་བདག་ཅག་ཡང་དང་ཡང་དུ་བུད་མེད་ཀྱི་ཡུལ་མཐོང་ཞིང་ཀུན་དགའ་ར་བའི་དགེ་ཚུལ་རྣམས་དང་ལྷན་ཅིག་འདྲེ་ཞིང་གནས་པ་དག་ལ་ཡང་ཉོན་མོངས་པ་དག་བྱུང་བར་གྱུར་ཏེ། འདོད་
Ca258b
པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་བྱུང་བར་གྱུར་ན། བདག་ཅག་ལ་ཕམ་པར་གྱུར་པའི་ལྟུང་བ་བྱུང་བར་མ་གྱུར་ཏམ། ཚུར་ཤེག་བདག་ཅག་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་ཞིང་ཕྱིན་ནས་ཚེ་དང་ལྡན་པ་ཀུན་དགའ་བོ་ལ་དོན་དེ་ཡོངས་སུ་དྲི་བར་བྱས་ཏེ། བདག་ཅག་ལ་ཚེ་དང་ལྡན་པ་ཀུན་དགའ་བོས་ཇི་སྐད་དུ་ལུང་སྟོན་པར་འགྱུར་བ་དེ་ཁོ་ན་བཞིན་དུ་གཟུང་བར་བྱའོ་སྙམ་ནས། དེ་དག་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་མཁྱེན་པར་མཛོད་ཅིག་།བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བ་མཛད་དེ། ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་ལ། མིའི་ཆོས་བླ་མ་མཐའ་དང ། འཕགས་པ་དང ། བྱེ་བྲག་ཐོབ་པ་དང ། ཤེས་པ་དང་མཐོང་བ་དང ། རེག་པར་སྤྱོད་པ་མེད་པས་མེད་བཞིན་དུ་འདི་ཤེས་སོ་འདི་མཐོང་ངོ་ཞེས་ཁས་འཆེས་པ་ལས། དེ་ལྟུང་བ་བྱུང་བ་རྣམ་པར་དག་པར་འདོད་ནས་དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང ། འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་བརྫུན་དུ་སྨྲས་སོ་ཞེས་ཟེར་ན། དགེ་སློང་དེ་ཡང་ཕམ་པར་གྱུར་པ་ཡིན་གྱིས། གནས་པར་མི་བྱའོ་ཞེས་བཅའ་བ་མཛད་ན། བདག་ཅག་གནས་མལ་དགོན་པ་ནགས་ཁྲོད་དང ། རི་དྲུང་དང་བས་མཐའ་དག་ན་གནས་
Ca259a
༄#། །པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ཡིད་ལ་བྱེད་པས་ཉོན་མོངས་པ་དག་རྣམ་པར་མནན་པས། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་མི་འབྱུང་ནས། བདག་ཅག་གིས་གཅིག་ལ་གཅིག་ཚེ་དང་ལྡན་པ་དག་ཤེས་པར་གྱིས་ཤིག་།དགོན་པ་པ་དག་གིས་ཐོབ་པར་བྱ་བ་གང་ཡིན་པ་དེ་བདག་ཅག་གིས་ཐོབ་སྟེ། བདག་ཅག་སྐྱེ་བ་ནི་ཟད། ཚངས་པར་སྤྱོད་པ་ནི་བསྟེན། བྱ་བ་ནི་བྱས། སྲིད་པ་འདི་ལས་གཞན་ནི་མི་ཤེས་ཀྱིས། ཚུར་ཤེག་བདག་ཅག་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་འཇུག་པར་བྱའོ་ཞེས་བརྗོད་ནས། བདག་ཅག་གིས་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་ཞུགས་པ་དང ། དེར་བདག་ཅག་ཡང་དང་ཡང་དུ་བུད་མེད་ཀྱི་ཡུལ་མཐོང་ཞིང་ཀུན་དགའ་ར་བའི་དགེ་ཚུལ་རྣམས་དང་ལྷན་ཅིག་འདྲེ་ཞིང་གནས་པ་དག་ལ་ཡང་ཉོན་མོངས་པ་དག་བྱུང་བར་གྱུར་ཏེ། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་བྱུང་བར་གྱུར་ན། བདག་ཅག་ལ་ཕམ་པར་གྱུར་པའི་ལྟུང་བ་བྱུང་བར་མ་གྱུར་ཏམ། ཚུར་ཤེག་བདག་ཅག་ཚེ་དང་ལྡན་པ་ཀུན་དགའ་བོ་ག་ལ་བ་དེར་འདོང་ཞིང་ཕྱིན་ནས།་ཚེ་དང་ལྡན་པ་ཀུན་དགའ་བོ་ལ་དོན་དེ་ཡོངས་སུ་དྲི་བར་བྱ་སྟེ། བདག་ཅག་ལ་ཚེ་དང་ལྡན་པ་ཀུན་དགའ་བོས་ཇི་སྐད་དུ་ལུང་སྟོན་པར་འགྱུར་བ་དེ་ཁོ་ན་བཞིན་དུ་གཟུང་བར་བྱའོ་སྙམ་ནས། བདག་
Ca259b
ཅག་ཚེ་དང་ལྡན་པ་ཀུན་དགའ་བོ་ལ་དོན་དེ་ཡོངས་སུ་འདྲི་ན། ཚེ་དང་ལྡན་པ་བདག་ཅག་ལ་ཕམ་པར་གྱུར་པའི་ལྟུང་བ་འབྱུང་བར་མ་གྱུར་ཏམ། དེ་ནས་ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཁྲིད་དེ། བཅོམ་ལྡན་འདས་ག་ལ་བ་དེར་སོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བ་མཛད་དེ། ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་ལ་མིའི་ཆོས་བླ་མ་མཐའ་དང ། འཕགས་པ་དང ། བྱེ་བྲག་ཐོབ་པ་དང ། ཤེས་པ་དང་མཐོང་བ་དང ། རེག་པར་སྤྱོད་པ་མེད་ལ་མེད་བཞིན་དུ་འདི་ཤེས་སོ་འདི་མཐོང་ངོ་ཞེས་ཁས་འཆེས་པ་ལས། དེ་ལྟུང་བ་བྱུང་བ་རྣམ་པར་དག་པར་འདོད་ནས་དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང ། འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ། ། ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་བརྫུན་དུ་སྨྲས་སོ་ཞེས་ཟེར་ན། དགེ་སློང་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས། བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་ན། ཚེ་དང་ལྡན་པ་གནས་མལ། དགོན་པ་ནགས་ཁྲོད་དང་རི་དྲུང་དང ། བས་མཐའ་དག་ན་གནས་པ་འདི་དག་གིས་ཞི་གནས་ཀྱི་རྒྱུ་མཚན་རང་གི་
Ca260a
༄#། །མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས། འཇིག་རྟེན་པའི་ཡིད་ལ་བགྱིད་པས་ཉོན་མོངས་པ་དག་རྣམ་པར་མནན་པས། འདོད་པ་ལ་འདོད་ཆགས་དང ། བདག་ཅག་སྐྱེ་བ་ནི་དག་རྒྱུད་ལ་ཀུན་དུ་མི་འབྱུང་ནས། འདི་དག་གིས་གཅིག་ལ་གཅིག་ཚེ་དང་ལྡན་པ་དག་ཤེས་པར་གྱིས་ཤིག་།དགོན་པ་པ་དག་གིས་ཐོབ་པར་བྱ་བ་གང་ཡིན་པ་དེ་བདག་ཅག་གིས་ཐོབ་སྟེ། བདག་ཅག་སྐྱེ་བ་ནི་ཟད།་ཚངས་པར་སྤྱོད་པ་ནི་བསྟེན། བྱ་བ་ནི་བྱས། སྲིད་པ་འདི་ལས་གཞན་ནི་མི་ཤེས་ཀྱིས། ཚུར་ཤེག་བདག་ཅག་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་འཇུག་པར་བྱའོ་ཞེས་བརྗོད་ནས། འདི་དག་གིས་གནས་མལ་དགོན་པ་དག་བཏང་སྟེ། གནས་མལ་གྲོང་མཐའ་བ་དག་ཏུ་ཞུགས་པ་དང ། དེར་འདི་དག་ཡང་དང་ཡང་དུ་བུད་མེད་ཀྱི་ཡུལ་མཐོང་ཞིང་ཀུན་དགའ་ར་བ་བའི་དགེ་ཚུལ་རྣམས་དང་ལྷན་ཅིག་འདྲེ་ཞིང་གནས་པ་དག་ལ་ཡང་ཉོན་མོངས་པ་དག་བྱུང་བར་གྱུར་ཏེ། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་བྱུང་བར་གྱུར་ནས། འདི་དག་བདག་ཅག་ལ་ཕམ་པར་གྱུར་བའི་ལྟུང་བ་བྱུང་བར་མ་གྱུར་ཏམ་སྙམ་དུ་འགྱོད་པ་སྐྱེས་པར་གྱུར་ན། དེའི་སླད་དུ་བདག་བཅོམ་ལྡན་འདས་ལ་དོན་འདི་ཡོངས་སུ་ཞུ་སྟེ། འདི་དག་ལ་ཕམ་པར་གྱུར་པའི་ལྟུང་བ་བྱུང་བར་མ་གྱུར་ཏམ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་ལྟ་བས་ན། མངོན་པའི་ང་རྒྱལ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་བསླབ་པ་
Ca260b
འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་རྗེས་སུ་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན། སྔ་མ་ནི་བཅས་པ་ཡིན་ལ། འདི་ནི་རྗེས་སུ་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་ལ། མིའི་ཆོས་བླ་མ་མཐའ་དང ། འཕགས་པ་དང ། བྱེ་བྲག་ཐོབ་པ་དང ། ཤེས་པ་དང ། མཐོང་བ་དང ། རེག་པར་སྤྱོད་པ་མེད་ལ་མེད་བཞིན་དུ་འདི་ཤེས་སོ་འདི་མཐོང་ངོ་ཞེས་ཁས་འཆེས་པ་ལས། དེ་ལྟུང་བ་བྱུང་བ་རྣམ་པར་དག་པར་འདོད་ནས་དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང ། འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་བརྫུན་དུ་སྨྲས་སོ་ཞེས་ཟེར་ན། མངོན་པའི་ང་རྒྱལ་མ་གཏོགས་ཏེ། དགེ་སློང་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ། །ཡང་དགེ་སློང་གང་ཞེས་བྱ་བ་ནི་དགེ་སློང་བཞི་པོ་དག་ལས་ཞེས་བྱ་བ་ནས་དོན་གྱི་སྐབས་འདིར་ནི། གསོལ་བ་དང་བཞིའི་ལས་མི་གཡོ་བ་བཞག་པར་མི་འོས་པས་བསྙེན་པར་རྫོགས་པ་གང་ཡིན་པ་དེ་དགེ་སློང་དུ་དགོངས་ཏེ་ཞེས་བྱ་བའི་བར་དུ་སྔ་མ་བཞིན་ཏེ། དེས་ན་ཡང་དགེ་སློང་གང་ཞེས་གསུངས་སོ། །མངོན་པར་མི་
Ca261a
༄#། །ཤེས་ཤིང་ཞེས་བྱ་བ་ལ་ཅི་ཞིག་མངོན་པར་མི་ཤེས་ཤིང་ཞེ་ན་གཟུགས་མངོན་པར་མི་ཤེས་པ་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མངོན་པར་མི་ཤེས་ཤིང ། ཡོངས་སུ་མི་ཤེས་ལ་ཞེས་བྱ་བ་ལ་ཅི་ཞིག་ཡོངས་སུ་མི་ཤེས་ལ་ཞེ་ན། གཟུགས་ཉིད་ཡོངས་སུ་མི་ཤེས་པ་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་མི་ཤེས་པའོ། །མིའི་ཆོས་ཞེས་བྱ་བ་ནི་མི་རྣམས་ཀྱི་ཆོས་མྱ་ངན་ལས་འདས་པ་སྟེ། དེ་མི་རྣམས་ཀྱིས་འཐོབ་ཀྱི་ཟ་མ་དང་མ་ནིང་དང་མཚན་གཉིས་པ་དག་གིས་ཀྱང་མི་འཐོབ་ན། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ཀྱིས་ལྟ་སྨོས་ཀྱང་ཅི་དགོས་པའི་ཕྱིར་རོ། །བླ་མ་ཞེས་བྱ་བ་ནི་འདོད་པའི་ཁམས་པས་གཟུགས་ཀྱི་ཁམས་བླ་མ་ཡིན་ལ། གཟུགས་ཀྱི་ཁམས་པས་གཟུགས་མེད་པའི་ཁམས་བླ་མ་ཡིན་པའོ། །ཡང་ན་མིའི་ཆོས་ཞེས་བྱ་བ་ནི་སྒྲིབ་པ་ལྔ་པོ་དག་གོ་།བླ་མ་ཞེས་བྱ་བ་ནི་དེ་དག་སྤངས་པ་གང་ཡིན་པའོ། །མཐའ་ཞེས་བྱ་བ་ལ་མཐའ་ཞེས་བྱ་བ་ནི་མྱ་ངན་ལས་འདས་པའོ། །འཕགས་པ་ཞེས་བྱ་བ་ལ་འཕགས་པ་ནི་སངས་རྒྱས་རྣམས་དང་སངས་རྒྱས་ཀྱི་ཉན་ཐོས་རྣམས་སོ། །བྱེ་བྲག་ཐོབ་པ་ཞེས་བྱ་བ་ལ་བྱེ་བྲག་ཐོབ་པ་ནི་དགེ་སྦྱོང་གི་ཚུལ་གྱི་འབྲས་བུ་བཞི་པོ་དག་སྟེ། རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དོ། །ཤེས་པ་ཞེས་བྱ་བ་ནི་ཤེས་པ་བཞི་
Ca261b
པོ་དག་སྟེ། སྡུག་བསྔལ་ཤེས་པ་དང ། ཀུན་འབྱུང་བ་ཤེས་པ་དང ། འགོག་པ་ཤེས་པ་དང ། ལམ་ཤེས་པའོ། །མཐོང་བ་ཞེས་བྱ་བ་ནི་མཐོང་བ་བཞི་པོ་དག་སྟེ། སྡུག་བསྔལ་མཐོང་བ་དང ། ཀུན་འབྱུང་བ་མཐོང་བ་དང ། འགོག་པ་མཐོང་བ་དང ། ལམ་མཐོང་བའོ། །རེག་པར་སྤྱོད་པ་ཞེས་བྱ་བ་ལ་རེག་པར་སྤྱོད་པ་ནི་བསམ་གཏན་བཞི་པོ་དག་སྟེ། སྙོམས་པར་འཇུག་པ་ལས་ཡིན་གྱི་སྐྱེ་བ་ལས་ནི་མ་ཡིན་ནོ། ། མེད་ལ་ཞེས་བྱ་བ་ནི་དེའི་དངོས་པོ་མེད་ལའོ། །མེད་བཞིན་དུ་ཞེས་བྱ་བ་ནི་བདག་ཉིད་ལའོ། །འདི་ཤེས་སོ་ཞེས་བྱ་བ་ལ་ཅི་ཞིག་ཤེས་སོ་ཞེ་ན། སྡུག་བསྔལ་ཤེས་པ་དང ། ཀུན་འབྱུང་བ་དང ། འགོག་པ་དང།་ལམ་ཤེས་སོ་ཞེས་སོ། །འདི་མཐོང་ངོ་ཞེས་བྱ་བ་ལ་ཅི་ཞིག་མཐོང་ངོ་ཞེས་ཤེ་ན། ལྷ་རྣམས་མཐོང་ངོ ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་མཐོང་ངོ། །ལྷ་རྣམས་ཀྱིས་ཀྱང་བདག་མཐོང་ངོ ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་ཀྱིས་ཀྱང་བདག་མཐོང་ངོ ། །ལྷ་རྣམས་ཀྱི་སྒྲ་ཐོས་སོ། །ཀླུ་
Ca262a
༄#། །རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་ཀྱི་སྒྲ་ཐོས་སོ། །ལྷ་རྣམས་ཀྱིས་ཀྱང་བདག་གི་སྒྲ་ཐོས་སོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང།་ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་ཀྱིས་ཀྱང་བདག་གི་སྒྲ་ཐོས་སོ། །ལྷ་རྣམས་བལྟ་བའི་ཕྱིར་འགྲོའོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འགྲོའོ། །ལྷ་རྣམས་བདག་བལྟ་བའི་ཕྱིར་འོང་ངོ ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་བདག་བལྟ་བའི་ཕྱིར་
Ca262b
འོང་ངོ ། །ལྷ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། ཀུན་དུ་ཡང་ལྷན་ཅིག་གནས་པར་བྱེད་དོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་དོ། །ལྷ་རྣམས་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་དོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང།་རྡུལ་ཁྲོད་ཀྱི་ཤ་ཟ་རྣམས་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་དོ། །མ་ཐོབ་བཞིན་དུ་བདག་གིས་མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་ཤེས་དང ། སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་
Ca263a
༄#། །ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་སྡུག་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་རྣགས་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིགས་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང ། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་བོ། མ་ཐོབ་བཞིན་དུ་བདག་གིས་བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང ། རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་ཀྱི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཡོངས་སུ་ཤེས་པ་དང ། སྔོན་གྱི་གནས་དང ། འཆི་འཕོ་དང་སྐྱེ་བ་དང ། ཟག་པ་ཟད་པ་ཐོབ་བོ། །བདག་ནི་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་དང ། གཉི་གའི་ཆ་ལས་རྣམ་པར་གྲོལ་བ་
Ca263b
ཡིན་ནོ་ཞེས་པའོ། །ཁས་འཆེས་པ་ལས་ཞེས་བྱ་བ་ནི་ཁས་བླངས་པ་ལས་སོ། །དེ་ལྟུང་བ་བྱུང་བ་ཞེས་བྱ་བ་ནི་གཞི་དེའི་འོ། །རྣམ་པར་དག་པར་འདོད་ནས་ཞེས་བྱ་བ་ནི། རྣམ་པར་ལྡང་པར་འདོད་ནས་སོ། །དུས་གཞན་ཞིག་ན་ཞེས་བྱ་བ་ནི་དུས་གཞན་ནའོ། །དྲིས་ཀྱང་རུང་ཞེས་བྱ་བ་ནི་གཞན་དག་གིས་སོ། །མ་དྲིས་ཀྱང་རུང་ཞེས་བྱ་བ་ནི་དེ་བདག་ཉིད་ལ་འགྱོད་པ་དང ། ཅུང་ཟད་འགྱོད་པ་དང ། རྣམ་པར་འགྱོད་པ་དང ། རབ་ཏུ་འགྱོད་པ་སྐྱེས་པས་སོ། །འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ཞེས་སྨྲས་ཞེས་བྱ་བ་ནི་ཡིད་ཀྱི་རྣམ་པར་ཤེས་པས་སོ། །མ་མཐོང་བར་མཐོང་ངོ་ཞེས་སྨྲས་ཏེ་ཞེས་བྱ་བ་ནི་མིག་གི་རྣམ་པར་ཤེས་པས་སོ། །གསོབ་གསོག་བརྫུན་དུ་སྨྲས་སོ་ཞེས་བྱ་བ་དེ་དག་ནི། སྨྲས་པའི་རྣམ་གྲངས་ཀྱི་ཚིག་ཡིན་ནོ་ཟེར་ན་ཞེས་བྱ་བ་ནི་བརྗོད་ནའོ། །མངོན་པའི་ང་རྒྱལ་མ་གཏོགས་ཏེ་ཞེས་བྱ་བ་ནི་མངོན་པའི་ང་རྒྱལ་བཞག་སྟེའོ། །དགེ་སློང་ཞེས་བྱ་བ་ནི་གང་ལ་དགེ་སློང་གི་དངོས་པོ་ཡོད་པ་སྟེ་སྔ་མ་བཞིན་ནོ། །དེ་ཡང་ཞེས་བྱ་བ་དེ་ནི་ཉེ་བར་བསྟན་པ་དང ། ཀུན་ཏུ་བསྟན་པའི་ཚིག་བླ་དྭགས་ཡིན་ནོ། །ཕམ་པར་གྱུར་པ་ཡིན་གྱིས་ཞེས་བྱ་བ་ནི་སྔ་མ་བཞིན་ནོ། །གནས་པར་མི་བྱའོ་ཞེས་བྱ་བ་ཡང་གང་ཟག་བཅུ་གཉིས་པོ་དག་གི་བསྒོ་བས་བསྒོ་བར་མི་བྱའོ་ཞེས་བྱ་བའི་བར་དུ་སྔ་མ་བཞིན་ཏེ། དེས་ན་གནས་པར་མི་བྱའོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེས། སྡོམ་ལ། འདུ་ཤེས་བསྒྱུར་དང་དགོན་པ་དང ། །ཁྱིམ་རྣམས་སུ་ནི་སྟན་བཀྲ་དང ། །རང་གི་མཚན་ཉིད་འཛིན་པ་དང ། །བདག་ཉིད་ཉེ་བར་སྟོན་པའོ།།
Ca264a
༄#། །དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང་འདོད་པ་དང ། བློ་གྲོས་དང་རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས་ལྷ་རྣམས་མཐོང་ངོ་ཞེས་ཟེར་ན་ཕམ་པར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་མཐོང་ངོ་ཞེས་ཟེར་ན་ཕམ་པར་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་མཐོང་ངོ་ཞེས་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང་འདོད་པ་དང ། བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་ལྷ་རྣམས་ཀྱི་སྒྲ་ཐོས་སོ་ཞེས་ཟེར་ན་ཕམ་པར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་གྱི་སྒྲ་ཐོས་སོ་ཞེས་ཟེར་ན་ཕམ་པར་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་ཀྱི་སྒྲ་ཐོས་སོ་ཞེས་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་ལྷ་རྣམས་བལྟ་བའི་ཕྱིར་འགྲོའོ་ཞེས་ཟེར་ན་ཕམ་པར་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བལྟ་བའི་ཕྱིར་འགྲོའོ། །ཞེས་ཟེར་ན་ཕམ་པར་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འགྲོའོ་ཞེས་ཟེར་ན། ཉེས་པ་སྦོམ་པོར་འགྱུར་རོ། །དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང་ལྟ་བ་བསྒྱུར་ཏེ།
Ca264b
འདི་སྐད་ཅེས་ལྷ་རྣམས་བདག་བལྟ་བའི་ཕྱིར་འོང་ངོ་ཞེས་ཟེར་ན་ཕམ་པར་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས། སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བདག་བལྟ་བའི་ཕྱིར་འོང་ངོ་ཞེས་ཟེར་ན་ཕམ་པར་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་ཀྱང་བདག་བལྟ་བའི་ཕྱིར་འོང་ངོ་ཞེས་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་ལྷ་རྣམས་དང་ལྷན་ཅིག་གཏམ་འདྲེས་པར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ཕམ་པར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དང་ལྷན་ཅིག་གཏམ་འདྲེས་པར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ཕམ་པར་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་ལྷ་རྣམས་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་
Ca265a
༄#། །ཕམ་པར་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་ཡང་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ཕམ་པར་འགྱུར་རོ། །ཐ་ན་འདི་སྐད་ཅེས་རྡུལ་ཁྲོད་ཀྱི་ཤ་ཟ་རྣམས་ཀྱང་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་མ་ཐོབ་བཞིན་དུ་བདག་གིས་མི་རྟག་པའི་འདུ་ཤེས་ཐོབ་བོ་ཞེས་ཟེར་ན་ཕམ་པར་འགྱུར་རོ། །མི་རྟག་པ་ལ་སྡུག་བསྔལ་བའི་འདུ་ཤེས་ནས་སྔ་མ་བཞིན་དུ་སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཀྱི་བར་དུ་ཐོབ་བོ་ཞེས་ཟེར་ན་ཕམ་པར་འགྱུར་རོ། །དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་མ་ཐོབ་བཞིན་དུ་བདག་གིས་བསམ་གཏན་དང་པོ་ཐོབ་བོ་ཞེས་ཟེར་ན་ཕམ་པར་འགྱུར་རོ། །དེ་བཞིན་དུ་གཉིས་པ་དང།་གསུམ་པ་དང ། བཞི་པ་དང ། སྔ་མ་བཞིན་དུ་བདག་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་དང ། གཉི་གའི་ཆ་ལས་རྣམ་པར་གྲོལ་བའོ་ཞེས་ཟེར་ན་ཕམ་པར་འགྱུར་
Ca265b
རོ།། །།འདུལ་བ་རྣམ་པར་འབྱེད་པ། བམ་པོ་བཅུ་བཞི་པ། འདི་ལྟར་དགེ་སློང་རབ་ཏུ་མང་པོ་དག་།གྲོང་མེད་པའི་དགོན་པའི་གནས་ཤིག་ན་གནས་ཤིང ། དེ་ན་དེ་དག་ལ་མི་མ་ཡིན་པ་དག་གིས་འཚེ་བ་ན། དེ་ན་དགེ་སློང་གང་དག་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡིན་པ་དེ་ལ་དེ་ན་མི་མ་ཡིན་པ་དག་གིས་འཚེ་བར་མི་བྱེད་ནས། དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་བདག་ཀྱང་གྲོང་མེད་པའི་དགོན་པའི་གནས་དེ་ན་གནས་ཏེ། དེ་ན་བདག་ལ་མི་མ་ཡིན་པ་རྣམ་པར་འཚེ་བར་མི་བྱེད་དོ་ཞེས་ཟེར་ན་ཕམ་པར་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་ཁྱིམ་རྣམས་སུ་མགྲོན་དུ་བོས་ཏེ་ཟ་བར་བྱེད་ཅིང ། དེ་ན་དེ་དག་ལ་སྟན་ཁྲ་བོ་ཉེ་བར་བཀྲ་བ་དག་བཤམས་ཤིང།་དེ་ན་དགེ་སློང་གང་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡིན་པ་དེ་ལ་དེ་ན་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་ནས། དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་བདག་ཀྱང་ཁྱིམ་དེར་མགྲོན་དུ་བོས་ཤིང་ཟོས་ཏེ་དེ་ན་བདག་ལ་ཡང་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་དོ་ཞེས་ཟེར་ན་ཕམ་པར་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དགོན་པ་ན་གནས་པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་
Ca266a
༄#། །རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་མི་འབྱུང་ནས། དགེ་སློང་གིས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་བདག་ཀྱང་གྲོང་མེད་པའི་དགོན་པའི་གནས་དེ་ན་གནས་ཤིང་བདག་གིས་ཀྱང་དེ་ན་གནས་པ་ན་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས། འདོད་པ་ལ་འདོད་ཆགས་དང ། གནོད་སེམས་དག་བདག་གི་རྒྱུད་ལ་ཡང་ཀུན་ཏུ་མི་འབྱུང་ངོ་ཞེས་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང་བློ་གྲོས་དང ། རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་གིས་ལྷ་རྣམས་མཐོང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་མཐོང་བ་ཡོད་དོ་ཞེས་ཟེར་ཞིང ། འདི་སྐད་ཅེས་ཁོ་བོའི་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཐ་ན་འདི་སྐད་ཅེས་དགེ་སློང་གང་གིས་རྡུལ་ཁྲོད་ཀྱི་ཤ་ཟ་རྣམས་མཐོང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་
Ca266b
ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་གིས་ལྷ་རྣམས་ཀྱི་སྒྲ་ཐོས་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་གྱི་སྒྲ་ཐོས་པ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཐ་ན་འདི་སྐད་ཅེས་དགེ་སློང་གང་གིས་རྡུལ་ཁྲོད་ཀྱི་ཤ་ཟ་རྣམས་ཀྱི་སྒྲ་ཐོས་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་ལྷ་རྣམས་བལྟ་བའི་ཕྱིར་འགྲོ་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བལྟ་བའི་ཕྱིར་འགྲོ་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཐ་ན་འདི་སྐད་ཅེས་དགེ་སློང་གང་རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འགྲོ་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་
Ca267a
༄#། །ཏེ།་འདི་སྐད་ཅེས་དགེ་སློང་གང་ལ་ལྷ་རྣམས་བལྟ་བའི་ཕྱིར་འོང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བལྟ་བའི་ཕྱིར་འོང་བ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཐ་ན་འདི་སྐད་ཅེས་དགེ་སློང་གང་ལ་རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འོང་བ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། །འདི་སྐད་ཅེས་དགེ་སློང་གང་ལྷ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྤོམ་པོར་འགྱུར་རོ། །ཐ་ན་འདི་སྐད་ཅེས་དགེ་སློང་གང་རྡུལ་ཁྲོད་ཀྱི་ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་
Ca267b
བྱེད།་སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་ལྷ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད།་སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཀླུ་རྣམས་དང་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་ཡང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །ཐ་ན་འདི་སྐད་ཅེས་དགེ་སློང་གང་དང་ལྷན་ཅིག་རྡུལ་ཁྲོད་ཀྱི་ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། ། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གི་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་གིས་མི་རྟག་པའི་འདུ་ཤེས་ཐོབ་པ་དེ་ཡོད་དོ་ཞེས་ཟེར་ཞིང ། འདི་
Ca268a
༄#། །སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །མི་རྟག་པའི་འདུ་ཤེས་ཇི་ལྟ་བ་དེ་བཞིན་དུ་གང་གིས་སྔ་མ་བཞིན་དུ་སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཀྱི་བར་དུ་ཐོབ་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་གིས་བསམ་གཏན་དང་པོ་ཐོབ་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །བསམ་གཏན་དང་པོ་ཇི་ལྟ་བ་དེ་བཞིན་དུ་གང་གིས་སྔ་མ་བཞིན་དུ་གཉིས་པ་དང ། གསུམ་པ་དང ། བཞི་པ་ནས་དགེ་སློང་གང་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་དང ། གཉི་གའི་ཆ་ལས་རྣམ་པར་གྲོལ་བའི་བར་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་གྲོང་མེད་པའི་དགོན་པའི་གནས་ཤིག་ན་གནས་ཤིང་དེ་ལ་དེ་དག་ན་མི་མ་ཡིན་པ་དག་གིས་འཚེ་བ་ན། དགེ་སློང་གང་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡིན་པ་དེ་ལ་དེ་ན་མི་མ་ཡིན་པ་དག་གིས་འཚེ་བར་མི་བྱེད་ནས། དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་
Ca268b
དང ། ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་གྲོང་མེད་པའི་དགོན་པའི་གནས་དེ་ན་གནས་པ་དེ་ལ་དེ་ན་མི་མ་ཡིན་པ་རྣམས་འཚེ་བར་མི་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་ཁྱིམ་རྣམས་སུ་མགྲོན་དུ་བོས་ཏེ་ཟ་བར་བྱེད་ཅིང་དེ་ན་དེ་དག་ལ་སྟན་ཁྲ་བོ་ཉེ་བར་བཀྲ་བ་དག་བཤམས་ཤིང་དེ་ན་དགེ་སློང་གང་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡིན་པ་དེ་ལ་དེ་ན་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་ནས། དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་ཁྱིམ་དེར་མགྲོན་དུ་བོས་ཤིང་ཟོས་ཏེ་དེ་ན་དེ་ལ་ཡང་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་པ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །འདི་ལྟར་དགེ་སློང་རབ་ཏུ་མང་པོ་དག་དགོན་པ་ན་གནས་པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས། འཇིག་རྟེན་པའི་ལམ་གྱིས་ཉོན་མོངས་པ་དག་རྣམས་པར་མནན་པས། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་མི་འབྱུང་ནས། དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ། འདི་སྐད་ཅེས་དགེ་སློང་གང་གིས་གྲོང་
Ca269a
༄#། །མེད་པའི་དགོན་པའི་གནས་དེ་ན་གནས་ཤིང་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས། འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་མི་འབྱུང་བ་དེ་ཡོད་དོ་ཞེས་ཟེར་ཞིང་འདི་སྐད་ཅེས་ཁོ་བོའོ་ཞེས་ནི་མི་ཟེར་ན་ཉེས་བྱས་སུ་འགྱུར་རོ། །སྡོམ་ལ་ཕན་ཚུན་ཞེ་ནི་འགྲས་པ་དང ། །ཆར་འབབ་པ་དང་མཚན་གྱུར་དང ། །རྒྱལ་པོ་ཁབ་ཀྱི་ཆུ་དྲོན་དང ། །གླང་ཆེན་རྣམས་ཀྱི་སྒྲ་སྐད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུའི་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ། །དེའི་ཚེ་ན་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་དང་ཡངས་པ་ཅན་གྱི་ལི་ཙ་བྱི་རྣམས་ཕན་ཚུན་ཞེ་འགྲས་པར་གྱུར་ཏོ། །དེ་ནས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་དཔུང་གི་ཚོགས་ཡན་ལག་བཞི་པ་གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་བའི་ཚོགས་དང་དཔུང་བུ་ཆུང་གི་ཚོགས་གོ་བསྐོན་ཏེ། ཡུལ་སྤོང་བྱེད་གཞོམ་པར་བརྩམས་པ་དང ། ཡུལ་སྤོང་བྱེད་ན་གནས་པའི་སྐྱེ་བོའི་ཚོགས་ཀྱིས་ཡངས་པ་ཅན་གྱི་ལི་ཙ་བྱི་རྣམས་ལ། ཤེས་ལྡན་དག་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་དཔུང་གི་ཚོགས་ཡན་ལག་པ་ཞི་བ་གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་
Ca269b
གི་ཚོགས་གོ་བསྐོན་ཏེ། ཡུལ་སྤོང་བྱེད་འཇོམས་པར་བྱེད་དོ་ཞེས་ར་མདའ་བ་བཟློག་གོ་།ཡངས་པ་ཅན་གྱི་ལི་ཙ་བྱི་རྣམས་ཀྱིས་ཐོས་ནས། དེ་དག་གིས་ཀྱང་དཔུང་གི་ཚོགས་ཡན་ལག་བཞི་པ་གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཡངས་པ་ཅན་ནས་འབྱུང་བར་བརྩམས་པ་དང ། དེ་དག་འབྱུང་བ་ན་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ཡང་སྔ་དྲོ་ཤམ་ཐབས་བགོས་ལྷུང་བཟེད་དང ། ཆོས་གོས་ཐོགས་ཏེ། ཡངས་པ་ཅན་དུ་བསོད་སྙོམས་ལ་ཞུགས་སོ། །ཡངས་པ་ཅན་གྱི་ལི་ཙ་བྱི་རྣམས་ཀྱིས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་དེ་དག་འདི་སྙམ་དུ་སེམས་ཏེ། ཤེས་ལྡན་དག་འདི་ནི་མཆོག་གསུམ་པ་ཡིན་ཏེ། འདིས་མི་ཤེས་པའམ། མི་མཐོང་བའམ། མ་རིག་པའམ། རྣམ་པར་མི་ཤེས་པ་ཅུང་ཟད་ཀྱང་མེད་དོ་ཞེས་གྲག་གིས། བདག་ཅག་གིས་འདི་ལ་བདག་ཅག་གང་རྒྱལ་བར་འགྱུར་བ་དྲི་བར་བྱའོ་སྙམ་ནས། དེ་དག་གིས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་དྲིས་པ། འཕགས་པ། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་ཡུལ་སྤོང་བྱེད་འཇོམས་པར་བགྱིད་པས། བདག་ཅག་གཡུལ་འགྱེད་པའི་སླད་དུ་མངོན་དུ་མཆི་ན། བདག་ཅག་གང་རྒྱལ་བར་འགྱུར། མོའུ་འགལ་གྱི་བུ་ཆེན་པོས་སྨྲས་པ། བ་སིཥྛའི་རིགས་དག་ཁྱེད་ཅག་རྒྱལ་བར་འགྱུར་རོ། །དེ་དག་འཕགས་པ་མོའུ་འགལ་གྱི་བུ་ཆེན་པོས་བདག་ཅག་རྒྱལ་བར་ལུང་བསྟན་ཏོ། །
Ca270a
༄#། །ཞེས་རངས་པ་དང ། དགའ་བ་དང ། མཆོག་ཏུ་དགའ་བ་དང་མགུ་བ་དང ། ཡིད་བདེ་བ་སྐྱེས་པ་ནས། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་མ་བརྩིས་པ་ཚམ་ཚོམ་མེད་པ་ཁོ་ནར་དེའི་སྟེང་དུ་བརྟུལ་བ་དང ། དེ་ནས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ཕམ་པ་དང ། སྐྲག་པ་དང་བཅོམ་པ་དང ། གཞན་རྒྱལ་བ་དང ། རྒྱབ་ཀྱིས་ཕྱོགས་པར་བྱས་ཏེ། ཆུ་ཀླུང་གངྒཱའི་འགྲམ་དུ་ཕྱིན་ཏོ། །ཡངས་པ་ཅན་གྱི་ལི་ཙ་བྱི་རྣམས་རྒྱ་ཆེར་རབ་ཏུ་དགའ་བའི་ཡིད་ཀྱིས་ཕྱི་བཞིན་ཁོ་ནར་འབྲང་བ་དང ། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས་བསམས་པ། ཡངས་པ་ཅན་གྱི་ལི་ཙ་བྱི་འདི་དག་ནི་གདུག་ཅིང་རྣམ་པར་གནོན་པ་ཡིན་པས། གལ་ཏེ་དེ་བདག་གངྒཱའི་ནང་དུ་ཞུགས་ན་ཡང་འདི་དག་གིས་རྒྱ་མོའམ། མཆིལ་པས་དབྱུང་བས་འབྱིན་པར་བྱེད་ཅིང་ཚུལ་མ་ཡིན་པས་སྡུག་བསྔལ་བར་འགྱུར་བའི་གནས་ཡོད་ཀྱིས་བདག་མངོན་དུ་ཕྱོགས་ཏེ་ཤི་བ་ནི་ལེགས་སོ་སྙམ་དུ་རིག་ནས། དེས་འཆི་བའི་ཤུགས་ཀྱིས་བསྔོས་པ་དང ། དཔུང་ཐམས་ཅད་ཕྱིར་ལོག་ནས། ཡངས་པ་ཅན་གྱི་ལི་ཙ་བྱི་རྣམས་ཕམ་པ་དང ། སྐྲག་པ་དང་བཅོམ་པ་དང ། གཞན་རྒྱལ་བ་དང ། རྒྱབ་ཀྱིས་ཕྱོགས་པར་བྱས་ནས། གར་ཡང་མ་འཁོར་བར་ཡངས་པ་ཅན་དུ་ཞུགས་ནས་སྒོ་དག་བཅད་དེ། ར་བའི་ཁར་སྦྲེངས་ནས་འདུག་གོ་།ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་གཡུལ་ལས་རྣམ་པར་རྒྱལ་
Ca270b
ཞིང།་ཡུལ་སྤོང་བྱེད་བཅོམ་ནས་རྒྱལ་པོའི་ཁབ་ཏུ་སོང་ངོ ། །དེ་ནས་ཡངས་པ་ཅན་གྱི་ལི་ཙ་བྱི་རྣམས་ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་དག་ན། འཕགས་པ་མོའུ་འགལ་གྱི་བུ་ཆེན་པོས་ཁྱེད་ཅག་རྒྱལ་བར་འགྱུར་རོ་ཞེས་བདག་ཅག་ལ་ལུང་བསྟན་ན། དེ་ཅི་གལ་ཏེ་བདག་ཅག་གི་ཡངས་པ་ཅན་ཕྲོགས་པར་གྱུར་ན། དེ་ལྟ་ན་རྒྱལ་བར་འགྱུར་རམ་ཞེས་སྨོད་པར་བྱེད། ཕྱར་ཀ་གཏོང་བར་བྱེད།་ཁ་ཟེར་བར་བྱེད་དོ། །དེ་དག་སྨོད་པར་བྱེད་པ་ན། དྲུག་སྡེ་དག་ཀྱང་བསོད་སྙོམས་ལ་ཞུགས་ནས། དེ་དག་གིས་དེ་དག་ལ་འཕྱ་བ་ཐོས་ནས། དྲུག་སྟེ་དག་གིས་སྨྲས་པ། ཤེས་ལྡན་དག་ཁྱོད་ཅག་སུ་ལ་སྨོད།་ཁྱེད་ཅག་ལའོ། །ངེད་ཀྱིས་ཅི་བྱས། འཕགས་པ་མོའུ་འགལ་གྱི་བུ་ཆེན་པོས་ཁྱེད་ཅག་རྒྱལ་བར་འགྱུར་རོ་ཞེས་བདག་ཅག་ལ་ལུང་བསྟན་ན། དེ་ཅི་གལ་ཏེ་བདག་ཅག་གི་ཡངས་པ་ཅན་ཕྲོགས་པར་གྱུར་ན་དེ་ལྟ་ན་རྒྱལ་བར་འགྱུར་རམ། དྲུག་སྡེ་དག་གིས་སྨྲས་པ། ཤེས་ལྡན་དག་དང་པོར་གཡུལ་སྤྲད་པ་གང་ཡིན་པ་དེར་སུ་རྒྱལ། ཁོ་བོ་ཅག་གོ་།གལ་ཏེ་ཁྱེད་ཅག་རྒྱལ་ན་དེའི་འོག་ཏུ་ཅིའི་ཕྱིར་ཁྱེད་ཅག་ཕྱིར་ལྡོག་པར་མི་བྱེད། ཅི་ཡུལ་མ་ག་དྷ་བཅོམ་སྟེ་རྒྱལ་པོ་ཁབ་ལེན་པར་འདོད་དམ། ཁྱེད་ཅག་གིས་ཧ་ཅང་མནན་ན་ཝ་ཡང་སེང་གེ་ལྟ་བུར་འགྱུར་རོ་ཞེས་བྱ་བ་མ་ཐོས་སམ། དེ་དག་སྤོབས་པ་མེད་པར་གྱུར་ནས་ཅང་མི་སྨྲ་བར་འཁོད་པ་དང ། དྲུག་སྟེ་དག་གིས་སྨྲས་པ། དགའ་བོ་ཉེ་དགའ་དེ་དག་ལ་གོ་བར་བྱས་ཟིན་གྱི་འོན་ཀྱང་དོན་ཉུང་ངུ་དེ་ལ་ལྟུང་བ་བྱུང་གིས། ཚུར་ཤེག་\་ཥཿ ཱོG?\དེའི་གན་དུ་
Ca271a
༄#། །དོང་ལ་འཆགས་སུ་གཞུག་གོ་ཞེས་དེ་དག་ཟས་ཀྱི་བྱ་བ་བྱས་ནས་ཕྱག་འཚལ་ཏེ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ག་ལ་བ་དེར་དོང་ནས་ཕྱིན་པ་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །གནས་བརྟན་ཕྱག་འཚལ་ལོ། །ཚེ་དང་ལྡན་པ་དག་ཨ་རོག་གྱ། གནས་བརྟན་ཇེ་སྐབས་ཕྱེ་ཤིག་།ཚེ་དང་ལྡན་པ་དག་ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །གནས་བརྟན་གྱིས་ཡངས་པ་ཅན་གྱི་ལི་ཙ་བྱི་རྣམས་ལ་རྒྱལ་བར་ལུང་བསྟན་ཏམ། ལུང་བསྟན་ཏོ། །ཅི་གལ་ཏེ་དེ་དག་གི་ཡངས་པ་ཅན་ཕྲོགས་པར་གྱུར་ན་དེ་ལྟ་ན་རྒྱལ་བར་འགྱུར་རམ། ཁྱོད་ལྷུང་བཟེད་ནག་པོས་འཚོ་བར་མི་བྱེད་པས། དེས་ན་ཀུན་ཤེས་པ་བརྡ་སྤྲོད་པར་བྱེད་ཅིང་དེ་ཡང་འབྲས་བུ་མེད་པར་གྱུར་ཏེ། ཁྱོད་ཀྱིས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་ཀྱིས་ཁྱེད་ལ་ལྟུང་བ་བྱུང་བ་དེ་ཆོས་བཞིན་དུ་སླར་མཛོད་ཅིག་།ཚེ་དང་ལྡན་པ་དག་ལྟུང་བ་མ་མཐོང་ངོ ། །དྲུག་སྡེ་རྣམས་ཀྱིས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ་ཞེས་གསུངས་པས་དེའི་ཕྱིར་འདི་ལ་ཅིའི་ཕྱིར་ལྷག་པར་བཏང་སྙོམས་སུ་བྱ། ཁང་སྐྱོང་སུ་ཡིན། ཆེ་གེ་མོ་ཞིག་གོ་།བོས་ཤིག་།བོས་སོ། ། ཚེ་དང་ལྡན་པ་གཎྜཱི་རྡུངས་ཤིག་།མོའུ་འགལ་གྱི་བུ་ཆེན་པོ་དོན་ཉུང་ངུ་ལ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་པས་དེ་ལྟུང་བ་མ་མཐོང་བའི་ཕྱིར། གནས་ནས་དབྱུང་བའི་ལས་བྱའོ། །ཁང་སྐྱོང་
Ca271b
དགེ་འདུན་གྱི་གནས་བརྟན་གྱི་གན་དུ་སོང་བ་དང ། དྲུག་སྡེ་དག་ཀྱང་དེ་དང་ལྷན་ཅིག་དོང་ངོ ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་དེ། དེ་རྟག་ཏུ་གཎྜཱི་བརྡུངས་པ་ན། ཚེ་དང་ལྡན་པ་སུ་ཞིག་།ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་བྱེད་ཅེས་ཆོས་ཀྱི་དབང་དུ་བྱས་པ་རྨེད་པར་བྱེད་དོ། །དྲུག་སྡེ་དག་གིས་སྨྲས་པ། གནས་བརྟན་སུ་ཡང་ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པ་མི་བགྱིད་དེ། འདི་ལྟར་ཚེ་དང་ལྡན་པ་མོའུ་འགལ་གྱི་བུ་ཆེན་པོས་འདྲུམས་པ་ལྟུང་བས། བཅོམ་ལྡན་འདས་ཀྱི་བསྟན་པ་འདྲལ་བར་བགྱིད་དེ། ལྷུང་བཟེད་ནག་པོས་འཚོ་བར་མི་བགྱིད་པས་དེས་ན་མིའི་ཆོས་བླ་མ་དམ་བཅའ་ཞིང་ཀུན་ཤེས་པ་བརྡ་སྤྲོད་པར་བགྱིད་དེ། དེ་ཡང་འབྲས་བུ་མ་མཆིས་པར་གྱུར་ནས། དེས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་དེ། དེ་ལ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པས་དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིའོ། །ཚེ་དང་ལྡན་པ་དག་དགེ་སློང་གནས་བརྟན་ལ་མཐོ་མ་བཙམས་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་པར་མཛད་པ་ཡིན་གྱིས་དེའི་སྤྱན་སྔར་དེང་ལ་དོན་འདི་ཞུས་ཤིག་།བཅོམ་ལྡན་འདས་ཀྱིས་ཁྱེད་
Ca272a
༄#། །ལ་ཇི་སྐད་ལུང་སྟོན་པ་དེ་དེ་ཁོ་ན་བཞིན་དུ་ཟུང་ཞིག་།སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གཡུལ་ངོར་དང་པོ་མི་མ་ཡིན་པ་དག་གཡུལ་འགྱེད་ཅིང ། དེའི་འོག་ཏུ་མི་རྣམས་གཡུལ་འགྱེད་དེ། གང་དུ་མི་མ་ཡིན་པ་རྣམས་རྒྱལ་བར་འགྱུར་བ་དེར་མི་རྣམས་ཀྱང་རྒྱལ་བར་འགྱུར་བས་དེའི་ཕྱིར་དགེ་སློང་མོའུ་འགལ་གྱི་བུ་ཆེན་པོས་ཡངས་པ་ཅན་གྱི་ལི་ཙ་བྱི་རྣམས་ལ་ལུང་བསྟན་པ་དེའི་ཚེ་ན། ཡངས་པ་ཅན་པའི་མི་མ་ཡིན་པ་རྣམས་ཀྱིས་རྒྱལ་པོའི་ཁབ་པའི་མི་མ་ཡིན་པ་རྣམས་ཕམ་པར་བྱས་སོ། །གང་གི་ཚེ་དེ་དག་གངྒཱའི་འགྲམ་དུ་ཕྱིན་པ་དེའི་ཚེ་ན། རྒྱལ་པོ་ཁབ་པའི་མི་མ་ཡིན་པ་དག་གིས་ཡངས་པ་ཅན་པའི་མི་མ་ཡིན་པ་དག་ཕམ་པར་བྱས་སོ། །གལ་ཏེ་དགེ་སློང་མོའུ་འགལ་གྱི་བུ་ཆེན་པོ་ལ་དེ་ཡང་དྲིས་པར་གྱུར་ན། དགེ་སློང་མོའུ་འགལ་གྱི་བུ་ཆེན་པོས་དེ་ཡང་ལུང་སྟོན་པར་འགྱུར་རོ། །དགེ་སློང་དག་དགེ་སློང་མོའུ་འགལ་གྱི་བུ་ཆེན་པོ་འདུ་ཤེས་དེ་ལྟ་བུས་ལུང་བསྟན་པ་ལ་ལྟུང་བ་མེད་དོ། །ཇི་ལྟར་ཡངས་པ་ཅན་པ་དག་གིས་སྔར་རྒྱལ་བར་བྱས་ནས། ཕྱིས་རྒྱལ་པོ་མ་སྐྱེས་དགྲས་གངྒཱའི་འགྲམ་དུ་འཆི་བའི་ཤུགས་ཀྱིས་བསྡོས་པས་ཕམ་པར་བྱས་པ་དེ་བཞིན་དུ་རྒྱལ་པོ་མ་སྐྱེས་དགྲས་སྔར་རྒྱལ་བ་བྱས་ནས། ཕྱིས་ཡངས་པ་ཅན་པ་དག་གིས་གངྒཱའི་འགྲམ་དུ་འཆི་བའི་ཤུགས་ཀྱིས་བསྡོས་ནས་ཕམ་པར་བྱས་པ་ཡང་དེ་བཞིན་རྒྱས་པར་སྦྱར་བར་བྱའོ། །སངས་
Ca272b
རྒྱས་བཅོམ་ལྡན་འདས་ཡངས་པ་ཅན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ། །དེའི་ཚེ་ན་མུ་སྟེགས་ཅན་རྣམས་ཀྱིས་ལོ་བཅུ་གཉིས་སུ་ཐན་པ་འབྱུང་བར་བསྟན་ཏོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཡངས་པ་ཅན་དུ་བསོད་སྙོམས་ལ་ཞུགས་པ་དང ། དེ་ལ་ཡངས་པ་ཅན་གྱི་ལི་ཙ་བྱི་རྣམས་ཀྱིས་དྲིས་པ། འཕགས་པ་ཡུན་ཇི་སྲིད་ཀྱིས་ལྷས་ཆར་འབེབས་པར་འགྱུར། དེས་སྨྲས་པ། ཤེས་ལྡན་དག་ཉི་མ་བདུན་འདས་ནས་སོ། །དེ་དག་འཕགས་པ་མོའུ་འགལ་གྱི་བུ་ཆེན་པོས་ཉི་མ་བདུན་འདས་ནས་ལྷས་ཆར་འབེབས་པར་འགྱུར་རོ་ཞེས་ལུང་བསྟན་ཏོ་ཞེས་དེ་དག་གི་ཁྱིམ་དང་བང་བ་ན་འདུག་པའི་འབྲུ་གང་དག་ཡིན་པ་དེ་དག་ཀྱང་ཕྱི་རོལ་ཏུ་ཁྱེར་ཏེ་བོར་རོ། །ཇི་ཙམ་ན་ཉི་མ་བདུན་འདས་ནས་ལྷས་འབྲུག་བསྒྲགས་ཤིང་སྒྲ་ཕྱུང་ནས་ས་རྒྱས་བཏབ་སྟེ་བཏང་བ་དང ། དེ་དག་ལམ་པོ་ཆེ་དང་སྲང་དང་བཞི་མདོ་དང་སུམ་མདོ་དག་ན། ཤེས་ལྡན་དག་མུ་སྟེགས་ཅན་རྣམས་དམ་པ་ཡིན་གྱིས་ཤཱཀྱའི་བུའི་དགེ་སྦྱོང་རྣམས་ནི་དེ་ལྟ་མ་ཡིན་ཏེ། རྟག་ཏུ་འགྲོ་བའི་ཤིང་ལྗོན་པ་བཞིན་དུ་ངུར་སྨྲིག་དག་གིས་ལུས་དག་དཀྲིས་ཤིང་འཁོད་པར་ཟད་ཀྱི་ཅུང་ཟད་ཀྱང་མི་ཤེས་སོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དེ་དག་སྨོད་པར་བྱེད་པ་ན་དྲུག་སྡེ་དག་ཀྱང་བསོད་སྙོམས་ལ་ཞུགས་ནས་དེ་དག་གིས་དེ་དག་སྨོད་པ་ཐོས་ནས་དྲུག་སྡེ་དག་གིས་སྨྲས་པ། ཤེས་ལྡན་དག་ཁྱེད་ཅག་སུ་ལ་སྨོད། ཁྱེད་ཅག་ལའོ། །ངེད་ཀྱིས་ཅི་བྱས། མུ་
Ca273a
༄#། །སྟེགས་ཅན་རྣམས་ཀྱིས་ལོ་བཅུ་གཉིས་སུ་ཐན་པ་འབྱུང་བ་བསྟན་ན་འཕགས་པ་མོའུ་འགལ་གྱི་བུ་ཆེན་པོས་ཉི་མ་བདུན་འདས་ནས་ལྷས་ཆར་འབེབས་པར་འགྱུར་རོ་ཞེས་ལུང་བསྟན་ནས། བདག་ཅག་གིས་ཁྱིམ་དང་བང་བ་ན་འདུག་པའི་འབྲུ་གང་དག་ཡིན་པ་དེ་དག་ཀྱང་ཕྱི་རོལ་ཏུ་ཁྱེར་ཏེ་བོར་ན་ལྷས་ཆར་མ་ཕབ་བོ། །དྲུག་སྡེ་དག་གིས་སྨྲས་པ། ཤེས་ལྡན་དག་མུ་སྟེགས་ཅན་རྣམས་ཀྱི་ཀུན་དུ་སྤྱོད་པ་ནི་གལ་ཏེ་སྤྲིན་ཀྱང་ཡོད། སྤྲིན་ལས་འབྲུག་ཀྱང་གྲག་།གློག་ཀྱང་འབྱུང ། ཕྱོགས་བཞི་ནས་རླུང་བསིལ་བ་དག་ཀྱང་ལྡང ། ལྷས་ཁད་ཀྱིས་དལ་བུ་དལ་བུས་ཆར་ཅུང་ཟད་ཀྱང་འབེབས་པ་དེའི་ཚེ་ན། དེ་དག་དང་འཇིག་རྟེན་དག་ཀྱང་ལྷས་གདོན་མི་ཟ་བར་ཆར་འབེབས་སོ་ཞེས་ཟེར་ན། ཆར་ཆེར་བབ་ཅིང་ས་རྒྱས་བཏབ་པར་གྱུར་ན་ལྟ་སྨོས་ཀྱང་ཅི་དགོས་པ་ཡིན་ནོ། །འདི་ལྟར་ཅི་འཕགས་པ་མོའུ་འགལ་གྱི་བུ་ཆེན་པོས་ལོ་ཏོག་ཐམས་ཅད་འགྲུབ་པར་འགྱུར་རོ་ཞེས་ལུང་བསྟན་ཏམ། དེ་དག་སྤོབས་པ་མེད་པར་གྱུར་ནས་ཅང་མི་སྨྲ་བར་འཁོད་པ་དང ། དྲུག་སྡེ་རྣམས་ཀྱིས་སྨྲས་པ། དགའ་བོ་ཉེ་དགའ་དེ་དག་ལ་གོ་བར་བྱས་ཟིན་མོད་ཀྱི། འོན་ཀྱང་དོན་ཉུང་ངུ་དེ་ལ་ལྟུང་བ་བྱུང་གིས་ཚུར་ཤེག་དེའི་གན་དུ་དོང་ལ་འཆགས་སུ་གཞུག་གོ་ཞེས་དེ་དག་ཟས་ཀྱི་བྱ་བ་བྱས་ནས་ཕྱག་འཚལ་ཏེ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ག་ལ་བ་དེར་དོང་ནས་ཕྱིན་པ་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །གནས་བརྟན་
Ca273b
ཕྱག་འཚལ་ལོ། །ཚེ་དང་ལྡན་པ་དག་ཨ་རོག་གྱ། གནས་བརྟན་ཇེ་སྐབས་ཕྱེ་ཤིག་།ཚེ་དང་ལྡན་པ་དག་ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །མུ་སྟེགས་ཅན་རྣམས་ཀྱིས་ལོ་བཅུ་གཉིས་སུ་ཐན་པ་འབྱུང་ངོ་ཞེས་བསྟན་ན། ཁྱོད་ཀྱིས་ཆར་འབབ་པར་འགྱུར་རོ་ཞེས་ལུང་བསྟན་གྱིས། ཆོས་གོས་ཀྱི་གྲཝ་རྫབ་ཀྱིས་མ་རུངས་པར་གྱུར་ན་མི་རུང་གིས་ཐེག་ཅིག་།ཁྱོད་ལྷུང་བཟེད་ནག་པོས་འཚོ་བར་མི་བྱེད་པས་དེས་ན་ཀུན་ཤེས་པ་བརྡ་སྤྲོད་པར་བྱེད་ཅིང་དེ་ཡང་འབྲས་བུ་མེད་པར་གྱུར་ཏེ། ཁྱོད་ཀྱིས་སྤྱོད་ཡུལ་བསྲེགས་པས་བདག་ཅག་གི་བསོད་སྙོམས་ཀྱང་མི་རྙེད་ཀྱིས། ཁྱོད་ལ་ལྟུང་བ་བྱུང་བ་དེ་ཆོས་བཞིན་དུ་སླར་མཛོད་ཅིག་།ཚེ་དང་ལྡན་པ་དག་ལྟུང་བ་མ་མཐོང་ངོ ། །དྲུག་སྡེ་རྣམས་ཀྱིས་སྨྲས་པ། ཚེ་དང་ལྡན་པ་དག་།བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་དབྱུང་བའི་ལས་བྱའོ་ཞེས་གསུངས་པས། དེའི་ཕྱིར་འདི་ལ་ཅིའི་ཕྱིར་ལྷག་པར་བཏང་སྙོམས་སུ་བྱ། ཁང་སྐྱོང་སུ་ཡིན། ཆེ་གེ་མོ་ཞིག་གོ་།བོས་ཤིག་།བོས་སོ། །ཚེ་དང་ལྡན་པ་དག་གཎྜཱི་རྡུངས་ཤིག་།མོའུ་འགལ་གྱི་བུ་ཆེན་པོ་དོན་ཉུང་ངུ་ལ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་པས་དེ་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ། །ཁང་སྐྱོང་དགེ་འདུན་གྱི་གནས་བརྟན་གྱི་གན་དུ་སོང་བ་དང ། དྲུག་སྡེ་དག་ཀྱང་དེ་དང་ལྷན་ཅིག་དོང་ངོ ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་དེ། དེ་རྟག་ཏུ་གཎྜཱི་བརྡུངས་པ་ན། ཚེ་དང་ལྡན་པ་སུ་ཞིག་ཡོངས་སུ་གནས་པའམ། གཞི་ནས་ཡོངས་སུ་
Ca274a
༄#། །གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་བྱེད་ཅེས་ཆོས་ཀྱི་དབང་དུ་བྱས་པ་རྨེད་པར་བྱེད་དོ། །དྲུག་སྡེ་དག་གིས་སྨྲས་པ། གནས་བརྟན་སུ་ཡང་ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་མི་བྱེད་དེ། འདི་ལྟར་ཚེ་དང་ལྡན་པ་མོའུ་འགལ་གྱི་བུ་ཆེན་པོས་འདྲུམས་པ་ལྟུང་བས་བཅོམ་ལྡན་འདས་ཀྱི་བསྟན་པ་འདྲལ་བར་བགྱིད། ལྷུང་བཟེད་ནག་པོས་འཚོ་བར་མི་བགྱིད་པས། དེས་ན་མིའི་ཆོས་བླ་མ་དམ་བཅའ་ཞིང་ཀུན་ཤེས་པ་བརྡ་སྤྲོད་པར་བགྱིད་དེ། དེ་ཡང་འབྲས་བུ་མ་མཆིས་པར་གྱུར་ནས་དེས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་དེ། དེ་ལ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པས། དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིའོ། །ཚེ་དང་ལྡན་པ་དག་དགེ་སློང་གནས་བརྟན་ལ་མཐོ་མ་བཙམས་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་པར་མཛད་པ་ཡིན་གྱིས། དེའི་སྤྱན་སྔར་དེང་ལ་དོན་འདི་ཞུས་ཤིག་།བཅོམ་ལྡན་འདས་ཀྱིས་ཁྱེད་ལ་ཇི་ལྟར་ལུང་སྟོན་པ་དེ་དེ་ཁོ་ན་བཞིན་ཟུངས་ཤིག་།སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་དག་ནི་ལྟས་
Ca274b
མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་ལྔ་དང ། རྐྱེན་ལྔ་ཡིན་ཏེ། ལྔ་གང་ཞེ་ན། འདི་ལྟར་སྤྲིན་ཡང་ཡོད་གློག་ཀྱང་འབྱུང ། སྤྲིན་ལས་འབྲུག་ཀྱང་གྲག་།ཕྱོགས་བཞི་ནས་རླུང་བསིལ་བ་དག་ཀྱང་ལྡང ། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ས་གཞི་ཆེན་པོ་འདི་ལས་མེའི་ཁམས་མངོན་པར་འཕགས་ནས།་དེས་ཆར་པ་དེ་བར་མ་དོ་ཁོ་ནར་སྐམ་པར་བྱེད་དེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་དང་པོ་དང་རྐྱེན་དང་པོ་ཡིན་ནོ། ། གཞན་ཡང་སྤྲིན་ཡང་ཡོད། གློག་ཀྱང་འབྱུང ། སྤྲིན་ལས་འབྲུག་ཀྱང་གྲག་།ཕྱོགས་བཞི་ནས་རླུང་བསིལ་བ་དག་ཀྱང་ལྡང ། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ནམ་མཁའ་ལ་མི་མཉམ་པའི་རླུང་དག་ལྡང་ཞིང་དེས་ཆར་པ་དེ་ཌ་ན་ད་ཀའི་དགོན་པ་དག་དང ། ཀ་ལིང་ཀའི་དགོན་པ་དག་དང ། མ་ཏང་ཀའི་དགོན་པ་དག་ཏུ་འབེབས་པར་བྱེད་དེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང ། མི་རྟོག་པ་ཐན་པ་ཆེན་པོའི་རྒྱུ་གཉིས་པ་དང་རྐྱེན་གཉིས་པ་ཡིན་ནོ། །གཞན་ཡང་སྤྲིན་ཡང་ཡོད་གློག་ཀྱང་འབྱུང ། སྤྲིན་ལས་འབྲུག་ཀྱང་གྲག ། ཕྱོགས་བཞི་ནས་རླུང་བསིལ་བ་དག་ཀྱང་ལྡང ། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ལྷའི་བུ་ཆར་གྱི་ཤུགས་ཅན་དག་རབ་ཏུ་མྱོས་པར་གནས་པ་དང །
Ca275a
༄#། །བག་མེད་པར་གནས་ཤིང ། དེ་དག་རབ་ཏུ་མྱོས་པར་གནས་པ་དང ། བག་མེད་པར་གནས་པས་ལྷས་དུས་དང་དུས་སུ་ཆུའི་རྒྱུན་ལེགས་པར་འབེབས་སུ་མི་སྟེར་ཏེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་གསུམ་པ་དང ། རྐྱེན་གསུམ་པ་ཡིན་ནོ། །གཞན་ཡང་སྤྲིན་ཡང་ཡོད་གློག་ཀྱང་འབྱུང ། སྤྲིན་ལས་འབྲུག་ཀྱང་གྲག་།ཕྱོགས་བཞི་ནས་རླུང་བསིལ་བ་དག་ཀྱང་ལྡང ། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་མི་རྣམས་ཆོས་མ་ཡིན་པའི་འདོད་ཆགས་ཀྱིས་ཆགས་པ་དང ། འདོད་པ་དཀའ་བས་ཟིལ་གྱིས་ནོན་པ་དང ། ཆོས་ལོག་པས་དཀྲིས་པར་གྱུར་ན། ཆོས་མ་ཡིན་པའི་འདོད་ཆགས་ཀྱིས་ཆགས་པ་དང ། འདོད་པ་དཀའ་བས་ཟིལ་གྱིས་ནོན་པ་དང ། ཆོས་ལོག་པས་དཀྲིས་པ་དེ་དག་ལ་ལྷས་དུས་དང་དུས་སུ་ཆུའི་རྒྱུན་ལེགས་པར་འབབ་ཏུ་མི་སྟེར་ཏེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་བཞི་པ་དང ། རྐྱེན་བཞི་པ་ཡིན་ནོ། །གཞན་ཡང་སྤྲིན་ཡང་ཡོད་གློག་ཀྱང་འབྱུང ། སྤྲིན་ལས་འབྲུག་ཀྱང་གྲག་།ཕྱོགས་བཞི་ནས་རླུང་བསིལ་བ་དག་ཀྱང་ལྡང ། ལྟས་མཁན་དག་ཀྱང་ལྷས་ཆར་འབེབས་པར་འགྱུར་རོ་ཞེས་སྟོན་མོད་ཀྱི། འོན་ཀྱང་ལྷ་མ་ཡིན་གྱི་དབང་པོ་སྒྲ་གཅན་རྒྱ་མཚོ་ཆེན་པོ་ནས་མངོན་པར་འཕགས་ནས། དེས་ཆར་པ་དེ་ལག་པ་གཉིས་ཀྱིས་བཟེད་ཅིང་རྒྱ་མཚོ་ཆེན་པོར་ལྡུགས་པར་
Ca275b
བྱེད་དེ། འདི་ནི་ལྟས་མཁན་དག་གིས་ལྷས་ཆར་འབེབས་པར་འགྱུར་རོ་ཞེས་སྟོན་ཀྱང་མི་རྟོག་པ་ཐན་པ་ཆེན་པོའི་རྒྱུ་ལྔ་པ་དང ། རྐྱེན་ལྔ་པ་ཡིན་ནོ། །དགེ་སློང་དག་འདི་ལྟར་དེའི་ཚེ་ལྷས་ཆར་ཕབ་མོད་ཀྱི། དེ་ན་ལྷ་མ་ཡིན་གྱི་དབང་པོ་སྒྲ་གཅན་རྒྱ་མཚོ་ཆེན་པོ་ནས་མངོན་པར་འཕགས་ནས། དེས་ཆར་པ་དེ་ལག་པ་གཉིས་ཀྱིས་བཟེད་ཅིང་རྒྱ་མཚོ་ཆེན་པོར་བླུགས་སོ། །ཅི་དེ་དག་གིས་ལོ་ཏོག་ཐམས་ཅད་གྲུབ་པར་འགྱུར་རམ་ཞེས་དྲིས་སམ། གལ་ཏེ་དགེ་སློང་མོའུ་འགལ་གྱི་བུ་ཆེན་པོ་ལ་དེ་ཡང་དྲིས་པར་གྱུར་ན། དགེ་སློང་མོའུ་འགལ་གྱི་བུ་ཆེན་པོས་དེ་ཡང་ལུང་སྟོན་པར་འགྱུར་རོ། །དགེ་སློང་དག་དགེ་སློང་མོའུ་འགལ་གྱི་བུ་ཆེན་པོས་འདུ་ཤེས་དེ་ལྟ་བུས་ལུང་བསྟན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ། །དེའི་ཚེ་ན་ཡངས་པ་ཅན་ན་གཅེར་བུ་པའི་ཉན་ཐོས་ཤིག་འདུག་པ་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་མོའུ་འགལ་གྱི་བུ་ཆེན་པོ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ།་ཡངས་པ་ཅན་དུ་བསོད་སྙོམས་ལ་ཞུགས་སོ། །དེ་མཐར་གྱིས་བསོད་སྙོམས་རྒྱུ་བ་ན། དེའི་ཁྱིམ་དུ་ཞུགས་པ་དང ། དེས་བསམས་པ་འཕགས་པ་མོའུ་འགལ་གྱི་བུ་ཆེན་པོ་འདི་ནི་མཆོག་གསུམ་པ་སྟེ།་འདིས་མི་ཤེས་པའམ། མ་མཐོང་བའམ། མ་རིག་པའམ། རྣམ་པར་མི་ཤེས་པ་ཅུང་ཟད་ཀྱང་མེད་དོ་ཞེས་གྲག་གིས་བདག་གིས་འདི་ལ་བདག་གི་ཆུང་མ་སྦྲུམ་པ་འདི་ལས་ཁྱེའུའམ། བུ་མོའམ་ཅི་
Ca276a
༄#། །ཞིག་སྐྱེ་བར་འགྱུར་བ་གསུངས་ཤིག་ཅེས་དྲི་བར་བྱའོ་སྙམ་དུ་རིག་ནས། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་བདག་གི་མཆིས་བྲང་འདི་སྦྲུམ་ན་ཅི་འདིའི་མངལ་ན་ཁྱེའུ་མཆིས་སམ་འོན་ཏེ་བུ་མོ་མཆིས། དེས་སྨྲས་པ། བཞིན་བཟང་ཁྱེའུའོ། །འཇིག་རྟེན་ནི་འབྱོར་པ་འདོད་པས་དེ་རངས་པ་དང ། དགའ་བ་དང ། རབ་ཏུ་དགའ་བས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་བཟའ་བ་དང་བཅའ་བ་གཙང་བ་གསོད་པས་ལྷུང་བཟེད་བཀང་སྟེ་བྱིན་ནས་སྨྲས་པ། འཕགས་པ་ཡང་གཤེགས་སུ་གསོལ། ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཨ་རོག་གྱ་ཞེས་སྨྲས་ཏེ་སོང་ངོ ། །དེའི་ཁྱིམ་དང་ཧ་ཅང་མི་རིང་བ་ན་གཅེར་བུ་པ་ཞིག་འདུག་པ་དེས། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལྷུང་བཟེད་བཀང་སྟེ་སོང་བ་མཐོང་ནས ། དེས་བསམས་པ། བདག་གི་སློང་མོ་སྟེར་བའི་ཁྱིམ་གཅིག་པུ་ཡོད་པ་གང་ཡིན་པ་དེར་ཤཱཀྱའི་བུ་དགེ་སྦྱོང་དག་རྒྱུ་བར་འགྱུར་བ་ནི་མ་ལེགས་ཀྱིས་དེའི་ཕྱིར་ཇེ་ཁྱིམ་བདག་དེའི་གན་དུ་སོང་ལ་དེས་ཁྱིམ་བདག་དང་ལྷན་ཅིག་གཏམ་ཅི་ཞིག་བྱས་པར་གྱུར་པ་དྲིའོ་སྙམ་ནས་དེ་མྱུར་བ་མྱུར་བར་ཁྱིམ་བདག་གི་གན་དུ་སོང་སྟེ་སྨྲས་པ། ཁྱིམ་བདག་དགེ་སྦྱོང་མོའུ་འགལ་གྱི་བུ་ཆེན་པོ་འོངས་སམ། འོངས་སོ། ཁྱོད་ཀྱིས་ཅུང་ཟད་དྲིས་སམ། དྲིས་སོ། །ཅི་དྲིས་བདག་གི་མཆིས་བྲང་འདི་སྦྲུམ་ན་ཅི་འདིའི་མངལ་ན་ཁྱེའུ་མཆིས་སམ། འོན་ཏེ་བུ་མོ་མཆིས་ཤེས་དྲིས་པ་དང ། དེ་ན་རེ། ཁྱེའུའོ་ཞེས་ཟེར་རོ། །
Ca276b
གཅེར་བུ་པ་དེ་རྟོག་གེའི་ཤེས་པ་ལ་མཁས་པས་བརྩི་བར་བརྩམས་པ་དང ། ཇི་ཙམ་ན་བུ་མོར་མཐོང་ནས། དེ་བཞིན་སྒྱུར་བར་བྱེད། ལག་པ་གཉིས་འདྲིལ་བར་བྱེད་དོ། །ཁྱིམ་བདག་དེས་གཅེར་བུ་པ་དེ་ལ་དྲིས་པ། ཅིའི་ཕྱིར་བཞིན་སྒྱུར་བར་བྱེད། ལག་པ་གཉིས་འདྲིལ་བར་བྱེད། གཅེར་བུས་སྨྲས་པ། ཁོ་བོས་བུ་མོར་མཐོང་གི་ཁྱེའུར་མ་མཐོང་ངོ ། །ཁྱིམ་བདག་དེས་སྤྱོས་ནས་དཔྲལ་བར་དཔྲལ་རྩ་གསུམ་བསྒྲེང་ཞིང་ཁྲོ་གཉེར་བྱས་ཏེ། སྨྲས་པ། གཅེར་བུ་པ་སྒྲེ་བྱི་ཁྱོད་ཅི་ཤེས། ཁྱོད་པས་འཕགས་པ་མོའུ་འགལ་གྱི་བུ་ཆེན་པོའི་མཁྱེན་པ་ཆེས་དྲི་མ་ཅན་ཡིན་ནམ། འཕགས་པ་མོའུ་འགལ་གྱི་བུ་ཆེན་པོས་ཁྱེའུའོ་ཞེས་ལུང་བསྟན་ན་ཁྱོད་བུ་མོའོ་ཞེས་ཟེར་རམ། དེ་དེ་ལྟར་ཚར་བཅད་ནས་ཡང་བརྩི་བར་བརྩམས་པ་དང ། བུ་མོ་ཉིད་དུ་མཐོང་ནས། ཀུན་ནས་དཀྲིས་པས་སྨྲས་པ། གལ་ཏེ་དགེ་སྦྱོང་ཤཱཀྱའི་བུའི་ཉིད་ཀྱིས་ལུང་བསྟན་དུ་ཟིན་ཀྱང ། དེ་ལྟ་ན་ཡང་འདི་ནི་བུ་མོ་ཉིད་ཡིན་གྱི། ཁྱེའུ་མ་ཡིན་ནོ། །ཇི་ཙམ་ན་དེ་ཟླ་བ་དགུ་འདས་ཏེ་བཙས་པ་ལས་བུ་མོ་ཞིག་སྐྱེས་ནས་ཁྱིམ་བདག་དེ་ནང་མི་དང་བཅས་པ་གཅེར་བུ་པ་དག་དམ་པ་ཡིན་གྱི་ཤཱཀྱའི་བུའི་དགེ་སྦྱོང་རྣམས་ནི་དེ་ལྟ་མ་ཡིན་ཏེ། འཕགས་པ་མོའུ་འགལ་གྱི་བུ་ཆེན་པོས་ཁྱེའུའོ་ཞེས་ལུང་བསྟན་ན། འདི་བུ་མོར་གྱུར་ཏོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད།་ཁ་ཟེར་བར་བྱེད་དོ། །ཐོས་པ་གཅིག་ནས་གཅིག་ཏུ་བརྒྱུད་པས་ཡངས་པ་ཅན་ན་གནས་པའི་སྐྱེ་བོའི་ཚོགས་ཀྱང་ལམ་པོ་ཆེ་དང་སྲང་དང་བཞི་མདོ་དང ། སུམ་མདོ་དག་ན་སྨོད་པ་ལ་ཞུགས་པར་
Ca277a
༄#། །གྱུར་ཏོ། །དེ་དག་སྨོད་པར་བྱེད་པ་ན་དྲུག་སྡེ་དག་སྔ་དྲོ་ཤམ་ཐབས་དགོས། ལྷུང་བཟེད་དང་ཆོས་གོས་ཐོགས་ཏེ། ཡངས་པ་ཅན་དུ་བསོད་སྙོམས་ལ་ཞུགས་པ་དང།་དེ་དག་གིས་དེ་དག་སྨོད་པ་ཐོས་སོ། །ཐོས་ནས་སྨྲས་པ། ཤེས་ལྡན་དག་ཁྱེད་ཅག་སུ་ལ་སྨོད། ཁྱེད་ཅག་ལའོ། །ངེད་ཀྱིས་ཅི་བྱས། འཕགས་པ་མོའུ་འགལ་གྱི་བུ་ཆེན་པོས་གཅེར་བུ་པའི་ཉན་ཐོས་ཀྱི་ཆུང་མའི་མངལ་ན་ཁྱེའུ་ཡོད་དོ་ཞེས་ལུང་བསྟན་ན། དེ་ལས་ད་བུ་མོ་བཙས་སོ། །དྲུག་སྡེ་དག་གིས་སྨྲས་པ། ཤེས་ལྡན་དག་འཇིག་རྟེན་ཐམས་ཅད་ཤེས་པ་རྒྱ་མཚོ་ལ་འཁྲུལ་པ་ཡོད་ཀྱིས། བཅོམ་ལྡན་འདས་ཉག་གཅིག་ཆོས་རྣམས་ལ་སྐྱོབ་པ་ཡིན་གྱིས་སྐྱོབ་པ་གཞན་མེད་དོ། །གཞན་ཡང་མིའི་སྐྱེ་དགུ་རྣམས་ལ་ཁྱེའུའམ་བུ་མོ་བཙའ་བར་ཟད་ཀྱི་གཞན་ཅི་ཞིག་ཏུ་འགྱུར། ཅི་ཁྱི་ཞིག་གམ། འོན་ཏེ་སྤྲེའུ་ཞིག་ཏུ་འགྱུར་སྙམ་མམ། དེ་དག་སྤོབས་པ་མེད་པར་གྱུར་ཏེ། ཅང་མི་སྨྲ་བར་འཁོད་པ་དང་དྲུག་སྡེ་དག་གིས་སྨྲས་པ། དགའ་བོ་ཉེ་དགའ་དེ་དག་ལ་གོ་བར་བྱས་ཟིན་མོད་ཀྱི་དོན་ཉུང་ངུ་དེ་ལ་ལྟུང་བ་བྱུང་གིས་ཚུར་ཤེག་དེའི་གན་དུ་དོང་ལ་འཆགས་སུ་གཞུག་གོ་ཞེས་དེ་དག་ཟས་ཀྱི་བྱ་བ་བྱས་ནས་ཕྱག་འཚལ་ཏེ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ག་ལ་བ་དེར་དོང་ནས་ཕྱིན་པ་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །གནས་བརྟན་ཕྱག་འཚལ་ལོ། །ཚེ་དང་ལྡན་པ་དག་ཨ་རོག་གྱ། གནས་བརྟན་ཇེ་
Ca277b
སྐབས་ཕྱེ་ཤིག་།ཚེ་དང་ལྡན་པ་དག་ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །གནས་བརྟན་གྱིས་ཅི་གཅེར་བུ་པའི་ཉན་ཐོས་ཀྱི་ཆུང་མའི་མངལ་ན་ཁྱེའུ་ཡོད་དོ་ཞེས་ལུང་བསྟན་ཏམ། ལུང་བསྟན་ཏོ། །བཞུད་ཅིག་དང་དགའ་བ་འཕེལ་བ་ཉམས་སུ་མྱོང་ཞིང་འབྲུ་མར་དང་བུ་རམ་ཡང་ཐོབ་པར་འགྱུར་རོ། །ཁྱོད་ལྷུང་བཟེད་ནག་པོས་འཚོ་བར་མི་བྱེད་པས། དེས་ན་ཀུན་ཤེས་པ་བརྡ་སྤྲོད་པར་བྱེད་ཅིང ། དེ་ཡང་འབྲས་བུ་མེད་པར་གྱུར་ཏོ། །ཁྱོད་ཀྱིས་སྤྱོད་ཡུལ་བསྲེགས་པས་ཁོ་བོ་ཅག་གིས་བསོད་སྙོམས་ཀྱང་མི་ཐོབ་ཀྱིས་ཁྱོད་ལ་ལྟུང་བ་བྱུང་བ་དེ་ཆོས་བཞིན་དུ་སླར་མཛོད་ཅིག་།ཚེ་དང་ལྡན་པ་དག་ལྟུང་བ་མ་མཐོང་ངོ ། ། དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ་ཞེས་གསུངས་པས་དེའི་ཕྱིར་འདི་ལ་ཅིའི་ཕྱིར་ལྷག་པར་བཏང་སྙོམས་སུ་བྱ།་ཁང་སྐྱོང་སུ་ཡིན། ཆེ་གེ་མོ་ཞིག་གོ་།བོས་ཤིག་།བོས་སོ། །ཚེ་དང་ལྡན་པ་གཎྜཱི་རྡུངས་ཤིག་།མོའུ་འགལ་གྱི་བུ་ཆེན་པོ་དོན་ཉུང་ངུ་ལ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་པས་དེ་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ། །ཁང་སྐྱོང་དགེ་འདུན་གྱི་གནས་བརྟན་གྱི་གན་དུ་སོང་བ་དང ། དྲུག་སྡེ་དག་ཀྱང་དེ་དང་ལྷན་ཅིག་དོང་ངོ ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་དེ། དེ་རྟག་ཏུ་གཎྜཱི་བརྡུངས་པ་ན། ཚེ་དང་ལྡན་པ་དག་སུ་ཞིག་།ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ།
Ca278a
༄#། །འབྱིན་པར་བྱེད་ཅེས་ཆོས་ཀྱི་དབང་དུ་བྱས་པ་འདྲི་བར་བྱེད་དོ། །དྲུག་སྡེ་དག་གིས་སྨྲས་པ། གནས་བརྟན་སུ་ཡང་ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་མི་བགྱིད་དེ། འདི་ལྟར་ཚེ་དང་ལྡན་པ་མོའུ་འགལ་གྱི་བུ་ཆེན་པོས་འདྲུམས་པ་ལྟུང་བས། བཅོམ་ལྡན་འདས་ཀྱི་བསྟན་པ་འདྲལ་བར་བགྱིད་དེ། ལྷུང་བཟེད་ནག་པོས་འཚོ་བར་མི་བགྱིད་པས། དེ་ན་མིའི་ཆོས་བླ་མ་དམ་བཅའ་ཞིང་ཀུན་ཤེས་པ་བརྡ་སྤྲོད་པར་བགྱིད། དེ་ཡང་འབྲས་བུ་མ་མཆིས་པར་གྱུར་ནས། དེས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་དེ། དེ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པས་དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིའོ། །ཚེ་དང་ལྡན་པ་དག་དགེ་སློང་གནས་བརྟན་ལ་མཐོ་མ་འཚམ་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་པར་མཛད་པ་ཡིན་གྱིས་དེའི་གན་དུ་དེང་ལ་དོན་འདི་ཞུས་ཤིག་།བཅོམ་ལྡན་འདས་ཀྱིས་ཁྱེད་ལ་ཇི་སྐད་ལུང་སྟོན་པ་དེ་དེ་ཁོ་ན་བཞིན་ཟུང་ཞིག་སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གནས་བཞི་པོ་འདི་དག་ནི་བསམ་པར་མི་བྱ་བ་དག་ཡིན་ཏེ། གང་
Ca278b
དག་སེམས་པར་བྱེད་པ་དག་མྱོས་པ་དང ། རྨོངས་པར་འགྱུར་ཞིང་སེམས་རྣམ་པར་གཡེངས་པ་ཐོབ་པར་འགྱུར་པ་ཡིན་ནོ། བཞི་གང་ཞེ་ན་འདི་ལྟ་སྟེ། བདག་ལ་སེམས་པ་དང ། འཇིག་རྟེན་ལ་སེམས་པ་དང།་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་དང ། སངས་རྒྱས་རྣམས་ཀྱི་སངས་རྒྱས་ཀྱི་ཡུལ་ལོ། །འདི་ལྟར་གང་གི་ཚེ་དགེ་སློང་མོའུ་འགལ་གྱི་བུས་ལུང་བསྟན་པ་དེའི་ཚེ་ན། དེ་ཁྱེའུར་ཡོད་པ་ཡིན་ལ། ཕྱིས་དེའི་ལས་ཀྱི་རྣམ་པར་སྨིན་པས་མཚན་གྱུར་ཏོ། །གལ་ཏེ་དགེ་སློང་མོའུ་འགལ་གྱི་བུ་ལ་དེ་ཡང་དྲིས་པར་གྱུར་ན། དགེ་སློང་མོའུ་འགལ་གྱི་བུས་དེ་ཡང་ལུང་སྟོན་པར་འགྱུར་རོ། །དགེ་སློང་དག་དགེ་སློང་མོའུ་འགལ་གྱི་བུས་འདུ་ཤེས་དེ་ལྟ་བུས། ལུང་བསྟན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན། འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། ། རྒྱལ་པོའི་ཁབ་ན་ཁྱིམ་བདག་ཅིག་འདུག་པ་དེས། གང་དགེ་སློང་གི་དགེ་འདུན་ལ་སོ་སོར་རིག་པར་མ་བྱས་པར་ཟས་སྦྱིན་པ་དེ་འཕྲལ་ཁོ་ན་ལོངས་སྤྱོད་དག་གིས་མངོན་པར་འཕེལ་ལོ་ཞེས་ཐོས་སོ། ། ཐོས་ནས་ཀྱང་དེ་འདི་སྙམ་དུ་སེམས་ཏེ། དེ་ནི་ནོར་གྲུབ་པའི་ཐབས་བཟང་པོ་ཡིན་གྱིས། བདག་གིས་ཀྱང་དགེ་སློང་གི་དགེ་འདུན་ལ་སོ་སོར་རིག་པར་མ་བྱས་པར་ཟས་སྦྱིན་པར་བྱའོ་སྙམ་ནས་དེས་སྲང་དུ་སོང་སྟེ། ཤ་མང་པོ་ཉོས་ནས། དེའི་འོག་ཏུ་ཟངས་ཀྱི་ནང་དུ་ཞུན་མར་མང་པོ་དང་སྦྱར་བའི་ཐུག་པ་བསྐོལ་ནས་གྲོང་ཁྱེར་གྱི་སྒོར་སྒོ་བ་ལ་ཀྱེ་ནང་རྗེ་དགེ་སློང་གང་ལ་ལ་ཞིག་བསོད་སྙོམས་ལ་འཇུག་ན་དེ་ཁོ་
Ca279a
༄#། །བོའི་ཁྱིམ་དུ་ཐོང་ཞིག་།ཅེས་སྤྲིང་པ་དང ། སྒོ་བ་དེས་སྨྲས་པ། ཁྱིམ་བདག་དེ་བཞིན་དུ་བཏང་ངོ་ཞེས་དགེ་སློང་བསོད་སྙོམས་ལ་འཇུག་པ་གང་མཐོང་བ་དེ་ལ་འཕགས་པ་ཁྱིམ་བདག་ཆེ་གེ་མོ་ཞིག་དེང ། དགེ་སློང་རྣམས་ལ་བསོད་སྙོམས་འབུལ་གྱིས་དེའི་སྡུམ་པར་བཞུད་ཅིག་ཅེས་སྨྲས་པ་དང ། དེ་དེའི་ཁྱིམ་དུ་སོང་ངོ ། །དེ་བཞིན་དུ་སྒོ་བས་བསོད་སྙོམས་པ་ཐམས་ཅད་ལ་བསྒོ་བ་དང ། བསོད་སྙོམས་པ་ཐམས་ཅད་ཁྱིམ་བདག་དེའི་ཁྱིམ་དུ་དོང་ངོ ། །དེ་ནས་ཁྱིམ་བདག་དེས་ཤིན་ཏུ་སྣུམ་པའི་ཤའི་ཐུག་པ་དག་གིས་དེ་དག་སོ་སོའི་ལྷུང་བཟེད་བཀང་སྟེ་བྱིན་ནོ། །དེའི་ཉིན་མོ་ནམ་མཁའ་སྤྲིན་གྱིས་ཁེབས་ཤིང་ཡུལ་ངན་བྱུང་བར་གྱུར་ནས། དགེ་སློང་དག་ཟན་ཟོས་ནས་ལྷུང་བཟེད་སྣུམ་པོ་འདི་དག་རྩུབ་པར་བྱ་མི་ནུས་ཀྱིས་དེ་ན་ཆུ་དྲོན་ཡིད་ཀྱིས་ཆུ་དྲོན་གྱི་གན་དུ་སོང་སྟེ།་བཀྲུ་བར་བྱའོ་ཞེས་དེ་དག་ཆུ་དྲོན་གྱི་གན་དུ་སོང་སྟེ། བཀྲུ་བར་བརྩམས་པ་དང ། ཇི་ཙམ་ན་དགེ་སློང་གཞོན་ནུ་ཞིག་ལ་ཆུ་དྲོན་འདི་གང་ནས་འོང་སྙམ་པའི་ཚུལ་བཞིན་ཡིད་ལ་བྱེད་པ་བྱུང་ནས། དེ་དང་ཡང་ཧ་ཅང་མི་རིང་བ་ན། ཚེ་དང་ལྡན་པ་ཉེ་དགའ་ལྷུང་བཟེད་འཁྲུ་བར་བྱེད་དེ། དེའི་གན་དུ་སོང་ནས་བཙུན་པ་ཉེ་དགའ་ཆུ་དྲོན་འདི་གང་ནས་འོང་ཞེས་དྲིས་པ་དང ། དེ་དང་ཡང་ཧ་ཅང་མི་རིང་བ་ནས། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལྷུང་བཟེད་འཁྲུ་བར་བྱེད་ནས་ཉེ་དགས་སོང་ལ་དོན་ཉུང་ངུ་འདི་ལ་དྲིས་ཤིག་ཅེས་གཞོན་ནུ་ཚེ་དང་ལྡན་པ་མོའུ་འགལ་གྱི་བུ་ཆེན་པོའི་གན་དུ་བཏང་བ་དང །
Ca279b
གཞོན་ནུ་དེ་སྤྱོད་ལམ་ཞི་བ་རྒྱ་ཆེན་པོས་དེའི་གན་དུ་སོང་སྟེ། གུས་པ་དང་བཅས་པས་དྲིས་པ། གནས་བརྟན་ཆབ་དྲོན་འདི་ག་ལས་མཆི། དེས་སྨྲས་པ། ཚེ་དང་ལྡན་པ་མཚོ་ཆེན་པོ་མ་དྲོས་པ་ནས་སོ། །ཉེ་དགས་ཐོས་ནས་དེས་སྨྲས་པ། ཚེ་དང་ལྡན་པ་མདོ་སྡེའི་མཐའ་ལ་གནོད་པར་མ་བྱེད་ཅིག་།ཆོས་ཀྱི་ཁྲིད་བྱེད་རྣམ་པར་མ་དཀྲུགས་ཤིག་།ཆོས་ཀྱི་མངལ་མ་རྟོལ་ཅིག་།འདི་ལྟར་ཁོ་བོ་ཅག་ལ་རྟོག་པ་མེད་ཀྱང་ཅི་ལུང་ཡང་མེད་དམ། བཅོམ་ལྡན་འདས་ཀྱིས་མཚོ་ཆེན་པོ་མ་དྲོས་པའི་ཆུ་ནི་ཡན་ལག་བརྒྱད་དང་ལྡན་པ་ཡིན་ཏེ། བསིལ་བ་དང ། མངར་བ་དང ། ཡང་བ་དང ། འཇམ་པ་དང ། དང་བ་དང ། དྲི་ང་བ་མེད་པ་དང ། འཐུང་བ་ན་མགུལ་པ་ལ་མི་གནོད་པ་དང ། འཐུངས་ན་ལྟོ་ལ་མི་གནོད་པའོ་ཞེས་གསུངས་ན། དེའི་ཕྱིར་ཁྱོད་ཀྱིས་ཡན་ལག་དང་པོ་ཉིད་ཀྱིས་བསླུས་སོ། །ཁྱོད་ལྷུང་བཟེད་ནག་པོས་འཚོ་བར་མི་བྱེད་པས་དེས་ན་ཀུན་ཤེས་པ་བརྡ་སྤྲོད་པར་བྱེད་ཅིང་དེ་ཡང་འབྲས་བུ་མེད་པར་གྱུར་ཏེ། ཁྱོད་ཀྱིས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་ཀྱིས། ཁྱོད་ལ་ལྟུང་བ་བྱུང་བ་དེ་ཆོས་བཞིན་དུ་སླར་མཛོད་ཅིག་།ཚེ་དང་ལྡན་པ་ལྟུང་བ་མ་མཐོང་ངོ ། །དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་འབྱུང་བའི་ལས་བྱའོ་ཞེས་གསུངས་པས་དེའི་ཕྱིར་འདི་ལ་ཅིའི་ཕྱིར་ལྷག་པར་བཏང་སྙོམས་སུ་བྱ། ཁང་སྐྱོང་སུ་ཡིན། ཆེ་གེ་མོ་ཞིག་གོ་།བོས་ཤིག་།བོས་སོ། །ཚེ་དང་ལྡན་པ་གཎྜཱི་རྡུངས་ཤིག་།མོའུ་དགལ་གྱི་བུ་ཆེན་པོ་དོན་ཉུང་
Ca280a
༄#། །ངུ་ལ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་པས། དེ་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ། །ཁང་སྐྱོང་དགེ་འདུན་གྱི་གནས་བརྟན་གྱི་གན་དུ་སོང་བ་དང ། དྲུག་སྡེ་དག་ཀྱང་དེ་དང་ལྷན་ཅིག་དོང་ངོ ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་དེ། དེ་རྟག་ཏུ་གཎྜཱི་བརྡུངས་པ་ན། ཚེ་དང་ལྡན་པ་དག་སུ་ཞིག་།ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་བྱེད་ཅེས་ཆོས་ཀྱི་དབང་དུ་བྱས་པ་འདྲི་བར་བྱེད་དོ། །དྲུག་སྡེ་དག་གིས་སྨྲས་པ།་གནས་བརྟན་སུ་ཡང་ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་མི་བགྱིད་དེ། འདི་ལྟར་ཚེ་དང་ལྡན་པ་མོའུ་འགལ་གྱི་བུ་ཆེན་པོས་འདྲུམས་པ་ལྟུང་བས། བཅོམ་ལྡན་འདས་ཀྱི་བསྟན་པ་འདྲལ་བར་བགྱིད་དེ། ལྷུང་བཟེད་ནག་པོས་འཚོ་བར་མི་བགྱིད་པས། དེས་ན་མིའི་ཆོས་བླ་མ་དམ་བཅའ་ཞིང་ཀུན་ཤེས་པ་བརྡ་སྤྲོད་པ་བགྱིད་དེ། དེ་ཡང་འབྲས་བུ་མ་མཆིས་པར་གྱུར་ན། དེས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་དེ། དེ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པས།་དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིའོ། །ཚེ་དང་ལྡན་པ་དག་དགེ་སློང་གནས་བརྟན་ལ་མཐོ་མ་འཚམ་པར་འདི་ལྟར། སངས་རྒྱས་བཅོམ་ལྡན་འདས་འདི་ཐམས་ཅད་
Ca280b
མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་པར་མཛད་པ་ཡིན་གྱིས་དེའི་གན་དུ་དེང་ལ་དོན་འདི་ཞུས་ཤིག་།བཅོམ་ལྡན་འདས་ཀྱིས་ཁྱེད་ལ་ཇི་སྐད་ལུང་སྟོན་པ་དེ་དེ་ཁོ་ན་བཞིན་ཟུང་ཞིག་།སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་དེ་བཞིན་ནོ། ། དེ་དེ་བཞིན་ཏེ། ཆུ་དྲོན་དེ་ནི་མཚོ་ཆེན་པོ་མ་དྲོས་པ་ཁོ་ན་ལས་འོང་ངོ ། །དགེ་སློང་རྣམས་ཀྱིས་གསོལ་པ། བཅོམ་ལྡན་འདས་གལ་ཏེ་ཆབ་དེ་མཚོ་ཆེན་པོ་མ་དྲོས་པ་ལས་མཆི་ན། ཅིའི་སླད་དུ་དྲོ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་ལྟར་ཆུ་དེ་ཉིད་ཚ་བའི་སེམས་ཅན་དམྱལ་བ་ལྔ་བརྒྱའི་སྟེང་ནས་འོང་བའི་ཕྱིར་རོ། །གལ་ཏེ་དགེ་སློང་མོའུ་འགལ་གྱི་བུ་ལ་དེ་ཡང་དྲིས་པར་གྱུར་ན། དགེ་སློང་མོའུ་འགལ་གྱི་བུས་དེ་ཡང་ལུང་སྟོན་པར་འགྱུར་རོ། །དགེ་སློང་དག་དགེ་སློང་མོའུ་འགལ་གྱི་བུས་འདུ་ཤེས་དེ་ལྟ་བུས་ལུང་བསྟན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་ཁོ་བོ་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་པས་རྫིང་བུ་དལ་གྱིས་འབབ་ཀྱི་འགྲམ་ན་གླང་པོ་ཆེ་གཙོ་བོ་རབ་ཏུ་མང་པོ་དག་གིས་སྒྲ་སྐད་ཐོས་སོ། །དེའི་ཚེ་ཚེ་དང་ལྡན་པ་ཉེ་དགའ་འཁོར་དེ་ཉིད་ན་འདུག་ཅིང་མཐུན་པར་གྱུར་ནས་དེས་སྨྲས་
Ca281a
༄#། །པ།་ཚེ་དང་ལྡན་པ་མདོ་སྡེའི་མཐའ་ལ་གནོད་པ་མ་བྱེད་ཅིག་།ཆོས་ཀྱི་ཁྲིད་བྱེད་རྣམ་པར་མ་དཀྲུགས་ཤིག་།ཆོས་ཀྱི་མངལ་མ་རྟོལ་ཅིག་།འདི་ལྟར་བདག་ཅག་ལ་རྟོགས་པ་མེད་ཀྱང་ཅི་ལུང་ཡང་མེད་དམ། བཅོམ་ལྡན་འདས་ཀྱིས་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་པའི་གཟུགས་ཀྱི་འདུ་ཤེས་རྣམ་པར་བཤིག་ཅིང་སྒྲའི་འདུ་ཤེས་དང་བྲལ་ལོ་ཞེས་གསུངས་ན། དེའི་ཕྱིར་ཇི་ལྟར་གཟུགས་ཀྱི་འདུ་ཤེས་རྣམ་པར་བཤིག་ཅིང ། སྒྲའི་འདུ་ཤེས་དང་བྲལ་བ་དེས་གཟུགས་དག་མཐོང་བར་འགྱུར་ཞིང ། སྒྲ་དག་ཐོས་པར་འགྱུར་ཏེ། དེ་ནི་གནས་མེད་དོ། །ཁྱོད་ལྷུང་བཟེད་ནག་པོས་འཚོ་བར་མི་བྱེད་པས་དེས་ན་ཀུན་ཤེས་པ་བརྡ་སྤྲོད་པར་བྱེད་ཅིང་དེ་ཡང་འབྲས་བུ་མེད་པར་གྱུར་ཏེ། ཁྱོད་ཀྱིས་སྤྱོད་ཡུལ་བསྲེགས་པས། བདག་ཅག་གིས་བསོད་སྙོམས་ཀྱང་མི་རྙེད་ཀྱིས། ཁྱོད་ལ་ལྟུང་བ་བྱུང་བ་དེ་ཆོས་བཞིན་དུ་སླར་མཛོད་ཅིག་།ཚེ་དང་ལྡན་པ་ལྟུང་བ་མ་མཐོང་ངོ ། །དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་ལྟུང་བ་མ་མཐོང་བའི་ཕྱིར་གནས་ནས་དབྱུང་བའི་ལས་བྱའོ་ཞེས་གསུངས་པས། དེའི་ཕྱིར་འདི་ལ་ཅིའི་ཕྱིར་ལྷག་པར་བཏང་སྙོམས་སུ་བྱ། ཁང་སྐྱོང་སུ་ཡིན། ཆེ་གེ་མོ་ཞིག་གོ་།བོས་ཤིག་།བོས་སོ།། ཚེ་དང་ལྡན་པ་གཎྜཱའི་རྡུངས་ཤིག་།མོའུ་འགལ་གྱི་བུ་དོན་ཉུང་ངུ་ལ་ལྟུང་བ་ཆོས་བཞིན་དུ་ཕྱིར་མི་བྱེད་པས་དེ་ལྟུང་བ་མ་མཐོང་བའི་ཕྱིར་གནས་ནས་དབྱུང་བར་བྱའོ། །ཁང་སྐྱོང་དགེ་འདུན་གྱི་གནས་
Ca281b
བརྟན་གྱི་གན་དུ་སོང་བ་དང ། དྲུག་སྡེ་དག་ཀྱང་དེ་དང་ལྷན་ཅིག་དོང་ངོ ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་དེ། དེ་རྟག་ཏུ་གཎྜཱའི་བརྡུངས་པ་ན། ཚེ་དང་ལྡན་པ་དག་།སུ་ཞིག་།ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་བྱེད་ཅེས་ཆོས་ཀྱི་དབང་དུ་བྱས་པ་འདྲི་བར་བྱེད་དོ། །དྲུག་སྡེ་དག་གིས་སྨྲས་པ། གནས་བརྟན་སུ་ཡང་ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་མི་བགྱིད་དེ། འདི་ལྟར་ཚེ་དང་ལྡན་པ་མོའུ་འགལ་གྱི་བུ་ཆེན་པོས་འདྲུམས་པ་ལྟུང་བས། བཅོམ་ལྡན་འདས་ཀྱི་བསྟན་པ་འདྲལ་བར་བགྱིད་དེ། ལྷུང་བཟེད་ནག་པོས་འཚོ་བར་མི་བགྱིད་པས། དེས་ན་མིའི་ཆོས་བླ་མ་དམ་བཅའ་ཞིང་ཀུན་ཤེས་པ་བརྡ་སྤྲོད་པར་བགྱིད་དེ། དེ་ཡང་འབྲས་བུ་མ་མཆིས་པར་གྱུར་ནས། དེས་སྤྱོད་ཡུལ་བསྲེགས་པས་བདག་ཅག་གིས་བསོད་སྙོམས་ཀྱང་མི་རྙེད་དེ། དེ་ལ་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་པས། དེ་ལྟུང་བ་མ་མཐོང་བའི་སླད་དུ་གནས་ནས་དབྱུང་བའི་ལས་བགྱིའོ། །ཚེ་དང་ལྡན་པ་དག་དགེ་སློང་གནས་བརྟན་ལ་མཐོ་མ་འཚམ་པར་འདི་ལྟར་སངས་རྒྱས་བཅོམ་ལྡན་འདས་འདི་ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་དག་ལ་བླ་ན་མེད་པའི་མངའ་བརྙེས་པ། ཐེ་ཚོམ་ཐམས་ཅད་གཅོད་པར་མཛད་པ་ཡིན་གྱིས་དེའི་གན་དུ་དེང་ལ་དོན་འདི་ཞུས་ཤིག་།བཅོམ་ལྡན་འདས་ཀྱིས་ཁྱེད་ལ་
Ca282a
༄#། །ཇི་སྐད་ལུང་སྟོན་པ་དེ་དེ་ཁོ་ན་བཞིན་དུ་ཟུང་ཞིག་།སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་དེ་བཞིན་ནོ། །དེ་དེ་བཞིན་ཏེ། ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་པའི་གཟུགས་ཀྱི་འདུ་ཤེས་རྣམ་པར་བཤིག་ཅིང ། སྒྲའི་འདུ་ཤེས་དང་བྲལ་བས། གཟུགས་ཀྱི་འདུ་ཤེས་རྣམ་པར་བཤིག་ཅིང་སྒྲའི་འདུ་ཤེས་དང་བྲལ་བ་དེས་གཟུགས་དག་མཐོང་བར་མི་འགྱུར་ཞིང ། སྒྲ་དག་ཐོས་པར་མི་འགྱུར་ཏེ་དེ་ནི་གནས་མེད་དོ། །འདི་ལྟར་དགེ་སློང་མོའུ་འགལ་གྱི་བུ་ནི་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང་སྙོམས་པར་འཇུག་པ་དག་ཐོབ་པ་ཡིན་ཏེ། དེ་ནི་མྱུར་དུ་སྙོམས་པར་འཇུག་ཅིང་རྣམ་པར་ལྡང་བར་བྱེད་པས། དེས་སྙོམས་པར་ཞུགས་པའི་སེམས་ཉེ་བར་རྟོགས་ཤིང་རྣམ་པར་ལངས་པའི་སེམས་ནི་མ་རྟོགས་ཏེ། དགེ་སློང་དག་དགེ་སློང་མོའུ་འགལ་གྱི་བུ་རྣམ་པར་ལངས་པས་སྒྲ་དེ་ཐོས་སོ། །དགེ་སློང་དག་དགེ་སློང་མོའུ་འགལ་གྱི་བུས་འདུ་ཤེས་དེ་ལྟ་བུས་ལུང་བསྟན་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གི་ཉེན་པ་ལ་ལྟུང་བ་མེད་དོ། །ཕམ་པར་འགྱུར་བ་བཞི་པ་རྫོགས་ཏེ། ཕམ་པར་འགྱུར་བ་རྣམས་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་བཅོ་ལྔ་པ། སྡོམ་ལ། ཁུ་བ་འབྱིན་པ་འཁྲིག་ཚིག་བསྙེན་བཀུར་སྨྱན། །ཁང་པ་ཁང་ཆེན་དང་ནི་གཞི་མེད་པ།
Ca282b
བག་ཙམ་དགེ་འདུན་དབྱེན་དང་དེ་རྗེས་ཕྱོགས། །ཁྱིམ་སུན་འབྱིན་དང་བཀའ་བློ་མི་བདེ་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཆལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་འཆར་ཀའི་ཀུན་ཏུ་སྤྱོད་པ་ནི་གྲོང་ངམ་གྲོང་བརྡལ་གང་ན་ཉེ་བར་བརྟེན་ཅིང་གནས་པ་དེ་ནང་པར་སྔར་ལངས་ཏེ་གཙུག་ལག་ཁང་དུ་ཆག་ཆག་འདེབས་པར་བྱེད། ལེགས་པར་ཉུག་པར་བྱེད། བ་ལང་ལྕི་བ་སར་པའི་བྱུག་པས་སྐུད་པར་བྱེད་ཅིང ། དེ་གཙུག་ལག་ཁང་གི་ཕྱི་རོལ་ཏུ་རྐང་པ་གཉིས་བཀྲུས་ནས། ལག་པ་གཉིས་བསྙལ་ཏེ་སོ་ཤིང་བོར་ནས། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། གྲོང་ངམ་གྲོང་རྡལ་དེ་ཉིད་དུ་ལུས་མ་བསྲུངས། དབང་པོ་རྣམས་མ་བསྡམས། དྲན་པ་ཉེ་བར་མ་བཞག་པར་བསོད་སྙོམས་ལ་འཇུག་ཅིང ། དེ་གྲོང་ངམ་གྲོང་རྡལ་དེར་བསོད་སྙོམས་བརྒྱུས་ནས། ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས། ལྷུང་བཟེད་དང་ཆོས་གོས་མཁོས་སུ་ཕབ་སྟེ། རྐང་པ་གཉིས་བཀྲུས་ནས་ནང་དུ་ཡང་དག་འཇོག་གི་ཕྱིར་གཙུག་ལག་ཁང་དུ་འཇུག་པར་བྱེད་དེ། གལ་ཏེ་དེའི་སེམས་འདོད་པ་ལ་འདོད་ཆགས་ཀྱིས་ཀུན་ནས་དཀྲིས་པར་གྱུར་ན། དེས་རང་གི་ཡན་ལག་གི་རྣམ་པ་ལས་སུ་རུང་བར་བྱས་ཏེ། ལག་པ་གཉིས་ཀྱིས་བཟུང་ནས་རྩོལ་བར་བྱེད་ཅིང་ཁུ་བ་འབྱིན་པར་བྱེད་དོ། །དེ་ནས་དགེ་སློང་རབ་ཏུ་མང་པོ་དག་གཙུག་ལག་ཁང་རྒྱུ་ཞིང་འདོང་བ་ན་ཚེ་དང་ལྡན་པ་འཆར་ཀའི་གཙུག་ལག་ཁང་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་
Ca283a
༄#། །པ་འཆར་ཀ་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་སྣ་ཚོགས་བྱས་ཏེ་མཐའ་གཅིག་ཏུ་འཁོད་དོ། ། མཐའ་གཅིག་ཏུ་འཁོད་ནས་དགེ་སློང་རབ་ཏུ་མང་པོ་དག་གིས་ཚེ་དང་ལྡན་པ་འཆར་ཀ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཇི་ལྟ་ཁྱོད་བཟོད་དམ། འཚོའམ། བདེ་བ་ལ་རེག་པར་གནས་སམ། བསོད་སྙོམས་ཀྱིས་ངལ་བར་མ་གྱུར་ཏམ། ཚེ་དང་ལྡན་པ་དག་བདག་ཏེ་པོར་བཟོད་དོ། །འཚོའོ། །བདེ་བ་ལ་རེག་པར་གནས་སོ། །བསོད་སྙོམས་ཀྱིས་ངལ་བར་མ་གྱུར་ཏོ། །ཚེ་དང་ལྡན་པ་འཆར་ཀ་ཁྱོད་ཇི་ལྟར་བཟོད་པ་དང ། འཚོ་བ་དང ། བདེ་བ་ལ་རེག་པར་གནས་པ་དང ། བསོད་སྙོམས་ཀྱིས་ངལ་བར་མ་གྱུར། ཚེ་དང་ལྡན་པ་དག་བདག་གྲོང་ངམ་གྲོང་རྡལ་གང་ན་ཉེ་བར་རྟེན་ཅིང་གནས་པར་བདག་ནང་པར་སྔར་ལངས་ཏེ་གཙུག་ལག་ཁང་ཆག་ཆག་འདེབས་པར་བྱེད། ལེགས་པར་ཉུག་པར་བྱེད། བ་ལང་གི་ལྕི་བ་སར་པའི་བྱུག་པས་སྐུད་པར་བྱེད་ཅིང ། བདག་གཙུག་ལག་ཁང་གི་ཕྱི་རོལ་ཏུ་རྐང་པ་གཉིས་བཀྲུས་ནས་ལག་པ་གཉིས་བསྙལ་ཏེ། སོ་ཤིང་བོར་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། གྲོང་ངལ་གྲོང་རྡལ་དེ་ཉིད་དུ་བསོད་སྙོམས་ལ་འཇུག་ཅིང ། བདག་གྲོང་ངམ་གྲོང་རྡལ་དེ་ཉིད་དུ་བསོད་སྙོམས་བརྒྱུས་ནས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ལྷུང་བཟེད་དང་ཆོས་གོས་མཁོས་སུ་ཕབ་སྟེ། རྐང་པ་གཉིས་བཀྲུས་
Ca283b
ནས་ནང་དུ་ཡང་དག་འཇོག་གི་ཕྱིར་གཙུག་ལག་ཁང་དུ་འཇུག་པར་བྱེད་དོ། །གལ་ཏེ་བདག་ནི་སེམས་འདོད་པ་ལ་འདོད་ཆགས་ཀྱིས་ཀུན་ནས་དཀྲིས་པར་གྱུར་ན། བདག་གིས་རང་གི་ཡན་ལག་གི་རྣམ་པ་ལས་སུ་རུང་བར་བྱས་ཏེ། ལག་པ་གཉིས་ཀྱིས་བཟུང་ནས་རྩོལ་བར་བྱེད་ཅིང་ཁུ་བ་ཕྱུང་ནས་རིམས་ནད་དང་བྲལ་ཞིང་ཡོངས་སུ་གདུངས་པ་དང་བྲལ་བས་བདེ་བ་ལ་རེག་པར་གནས་ཤིང་བསོད་སྙོམས་ཀྱིས་ངལ་བར་ཡང་མེད་དེ། ཚེ་དང་ལྡན་པ་དག་བདག་དེ་ལྟར་ན་བཟོད་པ་དང ། འཚོ་བ་དང ། བདེ་བ་ལ་རེག་པར་གནས་པ་དང ། བསོད་སྙོམས་ཀྱིས་ངལ་བ་ཡང་མེད་དོ། །དགེ་སློང་དེ་དག་དེས་སྨྲས་པ་ལ་མངོན་པར་བསྟོད་པར་ཡང་མི་བྱེད། ཕྱིར་ཟློག་པར་མི་བྱེད་ཅིང ། མངོན་པར་བསྟོད་པར་མ་བྱས། ཕྱིར་བཟློག་པར་ཡང་མ་བྱས་པར་དོང་སྟེ། བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས། དགེ་སློང་རབ་ཏུ་མང་པོ་དག་གིས་སྐབས་དེ་བཅོམ་ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །དེ་བཞིན་གཤེགས་པ་ནི་དོན་གྱི་དབང་གཉིས་གཟིགས་པ་ན། དགེ་སློང་གི་དགེ་འདུན་སྡུད་པར་མཛད་དེ། འདི་ལྟ་སྟེ། ངའི་ཉན་ཐོས་རྣམས་ཀྱིས་ཀུན་ཤེས་པ་ཉིད་དུ་བྱ་བའི་ཕྱིར་དང ། ངས་འདུལ་བ་ལ་བསླབ་པའི་གཞི་ལེགས་པར་བཅས་པར་འགྱུར་བའོ། །སངས་རྒྱས་བཅོམ་
Ca284a
༄#། །ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་མི་རྨེད་པ། དུས་སུ་རྨེད་པ། དུས་ལས་ཡོལ་བར་མི་རྨེད་པ། དོན་དང་ལྡན་པ་རྨེད་པ། དོན་དང་མི་ལྡན་པ་མི་རྨེད་པས། སངས་རྒྱས་བཅོམ་ལྡན་འདས་རྣམས་ནི་དོན་དང་མི་ལྡན་པ་རྨེད་པ་ལ་ཆུ་ཡོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ནི་དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །འཆར་ཀ་ངས་འདོད་ཆགས་འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་བསྟན་པ་དང ། ཞེ་སྡང་འདོད་ཆགས་དང་བྲལ་བར་བྱ་བ་དང ། གཏི་མུག་འདོད་ཆགས་དང་བྲལ་བར་བྱ་བའི་ཕྱིར། སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་བསྟན་པ་ལ། ཁྱོད་ཀྱིས་ཅིའི་ཕྱིར་མི་མཛེས་པ་དེ་ལྟ་བུ་དེ་བྱས་པར་གྱུར། མི་གཏི་མུག་ཅན་ཁྱོད་ཀྱིས་ལག་པ་གང་དག་གིས་བྲམ་ཟེ་དང་ཁྱིམ་བདག་དང་པ་ཅན་དག་ལས་དད་པས་སྦྱིན་པར་བྱ་བ་ལེན་པར་བྱེད་པའི་ལག་པ་དེ་དག་ཉིད་ཀྱིས་ཅིའི་ཕྱིར་མི་མཛེས་པ་དེ་ལྟ་བུ་དེ་བྱས་པར་གྱུར། མི་གཏི་མུག་ཅན་
Ca284b
ཁྱོད་ཀྱིས་སྦྲུལ་ནག་པོ་དུག་མྱུར་དུ་ཁྱབ་པར་བྱེད་པ། དུག་དྲག་པ། དུག་རྣོ་བ། ལག་པ་གཉིས་ཀྱིས་གཟུང་བར་གྱུར་པ་ནི་བླའི། དེ་ལྟར་གྱུར་པས་རང་གི་ཡན་ལག་གི་རྣམ་པར་བཟུང་བ་ནི་མ་ཡིན་ནོ་ཞེས་རྣམ་པར་སྨད་པ་མཛད་དོ། །འཆར་ཀ་ཇི་སྙམ་དུ་སེམས། དེ་ལྟ་ན་བདག་ཉིད་ཀྱི་ལུས་ཀྱི་བསྙེན་བཀུར་བདག་གིར་མ་བྱས་སམ། བཙུན་པ་བགྱིས་སོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས།་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། འདི་ལྟ་སྟེ། དགེ་འདུན་བསྡུ་བའི་ཕྱིར་དང ། དགེ་འདུན་ལེགས་པར་བྱ་བའི་ཕྱིར་དང ། དགེ་འདུན་བདེ་བར་གནས་པར་བྱ་བའི་ཕྱིར་དང ། གནོད་མི་བཀུར་བའི་གང་ཟག་རྣམས་ཚར་གཅད་པར་བྱ་བའི་ཕྱིར་དང ། ངོ་ཚ་ཤེས་པ་རྣམས་བདེ་བར་གནས་པར་བྱ་བའི་ཕྱིར་དང ། མངོན་པར་མ་དད་པར་རྣམས་མངོན་པར་དད་པར་བྱ་བའི་ཕྱིར་དང ། མངོན་པར་དད་པ་རྣམས་ཕྱིར་ཞིང་འབྱུང་བ་བྱ་བའི་ཕྱིར་དང ། ཚེ་འདིའི་ཟག་པ་རྣམས་བསྡམ་པར་བྱ་བའི་ཕྱིར་དང ། ཚེ་རབས་ཕྱི་མའི་རྣམས་བཟློག་པར་བྱ་བའི་ཕྱིར་དང ། ངའི་ཚངས་པར་སྤྱོད་པ་སྐྱེ་བོ་མང་པོ་ལ་ཕན་པ་ཡངས་པར་གྱུར་པ། ལྷ་དང་མིའི་བར་དག་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་འགྱུར་བའོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བསམ་བཞིན་དུ་ཁུ་བ་ཕྱུང་ན། དགེ་འདུན་ལྷག་མའོ། །བཅོམ་ལྡན་འདས་ཀྱིས་འདུལ་བ་ལ་
Ca285a
༄#། །ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་དགེ་སློང་རབ་ཏུ་མང་པོ་ཉལ་བ་དག་གི་རྨི་ལམ་ན། མི་གཙང་བ་ཤོར་ཅིང་ཁུ་བ་ཕྱུང་བར་གྱུར་ཏེ། དེ་དག་ལ་འདུ་ཤེས་ཀྱང་ཡོད། སེམས་པ་ཡང་ཡོད་པས་དེ་དག་འགྱོད་པ་སྐྱེས་པར་གྱུར་ནས། འདི་ལྟར་བཅོམ་ལྡན་འདས་ཀྱིས་བསམ་བཞིན་དུ་ཁུ་བ་ཕྱུང་ན་དགེ་འདུན་ལྷག་མའོ་ཞེས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བ་མཛད་ན། བདག་ཅག་དགེ་སློང་རབ་ཏུ་མང་པོ་ཉལ་བ་དག་གི་རྨི་ལམ་ན་མི་གཙང་བ་ཤོར་ཞིང་ཁུ་བ་ཕྱུང་བ་གྱུར་ཏེ། བདག་ཅག་ལ་འདུ་ཤེས་ཀྱང་ཡོད། སེམས་པ་ཡང་ཡོད་པས་བདག་ཅག་ལ་དགེ་འདུན་ལྷག་མའི་ལྟུང་བ་བྱུང་བར་མ་གྱུར་ཏམ།་ཚུར་ཤེག་བདག་ཅག་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་ཞིང་ཕྱིན་ནས། ཚེ་དང་ལྡན་པ་ཀུན་དགའ་བོ་ལ་བརྗོད་པར་བྱའོ། །བདག་ཅག་ཚེ་དང་ལྡན་པ་ཀུན་དགའ་བོས་ཇི་སྐད་ལུང་སྟོན་པར་འགྱུར་བ་དེ་དེ་ཁོ་ན་བཞིན་དུ་གཟུང་བར་བྱའོ་སྙམ་མོ། །དེ་ནས་དགེ་སློང་རབ་ཏུ་མང་པོ་དག་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་མཁྱེན་པར་མཛོད་ཅིག་།འདི་ལྟར་བཅོམ་ལྡན་འདས་ཀྱིས་བསམ་བཞིན་དུ་ཁུ་བ་ཕྱུང་ན་དགེ་འདུན་ལྷག་མའོ་ཞེས་འདུལ་བ་ལ་ཉན་ཐོས་རྣམས་ཀྱི་
Ca285b
བསླབ་པའི་གཞི་བཅའ་བ་མཛད་ན། བདག་ཅག་དགེ་སློང་རབ་ཏུ་མང་པོ་ཉལ་བ་དག་གི་རྨི་ལམ་ན་མི་གཙང་བ་ཤོར་ཅིང་ཁུ་བ་བྱུང་བར་གྱུར་ཏེ། བདག་ཅག་ལ་འདུ་ཤེས་ཀྱང་མཆིས་ལ། སེམས་པ་ཡང་མཆིས་པས། བདག་ཅག་ལ་དགེ་འདུན་ལ་ལྷག་མའི་ལྟུང་བ་བྱུང་བར་མ་གྱུར་ཏམ། དེ་ནས་ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཁྲིད་དེ། བཅོམ་ལྡན་འདས་ག་ལ་བ་དེར་སོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་འདི་ལྟར་བསམ་བཞིན་དུ་ཁུ་བ་ཕྱུང་ན་དགེ་འདུན་ལྷག་མའོ་ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་ན། ཚེ་དང་ལྡན་པ་དགེ་སློང་རབ་ཏུ་མང་པོ་འདི་དག་མཆིས་ཉལ་བའི་གཡར་ལམ་ན། མི་གཙང་བ་ཤོར་ཅིང་ཁུ་བ་ཕྱུང་བར་གྱུར་ཏེ། འདི་དག་ལ་འདུ་ཤེས་ཀྱང་མཆིས། སེམས་པ་ཡང་མཆིས་པས། འདི་དག་ལ་དགེ་འདུན་ལྷག་མའི་ལྟུང་བ་བྱུང་བར་མ་གྱུར་ཏམ། ཀུན་དགའ་བོ་འདི་དག་ལ་འདུ་ཤེས་ཀྱང་ཡོད། སེམས་པ་ཡང་ཡོད་པས། དེ་མེད་དོ་ཞེས་ང་མི་སྨྲ་མོད་ཀྱི་འདི་དག་གི་དེ་ནི་ཐ་སྙད་དུ་བྱར་རུང་བ་མ་ཡིན་ཏེ། ཀུན་དགའ་བོ་དེ་ལྟ་བས་ན་རྨི་ལམ་གྱི་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་
Ca286a
༄#། །སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་རྗེས་སུ་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བསམ་བཞིན་དུ་ཁུ་བ་ཕྱུང་ན་རྨི་ལམ་གྱི་མ་གཏོགས་ཏེ་དགེ་འདུན་ལྷག་མའོ། །བསམ་བཞིན་དུ་ཞེས་བྱ་བ་ནི་རྣམ་པར་དཔྱད་ནས་སོ། །ཁུ་བ་ཞེས་བྱ་བ་ནི་ཁུ་བ་རྣམ་པ་ལྔ་སྟེ། སྔོན་པོ་དང ། སེར་པོ་དང ། དམར་པོ་དང ། བསྐ་བ་དང ། སླ་བའོ། ། དེ་ལ་སྔོན་པོ་ནི་འཁོར་ལོས་སྒྱུར་བའི་རྒྱལ་པོའིའོ། །འཁོར་ལོས་སྒྱུར་བའི་རྒྱལ་པོའི་བུ་ཐུ་བོ་དབང་བསྐུར་བར་འོས་ལ། དབང་མ་བསྐུར་བ་གནས་པ་མཚམས་ཐོབ་པ་གང་ཡིན་པ་དེ་ཁུ་བ་ཡང་སྔོན་པོ་ཡིན་ནོ། ། སེར་པོ་ནི་འཁོར་ལོས་སྒྱུར་བའི་རྒྱལ་པོའི་བུ་དེ་ལས་གཞན་པ་དག་གིའོ། །དམར་པོ་ནི་སྣ་ཆེན་པོ་ལ་གཏོགས་པ་འཁོར་ལོའི་མཐའ་པའིའོ། །བསྐ་བ་ནི་དབང་པོ་ཡོངས་སུ་སྨིན་པ་རྣམས་ཀྱིའོ། །སླ་བ་ནི་དབང་པོ་ཡོངས་སུ་མ་སྨིན་པ་རྣམས་ཀྱིའོ། །ཡང་ན་བུད་མེད་ཀྱིས་དུབ་པ་དང ། ཁུར་གྱིས་དུབ་པ་དང ། ལམ་གྱིས་དུབ་པ་དང ། གཏའ་གམ་པ་དང ། ཡ་ཟ་མ་ལུག་གང་ཡིན་པ་དེའི་ཡང་སླ་བ་ཡིན་ནོ། །ཕྱུང་ན་ཞེས་བྱ་བ་ནི་དེ་མ་ཐག་ཏུ་ཕྱུང་བའོ། །རྨི་ལམ་གྱི་མ་གཏོགས་ཏེ་ཞེས་བྱ་བ་ནི་རྨི་ལམ་གྱི་བཞག་སྟེའོ། །དགེ་འདུན་ལྷག་མའོ་ཞེས་བྱ་བ་ནི། ལྟུང་བ་དེ་དགེ་འདུན་ལ་རག་ལུས་པ་དང ། དགེ་འདུན་
Ca286b
དང་འབྲེལ་པ་དང ། དགེ་འདུན་ལ་རྟེན་པ་ཡིན་ཏེ། ལྟུང་བ་དེ་དགེ་འདུན་ལས་རྣམ་པར་ལྡང་བར་འགྱུར་གྱི་གང་ཟག་ལས་མ་ཡིན་པའོ། །གཞན་ཡང་ཕམ་པར་འགྱུར་བའི་ཆོས་བཞི་པོ་དག་ནི་ལྷག་མ་མེད་པ་ཡིན་གྱི། འདི་ནི་ལྷག་མ་དང་བཅས་པ་ཡིན་པ་སྟེ། དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གཞི་ལྔ་སྟེ། བདེ་བ་འདོད་པ་དང ། ས་བོན་འདོད་པ་དང ། རིག་སྔགས་འདོད་པ་དང ། སྨན་འདོད་པ་དང ། བརྟག་པ་འདོད་པས་སོ། །ཇི་ལྟར་བདེ་བ་འདོད་པས་ཤེ་ན། དགེ་སློང་གིས་བདེ་བ་འདོད་པས་ནང་གི་གཟུགས་ཉེ་བར་ལེན་ཅིང་སེམས་པར་བྱེད། རྩོལ་བར་བྱེད་ལ་ཁུ་བ་འབྱིན་ན་དགེ་འདུན་ལྷག་མར་འགྱུར་རོ། །ཁུ་བ་མ་འབྱིན་ན་ཉེས་པ་སྦོམ་པོར་འགྱུར་རོ། །བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ་དང ། རིག་སྔགས་འདོད་པ་དང ། སྨན་འདོད་པ་དང ། བརྟག་པ་འདོད་པས་ཀྱང་དེ་བཞིན་ནོ། །དགེ་སློང་གིས་བདེ་བ་འདོད་པས་ནང་གི་གཟུགས་ཉེ་བར་ལེན་ཅིང་སེམས་པར་བྱེད། རྩོལ་བར་བྱེད། རིལ་གྱིས་འཆང་བར་བྱེད། དམ་དུ་འཆང་བར་བྱེད་ལ། ཁུ་བ་འབྱིན་ན་དགེ་འདུན་ལྷག་མར་འགྱུར་རོ། །ཁུ་བ་མི་འབྱིན་ན་ཉེས་པ་སྦོམ་པོར་འགྱུར་རོ། །བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ། རིག་སྔགས་འདོད་པ་དང ། སྨན་འདོད་པ་དང།་བརྟག་པ་འདོད་པས་ཀྱང་དེ་བཞིན་ནོ། །དགེ་སློང་གིས་བདེ་བ་འདོད་པས། ནང་གི་གཟུགས་ཉེ་བར་ལེན་ཅིང་སེམས་པར་བྱེད། རྩོལ་བར་བྱེད། རིལ་གྱིས་འཆང་བར་བྱེད། དམ་དུ་འཆང་
Ca287a
༄#། །བར་བྱེད་ལ་དེས་ཀྱང་བྱེ་བྲག་ངེས་པར་མྱོང་བའི་བདེ་བ་ཉམས་སུ་མྱོང་བར་བྱེད་ཅིང ། ཁུ་བ་འབྱིན་ན་དགེ་འདུན་ལྷག་མར་འགྱུར་རོ། །ཁུ་བ་མི་འབྱིན་ན་ཉེས་པ་སྦོམ་པོར་འགྱུར་རོ།། བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ་དང ། རིག་སྔགས་འདོད་པ་དང ། སྨན་འདོད་པ་དང ། བརྟག་པ་འདོད་པས་ཀྱང་དེ་བཞིན་ནོ། །དགེ་སློང་གིས་བདེ་བ་འདོད་པས་ནང་གི་གཟུགས་ཉེ་བར་ལེན་ཅིང་སེམས་པར་བྱེད། རྩོལ་བར་བྱེད། རིལ་གྱིས་འཆང་བར་བྱེད། དམ་དུ་འཆང་བར་བྱེད་ལ། དེས་ཀྱང་བྱུང་ལ་ཐུག་པའི་བདེ་བ་ཉམས་སུ་མྱོང་བར་བྱེད་ཅིང ། ཁུ་བ་འབྱིན་ན་དགེ་འདུན་ལྷག་མར་འགྱུར་རོ། །ཁུ་བ་མི་འབྱིན་ན་ཉེས་པ་སྦོམ་པོར་འགྱུར་རོ། །བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ་དང ། རིག་སྔགས་འདོད་པ་དང ། སྨན་འདོད་པ་དང ། བརྟག་པ་འདོད་པས་ཀྱང་དེ་བཞིན་ནོ། །དགེ་སློང་གིས་བདེ་བ་འདོད་པས་ནང་གིས་གཟུགས་ཉེ་བར་ལེན་ཅིང་སེམས་པར་བྱེད། རྩོལ་བར་བྱེད། རིལ་གྱིས་འཆང་བར་བྱེད། དམ་དུ་འཆང་བར་བྱེད་ལ། དེས་ཀྱང་ངད་ལས་པའི་བདེ་བ་ཉམས་སུ་མྱོང་བར་བྱེད་ཅིང་ཁུ་བ་འབྱིན་ན་དགེ་འདུན་ལྷག་མར་འགྱུར་རོ། །ཁུ་བ་མི་འབྱིན་ན་ཉེས་པ་སྦོམ་པོར་འགྱུར་རོ། །བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ་དང ། རིག་སྔགས་འདོད་པ་དང ། སྨན་འདོད་པ་དང ། བརྟག་པ་འདོད་པས་ཀྱང་དེ་བཞིན་ནོ། །དགེ་སློང་གིས་བདེ་བ་འདོད་པས་ནང་གི་གཟུགས་ཉེ་བར་ལེན་ཅིང་སེམས་པར་བྱེད། རྩོལ་
Ca287b
པར་བྱེད། རིལ་གྱིས་འཆང་བར་བྱེད། དམ་དུ་འཆང་བར་བྱེད་ལ། དེས་ཀྱང་བྱེ་བྲག་ངེས་པར་མྱོང་བའི་བདེ་བ་དང ། བྱུང་ལ་ཐུག་པའི་བདེ་བ་དང ། ངད་ལས་པའི་བདེ་བ་ཉམས་སུ་མྱོང་བར་བྱེད་ཅིང ། ཁུ་བ་འབྱིན་ན་དགེ་འདུན་ལྷག་མར་འགྱུར་རོ། །ཁུ་བ་མི་འབྱིན་ན་ཉེས་པ་སྦོམ་པོར་འགྱུར་རོ། །བདེ་བ་འདོད་པས་ཇི་ལྟ་བ་བཞིན་དུ་ས་བོན་འདོད་པ་དང ། རིག་སྔགས་འདོད་པ་དང ། སྨན་འདོད་པ་དང ། བརྟག་པ་འདོད་པས་ཀྱང་དེ་བཞིན་ནོ། །ནང་གི་གཟུགས་ཇི་ལྟ་བ་བཞིན་དུ་ཕྱི་རོལ་གྱི་གཟུགས་ཉེ་བར་ལེན་པ་ལ་ཡང་དེ་བཞིན་དུ་རྒྱས་པར་སྦྱར་རོ། །བར་སྡོམ་ལ། གར་བྱེད་རབ་ཏུ་གར་བྱེད་དང ། །མཁའ་དང་ཤུགས་དང་སྦུབས་འོངས་དང ། །ཀུན་དུ་མཉེད་དང་བྱེ་བྲག་ངེས། །མཛའ་བ་དང་ནི་ལྟ་བ་དང ། །རྒྱུན་ལས་བཟློག་དང་རྫི་བཟློག་པའི། །སྡེ་ཚན་ཡང་དག་བསྡུས་པ་ཡིན། །དགེ་སློང་གིས་གར་བྱེད་པས་ཁུ་བ་འབྱིན་ན་ཉེས་པ་སྦོམ་པོར་འགྱུར་རོ། །ཁུ་བ་མི་འབྱིན་ན་ཉེས་བྱས་སུ་འགྱུར་རོ། །དགེ་སློང་གིས་རབ་ཏུ་གར་བྱེད་པས་ཁུ་བ་འབྱིན་ན་ཉེས་པ་སྦོམ་པོར་འགྱུར་རོ། །ཁུ་བ་མི་འབྱིན་ན་ཉེས་བྱས་སུ་འགྱུར་རོ། །དགེ་སློང་གིས་ནམ་མཁའ་ལ་རྐེད་པ་བསྐྱོད་པས་ཁུ་བ་འབྱིན་ན་ཉེས་པ་སྦོམ་པོར་འགྱུར་རོ། །ཁུ་བ་མི་འབྱིན་ན་ཉེས་བྱས་སུ་འགྱུར་རོ། །དགེ་སློང་གིས་ཤུགས་བཏང་སྟེ། ཁུ་བ་འབྱིན་ན་ཉེས་པ་སྦོམ་པོར་འགྱུར་རོ། །ཁུ་བ་མི་འབྱིན་ན་ཉེས་བྱས་སུ་འགྱུར་རོ། །དགེ་སློང་གིས་སྦུབས་སུ་འོངས་པའི་ཁུ་བ་འབྱིན་ན་ཉེས་པ་སྦོམ་པོར་འགྱུར་རོ། །ཁུ་བ་མི་འབྱིན་ན་ཉེས་བྱས་སུ་འགྱུར་རོ། །དགེ་སློང་གིས་ཀུན་དུ་མཉེད་པའི་
Ca288a
༄#། །བདེ་བ་ཉམས་སུ་མྱོང་བར་བྱེད་ཅིང་ཁུ་བ་འབྱིན་ན་ཉེས་པ་སྦོམ་པོར་འགྱུར་རོ། །ཁུ་བ་མི་འབྱིན་ན་ཉེས་བྱས་སུ་འགྱུར་རོ། །དགེ་སློང་གིས་བྱེ་བྲག་ངེས་པར་མྱོང་བའི་བདེ་བ་ཉམས་སུ་མྱོང་བར་བྱེད་ཅིང་ཁུ་བ་འབྱིན་ན་ཉེས་པ་སྦོམ་པོར་འགྱུར་རོ། །ཁུ་བ་མི་འབྱིན་ན་ཉེས་བྱས་སུ་འགྱུར་རོ། །དགེ་སློང་གིས་ཀུན་ཏུ་ཆགས་པའི་སེམས་ཀྱིས་རང་གི་ཡན་ལག་གི་རྣམ་པ་འཇལ་བར་བྱེད་ན་ཉེས་པ་སྦོམ་པོར་འགྱུར་རོ། །དགེ་སློང་གིས་ཆགས་པའི་སེམས་ཀྱིས་རང་གི་ཡན་ལག་གི་རྣམ་པ་ལ་ལྟ་ན་ཉེས་བྱས་སུ་འགྱུར་རོ། །དགེ་སློང་གིས་ཆགས་པའི་སེམས་ཀྱིས་རང་གི་ཡན་ལག་གི་རྣམ་པ་ཆུའི་རྒྱུན་ལས་བཟློག་ཕྱོགས་སུ་གཏོད་པར་བྱེད་ན་ཉེས་པ་སྦོམ་པོར་འགྱུར་རོ། །ཆུའི་རྒྱུན་ཕྱོགས་སུ་གཏོད་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཆགས་པའི་སེམས་ཀྱིས་རང་གི་ཡན་ལག་གི་རྣམ་པ་རྫི་ཕྱོགས་མ་ཡིན་པར་གཏོད་པར་བྱེད་ན་ཉེས་པ་སྦོམ་པོར་འགྱུར་རོ། །རྫི་ཕྱོགས་སུ་གཏོད་པར་བྱེད་ན་ཉེས་བྱས་སུ་འགྱུར་རོ། །རྨ་སྦྱང་བ་དང ། ཤུ་བ་དང ། གཡན་པ་དང ། མཛེ་དང ། ཕོལ་མིག་དང ། སྐྲངས་པ་དང ། ཁྱི་རྔོ་དང ། ལྷོག་པ་དང ། འབྲུམ་བུ་དང ། ཕྱི་རོལ་དུ་མཆོང་བ་དང ། འོབས་ལ་མཆོང་བ་དང ། བརླ་ལ་རེག་པ་དང ། གོས་ལ་རེག་པ་དང ། ཆགས་པར་འགྱུར་བའི་གཟུགས་དག་མཐོང་བ་དང ། སྔོན་སྤྱད་པའི་ཡུལ་རྗེས་སུ་དྲན་པ་དང ། བསྲོ་ཁང་གི་ལས་ཉམས་སུ་མྱོང་བར་བྱེད་པས་ཁུ་བ་ཕྱུང་བ་ལ་ནི་ལྟུང་བ་མེད་དོ། །ལས་དང་པོ་པ་དང །
Ca288b
སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ནི་ལྟུང་བ་མེད་དོ། །ཁུ་བ་འབྱིན་པའི་དགེ་འདུན་ལྷག་མ་སྟེ་དང་པོ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གི་ཀུན་ཏུ་སྤྱོད་པ་ནི་འདིར་བདག་ཅག་གིས་བྲམ་ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་པས་དྲུག་སྡེ་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས། ཚེ་དང་ལྡན་པ་འཆར་ཀ་ནང་པར་སྔར་ལངས་ཏེ་སོ་ཤིང་བོར་ནས་སྣམ་སྦྱར་དམར་སེར་གྱོན་ཏེ་རྒྱལ་བྱེད་ཀྱི་ཚལ་གྱི་སྒོ་འཆག་ཅིང་འདུག་གོ་།མཉན་ཡོད་ན་གནས་པའི་བྲམ་ཟེ་དང ། ཁྱིམ་བདག་གི་ཆུང་མ་རྣམས་ཀྱི་ཀུན་ཏུ་སྤྱོད་པ་ནི་སྐྱེད་མོས་ཚལ་དུ་སོང་སྟེ་རྒྱལ་བྱེད་ཀྱི་ཚལ་དུ་འཇུག་པ་དང ། གཙུག་ལག་ཁང་བལྟ་བ་དང ། བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་ཏུ་འགྲོ་བས། བྲམ་ཟེ་དང་ཁྱིམ་བདག་དག་གི་ཆུང་མ་རབ་ཏུ་མང་པོ་དག་སྐྱེད་མོས་ཚལ་དུ་བྱུང་སྟེ་གཙུག་ལག་ཁང་བལྟ་བར་འདོད་པས་རྒྱལ་བྱེད་ཀྱི་ཚལ་ག་ལ་བ་དེར་དོང་ངོ ། །དྲུག་སྡེ་དག་གིས་གྲོང་ཁྱེར་ཆེན་པོ་དྲུག་པོ་དག་ན་འཁོད་པའི་མི་རྣམས་འདི་ལྟ་སྟེ། རིགས་ལས་སམ། རུས་ལས་སམ། རྒྱུད་ལས་སམ། མིང་ལས་སམ། གཟུགས་ལས་སམ། བཟོ་ལས་སམ། འཚོ་བ་ལས་མི་ཤེས་པའམ་མ་མཐོང་
Ca289a
༄#། །བའམ། མ་ཐོས་པའམ་མ་རིག་པའམ། རྣམ་པར་མི་ཤེས་པ་འགའ་ཡང་མེད་པས། ཚེ་དང་ལྡན་པ་འཆར་ཀས་བྲམ་ཟེ་དང ། ཁྱིམ་བདག་གི་ཆུང་མ་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་སྟེ། མཐོང་ནས་ཀྱང་འདི་སྐད་ཅེས་སྨྲས་སོ། །ཆེ་གེ་མོའི་མ། ཆེ་གེ་མོའི་ཆུང་མ། ཆེ་གེ་མོའི་མནའ་མ། ཆེ་གེ་མོའི་བུ་མོ། ཆེ་གེ་མོའི་སྲིང་མོ་འོངས་པ་ལེགས་སོ། །འོངས་པ་ལེགས་སོ། །ཁྱེད་ཅག་ཅིའི་ཕྱིར་ཡུན་རིང་མོ་རིང་མོ་ནས་ཟླ་བ་ལྟར་རྒྱུ་བར་བྱེད། དེ་དག་གིས་སྨྲས་པ། བཙུན་པ་འཆར་ཀ་བཅོམ་ལྡན་འདས་ཀྱིས་མི་ཁོམ་པ་བརྒྱད་ནི་གང་ཟག་གི་ཚངས་པར་སྤྱད་པའི་དུས་མ་ལགས་སོ་ཞེས་ལེགས་པར་གསུངས་ན། བདག་ཅག་ནི་འདི་ལྟ་སྟེ། ཁྱིམ་གྱི་འདུ་འཛི་དང་ལྡན་པས་མི་ཁོམ་པ་དགུ་པ་ལགས་སོ། །འཆར་ཀས་སྨྲས་པ། སྲིང་མོ་དག་ཁྱེད་ཀྱིས་འགའ་ཞིག་གིས་འདི་སྐད་ཅེས།་དུག་ཅན་ལ་སོགས་རྒྱལ་པོ་ཡིས། །བྱ་བ་དག་ནི་མ་བྱས་པར། །དེ་དག་ཉིད་དང་བྱ་བ་རྣམས། །ཞིག་པ་ཉིད་དུ་གྱུར་པ་ཡིན། །བྱ་བ་དེ་དག་ཉིད་ཀྱང་ནི། །ཡོངས་སུ་རྫོགས་པར་མ་གྱུར་པར། །འཇིག་རྟེན་དགྲ་བོ་འཆི་བདག་དེ། །འོང་བ་ཉིད་དུ་འགྱུར་བ་ཡིན། །ཞེས་སྨྲས་པ་མ་ཐོས་སམ། དེ་དག་གིས་སྨྲས་པ། བཙུན་པ་འཆར་ཀ་དེའི་སླད་དུ་བདག་ཅག་སྐྱེད་མོས་ཚལ་དུ་མཆིས་ཏེ་རྒྱལ་བྱེད་ཀྱི་ཚལ་དུ་འཇུག་པ་དང ། གཙུག་ལག་ཁང་བལྟ་བ་དང ། བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་བའི་སླད་དུ་མཆིས་པ་ལགས་སོ། །འཆར་ཀས་
Ca289b
སྨྲས་པ། སྲིང་མོ་དག་གལ་ཏེ་ཁྱེད་ཅག་དེའི་ཕྱིར་འོངས་ན། བཅོམ་ལྡན་འདས་ཀྱིས་ཀྱང་སྙིང་པོ་མེད་པའི་ལུས་ལས་སྙིང་པོ་བླང་བར་བྱའོ་ཞེས་གསུངས་པས་ལེགས་སོ་ལེགས་སོ། །སྲིང་མོ་དག་དེ་ནི་མཇལ་གྱིས་འདི་ལྟར་ལྟད་མོ་ཇི་ལྟར་བལྟ་བ་དྲི་བར་བྱའོ། །སྲིང་མོ་དག་ཁྱེད་ཅག་གང་དུ་འཇུག་པར་བྱེད། བཙུན་པ་འཆར་ཀ་བདག་ཅག་ཀུན་དགའ་ར་བར་འཇུག་ཅིང་གཙུག་ལག་ཁང་ལྟ་བར་འཚལ་ལོ། །སྲིང་མོ་དག་བཅོམ་ལྡན་འདས་ཀྱིས། མཁས་པ་གང་ཞིག་རབ་ཏུ་སེམས་དང་བས། །སངས་རྒྱས་མཆོད་རྟེན་དག་ལ་གོམ་འདོར་ན། །འཛམ་བུ་ཆུ་བོ་གསེར་གྱི་སྲང་ཚད་ནི། །སྟོང་ཕྲག་བརྒྱ་ཡང་དེ་དང་མཉམ་པ་ཡིན། ། ཞེས་གསུངས་པས་དེ་ཡང་ལེགས་སོ། །སྲིང་མོ་དག་ཁྱེད་ཀྱིས་གང་ཁྱེད་ཅག་གཙུག་ལག་ཁང་སྟོན་པར་བྱེད་པའི་དགེ་སློང་འགའ་ཞིག་བཙལ་ཏམ། འཕགས་པ་ཅི་བདག་ཅག་སྒྲོན་མ་སུག་པ་ན་ཐོགས་བཞིན་དུ་ཞུགས་བཞིན་དུ་ཚོལ་ལམ། བཙུན་པ་འཆར་ཀ་སྤངས་ཏེ་དགེ་སློང་གཞན་ག་ལ་ཚོལ། ཁྱོད་པས་གཞན་ཁྱད་པར་དུ་འཕགས་པ་སུ་ཞིག་མཆིས་ཀྱིས། ཁྱོད་ཉིད་ཀྱིས་བསྟན་ཏུ་གསོལ། དེ་ནས་ཚེ་དང་ལྡན་པར་འཆར་ཀ་འདི་སྙམ་དུ་སེམས་ཏེ། གལ་ཏེ་འདི་དག་ལ་གཙུག་ལག་ཁང་བསྟན་པར་བྱ་ན་ནི་བདག་གི་དགེ་བའི་ཕྱོགས་ཡོངས་སུ་ཉམས་པར་ཡང་འགྱུར། གལ་ཏེ་བསྟན་པར་མི་བྱ་ན་ནི་ཚིག་པའི་བསོད་སྙོམས་ཀྱང་སྟེར་བར་མི་འགྱུར་ལ། བཅོམ་ལྡན་འདས་ཀྱིས་ཀྱང་མ་དད་པ་རྣམས་དད་པ་ཕུན་སུམ་ཚོགས་པ་ཡང་དག་པར་འཛིན་དུ་གཞུག་པར་བྱ། གདུལ་བར་བྱ། གཟུད་པར་བྱ། རབ་ཏུ་དགོད་པར་བྱའོ་ཞེས་གསུངས་པས་
Ca290a
༄#། །དེའི་ཕྱིར་འདི་དག་དགེ་བ་ལ་ངེས་པར་སྦྱར་བར་བྱ། རྣམ་པ་ཐམས་ཅད་དུ་བསྟན་པར་བྱའོ་སྙམ་དུ་རིག་ནས། དེས་མེ་ཏོག་དང་བདུག་སྤོས་ལ་སོགས་པ་མཆོད་པ་སྣ་ཚོགས་ཐོགས་ཏེ་པོག་ཕོར་ལག་ཏུ་བླངས་ནས་གོ་རིམ་ཇི་ལྟ་བ་བཞིན་དུ་བསྟན་པར་བརྩམས་ཏེ། སྲིང་མོ་དག་འདི་ནི་བཅོམ་ལྡན་འདས་ཀྱི་དྲི་གཙང་ཁང་སྟེ། གང་དུ་བཅོམ་ལྡན་འདས་ཉིན་ལན་གསུམ། མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ནས། གང་ནི་ཉམས་པར་འགྱུར། གང་ནི་འཕེལ་བར་འགྱུར། གང་ནི་གནོད་པར་འགྱུར། གང་ནི་ཉམ་ང་བར་གྱུར། གང་ནི་མི་བདེ་བར་གྱུར། །གང་ནི་གནོད་པ་དང་ཉམ་ང་བ་དང་མི་བདེ་བར་གྱུར། གང་ནི་ངན་སོང་ལ་གཞོལ། གང་ནི་ངན་སོང་ལ་འབབ། གང་ནི་ངན་སོང་ལ་བབ། ངས་གང་ནི་ངན་སོང་གི་ལམ་ནས་བསླངས་ཏེ། མཐོ་རིས་དང་ཐར་པ་དང་འབྲས་བུ་ལ་གཞག་པར་བྱ། འདོད་པའི་འདམ་དུ་བྱིང་བ་གང་གི་ལག་ནས་ནི་དྲང་བར་བྱ། འཕགས་པའི་ནོར་གྱི་དབྱིག་དང་བྲལ་བ་གང་ནི་འཕགས་པའི་ནོར་གྱི་དབང་ཕྱུག་ལ་གཞག་པར་བྱ། གང་གི་སངས་རྒྱས་འབྱུང་བས་བརྒྱན་པའི་འཇིག་རྟེན་ནི་འབྲས་བུ་དང་བཅས་པར་བྱ། གང་གི་དགེ་བའི་རྩ་བ་དག་མ་སྐྱེས་པ་ནི་བསྐྱེད་པར་བྱ། དགེ་བའི་རྩ་བ་དག་བསྐྱེད་པ་གང་ནི་ཡོངས་སུ་སྨིན་པར་བྱ། ཡོངས་སུ་སྨིན་པ་གང་ནི་རྣམ་པར་གྲོལ་བར་བྱ་ཞེས་མཁྱེན་པ་དང་གཟིགས་པ་འཇུག་ཅིང ། འདི་ལྟར། ཆུ་སྲིན་གནས་ཀྱི་དུག་ཅན་པ། །དུས་ལས་འདའ་བར་འགྱུར་སྲིད་ཀྱི། །སངས་རྒྱས་གདུལ་
Ca290b
ལ་བྱམས་པ་ནི། །དུས་ལས་འདའ་བར་མི་འགྱུར་རོ། །ཇི་ལྟར་མ་ནི་བུ་སྡུག་གཅིག་པུ་ལ། །རྟོག་ཅིང་དེ་སྲོག་སྲུང་བར་བྱེད་པ་ལྟར། །དེ་བཞིན་གཤེགས་པའང་གདུལ་བའི་སྐྱེ་བོ་ལ། །རྟོག་པར་མཛད་ཅིང་དེ་སྲོག་སྲུང་བར་མཛད། །ཀུན་མཁྱེན་རྒྱུད་ལ་མངའ་བའི་ཐུགས་རྗེ་ཡིས། །བཞོན་མ་གདུལ་བའི་བེའུ་ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་ལ་བྱམས་པ་ནི། །རབ་ཉམས་བེའུ་ལ་བྱམས་པའི་བ་བཞིན་ནོ། །ཞེས་བྱ་བ་འཇུག་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་སངས་རྒྱས་སྟོབས་བཅུའི་སྟོབས་དང་ལྡན་པ། མི་འཇིགས་པ་བཞིས་བསྙེངས་པ་མི་མངའ་བ། ཁྱུ་མཆོག་རླབས་པོ་ཆེའི་གནས་སུ་དམ་བཅའ་བ། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོག་པ་གང་ཡིན་པ་དེའི་ཡིན་གྱིས་འདིར་ཞབས་ལ་ཕྱག་དག་འཚོལ་ཅིག་།འདི་ནི་ཚེ་དང་ལྡན་པ་ཀུན་ཤེས་ཀོའུ་ཌི་ནྱའི་གཙུག་ལག་ཁང་སྟེ། བཅོམ་ལྡན་འདས་ཀྱི་འཇིག་རྟེན་མི་ཤེས་པའི་མུན་པ་དང ། འདྲེན་པ་མེད་པ་དང ། ཡོངས་སུ་འདྲེན་པ་མེད་པ་ན་དེའི་དང་པོར་ཡེ་ཤེས་ཀྱི་མིག་སྨན་གྱི་ཐུར་མས་གང་གི་ཆོས་ཀྱི་མིག་རྣམ་པར་སྦྱངས་པ། བཅོམ་ལྡན་འདས་ཀྱིས་གནས་བརྟན་རྣམས་དང ། རྒྱལ་ཚབ་ལྟ་བུ་རྣམས་དང་ཡུན་རིང་པོ་ནས་རབ་ཏུ་བྱུང་བ་རྣམས་དང ། ཚངས་པར་སྤྱོད་པ་མངོན་པར་སྤྱད་པ་རྣམས་དང ། སྣམ་སྦྱར་གྱི་རྒྱལ་མཚན་ཐོགས་པ་རྣམས་ཀྱིས་མཆོག་ཏུ་ལུང་བསྟན་པ་གང་ཡིན་པ། གང་གི་རྒྱུད་ལ་དེའི་དང་པོར་བཅོམ་ལྡན་འདས་ཀྱིས་འཇིག་རྟེན་དུ་དགེ་སྦྱོང་ངམ། བྲམ་ཟེའམ་ལྷའམ་བདུད་དམ་ཚངས་པའམ །
Ca291a
༄#། །སུས་ཀྱང་ཆོས་དང་མཐུན་པར་བསྐོར་མི་ནུས་པ་ཆོས་དང་ལྡན་པའི་ཆོས་ཀྱི་འཁོར་ལོ་སྐྱེ་བོ་མང་པོའི་དོན་དང ། སྐྱེ་བོ་མང་པོ་ལ་ཕན་པ་དང ། བདེ་བ་དང ། འཇིག་རྟེན་ལ་རྗེས་སུ་ཐུགས་བརྩེ་བ་དང ། ལྷ་དང་མི་རྣམས་ཀྱི་དོན་དང་ཕན་པ་དང་བདེ་བའི་ཕྱིར་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བ་དེའི་ཡིན་གྱིས། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི་ཚེ་དང་ལྡན་པ་འོད་སྲུང་ཆེན་པོའི་གཙུག་ལག་ཁང་སྟེ། བྲམ་ཟེ་ཤིང་སཱ་ལ་ཆེན་པོ་ལྟ་བུ་རྨོན་པ་དོར་སྟོང་དུ་གཅིག་གིས་མཆོག་པ་སྤངས་ཏེ་རབ་ཏུ་བྱུང་བ། དབྱིག་བྱེ་བ་ཕྲག་དྲུག་ཅུ་དང་ལྡན་པ། གསེར་གྱི་ནས་བང་ཆུང་བརྒྱད་ཅུ་བདོག་པ། བྲན་གྱི་གྲོང་བཅོ་བརྒྱད་བདོག་པ། སྦྱོར་པའི་གྲོང་བཅུ་དྲུག་བདོག་པ། སེར་སྐྱ་བཟང་མོ་ལུས་གསེར་བས་ལྷག་པ་དང་ལྡན་པ། མཆིལ་མའི་ཐལ་བ་སྨིན་པ་ལྟར་སྤངས་ཏེ། མཚན་མོའི་ཐུན་ཐ་མ་ལ་རས་སྦྱར་མའི་སྣམ་སྦྱར་རིན་ཐང་འབུམ་རི་བ་ཐོགས་ཏེ། འཇིག་རྟེན་ན་དགྲ་བཅོམ་པ་གང་དག་བཞུགས་པ་དེ་དག་གི་ཕྱིར་རབ་ཏུ་བྱུང་བ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པར་བསྐྱེད་པའི་ཕྱིར་ནགས་ན་བརྟེན་པ་གང་ཡིན་པ། གང་མཐོང་ན་སྤོས་ཀྱི་གླང་པོ་ཆེ་དག་ཀྱང་རྒྱགས་པ་དང་བྲལ་བར་འགྱུར་བ། གང་གིས་བུ་མངས་ཀྱི་མཆོད་རྟེན་དུ་སྟོན་པར་ཁས་བླངས་ནས་དགེ་སློང་གི་སྡོམ་པ་ཐོབ་པ། བཅོམ་ལྡན་འདས་ཀྱིས་ཀྱང་དགེ་སློང་དག་ངའི་ཉན་ཐོས་ཀྱི་དགེ་སློང་འདོད་པ་ཆུང་བ་ཆོག་ཤེས་པ། སྦྱངས་པའི་
Ca291b
ཡོན་ཏན་སྨྲ་བ་རྣམས་ཀྱི་ནང་ན་མཆོག་ནི་འདི་ཡིན་ཏེ། འདི་ལྟ་སྟེ་དགེ་སློང་འོད་སྲུང་ཆེན་པོའོ་ཞེས་གསུངས་ཤིང ། བཅོམ་ལྡན་འདས་ཀྱིས་རྗེས་སུ་བསྔགས་པ་གང་ཡིན་པ་དེའི་ཡིན་གྱིས། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི་ཚེ་དང་ལྡན་པ་ཤཱ་རིའི་བུའི་གཙུག་ལག་ཁང་སྟེ། མཆོག་ཐོབ་པའི་བུ་གང་ཡིན་པ་གང་གིས་ལོ་བརྒྱད་གཉིས་སུ་དབང་པོའི་བརྡ་སྤྲོད་པ་བཀླགས་པ་རྒོལ་བ་ཐམས་ཅད་ཚར་གཅད་པ། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས། བཅོམ་ལྡན་འདས་ཀྱིས་ཤེས་རབ་ཆེན་པོ་རྣམས་དང ། སྤོབས་པ་ཆེན་པོ་རྣམས་ཀྱི་མཆོག་ཏུ་བསྟན་པ་གང་ཡིན་པ། བཅོམ་ལྡན་འདས་ཀྱིས་འཇིག་རྟེན་ཐམས་ཅད་གང་གི་ཆ་བཅུ་དྲུག་པར་གཞག་ཅིང ། བཅོམ་ལྡན་འདས་ཀྱིས། དེ་བཞིན་གཤེགས་པ་མ་གཏོགས་པར། འཇིག་རྟེན་ཀུན་གྱི་ཤེས་རབ་གང ། ཤཱ་རིའི་བུ་ཡི་ཤེས་རབ་ཀྱི། བཅུ་དྲུག་ཆར་ཡང་མི་ཆོག་གོ་།གལ་ཏེ་ལྷར་བཅས་འཇིག་རྟེན་འདི། ཤཱ་རིའི་བུ་དང་མཉམ་གྱུར་པས། །དེ་བཞིན་གཤེགས་པའི་ཤེས་རབ་ཀྱི། བཅུ་དྲུག་ཆར་ཡང་མི་ཆོག་གོ། །ཞེས་གསུངས་པ་གང་ཡིན་པ་དེའི་ཡིན་གྱིས།་འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི་ཚེ་དང་ལྡན་པ་མོའུ་འགལ་གྱི་བུ་ཆེན་པོའི་གཙུག་ལག་ཁང་སྟེ། མདུན་ན་འདོན་གྱི་བུ་ཅོད་པན་མེད་པའི་རྒྱལ་སྲིད་སྤངས་ཏེ་རབ་ཏུ་བྱུང་བ་གང་ཡིན་པ།་གང་གིས་ལྷའི་དབང་པོ་བརྒྱ་བྱིན་གྱི་ཁང་བཟང་རྣམ་པར་རྒྱལ་བྱེད་རྐང་པ་གཡས་པའི་མཐེ་བོས་ལན་གསུམ་དུ་བསྒུལ། ཀུན་ཏུ་བསྒུལ། ཀུན་ཏུ་རབ་ཏུ་བསྒུལ་བ་གང་གི་རྫུ་འཕྲུལ་གྱིས་བཅོམ་ལྡན་
Ca292a
༄#། །འདས་འཇིག་རྟེན་གྱི་ཁམས་འོད་ཟེར་ཅན་དུ་ཉིན་མཚན་བདུན་གྱིས་གཤེགས་པ། བཅོམ་ལྡན་འདས་ཀྱིས་རྫུ་འཕྲུལ་ཆེན་པོ་རྣམས་དང་མཐུ་ཆེན་པོ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱིས། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི་ཚེ་དང་ལྡན་པ་མ་འགགས་པའི་གཙུག་ལག་ཁང་སྟེ། མི་བསྐལ་པ་བཟང་པོ་ལས་རབ་ཏུ་བྱུང་བ་གང་ཡིན་པ། བཅོམ་ལྡན་འདས་ཀྱི་ཡབ་ཀྱི་མཆེད་ཀྱི་སྲས་གང་གི་མིང་ཡང་དག་པར་བསྒྲགས་པས་ཚོང་པ་དག་རྒྱ་མཚོ་ཆེན་པོ་ནས་བཞོན་པའི་སྣོད་ལེགས་པར་གྲུབ་ཅིང་འོང་བར་འགྱུར་བ། བཅོམ་ལྡན་འདས་ཀྱིས་ལྷའི་མིག་ཅན་རྣམས་ཀྱི་མཆོག་ཏུ་བསྟན་པ་ཡིན་པ་དེའི་ཡིན་གྱིས་འདིར་ཡང་ཞབས་ལ་ཕྱག་དག་འཚོལ་ཅིག་།འདི་ནི་ཚེ་དང་ལྡན་པ་ཀུན་དགའ་བོའི་གཙུག་ལག་ཁང་སྟེ། ཡུན་རིང་པོ་ནས་བཅོམ་ལྡན་འདས་ཀྱིས་བསྙེན་བཀུར་བ་གང་ཡིན་པ། བཅོམ་ལྡན་འདས་ཀྱི་ཞམ་འབྲིང་ན་ཉེ་བར་སྤྱོད་པ། སྟོན་པས་ཡང་དག་པར་བསྔགས་པ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་ཡང་དག་པར་བཀུར་བ་གང་ཡིན་པ། བཅོམ་ལྡན་འདས་ཀྱི་ཡབ་ཀྱི་མཆེད་ཀྱི་སྲས་ལས་རབ་ཏུ་བྱུང་བ། བཅོམ་ལྡན་འདས་ཀྱིས་མང་དུ་ཐོས་པ་རྣམས་དང་ཐོས་པ་འཛིན་པ་རྣམས་དང ། ཐོས་པ་བསགས་པ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱིས། འདིར་ཡང་ཞབས་ལ་ཕྱག་དག་འཚོལ་ཅིག་།འདི་ནི་ཚེ་དང་ལྡན་པ་མཛེས་དགའི་གཙུག་ལག་ཁང་སྟེ། བཅོམ་ལྡན་འདས་ཀྱི་གཅུང་པོ་སྲུའི་སྲས་ལས་
Ca292b
རབ་ཏུ་བྱུང་བ། གལ་ཏེ་རབ་ཏུ་མ་བྱུང་ན་སྟོབས་ཀྱིས་འཁོར་ལོས་སྒྱུར་བའི་རྒྱལ་པོར་འགྱུར་བ། བཅོམ་ལྡན་འདས་ཀྱིས་དབང་པོ་དག་གི་སྒོ་བསྡམས་པ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱིས་འདིར་ཡང་ཞབས་ལ་ཕྱག་དག་འཚོལ་ཅིག་།འདི་ནི་ཚེ་དང་ལྡན་པ་སྒྲ་གཅན་ཟིན་གྱི་གཙུག་ལག་ཁང་སྟེ། བཅོམ་ལྡན་འདས་ཀྱིས་སྲས་ལས་རབ་ཏུ་བྱུང་བ། གལ་ཏེ་རབ་ཏུ་མ་བྱུང་ན་མཐུ་དང་ལྡན་པའི་རྒྱལ་པོར་འགྱུར་བ་གང་ཡིན་པ། གང་རབ་ཏུ་བྱུང་ན་རྒྱལ་པོ་མང་པོས་བཀུར་གྱི་རྒྱུད་གཅིག་ནས་གཅིག་ཏུ་བརྒྱུད་པ་ཡང་དག་པར་རྒྱུན་ཆད་པ་བཅོམ་ལྡན་འདས་ཀྱིས་བསླབ་པ་འདོད་པ་རྣམས་དང ། བསླབ་པ་ལ་གུས་པ་རྣམས་དང ། བསླབ་པ་ལ་ཡོ་བྱད་བསྙུངས་པ་ཐོབ་པ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱིས། འདིར་ཡང་ཞབས་ལ་ཕྱག་དག་འཚོལ་ཅིག། འདི་ནི་ཚེ་དང་ལྡན་པ་དགའ་བོའི་གཙུག་ལག་ཁང་ངོ ། །འདི་ནི་ཉེ་དགའིའོ། །འདི་ནི་འདུན་པའི་འོ། །འདི་ནི་འགྲོ་མགྱོགས་ཀྱིའོ། །འདི་ནི་ནབ་སོའི་འོ། །འདི་ནི་ཁོ་བོའི་གཙུག་ལག་ཁང་ངོ ། །ཅི་འདི་ཡང་ལྟ་བར་བྱེད་དམ། འཕགས་པ་ཅི་བདག་ཅག་གིས་གཙུག་ལག་ཁང་ཐམས་ཅད་བལྟས་ནས། གདོད་འཕགས་པ་འཆར་ཀའི་གཙུག་ལག་ཁང་བལྟ་བར་མི་བགྱིའམ། བདག་ཅག་གིས་འཕགས་པ་འཆར་ཀའི་གཙུག་ལག་ཁང་འདི་ད་ཤིན་ཏུ་བལྟ་བར་བགྱིའོ། །སྲིང་མོ་དག་དེ་བཞིན་གྱིས། ཚེ་དང་ལྡན་པ་འཆར་ཀ་དེ་འདོད་ཆགས་སྤྱོད་པ་ཡིན་པས་དེའི་གཙུག་ལག་ཁང་ན་ས་གཞི་
Ca293a
༄#། །མོན་སྲན་གྲེའུའི་ཕྱེ་མས་བསྐུས་པ་དང ། རྩིག་པ་བཀྲ་ཤིང་ཉེ་བར་བཀྲ་བ་དང ། མལ་སྟན་བེའུ་ཕྲུག་གི་སྙིང་པོ་ཅན་བཤམས་པ་དང ། བུམ་པ་བཏུང་བས་བཀང་པ་བཅུ་སྣོད་དང་བཅས་པ་བཞག་པ་དང ། སྐོན་པའི་ནང་ན་བཅའ་བ་སྣ་ཚོགས་ཀྱིས་གང་བ་དག་ཡོད་དོ། །ཚེ་དང་ལྡན་པ་འཆར་ཀས་བྲམ་ཟེ་དང ། ཁྱིམ་བདག་གི་ཆུང་མ་རབ་ཏུ་མང་པོ་རང་གི་གཙུག་ལག་ཁང་དུ་འོངས་པ་རྣམས་ལ་སྨྲས་པ། སྲིང་མོ་དག་ཅི་ཇེ་ཁྱེའུ་སུས་བྱའམ་འོན་ཏེ་བཏུང་བ་འཐུང ། འཕགས་པ་ཅི་ཆུ་ཀླུང་བཟློག་ཕྱོགས་སུ་འབབ་བམ། བདག་ཅག་གིས་འཕགས་པ་ལ་གསོལ་བར་བགྱི་བ་གང་ལགས་པ་དེ་ཉིད་འཕགས་པས་བདག་ཅག་ལ་གསོལ་ཏམ། འདི་ལྟར་བདག་ཅག་ལ་གང་དཀོན་པ་དེ་སྩོལ་ཅིག་།སྲིང་མོ་དག་ཁྱེད་ཅག་ལ་ཅི་ཞིག་དཀོན། འཕགས་པ་ཆོས་མཉན་པའོ། ། སྲིང་མོ་དག་བཅོམ་ལྡན་འདས་ཀྱིས་གནས་དྲུག་པོ་དག་འཇིག་རྟེན་དུ་བྱུང་བ་ནི་ངོ་མཚར་རྨད་དུ་བྱུང་བ་ཡིན་ཏེ། དྲུག་པོ་དེ་དག་གང་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང ། དེ་བཞིན་གཤེགས་པས་གསུངས་པའི་ཆོས་འདུལ་བ་དང ། མི་ཉིད་དང ། དབུས་པའི་གནས་སུ་སྐྱེ་བ་དང ། དབང་པོ་མ་ཚང་བ་མེད་པ་དང ། དགེ་བའི་ཆོས་ལ་འདུན་པའོ་ཞེས་ལེགས་པར་གསུངས་པས་དེའི་ཕྱིར་ཁྱེད་ཅག་དགེ་བའི་ཕྱོགས་ལ་འདུན་པ་སྐྱེས་པ་འདི་ནི་སངས་རྒྱས་འབྱུང་བ་དང་འདྲ་སྟེ་ལེགས་སོ་ལེགས་སོ། །སྲིང་མོ་དག་འཁོད་ཅིག་དང ། ཁོ་བོས་ཁྱེད་ལ་
Ca293b
ཆོས་བསྟན་པར་བྱའོ། །དེ་དག་གིས་དེའི་རྐང་པ་གཉིས་ལ་ཕྱག་འཚལ་ཏེ། ཆོས་མཉན་པའི་ཕྱིར་མདུན་དུ་འཁོད་པ་དང ། དེས་དེ་དག་ལ་ཆོས་བསྟན་པར་བརྩམས་སོ། །ཇི་ལྟ་ཇི་ལྟར་ཆོས་སྟོན་པ་དེ་ལྟ་དེ་ལྟར་ཀུན་ཏུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་དེ་ལྟ་དེ་ལྟར་དེ་དག་གི་ཡན་ལག་དང་ཉིང་ལག་དག་ལ་ཉུག་པར་བརྩམས་སོ། །འདི་ལྟ་སྟེ་དཔེར་ན།་མི་གསང་སྔགས་ཉིད་རྗོད་པར་བྱེད་པ་འབྱུང་པོའམ་ཤ་ཟས་ཐ་ལྕག་གིས་སྣུན་པས་སྣུན་པར་གྱུར་པ་དེ་བཞིན་དུ་དེ་ཡང་དེ་དག་ལ་ཇི་ལྟ་ཇི་ལྟར་ཆོས་སྟོན་པར་བྱེད་པ་དེ་ལྟ་དེ་ལྟར་ཀུན་ཏུ་ཆགས་སོ། ། ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་དེ་ལྟ་དེ་ལྟར་དེ་དག་གི་ཡན་ལག་དང་ཉིང་ལག་དག་ལ་ཉུག་པར་བརྩམས་སོ། །དེ་ན་གང་དག་བདག་གིར་བྱེད་པ་དེ་དག་ནི་དེ་དང་ལྷན་ཅིག་གཞོག་སྟེགས་དང་ཕྱག་གཡེང་དང་མཐོ་འཚམ་པ་དང་ཀུན་ཏུ་རྩེ་བ་དང ། ཀུན་ཏུ་ཅ་ཅོ་འདོན་པ་དང ། རྒོད་པ་དང་དྲེགས་པ་དང་ལུས་སྒྱུར་བར་བྱེད་དོ། །གང་དག་བདག་གིར་མི་བྱེད་པ་དེ་དག་ནི་དེ་ནས་ཕྱིར་བྱུང་སྟེ་འཆག་ས་དང ། དང་ར་དང ། སྒོ་ཁང་དག་ན། གང་ལས་ཆུ་འབྱུང་དེ་ལས་འབར། གང་ལས་སྐྱོབ་པ་དེ་ལས་འཇིགས། །འཇིགས་པ་མེད་ལས་འཇིགས་པ་སྐྱེས། །སྐྱབས་ལས་འཇིགས་པ་སྐྱེས་པར་གྱུར། །བདག་ཅག་གི་ཕྱོགས་གཅིག་ཏུ་བདེ་བ་ཞི་བ། བདེ་ལེགས་བརྗོད་པ། བདེ་ལེགས་སུ་འགྱུར་བ་གང་ཡིན་པ་དེ་ལས་འཇིགས་པ་དང་ཡམས་དང་གནོད་པ་དང ། འགོ་བའི་
Ca294a
༄#། །ནད་འཁྲུག་པ་བྱུང་བར་གྱུར་ཏོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དེ་དག་སྨོད་ཅིང་འདོད་པ་ན། དགེ་སློང་དག་གི་མངོན་སུམ་དུ་གྱུར་ན་དེ་དག་གིས་དེ་དག་སྨོད་པ་ཐོས་པ་དང་དེ་དག་གིས་སྨྲས་པ། སྲིང་མོ་དག་ཁྱེད་ཅག་སུ་ལ་སྨོད། འཕགས་པ་དག་ཁྱེད་ཅག་ལའོ། །ངེད་ཀྱིས་ཅི་བྱས། འཕགས་པ་དག་བདག་ཅག་གི་ཡན་ལག་དང་ཉིང་ལག་ཁྱིམ་ཐབ་ཀྱིས་ཀྱང་དེ་བྱུགས་པ་གང་དག་ལགས་པ་དེ་དག་འཕགས་པ་འཆར་ཀས་བྱུགས་སོ། །གལ་ཏེ་བདག་ཅག་གི་ཕ་མའམ། ཕུ་ནུ་མོ་དག་གིས་ཐོས་པར་གྱུར་ན་རྒྱལ་བྱེད་ཀྱི་ཚལ་ག་ལ་བ་དེར་ལྟར་ཡང་མི་སྟེར་ན་མཆི་བར་ལྟ་སྨོས་ཀྱང་ཅི་འཚལ། སྲིང་མོ་དག་ཁ་རོ་གཅིག་།དགེ་སློང་དེ་ནི་མདུན་ན་འདོན་གྱི་བུ་ལས་རབ་ཏུ་བྱུང་བ་ཚུལ་ཁྲིམས་དང་ལྡན་པ་ཡིན་མོད་ཀྱི། འོན་ཀྱང་འདོད་ཆགས་ཤས་ཆེ་བ་ཡིན་པས་རྩོམ་པ་དེས་ཉོན་མོངས་པ་སེལ་བར་བྱེད་དོ། །འཕགས་པ་དག་ཅི་ལགས། གླང་བུ་གང་ལ་རཝ་རྣོན་པོ་གཉིས་མཆིས་པ་དེས་བདག་ཉིད་ཀྱི་དཀུ་འདྲལ་བར་བགྱིད་དམ། དེ་ནི་མི་རིགས་སོ། །སྲིང་མོ་དག་ཁ་རོག་ཅིག་དང་བཟློག་པར་བྱའོ། །འཕགས་པ་དག་གལ་ཏེ་བཟློག་ན་དེ་ལྟ་ན་ལེགས། གལ་ཏེ་ཟློག་པར་མི་མཛད་ན་བདག་ཅག་སླན་ཆད་རྒྱལ་བྱེད་ཀྱི་ཚལ་དུ་མི་མཆིའོ། །སྲིང་མོ་དག་ཁ་རོག་ཅིག་དང ། ཅི་ནས་ཀྱང་ཕྱིན་ཆད་དེ་ལྟ་བྱེད་པར་མི་འགྱུར་བར་བཟློག་པར་བྱའོ། །དགེ་སློང་རྣམས་ཀྱིས་དེ་དག་ལ་བསྒོ་སྟེ་དོང་པ་དང་ལྷག་མ་རྣམས་ཀྱང་གཙུག་ལག་ཁང་ནས་བྱུང་སྟེ་དོང་ངོ ། །དེ་ནས་ཚེ་དང་ལྡན་པ་འཆར་ཀ་ཡང་དགོད་བཞིན་དུ་
Ca294b
གཙུག་ལག་ཁང་ནས་བྱུང་བ་དང ། དགེ་སློང་རྣམས་ཀྱིས་དེ་མཐོང་ནས་སྨྲས་པ། ཚེ་དང་ལྡན་པ་འཆར་ཀ་ཁྱོད་མི་མཛེས་པ་དེ་ལྟ་བུ་དེ་བྱས་ནས་ད་ཅི་དགོད། འཆར་ཀས་སྨྲས་པ། ཁོ་བོས་ཆང་འཐུངས་སམ།་ཀུན་དོང་ཟོས་སམ་ཅི། ཚེ་དང་ལྡན་པ་ཅི་དེ་ཡང་བྱས་སམ། གཞན་ཅི་ཞིག་བྱས། བྲམ་ཟེ་དང་ཁྱིམ་བདག་གི་ཆུང་མ་རབ་ཏུ་མང་པོ་དེ་དག་འཕྱ་ཞིང་དོང་ངོ ། །འཆར་ཀས་སྨྲས་པ། ཚེ་དང་ལྡན་པ་དག་ལྷུང་བཟེད་ནག་པོ་ཅན་རྣམས་ཀྱི་རང་བཞིན་ནི་སེར་སྣས་གང་ལ་ཡང་ཚིག་བཞི་པའི་ཚིགས་སུ་བཅད་པ་གཅིག་ཙམ་ཡང་མི་སྟོན་ལ་དེ་དག་ནི་གང་གཞན་ལ་སྟོན་པ་དེ་ལ་འཕྱ་བར་བྱེད་དོ། །དེ་དག་གིས་སྨྲས་པ། ཅི་ཁྱོད་ཀྱིས་དེ་དག་བདེན་པ་དག་ལ་བཀོད་དམ། དེས་སྨྲས། ཇེ་དེ་དག་གི་དབང་པོ་ཡོངས་སུ་སྨིན་པར་བྱ་བར་བརྩམས་ན། མཐར་གྱིས་བདེན་པ་ཡང་མཐོང་བར་འགྱུར་རོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཡན་ལག་གང་གིས་ངོ་ཚ་བར་བྱ་བའི་ཡན་ལག་དེ་དག་ཉིད་ཀྱིས་ཁེངས་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། ། སངས་རྒྱས་བཅོམ་ལྡན་འདས་ཀྱིས། ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་
Ca295a
༄#། །ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་དོ། ། དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ན་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་དང་ལྷན་ཅིག་ལུས་ལ་རེག་པར་བྱེད་དམ། ལག་པ་ནས་བཟུང་ངམ། དཔུང་པ་ནས་བཟུང་ངམ། ལན་བུ་ནས་བཟུང་ངམ། ཡན་ལག་དང་ཉིང་ལག་གང་ཡང་རུང་བ་ལ་ནོམ་པ་དང་ཉུག་པ་བདག་གིར་བྱེད་ན་དགེ་འདུན་ལྷག་མའོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ། གཞན་ཡང་དེ་དང་འདྲ་བ་གང་ཡིན་པའོ། །དྲལ་ཅིང་གྱུར་པའི་སེམས་ཀྱིས་ཞེས་བྱ་བ་ལ་སེམས་དྲལ་ཅིང་མ་གྱུར་པ་ཡང་ཡོད། གྱུར་ཅིང་མ་དྲལ་བ་ཡང་ཡོད་དོ། །དྲལ་ཅིང་གྱུར་བ་ཡང་ཡོད། མ་དྲལ་ཅིང་མ་གྱུར་པ་ཡང་ཡོད་དོ། །དེ་ལ་རེ་ཞིག་དྲལ་ཅིང་མ་གྱུར་པ་ནི་སེམས་ཆགས་པ་དང ། ཀུན་ཏུ་ཆགས་པ་དང ། ཀུན་ནས་དཀྲིས་པ་གང་ཡིན་པའོ། །གྱུར་ཅིང་མ་དྲལ་བ་ནི་སེམས་ལྟོས་པ་དང་ལྡན་ཞིང་སེམས་འབྲེལ་བ་གང་ཡིན་པའོ། །དྲལ་ཅིང་གྱུར་པ་ནི་སེམས་ཆགས་པ་དང ། ཀུན་ཏུ་ཆགས་པ་དང་ཀུན་ནས་དཀྲིས་ཤིང་སེམས་
Ca295b
ལྟོས་པ་དང་ལྡན་པ་དང་འབྲེལ་བ་གང་ཡིན་པའོ། །མ་དྲལ་ཅིང་མ་གྱུར་པ་ནི་རྣམ་པ་དེ་དག་མ་གཏོགས་པའོ། །བུད་མེད་ཀྱི་ཡུལ་དང་ལྷན་ཅིག་ཅེས་བྱ་བ་ནི་བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དང་ངོ ། །ལུས་རེག་པར་ཞེས་བྱ་བ་ནི་ལུས་ལ་ལུས་གཞལ་བར་རོ། །བྱེད་དམ་ཞེས་བྱ་བ་ནི་བྱེད་པར་གྱུར་ཏམ་མོ། །ལག་པ་ནས་བཟུང་ངམ་ཞེས་བྱ་བ་ནི། མཁྲིག་མ་མན་ཆད་ཀྱི་ལག་པ་ནས་སོ། །དཔུང་པ་ནས་བཟུང་ངམ་ཞེས་བྱ་བ་ནས། མཁྲིག་མ་ཡན་ཆད་ནས་སོ། །ལན་བུ་ནས་བཟུང་ངམ་ཞེས་བྱ་བ་ལ་ལན་བུ་ཞེས་བྱ་བ་ནི། སྐྲ་དག་དང ། དེ་དང་འབྲེལ་བའི་གོས་སོ། ། ཡན་ལག་དང་ཉིང་ལག་གང་ཡང་རུང་བ་ཞེས་བྱ་བ་ནི། ལག་པ་ནས་བཟུང་བ་དང་དཔུང་པ་ནས་བཟུང་བ་མ་གཏོགས་པ་དེ་ལས་གཞན་པའི་ཡན་ལག་གི་རྣམ་པ་གང་གི་རྣམ་པ་གང་ཡིན་པ་ལའོ། །ནོམ་པ་དང་ཉུག་པ་བདག་གིར་བྱེད་ན་ཞེས་བྱ་བ་ནི། རོ་མྱོང་བར་བྱེད་ནའོ། །དགེ་འདུན་ལྷག་མའོ་ཞེས་བྱ་བ་ནི། ལྟུང་བ་དེ་དགེ་འདུན་ལ་རག་ལས་པ་སྟེ། དེས་ན་དགེ་འདུན་ལྷག་མའོ་ཞེས་གསུངས་སོ་ཞེས་བྱ་བའི་བར་དུ་སྔ་མ་བཞིན་ནོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གཞི་དགུས་ཏེ། ནོམ་པར་བྱེད་པ་དང ། ཉུག་པར་བྱེད་པ་དང ། སྤྲོད་པར་བྱེད་པ་དང ། འཛིན་པར་བྱེད་པ་དང ། འདྲེན་པར་བྱེད་པ་དང ། ཡོངས་སུ་འདྲེན་པར་བྱེད་པ་དང ། འོག་ནས་འཁྱུད་པར་བྱེད་པ་དང ། སྟེང་ནས་འཁྱུད་པར་བྱེད་པ་དང ། དམ་དུ་སྦྱོར་བར་བྱེད་པས་སོ། །ཇི་ལྟར་ནོམ་པར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་
Ca296a
༄#། །ཀྱིས་བུད་མེད་དང ། གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེའི་སྤྱི་བོ་ལ་ནོམ་པར་བྱེད་ན། གོས་ཀྱིས་བར་དུ་མ་ཆོད་པ་ལ་ནོམ་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ནོམ་ན་ཉེས་པ་སྦོམ་པོར་འགྱུར་རོ། །སྤྱི་བོ་ལ་ཇི་ལྟ་བ་དེ་བཞིན་དུ་དཔྲལ་བ་དང་མཁུར་བ་དང ། མཆུ་དང་ཀོ་སྐོ་དང ། མགྲིན་པ་དང ། རྣ་བ་དང ། སྣ་དང ། ཟ་འགྲམ་དང ། ཕྲག་པ་དང་མཆན་ཁུང་དང་ཐལ་གོང་དང་གློ་དང་རྒྱབ་དང ། བྲང་དང་རྐེད་པ་དང་པུས་མོ་དང ། བརླ་དང་རྗེ་ངར་དང་རྐང་པའི་རྩེ་མོ་དང ། ཐ་ན་རྐང་པའི་མཐེ་བོ་ལ་ནོམ་པར་བྱེད་ན་གོས་ཀྱིས་བར་དུ་མ་ཆོད་པ་ལ་ནོམ་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ནོམ་ན་ཉེས་པ་སྦོམ་པོར་འགྱུར་རོ། །ནོམ་པར་བྱེད་པ་ལ་ཇི་ལྟ་བ་བཞིན་དུ་ཉུག་པར་བྱེད་པ་དང ། སྤྲོད་པ་བྱེད་པ་དང ། འཛིན་པར་བྱེད་པ་ལ་ཡང་དེ་བཞིན་ནོ། །ཇི་ལྟར་འདྲེན་པར་བྱེད་པས་ཤེ་ན། དགེ་སློང་གིས་དྲལ་ཅིང་མ་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེ་ཐག་རིང་པོ་ནས་དྲུང་དུ་འདྲེན་པར་བྱེད་དམ། དྲུང་ནས་ཐག་རིང་པོར་འདྲེན་པར་བྱེད་ན་གོས་ཀྱིས་བར་དུ་ཆོད་པ་མེད་པ་ལ་འདྲེན་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་འདྲེན་ན་ཉེས་པ་སྦོམ་པོར་འགྱུར་ཏེ། དེ་ལྟར་འདྲེན་པར་བྱེད་པས་སོ། །ཇི་ལྟར་ཡོངས་སུ་
Ca296b
འདྲེན་པར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེ་རྐང་པའི་མཐའ་ནས་མགོའི་མཐར་རམ། མགོའི་མཐའ་ནས་རྐང་པའི་མཐར་ཡོངས་སུ་འདྲེན་པར་བྱེད་དམ། གློ་གཡོན་པ་ནས་གློ་གཡས་པར་རམ། གློ་གཡས་པ་ནས་གློ་གཡོན་པར་ཡོངས་སུ་འདྲེན་པར་བྱེད་ན་གོས་ཀྱིས་བར་དུ་ཆོད་པ་མེད་པ་ཡོངས་སུ་འདྲེན་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ཡོངས་སུ་འདྲེན་ན་ཉེས་པ་སྦོམ་པོར་འགྱུར་ཏེ། དེ་ལྟར་ཡོངས་སུ་འདྲེན་པར་བྱེད་པས་སོ། །ཇི་ལྟར་འོག་ནས་འཁྱུད་པར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ། གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེ་ས་ནས་རྐང་པའི་རྩེ་མོར་འོག་ནས་འཁྱུད་པར་བྱེད་ན་གོས་ཀྱིས་བར་དུ་ཆོད་པ་མེད་པར་འོག་ནས་འཁྱུད་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པར་འོག་ནས་འཁྱུད་ན་ཉེས་པ་སྦོམ་པོར་འགྱུར་རོ། །ས་ནས་རྐང་པའི་རྩེ་མོར་ཇི་ལྟ་བ་དེ་བཞིན་དུ་རྐང་པའི་རྩེ་མོ་ནས་རྗེ་ངར་དུ་དང ། རྗེ་ངར་ནས་བརླར་དང ། བརླ་ནས་རྐེད་བར་དང ། རྐེད་པ་ནས་བྲང་དུ་དང ། བྲང་ནས་གློར་དང ། གློ་ནས་རྒྱབ་ཏུ་དང ། རྒྱབ་ནས་ཕྲག་པར་དང ། ཕྲག་པ་ནས་མགྲིན་པར་དང ། མགྲིན་པ་ནས་ཀོ་སྐོར་དང ། ཀོ་སྐོ་ནས་ཟ་འགྲམ་དུ་དང ། ཟ་འགྲམ་ནས་མཁུར་བར་དང ། མཁུར་བ་ནས་དཔྲལ་བར་དང ། དཔྲལ་བ་ནས་སྤྱི་བོར་དང ། སྤྱི་བོ་ནས་ཁྲིའུར་དང ། ཁྲིའུ་ནས་ཁྲིར་དང ། ཁྲི་ནས་ཁྱོགས་
Ca297a
༄#། །སྤྱིལ་དུ་དང ། ཁྱོགས་སྤྱིལ་ནས་རྟའི་རྒྱབ་ཏུ་དང ། རྟའི་རྒྱབ་ནས་གླང་པོ་ཆེའི་རྒྱབ་ཏུ་དང ། གླང་པོ་ཆེའི་རྒྱབ་ནས་ཁང་བཟང་དུ་འོག་ནས་འཁྱུད་པར་བྱེད་ན་གོས་ཀྱིས་བར་དུ་ཆོད་པ་མེད་པར་འོག་ནས་འཁྱུད་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པར་འོག་ནས་འཁྱུད་ན་ཉེས་པ་སྦོམ་པོར་འགྱུར་ཏེ། དེ་ལྟར་འོག་ནས་འཁྱུད་པར་བྱེད་པས་སོ། །ཇི་ལྟར་སྟེང་ནས་འཁྱུད་པར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེ་ཁང་བཟང་ནས་གླང་པོ་ཆེའི་རྒྱབ་ཏུ་སྟེང་དུ་འཁྱུད་པར་བྱེད་ན། གོས་ཀྱིས་བར་དུ་ཆོད་པ་མེད་པར་སྟེང་ནས་འཁྱུད་པར་བྱེད་ན། དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པར་སྟེང་ནས་འཁྱུད་ན་ཉེས་པ་སྦོམ་པོར་འགྱུར་རོ། །ཁང་བཟང་ནས་གླང་པོ་ཆེའི་རྒྱབ་ཏུ་ཇི་ལྟ་བ་དེ་བཞིན་དུ། གླང་པོ་ཆེའི་རྒྱབ་ནས་རྟའི་རྒྱབ་ཏུ་དང ། རྟའི་རྒྱབ་ནས་ཁྱོགས་སྤྱིལ་དུ་དང ། ཁྱོགས་སྤྱིལ་ནས་ཁྲིར་དང ། ཁྲི་ནས་ཁྲིའུར་དང།་ཁྲིའུ་ནས་སྤྱི་བོར་དང ། སྤྱི་བོ་ནས་དཔྲལ་བར་དང ། དཔྲལ་བ་ནས་མཁུར་བར་དང ། མཁུར་བ་ནས་ཟ་འགྲམ་དུ་དང ། ཟ་འགྲམ་ནས་ཀོ་སྐོར་དང ། ཀོ་སྐོ་ནས་མགྲིན་པར་དང ། མགྲིན་པ་ནས་ཕྲག་པར་དང ། ཕྲག་པ་ནས་རྒྱབ་ཏུ་དང ། རྒྱབ་ནས་གློར་དང ། གློ་ནས་བྲང་དུ་དང ། བྲང་ནས་རྐེད་པར་དང ། རྐེད་པ་ནས་བརླར་དང ། བརླ་ནས་རྗེ་ངར་དུ་དང ། རྗེ་ངར་ནས་རྐང་པའི་རྩེ་མོར་
Ca297b
དང།་རྐང་པའི་རྩེ་མོ་ནས་ས་ལ་སྟེང་ནས་འཁྱུད་པར་བྱེད་ན། གོས་ཀྱིས་བར་དུ་ཆོད་པ་མེད་པར་སྟེང་ནས་འཁྱུད་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པར་སྟེང་ནས་འཁྱུད་ན་ཉེས་པ་སྦོམ་པོར་འགྱུར་ཏེ། དེ་ལྟར་སྟེང་ནས་འཁྱུད་པར་བྱེད་པས་སོ། །ཇི་ལྟར་དམ་དུ་སྦྱོར་བར་བྱེད་པས་ཤེ་ན། དགེ་སློང་གིས་དྲལ་ཅིར་གྱུར་པའི་སེམས་ཀྱིས་བུད་མེད་དམ། གཞོན་ནུ་མི་མ་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེའི་སྤྱི་བོར་དམ་དུ་སྦྱོར་བར་བྱེད་ན། གོས་ཀྱིས་བར་དུ་ཆོད་པ་མེད་པར་དམ་དུ་སྦྱོར་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པར་དམ་དུ་སྦྱོར་ན་ཉེས་པ་སྦོམ་པོར་འགྱུར་རོ། །སྤྱི་བོར་ཇི་ལྟ་བ་དེ་བཞིན་དུ་དཔྲལ་བ་དང་མཁུར་བ་དང་མཆུ་དང་ཀོ་སྐོ་དང་མགྲིན་པ་དང ། རྣ་བ་དང་སྣ་དང་ཟ་འགྲམ་དང ། ཕྲག་པ་དང་མཆན་ཁུང་དང་ཐལ་གོང་དང་གློ་དང་རྒྱབ་དང་བྲང་དང་རྐེད་པ་དང་པུས་མོ་དང་བརླ་དང་རྗེ་ངར་དང་རྐང་པའི་རྩེ་མོ་དང ། ཐ་ན་རྐང་པའི་མཐེ་བོར་དམ་དུ་སྦྱོར་བར་བྱེད་ན། གོས་ཀྱིས་བར་དུ་ཆོད་པ་མེད་པར་དམ་དུ་སྦྱོར་ན་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པར་དམ་དུ་སྦྱོར་ན་ཉེས་པ་སྦོམ་པོར་འགྱུར་ཏེ། དེ་ལྟར་དམ་དུ་སྦྱོར་བར་བྱེད་པས་སོ། །གཞན་ཡང་ཇི་ལྟར་ནོམ་པར་བྱེད་པས་ཤེ་ན། བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེས་དགེ་སློང་གི་སྤྱི་བོ་ལ་ནོམ་པར་བྱེད་ན་གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད།
Ca298a
༄#། །ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན། གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་དགེ་སློང་ལ་ཉེས་པ་སྦོམ་པོར་འགྱུར་རོ། །སྤྱི་བོ་ལ་ཇི་ལྟ་བ་དེ་བཞིན་དུ་དཔྲལ་བ་དང་མཁུར་བ་དང་མཆུ་དང་ཀོ་སྐོ་དང་མགྲིན་པ་དང་རྣ་བ་དང་སྣ་དང་ཟ་འགྲམ་དང་ཕྲག་པ་དང ། མཆན་ཁུང་དང་ཐལ་གོང་དང་གློ་དང་རྒྱབ་དང་བྲང་དང་རྐེད་པ་དང ། པུས་མོ་དང་བརླ་དང་རྗེ་ངར་དང ། རྐང་པའི་རྩེ་མོ་དང ། ཐ་ན་རྐང་པའི་མཐེ་བོ་ལ་ནོམ་པར་བྱེད་པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན་གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་ཉེས་པ་སྦོམ་པོར་འགྱུར་རོ། །ནོམ་པར་བྱེད་པ་ལ་ཇི་ལྟ་བ་བཞིན་དུ་ཉུག་པར་བྱེད་པ་དང ། སྤྲོད་པར་བྱེད་པ་དང ། འཛིན་པར་བྱེད་པ་ཡང་དེ་བཞིན་ནོ། །ཇི་ལྟར་འདྲེན་པར་བྱེད་པས་ཤེ་ན། བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟེན་ནུས་པ་གང་ཡིན་པ་དེས་དགེ་སློང་ཐག་རིང་པོ་ནས་དྲུང་དུ་འདྲེན་པར་བྱེད་དམ་དྲུང་ནས་ཐག་རིང་པོར་འདྲེན་པར་བྱེད་
Ca298b
པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན། གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་ཉེས་པ་སྦོམ་པོར་འགྱུར་ཏེ། དེ་ལྟར་འདྲེན་པར་བྱེད་པས་སོ། །ཇི་ལྟར་ཡོངས་སུ་འདྲེན་པར་བྱེད་པས་ཤེ་ན། བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེས་དགེ་སློང་རྐང་པའི་མཐའ་ནས་མགོའི་མཐར་རམ། མགོའི་མཐའ་ནས་རྐང་པའི་མཐར་ཡོངས་སུ་འདྲེན་པར་བྱེད་དམ། གློ་གཡོན་པ་ནས་གློ་གཡས་པར་རམ། གློ་གཡས་པ་ནས་གློ་གཡོན་པར་ཡོངས་སུ་འདྲེན་པར་བྱེད་པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན། གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་དགེ་སློང་ལ་ཉེས་པ་སྦོམ་པོར་འགྱུར་ཏེ། དེ་ལྟར་ཡོངས་སུ་འདྲེན་པར་བྱེད་པས་སོ། །ཇི་ལྟར་འོག་ནས་འཁྱུད་པར་བྱེད་པས་ཤེ་ན། བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེས་དགེ་སློང་ནས་རྐང་
Ca299a
༄#། །པའི་རྩེ་མོར་འོག་ནས་འཁྱུད་པར་བྱེད་པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད།་ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན། གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་དགེ་སློང་ལ་ཉེས་པ་སྦོམ་པོར་འགྱུར་རོ། །ས་ནས་རྐང་པའི་རྩེ་མོར་ཇི་ལྟ་བ་དེ་བཞིན་དུ་རྐང་པའི་རྩེ་མོ་ནས་རྗེ་ངར་དུ་དང ། རྗེ་ངར་ནས་བརླར་དང ། བརླ་ནས་རྐེད་པར་དང ། རྐེད་པ་ནས་བྲང་དུ་དང ། བྲང་ནས་གློར་དང ། གློ་ནས་རྒྱབ་ཏུ་དང ། རྒྱབ་ནས་ཕྲག་པ་དང ། ཕྲག་པ་ནས་མགྲིན་པར་དང ། མགྲིན་པ་ནས་ཀོ་སྐོར་དང ། ཀོ་སྐོ་ནས་ཟ་འགྲམ་དུ་དང ། ཟ་འགྲམ་ནས་མཁུར་བར་དང ། མཁུར་བ་ནས་དཔྲལ་བར་དང ། དཔྲལ་བ་ནས་སྤྱི་བོར་དང ། སྤྱི་བོ་ནས་ཁྲིའུར་དང ། ཁྲིའུ་ནས་ཁྲིར་དང ། ཁྲི་ནས་ཁྱོགས་སྤྱིལ་དུ་དང ། ཁྱོགས་སྤྱིལ་ནས་རྟའི་རྒྱབ་ཏུ་དང ། རྟའི་རྒྱབ་ནས་གླང་པོ་ཆེའི་རྒྱབ་ཏུ་དང ། གླང་པོ་ཆེའི་རྒྱབ་ནས་ཁང་བཟང་དུ་འོག་ནས་འཁྱུད་པར་བྱེད་པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན། གོས་ཀྱིས་བར་དུ་ཆོད་པ་མེད་
Ca299b
པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་དགེ་སློང་ལ་ཉེས་པ་སྦོམ་པོར་འགྱུར་ཏེ། དེ་ལྟར་འོག་ནས་འཁྱུད་པར་བྱེད་པས་སོ། །ཇི་ལྟར་སྟེང་ནས་འཁྱུད་པར་བྱེད་པས་ཤེ་ན། བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེས་དགེ་སློང་ཁང་བཟང་ནས་གླང་པོ་ཆེའི་རྒྱབ་ཏུ་སྟེང་ནས་འཁྱུད་པར་བྱེད་པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན། གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་དགེ་སློང་ལ་ཉེས་པ་སྦོམ་པོར་འགྱུར་རོ། །ཁང་བཟང་ནས་གླང་པོ་ཆེའི་རྒྱབ་ཏུ་ཇི་ལྟ་བ་དེ་བཞིན་དུ་གླང་པོ་ཆེའི་རྒྱབ་ནས་རྟའི་རྒྱབ་ཏུ་དང ། རྟའི་རྒྱབ་ནས་ཁྱོགས་སྤྱིལ་དུ་དང ། ཁྱོགས་སྤྱིལ་ནས་ཁྲིར་དང ། ཁྲི་ནས་ཁྲིའུར་དང ། ཁྲིའུ་ནས་སྤྱི་བོར་དང ། སྤྱི་བོ་ནས་དཔྲལ་བར་དང ། དཔྲལ་བ་ནས་མཁུར་བར་དང ། མཁུར་བ་ནས་ཟ་འགྲམ་དུ་དང ། ཟ་འགྲམ་ནས་ཀོ་སྐོར་དང ། ཀོ་སྐོ་ནས་མགྲིན་པར་དང ། མགྲིན་པ་ནས་ཕྲག་པར་དང ། ཕྲག་པ་ནས་རྒྱབ་ཏུ་དང ། རྒྱབ་ནས་གློར་དང ། གློ་ནས་བྲང་དུ་དང ། བྲང་ནས་རྐེད་པར་དང ། རྐེད་པ་ནས་བརླར་དང ། བརླ་ནས་རྗེ་ངར་དུ་དང ། རྗེ་ངར་ནས་རྐང་པའི་རྩེ་མོར་དང ། རྐང་པའི་རྩེ་མོ་
Ca300a
༄#། །ནས་ས་ལ་སྟེང་ནས་འཁྱུད་པར་བྱེད་པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད།། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན། གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་དགེ་སློང་ལ་ཉེས་པ་སྦོམ་པོར་འགྱུར་ཏེ། དེ་ལྟར་སྟེང་ནས་འཁྱུད་པར་བྱེད་པས་སོ། །ཇི་ལྟར་དམ་དུ་སྦྱོར་བར་བྱེད་པས་ཤེ་ན། བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟོན་ནུས་པ་གང་ཡིན་པ་དེས་དགེ་སློང་གི་སྤྱི་བོར་དམ་དུ་སྦྱོར་བར་བྱེད་པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་ན། གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་བར་བྱེད་ན་དགེ་སློང་ལ་ཉེས་པ་སྦོམ་པོར་འགྱུར་རོ། །སྤྱི་བོ་ལ་ཇི་ལྟ་བ་དེ་བཞིན་དུ་དཔྲལ་བ་དང ། མཁུར་བ་དང་མཆུ་དང་ཀོ་སྐོ་དང་མགྲིན་པ་དང ། རྣ་བ་དང་སྣ་དང་ཟ་འགྲམ་དང་ཕྲག་པ་དང་མཆན་ཁུང་དང་ཐལ་གོང་དང་གློ་དང་རྒྱབ་དང་བྲང་དང་རྐང་པ་དང་པུས་མོ་དང་བརླ་དང་རྗེ་ངར་དང་རྐང་པའི་སེན་མོ་དང ། ཐ་ན་རྐང་པའི་མཐེ་
Ca300b
བོང་ལ་དམ་དུ་སྦྱོར་བར་བྱེད་པ་ན། གལ་ཏེ་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ལུས་ཉེ་བར་གཞོལ་བར་བྱེད་པ་ན། གོས་ཀྱིས་བར་དུ་ཆོད་པ་མེད་པ་ལ་ཉེ་བར་གཞོལ་ན་དགེ་སློང་ལ་དགེ་འདུན་ལྷག་མར་འགྱུར་རོ། །གོས་ཀྱིས་བར་དུ་ཆོད་པ་དང་བཅས་པ་ལ་ཉེ་བར་གཞོལ་ན་དགེ་སློང་ལ་ཉེས་པ་སྦོམ་པོར་འགྱུར་ཏེ། དེ་ལྟར་དམ་དུ་སྦྱོར་བར་བྱེད་པས་སོ། །ནུས་པ་ལ་དགེ་འདུན་ལྷག་མ་གང་ཡིན་པ་དེ་མི་ནུས་པ་ལ་ཉེས་པ་སྦོམ་པོའོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཉེས་པ་སྦོམ་པོའོ། །ནུས་པ་ལ་ཉེས་པ་སྦོམ་པོ་གང་ཡིན་པ་དེ་མི་ནུས་པ་ལ་ཉེས་བྱས་སོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཡང་ཉེས་བྱས་ཉིད་དོ། །དུད་འགྲོའི་སྐྱེ་གནས་སུ་སྐྱེས་པ་ལ་ཡང་ཉེས་བྱས་ཉིད་དོ། །ནུས་པ་ལ་ཉེས་བྱས་གང་ཡིན་པ་དེ་མི་ནུས་པ་ལ་ཡང་ཉེས་བྱས་ཉིད་དོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་དང་དུད་འགྲོའི་སྐྱེ་གནས་སུ་སྐྱེས་པ་ལ་ཡང་ཉེས་བྱས་ཉིད་དོ། །མ་ཡང་ཡིན་ལ་མར་འདུ་ཤེས་པ་ཡང་ཡོད་པ་དང ། སྲིང་མོ་ཡང་ཡིན་ལ་སྲིང་མོར་འདུ་ཤེས་པ་ཡང་ཡོད་པ་དང ། བུ་མོ་ཡང་ཡིན་ལ་བུ་མོར་འདུ་ཤེས་པ་ཡང་ཡོད་པ་ལ་ལྟུང་བ་མེད་དོ། །མེར་མཆོང་བ་དང་ཆུས་ཁྱེར་བ་དང ། དུག་ཟ་བ་དང་མཚོན་འབྱིན་པ་དང ། གཡང་ས་ནས་འཆོང་བ་དང ། ཐག་པས་འཆིང་བ་དང ། འཆི་བ་ལ་མངོན་པར་ཕྱོགས་པ་འཆི་བ་ལས་
Ca301a
༄#། །ཐར་པར་བྱེད་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལུས་ཀྱིས་རེག་པའི་དགེ་འདུན་ལྷག་མ་སྟེ་གཉིས་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་བཅུ་དྲུག་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གི་ཀུན་ཏུ་སྤྱོད་པ་ནི་འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་པས་དྲུག་སྡེ་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས་ཚེ་དང་ལྡན་པ་འཆར་ཀ་ནང་པར་སྔར་ལངས་ཏེ་སོ་ཤིང་བོར་ནས་སྣམ་སྦྱར་དམར་སེར་གྱོན་ཏེ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་གོ་།མཉན་ཡོད་ན་གནས་པའི་བྲམ་ཟེ་དང་ཁྱིམ་བདག་གི་ཆུང་མ་རྣམས་ཀྱི་ཀུན་ཏུ་སྤྱོད་པ་ནི་སྐྱེད་མོས་ཚལ་དུ་སོང་སྟེ། རྒྱལ་བྱེད་ཀྱི་ཚལ་དུ་འཇུག་པ་དང ། གཙུག་ལག་ཁང་ལྟ་བ་དང ། བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་དུ་འགྲོ་བས་བྲམ་ཟེ་དང ། ཁྱིམ་བདག་གི་ཆུང་མ་རབ་ཏུ་མང་པོ་དག་སྐྱེད་མོས་ཚལ་ཏུ་བྱུང་སྟེ། གཙུག་ལག་ཁང་ལྟ་འདོད་པས་རྒྱལ་བྱེད་ཀྱི་ཚལ་ག་ལ་བ་དེར་དོང་ངོ་ཞེས་བྱ་བ་ནས། དེས་དེ་དག་ལ་ཆོས་བསྟན་པར་བརྩམས་སོ། །ཞེས་བྱ་བའི་བར་དུ་དགེ་འདུན་ལྷག་མ་
Ca301b
གཉིས་པའི་སྐབས་སུ་བསྟན་པ་བཞིན་ནོ། །ཇི་ལྟ་ཇི་ལྟར་ཆོས་བསྟན་པ་དེ་ལྟ་དེ་ལྟར་ཀུན་ཏུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་དེ་ལྟ་དེ་ལྟར་དེ་དག་ལས་གནས་ངན་ལེན་གྱི་ཚིག་སྡིག་པ་ཅན་ཚོགས་པར་མི་དབྱུང་བ་འཁྲིག་པ་དང་ལྡན་པ་དག་སྐྱེས་བུས་ན་ཆུང་ལ་ཇི་ལྟ་བ་བཞིན་དུ་སྨྲ་བར་བརྩམས་སོ། །འདི་ལྟ་སྟེ་དཔེར་ན་མི་གསང་སྔགས་ཉིད་རྗོད་པར་བྱེད་པ་འབྱུང་པོའམ། ཤ་ཟས་ཐ་ལྕག་གིས་སྣུན་པས་སྣུན་པར་གྱུར་པ་དེ་བཞིན་དུ་དེ་ཡང་དེ་དག་ལ་ཇི་ལྟ་ཇི་ལྟར་ཆོས་སྟོན་པར་བྱེད་པ་དེ་ལྟ་དེ་ལྟར་ཀུན་ཏུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་དེ་ལྟ་དེ་ལྟར་དེ་དག་ལ་གནས་ངན་ལེན་གྱི་ཚིག་སྡིག་པ་ཅན་ཚོགས་པར་མི་དབྱུང་བ་འཁྲིག་པ་དང་ལྡན་པ་དག་སྐྱེས་བུས་ན་ཆུང་ལ་ཇི་ལྟ་བ་བཞིན་དུ་སྨྲ་བར་བརྩམས་སོ། །དེ་ན་གང་དག་བདག་གིར་བྱེད་པ་དེ་དག་ནི་དེ་དང་ལྷན་ཅིག་གཞོག་སྟེགས་དང ། ཕྱར་གཡེང་དང་མཐོ་འཚམ་པ་དང ། ཀུན་ཏུ་རྩེ་བ་དང་ཀུན་ཏུ་ཅ་ཅོ་འདོན་པ་དང ། རྒོད་པ་དང་དྲེགས་པ་དང ། ལུས་སྒྱུར་བར་བྱེད་དེ། གང་དག་བདག་གིར་མི་བྱེད་པ་དེ་དག་ནི་དེ་ནས་ཕྱིར་བྱུང་སྟེ་འཆག་ས་དང ། དངར་དང ། སྒོ་ཁང་དག་ན། གང་ལས་ཆུ་འབྱུང་དེ་ལས་འབར། །གང་ལས་སྐྱོབ་པ་དེ་ལས་འཇིགས། །འཇིགས་པ་མེད་པས་འཇིགས་པ་སྐྱེས། སྐྱབས་ལས་འཇིགས་པ་སྐྱེས་པར་འགྱུར། །བདག་ཅག་གིས་ཕྱོགས་གཅིག་ཏུ་བདེ་བ་ཞི་བ། བདེ་ལེགས་རྗོད་པ། བདེ་ལེགས་སུ་འགྱུར་བ་གང་ཡིན་པ་དེ་ལས་འཇིགས་པ་དང ། ཡམས་དང་གནོད་པ་དང ། འགོ་བའི་
Ca302a
༄#། །ནད་དང་འཁྲུག་པ་བྱུང་བར་གྱུར་ཏོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དེ་དག་སྨོད་ཅིང་འདོང་བ་ན་དགེ་སློང་དག་གི་མངོན་སུམ་དུ་གྱུར་ནས། དེ་དག་གིས་དེ་དག་སྨོད་པ་ཐོས་པ་དང ། དེ་དག་གིས་སྨྲས་པ་དང ། སྲིང་མོ་དག་ཁྱེད་ཅག་སུ་ལ་སྨོད། འཕགས་པ་དག་ཁྱེད་ཅག་ལའོ། །ངེད་ཀྱིས་ཅི་བྱས། འཕགས་པ་དག་བདག་ཅག་གིས་དྭ་རྣམས་དང ། རྒྱན་པོ་པ་རྣམས་དང ། ནལ་གྱི་བུ་རྣམས་ལས་ཀྱང་ཚིག་གང་དག་སྔོན་མ་ཐོས་པ་དེ་དག་འཕགས་པ་འཆར་ཀ་ལས་ཐོས་སོ། །གལ་ཏེ་བདག་ཅག་གི་ཕ་མ་དང་ཕུ་ནུ་མོ་དག་གིས་ཐོས་པར་གྱུར་ན། རྒྱལ་བྱེད་ཀྱི་ཚལ་ག་ལ་བ་དེར་ལྟར་ཡང་མི་སྟེར་ན་མཆི་བར་ལྟ་སྨོས་ཀྱང་ཅི་འཚལ། སྲིང་མོ་དག་ཁ་རོག་ཅིག་།དགེ་སློང་དེ་ནི་མདུན་ན་འདོན་གྱི་བུ་ལས་རབ་ཏུ་བྱུང་བ་ཚུལ་ཁྲིམས་དང་ལྡན་པ་ཡིན་མོད་ཀྱི་འོན་ཀྱང་འདོད་ཆགས་ཤས་ཆེ་བ་ཡིན་པས་རྩོམ་པ་དེས་ཉོན་མོངས་པ་སེལ་བར་བྱེད་དོ། །འཕགས་པ་དག་ཅི་ལགས། གླང་བུ་གང་ལ་རཝ་རྣོན་པོ་གཉིས་མཆིས་པ་དེས་བདག་ཉིད་ཀྱི་དཀུ་འདྲལ་བར་བགྱིད་དམ། དེ་ནི་མི་རིགས་སོ། །སྲིང་མོ་དག་ཁ་རོག་ཅིག་དང ། བཟློག་པར་བྱའོ། །འཕགས་པ་དག་གལ་ཏེ་བཟློག་ན་དེ་ལྟ་ན་ལེགས། གལ་ཏེ་ཟློག་པར་མི་མཛད་ན་བདག་ཅག་སླན་ཆད་རྒྱལ་བྱེད་ཀྱི་ཚལ་དུ་མི་མཆིའོ། །སྲིང་མོ་དག་ཁ་རོག་ཅིག་དང ། ཅི་ནས་ཀྱང་ཕྱིན་ཆད་དེ་ལྟ་བྱེད་པར་མི་འགྱུར་བར་བཟློག་པར་བྱའོ། །དགེ་སློང་རྣམས་ཀྱིས་དེ་དག་ལ་བསྒོ་སྟེ་དོང་བ་དང ། ལྷག་མ་རྣམས་ཀྱང་གཙུག་ལག་ཁང་ནས་
Ca302b
བྱུང་སྟེ་དོང་ངོ ། །དེ་ནས་ཚེ་དང་ལྡན་པ་འཆར་ཀ་ཡང་དགོད་བཞིན་དུ་གཙུག་ལག་ཁང་ནས་བྱུང་བ་དང ། དགེ་སློང་རྣམས་ཀྱིས་དེ་མཐོང་ནས་སྨྲས་པ། ཚེ་དང་ལྡན་པ་འཆར་ཀ་ཁྱོད་མི་མཛེས་པ་དེ་ལྟ་བུ་དེ་བྱས་ནས་དེ་ཅི་དགོད། འཆར་ཀས་སྨྲས་པ། ཁོ་བོས་ཆང་འཐུངས་སམ། ཀུན་དོང་ཟོས་སམ་ཅི། ཚེ་དང་ལྡན་པ་ཅི། དེ་ལས་བྱས་སམ། གཞན་ཅི་ཞིག་བྱས། བྲམ་ཟེ་དང་ཁྱིམ་བདག་གི་ཆུང་མ་རབ་ཏུ་མང་པོ་དེ་དག་སྨོད་ཅིང་དོང་ངོ ། །འཆར་ཀས་སྨྲས་པ། ཚེ་དང་ལྡན་པ་དག་ལྷུང་བཟེད་ནག་པོ་ཅན་རྣམས་ཀྱིས་རང་བཞིན་ནི་སེར་སྣས་གང་ལ་ཡང་ཚིག་བཞི་པའི་ཚིགས་སུ་བཅད་པ་གཅིག་ཙམ་མི་སྟོན་པ་དེ་དག་ནི་གང་གཞན་ལ་སྟོན་པ་དེ་ལ་སྨོད་པར་བྱེད་དོ། །དེ་དག་གིས་སྨྲས་པ། ཅི་ཁྱོད་ཀྱིས་དེ་དག་བདེན་པ་དག་ལ་བཀོད་དམ། དེས་སྨྲས་པ། ཇེ་དེ་དག་གིས་དབང་པོ་ཡོངས་སུ་སྨིན་པར་བྱ་བ་བརྩམས་ནས་མཐར་གྱིས་བདེན་པ་ཡང་མཐོང་བར་འགྱུར་རོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཡན་ལག་གང་གིས་ངོ་ཚ་བར་བྱ་བའི་ཡན་ལག་དེ་ཉིད་ཀྱིས་ཁེངས་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་
Ca303a
༄#། །ནམ།་བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སློང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་ལ་གནས་ངན་ལེན་གྱི་ཚིག་སྡིག་པ་ཅན་ཚོགས་པར་མི་དབྱུང་བ་འཁྲིག་པ་དང་ལྡན་པ་དག་སྐྱེས་བུས་ན་ཆུང་ལ་ཇི་ལྟ་བ་བཞིན་དུ་སྨྲས་ན་དགེ་འདུན་ལྷག་མའོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །དྲལ་ཅིང་གྱུར་པའི་སེམས་ཀྱི་ཞེས་བྱ་བ་ནི་སེམས་དྲལ་ཅིང་མ་གྱུར་པ་ཡང་ཡོད། གྱུར་ཅིང་མ་དྲལ་བ་ཡང་ཡོད། དྲལ་ཅིང་གྱུར་པ་ཡང་ཡོད། མ་དྲལ་ཅིང་མ་གྱུར་པ་ཡང་ཡོད་དོ། །དེ་ལ་རེ་ཞིག་སེམས་དྲལ་ཅིང་མ་གྱུར་པ་ནི་སེམས་ཆགས་པ་དང་ཀུན་ཏུ་ཆགས་པ་དང་ཀུན་ནས་དཀྲིས་པ་གང་ཡིན་པའོ། །གྱུར་ཅིང་མ་དྲལ་བ་ནི་སེམས་ལྟོས་པ་དང་བཅས་ཤིང་འབྲེལ་བ་གང་ཡིན་པའོ། །དྲལ་ཅིང་གྱུར་པ་ནི་སེམས་ཆགས་པ་
Ca303b
དང་ཀུན་ཏུ་ཆགས་པ་དང ། ཀུན་ནས་དཀྲིས་པ་དང་སེམས་ལྟོས་པ་དང་བཅས་ཤིང་འབྲེལ་བ་གང་ཡིན་པའོ། །མ་དྲལ་ཅིང་མ་གྱུར་པ་ནི་རྣམ་པ་དེ་དག་མ་གཏོགས་པའོ། །བུད་མེད་ཀྱི་ཡུལ་ལ་ཞེས་བྱ་བ་ནི་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་ལའོ། །གནས་ངན་ལེན་ཅེས་བྱ་བ་ལ་གནས་ངན་ལེན་ནི་གཉིས་ཏེ། ཕམ་པར་འགྱུར་བ་ཀུན་ནས་སློང་བ་དང ། དགེ་འདུན་ལྷག་མ་ཀུན་ནས་སློང་བའོ། །ཅིའི་ཕྱིར་དེ་དག་གནས་ངན་ལེན་ཅེས་བྱ་ཞེ་ན། ངོ་བོ་ཉིད་ལས་དང ། ཀུན་ནས་སློང་བ་ལས་སོ། །ཚིག་ཅེས་བྱ་བ་ནི་བརྗོད་པའོ། །སྡིག་པ་ཅན་ཞེས་བྱ་བ་ལ་སྡིག་པ་ཞེས་བྱ་བ་ནི་ཁ་ན་མ་ཐོ་བའོ། །ཚོགས་པར་མི་དབྱུང་བ་ཞེས་བྱ་བ་ནི་དབུས་པའི་མཚམས་ལས་འདས་པ་སྟེ། ཚུལ་དང་མི་མཐུན་པའོ། །འཁྲིག་པ་དང་ལྡན་པ་ཞེས་བྱ་བ་ནི་མི་ཚངས་པར་སྤྱོད་པ་དང་ལྡན་པའོ། །སྐྱེས་བུས་ན་ཆུང་ལ་ཇི་ལྟ་བ་བཞིན་དུ་ཞེས་བྱ་བ་ལ། སྐྱེས་བུ་ཞེས་བྱ་བ་ནི་སྐྱེས་པའོ། །ན་ཆུང་ཞེས་བྱ་བ་ནི་བུད་མེད་དོ། །སྨྲས་ན་ཞེས་བྱ་བ་ནི་མ་སྨྲས་པ་ལ་སྨྲས་པ་དང ། སྨྲས་པ་ལ་ཕྱིར་སྨྲས་ནའོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་ནོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གཞི་དགུས་ཏེ། བསྔགས་པ་བྱེད་པ་དང ། བསྔགས་པ་མ་ཡིན་པ་བྱེད་པ་དང ། གསོལ་བ་བྱེད་པ་དང ། ཉེ་བར་གསོལ་བ་བྱེད་པ་དང ། འདྲི་བར་བྱེད་པ་དང ། ཡོངས་སུ་འདྲི་བར་བྱེད་པ་དང ། རྗོད་པར་བྱེད་པ་དང ། སྨོན་པར་བྱེད་པ་དང ། གཤེ་བར་བྱེད་པས་སོ། དེ་ལ་ཇི་ལྟར་བསྔགས་པ་བྱེད་པས་ཤེ་
Ca304a
༄#། །ན།་དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ་འདི་སྐད་ཅེས་སྲུ་ཁྱོད་ཀྱི་རྨའི་སྒོ་གསུམ་པོ་དག་ནི་ཏེ་པོར་ལེགས་པར་དོད་པ་དང ། ལེགས་པར་གནས་པ་དང ། ལེགས་པར་གྱུར་པ་དག་ཡིན་ནོ་ཞེས་ཟེར་ཞིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་བསྔགས་པ་བྱེད་པས་སོ། །ཇི་ལྟར་བསྔགས་པ་མ་ཡིན་པ་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང་ཉེས་པ་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་སྲུ་ཁྱོད་ཀྱི་རྨའི་སྒོ་གསུམ་པོ་དག་ནི་ཏེ་པོར་མ་ལེགས་པར་དོད་པ་དང ། མ་ལེགས་པར་གནས་པ་དང ། མ་ལེགས་པར་གྱུར་པ་དག་ཡིན་ནོ། ། ཞེས་ཟེར་ཞིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་བསྔགས་པ་མ་ཡིན་པ་བྱེད་པས་སོ། །ཇི་ལྟར་གསོལ་བ་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་
Ca304b
ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་སྲུ་ཚུར་ཤོག་།དེ་དང་དེ་བྱའོ་ཞེས་ཟེར་ཞིང་འཁྲིག་པ་དང་ལྡན་པའི་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་གསོལ་བར་བྱེད་པས་སོ། །ཇི་ལྟར་ཉེ་བར་གསོལ་བ་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་སྲུ་བུད་མེད་དང་སྐྱེས་པ་དེ་དང་དེ་བྱེད་པ་གང་ཡིན་པ་དེ་ནི་དེའི་དགའ་བ་དང་ཡིད་དུ་འོང་བ་ཡིན་གྱིས་སྲུ་བདག་ཅག་ཀྱང་དེ་དང་དེ་བྱ་ན་སྲུ་བདག་གི་དགའ་བ་དང་ཡིད་དུ་འོང་བར་འགྱུར་རོ་ཞེས་ཟེར་ཞིང ། འཁྲིག་པ་དང་ལྡན་པའི་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་ཉེ་བར་གསོལ་བར་བྱེད་པས་སོ། །ཇི་ལྟར་འདྲི་བར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ་འདི་སྐད་ཅེས་སྲུ་སྐྱེས་པ་གང་བུད་མེད་གང་ལ་དེ་དང་དེ་བྱེད་པ་དེ་ནི་དེའི་དགའ་བ་དང་ཡིད་དུ་འོང་བར་གྱུར་ན། ཁོ་བོས་ཀྱང་སྲུ་ལ་དེ་དང་དེ་བྱ་ན་སྲུ་ཁོ་བོའི་དགའ་བ་དང་ཡིད་དུ་འོང་བར་འགྱུར་རམ་ཞེས་ཟེར་ཞིང ། འཁྲིག་པ་དང་ལྡན་པ་རྒྱའི་
Ca305a
༄#། །རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་འདྲི་བར་བྱེད་པས་སོ། །ཇི་ལྟར་ཡོངས་སུ་འདྲི་བར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་སྲུ་སྐྱེས་པ་གང་བུད་མེད་དང་དེ་དང་དེ་བྱེད་པ་དེ་ནི་དེའི་དགའ་བ་དང་ཡིད་དུ་འོང་བར་འགྱུར་ན། ཁོ་བོས་ཀྱང་སྲུ་ལ་དེ་དང་དེ་བྱ་ན་སྲུ་ཁོ་བོ་ལ་དགའ་བ་དང་ཡིད་དུ་འོང་བར་འགྱུར་བ་དེ་དེ་བཞིན་ནམ་འོན་ཏེ་མ་ཡིན། དེ་ལ་སྲུ་ཇི་སྙམ་བྱེད་ཅིང་ཟེར་ཞིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་ཡོངས་སུ་འདྲི་བར་བྱེད་པས་སོ། །ཇི་ལྟར་རྗོད་པར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ། གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་སྲུ་མ་དང་སུ་མ་ཁོ་བོའི་གན་དུ་སྐྱེད་མོས་ཚལ་ལམ་ལྷའི་གནས་སམ་དུས་མལ་ཆེ་གེ་མོ་ཞིག་ཏུ་བུད་མེད་དེ་ལྟ་བུ་ཞིག་དོན་དེའི་ཕྱིར་འོངས་པར་གྱུར་ནས། ཁོ་བོས་མལ་མེ་ཏོག་གིས་བཀྲམ་པ་བཤམས་ཤིང་མཚན་ཐོག་ཐག་འབྲུ་མར་གྱི་
Ca305b
མར་མེ་བཙུགས་ནས། ཁོ་བོས་དེ་དང་ལྷན་ཅིག་བཅའ་བ་དེ་དང་དེ་ལྟ་བུ་འཆོས་ཤིང་བཟའ་བ་དེ་དང་དེ་ལྟ་བུ་ཡང་ཟོས། བཏུང་བ་དེ་དང་དེ་ལྟ་བུ་ཡང་འཐུངས་ཤིང ། ཁོ་བོས་དེ་དང་ལྷན་ཅིག་དེ་དང་དེ་ཡང་བྱས་ཏེ།་སྲུ་ཡང་དོན་དེའི་ཕྱིར་འོངས་པར་གྱུར་ན་ཁོ་བོས་མལ་མེ་ཏོག་གིས་བཀྲམ་པ་བཤམས་ཤིང་མཚན་ཐོག་ཐག་འབྲུ་མར་གྱི་མར་མེ་བཙུགས་ནས། ཁོ་བོས་སྲུ་དང་ལྷན་ཅིག་བཅའ་བ་དེ་དང་དེ་ལྟ་བུ་འཆོས་ཤིང།་བཟའ་བ་དེ་དང་དེ་ལྟ་བུ་ཡང་ཟོས། བཏུང་བ་དེ་དང་དེ་ལྟ་བུ་ཡང་འཐུངས་ཤིང་ཁོ་བོས་སྲུ་དང་ལྷན་ཅིག་དེ་དང་དེ་ཡང་བྱས་པ་འགྱུར་རོ་ཞེས་ཟེར་ཞིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་རྗོད་པར་བྱེད་པས་སོ། །ཇི་ལྟར་སྨོན་པར་བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་སྲུ་གང་དག་སྲུ་དང་ལྷན་ཅིག་དེ་ལྟ་དེ་ལྟར་བྱེད་པ་དེ་དག་ནི་བདེ་བར་གྱུར་ཅིང་མཐོ་རིས་ཐོབ་པ་ཡིན་པས་ཁོ་བོས་ཡང་གལ་ཏེ་སྲུ་དང་ལྷན་ཅིག་དེ་དང་དེ་བྱས་ན་བདེ་བར་འགྱུར་ཞིང་མཐོ་རིས་ཀྱང་ཐོབ་པར་འགྱུར་རོ་ཞེས་ཟེར་ཞིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་སྨོན་པར་བྱེད་པས་སོ། །ཇི་ལྟར་གཤེ་བར་
Ca306a
༄#། །བྱེད་པས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་རོ་ལྟ་བུ་ཞེས་བྱ་བ་ལ་སོགས་པས་སྤྱོ་བ་དག་གིས་སྤྱོ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་གཤེ་བར་བྱེད་པས་སོ། །གཞན་ཡང་ཇི་ལྟར་བསྔགས་པ་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ་འདི་སྐད་ཅེས། འཕགས་པ་ཁྱོད་ཀྱི་རྨའི་སྒོ་གསུམ་པོ་དག་ནི་ཏེ་པོར་ལེགས་པར་དོད་པ་དང ། ལེགས་པར་གནས་པ་དང ། ལེགས་པར་གྱུར་པ་ཡིན་ནོ་ཞེས་ཟེར་བ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། །ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་བསྔགས་པ་བྱེད་པས་སོ། །ཇི་ལྟར་བསྔགས་པ་མ་ཡིན་པ་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་
Ca306b
དང།་ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ། འདི་སྐད་ཅེས་འཕགས་པ་ཁྱོད་ཀྱི་རྨའི་སྒོ་གསུམ་པོ་དག་ནི་ཏེ་པོར་མ་ལེགས་པར་དོད་པ་དང ། མ་ལེགས་པར་གནས་པ་དང ། མ་ལེགས་པར་གྱུར་པ་དག་ཡིན་ནོ་ཞེས་ཟེར་བ་ན་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་བསྔགས་པ་མ་ཡིན་པ་བྱེད་པས་སོ། །ཇི་ལྟར་གསོལ་བ་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ་འདི་སྐད་ཅེས་འཕགས་པ་ཚུར་སྤྱོན། དེ་དང་དེ་བགྱིའོ་ཞེས་ཟེར་བ་ན་དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་གསོལ་བ་བྱེད་པས་སོ། །ཇི་ལྟར་ཉེ་བར་གསོལ་བར་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་
Ca307a
༄#། །པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ། འདི་སྐད་ཅེས་འཕགས་པ་བུད་མེད་དང་སྐྱེས་པ་དེ་དག་དེ་བགྱིད་པ་གང་ལགས་པ་དེ་ནི་དེའི་དགའ་བ་དང་ཡིད་དུ་འོང་བ་ལགས་ཀྱིས། འཕགས་པ་བདག་ཅག་ཀྱང་དེ་དང་དེ་བགྱིད་ན། འཕགས་པ་བདག་གི་དགའ་བ་དང་ཡིད་དུ་འོང་བར་འགྱུར་རོ་ཞེས་ཟེར་བ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་ཉེ་བར་གསོལ་བར་བྱེད་པས་སོ། །ཇི་ལྟར་འདྲི་བར་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ། འདི་སྐད་ཅེས་འཕགས་པ་སྐྱེས་པ་གང་བུད་མེད་གང་ལ་དེ་དང་དེ་བྱེད་པ་དེ་ནི་དེའི་དགའ་བ་དང་ཡིད་དུ་འོང་བར་འགྱུར་ན། ཁོ་མོས་ཀྱང་འཕགས་པ་ལ་དེ་དང་དེ་བགྱིད་ན། འཕགས་པ་ཁོ་མོ་དགའ་བ་དང་ཡིད་དུ་འོང་བར་འགྱུར་རམ་ཞེས་ཟེར་བ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང ། འཁྲིག་པ་དང་
Ca307b
ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་འདྲི་བར་བྱེད་པས་སོ། །ཇི་ལྟར་ཡོངས་སུ་འདྲི་བར་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ། འདི་སྐད་ཅེས་འཕགས་པ་སྐྱེས་པ་གང་བུད་མེད་ལ་དེ་དང་དེ་བགྱིད་པ་དེ་ནི་དེའི་དགའ་བ་དང་ཡིད་དུ་འོང་བར་འགྱུར་ན། ཁོ་མོས་ཀྱང་འཕགས་པ་ལ་དེ་དང་དེ་བགྱིད་ན། འཕགས་པ་ཁོ་མོ་དགའ་བ་དང་ཡིད་དུ་འོང་བར་འགྱུར་བ་དེ་དེ་བཞིན་ནམ་འོན་ཏེ་མ་ལགས། དེ་ལ་འཕགས་པ་ཇི་སྙམ་མཛད་ཅེས་ཟེར་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང ། འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་ཡོངས་སུ་འདྲི་བར་བྱེད་པས་སོ། །ཇི་ལྟར་རྗོད་པར་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ། འདི་སྐད་ཅེས་འཕགས་པ་མ་དང་སུ་མ་ཁོ་མོའི་གན་དུ་སྐྱེད་མོས་ཚལ་ལམ་ལྷའི་གནས་སམ། དུས་མལ་ཆེ་གེ་མོ་ཞིག་ཏུ་སྐྱེས་པ་དེ་ལྟ་བུ་ཞིག་དོན་དེའི་སླད་དུ་
Ca308a
༄#། །མཆིས་པར་གྱུར་ནས། ཁོ་མོས་མལ་མེ་ཏོག་གིས་བཀྲམ་པ་བཤམས་ཤིང་མཚན་ཐོག་ཐག་ཏུ་འབྲུ་མར་གྱི་མར་མེ་བཙུགས་ནས་ཁོ་མོས་དེ་དང་ལྷན་ཅིག་བཅའ་བ་དེ་དང་དེ་ལྟ་བུ་འཆོས་ཤིང་བཟའ་བ་དེ་དང་དེ་ལྟ་བུ་ཡང་འཚལ། བཏུང་བ་དེ་དང་དེ་ལྟ་བུ་ཡང་འཚལ་ཅིང་ཁོ་མོས་དེ་དང་ལྷན་ཅིག་དེ་དང་དེ་ཡང་བགྱིས་ཏེ། འཕགས་པ་ཡང་དོན་དེའི་སླད་དུ་བྱོན་པར་གྱུར་ན། ཁོ་མོས་མལ་མེ་ཏོག་གིས་བཀྲམ་པ་བཤམས་ཤིང་མཚན་ཐོག་ཐག་འབྲུ་མར་གྱི་མར་མེ་བཙུགས་ནས། ཁོ་མོས་འཕགས་པ་དང་ལྷན་ཅིག་བཅའ་བ་དེ་དང་དེ་ལྟ་བུ་འཆོས་ཤིང་བཟའ་བ་དེ་དང་དེ་ལྟ་བུ་ཡང་འཚལ། བཏུང་བ་དེ་དང་དེ་ལྟ་བུ་ཡང་འཚལ་ཅིང ། ཁོ་མོས་འཕགས་པ་དང་ལྷན་ཅིག་དེ་དང་དེ་ཡང་བགྱིས་པར་འགྱུར་རོ་ཞེས་ཟེར་བ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་རྗོད་པར་བྱེད་པས་སོ། །ཇི་ལྟར་སྨོན་པར་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ། འདི་སྐད་ཅེས་འཕགས་པ་གང་དག་འཕགས་པ་དང་ལྷན་ཅིག་དེ་ལྟ་དེ་ལྟར་བགྱིད་པ་དེ་དག་
Ca308b
ནི་བདེ་བར་གྱུར་ཅིང་མཐོ་རིས་ཐོབ་པ་ལགས་པས། ཁོ་མོ་ཡང་གལ་ཏེ་འཕགས་པ་དང་ལྷན་ཅིག་དེ་དང་དེ་བགྱིད་ན་བདེ་བར་འགྱུར་ཞིང་མཐོ་རིས་ཀྱང་ཐོབ་པར་འགྱུར་རོ་ཞེས་ཟེར་བ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་སྨོན་པར་བྱེད་པས་སོ། །ཇི་ལྟར་གཤེ་བར་བྱེད་པས་ཤེ་ན། བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེ་དགེ་སློང་གི་གན་དུ་འོངས་ཏེ། འདི་སྐད་ཅེས་རོ་ལྟ་བུ་ཞེས་བྱ་བ་ལ་སོགས་པས་སྤྱོ་བ་དག་གིས་སྤྱོ་བར་བྱེད་པ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་དེའི་རོ་མྱང་བར་བྱེད། ངེས་པར་རྟོག་པར་བྱེད། ལྷག་པར་ཆགས་པར་བྱེད། ལྷག་པར་ཆགས་ཤིང་འདུག་པར་བྱེད་པ་དེ་ལྟ་དེ་ལྟར་ཕྱིར་སྨྲ་བར་བྱེད་ཅིང་འཁྲིག་པ་དང་ལྡན་པ་རྒྱའི་རྣ་རུ་ཞེས་བྱ་བའི་མིང་རྗོད་པར་བྱེད་ན་དགེ་འདུན་ལྷག་མར་འགྱུར་རོ། །རྒྱའི་རྣ་རུ་ཞེས་བྱ་བའི་མིང་རྗོད་པར་མི་བྱེད་ན་ཉེས་པ་སྦོམ་པོར་འགྱུར་ཏེ། དེ་ལྟར་གཤེ་བར་བྱེད་པས་སོ། །ནུས་པ་ལ་དགེ་འདུན་ལྷག་མ་གང་ཡིན་པ་དེ་མི་ནུས་པ་ལ་ཉེས་པ་སྦོམ་པོའོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཉེས་པ་སྦོམ་པོའོ། །ནུས་པ་ལ་ཉེས་པ་སྦོམ་
Ca309a
༄#། །པོ་གང་ཡིན་པ་དེ་མི་ནུས་པ་ལ་ཉེས་བྱས་སོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཡང་ཉེས་བྱས་ཉིད་དོ། །དུད་འགྲོའི་སྐྱེ་གནས་སུ་སྐྱེས་པ་ལ་ཡང་ཉེས་བྱས་ཉིད་དོ། །ནུས་པ་ལ་ཡང་ཉེས་བྱས་གང་ཡིན་པ་དེ་མི་ནུས་པ་ལ་ཡང་ཉེས་བྱས་ཉིད་དོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཡང་ཉེས་བྱས་ཉིད་དོ། །དུད་འགྲོའི་སྐྱེ་གནས་སུ་སྐྱེས་པ་ལ་ཡང་ཉེས་བྱས་ཉིད་དོ། །སྐད་ཀྱི་ངེས་པའི་ཚིག་དང་ཡུལ་གྱི་ངེས་པའི་ཚིག་དང་ལྗོངས་ཀྱི་ངེས་པའི་ཚིག་གིས་ནི་ལྟུང་བ་མེད་དོ། །ནས་ཀྱི་མིང་དང་རྩཝའི་མིང་དང་ཡོལ་བའི་མིང་རྗོད་པ་ལ་ནི་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ནི་ལྟུང་བ་མེད་དོ། །འཁྲིག་པ་དང་ལྡན་པ་སྨྲ་བའི་དགེ་འདུན་ལྷག་མ་སྟེ་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་དགོན་\་ཾGཱོཎ?\་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གི་ཀུན་ཏུ་སྤྱོད་པ་ནི་འདིར་བདག་ཅག་གིས་བྲམ་ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་པས་དྲུག་སྡེ་ལས་གང་ཡང་རུང་བར་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས། ཚེ་དང་ལྡན་པ་འཆར་ཀ་ནང་པར་སྔར་ལངས་ཏེ་སོ་ཤིང་བོར་ནས་སྣམ་སྦྱར་དམར་སེར་གྱོན་ཏེ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་
Ca309b
འདུག་གོ་།མཉན་ཡོད་ན་གནས་པའི་བྲམ་ཟེ་དང་ཁྱིམ་བདག་གི་ཆུང་མ་རྣམས་ཀྱི་ཀུན་ཏུ་སྤྱོད་པ་ནི་སྐྱེད་མོས་ཚལ་དུ་སོང་སྟེ་རྒྱལ་བྱེད་ཀྱི་ཚལ་དུ་འཇུག་པ་དང ། གཙུག་ལག་ཁང་བལྟ་བ་དང ། བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་དུ་འགྲོ་བས། བྲམ་ཟེ་དང་ཁྱིམ་བདག་གི་ཆུང་མར་རབ་ཏུ་མང་པོ་དག་སྐྱེད་མོས་ཚལ་དུ་བྱུང་སྟེ། གཙུག་ལག་ཁང་ལྟ་འདོད་པས་རྒྱལ་བྱེད་ཀྱི་ཚལ་ག་ལ་བ་དེར་དོང་ངོ ། །ཞེས་བྱ་བ་ནས་དེས་དེ་དག་ལ་ཆོས་བསྟན་པར་བརྩམས་སོ་ཞེས་བྱ་བའི་བར་དུ་དགེ་འདུན་ལྷག་མ་གཉིས་པའི་སྐབས་སུ་བསྟན་པ་བཞིན་ནོ། །ཇི་ལྟ་ཇི་ལྟར་ཆོས་སྟོན་པ་དེ་ལྟ་དེ་ལྟར་ཀུན་ཏུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་དེ་ལྟ་དེ་ལྟར་དེ་དག་གི་མདུན་དུ་བདག་ཉིད་ཀྱི་ལུས་ཀྱི་བསྙེན་བཀུར་གྱི་ཕྱིར་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན་སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བསྔགས་པ་རྗོད་པར་བརྩམས་སོ། །འདི་ལྟ་སྟེ་དཔེར་ན་མི་གསང་སྔགས་ཉིད་རྗོད་པར་བྱེད་པ་འབྱུང་པོའམ། ཤ་ཟས་ཐལ་ལྕག་གི་སྣུན་པས་སྣུན་པར་གྱུར་པ་དེ་བཞིན་དུ་དེ་ཡང་དེ་དག་ལ་ཇི་ལྟ་ཇི་ལྟར་ཆོས་སྟོན་པར་བྱེད་པ་དེ་ལྟ་དེ་ལྟར་ཀུན་ཏུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་དྲལ་ཏོ། །ཇི་ལྟ་ཇི་ལྟར་དྲལ་བ་དེ་ལྟ་དེ་ལྟར་དེ་དག་གི་མདུན་དུ་བདག་ཉིད་ཀྱི་ལུས་ཀྱི་བསྙེན་བཀུར་གྱི་ཕྱིར་འདི་ལྟ་
Ca310a
༄#། །སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན་སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བསྔགས་པ་རྗོད་པར་བརྩམས་སོ། །དེ་ན་གང་དག་བདག་གིར་བྱེད་པ་དེ་དག་ནི་དེ་དང་ལྷན་ཅིག་གཞོག་སྟེགས་དང ། ཕྱར་གཡེང་དང་མཐོ་འཚམ་པ་དང ། ཀུན་ཏུ་རྩེ་བ་དང་ཀུན་ཏུ་ཅ་ཅོ་འདོན་པ་དང ། རྒོད་པ་དང་དྲེགས་པ་དང་ལུས་སྒྱུར་བར་བྱེད་དོ། །གང་དག་བདག་གིར་མི་བྱེད་པ་དེ་དག་ནི་དེ་ནས་ཕྱིར་བྱུང་སྟེ། འཆག་ས་དང ། དང་ར་དང་སྒོ་ཁང་དག་ན། གང་ལས་ཆུ་འབྱུང་དེ་ལས་འབར། །གང་ལས་སྐྱོབ་པ་དེ་ལས་འཇིགས། །འཇིགས་པ་མེད་ལས་འཇིགས་པ་སྐྱེས། །སྐྱབས་ལས་འཇིགས་པ་སྐྱེས་པར་གྱུར། །བདག་ཅག་གིས་ཕྱོགས་གཅིག་ཏུ་བདེ་བཞི་བ་དེ་ལེགས་སུ་འགྱུར་བ་གང་ཡིན་པ་དེ་ལས་འཇིགས་པ་དང་ཡམས་དང་གནོད་པ་དང་འགོ་བའི་ནད་དང་འཁྲུག་པ་བྱུང་བར་གྱུར་ཏོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དེ་དག་སྨོད་ཅིང་འདོང་བ་ན། དགེ་སློང་དག་གིས་མངོན་སུམ་དུ་གྱུར་ནས། དེ་དག་གིས་དེ་དག་སྨོད་པ་ཐོས་པ་དང ། དེ་དག་གིས་སྨྲས་པ་སྲིང་མོ་དག་ཁྱེད་ཅག་སུ་ལ་སྨོད། འཕགས་པ་དག་ཁྱེད་ཅག་ལའོ། །ངེད་ཀྱིས་ཅི་བྱས། འཕགས་པ་དག་བདག་ཅག་གིས་རང་གི་ཁྱིམ་ཐབ་ལས་ཀྱང་ཚིག་གང་སྔོན་མ་ཐོས་པ་དེ་དག་འཕགས་པ་འཆར་ཀ་ལས་ཐོས་སོ། །གལ་ཏེ་བདག་ཅག་གིས་ཕ་མའམ་
Ca310b
ཕུ་ནུ་མོ་དག་གིས་ཐོས་པར་གྱུར་ན། རྒྱལ་བྱེད་ཀྱི་ཚལ་ག་ལ་བ་དེར་ལྟར་ཡང་མི་སྟེར་ན་མཆི་བར་ལྟ་སྨོས་ཀྱང་ཅི་འཚལ། སྲིང་མོ་དག་ཁ་རོག་ཅིག་།དགེ་སློང་དེ་ནི་འདུན་ན་འདོན་གྱི་བུ་ལས་རབ་ཏུ་བྱུང་བ་ཚུལ་ཁྲིམས་དང་ལྡན་པ་ཡིན་མོད་ཀྱི། འོན་ཀྱང་འདོད་ཆགས་ཤས་ཆེ་བ་ཡིན་པས་རྩོམ་པ་དེས་ཉོན་མོངས་པ་སེལ་བར་བྱེད་དོ། །འཕགས་པ་དག་ཅི་ལགས། གླང་བུ་གང་ལ་རཝ་རྣོན་པོ་གཉིས་མཆིས་པ་དེས་བདག་ཉིད་ཀྱི་དཀུ་འདྲལ་བར་བགྱིད་དམ་དེ་ནི་མི་རིགས་སོ། །སྲིང་མོ་དག་ཁ་རོག་ཅིག་དང ། བཟློག་པར་བྱའོ། །འཕགས་པ་དག་གལ་ཏེ་བཟློག་ན་དེ་ལྟ་ན་ལེགས། གལ་ཏེ་ཟློག་པར་མི་མཛད་ན་བདག་ཅག་སླན་ཆད་རྒྱལ་བྱེད་ཀྱི་ཚལ་དུ་མི་མཆིའོ། །སྲིང་མོ་དག་ཁ་རོག་ཅིག་དང ། ཅི་ནས་ཀྱང་ཕྱིན་ཆད་དེ་ལྟར་བྱེད་པར་མི་འགྱུར་བར་བཟློག་པར་བྱའོ། །དགེ་སློང་རྣམས་ཀྱིས་དེ་དག་ལ་བསྒོ་སྟེ་དོང་བ་དང ། ལྷག་མ་རྣམས་ཀྱང་གཙུག་ལག་ཁང་ནས་བྱུང་སྟེ་དོང་ངོ ། །དེ་ནས་ཚེ་དང་ལྡན་པ་འཆར་ཀ་ཡང་དགོད་བཞིན་དུ་གཙུག་ལག་ཁང་ནས་བྱུང་བ་དང ། དགེ་སློང་རྣམས་ཀྱིས་དེ་མཐོང་ནས་སྨྲས་པ། ཚེ་དང་ལྡན་པ་འཆར་ཀ་ཁྱོད་མི་མཛེས་པ་དེ་ལྟ་བུ་དེ་བྱས་ནས་ད་ཅི་དགོད། འཆར་ཀས་སྨྲས་པ། ཁོ་བོས་ཆང་འཐུངས་སམ། ཀུན་དོང་ཟོས་སམ་ཅི། ཚེ་དང་ལྡན་པ་ཅི་དེ་ཡང་བྱས་སམ། གཞན་ཅི་ཞིག་བྱས། བྲམ་ཟེ་དང་ཁྱིམ་བདག་གི་ཆུང་མ་རབ་ཏུ་མང་པོ་དེ་དག་འཕྱ་ཞིང་དོང་ངོ ། །འཆར་ཀས་སྨྲས་པ། ཚེ་དང་ལྡན་པ་དག་ལྷུང་བཟེད་ནག་པོ་ཅན་རྣམས་ཀྱི་རང་བཞིན་ནི་སེར་སྣས་གང་ལ་ཡང་ཚིག་བཞི་པའི་ཚིགས་
Ca311a
༄#། །སུ་བཅད་པ་གཅིག་ཙམ་ཡང་མི་སྟོན་ལ་དེ་དག་ནི་གང་གཞན་ལ་སྟོན་པ་དེ་ལ་འཕྱ་བར་བྱེད་དོ། །དེ་དག་གིས་སྨྲས་པ། ཅི་ཁྱོད་ཀྱིས་དེ་དག་བདེན་པ་དག་ལ་བཀོད་དམ། དེས་སྨྲས་པ། ཇེ་དེ་དག་གི་དབང་པོ་ཡོངས་སུ་སྨིན་པར་བྱ་བ་བརྩམས་ནས་མཐར་གྱིས་བདེན་པ་ཡང་མཐོང་བར་འགྱུར་རོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཡན་ལག་གང་གིས་ངོ་ཚ་བར་བྱ་བའི་ཡན་ལག་དེ་ཉིད་ཀྱིས་ཁེངས་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང།་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཀྱིས་མི་མཛེས་པ་དེ་ལྟ་བུ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་
Ca311b
ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་གྱི་མདུན་དུ་བདག་ཉིད་ལུས་ཀྱི་བསྙེན་བཀུར་གྱི་ཕྱིར་འདི་ལྟ་སྟེ། ང་ལྟ་བུ་དགེ་སྦྱོང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན་སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བསྔགས་པར་བརྗོད་ན། དགེ་འདུན་ལྷག་མའོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ། གཞན་ཡང་དེ་འདྲ་བ་གང་ཡིན་པའོ། །དྲལ་ཅིང་གྱུར་པའི་སེམས་ཀྱིས་ཞེས་བྱ་བ་ནི། སེམས་དྲལ་ཅིང་མ་གྱུར་པ་ཡང་ཡོད། གྱུར་ཅིང་མ་དྲལ་བ་ཡང་ཡོད། དྲལ་ཅིང་གྱུར་པ་ཡང་ཡོད། མ་དྲལ་ཅིང་མ་གྱུར་པ་ཡང་ཡོད། དེ་ལ་རེ་ཞིག་དྲལ་ཅིང་མ་གྱུར་པ་ནི། སེམས་ཆགས་པ་དང་ཀུན་ཏུ་ཆགས་པ་དང ། ཀུན་ནས་དཀྲིས་པ་གང་ཡིན་པའོ། །གྱུར་ཅིང་མ་དྲལ་བ་ནི་སེམས་ལྟོས་པ་དང་ལྡན་ཞིང་སེམས་འབྲལ་བ་གང་ཡིན་པའོ། །དྲལ་ཅིང་མ་གྱུར་པ་ནི་ཆགས་པ་དང་ཀུན་ཏུ་ཆགས་པ་དང ། ཀུན་ནས་དཀྲིས་པའི་སེམས་དང ། སེམས་ལྟོས་པ་དང་བཅས་ཤིང་འབྲེལ་བ་གང་ཡིན་པའོ། །མ་དྲལ་ཅིང་མ་གྱུར་པ་ནི་རྣམ་པ་དེ་དག་མ་གཏོགས་པའོ། །བུད་མེད་ཀྱི་ཡུལ་གྱི་ཞེས་བྱ་བ་ནི་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པའི་འོ། །མདུན་དུ་ཞེས་བྱ་བ་ནི་མངོན་དུའོ། །བདག་ཉིད་ཀྱི་ལུས་བསྙེན་བཀུར་གྱི་ཕྱིར་ཞེས་བྱ་བ་ནི་བདག་ཉིད་ཀྱི་ལུས་ཀྱི་ཀུན་ཏུ་སྤྱད་པའི་ཕྱིར་རོ། །འདི་
Ca312a
༄#། །ལྟ་སྟེ། ང་ལྟ་བུ་ཞེས་བྱ་བ་དེ་ནི་ཉེ་བར་བསྟན་པ་དང་ཀུན་ཏུ་བསྟན་པའི་ཚིག་བླ་དྭགས་ཡིན་ནོ། །དགེ་སློང་ཞེས་བྱ་བ་ནི་དགེ་སློང་གི་དངོས་པོ་ཇི་སྐད་བསྟན་པ་དང་ལྡན་པའོ། །ཚུལ་ཁྲིམས་དང་ལྡན་པ་ཞེས་བྱ་བ་ནི་ཚུལ་ཁྲིམས་ཀྱི་ཕུང་པོ་ཇི་སྐད་བསྟན་པ་དང་ལྡན་པའོ། །དགེ་བའི་ཆོས་ཅན་ཞེས་བྱ་བ་ནི་ཏིང་ངེ་འཛིན་གྱི་ཕུང་པོ་ཇི་སྐད་བསྟན་པ་དང་ལྡན་པའོ། །ཚངས་པར་སྤྱོད་པ་ལ་ཞེས་བྱ་བ་ནི་ཤེས་རབ་ཀྱི་ཕུང་པོ་ཇི་སྐད་བསྟན་པ་དང་ལྡན་པའོ། །འདི་འཁྲིག་པ་དང་ལྡན་པའི་ཞེས་བྱ་བ་ནི་མི་ཚངས་པར་སྤྱོད་པ་དང་ལྡན་པའིའོ། །ཆོས་འདིས་ཞེས་བྱ་བ་ནི་ཆོས་མ་ཡིན་པ་ཆོས་ཀྱི་སྒྲས་བསྟན་པ་འདིས་ཡིན་གྱིས་གཞན་གྱིས་ནི་མ་ཡིན་པའོ། །བསྙེན་བཀུར་བྱས་ན་ཞེས་བྱ་བ་ནི་ཀུན་ཏུ་སྤྱད་པ་བྱས་ནའོ། །སྲུ་ཞེས་བྱ་བ་ནི་དགའ་བའི་ཚིག་བླ་དྭགས་སོ། །འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ། ། ཞེས་བྱ་བ་ལ་མཆོག་ཡིན་ནོ་ཞེས་བྱ་བ་ནི་གཙོ་བོ་ཡིན་ནོ། །བསྔགས་པ་བརྗོད་ན་ཞེས་བྱ་བ་ནི་བསྟོད་པ་བྱས་ནའོ། །དགེ་འདུན་ལྷག་མའོ་ཞེས་བྱ་བ་ནི་ལྟུང་བ་དེ་དགེ་འདུན་ལ་རག་ལས་པ་དང་ཞེས་བྱ་བ་ནས་དེ་ནི་དགེ་འདུན་ལྷག་མའོ་ཞེས་གསུངས་སོ་ཞེས་བྱ་བའི་བར་དུ་སྔ་མ་བཞིན་ནོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གཞི་བཅོ་བརྒྱད་ཀྱིས་ཏེ། མཆོག་དང ། ཕུལ་དང ། ཁྱད་པར་དུ་འཕགས་པ་དང ། བཟང་བ་དང ། མཛེས་པ་དང ། དགེ་བ་དང ། མཆོད་པར་འོས་པ་དང ། བསྟོད་པར་འོས་པ་དང ། རྒྱ་ཆེ་བ་དང ། ཆེས་མཆོག་དང ། ཆེས་ཕུལ་དང ། ཆེས་ཁྱད་པར་
Ca312b
དུ་འཕགས་པ་དང ། ཆེས་བཟང་བ་དང ། ཆེས་མཛེས་པ་དང ། ཆེས་དགེ་བ་དང ། ཆེས་མཆོད་པར་འོས་པ་དང ། ཆེས་བསྟོད་པར་འོས་པ་དང ། ཆེས་རྒྱ་ཆེ་བས་སོ། །དེ་ལ་ཇི་ལྟར་མཆོག་གིས་ཤེ་ན། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན་སྲུ་འདི་ནི་ཀུན་ཏུ་སྤྱད་པ་རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་དགེ་བའི་ཆོས་ཅན་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན་སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན་སྲུ་འདི་ནི་བསྙེན་བཀུར་
Ca313a
༄#། །རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་དགེ་བའི་ཆོས་ཅན་ཚུལ་ཁྲིམས་དང་ལྡན་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན་སྲུ་འདི་ནི་བསྙེན་བཀུར་
Ca313b
རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚངས་པར་སྤྱོད་པ་ཚུལ་ཁྲིམས་དང་ལྡན་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚངས་པར་སྤྱོད་པ་དགེ་བའི་ཆོས་ཅན་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །
Ca314a
༄#། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན་སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་བརྗོད་ན་དགེ་འདུན་ལྷག་མར་འགྱུར་རོ། །མཆོག་ཇི་ལྟ་བ་བཞིན་དུ་ཕུལ་དང ། ཁྱད་པར་དུ་འཕགས་པ་དང ། བཟང་བ་དང ། མཛེས་པ་དང ། དགེ་བ་དང ། མཆོད་པར་འོས་པ་དང ། བསྟོད་པར་འོས་པ་དང ། རྒྱ་ཆེ་བ་དང ། ཆེས་མཆོག་དང ། ཆེས་ཕུལ་དང ། ཆེས་ཁྱད་པར་དུ་འཕགས་པ་དང ། ཆེས་བཟང་བ་དང ། ཆེས་མཛེས་པ་དང ། ཆེས་དགེ་བ་དང ། ཆེས་མཆོད་པར་འོས་པ་དང ། ཆེས་བསྟོད་པར་འོས་པ་དང ། ཆེས་རྒྱ་ཆེ་བར་ཡང་དེ་བཞིན་ནོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང ། འདི་སྐད་
Ca314b
ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་དགེ་བའི་ཆོས་ཅན་ལ་འདི་ལྟར་ཆོས་འདིས་བསྙེན་བཀུར་བྱས་ན།་སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚངས་པར་སྤྱོད་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་
Ca315a
༄#། །ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་མིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་ཚངས་པར་སྤྱོད་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་དགེ་བའི་ཆོས་ཅན་ཚུལ་ཁྲིམས་དང་ལྡན་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་
Ca315b
ཅེས་འདི་ལྟ་སྟེ། ང་ལྟ་བུ་དགེ་སློང་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚངས་པར་སྤྱོད་པ་ཚུལ་ཁྲིམས་དང་ལྡན་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚངས་པར་སྤྱོད་པ་དགེ་བའི་ཆོས་ཅན་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་
Ca316a
༄#། །དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། ང་ལྟ་བུ་དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །མཆོག་ཇི་ལྟ་བ་བཞིན་དུ་ཕུལ་དང ། ཁྱད་པར་དུ་འཕགས་པ་དང ། བཟང་བ་དང ། མཛེས་པ་དང ། དགེ་བ་དང ། མཆོད་པར་འོས་པ་དང ། བསྟོད་པར་འོས་པ་དང ། རྒྱ་ཆེ་བ་དང ། ཆེས་མཆོག་དང ། ཆེས་ཕུལ་དང ། ཆེས་ཁྱད་པར་དུ་འཕགས་པ་དང ། ཆེས་བཟང་བ་དང ། ཆེས་མཛེས་པ་དང ། ཆེས་དགེ་བ་དང ། ཆེས་མཆོད་པར་འོས་པ་དང ། ཆེས་བསྟོད་པར་འོས་པ་དང ། ཆེས་རྒྱ་ཆེ་བ་ཡང་དེ་བཞིན་ནོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚུལ་ཁྲིམས་དང་ལྡན་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་
Ca316b
ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་དགེ་བའི་ཆོས་ཅན་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་
Ca317a
༄#། །བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚུལ་ཁྲིམས་དང་ལྡན་པ་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་དགེ་བའི་ཆོས་ཅན་ཚུལ་ཁྲིམས་དང་ལྡན་པ་ལ་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་
Ca317b
པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན།་སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚངས་པར་སྤྱོད་པ་ཚུལ་ཁྲིམས་དང་ལྡན་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚངས་པར་སྤྱོད་པ་དགེ་བའི་ཆོས་ཅན་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན།་སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་
Ca318a
༄#། །མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་ང་ལྟ་བུ་ཞེས་ནི་མི་ཟེར་ན་ཉེས་པ་སྦོམ་པོར་འགྱུར་རོ། །མཆོག་ཇི་ལྟ་བུ་བཞིན་དུ་ཕུལ་དང ། ཁྱད་པར་དུ་འཕགས་པ་དང ། བཟང་པོ་དང ། མཛེས་པ་དང ། དགེ་བ་དང ། མཆོད་པར་འོས་པ་དང ། བསྟོད་པར་འོས་པ་དང ། རྒྱ་ཆེ་བ་དང ། ཆེས་མཆོག་དང ། ཆེས་ཕུལ་དང ། ཆེས་ཁྱད་པར་དུ་འཕགས་པ་དང ། ཆེས་བཟང་བ་དང ། ཆེས་མཛེས་པ་དང ། ཆེས་དགེ་བ་དང ། ཆེས་མཆོད་པར་འོས་པ་དང ། ཆེས་བསྟོད་པར་འོས་པ་དང ། ཆེས་རྒྱ་ཆེ་བར་འོས་པ་ཡང་དེ་བཞིན་ནོ།། །།འདུལ་བ་རྣམ་པར་འབྱེད་པ། བམ་པོ་བཅུ་བདུན་པ། དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚུལ་ཁྲིམས་དང་ལྡན་པ་ལ་
Ca318b
འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ་ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་དགེ་བའི་ཆོས་ཅན་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚངས་པར་སྤྱོད་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་
Ca319a
༄#། །ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ལ་འདི་ལྟར་ཆོས་འདི་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚུལ་ཁྲིམས་དང་ལྡན་པ་ཚངས་པར་སྤྱོད་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ།་དགེ་སློང་དགེ་བའི་ཆོས་ཅན་ཚུལ་ཁྲིམས་དང་ལྡན་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་
Ca319b
འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚངས་པར་སྤྱོད་པ་ཚུལ་ཁྲིམས་དང་ལྡན་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ། གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་
Ca320a
༄#། །སྐད་ཅེས་འདི་ལྟ་སྟེ། དགེ་སློང་ཚངས་པར་སྤྱོད་པ་དགེ་བའི་ཆོས་ཅན་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །དགེ་སློང་གིས་དྲལ་ཅིང་གྱུར་པའི་སེམས་ཀྱིས་བུད་མེད་དམ་གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཤེས་པར་ནུས་པ་གང་ཡིན་པ་དེའི་གན་དུ་སོང་སྟེ། འདི་སྐད་ཅེས་འདི་ལྟ་སྟེ། དགེ་སློང་ཚུལ་ཁྲིམས་དང་ལྡན་པ་དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་ཆོས་འདིས་བསྙེན་བཀུར་བྱས་ན། སྲུ་འདི་ནི་བསྙེན་བཀུར་རྣམས་ཀྱི་མཆོག་ཡིན་ནོ་ཞེས་ཟེར་ཞིང་འདི་སྐད་ཅེས་འཁྲིག་པ་དང་ལྡན་པ་ཞེས་ཀྱང་མི་ཟེར་ལ། ང་ལྟ་བུ་ཞེས་ཀྱང་མི་ཟེར་ན་ཉེས་བྱས་སུ་འགྱུར་རོ། །མཆོག་ཇི་ལྟ་བ་བཞིན་དུ་ཕུལ་དང ། ཁྱད་པར་དུ་འཕགས་པ་དང ། བཟང་བ་དང ། མཛེས་པ་དང ། དགེ་བ་དང ། མཆོད་པར་འོས་པ་དང ། བསྟོད་པར་འོས་པ་དང ། རྒྱ་ཆེ་བ་དང ། ཆེས་མཆོག་དང ། ཆེས་ཕུལ་དང ། ཆེས་ཁྱད་པར་དུ་འཕགས་པ་དང ། ཆེས་བཟང་བ་དང ། ཆེས་མཛེས་པ་དང ། ཆེས་དགེ་བ་དང ། ཆོས་མཆོད་པར་འོས་པ་དང ། ཆེས་བསྟོད་པར་འོས་པ་དང ། ཆེས་རྒྱ་ཆེ་བ་ཡང་དེ་བཞིན་ནོ། །ནུས་པ་ལ་དགེ་འདུན་
Ca320b
ལྷག་མ་གང་ཡིན་པ་དེ་མི་ནུས་པ་ལ་ཉེས་པ་སྦོམ་པོའོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཡང་ཉེས་པ་སྦོམ་པོའོ། །ནུས་པ་ལ་ཉེས་པ་སྦོམ་པོ་གང་ཡིན་པ་དེ་མི་ནུས་པ་ལ་ཉེས་བྱས་སོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཡང་ཉེས་བྱས་སོ། །དུད་འགྲོའི་སྐྱེ་གནས་སུ་སྐྱེས་པ་ལ་ཡང་ཉེས་བྱས་སོ། །ནུས་པ་ལ་ཉེས་བྱས་གང་ཡིན་པ་དེ་མི་ནུས་པ་ལ་ཡང་ཉེས་བྱས་ཉིད་དོ། །སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཡང་ཉེས་བྱས་ཉིད་དོ། །དུད་འགྲོའི་སྐྱེ་གནས་སུ་སྐྱེས་པ་ལ་ཡང་ཉེས་བྱས་ཉིད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བདག་གིས་ཉེན་པ་ལ་ལྟུང་བ་མེད་དོ། །བསྙེན་བཀུར་བསྔགས་པའི་དགེ་འདུན་ལྷག་མ་སྟེ་བཞི་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་མཉན་ཡོད་ན་རི་དྭགས་འཛིན་གྱི་བུ་ནག་པོ་ཞེས་བྱ་བ་འདུག་སྟེ། དེ་མཉན་ཡོད་པའི་བྲམ་ཟེ་དང་ཁྱིམ་བདག་རྣམས་ཀྱི་གཏམ་འདྲེ་བ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པ་ཁྱིམ་དུ་འཇུག་པར་བྱེད་པ་ཡིན་པས། གང་ཡང་རུང་བ་དག་ལ་བུ་མོ་སྦྱིན་པར་བྱ་བ་ཡོད་པ་དེ་དག་ཀྱང་རི་དྭགས་འཛིན་གྱི་བུ་ནག་པོའི་གན་དུ་སོང་སྟེ། འདི་སྐད་ཅེས་ནག་པོ་ཁྱོད་ཀྱིས་ཁྱིམ་ཆེ་གེ་མོ་ཞིག་ཤེས་སམ་ཞེས་འདྲིའོ། །
Ca321a
༄#། །དེས་ཤེས་སོ་ཞེས་སྨྲས་པ་དང ། དེ་དག་དེ་ལ་ནག་པོ་ཇི་ལྟར་དེ་ན་ཁྱེའུ་དེ་མཁས་པ་དང ། ལེ་ལོ་མེད་པ་དང ། སྒྲུབ་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང་བགོ་བ་མང་པོ་སྦྱིན་ནུས་པ་དང ། ལས་ཆུང་བ་ཡིན་ནམ་ཞེས་འདྲིའོ། །གལ་ཏེ་རི་དྭགས་འཛིན་གྱི་བུ་ནག་པོས་འདི་སྐད་ཅེས་ཁྱེའུ་དེ་ཏེ་པོར་མི་མཁས་པ་དང ། ལེ་ལོ་ཅན་སྒྲུབ་མི་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང ། བགོ་བ་མང་པོ་སྦྱིན་མི་ནུས་པ་དང ། ལས་ཆེ་བ་ཡིན་ནོ་ཞེས་བསྟན་པར་གྱུར་ན་དེས་ན་དེ་དག་བུ་མོ་དེ་ཁྱེའུ་དེ་ལ་སྦྱིན་པར་མི་བྱེད་དོ། །གལ་ཏེ་རི་དྭགས་འཛིན་གྱི་བུ་ནག་པོས་འདི་སྐད་ཅེས་ཁྱེའུ་དེ་ཏེ་པོར་མཁས་པ་དང ། ལེ་ལོ་མེད་པ་དང་སྒྲུབ་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང་བགོ་བ་མང་པོ་སྦྱིན་ནུས་པ་དང ། ལས་ཆུང་བ་ཡིན་ནོ་ཞེས་བསྟན་པར་གྱུར་ན་དེས་ན་དེ་དག་བུ་མོ་དེ་ཁྱེའུ་དེ་ལ་སྦྱིན་པར་བྱེད་དོ། །གང་ཡང་རུང་བ་དག་བུ་མོ་སློང་བར་བྱེད་པ་དེ་དག་ཀྱང་རི་དྭགས་འཛིན་གྱི་བུ་ནག་པོའི་གན་དུ་སོང་སྟེ། འདི་སྐད་ཅེས་ནག་པོ་ཁྱོད་ཀྱིས་ཁྱིམ་ཆེ་གེ་མོ་ཞིག་ཤེས་སམ་ཞེས་འདྲིའོ། །དེས་ཤེས་སོ་ཞེས་སྨྲས་པ་དང ། དེ་དག་དེ་ལ་ནག་པོ་ཇི་ལྟ་དེ་ན་བུ་མོ་དེ་མཁས་པ་དང ། ལེ་ལོ་མེད་པ་དང ། སྒྲུབ་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་ནུས་པ་ཡིན་ནམ་ཞེས་འདྲིའོ། །གལ་ཏེ་རི་དྭགས་འཛིན་གྱི་བུ་ནག་པོས་འདི་སྐད་ཅེས་བུ་མོ་དེ་ཏེ་པོར་མི་མཁས་པ་དང ། ལེ་ལོ་ཅན་དང ། སྒྲུབ་མི་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་
Ca321b
མི་ནུས་པ་ཡིན་ནོ་ཞེས་བསྟན་པར་གྱུར་ན་དེས་ན་དེ་དག་བུ་མོ་དེ་སློང་བར་མི་བྱེད་དོ། །གལ་ཏེ་རི་དྭགས་འཛིན་གྱི་བུ་ནག་པོས་འདི་སྐད་ཅེས་བུ་མོ་དེ་ཏེ་པོར་མཁས་པ་དང ། ལེ་ལོ་མེད་པ་དང་སྒྲུབ་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་ནུས་པ་ཡིན་ནོ་ཞེས་བསྟན་པར་གྱུར་ན་དེ་དག་བུ་མོ་དེ་སློང་བར་བྱེད་དོ། །རི་དྭགས་འཛིན་གྱི་བུ་ནག་པོས་དེ་ལྟར་བསྟན་ནས། གང་ཡང་རུང་བ་དག་གི་བུ་མོ་སྦྱིན་ཉེས་པར་གྱུར་ན་དེ་དག་འདི་སྐད་ཅེས་བདག་ཅག་གིས་རི་དྭགས་འཛིན་གྱི་བུ་ནག་པོ་ལ་དྲིས་ནས་བུ་མོ་བྱིན་ན་ཁྱེའུ་དེ་མི་མཁས་པ་དང་ལེ་ལོ་ཅན་དང ། སྒྲུབ་མི་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང ། བགོ་བ་མང་པོ་སྦྱིན་མི་ནུས་པ་དང ། ལས་ཆེ་བ་ཡིན་པས་གང་དག་ལ་རི་དྭགས་འཛིན་གྱི་བུ་ནག་པོས་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པ་ཁྱིམ་དུ་འཇུག་པར་བྱེད་པར་བདོག་པ་དེ་དག་ལ་ཡང་འདི་ལྟར་འགྱུར་རོ། །ཞེས་མི་བསྔགས་པ་རྗོད་པར་བྱེད་དོ། །གང་ཡང་རུང་བ་དག་གི་བུ་མོ་སྦྱིན་ལེགས་པར་གྱུར་ན་དེ་དག་འདི་སྐད་ཅེས་བདག་ཅག་གིས་རི་དྭགས་འཛིན་གྱི་བུ་ནག་པོ་ལ་དྲིས་ནས་བུ་མོ་བྱིན་ན་ཁྱེའུ་དེ་མཁས་པ་དང ། ལེ་ལོ་མེད་པ་དང་སྒྲུབ་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང ། བགོ་བ་མང་པོ་སྦྱིན་ནུས་པ་དང ། ལས་ཆུང་བ་ཡིན་པས་གང་དག་ལ་རི་དྭགས་འཛིན་གྱི་བུ་ནག་པོ་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པ་ཁྱིམ་དུ་འཇུག་པར་བྱེད་པར་བདོག་པ་དེ་དག་ལ་ཡང་འདི་ལྟར་འགྱུར་
Ca322a
༄#། །རོ་ཞེས་བསྔགས་པ་རྗོད་པར་བྱེད་དོ། །དེ་བཞིན་དུ་གང་ཡང་རུང་བ་དག་གིས་བུ་མོ་བསླང་ཉེས་པར་གྱུར་ན། དེ་དག་འདི་སྐད་ཅེས་བདག་ཅག་གིས་རི་དྭགས་འཛིན་གྱི་བུ་ནག་པོ་ལ་དྲིས་ནས་བུ་མོ་བསླངས་ན་བུ་མོ་དེ་མི་མཁས་པ་དང ། ལེ་ལོ་ཅན་དང་སྒྲུབ་མི་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་མི་ནུས་པ་ཡིན་པས། གང་དག་ལ་རི་དྭགས་འཛིན་གྱི་བུ་ནག་པོ་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པ་ཁྱིམ་དུ་འཇུག་པར་བྱེད་པར་བདོག་པ་དེ་དག་ལ་ཡང་འདི་ལྟར་འགྱུར་རོ་ཞེས་མི་བསྔགས་པ་རྗོད་པར་བྱེད་དོ། ། གང་ཡང་རུང་བ་དག་གིས་བུ་མོ་བསླང་ལེགས་པར་གྱུར་ན་དེ་དག་འདི་སྐད་ཅེས་བདག་ཅག་གིས་རི་དྭགས་འཛིན་གྱི་བུ་ནག་པོ་ལ་དྲིས་ན་བུ་མོ་བསླངས་ན་བུ་མོ་དེ་མཁས་པ་དང་ལེ་ལོ་མེད་པ་དང ། སྒྲུབ་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་ནུས་པ་ཡིན་པས། གང་དག་ལ་རི་དྭགས་འཛིན་གྱི་བུ་ནག་པོ་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པ་ཁྱིམ་དུ་འཇུག་པར་བྱེད་པར་བདོག་པ་དེ་དག་ལ་ཡང་འདི་ལྟར་འགྱུར་རོ་ཞེས་བསྔགས་པ་རྗོད་པར་བྱེད་དོ། །དེ་ན་རི་དྭགས་འཛིན་གྱི་བུ་ནག་པོ་ལ་མཉན་ཡོད་ན་དུས་གཅིག་ཏུ་བསྔགས་པ་དང་བསྔགས་པ་མ་ཡིན་པ་དག་ཀྱང་བྱུང་བར་གྱུར་ཏོ། །དེ་དུས་གཞན་ཞིག་ན་སངས་རྒྱས་ལ་མངོན་པར་དད་ཆོས་དང་དགེ་འདུན་ལ་མངོན་པར་དད། སངས་རྒྱས་ལ་སྐྱབས་སུ་སོང ། ཆོས་དང་དགེ་
Ca322b
འདུན་ལ་སྐྱབས་སུ་སོང་ཞིང་དེས་སྲོག་གཅོད་པ་སྤངས་ཏེ། སྲོག་གཅོད་པ་ལས་ཕྱིར་ལོག་།མ་བྱིན་པར་ལེན་པ་དང ། འདོད་པ་ལ་ལོག་པར་གཡེམ་པ་དང ། བརྫུན་དུ་སྨྲ་བ་དང ། འབྲུའི་ཆང་དང་བཅོས་པའི་ཆང་མྱོས་པར་འགྱུར་བ་བག་མེད་པའི་གནས་སྤངས་ཏེ་འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་ལས་ཕྱིར་ལྡོག་གོ་།དེ་དུས་ཅུང་ཞིག་ཁྱིམ་པར་ཁྱིམ་ན་འདུག་ནས་དད་པ་སྔ་མ་དེ་ཉིད་རྗེས་སུ་སྤེལ་ཞིང་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ལེགས་པར་གསུངས་པའི་ཆོས་འདུལ་བ་ལ་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །དེ་དེ་ལྟར་རབ་ཏུ་བྱུང་ནས་ཀྱང་མཉན་ཡོད་པའི་བྲམ་ཟེ་དང ། ཁྱིམ་བདག་རྣམས་དང་སྔོན་བཤེས་པ་ཉིད་ཀྱིས་དེ་དག་གི་གཏམ་འདྲེ་བ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པ་ཁྱིམ་དུ་འཇུག་པར་བྱེད་པ་ཡིན་པས། གང་ཡང་རུང་བ་དག་ལ་བུ་མོ་སྦྱིན་པར་བྱ་བ་ཡོད་པ་དེ་དག་ཀྱང་རི་དྭགས་འཛིན་གྱི་བུ་ནག་པོའི་གན་དུ་སོང་སྟེ། འདི་སྐད་ཅེས་འཕགས་པ་ཁྱོད་ཀྱིས་ཁྱིམ་ཆེ་གེ་མོ་ཞིག་མཁྱེན་ཏམ་ཞེས་འདྲིའོ། །དེས་ཤེས་སོ་ཞེས་སྨྲས་པ་དང ། དེ་དག་དེ་ལ་འཕགས་པ་ཇི་ལྟ་དེ་ན་ཁྱེའུ་དེ་མཁས་པ་དང་ལེ་ལོ་མ་མཆིས་པ་དང ། སྒྲུབ་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང ། བགོ་བ་མང་བ་སྩོལ་རྔོ་ཐོག་པ་དང ། ལས་ཆུང་བ་ལགས་སམ་ཞེས་འདྲིའོ། །གལ་ཏེ་རི་དྭགས་འཛིན་གྱི་བུ་ནག་པོས་འདི་སྐད་ཅེས་བཞིན་བཟང་དག་ཁྱེའུ་དེ་ཏེ་པོར་མི་མཁས་པ་དང ། ལེ་ལོ་ཅན་དང ། སྒྲུབ་མི་
Ca323a
༄#། །ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང ། བགོ་བ་མང་པོ་སྦྱིན་མི་ནུས་པ་དང ། ལས་ཆེ་བ་ཡིན་ནོ་ཞེས་བསྟན་པར་གྱུར་ན་དེས་ན་དེ་དག་བུ་མོ་དེ་ཁྱེའུ་དེ་ལ་སྦྱིན་པ་མི་བྱེད་དོ། ། གལ་ཏེ་རི་དྭགས་འཛིན་གྱི་བུ་ནག་པོས་འདི་སྐད་ཅེས་བཞིན་བཟང་དག་ཁྱེའུ་དེ་ཏེ་པོར་མཁས་པ་དང་ལེ་ལོ་མེད་པ་དང ། སྒྲུབ་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང་བགོ་བ་མང་པོ་སྦྱིན་ནུས་པ་དང ། ལས་ཆུང་བ་ཡིན་ནོ་ཞེས་བསྟན་པར་གྱུར་ན་དེས་ན་དེ་དག་བུ་མོ་དེ་ཁྱེའུ་དེ་ལ་སྦྱིན་པར་བྱེད་དོ། །གང་ཡང་རུང་བ་དག་བུ་མོ་སློང་བར་བྱེད་པ་དེ་དག་ཀྱང་རི་དྭགས་འཛིན་གྱི་བུ་ནག་པོའི་གན་དུ་སོང་སྟེ། འདི་སྐད་ཅེས་འཕགས་པ་ཁྱོད་ཀྱིས་ཁྱིམ་ཆེ་གེ་མོ་ཞིག་མཁྱེན་ཏམ་ཞེས་འདྲིའོ། །དེས་ཤེས་སོ་ཞེས་སྨྲས་པ་དང ། དེ་དག་དེ་ལ་འཕགས་པ་ཇི་ལྟར་དེ་ན་བུ་མོ་དེ་མཁས་པ་དང ། ལེ་ལོ་མ་མཆིས་པ་དང ། སྒྲུབ་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་རྔོ་ཐོག་པ་ལགས་སམ་ཞེས་འདྲིའོ། །གལ་ཏེ་རི་དྭགས་འཛིན་གྱི་བུ་ནག་པོས་འདི་སྐད་ཅེས་བཞིན་བཟང་དག་བུ་མོ་དེ་ཏེ་པོར་མི་མཁས་པ་དང ། ལེ་ལོ་ཅན་དང ། སྒྲུབ་མི་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་མི་ནུས་པ་ཡིན་ནོ་ཞེས་བསྟན་པར་གྱུར་ན། དེས་ན་དེ་དག་བུ་མོ་དེ་སློང་བར་མི་བྱེད་དོ། །གལ་ཏེ་རི་དྭགས་འཛིན་གྱི་བུ་ནག་པོས་འདི་སྐད་ཅེས་བཞིན་བཟང་དག་བུ་མོ་དེ་ཏེ་པོར་མཁས་པ་དང ། ལེ་ལོ་མེད་པ་དང ། སྒྲུབ་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་ནུས་པ་ཡིན་
Ca323b
ནོ་ཞེས་བསྟན་པར་གྱུར་ན། དེས་ན་དེ་དག་བུ་མོ་དེ་སློང་བར་བྱེད་དོ། །རི་དྭགས་འཛིན་གྱི་བུ་ནག་པོས་དེ་ལྟར་བསྟན་ནས་གང་ཡང་རུང་བ་དག་གི་བུ་མོ་སྦྱིན་ཉེས་པར་གྱུར་ན། དེ་དག་འདི་སྐད་ཅེས་བདག་ཅག་གིས་རི་དྭགས་འཛིན་གྱི་བུ་ནག་པོ་ལ་དྲིས་ནས་བུ་མོ་བྱིན་ན་ཁྱེའུ་དེ་མི་མཁས་པ་དང ། ལེ་ལོ་ཅན་དང ། སྒྲུབ་མི་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང ། བགོ་བ་མང་པོ་སྦྱིན་མི་ནུས་པ་དང་ལས་ཆེ་བ་ཡིན་པས་གང་དག་ལ་རི་དྭགས་འཛིན་གྱི་བུ་ནག་པོ་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པ་ཁྱིམ་དུ་འཇུག་པར་བྱེད་པར་བདོག་པ་དེ་དག་ལ་ཡང་འདི་ལྟར་འགྱུར་རོ་ཞེས་མི་བསྔགས་པ་རྗོད་པར་བྱེད་དོ། །གང་ཡང་རུང་བ་དག་གི་བུ་མོ་སྦྱིན་ལེགས་པར་གྱུར་ན་དེ་དག་འདི་སྐད་ཅེས་བདག་ཅག་གིས་རི་དྭགས་འཛིན་གྱི་བུ་ནག་པོ་ལ་དྲིས་ནས་བུ་མོ་སྦྱིན་ན་ཁྱེའུ་དེ་མཁས་པ་དང ། ལེ་ལོ་མེད་པ་དང ། སྒྲུབ་ཕོད་པ་དང ། ཁྱེའུ་དེ་བུ་མོ་ལ་བཟའ་བ་དང་བགོ་བ་མང་པོ་སྦྱིན་ནུས་པ་དང ། ལས་ཆུང་བ་ཡིན་པས་གང་དག་ལ་རི་དྭགས་འཛིན་གྱི་བུ་ནག་པོ་གཏམ་འདྲེས་པ།་ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པས་ཁྱིམ་དུ་འཇུག་པར་བྱེད་པར་བདོག་པ་དེ་དག་ལ་ཡང་འདི་ལྟར་འགྱུར་རོ་ཞེས་བསྔགས་པ་རྗོད་པར་བྱེད་དོ། །དེ་བཞིན་དུ་གང་ཡང་རུང་བ་དག་གིས་བུ་མོ་བསླངས་ཉེས་པར་གྱུར་ན་དེ་དག་འདི་སྐད་ཅེས་བདག་ཅག་གིས་རི་དྭགས་འཛིན་གྱི་བུ་ནག་པོ་ལ་དྲིས་ནས་བུ་མོ་བསླངས་ན་བུ་མོ་དེ་མི་མཁས་པ་དང ། ལེ་ལོ་ཅན་
Ca324a
༄#། །དང་སྒྲུབ་མི་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་མི་ནུས་པ་ཡིན་པས། གང་དག་ལ་རི་དྭགས་འཛིན་གྱི་བུ་ནག་པོ་གཏམ་འདྲེ་བ། ཕེབས་པར་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་པ་ཁྱིམ་དུ་འཇུག་པར་བྱེད་པར་བདོག་པ་དེ་དག་ལ་ཡང་འདི་ལྟར་འགྱུར་རོ་ཞེས་མི་བསྔགས་པ་རྗོད་པར་བྱེད་དོ། །གང་ཡང་རུང་བ་དག་གི་བུ་མོ་བསླངས་ལེགས་པར་གྱུར་ན་དེ་དག་འདི་སྐད་ཅེས་བདག་ཅག་གིས་རི་དྭགས་འཛིན་གྱི་བུ་ནག་པོ་ལ་དྲིས་ནས་བུ་མོ་བསླངས་ན་བུ་མོ་དེ་མཁས་པ་དང ། ལེ་ལོ་མེད་པ་དང ། སྒྲུབ་ཕོད་པ་དང ། བུ་མོ་དེ་བག་ཡོད་པས་ཁྱིམ་ན་གནས་པར་ནུས་པ་ཡིན་པས། གང་དག་ལ་རི་དྭགས་འཛིན་གྱི་བུ་ནག་པོ་གཏམ་འདྲེ་བ། ཕེབས་པ་སྨྲ་བ། སྨོས་འདྲིན་འགྲོགས་བཤེས་ཡིད་གཅུགས་ཁྱིམ་དུ་འཇུག་པར་བྱེད་པར་བདོག་པ་དེ་དག་ལ་ཡང་འདི་ལྟར་འགྱུར་རོ་ཞེས་བསྔགས་པ་རྗོད་པར་བྱེད་དོ། །དེ་ན་རི་དྭགས་འཛིན་གྱི་བུ་ནག་པོ་ལ་མཉན་ཡོད་ན་དུས་གཅིག་ཏུ་བསྔགས་པ་དང་བསྔགས་པ་མ་ཡིན་པ་དག་བྱུང་བར་གྱུར་ཏོ། །དེ་ནི་རེ་ཞིག་བྱུང་བ་ཡིན་གྱི་སངས་རྒྱས་བཅོམ་ལྡན་འདས་ཀྱིས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་ནི་མ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་བུད་མེད་ལ་སྐྱེས་པའི་ཚིག་དང ། སྐྱེས་
Ca324b
པ་ལ་བུད་མེད་ཀྱི་ཚིག་གིས་ཆུང་མ་ཉིད་དམ་མཛའ་ན་མོ་ཉིད་དུ་སྨྱན་བྱེད་ན། མུ་སྟེགས་ཅན་དག། ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་བུད་མེད་ལ་སྐྱེས་པའི་ཚིག་དང ། སྐྱེས་པ་ལ་བུད་མེད་ཀྱི་ཚིག་གིས་ཆུང་མ་ཉིད་དམ། མཛའ་ན་མོ་ཉིད་དུ་སྨྱན་བྱེད་དེ། བྲམ་ཟེ་དང་ཁྱིམ་བདག་བསླབ་པའི་གཞི་ཡང་དག་པར་མ་བླངས་པ་གཞན་དག་ཀྱང་བུད་མེད་ལ་སྐྱེས་པའི་ཚིག་དང ། སྐྱེས་པ་ལ་བུད་མེད་ཀྱི་ཚིག་གིས་ཆུང་མ་ཉིད་དམ། མཛའ་ན་མོ་ཉིད་དུ་སྨྱན་བྱེད་ན་ཤེས་ལྡན་དག་ཤཱཀྱའི་བུའི་དགེ་སྦྱོང་རྣམས་བྲམ་ཟེ་དང་ཁྱིམ་བདག་བསླབ་པའི་གཞི་ཡང་དག་པར་མ་བླངས་པ་རྣམས་ལ་བྱེ་བྲག་ནི་ཅི་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད། དགེ་སྦྱོང་མགོ་རེག་འདི་དག་ལ་སུ་ཞིག་བསོད་སྙོམས་བྱིན་པ་དང ། བྱ་བར་སེམས་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བ་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། ། དེ་བཞིན་གཤེགས་པ་ནི་དོན་གྱི་དབང་གཉིས་གཟིགས་པ་ན་དགེ་སློང་གི་དགེ་འདུན་སྡུད་པར་མཛད་དེ། འདི་ལྟ་སྟེ། ངའི་ཉན་ཐོས་རྣམས་ཀྱིས་ཀུན་ཤེས་པ་ཉིད་དུ་བྱ་བའི་ཕྱིར་དང ། ངས་འདུལ་བ་ལ་བསླབ་པའི་གཞི་ལེགས་པར་བཅས་པར་འགྱུར་བའོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ་མཁྱེན་ཀྱང་མི་རྨེད་པ། དུས་སུ་རྨེད་པ་
Ca325a
༄#། །དུས་ལས་ཡོལ་བར་མི་རྨེད་པ། དོན་དང་ལྡན་པ་རྨེད་པ་དོན་དང་མི་ལྡན་པ་མི་རྨེད་པས། སངས་རྒྱས་བཅོམ་ལྡན་འདས་ནི་དོན་དང་མི་ལྡན་པ་རྨེད་པ་ལ་ཆུ་ལོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ནི་དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས། སངས་རྒྱས་བཅོམ་ལྡན་འདས་ཀྱིས་དྲུག་སྡེ་རྣམས་ལ་རྨས་པ། དགེ་སློང་དག་ཁྱེད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་བྱ་བ་ལ་སོགས་པས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུད་མེད་ལ་སྐྱེས་པའི་ཚིག་དང ། སྐྱེས་པ་ལ་བུད་མེད་ཀྱི་ཚིག་གིས་ཆུང་མ་ཉིད་དམ་མཛའ་ན་མོ་ཉིད་དུ་སྨྱན་བྱེད་ན་ཐ་ན་ཐང་འགའ་ཕྲད་པ་ལ་ཡང་རུང་སྟེ་དགེ་འདུན་ལྷག་མའོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ་གཞན་ཡང་དེ་དང་འདྲ་བ་གང་ཡིན་པའོ། །
Ca325b
བུད་མེད་ལ་སྐྱེས་པའི་ཚིག་དང་ཞེས་བྱ་བ་ནི་སྐྱེས་པའི་ཀུན་ཏུ་སྤྱད་པའི་བསམ་པའི་ཚིག་གང་ཡིན་པ་དེ་བུད་མེད་ལ་རྗོད་པར་བྱེད་པས་སོ། །སྐྱེས་པ་ལ་བུད་མེད་ཀྱི་ཚིག་གིས་ཞེས་བྱ་བ་ནི། བུད་མེད་ཀྱི་ཀུན་ཏུ་སྤྱད་པའི་བསམ་པའི་ཚིག་གང་ཡིན་པ་སྐྱེས་པ་ལ་རྗོད་པར་བྱེད་པས་སོ། །ཆུང་མ་ཉིད་དམ་མཛའ་ན་མོ་ཉིད་དུ་ཞེས་བྱ་བ་ནི་ཆུང་མ་བདུན་དང ། མཛའ་ན་མོ་བཅུ་ཉིད་དུའོ། །ཆུང་མ་བདུན་གང་ཞེ་ན། ཆུ་ཚིགས་ཀྱིས་བྱིན་པ་དང ། རིན་ཆས་ཉོས་པ་དང ། བཙན་ཕྲོགས་སུ་ཐོབ་པ་དང ། དང་སམ་དུ་འདུས་པ་དང ། གོས་ཟས་ཀྱིས་འཚོལ་བ་དང ། ཁ་དུམ་པ་དང ། ཐང་འགའ་ཕྲད་པ་ནི་བདུན་པའོ། །དེ་ལ་ཆུ་ཚིགས་ཀྱིས་བྱིན་པའི་ཆུང་མ་གང་ཞེ་ན། བུད་མེད་དམ་གཞོན་ནུ་མ་གང་ཕ་མ་དག་གིས་སྐྱེས་པ་ལ་འདི་ཁྱོད་ཀྱི་ཆུང་མ་སྐྱེ་དགུའི་བདག་མོ་བྱོས་ཤིག་ཅེས་ཆུ་ཚིགས་ཀྱིས་བྱིན་ཞིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས་དེས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་ཆུ་ཚིགས་ཀྱིས་བྱིན་པའི་ཆུང་མ་ཞེས་བྱའོ། །རིན་ཆས་ཉོས་པའི་ཆུང་མ་གང་ཞེ་ན། བུད་མེད་དམ་གཞོན་ནུ་མ་གང་སྐྱེས་པས་འདི་དག་གི་ཆུང་མ་སྐྱེ་དགུའི་བདག་མོ་བྱའོ། །ཞེས་ཕ་མ་དག་ལས་རིན་ཆས་ཉོས་ཤིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས་དེས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་རིན་ཆས་ཉོས་པའི་ཆུང་མ་ཞེས་བྱའོ། །བཙན་ཕྲོགས་
Ca326a
༄#། །སུ་ཐོབ་པའི་ཆུང་མ་གང་ཞེ་ན། འདི་ལྟ་སྟེ་རྒྱལ་པོ་རྒྱལ་རིགས་སྤྱི་བོར་དབང་བསྐུར་བས་དཔུང་གི་ཚོགས་ཡན་ལག་པ་བཞི་པ་གོ་བསྐོན་ཏེ། ཕ་རོལ་གྱི་ཡུལ་འཁོར་དང་ཕ་རོལ་གྱི་ཡུལ་དུ་སོང་ནས་མ་ཕེབས་པ་ཕབ་ཅིང ། ཕེབས་པར་གནས་ནས་ཐོབ་རྒྱལ་དུ་སྒྲོགས་པར་བྱེད་པའི་ཚེ་དེ་ན་སྐྱེས་པས་རྒྱལ་པོ་རྒྱལ་མཚན་དུ་བྱས་ནས་བུད་མེད་དམ་གཞོན་ནུ་མ་གང་ཡིན་པ་འདི་བདག་གི་ཆུང་མ་སྐྱེ་དགུའི་བདག་མོ་བྱའོ་ཞེས་ཕྲོགས་ཤིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས་དེས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པས་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་བཙན་ཕྲོགས་སུ་ཐོབ་པའི་ཆུང་མ་ཞེས་བྱའོ། །གཞན་ཡང་བཙན་ཕྲོགས་སུ་ཐོབ་པའི་ཆུང་མ་གང་ཞེ་ན། འདི་ལྟ་སྟེ་ཆོམ་རྐུན་པ་དག་གིས་གྲོང་གཞོམ་པའམ། གྲོང་ཁྱེར་གཞོམ་པའམ། ལྗོངས་གཞོམ་པ་བྱས་ཏེ། རང་གི་མགོ་རྒྱལ་མཚན་དུ་བྱས་ནས་བུད་མེད་དམ་གཞོན་ནུ་མ་གང་ཡིན་པ་འདི་བདག་གི་ཆུང་མ་སྐྱེ་དགུའི་བདག་མོ་བྱའོ་ཞེས་ཕྲོགས་ཤིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས། དེས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་བཙན་ཕྲོགས་སུ་ཐོབ་པའི་ཆུང་མ་ཞེས་བྱའོ། །དང་སམ་དུ་འདུས་པའི་ཆུང་མ་གང་ཞེ་ན། བུད་མེད་དམ་གཞོན་ནུ་མ་གང་རང་གི་དད་པ་དང ། གཅུགས་པ་དང་དགའ་
Ca326b
བས་སྐྱེས་པའི་གན་དུ་འོངས་ཏེ་འདི་སྐད་ཅེས་རྗེའི་སྲས་ཚུར་སྤྱོན་ཁྱོད་བདག་གི་ཁྱིམ་ཐབ་མཛོད་ཅིག་དང་བདག་གིས་ཁྱོད་ཀྱི་བཙུན་མོ་སྐྱེ་དགུའི་བདག་མོ་བགྱིའོ་ཞེས་ཟེར་ཞིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས་དེས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་དང་སམ་དུ་འདུས་པའི་ཆུང་མ་ཞེས་བྱའོ། །གོས་ཟས་ཀྱིས་འཚོ་བའི་ཆུང་མ་གང་ཞེ་ན། བུད་མེད་དམ་གཞོན་ནུ་མ་གང་སྐྱེས་པའི་གན་དུ་འོངས་ཏེ། འདི་སྐད་ཅེས་རྗེའི་སྲས་ཚུར་སྤྱོན་ཁྱོད་ཀྱིས་བདག་ལ་གོས་དང་ཟས་སྩོལ་ཅིག་དང་བདག་གིས་ཁྱོད་ཀྱིས་བཙུན་མོ་སྐྱེ་དགུའི་བདག་མོ་བགྱིའོ་ཞེས་ཟེར་ཞིང ། དེ་དེའི་ཆུང་མ་སྐྱེ་དགུའི་བདག་མོར་གྱུར་ནས་དེས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ།་སྦས་པ་ཤིན་ཏུ་སྦས་པ་དེ་ནི་གོས་ཟས་ཀྱིས་འཚོ་བའི་ཆུང་མ་ཞེས་བྱའོ། །ཁ་དུམ་པའི་ཆུང་མ་གང་ཞེ་ན། བུད་མེད་དམ་གཞོན་ནུ་མ་གང་སྐྱེས་པའི་གན་དུ་འོངས་ཏེ། འདི་སྐད་ཅེས་རྗེའི་སྲས་ཚུར་སྤྱོན་ཁྱོད་ཀྱི་ནོར་གང་ལགས་པ་དེ་དང ། བདག་གི་ནོར་གང་ལགས་པ་དེ་དག་གཅིག་ཏུ་བསྡུས་ཏེ་བདག་ཅག་གཉིས་མཉམ་དུ་འཚོ་བར་བགྱི་ཞིང་བདག་ཅག་གཉིས་ལས་ཁྱེའུའམ། བུ་མོ་གང་དག་མཆིས་པར་འགྱུར་བ་དེ་དག་ཀྱང་བདག་ཅག་ཤི་ཞིང་དུས་ལ་བབ་པ་དག་ལ་ཉུང་ངུའམ་མང་པོ་ཡང་རུང་བའི་སྦྱིན་པ་དག་སྦྱིན་ཞིང་བསོད་ནམས་དག་བགྱིས་ནས་འདི་དེ་གཉིས་གང་དུ་
Ca327a
༄#། །སྐྱེས་པ་དེར་འགྲོ་ཞིང་རྗེས་སུ་འགྲོ་བར་གྱུར་ཅིག་ཅེས་མིང་གིས་ཡོན་བཤད་པ་བགྱིད་པར་གྱུར་པ་བགྱིའོ་ཞེས་ཟེར་ཞིང་དེ་དེའི་ཆུང་མ་སྐྱེ་དགུའི་བདག་མོར་གྱུར་ནས་དེས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ། དེ་ནི་ཁ་དུམ་པའི་ཆུང་མ་ཞེས་བྱའོ། །ཐང་འགའ་ཕྲད་པའི་ཆུང་མ་གང་ཞེ་ན།་བུད་མེད་དམ་གཞོན་ནུ་མ་གང་སྐྱེས་པས་དེང་བདག་འདི་དང་ལྷན་ཅིག་དགའ་མགུར་སྤྱད་པར་བྱའོ་སྙམ་ནས་དེའི་དུས་སུ་གླས་ཤིང་ཡུད་ཙམ་ཕྲད་པར་གྱུར་ནས་དེས་དེ་འདི་ལ་གཞན་དག་འདོད་པ་དག་གི་ཕྱིར་སྤྱད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་ཐང་འགའ་ཕྲད་པའི་ཆུང་མ་ཞེས་བྱའོ། །མཛའ་ན་མོ་བཅུ་གང་ཞེ་ན། མས་བསྲུངས་པ་དང ། ཕས་བསྲུངས་པ་དང ། མིང་པོས་བསྲུངས་པ་དང ། ཕུ་ནུ་མོས་བསྲུངས་པ་དང ། སྒྱུག་མོས་བསྲུངས་པ་དང ། གྱོས་པོས་བསྲུངས་པ་དང ། ཉེ་དུས་བསྲུངས་པ་དང ། རིགས་ཀྱིས་བསྲུངས་པ་དང ། རུས་ཆགས་ཀྱིས་བསྲུངས་པ་དང ། རྣམ་པར་འཁྲུག་པ་མེད་པ་ནི་བཅུ་པའོ། །དེ་ལ་མས་བསྲུངས་པའི་མཛའ་ན་མོ་གང་ཞེ་ན། བུད་མེད་དམ་གཞོན་ནུ་མ་གང་གི་ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ། རྒྱལ་པོའི་འཇིགས་པས་ཡུལ་འཁོར་གཞན་དང་ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་སེམས་འཁྲུགས་པ་དང་ཚོར་བ་
Ca327b
དག་གིས་ཉེན་པར་གྱུར་ནས། དེ་མའི་གན་ན་གནས་ཤིང་མས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་མས་བསྲུངས་པའི་མཛའ་ན་མོ་ཞེས་བྱའོ། །ཕས་བསྲུངས་པའི་མཛའ་ན་མོ་གང་ཞེ་ན། བུད་མེད་དམ་གཞོན་ནུ་མ་གང་གི་ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ་རྒྱལ་པོའི་འཇིགས་པས་ཡུལ་འཁོར་གཞན་དང ། ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པར་གྱུར་ནས། དེའི་ཕའི་གན་ན་གནས་ཤིང་ཕས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་ཕས་བསྲུངས་པའི་མཛའ་ན་མོ་ཞེས་བྱའོ། །མིང་པོས་བསྲུངས་པའི་མཛའ་ན་མོ་གང་ཞེ་ན། བུད་མེད་དམ་གཞོན་ནུ་མ་གང་གི་ཕ་མ་དང་ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ། རྒྱལ་པོའི་འཇིགས་པས་ཡུལ་འཁོར་གཞན་དང་ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པར་གྱུར་ནས་དེ་མིང་པོའི་གན་ན་གནས་ཤིང་མིང་པོས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་མིང་པོས་བསྲུངས་པའི་མཛའ་ན་མོ་ཞེས་བྱའོ། །ཕུ་ནུ་མོས་བསྲུངས་པའི་མཛའ་ན་མོ་གང་ཞེ་ན།
Ca328a
༄#། །བུད་མེད་དམ་གཞོན་ནུ་མ་གང་གི་ཕ་མ་དང་ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ། རྒྱལ་པོའི་འཇིགས་པས་ཡུལ་འཁོར་གཞན་ནམ་ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་སེམས་འཁྲུགས་པ་དང་ཚོར་བ་དག་གིས་ཉེན་པར་གྱུར་ནས། དེ་ཕུ་ནུ་མོའི་གན་ན་གནས་ཤིང་ཕུ་ནུ་མོས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་ཕུ་ནུ་མོས་བསྲུངས་པའི་མཛའ་ན་མོ་ཞེས་བྱའོ། །སྒྱུག་མོས་བསྲུངས་པའི་མཛའ་ན་མོ་གང་ཞེ་ན།་བུད་མེད་དམ་གཞོན་ནུ་མ་གང་གི་ཕ་མ་དང ། ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ། རྒྱལ་པོའི་འཇིགས་པས་ཡུལ་འཁོར་གཞན་དང ། ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པར་གྱུར་ནས། དེ་སྒྱུག་མོའི་གན་ན་གནས་ཤིང་སྒྱུག་མོས་དེ་ལ་འདི་སྐད་ཅེས་ཁོ་མོའི་བུ་མཐོང་བ་གང་ཡིན་པ་དེ་ནི་ཁྱོད་མཐོང་བ་ཡིན་ལ། ཁྱོད་མཐོང་བ་གང་ཡིན་པ་དེ་ཡང་ཁོ་མོའི་བུ་མཐོང་བ་ཡིན་པས་ཁོ་མོའི་ཟས་དང ། གོས་ཀྱིས་མནའ་མ་གནས་པར་གྱིས་ཤིག། མནའ་མ་དགའ་བར་གྱིས་ཤིག་ཅེས་སྨྲས་ནས་སྒྱུག་མོས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་
Ca328b
སྒྱུག་མོས་བསྲུངས་པའི་མཛའ་ན་མོ་ཞེས་བྱའོ། །གྱོས་པོས་བསྲུངས་པའི་མཛའ་ན་མོ་གང་ཞེ་ན། བུད་མེད་དམ་གཞོན་ནུ་མ་གང་གིས་ཕ་མ་དང་ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ། རྒྱལ་པོའི་འཇིགས་པས་ཡུལ་འཁོར་གཞན་དང་ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་སེམས་འཁྲུགས་པ་དང་ཚོར་བ་དག་གིས་ཉེན་པར་གྱུར་ནས། དེ་གྱོས་པོའི་གན་ན་གནས་ཤིང་གྱོས་པོས་དེ་ལ་འདི་སྐད་ཅེས་ཁོ་བོའི་བུ་མཐོང་བ་གང་ཡིན་པ་དེ་ནི་ཁྱོད་མཐོང་བ་ཡིན་ལ་ཁྱོད་མཐོང་བ་གང་ཡིན་པ་དེ་ཡང་ཁོ་བོའི་བུ་མཐོང་བ་ཡིན་པས་ཁོ་བོའི་ཟས་དང་གོས་ཀྱིས་མནའ་མ་གནས་པར་གྱིས་ཤིག་།མནའ་མ་དགའ་བར་གྱིས་ཤིག་ཅེས་སྨྲས་ནས། གྱོས་པོས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ།་སྦས་པ་ཤིན་ཏུ་སྦས་པ་དེ་ནི་གྱོས་པོས་བསྲུངས་པའི་མཛའ་ན་མོ་ཞེས་བྱའོ། །ཉེ་དུས་བསྲུངས་པའི་མཛའ་ན་མོ་གང་ཞེ་ན། ཉེ་དུ་ཞེས་བྱ་བ་ནི་ཁྱིམ་བདུན་པ་ཚུན་ཆད་ལས་བརྟེན་པ་ནི་ཉེ་དུ་ཡིན་ལ་དེ་ཕན་ཆད་ནི་ཉེ་དུ་མ་ཡིན་ཏེ། བུད་མེད་དམ་གཞོན་ནུ་མ་གང་གི་ཕ་མ་དང་ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ་རྒྱལ་པོའི་འཇིགས་པས་ཡུལ་འཁོར་གཞན་དང་ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་སེམས་འཁྲུགས་པ་དང་ཆར་བ་དག་གིས་ཉེན་པར་གྱུར་ནས། དེ་ཉེ་དུའི་གན་ན་གནས་ཤིང་ཉེ་དུས་དེ་འདི་ལ་གཞན་
Ca329a
༄#། །དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་ཉེ་དུས་བསྲུངས་པའི་མཛའ་ན་མོ་ཞེས་བྱའོ། །རིགས་ཀྱིས་བསྲུངས་པའི་མཛའ་ན་མོ་གང་ཞེ་ན། རིགས་ཞེས་བྱ་བ་ནི་བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་ཏེ། བུད་མེད་དམ་གཞོན་ནུ་མ་གང་གི་ཕ་མ་དང་ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ། རྒྱལ་པོའི་འཇིགས་པས་ཡུལ་འཁོར་གཞན་དང་ཡུལ་གཞན་དུ་བྲོས་པར་གྱུར་ཏམ། སྨྱོས་པ་དང་སེམས་འཁྲུགས་པ་དང་ཚོར་བ་དག་གིས་ཉེན་པར་གྱུར་ནས། དེ་རིགས་གཅིག་པའི་གན་ན་གནས་ཤིང་རིགས་གཅིག་པས་དེ་འདི་ལ་གཞན་དག་འདོད་པ་དག་གིས་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་རིགས་ཀྱིས་བསྲུངས་པའི་མཛའ་ན་མོ་ཞེས་བྱའོ། །རུས་ཆགས་ཀྱིས་བསྲུངས་པའི་མཛའ་ན་མོ་གང་ཞེ་ན། རུས་ཞེས་བྱ་བ་ནི་ཀུད་སའི་རིགས་དང ། བད་སའི་རིགས་དང ། ཤན་དི་ལིའི་རིགས་དང ། བྷ་ར་དྭ་ཛའི་རིགས་དང ། ལྔ་པའི་རིགས་དང ། ཉེ་ལྔའི་རིགས་དང ། གོ་ཏ་མའི་རིགས་ཏེ་བུད་མེད་དམ་གཞོན་ནུ་མ་གང་གི་ཕ་མ་དང་ཁྱིམ་ཐབ་ཤི་ཞིང་དུས་ལ་བབ་པར་གྱུར་ཏམ། རྒྱལ་པོས་བཅིངས་སམ་བསད་དམ། རྒྱལ་པོའི་འཇིགས་པས་ཡུལ་འཁོར་གཞན་དང་ཡུལ་གཞན་དུ་བྲོས་པར་གྱུར་ཏམ། སྨྱོས་
Ca329b
པ་དང་སེམས་འཁྲུགས་པ་དང་ཚོར་བ་དག་གིས་ཉེན་པར་གྱུར་ནས། དེ་རུས་ཆགས་ཀྱི་གན་ན་གནས་ཤིང་རུས་ཆགས་ཀྱིས་དེ་འདི་ལ་གཞན་དག་འདོད་པ་དག་གི་ཕྱིར་སྤྱོད་པར་མ་གྱུར་ཅིག་ཅེས་བསྲུངས་པ་ཤིན་ཏུ་བསྲུངས་པ། སྦས་པ་ཤིན་ཏུ་སྦས་པ་དེ་ནི་རུས་ཆགས་ཀྱིས་བསྲུངས་པའི་མཛའ་ན་མོ་ཞེས་བྱའོ། །རྣམ་པར་འཁྲུག་པ་མེད་པའི་མཛའ་ན་མོ་གང་ཞེ་ན། དགེ་སློང་མ་དང་སྤྱོད་པ་ཅན་མོ་དང ། ཀུན་ཏུ་རྒྱུའི་མོ་དང་ཁྱིམ་ཐབ་ཀྱི་མལ་གྱི་རྗེས་སུ་འཇུག་པ་དང ། ཆོས་བཞིན་སྤྱོད་པ་དེ་ནི་རྣམ་པར་འཁྲུག་པ་མེད་པའི་མཛའ་ན་མོ་ཞེས་བྱའོ། །སྨྱན་ཞེས་བྱ་བ་ནི་ཕྲིན་བྱེད་པའོ། །བྱེད་ན་ཞེས་བྱ་བ་ནི་བྱེད་པར་གྱུར་ནའོ། །ཐ་ན་ཐང་འགའ་ཕྲད་པ་ལ་ཡང་རུང་སྟེ་ཞེས་བྱ་བ་ནི། ཐ་ན་ཡུད་ཙམ་ལ་ཡང་རུང་སྟེའོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་ནོ། །དེ་ལ་ལྟུང་བ་ཇི་ལྟར་འགྱུར་ཞེ་ན། བར་སྡོམ་ལ། སྤྲིང་པའི་ཕྲིན་དང་དགེ་སློང་གཉིས། །སྤྱོད་ལམ་དང་ནི་སྔོན་འགྲོ་དང ། །བདག་དང་བདག་མིན་ཡུལ་ཕྱོགས་ཚིག་།སྤྲིང་ཡིག་ལག་ཡིག་ཆུང་མའོ། །དགེ་སློང་གིས་བདག་ཉིད་ཀྱིས་སྤྲིང་པ་མནོས་ཏེ།་བདག་ཉིད་ཀྱིས་ཕྲིན་ཕར་ཡང་སྐྱེལ་བར་བྱེད་ཅིང ། བདག་ཉིད་ཀྱིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་བདག་ཉིད་ཀྱིས་སྤྲིང་པ་མནོས་ཏེ། བདག་ཉིད་ཀྱིས་ཕྲིན་ཕར་སྐྱེལ་བར་བྱེད་ཅིང་མངགས་པས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་བདག་ཉིད་ཀྱིས་སྤྲིང་པ་མནོས་ཏེ་མངགས་པས་ཕྲིན་ཕར་སྐྱེལ་བར་
Ca330a
༄#། །བྱེད་ཅིང་བདག་ཉིད་ཀྱིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་བདག་ཉིད་ཀྱིས་སྤྲིང་པ་མནོས་ཏེ། མངགས་པས་ཕྲིན་པར་ཡང་སྐྱེལ་བར་བྱེད་ཅིང ། མངགས་པས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་མངགས་པ་ལས་བདག་ཉིད་ཀྱིས་སྤྲིང་པ་མནོས་ཏེ། བདག་ཉིད་ཀྱིས་ཕྲིན་ཕར་མར་སྐྱེལ་བར་བྱེད་ཅིང ། བདག་ཉིད་ཀྱིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་མངགས་པ་ལས་བདག་ཉིད་ཀྱིས་སྤྲིང་པ་མནོས་ཏེ། བདག་ཉིད་ཀྱིས་ཕྲིན་ཕར་སྐྱེལ་བར་བྱེད་ཅིང ། མངགས་པས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་མངགས་པ་ལས་བདག་ཉིད་ཀྱིས་སྤྲིང་པ་མནོས་ཏེ། མངགས་པས་ཕྲིན་ཕར་སྐྱེལ་བར་བྱེད་ཅིང ། བདག་ཉིད་ཀྱིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་མངགས་པ་ལས་བདག་ཉིད་ཀྱིས་སྤྲིང་པ་མནོས་ཏེ། མངགས་པས་ཕྲིན་ཕར་ཡང་སྐྱེལ་བར་བྱེད་ཅིང ། མངགས་པས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་མངགས་པས་མངགས་པ་ལས་བདག་ཉིད་ཀྱིས་སྤྲིང་པ་མནོས་ཏེ། བདག་ཉིད་ཀྱིས་ཕྲིན་ཕར་ཡང་སྐྱེལ་བར་བྱེད་ཅིང ། བདག་ཉིད་ཀྱིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་མངགས་པས་མངགས་པ་ལས་བདག་ཉིད་ཀྱིས་སྤྲིང་པ་མནོས་
Ca330b
ཏེ།་བདག་ཉིད་ཀྱིས་ཕྲིན་ཕར་སྐྱེལ་བར་བྱེད་ཅིང ། མངགས་པས་མངགས་པས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་མངགས་པས་མངགས་པ་ལས་བདག་ཉིད་ཀྱིས་སྤྲིང་པ་མནོས་ཏེ། མངགས་པས་མངགས་པས་ཕྲིན་ཕར་སྐྱེལ་བར་བྱེད་ཅིང ། བདག་ཉིད་ཀྱིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་མངགས་པས་མངགས་པ་ལས་བདག་ཉིད་ཀྱིས་སྤྲིང་པ་མནོས་ཏེ། མངགས་པས་མངགས་པས་ཕྲིན་ཕར་ཡང་སྐྱེལ་བར་བྱེད་ཅིང ། མངགས་པས་མངགས་པས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་པ་མནོས་ཏེ། གཉི་གས་ཕྲིན་ཕར་ཡང་སྐྱེལ་བར་བྱེད་ཅིང ། གཉི་གས་ཕྲིན་ཚུར་ཡང་སྐྱེལ་བར་བྱེད་ན་གཉི་ག་ལ་དགེ་འདུན་ལྷག་མར་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་པ་མནོས་ཏེ། དེ་ན་གཅིག་འདི་སྐད་ཅེས་རེ་ཞིག་ཁོ་བོའི་དོན་དུ་ཕྲིན་ཕར་ཡང་སྐྱོལ་ལ། ཕྲིན་ཚུར་ཡང་སྐྱོལ་ཅིག་ཅེས་ཟེར་ནས། དེས་དེའི་དོན་དུ་ཕྲིན་ཕར་ཡང་སྐྱེལ་བར་བྱེད་ཅིང ། ཕྲིན་ཚུར་ཡང་སྐྱེལ་བར་བྱེད་ན་གཉི་ག་ལ་དགེ་འདུན་ལྷག་མར་འགྱུར་རོ། །དགེ་སློང་གཉི་གས་སྤྲིང་པ་མནོས་ཏེ་དེ་ན་གཅིག་འདི་སྐད་ཅེས་ཁོ་བོས་ནི་ཕྲིན་ཕར་ནི་སྐྱེལ་ལོ། །ཕྲིན་ཚུར་ནི་མི་སྐྱེལ་ལོ་ཞེས་ཟེར་ན་དེ་གཉིས་ལས་གང་ཕྲིན་ཕར་ཡང་སྐྱེལ་བར་བྱེད་ཅིང ། ཕྲིན་ཚུར་ཡང་སྐྱེལ་བར་བྱེད་པ་དེ་ལ་ནི་དགེ་འདུན་ལྷག་མར་འགྱུར་ལ། གང་ཕྲིན་ཕར་ནི་སྐྱེལ་བར་བྱེད་ལ་ཕྲིན་ཚུར་ནི་སྐྱེལ་
Ca331a
༄#། །བར་མི་བྱེད་པ་དེ་ལ་ནི་ཉེས་པ་སྦོམ་པོ་གཉིས་སུ་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་པ་མནོས་ཏེ། དེ་ན་གཅིག་འདི་སྐད་ཅེས་ཁོ་བོ་ནི་ཕྲིན་ཕར་ཡང་མི་སྐྱེལ་ལ་ཚུར་ཡང་མི་སྐྱེལ་ལོ་ཞེས་ཟེར་ན། དེ་གཉིས་ལས་གང་ཕྲིན་ཕར་ཡང་སྐྱེལ་བར་བྱེད་ཅིང ། ཕྲིན་ཚུར་ཡང་སྐྱེལ་བར་བྱེད་པ་དེ་ལ་ནི་དགེ་འདུན་ལྷག་མར་འགྱུར་ལ། གང་ཕྲིན་ཕར་ཡང་སྐྱེལ་བར་མི་བྱེད་ལ་ཕྲིན་ཚུར་ཡང་སྐྱེལ་བར་མི་བྱེད་པ་དེ་ལ་ནི་ཉེས་པ་སྦོམ་པོ་གཅིག་ཏུ་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་པ་མནོས་ཏེ། གཉི་གས་ཕྲིན་ཕར་ནི་སྐྱེལ་བར་བྱེད་ལ། ཕྲིན་ཚུར་ནི་སྐྱེལ་བར་མི་བྱེད་ན་གཉི་ག་ལ་ཉེས་པ་སྦོམ་པོ་གཉིས་གཉིས་སུ་འགྱུར་རོ། །དགེ་སློང་གཉིས་ཀྱིས་གཉི་གས་སྤྲིང་པ་མནོས་ཏེ་དེ་ན་གཉིས་ག་འདི་སྐད་ཅེས་བདག་ཅག་གཉི་ག་ཕྲིན་ཕར་ཡང་སྐྱེལ་བར་མི་བྱེད་ལ། ཕྲིན་ཚུར་ཡང་སྐྱེལ་བར་མི་བྱེད་དོ་ཞེས་ཟེར་ན་གཉི་ག་ལ་ཉེས་པ་སྦོམ་པོ་རེ་རེར་འགྱུར་རོ། །དགེ་སློང་གཅིག་ཁྱིམ་པ་གཅིག་དང་ཁྱིམ་པ་མོ་གཅིག་དང་མགྲོན་ལམ་དུ་འགྲོ་བ་ན་དེ་ན་གལ་ཏེ་ཁྱིམ་པ་དེ་དགེ་སློང་དེ་ལ་འདི་སྐད་ཅེས་འཕགས་པ་ཁྱོད་ཁྱིམ་པ་མོ་འདི་ལ་འདི་སྐད་ཅེས་ཁྱོད་ཁྱིམ་པ་མོ་འདིའི་ཆུང་མ་དང་མཛའ་ན་མོ་དང ། སྨོས་འདྲིན་གྱིས་ཤིག་ཅེས་སྨྲ་ནུས་སམ་ཞེས་ཟེར་རམ། ཡང་ན་ཁྱིམ་པ་མོ་དེ་དགེ་སློང་དེ་ལ་འདི་སྐད་ཅེས་འཕགས་པ་ཁྱོད་ཁྱིམ་པ་འདི་ལ་འདི་སྐད་ཅེས་ཁྱོད་ཁྱིམ་པ་མོ་འདིའི་ཁྱོའམ་མཛའ་ན་ཕོའམ་སྨོན་འདྲིན་གྱིས་
Ca331b
ཤིག་ཅེས་སྨྲ་ནུས་སམ་ཞེས་ཟེར་བ་ལ་དགེ་སློང་དེས་སྤྲིང་པ་རྣམ་པ་དེ་ལྟ་བུ་དེ་མནོས་ཏེ་ཕྲིན་ཕར་སྐྱེལ་བར་བྱེད་དམ་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །འགྲོ་བ་ལ་ཇི་ལྟ་བ་བཞིན་དུ་སྡོད་པ་དང་འདུག་པ་དང ། ཉལ་བ་དག་ལ་ཡང་དེ་བཞིན་ནོ། །དགེ་སློང་གཅིག་དང་ཁྱིམ་པ་གཅིག་དང་ཁྱིམ་པ་མོ་གཅིག་ལ་ཇི་ལྟ་བ་བཞིན་དུ་དགེ་སློང་གཉིས་དང ། ཁྱིམ་པ་གཉིས་དང ། ཁྱིམ་པ་མོ་གཉིས་དང ། དགེ་སློང་རབ་ཏུ་མང་པོ་དང ། ཁྱིམ་པ་རབ་ཏུ་མང་པོ་དང ། ཁྱིམ་པ་མོ་རབ་ཏུ་མང་པོ་ལ་ཡང་དེ་བཞིན་དུ་ཅི་རིགས་པར་རྒྱས་པར་སྦྱར་རོ། །དགེ་སྦྱོང་མདུན་དུ་འགྲོ་བའི་དགེ་སྦྱོང་དང་ཕྱི་བཞིན་དུ་འབྲང་བའི་དགེ་སྦྱོང་གཉིས་ལས་མདུན་དུ་འགྲོ་བའི་དགེ་སྦྱོང་གི་སྤྲིང་པ་མནོས་ཏེ། མདུན་དུ་འགྲོ་བའི་དགེ་སྦྱོང་གིས་ཕྲིན་ཕར་ཡང་སྐྱེལ་བར་བྱེད་ཅིང་མདུན་དུ་འགྲོ་བའི་དགེ་སྦྱོང་གིས་ཕྲིན་ཚུར་ཡང་སྐྱེལ་བར་བྱེད་ན་མདུན་དུ་འགྲོ་བའི་དགེ་སྦྱོང་ལ་དགེ་འདུན་ལྷག་མར་འགྱུར་རོ། །མདུན་དུ་འགྲོ་བའི་དགེ་སྦྱོང་གིས་སྤྲིང་པ་མནོས་ཏེ། མདུན་དུ་འགྲོ་བའི་དགེ་སློང་སྦྱོང་གིས་ཕྲིན་ཕར་སྐྱེལ་བར་བྱེད་ཅིང ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཚུར་སྐྱེལ་བར་བྱེད་ན་མདུན་དུ་འགྲོ་བའི་དགེ་སྦྱོང་ལ་ཉེས་པ་སྦོམ་པོ་གཉིས་སུ་འགྱུར་ལ། ཕྱི་བཞིན་འབྲང་བའི་དགེ་སློང་ལ་ནི་ཉེས་པ་སྦོམ་པོ་གཅིག་ཏུ་འགྱུར་རོ། །མདུན་དུ་འགྲོ་བའི་དགེ་སྦྱོང་གིས་སྤྲིང་པ་མནོས་ཏེ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཕར་སྐྱེལ་བར་
Ca332a
༄#། །བྱེད་ཅིང ། མདུན་དུ་འགྲོ་བའི་དགེ་སྦྱོང་གིས་ཕྲིན་ཚུར་སྐྱེལ་བར་བྱེད་ན་མདུན་དུ་འགྲོ་བའི་དགེ་སྦྱོང་ལ་ཉེས་པ་སྦོམ་པོ་གཉིས་སུ་འགྱུར་ལ་ཕྱི་བཞིན་འབྲང་བའི་དགེ་སྦྱོང་ལ་ནི་ཉེས་པ་སྦོམ་པོ་གཅིག་ཏུ་འགྱུར་རོ། །མདུན་དུ་འགྲོ་བའི་དགེ་སྦྱོང་གིས་སྤྲིང་པ་མནོས་ཏེ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཕར་ཡང་སྐྱེལ་བར་བྱེད་ཅིང ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཚུར་ཡང་སྐྱེལ་བར་བྱེད་ན་མདུན་དུ་འགྲོ་བའི་དགེ་སྦྱོང་ལ་ཉེས་པ་སྦོམ་པོ་གཅིག་ཏུ་འགྱུར་ལ། ཕྱི་བཞིན་འབྲང་བའི་དགེ་སྦྱོང་ལ་ནི་ཉེས་པ་སྦོམ་པོ་གཉིས་སུ་འགྱུར་རོ། །དགེ་སྦྱོང་མདུན་དུ་འགྲོ་བའི་དགེ་སྦྱོང་དང ། ཕྱི་བཞིན་འབྲང་བའི་དགེ་སྦྱོང་གཉིས་ལས་ཕྱི་བཞིན་འབྲང་བའི་དགེ་སྦྱོང་གིས་སྤྲིང་པ་མནོས་ཏེ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཕར་ཡང་སྐྱེལ་བར་བྱེད་ཅིང ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཚུར་ཡང་སྐྱེལ་བར་བྱེད་ན་ཕྱི་བཞིན་འབྲང་བའི་དགེ་སྦྱོང་ལ་དགེ་འདུན་ལྷག་མར་འགྱུར་རོ། །ཕྱི་བཞིན་འབྲང་བའི་དགེ་སྦྱོང་གིས་སྤྲིང་པ་མནོས་ཏེ། ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཕར་སྐྱེལ་བར་བྱེད་ཅིང་མདུན་དུ་འགྲོ་བའི་དགེ་སྦྱོང་གིས་ཕྲིན་ཚུར་སྐྱེལ་བར་བྱེད་ན་ཕྱི་བཞིན་འབྲང་བའི་དགེ་སྦྱོང་ལ་ཉེས་པ་སྦོམ་པོ་གཉིས་སུ་འགྱུར་ལ། མདུན་དུ་འགྲོ་བའི་དགེ་སྦྱོང་ལ་ནི་ཉེས་པ་སྦོམ་པོ་གཅིག་ཏུ་འགྱུར་རོ། །ཕྱི་བཞིན་འབྲང་བའི་དགེ་སྦྱོང་གིས་སྤྲིང་པ་མནོས་ཏེ། མདུན་དུ་འགྲོ་བའི་དགེ་སྦྱོང་གིས་ཕྲིན་
Ca332b
ཕར་སྐྱེལ་བར་བྱེད་ཅིང་ཕྱི་བཞིན་འབྲང་བའི་དགེ་སྦྱོང་གིས་ཕྲིན་ཚུར་སྐྱེལ་བར་བྱེད་ན། ཕྱི་བཞིན་འབྲང་བའི་དགེ་སྦྱོང་ལ་ཉེས་པ་སྦོམ་པོ་གཉིས་སུ་འགྱུར་ལ། མདུན་དུ་འགྲོ་བའི་དགེ་སྦྱོང་ལ་ནི་ཉེས་པ་སྦོམ་པོ་གཅིག་ཏུ་འགྱུར་རོ། །ཕྱི་བཞིན་འབྲང་བའི་དགེ་སྦྱོང་གིས་སྤྲིང་པ་མནོས་ཏེ། མདུན་དུ་འགྲོ་བའི་དགེ་སྦྱོང་གིས་ཕྲིན་ཕར་ཡང་སྐྱེལ་བར་བྱེད་ཅིང ། མདུན་དུ་འགྲོ་བའི་དགེ་སྦྱོང་གིས་ཕྲིན་ཚུར་ཡང་སྐྱེལ་བར་བྱེད་ན། ཕྱི་བཞིན་འབྲང་བའི་དགེ་སྦྱོང་ལ་ཉེས་པ་སྦོམ་པོ་གཅིག་ཏུ་འགྱུར་ལ། མདུན་དུ་འགྲོ་བའི་དགེ་སྦྱོང་ལ་ནི་ཉེས་པ་སྦོམ་པོ་གཉིས་སུ་འགྱུར་རོ། །ཁྱིམ་བདག་ནི་གཉིས་ཏེ། བདག་པོ་དང ། བདག་པོ་མ་ཡིན་པའོ། །དེ་ལ་བདག་པོ་ཞེས་བྱ་བ་ནི་བུ་མོ་སྦྱིན་པ་དང ། འཕྲོག་པའི་བདག་པོར་གྱུར་ཅིང་བླའི་གྲའི་ནང་དུ་སོང་ཡང་རུང ། འོག་གཟུའི་ནང་དུ་སོང་ཡང་རུང་སྟེ། དེའི་ཚིག་ཡང་དག་པ་མ་ཡིན་པ་ཡང་གཟུང་བར་འོས་པར་འགྱུར་བ་གང་ཡིན་པ་དེ་ནི་བདག་པོ་ཞེས་བྱའོ། །བདག་པོ་མ་ཡིན་པ་ཞེས་བྱ་བ་ནི་བུ་མོ་སྦྱིན་པ་དང ། འཕྲོག་པའི་བདག་པོར་གྱུར་པ་མ་ཡིན་ཞིང་བླའི་གྲའི་ནང་དུ་སོང་ཡང་རུང ། འོག་གཟུའི་ནང་དུ་སོང་ཡང་རུང་སྟེ། དེའི་ཚིག་ཡང་དག་པར་ཡང་གཟུང་བར་འོས་པར་མི་འགྱུར་བ་གང་ཡིན་པ་དེ་ནི་བདག་པོ་མ་ཡིན་པ་ཞེས་བྱའོ། །དགེ་སློང་གིས་བདག་པོ་ལས་སྤྲིང་པ་མནོས་ཏེ། བདག་པོ་ལས་ཕྲིན་ཕར་ཡང་སྐྱེལ་བར་བྱེད་ཅིང་བདག་པོ་ལ་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་བདག་
Ca333a
༄#། །པོ་ལས་སྤྲིང་པ་མནོས་ཏེ། བདག་པོ་ལ་ཕྲིན་ཕར་སྐྱེལ་བར་བྱེད་ཅིང ། བདག་པོ་མ་ཡིན་པ་ལ་ཕྲིན་ཚུར་སྐྱེལ་བར་བྱེད་ན་ཉེས་པ་སྦོམ་པོ་གཉིས་དང ། ཉེས་བྱས་གཅིག་ཏུ་འགྱུར་རོ། །དགེ་སློང་གིས་བདག་པོ་ལས་སྤྲིང་པ་མནོས་ཏེ། བདག་པོ་མ་ཡིན་པ་ལ་ཕྲིན་ཕར་སྐྱེལ་བར་བྱེད་ཅིང ། བདག་པོ་ལ་ཕྲིན་ཚུར་སྐྱེལ་བར་བྱེད་ན་ཉེས་པ་སྦོམ་པོ་གཉིས་དང ། ཉེས་བྱས་གཅིག་ཏུ་འགྱུར་རོ། །དགེ་སློང་གིས་བདག་པོ་ལས་སྤྲིང་པ་མནོས་ཏེ། བདག་པོ་མ་ཡིན་པ་ལས་ཕྲིན་ཕར་སྐྱེལ་བར་བྱེད་ཅིང ། བདག་པོ་མ་ཡིན་པ་ལ་ཕྲིན་ཚུར་སྐྱེལ་བར་བྱེད་ན་ཉེས་པ་སྦོམ་པོ་གཅིག་དང ། ཉེས་བྱས་གཉིས་སུ་འགྱུར་རོ། །དགེ་སློང་གིས་བདག་པོ་མ་ཡིན་པ་ལས་སྤྲིང་པ་མནོས་ཏེ། བདག་པོ་མ་ཡིན་པ་ལ་ཕྲིན་ཕར་ཡང་སྐྱེལ་བར་བྱེད་ཅིང ། བདག་པོ་མ་ཡིན་པ་ལ་ཕྲིན་ཚུར་ཡང་སྐྱེལ་བར་བྱེད་ན། ཉེས་བྱས་གསུམ་དུ་འགྱུར་རོ། །དགེ་སློང་གིས་བདག་པོ་མ་ཡིན་པ་ལས་སྤྲིང་པ་མནོས་ཏེ། བདག་པོ་ལ་ཕྲིན་ཕར་སྐྱེལ་བར་བྱེད་ཅིང ། བདག་པོ་མ་ཡིན་པ་ལས་ཕྲིན་ཚུར་སྐྱེལ་བར་བྱེད་ན་ཉེས་པ་སྦོམ་པོ་གཅིག་དང ། ཉེས་བྱས་གཉིས་སུ་འགྱུར་རོ། །དགེ་སློང་གིས་བདག་པོ་མ་ཡིན་པ་ལས་སྤྲིང་པ་མནོས་ཏེ། བདག་པོ་མ་ཡིན་པ་ལས་ཕྲིན་ཕར་སྐྱེལ་བར་བྱེད་ཅིང ། བདག་པོ་ལ་ཕྲིན་ཚུར་སྐྱེལ་བར་བྱེད་ན་ཉེས་པ་སྦོམ་པོ་གཅིག་དང ། ཉེས་བྱས་གཉིས་སུ་འགྱུར་རོ། །དགེ་སློང་གིས་བདག་པོ་མ་ཡིན་པ་ལས་
Ca333b
སྤྲིང་པ་མནོས་ཏེ། བདག་པོ་ལ་ཕྲིན་ཕར་ཡང་སྐྱེལ་བར་བྱེད་ཅིང ། བདག་པོ་ལས་ཕྲིན་ཚུར་ཡང་སྐྱེལ་བར་བྱེད་ན་ཉེས་པ་སྦོམ་པོ་གཉིས་དང ། ཉེས་བྱས་གཅིག་ཏུ་འགྱུར་རོ། །རྒྱུ་གསུམ་གྱིས་སྤྲིང་པའི་ཕྲིན་ཚུར་བསྐྱལ་བར་འགྱུར་ལ་ཕར་བསྐྱལ་བར་ནི་མི་འགྱུར་ཏེ། གསུམ་གང་ཞེ་ན། ཡུལ་ཕྱོགས་དང ། བརྡ་དང ། མཚན་མས་སོ། །ཇི་ལྟར་ཡུལ་ཕྱོགས་ཀྱིས་ཤེ་ན། གང་གི་ཚེ་ཁོ་བོ་སྐྱེད་མོས་ཚལ་ལམ་མདུན་སའམ། ལྷའི་གནས་ག་གེ་མོ་ཞིག་ན་འདུག་པ་ཁྱོད་ཀྱིས་མཐོང་བ་དེའི་ཚེ་བྱ་བ་དེ་བྱས་པར་ཁྱོད་ཀྱིས་ཤེས་པར་གྱིས་ཤིག་ཅེས་བྱ་བ་སྟེ། དེ་ལྟར་ཡུལ་ཕྱོགས་ཀྱིས་སོ། །ཇི་ལྟར་བརྡས་ཤེ་ན། གང་གི་ཚེ་ཁོ་བོ་སྔ་དྲོའམ། གུང་ཚིགས་སམ་ཕྱེམ་བྲེད་ན་ཁྱོད་ཀྱིས་མཐོང་བ་དེའི་ཚེ་བྱ་བ་དེ་བྱས་པར་ཁྱོད་ཀྱིས་ཤེས་པར་གྱིས་ཤིག་ཅེས་བྱ་བ་སྟེ། དེ་ལྟར་བརྡས་སོ། །ཇི་ལྟར་མཚན་མས་ཤེ་ན། གང་གི་ཚེ་ཁོ་བོ་སྐྲ་དང་ཁ་སྤུ་བྲེག་ནས་རིང་པོ་མ་ལོན་པའམ། སྣམ་སྦྱར་དམར་སེར་གྱོན་པའམ། ལྷུང་བཟེད་ཞ་ཉེའི་དབྱར་འདབ་ཅན་ནམ། འཁར་བ་ལྕགས་སྦུབས་ཅན་ནམ། ཞུན་མར་གྱི་ལྷུང་བཟེད་དམ། འབྲུ་མར་གྱི་ལྷུང་བཟེད་དང ། སྦྲང་རྩིའི་ལྷུང་བཟེད་དམ། བུ་རམ་གྱི་དབུ་པའི་ལྷུང་བཟེད་ཐོགས་པ་ཁྱོད་ཀྱིས་མཐོང་བ་དེའི་ཚེ་བྱ་བ་དེ་བྱས་པར་ཁྱོད་ཀྱིས་ཤེས་པར་གྱིས་ཤིག་ཅེས་བྱ་བ་སྟེ། དེ་ལྟར་མཚན་མས་སོ། །རྒྱུ་གསུམ་གྱིས་ནི་སྤྲིང་པའི་ཕྲིན་ཕར་བསྐྱལ་བར་ཡང་འགྱུར་ལ། ཕྲིན་ཚུལ་བསྐྱལ་བར་ཡང་འགྱུར་ཏེ། གསུམ་གང་ཞེ་ན།
Ca334a
༄#། །ཚིག་དང ། སྤྲིང་ཡིག་དང ། ལག་ཡིག་གིས་སོ། །དགེ་སློང་གིས་ཚིག་གིས་སྤྲིང་པ་མནོས་ཏེ། ཚིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། ཚིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ཚིག་གིས་སྤྲིང་པ་མནོས་ཏེ། ཚིག་གིས་ཕྲིན་ཕར་སྐྱེལ་བར་ཡང་བྱེད་ཅིང ། སྤྲིང་ཡིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ཚིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཚིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ཚིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་སྐྱེལ་བར་ཡང་བྱེད་ཅིང་སྤྲིང་ཡིག་གིས་ཕྲིན་ཚུར་སྐྱེལ་བར་ཡང་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ཚིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཡུལ་ཕྱོགས་དང་བརྡ་དང་མཚན་མས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། ། དགེ་སློང་གིས་ཚིག་གིས་སྤྲིང་པ་མནོས་ཏེ། ཚིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། ཚིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ཚིག་གིས་སྤྲིང་པ་མནོས་ཏེ། ཚིག་གིས་ཕྲིན་ཕར་སྐྱེལ་བར་བྱེད་ཅིང ། ལག་ཡིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ཚིག་གིས་སྤྲིང་པ་
Ca334b
མནོས་ཏེ། ལག་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཚིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ཚིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་སྐྱེལ་བར་ཡང་བྱེད་ཅིང ། ལག་ཡིག་གིས་ཕྲིན་ཚུར་སྐྱེལ་བར་ཡང་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ཚིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཡུལ་ཕྱོགས་དང་བརྡ་དང་མཚན་མས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། སྤྲིང་ཡིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཚིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། ཚིག་གིས་ཕྲིན་ཕར་སྐྱེལ་བར་བྱེད་ཅིང ། སྤྲིང་ཡིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། ཚིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། ཚིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཡུལ་ཕྱོགས་དང་བརྡ་དང་མཚན་མས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་
Ca335a
༄#། །མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། སྤྲིང་ཡིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ལག་ཡིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་སྐྱེལ་བར་བྱེད་ཅིང ། སྤྲིང་ཡིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། ལག་ཡིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། ། དགེ་སློང་གིས་སྤྲིང་ཡིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཡུལ་ཕྱོགས་དང་བརྡ་དང་མཚན་མས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། ལག་ཡིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཚིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་
Ca335b
རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ། ཚིག་གིས་ཕྲིན་ཕར་སྐྱེལ་བར་བྱེད་ཅིང ། ལག་ཡིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིད་གིས་སྤྲིང་པ་མནོས་ཏེ། ཚིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། ཚིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ།་ལག་ཡིག་གིས་ཕྲིན་ཕར་སྐྱེལ་བར་བྱེད་ཅིང ། ཡུལ་ཕྱོགས་དང་བརྡ་དང ། མཚན་མས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། ལག་ཡིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། སྤྲིང་ཡིག་གིས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་སྐྱེལ་བར་བྱེད་ཅིང་ལག་ཡིག་གིས་ཕྲིན་ཚུར་ཡང་སྐྱེལ་བར་བྱེད་ན། དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ། སྤྲིང་ཡིག་གིས་ཕྲིན་ཕར་ཡང་སྐྱེལ་བར་བྱེད་ཅིང ། སྤྲིང་ཡིག་གིས་ཕྲིན་ཚུར་ཡང་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ། །དགེ་སློང་གིས་ལག་ཡིག་གིས་སྤྲིང་པ་མནོས་ཏེ། ལག་ཡིག་གིས་ཕྲིན་ཕར་
Ca336a
༄#། །སྐྱེལ་བར་བྱེད་ཅིང ། ཡུལ་ཕྱོགས་དང་བརྡ་དང ། མཚན་མས་ཕྲིན་ཚུར་སྐྱེལ་བར་བྱེད་ན་དགེ་འདུན་ལྷག་མར་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་བཅོ་བརྒྱད་པ། དགེ་སློང་གིས་ཆུང་མ་དང་པོ་གསུམ་པོ་ཆུ་ཚིགས་ཀྱིས་བྱིན་པ་དང ། རིན་ཆས་ཉོས་པ་དང ། བཙན་ཕྲོགས་སུ་ཐོབ་པ་འཐབས་པ་ཉིད་ཀྱི་མོད་ཡིན་ལ་འཐབས་པའི་འོག་མ་ཡིན་པ་དང ། དུམ་པ་མ་བཅད་པ་དང ། རྡེའུ་གསུམ་མ་གཏོར་བ་དང ། ཆོ་ག་མ་གཏང་བ་དང ། ཆུང་མ་མ་ཡིན་པར་མ་བསྒྲགས་པ་དང ། དྲིལ་མ་བསྒྲགས་པ་དག་གི་སྡུམ་བྱེད་ཅིང ། མཐུན་པར་གྱུར་ན་ཉེས་བྱས་གཅིག་ཏུ་འགྱུར་རོ། །དགེ་སློང་གིས་ཆུང་མ་དང་པོ་གསུམ་པོ་ཆུ་ཚིགས་ཀྱིས་བྱིན་པ་དང ། རིན་ཆས་ཉོས་པ་དང ། བཙན་ཕྲོགས་སུ་ཐོབ་པ་དེ་དག་ཉིད་འཐབས་པ་ཉིད་ཀྱི་མོད་དང ། འཐབས་པའི་འོག་ཡིན་ལ་དུམ་པ་མ་བཅད་པ་དང ། རྡེའུ་གསུམ་མ་གཏོར་བ་དང ། ཆོ་ག་མ་གཏང་བ་དང ། ཆུང་མ་མ་ཡིན་པར་མ་བསྒྲགས་པ་དང ། དྲིལ་མ་བསྒྲགས་པ་དག་གི་སྡུམས་བྱེད་ཅིང་མཐུན་པར་གྱུར་ན་ཉེས་བྱས་གཉིས་སུ་འགྱུར་རོ། །དགེ་སློང་གིས་ཆུང་མ་དང་པོ་གསུམ་པོ་ཆུ་ཚིགས་ཀྱིས་བྱིན་པ་དང ། རིན་ཆས་ཉོས་པ་དང ། བཙན་ཕྲོགས་སུ་ཐོབ་པ་དེ་དག་ཉིད་འཐབས་པ་ཉིད་ཀྱི་མོད་དང ། འཐབས་པའི་འོག་དང ། དུམ་པ་བཅད་པ་ཡིན་ལ། རྡེའུ་གསུམ་མ་གཏོར་བ་དང ། ཆོ་ག་མ་བཏང་བ་དང ། ཆུང་མ་མ་ཡིན་པར་མ་བསྒྲགས་པ་དང །
Ca336b
དྲིལ་མ་བསྒྲགས་པ་དག་གི་སྡུམས་བྱེད་ཅིང་མཐུན་པར་གྱུར་ན་ཉེས་བྱས་གསུམ་དུ་འགྱུར་རོ། །དགེ་སློང་གིས་ཆུང་མ་དང་པོ་གསུམ་པོ་ཆུ་ཚིགས་ཀྱིས་བྱིན་པ་དང ། རིན་ཆས་ཉོས་པ་དང ། བཙན་ཕྲོགས་སུ་ཐོབ་པ་འཐབས་པ་ཉིད་ཀྱི་མོད་དང ། འཐབས་པའི་འོག་དང ། དུམ་པ་བཅད་པ་དང ། རྡེའུ་གསུམ་གཏོར་བ་ཡིན་ལ། ཆོ་ག་མ་བཏང་བ་དང ། ཆུང་མ་མ་ཡིན་པར་མ་བསྒྲགས་པ་དང ། དྲིལ་མ་བསྒྲགས་པ་དག་གི་སྡུམས་བྱེད་ཅིང་མཐུན་པར་གྱུར་ན་ཉེས་བྱས་གསུམ་དང ། ཉེས་པ་སྦོམ་པོ་གཅིག་ཏུ་འགྱུར་རོ། །དགེ་སློང་གིས་ཆུང་མ་དང་པོ་གསུམ་པོ་ཆུ་ཚིགས་ཀྱིས་བྱིན་པ་དང ། རིན་ཆས་ཉོས་པ་དང ། བཙན་ཕྲོགས་སུ་ཐོབ་པ་འཐབས་པ་ཉིད་ཀྱི་མོད་དང ། འཐབས་པའི་འོག་དང ། དུམ་པ་བཅད་པ་དང ། རྡེའུ་གསུམ་གཏོར་བ་དང ། ཚེ་ག་བཏང་བ་ཡིན་ལ། ཆུང་མ་མ་ཡིན་པར་མ་བསྒྲགས་པ་དང ། དྲིལ་མ་བསྒྲགས་པ་དག་གི་སྡུམས་བྱེད་ཅིང་མཐུན་པར་གྱུར་ན་ཉེས་བྱས་གསུམ་དང ། ཉེས་པ་སྦོམ་པོ་གཉིས་སུ་འགྱུར་རོ། །དགེ་སློང་གིས་ཆུང་མ་དང་པོ་གསུམ་པོ་ཆུ་ཚིགས་ཀྱིས་བྱིན་པ་དང ། རིན་ཆས་ཉོས་པ་དང ། བཙན་ཕྲོགས་སུ་ཐོབ་པ་འཐབས་པ་ཉིད་ཀྱི་མོད་དང ། འཐབས་པའི་འོག་དང ། དུམ་པ་བཅད་པ་དང ། རྡེའུ་གསུམ་གཏོར་བ་དང ། ཆོ་ག་བཏང་བ་དང ། ཆུང་མ་མ་ཡིན་པར་བསྒྲགས་པ་ཡིན་ལ། དྲིལ་མ་བསྒྲགས་པ་དག་གི་སྡུམས་བྱེད་ཅིང་མཐུན་པར་གྱུར་ན་ཉེས་བྱས་གསུམ་དང ། ཉེས་པ་སྦོམ་པོ་གསུམ་དང །
Ca337a
༄#། །དགེ་འདུན་ལྷག་མ་གཅིག་ཏུ་འགྱུར་རོ། །དགེ་སློང་གི་ཆུང་མ་དང་པོ་གསུམ་པོ་ཆུ་ཚིགས་ཀྱིས་བྱིན་པ་དང ། རིན་ཆས་ཉོས་པ་དང ། བཙན་ཕྲོགས་སུ་ཐོབ་པ་འཐབས་པ་ཉིད་ཀྱི་མོད་དང ། འཐབས་པའི་འོག་དང ། དུམ་པ་བཅད་པ་དང ། རྡེའུ་གསུམ་གཏོར་བ་དང ། ཆོ་ག་བཏང་བ་དང ། ཆུང་མ་མ་ཡིན་པར་བསྒྲགས་པ་དང ། དྲིལ་བསྒྲགས་པ་དག་གི་སྡུམས་བྱེད་ཅིང་མཐུན་པར་གྱུར་ན་ཉེས་བྱས་གསུམ་དང ། ཉེས་པ་སྦོམ་པོ་བཞི་དང ། དགེ་འདུན་ལྷག་མ་གཉིས་སུ་འགྱུར་རོ། །དགེ་སློང་གིས་ཆུང་མ་དེ་ལས་གཞན་པ་འཐབས་པ་ཉིད་ཀྱི་མོད་དང ། འཐབས་པའི་འོག་དང ། དུམ་པ་བཅད་པ་དང ། རྡེའུ་གསུམ་གཏོར་བ་དང ། ཆོ་ག་གཏང་བ་དང ། ཆུང་མ་མ་ཡིན་པར་བསྒྲགས་པ་དང ། དྲིལ་བསྒྲགས་པ་དག་གི་སྡུམས་བྱེད་ཅིང་མཐུན་པར་གྱུར་ན་དགེ་འདུན་ལྷག་མར་འགྱུར་རོ། །དགེ་སློང་ཁྱིམ་དུ་འགྲོ་བས་ཁྱིམ་དུ་སོང་སྟེ། འདི་སྐད་ཅེས་ཅིའི་ཕྱིར་ཁྱེའུ་ཆེན་པོ་འདིའི་ཁྱིམ་མི་དབུབ་ཅེས་ཟེར་ན་ཉེས་བྱས་སུ་འགྱུར་རོ། །ཅིའི་ཕྱིར་བུ་མོ་ཆེན་མོ་འདི་མི་བཀྲི་ཞེས་ཟེར་ན་ཉེས་བྱས་སུ་འགྱུར་རོ། །ཅིའི་ཕྱིར་ཁྱེའུ་འདི་དང་བུ་མོ་འདི་མི་སྤྲད་ཅེས་ཟེར་ན་ཉེས་བྱས་སུ་འགྱུར་རོ། །ཅིའི་ཕྱིར་ཁྱེའུ་འདི་གྱོས་པོའི་གན་དུ་མི་འགྲོ་ཞེས་ཟེར་ན་ཉེས་བྱས་སུ་འགྱུར་རོ། །ཅིའི་ཕྱིར་བུ་མོ་འདི་གྱོས་པོའི་གན་དུ་མི་བཀྲི་ཞེས་ཟེར་ན་ཉེས་བྱས་སུ་འགྱུར་རོ། །དགེ་སློང་ཁྱིམ་དུ་འགྲོ་བས་དེ་ལྟར་དེ་དང་མཐུན་པའི་ཚིག་བརྗོད་ན་ཐམས་
Ca337b
ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྨྱན་བྱེད་པའི་དགེ་འདུན་ལྷག་མ་སྟེ་ལྔ་པ་རྫོགས་སོ།། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་ཁང་པ་འདི་ལྟ་བུར་མང་བ་ཉིད་དུ་གྱུར་ཏེ། ཁ་ཅིག་ནི་ཁང་པ་འདི་ཧ་ཅང་རིང་ངོ་ཞེས་དེ་བོར་ནས་གཞན་བྱེད་དུ་འཇུད་དོ། །ཁ་ཅིག་ནི་ཁང་པ་འདི་ཧ་ཅང་ཐུང་ངོ ། །འདི་ཧ་ཅང་ཡང་ཡངས་སོ། །འདི་ཧ་ཅང་དོག་གོ། འདི་ཧ་ཅང་རྙིངས་སོ། །འདི་ཧ་ཅང་སྟོབས་ཆུང་ངོ ། །འདི་ཧ་ཅང་བརྩིགས་ཉེས་སོ་ཞེས་དེ་བོར་ནས་གཞན་བྱེད་དུ་འཇུད་དོ། །དེ་དག་ཁང་པ་བྱེད་པ་དང ། བྱེད་དུ་འཇུད་པས་བྱ་བ་དང་བྱེད་པ་མང་བར་གྱུར་ནས། ལུང་མནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང་ཡིད་ལ་བྱེད་པ་གཏོང་ཞིང་ཡང་དང་ཡང་དུ་རྩཝ་དང ། ཤིང་དང ། མི་བླས་དང ། ཤིང་རྟའི་ལས་སློང་བར་བྱེད་པས་བྲམ་ཟེ་དང་ཁྱིམ་བདག་རྣམས་ཀྱིས་ཁ་བྱ་བར་གྱུར་ཏོ། །དེའི་ཚེ་ན་ཚེ་དང་ལྡན་པ་འོད་སྲུང་ཆེན་པོ་མཉན་ཡོད་ན། ཤར་གྱི་ཀུན་དགའ་ར་བ་རི་དྭགས་འཛིན་གྱི་མའི་ཁང་བཟང་ན་འདུག་གོ། དེ་ནས་ཚེ་དང་ལྡན་པ་འོད་སྲུང་ཆེན་པོས་དགེ་སློང་རབ་ཏུ་མང་པོ་དག་ལ་ཁང་པ་དེ་ལྟ་བུར་མང་བ་ཉིད་དུ་གྱུར་པ་ཐོས་སོ། །ཐོས་ནས་ཀྱང་ཕྱི་དྲོ་ནང་དུ་ཡང་དག་འཇོག་ལས་ལངས་ནས། བཅོམ་ལྡན་འདས་ག་ལ་བ་དེར་
Ca338a
༄#། །སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཙུན་པ་ད་ལྟར་དགེ་སློང་རྣམས་ལ་ཁང་པ་འདི་ལྟ་བུར་མང་བ་ཉིད་དུ་གྱུར་ཏེ། ཁ་ཅིག་ནི་ཁང་པ་འདི་ཧ་ཅང་རིང་ངོ་ཞེས་དེ་བོར་ནས་གཞན་བགྱིད་དུ་སྩོལ་ཏོ། །ཁ་ཅིག་ནི་ཁང་པ་འདི་ཧ་ཅང་ཐུང་ངོ ། །འདི་ཧ་ཅང་ཡངས་སོ། །འདི་ཧ་ཅང་དོག་གོ། །འདི་ཧ་ཅང་རྙིངས་སོ། །འདི་ཧ་ཅང་སྟོབས་ཆུང་ངོ ། །འདི་ཧ་ཅང་བརྩིགས་ནོངས་སོ་ཞེས་དེ་བོར་ནས་གཞན་བགྱིད་དུ་སྩོལ་ཏོ། །དེ་དག་ཁང་པ་བགྱིད་པ་དང ། བགྱིད་དུ་སྩོལ་བས་བྱ་བ་དང་བྱེད་པ་མང་བར་གྱུར་ནས་ལུང་མནོད་པ་དང ། ཀློག་པ་དང ། ཁ་ཏོན་དང་རྣལ་འབྱོར་དང ། ཡིད་ལ་བགྱིད་པ་གཏོང་ཞིང་ཡང་དང་ཡང་དུ་རན་དང་ཞུགས་ཤིང་དང ། མི་བླས་དང་ཤིང་རྟའི་ལས་སློང་བར་བགྱིད་པས་བྲམ་ཟེ་དང་ཁྱིམ་བདག་རྣམས་ཀྱིས་ཁ་བགྱི་བར་གྱུར་ན། བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ། དགེ་སློང་རྣམས་ལ་ཁང་པ་དང་ཁང་པའི་གཞི་ལེགས་པར་བསྟན་དུ་གསོལ། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་ཅང་མི་གསུང་བས་གནང་ངོ ། །དེ་ནས་ཚེ་དང་ལྡན་པ་འོད་སྲུང་ཆེན་པོས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ།
Ca338b
བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་འོད་སྲུང་ཆེན་པོ་དེ་ཉིད་ཀྱི་མཚན་མོ་འདས་པ་དང ། ཚངས་པ་མཚུངས་པར་སྤྱོད་པ་རྣམས་ཀྱི་སེམས་སྲུང་བའི་ཕྱིར་ལྷུང་བཟེད་དང་ཆོས་གོས་ཐོགས་ཏེ། ལྗོངས་རྒྱུར་སོང་ངོ ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། ། སངས་རྒྱས་བཅོམ་ལྡན་འདས་ཀྱིས་དགེ་སློང་རབ་ཏུ་མང་པོ་དག་ལ་རྨས་པ། དགེ་སློང་དག་ཁྱེད་ཅག་ལ་ཁང་པ་འདི་ལྟ་བུར་མང་བ་ཉིད་དུ་གྱུར་ཏེ། ཁ་ཅིག་ནི་ཁང་པ་འདི་ཧ་ཅང་རིང་ངོ་ཞེས་དེ་བོར་ནས་གཞན་བྱེད་དུ་འཇུག། ཁ་ཅིག་ནི་ཁང་པ་འདི་ཧ་ཅང་ཐུང་ངོ ། །འདི་ཧ་ཅང་ཡངས་སོ། །འདི་ཧ་ཅང་དོག་གོ། འདི་ཧ་ཅང་རྙིངས་སོ། །འདི་ཧ་ཅང་སྟོབས་ཆུང་ངོ ། །འདི་ཧ་ཅང་བརྩིགས་ཉེས་སོ་ཞེས་དེ་བོར་ནས་གཞན་བྱེད་དུ་འཇུད་པ་བདེན་ནམ། བཙུན་པ་མེད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བའི་བསྔགས་པ་བརྗོད་དེ། ཆོ་ག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང་ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང་མཛེས་པ་དང ། ཚོད་ཤེས་པ་ཉིད་ཀྱི་བསྔགས་པ་བརྗོད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་
Ca339a
༄#། །འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་བདག་གིས་བསླངས་པ་བདག་པོ་མེད་པ་བདག་གི་ཕྱིར་ཁང་པ་བརྩིག་ཏུ་འཇུད་ན། དགེ་སློང་དེས་ཁང་པ་ཚད་བཞིན་དུ་བརྩིག་ཏུ་ཆུག་ཅིག། དེ་ལ་ཁང་པའི་ཚད་ནི་འདི་ཡིན་ཏེ། ནང་སྲིད་དུ་བདེ་བར་གཤེགས་པའི་མཐོའི་མཐོ་བཅུ་གཉིས། ཞེང་དུ་མཐོ་བདུན་ནོ། །གཞི་བལྟ་བའི་ཕྱིར་དགེ་སློང་དེས་དགེ་སློང་དག་བཀྲི་བར་བྱའོ། །ཁྲིད་པའི་དགེ་སློང་དག་གིས་ཀྱང་གཞི་རུང་བ་དང ། རྩོད་པ་མེད་པ་དང ། བརྩམ་དུ་རུང་བར་བལྟ་བར་བྱའོ། །གལ་ཏེ་དགེ་སློང་གིས་གཞི་མི་རུང་བའམ། རྩོད་པ་དང་བཅས་པའམ། བརྩམ་དུ་མི་རུང་བ་བདག་གིས་བསླངས་པ་བདག་པོ་མེད་པ་བདག་གི་ཕྱིར་ཁང་པ་བརྩིགས་ཏུ་འཇུད་དམ། གཞི་བལྟ་བའི་ཕྱིར་དགེ་སློང་དག་ཀྱང་མི་ཁྲིད་དམ། དགེ་སློང་ཁྲིད་པ་དག་ལ་གཞི་མི་སྟོན་ཏམ། ཚད་ལས་འདས་ན་དགེ་འདུན་ལྷག་མའོ། །དགེ་སློང་གིས་ཞེས་བྱ་བ་ནི་ཆོས་འདི་པས་སོ། །བདག་གིས་བསླངས་པ་ཞེས་བྱ་བ་ནི། འདུན་པ་ལས་བྱུང་བའི་སློང་མོས་ལ་ལ་ལས་ནི་ཤིང ། ལ་ལ་ལས་ནི་རྩཝ། ལ་ལ་ལས་ནི་མི་བླས། ལ་ལ་ལས་ནི་ཤིང་རྟའི་ལས་བསླངས་པའོ། །བདག་པོ་མེད་པ་ཞེས་བྱ་བ་ནི། གང་ལ་བདག་པོ་སྐྱེས་པའམ་བུད་མེད་
Ca339b
དམ། མ་ནིང་མེད་པའོ། །བདག་གི་ཕྱིར་ཞེས་བྱ་བ་ནི་བདག་ཉིད་ལ་བསྔོས་ཏེའོ། །ཁང་པ་ཞེས་བྱ་བ་ནི་གང་དུ་སྤྱོད་ལམ་བཞི་པོ་འཆག་པ་དང ། འགྲེང་བ་དང ། འདུག་པ་དང ། ཉལ་བ་དག་ཀྱང་ཤོང་པའོ། །བརྩིག་ཏུ་འཇུག་ན་ཞེས་བྱ་བ་ནི་བདག་ཉིད་ཀྱིས་སམ། གཞན་གྱིས་སོ། །དགེ་སློང་དེས་ཁང་པ་ཚད་བཞིན་དུ་བརྩིག་ཏུ་ཆུག་ཅིག། དེ་ལ་ཁང་པའི་ཚད་ནི་འདི་ཡིན་ཏེ། ནང་སྲིད་དུ་བདེ་བར་གཤེགས་པའི་མཐོའི་མཐོ་བཅུ་གཉིས། ཞེང་དུ་མཐོ་བདུན་ནོ་ཞེས་བྱ་བ་ལ། བདེ་བར་གཤེགས་པ་ཞེས་བྱ་བ་ནི་སྟོན་པ་སྟེ། དེའི་མཐོ་བཅུ་གཉིས་གང་དག་ཡིན་པ་དེ་དག་ལ་ནི་ཚད་དང་ལྡན་པའི་ཁྲུའི་ཁྲུ་བཅོ་བརྒྱད་དེ། ནང་སྲིད་དུ་ཚད་དང་ལྡན་པའི་ཁྲུ་བཅོ་བརྒྱད་དོ། །བདེ་བར་གཤེགས་པའི་མཐོ་བདུན་གང་དག་ཡིན་པ་དེ་དག་ནི་ཚད་དང་ལྡན་པའི་ཁྲུའི་ཁྲུ་ཕྱེད་དང་བཅུ་གཅིག་སྟེ། ནང་གི་ཞེང་དུ་ཁྲུ་ཕྱེད་དང་བཅུ་གཅིག་གོ། གཞི་བལྟ་བའི་ཕྱིར་དགེ་སློང་དེས་དགེ་སློང་དག་བཀྲི་བར་བྱའོ་ཞེས་བྱ་བ་ལ། གཞི་བལྟ་བའི་ཕྱིར་ཞེས་བྱ་བ་ནི། ས་གཞི་རུང་བ་དང ། རྩོད་པ་མེད་པ་དང ། བརྩམ་དུ་རུང་བ་ཉིད་བལྟ་བའི་ཕྱིར་རོ། །དགེ་སློང་དེས་ཞེས་བྱ་བ་ནི་དགེ་སློང་གང་ཡིན་པ་དེས་སོ། །དགེ་སློང་དག་བཀྲི་བར་བྱའོ་ཞེས་བྱ་བ་ནི། དེ་ན་དགེ་སློང་གང་དག་ཡོད་པ་དག་ཡིན་གྱི། ཇི་ཙམ་གྱིས་གཞི་དེ་མིག་གིས་བལྟས་པར་འགྱུར་བའི་དགེ་སློང་དེ་ཙམ་བཀྲི་བར་བྱ་བ་ནི་མ་ཡིན་ནོ། །གལ་ཏེ་དེ་ན་སྦྲུལ་གྱི་གནས་སམ། སྡིག་པའི་གནས་སམ། སྲིན་གྱི་གནས་སམ། གྲོག་མའི་གནས་ཡོད་
Ca340a
༄#། །པ་ཡིན་ན་མི་རུང་བ་ཡིན་པའི་ཕྱིར་བསྟན་པར་མི་བྱའོ། །གལ་ཏེ་རུང་བ་ཡིན་ན། དེའི་འོག་ཏུ་ཉེ་བར་བརྟག་པར་བྱ་སྟེ། གལ་ཏེ་རྒྱལ་པོའི་གཞིའམ། མཆོད་རྟེན་གྱི་གཞིའམ། ཁྱིམ་བདག་གི་གཞིའམ། མུ་སྟེགས་ཅན་གྱི་གཞིའམ། དགེ་སློང་མའི་དབྱར་ཁང་ངམ། ཤིང་ལྗོན་པ་གཅད་པར་བྱ་བ་ཡོད་ན་རྩོད་པ་དང་བཅས་པ་ཡིན་པའི་ཕྱིར་བསྟན་པར་མི་བྱའོ། །གལ་ཏེ་གཞི་རུང་བ་དང ། རྩོད་པ་མེད་པ་ཡིན་ན་དེའི་ཉེ་འཁོར་འདོམ་གང་ཁོ་ར་ཁོར་ཡུག་ཉེ་བར་བརྟག་པར་བྱ་སྟེ། གལ་ཏེ་དེ་ན་གཞི་ཆུ་ཀླུང་ལ་རྟེན་ཏམ། ཁྲོན་པ་ལ་རྟེན་ཏམ། ལམ་ལ་རྟེན་ཏམ། ངམ་གྲོག་ལ་རྟེན་པ་ཡིན་ན་བརྩམ་དུ་མི་རུང་བའི་ཕྱིར་བསྟན་པར་མི་བྱའོ། །གལ་ཏེ་གཞི་དེ་རུང་བ་དང ། རྣམ་པ་ཐམས་ཅད་ཡོངས་སུ་རྫོགས་པ་ཡིན་ན་དགེ་སློང་དེས་གཙུག་ལག་ཁང་དུ་སོང་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་དག་ལ་བསྐུལ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་མཆིལ་ལྷམ་ཕུད་དེ། བླ་གོས་ཕྲག་པ་གཅིག་ཏུ་བྱས་ནས་རྒན་རིམས་བཞིན་དུ་ཕྱག་འཚལ་ཏེ། རྒན་པའི་མཐའ་ལོགས་སུ་ཙོག་པུར་འདུག་ནས་ཐལ་མོ་སྦྱར་ཏེ་འདི་སྐད་ཅེས་བརྗོད་པར་བྱའོ། ། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་ལག་གི་བླ་མིང་འདི་ཞེས་བགྱི་བས་ཁང་པའི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་ཞིག་བཙལ་ཏེ། བདག་དགེ་
Ca340b
སློང་ལག་གི་བླ་མིང་འདི་ཞེས་བགྱི་བ་དགེ་འདུན་ལས་ཁང་པའི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་དགེ་སློང་ལག་གི་བླ་མིང་འདི་ཞེས་བགྱི་བ་ལ་ཁང་པའི་གཞི་རུང་བ་རྩོད་པ་མ་མཆིས་པ་བརྩམས་དུ་རུང་བ་བསྟན་པ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་སློང་དེ་དག་གིས་ཀྱང་དགེ་སློང་དེ་ལ་དད་པས་སམ། ཡིད་ཆེས་པས་འགྲོ་བར་མི་བྱ་བར་འདི་ལྟར་དགེ་འདུན་ཐམས་ཅད་དེར་འགྲོ་བར་བྱ་བའམ། དགེ་འདུན་གྱིས་བསྐོས་པའི་དགེ་སློང་དག་གཏང་བར་བྱའོ། །དེ་དག་གིས་གཞི་དེ་མིག་གིས་བལྟ་བར་བྱ་ཞིང ། གལ་ཏེ་དེ་ན་སྦྲུལ་གྱི་གནས་སམ། སྡིག་པའི་གནས་སམ། སྲིན་གྱི་གནས་སམ། གྲོག་མའི་གནས་ཡོད་པ་ཡིན་ན་མི་རུང་བ་ཡིན་པའི་ཕྱིར་བསྟན་པར་མི་བྱའོ། །གལ་ཏེ་རུང་བ་ཡིན་ན་དེའི་འོག་ཏུ་ཉེ་བར་བརྟག་པར་བྱ་སྟེ། གལ་ཏེ་རྒྱལ་པོའི་གཞིའམ། མཆོད་རྟེན་གྱི་གཞིའམ། ཁྱིམ་བདག་གི་གཞིའམ། མུ་སྟེགས་ཅན་གྱི་གཞིའམ། དགེ་སློང་མའི་དབྱར་ཁང་ངམ། ཤིང་ལྗོན་པ་གཅད་པར་བྱ་བ་ཡོད་ན་རྩོད་པ་དང་བཅས་པ་ཡིན་པའི་ཕྱིར་བསྟན་པར་མི་བྱའོ། །གལ་ཏེ་གཞི་རུང་བ་དང ། རྩོད་པ་མེད་པ་ཡིན་ན་དེའི་ཉེ་འཁོར་འདོམ་གང་ཁོ་ར་ཁོར་ཡུག་ཉེ་བར་བརྟག་པར་བྱ་སྟེ། གལ་ཏེ་དེ་ན་གཞི་ཆུ་ཀླུང་ལ་རྟེན་ཏམ། ཁྲོན་པ་ལ་རྟེན་ཏམ། ལམ་ལ་རྟེན་ཏམ། ངམ་གྲོག་ལ་རྟེན་པ་ཡིན་ན་བརྩམ་དུ་མི་རུང་བའི་ཕྱིར་
Ca341a
༄#། །བསྟན་པར་མི་བྱའོ། །གལ་ཏེ་གཞི་དེ་རུང་བ་དང་རྣམ་པ་ཐམས་ཅད་ཡོངས་སུ་རྫོགས་པ་ཡིན་ན། དེའི་ཚེ་དགེ་སློང་དེ་དག་གིས་རྒན་པའི་མཐའ་ལོགས་སུ་གུས་པ་དང་བཅས་པས་འདུག་སྟེ་འདི་སྐད་ཅེས་བརྗོད་པར་བྱའོ། །གནས་བརྟན་དག་གཞི་དེ་རུང་བ་དང་རྩོད་པ་མ་མཆིས་དང་བརྩམ་དུ་རུང་བ་ལགས་ཀྱིས། ད་དེའི་དུས་ལ་བབ་པར་མཁྱེན་པར་མཛོད་ཅིག། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལག་གི་བླ་མིང་འདི་ཞེས་བགྱི་བ་འདིས་ཁང་པའི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་ཞིག་བཅལ་ཏེ། དགེ་སློང་ལག་གི་བླ་མིང་འདི་ཞེས་བགྱི་བ་འདི་དགེ་འདུན་ལས་ཁང་པའི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ཁང་པའི་གཞི་རུང་བ་རྩོད་པ་མ་མཆིས་བ་བརྩམ་དུ་རུང་བ་བསྟན་པ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལག་གི་བླ་མིང་འདི་ཞེས་བགྱི་བ་འདིས་ཁང་པའི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་ཞིག་བཙལ་ཏེ། དགེ་སློང་ལག་གི་བླ་མིང་འདི་ཞེས་བགྱི་བ་འདི་དགེ་འདུན་ལས་ཁང་པའི་གཞི་རུང་ལ་རྩོད་པ་མ་མཆིས་པ་
Ca341b
བརྩམ་དུ་རུང་བ་བསྟན་པ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ཁང་པའི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་སྩོལ་ན། ཚེ་དང་ལྡན་པ་གང་དག་དགེ་སློང་ལག་གི་བླ་མིང་འདི་ཞེས་བགྱི་བ་ལ་ཁང་པའི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པར་སྩལ་བར་བཟོད་པ་དེ་དག་ནི་ཅང་མ་གསུངས་ཤིག། གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ཁང་པའི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་དགེ་སློང་ལག་གི་བླ་གང་ལ་ཁང་པའི་གཞི་རུང་བ་རྩོད་པ་མེད་པ་ལ་བརྩམ་དུ་རུང་བ་བསྟན་པ་བྱིན་པ་དེས་ཁང་པ་བརྩིག་ཏུ་གཞུག་པར་བྱ་སྟེ་འདི་ལ་འགྱོད་པར་མི་བྱའོ། །ཁྲིད་པའི་དགེ་སློང་དག་གིས་ཀྱང་ཞེས་བྱ་བ་ནི། དེར་དགེ་སློང་གང་དག་ཁྲིད་པ་དག་གིས་ཀྱང་ངོ ། །གཞི་ཞེས་བྱ་བ་ནི་ཁང་པའི་དབང་དུ་བྱས་པའི་གཞི་གང་ཡིན་པའོ། །རུང་བ་ཞེས་བྱ་བ་ནི་སྦྲུལ་གྱི་གནས་དང་སྡིག་པའི་གནས་ལ་སོགས་པ་དང་བྲལ་བའོ། །རྩོད་པ་མེད་པ་ཞེས་བྱ་བ་ནི་འཐབ་མོ་དང་མཚང་འབྲུ་བ་སོགས་པ་དང་བྲལ་བའོ། །བརྩམ་དུ་རུང་བ་ཞེས་བྱ་བ་ནི་དེའི་ཉེ་འཁོར་འདོམ་གང་ཁོ་ར་ཁོར་ཡུག་ན་སྐྱོན་མེད་པར་རོ། །བལྟ་བར་བྱའོ་ཞེས་བྱ་བ་ནི་སོ་སོར་བརྟག་པར་བྱའོ། །གལ་ཏེ་དགེ་
Ca342a
༄#། །སློང་གིས་གཞི་མི་རུང་བའམ་ཞེས་བྱ་བ་ནི་སྦྲུལ་དང་སྡིག་པ་ལ་སོགས་པའི་གནས་ཀྱི་ཆེ་བའོ། །རྩོད་པ་དང་བཅས་པའམ་ཞེས་བྱ་བ་ནི་འཐབ་མོ་དང་བཅས་པ་དང ། མཚང་འབྲུ་བ་དང་བཅས་པ་དང ། རྩོད་པ་དང་བཅས་པ་དང ། འགྱེད་པ་དང་བཅས་པའོ། །བརྩམ་དུ་མི་རུང་བ་ཞེས་བྱ་བ་ནི་གང་གི་ཉེ་འཁོར་འདོམ་གང་ཁོ་ར་ཁོར་ཡུག་མེད་པར་རོ། །བདག་གིས་བསླངས་པ་བདག་པོ་མེད་པར་བདག་གི་ཕྱིར་ཁང་པ་བརྩིག་ཏུ་འཇུད་དམ། གཞི་བལྟ་བའི་ཕྱིར་དགེ་སློང་དག་ཀྱང་མི་ཁྲིད་དམ། དགེ་སློང་ཁྲིད་པ་དག་ལ་གཞི་མི་སྟོན་ཏམ། ཚད་ལས་འདས་ན་ཞེས་བྱ་བ་ནི། ཚད་ཇི་སྐད་བསྟན་པ་དེ་ལས་ལྷག་པར་བརྩིག་ཏུ་འཇུད་ནའོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་ཏེ། དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཁང་པ་བྱེད་དུ་འཇུད་ཅིང་མི་རུང་བ་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །རྩོད་པ་དང་བཅས་པ་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །བརྩམ་དུ་མི་རུང་བར་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །མ་བསྟན་པར་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །ཚད་ལས་འདས་པར་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །ཐམས་ཅད་ལས་འདས་པར་བྱེད་དུ་འཇུད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་གི་གན་དུ་སོང་སྟེ་འདི་སྐད་ཅེས་ཁོ་བོའི་ཕྱིར་ཁང་པ་རུང་བ་རྩོད་པ་མེད་པ་བརྩམ་དུ་རུང་བ་བསྟན་
Ca342b
པ་ཚད་དང་ལྡན་པ་བྱེད་དུ་ཆུག་ཅིག་ཅེས་སྨྲས་པ་ལས། དེས་དེའི་ཕྱིར་ཁང་པ་བྱེད་དུ་འཇུད་ཅིང་མི་རུང་བར་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །རྩོད་པ་དང་བཅས་པར་བྱེད་དུ་འཇུག་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །བརྩམ་དུ་མི་རུང་བར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །མ་བསྟན་པར་བྱེད་དུ་འཇུག་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །ཚད་ལས་འདས་པར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །ཐམས་ཅད་ལས་འདས་པར་བྱེད་དུ་འཇུད་ན་བྱེད་པ་པོ་ལ་དགེ་འདུན་ལྷག་མར་འགྱུར་རོ། །གལ་ཏེ་དེ་དེའི་གན་དུ་སོང་སྟེ། འདི་སྐད་ཅེས་ལེགས་པར་བྱས་སོ། །ཤིན་ཏུ་བྱས་སོ། །ངས་ཁྱོད་ལ་འདི་ལྟར་བསྒོའོ་ཞེས་ཟེར་ཞིང་དེས་ཀྱང་དེ་ལ་ཤིང་ངམ་རྩཝའམ་ལྕི་བའམ་ས་འཇིམ་འབུལ་བར་བྱེད་ལ། གལ་ཏེ་དེས་མི་རུང་བར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ། །རྩོད་པ་དང་བཅས་པར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ། །བརྩམ་དུ་མི་རུང་བར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ། །མ་བསྟན་པར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ། །ཚད་ལས་འདས་པར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ། །ཐམས་ཅད་ལས་འདས་པར་བྱེད་དུ་འཇུད་ན་གཉི་ག་ལ་དགེ་འདུན་ལྷག་མར་འགྱུར་རོ། །གལ་ཏེ་དེ་དེའི་གན་དུ་སོང་སྟེ་འདི་སྐད་ཅེས་ལེགས་པར་མ་བྱས་སོ། །ཤིན་ཏུ་མ་བྱས་སོ། །ངས་ཁྱོད་ལ་འདི་ལྟར་མ་བསྒོའོ་ཞེས་ཟེར་
Ca343a
༄#། །ཞིང་དེས་དེ་ལ་ཤིང་ངམ་རྩཝའམ་ལྕི་བའམ་ས་འཇིམ་འབུལ་བར་མི་བྱེད་ལ། གལ་ཏེ་དེས་མི་རུང་བར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །རྩོད་པ་དང་བཅས་པར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །བརྩམ་དུ་མི་རུང་བར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །མ་བསྟན་པར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །ཚད་ལས་འདས་པར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །ཐམས་ཅད་ལས་འདས་པར་བྱེད་དུ་འཇུད་ན་བྱེད་པ་པོ་ལ་དགེ་འདུན་ལྷག་མར་འགྱུར་རོ། །བྱས་པ་རྙེད་པ་དང ། བྱས་པ་ལ་ལོངས་སྤྱོད་པ་དག་ལ་ནི་ལྟུང་བ་མེད་དོ། །རྙིང་པ་འཆོས་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཁང་པའི་དགེ་འདུན་ལྷག་མ་སྟེ་དྲུག་པ་རྫོགས་སོ།། །།སངས་རྒྱས་བཅོམ་ལྡན་འདས་ཀོའུ་ཤམྦྷི་ན་གདངས་ཅན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་དེ་དག་དེ་དག་ན་གནས་པ་ན་དགའ་བོ་ཉེ་དགའ་ལྟོས་ཤིག། གཙུག་ལག་ཁང་འདི་ནི་གྱོང་གྲུགས་སུ་གྱུར་པ་ཡིན་ནོ། །འདི་ནི་གས་པ་ཡིན་ནོ། །འདི་ནི་མཚམས་ཉམས་པ་ཡིན་ནོ། །འདི་ནི་ངོས་ཉམས་པ་ཡིན་ནོ། །འདི་ནི་མ་མོའི་ཁྱིམ་འདྲ་བ་ཡིན་ནོ་ཞེས་འཕྱ་བར་བྱེད་པ་དང ། དགེ་སློང་རྣམས་ཀྱིས་དེ་
Ca343b
དག་ལ་སྨྲས་པ། ཚེ་དང་ལྡན་པ་དག་ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང ། ཁྱེད་ཅག་གིས་རྡོ་ཡང་སྒྲེང་བར་མི་ནུས་ལ་འོན་ཀྱང་འཕྱ་བར་བྱེད་དོ། །དེ་སྐད་ཅེས་སྨྲས་པ་དང ། དེ་དག་ང་རྒྱལ་གྱིས་ཁེངས་པར་གྱུར་ནས་ཕན་ཚུན་སྨྲ་བར་བརྩམས་པ། དགའ་བོ་ཉེ་དགའ་ལྷུང་བཟེད་ནག་པོ་ཅན་འདི་དག་གིས་བདག་ཅག་ལ་ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང ། ཁྱེད་ཅག་གིས་རྡོ་ཡང་སྒྲེང་བ་མི་ནུས་ལ་འོན་ཀྱང་འཕྱ་བར་བྱེད་དོ་ཞེས་ཧ་ཅང་ཟིལ་གྱིས་མནན་གྱིས་ཚུར་ཤེག་།བདག་ཅག་གིས་སྔོན་ལྷུང་བཟེད་ནག་པོ་ཅན་གང་གིས་ཀྱང་བྱེད་དུ་མ་བཅུག་པའི་གཙུག་ལག་ཁང་ཅི་འདྲ་བའི་གཙུག་ལག་ཁང་བྱེད་དུ་གཞུག་གོ་།གལ་ཏེ་བདག་ཅག་ཐམས་ཅད་ལག་གི་བླ་ལ་བརྩོན་པར་གྱུར་ན། ལྷུང་བཟེད་ནག་པོ་ཅན་དག་རྟག་པ་ཁོ་ནར་བདག་ཅག་ལ་སྐབས་ཚོལ་བས་དེ་དག་གིས་དྲུག་སྡེ་དག་ཐམས་ཅད་ལག་གི་བླ་ལ་ཞུགས་སོ་ཞེས་སྐབས་རྙེད་པར་ཡང་འགྱུར་ལ། བདག་ཅག་གིས་སློང་མོའི་ཁྱིམ་གང་དག་ཡིན་པ་དེ་དག་ཏུ་ཡང་བྲེལ་བ་དག་གི་སྐྱོན་བརྗོད་ནས་རྗེས་སུ་འཇུག་པར་འགྱུར་གྱིས། བདག་ཅག་གིས་བདག་ཅག་གི་ནང་ན་མཁས་པ་སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་ནུས་པ་གང་ཡིན་པ་དེའི་གན་དུ་བདག་ཅག་དོང་ལ་སྤྲོ་བ་བསྐྱེད་པར་བྱ་གོར་མ་ཆག་ན། དེའི་ཕྱིར་བདག་ཅག་གི་ནང་ན་མཁས་པ་སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་
Ca344a
༄#། །ནུས་པ་གང་ཡིན་བདག་ཅག་གི་ནང་ན་ཚེ་དང་ལྡན་པ་འདུན་པ་མཁས་པ་སྤྱོད་པ་གསལ་པ་ཁབ་གཞུག་པར་གཏུན་དུ་འཇུད་ནུས་པ་ཡིན་གྱིས། བདག་ཅག་དེའི་གན་དུ་དོང་ལ་སྤྲོ་བ་བསྐྱེད་པར་བྱའོ་ཞེས་དེ་དག་འདུན་པའི་གན་དུ་སོང་སྟེ་སྨྲས་པ། ཚེ་དང་ལྡན་པ་འདུན་པ་ལྷུང་བཟེད་ནག་པོ་ཅན་འདི་དག་གིས་བདག་ཅག་ལ་ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་ཁྱེད་ཅག་གིས་རྡོ་ཡང་སྒྲེང་བར་མི་ནུས་ལ། འོན་ཀྱང་འཕྱ་བར་བྱེད་དོ་ཞེས་ཧ་ཅང་ཟིལ་གྱིས་མནན་ནས། ཁོ་བོ་ཅག་འདི་སྙམ་དུ་སེམས་ཏེ། ལྷུང་བཟེད་ནག་པོ་ཅན་འདི་དག་གིས་བདག་ཅག་ལ་ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་ཁྱེད་ཅག་གིས་རྡོ་ཡང་སྒྲེང་བར་མི་ནུས་ལ། འོན་ཀྱང་འཕྱ་བར་བྱེད་དོ་ཞེས་ཧ་ཅང་ཟིལ་གྱིས་མནན་གྱིས་ཚུར་ཤེག་།བདག་ཅག་གིས་སྔོན་ལྷུང་བཟེད་ནག་པོ་ཅན་གང་གིས་ཀྱང་བྱེད་དུ་མ་བཅུག་པའི་གཙུག་ལག་ཁང་ཅི་འདྲ་བ་དེ་འདྲ་བའི་གཙུག་ལག་ཁང་བྱེད་དུ་གཞུག་གོ། གལ་ཏེ་བདག་ཅག་ཐམས་ཅད་ལག་གི་བླ་ལ་བརྩོན་པར་གྱུར་ན། ལྷུང་བཟེད་ནག་པོ་ཅན་དག་རྟག་པ་ཁོ་ནར་བདག་ཅག་ལ་སྐབས་ཚོལ་བས། དེ་དག་གིས་དྲུག་སྡེ་དག་ཐམས་ཅད་ལག་གི་བླ་ལ་ཞུགས་སོ་ཞེས་སྐབས་རྙེད་པར་ཡང་འགྱུར་ལ། བདག་ཅག་གི་སློང་མོའི་ཁྱིམ་གང་དག་ཡིན་པ་དེ་དག་ཏུ་ཡང་བྲེལ་བ་དག་གི་སྐྱོན་བརྗོད་
Ca344b
ནས་རྗེས་སུ་འཇུད་པར་བྱེད་པར་འགྱུར་གྱིས། བདག་ཅག་གིས་བདག་ཅག་གི་ནང་ན་མཁས་པ་སྤྱོད་པ་གསལ་བ་ཁབ་གཞུག་པར་གཏུན་བུ་འཇུད་ནུས་པ་གང་ཡིན་པ་དེའི་གན་དུ་བདག་ཅག་དོང་ལ་སྤྲོ་བ་བསྐྱེད་པར་བྱ་གོར་མ་ཆག་ན། དེའི་ཕྱིར་བདག་ཅག་གི་ནང་ན་མཁས་པ་སྤྱོད་པ་གསལ་བ་ཁབ་གཞུག་པར་གཏུན་བུ་འཇུད་ནུས་པ་གང་ཡིན། བདག་ཅག་གི་ནང་ན་ཚེ་དང་ལྡན་པ་འདུན་པ་མཁས་པ་སྤྱོད་པ་གསལ་བ་ཁབ་གཞུག་པར་གཏུན་བུ་འཇུད་ནུས་པ་ཡིན་གྱིས། བདག་ཅག་དེའི་གན་དུ་དོང་ལ་སྤྲོ་བ་བསྐྱེད་པར་བྱའོ་སྙམ་ནས། བདག་ཅག་གིས་ཚེ་དང་ལྡན་པ་གཙུག་ལག་ཁང་གི་ཕྱིར་སྤྲོ་བར་བྱ་ཞིང་ཁྱོད་ལ་གསོལ་བ་འདེབས་ཀྱིས་ལྷུང་བཟེད་ནག་པོ་ཅན་དག་ཡན་ལག་འདིས་ཟིལ་གྱིས་ནོན་པར་གྱིས་ཤིག། འདུན་པས་སྨྲས་པ། ཐབས་ཡིན་གྱིས་དེ་ལྟར་བྱའོ། །དེ་དག་ཡིད་དགའ་ནས་དོང་ངོ། །ཚེ་དང་ལྡན་པ་འདུན་པ་ཡང་གཙུག་ལག་ཁང་གི་ཕྱི་རོལ་དུ་རྐང་བ་གཉིས་བཀྲུས་ནས། གཙུག་ལག་ཁང་དུ་ཞུགས་ཏེ་འདུག་ནས། ཐབས་ཅི་ཡོད་ན་དེས་དགེ་འདུན་གྱིས་གཙུག་ལག་ཁང་འགྲུབ་པར་འགྱུར་སྙམ་དུ་སེམས་པ་ལ་ཞུགས་སོ། །དེས་སུ་ཞིག་སུ་ལ་མངོན་པར་དད་སྙམ་དུ་རྣམ་པར་དཔྱད་པར་བརྩམས་པ་དང ། དེ་འདི་སྙམ་དུ་སེམས་ཏེ། རེ་ཞིག་འཇིག་རྟེན་ལྷ་དང་བཅས་པ་ནི་བཅོམ་ལྡན་འདས་ལ་མངོན་པར་དད་པ་ཡིན། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཀུན་ཤེས་ཀོའུ་དི་ནྱ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འོད་སྲུང་ཆེན་པོ་ལ། ཁྱིམ་ཆེ་གེ་མོ་
Ca345a
༄#། །ཞིག་ནི་ཚེ་དང་ལྡན་པ་ཤཱ་རིའི་བུ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མ་འགགས་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་བ་རྟ་ཐུལ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་བཟང་ལྡན་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་རླངས་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མིང་ཆེན་ལ།་ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་གང་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་དྲི་མ་མེད་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་བ་ལང་བདག་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཀུན་དགའ་བོ་ལ། ཁྱིམ་ཆེ་གེ་མོ་ཞིག་ནི་བཅོམ་ལྡན་འདས་ཀྱི་གཅུང་སྲུའི་སྲས་ཚེ་དང་ལྡན་པ་མཛེས་དགའ་ལ། ཁྱིམ་ཆེ་གེ་མོ་ཞིག་ནི་བཅོམ་ལྡན་འདས་ཀྱི་སྲས་ཚེ་དང་ལྡན་པ་སྒྲ་གཅན་འཛིན་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་གྱད་བུ་ནོར་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་དགའ་བོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཉེ་དགའ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འགྲོ་མགྱོགས་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འཆར་ཀ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ནབ་སོ་ལ་མངོན་པར་དད་པ་ཡིན་པས་དེའི་ཕྱིར་དེ་དག་སྦྱོར་དུ་གཞུག་ཏུ་ནི་མི་ནུས་ཏེ། འདི་ལྟར་ཀོའུ་ཤམྦྷི་ན་བྲམ་ཟེ་ཕྱུག་པ་ནོར་མང་བ་ལོངས་སྤྱོད་ཆེ་བ་ཡོངས་སུ་བཟུང་བ་ཡངས་ཤིང་རྒྱ་བ་ཆེ་བ་ཞིག་འདུག་ན། དེ་ནི་སེར་སྣ་ཅན་མིག་
Ca345b
ཕྲ་བ། བྱ་རོག་ལ་ཡང་གཏོར་མ་མི་སྟེར་བ། ཡོ་བྱད་ཀུན་འཛིན་པ་ཡིན་ལ། དེ་ལ་དབྱིག་དང ། གསེར་མང་པོ་བདོག་པས། གལ་ཏེ་དེ་ལྟར་རྗེས་སུ་འཇུག་པར་བྱེད་ནུས་ན་དགེ་འདུན་གྱི་གཙུག་ལག་ཁང་འགྲུབ་པར་འགྱུར་རོ་སྙམ་ནས། དེ་དེ་ལྟར་སེམས་པ་ལ་ཞུགས་པས་ཚེགས་ཆེན་པོས་ནམ་ནངས་པར་བྱས་ནས། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། ཀོའུ་ཤམྦྷི་ར་བསོད་སྙོམས་ལ་ཞུགས་སོ། །དེས་ཁྱིམ་གཉིས་སམ་གསུམ་དུ་བསོད་སྙོམས་རྒྱུས་ནས། ཕྱེ་ཉུང་ཤས་ཤིག་ཁྱེར་ཏེ་བྲམ་ཟེ་དེའི་ཁྱིམ་དུ་འཇུག་པར་བརྩམ་པ་དང ། སྒོ་བས་འཕགས་པ་སྡོད་ཅིག་མ་འཇུག་ཅེས་བགགས་སོ། །དེས་སྨྲས་པ། བཞིན་བཟང་བཅོམ་ལྡན་འདས་ཀྱིས་ཁོ་བོ་ཅག་གི་སྤྱོད་ཡུལ་མ་ཡིན་པ་ནི་རྣམ་པ་ལྔ་གསུངས་ཏེ། རོལ་མོ་མཁན་གྱི་གནས་དང ། འཇུད་མཐུན་མའི་གནས་དང ། ཆང་མའི་གནས་དང ། གདོལ་པའི་གནས་དང ། རྒྱལ་པོའི་ཕོ་བྲང་ཡིན་ན་ཅི་ཁྱིམ་འདི་རོལ་མོ་མཁན་གྱི་གནས་ཡིན་ནམ། འོན་ཏེ་འཇུད་མཐུན་མའི་གནས་སམ། ཆང་མའི་གནས་སམ། གདོལ་པའི་གནས་སམ། རྒྱལ་པོའི་ཕོ་བྲང་ཡིན་ནམ། ཅི་ན་དེའི་ཕྱིར་ཁོ་བོ་འགོག་པར་བྱེད། སྒོ་བས་སྨྲས་པ། འཕགས་པ་ཁྱོད་མང་དུ་བཀྱོན་པར་འགྱུར་མོད་ཀྱི། འདི་ནི་རོལ་མོ་མཁན་གྱི་གནས་ཀྱང་མ་ལགས། འཇུད་མཐུན་མའི་གནས་དང ། ཆང་མའི་གནས་དང ། གདོལ་པའི་གནས་དང ། རྒྱལ་པོའི་ཕོ་བྲང་ཡང་མ་ལགས་ཏེ། འདི་ལྟར་འདི་ནི་བྲམ་
Ca346a
༄#། །ཟེ་ཆེ་གེ་མོ་ཞིག་གི་ཁྱིམ་ལགས་སོ། །འདུན་པས་བསམས་པ། གང་དུ་རེ་ཞིག་ངོ་ཕྲད་པར་ཡང་མེད་པ་དེར་གཞན་ཅི་ཞིག་ཡོད་པར་འགྱུར་སྙམ་ནས། དེ་དེ་ལྟར་སྒོར་བགགས་ཏེ། སེམས་ཁོང་དུ་ཆུད་ཅིང་འདུག་པ་ན། ཁྱིམ་བདག་ཅིག་གི་བུ་བྱུང་བ་དེར་བཅུ་གཉིས་འདུས་པའི་དགའ་འདུན་གར་དང་གླུ་དང་སིལ་སྙན་གྱིས་ཞུགས་པ་དང ། སྒོ་བ་དེས་དེ་དག་ལ་ཏེ་པོར་བརྟག་པར་བརྩམས་ཏེ་སྒོ་ལ་མི་ལྟ་བའི་ཚེ། ཚེ་དང་ལྡན་པ་འདུན་པས་འཇུག་པ་ཐོབ་སྟེ། ཞུགས་ནས་དེའི་སྤྱོད་ལམ་གྱིས་འདོད་ཆགས་དང་བྲལ་བའི་ས་སྦྱོང་བར་བྱེད་པ་དེ་བྲམ་ཟེ་དེས་མཐོང་ནས་སྨྲས་པ། བཙུན་པ་འདུན་པ་བྱོན་པ་ལེགས་སོ། །གདན་འདི་ལ་བཞུགས་ཤིག་།འདུན་པ་དོན་ཡོད་པས་འདུག་པ་དང ། གཏམ་གྱི་སྐབས་མ་རྙེད་ནས་འདུན་པས་སྨྲས་པ། བྲམ་ཟེ་ཁོ་བོས་བསོད་སྙོམས་ཀྱི་ཕྱེ་ཉུང་ཤས་ཤིག་རྙེད་པ་འདི་འཚག་ཏུ་ཆུག་སྟེ་བྱིན་ཅིག་།བྲམ་ཟེས་བུ་མོ་ལ་བསྒོ་བ། བུ་མོ་འཕགས་པའི་བསོད་སྙོམས་ཀྱི་ཕྱེ་ཚོགས་ཏེ་ཕུལ་ཅིག་།བུ་མོ་དེས་བཙག་པར་བརྩམས་པ་དང ། ཚེ་དང་ལྡན་པ་འདུན་པས་ཕྱེ་ལ་བརྟག་པར་བརྩམས་སོ། །བྲམ་ཟེས་སྨྲས་པ། འཕགས་པ་ཅི་རྟོག་།སྲོག་ཆགས་སོ། །གལ་ཏེ་མཆིས་ན་ཇི་ལྟར་བགྱི། བཟའ་བར་མི་བྱའོ། །གལ་ཏེ་གསོལ་བར་གྱུར་ན་ནོངས་པ་ཅི་མཆིས། བྲམ་ཟེ་བཅོམ་ལྡན་འདས་ཀྱིས་སྲོག་གཅོད་པ་ཀུན་ཏུ་རྟེན་ཅིང་གོམས་པར་བྱས། ལན་མང་དུ་བྱས་
Ca346b
པས་ལུས་ཞིག་སྟེ་ཤི་བའི་འོག་ཏུ་ངན་སོང་དང ། ངན་འགྲོ་དང ། ལོག་པར་ལྟུང་བ་དང ། སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཞིང ། གལ་ཏེ་འདི་ལྟ་བུ་ཉིད་དུ་མི་རྣམས་དང་སྐལ་པ་མཉམ་པར་འོངས་ན་ཡང་ཚེ་ཐུང་བར་འགྱུར་རོ། །ཞེས་གསུངས་སོ་ཞེས་བྱ་བ་ལ་སོགས་པ་མི་དགེ་བ་བཅུ་དང ། དགེ་བ་བཅུའི་ལས་ཀྱི་ལམ་དག་རྒྱས་པར་རྗོད་པ་དང ། བྲམ་ཟེ་དེ་མངོན་པར་དད་པར་གྱུར་ནས། རང་ཉིད་ཀྱིས་བཟའ་བ་དང་བཅའ་བ་གཙང་ཞིང་བསོད་པས་སྣོད་བཀང་སྟེ་སྨྲས་པ། འཕགས་པ་ཐུགས་བརྩེ་བའི་སླད་དུ་འདི་བཞེས་སུ་གསོལ། ཚེ་དང་ལྡན་པ་འདུན་པས་བསམས་པ།་གལ་ཏེ་བླངས་པར་གྱུར་ན། འདི་ལྟ་སྟེ་དཔེར་ན་ཤིང་ལས་བྱས་པའི་སྣོད་དུ་བསྐོལ་བ་དང་འདྲ་བར་བདག་གི་དང་པོ་འདི་ཉིད་ཐ་མར་འགྱུར་རོ་སྙམ་དུ་རིག་ནས་སྨྲས་པ། བྲམ་ཟེ་ཁོ་བོས་བསོད་སྙོམས་ཀྱི་ཕྱེ་ཉུང་ཤས་ཤིག་རྙེད་པ་འདི་ཉིད་ཡོངས་སུ་ལོངས་སྤྱོད་པར་བྱའི། །དད་པས་སྦྱིན་པར་བྱ་བ་བླངས་ཏེ་དོར་དུ་ག་ལ་རུང ། བྲམ་ཟེས་སྨྲས་པ། འཕགས་པ་བདག་ཅག་བྲམ་ཟེ་རྣམས་ཀྱི་ཀུན་ཏུ་སྤྱོད་པ་ནི་གལ་ཏེ་ངན་པ་རྙེད་ནས་བཟང་པོ་རྙེད་པར་གྱུར་ན། ངན་པ་སྤངས་ཏེ་བཟང་པོ་ཡོངས་སུ་ལོངས་སྤྱོད་པར་བགྱིད་པ་ལགས་ན། དེ་ཁྱེད་ཅག་ལ་ཅི་ནོངས། བྲམ་ཟེ་ཁོ་བོ་ཅག་ནི་བསླབ་པའི་གཞི་ཡང་དག་པར་བླངས་པ་ཡིན་ལ། ཁྱེད་ཅག་བྲམ་ཟེ་དག་ནི་བསླབ་པའི་གཞི་ཡང་དག་པར་བླངས་པ་མ་ཡིན་པས་ཁྱེད་ཅག་བྲམ་ཟེ་དག་ནི་ཅི་དགར་འཇུག་པར་བྱེད་པ་ཡིན་
Ca347a
༄#། །ནོ། །ཁོ་བོ་ཅག་ལ་ནི་བཅོམ་ལྡན་འདས་ཀྱིས་འཕགས་པའི་རིགས་བཞི་བཀའ་སྩལ་ཏེ། བཞི་གང་ཞེ་ན། ཆོས་གོས་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། བསོད་སྙོམས་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། གནས་མལ་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། སྦོང་བ་ལ་དགའ་བ་དང ། བསྒོམ་པ་ལ་དགའ་བ་འཕགས་པའི་རིགས་སོ། །བྲམ་ཟེ་དེ་ཤིན་ཏུ་མངོན་པར་དད་པར་གྱུར་ནས་སྨྲས་པ། འཕགས་པ་འདི་ནི་ཁྱོད་ཀྱི་ཁབ་ལགས་ཀྱིས་དུས་དང་དུས་སུ་གཤེགས་སུ་གསོལ། བྲམ་ཟེ་ཁྱོད་ཀྱི་སྒོ་བ་འདི་ནི་གཤིན་རྗེའི་དབྱུག་པ་དང་འདྲ་བ་ཡིན་པས་སུ་ཡང་འཇུག་ཏུ་མི་སྟེར་གྱིས་ལེགས་པར་བསྒོ་བ་གྱིས་ཤིག་དང ། དེས་ན་ཁོ་བོ་ལ་འགོག་པར་མི་བྱེད་དོ། ། བྲམ་ཟེས་སྒོ་བ་བཀུག་སྟེ་ལེགས་པར་བསྒོ་བ། ཀཝའེ་ནང་རྗེ་ཁྱིམ་འདི་འཕགས་པ་འདུན་པའི་ཡིན་གྱིས་ཁྱོད་ཀྱིས་མ་དགག་ཅིག་།ནང་མི་ལ་ཡང་བསྒོ་བ་ཁྱེད་ཅག་གིས་འཕགས་པ་འདུན་པ་ལ་མི་གུས་པར་མི་བྱའོ། །ཚེ་དང་ལྡན་པ་འདུན་པས་བསམས་པ། བྲམ་ཟེ་འདི་ནི་མངོན་པར་དད་པར་གྱུར་ན། འོན་ཀྱང་གལ་ཏེ་འདིར་ལྷུང་བཟེད་ནག་པོ་ཅན་འཇུག་པར་གྱུར་ན། དེས་འདི་ཅི་ནས་ཀྱང་འཁྲུག་པར་བྱེད་པར་འགྱུར་བས། ཐབས་ཀྱི་རྣམ་པ་ཞིག་བྱའོ་སྙམ་ནས། འདུན་པས་སྒོ་བ་དེ་ལ་སྨྲས་པ། ཀཝའེ་ནང་རྗེ་ཁྱོད་ཀྱིས་བྲམ་ཟེ་དེ་ཇི་ལྟར་ཁོ་བོ་ལ་མངོན་པར་
Ca347b
དད་པར་གྱུར་པ་མཐོང་ངམ། འཕགས་པ་མཐོང་ངོ ། །དེས་ཁོ་བོ་འབའ་ཞིག་འདིར་འཇུག་ཏུ་གནང་གིས། ལྷུང་བཟེད་ནག་པོ་ཅན་གཞན་སུ་ཡང་འཇུག་ཏུ་མ་གཞུག་ཅིག་།གལ་ཏེ་འདིར་ལྷུང་བཟེད་ནག་པོ་ཅན་འགའ་ཞིག་འཇུག་ཏུ་བཅུག་ན། ཁོ་བོས་ཁྱོད་ལ་ཁྲིམས་ཆེན་པོ་འཆར་གཞུག་པར་བྱའོ། །འཕགས་པ་ཤིན་ཏུ་བག་ཡངས་སུ་བཞུད་ཅིག་།ཁྱོད་ཉིད་ཀྱང་རེ་ཞིག་དེའུ་མ་ཆུད་པ་ལགས་ན་ལྷུང་བཟེད་ནག་པོ་ཅན་གཞན་འཇུད་པར་འགྱུར་བ་ལྟ་སྨོས་ཀྱང་ཅི་འཚལ། ཚེ་དང་ལྡན་པ་འདུན་པ་ཡིད་བདེ་བ་སྐྱེས་ཏེ་སོང་ནས། དེ་དུས་དང་དུས་སུ་བྲམ་ཟེ་དེའི་ཁྱིམ་དུ་འགྲོ་བར་བྱེད་དོ། །བྲམ་ཟེས་ཀྱང་དེ་ཁོ་ན་བཞིན་དུ་ཡང་དང་ཡང་སྟོབས་པར་བྱེད་ན། ཚེ་དང་ལྡན་པ་འདུན་པས་དང་དུ་ལེན་པར་མི་བྱེད་པར་སྦྱིན་པ་དང་ལྡན་པའི་ཆོས་བསྟན་པ་འབའ་ཞིག་བྱས་ཤིང་བྱས་ཤིང་འགྲོ་བར་བྱེད་དོ། །ཇི་ཙམ་དུས་གཞན་ཞིག་ན་ཚེ་དང་ལྡན་པ་འདུན་པས་བྲམ་ཟེ་དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་དག་གིས་བསྔགས་པ་རྗོད་ཅིང ། དེ་དག་རྒྱ་ཆེར་ལེགས་པར་བཤད་པ་དང ། བྲམ་ཟེས་སྨྲས་པ། འཕགས་པ་བདག་གི་ཀྱང་རྫས་ལས་བྱུང་བའི་བསོད་ནམས་བྱ་བའི་གཞི་འགའ་ཞིག་བགྱིའོ། །བྲམ་ཟེ་དེ་བཞིན་གྱིས་ཤིག་།འཕགས་པ་ཅི་ཞིག་བགྱི། དགེ་འདུན་གྱི་གཙུག་ལག་ཁང་བྱེད་དུ་ཆུག་ཅིག་།བྲམ་ཟེས་བསམས་པ། བདག་གིས་འཕགས་པ་འདུན་པ་ལ་རྣམ་པ་དུ་མར་བསྟབས་ན། འདིས་
Ca348a
༄#། །ལན་འགའ་ཡང་དང་དུ་མ་བླངས་ཏེ། ད་དང་དུ་བླངས་པ་གང་ཡིན་པ་འདི་ཡང་དགེ་འདུན་གྱི་ཕྱིར་རོ་སྙམ་ནས། དེ་ངོ་མཚར་སྐྱེས་ནས་སྨྲས་པ། འཕགས་པ་བདག་ལ་ཀར་ཤ་པ་ན་དག་ནི་མཆིས་ན། འོན་ཀྱང་ས་གཞི་ནི་རྒྱལ་པོ་དབང་བས་གང་དུ་དགེ་འདུན་གྱི་གཙུག་ལག་ཁང་བགྱིད་དུ་སྩལ་བའི་དོགས་མ་མཆིས་སོ། །བྲམ་ཟེ་ཁྱོད་སྙིང་ལས་ཆུང་ངུར་གྱིས་ཤིག་དང ། ཁོ་བོས་རྒྱལ་པོ་ལས་ས་བསླང་བར་བྱའོ། །འཕགས་པ་གལ་ཏེ་དེ་ལྟ་ན་ལེགས་སོ། །ཚེ་དང་ལྡན་པ་འདུན་པས་བསམས་པ། ཇི་ལྟར་བྱ། ཇེ་རྒྱལ་པོ་ལ་བསྟེན་པར་བྱའམ། འོན་ཏེ་བློན་པོ་རྣམས་ལ་བསྟེན་པར་བྱ་སྙམ་ནས། དེ་འདི་སྙམ་དུ་སེམས་ཏེ། ལ་ལ་ན་རེ་འདི་སྐད་ཅེས་བསྟེན་ལ་བསྟེན་པར་མི་བྱ་བར་བསྟེན་པ་ལ་བསྟེན་པ་བསྟེན་པར་བྱའོ་ཞེས་ཟེར་རོ་སྙམ་ནས་དེས་བློན་པོ་རྣམས་ལ་བསྟེན་པར་བརྩམས་ཏེ། དེ་དག་ལ་དུས་ལ་ཅུང་ཟད་ཅིག་བསྟེན་པ་དང ། བློན་པོ་རྣམས་ཀྱིས་སྨྲས་པ། འཕགས་པ་བཀའ་སྩལ་པ་ཅི་མཆིས། འདུན་པས་སྨྲས་པ་བཞིན་བཟང་དག་བྲམ་ཟེ་ཞིག་གིས་དགེ་འདུན་གྱི་ཕྱིར་གཙུག་ལག་ཁང་བྱེད་དུ་བཅུག་ན། ས་གཞི་རྒྱལ་པོ་དབང་བས་གང་དུ་གཙུག་ལག་ཁང་བརྩིག་ཏུ་གཞུག་པའི་ས་མེད་ན་དེའི་ཕྱིར་ས་གཞིའི་ཆེད་དུ་ལྷའི་སྙན་དུ་གསོལ་བ་ཞིག་འདོད་ན། དེ་ཁྱེད་ཅག་གིས་གྲོགས་གྱིས་ཤིག་།འཕགས་པ་གང་གི་ཚེ་རྒྱལ་པོ་ཚོགས་ཉུང་ངུ་དང་དབེན་པ་ན་བཞུགས་པ་དེའི་ཚེ་
Ca348b
ཁྱོད་སྦྲན་པར་བགྱིའི་སྤྱོན་ཅིག་།ཇི་ཙམ་དུས་གཞན་ཞིག་ན་རྒྱལ་པོ་ཚོགས་ཉུང་ངུ་དང་དབེན་པ་ན་འདུག་པའི་ཚེ། བློན་པོ་དེ་དག་གིས་ཚེ་དང་ལྡན་པ་འདུན་པ་ལ། འཕགས་པ་རྒྱལ་པོ་ཚོགས་ཉུང་ངུ་དང་དབེན་པ་ན་བཞུགས་ཀྱིས་སྤྱོན་ཅིག་ཅེས་བང་ཆེན་བཏང་བ་དང ། འདུན་པ་འོངས་ནས་རྒྱལ་པོ་ལ་ཨ་རོག་གྱ་ཞེས་བྱས་ཏེ་མཐའ་གཅིག་ཏུ་འདུག་གོ་།བློན་པོ་རྣམས་ཀྱིས་རྒྱལ་པོ་ལ་གསོལ་པ། ལྷ་འདི་ནི་འཕགས་པ་འདུན་པ་ཞེས་བགྱི་སྟེ། ཤཱཀྱ་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་དང་ལྡན་པ་ལགས་སོ། །རྒྱལ་པོས་སྨྲས་པ་འཕགས་པ་བྱོན་པ་ལེགས་སོ། །ཅིའི་སླད་དུ་བྱོན། འདུན་པས་སྨྲས་པ། ལྷ་བྲམ་ཟེ་ཞིག་གིས་དགེ་འདུན་གྱི་སླད་དུ་གཙུག་ལག་ཁང་བགྱིད་དུ་སྩལ་ན། ས་གཞི་རྒྱལ་པོ་མངའ་བས། དེའི་དོག་ས་མ་མཆིས་ན་ལྷ་དོག་ས་སྩལ་བར་རིགས་སོ། །འཕགས་པ་རྒྱལ་པོའི་ཕོ་བྲང་འབའ་ཞིག་མ་གཏོགས་པ་གང་དུ་བཞེད་པ་དེར་གཙུག་ལག་ཁང་བགྱིད་དུ་སྩོལ་ཅིག་།ཚེ་དང་ལྡན་པ་འདུན་པས། ཨ་རོག་གྱ་ཞེས་སྨྲས་ཏེ། ཡིད་བདེ་བ་སྐྱེས་ནས་རྒྱལ་པོའི་ཕོ་བྲང་ནས་ཕྱིར་བྱུང་སྟེ། དྲུག་སྡེ་གཞན་དག་གི་གན་དུ་སོང་ནས་དེས་སྨྲས་པ། དགའ་བོ་ཉེ་དགའ་བྲམ་ཟེ་ཆེ་གེ་མོ་ཞིག་གིས་དགེ་འདུན་གྱི་ཕྱིར་གཙུག་ལག་ཁང་བྱེད་དུ་བཅུག་ནས། ཁོ་བོས་རྒྱལ་པོ་ལ་ས་གཞིའི་ཕྱིར་གསོལ་བ་བྱས་ན་རྒྱལ་པོ་ན་རེ། འཕགས་པ་རྒྱལ་པོའི་ཕོ་བྲང་འབའ་ཞིག་མ་གཏོགས་པ་གང་
Ca349a
༄#། །དུ་བཞེད་པ་དེར་གཙུག་ལག་ཁང་བརྩིག་ཏུ་སྩོལ་ཅིག་ཅེས་ཟེར་གྱིས་ས་གཞི་འདོམས་ཤིག་།དེ་དག་འདུས་ཏེ་བྲམ་ཟེ་དེའི་དྲུང་དུ་སོང་ནས་སྨྲས་པ། བྲམ་ཟེ་རྒྱལ་པོས་བདག་ཅག་ལ་རྒྱལ་པོའི་ཕོ་བྲང་འབའ་ཞིག་མ་གཏོགས་པ་གང་དུ་འདོད་པ་དེར་གཙུག་ལག་ཁང་བརྩིག་ཏུ་ཆུག་ཅིག་།ཅེས་དམ་པ་བྱིན་གྱིས་ཀར་ཤ་པ་ན་དག་འོན་ཅིག་དང་གཙུག་ལག་ཁང་བརྩིག་ཏུ་གཞུག་གོ་།བྲམ་ཟེ་དེས་དྲུག་སྡེ་དེ་དག་ལ་ཀར་ཤ་པ་ན་དག་བྱིན་ནས། དེ་དག་གིས་ཀར་ཤ་པ་ན་དག་བླངས་ཏེ། ཕན་ཚུན་གྲོས་བྱ་བར་བརྩམས་པ། ཕྱོགས་གང་དུ་གཙུག་ལག་ཁང་བརྩིག་ཏུ་གཞུག་ཅེས་གླེངས་སོ། །ཀོའུ་ཤམྦྷི་དང་གདང་ཅན་གྱི་ཀུན་དགའ་ར་བའི་བར་དག་ན་གནས་ཀྱི་ཤིང་ལྗོན་པ་ཞིག་ཡོད་དེའི་དྲུང་དུ། བྲམ་ཟེ་འཁོར་ཤིན་ཏུ་མང་པོ་དང་ལྡན་པ་ཞིག་བྲམ་ཟེའི་ཁྱེའུ་ལྔ་བརྒྱ་བྲམ་ཟེའི་གསང་ཚིག་དག་ཀློག་ཏུ་འཇུད་པ་དེའི་བྲམ་ཟེའི་ཁྱེའུ་ལྔ་བརྒྱ་པོ་དེ་དག་དྲུག་སྡེ་དག་བསོད་སྙོམས་ལ་འཇུག་པ་དང ། འབྱུང་བ་ན་ཡང་དང་ཡང་དུ། ཀྱེ་དྲུག་སྡེ་དག་ཅི་བསོད་སྙོམས་མཆོག་དང ། བསོད་སྙོམས་དང་པོ་ཐོབ་བམ། སྣོད་ཁེངས་སམ་ཞེས་ཅོ་འདྲི་བར་བྱེད་པས། དེའི་ཚེ་དྲུག་སྡེ་དག་འདི་སྙམ་དུ་སེམས་ཏེ། གནས་ཀྱི་ཤིང་ལྗོན་པ་དེའི་དྲུང་ན་བྲམ་ཟེ་དེའི་སློབ་མ་བྲམ་ཟེའི་ཁྱེའུ་དེ་དག་རྟག་ཏུ་བདག་ཅག་ལ། ཀྱེ་དྲུག་སྡེ་དག་ཅི་བསོད་སྙོམས་མཆོག་དང་བསོད་སྙོམས་དང་པོ་
Ca349b
ཐོབ་བ་མ། སྣོད་ཁེངས་སམ་ཞེས་ཅོ་འདྲི་བར་བྱེད་ཀྱིས། དེ་དག་མི་དགའ་བར་བྱ་ཞིང་གནས་ཀྱི་ཤིང་ལྗོན་པ་དེ་གཅོད་དུ་བཅུག་སྟེ། ཕྱོགས་དེར་གཙུག་ལག་ཁང་བརྩིག་ཏུ་བཅུག་ན། དེས་ན་ཕྱིན་ཆད་ཡང་དང་ཡང་དུ་ཅོ་འདྲི་བར་མི་བྱེད་དོ་ཞེས་དེ་དག་གིས་གྲོས་བྱས་ནས། ཀར་ཤ་པ་ཎཱ་དག་ཁྱེར་ཏེ་གླ་མིའི་སྲང་དུ་དོང་ནས། བཞིན་བཟང་དག་གླ་སྦྱིན་གྱིས་གཙུག་ལག་ཁང་དུ་ལས་གྱིས་ཤིག་ཅེས་སྨྲས་ནས། དེ་དག་གིས་གླ་མི་དག་བསྒྲུབས་སོ། །དྲུག་སྡེ་དག་གིས་གླ་མི་དེ་དག་ཁྱེའུ་སུས་བྱིན་ཏེ་ལུས་བསྐུ་བ་དང ། མགོ་བསྐུ་བ་ཡང་ཕྱིན་པ་དང ། དེ་དག་མགུ་ནས་སྨྲས་པ། འཕགས་པ་དག་བཞུད་ལ་བདག་ཅག་ལ་སུག་ལས་དག་ཕོབ་ཅིག་།དྲུག་སྡེ་དག་གིས་སྨྲས་པ། ལས་ཀྱང་འབྱུང་བར་འགྱུར་གྱིས་རེ་ཞིག་སྡོད་ཅིག་ཅེས་དེ་དག་གིས་དེ་དག་རེ་ཞིག་བགགས་པ་དང ། ཇི་ཙམ་ན་ཉི་མ་ནུབ་ནས་དེ་དག་གིས་སྨྲས་པ། འཕགས་པ་དག་བདག་ཅག་ད་སླར་མཆིའི་དེང་གི་གླ་སྩོལ་ཅིག་།དྲུག་སྡེ་དག་གིས་སྨྲས་པ། ཁྱེད་ཅག་གིས་ལས་མང་པོ་ཞིག་བྱས་པས་དེའི་ཕྱིར་གླ་དེད་དམ། དེ་དག་གིས་སྨྲས་པ། འཕགས་པ་དག་ཁྱེད་ཅག་གིས་བདག་ཅག་ལ་བཀའ་སྩལ་པ། གང་ཞིག་བདག་ཅག་གིས་མ་བགྱིས། བཞིན་བཟང་དག་སྟ་རེ་དང་གཞོར་དང་གླེ་བ་དག་ལོངས་ཤིག་དང་ལས་བྱེད་དུ་འདོང་ངོ ། །གླ་མི་དེ་དག་དྲུག་སྡེ་དག་དང་ལྷན་ཅིག་སྟ་རེ་དང་གཞོར་དང་གླེ་བ་དག་ཐོགས་ཏེ། མིག་ལམ་ཆད་པ་དང ། གནས་ཀྱི་ཤིང་ལྗོན་པ་དེའི་གན་དུ་དོང་ནས་
Ca350a
༄#། །དྲུག་སྡེ་དག་གིས་སྨྲས་པ། ཤེས་ལྡན་དག་གནས་ཀྱི་ཤིང་ལྗོན་པ་འདི་ཆོད་ཅིག་།དེ་དག་གིས་སྨྲས་པ། འཕགས་པ་དག་འདི་ནི་གནས་ཀྱི་ཤིང་ལྗོན་པ་ལགས་པས། ཅི་བདག་ཅག་ལ་མགོ་གཉིས་མཆིས་སམ། མི་གཅོད་དོ། །བཀྲེན་པ་དག་ས་གཞི་ནི་རྒྱལ་པོ་དབང་པས་དེས་ཁོ་བོ་ཅག་ལ་རྒྱལ་པོའི་ཕོ་བྲང་འབའ་ཞིག་མ་གཏོགས་པ་གང་དུ་འདོད་པ་དེར་གཙུག་ལག་ཁང་བརྩིག་ཏུ་ཆུག་ཅིག་ཅེས་དམ་པ་བྱིན་པས། སུ་ཞིག་ཁྱེད་ཀྱི་མགོ་གཅོད་པར་བྱེད། བག་ཚ་བ་མེད་པར་ཆོད་ཅིག་།དེ་དག་གིས་གནས་ཀྱི་ཤིང་ལྗོན་པ་དེ་བཅད་ནས། ཤིང་དེ་ཐམས་ཅད་ཀྱང་རྩ་བ་ནས་ཕྱུང ། ས་ཕྱོགས་དེ་ཡང་ཅི་ནས་ཀྱང་གནས་ཀྱི་ཤིང་ལྗོན་པ་དེ་ཕྱོགས་གང་ན་འདུག་འདུག་པར་གྱུར་ཅེས་བྱ་བར་མི་ཤེས་པ་དེ་ལྟར་མཉམ་པར་བྱས་སོ། ། དྲུག་སྡེ་དག་གིས་ཕྱོགས་དེར་མིག་གིས་བརྟག་པར་བརྩམས་ཏེ། དགའ་བོ་ཉེ་དགའ་ཕྱོགས་འདིར་ནི་བཅོམ་ལྡན་འདས་ཀྱི་དྲི་གཙང་ཁང་བརྩིག་པར་བྱའོ། །ཕྱོགས་འདིར་ནི་སྒོ་ཁང་བྱའོ། ། ཕྱོགས་འདིར་ནི་མེ་ཁང་བྱའོ། །ཕྱོགས་འདིར་ནི་རུང་བའི་ཁང་པ་བྱའོ། །ཕྱོགས་འདིར་ནི་ཉེ་བར་གནས་པའི་ཁང་པ་བྱའོ་ཞེས་མཚན་མ་བྱས་ཏེ་དོང་ངོ ། །བྲམ་ཟེའི་ཁྱེའུ་དེ་དག་གི་ཀུན་ཏུ་སྤྱོད་པ་ནི་རེས་ཀྱིས་གནས་ཀྱི་ཤིང་ལྗོན་པ་དེའི་དྲུང་དུ་ཆག་ཆག་འདེབས་པར་བྱེད། ལེགས་པར་སྐུད་པར་བྱེད། བ་ལང་གི་ལྕི་བ་སར་བའི་བྱུག་པས་ཉུག་པར་བྱེད་པས། ཇི་ཙམ་ན་བྲམ་
Ca350b
ཟེའི་ཁྱེའུ་ཞིག་ལ་རེས་བབ་ནས། དེ་ནང་པར་སྔར་ལངས་ཏེ་སོང་བ་དང ། དེས་གནས་ཀྱི་ཤིང་ལྗོན་པ་དེ་མ་མཐོང་ནས། དེ་མཁན་པོའི་གན་དུ་འོངས་ནས་སྨྲས་པ། མཁན་པོ་གནས་ཀྱི་ཤིང་ལྗོན་པ་དེ་མ་མཆིས་སོ། །བྲམ་ཟེས་སྨྲས་པ། ཀཝའེ་བྲམ་ཟེའི་ཁྱེའུ་ཅི་ལོག་པར་མ་སོང་ངམ། མཚན་མོ་གཞན་གྱིས་ཤིང་ལྗོན་པ་དེ་གར་སོང ། བྲམ་ཟེའི་ཁྱེའུ་གཞན་ཞིག་ཀྱང་དེ་དང་ལྷན་ཅིག་གད་མོས་འདེབས་ཤིང་དེས་སྨྲས་པ། མཁན་པོ་བྲམ་ཟེའི་ཁྱེའུ་འདིས་མདང་སུམ་འབྲས་ཁུའི་རྩབས་འཚལ་བས་དེས་ན་མ་མཐོང་ངོ་ཞེས་མཆིའོ། །བྲམ་ཟེའི་དེས་བྲམ་ཟེའི་ཁྱེའུ་ཆེས་སྒྲིན་པ་གཞན་ཞིག་བཏང་ན་དེས་ཀྱང་དེ་ཁོ་ན་བཞིན་དུ་མ་མཐོང་ནས། དེ་ཡང་འོངས་ཏེ་སྨྲས་པ། མཁན་པོ་དེ་དེ་བཞིན་ཏེ་གནས་ཀྱི་ཤིང་ལྗོན་པ་དེ་ཡེ་མ་མཆིས་སོ། །དེ་ནས་ཐམས་ཅད་འདུས་ཏེ་དོང་བ་དང ། དེ་དག་གིས་དེ་ཁོ་ན་བཞིན་དུ་མ་མཐོང་ནས། བྲམ་ཟེའི་ཁྱེའུ་དྲན་པ་དང་ལྡན་པ་ཞིག་ཡོད་པ་དེ་ན་རེ། ཕྱོགས་འདི་ན་ནི་མཁན་པོ་གསང་ཚིག་འདོན་པར་མཛད་མཛད་དོ། །ཕྱོགས་འདི་ན་ནི་བདག་སྤྱོད་སྤྱོད་ན་དེ་ཅི་ནོངས། ཇི་ལྟར་གྱུར་པ་མ་འཚལ་ཏོ་ཞེས་ཟེར་རོ། །དེ་དག་དེ་ལྟར་སེམས་ཁོང་དུ་ཆུད་ཅིང་འདུག་པ་ན། མི་ཞིག་འོངས་ནས་དེས་སྨྲས་པ། བྲམ་ཟེ་ཅིའི་ཕྱིར་འཁོར་དང་བཅས་པ་དེ་ལྟར་སེམས་ཁོང་དུ་ཆུད་ཅིང་འཁོད། ཀྱེ་དང་པོ་ཕྱོགས་འདི་ན་གནས་ཀྱི་ཤིང་ལྗོན་པ་ཞིག་འདུག་པར་གྱུར་པ་དེ་མཚན་མོ་གཞན་གྱིས་གར་སོང་མ་ཤེས་སོ། །བམ་ཟེ་ཁོ་བོས་མདང་སུམ་མིག་ལ་མ་ཆད་པ་ན། ཕྱོགས་འདི་ན་དྲུག་སྡེ་དག་མི་
Ca351a
༄#། །སྟ་རེ་དང་གཞོར་དང་གླེ་བ་དག་གིས་ལག་བྲེལ་བ་དང་ལྷན་ཅིག་འདུག་པ་མཐོང་ན་དེ་དག་གིས་བཅད་པར་མ་གྱུར་ཏམ། བྲམ་ཟེས་སྨྲས་པ། ཀྱེ་ནང་པོ་འོན་ཏང་དེ་ལགས་སོ། ། ཞེས་དེ་དག་དེ་བཞིན་དུ་སེམས་ཁོང་དུ་ཆུད་ཅིང་འཁོད་པ་ན། དྲུག་སྡེ་དག་ལྷགས་ནས་དེ་དག་གིས་སྨྲས་པ། བྲམ་ཟེ་དག་ཅིའི་ཕྱིར་སེམས་ཁོང་དུ་ཆུད་ཅིང་འཁོད། འཕགས་པ་དག་ཕྱོགས་འདི་ན་གནས་ཀྱི་ཤིང་ལྗོན་པ་ཞིག་མཆིས་པར་གྱུར་པ་དེ་མཚན་མོ་གཞན་གྱིས་གར་མཆིས་མ་འཚལ་ཏོ། །དྲུག་སྡེ་དག་གིས་བགད་པར་བརྩམས་པ་དང ། བྲམ་ཟེས་སྨྲས་པ། འཕགས་པ་དག་ཁྱེད་ཅག་གིས་མ་བཀུམ་མམ། བཀྲེན་པ་དག་ཁྱེད་ཅག་རྟག་ཏུ་དེའི་དྲུང་ན་འཁོད་ཅིང་ཁོ་བོ་ཅག་ལ་ཀྱེ་དྲུག་སྡེ་དག་ཅི་བསོད་སྙོམས་མཆོག་དང ། བསོད་སྙོམས་དང་པོ་ཐོབ་བམ། སྣོད་ཁེངས་སམ་ཞེས་ཅོ་འདྲི་བར་བྱེད་པས་དེའི་ཕྱིར་ཁྱེད་ཅག་མི་དགའ་བར་བྱའོ། །དེ་དག་ཤཱཀྱའི་བུའི་དགེ་སློང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ། བྲམ་ཟེའི་ཚུལ་ནི་ཚིག་སྟེ། འདི་ལྟར་གནས་ཀྱི་ཤིང་ལྗོན་པ་ཡང་བཅད་པར་གྱུར་ཏོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །ཐོས་པ་གཅིག་ནས་གཅིག་ཏུ་བརྒྱུད་པས། ཀོའུ་ཤམྦྷི་ན་གནས་པའི་སྐྱེ་བོའི་ཚོགས་དང ། ཡུལ་ཐ་དད་པ་ན་གནས་པ་དེར་ལྷགས་པ་དག་གིས་ཀྱང་ཐོས་ནས། དེ་དག་ཀྱང་ལམ་པོ་ཆེ་དང་སྲང་དང་བཞི་མདོ་དང་སུམ་མདོ་དག་ན་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་ཅིང་
Ca351b
གང་དག་མ་དད་པ་དེ་དག་གིས་ནི་བསོད་སྙོམས་ལ་ཞུགས་པ་དག་ལ་ཡང་བསོད་སྙོམས་སྦྱིན་པར་མི་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་བདག་པོ་ཡོད་པ་དགེ་འདུན་གྱི་ཕྱིར་གཙུག་ལག་ཁང་ཆེན་པོ་བརྩིག་ཏུ་འཇུད་ན་གཞི་བལྟ་བའི་ཕྱིར་དགེ་སློང་དེས་དགེ་སློང་དག་བཀྲི་བར་བྱའོ། །ཁྲིད་པའི་དགེ་སློང་དག་གིས་ཀྱང་གཞི་རུང་བ་དང ། རྩོད་པ་མེད་པ་དང ། བརྩམ་དུ་རུང་བར་བལྟ་བར་བྱའོ། །གལ་ཏེ་དགེ་སློང་གིས་གཞི་མི་རུང་བའམ། རྩོད་པ་དང་བཅས་པའམ། བརྩམ་དུ་མི་རུང་བར་བདག་པོ་ཡོད་པ་དགེ་འདུན་གྱི་ཕྱིར་གཙུག་ལག་ཁང་ཆེན་པོ་བརྩིག་ཏུ་འཇུད་དམ། གཞི་བལྟ་བའི་ཕྱིར་དགེ་སློང་དག་ཀྱང་མི་ཁྲིད་དམ། དགེ་སློང་ཁྲིད་པ་དག་ལ་གཞི་མི་སྟོན་ན་དགེ་འདུན་ལྷག་མའོ། །དགེ་སློང་གིས་ཞེས་བྱ་བ་ནི་དྲུག་སྡེའམ་གཞན་ཡང་ཆོས་འདིས་པས་སོ། །བདག་པོ་ཡོད་པ་ཞེས་བྱ་བ་ནི། གང་ལ་བདག་པོ་སྐྱེས་པའམ་བུད་མེད་དམ་མ་ནིང་ཡོད་པའོ། །དགེ་འདུན་གྱི་ཕྱིར་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱི་ཕྱིར་རོ། །གཙུག་ལག་ཁང་ཞེས་བྱ་བ་ནི་གང་དུ་སྤྱོད་ལམ་བཞི་པོ་འཆག་པ་དང ། འགྲེང་བ་དང ། འདུག་པ་དང །
Ca352a
༄#། །ཉལ་བ་དག་ཤོང་པའོ། །ཆེན་པོ་ཞེས་བྱ་བ་ནི་ཆེན་པོ་གཉིས་པོ་སྦྱིན་པར་བྱ་བ་དང་ཚད་ཀྱིས་ཏེ། དེ་ལས་འདིར་ནི་སྦྱིན་པར་བྱ་བས་ཆེན་པོར་དགོངས་པ་ཡིན་གྱི་ཚད་ཀྱིས་ནི་མ་ཡིན་ནོ། །བརྩིག་ཏུ་འཇུད་ན་ཞེས་བྱ་བ་ནི་བདག་ཉིད་ཀྱིས་སམ་གཞན་གྱིས་སོ། །གཞི་བལྟ་བའི་ཕྱིར་དགེ་སློང་དེས་དགེ་སློང་དག་བཀྲི་བར་བྱའོ་ཞེས་བྱ་བ་ལ། གཞི་བལྟ་བའི་ཕྱིར་ཞེས་བྱ་བ་ནི་ས་གཞི་རུང་བ་དང ། རྩོད་པ་མེད་པ་དང ། བརྩམ་དུ་རུང་བ་ཉིད་བལྟ་བའི་ཕྱིར་རོ། །དགེ་སློང་དེས་ཞེས་བྱ་བ་ནི་དགེ་སློང་གང་ཡིན་པ་དེས་སོ། །དགེ་སློང་དག་བཀྲི་བར་བྱ་ཞེས་བྱ་བ་ནི་དེ་ན་དགེ་སློང་གང་དག་ཡོད་པ་དག་ཡིན་གྱི། ཇི་ཙམ་གྱིས་གཞི་དེ་མིག་གིས་བལྟས་པར་འགྱུར་པའི་དགེ་སློང་དེ་ཙམ་བཀྲི་བར་བྱ་བ་ནི་མ་ཡིན་ནོ། །གལ་ཏེ་དེ་ན་སྦྲུལ་གྱི་གནས་སམ། སྡིག་པའི་གནས་སམ། སྲིན་གྱི་གནས་སམ། གྲོག་མའི་གནས་ཡོད་པ་ཡིན་ན་མི་རུང་བ་ཡིན་པའི་ཕྱིར་བསྟན་པར་མི་བྱའོ། །གལ་ཏེ་རུང་བ་ཡིན་ན་དེའི་འོག་ཏུ་ཉེ་བར་བརྟག་པར་བྱ་སྟེ། གལ་ཏེ་རྒྱལ་པོའི་གཞིའམ། མཆོད་རྟེན་གྱི་གཞིའམ། ཁྱིམ་བདག་གི་གཞིའམ། མུ་སྟེགས་ཅན་གྱི་གཞིའམ། དགེ་སློང་མའི་དབྱར་ཁང་ངམ། ཤིང་ལྗོན་པ་གཅད་པར་བྱ་བ་ཡོད་ན་རྩོད་པ་དང་བཅས་པ་ཡིན་པའི་ཕྱིར་བསྟན་པར་མི་བྱའོ། །གལ་ཏེ་གཞི་རུང་བ་དང་རྩོད་པ་མེད་པ་ཡིན་ན་དེའི་ཉེ་འཁོར་འདོམ་གང་ཁོ་ར་ཁོར་ཡུག་ཉེ་བར་བརྟག་པར་བྱ་སྟེ། གལ་ཏེ་དེ་ན་གཞི་ཆུ་ཀླུང་
Ca352b
ལ་རྟེན་ཏམ། ཁྲོན་པ་ལ་རྟེན་ཏམ། ལམ་ལ་རྟེན་ཏམ། ངམ་གྲོག་ལ་རྟེན་པ་ཡིན་ན་བརྩམ་དུ་མི་རུང་བའི་ཕྱི་བསྟན་པར་མི་བྱའོ། །གལ་ཏེ་གཞི་དེ་རུང་བ་དང་རྣམ་པ་ཐམས་ཅད་ཡོངས་སུ་རྫོགས་པ་ཡིན་ན།་དགེ་སློང་དེས་གཙུག་ལག་ཁང་དུ་སོང་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་དག་ལ་བསྐུལ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་མཆིལ་ལྷམ་ཕུད་དེ་བླ་གོས་ཕྲག་པ་གཅིག་ཏུ་བྱས་ནས་རྒན་རིམས་བཞིན་དུ་ཕྱག་འཚལ་ཏེ། རྒན་པའི་མཐའ་ལོགས་སུ་ཙོག་པུར་འདུག་ནས་ཐལ་མོ་སྦྱར་ཏེ་འདི་སྐད་ཅེས་བརྗོད་པར་བྱའོ།། དགེ་འདུན་བཙུན་པ་རྣམས་གསན་དུ་གསོལ། །བདག་དགེ་སློང་ལག་གི་བླ་མིང་འདི་ཞེས་བགྱི་བས་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་ཞིག་བཙལ་ཏེ། བདག་དགེ་སློང་ལག་གི་བླ་མིང་འདི་ཞེས་བགྱི་བ་དགེ་འདུན་ལས་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ། བདག་དགེ་སློང་ལག་གི་བླ་མིང་འདི་ཞེས་བགྱི་བ་ལ། གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་སློང་དེ་དག་གིས་ཀྱང་དགེ་སློང་དེ་ལ་དད་པས་སམ། ཡིད་ཆེས་པས་འགྲོ་བར་མི་བྱ་བར་འདི་ལྟར་དགེ་འདུན་ཐམས་ཅད་དེར་
Ca353a
༄#། །འགྲོ་བར་བྱ་བའམ། དགེ་འདུན་གྱིས་བསྐོས་པའི་དགེ་སློང་དག་བཏང་བར་བྱའོ། །དེ་དག་གིས་གཞི་དེ་མིག་གིས་བལྟ་བར་བྱ་ཞིང ། གལ་ཏེ་དེ་ན་སྦྲུལ་གྱི་གནས་སམ། སྡིག་པའི་གནས་སམ། སྲིན་གྱི་གནས་སམ། གྲོག་མའི་གནས་ཡོད་པ་ཡིན་ན་མི་རུང་བ་ཡིན་པའི་ཕྱིར་བསྟན་པར་མི་བྱའོ། །གལ་ཏེ་རུང་བ་ཡིན་ན་དེའི་འོག་ཏུ་ཉེ་བར་བརྟག་པར་བྱ་སྟེ། གལ་ཏེ་རྒྱལ་པོའི་གཞིའམ། མཆོད་རྟེན་གྱི་གཞིའམ། ཁྱིམ་བདག་གི་གཞིའམ། མུ་སྟེགས་ཅན་གྱི་གཞིའམ། དགེ་སློང་མའི་དབྱར་ཁང་ངམ། ཤིང་ལྗོན་པ་གཅད་པར་བྱ་བ་ཡོད་ན་རྩོད་པ་དང་བཅས་པ་ཡིན་པའི་ཕྱིར་བསྟན་པར་མི་བྱའོ། །གལ་ཏེ་གཞི་རུང་བ་དང་རྩོད་པ་མེད་པ་ཡིན་ན། དེའི་ཉེན་ཀོར་འདོམ་གང་ཁོ་ར་ཁོར་ཡུག་ཉེ་བར་བརྟག་པར་བྱ་སྟེ། གལ་ཏེ་དེ་ན་གཞི་ཆུ་ཀླུང་ལ་རྟེན་ཏམ། ཁྲོན་པ་ལ་རྟེན་ཏམ། ལམ་ལ་རྟེན་ཏམ། ངམ་གྲོགས་ལ་རྟེན་པ་ཡིན་ན་བརྩམ་དུ་མི་རུང་བའི་ཕྱིར་བསྟན་པར་མི་བྱའོ། །གལ་ཏེ་གཞི་དེ་རུང་བ་དང་རྣམ་པ་ཐམས་ཅད་ཡོངས་སུ་རྫོགས་པ་ཡིན་ན། དེའི་ཚེ་དགེ་སློང་དེ་དག་གིས་རྒན་པའི་མཐའ་ལོགས་སུ་གུས་པ་དང་བཅས་པས་འདུག་སྟེ། འདི་སྐད་ཅེས་བརྗོད་པར་བྱའོ། །གནས་བརྟན་དག་གཞི་དེ་རུང་བ་དང་རྩོད་པ་མ་མཆིས་པ་དང་བརྩམ་དུ་རུང་བ་ལགས་ཀྱིས། ད་དེའི་དུས་ལ་བབ་པར་མཁྱེན་པར་མཛོད་ཅིག། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་
Ca353b
བཙུན་པ་རྣམས་གསན་དུ་གསོལ། དགེ་སློང་ལག་གི་བླ་མིང་འདི་ཞེས་བགྱི་བ་འདིས་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་ཞིག་བཙལ་ཏེ། དགེ་སློང་ལག་གི་བླ་མིང་འདི་ཞེས་བགྱི་བ་འདི་དགེ་འདུན་ལས་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལག་གི་བླ་མིང་འདི་ཞེས་བགྱི་བ་འདིས་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་ཞིག་བཙལ་ཏེ། དགེ་སློང་ལག་གི་བླ་མིང་འདི་ཞེས་བགྱི་བ་དགེ་འདུན་ལས་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་སྩོལ་ན། ཚེ་དང་ལྡན་པ་གང་དག་དགེ་སློང་ལག་གི་བླ་མིང་འདི་ཞེས་བགྱི་བ་ལ་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་སྩལ་བར་བཟོད་པ་དེ་དག་ནི་ཅང་མ་གསུངས་ཤིག། གང་དག་མི་བཟོད་པ་དེ་དག་ནི་གསུངས་ཤིག། དགེ་
Ca354a
༄#། །འདུན་གྱིས་བཟོད་ཅིང་གནང་ནས་དགེ་འདུན་གྱི་དགེ་སློང་ལག་གི་བླ་མིང་འདི་ཞེས་བགྱི་བ་ལ་གཙུག་ལག་ཁང་གི་གཞི་རུང་བ་རྩོད་པ་མ་མཆིས་པ་བརྩམ་དུ་རུང་བ་བསྟན་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་དགེ་སློང་ལག་གི་བླ་གང་ལ་གཙུག་ལག་ཁང་གི་གཞི་རུང་བ་རྩོད་པ་མེད་པ་བརྩམ་དུ་རུང་བ་བསྟན་པ་བྱིན་པ་དེས་གཙུག་ལག་ཁང་བརྩིག་ཏུ་གཞུག་པར་བྱ་སྟེ་འདི་ལ་འགྱོད་པར་མི་བྱའོ། །ཁྲིད་པའི་དགེ་སློང་དག་གིས་ཀྱང་ཞེས་བྱ་བ་ནི་དེར་དགེ་སློང་གང་དག་ཁྲིད་པ་དག་གིས་ཀྱང་ངོ ། །གཞི་ཞེས་བྱ་བ་ནི་གཙུག་ལག་ཁང་གི་དབང་དུ་བྱས་པའི་གཞི་གང་ཡིན་པའོ། །རུང་བ་ཞེས་བྱ་བ་ནི་སྦྲུལ་གྱི་གནས་དང་སྡིག་པའི་གནས་ལ་སོགས་པ་དང་བྲལ་བའོ། །རྩོད་པ་མེད་པ་ཞེས་བྱ་བ་ནི་འཐབ་མོ་དང་མཚང་འབྲུ་བ་ལ་སོགས་པ་དང་བྲལ་པའོ། །བརྩམ་དུ་རུང་ཞེས་བྱ་བ་ནི་དེའི་ཉེ་འཁོར་འདོམ་གང་ཁོ་ར་ཁོར་ཡུག་ན་སྐྱོན་མེད་པར་རོ། །བལྟ་བར་བྱའོ་ཞེས་བྱ་བ་ནི་སོ་སོར་བརྟག་པར་བྱའོ། །གལ་ཏེ་དགེ་སློང་གིས་གཞི་མི་རུང་བའམ་ཞེས་བྱ་བ་ནི་སྦྲུལ་དང་སྡིག་པ་ལ་སོགས་པའི་གནས་ཀྱི་ཤས་ཆེ་བའོ། །རྩོད་པ་དང་བཅས་པའམ་ཞེས་བྱ་བ་ནི་འཐབ་མོ་དང་བཅས་པ་དང ། མཚང་འབྲུ་བ་དང་བཅས་པ་དང ། རྩོད་པ་དང་བཅས་པ་དང་འགྱོད་པ་དང་བཅས་པའོ། །བརྩམ་དུ་མི་རུང་བ་ཞེས་བྱ་བ་ནི་གང་གི་ཉེན་ཀོར་འདོམ་གང་ཁོ་ར་ཁོར་ཡུག་མེད་པར་རོ། །བདག་པོ་ཡོད་པ་
Ca354b
དགེ་འདུན་གྱི་ཕྱིར་གཙུག་ལག་ཁང་ཆེན་པོ་བརྩིག་ཏུ་འཇུད་དམ། གཞི་བལྟ་བའི་ཕྱིར་དགེ་སློང་དག་ཀྱང་མི་ཁྲིད་དམ། དགེ་སློང་ཁྲིད་པ་དག་ལ་གཞི་མི་སྟོན་ན་དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་ཏེ།་དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དགེ་འདུན་གྱི་ཕྱིར་གཙུག་ལག་ཁང་བྱེད་དུ་འཇུད་ཅིང་མི་རུང་བར་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །རྩོད་པ་དང་བཅས་པར་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །བརྩམ་དུ་མི་རུང་བར་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ། །མ་བསྟན་པར་བྱེད་དུ་འཇུད་ན་ཉེས་པ་སྦོམ་པོར་འགྱུར་རོ།། ཐམས་ཅད་ལས་འདས་པར་བྱེད་དུ་འཇུད་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་དགེ་འདུན་གྱི་ཕྱིར་གཙུག་ལག་ཁང་རུང་བ་རྩོད་པ་མེད་པ་བརྩམ་དུ་རུང་བ་བསྟན་པ་བྱེད་དུ་ཆུག་ཅིག་ཅེས་སྨྲས་པ་ལས། གལ་ཏེ་དེས་དགེ་འདུན་གྱི་ཕྱིར་གཙུག་ལག་ཁང་བྱེད་དུ་འཇུད་ཅིང ། མི་རུང་བ་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །རྩོད་པ་པ་དང་བཅས་པར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །བརྩམ་དུ་མི་རུང་བར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །མ་བསྟན་པར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །ཐམས་ཅད་ལས་འདས་པར་བྱེད་དུ་འཇུད་ན་བྱེད་པ་པོ་ལ་དགེ་འདུན་ལྷག་མར་འགྱུར་རོ། །གལ་ཏེ་དེ་དེའི་གན་དུ་སོང་སྟེ་འདི་སྐད་ཅེས་ལེགས་པར་བྱས་སོ། །ཤིན་ཏུ་
Ca355a
༄#། །བྱས་སོ། །ངས་ཁྱོད་ལ་འདི་ལྟར་བསྒོའོ་ཞེས་ཟེར་ཞིང་དེས་ཀྱང་དེ་ལ་ཤིང་ངམ་རྩཝམ། ལྕི་བའམ་ས་འཇིམ་འབུལ་བར་བྱེད་ལ། གལ་ཏེ་དེས་མི་རུང་བར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ། །རྩོད་པ་དང་བཅས་པར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ། །བརྩམ་དུ་མི་རུང་བར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ།། མ་བསྟན་པར་བྱེད་དུ་འཇུད་ན་གཉི་ག་ལ་ཉེས་པ་སྦོམ་པོར་འགྱུར་རོ། །ཐམས་ཅད་ལས་འདས་པར་བྱེད་དུ་འཇུད་ན་གཉི་ག་ལ་དགེ་འདུན་ལྷག་མར་འགྱུར་རོ། །གལ་ཏེ་དེ་དེའི་གན་དུ་སོང་སྟེ་འདི་སྐད་ཅེས་ལེགས་པར་མ་བྱས་སོ། །ཤིན་ཏུ་མ་བྱས་སོ། །ངས་ཁྱོད་ལ་འདི་ལྟར་མ་བསྒོའོ་ཞེས་ཟེར་ཞིང་དེས་དེ་ལ་ཤིང་ངམ་རྩཝའམ། ལྕི་བའམ་ས་འཇིམ་འབུལ་བར་མི་བྱེད་ལ། གལ་ཏེ་དེས་མི་རུང་བར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །རྩོད་པ་དང་བཅས་པར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །བརྩམ་དུ་མི་རུང་བར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །མ་བསྟན་པར་བྱེད་དུ་འཇུད་ན་བྱེད་པ་པོ་ལ་ཉེས་པ་སྦོམ་པོར་འགྱུར་རོ། །ཐམས་ཅད་ལས་འདས་པར་བྱེད་དུ་འཇུད་ན་བྱེད་པ་པོ་ལ་དགེ་འདུན་ལྷག་མར་འགྱུར་རོ། ། བྱས་པ་རྙེད་པ་དང་བྱས་པ་ལ་ལོངས་སྤྱོད་པ་ལ་ནི་ལྟུང་བ་མེད་དོ། །རྙིང་པ་འཆོས་པ་ལ་ཡང་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་
Ca355b
ལྟུང་བ་མེད་དོ། །གཙུག་ལག་ཁང་གི་དགེ་འདུན་ལྷག་མ་སྟེ་བདུན་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་བཅུ་དགུ་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་སྡིག་བྱུང་ན་གྱད་ཀྱི་སྣ་ཆེན་པོ་ལ་གཏོགས་པ་རྒྱལ་སྡེ་ཞེས་བྱ་བ་ནོར་མང་བ་ལོངས་སྤྱོད་ཆེ་བ་ཡོངས་སུ་གཟུང་བ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ། གྱད་རྣམས་ལ་ཅོད་པན་མེད་པའི་རྒྱལ་སྲིད་བྱེད་དུ་འཇུད་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེ་ལ་བུ་ཡང་མེད་བུ་མོ་ཡང་མེད་ནས། དེས་བུ་མེད་ཅིང་བུ་མངོན་པར་འདོད་པས་ཞི་བ་དང ། ཆུ་ལྷ་དང་ལུས་ངན་དང་བརྒྱ་བྱིན་དང་ཚངས་པ་ལ་སོགས་པ་དག་ལ་གསོལ་བ་འདེབས་ཤིང་ལྷའི་བྱེ་བྲག་གཞན་འདི་ལྟ་སྟེ། ཀུན་དགའ་ར་བའི་ལྷ་དག་དང་ཚལ་གྱི་ལྷ་དག་དང ། བཞི་མདོའི་ལྷ་དག་དང ། སུམ་མདོའི་ལྷ་དག་དང་གཏོར་མ་ལེན་པའི་ལྷ་དག་དང ། ལྷན་ཅིག་སྐྱེས་པའི་ལྷ་དག་དང ། ཆོས་མཐུན་པ་དག་དང་རྗེས་སུ་འབྲང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན་གང་གསོལ་བ་འདེབས་པའི་རྒྱུ་ལས་བུ་དང་བུ་མོ་དག་སྐྱེའོ་ཞེས་བྱ་བའི་གཏམ་དེ་ལྟ་བུ་ཡོད་དེ། དེ་ནི་དེ་ལྟ་བུ་མ་ཡིན་ཏེ། གལ་ཏེ་དེ་ལྟར་གྱུར་དུ་ཟིན་ན་རེ་རེ་ལ་ཡང་འདི་ལྟ་སྟེ། དཔེར་ན་འཁོར་
Ca356a
༄#། །ལོས་སྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འདི་ལྟར་གནས་གསུམ་པོ་དག་མངོན་དུ་གྱུར་པ་ལས་བུ་དང་བུ་མོ་དག་སྐྱེ་བར་འགྱུར་ཏེ། གསུམ་པོ་དེ་དག་གང་ཞེ་ན། ཕ་དང་མ་གཉིས་ཆགས་པར་གྱུར་ཅིང་འདུས་པ་དང ། མ་དུས་ལ་བབ་ཅིང་ཟླ་མཚན་དང་ལྡན་པ་དང ། དྲི་ཟ་ཉེ་བར་གནས་ཤིང་འཇུག་འདོད་པ་སྟེ། གནས་གསུམ་པ་དེ་དག་མངོན་དུ་གྱུར་པ་ལས་བུ་དང་བུ་མོ་དག་སྐྱེ་བར་འགྱུར་རོ། །དེ་དེ་ལྟར་གསོལ་བ་འདེབས་པ་ལྷུར་ལེན་ཅིང་འདུག་པ་ན། སེམས་ཅན་སྲིད་པ་ཐ་མ་པ་སྤྱོད་པ་ཚོལ་བ་ཐར་པའི་སྙིང་པོ་བཟུང་བ་མྱ་ངན་ལས་འདས་པ་ལ་ཕྱོགས་པ་འཁོར་བ་ལས་ཕྱིར་ཕྱོགས་པ་སྲིད་པའི་འགྲོ་བ་ཐམས་ཅད་དུ་འཆི་འཕོ་བ་དང ། སྐྱེ་བ་དོན་དུ་མི་གཉེར་བ་ལུས་ཐ་མ་འཛིན་པ་ཞིག་ཀྱང་ལྷའི་རིགས་བཟང་པོ་ཞིག་ནས་ཤི་འཕོས་ཏེ། དེའི་སྐྱེ་དགུའི་བདག་མོའི་མངལ་དུ་ཞུགས་སོ། །བུད་མེད་ཀྱི་ཡུལ་མཁས་པའི་རང་བཞིན་ཅན་ལ་ལ་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་གྱུར་པ་ཤེས་ཤིང་ཆགས་པ་དང་བྲལ་བ་ཤེས་པ་དང ། དུས་ཤེས་ཤིང་ཟླ་མཚན་ཤེས་པ་དང ། མངལ་ན་གནས་པ་ཞུགས་པ་ཤེས་པ་དང ། གང་ལས་མངལ་ན་གནས་པ་ཞུགས་པ་དེ་ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན་དཀུ་གཡས་པར་རྟེན་ཅིང་འདུག་ལ། གལ་ཏེ་བུ་མོ་ཡིན་ན་དཀུ་གཡོན་པར་རྟེན་ཅིང་འདུག་པའོ། །དེ་ཡིད་དགའ་ཞིང་ཡིད་དགའ་ནས་ཁྱིམ་ཐབ་ལ་སྨྲས་པ། རྗེའི་སྲས་
Ca356b
བདག་ལ་སེམས་ཅན་ཞུགས་པར་གྱུར་པ་ནི་འདི་ལྟར་བདག་གི་དཀུ་གཡས་པར་རྟེན་ཅིང་མཆིས་པས་ངེས་པར་ཁྱེའུར་འགྱུར་གྱིས་དགྱེས་པ་བསྐྱེད་དུ་གསོལ། དེ་ཡིད་དགའ་ཞིང་ཡིད་དགའ་ནས་རོ་སྟོད་བསྲང་སྟེ། ལག་པ་གཡས་པ་བརྐྱང་ནས་འདི་སྐད་ཅེས་ཁོ་བོ་ཡུན་རིང་པོ་ནས་མངོན་པར་འདོད་པས་བུའི་ངོ་མཐོང་བ་དང ། ཁོ་བོ་དང་མཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང ། ཁོ་བོའི་བྱ་བ་དག་བྱེད་པ་དང ། གསོས་པས་ཕྱིར་གསོ་བ་དང ། བགོ་སྐལ་ལ་སྤྱོད་པ་དང ། ཁོ་བོའི་རིགས་རྒྱུད་ཡུན་རིང་དུ་གནས་པར་འགྱུར་བ་དང ། བདག་ཅག་ཤི་ཞིང་དུས་ལ་བབ་པ་དག་ལ་ཉུང་ནུའམ་མང་པོ་ཡང་རུང་བའི་སྦྱིན་པ་དག་བྱིན་ཞིང་བསོད་ནམས་དག་བྱས་ནས། འདི་དེ་གཉིས་གང་དུ་སྐྱེས་པ་དེར་འགྲོ་ཞིང་རྗེས་སུ་འགྲོ་བར་གྱུར་ཅིག་ཅེས་མིང་གིས་ཡོན་བཤད་པ་བྱེད་པར་གྱུར་ཅིག་ཅེས་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས། འདི་ལྟ་སྟེ་མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར་སྟེང་གི་ཁང་བཟང་གི་གཞིར་གྲང་བ་ན་གྲང་བའི་ཡོ་བྱད་དག་དང ། དྲོ་བ་ན་དྲོ་བའི་ཡོ་བྱད་དག་དང ། སྨན་པས་བཅས་པའི་ཟས་ཧ་ཅང་མི་ཁ་བ་དང ། ཧ་ཅང་མི་སྐྱུར་བ་དང ། ཧ་ཅང་ལན་ཚཝ་མི་ཆེ་བ་དང ། ཧ་ཅང་མི་མངར་བ་དང ། ཧ་ཅང་མི་ཚ་བ་དང ། ཧ་ཅང་མི་བསྐ་བ་དང ། ཁ་བ་དང་སྐྱུར་བ་དང ། ལན་ཚཝ་ཆེ་བ་དང་མངར་བ་དང་ཚ་བ་དང ། བསྐ་བ་རྣམ་པར་སྤངས་པའི་ཟས་དག་དང ། དོ་ཤལ་དང་སེ་མོ་དོ་དང ། རྒྱན་གྱིས་ཀླུབས་པའི་ལུས་ལ་ལྷའི་བུ་མོ་དགའ་བའི་
Ca357a
༄#། །ཚལ་ན་རྣམ་པར་སྤྱོད་པ་ལྟ་བུ་དང ། ཁྲི་ནས་ཁྲིར་དང ། ཁྲིའུ་ནས་ཁྲིའུར་དང ། ཤོད་ཀྱིས་གཞིར་མི་འབབ་པ་དང ། དེ་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་གནོད་པ་མེད་པ་ཉིད་དུ་རིམ་གྲོ་བྱེད་དུ་འཇུད་དོ། །དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་གཟུགས་བཟང་བ་བལྟ་ན་སྡུག་པ། མཛེས་པ་གསལ་བ་གསེར་གྱི་མདོག་འདྲ་བ། མགོ་བོ་གདུགས་ལྟ་བུ་དང་ལྡན་པ། ལག་པ་རིང་བ་དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ཏེ། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །ཁྱེའུ་དེའི་ཀུན་ཏུ་སྤྱོད་པ་ནི་ཇི་སྲིད་དུ་མལ་ཆེན་པོ་ནས་མ་ཕབ་པ་དེ་སྲིད་དུ་བཤང་བ་དང་གཅི་བ་མི་བྱེད་པ་ཡིན་ལ། ཡུལ་དབུས་ན་ཀུན་ཏུ་སྤྱོད་པ་ནི་གང་མཁས་པ་སྤྱོད་པ་གསལ་བ་དེ་ལ་ནོར་ལྟ་བུ་ཞེས་ཟེར་བས། ཉེ་དུ་དེ་དག་གིས་སྨྲས་པ། ཤེས་ལྡན་དག་ཁྱེའུ་འདི་གྱད་ཀྱི་སྣ་ཆེན་པོ་ལ་གཏོགས་པ་རྒྱལ་སྡེའི་བུ་ཡང་ཡིན་ལ། ཇི་སྲིད་དུ་མལ་ཆེན་པོ་ནས་མ་ཕབ་པ་དེ་སྲིད་དུ་བཤང་བ་དང་གཅི་བ་མི་བྱེད་དེ། མཁས་པ་སྤྱོད་པ་གསལ་བས་ནོར་ལྟ་བུ་ཡང་ཡིན་པའི་ཕྱིར་ཁྱེའུ་འདིའི་མིང་གྱད་བུ་ནོར་ཞེས་བྱའོ་ཞེས་དེའི་མིང་གྱད་བུ་ནོར་ཞེས་བྱ་བར་བཏགས་སོ། །ཉི་མ་གང་ལ་གྱད་བུ་ནོར་བཙས་པའི་ཉི་མ་དེ་ཉིད་ལ་བློན་པོ་ལྔ་བརྒྱ་དག་ལ་ཡང་བུ་དག་བཙས་ཏེ། དེ་དག་གི་མིང་ཡང་ཁྱིམ་དང་
Ca357b
མཐུན་པ་དག་ཏུ་བཏགས་ཤིང ། དེ་དག་ཀྱང་གྱད་བུ་ནོར་གྱིས་ནེའུ་ལྡངས་སུ་བྱས་སོ། །ཁྱེའུ་གྱད་བུ་ནོར་མ་མ་བརྒྱད་པོ་བང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེ་གྲོགས་བྱེད་པའི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང་ཞོ་དང་མར་དང་ཞུན་མར་དང་མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་དག་གིས་སྲིང་པར་བྱེད་སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་མ་མའི་བང་ན་འདུག་པ་ན་བྲམ་ཟེ་མཚན་མཁན་ཞིག་གིས་མཐོང་ནས། དེས་དེ་ལ་ཤིན་ཏུ་ངེས་པར་བརྟག་པར་བྱ་སྟེ། དེས་བསམས་པ། ཁྱེའུ་འདི་ནི་རྐང་གཉིས་པའི་བསོད་ནམས་ཀྱི་ཞིང་ཡིན་ཏེ། གང་དག་འདི་ལ་མཆོད་པ་དག་བྱེད་པ་དེ་དག་གི་མཆོད་པ་བྱས་པ་དེ་དག་ནི་ཤིན་ཏུ་འབྲས་བུ་ཆེན་པོ་དང་ཕན་ཡོན་ཆེན་པོ་དང་གསལ་བ་ཆེན་པོ་དང་ཡངས་པ་ཆེན་པོར་འགྱུར་རོ་སྙམ་ནས། བྲམ་ཟེ་མཚན་མཁན་དེས་མ་མ་དེ་ལ་སྨྲས་པ། ཁྱེའུ་འདི་ཁོ་བོ་ལ་ཡུད་ཙམ་ཞིག་བྱིན་ཅིག་དང ། ཁོ་བོ་འདི་ལ་མཆོད་པ་དག་བྱའོ། །མ་མས་སྨྲས་པ། བྲམ་ཟེ་ཁོ་མོ་ལ་ཁྱེའུ་སྦྱིན་པའི་དབང་མེད་ཀྱིས་གལ་ཏེ་ཁྱོད་ཁྱེའུ་འདོད་ན་དམག་དཔོན་གྱི་གན་དུ་སོང་ལ་གསོལ་ཅིག། དེ་ནས་བྲམ་ཟེ་དེ་གྱད་ཀྱི་སྣ་ཆེན་པོ་ལ་གཏོགས་པའི་གན་དུ་སོང་སྟེ། ཤིས་པ་བརྗོད་པ་སྔར་བྱས་ནས་སྨྲས་པ། དམག་དཔོན་ཁྱོད་ཀྱི་ཁྱེའུ་འདི་ནི་རྐང་གཉིས་པའི་བསོད་ནམས་ཀྱི་ཞིང་ཡིན་ཏེ། གང་དག་འདི་ལ་མཆོད་པ་དག་བྱེད་པ་དེ་དག་གི་
Ca358a
༄#། །མཆོད་པ་བྱས་པ་དེ་དག་ནི་ཤིན་ཏུ་འབྲས་བུ་ཆེན་པོ་དང ། ཕན་ཡོན་ཆེན་པོ་དང་གསལ་བ་ཆེན་པོ་དང ། ཡངས་པ་ཆེན་པོར་འགྱུར་བས་དེའི་ཕྱིར་ཁྱེའུ་འདི་ཁོ་བོ་ལ་ཡུད་ཙམ་ཞིག་བྱིན་ཅིག་དང་ཁོ་བོས་འདི་ལ་མཆོད་པ་དག་བྱའོ། །དམག་དཔོན་གྱིས་སྨྲས་པ། བྲམ་ཟེ་གལ་ཏེ་དེ་ལྟ་ན་སྦྱིན་གྱིས་ཁྱེར་ཅིག། བྲམ་ཟེ་དེ་ཡིད་རབ་ཏུ་དགའ་ནས་ཁྱེའུ་དེ་རང་གི་ཁྱིམ་དུ་ཁྱེར་ནས་ཆུང་མའི་དྲུང་དུ་ཡོན་ཏན་བརྗོད་དེ་སྨྲས་པ། བཟང་མོ་ཤེས་པར་གྱིས་ཤིག། ཁྱེའུ་འདི་ནི་རྐང་གཉིས་པའི་བསོད་ནམས་ཀྱི་ཞིང་ཡིན་ཏེ། གང་དག་འདི་ལ་མཆོད་པ་དག་བྱེད་པ་དེ་དག་གི་མཆོད་པ་བྱས་པ་དེ་དག་ནི་ཤིན་ཏུ་འབྲས་བུ་ཆེན་པོ་དང་ཕན་ཡོན་ཆེན་པོ་དང་གསལ་བ་ཆེན་པོ་དང་ཡངས་པ་ཆེན་པོར་འགྱུར་བས་དེའི་ཕྱིར་འདི་ལ་མཆོད་པ་དག་གྱིས་ཤིག། དེས་དེའི་ཡོན་ཏན་བརྗོད་པ་ཐོས་ནས་ཡིད་བདེ་བ་སྐྱེས་ཏེ་སྨྲས་པ། བྲམ་ཟེ་གལ་ཏེ་དེ་ལྟ་ན་རེ་ཞིག་གཞེས་ཤིག་དང་ཁྱིམ་གྱི་གོ་རིམས་དག་བགྱིའོ་ཞེས་དེས་ཁྱིམ་བྱུག་པས་བྱུགས་ཤིང་ཞལ་ཞལ་བྱས་ནས། རྩ་ལག་གི་སྐྱེ་བ་སྙིང་དུ་སྡུག་ཅིང་འབྲེལ་པ་དག་མགྲོན་དུ་བོས་ནས། དེའི་འོག་ཏུ་ཁྱེའུ་དེ་བཀུར་སྟི་ཆེན་པོས་དྲིལ་ཕྱིས་བྱས་ཤིང་ཁྲུས་བྱས་ཏེ། སྤོས་དང་མེ་ཏོག་དག་གིས་བརྒྱན་ནས་སྦྲང་རྩི་དང་འོ་མས་ལེགས་པར་བསྙོད་དོ། །དེ་ལྟར་བརྒྱན་ཅིང་གཉེན་འདབ་ཀྱིས་ཡོངས་སུ་བསྐོར་ནས་རང་གི་ཁྱིམ་དུ་ཕྱིར་ཁྲིད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་
Ca358b
གེ་དང་གྲངས་དང་རྩིས་དང་ལག་རྩིས་དང ། དབྱུང་བ་དང་གཞུག་པ་དང་གཞག་པ་ལ་ཉེ་བར་ཞུགས་ནས། དེ་ཡི་གེའི་མཐར་ཕྱིན་ཅིང་འབྱེད་པ་དང་ཀློག་པ་དང་མཁས་པ་དང་སྤྱོད་པ་གསལ་བ་དང ། བརྟག་པ་བརྒྱད་པོ་འདི་ལྟ་སྟེ། རིན་པོ་ཆེ་བརྟག་པ་དང ། གཞི་བརྟག་པ་དང ། གོས་བརྟག་པ་དང ། ཤིང་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་ལ་མཁས་པར་གྱུར་ཏོ། །རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། ལྗོངས་ཀྱི་དབང་ཕྱུག་མཐུ་དང་བརྩོན་འགྲུས་ཐོབ་པ། ས་ཆེན་པོའི་དཀྱིལ་འཁོར་མངོན་པར་རྒྱལ་བར་བྱས་ཏེ་གནས་པ་རྣམས་ཀྱི་བཟོའི་གནས་དང་ལས་ཀྱི་གནས་ཐ་དད་པར་གྱུར་པ་གང་དག་ཡིན་པ་འདི་ལྟ་སྟེ། གླང་པོ་ཆེའི་གཉར་བཞོན་པ་དང ། རྟ་ལ་བཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། འཕོང་དང་ཕྱིར་བསྣུར་བ་དང ། མདུན་དུ་བསྣུར་བ་དང ། ལྕགས་ཀྱོས་བསྒྱུར་ཐབས་དང ། ཞགས་པས་གདབ་པ་དང ། མདའ་བོ་ཆེ་འཕེན་ཐབས་དང ། འཛིན་སྟངས་དང་གོམ་སྟངས་དང ། ཐོར་ཚུགས་དང་གཅད་པ་དང་དྲལ་བ་དང ། དབུག་པ་དང ། གནས་ལྔ་པོ་འདི་ལྟ་སྟེ། རྒྱང་ནས་ཕོག་པ་དང ། སྒྲ་གྲག་པར་ཕོག་པ་དང ། གནད་དུ་ཕོག་པ་དང ། མི་འཚོར་བར་ཕོག་པ་དང ། ཚབས་ཆེ་བ་དེ་དག་ལ་ཡང་ཞུགས་ཤིང་བྱང་བར་གྱུར་ཏོ། །བློན་པོའི་བུ་ལྔ་བརྒྱ་པོ་དེ་དག་ཀྱང་བཟོའི་གནས་དང ། ལས་ཀྱི་གནས་དག་ལ་བྱང་བར་གྱུར་ཏོ། །ཕས་དེའི་ཆུང་མའི་འཁོར་གསུམ་པོ་རབ་དང་
Ca359a
༄#། །འབྲིང་དང་ཐ་མ་དག་རྣམ་པར་བཞག་གོ། འདུག་པའི་གནས་གསུམ་པོ་དགུན་གྱི་དང་དཔྱིད་ཀྱི་དང་དབྱར་གྱི་དག་བྱེད་དུ་བཅུག་གོ། སྐྱེད་མོས་ཚལ་གསུམ་པོ་དགུན་གྱི་དང་དཔྱིད་ཀྱི་དང་དབྱར་གྱི་དག་བྱེད་དུ་བཅུག་གོ་།དེ་སྟེང་གི་ཁང་བཟང་གི་གཞིར་གཏོགས་པ་ན་སྐྱེས་པ་མེད་པར་སིལ་སྙན་གྱིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེའི་ནེའུ་ལྡངས་ལྔ་བརྒྱ་པོ་དེ་དག་ཀྱང་དུས་གསུམ་དུ་དེ་བལྟ་བའི་ཕྱིར་འོང་ཞིང་དེ་དག་དང་ལྷན་ཅིག་སྟེན་གྲོགས་ཀྱི་དགའ་བས་རྩེ་མོ་རྣམ་པ་སྣ་ཚོགས་དག་གིས་རྩེ་བར་བྱེད་དོ། །ཇི་ཙམ་དུས་གཞན་ཞིག་ན་གཞོན་ནུ་ལྔ་བརྒྱ་པོ་དེ་དག་ནང་པར་སྔར་ལངས་ཏེ། རི་དྭགས་གཤོར་དུ་དོང་བ་དང ། དེ་དག་གིས་དེའི་ཉིན་མོ་རི་དྭགས་གཅིག་ཀྱང་མ་རྙེད་ནས། དེ་དག་གིས་བསམས་པ། དེང་བདག་ཅག་གིས་རི་དྭགས་གཅིག་ཀྱང་མ་རྙེད་པས་ཇི་ལྟར་ལག་པ་སྟོང་པ་དག་གིས་ཁྱིམ་དུ་འདོང་བར་བྱ། དེང་འདི་ཉིད་དུ་བསྡད་དེ་སང་རི་དྭགས་དག་གཤོར་ལ་ཁྱིམ་དུ་འདོང་པར་བྱའོ་སྙམ་ནས་དེ་དག་དེའི་ནུབ་མོ་དེར་འཁོད་ནས་ཕྱི་དེ་ཉིན་པར་རི་དྭགས་དག་བཤོར་ཏེ། མཚན་མོ་མིག་ལམ་ཆད་པ་དང་རང་རང་གི་ཁྱིམ་དུ་དོང་ངོ ། །དེ་དག་འདི་སྙམ་དུ་སེམས་ཏེ། དེང་ནི་ནམ་སྲོས་ཀྱིས་སང་གཞོན་ནུ་ལྟར་འདོང་ངོ་སྙམ་ནས། དེ་དག་མཚན་མོ་ནམ་ལངས་པ་དང ། ཉི་མ་གསུམ་པ་དེ་ལ་གཞོན་ནུ་གྱད་བུ་ནོར་ལྟར་དོང་བ་དང ། གཞོན་ནུས་སྨྲས་པ། ཤེས་
Ca359b
ལྡན་དག་ཁྱེད་ཅག་ཁོ་བོའི་ནེའུ་ལྡངས་མཉམ་དུ་སྐྱེས་པས་ས་ལ་ལྷན་ཅིག་རྩེ་བ་དག་ཡིན་ན། ཅིའི་ཕྱིར་ཁྱེད་ཅག་དེ་བར་ཁོ་བོའི་གན་དུ་མ་འོངས་པར་དེང་ཉི་མ་གསུམ་པ་ལ་གདོད་འོངས། གཞོན་ནུ་བདག་ཅག་རི་དྭགས་གཤོར་དུ་མཆིས་པར་གྱུར་ནས་དེའི་སླད་དུ་མ་མཆིས་སོ། །ཁྱེད་ཅག་གིས་དེར་ཅི་ཞིག་བྱས། གཞོན་ནུ་རི་དྭགས་དག་བཀུམ་མོ། །རི་དྭགས་དེ་དག་ཅི་ཟ། ཅི་འཐུངས། གཞོན་ནུ་རན་དག་འཚལ་ཞིང ། ཆབ་དག་འཚལ་ལོ། །ཤེས་ལྡན་དག་གལ་ཏེ་དེ་ལྟ་ན་དེ་དག་གིས་ཁྱེད་ལ་གནོད་པ་ཅི་ཞིག་བྱས་ན་ཁྱེད་ཅག་དེ་དག་གསོད་པར་བྱེད། གཞོན་ནུ་བདག་ཅག་དེས་གློ་བ་དགའ་བ་ཉིད་དུ་འགྱུར་རོ། །ཤེས་ལྡན་དག་དགའ་བ་དེ་ནི་མི་བཟང་སྟེ། གཞན་ལ་གནོད་པས་དགའ་བ་གང་ཡིན་པ་དེ་ཐོང་ཞིག། གཞོན་ནུ་ལྔ་བརྒྱ་པོ་དེ་དག་ཅང་མི་སྨྲ་བར་འཁོད་དེ། རྒྱལ་པོའི་ཕོ་བྲང་ནས་ཕྱིར་བྱུང་ནས་སྨྲས་པ། ཤེས་ལྡན་དག་གཞོན་ནུ་འདི་ཆུང་མའི་འཁོར་སྤངས་ཏེ་འགྲོ་མི་འདོད་པས་དེའི་ཕྱིར་བདག་ཅག་ལ་སྨོད་པར་བྱེད་ཀྱིས། དེའི་ཕྱིར་བདག་ཅག་གིས་ཅི་ནས་ཀྱང་དམག་དཔོན་ལ་གོ་བར་བྱ་བའི་ཐབས་ཤིག་གིས་འདི་ཡང་རི་དྭགས་གཤོར་དུ་འགྲོ་བར་འགྱུར་བ་དེ་ལྟ་བུའི་ཐབས་ཤིག་བྱས་ན་དེས་ན་འདི་ཡང་བདག་ཅག་དང་ལྷན་ཅིག་རི་དྭགས་གཤོར་དུ་འགྲོ་བར་འགྱུར་རོ་ཞེས་དེ་དག་གིས་གྲོས་བྱས་ནས་དམག་དཔོན་གྱི་གན་དུ་དོང་སྟེ། རྐང་པ་གཉིས་ལ་ཕྱག་འཚལ་ནས་སྨྲས་པ། དམག་དཔོན་གཞོན་ནུ་གང་དག་གྲིབ་མར་སྐྱེས་པར་གྱུར་
Ca360a
༄#། །པ་དེ་དག་ནི་ངེས་པར་ཉི་འོག་གི་མཁར་གྱི་རྒྱལ་པོ་དག་གིས་ཟིལ་གྱི་གནོན་པར་འགྱུར་བ་ལགས་ན་ཅིའི་སླད་དུ་གཞོན་ནུ་གྲིབ་མར་སྐྱེ་བར་མཛད་ཅིང་བདག་དང་ལྷན་ཅིག་རི་དྭགས་གཤོར་དུ་མི་གཏོང ། བདག་ཅག་དང་ལྷན་ཅིག་མཆིས་ན་གདུག་པ་དང ། རྩལ་ཆེ་བ་དང་ཉི་འོག་གི་མཁར་གྱི་རྒྱལ་པོ་དག་གིས་ཟིལ་གྱིས་མི་ནོན་པར་འགྱུར་རོ། །ཤེས་ལྡན་དག་གལ་ཏེ་དེ་ལྟར་ན་གཞོན་ནུ་གཏང་གིས་དེང་ཞིག། དམག་དཔོན་གྱིས་གཞོན་ནུ་བོས་ཏེ་སྨྲས་པ། གཞོན་ནུ་ཁྱོད་ཀྱི་ནེའུ་ལྡངས་དག་རི་དྭགས་གཤོར་དུ་འདོང་གིས་ཁྱོད་ཀྱང་དེ་དག་དང་ལྷན་ཅིག་སོང་ཞིག། ཡབ་བདག་གཞན་གྱི་སྲོག་ལ་གནོད་པར་མི་བགྱིད་ན། ཅིའི་སླད་དུ་དེ་དག་དང་ལྷན་ཅིག་མཆི། གཞོན་ནུ་བདག་ཅག་རྒྱལ་རིགས་དག་ནི་མཚོན་གྱིས་འཚོ་བ་ཡིན་པས་ཆོས་འདི་རྒྱལ་རིགས་དག་དང་མི་འགལ་གྱིས་སོང་ཞིག། གཞོན་ནུ་དེ་ཕ་ལ་གུས་ཤིང་རྗེས་བྱེད་པ་ཡིན་པས་དེས་ཁས་བླངས་ཏེ། དེ་ཕྱི་དེ་ཉིན་པར་དེ་དག་དང་ལྷན་ཅིག་རི་དྭགས་གཤོར་དུ་སོང་བ་དང ། གཞོན་ནུ་ལྔ་བརྒྱ་པོ་དེ་དག་གིས་གྲོས་བྱ་བར་བརྩམས་པ། ཤེས་ལྡན་དག་གཞོན་ནུ་འདི་ནི་དམག་དཔོན་འདས་ནས་དམག་དཔོན་དུ་འགྱུར་བས་འདི་བསྟེན་པའི་དུས་ཀྱིས་ནི་འབྲས་བུ་སྟེར་བར་འགྱུར་གྱིས། བདག་ཅག་གིས་ད་འདི་བསྟེན་པར་བྱའོ་ཞེས་དེ་དག་གིས་བློ་གྲོས་གཅིག་གིས་དེ་ལ་སྨྲས་པ། གཞོན་ནུ་ཁྱོད་འདི་ཁོ་ནར་གཞེས་ཤིག་དང ། བདག་ཅག་གིས་
Ca360b
རི་དྭགས་དག་ཅི་ནས་ཀྱང་ཁྱོད་ཀྱི་དྲུང་ཁོ་ནར་མཆི་བར་འགྱུར་བ་དེ་ལྟར་གདབ་པར་བགྱིའི། །དེས་ན་ཁྱོད་ཀྱིས་རི་དྭགས་མཆིས་སོ་འཚལ་ཁུམ་པར་འགྱུར་རོ། །དེ་ནས་དེ་དག་གིས་གཞོན་ནུ་དེ་འཕན་ཁར་བཞག་ནས་རི་དྭགས་མང་པོ་དག་ཕྱོགས་ཀུན་ནས་བསྐོངས་ཤིང་བྲིམས་ནས། དེ་དག་འཆི་བའི་འཇིགས་པས་ལུས་སྨས་པ་དང ། རྣམ་པར་སྨས་བཞིན་དུ་ལྕེ་ཕྱུང་སྟེ་གཞོན་ནུའི་དྲུང་དུ་ལྷགས་སོ།། གཞོན་ནུས་རི་དྭགས་དེ་དག་གནས་སྐབས་དེ་ལྟར་གྱུར་པ་ཐག་རིང་པོ་ཁོ་ན་ནས་མཐོང་ནས་དེས་བསམས་པ། སྙིང་རྗེ་མེད་པའི་སྙིང་གིས་འཇིག་རྟེན་ཕ་རོལ་བཏང་སྟེ། འདི་དག་ལ་སེམས་ཀྱིས་རབ་ཏུ་སྡང་བར་འགྱུར་བ་ཡང་སུ་ཞིག་ཡོད་ན། འདི་དག་གི་སྲོག་གཅོད་པར་འགྱུར་བ་ལྟ་སྨོས་ཀྱང་ཅི་དགོས་སྙམ་དུ་རིག་ནས་ཕྱོགས་བཞིར་རྣམ་པར་བལྟ་བར་བརྩམས་པ་དང ། དེ་དང་ཧ་ཅང་མི་རིང་བ་ན་མི་ཞིག་འདུག་པ་མཐོང་ནས་དེས་དེའི་སེམས་བསྲུང་བའི་ཕྱིར་མདའ་གཉིས་སམ་གསུམ་ཞིག་འཕངས་ཏེ། མདའ་དེ་དག་ཀྱང་རི་དྭགས་དེ་དག་གི་རཝའི་བར་དག་དང་རྐང་ལག་གི་བར་དག་ཏུ་བཏང་ནས་དེའི་འོག་ཏུ་དེས་བརྩལ་བ་བཏང་སྟེ་འདུག་པ་དང ། རི་དྭགས་དེ་དག་ཀྱང་བྱེར་ཏེ་དོང་ངོ ། །བློན་པོའི་བུ་རྣམས་ཀྱིས་བསམས་པ། གཞོན་ནུ་ནི་གནས་ལྔ་དག་ལ་བྱང་བར་གྱུར་པ་ཡིན་པས། དེས་གདོན་མི་ཟ་བར་རི་དྭགས་མང་པོ་དག་བསད་པར་གྱུར་གྱིས་བདག་ཅག་མྱུར་དུ་དོང་ངོ་སྙམ་ནས། དེ་དག་མྱུར་དུ་ལྷགས་པ་དང་རི་དྭགས་གཅིག་ཀྱང་མ་སོད་པར་མཐོང་ནས། དེ་དག་
Ca361a
༄#། །འདི་སྙམ་དུ་སེམས་ཏེ། གཞོན་ནུས་གདོན་མི་ཟ་བར་ཤིང་རྟ་དག་དང ། རྔ་མོ་དག་གིས་སྔར་བསྐྱས་པར་གྱུར་པ་ལྟ་སྙམ་དུ་རིག་ནས་སྨྲས་པ། གཞོན་ནུ་རི་དྭགས་དེ་དག་གར་མཆིས། ཤེས་ལྡན་དག་རི་དྭགས་དག་ག་རེ། རི་དྭགས་དག་སུའི་ཡིན། དེ་དག་ནི་རི་དྭགས་ཉིད་ཡིན་ཏེ། ཕྱིར་བཅོས་པར་མི་ནུས་སོ། །དེ་དག་སྤྱོད་པ་དེ་ལྟ་བུ་དང་ཤུགས་དེ་ལྟ་བུས་རྒྱུག་པས་དེའི་ཕྱིར། དེ་དག་གིས་ཁོ་བོ་ཉིད་ཀྱང་དེའུ་བསད་དོ། །མི་དེས་སྨྲས་པ། ཤེས་ལྡན་དག་ཁྱེད་ཀྱིས་ཆོས་ལ་དགའ་བ་འདི་འཕན་ཁར་བཞག་པས་རི་དྭགས་ག་ལ་སོད། གལ་ཏེ་འདི་མངོན་པར་འདོད་པར་གྱུར་ན་རི་དྭགས་གཅིག་ཀྱང་བྲོས་པར་མི་འགྱུར་རོ། །དེ་དག་མི་བཟོད་པ་སྐྱེས་ནས་མཐའ་གཅིག་ཏུ་དོང་སྟེ་སྨྲས་པ། ཤེས་ལྡན་དག་བདག་ཅག་གི་ལུས་སྨས་པ་དང ། རྣམ་པར་སྨས་པ་དག་གིས་རི་དྭགས་དག་འདི་ག་ལ་བ་དེར་བཏབ་སྟེ། འདིས་བསད་གྲང་སྙམ་ན་འདིས་ཡལ་བར་བོར་གྱིས་འདོང་ལ་འདི་ཉིད་གསད་པར་བྱའོ། །དེ་དག་གིས་ཡང་བསམས་པ། གལ་ཏེ་འདི་བསད་པར་གྱུར་ན་ཐོས་པ་གཅིག་ནས་གཅིག་ཏུ་བརྒྱུད་པས་དམག་དཔོན་གྱིས་ཐོས་ན་བདག་ལ་གནོད་པ་བྱེད་པར་འགྱུར་གྱིས། འདི་བསད་པར་མི་བྱ་བར་འདི་འདི་ལྟར་འདི་ཉིད་དུ་བསྐྱུར་ཏེ་བོར་ལ་བདག་ཅག་འདོང་བར་བྱའོ་སྙམ་ནས། དེ་དག་གིས་དེ་ལ་མ་བལྟས་པར་དོང་ངོ ། །གཞོན་ནུས་བསམས་པ། དེ་དག་བདག་གི་ནེའུ་
Ca361b
ལྡངས་མཉམ་དུ་སྐྱེས་པ་ས་ལ་ལྷན་ཅིག་རྩེ་རྩེ་བ་ཡིན་ན། རི་དྭགས་ཙམ་གྱི་ཕྱིར་དེ་དག་གིས་བདག་དགོན་པར་བསྐྱུར་ཏེ་བོར་ནས་དོང་བ་ལས་ན། གང་གི་ཚེ་བདག་གི་ཕ་འདས་ནས་བདག་དམག་དཔོན་དུ་གྱུར་པ་དེའི་ཚེ་ན་བདག་གིས་གདོན་མི་ཟ་བར་སེམས་ཅན་གྱི་གནས་ལ་ཉེས་པར་སྤྱོད་པ་མང་པོ་བྱ་དགོས་པས་འགྱུར་རོ་སྙམ་ནས། དེ་སྙིང་སྟོང་ཞིང་ཟུག་རྔུས་ཟུག་པ་བཞིན་དུ་རྟོག་པ་ན། ཁྱིམ་དུ་སོང་སྟེ་ལག་པ་ལ་འགྲམ་པ་གཏད་ནས་སེམས་ཁོང་དུ་ཆུད་ཅིང་འདུག་གོ། དེའི་གན་དུ་ཆུང་མའི་འཁོར་དག་འོང་བ་དེ་དག་དེས་མཐོང་བ་དང ། དབང་པོ་དག་ཕྱིར་གློན་པར་བྱེད་དོ། །དེ་དག་གིས་གཅིག་ནས་གཅིག་ཏུ་བརྒྱུད་པས་དམག་དཔོན་ལ་གཞོན་ནུ་ཏེ་བོར་སེམས་ཁོང་དུ་ཆུད་དེ་མཆིས་བྲང་གི་འཁོར་ལ་ཡང་མི་སེམས་པར་དབང་པོ་དག་སླར་གློན་ཞིང་མཆིས་སོ་ཞེས་གོ་བར་བྱས་སོ། །དམག་དཔོན་གྱིས་ཐོས་ནས་དེ་ཡང་ཡིད་མི་བདེ་བར་གྱུར་ནས་གཞོན་ནུའི་གན་དུ་སོང་སྟེ་སྨྲས་པ། བུ་གཞོན་ནུ་ཁྱོད་ཅིའི་ཕྱིར་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག། ཡབ་ཀྱིས་བདག་ལས་མི་འདྲ་བར་བསྐོས་ཏེ། གང་གི་ཚེ་རྔོན་པ་དྲག་ཤུལ་ཅན་ལག་པ་དམར་བ་བསྣུན་པ་དང་རབ་ཏུ་བསྣུན་པ་ལ་ཞུགས་པ་གཞན་གྱི་སྲོག་འཕྲོག་པ་གཞན་གྱི་སྲོག་གཅོད་དུ་འཇུད་པ། གཞན་གྱི་སྲོག་གཅོད་པས་འཚོ་བར་བགྱིད་པ་རྣམས་ཀྱི་ལས་དེ་ལ་ངེས་པར་སྦྱར་ན། བདག་ཇི་ལྟར་སེམས་ཁོང་དུ་ཆུད་ཅིང་མི་མཆིས་སུ་རུང ། བུ་གཞོན་ནུ་གལ་ཏེ་ཁྱོད་བདེ་
Ca362a
༄#། །བར་འདུག་ལ་བསམ་པ་ཐོང་སྟེ་ཕྱིན་ཆད་མ་འགྲོ་ཞིག། དེ་ནས་གཞོན་ནུ་དེ་སེམས་ཅན་ལ་གནོད་པ་ལས་སྐྱེས་པའི་ཡིད་མི་བདེ་བ་ལས་ངེས་པར་བྱུང་སྟེ་མངོན་པར་དགའ་བར་གྱུར་ནས། དགེ་བ་གང་ཡིན་ཞེས་ཚོལ་བས་ངེས་པར་འབྱུང་བའི་མངོན་པར་དགའ་བ་བཙལ་བར་བརྩམས་སོ། །དེའི་ཚེ་ན་རྫོགས་བྱེད་ལ་སོགས་པ་སྟོན་པ་དྲུག་པོ་ཐམས་ཅད་མཁྱེན་པ་མ་ཡིན་པར་ཐམས་ཅད་མཁྱེན་པར་མངོན་པའི་ང་རྒྱལ་ཅན་དག་སྡིག་བྱུང་ན་ཉེ་བར་རྟེན་ཅིང་གནས་སོ། །དེ་ནས་གཞོན་ནུ་གྱད་བུ་ནོར་གྱིས་ཕ་དང་ཆུང་མའི་འཁོར་ལ་མ་བལྟས་པར་འོད་སྲུང་རྫོགས་བྱེད་ག་ལ་བ་དེར་སོང་སྟེ་ཕྱིན་ནས། འོད་སྲུང་རྫོགས་བྱེད་ལ་འདི་སྐད་ཅེས་སྨྲས་སོ། །ཤེས་ཅན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། རྫོགས་བྱེད་ཀྱིས་སྨྲས་པ། གཞོན་ནུ་ཁོ་བོ་ནི་འདི་ལྟར་ལྟ་ཞིང་འདི་སྐད་ཅེས་སྨྲ་སྟེ། སྦྱིན་པ་མེད་དོ། །མཆོད་སྦྱིན་མེད་དོ། །སྦྱིན་སྲེག་མེད་དོ། །ལེགས་པར་སྤྱད་པ་མེད་དོ། །ཉེས་པར་སྤྱད་པ་མེད་དོ། །ལེགས་པར་སྤྱད་པ་དང་ཉེས་པར་སྤྱད་པའི་ལས་རྣམས་ཀྱི་འབྲས་བུ་དང་རྣམ་པར་སྨིན་པ་མེད་དོ། །འཇིག་རྟེན་འདི་ནི་མེད་དོ། །འཇིག་རྟེན་ཕ་རོལ་མེད་དོ། །མ་མེད་དོ། །ཕ་མེད་དོ། །སེམས་ཅན་རྫུས་ཏེ་སྐྱེས་པ་མེད་དོ། །འཇིག་རྟེན་ན་དགྲ་བཅོམ་པ་ཡང་དག་པར་རྟོགས་པ། ཡང་དག་པར་སྒྲུབ་པ་གང་དག་ཚེ་འདི་
Ca362b
ཉིད་ལ་རང་གི་མངོན་པར་ཤེས་པས་འཇིག་རྟེན་འདི་དང་འཇིག་རྟེན་ཕ་རོལ་མངོན་སུམ་དུ་བྱས་ནས་བསྒྲུབས་ཏེ། བདག་ཅག་ནི་སྐྱེ་བ་ཟད་དོ། །ཚངས་པར་སྤྱད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་པ་དག་མེད་དོ། །སྲོག་འདི་ཉིད་ལ་འཚོ་ཞིང་དེ་ཕྱིས་འཆད་པར་འགྱུར། ཞིག་པར་འགྱུར་ཏེ། ཤི་བའི་འོག་ཏུ་མི་འབྱུང་ངོ ། །སྐྱེས་བུའི་ལུས་ནི་འབྱུང་བ་ཆེན་པོ་བཞི་ལས་གྱུར་པ་ཡིན་ཏེ། དེ་ནི་གང་གི་ཚེ་དུས་བྱེད་པ་ན་དེའི་སའི་ལུས་ནི་སའི་བག་ལ་ཞ། ཆུའི་ལུས་ནི་ཆུའི། མེའི་ལུས་ནི་མེའི། རླུང་གི་ལུས་ནི་རླུང་གི་བག་ལ་ཞ་བར་འགྱུར་རོ། །དབང་པོ་རྣམས་ནི་མཁའི་རྗེས་སུ་འགྲོ་བར་འགྱུར་རོ། །སྐྱེས་བུའི་རོ་ནི་ཁྲི་དང་ལྔའི་མི་དག་གིས་ཁྱེར་ཏེ། དུར་ཁྲོད་དུ་འགྲོ་ཞིང་བསྲེགས་ཕན་ཆད་མི་མངོན་པར་འགྱུར་རོ། །བསྲེག་བྱ་དག་ནི་ཐལ་བར་འགྱུར་རོ། །རུས་པ་དག་ནི་ཐི་བའི་མདོག་འདྲ་བར་གནས་སོ། །འདི་ལྟར་རྨོངས་པ་ཉེ་བར་བསྟན་པ་ནི་སྦྱིན་ལ། མཁས་པ་ཉེ་བར་བསྟན་པ་ནི་ལེན་ཏེ། དེ་ལ་གང་དག་ཡོད་པར་སྨྲ་བ་དེ་དག་ཐམས་ཅད་ནི་གསོབ་གསོག་བརྫུན་དུ་སྨྲ་བ་དག་ཡིན་ནོ། །འདི་ལྟར་བྱིས་པ་དང་མཁས་པ་དེ་གཉིས་ནི་ཕྱིས་འཆད་པར་འགྱུར། ཞིག་པར་འགྱུར་ཏེ། ཤི་བའི་འོག་ཏུ་མི་འབྱུང་ངོ ། །དེ་ནས་གྱད་བུ་ནོར་འདི་སྙམ་དུ་སེམས་ཏེ།་སྟོན་པ་ཤེས་ལྡན་འདི་ནི་ལམ་གོལ་བར་ཞུགས་པ། ལམ་ངན་པ་ལེགས་པར་སྒྲུབ་པ་ཡིན་ཏེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་
Ca363a
༄#། །དུ་རིག་ནས་ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས་སྣོད་སྟོང་པ་བཞིན་དུ་བརྡབས་ཏེ་སོང་ངོ ། །དེ་ནས་གྱད་བུ་ནོར་གནག་ལྷས་ཀྱི་བུ་ཀུན་ཏུ་རྒྱུ་ག་ལ་བ་དེར་སོང་སྟེ་ཕྱིན་ནས། གནག་ལྷས་ཀྱི་བུ་ཀུན་ཏུ་རྒྱུ་ལ་འདི་སྐད་ཅེས་སྨྲས་སོ། །ཤེས་ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། ཀུན་ཏུ་རྒྱུས་སྨྲས་པ། གཞོན་ནུ་ཁོ་བོ་ནི་འདི་ལྟར་ལྟ་ཞིང་འདི་སྐད་སྨྲ་སྟེ། སེམས་ཅན་རྣམས་ཀུན་ནས་ཉོན་མོངས་པར་གྱུར་པ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་ཀུན་ནས་ཉོན་མོངས་པར་འགྱུར་རོ། །སེམས་ཅན་རྣམས་རྣམ་པར་དག་པར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་རྣམ་པར་དག་པར་འགྱུར་རོ། །སེམས་ཅན་རྣམས་ཤེས་པ་མེད་པར་འགྱུར་བ་དང ། མཐོང་བ་མེད་པར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་ཤེས་པ་མེད་པ་དང་མཐོང་བ་མེད་པར་འགྱུར་རོ། །སེམས་ཅན་རྣམས་ཤེས་པར་གྱུར་པ་དང་མཐོང་བར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་ཤེས་པ་དང་མཐོང་བར་འགྱུར་རོ། །སྟོབས་མེད་དོ། །བརྩོན་འགྲུས་མེད་དོ།།
Ca363b
སྟོབས་དང་བརྩོན་འགྲུས་མེད་དོ། །སྐྱེས་བུའི་རྩལ་མེད་དོ། །ཕ་རོལ་གནོན་པ་མེད་དོ། །སྐྱེས་བུའི་རྩལ་དང་ཕ་རོལ་གནོན་པ་མེད་དོ། །བདག་གི་རྩལ་མེད་དོ། །གཞན་གྱི་རྩལ་མེད་དོ། །བདག་གི་རྩལ་དང་གཞན་གྱི་རྩལ་མེད་དོ། །སེམས་ཅན་ཐམས་ཅད་དང་སྲོག་ཆགས་ཐམས་ཅད་དང་འབྱུང་པོ་ཐམས་ཅད་མཐུ་མེད་སྟོབས་མེད་དབང་མེད་བརྩོན་འགྲུས་མེད་ཕ་རོལ་གནོན་པ་མེད་དོ། །འགྲོ་བ་མཚམས་སྦྱོར་བའི་སྲིད་པ་དག་ངེས་པར་གྱུར་ཏོ། །འདི་ལྟར་འགྲོ་བ་དྲུག་པོ་དག་ཏུ་བདེ་བ་དང་སྡུག་བསྔལ་སོ་སོར་མྱོང་བར་འགྱུར་རོ། །དེ་ནས་གྱད་བུ་ནོར་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ། ལམ་ངན་པ་ལེགས་པར་སྒྲུབ་པ་ཡིན་ཏེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས་ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས། སྣོད་སྟོང་པ་བཞིན་དུ་བརྡབས་ཏེ་སོང་ངོ ། །དེ་ནས་གྱད་བུ་ནོར་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ག་ལ་བ་དེར་སོང་སྟེ་ཕྱིན་ནས། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ལ་འདི་སྐད་ཅེས་སྨྲས་སོ། །ཤེས་ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། ཡང་དག་རྒྱལ་བ་ཅན་གྱིས་སྨྲས་པ། གཞོན་ནུ་ཁོ་བོ་ནི་
Ca364a
༄#། །འདི་ལྟར་ལྟ་ཞིང་འདི་སྐད་སྨྲ་སྟེ། བྱེད་པ་དང ། བྱེད་དུ་འཇུད་པ་དང ། གཅོད་པ་དང་གཅོད་དུ་འཇུད་པ་དང ། སྲེག་པ་དང་སྲེག་ཏུ་འཇུད་པ་དང ། རྡེག་པ་དང་རྡེག་ཏུ་འཇུད་པ་དང ། སྲོག་ཆགས་ལ་འཚེ་བ་དང ། མ་བྱིན་པར་ལེན་པ་དང ། འདོད་པ་ལ་ལོག་པར་སྤྱོད་པ་དང ། ཤེས་བཞིན་དུ་བརྫུན་དུ་སྨྲ་བ་དང་མྱོས་པར་འགྱུར་བའི་བཏུང་བ་འཐུང་བ་དང ། ཁྱིམ་འབིགས་པ་དང ། མདུན་པ་འགྲོལ་བ་དང ། རིལ་གྱིས་འཕྲོག་པ་དང ། ལམ་འགོག་ཅིང་འདུག་པ་དང ། གྲོང་འཇོམས་པར་བྱེད་པ་དང ། གྲོང་ཁྱེར་འཇོམས་པར་བྱེད་པ་དང ། ཡུལ་འཇོམས་པར་བྱེད་པ་དང ། ས་གཞི་ཆེན་པོ་འདི་ལ་སེམས་ཅན་གང་དག་ཡོད་པ་དེ་དག་ཐམས་ཅད་འཁོར་ལོའི་མཐའ་སྤུ་གྲི་ལས་བྱས་པས་ཀུན་ཏུ་གཅོད་པར་བྱེད། ཀུན་ཏུ་འཚོག་པར་བྱེད། ཀུན་ཏུ་རྡུང་བར་བྱེད། ཀུན་ཏུ་འདྲལ་བར་བྱེད་ཅིང ། སེམས་ཅན་དེ་དག་ཐམས་ཅད་ཀུན་ཏུ་གཅད། ཀུན་ཏུ་གཤེགས། ཀུན་ཏུ་བརྡུངས། ཀུན་ཏུ་དལ་ནས། ཤའི་ཐང་མ་གཅིག་ཏུ་བྱེད། ཤའི་ཚོམས་གཅིག་ཏུ་བྱེད། ཤའི་བུངས་གཅིག་ཏུ་བྱེད། ཤའི་ཕུང་པོ་གཅིག་ཏུ་བྱེད་ཅིང ། ཤའི་ཐང་མ་གཅིག་ཏུ་བྱས། ཤའི་ཚོམས་གཅིག་ཏུ་བྱས། ཤའི་བུངས་གཅིག་ཏུ་བྱས། ཤའི་ཕུང་པོ་གཅིག་ཏུ་བྱས་ནས། ད་ལྟར་ཀུན་ཏུ་སྒྲུབ་པ་བྱེད་པ་ལ། གཞི་དེ་ལས་སྡིག་པ་ཡང་མེད། གཞི་དེ་ལས་སྡིག་པར་འགྱུར་བ་ཡང་མེད་དོ། །ཆུ་ཀླུང་གངྒཱའི་ལྷོ་ནས་ཀུན་ཏུ་གཅོད་པར་བྱེད། ཀུན་ཏུ་འཚེག་པར་བྱེད། ཀུན་
Ca364b
ཏུ་རྡུང་བར་བྱེད། ཀུན་ཏུ་འབྲལ་བར་བྱེད་ཅིང་འགྲོ་ལ། ཆུ་ཀླུང་གངྒཱའི་བྱང་ནས་སྦྱིན་པ་བྱེད། མཆོད་སྦྱིན་བྱེད་ཅིང་འགྲོ་བར་གྱུར་ན། གཞི་དེ་ལས་སྡིག་པ་དང་བསོད་ནམས་ཀྱང་མེད། གཞི་དེ་ལས་སྡིག་པ་དང་བསོད་ནམས་སུ་འགྱུར་བ་ཡང་མེད་དོ། །སྦྱིན་པ་དང་དུལ་བ་དང་ཡང་དག་པར་སྡོམ་པ་དང ། དོན་སྤྱོད་པ་དང་དོན་མཐུན་པས་དེ་ལྟར་བྱེད་པ་ཡང་བསོད་ནམས་མི་བྱེད་པ་ཁོ་ན་ཡིན་ནོ། །དེ་ནས་གྱད་བུ་ནོར་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ། ལམ་ངན་པ་ཡང་དག་པར་སྒྲུབ་པ་ཡིན་ཏེ། འཇིགས་པ་དང་བཅས་པའི་ལམ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པར་གྲགས་པ་སྟེ། ། གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། ཞེས་སྨྲས་ནས་སྣོད་སྟོང་པ་བཞིན་དུ་བརྡབས་ཏེ་སོང་ངོ ། །དེ་ནས་གྱད་བུ་ནོར་མི་ཕམ་སྐྲའི་ལ་བ་ཅན་ག་ལ་བ་དེར་སོང་སྟེ་ཕྱིན་ནས་མི་ཕམ་སྐྲའི་ལ་བ་ཅན་ལ་འདི་སྐད་ཅེས་སྨྲས་སོ། །ཤེས་ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། མི་ཕམ་གྱིས་སྨྲས་པ། གཞོན་ནུ་ཁོ་བོ་ནི་འདི་ལྟར་ལྟ་ཞིང་འདི་སྐད་སྨྲ་སྟེ་ལུས་བདུན་པོ་འདི་དག་ནི་མ་བྱས་པ། བྱས་པར་མ་བྱས་པ། མ་སྤྲུལ་པ་སྤྲུལ་པས་མ་
Ca365a
༄#། །བྱས་པ། གནོད་པར་བྱ་བ་མ་ཡིན་པ། ཐེར་ཟུག་ཏུ་གནས་པ། ཀ་བ་བཞིན་དུ་གནས་པ་དག་ཡིན་ཏེ། བདུན་གང་ཞེ་ན། འདི་ལྟ་སྟེ། སའི་ལུས་དང ། ཆུའི་ལུས་དང ། མེའི་ལུས་དང ། རླུང་གི་ལུས་དང ། བདེ་བ་དང་སྡུག་བསྔལ་བ་དང་སྲོག་གསོན་པ་ཉིད་ནི་བདུན་པ་སྟེ། ལུས་བདུན་པོ་དེ་དག་ནི་མ་བྱས་པ། བྱས་པས་མ་བྱས་པ། མ་སྤྲུལ་པ་སྤྲུལ་པས་མ་བྱས་པ། གནོད་པར་བྱ་བ་མ་ཡིན་པ། ཐེར་ཟུག་ཏུ་གནས་པ། ཀ་བ་བཞིན་དུ་གནས་པ་དག་ཡིན་ནོ། །དེ་དག་ནི་འདི་ལྟ་སྟེ། བསོད་ནམས་སུ་འགྱུར་བའི་ཕྱིར་རམ། སྡིག་པར་འགྱུར་བའི་ཕྱིར་རམ། བསོད་ནམས་དང་སྡིག་པར་འགྱུར་བའི་ཕྱིར་རམ། བདེ་བར་འགྱུར་བའི་ཕྱིར་རམ། སྡུག་བསྔལ་བར་འགྱུར་བའི་ཕྱིར་རམ། བདེ་བ་དང་སྡུག་བསྔལ་བར་འགྱུར་བའི་ཕྱིར་གཡོ་བར་མི་བྱེད། རྣམ་པར་འགྱུར་བར་མི་བྱེད། གཅིག་ལ་གཅིག་གནོད་པར་མི་བྱེད་དོ། །སྐྱེས་བུ་གང་གིས་སྐྱེས་བུ་མགོ་གཅོད་པར་བྱེད་པ་དེས་ཀྱང་འཇིག་རྟེན་ན་གཡོ་བའམ་གནས་པ་ལ་གནོད་པ་ཅུང་ཟད་ཀྱང་མི་བྱེད་དེ། ལུས་བདུན་པོ་དག་ལ་བར་མེད་པར་མཚོན་ཐལ་བྱུང་དུ་འགྲོ་ཞིང་དེར་སྲོག་ལ་ཡང་གནོད་པ་མེད་དོ། །དེ་ལ་གསོད་པར་བྱེད་པའམ། གསོད་དུ་བཅུག་པའམ། སྐུལ་བར་བྱེད་པའམ། སྐུལ་དུ་བཅུག་པའམ། དྲན་པར་བྱེད་པའམ། དྲན་པར་
Ca365b
བྱེད་དུ་བཅུག་པའམ། རྣམ་པར་རིག་པར་བྱེད་པའམ། རྣམ་པར་རིག་པར་བྱེད་དུ་བཅུག་པ་འགའ་ཡང་མེད་དོ། །བྱིས་པའམ་མཁས་པ་གང་དག་ཡིན་པ་དག་ནི་སྐྱེ་གནས་གཙོ་བོ་དང་ལྡན་པ་ཁྲི་བཞི་སྟོང་དང ། རྟོག་པ་ཆེན་པོ་དྲུག་ཁྲི་དང་དྲུག་བརྒྱ་དང ། ལས་ལྔ་དང ། ལས་གསུམ་དང ། ལས་གཉིས་དང ། ལས་དང ། ལས་བྱེད་དང ། ལས་དྲུག་ཅུ་རྩ་གཉིས་དང ། རྟོག་པ་བར་མ་དྲུག་ཅུ་རྩ་གཉིས་དང ། སེམས་ཅན་དམྱལ་བ་བརྒྱ་ཉི་ཤུ་དང ། དབང་པོ་བརྒྱ་ཉི་ཤུ་དང ། རྡུལ་གྱི་ཁམས་དྲུག་ཅུ་རྩ་གཉིས་དང ། ཀླུའི་རིགས་བཞི་ཁྲི་དགུ་སྟོང་དང ། ནམ་མཁའ་ལྡིང་གི་རིགས་བཞི་ཁྲི་དགུ་སྟོང་དང ། ཀུན་ཏུ་རྒྱུའི་རིགས་བཞི་ཁྲི་དགུ་སྟོང་དང ། ཀུན་ཏུ་འཚོའི་རིགས་བཞི་ཁྲི་དགུ་སྟོང་དང ། གཅེར་བུ་བའི་རིགས་བཞི་ཁྲི་དགུ་སྟོང་དང ། འདུ་ཤེས་ཅན་གྱི་གནས་བདུན་དང ། འདུ་ཤེས་མེད་པའི་གནས་བདུན་དང ། གཅེར་པུ་བའི་གནས་བདུན་དང ། ལྷ་མ་ཡིན་བདུན་དང ། ཤ་ཟ་བདུན་དང ། ལྷ་བདུན་དང ། མི་བདུན་དང ། མཚོ་ཆེན་པོ་བདུན་དང ། མཚོ་བདུན་བརྒྱ་དང ། རྨི་ལམ་ཆེན་པོ་བདུན་དང ། རྨི་ལམ་བདུན་བརྒྱ་དང ། འབྲི་བ་ཆེན་པོ་བདུན་དང ། འབྲི་བ་བདུན་བརྒྱ་དང ། འཕེལ་བ་ཆེན་པོ་བདུན་དང ། འཕེལ་བ་བདུན་བརྒྱ་དང ། སད་པ་ཆེན་པོ་བདུན་དང ། སད་པ་བདུན་བརྒྱ་དང ། གཡང་ས་ཆེན་པོ་བདུན་དང ། གཡང་ས་བདུན་བརྒྱ་དང ། རིགས་བཙུན་པ་བདུན་དང ། མངོན་པར་མཐོ་བ་བཅུ་དང ། སྐྱེས་བུ་ཆེན་པོའི་ས་བརྒྱད་པོ་དེ་དག་ཏུ་བསྐལ་པ་ཆེན་པོ་བརྒྱད་ཁྲི་བཞི་སྟོང་དུ་མཚམས་སྦྱར་ཅིང་འཁོར་ནས་སྡུག་
Ca366a
༄#། །བསྔལ་མཐར་བྱེད་དོ། །འདི་ལྟ་སྟེ་དཔེར་ན། སྐུད་པའི་དྲུག་བུ་ཡང་བ་སྟེང་གི་ནམ་མཁའ་ལ་འཕངས་པ་གཟངས་བ་ན། ས་ལ་འབབ་པ་དེ་བཞིན་དུ་བྱིས་པའམ་མཁས་པ་གང་དག་ཡིན་པ་དག་ཀྱང་དེ་དག་ཏུ་བསྐལ་པ་ཆེན་པོ་བརྒྱད་ཁྲི་བཞི་སྟོང་དུ་མཚམས་སྦྱར་ཅིང་འཁོར་ནས་སྡུག་བསྔལ་མཐར་བྱེད་དོ། །དེ་ལ་དགེ་སྦྱོང་ངམ། བྲམ་ཟེ་གང་འདི་སྐད་ཅེས་བདག་ཚུལ་ཁྲིམས་སམ། བརྟུལ་ཞུགས་སམ། དཀའ་ཐུབ་བམ། ཚངས་པར་སྤྱོད་པ་ལ་གནས་པ་འདིས་ལས་ཡོངས་སུ་མ་སྨིན་པ་ནི་ཡོངས་སུ་སྨིན་པར་བྱ་ཞིང ། ཡོངས་སུ་སྨིན་པ་ནི་རེག་པར་བྱས་ནས་བྱང་བར་བྱའོ་ཞེས་ཟེར་བ་འགའ་ཡང་མེད་དོ། །བདེ་བ་དང་སྡུག་བསྔལ་འདི་ནི་ངེས་པ་ཡིན་ནོ། །ཡར་སྐྱེ་བ་དང་མར་འགྲིབ་པ་ནི་མི་སྲིད་དོ། །འདི་ལྟ་བུ་ཉིད་དང་གཞན་མ་ཡིན་པས་འཁོར་བ་གཞལ་ལོ། །དེ་ནས་གྱད་བུ་ནོར་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ། ལམ་ངན་པ་ལེགས་པར་སྒྲུབ་པ་ཡིན་ཏེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པ་གྲགས་ཐོབ་པ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས་སྣོད་སྟོང་པ་བཞིན་དུ་བརྡབས་ཏེ་སོང་ངོ ། །དེ་ནས་གྱད་བུ་ནོར་ཀ་ཏྱའི་བུ་ནོག་ཅན་ག་ལ་བ་དེར་སོང་སྟེ་ཕྱིན་ནས། ཀ་ཏྱའི་བུ་ནོག་ཅན་ལ་འདི་སྐད་ཅེས་སྨྲས་སོ། །ཤེས་ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན།
Ca366b
སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། ནོག་ཅན་གྱིས་སྨྲས་པ། གཞོན་ནུ་ཁོ་བོ་ནི་འདི་ལྟར་ལྟ་ཞིང་འདི་སྐད་སྨྲ་སྟེ། གལ་ཏེ་འགའ་ཞིག་ཁོ་བོའི་གན་དུ་འོངས་ཏེ་འདི་སྐད་ཅེས་འཇིག་རྟེན་ཕ་རོལ་ཡོད་དམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་ཡོད་དོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་མེད་དམ་ཞེས་དྲི་བ་འདྲི་ན་དེ་ལ་ཁོ་བོ་འཇིག་རྟེན་ཕ་རོལ་མེད་དོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་ཡོད་པ་དང་མེད་པ་ཡིན་ནམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་ཡོད་པ་དང་མེད་པ་ཡིན་ནོ། །ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་ཡོད་པ་ཡང་མ་ཡིན་མེད་པ་ཡང་མ་ཡིན་ནམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་ཡོད་པ་ཡང་མ་ཡིན་མེད་པ་ཡང་མ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །དེ་བཞིན་དུ་གལ་ཏེ་འགའ་ཞིག་ཁོ་བོའི་གན་དུ་འོངས་ཏེ་འདི་སྐད་ཅེས་འཇིག་རྟེན་ཕ་རོལ་འདི་ལྟ་བུ་ཉིད་དང་འདི་ལྟ་བུ་མ་ཡིན་ནམ་ཞེས་དྲི་བ་འདྲི་ན་དེ་ལ་ཁོ་བོ་འཇིག་རྟེན་ཕ་རོལ་འདི་ལྟ་བུ་དང་འདི་ལྟ་བུ་ཉིད་མ་ཡིན་པ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་གཞན་ཉིད་དང་གཞན་ཉིད་མ་ཡིན་པ་ཡིན་ནམ་ཞེས་དྲི་བ་འདྲི་ན་དེ་ལ་
Ca367a
༄#། །ཁོ་བོ་འཇིག་རྟེན་ཕ་རོལ་གཞན་ཉིད་དང་གཞན་ཉིད་མ་ཡིན་པ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་གཞན་མ་ཡིན་པ་ཉིད་དང་གཞན་མ་ཡིན་པ་མ་ཡིན་ནམ་ཞེས་དྲི་བ་འདྲི་ན་དེ་ལ་ཁོ་བོ་འཇིག་རྟེན་ཕ་རོལ་གཞན་མ་ཡིན་པ་ཉིད་དང་གཞན་མ་ཡིན་པ་མ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་དེ་ཉིད་དང་དེ་ཉིད་མ་ཡིན་པ་ཉིད་ཡིན་ནམ་ཞེས་དྲི་བ་འདྲི་ན་དེ་ལ་ཁོ་བོ་འཇིག་རྟེན་ཕ་རོལ་དེ་ཉིད་དང་དེ་ཉིད་མ་ཡིན་པ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །དེ་ནས་གྱད་བུ་ནོར་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ། ལམ་ངན་པ་ལེགས་པར་སྒྲུབ་པ་ཡིན་ཏེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས་སྣོད་སྟོང་པ་བཞིན་དུ་བརྡབས་ཏེ་སོང་ངོ ། །དེ་ནས་གྱད་བུ་ནོར་གཉེན་གྱི་བུ་གཅེར་བུ་ག་ལ་བ་དེར་སོང་སྟེ་ཕྱིན་ནས། གཉེན་གྱི་བུ་གཅེར་བུ་ལ་འདི་སྐད་ཅེས་སྨྲས་སོ། །ཤེས་ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་
Ca367b
སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། གཅེར་བུས་སྨྲས་པ། གཞོན་ནུ་ཁོ་བོ་འདི་ལྟར་ལྟ་ཞིང་འདི་སྐད་ཅེས་སྨྲ་སྟེ། སྐྱེས་བུ་གང་དག་འདིས་སོ་སོར་མྱོང་བ་གང་ཡིན་པ་ཅི་ཡང་རུང་སྟེ། དེ་ཐམས་ཅད་སྔོན་བྱས་པའི་རྒྱུ་ལས་བྱུང་བ་ཡིན་ནོ། །ལས་རྙིང་པ་རྣམས་ནི་དཀའ་ཐུབ་གྱིས་འབྱང་བར་འགྱུར་ལ། ལས་སར་པ་རྣམས་ནི་མི་བྱ་པས་ཆུ་ལོན་གྱིས་བཟློག་པར་བྱའོ། །དེ་ལྟར་ན་ཕྱིན་ཆད་ཟག་པ་མེད་དོ། །ཟག་པ་མེད་ན་ལས་ཟད་དོ། །ལས་ཟད་ན་སྡུག་བསྔལ་ཟད་དོ། །སྡུག་བསྔལ་ཟད་ན་སྡུག་བསྔལ་མཐར་བྱེད་པར་འགྱུར་རོ། །དེ་ནས་གྱད་བུ་ནོར་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ། ལམ་ངན་པ་ལེགས་པར་སྒྲུབ་པ་སྟེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ། ། སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས་སྣོད་སྟོང་པ་བཞིན་དུ་བརྡབས་ཏེ་སོང་ངོ ། །དེ་ནས་གྱད་བུ་ནོར་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས་སྟེང་གི་ཁང་བཟང་གི་གཞིར་གཏོགས་པ་ན་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་ནས་དེ་འདི་སྙམ་དུ་སེམས་ཏེ། མ་ལ་འཇིག་རྟེན་ལྷ་དང་བཅས་པ་བདུད་དང་བཅས་པ་ཚངས་པ་དང་བཅས་པ་དང ། དགེ་སྦྱོང་དང་བྲམ་ཟེར་
Ca368a
༄#། །བཅས་པའི་སྐྱེ་དགུ་དང ། ལྷ་དང་མིར་བཅས་པའི་ནང་ན་གང་གིས་བདག་འཁོར་བ་དགོན་པ་འདི་ནས་རབ་ཏུ་ཐར་བར་བྱེད་པའི་དགེ་སྦྱོང་ངམ་བྲམ་ཟེ་སྨན་དང་གསང་སྔགས་རིག་སྔགས་ཚིག་གཅིག་གམ། ཚིག་གཉིས་སམ། ཚིག་བཞི་ཙམ་འཆང་པ་དེ་ལྟ་བུ་སུ་ཡོད་སྙམ་དུ་སེམས་སོ། །དེའི་སྐབས་སུ་སངས་རྒྱས་བཅོམ་ལྡན་འདས་རྣམས་ལ་ནི་མི་མཁྱེན་པ་དང ། མ་གཟིགས་པ་དང ། མ་རིག་པ་དང ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་བས། སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ་པ་ཉག་གཅིག་དཔའ་པ། གཉིས་པ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། རིག་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་པར་བསླབས་པ། འདུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་
Ca368b
བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་སྒྱུར་བ་ལ་ཁྱད་པར་དུ་འཕགས་པ་རྣམས་ཀྱི་ཆོས་ཉིད་ནི་ཉིན་ལན་གསུམ་མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ནས།་གང་ནི་ཉམས་པར་འགྱུར། གང་ནི་འཕེལ་བར་འགྱུར། གང་ནི་གནོད་པར་འགྱུར། གང་ནི་ཉམ་ང་བར་འགྱུར། གང་ནི་མི་བདེ་བར་གྱུར། གང་ནི་གནོད་པ་དང་ཉམ་ང་བ་དང་མི་བདེ་བར་འགྱུར། གང་ནི་ངན་སོང་ལ་གཞོལ། གང་ནི་ངན་སོང་ལ་འབབ། གང་ནི་ངན་སོང་ལ་བབ། ངས་གང་ནི་ངན་སོང་གི་ལམ་ནས་བསླང་སྟེ། མཐོ་རིས་དང་ཐར་པ་དང་འབྲས་བུ་ལ་གཞག་པར་བྱ། འདོད་པའི་འདམ་དུ་བྱིང་བ་གང་གི་ལག་ནས་ནི་དྲང་བར་བྱ། འཕགས་པའི་ནོར་གྱི་དབྱིག་དང་བྲལ་བ་གང་ནི་འཕགས་པའི་ནོར་གྱི་དབང་ཕྱུག་ལ་གཞག་པར་བྱ། གང་གི་སངས་རྒྱས་འབྱུང་བས་བརྒྱན་པའི་འཇིག་རྟེན་ནི་འབྲས་བུ་དང་བཅས་པར་བྱ། གང་གི་དགེ་བའི་རྩ་བ་དག་མ་བསྐྱེད་པ་ནི་བསྐྱེད་པར་བྱ། དགེ་བའི་རྩ་བ་དག་བསྐྱེད་པ་གང་ནི་ཡོངས་སུ་སྨིན་པ་བྱ། ཡོངས་སུ་སྨིན་པ་གང་ནི་རྣམ་པར་གྲོལ་བར་བྱ་ཞེས་མཁྱེན་པ་དང་གཟིགས་པ་འཇུག་གོ་།ཡང་སྨྲས་པ། ཆུ་སྲིན་གནས་ཀྱི་དུག་ཅན་པ། །དུས་ལས་འདས་པར་འགྱུར་སྲིད་ཀྱི། །སངས་རྒྱས་འདུལ་
Ca369a
༄#། །ལ་བྱམས་པ་ནི། །དུས་ལས་འདའ་བར་མི་འགྱུར་རོ། །ཇི་ལྟར་མ་ནི་བུ་སྡུག་གཅིག་བུ་ལ། །རྟོག་པར་བྱེད་ཅིང་དེ་སྲོག་སྲུང་བྱེད་ལྟར། །དེ་བཞིན་གཤེགས་པའང་གདུལ་བའི་སྐྱེ་བོ་ལ། །རྟོག་པར་མཛད་ཅིང་དེ་སྲོག་སྲུང་བར་མཛད། །ཀུན་མཁྱེན་རྒྱུད་ལ་མངའ་པའི་ཐུགས་རྗེ་ཡི། །གཞོན་མ་གདུལ་བའི་བེའུ་ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་པའི་གདུལ་བ་ལ། །རབ་ཉམས་བེའུ་ལ་བྱམས་པའི་བ་བཞིན་ནོ། །དེ་ལྟར་བཅོམ་ལྡན་འདས་ཀྱིས་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ན། སྡིག་བྱུང་ན་གྱད་བུ་ནོར་དེ་རྒྱུད་ཡོངས་སུ་སྨིན་པ། སྔོན་གྱི་སངས་རྒྱས་རྣམས་ལ་བྱ་བ་ལྷག་པར་བྱས་པ་ཡིན་ཏེ། དེ་གདུལ་བའི་དུས་ནི་དཔེར་ན་འབྲས་ཡོངས་སུ་སྨིན་པ་མཚོན་གྱིས་བརྟོལ་བ་ལ་སྡོད་པ་ལྟ་བུ་ཡིན་པར་གཟིགས་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཅི་འདི་རེ་ཞིག་སྟོན་པས་གདུལ་བ་ཡིན་ནམ། འོན་ཏེ་ཉན་ཐོས་ཀྱིས་གདུལ་བ་ཡིན་སྙམ་དུ་དགོངས་ན་ཉན་ཐོས་ཀྱིས་གདུལ་བ་ཡིན་པར་གཟིགས་སོ། །སྒོ་གང་ནས་འཇུག་པར་འགྱུར། ཅི་རྫུ་འཕྲུལ་གྱིས་གདུལ་བ་ཡིན་ནམ། འོན་ཏེ་སྤྱོད་ལམ་གྱིས་གདུལ་བ་ཡིན་སྙམ་དུ་དགོངས་ན་སྤྱོད་ལམ་གྱིས་གདུལ་བ་ཡིན་པ་གཟིགས་སོ། །བཅོམ་ལྡན་འདས་ནི་གང་ལ་སྤྱོད་ལམ་གྱིས་གདུལ་བ་དེ་ལ་ཚེ་དང་ལྡན་པ་རྟ་ཐུལ་གཏོང་པར་མཛད་དེ། འདི་ལྟར་དེའི་སྤྱོད་ལམ་གྱིས་ནི་ལྷ་དང་
Ca369b
མི་ཡིད་སྡུད་པར་བྱེད་པ་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་བཀའ་སྩལ་པ། རྟ་ཐུལ་ཁྱོད་ཀྱིས་སྡིག་བྱུང་ན་གྱད་བུ་ནོར་འདུག་པ་ལ་སོམས་ཤིག ། ཚེ་དང་ལྡན་པ་རྟ་ཐུལ་གྱིས་ཅང་མི་སྨྲ་བས་བཅོམ་ལྡན་འདས་ལས་དང་དུ་བླངས་སོ། །དེ་ནས་ཚེ་དང་ལྡན་པ་རྟ་ཐུལ་བཅོམ་ལྡན་འདས་ཀྱི་བཀའ་ལ་ལྷག་པར་བྱ་བ་བྱེད་པ་ཡིན་པས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་རྟ་ཐུལ་དེ་ཉིད་ཀྱི་མཚན་མོ་འདས་ནས། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །རྒྱལ་པོའི་ཁབ་ཏུ་བསོད་སྙོམས་བརྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་ཡོངས་སུ་སྤྱད་པའི་གནས་མལ་མཁོས་སུ་ཕབ་སྟེ། ལྷུང་བཟེད་དང་ཆོས་གོས་ཐོགས་ནས་སྡིག་བྱུང་ག་ལ་བ་དེར་རྒྱུ་ཞིང་སོང་བ་ན། མཐར་གྱིས་རྒྱུ་ཞིང་འགྲོ་བའི་ཚེ་སྡིག་བྱུང་དུ་ཕྱིན་ནས། སྡིག་བྱུང་ན་པདྨའི་ནགས་ཁྲོད་ན་འདུག་གོ་།དེ་ནས་ཚེ་དང་ལྡན་པ་རྟ་ཐུལ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། འགྲོ་བ་དང་ལྡོག་པ་དང་ཅུང་ཟད་བལྟ་བ་དང ། རྣམ་པར་བལྟ་བ་དང ། བསྐུམ་པ་དང་བརྐྱང་བ་དང་སྣམ་སྦྱར་དང་ཆོས་གོས་དང་ལྷུང་བཟེད་ཐོགས་པ་མཛེས་པས་སྡིག་བྱུང་དུ་བསོད་སྙོམས་ལ་ཞུགས་སོ། །
Ca370a
༄#། །དེའི་ཚེ་གྱད་བུ་ནོར་སྟེང་གི་ཁང་བཟང་གི་གཞིར་གཏོགས་པ་ན་དགེ་བ་གང་ཡིན་ཚོལ་བས་གྲོང་ཁྱེར་ལ་ལྟ་ཞིང་འདུག་པས། གྱད་བུ་ནོར་གྱིས་ཚེ་དང་ལྡན་པ་རྟ་ཐུལ་འགྲོ་བ་དང་ལྡོག་པ་དང ། ཅུང་ཟད་བལྟ་བ་དང ། རྣམ་པར་བལྟ་བ་དང ། བསྐུམ་པ་དང ། བརྐྱང་པ་དང་སྣམ་སྦྱར་དང་ཆོས་གོས་དང་ལྷུང་བཟེད་ཐོགས་པ་མཛེས་པས་སྡིག་བྱུང་ན་བསོད་སྙོམས་ལ་རྒྱུ་བ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། སྡིག་བྱུང་འདིར་རབ་ཏུ་བྱུང་བ་ཇི་སྙེད་ཅིག་ལྷགས་ཤིང་གནས་པ་དག་ལས་འདི་ལྟ་སྟེ།་རབ་ཏུ་བྱུང་བ་འདིའི་སྤྱོད་ལམ་ལྟ་བུ་ནི་བདག་གིས་སྔོན་ཆད་འགའ་ཡང་མ་མཐོང་ངོ་སྙམ་ནས། ཡང་འདི་སྙམ་དུ་སེམས་ཏེ། རབ་ཏུ་བྱུང་བ་དག་ལ་ནི་གང་དག་གྲོང་དུ་སྤྱོད་ལམ་འཆོས་ལ་དགོན་པར་ཅི་དགར་སྤྱོད་པ་དག་ཀྱང་ཡོད་པས། བདག་གིས་དགོན་པར་འདིའི་སྤྱོད་ལམ་བརྟག་པར་བྱའོ་སྙམ་དུ་རིགས་ནས་མི་ཞིག་ལ་སྨྲས་པ། ཀཝའེ་ནང་རྗེ་ཚུར་ཤོག་རབ་ཏུ་བྱུང་བ་འདིའི་ཕྱི་བཞིན་དུ་རྗེས་སུ་སོང་ལ། འདི་ཇི་ལྟར་གྲོང་དུ་སྤྱོད་ལམ་ཞི་བ་ལྟར་དགོན་པར་ཡང་དེ་བཞིན་ནམ། འོན་ཏེ་མ་ཡིན་པར་རྟོགས་ཤིག་།མི་དེས་གཞོན་ནུ་བཀའ་བཞིན་འཚལ་ཞེས་གྱད་བུ་ནོར་ལས་མཉན་ནས། ཚེ་དང་ལྡན་པ་རྟ་ཐུལ་གྱི་ཕྱི་བཞིན་ཕྱི་བཞིན་རྗེས་སུ་སོང་ངོ ། །དེ་ནས་ཚེ་དང་ལྡན་པ་རྟ་ཐུལ་སྡིག་བྱུང་དུ་བསོད་སྙོམས་བརྒྱུས་ནས། པདྨའི་ནགས་ཁྲོད་ག་ལ་བ་དེར་སོང་
Ca370b
སྟེ་ཕྱིན་པ་དང ། ལྷུང་བཟེད་དང་ཆུ་ཚགས་མཐའ་གཅིག་ཏུ་བཞག་ནས་སྣམ་སྦྱར་སྦྲུགས་ཏེ། རྐང་པ་གཉིས་བཀྲུས་ནས་ལག་པ་གཉིས་བསྙལ་ཏེ་ཆུ་བཙགས་ནས། ལོ་མ་ལྷགས་པ་དག་བླངས་ཏེ་འདུག་ནས་ཟས་ཀྱི་བྱ་བ་བྱས་ཏེ་ལོ་མ་ལྷགས་པ་དག་བོར་ནས། ལག་པ་གཉིས་བསྙལ་ཏེ། ལྷུང་བཟེད་དང་ཆུ་ཚགས་མཐའ་གཅིག་ཏུ་བཞག་ནས་རྐང་པ་གཉིས་བཀྲུས་ཏེ། ཤིང་ལྗོན་པ་ཞིག་གིས་དྲུང་དུ་བརྟེན་ནས་བྲང་འགྲོའི་རྒྱལ་པོ་ཉལ་བའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས་ཏེ་སྤྱོད་ལམ་ཞི་བར་འདུག་གོ་།དེ་ནས་མི་དེ་ཚེ་དང་ལྡན་པ་རྟ་ཐུལ་གྱི་སྤྱོད་ལམ་ཞི་བས་ལྷ་དང་མིའི་སེམས་སྡུད་པར་བྱེད་པས་ཡིད་བསྡུས་ནས། གྱད་བུ་ནོར་ག་ལ་བ་དེར་སོང་སྟེ་ཕྱིན་ནས་གྱད་བུ་ནོར་ལ་འདི་སྐད་ཅེས་སྨྲས་སོ། །གཞོན་ནུ་མཁྱེན་པར་མཛོད་ཅིག་།ཁྱོད་ཀྱིས་རབ་ཏུ་བྱུང་བ་དེ་སྤྱོད་ལམ་ཇི་ལྟ་བུས་གྲོང་དུ་བསོད་སྙོམས་རྒྱུ་བ་གཟིགས་པ་དེ་བས་བརྒྱ་སྟོང་གིས་ལྷག་པའི་སྤྱོད་ལམ་གྱིས་དགོན་པར་མཆིས་ཏེ་གནས་སོ། །དེ་ནས་གྱད་བུ་ནོར་ཚེ་དང་ལྡན་པ་རྟ་ཐུལ་གྱི་སྤྱོད་ལམ་འབྱོར་པ་ཕུན་སུམ་ཚོགས་པ་དེ་ཐོས་པས་ཡིད་བསྡུས་ནས། གུས་པར་བསྒྲིམ་པ་དང་བཅས་པས་མི་དེ་ལ་སྨྲས་པ། ཀཝའེ་ནང་རྗེ་མྱུར་དུ་བཞོན་པ་བདེ་བ་སྟོད་ཅིག་དང ། ཁོ་བོ་དེ་ལ་ཞོན་ཏེ་དེང་རབ་ཏུ་བྱུང་བ་དེ་ལྟར་འགྲོའོ། །མི་དེས་གཞོན་ནུ་བཀའ་བཞིན་འཚལ་ཞེས་གྱད་བུ་ནོར་ལས་མཉན་ནས་མྱུར་དུ་བཞོན་པ་བདེ་བ་བསྟད་དེ་གྱད་བུ་ནོར་ག་ལ་བ་དེར་སོང་ནས་ཕྱིན་པ་དང་གྱད་བུ་ནོར་ལ་
Ca371a
༄#། །འདི་སྐད་ཅེས་སྨྲས་སོ། །གཞོན་ནུ་གོར་བུ་བསྒྲོན་ལགས་ཀྱིས། ད་དེའི་དུས་ལ་བབ་པར་མཁྱེན་པར་མཛོད་ཅིག་།དེ་ནས་གྱད་བུ་ནོར་བཞོན་པ་བདེ་བ་ལ་ཞོན་ཏེ། སྡིག་བྱུང་ནས་ཕྱིར་བྱུང་ནས་པདྨའི་ནགས་ཁྲོད་ག་ལ་བ་དེར་ཤིང་རྟ་བསྒྱུར་ཏེ་བཞོན་པའི་ས་ཇི་སྲིད་པ་དེ་སྲིད་དུ་བཞོན་པས་སོང་ནས། བཞོན་པ་ལས་བབས་ཏེ་རྐང་པ་དག་ཉིད་ཀྱིས་པདྨའི་ནགས་ཁྲོད་དུ་ཞུགས་པ་དང ། གྱད་བུ་ནོར་གྱིས་ཚེ་དང་ལྡན་པ་རྟ་ཐུལ་དབང་པོ་ཤིན་ཏུ་མཉམ་པར་བཞག་ཅིང་སྤྱོད་ལམ་ཞི་བས་འདུག་པ་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ་འདི་ལྟར་བདག་གིས་རབ་ཏུ་བྱུང་བ་ཏིང་ངེ་འཛིན་འདི་ལས་བསླང་བ་ནི་བདག་གི་ཚུལ་དང་མཐུན་པ་མ་ཡིན་གྱིས། གང་གི་ཚེ་འདི་ཏིང་ངེ་འཛིན་ལས་ལངས་པར་གྱུར་པ་དེའི་ཚེ་དེའི་དྲུང་དུ་འགྲོ་བར་བྱའོ་སྙམ་དུ་རིག་ནས་མཐའ་གཅིག་ཏུ་འདུག་སྟེ་དེ་ལྡང་བ་ལ་སྡོད་ཅིང་འདུག་གོ་།དེ་ནས་ཚེ་དང་ལྡན་པ་རྟ་ཐུལ་ཕྱེ་མ་བྲེད་ནང་དུ་ཡང་དག་འཇོག་ལས་ལངས་ནས་མཐའ་གཅིག་ཏུ་འདུག་གོ། དེ་ནས་གྱད་བུ་ནོར་ཚེ་དང་ལྡན་པ་རྟ་ཐུལ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་རྟ་ཐུལ་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་སྣ་ཚོགས་བྱས་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་གྱད་བུ་ནོར་གྱིས་ཚེ་དང་ལྡན་པ་རྟ་ཐུལ་ལ་འདི་སྐད་ཅེས་སྨྲས་སོ། །ཤེས་ལྡན་ཅི་ཁྱོད་སྟོན་
Ca371b
པ་ལགས་སམ། འོན་ཏེ་ཉན་ཐོས་ལགས། བཞིན་བཟང་ཁོ་བོ་ནི་ཉན་ཐོས་སྟོན་པའི་ལམ་གྱི་རྗེས་སུ་ཞུགས་པ་ཡིན་ནོ། །ཤེས་ལྡན་སྟོན་པ་དང ། ཉན་ཐོས་ལ་ཁྱད་པར་ཅི་མཆིས། བཞིན་བཟང་ཁྱད་པར་ཤིན་ཏུ་ཆེ་སྟེ། འདི་ལྟ་སྟེ། དཔེར་ན་རིའི་རྒྱལ་པོ་རི་རབ་དང ། ཡུངས་ཀར་ལྟ་བུ་དང ། རྒྱ་མཚོ་ཆེན་པོ་དང ། བ་ལང་གི་རྗེས་ལྟ་བུ་དང ། ཉི་མ་དང ། སྲིན་བུ་མེ་ཁྱེར་ལྟ་བུ་དང ། ནམ་མཁའ་དང ། པདྨའི་རྩ་བའི་བུ་ག་ལྟ་བུའོ། །དེ་ལ་རིའི་རྒྱལ་པོ་རི་རབ་ཅི་ལྟ་བ་དེ་ལྟར་ནི་སྟོན་པ་བལྟ་བར་བྱ་ལ། ཡུངས་ཀར་ཇི་ལྟ་བ་དེ་ལྟར་ནི་ཉན་ཐོས་བལྟ་བར་བྱའོ། །རྒྱ་མཚོ་ཆེན་པོ་ཇི་ལྟ་བ་དེ་ལྟར་ནི་སྟོན་པ་བལྟ་བར་བྱ་ལ། བ་ལང་གི་རྗེས་ཇི་ལྟ་བ་དེ་ལྟར་ནི་ཉན་ཐོས་བལྟ་བར་བྱའོ། །ཉི་མ་ཇི་ལྟ་བ་དེ་ལྟར་ནི་སྟོན་པ་བལྟ་བར་བྱ་ལ། སྲིན་བུ་མེ་ཁྱེར་ཇི་ལྟ་བ་དེ་ལྟར་ནི་ཉན་ཐོས་བལྟ་བར་བྱའོ། །ནམ་མཁའ་ཇི་ལྟ་བ་དེ་ལྟར་ནི་སྟོན་པ་བལྟ་བར་བྱ་ལ། པདྨའི་རྩ་བའི་བུ་ག་ཇི་ལྟ་བ་དེ་ལྟར་ནི་ཉན་ཐོས་བལྟ་བར་བྱའོ་ཞེས་སྨྲས་ནས། ཚིགས་སུ་བཅད་པ་སྨྲས་པ། རི་རྒྱལ་ཡུངས་ཀར་གཉིས་ལ་ཁྱད་པར་གང་ཡོད་དང ། །དུག་ཅན་གླང་རྗེས་ཆུ་ལ་ཁྱད་པར་གང་ཡོད་དང ། །ཉི་མ་མེ་ཁྱེར་སྲིན་ལ་ཁྱད་པར་གང་ཡོད་པ། །ནམ་མཁའ་པདྨའི་བུ་གར་ཁྱད་པར་གང་ཡོད་པ། །སངས་རྒྱས་ཉན་ཐོས་བྱང་ཆུབ་ཁྱད་པར་དེ་ཡོད་དོ། །དེ་ནས་གྱད་བུ་ནོར་འདི་སྙམ་དུ་སེམས་ཏེ། ཇི་ལྟར་རབ་ཏུ་བྱུང་བ་འདིའི་སྟོན་པ་ལ་བསྟོད་པར་བྱེད་ཅིང ། བདག་ཉིད་ལ་སྨད་པར་
Ca372a
༄#། །བྱེད་པ་ལས་ན། སངས་རྒྱས་ནི་དམ་པ་མ་ཡིན་པར་མི་འགྱུར་ལ། ཆོས་བསྟན་པ་ཡང་དམ་པ་མ་ཡིན་པར་མི་འགྱུར་རོ་སྙམ་དུ་རིག་ནས། ཚེ་དང་ལྡན་པ་རྟ་ཐུལ་ལ་འདི་སྐད་ཅེས་སྨྲས་སོ། །འཕགས་པ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་བགྱིའོ། །བདག་འཕགས་པའི་དྲུང་དུ་ཚངས་པར་སྤྱོད་པ་སྤྱད་པར་བགྱིའོ། །བཞིན་བཟང་ཁྱོད་ཕ་མ་དག་གིས་གནང་ངམ། འཕགས་པ། མ་གནང་ངོ ། །བཞིན་བཟང་དེ་བཞིན་གཤེགས་པ་དང་དེ་བཞིན་གཤེགས་པའི་ཉན་ཐོས་ནི་ཕ་མ་དག་གིས་མ་གནང་བའི་རིགས་ཀྱི་བུ་རབ་ཏུ་འབྱིན་པར་མི་མཛད། བསྙེན་པར་རྫོགས་པར་མི་མཛད་དོ། །འཕགས་པ་ཁྱོད་ཀྱིས་བདག་རབ་ཏུ་དབྱུང་བ་འབའ་ཞིག་མཛོད་ཅིག་དང ། ཅི་ནས་ཀྱང་བདག་ཕ་མ་དག་གིས་གནང་བར་འགྱུར་བ་དེ་ལྟར་བདག་བགྱིད་དོ། །ཚེ་དང་ལྡན་པ་རྟ་ཐུལ་གྱིས་དེ་ལ་བཞིན་བཟང་ལེགས་ཀྱིས་དེ་ལྟར་བྱོས་ཤིག་ཅེས་སྨྲས་སོ། །དེ་ནས་གྱད་བུ་ནོར་གྱིས་ཚེ་དང་ལྡན་པ་རྟ་ཐུལ་གྱིས་སྨྲས་པ་ལ་མངོན་པར་བསྟོད་པ་བྱས་ཤིང་རྗེས་སུ་ཡི་རངས་བ་བྱས་ནས་རང་གི་ཁྱིམ་ག་ལ་བ་དེར་སྟོང་སྟེ་ཕྱིན་ནས། ཕ་མ་གཉིས་ལ་འདི་སྐད་ཅེས་སྨྲས་སོ། །ཡབ་ཡུམ་མཁྱེན་པར་མཛོད་ཅིག་།བདག་ལེགས་པར་གསུངས་པའི་ཆོས་འདུལ་བ་ལ་ཡང་དག་པ་
Ca372b
ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །བུ་གཞོན་ནུ་ཤེས་པར་གྱིས་ཤིག་།ཁྱོད་ངེད་ཀྱི་བུ་གཅིག་པ་སྡུག་པ་ཡིད་དུ་འོང་བ་བཟོད་པ་མཐོང་ན་མི་མཐུན་པ་མེད་པ་ཡིན་པས། ཁྱོད་ཤི་བར་གྱུར་ན་ངེད་མི་འདོད་བཞིན་དུ་འབྲལ་བ་ཁོ་ན་ཡིན་གྱིས། གསོན་བཞིན་དུ་བཏང་བ་ལྟ་སྨོས་ཀྱང་ཅི་དགོས། ཡབ་ཡུམ་གལ་ཏེ་གནང་ན་དེ་ལྟ་ན་ལེགས། གལ་ཏེ་མ་གནང་ན་དེང་སླན་ཆད་འཚལ་མ་ཡང་མི་འཚལ། ཕྱག་ཀྱང་མི་འཚལ་ལོ། །བུ་གཞོན་ནུ་མི་གནང་གིས་ཇི་སྲིད་ངེད་གསོན་གྱི་བར་དུ་ཁྱོད་ངེད་ཀྱི་མིག་ལམ་ན་འདུག་ལ་བྱ་བ་གཞན་མ་སེམས་ཤིག་།དེ་ནས་གྱད་བུ་ནོར་གྱིས་ཉི་མ་གཅིག་ཀྱང་ཟན་བཅད་པ་བྱས་སོ། །གཉིས་པ་དང་གསུམ་ནས་དྲུག་གི་བར་དུ་ཡང་ཟན་བཅད་པ་བྱས་སོ། །དེ་ནས་གྱད་བུ་ནོར་གྱི་ཕ་མ་གཉིས་ཀྱིས་གྱད་བུ་ནོར་ལ་འདི་སྐད་ཅེས་སྨྲས་སོ། །བུ་གཞོན་ནུ་ཤེས་པར་གྱིས་ཤིག་།ཁྱོད་ནི་ཤིན་ཏུ་གཞོན་པ་བདེ་བ་འདོད་པ་ཡིན་པས། ཁྱོད་ཀྱིས་སྡུག་བསྔལ་མི་ཤེས་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པ་བྱ་དཀའོ། །གཅིག་པུ་ཉིད་ལ་མངོན་པར་དགའ་བར་དཀའ་བའོ། །གནས་མལ་དགོན་པ་ནགས་ཁྲོད་དང་རི་དྲུང་དང་བས་མཐའ་དག་ཏུ་གནས་པ་ཁོང་དུ་ཆུད་པ་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བྱ་དགོས་སོ། །ཁྱོད་
Ca373a
༄#། །ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང་རྩེད་མོ་དག་ལས་དབེན་པར་བྱ་དགོས་སོ། །གཞོན་ནུ་ཚུར་ཤོག་།འདུག་ལ་འདོད་པ་དག་ལ་ཡོངས་སུ་སྤྱོད་ཅིག་།སྦྱིན་པ་དག་ཀྱང་བྱིན་ཅིག་།བསོད་ནམས་དག་ཀྱང་གྱིས་ཤིག་།དེ་སྐད་སྨྲས་ཀྱང་གྱད་བུ་ནོར་ཅང་མི་སྨྲའོ། །དེ་ནས་གྱད་བུ་ནོར་གྱི་ཕ་མ་གཉིས་ཀྱིས་ཉེ་དུ་རྣམས་ལ་བསྒོ་བ། ཀྱེ་ཉེ་དུ་དག་ཚུར་ཤེག་བུ་གཞོན་ནུ་གྱད་བུ་ནོར་སློངས་ཤིག་།དེ་ནས་གྱད་བུ་ནོར་གྱི་ཉེ་དུ་དག་གྱད་བུ་ནོར་ག་ལ་བ་དེར་དོང་སྟེ་ཕྱིན་ནས། གྱད་བུ་ནོར་ལ་འདི་སྐད་ཅེས་སྨྲས་སོ། །སྲས་གཞོན་ནུ་མཁྱེན་པར་མཛོད་ཅིག་།ཁྱོད་ནི་ཤིན་ཏུ་གཞོན་པ་བདེ་བ་བཞེད་པ་ལགས་པས་ཁྱོད་ཀྱིས་སྡུག་བསྔལ་མི་མཁྱེན་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པ་བགྱིད་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་དང་རི་དྲུང་དང་བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་
Ca373b
པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང་རྩེད་མོ་དག་ལས་དབེན་པར་བགྱི་འཚལ་ལོ། །སྲས་གཞོན་ནུ་ཚུར་སྤྱོན། བཞུགས་ལ་འདོད་པ་དག་ལ་ཡང་ཡོངས་སུ་སྤྱོད་ཅིག་།སྦྱིན་པ་དག་ཀྱང་སྩོལ་ཅིག་།བསོད་ནམས་དག་ཀྱང་མཛོད་ཅིག་།དེ་སྐད་སྨྲས་ཀྱང་གྱད་བུ་ནོར་ཅང་མི་སྨྲའོ། །དེ་ནས་གྱད་བུ་ནོར་གྱི་ཕ་མ་གཉིས་ཀྱིས་གྱད་བུ་ནོར་གྱི་ནེའུ་ལྡངས་རྣམས་ལ་བསྒོ་བ། ཀྱེ་གཞོན་ནུ་དག་ཚུར་ཤེག་བུ་གཞོན་ནུ་གྱད་བུ་ནོར་སློངས་ཤིག་།དེ་ནས་གྱད་བུ་ནོར་གྱི་ནེའུ་ལྡངས་དག་ཀྱང་གྱད་བུ་ནོར་ག་ལ་བ་དེར་སོང་སྟེ་ཕྱིན་ནས། གྱད་བུ་ནོར་ལ་འདི་སྐད་ཅེས་སྨྲས་སོ། །སྲས་གཞོན་ནུ་མཁྱེན་པར་མཛོད་ཅིག་།ཁྱོད་ནི་ཤིན་ཏུ་གཞོན་པ་བདེ་བ་བཞེད་པ་ལགས་པས་ཁྱོད་ཀྱིས་སྡུག་བསྔལ་མི་མཁྱེན་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པ་བགྱི་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་དང་རི་དྲུང་དང་བས་མཐའ་དག་ཏུ་གནས་པར་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང་རྩེ་མོ་དག་ལས་དབེན་པར་བགྱི་
Ca374a
༄#། །འཚལ་ལོ། །སྲས་གཞོན་ནུ་ཚུར་སྤྱོན། བཞུགས་ལ་འདོད་པ་དག་ལ་ཡང་ཡོངས་སུ་སྤྱོད་ཅིག། །སྦྱིན་པ་དག་ཀྱང་སྩོལ་ཅིག་།བསོད་ནམས་དག་ཀྱང་མཛོད་ཅིག་།དེ་སྐད་སྨྲས་ཀྱང་གྱད་བུ་ནོར་ཅང་མི་སྨྲའོ། །དེ་ནས་གྱད་བུ་ནོར་གྱི་ནེའུ་ལྡངས་རྣམས་གྱད་བུ་ནོར་གྱི་ཕ་མ་གཉིས་ག་ལ་བ་དེར་སོང་སྟེ་ཕྱིན་ནས། གྱད་བུ་ནོར་གྱི་ཕ་མ་གཉིས་ལ་འདི་སྐད་ཅེས་སྨྲས་སོ། །ཡབ་ཡུམ་དག་མཁྱེན་པར་མཛོད་ཅིག་།ཞི་བ་གཞོན་ནུ་གུམ་པས་ཅི་ཞིག་བགྱི། རབ་ཏུ་བྱུང་བ་ནི་མཁས་པས་བསྔགས་པ་ལགས་པས་གལ་ཏེ་རབ་ཏུ་བྱུང་ནས་མངོན་པར་དགའ་བར་གྱུར་ན་ཡང་དེ་གསོན་པོ་ཉིད་དུ་གཟིགས་པར་འགྱུར་ལ། མངོན་པར་དགའ་བར་མ་གྱུར་ན་ཡང ། དྲང་སྲོང་དག་ནི་སླར་ལྡོག་པ་ལགས་པས་བུའི་གནས་ཕ་མ་གཉིས་མ་གཏོགས་པ་གཞན་སུ་ཞིག་མཆིས་པར་འགྱུར་གྱིས་རབ་ཏུ་བྱུང་ན་ལེགས་སོ། །དེ་ནས་གྱད་བུ་ནོར་གྱི་ཕ་མ་གཉིས་ཀྱིས་གྱད་བུ་ནོར་ལ་འདི་སྐད་ཅེས་སྨྲས་སོ། །བུ་གཞོན་ནུ་ཁྱོད་ལ་རབ་ཏུ་འབྱུང་བ་ལེགས་པར་བྱེད་པ་ཡིན་ལ། ཁྱིམ་ན་གནས་པ་ལེགས་པར་བྱེད་པ་མ་ཡིན་ནམ། ཡབ་ཡུམ་བདག་ལ་རབ་ཏུ་འབྱུང་བ་ལེགས་པ་བགྱིད་པ་ལགས་ལ། ཁྱིམ་ན་གནས་པ་ལེགས་པར་བགྱིད་པ་མ་ལགས་སོ། །བུ་གཞོན་ནུ་ད་དེའི་དུས་ལ་བབ་པར་ཤེས་པར་གྱིས་ཤིག་།དེ་ནས་གྱད་བུ་ནོར་ཕ་མ་གཉིས་གྱིས་གནང་ནས་འབྲས་ཁུའི་རིམ་གྱིས་
Ca374b
ལུས་ཀྱི་མཐུ་དང་སྟོབས་དང ། བརྩོན་འགྲུས་བསྐྱེད་དེ། སྡིག་བྱུང་ནས་ཕྱིར་བྱུང་ནས་ཚེ་དང་ལྡན་པ་རྟ་ཐུལ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་རྟ་ཐུལ་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་གྱད་བུ་ནོར་གྱིས་ཚེ་དང་ལྡན་པ་རྟ་ཐུལ་ལ་འདི་སྐད་ཅེས་སྨྲས་སོ། །འཕགས་པ་མཁྱེན་པར་མཛོད་ཅིག་།བདག་ཕ་མ་གཉིས་ཀྱིས་གནང་གིས་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་བགྱིའོ། །བདག་འཕགས་པའི་དྲུང་ན་ཚངས་པར་སྤྱོད་པ་སྤྱད་པར་བགྱིའོ། །ཚེ་དང་ལྡན་པ་རྟ་ཐུལ་གྱིས་སྨྲས་པ། བཞིན་བཟང་ལེགས་སོ། །ལོངས་སྤྱོད་དག་ནི་མི་རྟག་པ་ཡིན་ན་རབ་ཏུ་འབྱུང་བ་ནི་ལེགས་པ་ཡིན་གྱིས་དེ་ལྟར་གྱིས་ཤིག་།བཅོམ་ལྡན་འདས་ཀྱིས་ཀྱང་ཕན་ཡོན་ལྔ་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་ཏེ། ལྔ་གང་ཞེ་ན། བདག་གིས་རང་གི་དོན་མ་འདྲེས་པ་རྗེས་སུ་ཐོབ་པར་འགྱུར་རོ་ཞེས་བྱ་བར་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་པ་དང ། བདག་གང་དག་གི་བྲན་དང ། མངག་གཞུག་དང ། བསྒོ་བ་དང ། རང་དབང་མེད་པ་དང ། དགའ་མགུར་འགྲོར་མེད་པ་ཡིན་པ་དེ་དག་གི་མཆོད་པར་བྱ་བ་དང ། བསྟོད་པར་བྱ་བར་འགྱུར་རོ་ཞེས་ཡང་དག་པར་རྗེས་སུ་མཐོང་བའི་མཁས་པས་རབ་
Ca375a
༄#། །ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་པ་དང ། གྲུབ་པ་དང་བདེ་བ་བླ་ན་མེད་པའི་མྱ་ངན་ལས་འདས་པ་ཐོབ་པར་འགྱུར་རོ་ཞེས་བྱ་བར་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་པ་དང ། གྲུབ་པ་དང་བདེ་བ་བླ་ན་མེད་པའི་མྱ་ངན་ལས་འདས་པ་འཐོབ་པ་ལས་ཉམས་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་བྱ་བར་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་པ་དང ། རབ་ཏུ་བྱུང་བ་ནི་སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་དམ་པ་ཡང་དག་པར་རྟོགས་པ། ཡང་དག་པར་སྒྲུབ་པ། སྐྱེས་བུ་དམ་པ་རྣམས་ཀྱིས་རྣམ་གྲང་དུ་མས་བསྔགས་སོ་ཞེས་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་སོ་ཞེས་གསུངས་ཀྱིས་རབ་ཏུ་བྱུང་ཞིག་།དེ་ནས་ཚེ་དང་ལྡན་པ་རྟ་ཐུལ་གྱིས་རིགས་ཀྱི་བུ་གྱད་བུ་ནོར་རབ་ཏུ་ཕྱུང་བ་སྙེན་པར་རྫོགས་པར་བྱས་ནས་སྨྲས་པ། བུ་དགེ་སློང་གི་ལས་ནི་གཉིས་ཏེ། བསམ་གཏན་དང ། ཀློག་པ་ཡིན་ན། ཁྱོད་བསམ་གཏན་དང ། ཀློག་པ་གང་འདོད། གྱད་བུ་ནོར་གྱིས་སྨྲས་པ། མཁན་པོ་གཉིས་ཀ་ཡང་བགྱི་སྟེ། གདུགས་ལ་ནི་ཀློག་པར་བགྱི། དགུང་ལ་ནི་བསམ་གཏན་བགྱིའོ། །ཚེ་དང་ལྡན་པ་རྟ་ཐུལ་གྱིས་སྨྲས་པ། བུ་དེ་བཞིན་གྱིས་ཤིག་།དེ་ནས་
Ca375b
ཚེ་དང་ལྡན་པ་གྱད་བུ་ནོར་གྱིས་ཉིན་མོ་ཀློག་པ་དང་ཁ་ཏོན་བྱས་པས་སྡེ་སྣོད་གསུམ་པོ་དག་ལྷོགས་པར་གྱུར་ཏོ། །མཚན་མོ་བསམ་གཏན་བྱས་པས་གོང་ནས་གོང་དུ་ཡིད་ལ་བྱེད་པའི་ཁྱད་པར་ཐོབ་ནས་འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང་ལྟུང་བ་དང་རྣམ་པར་འཐོར་བ་དང་རྣམ་པར་འཇིག་པའི་ཆོས་ཉིད་ཀྱི་ཟིལ་གྱིས་མནན་ནས། ཉོན་མོངས་པ་ཐམས་ཅད་སྤངས་པས་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྦུ་བྲེགས་ཏེ་གོས་ངུར་སྨྲིག་དག་བགོས་ནས། ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་དེ་ཉིད་ལ་རབ་ཏུ་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ། རིག་པས་སྒོ་ངའི་སྦུབས་དྲལ་བར་གྱུར་ཅིང་རིག་པ་དང་མངོན་པར་ཤེས་པ་དང་སོ་སོ་ཡང་དག་པར་རིག་པ་ཐོབ་བོ། །སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་
Ca376a
༄#། །པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་གྱུར་ཏོ།། །།འདུལ་བ་རྣམ་པར་འབྱེད་པ། བམ་པོ་ཉི་ཤུ་པ། ཇི་ལྟར་སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ། འཚོ་ཞིང་གཞེས་པ་རྣམས་ལ་ཆོས་ཉིད་ཀྱིས་ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི་དབྱར་ཟླ་འབྲིང་པོ་ཉ་ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི་སྟོན་ཟླ་འབྲིང་པོའི་ཟླ་བ་ཉ་ལ་ཡིན་པ་དེ་བཞིན་དུ་ཉན་ཐོས་ཆེན་པོ་རྣམས་ལ་ཡང་ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི་དབྱར་ཟླ་འབྲིང་པོ་ཉ་ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི་སྟོན་ཟླ་འབྲིང་པོའི་ཟླ་བ་ཉ་ལའོ། །དེ་ལ་གང་དག་དབྱར་ཟླ་འབྲིང་པོའི་ཉ་ལ་དབྱར་ཉེ་བར་སྒྲུབ་པའི་ཚེ་གདམས་ངག་མནོས་ཏེ། གྲོང་དང་གྲོང་ཁྱེར་དང་ཡུལ་འཁོར་དང་རྒྱལ་པོའི་ཕོ་བྲང་དག་ཏུ་དབྱར་གནས་པར་ཁས་ལེན་པ་དེ་དག་ནི་སྟོན་ཟླ་འབྲིང་པོའི་ཟླ་བ་ཉ་ལ་ལྷགས་ནས་ཇི་ལྟར་ཐོབ་པ་ནི་རྗོད་པར་བྱེད། མ་ཐོབ་པ་ནི་ཐོབ་པར་བྱེད་པའི་ཕྱིར་འོག་ཏུ་མདོ་སྡེ་དང་འདུལ་བ་དང་ཆོས་མངོན་པ་དེ་དག་གི་ཁ་ཏོན་དག་དང ། ཡོངས་སུ་འབྲི་བ་དག་ཚོལ་བར་བྱེད་དོ། །དེ་ནས་ཚེ་དང་ལྡན་པ་རྟ་ཐུལ་གྱི་ལྷན་ཅིག་གནས་པ་དང ། ཉེ་གནས་གང་དག་ལྗོངས་སུ་དབྱར་གནས་པར་ཁས་བླངས་པ་དེ་དག་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་ལྷུང་བཟེད་དང་ཆོས་གོས་ཐོགས་ཏེ།
Ca376b
ཚེ་དང་ལྡན་པ་རྟ་ཐུལ་ག་ལ་བ་དེར་དོང་ནས་ཕྱིན་པ་དང ། ཚེ་དང་ལྡན་པ་རྟ་ཐུལ་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས། དེ་དག་ཁ་ཅིག་ནི་ཇི་ལྟར་ཐོབ་པ་རྗོད་པར་བྱེད་དོ། །ཁ་ཅིག་ནི་མདོ་སྡེ་དང ། འདུལ་བ་དང་ཆོས་མངོན་པ་དག་གི་ཁ་ཏོན་དག་དང་ཡོངས་སུ་འདྲི་བ་དག་ཚོལ་བར་བྱེད་དོ། །ཚེ་དང་ལྡན་པ་རྟ་ཐུལ་གྱིས་དེ་དག་གི་སྡེ་སྣོད་གསུམ་དང་བསམ་གཏན་གྱི་ལམ་ལ་སོམ་ཉི་དང་ཡིད་གཉིས་ཡང་དག་པར་བཅད་ནས་དེ་དག་གིས་ཕན་ཚུན་སྨྲ་བར་བརྩམས་པ། ཚེ་དང་ལྡན་པ་དག་བདག་ཅག་གིས་མཁན་པོ་མཐོང་ཞིང་བསྙེན་བཀུར་བྱས་ཟིན་གྱིས། ད་ནི་རྒྱལ་པོའི་ཁབ་ཏུ་བཅོམ་ལྡན་འདས་ལ་བསྙེན་བཀུར་བྱེད་དུ་འདོང་ངོ ། །དེ་ནས་ཚེ་དང་ལྡན་པ་གྱད་བུ་ནོར་གྱིས་དེ་དག་གིས་གཏམ་འདྲེ་བ་ཐོས་ནས། དེ་ལ་ཀྱེ་མ་བདག་གིས་ཀྱང་བཅོམ་ལྡན་འདས་བལྟའོ་སྙམ་པའི་འདོད་པ་སྐྱེས་ཤིང་རིག་ནས། ཚེ་དང་ལྡན་པ་རྟ་ཐུལ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་རྟ་ཐུལ་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ།་ཚེ་དང་ལྡན་པ་རྟ་ཐུལ་ལ་འདི་སྐད་ཅེས་སྨྲས་སོ། །མཁན་པོ་མཁྱེན་པར་མཛོད་ཅིག་།བདག་གིས་བཅོམ་ལྡན་འདས་ཆོས་ཀྱི་སྐུའི་སྒོ་ནས་ནི་མཐོང ། གཟུགས་ཀྱི་སྐུའི་སྒོ་ནས་མ་མཐོང་བས་དེའི་སླད་དུ་བཅོམ་ལྡན་འདས་ཀྱི་གཟུགས་ཀྱི་སྐུ་བལྟ་བར་འཚལ་ན་མཆི་བར་ཅི་གནང ། ཚེ་དང་ལྡན་པ་རྟ་ཐུལ་གྱིས་སྨྲས་པ། བུ་མཉེས་ཀྱིས་བལྟ་བར་གྱིས་ཤིག་།བུ་དེ་བཞིན་གཤེགས་པ་དགྲ་
Ca377a
༄#། །བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང ། དེ་དག་འབྱུང་བ་ནི་འདི་ལྟ་སྟེ་དཔེར་ན། ཨུ་དུམ་ཝཱ་རའི་མེ་ཏོག་བཞིན་དུ་དཀོན་པ་ཡིན་གྱིས་དེ་བཞིན་གྱིས་ཤིག ། དེ་ནས་ཚེ་དང་ལྡན་པ་གྱད་བུ་ནོར་མཁན་པོས་གནང་ནས། བཅོམ་ལྡན་འདས་ལ་བལྟ་བར་སྤྲོ་བའི་བློ་གྲོས་ཀྱིས་ཡིད་བདེ་བ་སྐྱེས་ནས་དེ་ཉིད་ཀྱིས་མཚན་མོ་འདས་པ་དང ། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་སྡིག་བྱུང་དུ་བསོད་སྙོམས་ལ་ཞུགས་སོ། །སྡིག་བྱུང་དུ་བསོད་སྙོམས་བརྒྱུས་ནས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལྡོག་པས་ཇི་ལྟར་ལོངས་སྤྱད་པའི་གནས་མལ་མཁོས་སུ་ཕབ་ནས། ལྷུང་བཟེད་དང་ཆོས་གོས་ཐོགས་ཏེ། མཁན་པོ་གཅིག་པ་དང་སློབ་དཔོན་གཅིག་པ་དང་ལྷན་ཅིག་རྒྱལ་པོའི་ཁབ་ག་ལ་བ་དེར་རྒྱུ་ཞིང་སོང་ནས། མཐར་གྱིས་རྒྱུ་ཞིང་འགྲོ་བ་ན་རྒྱལ་པོའི་ཁབ་ཏུ་ཕྱིན་ཏོ། །དེ་ནས་ཚེ་དང་ལྡན་པ་གྱད་བུ་ནོར་གྱིས་ལྷུང་བཟེད་དང ། ཆོས་གོས་མཁོས་སུ་ཕབ་སྟེ། རྐང་པ་གཉིས་བཀྲུས་ནས། བཅོམ་ལྡན་འདས་ག་ལ་བ་དེར་སོང་ངོ ། །དེའི་ཚེ་ན་བཅོམ་ལྡན་འདས་དགེ་སློང་གི་འཁོར་བརྒྱ་ཕྲག་དུ་མའི་མདུན་ན་བཞུགས་ཤིང་ཆོས་སྟོན་ཏེ། བཅོམ་ལྡན་འདས་ཀྱིས་ཚེ་དང་ལྡན་པ་གྱད་བུ་ནོར་ཐག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་ཚེ་དང་ལྡན་པ་གྱད་བུ་ནོར་ལ་བཀའ་སྩལ་པ། གྱད་བུ་ནོར་ཚུར་ཤོག་འོངས་པ་ལེགས་སོ། །ཁྱོད་དུས་སུ་ཕྱིན་ཏོ། །གྱད་བུ་ནོར་རང་
Ca377b
གི་སྟན་ཇི་ལྟ་བ་ལ་འདུག་ཅིག་།དེ་ནས་ཚེ་དང་ལྡན་པ་གྱད་བུ་ནོར་གྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།དེའི་ཚེ་ན་རྒྱལ་པོའི་ཁབ་ན་གནས་མལ་མི་མཐུན་པ་འབོག་པར་བྱེད་དོ། །མདོ་སྡེ་འཛིན་པ་རྣམས་དང་འདུལ་བ་འཛིན་པ་རྣམས་ཀྱི། མདོ་སྡེ་འཛིན་པ་རྣམས་དང་མ་མོ་འཛིན་པ་རྣམས་ཀྱི། མདོ་སྡེ་འཛིན་པ་རྣམས་དང་ཆོས་སྒྲོག་པ་རྣམས་ཀྱི། མདོ་སྡེ་འཛིན་པ་རྣམས་དང་སྤོང་བ་པ་རྣམས་ཀྱི་གནས་མལ་ལྷན་ཅིག་ཏུ་འབོག་པར་བྱེད། འདུལ་བ་འཛིན་པ་རྣམས་དང་མདོ་སྡེ་འཛིན་པ་རྣམས་ཀྱི། འདུལ་བ་འཛིན་པ་རྣམས་དང་མ་མོ་འཛིན་པ་རྣམས་ཀྱི། འདུལ་བ་འཛིན་པ་རྣམས་དང་ཆོས་སྒྲོག་པ་རྣམས་ཀྱི། འདུལ་བ་འཛིན་པ་རྣམས་དང་སྤོང་བ་པ་རྣམས་ཀྱི་གནས་མལ་ལྷན་ཅིག་འབོག་པར་བྱེད། མ་མོ་འཛིན་པ་རྣམས་དང་མདོ་སྡེ་འཛིན་པ་རྣམས་ཀྱི།་མ་མོ་འཛིན་པ་རྣམས་དང་འདུལ་བ་འཛིན་པ་རྣམས་ཀྱི། མ་མོ་འཛིན་པ་རྣམས་དང་ཆོས་སྒྲོག་པ་རྣམས་ཀྱི། མ་མོ་འཛིན་པ་རྣམས་དང་སྤོང་བ་པ་རྣམས་ཀྱི་གནས་མལ་ལྷན་ཅིག་ཏུ་འབོག་པར་བྱེད། ཆོས་སྒྲོག་པ་རྣམས་དང་མདོ་སྡེ་འཛིན་པ་རྣམས་ཀྱི། ཆོས་སྒྲོག་པ་རྣམས་དང་འདུལ་བ་འཛིན་པ་རྣམས་ཀྱི། ཆོས་སྒྲོག་པ་རྣམས་དང་མ་མོ་འཛིན་པ་རྣམས་ཀྱི། ཆོས་སྒྲོག་པ་རྣམས་དང་སྤོང་བ་པ་རྣམས་ཀྱི་གནས་མལ་ལྷན་ཅིག་ཏུ་འབོག་པར་བྱེད། སྤོང་བ་པ་རྣམས་དང་མདོ་སྡེ་འཛིན་པ་རྣམས་ཀྱི། སྤོང་བ་པ་རྣམས་དང་འདུལ་བ་འཛིན་པ་རྣམས་ཀྱི། སྤོང་བ་པ་རྣམས་
Ca378a
༄#། །དང་མ་མོ་འཛིན་པ་རྣམས་ཀྱི། སྤོང་བ་པ་རྣམས་དང་ཆོས་སྒྲོག་པ་རྣམས་ཀྱི་གནས་མལ་ལྷན་ཅིག་ཏུ་འབོག་པར་བྱེད་དོ། །གནས་མལ་མི་མཐུན་པར་འབོག་པ་ན་དགེ་སློང་དག་ཕན་ཚུན་སེམས་སྲུང་བས། དགེ་བའི་ཕྱོགས་དག་མི་བྱེད་ཅིང ། དེ་དག་དགེ་བའི་ཆོས་རྣམས་ཀྱིས་མི་འཕེལ་ཏེ། དཔེར་ན་ཆུ་མེད་པ་ན་ཨུཏྤལ་བཞིན་ནོ། །བཅོམ་ལྡན་འདས་ཀྱིས་དགོངས་པ་གྱད་བུ་ནོར་འདིས་སྔོན་གྱི་སངས་རྒྱས་རྣམས་དང ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་ཀྱེ་མ་བདག་སྐྱེ་དགུའི་ཚེ་ལོ་བརྒྱ་པ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་བསྟན་པ་ལ་རབ་ཏུ་བྱུང་ནས། གནས་མལ་འབོག་པ་རྣམས་ཀྱི་མཆོག་ཏུ་གྱུར་ཅིག་ཅེས་སྨོན་ལམ་བཏབ་པས། འདི་དགེ་སློང་རྣམས་ཀྱི་གནས་མལ་འབོག་པར་སྐོར་གཞུག་གོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།་དགེ་སློང་དག་ཁྱེད་ཀྱིས་དགེ་སློང་གྱད་བུ་ནོར་རམ། གཞན་ཡང་དེ་ལྟ་བུ་གང་ཡིན་པ་གནས་མལ་འབོག་པར་བསྐོ་བར་བྱའོ། །གནས་མལ་འབོག་པ་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན་འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། གནས་མལ་
Ca378b
ཕོག་པ་དང་མ་ཕོག་པ་མི་ཤེས་པའོ། །གནས་མལ་འབོག་པ་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་བྱ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། གནས་མལ་ཕོག་པ་དང་མ་ཕོག་པ་ཤེས་པའོ། །འདི་ལྟར་བསྐོ་བར་བྱ་སྟེ། གནས་མལ་བཤམ་པར་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་བསྐུལ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་ཇེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དགེ་འདུན་ལ་གནས་མལ་འབོག་པར་སྤྲོའམ། གལ་ཏེ་སྤྲོ་ན་དེས་སྤྲོའོ་ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་གནས་མལ་འབོག་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་གནས་མལ་འབོག་པར་བསྐོ་བར་བགྱི་སྟེ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་གནས་མལ་འབོག་གོ། འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་གནས་མལ་འབོག་པར་སྤྲོ་སྟེ། དེའི་སླད་དུ་དགེ་
Ca379a
༄#། །འདུན་གྱིས་དགེ་སློང་མིང་འདི་ཞེས་བགྱི་བ་དགེ་འདུན་ལ་གནས་མལ་འབོག་པར་བསྐོ་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་གནས་མལ་འབོག་པར་བསྐོ་བར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་གནས་མལ་འབོག་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །གང་གི་ཚེ་ཚེ་དང་ལྡན་པ་གྱད་བུ་ནོར་གནས་མལ་འབོག་པར་བསྐོས་པ་དེའི་ཚེ་ན་དེས་གནས་མལ་དེ་དག་མཐུན་པར་རྣམ་པར་བཞག་སྟེ། མདོ་སྡེ་འཛིན་པ་རྣམས་ཀྱང་མདོ་སྡེ་འཛིན་པ་རྣམས་དང་ལྷན་ཅིག་རྣམ་པར་བཞག། འདུལ་བ་འཛིན་པ་རྣམས་ཀྱང་འདུལ་བ་འཛིན་པ་རྣམས་དང ། མ་མོ་འཛིན་པ་རྣམས་ཀྱང་མ་མོ་འཛིན་པ་རྣམས་དང ། ཆོས་སྒྲོག་པ་རྣམས་ཀྱང་ཆོས་སྒྲོག་པ་རྣམས་དང ། སྤོང་བ་པ་རྣམས་ཀྱང་སྤོང་བ་པ་རྣམས་དང་ལྷན་ཅིག་རྣམ་པར་བཞག་གོ་།དེ་དག་གནས་མལ་མཐུན་པར་ཕོག་པས་ཕན་ཚུན་གཏམ་དང ། འབེལ་བའི་གཏམ་གྱིས་རྣམ་པར་གཏན་ལ་འབེབས་པས་དགེ་བའི་ཆོས་རྣམས་ཀྱིས་རྣམ་པར་འཕེལ་ཏེ། དཔེར་ན་ཆུ་ནས་ཨུཏྤལ་བཞིན་ནོ། །དེ་ན་གང་དག་མཚན་མོ་འོང་བ་དེ་དག་ལ་ནི་ཚེ་དང་ལྡན་པ་གྱད་བུ་ནོར་གྱིས་རྫུ་འཕྲུལ་གྱིས་སོར་མོ་གཅིག་ལས་འོད་སྦར་ཏེ་གནས་
Ca379b
མལ་འབོག་པར་བྱེད་དོ། །དེ་ན་གང་དག་མཚན་མོ་ཆེས་འཕྱི་བ་ན་འོང་བ་དེ་དག་ལ་ནི་ཚེ་དང་ལྡན་པ་གྱད་བུ་ནོར་གྱིས་རྫུ་འཕྲུལ་གྱིས་སོར་མོ་གཉིས་ལས་འོད་སྤར་ཏེ་གནས་མལ་འབོག་པར་བྱེད་དོ། ། དེ་ན་དགེ་སློང་གང་དག་ཚེ་དང་ལྡན་པ་གྱད་བུ་ནོར་གྱིས་མིའི་ཆོས་བླ་མ་རྫུ་འཕྲུལ་གྱི་ཆོ་འཕྲུལ་ལྟ་བར་འདོད་པ་དེ་དག་ནི་ཆེད་དུ་བསམས་ཏེ། མཚན་མོ་འོང་བར་བྱེད་པས། དེ་དག་ལ་ཚེ་དང་ལྡན་པ་གྱད་བུ་ནོར་གྱིས་རྫུ་འཕྲུལ་གྱིས་སོར་མོ་ལྔ་ཆར་ལས་འོད་སྤར་ཏེ། གནས་མལ་འབོག་པར་བྱེད་དོ། །དེ་དག་འདི་སྙམ་དུ་སེམས་ཏེ། བདག་ཅག་གིས་སྟོན་པ་དང་འདྲ་བའི་ཉན་ཐོས་ཆེན་པོ་འདི་ལྟ་བུས་གནས་མལ་ཕོག་པ་ལ་གློས་ཕབ་སྟེ། གཉིད་ལོག་པར་བྱེད་པ་ནི་བདག་ཅག་གི་ཚུལ་དང་མཐུན་པ་མ་ཡིན་གྱིས། བདག་ཅག་གིས་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་གནས་པར་བྱའོ་སྙམ་ནས། དེ་དག་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་གནས་པས་མ་ཐོབ་པ་ནི་ཐོབ་པར་གྱུར་ཅིང ། ཐོབ་པ་ལས་ནི་ཡོངས་སུ་མི་ཉམས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་གནས་མལ་འབོག་པ་རྣམས་ཀྱི་ནང་ན་འདི་ལྟ་སྟེ་ངའི་གྱད་བུ་ནོར་འདི་མཆོག་ཡིན་ནོ། །གང་གི་ཚེ་བཅོམ་ལྡན་འདས་ཀྱིས་བསྟན་པ་རྒྱས་པར་གྱུར་པ་དེའི་ཚེ་བྲམ་ཟེ་དང་ཁྱིམ་བདག་དད་པ་རྣམས་ཀྱིས་ཁྱིམ་དག་ཏུ་དགེ་
Ca380a
༄#། །འདུན་གྱི་ཟས་དག་བཤམས་པ་ན། དྲུག་སྡེ་དག་གང་ན་ཟས་དག་བསོད་པ་དེར་དོང་སྟེ། ཡོངས་སུ་ལོངས་སྤྱོད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་དེ་དག་གིས་སྨྲས་པ། འཕགས་པ་དག་ཁྱེད་ཅག་འབའ་ཞིག་གདུགས་གཅིག་བཞིན་དུ་བྱོན་ན་ཅིའི་སླད་དུ་དགེ་སློང་གནས་བརྟན་གནས་བརྟན་དེ་དག་མ་བྱོན། དྲུག་སྡེ་དག་གིས་སྨྲས་པ། དེ་དག་ཟས་འདི་ལྟ་བུ་དག་ལ་ཡོངས་སུ་ལོངས་སྤྱོད་པར་མི་བྱེད་དོ། །འོ་ན་ཇི་ལྟ་བུ་དག་ལ་ཡོངས་སུ་ལོངས་སྤྱོད་པར་མཛད། བསོད་པ་དག་ལའོ། །འཕགས་པ་དག་བཅོམ་ལྡན་འདས་ཀྱིས་བདག་ཅག་བསོད་པ་སྦྱིན་པར་བྱེད་པ་རྣམས་ཀྱིས་མཆོག་ཏུ་བསྟན་ན། ཁྱེད་ཅག་ཅིའི་སླད་དུ་དེ་སྐད་ཅེས་དེ་དག་ཟས་འདི་ལྟ་བུ་དག་ལ་ཡོངས་སུ་ལོངས་སྤྱོད་པར་མི་བྱེད་དོ་ཞེས་གསུང ། བཅོམ་ལྡན་འདས་ཀྱིས་འཕགས་པའི་རིགས་ཀྱི་མདོ་ལས་ཆོས་གོས་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། བསོད་སྙོམས་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། གནས་མལ་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། སྤོང་བ་ལ་མངོན་པར་དགའ་བ་དང ། སྒོམ་པ་ལ་མངོན་པར་དགའ་བ་འཕགས་པའི་རིགས་ཞེས་གསུངས་ན། ཁྱེད་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་ཅིའི་སླད་དུ་བྱུང་རྒྱལ་དུ་སྨྲ་བར་མཛད། བཞུད་ལ་སླན་ཆད་འདིར་མ་བྱོན་ཅིག་།དྲུག་སྡེ་དག་སྤོབས་པ་མེད་པར་
Ca380b
གྱུར་ནས་ཅང་མི་སྨྲ་བར་དོང་ངོ ། །ཐོས་པ་གཅིག་ནས་གཅིག་ཏུ་བརྒྱུད་པས་དགེ་སློང་དག་གིས་ཐོས་ནས་དགེ་སློང་དག་གིས་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་གྱད་བུ་ནོར་རམ། གཞན་ཡང་དེ་ལྟ་བུ་གང་ཡིན་པ་ཟས་ལས་སྐོ་བར་བསྒོ་བར་བྱའོ། །ཟས་ལ་སྐོ་བ་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། ཟས་ལ་བསྐོས་པ་དང་མ་བསྐོས་པ་མི་ཤེས་པའོ། །ཟས་ལ་སྐོ་བ་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། ཟས་ལ་བསྐོས་པ་དང་མ་བསྐོས་པ་ཤེས་པའོ། །འདི་ལྟར་བསྐོ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་བསྐུལ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་ཇེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དགེ་སློང་རྣམས་ལ་ཟས་ལ་བསྐོ་བར་སྤྲོའམ། གལ་ཏེ་སྤྲོ་ན་དེས་སྤྲོའོ་ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ།
Ca381a
༄#། །དགེ་སློང་མིང་འདི་ཞེས་བགྱི་བ་འདི་དགེ་སློང་རྣམས་ལ་ཟས་ལ་སྐོ་བར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་སློང་རྣམས་ལ་ཟས་ལ་སྐོ་བར་བསྐོ་བར་བགྱི་སྟེ། དགེ་སློང་མིང་འདི་ཞེས་བགྱི་བ་འདི་དགེ་སློང་རྣམས་ལ་ཟས་ལ་བསྐོའོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་སློང་རྣམས་ལ་ཟས་ལ་བསྐོ་བར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་སློང་རྣམས་ལ་ཟས་ལ་བསྐོ་བར་བསྐོ་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་དགེ་སློང་རྣམས་ལ་ཟས་ལ་སྐོ་བར་བསྐོ་བར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་སློང་རྣམས་ལ་ཟས་ལ་སྐོ་བར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །གང་གི་ཚེ་ཚེ་དང་ལྡན་པ་གྱད་བུ་ནོར་ཟས་ལ་སྐོ་བར་བསྐོས་པ་དེའི་ཚེ་ན་དེས་དགེ་འདུན་ལ་ཟས་རྣམ་པ་གསུམ་བཤམས་ཏེ། བསོད་པ་དག་དང ། འབྲིང་དག་དང ། ངན་པ་དག་གོ་།དགེ་སློང་གང་དག་གློ་བུར་དུ་ལྷགས་པ་དེ་དག་ལ་ནི་ཉི་མ་དང་པོ་ལ་ནི་ཟས་བསོད་པ་དག་ཏུ་སྐོ་བར་བྱེད། ཉི་མ་
Ca381b
གཉིས་པ་ནི་འབྲིང་དུ། གསུམ་པ་ལ་ནི་ངན་པར་སྐོ་བར་བྱེད་དོ། །ཉི་མ་བཞི་པ་ལ་ནི་དེ་དག་རང་གི་སྤྱོད་ཡུལ་ཤེས་པས་བསོད་སྙོམས་ལ་འཇུག་པར་བྱེད་དོ། །དེའི་ཚེ་ན་ཚེ་དང་ལྡན་པ་གྱད་བུ་ནོར་རྒྱལ་པོའི་ཁབ་ན་གནས་པ་དང ། གཉུག་མར་གནས་པ་དང ། གསོལ་བ་བྱེད་པ་དང ། གཏམས་པ་འཛིན་པ་དང ། གནས་མལ་འབོག་པ་དང ། ཟས་ལ་སྐོ་བར་བྱེད་པས་དེ་དགེ་འདུན་ལ་ལུགས་ཇི་ལྟ་བ་བཞིན་དང ། རྒན་རིམས་ཇི་ལྟ་བ་བཞིན་དང ། གོ་རིམས་ཇི་ལྟ་བ་བཞིན་དང ། ཐོད་རྒལ་མེད་པར་ཟས་ལ་སྐོ་བར་བྱེད་དོ། །ཚེ་དང་ལྡན་པ་གྱད་བུ་ནོར་དང ། དགེ་སློང་མཛའ་བོ་དང་ས་ལས་སྐྱེས་གཉིས་ཚེ་རབས་ཚེ་རབས་སུ་འཁོན་ཡོད་པས་དེ་གཉིས་ལྷའི་རི་བོ་དག་ཏུ་ལྗོངས་རྒྱུ་ཞིང་འདོང་བ་ན་རྒྱལ་པོའི་ཁབ་ཏུ་ཕྱིན་ནས་དེ་གཉིས་ཀྱིས་དགེ་སློང་ཞིག་ལ་དྲིས་པ། ཚེ་དང་ལྡན་པ་དགེ་འདུན་གྱིས་གནས་མལ་འབོག་པར་བསྐོས་པས་ཡིན། དེས་སྨྲས་པ་ཚེ་དང་ལྡན་པ་གྱད་བུ་ནོར་རོ། །དེ་ནས་དེ་གཉིས་ཚེ་དང་ལྡན་པ་གྱད་བུ་ནོར་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་གྱད་བུ་ནོར་ལ་འདི་ཅེས་སྨྲས་སོ། །ཁོ་བོ་ཅག་གཉིས་ཀྱི་གནས་མལ་ཕོག་ཅིག་།དེའི་ཚེ་ན་མལ་ཆ་བཟང་པོ་གང་དག་ཡིན་པ་དེ་དག་ནི་གནས་བརྟན་གནས་བརྟན་རྣམས་ལ་ཕོག་ཟིན་པས་ལྷག་མ་ངན་པ་དག་ལུས་སོ། ། གཙུག་ལག་ཁང་ཡང་ཉེན་ཀོར་གྱི་གང་དག་ཡིན་པ་དེ་དག་ནི་གནས་བརྟན་གནས་བརྟན་རྣམས་ཀྱིས་བསྐོས་ཟིན་པས་མཐའི་གཙུག་ལག་ཁང་དག་འབའ་ཞིག་ལུས་ནས། ཚེ་དང་ལྡན་པ་གྱད་བུ་
Ca382a
༄#། །ནོར་གྱིས་དེ་གཉིས་ལ་མལ་ཆ་ངན་པ་དག་ཕོག་ཅིང ། གཙུག་ལག་ཁང་ཡང་མཐའ་དག་ཏུ་བསྐོས་སོ། །དེ་གཉིས་ཀྱིས་སྨྲས་པ། དགེ་འདུན་གྱི་ཟས་ལ་སྐོ་བ་སུ་ཡིན། ཚེ་དང་ལྡན་པ་གྱད་བུ་ནོར་གྱིས་སྨྲས་པ། བདག་སྟེ་གྱད་བུ་ནོར་རོ། །ཁོ་བོ་ཅག་གཉིས་ཀྱི་ཟས་སྐོས་ཤིག་།ཚེ་དང་ལྡན་པ་གྱད་བུ་ནོར་གྱིས་ཉི་མ་དང་པོ་ལ་དེ་གཉིས་ཟས་བསོད་པ་དག་ཏུ་བསྐོས་པ་དང ། བྲམ་ཟེ་དང་ཁྱིམ་བདག་དད་པ་ཅན་དག་གིས་དྲིས་པ། སང་བདག་ཅག་གི་འདིར་མགྲོན་སུ་འོང་བར་འགྱུར། གཞན་དག་གིས་སྨྲས་པ། མཛའ་བོ་དང་ས་ལས་སྐྱེས་གཉིས་སོ། །དེ་དག་གིས་བསམས་པ།་དེ་གཉིས་ནི་གནས་ངན་ལེན་ཀུན་ཏུ་སྤྱོད་པ་ཡིན་པས་སུ་ཞིག་དེ་གཉིས་ཀྱི་ཕྱིར་གུས་པར་བྱེད་པར་འགྱུར་ཏེ། ཅི་ཡང་རུང་བ་ཟོས་ཤིང་འགྲོ་བར་གྱུར་ཅིག་སྙམ་ནས་དེ་དག་གིས་དེ་གཉིས་ལ་གུས་པ་མ་བྱས་པར་ཟས་ངན་པ་བྱིན་ནོ། །ཚེ་དང་ལྡན་པ་གྱད་བུ་ནོར་གྱིས་ཉི་མ་གཉིས་པ་ལ་དེ་གཉིས་ཟས་འབྲིང་དུ་བསྐོས་པ་དང ། དེ་བཞིན་དུ་བྲམ་ཟེ་དང་ཁྱིམ་བདག་དད་པ་དག་གིས་དྲིས་པ། སང་བདག་ཅག་གི་འདིར་སུ་མགྲོན་དུ་འོང་བར་འགྱུར། གཞན་དག་གིས་སྨྲས་པ། མཛའ་བོ་དང་ས་ལས་སྐྱེས་གཉིས་སོ། །དེ་དག་གིས་བསམས་པ། དེ་གཉིས་ནི་གནས་ངན་ལེན་ཀུན་ཏུ་སྤྱོད་པ་ཡིན་པས་སུ་ཞིག་།དེ་གཉིས་ཀྱི་ཕྱིར་གུས་པར་བྱེད་པར་འགྱུར་ཏེ། ཅི་ཡང་རུང་བ་ཟོས་ཤིང་འགྲོ་བར་གྱུར་ཅིག་སྙམ་ནས། དེ་དག་གིས་དེ་གཉིས་ལ་གུས་པ་མ་བྱས་པར་ཟས་ངན་པ་དག་བྱིན་ནོ། །
Ca382b
ཚེ་དང་ལྡན་པ་གྱད་བུ་ནོར་གྱིས་ཉི་མ་གསུམ་པ་ལ་ནི་དེ་གཉིས་རང་བཞིན་གྱིས་ཟས་ངན་པ་དག་ཏུ་བསྐོས་སོ། །དེ་ནས་མཛའ་བོ་དང་ས་ལས་སྐྱེས་གཉིས་འདི་སྙམ་དུ་སེམས་ཏེ། ཀྱེ་མའོ་སྡུག་བསྔལ་ལོ།། ཀྱེ་མའོ་མི་བཟོད་དོ། །ཚེ་དང་ལྡན་པ་གྱད་བུ་ནོར་གྱིས་བསམས་བཞིན་དུ་བདག་ཅག་གཉིས་ལན་གསུམ་གྱི་བར་དུ་གང་དག་ཟོས་ན་རྗུད་པར་འགྱུར་བའི་ཟས་ངན་པ་ཤིན་ཏུ་ཡིད་དུ་མི་འོང་བ་དག་གིས་མཐོ་བཙམས་གྱིས་བདག་ཅག་གཉིས་ཀྱིས་འདི་ལ་གནོད་པ་ཇི་ལྟ་བུ་ཞིག་བྱ་སྙམ་མོ། །དེའི་ཚེ་ན་དགེ་སློང་མཛའ་བོ་དང་ས་ལས་སྐྱེས་གཉིས་ཀྱི་སྲིང་མོ་དགེ་སློང་མ་མཛའ་མོ་ཞེས་བྱ་བ་རྒྱལ་པོའི་ཁབ་ན། དགེ་སློང་མའི་དབྱར་ཁང་རྒྱལ་པོའི་ཀུན་དགའ་ར་བ་ན་འདུག་གོ་།དེ་ནས་དགེ་སློང་མ་མཛའ་མོ་དགེ་སློང་མཛའ་བོ་དང་ས་ལས་སྐྱེས་གཉིས་ག་ལ་བ་དེར་སོང་སྟེ་ཕྱིན་ནས། དགེ་སློང་མཛའ་བོ་དང་ས་ལས་སྐྱེས་གཉིས་ཀྱི་རྐང་པ་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། དགེ་སློང་མཛའ་བོ་དང་ས་ལས་སྐྱེས་གཉིས་དགེ་སློང་མ་མཛའ་མོ་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད། ཅུང་ཟད་ལྟ་བར་མི་བྱེད། རྣམ་པར་ལྟ་བར་མི་བྱེད་དོ། །དེ་ནས་དགེ་སློང་མ་མཛའ་མོས་དགེ་སློང་མཛའ་བོ་དང་ས་ལས་སྐྱེས་གཉིས་ལ་འདི་སྐད་ཅེས་སྨྲས་སོ། །འཕགས་པ་གཉིས་ཅིའི་སླད་དུ་ཁྱེད་གཉིས་བདག་ལ་གཏམ་འདྲེ་པར་མི་མཛད། ཕེབས་པར་སྨྲ་བར་མི་མཛད། ཅུང་ཟད་ལྟ་བར་མི་མཛད། རྣམ་པར་ལྟ་བར་མི་མཛད། སྲིང་མོ། ཁོ་བོ་ཅག་གཉིས་ཚེ་དང་ལྡན་པ་གྱད་བུ་ནོར་གྱིས་
Ca383a
༄#། །བསམ་བཞིན་དུ་ལན་གསུམ་གྱི་བར་དུ་གང་དག་ཟོས་ན་རྗུད་པར་འགྱུར་བའི་ཟས་ངན་པ་ཤིན་ཏུ་ཡིད་དུ་མི་འོང་བ་དག་གིས་མཐོ་བཙམས་ན་དེ་ཁྱོད་ཀྱིས་ཡལ་བར་དོར་རམ། འཕགས་པ་གཉིས་འོ་ན་བདག་གིས་ཅི་ཞིག་བགྱི། སྲིང་མོ་ཚུར་ཤོག་།བཅོམ་ལྡན་འདས་ག་ལ་བ་དེར་སོང་ལ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་བཙུན་པ་འདི་ལྟར་འཕགས་པ་གྱད་བུ་ནོར་བདག་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་པ་མ་ལགས་སོ་ཞེས་སྨྲོས་ཤིག་དང ། ཁོ་བོ་ཅག་གཉིས་ཀྱིས་ཀྱང་འདི་སྐད་ཅེས་བཅོམ་ལྡན་འདས་དེ་དེ་བཞིན་ནོ། །བདེ་བར་གཤེགས་པ་དེ་དེ་བཞིན་ཏེ། བདག་ཅག་གཉིས་ཀྱི་སྲིང་མོས་ཇི་སྐད་གསོལ་བ་དེ་ཁོ་ན་བཞིན་དུ་བདག་ཅག་གཉིས་ཀྱིས་ཀྱང་འཚལ་ཏོ་ཞེས་སྨྲ་བར་བྱའོ། །འཕགས་པ་གཉིས་ཇི་ལྟར་བདག་གིས་དགེ་སློང་དག་པ་ལྟུང་བ་མ་མཆིས་པ་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་གདབ་པར་བགྱི། སྲིང་མོ་ཁྱོད་ཇི་སྲིད་དུ་དེ་སྐད་མི་ཟེར་བ་དེ་སྲིད་དུ་ཁོ་བོ་ཅག་གཉིས་ཁྱོད་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད། ཅུང་ཟད་ལྟ་བར་མི་བྱེད། རྣམ་པར་ལྟ་བར་མི་བྱེད་དོ། །དེ་ནས་དགེ་སློང་མ་མཛའ་མོ་ཡུད་ཙམ་ཞིག་ཅང་མི་སྨྲ་བར་འདུག་ནས། དགེ་སློང་མཛའ་བོ་དང་ས་ལས་སྐྱེས་གཉིས་ལ་འདི་སྐད་ཅེས་སྨྲས་སོ། །འཕགས་པ་གཉིས་དེ་ལྟ་ན་བདག་གིས་དེ་སྐད་བགྱིའོ། །
Ca383b
སྲིང་མོ་དེའི་ཕྱིར་ཁྱོད་ཇི་སྲིད་དུ་ཁོ་བོ་ཅག་གཉིས་བཅོམ་ལྡན་འདས་ག་ལ་བ་དེར་མ་སོན་པ་དེ་སྲིད་དུ་རེ་ཞིག་ཏུ་སྡོད་ལ། གང་གི་ཚེ་ཁོ་བོ་ཅག་གཉིས་བཅོམ་ལྡན་འདས་ཀྱི་དྲུང་དུ་སོན་པ་དེའི་ཚེ་ན་ཁྱོད་ཕྱི་བཞིན་ཤོག་ཅིག་།དེ་ནས་དགེ་སློང་མཛའ་བོ་དང་ས་ལས་སྐྱེས་གཉིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།དེ་ནས་དགེ་སློང་མ་མཛའ་མོས་དགེ་སློང་མཛའ་བོ་དང་ས་ལས་སྐྱེས་གཉིས་དོང་ནས་རིང་པོ་མ་ལོན་པར་རིག་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་དགེ་སློང་མ་མཛའ་མོས་འདི་སྐད་ཅེས་གསོལ་ཏོ། །བཙུན་པ་འདི་ལྟར་འཕགས་པ་གྱད་བུ་ནོར་བདག་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་པ་མ་ལགས་སོ། །དགེ་སློང་མཛའ་བོ་དང་ས་ལས་སྐྱེས་གཉིས་ཀྱིས་ཀྱང་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་དེ་བཞིན་ནོ། །བདེ་བར་གཤེགས་པ་དེ་དེ་བཞིན་ཏེ། བདག་ཅག་གཉིས་ཀྱི་སྲིང་མོས་ཇི་སྐད་གསོལ་པ་དེ་ཁོ་ན་བཞིན་དུ་བདག་ཅག་གཉིས་ཀྱིས་ཀྱང་འཚལ་ཏོ། །དེའི་ཚེ་ན་ཚེ་དང་ལྡན་པ་གྱད་བུ་ནོར་འཁོར་དེ་ཉིད་ན་འདུག་ཅིང་མཐུན་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་གྱད་བུ་ནོར་ལ་བཀའ་སྩལ་པ། གྱད་བུ་
Ca384a
༄#། །ནོར་ཁྱོད་ཀྱིས་ཐོས་སམ། བཅོམ་ལྡན་འདས་བདག་གིས་ཐོས་སོ། །གྱད་བུ་ནོར་ཁྱོད་ཀྱིས་ཐོས་སམ། བདེ་བར་གཤེགས་པ་བདག་གིས་ཐོས་སོ། །གྱད་བུ་ནོར་ཁྱོད་དེ་ལ་ཇི་སྙམ་དུ་སེམས། བཅོམ་ལྡན་འདས་ཀྱིས་བདག་ལ་ཇི་ལྟར་མཁྱེན་པ་ལགས་སོ། །བདེ་བར་གཤེགས་པས་བདག་ལ་ཇི་ལྟར་མཁྱེན་པ་ལགས་སོ། །གྱད་བུ་ནོར་ཁྱོད་དེ་སྐད་ཅེས་བཅོམ་ལྡན་འདས་ཀྱིས་བདག་ལ་ཇི་ལྟར་མཁྱེན་པ་ལགས་སོ། །བདེ་བར་གཤེགས་པས་བདག་ལ་ཇི་ལྟར་མཁྱེན་པར་ལགས་སོ་ཞེས་ཟེར་བ་དེ་ནི་དུས་མ་ཡིན། འདི་ནི་སྐབས་མ་ཡིན་ཏེ། འདི་ལྟར་དྲན་ན་ཡང་དྲན་ཞེས་བརྗོད་པར་བྱའོ། །མི་དྲན་ན་ཡང་མི་དྲན་ཞེས་བརྗོད་པར་བྱའོ། །བཅོམ་ལྡན་འདས་མི་དྲན་ནོ། །བདེ་བར་གཤེགས་པ་མི་དྲན་ནོ། །དེའི་ཚེ་ན་ཚེ་དང་ལྡན་པ་སྒྲ་གཅན་ཟིན་བཅོམ་ལྡན་འདས་ཀྱི་སྣམ་ལོགས་ན་འདུག་པར་གྱུར་ཅིང་རྡུལ་ཡབ་ཐོགས་ཏེ་བཅོམ་ལྡན་འདས་ལ་གཡོབ་པར་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་སྒྲ་གཅན་ཟིན་གྱིས་འདི་སྐད་ཅེས་གསོལ་ཏོ། །བཙུན་པ་འདི་ལྟར་དགེ་སློང་མ་མཛའ་མོ་བཅོམ་ལྡན་འདས་ག་ལ་བ་དེར་མཆིས་ཏེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་མཆིས་ཤིང ། མཐའ་གཅིག་ཏུ་མཆིས་ནས་བཅོམ་ལྡན་འདས་ལ་དགེ་སློང་མ་མཛའ་མོས་འདི་སྐད་ཅེས། བཙུན་པ་འདི་ལྟར་འཕགས་
Ca384b
པ་གྱད་བུ་ནོར་བདག་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་པ་མ་ལགས་སོ་ཞེས་གསོལ་ནས། དགེ་སློང་མཛའ་བོ་དང་ས་ལས་སྐྱེས་གཉིས་ཀྱིས་ཀྱང་འདི་སྐད་ཅེས་བཅོམ་ལྡན་འདས་ད་དེ་བཞིན་ནོ། །བདེ་བར་གཤེགས་པ་དེ་དེ་བཞིན་ཏེ། བདག་ཅག་གཉིས་ཀྱི་སྲིང་མོས་འདི་སྐད་ཅེས་གསོལ་པ་དེ་ཁོ་ན་བཞིན་དུ་བདག་ཅག་གཉིས་ཀྱིས་ཀྱང་འཚལ་ཏོ་ཞེས་གསོལ་ན། བཙུན་པ་དེའི་སླད་དུ་ཚེ་དང་ལྡན་པ་གྱད་བུ་ནོར་ལ་རྨ་ཅི་འཚལ། སྒྲ་གཅན་ཟིན་དེའི་ཕྱིར་དེ་ཁྱོད་ཉིད་ལ་དྲིའི་ཁྱོད་ཀྱིས་ཇི་ལྟར་བཟོད་པ་དེ་ཁོ་ན་བཞིན་དུ་ལན་ཐོབ་ཅིག། སྒྲ་གཅན་ཟིན་གལ་ཏེ་དགེ་སློང་མ་མཛའ་མོ་དེ་ག་ལ་བ་དེར་འོངས་ཏེ་ཕྱིན་ནས། ངའི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་ཅིང ། མཐའ་གཅིག་ཏུ་འདུག་ནས་ང་ལ་དགེ་སློང་མ་མཛའ་མོས་འདི་སྐད་ཅེས་བཙུན་པ་འདི་ལྟར་འཕགས་པ་སྒྲ་གཅན་ཟིན་བདག་དང་ལྷན་ཅིག་མི་ཚངས་པར་སྤྱད་དེ་ཕམ་པར་གྱུར་པ་དེ་ནི་མི་མཛེས་ཤིང་ཚུལ་དང་མཐུན་པ་མ་ལགས་སོ། །ཞེས་གསོལ་ནས། དགེ་སློང་མཛའ་བོ་དང་ས་ལས་སྐྱེས་གཉིས་ཀྱིས་ཀྱང་འདི་སྐད་ཅེས་བཅོམ་ལྡན་འདས་དེ་དེ་བཞིན་ནོ། །བདེ་བར་གཤེགས་པ་དེ་དེ་བཞིན་ཏེ། བདག་ཅག་གཉིས་ཀྱི་སྲིང་མོས་ཇི་སྐད་གསོལ་པ་དེ་ཁོ་ན་བཞིན་དུ་བདག་ཅག་གཉིས་ཀྱིས་ཀྱང་འཚལ་ཏོ་ཞེས་གསོལ་ནས། ངས་ཁྱོད་ལ་སྒྲ་གཅན་ཟིན་དེ་ལ་ཁྱོད་ཇི་སྙམ་དུ་སེམས་ཤེས་རྨས་ན། ཁྱོད་ཇི་སྐད་ལན་འདེབས་པར་བྱེད།
Ca385a
༄#། །བཙུན་པ་བདག་འདི་སྐད་ཅེས་དྲན་ན་ཡང་དྲན་ཞེས་གསོལ་ལོ། །མི་དྲན་ན་ཡང་མི་དྲན་ཞེས་གསོལ་ལོ། །མི་གཏི་མུག་ཅན་འོ་ན་ཁྱོད་ཀྱིས་དོན་དེ་འཐོབ་ན་དགེ་སློང་གྱད་བུ་ནོར་དག་པ་ལྟུང་བ་མེད་པས་ཅིའི་ཕྱིར་མི་འཐོབ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱོད་ཀྱིས་དགེ་སློང་གྱད་བུ་ནོར་ནི་དྲན་པ་དང་ལྡན་པར་ཟུང་ཞིག་།དགེ་སློང་མ་མཛའ་མོ་ནི་རང་གིས་ཁས་བླངས་པས་བསྙིལ་པར་བྱའོ། །དགེ་སློང་མཛའ་བོ་དང་ས་ལས་སྐྱེས་གཉིས་ལ་ནི་ཅི་ཞིག་མཐོང ། ཇི་ལྟར་མཐོང ། གང་དུ་མཐོང ། ཁྱེད་གཉིས་དོན་ཅི་ལ་དེར་སོན་པས་དེར་མཐོང་ཞེས་ལེགས་པར་རབ་ཏུ་གླེང་བར་གྱིས་ཤིང ། བརྟག་པར་གྱིས་ཤིག་ཅེས་བཀའ་སྩལ་ནས། བཅོམ་ལྡན་འདས་གདན་ལས་བཞེངས་ཏེ་ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་དགེ་སློང་རབ་ཏུ་མང་པོ་དག་གིས་བཅོམ་ལྡན་འདས་ནང་དུ་ཡང་དག་འཇོག་ལ་ཞུགས་ནས་རིང་པོ་མ་ལོན་པར་རིག་ནས། ཚེ་དང་ལྡན་པ་གྱད་བུ་ནོར་ནི་དྲན་པ་དང་ལྡན་པར་བཟུང ། དགེ་སློང་མ་མཛའ་མོ་ནི་རང་གིས་ཁས་བླངས་པས་བསྙིལ། དགེ་སློང་མཛའ་བོ་དང་ས་ལས་སྐྱེས་གཉིས་ལ་ནི་ཅི་ཞིག་མཐོང ། ཇི་ལྟར་མཐོང ། གང་དུ་མཐོང ། ཁྱེད་གཉིས་ཅིའི་ཕྱིར་དེར་སོན་པས་དེར་མཐོང་ཞེས་ལེགས་པར་རབ་ཏུ་གླེངས་ཤིང་བརྟགས་སོ། །དགེ་སློང་རབ་ཏུ་མང་པོ་དག་གིས་ལེགས་པར་རབ་ཏུ་གླེངས་
Ca385b
ཤིང་བརྟགས་པ་ན་དེ་གཉིས་ཀྱིས་སྨྲས་པ། ཚེ་དང་ལྡན་པ་དག་།ཚེ་དང་ལྡན་པ་གྱད་བུ་ནོར་ལ་མི་ཚངས་པར་སྤྱོད་པའི་ཕམ་པར་གྱུར་པ་མ་བྱུང་སྟེ། འདི་ལྟར་ཚེ་དང་ལྡན་པ་གྱད་བུ་ནོར་གྱིས་བདག་ཅག་གཉིས་གང་དག་ཟོས་ན་རྗུད་པར་འགྱུར་བ་ཤིན་ཏུ་ཡིད་དུ་མི་འོང་བའི་ཟས་ངན་པ་དག་གིས་ལན་གསུམ་གྱི་བར་དུ་མཐོ་བཙམས་པས་བདག་ཅག་གཉིས་ཀྱིས་ཚེ་དང་ལྡན་པ་གྱད་བུ་ནོར་ལ་འདུན་པས་སྨྲས། ཞེ་སྡང་དང་གཏི་མུག་དང་འཇིགས་པས་སྨྲས་པར་ཟད་ཀྱིས། ཚེ་དང་ལྡན་པ་གྱད་བུ་ནོར་ལ་མི་ཚངས་པར་སྤྱོད་པའི་ཕམ་པར་འགྱུར་བ་མ་བྱུང་སྟེ། འདི་ལྟར་དགེ་སློང་དག་པ་ལྟུང་བ་མེད་པ་ཡིན་ནོ། །དེ་ནས་བཅོམ་ལྡན་འདས་ཕྱེ་མ་བྲེད་ནང་དུ་ཡང་དག་འཇོག་ལས་བཞེངས་ནས། དགེ་སློང་གི་དགེ་འདུན་གྱི་གུང་དུ་གདན་བཤམས་པ་ཉིད་ལ་བཞུགས་སོ། །དེ་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་འདི་སྐད་ཅེས་གསོལ་ཏོ། །བཙུན་པ་འདི་ན་བདག་ཅག་དགེ་སློང་རབ་ཏུ་མང་པོ་དག་གིས་བཅོམ་ལྡན་འདས་ནང་དུ་འཇོག་ལ་ཞུགས་ནས་རིང་པོ་མ་ལགས་པར་རིག་ནས། ཚེ་དང་ལྡན་པ་གྱད་བུ་ནོར་ནི་དྲན་པ་དང་ལྡན་པར་བཟུང ། དགེ་སློང་མ་མཛའ་མོ་ནི་རང་གི་མཆིད་ཀྱིས་འཚལ་བས་བསྙིལ། དགེ་སློང་མཛའ་བོ་དང་ས་ལས་སྐྱེས་གཉིས་ལ་ནི་ཅི་ཞིག་མཐོང ། ཇི་ལྟར་མཐོང་གང་དུ་མཐོང ། ཁྱེད་གཉིས་ཅིའི་ཕྱིར་དེར་སོན་པས་དེར་མཐོང་ཞེས་ལེགས་པར་རབ་ཏུ་གླེངས་ཤིང་བརྟགས་ཏེ། བདག་ཅག་དགེ་སློང་རབ་ཏུ་མང་པོ་དག་གིས་ལེགས་པར་རབ་ཏུ་
Ca386a
༄#། །གླེངས་ཤིང་བརྟགས་པ་ན། དེ་གཉིས་ཀྱིས་མཆིད་ནས་ཚེ་དང་ལྡན་པ་དག་།ཚེ་དང་ལྡན་པ་གྱད་བུ་ནོར་ལ་མི་ཆངས་པར་སྤྱོད་པའི་ཕམ་པར་འགྱུར་བ་མ་བྱུང་སྟེ། འདི་ལྟར་ཚེ་དང་ལྡན་པ་གྱད་བུ་ནོར་གྱིས་བདག་ཅག་གཉིས་གང་དག་ཟོས་ན་རྗུད་པར་འགྱུར་བ་ཤིན་ཏུ་ཡིད་དུ་མི་འོང་བའི་ཟས་ངན་པ་དག་གིས་ལན་གསུམ་གྱི་བར་དུ་མཐོ་བཙམས་པས་བདག་ཅག་གཉིས་ཀྱིས་ཚེ་དང་ལྡན་པ་གྱད་བུ་ནོར་ལ་འདུན་པས་སྨྲས། ཞེ་སྡང་དང་གཏི་མུག་དང་འཇིགས་པས་སྨྲས་པར་ཟད་ཀྱིས། ཚེ་དང་ལྡན་པ་གྱད་བུ་ནོར་ལ་མི་ཚངས་པར་སྤྱོད་པའི་ཕམ་པར་འགྱུར་བ་མ་བྱུང་སྟེ། འདི་ལྟར་དགེ་སློང་དག་པ་ལྟུང་བ་མེད་པ་ཡིན་ནོ་ཞེས་མཆིའོ། །དགེ་སློང་དག་མི་གཏི་མུག་ཅན་དེ་གཉིས་ཀྱིས་ཅིའི་ཕྱིར་ཟང་ཟིང་ཅུང་ཟད་ཙམ་གྱི་ཕྱིར་ཤེས་བཞིན་དུ་རྫུན་གྱི་ཚིག་སྨྲས་པར་གྱུར། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་གཉིས་བཀའ་སྩལ་པ། ལུས་ཅན་བརྫུན་དུ་སྨྲས་པ་ཡིས། །ཆོས་གཅིག་ལས་ནི་འདས་གྱུར་ཅིང ། །འཇིག་རྟེན་ཕ་རོལ་དྲལ་བ་ཡིས། །འདི་ལ་སྡིག་པ་མི་བྱ་མེད། །ལྕགས་གོང་མེ་ལྕེ་འདྲ་བ་དག་།ཟོས་པ་གྱུར་པ་མཆོག་ཡིན་གྱི། ཚུལ་འཚལ་ཡང་དག་མི་སྡོམ་པས། །ཡུལ་འཁོར་བསོད་སྙོམས་ཟ་བ་མིན། །དེའི་སྐབས་སུ་ནམ་མཁའི་དཀྱིལ་ན་གནས་པའི་ལྷ་རྣམས་ཀྱིས་ངན་ཏོ་ཞེས་བྱ་བ་བརྗོད་དེ་ཁམ་གྱི་ཟས་ནི་ངན་ཏོ། །མི་བཟོད་དོ། །མཆོག་ཏུ་མི་བཟོད་དོ། །འདི་ལྟར་དགེ་
Ca386b
སློང་སྨས་པ་དག་ཟང་ཟིང་ཅུང་ཟད་ཙམ་གྱི་ཕྱིར་དགེ་སློང་དག་པ་ལྟུང་བ་མེད་པ་ལ་གཞི་མེད་པར་ཕམ་པར་འགྱུར་བའི་ཆོས་ཀྱིས་སྐུར་བ་འདེབས་པར་བྱེད་དོ། །ཡང་སྨྲས་པ། འཇིག་རྟེན་དག་ན་འཁོར་བ་ལ། །བློ་ལྡན་སུ་ཞིག་དགའ་བར་བྱེད། །སྲིད་གསུམ་གྲོལ་བའི་ནོར་གྱིས་ཀྱང ། །སྐུར་པ་ཐོབ་པར་གྱུར་ཕྱིར་རོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་མཛའ་བོ་དང་ས་ལས་སྐྱེས་གཉིས་ལ་རྨས་པ། མི་གཏི་མུག་ཅན་ཁྱོད་གཉིས་ཀྱིས་དགེ་སློང་དག་པ་ལྟུང་བ་མེད་པ་ལ་གཞི་མེད་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་བྱ་བ་ལ་སོགས་པས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གང་ཟག་གསུམ་པོ་འདི་དག་ནི་མ་སྤངས་ན་ངན་སོང་དུ་འགྲོ་བ་དང་སེམས་ཅན་དམྱལ་བར་འགྲོ་བ་དག་ཡིན་ཏེ། གསུམ་པོ་གང་ཞེ་ན། འདི་ལ་གང་ཟག་འདོད་པ་དག་ཀྱང་སྟེན་པར་བྱེད་ལ་སྡིག་
Ca387a
༄#། །པའི་ལས་ཀྱང་བྱེད་པ་འདི་ནི། གང་ཟག་དེ་མ་སྤངས་ན་ངན་སོང་དུ་འགྲོ་བ་སེམས་ཅན་དམྱལ་བར་འགྲོ་བ་དང་པོ་ཡིན་ནོ། །གཞན་ཡང་གང་ཟག་བདག་ཉིད་ཚུལ་ཁྲིམས་འཆལ་ཅིང་གཞན་ལ་ཚུལ་ཁྲིམས་ཀྱི་དབང་དུ་བྱས་ཏེ་སྨྲ་བ་འདི་ནི་གང་ཟག་དེ་མ་སྤངས་ན་ངན་སོང་དུ་འགྲོ་བ་སེམས་ཅན་དམྱལ་བར་འགྲོ་བ་གཉིས་པ་ཡིན་ནོ། །གཞན་གང་ཟག་བདག་ཉིད་མི་ཚངས་པར་སྤྱོད་ཅིང་གཞན་ལ་གཞི་མེད་པར་མི་ཚངས་པར་སྤྱོད་པ་ཕམ་པར་འགྱུར་བའི་ཆོས་ཀྱིས་སྐུར་བ་འདེབས་པར་བྱེད་པ་འདི་ནི་གང་ཟག་དེ་མ་སྤངས་ན་ངན་སོང་དུ་འགྲོ་བ་སེམས་ཅན་དམྱལ་བར་འགྲོ་བ་གསུམ་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །ཚིག་གི་ཉེས་སྨྲས་རྗོད་བྱེད་ན། །སྐྱེས་བུ་སྐྱེས་པའི་ཁ་ནས་ནི། །སྟ་རེ་སྐྱེ་ཞིང་དེ་ཡིས་ནི། །བདག་ཉིད་ལ་ཡང་གཅོད་པར་འགྱུར། །གང་ཞིག་སྨད་བྱ་བསྟོད་བྱེད་ཅིང་།། བསྟོད་བྱ་རྣམ་པར་སྨོད་བྱེད་པ། །དེ་ཡི་ཁ་ནས་འཐབ་ཀྲོལ་སྐྱེད། །འཐབ་གྲོལ་ཅན་གྱིས་བདེ་མི་མྱོང ། །གང་འདིར་ཆོ་ལོས་རང་ནོར་ཕམ་བྱེད་པ། །འཐབ་ཀྲོལ་དེ་ནི་ཅུང་ཟད་ཙམ་དུ་ཟད།། གང་ཞིག་བདེ་གཤེགས་ཡིད་རབ་ཁྲོ་བྱེད་པ། །དེ་འདིར་འཐབ་ཀྲོལ་ཤིན་ཏུ་ཆེན་པོ་ཡིན། །འཕགས་པས་སྨད་པའི་ངག་ཡིད་སྡིག་བརྟེན་ན། །བྱེ་བ་བརྒྱ་སྟོང་དང་ནི་དུང་ཕྱུར་ཕྲག །
Ca387b
སུམ་ཅུ་དྲུག་དང་ལྔ་པོ་ཇི་སྙེད་པར། །སེམས་ཅན་དམྱལ་བ་རྣམས་སུ་འགྲོ་བར་འགྱུར། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྡེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྲོས་ཤིང་ཞེ་སྡང་བར་གྱུར་ནས། ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས་དགེ་སློང་དག་པ་ལྟུང་བ་མེད་པ་ལ་གཞི་མེད་པར་ཕམ་པར་འགྱུར་བའི་ཆོས་ཀྱིས་སྐུར་པ་ལས་དེ་དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང་རྩོད་པ་དེ་ཡང་གཞི་མེད་པ་ཡིན་ལ་དགེ་སློང་ཡང་ཞེ་སྡང་ལ་གནས་པས་ཞེ་སྡང་གིས་སྨྲས་སོ་ཞེ་ན་དགེ་འདུན་ལྷག་མའོ། །ཡང་དགེ་སློང་གང་ཞེས་བྱ་བ་ནི་མཛའ་བོ་དང་ས་ལས་སྐྱེས་སམ། གཞན་ཡང་དེ་ལྟ་བུ་གང་ཡིན་པའོ། །ཁྲོས་ཤིང་ཞེས་བྱ་བ་ནི་འཁྲུགས་ཤིང་ངོ ། །ཞེ་སྡང་བར་གྱུར་ནས་ཞེས་བྱ་བ་ནི་ཡིད་མི་དགའ་བར་གྱུར་ནས་ཏེ། འཁྲུགས་པ་མ་བསལ་བར་རོ། །ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས་ཞེས་བྱ་བ་ནི་ཅི་ནས་ཀྱང་འདི་དགེ་སློང་གི་ཚུལ་དང་དབྲལ་ལོ་སྙམ་ནས་སོ། ། དགེ་སློང་དག་པ་ཞེས་བྱ་བ་ནི་གྱད་བུ་ནོར་རམ། གཞན་ཡང་དེ་ལྟ་བུ་གང་ཡིན་པའོ། །ལྟུང་བ་མེད་པ་ལ་ཞེས་བྱ་བ་ནི་གཞི་དེའི་ལྟུང་བ་མེད་པ་ལའོ། །གཞི་མེད་པར་ཞེས་བྱ་བ་ནི། གཞི་གསུམ་པོ་
Ca388a
༄#། །མཐོང་བའི་གཞི་དང ། ཐོས་པའི་གཞི་དང ། དོགས་པའི་གཞི་མེད་པར་རོ། །ཕམ་པར་འགྱུར་བའི་ཆོས་ཀྱིས་ཞེས་བྱ་བ་ནི་ཆོས་བཞི་པོ་གང་ཡང་རུང་བས་ཏེ། དེ་ནི་ཆོས་མ་ཡིན་པ་ཆོས་ཀྱི་སྒྲར་གསུངས་པ་ཡིན་ནོ། །སྐུར་པ་ལས་ཞེས་བྱ་བ་ནི་སྐུར་པ་བཏབ་པ་ལས་སོ། །དེ་དུས་གཞན་ཞིག་ན་ཞེས་བྱ་བ་ནི་དེ་དུས་གཞན་ནའོ། །དྲིས་ཀྱང་རུང་ཞེས་བྱ་བ་ནི་གཞན་དག་གིས་སོ། །མ་དྲིས་ཀྱང་རུང་ཞེས་བྱ་བ་ནི་དེ་རང་ཉིད་འགྱོད་པ་དང ། ཅུང་ཟད་འགྱོད་པ་དང ། རྣམ་པར་འགྱོད་པ་དང་རབ་ཏུ་འགྱོད་པར་གྱུར་ནས་སོ། །རྩོད་པ་དེ་ཡང་ཞེས་བྱ་བ་ནི་རྩོད་པ་བཞི་པོ་འགྱེད་པའི་ཕྱིར་རྩོད་པ་དང ། མི་གདམས་པའི་ཕྱིར་རྩོད་པ་དང ། ལྟུང་བའི་ཕྱིར་རྩོད་པ་དང ། བྱ་བའི་ཕྱིར་རྩོད་པའོ། །གཞི་མེད་པ་ཡིན་ལ་ཞེས་བྱ་བ་ནི་གཞི་གསུམ་པོ་དག་མེད་པ་ཡིན་པའོ། །དགེ་སློང་ཡང་ཞེ་སྡང་ལ་གནས་པས་ཞེས་བྱ་བ་ནི། སྐུར་བ་འདེབས་པར་འདོད་པས་སོ། །ཞེ་སྡང་གིས་སྨྲས་སོ་ཞེ་ན་ཞེས་བྱ་བ་ནི། སྐུར་པ་བཏབ་པར་གྱུར་ཏོ་ཞེས་ཟེར་ནའོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་ཏེ། དེས་ན་དགེ་འདུན་ལྷག་མའོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གང་ཟག་དག་པ་ལ་སྐུར་པ་འདེབས་པ་ལ་བཞི་བཅུས་ནི་ལྟུང་བར་འགྱུར་ལ། གཞི་ལྔས་ནི་ལྟུང་བར་མི་འགྱུར་རོ། །ཇི་ལྟར་གཞི་བཅུས་ལྟུང་བར་འགྱུར་ཞེ་ན། དེ་མ་མཐོང་བ་དང ། མ་ཐོས་པ་དང ། མི་དོགས་པར་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང་བློ་གྲོས་དང་རྟོག་པ་དང །
Ca388b
ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་ངོ ། །བདག་གིས་ཐོས་སོ། །བདག་དོགས་སོ་ཞེས་ཟེར་ན་བརྗོད་དོ་ཅོག་དགེ་འདུན་ལྷག་མར་འགྱུར་རོ། །དེས་ཐོས་ལ་དེ་ཡང་བརྗེད་པ་དང ། དེ་དོགས་ལ་དེ་ཡང་བརྗེད་བཞིན་དུ་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ་འདི་སྐད་ཅེས་བདག་གིས་ཐོས་ཏེ་དེ་ཡང་མ་བརྗེད་དོ། །བདག་དོགས་ཏེ་དེ་ཡང་མ་བརྗེད་དོ་ཞེས་ཟེར་ན་བརྗོད་དོ་ཅོག་དགེ་འདུན་ལྷག་མར་འགྱུར་རོ། །ཐོས་པ་ལ་ཡིད་ཆེས་ནས་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་ཡིད་མ་ཆེས་པར་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་དོགས་པ་ན་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་མི་དོགས་པ་ན་བདག་གིས་མཐོང་ཞེས་ཟེར་བ་དང ། དོགས་པ་ལ་དོགས་པ་ན་བདག་གིས་མཐོང་ངོ་ཞེས་ཟེར་ན་བརྗོད་དོ་ཅོག་དགེ་འདུན་ལྷག་མར་འགྱུར་ཏེ། དེ་ལྟར་གཞི་བཅུས་ལྟུང་བར་འགྱུར་རོ། །ཇི་ལྟར་གཞི་ལྔས་ལྟུང་བར་མི་འགྱུར་ཞེ་ན། དེས་མ་མཐོང་བ་དང ། མ་ཐོས་པ་དང ། མ་དོགས་པ་ལ་དེས་འདུ་ཤེས་མ་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་མ་བསྒྱུར་བར་འདི་སྐད་ཅེས་བདག་གིས་མཐོང་ངོ ། །ཐོས་སོ། །དོགས་སོ་ཞེས་ཟེར་ན་ལྟུང་བར་མི་འགྱུར་རོ། །དེས་ཐོས་ལ་དེ་ཡང་བརྗེད་པ་དང ། དེ་དོགས་ལ་དེ་ཡང་བརྗེད་པ་ལ་དེས་འདུ་ཤེས་མ་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་མ་བསྒྱུར་བར་འདི་སྐད་ཅེས་བདག་གིས་ཐོས་སོ། །དེ་ཡང་མ་བརྗེད་དོ། །བདག་དོགས་
Ca389a
༄#། །ཏེ་དེ་ཡང་མ་བརྗེད་དོ་ཞེས་ཟེར་ན་ལྟུང་བར་མི་འགྱུར་ཏེ། དེ་ལྟར་གཞི་ལྔས་ལྟུང་བར་མི་འགྱུར་རོ། །ཇི་ལྟར་གང་ཟག་དག་པ་ལ་སྐུར་པ་འདེབས་པ་ལ་གཞི་བཅུས་ལྟུང་བར་འགྱུར་ལ། གཞི་ལྔས་ལྟུང་བར་མི་འགྱུར་བ་དེ་བཞིན་དུ་གང་ཟག་དག་པ་མ་དག་པ་ལྟར་བཅོས་ལ་སྐུར་པ་འདེབས་པ་ལ་ཡང་གཞི་བཅུས་ལྟུང་བར་འགྱུར་ལ། གཞི་ལྔས་ལྟུང་བར་མི་འགྱུར་རོ། །གང་ཟག་མ་དག་པ་ལ་སྐུར་པ་འདེབས་པ་ལ་ནི་གཞི་བཅུ་གཅིག་གིས་ལྟུང་བར་འགྱུར་ལ། གཞི་དྲུག་གིས་ལྟུང་བར་མི་འགྱུར་རོ། །ཇི་ལྟར་གཞི་བཅུ་གཅིག་གིས་ལྟུང་བར་འགྱུར་ཞེ་ན། དེ་མ་མཐོང་བ་དང ། མ་ཐོས་པ་དང ། མི་དོགས་པ་ལ་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང ། ལྟ་བ་བསྒྱུར་ཅིང་འདི་སྐད་ཅེས་བདག་གིས་མཐོང་ངོ ། །བདག་གིས་ཐོས་སོ། །བདག་དོགས་སོ་ཞེས་ཟེར་ན་བརྗོད་དོ་ཅོག་དགེ་འདུན་ལྷག་མར་འགྱུར་རོ། །དེས་མཐོང་ལ་དེ་ཡང་བརྗོད་པ་དང ། དེས་ཐོས་ལ་དེ་ཡང་བརྗེད་པ་དང ། དེ་དོགས་ལ་དེ་ཡང་བརྗེད་པ་ལ་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ཡང་མ་བརྗེད་དོ། །བདག་གིས་ཐོས་ཏེ་དེ་ཡང་མ་བརྗེད་དོ། ། བདག་དོགས་ཏེ་དེ་ཡང་མ་བརྗེད་དོ་ཞེས་ཟེར་ན་བརྗོད་དོ་ཅོག་དགེ་འདུན་ལྷག་མར་འགྱུར་རོ། །ཐོས་པ་ལ་ཡིད་ཆེས་ནས་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་ཡིད་མ་ཆེས་པར་བདག་
Ca389b
གིས་མཐོང་ངོ་ཞེས་ཟེར་བ་དང ། ཐོས་པ་ལ་དོགས་པ་ན་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་མི་དོགས་པ་ན་བདག་གིས་མཐོང་ངོ་ཞེས་ཟེར་བ་དང ། དོགས་པ་ལ་དོགས་པ་ན་བདག་གིས་མཐོང་ངོ་ཞེས་ཟེར་ན། བརྗོད་དོ་ཅོག་དགེ་འདུན་ལྷག་མར་འགྱུར་ཏེ། དེ་ལྟར་གཞི་བཅུ་གཅིག་གིས་ལྟུང་བར་འགྱུར་རོ། །ཇི་ལྟར་གཞི་དྲུག་གིས་ལྟུང་བ་མེད་པར་འགྱུར་ཞེ་ན། དེས་མ་མཐོང་བ་དང ། མ་ཐོས་པ་དང ། མི་དོགས་པ་ལ་དེས་འདུ་ཤེས་མ་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་མ་བསྒྱུར་བར་འདི་སྐད་ཅེས་བདག་གིས་མཐོང་ངོ་ཐོས་སོ་དོགས་སོ་ཞེས་ཟེར་ན་ལྟུང་བར་མི་འགྱུར་རོ། །དེས་མཐོང་ལ་དེ་ཡང་མ་བརྗེད་པ་དང ། དེས་ཐོས་ལ་དེ་ཡང་མ་བརྗེད་པ་དང ། དེ་དོགས་ལ་དེ་ཡང་མ་བརྗེད་པ་ལ་དེས་འདུ་ཤེས་མ་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་བལྟ་བ་མ་བསྒྱུར་བར་འདི་སྐད་ཅེས་བདག་གིས་མཐོང་སྟེ་དེ་ཡང་མ་བརྗེད་དོ། །བདག་གིས་ཐོས་ཏེ་དེ་ཡང་མ་བརྗེད་དོ། བདག་དོགས་ཏེ་དེ་ཡང་མ་བརྗེད་དོ་ཞེས་ཟེར་ན་ལྟུང་བར་མི་འགྱུར་ཏེ། དེ་ལྟར་གཞི་དྲུག་གིས་ལྟུང་བར་མི་འགྱུར་རོ། །ཇི་ལྟར་གང་ཟག་མ་དག་པ་སྐུར་པ་འདེབས་པ་ལ་གཞི་བཅུ་གཅིག་གིས་ལྟུང་བར་འགྱུར་ལ། གཞི་དྲུག་གིས་ལྟུང་བར་མི་འགྱུར་བ་དེ་བཞིན་དུ། གང་ཟག་མ་དག་པ་དག་པ་ལྟར་བཅོས་པ་ལ་སྐུར་པ་འདེབས་པ་ལ་ཡང་གཞི་བཅུ་གཅིག་གིས་ལྟུང་བར་འགྱུར་ལ། གཞི་དྲུག་གིས་ལྟུང་བར་མི་འགྱུར་རོ། །དྲིལ་བསྒྲགས་པ་ལ་ནི་ལྟུང་བ་མེད་དོ། །ངོས་
Ca390a
༄#། །ལ་རི་མོ་བྲིས་པ་ཕན་ཆད་ལ་ཡང་ལྟུང་བ་མེད་དེ། ཇི་ལྟར་བདག་གིས་ཤེས་པ་དེ་བཞིན་དུ་འཇིག་རྟེན་ཐམས་ཅད་ཀྱིས་ཀྱང་ཤེས་སོ་སྙམ་ནའོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་གྱད་བུ་ནོར་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཕྱུག་པ་ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེས། ལས་ཅི་ཞིག་བགྱིས་ན། དེས་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བགྱིས། ལས་ཅི་ཞིག་བགྱིས་ན། དེས་དགྲ་བཅོམ་པ་ཉིད་ཐོབ་ཀྱང་ཡང་དག་པ་མ་ལགས་པས་སྐུར་བར་གྱུར། ལས་ཅི་ཞིག་བགྱིས་ན། དེ་གནས་མལ་འབོག་པ་རྣམས་ཀྱི་མཆོག་ཏུ་བསྟན། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རིགས་ཀྱི་བུ་གྱད་བུ་ནོར་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས་གྱད་བུ་ནོར་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་
Ca390b
ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི་འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ།་ལས་རྣམས་བསྐལ་བ་བརྒྱར་ཡང་ནི། །ཆུད་མི་ཟ་པའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན། དེད་དཔོན་རྒྱལ་ཆེན་ཅན་ཞེས་བྱ་བ་ཞིག་འདུག་སྟེ། དེ་རྒྱ་མཚོ་ཆེན་པོར་འགྲོ་བའི་ཟོང་ཐོགས་ཏེ། དོན་མཐུན་དང་ལྷན་ཅིག་རྒྱ་མཚོ་ཆེན་པོར་འཕགས་སོ། །སངས་རྒྱས་རྣམས་འབྱུང་བ་མེད་པའི་ཚེ། རང་སངས་རྒྱས་དམན་པ་དང་བཀྲེན་པ་ལ་རྗེས་སུ་སྙིང་བརྩེ་བ་བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །དེ་ནས་རང་སངས་རྒྱས་ཤིག་དེད་དཔོན་དེ་ཉིད་དང་ལྷན་ཅིག་ལྗོངས་རྒྱུར་འཕགས་ནས་དེའི་མཚན་མོ་མེའི་ཁམས་ལ་སྙོམས་པར་ཞུགས་སོ། །མི་གཙོ་བོ་དག་གི་ཀུན་ཏུ་སྤྱོད་པ་ནི་མི་མེལ་ཚེ་བྱེད་པ་མཚན་མོ་རེས་ཀྱིས་རེས་ཀྱིས་མེལ་ཚེ་བྱེད་པས་ཇི་ཙམ་ན་མི་ཞིག་ལ་རེས་བབ་སྟེ་མེལ་ཚེ་བྱེད་པས་དེས་དེ་མེའི་ཕུང་པོ་བཞིན་དུ་འབར་བ་མཐོང་ནས། དེས་ཡ་མཚན་གྱིས་བསྡུས་པའི་ཡིད་ཀྱིས་མཚན་མོ་ནམ་ནངས་པ་དང ། དེད་དཔོན་རྒྱལ་ཆེན་ཅན་ལ་སྨྲས་པ། དད་དཔོན་རབ་ཏུ་བྱུང་བ་དེད་དཔོན་དང་ཐབས་ཅིག་འཕགས་པ་འདི་ནི་བརྟུལ་ཞུགས་གྲུབ་པ་
Ca391a
༄#། །བདག་ཉིད་ཆེན་པོ་གཅིག་ལགས་ཏེ། བདག་གིས་མཚན་མོ་ཞུགས་ཀྱི་ཕུང་པོ་ལྟར་འབར་བ་མཐོང་ངོ ། །དེད་དཔོན་གྱིས་སྨྲས་པ། ཀྱེ་ནང་རྗེ་དེ་ཕྱོགས་གང་ན་འདུག་།དེད་དཔོན་ག་གེ་མོ་ཞིག་ནའོ། །དེད་དཔོན་དེ་དགའ་བ་སྐྱེས་ནས་དེའི་གན་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་སྨྲས་པ། འཕགས་པ་ཁྱོད་ནི་བསོད་སྙོམས་བཞེད་པ་ལགས་ལ།་བདག་ཀྱང་བསོད་ནམས་འཚལ་བ་ལགས་པས་བདག་གི་བསོད་སྙོམས་གསོལ་ཞིང་གཤེགས་སུ་གསོལ། དེས་དེ་དང་དུ་བླངས་ནས་ཇི་ཙམ་ན་དེད་དཔོན་རྒྱལ་ཆེན་ཅན་གྲོང་དང་གྲོང་རྡལ་དང་ཡུལ་འཁོར་དང་རྒྱལ་པོའི་ཕོ་བྲང་དང ། ཚོང་རྡལ་དག་ཏུ་མཐར་གྱིས་རྣམ་པར་རྒྱུ་བ་ན་རྒྱ་མཚོ་ཆེན་པོའི་འགྲམ་དུ་ཕྱིན་ནས། དེས་ལམ་གྱིས་དུབ་པ་བསལ་ཏེ་རྙིང་པ་ལྔ་བརྒྱས་གྲུ་སྦྱར་ནས་ཞོ་ཤས་འཚོ་བ་ལྔ་པོ་སྟོབས་པར་བྱེད་པ་དང ། སེལ་བར་བྱེད་པ་དང ། རྒྱལ་ཆེན་དང ། གྲུ་དང ། རླུང་ཡོར་ཐོགས་པ་དག་ཁྲིད་དེ། རང་སངས་རྒྱས་ག་ལ་བ་དེར་སོང་ནས་ཕྱིན་པ་དང ། རྗེས་དང་བཅས་པས་རྐང་པ་གཉིས་ལ་ཕྱག་འཚལ་ཏེ། རང་སངས་རྒྱས་ལ་འདི་སྐད་ཅེས་སྨྲས་སོ། །འཕགས་པ་བདག་ནི་རྒྱ་མཚོ་ཆེན་པོར་འཇུག་ན་ཅི་འཕགས་པ་འཇུག་གམ། དེས་སྨྲས་པ། བཞིན་བཟང་ཁྱོད་ནི་རེ་ཞིག་ཕ་མ་དང ། བུ་དང་ཆུང་མ་དང་བྲན་དང་བྲན་མོ་དང ། ལས་བྱེད་པ་དང་ཞོ་ཤས་འཚོ་བ་དང ། དགེ་སྦྱོང་དང་བྲམ་ཟེ་རྣམས་དང ། བཀྲེན་པ་དང་སྡུག་ཕོངས་པའི་སྐྱེ་བོ་
Ca391b
རྣམས་ཀྱི་དོན་དུ་རྒྱ་མཚོ་ཆེན་པོར་འཇུག་པ་ཡིན་གྱི། ཁོ་བོ་ནི་ཁྱིམ་གྱི་ལས་ཀྱི་མཐའ་སྤངས་པ། སྲིད་པ་དང་ལོངས་སྤྱོད་ལ་མི་ཕྱོགས་པ། གཅིག་པུ་གཉིས་པ་མེད་པ་ཡིན་པས་གང་གི་དོན་དུ་རྒྱ་མཚོ་ཆེན་པོར་འཇུག་།དེད་དཔོན་རྒྱལ་ཆེན་ཅན་གྱིས་བསམས་པ། བདག་གིས་འཕགས་པ་འདི་ལ་བསོད་སྙོམས་ནི་ཕུལ་ན་གོས་མ་བསྐོན་གྱིས་བདག་གིས་ད་འདི་ཟན་བྱིན་ལ་ཆེན་པོ་ལ་འོས་པའི་རས་ཡུག་ཆེན་པོ་བསྐོན་པར་བྱའོ་སྙམ་ནས། དེད་དཔོན་དེས་དེ་ཟས་བསོད་པས་ཚིམ་པར་བྱས་ནས་ཆེན་པོ་ལ་འོས་པའི་རས་ཡུག་ཆེན་བསྐོན་ནོ། །དེ་ནས་རང་སངས་རྒྱས་ཀྱིས་ཟས་ཀྱི་བྱ་བ་བྱས་ནས། དེ་ལ་སྙིང་བརྩེ་བའི་ཕྱིར་ངང་པའི་རྒྱལ་པོ་འདབ་མ་བརྐྱང་པ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང་གསལ་བ་དང་ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། དེད་དཔོན་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་འགྱེལ་ནས་སྨོན་ལམ་གདབ་པར་བརྩམས་པ། བདག་གིས་ཡོན་གནས་ཡང་དག་པར་གྱུར་པ་འདི་ལྟ་བུ་ལ་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས་བདག་ཕྱུག་པ་ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེ་བར་གྱུར་ཅིག་།འདི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང་ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་དག་ཀྱང་ཐོབ་པར་གྱུར་ཅིག་ཅེས་སྨོན་ལམ་
Ca392a
༄#། །བཏབ་བོ། །དགེ་སློང་དག་དེའི་ཚེ་དེའི་དུས་ན་དེད་དཔོན་རྒྱལ་ཆེན་གང་ཡིན་པ་དེ་ནི་གྱད་བུ་ནོར་འདི་ཡིན་ཏེ། དེས་རང་སངས་རྒྱས་ལ་མཆོད་པ་བྱས་ནས་བདག་གིས་ཡོན་གནས་ཡང་དག་པར་གྱུར་པ་འདི་ལྟ་བུ་ལ་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས་བདག་ཕྱུག་པ་ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེ་བར་གྱུར་ཅིག་ཅེས་སྨོན་ལམ་བཏབ་པ་དེས་ནི། ཕྱུག་པ་ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེས་སོ། །འདི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང་ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་དག་ཀྱང་ཐོབ་པར་གྱུར་ཅིག་ཅེས་སྨོན་ལམ་བཏབ་པ་དེས་ནི་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱས་ཤིང་འདིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཤིང་ཐུགས་བྱུང་བར་མ་བྱས་སོ། །དེས་དགྲ་བཅོམ་པ་ཉིད་ཐོབ་ཀྱང་ཡང་དག་པ་མ་ཡིན་པས་སྐུར་བར་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་
Ca392b
སྤྱོད་པར་བྱེད་པ་དེ་ལ་བུ་ཡང་མེད་བུ་མོ་ཡང་མེད་ནས། དེ་འདི་སྙམ་དུ་བདག་གི་ཁྱིམ་ནོར་དུ་མ་དང་ལྡན་ན་བདག་ལ་བུ་ཡང་མེད་བུ་མོ་ཡང་མེད་པས། བདག་འདས་ནས་བུ་མེད་པའི་ཕྱིར་ནོར་ཐམས་ཅད་རྒྱལ་པོས་དབང་དུ་བྱས་པར་འགྱུར་རོ་སྙམ་ནས། ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་གོ་།ཆུང་མས་དེ་མཐོང་ནས་སྨྲས་པ། རྗེའི་སྲས་ཁྱོད་ཅིའི་སླད་དུ་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་བཞུགས། དེས་སྨྲས་པ། བཟང་མོ་བདག་གི་ཁྱིམ་ནོར་དུ་མ་དང་ལྡན་ན་བདག་ལ་བུ་ཡང་མེད་བུ་མོ་ཡང་མེད་པས་བདག་འདས་ནས་བུ་མེད་པའི་ཕྱིར་ནོར་ཐམས་ཅད་རྒྱལ་པོས་དབང་དུ་བྱས་པར་འགྱུར་རོ་སྙམ་ན། ཇི་ལྟར་སེམས་ཁོང་དུ་ཆུད་ཅིང་མི་འདུག་ཏུ་རུང ། ཆུང་མས་བསམས་པ། ཅི་འདི་ལ་སྐལ་བ་མེད་པས་བུ་ཡང་མེད་བུ་མོ་ཡང་མེད་དམ། འོན་ཏེ་བདག་ལ་སྐལ་པ་མེད་པས་བུ་ཡང་མེད་བུ་མོ་ཡང་མེད་པ་གང་ཡིན་པ་ནི་གཏོལ་མེད་ན་འདི་ནི་ངེས་པར་བདག་ལ་སྐྱོན་འདོགས་ཤིང་ཆུང་མ་གཞན་ལེན་པར་འདོད་པས་དེས་ནི་འདི་སྐད་ཅེས་བདག་གི་ཁྱིམ་ནོར་དུ་མ་དང་ལྡན་ན་བདག་ལ་བུ་ཡང་མེད་བུ་མོ་ཡང་མེད་པས། བདག་འདས་ནས་བུ་མེད་པའི་ཕྱིར་ནོར་ཐམས་ཅད་རྒྱལ་པོས་དབང་དུ་བྱས་པར་འགྱུར་རོ་ཞེས་ཟེར་ཞིང་བདག་གི་དྲུང་ན་ལག་པ་ལ་འགྲམ་པ་གཏད་དེ། སེམས་ཁོང་དུ་ཆུད་པ་ལྟར་བྱེད་ཅིང་འདུག་གིས། དེའི་ཕྱིར་རེ་ཞིག་བདག་ཉིད་ཐར་བར་བྱའོ་སྙམ་དུ་རིག་ནས་སྨྲས་པ། རྗེའི་སྲས་གལ་ཏེ་བདག་ལ་སྐལ་པ་མ་མཆིས་པས་ཁྱོད་
Ca393a
༄#། །ལ་སྲས་ཀྱང་མི་མངའ། སྲས་མོ་ཡང་མི་མངའ་བ་ལགས་ན། བཙུན་མོ་གཞན་བཞེས་ཤིག་།དེའི་འོག་ཏུ་ཁྱོད་ལ་སྲས་ཀྱང་མངའ། སྲས་མོ་ཡང་མངའ་བར་འགྱུར་རོ། །དེས་སྨྲས་པ། བཟང་མོ་ཁྱོད་ཀྱིས་སྐྱེས་པ་གང་ལ་ཆུང་མ་གཉིས་ཡོད་པ་དེས་ལན་འགའ་ཡང་སྐྱོ་མ་གྲང་མོ་མི་འཐུངས་ལ་རྟག་ཏུ་དེའི་ཁྱིམ་ན་འཐབ་མོ་དང་མཚང་འདྲུ་བ་དང་རྩོད་པ་དང་འགྱེད་པས་ནང་མི་ཡོངས་སུ་འཁྲུག་པར་བྱེད་ཅིང་རང་གི་ལས་ཡོངས་སུ་བསྒྲུབ་པ་ལྷུར་ལེན་པར་ཡང་མི་འགྱུར་རོ་ཞེས་བྱ་བ་དེ་མ་ཐོས་སམ། ཆུང་མས་སྨྲས་པ། རྗེའི་སྲས་བཞེས་ཤིག་དང་གལ་ཏེ་རེ་ཞིག་ཕུ་ནུ་མོ་ལྟ་བུ་ཞིག་ལགས་ན་ནི་ཕུ་ནུ་མོའི་འདུ་ཤེས་ཀྱིས་བསྐྱང་བར་བགྱིའོ། །གལ་ཏེ་བུ་མོ་ལྟ་བུ་ཞིག་ལགས་ན་ནི་བུ་མོའི་འདུ་ཤེས་ཀྱིས་བསྐྱང་བར་བགྱིའོ། །ཁྱིམ་བདག་དེ་ཆུང་མ་དེས་གཡོའི་ཀུན་ཏུ་སྤྱོད་པ་སྨྲས་པ་ན་བུ་མོ་ཚོལ་བར་རྩོམ་མོ། །ཇི་ཙམ་ན་རི་བྲགས་ཤིག་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེ་ལ་བུ་གཉིས་དང ། བུ་མོ་གཅིག་བཙས་ནས་དེས་དེ་དག་བསྲིངས་ཤིང་བསྐྱེད་ནས་ཁྱིམ་བདག་དེ་དུས་ལ་བབ་བོ། །དེ་ནས་བུ་མོ་ཚོལ་བའི་ཁྱིམ་བདག་དེས་དེ་གཉིས་ལས་བུ་མོ་དེ་བླངས་ནས། དཔལ་དང་ལྡན་པའི་ཡོ་ལང་ཆེན་པོས་བག་མར་བླངས་སོ། །ཆོས་ཉིད་ཀྱིས་ན་སར་པ་ཐམས་ཅད་
Ca393b
ཀྱིས་རྙིང་པ་ཟིལ་གྱིས་གནོན་པ་ཡིན་པས། ཁྱིམ་བདག་དེ་བག་མ་སར་པ་དེ་ལ་ཤིན་ཏུ་ལྟོས་པ་དང་ལྡན་ཞིང་སེམས་འབྲེལ་བར་གྱུར་ཏོ། །དེ་ནས་དེའི་ཆུང་མ་སྔ་མ་དེ་ཕྲག་དོག་གི་རང་བཞིན་གྱིས་མངལ་གྱི་གནས་རྣམ་པར་དག་ཅིང་དེའི་མངལ་དུ་སེམས་ཅན་ཞུགས་པར་གྱུར་ཏོ། །དེ་ནས་དེ་མཆོག་ཏུ་དགའ་བ་སྐྱེས་ནས་ཁྱིམ་ཐབ་ལ་སྨྲས་པ། རྗེའི་སྲས་བདག་ལ་སེམས་ཅན་ཞུགས་ཀྱིས་དགྱེས་པ་སྐྱེད་ཅིག་།ཁྱིམ་བདག་གིས་སྨྲས་པ། བཟང་མོ་ལེགས་ཏེ། གལ་ཏེ་ཁྱེའུར་སྐྱེ་བར་འགྱུར་ན། ཁོ་བོ་འདས་ནས་ཁྱིམ་གྱི་བདག་པོར་འགྱུར་རོ། །ཆུང་མས་སྨྲས་པ། རྗེའི་སྲས་གལ་ཏེ་ཁྱོད་ཀྱི་བག་སར་གྱི་མངལ་ན་གནས་པ་རླུགས་པར་བགྱི་བའི་ཚུལ་གྱིས་རླུགས་པར་མ་བགྱིས་ན། ཁྱེའུ་འདི་ཁྱིམ་གྱི་བདག་པོར་འགྱུར་རོ། །ཁྱིམ་བདག་གིས་སྨྲས་པ། བཟང་མོ་ཁོ་བོས་དང་པོ་ཉིད་ནས་དོན་དེ་ཁྱོད་ལ་གོ་བར་མ་བྱས་སམ། ད་དུང་ཅིར་ཡང་མ་གྱུར་པ་ནས། ཁྱོད་ཀྱིས་བརྩམས་སོ། །ཆུང་མ་དེ་སྤོབས་པ་མེད་པར་གྱུར་ནས་ཅང་མི་སྨྲ་བར་འདུག་གོ་།དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་ཞིག་བྱུང་ནས་དེ་བཙས་པའི་བཙས་སྟོན་བྱས་ཏེ། ཁྱིམ་དང་མཐུན་པའི་མིང་བཏགས་ནས། དེ་འོ་མ་དང་ཞོ་དང་མར་དང་ཞུན་མར་དང ། མར་གྱི་སྙིང་ཁུ་དང་གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད་སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཚིག་སྨྲ་ནུས་པར་གྱུར་པ་དེའི་ཚེ་ན། གང་ཅུང་
Ca394a
༄#། །ཟད་ཅིག་སྨྲ་བ་དེ་ཐམས་ཅད་བདེན་པར་སྨྲ་ཞིང་བརྫུན་དུ་མི་སྨྲ་བས་དེའི་མིང་ཁྱིམ་དང་མཐུན་པར་བཏགས་པ་གང་ཡིན་པ་དེ་ནུབ་ཅིང་བདེན་སྨྲ་ཞེས་བྱ་བའི་མིང་ཆགས་པར་གྱུར་ཏེ། ཁ་ནས་ཀྱང་ཨུཏྤལ་སྔོན་པོའི་དྲི་འབྱུང་ངོ ། །དེའི་མས་བསམས་པ། བདག་ལ་བུ་ཡོད་ཀྱང་སྔོན་སྐལ་བ་མེད་པ་བཞིན་དུ་ཁྱིམ་ཐབ་འདི་ད་དུང་ཡང་བག་སར་ལ་ལྟོས་པ་དང་ལྡན་ཞིང་སེམས་འབྲེལ་བར་བྱེད་ཀྱིས། དེའི་ཕྱིར་ཐབས་ཀྱི་རྣམ་པ་ཞིག་བྱའོ་སྙམ་ནས། དེ་ཕྲག་དོག་དང་སེར་སྣས་ཀུན་ནས་དཀྲིས་པའི་སེམས་ཀྱིས་ཤུགས་མི་བཟོད་པ་ན་ཁྱིམ་ཐབ་ཀྱི་གན་དུ་སོང་སྟེ་སྨྲས་པ། རྗེའི་སྲས་ཁྱོད་ཀྱི་བག་སར་འདི་ལ་ཁྱོད་འདི་ལྟར་ཧ་ཅང་ལྟོས་པ་དང་ལྡན་ཞིང་སེམས་འབྲེལ་བས་དགྱེས་པར་མ་མཛད་ཅིག་།ཁྱིམ་བདག་གིས་སྨྲས་པ། བཟང་མོ་ཡང་ཁྱོད་ཀྱིས་བརྩམས་སོ། །དེས་སྤོབས་པ་མེད་པར་གྱུར་ནས། ཅང་མི་སྨྲ་བར་འདུག་གོ།། །།འདུལ་བ་རྣམ་པར་འབྱེད་པ། བམ་པོ་ཉེར་གཅིག་པ། སྐྱེས་པའམ་བུད་མེད་འདོད་པ་དག་བསྟེན་པས་ནི་སྡིག་པའི་ལས་མི་བྱ་བ་ཅི་ཡང་མེད་པས། དེས་བུ་ལ་སྨྲས་པ། བུ་ཁྱོད་ཀྱིས་བུད་མེད་རྣམས་ལ་ཤིན་ཏུ་གནོད་པ་གང་ཡིན་ཤེས་སམ། བུས་སྨྲས་པ། ཡུམ་འཚལ་ཏེ།་ཕྲག་དོག་དང་སེར་སྣའོ། །བུ་མཉེས་ཏེ་ཁྱོད་ནི་ཤེས་རབ་ཀྱིས་རྟོགས་པ་དང་ལྡན་པས་དེ་དེ་བཞིན་ནོ། །ཁོ་མོ་ཁྱོད་ཀྱི་མ་ཡར་མོ་སུན་འབྱིན་པར་བྱེད་ཀྱིས་ཁྱོད་ཀྱིས་ཆེ་བཞི་ཕྱེ་ཤིག་།ཡུམ་ཅི་
Ca394b
ཡང་དག་པས་སམ། ཡང་དག་པ་མ་ལགས་པས། བུ་ཡང་དག་པ་མ་ཡིན་པས་སོ། །ཡུམ་བདག་འཇིག་རྟེན་ཐམས་ཅད་ལ་བདེན་སྨྲ་ཞེས་བགྱི་བར་གྲགས་ན། དེའི་སླད་དུ་ད་ཇི་ལྟར་བརྫུན་དུ་སྨྲ་བར་བགྱི། བུ་ཁྱོད་ཁོ་མོས་ཟླ་བ་དགུར་ལྟོ་ན་བསྲེལ་བསྲེལ་ན་རེ་ཞིག་དེ་ཙམ་ཡང་སྨྲ་བར་མི་ནུས་ཏེ། དེ་ལྟར་ན་ཁྱོད་ཚིག་ཏུ་མ་སྨྲ་བར་གང་གི་ཚེ་ཁྱོད་ལ་ཕས་དྲིས་པ་དེའི་ཚེ་ན་ཁྱོད་ཀྱིས་མགོ་ལྕོགས་ཤིག་།བུས་བསམས་པ།་མའི་ཚིག་ཚིག་མ་ཡིན་པར་བྱར་མི་རུང་ངོ་སྙམ་དུ་རིག་ནས་སྨྲས་པ། ཡུམ་གལ་ཏེ་དེ་ལྟ་ན་མ་ནོངས་ཀྱིས་མགོ་ལྕོག་པར་བགྱིའོ། །ཞེས་བུ་དེ་དམ་འཆར་བཅུག་ནས། ཁྱིམ་བདག་གི་གན་དུ་སོང་སྟེ།་སྨྲས་པ། རྗེའི་སྲས་ཁྱོད་ཀྱི་བག་སར་གྱི་རྟུལ་བ་བདག་གིས་མཐོང་ངོ ། །ཅི་བྱས། སྐྱེས་པ་གཞན་དང་ལྷན་ཅིག་དགའ་མགུར་སྤྱོད་དོ། །ཁྱིམ་བདག་དེ་ཀུན་ནས་དཀྲིས་པས་སྨྲས་པ། སྡིག་ཅན་མ་ཡང་ཁྱོད་ཀྱིས་བརྩམས་སོ། །རྗེའི་སྲས་ཁྱོད་བདེན་སྨྲ་ལ་ཡང་ཐུགས་མི་ཆེས་སམ། ཡིད་ཆེས་ཏེ་དེ་འཇིག་རྟེན་ཐམས་ཅད་ལ་བདེན་པར་སྨྲ་བ་ཡིན་ན། ཁོ་བོ་ལ་ཇི་ལྟར་བརྫུན་དུ་སྨྲ་བར་འགྱུར། རྗེའི་སྲས་གལ་ཏེ་དེ་ལྟ་ན་དེ་རྩེ་ཞིང་མཆིས་ཀྱིས་བོས་ཤིག་།ཁྱིམ་བདག་དེས་བུ་དེ་བོས་ནས་པང་པར་བཞག་སྟེ། སྨྲས་པ། བུ་ཁྱོད་ཀྱི་མ་ཡར་མོ་འདིས་སྐྱེས་པ་གཞན་དང་ལྷན་ཅིག་དགའ་མགུར་སྤྱོད་པ་བདེན་ནམ། བུད་མེད་ཀྱི་ཡུལ་ནི་མ་བསླབས་པར་མཁས་པ་ཡིན་པས། དེས་དེའི་ཁ་ལག་པས་བཀབ་ནས་སྨྲས་པ། བུ་དེ་ཁྱོད་ཀྱི་མ་དང་འདྲ་བ་ཡིན་གྱིས་ཚིག་ཏུ་མ་སྨྲ་
Ca395a
༄#། །ཞིག་།གལ་ཏེ་བདེན་པ་ཡིན་ན་མགོ་ལྕོགས་ཤིག་།ཁྱེའུ་དེས་མགོ་ལྕོགས་སོ། །ལས་ཤིན་ཏུ་རྔམས་ཆེ་ཞིང་ཡོངས་སུ་རྫོགས་པ་དག་ནི་ལུས་འཇིག་པ་ལ་མི་ལྟོས་པས་ཁྱེའུ་དེའི་ཁ་ནས་ཚེ་འདི་ཉིད་ལ་དྲི་ང་བ་བྱུང་བར་གྱུར་ཏོ། །ཀུན་ཏུ་ཡང་བདེན་སྨྲ་དེས་མ་ཡར་མོ་ལ་ཡང་དག་པ་མ་ཡིན་པས་སྐུར་པས་དེ་ནི་བདེན་སྨྲ་མ་ཡིན་གྱི་བརྫུན་དུ་སྨྲ་བ་ཡིན་ནོ་ཞེས་བྱ་བའི་སྒྲས་ཁྱབ་པར་གྱུར་ཏེ། དེའི་མིང་བདེན་སྨྲ་ཞེས་བྱ་བ་གང་ཡིན་པ་དེ་ནུབ་པར་གྱུར་ཅིང ། རྫུན་སྨྲ་ཞེས་བྱ་བའི་མིང་ཆགས་པར་གྱུར་ཏོ། །དེ་ནས་ཁྱིམ་བདག་དེས་ཆུང་མ་དེ་ལ་སྨྲས་པ། ཁྱོད་ཉེས་པར་སྤྱོད་པ་ཡིན་གྱིས། ཁྱོད་ཁོ་བོའི་ཁྱིམ་ན་མ་འདུག་ཅིག་།ཆུང་མ་དེས་མཉེས་སོ། །ཞེས་སྨྲ་མོད་ཀྱི་འོན་ཀྱང་འཇིག་རྟེན་དག་ཚིག་ངན་སྨྲ་བས་འཇིགས་ནས་ཁྱིམ་ནས་བསྐྲད་པ་དང ། དེ་མ་རངས་བཞིན་དུ་མིང་པོ་གཉིས་ཀྱི་ཁྱིམ་དུ་སོང་ངོ ། །མིང་པོ་གཉིས་ཀྱིས་དེ་ལ་སྨྲས་པ། སྲིང་མོ་ཁྱོད་ཅིའི་ཕྱིར་འདིར་འོངས། དེས་སྨྲས་པ། བདག་ཁྱིམ་ཐབ་ཀྱིས་རང་གི་ཁྱིམ་ནས་བསྐྲད་དོ། །ཅིའི་ཕྱིར་ཉེས་པར་སྤྱད་ཅེའོ། །གལ་ཏེ་དེ་ལྟ་ན་ཁྱོད་འདིར་ཡང་མ་འདུག་ཅིག་།དེས་སྨྲས་པ། བདག་གིས་ཉེས་པར་མ་སྤྱད་དེ། འདི་ལྟར་བདེན་སྨྲ་མས་བསླུས་པ་དེས། ཡང་དག་པ་མ་ཡིན་པར་བསྐུར་ཏེ། དེ་ནི་བདེན་སྨྲ་མ་ཡིན་གྱི་རྫུན་སྨྲ་ཡིན་ནོ། །དེ་ཇི་ལྟར་ཤེས། གལ་ཏེ་ཁྱེད་གཉིས་ཡིད་མི་ཆེས་ན་སྡུམ་མཚེས་ཀྱི་སྐྱེ་
Ca395b
བོ་དག་ཁྱེད་གཉིས་ལ་སྨྲ་བར་འགྱུར་བས་དེ་དག་ཆེ་བཞི་ཡིན་ནོ། །དེ་གཉིས་འཇིག་རྟེན་དག་ཁ་ཟེར་བས་འཇིགས་པས་སོང་སྟེ། ཁྱིམ་བདག་དེའི་སྡུམ་མཚེས་ཀྱི་སྐྱེ་བོ་དག་ལ་དྲིས་པ་དང ། དེ་དག་ན་རེ། འདི་ནི་ཉེས་པར་སྤྱོད་པ་མ་ཡིན་གྱི་འདི་ལྟར་བདེན་སྨྲ་མས་སླུས་པ་དེ་ཡང་དག་པ་མ་ཡིན་པས་སྐུར་ཏེ། དེ་ནི་བདེན་སྨྲ་མ་ཡིན་གྱི་རྫུན་སྨྲ་ཡིན་ནོ་ཞེས་ཟེར་རོ། །དེ་ནས་དེ་གཉིས་བདེན་སྨྲ་ལ་ཁྲོ་བའི་ཀུན་ནས་དཀྲིས་པ་སྐྱེས་ནས་ཉེ་དུའི་ཚོགས་སྙིང་དུ་སྡུག་པ་དག་ལ་ཇི་ལྟར་གྱུར་པ་གོ་བར་བྱས་ནས། སྲིང་མོ་དེ་རང་གི་ཁྱིམ་ན་བསྲེལ་ཞིང་དེ་ལ་ཡང་ཀླན་ཀ་བཙལ་བ་ལྷུར་ལེན་ཅིང་འཁོད་དོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ་བས་མཐའི་གནས་མལ་ལ་དགའ་བ་བསེ་རུ་ལྟ་བུ་གཅིག་པུ་འཇིག་རྟེན་གྱི་གནས་སུ་གྱུར་པ་དག་འཇིག་རྟེན་དུ་འབྱུང་ངོ ། །ཇི་ཙམ་ན་རང་སངས་རྒྱས་ཤིག་ལྗོངས་རྒྱུ་ཞིང་འགྲོ་བ་ན་རི་བྲགས་དེར་ཕྱིན་ནས། དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། བསོད་སྙོམས་རྒྱུ་ཞིང་ཁྱིམ་རིམ་གྱིས་འགྲོ་བ་ན། ལྷ་དང་མིའི་ཡིད་སྡུད་པར་བྱེད་པའི་སྤྱོད་ལམ་ཞི་བས་ཁྱིམ་དེར་ཞུགས་པ་དེ་བདེན་སྨྲས་ཡང་དག་པ་མ་ཡིན་པས་སྐུར་བའི་ཆུང་མ་དེས་མཐོང་ནས། དེས་བསམས་པ། རབ་ཏུ་བྱུང་བ་འདིའི་སྤྱོད་ལམ་འདི་འདྲ་བ་ལས་ན་འདི་ནི་བརྟུལ་ཞུགས་གྲུབ་པ་བདག་ཉིད་ཆེན་པོ་ཡིན་ཏེ། གང་དག་གིས་འདི་ལ་མཆོད་པ་བྱས་ཤིང་སྨོན་ལམ་འདེབས་པར་བྱེད་པ་དེ་དག། གང་སེམས་
Ca396a
༄#། །པ་དང་གང་འདོད་པ་དེ་ནི་དེ་དག་ལས་ཐམས་ཅད་འགྲུབ་པར་འགྱུར་རོ་སྙམ་དུ་རིག་ནས། དེས་དེའི་རྐང་པ་གཉིས་ལ་ཕྱག་འཚལ་ཏེ། སྨྲས་པ། འཕགས་པ་ཁྱོད་ནི་བསོད་སྙོམས་བཞེད་པ་ལགས་ལ། བདག་ནི་བསོད་ནམས་འཚལ་བ་ལགས་ཀྱིས་འདི་ཉིད་དུ་གདུགས་ཚོད་གསོལ་ཅིག་།བདག་ཉིད་ཆེན་པོ་དེ་དག་ནི་གཞན་གྱི་དོན་ལ་ཞུགས་པ་ཡིན་པས་དེས་དང་དུ་བླངས་སོ། །དེ་ནས་དེས་རང་སངས་རྒྱས་དེ་བསོད་པ་དང་བཅས་པའི་ཟས་ཀྱིས་ཚིམ་པར་བྱས་ནས་རྐང་པ་གཉིས་ལ་ཕྱག་འཚལ་ཏེ། སྨོན་ལམ་ལོག་པ་འདི་སྐད་ཅེས་པ་བདག་གིས་ཡོན་གནས་ཡང་དག་པར་གྱུར་པ་འདི་ལྟ་བུ་ལ་མཆོད་པ་དག་བྱས་པའི་དགེ་བའི་རྩ་བ་འདིས་ཇི་ལྟར་བདེན་སྨྲ་དེས་བདག་སུན་མ་ཕྱུང་པ་གནོད་པ་མེད་པ་ལ་ཡང་དག་པ་མ་ཡིན་པས་སྐུར་པ་དེ་ལྟར་བདག་གིས་ཀྱང་དེ་གང་དང་གང་དུ་སྐྱེས་པ་དེ་དང་དེར་དེས་དགྲ་བཅོམ་པ་ཉིད་ཐོབ་ཀྱི་བར་དུ་ཡང་ཡང་དག་པ་མ་ཡིན་པས་དེ་ལ་སྐུར་པ་འདེབས་པར་གྱུར་ཅིག་ཅེས་བཏབ་བོ། །མིང་པོ་གཉིས་ཀྱིས་དེ་ལ་དྲིས་པ། སྲིང་མོ་ཁྱོད་ཀྱིས་སྨོན་ལམ་ཅི་ཞིག་བཏབ། དེས་སྨྲས་པ། མིང་པོ་གཉིས་འདི་དང་འདི་ལྟ་བུ་ཞིག་གོ་།དེ་གཉིས་ཀྱིས་སྨྲས་པ། གལ་ཏེ་དེ་ལྟ་ན་ཁོ་བོ་ཅག་གཉིས་ཀྱང་ཁྱོད་ཀྱི་མིང་པོ་ཡིན་པས་ཆེ་བཞི་དབྱེ་བར་བྱའོ། །དགེ་སློང་དག་དེ་ལ་དེའི་ཚེ་དེའི་དུས་ན་ཁྱིམ་བདག་གི་བུ་བདེན་སྨྲ་གང་ཡིན་པ་དེ་ནི་གྱད་བུ་ནོར་འདི་ཡིན་ནོ། །དེའི་ཚེ་དེའི་དུས་ན་དེའི་མ་
Ca396b
ཡར་མོ་གང་ཡིན་པ་དེ་ནི་དགེ་སློང་མ་མཛའ་མོ་འདི་ཡིན་ནོ། །དེའི་མིང་པོ་གཉིས་གང་དག་ཡིན་པ་དེ་གཉིས་ནི་དགེ་སློང་མཛའ་བོ་དང ། ས་ལས་སྐྱེས་གཉིས་ཡིན་ནོ། །དེས་མ་ཡར་མོ་ལ་ཡང་དག་པ་མ་ཡིན་པས་སྐུར་བ་གང་ཡིན་པའི་ལས་དེའི་རྣམ་པར་སྨིན་པས་ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དག་ཏུ་སེམས་ཅན་དམྱལ་བ་དག་ཏུ་གདུངས་ནས། ལས་དེ་ཉིད་ཀྱི་ལྷག་མས་ཚེ་རབས་ལྔ་བརྒྱར་དེ་ལ་འདིས་ཡང་དག་པ་མ་ཡིན་པས་སྐུར་ཅིང་དེ་གཉིས་ཀྱིས་ཀྱང་ཆེ་བཞི་ཕྱེའོ། །དེ་ནས་དེ་ལྟར་དགྲ་བཅོམ་པ་ཉིད་ཐོབ་ཀྱང ། དགེ་སློང་མ་མཛའ་མོས་ཡང་དག་པ་མ་ཡིན་པས་སྐུར་ཅིང།་མཛའ་བོ་དང་ས་ལས་སྐྱེས་གཉིས་ཀྱིས་ཆེ་བཞི་ཕྱེ་བར་གྱུར་ཏོ། །གནས་མལ་འབོག་པ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེ་ནི་སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན། དགེ་སློང་དག་སྔོན་བྱུང་བ་འདས་པའི་དུས་ན། བསྐལ་བ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང ། ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས། དགེ་སློང་གང་
Ca397a
༄#། །གིས་དེ་རབ་ཏུ་བྱུང་བའི་དགེ་སློང་དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་གནས་མལ་འབོག་པ་རྣམས་ཀྱི་མཆོག་ཏུ་བསྟན་ཏོ། །དེ་ནས་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་འགའ་ཡང་མ་ཐོབ་ནས་དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས། བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས། བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱེད་ཅིང ། ཇི་ལྟར་
Ca397b
མཁན་པོ་འདི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་གནས་མལ་འབོག་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་ལྡན་འདས་ཤཱཀྱ་ཐུབ་པ་ཤཱཀྱ་སེང་གེ་ཤཱཀྱའི་རྒྱལ་པོའི་གཙོ་བོ་དེས་གནས་མལ་འབོག་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་གདབ་པར་བརྩམས་པས། སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་གནས་མལ་འབོག་པ་རྣམས་ཀྱི་མཆོག་ཏུ་བསྟན་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང ། འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱོད་ཀྱིས་དེ་ལྟར་བསླབ་པར་བྱའོ། །གཞི་མེད་པར་སྐུར་པ་འདེབས་པའི་དགེ་འདུན་ལྷག་མ་སྟེ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་གྱད་བུ་ནོར་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ་འདུག་སྟེ། དེ་དང་ཧ་ཅང་མི་རིང་བ་ན་རྫིང་བུ་རྡོ་རྩེགས་ཅན་ཞེས་བྱ་བ་འདུག་པ་དེའི་འགྲམ་ན་ཚེ་
Ca398a
༄#། །དང་ལྡན་པ་གྱད་བུ་ནོར་ཉིན་མོ་གནས་པར་བྱེད་དོ། །གང་གི་ཚེ་ཨུཏྤ་ལའི་མདོག་།དགེ་བའི་བཤེས་གཉེན་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་བརྟེན་ཏེ། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་དགྲ་བཅོམ་པ་རྣམ་པར་རྒྱལ་བར་བྱ་བ་ལས་ནི་རྣམ་པར་རྒྱལ་བར་གྱུར་པ་དེའི་ཚེ་ན་དེ་ཤེས་ནས་དད་པ་དང་ལྡན་པས། བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ལ་ཡང་དང་ཡང་དུ་བལྟ་བའི་ཕྱིར་འགྲོ་ཞིང ། ལྷག་པར་ཡང་ཚེ་དང་ལྡན་པ་གྱད་བུ་ནོར་ལ་འདི་འདི་ལྟར་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པར་གྱུར་ཀྱང ། བསམ་གཏན་དང་རྣམ་པར་ཐར་པ་དང ། ཏིང་ངེ་འཛིན་ལ་སྙོམས་པར་འཇུག་པའི་བདེ་བ་དག་སྤངས་ཏེ། དགེ་འདུན་གྱི་ཆོས་དང་ལྡན་པའི་ཞལ་ཏའི་ལས་དག་ལ་བརྩོན་པར་གྱུར་པ་ནི་དཀའ་བ་བྱེད་པ་ཡིན་ནོ་སྙམ་ནས་ཡང་དང་ཡང་དུ་དེ་བལྟ་བའི་ཕྱིར་འགྲོའོ། །དེ་དུས་གཞན་ཞིག་ན་བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་ནས། ཚེ་དང་ལྡན་པ་གྱད་བུ་ནོར་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་གྱད་བུ་ནོར་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཆོས་ཉན་པའི་ཕྱིར་མདུན་དུ་འདུག་གོ་།དེའི་ཚེ་ན་དགེ་སློང་མཛའ་བོ་དང་ས་ལས་སྐྱེས་གཉིས་ཕྱག་དར་ཁྲོད་ཅིག་རྙེད་ཅིང་དེ་གཉིས་ཚེ་དང་ལྡན་པ་གྱད་བུ་ནོར་དང་ཚེ་རབས་ཚེ་རབས་སུ་འཁོན་བྱུང་སྟེ་རྟག་ཏུ་ཀླན་ཀ་ཚོལ་
Ca398b
བ་ལ་བརྩོན་པ་ཡིན་པས། མཛའ་བོས་སྨྲས་པ། ས་ལས་སྐྱེས་ཕྱག་དར་ཁྲོད་པ་རྙེད་པ་འདི་གང་དུ་འཁྲུར་གཞུག་།ས་ལས་སྐྱེས་ཀྱིས་སྨྲས་པ། རྫིང་བུ་རྡོ་རྩིགས་ཅན་ནི་རྒྱུན་ལུགས་ཉུང་ཞིང་ཉེ་འཁོར་གཙང་བ་ཡིན་པས་དེར་འདོང་ངོ ། །དེ་གཉིས་ཕྱག་དར་ཁྲོད་ཁྱེར་ཏེ་རྫིང་བུ་རྡོ་རྩིགས་ཅན་དུ་དོང་ནས་དེ་གཉིས་ཀྱིས་ཕྱག་དར་ཁྲོད་དེར་འཁྲུར་བཅུག་ནས། ཉི་མ་ལ་བཏིང་སྟེ་འཁོད་དོ། །དེའི་ཚེ་ན་རི་དྭགས་ཀྱི་ཁྱུ་དག་རྫིང་བུ་རྡོ་རྩིགས་ཅན་དུ་ལྷགས་ནས་ཆུ་འཐུངས་ཏེ་འདོང་བར་བྱེད་དོ། །རི་དྭགས་དག་གི་ཆོས་ཉིད་ནི་གཅིག་གི་རྒྱབ་ཏུ་གཅིག་གི་རྒལ་བར་བྱེད་པ་ཡིན་པས། ཇི་ཙམ་ན་རི་དྭགས་ཤིག་གིས་རི་དྭགས་མོ་ཞིག་གི་རྒྱབ་ཏུ་རྒལ་ཏེ་མི་ཚངས་པར་སྤྱོད་པ་འཁྲིག་པའི་ཆོས་བསྟེན་པར་བརྩམས་སོ། །དེ་མཛའ་བོས་མཐོང་ནས་དེས་སྨྲས་པ། ས་ལས་སྐྱེས་གྱད་བུ་ནོར་འདི། དགེ་སློང་མ་ཨུཏྤ་ལའི་མདོག་ལ་མི་ཚངས་པར་སྤྱོད་པ་འཁྲིག་པའི་ཆོས་བསྟེན་གྱི་འདོང་ལ། དགེ་སློང་རྣམས་ལ་བརྗོད་པར་བྱའོ། །ས་ལས་སྐྱེས་ཀྱིས་སྨྲས་པ། ཚེ་དང་ལྡན་པ་མཛའ་བོ་དེའི་ཚེ་ཡང་རེ་ཞིག་བདག་ཅག་གཉིས་གནས་ནས་དབྱུང་བའི་ལས་བྱས་ན། ཅི་ད་ཡང་གནས་ནས་དབྱུང་བའི་ལས་བྱེད་དུ་འཇུད་པར་འདོད་དམ། མཛའ་བོས་སྨྲས་པ། ཚེ་དང་ལྡན་པ་ས་ལས་སྐྱེས་དེའི་ཚེ་ན་ནི་ཡང་དག་པར་མ་ཡིན་པས་ཡིན་གྱི། ད་ནི་བག་ཙམ་ལས་བསམ་པ་ཡོད་དོ། །གྱད་བུ་ནོར་དང ། དགེ་སློང་མ་ཨུཏྤ་ལའི་མདོག་དང་མི་ཚངས་པར་སྤྱོད་པ་འཁྲིག་པའི་ཆོས་བསྟེན་པ་མ་མཐོང་ངམ། ཚེ་དང་ལྡན་པ་འདི་
Ca399a
༄#། །ལ་བརྫུན་དུ་སྨྲ་བ་ག་ལ་ཡོད་ཀྱིས་ཚུར་ཤེག་འདོང་ལ་དགེ་སློང་རྣམས་ལ་བརྗོད་པར་བྱའོ། །ས་ལས་སྐྱེས་དེ་མཛའ་བོས་བསླུས་པ་ན་བཏུབ་པར་གྱུར་ནས། དེ་གཉིས་གཙུག་ལག་ཁང་དུ་དོང་སྟེ་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་འདི་ལྟར་བདག་ཅག་གཉིས་ཀྱིས་ཚེ་དང་ལྡན་པ་གྱད་བུ་ནོར་དགེ་སློང་མ་ཨུཏྤ་ལའི་མདོག་དང་མི་ཚངས་པར་སྤྱོད་པ་འཁྲིག་པའི་ཆོས་བསྟན་པ་མཐོང་སྟེ། འདི་ལ་བདག་ཅག་གཉིས་གང་གི་དད་པའམ་ཡིད་ཆེས་པས་འགྲོ་བར་བྱ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་གཉིས་ཅི་ཁྱེད་གཉིས་ལྷ་དང་མི་རྣམས་གཅིག་ཏུ་ཡོངས་སུ་བཏང་ཞིང་སེམས་ཅན་དམྱལ་བ་དང་ཡི་དྭགས་དང་དུད་འགྲོ་རྣམས་སུ་གཅིག་ཏུ་གནས་སམ་ཅི་ན། དགེ་སློང་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་རྣམ་པར་སྟོན་པ་དེ་ལ་ཁྱེད་གཉིས་གཞན་གྱི་ཆ་མ་ཡིན་པ་དང་མཐུན་པར་ཕམ་པར་འགྱུར་བའི་ཆོས་ཀྱིས་སྐུར་བ་འདེབས་པར་བྱེད། དེ་གཉིས་ཀྱིས་སྨྲས་པ། ཚེ་དང་ལྡན་པ་དག་དེ་ནི་བདག་ཅག་གཉིས་ཀྱིས་མཉེས་ཀྱི་འདི་ལྟར་བདག་ཅག་གཉིས་ཀྱི་མིག་དག་གིས་མཐོང་བས་མིག་དབྱུང་བར་བྱ་གྲང ། བཅོམ་ལྡན་འདས་ཀྱིས་སྔར་ལྟར་དེ་གཉིས་ལ་ཅི་ཞིག་མཐོང ། ཇི་ལྟར་མཐོང ། གང་དུ་མཐོང ། ཁྱེད་གཉིས་དོན་ཅི་ཞིག་ལ་དེར་སོན་པས་དེར་མཐོང་ཞེས་ལེགས་པར་རབ་ཏུ་གླེང་བར་གྱིས་ཤིག་།བརྟག་པར་གྱིས་ཤིག་ཅེས་བཀའ་སྩལ་པས། དགེ་སློང་
Ca399b
རྣམས་ཀྱིས་དེ་གཉིས་ལ་ཅི་ཞིག་མཐོང ། ཇི་ལྟར་མཐོང ། གང་དུ་མཐོང ། ཁྱེད་གཉིས་ཅིའི་ཕྱིར་དེར་སོན་པས་དེར་མཐོང་ཞེས་ལེགས་པར་རབ་ཏུ་གླེངས་ཤིང་བརྟགས་སོ། །དགེ་སློང་རབ་ཏུ་མང་པོ་དག་གིས་ལེགས་པར་རབ་ཏུ་གླེངས་ཤིང་བརྟགས་པ་ན། དེ་གཉིས་ཀྱིས་སྨྲས་པ། ཚེ་དང་ལྡན་པ་དག་ཚེ་དང་ལྡན་པ་གྱད་བུ་ནོར་གྱིས་དགེ་སློང་མ་ཨུཏྤ་ལའི་མདོག་ལ་མི་ཚངས་པར་སྤྱོད་པ་འཁྲིག་པའི་ཆོས་མ་བརྟེན་ཏེ། འདི་ལྟར་ཚེ་དང་ལྡན་པ་གྱད་བུ་ནོར་གྱིས་བདག་ཅག་གཉིས་གང་དག་ཟོས་ན་རྗུད་པར་འགྱུར་བ་ཤིན་ཏུ་ཡིད་དུ་མི་འོང་བའི་ཟས་ངན་པ་དག་གིས་ལན་གསུམ་གྱི་བར་དུ་མཐོ་བཙམས་པས་བདག་ཅག་གཉིས་ཀྱིས་ཚེ་དང་ལྡན་པ་གྱད་བུ་ནོར་ལ་གཞན་གྱི་ཆ་མ་ཡིན་པ་དང་མཐུན་པ་ཕམ་པར་འགྱུར་པའི་ཆོས་ཀྱིས་སྐུར་བ་བཏབ་པར་ཟད་ཀྱི་ཚེ་དང་ལྡན་པ་གྱད་བུ་ནོར་གྱིས་དགེ་སློང་མ་ཨུཏྤ་ལའི་མདོག་ལ་མི་ཚངས་པར་སྤྱོད་པ་འཁྲིག་པའི་ཆོས་མ་བསྟེན་ཏེ། འདི་ལྟར་དགེ་སློང་དག་པ་ལྟུང་བ་མེད་པ་ཡིན་ནོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་དག་པ་ལྟུང་བ་མེད་པ་ལ་གཞན་གྱི་ཆ་མ་ཡིན་པ་དང་མཐུན་པ་ཕམ་པར་འགྱུར་པའི་ཆོས་ཀྱིས་སྐུར་པ་འདེབས་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དག་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་
Ca400a
༄#། །ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྲོས་ཤིང་ཞེ་སྡང་བར་གྱུར་ནས། ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས་དགེ་སློང་དག་པ་ལྟུང་བ་མེད་པ་ལ་གཞན་གྱི་ཆ་མ་ཡིན་པ་དང་མཐུན་པ་ཕམ་པར་འགྱུར་བའི་ཆོས་ཀྱིས་སྐུར་པ་ལས་དེ་དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང ། རྩོད་པ་དེ་ཡང་གཞན་གྱི་ཆ་མ་ཡིན་ལ་རྩོད་པ་དེ་གཞན་གྱི་ཆ་མ་ཡིན་པ་དང་མཐུན་པས་བག་ཙམ་ལས་བསམས་པ་ཙམ་གྱི་ཆོས་འགའ་ཞིག་བླངས་པར་གྱུར་ལ།་དགེ་སློང་ཡང་ཞེ་སྡང་ལ་གནས་པས་ཞེ་སྡང་གིས་སྨྲས་སོ་ཞེ་ན་དགེ་འདུན་ལྷག་མའོ། །ཡང་དགེ་སློང་གང་ཞེས་བྱ་བ་ནི། མཛའ་བོ་དང་ས་ལས་སྐྱེས་སམ་གཞན་ཡང་དེ་ལྟ་བུ་གང་ཡིན་པའོ། །ཁྲོས་ཤིང་ཞེས་བྱ་བ་ནི་འཁྲུགས་ཤིང་ངོ ། །ཞེ་སྡང་བར་གྱུར་ནས་ཞེས་བྱ་བ་ནི་ཡིད་མི་དགའ་བར་གྱུར་ནས་ཏེ། འཁྲུགས་པ་མ་བསལ་བར་རོ། །ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས་ཞེས་བྱ་བ་ནི། ཅི་ནས་ཀྱང་འདི་དགེ་སྦྱོང་གི་ཚུལ་དང་དབྲལ་ལོ་སྙམ་ནས་སོ། །དགེ་སློང་དག་པ་ཞེས་བྱ་བ་ནི་གྱད་བུ་ནོར་རམ་གཞན་ཡང་དེ་ལྟ་བུ་གང་ཡིན་པའོ། །ལྟུང་བ་མེད་པ་ལ་ཞེས་བྱ་བ་ནི་གཞི་དེའི་ལྟུང་བ་མེད་པའོ། །གཞན་གྱི་ཆ་མ་ཡིན་པ་དང་མཐུན་པ་ཞེས་བྱ་བ་ལ། གཞན་ཞེས་བྱ་བ་ནི་མྱ་ངན་ལས་འདས་པའོ། །དེའི་ཆ་དང་མཐུན་
Ca400b
པ་མ་ཡིན་པ་ནི་ཕམ་པར་འགྱུར་བའི་ཆོས་བཞི་པོ་དག་གོ་།ཕམ་པར་འགྱུར་བའི་ཞེས་བྱ་བ་ནི་བཞི་པོ་གང་ཡང་རུང་བའོ། །ཆོས་ཀྱིས་ཞེས་བྱ་བ་ནི་ཆོས་མ་ཡིན་པ་ཆོས་ཀྱི་སྒྲར་གསུངས་པས་སོ། །སྐུར་པ་ལས་ཞེས་བྱ་བ་ནི་སྐུར་བ་བཏབ་པ་ལས་སོ། །དེ་དུས་གཞན་ཞིག་ན་ཞེས་བྱ་བ་ནི་དུས་གཞན་ནའོ། །དྲིས་ཀྱང་རུང་ཞེས་བྱ་བ་ནི་གཞན་དག་གིས་སོ། །མ་དྲིས་ཀྱང་རུང་ཞེས་བྱ་བ་ནི་རང་ཉིད་འགྱོད་པ་དང།་ཅུང་ཟད་འགྱོད་པ་དང ། རྣམ་པར་འགྱོད་པ་དང ། རབ་ཏུ་འགྱོད་པར་གྱུར་ནས་སོ། །རྩོད་པ་དེ་ཡང་ཞེས་བྱ་བ་རྩོད་པ་བཞི་པོ་འགྱེད་པའི་ཕྱིར་རྩོད་པ་དང ། མི་གདམས་པའི་ཕྱིར་རྩོད་པ་དང ། ལྟུང་བའི་ཕྱིར་རྩོད་པ་དང ། བྱ་བའི་ཕྱིར་རྩོད་པའོ། །གཞན་གྱི་ཆ་མ་ཡིན་པ་དང་མཐུན་པ་ཡིན་ལ་ཞེས་བྱ་བ་ནི། མྱ་ངན་ལས་འདས་པའི་ཆ་མ་ཡིན་པ་དང་མཐུན་པར་ཕམ་པར་འགྱུར་བ་ཞེས་བྱ་བ་ཡིན་ལའོ། །རྩོད་པ་དེ་གཞན་གྱི་ཆ་མ་ཡིན་པ་དང་མཐུན་པས་བག་ཙམ་ལས་བསམ་པ་ཙམ་གྱིས་ཆོས་འགའ་ཞིག་བླངས་པར་གྱུར་ལ་ཞེས་བྱ་བ་ལ། བག་ཙམ་ལས་བསམ་པ་ཙམ་གྱིས་ཞེས་བྱ་བ་ནི་རི་དྭགས་དང་རི་དྭགས་མོའི་འོ། ཆོས་ཞེས་བྱ་བ་ནི་ཆོས་མ་ཡིན་པ་དེ་ཆོས་ཀྱི་སྒྲར་གསུངས་པའོ། །བླངས་པར་གྱུར་པ་ཞེས་བྱ་བ་ནི་བཟུང་བར་གྱུར་ལའོ། །དགེ་སློང་ཡང་ཞེ་སྡང་ལ་གནས་པས་ཞེས་བྱ་བ་ནི་སྐུར་བ་འདེབས་པར་འདོད་པས་སོ། །ཞེ་སྡང་གིས་སྨྲས་སོ་ཞེ་ན་ཞེས་བྱ་བ་ནི་སྐུར་པ་བཏབ་པར་གྱུར་ཏོ་ཞེས་ཟེར་ནའོ། །དགེ་འདུན་ལྷག་མའོ་ཞེས་བྱ་བ་ནི་སྔ་མ་བཞིན་ཏེ། དེས་ན་དགེ་འདུན་ལྷག་
Ca401a
༄#། །མའོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པར་མཐོང་ཞིང ། དེ་དེ་ལ་ལྟུང་བ་མེད་པའི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ཞིང་དེ་དེ་ལ་དགེ་འདུན་ལྷག་མའི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ཞིང་དེ་དེ་ལ་ལྟུང་བྱེད་ཀྱི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་སྒྱུར་ཏེ། །འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ཞིང་དེ་དེ་ལ་སོ་སོར་བཤགས་པར་བྱ་བའི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ།
Ca401b
འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན། དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ཞིང་དེ་དེ་ལ་ཉེས་བྱས་ཀྱི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་དགེ་འདུན་ལྷག་མའི་ལྟུང་བ་འབྱིན་པ་མཐོང་ཞིང་དེ་དེ་ལ་ལྟུང་བ་མེད་པའི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་དགེ་འདུན་ལྷག་མའི་ལྟུང་བ་འབྱིན་པ་མཐོང་ཞིང་དེ་དེ་ལ་དགེ་འདུན་ལྷག་མའི་ལྟ་བ་ཉིད་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང།་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་དགེ་འདུན་ལྷག་མའི་ལྟུང་བ་འབྱིན་པ་མཐོང་ཞིང་དེ་དེ་ལ་ལྟུང་བྱེད་ཀྱི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་
Ca402a
༄#། །ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་དགེ་འདུན་ལྷག་མའི་ལྟུང་བ་འབྱིན་པ་མཐོང་ཞིང་དེས་དེ་ལ་སོ་སོར་བཤགས་པར་བྱ་བའི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་དགེ་འདུན་ལྷག་མའི་ལྟུང་བ་འབྱིན་པ་མཐོང་ཞིང་དེ་དེ་ལ་ཉེས་བྱས་ཀྱི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ལྟུང་བྱེད་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་ལྟུང་བ་མེད་པའི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ལྟུང་བྱེད་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་དགེ་འདུན་ལྷག་མའི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་
Ca402b
གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ལྟུང་བྱེད་ཀྱི་ལྟུང་བ་འབྱིན་པ་མཐོང་ཞིང་དེས་དེ་ལ་ལྟུང་བྱེད་ཀྱི་ལྟ་བ་ཉིད་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པར་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ལྟུང་བྱེད་ཀྱི་ལྟུང་བ་འབྱིན་པ་མཐོང་ཞིང་ད་དེ་ལ་སོ་སོར་གཤགས་པར་བྱ་བའི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ལྟུང་བྱེད་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་ཉེས་བྱས་ཀྱི་ལྟ་བ་ཐོབ་པར་གྱུར་ན། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་སོ་སོར་བཤགས་པར་བྱ་བའི་ལྟུང་བ་འབྱིན་པ་མཐོང་ཞིང་དེ་དེ་ལ་ལྟུང་བ་མེད་པའི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་
Ca403a
༄#། །གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། ། དགེ་སློང་གིས་དགེ་སློང་སོ་སོར་བཤགས་པར་བྱ་བའི་ལྟུང་བ་འབྱིན་པ་མཐོང་ཞིང་དེ་དེ་ལ་དགེ་འདུན་ལྷག་མའི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་སོ་སོར་བཤགས་པར་བྱ་བའི་ལྟུང་བ་འབྱིན་པ་མཐོང་ཞིང་དེ་དེ་ལ་ལྟུང་བྱེད་ཀྱི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་སོ་སོར་བཤགས་པར་བྱ་བའི་ལྟུང་བ་འབྱིན་པ་མཐོང་ཞིང་དེ་དེ་ལ་སོ་སོར་བཤགས་པར་བྱ་བའི་ལྟ་བ་ཉིད་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་སོ་སོར་བཤགས་པར་བྱ་བའི་ལྟུང་བ་
Ca403b
འབྱིན་པ་མཐོང་ཞིང་དེ་དེ་ལ་ཉེས་བྱས་ཀྱི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཉེས་བྱས་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་ལྟུང་བ་མེད་པའི་ལྟ་བ་ཐོབ་པར་གྱུར་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཉེས་བྱས་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་དགེ་འདུན་ལྷག་མའི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཉེས་བྱས་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་ལྟུང་བྱེད་ཀྱི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཉེས་བྱས་ཀྱི་ལྟུང་བ་འབྱིན་པ་མཐོང་
Ca404a
༄#། །ཞིང་དེ་དེ་ལ་སོ་སོར་བཤགས་པར་བྱ་བའི་ལྟ་བ་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དགེ་སློང་གིས་དགེ་སློང་ཉེས་བྱས་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་ཉེས་བྱས་ཀྱི་ལྟ་བ་ཉིད་ཐོབ་པར་གྱུར་ནས། དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ། འདི་སྐད་ཅེས་བདག་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ངོ་ཞེས་ཟེར་ན་དགེ་འདུན་ལྷག་མར་འགྱུར་རོ། །དྲིལ་བསྒྲགས་པ་ལ་ནི་ལྟུང་བ་མེད་དོ། །ངོས་ལ་རི་མོར་བྲིས་པ་ཕན་ཆད་ཀྱང་ལྟུང་བ་མེད་དེ། ཇི་ལྟར་བདག་གིས་ཤེས་པ་དེ་བཞིན་དུ་འཇིག་རྟེན་ཐམས་ཅད་ཀྱིས་ཀྱང་ཤེས་སོ་སྙམ་ནའོ། །ལས་དང་པོ་པ་དང ། མྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གཞན་གྱི་ཆ་མ་ཡིན་པ་དང་མཐུན་པའི་དགེ་འདུན་ལྷག་མ་སྟེ། དགུ་པ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་མུ་གེ་ཉམ་ང་བ་དགོན་པ་སློང་མོ་པས་བསོད་སྙོམས་རྙེད་པར་དཀའ་བ་བྱུང་ངོ ། །དེ་ན་དགེ་སློང་གང་དག་རྫུ་འཕྲུལ་ཐོབ་པ་དེ་དག་ནི། གང་གི་མིང་གིས་འཛམ་བུའི་གླིང་ཞེས་བྱ་བར་
Ca404b
ཤེས་པའི་ཤིང་འཛམ་བུ་དེ་ལས་འཛམ་བུའི་འབྲས་བུ་ལྷགས་པ་ཁ་དོག་དང་དྲི་དང་རོ་དང་ལྡན་པ་དག་དང ། དེའི་ཉེ་འཁོར་ན་སྐྱུ་རུ་རའི་ཚལ་དང ། བིལ་པའི་ཚལ་དང ། ཀ་པིད་ཐའི་ཚལ་དང ། དེ་དག་གི་འབྲས་བུ་ལྷགས་པ་ཁ་དོག་དང་དྲི་དང་རོ་དང་ལྡན་པ་དག་གིས་ལྷུང་བཟེད་བཀང་སྟེ། ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱེད། ལྷག་མ་ཡོད་ན་དགེ་སློང་རྣམས་ལ་ཡང་བགོ་བཤའ་བྱེད་དོ། །ཤར་གྱི་ལུས་འཕགས་དང ། ནུབ་ཀྱི་བ་ལང་སྤྱོད་དུ་ཡང་སོང ། བྱང་གི་སྒྲ་མི་སྙན་དུ་ཡང་སོང་སྟེ། མ་རྨོས་མ་བཏབ་པའི་འབྲས་སཱ་ལུའི་འབྲུ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱེད། ལྷག་མ་ཡོད་ན་དགེ་སློང་རྣམས་ལ་བགོ་བཤའ་བྱེད་དོ། །རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་ཡང་སོང ། སུམ་ཅུ་རྩ་གསུམ་པའི་རིས་ཀྱི་ལྷ་རྣམས་ཀྱི་ནང་དུ་ཡང་སོང་སྟེ། ལྷའི་བདུད་རྩི་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱེད། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱེད་དོ། །ཡུལ་གང་དག་འབྱོར་པ་རྒྱས་པ་བདེ་བ་ལོ་ལེགས་པ། སྐྱེ་བོ་དང་མི་མང་པོས་གང་བ་དེ་དག་ཏུ་ཡང་སོང་སྟེ། བཅའ་བ་དང་བཟའ་བ་གཙང་བ་བསོད་པ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱེད། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱེད་དོ། །དེ་ནས་ལྷས་བྱིན་འདི་སྙམ་དུ་སེམས་ཏེ། དེ་ལྟར་མུ་གེ་ཉམ་ང་བ་དགོན་
Ca405a
༄#། །པ་སློང་མོ་པས་བསོད་སྙོམས་རྙེད་པར་དཀའ་བ་བྱུང་སྟེ། འདི་ན་དགེ་སློང་གང་དག་རྫུ་འཕྲུལ་ཐོབ་པ་དེ་དག་ནི་གང་གི་མིང་གིས་འཛམ་བུའི་གླིང་ཞེས་བྱ་བར་ཤེས་པའི་འཛམ་བུ་དེ་ལས་འཛམ་བུའི་འབྲས་བུ་ལྷགས་པ། ཁ་དོག་དང་དྲི་དང་རོ་དང་ལྡན་པ་དག་དང ། དེའི་ཉེ་འཁོར་ན་སྐྱུ་རུ་རའི་ཚལ་དང ། བིལ་བའི་ཚལ་དང ། ཀ་པིད་ཐའི་ཚལ་ནས་དེ་དག་གི་འབྲས་བུ་ལྷགས་པ། ཁ་དོག་དང་དྲི་དང་རོ་དང་ལྡན་པ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱེད། ལྷག་མ་ཡོད་ན་དགེ་སློང་རྣམས་ལ་ཡང་བགོ་བཤའ་བྱེད། ཤར་གྱི་ལུས་འཕགས་དང ། ནུབ་ཀྱི་བ་ལང་སྤྱོད་དུ་ཡང་སོང ། བྱང་གི་སྒྲ་མི་སྙན་དུ་ཡང་སོང་སྟེ། མ་རྨོས་མ་བཏབ་པའི་འབྲས་སཱ་ལུའི་འབྲུ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱེད། ལྷག་མ་ཡོད་ན་དགེ་སློང་རྣམས་ལ་ཡང་བགོ་བཤའ་བྱེད། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་ཡང་སོང ། སུམ་ཅུ་རྩ་གསུམ་པའི་རིས་ཀྱི་ལྷ་རྣམས་ཀྱི་ནང་དུ་ཡང་སོང་སྟེ། ལྷའི་བདུད་རྩི་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱེད། ལྷག་མ་ཡོད་ན་དགེ་སློང་རྣམས་ལ་བགོ་བཤའ་བྱེད། ཡུལ་གང་དག་འབྱོར་པ་རྒྱས་པ་བདེ་བ་ལོ་ལེགས་པ། སྐྱེ་བོ་དང་མི་མང་པོས་གང་བ་དེ་དག་ཏུ་ཡང་སོང་སྟེ། བཅའ་བ་དང་བཟའ་བ་
Ca405b
གཙང་བ་བསོད་པ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱེད། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱེད་ཀྱིས། བདག་གིས་ཀྱང་གལ་ཏེ་རྫུ་འཕྲུལ་ཐོབ་པར་གྱུར་ན། བདག་གིས་ཀྱང་གང་གི་མིང་གིས་འཛམ་བུའི་གླིང་ཞེས་བྱ་བར་ཤེས་པའི་ཤིང་འཛམ་བུའི་འབྲས་བུ་ལྷགས་པ། ཁ་དོག་དང་དྲི་དང་རོ་དང་ལྡན་པ་དག་དང ། དེའི་ཉེ་འཁོར་ན་སྐྱུ་རུ་རའི་ཚལ་དང ། བིལ་བའི་ཚལ་དང ། ཀ་པིད་ཐའི་ཚལ་ནས་དེ་དག་གི་འབྲས་བུ་ལྷགས་པ། ཁ་དོག་དང་དྲི་དང་རོ་དང་ལྡན་པ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱ། ལྷག་མ་ཡོད་ན་དགེ་སློང་རྣམས་ལ་ཡང་བགོ་བཤའ་བྱ། ཤར་གྱི་ལུས་འཕགས་དང ། ནུབ་ཀྱི་བ་ལང་སྤྱོད་དུ་ཡང་སོང ། བྱང་གི་སྒྲ་མི་སྙན་དུ་ཡང་སོང་སྟེ། མ་རྨོས་མ་བཏབ་པའི་འབྲས་སཱ་ལུའི་འབྲུ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱ། ལྷག་མ་ཡོད་ན་དགེ་སློང་རྣམས་ལ་ཡང་བགོ་བཤའ་བྱ། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་ཡང་སོང ། སུམ་ཅུ་རྩ་གསུམ་པའི་རིས་ཀྱི་ལྷ་རྣམས་ཀྱི་ནང་དུ་ཡང་སོང་སྟེ། ལྷའི་བདུད་རྩི་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ། ཡུལ་གང་དག་འབྱོར་པ་རྒྱས་པ་ལོ་ལེགས་པ་སྐྱེ་བོ་དང་མི་མང་པོས་གང་བ་དེ་དག་ཏུ་ཡང་སོང་སྟེ། བཅའ་བ་དང་
Ca406a
༄#། །བཟའ་བ་གཙང་བ་བསོད་པ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ་ན། དེའི་ཕྱིར་བདག་ལ་རྫུ་འཕྲུལ་གྱི་ལམ་སྟོན་པར་ནུས་པ་སུ་ཡོད་སྙམ་མོ། །དེ་ནས་ལྷས་བྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་ལ་ལྷས་བྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་ལ་རྫུ་འཕྲུལ་གྱི་ལམ་བསྟན་དུ་གསོལ། དེ་ནས་བཅོམ་ལྡན་འདས་ཀྱིས་ལྷས་བྱིན་ལ་སྡིག་པ་ཅན་གྱི་འདོད་པའི་རྣམ་པ་དེ་ལྟ་བུ་དེ་བྱུང་བར་ཐུགས་སུ་ཆུད་ནས་ལྷས་བྱིན་ལ་འདི་སྐད་ཅེས་བཀའ་སྩལ་ཏོ། གོའུ་ཏ་མའི་བུ་ཁྱོད་ཀྱིས་ལྷག་པའི་ཚུལ་ཁྲིམས་ལ་མངོན་པར་བརྩོན་པར་གྱིས་ཤིག་དང ། ཁྱོད་ལ་རྫུ་འཕྲུལ་དང་གཞན་ཡང་འབྱུང་བར་འགྱུར་རོ། །གོའུ་ཏ་མའི་བུ་ཁྱོད་ཀྱིས་ལྷག་པའི་སེམས་དང་ལྷག་པའི་ཤེས་རབ་ལ་མངོན་པར་བརྩོན་པར་གྱིས་ཤིག་དང ། ཁྱོད་ལ་རྫུ་འཕྲུལ་དང་གཞན་ཡང་འབྱུང་བར་འགྱུར་རོ། །དེ་ནས་ལྷས་བྱིན་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་བདག་ལ་རྫུ་འཕྲུལ་གྱི་ལམ་མི་སྟོན་ཏོ་སྙམ་དུ་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ནས་ཚེ་དང་ལྡན་པ་ཀུན་ཤེས་ཀོའུ་ཌི་ནྱ་
Ca406b
ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་ཤེས་ཀོའུ་ཌི་ནྱ་ལ་འདི་སྐད་ཅེས་སྨྲས་སོ། །གནས་བརྟན་གྱིས་བདག་ལ་རྫུ་འཕྲུལ་གྱི་ལམ་བསྟན་དུ་གསོལ། ཚེ་དང་ལྡན་པ་ཀུན་ཤེས་ཀོའུ་ཌི་ནྱས་བཅོམ་ལྡན་འདས་ཀྱི་ཐུགས་ལ་ཡང་རྣམ་པར་བལྟས། ལྷས་བྱིན་ལ་སྡིག་པ་ཅན་གྱི་འདོད་པའི་རྣམ་པ་དེ་ལྟ་བུ་དེ་བྱུང་བར་ཡང་རིག་ནས་ལྷས་བྱིན་ལ་འདི་སྐད་ཅེས་སྨྲས་སོ། །ལྷས་བྱིན་ཁྱོད་ཀྱིས་གཟུགས་ཚུལ་བཞིན་ཡིད་ལ་གྱིས་ཤིག་དང་ཁྱོད་ལ་རྫུ་འཕྲུལ་དང་གཞན་ཡང་འབྱུང་བར་འགྱུར་རོ། །ལྷས་བྱིན་ཁྱོད་ཀྱིས་ཚོར་བ་དང་འདུ་ཤེས་དང་འདུ་བྱེད་རྣམས་དང ། རྣམ་པར་ཤེས་པ་ཚུལ་བཞིན་ཡིད་ལ་གྱིས་ཤིག་དང་ཁྱོད་ལ་རྫུ་འཕྲུལ་དང་གཞན་ཡང་འབྱུང་བར་འགྱུར་རོ། །དེ་ནས་ལྷས་བྱིན་འདི་སྙམ་དུ་སེམས་ཏེ། གནས་བརྟན་ཀུན་ཤེས་ཀོའུ་ཌི་ནྱ་ཡང་བདག་ལ་རྫུ་འཕྲུལ་གྱི་ལམ་སྟོན་པར་མི་བྱེད་དོ་སྙམ་དུ་རིག་ནས་ཚེ་དང་ལྡན་པ་རྟ་ཐུལ་དང ། བཟང་པོ་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང ། ལག་བཟང་ལ་སོགས་པ་གནས་བརྟན་ལྔ་བརྒྱ་པོ་དག་ག་ལ་བ་དེར་སོང་སྟེ་ཕྱིན་ནས། གནས་བརྟན་ལྔ་བརྒྱ་པོ་དག་ལ་འདི་སྐད་ཅེས་སྨྲས་སོ། །གནས་བརྟན་དག་གིས་བདག་ལ་རྫུ་འཕྲུལ་གྱི་ལམ་བསྟན་དུ་གསོལ། དེ་ནས་གནས་བརྟན་ལྔ་བརྒྱ་པོ་བདག་གིས་བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་ཐུགས་ཡིད་ལ་རྣམ་པར་བལྟས། ལྷས་བྱིན་ལ་སྡིག་པ་ཅན་གྱི་འདོད་པའི་རྣམ་པ་དེ་ལྟ་བུ་དེ་བྱུང་བར་ཡང་རིག་
Ca407a
༄#། །ནས་ལྷས་བྱིན་ལ་འདི་སྐད་ཅེས་སྨྲས་སོ། །ལྷས་བྱིན་ཁྱོད་ཀྱིས་གཟུགས་ཚུལ་བཞིན་ཡིད་ལ་གྱིས་ཤིག་དང་ཁྱོད་ལ་རྫུ་འཕྲུལ་དང་གཞན་ཡང་འབྱུང་བར་འགྱུར་རོ། །ལྷས་བྱིན་ཁྱོད་ཀྱིས་ཚོར་བ་དང་འདུ་ཤེས་དང་འདུ་བྱེད་རྣམས་དང་རྣམ་པར་ཤེས་པ་ཚུལ་བཞིན་ཡིད་ལ་གྱིས་ཤིག་དང་ཁྱོད་ལ་རྫུ་འཕྲུལ་དང་གཞན་ཡང་འབྱུང་བར་འགྱུར་རོ། །དེ་ནས་ལྷས་བྱིན་འདི་སྙམ་དུ་སེམས་ཏེ། གནས་བརྟན་ལྔ་བརྒྱ་པོ་དག་ཀྱང་བདག་ལ་རྫུ་འཕྲུལ་གྱི་ལམ་མི་སྟོན་ཏེ། འདི་ལྟར་ཚེ་དང་ལྡན་པ་འདི་དག་གིས་སྔར་བཅོམ་ལྡན་འདས་དང་ལྷན་ཅིག་ཡང་དག་པར་བགྲོས་པར་གྱུར་པས་དེས་ན་འགའ་ཡང་བདག་ལ་རྫུ་འཕྲུལ་གྱི་ལམ་སྟོན་པར་མི་བྱེད་ན། བདག་ལ་རྫུ་འཕྲུལ་གྱི་ལམ་སྟོན་པར་ནུས་པ་གཞན་སུ་ཡོད་སྙམ་མོ། །དེའི་ཚེ་ན་ཚེ་དང་ལྡན་པ་འོད་སྲུང་སྟོབས་བཅུ་པ་རྒྱལ་པོའི་ཁབ་ན་སྡེ་ཅན་མའི་ཕུག་ན་འདུག་གོ། དེ་ནས་ལྷས་བྱིན་འདི་སྙམ་དུ་སེམས་ཏེ། གནས་བརྟན་འོད་སྲུང་སྟོབས་བཅུ་པ་འདི་ནི་ཡུན་རིང་པོ་ནས་གཡོ་མེད་པ་སྒྱུ་མེད་པ་དྲང་པོ་དྲང་པོའི་རང་བཞིན་ཅན་བདག་གི་ཕུ་ནུ་བོ་རྒན་པ་ཀུན་དགའ་བོའི་མཁན་པོ་ཡིན་པས་གནས་བརྟན་འོད་སྲུང་སྟོབས་བཅུ་པས་བདག་ལ་རྫུ་འཕྲུལ་གྱི་ལམ་སྟོན་པར་ནུས་སོ་སྙམ་དུ་རིག་ནས། ཚེ་དང་ལྡན་པ་འོད་སྲུང་སྟོབས་བཅུ་པ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་འོད་སྲུང་སྟོབས་བཅུ་པའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་
Ca407b
ཏུ་འདུག་ནས་ཚེ་དང་ལྡན་པ་འོད་སྲུང་སྟོབས་བཅུ་པ་ལ་ལྷས་བྱིན་གྱིས་འདི་སྐད་ཅེས་སྨྲས་སོ། །གནས་བརྟན་གྱིས་བདག་ལ་རྫུ་འཕྲུལ་གྱི་ལམ་བསྟན་དུ་གསོལ། དེ་ནས་ཚེ་དང་ལྡན་པ་འོད་སྲུང་སྟོབས་བཅུ་པས། བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་ཐུགས་ཡིད་དང ། ལྷས་བྱིན་ལ་སྡིག་པ་ཅན་གྱི་འདོད་པའི་རྣམ་པ་དེ་ལྟ་བུ་དེ་བྱུང་བ་ལ་རྣམ་པར་མ་བལྟས་པར་ལྷས་བྱིན་ལ་རྫུ་འཕྲུལ་གྱི་ལམ་བསྟན་ཏོ། །དེ་ནས་ལྷས་བྱིན་གྱིས་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པས་སྤྱོད་ཅིང་བསམ་གཏན་དང་པོ་ལ་བརྟེན་ནས་འཇིག་རྟེན་པའི་ལམ་གྱི་རྫུ་འཕྲུལ་མངོན་པར་བསྒྲུབས་ནས། དེ་གཅིག་ཏུ་གྱུར་ནས་མང་པོར་འགྱུར་རོ། །མང་པོར་གྱུར་ནས་གཅིག་ཏུ་འགྱུར་རོ། །ཤེས་པ་དང་མཐོང་བས་སྣང་བ་དང་མི་སྣང་བ་ཡང་ཉམས་སུ་མྱོང་བར་བྱེད་དོ། །ངོས་ཀྱི་རྩིག་པ་དང་ངོས་ཀྱི་ར་བ་དང་རི་ལ་ཡང་ལུས་ཀྱིས་མི་ཐོགས་པར་འགྲོ་སྟེ། དཔེར་ན་ནམ་མཁའ་ལ་བྱ་བ་བཞིན་ནོ། །ས་ལ་ཡང་སྟེང་དུ་འབྱུང་བ་དང་བྱེའུ་ཟུལ་བྱེད་དོ། དཔེར་ན་ཆུ་ལ་བྱ་བ་བཞིན་ནོ། །ཆུ་ལ་ཡང་མི་ནུབ་པར་རྒྱུན་ཕྱོགས་སུ་འགྲོ་སྟེ། དཔེར་ན་ས་ཆེན་པོ་ལ་བྱ་བ་བཞིན་ནོ། །ནམ་མཁའ་ལ་ཡང་སྐྱིལ་མོ་ཀྲུང་གིས་འགྲོ་སྟེ། དཔེར་ན་འདབ་ཆགས་བྱ་བཞིན་ནོ། ། དུ་བ་འཐུལ་བར་ཡང་བྱེད། འབར་བར་ཡང་བྱེད་དེ། དཔེར་ན་མེའི་ཕུང་པོ་ཆེན་པོ་བཞིན་ནོ། །ལུས་ལས་ཆུའི་རྒྱུན་འབྱིན་ཏེ། དཔེར་ན་སྤྲིན་ཆེན་པོ་བཞིན་ནོ། །ཉི་མ་དང་ཟླ་འདི་གཉིས་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་
Ca408a
༄#། །ཆེ་བ་འདི་ལྟར་གཟི་བརྗིད་ཆེ་བ་ལ་ཡང་ལག་པས་ནོམ་ཞིང་ཉུག་པར་བྱེད་དོ། །དེ་ནས་ལྷས་བྱིན་འདི་སྙམ་དུ་སེམས་ཏེ། བདག་ལ་གང་གི་མིང་གིས་འཛམ་བུའི་གླིང་ཞེས་བྱ་བར་ཤེས་པའི་ཤིང་འཛམ་བུ་དེ་ལས་འཛམ་བུའི་འབྲས་བུ་ལྷགས་པ་ཁ་དོག་དང་དྲི་དང་རོ་དང་ལྡན་པ་རྣམས་དང ། དེའི་ཉེ་འཁོར་ནས་སྐྱུ་རུ་རའི་ཚལ་དང ། བིལ་བའི་ཚལ་དང ། ཀ་པིད་ཐའི་ཚལ་དེ་ལས་དེ་དག་གི་འབྲས་བུ་ལྷགས་པ་ཁ་དོག་དང་དྲི་དང་རོ་དང་ལྡན་པ་རྣམས་ཀྱིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ་བ་དང ། ཤར་གྱི་ལུས་འཕགས་དང ། ནུབ་ཀྱི་བ་ལང་སྤྱོད་དུ་ཡང་སོང ། བྱང་གི་སྒྲ་མི་སྙན་དུ་ཡང་སོང་སྟེ། མ་རྨོས་མ་བཏབ་པའི་འབྲས་སཱ་ལུའི་འབྲུ་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ་བ་དང ། རྒྱལ་ཆེན་བཞིའི་རིས་ཀྱིས་ལྷ་རྣམས་ཀྱི་ནང་དུ་ཡང་སོང ། སུམ་ཅུ་རྩ་གསུམ་པའི་རིས་ཀྱི་ལྷ་རྣམས་ཀྱི་ནང་དུ་ཡང་སོང་སྟེ། ལྷའི་བདུད་རྩི་དག་གིས་ལྷུང་བཟེད་བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ་བ་དང ། ཡུལ་གང་དག་འབྱོར་པ་རྒྱས་པ། བདེ་བ་ལོ་ལེགས་པ། སྐྱེ་བོ་དང་མི་མང་པོས་གང་བ་དེ་དག་ནས་བཅའ་བ་དང་བཟའ་བ་གཙང་བ་བསོད་པ་དག་གིས་ལྷུང་བཟེད་
Ca408b
བཀང་སྟེ་ཁྱེར་ནས་བདག་ཉིད་ཀྱང་ཡོངས་སུ་ལོངས་སྤྱོད་པར་བྱ། ལྷག་མ་ཡོད་ན་དགེ་སློང་དག་ལ་ཡང་བགོ་བཤའ་བྱ་བས་ཅི་ཞིག་བྱས། བདག་གིས་མ་ག་དྷའི་ཞིང་འདི་ན་མི་གཙོ་བོ་གང་ཡིན་པ་རྗེས་སུ་འཇུག་པར་བྱ་ན། མ་ག་དྷའི་ཞིང་འདི་ན་གང་རྗེས་སུ་འཇུག་པར་བྱས་ནས་ཚེགས་ཆུང་དུས་སྐྱེ་བོ་ཕལ་པོ་ཆེའི་ཚོགས་ཀྱང་རྗེས་སུ་འཇུག་པར་འགྱུར་བའི་མིའི་གཙོ་བོ་རྗེས་སུ་འཇུག་པར་བྱ་བ་གང་ཡོད་སྙམ་མོ། །དེ་ནས་ལྷས་བྱིན་འདི་སྙམ་དུ་སེམས་ཏེ། གཞོན་ནུ་མ་སྐྱེས་དགྲ་འདི་ནི་ཕ་འདས་ནས་ཕའི་རྒྱལ་སྲིད་ཀྱི་དབང་ཕྱུག་གི་བདག་པོ་ལ་གནས་པར་གྱུར་པ་ཡིན་གྱིས། བདག་གིས་གཞོན་ནུ་མ་སྐྱེས་དགྲ་རྗེས་སུ་འཇུག་པར་བྱས་ཏེ། དེ་རྗེས་སུ་ཞུགས་ན། ཚེགས་ཆུང་དུས་སྐྱེ་བོ་ཕལ་པོ་ཆེའི་ཚོགས་ཀྱང་རྗེས་སུ་འཇུག་པར་འགྱུར་རོ་སྙམ་མོ། །དེ་ནས་ལྷས་བྱིན་གྱིས་གླང་པོ་ཆེ་མཐུ་དང་ལྡན་པའི་བུ་རིགས་བཙུན་པར་བསྒྱུར་ནས། གཞོན་ནུ་མ་སྐྱེས་དགྲའི་ཁྱིམ་དུ་སྒོ་ནས་ཞུགས་ཏེ་སྒེའུ་ཆུང་ནས་ཕྱིར་བྱུང་ཞིང ། སྒེའུ་ཆུང་ནས་ཞུགས་ཏེ་སྒོ་ནས་ཕྱིར་བྱུང་ངོ ། །རྟ་མཐུ་དང་ལྡན་པའི་བུ་རིགས་བཙུན་པར་བསྒྱུར་ནས། སྒོ་ནས་ཞུགས་ཏེ་སྒེའུ་ཆུང་ནས་ཕྱིར་བྱུང་ཞིང ། སྒེའུ་ཆུང་ནས་ཞུགས་ཏེ་སྒོ་ནས་ཕྱིར་བྱུང་ངོ ། །དེ་ནས་དགེ་སློང་མགོ་བྲེགས་པ་སྣམ་སྦྱར་གྱོན་པར་བསྒྱུར་ནས། གཞོན་ནུ་མ་སྐྱེས་དགྲའི་ཁྱིམ་དུ་སྒོ་ནས་ཞུགས་ཏེ་སྒེའུ་ཆུང་ནས་ཕྱིར་བྱུང་ཞིང ། སྒེའུ་ཆུང་ནས་ཞུགས་ཏེ་སྒོ་ནས་ཕྱིར་བྱུང་བ་དང ། གཞོན་ནུ་མ་སྐྱེས་དགྲས་ཀྱང་ཀྱེ་མ་འདི་ནི་འཕགས་པ་ལྷས་བྱིན་ཡིན་ནོ་སྙམ་དུ་ཤེས་སོ། །དེ་ནས་ལྷས་བྱིན་གྱིས་སྐྱེས་
Ca409a
༄#། །ཕྲན་གཞོན་ནུ་གསེར་གྱི་འོག་པག་ཅན་དུ་བསྒྱུར་ནས་གཞོན་ནུ་མ་སྐྱེས་དགྲའི་པང་པ་ན་འགྲེ་བར་བྱེད། ལྡོག་པར་བྱེད་ཅིང་གཞོན་ནུ་མ་སྐྱེས་དགྲ་ཡང་དེ་ལ་འཁྱུད་པར་བྱེད། ཁ་སྦྱོར་བར་བྱེད། ཀུན་ཏུ་འཁྱུད་པར་བྱེད་ཅིང ། དེའི་ཁར་མཆིལ་མ་ཡང་ལྡུག་པར་བྱེད་པ་ན། འདི་ལྟ་སྟེ། ལྷས་བྱིན་རྙེད་པ་དང ། བཀུར་སྟིས་ཟིལ་གྱིས་ནོན་ཅིང་སེམས་ཡོངས་སུ་གཏུགས་པས་དེ་ཡང་མིད་པར་བྱེད་དོ། །གཞོན་ནུ་མ་སྐྱེས་དགྲས་ཀྱང་ཀྱེ་མ་འདི་ནི་འཕགས་པ་ལྷས་བྱིན་ཡིན་ནོ་སྙམ་དུ་ཡང་ཤེས་སོ། །དེ་ནས་གཞོན་ནུ་མ་སྐྱེས་དགྲས་ཀྱེ་མ་འཕགས་པ་ལྷས་བྱིན་ནི་སྟོན་པ་བས་ཀྱང་ཆེས་རྫུ་འཕྲུལ་ཆེ་བ་ཡིན་ནོ་སྙམ་པའི་སྡིག་པ་ཅན་གྱི་ལྟ་བ་རྒྱ་ཆེན་པོ་ཐོབ་པར་གྱུར་ཅིང་དེ་ལ་དད་པར་གྱུར་ནས་དད་པའི་ཆེད་དུ་བྱ་བ་བྱེད་པར་གྱུར་ཏེ། ནང་པར་དང་དགོངས་ཀར་ཤིང་རྟ་ལྔ་བརྒྱ་ཙམ་དང་ལྷན་ཅིག་འབྱུང་ཞིང་དེ་ལ་བསྙེན་བཀུར་བྱེད་དོ། །དེ་ལ་སྣོད་དུ་བཙོས་པ་ལྔ་བརྒྱ་ཙམ་གྱི་ཟས་ཀྱི་ཚོམ་བུ་ཚོམ་བུ་དག་འབུལ་བར་བྱེད་དོ། །ལྷས་བྱིན་ཡང་དགེ་སློང་ལྔ་བརྒྱ་ཙམ་དང་ལྷན་ཅིག་ཟས་ཀྱི་གྲལ་དུ་བཀད་པར་བྱེད་དོ། །དེ་ནས་དགེ་སློང་རབ་ཏུ་མང་པོ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་ན། དགེ་སློང་རབ་ཏུ་མང་པོ་དག་རྒྱལ་པོའི་ཁབ་ན་བསོད་སྙོམས་རྒྱུ་བས་ལྷས་བྱིན་ལ་རྙེད་པ་དང་བཀུར་སྟི་རྣམ་པ་འདི་ལྟ་བུ་འདི་འབྱུང་སྟེ། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ནང་པར་དང་
Ca409b
དགོངས་ཀར་ཤིང་རྟ་ལྔ་བརྒྱ་ཙམ་དང་ལྷན་ཅིག་འབྱུང་ཞིང་དེ་ལ་བསྙེན་བཀུར་བྱེད་དོ། །དེ་ལ་སྣོད་དུ་བཙོས་པ་ལྔ་བརྒྱ་ཙམ་གྱི་ཟས་ཀྱི་ཚོམ་བུ་ཚོམ་བུ་དག་ཀྱང་འབུལ་བར་བྱེད་དོ། །ལྷས་བྱིན་ཡང་དགེ་སློང་ལྔ་བརྒྱ་ཙམ་དང་ལྷན་ཅིག་ཟས་ཀྱི་གྲལ་དུ་བཀད་པར་བྱེད་དོ་ཞེས་ཐོས་སོ། །ཐོས་ནས་ཀྱང་རྒྱལ་པོའི་ཁབ་ཏུ་བསོད་སྙོམས་བརྒྱུས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ལྷུང་བཟེད་དང་ཆོས་གོས་མཁོས་སུ་ཕབ་སྟེ། རྐང་པ་གཉིས་བཀྲུས་ནས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་འདི་སྐད་ཅེས་གསོལ་ཏོ། །བཙུན་པ་འདི་ན་བདག་ཅག་དགེ་སློང་རབ་ཏུ་མང་པོ་དང་སྔ་དྲོ་ཤམ་ཐབས་འཚལ། ལྷུང་བཟེད་དང་ཆོས་གོས་ཐོགས། རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་ན། བདག་ཅག་དགེ་སློང་རབ་ཏུ་མང་པོ་དག་རྒྱལ་པོའི་ཁབ་ན་བསོད་སྙོམས་རྒྱུ་བས་ལྷས་བྱིན་ལ་རྙེད་པ་དང་བཀུར་སྟི་རྣམ་པ་འདི་ལྟ་བུ་འདི་འབྱུང་སྟེ། ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ནང་པར་དང་དགོངས་ཀར་ཤིང་རྟ་ལྔ་བརྒྱ་ཙམ་དང་ལྷན་ཅིག་འབྱུང་ཞིང་དེ་ལ་བསྙེན་བཀུར་བགྱིད་དོ། །དེ་ལ་སྣོད་དུ་བསྒྲལ་བ་ལྔ་བརྒྱ་ཙམ་གྱི་ཟས་ཀྱི་ཚོམ་བུ་ཚོམ་བུ་དག་ཀྱང་འབུལ་བར་བགྱིད་དོ། །ལྷས་བྱིན་ཡང་དགེ་སློང་ལྔ་བརྒྱ་ཙམ་དང་ལྷན་ཅིག་ཟས་ཀྱི་གྲལ་དུ་བཀད་པར་བགྱིད་
Ca410a
༄#། །དོ་ཞེས་ཐོས་སོ། །དགེ་སློང་དག་ཁྱེད་ཅག་ལྷས་བྱིན་གྱི་རྙེད་པ་དང་བཀུར་སྟི་ལ་དགའ་བར་མ་བྱེད་ཅིག་།དེ་ཅིའི་ཕྱིར་ཞེ་ན། དགེ་སློང་དག་ལྷས་བྱིན་གྱི་རྙེད་པ་དང་བཀུར་སྟི་ནི་གསོད་པར་འགྱུར་བ་དང ། ལྷས་བྱིན་གྱི་རྙེད་པ་དང་བཀུར་སྟི་ནི་ཟིལ་གྱིས་གནོན་པར་འགྱུར་བ་ཡིན་པའི་ཕྱིར་རོ། །དགེ་སློང་དག་འདི་ལྟ་སྟེ། དཔེར་ན་ཆུ་ཤིང་འབྲས་བུ་རྒྱས་པ་ནི་གསོད་པར་འགྱུར་བ་དང ། ཆུ་ཤིང་འབྲས་བུ་རྒྱས་པ་ནི་ཟིལ་གྱིས་གནོན་པར་འགྱུར་བ་དེ་བཞིན་དུ། ལྷས་བྱིན་གྱི་རྙེད་པ་དང་བཀུར་སྟི་ཡང་གསོད་པར་འགྱུར་བ་དང ། ལྷས་བྱིན་གྱི་རྙེད་པ་དང་བཀུར་སྟི་ཡང་ཟིལ་གྱིས་གནོན་པར་འགྱུར་བ་ཡིན་ནོ། །འདི་ལྟ་སྟེ་དཔེར་ན་འོད་མ་དང་འདམ་བུ་འབྲས་བུ་རྒྱས་པ་ནི་གསོད་པར་འགྱུར་བ་དང ། འོད་མ་དང་འདམ་བུ་འབྲས་བུ་རྒྱས་པ་ནི་ཟིལ་གྱིས་གནོན་པར་འགྱུར་བ་དེ་བཞིན་དུ། ལྷས་བྱིན་གྱི་རྙེད་པ་དང་བཀུར་སྟི་ཡང་གསོད་པར་འགྱུར་བ་དང ། ལྷས་བྱིན་གྱི་རྙེད་པ་དང་བཀུར་སྟི་ཡང་ཟིལ་གྱིས་གནོན་པར་འགྱུར་བ་ཡིན་ནོ། །འདི་ལྟ་སྟེ་དཔེར་ན་དྲེའུ་མོས་མངལ་ན་གནས་པ་འཛིན་པ་ནི་གསོད་པར་འགྱུར་བ་དང ། དྲེའུ་མོས་མངལ་ན་གནས་པ་འཛིན་པ་ནི་ཟིལ་གྱིས་གནོན་པར་འགྱུར་བ་དེ་བཞིན་དུ། ལྷས་བྱིན་གྱི་རྙེད་པ་དང་བཀུར་སྟི་ཡང་གསོད་པར་འགྱུར་བ་དང ། ལྷས་བྱིན་གྱི་རྙེད་པ་དང་བཀུར་སྟི་ཡང་ཟིལ་གྱིས་གནོན་པར་འགྱུར་བ་ཡིན་ནོ། །དགེ་སློང་དག་ལྷས་བྱིན་ལ་ཇི་ཙམ་དུ་རྙེད་པ་དང་བཀུར་སྟི་རྣམ་པ་དེ་ལྟ་བུ་དེ་འབྱུང་བར་འགྱུར་བ་ནི་མི་གཏི་
Ca410b
མུག་ཅན་དེ་ལ་ཡུན་རིང་པོར་དོན་མེད་པ་དང་གནོད་པ་དང་སྡུག་བསྔལ་དུ་འགྱུར་རོ། །དགེ་སློང་དག་དེ་ལྟ་བས་ན་ཁྱོད་ཀྱིས་འདི་ལྟར་བསླབ་པར་བྱ་སྟེ། རྙེད་པ་དང་བཀུར་སྟི་ཟིལ་གྱིས་གནོན་པར་བྱ་ཞིང་རྙེད་པ་དང་བཀུར་སྟི་བྱུང་བས་སེམས་ཡོངས་སུ་གཏུགས་ཤིང་གནས་པར་མི་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ།་བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །ཆུ་ཤིང་འབྲས་བུས་གསོད་པར་བྱེད། །འོད་འབྲས་འདམ་བུ་འབྲས་བུས་གསོད། ། དྲེའུ་མོ་རང་གི་མངལ་གྱིས་ལྟར། །མི་ངན་བཀུར་སྟིས་གསོད་པར་བྱེད། །བྱིས་པ་ཇི་ཙམ་གྲགས་གྱུར་པ། །དོན་མེད་ཉིད་དུ་འགྱུར་པ་ཡིན། །བྱིས་པའི་དཀར་ཆ་གསོད་བྱེད་ཅིང ། །རྩེ་མོ་ལས་ཀྱང་ལྟུང་བར་འགྱུར། །དེ་ནས་ལྷས་བྱིན་རྙེད་པ་དང་བཀུར་སྟིས་ཟིལ་གྱིས་ནོན་ཅིང་སེམས་ཡོངས་སུ་གཏུགས་པ་ལ་སྡིག་པ་ཅན་གྱི་འདོད་པའི་རྣམ་པ་འདི་ལྟ་བུ་འདི་བྱུང་སྟེ། ད་ལྟར་བཅོམ་ལྡན་འདས་ནི་རྒན་པོ་རྒས་པ་དགོག་ཏུ་གྱུར་པས་འཁོར་བཞི་པོ་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་ལ་འདོམས་པས་ངལ་བར་འགྱུར་བས། ཀྱེ་མ་བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་བཏང་བར་གྱུར་ན། བདག་གིས་ཀྱང་དགེ་སློང་གི་དགེ་འདུན་ཡོངས་སུ་དྲང་བར་བྱ་ཞིང ། བཅོམ་ལྡན་འདས་ཀྱང་ཚེ་འདི་ཉིད་ལ་བདེ་བར་གནས་པ་ལ་
Ca411a
༄#། །སྦྱོར་བའི་རྗེས་སུ་བརྩོན་པས་ཐུགས་ལས་ཆུང་ངུར་གནས་པར་འགྱུར་རོ་སྙམ་མོ། །སེམས་བསྐྱེད་མ་ཐག་ཏུ་དེའི་རྫུ་འཕྲུལ་ཡོངས་སུ་ཉམས་པར་གྱུར་ཅིང་ཡོངས་སུ་ཉམས་ཀྱང་བདག་ཡོངས་སུ་ཉམས་སོ་སྙམ་དུ་མི་ཤེས་པར་གྱུར་ཏོ། །དེའི་ཚེ་ན་བཅོམ་ལྡན་འདས་ཀྱི་ཉན་ཐོས་ཀོའུ་འདི་ནྱའི་བུ་དགེ་སློང་ནོག་ཅན་གྱིས་བཅོམ་ལྡན་འདས་ཀྱི་དྲུང་དུ་ཚངས་པར་སྤྱོད་པ་སྤྱད་པ་དེ། ཚངས་པའི་གནས་བཞི་པོ་དག་བསྒོམས་ནས་འདོད་པ་དག་ལ་འདོད་པ་ལ་འདུན་པ་སྤངས་ཏེ། དེས་མང་དུ་གནས་པས་ཚངས་པའི་འཇིག་རྟེན་དང་རིས་མཐུན་པར་སྐྱེས་སོ། ། དེའི་ཚེ་ན་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ངན་སྤོང་གི་བུ་དག་ན་ཆུ་སྲིན་བྱིས་པ་གསོད་ཀྱི་རི་ལ་འཇིགས་རུང་གི་ཚལ་རི་དྭགས་ཀྱི་ནགས་ན་འདུག་གོ་།དེ་ནས་ཚངས་པ་ནོག་ཅན་གྱིས་ལྷས་བྱིན་རྫུ་འཕྲུལ་དེ་ལས་ཡོངས་སུ་ཉམས་པར་རིག་ནས། འདི་ལྟ་སྟེ་དཔེར་ན་སྐྱེས་བུ་སྟོབས་དང་ལྡན་པས་ལག་ངར་བསྐུམས་པ་ལས་བརྐྱང་པའམ། བརྐྱངས་པ་ལས་བསྐུམ་པར་བྱེད་པ་དེ་བཞིན་དུ་ཚངས་པ་ནོག་ཅན་ཚངས་པའི་འཇིག་རྟེན་ནས་མི་སྣང་བར་གྱུར་ནས་ངན་སྤོང་གི་བུ་དག་ཏུ་ཆུ་སྲིན་བྱིས་པ་གསོད་ཀྱི་རི་ལ་འཇིགས་རུང་གི་ཚལ་རི་དྭགས་ཀྱི་ནགས་སུ་ཚེ་དང་ལྡན་པ་མོའུ་འགལ་གྱི་བུ་ཆེན་པོའི་མདུན་དུ་འདུག་གོ་།དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་ཚངས་པ་ནོག་ཅན་གྱིས་འདི་སྐད་ཅེས་སྨྲས་སོ། །འཕགས་པ་མོའུ་འགལ་གྱི་བུ་མཁྱེན་པར་མཛོད་
Ca411b
ཅིག་།ལྷས་བྱིན་གྱི་རྙེད་པ་དང་བཀུར་སྟིས་ཟིལ་གྱིས་ནོན་ཅིང་སེམས་ཡོངས་སུ་གཏུགས་པ་ལ་སྡིག་པ་ཅན་གྱིས་འདོད་པའི་རྣམ་པ་འདི་ལྟ་བུ་འདི་བྱུང་སྟེ། ད་ལྟར་བཅོམ་ལྡན་འདས་ནི་རྒན་པོ་རྒས་པ་དགོག་ཏུ་གྱུར་པས་འཁོར་བཞི་པོ་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་ལ་འདོམས་པས་ངལ་བར་འགྱུར་བས། ཀྱེ་མ་བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་བཏང་བར་གྱུར་ན། བདག་གིས་ཀྱང་དགེ་སློང་གི་དགེ་འདུན་དྲང་བར་བྱ་ཞིང ། བཅོམ་ལྡན་འདས་ཀྱང་ཚེ་འདི་ལ་བདེ་བར་གནས་པ་ལ་སྦྱོར་བའི་རྗེས་སུ་བརྩོན་པས་ཐུགས་ལས་ཆུང་ངུར་གནས་པར་འགྱུར་རོ་སྙམ་ནས་སེམས་བསྐྱེད་མ་ཐག་ཏུ་དེ་རྫུ་འཕྲུལ་ཡོངས་སུ་ཉམས་པར་གྱུར་ཅིང ། ཡོངས་སུ་ཉམས་ཀྱང་བདག་ཡོངས་སུ་ཉམས་སོ་སྙམ་དུ་མི་ཤེས་པར་གྱུར་གྱིས་བཙུན་པ་མོའུ་འགལ་གྱི་བུ་ཆེན་པོ་བཅོམ་ལྡན་འདས་ག་ལ་བ་དེར་བཞུད་དེ། བྱོན་ནས་དོན་དེ་བཅོམ་ལྡན་འདས་ལ་རྒྱས་པར་གསོལ་ན་ལེགས་སོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཚངས་པ་ནོག་ཅན་ལ་ཅང་མི་སྨྲ་བས་དང་དུ་བླངས་སོ། །དེ་ནས་ཚངས་པ་ནོག་ཅན་གྱིས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཅང་མི་སྨྲ་བས་དང་དུ་བླངས་པར་རིག་ནས། ཚེ་དང་ལྡན་པ་མོའུ་འགལ་གྱི་བུ་ཆེན་པོའི་རྐང་པ་གཉིས་ལ་མགོ་བོས་ཕྱག་འཚལ་ཏེ། དེ་ཉིད་དུ་མི་སྣང་བར་གྱུར་ཏོ། །དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཚངས་པ་ནོག་ཅན་སོང་ནས་རིང་པོ་མ་ལོན་པར་རིག་ནས། ཇི་
Ca412a
༄#། །ལྟར་སེམས་མཉམ་པར་བཞག་ན་འདི་ལྟ་སྟེ་དཔེར་ན། སྐྱེས་བུ་སྟོབས་དང་ལྡན་པས་ལག་ངར་བསྐུམས་པ་ལས་བརྐྱང་པའམ། བརྐྱངས་པ་ལས་བསྐུམ་པར་བྱེད་པ་དེ་བཞིན་དུ།་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ངན་སྤོང་གི་བུ་དག་ནས་མི་སྣང་བར་གྱུར་ཅིང ། རྒྱལ་པོའི་ཁབ་ཏུ་འོད་མའི་ཚལ་བྱ་ཀ་ལན་ད་ཀའི་གནས་སུ་གནས་པར་གྱུར་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་དེ་ལ་ཚངས་པ་ནོག་ཅན་དང་ལྷན་ཅིག་པར་དུ་གཏམ་བརྗོད་པ་ཅི་བྱུང་བར་གྱུར་པ་དེ་དག་ཐམས་ཅད་བཅོམ་ལྡན་འདས་ལ་རྒྱས་པར་གསོལ་ཏོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །མོའུ་འགལ་གྱི་བུ་ཁྱོད་ཀྱིས་ཆེས་སྔར་ལྷས་བྱིན་གྱི་སེམས་ལ་སེམས་ཀྱིས་ཁྱབ་པར་བྱས་ཏེ་རིག་ནས། དེའི་འོག་ཏུ་ཚངས་པ་ནོག་ཅན་གྱིས་མ་བརྗོད་དམ། བཙུན་པ་དེ་ལགས་ཏེ། བདག་གིས་ཆེས་སྔར་ལྷས་བྱིན་གྱི་སེམས་ལ་སེམས་ཀྱིས་ཁྱབ་པར་བགྱིས་ཏེ་རིག་ནས་དེའི་འོག་ཏུ་ཚངས་པ་ནོག་ཅན་གྱི་བརྗོད་ལགས་སོ། །བཅོམ་ལྡན་འདས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་
Ca412b
དང་ཐབས་ཅིག་བར་དུ་བཀའ་མཆིད་འདི་གསུང་བའི་སྐབས་སུ་ལྷས་བྱིན་གྲོགས་དགེ་སློང་བཞི་པོ་ཀོ་ཀ་ལི་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དང་ལྷན་ཅིག་བཅོམ་ལྡན་འདས་ག་ལ་བ་དེར་སོང་ངོ ། །བཅོམ་ལྡན་འདས་ཀྱིས་ལྷས་བྱིན་ཐག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་བཀའ་སྩལ་པ། མོའུ་འགལ་གྱི་བུ་ལྷས་བྱིན་དེ་འོང་ཞིང་ད་མི་གཏི་མུག་ཅན་དེ་ངའི་མདུན་དུ་བདག་ཉིད་ཀྱི་བདག་ཉིད་ལུང་སྟོན་པར་བྱེད་ཀྱིས་ད་ཚིག་སྲུངས་ཤིག་།དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཇི་ལྟར་སེམས་མཉམ་པར་བཞག་ན་འདི་ལྟ་སྟེ་དཔེར་ན། སྐྱེས་བུ་སྟོབས་དང་ལྡན་པས་ལག་ངར་བསྐུམས་པ་ལས་བརྐྱང་བའམ། བརྐྱངས་པ་ལས་བསྐུམ་པར་བྱེད་པ་དེ་བཞིན་དུ་ཚེ་དང་ལྡན་པ་མོའུ་འགལ་གྱི་བུ་ཆེན་པོ་རྒྱལ་པོའི་ཁབ་ཀྱི་འོད་མའི་ཚལ་བྱ་ཀ་ལན་ད་ཀའི་གནས་ནས་མི་སྣང་བར་གྱུར་ཅིང་ངན་སྤོང་གི་བུ་དག་ན་ཆུ་སྲིན་བྱིས་པ་གསོད་ཀྱི་རི་ལ་འཇིགས་རུང་གི་ཚལ་རི་དྭགས་ཀྱི་ནགས་སུ་གནས་པར་གྱུར་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ལྷས་བྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ལྷས་བྱིན་གྱིས་འདི་སྐད་ཅེས་
Ca413a
༄#། །གསོལ་ཏོ། །ད་ལྟར་བཅོམ་ལྡན་འདས་བགྲེས་པོ་བགྲེས་པ་དགོག་ཏུ་གྱུར་པས་འཁོར་བཞི་པོ་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་ལ་འདོམས་པས་བསྙེལ་བར་གྱུར་པས། བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་བཏང་ན་ལེགས་ཏེ། བདག་གིས་དགེ་སློང་གི་དགེ་འདུན་ཡོངས་སུ་དྲང་བར་བགྱི་ཞིང ། བཅོམ་ལྡན་འདས་ཀྱང་ཚེ་འདི་ལ་བདེ་བར་གནས་པ་ལ་སྦྱོར་བའི་རྗེས་སུ་བརྩོན་པས་ཐུགས་ལས་ཆུང་ངུར་གནས་པར་འགྱུར་རོ། །མི་གཏི་མུག་ཅན་ཤཱ་རིའི་བུ་དང ། མོའུ་འགལ་གྱི་བུ་ཚངས་པ་མཚུངས་པར་སྤྱོད་པ། དེས་པ་དེས་པ་དག་ལ་ཡང་རེ་ཞིག་དགེ་སློང་གི་དགེ་འདུན་གཏོང་བར་མི་བྱེད་ན། རོ་དང་འདྲ་བ་མཆིལ་མ་ཟ་བ་ཁྱོད་ལ་གཏོང་རེ་སྐན། དེ་ནས་ལྷས་བྱིན་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཤཱ་རིའི་བུ་དང ། མོའུ་འགལ་གྱི་བུ་གཉིས་ཀྱི་བསྔགས་པ་བརྗོད་ཅིང ། བདག་ལ་རོ་དང་འདྲ་བ་མཆིལ་མ་ཟ་བ་ཞེས་བརྗོད་པས་ཀུན་ཏུ་སྤྱད་དོ་སྙམ་ནས། དེ་ན་ལྷས་བྱིན་གྱིས་དེའི་དང་པོར་བཅོམ་ལྡན་འདས་ལ་ཀུན་ནས་མནར་སེམས་དང་མི་བཟོད་པ་དང་ཡིད་མི་ཆེས་པ་བྱས་པར་གྱུར་ཏོ། །དེ་ནས་ལྷས་བྱིན་གྱིས་སྡོད་ཅིག་ཅེས་བརྗོད་དེ། མགོ་ལན་གསུམ་ལྕོགས་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་།། །།སརྦ་མངྒ་ལཾ།།
Cha1b
༄##། །འདུལ་བ་རྣམ་པར་འབྱེད་པ། བམ་པོ་ཉེར་གཉིས་པ། དེའི་ཚེ་ན་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་བསིལ་ཡབ་ཐོགས་ཏེ། བཅོམ་ལྡན་འདས་ལ་བསིལ་ཡབ་ཀྱིས་གཡོབ་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་ལྷས་བྱིན་སོང་ནས་རིང་པོ་མ་ལོན་པར་ཐུགས་སུ་ཆུད་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ།
Cha2a
༄##། །སོང་ལ་འོད་མའི་ཚལ་བྱ་ཀ་ལནད་ཀའི་གནས་ན་དགེ་སློང་ཇི་སྙེད་ཉེ་བར་བརྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་སྡུས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འོད་མའི་ཚལ་ཀ་ལནད་ཀའི་གནས་ན་དགེ་སློང་ཇི་སྙེད་ཉེ་བར་བརྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་བསྡུས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་
Cha2b
བོས་འདི་སྐད་ཅེས་གསོལ་ཏོ། །བཙུན་པ། འོད་མའི་ཚལ་ཀ་ལནད་ཀའི་གནས་ན་དགེ་སློང་ཇི་སྙེད་ཅིག་ཉེ་བར་བརྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་མཆིས་ཤིང་མཐུན་པར་གྱུར་ན། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་དཔོང་སའི་ཁང་པ་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ལྔ་པོ་འདི་དག་ནི། འཇིག་རྟེན་ན་ཡོད་ཅིང་སྲིད་པའི་སྟོན་པ་དག་ཡིན་ཏེ། ལྔ་གང་ཞེ་ན། འདི་ན་སྟོན་པ་གཅིག་ནི། ཚུལ་ཁྲིམས་ཡོངས་སུ་མ་དག་བཞིན་དུ་བདག་གི་ཚུལ་ཁྲིམས་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས། སྟོན་
Cha3a
༄##། །པ་ཤེས་ལྡན་འདི་ནི། ཚུལ་ཁྲིམས་ཡོངས་སུ་མ་དག་བཞིན་དུ་བདག་གི་ཚུལ་ཁྲིམས་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་ཤེས་མོད་ཀྱི། བདག་ཅག་གིས་གལ་ཏེ་སྟོན་པ་འདི་གཞན་ལ་བརྗོད་པར་གྱུར་ན། དེས་འདི་ཡིད་མི་དགའ་བར་འགྱུར་བས། བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་ཏུ་སྤྱད་པས་ཅི་བྱ་སྟེ། སྟོན་པ་ཤེས་ལྡན་འདི་རང་ཉིད་ཀྱིས་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ན་བའི་རྐྱེན་དང་སྨན་གྱི་ཡོ་བྱད་དག་གིས་སེམས་པར་བྱེད་དོ། །སྙམ་པས་ཉན་ཐོས་རྣམས་ཀྱང་དེ་ལ་ཚུལ་ཁྲིམས་ཀྱི་སྒོ་ནས་རྗེས་སུ་བསྲུང་བར་བྱ་བར་སེམས་སོ། །སྟོན་པ་དེ་ལྟ་བུ་ནི།་ཉན་ཐོས་རྣམས་ལས་ཚུལ་ཁྲིམས་རྗེས་སུ་བསྲུང་བར་རེ་བར་བྱེད་དེ། འདི་ནི། འཇིག་རྟེན་ན་ཡོད་ཅིང་སྲིད་པའི་སྟོན་པ་དང་པོ་ཡིན་ནོ། །གཞན་
Cha3b
ཡང ། འདི་ན་སྟོན་པ་གཅིག་ནི། འཚོ་བ་ཡོངས་སུ་མ་དག་བཞིན་དུ་བདག་གི་འཚོ་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས། སྟོན་པ་ཤེས་ལྡན་འདི་ནི། འཚོ་བ་ཡོངས་སུ་མ་དག་བཞིན་དུ་བདག་གི་འཚོ་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གཞན་ལ་བརྗོད་པར་གྱུར་ན། དེས་འདི་ཡིད་མི་དགའ་བར་འགྱུར་བས་བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་ཏུ་སྤྱད་པས་ཅི་བྱ་སྟེ། སྟོན་པ་ཤེས་ལྡན་འདི་རང་ཉིད་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ན་བའི་རྐྱེན་དང་སྨན་གྱི་ཡོ་བྱད་དག་གིས་སེམས་པར་བྱེད་དོ། །སྙམ་པས་ཉན་ཐོས་རྣམས་ཀྱང་དེ་ལ་འཚོ་བའི་སྒོ་ནས་རྗེས་སུ་བསྲུང་བར་བྱ་བར་སེམས་སོ། །སྟོན་པ་དེ་ལྟ་བུ་ནི། ཉན་ཐོས་རྣམས་ལས་འཚོ་བ་རྗེས་སུ་བསྲུང་བ་རེ་བར་བྱེད་དེ། འདི་ནི། འཇིག་རྟེན་ན་ཡོད་ཅིང་སྲིད་པའི་སྟོན་པ་གཉིས་པ་ཡིན་ནོ། །གཞན་ཡང ། འདི་ན་སྟོན་པ་གཅིག་ནི། ཤེས་པ་དང་མཐོང་བ་ཡོངས་སུ་མ་དག་བཞིན་དུ་བདག་གིས་ཤེས་པ་དང་མཐོང་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས། སྟོན་པ་ཤེས་ལྡན་འདི་ནི། ཤེས་པ་
Cha4a
༄#། །དང་མཐོང་བ་ཡོངས་སུ་མ་དག་བཞིན་དུ་བདག་གི་ཤེས་པ་དང་མཐོང་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གཞན་ལ་བརྗོད་པར་གྱུར་ན། དེས་འདི་ཡིད་མི་དགའ་བར་འགྱུར་པས། བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་ཏུ་སྤྱད་པས་ཅི་བྱ་སྟེ།་སྟོན་པ་ཤེས་ལྡན་འདི་རང་ཉིད་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ན་བའི་རྐྱེན་དང་སྨན་གྱི་ཡོ་བྱད་དག་གིས་སེམས་པར་བྱེད་དོ། །སྙམ་པས་ཉན་ཐོས་རྣམས་ཀྱང་དེ་ལ་ཤེས་པ་དང་མཐོང་བའི་སྒོ་ནས་རྗེས་སུ་བསྲུང་བར་བྱ་བར་སེམས་སོ། །སྟོན་པ་དེ་ལྟ་བུ་ནི། ཉན་ཐོས་རྣམས་ལས་ཤེས་པ་དང་མཐོང་བ་རྗེས་སུ་སྲུང་བ་རེ་བར་བྱེད་དེ། འདི་ནི། འཇིག་རྟེན་ན་ཡོད་ཅིང་སྲིད་པའི་སྟོན་པ་གསུམ་པ་ཡིན་ནོ། །གཞན་ཡང ། འདི་ན་སྟོན་པ་གཅིག་ནི། བརྡ་སྤྲོད་པ་ཕུན་སུམ་ཚོགས་པ་མ་ཡིན་བཞིན་དུ་བདག་ནི། བརྡ་སྤྲོད་པ་ཕུན་སུམ་ཚོགས་ཤིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དོ། །དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས། སྟོན་པ་ཤེས་ལྡན་འདི་ནི། བརྡ་སྤྲོད་པ་ཕུན་སུམ་ཚོགས་པ་མ་ཡིན་བཞིན་དུ་བདག་ནི། བརྡ་སྤྲོད་པ་ཕུན་སུམ་ཚོགས་ཤིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་ཤེས་མོད་ཀྱི།
Cha4b
བདག་ཅག་གིས་སྟོན་པ་འདི་གཞན་ལ་བརྗོད་པར་གྱུར་ན། དེས་འདི་ཡིད་མི་དགའ་བར་འགྱུར་བས། བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་ཏུ་སྤྱད་པས་ཅི་བྱ་སྟེ། སྟོན་པ་ཤེས་ལྡན་འདི་རང་ཉིད་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ན་བའི་རྐྱེན་དང་སྨན་གྱི་ཡོ་བྱད་དག་གིས་སེམས་པར་བྱེད་དོ། །སྙམ་པས་ཉན་ཐོས་རྣམས་ཀྱང་དེ་ལ་བརྡ་སྤྲོད་པ་ཕུན་སུམ་ཚོགས་པའི་སྒོ་ནས་རྗེས་སུ་བསྲུང་བར་བྱ་བར་སེམས་སོ། །སྟོན་པ་དེ་ལྟ་བུ་ནི། ཉན་ཐོས་རྣམས་ལས་བརྡ་སྤྲོད་པ་ཕུན་སུམ་ཚོགས་པ་རྗེས་སུ་བསྲུང་བ་རེ་བར་བྱེད་དེ། འདི་ནི། འཇིག་རྟེན་ན་ཡོད་ཅིང་སྲིད་པའི་སྟོན་པ་བཞི་པ་ཡིན་ནོ། །གཞན་ཡང ། འདི་ན་སྟོན་པ་གཅིག་ནི། ཆོས་འདུལ་བ་ཉེས་པར་བཤད་པ་དང་ལྡན་བཞིན་དུ་བདག་ནི། ཆོས་འདུལ་བ་ལེགས་པར་གསུངས་པ་དང་ལྡན་ཞིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དེ། དེ་ལ་ཉན་ཐོས་རྣམས་ཀྱིས་ལྷན་ཅིག་འགྲོགས་པའི་རྒྱུས། སྟོན་པ་ཤེས་ལྡན་འདི་ནི། ཆོས་འདུལ་བ་ཉེས་པར་བཤད་པ་དང་ལྡན་བཞིན་དུ་བདག་ནི། ཆོས་འདུལ་བ་ལེགས་པར་གསུངས་པ་དང་ལྡན་ཞིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་ཤེས་མོད་ཀྱི། བདག་ཅག་གིས་སྟོན་པ་འདི་གཞན་ལ་བརྗོད་པར་གྱུར་ན། དེས་འདི་ཡིད་མི་དགའ་བར་འགྱུར་བས། བདག་ཅག་ལ་གང་གིས་འདི་ཡིད་མི་དགའ་བར་གྱུར་པ་དེས་སྟོན་པ་ལ་ཀུན་ཏུ་སྤྱད་པས་ཅི་བྱ་སྟེ། སྟོན་པ་
Cha5a
༄#། །ཤེས་ལྡན་འདི་རང་ཉིད་ཤེས་པར་ཟད་དོ། །འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ན་བའི་རྐྱེན་དང་སྨན་གྱི་ཡོ་བྱད་དག་གིས་སེམས་པར་བྱེད་དོ། །སྙམ་པས། ཉན་ཐོས་རྣམས་ཀྱང་དེ་ལ་ཆོས་འདུལ་བ་ལེགས་པར་གསུངས་པའི་སྒོ་ནས་རྗེས་སུ་བསྲུང་བར་བྱ་བར་སེམས་སོ། །སྟོན་པ་དེ་ལྟ་བུ་ནི། ཉན་ཐོས་རྣམས་ལས་ཆོས་འདུལ་བ་ལེགས་པར་བཤད་པ་རྗེས་སུ་བསྲུང་བ་རེ་བར་བྱེད་དེ། འདི་ནི། འཇིག་རྟེན་ན་ཡོད་ཅིང་སྲིད་པའི་སྟོན་པ་ལྔ་པ་ཡིན་ནོ། །དགེ་སློང་དག་།ང་ནི། ཚུལ་ཁྲིམས་ཡོངས་སུ་དག་པ་ཁོ་ན་ཡིན་པས་ངའི་ཚུལ་ཁྲིམས་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་ཚུལ་ཁྲིམས་ཀྱི་སྒོ་ནས་རྗེས་སུ་བསྲུང་བར་བྱ་བར་མི་སེམས་ཤིང་ང་ཡང་ཉན་ཐོས་རྣམས་ལས་ཚུལ་ཁྲིམས་རྗེས་སུ་བསྲུང་བ་རེ་བར་མི་བྱེད་དོ། །དགེ་སློང་དག་།ང་ནི། འཚོ་བ་ཡོངས་སུ་དག་པ་ཁོ་ན་ཡིན་པས་ངའི་འཚོ་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་འཚོ་བའི་སྒོ་ནས་རྗེས་སུ་བསྲུང་བར་བྱ་བར་མི་སེམས་ཤིང ། ང་ཡང་ཉན་ཐོས་རྣམས་ལས་འཚོ་བ་རྗེས་སུ་བསྲུང་བ་རེ་བར་མི་བྱེད་དོ། །དགེ་སློང་དག་།ང་ནི། ཤེས་པ་དང་མཐོང་བ་ཡོངས་སུ་དག་པ་ཁོ་ན་ཡིན་པས་ངའི་ཤེས་པ་དང་མཐོང་བ་ཡོངས་སུ་དག་ཅིང་ཀུན་ནས་ཉོན་མོངས་པ་མེད་
Cha5b
དོ། །ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་ཤེས་པ་དང་མཐོང་བའི་སྒོ་ནས་རྗེས་སུ་བསྲུང་བར་བྱ་བར་མི་སེམས་ཤིང ། ང་ཡང་ཉན་ཐོས་རྣམས་ལས་ཤེས་པ་དང་མཐོང་བ་རྗེས་སུ་བསྲུང་བ་རེ་བར་མི་བྱེད་དོ། །དགེ་སློང་དག་།ང་ནི། བརྡ་སྤྲོད་པ་ཕུན་སུམ་ཚོགས་པ་ཁོ་ན་ཡིན་པས་ངའི་བརྡ་སྤྲོད་པ་ཕུན་སུམ་ཚོགས་ཤིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་བརྡ་སྤྲོད་པ་ཕུན་སུམ་ཚོགས་པའི་སྒོ་ནས་རྗེས་སུ་བསྲུང་བར་བྱ་བར་མི་སེམས་ཤིང ། ང་ཡང་ཉན་ཐོས་རྣམས་ལས་བརྡ་སྤྲོད་པ་ཕུན་སུམ་ཚོགས་པ་རྗེས་སུ་བསྲུང་བ་རེ་བར་མི་བྱེད་དོ། །དགེ་སློང་དག་།ང་ནི། ཆོས་འདུལ་བ་ལེགས་པར་གསུངས་པ་དང་ལྡན་པ་ཁོ་ན་ཡིན་པས་ངའི་ཆོས་འདུལ་བ་ལེགས་པར་གསུངས་པ་ཡིན་ཞིང་ཀུན་ནས་ཉོན་མོངས་པ་མེད་དོ། །ཞེས་དམ་འཆའ་བར་བྱེད་དེ། ང་ལ་ཉན་ཐོས་རྣམས་ཆོས་འདུལ་བ་ལེགས་པར་གསུངས་པའི་སྒོ་ནས་རྗེས་སུ་བསྲུང་བར་བྱ་བར་མི་སེམས་ཤིང ། ང་ཡང་ཉན་ཐོས་རྣམས་ལས་ཆོས་འདུལ་བ་ལེགས་པར་བཤད་པ་རྗེས་སུ་བསྲུང་བ་རེ་བར་མི་བྱེད་དོ། །དགེ་སློང་དག་།ང་ནི། ཁྱེད་ལ་ཚར་བཅད་ཅིང་ཚར་བཅད་ཅིང་སྨྲ་བར་བྱེད། ཟིལ་གྱིས་མནན་ཅིང་ཟིལ་གྱིས་མནན་ཅིང་སྨྲ་བར་བྱེད་དེ། ཁྱེད་ལ་དབྱིག་ཏུ་མི་འཛིན་ཅིང་རྫ་མཁན་གྱི་སྣོད་སོམ་བཏང་བ་དག་བཞིན་དུ་གང་སྙིང་པོ་ཡོད་པ་དེ་འཇོག་པར་བྱེད་ཀྱི། ངའི་ཚིག་གི་ལམ་དག་ལ་བཟོད་པར་གྱིས་ཤིག། དེ་ནས་ལྷས་བྱིན་གྱིས་ཀོ་ཀ་ལི་ཀ་དང ། ཁནད་དྲབ་བྱ་དང །
Cha6a
༄#། །ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ལ་སྨྲས་པ། ཀོ་ཀ་ལི་ཀ་།ཁནད་དྲབ་བྱ། ཀ་ཊ་མོ་ར་ཀ་ཏི་ཤྱ། རྒྱ་མཚོས་བྱིན་དག་།ཁྱེད་ཅག་ཚུར་ཤེག་།དགེ་སྦྱོང་གོའུ་ཏ་མ་འདུག་བཞིན་དུ་ཉན་ཐོས་ཀྱི་དགེ་འདུན་མཐུན་པ་དབྱེ་བར་བྱ་ཞིང་འཁོར་ལོ་ཡང་དབྱེ་བར་བྱ་སྟེ། དེས་ན་བདག་ཅག་ཤི་ཞིང་དུས་ལ་བབ་པ་དག་ལ་དགེ་སྦྱོང་གོའུ་ཏ་མ་དེ་ཙམ་དུ་རྫུ་འཕྲུལ་ཆེ་བ།་དེ་ཙམ་དུ་མཐུ་ཆེ་བ་འདུག་བཞིན་དུ་ལྷས་བྱིན་དང ། ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་གྱིས་ཉན་ཐོས་ཀྱི་དགེ་འདུན་མཐུན་པ་ཕྱེ་ཞིང་འཁོར་ལོ་ཡང་དབྱེ་བ་བྱས་སོ། །ཞེས་ཕྱོགས་དང་ཕྱོགས་མཚམས་སུ་སྙན་པའི་སྒྲའི་ཚོགས་རྒྱ་ཆེན་པོ་དགེ་བ་མངོན་པར་གྲགས་པར་འགྱུར་རོ། །ལྷས་བྱིན། བདག་ཅག་གིས་དེ་ལྟར་བྱར་མི་ནུས་ཏེ། དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱི་ཉན་ཐོས་མཐུ་ཆེ་བ། རྫུ་འཕྲུལ་ཆེ་བ། ལྷའི་མིག་དང་ལྡན་པ། གཞན་གྱི་སེམས་ཤེས་པ་གང་དག་ཡོད་པ་དེ་དག་ནི། ཐག་རིང་པོ་ཡང་མཐོང་ལ་དྲུང་ན་འདུག་པས་ཀྱང་མི་མཐོང་ཞིང ། དེ་དག་གི་སེམས་ཀྱིས་བདག་ཅག་གི་སེམས་ལ་ཁྱབ་པར་བྱེད་དེ། ཡིད་ཀྱིས་ཀྱང་བདག་ཅག་རྣམ་པར་ཤེས་པར་བྱེད་པས་དེ་དག་གིས་བདག་ཅག་འཕགས་པ་ཉིད་ཀྱང་ཤེས་པར་འགྱུར་བའི་ཕྱིར་རོ། །ཀོ་ཀ་ལི་ཀ། ཐབས་འགའ་ཞིག་ཡོད་དོ། །ལྷས་བྱིན། ཐབས་དེ་གང་ཡིན། ཚུར་ཤེག་དང་བདག་ཅག་དགེ་སློང་གནས་བརྟན་གནས་བརྟན་རྣམས་ཀྱི་དྲུང་
Cha6b
དུ་སོང་སྟེ། གནས་བརྟན་དག་།ཐུགས་ལས་ཆུང་ངུར་མཛོད་ཅིག་དང་བདག་ཅག་གིས་གནས་བརྟན་རྣམས་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ། །ཞེས་ཡོ་བྱད་ཐམས་ཅད་ཀྱིས་བསྟབ་པར་བྱའོ།། གཞོན་ནུ་རྣམས་ལ་ནི། ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་འབོག་པ་དང ། ཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བསྙེན་བཀུར་དང་སྟོངས་མོ་བྱའོ། །ལྷས་བྱིན། གལ་ཏེ་ཐབས་དེ་ལྟ་བུ་ཡོད་ན། དེ་ལྟར་བྱའོ། །དེ་ནས་ལྷས་བྱིན་གྱིས་དགེ་འདུན་མཐུན་པ་དབྱེ་བའི་ཕྱིར་བརྟུལ་བ་དང ། དགེ་སློང་གནས་བརྟན་གནས་བརྟན་རྣམས་ཀྱིས་འཕགས་མ་ཐག་ཏུ་ལྷས་བྱིན་གྱིས་དགེ་འདུན་མཐུན་པ་དབྱེ་བའི་ཕྱིར་བརྟུལ་ཏོ། །ཞེས་རྣམ་པར་ཤེས་པར་གྱུར་ན། དགེ་སློང་རྣམས་ཀྱིས་སྐབས་དེ། བཅོམ་ལྡན་འདས་ལ་གསོལ་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ལྷས་བྱིན་དང ། གཞན་ཡང་དེ་ལྟ་བུ་གང་ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་ཅེས་བསྒོ་བར་བྱ་སྟེ། ཚེ་དང་ལྡན་པ་ལྷས་བྱིན། ཁྱོད་དགེ་འདུན་མཐུན་པ་དབྱེ་བའི་ཕྱིར་བརྟུལ་པར་མ་བྱེད་ཅིག་།དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག་།ཚེ་དང་ལྡན་པ་ལྷས་བྱིན། ཁྱོད་དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན། མི་བྱེད། ཀུན་ཏུ་དགའ། མི་རྩོད། མཆོག་གཅིག་།འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་
Cha7a
༄#། །གྱུར་ལ། སྟོན་པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་ལྷས་བྱིན། ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ལྷས་བྱིན་ལ། ཚེ་དང་ལྡན་པ་ལྷས་བྱིན། ཁྱོད་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་མ་བྱེད་ཅིག་།དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག་།ཚེ་དང་ལྡན་པ་ལྷས་བྱིན། ཁྱོད་དགེ་འདུན་དང་མཐུན་པར་གྱིས་ཤིག ། དགེ་འདུན་མཐུན། མི་ཕྱེད། ཀུན་ཏུ་དགའ། མི་རྩོད། མཆོག་གཅིག་།འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་ལྷས་བྱིན། ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་འདི་ཐོང་ཞིང་ཅེས་བཞམས་ཏེ་བསྒོའོ། །དགེ་སློང་རྣམས་ཀྱིས་དེ་ལ་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་ལྷས་བྱིན་དང ། གཞན་ཡང ། དེ་ལྟ་བུ་གང་ཡིན་པ་ལ་གསོལ་པ་དང་བཞིའི་
Cha7b
ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལྷས་བྱིན་འདིས་དགེ་འདུན་མཐུན་པར་དབྱེ་བའི་སླད་དུ་བརྟུལ་ཏེ། དབྱེན་བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་ན། འདི་ལ་དགེ་སློང་མང་པོས་བཞམས་ཏེ་བསྒོ་ན། འདི་ལ་དགེ་སློང་མང་པོས་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་ལྷས་བྱིན་ལ། ཚེ་དང་ལྡན་པ་ལྷས་བྱིན། ཁྱོད་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་མ་བྱེད་ཅིག་།དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག་།ཚེ་དང་ལྡན་པ་ལྷས་བྱིན། ཁྱོད་དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན། མི་ཕྱེད། ཀུན་ཏུ་དགའ། མི་རྩོད། མཆོག་གཅིག་།འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་ལྷས་བྱིན། ཁྱོད་དགེ་འདུན་འབྱེད་
Cha8a
༄#། །པའི་གཞི་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལྷས་བྱིན་འདིས་དགེ་འདུན་མཐུན་པ་དབྱེ་བའི་སླད་དུ་བརྟུལ་ཏེ། དབྱེན་བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་ནས། འདི་ལ་དགེ་སློང་མང་པོས་བཞམས་ཏེ་བསྒོ་ན། འདི་ལ་དགེ་སློང་མང་པོས་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་ལྷས་བྱིན་ལ། ཚེ་དང་ལྡན་པ་ལྷས་བྱིན། ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག། ཚེ་དང་ལྡན་པ་ལྷས་བྱིན། ཁྱོད་དགེ་འདུན་དང་མཐུན་པར་གྱིས་ཤིག། དགེ་འདུན་མཐུན། མི་ཕྱེད། ཀུན་ཏུ་དགའ། མི་རྩོད། མཆོག་གཅིག། འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་ལྷས་བྱིན།་ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་ལྷས་བྱིན་ལ་གསོལ་བ་དང་བཞིའི་
Cha8b
ལས་ཀྱིས་བསྒོ་བ་མཛད་པར་བཟོད་པ་དེ་དག་ནི། ཅང་མ་གསུངས་ཤིག། གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། ། དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་བཞིའི་ལས་ཀྱིས་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ་ཞེས་རྗེས་སུ་ཐ་སྙད་འདོགས་པར་བྱེད་དོ། །དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བའི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དེ་དག་ཀྱང་དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག། ཁྱེད་ཅག་དགེ་ཡང་རུང ། སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག། དེ་ཅིའི་ཕྱིར་ཞེ་ན། ཚེ་དང་ལྡན་པ་དག། དགེ་སློང་འདི་ནི། ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི། ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད། དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་
Cha9a
༄#། །འདོད་ཅིང་བཟོད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག།་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དང ། གཞན་ཡང ། དེ་ལྟ་བུ་གང་ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་བསྒོ་བར་བྱ་སྟེ། ཚེ་དང་ལྡན་པ་ཀོ་ཀ་ལི་ཀ་དང ། ཁནད་དྲབ་བྱ། ཀ་ཊ་མོ་ར་ཀ་ཏི་ཤྱ། རྒྱ་མཚོས་བྱིན། ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བྱེད་ཅིང ། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག། དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དང ། ཁྱེད་ཅག་དགེ་ཡང་རུང ། སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་།དགེ་སློང་འདི་ནི། ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི། ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཀྱང་འདོད་ཅིང་བཟོད་དོ། །ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་།དགེ་སློང་འདི་ནི། ཆོས་སྨྲ་བ་མ་ཡིན། འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག། དགེ་
Cha9b
སློང་འདི་ནི། ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི། ཆོས་མ་ཡིན་པ་དང་འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། མི་ཤེས་བཞིན་དུ་སྨྲའི། ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག་འདོད་ཅིང་བཟོད་པར་མ་བྱེད་ཅིག། ཚེ་དང་ལྡན་པ་དག། ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག། དགེ་འདུན་མཐུན་པ་ཉིད་དུ་འདོད་པར་གྱིས་ཤིག། ཚེ་དང་ལྡན་པ་དག། དགེ་འདུན་དང་མཐུན་པར་གྱིས་ཤིག། དགེ་འདུན་མཐུན། མི་ཕྱེད། ཀུན་ཏུ་དགའ།་མི་རྩོད། མཆོག་གཅིག། འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་དག། དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བའི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་འདི་སྐད་ཅེས། ཚེ་དང་ལྡན་པ་དག། ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བྱེད་ཅིང ། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་
Cha10a
༄#། །གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག། དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག། ཁྱེད་ཅག་དགེ་ཡང་རུང ། སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག། དེ་ཅིའི་ཕྱིར་ཞེ་ན། ཚེ་དང་ལྡན་པ་དག། དགེ་སློང་འདི་ནི། ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི། ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །ཞེས་མ་ཟེར་ཅིག། དེ་ཅིའི་ཕྱིར་ཞེ་ན། ཚེ་དང་ལྡན་པ་དག། དགེ་སློང་འདི་ནི། ཆོས་སྨྲ་བ་མ་ཡིན། འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག། དགེ་སློང་འདི་ནི། ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི། ཆོས་མ་ཡིན་པ་དང་འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། མི་ཤེས་བཞིན་དུ་སྨྲའི། ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་འདོད་ཅིང་བཟོད་པ་དེ་ལ་ཚེ་དང་ལྡན་པ་དག། འདོད་ཅིང་བཟོད་པར་མ་བྱེད་ཅིག། ཚེ་དང་ལྡན་པ་དག། ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག། དགེ་འདུན་མཐུན་པ་ཉིད་དུ་འདོད་པར་གྱིས་ཤིག། ཚེ་དང་ལྡན་པ་དག། དགེ་འདུན་དང་མཐུན་པར་གྱིས་ཤིག། དགེ་འདུན་མཐུན། མི་ཕྱེད། ཀུན་ཏུ་དཀའ། མི་རྩོད། མཆོག་གཅིག། འདོན་
Cha10b
པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་དག། དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཞིག་ཅེས་བསྒོའོ། །དགེ་སློང་རྣམས་ཀྱིས་དེ་དག་ལ་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི།་གཞན་ནི། རྫུན་པའོ། །ཞེས་རྗེས་སུ་ཐ་སྙད་འདགས་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་དང ། གཞན་ཡང ། དེ་ལྟ་བུ་གང་ཡིན་པ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། ། འདི་ལྟར་བསྒོ་བར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་འདི་དག་།དགེ་སློང་གང་དགེ་འདུན་མཐུན་པ་དབྱེ་བའི་སླད་དུ་བརྟུལ་བར་བགྱིད་ཅིང ། དབྱེན་བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་པ་དེའི་གྲོགས་བགྱིད་ཅིང་མཐུན་པར་སྨྲ་ན། འདི་
Cha11a
༄#། །དག་ལ་དགེ་སློང་རྣམས་ཀྱིས་བཞམས་ཏེ་བསྒོ་ན། འདི་དག་ལ་དགེ་སློང་རྣམས་ཀྱིས་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང།་དགེ་འདུན་གྱིས་དགེ་སློང་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ། ཚེ་དང་ལྡན་པ་དག་།ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བྱེད་ཅིང ། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག།་དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག་།ཁྱེད་ཅག་དགེ་ཡང་རུང ། སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་།དགེ་སློང་འདི་ནི། ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི། ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག།
Cha11b
དགེ་སློང་འདི་ནི། ཆོས་སྨྲ་བ་མ་ཡིན། འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག་།དགེ་སློང་འདི་ནི། ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི། ཆོས་མ་ཡིན་པ་དང་འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། མི་ཤེས་བཞིན་དུ་སྨྲའི། ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག་།འདོད་ཅིང་བཟོད་པར་མ་བྱེད་ཅིག་།ཚེ་དང་ལྡན་པ་དག་།ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག་།དགེ་འདུན་མཐུན་པ་ཉིད་དུ་འདོད་པར་གྱིས་ཤིག་།ཚེ་དང་ལྡན་པ་དག་།དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན། མི་ཕྱེད། ཀུན་ཏུ་དགའ། མི་རྩོད། མཆོག་གཅིག། འདོད་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་དག། དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཞིག་ཅེས་གསོལ་པ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་འདི་དག་།དགེ་སློང་གང་དགེ་འདུན་མཐུན་པ་དབྱེ་བའི་སླད་དུ་བརྟུལ་བར་བགྱིད་ཅིང ། དབྱེན་བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་
Cha12a
༄#། །སྟེ་མཆིས་པ་དེའི་གྲོགས་བགྱིད་ཅིང་མི་མཐུན་པར་སྨྲ་ནས། འདི་དག་ལ་དགེ་སློང་རྣམས་ཀྱིས་བཞམས་ཏེ་བསྒོ་ན། འདི་དག་ལ་དགེ་སློང་རྣམས་ཀྱིས་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ། ཚེ་དང་ལྡན་པ་དག་།ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བྱེད་ཅིང ། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག་།དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག་།ཁྱེད་ཅག་དགེ་ཡང་རུང ། སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་།དགེ་སློང་འདི་ནི། ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི། ཆོས་དང་འདུལ་བ་ལ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་།དགེ་སློང་འདི་ནི། ཆོས་སྨྲ་བ་མ་ཡིན། འདུལ་བ་སྨྲ་བ་
Cha12b
མ་ཡིན་གྱི། ཚེ་དང་ལྡན་པ་དག། དགེ་སློང་འདི་ནི། ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི། ཆོས་མ་ཡིན་པ་དང་འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། མི་ཤེས་བཞིན་དུ་སྨྲའི། ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག་འདོད་ཅིང་བཟོད་པར་མ་བྱེད་ཅིག་།ཚེ་དང་ལྡན་པ་དག་།ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག་།དགེ་འདུན་མཐུན་པ་ཉིད་དུ་འདོད་པར་གྱིས་ཤིག་།ཚེ་དང་ལྡན་པ་དག་།དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན། མི་ཕྱེད། ཀུན་ཏུ་དགའ། མི་རྩོད། མཆོག་གཅིག་།འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན།་བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་དག་།དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་ཀོ་
Cha13a
༄#། །ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་བཞིའི་ལས་ཀྱིས་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པར་དབྱེ་བ་དང ། འཁོར་ལོ་ཡང་འབྱེད་པར་ནུས་ཏེ། འདི་ལྟར། དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ཡོད་པའི་ཕྱིར་རོ། །ལྷས་བྱིན་གྱིས། དགེ་སྦྱོང་གོའུ་ཏ་མས་དགེ་སློང་དག། ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང ། འཁོར་ལོ་ཡང་འབྱེད་པར་ནུས་ཏེ། འདི་ལྟར། དེའི་
Cha13b
གྲོགས་བྱེད་པའི་དགེ་སློང་མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ཡོད་པའི་ཕྱིར་རོ། །ཞེས་བདག་ལ་ལུང་བསྟན་ཏོ། །ཞེས་ཐོས་སོ། །ཐོས་ནས་ཀྱང་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་སྨྲས་པ། ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ཤེས་པར་གྱིས་ཤིག་།དགེ་སྦྱོང་གོའུ་ཏ་མས་ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང ། འཁོར་ལོ་ཡང་འབྱེད་པར་ནུས་ཏེ། འདི་ལྟར་དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་བཞི་པོ་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ཡོད་པའི་ཕྱིར་རོ། ། ཞེས་ཁོ་བོ་ལ་ལུང་བསྟན་ཏོ། །དེ་དག་གིས་སྨྲས་པ། ལྷས་བྱིན། གལ་ཏེ་དེ་ལྟ་ན་ལེགས་སོ། །དེས་རྒྱ་ཚོར་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བརྩམས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བར་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ལྷས་བྱིན་ལ་སྨྲས་པ། ལྷས་བྱིན། ཁྱོད་ཀྱིས་དགེ་འདུན་མཐུན་པ་དབྱེ་བའི་ཕྱིར་བརྟུལ་ཅིང་དབྱེན་བྱེད་པར་འགྱུར་བའི་རྩོད་པ་ཡང་
Cha14a
༄#། །དག་པར་བླངས་ནས་རབ་ཏུ་བཟུང་སྟེ་འདུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་བྱ་བ་ལ་སོགས་པས་རྣམ་པར་སྨད་པ་སྔ་མ་བཞིན་ནོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་རྗེས་སུ་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱི་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བྱེད་ཅིང་དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་ན། དགེ་སློང་དེ་ལ་དགེ་སློང་རྣམས་ཀྱིས་འདི་སྐད་ཅེས། ཚེ་དང་ལྡན་པ། ཁྱོད་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་མ་བྱེད་ཅིག་།དབྱེན་བྱེད་པར་འགྱུར་པའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག་།ཚེ་དང་ལྡན་པ། དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན། མི་ཕྱེད། ཀུན་ཏུ་དགའ། མི་རྩོད། མཆོག་གཅིག་།འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་
Cha14b
པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ། ཁྱོད་དགེ་འདུན་འབྱེད་པར་བྱེད་པའི་གཞི་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན། གལ་ཏེ་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། གཞི་དེ་གཏང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། དགེ་འདུན་ལྷག་མའོ། །ཡང་དགེ་སློང་གང་ཞེས་བྱ་བ་ནི། ལྷས་བྱིན་ནམ། གཞན་ཡང་དེ་ལྟ་བུ་གང་ཡིན་པའོ། །དགེ་འདུན་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནོ། །མཐུན་པ་ཞེས་བྱ་བ་ནི། རོ་གཅིག་པའོ། །དབྱེ་བའི་ཕྱིར་ཞེས་བྱ་བ་ནི། གཉིས་བྱ་བའི་ཕྱིར་རོ། །བརྟུལ་བར་བྱེད་ཅིང་ཞེས་བྱ་བ་ནི། རྩོལ་བར་བྱེད་ཅིང་ངོ ། །དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་ན་ཞེས་བྱ་བ་ནི། ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ཡང་དག་པར་བླངས་ནས་རབ་ཏུ་བཟུང་སྟེ་འདུག་ནའོ། །དེ་དགེ་སློང་དེ་ལ་ཞེས་བྱ་བ་ནི། ལྷས་བྱིན་ལའོ། །དགེ་སློང་རྣམས་ཀྱིས་ཞེས་བྱ་བ་ནི། ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི། བཞམས་ཏེ་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་བའོ། །དགེ་སློང་རྣམས་
Cha15a
༄#། །ཀྱིས་དེ་སྐད་བསྒོ་བ་ན་ཞེས་བྱ་བ་ནི། བཞམས་ཏེ་བསྒོ་བ་ནའོ། །གལ་ཏེ་གཞི་དེ་གཏོང་ན་ཞེས་བྱ་བ་ནི། ལྟ་བ་དེ་ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི། དེ་ལྟ་ན་བཟང་བའོ། །གལ་ཏེ་མི་གཏོང་ན་ཞེས་བྱ་བ་ནི། ཡོངས་སུ་མི་གཏོང་ནའོ། །ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ཞེས་བྱ་བ་ནི། གསོལ་བ་དང་བཞིའི་ལས་ཀྱི་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་བ་སྟེ། ཡང་དག་པར་བསྒོ་བ་དེ་ནི། དེ་ཡིན། ཡང་དག་པར་བསྟན་པ་དེ་ནི། དེ་ཡིན་ནོ། །དགེ་འདུན་ལྷག་མའོ། །ཞེས་བྱ་བ་ནི། སྔ་མ་བཞིན་དུ་ལྟུང་བ་དེ། དགེ་འདུན་ལ་རག་ལས་པ་ཡིན་ཏེ། དེས་ན་དགེ་འདུན་ལྷག་མའོ། །ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཅུང་ཟད་ཇི་ཙམ་དུ་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བྱེད་ན། ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ཏེ་བསྒོ་བ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། ཉེས་པ་སྦོམ་པོར་འགྱུར་རོ། །གསོལ་བ་དང་བཞིའི་ལས་ཀྱིས་བསྒོ་བ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། གསོལ་བ་བྱས་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་དང་པོ་བརྗོད་པ་ན།་མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གཉིས་པ་བརྗོད་པ་ན། མ་རྫོགས་པར་
Cha15b
གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གསུམ་པ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། ཉེས་པ་སྦོམ་པོར་འགྱུར་རོ། །རྫོགས་པར་བརྗོད་པ་ན། གལ་ཏེ་མཐུན་པ་དང་ཆོས་མ་ཡིན་པས་སྒོ་བར་བྱེད་ན། ལྟུང་བ་མེད་དོ། །མི་མཐུན་པ་དང་ཆོས་ཀྱིས་སྒོ་བར་བྱེད་ན། ལྟུང་བ་མེད་དོ། །མཐུན་པ་དང་ཆོས་ལྟར་བཅོས་པས་སྒོ་བར་བྱེད་ན། ལྟུང་བ་མེད་དོ། །མི་མཐུན་པ་དང་ཆོས་མ་ཡིན་པ་ལྟར་བཅོས་པས་སྒོ་བར་བྱེད་ན། ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་སྒོ་བར་མི་བྱེད་ན། ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་སྒོ་བར་བྱེད་ན། རྫོགས་པར་བརྗོད་ན། དགེ་འདུན་ལྷག་མར་འགྱུར་རོ། །དགེ་སློང་དེས་སྟན་དེ་ལ་འདུག་བཞིན་དུ་འདི་སྐད་ཅེས། ཚེ་དང་ལྡན་པ་དག་།བདག་ལ་དགེ་འདུན་ལྷག་མའི་ལྟུང་བ་བྱུང་ངོ ། །ཞེས་བརྗོད་པར་བྱ་སྟེ། གལ་ཏེ་དེ་སྐད་བརྗོད་ན། དེ་ལྟ་ན་ལེགས། གལ་ཏེ་མི་བརྗོད་ན། དེ་ཕྱིན་ཆད་དེ་ལ་འཆབ་པའི་ཉེས་པ་འབྱུང་བར་འགྱུར་རོ། །དེ་བས་ན་དགེ་སློང་གིས་ཇི་ཙམ་དུ་གཞི་དེ་མ་བཤགས་ཤིང་སོ་སོར་མ་བཤགས་པར་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན། ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་
Cha16a
༄#། །འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་འདུན་གྱི་དབྱེན་བྱེད་པའི་དགེ་འདུན་ལྷག་མ་སྟེ། བཅུ་པ་རྫོགས་སོ།། །།དེ་ནས་བཅོམ་ལྡན་འདས་ཀྱིས་གདན་དེ་ཉིད་ལ་བཞུགས་བཞིན་དུ་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་གཉིས་པ་བཅའ་བར་བཞེད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དགེ་འདུན་གྱི་བྱ་བ་ཅུང་ཞིག་ཡོད་ཀྱི། རེ་ཞིག་སྟན་ལས་མ་ལྡང་ཞིག། སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་སྨྲས་པ། ཀོ་ལ་ཀི་ལ། ཁནད་དྲབ་བྱ། ཀ་ཊ་མོ་ར་ཀ་ཏི་ཤྱ། རྒྱ་མཚོས་བྱིན། ཁྱེད་ཤེས་བཞིན་དུ་དགེ་སློང་དང་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བྱེད་ཅིང ། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་ནས་དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག། ཁྱེད་ཅག་དགེ་ཡང་རུང ། སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག། དེ་ཅིའི་ཕྱིར་ཞེ་ན། ཚེ་དང་ལྡན་པ་དག། དགེ་སློང་འདི་ནི། ཆོས་སྨྲ་བ། འདུལ་བ་སྨྲ་པ། དགེ་སློང་འདི་ནི། ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་
Cha16b
པ།་དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །ཞེས་སྨྲས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་བྱ་བ་ལ་སོགས་པས་རྣམ་པར་སྨད་པ་སྔ་མ་བཞིན་ནོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་རྗེས་སུ་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་དེའི་གྲོགས་བྱེད་པའི་དགེ་སློང་མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་གཅིག་གམ། གཉིས་སམ། མང་པོ་དག་ཡོད་ཅིང ། གལ་ཏེ་དེ་དག་དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག། ཁྱེད་ཅག་དགེ་ཡང་རུང ། སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག། དེ་ཅིའི་ཕྱིར་ཞེ་ན། ཚེ་དང་ལྡན་པ་དག། དགེ་སློང་འདི་ནི། ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི། ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་
Cha17a
༄#། །སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །ཞེས་ཟེར་ན། དགེ་སློང་དེ་དག་ལ་དགེ་སློང་རྣམས་ཀྱིས་འདི་སྐད་ཅེས། ཚེ་དང་ལྡན་པ་དག་ཁྱེད་ཅག་དེ་སྐད་ཅེས། དགེ་སློང་འདི་ནི། ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི། ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་ཐ་སྙད་འདོགས་པར་བྱེད་པ། དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་དོ། །ཞེས་མ་ཟེར་ཅིག། དེ་ཅིའི་ཕྱིར་ཞེ་ན། ཚེ་དང་ལྡན་པ་དག། དགེ་སློང་འདི་ནི། ཆོས་སྨྲ་བ་མ་ཡིན། འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག། དགེ་སློང་འདི་ནི། ཆོས་མ་ཡིན་པ་སྨྲ་བ། འདུལ་བ་མ་ཡིན་པ་སྨྲ་བ། དགེ་སློང་འདི་ནི། ཆོས་མ་ཡིན་པ་དང་འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི། ཆོས་མི་ཤེས་བཞིན་དུ་སྨྲའི། ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག། འདོད་ཅིང་བཟོད་པར་མ་བྱེད་ཅིག། ཚེ་དང་ལྡན་པ་དག། ཁྱེད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་དག། དགེ་འདུན་མཐུན་པ་ཉིད་དུ་འདོད་པར་གྱིས་ཤིག། ཚེ་དང་ལྡན་པ་དག། དགེ་འདུན་དང་མཐུན་པར་གྱིས་ཤིག། དགེ་འདུན་མཐུན། མི་ཕྱེད། ཀུན་ཏུ་དགའ། མི་རྩོད། མཆོག་གཅིག། འདོན་པ་
Cha17b
གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན། བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་དག། དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་དེ་དག་ལ་དགེ་སློང་རྣམས་ཀྱིས་དེ་སྐད་བསྒོ་བ་ན། གལ་ཏེ་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། དགེ་འདུན་ལྷག་མའོ། །དགེ་སློང་དེའི་ཞེས་བྱ་བ་ནི། ལྷས་བྱིན་གྱིའོ། །གྲོགས་བྱེད་པའི་དགེ་སློང་ཞེས་བྱ་བ་ནི། ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་གོ། མི་མཐུན་པར་སྨྲ་བ་ཉིད་ཀྱི་རྗེས་སུ་ཕྱོགས་པ་ཞེས་བྱ་བ་ནི། ལྟ་བ་དེ་དག་དང ། འདོད་པ་དེ་དག་དང ། བསམ་པ་དེ་དག་དང་ལྡན་པའོ། །གཅིག་གམ། གཉིས་སམ། མང་པོ་དག་ཡོད་ཅིང་ཞེས་བྱ་བ་ནི། གཉིས་ལས་ལྷག་པ་ནི། མང་པོའོ། །གལ་ཏེ་དེ་དག་ཅེས་བྱ་བ་ནི། རྗེས་སུ་ཕྱོགས་པ་དེ་དག་གོ། དགེ་སློང་རྣམས་ལ་ཞེས་བྱ་བ་ནི། ཆོས་འདི་པ་རྣམས་ལའོ། །འདི་སྐད་ཅེས་ཞེས་བྱ་བ་ནི། འདི་སྐད་ཅེས་ཟེར་ནའོ། །དགེ་ཡང་རུང་ཞེས་བྱ་བ་ནི། དགེ་བ་ལ་སྦྱོར་བར་ཡང་མ་བྱེད་ཅིག་ཅེས་བྱའོ། །སྡིག་ཀྱང་རུང་ཞེས་བྱ་བ་ནི། སྡིག་པ་ལས་ཟློག་པར་ཡང་མ་བྱེད་ཅེས་པའོ། །དགེ་སློང་
Cha18a
༄#། །འདི་ལ་ཞེས་བྱ་བ་ནི། ལྷས་བྱིན་ལའོ། །ཅི་ཡང་མ་སྨྲ་ཞིག་ཅེས་བྱ་བ་ནི། ཅུང་ཟད་ཀྱང་མ་སྨྲ་ཞིག་བའོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་དག། དགེ་སློང་འདི་ནི། ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི། ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ་ཞེས་བྱ་བ་ནི། ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་རྗེས་སུ་ཐ་སྙད་འདོགས་པར་བྱེད་པའོ། །དགེ་སློང་འདི་ནི། ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ་ཞེས་བྱ་བ་ནི། དོན་རྟོགས་པ་ཡིན་གྱི། དོན་མ་རྟོགས་པ་མ་ཡིན་པའི་ཕྱིར་རོ། །དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །ཞེས་ཟེར་ན། ཞེས་བྱ་བ་ནི། དགེ་སློང་ལྷས་བྱིན་འདི་གཞི་གང་འདོད་པ་དེ་དག་བདག་ཅག་ཀྱང་འདོང་དོ། །ཞེས་ཟེར་ནའོ། །དགེ་སློང་དེ་དག་ལ་ཞེས་བྱ་བ་ནི། ཀོ་ཀ་ལི་ཀ་དང ། ཁནད་དྲབ་བྱ་དང ། ཀ་ཊ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ལའོ། །དགེ་སློང་རྣམས་ཀྱིས་ཞེས་བྱ་བ་ནི། ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི། བཞམས་ཏེ་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱའོ། །དགེ་སློང་དེ་དག་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་ཞེས་བྱ་བ་ནི། བཞམས་ཏེ་བསྒོ་བ་ནའོ། །གལ་ཏེ་གཞི་དེ་གཏོང་ན་ཞེས་བྱ་བ་ནི། ལྟ་བ་དེ་ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི། དེ་ལྟ་ན་བཟང་བའོ། །གལ་ཏེ་མི་གཏོང་ན་ཞེས་བྱ་བ་ནི། ཡོངས་སུ་མི་གཏོང་
Cha18b
ནའོ། །ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ཞེས་བྱ་བ་ནི། གསོལ་བ་དང་བཞིའི་ལས་ཀྱིས་བསྒོ་བ་ཇི་ལྟར་སྔར་བསྟན་པ་ལྟར་བསྒོ་བར་བྱ་བ་སྟེ། ཡང་དག་པར་བསྒོ་བ་དེ་ནི། དེ་ཡིན། ཡང་དག་པར་བསྟན་པ་དེ་ནི། དེ་ཡིན་ནོ། །དགེ་འདུན་ལྷག་མའོ། །ཞེས་བྱ་བ་ནི། སྔ་མ་བཞིན་དུ་ལྟུང་བ་དེ། དགེ་འདུན་ལ་རག་ལས་པ་ཡིན་ཏེ། དེས་ན་དགེ་འདུན་ལྷག་མའོ། ། ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཅུང་ཟད་ཇི་ཙམ་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་བརྟུལ་བར་བྱེད་ཅིང ། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པར་བྱེད་ན། ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ཏེ་བསྒོ་བ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། ཉེས་པ་སྦོམ་པོར་འགྱུར་རོ། །གསོལ་བ་དང་བཞིའི་ལས་ཀྱིས་བསྒོ་བ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། གསོལ་བ་བྱས་པ་ན། ཉེས་པ་སྦོམ་པོར་འགྱུར་རོ། །ལས་བརྗོད་པ་དང་པོ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན། ཉེས་པ་སྦོམ་པོར་འགྱུར་རོ། །ལས་བརྗོད་པ་གཉིས་པ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན། ཉེས་པ་སྦོམ་པོར་འགྱུར་རོ། །ལས་བརྗོད་
Cha19a
༄#། །པ་གསུམ་པ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན། ཉེས་པ་སྦོམ་པོར་འགྱུར་རོ། །གལ་ཏེ་མཐུན་པ་དང་ཆོས་མ་ཡིན་པས་སྒོ་བར་བྱེད་ན། ལྟུང་བ་མེད་དོ། །མི་མཐུན་པ་དང་ཆོས་ཀྱིས་སྒོ་བར་བྱེད་ན། ལྟུང་བ་མེད་དོ། །མཐུན་པ་དང་ཆོས་ལྟར་བཅོས་པས་སྒོ་བར་བྱེད་ན། ལྟུང་བ་མེད་དོ། །མི་མཐུན་པ་དང་ཆོས་མ་ཡིན་པ་ལྟར་བཅོས་པས་སྒོ་བར་བྱེད་ན། ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་སྒོ་བར་མི་བྱེད་ན། ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་སྒོ་བར་བྱེད་ན། རྫོགས་པར་བརྗོད་པ་ན། དགེ་འདུན་ལྷག་མར་འགྱུར་རོ། །དགེ་སློང་དེས་སྟན་དེ་ལ་འདུག་བཞིན་དུ་འདི་སྐད་ཅེས། ཚེ་དང་ལྡན་པ་དག། བདག་ལ་དགེ་འདུན་ལྷག་མའི་ལྟུང་བ་བྱུང་ངོ ། །ཞེས་བརྗོད་པར་བྱ་སྟེ། གལ་ཏེ་དེ་སྐད་བརྗོད་ན། དེ་ལྟ་ན་ལེགས། གལ་ཏེ་མི་བརྗོད་ན། དེ་ཕྱིན་ཆད་ནས་དེ་ལ་འཆབ་པའི་ཉེས་པ་འབྱུང་བར་འགྱུར་རོ། །དེ་བས་ན། དགེ་སློང་གིས་ཇི་ཙམ་དུ་གཞི་དེ་མ་བཤགས་པར་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན། ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །རྗེས་སུ་ཕྱོགས་པའི་དགེ་འདུན་
Cha19b
ལྷག་མ་སྟེ། བཅུ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་རེ་ལྡེ་རི་ལ་དགེ་སློང་འགྲོ་མགྱོགས་དང ། ནབ་སོ་གཉིས་དང ། དགེ་སློང་དམར་སེར་ཅན་ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་འཁོད་དེ། དེ་དག་བུད་མེད་ཀྱི་ཡུལ་དང་ལྷན་ཅིག་མཐོ་འཚམ་པར་བྱེད། ཀུན་ཏུ་རྩེ་བར་བྱེད། ཀུན་ཏུ་ཅ་ཅོ་འདོན་པར་བྱེད། རྒོད་པ་དང ། དྲེགས་པ་དང ། ལུས་སྒྱུར་བར་བྱེད། སྟན་གཅིག་ལ་འདུག་པར་བྱེད། སྣོད་གཅིག་ཏུ་ཟ་བར་བྱེད། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་དག་འཐུང་བར་བྱེད། མེ་ཏོག་དག་འཐོག་པར་བྱེད། འཐོག་ཏུ་འཇུད་པར་བྱེད། ཕྲེང་བ་དག་རྒྱུད་པར་བྱེད། རྒྱུད་དུ་འཇུད་པར་བྱེད། མེ་ཏོག་རྣ་རྒྱན་དག་ཐོགས་པར་བྱེད། ཐོགས་སུ་འཇུད་པར་བྱེད། བྲོ་རྡུང་བར་བྱེད། བྲོ་རྡུང་དུ་འཇུད་པར་བྱེད། གླུ་ལེན་པར་བྱེད། གླུ་ལེན་ཏུ་འཇུད་པར་བྱེད། རོལ་མོའི་སྒྲ་འབྱིན་པར་བྱེད། རོལ་མོའི་སྒྲ་འབྱིན་དུ་འཇུག་པར་བྱེད། བྲོ་མཁས་པ་དང ། གླུ་མཁས་པ་དང ། རོལ་མོའི་སྒྲ་འབྱིན་པ་མཁས་པ་ལ་ངོ་སོ་ལས་བྱུང་བ་སྦྱིན་པར་བྱེད། ཆོས་གོས་དག་བརྫེས་ཏེ་རྒྱུག་པར་བྱེད། མཆོང་བར་བྱེད། རབ་ཏུ་མཆོང་བར་བྱེད། བརླ་བསྐོར་བར་བྱེད། ལག་པ་བསྐོར་བར་བྱེད། ཉ་ལྟར་བསྐོར་བར་བྱེད། ཆུར་འཕྱོ་བ་འཕེན་པར་བྱེད། ཆུ་ལ་རྔ་མ་དུ་ཀ་ལྟར་རྡུང་བར་བྱེད། ཆུ་ལ་རྔ་བོ་ཆེ་ལྟར་རྡུང་བར་
Cha20a
༄#། །བྱེད། གླང་པོ་ཆེའི་སྐད་ཀྱི་སྒྲ་འབྱིན་པར་བྱེད། རྟའི་སྐད་ཀྱི་སྒྲ་འབྱིན་པར་བྱེད། ཁྱུ་མཆོག་གི་སྐད་ཀྱི་སྒྲ་འབྱིན་པར་བྱེད། རྨ་བྱའི་སྐད་ཀྱི་སྒྲ་འབྱིན་པར་བྱེད། ཁུ་བྱུག་གི་སྐད་ཀྱི་སྒྲ་འབྱིན་པར་བྱེད། ཁས་རྫ་རྔའི་སྒྲ་འབྱིན་པར་བྱེད། ཁས་དུང་གི་སྒྲ་འབྱིན་པར་བྱེད། ཁས་རྔ་བོ་ཆེའི་སྒྲ་འབྱིན་པར་བྱེད། གླང་པོ་ཆེའི་འཐབ་མོ་བྱེད། གླང་པོ་ཆེའི་འཐབ་མོ་བྱེད་དུ་འཇུག་པར་ཡང་བྱེད། རྟའི་འཐབ་མོ་དང ། ཁྱུ་མཆོག་གི་འཐབ་མོ་དང ། མ་ཧེའི་འཐབ་མོ་དང ། རའི་འཐབ་མོ་དང ། ལུག་གི་འཐབ་མོ་དང ། བུད་མེད་ཀྱི་འཐབ་མོ་དང ། སྐྱེས་པའི་འཐབ་མོ་དང ། གཞོན་ནུའི་འཐབ་མོ་དང ། གཞོན་ནུ་མའི་འཐབ་མོ་དང ། བྱ་གག་གི་འཐབ་མོ་དང ། ཐི་བའི་འཐབ་མོ་དང ། འུར་པའི་འཐབ་མོ་ཡང་བྱེད། བྱེད་དུ་འཇུག་པར་ཡང་བྱེད་དེ། དེ་དག་དང ། གཞན་ཡང་དགེ་སྦྱོང་གི་ལས་མ་ཡིན་པ་དག་བྱེད་ཅིང་བྱེད་དུ་འཇུད་དེ། དེ་དག་གི་སྤྱོད་ཚུལ་དང ། སྤྱོད་པ་དང ། ལོག་པར་སྒྲུབ་པ་དེས་རེ་ལྡེའི་རི་ལ་དགེ་སློང་མ་འོངས་པ་དག་ཀྱང་མི་འོངས་ལ། འོངས་པ་དག་ཀྱང་མངོན་པར་མི་དགའ་ཞིང་རེ་ལྡེའི་རིའི་གནས་སྤོང་བར་བྱེད་དོ། །རེ་ལྡེ་རི་ལ་གནས་པའི་བྲམ་ཟེ་དང ། ཁྱིམ་བདག་དག་ཀྱང་ཡིད་མི་དགའ་ཞིང་ཞེ་ལྕི་བར་གྱུར་ནས་དགེ་སློང་གཉུག་མར་གནས་པ་དག་ལ་ཡང་བསོད་སྙོམས་དབུལ་བ་དང ། བྱ་བར་སེམས་པ་དགའ་ན། གློ་བུར་དུ་ལྷགས་པ་རྣམས་ལ་ལྟ་སྨོས་ཀྱང་ཅི་དགོས་པར་གྱུར་ཏོ། །ཇི་ཙམ་དུས་གཞན་ཞིག་ན།
Cha20b
ཚེ་དང་ལྡན་པ་ཀུན་དགའ་བོ་ཡུལ་ཀ་ཤི་ཀ་དག་ཏུ་ལྗོངས་རྒྱུ་ཞིང་འགྲོ་བ་ན་རེ་ལྡེ་རིར་ཕྱིན་ནས། རེ་ལྡེ་རི་ལ་རེ་ལྡེ་རིའི་ནགས་ན་འདུག་གོ། དེ་ནས་ཚེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། རེ་ལྡེ་རི་ལ་བསོད་སྙོམས་ལ་ཞུགས་པ་དང ། དེ་ཇི་ལྟར་ལྷུང་བཟེད་བཀྲུས་པ་ཁོ་ནས་རེ་ལྡེ་རི་ལ་བསོད་སྙོམས་ལ་ཞུགས། དེ་ལྟར་ལྷུང་བཟེད་བཀྲུས་པ་ཁོ་ནས་ཤ་ན་སློང་མོ་གཅིག་སྦྱིན་པ་ཡང་མ་ཐོབ། ཕྱིར་གཏོང་བ་ཡང་མ་ཐོབ་པར་ཕྱིར་བྱུང་ངོ ། །དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། སྔོན་ནི། རེ་ལྡེ་རི་འདི་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་ཀྱང་གང་བར་གྱུར་ལ། འདིར་སློང་མོ་བས་ཀྱང་བསོད་སྙོམས་རྙེད་པར་སླ་བར་གྱུར་ན། ད་ལྟར་ཡང་རེ་ལྡེ་རེ་འདི་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ་ནི། ཡིན་ན། འོན་ཀྱང་བདག་ཇི་ལྟར་ལྷུང་བཟེད་བཀྲུས་པ་ཁོ་ནས་རེ་ལྡེ་རི་ལ་བསོད་སྙོམས་ལ་ཞུགས་པ་དེ་ལྟར་ལྷུང་བཟེད་བཀྲུས་པ་ཁོ་ནས་ཐ་ན་སློང་མོ་གཅིག་སྦྱིན་པ་ཡང་མ་ཐོབ། ཕྱིར་གཏོང་བ་ཡང་མ་ཐོབ་པར་ཕྱིར་བྱུང་བ་ལས་ན། འདིར་བཅོམ་ལྡན་འདས་ཀྱི་ཉན་ཐོས། བྱིས་པ། བླུན་པ། མི་གསལ་བ། མི་མཁས་པ་འགའ་ཞིག་གིས་ཉོན་མོངས་པའི་དབང་དུ་གྱུར་པས་སྤྱོད་ཡུལ་ལམ། སྤྱོད་ཡུལ་གྱི་གྲོང་ངམ། རིགས་ཀྱི་བུད་མེད་དམ། རིགས་ཀྱི་གཞོན་ནུ་མ་དག་ལ་ཀུན་ཏུ་སྨྲས་པའམ། ནོམ་པའམ། ཉུག་པ་བྱས་པར་མ་གྱུར་ཏམ་སྙམ་
Cha21a
༄#། །མོ། །དེའི་ཚེ་ན་རེ་ལྡེ་རི་བའི་བྲམ་ཟེ་དང་ཁྱིམ་བདག་རྣམས་ཀྱིས་དཔོང་སའི་གནས་ན་བྲམ་ཟེ་དང་ཁྱིམ་བདག་ལྔ་བརྒྱ་ཙམ་བྱ་བ་ཞིག་གི་ཕྱིར་འདུས་ཏེ་མཐུན་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་རེ་ལྡེ་རི་བའི་བྲམ་ཟེ་དང ། ཁྱིམ་བདག་རྣམས་ཀྱི་དཔོང་སའི་གནས་ག་ལ་བ་དེར་སོང་སྟེ་ཕྱིན་ནས་རེ་ལྡེ་རི་བའི་བྲམ་ཟེ་དང་ཁྱིམ་བདག་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག། སྔོན་ནི། རེ་ལྡེ་རི་འདི་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་ཀྱང་གང་བར་གྱུར་ལ། འདིར་སློང་མོ་བས་ཀྱང་བསོད་སྙོམས་རྙེད་སླ་བར་གྱུར་ན། ད་ལྟར་ཡང་རེ་ལྡེ་རི་འདི་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ་ནི། ཡིན་ན། འོན་ཀྱང་བདག་ཇི་ལྟར་ལྷུང་བཟེད་བཀྲུས་པ་ཁོ་ནས་རེ་ལྡེ་རི་ལ་བསོད་སྙོམས་ལ་ཞུགས་པ་དེ་ལྟར་ལྷུང་བཟེད་བཀྲུས་པ་ཁོ་ནས་ཐ་ན་སློང་མོ་གཅིག་སྦྱིན་པ་ཡང་མ་ཐོབ། ཕྱིར་གཏོང་བ་ཡང་མ་ཐོབ་པར་ཕྱིར་བྱུང་བར་གྱུར་ཏོ། །དེ་སྐད་ཅེས་སྨྲས་པ་དང ། རེ་ལྡེ་རི་བའི་བྲམ་ཟེ་དང་ཁྱིམ་བདག་དེ་དག་དབང་པོ་རྣམས་ཕྱིར་བླན་ཏེ་འཁོད་དོ། །དེའི་ཚེ་ན་དགེ་བསྙེན་ཆུ་རྒྱུན་ཅན་འཁོར་དེ་ཉིད་དུ་འདུག་ཅིང་མཐུན་པར་གྱུར་ཏོ། །དེ་ནས་དགེ་བསྙེན་ཆུ་རྒྱུན་ཅན་གྱིས་ཚེ་དང་ལྡན་པ་ཀུན་དགའ་བོའི་ལག་པ་གཉིས་ནས་བཟུང་སྟེ་མཐའ་གཅིག་ཏུ་ཁྲིད་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་
Cha21b
པ།་ཀུན་དགའ་བོ་མཁྱེན་པར་མཛོད་ཅིག་།རེ་ལྡེ་རི་འདི་ལ་དགེ་སློང་འགྲོ་མགྱོགས་དང ། ནབ་སོ་གཉིས་དང ། དགེ་སློང་དམར་སེར་ཅན་ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་མཆིས་ཏེ། དེ་དག་བུད་མེད་ཀྱི་ཡུལ་དང་ལྷན་ཅིག་མཐོ་འཚམ་པར་བགྱིད། ཀུན་ཏུ་རྩེ་བར་བགྱིད། ཀུན་ཏུ་ཅ་ཅོ་འདོན་པར་བགྱིད། རྒོད་པ་དང ། དྲེགས་པ་དང ། ལུས་སྒྱུར་བར་བགྱིད། སྟན་གཅིག་ལ་མཆིས་པར་བགྱིད། སྣོད་གཅིག་ཏུ་འཚལ་བར་བགྱིད། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་དག་འཚལ་བར་བགྱིད། མེ་ཏོག་དག་འཐོག་པར་བགྱིད། འཐོག་ཏུ་སྩོལ་བར་བགྱིད། ཕྲེང་བ་དག་རྒྱུད་པར་བགྱིད། རྒྱུད་དུ་སྩོལ་བར་བགྱིད། མེ་ཏོག་རྣ་རྒྱན་དག་ཐོགས་པར་བགྱིད། ཐོགས་སུ་སྩོལ་བར་བགྱིད། བྲོ་རྡུང་བར་བགྱིད། བྲོ་རྡུང་དུ་སྩོལ་བར་བགྱིད། མཆིད་མཆི་བར་བགྱིད། མཆིད་མཆིར་སྩོལ་བར་བགྱིད། རོལ་མོའི་སྒྲ་འབྱིན་པར་བགྱིད། རོལ་མོའི་སྒྲ་འབྱིན་དུ་སྩོལ་བར་བགྱིད། བྲོ་མཁས་པ་དང ། གླུ་མཁས་པ་དང ། རོལ་མོའི་སྒྲ་འབྱིན་པ་ལ་མཁས་པ་ལ་ངོ་སོ་ལས་བྱུང་བ་སྩོལ་བར་བགྱིད། ཆོས་གོས་དག་བརྫེས་ཏེ་རྒྱུག་པར་བྱེད། མཆོང་བར་བྱེད། རབ་ཏུ་མཆོང་བར་བྱེད། བརླ་བསྐོར་བར་བགྱིད། ལག་པ་བསྐོར་བར་བགྱིད། ཉ་ལྟར་བསྐོར་བར་བགྱིད། ཆབ་ཏུ་འཕྱོ་བ་འཕེན་པར་བགྱིད། ཆབ་ལ་རྔ་མ་དུ་ཀ་ལྟར་རྡུང་བར་བགྱིད། ཆབ་ལ་རྔ་པོ་ཆེ་ལྟར་རྡུང་བར་བགྱིད། གླང་པོ་ཆེའི་སྐད་ཀྱི་སྒྲ་འབྱིན་པར་བགྱིད། རྟའི་སྐད་ཀྱི་སྒྲ་འབྱིན་པར་བགྱིད། ཁྱུ་མཆོག་གི་
Cha22a
༄#། །སྐད་ཀྱི་སྒྲ་འབྱིན་པར་བགྱིད། རྨ་བྱའི་སྐད་ཀྱི་སྒྲ་འབྱིན་པར་བགྱིད། ཁུ་བྱུག་གི་སྐད་ཀྱི་སྒྲ་འབྱིན་པར་བགྱིད། ཁས་རྫ་རྔའི་སྒྲ་འབྱིན་པར་བགྱིད། ཁས་དུང་གི་སྒྲ་འབྱིན་པར་བགྱིད། ཁས་རྔ་པོ་ཆེའི་སྒྲ་འབྱིན་པར་བགྱིད། གླང་པོ་ཆེའི་འཐབ་མོ་ཡང་བགྱིད། གླང་པོ་ཆེའི་འཐབ་མོ་བགྱིད་དུ་སྩོལ་བར་ཡང་བགྱིད། རྟའི་འཐབ་མོ་དང ། ཁྱུ་མཆོག་གི་འཐབ་མོ་དང ། མ་ཧེའི་འཐབ་མོ་དང ། རའི་འཐབ་མོ་དང ། ལུག་གི་འཐབ་མོ་དང ། བུད་མེད་ཀྱི་འཐབ་མོ་དང ། སྐྱེས་པའི་འཐབ་མོ་དང ། གཞོན་ནུའི་འཐབ་མོ་དང ། གཞོན་ནུ་མའི་འཐབ་མོ་དང ། བྱ་གག་གི་འཐབ་མོ་དང ། ཐི་བའི་འཐབ་མོ་དང ། འུར་པའི་འཐབ་མོ་ཡང་བགྱིད། བགྱིད་དུ་སྩོལ་བར་ཡང་བགྱིད་དེ། དེ་དག་དང ། གཞན་ཡང་དགེ་སྦྱོང་གི་ལས་མ་ལགས་པ་དག་བགྱིད་ཅིང་བགྱིད་དུ་སྩོལ་ཏེ། དེ་དག་གི་སྤྱོད་ཚུལ་དང ། སྤྱོད་པ་ལོག་པར་སྒྲུབ་པ་དེས། རེ་ལྡེ་རི་ལ་དགེ་སློང་མ་མཆིས་པ་དག་ཀྱང་མི་མཆི་ལ། མཆིས་པ་དག་ཀྱང་མངོན་པར་མི་དགའ་ཞིང་རེ་ལྡེ་རིའི་གནས་སྤོང་བར་བགྱིད་དོ། །རེ་ལྡེ་རི་ལ་གནས་པའི་བྲམ་ཟེ་དང་ཁྱིམ་བདག་ཀྱང་ཡིད་མི་དགའ་ཞིང་ཞེ་ལྕི་བར་གྱུར་ནས། དགེ་སློང་གཉུག་མར་གནས་པ་དག་ལ་ཡང་བསོད་སྙོམས་དབུལ་བ་དང ། བགྱི་བར་སེམས་པ་དཀའ་ན། གློ་བུར་དུ་ལྷགས་པ་རྣམས་ལྟ་སྨོས་ཀྱང་ཅི་འཚལ་བར་གྱུར་གྱི། བཙུན་པ་ཀུན་དགའ་བོ། གལ་ཏེ་ཁྱོད་ལ་མི་དཀའ་ན། ཁྱོད་ཀྱིས་ཐུགས་བརྩེ་བའི་སླད་དུ་དོན་འདི་བཅོམ་ལྡན་འདས་ལ་རྒྱས་པར་
Cha22b
གསོལ་ཅིག་།ཚེ་དང་ལྡན་པ་ཀུན་དགའ་བོས་དགེ་བསྙེན་ཆུ་རྒྱུན་ཅན་ལ་ཅང་མི་སྨྲ་བས་དང་དུ་བླངས་སོ། །དེ་ནས་དགེ་བསྙེན་ཆུ་རྒྱུན་ཅན་གྱིས་ཚེ་དང་ལྡན་པ་ཀུན་དགའ་བོས་ཅང་མི་སྨྲ་བས་དང་དུ་བླངས་པར་རིག་ནས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ། བདག་གི་སྡུམ་པར་བསོད་སྙོམས་ཤིག་གསོལ་བར་ཅི་གནང ། ཚེ་དང་ལྡན་པ་ཀུན་དགའ་བོས་དགེ་བསྙེན་ཆུ་རྒྱུན་ཅན་ལ་ཅང་མི་སྨྲ་བས་དང་དུ་བླངས་སོ། །དེ་ནས་དགེ་བསྙེན་ཆུ་རྒྱུན་ཅན་གྱིས་ཚེ་དང་ལྡན་པ་ཀུན་དགའ་བོས་ཅང་མི་སྨྲ་བས་དང་དུ་བླངས་པར་རིག་ནས་ཚེ་དང་ལྡན་པ་ཀུན་དགའ་བོ་བདེ་བར་འདུག་པ་ལ་རང་གི་ལག་ནས་བཅའ་བ་དང་བཟའ་བ་གཙང་ཞིང་བསོད་པས་ཚིམ་པར་བྱེད། སྟོབ་པར་བྱེད་ཅིང ། རང་གི་ལག་ནས་བཅའ་བ་དང་བཟའ་བ་གཙང་ཞིང་བསོད་པ་རྣམ་གྲངས་དུ་མས་ཚིམ་པར་བྱས་ཤིང་བསྟབས་ནས། ཚེ་དང་ལྡན་པ་ཀུན་དགའ་བོས་ཟོས་ཤིང་ལག་པ་བསྙལ། ལྷུང་བཟེད་བཞག་པར་རིག་ནས། སྟན་ཆེས་དམའ་བ་ཞིག་ཁྱེར་ཏེ། ཚེ་དང་ལྡན་པ་ཀུན་དགའ་བོའི་མདུན་དུ་ཆོས་མཉན་པའི་ཕྱིར་འདུག་གོ་།དེ་ནས་ཚེ་དང་ལྡན་པ་ཀུན་དགའ་བོས། དགེ་བསྙེན་ཆུ་རྒྱུན་ཅན་ལ་ཆོས་དང་ལྡན་པའི་གཏམ་ཡང་དག་པར་སྟོན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱད་ཅིང ། ཆོས་དང་ལྡན་པའི་གཏམ་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་
Cha23a
༄#། །ཏེ་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་ཉེར་གསུམ་པ། དེ་ནས་ཚེ་དང་ལྡན་པ་ཀུན་དགའ་བོས་ཇི་ལྟར་ཡོངས་སུ་སྤྱད་པའི་གནས་མལ་མཁོས་སུ་ཕབ་ནས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་ག་ལ་བ་དེར་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ཏོ། །དེ་ནས་ཚེ་དང་ལྡན་པ་ཀུན་དགའ་བོས་ལྷུང་བཟེད་དང ། ཆོས་གོས་མཁོས་སུ་ཕབ་སྟེ་རྐང་པ་གཉིས་བཀྲུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་དེ་ལ་དགེ་བསྙེན་ཆུ་རྒྱུན་ཅན་དང་ལྷན་ཅིག་སྐབས་སུ་གཏམ་བརྗོད་པ་ཇི་སྙེད་བྱུང་བར་གྱུར་པ་དེ་དག་ཐམས་ཅད་བཅོམ་ལྡན་འདས་ལ་རྒྱས་པར་གསོལ་ཏོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱོད་དགེ་སློང་གནས་བརྟན་གནས་བརྟན་རྣམས་དང་ལྷན་ཅིག་རེ་ལྡེ་རི་ལ་སོང་ལ་དགེ་སློང་འགྲོ་མགྱོགས་དང་ནབ་སོ་གཉིས་བསྐྲད་པའི་ལས་གྱིས་ཤིག་།འདི་ལྟར་བྱ་སྟེ། ལམ་གྱི་བར་དུ་འདུག་ལ་དགེ་སློང་གླེང་བ་བོ་བསྐོ་བར་བྱ་སྟེ། དགེ་སློང་གླེང་བ་པོ་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་མི་བྱ་ཞིང ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་
Cha23b
གིས་འགྲོ་བ་དང ། འཇིགས་པས་འགྲོ་བ་དང ། གླེང་པ་དང་མ་གླེང་པ་མི་ཤེས་པ་སྟེ། དགེ་སློང་གླེང་བ་པོ་ཆོས་ལྔ་པོ་དེ་དག་དང་ལྡན་པ་ནི། མ་བསྐོས་པ་ཡང་བསྐོ་བར་མི་བྱ་ཞིང ། བསྐོས་པ་ཡང་དབྱུང་བར་བྱའོ། །དགེ་སློང་གླེང་བ་པོ་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་བྱ་ཞིང ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། གླེང་པ་དང་མ་གླེང་པ་ཤེས་པ་སྟེ། དགེ་སློང་གླེང་པ་པོ་ཆོས་ལྔ་པོ་དེ་དག་དང་ལྡན་པ་ནི། མ་བསྐོས་པ་ཡང་བསྐོ་བར་བྱ་ཞིང ། བསྐོས་པ་ཡང་དབྱུང་བར་མི་བྱའོ། །འདི་ལྟར་བསྐོ་བར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་ཇེ་དང་པོར་སྤྲོ་བར་བྱ་སྟེ། ཚེ་དང་ལྡན་པ་མིང་འདི་ཞེས་བྱ་བ་ཁྱོད་རེ་ལྡེ་རི་ལ་སོང་སྟེ། དགེ་སློང་འགྲོ་མགྱོགས་དང་ནབ་སོ་ལ་དགེ་སྦྱོང་གི་ཆོས་མ་ཡིན་པ་རྣམ་པ་མང་པོས་གླེང་བར་སྤྲོའམ། གལ་ཏེ་སྤྲོ་ན། དེས་སྤྲོའོ། །ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་གླེང་བ་པོ་མིང་འདི་ཞེས་བགྱི་བ་འདི།་རེ་ལྡེ་རི་ལ་མཆིས་ཏེ། དགེ་སློང་འགྲོ་མགྱོགས་དང་ནབ་སོ་ལ་དགེ་སྦྱོང་གི་ཆོས་མ་ལགས་པ་རྣམ་པ་མང་པོས་གླེང་བར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་
Cha24a
༄#། །གནང་བར་མཛོད་ཅིག་དང ། དགེ་འདུན་གྱིས་དགེ་སློང་གླེང་བ་པོ་མིང་འདི་ཞེས་བགྱི་བ། དགེ་སློང་འགྲོ་མགྱོགས་དང་ནབ་སོ་ལ་གླེང་བར་བསྐོའོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་གླེང་བ་པོ་མིང་འདི་ཞེས་བགྱི་བ་འདི། རེ་ལྡེ་རི་ལ་མཆིས་ནས་དགེ་སློང་འགྲོ་མགྱོགས་དང་ནབ་སོ་ལ་དགེ་སྦྱོང་གི་ཆོས་མ་ལགས་པ་རྣམ་པ་མང་པོས་གླེང་བར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་གླེང་བ་པོ་མིང་འདི་ཞེས་བགྱི་བ། དགེ་སློང་འགྲོ་མགྱོགས་དང་ནབ་སོ་ལ་གླེང་བར་བསྐོ་ན། ཚེ་དང་ལྡན་པ་གང་དག། དགེ་སློང་གླེང་བ་པོ་མིང་འདི་ཞེས་བགྱི་བ། དགེ་སློང་འགྲོ་མགྱོགས་དང་ནབ་སོ་ལ་གླེང་བར་བསྐོ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་གླེང་བ་པོ་མིང་འདི་ཞེས་བགྱི་བ། དགེ་སློང་འགྲོ་མགྱོགས་དང་ནབ་སོ་ལ་གླེང་བར་བསྐོས་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག། ངས་དགེ་སློང་གླེང་བ་པོའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་གླེང་བ་པོས་སྲིན་བུ་ཅན་གྱི་རི་ལ་སོང་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། དགེ་སློང་འགྲོ་མགྱོགས་དང་
Cha24b
ནབ་སོ་གཉིས་ལ་གླེང་བར་བྱའོ། །གལ་ཏེ་མཐུན་པ་མི་སྦྱིན་ན། མ་གུས་པ་དེ་ཉིད་ཀྱིས་གནས་ནས་བསྐྲད་པའི་ལས་བྱའོ། །གལ་ཏེ་མཐུན་པ་སྟེར་ན། སྐབས་འབྱེད་དུ་གཞུག་པར་བྱའོ། །གལ་ཏེ་སྐབས་མི་འབྱེད་ན། མ་གུས་པ་དེ་ཉིད་ཀྱིས་བསྐྲད་པའི་ལས་བྱའོ། །གལ་ཏེ་སྐབས་འབྱེད་ན། གླེང་བར་བྱའོ། །གལ་ཏེ་ལྟུང་བ་མ་མཐོང་ངོ ། །ཞེས་ཟེར་ན། མ་གུས་པ་དེ་ཉིད་ཀྱིས་བསྐྲད་པའི་ལས་བྱའོ། །གལ་ཏེ་ལྟུང་བ་མཐོང་ངོ ། །ཞེས་ཟེར་ན། འདི་སྐད་ཅེས། དེ་ཁོ་ནའི་ཕྱིར་དགེ་འདུན་གྱིས་ཁྱེད་གཉིས་ལ་བསྐྲད་པའི་འཕྲིན་ལས་མཛད་དོ། །ཞེས་བརྗོད་པར་བྱའོ། །དགེ་སློང་གླེང་བ་བོས་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་གནས་བརྟན་གནས་བརྟན་རྣམས་དང་ལྷན་ཅིག་རེ་ལྡེ་རི་ལ་སོང་སྟེ། ལམ་གྱི་བར་དུ་འདུག་ནས་དགེ་སློང་གླེང་བ་པོ་བསྐོས་སོ། །དེ་ན་དགེ་སློང་དམར་སེར་ཅན། གང་དག་དགེ་སློང་འགྲོ་མགྱོགས་དང་ནབ་སོ་གཉིས་དང་མཚུངས་པར་བྱེད་པ་དེ་དག་གིས། ཚེ་དང་ལྡན་པ་ཀུན་དགའ་བོ་དགེ་སློང་གླེང་བ་པོ་དགེ་སློང་གནས་བརྟན་གནས་བརྟན་རྣམས་དང་ལྷན་ཅིག་འདིར་འོངས་ཏེ། ལམ་གྱི་བར་དུ་འདུག་ནས་དགེ་སློང་གླེང་བ་པོ་བསྐོས་ཏེ། དགེ་སློང་འགྲོ་མགྱོགས་དང་ནབ་སོ་གཉིས་སྐྲོད་པའི་ལས་བྱེད་པར་འགྱུར་རོ། །ཞེས་ཐོས་སོ། །ཐོས་ནས་ཀྱང་དེ་དག་འདི་སྙམ་དུ་སེམས་ཏེ། ཚེ་དང་ལྡན་པ་འདི་གཉིས་ཀུན་
Cha25a
༄#། །ཏུ་སྤྱད་པ་དང ། སྨྲས་པ་དང ། བརྟུལ་པ་གང་ཡིན་པ་དག་ལས་བདག་ཅག་གིས་ཀུན་ཏུ་སྤྱད་པ་དང ། མ་སྨྲས་པ་དང ། མ་བརྟུལ་བ་ཅི་ཡང་མེད་པས་དེའི་ཕྱིར་འདི་གཉིས་ལ་སྐྲོད་པའི་ལས་བྱེད་ན། བདག་ཅག་ལ་ཡང་ཅིའི་ཕྱིར་མི་བྱེད་དེ། གང་གི་ཚེ་ཚེ་དང་ལྡན་པ་ཀུན་དགའ་བོ་དང ། དགེ་སློང་གནས་བརྟན་གནས་བརྟན་རྣམས་འདིར་འོངས་ཏེ། དང་པོར་འགྲོ་མགྱོགས་དང་ནབ་སོ་གཉིས་བསྐྲད་པའི་ལས་བྱས་ནས། དེའི་འོག་ཏུ་བདག་ཅག་ལ་ཡང་སྐྲོད་པའི་ལས་བྱེད་པར་འགྱུར་བའི་གནས་ཡོད་པར་འགྱུར་བས། བདག་ཅག་གཏུར་བུའི་ཁུར་དྲགས་ཏེ། ཉན་རྣ་བ་བཞག་ཅིང་འཁོད་ནས་ཚེ་དང་ལྡན་པ་ཀུན་དགའ་བོ་དང་དགེ་སློང་གནས་བརྟན་གནས་བརྟན་རྣམས་སྒོ་གཅིག་ནས་འཇུག་པར་འགྱུར་བ་ན། བདག་ཅག་གཏུར་བུའི་ཁུར་དག་ཐོགས་ཏེ་སྒོ་གཅིག་ནས་འབྱུང་ཞིང་མཉན་ཡོད་དུ་འདོང་བར་བྱ་བ་གོར་མ་ཆག་སྙམ་མོ། །དེ་ནས་དགེ་སློང་གླེང་བ་པོ་རེ་ལྡེ་རི་ལ་སོང་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། དགེ་སློང་འགྲོ་མགྱོགས་དང་ནབ་སོ་གཉིས་ཀྱིས་མཐུན་པ་བྱིན་ཏེ་སྐབས་ཕྱེ་ནས། དགེ་སློང་གླེང་བ་པོས་གླེང་བ་དང་དེ་གཉིས་ཀྱིས་སྨྲས་པ། ཚེ་དང་ལྡན་པ། ལྟུང་བ་མཐོང་ངོ ། །གླེང་བ་པོས་སྨྲས་པ། དེ་ཁོ་ནའི་ཕྱིར་དགེ་འདུན་གྱིས་ཁྱེད་གཉིས་ལ་བསྐྲད་པའི་འཕྲིན་ལས་མཛད་དོ། །དེ་ནས་ཚེ་དང་ལྡན་པ་ཀུན་
Cha25b
དགའ་བོ་དང ། དགེ་སློང་གནས་བརྟན་གནས་བརྟན་རྣམས་སྒོ་གཅིག་ནས་ཞུགས་པར་གྱུར་པ་ན། དགེ་སློང་དམར་སེར་ཅན་དག་གཏུར་བུའི་ཁུར་དག་ཐོགས་ཏེ་སྒོ་གཅིག་ནས་བྱུང་ཞིང་མཉན་ཡོད་དུ་དོང་ནས་དེ་དག་གིས་ལྟུང་བ་བཤགས་པར་བྱ་བ་གང་དག་ཡིན་པ་དེ་དག་ཀྱང་བཤགས་ཤིང་སེམས་ཀྱིས་རྣམ་པར་རྟོག་པ་སྣ་ཚོགས་བསྡམ་པར་བྱ་བ་དག་ཀྱང་སེམས་ཀྱིས་བསྡམས་ཏེ་དགེ་སློང་རང་བཞིན་དུ་གནས་པ་དག་དང་ལྷན་ཅིག་གནས་ཤིང ། དགེ་འདུན་གྱི་བྱ་བ་ཡང་རྗེས་སུ་སྲུང་བར་བྱེད་དོ། །དེ་ནས་ཚེ་དང་ལྡན་པ་ཀུན་དགའ་བོ་དང ། དགེ་སློང་གནས་བརྟན་གནས་བརྟན་རྣམས་ཀྱིས་དགེ་སློང་འགྲོ་མགྱོགས་དང་ནབ་སོ་གཉིས་ལ་བསྐྲད་པའི་ལས་བྱས་ནས་མཉན་ཡོད་ག་ལ་བ་དེར་སོང་སྟེ་མཐར་གྱིས་རྒྱུ་ཞིང་འདོང་བ་ན་མཉན་ཡོད་དུ་ཕྱིན་ཏོ། །འགྲོ་མགྱོགས་དང་ནབ་སོ་གཉིས་ཀྱིས་བསམ་པ། གང་ས་ལ་འགྱེལ་བ་དེ་ནི། ས་ཉིད་ལ་བརྟེན་ཏེ་ལྡང་བ་ཡིན་པས་བདག་ཅག་གཉིས་ཀྱང་མཉན་ཡོད་ཉིད་དུ་སོང་སྟེ། བཅོམ་ལྡན་འདས་དང་དགེ་སློང་གི་དགེ་འདུན་ལ་བཟོད་པ་གསོལ་བར་བྱའོ། །སྙམ་ནས་འགྲོ་མགྱོགས་ཀྱིས་སྨྲས་པ། ནབ་སོ། །གང་ས་ལ་འགྱེལ་བ་དེ་ནི། ས་ཉིད་ལ་བརྟེན་ཏེ་ལྡང་བ་ཡིན་པས་བདག་ཅག་གཉིས་ཀྱང་མཉན་ཡོད་ཉིད་དུ་སོང་སྟེ། བཅོམ་ལྡན་འདས་དང་དགེ་འདུན་ལ་བཟོད་པ་གསོལ་བ་བྱའི། འདོང་ངོ ། །ནབ་སོས་སྨྲས་པ། མ་ཉེས་ཀྱི། ཚུར་ཤོག། བཟོད་པ་གསོལ་དུ་འདོང་ངོ ། །དེ་གཉིས་ཀྱིས་གྲོས་བྱས་ནས་དེ་ཉིད་ཀྱི་མཚན་མོ་འདས་པ་དང ། སྔ་དྲོ་ཤམ་ཐབས་བགོས། ལྷུང་
Cha26a
༄#། །བཟེད་དང་ཆོས་གོས་ཐོགས་ཏེ། རེ་ལྡེ་རི་ལ་བསོད་སྙོམས་ལ་ཞུགས་ནས་རེ་ལྡེ་རི་ལ་བསོད་སྙོམས་བརྒྱུས་ཏེ་ཟས་ཀྱི་བྱ་བ་བྱས་ནས་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་སྤྱད་པའི་གནས་མལ་མཁོས་སུ་ཕབ་སྟེ། ལྷུང་བཟེད་དང་ཆོས་གོས་ཐོགས་ནས་མཉན་ཡོད་ག་ལ་བ་དེར་རྒྱུ་ཞིང་དོང་སྟེ། མཐར་གྱིས་རྒྱུ་ཞིང་དོང་བ་ན་མཉན་ཡོད་དུ་ཕྱིན་ནས་དགེ་སློང་གནས་བརྟན་གནས་བརྟན་རྣམས་ཀྱིས་དེ་གཉིས་མཐོང་བ་དང་དེ་དག་དེ་གཉིས་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད་དོ། །དགེ་སློང་དམར་སེར་ཅན་དག་གིས་ཀྱང་དེ་གཉིས་མཐོང་བ་དང ། དེ་དག་ཀྱང་དེ་གཉིས་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད་དོ། །དེ་ནས་དགེ་སློང་འགྲོ་མགྱོགས་དང་ནབ་སོ་གཉིས་ཀྱིས་དགེ་སློང་དམར་སེར་ཅན་དག་ལ་སྨྲས་པ། ཚེ་དང་ལྡན་པ་དག་།དགེ་སློང་གནས་བརྟན་གནས་བརྟན་དག་ཁོ་བོ་ཅག་གཉིས་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད་པ་ནི། རིགས་ན། ཁྱེད་ཅག་ཅིའི་ཕྱིར་ཁོ་བོ་ཅག་གཉིས་ལ་གཏམ་འདྲེ་བར་མི་བྱེད། ཕེབས་པར་སྨྲ་བར་མི་བྱེད། ཁོ་བོ་ཅག་གཉིས་ཀྱིས་ཀུན་ཏུ་སྤྱད་པ་དང ། སྨྲས་པ་དང ། བརྟུལ་བ་གང་ཡིན་པ་དག་ལས། ཁྱེད་ཅག་གིས་ཀུན་ཏུ་མ་སྤྱད་པ་དང ། མ་སྨྲས་པ་དང ། མ་བརྟུལ་པ་ཅི་ཞིག་ཡོད། དེ་དག་གིས་སྨྲས་པ། ཚེ་དང་ལྡན་པ་གཉིས། དེ་ཡང་བདེན་མོད་ཀྱི། འོན་ཀྱང་ཁོ་བོ་ཅག་གིས་ལྟུང་བ་བཤགས་པར་བྱ་བ་གང་དག་ཡིན་པ་དེ་དག་ཀྱང་བཤགས་ཤིང ། སེམས་ཀྱི་
Cha26b
རྣམ་པར་རྟོག་པ་སྣ་ཚོགས་བསྡམ་པར་བྱ་བ་དག་ཀྱང་སེམས་ཀྱིས་བསྡམས་ཏེ། ད་ལྟར་དགེ་སློང་རང་བཞིན་དུ་གནས་པ་དག་དང་ལྷན་ཅིག་གནས་ཤིང ། དགེ་འདུན་གྱི་བྱ་བ་ཡང་རྗེས་སུ་སྲུང་བར་བྱེད་པས་ཁོ་བོ་ཅག་ཕྱིན་ཆད་གནས་ངན་ལེན་ཀུན་ཏུ་སྤྱོད་པ་དག་དང་ལྷན་ཅིག་ལོངས་སྤྱོད་པར་མི་བྱེད་དོ། །དེ་གཉིས་ཀྱིས། ཚེ་དང་ལྡན་པ་དག་།འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། དགེ་སློང་ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་འཕྱ་བར་བརྩམས་པ་དང ། དགེ་སློང་རྣམས་ཀྱིས་དེ་གཉིས་ལ་སྨྲས་པ། ཚེ་དང་ལྡན་པ་གཉིས། ཁྱེད་ཅག་གཉིས་སུ་ལ་འདུན་པས་འགྲོ་བ་ཞེས་ཟེར། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་ཟེར། ཚེ་དང་ལྡན་པ་དག། དགེ་སློང་ཚེ་དང་ལྡན་པ་ཀུན་དགའ་བོ་དང ། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས་བདག་ཅག་བསྐྲད་པའི་ལས་བྱས་པ་དག་ལའོ། །དགེ་སློང་དོན་ཉུང་དུ་དག། ཅིའི་ཕྱིར་དགེ་སློང་དག། དགེ་སློང་ཚེ་དང་ལྡན་པ་ཀུན་དགའ་བོ་དང ། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས། བདག་ཅག་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་ཟེར། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་ཟེར་ཞིང ། དགེ་སློང་རྣམས་ལ་ཡང་དེ་སྐད་ཅེས། ཚེ་དང་ལྡན་པ་དག། འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་
Cha27a
༄#། །སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། དགེ་སློང་ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་སྨོད་པར་བྱེད། ཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་འགྲོ་མགྱོགས་དང་ནབ་སོ་གཉིས་དང ། གཞན་ཡང་དེ་ལྟ་བུ་གང་ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་ཅེས་བསྒོ་བར་བྱ་སྟེ། ཚེ་དང་ལྡན་པ་འགྲོ་མགྱོགས་དང་ནབ་སོ་གཉིས། ཁྱེད་དགེ་སློང་ཚེ་དང་ལྡན་པ་ཀུན་དགའ་བོ་དང ། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས་ཁྱེད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་མ་ཟེར་ཅིག་།ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མ་ཟེར་ཅིག་།དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག་།འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། དགེ་སློང་དེ་དག་ནི། འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི།
Cha27b
འདི་ལྟར། ཚེ་དང་ལྡན་པ་དག་ཉིད། ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་ཡིན་ཏེ། ཁྱེད་ཉིད་ཀྱིས་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག། འདུན་པས་འགྲོ་བ་ཞེས་བྱ་བའི་ཚིག་གི་ལམ་དང ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་འགྲོ་མགྱོགས་དང་ནབ་སོ་གཉིས་ལ་ཚེ་དང་ལྡན་པ་འགྲོ་མགྱོགས་དང་ནབ་སོ་གཉིས། ཁྱེད་དགེ་སློང་ཚེ་དང་ལྡན་པ་ཀུན་དགའ་བོ་དང ། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས་ཁྱེད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་མ་ཟེར་ཅིག། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མ་ཟེར་ཅིག། དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག། འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། དགེ་སློང་ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། དགེ་སློང་དེ་དག་ནི། འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་
Cha28a
༄#། །པས་འགྲོ་བ་མ་ཡིན་གྱི། འདི་ལྟར། ཚེ་དང་ལྡན་པ་དག་ཉིད། ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་ཡིན་ཏེ། ཁྱེད་ཉིད་ཀྱིས་ཁྱིམ་དག་སུན་ཕྱུང་བར་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་ཏུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག། འདུན་པས་འགྲོ་བ་ཞེས་བྱ་བའི་ཚིག་གི་ལམ་དང ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཞིག་ཅེས་བཞམས་ཏེ་བསྒོའོ། །དགེ་སློང་རྣམས་ཀྱིས་དེ་གཉིས་ལ་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་འགྲོ་མགྱོགས་དང་ནབ་སོ་གཉིས་དང ། གཞན་ཡང ། དེ་ལྟ་བུ་གང་ཡིན་པ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འགྲོ་མགྱོགས་དང་ནབ་སོ་འདི་གཉིས་དགེ་སློང་ཚེ་དང་ལྡན་པ་ཀུན་དགའ་བོ་དང་གནས་བརྟན་གནས་བརྟན་
Cha28b
གང་དག་རེ་ལྡེ་རི་ལ་མཆིས་ནས་འདི་གཉིས་བསྐྲད་པའི་ལས་བགྱིས་པར་འཚལ་བཞིན་དུ་དེ་དག་འདུན་པས་འགྲོ་བ་ཞེས་མཆི། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མཆི་ཞིང ། དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག། འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། དགེ་སློང་ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་མཆི་ནས། འདི་གཉིས་ལ་དགེ་སློང་མང་པོས་བཞམས་ཏེ་བསྒོ་ན། འདི་གཉིས་ལ་དགེ་སློང་མང་པོས་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འགྲོ་མགྱོགས་དང་ནབ་སོ་གཉིས་ལ་ཚེ་དང་ལྡན་པ་འགྲོ་མགྱོགས་དང་ནབ་སོ་གཉིས། ཁྱེད་དགེ་སློང་ཚེ་དང་ལྡན་པ་ཀུན་དགའ་བོ་དང ། གནས་བརྟན་གནས་བརྟན་གང་དག་རེ་ལྡེ་རི་ལ་དོང་ནས་ཁྱེད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་མ་ཟེར་ཅིག་།ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མ་ཟེར་ཅིག་།དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག། འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་
Cha29a
༄#། །འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། དགེ་སློང་ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། དགེ་སློང་དེ་དག་ནི། འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི། འདི་ལྟར། ཚེ་དང་ལྡན་པ་དག་ཉིད་ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་ཡིན་ཏེ། ཁྱེད་ཉིད་ཀྱིས་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་ཏུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག། འདུན་པས་འགྲོ་བ་ཞེས་བྱ་བའི་ཚིག་གི་ལམ་དང ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འགྲོ་མགྱོགས་དང་ནབ་སོ་འདི་གཉིས། དགེ་སློང་ཚེ་དང་ལྡན་པ་ཀུན་དགའ་བོ་དང ། གནས་བརྟན་གནས་བརྟན་གང་དག་རེ་ལྡེ་རི་ལ་མཆིས་ནས་འདི་གཉིས་བསྐྲད་པའི་ལས་བགྱིས་པར་འཚལ་བཞིན་དུ་དེ་དག་ལ་འདུན་པས་འགྲོ་བ་ཞེས་མཆི། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མཆི་ཞིང ། དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག། འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་
Cha29b
བ།་གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། དགེ་སློང་ཁ་ཅིག་ནི། བསྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་མཆི་ནས། འདི་གཉིས་ལ་དགེ་སློང་མང་པོས་བཞམས་ཏེ་བསྒོ་ན། འདི་གཉིས་ལ་དགེ་སློང་མང་པོས་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་དགེ་སློང་འགྲོ་མགྱོགས་དང་ནབ་སོ་གཉིས་ལ་ཚེ་དང་ལྡན་པ་འགྲོ་མགྱོགས་དང་ནབ་སོ་གཉིས། ཁྱེད་དགེ་སློང་ཚེ་དང་ལྡན་པ་ཀུན་དགའ་བོ་དང ། གནས་བརྟན་གནས་བརྟན་གང་དག་རེ་ལྡེ་རི་ལ་སོང་ནས་ཁྱེད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ་ཞེས་མ་ཟེར་ཅིག་།ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་མ་ཟེར་ཅིག་།དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག་།འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་དང་འདྲ་བ་ཁོ་ན་ལས། དགེ་སློང་ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། དགེ་སློང་དེ་དག་ནི། འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི། འདི་ལྟར། ཚེ་དང་ལྡན་པ་དག་ཉིད་ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་ཡིན་
Cha30a
༄#། །ཏེ།་ཁྱེད་ཉིད་ཀྱིས་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་ཏུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག། འདུན་པས་འགྲོ་བ་ཞེས་བྱ་བའི་ཚིག་གི་ལམ་དང ། ཞེ་སྡང་གིས་འགྲོ་བ། གཏི་མུག་གི་འགྲོ་བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་།དགེ་སློང་འགྲོ་མགྱོགས་དང་ནབ་སོ་གཉིས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་འགྲོ་མགྱོགས་དང་ནབ་སོ་གཉིས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དགེ་སློང་འགྲོ་མགྱོགས་དང་ནབ་སོ་གཉིས་ལ་གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་བཞིའི་ལས་ཀྱི་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་
Cha30b
གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་རབ་ཏུ་མང་པོ་དག་།གྲོང་ངམ། གྲོང་རྡལ་ཞིག་ན་ཉེ་བར་བརྟེན་ཅིང་གནས་པར་གྱུར་ལ། དེ་དག་ཀྱང་ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པར་རིག་ཅིང ། དེ་དག་གིས་ཁྱིམ་དག་སུན་ཕྱུང་བར་མཐོང་ངམ། ཐོས་སམ། རབ་ཏུ་ཤེས་སམ། དེ་དག་སྡིག་པ་ཀུན་ཏུ་སྤྱོད་པར་མཐོང་ངམ། ཐོས་སམ། རབ་ཏུ་ཤེས་ན། དགེ་སློང་དེ་དག་ལ་དགེ་སློང་རྣམས་ཀྱིས་འདི་སྐད་ཅེས། ཚེ་དང་ལྡན་པ་དག། ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་ཡིན་ཏེ། ཁྱེད་ཀྱི་ཁྱིམ་དག་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་ཏུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་ཀྱི། ཚེ་དང་ལྡན་པ་དག་།ཁྱེད་འདི་ན་གནས་པས་ཆོག་གི། གནས་འདི་ནས་དེངས་ཤིག་ཅེས་བསྒོ་བར་བྱའོ། །གལ་ཏེ་དེ་དག་དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག་།འདི་ན་དགེ་སློང་ཁ་ཅིག་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། དགེ་སློང་ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་
Cha31a
༄#། །དོ། །ཞེས་ཟེར་ན། དགེ་སློང་དེ་དག་ལ་དགེ་སློང་རྣམས་ཀྱིས་འདི་སྐད་ཅེས། ཚེ་དང་ལྡན་པ་དག་།ཁྱེད་དེ་སྐད་ཅེས། ཚེ་དང་ལྡན་པ་དག་།འདི་ན་དགེ་སློང་ཁ་ཅིག་འདུན་པས་འགྲོ་བ།་ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་དག་ཡིན་ཏེ། འདི་ལྟར། ལྟུང་བ་འདྲ་བ་ཁོ་ན་ལས། དགེ་སློང་ཁ་ཅིག་ནི། སྐྲོད་པར་བྱེད། ཁ་ཅིག་ནི། སྐྲོད་པར་མི་བྱེད་དོ། །ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། དགེ་སློང་དེ་དག་ནི། འདུན་པས་འགྲོ་བ་མ་ཡིན། ཞེ་སྡང་གིས་འགྲོ་བ་མ་ཡིན། གཏི་མུག་གིས་འགྲོ་བ་མ་ཡིན། འཇིགས་པས་འགྲོ་བ་མ་ཡིན་གྱི། འདི་ལྟར། ཚེ་དང་ལྡན་བདག་ཉིད་ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་ཡིན་ཏེ། ཁྱེད་ཉིད་ཀྱིས་ཁྱིམ་སུན་ཕྱུང་བར་ཡང་མཐོང་ཞིང་ཐོས་ལ་རབ་ཏུ་ཤེས། ཁྱེད་སྡིག་པ་ཀུན་ཏུ་སྤྱོད་པར་ཡང་མཐོང་ཞིང་ཐོས་ལ་རབ་ཏུ་ཤེས་པའི་ཕྱིར་ཏེ། ཚེ་དང་ལྡན་པ་དག་།འདུན་པས་འགྲོ་བ་ཞེས་བྱ་བའི་ཚིག་གི་ལམ་དང ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་བྱ་བའི་ཚིག་གི་ལམ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་དེ་དག་ལ་དགེ་སློང་རྣམས་ཀྱིས་དེ་སྐད་བསྒོ་བ་ནི། གལ་ཏེ་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན། གཞི་དེ་གཏོང་ན། དེ་ལྟ་
Cha31b
ན་ལེགས། གལ་ཏེ་མི་གཏོང་ན། དགེ་འདུན་ལྷག་མའོ། །དགེ་སློང་ཞེས་བྱ་བ་ནི། འགྲོ་མགྱོགས་དང་ནབ་སོ་དག་གམ། གཞན་ཡང་དེ་ལྟ་བུ་གང་ཡིན་པའོ། །རབ་ཏུ་མང་པོ་དག་ཅེས་བྱ་བ་ནི། གཉིས་ལས་ལྷག་པ་ནི། རབ་ཏུ་མང་པོ་དག་གོ་།གྲོང་ངམ་གྲོང་རྡལ་ཞིག་ན་ཞེས་བྱ་བ་ནི། རེ་ལྡེ་རི་ལའོ། །དེ་དག་ཀྱང་ཁྱིམ་སུན་འབྱིན་པ་ཞེས་བྱ་བ་ལ། ཁྱིམ་ཞེས་བྱ་བ་ནི། བྲམ་ཟེ་དང་ཁྱིམ་བདག་གི་ཁྱིམ་དག་གོ། དེ་དག་ནི། རྒྱུ་གཉིས་ཀྱིས་སུན་འབྱིན་པར་བྱེད་དོ། །འགྲོགས་པ་དང་ལོངས་སྤྱོད་པས་སོ། །ཇི་ལྟར་འགྲོགས་པས་ཤེ་ན། བུད་མེད་ཀྱི་ཡུལ་དང་ལྷན་ཅིག་སྟན་གཅིག་ལ་འདུག་པར་བྱེད། སྣོད་གཅིག་ཏུ་ཟ་བར་བྱེད། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་དག་འཐུང་བར་བྱེད་པ་སྟེ། དེ་ལྟར་འགྲོགས་པས་སོ། །ཇི་ལྟར་ལོངས་སྤྱོད་པས་ཤེ་ན། ཟས་ཀྱིས་དང ། སྐོམ་གྱིས་དང ། གོས་ཀྱིས་དང ། མེ་ཏོག་གིས་དང ། འབྲས་བུས་དང ། སོ་ཤིང་གིས་དེ་ལྟར་ལོངས་སྤྱོད་པས་སོ། །སྡིག་པའི་ཆོས་ཀུན་ཏུ་སྤྱོད་པར་གྱུར་ཅིང་ཞེས་བྱ་བ་ནི། གནས་ངན་ལེན་ཀུན་ཏུ་སྤྱོད་པར་གྱུར་ཅིང་ངོ ། །དེ་དག་གིས་ཁྱིམ་དག་ཅེས་བྱ་བ་ནི། བྲམ་ཟེ་དང་ཁྱིམ་བདག་གི་ཁྱིམ་བདག་གོ་།མཐོང་ངམ་ཞེས་བྱ་བ་ནི། མིག་གི་རྣམ་པར་ཤེས་པས་སོ། །ཐོས་སམ་ཞེས་བྱ་བ་ནི། རྣ་བའི་རྣམ་པར་ཤེས་པས་སོ། །རབ་ཏུ་ཤེས་སམ་ཞེས་བྱ་བ་ནི། དེ་ལས་གཞན་པའི་རྣམ་པར་ཤེས་པའི་ཚོགས་དག་གིས་སོ། །དེ་དག་སྡིག་པ་ཀུན་ཏུ་སྤྱོད་པ་ཞེས་བྱ་བ་ནི། གནས་ངན་ལེན་ཀུན་ཏུ་སྤྱོད་པར་རོ། །དགེ་སློང་དེ་དག་ལ་དགེ་སློང་རྣམས་ཀྱིས་ཞེས་
Cha32a
༄#། །བྱ་བ་ནི། ཆོས་འདི་པ་རྣམས་ཀྱིས་སོ། །དེ་སྐད་ཅེས་ཞེས་བྱ་བ་ནི། བཞམས་ཏེ་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་བའོ། །དགེ་སློང་དེ་དག་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་ཞེས་བྱ་བ་ནི། བཞམས་ཏེ་བསྒོ་བ་ནའོ། །གལ་ཏེ་གཞི་དེ་གཏོང་ན་ཞེས་བྱ་བ་ནི། ལྟ་བ་དེ་ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི། དེ་ལྟ་ན་བཟང་བའོ། །གལ་ཏེ་མི་གཏོང་ན་ཞེས་བྱ་བ་ནི། ཡོངས་སུ་མི་གཏོང་ནའོ། །ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ཞེས་བྱ་བ་ནི། གསོལ་བ་དང་བཞིའི་ལས་ཀྱིས་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་སྟེ།་ཡང་དག་པར་བསྒོ་བ་དེ་ནི། དེ་ཡིན། ཡང་དག་པར་བསྟན་པ་དེ་ནི། དེ་ཡིན་ནོ། །དགེ་འདུན་ལྷག་མའོ། །ཞེས་བྱ་བ་ནི། སྔ་མ་བཞིན་དུ་ལྟུང་བ་དེ། དགེ་འདུན་ལ་རག་ལས་པ་ཡིན་ཏེ། དེས་ན་དགེ་འདུན་ལྷག་མའོ། །ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཅུང་ཟད་ཇི་ཙམ་དུ་དགེ་སློང་གང་དག་གིས་བདག་ཉིད་བསྐྲད་པའི་ལས་བྱས་པར་ཤེས་བཞིན་དུ་དེ་དག་ལ་འདུན་པས་འགྲོ་བ། ཞེ་སྡང་གིས་འགྲོ་བ། གཏི་མུག་གིས་འགྲོ་བ། འཇིགས་པས་འགྲོ་བ་ཞེས་ཟེར་ན། ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ཏེ་བསྒོ་བ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། ཉེས་པ་སྦོམ་པོར་འགྱུར་རོ། །གསོལ་བ་དང་བཞིའི་ལས་ཀྱིས་བསྒོ་བ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། གསོལ་བ་བྱས་ན། ཉེས་པ་སྦོམ་པོར་འགྱུར་རོ། །
Cha32b
ལས་བརྗོད་པ་དང་པོ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན། ཉེས་པ་སྦོམ་པོར་འགྱུར་རོ། །ལས་བརྗོད་པ་གཉིས་པ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན། ཉེས་པ་སྦོམ་པོར་འགྱུར་རོ། །ལས་བརྗོད་པ་གསུམ་པ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས་གལ་ཏེ་མི་གཏོང་ན། རྫོགས་པར་བརྗོད་པ་ན། ཉེས་པ་སྦོམ་པོར་འགྱུར་རོ། །གལ་ཏེ་མཐུན་པ་དང་ཆོས་མ་ཡིན་པས་སྒོ་བར་བྱེད་ན། ལྟུང་བ་མེད་དོ། །མི་མཐུན་པ་དང་ཆོས་ཀྱིས་སྒོ་བར་བྱེད་ན། ལྟུང་བ་མེད་དོ། །མཐུན་པ་དང་ཆོས་ལྟར་བཅོས་པས་སྒོ་བར་བྱེད་ན། ལྟུང་བ་མེད་དོ། །མི་མཐུན་པ་དང་ཆོས་མ་ཡིན་པ་ལྟར་བཅོས་པས་སྒོ་བར་བྱེད་ན། ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟེན་པ་ཇི་ལྟ་བ་དེ་ལྟར་སྒོ་བར་མི་བྱེད་ན། ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་སྒོ་བར་བྱེད་ན། རྫོགས་པར་བརྗོད་པ་ན།་དགེ་འདུན་ལྷག་མར་འགྱུར་རོ། །དགེ་སློང་དེས་སྟན་དེ་ལ་འདུག་བཞིན་དུ་འདི་སྐད་ཅེས། ཚེ་དང་ལྡན་པ་དག་།བདག་ལ་དགེ་འདུན་ལྷག་མའི་ལྟུང་བ་བྱུང་ངོ ། །ཞེས་བརྗོད་པར་བྱ་སྟེ། གལ་ཏེ་དེ་སྐད་བརྗོད་ན། དེ་ལྟ་ན་ལེགས། གལ་ཏེ་མི་བརྗོད་ན། དེ་ཕྱིན་ཆད་ནས་དེ་ལ་འཆབ་པའི་ཉེས་པ་འབྱུང་བར་འགྱུར་རོ། །དེ་ལྟར་ན། དགེ་སློང་གིས་ཇི་ཙམ་དུ་གཞི་དེ་མ་བཤགས་ཤིང་སོ་སོར་
Cha33a
༄#། །མ་བཤགས་པར་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན། ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་ཕ་ལ་ལྟུང་བ་མེད་དོ། །ཁྱིམ་སུན་འབྱིན་པའི་དགེ་འདུན་ལྷག་མ་སྟེ། བཅུ་གཉིས་པ་རྫོགས་སོ།། །། སངས་རྒྱས་བཅོམ་ལྡན་འདས་ཀོའུ་ཤམྦྷི་ན་གདངས་ཅན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འདུན་པ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་ནས། དེ་ལ་དགེ་སློང་དོན་འདོད་པ། ཕན་པར་འདོད་པ། བདེ་བ་འདོད་པ། བདེ་བ་ལ་རེག་པར་འདོད་པ། གྲུབ་པ་དང་བདེ་བ་འདོད་པ་རྣམས་ཀྱིས། ཚེ་དང་ལྡན་པ་འདུན་པ། ཁྱོད་ལྟུང་བ་བྱུང་བ་དེ་དག་ཆོས་བཞིན་དུ་ཕྱིར་གྱིས་ཤིག་ཅེས་གླེང་བར་བྱེད། དྲན་པར་བྱེད་པ་ན། དེས་སྨྲས་པ། སུ་ལ་ལྟུང་བ་བྱུང་བ་དེ་ཕྱིར་བྱེད་པར་འགྱུར་རོ། །ཁྱོད་ལ་ལྟུང་བ་བྱུང་ན། སུ་ཞིག་ཕྱིར་བྱེད་པར་འགྱུར། སུ་འགྱོད་པར་འགྱུར་བའོ། ། ཁྱོད་ལ་ལྟུང་བ་བྱུང་བ་ལ་སུ་འགྱོད་པར་འགྱུར། དེ་ལ་དགེ་སློང་རྣམས་ཀྱིས་ཕྱིར་ཞིང་ཕྱིར་ཞིང་སྨྲས་པ་ན། དེར་ཐུར་དུ་སྨྲས་པ། ཚེ་དང་ལྡན་པ་དག་།ཁྱེད་ཅག་དགེ་ཡང་རུང ། སྡིག་ཀྱང་རུང ། བདག་ལ་ཅི་ཡང་མ་སྨྲ་ཞིག་།བདག་ཀྱང་དགེ་ཡང་རུང ། སྡིག་ཀྱང་རུང ། ཚེ་དང་ལྡན་པ་དག་ལ་ཅི་ཡང་མི་སྨྲའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཞིག་།ཁྱེད་ལ་ཡང་བདག་
Cha33b
གིས་སྨྲས་པས་ཅི་ཞིག་བྱ། འདི་ལྟར། ཁྱེད་ཅག་ནི། རིགས་སྣ་ཚོགས་དང ། རུས་སྣ་ཚོགས་དང ། ཁྱིམ་སྣ་ཚོགས་ནས་རབ་ཏུ་བྱུང་བ་དག་ཡིན་ཏེ། འདི་ལྟ་སྟེ། དཔེར་ན། ཤིང་ལྗོན་པ་དག་གི་ལོ་མ་སྣ་ཚོགས་རླུང་གིས་བླགས་པ་དག་གཅིག་ཏུ་ལྟུང་ཞིང་གཅིག་ཏུ་འདུག་པ་དེ་བཞིན་དུ་ཁྱེད་ཅག་ཀྱང་རིགས་སྣ་ཚོགས་དང ། རུས་སྣ་ཚོགས་དང ། ཁྱིམ་སྣ་ཚོགས་ནས་རབ་ཏུ་བྱུང་བ་དག་ཡིན་གྱི། ཁོ་བོའི་འཕགས་པས་ནི། བྱང་ཆུབ་ཐུགས་སུ་ཆུད་པ་ཡིན་ནོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་།དགེ་སློང་རྣམས་ཀྱི་གདོན་པར་གཏོགས་པ་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་འདུན་པ་དང ། གཞན་ཡང་དེ་ལྟ་བུ་གང་ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་ཅེས་བསྒོ་བར་བྱ་སྟེ། ཚེ་དང་ལྡན་པ་འདུན་པ། ཁྱོད་དགེ་སློང་རྣམས་ཀྱི་གདོན་པར་གཏོགས་པ་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང་འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་བ་ཁོ་ནར་
Cha34a
༄#། །གྱིས་ཤིག་།དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲ་བ་ན། ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲོས་ཤིག་།འདི་ལྟ་སྟེ། གཅིག་ལ་གཅིག་བརྗོད་པར་བྱ་བ་ཉིད་དུ་བྱེད་པ་དང ། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང ། གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་འགྱུར་གྱི། ཚེ་དང་ལྡན་པ་འདུན་པ། ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ལས་ཀྱི་མཐའ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཚེ་དང་ལྡན་པ་འདུན་པ་ལ། ཚེ་དང་ལྡན་པ་འདུན་པ། ཁྱོད་དགེ་སློང་རྣམས་ཀྱི་གདོན་པར་གཏོགས་པ་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་བ་ཁོ་ནར་གྱིས་ཤིག་།དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲ་བ་ན། ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲོས་ཤིག་།འདི་ལྟ་སྟེ། གཅིག་ལ་
Cha34b
གཅིག་བརྗོད་པར་བྱ་བ་ཉིད་དུ་བྱེད་པ་དང ། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང ། གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་འགྱུར་གྱི། ཚེ་དང་ལྡན་པ་འདུན་པ། ཁྱེད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ལས་ཀྱི་མཐའ་འདི་ལྟ་བུ་འདི་ཐོང་ཞིག་ཅེས་བཞམས་ཏེ་བསྒོའོ། །དེ་ལ་དགེ་སློང་རྣམས་ཀྱིས་བཞམས་ཏེ་བསྒོ་བ་ན། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི། རྫུན་པའོ། །ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་བ། དགེ་སློང་དག་།ཁྱེད་ཀྱིས་དགེ་སློང་འདུན་པ་དང་གཞན་ཡང ། དེ་ལྟ་བུ་གང་ཡིན་པ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། གནས་མལ་བཤམས་པ་བྱམས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་འདི་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་ནས། འདི་ལ་དགེ་སློང་རྣམས་ཀྱི་གདོན་པར་གཏོགས་པའི་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་
Cha35a
༄#། །པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲ་བ་ན། ཚེ་དང་ལྡན་པ་དག་།ཁྱེད་ཅག་དགེ་ཡང་རུང ། སྡིག་ཀྱང་རུང ། བདག་ལ་ཅི་ཡང་མ་སྨྲ་ཤིག། བདག་ཀྱང་དགེ་ཡང་རུང ། སྡིག་ཀྱང་རུང ། ཚེ་དང་ལྡན་པ་དག་ལ་ཅི་ཡང་མི་སྨྲའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཞིག་།ཁྱེད་ལ་ཡང་བདག་གིས་སྨྲས་པས་ཅི་ཞིག་བྱ་ཞེས་བདག་ཉིད་བརྗོད་པར་བགྱི་བ་མ་ལགས་པར་བགྱིད་ནས་འདི་ལ་དགེ་སློང་མང་པོས་བཞམས་ཏེ་བསྒོ་ན། འདི་ལ་དགེ་སློང་མང་པོས་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ། །ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འདུན་པ་ལ་ཚེ་དང་ལྡན་པ་འདུན་པ་དང ། ཁྱོད་དགེ་སློང་རྣམས་ཀྱི་གདོན་པར་གཏོགས་པ་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲ་བ་ན། བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་བ་ཁོ་ནར་གྱིས་ཤིག་།དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲ་བ་ན། ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང ། འདུལ་བ་དང་
Cha35b
མཐུན་པར་སྨྲོས་ཤིག་།འདི་ལྟ་སྟེ། གཅིག་ལ་གཅིག་བརྗོད་པར་བྱ་བ་ཉིད་དུ་བྱེད་པ་དང ། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང ། གཅིག་གིས་གཅིག་ལྟུང་བ་ལས་སློང་བ་དེ་ཉིད་དེ་ལྟ་བུས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་འགྱུར་གྱི། ཚེ་དང་ལྡན་པ་འདུན་པ། ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ལས་ཀྱི་མཐའ་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་འདི་ལྟུང་བ་བྱུང་བ་ཆོས་བཞིན་དུ་སླར་མི་བགྱིད་ན་འདི་ལ་དགེ་སློང་རྣམས་ཀྱི་གདོན་པར་གཏོགས་པ་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲས་པ་ན། ཚེ་དང་ལྡན་པ་དག་།ཁྱེད་ཅག་དགེ་ཡང་རུང ། སྡིག་ཀྱང་རུང ། བདག་ལ་ཅི་ཡང་མ་སྨྲ་ཞིག་།བདག་ཀྱང་དགེ་ཡང་རུང ། སྡིག་ཀྱང་རུང ། ཚེ་དང་ལྡན་པ་དག་ལ་ཅི་ཡང་མི་སྨྲའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཞིག་།ཁྱེད་ལ་ཡང་བདག་གིས་སྨྲས་པས་ཅི་ཞིག་བྱ་ཞེས་བདག་ཉིད་བརྗོད་པར་བགྱི་བ་མ་ལགས་པར་བགྱིད་ནས། འདི་ལ་དགེ་སློང་མང་པོས་བཞམས་ཏེ་བསྒོ་ཡང ། གཞི་དེ་ཉིད་ལ་ནན་གྱིས་མཆོག་ཏུ་
Cha36a
༄#། །བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ། །ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་དགེ་སློང་འདུན་པ་ལ། ཚེ་དང་ལྡན་པ་འདུན་པ། ཁྱོད་དགེ་སློང་རྣམས་ཀྱི་གདོན་པར་གཏོགས་པ་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་བ་ཁོ་ནར་གྱིས་ཤིག་།དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲ་བ་ན། ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲོས་ཤིག་།འདི་ལྟ་སྟེ། གཅིག་ལ་གཅིག་བརྗོད་པར་བྱ་བ་ཉིད་དུ་བྱེད་པ་དང ། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང ། གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་འགྱུར་གྱི། ཚེ་དང་ལྡན་པ་འདུན་པ། ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ལས་ཀྱི་མཐའ་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་དགེ་སློང་འདུན་པ་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི་ཅང་མ་གསུངས་
Cha36b
ཤིག་།གང་དག་མི་བཟོད་པ་དེ་དག་ནི་གསུངས་ཤིག། འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་འདུན་པ་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་འདུན་པ་ལ་གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་བཞིའི་ལས་ཀྱིས་བསྒོ་བ་ན་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ། །ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བར་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་འདུན་པ་ལ་རྨས་པ། འདུན་པ། ཁྱོད་དགེ་སློང་རྣམས་ཀྱི་གདོན་པར་གཏོགས་པ་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་བྱེད་པ་བདེན་ནམ། བཙུན་པ།
Cha37a
༄#། །མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འདི་ན་དགེ་སློང་འགའ་ཞིག་བཀའ་བློ་མི་བདེ་བའི་རང་བཞིན་ཅན་དུ་གྱུར་ལ། དེ་ལ་དགེ་སློང་རྣམས་ཀྱི་གདོན་པར་གཏོགས་པའི་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲས་པ་ན། ཚེ་དང་ལྡན་པ་དག་ཁྱེད་ཅག་དགེ་ཡང་རུང ། སྡིག་ཀྱང་རུང ། བདག་ལ་ཅི་ཡང་མ་སྨྲ་ཞིག། བདག་ཀྱང་དགེ་ཡང་རུང ། སྡིག་ཀྱང་རུང ། ཚེ་དང་ལྡན་པ་དག་ལ་ཅི་ཡང་མི་སྨྲའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཞིག། ཁྱོད་ལ་ཡང་བདག་གིས་སྨྲས་པས་ཅི་ཞིག་བྱ་ཞེས་བདག་ཉིད་བརྗོད་པར་བྱ་བ་མ་ཡིན་པར་བྱེད་ན། དགེ་སློང་དེ་ལ་དགེ་སློང་རྣམས་ཀྱིས་འདི་སྐད་ཅེས། ཚེ་དང་ལྡན་པ། ཁྱོད་དགེ་སློང་རྣམས་ཀྱི་གདོན་
Cha37b
པར་གཏོགས་པའི་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་མ་བྱེད་པར་ཚེ་དང་ལྡན་པས་བདག་ཉིད་བརྗོད་པར་བྱ་བ་ཁོ་ནར་གྱིས་ཤིག། དགེ་སློང་རྣམས་ཚེ་དང་ལྡན་པ་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲ་བ་ན། ཚེ་དང་ལྡན་པ་ཡང་དགེ་སློང་རྣམས་ལ་ཆོས་དང་མཐུན་པ་དང ། འདུལ་བ་དང་མཐུན་པར་སྨྲོས་ཤིག། འདི་ལྟ་སྟེ། གཅིག་ལ་གཅིག་བརྗོད་པར་བྱ་བ་ཉིད་དུ་བྱེད་པ་དང ། གཅིག་ལ་གཅིག་འདོམས་ཤིང་རྗེས་སུ་སྟོན་པ་དང ། གཅིག་གིས་གཅིག་ལྟུང་བ་ལས་སློང་བ་ཉིད་དེ་ལྟ་བུས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་འཁོར་འདི་འཕེལ་བར་འགྱུར་གྱི། ཚེ་དང་ལྡན་པ། ཁྱོད་བདག་ཉིད་བརྗོད་པར་བྱ་བ་མ་ཡིན་པར་བྱེད་པའི་ལས་ཀྱི་མཐའ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན། གལ་ཏེ་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། དགེ་འདུན་ལྷག་མའོ། །འདི་ལ་དགེ་སློང་འགའ་ཞིག་ཅེས་བྱ་བ་ནི། འདུན་པའམ།
Cha38a
༄#། །གཞན་ཡང་དེ་ལྟ་བུ་གང་ཡིན་པའོ། །བཀའ་བློ་མི་བདེ་བའི་རང་བཞིན་ཅན་དུ་གྱུར་ལ་ཞེས་བྱ་བ་ལ། བཀའ་བློ་མི་བདེ་བ་ཞེས་བྱ་བ་ནི། ཚིག་གི་ལམ་རྗེས་སུ་མཐུན་པ།་རྗེས་སུ་མཉན་པར་བྱ་བ། ཚུལ་དང་མཐུན་པ། དང་པོར་འཇུག་པ་འགྲུས་སྐྱོང་གི་ཡན་ལག་གི་ཚོགས་དག་ཀུན་ཏུ་འགོག་པ་མི་འཛིན་པ་དང ། མི་བྱ་བ་དང ། མི་བྱེད་པ་དང ། མི་མཐུན་པར་འཛིན་པའོ། །དེ་ལ་ཞེས་བྱ་བ་ནི། འདུན་པ་ལའོ། །དགེ་སློང་རྣམས་ཀྱིས་ཞེས་བྱ་བ་ནི། ཆོས་འདི་པ་རྣམས་ཀྱིས་སོ། །གདོན་པར་གཏོགས་པའི་བསླབ་པའི་གཞི་རྣམས་ཞེས་བྱ་བ་ལ། གདོན་པ་ཞེས་བྱ་བ་ནི། ཕམ་པར་འགྱུར་བའི་ཆོས་བཞི་དང ། དགེ་འདུན་ལྷག་མའི་ཆོས་བཅུ་གསུམ་དང ། མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང ། བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་དག་གོ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཞེས་བྱ་བ་ལ། བདེ་བར་གཤེགས་པ་ཞེས་བྱ་བ་ནི། སྟོན་པའོ། །མདོ་ཞེས་བྱ་བ་ནི། དེས་ཉེ་བར་སྦྱར་བའི་མདོའམ། ཡང་ན་མདོ་ཡང་དག་པར་སྦྱོར་བའོ། །ཆོས་དང་མཐུན་པ་ཞེས་བྱ་བ་ནི། མདོ་སྡེ་དང ། མ་མོ་དང་ངོ ། །འདུལ་བ་དང་མཐུན་པ་ཞེས་བྱ་བ་ནི། འདུལ་བ་ཉིད་དང་ངོ ། །སྨྲས་པ་ན་ཞེས་བྱ་བ་ནི། བཟློག་པ་ན་སྟེ། ཆོས་ཇི་ལྟ་བ་དང ། འདུལ་བ་ཇི་ལྟ་བ་དང །
Cha38b
སྟོན་པའི་བསྟན་པ་ཇི་ལྟ་བ་དེ་ལྟར་བསྒོ་བ་ནའོ། །ཚེ་དང་ལྡན་པ་དག། ཁྱེད་ཅག་དགེ་ཡང་རུང ། སྡིག་ཀྱང་རུང ། བདག་ལ་ཅི་ཡང་མ་སྨྲ་ཞིག་ཅེས་བྱ་བ་ནི། དགེ་བ་ལ་སྦྱོར་བར་ཡང་མ་བྱེད་ལ། སྡིག་པ་ལས་ཟློག་པར་ཡང་མ་བྱེད་ཅིག་ཅེས་པའོ། །བདག་ཀྱང་དགེ་ཡང་རུང ། སྡིག་ཀྱང་རུང ། ཚེ་དང་ལྡན་པ་དག་ལ་ཅི་ཡང་མི་སྨྲའོ། །ཞེས་བྱ་བ་ནི། དགེ་བ་ལ་སྦྱོར་བར་ཡང་མི་བྱེད་ལ། སྡིག་པ་ལས་ཟློག་པར་ཡང་མི་བྱེད་དོ། །ཞེས་པའོ། །ཚེ་དང་ལྡན་པ་དག་གིས་བདག་ལ་ཚིག་གི་ལམ་ཐོང་ཞིག། ཁྱེད་ལ་ཡང་བདག་གིས་སྨྲས་པས་ཅི་ཞིག་བྱ་ཞེས་བྱ་བ་ནི། རྒྱ་ཆེར་བདག་ཉིད་བརྗོད་པར་བྱ་བ་མ་ཡིན་པ་ཉིད་དུ་འཇོག་པར་བྱེད་པའོ། །བདག་ཉིད་བརྗོད་པར་བྱ་བ་མ་ཡིན་པར་བྱེད་ན་ཞེས་བྱ་བ་ནི། བདག་ཉིད་བརྗོད་པར་བྱ་བ་མ་ཡིན་པ་ཉིད་དུ་འཇོག་པར་བྱེད་ནའོ། །དགེ་སློང་དེ་ལ་ཞེས་བྱ་བ་ནི། འདུན་པ་ལའོ། །དགེ་སློང་རྣམས་ཀྱིས་ཞེས་བྱ་བ་ནི། ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི། བཞམས་ཏེ་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་བའོ། །དགེ་སློང་ལ་དགེ་སློང་རྣམས་ཀྱིས་དེ་སྐད་བསྒོ་བ་ཞེས་བྱ་བ་ནི། བཞམས་ཏེ་བསྒོ་བས་བཟློག་པ་ནའོ། །གལ་ཏེ་གཞི་དེ་ཞེས་བྱ་བ་ནི། བཀའ་བློ་མི་བདེ་བ་ཉིད་དོ། །གཏོང་ན་ཞེས་བྱ་བ་ནི། ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི། དེ་ལྟ་ན་བཟང་བའོ། །གལ་ཏེ་མི་གཏོང་ན་ཞེས་བྱ་བ་ནི། ཡོངས་སུ་མི་གཏོང་ནའོ། །ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ཞེས་བྱ་བ་
Cha39a
༄#། །ནི།་གསོལ་བ་དང་བཞིའི་ལས་ཀྱིས་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་བ་སྟེ། ཡང་དག་པར་བསྒོ་བར་བྱ་བ་དེ་ནི། དེ་ཡིན། ཡང་དག་པར་བསྟན་པར་བྱ་བ་དེ་ནི། དེ་ཡིན་ནོ། །དགེ་འདུན་ལྷག་མའོ། །ཞེས་བྱ་བ་ནི། སྔ་མ་བཞིན་དུ་ལྟུང་བ་དེ། དགེ་འདུན་ལ་རག་ལས་པ་ཡིན་ཏེ། དེས་ན། དགེ་འདུན་ལྷག་མའོ། །ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཅུང་ཟད་ཇི་ཙམ་དུ་དགེ་སློང་རྣམས་ཀྱི་གདོན་པར་གཏོགས་པ་བསླབ་པའི་གཞི་རྣམས་དང ། བདེ་བར་གཤེགས་པའི་མདོར་གཏོགས་པ་རྣམས་ཀྱིས་ཆོས་དང་མཐུན་པ་དང ། འདུལ་བ་དང་མཐུན་པར་སྨྲས་པ་ན། བདག་ཉིད་བརྗོད་པར་བྱ་བ་མ་ཡིན་པར་བྱེད་ན། ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ཏེ་བསྒོ་བ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། ཉེས་པ་སྦོམ་པོར་འགྱུར་རོ། །གསོལ་བ་དང་བཞིའི་ལས་ཀྱིས་བསྒོ་བ་ན། གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། གསོལ་བ་བྱས་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་དང་པོ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གཉིས་པ་བརྗོད་པ་ན། མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན་ཉེས་པ་སྦོམ་པོར་འགྱུར་རོ། །ལས་བརྗོད་པ་གསུམ་པ་བརྗོད་པ་
Cha39b
ན།་མ་རྫོགས་པར་གཞི་དེ་གཏོང་ན། དེ་ལྟ་ན་ལེགས། གལ་ཏེ་མི་གཏོང་ན། རྫོགས་པར་བརྗོད་པ་ན། ཉེས་པ་སྦོམ་པོར་འགྱུར་རོ། །གལ་ཏེ་མཐུན་པ་དང་ཆོས་མ་ཡིན་པས་སྒོ་བར་བྱེད་པ་ན། ལྟུང་བ་མེད་དོ། །མི་མཐུན་པ་དང་ཆོས་ཀྱིས་སྒོ་བར་བྱེད་ན། ལྟུང་བ་མེད་དོ། །མཐུན་པ་དང་ཆོས་ལྟར་བཅོས་པས་སྒོ་བར་བྱེད་ན། ལྟུང་བ་མེད་དོ། །མི་མཐུན་པ་དང་ཆོས་མ་ཡིན་པ་ལྟར་བཅོས་པས་སྒོ་བར་བྱེད་ན། ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་སྒོ་བར་མི་བྱེད་ན། ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་སྒོ་བར་བྱེད་ན། རྫོགས་པར་བརྗོད་པ་ན་དགེ་འདུན་ལྷག་མར་འགྱུར་རོ། །དགེ་སློང་དེས་སྟན་དེ་ལ་འདུག་བཞིན་དུ་འདི་སྐད་ཅེས། ཚེ་དང་ལྡན་པ་བདག་ལ་དགེ་འདུན་ལྷག་མའི་ལྟུང་བ་བྱུང་ངོ ། །ཞེས་བརྗོད་པར་བྱ་སྟེ། གལ་ཏེ་དེ་སྐད་བརྗོད་ན། དེ་ལྟ་ན་ལེགས། གལ་ཏེ་མི་བརྗོད་ན། ཕྱིན་ཆད་ནས་དེ་ལ་འཆབ་པའི་ཉེས་པ་འབྱུང་བར་འགྱུར་རོ། །དེ་བས་ན། དགེ་སློང་གིས་ཇི་ཙམ་དུ་གཞི་དེ་བཤགས་ཤིང་སོ་སོར་མ་བཤགས་པར་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན། ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ།། །།འདུལ་བ་རྣམ་པར་འབྱེད་པ། བམ་པོ་ཉེར་བཞི་པ། དགེ་སློང་རྣམས་ཐེ་ཚོམ་སྐྱེས་
Cha40a
༄#། །ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་འདུན་པ་འདི། ཚངས་པ་མཚུངས་པར་སྤྱོད་པ་དེས་པ་དེས་པ་རྣམས་ཀྱི་མདུན་དུ་བཅོམ་ལྡན་འདས་ཉེ་དུ་ལགས་པར་སྟོན་ཅིང་བདག་ཉིད་སྨྲ་བ་དང ། རྣམ་པར་སྨྲ་བར་བགྱིད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ད་ལྟར་དུ་མ་ཟད་དེ། འདི་ལྟར། འདས་པའི་དུས་ན་ཡང་འདིས་བྲམ་ཟེ་དང་ཁྱིམ་བདག་དེས་པ་རྣམས་ཀྱི་མདུན་དུ་ང་ཉེ་དུ་ཡིན་པར་བསྟན་ཅིང ། བདག་ཉིད་སྨྲ་བ་དང་རྣམ་པར་སྨྲ་བར་བྱས་པ་དེ་ཉོན་ཅིག། དགེ་སློང་དག། སྔོན་བྱུང་བ། འདས་པའི་དུས་ན་རྡོ་འཇོག་ན་བྲམ་ཟེ་ཟླ་གྲགས་ཞེས་བྱ་བ་འདུག་པ་དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་བུ་བཙས་ནས་དེའི་མིང་ཉི་ཟླ་ཞེས་བྱ་བར་བཏགས་ཏེ། དེ་བསྲིངས་བསྐྱེད་ནས་ཆེན་པོར་གྱུར་ཏོ། ། ཇི་ཙམ་དུས་གཞན་ཞིག་ན་བྲམ་ཟེ་ཟླ་གྲགས་ན་བར་གྱུར་ནས། དེ་ཆུང་མ་དང་བུས་ཡལ་བར་བོར་ཞིང ། ན་བ་མ་སོས་ནས་དེ་ལ་བུ་མོ་མངག་གཞུག་མ་ཞིག་ཡོད་པ་དེས་བསམ་པ། བྲམ་ཟེ་ཟླ་གྲགས་ཀྱིས་ཁྲུས་གཞལ་བརྒྱ་དག་གིས་ལོངས་སྤྱོད་དག་བསྒྲུབས་ཏེ། འདི་ན་བར་གྱུར་ན། ཆུང་མ་དང་བུས་ཡལ་བར་བོར་ཞིང་ན་བ་མ་སོས་པས། བདག་གིས་ཇོ་བོ་ཡལ་བ་འདོར་བ་ནི། བདག་ལ་ཚུལ་
Cha40b
དང་མཐུན་མ་ཡིན་ནོ། །སྙམ་ནས། དེ་དགེ་བའི་བསམ་པ་དང་ཇོ་བོ་ལ་སྙིང་ཉེ་བས་སྨན་པའི་གན་དུ་སོང་སྟེ་སྨྲས་པ། བཞིན་བཟང ། ཁྱོད་ཀྱིས་བྲམ་ཟེ་ཟླ་གྲགས་ཞེས་བྱ་བ་དེ་ཤེས་སམ། ཤེས་ཏེ། དེ་ཅི་ཉེས། དེ་ན་བར་གྱུར་ནས་ཆུང་མ་དང་བུས་ཡལ་བར་བོར་ནས་ན་བ་མ་སོས་ཀྱི། དེའི་སྨན་སྟོན་ཅིག་།སྨན་པས་སྨྲས་པ། བུ་མོ། གལ་ཏེ་དེ་ཆུང་མ་དང་བུས་ཡལ་བར་བོར་ན། གཡོག་སུ་བྱེད། བཞིན་བཟང ། སྨན་སྟོན་ཅིག་དང་བདག་གིས་གཡོག་བྱའོ། །སྨན་པ་དེས་དེ་ལ་ནད་ཅི་ལས་གྱུར་པ་དྲིས་ནས་སྨན་བསྟན་ཏོ། །དེ་ནས་བུ་མོ་དེས་བྲམ་ཟེ་ཟླ་གྲགས་ཀྱི་གཡོག་བྱས་ནས་དེ་ནད་དེ་ལས་སོས་སོ། ། བྲམ་ཟེ་ཟླ་གྲགས་ཀྱི་བསམ་པ། བདག་ནད་དེ་ལྟ་བུས་བཏབ་ན། ཆུང་མ་དང་བུས་ཡལ་བར་བོར་ནས་སྲོག་དག་དང་ཅུང་ཟད་མ་བྲལ་བར་གང་ཡིན་པ་དེ་ནི། བུ་མོ་འདིའི་མཐུ་ཡིན་པས། བདག་གིས་འདི་ལ་ངལ་བ་འབྲས་བུ་དང་བཅས་པ་བསྐྱེད་པར་བྱའོ། །སྙམ་དུ་རིག་ནས། བུ་མོ་དེ་བོས་ཏེ་སྨྲས་པ། བུ་མོ། ཁོ་བོ་ནད་དེ་ལྟ་བུས་བཏབ་པ་ཆུང་མ་དང་བུས་ཡལ་བར་བོར་ནས་ཁྱོད་ཀྱི་མཐུས་སྲོག་དག་དང་མ་བྲལ་བར་ཁོ་བོས་ཤེས་ཀྱི། ཁྱོད་ལ་དམ་པ་ཅི་ཞིག་སྦྱིན་པར་བྱ་བ་དེ་སྨྲོས་ཤིག། ཇོ་བོ། གལ་ཏེ་ཁྱོད་བདག་ལ་དགྱེས་ན། བདག་ཁྱོད་དང་ལྷན་ཅིག་མཇལ་བར་འཚལ་ལོ། །བུ་མོ། ཁྱོད་ལ་ཁོ་བོ་དང་ལྷན་ཅིག་འཕྲད་པས་ཅི་བྱ། ཁོ་བོས་ཁྱོད་ལ་ཀཪྴ་པ་ཎ་ལྔ་བརྒྱ་སྦྱིན་ཞིང་བྲན་མོ་ལས་བཏང་ངོ ། །ཇོ་བོ། བདག་ཤིན་ཏུ་རིང་དུ་མཆིས་སུ་ལགས་ཀྱང་བྲན་མོ་ཉིད་ལགས་ཀྱི། གལ་ཏེ་ཁྱོད་
Cha41a
༄#། །བདག་ལ་དགྱེས་ན། བདག་ཁྱོད་དང་ལྷན་ཅིག་མཇལ་བར་འཚལ་ལོ། །དེས་དེ་གདོན་མི་ཟ་བར་དང་ན་དུས་བྱེད་པར་རིག་ནས་སྨྲས་པ། བུ་མོ། གང་གི་ཚེ་ཁྱོད་དུས་ལ་བབ་ཅིང་ཟླ་མཚན་དང་ལྡན་པར་གྱུར་པ་དེའི་ཚེ་ཁྱོད་ཁོ་བོའི་གན་དུ་ཤོག་ཅིག། བུ་མོ། དེ་དེའི་ཚིག་གིས་སྙིང་དགའ་བར་གྱུར་ནས་ཟླ་མཚན་འཛག་པའི་ཉི་མ་བགྲང་ཞིང་འདུག་འདུག་ནས། གང་གི་ཚེ་ཟླ་མཚན་དང་ལྡན་པར་གྱུར་པ་དེའི་ཚེ་བྲམ་ཟེ་དེའི་གན་དུ་སོང་བ་དང ། དེས་དེ་དང་ལྷན་ཅིག་དགའ་མགུར་སྤྱད་ནས་དེ་ལ་སེམས་ཅན་ཞུགས་པར་གྱུར་ཏོ། །དེའི་ཆུང་མ་བྲམ་ཟེ་མོས་བྲམ་ཟེ་འདི་བུ་མོ་འདི་དང་ལྷན་ཅིག་དགའ་མགུར་སྤྱད་དོ། །སྙམ་དུ་རིག་ནས། དེ་ཕྲག་དོག་གིས་ཀུན་ནས་དཀྲིས་པ་ཀུན་ཏུ་སྤྱོད་པས་མི་བཟོད་པ་སྐྱེས་ནས་བུ་མོ་དེ་ལ་རྟག་ཏུ་ཁུ་ཚུར་དང་ཐལ་ལྕག་དག་གིས་རྡེག་ཅིང་ཟས་ངན་པ་དང་གོས་ངན་པ་བསྲེལ་དུ་འཇུད་དོ། །བུ་མོ་དེས་བསམ་པ། བདག་གིས་མངལ་དུ་ཞུགས་པའི་སེམས་ཅན་སྐལ་ཆད་འདི་སུ་ཞིག་ཡིན་ན། འདི་མངལ་དུ་ཞུགས་པའི་དུས་ཚུན་ཆད་ནས་བདག་རྟག་ཏུ་ཁུ་ཚུར་དང་ཐལ་ལྕག་དག་གིས་རྡེག་ཅིང་ཟས་ངན་པ་དང ། གོས་ངན་པ་བསྲེལ་དུ་བཅུག་གོ། སྙམ་ནས་བདག་ཉིད་མྱ་ངན་བྱེད་ཅིང་འདུག་གོ། ཇི་ཙམ་ན་ཟླ་བ་དགུ་ཚང་ནས་བཙས་པ་ལས་ཁྱེའུ་ཞིག་བྱུང་ནས་དེས་བསམ་པ། སེམས་ཅན་སྐལ་ཆད་འདི་བདག་གི་མངལ་དུ་ཞུགས་ནས་བདག་གིས་དེ་འདྲ་བའི་གནས་སྐབས་ཐོབ་པར་གྱུར་པས། གལ་ཏེ་འདི་སྐྱེས་པར་གྱུར་ན། བདག་ཐམས་ཅད་ཀྱི་
Cha41b
ཐམས་ཅད་དུ་མེད་པར་འགྱུར་རོ། །སྙམ་དུ་རིག་ནས། དེ་ཆོལ་ཟངས་སུ་བཞག་སྟེ་དོར་བར་བརྩམས་པ་དང ། དེའི་ཚེ་བྲམ་ཟེ་དེས་མཐོང་ནས་སྨྲས་པ། བུ་མོ། དེ་ཅི་ཡིན། དེས་སྨྲས་པ། ཅང་མ་ལགས་སོ། ། དེས་ཆོལ་ཟངས་དེ་བལྟས་པ་དང ། ཇི་ཙམ་ན་ཁྱེའུ་ཞིག་མཐོང་ནས་དེས་སྨྲས་པ། བུ་མོ། ཅིའི་ཕྱིར་འདི་དོར་བར་བྱེད། ཇོ་བོ། གང་ཚུན་ཆད་ནས་སེམས་ཅན་སྐད་ཆད་འདི་བདག་གི་མངལ་དུ་ཞུགས་པར་གྱུར་པ་དེ་ཚུན་ཆད་ནས་བདག་བྲམ་ཟེ་མོ་འདིས་རྟག་ཏུ་ཁུ་ཚུར་དང་ཐལ་ལྕག་དག་གིས་རྡེག་ཅིང ། འཚལ་མ་ངན་པ་དང ། རད་པ་ངན་པ་བསྲེལ་དུ་སྩལ་བས། གལ་ཏེ་འདི་སྐྱེས་པར་གྱུར་ན། བདག་ཐམས་ཅད་ཀྱི་ཐམས་ཅད་དུ་མ་མཆིས་པར་འགྱུར་བའི་སླད་དུའོ། །དེས་སྨྲས་པ། བུ་མོ། དེ་ནི། དེས་མ་ཉེས་ཀྱི། ཁོ་བོས་ཉེས་ཀྱི། འདི་སྐྱེད་ཅིག་དང་འདི་ལ་ཁོ་བོས་དུས་ཤེས་པར་བྱའོ། །དེས་དེ་བསྙོད་པར་བརྩམས་པ་དང ། བྲམ་ཟེས་ཀྱང་བྲམ་ཟེ་མོ་ལ་སྨྲས་པ། གང་གི་ཚེ་ཁོ་བོ་དེ་ལྟར་ན་བར་གྱུར་པ་ན། ཁྱོད་དང་བུས་ཡལ་བར་བོར་བ་དེའི་ཚེ་ན་བུ་མོ་འདིས་སྨན་དང་གཡོག་གིས་ལེགས་པར་གསོས་པར་ཁོ་བོས་ཤེས་ཀྱི། དེའི་ཕྱིར་གལ་ཏེ་འདི་ལ་མཁོ་བ་སྟོབ་པར་བྱེད་ན། དེ་ལྟ་ན་ལེགས། གལ་ཏེ་མི་བྱེད་ན། ཁོ་བོས་འདི་ཁྱིམ་བདག་མོར་བཞག་ཅིང ། ཁྱོད་འདིའི་བྲན་མོར་བསྐོའོ། །བྲམ་ཟེ་མོ་དེ་སྐྲག་སྟེ་བསམ་པ།་བྲམ་ཟེ་འདི་གཏུམ་པས་གལ་ཏེ་དེ་ལྟར་མ་བྱས་ན། དེ་ལྟར་བྱེད་པར་འགྱུར་བའི་གནས་ཡོད་དོ། །སྙམ་དུ་རིག་ནས་དེས་སྨྲས་པ། བྲམ་ཟེ། ཁྱོད་ཀྱིས་བུ་མོ་མངག་གཞུག་མ་ལ་དགའ་མགུར་སྤྱད་པ་དང །
Cha42a
༄#། །ཁྱེའུ་འདི་ཁྱོད་ཀྱི་སྲས་ལགས་པར་ཡང་བདག་གིས་མ་འཚལ་ཏེ། ད་སླན་ཆད་ཅུང་ཟད་ཀྱང་མཐོ་འཚམ་པར་མི་བགྱིད་དོ། །ཁྱེའུ་དེ་ཆོས་ཟངས་སུ་བཅུག་པས་དེའི་མིང་ཆོལ་ཟངས་པ། ཆོལ་ཟངས་པ་ཞེས་བྱ་བར་ཆགས་སོ། །བྲམ་ཟེ་དེ། ཆོལ་ཟངས་པ་ལ་འདིའི་མས་བདག་གིས་གཡོག་བྱས་ཤིང ། འདི་ཡང་བདག་ལས་བྱུང་བ་ཡིན་ནོ། །སྙམ་པས་ཤིན་ཏུ་བྱམས་པ་དང་ལྡན་པར་གྱུར་ཏེ། དེ་དེ་དང་ལྷན་ཅིག་གཅིག་ཏུ་ཟ་ཞིང ། གང་དུ་མགྲོན་དུ་བོས་པར་འགྲོ་བ་དེར་ཡང་དེ་དང་ལྷན་ཅིག་འགྲོའོ། །ཇི་ཙམ་དུས་གཞན་ཞིག་ན་བྲམ་ཟེ་དེ་ཡང་ན་བར་གྱུར་ནས་དེ་རྩ་བ་དང ། སྡོང་བུ་དང ། འདབ་མ་དང ། མེ་ཏོག་དང ། འབྲས་བུའི་སྨན་དག་གིས་གསོ་བར་བྱེད་དེ། གསོ་བར་བྱེད་པ་ན། ན་བ་ཁོ་ནར་གྱུར་ནས་གང་གི་ཚེ་དེ་འཆི་བ་ལ་ཐུག་པའི་ཚོར་བ་བྱུང་ཞིང ། རིང་པོར་མི་ཐོགས་པར་དུས་བྱེད་པར་འགྱུར་བ་དེའི་ཚེ་ན། དེས་བུ་ཐུ་བོ་ཉི་ཟླ་བཀུག་སྟེ་སྨྲས་པ། བུ། ཁོ་བོ་འདས་ནས་ཁྱོད་ནི། མྱ་ངན་བྱ་བ་མ་ཡིན་གྱི། ཁྱོད་ཀྱི་ནུ་བོ་ཆོལ་ཟངས་པ་འདི་མྱ་ངན་བྱ་བར་འགྱུར་བས་ཁྱོད་ཀྱིས་འདི་ལ་མཁོ་བ་བསྟབ་པར་བྱའོ། །ཞེས་སྨྲས་ནས། བསགས་པ་ཀུན་གྱི་མཐའ་འཛད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །འཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དེ་དུས་ཀྱི་ཆོས་དང་ལྡན་པར་གྱུར་ནས་དེ། ཉི་ཟླ་དང་ཆོལ་ཟངས་པ་དང་སྙིང་དུ་སྡུག་ཅིང་འབྲེལ་བའི་རྩ་ལག་གཞན་དག་གིས་དུར་ཁྲོད་དུ་ཁྱེར་ཏེ་བསྲེགས་
Cha42b
ནས་དེའི་འོག་ཏུ་མྱ་ངན་སངས་པ་བྱས་ཏེ་འཁོད་དོ། །ཇི་ཙམ་དུས་གཞན་ཞིག་ན། ཉི་ཟླས་ཟན་གྱི་དུས་སུ་ཆོལ་ཟངས་པ་ཚུར་ཤོག། འདིར་ཟན་ཟོ་ཞིག་ཅེས་བོས་པ་དང ། དེ་ལ་མས་སྨྲས་པ། བུ། ཁྱོད་བྲན་མོའི་བུ་དང་ཇི་ལྟར་ལྷན་ཅིག་ཟན་ཟ་བར་བྱེད། མ། བདག་གིས་དུས་ཐམས་ཅད་དུ་ནུ་བོ་འདི་དང་ལྷན་ཅིག་ཟོས་ཤིང་འཐུངས་ན། ད་ཇི་ལྟར་བྲན་མོའི་བུ་ཞེས་བྱ། མས་སྨྲས་པ། བུ། ཁྱོད་ཀྱི་ཕ་གཏུམ་པར་གྱུར་པས་དེ་ལ་ཅུང་ཟད་སྨྲ་བར་སུས་ནུས། འདི་ནི། བྲན་མོའི་བུ་ཁོ་ན་ཡིན་ནོ། །ཆོལ་ཟངས་པས་ཐོས་ནས་དེ་མའི་གན་དུ་སོང་སྟེ་སྨྲས་པ། མ། བདག་བྲན་མོའི་བུ་ཡིན་པ་བདེན་ནམ། བུ། འཇིག་རྟེན་ནི། རང་གི་ལས་ཀྱི་འབྲས་བུ་ལ་སྤྱོད་པ་ཡིན་པས་སུ་ཞིག་སུའི་བྲན་ཡིན། བུ། ཡུལ་གཞན་དུ་སོང་ལ་ཐོས་པ་འཛིན་ཅིང་འདུག་ཅིག། དེ་ཡུལ་གཞན་དུ་སོང་ནས་དེ་ཡུལ་གཞན་དུ་རང་གི་མིང་ཆོལ་ཟངས་པ་ཞེས་བྱ་བ་བཏང་སྟེ་ཟླ་བ་ཞི་བ་ཞེས་བྱ་བར་བསྒྲགས་ནས། ཇི་ཙམ་ན་མཐར་གྱིས་མཉན་ཡོད་དུ་ཕྱིན་ནས་དེ་ན་བྲམ་ཟེ་མདུན་ན་འདོན་ཞིག་འདུག་ནས་དེ་གཅིག་ནས་གཅིག་ཏུ་དེའི་གན་དུ་སོང་སྟེ། ཆ་ལུགས་དུལ་བ་དང ། སྤྱོད་ལམ་ཞི་བས་གུས་པར་སྨྲ་བར་བྱས་ཏེ་མཐའ་གཅིག་ཏུ་འདུག་གོ། དེ་ནས་བྲམ་ཟེ་དེས། འོངས་པ་ལེགས་སོ། །ཞེས་བྱ་བའི་ཚིག་ཀུན་ཏུ་བརྗོད་པས་རབ་ཏུ་དགའ་བར་བྱས་ཏེ་དྲིས་པ། ཀྱེ་བྲམ་ཟེའི་ཁྱེའུ། ཁྱོད་ག་ལས་འོངས། རྡོ་འཇོག་ནས་མཆིས་སོ། །ཁྱོད་ཀྱིས་རྡོ་འཇོག་ན་འཁོད་པའི་སྐྱེ་བོའི་ཚོགས་དག་ཤེས་སམ། འཚལ་ཏོ། །དེ་ནས་བྲམ་ཟེ་ཟླ་གྲགས་དེའི་གཏམ་ཅི་གྲགས། བྲམ་
Cha43a
༄#། །ཟེའི་ཁྱེའུ་ངེས་ངུ་བར་བརྩམས་པ་དང ། དེས་སྨྲས་པ། བྲམ་ཟེའི་ཁྱེའུ། ཅིའི་ཕྱིར་ངུ ། དེ་བདག་གི་ཕ་ལགས་སོ། །འོ་ན་ཅིའི་ཕྱིར་ངུ ། དེ་གུམ་མོ། །བྲམ་ཟེའི་ཁྱེའུ། སྐྱེས་པས་ན་གདོན་མི་ཟ་བར་འཆི་བར་བྱ་དགོས་ཀྱི། ཁོ་བོ་ཁྱོད་ཀྱི་ཕའི་ཆུང་གྲོགས་ཡིན་གྱི། བག་ཕོབས་ཤིག་དང་ཐམས་ཅད་བྱའོ། །དེས་སྨྲས་པ། མཁན་པོ། །རེ་ཞིག་བགྱི་བ་གཞན་བཏང་སྟེ་ཇེ་རིག་བྱེད་བཀླག་པར་བགྱིའོ། །བུ། མ་ཉེས་ཏེ། བྲམ་ཟེ་རང་གི་རིགས་སྒྲོག་པས་བྱ་བ་ནི། དེ་ཡིན་ནོ། །དེས་དེའི་དྲུང་དུ་རིག་བྱེད་བཀླག་པར་བརྩམས་པ་དང ། དེ་བློ་རྣོ་བ་དང ། བརྟན་པ་དང ། བརྩོན་འགྲུས་བརྩམས་པ་ཡིན་པས། དེས་དུས་ཅུང་ཞིག་གིས་རིག་བྱེད་བཞི་པོ་དག་བཀླགས་སོ། །བྲམ་ཟེ་དེ་མངོན་པར་དགའ་ནས། དེས་དེའི་བུ་མོ་རྒྱན་ཐམས་ཅད་ཀྱིས་བརྒྱན་ཏེ། དེའི་ཆུང་མར་བྱིན་ཞིང་བདག་དབང་བའི་ནོར་མང་པོ་དག་ཀྱང་བྱིན་ནོ། །དེ་བྲམ་ཟེ་མདུན་ན་འདོན་གྱི་མག་པར་གྱུར་ཅིང ། རིག་བྱེད་བཞི་དང་ལྡན་པ་ཞེས་འཇིག་རྟེན་ཐམས་ཅད་ལ་རྣམ་པར་གྲགས་ཤིང ། སྦྱིན་པ་དང ། མཆོད་པ་དང ། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་པར་གྱུར་ཏོ། །ཇི་ཙམ་དུས་གཞན་ཞིག་ན་རྡོ་འཇོག་ན་གནས་པའི་སྐྱེ་བོའི་ཚོགས་དག་ཟོང་ཐོགས་ཏེ་མཉན་ཡོད་དུ་ལྷགས་ནས། དེ་དག་གི་ཆོལ་ཟངས་པ་ཇི་ལྟར་བྲམ་ཟེ་མདུན་ན་འདོན་གྱི་མག་པར་གྱུར་ཅིང་རིག་བྱེད་བཞི་དང་ལྡན་པ། སྦྱིན་པ་དང ། མཆོད་པ་དང ། བསྙེན་བཀུར་དག་གིས་ཁྱིམ་གྱི་འབྱོར་པ་
Cha43b
ཉེ་བར་བསགས་པར་གྱུར་པ་ཐོས་སོ། །ཐོས་ནས་ཀྱང་གྲོས་བྱ་བར་བརྩམས་པ། བདག་ཅག་འདོང་ཞིང་དེ་མངོན་སུམ་དུ་བྱས་ཏེ། རྡོ་འཇོག་ན་ཉི་ཟླ་བདེ་བའི་གཏམ་བྱའོ། །སྙམ་ནས། དེ་དག་དེའི་གན་དུ་དོང་སྟེ། དེ་དག་གིས་དེ་ངོ་ཤེས་ནས་ཅང་མ་སྨྲས་པར་དེ་ནས་ཟོང་བསྒྱུར་ཏེ་རིན་བླངས་ནས་རྡོ་འཇོག་ཏུ་དོང ། དེ་དག་གིས་ལམ་གྱིས་ངལ་བ་བསོས་ཏེ་ཉི་ཟླ་ལ་སྨྲས་པ། མཉན་ཡོད་ན་ཁྱོད་ཀྱི་ནུ་བོ་ཆོལ་ཟངས་པ་བྲམ་ཟེ་མདུན་ན་འདོན་གྱི་མག་པར་གྱུར་ཅིང་རིག་བྱེད་བཞི་དང་ལྡན་པར་འཇིག་རྟེན་ཐམས་ཅད་ལ་རྣམ་པར་གྲགས་ཏེ། སྦྱིན་པ་དང ། མཆོད་པ་དང ། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་པར་གྱུར་ཏོ། །དེ་ཡིད་དགའ་བ་སྐྱེས་ནས་མ་ལ་སྨྲས་པ། མ། ཆོལ་ཟངས་པ་དེ་མཉན་ཡོད་ན་བྲམ་ཟེ་མདུན་ན་འདོན་གྱི་མག་པར་གྱུར་ཅིང་རིག་བྱེད་བཞི་དང་ལྡན་པར་འཇིག་རྟེན་ཐམས་ཅད་ལ་གྲགས་ཏེ། སྦྱིན་པ་དང ། མཆོད་པ་དང ། བསྙེན་བཀུར་དག་གིས་ཁྱིམ་གྱི་འབྱོར་པ་ཉེ་བར་བསགས་ཞེས་གྲག་གོ་།མས་སྨྲས་པ། བུ། དེ་ལྟར་ག་ལ་འགྱུར་ཏེ། བྲན་མོའི་བུ་དེ་ལ་སུ་ཞིག་སྦྱིན་པ་དང ། མཆོད་པ་དང ། བསྙེན་བཀུར་དག་གིས་བསྙེན་བཀུར་བྱེད་པར་འོས་ན། དེ་ལ་བསྙེན་བཀུར་བྱེད་པར་འགྱུར། དེ་ནས་དེ་ཅང་མི་སྨྲ་བར་འདུག་གོ། ཇི་ཙམ་དུས་གཞན་ཞིག་ན་ཉི་ཟླ་ལོངས་སྤྱོད་བསྲབས་པར་གྱུར་ནས། མས་དེ་ལ་སྨྲས་པ། བུ། ནུ་བོ་དེའི་གན་དུ་སོང་ཞིག་དང་གལ་ཏེ་ན་དེ་ཁྱོད་ལ་ལོངས་སྤྱོད་དག་གིས་བགོ་བཤའ་བྱེད་པར་འགྱུར་རོ། །དེས་སྨྲས་པ། མ། དེའི་ཚེ་ན་དེ་བྲན་མོའི་བུ་ཡིན་ན། ད་ཇི་
Cha44a
༄#། །ལྟར་ནུ་བོར་འགྱུར། མས་སྨྲས་པ། བུ། གལ་ཏེ་དེ་ལྟར་ན་ཡང་སོང་ལ་དེ་ལས་བླང་བ་མ་ཟློག་ཅིག། དེ་མས་ནན་གྱིས་མནན་པ་ན་དོན་འཐུན་བཙལ་ཏེ་མཉན་ཡོད་དུ་སོང་ངོ ། ། ཆོལ་ཟངས་པས་ཇི་ལྟར་བདག་གི་ཕུ་བོ་ཉི་ཟླ་དེ་དོན་འཐུན་པ་དང་ལྷན་ཅིག་འདིར་འོངས་ཏེ། ཕྱོགས་ག་གེ་མོ་ཞིག་ན་འདུག་གོ་།ཞེས་ཐོས་སོ། །ཐོས་ནས་ཀྱང་བསུ་ནས་དེས་དེ་ལ་འོངས་པ་ལེགས་སོ། ། ཞེས་བྱ་བའི་ཚིག་གིས་ཀུན་ཏུ་སྤྱད་ནས་སྨྲས་པ། བདག་གིས་འདིར་ཟླ་བཞི་བ་ཞེས་བྱ་བའི་མིང་བཏགས་ཀྱི། བདག་ལ་ཁྱོད་ཆོལ་ཟངས་པ་ཞེས་མ་འབོད་ཅིག། ཉི་ཟླས་སྨྲས་པ། ཁྱོད་ཟླ་བ་ཞི་བ་ཡིན་ན་སུ་ཞིག་གཞན་དུ་འབོད་པར་འགྱུར། དེས་ཉི་ཟླ་ཁྱིམ་དུ་ཁྲིད་དེ་བཀུར་སྟི་ཆེན་པོས་མཁོས་སུ་ཕབ་ནས་ཟན་བྱིན་ཏེ་བྲམ་ཟེ་མོ་ལ་སྨྲས་པ། ཁྱེད་ཤེས་པར་གྱིས་ཤིག། འདི་ནི། ཁོ་བོའི་ཕུ་བོ་ཉི་ཟླ་ཞེས་བྱ་བ་ཡིན་གྱི། ཁྱོད་ཀྱིས་འདི་ལ་མཁོ་བ་ཐམས་ཅད་བསྟབ་པར་བྱ་ཞིང ། ཚིག་མི་བཅག་པ་དང ། རྟག་ཏུ་གུས་པ་དང་བཅས་པར་གྱིས་ཤིག། དེས་ཀྱང་ཁས་བླངས་སོ། །ཉི་ཟླ་ནི། དེས་ཤིང་འགྲོགས་ན་བདེ་བ་ཡིན་ལ། ཆོལ་ཟངས་པ་ནི། གཏུམ་ཞིང་གཟུ་ལུམ་དང ། དྲག་ཤུལ་ཅན་ཡིན་པས། དེ་ཆུང་མ་དེ་ལ་ཉེས་པ་ཅུང་ཟད་ཙམ་གྱིས་ཀྱང་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །བྲམ་ཟེ་མོ་དེས་ཉི་ཟླ་ལ་སྨྲས་པ། ཇོ་བོ། ཁྱེད་གཉིས་ནུ་མ་གཅིག་ལ་གསོལ་གསོལ་བའི་མཆེད་ལགས་ན། གང་གི་སླད་དུ་ཁྱོད་ནི། དེས་ཤིང་འགྲོགས་ན་བདེ་བ་ལགས་ལ། ཁྱོད་ཀྱི་གཅུང་པོ་འདི་ནི།
Cha44b
གཏུམ་ཞིང་གཟུ་ལུམ་དང་དྲག་ཤུལ་ཅན་ལགས་པ། འདི་ལ་རྒྱུ་ཅི་མཆིས། ཉི་ཟླས་སྨྲས་པ། སྲུ། འདིས་ཁྱིམ་གྱི་རིག་པ་མ་བཀླགས་སོ། །ཇོ་བོ། བདག་ལ་ཁྱིམ་གྱི་རིག་པ་དེ་སྩོལ་ཅིག། ཉི་ཟླས་ཚིགས་སུ་བཅད་པ་སྨྲས་པ། རིག་པས་སུ་ལའང་སྦྱིན་བྱ་མིན། །རིག་དང་བཅས་ཏེ་འཆི་བར་བྱ། །རིག་པ་རིག་དང་གུས་པ་དང ། །ནོར་གྱིས་སྦྱིན་པར་བྱ་བ་ཡིན། །བྲམ་ཟེ་མོས་སྨྲས་པ། ཇོ་བོ། ནོར་ཇི་ཙམ་གྱིས་སྩོལ་བར་མཛད། སྲུ། ཀཪྴ་པ་ཎ་ལྔ་བརྒྱས་སོ། །དེས་ཀཪྴ་པ་ཎ་ལྔ་བརྒྱ་ཐོགས་ཏེ། དེའི་རྐང་པ་གཉིས་ལ་གཏུགས་ནས་སྨྲས་པ། ཇོ་བོ། ཁྱིམ་གྱི་རིག་པ་དེ་སྩོལ་ཅིག། ཉི་ཟླས་སྨྲས་པ། སྲུ། ཇེ་ཁོ་བོ་རྫོངས་ཤིག་དང ། ནམ་འགྲོ་བའི་ཚེ་སྦྱིན་ནོ། །བྲམ་ཟེ་མོ་དེ་ཁྱིམ་ཐབ་ཀྱི་གན་དུ་སོང་སྟེ་སྨྲས་པ། རྗེའི་སྲས། ཁྱོད་ཀྱི་གཅེན་འདི་ཁྱིམ་གྱི་བྱ་བ་སེམས་པས་མི་དགའ་བར་འགྱུར་གྱི། འདི་སླར་ཐོང་ཞིག་།དེས་སྨྲས་པ། བཟང་མོ། གལ་ཏེ་དེ་ལྟ་ན། ཁྱོད་ཀྱིས་ཇེ་འདིའི་ལམ་རྒྱགས་སྟ་གོན་གྱིས་ཤིག་དང ། ཁོ་བོས་དོན་འཐུན་བཙལ་བར་བྱའོ། །དེས་རྡོ་འཇོག་ཏུ་འགྲོ་བའི་དོན་འཐུན་བཙལ་བར་བརྩམས་ནས། བྲམ་ཟེ་མོ་དེས་དེའི་ལམ་རྒྱགས་སྟ་གོན་བྱས་ནས་ཀཪྴ་པ་ཎ་ལྔ་བརྒྱ་ཐོགས་ཏེ། ཉི་ཟླའི་རྐང་པ་གཉིས་ལ་གཏུགས་ནས་སྨྲས་པ། ཇོ་བོ། ཁྱོད་བརྫང་བའི་དུས་འདི་ལགས་ཀྱི། ཁྱིམ་གྱི་རིག་པ་དེ་སྩོལ་ཅིག། ཉི་ཟླས་སྨྲས་པ། སྲུ། གང་གི་ཚེ་ཟླ་བ་ཞི་པ་ཁྱོད་ལ་རྡེག་པར་བྱེད་པ་དེའི་ཚེ་ཁྱོད་ཀྱིས་རིག་པ་འདི་བཀླག་པར་བྱའོ། །སྐྱེ་བོ་མང་པོ་གཞན་དག་དང ། །གཞན་གྱིས་ཁྱིམ་དུའང་ཤེས་གྱུར་ཅིང ། །གྲོང་སྲུང་
Cha45a
༄#། །གིས་ཀྱང་ཤེས་གྱུར་གྱིས། །ཁ་རོག་འདུག་ཅིག་ཆོལ་ཟངས་པ། །གལ་ཏེ་སྨྲས་པ། འདི་དོན་ཅི་ཞེས་ཟེར་ན། དེ་ལ་གལ་ཏེ་རྡེག་པར་བྱེད་ན། དོན་ཡང་བཤད་པར་བྱའོ། ། ཞེས་བརྗོད་པར་བྱའོ། །སྲུ། གསང་སྔགས་ཀྱི་ཚིག་དོན་དང་ལྡན་པ་འདི་དག་ནི། བརྗོད་པ་ཙམ་ཁོ་ནས་འབྲས་བུ་དང་བཅས་པར་འགྱུར་བ་ཡིན་གྱི། ཕྱིས་འགྱོད་པར་མི་འགྱུར་བར་ལེགས་པར་ཟུངས་ཤིག། བྲམ་ཟེ་མོ་དེས་ཡི་གེ་དེ་དག་ལེགས་པར་བཟུང་ནས། ཟླ་བ་ཞི་པས་ཀྱང་རྡོ་འཇོག་ཏུ་འགྲོ་བའི་དོན་འཐུན་བཙལ་ནས། ཉི་ཟླ་ལ་ཀཪྴ་པ་ཎ་དག་གིས་བགོ་བཤའ་བྱས་ཏེ་ལམ་རྒྱགས་བྱིན་ནས་དེ་སྐྱེལ་དུ་སོང་ངོ ། །བུ་མོ་དེས་བསམ་པ། ཅི། གསང་སྔགས་ཀྱི་ཚིག་འདི་དག་བདེན་ནམ་རྫུན་པ་སད་པར་བྱའོ། །སྙམ་ནས། དེས་ཟླ་བ་ཞི་བས་ཉི་ཟླ་བསྐྱལ་ཏེ་ཕྱིར་ལོག་པའི་ཚེ་བཟའ་བ་དང ། བཏུང་བ་དང ། ཁྲུས་བྱ་བ་ཅི་ཡང་སྟ་གོན་མ་བྱས་སོ། །དེ་ནས་ཟླ་བཞི་པས་སྨྲས་པ། བཟང་མོ། ཆུ་ཁྱེར་ཏེ་ཤོག་ཁྲུས་བྱའོ། །ཆུང་མས་སྨྲས་པ། རྗེའི་སྲས། ཆབ་སྟ་གོན་མ་བགྱིས་སོ། །བཟང་མོ། གལ་ཏེ་དེ་ལྟར་ན། ཟས་ཁྱེར་ཏེ་ཤོག་།བཟའོ། །རྗེའི་སྲས། དེ་ཡང་སྟ་གོན་མ་བགྱིས་སོ། །དེ་ཁྲོས་ཏེ་སྨྲས་པ། ངའི་ཕུ་བོ་འདུག་པའི་ཚེ་ན་ངས་རེ་ཞིག་ཁྱོད་བཏང་སྙོམས་སུ་བཞག་པར་ཟད་ཀྱི། ཁྱོད་ཀྱི་རང་བཞིན་ནི། མ་བརྡེགས་ཀྱི་བར་དུ་བྱེད་དུ་མི་བཏུབ་པ་ཡིན་ནོ། །ཞེས་དེས་བསྣུན་པར་གཟས་ཏེ་རྡེག་པར་བརྩམས་པ་དང ། ཆུང་མས་སྨྲས་པ། རྗེའི་སྲས། རེ་
Cha45b
ཞིག་གཞེས་ཤིག་དང ། ཁྱིམ་གྱི་རིག་པ་ཇེ་གསན་པར་བགྱིའོ། །དེས་སྨྲས་པ། ཐོས་པར་གྱིས་ཤིག། ཆུང་མས། སྐྱེ་བོ་མང་པོ་གཞན་དག་དང ། །གཞན་གྱི་ཁྱིམ་དུའང་ཤེས་གྱུར་ཅིང ། །གྲོང་སྲུང་གིས་ཀྱང་ཤེས་གྱུར་གྱི། །ཁ་རོག་འདུག་ཅིག་ཆོལ་ཟངས་པ། །ཞེས་སྨྲས་པ་དང ། དེས་སྨྲས་པ། བཟང་མོ། སྨྲས་པ་དེའི་དོན་ཅི་ཡིན། ཆུང་མས་སྨྲས་པ། གལ་ཏེ་རྡེག་པར་མཛད་ན། དོན་ཡང་ཁྱོད་ལ་བརྗོད་པར་བགྱིའོ། །དེ་རི་དྭགས་གནད་དུ་ཕོག་པ་ལྟར་ཟུག་རྔུས་ཟུག་ནས་སྨྲས་པ། མི་རྡེག་གི། ཐོང་ལ་དོན་མ་སྨྲ་ཞིག་ཅེས་ཟེར་རོ། །དགེ་སློང་དག་།དེའི་ཚེ་དེའི་དུས་ན་བྲམ་ཟེ་ཟླ་གྲགས་ཞེས་བྱ་བ་གང་ཡིན་པ་དེ་ནི། ང་ཉིད་ཡིན་ནོ། །དེའི་ཚེ་དེའི་དུས་ན་ཆོལ་ཟངས་པ་ཞེས་བྱ་བ་གང་ཡིན་པ་དེ་ནི། འདུན་པ་འདི་ཡིན་ནོ། །དགེ་སློང་དག། དེའི་ཚེ་ཡང་འདིས་བྲམ་ཟེ་དང་ཁྱིམ་བདག་དེས་པ་དེས་པ་དག་གི་མདུན་དུ་ང་ཉེ་དུར་བརྗོད་ཅིང ། བདག་ཉིད་སྨྲ་བ་དང ། རྣམ་པར་སྨྲ་བ་བྱས་སོ། །ད་ལྟར་ཡང་འདིས་ཚངས་པ་མཚུངས་པར་སྤྱོད་པ་དེས་པ་དེས་པ་རྣམས་ཀྱི་མདུན་དུ་ང་ཉེ་དུར་བརྗོད་ཅིང ། བདག་ཉིད་སྨྲ་བ་དང་རྣམ་པར་སྨྲ་བར་བྱེད་དོ། །དགེ་སློང་དག། དེ་ལྟ་བས་ན། ང་ལ་ཉེ་དུར་བརྗོད་པ་རྣམས་ཀྱིས་ཚངས་པ་མཚུངས་པར་སྤྱོད་པ་གནས་བརྟན་རྣམས་དང ། བར་མ་རྣམས་དང ། གསར་བུ་རྣམས་ལ་ཡང་གུས་པ་དང་བཅས་པ་དང ། རྗེ་ས་དང་བཅས་པ་དང ། འཇིགས་པ་དང་བཅས་པའི་དབང་དུ་གྱུར་པ་དག་གིས་གནས་པར་བྱའོ། །བཀའ་བློ་མི་བདེ་བའི་དགེ་འདུན་ལྷག་མ་སྟེ། བཅུ་གསུམ་པ་
Cha46a
༄#། །རྫོགས་སོ།། །།ཚེ་དང་ལྡན་པ་དག་།བདག་གིས་དགེ་འདུན་ལྷག་མའི་ཆོས་བཅུ་གསུམ་པོ་དག་བཏོན་ཟིན་ཏོ། །དེ་དག་ལས་དགུ་ནི། ལྟུང་བ་དང་པོ་བདག་ཉིད་ཀྱིས་སོ། །བཞི་ནི། ལན་གསུམ་གྱི་བར་གྱིས་སོ། །དགེ་སློང་གིས་དེ་དག་ལས་ལྟུང་བ་གང་ཡང་རུང་བ་ཞིག་བྱས་ལ། ཇི་སྲིད་དུ་ཤེས་བཞིན་དུ་འཆབ་པར་བྱེད་པ་དེ་སྲིད་དུ་དེས་མི་འདོད་བཞིན་དུ་སྤོ་བ་བྱའོ། །དགེ་སློང་གིས་མི་འདོད་བཞིན་དུ་སྤོ་བ་བྱས་ནས་འོག་ཏུ་ཞག་དྲུག་གི་བར་དུ་དགེ་འདུན་མགུ་བར་བྱ་བ་སྤྱད་པར་བྱའོ། །དགེ་སློང་གིས་མགུ་བར་བྱ་བ་སྤྱད་ནས་དབྱུང་བ་ལ་ཐོགས་ཏེ་ཆོས་དང་མཐུན་པར་བྱས་ལ། དགེ་སློང་གི་དགེ་འདུན་གྱི་སེམས་མགུ་བར་བྱས་ནས། གང་ན་དགེ་སློང་ཉི་ཤུའི་ཚོགས་ཀྱི་དགེ་འདུན་ཡོད་པ་དེར་དགེ་སློང་དེ་དབྱུང་བར་བྱའོ། ། གལ་ཏེ་དགེ་སློང་ཉི་ཤུར་གཅིག་གིས་མ་ཚང་བའི་ཚོགས་ཀྱི་དགེ་འདུན་གྱིས་དགེ་སློང་དེ་འབྱིན་པར་བྱེད་ན། དགེ་སློང་དེ་ཡང་མ་ཕྱིན་ལ། དགེ་སློང་དེ་དག་ཀྱང་སྨད་པར་བྱ་བ་ཡིན་ཏེ། དེ་ལ་དེ་ནི། ཆོ་ག་ཡིན་ནོ། །དགེ་འདུན་ལྷག་མ་རྣམས་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་ནས་མཐར་གྱིས་མཉན་ཡོད་དུ་བསོད་སྙོམས་ལ་རྒྱུ་
Cha46b
པ་ན། ཁྱིམ་བདག་གི་ཆུང་མ་སྦེད་མའི་ཁྱིམ་ག་ལ་བ་དེར་སོང་ངོ ། །ཁྱིམ་བདག་གི་ཆུང་མ་སྦེད་མས་ཚེ་དང་ལྡན་པ་འཆར་ཀ་ཐག་རིང་པོ་ཁོ་ན་ནས་མཐོང་སྟེ། མཐོང་ནས་ཀྱང་ཚེ་དང་ལྡན་པ་འཆར་ཀའི་ཕྱིར་སྟན་ཤོམ་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །བཙུན་པ་འཆར་ཀ་ཚུར་སྤྱོན། བཙུན་པ་འཆར་ཀ་བྱོན་པ་ལེགས་སོ། །བཙུན་པ་འཆར་ཀ་གདན་བཤམས་པ་ཉིད་ལ་བཞུགས་ཤིག་།ཚེ་དང་ལྡན་པ་འཆར་ཀ་སྟན་བཤམས་པ་དེ་ལ་འདུག་གོ། དེ་ནས་ཁྱིམ་བདག་གི་ཆུང་མ་སྦེད་མས་ཚེ་དང་ལྡན་པ་འཆར་ཀའི་རྐང་པ་གཉིས་ལ་མགོ་བོས་ཕྱག་འཚལ་ཏེ། པུས་མོ་གཉིས་ལ་པུས་མོ་གཉིས་གཏད་དེ། ཆོས་མཉན་པའི་ཕྱིར་འདུག་གོ་།ཚེ་དང་ལྡན་པ་འཆར་ཀས་དེ་ཆོས་སྙན་པ་སྙན་པ་དག་བསྟན་པར་བརྩམས་སོ། །དེའི་ཚེ་ན་རི་དྭགས་འཛིན་གྱི་མ་ས་ག་ཁྱིམ་དེའི་ཉེ་འཁོར་ན་འགྲོ་བས། རི་དྭགས་འཛིན་གྱི་མ་ས་གས་ཁྱིམ་བདག་ཆུང་མ་སྦེད་མའི་ཁྱིམ་ན་ཚེ་དང་ལྡན་པ་འཆར་ཀའི་སྐད་ཀྱི་གདངས་གྲགས་པ་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། ཀྱེ་མ། འཕགས་པ་འཆར་ཀ་སྐད་ཀྱི་གདངས་ཀྱིས་ཁྱིམ་བདག་གི་ཆུང་མ་སྦེད་མ་ལ་སྦྲང་བུ་སྦྲང་རྩི་འབྱིན་པ་དང་འདྲ་བར་ཆོས་སྙན་པ་སྙན་པ་དག་སྟོན་པར་བྱེད་ཀྱི། བདག་ཀྱང་གཞན་ལ་བརྩམས་པའི་ཆོས་མཉན་པའི་ཕྱིར་འགྲོའོ། །སྙམ་མོ། ། དེ་ནས་རི་དྭགས་འཛིན་གྱི་མ་ས་ག་ཁྱིམ་བདག་གི་ཆུང་མ་སྦེད་མའི་ཁྱིམ་ག་ལ་བ་དེར་སོང་བ་དང་རི་དྭགས་འཛིན་གྱི་མ་ས་གས་ཁྱིམ་བདག་གི་ཆུང་མ་སྦེད་མ། ཚེ་དང་ལྡན་པ་འཆར་ཀའི་པུས་མོ་གཉིས་
Cha47a
༄#། །ལ་པུས་མོ་གཉིས་གཏད་དེ་ཆོས་མཉན་པའི་ཕྱིར་འདུག་པ་མཐོང་ངོ ། །མཐོང་ནས་ཀྱང་དེ་འདི་སྙམ་དུ་སེམས་ཏེ། གལ་ཏེ་དེ་ཁྱིམ་བདག་གམ། ཁྱིམ་བདག་གི་ཆུང་མའམ། ཁྱིམ་བདག་གི་བུ་མ་དད་པ་འགའ་ཞིག་གིས་འདི་མཐོང་བར་གྱུར་ན། འཕགས་པ་འཆར་ཀ་འདིས་ཁྱིམ་བདག་གི་ཆུང་མ་སྦེད་མ་དང་ལྷན་ཅིག་དབེན་པ་སྐྱབས་ཡོད་པར་དགེ་སྦྱོང་གི་ཚུལ་མ་ཡིན་པ།་སྡིག་པའི་ལས་ཅུང་ཞིག་བྱས་སམ། བྱེད་པར་སེམས་སོ། །སྙམ་དུ་གདོན་མི་ཟ་བར་མཐར་ཐུག་པར་འགྲོ་བར་འགྱུར་བས། དེའི་ཕྱིར་འདི་ནི། བདག་གི་བྱ་བ་ཡིན་ནོ། །སྙམ་ནས། དེ་ནས་རི་དྭགས་འཛིན་གྱི་མ་ས་ག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་བཅོམ་ལྡན་འདས་ལ་རི་དྭགས་འཛིན་གྱི་མ་ས་གས་འདི་སྐད་ཅེས་གསོལ་ཏོ། །བཙུན་པ། བདག་གིས་ཁྱིམ་བདག་གི་མཆིས་བྲང་སྦེད་མའི་སྡུམ་པ་ན། ཚེ་དང་ལྡན་པ་འཆར་ཀའི་སྐད་ཀྱི་གདངས་གྲགས་པ་ཐོས་ཏེ། ཐོས་ནས་ཀྱང་བདག་འདི་སྙམ་དུ་བགྱིད་དེ། ཀྱེ་མ། འཕགས་པ་འཆར་ཀ་ཁྱིམ་བདག་གི་མཆིས་བྲང་སྦེད་མ་ལ་སྦྲང་བུ་སྦྲང་རྩི་འབྱིན་པ་དང་འདྲ་བར་ཆོས་སྙན་པ་སྙན་པ་དག་སྟོན་པར་བགྱིད་ཀྱི། བདག་ཀྱང་གཞན་ལ་བརྩམས་པའི་ཆོས་མཉན་པའི་སླད་དུ་མཆིའོ། །སྙམ་ནས། བདག་ཀྱང་ཁྱིམ་བདག་གི་མཆིས་བྲང་སྦེད་མའི་སྡུམ་པ་ག་ལ་བ་དེར་མཆིས་པ་དང ། བདག་གིས་
Cha47b
ཁྱིམ་བདག་གི་མཆིས་བྲང་སྦེད་མ་ཚེ་དང་ལྡན་པ་འཆར་ཀའི་པུས་མོ་གཉིས་ལ་པུས་མོ་གཉིས་གཏད་དེ་མཆིས་པ་མཐོང་ངོ ། །མཐོང་ནས་ཀྱང་བདག་འདི་སྙམ་དུ་བགྱིད་དེ། གལ་ཏེ་ཁྱིམ་བདག་གམ། ཁྱིམ་བདག་གི་མཆིས་བྲང་ངམ། ཁྱིམ་བདག་གི་བུ་མ་དད་པ་འགའ་ཞིག་གིས་འདི་མཐོང་བར་གྱུར་ན། འཕགས་པ་འཆར་ཀ་འདིས་ཁྱིམ་བདག་གི་མཆིས་བྲང་སྦེད་མ་དང་ལྷན་ཅིག་དབེན་པ་སྐྱབས་མཆིས་པར་དགེ་སྦྱོང་གི་ཚུལ་མ་ལགས་པ། སྡིག་པའི་ལས་ཅུང་ཞིག་བགྱིས་སམ། བགྱིད་པར་སེམས་སོ། །སྙམ་དུ་གདོན་མི་འཚལ་བར་མཐར་ཐུག་པར་མཆི་བར་འགྱུར་བས། དེའི་སླད་དུ་འདི་ནི། བདག་གི་བགྱི་བ་ལགས་སོ། །སྙམ་དུ་བགྱིད་ན། བཙུན་པ། དེའི་སླད་དུ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་མཆིས་པ་ན་སྟན་ལ་མཆིས་པར་མི་འགྱུར་བར་འཕགས་པ་རྣམས་ལ་དྲན་པར་བགྱི་བ་ཅུང་ཞིག་བཅའ་བར་མཛད་ན་ལེགས་སོ་ལེགས་སོ། །བཅོམ་ལྡན་འདས་ཀྱིས་རི་དྭགས་འཛིན་གྱི་མ་ས་ག་ལ་ཅང་མི་གསུང་བས་གནང་ངོ ། །དེ་ནས་རི་དྭགས་འཛིན་གྱི་མ་ས་གས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་སོང་ངོ ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ།།
Cha48a
༄#། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་སྨྲས་པ། འཆར་ཀ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་བྱ་བ་ལ་སོགས་པས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན། འདོད་པ་བྱར་རུང་བར་སྟན་ལ་འདུག་པར་བྱེད་ཅིང ། དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གསུམ་པོ་ཕམ་པར་འགྱུར་བའམ། དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་སྨྲས་པར་གྱུར་ལ། དགེ་སློང་གིས་འདུག་པར་ཁས་བླངས་ན། ཆོས་གསུམ་པོ་ཕམ་པར་འགྱུར་བའམ། དགེ་འདུན་ལྷག་མའམ།
Cha48b
ལྟུང་བྱེད་ལས་ཆོས་གང་ཡང་རུང་བས་བྱེད་དུ་གཞུག་ཅིང ། དགེ་སློང་དེ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གང་དང་གང་གིས་སྨྲས་པར་གྱུར་པའི་ཆོས་དེ་དང་དེས། དགེ་སློང་དེ་བྱེད་དུ་གཞུག་སྟེ། དེ་ནི། མ་ངེས་པའི་ཆོས་སོ། །ཡང ། དགེ་སློང་གང་ཞེས་བྱ་བ་ནི། འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །བུད་མེད་ཀྱི་ཡུལ་དང་ཞེས་བྱ་བ་ནི། བུད་མེད་དམ། གཞོན་ནུ་མ་མི་ཚངས་པར་སྤྱད་པ་ལས་བྱུང་བའི་ཆོས་བསྟེན་ནུས་པ་དང་ངོ ། །ལྷན་ཅིག་ཅེས་བྱ་བ་ནི། དེ་དང་ལྷན་ཅིག་གོ་།གཅིག་པུ་གཅིག་དང་ཞེས་བྱ་བ་ནི། དེ་དེ་དང་ངོ ། །དབེན་པ་ཞེས་བྱ་བ་ནི། གང་ན་བུད་མེད་དང ། སྐྱེས་པ་དང ། མ་ནིང་གཞན་འགའ་ཡང་མེད་པའོ། །སྐྱབས་ཡོད་པ་ན་ཞེས་བྱ་བ་ནི། ལྔས་བསྐྱབས་པ་ན་སྟེ། རྩིག་པས་བསྐྱབས་པ་དང ། རིབ་མས་བསྐྱབས་པ་དང ། ཡོལ་བས་བསྐྱབས་པ་དང ། ཐིབས་པོས་བསྐྱབས་པ་དང ། མཚན་མོས་བསྐྱབས་པ་ནའོ། །འདོད་པ་བྱར་རུང་བར་ཞེས་བྱ་བ་ནི། མི་ཚངས་པར་སྤྱོད་པ་བྱར་རུང་བར་རོ། །སྟན་ལ་ཞེས་བྱ་བ་ནི། གཞི་ལའོ། །འདུག་པར་བྱེད་ཅིང་ཞེས་བྱ་བ་ནི། འདོམ་གང་གི་ནང་དུ་རྐུབ་ཚོས་འཇོག་པར་བྱེད་ཅིང་ངོ ། །དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཞེས་བྱ་བ་ལ། ཡིད་ཆེས་པ་ཞེས་བྱ་བ་ནི། སངས་རྒྱས་ལ་མངོན་པར་དད་པ་དང ། ཆོས་དང ། དགེ་འདུན་ལ་མངོན་པར་དད་པ་དང ། སངས་རྒྱས་ལ་སྐྱབས་སུ་སོང་བ་དང ། ཆོས་དང ། དགེ་འདུན་ལ་སྐྱབས་སུ་སོང་བ་དང ། སངས་རྒྱས་ལ་གཅིག་ཏུ་གྱུར་བ་དང ། ཆོས་དང ། དགེ་འདུན་ལ་གཅིག་
Cha49a
༄#། །ཏུ་གྱུར་པ་དང ། སངས་རྒྱས་ལ་ནེམ་ནུར་མེད་ཅིང་ཐེ་ཚོམ་མེད་པ་དང ། ཆོས་དང ། དགེ་འདུན་དང ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་ལ་ནེམ་ནུར་མེད་ཅིང་ཐེ་ཚོམ་མེད་པ་དང ། བདེན་པ་མཐོང་བ་དང ། འབྲས་བུ་ཐོབ་པ་དང ། མངོན་པར་རྟོགས་པ་དང་ལྡན་པ་དང ། གང་གིས་རང་གི་སྲོག་གི་ཕྱིར་ཡང་ཤེས་བཞིན་དུ་རྫུན་གྱི་ཚིག་སྨྲ་བར་མི་ནུས་པའོ། །ཆོས་གསུམ་པོ་ཞེས་བྱ་བ་ལ། གསུམ་པོ་ཞེས་བྱ་བ་ནི། གྲངས་བསྟན་པའོ། །ཕམ་པར་འགྱུར་བའམ། དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་ཞེས་བྱ་བ་ལ།་ཕམ་པར་འགྱུར་བ་ཞེས་བྱ་བ་ནི། བཞི་པོ་དག་ལས་གང་ཡང་རུང་བས་སོ། །དགེ་འདུན་ལྷག་མ་ཞེས་བྱ་བ་ནི། བཅུ་གསུམ་པོ་དག་ལས་གང་ཡང་རུང་བས་སོ། །ལྟུང་བྱེད་ཅེས་བྱ་བ་ནི། དགུ་བཅུ་པོ་དག་ལས་གང་ཡང་རུང་བས་སོ། །འདི་ལྟར། དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ནི། ལྟུང་བ་ལ་མི་མཁས་པ་དང ། ལྟུང་བའི་གླེང་གཞི་ལ་མི་མཁས་པ་དང ། ལྟུང་བ་ཀུན་ནས་སློང་བ་ལ་མི་མཁས་པ་ཡིན་པས། འདི་ལྟར། དེས་དགེ་སློང་མའི་ཆོས་བླ་མ་སྨྲ་བའམ། བུད་མེད་ཀྱི་ཡུལ་དང་ལྷན་ཅིག་སྟན་ཅིག་ལ་ལུས་ཀྱིས་རེག་པར་བྱེད་པའམ། སྣོད་གཅིག་ཏུ་ཟ་བར་བྱེད་པའམ་ཕོར་བུ་གཅིག་ཏུ་མྱོས་པར་འགྱུར་པའི་བཏུང་བ་སྣ་ཚོགས་འཐུང་བའམ། ས་རྐོ་བའམ། རྩཝ་སྔོན་པོ་གཅོད་པའམ། དུས་མ་ཡིན་པར་ཟ་བའམ། གཞན་ཡང ། རང་བཞིན་དང་བཅས་པའི་ཁ་ན་མ་ཐོ་བ་
Cha49b
དང་བཅས་པའི་ལས་གང་བྱེད་པར་མཐོང་བ་དེ་དག་ལས། གང་ཁས་བླངས་པ་དེ་བྱེད་དུ་གཞུག་པའོ། །བྱེད་དུ་གཞུག་ཅེས་བྱ་བ་ནི། འཆགས་སུ་གཞུག་པའོ། །དེ་ནི་མ་ངེས་པའི་ཆོས་སོ། །ཞེས་བྱ་བ་ནི། དེ་ནི།་རྣམ་པར་མ་བཞག་པའི་ཆོས་ཡིན་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཁས་ལེན་ཅིང ། འགྲེང་བ་ཡང་མི་ལེན། འདུག་པ་ཡང་མི་ལེན། ཉལ་བ་ཡང་མི་ལེན་ན། གང་ཁས་ལེན་པ་དེ་བྱེད་དུ་གཞུག་གོ། དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་དང་འགྲེང་བ་ཁས་ལེན་ཅིང ། འདུག་པ་ཡང་མི་ལེན། ཉལ་བ་ཡང་མི་ལེན་ན། གང་ཁས་ལེན་པ་དེ་བྱེད་དུ་གཞུག་གོ། དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་དང ། འགྲེང་བ་དང ། འདུག་པ་ཁས་ལེན་ཅིང ། ཉལ་བ་མི་ལེན་ན། གང་ཁས་ལེན་པ་དེ་བྱེད་དུ་གཞུག་གོ། དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་དང ། འགྲེང་བ་དང ། འདུག་པ་དང ། ཉལ་བ་ཁས་ལེན་ན། ཐམས་ཅད་བྱེད་དུ་གཞུག་གོ། གལ་ཏེ་དགེ་སློང་གིས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཡང་ཁས་མི་ལེན་ཅིང ། འགྲེང་བ་ཡང་མི་ལེན། འདུག་པ་ཡང་མི་ལེན། ཉལ་བ་ཡང་མི་ལེན་ན། དེ་ལ་ཆད་པའི་ལས་འོས་པ་ཡིན་པས་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྦྱིན་པར་བྱའོ། །འདི་ལྟར་སྦྱིན་པར་
Cha50a
༄#། །བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་འདུན་ཐམས་ཅད་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འཆར་ཀ་འདི་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཡང་མཆིད་ཀྱི་མི་འཚལ། འགྲེང་བ་ཡང་མི་འཚལ། འདུག་པ་ཡང་མི་འཚལ། ཉལ་བ་ཡང་མི་འཚལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩོལ་ཏོ། །འདི་ནི། གསོལ་བའོ།། ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འཆར་ཀ་འདི་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་འགྲོ་བ་ཡང་མཆིད་ཀྱིས་མི་འཚལ། འགྲེང་བ་ཡང་མི་འཚལ། འདུག་པ་ཡང་མི་འཚལ། ཉལ་བ་ཡང་མི་འཚལ་ཏེ། དེ་སླད་དུ་དགེ་འདུན་གྱིས་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩོལ་ན། ཚེ་དང་ལྡན་པ་གང་དག་།ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་འཚོལ་དུ་
Cha50b
གཞུག་པ་སྩལ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས་དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་ཚེ་དང་ལྡན་པ་འཆར་ཀ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་དེའི་ངོ་བོ་ཉིད་ཚོལ་དུ་གཞུག་པ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག། ངས་དགེ་སློང་དེའི་ངོ་བོ་ཉིད་ཚོལ་དུ་གཞུག་པ་བྱིན་པའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་དེའི་ངོ་བོ་ཉིད་ཚོལ་དུ་གཞུག་པ་བྱིན་པས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ། གནས་སྦྱིན་པར་མི་བྱ། དགེ་ཚུལ་ཉེ་བར་གཞག་པར་མི་བྱའོ། །དེས་དགེ་སློང་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། ཆོ་ག་ཉམས་པ་དང ། འཚོ་བ་ཉམས་པས་གླེང་བར་མི་བྱ། དྲན་པར་མི་བྱའོ། །དགེ་སློང་མ་ལ་སྟོན་པར་བསྐོ་བར་མི་བྱའོ། །སྔར་བསྐོས་ན་ཡང་དེས་དགེ་སློང་མ་ལ་བསྟན་པར་མི་བྱའོ། །དེས་གདམས་ངག་གཞག་པར་མི་བྱ། གསོ་སྦྱོང་གཞག་པར་མི་བྱ། དགག་དབྱེ་གཞག་པར་མི་བྱའོ། །དེས་གསོལ་བ་མི་བྱ། གསོལ་བ་དང་གཉིས་དང ། གསོལ་བ་དང་བཞིའི་ལས་མི་བྱའོ། །དེས་དགེ་འདུན་གྱི་ནང་དུ་གང་ཟག་འདུལ་བ་འཛིན་པ་གཞན་དག་ཡོད་ན། སོ་སོར་ཐར་པའི་མདོ་གདོན་པར་མི་བྱའོ། །དགེ་སློང་དེའི་ངོ་བོ་ཉིད་ཚོལ་དུ་གཞུག་པ་བྱིན་པས་ཀུན་ཏུ་སྤྱད་པར་བྱ་བའི་ཆོས་ཇི་ལྟར་བཅས་པ་ཡང་
Cha51a
༄#། །དག་པར་བླངས་ཏེ། འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །མ་ངེས་པའི་ཆོས་དང་པོ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །དེ་ནས་དགེ་སློང་ཤ་རི་ཀ་སྔ་དྲོ་ཤམ་ཐབས་དགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་ནས། མཐར་གྱིས་རྒྱལ་པོའི་ཁབ་ཏུ་བསོད་སྙོམས་རྒྱུ་བ་ན་ཁྱིམ་བདག་གི་ཆུང་མ་གསོ་སྦྱོང་འཕགས་ཀྱི་ཁྱིམ་ག་ལ་བ་དེར་སོང་ངོ ། ཁྱིམ་བདག་གི་ཆུང་མ་གསོ་སྦྱོང་འཕགས་ཀྱིས། དགེ་སློང་ཤ་རི་ཀ་ཐག་རིང་པོ་ཁོ་ན་ནས་མཐོང་སྟེ། མཐོང་ནས་ཀྱང་དགེ་སློང་ཤ་རི་ཀའི་ཕྱིར་སྟན་ཤོམ་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །བཙུན་པ་ཤ་རི་ཀ་ཚུར་སྤྱོན། བཙུན་པ་ཤ་རི་ཀ་བྱོན་པ་ལེགས་སོ། །བཙུན་པ་ཤ་རི་ཀ་གདན་བཤམས་པ་ཉིད་ལ་བཞུགས་ཤིག་།དགེ་སློང་ཤ་རི་ཀ་སྟན་བཤམས་པ་དེ་ལ་འདུག་གོ། དེ་ནས་ཁྱིམ་བདག་གི་ཆུང་མ་གསོ་སྦྱོང་འཕགས་ཀྱིས། དགེ་སློང་ཤ་རི་ཀའི་རྐང་པ་གཉིས་ལ་མགོ་བོས་ཕྱག་འཚལ་ཏེ། པུས་མོ་གཉིས་ལ་པུས་མོ་གཉིས་མ་རེག་པར་ཆོས་མཉན་པའི་ཕྱིར་འདུག་གོ་།དགེ་སློང་ཤ་རི་ཀས་དེ་ལ་ཆོས་སྙན་པ་སྙན་པ་དག་བསྟན་པར་བརྩམས་སོ། །དེའི་ཚེ་ན་དགེ་བསྙེན་མ་ལེགས་སྐྱེས་དེའི་ཉེ་འཁོར་ན་འགྲོ་བས་དགེ་བསྙེན་མ་ལེགས་སྐྱེས་ཀྱི། ཁྱིམ་བདག་གི་ཆུང་མ་གསོ་སྦྱོང་འཕགས་ཀྱི་ཁྱིམ་ན། དགེ་སློང་ཤ་རི་ཀའི་སྐད་ཀྱི་གདངས་གྲགས་པ་ཐོས་སོ། །
Cha51b
ཐོས་ནས་ཀྱང་དེ་འདི་སྙམ་དུ་སེམས་ཏེ། ཀྱེ་མ། འཕགས་པ་ཤ་རི་ཀ་སྐད་ཀྱི་གདངས་ཀྱིས་ཁྱིམ་བདག་གི་ཆུང་མ་གསོ་སྦྱོང་འཕགས་ལ་སྦྲང་བུ་སྦྲང་རྩི་འབྱིན་པ་དང་འདྲ་བར་ཆོས་སྙན་པ་སྙན་པ་དག་སྟོན་པར་བྱེད་ཀྱི། བདག་ཀྱང་གཞན་ལ་བརྩམས་པའི་ཆོས་མཉན་པའི་ཕྱིར་འགྲོའོ། །སྙམ་མོ། །དེ་ནས་དགེ་བསྙེན་མ་ལེགས་སྐྱེས་ཁྱིམ་བདག་གི་ཆུང་མ་གསོ་སྦྱོང་འཕགས་ཀྱི་ཁྱིམ་ག་ལ་བ་དེར་སོང་བ་དང ། དགེ་བསྙེན་མ་ལེགས་སྐྱེས་ཀྱིས་ཁྱིམ་བདག་གི་ཆུང་མ་གསོ་སྦྱོང་འཕགས་དགེ་སློང་ཤ་རི་ཀའི་པུས་མོ་གཉིས་ལ་པུས་མོ་གཉིས་མ་རེག་པར་ཆོས་མཉན་པའི་ཕྱིར་འདུག་པ་མཐོང་ངོ ། །མཐོང་ནས་ཀྱང་དེ་འདི་སྙམ་དུ་སེམས་ཏེ། གལ་ཏེ་ཁྱིམ་བདག་གམ། ཁྱིམ་བདག་གི་ཆུང་མའམ། ཁྱིམ་བདག་གི་བུ་མ་དད་པ་འགའ་ཞིག་གིས་འདི་མཐོང་བར་གྱུར་ན། འཕགས་པ་ཤ་རི་ཀ་འདིས་ཁྱིམ་བདག་གི་ཆུང་མ་གསོ་སྦྱོང་འཕགས་དང་ལྷན་ཅིག་དབེན་པ་སྐྱབས་ཡོད་པར་དགེ་སྦྱོང་གི་ཚུལ་མ་ཡིན་པ། སྡིག་པའི་ལས་ཅུང་ཞིག་བྱས་སམ། བྱེད་པར་སེམས་སོ། །སྙམ་དུ་གདོན་མི་ཟ་བར་མཐར་ཐུག་པར་འགྲོ་བར་འགྱུར་བས། དེའི་ཕྱིར་འདི་ནི། བདག་གི་བྱ་བ་ཡིན་ནོ། །སྙམ་ནས། དེ་ནས་དགེ་བསྙེན་མ་ལེགས་སྐྱེས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་དགེ་བསྙེན་མ་ལེགས་སྐྱེས་ཀྱིས་འདི་སྐད་ཅེས་གསོལ་ཏོ། །བཙུན་པ། བདག་གིས་ཁྱིམ་བདག་གི་
Cha52a
༄#། །མཆིས་བྲང་གསོ་སྦྱོང་འཕགས་ཀྱི་སྡུམ་པ་ན་འཕགས་པ་ཤ་རི་ཀའི་སྐད་ཀྱི་གདངས་གྲགས་པ་ཐོས་ཏེ། ཐོས་ནས་ཀྱང་བདག་ཉིད་འདི་སྙམ་བགྱིད་དེ། ཀྱེ་མ། འཕགས་པ་ཤ་རི་ཀ་ཁྱིམ་བདག་གི་མཆིས་བྲང་མོ་གསོ་སྦྱོང་འཕགས་ལ་སྦྲང་བུ་སྦྲང་རྩི་འབྱིན་པ་དང་འདྲ་བར་ཆོས་སྙན་པ་སྙན་པ་དག་སྟོན་པར་བགྱིད་ཀྱི། བདག་ཀྱང་གཞན་ལ་བརྩམས་པའི་ཆོས་མཉན་པའི་སླད་དུ་མཆིའོ། ། སྙམ་ནས། བདག་ཁྱིམ་བདག་གི་མཆིས་བྲང་གསོ་སྦྱོང་འཕགས་ཀྱི་སྡུམ་པ་ག་ལ་བ་དེར་མཆིས་པ་དང ། བདག་གིས་ཁྱིམ་བདག་གི་མཆིས་བྲང་གསོ་སྦྱོང་འཕགས་དགེ་སློང་ཤ་རི་ཀའི་པུས་མོ་གཉིས་ལ་པུས་མོ་གཉིས་མ་རེག་པར་མཆིས་པ་མཐོང་ངོ ། །མཐོང་ནས་ཀྱང་བདག་འདི་སྙམ་བགྱིད་དེ། གལ་ཏེ་ཁྱིམ་བདག་གམ། ཁྱིམ་བདག་གི་མཆིས་བྲང་ངམ། ཁྱིམ་བདག་གི་བུ་མ་དད་པ་འགའ་ཞིག་གིས་འདི་མཐོང་བར་གྱུར་ན། འཕགས་པ་ཤ་རི་ཀ་འདིས་ཁྱིམ་བདག་གི་མཆིས་བྲང་གསོ་སྦྱོང་འཕགས་དང་ལྷན་ཅིག་དབེན་པ་སྐྱབས་མཆིས་པར་དགེ་སྦྱོང་གི་ཚུལ་མ་ལེགས་པ། སྡིག་པའི་ལས་ཅུང་ཞིག་བགྱིས་སམ། བགྱིད་པར་སེམས་སོ། །སྙམ་དུ་གདོན་མི་འཚལ་བར་མཐར་ཐུག་པར་མཆིས་པར་འགྱུར་བས། དེའི་སླད་དུ་འདི་ནི། བདག་གི་བགྱི་བ་ལགས་སོ། །སྙམ་བགྱིད་ནས། བཙུན་པ། དེའི་སླད་དུ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་མཆིས་པ་ན། སྟན་ལ་མཆིས་པར་མི་
Cha52b
འགྱུར་བར་འཕགས་པ་རྣམས་ལ་དྲན་པར་བགྱི་བ་ཅུང་ཞིག་བཅའ་བ་མཛད་ན་ལེགས་སོ་ལེགས་སོ། །བཅོམ་ལྡན་འདས་ཀྱིས་དགེ་བསྙེན་མ་ལེགས་སྐྱེས་ལ་ཅང་མི་གསུང་བས་གནང་ངོ ། །དེ་ནས་དགེ་བསྙེན་མ་ལེགས་སྐྱེས་ཀྱིས། བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། སྟན་ལས་ལངས་ནས་སོང་ངོ ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་ཤ་རི་ཀ་ལ་རྨས་པ། ཤ་རི་ཀ་ཁྱོད་ཀྱི་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སློང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་བྱ་བ་ལ་སོགས་པས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་
Cha53a
༄#། །པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུ་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འདོད་པ་བྱར་མི་རུང་བར་སྟན་ལ་འདུག་པར་བྱེད་ཅིང ། དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གཉིས་པོ་དགེ་འདུན་ལྷག་མའམ་ལྟུང་བྱེད་ལས་ཆོས་གང་ཡང་རུང་བས་སྨྲས་པར་གྱུར་ལ། དགེ་སློང་གིས་འདུག་པར་ཁས་བླངས་ན། ཆོས་གཉིས་པོ་དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་བྱེད་དུ་གཞུག་ཅིང ། དགེ་སློང་དེ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གང་དང་གང་གིས་སྨྲས་པར་གྱུར་པའི་ཆོས་དེ་དང་དེ། དགེ་སློང་དེ་བྱེད་དུ་གཞུག་སྟེ། དེ་ཡང་མ་ངེས་པའི་ཆོས་སོ། །ཡང ། དགེ་སློང་གང་ཞེས་བྱ་བ་ནི། ཤ་རི་ཀའམ། གཞན་ཡང་དེ་ལྟ་བུ་གང་ཡིན་བའོ། །བུད་མེད་ཀྱི་ཡུལ་དང་ཞེས་བྱ་བ་ནི། བུད་མེད་དམ། གཞོན་ནུ་མ་མི་ཚངས་པར་སྤྱད་པ་ལས་བྱུང་བའི་ཆོས་བསྟེན་ནུས་པ་དང་ངོ ། །ལྷན་ཅིག་ཅེས་བྱ་བ་ནི། དེ་དང་ལྷན་ཅིག་གོ། གཅིག་པུ་གཅིག་དང་ཞེས་བྱ་བ་ནི། དེ་དེ་དང་ངོ ། །དབེན་པ་ཞེས་བྱ་བ་ནི། གང་ན་ཡང་བུད་མེད་དང ། སྐྱེས་པ་དང ། མ་ནིང་གཞན་འགའ་ཡང་མེད་པའོ། །སྐྱབས་ཡོད་པ་ཞེས་བྱ་བ་ནི། ལྔས་བསྐྱབས་པ་སྟེ། རྩིག་པ་སྐྱབས་པ་དང ། རིབ་མས་བསྐྱབས་པ་དང ། ར་བས་བསྐྱབས་པ་དང ། ཐིབས་པོས་བསྐྱབས་པ་དང ། མཚན་མོས་བསྐྱབས་པ་ནའོ། །འདོད་པ་བྱར་མི་རུང་བར་ཞེས་བྱ་བ་ནི། མི་ཚངས་
Cha53b
པར་སྤྱོད་པ་བྱར་མི་རུང་བར་རོ། །སྟན་ལ་ཞེས་བྱ་བ་ནི། ཁྲི་དང་ཁྲིའུ་ལའོ། །འདུག་པར་བྱེད་ཅིང་ཞེས་བྱ་བ་ནི། འདོམ་གང་གི་ནང་མ་ཡིན་པར་རྐུབ་ཚོས་འཇོག་པར་བྱེད་ཅིང་ངོ ། །དེ་དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཞེས་བྱ་བ་ལ། ཡིད་ཆེས་པའི་ཞེས་བྱ་བ་ནི། སངས་རྒྱས་ལ་མངོན་པར་དད་པ་དང ། ཆོས་དང ། དགེ་འདུན་ལ་མངོན་པར་དད་པ་དང ། སངས་རྒྱས་ལ་སྐྱབས་སུ་སོང་བ་དང ། ཆོས་དང ། དགེ་འདུན་ལ་སྐྱབས་སུ་སོང་བ་དང ། སངས་རྒྱས་ལ་གཅིག་ཏུ་གྱུར་པ་དང ། ཆོས་དང ། དགེ་འདུན་ལ་གཅིག་ཏུ་གྱུར་པ་དང ། སངས་རྒྱས་ལ་ནེམ་ནུར་མེད་ཅིང་ཐེ་ཚོམ་མེད་པ་དང ། ཆོས་དང ། དགེ་འདུན་དང ། སྡུག་བསྔལ་བ་དང ། ཀུན་འབྱུང་བ་དང ། འགོག་པ་དང ། ལམ་ལ་ནེམ་ནུར་མེད་ཅིང་ཐེ་ཚོམ་མེད་པ་དང ། བདེན་པ་མཐོང་བ་དང ། འབྲས་བུ་ཐོབ་པ་དང ། མངོན་པ་རྟོགས་པ་དང་ལྡན་པ་དང ། གང་གིས་རང་གི་སྲོག་གི་ཕྱིར་ཡང་ཤེས་བཞིན་དུ་རྫུན་གྱི་ཚིག་སྨྲ་བར་མི་ནུས་པའོ། །ཆོས་གཉིས་པོ་ཞེས་བྱ་བ་ལ། གཉིས་པོ་ཞེས་བྱ་བ་ནི། གྲངས་བསྟན་པའོ། །དགེ་འདུན་ལྷག་མའམ། ལྟུང་བྱེད་ལས་ཆོས་གང་ཡང་རུང་བས་ཞེས་བྱ་བ་ལ། དགེ་འདུན་ལྷག་མ་ཞེས་བྱ་བ་ནི། བཅུ་གསུམ་པོ་དག་ལས་གང་ཡང་རུང་བས་སོ། །ལྟུང་བྱེད་ཅེས་བྱ་བ་ནི། དགུ་བཅུ་པོ་དག་ལས་གང་ཡང་རུང་བས་སོ། ། འདི་ལྟར། དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ནི། ལྟུང་བ་མི་མཁས་པ་དང ། ལྟུང་བའི་གླེང་གཞི་ལ་མི་མཁས་པ་དང ། ལྟུང་བ་ཀུན་ནས་སློང་བ་ལ་མི་མཁས་པ་ཡིན་པས། འདི་ལྟར། དགེ་
Cha54a
༄#། །སློང་དེས་མིའི་ཆོས་བླ་མ་སྨྲ་བའམ། བུད་མེད་ཀྱི་ཡུལ་དང་ལྷན་ཅིག་སྟན་གཅིག་ལ་ལུས་ཀྱིས་རེག་པར་བྱེད་པའམ། སྣོད་གཅིག་ཏུ་ཟ་བར་བྱེད་པའམ། ཕོར་བུ་གཅིག་ཏུ་མྱོས་པར་འགྱུར་བའི་བཏུང་བ་སྣ་ཚོགས་འཐུང་བའམ། ས་རྐོ་བའམ། རྩཝ་སྔོན་པོ་གཅོད་པའམ། དུས་མ་ཡིན་པར་ཟ་བ་དང ། གཞན་ཡང ། རང་བཞིན་དང་བཅས་པའི་ཁ་ན་མ་ཐོ་བ་དང་བཅས་པའི་ལས་གང་བྱེད་པར་མཐོང་བ་དེ་དག་ལས། གང་ཁས་བླངས་པ་དེ་བྱེད་དུ་གཞུག་པའོ། །བྱེད་དུ་གཞུག་ཅེས་བྱ་བ་ནི། འཆགས་སུ་གཞུག་པའོ། །དེ་ཡང་མ་ངེས་པའི་ཆོས་སོ། །ཞེས་བྱ་བ་ནི། དེ་ཡང་རྣམ་པར་མ་བཞག་པའི་ཆོས་ཡིན་པའོ། །ལྟུང་བ་རྣམ་པར་གཞག་པ་དང ། དེའི་ངོ་བོ་ཉིད་ཚོལ་དུ་གཞུག་པ་སྦྱིན་པ་དང ། དེའི་ངོ་བོ་ཉིད་ཚོལ་དུ་གཞུག་པར་བྱིན་པའི་ཀུན་ཏུ་སྤྱོད་པའི་ཆོས་དག་ནི། སྔ་མ་བཞིན་དུ་ཤེས་པར་བྱའོ། །མ་ངེས་པའི་ཆོས་གཉིས་པ་སྟེ། མ་ངེས་པའི་ཆོས་གཉིས་རྫོགས་སོ།། །།སྡོམ་ལ། འཆང་བ་འབྲལ་བ་འཇོག་པ་དང ། འཁྲུར་འཇུག་པ་དང་ལེན་པ་དང ། །སློང་དང་སྟོད་གཡོགས་སྨད་གཡོགས་བཅས། རིན་ཐང་སོ་སོར་བསྐུར་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་ཆོས་གོས་མང་བ་ཉིད། འདི་ལྟ་བུ་འདི་བྱུང་སྟེ། ཆོས་གོས་གཞན་གྱིས་ནི། གཙུག་ལག་ཁང་དུ་ཆག་ཆག་འདེབས་པར་བྱེད། གཞན་གྱིས་ནི། ལེགས་
Cha54b
པར་ཉུག་པར་བྱེད། གཞན་གྱིས་ནི། ལྕི་བ་གསར་པའི་བྱུག་པས་སྐུད་པར་བྱེད། གཞན་གྱིས་ནི། ལག་པ་དང་རྐང་པ་དག་འཁྲུ་བར་བྱེད། གཞན་གྱིས་ནི། སོ་ཤིང་འདོར་བར་བྱེད། གཞན་གྱིས་ནི། གྲོང་དུ་བསོད་སྙོམས་ལ་རྒྱུ་བར་བྱེད། གཞན་གྱིས་ནི། ཟས་ཀྱི་གྲལ་དུ་བཀད་པར་བྱེད། གཞན་གྱིས་ནི། མཁན་པོ་དང་སློབ་དཔོན་དག་ལ་ལྟར་འགྲོ་བར་བྱེད། གཞན་གྱིས་ནི། སྟོན་པའི་གདམས་ངག་ཉམས་སུ་མྱོང་བར་བྱེད། གཞན་གྱིས་ནི། ཉིན་མོ་ཆོས་ཉན་པ་ཉམས་སུ་མྱོང་བར་བྱེད། གཞན་གྱིས་ནི། མཚན་མོའི་ཆོས་ཉན་པ་ཉམས་སུ་མྱོང་བར་བྱེད། དེ་དག་གྱོན་པ་དང་འབུད་པར་བྱེད་པ་ན། བྱ་བ་མང་བ་དང ། བྱེད་པ་མང་བར་གྱུར་ཅིང ། ལུས་གནོད་པ་དང ། བཀླག་པ་དང ། ཁ་ཏོན་དང་རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱིས་ཞི་གནས་གཏོང་བར་བྱེད་དོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་རྣམས་ལ་ཆོས་གོས་མང་བ་ཉིད། འདི་ལྟ་བུ་འདི་བྱུང་སྟེ། ཆོས་གོས་གཞན་གྱིས་ནི། གཙུག་ལག་ཁང་དུ་ཆག་ཆག་འདེབས་པར་བྱེད། གཞན་གྱིས་ནི། ལེགས་པར་ཉུག་པར་བྱེད། གཞན་གྱིས་ནི། ལྕི་བ་གསར་པའི་བྱུག་པས་སྐུད་པར་བྱེད། གཞན་གྱིས་ནི། ལག་པ་དང་རྐང་པ་དག་འཁྲུ་བར་བྱེད། གཞན་གྱིས་ནི། སོ་ཤིང་འདོར་བར་བྱེད། གཞན་གྱིས་ནི། གྲོང་དུ་བསོད་སྙོམས་ལ་རྒྱུ་བར་བྱེད། གཞན་གྱིས་ནི། ཟས་ཀྱི་གྲལ་དུ་བཀད་པར་བྱེད། གཞན་གྱིས་ནི། མཁན་པོ་དང་སློབ་དཔོན་དག་ལ་བལྟར་འགྲོ་བར་བྱེད། གཞན་གྱིས་ནི། སྟོན་པའི་གདམས་ངག་
Cha55a
༄#། །ཉམས་སུ་མྱོང་བར་བྱེད། གཞན་གྱིས་ནི། ཉིན་མོའི་ཆོས་ཉན་པ་ཉམས་སུ་མྱོང་བར་བྱེད། གཞན་གྱིས་ནི། མཚན་མོའི་ཆོས་ཉན་པ་ཉམས་སུ་མྱོང་བར་བྱེད་དེ། དེ་དག་གྱོན་པ་དང་འབུད་པར་བྱེད་པ་ན། བྱ་བ་མང་བ་དང ། བྱེད་པ་མང་བར་གྱུར་ཅིང ། ལུང་ནོད་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །དེ་བཞིན་གཤེགས་པ་ནི། དོན་གྱི་དབང་གཉིས་གཟིགས་པ་ན། དགེ་སློང་གི་དགེ་འདུན་སྡུད་པར་མཛད་དེ། འདི་ལྟ་སྟེ། ངའི་ཉན་ཐོས་རྣམས་ཀྱིས་ཀུན་ཤེས་པ་ཉིད་དུ་བྱ་བའི་ཕྱིར་དང ། ངས་འདུལ་བ་ལ་བསླབ་པའི་གཞི་ལེགས་པར་བཅས་པར་འགྱུར་བའོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞི་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་མི་རྨེད་པ། དུས་སུ་རྨེད་པ། དུས་ལས་ཡོལ་བར་མི་རྨེད་པ། དོན་དང་ལྡན་པ་རྨེད་པ། དོན་དང་མི་ལྡན་པ་མི་རྨེད་པས། སངས་རྒྱས་བཅོམ་ལྡན་འདས་རྣམས་ནི། དོན་དང་མི་ལྡན་པ་རྨེད་པ་ཆུ་ལོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ནི། དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་
Cha55b
པས། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་ཁྱེད་ལ་ཆོས་གོས་མང་བ་ཉིད། འདི་ལྟ་བུ་འདི་བྱུང་སྟེ། ཆོས་གོས་གཞན་གྱིས་ནི། གཙུག་ལག་ཁང་དུ་ཆག་ཆག་འདེབས་པར་བྱེད། གཞན་གྱིས་ནི། ལེགས་པར་ཉུག་པར་བྱེད། གཞན་གྱིས་ནི། ལྕི་བ་གསར་པའི་བྱུག་པས་སྐུད་པར་བྱེད། གཞན་གྱིས་ནི། ལག་པ་དང་རྐང་པ་དག་འཁྲུ་བར་བྱེད། གཞན་གྱིས་ནི། སོ་ཤིང་འདོར་བར་བྱེད། གཞན་གྱིས་ནི། གྲོང་དུ་བསོད་སྙོམས་ལ་རྒྱུ་བར་བྱེད། གཞན་གྱིས་ནི། ཟས་ཀྱི་གྲལ་དུ་བཀད་པར་བྱེད། གཞན་གྱིས་ནི། མཁན་པོ་དང་སློབ་དཔོན་དག་ལ་བལྟར་འགྲོ་བར་བྱེད། གཞན་གྱིས་ནི། སྟོན་པའི་གདམས་ངག་ཉམས་སུ་མྱོང་བར་བྱེད། གཞན་གྱིས་ནི། ཉིན་མོ་ཆོས་ཉན་པ་ཉམས་སུ་མྱོང་བར་བྱེད། གཞན་གྱིས་ནི། མཚན་མོ་ཆོས་ཉན་པ་ཉམས་སུ་མྱོང་བར་བྱེད་དེ། ཁྱེད་ཅག་གྱོན་པ་དང ། འབུད་པར་བྱེད་པ་ན། བྱ་བ་མང་པོ་བྱེད་པ་མང་བར་གྱུར་ཅིང ། ལུང་ནོད་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱིས་ཞི་གནས་གཏོང་བར་བྱེད་པ་བདེན་ནམ། བཙུན་པ། མད་དོ། སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་དང ། དགང་དཀའ་བ་དང ། འདོད་པ་ཆེ་བ་དང ། ཆོག་མི་ཤེས་པ་རྣམ་པར་སྨད་དོ། །དེ་ནས་བཅོམ་ལྡན་འདས་ཀྱིས་གསོ་སླ་བ་དང ། དགང་སླ་བ་དང ། འདོད་པ་ཆུང་བ་དང ། ཆོག་ཤེས་པ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། ཚོད་ཤེས་པ་ཉིད་ཀྱི་བསྔགས་པ་བརྗོད་ནས་དགེ་
Cha56a
༄#། །སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། འདི་ལྟ་སྟེ།་དགེ་འདུན་བསྡུ་བའི་ཕྱིར་དང ། དགེ་འདུན་ལེགས་པར་བྱ་བའི་ཕྱིར་དང ། དགེ་འདུན་བདེ་བར་གནས་པར་བྱ་བའི་ཕྱིར་དང ། གནོང་མི་བཀུར་བའི་གང་ཟག་རྣམས་ཚར་གཅད་པའི་ཕྱིར་དང ། ངོ་ཚ་ཤེས་པ་རྣམས་བདེ་བར་གནས་པར་བྱ་བའི་ཕྱིར་དང ། མངོན་པར་མ་དད་པ་རྣམས་མངོན་པར་དད་པར་བྱ་བའི་ཕྱིར་དང ། མངོན་པར་དད་པ་རྣམས་ཕྱིར་ཞིང་འབྱུང་བར་བྱ་བའི་ཕྱིར་དང ། ཚེ་འདིའི་ཟག་པ་རྣམས་བསྡམ་པར་བྱ་བའི་ཕྱིར་དང ། ཚེ་རབས་ཕྱི་མའི་རྣམས་བཟློག་པའི་ཕྱིར་དང ། ངའི་ཚངས་པར་སྤྱོད་པ་སྐྱེ་བོ་མང་པོ་ལ་ཕན་པ་ཡངས་པར་གྱུར་པ་ལྷ་དང་མི་རྣམས་ཀྱི་བར་དག་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་འགྱུར་བའོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ན། ཆོས་གོས་གསུམ་བཅང་བར་བྱའོ། །དེ་ལས་ལྷག་པར་འཆང་ན། སྤང་བའི་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་འོད་སྲུང་ཆེན་པོ་རྒྱལ་པོའི་ཁབ་ན་དགོན་པའི་སྤྱིལ་བུ་ན་འདུག་སྟེ། གང་གི་
Cha56b
ཚེ་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་དགེ་འདུན་ལ་གཏད་པའི་ཚེ། ཁྱིམ་བདག་ཅིག་གིས་ཡུན་རིང་པོ་ནས་སྨོན་པ། ཀྱེ་མ། བདག་གིས་གནས་བརྟན་འོད་སྲུང་ཆེན་པོ། ལྷ་དང་མིས་མཆོད་པ་བཤོས་གསོལ་ཏེ། རས་ཡུག་ཆེན་ཞིག་བསྐོན་ན་ཅི་མ་རུང་སྙམ་ན། དེའི་འདོད་པ་ཡོངས་སུ་རྫོགས་པར་མ་གྱུར་ནས། དེ་ནས་ཁྱིམ་བདག་དེ་རས་ཡུག་ཆེན་ཐོགས་ནས། ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ། ཁྱོད་ཀྱིས་ད་ལྟར་གནས་བརྟན་འོད་སྲུང་ཆེན་པོ་ག་ལ་བཞུགས་ཅི་གསན། ཁྱིམ་བདག། དགོན་པའི་སྤྱིལ་བུ་ན་འདུག་ཅེས་ཐོས་སོ། །ཇི་ཙམ་ན་བྱོན་པར་འགྱུར། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེའོ། །བཙུན་པ་ཀུན་དགའ་བོ་མཁྱེན་པར་མཛོད་ཅིང ། འདི་ན་བདག་ཡུན་རིང་པོ་ནས་སྨོན་པ། ཀྱེ་མ། བདག་གིས་གནས་བརྟན་འོད་སྲུང་ཆེན་པོ། ལྷ་དང་མིས་མཆོད་པ་བཤོས་གསོལ་ཏེ། རས་ཡུག་ཆེན་ཞིག་བསྐོན་ན་ཅི་མ་རུང་སྙམ་ནས། བདག་གིས་རས་ཡུག་ཆེན་དེ་ཡང་འཚལ་ཏེ་མཆིས་ན། བཙུན་པ་ཀུན་དགའ་བོ་མཁྱེན་པར་མཛོད་ཅིག་།བདག་ཅག་ཁྱིམ་བདག་ནི། བགྱི་བ་མང་བ་དང ། བགྱིད་པ་མང་ལགས་ཀྱི། ཀྱེ་མ། བཙུན་པ་ཀུན་དགའ་བོས་བདག་ལ་ཐུགས་བརྩེ་བའི་སླད་དུ་གནས་བརྟན་འོད་སྲུང་ཆེན་པོ། ལྷ་དང་མིས་མཆོད་པ་ལ་རས་ཡུག་ཆེན་འདི་བསྐོན་དུ་གསོལ། དེ་ནས་ཚེ་དང་ལྡན་པ་
Cha57a
༄#། །ཀུན་དགའ་བོ་འདི་སྙམ་དུ་སེམས་ཏེ། གལ་ཏེ་བདག་གིས་ཁྱིམ་བདག་ལས་རས་ཡུག་ཆེན་བླངས་ན་ནི། བསླབ་པའི་གཞི་རལ་བར་ཡང་འགྱུར། གལ་ཏེ་མ་བླངས་ན་ནི། ཁྱིམ་བདག་གི་བསོད་ནམས་ཀྱི་བར་ཆད་དང ། གནས་བརྟན་འོད་སྲུང་ཆེན་པོའི་རྙེད་པའི་བར་ཆད་དུ་ཡང་འགྱུར་ན། བདག་གིས་བླངས་པར་གྱུར་ན། དུས་ཡིན་པའི་ཕྱིར་བཅོམ་ལྡན་འདས་ཀྱིས་གནང་བར་འགྱུར་བ་གང་ཡིན་པ་དེའི་གནས་ཀྱང་ཡོད་པར་འགྱུར་གྲང་སྙམ་ནས། དེ་ནས་ཚེ་དང་ལྡན་པ་ཀུན་དགའ་བོས་ཁྱིམ་བདག་ལས་རས་ཡུག་ཆེན་བླངས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་སྐབས་དེ། བཅོམ་ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ལེགས་སོ་ལེགས་སོ། །ངས་གནང་བ་གང་ཡིན་པ་དེ། ཁྱོད་ཀྱིས་ཤེས་ཏེ། དེ་ལྟ་བས་ན། དགེ་སློང་ཞག་བཅུའི་བར་དུ་གོས་ལྷག་པ། རུང་བར་མ་བྱས་པ་བཅང་བར་རྗེས་སུ་གནང་ངོ ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་རྣམས་དང ། བསླབ་པ་ལ་གུས་པ་རྣམས་དང ། བསླབ་པ་ལ་ཡོ་བྱད་བསྙུངས་པ་རྣམས་དང ། སྦྱངས་པའི་ཡོན་ཏན་རྣམས་དང ། མཛེས་པ་རྣམས་དང ། ཚོད་ཤེས་པ་རྣམས་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ།
Cha57b
དགེ་སློང་དག། དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ན། ཞག་བཅུའི་བར་དུ་གོས་ལྷག་པ། རུང་བར་མ་བྱས་པ་བཅང་བར་བྱའོ། །དེ་ལས་འདས་པར་འཆང་ན། སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི། ཆོས་འདི་པའོ། །ཆོས་གོས་ཟིན་པས་སྲ་བརྐྱང་ཕྱུང་ན་ཞེས་བྱ་བ་ལ། ཆོས་གོས་ཟིན་ལ་སྲ་བརྐྱང་མ་ཕྱུང་བ་ཡང་ཡོད། སྲ་བརྐྱང་ཕྱུང་ལ་ཆོས་གོས་མ་ཟིན་པ་ཡང་ཡོད། ཆོས་གོས་ཟིན་ཅིང་སྲ་བརྐྱང་ཕྱུང་བ་ཡང་ཡོད། ཆོས་གོས་མ་ཟིན་ཅིང་སྲ་བརྐྱང་མ་ཕྱུང་བ་ཡང་ཡོད་དོ། །དེ་ལ་རེ་ཞིག་ཇི་ཙམ་གྱིས་ན་ཆོས་གོས་ཟིན་ལ་སྲ་བརྐྱང་མ་ཕྱུང་བ་ཡིན་ཞེ་ན། འདི་ལྟ་སྟེ། དགེ་སློང་གིས་ཆོས་གོས་དག་བཀྲུ་བ་དང ། དྲ་བ་དང ། དྲུབ་པ་དང ། ཁ་བསྒྱུར་ཟིན་ལ། དགེ་འདུན་གྱིས་སྲ་བརྐྱང་མ་ཕྱུང་བ་ཡིན་ཏེ། དེ་ཙམ་གྱིས་ན་ཆོས་གོས་ཟིན་ལ་སྲ་བརྐྱང་མ་ཕྱུང་བ་ཡིན་ནོ། །ཇི་ཙམ་གྱིས་ན་སྲ་བརྐྱང་ཕྱུང་ལ་ཆོས་གོས་མ་ཟིན་པ་ཡིན་ཞེ་ན།་འདི་ལྟ་སྟེ། དགེ་སློང་གིས་ཆོས་གོས་དག་བཀྲུ་བ་དང ། དྲ་བ་དང ། དྲུབ་པ་དང ། ཁ་བསྒྱུར་མ་ཟིན་ལ། དགེ་འདུན་གྱིས་སྲ་བརྐྱང་ཕྱུང་བ་ཡིན་ཏེ། དེ་ཙམ་གྱིས་ན་སྲ་བརྐྱང་ཕྱུང་ལ་ཆོས་གོས་མ་ཟིན་པ་ཡིན་ནོ། །ཇི་ཙམ་གྱིས་ན་ཆོས་གོས་ཟིན་ཅིང་སྲ་བརྐྱང་ཕྱུང་བ་ཡིན་ཞེ་ན། འདི་ལྟ་སྟེ། དགེ་སློང་གིས་ཆོས་གོས་དག་བཀྲུ་བ་དང ། དྲ་བ་དང ། དྲུབ་པ་དང ། ཁ་བསྒྱུར་ཟིན་ཅིང ། དགེ་འདུན་གྱིས་ཀྱང་
Cha58a
༄#། །སྲ་བརྐྱང་ཕྱུང་བ་ཡིན་ཏེ། དེ་ཙམ་གྱིས་ན་སྲ་བརྐྱང་ཕྱུང་ཞིང་ཆོས་གོས་ཟིན་པ་ཡིན་ནོ། །ཇི་ཙམ་གྱིས་ན་ཆོས་གོས་མ་ཟིན་ཅིང་སྲ་བརྐྱང་མ་ཕྱུང་བ་ཡིན་ཞེ་ན། རྣམ་པ་དེ་དག་མ་གཏོགས་པའོ། །ཞག་བཅུའི་བར་དུ་ཞེས་བྱ་བ་ནི། མཚན་མོ་བཅུའི་མཐར་རོ། །གོས་ལྷག་པ་ཞེས་བྱ་བ་ནི། བྱིན་གྱིས་བརླབ་པར་བྱ་བ་ལས་ལྷག་པའོ། །རུང་བར་མ་བྱས་པ་ཞེས་བྱ་བ་ནི། བརྟག་པར་མ་བྱས་པའོ། །བཅང་བར་བྱའོ། །ཞེས་བྱ་བ་ནི། བདག་གིར་བྱ་བའོ། །དེ་ལས་འདས་པར་འཆང་ན་ཞེས་བྱ་བ་ནི། དེ་ལས་ཐལ་བར་འཆང་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ།། །།འདུལ་བ་རྣམ་པར་འབྱེད་པ། བམ་པོ་ཉེར་ལྔ་པ། དེ་ལ་ལྟུང་བར་ཇི་ལྟར་འགྱུར་ཞེ་ན། འདི་ལྟ་སྟེ། དགེ་སློང་གིས་ཚེས་ལ་གོས་རྙེད་ན། དགེ་སློང་དེས་གོས་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་ལ་གོས་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་གོས་རྙེད་ན། དགེ་སློང་དེས་གོས་དེ་
Cha58b
ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་པའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་གོས་ཤིག་རྙེད་ཅིང་དེས་ཚེས་གཉིས་ལ་ཡང་གཞན་ཞིག་རྙེད་ན།་དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་བྱིན་གྱིས་བརླབ་པར་བྱ་ཞིང་ཕྱི་མ་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་བྱིན་གྱིས་བརླབ་པར་བྱ་ཞིང་སྔ་མ་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་གཉིས་ལ་མ་རྙེད་ཀྱང ། ཚེས་གསུམ་དང ། ཚེས་བཅུ་ཚུན་ཆད་ཀྱིས་གོས་ཤིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་བྱིན་གྱིས་བརླབ་པར་བྱ་ཞིང ། ཕྱི་མ་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་བྱིན་གྱིས་བརླབ་པར་བྱ་ཞིང ། སྔ་མ་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་
Cha59a
༄#། །དུ་འགྱུར་རོ། །དགེ་སློང་གིས་ཚེས་ལ་གོས་གཉིས་རྙེད་ན། དགེ་སློང་དེས་གོས་དེ་གཉིས་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་ལ་གོས་གཉིས་མ་རྙེད་ཀྱང ། ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་གོས་གཉིས་རྙེད་ན། དགེ་སློང་དེས་གོས་དེ་གཉིས་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་གོས་གཉིས་ཤིག་རྙེད་ཅིང ། དེས་ཚེས་གཉིས་ལ་ཡང་གོས་གཞན་གཉིས་ཤིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་གཉིས་བྱིན་གྱིས་བརླབ་པར་བྱ་ཞིང ། ཕྱི་མ་གཉིས་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། ། ཡང་ན་ཕྱི་མ་གཉིས་བྱིན་གྱིས་བརླབ་པར་བྱ་ཞིང ། སྔ་མ་གཉིས་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བ་
Cha59b
མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་གཉིས་ལ་མ་རྙེད་ཀྱང ། ཚེས་གསུམ་དང ། ཚེས་བཅུ་ཚུན་ཆད་ཀྱིས་གོས་གཉིས་ཤིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་གཉིས་བྱིན་གྱིས་བརླབ་པར་བྱ་ཞིང ། ཕྱི་མ་གཉིས་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་གཉིས་བྱིན་གྱིས་བརླབ་པར་བྱ་ཞིང ། སྔ་མ་གཉིས་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་གོས་མང་པོ་རྙེད་ན། དགེ་སློང་དེས་གོས་དེ་དག་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་ལ་གོས་མང་པོ་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་གོས་མང་པོ་རྙེད་ན། དགེ་སློང་དེས་གོས་དེ་དག་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་
Cha60a
༄#། །པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། ། དགེ་སློང་གིས་ཚེས་ལ་གོས་མང་པོ་དག་ཅིག་རྙེད་ཅིང ། དེས་ཚེས་གཉིས་ལ་ཡང་གཞན་མང་པོ་དག་ཅིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་དག་བྱིན་གྱིས་བརླབ་པར་བྱ་ཞིང ། ཕྱི་མ་དག་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་དག་བྱིན་གྱིས་བརླབ་པར་བྱ་ཞིང ། སྔ་མ་དག་ཀྱང་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་གཉིས་ལ་མ་རྙེད་ཀྱང ། ཚེས་གསུམ་དང ། ཚེས་བཅུ་ཚུན་ཆད་ཀྱིས་གོས་མང་པོ་དག་ཅིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་དག་བྱིན་གྱིས་བརླབ་པར་བྱ་ཞིང ། ཕྱི་མ་དག་ཀྱང་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། ཡང་ན་ཕྱི་མ་དག་བྱིན་གྱིས་བརླབ་པར་བྱ་ཞིང ། སྔ་མ་དག་གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་བྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་
Cha60b
ན།་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གོས་སྤང་བར་གྱུར་ན། དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། ། དགེ་སློང་གིས་གོས་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་གོས་སྤང་བར་གྱུར་ན།་དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན། དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་སྲིད་དུ་སྤང་བའི་དངོས་པོ་དེ་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་གཞན་ཉེ་བར་འཇོག་པར་བྱེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་བ་ལ་ལྟུང་བ་མེད་དོ། །འཆང་བའི་སྤང་བ་སྟེ། དང་པོ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་ཆོས་གོས་མང་བ་ཉིད། འདི་ལྟ་བུ་འདི་བྱུང་སྟེ། དགེ་སློང་དབྱར་གནས་པར་ཁས་བླངས་པ་གང་ཡང་
Cha61a
༄#། །རུང་བས་ཆོས་གོས་རྙེད་ནས་དེས་དེ་བཀྲུས་ཤིང་དྲས་ཏེ་དྲུབས་ནས་ཁ་བསྒྱུར་ཏེ་གཏུར་བུའི་བམ་པོ་བསྒྲེས་ནས། དགེ་སློང་གནས་པ་དང ། གཉུག་མར་གནས་པ་རྣམས་ལ་རྗེས་སུ་གཏད་དེ། དགེ་སློང་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་ཞིང ། དེ་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་བ་ན་མ་སྦས་པ་དང ། སྦེད་དུ་མ་བཅུག་པར་གྱུར་ཏོ། །དགེ་སློང་གནས་པ་དང ། གཉུག་མར་གནས་པ་དག་ཀྱང་ཆོས་གོས་དེ་དག་སྐེམ་པ་དང ། བསང་པ་དང ། འདིང་བ་དང ། སྐྲུག་པ་དང ། བརྟུལ་བ་དང ། སྦེད་པ་དག་བྱེད་པས་བྱ་བ་མང་བ་དང ། བྱེད་པ་མང་བར་གྱུར་ཅིང ། ལུང་ནོད་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་ནས། དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་རྣམས་ལ་ཆོས་གོས་མང་བ་ཉིད། འདི་ལྟ་བུ་འདི་བྱུང་སྟེ། དགེ་སློང་དབྱར་གནས་པར་ཁས་བླངས་པ་གང་ཡང་རུང་བས་ཆོས་གོས་རྙེད་ནས་དེས་དེ་བཀྲུས་ཤིང ། དྲས་ཏེ་དྲུབས་ནས་ཁ་བསྒྱུར་ཏེ་གཏུར་བུའི་བམ་པོ་བསྒྲེས་ནས། དགེ་སློང་གནས་པ་དང་གཉུག་མར་གནས་པ་རྣམས་ལ་རྗེས་སུ་གཏད་དེ། དགེ་སློང་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་ཞིང ། དེ་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་བ་ན། མ་སྦས་པ་དང ། སྦེད་དུ་མ་བཅུག་པར་གྱུར། དགེ་སློང་
Cha61b
གནས་པ་དང ། གཉུག་མར་གནས་པ་དག་ཀྱང་ཆོས་གོས་དེ་དག་སྐེམ་པ་དང ། བསང་བ་དང ། འདིང་བ་དང ། སྤྲུག་པ་དང ། བརྟུལ་བ་དང ། སྦེད་བ་དག་བྱེད་པས་བྱ་བ་མང་བ་དང ། བྱེད་པ་མང་བར་གྱུར་ཅིང ། ལུང་ནོད་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་མང་པོ་དག་ལ་རྨས་པ། དགེ་སློང་དག། ཁྱེད་ལ་ཆོས་གོས་མང་བ་ཉིད། འདི་ལྟ་བུ་འདི་བྱུང་སྟེ། དགེ་སློང་དབྱར་གནས་པར་ཁས་བླངས་པ་གང་ཡང་རུང་བས་ཆོས་གོས་རྙེད་ནས་དེ་དེ་བཀྲུས་ཤིང ། དྲས་ཏེ་དྲུབས་ནས་ཁ་བསྒྱུར་ཏེ་གཏུར་བུའི་བམ་པོ་བསྒྲེས་ནས། དགེ་སློང་གནས་པ་དང ། གཉུག་མར་གནས་པ་རྣམས་ལ་རྗེས་སུ་གཏད་དེ། དགེ་སློང་དག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་ཞིང ། ཁྱེད་ཅག་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འདོང་བ་ན། མ་སྦས་པ་དང ། སྦེད་དུ་མ་བཅུག་པར་གྱུར་ལ། དགེ་སློང་གནས་པ་དང ། གཉུག་མར་གནས་པ་
Cha62a
༄#། །དག་ཀྱང་ཆོས་གོས་དེ་དག་སྐེམ་པ་དང ། བསང་བ་དང ། འདིང་བ་དང ། སྤྲུག་པ་དང ། བརྟུལ་བ་དང ། སྦེད་པ་དག་བྱེད་པས་བྱ་བ་མང་བ་དང ། བྱེད་པ་མང་བར་གྱུར་ཅིང ། ལུང་ནོད་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་དང ། དགང་དཀའ་བ་དང ། འདོད་པ་ཆེ་བ་དང ། ཆོག་མི་ཤེས་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་གསོ་སླ་བ་དང ། དགང་སླ་བ་དང ། འདོད་པ་ཆུང་བ་དང ། ཆོག་ཤེས་པ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་ཉིད་དང ། ཚོད་ཤེས་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན། ཕན་ཡོན་བཅུ་ཡང་དག་པར་རྗེས་སུ་གཟིགས་པས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བར་བྱ་སྟེ། དགེ་སློང་ཆོས་གོས་ཟིན་བས་སྲ་བརྐྱང་ཕྱུང་ན། གལ་ཏེ་ནུབ་གཅིག་ཀྱང་ཆོས་གོས་གསུམ་ལས། ཆོས་གོས་གང་ཡང་རུང་བ་དང་མཚམས་ཀྱི་ཕྱི་རོལ་དུ་འབྲལ་བར་བྱེད་ན། སྤང་བའི་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་རྒྱལ་པོའི་
Cha62b
ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་འོད་སྲུང་ཆེན་པོ་རྒྱལ་པོའི་ཁབ་ན་སྡེ་ཅན་མའི་ཕུག་ན་གསོ་སྦྱོང་གཅིག་པའི་གནས་ཀྱི་སྡོམ་པས་དགེ་འདུན་དང་མཐུན་པར་འདུག་གོ་།དེ་ནས་དགེ་སློང་རབ་ཏུ་མང་པོ་དག་དེ་ཉིད་ཀྱི་གསོ་སྦྱོང་བཅོ་ལྔ་པའི་ཚེ། གསོ་སྦྱོང་གི་གནས་སུ་འདུག་ཅིང་མཐུན་པར་གྱུར་ནས་གཙོ་ཆེར་ཚེ་དང་ལྡན་པ་འོད་སྲུང་ཆེན་པོ་འོང་བ་ལ་སྡོད་དོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་གསོ་སྦྱོང་གི་གནས་སུ་འཕགས་པ་ན། ཆུ་ཀླུང་དབྱར་བཟང་ལྡན་བརྒལ་བ་དང ། ཆུ་རླབས་ཆེན་པོ་བྱུང་བ་དེས་དེའི་སྣམ་སྦྱར་གཤར་བར་གྱུར་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་སྣམ་སྦྱར་དེ། འཚིར་བ་དང ། འདིང་བ་དང ། སྐེམ་པ་ན་ཡུན་རིང་དུ་ཐོགས་པར་གྱུར་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་སྣམ་སྦྱར་དེ། བཙིར་ཅིང་བཏིང་སྟེ་བསྐམས་ནས་གསོ་སྦྱོང་གི་གནས་ག་ལ་བ་དེར་སོང་སྟེ་ཕྱིན་ནས་དགེ་སློང་གི་དགེ་འདུན་གྱི་གུང་དུ་སྟན་བཤམས་པ་ཉིད་ལ་འདུག་གོ་།དེ་ནས་དགེ་སློང་རབ་ཏུ་མང་པོ་དག་གིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་འོད་སྲུང་ཆེན་པོ་མཁྱེན་པར་མཛོད་ཅིག་།འདི་ན་བདག་ཅག་དགེ་སློང་རབ་ཏུ་མང་པོ་དག་གསོ་སྦྱོང་གི་གནས་སུ་འདུག་ཅིང་མཐུན་པར་གྱུར་ནས་གཙོ་ཆེར་ཚེ་དང་ལྡན་པ་འོད་སྲུང་ཆེན་པོ་ལ་སྡོད་ཅིང་འཁོད་ན།་འོན་ཀྱང་ཚེ་དང་ལྡན་པ་འོད་སྲུང་ཆེན་པོ་ཕྱིས་པར་གྱུར་ཏོ། །ཚེ་དང་ལྡན་པ་དག་།འདི་ན་བདག་གསོ་སྦྱོང་གི་གནས་སུ་འཕགས་པ་ན། ཆུ་ཀླུང་དབྱར་བཟང་ལྡན་བརྒལ་བ་དང་ཆུ་རླབས་ཆེན་པོ་བྱུང་བ་
Cha63a
༄#། །དེས།་བདག་གི་སྣམ་སྦྱར་གཤེར་བར་གྱུར་ནས་བདག་སྣམ་སྦྱར་འཚིར་བ་དང ། འདིང་བ་དང ། སྐེམ་པ་ན་ཡུན་རིང་ཞིག་ཐོགས་པར་གྱུར་ཏོ། །ཚེ་དང་ལྡན་པ་དག་།ད་ལྟར་བདག་དགེ་སློང་འོད་སྲུང་ཆེན་པོ་རྒན་པོ། རྒས་པ། དགོག་ཏུ་གྱུར་པ་ལགས་ལ། བདག་གི་སྣམ་སྦྱར་ནི། ལྕི་བས་ཡོངས་སུ་སྐྱོང་བར་རྔོ་མི་ཐོགས་ན། བདག་གིས་ཇི་ལྟར་བགྱི་ཞེས་ཟེར་བའི་སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་འོད་སྲུང་ཆེན་པོ། རྒན་པོ། རྒས་པ། དགོག་ཏུ་གྱུར་པ་དང ། གཞན་ཡང་དེ་ལྟ་བུ་གང་ཡིན་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་བྱིན་ཅིག་།འདི་ལྟར་སྦྱིན་པར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དཀྱིལ་འཁོར་པར་དགེ་སློང་བཞིའི་ཚོགས་ལས་མི་ཉུང་བའི་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་འོད་སྲུང་གིས་བླ་གོས་ཕྲག་པ་གཅིག་ཏུ་བྱས་ཏེ་རྒན་རིམ་བཞིན་དུ་ཕྱག་འཚལ་ནས་རྒན་པའི་མཐའ་ལོགས་སུ་ཙོག་པུར་འདུག་སྟེ་ཐལ་མོ་སྦྱར་ནས། དགེ་འདུན་ལ་སྣམ་སྦྱར་ཉེ་བར་བསྟན་ཏེ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ་ལགས་ལ། བདག་གི་སྣམ་སྦྱར་ནི། ལྕི་བས་ཡོངས་སུ་སྐྱོང་བར་རྡོ་
Cha63b
མི་ཐོགས་ནས་བདག་དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ། དགེ་འདུན་ལས་སྣམ་སྦྱར་དང་བྲལ་བར་མི་འགྱུར་བའི་གནང་བ་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ་ལ། སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འོད་སྲུང་འདི། རྒན་པོ། རྒས་པ། དགོག་ཏུ་གྱུར་པ་ལགས་ལ། འདིའི་སྣམ་སྦྱར་ནི། ལྕི་བས་ཡོངས་སུ་སྐྱོང་བར་རྔོ་མི་ཐོགས་ནས། དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ་འདི། དགེ་འདུན་ལས་སྣམ་སྦྱར་དང་འབྲལ་བར་མི་འགྱུར་བའི་གནང་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩོལ་ཏོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འོད་སྲུང་འདི། རྒན་པོ། རྒས་པ། དགོག་ཏུ་གྱུར་པ་ལ་གསལ། འདིའི་སྣམ་སྦྱར་ནི།་ལྕི་བས་ཡོངས་སུ་སྐྱོང་པར་རྔོ་མི་ཐོགས་ནས། དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ་འདི། དགེ་འདུན་ལས་སྣམ་སྦྱར་དང་འབྲལ་བར་མི་འགྱུར་བའི་གནང་བ་གསོལ་ཏེ། དེའི་སླད་དུ་དགེ་
Cha64a
༄#། །འདུན་གྱིས་དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩོལ་ན། ཚེ་དང་ལྡན་པ་གང་དག་།དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་བར་བཟོད་པ་དེ་དག་ནི། ཅང་མ་གསུངས་ཤིག་།གང་ཟག་མི་བཟོད་པ་དེ་དག་ནི། གསུངས་ཤིག། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་འོད་སྲུང་རྒན་པོ། རྒས་པ། དགོག་ཏུ་གྱུར་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་དགེ་སློང་གང་ཡང་རུང་བ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་བྱིན་པར་གྱུར་ན། དེས་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འགྲོ་བར་བྱ་སྟེ། འདི་ལ་འགྱོད་པར་མི་བྱའོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་འཁོར་དེ་ཉིད་དུ་འདུག་ཅིང་མཐུན་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།ད་ལྟར་བདག་དགེ་སློང་ཤཱ་རིའི་བུ་རླུང་ནད་ཅན་ལགས་ན། བདག་གི་སྣམ་སྦྱར་ནི། ལྕི་བས་ཡོངས་སུ་སྐྱོང་བར་རྔོ་མི་ཐོགས་ན། བདག་གིས་ཇི་ལྟར་བགྱི་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་ཤཱ་རིའི་བུ་རླུང་ནད་ཅན་དང ། གཞན་ཡང་དེ་ལྟ་བུ།
Cha64b
གང་ཡིན་པ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་བྱིན་ཅིག་།འདི་ལྟར་སྦྱིན་པར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དཀྱིལ་འཁོར་པར་དགེ་སློང་བཞིའི་ཚོགས་ལས་མི་ཉུང་བའི་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་ཤཱ་རིའི་བུས་བླ་གོས་ཕྲག་པ་གཅིག་ཏུ་བྱས་ཏེ་རྒན་རིམ་བཞིན་དུ་ཕྱག་འཚལ་ནས་རྒན་པའི་མཐའ་ལོགས་སུ་ཙོག་པུར་འདུག་སྟེ་ཐལ་མོ་སྦྱར་ནས་དགེ་འདུན་ལ་སྣམ་སྦྱར་ཉེ་བར་བསྟན་ཏེ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་ཤཱ་རིའི་བུ་རླུང་ནད་ཅན་ལགས་ལ། བདག་གི་སྣམ་སྦྱར་ནི། ལྕི་བས་ཡོངས་སུ་སྐྱོང་བར་རྔོ་མི་ཐོགས་ནས། བདག་དགེ་སློང་ཤཱ་རིའི་བུ་རླུང་ནད་ཅན་དགེ་འདུན་ལས་སྣམ་སྦྱར་དང་འབྲལ་བར་མི་འགྱུར་བའི་གནང་བ་གསོལ་ན། ཐུགས་བརྩེ་བ་ཅན། དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ། བདག་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ཤཱ་རིའི་བུ་འདི། རླུང་ནད་ཅན་ལགས་ལ། འདིའི་སྣམ་སྦྱར་ནི། ལྕི་བས་ཡོངས་སུ་སྐྱོང་བར་རྔོ་མི་ཐོགས་ནས། དགེ་སློང་ཤཱ་རིའི་བུ་རླུང་ནད་ཅན་འདི། དགེ་འདུན་ལས་སྣམ་སྦྱར་དང་འབྲལ་བར་
Cha65a
༄#། །མི་འགྱུར་བའི་གནང་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩོལ་ཏོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ཤཱ་རིའི་བུ་འདི་རླུང་ནད་ཅན་ལགས་ལ། འདིའི་སྣམ་སྦྱར་ནི། ལྕི་བས་ཡོངས་སུ་སྐྱོང་བར་རྔོ་མི་ཐོགས་ནས། དགེ་སློང་ཤཱ་རིའི་བུ་རླུང་ནད་ཅན་འདི། དགེ་འདུན་ལས་སྣམ་སྦྱར་དང་འབྲལ་བར་མི་འགྱུར་བའི་གནང་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩོལ་ན། ཚེ་དང་ལྡན་པ་གང་དག་།དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་བར་བཟོད་པ་དེ་དག་ནི། ཅང་མ་གསུངས་ཤིག། གང་དག་མི་བཟོད་པ་དེ་དག་ནི། གསུངས་ཤིག། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་ཤཱ་རིའི་བུ་རླུང་ནད་ཅན་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་དགེ་སློང་གང་ཡང་རུང་བ་ལ་སྣམ་སྦྱར་དང་འབྲལ་བར་མི་འགྱུར་བའི་གནང་བ་བྱིན་པར་གྱུར་ན། དེས་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འགྲོ་བར་བྱ་སྟེ། འདི་ལ་འགྱོད་
Cha65b
པར་མི་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་རྣམས་ཀྱི་བསྔགས་པ་བརྗོད་ཅིང ། བསླབ་པ་ལ་གུས་པ་རྣམས་དང ། བསླབ་པ་ལ་ཡོ་བྱད་བསྙུངས་པ་རྣམས་དང ། ཕྲི་བ་རྣམས་དང ། སྦྱངས་པའི་ཡོན་ཏན་རྣམས་དང ། མཛེས་པ་རྣམས་དང ། ཚོད་ཤེས་པ་རྣམས་ཀྱི་ཡོན་ཏན་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ནོ། །ངའི་ཉན་ཐོས་རྣམས་ཀྱིས་འདུལ་བ་རྣམས་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ན། གལ་ཏེ་ནུབ་གཅིག་ཀྱང་ཆོས་གོས་གསུམ་ལས་ཆོས་གོས་གང་ཡང་རུང་བ་དང་མཚམས་ཀྱི་ཕྱི་རོལ་ཏུ་འབྲལ་བར་བྱེད་ན། དགེ་འདུན་གྱིས་གནང་བ་མ་གཏོགས་ཏེ། སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི། ཆོས་འདི་པའོ། །ཆོས་གོས་ཟིན་པས་སྲ་བརྐྱང་ཕྱུང་ན་ཞེས་བྱ་བ་ནི། ཆོས་གོས་ཟིན་ལ་སྲ་བརྐྱང་མ་ཕྱུང་བ་ཡང་ཡོད། ཆོས་གོས་མ་ཟིན་ལ་སྲ་བརྐྱང་ཕྱུང་བ་ཡང་ཡོད། ཆོས་གོས་ཟིན་ཅིང་སྲ་བརྐྱང་ཕྱུང་བ་ཡང་ཡོད། ཆོས་གོས་མ་ཟིན་ཅིང་སྲ་བརྐྱང་མ་ཕྱུང་བ་ཡང་ཡོད་དེ། སྔ་མ་བཞིན་དུ་མུ་བཞིར་རྒྱས་པར་སྦྱར་རོ། །གལ་ཏེ་ནུབ་གཅིག་ཀྱང་ཞེས་བྱ་བ་ནི། ནུབ་གཅིག་གི་མཐར་ཡང་ངོ ། །ཆོས་གོས་གསུམ་ལས་ཆོས་གོས་གང་ཡང་རུང་བ་དང་ཞེས་བྱ་བ་ནི། སྣམ་སྦྱར་དང ། བླ་གོས་དང ། མཐང་གོས་ལས་གང་ཡང་རུང་བ་དང་ངོ ། །མཚམས་ཀྱི་ཕྱི་རོལ་དུ་འབྲལ་བར་བྱེད་ན་ཞེས་བྱ་བ་ནི། གཞན་དུ་སྐྱ་རེངས་འཆར་བར་བྱེད་ནའོ། །དགེ་འདུན་གྱིས་
Cha66a
༄#། །གནང་བ་མ་གཏོགས་ཏེ་ཞེས་བྱ་བ་ནི། དགེ་འདུན་གྱིས་གནང་བ་བཞག་སྟེའོ། །སྤང་བའི་ལྟུང་བྱེད་དོ་ཞེས་བྱ་བ་ནི། དངོས་པོ་དེ་སྤངས་ནས་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ། ཁྱིམ་གཅིག་པ་དང་ཁྱིམ་གཉིས་དང ། །ཁྱིམ་གྱི་ཚོགས་དང་ལྡན་པ་དང ། །རྩིག་པ་རིབ་མ་འོབས་བསྐོར་དང ། །རྣམ་བཞིར་བྱ་བ་གྲོང་དང་ཁྱིམ། །བསྟེན་འགྲོ་མུ་སྟེགས་ཚོང་རྡལ་དང ། །ཚོང་ཁང་དགྲ་ཁང་གཡུལ་དང་ནི། །གཡུལ་ཚོམས་གྲུ་དང་ཤིང་རྟ་དང ། །ཤིང་ལྗོན་ཀུན་དགའི་ར་བ་ཡིན། །ལམ་དུ་འགྲོ་སྡོད་འདུག་ཉལ་དང ། །ཐད་ཀར་ཡང་ནི་དེ་བཞིན་ཏེ། །མཚམས་གཞན་ཉལ་བ་ཐ་མ་ཡི། །སྡེ་ཚན་ཡང་དག་བསྡུས་པ་ཡིན། །ཁྱིམ་གཅིག་དང་ལྡན་པའི་གྲོང་དང ། ཁྱིམ་གཉིས་དང་ལྡན་པའི་གྲོང་དང ། ཁྱིམ་གྱི་ཚོགས་དང་ལྡན་པའི་གྲོང་དང ། རྩིག་པས་བསྐོར་བའི་གྲོང་དང ། རིབ་མས་བསྐོར་བའི་གྲོང་དང ། འོབས་ཀྱིས་བསྐོར་བའི་གྲོང་དང ། རྣམ་པ་བཞིར་བྱ་བ་གྲོང་ཉེ་འཁོར་གཅིག་པ་དང ། གྲོང་ཉེ་འཁོར་ཐ་དད་པ་དང ། གྲོང་རབ་ཏུ་མང་པོ་ཉེ་འཁོར་གཅིག་པ་དང ། གྲོང་རབ་ཏུ་མང་པོ་ཉེ་འཁོར་ཐ་དད་པ་དང ། ཁྱིམ་ཉེ་འཁོར་གཅིག་པ་དང ། ཁྱིམ་ཉེ་འཁོར་ཐ་དད་པ་དང ། ཁྱིམ་རབ་ཏུ་མང་པོ་ཉེ་འཁོར་གཅིག་པ་དང ། ཁྱིམ་རབ་ཏུ་མང་པོ་ཉེ་འཁོར་ཐ་དད་པ་དང ། བསྟེན་འགྲོའི་ཁྱིམ་ཉེ་འཁོར་གཅིག་པ་དང ། བསྟེན་འགྲོའི་ཁྱིམ་ཉེ་འཁོར་ཐ་དད་པ་དང ། བསྟེན་
Cha66b
འགྲོའི་ཁྱིམ་རབ་ཏུ་མང་པོ་ཉེ་འཁོར་གཅིག་པ་དང ། བསྟེན་འགྲོའི་ཁྱིམ་རབ་ཏུ་མང་པོ་ཉེ་འཁོར་ཐ་དད་པ་དང ། མུ་སྟེགས་ཅན་གྱི་ཁྱིམ་ཉེ་འཁོར་གཅིག་པ་དང ། མུ་སྟེགས་ཅན་གྱི་ཁྱིམ་ཉེ་འཁོར་ཐ་དད་པ་དང ། མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེ་འཁོར་གཅིག་པ་དང ། མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེ་འཁོར་ཐ་དད་པ་དང ། ཚོང་རྡལ་ཉེ་འཁོར་གཅིག་པ་དང ། ཚོང་རྡལ་ཉེ་འཁོར་ཐ་དད་པ་དང ། ཚོང་རྡལ་རབ་ཏུ་མང་པོ་ཉེ་འཁོར་གཅིག་པ་དང ། ཚོང་རྡལ་རབ་ཏུ་མང་པོ་ཉེ་འཁོར་ཐ་དད་པ་དང ། ཚོང་ཁང་ཉེ་འཁོར་གཅིག་པ་དང ། ཚོང་ཁང་ཉེ་འཁོར་ཐ་དད་པ་དང་ཚོང་ཁང་རབ་ཏུ་མང་པོ་ཉེ་འཁོར་གཅིག་པ་དང ། ཚོང་ཁང་རབ་ཏུ་མང་པོ་ཉེ་འཁོར་ཐ་དད་པ་དང ། དགྲ་ཁང་ཉེ་འཁོར་གཅིག་པ་དང ། དགྲ་ཁང་ཉེ་འཁོར་ཐ་དད་པ་དང ། དགྲ་ཁང་རབ་ཏུ་མང་པོ་ཉེ་འཁོར་གཅིག་པ་དང ། དགྲ་ཁང་རབ་ཏུ་མང་པོ་ཉེ་འཁོར་ཐ་དད་པ་དང ། གཡུལ་ཉེ་འཁོར་གཅིག་པ་དང ། གཡུལ་ཉེ་འཁོར་ཐ་དད་པ་དང ། གཡུལ་རབ་ཏུ་མང་པོ་ཉེ་འཁོར་གཅིག་པ་དང ། གཡུལ་རབ་ཏུ་མང་པོ་ཉེ་འཁོར་ཐ་དད་པ་དང ། གཡུལ་གྱི་ཚོམས་ཉེ་འཁོར་གཅིག་པ་དང ། གཡུལ་གྱི་ཚོམས་ཉེ་འཁོར་ཐ་དད་པ་དང ། གཡུལ་གྱི་ཚོམས་རབ་ཏུ་མང་པོ་ཉེ་འཁོར་གཅིག་པ་དང ། གཡུལ་གྱི་ཚོམས་རབ་ཏུ་མང་པོ་ཉེ་འཁོར་ཐ་དད་པ་དང ། གྲུ་ཉེ་འཁོར་གཅིག་པ་དང ། གྲུ་ཉེ་འཁོར་ཐ་དད་པ་དང ། གྲུ་རབ་ཏུ་མང་པོ་ཉེ་འཁོར་གཅིག་པ་དང ། གྲུ་རབ་ཏུ་མང་པོ་ཉེ་འཁོར་ཐ་དད་པ་དང ། ཤིང་རྟ་ཉེ་འཁོར་གཅིག་པ་དང ། ཤིང་རྟ་ཉེ་འཁོར་
Cha67a
༄#། །ཐ་དད་པ་དང ། ཤིང་རྟ་རབ་ཏུ་མང་པོ་ཉེ་འཁོར་གཅིག་པ་དང ། ཤིང་རྟ་རབ་ཏུ་མང་པོ་ཉེ་འཁོར་ཐ་དད་པ་དང ། ཤིང་ལྗོན་པ་ཉེ་འཁོར་གཅིག་པ་དང ། ཤིང་ལྗོན་པ་ཉེ་འཁོར་ཐ་དད་པ་དང ། ཤིང་ལྗོན་པ་རབ་ཏུ་མང་པོ་ཉེ་འཁོར་གཅིག་པ་དང ། ཤིང་ལྗོན་པ་རབ་ཏུ་མང་པོ་ཉེ་འཁོར་ཐ་དད་པ་དང ། ཀུན་དགའ་ར་བ་ཉེ་འཁོར་གཅིག་པ་དང ། ཀུན་དགའ་ར་བ་ཉེ་འཁོར་ཐ་དད་པ་དང ། ཀུན་དགའ་ར་བ་རབ་ཏུ་མང་པོ་ཉེ་འཁོར་གཅིག་པ་དང ། ཀུན་དགའ་ར་བ་རབ་ཏུ་མང་པོ་ཉེ་འཁོར་ཐ་དད་པ་དང ། ལམ་དུ་འགྲོ་བ་ལ་སོགས་པ་དང ། ཐད་ཀར་འགྲོ་བ་ལ་སོགས་པ་དང ། མཚམས་གཞན་དག་གི་གནས་ཐུན་མོང་དང་ཐུན་མོང་མ་ཡིན་པའི་བྱེ་བྲག་གིས་དགེ་སློང་ཆོས་གོས་དང་མི་འབྲལ་བ་དང ། འབྲལ་བའི་ལྟུང་བ་རྣམ་པར་གཞག་པའི་བྱེ་བྲག་རྒྱ་ཆེར་སྟོན་ཏོ། །དེ་ལ་ཁྱིམ་གཅིག་པ་དང་ལྡན་པའི་གྲོང་གང་ཞེ་ན། འདི་ལྟ་སྟེ། རི་ཁྲོད་པ་རྣམས་དང ། བོད་རྣམས་དང ། ཀླ་ཀློ་རྣམས་ཀྱི་གྲོང་ངོ ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་རྡུང་བར་བྱེད་པ་དང ། རྡོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེའི་ཉེ་འཁོར་ཡིན་ནོ། ། དགེ་སློང་གི་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ།།
Cha67b
ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཁྱིམ་གཉིས་དང་ལྡན་པའི་གྲོང་གང་ཞེ་ན། འདི་ལྟ་སྟེ། ཁྱིམ་གཅིག་དང་ལྡན་པའི་གྲོང་ཇི་ལྟ་བ་བཞིན་དུ་ཁྱིམ་གཉིས་དང་ལྡན་པའི་གྲོང་ཡང་དེ་བཞིན་ནོ། །ཁྱིམ་གྱི་ཚོགས་དང་ལྡན་པའི་གྲོང་གང་ཞེ་ན། འདི་ལྟ་སྟེ། གྲོང་སྒོ་སྣ་ཚོགས་ནས་ཀུན་ནས་གནས་པ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །རྩིག་པས་བསྐོར་བའི་གྲོང་གང་ཞེ་ན། འདི་ལྟ་སྟེ། གྲོང་རྩིག་པས་བསྐོར་བ་གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་བ་ལང་དྲུག་དང་ལྡན་པའི་ཤིང་རྟ་སྨིག་མ་ཅན་གྱིས་ཁྱབ་ཅིང་འདུག་པ་དང ། བྱ་གག་སྤར་ནས་འདུག་པའི་བར་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །རིབ་མས་བསྐོར་བའི་གྲོང་གང་ཞེ་ན། འདི་ལྟ་སྟེ། གྲོང་རིབ་མས་བསྐོར་བ་གང་ཡིན་པའོ།། དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་ར་ལུག་བཏོན་པ་དག་གིས་རྨིག་པས་བསླང་བའི་རྡུལ་འབབ་པ་དང ། མི་རང་བཞིན་གྱིས་ངོ་ཚ་དང་ལྡན་པ་བཤང་སར་
Cha68a
༄#། །འགྲོ་བའི་བར་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །འོབས་ཀྱིས་བསྐོར་བའི་གྲོང་གང་ཞེ་ན། འདི་ལྟ་སྟེ། གྲོང་འོབས་ཀྱིས་བསྐོར་བ་གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་སྐས་གདང་བུ་བཅུ་གཉིས་པས་ཁྱབ་ཅིང་འདུག་པ་དང ། ཕྱག་དར་བོར་བའི་བོང་བ་རགས་པ་འདྲིལ་བའི་བར་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གྲོང་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། གྲོང་གང་ན་སྐྱེད་མོས་ཚལ་ལམ། འདུན་སའམ། ལྷའི་གནས་གཅིག་ཡོད་པ་གང་ཡིན་པའོ། །དེའི་ཉེ་འཁོར་གང་ཞེ་ན།་སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ལྷའི་གནས་སོ། །དགེ་སློང་གིས་གྲོང་དུ་ཆོས་གོས་དག་བཞག་སྟེ། ལྷའི་གནས་སུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ལྷའི་གནས་སུ་
Cha68b
ཆོས་གོས་དག་བཞག་སྟེ། གྲོང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །གྲོང་ངམ་ལྷའི་གནས་སུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གྲོང་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། གྲོང་གང་ན་སྐྱེད་མོས་ཚལ་ལམ། འདུན་སའམ། ལྷའི་གནས་རབ་ཏུ་མང་པོ་དག་ཡོད་པ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །གྲོང་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། གྲོང་གང་དག་ན་སྐྱེད་མོས་ཚལ་ལམ། འདུན་སའམ། ལྷའི་གནས་གཅིག་ཡོད་པ་གང་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ལྷའི་གནས་སོ། །དགེ་སློང་གིས་གྲོང་དུ་ཆོས་གོས་དག་བཞག་སྟེ། ལྷའི་གནས་སུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ལྷའི་གནས་སུ་ཆོས་གོས་དག་བཞག་སྟེ། གྲོང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །གྲོང་ངམ་ལྷའི་གནས་སུ་ཆོས་གོས་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གྲོང་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། གྲོང་གང་དག་ན་སྐྱེད་མོས་ཚལ་ལམ། འདུན་ས་འམ། ལྷའི་གནས་རབ་ཏུ་མང་པོ་དག་ཡོད་པ་གང་ཡིན་པའོ། ། དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཁྱིམ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཁྱིམ་
Cha69a
༄#། །གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཁྱིམ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཁྱིམ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། སྒོའོ། །དགེ་སློང་གི་ནང་དུ་ཆོས་གོས་དག་བཞག་སྟེ། སྒོར་སྐྱ་རེངས་འཆར་བར་བྱེད་ན། ལྟུང་བ་མེད་དོ། །སྒོར་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་སྒོར་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཁྱིམ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གཅིག་གིའམ། སྤུན་སྒོ་མ་བྱེ་བ་དག་གི་ཁྱིམ་རབ་ཏུ་མང་པོ་དག་གང་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་
Cha69b
རོལ་འདོམ་གང་ངམ། གང་དུ་དེ་དག་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཁྱིམ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཁྱིམ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ།། བསྟེན་འགྲོའི་ཁྱིམ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་བསྟེན་འགྲོའི་ཁྱིམ་གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་གི་གླིང་བུ་འཇོག་པར་བྱེད་པ་དང ། རྔ་པ་ཊ་ཧ་དང ། པི་ཝང་དང ། རྫ་རྔ་ཁ་གཅིག་པ་དང ། འཁར་རྔ་དང ། སུ་གྷོ་ཤ་ཀ་འཇོག་པར་བྱེད་པ་དང ། མོང་ཕང་དང ། ཕང་ལོ་འཇོག་པར་བྱེད་པ་དང ། གང་དུ་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེའི་ཉེ་འཁོར་
Cha70a
༄#། །ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །བསྟེན་འགྲོའི་ཁྱིམ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་བསྟེན་འགྲོའི་ཁྱིམ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། རྒྱལ་མཚན་གྱི་ཤིང་ངོ ། །དགེ་སློང་གིས་ནང་དུ་ཆོས་གོས་དག་བཞག་སྟེ། རྒྱལ་མཚན་གྱི་ཤིང་ལ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །རྒྱལ་མཚན་གྱི་ཤིང་ལ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་རྒྱལ་མཚན་གྱི་ཤིང་ལ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །བསྟེན་འགྲོའི་ཁྱིམ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་བསྟེན་འགྲོའི་ཁྱིམ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན།་ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་གི་གླིང་བུ་འཇོག་པར་བྱེད་པ་དང ། རྔ་བ་ཊ་ཧ་དང ། པི་ཝང་དང ། རྫ་རྔ་ཁ་གཅིག་པ་དང ། འཁར་རྔ་དང ། སུ་གྷོ་ཤ་ཀ་འཇོག་
Cha70b
པར་བྱེད་པ་དང ། མོང་ཕང་དང ། ཕང་ལོ་འཇོག་པར་བྱེད་པ་དང ། གང་དུ་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །བསྟེན་འགྲོའི་ཁྱིམ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་བསྟེན་འགྲོའི་ཁྱིམ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། ། ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །མུ་སྟེགས་ཅན་གྱི་ཁྱིམ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མུ་སྟེགས་ཅན་གྱི་ཁྱིམ་ལྟ་བ་གཅིག་པ་དང ། བཟོད་པ་གཅིག་པ་དང ། འདོད་པ་གཅིག་པ་དང ། བསམ་པ་གཅིག་པ་གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ལྕི་བདག་འདིང་བར་བྱེད་པ་དང ། ཡམ་བསྲེག་ཤིང་དག་འཇོག་པར་བྱེད་པ་དང ། གཡང་གཞི་དག་དང ། ཤིང་ཤུན་དག་དང ། དབྱིག་གུ་དག་དང ། རིལ་བ་དག་དང ། བླུགས་གཟར་དག་དང ། དགང་གཟར་དག་འཇོག་པ་དང ། མེ་སྦར་བར་བྱེད་པ་དང ། ཡམ་བསྲེག་ཤིང་
Cha71a
༄#། །དག་སྲེག་པར་བྱེད་པ་དང ། གང་དུ་དེ་དག་རྡུང་བར་བྱེད་པ་དང ། རྡོ་བར་བྱེད་པ་དང ། འཐག་བར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །མུ་སྟེགས་ཅན་གྱི་ཁྱིམ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མུ་སྟེགས་ཅན་གྱི་ཁྱིམ་ལྟ་བ་ཐ་དད་པ་དང ། བཟོད་པ་ཐ་དད་པ་དང ། འདོད་པ་ཐ་དད་པ་དང ། བསམ་པ་ཐ་དད་པ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ལྷའི་གནས་སོ། །དགེ་སློང་གིས་མུ་སྟེགས་ཅན་གྱི་ཁྱིམ་དུ་ཆོས་གོས་དག་བཞག་སྟེ། ལྷའི་གནས་སུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ལྷའི་གནས་སུ་ཆོས་གོས་དག་བཞག་སྟེ། མུ་སྟེགས་ཅན་གྱི་ཁྱིམ་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །མུ་སྟེགས་ཅན་གྱི་ཁྱིམ་མམ། ལྷའི་གནས་སུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མུ་སྟེགས་ཅན་
Cha71b
གྱི་ཁྱིམ་རབ་ཏུ་མང་པོ་ལྟ་བ་གཅིག་པ་དང ། བཟོད་པ་གཅིག་པ་དང ། འདོད་པ་གཅིག་པ་དང ། བསམ་པ་གཅིག་པ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ལྕི་བ་དག་འདིང་བར་བྱེད་པ་དང ། ཡམ་སྲེག་ཤིང་དག་འཇོག་པར་བྱེད་པ་དང ། གཡང་གཞི་དག་དང ། ཤིང་ཤུན་དག་དང ། དབྱིག་གུ་དག་དང ། རིལ་བ་དག་དང ། བླུགས་གཟར་དག་དང ། དགང་གཟར་དག་འཇོག་པར་བྱེད་པ་དང ། མེ་སྦར་བར་བྱེད་པ་དང ། ཡམ་སྲེག་ཤིང་སྲེག་པར་བྱེད་པ་དང ། གང་དུ་དེ་དག་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །མུ་སྟེགས་ཅན་གྱི་ཁྱིམ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མུ་སྟེགས་ཅན་གྱི་ཁྱིམ་རབ་ཏུ་མང་པོ་ལྟ་བ་ཐ་དད་པ་དང ། བཟོད་པ་ཐ་དད་པ་དང ། འདོད་པ་ཐ་དད་པ་དང ། བསམ་པ་ཐ་དད་པ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ།།
Cha72a
༄#། །ཚོང་རྡལ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོམ་བྱེ་བ་དག་གི་ཚོང་རྡལ་གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང ། ཉོ་བར་བྱེད་པ་དང ། ཚོང་བར་བྱེད་པ་དང ། བགྲང་བར་བྱེད་པ་དང ། འཇལ་བར་བྱེད་པ་དང ། འཇོག་པར་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན་ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཚོང་རྡལ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཚོང་རྡལ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། གཞག་སྟེགས་སོ། །དགེ་སློང་གིས་ནང་དུ་ཆོས་གོས་དག་བཞག་སྟེ། གཞག་སྟེགས་སུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །གཞག་སྟེགས་སུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་གཞག་སྟེགས་སུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཚོང་རྡལ་རབ་ཏུ་མང་པོ་ཉེ་འཁོར་གཅིག་
Cha72b
པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཚོང་རྡལ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང ། ཉོ་བར་བྱེད་པ་དང ། ཚོང་བར་བྱེད་པ་དང ། བགྲང་བར་བྱེད་པ་དང ། འཇལ་བར་བྱེད་པ་དང ། འཇོག་པར་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཚོང་རྡལ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཚོང་རྡལ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཚོང་ཁང་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཚོང་ཁང་གང་དག་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང ། གྲོ་དག་དང ། ནས་དག་དང ། མོན་སྲན་གྲེའུ་དག་དང ། སཱ་ལུ་དག་དང ། འབྲས་དག་དང ། ཏིལ་དག་དང ། འབྲས་ཐུག་པོ་ཆེ་དང ། བུ་རམ་དག་དང ། བུ་རམ་དག་དང ། རས་དག་དང ། རས་བལ་
Cha73a
༄#། །དག་དང ། སྐུད་པ་དག་དང ། གོས་དག་འཇོག་པར་བྱེད་པ་དང ། འབྲུ་སྤུངས་པར་བྱེད་པ་དང ། བྲེའུ་ཆུང་དང ། གླེ་བ་འཇོག་བར་བྱེད་པ་དང ། འཇལ་བར་བྱེད་པ་དང ། རླུང་གཡོར་འཛུགས་པར་བྱེད་པ་དང ། ཉོ་བར་བྱེད་པ་དང ། ཚོང་བར་བྱེད་པ་དང ། བགྲང་བར་བྱེད་པ་དང ། འཇལ་བར་བྱེད་པ་དང ། འཇོག་པར་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཚོང་ཁང་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཚོང་ཁང་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། འདུག་སྟེགས་སོ། །དགེ་སློང་གིས་ནང་དུ་ཆོས་གོས་དག་བཞག་སྟེ། འདུག་སྟེགས་སུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །འདུག་སྟེགས་སུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་འདུག་སྟེགས་སུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཚོང་ཁང་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་
Cha73b
སྒོ་མ་བྱེ་བ་དག་གི་ཚོང་ཁང་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ཟོང་འཇོག་པར་བྱེད་པ་དང ། གྲོ་དག་དང ། ནས་དག་དང ། མོན་སྲན་གྲེའུ་དག་དང ། སཱ་ལུ་དག་དང ། འབྲས་དག་དང ། ཏིལ་དག་དང ། འབྲས་ཐུག་པོ་ཆེ་དག་དང ། བུ་རམ་དག་དང ། མར་དག་དང ། རས་བལ་དག་དང ། སྐུད་པ་དག་དང ། གོས་དག་འཇོག་པར་བྱེད་པ་དང ། འབྲུ་སྤུངས་པར་བྱེད་པ་དང ། བྲེའུ་ཆུང་དང ། གླེ་བ་འཇོག་པར་བྱེད་པ་དང ། འཇལ་བར་བྱེད་པ་དང ། རླུང་གཡོར་འཛུགས་པར་བྱེད་པ་དང ། ཉོ་བར་བྱེད་པ་དང ། ཚོང་བར་བྱེད་པ་དང ། བགྲང་བར་བྱེད་པ་དང ། འཇལ་བར་བྱེད་པ་དང ། འཇོག་པར་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཚོང་ཁང་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཚོང་ཁང་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །དགྲ་ཁང་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གམ། སྤུན་སྒོ་མ་བྱེ་བ་
Cha74a
༄#། །དག་གི་དགྲ་ཁང་གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་གླང་དག་འདོགས་པར་བྱེད་པ་དང ། རྩཝ་དག་འཇོག་པར་བྱེད་པ་དང ། མུན་ཛ་དག་རྡུང་བར་བྱེད་པ་དང ། ཐག་པ་དག་འཁལ་བར་བྱེད་པ་དང ། གང་དུ་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །དགྲ་ཁང་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་དགྲ་ཁང་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཡ་གད་དོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཡ་གད་ལ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཡ་གད་ལ་ཆོས་གོས་དག་བཞག་སྟེ། དགྲ་ཁང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །དགྲ་ཁང་ངམ་ཡ་གད་ལ་ཆོས་གོས་བཞག་སྟེ། གཞན་དུ་སྐྱ་རེངས་འཆར་བར་
Cha74b
བྱེད་ན། སྤང་བའི་ལྟུང་བྱེད་དུ་འགྱུར་རོ། །དགྲ་ཁང་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་དགྲ་ཁང་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་ཏུ་འདོམ་གང་ངམ། གང་དུ་དེ་དག་གླང་དག་འདོགས་པར་བྱེད་པ་དང ། རྩཝ་དག་འཇོག་པར་བྱེད་པ་དང ། མུན་ཛ་དག་རྡུང་བར་བྱེད་པ་དང ། ཐག་པ་དག་འཁལ་བར་བྱེད་པ་དང ། གང་དུ་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །དགྲ་ཁང་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་དགྲ་ཁང་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །གཡུལ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་གཡུལ་གང་ཡིན་པའོ། །དེའི་ཉེ་འཁོར་གང་ཞེ་ན། ནང་
Cha75a
༄#། །ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་འབྲུ་རྡུང་བར་བྱེད་པ་དང ། འཕྱར་བར་བྱེད་པ་དང ། འཁྲབ་པར་བྱེད་པ་དང ། སྤུངས་པར་བྱེད་པ་དང ། བྲེའུ་ཆུང་དང ། གླེ་བ་འཇོག་པར་བྱེད་པ་དང ། འཇལ་བར་བྱེད་པ་དང ། རླུང་གཡོར་འཛུགས་པར་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གཡུལ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གཡུལ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། གཡུལ་གྱི་དཀྱིལ་ལོ། །དགེ་སློང་གིས་གཡུལ་གྱི་དཀྱིལ་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། གཡུལ་གྱི་དཀྱིལ་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །གཡུལ་གྱི་དཀྱིལ་དུ་འམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གཡུལ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་གཡུལ་རབ་ཏུ་མང་པོ་
Cha75b
གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་འབྲུ་རྡུང་བར་བྱེད་པ་དང ། འཕྱར་བར་བྱེད་པ་དང ། འཁྲབ་པར་བྱེད་པ་དང ། སྤུངས་པར་བྱེད་པ་དང ། བྲེའུ་ཆུང་དང ། གླེ་བ་འཇོག་བར་བྱེད་པ་དང ། འཇལ་བར་བྱེད་པ་དང ། རླུང་གཡོར་འཛུགས་པར་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གཡུལ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གཡུལ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ།། །།འདུལ་བ་རྣམ་པར་འབྱེད་པ་དང ། བམ་པོ་ཉེར་དྲུག་པ། གཡུལ་གྱི་ཚོམས་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་གཡུལ་གྱི་ཚོམས་གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་གླང་དག་འདོགས་པར་བྱེད་པ་དང ། རྩཝ་དག་འཇོག་པར་བྱེད་པ་དང ། མུན་ཛ་དག་རྡུང་བར་བྱེད་པ་དང ། ཐག་པ་དག་འཁལ་བར་བྱེད་པ་དང ། ལྕི་བ་
Cha76a
༄#། །དག་འདོར་བར་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གཡུལ་གྱི་ཚོམས་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གཡུལ་གྱི་ཚོམས་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། སྒོའོ། །དགེ་སློང་གིས་ནང་དུ་ཆོས་གོས་དག་བཞག་སྟེ། སྒོར་སྐྱ་རེངས་འཆར་བར་བྱེད་ན། ལྟུང་བ་མེད་དོ། །སྒོར་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་སྒོར་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་པའི་ལྟུང་བྱེད་དུ་འགྱུར་རོ། །གཡུལ་གྱི་ཚོམས་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་གཡུལ་གྱི་ཚོམས་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་གླང་དག་འདོགས་པར་བྱེད་པ་དང ། རྩཝ་དག་འཇོག་པར་བྱེད་པ་དང ། མུན་ཛ་དག་རྡུང་བར་བྱེད་པ་དང ། ཐག་པ་དག་འཁལ་བར་བྱེད་པ་དང ། ལྕི་བ་དག་
Cha76b
འདོར་བར་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གཡུལ་གྱི་ཚོམས་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གཡུལ་གྱི་ཚོམས་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །གྲུ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་གྲུ་གང་ཡིན་པའོ། །དེའི་ཉེ་འཁོར་གང་ཞེ་ན། འགྲོ་བའི་ནི། ནང་ཐམས་ཅད་དང ། ཕྱི་རོལ་འདོམ་གང་ངོ ། །འདུག་པའི་ནི། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་པ་དང ། གྲུ་རྟོད་པར་བྱེད་པ་དང ། གདོས་པ་དག་འཇོག་པར་བྱེད་པ་དང ། གྲུ་སྐྱ་དག་འཇོག་པར་བྱེད་པ་དང ། མུན་ཛ་དག་རྡུང་བར་བྱེད་པ་དང ། ཐག་པ་དག་འཁལ་བར་བྱེད་པ་དང ། གང་དུ་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་
Cha77a
༄#། །གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། ། ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གྲུ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གྲུ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། གྲུ་གདོང་ངོ ། །དགེ་སློང་གིས་ནང་དུ་ཆོས་གོས་དག་བཞག་སྟེ། གྲུ་གདོང་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །གྲུ་གདོང་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་གྲུ་གདོང་དུ་ཆོས་གོས་དག་བཞག་སྟེ།་གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གྲུ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་གྲུ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། འགྲོ་བའི་ནི། ནང་ཐམས་ཅད་དང ། ཕྱི་རོལ་འདོམ་གང་ངོ ། །འདུག་པའི་ནི། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་པ་དང ། གྲུ་རྟོད་པར་བྱེད་པ་དང ། གདོས་པ་དག་འཇོག་པར་བྱེད་པ་དང ། གྲུ་སྐྱ་དག་འཇོག་པར་བྱེད་པ་དང ། མུན་ཛ་དག་རྡུང་བར་བྱེད་པ་དང །
Cha77b
ཐག་པ་དག་འཁལ་བར་བྱེད་པ་དང ། གང་དུ་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །གྲུ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་གྲུ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཤིང་རྟ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཤིང་རྟ་གང་ཡིན་པའོ། །དེའི་ཉེ་འཁོར་གང་ཞེ་ན། འགྲོ་བའི་ནི། ནང་ཐམས་ཅད་དང ། ཕྱི་རོལ་འདོམ་གང་ངོ ། །འདུག་པའི་ནི། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་པ་དང ། གླང་དག་འདོགས་པར་བྱེད་པ་དང ། རྩཝ་དག་འཇོག་པར་བྱེད་པ་དང ། མུན་ཛ་དག་རྡུང་བར་བྱེད་པ་དང ། ཐག་པ་དག་འཁལ་བར་བྱེད་པ་དང ། གང་དུ་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང །
Cha78a
༄#། །འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། ། ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཤིང་རྟ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཤིང་རྟ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཁ་ལོ་པའི་གནས་སོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཁ་ལོ་པའི་གནས་སུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཁ་ལོ་པའི་གནས་སུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཁ་ལོ་པའི་གནས་སུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། ། ཤིང་རྟ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཤིང་རྟ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། འགྲོ་བའི་ནི། ནང་ཐམས་ཅད་དང ། ཕྱི་རོལ་འདོམ་གང་ངོ ། །འདུག་པའི་ནི། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་ཕུར་པ་འདེབས་པར་བྱེད་པ་དང ། གླང་དག་འདོགས་པར་བྱེད་པ་དང ། རྩཝ་
Cha78b
དག་འཇོག་པར་བྱེད་པ་དང ། མུན་ཛ་དག་རྡུང་བར་བྱེད་པ་དང ། ཐག་པ་དག་འཁལ་བར་བྱེད་པ་དང ། གང་དུ་རྡུང་བར་བྱེད་པ་དང ། རྔོ་བར་བྱེད་པ་དང ། འཐག་པར་བྱེད་པ་དང ། འཆའ་བར་བྱེད་པ་དང ། ཟ་བར་བྱེད་པ་དང ། འཐུང་བར་བྱེད་པ་དང ། ཁྱེའུ་སུས་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། ། ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཤིང་རྟ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཤིང་རྟ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཤིང་ལྗོན་པ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། ཤིང་ལྗོན་པ་ཡལ་གའི་ཚོགས་འབྲེལ་བ་གང་ཡིན་པའོ། །དེའི་ཉེ་འཁོར་གང་ཡིན་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་ལོ་མ་ལྷགས་པ་རླུང་གིས་མ་བདས་པ་དག་འབབ་པ་དང ། ཆར་ཆད་པའི་ཐིག་པ་སྦོམ་པོ་དག་འབབ་པ་དང ། གང་དུ་གུང་ཚིགས་ཀྱི་ཤིང་ལྗོན་པའི་གྲིབ་མས་ཁྱབ་ཅིང་འདུག་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་
Cha79a
༄#། །དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཤིང་ལྗོན་པ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། ཤིང་ལྗོན་པ་ཡལ་གའི་ཚོགས་མ་འབྲེལ་བ་གང་ཡིན་པའོ། །དེའི་ཉེ་འཁོར་གང་ཞེ་ན། སོ་སོ་ཐ་དད་པའོ། ། ཅི་ཞིག་ཐུན་མོང་ཡིན་ཞེ་ན། རྩ་བའོ། །དགེ་སློང་གིས་རྩ་བར་ཆོས་གོས་དག་བཞག་སྟེ། ཡལ་གར་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཡལ་གར་ཆོས་གོས་དག་བཞག་སྟེ། རྩཝ་བར་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །རྩ་བའམ་ཡལ་གར་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་པའི་ལྟུང་བྱེད་དུ་འགྱུར་རོ། །ཤིང་ལྗོན་པ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། ཤིང་ལྗོན་པ་རབ་ཏུ་མང་པོའི་ཡལ་གའི་ཚོགས་འབྲེལ་བ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་ལོ་མ་ལྷགས་པ་རླུང་གིས་མ་བདས་པ་དག་འབབ་པ་དང ། ཆར་ཆད་པའི་ཐིགས་པ་སྤོམ་པོ་དག་འབབ་པ་དང ། གང་དུ་གུང་ཚིགས་ཀྱི་ཚེ་ཤིང་ལྗོན་པའི་གྲིབ་མས་ཁྱབ་ཅིང་འདུག་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་
Cha79b
བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཤིང་ལྗོན་པ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། ཤིང་ལྗོན་པ་རབ་ཏུ་མང་པོ་ཡལ་གའི་ཚོགས་མ་འབྲེལ་བ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །ཀུན་དགའི་ར་བ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཀུན་དགའི་ར་བ་གང་ཡིན་པའོ། །དེའི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་མེ་ཏོག་དག་འཐུ་བར་བྱེད་པ་དང ། སྐོན་པ་དག་འཇོག་པར་བྱེད་པ་དང ། ཕྲེང་བ་དག་རྒྱུད་པར་བྱེད་པ་དང ། འཇལ་བར་བྱེད་པ་དང ། ཉོ་བར་བྱེད་པ་དང ། ཚོང་བར་བྱེད་པ་དང ། བྲེའུ་ཆུང་དང ། ཕུལ་འཇོག་པར་བྱེད་པ་དེ་ནི། དེའི་ཉེ་འཁོར་ཡིན་ནོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཀུན་དགའི་ར་བ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ། སྤུན་སྒོ་བྱེ་བ་དག་གི་ཀུན་དགའི་ར་བ་གང་ཡིན་པའོ། །དེའི་ཉེ་འཁོར་གང་ཞེ་ན།
Cha80a
༄#། །སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཁྲོན་པའོ། །དགེ་སློང་གིས་ནང་དུ་ཆོས་གོས་དག་བཞག་སྟེ། ཁྲོན་པར་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཁྲོན་པར་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཁྲོན་པར་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཀུན་དགའ་ར་བ་རབ་ཏུ་མང་པོ་ཉེ་འཁོར་གཅིག་པ་གང་ཞེ་ན། འདི་ལྟ་སྟེ། མི་གཅིག་གིའམ། སྤུན་སྒོ་མ་བྱེ་བ་དག་གི་ཀུན་དགའ་ར་བ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། ནང་ཐམས་ཅད་དང ། ཕྱི་རོལ་འདོམ་གང་ངམ། གང་དུ་དེ་དག་མེ་ཏོག་དག་འཐུ་བར་བྱེད་པ་དང ། སྐོན་པ་དག་འཇོག་པར་བྱེད་པ་དང ། ཕྲེང་བ་དག་རྒྱུད་པར་བྱེད་པ་དང ། འཇལ་བར་བྱེད་པ་དང ། ཉོ་བར་བྱེད་པ་དང ། ཚོང་བར་བྱེད་པ་དང ། བྲེའུ་ཆུང་དང ། ཕུལ་འཇོག་པར་བྱེད་པ་དེ་ནི། དེ་དག་གི་ཉེ་འཁོར་ཡིན་ནོ། །དགེ་སློང་གི་ནང་དུ་ཆོས་གོས་དག་བཞག་སྟེ། ཉེ་འཁོར་དུ་སྐྱ་རེངས་འཆར་བར་བྱེད་ན། ལྟུང་བ་མེད་དོ། །ཉེ་འཁོར་དུ་ཆོས་གོས་དག་བཞག་སྟེ། ནང་དུ་སྐྱ་རེངས་འཆར་བར་བྱེད་ན་ཡང་ལྟུང་བ་མེད་དོ། །ནང་ངམ་ཉེ་འཁོར་དུ་ཆོས་གོས་དག་བཞག་སྟེ། གཞན་དུ་སྐྱ་རེངས་འཆར་བར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཀུན་དགའ་ར་བ་རབ་ཏུ་མང་པོ་ཉེ་འཁོར་ཐ་དད་པ་གང་ཞེ་ན། འདི་ལྟ་སྟེ། མི་ཐ་དད་པ་དག་གིའམ་
Cha80b
སྤུན་སྒོ་བྱེ་བ་དག་གི་ཀུན་དགའ་ར་བ་རབ་ཏུ་མང་པོ་གང་དག་ཡིན་པའོ། །དེ་དག་གི་ཉེ་འཁོར་གང་ཞེ་ན། སོ་སོ་ཐ་དད་པའོ། །ཅི་ཞིག་ཐུན་མོང་ཡིན་ཞེ་ན། ཅི་ཡང་མ་ཡིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། དགེ་སློང་གིས་ཆོས་གོས་དག་དགེ་སློང་ལ་གཏད་དེ། མགྲོན་ལམ་དུ་མཆི་ན། བཙུན་པ། དེའི་ཉེ་འཁོར་གང་ལགས། ཉེ་བར་འཁོར། ངས་བྲམ་ཟེ་གྲོ་བཞིན་སྐྱེས་ལ་ཨ་མྲའི་སྡོང་པོ་ཤིན་ཏུ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཡལ་ག་ཕུན་སུམ་ཚོགས་པ། འདོམ་བདུན་གྱིས་བར་དུ་ཆོད་པའི་ཨ་མྲའི་སྡོང་པོ་བདུན་པོ་གང་དག་ཡིན་པ་དེ་དག་ལ་འདོམ་བཞི་བཅུ་རྩ་དགུ་ཡོད་པར་བསྟན་པ་དེ་ནི། དགེ་སློང་ལམ་དུ་ཞུགས་པའི་ཆོས་གོས་དག་གི་ཉེ་འཁོར་བཞིན་ནོ། །འགྲེང་བ་དང ། འདུག་པ་དང ། ཉལ་བའི་ཉེ་འཁོར་ནི།་འདོམ་གང་ཁོ་ར་ཁོར་ཡུག་གོ་།ཐད་ཀར་འགྲོ་བའི་ཉེ་འཁོར་ཡང ། འདོམ་གང་ཁོ་ར་ཁོར་ཡུག་གོ་།ཐད་ཀར་འགྲེང་བ་དང ། ཉལ་བའི་ཉེ་འཁོར་ཡང ། འདོམ་གང་ཁོ་ར་ཁོར་ཡུག་གོ་།བཙུན་པ། དགེ་སློང་གིས་མཚམས་གཞན་དུ་མཆིས་ནས་ཉལ་བར་བགྱིད་ན། དེའི་ཆོས་གོས་དག་གི་ཉེ་འཁོར་གང་ལགས། ཉེ་བར་འཁོར། ཇི་ཙམ་དུ་ཆོས་གོས་ཀྱི་གྲཝ་ལུས་དང་མ་བྲལ་བ་ཚུན་ཆད་དོ། །དགེ་སློང་གིས་ཆོས་གོས་སྤང་བར་གྱུར་ན། དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་ཆོས་གོས་སྤང་བར་
Cha81a
༄#། །གྱུར་ན། དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་ཆོས་གོས་སྤང་བར་གྱུར་ན།་དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་ཆོས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན། དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་སྲིད་དུ་སྤང་བའི་དངོས་པོ་དེ་མ་བཤགས་ཤིང ། སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་གཞན་ཉེ་བར་འཇོག་པར་བྱེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། ། ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འབྲལ་བའི་སྤང་བ་སྟེ། གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་གོས་མང་བ་ཉིད། འདི་ལྟ་བུ་འདི་བྱུང་སྟེ། དགེ་སློང་གང་ཡང་རུང་བས་གོས་སྔོན་པོ་ཞིག་རྙེད་ན། དེས་དེ་བྱེད་དུ་མི་འཇུག་པར་དེ་གང་གི་ཚེ། འདི་དང་འདྲ་བ་རྙེད་པར་གྱུར་པ་དེའི་ཚེ་གོས་བྱེད་དུ་གཞུག་གོ། སྙམ་དུ་རེ་བས་དེ་འཇོག་པར་བྱེད་ཅིང ། སྔོན་པོ་ཇི་ལྟ་བ་
Cha81b
བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཡང་དེ་བཞིན་ནོ། །དགེ་སློང་དོན་ཉུང་ངུ་དག། ཅིའི་ཕྱིར་དགེ་སློང་རྣམས་གོས་མང་བ་ཉིད། འདི་ལྟ་བུ་འདི་བྱུང་སྟེ། དགེ་སློང་གང་ཡང་རུང་བས་གོས་སྔོན་པོ་ཞིག་རྙེད་ན། དེས་དེ་བྱེད་དུ་མི་འཇུག་པར་དེ་གང་གི་ཚེ་འདི་དང་འདྲ་བ་རྙེད་པར་གྱུར་པ་དེའི་ཚེ་གོས་བྱེད་དུ་གཞུག་གོ། སྙམ་དུ་རེ་བས་དེ་འཇོག་པར་བྱེད་ཅིང ། སྔོན་པོ་ཇི་ལྟ་བ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཡང་དེ་བཞིན་ནོ། །ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི།་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་རབ་ཏུ་མང་པོ་དག་ལ་རྨས་པ། དགེ་སློང་དག། ཁྱེད་ལ་གོས་མང་བ་ཉིད་འདི་ལྟ་བུ་འདི་བྱུང་སྟེ། དགེ་སློང་གང་ཡང་རུང་བས་གོས་སྔོན་པོ་ཞིག་རྙེད་ན། དེས་དེ་བྱེད་དུ་མི་འཇུག་པར་དེ་གང་གི་ཚེ་འདི་འདྲ་རྙེད་པར་གྱུར་པ་དེའི་ཚེ་བྱེད་དུ་གཞུག་གོ། སྙམ་དུ་རེ་བས་དེ་འཇོག་པར་བྱེད་ཅིང ། སྔོན་པོ་ཇི་ལྟ་བ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཡང་དེ་བཞིན་དུ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་
Cha82a
༄#། །བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བའི་བསྔགས་པ་བརྗོད་ཅིང ། ཆོག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་རྣམས་དང ། མཛེས་པ་ཉིད་དང ། དྲོད་རིག་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ཆོས་གོས་ཟིན་པས་སྲ་བརྐྱང་ཕྱུར་ན། དུས་མ་ཡིན་པའི་གོས་ཤིག་རྙེད་ལ་འདོད་ན། དགེ་སློང་དེས་གོས་དེ་བླང་བར་བྱའོ། །བླངས་ནས་གལ་ཏེ་ལོངས་ན། མྱུར་བ་ཁོ་ནར་གོས་སུ་བྱས་ཏེ་བཅང་བར་བྱའོ། །གལ་ཏེ་མི་ལངས་ལ་ཁ་མ་ལོངས་པ་ཁ་སྐོང་བའི་གོས་ལ་རེ་བ་ཡོད་ན།་དགེ་སློང་དེས་གོས་དེ་ཟླ་བ་གཅིག་གི་མཐར་གཞག་པར་བྱའོ། །དེ་ལས་འདས་པར་འཇོག་ན། སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི། ཆོས་འདི་པའོ། །ཆོས་གོས་ཟིན་པས་སྲ་བརྐྱང་ཕྱུང་ན་ཞེས་བྱ་བ་ནི། ཆོས་གོས་ཟིན་ལ་སྲ་བརྐྱང་མ་ཕྱུང་བ་ཡང་ཡོད། ཆོས་གོས་མ་ཟིན་ལ་སྲ་བརྐྱང་ཕྱུང་བ་ཡང་ཡོད། ཆོས་གོས་ཟིན་ཅིང་སྲ་བརྐྱང་ཕྱུང་བ་ཡང་ཡོད། ཆོས་གོས་མ་ཟིན་ཅིང་
Cha82b
སྲ་བརྐྱང་མ་ཕྱུང་བ་ཡང་ཡོད་དེ། མུ་བཞིར་བཅད་པ་སྔ་མ་བཞིན་ནོ། །དུས་མ་ཡིན་པའི་གོས་ཤིག་ཅེས་བྱ་བ་ལ། དགེ་སློང་གི་གོས་ཀྱི་དུས་ནི། གང་ཡིན། དུས་མ་ཡིན་པ་ནི། གང་ཡིན་ཞེ་ན། སྲ་བརྐྱང་བཏིང་བའི་གནས་ན་ནི། སྟོན་ཟླ་འབྲིང་པོའི་ཉ་ནས་དཔྱིད་ཟླ་ར་བའི་ཉའི་བར་གྱི་ཟླ་བ་དེ་དག་ནི། གོས་ཀྱིས་དུས་ཡིན་ལ། དེ་ཕན་ཆད་ནི། དུས་མ་ཡིན་ནོ། །སྲ་བརྐྱང་མ་བཏིང་བའི་གནས་ན་ནི། ཐམས་ཅད་དུས་མ་ཡིན་ནོ། །རྙེད་ལ་ཞེས་བྱ་བ་ནི། གཞན་ལས་སོ། །འདོད་ན་ཞེས་བྱ་བ་ནི། གལ་ཏེ་དོན་དུ་གཉེར་ནའོ། །དགེ་སློང་དེས་གོས་དེ་བླང་བར་བྱའོ། །ཞེས་བྱ་བ་ནི། བདག་གིར་བྱའོ། །གལ་ཏེ་ལོངས་ན་ཞེས་བྱ་བ་ནི། གལ་ཏེ་ཆོག་ནའོ། །མྱུར་བ་ཁོ་ནར་གོས་སུ་བྱས་ཏེ་བཅང་བར་བྱའོ། །ཞེས་བྱ་བ་ནི། མི་བསྒྱང་བ་ཁོ་ནར་བྱིན་གྱིས་བརླབ་ཏུ་རུང་བར་བྱས་ཏེའོ། །ཁ་མ་ལོངས་པ་ཁ་སྐོང་བའི་ཞེས་བྱ་བ་ནི།་སྣམ་སྦྱར་རམ། བླ་གོས་སམ། མཐང་གོས་ཁ་མ་ལོངས་པ་ཁ་སྐོང་བའོ། །གོས་ལ་རེ་བ་ཡོད་ན་ཞེས་བྱ་བ་ནི། དགེ་སློང་ལ་མས་བདག་ལ་གོས་སྦྱིན་པའི་རེ་བའམ། ཕའམ། བུ་ནུའམ། སྲིང་མོའམ། སློབ་དཔོན་ནམ། མཁན་པོས་བདག་ལ་གོས་སྦྱིན་པའི་རེ་བའམ། ལོ་ལྔའི་དུས་སྟོན་གྱི་ཚེའམ། ལོ་དྲུག་གི་དུས་སྟོན་གྱི་ཚེའམ། གཙུག་ཕུད་འབྲེག་པའི་དུས་སྟོན་གྱི་ཚེའམ། དུས་སྟོན་ཆེན་པོའི་ཆེ་རྙེད་དུ་རེ་བ་ཡོད་ནའོ། །དགེ་སློང་དེས་གོས་དེ། ཟླ་བ་གཅིག་གི་མཐར་གཞག་པར་བྱའོ། །ཞེས་བྱ་བ་ནི། ཟླ་བ་གཅིག་གི་མཐའ་ཚུན་ཆད་དུའོ། །དེ་ལས་འདས་པར་འཇོག་ན་ཞེས་བྱ་བ་ནི། དེ་ལས་ཐལ་བར་
Cha83a
༄#། །རོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན། སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ། དོགས་བཅས་དོགས་པ་མེད་པ་དང ། །ཉམས་གྱུར་གྲུབ་པར་མ་གྱུར་དང ། །རྒྱུན་ཆད་གོས་ལྔ་གོས་གཉིས་དང ། །སྦྱར་བ་དང་ནི་ཚད་རྣམས་སོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས། དེས་དེ་བྱེད་དུ་མི་འཇུག་པར་དེ་གང་གི་ཚེ་འདི་དང་འདྲ་བ་རྙེད་པར་གྱུར་པ་དེའི་ཚེ་གོས་བྱེད་དུ་གཞུག་གོ། སྙམ་དུ་རེ་བས་དེ་འཇོག་པར་བྱེད་ཅིང ། དེས་ཚེས་དེ་ཉིད་ལ་གོས་སྔོན་པོ་དོགས་པ་དང་བཅས་པ་གཞན་ཞིག་རྙེད་པར་གྱུར་ན། དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་བཅུ་ཚུན་ཆད་ཀྱིས་གོས་སྔོན་པོ་ཞིག་རྙེད་ན། དགེ་སློང་དེས་གོས་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་
Cha83b
པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་བཅུ་ལ་མ་རྙེད་ཀྱང་ཉི་མ་བཅུ་དགུ་ཚུན་ཆད་ཀྱིས་རྙེད་ན། དགེ་སློང་དེས་གོས་དེ་ཉི་མ་ཉི་ཤུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་ཉི་ཤུ་བའི་སྐྱ་རེངས་ཤར་ན། སྤང་པའི་ལྟུང་བྱེད་དུ་འགྱུར་རོ། །ཉི་མ་ཉི་ཤུ་པ་ལ་མ་རྙེད་ཀྱང ། ཉི་མ་ཉི་ཤུ་རྩ་དགུ་ཚུན་ཆད་ཀྱིས་རྙེད་ན། དགེ་སློང་དེས་གོས་དེ་ཟླ་བ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་སུམ་ཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་རྙེད་པ་ཇི་ལྟ་བ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཡང་དེ་བཞིན་ནོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས། དེས་དེ་བྱེད་དུ་མི་འཇུད་པར་དེ་གང་གི་ཚེ་འདི་དང་འདྲ་བ་རྙེད་པར་གྱུར་བ་དེའི་ཚེ་གོས་བྱེད་དུ་གཞུག་གོ། སྙམ་དུ་རེ་བ་མེད་པས་དེ་འཇོག་པར་བྱེད་ཅིང ། དེས་ཚེས་དེ་ཉིད་ལ་གོས་སྔོན་པོ་དོགས་པ་མེད་པ་གཞན་ཞིག་རྙེད་པར་གྱུར་ན། དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ།
Cha84a
༄#། །རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་པའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཚེས་བཅུ་ཚུན་ཆད་དམ། ཉི་མ་བཅུ་དགུ་ཚུན་ཆད་དམ། ཉི་མ་ཉི་ཤུ་རྩ་དགུ་ཚུན་ཆད་ཀྱིས་གོས་སྔོན་པོ་ཞིག་རྙེད་ན། དགེ་སློང་དེས་གོས་དེ་ཟླ་བ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏོང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་སུམ་ཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་རྙེད་པ་ཇི་ལྟ་བ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཡང་དེ་བཞིན་ནོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས། དེས་དེ་ཕྱེད་དུ་མི་འཇུད་པར་དེ་གོས་ལ་རེ་བ་ཡོད་པས་དེ་འཇོག་པར་བྱེད་ཅིང ། དེའི་གོས་ལ་རེ་བ་གང་ཡིན་པ་དེ་ཉམས་པར་གྱུར། འགྱང་བར་འགྱུར། ཉམ་ཆུང་བར་གྱུར་ཅིང ། དེས་ཚེས་དེ་ཉིད་ལ་གོས་སྔོན་པོ་གཞན་ཞིག་རྙེད་པར་གྱུར་ན། དགེ་སློང་དེས་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ།
Cha84b
གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཚེས་བཅུ་ཚུན་ཆད་དམ། ཚེས་བཅུ་ལ་མ་རྙེད་ཀྱང་ཉི་ཤུ་རྩ་དགུ་ཚུན་ཆད་ཀྱིས་གོས་སྔོན་པོ་ཞིག་རྙེད་ན། དགེ་སློང་དེས་གོས་དེ་ཟླ་བ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་སུམ་ཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་རྙེད་པ་ཇི་ལྟ་བ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཡང་དེ་བཞིན་ནོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས། དེས་དེ་བྱེད་དུ་མི་འཇུད་པར་དེ་རེ་བས་དེ་འཇོག་པར་བྱེད་ཅིང ། དེའི་གོས་ལ་རེ་བ་གང་ཡིན་པ་གྲུབ་པར་མ་གྱུར། རྒྱུན་ཆད་པར་མ་གྱུར་པར་དེས་ཚེས་དེ་ཉིད་ལ་གོས་སྔོན་པོ་གཞན་ཞིག་རྙེད་པར་གྱུར་ན། དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་པའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་
Cha85a
༄#། །སམ། ཉི་མ་ཉི་ཤུ་རྩ་དགུ་ཚུན་ཆད་ཀྱིས་རྙེད་ན། དགེ་སློང་དེས་གོས་དེ་ཟླ་བ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་སུམ་ཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་རྙེད་པ་ཇི་ལྟ་བ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཡང་དེ་བཞིན་ནོ། །དགེ་སློང་གིས་ཚེས་ལ་གོས་སྔོན་པོ་ཞིག་རྙེད་ནས། དེས་དེ་བྱེད་དུ་མི་འཇུག་པར་དེ་རེ་བས་དེ་འཇོག་པར་བྱེད་ཅིང ། དེའི་གོས་ལ་རེ་བ་གང་ཡིན་པ་དེ་ཐམས་ཅད་ཀྱི་ཐམས་ཅད་དུ་རྒྱུན་ཆད་པར་གྱུར་ན། དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། བཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་པའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཉི་མ་ཉི་ཤུ་རྩ་དགུ་ཚུན་ཆད་ཀྱིས་རྙེད་ནས། དེས་དེ་བྱེད་དུ་མི་འཇུད་པར་དེ་རེ་བས་དེ་འཇོག་པར་བྱེད་ཅིང ། དེའི་གོས་ལ་རེ་བ་གང་ཡིན་པ་དེ་ཐམས་ཅད་ཀྱི་ཐམས་ཅད་དུ་རྒྱུན་ཆད་པར་གྱུར་ན། དགེ་སློང་དེས་གོས་དེ་ཉི་མ་བཅུ་པོ་དེ་ཉིད་ཀྱི་ནང་དུ་བྱིན་
Cha85b
གྱིས་བརླབ་པར་བྱ་བའམ། གཏང་བར་བྱ་བའམ། རུང་བར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རུང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །གོས་སྔོན་པོ་ཇི་ལྟ་བ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཡང་དེ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། གོས་དག་དུ་མཆིས། ཉེ་བར་འཁོར། ལྔ་སྟེ། གོས་བདག་པོ་ཡོད་པ་དང ། གོས་བདག་པོ་མེད་པ་དང ། གོས་པོར་བླངས་པ་དང ། གོས་དུར་ཁྲོད་པ་དང ། གོས་ཕྱག་དར་ཁྲོད་པ་ཉིད་ནི། ལྔ་པའོ། །དེ་ལ། གོས་བདག་པོ་ཡོད་པ་གང་ཞེ་ན། གང་ལ་བདག་པོ་སྐྱེས་པའམ། བུད་མེད་དམ། མ་ནིང་ཡོད་པ་དེ་ནི། གོས་བདག་པོ་ཡོད་པ་ཞེས་བྱའོ། །གོས་བདག་པོ་མེད་པ་གང་ཞེ་ན། གང་ལ་བདག་པོ་སྐྱེས་པའམ། བུད་མེད་དམ། མ་ནིང་མེད་པ་དེ་ནི། གོས་བདག་པོ་མེད་པ་ཞེས་བྱའོ། །གོས་བོར་བླངས་གང་ཞེ་ན། འདི་ལྟ་སྟེ། ཉེ་དུ་དག་གིས། ཉེ་དུ་ཉམས་པ་དང ། ཤི་བ་དང ། དུས་ལ་བབ་པར་རིག་ནས་དེའི་རྒྱབ་ནས་གོས་ཀྱིས་བཀའ་སྟེ་དུར་ཁྲོད་དུ་ཁྱེར་ནས་དེ་དག་གིས་གོས་དེ་ཡང་ཕྱིར་ཁྱེར་ཏེ་འོངས་ནས་དགེ་འདུན་ལ་ཕུལ་བ་དེ་ནི། གོས་བོར་བླངས་ཞེས་བྱའོ། །གོས་དུར་ཁྲོད་པ་གང་ཞེ་ན། ཡོངས་སུ་འཛིན་པ་མེད་པའི་དུར་ཁྲོད་ནས་བླངས་པ་གང་ཡིན་པ་དེ་ནི། གོས་དུར་ཁྲོད་པ་ཞེས་བྱའོ། །གོས་ཕྱག་དར་ཁྲོད་པ་གང་ཞེ་ན། ཕྱག་དར་ཁྲོད་པ་རྣམ་པ་ལྔ་སྟེ། ལམ་པོ་
Cha86a
༄#། །ཆེའི་གོས་དང ། དགོན་པར་བོར་བ་དང ། ཆུ་འགྲམ་པ་དང ། སྲིལ་ཟན་དང ། རལ་རུལ་ཉིད་ནི། ལྔ་པ་ཡིན་ཏེ། རལ་རུལ་ཞེས་བྱ་བ་ནི། ཧ་ཅང་ཟེགས་པ་གང་ཡིན་པའོ། ། གཞན་ཡང་ཕྱག་དར་ཁྲོད་པ་ལྔ་སྟེ། མེས་ཚིག་པ་དང ། ཆུས་རེག་པ་དང ། བྱི་བས་ཟོས་པ་དང ། བེ་འུས་ཟོས་པ་དང ། མ་མའི་གོས་ཉིད་ནི། ལྔ་པ་ཡིན་ནོ། །གཞན་ཡང་གོས་གཉིས་ཏེ། གསར་པ་དང ། དུས་ཚིགས་སུ་སྤྱད་པའོ། །གོས་གསར་པ་གང་ཞེ་ན། ཐག་པས་གསར་དུ་བཏགས་པ། དུས་ཚིགས་གསུམ་པོ་དག་ལས་དུས་ཚིགས་གང་ཡང་རུང་བའི་དུས་ཚིགས་སུ་མ་སྤྱད་པ་གང་ཡིན་པ་དེ་ནི།་གོས་གསར་པ་ཞེས་བྱའོ། །གོས་དུས་ཚིགས་སུ་སྤྱད་པ་གང་ཞེ་ན། དུས་ཚིགས་གསུམ་པོ་དག་ལས་དུས་ཚིགས་གང་ཡང་རུང་བའི་དུས་ཚིགས་སུ་སྤྱད་པ་གང་ཡིན་པ་སྟེ། དུས་ཚིགས་ཞེས་བྱ་བ་ནི།་ཟླ་བ་བཞི་སྟེ། དེ་ནི། གོས་དུས་ཚིགས་སུ་སྤྱད་པ་ཞེས་བྱའོ། །དགེ་སློང་གིས་གོས་གསར་པ་རྙེད་ན། གལ་ཏེ་དགེ་སློང་དེས་བཅག་པ་དང ། གདིང་བ་དང ། དྲ་བ་དང ། བཅོམ་པ་དང ། ཁ་བསྒྱུར་བར་ནུས་ན། དགེ་སློང་དེས་གོས་དེ་ལས་སྣམ་སྦྱར་ནི། ཉིས་རིམ་དུ་བྱ། གདིང་བ་ཡང་ཉི་རིམ་དུ་བྱ། བླ་གོས་ནི། ཆིག་རྐྱང་དུ་བྱ། མཐང་གོས་ཀྱང་ཆིག་རྐྱང་དུ་བྱའོ། །དགེ་སློང་གིས་སྣམ་སྦྱར་ཉིས་རིམ་ལ་རིམ་པ་གསུམ་པ་གློན་པར་བྱེད་ན། དེ་གློན་པར་བྱེད་པ་ན། ཉེས་བྱས་སུ་འགྱུར་ལ། ཞག་བཅུ་འདས་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྣམ་སྦྱར་ཉིས་རིམ་ལས་
Cha86b
གཞན་དུ་གླན་ནོ། །སྙམ་ནས་རིམ་པ་འབོགས་པར་བྱེད་ན། དེ་འབོགས་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྣམ་སྦྱར་ཉིས་རིམ་ལས་བཀྲུས་ཤིང་ཁ་བསྒྱུར་ཏེ་དེ་ཉིད་ལ་གླན་ནོ། །སྙམ་པས་རིམ་པ་འབོགས་པར་བྱེད་ན། དེ་འབོགས་པ་ན་ལྟུང་བ་མེད་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །སྣམ་སྦྱར་ལ་ཇི་ལྟ་བ་བཞིན་དུ་གདིང་བ་ལ་ཡང་དེ་བཞིན་ནོ། །དགེ་སློང་གིས་བླ་གོས་ཆིག་རྐྱང་ལ་རིམ་པ་གློན་པར་བྱེད་ན། དེ་གློན་པ་ན། ཉེས་བྱས་སུ་འགྱུར་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །བླ་གོས་ལ་ཇི་ལྟ་བ་བཞིན་དུ་མཐང་གོས་ལའང་དེ་བཞིན་ནོ། །དགེ་སློང་གིས་གོས་དུས་ཚིགས་སུ་སྤྱད་པ་ཞིག་རྙེད་ལ། གལ་ཏེ་དགེ་སློང་དེས་བཅག་པ་དང ། གདིང་བ་དང ། འདྲ་བ་དང ། བཙེམ་པ་དང ། ཁ་བསྒྱུར་བར་ནུས་ན། དགེ་སློང་དེས་གོས་དེ་ལས་སྣམ་སྦྱར་ནི། བཞི་རིམ་དུ་བྱ། གདིང་བ་ཡང་བཞི་རིམ་དུ་བྱ། བླ་གོས་ནི། ཉིས་རིམ་དུ་བྱ། མཐང་གོས་ཀྱང་ཉི་རིམ་དུ་བྱའོ། །དགེ་སློང་གིས་སྣམ་སྦྱར་བཞི་རིམ་ལ་ལྔ་པ་གློན་པར་བྱེད་ན། དེ་གློན་པ་ན། ཉེས་བྱས་སུ་འགྱུར་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྣམ་སྦྱར་བཞི་རིམ་ལས་གཞན་དུ་གླན་ནོ། །སྙམ་པས་རིམ་པ་འབོགས་པར་བྱེད་ན། འབོགས་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྣམ་སྦྱར་བཞི་རིམ་ལས་བཀྲུས་ཤིང་ཁ་བསྒྱུར་ཏེ། འདི་ཉིད་གླན་པར་
Cha87a
༄#། །བྱའོ། །སྙམ་པས་རིམ་པ་འབོགས་པར་བྱེད་ན། དེ་འབོགས་པ་ན་ལྟུང་བ་མེད་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །སྣམ་སྦྱར་ལ་ཇི་ལྟ་བ་བཞིན་དུ་གདིང་བ་ལ་ཡང་དེ་བཞིན་དུ་བརྗོད་པར་བྱའོ། །དགེ་སློང་གིས་བླ་གོས་ཉི་རིམ་ལ་རིམ་པ་གསུམ་པ་གློན་པར་བྱེད་ན། དེ་གློན་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་བླ་གོས་ཉི་རིམ་ལས་གཞན་དུ་གླན་ནོ། །སྙམ་པས་རིམ་པ་འབོགས་པར་བྱེད་ན། དེ་འབོགས་པ་ན་ཉེས་བྱས་སུ་འགྱུར་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་བླ་གོས་ཉི་རིམ་ལས་འདི་ཉིད་བཀྲུས་ཤིང་ཁ་བསྒྱུར་ཏེ་འདི་ཉིད་དུ་གླན་ནོ། །སྙམ་པས་རིམ་པ་འབོགས་པར་བྱེད་ན། དེ་འབོགས་པ་ན་ལྟུང་བ་མེད་ལ། ཉི་མ་བཅུ་འདས་ན། སྤང་བའི་ལྟུང་བྱེད་དུ་འགྱུར་རོ། །བླ་གོས་ལ་ཇི་ལྟ་བ་བཞིན་དུ་མཐང་གོས་ལ་ཡང་དེ་བཞིན་ནོ། །ཕྱག་དར་ཁྲོད་ལ་ནི། ཇི་ཙམ་འདོད་པ་གླན་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། སྣམ་སྦྱར་དག་གི་སྣམ་ཕྲན་དུ་ལགས། ཉེ་བར་འཁོར། དགུ་སྟེ། སྣམ་ཕྲན་དགུ་པ་དང ། སྣམ་ཕྲན་བཅུ་གཅིག་པ་དང ། སྣམ་ཕྲན་བཅུ་གསུམ་པ་དང ། སྣམ་ཕྲན་བཅོ་ལྔ་པ་དང ། སྣམ་ཕྲན་བཅུ་བདུན་པ་དང ། སྣམ་ཕྲན་བཅུ་དགུ་པ་དང ། སྣམ་ཕྲན་ཉི་ཤུ་གཅིག་པ་དང ། སྣམ་ཕྲན་ཉི་ཤུ་གསུམ་པ་དང ། སྣམ་ཕྲན་
Cha87b
ཉི་ཤུ་ལྔ་པའོ། །ཉེ་བར་འཁོར། དེ་ལ་སྣམ་ཕྲན་དགུ་པ་ནི། གསུམ་སྦྱར་གསུམ་མོ། །སྣམ་ཕྲན་བཅུ་གཅིག་པ་ནི། གསུམ་སྦྱར་གསུམ་དང ། སྣམ་ཕྲན་གཉིས་སོ། །སྣམ་ཕྲན་བཅུ་གསུམ་པ་ནི། གསུམ་སྦྱར་བཞི་དང་སྣམ་ཕྲན་གཅིག་གོ་།སྣམ་ཕྲན་བཅོ་ལྔ་པ་ནི། གསུམ་སྦྱར་ལྔ་པའོ། །སྣམ་ཕྲན་བཅུ་བདུན་པ་ནི། གསུམ་སྦྱར་ལྔ་དང་སྣམ་ཕྲན་གཉིས་སོ། །སྣམ་ཕྲན་བཅུ་དགུ་པ་ནི། གསུམ་སྦྱར་དྲུག་དང་སྣམ་ཕྲན་གཅིག་གོ་།སྣམ་ཕྲན་ཉི་ཤུ་གཅིག་པ་ནི། གསུམ་སྦྱར་བདུན་ནོ། །སྣམ་ཕྲན་ཉི་ཤུ་གསུམ་པ་ནི། གསུམ་སྦྱར་བདུན་དང་སྣམ་ཕྲན་གཉིས་སོ། །སྣམ་ཕྲན་ཉི་ཤུ་ལྔ་པ་ནི། གསུམ་སྦྱར་བརྒྱད་དང་སྣམ་ཕྲན་གཅིག་གོ་།ཉེ་བར་འཁོར། དེ་ལ་སྣམ་སྦྱར་སྣམ་ཕྲན་དགུ་པ་གང་ཡིན་པ་དང ། སྣམ་ཕྲན་བཅུ་གཅིག་པ་གང་ཡིན་པ་དང ། སྣམ་ཕྲན་བཅུ་གསུམ་པ་གང་ཡིན་པ་དེ་གསུམ་ནི། གླེགས་བུ་ཕྱེད་དང་གསུམ་པར་བྱས་ཏེ་བཅང་བར་བྱའོ། །སྣམ་སྦྱར་སྣམ་ཕྲན་བཅོ་ལྔ་པ་གང་ཡིན་པ་དང ། སྣམ་ཕྲན་བཅུ་བདུན་པ་གང་ཡིན་པ་དང ། སྣམ་ཕྲན་བཅུ་དགུ་པ་གང་ཡིན་པ་དེ་གསུམ་ནི། གླེགས་བུ་ཕྱེད་དད་བཞི་པར་བྱས་ཏེ་བཅང་བར་བྱའོ། །སྣམ་སྦྱར་སྣམ་ཕྲན་ཉི་ཤུ་གཅིག་པ་གང་ཡིན་པ་དང ། སྣམ་ཕྲན་ཉི་ཤུ་གསུམ་པ་གང་ཡིན་པ་དང ། སྣམ་ཕྲན་ཉི་ཤུ་ལྔ་པ་གང་ཡིན་པ་དེ་གསུམ་ནི། གླེགས་བུ་ཕྱེད་དང་ལྔ་པར་བྱས་ཏེ་བཅང་བར་བྱའོ། །ཉེ་བར་འཁོར། དེ་ཡན་ཆད་ནི། ཚེམ་བུའོ། །བཙུན་པ། སྣམ་སྦྱར་གྱི་ཚད་ཇི་ཙམ་ལགས། ཉེ་བར་འཁོར་གསུམ་སྟེ། སྣམ་སྦྱར་ཆེན་
Cha88a
༄#། །པོ་དང ། འབྲིང་དང ། ཆུང་ངུར་རིག་པར་བྱའོ། །དེ་ལ་ཆེན་པོ་ནི། ཁྲུ་གསུམ་དང་ལྔའོ། །ཆུང་ངུ་ནི། ཁྲུ་ཕྱེད་དང་གསུམ་དང ། ཕྱེད་དང་ལྔའོ། །འབྲིང་གི་ནི། དེ་གཉིས་ཀྱི་བར་མའོ། །སྣམ་སྦྱར་ཇི་ལྟ་བ་བཞིན་དུ་བླ་གོས་དང ། མཐང་གོས་ཀྱང་དེ་བཞིན་ནོ། །གཞན་ཡང ། མཐང་གོས་རྣམ་པ་གཉིས་ཏེ། ཁྲུ་དོ་དང་ལྔ་པ་དང ། ཁྲུ་དོ་དང་བཞི་པའོ། །མཐང་གོས་ཐ་མ་ནི། འཁོར་གསུམ་ཁེབས་པ་གང་ཡིན་པའོ། །སྤང་བ་རྣམས་ཀྱི་གོས་ཐ་མ་ནི། ཁྲུ་གང་ཁོ་ར་ཁོར་ཡུག་གོ་།དགེ་སློང་གིས་གོས་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་གོས་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན། དེ་ལ་ལྟུང་བ་མེད་དོ། །དེ་བཞིན་དུ་ཇི་ཙམ་དུ་དགེ་སློང་གིས་སྤང་བའི་དངོས་པོ་དེ་ཉིད་ཀྱིས་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་
Cha88b
གང་ཡང་རུང་བ་གཞན་ཉེ་བར་འཇོག་པར་བྱེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཇོག་པའི་སྤང་བ་སྟེ། གསུམ་པ་རྫོགས་སོ།། །།གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་ནས་གཟིགས་པ་ལྔ་པོ། །རིགས་དང ། ཡུལ་དང ། དུས་དང ། རུས་དང ། བུད་མེད་ལ་གཟིགས་པ་དག་གིས་འཇིག་རྟེན་ལ་གཟིགས་ནས་གླང་པོ་ཆེར་སྣང་བར་བསྒྱུར་ཏེ་ཡུམ་གྱི་ལྷུམས་སུ་ཞུགས་པ་དེའི་ཚེ་ན། ས་ཆེན་པོ་ཤིན་ཏུ་གཡོས་པར་གྱུར་ཅིང ། འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་འདི་གཉིས་ཀྱིས་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས་ནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན། སྣང་བ་རྒྱ་ཆེན་པོས་ཁྱབ་པར་གྱུར་ནས་སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་པ་ཡང་མི་མཐོང་བ་དེ་དག་གིས་ཀྱང ། འོད་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་།སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་།སེམས་ཅན་གཞན་ཡང་འདིར་སྐྱེས་སོ། །ཞེས་ཤེས་པར་གྱུར་ཏོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་ཟླ་བ་བཅུ་འདས་ནས་ཡུམ་གྱི་ལྷུམས་ནས་བལྟམས་པ་དེའི་ཚེ་ཡང་ས་ཆེན་པོ་ཤིན་ཏུ་གཡོས་པར་གྱུར་ཅིང ། འཇིག་རྟེན་གྱི་འཇིག་རྟེན་གྱི་
Cha89a
༄#། །བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས་ནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན། སྣང་བ་ཆེན་པོས་ཁྱབ་པར་གྱུར་ནས། སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་བ་ཡང་མི་མཐོང་བ་དེ་དག་གིས་ཀྱང ། འོད་དེས་སེམས་ཅན་གཅིག་གིས་གཅིག་མཐོང་ནས། ཤེས་ལྡན་དག་།སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་།སེམས་ཅན་གཞན་ཡང་འདིར་སྐྱེས་སོ། །ཞེས་ཤེས་པར་གྱུར་ཏོ། །གང་གི་ཉིན་མོ་བཅོམ་ལྡན་འདས་བྱང་ཆུབ་སེམས་དཔའ་བལྟམས་པར་གྱུར་པ་དེའི་ཉིན་མོ་རྒྱལ་པོ་ཆེན་པོ་བཞི་དག་གི་བུ་ཡང་བཙས་པར་གྱུར་ཏེ། མཉན་ཡོད་ན་རྒྱལ་པོ་ཆེན་པོ་རྩིབས་ཀྱིས་འཕུར་ཚངས་སྦྱིན་གྱི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་གསལ་བ་ལྟར་སྣང་བས། གཞོན་ནུ་འདིའི་མིང་གསལ་རྒྱལ་དུ་གདགས་སོ། །སྙམ་ནས།་བུ་དེའི་མིང་གསལ་རྒྱལ་ཞེས་བྱ་བར་བཏགས་སོ། །རྒྱལ་པོའི་ཁབ་ན་རྒྱལ་པོ་ཆེ་པོ་པདྨ་ཆེན་པོའི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་ཉི་མའི་གཟུགས་ཤར་བ་ལྟར་སྣང་ཞིང ། འདི་བཙུན་མོ་གཟུགས་ཅན་གྱི་བུ་ཡིན་པས། གཞོན་ནུ་འདིའི་མིང་གཟུགས་ཅན་སྙིང་པོར་གདགས་སོ། །སྙམ་ནས། བུ་དེའི་མིང་གཟུགས་ཅན་སྙིང་པོ་
Cha89b
ཞེས་བྱ་བར་བཏགས་སོ། །ཀོའུ་ཤམྦྷི་ན་རྒྱལ་པོ་ཆེན་པོ་དམག་བརྒྱ་པའི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་ཉི་མ་ཤར་བ་ལྟར་སྣང་བར་གྱུར་པས་གཞོན་ནུ་འདིའི་མིང་ཤར་བར་གདགས་སོ། །སྙམ་ནས། བུ་དེའི་མིང་ཤར་པ་ཞེས་བྱ་བར་བཏགས་སོ། །འཕགས་རྒྱལ་ན་རྒྱལ་པོ་ཆེན་པོ་མུ་ཁྱུད་མཐའ་ཡས་ཀྱི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་རབ་ཏུ་སྣང་བས་སྣང་བར་གྱུར་པས། གཞོན་ནུ་འདིའི་མིང་རབ་སྣང་ཞེས་བྱ་བར་གདགས་སོ། །སྙམ་ནས། བུ་དེའི་མིང་རབ་སྣང་ཞེས་བྱ་བར་བཏགས་སོ། །རྒྱལ་པོ་རེ་རེས་བསམ་པ། ཡང་བདག་གི་བུའི་མཐུ་ཡིན་ནོ། །བདག་གི་བུའི་མཐུ་ཡིན་ནོ། །སྙམ་མོད་ཀྱི། དེ་ནི། དེ་ལྟ་མ་ཡིན་ཏེ། འདི་ལྟར། དེ་དག་ཐམས་ཅད་ནི། བྱང་ཆུབ་སེམས་དཔའི་མཐུ་ཡིན་པའི་ཕྱིར་རོ། །གང་གི་ཉིན་མོ་བཅོམ་ལྡན་འདས་བྱང་ཆུབ་སེམས་དཔའ་བལྟམས་པ་དེ་ཉིད་ཀྱི་ཉིན་མོ་ཤཱཀྱ་གཞོན་ནུ་བཟང་ལྡན་ལ་སོགས་པ་ལྔ་བརྒྱ་ཡང་བཙས་སོ། །བསྙེན་བཀུར་བ་འདུན་བྱེད་ལ་སོགས་པ་ལྔ་བརྒྱ་ཡང་བཙས་སོ།། རྟ་རྒོད་མ་ལྔ་བརྒྱ་ལས་ཀྱང་རྟེའུ་བསྔགས་ལྡན་ལ་སོགས་ལྔ་བརྒྱ་འབྲངས་སོ། །ལྷ་རྣམས་ཀྱིས་ཀྱང་གཏེར་ལྔ་བརྒྱ་ཉེ་བར་བསྟན་ཏོ། །བཅོམ་ལྡན་འདས་བྱང་ཆུབ་སེམས་དཔའ་དེ་བྲམ་ཟེ་ལྟས་པ་དང ། མཚན་མཁན་དག་གིས་ལུང་བསྟན་པ། གལ་ཏེ་གཞོན་ནུ་ཕོ་བྲང་གི་ནང་ན་བཞུགས་པར་གྱུར་ན། འཁོར་ལོས་བསྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་ཀྱི་རྒྱལ་པོ་ཆོས་དང་ལྡན་པ། རིན་
Cha90a
༄#། །པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་པོ་དེ་དག་ནི། འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། དམག་དཔོན་རིན་པོ་ཆེ་ཉིད་ནི། བདུན་པ་ཡིན་ནོ། །འདི་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པ་གནོད་པར་བསྔོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་བས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་མེད་པར་རབ་ཏུ་བྱུང་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ། །ཞེས་ལུང་བསྟན་ཏོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་འཇིག་རྟེན་དུ་བྱུང་བ་དེའི་ཚེ་ན། ཐམས་ཅད་དུ་གངས་ཀྱི་ངོས་དང་ཉེ་བ། ཆུ་ཀླུང་སྐལ་ལྡན་ཤིང་རྟ་པའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེ་ལྟས་པ་དང་མཚན་མཁན་དག་གིས། གལ་ཏེ་གཞོན་ནུ་དེ་ཕོ་བྲང་གི་ནང་ན་བཞུགས་པར་གྱུར་ན། འཁོར་
Cha90b
ལོས་བསྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་ཀྱི་རྒྱལ་པོ་ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་པོ་དེ་དག་ནི། འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། དམག་དཔོན་རིན་པོ་ཆེ་ཉིད་ནི། བདུན་པ་ཡིན་ནོ། ། འདི་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པ་གནོད་པར་བསྔོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས། ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ། །ཞེས་ལུང་བསྟན་ཏོ། །ཞེས་སྒྲ་གྲགས་པར་གྱུར་ཏོ། །ཉི་འོག་གི་ཁམས་ཀྱི་རྒྱལ་པོ་དག་གིས་ཀྱང་གངས་རིའི་ངོས་དང་ཉེ་བ། ཆུ་ཀླུང་སྐལ་ལྡན་ཤིང་རྟ་པའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེ་ལྟས་པ་དང་མཚན་མཁན་དག་གིས། གལ་ཏེ་གཞོན་ནུ་དེ་ཕོ་བྲང་གི་ནང་ན་
Cha91a
༄#། །བཞུགས་པར་གྱུར་ན། འཁོར་ལོས་བསྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་ཀྱི་རྒྱལ་པོ་ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་པོ་དེ་དག་ནི། འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། དམག་དཔོན་རིན་པོ་ཆེ་ཉིད་ནི། བདུན་པ་ཡིན་ནོ། །འདི་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པ་གནོད་པར་བསྔོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ། །ཞེས་ལུང་བསྟན་ཏོ། །ཞེས་ཐོས་སོ། །ཐོས་ནས་ཀྱང་ཉི་འོག་གི་ཁམས་ཀྱི་རྒྱལ་པོ་དེ་དག་འདི་སྙམ་དུ་སེམས་ཏེ། ད་གཞོན་ནུ་བསྟེན་ན་དུས་སུ་འབྲས་བུ་སྟེར་བར་འགྱུར་བས་གང་བསྟེན་ན། གཞོན་ནུ་བསྟེན་པར་འགྱུར་སྙམ་མོ། །དེ་ད་
Cha91b
གིས་བསམ་པ། རྒྱལ་པོ་ཟས་གཙང་བསྟེན་པར་བྱ་སྟེ། དེ་བསྟེན་ན། གཞོན་ནུ་བསྟེན་པར་འགྱུར་རོ། །སྙམ་ནས། དེ་དག་གིས་རྒྱལ་པོ་ཟས་གཙང་བསྟེན་པར་བརྩམས་ཏེ། དུས་དང་མཐུན་པའི་དུས་སུ་འདུད་པས་ཕོ་ཉ་དང་དཀོར་སྒྲོམ་དག་སྐུར་བར་བྱེད་དོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བདག་གི་བུ་བཙས་པ་ན་དོན་ཐམས་ཅད་དང ། ལས་ཀྱི་མཐའ་ཐམས་ཅད་གྲུབ་པས། དེའི་ཕྱིར་གཞོན་ནུ་འདིའི་མིང་དོན་ཐམས་ཅད་གྲུབ་པ་ཞེས་བྱ་བར་གདགས་སོ། །སྙམ་ནས། དེའི་མིང་དོན་ཐམས་ཅད་གྲུབ་པ་ཞེས་བྱ་བར་བཏགས་སོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་ཆེན་པོར་འཁྲུངས་ཤིང ། དེས་རྒན་པོ་དང ། ནད་པ་དང ། ཤི་བ་གཟིགས་ནས་ཐུགས་ཕྱུང་སྟེ་ནགས་ཀྱི་ནང་དུ་གཤེགས་པ་དེའི་ཚེ་ན། རྒྱལ་པོ་ཟས་གཙང་དང་ཤཱཀྱ་ལེགས་པར་རབ་རྟོགས་ཀྱིས་བཀའ་མཆིད་གསོལ་བའི་མི་ཉིས་བརྒྱ་ལྔ་བཅུ་ཉིས་བརྒྱ་ལྔ་བཅུ་བཀྱེ་སྟེ། དེ་དག་གིས་ཉི་མ་རེ་རེ་ཞིང་དེང་ནི། གཞོན་ནུ་ཏིལ་འབྲུ་གཅིག་གམ། འབྲས་ཐུག་པོ་ཆེ་འབྲུ་གཅིག་གམ། མོན་སྲན་སྡེའུ་འབྲུ་གཅིག་གམ། མོན་སྲན་གྲེའུ་འབྲུ་གཅིག་གམ། རྒྱ་ཤུག་གི་འབྲུ་གཅིག་གམ། རྒྱ་སྲན་འབྲུ་གཅིག་གིས་འཚོ་བར་མཛད་དོ། །ཞེས་བཅོམ་ལྡན་འདས་བྱང་ཆུབ་སེམས་དཔའི་བཀའ་མཆིད་ཁྱེར་ཏེ་འོང་ངོ ། །ཉི་འོག་གི་ཁམས་ཀྱི་རྒྱལ་པོ་དག་གིས་དེ་ལྟར་གཞོན་ནུ་དོན་ཐམས་ཅད་གྲུབ་པ་རྒན་པོ་དང ། ནད་པ་དང ། ཤི་བ་གཟིགས་ནས་ཐུགས་བྱུང་སྟེ་རབ་ཏུ་བྱུང་ངོ ། །ཞེས་ཐོས་ནས་དེ་དག་འདི་
Cha92a
༄#། །སྙམ་དུ་སེམས་ཏེ། གང་གི་ཕྱིར་བདག་ཅག་རྒྱལ་པོ་ཟས་གཙང་ལ་བསྟེན་པར་བྱེད་པའི་གཞོན་ནུ་དེ་རབ་ཏུ་བྱུང་ངོ ། །སྙམ་ནས། དེ་དག་ལས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་མ་གཏོགས་པ་གཞན་ཐམས་ཅད་ཀྱིས་འདུད་པ་དང ། ཕོ་ཉ་དང ། དཀོར་སྒྲོམ་འབུལ་བ་རྒྱུན་བཅད་པར་གྱུར་ཏོ། །དེའི་ཚེ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་བློན་པོའི་མཆོག་སྦེད་པ་ཞེས་བྱ་བ་ཞིག་ཡོད་ལ། རྒྱལ་པོ་ཟས་གཙང་ལ་ནི། མདུན་ན་འདོན་གྱི་བུ་འཆར་ཀ་ཞེས་བྱ་བ་ཡོད་དེ། གང་གི་ཚེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ། རྒྱལ་པོ་ཟས་གཙང་གི་གན་དུ་ཕོ་ཉ་གཏོང་བར་བྱེད་པ་དེའི་ཚེ་ན། བློན་པོའི་མཆོག་སྦེད་པ་གཏོང་བར་བྱེད་དེ། དེས་རྒྱལ་པོའི་བྱ་བ་དག་དང ། རྒྱལ་པོའི་བྱེད་པ་དག་ཀྱང་བྱས་ནས་འཆར་ཀའི་ཁྱིམ་དུ་འཇུག་པར་བྱེད་དོ། །གང་གི་ཚེ་རྒྱལ་པོ་ཟས་གཙང ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་ཕོ་ཉ་གཏོང་བར་བྱེད་པ་དེའི་ཚེ་ན་ནི། མདུན་ན་འདོན་གྱི་བུ་འཆར་ཀ་གཏོང་བར་བྱེད་དེ། དེས་ཀྱང་རྒྱལ་པོའི་བྱ་བ་དག་དང ། རྒྱལ་པོའི་བྱེད་པ་དག་བྱས་ནས་བློན་པོའི་མཆོག་སྦེད་པའི་ཁྱིམ་དུ་འཇུག་པར་བྱེད་དོ། །སྦེད་པ་ལ་ཆུང་མ་སྦེད་མ་ཞེས་བྱ་བ་གཟུགས་བཟང་བ། བལྟ་ན་སྡུག་པ། མཛེས་པ། སྐྱེས་བུ་དགའ་བ་ཞིག་ཡོད་དེ། འཆར་ཀ་སྦེད་མ་དང་ལྷན་ཅིག་ཁ་དུམ་པར་གྱུར་ཏེ། །སྦེད་པས་ཇི་ལྟར་འཆར་ཀ་སྤེད་མ་དང་ལྷན་ཅིག་ཁ་དུམ་པར་གྱུར་པར་ཤེས་ནས་དེས་བསམ་པ། འདི་གསད་
Cha92b
པར་བྱའོ། །སྙམ་མོ། །ཡང་བསམ་པ། གལ་ཏེ་འདི་བསད་པར་གྱུར་ན། ཡུལ་འཁོར་གཉིས་འཁྲུག་པ་ཆེན་པོར་འགྱུར་བས། བདག་གིས་བུད་མེད་ཀྱི་ལུས་ཀྱི་ཕྱིར་ཅིའི་ཕྱིར་བྲམ་ཟེ་གསད་པར་བྱ་སྙམ་ནས་དེ་བཏང་སྙོམས་སུ་བཞག་གོ་།དེ་ནས་འཆར་ཀ་འདི་སྙམ་དུ་སེམས་ཏེ། བདག་སྦེད་པས་འཕྲིགས་སོ། །སྙམ་དུ་རིག་ནས། སྐྲག་སྟེ་ཁྱིམ་ནས་བྱུང་ཞིང་གཞན་ན་འདུག་པ་དང ། སྦེད་པས་སྨྲས་པ། འཆར་ཀ་།ཁྱོད་ཅིའི་ཕྱིར་རང་གི་ཁྱིམ་སྤངས་ཏེ་གཞན་ན་འདུག་།ཚུར་ཤོག་།འདི་ཁྱོད་རང་གི་ཁྱིམ་ཡིན་གྱི། ཅི་བདེར་འདུག་ཅིག་།དེ་ནས་འཆར་ཀ་འདི་སྙམ་དུ་སེམས་ཏེ། དོན་གྱིས་ན་འདིས་བདག་ལ་རྗེས་སུ་གནང་ངོ ། །སྙམ་དུ་རིག་ནས་དེ་ཉིད་ན་འདུག་གོ། །འདུལ་བ་རྣམ་པར་འབྱེད་པ། བམ་པོ་ཉེར་བདུན་པ། དེ་ནས་དུས་གཞན་ཞིག་ན། བློན་པོའི་མཆོག་སྦེད་པ་དུས་ལ་བབ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་དེ་ལ་བུ་མེད་པའི་ཕྱིར་ནོར་ཐམས་ཅད་རང་གི་མཛོད་དང་བང་བར་བཅུག་གོ། །སྦེད་མས་འཆར་ཀ་ལ་གང་གི་ཚེ་བདག་གི་ཁྱིམ་ཐབ་གསོན་ཞིང་འདུག་སྟེ། འཚོ་ཞིང་སྡོད་པ་དེའི་ཚེ་ན་ཁྱོད་རྟག་པ་ཁོ་ནར་བྱོན་ན། ད་དེ་དུས་ལ་བབ་སྟེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཀྱང་བུ་མ་མཆིས་པའི་སླད་དུ་ནོར་ཐམས་ཅད་རང་གི་མཛོད་དང་བང་བར་སྩལ་ན། ད་ཁྱོད་ཀྱིས་བཀའ་མཆིད་ཙམ་ཡང་མི་སྤྲིང་ངམ་ཞེས་ཡི་གེ་སྤྲིང་ངོ ། །དེ་ནས་འཆར་ཀ་སྤྲིང་ཡིག་གི་དོན་ཐོས་ནས་འདི་སྙམ་དུ་སེམས་ཏེ། གལ་ཏེ་བདག་དེར་སོང་
Cha93a
༄#། །བར་གྱུར་ན། གཞི་དེ་ལས་འཆར་ཀ་བུད་མེད་ལ་ཆགས་པ་བུད་མེད་ཀྱི་ཕྱིར་དེར་སོང་ངོ ། །ཞེས་གཞན་དག་ཁ་ཟེར་བར་འགྱུར་གྱི། བདག་གིས་ཐབས་ཀྱི་རྣམ་པ་ཞིག་བྱའོ། ། སྙམ་ནས། དེས་ལན་གཉིས་སམ་གསུམ་དུ་རྒྱལ་པོའི་བྱ་བ་དག་དང ། རྒྱལ་པོའི་བྱེད་པ་དག་བྱས་ནས་རྒྱལ་པོ་ཟས་གཙང་ག་ལ་བ་དེར་སོང་སྟེ་ཕྱིན་ནས་རྒྱལ་པོ་ཟས་གཙང་ལ་འདི་སྐད་ཅེས་སྨྲས་སོ།། ལྷ། གང་གི་ཚེ་གཞོན་ནུ་དོན་ཐམས་ཅད་གྲུབ་པ་བལྟམས་པ་དེའི་ཚེ་ན། ཉི་འོག་གི་ཁམས་ཀྱི་རྒྱལ་པོ་ཐམས་ཅད་འདུད་ཅིང་ཐམས་ཅད་ཀྱིས་ཕོ་ཉ་དང་དཀོར་སྒྲོམ་དག་གསོལ་ནས། གང་གི་ཚེ་གཞོན་ནུ་དོན་ཐམས་ཅད་གྲུབ་པ་རྒན་པོ་དང ། ནད་པ་དང ། གུམ་པ་གཟིགས་ནས་ཐུགས་བྱུང་སྟེ་ནགས་སུ་གཤེགས་པ་དེའི་ཚེ་ན། ཉི་འོག་གི་ཁམས་ཀྱི་རྒྱལ་པོ་དེ་དག་ལས། ཀོ་ས་ལར་བྱུང་བའི་རྒྱལ་པོ་གསལ་རྒྱལ་མ་གཏོགས་པ་གཞན་ཐམས་ཅད་ཀྱིས་ཕོ་ཉ་དང་དཀོར་སྒྲོམ་འབུལ་བ་རྒྱུན་བཀུམ་ནས། ལྷས། ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཕོ་ཉ་དང་དཀོར་སྒྲོམ་དག་བཀའ་སྩལ་ཅིང་བསྐུར་ནས་དེ་ལྟ་དེ་ལྟར་རྐྱེན་པར་གྱུར་པ་ལས་དེ་ཡལ་བར་བོར་ན། སླད་ཀྱིས་གནོད་པ་ཆེན་པོར་འགྱུར་བས། དེ་སྐོལ་དང་མཚམས་འབྲེལ་པར་མཆིས་པས་དེ་དག་ལྷན་ཅིག་རྐྱེན་པར་མཛད་པའི་རིགས་སོ། །འཆར་ཀ། གལ་ཏེ་དེ་ལྟ་ན། ཁྱོད་ཉིད་ཕོ་ཉར་སོང་ཞིག། ལྷ། བཀའ་བཞིན་འཚལ་ཞེས་དེ་ནས་འཆར་ཀས་དཀོར་སྒྲོམ་དག་ཁྱེར་ཏེ་མཉན་ཡོད་ག་ལ་བ་དེར་འཕགས་ནས་
Cha93b
མཐར་གྱིས་མཉན་ཡོད་དུ་ཕྱིན་ཏོ། །དེ་ནས་འཆར་ཀ་འདི་སྙམ་དུ་སེམས་ཏེ། སྟེན་པ་ལ་བསྟེན་པར་མི་བྱ་བར་བསྟེན་པ་ལ་བསྟེན་པར་བྱ་བ་ཡིན་པས། ཇེ་དང་པོར་བློན་པོ་རྣམས་བལྟ་བར་བྱ་ཞིང ། དེའི་འོག་ཏུ་རྒྱལ་པོ་བལྟ་སྟེ། སྦེད་མའི་ཕྱིར་རྒྱལ་པོ་ལ་གསོལ་བ་བྱའོ། །སྙམ་ནས། དེས་བློན་པོ་རྣམས་བལྟ་བར་བརྩམས་ཏེ་སྨྲས་པ། ཤེས་ལྡན་དག། ཁྱེད་ཀྱིས་ཁོ་བོ་ཇི་ལྟར་སྦེད་མ་དང་ལྷན་ཅིག་བཤེས་པ་དེ། མི་ཤེས་སམ། དེའི་ཁྱིམ་ཐབ་དུས་ལ་བབ་ནས། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བུ་མེད་པའི་ཕྱིར་དེའི་ནོར་ཐམས་ཅད་རང་གི་མཛོད་དང་བང་བར་བཅུག་པས་དེའི་ཕྱིར་ཁོ་བོ་རྒྱལ་པོ་ལ་གསོལ་བ་བྱེད་ཀྱི། ཁྱེད་ཀྱིས་གྲོགས་ཀྱིས་ཤིག་།དེ་དག་གིས་དེ་བཞིན་དུ་ཁས་བླངས་སོ། །དེ་ནས་འཆར་ཀ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་ནས། ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་རྒྱལ་བ་དང་ཚེ་སྤེལ་བ་བྱས་ཏེ་མཐའ་གཅིག་ཏུ་འདུག་ནས། ལན་གཉིས་སམ་གསུམ་དུ་རྒྱལ་པོའི་བྱ་བ་དག་དང ། རྒྱལ་པོའི་བྱེད་པ་དག་བྱས་ཏེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ། བདག་གི་གནས་སྩོལ་ཅིག་།འཆར་ཀ་ཁྱོད་སྔོན་གང་དུ་ཞུགས། ལྷ། བློན་པོའི་མཆོག་སྤེད་པའི་སྡུམ་པར་མཆིས་སོ། །འཆར་ཀ་སོང་ལ་དེ་ཉིད་དུ་ཞུགས་ཤིག་།ལྷ། བློན་པོའི་མཆོག་སྦེད་པ་དུས་ལ་བབ་པོ། །གལ་ཏེ་དེ་དུས་ལ་བབ་ན། ཅི། དེའི་ཁྱིམ་ཐབ་ཀྱང་དུས་ལ་བབ་བམ། ལྷ། དེའི་སྡུམ་པ་ནི། དུས་ལ་མ་བབ་མོད་ཀྱི། འོན་ཀྱང་དེ་ན་
Cha94a
༄#། །སྟན་ཙམ་ཡང་མ་མཆིས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།ཁྱེད་ཀྱིས་འཆར་ཀའི་གནས་བྱིན་ཅིག་།འཆར་ཀ་ཕྱིར་བྱུང་བ་དང་བློན་པོ་རྣམས་ཀྱིས་སྨྲས་པ། ལྷ། ཅི་ལགས། འཆར་ཀ་ལ་གནས་མ་མཆིས་སྙམ་མམ། འདི་ལྟར། འཆར་ཀ་སྦེད་མ་དང་ལྷན་ཅིག་མཆིད་མཇལ་བས་དོན་གྱིས་ན། འཆར་ཀས་སྦེད་མའི་སླད་དུ་ལྷ་ལ་གསོལ་བ་བགྱིས་ཀྱི། ལྷ། འཆར་ཀ་ནི། བྲམ་ཟེ་མདུན་ན་འདོན་གྱི་བུ་ལགས་པས། བྲམ་ཟེ་ནི། མི་འདོད་བཞིན་དུ་གཟུང་བར་བགྱི་བ་ལགས་ཏེ། འདི་ལེགས་པར་བཟུང་ན། རྒྱལ་པོ་ཟས་གཙང་ལེགས་པར་བཟུང་བར་འགྱུར་རོ། །དེ་ནས་རྒྱལ་པོས་འཆར་ཀ་བོས་ཏེ་སྨྲས་པ། འཆར་ཀ། ངས་ཁྱོད་ཇི་ལྟར་སྦེད་མ་དང་ལྷན་ཅིག་བཤེས་པར་སྔར་མ་ཤེས་ཀྱི། ད་སོང་ལ་སྦེད་མ་དང ། དེའི་ཁྱིམ་དང ། ནོར་ཐམས་ཅད་ཁྱོད་ཁྱེར་ཅིག་།ལྷ། བཀའ་སྩལ་པ་བཞིན་འཚལ་ལོ། །ཞེས་སྨྲས་ནས། འཆར་ཀ་སྦེད་མའི་ཁྱིམ་ག་ལ་བ་དེར་སོང་བ་དང ། སྦེད་མས་འཆར་ཀ་འོངས་སོ། །ཞེས་ཐོས་ནས་སྒོ་ཁང་དུ་འདུག་སྟེ་ངུ་བར་བརྩམས་སོ། །འཆར་ཀས་མཐོང་ནས་སྨྲས་པ། སྦེད་མ། ཁྱོད་ཅིའི་ཕྱིར་རུ། དེས་སྨྲས་པ། བདག་འཚལ་བའི་ཁྱིམ་ཐབ་དུས་ལ་བབ་ན། ཅི་ཁྱོད་ཀྱིས་ཀྱང་ཡོངས་སུ་གཏང་ངམ། དེ་ནས་འཆར་ཀ་འདི་སྙམ་དུ་སེམས་ཏེ། གལ་ཏེ་བདག་གིས་མཐུན་པར་སྨྲ་ན། འདི་ཤིན་ཏུ་ངུ་བར་འགྱུར་བས། བདག་གིས་འདི་ཚར་གཅད་པར་བྱའོ། །སྙམ་དུ་རིག་ནས། འཆར་
Cha94b
ཀས་སྦེད་མ་ལ་སྨྲས་པ། སྦེད་མ། བྱང་ཆུབ་སེམས་དཔའ་དཀའ་བ་བྱེད་པ་གང་གིས་བཙུན་མོ་གྲགས་འཛིན་དང ། ས་འཚོམ་དང ། རི་དྭགས་སྐྱེས་ལ་སོགས་པ་བུད་མེད་དྲུག་ཁྲི་སྤངས་ཏེ་རབ་ཏུ་བྱུང་བ་དག་གིས་རྐང་པའི་རྡུལ་ཙམ་དུ་ཡང་ཁྱོད་ཀྱིས་མི་ཕོད་དོ། །དེ་ནས་དེ་ཅང་མི་སྨྲ་བར་འདུག་པ་དང ། འཆར་ཀས་སྨྲས་པ། ཁོ་བོས་ཁྱོད་མ་བཏང་བས་ཁྱོད་ཉིད་ཀྱི་ཕྱིར་འདིར་འོངས་པ་ཡིན་ནོ། །ཁོ་བོས་རྒྱལ་པོ་ལས་ཁྱོད་དང ། ཁྱིམ་དང ། ནོར་ཐམས་ཅད་ཐོབ་ན། ཅི། ཁྱོད་འདི་ཉིད་དུ་འདུག་གམ། སེར་སྐྱའི་གནས་སུ་འགྲོ། དེས་བསམ་པ། གལ་ཏེ་སེར་སྐྱའི་གནས་སུ་སོང་ན། བྲམ་ཟེ་མོ་ལས་སྲོག་ཀྱང་མི་ཐོབ་བོ། །སྙམ་དུ་རིག་ནས། འདི་ཉིད་དུ་མཆིས་སོ། །ཞེས་སྨྲས་ཏེ། དེ་དེ་ཉིད་དུ་འདུག་གོ། དེའི་ཚེ་ན་འཆར་ཀ་ལ་ཁྱིམ་གཉིས་ཡོད་དེ། གཅིག་ནི། མཉན་ཡོད་ནའོ། །གཅིག་ནི། སེར་སྐྱའི་གནས་ནའོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔས་ལོ་དྲུག་ཏུ་དཀའ་བ་སྤྱད་དེ། དཀའ་བ་བྱེད་པ་ཅི་ཡང་མེད་པར་རིག་ནས་ཅི་བདེར་དབུགས་རྔུབ་པར་མཛད། ཅི་བདེར་དབུགས་འབྱིན་པར་མཛད་ཅིང ། འབྲས་ཆན་དང ། ཟན་དྲོན་ལ་སོགས་པ་ཞལ་ཟས་རྒྱ་ཆེན་པོ་དག་ཀྱང་གསོལ་བར་མཛད། ཞུན་མར་དང་འབྲུ་མར་དག་གིས་སྐུ་དག་ཀྱང་སྐུད་པར་མཛད། ཆུ་དྲོན་པོས་ཀྱང་སྐུ་བསིལ་བར་མཛད་ཅིང ། གྲོང་སྡེ་འདོང་དུ་གཤེགས་ནས་གྲོང་བའི་བུ་མོ་དགའ་མོ་དང ། དགའ་སྟོབས་མ་གཉིས་ལས། ལན་བཅུ་དྲུག་བཟླས་པའི་འོ་མ་སྦྲང་རྩི་དང་བསྲེལ་བ་གསོལ་ཏེ། ཀླུའི་རྒྱལ་པོ་ནག་པོས་མངོན་པར་བསྟོད་པ་ན། རྩཝ་བཀྲ་ཤིས་
Cha95a
༄#། །ཚོང་པ་ལས་རྩཝ་གསེར་གྱི་མདོག་ལྟ་བུ་དག་བཞེས་ནས་བྱང་ཆུབ་ཀྱི་གཞི་ག་ལ་བ་དེར་གཤེགས་ཏེ་བྱོན་ནས། ཉིད་ཀྱིས་རྩཝ་མ་འཁྲུགས་པའི་གདན་བཤམས་ནས་སྐྱིལ་མོ་ཀྲུང་བཅས་ཏེ་སྐུ་དྲང་པོར་བསྲངས་ནས་དྲན་པ་ཕྱོགས་པར་བཞག་སྟེ་བཞུགས་ནས་ཐུགས་བསྐྱེད་ཅིང་གསུང་བརྗོད་པ། ཇི་སྲིད་ཟག་མེད་མ་ཐོབ་པར། །དེ་སྲིད་སྐྱིལ་ཀྲུང་གཞིག་མི་བྱ། །དེ་ཡིས་ཇི་སྲིད་ཟག་མེད་པ། །མ་བརྙེས་སྐྱིལ་ཀྲུང་འཇིག་མི་མཛད། །གང་གི་ཚེ་བཅོམ་ལྡན་འདས་ཀྱིས་མཚན་མོའི་གུང་ཐུན་ལ་བདུད་འབྱུང་པོ་དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་གི་འཁོར་དང་ལྡན་པ་བྱམས་པའི་སྟོབས་ཀྱིས་མངོན་པར་བཏུལ་ཏེ། བླ་ན་མེད་པའི་མཁྱེན་པ་ཐུགས་སུ་ཆུད་ནས། ཚངས་པས་གསོལ་ཏེ་ཝཱ་ར་ཎཱ་སིར་གཤེགས་ནས་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་ཆོས་དང་ལྡན་པའི་ཆོས་ཀྱི་འཁོར་ལོ་བསྐོར་བ་དེའི་ཚེ་ལྔ་པ་དང ། ཉེ་ལྔ་དག་དང ། གྲོང་པའི་ཁྱེའུ་མཐོ་བ་མཐོ་བ་ལྔ་བཅུ་བཏུལ་ཏོ། །ཝཱ་ར་ཎཱ་སིའི་གསེབ་ཏུ་གཤེགས་ནས་བཟང་སྡེའི་ཚོགས་དྲུག་ཅུ་བདེན་པ་དག་ལ་བཀོད་དོ། །གྲོང་སྡེ་འདོང་དུ་གཤེགས་ནས་གྲོང་བའི་བུ་མོ་དགའ་མོ་དང་དགའ་སྟོབས་མ་གཉིས་བདེན་པ་དག་ལ་བཀོད་དོ། །ལྟེང་རྒྱས་སུ་གཤེགས་ནས་རལ་བ་ཅན་སྟོང་རབ་ཏུ་བྱུང་ཞིང་རྫོགས་པར་བསྙེན་པར་མཛད་དོ། །ག་ཡ་མགོའི་མཆོད་རྟེན་དུ་གཤེགས་ནས་དགེ་སློང་སྟོང་པོ་དག་ཆོ་འཕྲུལ་གསུམ་གྱིས་གདམས་པ་མཛད་ནས་འཁོར་བའི་དགོན་པ་ལས་བསྒྲལ་ཏེ་
Cha95b
ཤིན་ཏུ་མཐར་ཐུག་པ། གྲུབ་པ་དང་བདེ་བ་བླ་ན་མེད་པའི་མྱ་ངན་ལས་འདས་པ་ལ་བཀོད་དོ། །ཤར་པའི་ཚལ་གསེབ་ཏུ་གཤེགས་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལྷ་བརྒྱད་ཁྲི་དང ། མ་ག་དྷར་བྱུང་བའི་བྲམ་ཟེ་དང་ཁྱིམ་བདག་འབུམ་ཕྲག་དུ་མ་དང་ལྷན་ཅིག་བདེན་པ་དག་ལ་བཞག་གོ། རྒྱལ་པོའི་ཁབ་ཏུ་གཤེགས་ནས་འོད་མའི་ཚལ་བཞེས་ཏེ། ཤཱ་རིའི་བུ་དང ། མོའུ་དགལ་གྱི་བུ་འཁོར་ཉིས་བརྒྱ་ལྔ་བཅུ་དང་ལྡན་པ་རབ་ཏུ་བྱུང་ཞིང་རྫོགས་པར་བསྙེན་པར་མཛད་དོ། །མཉན་ཡོད་དུ་གཤེགས་ནས་རྒྱལ་བྱེད་ཀྱི་ཚལ་བཞེས་ཏེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གཞོན་ནུའི་དཔེས་མདོས་བཏུལ་ནས། དེ་ནས་སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས། རྒྱལ་པོ་ཟས་གཙང་གི་གན་དུ་ཕོ་ཉ་བཏང་སྟེ། ལྷ་དགྱེས་པ་སྐྱེད་ཅིག་།ཁྱོད་ཀྱི་སྲས་ཀྱིས་བདུད་རྩི་ཐུགས་སུ་ཆུད་དེ། བདུད་རྩིས་འགྲོ་བ་ཚིམ་པར་མཛད་ཅིང་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཞེས་སྤྲིང་ངོ ། །རྒྱལ་པོ་ཟས་གཙང་གིས་ཐོས་ནས། བཅོམ་ལྡན་འདས་ཀྱི་སྤྱན་སྔར་ཕོ་ཉ་བཏང་སྟེ། གཞོན་ནུ་བདག་གིས་རིང་དུ་མ་མཐོང་སྟེ། བདག་གཞོན་ནུ་མཐོང་བས་ཡོངས་སུ་སྐོམ་མོ། །ཞེས་གསོལ་པ་དང ། ཕོ་ཉ་དེ་དེ་ཉིད་དུ་རབ་ཏུ་བྱུང་ངོ ། །ཕོ་ཉ་གཉིས་པ་བཏང་བ་དང ། དེ་ཡང་དེ་ཉིད་དུ་རབ་ཏུ་བྱུང་ངོ ། །བཅོམ་
Cha96a
༄#། །ལྡན་འདས་ཀྱིས་འདུལ་བ་ནི། ལེགས་པར་གསུངས་པ་ཡིན་པའི་ཕྱིར་གང་དང་གང་ཕོ་ཉར་བཏང་བ་དེ་དང་དེ་དེ་ཉིད་དུ་རབ་ཏུ་བྱུང་ངོ ། །དེ་ནས་དུས་གཞན་ཞིག་ན་རྒྱལ་པོ་ཟས་གཙང་གིས་དེ་ཐོས་ནས་ལག་པ་ལ་འགྲམ་པ་གཏད་དེ། སེམས་ཁོང་དུ་ཆུད་ཅིང་འདུག་པ་འཆར་ཀས་མཐོང་ནས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་དེ། ཐུགས་ཁོང་དུ་ཆུད་ཅིང་བཞུགས། འཆར་ཀ་གང་གི་ཚེ་གཞོན་ནུ་དོན་ཐམས་ཅད་གྲུབ་པ་དཀའ་བ་དག་སྤྱོད་པ་དེའི་ཚེ། ངས་གཏམ་རྨེད་པའི་མི་དག་བཏང་ན། དེ་དག་ཉི་མ་རེ་རེ་ཞིང་གཏམ་ཁྱེར་ཏེ་འོངས་ནས། གཞོན་ནུ་དོན་ཐམས་ཅད་གྲུབ་པ་གནས་པ་འདིས་གནས་སོ། །ཞེས་གཏམ་བསྙད་པར་བྱེད་ན། ད་གཞོན་ནུ་དོན་ཐམས་ཅད་གྲུབ་པས་བདུད་རྩི་ཐུགས་སུ་ཆུད་དེ། བདུད་རྩིས་འགྲོ་བ་ཚིམ་པར་མཛད་ཅིང་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཞེས་ཐོས་ནས། ངས་གཏམ་རྨེད་པའི་མི་དག་བཏང་ན། འགས་ཀྱང་གཞོན་ནུ་དོན་ཐམས་ཅད་གྲུབ་པའི་གཏམ་ཁྱེར་ཏེ་མི་འོང་བར་གང་དང་གང་ཕོ་ཉར་བཏང་བ་དེ་དང་དེ། དེ་ཉིད་དུ་འདུག་པར་གྱུར་ན། ང་ཇི་ལྟར་ལག་པ་ལ་འགྲམ་པ་གཏད་དེ་སེམས་ཁོང་དུ་མི་ཆུད་ཅིང་མི་འདུག་ཏུ་རུང ། འཆར་ཀས་སྨྲས་པ།་ལྷ། བདག་ལ་བཀའ་སྩལ་དུ་གསོལ། ཁྱོད་ཀྱང་དེར་འདུག་པར་འགྱུར་རོ། །ལྷ། བདག་གིས་ལྷའི་སྤྱན་སྔར་བཀའ་མཆིད་འཚལ་ཏེ་མཆིའོ། །རྒྱལ་པོ་ཟས་གཙང་གིས་རང་ཉིད་ཀྱིས་འཕྲིན་
Cha96b
ཡིག་འདི་སྐད་ཅེས། མལ་རུམ་བཞུགས་པ་ཚུན་ཆད་ནས། །བདག་གིས་ལེགས་པར་ཁྱོད་བསྲུངས་ཏེ། །ཉོན་མོངས་གདུགས་ཀྱིས་རབ་གདུངས་པས། །རྒྱལ་བའི་ལྗོན་ཤིང་སྡོད་ཅིང་མཆིས། །སློབ་མའི་ཡལ་ག་རྩ་ལག་གིས། །དེ་ལྟར་ཁྱོད་ནི་རྒྱས་གྱུར་པས། །གཞན་དག་བདེ་བས་དགའ་མཛད་ན། །བདག་ནི་སྡུག་བསྔལ་བསྟེན་པར་གྱུར། །གང་ཚེ་དང་པོ་ཁྱོད་འཁྲུངས་ཚེ། །ཤིན་ཏུ་དོན་ཆེན་མཛད་ནས་ནི། །ཉེ་དུ་རྗེས་སུ་གཟུང་མཛད་ཅེས། །དེ་ཚེ་ཁྱོད་ཀྱིས་ཐུགས་དམ་བཅས། །དེ་སླད་གོ་འཕང་ཞི་བརྙེས་ཁྱོད། །བདག་དང་ཉེ་དུའི་ཚོགས་རྣམས་ལ། །རྗེས་སུ་ཐུགས་བརྩེ་ཉེར་བཟུང་སྟེ། །བྱོན་པའི་བློ་གྲོས་མཛད་དུ་གསོལ། །ཞེས་བྲིས་སོ། །དེ་ནས་འཆར་ཀ་འཕྲིན་ཡིག་དེ་བླངས་ཏེ། མཉན་ཡོད་དུ་འཕགས་ནས་དེ་མཐར་གྱིས་མཉན་ཡོད་ཇི་ཙམ་ན་འཆར་ཀས་བཅོམ་ལྡན་འདས་ལ་འཕྲིན་ཡིག་ཕུལ་བ་དང ། བཅོམ་ལྡན་འདས་ཉིད་ཀྱིས་འཕྲིན་ཡིག་བཀླག་པ་མཛད་དུས། འཆར་ཀས་གསོལ་པ། བཅོམ་ལྡན་འདས་སེར་སྐྱའི་གནས་སུ་གཤེགས་སམ། འཆར་ཀ་འོང་ངོ ། །འཆར་ཀས་སྔོན་གྱི་གཅུགས་པ་དེ་ཉིད་ཀྱིས་འདི་སྐད་ཅེས་གསོལ་ཏོ། །གལ་ཏེ་བཅོམ་ལྡན་འདས་མི་གཤེགས་ན། བདག་གིས་མཐུས་བཀྲི་བར་བགྱིའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་བཀའ་སྩལ་པ། གང་ལ་ཁྲིད་བྱེད་སྲེད་པ་ཡི། །དྲ་བཀྲམ་གང་ནའང་ཡོད་མིན་པ། །སྤྱོད་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་ལ་ཁྲིད་བྱེད་སྲེད་པ་ཡི། །དྲ་བཀྲམ་གང་ནའང་ཡོད་མིན་པ།།
Cha97a
༄#། །རྩལ་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་རྒྱལ་མི་ཉམས་གང་ལ་ནི། །འཇིག་རྟེན་མ་རྒྱལ་ཡོང་མེད་པ། །སྤྱོད་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །གང་རྒྱལ་མི་ཉམས་གང་ལ་ནི། །འཇིག་རྟེན་མ་རྒྱལ་ཡོང་མེད་པ། །རྩལ་ཡས་གཞི་མེད་སངས་རྒྱས་དེ། །གང་གི་གཞིས་ནི་ཁྲིད་པར་བྱེད། །འཆར་ཀས་གསོལ་པ། བཅོམ་ལྡན་འདས། བདག་རྒྱལ་པོ་ཟས་གཙང་ལ་བརྗོད་དུ་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། འཆར་ཀ། རྒྱལ་བའི་ཕོ་ཉ་དག་ནི། དེ་ལྟ་བུ་མ་ཡིན་ནོ། །བཅོམ་ལྡན་འདས། འོ་ན་རྒྱལ་བའི་ཕོ་ཉ་དག་ཇི་ལྟ་བུ་ལགས། སྐྲ་བྲེགས་ཤིང་གོས་ངུར་སྨྲིག་གྱོན་པ་རབ་ཏུ་བྱུང་བ་དག་ཡིན་ནོ། །བཅོམ་ལྡན་འདས། བདག་གིས་རྒྱལ་པོ་ཟས་གཙང་ལ་སླར་མཆི་བར་མཆིད་ཀྱིས་འཚལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། རབ་ཏུ་བྱུང་སྟེ་སོང་ཞིག། འདི་ལྟར། བཅོམ་ལྡན་འདས་བྱང་ཆུབ་སེམས་དཔར་གྱུར་པས་སྔོན་ཚེ་རབས་བརྗེས་པ་དེ་དང་དེ་དག་ཏུ་ཡབ་དང ། ཡུམ་དང ། མཁན་པོ་དང ། སློབ་དཔོན་དང ། བླ་མ་དང ། བླ་མའི་གནས་ལྟ་བུ་དག་གི་ཆོས་དང་ལྡན་པའི་ཚིག་འགའ་ཡང་མ་བཅགས་པས། བཀའ་སྩལ་མ་ཐག་ཏུ་འཆར་ཀས་གསོལ་པ། བཅོམ་ལྡན་འདས། བདག་རབ་ཏུ་འབྱུང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ། འཆར་ཀ་རབ་ཏུ་ཕྱུང་ཞིག་དང ། དེ་ནི། འདི་
Cha97b
ལ་ཡུན་རིང་པོར་དོན་དང ། ཕན་པ་དང ། བདེ་བར་འགྱུར་རོ། །ཚེ་དང་ལྡན་པ་ཤཱ་རིའི་བུས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འཆར་ཀ་རབ་ཏུ་ཕྱུང་བསྙེན་པར་རྫོགས་པར་བྱས་ཏེ། དེ་ལ་འདི་ནི། ཁྱོད་ཀྱི་བྱ་བ་ཡིན་ནོ། །འདི་ནི། ཁྱོད་ཀྱི་བྱ་བ་མ་ཡིན། འཆར་ཀ། ཁྱོད་ཀྱིས་དེང་ཕྱིན་ཆད་བུད་མེད་ཀྱི་ཡུལ་དང་ལྷན་ཅིག་ཏུ་ཉལ་བར་མི་བྱའོ། །ཞེས་བྱ་བ་ལ་སོགས་པ་ཀུན་ཏུ་སྤྱད་པའི་ཆོས་ཐམས་ཅད་བརྗོད་དོ། །འཆར་ཀས། མཁན་པོ། །བཀའ་བཞིན་འཚལ་ཞེས་ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སོང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེར་སྐྱའི་གནས་སུ་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། འཆར་ཀ། ཁྱོད་ཀྱིས་ཚམ་ཚོམ་མེད་པར་རྒྱལ་པོའི་ཕོ་བྲང་དུ་འཇུག་པར་མི་བྱ་བར་སྒོར་འགྲེང་སྟེ། ཤཱཀྱའི་དགེ་སློང་འོངས་སོ། །ཞེས་བརྗོད་པར་བྱའོ། །གལ་ཏེ་ཤཱཀྱའི་དགེ་སློང་གཞན་དག་ཀྱང་ཡོད་དམ་ཞེས་འདྲི་ན། ཤཱཀྱའི་དགེ་སློང་གཞན་དག་ཀྱང་ཡོད་དོ། །ཞེས་བརྗོད་པར་བྱའོ། །གལ་ཏེ་ཞུགས་ཤིག་ཅེས་ཟེར་ན། འཇུག་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་ཆ་ལུགས་འདི་འདྲ་བ་ཉིད་ཡིན་ན་མ་ཞེས་དྲི་ན། ཆ་ལུགས་འདི་འདྲ་བ་ཉིད་ཡིན་ནོ། །ཞེས་བརྗོད་པར་བྱའོ། །ཁྱོད་ཀྱིས་རྒྱལ་པོའི་ཕོ་བྲང་དུ་གནས་པར་མི་བྱའོ། །གལ་ཏེ་གཞོན་ནུ་དོན་ཐམས་
Cha98a
༄#། །ཅད་གྲུབ་པ་ཡང་རྒྱལ་པོའི་ཕོ་བྲང་དུ་གནས་འཆའ་བར་མི་བྱེད་དམ་ཞེས་འདྲི་ན། གནས་འཆའ་བར་མི་བྱེད་དོ། །ཞེས་བརྗོད་པར་བྱའོ། །གལ་ཏེ་གང་དུ་གནས་འཆའ་བར་བྱེད་ཅེས་འདྲི་ན། དགོན་པའམ་གཙུག་ལག་ཁང་དུའོ། །ཞེས་བརྗོད་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་འོང་ངམ་ཞེས་འདྲི་ན། འོང་ངོ ། །ཞེས་བརྗོད་པར་བྱའོ། །གལ་ཏེ་ཡུན་ཇི་ཙམ་ན་འོང་ཞེས་འདྲི་ན། ཞག་བདུན་འདས་ནས་སོ། །ཞེས་བརྗོད་པར་བྱའོ། །ཚེ་དང་ལྡན་པ་འཆར་ཀས། བཅོམ་ལྡན་འདས། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །འཆར་ཀ་འོང་བའི་ཚེ་མཉན་ཡོད་དུ་ཉི་མ་མང་པོ་དག་གིས་ཕྱིན་ན། ཕྱིར་འགྲོ་བའི་ཚེ། འདི་ལྟ་སྟེ། སངས་རྒྱས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷ་རྣམས་ཀྱིས་མཐུས་ཉི་མ་གཅིག་གིས་སེར་སྐྱའི་གནས་སུ་ཕྱིན་ཏོ། །དེ་ནས་ཚེ་དང་ལྡན་པ་འཆར་ཀས་རྒྱལ་པོ་ཟས་གཙང་གི་ཕོ་བྲང་ག་ལ་བ་དེར་སོང་སྟེ་ཕྱིན་ནས་མི་སྒོ་བ་བོས་ཏེ་སྨྲས་པ། ཀྱེ་ནང་རྗེ། ཁྱོད་སོང་ལ་རྒྱལ་པོ་ལ་ཤཱཀྱའི་དགེ་སློང་འོངས་སོ། །ཞེས་སྦྲོན་ཅིག། དེས་སྨྲས་པ། ཤཱཀྱའི་དགེ་སློང་གཞན་དག་ཀྱང་མཆིས་སམ། འཆར་ཀས་སྨྲས་པ། ཤཱཀྱའི་དགེ་སློང་གཞན་དག་ཀྱང་ཡོད་དོ། །སྒོ་བས་རྒྱལ་པོ་ལ་སྦྲན་པ་དང ། རྒྱལ་པོས་སྨྲས་པ། ཤཱཀྱ་འཇུག་ཏུ་ཆུག་ཅིག་།སུ་ཞིག་ཤཱཀྱ་ཟློག་
Cha98b
པར་བྱེད། དེ་ནས་ཚེ་དང་ལྡན་པ་འཆར་ཀ་སྒོ་བས་ངོ་ཤེས་ནས། རྒྱལ་པོ་ཟས་གཙང་ག་ལ་བ་དེར་སོང་སྟེ་ཕྱིན་ནས་རྒྱལ་པོ་ཟས་གཙང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ། ཁྱོད་ལ་བཅོམ་ལྡན་འདས་ཨ་རོ་ཀྱ་ཞེས་གསུང་ངོ ། །རྒྱལ་པོ་ཟས་གཙང་གིས་འཆར་ཀ་སྐད་ལས་ངོ་ཤེས་ནས་སྨྲས་པ། ཁྱོད་འཆར་ཀ་ཡིན་ནམ། ལྷ། བདག་སྐྱེ་བོས་དེ་ལྟར་འཚལ་ཏོ། །རྒྱལ་པོས་སྨྲས་པ། གཞོན་ནུ་དོན་ཐམས་ཅད་གྲུབ་པ་ཡང་ཆ་ལུགས་འདི་འདྲ་བ་ཉིད་ཡིན་ནམ། ལྷ། ཆ་ལུགས་འདི་འདྲ་བ་ཉིད་ལགས་སོ། །རྒྱལ་པོ་སེང་གེའི་ཁྲི་ལས་བརྒྱལ་ཏེ་ས་ལ་ལྷུང་ནས་ཆུས་དབང་བསྐུར་བས་སྲོག་ཕྱིར་འོངས་ནས་དྲིས་པ། གཞོན་ནུ་དོན་ཐམས་ཅད་གྲུབ་པ་འོང་ངམ། ལྷ། མཆིའོ། །ཡུན་ཇི་ཙམ་ན་འོང ། དགུང་བདུན་འདས་ནས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།དེངས་ལ་རྒྱལ་པོའི་ཕོ་བྲང་དང ། བཙུན་མོའི་འཁོར་དག་བྱི་དོར་གྱིས་ཤིག། ལྷ། གཞོན་ནུ་དོན་ཐམས་ཅད་གྲུབ་པ་དེ། རྒྱལ་པོའི་ཕོ་བྲང་ངམ། བཙུན་མོའི་འཁོར་གྱི་ནང་དུ་གནས་འཆའ་བར་མི་བགྱིད་དོ། །འོ་ན་གང་དུ་གནས་འཆའ་བར་བྱེད། དགོན་པའམ་གཙུག་ལག་ཁང་དུའོ། །གཙུག་ལག་ཁང་ཇི་འདྲ་བར། འཆར་ཀས་མཉན་ཡོད་ན་གཙུག་ལག་ཁང་ཇི་འདྲ་བ་དག་མཐོང་བ་དེ་འདྲ་བ་བརྗོད་དོ། །དེའི་ཚེ་ན་རྒྱལ་པོ་ཟས་གཙང་ལ་སྐྱེད་མོས་ཚལ་སྐྱེ་ཡོད་དང ། ནྱ་གྲོ་དྷའི་ཀུན་དགའ་ར་བ་དང ། ཚངས་པའི་གནས་ལ་སོགས་པ་སྐྱེད་མོས་ཚལ་ལྔ་བརྒྱ་ཡོད་པས། རྒྱལ་པོས་བློན་པོ་རྣམས་ལ་སྨྲས་པ།
Cha99a
༄#། །ཤེས་ལྡན་དག། ཁྱེད་དེངས་ལ་སྐྱེད་མོས་ཚལ་གསུམ་པོ་སྐྱེ་ཡོད་དང ། ནྱ་གྲོ་དྷའི་ཀུན་དགའ་ར་བ་དང ། ཚངས་པའི་གནས་དག་ཏུ་སྐྱེད་མོས་ཚལ་རེ་རེ་ཡང་རྒྱལ་བྱེད་ཀྱི་ཚལ་འདྲ་བའི་གཙུག་ལག་ཁང་དང ། ཁང་ཆེན་བཅུ་དྲུག་དང ། ཁང་པའི་གཞི་དྲུག་ཅུ་ཡོད་པ་དག་མྱུར་དུ་བྱེད་དུ་ཆུག་ལ། གྲོང་ཁྱེར་སེར་སྐྱའི་གནས་ཐམས་ཅད་ཀྱང་རྡོ་དང ། གསེག་མ་དང ། གྱོ་མོ་མེད་པར་གནས་པར་གྱིས་ཤིག་།རྒྱལ་པོ་རྣམས་ནི་ཚིག་གིས་འགྲུབ་པ་ཡིན་ལ། ལྷ་རྣམས་ནི་སེམས་ཀྱིས་འགྲུབ་པ་ཡིན། རྣལ་འབྱོར་པ་རྣམས་ནི་སེམས་བསྐྱེད་པ་ཙམ་གྱིས་ཐམས་ཅད་འགྲུབ་པ་ཡིན་པས། བློན་པོ་རྣམས་ཀྱིས། ལྷ། བཀའ་བཞིན་འཚལ་ཞེས་རྒྱལ་པོ་ཟས་གཙང་ལས་མཉན་ནས་སྐྱེད་མོས་ཚལ་གསུམ་པོ་སྐྱེ་ཡོད་དང ། ནྱ་གྲོ་དྷའི་ཀུན་དགའ་ར་བ་དང ། ཚངས་པའི་གནས་དག་ཏུ་སྐྱེད་མོས་ཚལ་རེ་རེར་ཡང་རྒྱལ་བྱེད་ཀྱི་ཚལ་འདྲ་བའི་གཙུག་ལག་ཁང ། ཁང་ཆེན་བཅུ་དྲུག་དང ། ཁང་པའི་གཞི་དྲུག་ཅུ་ཡོད་པ་དག་བྱེད་དུ་བཅུག་ཅིང ། གྲོང་ཁྱེར་སེར་སྐྱའི་གནས་ཐམས་ཅད་ཀྱང་རྡོ་བ་དང ། གསེག་མ་དང ། གྱོ་མོ་མེད་པར་གནས་པར་བྱས་སོ། །སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ་འཚོ་ཞིང་གཞེས་པ་རྣམས་ལ་ནི་ཆོས་ཉིད་ཀྱིས་གདོན་མི་ཟ་བར་བགྱི་བ་བཅུ་མངའ་སྟེ། སངས་རྒྱས་བཅོམ་ལྡན་འདས་ཀྱིས་ཇི་སྲིད་དུ་སངས་རྒྱས་སུ་ལུང་མ་བསྟན་པ་དང ། ཇི་སྲིད་དུ་སེམས་ཅན་གཞན་གྱིས་བླ་ན་མེད་པའི་བྱང་ཆུབ་ཏུ་ཕྱིར་མི་ལྡོག་པའི་སེམས་མ་བསྐྱེད་
Cha99b
པ་དང ། སངས་རྒྱས་ཀྱིས་གདུལ་བར་བྱ་བ་ཐམས་ཅད་མ་བཏུལ་བ་དང ། ཇི་སྲིད་དུ་སྐུ་ཚེའི་ཆ་ལྔ་པ་མ་ལུས་པ་དང ། ཇི་སྲིད་དུ་མཚམས་གཅད་པ་མ་མཛད་པ་དང ། ཇི་སྲིད་དུ་ཉན་ཐོས་ཟུང་ཅིག་མཆོག་ཏུ་མ་བསྟན་པ་དང ། ཇི་སྲིད་དུ་གྲོང་ཁྱེར་ཀུན་འོད་དུ་ལྷ་ལས་འབབ་པ་མ་བསྟན་པ་དང ། ཇི་སྲིད་དུ་མཉན་ཡོད་དུ་ཆོ་འཕྲུལ་ཆེན་པོ་རྣམ་པར་མ་བསྟན་པ་དང ། ཇི་སྲིད་དུ་མཚོ་ཆེན་པོ་མ་དྲོས་པར་ཉན་ཐོས་རྣམས་དང་ཐབས་ཅིག་སྔོན་གྱི་ལས་ཀྱི་རྒྱུ་བ་ལུང་མ་བསྟན་པ་དང ། ཇི་སྲིད་དུ་ཡབ་ཡུམ་གཉིས་བདེན་པ་དག་ལ་མ་བཀོད་པ་དེ་སྲིད་དུ་ཡོངས་སུ་མྱ་ངན་ལས་མི་འདའ་བ་ཡིན་ནོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། རྒྱལ་པོ་ཆེན་པོ་ཟས་གཙང་དང ། ཤཱཀྱ་འབུམ་ཕྲག་དུ་མ་དག་གདུལ་བའི་དུས་ཉེ་བར་གནས་པར་གྱུར་ཅིང ། འདི་ལྟ་སྟེ། ཡབ་ཡུམ་གཉིས་བདེན་པ་དག་ལ་གཞག་པ་དེ་ནི་དེ་བཞིན་གཤེགས་པས་གདོན་མི་ཟ་བར་མཛད་པ་ཡིན་ནོ་སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ་ཁྱོད་སོང་ལ་དགེ་སློང་རྣམས་ལ་དེ་བཞིན་གཤེགས་པ་སེར་སྐྱའི་གནས་སུ་གཤེགས་ཀྱི།་ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་སེར་སྐྱའི་གནས་སུ་འགྲོ་བ་དང ། ཡབ་དང་སྲས་མཇལ་བ་ལྟ་བར་སྤྲོ་བ་དེས། ཆོས་གོས་དག་ལོངས་ཤིག་ཅེས་སྒོས་ཤིག། ཚེ་དང་ལྡན་པ་མོའུ་དགལ་གྱི་བུ་ཆེན་པོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ། ཚེ་དང་ལྡན་པ་དག། བཅོམ་ལྡན་འདས་སེར་སྐྱའི་གནས་སུ་གཤེགས་ཀྱི། ཁྱེད་ཅག་ལས་
Cha100a
༄#། །གང་དེ་བཞིན་གཤེགས་པ་དང་ཐབས་ཅིག་སེར་སྐྱའི་གནས་སུ་འགྲོ་བ་དང ། ཡབ་དང་སྲས་མཇལ་བ་ལྟ་བར་སྤྲོ་བ་དེས། ཆོས་གོས་དག་ལོངས་ཤིག་ཅེས་བསྒོའོ། །དགེ་སློང་དེ་དག་གིས། ཚེ་དང་ལྡན་པ། དེ་བཞིན་བགྱིའོ། །ཞེས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལས་མཉན་ཏོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་བའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པོའི་ཚོགས་
Cha100b
ཀྱིས་ཡོངས་སུ་བསྐོར་བ། འཁོར་ལོས་བསྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མེ་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། གནོད་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཀྱིས་ཤིན་ཏུ་དུལ་བ། སྤྱོད་ལམ་དང་སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་པས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་པོ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ་པ། ཉག་གཅིག་དཔའ་བ། གཉིས་པ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། རིག་པ་གསུམ་གསལ་བར་མཛད་པ།
Cha101a
༄#། །བསླབ་པ་གསུམ་ལ་ལེགས་པར་བསླབ་པ། འདུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་བརྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་གཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སླངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་བསྒྱུར་བ་ལས་ཁྱད་པར་དུ་འཕགས་པ། འཁོར་ཉན་ཐོས་ཆེན་པོ་ཚེ་དང་ལྡན་པ་ལྟེང་རྒྱས་འོད་སྲུང་དང ། ག་ཡ་འོད་སྲུང་དང ། ཆུ་ཀླུང་འོད་སྲུང་ལ་སོགས་པ་སྔོན་གྱི་རལ་པ་ཅན་སྟོང་དང ། ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ལ་སོགས་པ་དགེ་སློང་གི་དགེ་འདུན་མང་པོས་མདུན་དུ་བདར་ཏེ་སེར་སྐྱའི་གནས་ག་ལ་བ་དེར་རྒྱུ་ཞིང་གཤེགས་སོ། །དེའི་ཚེ་ན་རྒྱལ་པོ་ཟས་གཙང་གིས་ཉི་མ་བདུན་པ་ལ་གྲོང་ཁྱེར་སེར་སྐྱའི་གནས་ཐམས་ཅད་རྡོ་བ་དང ། གསེག་མ་དང ། གྱོ་མོ་མེད་པར་བཞག་ཅིང ། བདུག་པ་དང ། ཕྱེ་མ་འཁྲིགས་པ་དང ། མེ་ཏོག་སྣ་ཚོགས་བཀྲམ་པ་དང ། རྒྱལ་མཚན་དང ། བ་དན་བསྒྲེང་བ་ལ་སོགས་པ་མཆོད་པའི་ཡོ་བྱད་རྒྱ་ཆེན་
Cha101b
པོ་དག་བཤམས་ཤིང ། ནྱ་གྲོ་དྷའི་ཀུན་དགའ་ར་བར་ས་ཕྱོགས་གོ་སྐབས་ཡངས་པར་གདན་ཐབས་ཟླ་གམ་ལྟ་བུ་བཤམས་ཏེ། ནྱ་གྲོ་དྷའི་ཀུན་དགའ་ར་བ་ནས་གྲོང་ཁྱེར་སེར་སྐྱའི་གནས་ཀྱི་བར། ལམ་ཐམས་ཅད་མཛེས་ཤིང ། རྡོ་བ་དང ། གསེག་མ་དང ། གྱོ་མོ་མེད་པར་བཞག་སྟེ་སྤོས་ཆུའི་ཆག་ཆག་བཏབ་ཅིང ། བར་བར་དུ་དར་གྱི་ཆུན་པོ་མང་པོ་དཔྱངས་ཤིང ། མེ་ཏོག་གི་ཚོགས་དག་ཀྱང་བཤམས། བདུག་སྤོས་དྲི་ཞིམ་པོའི་དུ་བ་འཁྲིགས་པ་དང ། མེ་ཏོག་སྣ་ཚོགས་བཀྲམ་པ་དང ། རྒྱལ་མཚན་དང ། བ་དན་བསྒྲེང་བ་དག་རྣམ་པར་བཞག་གོ། རྒྱལ་པོ་ཟས་གཙང་ཉིད་ཀྱང་རྒྱལ་པོའི་འབྱོར་པ་ཆེན་པོ་དང ། རྒྱལ་པོའི་མཐུ་ཆེན་པོས་ནྱ་གྲོ་དྷའི་ཀུན་དགའ་ར་བ་ན། འདི་ལྟ་སྟེ། བཅོམ་ལྡན་འདས་ལ་སྡོད་ཅིང་འདུག་གོ་།དེ་ནས་བཅོམ་ལྡན་འདས་མཐར་གྱིས་རྒྱུ་ཞིང་གཤེགས་པ་ན་ཆུ་ཀླུང་རོ་ཧ་ཀའི་འགྲམ་དུ་གཤེགས་སོ། །དེ་ནས་དགེ་སློང་ཁ་ཅིག་ནི། ལག་པ་དང་རྐང་པ་དག་འཁྲུ་བར་བྱེད། ཁ་ཅིག་སོ་ཤིང་འདོར་བར་བྱེད། ཁ་ཅིག་ནི། ཆུ་འཚག་པར་བྱེད་དོ། །ཁ་ཅིག་ནི། ཁྲུས་བྱེད། གྲོང་ཁྱེར་སེར་སྐྱའི་གནས་ན་འཁོད་པའི་ཤཱཀྱ་རྣམས་ཀྱིས། གཞོན་ནུ་དོན་ཐམས་ཅད་གྲུབ་པ་འོངས་ཤིང ། རྒྱལ་པོ་ཟས་གཙང་གིས་ནྱ་གྲོ་དྷའི་ཀུན་དགའ་ར་བར་ས་ཕྱོགས་གོ་སྐབས་ཡངས་པར་གནས་མལ་བཤམས་ཞེས་ཐོས་སོ། །ཐོས་ནས་ཀྱང་ཤཱཀྱ་འབུམ་ཕྲག་དུ་མ་དག་ནྱ་གྲོ་དྷའི་ཀུན་དགའ་ར་བར་འདུས་པར་གྱུར་ཅིང ། དེ་ནས་ཁ་ཅིག་ནི། སྔོན་གྱི་དགེ་བའི་རྩ་བ་དག་གིས་བསྐུལ་ཅིང་ལྷགས་སོ། །ཁ་ཅིག་ནི། ཡ་མཚན་སྐྱེས་ཏེ། ཇེ་དང་པོར་ཡབ་ཀྱིས་
Cha102a
༄#། །སྲས་ཀྱི་ཞབས་ལ་ཕྱག་འཚལ་བར་མཛད་དམ། འོན་ཏེ་སྲས་ཀྱིས་ཡབ་ཀྱི་ཞབས་ལ་ཕྱག་འཚལ་བར་མཛད་པ་བལྟའོ། །སྙམ་པས་ལྷགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་དེ་བཞིན་གཤེགས་པ་ཞབས་ཀྱིས་སེར་སྐྱའི་གནས་སུ་གཤེགས་ན་ཤཱཀྱ་ང་རྒྱལ་ཅན་དག་།གཞོན་ནུ་དོན་ཐམས་ཅད་གྲུབ་པས་ཆེན་པོ་མ་རྙེད་དེ། འདི་ལྟར། འདི་སྔོན་བྱང་ཆུབ་སེམས་དཔར་གྱུར་པ་ན། གྲོང་ཁྱེར་སེར་སྐྱའི་གནས་ནས་ལྷ་འབུམ་ཕྲག་དུ་མས་བསུས་ཏེ་སྟེང་གི་ནམ་མཁའ་ལས་བྱུང་སྟེ་སོང་ནས། ད་འདིས་བླ་ན་མེད་པའི་ཡེ་ཤེས་རྟོགས་ཀྱང་རྐང་པས་འོངས་སོ། །ཞེས་མ་དད་པ་སྐྱེ་བར་འགྱུར་བས། བདག་རྫུ་འཕྲུལ་གྱིས་སེར་སྐྱའི་གནས་སུ་འཇུག་པར་བྱའོ། །སྙམ་དུ་དགོངས་ཤིང་རིག་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ནི། རྐང་པ་དག་གིས་ཆུ་ཀླུང་རོ་ཧ་ཀ་ལ་རྒོལ་ཅིག་།དེ་བཞིན་གཤེགས་པ་ནི། རྫུ་འཕྲུལ་གྱིས་གཤེགས་སོ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་རྐང་པ་དག་གིས་ཆུ་ཀླུང་རོ་ཧ་ཀ་བརྒལ་ཏེ་ནྱ་གྲོ་དྷའི་ཀུན་དགའ་ར་བ་ག་ལ་བ་དེར་དོང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་སོང་ནས་རིང་པོ་མ་ལོན་པར་ཐུགས་སུ་ཆུད་ནས་ཏིང་ངེ་འཛིན་འདི་ལྟ་བུ་ལ་སྙོམས་པར་ཞུགས་ཏེ། ཇི་ལྟར་ཐུགས་མཉམ་པར་བཞག་ན། རྫུ་འཕྲུལ་གྱིས་ཆུ་ཀླུང་རོ་ཧ་ཀའི་ཕ་རོལ་གྱི་འགྲམ་ནས་མི་སྣང་བར་གྱུར་ཅིང ། སྟེང་གི་ནམ་མཁའ་ལ་དང་བའི་
Cha102b
རྒྱལ་པོ་འདབ་མ་བརྐྱངས་པ་ལྟར་མངོན་པར་འཕགས་ནས་སེར་སྐྱའི་གནས་ཀྱི་སྟེང་ནྱ་གྲོ་དྷའི་ཀུན་དགའ་ར་བ་ག་ལ་བ་དེར་གཤེགས་ཏེ་བྱོན་ནས་ནྱ་གྲོ་དྷའི་ཀུན་དགའ་ར་བའི་སྟེང་གི་ནམ་མཁའ་ལ་སྐྱིལ་མོ་ཀྲུང་བཅས་ཏེ་བཞུགས་སོ། །དེ་ནས་བཅོམ་ལྡན་འདས་ཤར་ཕྱོགས་སུ་སྤྱོད་ལམ་བཞི་པོ་འདི་ལྟ་སྟེ། འཆག་པ་དང ། བཞེངས་པ་དང ། བཞུགས་པ་དང ། མནལ་བ་དག་མཛད་དོ། །མེའི་ཁམས་ལ་ཡང་སྙོམས་པར་འཇུག་པར་མཛད་དེ། སངས་རྒྱས་བཅོམ་ལྡན་འདས་མེའི་ཁམས་ལ་སྙོམས་པར་ཞུགས་པའི་སྐུ་ལས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དག་དང ། སེར་པོ་དག་དང ། དམར་པོ་དག་དང ། དཀར་པོ་དག་དང ། བཙོད་ཀ་དག་དང ། ཤེལ་དང་དངུལ་གྱི་ཁ་དོག་ལྟ་བུ་དག་བྱུང་ངོ ། །ཆོ་འཕྲུལ་ཟུང་དག་ཀྱང་རྣམ་པར་སྟོན་པར་མཛད་དེ། སྐུའི་སྨད་ནས་མེ་འབར་ཞིང ། སྐུའི་སྟོད་ནས་ཆུ་གྲང་མོའི་རྒྱུན་འབབ་པར་མཛད་དོ། །སྐུའི་སྟོད་ནས་མེ་འབར་ཞིང ། སྐུའི་སྨད་ནས་ཆུ་གྲང་མོའི་རྒྱུན་འབབ་པར་མཛད་དོ། །ཤར་ཕྱོགས་སུ་ཇི་ལྟ་བ་བཞིན་དུ་ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་དེ་བཞིན་མཛད་དེ། དེ་ལྟར་ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་སྟོན་པར་མཛད་དོ། །དེ་ནས་སངས་རྒྱས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་དེ་བཞིན་གཤེགས་པས་རྒྱལ་པོ་ཟས་གཙང་གི་རྐང་པ་གཉིས་ལ་གཏུགས་པར་གྱུར་ན་ནི། དེའི་སྤྱི་བོ་ཚལ་བ་བདུན་དུ་འགས་པར་འགྱུར་ལ། གལ་ཏེ་རྒྱལ་པོ་ཟས་གཙང་གིས་དེ་བཞིན་གཤེགས་པའི་ཞབས་གཉིས་ལ་གཏུགས་པར་གྱུར་ན་ནི། ཤཱཀྱ་
Cha103a
༄#། །ང་རྒྱལ་ཅན་དག་།ཅིའི་ཕྱིར་ཡབ་ཏུ་གྱུར་པས་སྲས་ཀྱི་རྐང་པ་གཉིས་ལ་ཐུག་པར་བྱེད་ཅེས་མ་དད་པ་སྐྱེ་བར་འགྱུར་བས། བདག་གིས་ཀྱང་རྒྱལ་པོ་ཟས་གཙང་གིས་ལུས་མ་བཏུད་བཞིན་དུ། དེ་བཞིན་གཤེགས་པའི་ཞབས་གཉིས་ལ་ཕྱག་འཚལ་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བར་མངོན་པར་འདུ་བྱའོ། །སྙམ་དུ་དགོངས་ཤིང་རིག་ནས། ཏ་ལ་བདུན་སྲིད་ཙམ་གྱི་སྟེང་གི་ནམ་མཁའ་ལ་བཞུགས་ཤིང ། ཏ་ལ་དྲུག་དང ། ལྔ་དང ། བཞི་དང ། གསུམ་དང ། གཉིས་དང ། གཅིག་སྲིད་ཙམ་ན་བཞུགས་སོ། །དེ་ནས་སྐྱེས་བུ་བདུན་སྲིད་ཙམ་ན་གཞེས་ཤིང ། སྐྱེས་བུ་དྲུག་དང ། ལྔ་དང ། བཞི་དང ། གསུམ་དང ། གཉིས་དང ། གཅིག་སྲིད་ཙམ་ན་གཞེས་སོ། །དེ་ནས་རྒྱལ་པོ་ཟས་གཙང་གིས་ལུས་མ་བཏུད་བཞིན་དུ་དེ་བཞིན་གཤེགས་པའི་ཞབས་གཉིས་ལ་མགོ་བོས་ཕྱག་འཚལ་ནས་ཤཱཀྱ་རྣམས་ལ་གོ་བར་བྱ་བའི་ཕྱིར་དེའི་ཚེ་ཚིགས་སུ་བཅད་པ་སྨྲས་པ། གང་ཚེ་ཁྱོད་བལྟམས་དོག་ས་རབ་གཡོས་དང ། །འཛམ་བུའི་གྲིབ་མས་ཁྱོད་སྐུ་མ་བཏང་དང ། །འདི་དང་ལན་གསུམ་ཀུན་གཟིགས་མཁྱེན་ལྡན་པ། །སངས་རྒྱས་ཁྱོད་ཀྱི་ཞབས་ལ་བདག་ཕྱག་འཚལ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་མཛད་པ་དེ་ལྟར་བསྡུ་བ་མཛད་ནས་ནྱ་གྲོ་དྷའི་ཀུན་དགའ་ར་བར་གཤེགས་ཏེ་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ཟས་གཙང་དང ། བྲེ་བོ་ཟས་དང ། ཟས་དཀར་དང །
Cha103b
བདུད་རྩི་ཟས་དང ། ཤཱཀྱ་འབུམ་ཕྲག་དུ་མ་དག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །ཤཱཀྱ་ཁ་ཅིག་ནི། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ་མཐའ་གཅིག་ཏུ་འཁོད་དོ། །ཤཱཀྱ་ཁ་ཅིག་ནི། ཐག་རིང་པོ་ཁོན་ནས་བཅོམ་ལྡན་འདས་མཐོང་ནས་ཅང་མི་སྨྲ་བར་མཐའ་གཅིག་ཏུ་འཁོད་དོ། །དེ་ནས་རྒྱལ་པོ་ཟས་གཙང་གིས་བཅོམ་ལྡན་འདས་ལ་ཚིགས་སུ་བཅད་པའི་སྐད་ཀྱིས་ཞུ་བ་ཞུས་པ། དཔའ་བོ་བཅིབས་པ་གླང་པོ་དང ། །ཆིབས་དང་ཤིང་རྟས་ཁབ་གཤེགས་ན། །ཚེར་བཅས་དོག་སའི་གཞི་དག་ལ། །ཇི་ལྟར་ཞབས་ཀྱིས་གཤེགས་པར་མཛད། །བཅོམ་ལྡན་འདས་ཀྱིས་བཀའ་སྩལ་པ། བདག་ནི་རྫུ་འཕྲུལ་རྐང་པ་དང ། །ཡང་དག་རྩོལ་བའི་བཞོན་པ་ཡིས། །ཉོན་མོངས་ཚེར་མས་མ་རྨས་པར། །ས་གཞི་ཀུན་ཏུ་རྣམ་པར་རྒྱུ། །རྒྱལ་པོས་གསོལ་པ།་དཔའ་བོ་སྔོན་ཆད་ཀ་ཤི་ཀའི། །ན་བཟའ་གསོལ་བས་རྣམ་མཛེས་ན། །ངུར་སྨྲིག་ན་བཟའ་རྩུབ་པོ་དག། ཇི་ལྟར་ཁྱོད་སྐུས་བཟོད་པར་མཛད། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་བདག་གི་ཁྲེལ་འཛེམ་པའི། །སྣམ་སྦྱར་གོས་གྱོན་མཛེས་པ་ཡིན། །གང་གི་ཐུབ་པའི་གོས་གྱོན་པ། །ཞི་བའི་ནགས་ན་མཛེས་པར་གྱུར། །རྒྱལ་པོས་གསོལ་པ། བརྟན་པ་སྔོན་ཆད་གསེར་སྣོད་ནས། །ཞལ་ཟས་རོ་མང་ལྡན་གསོལ་ན། །དེ་ལྟར་བསོད་སྙོམས་ངན་པ་དག། ཇི་ལྟར་ཁྱོད་ཀྱི་མགུར་དུ་བྱོན། །བཅོམ་ལྡན་འདས་ཀྱིས་བཀའ་སྩལ་པ། ཆོས་ལྡན་དགའ་བ་བདག་གི་ཟས། །ངེས་འབྱུང་ལྡན་ཞིང་
Cha104a
༄#། །མཉམ་བཞག་ཡིན། །ཟས་སྲེད་སྤངས་ཀྱང་འཇིག་རྟེན་ཀུན། །རྗེས་སུ་གཟུང་ཕྱིར་བདག་སྤྱོད་བྱེད། །རྒྱལ་པོས་གསོལ་པ། བློ་བཟང་ཁྱོད་སྔོན་ཡང་ཐོག་གི། གཞལ་མེད་ཁང་སྟེང་དུས་མཐུན་བཞུགས། །ཉག་གཅིག་ནགས་ན་ཁྱོད་བཞུགས་ན། །ཇི་ལྟར་བསྙེངས་དང་བྲལ་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏམ་འཇིགས་ཀུན་རྩ་དང་སྲིད། །དེ་བདག་བག་ཉལ་བཅས་སྤངས་པས། །མྱ་ངན་འཇིགས་བྲལ་ནགས་གནས་ཏེ། །དེ་ན་བདག་འཇིགས་ཅི་ཡང་མེད། །རྒྱལ་པོས་གསོལ་པ། ཐུབ་དབང་ཁྱོད་སྔོན་རབ་དགྱེས་པའི། །ཁབ་ན་རྟག་ཏུ་ཁྲུས་མཆོག་མཛད། །ནགས་ན་ཉག་གཅིག་ཁྱོད་བཞུགས་ན། །དེ་ན་འབྱོར་ཁྲུས་སུ་དག་བགྱིད། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏམ་ཆོས་རྫིང་བསོད་ནམས་འགྲམ། །རྙོག་མེད་དམ་པས་བསྔགས་པ་སྟེ། །མི་ལུས་མི་གཤེར་དེར་བཀྲུས་པ། །རིག་བྱེད་ཡོན་ཏན་ཕ་རོལ་འགྲོ། རྒྱལ་པོས་གསོལ་པ། དཔའ་བོ་རང་གི་ཕོ་བྲང་ན། །གསེར་དངུལ་བུམ་པས་ཁྲུས་མཛད་ན།། ཆབ་ཚན་རྙོག་དང་བཅས་པ་ཡིས། །ཇི་ལྟར་ཁྱོད་ཀྱིས་སྐུ་ཁྲུས་མཛད། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏམ་དང་ཀླུང་ཚུལ་ཁྲིམས་འགྲམ། །དང་བ་བསིལ་བ་མཁས་པས་བསྔགས།། མི་ལུས་མི་གཤེར་དེར་བཀྲུས་པ། །རིག་བྱེད་ཡོན་ཏན་ཕ་རོལ་འགྲོ། རྒྱལ་པོ་ཟས་གཙང་གིས་གསོལ་པ། ཟིལ་གནོན་གང་ནས་སྐྱེ་འགྱུར་ཞིང ། །འཇིགས་སྐྲག་གང་ནས་འབྱུང་བར་འགྱུར། །
Cha104b
ཡིད་འབྱུང་གང་ནས་སྐྱེ་འགྱུར་བ། །ཞུས་པ་དེ་ནི་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། ཟིལ་གནོན་གང་ནས་སྐྱེ་འགྱུར་ཞིང ། །འཇིགས་སྐྲག་གང་ནས་འབྱུང་འགྱུར་དང ། །ཡིད་འབྱུང་གང་ནས་སྐྱེ་འགྱུར་བ། །གསོན་ཅིག་བདག་གིས་ཁྱོད་ལ་བཤད། །རྒ་དང་ན་དང་འཆི་འགྱུར་བ། །གལ་ཏེ་དེ་གསུམ་ཡོད་མིན་ན། །བདག་ཀྱང་ཤིན་ཏུ་ཡིད་འོང་བའི། །ཡུལ་རྣམས་ལ་ནི་དགའ་བར་འགྱུར། །རྒྱལ་པོས་གསོལ་པ། ཤཱཀྱའི་རིགས་རྣམས་དགའ་མཛད་པ། །དཔའ་བོ་འཇིག་རྟེན་ཆོས་བརྒྱད་ཀྱིས། །ཁྱོད་ལ་གོས་པ་མི་མངའ་བ། །ལེགས་པར་འཁྲུངས་པ་ལེགས་པ་ལགས། །དེ་ནས་རབ་དགའ་དང་རྒྱས་པས། །དྲང་སྲོང་དགེ་འདུན་བསྐོར་བྱས་ཏེ། །ཐུབ་དབང་ཞབས་ལ་མགོས་གཏུགས་ནས། །བདེ་གཤེགས་ཀུན་ནས་རྟོག་ཅིང་སྡོད། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བདག་གི་བུ་ཡོན་ཏན་གྱི་ཚོགས་འདི་ལྟ་བུ་རྟོགས་པ་ནི། བདག་གིས་རྙེད་པ་ལེགས་པར་རྙེད་དོ། །སྙམ་མོ། །དེ་ནས་བཅོམ་ལྡན་འདས་ཀྱིས་སྐྱེ་བོ་ཕལ་པོ་ཆེའི་ཚོགས་དེའི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་ཐུགས་སུ་ཆུད་ནས་འདི་ལྟར། རྒྱལ་པོ་ཟས་གཙང་དང ། ལྷས་བྱིན་སྡིག་པ་ང་རྒྱལ་ལས་ཀྱང་ང་རྒྱལ་ཅན་མ་གཏོགས་པ། ཟས་དཀར་ལ་སོགས་པ་ཤཱཀྱ་བདུན་ཁྲི་བདུན་སྟོང་གིས་བདེན་པ་དག་མཐོང་བར་གྱུར་པ་དེ་ལྟར་ཆོས་བསྟན་པ་མཛད་དོ། །དེ་ནས་སྲོག་ཆགས་སྟོང་ཕྲག་མང་པོ་ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་གཅིག་ཕྱིར་འོང་བའི་
Cha105a
༄#། །འབྲས་བུ། ཁ་ཅིག་གིས་ནི། ཕྱིར་མི་འོང་བའི་འབྲས་སྦུ། ཁ་ཅིག་གིས་ནི། རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་རྣམ་པར་བཞག་པ་མཛད་དོ། །རྒྱལ་པོ་ཟས་གཙང་ནི། བདག་གི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་ནོ། །སྙམ་དུ་ཧ་ཅང་དགའ་བས་བདེན་པ་མ་མཐོང་ངོ ། །ལྷས་བྱིན་ནི། སྡིག་པ་འདོད་པ་དང ། ང་རྒྱལ་ལས་ཀྱང་ང་རྒྱལ་གྱིས་བདེན་པ་མ་མཐོང་ངོ ། །ལྷས་བྱིན་བདེན་པ་མ་མཐོང་ཞིང་ཁྲོ་བའི་ཟིལ་གྱིས་ནོན་པས་སྨྲས་པ། གལ་ཏེ་བདག་གིས་ཀྱང་འདི་ལྟར་རྗེས་སུ་འཇུག་པར་བྱེད་པའི་སྒྱུ་མ་ཤེས་པར་གྱུར་ན། བདག་གིས་ཀྱང་འཇིག་རྟེན་ཐམས་ཅད་རྗེས་སུ་འཇུག་པར་བྱ་བ་ལ་རག་གོ་།ཤཱཀྱ་གཅུགས་པར་གྱུར་པ་དགའ་བ་སྟོན་པ་དག་གིས་དེ་ལ་སྨྲས་པ། ལྷས་བྱིན། ཐོང་ཞིག་།བཅོམ་ལྡན་འདས་ནི། རྫུ་འཕྲུལ་ཆེ་བ། མཐུ་ཆེ་བ་ཡིན་གྱི། དེ་སྐད་མ་ཟེར་ཅིག། དེ་ནས་དེ་ཅང་མི་སྨྲ་བར་འདུག་གོ་།ཉི་མ་གཉིས་པ་ལ་སྐྱེད་མོས་ཚལ་སྐྱེ་ཡོད་དུ་ས་ཕྱོགས་གོ་སྐབས་ཡངས་པར་གདན་ཐབས་ཟླ་གམ་ལྟ་བུ་བཤམས་པ་བྱས་ནས། དེར་ཡང་བཅོམ་ལྡན་འདས་ཀྱིས་སྐྱེ་བོ་ཕལ་པོ་ཆེའི་ཚོགས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་འདི་ལྟར། རྒྱལ་པོ་ཟས་གཙང་དང ། ལྷས་བྱིན་སྡིག་པ་འདོད་པ་ང་རྒྱལ་ལས་ཀྱང་
Cha105b
ང་རྒྱལ་ཅན་མ་གཏོགས་པ། བྲེ་བོ་ཟས་ལ་སོགས་པ་ཤཱཀྱ་བདུན་ཁྲི་དྲུག་སྟོང་གིས་བདེན་པ་དག་མཐོང་བར་གྱུར་པ་དེ་ལྟར་ཆོས་བསྟན་པ་མཛད་དོ། །དེ་ན་སྲོག་ཆགས་སྟོང་ཕྲག་མང་པོ། ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི། ཕྱིར་མི་འོང་བའི་འབྲས་བུ། ཁ་ཅིག་གིས་ནི། རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་རྣམ་པར་བཞག་པ་མཛད་དོ། །རྒྱལ་པོ་ཟས་གཙང་ནི། བདག་གི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་ནོ། །སྙམ་དུ་ཧ་ཅང་དགའ་བས་བདེན་པ་མ་མཐོང་ངོ ། །ལྷས་བྱིན་ནི། སྡིག་པ་འདོད་པ་དང ། ང་རྒྱལ་ལས་ཀྱང་ང་རྒྱལ་གྱིས་བདེན་པ་མ་མཐོང་ངོ ། །ལྷས་བྱིན་བདེན་པ་མ་མཐོང་ཞིང ། ཁྲོ་བོའི་ཟིལ་གྱིས་ནོན་པས་སྨྲས་པ། གལ་ཏེ་བདག་གིས་ཀྱང་འདི་ལྟར་རྗེས་སུ་འཇུག་པར་བྱེད་པའི་སྒྱུ་མ་ཤེས་པར་གྱུར་ན། བདག་གིས་ཀྱང་འཇིག་རྟེན་ཐམས་ཅད་རྗེས་སུ་འཇུག་པར་བྱ་བ་ལ་རག་གོ། ཤཱཀྱ་གཅུགས་པ་དགའ་བ་སྟོན་པ་དག་གིས་དེ་ལ་སྨྲས་པ། ལྷས་བྱིན། ཐོང་ཞིག་།བཅོམ་ལྡན་འདས་ནི། རྫུ་འཕྲུལ་ཆེ་བ། མཐུ་ཆེ་བ་ཡིན་གྱི། དེ་སྐད་མ་ཟེར་ཅིག་།དེ་ནས་དེ་ཅང་མི་སྨྲ་བར་འདུག་གོ་།ཉི་མ་གསུམ་པ་ལ་སྐྱེད་མོས་ཚལ་ཚངས་པའི་གནས་སུ་ས་ཕྱོགས་གོ་སྐབས་ཡངས་པར་གདན་ཐབས་ཟླ་གམ་ལྟ་བུ་བཤམས་པ་བྱས་ནས།
Cha106a
༄#། །དེར་ཡང་བཅོམ་ལྡན་འདས་ཀྱིས་སྐྱེ་བོ་ཕལ་པོ་ཆེའི་ཚོགས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་འདི་ལྟར། རྒྱལ་པོ་ཟས་གཙང་དང ། ལྷས་བྱིན་སྡིག་པ་འདོད་པ་ང་རྒྱལ་ལས་ཀྱང་ང་རྒྱལ་ཅན་མ་གཏོགས་པ། བདུད་རྩི་ཟས་ལ་སོགས་པ་ཤཱཀྱ་བདུན་ཁྲི་ལྔ་སྟོང་གིས་བདེན་པ་དག་མཐོང་བར་གྱུར་པ་དེ་ལྟར་ཆོས་བསྟན་པ་མཛད་དོ། དེ་ནས་སྲོག་ཆགས་སྟོང་ཕྲག་མང་པོ་ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི། ཕྱིར་མི་འོང་བའི་འབྲས་བུ། ཁ་ཅིག་གིས་ནི། རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཏེ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་རྣམ་པར་བཞག་པ་མཛད་དོ། །རྒྱལ་པོ་ཟས་གཙང་ནི། བདག་གི་བུ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་ནོ། །སྙམ་དུ་ཧ་ཅང་དགའ་བས་བདེན་པ་མ་མཐོང་ངོ ། །ལྷས་བྱིན་ནི། སྡིག་པ་འདོད་པ་དང ། ང་རྒྱལ་ལས་ཀྱང་ང་རྒྱལ་གྱིས་བདེན་པ་མ་མཐོང་ངོ ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཅིའི་ཕྱིར་རྒྱལ་པོ་ཟས་གཙང་བདེན་པ་མཐོང་བར་མི་བྱེད་སྙམ་དགོངས་ན། རྒྱུ་གཉིས་ཀྱིས་བདེན་པ་མི་མཐོང་སྟེ། སེམས་ཧ་ཅང་མཐོ་བ་དང ། ཧ་ཅང་ཞུམ་པས་སོ། །དེ་ལྟར་རྒྱལ་པོ་ཟས་གཙང་གི་སེམས། གཞོན་ནུ་
Cha106b
དོན་ཐམས་ཅད་གྲུབ་པ་སྔོན་ཆད་ལྷ་དང་མིས་མཆོད་པར་གྱུར་ན། ད་ནི། མིས་མཆོད་ཅིང་ལྷས་མཆོད་པར་མ་གྱུར་ཏོ། །སྙམ་དུ་ཧ་ཅང་ཞུམ་པར་གྱུར་པར་ཐུགས་སུ་ཆུད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་གིས་རྒྱལ་པོ་ཟས་གཙང་འདུལ་བའི་ཕྱིར་ལྷའི་འཁོར་འབའ་ཞིག་ལ་ཆོས་བསྟན་པར་བྱའོ། །སྙམ་དུ་དགོངས་ཤིང་རིག་ནས་འཇིག་རྟེན་པའི་ཐུགས་བསྐྱེད་པ་མཛད་དོ། ། སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི། གལ་ཏེ་འཇིག་རྟེན་པའི་ཐུགས་བསྐྱེད་པ་མཛད་ན་ནི། ཐ་ན་སྲོག་ཆགས་གྲོག་སྦུར་གྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་ལ། ཇི་སྟེ་འཇིག་རྟེན་ལས་འདས་པའི་ཐུགས་བསྐྱེད་པར་མཛད་ན་ནི། རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་མི་ཤེས་ན། ཉན་ཐོས་ལ་སོགས་པས་ལྟ་སྨོས་ཀྱང་ཅི་དགོས་དེ་ནས་ཚངས་པ་དང ། བརྒྱ་བྱིན་ལ་སོགས་པའི་ལྷ་རྣམས་འདི་སྙམ་དུ་སེམས་ཏེ། ཅིའི་སླད་དུ་བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་སྙམ་པ་དང ། བཅོམ་ལྡན་འདས་རྒྱལ་པོ་ཟས་གཙང་གདུལ་བའི་སླད་དུ་ལྷའི་འཁོར་འབའ་ཞིག་ལ་ཆོས་སྟོན་བཞེད་པར་མཐོང་ངོ ། །དེ་ནས་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་ནས་འདི་ལྟ་སྟེ། དཔེར་ན། སྐྱེས་བུའི་ལག་ངར་བསྐུམས་པ་ལས་རྐྱོང་བར་བྱེད་པའམ། བརྐྱངས་པ་ལས་བསྐུམ་པར་བྱེད་པ་དེ་བཞིན་དུ་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་
Cha107a
༄#། །རྣམས་ལྷའི་འཇིག་རྟེན་ནས་མི་སྣང་བར་གྱུར་ཏེ་སྐྱེད་མོས་ཚལ་ཚངས་པའི་གནས་སུ་བཅོམ་ལྡན་འདས་ཀྱི་སྤྱན་སྔར་ལྷགས་སོ། །བཅོམ་ལྡན་འདས་ཀྱིས་ཀྱང་རྫུ་འཕྲུལ་གྱིས་རིན་པོ་ཆེ་སྣ་བཞི་ལས་བྱས་པའི་ཁང་བཟང་སྒོ་བཞི་པ་སྤྲུལ་པར་མཛད་དེ། སྒོ་བཞི་པོ་དག་ཏུ་འཇིག་རྟེན་སྐྱོང་བ་བཞི་པོ་དག་སྒོ་སྲུང་རྣམས་སུ་རྣམ་པར་བཞག་པ་མཛད་དོ། །དེ་ནས་གཟུགས་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་གཡས་ཕྱོགས་སུ་ཉེ་བར་བརྟེན་ཏེ་འཁོད་དོ། །འདོད་པ་ན་སྤྱོད་པའི་ལྷ་རྣམས་ཀྱིས་ཀྱང་བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་གཡོན་ཕྱོགས་སུ་ཉེ་བར་བརྟེན་ཏེ་འཁོད་དོ། །རྒྱལ་པོ་ཟས་གཙང་གི་ཀུན་ཏུ་སྤྱོད་པ་ནི། ཉིན་མོ་ལན་གསུམ་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོའོ། །དེ་ནས་རྒྱལ་པོ་ཟས་གཙང་ནང་པར་སྔར་ལངས་ཏེ་ཁང་བཟང་གི་ཤར་སྒོ་ག་ལ་བ་དེར་སོང་བ་དང ། ཡུལ་འཁོར་སྲུང་གིས་སྨྲས་པ། རྒྱལ་པོ་ཆེན་པོ། ཁང་པར་མ་འཇུག་པར་སྡོད་ཅིག་།ཅིའི་ཕྱིར། བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པས། འདིར་མི་ཙམ་གྱིས་ཚོད་ཀྱིས་མི་ཆུད་དོ། །བཞིན་བཟང་ཁྱོད་སུ་ཞིག་ཡིན། རྒྱལ་པོ་ཆེན་པོ། ཁོ་བོ་ནི། རྒྱལ་པོ་ཆེན་པོ་ཡུལ་འཁོར་སྲུང་ཡིན་
Cha107b
ནོ། །དེ་ནས་རྒྱལ་པོ་ཟས་གཙང་ཁང་བཟང་གི་ལྷོ་སྒོ་ག་ལ་བ་དེར་སོང་བ་དང ། འཕགས་སྐྱེས་པོས་སྨྲས་པ། རྒྱལ་པོ་ཆེན་པོ། མ་འཇུག་པར་སྡོད་ཅིག་།ཅིའི་ཕྱིར། བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པས་འདིར་མི་ཙམ་གྱིས་ཚོད་ཀྱིས་མི་ཆུད་དོ། །བཞིན་བཟང ། ཁྱོད་སུ་ཞིག་ཡིན། རྒྱལ་པོ་ཆེན་པོ། ཁོ་བོ་ནི། རྒྱལ་པོ་ཆེན་པོ་འཕགས་སྐྱེས་པོ་ཡིན་ནོ། །དེ་ནས་རྒྱལ་པོ་ཟས་གཙང་ཁང་བཟང་གི་ནུབ་སྒོ་ག་ལ་བ་དེར་སོང་བ་དང ། མིག་མི་བཟང་གིས་སྨྲས་པ། རྒྱལ་པོ་ཆེན་པོ། མ་འདུག་པར་སྡོད་ཅིག་།ཅིའི་ཕྱིར། བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པས། འདིར་མི་ཙམ་གྱིས་ཚོད་ཀྱིས་མི་ཆུད་དོ། །བཞིན་བཟང ། ཁྱོད་སུ་ཞིག་ཡིན། རྒྱལ་པོ་ཆེན་པོ། ཁོ་བོ་ནི། རྒྱལ་པོ་ཆེན་པོ་མིག་མི་བཟང་ཡིན་ནོ། །དེ་ནས་རྒྱལ་པོ་ཟས་གཙང་ཁང་བཟང་གི་བྱང་སྒོ་ག་ལ་བ་དེར་སོང་བ་དང་རྣམ་ཐོས་ཀྱི་བུས་སྨྲས་པ། རྒྱལ་པོ་ཆེན་པོ། མ་འདུག་པར་སྡོད་ཅིག་།ཅིའི་ཕྱིར། བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པས།་འདིར་མི་ཙམ་གྱིས་ཚོད་ཀྱིས་མི་ཆུད་དོ། །བཞིན་བཟང ། ཁྱོད་སུ་ཞིག་ཡིན། རྒྱལ་པོ་ཆེན་པོ། ཁོ་བོ་ནི། རྒྱལ་པོ་ཆེན་པོ་རྣམ་ཐོས་ཀྱི་བུ་ཡིན་ནོ། །དེ་ནས་རྒྱལ་པོ་ཟས་གཙང ། ཀྱེ་མ་བདག་གིས་བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པར་མཛད་པ་མཐོང་ན་ཅི་མ་རུང་སྙམ་དུ་འདོད་པ་སྐྱེས་སོ། །བཅོམ་ལྡན་འདས་ཀྱིས་རྒྱལ་པོ་ཟས་གཙང་གི་སེམས་ཐུགས་ཀྱིས་མཁྱེན་
Cha108a
༄#། །ནས་ཁང་བཟང་ཤེལ་གྱི་རང་བཞིན་དུ་སྤྲུལ་པར་མཛད་པ་དང ། འདི་ལྟར། རྒྱལ་པོ་ཟས་གཙང་གིས་བཅོམ་ལྡན་འདས་ལྷའི་འཁོར་འབའ་ཞིག་ལ་ཆོས་སྟོན་པ་མེ་ལོང་གི་གཟུགས་ཀྱི་ནང་ན་འདུག་པ་ལྟར་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། སུ་ལ་ཡང་འདི་ལྟ་སྟེ། ད་ལྟར་བདག་གི་དོན་ཐམས་ཅད་གྲུབ་པ་ལྟ་བུའི་བུ་མེད་དོ། །སྙམ་མོ། ། དེ་ནས་རྒྱལ་པོ་ཟས་གཙང་གི་སེམས་ཀྱི་རྒྱུད་ཧ་ཅང་མཐོ་བར་གྱུར་ཏོ། །དེ་ནས་བཅོམ་ལྡན་འདས་ཀྱི་རྫུ་འཕྲུལ་མངོན་པར་འདུ་མཛད་པ་དེ་སླར་བསྡུ་བ་མཛད་ནས་རྒྱལ་པོ་ཟས་གཙང་ལ་ཆོས་བསྟན་པར་བརྩམ་པ་མཛད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཅིའི་ཕྱིར་རྒྱལ་པོ་ཟས་གཙང་བདེན་པ་མཐོང་བར་མི་བྱེད་སྙམ་དུ་དགོངས་ཏེ། ད་ལྟར་རྒྱལ་པོ་ཟས་གཙང་སུ་ལ་ཡང་འདི་ལྟ་སྟེ། ད་ལྟར་བདག་གི་དོན་ཐམས་ཅད་གྲུབ་པ་ལྟ་བུའི་བུ་མེད་དོ། །སྙམ་དུ་ཧ་ཅང་དགའ་བས་སེམས་ཀྱི་རྒྱུད་མཐོ་བར་གྱུར་པར་ཐུགས་སུ་ཆུད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ། ཁྱོད་ཀྱིས་རྒྱལ་པོ་ཟས་གཙང་ལ་སོམས་ཤིག་།ཚེ་དང་ལྡན་པ་མོའུ་དགལ་གྱི་བུ་ཆེན་པོས། བཙུན་པ། བཀའ་སྩལ་པ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་རྒྱལ་པོ་ཟས་གཙང་ག་ལ་བ་དེར་སོང་ངོ ། །རྒྱལ་པོ་ཟས་གཙང་གིས། ཚེ་དང་ལྡན་པ་མོའུ་
Cha108b
དགལ་གྱི་བུ་ཆེན་པོ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །བཙུན་པ་མོའུ་དགལ་གྱི་བུ་ཚུར་གཤེགས། བཙུན་པ་མོའུ་དགལ་གྱི་བུ་བྱོན་པ་ལེགས་སོ། །བཙུན་པ་མོའུ་དགལ་གྱི་བུ་གདན་བཤམས་པ་ཉིད་ལ་བཞུགས་ཤིག་།དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་བཅོམ་ལྡན་འདས་ཀྱིས་སྐབས་དབྱེ་བ་མཛད་པས། ཏིང་ངེ་འཛིན་འདི་ལྟ་བུ་ལ་སྙོམས་པར་ཞུགས་ཏེ། ཇི་ལྟར་སེམས་མཉམ་པར་བཞག་ན་རང་གི་སྟན་ལས་མི་སྣང་བར་གྱུར་ཅིང ། ཤར་ཕྱོགས་ཀྱི་སྟེང་གི་ནམ་མཁའ་ལ་མངོན་པར་འཕགས་ཏེ་སྤྱོད་ལམ་བཞི་པོ་འདི་ལྟ་སྟེ། འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དག་བྱེད་དོ། །མེའི་ཁམས་ལ་ཡང་སྙོམས་པར་འཇུག་སྟེ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་མེའི་ཁམས་ལ་སྙོམས་པར་ཞུགས་པའི་ལུས་འོད་ཟེར་སྣ་ཚོགས་འདི་ལྟ་སྟེ། སྔོན་པོ་དག་དང ། སེར་པོ་དག་དང ། དམར་པོ་དག་དང ། དཀར་པོ་དག་དང ། བཙོད་ཀ་དག་དང ། ཤེལ་དང ། དངུལ་གྱི་ཁ་དོག་ལྟ་བུ་བྱུང་ངོ ། །ཆོ་འཕྲུལ་ཟུང་དག་ཀྱང་རྣམ་པར་སྟོན་ཏེ། ལུས་ཀྱི་སྨད་ནས་མེ་འབར་ཞིང་ལུས་ཀྱི་སྟོད་ནས་ཆུ་གྲང་མོའི་རྒྱུན་འབབ་པར་བྱེད་དོ། །ལུས་ཀྱི་སྟོད་ནས་མེ་འབར་ཞིང་ལུས་ཀྱི་སྨད་ནས་ཆུ་གྲང་མོའི་རྒྱུན་འབབ་པར་བྱེད་དོ། ། ཤར་ཕྱོགས་སུ་ཇི་ལྟ་བ་བཞིན་དུ་ལྷོ་དང ། ནུབ་དང ། བྱང་ཕྱོགས་སུའང་དེ་བཞིན་ཏེ། ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བཞི་བསྟན་ནས་རྫུ་འཕྲུལ་མངོན་པར་འདུ་བྱ་བ་དེ་ཕྱིར་
Cha109a
༄#། །བསྡུས་ཏེ་སྟན་བཤམས་པ་ཉིད་ལ་འདུག་གོ་།དེ་ནས་རྒྱལ་པོ་ཟས་གཙང་གིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་མོའུ་དགལ་གྱི་བུ་ཆེན་པོ། བཅོམ་ལྡན་འདས་ཀྱི་ཉན་ཐོས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་གཞན་དག་ཀྱང་མཆིས་སམ། དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེའི་ཚེ་ཚིགས་སུ་བཅད་པ་སྨྲས་པ། ཐུབ་པའི་ཉན་ཐོས་མཐུ་ཆེ་བ། གསུམ་རིག་སེམས་ཀྱི་རྣམ་གྲངས་ཤེས། །ཟག་པ་ཟད་པར་གྱུར་པ་དང ། །དགྲ་རྣམས་བཅོམ་པ་མང་དུ་ཡོད། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བཅོམ་ལྡན་འདས་ཉག་གཅིག་རྫུ་འཕྲུལ་ཆེ་བ། མཐུ་ཆེ་བར་མ་ཟད་ཀྱི། འདི་ལྟར་ཉན་ཐོས་རྣམས་ལ་ཡང་རྫུ་འཕྲུལ་ཆེ་བ། མཐུ་ཆེ་བ་དག་ཡོད་དོ། །སྙམ་ནས། དེ་ནས་རྒྱལ་པོ་ཟས་གཙང་གི་སེམས་ཀྱི་རྒྱུད་སྙོམས་པར་གྱུར་ཏོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་རྒྱལ་པོ་ཟས་གཙང་ཁྲིད་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་རྒྱལ་པོ་ཟས་གཙང་གི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་འདི་ལྟར། རྒྱལ་པོ་ཟས་གཙང་གིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་
Cha109b
པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་མཛད་དོ། །དེ་ནས་བདེན་པ་མཐོང་ནས་གསོལ་བ། བཙུན་པ། བདག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆིའི། བདག་དགེ་བསྙེན་དུ་གཟུང་དུ་གསལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །
Cha110a
༄#། །ཚིགས་སུ་བཅད་པ་ཡང་གསོལ་པ། བུ་ཕོ་བཟང་པོས་ཕ་ལ་ནི། །ལན་དུ་ཕན་གདགས་གང་བགྱི་བ། །དེ་ནི་ཁྱོད་ཀྱིས་བདག་ལ་བགྱིས། །སེམས་ནི་མཐོ་རིས་གཞོལ་བར་གྱུར། །བུ་ཕོ་བཟང་པོས་ཕ་ལ་ནི། །ལན་དུ་ཕན་གདགས་གང་བགྱི་བ། །དེ་ནི་ཁྱོད་ཀྱིས་བདག་ལ་བགྱིས། །སེམས་ནི་ཐར་ལ་གཞོལ་བར་གྱུར། །ངན་སོང་དག་ལས་ལེགས་ཕྱུང་ཞིང ། །ཁྱོད་ཀྱིས་མཐོ་རིས་ཐར་པ་ལ། །རབ་ཏུ་འབད་པས་བདག་བཞག་སྟེ། །ཁྱོད་ཀྱིས་དཀའ་བ་ལེགས་པར་མཛད། །ཚོང་པས་ཁེ་སྤོགས་རྙེད་པ་ལྟར། །མཐོ་རིས་རྙེད་པ་བདག་གིས་རྙེད། །དགེ་བའི་བཤེས་གཉེན་རྣམས་ལ་ནི། །ཉེ་བར་བརྟེན་པ་བཟང་བ་ལགས། །དེ་ནས་རྒྱལ་པོ་ཟས་གཙང་གིས་བདེན་པ་མཐོང་ནས་ཟས་དཀར་ལ་སྨྲས་པ། གཞོན་ནུ། ཁྱོད་ཀྱིས་རྒྱལ་སྲིད་བྱེད་དུ་ཆུག་ཅིག་།ང་ནི། རྒྱལ་པོའི་དྲང་སྲོང་གིས་ཚངས་པར་སྤྱད་པ་སྤྱོད་དོ། །ལྷ་ཅིའི་སླད་དུ་རྒྱལ་སྲིད་བགྱིད་དུ་མི་སྩོལ། ངས་བདེན་པ་དག་མཐོང་ངོ ། །ལྷས་ནམ་གཟིགས། དེང་ཉིད་དོ། །ལྷས་དེང་ཉིད་གཟིགས་ཀྱི།་བདག་གིས་གང་གི་གདུགས་ལ་བཅོམ་ལྡན་འདས་འདིར་གཤེགས་པ་ཉིད་ཀྱི་གདུགས་ལ་བདེན་པ་དག་མཐོང་བ་ལགས་སོ། །དེ་ནས་རྒྱལ་པོ་ཟས་གཙང་གིས་བྲེ་བོ་ཟས་དང ། བདུད་རྩི་ཟས་ལ་སྨྲས་པ། གཞོན་ནུ་གཉིས། ཁྱེད་ཀྱིས་རྒྱལ་སྲིད་བྱེད་དུ་ཆུག་ཅིག། ང་ནི། རྒྱལ་པོའི་དྲང་སྲོང་གིས་ཚངས་པར་སྤྱད་པ་སྤྱོད་དོ། །ཅིའི་སླད་དུ་རྒྱལ་སྲིད་བགྱིད་དུ་མི་སྩོལ། ངས་བདེན་པ་
Cha110b
མཐོང་ངོ ། །ལྷས་ནམ་གཟིགས། དེང་ཉིད་དོ། །ལྷས་དེང་ཉིད་གཟིགས་ཀྱི། བདག་ཅག་གིས་ཆེར་སྔར་མཐོང་ལགས་སོ། །རྒྱལ་པོས་སྨྲས་པ། གཞོན་ནུ་རྣམས་ཀྱི་བུ་ཐུ་བོ་གང་ཡིན། གཞོན་ནུ་བཟང་ལྡན་ལགས་སོ། །རྒྱལ་པོ་ཟས་གཙང་གིས་གཞོན་ནུ་བཟང་ལྡན་ཤཱཀྱའི་རྒྱལ་པོར་དབང་བསྐུར་ཏོ། །དེའི་ཚེ་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཉིན་གཅིག་མ་ཆད་པར་རྒྱལ་པོའི་ཕོ་བྲང་དུ་གདུགས་ཚོད་གསོལ་བ་དང ། རྒྱལ་པོ་ཟས་གཙང་གིས་རལ་པ་ཅན་ལས་རབ་ཏུ་བྱུང་བ་དཀའ་ཐུབ་ཀྱིས་ལུས་མི་སྡུག་པར་སྣང་བ་མཐོང་ངོ ། །མཐོང་ནས་ཀྱང་དེ་འདི་སྙམ་དུ་སེམས་ཏེ། བདག་ཉིད་ཆེན་པོ་འདི་དག་།སེམས་ནི། བཟང་བ་ཡིན་ན། ལུས་མི་བཟང་སྟེ། དཀའ་ཐུབ་དྲག་པོ་དག་གིས་ལུས་མི་སྡུག་པར་སྣང་བ་དག་ཡིན་ནོ། །བཅོམ་ལྡན་འདས་ཀྱི་འཁོར་ནི། བཅོམ་ལྡན་འདས་ཉིད་ཇི་འདྲ་བ་འཁོར་ཡང་དེ་འདྲ་བ་ཉིད་དུ་གྱུར་ན། དེ་ལྟ་ན་བཅོམ་ལྡན་འདས་མཛེས་པར་འགྱུར་རོ། །སྙམ་མོ། དེ་ནས་རྒྱལ་པོ་ཟས་གཙང་གིས་ཤཱཀྱ་རྣམས་བསྡུས་ཏེ་སྨྲས་པ། ཤེས་ལྡན་དག ། གལ་ཏེ་གཞོན་ནུ་དོན་ཐམས་ཅད་གྲུབ་པ་རབ་ཏུ་མ་བྱུང་བར་གྱུར་ན། ཅིར་འགྱུར། ལྷ། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཁྱོད་ཀྱི་བུ་དག་ཅིར་འགྱུར། ལྷ། ཞམ་རིང་བར་འགྱུར་རོ། །འོ་ན།་ད་གཞོན་ནུ་དོན་ཐམས་ཅད་གྲུབ་པས་བདུད་རྩི་ཐུགས་སུ་ཆུད་དེ་བདུད་རྩིས་འགྲོ་བ་ཚིམ་པར་མཛད་ན། ཁྱོད་ཀྱི་བུ་དག་ཅིའི་ཕྱིར་ཞམ་རིང་མི་བྱེད། ལྷ། ཅི་ལགས། དེ་དག་རབ་ཏུ་བྱུང་ངམ།
Cha111a
༄#། །རབ་ཏུ་ཕྱུང་ཞིག་།ལྷ། ཤཱཀྱའི་རིགས་རྒྱུན་ཆད་པར་འགྱུར་རོ། །རྒྱལ་པོས་སྨྲས་པ། ཁྱིམ་རེ་རེ་ནས་རེ་རེ་རབ་ཏུ་ཕྱུང་ཞིག་།ལྷས། བཀའ་སྩལ་པ་བཞིན་འཆལ་ལོ། ། རྒྱལ་པོ་ཟས་གཙང་གིས་ཤཱཀྱ་གཞོན་ནུ་རྣམས་ཀྱི་ཁྱིམ་རེ་རེ་ནས་རེ་རེ་རབ་ཏུ་འབྱུང་བར་བྱའོ། །ཞེས་དྲིལ་བསྒྲགས་པ་བྱས་སོ། །གང་གི་ཚེ་རྒྱལ་པོ་ཟས་གཙང་གིས་དྲིལ་བསྒྲགས་དེའི་ཚེ་ན་བཟང་ལྡན་དང ། མ་འགག་པ་དང ། ནམ་གྲུ་ལ་སོགས་པ་ཤཱཀྱ་གཞོན་ནུ་ལྔ་བརྒྱ་རབ་ཏུ་བྱུང་ངོ ། །གང་གི་ཚེ་བཅོམ་ལྡན་འདས་ཀྱིས་ཤཱཀྱ་གཞོན་ནུ་ལྔ་བརྒྱ་རབ་ཏུ་བྱུང་བ་དེའི་ཚེ་ན། བཅོམ་ལྡན་འདས་ཀྱིས་འདི་ལྟ་སྟེ། རིགས་མཐོན་པོ་ལས་རབ་ཏུ་བྱུང་བ་ནི། རྙེད་པའི་ཕྱེད་དང་ཉེ་བ་ཡིན་ནོ། །ཞེས་གསུངས་པས། དེ་དག་ལས་རྙེད་པ་དང་བཀུར་སྟི་ཆེན་པོ་བྱུང་བར་གྱུར་ཏོ། །བཅོམ་ལྡན་འདས་ཀྱིས་དགོངས་པ། རིགས་ཀྱི་བུ་འདི་དག་གཞན་གྱི་ཕྱིར་ཁོ་ནར་རབ་ཏུ་བྱུང་བ་ཡིན་ན། གཞན་ཁོ་ན་ལ་ཆགས་སོ། །སྙམ་དུ་དགོངས་ནས། དེ་ནས་བཅོམ་ལྡན་འདས་དེ་དག་ལ་རྙེད་པ་དང ། བསྐུར་སྟི་ཆེན་པོ་བྱུང་བ་གཅད་པར་བཞེད་ནས་སེར་སྐྱའི་གནས་སུ་ཅི་དགྱེས་པར་བཞུགས་ནས་མཉན་ཡོད་ག་ལ་བ་དེར་གཤེགས་ཏེ་མཐར་གྱིས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ནས། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། །།
Cha111b
འདུལ་བ་རྣམ་པར་འབྱེད་པ། བམ་པོ་ཉེ་བརྒྱད་པ། དེ་ནས་ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་དགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་མཐར་གྱིས་མཉན་ཡོད་ན་བསོད་སྙོམས་ལ་རྒྱུ་བ་ན། ཁྱིམ་བདག་གི་ཆུང་མ་སྦེད་མའི་ཁྱིམ་ག་ལ་བ་དེར་སོང་ངོ ། །ཁྱིམ་བདག་གི་ཆུང་མ་སྦེད་མས་ཚེ་དང་ལྡན་པ་འཆར་ཀ་ཐག་རིང་པོ་ཁོ་ན་ནས་མཐོང་ངོ ། ། མཐོང་ནས་ཀྱང་བྲང་བརྡུངས་ཏེ་སྨྲས་པ། འཆར་ཀ་ཅིའི་སླད་དུ་ཁྱོད་ཀྱིས་བདག་སྤངས་ཏེ་རབ་ཏུ་བྱུང ། འཆར་ཀས་སྨྲས་པ། བྱང་ཆུབ་སེམས་དཔས་བཙུན་མོ་གྲགས་འཛིན་མ་དང ། ས་འཚོ་མ་དང ། རི་དྭགས་སྐྱེས་ལ་སོགས་པ་བུད་མེད་དྲུག་ཁྲི་སྤངས་ཏེ་རབ་ཏུ་བྱུང་བ་ནི། ཤིན་ཏུ་དཀའ་བ་ཡིན་གྱི། རྡུལ་གྱི་རྫ་བ་འདྲ་བ་ཁྱོད་ལ་མི་བྲ་བ་ཅི་ཡོད། འཆར་ཀ། བདག་ཀྱང་རབ་ཏུ་འབྱུང་ངོ ། །དེ་ལྟར་གྱིས་ཤིག་།ཁྱིམ་གྱི་བྱ་བ་ལེགས་པར་བསྡུ་བར་བགྱིའོ། །འཆར་ཀ་དེ། དེར་དུས་དང་མཐུན་པའི་དུས་སུ་འོང་ཞིང་སྨྲས་པ། སྦེད་མ་རབ་ཏུ་མི་འབྱུང་ངམ། སྦེད་མས་སྨྲས་པ། ད་དུང་ཁྱིམ་གྱི་བྱ་བ་ལེགས་པར་མ་བསྡུས་སོ། །སྦེད་མ། དུས་དེ་ཙམ་གྱིས་ཀོ་ས་ལར་བྱུང་བའི་ཁྱིམ་གྱི་བྱ་བ་ཡང་ལེགས་པར་བསྡུས་པར་འགྱུར་རོ། །འཆར་ཀ། དེང་ལེགས་པར་བསྡུས་ཏེ་སང་རབ་ཏུ་འབྱུང་ངོ ། །འཆར་ཀ་འདི་སྙམ་དུ་སྔོན་ཡང་བདག་ཅག་ལྷུང་བཟེད་ནག་པོ་ཅན་རྣམས་ཀྱིས་ཟིལ་གྱིས་མནན་པར་གྱུར་པས། གལ་ཏེ་བདག་གིས་དགེ་སློང་མ་རབ་ཏུ་ཕྱུང་བར་གྱུར་ན།
Cha112a
༄#། །དྲུག་སྡེ་དག་གིས་དགེ་སློང་མ་རབ་ཏུ་ཕྱུང་ངོ ། །ཞེས་རྒྱ་ཆེར་ཟིལ་གྱིས་གནོན་པར་འགྱུར་རོ། །སྙམ་དུ་འགྱོད་པ་སྐྱེས་ནས། དེ་ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ག་ལ་བ་དེར་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་རྒྱལ་པོའི་ཁབ་ཏུ་ཕྱིན་ནས། དེ་རྒྱལ་པོའི་ཁབ་ཏུ་དབྱར་གནས་པར་ཁས་བླངས་ཏེ་འདུག་གོ་།སྦེད་མ་ཡང་ཕྱི་དེ་ཉིན་བར་ཁྱིམ་གྱི་བྱ་བ་ལེགས་པར་བསྡུས་ཏེ་རྒྱལ་བྱེད་ཀྱི་ཚལ་དུ་འོངས་ནས་དེ་དགེ་སློང་རྣམས་ཀྱི་གན་དུ་སོང་སྟེ་དྲིས་པ། འཕགས་པ་དག་།དེ་གར་མཆིས། དེ་སུ་ཡིན། འཕགས་པ་འཆར་ཀའོ། ། དེ་རྒྱལ་པོའི་ཁབ་ཏུ་སོང་ངོ ། །སྦེད་མས་ངུ་བར་བརྩམས་པ་དང ། དགེ་སློང་རྣམས་ཀྱིས་སྨྲས་པ། སྦེད་མ་ཅིའི་ཕྱིར་ངུ ། འཕགས་པ་འཆར་ཀའི་མཆིད་ནས། ཁྱིམ་གྱི་བྱ་བ་ལེགས་པར་བསྡུས་ལ་མཆི་ཞིག་དང ། བདག་གིས་རབ་ཏུ་དབྱུང་ངོ ། །ཞེས་མཆི་ནས། བདག་གིས་ཁྱིམ་གྱི་བྱ་བ་ལེགས་པར་བསྡུས་ཏེ་མཆི་ན། དེ་རྒྱལ་པོའི་ཁབ་ཏུ་མཆིས་པས། ད་ནི། བདག་ཁྱིམ་ན་གནས་པ་ཡང་མ་ལགས་ལ། རབ་ཏུ་བྱུང་བ་ཡང་མ་ལགས་སོ། །དགེ་སློང་རྣམས་ཀྱིས་དེ་ལ་སྨྲས་པ། སྦེད་མ། འཆར་ཀས་སྤུ་གྲིའི་ཕྱིར་རྒྱལ་པོའི་ཁབ་ཏུ་སོང་བས། སྤུ་གྲི་གསར་པས་ཁྱོད་ཀྱི་སྐྲ་འབྲེག་པར་འགྱུར་རོ། །དགེ་སློང་མ་གསོ་སྦྱོང་འབུལ་བ་དག་རྒྱལ་བྱེད་ཀྱི་ཚལ་དུ་ལྷགས་ནས་དེ་དག་གིས་སྦེད་མ་ངུ་བ་མཐོང་ནས་སྨྲས་པ། སྦེད་མ་ཅིའི་ཕྱིར་ངུ ། འཕགས་པ་འཆར་ཀའི་
Cha112b
མཆིད་ནས། ཁྱིམ་གྱི་བྱ་བ་ལེགས་པར་བསྡུས་ལ་མཆི་ཞིག་དང ། བདག་གིས་རབ་ཏུ་དབྱུང་ངོ ། །ཞེས་མཆི་ནས། བདག་གིས་ཁྱིམ་གྱི་བྱ་བ་ལེགས་པར་བསྡུས་ཏེ་མཆིས་ན། དེ་རྒྱལ་པོའི་ཁབ་ཏུ་མཆིས་པས།་ད་ནི། བདག་ཁྱིམ་ན་གནས་པ་ཡང་མ་ལགས་ལ། རབ་ཏུ་བྱུང་བ་ཡང་མ་ལགས་སོ། །གཡེང་མ། དགེ་སློང་དག་སུ་ཞིག་དགེ་སློང་མ་རབ་ཏུ་འབྱིན་པར་བྱེད། འདི་ལྟར་དགེ་སློང་མ་རྣམས་ཀྱིས་དགེ་སློང་མ་རབ་ཏུ་འབྱིན་པར་བྱེད་ཀྱི། ཚུར་ཤོག་དང ། འཕགས་མ་སྐྱེ་རྒུའི་བདག་མོ་ཆེན་མོ་གོའུ་ཏ་མིས་ཁྱོད་རབ་ཏུ་འབྱིན་པར་འགྱུར་རོ། །དེ་དག་གིས་དེ་སྐྱེ་རྒུའི་བདག་མོ་ཆེན་མོ་གོའུ་ཏ་མིའི་གན་དུ་ཁྲིད་ནས་སྨྲས་པ། འཕགས་མ། ཁྱིམ་བདག་གི་མཆིས་བྲང་སྦེད་མ་འདི་རབ་ཏུ་འབྱུང་བར་འཚལ་ལོ། །སྐྱེ་རྒུའི་བདག་མོ་ཆེན་མོ་གོའུ་ཏ་མིས་དེ་རབ་ཏུ་ཕྱུང ། རྫོགས་པར་བསྙེན་པར་བྱས་སོ། །འཆར་ཀ་འདི་སྙམ་དུ། བདག་གིས་ལྷུང་བཟེད་ནག་པོ་ཅན་རྣམས་རྗེས་སུ་སྲུང་བས་ཁྱིམ་བདག་གི་ཆུང་མ་སྦེད་མ་འདི་རབ་ཏུ་མ་ཕྱུང་བས། རྒྱ་ཅང་དང ། ལྕག་པོད་དང ། ཤུར་བུ་དང ། ཤུར་བུ་ཕྲེའུ་དག་གི་བར་ཆད་ཀྱང་བྱས་ལ། དེ་ཡང་ལྷུང་བཟེད་ནག་པོ་ཅན་འགའ་ཞིག་གིས་རབ་ཏུ་ཕྱུང་བར་གྱུར་ན། དེ་དང་འཕྲད་དུ་ཡང་མི་སྟེར་རོ། །སྙམ་དུ་འགྱོད་པ་སྐྱེས་ནས། དེ་མི་དགའ་བཞིན་དུ་དབྱར་གནས་པར་ཁས་བླངས་སོ། །མཉན་ཡོད་ན་རྒན་ཞུགས་ཤིག་མི་དགའ་བཞིན་དུ་དབྱར་གནས་པར་ཁས་བླངས་པ་དེས། ལྷུང་བཟེད་དང་ཆོས་གོས་མཆན་ཁུང་དུ་བཅུག་སྟེ་དགག་དབྱེ་བྱས་པ་ན། དགག་དབྱེ་ལེགས་
Cha113a
༄#། །པར་བྱས་སོ། །དགག་དབྱེ་ཤིན་ཏུ་བྱས་སོ། །ཞེས་དེ་རྒྱལ་པོའི་ཁབ་ག་ལ་བ་དེར་སོང་སྟེ། མཐར་གྱིས་རྒྱུ་ཞིང་འགྲོ་བ་ན་རྒྱལ་པོའི་ཁབ་ཏུ་ཕྱིན་པ་དང ། ཚེ་དང་ལྡན་པ་འཆར་ཀ་གཙུག་ལག་ཁང་གི་སྒོ་ན་ལམ་ལ་རྣམ་པར་ལྟ་ཞིང་འདུག་པ་དེས། ཐག་རིང་པོ་ཁོ་ན་ནས་རྒན་ཞུགས་མགོ་སྤྲ་བའི་མེ་ཏོག་ལྟར་སྐྱ་བ། སྨིན་མ་འཕྱང་བ་ཞིག་འོང་བ་དེ་མཐོང་ནས་འཆར་ཀས་བསམ་པ། དགེ་སློང་འོང་བ་འདི། གནས་བརྟན་གང་ཡིན། བསུའོ། །སྙམ་ནས། དེས་སྨྲས་པ། གནས་བརྟན་བྱོན་པ་ལེགས་སོ། །བྱོན་པ་ལེགས་སོ། །ཕྱག་འཚལ་ལོ། །དེས་སྨྲས་པ།་སློབ་དཔོན་ཕྱག་འཚལ་ལོ། །འཆར་ཀས། འདི་ནི། རྒན་ཞུགས་ཤིག་སྟེ། སློབ་དཔོན་ཡང་མི་ཤེས། མཁན་པོ་ཡང་མི་ཤེས་པ་ཞིག་གོ། །སྙམ་དུ་ཤེས་ནས་འཆར་ཀས་དེ་གཙུག་ལག་ཁང་དུ་འཇུག་ཏུ་བཅུག་སྟེ་སྨྲས་པ། རྒན་ཞུགས། ཁྱོད་ག་ལས་འོངས། དེས་སྨྲས་པ། མཉན་ཡོད་ནས་སོ། །འཆར་ཀས་བསམ་པ། གལ་ཏེ་དང་པོ་ཁོ་ནར་སྦེད་མའི་གཏམ་དྲིས་ན། འཕྱ་བར་འགྱུར་བས། འདི་ལྟར་སྔ་ཕྱིར་བྱས་ཏེ་དྲི་བར་བྱའོ། །སྙམ་ནས་སྨྲས་པ། ཚེ་དང་ལྡན་པ། ཇི་ལྟར་བཅོམ་ལྡན་འདས་གནོད་པ་ཆུང་བ་དང ། ཉམ་ང་བ་ཆུང་བ་དང ། བདེ་བ་དང ། སྙན་མི་མངའ་བ་དང ། སྟོབས་དང་ལྡན་པར་མཉན་ཡོད་དུ་དབྱར་གནས་པར་ཞལ་གྱིས་བཞེས་སམ། བཙུན་པ་འཆར་ཀ། དེ་བཞིན་ཏེ། བཅོམ་ལྡན་འདས་གནོད་བ་ཆུང་བ་དང ། ཉམ་ང་བ་ཆུང་
Cha113b
པ་དང ། བདེ་བ་དང ། སྙུན་མི་མངའ་བ་དང ། སྟོབས་དང་ལྡན་པར་མཉན་ཡོད་དུ་དབྱར་གནས་པར་ཞལ་གྱིས་བཞེས་སོ། །ཚེ་དང་ལྡན་པ། ཇི་ལྟར་དགེ་སློང་གི་དགེ་འདུན་དང ། དགེ་སློང་མའི་དགེ་འདུན་དང ། དགེ་བསྙེན་གྱི་འཁོར་དང ། དགེ་བསྙེན་མའི་འཁོར་གནོད་པ་ཆུང་བ་དང ། ཉམ་ང་བ་ཆུང་བ་དང ། བདེ་བ་དང ། ནད་མེད་པ་དང ། སྟོབས་དང་ལྡན་པར་མཉན་ཡོད་ན་གནས་སམ། སྟོན་པ་ལ་བལྟ་བར་འདོད་དམ། དམ་པའི་ཆོས་ཉན་པར་འདོད་དམ། བཙུན་པ་འཆར་ཀ། དེ་བཞིན་ཏེ། དགེ་སློང་གི་དགེ་འདུན་དང ། དགེ་སློང་མའི་དགེ་འདུན་དང ། དགེ་བསྙེན་གྱི་འཁོར་དང ། དགེ་བསྙེན་མའི་འཁོར་གནོད་པ་ཆུང་བ་དང ། ཉམ་ང་བ་ཆུང་བ་དང ། བདེ་བ་དང ། ནད་མེད་པ་དང ། སྟོབས་དང་ལྡན་པར་མཉན་ཡོད་ན་གནས་ཤིང ། སྟོན་པ་ལ་བལྟ་བར་འདོད་པ་དང ། དམ་པའི་ཆོས་ཉན་པར་འདོད་དོ། །ཚེ་དང་ལྡན་པ། ཇི་ལྟར་གནས་བརྟན་ཀུན་ཤེས་ཀོའུ་དི་ནྱ་དང ། གནས་བརྟན་འོད་སྲུང་ཆེན་པོ་དང ། གནས་བརྟན་མོའུ་དགལ་གྱི་བུ་ཆེན་པོ་དང ། གཞན་ཡང ། དགེ་སློང་གནས་བརྟན་གནས་བརྟན་དག་གནོད་པ་ཆུང་བ་དང ། ཉམ་ང་བ་ཆུང་བ་དང ། བདེ་བ་དང ། ནད་མེད་པ་དང ། སྟོབས་དང་ལྡན་པར་མཉན་ཡོད་ན་གནས་སམ། བཙུན་པ་འཆར་ཀ་དེ་དེ་བཞིན་ཏེ། གནོད་པ་ཆུང་བ་དང ། ཉམ་ང་བ་ཆུང་བ་དང ། བདེ་བ་དང ། ནད་མེད་པ་དང ། སྟོབས་དང་ལྡན་པར་མཉན་ཡོད་ན་གནས་སོ། །ཚེ་དང་ལྡན་པ། ཇི་ལྟར་ཀོ་ས་ལར་བྱུང་བའི་རྒྱལ་པོ་གསལ་རྒྱལ་
Cha114a
༄#། །དང ། བླ་མཁྱེན་དྲང་སྲོང་བྱིན་དང ། རྙིང་པ་དང ། ཁྱིམ་བདག་གི་ཆུང་མ་རི་དྭགས་འཛིན་གྱི་མ་ས་ག་དང ། ལེགས་སྐྱེས་དག་ཤེས་སམ། བཙུན་པ་འཆར་ཀ། དེ་བཞིན་ཏེ། ཤེས་སོ། །ཚེ་དང་ལྡན་པ། འོ་ན་ཁྱོད་ཀྱིས་ཁྱིམ་བདག་གི་ཆུང་མ་སྦེད་མ་ཤེས་སམ། བཙུན་པ་འཆར་ཀ། ཤེས་ཏེ། དེ་ནི། བཙུན་པ་འཆར་ཀའི་སྔོན་གྱི་ཆུང་མ་ཡིན་ནོ། །རྒན་ཞུགས། གཏམ་ཤེས་སོ། །དེ་ད་དུང་ཡང་ཁྱོད་ཀྱི་ཁྱིམ་བདག་གི་ཆུང་མ་ཡིན་སྙམ་མམ། དེ་ནི། རབ་ཏུ་བྱུང་ངོ ། །སུས་རབ་ཏུ་ཕྱུང ། སྐྱེ་རྒུའི་བདག་མོ་ཆེན་མོ་གོའུ་ཏ་མིས་སོ། །འཆར་ཀས་བསམ་པ། ད་དུང་སྤྱོད་ཡུལ་ལྷག་མ་དང་བཅས་པ་ཡིན་ནོ། །སྙམ་ནས་སྨྲས་པ། རྒན་ཞུགས་ཚུར་ཤོག་།རྐང་པ་དག་ཁྲུས་ཤིག་ཅེས་དེས་དེ་ལ་རྐང་པ་བཀྲུ་བ་དང ། ལག་པ་བསྐུ་བ་མང་པོ་བྱིན་ནས། དེས་དེའི་ལྷུང་བཟེད་དང་ཆོས་གོས་ཡ་གད་བཙུགས་ཏེ། ཟུང་མཐོན་པོ་ལ་བཞག་ནས་སྨྲས་པ། རྒན་ཞུགས། གཙུག་ལག་ཁང་འདི་ནི། ཟས་དང་བཅས་པ། རྙེད་པ་དང་བཅས་པ་ཡིན་གྱི། གཙུག་ལག་ཁང་འདིར་མངོན་པར་དགའ་བར་གྱིས་ཤིག་།དེས་སྨྲས་པ། བཙུན་པ་འཆར་ཀ། བདག་ནི། མཆོད་རྟེན་ལ་ཕྱག་འཚལ་དུ་འོངས་ཏེ། འགྲོ་བ་ཡིན་པས་བདག་གནས་འདི་མི་འདོད་དོ། །འཆར་ཀས་དེའི་མདུན་དུ་སྒོ་ལྕགས་དང་ལྡེ་མིག་ཀྱོག་པོ་དག་བཞག་སྟེ་འདི་སྐད་ཅེས། ཚེ་དང་ལྡན་པ། བཅོམ་ལྡན་འདས་ཀྱིས། དགེ་སློང་གིས་གཙུག་ལག་ཁང་གནས་
Cha114b
པ་དང་བཅས་པར་བྱའི། །མི་གནས་པར་མི་བྱའོ། །ཞེས་བཀའ་སྩལ་ཏོ། །ཞེས་སྨྲས་ནས་མིག་ལམ་དུ་མི་སྣང་བར་སོང་སྟེ། དེ་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ནས་འཆར་ཀས་རང་གི་གཙུག་ལག་ཁང་ཆག་ཆག་བཏབ། ལེགས་པར་བྱུགས། ལྕི་བ་གསར་པའི་བྱུག་པས་བྱུགས་ཏེ་སྒོ་བཅད་ནས་ཁྲི་སྟེང་ན་ཕྱི་གན་དུ་ཉལ་ཞིང ། སྐད་ཀྱི་གདངས་ཀྱིས་ཁ་ཏོན་བྱེད་ཅིང་འདུག་གོ། །དགེ་སློང་མ་འདུན་པ་འབུལ་བ་དག་ལྷགས་ནས་དེ་དག་གིས། དེའི་སྐད་ཀྱི་གདངས་ཐོས་ནས་དེ་དག་གིས་དེ་ལ་ཕྱག་འཚལ་ཏེ་སྨྲས་པ། འཕགས་པ་འཆར་ཀ། ཁྱོད་གར་བཞུད། འཆར་ཀས་སྨྲས་པ། རྒྱལ་པོའི་ཁབ་ཏུའོ། །དེ་དག་དབྱར་ཁང་དུ་དོང་ནས་སྦེད་མ་ལ་སྨྲས་པ། སྦེད་མ་དགའ་བ་སྐྱེད་ཅིག་།ཁྱོད་ཀྱི་སློབ་དཔོན་འོངས་སོ། །ཁོ་མོའི་སློབ་དཔོན་གང ། འཆར་ཀའོ། །དེ་ཇི་ལྟར་ཁོ་མོའི་སློབ་དཔོན། ཅི། ཁོ་མོས་དེའི་གན་ནས་བཀླགས་སམ། གཡེང་མ། ཁྱོད་ཀྱིས་མི་ཤེས་ཀྱི། དགེ་སློང་མ་རྣམས་ནི། དགེ་སློང་མ་རག་མང་དུ་ལས་ཀྱི། ཁྱོད་སོང་ལ་ལྟོས་ཤིག་།སྦེད་མས་ནས་ཀྱི་ངར་ཕྱེ་དང ། ཁྲུས་ཀྱི་ཆལ་དང ། འབྲུ་མར་ཐོགས་ཏེ་འཆར་ཀའི་གཙུག་ལག་ཁང་དུ་སོང་ནས་སྦེད་མས་འཆར་ཀའི་གཙུག་ལག་ཁང་གི་སྒོ་བརྡུངས་པ་དང ། འཆར་ཀས་སྨྲས་པ། དེ་སུ་ཡིན། སྦེད་མས་སྨྲས་པ། བདག་སྦེད་མའོ། །ཁྱིམ་བདག་གི་ཆུང་མ་སྦེད་མ་འོངས་པ་ལེགས་སོ། །བདག་ད་དུང་ཡང་ཁྱོད་ཀྱི་ཁྱིམ་བདག་གི་ཆུང་མ་ལགས་སམ། འོ་ན་ཅི་ཡིན། །བདག་རབ་ཏུ་བྱུང་ངོ ། །ཁྱོད་སུས་རབ་
Cha115a
༄#། །ཏུ་ཕྱུང ། འཕགས་མ་སྐྱེ་རྒུའི་བདག་མོ་ཆེན་མོ་གོའུ་ཏ་མིས་སོ། །ཁོ་བོ་རེ་ཞིག་བྱ་བ་དེ་ལྟ་བུ་ཞིག་བྱུང་ནས། དེའི་ཕྱིར་ཁོ་བོ་རྒྱལ་པོའི་ཁབ་ཏུ་སོང་ན། ཁྱོད་ལ་བརྟད་པ་ཅི་བྱུང་ན། དེའི་ཕྱིར་ཁྱོད་རབ་ཏུ་བྱུང ། ཁྱོད་ཀྱི་ཞལ་ནས་ཁྱིམ་གྱི་བྱ་བ་ལེགས་པར་བསྡུས་ལ་ཤོག་ཅིག་དང ། ཁོ་བོས་ཁྱོད་རབ་ཏུ་དབྱུང་ངོ ། །ཞེས་གསུངས་ནས། བདག་གིས་ཁྱིམ་གྱི་བྱ་བ་ལེགས་པར་བསྡུས་ཏེ་མཆིས་ན། ཁྱོད་རྒྱལ་པོའི་ཁབ་ཏུ་བཞུད་དེ། གལ་ཏེ་བདག་འཕགས་མས་རབ་ཏུ་མ་བྱུང་དུ་ལགས་ན། བདག་ཁྱིམ་ན་གནས་པ་ཡང་མ་ལགས་ལ། རབ་ཏུ་བྱུང་བ་ཡང་མ་ལགས་པར་འགྱུར་རོ། །འཆར་ཀས་སྨྲས་པ། སྦེད་མ། ཅི། ཁོ་བོ་བདག་ཉིད་ཀྱི་ལག་ངར་ལ་སོས་འདེབས་པར་བྱེད་དམ། སྐྱེ་རྒུའི་བདག་མོ་ཆེན་མོ་གོའུ་ཏ་མིས་རབ་ཏུ་ཕྱུང་ཡང་རུང ། ཁོ་བོས་རབ་ཏུ་ཕྱུང་ཡང་རུང་སྟེ། ལེགས་ཀྱི། ནང་དུ་ཞུགས་ཤིག་དང་ཆོས་བསྟན་པར་བྱའོ། །སྦེད་མས་འཆར་ཀའི་རྐང་པ་གཉིས་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འདུག་གོ་།དེས་དེ་ལ་ཆོས་བསྟན་པར་བརྩམས་ཏེ། དེས་དེ་ལ་ཇི་ཙམ་པ་དེ་ཙམ་དུ་ཆོས་བསྟན་ནས་སྔོན་གྱི་བགད་པ་དང ། དགའ་བར་བྱས་པ་དང ། རྩེས་པ་དང ། དགའ་མགུར་སྤྱོད་པ་དྲན་པར་བྱ་བར་བརྩམས་ཏེ། སྦེད་མ་བདག་ཅག་གཉིས་ཀྱིས་སྐྱེད་མོས་ཚལ་དང ། འདུན་ས་དང ། ལྷའི་གནས་ག་གེ་མོ་ཞིག་ཏུ་ཟས་འདི་དང་འདི་ལྟ་བུ་ཟོས་པ་དང ། བཅའ་བ་འདི་དང་འདི་ལྟ་བུ་འཆོས་པ་དང ། བཏུང་བ་འདི་དང་འདི་ལྟ་བུ་
Cha115b
འཐུངས་པ་གང་ཡིན་པ་དེ་དྲན་ནམ་ཞེས་སྨྲས་པ་དང ། འཆར་ཀ་ཀུན་ཏུ་ཆགས་པར་གྱུར་ཏོ། །ཇི་ལྟ་ཇི་ལྟར་ཀུན་ཏུ་ཆགས་པར་གྱུར་པ་དེ་ལྟ་དེ་ལྟར་དྲལ་ཏོ། །བུད་མེད་ཀྱི་ཡུལ་མཁས་པའི་རང་བཞིན་ཅན་ལ་ལ་ལ། མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་གྱུར་པ་དེ་ཤེས་ཤིང་ཆགས་པ་དང་བྲལ་བ་ཤེས་པ་དང ། དུས་ཤེས་ཤིང་ཟླ་མཚན་ཤེས་པ་དང ། མངལ་ན་གནས་པ་ཞུགས་པ་ཤེས་པ་དང ། གང་ལས་མངལ་ན་གནས་པ་ཞུགས་པ་དེ་ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན། དཀུ་གཡས་པར་བརྟེན་ཅིང་འདུག་ལ། གལ་ཏེ་བུ་མོ་ཡིན་ན། དཀུ་གཡོན་པར་བརྟེན་ཅིང་འདུག་པའོ། །སྦེད་མ་དེས་འཆར་ཀ་ཆགས་སོ། །སྙམ་དུ་ཤེས་ནས། སྦེད་མས་སྨྲས་པ། སླད་རོལ་ཏུ་མཆིའི། སླར་མཆིའོ། །འཆར་ཀས་བསམ་པ། འདི་བཤང་བ་བྱེད་འདོད་དམ། གཅི་བ་བྱེད་འདོད་གོར་མ་ཆག་སྙམ་ནས། དེས་སྨྲས་པ། སོང་ཞིག། སྦེད་མ་ཕྱིར་བྱུང་ནས་ཤིང་ང་དཔུང་བཅད་བརྫེས་ཏེ་རྒྱུག་པར་བརྩམས་པ་དང ། འཆར་ཀ་དེ་སྒྲ་ལ་མཁས་པ་ཡིན་པས། དེ་ནས་དེའི་སྒྲ་ཐོས་ནས་དེའི་ཕྱི་བཞིན་དུ་བྱུང་སྟེ། དགེ་སྦྱོང་མ་མགོ་རེག་མོ་གར་འབྲོས་ཞེས་དེ་དེའི་ཕྱི་བཞིན་རྒྱུག་པར་བརྩམས་པ་དང ། དེ་ལ་བརླའི་རེག་པས་ཁུ་བ་བྱུང་ནས་དེ་ཀུན་ནས་དཀྲིས་པ་དང ། བྲལ་ཏེ་གླང་པོ་ཆེ་ཆགས་པ་དང་བྲལ་བ་བཞིན་དུ་གཞི་དེ་དག་ཉིད་ན་འདུག་གོ་།སྦེད་མས་དེ་ཀུན་ནས་དཀྲིས་པ་དང་བྲལ་ཏེ་ཕྱིར་ལོག་པ་མཐོང་ནས། འདི་ཀུན་ནས་དཀྲིས་པ་དང་བྲལ་ལོ། །སྙམ་
Cha116a
༄#། །དུ་རིག་ནས་དྲུང་དུ་སོང་སྟེ། ཚེ་དང་ལྡན་པ་འཆར་ཀ་ལ་འདི་སྐད་ཅེས་སྨྲས་སོ། །འཕགས་པ། གལ་ཏེ་བདག་གིས་དང་དུ་བླངས་པར་གྱུར་ན། བདག་ཀྱང་དགེ་སློང་མར་མི་རུང་བ་ཉིད་དུ་འགྱུར་ལ། ཁྱོད་ཀྱང་དགེ་སློང་དུ་མི་རུང་བ་ཉིད་དུ་འགྱུར་རོ། །སྲིང་མོ། །བཅོམ་ལྡན་འདས་ཀྱིས་ཀྱང་བདག་ཉིད་སྲུང་ན། གཞན་སྲུང་བར་བྱེད་ལ། གཞན་སྲུང་ན། བདག་ཉིད་སྲུང་བར་བྱེད་དོ། །ཞེས་པ་ལེགས་པར་གསུངས་སོ། །ཇི་ལྟར་བདག་ཉིད་སྲུང་ན། གཞན་སྲུང་བར་བྱེད་ཅེ་ན། སྟེན་པར་བྱེད་པ་དང ། གོམས་པར་བྱེད་པ་དང ། ལན་མང་དུ་བྱེད་པ་དང ། རྗེས་སུ་སྲུང་བར་བྱེད་པ་དང ། རེག་པར་བྱེད་པ་དང ། མངོན་སུམ་དུ་བྱེད་པ་སྟེ། དེ་ལྟར་བདག་ཉིད་སྲུང་ན། གཞན་སྲུང་བར་བྱེད་དོ། །ཇི་ལྟར་གཞན་སྲུང་ན། བདག་ཉིད་སྲུང་བར་བྱེད་ཅེ་ན། མཐོ་མི་འཚམ་པ་དང ། མི་གཤེ་བ་དང ། མི་འཚེ་བ་དང ། རྗེས་སུ་བརྩེ་བ་དང ། རྗེས་སུ་སྙིང་བརྩེ་བ་དང ། བྱམས་པའི་སེམས་ཀྱིས་ཏེ། དེ་ལྟར་གཞན་སྲུང་ན། བདག་ཉིད་སྲུང་བར་བྱེད་དོ། ། འཕགས་པ། ཤམ་ཐབས་འདི་ཚུར་སྩོལ། བཀྲུ་བར་བགྱིའོ། །འཆར་ཀས་ཤམ་ཐབས་དེ། སྦེད་མ་ལ་བྱིན་ནོ། །སྦེད་མས་ཁུ་བ་དེ་མཐོང་ནས་འགྱོད་པ་སྐྱེས་ཏེ། བདག་གི་ལུས་ཀྱི་ཕྱོགས་བཙུན་པ་འཆར་ཀས་སྔོན་མ་མཐོང་བའམ། སྔོན་མ་མནམས་པའམ། སྔོན་མ་བྱུགས་པ་ཅི་ཞིག་ཡོད་ན། བདག་གིས་དང་དུ་མ་བླངས་པ་ནི། མ་ལེགས་པ་ཞིག་བྱས་སོ། །སྙམ་དུ་འགྱོད་པ་
Cha116b
སྐྱེས་སོ། །སྦེད་མས་དེ་ལྟར་རྣམ་པར་རྟོག་པ་ན། དེ་ཀུན་ཏུ་ཆགས་ཤིང་དྲལ་བར་གྱུར་པའི་སེམས་ཀྱིས་ཁུ་བ་དེ་རང་གི་མངལ་གྱི་སྒོར་བླུགས་སོ། །སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་བསམ་གྱིས་མི་ཁྱབ་པས། དེ་ལ་སེམས་ཅན་ཞུགས་པར་གྱུར་ཏོ། །དེ་དགེ་སློང་མ་རྣམས་ཀྱིས་མཐོང་ནས་སྨྲས་པ། སྦེད་མ། ཁོ་མོ་ཅག་གི་ཁྱོད་ཆོས་བཟང་པོའི་ཆོས་ཀྱིས་འཕགས་པ་འཆར་ཀའི་གན་དུ་འགྲོ་བར་སེམས་ཀྱི། ཁོ་མོ་ཅག་གིས་དེས་ཁྱོད་གནས་སྐབས་འདི་ལྟ་བུར་བྱས་པར་མི་སེམས་སོ། །སྦེད་མས་སྨྲས་པ། ཕུ་ནུ་མོ་དག་།དགེ་སློང་དེ་ནི། ཚུལ་ཁྲིམས་དང་ལྡན་པ་ཡིན་ཏེ། གང་ཚུན་ཆད་རབ་ཏུ་བྱུང་ནས། དེས་ཁོ་མོ་སྔན་ཆད་ལན་འགའ་ཡང་ལག་གིས་ཀྱང་མ་བྱུགས་སོ། །དེ་དག་གིས་སྨྲས་པ། མ་བྱུགས་ན་ཡང་དེས་ཁྱོད་གནས་སྐབས་འདི་འདྲ་བར་བྱས་ན། གལ་ཏེ་བྱུགས་ན། དེས་ཁྱོད་གནས་སྐབས་ཇི་ལྟར་བྱས་པར་འགྱུར་ཞེས་ཟེར་བའི་སྐབས་དེ། དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་མ་དེ་ནི། ཕམ་པར་མ་གྱུར་གྱི། འདི་ལྟར། ཕྱོགས་དབེན་པར་བཞག་སྟེ་བསོད་སྙོམས་ཀྱིས་བྲེལ་བ་མེད་པར་གྱིས་ཤིག་དང ། བུ་གཞོན་ནུ་འོད་སྲུང་ཞེས་བྱ་བ་བཙའ་བར་འགྱུར་ཞིང ། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་ཏེ། འདི་ལྟ་སྟེ། དགེ་སློང་གཞོན་ནུ་འོད་
Cha117a
༄#། །སྲུང་དེ་ནི། ངའི་གཏམ་སྣ་ཚོགས་དང ། གཏམ་སྙན་པ་དང ། སྤོབས་པ་དགེ་བ་ཅན་རྣམས་ཀྱི་མཆོག་ཏུ་འགྱུར་རོ། །བཅོམ་ལྡན་འདས་ཀྱིས་དགོངས་པ། དགེ་སློང་རྣམས་ཉེས་དམིགས་བྱུང་བ་གང་ཡིན་པ་དེ་ནི། དགེ་སློང་མ་ཉེ་དུ་མ་ཡིན་པ་ལ་གོས་རྙིང་པ་འཁྲུར་འཇུག་པ་ལས་གྱུར་པ་ཡིན་ནོ། །སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་གོས་རྙིང་པ་འཁྲུར་འཇུག་གམ། འཚེད་དུ་འཇུག་གམ། འཆག་ཏུ་འཇུག་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི། ཆོས་འདི་པའོ། །ཉེ་དུ་མ་ཡིན་པ་ལ་ཞེས་བྱ་བ་ནི། ཕྱི་མོ་དང ། མེས་པ་དང ། ཕྲུགས་ལས་བརྟེན་པའི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །གོས་ཞེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་དག་ལས་གང་ཡང་རུང་བའོ། །རྙིང་པ་ཞེས་བྱ་བ་ནི། དུས་ཚིགས་གསུམ་པོ་དག་ལས་དུས་ཚིགས་གང་ཡང་རུང་བར་སྤྱད་པ་གང་
Cha117b
ཡིན་པའོ། །འཁྲུར་འཇུག་གམ་ཞེས་བྱ་བ་ནི། ཐ་ན་ཆུར་སྙུག་པར་བྱེད་དུ་འཇུག་ནའོ། །འཚེད་དུ་འཇུག་གམ་ཞེས་བྱ་བ་ནི། ཐ་ན་ཚོན་སྙུག་པར་བྱེད་དུ་འཇུག་ནའོ། །འཆག་ཏུ་འཇུག་ན་ཞེས་བྱ་བ་ནི། ཐ་ན་ཐལ་མོས་རྡེབ་པར་བྱེད་དུ་འཇུག་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་པའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་པས་གོས་རྙིང་པ་འཁྲུར་འཇུག་ན། སྤང་བའི་ལྟུང་བྱེད་དུ་འགྱུར་རོ། །འཚེད་དུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །འཆག་ཏུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །འཁྲུར་འཇུག་པ་དང ། འཚེད་དུ་འཇུག་གམ། འཆག་ཏུ་འཇུག་གམ། འཚེད་དུ་འཇུག་པ་དང ། འཁྲུར་འཇུག་གམ། འཚེད་དུ་འཇུག་པ་དང ། འཆག་ཏུ་འཇུག་པ་དང ། འཁྲུར་འཇུག་གམ། འཆག་ཏུ་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང ། འཚེད་དུ་འཇུག་གམ། འཆག་ཏུ་འཇུག་པ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཡིད་གཉིས་ཟ་བས་གོས་རྙིང་པ་འཁྲུར་འཇུག་ན། སྤང་བའི་ལྟུང་བྱེད་དུ་འགྱུར་རོ། །འཚེད་དུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །འཆག་ཏུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །འཁྲུར་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང ། འཆག་ཏུ་འཇུག་གམ། འཚེད་དུ་འཇུག་པ་དང ། འཁྲུར་འཇུག་
Cha118a
༄#། །གམ། འཚེད་དུ་འཇུག་པ་དང ། འཆག་ཏུ་འཇུག་གམ། འཆག་ཏུ་འཇུག་པ་དང ། འཁྲུར་འཇུག་གམ། འཆག་ཏུ་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང ། འཚེད་དུ་འཇུག་པ་དང ། འཆག་ཏུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཉེ་དུ་མ་ཡིན་པར་འདུ་ཤེས་པས་གོས་རྙིང་པ་འཁྲུར་འཇུག་ན། ཉེས་བྱས་སུ་འགྱུར་རོ། །འཚེད་དུ་འཇུག་ན། ཉེས་བྱས་སུ་འགྱུར་རོ། །འཆག་ཏུ་འཇུག་ན། ཉེས་བྱས་སུ་འགྱུར་རོ། །འཁྲུར་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང ། འཆག་ཏུ་འཇུག་གམ། འཚེད་དུ་འཇུག་པ་དང ། འཁྲུར་འཇུག་གམ། འཚེད་དུ་འཇུག་པ་དང ། འཆག་ཏུ་འཇུག་གམ། འཁྲུར་འཇུག་གམ། འཆག་ཏུ་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང ། འཚེད་དུ་འཇུག་པ་དང ། འཆག་ཏུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཡིད་གཉིས་ཟ་བས་གོས་རྙིང་པ་འཁྲུར་འཇུག་ན། ཉེས་བྱས་སུ་འགྱུར་རོ།། འཚེད་དུ་འཇུག་ན་ཉེས་བྱས་སུ་འགྱུར་རོ། །འཆག་ཏུ་འཇུག་ན། ཉེས་བྱས་སུ་འགྱུར་རོ། །འཁྲུར་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང ། འཆག་ཏུ་འཇུག་གམ། འཚེད་དུ་འཇུག་པ་དང ། འཁྲུར་འཇུག་གམ། འཚེད་དུ་འཇུག་པ་དང ། འཆག་ཏུ་འཇུག་གམ། འཆག་ཏུ་འཇུག་པ་དང ། འཁྲུར་འཇུག་གམ། འཆག་ཏུ་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང །
Cha118b
འཚེད་དུ་འཇུག་པ་དང ། འཆག་ཏུ་འཇུག་ན། ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས། དགེ་སློང་དག་།འདི་ལྟ་སྟེ། རིགས་མཐོན་པོ་ལས་རབ་ཏུ་བྱུང་བ་འདི་ནི། རྙེད་པ་རྣམས་ཀྱི་ཕྱེད་དང་ཉེ་བ་ཡིན་ནོ། །ཞེས་བཀའ་སྩལ་པས། དེ་ན་ཡང་ཤཱཀྱའི་ཁྱིམ་ནས་རབ་ཏུ་བྱུང་བ་དེ་དག་ལ་རྙེད་པ་དང་བཀུར་སྟི་ཆེན་པོ་བྱུང་ནས་དེ་དག་ཤིན་ཏུ་གོས་ཀྱི་ཆ་བ་ལ་སྦྱོར་བའི་རྗེས་སུ་བརྩོན་པས་གནས་ཤིང ། ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་ལྷག་པ་དག་ཀྱང་འཆང་བར་བྱེད་པས། བཅོམ་ལྡན་འདས་ཀྱིས་དེ་དག་ལ་དུས་དང་དུས་སུ་ཆོས་བསྟན་ཀྱང་དེ་དག་གིས་བདེན་པ་དག་མ་མཐོང་ངོ ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཅིའི་ཕྱིར་ཤཱཀྱ་རབ་ཏུ་བྱུང་བ་དག་བདེན་པ་དག་མཐོང་བར་མི་བྱེད་སྙམ་དུ་དགོངས་ནས། དེ་དག་ཤིན་ཏུ་གོས་ཀྱིས་ཆབ་ལ་སྦྱོར་བའི་རྗེས་སུ་བརྩོན་པར་གནས་ཤིང ། དེ་དག་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་ལྷག་པ་དག་འཆང་བའི་ཕྱིར་ཏེ། གལ་ཏེ་ངས་ཤཱཀྱ་རབ་ཏུ་བྱུང་བ་རྣམས་ལ་སྨད་ན། དབྲལ་དཀའ་བར་འགྱུར་རོ། །སྙམ་དུ་དགོངས་ནས་སངས་རྒྱས་བཅོམ་ལྡན་འདས་རྣམས་ནི། འདུལ་བ་ལ་མཁས་པ་བླ་ན་མེད་པ་ཡིན་པས། དྲེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་
Cha119a
༄#། །སྩལ་པ། །དགེ་སློང་དག། ང་ཟླ་བ་གསུམ་པོ་འདི་ལ་ང་ནང་དུ་ཡང་དག་འཇོག་བཞེད་ཀྱི། ངའི་སྤྱན་སྔར་དགེ་སློང་བསོད་སྙོམས་སྟོབ་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་དགེ་སློང་གང་གིས་ཀྱང་ཉེ་བར་འོང་བར་མི་བྱའོ། །དགེ་སློང་གི་དགེ་འདུན་གྱིས་ཀྱང་ཚེ་དང་ལྡན་པ་དག། དབྱར་གྱི་ནང་དག་ཏུ་དགེ་སློང་བསོད་སྙོམས་སྟོབ་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་བདག་ཅག་ལས། གང་གིས་ཀྱང་བཅོམ་ལྡན་འདས་ལ་བལྟར་འགྲོ་བར་མི་བྱ་སྟེ། དབྱར་གྱི་ནང་དག་ཏུ་དགེ་སློང་བསོད་སྙོམས་སྟོབས་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་བདག་ཅག་ལས། གང་བཅོམ་ལྡན་འདས་ལ་བལྟར་འགྲོ་བ་དེ། བདག་ཅག་གིས་ལྟུང་བྱེད་ཀྱི་ལྟུང་བ་བྱེད་དུ་གཞུག་གོ། །ཞེས་ཁྲིམས་སུ་བྱ་བ་བཅས་སོ། །བཅོམ་ལྡན་འདས་ཟླ་བ་གསུམ་ནང་དུ་ཡང་དག་འཇོག་ལ་བཞུགས་པ་ན། དགེ་སློང་བསོད་སྙོམས་སྟོབ་པ་གཅིག་དང ། དེ་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་དེར་དགེ་སློང་འགའ་ཡང་མི་འགྲོའོ། །དེའི་ཚེ་ན་ཚེ་དང་ལྡན་པ་ཉེ་སྡེ་ཟླ་བ་ཤོལ་མ་བོར་བར་དབྱར་ལྗོངས་སུ་གནས་པར་ཁས་བླངས་ལ། བཅོམ་ལྡན་འདས་ནི། ཟླ་བ་ཤོལ་བོར་བས་དབྱར་ལྗོངས་སུ་གནས་པར་ཞལ་གྱིས་བཞེས་སོ། །དེ་ནས་ཚེ་དང་ལྡན་པ་ཉེ་སྡེ་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང ། མཛེས་པ་
Cha119b
འཁོར་མཛེས་པ་དང་ལྡན་པས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་ག་ལ་བ་དེར་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ཏོ། །དེ་ནས་ཚེ་དང་ལྡན་པ་ཉེ་སྡེ་ལྷུང་བཟེད་དང་ཆོས་གོས་མཁོས་སུ་ཕབ་སྟེ་རྐང་པ་གཉིས་བཀྲུས་ནས། བཅོམ་ལྡན་འདས་ཀྱི་གཙུག་ལག་ཁང་ག་ལ་བ་དེར་སོང་བ་དང ། དགེ་སློང་དྲུག་སྡེ་དག་གིས་ཚེ་དང་ལྡན་པ་ཉེ་སྡེ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་འདི་སྐད་ཅེས། ཚེ་དང་ལྡན་པ་དག་།ད་ལྟ་ཁོ་ན་ན་ཉུང་ངུས་དགེ་འདུན་གྱི་ཁྲིམས་སུ་བྱ་བ་འདྲལ་བར་འགྱུར་རོ། །ཞེས་སྨྲས་སོ། །གཞན་དག་གིས་སྨྲས་པ། དེས་དེ་ལྟུང་བྱེད་ཀྱི་ལྟུང་བ་བྱེད་དུ་གཞུག་གོ་།གཞན་དག་གིས་སྨྲས་པ། ད་ལྟ་སྦྱོར་བ་ལ་འཇུག་གི་གང་གི་ཚེ་དྲལ་བར་གྱུར་པ་དེའི་ཚེ་ན་དེས་བྱེད་དུ་གཞུག་གོ། དེ་ནས་ཚེ་དང་ལྡན་པ་ཉེ་སྡེས་བཅོམ་ལྡན་འདས་ཀྱི་གཙུག་ལག་ཁང་དུ་དལ་བུས་ཁད་ཀྱིས་ཁད་ཀྱིས་སྒོ་གཏན་བརྡུངས་པ་དང ། བཅོམ་ལྡན་འདས་ཀྱིས་དེ་ལ་ཆབ་སྒོ་དབྱེ་བ་མཛད་དོ། །དེ་ནས་ཚེ་དང་ལྡན་པ་ཉེ་སྡེས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི། དགེ་སློང་གློ་བུར་དུ་འོངས་པ་ལ། དགེ་སློང་ཁྱོད་ད་ལྟར་ག་ལས་འོངས། གང་ལས་དབྱར་གནས་པར་ཁས་བླངས་ཞེས་བྱ་བའི་སོ་སོར་ཀུན་དགའ་བར་མཛད་པ་འདིས་སོ་སོར་ཀུན་དགའ་བར་མཛད་པ་ཡིན་ལ། བཅོམ་ལྡན་འདས་ཀྱིས་ཚེ་དང་ལྡན་པ་ཉེ་སྡེ་ལ། ཉེ་སྡེ། ཁྱོད་
Cha120a
༄#། །ད་ལྟར་ག་ལས་འོངས། གང་དུ་དབྱར་གནས་པར་ཁས་བླངས་ཞེས་སོ་སོར་ཀུན་དགའ་བར་མཛད་པ་དང ། ཚེ་དང་ལྡན་པ་ཉེ་སྡེས་གསོལ་པ། བཙུན་པ། བདག་ད་ལྟར་ལྗོངས་ནས་མཆིས་སོ། །བདག་ལྗོངས་སུ་དབྱར་གནས་པར་མཆིད་ཀྱིས་འཚལ་ཏོ། །ཉེ་སྡེ། ལྗོངས་སུ་དགེ་སློང་རྣམས་ཀྱིས་དགག་དབྱེ་བྱས་སམ། བཙུན་པ། བགྱིས་སོ། །ཉེ་སྡེ། གང་གིས་ཁྱོད་མཛེས་པ་དང་ལྡན་པར་གྱུར་པའི་རྒྱུ་ནི། གང་ཡིན། རྐྱེན་ནི། གང་ཡིན། བཙུན་པ། འདི་ན་གལ་ཏེ་བདག་གིས་གཡར་སྔར་རབ་ཏུ་འབྱུང་བ་ལ་ལྟོས་པ་ཞིག་མཆི་ན། བདག་དེ་ལ་འདི་སྐད་ཅེས་བཞིན་བཟང ། ཁྱོད་ཚུར་མཆི། དགོན་པ་པ་ཚོལ་ཅིག་ཅེས་མཆི་ཞིང ། དགོན་པ་ཉིད་ཀྱི་བསྔགས་པ་ཡང་རྗོད་པར་བགྱིད། བསོད་སྙོམས་པ་དང ། ཆོས་གོས་གསུམ་པ་དང ། ཕྱག་དར་ཁྲོད་པ་དང ། ཤིང་དྲུང་པ་ཚོལ་ཅིག་ཅེས་མཆི་ཞིང ། ཤིང་དྲུང་པ་ཉིད་ཀྱི་བསྔགས་པ་ཡང་རྗོད་པར་བགྱིད་དོ། །གལ་ཏེ་དེ་ལྟར་བགྱིའོ། །ཞེས་མཆི་ན། དེ་རབ་ཏུ་འབྱིན་པར་བགྱིད་དོ། །གལ་ཏེ་རྫོགས་པར་བསྙེན་པར་འཚལ་བ་དང ། གནས་ལ་ཞུགས་པ་དང ། བཀླག་པ་ལ་ཞུགས་པ་དང ། མཆིད་དོན་ལ་ཞུགས་པ་དང ། ཡིད་ལ་བགྱི་བ་ལ་ཞུགས་པ་ཞིག་མཆིས་ན། བདག་དེ་ལ་ཡང་འདི་སྐད་ཅེས། བཞིན་བཟང ། ཁྱོད་ཚུར་མཆི། དགོན་པ་པ་ཚོལ་ཅིག་ཅེས་མཆི་ཞིང ། དགོན་པ་པ་ཉིད་ཀྱི་བསྔགས་པ་ཡང་རྗོད་པར་བགྱིད། བསོད་སྙོམས་དང ། ཆོས་གོས་གསུམ་དང ། ཕྱག་དར་ཁྲོད་པ་
Cha120b
དང ། ཤིང་དྲུང་པ་ཚོལ་ཅིག་ཅེས་མཆི་ཞིང ། ཤིང་དྲུང་པ་ཉིད་ཀྱི་བསྔགས་པ་ཡང་རྗོད་པར་བགྱིད་དོ། །གལ་ཏེ་དེ་ལྟར་བགྱིའོ། །ཞེས་མཆི་ན། དེ་ལ་ཡིད་ལ་བགྱི་བ་སྩོལ་བར་བགྱིད་དེ། བཙུན་པ། གང་གིས་བདག་མཛེས་པ་འཁོར་མཛེས་པ་དང་ལྡན་པར་གྱུར་པའི་རྒྱུ་ནི། དེ་ལགས། རྐྱེན་ནི། དེ་ལགས་སོ། །ཉེ་སྡེ། ཁྱོད་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་བརྩེ་བ་དང ། ལྷ་དང་མི་རྣམས་ཀྱི་དོན་དང ། ཕན་པ་དང་བདེ་བའི་ཕྱིར་ཞུགས་པ་ལེགས་སོ། །ལེགས་སོ། །ཉེ་སྡེ། གང་ལ་ལ་ཞིག་སྦྱངས་པའི་ཡོན་ཏན་དེ་དག་གི་བསྔགས་པ་རྗོད་པར་མི་བྱེད་པ་དེ་ནི། ངའི་བསྔགས་པ་རྗོད་པར་མི་བྱེད་པ་ཡིན་ནོ། །གང་ལ་ལ་སྦྱངས་པའི་ཡོན་ཏན་དེ་དག་གི་བསྔགས་པ་རྗོད་པར་བྱེད་པ་དེ་ནི། ངའི་བསྔགས་པ་རྗོད་པར་བྱེད་པ་ཡིན་ནོ། །དེ་ཅིའི་ཕྱིར་ཞེ་ན། ངས་སྦྱངས་པའི་ཡོན་ཏན་དེ་དག་ཡུན་རིང་པོ་ནས་བསྟོད་པ་དང ། བཀུར་བ་དང ། བསྔགས་པ་དང ། རབ་ཏུ་བསྔགས་པའི་ཕྱིར་རོ། །ཉེ་སྡེ། ཁྱོད་དགེ་འདུན་གྱི་ཁྲིམས་སུ་བྱ་བ་མི་སྲུང་ངམ། བཙུན་པ། བདག་གིས་དགེ་འདུན་གྱི་ཁྲིམས་ནི། གང་ལགས། ཁྲིམས་སུ་བགྱི་བ་ནི། གང་ལགས་མ་འཚལ་ཏོ། །ཉེ་སྡེ། འདི་ན་ངས་དགེ་སློང་རྣམས་ལ་འདི་སྐད་ཅེས། དགེ་སློང་དག་།ང་ཟླ་བ་གསུམ་པོ་འདི་ལ་ནང་དུ་ཡང་དག་འཇོག་བཞེད་ཀྱི། ངའི་སྤྱན་སྔར་དགེ་སློང་བསོད་སྙོམས་སྟོབ་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་དགེ་སློང་གང་གིས་ཀྱང་འོང་བར་མི་བྱའོ། །ཞེས་བཀའ་སྩལ་པ་དང ། དགེ་སློང་གི་དགེ་འདུན་
Cha121a
༄#། །གྱིས་ཀྱང་ཚེ་དང་ལྡན་པ་དང ། །དབྱར་གྱི་ནང་དག་ཏུ་དགེ་སློང་བསོད་སྙོམས་སྟོབ་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་བདག་ཅག་ལས། གང་གིས་ཀྱང་བཅོམ་ལྡན་འདས་ལ་བལྟར་འགྲོ་བར་མི་བྱ་སྟེ། དབྱར་གྱི་ནང་དག་ཏུ་དགེ་སློང་བསོད་སྙོམས་སྟོབ་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་བདག་ཅག་ལས། གང་བཅོམ་ལྡན་འདས་ལ་བལྟར་འགྲོ་བ་དེ། བདག་ཅག་གིས་ལྟུང་བ་བྱེད་དུ་གཞུག་གོ། ཞེས་ཁྲིམས་སུ་བྱ་བ་བཅས་སོ། །བཙུན་པ། བདག་ནི། གློ་བུར་དུ་མཆིས་པ་ལགས་ཏེ། དོན་དེ་ནི། དགེ་སློང་གཉུག་མར་གནས་པ་རྣམས་ཀྱི་བསྲུང་བར་བགྱི་བ་ལགས་སོ། །ཉེ་སྡེ། དགེ་སློང་གློ་བུར་དུ་འོངས་པ་དང ། གཉུག་མར་གནས་པས་ཀྱང་དགེ་འདུན་གྱི་ཁྲིམས་སུ་བྱ་བ་བསྲུང་བར་བྱ་བ་ཁོ་ན་ཡིན་ནོ། །ཉེ་སྡེ། འདི་ལྟར། ངས་དགེ་སློང་གློ་བུར་བུ་ལྷགས་པ་རྣམས་ཀྱི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་གློ་བུར་དུ་འོངས་པས་གཙུག་ལག་ཁང་དུ་ཞུགས་ནས་དགེ་སློང་དག་ལ་གནས་འདི་ན་ཁྲིམས་སུ་བྱ་བ་ཇི་ལྟ་བུ་ཡོད་ཅེས་དྲི་བར་བྱའོ། །གལ་ཏེ་འདྲི་ན། དེ་ལྟ་ན་ལེགས། གལ་ཏེ་མི་འདྲི་ན། འགལ་ཚབས་ཅན་དུ་འགྱུར་རོ། །ཉེ་སྡེ། དེ་ལྟ་མོད་ཀྱི། ངས་དགེ་སློང་དགོན་པ་པ་ལ་དགོན་པ་པའི་ཡོངས་སུ་སྤང་བ་སྦྱིན་པར་བྱ་སྟེ། དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་བལྟར་འགྲོ་བའི་དུས་མ་ཡིན་པ་མེད་དོ། །དགེ་སློང་བསོད་སྙོམས་པ་དང །
Cha121b
རྙེད་པས་ཆོག་པའི་བསོད་སྙོམས་པ་དང ། ཟས་ཕྱིས་མི་ལེན་པ་དང ། སྟན་གཅིག་པ་དང ། ཆོས་གོས་གསུམ་པ་དང ། ཕྱིང་བ་པ་དང ། ཕྱག་དར་ཁྲོད་པ་དང ། ཤིང་དྲུང་བ་དང ། དུར་ཁྲོད་པ་དང ། ཙོག་པུ་པ་དང ། བླ་གབ་མེད་པ་དང ། གཞི་ཇི་བཞིན་པ་ལ་གཞི་ཇི་བཞིན་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་གཞི་ཇི་བཞིན་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་འགྲོ་བའི་དུས་མ་ཡིན་པ་མེད་དོ། །དེ་ནས་ཚེ་དང་ལྡན་པ་ཉེ་སྡེས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་པ་དང ། རྗེས་སུ་ཡི་རང་བར་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་དྲུག་སྡེ་དག། ཚེ་དང་ལྡན་པ་ཉེ་སྡེ་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་ཉེ་སྡེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉེ་སྡེ། ཅི། སྐབས་ཕྱེ་ཞིག། ལྟུང་བ་སྡེ་ལྔ་པོ་དག་ལ་སྐབས་ཕྱེའོ། །ཁྱོད་ལ་ལྟུང་བ་བྱུང་བ་དེ་ཆོས་བཞིན་དུ་སླར་གྱིས་ཤིག་།ལྟུང་བ་མ་མཐོང་ངོ ། །ཁྱོད་ཀྱིས་དགེ་འདུན་གྱི་ཁྲིམས་སུ་བྱ་བ་མ་དྲལ་ཏམ། དགེ་འདུན་གྱི་ཁྲིམས་སུ་བྱ་བ་ཇི་ལྟ་བུ་ཡིན། དྲུག་སྡེ་དག་གིས་སྐབས་དེ་རྒྱས་པར་བརྗོད་པ་དང ། ཚེ་དང་ལྡན་པ་ཉེ་སྡེས་དེ་དག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག། བཅོམ་ལྡན་འདས་ཀྱིས། ཉེ་སྡེ་དེ་ལྟ་མོད་ཀྱི། ངས་དགེ་སློང་དགོན་པ་པ་ལ་དགོན་པ་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་དགོན་པ་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་བལྟར་འགྲོ་བའི་དུས་མ་ཡིན་པ་མེད་དོ། །དགེ་སློང་
Cha122a
༄#། །བསོད་སྙོམས་པ་དང ། རྙེད་པས་ཆོག་པའི་བསོད་སྙོམས་པ་དང ། ཟས་ཕྱིས་མི་ལེན་པ་དང ། སྟན་གཅིག་པ་དང ། ཆོས་གོས་གསུམ་པ་དང ། ཕྱིང་བ་པ་དང ། ཕྱག་དར་ཁྲོད་པ་དང ། ཤིང་དྲུང་པ་དང ། དུར་ཁྲོད་པ་དང ། ཙོག་པུ་པ་དང ། བླ་གབ་མེད་པ་དང ། གཞི་ཇི་བཞིན་པ་ལ་གཞི་ཇི་བཞིན་པའི་ཡོངས་སུ་སྤང་བ་སྦྱིན་པར་བྱ་སྟེ། དགེ་སློང་གཞི་ཇི་བཞིན་པ་ལ་དེ་བཞིན་གཤེགས་པ་ལ་བསྙེན་བཀུར་བྱ་བའི་ཕྱིར་འགྲོ་བའི་དུས་མ་ཡིན་པ་མེད་དོ། །ཞེས་གསུངས་སོ། །དེ་ནས་ཤཱཀྱ་རབ་ཏུ་བྱུང་བ་དེ་དག་འདི་སྙམ་དུ་སེམས་ཏེ། དེ་ལྟར་བཅོམ་ལྡན་འདས་ཀྱིས་འདོད་པ་ཆེ་བ་རྣམ་པར་སྨད་ཅིང ། འདོད་པ་ཆུང་བ་བསྟོད་པ་ནི། དོན་གྱིས་ན། བཅོམ་ལྡན་འདས་ཀྱིས་བདག་ཅག་སྨད་པ་མཛད་པ་ཡིན་གྱི།་བདག་ཅག་གིས་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་ལྷག་པ་དག་ཁྱེར་ཏེ་ཚེ་དང་ལྡན་པ་ཀུན་དགའ་བོ་ལ་གཏད་དེ་རྒྱུད་དག་པས་བཅོམ་ལྡན་འདས་ག་ལ་བ་དེར་འདོང་ངོ ། །སྙམ་མོ། །དེ་ནས་དགེ་སློང་དེ་དག་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་ལྷག་པ་དག་ཁྱེར་ཏེ་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་ནས་ཕྱིན་པ་དང ། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ། ཐུགས་བརྩེ་བའི་སླད་དུ་བདག་ཅག་ལས་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང་
Cha122b
སྐ་རགས་ལྷག་པ་འདི་དག་བཞེས་ཤིག་།ཚེ་དང་ལྡན་པ་དག། དེའི་ཕྱིར་བདག་གིས་བཅོམ་ལྡན་འདས་ལ་ཞུའི། དེའི་བར་དུ་སྡོད་ཅིག། དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་སྐབས་དེ། བཅོམ་ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དེའི་ཕྱིར་ལོངས་ལ་བླངས་ནས་ཀྱང་གཙུག་ལག་ཁང་ཆེན་པོ་ཞིག་ཏུ་སྤུངས་ཏེ་ཞོག་ལ། དགེ་སློང་གང་དེས་བྲེལ་བའི་དགེ་སློང་དེ་ལ་དེ་སྦྱིན་པར་བྱའོ། །ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཤཱཀྱ་རབ་ཏུ་བྱུང་བ་རྣམས་ལས་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་ལྷག་པ་དག་བླངས་ནས་གཙུག་ལག་ཁང་ཆེན་པོ་ཞིག་ཏུ་སྤུངས་ཏེ་བཞག་གོ། དེ་ནས་ཤཱཀྱ་རབ་ཏུ་བྱུང་བ་དེ་དག་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་ལྷག་པ་དག་ནད་ཇི་ལྟ་བ་དང ། འབྲས་ཇི་ལྟ་བ་དང ། ཟུག་རྔུ་ཇི་ལྟ་བ་བཞིན་དུ་སྤངས་ནས་ཆོས་གོས་གསུམ་པ་ལྷུར་ལེན་ཅིང་རྒྱུད་དག་པ་དང ། ཡོ་བྱད་བསྙུངས་པའི་ཚུལ་དག་གིས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་
Cha123a
༄#། །ཏེ་མཐའ་གཅིག་ཏུ་འཁོད་དོ། །བཅོམ་ལྡན་འདས་ཀྱིས་ཤཱཀྱ་རབ་ཏུ་བྱུང་བ་དེ་དག་གི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས། འདི་ལྟར། ཤཱཀྱ་གཞོན་ནུ་ལྔ་བརྒྱ་པོ་དེ་དག་གིས་སྟན་དེ་དག་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པར་མཛད་དོ། །དེ་དག་གིས་བདེན་པ་མཐོང་ནས་གསོལ་པ། བཙུན་པ། བདག་ཅག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་བཅོམ་ལྡན་འདས་ཀྱིས་བདག་ཅག་ལ་གང་མཛད་པ་འདི་ལྟ་བུ་ནི། བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་།འཁོར་བ་ལས་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་
Cha123b
བ།་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། མངོན་སུམ་དུ་བགྱིས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ།་ཇི་ཙམ་དུ་བཅོམ་ལྡན་འདས་ཀྱིས་ཤཱཀྱ་གཞོན་ནུ་ལྔ་བརྒྱ་པོ་དག་ཚེ་དང་ལྡན་པ་ཉེ་སྡེ་ལ་བརྟེན་ཏེ་འདོད་པ་ཆེ་བ་དང་ཕྲལ་ཞིང་འདོད་པ་ཆུང་བ་ཉིད་ལ་བཀོད་དེ། ཤིན་ཏུ་མཐར་ཐུག་པའི་གྲུབ་པ་དང ། བདེ་བ་མྱ་ངན་ལས་འདས་པ་ལ་བཞག་པར་མཛད་པ་ནི། ངོ་མཚར་ཏོ། །དགེ་སློང་དག། ད་ལྟར་ང་འདོད་ཆགས་དང་བྲལ་བ། སྲེད་པ་མེད་པ། ལེན་པ་མེད་པ། ཐམས་ཅད་མཁྱེན་པ་དང ། ཤེས་བྱ་ཐམས་ཅད་ལ་མངའ་རྙེས་པས། ཤཱཀྱ་གཞོན་ནུ་ལྔ་བརྒྱ་པོ་དག། རིགས་ཀྱི་བུ་ཉེ་སྡེ་ལ་བརྟེན་ཏེ་འདོད་པ་ཆེ་བ་དང་ཕྲལ་ཞིང ། འདོད་པ་ཆུང་བ་ཉིད་ལ་བཀོད་དེ། ཤིན་ཏུ་མཐར་ཐུག་པའི་གྲུབ་པ་དང ། བདེ་བ་མྱ་ངན་ལས་འདས་པ་ལ་བཞག་པར་མཛད་པ་ངོ་མཚར་ཅི་ཆེ། འདི་ལྟར། འདས་པའི་དུས་ན་ང་འདོད་ཆགས་དང་བཅས་པ། ཞེ་སྡང་དང་བཅས་པ། གཏི་མུག་དང་བཅས་པ། སྲེད་པ་དང་བཅས་པ། ལེན་པ་དང་བཅས་པ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་དག་ལས་རྣམ་པར་མ་གྲོལ་བས་ཀྱང ། ཤཱཀྱ་གཞོན་ནུ་ལྔ་བརྒྱ་པོ་འདི་དག། རིགས་ཀྱི་བུ་ཉེ་སྡེ་ལ་བརྟེན་ཏེ་འདོད་པ་ཆེ་བ་དང་ཕྲལ་ཞིང ། འདོད་པ་ཆུང་བ་ཉིད་ལ་བཀོད་དེ། མངོན་པར་ཤེས་པ་ལྔ་པོ་དག་ལ་བཞག་པར་མཛད་པ་དེ་ཉོན་ཅིག་།དགེ་སློང་དག། སྔོན་བྱུང་
Cha124a
༄#། །བ།་འདས་པའི་དུས་ན་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཚངས་སྦྱིན་ཞེས་བྱ་བས་རྒྱལ་སྲིད་འབྱོར་བ། རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་མོ་དང ། འཐབ་པ་དང ། རྩོད་པ་དང ། འགྱེད་པ་དང ། འཁྲུག་ལོང་དང ། ནད་འཁྲུག་དང ། ཆོམ་རྐུན་དང ། མུ་གེ་དང ། ནད་རབ་ཏུ་ཞི་བ་བྱེད་དུ་བཅུག་སྟེ། དེས་བུ་གཅིག་པ་སྙིང་དུ་སྡུག་པ་དང་འདྲ་བར་རྒྱལ་སྲིད་སྐྱོང་དུ་བཅུག་གོ། རྒྱལ་པོ་ཚངས་སྦྱིན་ལ་བཙུན་མོ་ཚངས་ལྡན་ཞེས་བྱ་བ་དང ། རྫིང་བུ་ཚངས་ལྡན་ཞེས་བྱ་བ་ཡོད་དེ། རྒྱལ་པོ་ཚངས་སྦྱིན་དེ་ལ་བུ་མེད་ནས། དེ་བུ་འདོད་པས་ཞི་བ་དང ། ཆུ་ལྷ་དང ། ལུས་ངན་དང ། བརྒྱ་བྱིན་དང ། ཚངས་པ་དང ། གཞན་ཡང་ལྷའི་བྱེ་བྲག་འདི་ལྟ་སྟེ། ཀུན་དགའ་ར་བའི་ལྷ་དག་དང ། ཚལ་གྱི་ལྷ་དག་དང ། བཞི་མདོའི་ལྷ་དག་དང ། སུམ་མདོའི་ལྷ་དག་དང ། གཏོར་མ་ལེན་པའི་ལྷ་དག་དང ། ལྷན་ཅིག་སྐྱེས་པ་དག་དང ། ཆོས་མཐུན་པ་དག་དང ། རྟག་ཏུ་རྗེས་སུ་འབྲང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན་གང་གསོལ་བ་འདེབས་པའི་རྒྱུ་ལས་བུ་དག་དང ། བུ་མོ་དག་སྐྱེའོ། །ཞེས་བྱ་བའི་གཏམ་དེ་ལྟ་བུ་ཡོད་དེ། དེ་ནི། དེ་ལྟ་མ་ཡིན་ཏེ། གལ་ཏེ་དེ་ལྟར་འགྱུར་དུ་ཟིན་ན། རེ་རེ་ལ་ཡང་འདི་ལྟ་སྟེ། དཔེར་ན། འཁོར་ལོས་བསྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འདི་ལྟར། གནས་གསུམ་པོ་དག་མངོན་དུ་གྱུར་པ་ལས། མའི་མངལ་དུ་མངལ་ན་གནས་པ་འཇུག་པར་འགྱུར་ཏེ།
Cha124b
གསུམ་པོ་དེ་དག་གང་ཞེ་ན། ཕ་མ་གཉིས་ཆགས་པར་གྱུར་ཅིང་འཕྲད་པ་དང ། མ་དུས་ལ་བབ་ཅིང་ཟླ་མཚན་དང་ལྡན་པ་དང ། དྲི་ཟ་ཉེ་བར་གནས་ཤིང་འཇུག་འདོད་པ་སྟེ། གནས་གསུམ་པོ་དེ་དག་མངོན་དུ་གྱུར་པ་ལས། བུ་དང་བུ་མོ་སྐྱེ་བར་འགྱུར་རོ། །དེ་དེ་ལྟར་གསོལ་བ་འདེབས་པ་ལྷུར་ལེན་པ་ལ་ཞུགས་པ་ན། སེམས་ཅན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་པ་ཡི་དམ་བརྟན་པ་ཞིག་སེམས་ཅན་དམྱལ་བ་ནས་ཤི་འཕོས་ནས་བཙུན་མོ་ཚངས་ལྡན་གྱི་མངལ་དུ་ཞུགས་སོ། །བུད་མེད་ཀྱི་ཡུལ་མཁས་པའི་རང་བཞིན་ཅན་ལ་ལ་ལ། མ་འདྲེས་པའི་ཆོས་ལྔ་ཡོད་དོ། །ལྔ་གང་ཞེ་ན། སྐྱེས་པ་ཆགས་པར་གྱུར་པ་ཤེས་ཤིང་ཆགས་པ་དང་བྲལ་བ་ཤེས་པ་དང ། དུས་ཤེས་ཤིང་ཟླ་མཚན་ཤེས་པ་དང ། མངལ་ན་གནས་པ་ཞུགས་པ་ཤེས་པ་དང ། གང་ལས་མངལ་ན་གནས་པ་ཞུགས་པ་དེ་ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན། དཀུ་གཡས་པར་བརྟེན་ཅིང་འདུག་ལ། གལ་ཏེ་བུ་མོ་ཡིན་ན། དཀུ་གཡོན་པར་བརྟེན་ཅིང་འདུག་པའོ། །དེ་ཡིད་དགའ་ཞིང་ཡིད་དགའ་ནས་རྒྱལ་པོ་ཚངས་སྦྱིན་ལ་སྨྲས་པ། ལྷ་དགྱེས་པ་བསྐྱེད་དུ་གསོལ། བདག་ལ་སེམས་ཅན་ཞུགས་པར་གྱུར་པ་ནི། འདི་ལྟར། བདག་གི་དཀུ་གཡས་པར་བརྟེན་ཅིང་མཆིས་པས། ངེས་པར་ཁྱེའུར་འགྱུར་རོ། །རྒྱལ་པོ་ཚངས་སྦྱིན་ཡང་ཡིད་དགའ་ཡིད་དགའ་ནས་འདི་སྐད་ཅེས། ཀྱེ་མ། ཁོ་བོ་ཡུན་རིང་པོ་ནས་མངོན་པར་འདོད་པའི་བུའི་ངོ་མཐོང་བ་དང ། ཁོ་བོ་དང་མཐུན་པར་སྐྱེ་ཞིང་
Cha125a
༄#། །མི་མཐུན་པར་མི་སྐྱེ་བ་དང ། ཁོ་བོའི་བྱ་བ་དག་བྱེད་པ་དང ། གསོས་པས་ཕྱིར་གསོ་བ་དང ། བགོ་སྐལ་ལ་སྤྱོད་པ་དང ། ཁོ་བོའི་རིགས་རྒྱུད་ཡུན་རིང་དུ་གནས་པར་འགྱུར་བ་དང ། བདག་ཅག་ཤི་ཞིང་དུས་ལས་འདས་པ་དག་ལ་ཉུང་ངུའམ་མང་པོ་ཡང་རུང་བའི་སྦྱིན་པ་དག་བྱིན་ཞིང་བསོད་ནམས་དག་བྱས་ནས། འདི་དེ་གཉིས་གང་དུ་སྐྱེས་པ་དེར་འགྲོ་ཞིང་རྗེས་སུ་འགྲོ་བར་གྱུར་ཅིག། ཅེས་མིང་གིས་ཡོན་ཏན་བཤད་པ་བྱེད་པར་གྱུར་ཅིག་ཅེས་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས་འདི་ལྟ་སྟེ། མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར་སྟེང་གི་ཁང་བཟང་གི་གཞིར་གཏོགས་པ་ན། གྲང་བ་ན་གྲང་བའི་ཡོ་བྱད་དག་དང ། དྲོ་བ་ན་དྲོ་བའི་ཡོ་བྱད་དག་དང ། སྨན་པས་བཅས་པའི་ཁ་ཟས་ཧ་ཅང་མི་ཁ་བ་དང ། ཧ་ཅང་མི་སྐྱུར་བ་དང ། ཧ་ཅང་ལན་ཚཝ་མི་ཚ་བ་དང ། ཧ་ཅང་མི་མངར་བ་དང ། ཧ་ཅང་མི་ཚ་བ་དང ། ཧ་ཅང་མི་བསྐ་བ་དང ། ཁ་བ་དང ། སྐྱུར་བ་དང ། ལན་ཚཝ་བ་དང ། མངར་བ་དང ། ཚ་བ་དང ། བསྐ་བ་རྣམ་པར་སྤངས་པའི་ཟས་དག་དང ། དོ་ཤལ་དང ། སེ་མོ་དོ་དང ། རྒྱན་གྱིས་ཀླུབས་པའི་ལུས། ལྷའི་བུ་མོ་དགའ་བའི་ཚལ་ན་རྣམ་པར་སྤྱོད་པ་ལྟ་བུ་དང ། ཁྲི་ནས་ཁྲིར་དང ། ཁྲིའུ་ནས་ཁྲིའུར་དང ། ཤོད་ཀྱི་ས་གཞིར་མི་འབབ་པ་དང ། དེས་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་གནོད་པ་མེད་པ་ཉིད་དུ་རིམ་གྲོ་བྱེད་དུ་འཇུག་གོ། དེ་ནས་དུས་གཞན་
Cha125b
ཞིག་ན་བཙུན་མོ་ཚངས་ལྡན་ལ་འདོད་པ་འདི་ལྟ་བུ་འདི་སྐྱེས་ཏེ། ཀྱེ་མ། ལྷས་གྲོང་ཁྱེར་གྱི་ཤར་སྒོར་སྦྱིན་པ་དག་བྱིན་པར་གྱུར་ཅིང ། བསོད་ནམས་དག་བྱེད་པར་གྱུར་ཅིང ། ལྷོ་སྒོ་དང ། ནུབ་སྒོ་དང ། བྱང་སྒོ་དང ། དབུས་ཀྱི་བཞི་མདོར་ཡང་སྦྱིན་པར་དག་སྦྱིན། བསོད་ནམས་དག་བྱེད་ཅིང ། བཙོན་ཐམས་ཅད་ཐར་བར་བྱེད་པར་གྱུར་ཅིག། སྙམ་མོ། །དེ་ནས་རྒྱལ་པོ་ཚངས་སྦྱིན་གྱིས་བཙུན་མོ་ཚངས་ལྡན་ལ་འདོད་པ་དེ་ལྟ་བུ་དེ་སྐྱེས་པར་ཐོས་ནས་གྲོང་ཁྱེར་གྱི་ཤར་སྒོར་སྦྱིན་པ་དག་སྦྱིན་ཞིང ། བསོད་ནམས་དག་བྱེད་དོ། །དེ་བཞིན་དུ་ལྷོ་སྒོ་དང ། ནུབ་སྒོ་དང ། བྱང་སྒོ་དང ། དབུས་ཀྱི་བཞི་མདོར་ཡང་སྦྱིན་པ་དག་སྦྱིན། བསོད་ནམས་དག་བྱེད་ཅིང ། བཙོན་ཐམས་ཅད་ཐར་བར་བྱས་སོ། །ཡང་བཙུན་མོ་ཚངས་ལྡན་ལ་འདོད་པ་འདི་ལྟ་བུ་འདི་སྐྱེས་ཏེ། ཀྱེ་མ། བདག་ལྷ་དང་ལྷན་ཅིག་སྐྱེད་མོས་ཚལ་དང ། དཀའ་ཐུབ་ཀྱི་ནགས་སུ་ཞུགས་ཏེ་རྩེ་བ་དང ། དགའ་བ་དང ། དགའ་མགུར་སྤྱོད་པར་གྱུར་ཅིག་སྙམ་མོ། །དེ་ནས་རྒྱལ་པོ་ཚངས་སྦྱིན་གྱིས་བཙུན་མོ་ཚངས་ལྡན་ལ་འདོད་པ་རྣམ་པ་དེ་ལྟ་བུ་དེ་སྐྱེས་པར་ཐོས་ནས། བཙུན་མོ་ཚངས་ལྡན་དང་ལྷན་ཅིག་སྐྱེད་མོས་ཚལ་དང ། དཀའ་ཐུབ་ཀྱི་ནགས་སུ་ཞུགས་ཏེ་རྩེ་བ་དང ། དགའ་བ་དང ། དགའ་མགུར་སྤྱོད་པ་དག་བྱས་སོ། །ཡང་བཙུན་མོ་ཚངས་ལྡན་ལ་འདོད་པའི་རྣམ་པ་འདི་ལྟ་བུ་འདི་སྐྱེས་ཏེ། ཀྱེ་མ། བདག་ལྷ་དང་ཐབས་ཅིག་ཆུར་འཇུག་པའི་གྲུར་ཞུགས་ཏེ་རྫིང་བུ་ཚངས་ལྡན་དུ་རྩེ་བ་དང ། དགའ་བ་དང ། དགའ་མགུར་སྤྱོད་
Cha126a
༄#། །པར་གྱུར་ཅིག་སྙམ་མོ། །དེ་ནས་རྒྱལ་པོ་ཚངས་སྦྱིན་གྱིས་བཙུན་མོ་ཚངས་ལྡན་ལ་འདོད་པའི་རྣམ་པ་དེ་ལྟ་བུ་དེ་བྱུང་བར་ཐོས་ནས་བཙུན་མོ་ཚངས་ལྡན་དང་ལྷན་ཅིག་ཆུར་འཇུག་པའི་གྲུ་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོས་བཀང་བར་ཞུགས་ཏེ་རྫིང་བུ་ཚངས་ལྡན་དུ་རྩེ་བ་དང ། དགའ་བ་དང ། དགའ་མགུར་སྤྱོད་པ་བྱས་སོ། །དེ་གྲུ་དེ་ཉིད་དུ་བཙས་པ་ལས། ཁྱེའུ་ཚེ་རབས་དྲན་པ། གཟུགས་བཟང་བ། བལྟ་ན་སྡུག་པ། མཛེས་པ། གསལ་བ། གསེར་གྱི་མདོག་འདྲ་བ། མགོ་གདུགས་ལྟ་བུ་དང་ལྡན་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་བཟང་མཐོ་བ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །དེ་དག་འདི་སྙམ་དུ་སེམས་ཏེ། གང་གི་ཕྱིར་ཁྱེའུ་འདི་ཆུའི་ནང་དུ་བཙས་པ་དེའི་ཕྱིར་ཁྱེའུ་ཡི་མིང་ཆུ་སྐྱེས་ཞེས་བྱའོ། །ཞེས་དེའི་མིང་ཆུ་སྐྱེས་ཞེས་བྱ་བར་བཏགས་སོ། །གཞོན་ནུ་ཆུ་སྐྱེས། མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་
Cha126b
གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་མྱུར་དུ་སྐྱེད་པར་བྱེད་དོ། །དེ་ནས་གཞོན་ནུ་ཆུ་སྐྱེས་འདི་སྙམ་དུ་སེམས་ཏེ། བདག་གང་ནས་ཤི་འཕོས་ཏེ་འདིར་སྐྱེས་སྙམ་ན། སེམས་ཅན་དམྱལ་བ་དག་ནས་ཤི་འཕོས་ཏེ་འདིར་སྐྱེས་པར་ཤེས་སོ། །ལས་ཅི་བྱས་ན། དེས་སེམས་ཅན་དམྱལ་བ་རྣམས་སུ་སྐྱེས་སྙམ་ན། ལོ་དྲུག་ཅུར་རྒྱལ་ཚབ་ཀྱི་རྒྱལ་སྲིད་བྱེད་དུ་བཅུག་པས་དེ་དག་ཏུ་སྐྱེས་པར་ཤེས་སོ། །ད་ལྟར་གང་དུ་སྐྱེས་སྙམ་ན། མི་རྣམས་ཀྱི་ནང་དུ་རྒྱལ་པོའི་རིགས་སུ་སྐྱེས་པར་ཤེས་ནས། དེ་འདི་སྙམ་དུ་སེམས་ཏེ། བདག་ཀྱང་རྒྱལ་སྲིད་བྱེད་དུ་བཅུག་ན། ཡང་སེམས་ཅན་དམྱལ་བ་རྣམས་སུ་འགྲོ་བར་འགྱུར་ན། མ་ལེགས་ཀྱི། བདག་གིས་སྒྱུ་ཐབས་ཅུང་ཞིག་བྱའོ། །སྙམ་ནས་དེས་བདག་ཉིད་འཕྱེ་བོ་ཉིད་དུ་བསྟན་ཏེ་འདུག་གོ་།གང་གི་ཉིན་མོ་གཞོན་ནུ་ཆུ་སྐྱེས་བཙས་པ་དེ་ཉིད་ཀྱི་ཉིན་མོ་བློན་པོ་ལྔ་བརྒྱ་དག་གི་བུ་དག་ཀྱང་བཙས་ཏེ། དེ་དག་ཀྱང་རང་རང་གི་རིགས་དང་མཐུན་པའི་མིང་དག་བཏགས་པར་གྱུར་ཏོ། །བློན་པོ་དེ་དག་གི་ཀུན་ཏུ་སྤྱོད་པ་ནི། ཉི་མ་རེ་རེ་ཞིང་རྒྱལ་པོ་ཚངས་བྱིན་དང ། གཞོན་ནུ་ཆུ་སྐྱེས་བལྟར་འོང་ངོ ། །དེ་ནས་དུས་གཞན་ཞིག་ན། གཞོན་ནུ་ལྔ་བརྒྱ་པོ་དེ་དག་མཆོང་པ་དང ། དཀྱུས་མོ་བྱེད་ནུས་པར་གྱུར་ཏོ། ། དེ་ནས་རྒྱལ་པོ་ཚངས་བྱིན་འདི་སྙམ་དུ་སེམས་ཏེ། གལ་ཏེ་ངའི་བུ་གཞོན་ནུ་ཆུ་སྐྱེས་ཀྱང་འཕྱེ་བོར་མ་གྱུར་ཏུ་ཟིན་ན། དེ་ཡང་ད་ཙམ་མཆོད་པ་དང ། དཀྱུས་མོ་བྱེད་ནུས་པར་འགྱུར་གྱི། འདི་ལྟར། བདག་
Cha127a
༄#། །གིས་དེ་འཕྱེ་བོ་ཡིན་ཡང་བླའི། རྒྱལ་སྲིད་ཀྱི་དབང་ཕྱུག་ལ་གཞག་པར་བྱའོ། །སྙམ་མོ། །དེ་ནས་གཞོན་ནུ་ཆུ་སྐྱེས་ཀྱིས་དེ་ཐོས་ནས་འདི་སྙམ་དུ་སེམས་ཏེ། རྒྱལ་པོ་འདི་ནི།་གཅུགས་མེད་པར་གནོད་པ་བྱེད་པ་ཡིན་གྱི། བདག་གིས་ལྐུག་པ་ཉིད་དུ་བསྟན་ཏེ་འདུག་པར་བྱའོ། །སྙམ་མོ། །དེས་ཆེད་དུ་བསམ་སྟེ་ལྐུག་པ་ཉིད་དུ་བསྟན་ཏེ་འདུག་གོ། དེ་ན་དུས་གཞན་ཞིག་ན། གཞོན་ནུ་ལྔ་བརྒྱ་པོ་དེ་དག་སྨྲ་ནུས་པར་གྱུར་ཏོ། །དེ་ནས་རྒྱལ་པོ་ཚངས་སྦྱིན་འདི་སྙམ་དུ་སེམས་ཏེ། གལ་ཏེ་བདག་གི་བུ་གཞོན་ནུ་ཆུ་སྐྱེས་ཀྱང་ལྐུག་པར་མ་གྱུར་ཏུ་ཟིན་ན། དེ་ཡང་ད་ཙམ་སྨྲ་ནུས་པར་འགྱུར་རོ། །སྙམ་མོ། །དེའི་ཚེ་ན་གཞོན་ནུ་ཆུ་སྐྱེས་ཀྱི་མིང ། གཞོན་ནུ་ཆུ་སྐྱེས། གཞོན་ནུ་ཆུ་སྐྱེས་ཞེས་བྱ་བ་གང་ཡིན་པ་དེ་ནུབ་པར་གྱུར་ཅིང ། གཞོན་ནུ་ལྐུག་འཕྱེ། གཞོན་ནུ་ལྐུག་འཕྱེ་ཞེས་བྱ་བའི་མིང་ཆགས་པར་གྱུར་ཏོ། །དེ་ནས་དུས་གཞན་ཞིག་ན། རྒྱལ་པོ་ཚངས་སྦྱིན་ལག་པ་ལ་འགྲམ་པ་གཏད་དེ། སེམས་ཁོང་དུ་ཆུད་ཅིང་འདུག་ནས་བློན་པོ་རྣམས་ཀྱིས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་དེ་ཐུགས་ཁོང་དུ་ཆུད་ཅིང་བཞུགས། རྒྱལ་པོས་སྨྲས་པ། འདི་ལྟར། ངའི་རྒྱལ་སྲིད་ཀྱི་དབང་ཕྱུག་འདི་འདྲ་བ་ལ། བུ་ཡང་མེད། བུ་མོ་ཡང་མེད་པས་ང་འདས་ནས་གདུང་ཆད་པར་ཡང་འགྱུར་ལ།་བུ་གཅིག་བདོག་པ་དེ་ཡང་ལྐུག་འཕྱེར་གྱུར་ན། ད་ཇི་ལྟར་སེམས་ཁོང་དུ་ཆུད་ཅིང་མི་འདུག་ཏུ་རུང ། བློན་པོ་རྣམས་ཀྱིས་སྨྲས་པ་གཉེར་ཏེ་སྨན་པ་ལ་རྨས་ནས་སྨྲས་པ། ལྷ། གཞོན་ནུ་
Cha127b
འདིའི་དབང་པོ་གསལ་བར་གདའ་སྟེ། འདི་ལ་བྲོ་ནད་ཀྱི་རྣམ་པ་ནི། ཅུང་ཟད་ཀྱང་མ་མཆིས་པས་བསྡིགས་པར་བགྱི་བའི་རིགས་སོ། །རྒྱལ་པོ་ཚངས་སྦྱིན་གྱིས་གཤེད་མ་དག་བཀུག་ནས་གསང་སྟེ་བསྒོ་བ།་ངས་གཞོན་ནུ་ལྐུག་འཕྱེ་འདི་སྐྱེ་བོ་ཕལ་པོ་ཆེའི་མངོན་སུམ་དུ་ཡོངས་སུ་བཏང་བར་བྱའི། ཁྱེད་ཀྱིས་གསད་པར་མི་བྱའོ། །ལྷ། བཀའ་བཞིན་འཚལ། རྒྱལ་པོ་ཚངས་སྦྱིན་འཁོར་གྱི་ནང་དུ་སོང་སྟེ་གཤེད་མ་རྣམས་ལ་བསྒོ་བ། ངས་གཞོན་ནུ་འདི་ཡོངས་སུ་བཏང་གི། ཁྱེད་ཀྱིས་འོར་ཅིག། ལྷ། བཀའ་བཞིན་འཚལ་ཞེས་དེ་ནས་གཤེད་མའི་མི་དེ་དག་གིས་རྒྱལ་པོ་ཚངས་སྦྱིན་ལས་མཉན་ནས་གཞོན་ནུ་ལྐུག་འཕྱེ་ཤིང་རྟར་བཅུག་དེ། གྲོང་ཁྱེར་ཝཱ་ར་ཎཱ་སིའི་ནང་ནས་ཕྱིར་ཁྲིད་དོ། །དེ་ནས་གཞོན་ནུ་ལྐུག་འཕྱེས་གྲོང་ཁྱེར་ཝཱ་ར་ཎཱ་སི་འབྱོར་པ་དང ། རྒྱས་པ་མཐོང་ནས་འདི་སྐད་ཅེས་སྨྲས་སོ། །ཅི། ཝཱ་ར་ཎཱ་སི་འདི་སྟོང་པ་ཡིན་ནམ། འོན་ཏེ་གནས་པ་ཡིན། གཤེད་མའི་མི་རྣམས་ཀྱིས་གཞོན་ནུ་ལྐུག་འཕྱེ་རྒྱལ་པོ་ལ་ཕུལ་ནས། ལྷ། གཞོན་ནུ་ལྐུག་འཕྱེས་ཚིག་འདི་ལྟ་བུ་འདི་བརྗོད་དོ། །ཞེས་སྨྲས་སོ། ། དེ་ནས་རྒྱལ་པོ་ཚངས་སྦྱིན་གྱིས་གཞོན་ནུ་ལྐུག་འཕྱེ་པང་དུ་བཞག་སྟེ་འདི་སྐད་ཅེས་སྨྲས་སོ། །གཞོན་ནུ་གང་གསད་པར་བྱ། གཞོན་ནུ་གང་གསོད་དུ་གཞུག་པར་བྱ། གང་སྲོག་དང་དབྲལ་བར་བྱ། གང་ལ་ཅི་ཞིག་སྦྱིན་པར་བྱ། དེ་སྐད་སྨྲས་ཀྱང་གཞོན་ནུ་ལྐུག་འཕྱེ་ཅང་མི་སྨྲའོ། །རྒྱལ་པོ་ཚངས་སྦྱིན་གྱིས་ཡང་གཤེད་མ་རྣམས་ལ་སྨྲས་པ། ངས་གཞོན་ནུ་འདི་ཡོངས་སུ་བཏང་གི། ཁྱེད་ཀྱིས་འོར་ཅིག་།གཤེད་
Cha128a
༄#། །མའི་མི་རྣམས་ཀྱིས། ལྷ། བཀའ་བཞིན་འཚལ་ཞེས་ཡང་གཞོན་ནུ་ལྐུག་འཕྱེ་ཤིང་རྟར་བཅུག་སྟེ་གྲོང་ཁྱེར་ཝཱ་ར་ཎཱ་སིའི་ནང་ནས་ཕྱིར་ཁྲིད་པ་དང ། གཞོན་ནུ་ལྐུག་འཕྱེས་མིའི་རོ་མི་བཞིས་ཁྱེར་བ་ཞིག་མཐོང་ནས་སྨྲས་པ། ཅི། རོ་འདི་ཤི་བ་ཉིད་ཀྱི་རོ་ཡིན་ནམ། འོན་ཏེ་གསོན་པོའི་རོ་ཡིན། གཤེད་མ་པའི་མི་རྣམས་ཀྱིས་གཞོན་ནུ་ལྐུག་འཕྱེ་རྒྱལ་པོ་ལ་ཕུལ་ནས། ལྷ།་གཞོན་ནུས་ཚིག་འདི་ལྟ་བུ་འདི་བརྗོད་དོ། །ཞེས་སྨྲས་སོ། །རྒྱལ་པོ་ཚངས་སྦྱིན་གྱིས་ཡང་གཞོན་ནུ་ལྐུག་འཕྱེ་པང་དུ་བཞག་སྟེ་འདི་སྐད་ཅེས་སྨྲས་སོ། །གཞོན་ནུ་གང་གསད་པར་བྱ། གང་གསོད་དུ་གཞུག་པར་བྱ། གང་སྲོག་དང་དབྲལ་བར་བྱ། གང་ལ་ཅི་ཞིག་སྦྱིན་པར་བྱ། དེ་སྐད་སྨྲས་ཀྱང་གཞོན་ནུ་ལྐུག་འཕྱེ་ཅང་མི་སྨྲའོ། །ཡང་རྒྱལ་པོ་ཚངས་སྦྱིན་གྱིས་གཤེད་མ་རྣམས་ལ་སྨྲས་པ།་ངས་གཞོན་ནུ་ཡོངས་སུ་བཏང་གི། ཁྱེད་ཀྱིས་འོར་ཅིག། གཤེད་མའི་མི་རྣམས་ཀྱིས་ལྷ། བཀའ་བཞིན་འཚལ་ཞེས་ཡང་གཞོན་ནུ་ལྐུག་འཕྱེ་ཤིང་རྟར་བཅུག་སྟེ་གྲོང་ཁྱེར་ཝཱ་ར་ཎཱ་སིའི་ནང་ནས་ཕྱིར་ཁྲིད་པ་དང ། གཞོན་ནུ་ལྐུག་འཕྱེས་འབྲུའི་ཕུང་པོ་ཆེན་པོ་ཞིག་མཐོང་ནས་སྨྲས་པ། གལ་ཏེ་འབྲུའི་ཕུང་པོ་འདི་དང་པོ་ཉིད་ནས་དྲུང་མ་ཟོས་ན། ཆེན་པོར་འགྱུར་རོ། །གཤེད་མའི་མི་རྣམས་ཀྱིས་ཀྱང་གཞོན་ནུ་ལྐུག་འཕྱེ་རྒྱལ་པོ་ལ་ཕུལ་ནས། ལྷ། གཞོན་ནུས་ཚིག་འདི་ལྟ་བུ་བརྗོད་དོ། །ཞེས་སྨྲས་སོ། །རྒྱལ་པོ་ཚངས་སྦྱིན་གྱིས་ཀྱང་གཞོན་ནུ་ལྐུག་འཕྱེ་པང་དུ་བཞག་སྟེ་འདི་སྐད་ཅེས་
Cha128b
སྨྲས་སོ། །གཞོན་ནུ་གང་གསད་པར་བྱ། གང་གསོད་དུ་གཞུག་པར་བྱ། གང་སྲོག་དང་དབྲལ་བར་བྱ། གང་ལ་ཅི་ཞིག་སྦྱིན་པར་བྱ། དེ་སྐད་སྨྲས་ཀྱང་གཞོན་ནུ་ལྐུག་འཕྱེ་ཅང་མི་སྨྲའོ། །རྒྱལ་པོ་ཚངས་སྦྱིན་གྱིས་ཡང་གཤེད་མ་རྣམས་ལ་སྨྲས་པ། ངས་གཞོན་ནུ་ཡོངས་སུ་གཏང་གི། ཤེས་ལྡན་དག་སོང་ལ་གཞོན་ནུ་ནགས་ཁྲོད་དུ་མྱུར་དུ་ས་ཐམས་སུ་ཆུག་ཅིག། ལྷ། བཀའ་བཞིན་འཚལ་ཞེས་གཤེད་མའི་མི་རྣམས་ཀྱིས་ཡང་གཞོན་ནུ་ལྐུག་འཕྱེ་ཤིང་རྟར་བཅུག་སྟེ་ནགས་ཁྲོད་ག་ལ་བ་དེར་སོང་ནས་ཕྱིན་པ་དང ། དོང་རྐོ་བར་བརྩམས་སོ། །དེ་ནས་གཞོན་ནུ་ལྐུག་འཕྱེས་དེའི་ཚེ་ཚིགས་སུ་བཅད་པ་སྨྲས་པ། ཁ་ལོ་སྒྱུར་བ་ཅིའི་ཕྱིར་ཁྱེད། །བརྟད་དང་བཅས་པས་དོང་རྐོ་བྱེད། །ཅིའི་ཕྱིར་ཁྱེད་ཅག་དོང་རྐོ་བ། །དྲིས་པ་ང་ལ་མྱུར་དུ་སྨྲོས། །ཁ་ལོ་སྒྱུར་བས་སྨྲས་པ། རྒྱལ་པོའི་སྲས་བུ་མི་སྨྲ་བ། །ལྐུག་འཕྱེ་བཙས་ནས་དེ་ཡིས་ནི། །མྱུར་བར་འདི་ནི་ནགས་ཁྲོད་དུ། །དོང་དུ་ཆུག་ཅེས་བཀའ་སྩལ་ཏོ། །དེ་ནས་གཞོན་ནུ་ལྐུག་འཕྱེ་འདི་སྙམ་དུ་སེམས་ཏེ། འདི་དག་ནི། དྲག་ཤུལ་ཅན། ལག་པ་དམར་བ། སྣུན་པ་དང ། རབ་ཏུ་སྣུན་པ་ལ་ཞུགས་པ། གཞན་གྱི་སྲོག་གཅོད་པ། གཞན་གྱི་སྲོག་གཅོད་པས་འཚོ་བར་བྱེད་པ་དག་ཡིན་པས། གལ་ཏེ་ན། འདི་དག་གིས་བདག་གསད་པར་འགྱུར་དུ་འོང་ངོ ། །སྙམ་དུ་རིག་ནས། དེ་སྐྲག་སྟེ་གཤེད་མ་རྣམས་ལ་སྨྲས་པ། གལ་ཏེ་ལྷས་བདག་ལ་དམ་པ་ཞིག་སྩལ་ན། བདག་རྐང་པས་གྲོང་ཁྱེར་དུ་འཇུག་ཅིང ། ཚིག་ཀྱང་སྨྲའོ། །གཤེད་མ་རྣམས་ཀྱིས་རྒྱལ་པོའི་གན་དུ་སོང་སྟེ་རྒྱས་
Cha129a
༄#། །པར་བརྗོད་པ་དང ། རྒྱལ་པོས་སྨྲས་པ། གཞོན་ནུ་གལ་ཏེ་ད་རྒྱལ་སྲིད་འདོད་ན། ངས་དེ་ཡང་གཞོན་ནུ་ལ་སྦྱིན་ནོ། །དེ་ནས་རྒྱལ་པོ་ཚངས་སྦྱིན་གྱིས་ཡིད་དགའ་ནས་བློན་པོ་རྣམས་ལ་སྨྲས་པ། ཤེས་ལྡན་དག། དེངས་ལ་གྲོང་ཁྱེར་ཐམས་ཅད་མྱུར་དུ་རྡོ་བ་དང ། གསེག་མ་དང ། གྱོ་མོ་མེད་པར་ཞོག་ལ། བདུག་སྤོས་དང ། ཕྱེ་མ་འཁྲིགས་པ། རྒྱལ་མཚན་དང ། བ་དན་བསྒྲེང་བ་དང ། མེ་ཏོག་སྣ་ཚོགས་བཀྲམ་པ་གྱིས་ཤིག། རྒྱལ་པོ་རྣམས་ནི། ཚིག་གིས་འགྲུབ་ལ། ལྷ་རྣམས་ནི། སེམས་ཀྱིས་འགྲུབ། རྣལ་འབྱོར་པ་རྣམས་ནི། སེམས་བསྐྱེད་པ་ཙམ་གྱིས་ཐམས་ཅད་འགྲུབ་པས། བློན་པོ་རྣམས་ཀྱིས། ལྷ། བཀའ་སྩལ་བཞིན་འཚལ་ཞེས་རྒྱལ་པོ་ལས་མཉན་ནས་གྲོང་ཁྱེར་ཐམས་ཅད་རྡོ་བ་དང ། གྱོ་མོ་དང ། གསེག་མ་མེད་པར་བཞག་ཅིང ། བདུག་སྤོས་དང ། ཕྱེ་མ་འཁྲིགས་པ་དང ། རྒྱལ་མཚན་དང ། བ་དན་བསྒྲེང་བ་དང ། མེ་ཏོག་སྣ་ཚོགས་བཀྲམ་པ་བྱས་སོ། །ལྗོངས་ཀྱི་མི་འབུམ་ཕྲག་དུ་མ་དག་ཀྱང་གཞོན་ནུ་ལྐུག་འཕྱེ་རྐང་པས་གྲོང་ཁྱེར་དུ་འཇུག་ཅིང ། ཚིག་ཀྱང་སྨྲ་བར་འགྱུར་རོ། །ཞེས་ཡ་མཚན་སྐྱེས་ནས་འདུས་པར་གྱུར་ཏོ།། །།འདུལ་བ་རྣམ་པར་འབྱེད་པ། བམ་པོ་ཉེར་དགུ་པ། དེ་ནས་གཞོན་ནུ་ལྐུག་འཕྱེ་རྐང་པས་གྲོང་ཁྱེར་དུ་ཞུགས་ནས་རྒྱལ་པོ་ཚངས་སྦྱིན་ག་ལ་བ་དེར་སོང་སྟེ་ཕྱིན་ནས་རྒྱལ་པོ་ཚངས་སྦྱིན་གྱི་རྐང་པ་གཉིས་ལ་གཏུགས་ཏེ་དེའི་ཚེ་ཚིགས་སུ་བཅད་པ་སྨྲས་པ། བདག་ལྐུག་མ་ལགས་འཕྱེ་
Cha129b
མ་ལགས། །གླེན་པ་མ་ལགས་བློ་མེད་མིན། །གསལ་བར་བགྱིད་པའི་ཚིག་རྣམས་ཀྱིས། །སྨྲ་བ་བདག་ལགས་མི་དབང་པོ། །བདག་ལྐུག་མ་ལགས་འཕྱེ་མ་ལགས། །གླེན་པ་མ་ལགས་བློ་མེད་མིན། །དབང་པོ་ཚང་བ་གསལ་བ་དང ། །ལྡན་པ་བདག་ལགས་མི་དབང་པོ། །རྒྱལ་པོས་སྨྲས་པ། བུ་ཁྱོད་ཅིའི་ཕྱིར་ཚིག་སྨྲ་བར་མི་བྱེད་ཅིང ། རྐང་པས་འགྲོ་བར་མི་བྱེད། ལྷ་དེའི་སླད་དུ་གསོན་ཅིག། བདག་གིས་སྔོན་གྱི་ཚེ་རབས་སུ། །དགུང་ལོ་དྲུག་ཅུར་བདག་གིས་ནི། །མི་རྣམས་ནང་དུ་རྒྱལ་ཚབ་ཀྱི། །རྒྱལ་སྲིད་རིགས་མཐུན་བགྱིད་སྩལ་པས། །དགུང་ལོ་སྟོང་ཕྲག་དྲུག་ཅུ་རུ། །སེམས་ཅན་དམྱལ་བར་རབ་ཏུ་བསྲེགས། །སེམས་དམྱལ་སྡུག་བསྔལ་མི་བཟད་པ། །དྲག་པོ་འཇིགས་རུང་དྲན་གྱུར་ནས། །རྒྱལ་སྲིད་མངོན་པར་མི་འཚལ་ཞིང ། །སླན་ཆད་སེམས་དམྱལ་མཆི་མི་བགྱིད། །ཡབ་ཀྱིས་བདག་ནི་རབ་འབྱུང་བར། །རྗེས་སུ་གནང་བ་མཛད་དུ་གསོལ། །རྒྱལ་པོས་སྨྲས་པ། བུ། དྲང་སྲོང་དག་གང་གི་ཕྱིར་དཀའ་ཐུབ་ཀྱིས་གདུང་བ་དང ། སྦྱིན་སྲེག་དང ། མཆོད་སྦྱིན་བྱེད་པ་ནི། རྒྱལ་སྲིད་ཀྱི་ཕྱིར་ཡིན་ན། ཁྱོད་ཅིའི་ཕྱིར་རྒྱལ་སྲིད་ལག་མཐིལ་ན་འདུག་པ་སྤངས་ཏེ་རབ་ཏུ་འབྱུང་བར་བྱེད། དེ་ན་གཞོན་ནུ་ལྐུག་འཕྱེས་དེའི་ཚེ་ཚིགས་སུ་བཅད་པ་སྨྲས་པ། འཁོན་གཅུགས་འཐབ་རྩོད་བགྱིད་པ་ཡི། །འདོད་ལ་སྤྱོད་པ་བདག་མི་འཚལ། །འཁོན་གཅུགས་འཐབ་རྩོད་འཇིག་བགྱིད་པའི། །ཚངས་སྤྱོད་བདག་གིས་སྤྱད་པར་བགྱི། །ཀིམ་པའི་འབྲས་བུ་འདྲ་བ་ཡི། །འདོད་པ་སྤྱོད་པར་བདག་མི་འཚལ། །འབྲས་བུ་བདུད་རྩིའི་
Cha130a
༄#། །རོ་བདའ་བའི། །ཚངས་སྤྱོད་བདག་གིས་སྤྱད་པར་བགྱི། །རྒྱལ་པོས་སྨྲས་པ། བདེ་བ་གང་དང་གང་དག་ཉམས་སུ་མྱོང་བར་འགྱུར་བ་དེ་དག་ཐམས་ཅད་ནི། རྒྱལ་པོ་ཉིད་ཡིན་ན།་ཁྱོད་ཅིའི་ཕྱིར་རྒྱལ་སྲིད་སྤངས་ཏེ་རབ་ཏུ་འབྱུང་བར་བྱེད། དེ་ནས་གཞོན་ནུ་ལྐུག་འཕྱེས་དེའི་ཚེ་ཚིགས་སུ་བཅད་པ་སྨྲས་པ། གང་ལས་སྡུག་བསྔལ་སྐྱེ་འགྱུར་བའི། །བདེ་བ་དེ་ལ་བདེར་མི་སེམས། ། གང་ལས་བདེ་བ་སྐྱེ་འགྱུར་བའི། །སྡུག་བསྔལ་དེ་ལ་བདེ་བར་སེམས། །ཡབ་ཀྱིས་བདག་ནི་དཀའ་ཐུབ་ཀྱི། །ནགས་སུ་མཆི་བ་གནང་བར་མཛོད། །རྒྱལ་པོས་སྨྲས་པ། བུ། འདིར་ནི། ཡང་ཐོག་གི་སྟེང་བདུག་སྤོས་དང་ཕྱེ་མ་འཁྲིགས་པར་མེ་ཏོག་སྣ་ཚོགས་བཀྲམ་ཞིང་གནས་མལ་འཇམ་པོ་ལེགས་པར་བཤམས་པ་དག་ཏུ་གང་ནས་ཀྱང་འཇིགས་པ་མེད་པར་ཉལ་བར་བྱ་ཞིང ། སིལ་སྙན་གྱི་སྒྲ་སྙན་པ་དག་གིས་སད་པར་བྱ་བ་དང ། གོས་འཇམ་པོ་བགོ་བར་བྱ་བ་དང ། ཞིམ་པོ་བཟའ་བར་བྱ། ཞིམ་པོ་བཏུང་བར་བྱ་བ་ཡིན་ན། དགོན་པར་རབ་ཏུ་བྱུང་བས་རྟག་ཏུ་ཤིང་དྲུང་དུ་རྩཝ་བཏིང་བའམ། ལོ་མ་བཏིང་བ་ལ་བྲེད་ངས་ཀྱིས་འཇིགས་པ་དང་བཅས་པའི་སེམས་ཀྱིས་རི་དྭགས་གདུག་པ་དག་དང་ལྷན་ཅིག་ཉལ་བར་བྱ་བ་དང ། ཝའི་སྐད་ཀྱིས་སད་པར་བྱ་བ་དང ། གཡང་གཞི་དང ། ཤིང་ཤུན་བགོ་བར་བྱ་བ་དང ། རྩ་བ་དང་འབྲས་བུ་དག་བཟའ་བར་བྱ་བ་དང ། ཆུ་དྲོན་པོ་རྙོག་པ་ཅན་དག་བཏུང་བར་བྱ་དགོས་ན། ཅིའི་ཕྱིར་ཁྱོད་རྒྱལ་སྲིད་སྤངས་ཏེ་རབ་ཏུ་འབྱུང་བར་བྱེད། དེ་ནས་གཞོན་ནུ་ལྐུག་
Cha130b
འཕྱེས་དེའི་ཚེ་ཚིགས་སུ་བཅད་པ་སྨྲས་པ། ནགས་ན་ཤིང་ཤུན་རྩཝ་གྱོན་ཞིང ། །རྩ་བ་འབྲས་བུ་འཆའ་བ་དང ། །རི་དྭགས་གདུག་པ་རྣམས་དང་ནི། །ལྷན་ཅིག་གནས་པ་མཆོག་ལགས་ཀྱི། །འཇིག་རྟེན་ཕ་རོལ་འཇིག་བགྱིད་པའི། །མཁས་པ་རྒྱལ་སྲིད་སླད་དུ་ནི། །གསོད་དང་འཆིང་དང་རྡེག་པ་དག། བགྱིད་པ་དེ་ལྟ་མ་ལགས་ཀྱི། །ཡབ་ཀྱིས་བདག་ནི་དཀའ་ཐུབ་ཀྱི། །ནགས་སུ་འཆི་བ་གནང་བར་མཛོད།། རྒྱལ་པོས་སྨྲས་པ། བུ། ཇེ་ཁོ་བོའི་ཐེ་ཚོམ་གསུམ་པོ་འདི་དག་ཆོད་ཅིག་དང ། དེའི་འོག་ཏུ་ཁྱོད་རབ་ཏུ་འབྱུང་བ་མི་དཀའོ། །ཁྱོད་ཀྱིས་གྲོང་ཁྱེར་ཝཱ་ར་ཎ་སི་འབྱོར་པ་དང་རྒྱས་པ་མཐོང་ནས་འདི་སྐད་ཅེས། ཅི།་ཝཱ་ར་ཎཱ་སི་འདི་སྟོང་པ་ཡིན་ནམ། འོན་ཏེ་གནས་པ་ཡིན་ཞེས་སྨྲས་པ་དེ། ཁྱོད་ཀྱིས་ཅི་ལས་བསམ་སྟེ་སྨྲས། ལྷ། དེའི་སླད་དུ་གསོན་ཅིག། ལྷས་བདག་རྒྱུ་མ་མཆིས་པར་ཁུམ་ཞིག་ཅེས་བཀའ་སྩལ་ནས། འགའ་ཡང་ཅིའི་སླད་དུ་གཞོན་ནུ་འདི་དགུམ་པར་བགྱི་ཞེས་ཆོས་དང་ལྡན་པའི་ཚིག་མི་སྨྲ་བས། བདག་གིས་དེ་ལས་བསམ་སྟེ་སྨྲས་སོ། །བུ། མ་ཉེས་སོ། །ཁྱོད་ཀྱིས་མིའི་རོ་མི་བཞིས་ཁྱེར་བ་ཞིག་མཐོང་ནས་འདི་སྐད་ཅེས། ཅི། རོ་འདི་ཤི་བ་ཉིད་ཀྱི་རོ་ཡིན་ནམ། འོན་ཏེ་གསོན་པོའི་རོ་ཡིན་ཞེས་སྨྲས་པ་དེ། ཁྱོད་ཀྱིས་ཅི་ལས་བསམ་སྟེ་སྨྲས། ལྷ། དེའི་སླད་དུ་གསོན་ཅིག། གང་ནོངས་པ་བགྱིད་པའི་ལས་བགྱིད་པའི་རོ་དེ་ནི། གུམ་པ་ཉིད་ཀྱི་རོ་ལགས་ལ། གང་ལེགས་པ་བགྱིད་པའི་ལས་བགྱིད་པའི་རོ་དེ་ནི། གསོན་པོའི་རོ་ལགས་པས། བདག་གིས་དེ་ལས་བསམ་སྟེ་སྨྲས་སོ། །བུ། མ་ཉེས་སོ། །ཁྱོད་
Cha131a
༄#། །ཀྱིས་འབྲུའི་ཕུང་པོ་ཆེན་པོ་ཞིག་མཐོང་བ་དང་འདི་སྐད་ཅེས། གལ་ཏེ་འབྲུའི་ཕུང་པོ་འདི་དང་པོ་ཉིད་ནས་དྲུང་མ་ཟོས་ན། ཆེན་པོར་འགྱུར་རོ། །ཞེས་སྨྲས་པ་དེ། ཁྱོད་ཀྱིས་ཅི་ལས་བསམ་སྟེ་སྨྲས། ལྷ། དེའི་སླད་དུ་གསོན་ཅིག་།ལྷ། ཞིང་པ་གང་དག་འདྲུ་སྐྱིན་པོ་བགྱིས་ཏེ་འཚལ་ནས་བགྱིད་པ་དེ་དག་ནི། འབྲུ་སྨིན་པ་ན་འབྲུའི་ཕུང་པོ་ཆེན་པོ་བུ་ལོན་པ་དག་ལ་འབུལ་བར་བགྱིད་པས།་དེ་དག་གིས་ནི། དང་པོ་ཉིད་ནས་དྲུང་འཚལ་བ་ལགས་སོ། །དེ་བཞིན་དུ་དགེ་བ་བཅུའི་ལས་ཀྱི་ལམ་དག་གིས་མི་ཉིད་རྙེད་པ་ན། གལ་ཏེ་དེ་རྙེད་ནས་དགེ་བའི་ལས་ཀྱི་ལམ་གསོག་པར་མི་བགྱིད་པ་དེའི།་སྔོན་གྱི་དགེ་བའི་རྩ་བ་དེ་ཡང་རྒྱུན་ཆད་པར་འགྱུར་ཞིང ། དགེ་བའི་རྩ་བ་རྒྱུན་ཆད་ན་བདེ་འགྲོ་ལས་ཡོངས་སུ་ཉམས་ཤིང་ངན་འགྲོ་ལ་བརྟེན་པར་འགྱུར་བས། བདག་གིས་དེ་ལས་བསམ་སྟེ་སྨྲས་སོ། །དེ་ནས་རྒྱལ་པོས་བུའི་ཚིག་ཐོས་ནས་མཆི་མས་བརྣངས་པས་བུ་བླངས་ཏེ་ཚིག་སྨྲས་པ། བརྟུལ་ཞུགས་ངེས་འཆང་རང་གི་ཆོས་སྤྱོད་ཅིག་།བདག་ཀྱང་ཁྱོད་ཀྱི་སློབ་མར་ཁས་ལེན་ཏོ། །དེ་ནས་རྒྱལ་པོ་ཚངས་སྦྱིན་གྱིས་བློན་པོ་རྣམས་ལ་སྨྲས་པ། ཤེས་ལྡན་དག་།གལ་ཏེ་གཞོན་ནུ་ལྐུག་འཕྱེ་རབ་ཏུ་མ་བྱུང་ན། ཅིར་འགྱུར། ལྷ། རྒྱལ་པོར་འགྱུར་རོ། །ཁྱེད་ཀྱི་བུ་དག་ཅིར་འགྱུར། ལྷ། ཞམ་རིང་བར་འགྱུར་རོ། །འོ་ན། དེ་ད་རབ་ཏུ་འབྱུང་ན། ཁྱེད་ཀྱི་བུ་དེ་དག་ཅིའི་ཕྱིར་རབ་ཏུ་མི་འབྱུང ། ལྷ། བཀའ་སྩལ་པ་བཞིན་འཚལ་ལོ། །དེའི་ཚེ་ན་གྲོང་ཁྱེར་ཝཱ་ར་ཎཱ་སི་དང་ཧ་ཅང་མི་རིང་བ་ན་བསྟི་གནས་
Cha131b
ཤིག་ཡོད་པ་དེ་ན། དྲང་སྲོང་བྱམས་པའི་བདག་ཉིད་ཅན། སྙིང་རྗེ་དང་ལྡན་པ། བརྩེ་བ་དང་ལྡན་པ། སེམས་ཅན་ལ་བྱམས་པ་ཞིག་འདུག་ནས། གཞོན་ནུ་ལྐུག་འཕྱེ་འཁོར་ལྔ་བརྒྱ་དང་ལྡན་པ། འབྱོར་པ་རྒྱ་ཆེན་པོས་དྲང་སྲོང་དེའི་དྲུང་དུ་རབ་ཏུ་བྱུང་ངོ ། །དྲང་སྲོང་དེས་ལྐུག་འཕྱེ་ལ་གདམས་ངག་བྱིན་ནས་ལྐུག་འཕྱེས་བརྩལ་བ་དང ། འབད་པ་དང ། བསྒྲིམས་པ་བྱས་ནས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དེ་ནས་དུས་གཞན་ཞིག་ན། དྲང་སྲོང་དེ་དུས་ཀྱི་ཆོས་དང་ལྡན་པར་གྱུར་ནས་གཞོན་ནུ་ལྐུག་འཕྱེས་དྲང་སྲོང་དེའི་ལུས་སྤོས་ཀྱི་ཤིང་སྣ་ཚོགས་ཀྱི་ཕུང་པོར་བཅེར་ཏེ་བསྲེགས་ནས་མཆོད་པ་དང ། བསྙེན་བཀུར་ཆེན་པོ་བྱས་སོ། །གཞོན་ནུ་ལྐུག་འཕྱེས་བྲམ་ཟེའི་ཁྱེའུ་ལྔ་བརྒྱ་པོ་དེ་དག་ཡོངས་སུ་བསྐྱང་བར་བརྩམས་ནས། དེའི་མིང་གཞོན་ནུ་ལྐུག་འཕྱེ། གཞོན་ནུ་ལྐུག་འཕྱེ་ཞེས་བྱ་བ་གང་ཡིན་པ་དེ་ནུབ་པར་གྱུར་ཅིང ། སྟོན་པ་ལྐུག་འཕྱེ། སྟོན་པ་ལྐུག་འཕྱེ་ཞེས་བྱ་བའི་མིང་ཆགས་པར་གྱུར་ཏོ། །དེ་ནས་དུས་གཞན་ཞིག་ན་སྟོན་པ་ལྐུག་འཕྱེ་འདི་སྙམ་དུ་སེམས་ཏེ། ཅིའི་ཕྱིར་བྲམ་ཟེའི་ཁྱེའུ་ལྔ་བརྒྱ་པོ་འདི་དག་མངོན་པར་ཤེས་པ་ལྔ་མངོན་སུམ་དུ་མི་བྱེད་སྙམ་ནས། དེ་འདི་སྙམ་དུ་སེམས་ཏེ། འདི་དག་གཡང་གཞི་དང ། ཤིང་ཤུན་དང ། དབྱུག་གུ་དང ། རིལ་བ་དང ། བླུགས་གཟར་བ་དང ། དགང་གཟར་ལྷག་པ་འཆང་ཞིང ། ཤིན་ཏུ་ལོ་མ་དང ། ཁྲེ་རྒོད་དང ། ུཏྤ་ལའི་རྩ་བ་ལ་སྦྱོར་བའི་རྗེས་སུ་བརྩོན་པར་གནས་པའི་ཕྱིར་རོ། །སྙམ་མོ། །དེ་ནས་སྟོན་པ་ལྐུག་འཕྱེ་འདི་སྙམ་དུ་སེམས་ཏེ།
Cha132a
༄#། །གལ་ཏེ་བདག་གིས་བྲམ་ཟེའི་ཁྱེའུ་འདི་དག་སྨད་ན། དབྲལ་དཀའ་བར་འགྱུར་རོ། །སྙམ་ནས། བྱང་ཆུབ་སེམས་དཔའ་རྣམས་ནི། འདུལ་བ་ལ་མཁས་པ་བླ་ན་མེད་པ་ཡིན་པས། དེ་ནས་སྟོན་པ་ལྐུག་འཕྱེས་བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་།ང་ཟླ་བ་གསུམ་པོ་འདི་ལ་ནང་དུ་ཡང་དག་འཇོག་འདོད་ཀྱི། ངའི་གན་དུ་བྲམ་ཟེའི་ཁྱེའུ་རྩ་བ་དང ། འབྲས་བུ་སྟོབ་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་གང་གིས་ཀྱང་ཉེ་བར་འོང་བར་མི་བྱའོ། །བྲམ་ཟེའི་ཁྱེའུ་རྣམས་ཀྱིས་ཀྱང ། དབྱར་གྱི་ནང་དག་ཏུ་བྲམ་ཟེའི་ཁྱེའུ་རྩ་བ་དང་འབྲས་བུ་སྟོབ་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་བདག་ཅག་ལས། བྲམ་ཟེའི་ཁྱེའུ་གང་གིས་ཀྱང་མཁན་པོ་ལ་བལྟར་འགྲོ་བར་མི་བྱའོ། །དབྱར་གྱི་ནང་དག་ཏུ་བྲམ་ཟེའི་ཁྱེའུ་རྩ་བ་དང་འབྲས་བུ་སྟོབ་པ་གཅིག་དང ། འདི་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་བདག་ཅག་ལས། བྲམ་ཟེའི་ཁྱེའུ་གང་མཁན་པོ་ལ་བལྟར་འགྲོ་བ་དེ། བདག་ཅག་གིས་ལྟུང་བྱེད་ཀྱི་ལྟུང་བ་བྱེད་དུ་གཞུག་གོ་།ཞེས་ཁྲིམས་སུ་བྱས་པ་བཅས་སོ། །སྟོན་པ་ལྐུག་འཕྱེ་ཟླ་བ་གསུམ་ནང་དུ་ཡང་དག་འཇོག་ལ་ཞུགས་པ་ན། དེའི་གན་དུ་བྲམ་ཟེའི་ཁྱེའུ་རྩ་བ་དང་འབྲས་བུ་སྟོབ་པ་གཅིག་དང ། དེ་ཉིད་ཀྱི་གསོ་སྦྱོང་བཅོ་ལྔ་པའི་ཚེ་མ་གཏོགས་པར་བྲམ་ཟེའི་ཁྱེའུ་གང་ཡང་ཉེ་བར་མི་འགྲོའོ། །སྟོན་པ་ལྐུག་འཕྱེས་ཐག་རིང་པོ་ཁོ་ན་ནས་རི་དྭགས་མཐོང་ངོ ། །མཐོང་
Cha132b
ནས་ཀྱང་འདི་སྐད་ཅེས་སྨྲས་སོ། །རི་དྭགས་ཚུར་ཤོག་།རི་དྭགས་ཁྱོད་འོངས་པ་ལེགས་སོ། །ཁྱོད་དང་ཁོ་བོ་མཚུངས་ཏེ། ཁྱོད་ཀྱང་ལྟོ་ཁེངས་པའི་ཟས་ཀྱིས་ཆོག་ཤེས་པ་དང ། ཀུན་ཏུ་ཆོག་པ་ཡིན་ལ། ཁོ་བོ་ཡང་ལྟོ་ཁེངས་པའི་བསོད་སྙོམས་ཀྱིས་ཆོག་ཤེས་པ་དང ། ཀུན་ཏུ་ཆོག་ཤེས་པ་ཡིན་ནོ། །འདི་ན་ཁ་ཅིག་ཤིན་ཏུ་ལོ་མ་དང ། ཁྲེ་རྒོད་དང ། ུཏྤ་ལའི་རྩ་བ་ལ་སྦྱོར་བའི་རྗེས་སུ་བརྩོན་པར་གནས་པ་དག་ནི། མ་ཡིན་ནོ། །དེ་ནས་བྲམ་ཟེའི་ཁྱེའུ་དེ་དག་འདི་སྙམ་དུ་སེམས་ཏེ། གོར་མ་ཆག་པར་མཁན་པོའི་བརྟུལ་ཞུགས་རྫོགས་པར་གྱུར་ཏེ། འདི་ལྟར། མཁན་པོ་རི་དྭགས་དང་ལྷན་ཅིག་ཕེབས་པར་སྨྲས་པར་བྱེད་དོ། །སྙམ་དུ་རིག་ནས། སྟོན་པ་ལྐུག་འཕྱེ་ག་ལ་བ་དེར་དོང་སྟེ་ཕྱིན་ནས་སྟོན་པ་ལྐུག་འཕྱེའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འཁོད་དོ། །དེ་ནས་སྟོན་པ་ལྐུག་འཕྱེ་ཅང་མི་སྨྲ་བར་འདུག་གོ་།དེ་ནས་བྲམ་ཟེའི་ཁྱེའུ་དེ་དག་འདི་སྙམ་དུ་སེམས་ཏེ། མཁན་པོ་དུད་འགྲོ་རྣམས་དང་ལྷན་ཅིག་ཕེབས་པར་སྨྲ་བར་བྱེད་ཀྱི། མི་རྣམས་དང་མི་བྱེད་གོར་མ་ཆགས་སྙམ་ནས་སྟན་ལས་ལངས་ཏེ་དོང་ངོ ། །དེ་ནས་རི་དྭགས་ཀྱི་བརྟུལ་ཞུགས་ཅན་ཞིག་སྟོན་པ་ལྐུག་འཕྱེ་ག་ལ་བ་དེར་སོང་བ་དང ། སྟོན་པ་ལྐུག་འཕྱེས་རི་དྭགས་ཀྱི་བརྟུལ་ཞུགས་ཅན་དེ་ཐག་རིང་པོ་ཆེ་ཁོ་ན་ནས་མཐོང་ནས་ཀྱང་འདི་སྐད་ཅེས་སྨྲས་སོ། །རི་དྭགས་ཀྱི་བརྟུལ་ཞུགས་ཅན་ཚུར་ཤོག་།རི་དྭགས་ཀྱི་བརྟུལ་ཞུགས་ཅན་ཁྱོད་འོངས་པ་ལེགས་སོ། །ཁྱོད་དང་ཁོ་བོ་མཚུངས་ཏེ། ཁྱོད་ཀྱང་གཡང་གཞི་གཅིག་འཆང་ལ། ཁོ་བོ་
Cha133a
༄#། །ཡང་གཡང་གཞི་གཅིག་འཆང་ངོ ། །ཁྱོད་ཀྱང་ཤིང་ཤུན་གཅིག་དང ། དབྱུག་གུ་གཅིག་དང ། རིལ་བ་གཅིག་དང ། བླུགས་གཟར་དང ། དགང་གཟར་གཅིག་འཆང་ལ། ཁོ་བོ་ཡང་ཤིང་ཤུན་གཅིག་དང ། དབྱུག་གུ་གཅིག་དང ། རིལ་བ་གཅིག་དང ། བླུགས་གཟར་དང ། དགང་གཟར་གཅིག་འཆང་ངོ ། །ཁྱོད་ཀྱང་ལྟོ་ཁེངས་པའི་བསོད་སྙོམས་ཀྱིས་ཆོག་ཤེས་པ་དང ། ཀུན་ཏུ་ཆོག་ཤེས་པ་ཡིན་ལ། ཁོ་བོ་ཡང་ལྟོ་ཁེངས་པའི་བསོད་སྙོམས་ཀྱིས་ཆོག་ཤེས་པ་དང ། ཀུན་ཏུ་ཆོག་ཤེས་པ་ཡིན་ནོ། །འདི་ན་ཁ་ཅིག་གཡང་གཞི་དང ། ཤིང་ཤུན་དང ། དབྱུག་གུ་དང ། རིལ་བ་དང ། བླུགས་གཟར་དང ། དགང་གཟར་དང ། དགང་གཟར་ལྷག་པར་འཆང་བ་དག་ནི།་མ་ཡིན་ནོ། །དེ་ནས་བྲམ་ཟེའི་ཁྱེའུ་དེ་དག་འདི་སྙམ་དུ་སེམས་ཏེ། འདི་ལྟར། མཁན་པོས་འདོད་པ་ཆེ་བ་སྨད་ཅིང ། འདོད་པ་ཆུང་བ་ཉིད་བསྟོད་པ་ནི། དོན་གྱིས་ན། མཁན་པོས་བདག་ཅག་སྨད་པ་ཡིན་གྱི། བདག་ཅག་གིས་གཡང་གཞི་དང ། ཤིང་ཤུན་དང ། དབྱུག་གུ་དང ། རིལ་བ་དང ། བླུགས་གཟར་དང ། དགང་གཟར་ལྷག་པར་དག་ཆུ་ཀླུང་ཟློག་བྱེད་ཀྱི་ནང་དུ་བོར་ཏེ། མཁན་པོ་ག་ལ་བ་དེར་དོང་ངོ ། །སྙམ་ནས། དེ་དག་གིས་གཡང་གཞི་དང ། ཤིང་ཤུན་དང ། དབྱུག་གུ་དང ། རིལ་བ་དང ། བླུགས་གཟར་དང ། དགང་གཟར་ལྷག་པ་དག་ཆུ་ཀླུང་ཟློག་བྱེད་དུ་བོར་ནས་རྒྱུད་དག་པ་
Cha133b
དང ། ཡོ་བྱད་བསྙུངས་པའི་ཚུལ་དག་གིས་སྟོན་པ་ལྐུག་འཕྱེ་ག་ལ་བ་དེར་དོང་སྟེ་ཕྱིན་ནས་སྟོན་པ་ལྐུག་འཕྱེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །དེ་ནས་སྟོན་པ་ལྐུག་འཕྱེས་བྲམ་ཟེའི་ཁྱེའུ་དེ་དག་གི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས། འདི་ལྟར། བྲམ་ཟེའི་ཁྱེའུ་ལྔ་བརྒྱ་པོ་དེ་དག་གིས་མངོན་པར་ཤེས་པ་ལྔ་མངོན་དུ་བྱས་པར་གྱུར་པ་དེ་ལྟར་ཆོས་བསྟན་པར་བྱས་སོ། །དགེ་སློང་དག། དེའི་ཚེ་དེའི་དུས་ན་སྟོན་པ་ལྐུག་འཕྱེ་གང་ཡིན་པ་དེ་ནི། ང་བྱང་ཆུབ་སེམས་དཔའི་སྤྱོད་པ་ལ་འཇུག་པ་ཡིན་ནོ། །དེའི་ཚེ་དེའི་དུས་ན་བྲམ་ཟེའི་ཁྱེའུ་ལྔ་བརྒྱ་པོ་གང་དག་ཡིན་པ་དེ་དག་ནི། ཤཱཀྱ་གཞོན་ནུ་ལྔ་བརྒྱ་པོ་འདི་དག་ཡིན་ནོ། །དེའི་ཚེ་དེའི་དུས་ན་རི་དྭགས་ཀྱི་བརྟུལ་ཞུགས་ཅན་གང་ཡིན་པ་དེ་ནི། དགེ་སློང་ཉེ་སྡེ་ཡིན་ཏེ། དེའི་ཚེ་ཡང་ངས་ཤཱཀྱ་གཞོན་ནུ་ལྔ་བརྒྱ་པོ་འདི་དག་རིགས་ཀྱི་བུ་ཉེ་སྡེ་ལ་བརྟེན་ནས་འདོད་པ་ཆེ་བ་དང་ཕྲལ་ཞིང ། འདོད་པ་ཆུང་བ་ཉིད་ལ་བཀོད་དེ། མངོན་པར་ཤེས་པ་ལྔ་པོ་དག་ལ་བཞག་པར་བྱས་ལ། ད་ལྟར་ཡང་ངས་ཤཱཀྱ་གཞོན་ནུ་ལྔ་བརྒྱ་པོ་འདི་དང ། རིགས་ཀྱི་བུ་ཉེ་སྡེ་ལ་བརྟེན་ནས་འདོད་པ་ཆེ་བ་དང་ཕྲལ་ཞིང་འདོད་པ་ཆུང་བ་ཉིད་ལ་བཀོད་དེ། ཤིན་ཏུ་མཐར་ཐུག་པའི་གྲུབ་པ་དང ། བདེ་བ་མྱ་ངན་ལས་འདས་པ་ལ་བཞག་པ་མཛད་དོ། །དགེ་སློང་དག་།དེ་ལྟར་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ། གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ནི། གཅིག་
Cha134a
༄#། །ཏུ་དཀར་བ་ཡིན། འདྲེས་མ་རྣམས་ཀྱི་རྣམ་པར་སྨིན་པ་ཡང་འདྲེས་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་དང ། འདྲེས་མ་སྤངས་ནས། ལས་གཅིག་ཏུ་དཀར་བ་དག་ལ་བརྩལ་བར་བྱ། དགེ་སློང་དག་།དེ་ལྟར་ཁྱེད་ཀྱིས་བསླབ་པར་བྱའོ། །འཁྲུར་འཇུག་པའི་སྤང་བ་སྟེ། བཞི་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་རྣམས་ཀྱི་དགོན་པར་གནས་པ་མ་བཀག་པ་དེའི་ཚེ་ན། དགེ་སློང་མ་རྣམས་ཀྱང་དགོན་པའི་གནས་སུ་དོང་སྟེ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་བྱེད་དོ། །དེ་ནས་དགེ་སློང་མ་ཨུཏྤ་ལའི་མདོག་འཁོར་ལྔ་བརྒྱ་དང་ནགས་མུན་པ་ཅན་ག་ལ་བ་དེར་སོང་སྟེ་ཕྱིན་ནས་ཤིང་ལྗོན་པའི་དྲུང་ཞིག་ཏུ་བརྟེན་ཏེ་སྐྱིལ་མོ་ཀྲུང་ཕྱེད་ཀྱིས་འདུག་ནས་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་བྱེད་དོ། །དགེ་སློང་མ་དེ་དག་ཕྱེ་མ་རེད་མཉན་ཡོད་དུ་འཇུག་འདོད་ནས་སྨྲས་པ། འཕགས་མ་ཨུཏྤ་ལའི་མདོག་བསླང་བར་བྱའོ། །ཁ་ཅིག་གིས་སྨྲས་པ། འཕགས་མ་ཨུཏྤ་ལའི་མདོག་ནི། མཐུ་ཆེ་བ། རྫུ་འཕྲུལ་ཆེ་བ་ཡིན་པས། དང་པོ་ཁོ་ནར་དབྱར་ཁང་དུ་འགྲོ་བར་འགྱུར་པའི་གནས་ཀྱང་ཡོད་དོ། །ཞེས་ཟེར་ནས། དེ་དག་གིས་དེ་
Cha134b
མ་བསླངས་པ་ཁོ་ནར་དོང་ངོ ། །ུཏྤ་ལའི་མདོག་ཀྱང་ཕྱེ་མ་རེད་ལངས་ནས་དགེ་སློང་མ་དེ་དག་ཐམས་ཅད་དོང་བར་མཐོང་བ་དང ། དེས་བསམ་པ། ཅི། ད་འགྲོའམ། འོན་ཏེ་འདི་ཉིད་དུ་འདུག་སྙམ་ནས་དེ་དེ་ཉིད་དུ་འགོག་པ་ལ་སྙོམས་པར་ཞུགས་སོ། །གཡོན་ཅན་ལྔ་བརྒྱ་རྩམ་གྱིས་ལས་དག་བྱས་ནས་ནགས་མུན་པ་ཅན་དུ་ལྷགས་ཏེ་དེ་དག་གིས་སྨྲས་པ། བདག་ཅག་ལས་ཉིས་བརྒྱ་ལྔ་བཅུས་ནི། སྐལ་བ་དག་བགོ་བར་བྱའོ། །ཉིས་བརྒྱ་ལྔ་བཅུས་ནི། ནགས་བྱུལ་བར་བྱའོ། །ཞེས་དེ་དག་ལས་ཉིས་བརྒྱ་ལྔ་བཅུས་ནི། སྐལ་བ་དག་བགོ་བར་བརྩམས། ཉིས་བརྒྱ་ལྔ་བཅུས་ནི། ནགས་བྱུལ་བར་བརྩམས་པ་དང ། དེ་དག་གིས་ཨུཏྤ་ལའི་མདོག་འདུག་པ་མཐོང་ངོ ། །དེ་ན་ཁ་ཅིག་ན་རེ། ཤེས་ལྡན་དག་།འདི་ནི། ཐོ་ཡོར་ཞིག་ཡིན་ནོ། །ཞེས་ཟེར། ཁ་ཅིག་ན་རེ། འདི་ནི། མི་ཞིག་ཡིན་ནོ། །ཞེས་ཟེར། ཁ་ཅིག་ན་རེ། འདི་ནི། དགེ་སློང་ཞིག་ཡིན་ནོ། །ཞེས་ཟེར་རོ། །དེ་ན་དགེ་སློང་གི་རྒྱུས་ཤེས་པ་ཞིག་འདུག་པ་དེས་སྨྲས་པ། འདི་ནི། དགེ་སློང་མ་ཞིག་ཡིན་གྱི། དགེ་སློང་ནི། མ་ཡིན་ནོ། །ཇི་ལྟར་ཤེས། དགེ་སློང་དག་ནི། སྐྱིལ་མོ་ཀྲུང་གིས་འདུག་ལ། དགེ་སློང་མ་རྣམས་ནི། སྐྱིལ་མོ་ཀྲུང་ཕྱེད་ཀྱིས་འདུག་གོ། དེ་དག་ངོ་མཚར་སྐྱེས་ནས་ཤེས་ལྡན་དག། འདི་ལྟ་བུའི་ནགས་འཇིགས་སུ་རུང་བའི་ནང་ན། དགེ་སློང་མ་གཅིག་པུ་མཚན་མོ་གནས་པར་ཁས་བླངས་པ་ལ་ལྟོས་ཞེས་ཟེར་རོ། །དེ་དག་དམག་དཔོན་གྱི་གན་དུ་དོང་བ་དང ། དམག་དཔོན་གྱིས་དེ་དག་ལ་དྲིས་པ། ཤེས་ལྡན་དག། ཁྱེད་ཀྱིས་ནགས་
Cha135a
༄#། །མུན་པ་ཅན་འདི་ན་ངོ་མཚར་ཅན་ཅུང་ཟད་མཐོང་བ་ཡོད་དམ། མཆིས་ཏེ། འདི་ལྟ་བུའི་ནགས་འཇིགས་སུ་རུང་བའི་ནང་ན་དགེ་སློང་མ་གཅིག་པུ་མཚན་མོ་གནས་པ་ཁས་བླངས་པ་མཆིས་སོ། །དེ་བལྟའི། །འདོང་ངོ ། །ཞེས་དེ་དག་དེའི་དྲུང་དུ་དོང་བ་དང ། དམག་དཔོན་གྱིས་དགེ་སློང་མ་ཨུཏྤ་ལའི་མདོག་གཟུགས་བཟང་བ། བལྟ་ན་སྡུག་པ། མཛེས་པ་མཐོང་ངོ ། །མཐོང་ནས་ཀྱང་མངོན་པར་དད་པར་གྱུར་ནས། དེ་མངོན་པར་དད་པ་སྐྱེས་པས་སྨྲས་པ། ཀྱེ་མ། དགེ་སློང་མ་འདི་ནི། གཉི་ག་ནས་བཟང་བ་ཡིན་ཏེ། མཚན་མོ་ཟླ་ཉི་མོ་ལྟར་འདུག་པ་གང་ཡིན་པ་དང ། གཟུགས་བཟང་བ། བལྟ་ན་སྡུག་པ། མཛེས་པ་གང་ཡིན་པས་སོ། །ཞེས་དེ་བསླང་བར་བརྩམས་པ་དང ། དེ་དག་གིས་སྨྲས་པ། ཅིའི་ཕྱིར་འདི་སློང་བར་བྱེད། ཟས་སྦྱིན་པར་བྱའོ། །དགེ་སློང་གི་རྒྱུས་ཤེས་པ་ཞིག་གིས་སྨྲས་པ། འདི་ནི། དུས་མ་ཡིན་པར་མི་ཟའོ། །དམག་དཔོན་གྱིས་སྨྲས་པ། ཅིའི་ཕྱིར། དེས་སྨྲས་པ། འདི་ནི། དུས་མ་ཡིན་པའི་ཟས་སྤངས་པ་ཡིན་ནོ། །དམག་དཔོན་གྱིས་སྨྲས་པ། ཀྱེ་མ། དགེ་སློང་མ་འདི་ནི། གཉི་ག་ནས་བཟང་བ་ཡིན་ཏེ། གཟུགས་བཟང་བ། བལྟ་ན་སྡུག་པ། མཛེས་པ་གང་ཡིན་པ་དང ། དུས་མ་ཡིན་པའི་ཟས་སྤངས་པ་གང་ཡིན་པས་སོ། །ཡང་སྨྲས་པ། འདི་ལ་ཆང་བླུད་པར་བྱའོ། ། དགེ་སློང་གི་རྒྱུས་ཤེས་པ་དེས་སྨྲས་པ། འདི་ནི། མྱོས་པར་འགྱུར་བའི་བཏུང་བ་སྤངས་པ་ཡིན་ནོ། །དམག་དཔོན་གྱིས་སྨྲས་པ། ཀྱེ་མ། དགེ་སློང་མ་འདི་ནི། གཉི་ག་ནས་བཟང་བ་ཡིན་ནོ། གཟུགས་
Cha135b
བཟང་བ། བལྟ་ན་སྡུག་པ། མཛེས་པ་གང་ཡིན་པ་དང ། མྱོས་པར་འགྱུར་བའི་བཏུང་བ་སྤངས་པ་གང་ཡིན་པས་སོ། །ཡང་སྨྲས་པ། ཁོ་བོས་ཡོན་གནས་ཞིང་འདི་ལྟ་བུ་ལ་བསོད་སྙོམས་ཀྱིས་བསྒྲུབ་པར་མ་ནུས་སོ། །ཞེས་དེས་རས་ཡུག་ཆེན་པོ་ལ་འོས་པ་གཅིག་དང ། བསོད་སྙོམས་ཀྱི་ཕུད་ཅིག་ཕུལ་ནས། ཤིང་ལྗོན་པའི་ཡལ་ག་ལ་བཏགས་ཏེ་བཞག་ནས་སྨྲས་པ། འཕགས་མ། འདི་ལྟར་ཁྱོད་ལ་མི་མཁྱེན་པ་དང ། མི་གཟིགས་པ་དང ། མ་རིག་པ་དང ། རྣམ་པར་མི་མཁྱེན་པ་ཅི་ཡང་མི་མངའ་བས། བདག་གིས་ཁྱོད་ལ་བསོད་སྙོམས་དང་ན་བཟའ་འདི་འབུལ་ལོ། །ཞེས་སྨྲས་ཏེ་སོང་ངོ ། །ུཏྤ་ལའི་མདོག་ནང་པར་སྔར་ལངས་པས་སྐྱེ་བོ་ཕལ་པོ་ཆེའི་རྗེན་ཤུལ་མཐོང་ནས་དེས་བསམ་པ་དང ། གཡོན་ཅན་ལྔ་བརྒྱ་ཉེ་བར་འོངས་པར་མཐོང་ནས་མི་མཛེས་པ་འགའ་ཞིག་རིག་པར་མ་བྱས་སམ་སྙམ་ནས། འགའ་ཡང་མ་བྱས་པར་མཐོང་ངོ་།། ཤིང་ལྗོན་པའི་ཡལ་ག་ལ་རས་ཡུག་ཆེན་དང་བསོད་སྙོམས་བཏགས་ཏེ་བཞག་པ་མཐོང་ནས་དེས་བསམ་པ། འདི་ནི། དད་པར་གྱུར་པ་རྣམས་ཀྱིས་དད་པའི་དབང་དུ་བྱས་པ་ཡིན་ནོ། །སྙམ་ནས་དེས་བསམ་པ།་གལ་ཏེ་བྱིན་ལེན་སྟོབ་པ་ལ་བསྡད་ན། བྱའམ་སྤྲེའུས་ཆུད་གཟན་པར་འགྱུར་བས། བདག་ནི། དགེ་འདུན་ལ་བསོད་སྙོམས་ཀྱི་ཕུད་འབུལ་བ་ཡིན་ལ། འདི་ལྟར་དགེ་སློང་རྣམས་ལ་མི་རུང་བ་གང་ཡིན་པ་དེ་ནི། དགེ་སློང་མ་རྣམས་ལ་རུང་བ་ཡིན་ལ། དགེ་སློང་མ་རྣམས་ལ་མི་རུང་བ་གང་ཡིན་པ་དེ་ནི། དགེ་སློང་རྣམས་ལ་རུང་བ་ཡིན་པས་བདག་རང་ཉིད་ཀྱིས་འདི་ཁྱེར་ཏེ་དགེ་འདུན་ལ་བསོད་སྙོམས་
Cha136a
༄#། །ཀྱི་ཕུད་འབུལ་དུ་འགྲོའོ། །སྙམ་ནས་དེས་དེ་ཁྱེར་ཏེ་རྒྱལ་བྱེད་ཀྱི་ཚལ་དུ་སོང་ངོ ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། དྲུག་སྡེ་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས། ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས། ཨུཏྤ་ལའི་མདོག་མཐོང་ནས་སྨྲས་པ། སྲིང་མོ། ཅིའི་ཕྱིར་ནང་པར་སྔར་མཉན་ཡོད་ཀྱི་སྒོ་དག་ཕྱེ་སྟེ་འོངས། དེས་སྨྲས་པ། བདག་མཉན་ཡོད་དུ་མ་མཆིས་ཀྱི། བདག་མདང་སུམ་ནགས་མུན་པ་ཅན་དུ་མཆིས་པར་ཁས་བླངས་སོ། །ཉེ་དགས་སྨྲས་པ། ཉེ་དགའ་ནི། ཉིན་མོ་ཉིད་ནགས་མུན་པ་ཅན་དུ་ཞུགས་ན་ཡང་སྤུ་དག་གྱེན་དུ་འགྲེང་བར་འགྱུར་རོ། །སྲིང་མོ། ཁྱེར་བ་འདི་ཅི་ཡིན། དེས་སྨྲས་པ། ཆོམ་རྐུན་པ་ལྔ་བརྒྱ་ཙམ་དེར་མཆིས་ནས། དེ་དག་དད་པར་གྱུར་པས་བདག་ལ་དད་པའི་དབང་དུ་བགྱིས་པ་སྩལ་ཏོ། །སྲིང་མོ། ཁྱོད་ནི། ཆོམ་རྐུན་པས་ཀྱང་དད་པར་བྱ་བ་ཡིན་གྱི། གལ་ཏེ་ཉེ་དགའ་དེ་དག་གིས་མཐོང་དུ་ཟིན་ན། ལྕག་རྒོད་མང་པོས་བཏབ་སྟེ་ཁུར་ཚ་བར་འཁྲིད་པར་འགྱུར་རོ། །འདི་ལྟར། གང་ལ་རས་ཡུག་ཆེན་འདི་ལྟ་བུ་ཡོད་པ་དེ་ནི། གོས་གསར་པ་ལས་སྣམ་སྦྱར་ཉི་རིམ་བྱས་ཏེ་སེམས་ལས་ཆུང་ངུས་དགེ་བའི་ཕྱོགས་ལ་ཏྲོན་བྱེད་པར་འགྱུར་རོ། །འཕགས་པ། ཁྱོད་རས་ཡུག་ཆེན་འདི་བཞེད་དམ། ལྷའི་གནས་ཀྱི་ལྷག་མ་བཞིན་དུའོ། །འཕགས་པ། བདག་གིས་དགེ་འདུན་ལ་བསོད་སྙོམས་ཀྱི་ཕུད་ཕུལ་ཏེ་སླར་མཆིས་ཀྱི་བར་དུ་གཞེས་ཤིག་དང ། དེའི་འོག་ཁྱོད་ལ་རས་ཡུག་
Cha136b
ཆེན་གསོལ་ལོ། །ཉེ་དགས་བསམ་པ། ལྷུང་བཟེད་ནག་པོ་ཅན་འགའ་ཞིག་གིས་འདི་ལ་བསླངས་པ་དང ། དེ་ལ་སྦྱིན་པར་འགྱུར་རོ། །སྙམ་ནས། སྲིང་མོ། བདག་གིས་བསོད་སྙོམས་ཀྱི་ཕུད་ལེན་པ་དག་ཁྲིད་དེ་འོང་གི། དེའི་བར་དུ་འདི་ཉིད་དུ་སྡོད་ཅིག་།ཉེ་དགའ་རྒྱལ་བྱེད་ཚལ་དུ་ཞུགས་པ་དང ། དེས་དགེ་སློང་བསོད་སྙོམས་ཀྱི་ཕུད་ལེན་པ་དག་སྙིང་ལས་ཆུང་ངུར་འཁོད་པ་མཐོང་ནས། དེས་སྨྲས་པ། ཚེ་དང་ལྡན་པ་དག་།སྦྱིན་བདག་དག་ནི། ཁུར་གྱིས་ངལ་ཞིང་སྡོད་ལ། ཁྱེད་ཅག་ནི། འདི་ན་སྙིང་ལས་ཆུང་ངུར་འཁོད་ན་ཚུར་ཤེག་།བསོད་སྙོམས་ཀྱི་ཕུང་ལོངས་ཤིག་།དེ་དག་གིས་གཞོང་བུ་ཐོགས་ཏེ་དོང་བ་དང ། ུཏྤ་ལའི་མདོག་གིས་དེ་དག་ལ་བསོད་སྙོམས་ཀྱི་ཕུད་ཕུལ་ནས་རས་ཡུག་ཆེན་སྤྲུགས་ནས་ཉེ་དགའ་ལ་ཕུལ་ལོ། །ཉེ་དགས། ཁྱོད་སྦྱིན་པ་འདིས་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་དང ། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་།ཅེས་སྨྲས་སོ། །ུཏྤ་ལའི་མདོག་གིས་བསམ་པ། ད་དབྱར་ཁང་དུ་སོང་སྟེ་ཅི་རུང ། བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འགྲོ་བར་བྱའོ། །སྙམ་ནས། དེ་ནས་ཨུཏྤ་ལའི་མདོག ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།དེའི་ཚེ་ན་ཨུཏྤ་ལའི་མདོག་གི་ཆོས་གོས་ལྔ་ངན་ཅིང་སྣམ་སྦྱར་ཡང་རྙིང་པར་གྱུར་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། །དགེ་
Cha137a
༄#། །སློང་མ་རྣམས་ཀྱིས་དབྱར་གྱི་གོས་རྙེད་པ་མ་གྲུབ་བམ། བཙུན་པ། གྲུབ་བོ། །འོ་ན། ཅིའི་ཕྱིར་དགེ་སློང་མ་ཨུཏྤ་ལའི་མདོག་གི་ཆོས་གོས་ལྔ་ངན་ཅིང་སྣམ་སྦྱར་ཡང་རྙིང་པར་གྱུར། བཙུན་པ། སྲིང་མོ་འདི་ནི། དད་པ་ལྡན་ཞིང་བཟང་ལ་དགེ་བའི་བསམ་པ་ཅན་ལགས་ཏེ། འདིས་སངས་རྒྱས་སམ། ཆོས་སམ། དགེ་འདུན་ནམ། དགེ་སློང་ཡིད་དུ་འཐད་པ་དག་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མ་མཆིས་ཏེ། འདིས་དེང་ཡང་རས་ཡུག་ཆེན་རྙེད་ནས། དེ་ཡང་འདིས་བཙུན་པ་ཉེ་དགའ་ལ་ཕུལ་བར་གྱུར་ཏོ། །ཀུན་དགའ་བོ། དགེ་སློང་དག། དགེ་སློང་མ་ཉེ་དུ་མ་ཡིན་པ་ལ་གོས་ལྷག་པ་ལེན་ཏམ། བཙུན་པ། ལེན་ཏོ། །ཀུན་དགའ་བོ། དགེ་སློང་དག་།དགེ་སློང་མ་ཉེ་དུ་མ་ཡིན་པ་ལ། འདི་སྙམ་དུ་འདིའི་ཆོས་གོས་ལྔ་ཚང་ངམ། འོན་ཏེ་མ་ཚང་སྙམ་དུ་མི་སེམས་པར་འདི་ལྟར་ཐོབ་བོ་ཅོག་ལེན་པར་བྱེད་ཀྱི། ཉེ་དུ་ལ་ནི། བྱིན་ཡང་ལེན་པར་མི་བྱེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དགེ་སློང་མ་ཨུཏྤ་ལའི་མདོག་ལ་གཙུག་ལག་ཁང་ཆེན་པོ་ནས་ཆོས་གོས་ལྔ་བྱིན་ཅིག་།ཚེ་དང་ལྡན་པ་ཀུན་དགའ་བོས་དགེ་སློང་མ་ཨུཏྤ་ལའི་མདོག་ལ་གཙུག་ལག་ཁང་ཆེན་པོ་ནས་ཆོས་གོས་ལྔ་བྱིན་ནོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་
Cha137b
རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གིས་དགེ་སློང་མ་ཉེ་དུ་མ་ཡིན་པ་ལས་གོས་ལེན་ན། སྤང་བའི་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་བདག་གི་ཁྱིམ་ནོར་དུ་མ་དང་ལྡན་ན། བདག་གིས་འཇིག་རྟེན་ཕ་རོལ་གྱི་ལམ་རྒྱགས་ཅུང་ཞིག་ཀྱང་མ་ཁྱེར་རོ། །སྙམ་ནས། ལག་པ་ལ་འགྲམ་པ་གཏད་དེ། སེམས་ཁོང་དུ་ཆུད་ཅིང་འདུག་པ་ཆུང་མས་མཐོང་ནས་སྨྲས་པ། རྗེའི་སྲས། ཁྱོད་ཅིའི་སླད་དུ་ཕྱག་ལ་འགྲམ་པ་གཏད་དེ། སེམས་ཁོང་དུ་ཆུད་ཅིང་བཞུགས། བཟང་མོ། །ཁོ་བོའི་ཁྱིམ་ནོར་དུ་མ་དང་ལྡན་ན། བདག་གིས་འཇིག་རྟེན་ཕ་རོལ་གྱི་ལམ་རྒྱགས་ཅུང་ཟད་ཀྱང་མ་ཁྱེར་ཏེ། གལ་ཏེ་བདག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་གསོལ་ཏེ། རེ་རེ་ལ་རས་བཅོས་བུ་གསར་པ་ཕྲུགས་རེ་བསྐོན་ན། དེས་བདག་གི་འཇིག་རྟེན་ཕ་རོལ་གྱི་ལམ་རྒྱགས་ཁྱེར་བར་འགྱུར་རོ། །ཆུང་མས་སྨྲས་པ། རྗེའི་སྲས། དེ་བཞིན་མཛོད་ཅིག་།དེ་ནས་ཁྱིམ་བདག་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་
Cha138a
༄#། །མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཁྱིམ་བདག་དེ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་བྱས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་གདུགས་ཚོད་གསོལ་བ་ཅི་གནང ། བཅོམ་ལྡན་འདས་ཀྱིས་ཁྱིམ་བདག་དེ་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་དེས། བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བར་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཁྱིམ་བདག་དེས་དེ་ཉིད་ཀྱི་མཚན་མོ་བཅའ་བ་དང ། བཟའ་བ་གཙང་ཞིང་བསོད་པ་ལེགས་པར་སྦྱར་ནས་ནང་པར་སྔར་ལངས་ཏེ།
Cha138b
གདན་བཤམས་ནས་ཆུ་ར་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས། བཙུན་པ། གདུགས་ཚོད་སྦྱོར་བའི་དུས་ལགས་ན། ད་བཅོམ་ལྡན་འདས་ཀྱིས་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་གདུགས་ཚོད་ལ་སྤྱན་དྲངས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང ། ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་དུ་བདར་ཏེ། ཁྱིམ་བདག་དེའི་བཀད་ས་ག་ལ་བ་དེར་གཤེགས་ཏེ་བྱོན་ནོ། །དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། རང་གི་ལག་ནས་བཅའ་བ་དང་བཟའ་བ་གཙང་ཞིང་བསོད་པས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མས་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ན། སངས་རྒྱས་ལ་སོགས་པ་དགེ་སློང་གི་དགེ་འདུན་རེ་རེ་ལ་རས་བཅོས་བུ་གསར་པ་ཕྲུགས་རེ་གསོལ་ཏོ། ། དེ་ནས་ཁྱིམ་བདག་དེས་སྟན་ཆེས་དམའ་བ་ཞིག་བླངས་ནས་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། དེ་ནས་བཅོམ་ལྡན་འདས་ཀྱིས་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་
Cha139a
༄#། །ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་ཁྱིམ་བདག་དེས་བཅོམ་ལྡན་འདས་ཀྱི་སླད་བཞིན་ཕ་ཟད་ཙམ་དུ་སོང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔ་ནས་ཕྱིར་ལོག་སྟེ་རང་གི་ཁྱིམ་ག་ལ་བ་དེར་སོང་ནས་ཕྱིན་པ་དང ། སྟེང་གི་ཁང་བཟང་གི་གཞིར་གཏོགས་པ་ན། གཏོང་བ་རྗེས་སུ་དྲན་པ་སྒོམ་པ་ན་ཆུང་མ་ལ་སྨྲས་པ། བཟང་མོ། བདག་ཅག་གིས་འཇིག་རྟེན་ཕ་རོལ་གྱི་ལམ་རྒྱགས་མང་དུ་ཁྱེར་གྱི། མཆོག་ཏུ་དགའ་བ་དང ། རྗེས་སུ་ཡི་རང་བར་གྱིས་ཤིག་།ཆུང་མས་སྨྲས་པ། རྗེའི་སྲས་ཀྱིས་ནི། འཇིག་རྟེན་ཕ་རོལ་གྱི་ལམ་རྒྱགས་བསྣམས་ན། བདག་གིས་མ་འཚལ་ཏོ། །བཟང་མོ། བདག་ཅག་གཉིས་ཀྱི་ལོངས་སྤྱོད་དག་ཐུན་མོང་མ་ཡིན་ནམ། རྗེའི་སྲས། འདི་ལྟར་སྐོལ་ཅག་གི་ལོངས་སྤྱོད་དག་ཐུན་མོང་ལགས་མོད་ཀྱི། འོན་ཀྱང་བདག་གིས་ཀྱང་སྐྱེ་རྒུའི་བདག་མོ་ཆེན་པོ་གོའུ་ཏ་མི་ལ་སོགས་པ་དགེ་སློང་མའི་དགེ་འདུན་བཤོས་གསོལ་ཏེ་ཆེན་པོ་ལ་འོས་པའི་གོས་དག་ཕུལ་ན། དེ་ལྟ་ན། བདག་གིས་ཀྱང་འཇིག་རྟེན་ཕ་རོལ་གྱི་ལམ་རྒྱགས་འཚལ་བར་འགྱུར་རོ། །ཁྱིམ་བདག་གིས་སྨྲས་པ། བཟང་མོ། ཅི་སྔར་སྦྱིན་པ་བྱིན་ནས།
Cha139b
ཕྱིས་སྦྱིན་པར་བྱར་མེད་དམ། དེ་བཞིན་གྱིས་ཤིག་།དེ་ནས་ཁྱིམ་བདག་གི་ཆུང་མ་དེ། སྐྱེ་རྒུའི་བདག་མོ་ཆེན་མོ་གོའུ་ཏ་མི་ག་ལ་བ་དེར་སོང་སྟེ་ཕྱིན་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མིའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མིས་ཁྱིམ་བདག་གི་ཆུང་མ་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་ཅང་མི་སྨྲའོ། །དེ་ནས་ཁྱིམ་བདག་གི་ཆུང་མ་དེ་སྟན་ལས་ལངས་ཏེ། སྐྱེ་རྒུའི་བདག་མོ་ཆེན་མོ་གོའུ་ཏ་མི་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་འདི་སྐད་ཅེས་སྨྲས་སོ། །འཕགས་མ། སང་བདག་གི་སྡུམ་པར་དགེ་སློང་མའི་དགེ་འདུན་དང་ཐབས་ཅིག་གདུགས་ཚོད་གསོལ་བར་ཅི་གནང ། སྐྱེ་རྒུའི་བདག་མོ་ཆེན་མོ་གོའུ་ཏ་མིས་ཁྱིམ་བདག་གི་ཆུང་མ་དེ་ལ་ཅང་མི་སྨྲ་བས་དང་དུ་བླངས་སོ། །དེ་ནས་ཁྱིམ་བདག་གི་ཆུང་མ་དེས། སྐྱེ་རྒུའི་བདག་མོ་ཆེན་མོ་གོའུ་ཏ་མིས་ཅང་མི་སྨྲ་བས་དང་དུ་བླངས་པར་རིག་ནས། སྐྱེ་རྒུའི་བདག་མོ་ཆེན་མོ་གོའུ་ཏ་མིས་སྨྲས་པ་ལ་མངོན་པར་དགའ་བ་དང ། རྗེས་སུ་ཡི་རང་བར་བྱས་ཏེ། སྐྱེ་རྒུའི་བདག་མོ་ཆེན་
Cha140a
༄#། །མོ་གོའུ་ཏ་མིའི་རྐང་པ་གཉིས་ལ་མགོ་བོས་ཕྱག་འཚལ་ནས། སྐྱེ་རྒུའི་བདག་མོ་ཆེན་མོ་གོའུ་ཏ་མིའི་དྲུང་ནས་སོང་ངོ ། །དེ་ནས་ཁྱིམ་བདག་གི་ཆུང་མ་དེས་དེ་ཉིད་ཀྱི་མཚན་མོ་བཅའ་བ་དང ། བཟའ་བ་གཙང་ཞིང་བསོད་པ་ལེགས་པར་སྦྱར་ནས་ནང་པར་སྔར་ལངས་ཏེ་སྟན་བཤམས་ནས་ཆུ་ར་བཞག་སྟེ། སྐྱེ་རྒྱུའི་བདག་མོ་ཆེན་མོ་གོའུ་ཏ་མི་ལ་སྤྱན་འདྲེན་གྱིས། འཕགས་མ།་གདུགས་ཚོད་སྦྱར་བའི་དུས་ལགས་ན། ད་འཕགས་མས་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་དྲོ་ལ་བོས་སོ། །དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་དགེ་སློང་མའི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་མའི་དགེ་འདུན་གྱིས་མདུན་དུ་བདར་ཏེ། ཁྱིམ་བདག་གི་ཆུང་མ་དེའི་བཀད་ས་ག་ལ་བ་དེར་སོང་སྟེ་ཕྱིན་ནས་དགེ་སློང་མའི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ། དེ་ནས་ཁྱིམ་བདག་གི་ཆུང་མ་དེས། སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་སོགས་པ་དགེ་སློང་མའི་དགེ་འདུན་བདེ་བར་འདུག་པར་རིག་ནས་རང་གི་ལག་ནས་བཅའ་བ་དང ། བཟའ་བ་གཙང་ཞིང་བསོད་པས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མས་བཅའ་བ་དང་བཟའ་བ་གཙང་ཞིང་བསོད་པས། རང་གི་ལག་ནས་ཚིམ་པར་བྱས་ཤིང་བསྟབས་ནས། དེས་ཆེན་པོ་ལ་འོས་པའི་གོས་དག་གི་སྤྲོག་མ་ཕྱེ་ནས། ཆེན་པོ་ལ་འོས་པའི་གོས་དག་ཐོགས་ཏེ་རྒན་པའི་མཐའ་ལོགས་
Cha140b
སུ་འདུག་གོ། དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་དགེ་སློང་མ་རྣམས་ལ་ཆེན་པོ་ལ་འོས་པའི་གོས་དག་དགག་པ་མཛད་པ། གལ་ཏེ་རེ་ཞིག་བླངས་པར་གྱུར་ན་ནི། བསླབ་པའི་གཞི་འཁྲུགས་པར་ཡང་འགྱུར། གལ་ཏེ་མ་བླངས་ན་ནི། ཁྱིམ་བདག་གི་ཆུང་མའི་བསོད་ནམས་ཀྱི་བར་ཆད་དང ། དགེ་སློང་མའི་དགེ་འདུན་གྱི་རྙེད་པའི་བར་ཆད་དུ་འགྱུར་རོ། །སྙམ་མོ། །དགེ་སློང་མ་རྣམས་ཀྱིས་བསམ་པ། ཀྱེ་མ། འཕགས་མ་སྐྱེ་རྒུའི་བདག་མོ་ཆེན་མོ་གོའུ་ཏ་མིས་ཆེན་པོ་ལ་འོས་པའི་གོས་དག་བླངས་པར་གྱུར་ཅིག་།བདག་ཅག་གིས་བླངས་པར་གྱུར་ན། བཅོམ་ལྡན་འདས་ཀྱིས་ཀྱང་དུས་ལགས་པའི་སླད་དུ་གནང་བར་འགྱུར་རོ། །སྙམ་མོ། །དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མིས་ཆེན་པོ་ལ་འོས་པའི་གོས་དག་བླངས་ནས། ཁྱིམ་བདག་གི་ཆུང་མ་ལ་ཡོན་བཤད་པ་བྱས་ཏེ་སྟན་ལས་ལངས་ནས་སོང་སྟེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མིས་སྐབས་དེ། བཅོམ་ལྡན་འདས་ལ་རྒྱས་པར་གསོལ་ཏོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་འདི་སྐད་ཅེས་བཀའ་སྩལ་ཏོ། །གོའུ་ཏ་མི། ངས་གནང་བ་གང་ཡིན་པ་དེ་ཁྱོད་ཀྱིས་ཤེས་པ་ལེགས་སོ། །ལེགས་སོ། དེ་ལྟ་བས་ན། ངས་དགེ་སློང་མ་རྣམས་ཀྱིས་ཆེན་པོ་ལ་
Cha141a
༄#། །འོས་པའི་གོས་དག་བླངས་ནས་དགེ་སློང་རྣམས་དང་ལྷན་ཅིག་བརྗེ་བར་བྱ་བ་རྗེས་སུ་གནང་ངོ ། །དེ་ནས་དགེ་སློང་མ་བཅུ་གཉིས་སྡེ་དག་གིས། གོས་དེ་དག་ཁྱེར་ཏེ་དྲུག་སྡེ་དག་གི་གན་དུ་དོང་ནས་སྨྲས་པ། འཕགས་པ་དག་།བཅོམ་ལྡན་འདས་ཀྱིས་དགེ་སློང་མ་རྣམས་ལ་ཆེན་པོ་ལ་འོས་པའི་གོས་དག་དགག་པ་མཛད་དེ། བདག་ཅག་གིས་ཆེན་པོ་ལ་འོས་པའི་གོས་རྙེད་པ་འདི་དག་ཁྱེད་བཞེས་ལ། བདག་ཅག་ལ་ངན་པ་དག་སྩོལ་ཅིག་།དྲུག་སྡེ་དག་གིས་སྨྲས་པ། སྲིང་མོ་དག་།བདག་ཅག་ལ་དགེ་སློང་མའི་རས་མ་དག་དགོས་པ་མེད་དེ། དེའི་ཚེ་ཡང་བདག་ཅག་བྱིས་པ།་རྨོངས་པ། མི་གསལ་པ། མི་མཁས་པ་དག་ལ་ཁུར་དག་བསླང་བར་གྱུར་གྱི། བདག་ཅག་མི་ལེན་ཏོ། །དགེ་སློང་མ་གཞན་དག་།དགེ་སློང་གནས་བརྟན་གནས་བརྟན་རྣམས་ཀྱི་དྲུང་དུ་དོང་སྟེ་སྨྲས་པ།་འཕགས་པ་དག་།བཅོམ་ལྡན་འདས་ཀྱིས་དགེ་སློང་མ་རྣམས་ལ་ཆེན་པོ་ལ་འོས་པའི་གོས་དག་དགག་པ་མཛད་དེ། བདག་ཅག་གིས་ཆེན་པོ་ལ་འོས་པའི་གོས་རྙེད་པ་འདི་དག་ཁྱེད་བཞེས་ལ། བདག་ཅག་ལ་ངན་པ་དམན་པ་དག་སྩོལ་ཅིག་།སྲིང་མོ་དག། བཅོམ་ལྡན་འདས་ལ་ཞུའོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། བརྗེས་པ་མ་གཏོགས་སོ། །དེ་ལ་བརྗེ་བ་ནི། འདི་ཡིན་ཏེ། དེ་ཙམ་གྱིས་སམ། ཇི་ཙམ་གྱིས་དགེ་སློང་མ་དགའ་བར་འགྱུར་བས་བརྗེ་བར་བྱའོ། །དེ་ནས་
Cha141b
བཅོམ་ལྡན་འདས་ཀྱིས་བསླབ་པ་འདོད་པའི་བསྔགས་པ་བརྗོད་དེ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། ཕྲི་བ་དང ། དྲོད་རིག་པའི་བསྔགས་པ་བརྗོད་དོ། །དགེ་སློང་རྣམས་ལ་ཡང་དེ་དང་མཐུན་པ་དང ། དེ་དང་འཚམ་པ་དང ། དེའི་ཤས་ཆེ་བ་དང ། དེ་དང་ལྡན་པའི་ཆོས་དང་མཐུན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལས་གོས་ལེན་ན། བརྗེས་པ་མ་གཏོགས་ཏེ། སྤང་པའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི། ཆོས་འདི་པའོ། །ཉེ་དུ་མ་ཡིན་པ་ལས་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །གོས་ཞེས་བྱ་བ་ནི། གོས་བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་ལས་གང་ཡང་རུང་བའོ། །ལེན་ན་ཞེས་བྱ་བ་ནི། བདག་གིར་བྱེད་ནའོ། ། བརྗེས་པ་མ་གཏོགས་ཏེ་ཞེས་བྱ་བ་ནི། བརྗེས་པ་བཞག་སྟེའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས། ལྟུང་བྱེད་ཀྱི་ལྟུང་བ་བཤགས་པར་བྱ་སྟེ། དེ་ན་སྤང་བའི་ལྟུང་བྱེད་དོ། །
Cha142a
༄#། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལས་ཉེ་དུ་མ་ཡིན་པའི་འདུ་ཤེས་ཀྱིས་གོས་ལེན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་མ་ཡིན་པ་ལས་ཡིད་གཉིས་ཟ་བས་གོས་ལེན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལས་ཉེ་དུ་མ་ཡིན་པའི་འདུ་ཤེས་ཀྱིས་གོས་ལེན་ན། ཉེས་བྱས་སུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལས་ཡིད་གཉིས་ཟ་བས་གོས་ལེན་ན། ཉེས་བྱས་སུ་འགྱུར་རོ། །དགེ་འདུན་ལ་གོས་འབུལ་བ་དང ། ལེགས་པར་སྨྲ་བ་ལ་ལྟུང་བ་མེད་དོ། །རྫོགས་པར་བརྙན་པར་བྱེད་པ་དང ། བོར་བརླག་བྱུང་བ་ལ་ལྟུང་བ་མེད་དོ། །རིན་གྱིས་ལེན་པ་དང་བརྗེས་པ་ལ་ལྟུང་བ་མེད་དོ། །དགེ་སློང་མ་གྲགས་པ་བསོད་ནམས་ཆེ་བ་ཡིན་ལ། དེས་དགེ་སློང་གི་མདུན་དུ་བཞག་ནས་འདི་སྐད་ཅེས། འཕགས་པ། བདག་ལ་རྫས་འདི་ལྟ་བུ་དག་མཆིས་ཀྱི། འཕགས་པས་བདག་ལ་ཐུགས་བརྩེ་བའི་སླད་དུ་བཞེས་ཤིག་ཅེས་བརྗོད་དེ། མི་ལྟོས་པར་སོང་བ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལེན་པའི་སྤང་བ་སྟེ། ལྔ་པ་རྫོགས་སོ།། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས། རིགས་མཉམ་པ་ལས་
Cha142b
ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེས་ཆུང་མ་ལ་སྨྲས་པ། བཟང་མོ། ཁོ་བོ་ཟོང་ཐོགས་ཏེ་ཡུལ་གཞན་དུ་འགྲོའོ། །རྗེའི་སྲས། རེ་ཞིག་གཞོན་པའི་གནས་སྐབས་སུ་རོལ་བ་དང ། དགྱེས་པ་དང ། དགྱེས་མགུར་སྤྱོད་པ་མཛོད་ལ། བགྲེས་པའི་གནས་སྐབས་སུ་ནོར་སྒྲུབ་པར་མཛོད་ཅིག། བཟང་མོ། ཇི་ཙམ་དུ་གཞོན་པའི་འབྱུང་བ་ཆེན་པོ་དག་ནི། གྲང་བ་དང ། དྲོ་བ་བཟོད་པ་ཡིན་པས། ཇེ་ནོར་བསྒྲུབ་པར་བྱ་ཞིང ། རྒས་པའི་གནས་སྐབས་སུ་བདེ་བ་སྤྱོད་ཅིང་འདུག་པར་བྱའོ། །ཆུང་མས་བསམ་པ། བདག་གིས་བསྐུར་བར་བྱ་བ་གང་ཡིན་པ་དེ་རང་ཉིད་བྱེད་དོ། །སྙམ་ནས་སྨྲས་པ། རྗེའི་སྲས། དེ་ལྟར་མཛོད་ཅིག་།ཁྱིམ་བདག་དེས་ཆུང་མ་དེ་ལ་ཁ་ཟས་ཙམ་བྱིན་ནས་ཟོང་ཁྱེར་ཏེ་ཡུལ་གཞན་དུ་སོང་ངོ ། །དེའི་ཆུང་མ་དེས་བསམ་པ། བདག་གིས་ཁྱིམ་ཐབ་གྲང་བ་ན་གྲང་བས་སྦྲེབས་བཞིན་པ་དང ། ཚ་བ་ན་ཚ་བས་གདུངས་བཞིན་པ་དང ། བཀྲེས་པ་དང་སྐོམ་པས་གནོད་བཞིན་པ་དང ། ཤ་སྦྲང་དང ། སྦྲང་བུ་དང ། རླུང་དང ། ཉི་མ་དང ། སྡིག་སྦྲུལ་གྱི་རེག་པ་དག་གིས་ཉེན་བཞིན་དུ་ལོངས་སྤྱོད་དག་མངོན་པར་བསྒྲུབ་པའི་ཕྱིར་སྤྲོ་བར་བྱེད། འབད་པར་བྱེད། རྩོལ་བར་བྱེད་པ་གང་ཡིན་པ་དེ་དག་ཐམས་ཅད་བདག་གི་ཕྱིར་བྱའོ། །སྙམ་པ་ཡིན་པས། བདག་ལས་མེད་པར་འདུག་པ་ནི། བདག་གི་ཚུལ་དང་མཐུན་པ་མ་ཡིན་ནོ། །སྙམ་ནས། དེས་ཚོང་འདུས་སུ་སོང་སྟེ་རས་བལ་བཟང་པོ་བླངས་ནས་དོག་པ་བཟང་པོ་བཀལ་ཏེ། ཐ་ག་པ་མཁས་པ་ལ་རས་ཟུང་བཟང་
Cha143a
༄#། །པོ་འཐག་ཏུ་བཅུག་ནས། དེས་རས་དེ་སྤོས་སྣ་ཚོགས་ཀྱིས་བསྒོ་སྟེ། གོས་ཀྱི་ཟ་མ་ཏོག་ཏུ་བཅུག་སྟེ་བཞག་གོ་།ཁྱིམ་བདག་དེས་ཀྱང་དོན་ལེགས་པར་གྲུབ་ནས་ཁེ་སྤོགས་རྙེད་དེ་ལེགས་པར་འོངས་ནས། ཆུང་མ་དེས་ཁྱིམ་བདག་དེ་ཁྲུས་བྱས་ནས་དེ་ལ་རས་ཟུང་དེ་ཕུལ་ལོ། །ཁྱིམ་བདག་དེས་བསམ་པ། བདག་གིས་འདི་ལ་ཁ་ཟས་ཙམ་བཞག་པ་གང་ཡིན་པ་དེ་དག་ཐམས་ཅད་ཀྱིས་ཀྱང་རས་ཟུང་འདི་མི་རྙེད་དོ། །སྙམ་དུ་རིག་ནས་ཆུང་མ་ལ་སྨྲས་པ། བཟང་མོ། །རས་ཟུང་འདི་ག་ལས་རྙེད། རྗེའི་སྲས། ཇེ་གསོལ་ཅིག་།ཁྱིམ་བདག་དེས་དེ་གྱོན་ནས་ཡང་དྲིས་པ། བཟང་མོ། །རས་ཟུང་འདི་ག་ལས་རྙེད། རྗེའི་སྲས། ཇེ་བཤོས་སྣོམས་ཤིག་།དེས་ཟན་ཟོས་ནས་ཡང་དྲིས་པ། བཟང་མོ། །རས་ཟུང་འདི་ག་ལས་རྙེད། དེས་སྐབས་དེ་རྒྱས་པར་བརྗོད་པ་དང ། ཁྱིམ་བདག་གིས་སྨྲས་པ། བཟང་མོ། །ལེགས་སོ། །ཁོ་བོ་ནི། སྒྲུབ་པ་ཡིན་ལ། ཁྱོད་ཀྱང་འདི་ལྟར་སྦེད་པ་ཡིན་ན། བདག་ཅག་གི་ལོངས་སྤྱོད་དག་རིང་པོར་མི་ཐོགས་པ་ཁོ་ནར་འཕེལ་ཞིང་རྒྱས་པ་དང ། ཡངས་པར་འགྱུར་རོ། །ཆུང་མས་སྨྲས་པ། རྗེའི་སྲས། འདི་དག་ནི། བདག་གིས་དཀའ་བས་བསྒྲུབས་པ་ལགས་ཀྱི། ཁྱོད་ཀྱིས་སུ་ལ་ཡང་མ་སྩོལ་ཅིག་།ཁྱིམ་བདག་དེ་དད་པ་དང་ལྡན་པ། བཟང་བ། དགེ་བའི་བསམ་པ་ཅན་ཡིན་པས། དེ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་རྒྱལ་བྱེད་ཀྱི་ཚལ་དུ་བྱུང་སྟེ་འགྲོ་བ་ན། མི་སྒོ་བས་མཐོང་ནས་དེས་བསམ་པ། ཁྱིམ་བདག་འདི་རས་ཟུང་འདི་ལྟ་བུ་གྱོན་པ་ལས་ན།
Cha143b
འདིས་ནི། རྙེད་པ་མང་པོ་རྙེད་པ་ཡིན་ནོ། །སྙམ་མོ། །དྲུག་སྡེ་དག་གི་ཀུན་ཏུ་སྤྱོད་པ་ནི། དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས། ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས། ཁྱིམ་བདག་དེ་མཐོང་ནས་བསམ་པ། ཁྱིམ་བདག་འདི། རས་ཟུང་འདི་ལྟ་བུ་གྱོན་པ་ལས་ན། འདིས་ནི། རྙེད་པ་མང་པོ་རྙེད་པ་ཡིན་གྱི། གལ་ཏེ་བདག་གིས་འདི་མ་འཕྲོག་ན། ཉེ་དགའ་ཞེས་བྱ་བའི་མིང་མི་གཟུང་ངོ ། །སྙམ་ནས། དེས་དེ་ལ་སྨྲས་པ། ཁྱིམ་བདག་།འོངས་པ་ལེགས་སོ། །འོངས་པ་ལེགས་སོ། །ཁྱོད་ཡུན་རིང་མོ་རིང་མོ་ནས་ཟླ་བ་བཞིན་དུ་ག་ལས་འཁོར་འཁོར། འཕགས་པ། བདག་ཟོང་ཐོགས་ཏེ་ཡུལ་གཞན་དུ་མཆིས་པར་གྱུར་ཏོ། །ཁྱིམ་བདག་།ཁྱོད་ཀྱིས་རྙེད་པ་མང་པོ་གྲུབ་བམ། འཕགས་པ། ཆང་ཆུང་ཙམ་མོ། །ཁྱིམ་བདག་།མཚེའུ་ནི། རྙོག་པ་ཅན་ནམ། དང་བའི་རྒྱུ་མཐུན་པས་རིག་པར་བྱ་སྟེ། ཁྱོད་རས་ཟུང་འདི་ལྟ་བུ་གྱོན་པ་ལས་ན། ཁྱོད་ཀྱིས་རྙེད་པ་མང་པོ་གྲུབ་པར་མངོན་པས་ཚུར་ཤོག་།ཆོས་བསྟན་པར་བྱའོ། །དྲུག་སྡེ་དག་གི་ཀུན་ཏུ་སྤྱོད་པ་ནི། གལ་ཏེ་ཚུལ་ཁྲིམས་ཀྱི་གཏམ་དག་བྱེད་ན། ཉན་པ་པོ་དག་།བདག་ཅག་ལྷ་རྣམས་སུ་སྐྱེས་སོ། །སྙམ་དུ་སེམས་ལ། གལ་ཏེ་སྦྱིན་པའི་གཏམ་དག་བྱེད་ན། ཉན་པ་པོ་དག་།རང་གི་ཤ་གང་ཡིན་པ་དེ་ཡང་བཅད་ཅིང་བཅད་ཅིང་སྦྱིན་པར་བྱའོ། །སྙམ་དུ་སེམས་སོ། །གལ་ཏེ་ངན་སོང་གི་གཏམ་དག་བྱེད་ན། ཉན་པ་པོ་དག་།བདག་ཅག་ངན་སོང་རྣམས་སུ་སྐྱེས་སོ། །སྙམ་དུ་སེམས་པར་འགྱུར་བ་ཡིན་ནོ། །ཁྱིམ་
Cha144a
༄#། །བདག་དེས། ཉེ་དགའི་རྐང་པ་གཉིས་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འདུག་པ་དང ། ཉེ་དགས་དེ་ལ་ཆོས་བསྟན་པར་བརྩམས་ནས་དེས་དེ་ལ་ཅི་ནས་ཀྱང་དེའི་སེམས་དད་པར་འགྱུར་བ་དེ་ལྟར་ཆོས་ཀྱི་གཏམ་བྱས་སོ། །དེ་དད་པར་གྱུར་ནས་སྨྲས་པ། བདག་གིས་འཕགས་པ་ལ་ལེགས་པར་གསུངས་པའི་ན་བཟའ་ཕྲུགས་ཅིག་འབུལ་ལོ། །བཞིན་བཟང ། ་རོག་ཀྱ། སྦྱིན་པ་འདིས་ཁྱོད་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་དང ། ལྷ་རྣམས་ཀྱི་གོས་དག་ཐོབ་པར་གྱུར་ཅིག། བཞིན་བཟང་བཅོམ་ལྡན་འདས་ཀྱིས་ཀྱང་འདི་སྐད་ཅེས། སང་དག་འཆི་ཡང་སུས་ཤེས་ཀྱི། །དེ་རིང་ཉིད་དུ་བརྟུལ་ཏེ་བྱ། །འཆི་བདག་སྡེ་ཆེན་དེ་དང་ནི། །ཁྱེད་ཅག་བཤེས་པ་མ་ཡིན་ནོ། །ཞེས་གསུངས་ཀྱི། བཞིན་བཟང ། ཁྱེད་ཀྱིས་རས་ཟུང་བཟང་པོ་གྱོན་པ་འདི་ཉིད་ཁོ་བོ་ལ་བྱིན་ཅིག་དང ། ཁོ་བོས་འདི་ལ་སྣམ་སྦྱར་ཉིས་རིམ་བྱས་ཏེ། སེམས་ལས་ཆུང་དུས་དགེ་བའི་ཕྱོགས་ལ་བདེ་བར་ཏྲོན་བྱའོ། །འཕགས་པ།་ཁྱོད་འདི་བཞེད་དམ། ལྷའི་གནས་ཀྱི་ལྷག་མ་ཇི་ལྟ་བ་བཞིན་དུའོ། །འཕགས་པ། བདག་ཁྱོད་ལ་མི་འབུལ་བ་མ་ལགས་ན། འདི་ལྟར། འདི་ནི། མཆིས་བྲང་གིས་བདག་ལ་སྩལ་པ་ལགས་སོ། །ཁྱིམ་བདག། ཁོ་བོས་ཁྱོད་གཞན་ལ་དད་པར་བྱས་ན། ཁྱོད་ཀོ་བུད་མེད་ཁོ་ནའི་དབང་ཡིན་ནམ་ཞེས་ཉེ་དགས་དངན་དུས་ཀྱི་ཕྱེད་ཀྱིས་དེའི་བླ་གོས་བླངས་ནས། དེ་ལག་པ་གཉིས་འདྲིལ་
Cha144b
བར་བྱེད། བཞིན་སྒྱུར་བར་བྱེད་དོ། །ཁྱིམ་བདག་གིས་དེ་ལ་སྨྲས་པ། འཕགས་པ། འདི་ཅིའི་ཐ་ཚིག་།ཁྱིམ་བདག་།འདི་ནི། ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་བྱ་བའི་གཞི་ནི། ཡོད་ན། ཡོངས་སུ་ལོངས་སྤྱོད་པ་ལས་བྱུང་བའི་བསོད་ནམས་བྱ་བའི་གཞི་ནི་མེད་དེ། ནམ་ཞིག་ན་འདི་དང་འདྲ་བ་རྙེད་ནས། འདི་ལས་ཆོས་གོས་བྱེད་པར་འགྱུར་བས། འདི་ཆོས་གོས་ཀྱི་རྡང་ཁོ་ན་ལ་ཟད་པར་འགྱུར་རོ། །འཕགས་པ། ཅི། བདག་སྒྲེན་མོར་མཆི་བར་བགྱིའམ། ཁྱིམ་བདག་།ཁྱོད་ལ་གོས་གྱོན་པས་ཅི་ཞིག་བྱ། ཚུལ་ཁྲིམས་དང ། རིགས་དང ། སྤྱོད་པ་གྱོན་པས་ཆོག་མོད། གཅེར་བུ་པ་ངོ་ཚ་ཤེས་པ་དང ། ཁྲེལ་ཡོད་པ་ཉམས་པ་དེ་དག་ནི། སྒྲེན་མོར་འགྲོ་ན། མི་སྡུག་པ་ཡིན་གྱི། ཁྱོད་ལྟ་བུ་ངོ་ཚ་ཤེས་པ་དང ། ཁྲེལ་ཡོད་པ་དང་ལྡན་པ་ལ་སྒྲེན་མོར་འགྲོ་བ་མི་སྡུག་པ་ཅི་ཡོད། ཁྱིམ་བདག། ཁྱོད་དོར་ཐུང་མི་གྱོན་ནམ། འཕགས་པ། འཚལ་ལོ། །ཁྱིམ་བདག་།ཁྱིམ་བདག་རྣམས་ཀྱི་ཀུན་ཏུ་སྤྱོད་པ་ནི། དོར་ཐུང་གྱོན་ཏེ། ཤིང་ཚལ་ཐོགས་ནས་བ་ལང་གི་ཕྱི་བཞིན་འགྲོ་བ་ཡིན་པས། ཁྱོད་ཀྱང་ཤིང་ཚལ་ཐོགས་ལ་བ་ལང་གི་ཕྱི་བཞིན་སོང་ཞིག་དང ། སྐྱེ་བོ་དག་གིས་བ་ལང་བསུར་འགྲོ་བ་ཕྱིར་བྱུང་བ་ཞིག་ཡིན་པར་ཤེས་པར་འགྱུར་རོ། །ཞེས་ཉེ་དགས་དང་ན་དུས་ཀྱི་ཕྱེད་ཀྱིས་དེའི་སྨད་གཡོགས་ཀྱང་བླངས་སོ། །ཁྱིམ་བདག་དེ་ཤིང་ཚལ་ཐོགས་ཏེ་བ་ལང་གི་ཕྱི་བཞིན་ཞུགས་པ་དང ། མི་སྒོ་བས་མཐོང་ནས་སྨྲས་པ། ཁྱིམ་བདག་།ཁོ་བོས་ད་ཅི་ཁོ་ན་ཁྱོད་ཆེན་པོ་ལ་འོས་པའི་རས་ཟུང་གྱོན་པར་མཐོང་ན། ཅི།
Cha145a
༄#། །དེ་དག་ཆོམ་རྐུན་པ་དག་གིས་བཅོམ་མམ། བཞིན་བཟང ། ཁོ་བོ་ཆོམ་རྐུན་པ་དག་གིས་ནི། མ་བཅོམ་མོད་ཀྱི། འདི་ལྟར། བཙུན་པ་ཉེ་དགས་ཁའི་ཆོས་ཀྱིས་བཅོམ་མོ། །ཁྱིམ་བདག་མགོན་མེད་ཟས་སྦྱིན་གྱི་ཀུན་ཏུ་སྤྱོད་པ་ནི། ནང་བར་སྔར་ལངས་ཏེ་འཁོར་ལྔ་བརྒྱ་དང་ལྷན་ཅིག་བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་དུ་འགྲོ་བ་ཡིན་པས། ཁྱིམ་བདག་མགོན་མེད་ཟས་སྦྱིན་ནང་པར་སྔར་ལངས་ཏེ་འཁོར་ལྔ་བརྒྱ་དང་ལྷན་ཅིག་མཉན་ཡོད་ནས་བྱུང་སྟེ་འགྲོ་བ། མི་སྒོ་བས་མཐོང་ནས་དེས་སྨྲས་པ། ཁྱིམ་བདག་།ཁྱོད་ཀྱིས་དོན་མཐུན་མང་དུ་ཁྲིད་དེ་འོངས་ཀྱི། ཅི་ནས་ཀྱང་མི་ཆོམ་པར་བག་གྱིས་ཤིག་།ཀྱེ་ནང་རྗེ། རྒྱལ་བྱེད་ཀྱི་ཚལ་དང་ལམ་གྱི་བར་ན་ཆོམ་རྐུན་པ་དག་འཁོད་དམ་ཅི། ལམ་གྱི་བར་མ་ཡིན་གྱི། རྒྱལ་བྱེད་ཀྱི་ཚལ་ཉིད་ན་འཁོད་དོ། །ཀྱེ་ནང་རྗེ། ཁྱོད་ནི། བལ་གྱི་རིགས་ནག་པོ་དང་འདྲ་སྟེ། སྒོ་འདི་ནས་བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་དག་གཤེགས་པ་གང་གིས་ཀྱང་ཁྱོད་དཀར་པོར་མཛད་མ་སྤྱོད་དོ། །བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ཀྱི་རྡུལ་ནི། བདག་གིས་མགོས་བླངས་པ་ཡིན་ན། ཁ་སྩང་གི་ཉིན་མོ་ཁྱིམ་བདག་ཅིག་ཆེན་པོ་ལ་འོས་པའི་རས་ཟུང་གྱོན་ཏེ་བྱུང་བ་དེའི་རས་དེ། ཉེ་དགས་ཁའི་ཆོས་ཀྱིས་འཕྲོག་ནས། ཁྱིམ་བདག་དེ་སྨད་ཅིང་དོར་ཐུང་གིས་ཞུགས་པར་གྱུར་ཏོ། །དེ་ནས་ཁྱིམ་བདག་
Cha145b
མགོན་མེད་ཟས་སྦྱིན་འདི་སྙམ་དུ་སེམས་ཏེ། དེ་ནི། བདག་གི་བྱ་བ་ཡིན་ནོ། །སྙམ་ནས་རྒྱལ་བྱེད་ཀྱི་ཚལ་དུ་སོང་བ་དང ། ཉེ་དགས་མཐོང་ནས་སྨྲས་པ། ཁྱིམ་བདག་ཨ་རོག་ཀྱ། ཁྱིམ་བདག་གིས་སྨྲས་པ། ཨ་རོག་མ་ཀྱ་ཡང་རུང་ངོ ། །ཁྱིམ་བདག་།ཁྱོད་ཁོ་བོ་ལ་སྔན་ཆད་དུ་བ་འཐུལ་ན། དེ་ནི། མེ་ཁོ་ནར་འབར་རོ། །ཁོ་བོ་མེར་མི་འབར་དུ་ཇི་ལྟར་རུང ། གཞན་དག་རབ་ཏུ་བྱུང་བ་ནི། འདོད་པ་སྤང་བའི་ཕྱིར་ཡིན་ན། བཙུན་པ་ཉེ་དགའ་ནི། འདོད་པ་མངོན་པར་སྤེལ་བའི་ཕྱིར་ཁོ་ནར་ཡིན་ནོ། །ཁོ་བོས་ཅི་བྱས། ཁྱེད་ཀྱིས་ཁྱིམ་བདག་ཅིག་རྒྱལ་བྱེད་ཀྱི་ཚལ་བལྟར་འོངས་པ་དེའི་རས་ཟུང་དང་ན་དུས་ཀྱིས་འཕྲོག་ནས་ཁྱིམ་བདག་དེ་སྨོད་པར་མི་བྱེད་དམ། ཉེ་དགས་སྨྲས་པ། དེ་ནི། འཇིག་རྟེན་ན་ལྷ་ནི། སྦྱིན་པར་བྱེད་ལ། ཡི་དྭགས་ནི། ཟློག་པར་བྱེད་དོ། །ཞེས་ཟེར་བ་ཡིན་ནོ། །ཅི། དེས་ཁྱོད་ལ་རིལ་བ་བྷིང་གར་ཐོགས་ཏེ་ཕུལ་ལམ། ཁྱིམ་བདག་།གལ་ཏེ་མི་བཟོད་ན། བསླབ་པའི་གཞི་འཆར་ཆུག་ཅིག་།ཅི། ཁོ་བོས་དེ་ཡལ་བར་བོར་དུ་རེའམ། དེ་ནས་ཁྱིམ་བདག་མགོན་མེད་ཟས་སྦྱིན། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་མགོན་མེད་ཟས་སྦྱིན་གྱིས་འདི་སྐད་ཅེས་གསོལ་ཏོ། །བཙུན་པ། འཕགས་པ་འདི་དག་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལས་གོས་སློང་བར་བགྱིད་ན། ཀྱེ་མ་བཅོམ་ལྡན་འདས་ཀྱིས། གང་གིས་འཕགས་པ་དག་
Cha146a
༄#། །ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལས་གོས་སློང་བར་མི་འགྱུར་བར་འཕགས་པ་རྣམས་ལ་དྲན་པར་བགྱི་བ་ཅུང་ཞིག་བཅའ་བར་མཛད་པའི་རིགས་སོ། །བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཅང་མི་གསུང་པས་གནང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས། བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་སྟན་ལས་ལངས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེ་ནས་བཅོམ་ལྡན་འདས་ཀྱིས། བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་དེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་ཀྱིས་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པ་ལས་གོས་བསླངས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས། དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲང་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་
Cha146b
སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་སྟེ། གོས་སློང་ན། སྤང་བའི་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ།། །།འདུལ་བ་རྣམ་པར་འབྱེད་པ། བམ་པོ་སུམ་ཅུ་བ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གྲོང་ཕྲེང་བ་ཅན་པའི་དགེ་སློང་བཞི་བཅུ་དོན་མཐུན་པ་དང་ལྷན་ཅིག་ལྗོངས་རྒྱུ་ཞིང་དོང་པ་ན་ཆོམ་རྐུན་པ་དག་གིས་བཅོམ་ནས། དེ་དག་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཡང་དགེ་སློང་གང་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་སྟེ་གོས་སློང་ན་སྤང་བའི་ལྟུང་བྱེད་དོ། །ཞེས་བསླབ་པའི་གཞི་བཅའ་བ་མཛད་པས། འདི་ན་བདག་ལ་ཉེ་དུ་འགའ་ཡང་མེད་ཀྱི། བདག་ཅག་མཉན་ཡོད་དུ་སོང་ན། དེར་བདག་ཅག་ལ་ཚངས་པ་མཚུངས་པར་སྤྱོད་པ་རྣམས་ཀྱིས་གོས་དག་གིས་བགོ་བཤའ་བྱེད་པར་འགྱུར་རོ། སྙམ་ནས་དེ་དག་གིས་སྨྲས་པ། ཅི། བདག་ཅག་སྒྲེན་མོར་འདོང་བར་བྱའམ། མཚན་མོ་འགེབས་པར་འདོང་བར་བྱ་ཞིང ། ཉིན་མོ་ཚང་ཚིང་གི་ནང་དུ་ཞུགས་ཏེ་འཁོད་ལ། མཚན་མོ་ལམ་
Cha147a
༄#། །དུ་འཇུག་པར་བྱའོ། །ཞེས་དེ་དག་མཚན་མོ་འགེགས་པས་རྒྱལ་བྱེད་ཀྱི་ཚལ་དུ་སོང་བ་དང ། དགེ་སློང་ནམ་གྱི་ཆ་སྟོད་དང ། ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པ་དག་གིས་དེ་དག་མཐོང་ནས་སྨྲས་པ། གཅེར་བུ་སྒྲེ་བྱི་དག། འདི་ཁྱེད་ཀྱི་འདུག་གནས་ཀྱང་མ་ཡིན། གཙུག་ལག་ཁང་ཡང་མ་ཡིན་ན། ཁྱེད་ག་ལས་འོངས། ཚེ་དང་ལྡན་པ་དག། བདག་ཅག་ནི། གཅེར་བུ་མ་ཡིན་ནོ། །འོ་ན། ཁྱེད་ཅག་སུ་ཡིན། དགེ་སློང་དག་གོ་།དགེ་སློང་ལ་འདི་ལྟ་བུ་དག་ཡོད་དམ། གང་དག་ཆོམ་རྐུན་པ་དག་གིས་བཅོམ་པ་དག་ཅི་འདྲ་བ་ཡིན། ཁྱེད་ཅག་མིང་ཅི། གྲོང་ཕྲེང་བ་ཅན་དེའི་དགེ་སློང་བཞི་བཅུའོ། །ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཞེས་དེ་དག་གིས་དེ་དག་ལ་ལ་ལས་ནི། སྣམ་སྦྱར་བྱིན། །ལ་ལས་ནི།་བླ་གོས་བྱིན། ལ་ལས་ནི། མཐང་གོས་བྱིན། ལ་ལས་ནི། རྡུལ་ཟན་བྱིན་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དུས་མ་གཏོགས་ཏེ། དེ་ལ་དུས་ནི། འདི་ཡིན་ཏེ། དགེ་སློང་གོས་འཕྲོག་གམ། གོས་བརླགས་སམ། གོས་ཚིག་གམ། གོས་རླུང་གིས་ཁྱེར་ཏམ། གོས་ཆུས་ཁྱེར་ན། དེ་ལ་དེ་ནི། དུས་ཡིན་ནོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་ཡང་དེ་དང་མཐུན་
Cha147b
པ་དང ། དེའི་ཤས་ཆེ་བ་དང ། དེ་དང་ལྡན་པའི་ཆོས་དང་མཐུན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་སོང་སྟེ། གོས་སློང་ན།་དུས་མ་གཏོགས་ཏེ། སྤང་པའི་ལྟུང་བྱེད་དོ། །དེ་ལ་དུས་ནི། འདི་ཡིན་ཏེ། དགེ་སློང་གོས་འཕྲོག་གམ། གོས་བརླགས་སམ། གོས་ཚིག་གམ། གོས་རླུང་གིས་ཁྱེར་ཏམ། གོས་ཆུས་ཁྱེར་ན། དེ་ལ་དེ་ནི། དུས་ཡིན་ནོ། །ཡང་དགེ་སློང་གང་ཞེས་བྱ་བ་ནི། ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །ཁྱིམ་བདག་གམ་ཞེས་བྱ་བ་ནི། སྐྱེས་པའོ། །ཁྱིམ་བདག་གི་ཆུང་མ་ཞེས་བྱ་བ་ནི། བུད་མེད་དོ། ། ཉེ་དུ་མ་ཡིན་པའི་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ཀྱི་བདུན་བ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །གན་དུ་སོང་སྟེ་ཞེས་བྱ་བ་ནི། དྲུང་དུ་སོང་སྟེའོ། །གོས་ཞེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། རས་བལ་གྱི་གོས་དང ། དུ་གུ་ལའི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་ལས་གང་ཡང་རུང་བའོ། །སློང་ན་ཞེས་བྱ་བ་ནི། སློང་མོ་བྱེད་ནའོ། །དུས་མ་གཏོགས་ཏེ་ཞེས་བྱ་བ་ནི། དུས་བཞག་སྟེའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱའོ། །དེ་
Cha148a
༄#། །ལ་དུས་ནི། འདི་ཡིན་ཏེ། དགེ་སློང་གོས་འཕྲོག་གམ་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་ཆོམ་རྐུན་པ་དག་གམ། གཡོན་ཅན་དག་གིས་འཕྲོག་པར་གྱུར་པའོ། །གོས་བརླགས་སམ་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་བརླགས་པར་གྱུར་པའམ། འཁྱམས་པར་གྱུར་པའོ། །གོས་ཚིག་གམ་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་མེས་ཚིག་པར་གྱུར་པའོ། །གོས་རླུང་གིས་ཁྱེར་ཏམ་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་རླུང་གིས་ཁྱེར་བར་གྱུར་པའོ། །གོས་ཆུས་ཁྱེར་ན་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་ཆུས་ཁྱེར་བར་གྱུར་བའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། རིན་ཐང་དང ། ཁ་དོག་དང ། ཁྲུ་ཚད་ལས་ཏེ། ཇི་ལྟར་རིན་ཐང་ལས་ཤེ་ན། དགེ་སློང་གིས་གོས་ཀཪྴ་པ་ཎ་ལྔ་རི་བ་སློང་བར་བྱེད་ཅིང ། དེས་ཀཪྴ་པ་ཎ་ལྔ་རི་བའི་གོས་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །ཀཪྴ་པ་ཎ་ལྔ་རི་བ་ཇི་ལྟ་བ་བཞིན་དུ། ཀཪྴ་པ་ཎ་བཅུ་རི་བ་དང ། ཀཪྴ་པ་ཎ་བཅོ་ལྔ་རི་བ་དང ། ཀཪྴ་པ་ཎ་ཉི་ཤུ་རི་བ་དང ། ཀཪྴ་པ་ཎ་ལྔ་བཅུ་རི་བའི་བར་གྱི་གོས་སློང་བར་བྱེད་ཅིང ། དེས་ཀཪྴ་པ་ཎ་ལྔ་བཅུ་རི་བའི་གོས་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཀཪྴ་པ་ཎ་ལྔ་རི་བའི་གོས་སློང་བར་བྱེད་ཅིང ། ལྷག་པ་ཐོབ་ན། དེ་སློང་བ་ལ་ཉེས་བྱས་སུ་འགྱུར་རོ། །ལྷག་པ་ཐོབ་ན། ལྟུང་བ་མེད་
Cha148b
དོ། །ཀཪྴ་པ་ཎ་ལྔ་རི་བ་ཇི་ལྟ་བ་དེ་བཞིན་དུ། ཀཪྴ་པ་ཎ་བཅུ་རི་བ་དང ། ཀཪྴ་པ་ཎ་བཅོ་ལྔ་རི་བ་དང ། ཀཪྴ་པ་ཎ་ཉི་ཤུ་རི་བ་དང ། ཀཪྴ་པ་ཎ་ལྔ་བཅུའི་བར་རི་བའི་གོས་སློང་ཞིང་ལྷག་པ་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ལྷག་པ་ཐོབ་ན། ལྟུང་བ་མེད་དོ། །དེ་ལྟར་རིན་ཐང་ལས་སོ། །ཇི་ལྟར་ཁ་དོག་ལས་ཤེ་ན། དགེ་སློང་གིས་གོས་སྔོན་པོ་སློང་བར་བྱེད་ཅིང ། དེས་གོས་སྔོན་པོ་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །སྔོན་པོ་ཇི་ལྟ་བ་དེ་བཞིན་དུ་སེར་པོ་དང ། དམར་པོ་དང ། གོས་སྟུག་པོ་དང ། སྲབ་མོ་སློང་བར་བྱེད་ཅིང ། དེས་གོས་སྲབ་མོ་ཐོབ་ན། སློང་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གོས་སྔོན་པོ་སློང་བར་བྱེད་ན། སེར་པོ་ཐོབ་ན། སྔོན་པོ་སློང་བ་དེ་ལ་ཉེས་བྱས་སུ་འགྱུར་ལ། སེར་པོ་ཐོབ་པ་ལ་ལྟུང་བ་མེད་དོ། །སྔོན་པོ་སློང་བ་ལ་ཇི་ལྟ་བ་དེ་བཞིན་དུ། སེར་པོ་དང ། དམར་པོ་དང ། སྟུག་པོ་དང་སྲབ་མོ་སློང་བ་ན། སྟུག་པོ་ཐོབ་པ་ན། སྲབ་མོ་སློང་བ་དེ་ལ་ཉེས་བྱས་སུ་འགྱུར་ལ། གོང་མ་ཐོབ་པ་ལ་ལྟུང་བ་མེད་དོ།་དེ་ལྟར་ཁ་དོག་ལས་སོ། །ཇི་ལྟར་ཁྲུ་ཚད་ལས་ཤེ་ན། དགེ་སློང་གིས་གོས་ཁྲུ་ལྔ་པ་སློང་བར་བྱེད་ཅིང ། དེས་གོས་ཁྲུ་ལྔ་པ་ཐོབ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན་སྤང་བའི་ལྟུང་བྱེད་དུ་འགྱུར་རོ། །ཁྲུ་ལྔ་པ་ཐོབ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང ། ཁྲུ་བཅོ་ལྔ་པ་དང ། ཁྲུ་ཉི་ཤུ་པ་དང ། ཁྲུ་ལྔ་བཅུ་པའི་བར་གྱི་གོས་སློང་བར་བྱེད་ཅིང ། གོས་ཁྲུ་ལྔ་བཅུ་པ་ཐོབ་ན། དེ་སློང་བ་ལ་ཉེས་བྱས་སུ་
Cha149a
༄#། །འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གོས་ཁྲུ་ལྔ་པ་སློང་བ་ན། ལྷག་པ་ཐོབ་པ་ན། ཁྲུ་ལྔ་པ་སློང་བ་དེ་ལ་ཉེས་བྱས་སུ་འགྱུར་རོ། ། ལྷག་པ་ཐོབ་པ་ལ་ལྟུང་བ་མེད་དོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང ། ཁྲུ་བཅོ་ལྔ་པ་དང ། ཁྲུ་ཉི་ཤུ་པ་དང ། ཁྲུ་ལྔ་བཅུ་པའི་བར་གྱི་གོས་སློང་བར་བྱེད་ཅིང ། དེ་གོས་ཁྲུ་ལྔ་བཅུ་པ་སློང་བར་བྱེད་ན། ལྷག་པ་ཐོབ་པ་ན། གོས་ཁྲུ་ལྔ་བཅུ་པ་སློང་བར་བྱེད་པ་དེ་ལ་ཉེས་བྱས་སུ་འགྱུར་ལ། ལྷག་པ་ཐོབ་པ་ལ་ལྟུང་བ་མེད་དེ། དེ་ལྟར་ཁྲུ་ཚད་ལས་སོ། །རས་མ་སློང་བ་ན། ཁ་ཚར་ཐོབ་པ་དང ། ཁ་སྟར་སློང་བ་ན། རས་མ་ཐོབ་པ་དང ། རས་མ་སློང་བ་ན། རས་ཡུག་ཚན་དང་རས་ཡུག་ཕྲན་ཐོབ་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སློང་བའི་སྤང་བ་སྟེ། དྲུག་པ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཉེ་དགའ་ལ་བློ་སྐྱེས་པ། འདི་དག་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱི་བསླབ་པའི་གཞི་དག་གིས་བསྡམས་པས་ཕྱིན་ཆད་གང་ནས་ཀྱང་བཅའ་བའི་རིན་ཙམ་ཡང་བསླབ་པར་མི་ནུས་ན། འདི་ལྟར། བཅོམ་ལྡན་འདས་ཀྱིས་གྲོང་ཕྲེང་བ་ཅན་བའི་དགེ་སློང་བཞི་བཅུ་ལ་བརྟེན་ནས་བསླབ་པའི་གཞི་བག་ཡངས་སུ་མཛད་པ་ཡོད་པས། བདག་གིས་གྲོང་ཕྲེང་བ་ཅན་པའི་
Cha149b
སློང་བཞི་བཅུ་པོ་སྔོན་དུ་བཏང་སྟེ་རྙེད་པ་བསྒྲུབ་པར་བྱའོ། །སྙམ་ནས། དེ་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་ག་ལ་བ་དེར་སོང་བ་དང ། ཇི་ཙམ་ན་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་རྙང་རྙིང་དག་འཚེམ་ཞིང་འཁོད་པ་མཐོང་ནས། དེས་དེ་དག་ལ་སྨྲས་པ། ཚེ་དང་ལྡན་པ་དག་།བདག་གིས་གཞན་ཐོས་ལ། གཞན་མཐོང་སྟེ། བདག་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་བྱེད་ཅིང་འདུག་པར་སེམས་ཀྱི། བདག་ཚེ་དང་ལྡན་པ་དག། འདི་ལྟར། རྙང་རྙིང་དག་འཚེམ་ཞིང་འཁོད་པར་མི་སེམས་སོ། །གནས་བརྟན། བདག་ཅག་ཆོམ་རྐུན་པ་དག་གིས་བཅོམ་མོ། །ཀྱེ་མ། མ་ལེགས་སོ། །མ་ལེགས་སོ། །གནས་བརྟན་སུའི་མྱ་ངན་བྱེད། ཅི། ཁོ་བོ་ཅག་གིའམ། མ་ཡིན་ཏེ།་གང་དག་གིས་ཁྱེད་ཅག་བཅོམ་པའི་མ་བྱིན་པ་ལེན་པ་དེ་དག་སྒྲེན་མོ་ཁོ་ནར་སྐྱེ་བར་འགྱུར་ཞིང ། སྒྲེན་མོ་ཁོ་ནར་དུས་བྱེད་པར་འགྱུར་བས། དེ་དག་གི་མྱ་ངན་བྱེད་དོ། །ཚེ་དང་ལྡན་པ་དག། ཁྱེད་ཅིའི་ཕྱིར་གོས་དག་མི་སློང ། གནས་བརྟན། སུ་ཞིག་སངས་རྒྱས་དང ། ཆོས་དང ། དགེ་འདུན་སྤངས་ཏེ་ཁོ་བོ་ཅག་ལ་སྦྱིན་པ་དང ། བྱ་བར་སེམས་པར་འགྱུར། ཚེ་དང་ལྡན་པ་དག། ཁྱེད་ཅག་བཅོམ་ལྡན་འདས་ཀྱིས་མདོ་སྡེའི་མཐའ་དེ་དང་དེ་དག་ཏུ་ངེས་པར་བསྟོད་པ་དང ། བཀུར་བ་དང ། བསྔགས་པ་དང ། རབ་ཏུ་བསྔགས་པ་དག་མ་ཡིན་ནམ། གནས་བརྟན། ཁོ་བོ་ཅག་གིས་སུ་ལ་བསླང་བ་ཡང་མི་ཤེས་སོ། །ཚེ་དང་
Cha150a
༄#། །ལྡན་པ་དག། དགེ་སློང་རབ་ཏུ་ཤེས་པ་གང་གིས་ཁྱེད་ཅག་གི་གོས་དག་སློང་བར་འགྱུར་བ་འགའ་ཞིག་ལ་ཅིའི་ཕྱིར་མི་བཅོལ། གནས་བརྟན། དགེ་སློང་རབ་ཏུ་ཤེས་པ་སུ་ཞིག་བདག་ཉིད་ཀྱི་དགེ་བའི་ཕྱོགས་སུ་ཉམས་པར་བྱས་ཏེ། ཁོ་བོ་ཅག་གི་དོན་དུ་གོས་དག་སློང་བར་འགྱུར། ཚེ་དང་ལྡན་པ་དག། རེ་ཞིག་ཁོ་བོ་བདག་ཉིད་དང་བཅུ་པ་ལ་ཡང་ཐབས་ཡོད་ལ། གཞན་ཡང་ཁོ་བོ་ཅག་མི་དྲུག་རེ་རེ་ཡང་བདག་ཉིད་དང་བཅུ་པ་ཡིན་པས། ཁོ་བོ་ཅག་མི་དྲུག་ཅུ་ལ་ཡང་ཐབས་ཡོད་དོ། །གཞན་ཡང་གལ་ཏེ་ཁྱེད་ཅག་ལ་མི་གནོད་ན། ཁོ་བོ་ཅག་ཀྱང་གཞོན་ནུ་དག་གི་དོན་དུ་རས་ཡུག་ཕྲན་དང ། རས་ཡུག་ཆེན་སློང་བར་བྱེད་དོ། །གནས་བརྟན་དེ་ལ་ཁོ་བོ་ཅག་ལ་གནོད་པ་ཅི་ཡོད། རེ་ཞིག་རེ་རེས་ཀྱང་ཆོས་གོས་གསུམ་གསུམ་སློང་ལ་རག་གོ། ཚེ་དང་ལྡན་པ་དག། ཁོ་བོ་ཅག་གིས་བསོད་སྙོམས་ལ་རྒྱུ་བ་དང ། གོས་དག་བསླང་བ་གཉི་ག་མི་ནུས་ཀྱི། འདི་ལྟར། གང་གི་ཚེ་ཕྱི་རོལ་ཏུ་ཟས་ལ་བོས་པ་དེའི་ཚེ་བསླང་བར་བྱའོ། །ཞེས་ཉེ་དགའ་དེ་གཙུག་ལག་ཁང་གི་ཕྱི་རོལ་དུ་རྐང་པ་གཉིས་བཀྲུས་ནས་གཙུག་ལག་ཁང་གི་ནང་དུ་ཞུགས་ནས་དེས་བསམ་པ། ཐབས་ཅི་ཞིག་བྱས་ན། དེས་མཉན་ཡོད་ཐམས་ཅད་ཆུབ་པར་འགྱུར་སྙམ་ནས། དེས་ཡང་བསམ་པ། ཇེ་དང་པོ་ཁོ་ནར་དབུལ་པོའི་སྲང་དུ་འགྲོ་བར་བྱ་ཞིང ། དེའི་འོག་ཏུ་ཕྱུག་པོའི་སྲང་དུ་འགྲོ་བར་བྱ། དེའི་འོག་ཏུ་ཀོ་ས་ལར་བྱུང་བ་རྒྱལ་པོ་གསལ་རྒྱལ་གྱི་ཕོ་བྲང་དང ། བཙུན་མོ་
Cha150b
རྒྱལ་རིགས་དབྱར་ཚུལ་མའི་ཁྱིམ་དང ། བཙུན་མོ་ཕྲེང་ལྡན་མའི་ཁྱིམ་དང ། ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དང ། བླ་མཁྱེན་དྲང་སྲོང་བྱིན་པ་དང་རྙིང་པ་གཉིས་ཀྱི་ཁྱིམ་དང ། དགེ་བསྙེན་མ་རི་དྭགས་འཛིན་གྱི་མས་གའི་ཁྱིམ་དང ། དགེ་བསྙེན་མ་ཁྱིམ་བདག་གི་ཆུང་མ་ལེགས་སྐྱེས་ཀྱི་ཁྱིམ་དག་ཏུ་འགྲོ་བར་བྱའོ། །སྙམ་མོ། །དེའི་ཚེ་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་ཉེ་དགས་གཞོན་ནུ་རྣམས་ལ་སྨྲས་པ། ཚེ་དང་ལྡན་པ་དག་།གལ་ཏེ་ཁྱེད་ཅག་ལ་ལས་སུ་བསྐོ་བ་དག་འོངས་པར་གྱུར་ན། ཁྱེད་ཅག་གིས་མི་མནོད་པར་འདི་སྐད་ཅེས། བདག་ཅག་ལ་མཁན་པོ་དང ། སློབ་དཔོན་དག་གི་བྱ་བ་ཅུང་ཞིག་ཡོད་དོ། །ཞེས་བརྗོད་པར་བྱའོ། །ཉེ་དགས། ཕྱི་དེ་ཉིན་པར་གཞོན་ནུ་ཞིག་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་གི་གན་དུ་བཏང་སྟེ། ཆོས་གོས་དག་བསླང་གི། ཚུར་ཤོག་ཅིག་ཅེས་སྤྲིང་ངོ ། །གཞོན་ནུ་དེར་སོང་བ་དང ། ཇི་ཙམ་ན་དེ་དག་སྙོམས་པར་ཞུགས་པ་མཐོང་ནས་དེས་བསམ་པ། སྙིང་རྗེ་མེད་པའི་སྙིང་དང་ལྡན་པ། འཇིག་རྟེན་ཕ་རོལ་བཏང་བ་སུ་ཞིག་འདི་དག་ཏིང་ངེ་འཛིན་འདི་ལས་སློང་བར་འགྱུར་སྙམ་ནས་དེ་ཉེ་དགའི་གན་དུ་སོང་སྟེ་སྨྲས་པ། སློབ་དཔོན། དེ་དག་སྙོམས་པར་ཞུགས་ཤིང་མཆིས་པས། སུས་ཀྱང་དེ་དག་ཏིང་ངེ་འཛིན་དེ་ལས་སློང་བར་མ་ནུས་སོ། །ཉེ་དགས་སྨྲས་པ། བཀྲེན་པ། ཁྱོད་བརྩོན་འགྲུས་འདི་ལྟ་བུས་ཟག་པ་ཟད་པ་མངོན་སུམ་དུ་བྱེད་པར་འགྱུར་
Cha151a
༄#། །རམ། ཉེ་དགའ་རང་ཉིད་འགྲོའོ། །ཞེས་དེ་སོང་ནས་དཔོང་སའི་ཁང་པར་སྒོ་གླེགས་ལ་རྟིང་བས་བརྡབས་པ་དང ། དཔོང་སའི་ཁང་པ་ཐམས་ཅད་འགུལ་ནས། དེ་དག་ཏིང་ངེ་འཛིན་དེ་ལས་ལངས་ནས་སྨྲས་པ། ཚེ་དང་ལྡན་པ་དགེ་སློང་བཞི་བཅུ་པོ་དག་།ཆོས་གོས་གསུམ་བསླང་བར་བྱ་ན། ཁྱེད་ཅག་སྙིང་ལས་ཆུང་ངུར་འཁོད་དམ། ཚུར་ཤེག་།འདོང་ངོ ། །གནས་བརྟན། ཇེ་སོ་ཤིང་བོར་ནས་འདོང་ངོ ། །ཚུར་ཤེག་།ལམ་ག་ཉིད་དུ་འོར་ཅིག་།དེ་དག་འཕགས་པ་དང་ཉེ་དགས་སྨྲས་པ། ཚེ་དང་ལྡན་པ་དག། ཁོ་བོ་ཅག་དྲུག་སྡེ་དག་ནི། བྱ་རོག་དཀར་པོ་དང་འདྲ་བས། ཁོ་བོ་ཅག་གིས་རྒན་རིམ་བཞིན་དུ་འཁོད་པར་མི་བྱ་བར། བར་བར་དུ་རྒན་པ་དག་གིས་འཁོད་པར་བྱའོ། །དེ་དག་དབུལ་པོའི་སྲང་དུ་དོང་ནས་དངར་ཁ་བྱས་ཏེ་བསྡད་པ་དང ། དེ་དག་གིས་མཐོང་ནས་ཉམ་ང་བར་གྱུར་ཏེ་སྨྲས་པ། འཕགས་པ་དག། ཉེས་དམིགས་འགའ་ཞིག་མ་བྱུང་ངམ། བཞིན་བཟང་དག། ཉེས་དམིགས་བྱུང་ངོ ། །ཅི་ནོངས། ཁྱོད་ཀྱིས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་གང་དག། བཅོམ་ལྡན་འདས་ཀྱིས་མདོ་སྡེའི་མཐའ་དེ་དང་དེ་དག་ཏུ་བསྟོད་པ། བཀུར་བ། བསྔགས་པ། རབ་ཏུ་བསྔགས་པ་དེ་དག་ཐོས་སམ། ཐོས་སོ། །དེ་དག་ཆོམ་རྐུན་པ་དག་གིས་བཅོམ་མོ། །དེ་དག་གིས་སྨྲས་པ། ཤེས་ལྡན་དག་།མདའ་གཞུ་ལོངས་ཤིག་།ཕུབ་དང ། དབྱུག་པ་དག་ལོངས་ཤིག་།ཆོམ་རྐུན་པ་དག་འཛིན་ཏུ་འདོང་ངོ ། །དྲུག་སྡེ་དག་གིས་སྨྲས་པ། དེ་དག་
Cha151b
བཅོམ་ནས་ཡུན་རིང་དུ་ལོན་ཅིང ། ཡུལ་འཁོར་གཞན་དུ་བཅོམ་པར་གྱུར་ཏོ། །འོ་ན་ཇི་ལྟར་བགྱི། དེ་དག་ལ་གོས་དག་བྱིན་ཅིག་།དེ་དག་གིས་དེ་དག་ལ་གོས་གསར་པ་དང་རྙིང་པ་དག་བྱིན་ནོ། །དེ་དག་གིས་གོས་དེ་དག་ཁུར་དུ་དྲགས་ཏེ། གཞོན་ནུ་དག་ལ་གཏད་ནས་སྨྲས་པ། དེངས་ལ་འདི་དག་གཙུག་ལག་ཁང་དུ་སྐྱོལ་ཅིག་།གཞོན་ནུ་དག་གིས་དེ་དག་ཁྱེར་ཏེ་གཙུག་ལག་ཁང་དུ་དོང་བ་དང ། དེ་དག་ཕྱུག་པོའི་སྲང་དུ་དོང་ནས་དངར་ཁ་བྱས་ཏེ་བསྡད་པ་དང ། དེ་དག་ཉམ་ང་བར་གྱུར་ཏེ་སྨྲས་པ། འཕགས་པ་དག། ཉེས་དམིགས་འགའ་ཞིག་མ་བྱུང་ངམ། ཉེས་དམིགས་བྱུང་ངོ ། །ཅི་ནོངས། ཁྱེད་ཀྱིས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་གང་དག་བཅོམ་ལྡན་འདས་ཀྱིས་མདོ་སྡེའི་མཐའ་དེ་དང་དེ་དག་ཏུ་བསྟོད་པ། བཀུར་བ། བསྔགས་པ། རབ་ཏུ་བསྔགས་པ་དེ་དག་ཐོས་སམ། ཐོས་སོ།། དེ་དག་ཆོམ་རྐུན་པ་དག་གིས་བཅོམ་མོ། །དེ་དག་གིས་སྨྲས་པ། ཤེས་ལྡན་དག་།མདའ་གཞུ་ལོངས་ཤིག་།ཕུབ་དང ། དབྱུག་པ་དག་ལོངས་ཤིག་།ཆོམ་རྐུན་པ་དག་འཛིན་དུ་འདོང་ངོ ། །དྲུག་སྡེ། དག་གིས་སྨྲས་པ། དེ་དག་བཅོམ་ནས་ཡུན་རིང་དུ་ལོན་ཅིང་ཡུལ་འཁོར་གཞན་དུ་བཅོམ་པར་གྱུར་ཏོ། །འོ་ན། ཇི་ལྟར་བགྱི། དེ་དག་ལ་གོས་དག་བྱིན་ཅིག། དེ་དག་གིས་དེ་དག་ལ་ཆེན་པོ་ལ་འོས་པའི་གོས་དག་བྱིན་ཏོ། །དྲུག་སྡེ་དག་གིས་གོས་དེ་དག་ཁུར་དུ་དྲགས་ཏེ་གཞོན་ནུ་དག་ལ་གཏད་ནས་སྨྲས་པ། དེངས་ལ་འདི་དག་གཙུག་ལག་ཁང་དུ་སྐྱོལ་ཅིག་།དེ་དག་གིས་གོས་དེ་དག་ཁྱེར་ཏེ་གཙུག་
Cha152a
༄#། །ལག་ཁང་དུ་དོང་བ་དང ། དེ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཕོ་བྲང་དུ་དོང་ནས་དངར་ཁ་བྱས་ཏེ་བསྡད་པ་དང ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་དེ་དག་མཐོང་ནས་ཉམ་ང་བར་གྱུར་ཏེ་སྨྲས་པ། འཕགས་པ་དག། ཉེས་དམིགས་འགའ་ཞིག་མ་བྱུང་ངམ། ལྷ། ཉེས་དམིགས་བྱུང་ངོ ། །ཅི་ནོངས། ལྷས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་གང་དག་།བཅོམ་ལྡན་འདས་ཀྱིས་མདོ་སྡེའི་མཐའ་དེ་དང་དེ་དག་ཏུ་བསྟོད་པ། བཀུར་བ། བསྔགས་པ། རབ་ཏུ་བསྔགས་པ་དེ་དག་གསན་ཏམ། ཐོས་སོ། །དེ་དག་ཆོམ་རྐུན་པ་དག་གིས་བཅོམ་མོ། །རྒྱལ་པོས་དམག་དཔོན་འཕགས་སྐྱེས་པོ་ལ་བསྒོ་བ། སོང་ལ་མྱུར་དུ་ཆོམ་རྐུན་པ་དག་དང ། རྐུན་རྫས་དག་ཁུག་ཅིག། དྲུག་སྡེ་དག་གིས་སྨྲས་པ། ལྷ། དེ་དག་ནི། བཅོམ་ནས་ཡུན་རིང་དུ་ལོན་ཅིང་ཡུལ་འཁོར་གཞན་དུ་བཅོམ་པར་གྱུར་ཏོ། །འོ་ན། ཇི་ལྟར་བྱ། ལྷ། དེ་དག་ལ་གོས་སྩོལ་ཅིག་།རྒྱལ་པོས་དགེ་སློང་རེ་རེ་ལ་ཡོ་བྱད་བཅུ་གསུམ་བཅུ་གསུམ་བྱིན་ནོ། །དྲུག་སྡེ་དག་གིས་གོས་དེ་དག་ཁུར་དུ་དྲགས་ཏེ་གཞོན་ནུ་རྣམས་ལ་གཏད་ནས་སྨྲས་པ། དེངས་ལ་འདི་དག་གཙུག་ལག་ཁང་དུ་སྐྱོལ་ཅིག་།དེ་དག་གིས་གོས་དེ་དག་ཁྱེར་ཏེ་གཙུག་ལག་ཁང་དུ་དོང་བ་དང ། གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་གིས་སྨྲས་པ། གནས་བརྟན་དག། ད་ཆོག་གི། ཐོང་ཞིག། དྲུག་སྡེ་དག་གིས་སྨྲས་པ། ཚེ་དང་ལྡན་པ་དག། ཧ་ཅང་
Cha152b
བརྟབས་མ་ངས་ཤིག་།ཁྱེད་ལ་ཁོ་བོ་ཅག་གིས་དང་པོ་ཉིད་ནས། ཚེ་དང་ལྡན་པ་དག་།གལ་ཏེ་ཁྱེད་ལ་མི་གནོད་ན། ཁོ་བོ་ཅག་ཀྱང་གཞོན་ནུ་དག་གི་དོན་དུ་རས་ཡུག་ཕྲན་དང ། རས་ཡུག་ཆེན་པོ་དགེ་སློང་ངོ ། །ཞེས་མ་སྨྲས་སམ། དེ་དག་དགེ་སློང་དབང་ཆེར་གྲགས་པས་བསྒོ་བས་ཅང་མི་སྨྲ་བར་འཁོད་དོ། །དེ་དག་བཙུན་མོ་རྒྱལ་རིགས་དབྱར་ཚུལ་མའི་ཁྱིམ་དང ། བཙུན་མོ་ཕྲེང་ལྡན་མའི་ཁྱིམ་དང ། ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དང ། བླ་མཁྱེན་དྲང་སྲོང་བྱིན་དང ། རྙིང་པ་གཉིས་ཀྱི་ཁྱིམ་དང ། དགེ་བསྙེན་མ་རི་དྭགས་འཛིན་གྱི་མ་ས་གའི་ཁྱིམ་དང ། དགེ་བསྙེན་མ་ཁྱིམ་བདག་གི་ཆུང་མ་ལེགས་སྐྱེས་ཀྱི་ཁྱིམ་དུ་མཐར་གྱིས་དོང་སྟེ་སྔར་བསྟེན་པ་སྐད་བརྗོད་པ་དང ། དེ་དག་གིས་ཀྱང་དགེ་སློང་རེ་རེ་ལ་ཡོ་བྱད་བཅུ་གསུམ་བཅུ་གསུམ་བྱིན་ནོ། །དེ་ནས་དྲུག་སྡེ་དག་གིས་སྨྲས་པ། ཚེ་དང་ལྡན་པ་དག། གལ་ཏེ་དགེ་སློང་བརྒྱ་གྲལ་དུ་མ་བཀོད་ན། གྲལ་སྟོངས་པར་འགྱུར་གྱི། དེངས་ལ་གྲལ་དུ་བཀོད་ཅིག་།མ་ཉེས་ཏེ། བདག་ཅག་ཀྱང་བསོད་སྙོམས་བླངས་ཏེ་འོང་ངོ ། །དྲུག་སྡེ་དག་གིས་གཙུག་ལག་ཁང་དུ་དོང་སྟེ། རྙང་རྙིང་དག་ལས་བཞི་བཅུ་ཕུང་པོར་བྱས་ཏེ་བཞག་གོ། །དགེ་སློང་བཞི་བཅུ་པོ་དག་ཟས་ཀྱི་བྱ་བ་བྱས་ཏེ་འོངས་པ་དང ། དྲུག་སྡེ་དག་གིས། ལྷན་ཅིག་གནས་པ་དང་ཉེ་གནས་དག་ལ་སྨྲས་པ། ཚེ་དང་ལྡན་པ་དག་།ཚུར་ཤེག་།དོན་ཉུང་དུ་དག་བོས་ཤིག་།དེ་དག་གིས་དེ་དག་པོས་པ་དང་དྲུག་སྡེ་དག་གིས་སྨྲས་པ། ཚེ་དང་ལྡན་པ་དག། ཅི། ཁོ་བོ་ཅག་ཁྱོད་ཀྱི་གོས་
Cha153a
༄#། །སྲུང་བ་ཡིན་ནམ། རང་གི་གོས་དག་ལོངས་ཤིག་།དགེ་སློང་བཞི་བཅུ་པོ་དག་གིས་ཕན་ཚུན་གདོང་དུ་ལྟ་བར་བརྩམས་པ་དང ། དྲུག་སྡེ་དག་གིས་སྨྲས་པ། ཚེ་དང་ལྡན་པ་དག། ཅིའི་ཕྱིར་ཕན་ཚུན་གདོང་དུ་ལྟ། གནས་བརྟན་དག། ཐམས་ཅད་རྙང་རྙིང་ཤ་སྟག་ཡིན་ནོ། །ཚེ་དང་ལྡན་པ་དག། འདི་དག་མདུད་པ་འོར་ཅིག་དང ། སྣམ་སྦྱར་ཡིན་ནོ། །འདི་དག་ནི། དྲུབས་ཤིག་དང ། བླ་གོས་ཡིན་ནོ། ། འདི་དག་ནི། དྲུབས་ཤིག་དང་མཐང་གོས་ཡིན་ནོ། །འདི་དག་ནི། དྲུབས་ཤིག་དང་རྡུལ་གཟན་ཡིན་ནོ། །གལ་ཏེ་མི་དགའ་ན། འདོང་དང་ཡང་བསླང་བར་བྱའོ། །ཀྱེ་མའོ། །གནས་བརྟན་དག་།འདི་དག་ཉིད་ཀྱང་མ་བླངས་ཀྱང་རུང་ངོ ། །དེ་དག་གིས་རྙང་རྙིང་དེ་དག་ཁྱེར་ཏེ་དགོན་པར་དོང་ནས་འཚེམ་ཞིང་འཁོད་དོ། །ཐམས་ཅད་དུ་སྒྲ་གྲགས་པ། གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་རེ་རེས་ཀྱང་ཡོ་བྱད་བཅུ་གསུམ་བདུན་བདུན་རྙེད་དོ། །ཞེས་དེ་དག་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་དག། བདག་ཅག་གིས་གཞན་ཐོས་ལ་གཞན་མཐོང་སྟེ། བདག་ཅག་གིས་གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་རེ་རེས་ཀྱང་ཡོ་བྱད་བཅུ་གསུམ་བདུན་བདུན་རྙེད་དོ། །ཞེས་ཐོས་ན། ཚེ་དང་ལྡན་པ་དག། གོས་རྙང་རྙིང་དག་འཚེམ་ཞིང་འཁོད་དོ། །དེ་དག་གིས་སྨྲས་པ། ཁྱེད་ཅག་གིས་ལྟ་ཁོ་བོ་ཅག་རང་རང་གིས་འཕྲག་པ་དག་གིས་ཀྱང་ཁྱེར་ཞེས་ཀྱང་ཐོས་སོ། །ཞེས་ཟེར་བའི་སྐབས་དེ། དགེ་སློང་རྣམས་ལ་བརྗོད་ནས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏེ། དེ་ནས་བཅོམ་ལྡན་
Cha153b
འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས། གྲོང་ཕྲེང་བ་ཅན་པའི་དགེ་སློང་བཞི་བཅུ་པོ་དག་ལ་རྨས་པ། དགེ་སློང་དག་།ཁྱེད་ལེན་པའི་དྲོད་མི་ཤེས་པ་བདེན་ནམ། བཙུན་པ། མེད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང ། མི་སྦྱོར་བ་དང ། མ་བརྟགས་པར་སྤྱོད་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས། བརྩོན་པ་དང ། སྦྱོར་བ་དང ། བརྟགས་ཏེ་སྤྱོད་པའི་བསྔགས་པར་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གོས་འཕྲོག་གམ། གོས་བརླགས་སམ། གོས་ཚིག་གམ། གོས་རླུང་གིས་ཁྱེར་ཏམ། གོས་ཆུས་ཁྱེར་ན། ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་ལ་གོས་བསླང་བར་བྱའོ། །གལ་ཏེ་དེ་ལ་བྲམ་ཟེའམ་ཁྱིམ་བདག་དད་པ་ཅན་ཞིག་གིས། དུས་ཀྱི་གོས་མང་པོ་སྟོབ་པར་འདོད་ན། དགེ་སློང་དེས་དེ་ལས་གོས་སྟོད་གཡོགས་སྨད་གཡོགས་དང་བཅས་པའི་
Cha154a
༄#། །མཐར་ཐུག་པར་བླང་བར་བྱའོ། །དེ་ལས་ལྷག་པར་ལེན་ན། སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི། ཆོས་འདི་པའོ། །གོས་འཕྲོག་གམ་ཞེས་བྱ་བ་ནི། འདི་ལྟ་སྟེ།་དགེ་སློང་གིས་གོས་དག་ཆོམ་རྐུན་པ་དག་གམ། གཡོན་ཅན་དག་གིས་འཕྲོག་པར་གྱུར་པའོ། །གོས་བརླགས་ས་མ་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་བརླགས་སམ། འཁྱམས་པར་གྱུར་པའོ། །གོས་ཚིག་གམ་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་མེས་ཚིག་པར་གྱུར་པའོ། །གོས་རླུང་གིས་ཁྱེར་ཏམ་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་རླུང་གིས་ཁྱེར་བར་གྱུར་པའོ། །གོས་ཆུས་ཁྱེར་ན་ཞེས་བྱ་བ་ནི། འདི་ལྟ་སྟེ། དགེ་སློང་གི་གོས་དག་ཆུས་ཁྱེར་བར་གྱུར་པའོ། །ཁྱིམ་བདག་ཅེས་བྱ་བ་ནི། སྐྱེས་པའོ། །ཁྱིམ་བདག་གི་ཆུང་མ་ཞེས་བྱ་བ་ནི། བུད་མེད་དོ། །ཉེ་དུ་མ་ཡིན་པ་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ཀྱི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །གན་དུ་སོང་ལ་ཞེས་བྱ་བ་ནི། གན་དུ་སོང་སྟེའོ། །གོས་ཞེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་ལས་གང་ཡང་རུང་བའོ། །བླང་བར་བྱའོ། །ཞེས་བྱ་བ་ནི། སློང་མོ་བྱ་བའོ། །འདོད་ན་ཞེས་བྱ་བ་ནི། གལ་ཏེ་དོན་དུ་གཉེར་ནའོ། །གོས་སྟོད་གཡོགས་སྨད་གཡོགས་དང་བཅས་པའི་མཐར་ཐུག་པ་བླང་བར་བྱའོ། །ཞེས་བྱ་བ་ནི།
Cha154b
སྟོད་གཡོགས་སྨད་གཡོགས་དང་བཅས་པ་ནི། གཉིས་ཏེ། དགེ་སློང་གི་སྟོད་གཡོགས་སྨད་གཡོགས་དང་བཅས་པ་དང ། ཁྱིམ་པའི་སྟོད་གཡོགས་སྨད་གཡོགས་དང་བཅས་པའོ། །དགེ་སློང་གི་སྟོད་གཡོགས་སྨད་གཡོགས་དང་བཅས་པ་ནི། གསར་པ་ལས་སྣམ་སྦྱར་ཉིས་རིམ་དང ། རས་ཡུག་ཕྲན་ཁྲུ་ལྔ་པ་དང ། དོ་པའོ། །ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ནི། རས་ཡུག་ཆེན་ཁྲུ་བཅུ་གཉིས་པ་དང ། རས་ཡུག་ཕྲན་ཁྲུ་བདུན་པ་དང ། དོ་པའོ། །དེ་ལས་ལྷག་པར་ལེན་ན་ཞེས་བྱ་བ་ནི། གོང་མའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་པའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་སློང་བས། ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ཐོབ་པ་ན། ལྷག་པ་སློང་བ་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་དགེ་སློང་གི་སྟོད་གཡོགས་སྨད་གཡོགས་དང་བཅས་པ་སློང་བས་དགེ་སློང་གི་སྟོད་གཡོགས་སྨད་གཡོགས་དང་བཅས་པ་ཐོབ་པ་ན། ལྷག་པ་སློང་ན། དེ་སློང་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་སློང་བས། ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ཐོབ་པ་ན། གལ་ཏེ་ཆུང་ན་ཡང་བསླང་བར་མི་བྱ་ལ། ལྷག་ན་ཡང་སྦྱིན་པར་མི་བྱའོ། །དགེ་
Cha155a
༄#། །སློང་དགེ་སློང་གི་སྟོད་གཡོགས་སྨད་གཡོགས་དང་བཅས་པ་སློང་བས། དགེ་སློང་གི་སྟོད་གཡོགས་སྨད་གཡོགས་དང་བཅས་པ་ཐོབ་པ་ན། གལ་ཏེ་ཆུང་ན་ཡང་བསླང་བར་བྱ་ལ། ལྷག་ན་ཡང་སྦྱིན་པར་བྱའོ། །དེ་ལྟར་ན། དགེ་སློང་གིས་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ལས། ལྷག་པར་སློང་བ་དང ། དགེ་སློང་གི་སྟོད་གཡོགས་སྨད་གཡོགས་དང་བཅས་པ་ལས་ལྷག་པ་སྦྱིན་པར་མི་བྱེད་ན། ཐམས་ཅད་དུ་སྤང་བའི་ལྷུང་བྱེད་དུ་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་མ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན། དེ་ལ་ནི། ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་ཙམ་དུ་སྤང་བའི་དངོས་པོ་དེ་ཉིད་ཀྱིས་མ་བཤགས་ཤིང་སོ་སོར་མ་བཤགས་པར་ལྟུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་
Cha155b
གང་རུང་བ་ཉེ་བར་འཇོག་པར་བྱེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སློང་བར་རིགས་པའི་སྤང་བ་སྟེ། བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཁྱིམ་བདག་དེ་གཞན་གྱི་ཆུང་མ་ལ་ཆགས་པར་གྱུར་ནས། དེ་ལ་ཆུང་མས། རྗེའི་སྲས། དེ་ལྟར་མ་མཛད་ཅིག་ཅེས་ཕྱིར་བཟློག་ན། ཇི་ཙམ་དུ་དེ་ཕྱིར་བཟློག་ཀྱང་ཕྱིར་མ་ལོག་པ་དེ་ཙམ་དུ་དེའི་ཆུང་མ་དེ་ཡང་སྐྱེས་པ་གཞན་དག་དང་ལྷན་ཅིག་འཁྲུལ་པ་རྩོམ་པར་བྱེད་དོ། །ཁྱིམ་བདག་དེ་ཡང་བུད་མེད་གཞན་དག་ལ་སྦྱིན་པར་བྱེད་ལ། ཆུང་མ་དེ་ཡང་སྐྱེས་པ་གཞན་དག་ལ་སྦྱིན་པར་བྱེད་པས། དེ་ལྟར་ཁྱིམ་དེ་གཉི་ག་ནས་རྒུད་པར་གྱུར་ནས། དེ་གཉིས་ལ་བུ་མོ་མངག་གཞུག་མ་ཞིག་ཡོད་ནས། ཁྱིམ་བདག་དེས་བུ་མོ་དེ་ལ་འདིས་ཁྱིམ་རྒུད་པར་བྱས་སོ། །ཞེས་ཁུ་ཚུར་དང ། ཐལ་ལྕག་དག་གིས་རྡེག་པར་བྱེད་དོ། །བུ་མོ་དེས་སྨྲས་པ། བདག་གིས་ཁྱིམ་རྒུད་པར་གྱུར་པ་འདི་ཅི་ལས་གྱུར་པར་འཚལ་མོད་ཀྱི། འོན་ཀྱང་བདག་གིས་ཇི་ལྟར་རྗེ་དག་ལ་བསྔགས་པ་མ་ལགས་པར་བརྗོད་པར་བགྱིར་རུང ། ཉེ་དགས་དེ་ཚོར་ནས་ཁྱིམ་བདག་དེ་དང་ཁྱིམ་བདག་
Cha156a
༄#། །གི་ཆུང་མ་དེའི་གན་དུ་སོང་སྟེ། ཅི་ནས་ཀྱང་དེ་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་གནས་པར་འགྱུར་པ་དེ་ལྟ་དེ་ལྟར་ཚུལ་ཁྲིམས་ཀྱི་བསྔགས་པ་བརྗོད་ཅིང ། ཚུལ་ཁྲིམས་འཆལ་བའི་བསྔགས་པ་མ་ཡིན་པ་བརྗོད་ནས། དེས་དེ་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་གནས་པར་བྱས་སོ། །ཁྱིམ་བདག་དེ་གཏུམ་པ། རྟུན་ངས་པ། དྲག་ཤུལ་ཆེ་བ་ཡིན་པས། ཡང་བུ་མོ་དེ་ལ་རྡེག་པར་བརྩམས་པ་དང ། ཆུང་མས་དེ་ལ་སྨྲས་པ། རྗེའི་སྲས། གང་གི་ཚེ་བདག་ཅག་ལས་དང་ལས་ཀྱི་རྣམ་པར་སྨིན་པ་མི་མཁྱེན་པ་དེའི་ཚེ་ཀོ་རྡེག་པར་མཛད་མོད། ད་བདག་ཅག་དགེ་བའི་བཤེས་གཉེན་འཕགས་པ་ཉེ་དགའ་ལ་བརྟེན་ནས་ལས་དང་ལས་ཀྱི་རྣམ་པར་སྨིན་པ་མཁྱེན་པས། འདི་ལྟར། འཇིག་རྟེན་ནི། རང་གི་ལས་ཀྱི་འབྲས་བུ་ལ་སྤྱོད་པ་ལགས་པས། སུ་ཞིག་སུའི་བྲན་ལགས། བུ་མོ་འདི་ལ་རྡེག་པར་མ་མཛད་ཅིག། བཟང་མོ། ཁྱོད་ཟེར་བ་མ་ཉེས་སོ། །བུ་མོ་ཚུར་ཤོག་།ཁྲུས་གྱིས་ལ་ཤོག་ཅིག་།བུ་མོ་དེ་ཁྲུས་བྱས་ཏེ་འོངས་པ་དང ། དེས་དེ་ལ་གོས་ཕྲུགས་གཅིག་བསྐོན་ནས་སྨྲས་པ། བུ་མོ། །དགའ་ཞིང་ལས་བྱོས་ཤིག་།བུ་མོ་དེས་བསམ་པ་ཁྱིམ་བདག་ཁྱོ་ཤུག་འདི། སྔོན་གཏུམ་པ། རྟུན་ངས་པ། དྲག་ཤུལ་ཆེ་བ་ཡིན་ཏེ། ཡང་དང་ཡང་དུ་བདག་ལ་ཁུ་ཚུར་དང ། ཐལ་ལྕག་དག་གིས་རྡེག་པར་བྱེད་ཅིང ། ཟས་དང་གོས་ངན་པ་དག་སྦྱིན་པར་བྱེད་ན། ད་འདི་བདག་གི་ཕམ་དང་
Cha156b
འདྲ་བར་གྱུར་ཏོ། །སྙམ་ནས། ཡང་བསམ་པ། གང་ཚུན་ཆད་ནས་འཕགས་པ་ཉེ་དགའ་ཁྱིམ་འདིར་འཇུག་པར་བརྩམས་པ་དེ་ཚུན་ཆད་ནས་ཁྱིམ་བདག་འདི་ཕ་མ་དང་འདྲ་བར་གྱུར་པས། བདག་གིས་འཕགས་པ་ཉེ་དགའ་ལ་ཅི་ཞིག་གིས་དགའ་བར་བྱ་སྙམ་ནས། དེས་བསམ་པ། གལ་ཏེ་བདག་གིས་འདི་ལས་ཅུང་ཞིག་བརྐུས་ཏེ་དབུལ་དུ་ནི། ཁྱིམ་བདག་འདིས་བདག་རྡེག་འཚོག་མང་པོ་བྱས་ཏེ། སྔོན་གྱི་གནས་སུ་འཇོག་པར་འགྱུར་རོ། །སྙམ་ནས། དེ་སྡོད་ཅིང་འདུག་གོ། ཁྱིམ་བདག་གི་ཆུང་མ་དེས་ཁྱིམ་བདག་དེ་ལ་སྨྲས་པ། རྗེའི་སྲས་མཁྱེན་པར་མཛོད་ཅིག་།འཕགས་པ་ཉེ་དགའ་ནི། བདག་ཅག་གི་དགེ་བའི་བཤེས་གཉེན་ལགས་ཏེ། འཕགས་པ་ཉེ་དགས་བདག་ཅག་ལས་དྲི་མ་ཅན་དང་ཕྲལ་ནས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཀོད་དེ། ཡང་དང་ཡང་དུ་བདག་ཅག་ལ་ཆོས་ཀྱིས་སྡུད་པར་བྱེད་པས། བདག་ཅག་གིས་ཀྱང་དེ་ལ་ཟང་ཟིང་ཅུང་ཟད་ཀྱིས་བསྡུ་བར་བགྱིའོ། །བཟང་མོ། དེ་བཞིན་བྱའོ། །ཅི་ཞིག་བགྱི། དེ་ལ་རས་ཡུག་ཆེན་གཅིག་དབུལ་བར་བྱའོ། །བུ་མོ་དེས་དེ་ཐོས་ནས་བསམ་པ། བདག་གིས་འཕགས་པ་ཉེ་དགའ་ལ་དགའ་བ་དེ་སྦྲན་པར་བྱའོ། །སྙམ་མོ། །ཉེ་དགའ་ཡང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ཏེ། མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་པ་དང ། བུ་མོ་དེས་ཁྱིམ་ལེགས་པར་བྱུགས་ཤིང་ཕྱག་དར་བོར་ནས། དེས་ཉེ་དགའ་མཐོང་བ་དང་རྐང་པ་གཉིས་ལ་ཕྱག་འཚལ་
Cha157a
༄#། །ཏེ་སྨྲས་པ། བདག་གིས་འཕགས་པ་ཉེ་དགའ་ལ་དགྱེས་པ་སྦྲན་པར་བགྱིའོ། །ཁྱིམ་བདག་འདི་ཁྱོད་ལ་རས་ཡུག་ཆེན་འབུལ་བར་འགྱུར་རོ། །ཉེ་དགས་བསམ་པ། སའི་སྟེང་ན་འདོད་པའི་བདག་ཉིད་ཅན་གང་ཇི་སྙེད་པ་དེ་དག་དང་བདག་མཉམ་པར་དེང་བུ་མོ་འདིས་ཀྱང་འཕྲིགས་སོ། །སྙམ་ནས། དེས་གཤེ་སྟེ་སྨྲས་པ། བུ་མོ། །གལ་ཏེ་བདེན་པར་གྱུར་ན་ནི། ངས་ཁྱེད་ལ་གཤེ་བ་དག་ལ་ཆུགས་མ་བྱའོ། །ཇི་སྟེ་རྫུན་པར་གྱུར་ན་ནི། རྡེག་འཚོག་མང་པོ་བྱེད་དུ་བཅུག་སྟེ་སྔོན་གྱི་གནས་ཇི་ལྟ་བར་གཞག་པར་བྱའོ། །འཕགས་པ་སྤྱོ་བ་མང་དུ་མཛད་ན། བཞུད་ཅིག་དང་ཁྱོད་ཉིད་ཀྱིས་མཁྱེན་པར་འགྱུར་རོ། །དེ་ཞུགས་ནས། སྟན་བཤམས་པ་ཉིད་ལ་འདུག་པ་དང ། ཁྱིམ་བདག་དེ་ཆུང་མ་དང་བཅས་པས་རྐང་པ་ལ་ཕྱག་འཚལ་ཏེ། སྟན་ཆེས་དམའ་བ་བླངས་ནས་ཆོས་མཉན་པའི་ཕྱིར་མདུན་ན་འདུག་གོ། ཉེ་དགས་སྨྲས་པ། ཁྱིམ་བདག་དེ་ཁོ་བོ་ལ་བསྐོན་པར་བྱ་བའི་རས་ཡུག་ཆེན་གང་ཡིན་པ་དེ་བལྟའོ། །དེ་གཉིས་ཀྱིས་ཕན་ཚུན་གདོང་དུ་བལྟ་བར་བརྩམས་ཏེ་འདི་སྐད་ཅེས་སྨྲས་སོ། །འཕགས་པ། བདག་ཅག་གིས་ཀྱང་གསང་སྟེ་སྨྲས་པ་དེ། འཕགས་པ་ལ་སུས་བགྱིས། ཅི། འཕགས་པས་གཞན་གྱི་སེམས་ཀྱང་མཁྱེན་ཏམ། ཉེ་དགས་སྨྲས་པ། ཁོ་བོ་ལྷུང་བཟེད་དུ་ཟོས་ཤིང་སོ་ལྷགས་པ་དང ། སྐྲ་དཀར་པོར་གྱུར་པ་ཡིན་ན། ཁོ་བོ་ལ་དེ་ཙམ་ཡང་མི་སྲིད་དམ། ཁྱིམ་བདག་དེས་རས་ཡུག་ཆེན་དེ་བླངས་ཏེ་ཉེ་དགའ་ལ་
Cha157b
ཕུལ་བ་དང ། ཉེ་དགས་རས་ཡུག་ཆེན་དེ་མཐོང་ནས་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་དོ། །ཁྱིམ་བདག་གིས་སྨྲས་པ། འཕགས་པ། ཅིའི་སླད་དུ་ཕྱག་གཉིས་འདྲིལ་བར་མཛད། ཞལ་སྒྱུར་བར་མཛད། ཉེ་དགས་སྨྲས་པ། ཁྱིམ་བདག། འདི་ནི། ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི། ཡོད་ན། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི། མེད་དེ། རས་ཡུག་ཆེན་འདི་ནི། མཆིལ་ལྷམ་འཕྱི་བའམ། སྐར་ཁུང་གླན་པར་རུང་སྟེ། འདི་ནི། ཆོས་གོས་ཀྱི་རྡང་ལ་ཡོངས་སུ་ཟད་པ་དང ། མཐར་ཐུག་པར་འགྱུར་རོ། །འོ་ན། ཇི་ལྟར་བགྱི། རས་ཡུག་ཆེན་བཟང་པོ་གཞན་བྱིན་ཅིག་།རས་ཡུག་ཆེན་གཞན་མ་མཆིས་སོ། །ཚོང་དུས་ནས་ཉོས་ལ་བྱིན་ཅིག་།རིན་མ་མཆིས་སོ། །དུས་ཐོབ་ལ་བྱིན་ཅིག་།ཁྱིམ་བདག་དེས་ཆུང་མའི་གདོང་དུ་བལྟ་བར་བརྩམས་པ་དང ། ཆུང་མས་སྨྲས་པ། རྗེའི་སྲས། བདག་ཅག་ལ་འཕགས་པ་ཉེ་དགས་ཕན་བཏགས་ཀྱི། རས་ཡུག་ཆེན་འཇོལ་ལ་དེ་ལ་ཕུལ་ཅིག་།ཁྱིམ་བདག་དེ་ཉེ་དགའ་དང་ལྷན་ཅིག་ཏུ་སྲང་དུ་སོང་ནས་ཚོང་ཁང་དུ་ཕྱིན་པ་དང ། ཉེ་དགས་བསམ་པ། ཚོང་པ་འདི་ང་རྒྱལ་བསྐྱེད་པར་བྱ་སྟེ། དེས་ན་རས་ཡུག་ཆེན་བཟང་པོ་སྟེར་བར་འགྱུར་རོ། །སྙམ་ནས། ཉེ་དགས་ཁྱིམ་བདག་ལ་སྨྲས་པ། ཁྱིམ་བདག། ཚོང་པ་འདི་ནི། བཅམ་བུ་ཞིག་ཡིན་པས། འདི་ལ་རས་ཡུག་ཆེན་བཟང་པོ་མེད་ཀྱི། གཞན་དུ་འདོང་ངོ ། །ཚོང་པ་དེས་དེ་ཐོས་ནས་དེས་ཆེན་པོ་ལ་འོས་པའི་རས་ཡུག་ཆེན་བསྟན་ཏེ་སྨྲས་པ། འཕགས་པ། རས་ཡུག་ཆེན་ལ་
Cha158a
༄#། །གཟིགས། རས་ཡུག་ཆེན་འདི་ནི། བཟང་ན། འདི་རིན་ཇི་ཙམ། འདི་དང་འདི་ཙམ་མོ། །ཁྱིམ་བདག་འདི་འཇལ་ལོ། །ཁྱིམ་བདག་འཇལ་ལམ། འཇལ་ལོ། །དུས་ཇི་ཙམ་ན། དུས་འདི་ཙམ་ནའོ། །ཚོང་པ་དེས་ཁྱིམ་བདག་དེ་ལ་རས་ཡུག་ཆེན་དེ་བྱིན་ནས། ཁྱིམ་བདག་དེས་ཉེ་དགའ་ལ་ཕུལ་བ་དང ། ཉེ་དགས་ཁྱིམ་བདག་ཨ་རོག་ཀྱ་ཞེས་སྨྲས་ནས། ཁྱོད་སྦྱིན་པ་འདིས་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་།ཅེས་སྨྲས་ཏེ་སོང་ངོ ། །ཁྱིམ་བདག་དེ་ལོངས་སྤྱོད་བསྲབས་ནས། དེས་རིན་དེ་དུས་དེ་ཙམ་གྱིས་འབུལ་བར་མ་ནུས་ནས། ཚོང་པ་དེས་ཁྱིམ་བདག་དེ་ཉི་མ་ལ་བཏགས་པ་དང ། དེ་ཆུང་པོ་གྲོགས་དག་གིས་མཐོང་ནས་སྨྲས་པ། ཅི། ཁྱོད་ཞུན་མར་འཐུངས་སམ། འོན་ཏེ་རིམས་ཀྱིས་བཏབ། བུ་ལོན་པས་བཟུང་སྟེ་འདུག་གོ། ཁྱོད་ཀྱི་ཕས་ཀྱང་བུ་ལོན་པ་ཡོད་པར་མ་བྱས། མེས་པོ་དག་གིས་ཀྱང་མ་བྱས་ན། བུ་ལོན་པ་ག་ལས་གྱུར། དེས་སྨྲས་པ། གང་དག་ཤཱཀྱའི་བུའི་དགེ་སྦྱོང་དག་ལ་དད་པར་བྱེད་པ་དེ་དག་འདི་ལྟར་འགྱུར་ཏེ། འདི་ལྟར། གང་བྱིན་པ་དེ་མི་ལེན་པར་ལྷག་པ་སློང་བར་བྱེད་དོ། །ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་
Cha158b
བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་གང་བྱིན་པས་མི་མགུ་ཞིང་ལྷག་པ་སློང་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས། དགེ་སྦྱོང་གི་ཚུལ་མ་ཡིན་པ། རུང་བ་མ་ཡིན་པ། རྗེས་སུ་མཐུན་པ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ་དགེ་སློང་གི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པས་གོས་ཀྱི་རིན་དག་སྤགས་ནས། བདག་གིས་གོས་ཀྱི་རིན་འདི་དག་གིས། གོས་འདི་དང་འདི་ལྟ་བུ་ཞིག་ཉོས་ལ། དགེ་སློང་མིང་འདི་ཞེས་བྱ་བ་འོངས་པ་དང་དེ་ལ་གོས་རུང་བ་དུས་སུ་བསྐོན་ནོ། །སྙམ་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་བར་རྣམ་པར་རྟོག་པ་འགའ་ཞིག་བྱུང་སྟེ། བཟང་པོ་འདོད་པའི་ཕྱིར་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པ་དེའི་གན་དུ་སོང་ནས་འདི་སྐད་ཅེས། ཚེ་
Cha159a
༄#། །དང་ལྡན་པས་བདག་གི་ཕྱིར་གོས་ཀྱི་རིན་གང་དག་སྤགས་པའི་རིན་དེ་དག་གིས་ཚེ་དང་ལྡན་པ་གོས་འདི་དང་འདི་ལྟ་བུ་ཞིག་ཉོས་ལ་བདག་ལ་གོས་རུང་བ་དུས་སུ་ལེགས་པར་སྐོན་ཅིག་ཅེས་སྨས་ཏེ་གོས་གྲུབ་ན། སྤང་བའི་ལྟུང་བྱེད་དོ། །དགེ་སློང་གི་ཕྱིར་ཞེས་བྱ་བ་ནི། ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །ཁྱིམ་བདག་ག་མ་ཞེས་བྱ་བ་ནི། སྐྱེས་པའོ། །ཁྱིམ་བདག་གི་ཆུང་མ་ཞེས་བྱ་བ་ནི། བུད་མེད་དོ། །ཉེ་དུ་མ་ཡིན་པས་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ཀྱི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །གོས་ཀྱི་རིན་དག་ཅེས་བྱ་བ་ནི། གསེར་རམ་དངུལ་ལོ། །གོས་འདི་དང་འདི་ལྟ་བུ་ཞིག་ཅེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་ལས་གང་ཡང་རུང་བའོ། །ཉོས་ལ་ཞེས་བྱ་བ་ནི། ཉོས་ཏེའོ། །དགེ་སློང་མིང་འདི་ཞེས་བྱ་བ་འོངས་པ་དང་ཞེས་བྱ་བ་ནི། ཤཱཀྱའི་བུ་ཉེ་དགའོ། །དེ་ལ་གོས་རུང་བ་དུས་སུ་བསྐོན་ནོ། །སྙམ་པ་ལས་ཞེས་བྱ་བ་ནི། ལོངས་སྤྱད་པར་བཟོད་པའོ། །དེ་ན་གལ་ཏེ་དགེ་སློང་དེ་ལ་དེ་སྔར་མ་བསྟབས་པར་ཞེས་བྱ་བ་ནི། སྔར་མགྲོན་དུ་མ་བོས་པར་རོ། །རྣམ་པར་རྟོག་པ་འགའ་ཞིག་བྱུང་སྟེ་ཞེས་བྱ་བ་ནི། བསྙེན་བཀུར་བྱེད་པོ་ཞིག་བྱུང་སྟེའོ། །བཟང་པོ་འདོད་པའི་ཕྱིར་ཞེས་བྱ་བ་ནི། རབ་དང་མཆོག་གི་
Cha159b
ཕྱིར་རོ། །ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པ་དེའི་གན་དུ་སོང་ནས་ཞེས་བྱ་བ་ནི། དྲུང་དུ་སོང་ནས་སོ། །གོས་གྲུབ་ན་ཞེས་བྱ་བ་ནི། གོས་ཐོབ་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་པའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། རིན་ཐང་དང ། ཁ་དོག་དང ། ཁྲུ་ཚད་ལས་ཏེ། ཇི་ལྟར་རིན་ཐང་ལས་ཤེ་ན། དགེ་སློང་གིས་ཀཪྴ་པ་ཎ་ལྔ་རི་བའི་གོས་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་པ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །ཀཪྴ་ཎ་ལྔ་རི་བ་ཇི་ལྟ་བ་དེ་བཞིན་དུ་ཀཪྴ་པ་ཎ་བཅུ་རི་བ་དང ། ཀཪྴ་པ་ཎ་ཉི་ཤུ་རི་བ་དང ། ཀཪྴ་པ་ཎ་ལྔ་བཅུ་རི་བའི་བར་གྱི་གོས་ཐོབ་པ་ན། དེ་དེ་ལས་ལྷག་པ་སློང་བ་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །དེ་ལྟར་རིན་ཐང་ལས་སོ། །ཇི་ལྟར་ཁ་དོག་ལས་ཤེ་ན། དགེ་སློང་གིས་གོས་སྔོན་པོ་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །སྔོན་པོ་ཇི་ལྟ་བ་དེ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་པ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་
Cha160a
༄#། །མེད་དོ། །དེ་ལྟར་ཁ་དོག་ལ་ས་སོ། །ཇི་ལྟར་ཁྲུ་ཚད་ལས་ཤེ་ན། དགེ་སློང་གིས་གོས་ཁྲུ་ལྔ་པ་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་པའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང ། ཁྲུ་ཉི་ཤུ་པ་དང ། ཁྲུ་ལྔ་བཅུ་པའི་བར་གྱི་གོས་ཐོབ་ན། ད་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་ཏེ། དེ་ལྟར་ཁྲུ་ཚད་ལས་སོ། །དགེ་སློང་གི་གོས་སྤང་བར་གྱུར་ན། དེ་མ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ། ལྟུང་བ་བཤགས་ནས་གཞན་ཞིག་རྙེད་ན། དེ་ལ་ལྟུང་བ་མེད་དོ། །དོ་བཞིན་དུ་དགེ་སློང་གི་གོས་སྤང་བར་གྱུར་ན། ཇི་སྲིད་དུ་དངོས་པོ་དེ་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་
Cha160b
སམ། དགེ་སློང་གི་འཚོ་བའི་ཡོ་བྱད་གང་ཡང་རུང་བ་ཉེ་བར་འཇོག་ན། དེ་ཡང་སྔ་མའི་རྒྱུད་ཀྱིས་སྤང་པར་འགྱུར་རོ། །ཁ་ཚར་སློང་བ་ན། ལྷན་པར་ཐོབ་པ་དང ། ལྷན་པ་སློང་བ་ན། རས་ཡུག་ཕྲན་ནམ་རས་ཡུག་ཆེན་ཐོབ་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྤགས་པ་ལས་ལྷག་པ་སློང་བའི་སྤང་བ་སྟེ། བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཁྱིམ་བདག་དེ་གཞན་གྱི་ཆུང་མ་ལ་ཆགས་པར་གྱུར་ནས། དེ་ལ་ཆུང་མས། རྗེའི་སྲས། དེ་ལྟ་མ་མཛད་ཅིག་ཅེས་ཕྱིར་བཟློག་ན། ཇི་ཙམ་དུ་དེ་ཕྱིར་བཟློག་ཀྱང་ཕྱིར་མ་ལོག་པ་དེ་ཙམ་དུ། དེའི་ཆུང་མ་དེས་ཀྱང་སྐྱེས་པ་གཞན་དག་དང་ལྷན་ཅིག་འཁྲུལ་པ་རྩོམ་པར་བྱེད་དོ། །ཁྱིམ་བདག་དེའང་བུད་མེད་གཞན་ལ་སྦྱིན་པར་བྱེད་ལ། ཆུང་མ་དེ་ཡང་སྐྱེས་པ་གཞན་དག་ལ་སྦྱིན་པར་བྱེད་པས། དེ་ལྟར་ཁྱིམ་དེ་གཉི་ག་ནས་རྒུད་པར་གྱུར་ནས། དེ་གཉིས་ལ་བུ་མོ་མངག་གཞུག་མ་ཞིག་ཡོད་ནས་ཁྱིམ་བདག་དེས་བུ་མོ་དེ་ལ་འདིས་ཁྱིམ་རྒུད་པར་བྱས་སོ། །ཞེས་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །བུ་མོས་སྨྲས་པ། བདག་
Cha161a
༄#། །གིས་ཁྱིམ་རྒུད་པར་གྱུར་པ་འདི་ཅི་ལས་གྱུར་པ་འཚལ་མོད་ཀྱི། འོན་ཀྱང་བདག་གིས་ཇི་ལྟར་རྗེ་དག་ལ་བསྔགས་པ་མ་ལགས་པ་བརྗོད་པར་བགྱིར་རུང ། ཉེ་དགས་དེ་ཚོར་ནས་ཁྱིམ་བདག་དེ་དང་ཁྱིམ་བདག་གི་ཆུང་མ་དེའི་གན་དུ་སོང་སྟེ། ཅི་ནས་ཀྱང་དེ་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་གནས་པར་འགྱུར་བ་དེ་ལྟ་དེ་ལྟར་ཚུལ་ཁྲིམས་ཀྱི་བསྔགས་པ་བརྗོད་ཅིང ། ཚུལ་ཁྲིམས་འཆལ་བའི་བསྔགས་པ་མ་ཡིན་པ་བརྗོད་ནས་དེས་དེ་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་གནས་པར་བྱས་སོ། །ཁྱིམ་བདག་དེ་གཏུམ་པ། རྟུན་ངས་པ། དྲག་ཤུལ་ཆེ་བ་ཡིན་པས། ཡང་བུ་མོ་དེ་ལ་རྡེག་པར་བརྩམས་པ་དང ། ཆུང་མས་དེ་ལ་སྨྲས་པ། རྗེའི་སྲས། གང་གི་ཚེ་བདག་ཅག་ལས་དང ། ལས་ཀྱི་རྣམ་པར་སྨིན་པ་མི་མཁྱེན་པ་དེའི་ཚེ་ཀེ་རྡོག་པར་མཛད་མོད། ད་བདག་ཅག་དགེ་བའི་བཤེས་གཉེན་འཕགས་པ་ཉེ་དགའ་ལ་བརྟེན་ནས་ལས་དང ། ལས་ཀྱི་རྣམ་པར་སྨིན་པ་མཁྱེན་པས། འདི་ལྟར། འཇིག་རྟེན་ནི། རང་གི་ལས་ཀྱི་འབྲས་བུ་ལ་སྤྱོད་པ་ལགས་པས་སུ་ཞིག་སུའི་བྲན་ལགས། བུ་མོ་འདི་ལ་རྡེག་པར་མ་མཛད་ཅིག་།བཟང་མོ། ཁྱོད་ཟེར་བ་མ་ཉེས་སོ། །བུ་མོ། ཚུར་ཤོག་།ཁྲུས་ཀྱིས་ལ་ཤོག་ཅིག་།བུ་མོ་དེས་ཁྲུས་བྱས་ཏེ་འོངས་པ་དང ། དེས་དེ་ལ་གོས་ཕྲུགས་གཅིག་བསྐོན་ནས་སྨྲས་པ། བུ་མོ། དགའ་ཞིང་ལས་བྱོས་ཤིག། བུ་མོ་དེས་བསམ་པ།
Cha161b
ཁྱིམ་བདག་ཁྱོ་ཤུག་འདི། སྔོན་གཏུམ་པ། རྟུན་ངས་པ། དྲག་ཤུལ་ཆེ་བ་ཡིན་ཏེ། ཡང་དང་ཡང་དུ་བདག་ལ་ཁུ་ཚུར་དང་ཐལ་ལྕག་གིས་རྡེག་པར་བྱེད་ཅིང ། ཟས་དང་གོས་ངན་པ་དག་སྦྱིན་པར་བྱེད་ན།་ད་འདི་བདག་གི་ཕ་མ་དང་འདྲ་བར་གྱུར་ཏོ། །སྙམ་ནས། ཡང་བསམ་པ། གང་ཚུན་ཆད་ནས་འཕགས་པ་ཉེ་དགའ་ཁྱིམ་འདིར་འཇུག་པར་བརྩམས་པ་དེ་ཚུན་ཆད་ནས་ཁྱིམ་བདག་འདི་ཕ་མ་དང་འདྲ་བར་གྱུར་པས། བདག་གིས་འཕགས་པ་ཉེ་དགའ་ལ་ཅི་ཞིག་གིས་དགའ་བར་བྱ་སྙམ་ནས་དེས་བསམ་པ། གལ་ཏེ་བདག་གིས་འདི་ལས་ཅུང་ཞིག་བརྐུས་ཏེ་དབུལ་དུ་ནི། ཁྱིམ་བདག་གིས་བདག་རྡེག་འཚོག་མང་པོ་བྱས་ཏེ། སྔོན་གྱི་གནས་སུ་འཇོག་པར་འགྱུར་རོ། །སྙམ་ནས། དེ་སྡོད་ཅིང་འདུག་གོ་།ཁྱིམ་བདག་གི་ཆུང་མ་དེས་ཁྱིམ་བདག་དེ་ལ་སྨྲས་པ། རྗེའི་སྲས་མཁྱེན་པར་མཛོད་ཅིག། འཕགས་པ་ཉེ་དགའ་ནི། བདག་ཅག་གི་དགེ་བའི་བཤེས་གཉེན་ལགས་ཏེ། འཕགས་པ་ཉེ་དགས་བདག་ཅག་ལས་དྲི་མ་ཅན་དང་ཕྲལ་ནས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཀོད་དེ། ཡང་དང་ཡང་དུ་བདག་ཅག་ལ་ཆོས་ཀྱིས་སྡུད་པར་བྱེད་པས། བདག་ཅག་གིས་ཀྱང་དེ་ལ་ཟང་ཟིང་ཅུང་ཟད་ཀྱིས་བསྡུ་བར་བགྱིའོ། །བཟང་མོ། དེ་བཞིན་བྱའོ། །ཅི་ཞིག་བགྱི། དེ་ལ་བདག་ཅག་སོ་སོ་ནས་རས་ཡུག་ཆེན་དབུལ་བར་བྱའོ། །བུ་མོ་དེས་དེ་ཐོས་ནས་བསམ་པ། བདག་གིས་འཕགས་པ་ཉེ་དགའ་ལ་དགའ་བ་དེ་སྦྲན་པར་བྱའོ། །སྙམ་མོ། །ཉེ་དགའ་ཡང་སྔ་དྲོ་ཤམས་
Cha162a
༄#། །ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་ཏེ། མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་པ་དང ། བུ་མོ་དེས་ཁྱིམ་ལེགས་པར་བྱུགས་ཤིང་ཕྱག་དར་བོར་ནས། དེས་ཉེ་དགའ་མཐོང་བ་དང་རྐང་པ་གཉིས་ལ་ཕྱག་འཚལ་ཏེ་སྨྲས་པ། བདག་གིས་འཕགས་པ་ཉེ་དགའ་དགྱེས་པ་སྦྲན་པར་བྱའོ།། ཁྱིམ་བདག་དང་ཁྱིམ་བདག་གི་ཆུང་མ་འདི། ཁྱོད་ལ་སོ་སོ་ནས་རས་ཡུག་ཆེན་འབུལ་བར་འགྱུར་རོ། །ཉེ་དགས་བསམ་པ། སའི་སྟེང་ན་འདོད་པའི་བདག་ཉིད་ཅན་གང་ཇི་སྙེད་པ་དེ་དག་དང་བདག་མཉམ་པར་དེང་བུ་མོ་འདིས་ཀྱང་འཕྲིགས་སོ། །སྙམ་ནས། དེས་གཤེ་སྟེ་སྨྲས་པ། བུ་མོ། །གལ་ཏེ་བདེན་པར་གྱུར་ན་ནི། ངས་ཁྱོད་ལ་གཤེ་བ་དག་ལ་ཆུགས་མ་བྱའོ། །ཇི་སྟེ་རྫུན་པར་གྱུར་ན་ནི། རྡེག་འཚོག་མང་པོ་བྱེད་དུ་བཅུག་སྟེ་སྔོན་གྱི་གནས་ཇི་ལྟ་བར་གཞག་པར་བྱའོ། །འཕགས་པ་སྤྱོ་བ་མང་དུ་མཛད་ན། བཞུད་ཅིག་དང་ཁྱོད་ཉིད་ཀྱིས་མཁྱེན་པར་འགྱུར་རོ། །དེ་ཞུགས་ནས་སྟན་བཤམས་པ་ཉིད་ལ་འདུག་པ་དང ། ཁྱིམ་བདག་དེ་ཆུང་མ་དང་བཅས་པས་རྐང་པ་ལ་ཕྱག་འཚལ་ཏེ་སྟན་ཆེས་དམའ་བ་བླངས་ནས་ཆོས་མཉན་པའི་ཕྱིར་མདུན་དུ་འདུག་གོ། །ཉེ་དགས་སྨྲས་པ། ཁྱིམ་བདག་ཁོ་བོ་ལ་སོ་སོ་ནས་རས་ཡུག་ཆེན་སྦྱིན་པར་བྱས་པ་དེ་བལྟའོ། །དེ་གཉིས་ཀྱིས་ཕན་ཚུན་གདོང་དུ་བལྟ་བར་བརྩམས་ཏེ་འདི་སྐད་ཅེས་ཀྱང་སྨྲས་སོ། །འཕགས་པ། བདག་ཅག་གིས་གསང་
Cha162b
སྟེ་སྨྲས་པ་དེ། འཕགས་པ་ལ་སུས་བགྱིས། ཅི། འཕགས་པས་གཞན་གྱི་སེམས་ཀྱང་མཁྱེན་ནམ། ཉེ་དགས་སྨྲས་པ། ཁོ་བོ་ལྷུང་བཟེད་དུ་ཟོས་ཤིང་སོ་ལྷགས་པ་དང ། སྐྲ་དཀར་པོར་གྱུར་པ་ཡིན་ན། ཁོ་བོ་ལ་དེ་ཙམ་ཡང་མི་སྲིད་དམ། ཁྱིམ་བདག་དང ། ཆུང་མ་སོ་སོ་ནས་རས་ཡུག་ཆེན་བླངས་ཏེ་ཉེ་དགའ་ལ་ཕུལ་བ་དང ། ཉེ་དགས་རས་ཡུག་ཆེན་དེ་དག་མཐོང་ནས་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་དོ། །ཁྱིམ་བདག་གིས་སྨྲས་པ། འཕགས་པ། ཅིའི་སླད་དུ་ཕྱག་གཉིས་འདྲིལ་བར་མཛད། ཞལ་སྒྱུར་བར་མཛད། ཉེ་དགས་སྨྲས་པ། ཁྱིམ་བདག། འདི་དག་ནི། ཁྱེད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི། ཡོད་ན། ཡོངས་སུ་ལོངས་སྤྱོད་པ་ལས་བྱུང་བའི་བསོད་ནམས་ནི། མེད་དེ། རས་ཡུག་ཆེན་འདི་དག་ནི། མཆིལ་ལྷམ་འཕྱི་བའམ། སྐར་ཁུང་གླན་པར་རུང་སྟེ།་འདི་དག་ནི། ཆོས་གོས་ཀྱི་རྡང་བུ་ལ་ཡོངས་སུ་ཟད་པ་དང ། མཐར་ཐུག་པར་འགྱུར་རོ། །འོ་ན། ཇི་ལྟར་བགྱི། རས་ཡུག་ཆེན་བཟང་པོ་གཞན་དག་བྱིན་ཅིག། རས་ཡུག་ཆེན་དག་མ་མཆིས་སོ། ། ཚོང་དུས་ནས་ཉོས་ཏེ་བྱིན་ཅིག་།རིན་དག་མ་མཆིས་སོ། །དུས་ཐོབ་ལ་བྱིན་ཅིག། ཁྱིམ་བདག་དེས་ཆུང་མའི་གདོང་དུ་ལྟ་བར་བརྩམས་པ་དང ། ཆུང་མས་སྨྲས་པ། རྗེའི་སྲས། བདག་ཅག་ལ་འཕགས་པ་ཉེ་དགས་ཕན་བཏགས་ཀྱི། རས་ཡུག་ཆེན་དག་འཇོལ་ལ་དེ་ཕུལ་ཅིག། ཁྱིམ་བདག་དེ་ཉེ་དགའ་དང་ལྷན་ཅིག་སྲང་དུ་སོང་ནས་ཚོང་ཁང་དུ་ཕྱིན་པ་དང་ཉེ་དགས་བསམ་པ། ཚོང་པ་འདི་ང་རྒྱལ་
Cha163a
༄#། །བསྐྱེད་པར་བྱ་སྟེ། དེས་ན། རས་ཡུག་ཆེན་བཟང་པོ་སྟེར་བར་འགྱུར་སྙམ་ནས་ཉེ་དགས་ཁྱིམ་བདག་ལ་སྨྲས་པ། ཁྱིམ་བདག། ཚོང་པ་འདི་ནི། གཅམ་བུ་ཞིག་ཡིན་པས་འདི་ལ་རས་ཡུག་ཆེན་བཟང་པོ་མེད་ཀྱི། གཞན་དུ་འདོང་ངོ ། །ཚོང་པ་དེས་དེ་ཐོས་ནས་དེས་ཆེན་པོ་ལ་འོས་པའི་རས་ཡུག་ཆེན་བསྟན་ཏེ་སྨྲས་པ། འཕགས་པ། རས་ཡུག་ཆེན་ལ་གཟིགས། རས་ཡུག་ཆེན་འདི་ནི། བཟང་ན། འདིའི་རིན་ཇི་ཙམ། འདི་དང་འདི་ཙམ་མོ། །ཁྱིམ་བདག་འདི་འཇལ་ལོ། །ཁྱིམ་བདག། འཇལ་ལམ། འཇལ་ལོ། །དུས་ཇི་ཙམ་ན། དུས་འདི་ཙམ་ནའོ། །ཚོང་པ་དེས་ཁྱིམ་བདག་དེ་ལ་རས་ཡུག་ཆེན་དེ་བྱིན་ནས། ཁྱིམ་བདག་དེས་ཉེ་དགའ་ལ་ཕུལ་བ་དང ། ཉེ་དགས་ཁྱིམ་བདག་ཨ་རོག་ཀྱ་ཞེས་སྨྲས་ནས། ཁྱོད་སྦྱིན་པ་འདིས་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་།ཅེས་སྨྲས་ཏེ་སོང་ངོ ། །ཁྱིམ་བདག་དེ་ལོངས་སྤྱོད་བསྲབས་ནས་དེས་རིན་དེ་དུས་དེ་ཙམ་གྱིས་འབུལ་བར་མ་ནུས་ནས། ཚོང་པ་དེས་ཁྱིམ་བདག་དེ་ཉི་མ་ལ་བཏགས་པ་དང ། དེ་ཆུང་པོ་གྲོགས་དག་གིས་མཐོང་ནས་སྨྲས་པ། ཅི། ཁྱོད་ཞུན་མར་འཐུངས་སམ། འོན་ཏེ་རིམས་ཀྱིས་བཏབ། བུ་ལོན་པས་བཟུང་སྟེ་འདུག་གོ་།ཁྱོད་ཀྱི་ཕས་ཀྱང་བུ་ལོན་བདག་ཡོད་པར་མ་བྱས། མེས་པོ་དག་གིས་ཀྱང་མ་བྱས་ན། བུ་ལོན་པ་དག་ལས་བྱུང ། དེས་སྨྲས་པ། གང་དག་ཤཱཀྱའི་
Cha163b
བུའི་དགེ་སློང་ལ་དད་པར་བྱེད་པ་དེ་དག། འདི་ལྟར་འགྱུར་ཏེ། འདི་ལྟར། གང་བྱིན་པ་དེ་མི་ལེན་པར་ལྷག་པ་སློང་བར་བྱེད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་གང་བྱིན་པས་མི་མགུ་ཞིང་ལྷག་པར་སློང་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གི་ཕྱིར་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པས་གོས་ཀྱི་རིན་སོ་སོ་བདག་སྤགས་ནས། བདག་ཅག་གཉིས་ཀྱིས་གོས་ཀྱི་རིན་སོ་སོ་བ་
Cha164a
༄#། །འདི་དག་གིས་གོས་འདི་དང་འདི་ལྟ་བུ་སོ་སོ་བ་དག་ཉོས་ལ། དགེ་སློང་མིང་འདི་ཞེས་བྱ་བ་འོངས་པ་དང་བདག་ཅག་གཉིས་ཀྱིས་སོ་སོ་ནས་དེ་ལ་གོས་རུང་བ་དུས་སུ་བསྐོན་ནོ། །སྙམ་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་རྣམ་པར་རྟོག་པ་འགའ་ཞིག་བྱུང་སྟེ། བཟང་པོ་འདོད་པའི་ཕྱིར་ཁྱིམ་བདག་དང ། ཁྱིམ་བདག་གི་ཆུང་མ་ཉེ་དུ་མ་ཡིན་པ་དེ་དག་གི་གན་དུ་སོང་ནས་འདི་སྐད་ཅེས། ཚེ་དང་ལྡན་པ་དག་གི་ཕྱིར་གོས་ཀྱི་རིན་སོ་སོ་བ་གང་དག་སྤགས་པའི་གོས་ཀྱི་རིན་སོ་སོ་བ་དེ་དག་གིས་ཚེ་དང་ལྡན་པ་དག་གོས་འདི་དང་འདི་ལྟ་བུ་སོ་སོ་བ་དག་ཉོས་ལ་གཉི་ག་འདུས་ཏེ་བདག་ལ་གོས་རུང་བ་ཞིག་དུས་སུ་ལེགས་པར་སྐོན་ཅིག་ཅེས་སྨྲས་ཏེ་གོས་གྲུབ་ན། སྤང་བའི་ལྟུང་བྱེད་དོ། །དགེ་སློང་གི་ཕྱིར་ཞེས་བྱ་བ་ནི། ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །ཁྱིམ་བདག་ཅེས་བྱ་བ་ནི། སྐྱེས་པའོ། །ཁྱིམ་བདག་གི་ཆུང་མ་ཞེས་བྱ་བ་ནི། བུད་མེད་དོ། །ཉེ་དུ་མ་ཡིན་པས་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ཀྱི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །གོས་ཀྱི་རིན་ཞེས་བྱ་བ་ནི། གསེར་རམ་དངུལ་ལོ། །གོས་འདི་དང་འདི་ལྟ་བུ་ཞིག་ཅེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་ལས་གང་ཡང་རུང་བའོ། །ཉོས་ལ་ཞེས་བྱ་བ་ནི། ཉོས་ཏེའོ། །དགེ་སློང་མིང་འདི་ཞེས་བྱ་བ་འོངས་པ་དང་ཞེས་བྱ་
Cha164b
བ་ནི། ཤཱཀྱའི་བུ་ཉེ་དགའོ། །དེ་ལ་གོས་རུང་བ་དུས་སུ་བསྐོན་ནོ། །སྙམ་པ་ལས་ཞེས་བྱ་བ་ནི། ལོངས་སྤྱད་པར་བཟེད་པའོ། །དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་ཞེས་བྱ་བ་ནི། སྔར་མགྲོན་དུ་མ་བོས་གྱུར་རོ། །རྣམ་པར་རྟོག་པ་འགའ་ཞིག་བྱུང་སྟེ་ཞེས་བྱ་བ་ནི། བསྙེན་བཀུར་བྱེད་པ་ཞིག་བྱུང་སྟེའོ། །བཟང་པོ་འདོད་པའི་ཕྱིར་ཞེས་བྱ་བ་ནི། རབ་དང་མཆོག་གི་ཕྱིར་རོ། །ཁྱིམ་བདག་དང་ཁྱིམ་བདག་གི་ཆུང་མ་ཉེ་དུ་མ་ཡིན་པ་དེ་དག་གི་གན་དུ་སོང་ནས་ཞེས་བྱ་བ་ནི། དྲུང་དུ་སོང་ནས་སོ། །གཉི་ག་འདུས་ཏེ་ཞེས་བྱ་བ་ནི། གཉི་ག་ཚོགས་ཏེའོ། །གོས་གྲུབ་ན་ཞེས་བྱ་བ་ནི། གོས་ཐོབ་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི།་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། རིན་ཐང་དང ། ཁ་དོག་དང ། ཁྲུ་ཚད་ལས་ཏེ། ཇི་ལྟར་རིན་ཐང་ལས་ཤེ་ན། དགེ་སློང་གིས་ཀཪྴ་པ་ཎ་ལྔ་རི་བའི་གོས་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་པ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི།་ལྟུང་བ་མེད་དོ། །ཀཪྴ་པ་ཎ་ལྔ་རི་བ་ཇི་ལྟ་བ་དེ་བཞིན་དུ། ཀཪྴ་པ་ཎ་བཅུ་རི་བ་དང ། ཀཪྴ་པ་ཎ་ཉི་ཤུ་རི་བ་དང ། ཀཪྴ་པ་ཎ་ལྔ་བཅུ་རི་བའི་བར་གྱི་གོས་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །དེ་དེ་ལྟར་རིན་ཐང་ལས་སོ། །ཇི་ལྟར་ཁ་དོག་ལས་ཤེ་ན། དགེ་སློང་གིས་སྔོན་པོ་ཐོབ་པ་ན། དེ་དེ་ལས་ལྷག་
Cha165a
༄#། །པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །སྔོན་པོ་ལ་ཇི་ལྟ་བ་དེ་བཞིན་དུ་སེར་པོ་དང ། དམར་པོ་དང ། སྟུག་པོ་དང ། སྲབ་མོ་ཐོབ་པ་ན། དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །དེ་ལྟར་ཁ་དོག་ལས་སོ། །ཇི་ལྟར་ཁྲུ་ཚུད་ལས་ཤེ་ན། དགེ་སློང་གིས་གོས་ཁྲུ་ལྔ་པ་ཐོབ་པ་ན། དེ་དེ་ལས་ལྷག་པ་སློང་ན། ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །ཁྲུ་ལྔ་པ་ཇི་ལྟ་བ་དེ་བཞིན་དུ་ཁྲུ་བཅུ་པ་དང ། ཁྲུ་ཉི་ཤུ་པ་དང ། ཁྲུ་ལྔ་བཅུ་པའི་བར་གྱི་གོས་ཐོབ་ན། དེ་དེ་ལས་ལྷག་པ་སློང་ན། དེ་ལྷག་པ་སློང་བ་དེ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དེ་ལྟར་ཁྲུ་ཚད་ལས་སོ། །དགེ་སློང་གིས་གོས་དག་སྤང་བར་གྱུར་ན། དེ་མ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་
Cha165b
རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན། དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གི་གོས་སྤང་བར་གྱུར་ན། ཇི་སྲིད་དུ་དངོས་པོ་དེ་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སློང་གི་འཚོ་བའི་ཡོ་བྱད་གང་ཡང་རུང་བ་ཉེ་བར་འཇོག་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ཁ་ཚར་སློང་བ་ན། ལྷན་པ་ཐོབ་པ་དང ། ལྷན་པ་སློང་བ་ན། རས་ཡུག་ཕྲན་ནམ། རས་ཡུག་ཆེན་ཐོབ་པ་ལ་ལྟུང་བ་མེད་དོ།། ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སོ་སོ་ནས་སྤངས་པ་ལས་ལྷག་པ་སློང་བའི་སྤང་བ་སྟེ། དགུ་པ་རྫོགས་སོ།། །། འདུལ་བ་རྣམ་པར་འབྱེད་པ། བམ་པོ་སོ་གཅིག་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན། འོད་མའི་ཚལ་ཀ་ལནད་ཀའི་གནས་ན་བཞུགས་སོ། །ཉེ་དགའ་ལ་བློ་སྐྱེས་པ། འདི་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་བསྡམས་པར་བྱས་པས། ཕྱིན་ཅད་རས་ཡུག་ཕྲན་སྒྲེ་བོ་ཡང་སུ་ལས་ཀྱང་བསླང་བར་མི་ནུས་ཀྱི། འདི་ལྟར། བདག་དང་ལྷན་ཅིག་ཡི་གེའི་གྲཝ་ན་ཡིག་འབྲུའི་ཡི་གེ་དག་སློབ་སློབ་པ་བྲམ་ཟེ་དབྱར་ཚུལ་ཡོད་ཀྱི། དེའི་གན་དུ་སོང་སྟེ་བལྟས་ན། དེ་ལས་ཅུང་ཟད་འཐོབ་ཀྱང་སྲིད་དོ། །སྙམ་ནས། དེ་དེའི་ཁྱིམ་དུ་སོང་བ་དང ། སྒོ་བས། འཕགས་
Cha166a
༄#། །པ།་མ་འཇུག་ཅིག་ཅེས་བཀག་གོ་།ཉེ་དགས་སྨྲས་པ། བཞིན་བཟང ། བཅོམ་ལྡན་འདས་ཀྱིས་བདག་ཅག་གི་སྤྱོད་ཡུལ་མ་ཡིན་པ་ནི། རྣམ་པ་ལྔ་གསུངས་ཏེ། རོལ་མོ་མཁན་གྱི་ཁྱིམ་དང ། འཇུད་མཐུན་མའི་ཁྱིམ་དང ། ཆང་མའི་ཁྱིམ་དང ། རྒྱལ་པོའི་ཕོ་བྲང་དང ། གདོལ་བའི་ཁྱིམ་ཡིན་ན། ཅི་འདི་རོལ་མོ་མཁན་གྱི་ཁྱིམ་མམ། འཇུད་མཐུན་མའི་ཁྱིམ་མམ། ཆང་མའི་ཁྱིམ་མམ། རྒྱལ་པོའི་ཕོ་བྲང་ངམ། གདོལ་པའི་གནས་ཡིན་ནམ། འཕགས་པ། ཁྱོད་སྤྱོ་བ་མང་དུ་མཛད་དེ། འདི་ནི། རོལ་མོ་མཁན་གྱི་ཁྱིམ་ཡང་མ་ལགས། འཇུད་མཐུན་མའི་ཁྱིམ་ཡང་མ་ལགས། ཆང་མའི་ཁྱིམ་ཡང་མ་ལགས། རྒྱལ་པོའི་ཕོ་བྲང་ཡང་མ་ལགས། གདོལ་བའི་གནས་ཀྱང་མ་ལགས་ཏེ། འདི་ལྟར། འདི་ནི། བྲམ་ཟེ་དབྱར་ཚུལ་གྱི་སྡུམ་པ་ལགས་སོ། །ཀཝའི་ནང་རྗེ།་སོང་ལ་བྲམ་ཟེ་དབྱར་ཚུལ་ལ་ཉེ་དགའ་ཤེས་ལྡན་ལྟ་བར་འདོད་ཅིང་སྒོ་ན་སྡོད་དོ། །ཞེས་གྱིས་ཤིག་།སྒོ་བས་སྨྲས་པ། ཁྱོད་རྒྱལ་པོ་གཟུགས་ཅན་སྙིང་པོའི་སྙིང་ཚོམས་མཆིས་པ་ལགས་སྙམ་མམ། བཀྲེན་པ། གལ་ཏེ་སྦྲོན་ན་སྦྲོན་ཅིག་།མི་སྦྲོན་ན། ཁྱོད་ལ་མཚམས་ཆེན་པོ་གཅད་པ་སྦྱིན་པར་བྱའོ། །སྒོ་བས་བསམ་པ། འདི་ནི། འདི་ལྟར་འཇིགས་པ་མེད་པ་དང ། བག་ཚ་བ་མེད་པར་ཚིག་གཏོང་བ་ལས་ན། མ་སྦྲན་ན་གནོད་པ་བྱེད་ཀྱི། སོང་ལ་སྦྲན་ནོ། །སྙམ་ནས་དེ་དེར་སོང་སྟེ་སྨྲས་པ། ཇོ་བོ། བཙུན་པ་ཉེ་དགའ་ཇོ་བོ་ལྟ་བར་འཚལ་ཞིང་ཆབ་སྒོ་ན་སྡོད་དོ། །
Cha166b
དབྱར་ཚུལ་གྱིས་སྨྲས་པ། བཙུན་པ་ཉེ་དགའ་ལ་སུ་འགོག་།བཙུན་པ་ཉེ་དགའ་འཇུག་ཏུ་ཆུག་ཅིག་།ཉེ་དགའ་ཞུགས་པ་དང ། དབྱར་ཚུལ་གྱིས་སྨྲས་པ། བཙུན་པ་ཉེ་དགའ་བྱོན་པ་ལེགས་སོ། །བཙུན་པ་ཉེ་དགའ་གདན་བཤམས་པ་ཉིད་ལ་བཞུགས་ཤིག་།ཉེ་དགའ་དེའི་མདུན་དུ་འདུག་སྟེ། དེས་སྒྲ་མཐོན་པོ་དང ། སྒྲ་ཡིད་དུ་འོང་བ་དང ། སྒྲ་ཟབ་མོས་སྦྱིན་པའི་བསྔགས་པ་བརྗོད་པར་བརྩམས་སོ། ། གང་གི་ཚེ་ཉེ་དགའ་ཡིད་དགའ་ཞིང་ཡིད་དགའ་ནས་སྦྱིན་པའི་བསྔགས་པ་རྗོད་པར་བྱེད་པ་དེའི་ཚེ་ན་བྲམ་ཟེ་དང་ཁྱིམ་བདག་དད་པ་ཅན་དག་འདི་སྙམ་དུ། ཀྱེ་མ་རང་གི་ཤ་དག་ཀྱང་བཅད་ཅིང་བཅད་ཅིང་སྦྱིན་པར་བྱའོ། །སྙམ་དུ་སེམས་པས་བྲམ་ཟེ་དབྱར་ཚུལ་གྱིས་སྨྲས་པ། བཙུན་པ་ཉེ་དགའ་དབྱར་གནས་པ་ལ་ཀཪྴ་པ་ཎ་དྲུག་ཅུ་འབུལ་ལོ། ། རོག་ཀྱ། སྦྱིན་པ་འདིས་ཁྱོད་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་ལོངས་སྤྱོད་ཀྱང་ཐོབ་པར་གྱུར་ཅིག་ཅེས་སྨྲས་ཏེ་སོང་ངོ ། །མཉན་ཡོད་ནས་དགེ་སློང་གཉིས་ཤིག་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་རྒྱལ་པོའི་ཁབ་ཏུ་འོངས་སོ། །བཅོམ་ལྡན་འདས་ཀྱིས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་སོང་ལ་དགེ་སློང་རྣམས་ལ། དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང ། དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་ཀྱི་ལས་གྱིས་
Cha167a
༄#། །ཤིག་ཅེས་སྒོས་ཤིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་ཚེ་དང་ལྡན་པ་དག ། བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་ཀྱི་ལས་གྱིས་ཤིག་།དགེ་སློང་རྣམས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོ་ལས་མཉན་ཏོ། །མཉན་ཡོད་ནས་འོངས་པའི་དགེ་སློང་དེ་གཉིས་ཀྱིས་དེ་ཐོས་ནས་བདག་ཅག་ཀྱང་མཉན་ཡོད་དུ་འགྲོ་དགོས་སོ། །སྙམ་ནས་མི་དགའ་བར་གྱུར་ཏོ། །ཉེ་དགས་ཐོས་ནས་ཉམ་ང་བར་གྱུར་ཏོ། བདག་ལ་བརྒྱ་ལ་བརྒྱ་ལམ་ན་རྙེད་པ་བྱུང་བ་དེའི་བར་ཆད་བྱུང་ངོ ། །སྙམ་ནས། དེ་བྲམ་ཟེ་དབྱར་ཚུལ་གྱི་གན་དུ་སོང་སྟེ་སྒྲ་དམའ་བ་དང ། ཡིད་དུ་མི་འོང་བ་དང ། སྒྲ་ཞུམ་པས་སྦྱིན་པའི་བསྔགས་པ་བརྗོད་པར་བརྩམས་པ་དང ། དབྱར་ཚུལ་གྱིས་སྨྲས་པ། བཙུན་པ་ཉེ་དགའ། ཁྱོད་སྔོན་སྒྲ་མཐོན་པོ་དང ། སྒྲ་ཡིད་དུ་འོང་བ་དང ། སྒྲ་ཟབ་མོ་སྦྱིན་པའི་བསྔགས་པ་བརྗོད་པར་མཛད་ན། ཁྱོད་ད་ལྟར་སྒྲ་དམའ་བ་དང ། སྒྲ་ཡིད་དུ་མི་འོང་བ་དང ། སྒྲ་མི་ཟབ་པས་སྦྱིན་པའི་བསྔགས་པ་རྗོད་པར་མཛད་པ་འདི་ལ་རྒྱུ་ཅི་མཆིས། ཆུང་བོ་གྲོགས། བདག་ཅག་བརྒྱ་ལ་བརྒྱ་ལམ་ན་ཕྲད་པ་འབྱུང་ན། དེ་ཡང་ཡུན་མི་རིང་བ་ཁོ་
Cha167b
ནར་འབྲལ་བར་འགྱུར་བའི་ཕྱིར་རོ། །མ་ག་དྷ་པ་ཟུར་གྱིས་གོ་།ཀོ་ས་ལབ་བརྗོད་ན་ཤེས། །བན་ཙ་ལ་པ་ཡིག་ཕྱེད་ཀྱིས། །ནུབ་མི་མ་སྨྲས་མི་ཤེས་སོ། །ཞེས་བྱ་བ་ཡིན་པས་དབྱར་ཚུལ་གྱིས་བསམ་པ། འདི་ནི། ཤཱཀྱའི་རིགས་རྒྱ་ཆེན་པོ་དེ་སྙེད་སྤངས་ཏེ་རབ་ཏུ་བྱུང་བ་ཡིན་པས། འདི་བདག་དང་འབྲལ་བ་ལ་མྱ་ངན་མི་བྱེད་ཀྱི། ཀཪྴ་པ་ཎ་དྲུག་ཅུ་འཆོར་བའི་མྱ་ངན་བྱེད་དོ། །སྙམ་ནས་སྨྲས་པ། བཙུན་པ་ཉེ་དགའ་གང་དང་གང་དུ་གནས་པར་བདག་གིས་ཀཪྴ་པ་ཎ་དྲུག་ཅུ་བསྐུར་བར་བགྱིའོ། ། རོག་ཀྱ། དེ་ལྟ་ན་ཕན་ཕུན་མེད་པ་དང ། ཀུན་ནས་ཉོན་མོངས་པ་མེད་པའི་སྦྱིན་པ་དག་སྦྱིན་ཞིང་བསོད་ནམས་དག་བྱེད་པ་ཡིན་ནོ། །ཞེས་སྨྲས་ནས་སྟན་ལས་ལངས་ཏེ་སོང་ངོ ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་
Cha168a
༄#། །སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་བའི་ཚོགས་ཀྱིས་ཡོངས་སུ་བསྐོར་བ།་ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་བསྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་སོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། གནོད་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ།་བརྒྱ་བྱིན་ལྟར་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ནི། ཤིན་ཏུ་དུལ་བ། སྤྱོད་ལམ་དང ། སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་
Cha168b
བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ།་སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ་པ། ཉག་གཅིག་དཔའ་བ། གཉིས་པ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། རིགས་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་པར་བསླབ་པ།་དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་བརྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱངས་པར་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ་བརྒྱ་ཕྲག་བཅུར་དབང་བསྒྱུར་བ་ལས་ཁྱད་པར་འཕགས་པ། ཀུན་ཤེས་ཀོའུ་དི་ནྱ་དང ། རླངས་པ་
Cha169a
༄#། །དང ། མིང་ཆེན་དང ། མ་འགག་པ་དང ། ཤཱ་རིའི་བུ་དང ། མོའུ་དགལ་གྱི་བུ་དང ། འོད་སྲུང་དང ། ཀུན་དགའ་བོ་དང ། ནམ་གྲུ་ལ་སོགས་པ་ཉན་ཐོས་ཆེན་པོ་དག་དང ། གཞན་ཡང་དགེ་སློང་གི་དགེ་འདུན་མང་པོས་ཡོངས་སུ་བསྐོར་ཅིང་མདུན་དུ་བདར་ནས་ཀོ་ས་ལ་དག་ཏུ་ལྗོངས་རྒྱུར་གཤེགས་ཏེ་མཉན་ཡོད་དུ་བྱོན་ནས། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་པའི་ཚོང་པ་དག་ཟོང་ཐོགས་ཏེ་རྒྱལ་པོའི་ཁབ་ཏུ་དོང་བ་དག་གལ་ཏེ་དོན་མཐུན་མང་ན། དེ་ལ་རྒྱལ་པོའམ་བྲམ་ཟེ་དབྱར་ཚུལ་ཤོ་གམ་གཅོད་པར་བྱེད་པས། བྲམ་ཟེ་དབྱར་ཚུལ་གྱིས་ཤོ་གམ་པ་དག་ལ་སྨྲས་པ། གང་གི་ཚེ་མཉན་ཡོད་པའི་ཚོང་པ་དག་མཉན་ཡོད་དུ་ཕྱིར་འགྲོ་བ་དེའི་ཚེ་ན་ཁོ་བོ་ལ་སྦྲོན་ཅིག་།ཤོ་གམ་པ་དག་གིས་ཚོང་པ་དག་ལ་བསྒོ་ནས། དེ་དག་གིས་ཟོང་བསྒྱུར་ཏེ་རིན་བླངས་ནས་བྲམ་ཟེ་དབྱར་ཚུལ་གྱི་གན་དུ་དོང་སྟེ། བདག་ཅག་མཉན་ཡོད་དུ་མཆི་ན། བགྱི་བ་ཅི་མཆིས་ཞེས་སྨྲས་པ་དང ། བྲམ་ཟེ་དབྱར་ཚུལ་གྱིས་ཚོང་པ་གཅིག་ལ་ཀཪྴ་པ་ཎ་དྲུག་ཅུ་གཏད་དེ། ཁྱོད་ཀྱིས་འདི་བཙུན་པ་ཉེ་དགའི་གན་དུ་ཁྱེར་ལ་ཕུལ་ཅིག་ཅེས་བསྒོའོ། །ཚོང་པ་དེས་བསམ་པ། གང་བྲམ་ཟེ་དབྱར་ཚུལ་གྱིས་དད་པར་བྱ་བའི་དགེ་སློང་དེའི་ནི། གདོན་མི་ཟ་བར་གྲགས་པ་ཡིན་པས་བདག་གིས་ཀྱང་དེ་ལ་དགའ་བ་ཅུང་ཟད་བྱའི། གོས་དག་བསྐོན་ནོ། །སྙམ་ནས། དེ་འོད་མའི་ཚལ་དུ་སོང་སྟེ། དགེ་སློང་
Cha169b
གི་གན་དུ་ཕྱིན་ནས་དྲིས་པ། འཕགས་པ། དགེ་སློང་གི་ཚུལ་དང་མཐུན་པའི་གོས་དག་ཇི་ལྟ་བུ་ལགས། བཞིན་བཟང ། ཅི། དགེ་འདུན་ལ་རས་ཡུག་ཆེན་གྱི་སྦྱིན་པ་བྱེད་དམ། འཕགས་པ། དགེ་འདུན་ལ་རས་ཡུག་ཆེན་གྱི་སྦྱིན་པ་མི་བགྱིད་དེ། འདི་ལྟར། བྲམ་ཟེ་དབྱར་ཚུལ་གྱིས་བཙུན་པ་ཉེ་དགའ་ལ་ཀཪྴ་པ་ཎ་དྲུག་ཅུ་བསྐུར་པ་དག་དེའི་གོས་དག་ཏུ་བསྒྱུར་ཏེ་མཆིའོ། །དགེ་སློང་དེས་སྨྲས་པ། བཞིན་བཟང ། གོས་དག་ཀྱང་ལེན་ཅིང་ཁྱོད་ཀཪྴ་པ་ཎ་དྲུག་ཅུ་ཡང་འབུལ་དུ་འཇུག་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །ཚོང་པ་དེས་བསམ་པ། འདི་ནི། གོར་མ་ཆག་པར་དེ་དང་འཁོན་ཡོད་པ་ཡིན་ནོ། །སྙམ་ནས་དགེ་སློང་གཞན་ཞིག་གི་གན་དུ་སོང་སྟེ་དྲིས་པ། འཕགས་པ། དགེ་སློང་གི་ཚུལ་དང་མཐུན་པའི་གོས་དག་ཇི་ལྟ་བུ་ལགས། བཞིན་བཟང ། ཅི། དགེ་འདུན་ལ་རས་ཡུག་ཆེན་གྱི་སྦྱིན་པ་བྱེད་དམ། འཕགས་པ། དགེ་འདུན་ལ་རས་ཡུག་ཆེན་གྱི་སྦྱིན་པ་མི་བགྱིད་དེ། འདི་ལྟར། བྲམ་ཟེ་དབྱར་ཚུལ་གྱིས་བཙུན་པ་ཉེ་དགའ་ལ་ཀཪྴ་པ་ཎ་དྲུག་ཅུ་བསྐུར་བ་དག་དེའི་གོས་དག་ཏུ་བསྒྱུར་ཏེ་མཆིའོ། །དགེ་སློང་དེས་སྨྲས་པ། གལ་ཏེ་རྒྱས་མ་བཏབ་པར་ཁྱེར་ན། ཁྱོད་ཀྱི་ཁེ་སྤོགས་འབུལ་དུ་འཇུག་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །ཚོང་པ་དེས་བསམ་པ། འདི་དང་དེ་གཉིས་མཐུན་ནོ། །སྙམ་ནས་དེ་བྲམ་ཟེ་དབྱར་ཚུལ་གྱི་གན་དུ་སོང་སྟེ་སྨྲས་པ། དབྱར་ཚུལ། ཀཪྴ་པ་ཎ་འདི་དག་རྒྱས་ཐོབ་ཅིག་།བཞིན་བཟང ། ཡིད་ཆེས་ཀྱི། ཁྱོད་ཉིད་ཁྱེར་ཅིག་།དབྱར་ཚུལ་
Cha170a
༄#། །བདག་ལ་ཐུགས་ཆེས་མོད་ཀྱི། འོན་ཀྱང་བདག་གིས་ལེགས་པར་བགྱི་བ་བགྱིའོ། །དབྱར་ཚུལ་གྱིས་རྒྱས་བཏབ་ནས་དེས་དེ་དག་ཁྱེར་ཏེ་མཉན་ཡོད་དུ་སོང་ནས་དེ་རྒྱལ་བྱེད་ཀྱི་ཚལ་དུ་སོང་སྟེ་དགེ་སློང་རྣམས་ལ་དྲིས་པ། འཕགས་པ་དག་།འཕགས་པ་ཉེ་དགའི་གཙུག་ལག་ཁང་གང་ལགས། དེ་དག་གིས་དེའི་གཙུག་ལག་ཁང་འདི་ཡིན་ནོ། །ཞེས་བསྟན་ནས། དེ་དེར་སོང་བ་དང་ཉེ་དགའ་མི་སྣང་ནས་དེས་དགེ་སློང་ཞིག་ལ་དྲིས་པ། འཕགས་པ། བཙུན་པ་ཉེ་དགའ་གར་བཞུད། དེས་སྨྲས་པ། ཉིན་མོ་སྤྱོད་པའི་ཕྱིར་རོ། །ཚོང་པ་དེས་སྨྲས་པ།་བྲམ་ཟེ་དབྱར་ཚུལ་གྱིས་དེ་ལ་ཀཪྴ་པ་ཎ་དྲུག་ཅུ་བསྐུར་བ་འདི་དག་ཞོག་ལ། དེ་མཆིས་ན་སྩོལ་ཅིག་།བཞིན་བཟང ། ཁྱོད་ཀྱིས་སྒྲོན་མ་རབ་ཏུ་འབར་བ་མགོ་བོས་འཛིན་པ་འགའ་མཐོང་ངམ། དེས་བསམ་པ། འདི་ནི། གདོན་མི་ཟ་བར་དེ་དང་འཁོན་ཡོད་པ་ཡིན་ནོ། །སྙམ་ནས་དེ་དགེ་སློང་གཞན་ཞིག་གི་གན་དུ་སོང་སྟེ་སྨྲས་པ། འཕགས་པ། བྲམ་ཟེ་དབྱར་ཚུལ་གྱིས་བཙུན་པ་ཉེ་དགའ་ལ་ཀཪྴ་པ་ཎ་དྲུག་ཅུ་བསྐུར་བ་འདི་དག་ཞོག་ལ། དེ་མཆིས་ན་སྩོལ་ཅིག་།བཞིན་བཟང ། གལ་ཏེ་ཁྱོད་ཀྱིས་རྒྱས་མ་བཏབ་པར་འོངས་ན། ཁྱོད་ཡུལ་གྱི་ཁེ་སྤོགས་འཇལ་དུ་འཇུག་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །དེས་བསམ་པ། འདི་དང་དེ་གཉིས་མཐུན་གྱི། ཁྱིམ་དུ་སོང་ལ་དེ་ཉིད་དུ་དེ་འོངས་པ་ལ་བདེ་བར་ཚིག་གི་ལན་གདབ་བོ། །སྙམ་ནས་སྨྲས་པ།
Cha170b
འཕགས་པ། བཙུན་པ་ཉེ་དགའ་ལ་ཁྱིམ་བདག་གི་མཆིད་ནས་འདི་སྐད་ཅེས། བདག་གི་སྡུམ་པ་ནི། ཕྱོགས་ག་གེ་མོ་ཞིག་ན་མཆིས་ཀྱི། གལ་ཏེ་ཀཪྴ་པ་ཎ་བཞེད་ན། གཤེགས་སུ་གསོལ་ཞེས་གསུངས་ཤིག་ཅེས་སྨྲས་ཏེ་སོང་ངོ ། །ཉེ་དགའ་ཡང་གཙུག་ལག་ཁང་དུ་འོངས་ནས་དགེ་སློང་རྣམས་ཀྱིས་སྨྲས་པ། བཙུན་པ་ཉེ་དགའ། བཅོམ་ལྡན་འདས་ཀྱིས་ཚུལ་ཁྲིམས་དང་ལྡན་པའི་སེམས་སྨོན་པ་འགྲུབ་སྟེ། དེ་ཡང་ཚུལ་ཁྲིམས་རྣམ་པར་དག་པའི་ཕྱིར་རོ། །ཞེས་བྱ་བ་དེ། ལེགས་པར་གསུངས་པ་ཡིན་ཏེ། ཁྱོད་དེང་ཁོ་ན་ཉིན་མོ་སྤྱོད་ཡུལ་དུ་སོང་བས་དེང་ཉིད་དུ་ཀཪྴ་པ་ཎ་དྲུག་ཅུ་གྲུབ་བོ། །གང་གིས་བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་རེ་རེ་ལ་ཀཪྴ་པ་ཎ་དྲུག་ཅུ་དྲུག་ཅུ་སྦྱིན་པའི་སྦྱིན་བདག་དེ་ལྟ་བུ་དེ་གང་ཡིན། བཙུན་པ་ཉེ་དགའ། དགེ་འདུན་ཐམས་ཅད་ལ་མ་ཡིན་གྱི། ཁྱོད་ཅིག་པུ་ལའོ། །གང་གིས་ཉེ་དགའ་ལ་ཀཪྴ་པ་ཎ་དྲུག་ཅུ་སྦྱིན་པའི་སྦྱིན་བདག་དེ་ལྟ་བུ་དེ་གང་ཡིན། བྲམ་ཟེ་དབྱར་ཚུལ་གྱིས་བསྐུར་རོ། །དེ་ནི། ཕྱི་རོལ་གྱི་རྙེད་པ་ཁོ་ན་ཡིན་ན། རྒྱ་མ་བྱིད་དམ། མ་ཞུའམ། སྒྱུ་མ་ཞུགས་སམ། སུས་བརྟགས། མ་བརྟགས་པ་ཁོ་ནར་བླངས་སམ། སུས་བླངས། ཁོ་བོ་ནི། དགྲ་བོ་ཤ་སྟག་གི་ནང་ན་འདུག་གོ། དེ་ལ་དགེ་སློང་གཞན་དེས་སྨྲས་པ། བཙུན་པ་ཉེ་དགའ། ཡི་ཆད་དུ་ཅི་ཡོད། ཁྱིམ་བདག་དེ་ན་རེ། བདག་གི་སྡུམ་པ་ནི། ཕྱོགས་ག་གེ་མོ་ཞིག་ན་མཆིས་ཀྱི། གལ་ཏེ་ཀཪྴ་པ་ཎ་བཞེད་ན། གཤེགས་སུ་གསོལ་ཞེས་ཟེར་རོ། །ཉེ་དགས་སྣམ་
Cha171a
༄#། །སྦྱར་བླངས་ཏེ་གོམ་པ་བསྐྱོད་དེ་སོང་བ་དང ། ཁྱིམ་བདག་དེས་དེ་ཐག་རིང་པོ་ཁོ་ན་ནས་འོངས་པ་མཐོང་ནས་དེས་བསམ་པ། དགེ་སྦྱོང་ཧྲལ་པོ་གོམ་པ་འདི་ལྟ་བུས་འོང་བ་འདི་ནི། བཙུན་པ་ཉེ་དགའ་ཡིན་གོར་མ་ཆག་སྙམ་ནས། དེས་ཐག་རིང་པོ་ཁོ་ན་ནས་དེ་ལ་སྨྲས་པ། ཁྱོད་བཙུན་པ་ཉེ་དགའ་མ་ལགས་སམ། ཁོ་བོ་ཡིན་ནོ། །བྲམ་ཟེ་དབྱར་ཚུལ་གྱིས་ཁྱོད་ལ་ཀཪྴ་པ་ཎ་དྲུག་ཅུ་བསྐུར་བར་འདི་ལགས་ཀྱི། བཞེས་ཤིག། ཨ་རོག་ཀྱ། སྦྱིན་པ་འདིས་ནི། ཁྱོད་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་ལོངས་སྤྱོད་ཀྱང་ཐོབ་པར་གྱུར་ཅིག། འཕགས་པ་ཅིའི་སླད་དུ་བདག་གི་མིང་གིས་ཡོན་བཤད་པ་མཛད། བྲམ་ཟེ་དབྱར་ཚུལ་གྱི་མིང་གིས་ཡོན་བཤད་པ་མཛོད་ཅིག། བཀྲེན་པ། འདི་ལ་དོགས་པ་ཅི་ཡོད། འདི་ལྟར། ཁྱོད་ཀྱིས་ཀྱང་མང་དུ་བྱས་ཏེ། ཁྱོད་ཀྱིས་ཁྱེར་ཏེ་འོངས་པའི་ཕྱིར་རོ། །གང་གིས་འདི་ཁྱེར་ཏེ་སྲང་དུ་འགྲོ་བའི་ཁྱེའུ་ཞིག་རེ་ཞིག་རྙོས་ཤོག། འཕགས་པ། བདག་ལ་ཁྱེའུ་མ་མཆིས་སོ། །བཀྲེན་པ། རྒྱལ་པོའི་ཁབ་ནས་ཐག་རིང་པོ་འདི་སྲིད་དུ་ཁྱེར་ཏེ་འོངས་ན། སྲང་དུ་སྐྱེལ་མི་ནུས་སམ། དེས་ཁྱེའུ་ལ་སྨྲས་པ། ཀཪྴ་པ་ཎ་ཁྱེར་ཏེ་འཕགས་པའི་ཕྱི་བཞིན་སོང་ལ་ཕྱི་རོལ་དུ་མ་འབྱུང་ཞིག། འདིས་ཁྱོད་ལ་བཅའ་བའི་རིན་སྦྱིན་དུ་མ་གཞུག་ཅིག། ཁྱེའུ་དེས་ཀཪྴ་པ་ཎ་དེ་ཁྱེར་ཏེ་དེའི་ཕྱི་བཞིན་སྲང་དུ་སོང་ནས་ཚོང་རྡལ་དང་པོར་ཕྱིན་པ་དང་
Cha171b
དེས་སྨྲས་པ། འཕགས་པ་ཀཪྴ་པ་ཎ་འདི་དག་འདིར་འཇོག་ཏུ་སྩོལ་ཅིག། ཉེ་དགས། ཁྱེའུ་ཁྱོད་ཤིན་ཏུ་ལེགས་པར་བསླབ་བོ། །ཞེས་དེས་སྤོས་ཚོང་གི་ཁྱེའུ་ཞིག་ལ་སྨྲས་པ། བཞིན་བཟང ། ཀཪྴ་པ་ཎ་འདི་དག་རེ་ཞིག་ཞོག་ཅིག། འཕགས་པ། བདག་ནི། བླ་མ་ལ་རག་ལས་པ་ལགས་སོ། །ཁྱོད་ནམ་ཡང་རང་ལ་རག་ལས་པར་མ་གྱུར་ཅིག། དེ་སྤོས་ཚོང་གི་ཁྱེའུ་གཞན་ཞིག་གི་གན་དུ་སོང་སྟེ་སྨྲས། པ།་བཞིན་བཟང་ཀཪྴ་པ་ཎ་འདི་དག་རེ་ཞིག་ཞོག་ཅིག། འཕགས་པ། བདག་གི་བླ་མ་སླད་རོལ་དུ་མཆིས་སོ། །ནམ་ཡང་འཇུག་པར་མ་གྱུར་ཅིག། དེ་སྤོས་ཚོང་གི་ཁྱེའུ་དད་པ་གསར་དང་ལྡན་པ་ཞིག་ཡོད་པ་དེའི་གན་དུ་སོང་སྟེ་སྨྲས་པ། བཞིན་བཟང ། ཀཪྴ་པ་ཎ་འདི་དག་རེ་ཞིག་ཞོག་ཅིག། འཕགས་པ། བདག་བླ་མ་ལ་རག་ལས་པ་ལགས་སོ། །ཁོ་བོས་ཁྱོད་ཀོ་དད་པ་དང་ལྡན་པར་ཤེས་ཀྱི། ཁོ་བོས་ཁྱོད་ཇི་ལྟར་རྟུག་པ་ལ་དད་པར་ནི། མི་ཤེས་སོ། །གལ་ཏེ་ཁྱོད་ཀྱིས་དད་པ་མ་ཐོབ་ཏུ་ཟིན་ན། ཁྱོད་ཀྱིས་ཤིང་ཚལ་བླངས་ཏེ་དགེ་སློང་སྐྲོད་པར་ཡང་འགྱུར་རོ། །དེ་སྐྱེངས་ནས་སྨྲས་པ། འཕགས་པ།་གཞག་ཏུ་གསོལ། ཉེ་དགས་ཀཪྴ་པ་ཎ་དེ་དག་དེར་བཞག་སྟེ། ཁྱིམ་བདག་གི་ཁྱེའུ་དེ་ཕྱིར་བཏང་སྟེ་སོང་ངོ ། །ཚོང་པའི་ཚོགས་ཀྱིས་ཀྱང་བདག་ཅག་ལས། གང་ཉི་མ་ཤར་ནས་འོང་བ་དེ། བདག་ཅག་གིས་ཀཪྴ་པ་ཎ་དྲུག་ཅུ་འཇལ་དུ་གཞུག་ཅེས་ཁྲིམས་སུ་བྱ་བ་བཅས་ནས་སྤོས་ཚོང་གི་ཁྱེའུ་དེ་ལ་སྨྲས་པ། བུ། ཅི་ནས་ཀྱང་བདག་ཉིད་ཀཪྴ་པ་ཎ་དྲུག་ཅུ་འཇལ་དུ་མི་འཇུག་པ་དེ་ལྟར་གྱིས་
Cha172a
༄#། །ཤིག། །ཉེ་དགའ་མཚན་མོ་འགྱོད་པ་སྐྱེས་ཏེ་སྤོས་ཚོང་གི་ཁྱེའུ་དེ་དད་པ་གསར་དང་ལྡན་པ་ཡིན་པས་ཀཪྴ་པ་ཎ་དེ་དག་བསྙོན་པར་འགྱུར་བའི་གནས་གང་ཡིན་པ་དེ་ལྟ་བུ་ཡོད་པར་འགྱུར་རོ། །སྙམ་ནས་དེ་ནང་པར་སྔར་ལངས་ཏེ་ཁྱེའུ་ཞིག་ཁྲིད་ནས་དེའི་ཚོང་རྡལ་དུ་སོང་བ་དང ། སྤོས་ཚོང་གི་ཁྱེའུ་དེ་ཚོང་རྡལ་འབྱེད་ཅིང་འདུག་པ་དེས་མཐོང་ནས་སྨྲས་པ། བཞིན་བཟང།་ཀཪྴ་པ་ཎ་དེ་དག་བྱིན་ཅིག། འཕགས་པ། ཚོང་པའི་ཚོགས་ཀྱིས་བདག་ཅག་ལས། གང་གདུགས་ཤར་ནས་མཆི་བ་དེ། ཀཪྴ་པ་ཎ་དྲུག་ཅུ་འཇལ་དུ་སྩལ་བའི་ཁྲིམས་སུ་བགྱི་བ་བཅས་པས། བདག་ཅག་ཚོང་པའི་ཚོགས་ཀྱི་ནང་དུ་མཆིས་ཏེ་སླར་མཆིས་ཀྱི་བར་དུ་ཡུད་ཙམ་ཞིག་གཞེས་སུ་གསོལ། བཀྲེན་པ། སུ་ཞིག་ཁྱོད་ཀྱི་ལྟོ་གོལ་བ་ཡིན་སྙམ་སུ་ཞིག་སྒྱིད་པ་གཉིས་སྐྲངས་སྐྲངས་སུ་སྡོད་པར་འགྱུར། གལ་ཏེ་མ་བྱིན་པར་འགྲོ་ན། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཀཪྴ་པ་ཎ་དྲུག་ཅུ་འཇལ་དུ་གཞུག་པའི་གྱོད་ལ་བསྐྲིན་པར་བྱའོ། །སྤོས་ཚོང་གི་ཁྱེའུ་དེ་ཁྲོས་ནས་ཀཪྴ་པ་ཎའི་ཐུམ་པོ་དེ་འཕངས་པ་དང་དེའི་རྒྱ་གོགས་སོ། །ཉེ་དགས་སྨྲས་པ། རྒྱ་མ་བྱིད་དམ། མ་ཞུའམ། སྒྱུ་མ་ཞུགས་སམ། བལྟའོ། །ཅི། ཁོ་བོ་ལ་ཁྱོད་ཀྱིས་བརྟགས་ཏེ་གཏད་དམ།་གལ་ཏེ་ཁྱོད་ཀྱིས་བརྟགས་ཏེ་མ་བླངས་ན། ཅིའི་ཕྱིར་རྒྱ་གཅོག་པར་བྱེད། ཉེ་དགས་སྤོས་ཚོང་གི་ཁྱེའུ་དེ་དེ་སྲིད་དུ་བསྐོར་གྱི་བར་དུ་ཚོང་པའི་ཚོགས་ཀྱིས་དེའི་ཁྱིམ་ནས་ཀཪྴ་པ་ཎ་དྲུག་
Cha172b
ཅུའི་གཏའ་བཅད་ནས། དེ་ལ་མས་སྨྲས་པ། བུ། ཁྱོད་ཀྱིས་ལས་ཅི་བྱས་ན། དེས་ཁྱོད་ཀྱིས་བདག་ཉིད་ཀཪྴ་པ་ཎ་དྲུག་ཅུའི་གྱོད་ལ་བསྐྲིན་པར་གྱུར། ཁྱེའུས་སྨྲས་པ། གང་དག་ཤཱའི་སྲས་ཀྱི་དགེ་སྦྱོང་རྣམས་ལ་མངོན་པར་དད་པར་བྱེད་པ་དེ་དག་འདི་ལྟར་འགྱུར་ཏེ། དད་པའི་མྱུ་གུ་སྐྱེས་མ་ཐག་པ་ཉིད་ཉམས་པར་བྱས་སོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཉེ་དགའ་ལ་རྨས་པ།་ཉེ་དགའ། ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་
Cha173a
༄#། །སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གི་ཕྱིར་རྒྱལ་པོའམ། བློན་པོ་ཆེན་པོའམ། བྲམ་ཟེའམ། ཁྱིམ་བདག་གམ། གྲོང་རྡལ་གྱི་མིའམ། ཡུལ་གྱི་མིའམ། ནོར་ཅན་ནམ། ཚོང་དཔོན་ནམ། དེད་དཔོན་གྱིས་ཕོ་ཉའི་ལག་ཏུ་གོས་ཀྱི་རིན་དག་བསྐུར་བར་སྒྱུར་ལ།་དེ་ནས་ཕོ་ཉ་དེ་གོས་ཀྱི་རིན་དེ་དག་ཁྱེར་ནས་དེ་ག་ལ་བ་དེར་སོང་སྟེ་ཕྱིན་ནས་དགེ་སློང་དེ་ལ་འདི་སྐད་ཅེས། འཕགས་པ་མཁྱེན་པར་མཛོད་ཅིག། ཁྱོད་ལ་རྒྱལ་པོའམ། བློན་པོ་ཆེན་པོའམ། བྲམ་ཟེའམ། ཁྱིམ་བདག་གམ། གྲོང་རྡལ་གྱི་མིའམ། ཡུལ་གྱི་མིའམ། ནོར་ཅན་ནམ། ཚོང་དཔོན་ནམ། དེད་དཔོན་ཆེ་གེ་མོས་གོས་ཀྱི་རིན་འདི་དག་བསྐུར་གྱི། འཕགས་པས་ཐུགས་བརྩེ་བའི་སླད་དུ་འདི་དག་བཞེས་ཤིག་།ཅེས་ཟེར་ན། དགེ་སློང་དེས་ཕོ་ཉ་དེ་ལ་འདི་སྐད་ཅེས། ཚེ་དང་ལྡན་པ་ཕོ་ཉ། དགེ་སློང་དག་ནི། གོས་ཀྱི་རིན་དག་ལེན་དུ་མི་གྱུར་ཏེ། བདག་ཅག་གོས་རུང་བ་དུས་སུ་རྙེད་ན་ནི། ལེན་ཏོ། །ཞེས་བརྗོད་པར་བྱའོ། །གལ་ཏེ་ཕོ་ཉ་དེ། དགེ་སློང་དེ་ལ་འདི་སྐད་ཅེས། འཕགས་པ་རྣམས་ཀྱི་ཞལ་ཏ་བགྱིད་པ། འཕགས་པ་རྣམས་ཀྱི་ཞལ་ཏ་ཉམས་སུ་ལེན་པ་གང་ལགས་པ་འགའ་མཆིས་སམ་ཞེས་ཟེར་ན། དགེ་སློང་གོས་འདོད་པས། ཕོ་ཉ། འདི་ནི། དགེ་སློང་རྣམས་ཀྱི་ཞལ་ཏ་བྱེད་པ་སྟེ། འདི་ནི། དགེ་སློང་རྣམས་ཀྱི་
Cha173b
ཞལ་ཏ་ཉམས་སུ་ལེན་པའོ། །ཞེས་ཀུན་དགའི་ར་བའམ། དགེ་བསྙེན་ཞལ་ཏ་བྱེད་པ་བསྟན་པར་བྱའོ། །དེ་ནས་ཕོ་ཉ་དེས་གོས་ཀྱི་རིན་དེ་དག་ཁྱེར་ནས་ཞལ་ཏ་བྱེད་པ་ག་ལ་བ་དེར་འགྲོ་བར་བྱ་ཞིང ། ཕྱིན་ནས་ཞལ་ཏ་བྱེད་པ་དེ་ལ་འདི་སྐད་ཅེས། ཚེ་དང་ལྡན་པ་ཞལ་ཏ་བྱེད་པ་ཤེས་པར་གྱིས་ཤིག། ཁྱོད་ཀྱིས་གོས་ཀྱི་རིན་འདི་དག་གིས་གོས་འདི་དང་འདི་ལྟ་བུ་ཞིག་ཉོས་ལ། དགེ་སློང་མིང་འདི་ཞེས་བྱ་བ་འོངས་པ་དང་དེ་ལ་གོས་རང་བ་དུས་སུ་སྐོན་ཅིག་ཅེས་བརྗོད་པར་བྱའོ། །དེ་ནས་ཕོ་ཉ་དེས་ཞལ་ཏ་བྱེད་པ་དེ་ལ་ཤིན་ཏུ་ལེགས་པར་ཡང་དག་པར་བསྒོ་ཞིང་ཡང་དག་པར་བསྟན་ནས་དགེ་སློང་དེ་ག་ལ་བ་དེར་འགྲོ་བར་བྱ་ཞིང ། ཕྱིན་ནས་དགེ་སློང་དེ་ལ་འདི་སྐད་ཅེས། འཕགས་པས། ཞལ་ཏ་བགྱིད་པ་བསྟན་པ་གང་ལགས་པ་དེ་ལ་བདག་གིས་ཡང་དག་པར་བསྟན་ལགས་ཀྱི། དེའི་གན་དུ་བཞུད་ཅིག་དང ། དེས་ཁྱོད་ལ་གོས་རུང་བ་དུས་སུ་བསྐོན་པར་འགྱུར་རོ། །ཞེས་བརྗོད་པར་བྱའོ། །དགེ་སློང་གོས་འདོད་པས་ཞལ་ཏ་བྱེད་པའི་གན་དུ་སོང་ལ། ཚེ་དང་ལྡན་པ་ཞལ་ཏ་བྱེད་པ། བདག་གོས་འདོད་དོ། །ཚེ་དང་ལྡན་པ་ཞལ་ཏ་བྱེད་པ། བདག་གོས་འདོད་དོ། །ཞེས་ལན་གཉིས་ལན་གསུམ་དུ་བསྐུལ་བར་བྱ། དྲན་པར་བྱའོ། །ལན་གཉིས་ལན་གསུམ་དུ་བསྐུལ་ཞིང་དྲན་པར་བྱས་པ་ན། གལ་ཏེ་གོས་དེ་གྲུབ་ན། དེ་ལྟ་ན་ལེགས། གལ་ཏེ་མ་གྲུབ་ན། ལན་བཞི། ལན་ལྔ། ལན་དྲུག་གི་བར་དུ་ཕྱོགས་སུ་ཅང་མི་སྨྲ་བར་བསྡད་པར་བྱའོ། །ལན་བཞི། ལན་ལྔ་ལྡན་དྲུག་གི་བར་དུ་ཕྱོགས་
Cha174a
༄#། །སུ་ཅང་མི་སྨྲ་བར་བསྡད་པ་ན། གལ་ཏེ་གོས་དེ་གྲུབ་ན། དེ་ལྟ་ན་ལེགས། གལ་ཏེ་མ་གྲུབ་ན། དེའི་འོག་ཏུ་གོས་བསྒྲུབ་པའི་ཕྱིར་བརྩལ་ཏེ་གོས་གྲུབ་པ་ན། སྤང་བའི་ལྟུང་བྱེད་དོ། །གལ་ཏེ་མ་གྲུབ་ན། ཕྱོགས་གང་ནས་གོས་ཀྱི་རིན་དེ་དག་འོངས་པ་དེར་བདག་འགྲོ་བར་བྱའོ། །ཡང་ན་ཡིད་བརྟན་པའི་ཕོ་ཉ་ལས་ཚེ་དང་ལྡན་པ་དག་གིས་དགེ་སློང་ཆེ་གེ་མོའི་ཕྱིར་གོས་ཀྱི་རིན་གང་དག་བསྐུར་བ་དེ་དག་ནི། དགེ་སློང་དེའི་དོན་ཅི་ཡང་མ་གྲུབ་ཀྱི། ཤེས་པར་གྱིས་ཤིག། ཚེ་དང་ལྡན་པ་དག་གིས་རང་གི་ནོར་ཆུད་མ་གཟན་ཅིག། ཅེས་སྤྲིང་བར་བྱ་སྟེ།་དེ་ལ་དེ་ནི། ཆོ་ག་ཡིན་ནོ། །དགེ་སློང་གི་ཕྱིར་ཞེས་བྱ་བ་ནི། ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའི་ཕྱིར་རོ། །རྒྱལ་པོའམ་ཞེས་བྱ་བ་ནི། འདི་ལྟ་སྟེ། བུད་མེད་རྒྱལ་སྲིད་ལ་དབང་བསྐུར་བས་དབང་བསྐུར་བར་གྱུར་ན། དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ལ། རྒྱལ་རིགས་དང ། བྲམ་ཟེ་དང ། རྗེ་རིགས་དང ། དམངས་རིགས་དག་རྒྱལ་སྲིད་ལ་དབང་བསྐུར་བས་དབང་བསྐུར་བར་གྱུར་ན། དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ནོ། །བློན་པོ་ཆེན་པོའམ་ཞེས་བྱ་བ་ནི། རྒྱལ་པོ་ལས་གཞན་པ་བློན་པོ་དང ། རྩིས་མཁན་དང ། སྣ་ཆེན་པོ་ལ་གཏོགས་པ་རྒྱལ་སྲིད་བྱེད་པ་གསང་ཚིག་མཐུན་པས་འཚོ་བ་གང་དག་རྒྱལ་པོ་ལ་བརྟེན་ནས་འཚོ་བར་བྱེད་པ་དག་གོ། བྲམ་ཟེའམ་ཞེས་བྱ་བ་ནི། བྲམ་ཟེ་གཙང་སྦྲ་ཅན་ནོ། །
Cha174b
ཁྱིམ་བདག་གམ་ཞེས་བྱ་བ་ནི། ཕྱུག་པའོ། །གྲོང་རྡལ་གྱི་མིའམ་ཞེས་བྱ་བ་ནི། གྲོང་ཁྱེར་གྱི་མིའོ། །ཡུལ་གྱི་མིའམ་ཞེས་བྱ་བ་ནི། ཡུལ་གྱི་མིའོ། །ནོར་ཅན་ནམ་ཞེས་བྱ་བ་ནི། ནོར་བྱེ་བས་ཕྱུག་པའོ། ། ཚོང་དཔོན་ནམ་ཞེས་བྱ་བ་ནི། ཅོད་པན་བཅིངས་པའོ། །དེད་དཔོན་གྱིས་ཞེས་བྱ་བ་ནི། གང་གིས་ལན་གཉིས་སམ་གསུམ་དོན་མཐུན་བཟླས་པར་གྱུར་པས་སོ། །ཕོ་ཉའི་ལག་ཏུ་ཞེས་བྱ་བ་ནི། སྐྱེས་པ་དང ། བུད་མེད་དང ། མ་ནིང་གིའོ། །གོས་ཀྱི་རིན་དག་ཅེས་བྱ་བ་ནི། གསེར་དངུལ་དག་གོ་།ཟེར་ན་ཞེས་བྱ་བ་ནི། སྨྲ་ནའོ། །གོས་རུང་བ་ཞེས་བྱ་བ་ནི། སྤྱད་བཟོད་པའོ། །དགེ་སློང་གོས་འདོད་པས་ཞེས་བྱ་བ་ནི། གལ་ཏེ་དོན་དུ་གཉེར་ནའོ། །ཀུན་དགའ་ར་བ་པ་ཞེས་བྱ་བ་ནི། རུང་བ་བྱེད་པའོ། །དགེ་བསྙེན་ཞེས་བྱ་བ་ནི། གསུམ་ལ་སྐྱབས་སུ་སོང་བ་བསླབ་པའི་གཞི་ལྔ་བླངས་པའོ། །ཕྱོགས་སུ་ཞེས་བྱ་བ་ནི། ཕྱོགས་བཞི་པོ་དག་ཏུ་སྟེ། ཕྱོགས་བཞི་པོ་དག་གང་ཞེ་ན། འབོད་གནས་དང ། ཁྱིམ་གནས་དང ། ལས་ཀྱི་མཐའ་དང ། ལས་ཀྱི་གནས་དག་གོ། འབོད་གནས་ནི།་རྫ་མཁན་གྱི་གནས་དང ། འབྲེག་མཁན་གྱི་གནས་སོ། །ཁྱིམ་གནས་ནི། ཁྱིམ་མམ་ཆུའི་གནས་སོ། །ལས་ཀྱི་མཐའ་ནི། བུ་རམ་ཤིང་གི་ལས་ཀྱི་མཐའ་དང ། སཱ་ལུའི་ལས་ཀྱི་མཐའ་དང ། ལན་ཚཝའི་ལས་ཀྱི་མཐའ་དག་གོ། ལས་ཀྱི་གནས་ནི། ཚོང་ཁང་དང ། ཚོང་རྡལ་ལོ། །ཅང་མི་སྨྲ་བར་བསྡད་པར་བྱའོ། །ཞེས་བྱ་བ་ནི། བསྐུལ་བའི་སྒོ་དྲུག་པོ་དག་གིས་ཏེ། བསྐུལ་བའི་
Cha175a
༄#། །སྒོ་དྲུག་པོ་དག་གང་ཞེ་ན། ཁྱོད་འོངས་སམ་ཞེས་ཟེར་བ་ལ། དེའི་ཕྱིར་རོ། །ཞེས་བྱ་བ་དང ། འོངས་པ་ལེགས་སོ། །ཞེས་ཟེར་བ་ལ། དེའི་ཕྱིར་རོལ། །ཞེས་བྱ་བ་དང ། སྟན་འདི་ལ་འདུག་ཅིག་ཅེས་ཟེར་བ་ལ། དེའི་ཕྱིར་རོ། །ཞེས་བྱ་བ་དང ། རྐང་པ་ཁྲུས་ཤིག་ཅེས་ཟེར་བ་ལ། དེའི་ཕྱིར་རོ། །ཞེས་བྱ་བ་དང ། བཅའ་བ་དང་བཟའ་བ་དག་ཟོ་ཞིག་ཅེས་ཟེར་བ་ལ། དེའི་ཕྱིར་རོ། ། ཞེས་བྱ་བ་དང ། བཏུང་བ་འཐུང་ཞིག་ཅེས་ཟེར་བ་ལ། དེའི་ཕྱིར་རོ། །ཞེས་བྱ་བའོ། །བསྐུལ་བའི་སྒོ་དྲུག་པོ་དེ་དག་ཧ་ཅང་མྱུར་བ་དང ། ཐོགས་པ་མེད་པར་རྗོད་ཅིང ། དེ་ལ་གཞན་གྱི་ཚིག་གི་སྐབས་མེད་པར་བྱེད་ན། བསྐུལ་བའི་སྒོ་དྲུག་པོ་དག་ཡོངས་སུ་མ་རྫོགས་པར་བརྗོད་པར་བྱའོ། །བསྐུལ་བའི་སྒོ་དྲུག་པོ་དེ་དག་ཧ་ཅང་མི་མྱུར་བ་དང ། ཐོགས་པ་དང་བཅས་པར་རྗོད་པར་བྱེད་ཅིང ། དེ་ལ་གཞན་གྱི་ཚིག་གི་སྐབས་ཡོད་པར་བྱེད་ན། བསྐུལ་བའི་སྒོ་དྲུག་པོ་དག་ཡོངས་སུ་རྫོགས་པར་བརྗོད་པར་བྱའོ། །དེའི་འོག་ཏུ་ཞེས་བྱ་བ་ནི། དེའི་འོག་རོལ་ཏུའོ། །གོས་གྲུབ་ན་ཞེས་བྱ་བ་ནི། ཐོབ་ནའོ། ། སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །གལ་ཏེ་མ་གྲུབ་ན། ཕྱོགས་གང་ནས་གོས་ཀྱི་རིན་དེ་དག་འོངས་པ་དེར་བདག་འགྲོ་བར་བྱའོ། །ཞེས་བྱ་བ་ནི། བདག་ཉིད་འགྲོ་བར་བྱའོ། །ཡང་ན་ཡིད་བརྟན་པའི་ཕོ་ཉ་ལ་ཞེས་བྱ་བ་ནི། ལྷན་ཅིག་གནས་པའམ། ཉེ་གནས་ལས་སོ།
Cha175b
དེ་ལ་དེ་ནི། ཆོ་ག་ཡིན་ནོ། །ཞེས་བྱ་བ་ནི། དེ་ལ་དེ་ནི། རྗེས་སུ་མཐུན་པའི་ཆོས་ཡིན་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གལ་ཏེ་ཞལ་བྱེད་པ་དེ། དགེ་སློང་དེའི་གན་དུ་འོངས་ནས་འདི་སྐད་ཅེས་འཕགས་པ་གོས་འདི་དག་བཞེས་ཤིག་ཅེས་ཟེར་ན། དགེ་སློང་དེས་ཞལ་ཏ་བྱེད་པ་དེ་ལ་འདི་སྐད་ཅེས། བདག་གིས་འདི་དག་སྤངས་ཟིན་གྱི། སོང་ལ་དེ་ཉིད་ལ་བྱིན་ཅིག་ཅེས་བརྗོད་པར་བྱའོ། །གལ་ཏེ་ཞལ་ཏ་བྱེད་པ་ད། དགེ་སློང་དེ་ལ་འདི་སྐད་ཅེས། འཕགས་པ། བདག་གིས་དེའི་སེམས་བསྡུ་བ་རྗེས་སུ་སྒྲུབ་ཀྱི། བཞེས་ཤིག་ཅེས་ཟེར་ན། བླང་བར་བྱའོ། །དགེ་སློང་གིས་གོ་རིམ་དེ་ལྟ་བུ་མ་བྱས་པར་གང་ཅུང་ཟད་ལེན་ན། ཐམས་ཅད་དུ་ཉེས་བྱས་སུ་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང ། མི་མ་ཡིན་པའི་ཕོ་ཉ་དང ། མི་མ་ཡིན་པས་རུང་བར་བྱེད་ན། ཉེས་བྱས་སུ་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང ། མི་མ་ཡིན་པའི་ཕོ་ཉ་དང་མིས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང ། མིའི་ཕོ་ཉ་དང་མི་མ་ཡིན་པས་རུང་བར་བྱེད་ན་ཡང་ཉེས་བྱས་སུ་འགྱུར་རོ། ། མིས་སྦྱིན་པར་བྱེད་ཅིང ། མི་མ་ཡི་པའི་ཕོ་ཉ་དང་མི་མ་ཡིན་པས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང ། མི་མ་ཡིན་པའི་ཕོ་ཉ་དང་མི་མ་ཡིན་པས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང ། མི་མ་ཡིན་པའི་ཕོ་ཉ་དང་མིས་རུང་བར་བྱེད་ན་ཡང་ཉེས་བྱས་སུ་འགྱུར་རོ། །མི་མ་ཡིན་པས་སྦྱིན་པར་བྱེད་ཅིང ། མིའི་ཕོ་ཉ་དང་མིས་རུང་བར་བྱེད་ན་ཡང་
Cha176a
༄#། །ཉེས་བྱས་སུ་འགྱུར་རོ། །མིས་སྦྱིན་པར་བྱེད་ཅིང ། མིའི་ཕོ་ཉ་དང་མིས་རུང་བར་བྱེད་ན་ནི། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གོས་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་པར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གོས་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གིས་གོས་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གོས་གཞན་ཞིག་རྙེད་ན། དེ་ལ་ནི་ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་སྲིད་དུ་གཞི་དེ་མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་ཉེ་བར་འཇོག་ན། དེ་ཡང་སྤང་བར་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསྐུར་བའི་སྤང་བ་སྟེ། བཅུ་པ་རྫོགས་སོ།། །།སྡོམ་ལ། སྲིན་བལ་འབའ་ཞིག་ཆ་གཉིས་དང ། །དྲུག་དང་མཐོ་གང་ལམ་དང་ནི། །འཁྲུ་བ་དང་ནི་གསེར་དངུལ་དང ། །མངོན་
Cha176b
མཚན་ཅན་དང་ཉོ་ཚོང་ངོ ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དག་སྲིན་བལ་གྱི་སྟན་གསར་པ་བྱེད་པ་དང་བྱེད་དུ་འཇུག་སྟེ། དགེ་སློང་དག་སྲིན་བལ་གྱི་སྟན་གསར་པ་བྱེད་པ་དང་བྱེད་དུ་འཇུག་པ་ན། སྲིན་བལ་དཀོན་ཞིང་རིན་ཆེ་བས་བྱ་བ་མང་བ་དང་བྱེད་པ་མང་བར་གྱུར་ཅིང ། ལུང་ནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད། སྲིན་བལ་འདོད་པ་དང ། སྲིན་བལ་གྱི་དོན་ཉིད་དུ་འོངས་པ་དག། བྲམ་ཟེ་དང ། ཁྱིམ་བདག་རྣམས་ལ་ཡང་དང་ཡང་དུ་རིག་པར་བྱེད་ནས་གཞན་མུ་སྟེགས་ཅན་དག་།ཤེས་ལྡན་དག། ཤཱཀྱའི་བུའི་དགེ་སྦྱོང་འདི་དག་ནི། སྲོག་གཅོད་པ་བྱེད་པ་དག་སྟེ། སྲོག་གཅོད་པ་ལས་མ་ལོག། མ་སྤངས། སོ་སོར་མ་སྤངས་པ་དེས་ན། སྲིན་བལ་གྱི་སྟན་གསར་པ་བྱེད་པ་དང་བྱེད་དུ་འཇུག་སྟེ། དེ་དག་སྲིན་བལ་གྱི་སྟན་གསར་པ་བྱེད་པ་དང་བྱེད་དུ་འཇུག་པས་སྲིན་བལ་འབྱུང་བའི་སྲིན་བུ་སྲོག་ཆགས་མང་པོའི་ཚོགས་བསྒྲུབས་ཤིང་སྲོག་གཅོད་པར་བྱེད་དེ། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པར་བྱ་བར་སེམས་ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་
Cha177a
༄#། །བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་སྨྲས་པ། དགེ་སློང་དག། ཁྱེད་སྲིན་བལ་གྱི་སྟན་གསར་པ་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང ། ཆོག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་སྲིན་བལ་གྱི་སྟན་གསར་པ་བྱེད་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཆོས་འདི་པའོ། །སྲིན་བལ་གྱི་སྟན་ཞེས་བྱ་བ་ནི། སྟན་གཉིས་ཏེ། ནང་ཚངས་ཅན་དང ། རླིངས་པ་སྟེ། དོན་འདིར་ནི། གཉི་ག་ཡིན་པར་དགོངས་སོ། །གསར་པ་ཞེས་བྱ་
Cha177b
པ་ནི། གསར་པ་གཉིས་ཏེ། གསར་པས་གསར་པ་དང ། རྙེད་པས་གསར་པ་སྟེ། དོན་འདིར་ནི། གསར་པས་གསར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི། བདག་ཉིད་ཀྱིས་སམ། གཞན་བྱེད་དུ་འཇུག་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན། སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། ཆུན་པོ་དང ། འདའ་བ་དང ། ཕུང་པོ་ལས་ཏེ། དགེ་སློང་གིས་སྲིན་བལ་དག་གི་ཆུན་པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང ། ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྲིན་བལ་དག་གིས་འདའ་བ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང ། ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྲིན་བལ་དག་གི་ཕུང་པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང་ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་སྲིན་བལ་དག་གི་ཆུན་པོ་དང་འདའ་བ་དང ། ཆུན་པོ་དང་ཕུང་པོ་དང ། འདའ་བ་དང་ཆུན་པོ་དང ། འདའ་བ་དང་ཕུང་པོ་དང ། ཕུང་པོ་དང་ཆུན་པོ་དང ། ཕུང་པོ་དང་འདའ་བ་དང ། ཆུན་པོ་དང་འདའ་བ་དང ། ཕུང་པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང ། ཇི་སྲིད་དུ་
Cha178a
༄#། །སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །བྱས་ཟིན་པ་རྙེད་པ་དང ། བྱས་ཟིན་པ་ལ་ཡོངས་སུ་ལོངས་སྤྱོད་པ་དང ། རྙིང་པ་མངོན་པར་འདུ་བྱེད་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྲིན་བལ་གྱི་སྤང་བ་སྟེ།་བཅུ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དག་ལུག་བལ་ན་ག་པོ་འབའ་ཞིག་གི་སྟན་གསར་པ་བྱེད་པ་དང་བྱེད་དུ་འཇུག་སྟེ། དགེ་སློང་དག་ལུག་བལ་ནག་པོ་འབའ་ཞིག་གི་སྟན་གསར་པ་བྱེད་པ་དང་བྱེད་དུ་འཇུག་པ་ན།་ལུག་བལ་ནག་པོ་འབའ་ཞིག་དཀོན་ཞིང་རིན་ཆེ་བས་བྱ་བ་མང་བ་དང་བྱེད་པ་མང་བར་གྱུར་ཅིང ། ལུང་ནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད། ལུག་བལ་ནག་པོ་འབའ་ཞིག་འདོད་པ་དང ། ལུག་བལ་ནག་པོ་འབའ་ཞིག་གི་དོན་ཉིད་དུ་འོངས་པ་དག་བྲམ་ཟེ་དང་ཁྱིམ་བདག་རྣམས་ལ་ཡང་དང་ཡང་དུ་རིག་པར་བྱེད་ནས་དགེ་སློང་དོན་ཉུང་ངུ་དག། ཅིའི་ཕྱིར་དགེ་སློང་དག་ལུག་གི་བལ་ནག་པོ་འབའ་ཞིག་གི་སྟན་གསར་པ་བྱེད་པ་དང་བྱེད་དུ་འཇུག་སྟེ། དགེ་སློང་དག་
Cha178b
ལུག་བལ་ནག་པོ་འབའ་ཞིག་གི་སྟན་གསར་པ་བྱེད་པ་དང་བྱེད་དུ་འཇུག་པ་ན་ལུག་བལ་ནག་བོ་འབའ་ཞིག་དཀོན་ཞིང་རིན་ཆེ་བས་བྱ་བ་མང་བ་དང་བྱེད་པ་མང་བར་གྱུར་ཅིང ། ལུང་ནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད། ལུག་བལ་ནག་པོ་འབའ་ཞིག་འདོད་པ་དང ། ལུག་བལ་ནག་པོ་འབའ་ཞིག་གི་དོན་དུ་འོངས་པ་དག་བྲམ་ཟེ་དང་ཁྱིམ་བདག་རྣམས་ལ་ཡང་དང་ཡང་དུ་རིག་པར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ།་དགེ་སློང་དག། ཁྱེད་ལུག་བལ་ནག་པོ་འབའ་ཞིག་གི་སྟན་གསར་པ་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང ། ཆོག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང ། ཡོ་
Cha179a
༄#། །བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ལུག་བལ་ནག་པོ་འབའ་ཞིག་གི་སྟན་གསར་པ་བྱེད་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཆོས་འདི་པའོ། །ལུག་བལ་ཞེས་བྱ་བ་ནི། ལུག་གི་བལ་ལོ། །ནག་པོ་འབའ་ཞིག་གི་ཞེས་བྱ་བ་ནི། ནག་པོ་བཞི་སྟེ། རང་བཞིན་གྱིས་ནག་པ་དང ། སྔོ་བས་ནག་པ་དང ། འདམ་ཁ་དང ། ཁམ་པའོ། །སྟན་ཞེས་བྱ་བ་ནི། སྟན་གཉིས་ཏེ། ནང་ཚངས་ཅན་དང ། རླིངས་པ་སྟེ། དོན་འདིར་ནི། རླིངས་པ་ཡིན་པར་དགོངས་སོ། གསར་པ་ཞེས་བྱ་བ་ནི། གསར་པ་གཉིས་ཏེ།་གསར་པས་གསར་པ་དང ། རྙེད་པས་གསར་པ་སྟེ། དོན་འདིར་ནི། གསར་པས་གསར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི། བདག་ཉིད་ཀྱིས་སམ། གཞན་བྱེད་དུ་འཇུག་ནའོ། སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་
Cha179b
ན།་ཆུན་པོ་དང ། འདའ་བ་དང ། ཕུང་པོ་ལས་ཏེ། དགེ་སློང་གིས་ལུག་བལ་ནག་པོ་འབའ་ཞིག་དག་གི་ཆུན་པོ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང ། ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ལུག་བལ་ནག་པོ་འབའ་ཞིག་དག་གི་འདའ་བ་འབྱེད་པར་བྱེད། འཇིག་པར་བྱེད། རྨེལ་བར་བྱེད་ཅིང ། ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ལུག་བལ་ནག་པོ་འབའ་ཞིག་གི་ཕུང་པོ་འབྱེད་པར་བྱེད། འཇིག་པར་བྱེད།་རྨེལ་བར་བྱེད་ཅིང ། ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ལུག་བལ་ནག་པོ་འབའ་ཞིག་གི་ཆུན་པོ་དང་འདའ་བ་དང ། ཆུན་པོ་དང་ཕུང་པོ་དང ། འདའ་བ་དང་ཆུན་པོ་དང ། འདའ་བ་དང་ཕུང་པོ་དང ། ཕུང་པོ་དང་ཆུན་པོ་དང ། ཕུང་པོ་དང་འདའ་བ་དང ། ཆུན་པོ་དང་འདའ་བ་དང་ཕུང་པོ་འབྱེད་པར་བྱེད།་འཇིག་པར་བྱེད། རྨེལ་བར་བྱེད་ཅིང ། ཇི་སྲིད་དུ་སྟན་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། སྟན་བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །བྱས་ཟིན་པ་རྙེད་པ་དང ། བྱས་ཟིན་པ་ལ་ཡོངས་སུ་ལོངས་སྤྱོད་པ་དང ། རྙིང་པ་མངོན་པར་འདུ་བྱེད་པ་ལ་ལྟུང་བ་མད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད།
Cha180a
༄#། །དོ། །བལ་ནག་པོ་འབའ་ཞིག་གི་སྤང་བ་སྟེ། བཅུ་གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་བྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་ལུག་གི་བལ་ནག་པོ་འབའ་ཞིག་གི་སྟན་གསར་པ་མི་བྱའོ། །ཞེས་གསུངས་པས། དེ་དག་བལ་དཀར་པོ་དང ། མཁོ་བ་བལ་ཅུང་ཞིག་བཅུ་གནས་ལུག་གི་བལ་ནག་པོ་འབའ་ཞིག་གི་སྟན་གསར་པ་བྱེད་པ་དང་བྱེད་དུ་འཇུག་སྟེ། དེས་ཀྱང་དེ་དག་བྱ་བ་མང་བ་དང ། བྱེད་པ་མང་བར་གྱུར་ཅིང ། ལུང་ནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་སེམས་ཀྱི་ཞི་གནས་ཀྱང་གཏོང་བར་བྱེད་དེ། འདོད་པ་དང ། དེའི་དོན་ཉིད་དུ་འོངས་པ་དག་བྲམ་ཟེ་དང་ཁྱིམ་བདག་རྣམས་ལ་ཡང་དང་ཡང་དུ་རིག་པར་བྱེད་ནས་དགེ་སློང་དོན་ཉུང་ངུ་དག། ཅིའི་ཕྱིར་དགེ་སློང་དག་བལ་དཀར་པོ་དང་མཁོ་བ་བལ་ཅུང་ཞིག་བཅུག་ནས་ལུག་བལ་ནག་པོ་འབའ་ཞིག་གི་སྟན་གསར་པ་བྱེད་པ་དང་བྱེད་དུ་འཇུག་སྟེ། དེས་ཀྱང་དེ་དག་བྱ་བ་མང་བ་དང ། བྱེད་པ་མང་བར་གྱུར་ཅིང ། ལུང་ནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད་དེ། འདོད་པ་དང ། དེའི་དོན་ཉིད་དུ་འོངས་པ་དག་བྲམ་ཟེ་དང་ཁྱིམ་བདག་རྣམས་ལ་ཡང་དང་ཡང་དུ་
Cha180b
རིག་པར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག། ཁྱེད་ཅག་ངས་དགེ་སློང་གིས་ལུག་གི་བལ་ནག་པོ་འབའ་ཞིག་གི་སྟན་གསར་པ་མི་བྱའོ། །ཞེས་གསུངས་པས། བལ་དཀར་པོ་དང་མཁོ་བ་བལ་ཅུང་ཞིག་བཅུག་ནས་ལུག་གི་བལ་ནག་པོ་འབའ་ཞིག་གི་སྟན་གསར་པ་བྱེད་པ་དང་བྱེད་དུ་འཇུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང ། ཆོག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་
Cha181a
༄#། །གཞི་བཅའ་བར་བྱ་བ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་སྟན་གསར་པ་བྱེད་ན། ཆ་གཉིས་ནི། ལུག་བལ་ནག་པོ་འབའ་ཞིག་ལས་གཞུག་པར་བྱ། གསུམ་པ་ནི། དཀར་པོ་ལས། བཞི་པ་ནི། མཁོ་བ་བལ་ལས་གཞུག་པར་བྱའོ། །གལ་ཏེ་དགེ་སློང་གིས་ཆ་གཉིས་ལུག་བལ་ནག་པོ་འབའ་ཞིག་ལས་མ་བཅུག་གམ། གསུམ་པ་ལ་དཀར་པོ་ལས། བཞི་པ་ལ་མཁོ་བ་བལ་ལས་མ་བཅུག་པར་སྟན་གསར་པ་བྱེད་ན། སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །སྟན་ཞེས་བྱ་བ་ནི། །སྟན་གཉིས་ཏེ། ནང་ཚངས་ཅན་དང ། རླིངས་པ་སྟེ། དོན་འདིར་ནི། རླིངས་པ་ཡིན་པར་དགོངས་སོ། །གསར་པ་ཞེས་བྱ་བ་ནི། གསར་པ་གཉིས་ཏེ། གསར་པས་གསར་པ་དང ། རྙེད་པས་གསར་པ་སྟེ། དོན་འདིར་ནི། གསར་པས་གསར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི། བདག་ཉིད་ཀྱིས་སམ། གཞན་བྱེད་དུ་འཇུག་ནའོ། །ཆ་གཉིས་ནི། ལུག་བལ་ནག་པོ་འབའ་ཞིག་ལས་གཞུག་པར་བྱ་ཞེས་བྱ་བ་ལ། ལུག་བལ་ཞེས་བྱ་བ་ནི། ལུག་གི་བལ་ལོ། །ནག་པོ་འབའ་ཞིག་ཅེས་བྱ་བ་ནི། ནག་པོ་བཞི་སྟེ། རང་བཞིན་གྱིས་ནག་པ་དང ། སྔོ་བས་ནག་པ་དང ། འདམ་ཁ་དང ། ཁམ་པའོ། །གསུམ་པ་ནི། དཀར་པོ་ལས་ཞེས་བྱ་བ་ལ། དཀར་པོ་ཞེས་བྱ་བ་ནི།
Cha181b
གློའི་བལ་དང ། རྒྱབ་ཀྱི་བལ་དང ། གཉའ་བའི་བལ་ལོ། །བཞི་པ་ནི། མཁོ་བ་བལ་ལས་གཞུག་པར་བྱའོ། །ཞེས་བྱ་བ་ལ། མཁོ་བ་བལ་ཞེས་བྱ་བ་ནི། རྐང་པའི་བལ་དང ། མགོའི་བལ་དང ། ལྟོའི་བལ་ལོ། །མ་བཅུག་ཅེས་བྱ་བ་ནི། མ་བསྲེས་པར་རོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན། སྤང་བའི་ལྟུང་བྱེད་དོ། ། ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་སྟན་སྲང་བཅུ་པ་བྱེད་ན། དེས་ལུག་བལ་ནག་པོ་འབའ་ཞིག་ལས་སྲང་ལྔ་དང ། དཀར་པོ་ལས་སྲང་ཕྱེད་དང་གསུམ་དང ། མཁོ་བ་བལ་སྲང་ཕྱེད་དང་གསུམ་གཞུག་པར་བྱའོ། །གལ་ཏེ་དགེ་སློང་གིས་ཆ་གཉིས་ལུག་བལ་ནག་པོ་འབའ་ཞིག་ལས་མ་བཅུག་གམ། གསུམ་པ་དཀར་པོ་ལས། བཞི་པ་མཁོ་བ་བལ་ལས་མ་བཅུག་པར་སྟན་གསར་པ་བྱེད་ན། སྟན་ཟིན་ན། སྤང་བའི་ལྟུང་བྱེད་དུ་འགྱུར་རོ། །སྲང་བཅུ་པ་ཇི་ལྟ་བ་དེ་བཞིན་དུ་དགེ་སློང་གིས་སྟན་སྲང་ཉི་ཤུ་པ་དང ། སྲང་སུམ་ཅུ་པ་དང ། སྲང་བཞི་བཅུ་པ་དང ། སྲང་ལྔ་བཅུ་པ་བྱེད་ན། དེས་ལུག་བལ་ནག་པོ་འབའ་ཞིག་ལས་སྲང་ཉི་ཤུ་རྩ་ལྔ་དང ། དཀར་པོ་ལས་སྲང་ཕྱེད་དང་བཅུ་གསུམ་དང ། མཁོ་བ་བལ་ལས་སྲང་ཕྱེད་དང་བཅུ་གསུམ་གཞུག་པར་བྱའོ། །གལ་ཏེ་དགེ་སློང་གིས་ཆ་གཉིས་ལུག་བལ་ནག་པོ་འབའ་ཞིག་ལས་མ་བཅུག་གམ། གསུམ་པ་དཀར་པོ་ལས། བཞི་པ་མཁོ་བ་བལ་ལས་མ་བཅུག་པར་སྟན་གསར་པ་བྱེད་ན། སྟན་ཟིན་
Cha182a
༄#། །ན།་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དཀར་པོ་དང་མཁོ་བ་བལ་ལས་སྲང་གཅིག་གམ། སྲང་བྱེད་ཕྲི་སྟེ་ལུག་བལ་ནག་པོ་འབའ་ཞིག་ལས་སྟན་གསར་པ་བྱེད་ན། ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །ནག་པོ་འབའ་ཞིག་མོད་པ་དང ། རིན་མཉམ་པ་དང ། དཀར་པོ་དང ། མཁོ་བ་བལ་དཀོན་པ་དང ། རིན་ཆེ་བར་གྱུར་ན། ལྟུང་བ་མེད་དོ། ། ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཆ་གཉིས་བསྲེ་བའི་སྤང་བ་སྟེ། བཅུ་གསུམ་པ་རྫོགས་སོ།། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་རྣམས་ལ་སྟན་མང་བ་ཉིད་འདི་ལྟ་བུ་འདི་བྱུང་བར་གྱུར་ཏེ། དེ་དག་སྟན་འདི་ནི། ཧ་ཅང་རིང་ངོ ། །འདི་ནི། ཧ་ཅང་ཐུང་ངོ ། །ཞེས་དེ་བོར་ནས་གཞན་བྱེད་དུ་འཇུག་གོ་།སྟན་འདི་ནི། ཧ་ཅང་དོག་གོ། འདི་ནི། ཧ་ཅང་ཡངས་སོ། །འདི་ནི། ཐམས་ཅད་ཀྱི་ཐམས་ཅད་དུ་བུག་རྡོལ་དང ། ཤ་ཟད་པ་དང ། བཅོས་དཀའ་བ་ཉིད་ཡིན་ནོ། །ཞེས་དེ་བོར་ནས་གཞན་བྱེད་དུ་འཇུག་པས། དགེ་སློང་དེ་དག་སྟན་བྱས་ཤིང་བྱས་ཤིང་འདོར་བ་ན། བྱ་བ་མང་བ་དང ། བྱེད་པ་མང་བར་གྱུར་ཅིང ། ལུང་ནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་ནས་དགེ་སློང་དོན་
Cha182b
ཉུང་ངུ་དག་།ཅིའི་ཕྱིར་དགེ་སློང་རྣམས་ལ་སྟན་མང་བ་ཉིད་འདི་ལྟ་བུ་བྱུང་བར་གྱུར་ཏེ། འདི་དག་།སྟན་འདི་ནི། ཧ་ཅང་རིང་ངོ ། །འདི་ནི། ཧ་ཅང་ཐུང་ངོ ། །ཞེས་དེ་བོར་ནས་གཞན་བྱེད་དུ་འཇུག ། སྟན་འདི་ནི། ཧ་ཅང་དོག་གོ། འདི་ནི། ཧ་ཅང་ཡངས་སོ། །འདི་ནི། ཐམས་ཅད་ཀྱི་ཐམས་ཅད་དུ་བུག་རྡོལ་དང ། ཤ་ཟད་པ་དང ། བཅོས་དཀའ་བ་ཉིད་ཡིན་ནོ། །ཞེས་དེ་བོར་ནས་གཞན་བྱེད་དུ་འཇུག་པས། དགེ་སློང་འདི་དག་སྟན་བྱས་ཤིང་བྱས་ཤིང་འདོར་བ་ན། བྱ་བ་མང་བ་དང ། བྱེད་པ་མང་བར་གྱུར་ཅིང ། ལུང་ནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་པས། སྨོད་པར་བྱེད། ཁ་ཟེར་བར་བྱེད། འཕྱར་ཀ་གཏོང་བར་བྱེད་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་།ཁྱེད་ལ་སྟན་མང་བ་ཉིད་འདི་ལྟ་བུ་འདི་བྱུང་བར་གྱུར་ཏེ། ཁྱེད་ཅག་སྟན་འདི་ནི། ཧ་ཅང་རིང་ངོ ། །འདི་ནི། ཧ་ཅང་ཐུང་ངོ ། །ཞེས་དེ་བོར་ནས་གཞན་བྱེད་དུ་འཇུག་།སྟན་འདི་ནི། ཧ་ཅང་དོག་གོ། འདི་
Cha183a
༄#། །ནི།་ཧ་ཅང་ཡངས་སོ། །འདི་ནི། ཐམས་ཅད་ཀྱི་ཐམས་ཅད་དུ་བུག་རྡོལ་དང ། ཤ་ཟད་པ་དང ། བཅོས་དཀའ་བ་དག་ཉིད་ཡིན་ནོ། །ཞེས་དེ་བོར་ནས་གཞན་བྱེད་དུ་འཇུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པར་མཛད་དོ། ། དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང ། ཆོག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་སྟན་གསར་པ་བྱེད་ན། མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་སྟན་རྙིང་པ་དེ་སྤངས་ཀྱང་རུང ། མ་སྤངས་ཀྱང་རུང ། སྟན་གསར་པ་གཞན་བྱེད་ན། སྤང་བའི་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་འབྲོག་གནས་ན་འབྲོག་གི་ནགས་ན་བཞུགས་སོ། །འབྲོག་
Cha183b
གནས་གྲང་ཞིང་རླུང་ཆེ་བས་དགེ་སློང་ལག་གི་བླ་དག་ལོ་དྲུག་ཏུ་སྟན་གྱིས་མི་ཐུབ་པ་དེ་དག་གྲང་བ་དག་གིས་ལས་གསར་པ་དག་རྒྱུན་བཅད་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་མི་རྨེད་པ། དུས་སུ་རྨེད་པ། དུས་ལས་ཡོལ་པར་མི་རྨེད་པ། དོན་དང་ལྡན་པ་རྨེད་པ། དོན་དང་མི་ལྡན་པ་མི་རྨེད་པས། སངས་རྒྱས་བཅོམ་ལྡན་འདས་རྣམས་ནི། དོན་དང་མི་ལྡན་པ་རྨེད་པ་ལ་ཆུ་ལོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་ནི། དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཅིའི་ཕྱིར་དགེ་སློང་ལག་གི་བླ་དག་གིས་ལས་གསར་པ་དག་རྒྱུན་བཅད་པར་གྱུར། བཙུན་པ། བཅོམ་ལྡན་འདས་ཀྱིས་འདི་ལྟར་དགེ་སློང་གིས་སྟན་གསར་པ་བྱེད་ན། མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་སྟན་རྙིང་པ་དེ་སྤངས་ཀྱང་རུང ། མ་སྤངས་ཀྱང་རུང ། སྟན་གསར་པ་གཞན་བྱེད་ན། སྤང་བའི་ལྟུང་བྱེད་དོ། །ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་པས། དགེ་སློང་ལག་གི་བླ་དག་དགུང་ལོ་དྲུག་གི་བར་དུ་སྟན་གྱི་མི་ཐུབ་པ་དེ་དག་གྲང་བ་དག་གིས་ལས་གསར་པ་དག་རྒྱུན་བཀུམ་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དགེ་སློང་ལག་གི་བླ་
Cha184a
༄#། །གང་ལ་ལོ་དྲུག་ཏུ་སྟན་གྱིས་མི་ཐུབ་པའི་དགེ་སློང་དེས་དགེ་འདུན་ལས་ལོ་དྲུག་ཚུན་ཆད་དུ་སྟན་གྱི་གནང་བ་གསོལ་བར་བྱའོ། །འདི་ལྟར་གསོལ་བར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་ལག་གི་བླ་དེས་བླ་གོས་ཕྲག་པ་གཅིག་ཏུ་བྱས་ཏེ་རྒན་རིམ་གྱིས་ཕྱག་འཚལ་ནས་རྒན་པའི་མཐའ་ལོགས་སུ་ཙོག་པུར་འདུག་སྟེ་ཐལ་མོ་སྦྱར་ནས་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་ལག་གི་བླ་མིང་འདི་ཞེས་བགྱི་བ་ལོ་དྲུག་ཏུ་སྟན་མི་བགྱིད་པ་ལས། བདག་དགེ་སློང་ལག་གི་བླ་མིང་འདི་ཞེས་བགྱི་བ་དགེ་འདུན་ལས་ལོ་དྲུག་ཚུན་ཆད་དུ་སྟན་གནང་བ་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་དགེ་སློང་ལག་གི་བླ་མིང་འདི་ཞེས་བགྱི་བ་ལ་ལོ་དྲུག་ཚུན་ཆད་དུ་སྟན་གནང་བ་སྩལ་དུ་གསོལ། དེ་བཞིན་ལན་གཉིས་ལན་གསུམ་དུ་བཟླས། དགེ་སློང་དེ་དག་གིས་དགེ་སློང་ལག་གི་བླ་དེ་ལ་དད་པའམ། ཡིད་ཆེས་པས་འགྲོ་བར་མི་བྱ་བར་དགེ་འདུན་ཐམས་ཅད་དེར་འདོང་བར་བྱ་བའམ། དགེ་འདུན་གྱིས་བསྐོས་པའི་དགེ་སློང་དག་གཏང་བར་བྱ་ཞིང་དེ་དག་གིས་སྟན་དེ་རང་གི་མིག་སྔར་དབབ་པར་བྱ་བའམ།
Cha184b
ཡང་ན་སྟན་དེ་དགེ་འདུན་གྱི་དབུས་སུ་དབྱུང་བར་བྱ་སྟེ། གལ་ཏེ་སྟན་དེ་ཧ་ཅང་རིང་བ་ཡིན་ན་དེ་དག་གིས་གཅད་པར་བྱའོ། །གལ་ཏེ་ཧ་ཅང་ཐུང་བ་ཡིན་ན་བལ་སྦྱིན་པར་བྱའོ། །གལ་ཏེ་ཧ་ཅང་ཡངས་པ་ཡིན་ན།་དེ་དག་གིས་གཅད་པར་བྱའོ། །གལ་ཏེ་ཧ་ཅང་དོག་པ་ཡིན་ན་བལ་སྦྱིན་པར་བྱའོ། །གལ་ཏེ་རལ་པ་དང་རྡོལ་བ་ཡིན་ན་བལ་སྦྱིན་པར་བྱའོ། །གལ་ཏེ་ཐམས་ཅད་ཀྱི་ཐམས་ཅད་དུ་བུག་རྡོལ་དང ། ཤ་ཟད་པ་དང ། བཅོས་དཀའ་བ་ཉིད་ཡིན་ན་དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལག་གི་བླ་མིང་འདི་ཞེས་བགྱི་བ་འདི་ལོ་དྲུག་ཏུ་སྟན་མི་བགྱིད་པ་ལས། དགེ་སློང་ལག་གི་བླ་མིང་འདི་ཞེས་བགྱི་བ་འདི་དགེ་འདུན་ལས་ལོ་དྲུག་ཚུན་ཆད་དུ་སྟན་གནང་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ལོ་དྲུག་ཚུན་ཆད་དུ་སྟན་གནང་བ་སྩལ་ཏོ། །འདི་ནི་གསོལ་བའོ། ། ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལག་གི་བླ་མིང་འདི་ཞེས་བགྱི་བ་འདི་ལོ་དྲུག་ཏུ་སྟན་མི་བགྱིད་པ་ལས། དགེ་སློང་ལག་གི་བླ་མིང་འདི་ཞེས་བགྱི་བ་འདི་དགེ་འདུན་ལས་ལོ་དྲུག་ཚུན་ཆད་དུ་སྟན་གནང་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ལོ་དྲུག་ཚུན་ཆད་དུ་སྟན་གནང་བ་
Cha185a
༄#། །སྩོལ་ན། ཚེ་དང་ལྡན་པ་གང་དག། དགེ་སློང་ལག་གི་བླ་མིང་འདི་ཞེས་བགྱི་བ་འདི་ལ་ལོ་དྲུག་ཚུན་ཆད་དུ་སྟན་གནང་བ་སྩལ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་ལག་གི་བླ་མིང་འདི་ཞེས་བགྱི་བ་ལ་ལོ་དྲུག་ཚུན་ཆད་དུ་སྟན་གནང་བ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་དགེ་སློང་ལག་གི་བླ་གང་ལ་ལོ་དྲུག་ཚུན་ཆད་དུ་སྟན་གནང་བ་བྱིན་པ་དེས་ལོ་དྲུག་ཚུན་ཆད་དུ་སྟན་གནང་བ་བྱིན་པ་དེས་ལོ་དྲུག་ཚུན་ཆད་དུ་སྟན་བྱེད་དུ་གཞུག་སྟེ། འདི་ལ་འགྱོད་པར་མི་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་དེ། དགེ་སློང་རྣམས་ལ་ཡང་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་སྟན་གསར་པ་བྱེད་ན། མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་སྟན་རྙིང་
Cha185b
པ་དེ་སྤངས་ཀྱང་རུང ། མ་སྤངས་ཀྱང་རུང ། སྟན་གསར་པ་གཞན་བྱེད་ན། དགེ་འདུན་གྱིས་གནང་བ་མ་གཏོགས་ཏེ། སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །སྟན་ཞེས་བྱ་བ་ནི། སྟན་གཉིས་ཏེ། ནང་ཚངས་ཅན་དང ། རླིངས་པ་སྟེ། དོན་འདིར་ནི། རླིངས་པ་ཡིན་པར་དགོངས་སོ། །གསར་པ་ཞེས་བྱ་བ་ནི། གསར་པ་གཉིས་ཏེ། གསར་པས་གསར་པ་དང ། རྙེད་པས་གསར་པ་སྟེ། དོན་འདིར་ནི། གསར་པས་གསར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི། བདག་ཉིད་ཀྱིས་སམ། གཞན་བྱེད་དུ་འཇུག་ནའོ། །མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། ། ཞེས་བྱ་བ་ནི། ལོ་དྲུག་ཚུན་ཆད་དུ་བཅང་བར་བྱའོ། །གལ་ཏེ་དགེ་སློང་གིས་ལོ་དྲུག་ཚུན་ཆད་དུ་ཞེས་བྱ་བ་ནི། དེ་ཚུན་ཆད་དུའོ། །སྟན་རྙིང་པ་ཞེས་བྱ་བ་ནི། སྟན་གང་ཡོད་པ་དེའོ། །སྤངས་ཀྱང་རུང ། མ་སྤངས་ཀྱང་རུང ། སྟན་གསར་པ་གཞན་བྱེད་ན་ཞེས་བྱ་བ་ནི། གཉིས་པའོ། །དགེ་འདུན་གྱིས་གནང་བ་མ་གཏོགས་ཏེ་ཞེས་བྱ་བ་ནི། དགེ་འདུན་གྱིས་གནང་བ་གཞག་སྟེའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ། གཉིས་བརྩམས་ཕྱི་མ་ཟིན་པ་དང ། །གཉིས་བརྩམས་སྔ་མ་ཟིན་པ་དང ། །གཉི་ག་ཟིན་ནས་གཅིག་སྤོང་དང ། །གཉི་ག་བརྩམས་ཏེ་གཏོང་བ་དང ། །ལོ་དྲུག་པ་ལ་ཉེས་མེད་པ། །དེ་ནི་སྟན་གྱི་བསྡུ་བ་
Cha186a
༄#། །ཡིན། །དགེ་སློང་གིས་ལོ་གང་ལ་སྟན་རྩོམ་པར་བྱེད་པའི་ལོ་དེ་ཉིད་ལ་སྟན་གཉིས་པ་རྩོམ་པར་བྱེད་ན། གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན་ཡང་ཉེས་བྱས་སུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །ལོ་དེ་ཉིད་ལ་སྟན་གཉིས་པ་མི་རྩོམ་ཡང་ལོ་གཉིས་པ་དང ། གསུམ་པ་དང ། བཞི་པ་དང ། ལོ་ལྔ་པ་ལ་སྟན་གཉིས་པ་རྩོམ་པར་བྱེད་ན། གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན་ཡང་ཉེས་བྱས་སུ་འགྱུར་རོ། །སྔ་མ་ལ་ལྟུང་བ་མེད་དོ། །དགེ་སློང་གིས་ལོ་གང་ལ་སྟན་རྩོམ་པར་བྱེད་པའི་ལོ་དེ་ཉིད་ལ་སྟན་གཉིས་པ་བརྩམས་ནས་སྔ་མ་ཟིན་པར་བྱེད་ན། གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །ལོ་དེ་ཉིད་ལ་སྟན་གཉིས་པ་བརྩམས་ནས་ཟིན་པར་མི་བྱེད་ཀྱང་ལོ་གཉིས་པ་དང ། གསུམ་པ་དང ། བཞི་པ་དང ། ལྔ་པ་ལ་སྟན་གཉིས་པ་བརྩམས་ནས་སྔ་མ་ཟིན་པར་བྱེད་ན། དེ་རྩོམ་པ་ལ་ཉེས་བྱས་སུ་འགྱུར་ལ། བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ལོ་གང་ལ་སྟན་བྱས་པའི་ལོ་དེ་ཉིད་ལ་སྟན་གཉིས་པ་ཡང་བྱས་ནས། དེས་སྔ་མ་ཤོས་བཞག་སྟེ་ཕྱི་མ་ཤོས་གཏོང་བར་བྱེད་དམ། ཕྱི་མ་ཤོས་བཞག་སྟེ་སྔ་མ་ཤོས་གཏོང་བར་བྱེད་ན། གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །ལོ་དེ་ཉིད་ལ་སྟན་གཉིས་པ་མ་བྱས་ཀྱང་ལོ་གཉིས་
Cha186b
པ་དང ། གསུམ་པ་དང ། བཞི་པ་དང ། ལྔ་པ་ལ་སྟན་གཉིས་པ་བྱས་ནས། དེས་སྔ་མ་ཤོས་བཞག་སྟེ་ཕྱི་མ་ཤོས་གཏོང་བར་བྱེད་དམ། ཕྱི་མ་ཤོས་བཞག་སྟེ་སྔ་མ་ཤོས་གཏོང་བར་བྱེད་ན། གཉིས་པ་རྩོམ་པ་དེ་ལ་ཉེས་བྱས་སུ་འགྱུར་ལ། བྱས་ཟིན་ན། སྤང་བའི་ལྟུང་བྱེད་དུ་འགྱུར་རོ། །སྔ་མ་ལ་ནི། ལྟུང་བ་མེད་དོ། །དགེ་སློང་གིས་ལོ་གང་ལ་སྟན་རྩོམ་པའི་ལོ་དེ་ཉིད་ལ་སྟན་གཉིས་པ་ཡང་བརྩམས་ནས་དེ་མ་ཟིན་པར་གཏོང་བར་བྱེད་དམ། ལོ་གཉིས་པ་དང ། གསུམ་པ་དང ། བཞི་པ་དང ། ལྔ་པ་ལ་བརྩམས་ནས། དེ་མ་ཟིན་པར་གཏོང་བར་བྱེད་ན། དེ་རྩོམ་པར་བྱེད་པ་ལ་ཉེས་བྱས་སུ་འགྱུར་ལ། སྔ་མ་ལ་ནི། ལྟུང་བ་མེད་དོ། །དགེ་སློང་གིས་ལོ་གང་ལ་སྟན་བྱེད་པའི་ལོ་དེ་ཉིད་ལ་སྟན་གཉིས་པ་མི་བྱེད་ཅིང ། ལོ་གཉིས་པ་ལ་ཡང་མི་བྱེད། གསུམ་པ་ལ་ཡང་མི་བྱེད། བཞི་པ་ལ་ཡང་མི་བྱེད། ལྔ་པ་ལ་ཡང་མི་བྱེད་པར་ལོ་དྲུག་པ་ལ་བྱེད་ན། ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལོ་དྲུག་ཏུ་བཅང་བའི་སྤང་བ་སྟེ། བཅུ་བཞི་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་སོ་གཉིས་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་བླ་ན་མེད་པའི་མཁྱེན་པ་ཐུགས་སུ་ཆུད་པ་དེའི་ཚེ་ན། ཐམས་ཅད་དུ་ཡུལ་དབུས་སུ་སངས་རྒྱས་འཇིག་རྟེན་དུ་བྱུང་ཞེས་སྒྲ་
Cha187a
༄#། །གྲགས་སོ། །བྱང་ལམ་ན་ཚོང་པ་དག་གིས་ཡུལ་དབུས་སུ་སངས་རྒྱས་འཇིག་རྟེན་དུ་བྱུང་སྟེ་གང་དག་དེ་ལ་མཆོད་པ་དག་བྱེད་པ་དེ་དག་གི་མཆོད་པ་བྱས་པ་དེ་དག་ནི། ཤིན་ཏུ་འབྲས་བུ་ཆེ་བ་དང ། ཕན་ཡོན་ཆེ་བ་དང ། གསལ་བ་ཆེ་བ་དང ། རྒྱ་ཆེན་པོར་འགྱུར་རོ། །ཞེས་ཐོས་སོ། །ཐོས་ནས་ཀྱང་དེ་དག་འདི་སྙམ་དུ་སེམས་ཏེ། བདག་ཅག་ཟོང་དག་ཐོགས་ཏེ་མཉན་ཡོད་དུ་འདོང་ཞིང་དེར་བདག་ཅག་གིས་ཁེ་སྤོགས་ཀྱང་བསྒྲུབ་པར་བྱ། བཅོམ་ལྡན་འདས་ལ་ཡང་བསྙེན་བཀུར་བྱའོ། །སྙམ་དུ་རིག་ནས་ཚོང་པ་ལྔ་བརྒྱ་བྱང་ལམ་ནས་ཟོང་དག་ཐོགས་ཏེ་ཡུལ་དབུས་སུ་འཕགས་སོ། །དེ་དག་མཐར་གྱིས་མཉན་ཡོད་དུ་ཕྱིན་ནས་དེ་དག་གིས་ཟོང་མཁོས་སུ་ཕབ་སྟེ། ཁྱིམ་བདག་མགོན་མེད་ཟས་སྦྱིན་ག་ལ་བ་དེར་དོང་ནས་ཕྱིན་པ་དང ། ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག། བདག་ཅག་སངས་རྒྱས་བཅོམ་ལྡན་འདས་བལྟ་བར་འདོད་དོ། །ཤེས་ལྡན་དག། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། བལྟ་བར་བྱ་བ་རིན་པོ་ཆེ་ཁོ་ན་ཡིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། འདི་ལྟ་སྟེ། དཔེར་ན། ཨུ་དུམ་ཝ་རའི་མེ་ཏོག་ལྟར་བལྟ་བ་དང ། འབྱུང་བ་དཀོན་པ་ཡིན་ནོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཚོང་པ་ལྔ་བརྒྱ་པོ་དེ་དག་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་
Cha187b
ཞབས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཚོང་བ་དེ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་ཏུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཚོང་པ་དེ་དག་གིས་བཅོམ་ལྡན་འདས་ལ་བསྙེན་བཀུར་བྱས་ནས་དགེ་སློང་གནས་བརྟན་གནས་བརྟན་རྣམས་ཀྱི་གཙུག་ལག་ཁང་བལྟ་བར་བརྩམས་པ་དང ། ཚོང་པ་དེ་དག་གིས་དགེ་སློང་གནས་བརྟན་གནས་བརྟན་རྣམས་ཀྱི་མ་དག་ན་གདིང་པ་དབུས་རྡོལ་བ་དག་མཐོང་ངོ ། །མཐོང་ནས་ཀྱང་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག། ཅིའི་ཕྱིར་དགེ་སློང་གནས་བརྟན་གནས་བརྟན་འདི་དག་གི་གདིང་བ་དག་དབུས་རྡོལ་བར་གྱུར། ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། བདག་ཉིད་ཆེན་པོ་འདི་དག་ནི། ཕལ་ཆེར་མཚན་མོ་སྐྱིལ་མོ་ཀྲུང་གིས་འདའ་བར་བྱེད་དོ། །དེ་དག་སེམས་མངོན་པར་དད་པར་གྱུར་ནས་དད་པ་སྐྱེས་པ་དེ་དག་གིས་དགེ་སློང་རྣམས་ལ་རས་ཡུག་ཆེན་ལྔ་བརྒྱ་ཕུལ་ལོ། །དགེ་སློང་རྣམས་ཀྱིས་གདིང་བ་རྙིང་བ་དེ་དག་ཁང་པ་ཆེན་པོའི་གཙུག་ལག་ཁང་བླ་གབ་མེད་པ་ཞིག་ཏུ་བཞག་གོ། །དེའི་ཚེ་ན་ཁྱིམ་བདག་ཅིག་གིས་
Cha188a
༄#། །སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང ། དགེ་སློང་གི་དགེ་འདུན་ནི། ཞུགས་སོ། །བཅོམ་ལྡན་འདས་ནི། རྫས་ལས་བྱུང་བ་ནི་བཞུགས་ཤིང ། བསོད་སྙོམས་མངོན་པར་བསྒྲུབས་སོ། །སངས་རྒྱས་བཅོམ་ལྡན་འདས་ནི། རྒྱུ་ལྔས་རྫས་ལས་བྱུང་བ་ན་བཞུགས་ཤིང ། བསོད་སྙོམས་མངོན་པར་སྒྲུབ་པར་མཛད་དེ། ལྔ་གང་ཞེ་ན། ནང་དུ་ཡང་དག་འཇོག་བཞེད་པ་དང ། ལྷ་རྣམས་ལ་ཆོས་སྟོན་པར་བཞེད་པ་དང ། ནད་པ་ལ་ལྟ་བར་བཞེད་པ་དང ། གནས་མལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པའོ། །དོན་འདིར་ནི། བཅོམ་ལྡན་འདས་གནས་མལ་ལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པས་རྫས་ལས་བྱུང་བ་ན་བཞུགས་ཤིང ། བསོད་སྙོམས་མངོན་པར་སྒྲུབ་པར་མཛད་དོ། །དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་སོང་ནས་རིང་པོ་མ་ལོན་པར་ཐུགས་སུ་ཆུད་ནས་ལྡེ་མིག་བསྣམས་ཏེ་ཀུན་དགའ་ར་པ་ནས་ཀུན་དགའ་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་སར་དང ། གོལ་བར་གཤེགས་ཤིང་མཐར་གྱིས་གཤེགས་པ་ན་ཁང་པ་ཆེན་པོའི་གཙུག་ལག་ཁང་ག་ལ་བ་དེར་གཤེགས་སོ། །དེའི་ཚེ་ན་ཁང་པ་ཆེན་པོའི་གཙུག་ལག་ཁང་དེ་ན་གདིང་བ་རྙིང་བ་རྡོལ་བ་དང་རལ་བ། ས་རྡུལ་གྱི་ཕྱེ་མ་དང །
Cha188b
འདྲེས་པ་རབ་ཏུ་མང་པོ་དག་ས་ལ་བཀྲམ་ཞིང་འདུག་གོ། བཅོམ་ལྡན་འདས་ཀྱིས་གདིང་བ་རྙིང་བ་རྡོལ་བ་དང་རལ་བ། ས་རྡུལ་གྱི་ཕྱེ་མ་དང་འདྲེས་པ་རབ་ཏུ་མང་པོ་དག་ས་ལ་བཀྲམ་ཞིང་འདུག་པ་དག་གཟིགས་སོ། །གཟིགས་ནས་ཀྱང་ཨེ་མ་ཞེས་གསུང་ཞིང་སྨད་ནས། འདི་སྙམ་དུ་དགོངས་ཏེ། བྲམ་ཟེ་དང ། ཁྱིམ་བདག་དད་པ་ཅན་དག་གིས་པགས་པ་དང ། ཤ་དང ། ཁྲག་དག་བཙིར་ཅིང་བཙིར་ཅིང་སྦྱིན་པ་དག་སྦྱིན། བསོད་ནམས་དག་བྱེད་པ་གང་ཡིན་པ་དེ་ལ་དགེ་སློང་དག་དྲོད་མི་ཤེས་པ་དང ། སོ་སོར་མི་རྟོག་པར་ཡོངས་སུ་ལོངས་སྤྱོད་པར་བྱེད་དོ། །སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་གདིང་བ་རྙིང་བ་དེ་དག་ལེགས་པར་བརྟུལ་ཅིང་སྤྲུགས་ནས་བཏིང་ཞིང་བསྐམས་ཏེ་རྩིག་པ་ལ་མི་རེག་པར་མཛད་ནས་གཙུག་ལག་ཁང་གི་སླད་རོལ་དུ་ཞབས་གཉིས་གསིལ་ཏེ་ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་དགེ་སློང་བསོད་སྙོམས་སྒྲུབ་པས་བསོད་སྙོམས་བླངས་ནས་བཅོམ་ལྡན་འདས་ག་ལ་བ་དེར་སོང་ངོ ། །སངས་རྒྱས་བཅོམ་ལྡན་འདས་རྣམས་ནི། ཆོས་ཉིད་ཀྱིས་བསོད་སྙོམས་སྒྲུབ་པའི་དགེ་སློང་ལ་དགེ་སློང་ཇི་ལྟར་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་འདིས་སོ་སོར་ཀུན་དགའ་བར་མཛད་པ་ཡིན་པས། བཅོམ་ལྡན་འདས་ཀྱིས་དགེ་སློང་བསོད་སྙོམས་སྒྲུབ་པ་ལ། དགེ་སློང་ཇི་ལྟར་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་དང ། དེས་
Cha189a
༄#། །གསོལ་པ། བཙུན་པ། ཏེ་བོར་ཟས་བསོད་ཅིང་དགེ་སློང་གི་དགེ་འདུན་ཆིམ་པར་བགྱིས་སོ། །དེ་ནས་བཅོམ་ལྡན་འདས་ཞལ་ཟས་ཀྱི་བྱ་བ་མཛད་ནས་གཙུག་ལག་ཁང་གི་སླད་རོལ་དུ་ཞབས་གཉིས་གསིལ་ཏེ་ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་བཅོམ་ལྡན་འདས་ཕྱི་དྲོ་ནང་དུ་ཡང་དག་འཇོག་ལས་བཞེངས་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། འདི་ན་ངས་དགེ་སློང་གི་དགེ་འདུན་སོང་ནས་རིང་བ་མ་ལོན་པར་ཤེས་ནས་ལྡེ་མིག་ཁྱེར་ཏེ་ཀུན་དགའ་ར་བ་ནས་ཀུན་དགའ་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆགས་ནས་འཆག་སར་དང ། གོལ་བར་སོང་ཞིང་མཐར་གྱིས་འགྲོ་བ་ན་ཁང་པ་ཆེན་པོའི་གཙུག་ལག་ཁང་ཞིག་ག་ལ་བ་དེར་ཕྱིན་ནས། ངས་ཁང་པ་ཆེན་པོའི་གཙུག་ལག་ཁང་དེ་ན་གདིང་བ་རྙིང་པ་རྡོལ་བ་དང་རལ་བ། ས་རྡུལ་གྱི་ཕྱེ་མ་དང་འདྲེལ་པ་རབ་ཏུ་མང་པོ་དག་ས་ལ་བཀྲམ་ཞིང་འདུག་པ་མཐོང་ངོ ། །མཐོང་ནས་ཨེ་མ་ཞེས་བྱས་ཏེ་སྨད་ནས་འདི་སྙམ་དུ་བྲམ་ཟེ་དང ། ཁྱིམ་བདག་དད་པ་ཅན་དག་གིས་བགས་པ་དང་ཤ་དང ། ཁྲག་བཙིར་ཅིང་བཙིར་ཅིང་སྦྱིན་བ་དག་སྦྱིན། བསོད་ནམས་དག་བྱེད་པ་གང་ཡིན་པ་དེ་ལ་དགེ་སློང་དག་དྲོད་མི་ཤེས་པ་དང ། སོ་སོར་མི་རྟོག་པར་ཡོངས་སུ་ལོངས་སྤྱོད་པར་བྱེད་དོ། །
Cha189b
སྙམ་དུ་དགོངས་ཀྱི། དགེ་སློང་དག། ཁྱེད་ཀྱིས་དད་པས་སྦྱིན་པར་བྱ་བ་ལ་དྲོད་རན་པར་ཡོངས་སུ་ལོངས་སྤྱད་པ་དང ། སྤང་ཞིང་ཡོངས་སུ་ལོངས་སྤྱོད་པ་དང ། དུས་སུ་ཡོངས་སུ་ལོངས་སྤྱད་པ་དང ། བརྟག་ཅིང་ཡོངས་སུ་ལོངས་སྤྱད་པ་དང ། ཁད་ཀྱིས་ཡོངས་སུ་ལོངས་སྤྱད་ན་ལེགས་སོ། །བར་སྡོམ་ལ། དྲོད་རན་པ་དང་སྤང་བ་དང ། །དེ་བཞིན་དུས་དང་བརྟག་པ་དང ། །ཁད་ཀྱིས་ཡོངས་སུ་སྤྱད་པ་ཡིན། །དེ་ནས་བཅོམ་ལྡན་འདས་ཀྱིས་དྲོད་རན་པ་དང ། སྤང་བ་དང ། དུས་དང ། བརྟག་པ་དང ། ཁད་ཀྱིས་ཡོངས་སུ་ལོངས་སྤྱོད་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་གདིང་བ་གསར་པ་བྱེད་ན། གསར་པ་ཁ་དོག་མི་སྡུག་པར་བྱ་བའི་ཕྱིར་གདིང་བ་རྙིང་བ་བདེ་བར་གཤེགས་པའི་མཐོ་གང་འཁོར་བས་གླན་པར་བྱའོ། །གལ་ཏེ་དགེ་སློང་གོས་གསར་པ་ཁ་དོག་མི་སྡུག་པར་བྱ་བའི་ཕྱིར་གདིང་བ་རྙིང་པ་དེ་བདེ་བར་གཤེགས་པའི་མཐོ་གང་འཁོར་བས་མ་གླན་པར་གདིང་བ་གསར་པ་སྤྱོད་ན། སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །གདིང་བ་ཞེས་བྱ་བ་ནི། སོ་སོར་གདིང་པའོ། །གསར་པ་ཞེས་བྱ་བ་ནི། གསར་པ་གཉིས་ཏེ། གསར་པས་གསར་
Cha190a
༄#། །པ་དང ། རྙེད་པས་གསར་པ་སྟེ། དོན་འདིར་ནི། གསར་པས་གསར་པ་ཡིན་པར་དགོངས་སོ། །བྱེད་ན་ཞེས་བྱ་བ་ནི། བདག་ཉིད་ཀྱིས་སམ། གཞན་བྱེད་དུ་འཇུག་ནའོ། །གསར་པ་ཁ་དོག་མི་སྡུག་པར་བྱ་བའི་ཕྱིར་ཞེས་བྱ་བ་ནི། གསར་པ་སྲ་བར་བྱ་བའི་ཕྱིར་རོ། །གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་གླན་པར་བྱའོ། །ཞེས་བྱ་བ་ནི། གལ་ཏེ་དེ་ལ་གདིང་བ་རྙིང་བ་བདེ་བར་གཤེགས་པའི་མཐོ་གང་འཁོར་བ་གཞན་ཡོད་ནའོ། །བདེ་བར་གཤེགས་པ་ཞེས་བྱ་བ་ནི། སྟོན་པའོ། །བདེ་བར་གཤེགས་པའི་མཐོ་གང་ལ་ནི། ཚད་དང་ལྡན་པའི་ཁྲུའི་ཁྲུ་ཕྱེད་དང་དོ་ཡོད་དོ། །འཁོར་བས་ཞེས་བྱ་བ་ནི། ཀུན་ནས་མཐོ་རེས་ཡོད་པས་སོ། །གླན་པར་བྱའོ། །ཞེས་བྱ་བ་ནི། སྦྱར་བར་བྱ་བའོ། །མ་གླན་པར་ཞེས་བྱ་བ་ནི། མ་སྦྱར་བར་རོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་མ་གླན་པར་ཇི་ཙམ་ཅུང་ཟད་དུ་གདིང་བ་གསར་པ་སྤྱོད་པར་བྱེད་ན། ཐམས་ཅད་ཀྱི་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །གདིང་བ་རྙིང་པ་ཐམས་ཅད་ཀྱི་ཐམས་ཅད་དུ་ཤ་ཟད་པ་དང ། བུག་རྡོལ་དུ་གྱུར་པ་དང ། བཅོས་སུ་མི་རུང་བ་ཡིན་ན། ལྟུང་བ་མེད་དོ། །དེ་ཙམ་མེད་ན། ལྟུང་བ་མེད་དོ། །ལས་
Cha190b
དང་པོ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་ད། །མཐོ་གང་གི་སྤང་བ་སྟེ། བཅོ་ལྔ་བ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ། ལྷུང་བཟེད་ནག་པོ་ཅན་འདི་དག་ནི། རྐང་པ་སྤེའུའི་ཞག་གིས་བསྐུས་ཏེ་འགྲོ་མ་ཡང་འགྲོ་བར་ཆས་པའི་རྙེད་པ་སྒྲུབ་པར་བྱེད། འོང་ན་ཡང་གློ་བུར་འོངས་པའི་རྙེད་པ་སྒྲུབ་པར་བྱེད་ཅིང ། སྐྱེ་བོ་མང་པོ་དགའ་བ་དང ། ཡིད་དུ་འོང་བར་ཡང་འགྱུར་རོ། ། ཡུ་བུ་ཅག་ནི། ཁྲོན་པའི་རུས་སྦལ་དང་འདྲ་བར་གར་ཡང་མི་འདོང ། གང་ནས་ཀྱང་མི་འོང་བས་རྙེད་པ་ཐོབ་པ་དང ། སྐྱེ་བོ་མང་པོ་དགའ་བ་དང ། ཡིད་དུ་འོང་བར་ག་ལ་འགྱུར་གྱི། ཡུ་བུ་ཅག་ཀྱང་འདོང་ངོ ། །གང་དུ་འདོང ། གང་དུ་དོན་མཐུན་འགྲུབ་པར་རོ། །དེ་དག་གིས་བསམ་པ། གལ་ཏེ་ཐམས་ཅད་དོང་བར་གྱུར་ན། བདག་ཅག་གིས་ཉེ་བར་སྤྱོད་པའི་ཁྱིམ་གང་དག་ཡིན་པ་དེ་དག་ཀྱང་ལྷུང་བཟེད་ནག་པོ་ཅན་དག་གིས་རྗེས་སུ་འཇུག་པར་བྱེད་པར་འགྱུར་གྱི། བདག་ཅག་གིས་གཅིག་བཞག་སྟེ་འདོང་བར་བྱ་ན། སུ་གཞག་པར་བྱ། བཙུན་པ་འཆར་ཀའོ། །བཙུན་པ་འཆར་ཀ། ཁྱོད་འདི་ཉིད་དུ་འདུག་ཅིག་།ཁོ་བོ་ཅག་འདོང་བར་བྱའོ། །དེ་བཞིན་གྱིས་ཤིག་ཅེས་འཆར་ཀ་དེ་ཉིད་དུ་འདུག་གོ། ལྔ་པོ་དག་གིས་དོན་མཐུན་བཅལ་བར་བརྩམས་པ་དང ། དེ་དག་གིས་
Cha191a
༄#། །བལ་ཡུལ་དུ་འགྲོ་བའི་དོན་མཐུན་མཐོང་ནས་དེའི་དྲུང་དུ་སོང་སྟེ་སྨྲས་པ། བཞིན་བཟང་དག། ཁྱེད་གང་དུ་འཕགས། འཕགས་པ་དག་བལ་ཡུལ་དུའོ། །བཞིན་བཟང་དག་།ཁོ་བོ་ཅག་ཀྱང་ཁྱེད་དང་ལྷན་ཅིག་འདོང་ངོ ། །འཕགས་པ་དག། བལ་ཡུལ་ནི། རྔ་མོའི་རྒྱབ་འདྲ་བ་ལགས་པས་ཁྱེད་ཅག་དེར་དགྱེས་པར་མི་འགྱུར་རོ། །བཞིན་བཟང་དག། གལ་ཏེ་དེ་ལྟ་བུ་ཡིན་དུ་ཟིན་ཀྱང་ཡུལ་མཐོང་བར་འགྱུར་བས་འདོང་བར་བྱའོ། །འཕགས་པ་དག། གལ་ཏེ་དེ་ལྟར་ན་ཚུར་སྤྱོན། བཞུད་དོ། །དྲུག་སྡེ་དག་དོན་མཐུན་དེ་དང་ལྷན་ཅིག་བལ་ཡུལ་དུ་འཕགས་ནས་མཐར་གྱིས་བལ་ཡུལ་དུ་ཕྱིན་པ་དང ། ཉི་མ་གང་ཁོ་ན་ལ་བལ་ཡུལ་དུ་ཕྱིན་པའི་ཉི་མ་དེ་ཉིད་ལ་མངོན་པར་མི་དགའ་བར་གྱུར་ནས་དེ་དག་ནང་པར་སྔར་ལངས་ཏེ་ལམ་སྲང་དུ་དོང་བ་དང ། ཚོང་པ་དག་གིས་དྲུག་སྡེ་དག་མཐོང་ནས། དེ་དག་གི་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་དག། བལ་ཡུལ་ཅི་འདྲ། ཁྱེད་ཅག་མངོན་པར་མི་དགྱེས་པར་མ་གྱུར་ཏམ། བཞིན་བཟང་དག། ཉི་མ་གང་ཁོ་ན་ལ་བལ་ཡུལ་དུ་ཕྱིན་པའི་ཉི་མ་དེ་ཉིད་ལ་མངོན་པར་མི་དགའ་བར་གྱུར་ཏོ། །འཕགས་པ་དག། བདག་ཅག་གིས་ཁྱེད་དང་པོ་ཁོ་ནར་བལ་ཡུལ་ནི། རྔ་མོའི་རྒྱབ་འདྲ་བ་ལགས་པས་ཁྱེད་ཅག་དེར་དགྱེས་པར་མི་འགྱུར་རོ། །ཞེས་མ་བགྱིས་སམ། བཞིན་བཟང་དག། ཅི། དེ་ལྟར་ན་འགྲོའམ། འདོང་ངོ ། །འཕགས་པ་དག། བདག་ཅག་གིས་ཟོང་མ་
Cha191b
བསྒྱུར་ཏེ། དེ་ལྟ་ལགས་མོད་ཀྱི། འོན་ཀྱང་བདག་ཅག་དང་བཤེས་པའི་ཚོང་པ་གཞན་དག་མཆིས་པ་དེ་དག་གིས་ཟོང་བསྒྱུར་བས་དེ་དག་ལ་གཏད་པར་བགྱིའི། དེ་དག་དང་ཐབས་ཅིག་བཞུད་ཅིག། དྲུག་སྡེ་དག་གིས་སྨྲས་པ། དེ་མ་ནོངས་ཀྱི། དེ་བཞིན་བགྱིའོ། །བལ་ཡུལ་ན་བལ་དང་ལྡོང་རོས་གཉིས་མོད་པས་དོན་མཐུན་དེ་དག་གིས་བལ་གྱིས་ཤིང་རྟ་བཀང་སྟེ་ཆས་པ་དང་དྲུག་སྡེ་དག་ཀྱང་དོན་མཐུན་དང་ལྷན་ཅིག་འཕགས་སོ། །དྲུག་སྡེ་དག་གི་ཀུན་ཏུ་སྤྱོད་པ་ནི། རྡུལ་གྱིས་འཇིགས་པས་ཡང་ན་ནི། དོན་མཐུན་གྱི་མདུན་དུ་འགྲོ། ཡང་ན་ནི། ཕྱི་བཞིན་འབྲང་ཞིང་འགྲོ་བས།་དེ་དག་དོན་མཐུན་གྱི་ཕྱི་བཞིན་འགྲོ་བར་བརྩམས་པ་དང ། ཇི་ཙམ་ན་ཚོང་པ་དེ་དག་གི་ཤིང་རྟའི་སྲོག་ཤིང་ཆག་ནས་ཚོང་པ་དེ་དག་གིས་བསམ་པ། གལ་ཏེ་ཤིང་རྟའི་སྲོག་ཤིང་བཅོས་ན། སྒྲས་ཆོམ་རྐུན་པ་དག་འོང་བར་འགྱུར་ཞིང ། དེ་དག་གིས་དང་པོར་བདག་ཅག་གསོད་པར་འགྱུར་ལ། དེའི་འོག་ཏུ་ནོར་ཡང་འཕྲོག་པར་འགྱུར་གྱི། བདག་ཅག་གིས་གཅེས་པ་དག་ཁྱེར་ཏེ་འདོང་ངོ། །སྙམ་ནས་ཡིད་མི་དགའ་ཞིང་འཁོད་པ་དང ། དྲུག་སྡེ་དག་ལྷགས་ནས། དེ་དག་གིས་སྨྲས་པ། ཤེས་ལྡན་དག། ཅིའི་ཕྱིར་ཡིད་མི་དགའ་ཞིང་འཁོད། འཕགས་པ་དག། ཤིང་རྟའི་སྲོག་ཤིང་ཆག་སྟེ་གལ་ཏེ་ཤིང་རྟའི་སྲོག་ཤིང་བཅོས་ན། སྒྲས་ཆོམ་རྐུན་པ་དག་མཆི་བར་འགྱུར་ཞིང ། དེ་དག་གིས་དང་པོར་བདག་ཅག་བཀུམ་པར་འགྱུར་ལ། དེའི་འོག་ཏུ་ནོར་ཡང་འཕྲོག་
Cha192a
༄#། །བར་འགྱུར་བས། བདག་ཅག་གིས་གཅེས་པ་དག་འཆལ་ཏེ་མཆིའོ། །སྙམ་ནས་ཡིད་མི་དགའ་ཞིང་མཆིས་སོ། །བཞིན་བཟང་དག། ཁྱེད་ཀྱིས་བལ་དག་ཡོངས་སུ་བཏང་ངམ། ཡོངས་སུ་བཏང་ངོ ། །གལ་ཏེ་ཁྱེད་ཅག་ལ་མི་གནོད་ན། ཞཝ་དང ། ལྷམ་སྒྲེག་གུ་ཅན་དང ། སྟོད་ཀོར་ནང་ཚངས་ཅན་དང ། རྒྱ་ཅང་དང ། ལྕག་བོད་དང ། ཤུར་བུ་ཕྲེའུ་ལ་སོགས་པའི་དོན་དུ་ཅུང་ཞིག་བཀུར་རོ། །འཕགས་པ་དག། བདག་ཅག་ལ་འདིས་ཅི་བགྱི། ཐམས་ཅད་སྣོམས་ཤིག། དྲུག་སྡེ་དག་གིས་སྨྲས་པ། དགའ་བོ་ཉེ་དགའ། ཕྱག་དར་ཁྲོད་རྙེད་དོ། །ཞེས་དེ་དག་ལྔ་ཆར་གྱི་ལྷུང་བཟེད་དང ། ཆོས་གོས་དག་གཅིག་གིས་བཀུར་ནས་མི་བཞིས་དེ་ཉིད་ལས་ཐག་པ་བཀལ་ཏེ་ཁུར་པོ་ཆེ་བཞི་དྲགས་ནས་དེ་དག་གིས་དེ་ཁུར་ཏེ་དོང་ངོ ། །དེ་དག་གིས་ཁུར་དེ་དག་ཁྱེར་ཏེ་འཕགས་པ་དང ། ཚོང་པ་དེ་དག་གིས་དྲུག་སྡེ་དག་བལ་གྱི་ཁུར་བླངས་ཏེ་ཕྱི་བཞིན་འོང་བ་མཐོང་ནས་སྨྲས་པ། འཕགས་པ་དག། བདག་ཅག་གིས་གླ་མི་དག་ཁྲིད་དེ་མཆིའོ། །སྙམ་དུ་བསམ་ན། ཁྱེད་ཅག་གིས་བལ་འདི་ཐམས་ཅད་བསྣམས་ཏེ་བྱོན་གྱི། འཕགས་པ་དག་ལ་གླ་གསོལ་ལོ། །བཀྲེན་པ་དག། ཁོ་བོ་ཅག་ཁྱེད་ཀྱི་གླ་མི་དག་ཡིན་ནམ། འཕགས་པ་དག། མད་ཀྱང་བཞད་གད་བགྱིའོ། །དོན་མཐུན་དེའི་ནང་ན་མུ་སྟེགས་ཅན་དག་ཅིག་འདོང་བ་དེ་དག་གིས་སྨྲས་པ། ཀྱེ་མ་དྲུག་སྡེ་དག། ཁྱེད་ཅག་གང་དུ་ཁུར་འཇིག་པར་
Cha192b
འགྱུར། གང་དུ་རྙེད་པ་འགྲུབ་པར་འགྱུར། ཁྱེད་ཀྱི་མའི་ལྟོ་དྲལ་ཏེ་དེར་ཁུར་འཇིག་པར་འགྱུར་ཞིང ། དེར་རྙེད་པ་འགྲུབ་པར་འགྱུར་རོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ། གལ་ཏེ་དོན་མཐུན་དང་ལྷན་ཅིག་འདོང་ན། མཐོ་འཚམ་པ་མང་དུ་འབྱུང་གི་དོན་མཐུན་གྱི་མདུན་དུ་འདོང་ངོ ། །ཞེས་དེ་དག་དོན་མཐུན་གྱི་མདུན་དུ་འཕགས་ཏེ་འདོང་བ་དང ། རི་བྲག་ཅིག་ན་ཆོམ་རྐུན་པ་གཅད་པའི་ཕྱིར་ཡང་རྒོད་ཀྱི་མི་མང་པོ་བཀོད་ཅིང་འཁོད་པ་དེ་དག་གིས་དེ་དག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཉམ་ང་བར་གྱུར་ནས་དེ་དག་གིས་སྨྲས་པ། ཤེས་ལྡན་དག། གླང་པོ་ཆེ་དང་བཅས་པའི་དམག་བྱུང་ངོ ། །ཞེས་རི་བྲག་པ་དེ་དག་ཐམས་ཅད་སྐྲག་ནས་ནགས་ཁྲོད་དུ་བྱེར་རོ། །དེ་དག་གི་ནང་ནས་ཁ་ཅིག་གིས་སྨྲས་པ། འདི་དག་ནི། གླང་པོ་ཆེ་དང་བཅས་པའི་དམག་མ་ཡིན་གྱི།་འདི་ལྟར། རྔ་མོ་དག་ཅིག་འོང་བ་ཡིན་ནོ། །ཁ་ཅིག་གིས་སྨྲས་པ། འདི་དག་ནི། རྔ་མོ་མ་ཡིན་གྱི། འདི་ལྟར་གླང་དག་ཅིག་ཡིན་ནོ། །ཁ་ཅིག་གིས་སྨྲས་པ། འདི་དག་ནི། གླང་མ་ཡིན་གྱི། འདི་དག་ནི། ཁུར་ཐོགས་པ་དག་ཅིག་ཡིན་ནོ། །དེ་དག་ཐག་ཉེ་བར་གྱུར་པ་དང ། ཡང་རྒོད་དེ་དག་གིས་སྨྲས་པ། འཕགས་པ་དག། ཁྱེད་ཅག་འདི་ལྟ་བུའི་ཁུར་དག་ཐོགས་པས་དེའི་ཕྱིར་རི་བྲག་པ་ཐམས་ཅད་སྐྲག་སྟེ་ནགས་ཁྲོད་དུ་བྱེར་རོ། །བཀྲེན་པ་དག། གལ་ཏེ་ཆོམ་རྐུན་པ་དག་གིས་ཁྱེད་ཅག་དེ་ལྟར་བྲེད་ངས་པར་ཤེས་པར་གྱུར་ནས་ཉིན་མོའི་ཉི་མ་ཁོ་ན་ལ་ཡང་བཅིངས་ཏེ་ནགས་
Cha193a
༄#། །ཁྲོད་དུ་ཁྲིད་པར་འགྱུར་རོ། །དགའ་བོ་ཉེ་དགའ། གལ་ཏེ་ལམ་དུ་འདོང་ན། མཐོ་འཚམ་པ་མང་དུ་འབྱུང་གི། ལམ་གོལ་བར་འདོང་ངོ ། །ཞེས་དེ་དག་ལམ་གོལ་བར་ཞུགས་ཏེ་དོང་བ་དང ། ཤོ་གམ་པ་དག་གིས་ཚོང་པ་ཤོ་གམ་འདྲལ་བ་བསྒུགས་པའི་ཕྱིར་འགེ་འགུ་པའི་མི་མང་པོ་དག་བཀོད་ཅིང་འཁོད་པ་དག་གིས་དེ་དག་མཐོང་ནས་སྨྲས་པ། ཨེ་མའོ། ། ཚོང་པ་ཤོ་གམ་འདྲལ་བ་དག་ཅིའི་ཕྱིར་ཤོ་གམ་དྲལ་ཏེ་འདོང ། བཀྲེན་པ་དག། ཁོ་བོ་ཅག་ཁྱེད་ཀྱི་ཚོང་པ་ཤོ་གམ་འདྲལ་བ་དག་ཡིན་ན། ཁྱེད་ཅག་སུ་ཡིན། འཕགས་པ་དྲུག་སྡེ་དག་གམ། ཡིན་ནོ། །བཞུད་ཅིག། དེ་དག་གིས་སྨྲས་པ། དགའ་བོ་ཉེ་དགའ། གལ་ཏེ་རྒྱལ་བྱེད་ཀྱི་ཚལ་གྱི་སྒོ་ནས་ཞུགས་ན། ལྷུང་བཟེད་ནག་པོ་ཅན་དག་ལས་མཐོ་འཚམ་པ་མང་དུ་འབྱུང་གི།་སྒེའུ་ཆུང་ནས་འཇུག་པར་བྱའོ། །ཞེས་དེ་དག་སྒེའུ་ཆུང་ནས་ཞུགས་པ་དང་རྒན་ཞུགས་ཤིག་གིས་མཐོང་ནས་དེས་སྨྲས་པ། ཨེ་མའོ། །ཁུར་ཚ་བ་དག། ཅིའི་ཕྱིར་གྲོང་དྲལ་ཏེ་འཇུག་པར་བྱེད། རྒན་ཞུགས། ཁོ་བོ་ཅག་ཁྱོད་ཀྱི་ཁུར་ཚ་བ་དག་ཡིན་ནམ། དེས་སྨྲས་པ། ཁྱེད་སུ་ཡིན། ཚེ་དང་ལྡན་པ་དྲུག་སྡེ་དག་གམ། ཡིན་ནོ། །ཚེ་དང་ལྡན་པ་དག་བྱོན་པ་ལེགས་སོ། །བྱོན་པ་ལེགས་སོ། །དེ་དག་ནང་དུ་ཞུགས་ནས་དེ་དག་གིས་བལ་གྱི་ཁུར་དེ་དག་བཤིག་པ་དང ། རི་རབ་ཀྱི་རྣམ་པ་འདྲ་བའི་ཕུང་པོ་ཆེན་པོར་རྣམ་པར་གནས་སོ། དེ་དག་ལ་དགེ་སློང་རྣམས་ཀྱིས་
Cha193b
སྨྲས་པ། ཚེ་དང་ལྡན་པ་དག། ཁྱེད་ཅག་ཁུར་འདི་ལྟ་བུ་དག་ཐོགས་ན། ཁྱེད་ལ་མཐོ་འཚམ་པ་དག་མི་འབྱུང་ངམ། ཚེ་དང་ལྡན་པ་དག། ཅི། ཁོ་བོ་ཅག་གིས་བཟའ་བ་ཁོ་ནའི་ཕྱིར་ཁ་མངོན་པར་བསྒྲུབས་སམ། གང་ཁོ་བོ་ཅག་ལ་མཐོ་འཚམ་པར་བྱེད་པ་དེ་ལ་ཁོ་བོ་ཅག་གིས་ཀྱང་ཉིས་འགྱུར་སྦྱིན་པར་བྱའོ། །དགེ་སློང་དོན་ཉུང་ངུ་དག། ཅིའི་ཕྱིར་དགེ་སློང་དག་ཡན་ལག་གང་གིས་ངོ་ཚ་བར་བྱ་བའི་ཡན་ལག་དེ་ཉིད་ཀྱིས་ཁེངས་པར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག། ཁྱེད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་པ་མཛད་ནས། དགེ་
Cha194a
༄#། །སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ལམ་དུ་ཞུགས་པས་ལུག་བལ་དག་རྙེད་ལ་འདོད་ན།་དགེ་སློང་དེས་བླང་བར་བྱའོ། །བླངས་ནས་འཁྱེར་བ་མེད་ན། དཔག་ཚད་གསུམ་གྱི་མཐའི་བར་དུ་བདག་ཉིད་ཀྱིས་བཀུར་བར་བྱའོ། །དེ་ལས་འདས་པར་ཁྱེར་ན། སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི། དྲུག་སྡེ་དག་གམ། གཞན་ཡང་དེ་ལྟ་བུ་གང་ཡིན་པའོ། །ལམ་དུ་ཞུགས་པས་ཞེས་བྱ་བ་ནི། དགོན་པའི་ལམ་དུ་ཞུགས་པས་སོ། །ལུག་བལ་དག་ཅེས་བྱ་བ་ནི། ལུག་གི་བལ་དག་གོ།་རྙེད་ལ་ཞེས་བྱ་བ་ནི། གཞན་ལས་སོ། །འདོད་ན་ཞེས་བྱ་བ་ནི། གལ་ཏེ་དོན་དུ་གཉེར་ནའོ། །དགེ་སློང་དེས་བླང་བར་བྱའོ། །ཞེས་བྱ་བ་ནི། མནོད་པར་བྱའོ། །བླངས་ནས་འཁྱེར་བ་མེད་ན་ཞེས་བྱ་བ་ནི། རུང་བར་བྱེད་པ་མེད་ནའོ། དཔག་ཚད་གསུམ་གྱི་མཐའི་བར་དུ་ཞེས་བྱ་བ་ནི། དཔག་ཚད་གསུམ་གྱི་མཐར་ཐུག་པའི་བར་ཚུན་ཆད་དུའོ། །བདག་ཉིད་ཀྱིས་བཀུར་བར་བྱའོ། །ཞེས་བྱ་བ་ནི། བདག་རང་གིས་བཀུར་བར་བྱའོ། །དེ་ལས་འདས་པར་ཁྱེར་ན་ཞེས་བྱ་བ་ནི། དེ་ལས་ཐལ་བར་ཁྱེར་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་
Cha194b
བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ལུག་བལ་དག་རྙེད་ལ་ཁྱེར་བ་མེད་ན། བདག་ཉིད་ཀྱིས་དཔག་ཚད་གསུམ་གྱི་མཐའ་ལས་འདས་པར་ཁྱེར་ན། རྒྱང་གྲགས་ཕྱེད་དུ་ཕྱིན་ན། ཉེས་བྱས་སུ་འགྱུར་ལ། རྒྱང་གྲགས་ཀྱི་མཐར་ཕྱིན་ན། སྤང་བའི་ལྟུང་བྱེད་དུ་འགྱུར་རོ། །འཁྱེར་བ་ཡོད་བཞིན་དུ་བདག་ཉིད་ཀྱིས་ཁྱེར་ན། རྩོམ་པའི་དུས་ཁོ་ན་ན། ཉེས་བྱས་སུ་འགྱུར་ལ། རྒྱང་གྲགས་ཕྱེད་དུ་ཕྱིན་ན། ཉེས་བྱས་གཞན་ཞིག་ཏུ་འགྱུར། རྒྱང་གྲགས་ཀྱི་མཐར་ཕྱིན་ན། སྤང་བའི་ལྟུང་བྱེད་དུ་འགྱུར་རོ། །རྡུལ་ཕྲ་རབ་དྲུག་ལ་རྡུལ་ཕྲ་མོ་གཅིག་གོ། རྡུལ་ཕྲ་མོ་དྲུག་ལ་ཆུ་རྡུལ་གཅིག་གོ། ཆུ་རྡུལ་དྲུག་ལ་ལྕགས་རྡུལ་གཅིག་གོ། ལྕགས་རྡུལ་དྲུག་ལ་རི་བོང་རྡུལ་གཅིག་གོ། རི་བོང་རྡུལ་དྲུག་ལ་ལུག་རྡུལ་གཅིག་གོ། ལུག་རྡུལ་དྲུག་ལ་གླང་རྡུལ་གཅིག་གོ། གླང་རྡུལ་དྲུག་ལ་ཉི་ཟེར་གྱི་རྡུལ་གཅིག་གོ། ཉི་ཟེར་གྱི་རྡུལ་དྲུག་ལ་སྲོ་མ་གཅིག་གོ་།སྲོ་མ་དྲུག་ལ་ཤིག་གཅིག་གོ། ཤིག་དྲུག་ལ་ནས་གཅིག་གོ། ནས་དྲུག་ལ་སོར་གཅིག་གོ། སོར་བཞི་དྲུག་ལ་ཁྲུ་གང་ངོ ། །ཁྲུ་ཕྱེད་དང་བཞི་ལ་མིའི་སྲིད་དོ། །ཁྲུ་བཞི་ལ་གཞུའོ། །གཞུ་ལྔ་བརྒྱ་ལ་རྒྱང་གྲགས་གཅིག་གོ། རྒྱང་གྲགས་བརྒྱད་ལ་དཔག་ཚད་གཅིག་གོ། དེ་ལ་དགེ་སློང་དགོན་པ་བ་ལམ་དུ་ཞུགས་པས་ལུག་བལ་དག་རྙེད་ལ་དེ་བླངས་ཏེ་འཁྱེར་བ་མེད་ན། རྒྱང་གྲགས་ཀྱིས་ཆོད་པའི་གྲོང་བདུན་པོ་དག་གི་གྲོང་ཕྱེད་དུ་
Cha195a
༄#། །ནི།་ཉེས་བྱས་སུ་འགྱུར་ལ། གྲོང་གི་མཐར་ནི། སྤང་བའི་ལྟུང་བྱེད་དུ་འགྱུར་རོ། །གྲོང་ནས་དགོན་པའི་ལམ་དུ་འཇུག་ན། རྒྱང་གྲགས་ཕྱེད་ཕྱེད་དུ་ཉེས་བྱས་སུ་འགྱུར་ལ། རྒྱང་གྲགས་རེ་རེར་སྤང་བའི་ལྟུང་བྱེད་དུ་འགྱུར་རོ། །ཞཝ་དང ། ལྷམ་སྒྲོ་གུ་ཅན་དང ། སྟོད་ཀོར་ནང་ཚངས་ཅན་དང ། རྒྱ་ཅང་དང ། ལྕག་བོད་དང ། ཤུར་བུ་ཕྲེའུ་ལ་སོགས་པའི་དོན་དུ་དེ་ཙམ་དག་ཁྱེར་བ་ལ་ནི། ལྟུང་བ་མེད་དོ། །ལས་དང་པོ་བ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བལ་ཐོགས་པའི་སྤང་བ་སྟེ། བཅུ་དྲུག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ། བལ་བགོ་བར་བྱའོ། །ཆ་དུར་བྱ། དེ་དག་གིས་སྨྲས་པ། བདག་ཅག་གིས་བཙུན་པ་འཆར་ཀ་འདི་ཉིད་ན་འདུག་འདུག་པ་ལ་ཅིའི་ཕྱིར་སྐལ་པ་སྦྱིན། ཆ་ལྡར་བྱའོ། །འཆར་ཀས་ཐོས་ནས་དེས་སྨྲས་པ། ཚེ་དང་ལྡན་པ་དག། ཁྱེད་ཀྱིས་དེར་རྙེད་པ་གང་གྲུབ་པ་དེ་ཡང་ཁྱེད་ཀྱིས་གྱིས་ཤིག། ཁོ་བོ་འདི་ཉིད་ན་འདུག་འདུག་པས་རྙེད་པ་གང་གྲུབ་པ་དེ་ཡང་ཁོ་བོ་ཉིད་ཀྱིར་བྱའོ། ། ཉེ་དགས་བསམ་པ། འདི་འདི་ཉིད་ན་འདུག་འདུག་པས་རྙེད་པ་མང་པོ་གྲུབ་གོར་མ་ཆག་སྙམ་ནས་དེས་སྨྲས་པ། ཚེ་དང་ལྡན་པ་དག། བདག་ཅག་དུས་ཐམས་ཅད་དུ་དྲུག་སྡེ་ཡིན་ན། ད་
Cha195b
ཅིའི་ཕྱིར་ལྔ་སྡེར་འགྱུར་བར་བྱ། ཆ་དྲུག་ཁོ་ནར་བྱའོ། །སུས་དགོད་དུ་གཞུག། བཙུན་པ་འཆར་ཀ་མ་དུབ་པ་ཡིན་གྱི། དེ་འགོད་དུ་གཞུག་གོ། འཆར་ཀས་དྲུག་ཏུ་བྱས་ཏེ་བདག་ཉིད་ཀྱི་སྐལ་བ་རང་གི་གནས་ཁང་དུ་བཅུག་སྟེ་བཞག་གོ། དེ་དག་གིས་སྨྲས་པ། བཙུན་པ་འཆར་ཀ། ཁྱོད་ཀྱིས་རྙེད་པ་གང་གྲུབ་པ་དེ་ཁྱེར་ཤོག། བགོའོ། །འཆར་ཀས་སྨྲས་པ། ཁོ་བོས་དེའི་བར་དུ་ཀ་ཀ་ནི། གཅིག་ཙམ་ཡང་མ་རྙེད་དོ། །ཁྱོད་ཀྱིས་ཁོ་བོ་ཅག་བསླུས་སོ། །འཆར་ཀས་བསམ་པ། བདག་གིས་བལ་ཉུང་དུ་མ་ཞིག་རྙེད་པ་འདི། སུ་རྨལ་དུ་གཞུག། གལ་ཏེ་ཁྱིམ་པ་དག་ལ་བཅོལ་ན་ནི། དེ་དག་བསླབ་པ་ཡང་དག་པར་མ་བླངས་པ་ཡིན་པས་ཐམས་ཅད་བརྐུས་པར་འགྱུར་རོ། །གལ་ཏེ་བཅུ་གཉིས་སྡེ་དག་ལ་བཅོལ་ན་ནི། བཅའ་བའི་རིན་དུ་འཇོག་པར་འགྱུར་རོ། །ཆོས་སྦྱིན་ལ་བཅོལ་དུ་ཡང ། ཆོས་སྦྱིན་མ་ནི། མདོ་སྡེའི་མཐའ་པ་ཡིན་ལ། འཁོར་ཡང་མདོ་སྡེའི་མཐའ་པ་དང་ལྡན་པ་ཡིན་པས། དེ་མདོ་སྡེའི་ཚིག་དག་སེམས་པ་ན། དུས་འགྱང་པར་འགྱུར་རོ། །གོའུ་ཏ་མི་སྐེམ་མོ་ལ་བཅོལ་དུ་ཡང ། གོའུ་ཏ་མི་སྐེམ་མོ་ནི། འདུལ་བ་འཛིན་པ་ཡིན་ལ། འཁོར་ཡང་འདུལ་བ་འཛིན་པ་དང་ལྡན་པ་ཡིན་པས། དེ་འདི་ནི། ལྟུང་བ་ཡིན་ནོ། །འདི་ནི། ལྟུང་བ་མ་ཡིན་ནོ།། ཞེས་སེམས་པ་ན། དུས་འགྱང་པར་འགྱུར་རོ། །སྐྱེ་རྒུའི་བདག་མོ་ཆེན་མོ་གོའུ་ཏ་མི་ནི། སྤོང་བ་པ་ཡིན་ལ། འཁོར་ཡང་སྤོང་བ་པ་དང་ལྡན་པ་ཡིན་པས། དེ་སེམས་རྩེ་གཅིག་ཏུ་འཇོག་པ་
Cha196a
༄#། །ལ་བལ་རྨེལ་བ་མི་གནོད་ཀྱི། བདག་གིས་དེ་ལ་བལ་རྨེལ་དུ་བཅོལ་སྙམ་ནས། དེ་དེ་སྙམ་ཞིང་འདུག་པ་ན། སྐྱེ་རྒུའི་བདག་མོ་ཆེན་མོ་གོའུ་ཏ་མི་བཅོམ་ལྡན་འདས་ག་ལ་བ་དེར་འོངས་པ་དེ། ཚེ་དང་ལྡན་པ་འཆར་ཀས་ཐག་རིང་པོ་ཁོ་ན་ནས་མཐོང་ནས་སྨྲས་པ། གོའུ་ཏ་མི། བཅོམ་ལྡན་འདས་ཀྱིས་ཚུལ་ཁྲིམས་དང་ལྡན་པའི་སེམས་ཀྱི་སྨོན་པ་འགྲུབ་སྟེ། དེ་ཡང་ཚུལ་ཁྲིམས་རྣམ་པར་དག་པའི་ཕྱིར་རོ། །ཞེས་བཀའ་སྩལ་པ་དེ། ལེགས་པར་གསུངས་པ་ཡིན་ཏེ། ད་གཟོད་ཁོ་ན་བདག་ཀྱེ་མ་སྐྱེ་རྒུའི་བདག་མོ་ཆེན་མོ་གོའུ་ཏ་མི་འོངས་ན་ཅི་མ་རུང་སྙམ་པའི་བློ་སྐྱེས་ན། ཁྱེད་ཀྱང་འདིར་འོངས་སོ། །བདག་གིས་བལ་ཉུང་ཞིག་རྙེད་པ་དེ་ཁྱོད་ཀྱིས་རྨེལ་དུ་ཆུག་སྟེ་བྱིན་ཅིག་།འཕགས་པ། བདག་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་སླར་མཆིས་ནས་དགེ་སློང་མ་གཉིས་བཏང་གི། དེ་གཉིས་ཀྱི་སུག་པར་སྩོལ་ཅིག་།འཆར་ཀས་བལ་དེ་དག་གཟར་ཐག་གིས་བམ་པོ་གཉིས་སུ་དམ་དུ་རབ་ཏུ་བཅིངས་ཏེ་སྒོ་གླེགས་ཀྱི་ཕག་ཏུ་བཞག་གོ། དེ་ནས་སྐྱ་རྒུའི་བདག་མོ་ཆེན་མོ་གོའུ་ཏ་མི་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་དབྱར་ཁང་དུ་སོང་ནས་དེས་དེའི་གན་དུ་དགེ་སློང་མ་གཉིས་བཏང་སྟེ། འཕགས་པ་འཆར་ཀའི་གན་དུ་དེངས་ལ་བལ་དེ་བསྐུར་དུ་གསོལ་ཞེས་གྱིས་ཤིག་ཅེས་བསྒོའོ། །དེ་གཉིས་དོང་སྟེ་སྨྲས་པ། འཕགས་པ། གོའུ་ཏ་མིའི་མཆིད་ནས་བལ་དེ་
Cha196b
བསྐུར་དུ་གསོལ་ཞེས་མཆིའོ། །འཆར་ཀས་དེ་གཉིས་ལ་སྨྲས་པ། སྒོ་གླེགས་ཀྱི་ཕག་ན་བམ་པོ་གཉིས་འདུག་པ་དེ་གཉིས་ཁྱེར་ལ་དེངས་ཤིག་།དེ་གཉིས་གནས་ཁང་དུ་ཞུགས་ཏེ་གདེག་པར་བརྩམས་པ་དང ། བསྒུལ་བ་ཙམ་དུ་ཡང་མ་ནུས་ནས་དེ་གཉིས་ཀྱིས་སྨྲས་པ། འཕགས་པ། ཅི། འདིར་རང་འཐག་གི་གོར་མ་དག་སྩལ་ཏམ། གཞོན་ནུ་མ་གཉིས། ཅི་ཁྱེད་གཉིས་གཞོན་ནུ་མ་གཏའ་གམ་པ་ཡིན་ནམ་ཞེས་དེས་མཐེའུ་ཆུང་གིས་བཏེགས་ཏེ། གཅིག་ནི། གཅིག་གི་མགོར་བསྐུར། གཅིག་ནི། གཅིག་གི་རྐེད་དུ་བསྐུར་རོ། །དེ་གཉིས་མགོ་ཆག་ལ་ཐུག་གོ་།རྐེད་པ་ཆག་ལ་ཐུག་གོ་།ཞེས་ཟེར་ཞིང་དབྱར་ཁང་དུ་དོང་ནས་ཁུར་ས་ལ་བཞག་སྟེ་ཁྲིའི་སྟེང་དུ་བསྒྱེལ་ཅིང་འདུག་གོ། དགེ་སློང་མ་རྣམས་ཀྱིས་དེ་གཉིས་ལ་སྨྲས་པ། ཁྱེད་གཉིས། གཞོན་ནུ་མ་གཏའ་གམ་པ་ཡིན་ནམ། དེ་གཉིས་ཀྱིས་སྨྲས་པ། ཁྱེད་ཅག་ལས། སྟོབས་དང་ལྡན་པ་གང་ཡིན་པ་དེས་ཇེ་འདི་ཐོགས་ཤིག་།དེ་དག་གིས་དེ་གདེག་པར་བརྩམས་པ་དང ། བསྒུལ་བ་ཙམ་དུ་ཡང་མ་ནུས་ནས་དེ་དག་གིས་སྨྲས་པ། འཕགས་མ་གཉིས། ཅི། འདིར་རང་འཐག་གི་རྡོ་དག་བཅུག་གམ་ཞེས་དེ་དག་གིས་བམ་པོ་དེ་གཉིས་བཤིག་པ་དང ། ཇི་ཙམ་ན་ཕུང་པོ་ཆེན་པོར་རྣམ་པར་གནས་པར་གྱུར་ཏོ། །དགེ་སློང་མ་རྣམས་ཀྱིས་རྟ་བགད་ཀྱིས་བཏབ་སྟེ་སྨྲས་པ། འཕགས་པ་འཆར་ཀ་ན་རེ། བལ་ཅུང་ཞིག་ཅེས་ཟེར་ན། གལ་ཏེ་མང་བར་གྱུར་ན་ནི། ཇི་ལྟ་བུར་འགྱུར། སྐྱེ་རྒུའི་བདག་
Cha197a
༄#། །མོ་ཆེན་མོ་གོའུ་ཏ་མིས་སྨྲས་པ། ནུ་མོ་དག། མགོ་བྲེགས་ཤིང་མཆན་ཁུང་རལ་བུ་ཅན་དག་ཡིན་ན། དགོད་དུ་ཅི་ཡོད། འཕགས་པ་འཆར་ཀའི་མཆིད་ནས་བལ་ཉུང་ཞིག་ཅེས་མཆི་ན། གལ་ཏེ་མང་བར་གྱུར་ན། ཇི་ལྟ་བུར་འགྱུར། སྐྱེ་རྒུའི་བདག་མོ་ཆེན་མོ་གོའུ་ཏ་མིས་སྨྲས་པ། ནུ་མོ་དག་དེ་དག་ནི། གནས་ངན་ལེན་ཀུན་ཏུ་སྤྱོད་པ་དག་ཡིན་པས། དེ་དག་གིས་བཅོམ་ལྡན་འདས་ཀྱིས་བསྟན་པ་ལ་འདྲུམས་པ་ལྟུང་བས་ལྟུང་བར་བྱེད་དོ། །ནུ་མོ་དག། བཅོམ་ལྡན་འདས་ཀྱིས་འདི་གཉིས་ནི། སྐྱེས་བུ་དམ་པ་ཡིན་ཏེ། ཁུར་མ་བླངས་པ་མི་ལེན་པ་གང་ཡིན་པ་དང ། ཁུར་བླངས་པ་མཐར་ཕྱིན་པ་བྱེད་པ་གང་ཡིན་པའོ། །ཞེས་གསུངས་པས། འདི་ནི། ཁུར་བླངས་པ་ཡིན་པས་མཐར་ཕྱིན་པར་བྱ་དགོས་ཀྱི། ཁྱེད་ཅག་ལས། གང་གིས་ཇི་ཙམ་རྨེལ་བར་སྤྲོ་བ་དེས་དེ་ཙམ་རྨེལ་ལ། དེའི་གན་དུ་ཁྱེར་ཏེ་བྱིན་ཅིག་།དེ་དག་ཡུན་རིང་དུ་ཐོགས་པ་དང་འཆར་ཀས་བསམ་པ། དེ་དག་གིས་བལ་དེ་བཅའ་བའི་རིན་དུ་བཞག་གོར་མ་ཆག། བདག་གིས་མ་ལེགས་པ་ཞིག་བྱས་ཏེ། བདག་གིས་བལ་དེ་ནི། ཆར་པས་འཇིགས་པས་གང་ལ་ཁར་བཞག་པ་དང་འདྲ་བར་གྱུར་ཏོ། །སྙམ་མོ། །དགེ་སློང་མ་གཉིས་ཀྱིས་བལ་ཁ་ཅིག་རྨེལ་ཏེ་ཁྱེར་ཏེ་འོངས་ནས་སྨྲས་པ། འཕགས་པ་འཆར་ཀ། བལ་དག་འཚལ་ཏེ་མཆིས་ན། གང་དུ་གཞག་པར་བགྱི། འཆར་ཀས་བསམ་པ། ད་དུང་སྤྱོད་ཡུལ་ལྷག་མ་དང་
Cha197b
བཅས་པ་ཡིན་ནོ། །སྙམ་ནས་སྨྲས་པ། གནས་ཁང་དུ་ཆུག་སྟེ་ཞོག་ཅིག་།དེ་གཉིས་ཀྱིས་བཞག་སྟེ་སོང་བ་དང ། གཞན་དག་གིས་ཀྱང་ཁྱེར་ཏེ་འོངས་སོ། །ཇི་ཙམ་ན་ཐམས་ཅད་ཀྱིས་ཀྱང་ཁྱེར་ཏེ་འོངས་སོ། །དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ནས་མཐའ་གཅིག་ཏུ་འདུག་གོ། དེའི་ཚེ་ན་སྐྱེ་རྒུའི་བདག་མོ་ཆེན་མོ་གོའུ་ཏ་མིའི་ལག་པ་གཉིས་འདི་ལྟ་སྟེ། དཔེར་ན། བཙོ་བླག་མཁན་གྱི་ལག་པ་དམར་བ་ལྟར། དམར་པ་དང ། ཤིན་ཏུ་དམར་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་འདི་སྐད་ཅེས་བཀའ་སྩལ་ཏོ། །གོའུ་ཏ་མི། ཅིའི་ཕྱིར་ཁྱོད་ཀྱི་ལག་པ་གཉིས་འདི་ལྟ་སྟེ། དཔེར་ན། བཙོ་བླག་མཁན་གྱི་ལག་པ་དམར་བ་ལྟར། དམར་བ་དང ། ཤིན་ཏུ་དམར་བར་གྱུར། བཅོམ་ལྡན་འདས། འདི་ནི། བགྱི་བ་གཞན་ལགས་ན། གཞན་བགྱིད་དོ། །ཇི་ལྟར་གྱུར། འཕགས་པ་འཆར་ཀས་བདག་བལ་རྨེལ་དུ་སྩལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དགེ་སློང་དག་དགེ་སློང་མ་ཉེ་དུ་མ་ཡིན་པ་ལ་ལུག་བལ་དག་རྨེལ་དུ་འཇུག་གམ། བཙུན་པ། རྨེལ་དུ་སྩོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ཀྱིས་
Cha198a
༄#། །མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་དགེ་སློང་མ་ཉེ་དུ་མ་ཡིན་པ་ལ་ལུག་བལ་དག་རྨེལ་དུ་འཇུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ལུག་བལ་འཁྲུར་འཇུག་གམ། འཚེད་དུ་འཇུག་གམ། རྨེལ་དུ་འཇུག་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི། ཆོས་འདི་པའོ། །ཉེ་དུ་མ་ཡིན་པ་ལ་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ཀྱི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །ལུག་
Cha198b
བལ་ཞེས་བྱ་བ་ནི། ལུག་བལ་ལོ། །འཁྲུར་འཇུག་གམ་ཞེས་བྱ་བ་ནི། ཐ་ན་ཆུར་སྙུག་པ་བྱེད་དུ་འཇུག་ནའོ། །འཚེད་དུ་འཇུག་གམ་ཞེས་བྱ་བ་ནི། ཐ་ན་ཚོན་དུ་སྙུག་པ་བྱེད་དུ་འཇུག་ནའོ། །རྨེལ་དུ་འཇུག་ན་ཞེས་བྱ་བ་ནི། ཐ་ན་འདའ་བར་བྱེད་དུ་འཇུག་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ།། ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་པས་ལུག་བལ་དག་འཁྲུར་འཇུག་ན། སྤང་བའི་ལྟུང་བྱེད་དུ་འགྱུར་རོ།། འཚེད་དུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །རྨེལ་དུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །འཁྲུར་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང་རྨེལ་དུ་འཇུག་གམ། འཚེད་དུ་འཇུག་པ་དང་འཁྲུར་འཇུག་གམ། འཚེད་དུ་འཇུག་པ་དང ། རྨེལ་དུ་འཇུག་པ་དང ། འཁྲུར་འཇུག་གམ། རྨེལ་དུ་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང ། འཚེད་དུ་འཇུག་པ་དང ། རྨེལ་དུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཡིད་གཉིས་ཟ་བས་ལུག་བལ་དག་འཁྲུར་འཇུག་ན། སྤང་བའི་ལྟུང་བྱེད་དུ་འགྱུར་རོ།་འཆེད་དུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །རྨེལ་དུ་འཇུག་པ་ན། སྤང་བའི་ལྟུང་བྱེད་དུ་འགྱུར་རོ། །འཁྲུར་འཇུག་པ་དང ། འཆེད་དུ་འཇུག་གམ། འཁྲུར་འཇུག་པ་དང ། རྨེལ་དུ་
Cha199a
༄#། །འཇུག་གམ། འཚེད་དུ་འཇུག་པ་དང ། འཁྲུར་འཇུག་གམ། འཚེད་དུ་འཇུག་པ་དང ། རྨེལ་དུ་འཇུག་གམ། རྨེལ་དུ་འཇུག་པ་དང་འཁྲུར་འཇུག་གམ། རྨེལ་དུ་འཇུག་པ་དང་འཚེད་དུ་འཇུག་གམ། འཁྲུར་འཇུག་པ་དང་འཚེད་དུ་འཇུག་པ་དང ། རྨེལ་དུ་འཇུག་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཉེ་དུ་མ་ཡིན་པར་འདུ་ཤེས་པས་ལུག་བལ་དག་འཁྲུར་འཇུག་ན། ཉེས་བྱས་སུ་འགྱུར་རོ། །འཚེད་དུ་འཇུག་ན། ཉེས་བྱས་སུ་འགྱུར་རོ། །རྨེལ་དུ་འཇུག་ན། ཉེས་བྱས་སུ་འགྱུར་རོ། །འཁྲུར་འཇུག་པ་དང་འཚེད་དུ་འཇུག་གམ། འཁྲུར་འཇུག་པ་དང་རྨེལ་དུ་འཇུག་གམ། འཚེད་དུ་འཇུག་པ་དང་འཁྲུར་འཇུག་གམ། འཚེད་དུ་འཇུག་པ་དང་རྨེལ་དུ་འཇུག་གམ། རྨེལ་དུ་འཇུག་པ་དང་འཁྲུར་འཇུག་གམ། རྨེལ་དུ་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང ། འཚེད་དུ་འཇུག་པ་དང ། རྨེལ་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཡིད་གཉིས་ཟ་བས་ལུག་བལ་དག་འཁྲུར་འཇུག་ན། ཉེས་བྱས་སུ་འགྱུར་རོ། །འཚེད་དུ་འཇུག་ན། ཉེས་བྱས་སུ་འགྱུར་རོ། །རྨེལ་དུ་འཇུག་ན། ཉེས་བྱས་སུ་འགྱུར་རོ། །འཁྲུར་འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང་རྨེལ་དུ་འཇུག་གམ། འཚེད་དུ་འཇུག་པ་དང ། འཁྲུར་འཇུག་གམ། འཚེད་དུ་འཇུག་པ་དང་རྨེལ་དུ་འཇུག་གམ། རྨེལ་དུ་འཇུག་པ་དང ། འཁྲུར་འཇུག་གམ། རྨེལ་དུ་
Cha199b
འཇུག་པ་དང ། འཚེད་དུ་འཇུག་གམ། འཁྲུར་འཇུག་པ་དང་འཚེད་དུ་འཇུག་པ་དང ། རྨེལ་དུ་འཇུག་ན། ཉེས་བྱས་སུ་འགྱུར་རོ། །ལས་དང་པོ་པ་དང ། །སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བལ་རྨེལ་དུ་འཇུག་པའི་སྤང་བ་སྟེ། བཅུ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །དེ་ནས་གྲོང་དཔོན་གཙུག་ན་ནོར་བུ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་གྲོང་དཔོན་གཙུག་ན་ནོར་བུས་འདི་སྐད་ཅེས་གསོལ་ཏོ། །བཙུན་པ། སྔོན་གྱི་གདུགས་རྣམས་ཀྱི་ཆེས་སྔ་བ་ཞིག་ན། རྒྱལ་པོའི་ཕོ་བྲང་ན་རྒྱལ་པོ་དང ། བློན་པོའི་འཁོར་མཆིས་ཤིང་མཐུན་པར་གྱུར་པ་རྣམས་ལ་པར་སྐབས་ཀྱི་བཀའ་མཆིད་ཀུན་ཏུ་བརྗོད་པ་འདི་ལྟ་བུ་བྱུང་བར་གྱུར་ཏོ། །ཤེས་ལྡན་དག་།ཅི། དགེ་སློང་རྣམས་མངོན་མཚན་ཅན་རུང་ངམ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དམ། འོན་ཏེ་དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སློང་རྣམས་གསེར་བདག་གིར་མི་བགྱིད་ཅེས་མཆི་ནས། དེ་ན་ཁ་ཅིག་ནི། འདི་སྐད་ཅེས། དགེ་སློང་རྣམས་ལ་མངོན་མཚན་ཅན་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དོ། །ཞེས་མཆི། ཁ་ཅིག་ནི།
Cha200a
༄#། །འདི་སྐད་ཅེས། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དོ། །ཞེས་མཆི་ན། བཙུན་པ། དེ་ལ་གང་དག་དེ་སྐད་ཅེས། དགེ་སློང་རྣམས་ལ་མངོན་མཚན་ཅན་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དོ། །ཞེས་མཆི་ན། བཙུན་པ། ཇི་ལྟར་གང་དག་དེ་སྐད་མཆི་བ་དེ་དག་དེ་ལྟར་བརྡ་སྤྲོད་པར་བགྱིད་པ་ན། བཅོམ་ལྡན་འདས་ལ་སྐུར་བ་འདེབས་པར་མི་བགྱིད་ཅིང ། ཧ་ཅང་ཐལ་བར་ཡང་མི་བགྱིད་པ་དང ། དེ་དག་བཅོམ་ལྡན་འདས་ཀྱིས་གསུངས་པའི་རྗེས་སུ་སྨྲ་བ་དང ། ཆོས་སྨྲ་བ་དང ། ཆོས་ཀྱི་རྗེས་སུ་མཐུན་པའི་ཆོས་བརྡ་སྤྲོད་པར་བགྱིད་པ་དང ། གསུངས་པའི་རྗེས་སུ་སྨྲ་བ་དེ་དག་ལ་གཞན་ལས་ཆོས་དང་མཐུན་པས་སྨད་པའི་གནས་ལྟ་བུའི་ཆོས་འགའ་ཡང་མི་མཆི་བ་ལགས་སམ། གྲོང་དཔོན། གང་དག་དེ་སྐད་ཅེས། དགེ་སློང་རྣམས་ལ་མངོན་མཚན་ཅན་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བྱེད་དོ། །ཞེས་ཟེར་བ་དེ་དག་དེ་ལྟར་བརྡ་སྤྲོད་པར་བྱེད་པ་ན། ང་ལ་སྐུར་བ་འདེབས་པར་བྱེད་ཅིང ། ཧ་ཅང་ཐལ་བར་བྱེད་པ་དང ། དེ་དག་ངས་སྨྲས་པའི་རྗེས་སུ་སྨྲ་བ་མ་ཡིན་པ་དང ། ཆོས་སྨྲ་བ་མ་ཡིན་པ་དང ། ཆོས་ཀྱི་རྗེས་སུ་མཐུན་པའི་ཆོས་བརྡ་སྤྲོད་པར་བྱེད་པ་མ་ཡིན་པ་དང ། སྨྲས་པའི་རྗེས་སུ་སྨྲ་བ་མ་ཡིན་པ་དེ་དག་ལ་གཞན་ལས་ཆོས་དང་མཐུན་པས་སྨད་པའི་གནས་ལྟ་བུའི་ཆོས་ཤིན་ཏུ་འོང་
Cha200b
བ་ཡིན་ནོ། །དེ་ཅིའི་ཕྱིར་ཞེ་ན། གྲོང་དཔོན། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི། དགེ་སྦྱོང་གི་ཆོས་མ་ཡིན་ཞིང ། དེ་ནི། ཤཱཀྱའི་སྲས་ཀྱི་ཆོས་མ་ཡིན་པའི་ཕྱིར་རོ། །གྲོང་དཔོན། ངས་ཁྱོད་ལ་དོན་དེ་ཉིད་ཀྱི་ཕྱིར་ལན་གཉིས་ལན་གསུམ་གྱི་བར་དུ་བརྗོད་པར་བྱ་སྟེ། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང ། གསར་བདག་གིར་བྱེད་པ་དེ་ནི། དགེ་སྦྱོང་གི་ཆོས་མ་ཡིན་ཞིང ། དེ་ནི། ཤཱཀྱའི་སྲས་ཀྱི་ཆོས་མ་ཡིན་ནོ། །བཙུན་པ། གང་གི་སླད་དུ་བཅོམ་ལྡན་འདས་ཀྱིས་དེ་སྐད་ཅེས། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་མངོན་མཚན་ཅན་རུང་ཞིང་གསེར་བདག་གིར་བགྱིད་པ་དེ་ནི། དགེ་སྦྱོང་གི་ཆོས་མ་ལགས་ཤིང ། དེ་ནི། ཤཱཀྱའི་སྲས་ཀྱི་ཆོས་མ་ལགས་སོ། །ཞེས་བཀའ་སྩལ་ཏེ། ཇི་ཙམ་དུ་བཅོམ་ལྡན་འདས་ཀྱིས་ལེགས་པར་གསུངས་པ་ནི། ངོ་མཚར་ཏོ། །བཙུན་པ། གང་གི་སླད་དུ་བཅོམ་ལྡན་འདས་ཀྱིས་དེ་སྐད་ཅེས། གྲོང་དཔོན། ངས་ཁྱོད་ལ་དོན་དེ་ཉིད་ཀྱི་ཕྱིར་ལན་གཉིས་ལན་གསུམ་གྱི་བར་དུ་བརྗོད་པར་བྱ་སྟེ། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སློང་རྣམས་གསེར་བདག་གིར་མི་བགྱིད་དེ། གང་
Cha201a
༄#། །ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བགྱིད་པ་དེ་ནི། དགེ་སྦྱོང་གི་ཆོས་མ་ལགས་ཤིང ། དེ་ནི། ཤཱཀྱའི་སྲས་ཀྱི་ཆོས་མ་ལགས་སོ། །ཞེས་བཀའ་སྩལ་པའི་བཅོམ་ལྡན་འདས་ཀྱི་བཀའ་དེ་ནི། རྒྱ་ཆེར་བཟང་བ་ལགས་སོ། །བཙུན་པ། བདག་ཀྱང་འདི་སྙམ་བགྱིད་དོ། །དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བགྱིད་པ་དེ་ནི། འདོད་པའི་ཡོན་ཏན་ལྔ་པོ་དག་ཀྱང་རུང་བ་ཁོ་ན་ལགས་སོ། ། གྲོང་དཔོན། དེ་དེ་བཞིན་ནོ། །དེ་དེ་བཞིན་ཏེ། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང ། གསེར་བདག་གིར་བྱེད་པ་དེ་ནི། དགེ་སྦྱོང་གི་ཆོས་མ་ཡིན་ཞིང ། དེ་ནི། ཤཱཀྱའི་སྲས་ཀྱི་ཆོས་མ་ཡིན་ནོ། །དེ་ནས་གྲོང་དཔོན་གཙུག་ན་ནོར་བུས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེའི་ཚེ་ན་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་འདུག་པར་གྱུར་ཅིང་བསིལ་ཡབ་ཐོགས་ཏེ་བཅོམ་ལྡན་འདས་ལ་གཡོབ་ཅིང་འདུག་གོ། དེ་ནས་བཅོམ་ལྡན་འདས་ཀྱིས་གྲོང་དཔོན་
Cha201b
གཙུག་ན་ནོར་བུ་སོང་ནས་རིང་པོ་མ་ལོན་པར་ཐུགས་སུ་ཆུད་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་འོད་མའི་ཚལ་ཀ་ལནད་ཀའི་གནས་ན་དགེ་སློང་ཇི་སྙེད་ཉེ་བར་བརྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་སྡུས་ཤིག། ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འོད་མའི་ཚལ་ཀ་ལནད་ཀའི་གནས་ན། དགེ་སློང་ཇི་སྙེད་ཉེ་བར་བརྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་བསྡུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ། འོད་མའི་ཚལ་ཀ་ལནད་ཀའི་གནས་ན་དགེ་སློང་ཇི་སྙེད་ཉེ་བར་བརྟེན་ཅིང་གནས་པ་དེ་དག་ཐམས་ཅད་དཔོང་སའི་ཁང་པར་མཆིས་ཤིང་མཐུན་པར་གྱུར་ན་བཅོམ་ལྡན་འདས་ཀྱིས་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་བཅོམ་ལྡན་འདས་དཔོང་སའི་ཁང་པ་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ད་ཅི་གྲོང་དཔོན་གཙུག་ན་ནོར་བུང་ལ་བ་དེར་འོངས་ཏེ་ཕྱིན་ནས་ངའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་
Cha202a
༄#། །ཏུ་འདུག་ནས། ང་ལ་གྲོང་དཔོན་གཙུག་ན་ནོར་བུ་འདི་སྐད་ཅེས། བཙུན་པ། སྔོན་གྱི་གདུགས་རྣམས་ཀྱི་ཆེས་སྔ་བ་ཞིག་ན། རྒྱལ་པོའི་ཕོ་བྲང་ན་རྒྱལ་པོ་དང ། བློན་པོའི་འཁོར་མཆིས་ཤིང་མཐུན་པར་གྱུར་པ་རྣམས་ལ་བར་སྐབས་ཀྱི་བཀའ་མཆིད་ཀུན་ཏུ་བརྗོད་པ་འདི་ལྟ་བུ་འདི་བྱུང་བར་གྱུར་ཏེ། ཤེས་ལྡན་དག། ཅི། དགེ་སློང་རྣམས་ལ་མངོན་མཚན་ཅན་རུང་ངམ།་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དམ། འོན་ཏེ་དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་ཅེས་མཆི་ནས། དེ་ན་ཁ་ཅིག་ནི། འདི་སྐད་ཅེས། དགེ་སློང་རྣམས་ལ་མངོན་མཚན་ཅན་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དོ། །ཞེས་མཆི། ཁ་ཅིག་ནི། འདི་སྐད་ཅེས།་དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དོ། །ཞེས་མཆི་ན། བཙུན་པ། དེ་ལ་གང་དག་དེ་སྐད་ཅེས། དགེ་སློང་རྣམས་ལ་མངོན་མཚན་ཅན་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བགྱིད་དོ། །ཞེས་མཆི་ན། བཙུན་པ། ཇི་ལྟར་གང་དག་དེ་སྐད་མཆི་བ་དེ་དག་དེ་ལྟར་བརྡ་སྤྲོད་པར་བགྱིད་པ་ན།་བཅོམ་ལྡན་འདས་ལ་སྐུར་པ་འདེབས་པར་མི་བགྱིད་ཅིང ། ཧ་ཅང་ཐལ་བ་མི་བགྱིད་པ་དང ། དེ་དག་བཅོམ་ལྡན་འདས་ཀྱིས་གསུངས་པའི་རྗེས་སུ་སྨྲ་བ་དང ། ཆོས་སྨྲ་བ་དང ། ཆོས་ཀྱི་རྗེས་སུ་
Cha202b
མཐུན་པའི་ཆོས་བརྡ་སྤྲོད་པར་བགྱིད་པ་དང ། གསུངས་པའི་རྗེས་སུ་སྨྲ་བ་དེ་དག་ལ་གཞན་ལས་ཆོས་མཐུན་པས་སྨད་པའི་གནས་ལྟ་བུའི་ཆོས་འགའ་ཡང་མི་མཆི་བ་ལགས་སམ་ཞེས་ཟེར་ན། ངས་དེ་ལ་འདི་སྐད་ཅེས། གྲོང་དཔོན། གང་དག་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་བྱེད་དོ། །ཞེས་ཟེར་བ་དེ་དག་དེ་ལྟར་བརྡ་སྤྲོད་པར་བྱེད་པ་ན་ང་ལ་སྐུར་པ་འདེབས་པར་བྱེད་ཅིང་ཧ་ཅང་ཐལ་བར་བྱེད་པ་དང ། དེ་དག་ལས་སྨྲས་པའི་རྗེས་སུ་སྨྲ་བ་མ་ཡིན་པ་དང ། ཆོས་སྨྲ་བ་མ་ཡིན་པ་དང ། ཆོས་ཀྱི་རྗེས་སུ་མཐུན་པའི་ཆོས་བརྡ་སྤྲོད་པར་བྱེད་པ་མ་ཡིན་པ་དང ། སྨྲ་བའི་རྗེས་སུ་སྨྲ་བ་མ་ཡིན་པ་དེ་དག་ལ་གཞན་ལས་ཆོས་དང་མཐུན་པས་སྨད་པའི་གནས་ལྟ་བུའི་ཆོས་ཤིན་ཏུ་འོང་བ་ཡིན་ནོ། །དེ་ཅིའི་ཕྱིར་ཞེ་ན། གྲོང་དཔོན། དགེ་སློང་རྣམས་ལ་མངོན་མཚན་ཅན་མི་རུང་ཞིང་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི། དགེ་སྦྱོང་གི་ཆོས་མ་ཡིན་ཞིང ། དེ་ནི།་ཤཱཀྱའི་སྲས་ཀྱི་ཆོས་མ་ཡིན་པའི་ཕྱིར་རོ། །གྲོང་དཔོན། ངས་ཁྱེད་ལ་དོན་དེ་ཉིད་ཀྱི་ཕྱིར་ལན་གཉིས་ལན་གསུམ་གྱི་བར་དུ་བརྗོད་པར་བྱ་སྟེ། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང ། གསེར་བདག་གིར་བྱེད་པ་དེ་ནི། དགེ་སྦྱོང་གི་ཆོས་མ་ཡིན་ཞིང ། དེ་ནི། ཤཱཀྱའི་སྲས་ཀྱི་
Cha203a
༄#། །ཆོས་མ་ཡིན་ནོ། །ཞེས་སྨྲས་པ་དང ། དེ་ང་ལ་འདི་སྐད་ཅེས། བཙུན་པ། གང་གི་སླད་དུ་བཅོམ་ལྡན་འདས་ཀྱིས་དེ་སྐད་ཅེས་དགེ་སློང་རྣམས་ལ་མངོན་མཚན་ཅན་མི་རུང་ཞིང།་ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང ། གསེར་བདག་གིར་བགྱིད་པ་དེ་ནི། དགེ་སྦྱོང་གི་ཆོས་མ་ལགས་ཤིང ། དེ་ནི། ཤཱཀྱའི་སྲས་ཀྱི་ཆོས་མ་ལགས་སོ། །ཞེས་བཀའ་སྩལ་ཏེ། ཇི་ཙམ་དུ་བཅོམ་ལྡན་འདས་ཀྱིས་ལེགས་པར་གསུངས་པ་ནི། ངོ་མཚར་ཏོ། །བཙུན་པ། གང་གི་སླད་དུ་བཅོམ་ལྡན་འདས་ཀྱིས་དེ་སྐད་ཅེས།་གྲོང་དཔོན། ངས་ཁྱོད་ལ་དོན་དེ་ཉིད་ཀྱི་ཕྱིར་ལན་གཉིས་ལན་གསུམ་གྱི་བར་དུ་བརྗོད་པར་བྱ་སྟེ། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་རུང་ཞིང ། གསེར་བདག་གིར་བགྱིད་པ་དེ་ནི། དགེ་སྦྱོང་གི་ཆོས་མ་ལགས་ཤིང ། དེ་ནི་ཤཱཀྱའི་སྲས་ཀྱི་ཆོས་མ་ལགས་སོ། །ཞེས་བཀའ་སྩལ་བའི་བཅོམ་ལྡན་འདས་ཀྱི་བཀའ་དེ་ནི། རྒྱ་ཆེར་བཟང་བ་ལགས་སོ། །བཙུན་པ། བདག་ཀྱང་འདི་སྙམ་བགྱིད་དེ། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བགྱིད་དེ། གང་ལ་ལ་ལ་མངོན་མཚན་ཅན་མི་རུང་ཞིང ། གསེར་བདག་གིར་བགྱིད་པ་དེ་ལ་ནི། འདོད་པའི་ཡོན་ཏན་ལྔ་པོ་དག་ཀྱང་རུང་བ་ཁོ་ན་ལགས་
Cha203b
སོ། །ཞེས་ཟེར་རོ། །ངས་དེ་ལ་འདི་སྐད་ཅེས། གྲོང་དཔོན། དེ་དེ་བཞིན་ནོ། །དེ་དེ་བཞིན་ཏེ། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ།་གང་ལ་ལ་ལ་མངོན་མཚན་ཅན་རུང་ཞིང ། གསེར་བདག་གིར་བྱེད་པ་དེ་ནི། དགེ་སྦྱོང་གི་ཆོས་མ་ཡིན་ཞིང ། དེ་ནི། ཤཱཀྱའི་སྲས་ཀྱི་ཆོས་མ་ཡིན་ནོ། །ཞེས་སྨྲས་པ། དེ་ནས་གྲོང་དཔོན་གཙུག་ན་ནོར་བུ་དེས་ངས་སྨྲས་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ནས་ངའི་རྐང་པ་གཉིས་ལ་མགོ་བོས་ཕྱག་འཚལ་ཏེ་ངའི་དྲུང་ནས་སོང་ངོ ། །དགེ་སློང་དག། དེ་ལྟར་གྲོང་དཔོན་གཙུག་ན་ནོར་བུ་དེས་རྒྱལ་པོ་དང་བཅས་པའི་འཁོར་གྱི་མདུན་དུ་དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང ། གསེར་བདག་གིར་བྱེད་པ་དེ་ལ་ནི། འདོད་པའི་ཡོན་ཏན་ལྔ་པོ་དག་ཀྱང་གདོན་མི་ཟ་བར་རུང་བ་ཡིན་ནོ། །ཞེས་ཆ་གཅིག་བཟུང་སྟེ། ཁྱུ་མཆོག་གི་ཚིག་རྒྱ་ཆེན་པོ་སྨྲས་ཤིང ། འཁོར་གྱི་ནང་དུ་ཡང་དག་པར་སེང་གེའི་སྒྲ་བསྒྲགས་སོ། །དགེ་སློང་དག། ངས་ཀྱང་དེ་སྐད་ཅེས། དགེ་སློང་རྣམས་ལ་མངོན་མཚན་ཅན་མི་རུང་ཞིང ། ཤཱཀྱའི་སྲས་ཀྱི་དགེ་སྦྱོང་རྣམས་གསེར་བདག་གིར་མི་བྱེད་དེ། གང་ལ་ལ་ལ་མངོན་མཚན་ཅན་རུང་ཞིང་གསེར་བདག་གིར་བྱེད་པ་དེ་ནི། དགེ་སྦྱོང་གི་ཆོས་མ་ཡིན་ཞིང་དེ་ནི། ཤཱཀྱའི་སྲས་ཀྱི་ཆོས་མ་ཡིན་ནོ། །ཞེས་སྨྲས་སོ། །དགེ་སློང་དག། དེ་ལྟ་བས་ན་ཁྱེད་ཀྱིས་
Cha204a
༄#། །གང་དང་ཕྱིན་ཆད་ཤིང་འདོད་པ་དག་གིས་ཤིང་ཡོངས་སུ་བཙལ་བར་བྱ། རྩཝ་འདོད་པ་དག་གིས་ནི། རྩཝ། ཤིང་རྟའི་ལས་འདོད་པ་དག་གིས་ནི། ཤིང་རྟའི་ལས། མི་བླས་འདོད་པ་རྣམས་ཀྱིས་ནི། མི་བླས་ཡོངས་སུ་བཙལ་བར་བྱའོ། །ཞེས་སྨྲའི། འདི་སྐད་ཅེས། རྣམ་གྲངས་གང་གིས་ཀྱང་གསེར་བདག་གིར་བྱ་བ་ནི། མི་སྨྲའོ། །འདི་ནི། རེ་ཞིག་བྱུང་བ་ཡིན་གྱི། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་ནི། མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་རང་གི་ལག་གིས་གསེར་དང་དངུལ་ལེན་པར་བྱེད། ལེན་དུ་འཇུག་པར་བྱེད། ཕུང་པོ་གཅིག་ཏུ་བྱེད། ཕུང་པོ་གཉིས་སུ་བྱེད། ཁྲི་དང ། ཁྲིའུ་དང ། ཁྲིའུ་ཆུང་ངུ་དག་ཏུ་འཇོག་པར་བྱེད་ནས་གཞན་མུ་སྟེགས་ཅན་དག་ཤེས་ལྡན་དག། ཤཱཀྱའི་བུའི་དགེ་སྦྱོང་དག་ནི། མ་ལོག་།མ་སྤངས། སོ་སོར་མ་སྤངས་པ་ཡིན་ཏེ། འདི་ལྟར། རང་གི་ལག་གིས་གསེར་དང་དངུལ་ལེན་པར་བྱེད། ལེན་དུ་འཇུག་པར་བྱེད། ཕུང་པོ་གཅིག་ཏུ་བྱེད། ཕུང་པོ་གཉིས་སུ་བྱེད། ཁྲི་དང ། ཁྲིའུ་དང ། ཁྲིའུ་ཆུང་དུ་དག་ཏུ་འཇོག་པར་བྱེད་དོ། །བྲམ་ཟེ་དང ། ཁྱིམ་བདག་དག་ཀྱང་རང་གི་ལག་གིས་གསེར་དང་དངུལ་ལེན་པར་བྱེད། ལེན་དུ་འཇུག་པར་བྱེད། ཕུང་པོ་གཅིག་ཏུ་བྱེད་
Cha204b
ཕུང་པོ་གཉིས་སུ་བྱེད། ཁྲི་དང ། ཁྲིའུ་དང ། ཁྲིའུ་ཆུང་ངུར་འཇུག་པར་བྱེད་ན། ཤེས་ལྡན་དག། ཤཱཀྱའི་བུའི་དགེ་སྦྱོང་རྣམས་དང ། བྲམ་ཟེ་དང་ཁྱིམ་བདག་རྣམས་ཀྱི་འདི་ལ་བྱེ་བྲག་ནི། ཅི་ཡོད།་བསམ་པ་ནི། ཅི་ཡོད། ཐ་དད་ཏུ་བྱ་བ་ནི། ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག། ཁྱེད་རང་གི་ལག་གིས་གསེར་དང་དངུལ་ལེན་པ་དང་ལེན་དུ་འཇུག་པར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས། དགེ་སྦྱོང་གི་ཚུལ་མ་ཡིན་པ་དང ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་
Cha205a
༄#། །གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་རང་གི་ལག་གིས་གསེར་དང་དངུལ་ལེན་ཏམ། ལེན་དུ་འཇུག་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེ་དག་གམ། གཞན་ཡང་དེ་ལྟ་བུ་གང་ཡིན་པའོ། །རང་གི་ལག་གིས་ཞེས་བྱ་བ་ནི། རང་གི་ལག་པས་སོ། །གསེར་དང་དངུལ་ཞེས་བྱ་བ་ནི། དབྱིག་དང་གསེར་རོ། །ལེན་ཏམ་ཞེས་བྱ་བ་ནི། བདག་ཉིད་ཀྱིས་སོ། །ལེན་དུ་འཇུག་ན་ཞེས་བྱ་བ་ནི། གཞན་ནོ། སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གཞི་བཅོ་བརྒྱད་ཀྱིས་ཏེ། འདི་ལོངས་ཤིག། འདི་ནས་ལོངས་ཤིག། འདི་ཙམ་ལོངས་ཤིག་ཅེས་བྱ་བ་དང ། འདི་ཁྱེར་ཤོག། འདི་ནས་ཁྱེར་ཤོག། འདི་ཙམ་ཁྱེར་ཤོག་ཅེས་བྱ་བ་དང ། འདི་ཞོག་ཅིག། འདིར་ཞོག་ཅིག། འདི་ཙམ་ཞོག་ཅིག་ཅེས་བྱ་བ་དང ། དེ་ལོངས་ཤིག། དེ་ནས་ལོངས་ཤིག། དེ་ཙམ་ལོངས་ཤིག་ཅེས་བྱ་བ་དང ། དེ་ཁྱེར་ཤོག། དེ་ནས་ཁྱེར་ཤོག། དེ་ཙམ་ཁྱེར་ཤོག་ཅེས་བྱ་བ་དང ། དེ་ཞོག་ཅིག། དེར་ཞོག་ཅིག། དེ་ཙམ་ཞོག་ཅིག་ཅེས་བྱ་བས་སོ། །དེ་ལ། འདི་
Cha205b
ལོངས་ཤིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་འདི་ལོངས་ཤིག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན། སྤང་བའི་ལྟུང་བྱེད་དུ་འགྱུར་རོ། །འདི་ནས་ལོངས་ཤིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་ཟངས་པོ་ཆེ་ནས་སམ། ཟངས་ནས་སམ། རྫ་བོ་ནས་སམ། སྒྲོམ་ནས་སམ། ཀོ་ལྤགས་ནས་སམ། ཟ་མ་ཏོག་ནས་ལོངས་ཤིག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན། སྤང་བའི་ལྟུང་བྱེད་དུ་འགྱུར་རོ། །འདི་ཙམ་ལོངས་ཤིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ། འབུམ་ལོངས་ཤིག་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་ན། སྤང་བའི་ལྟུང་བྱེད་དུ་འགྱུར་རོ། །འདི་ཁྱེར་ཤོག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་དབྱིག་གམ་གསེར་འདི་ཁྱེར་ཤོག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། ཁྱེར་ན། སྤང་བའི་ལྟུང་བྱེད་དུ་འགྱུར་རོ། །འདི་ནས་ཁྱེར་ཤོག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་ཟངས་པོ་ཆེ་ནས་སམ། ཟངས་ནས་སམ། རྫ་བོ་ནས་སམ། སྒྲོམ་ནས་སམ། ཀོ་ལྤགས་ནས་སམ། ཟ་མ་ཏོག་ནས་ཁྱེར་ཤོག་ཅེས་སྒོ་བར་བྱེད་པ་སྟེ་དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན། སྤང་བའི་ལྟུང་བྱེད་དུ་འགྱུར་རོ། །འདི་ཙམ་ཁྱེར་ཤོག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ། འབུམ་
Cha206a
༄#། །ཁྱེར་ཤོག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། ཁྱེར་བ་ལ་སྤང་བའི་ལྟུང་བྱེད་དུ་འགྱུར་རོ། །འདི་ཞོག་ཅིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་འདི་ཞོག་ཅིག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན། སྤང་བའི་ལྟུང་བྱེད་དུ་འགྱུར་རོ། །འདིར་ཞོག་ཅིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་ཟངས་པོ་ཆེར་རམ། ཟངས་སུའམ། རྫ་བོར་རམ། སྒྲོམ་དུའམ། ཀོ་ལྤགས་སུའམ། ཟ་མ་ཏོག་ཏུ་ཞོག་ཅིག་ཅེས་སྒོ་བར་བྱེད་པ་སྟེ། སྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན། སྤང་བའི་ལྟུང་བྱེད་དུ་འགྱུར་རོ། །འདི་ཙམ་ཞོག་ཅིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ། འབུམ་ཞོག་ཅིག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན། སྤང་བའི་ལྟུང་བྱེད་དུ་འགྱུར་རོ། །དེ་ལོངས་ཤིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་དེ་ལོངས་ཤིག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན། སྤང་བའི་ལྟུང་བྱེད་དུ་འགྱུར་རོ། །དེ་ནས་ལོངས་ཤིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་ཟངས་པོ་ཆེ་ནས་སམ། ཟངས་ནས་སམ། རྫ་བོ་ནས་སམ། སྒྲོམ་ནས་སམ། ཀོ་ལྤགས་ནས་སམ། ཟ་མ་ཏོག་ནས་ལོངས་ཤིག་ཅེས་སྒོ་བར་བྱེད་པ་སྟེ། དེ་
Cha206b
སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན། སྤང་བའི་ལྟུང་བྱེད་དུ་འགྱུར་རོ། །དེ་ཙམ་ལོངས་ཤིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ། འབུམ་ལོངས་ཤིག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་ན། སྤང་པའི་ལྟུང་བྱེད་དུ་འགྱུར་རོ། །དེ་ཁྱེར་ཤོག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་དབྱིག་གམ་གསེར་དེ་ཁྱེར་ཤོག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། ཁྱེར་བ་ན། སྤང་བའི་ལྟུང་བྱེད་དུ་འགྱུར་རོ། །དེ་ནས་ཁྱེར་ཤོག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་ཟངས་པོ་ཆེ་ནས་སམ། ཟངས་ནས་སམ། རྫ་བོ་ནས་སམ། སྒྲོམ་ནས་སམ། ཀོ་ལྤགས་ནས་སམ། ཟ་མ་ཏོག་ནས་ཁྱེར་ཤོག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་ན། སྤང་བའི་ལྟུང་བྱེད་དུ་འགྱུར་རོ། །དེ་ཙམ་ཁྱེར་ཤོག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ། འབུམ་ཁྱེར་ཤོག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། ཁྱེར་ན། སྤང་པའི་ལྟུང་བྱེད་དུ་འགྱུར་རོ། །དེ་ཞོག་ཅིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་དབྱིག་གམ། གསེར་དེ་ཞོག་ཅིག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན། སྤང་བའི་ལྟུང་བྱེད་དུ་འགྱུར་རོ། །དེར་ཞོག་ཅིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་ཟངས་པོ་ཆེར་རམ། ཟངས་སུའམ། རྫ་བོར་
Cha207a
༄#། །རམ། སྒྲོམ་དུའམ། ཀོ་ལྤགས་སུའམ། ཟ་མ་ཏོག་ཏུ་ཞོག་ཅིག་ཅེས་སྒོ་བར་བྱེད་པ་སྟེ། དེ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན། སྤང་བའི་ལྟུང་བྱེད་དུ་འགྱུར་རོ། །དེ་ཙམ་ཞོག་ཅིག་ཅེས་བྱ་བ་ནི། འཐོབ་པར་འགྱུར་བའི་ཕྱོགས་སུ་བརྒྱའམ། སྟོང་ངམ། འབུམ་ཞོག་ཅིག་ཅེས་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བཞག་པ་ན། སྤང་བའི་ལྟུང་བྱེད་དུ་འགྱུར་རོ། །འདི་ལོངས་ཤིག་།འདི་ནས་ལོངས་ཤིག་།འདི་ཙམ་ལོངས་ཤིག་ཅེས་བྱ་བ་དང ། འདི་ཁྱེར་ཅིག་།འདི་ནས་ཁྱེར་ཅིག་།འདི་ཙམ་ཁྱེར་ཅིག་ཅེས་བྱ་བ་དང ། འདི་ཞོག་ཅིག་།འདིར་ཞོག་ཅིག་།འདི་ཙམ་ཞོག་ཅིག་ཅེས་བྱ་བ་དང ། དེ་ལོངས་ཤིག་།དེ་ནས་ལོངས་ཤིག་།དེ་ཙམ་ལོངས་ཤིག་ཅེས་བྱ་བ་དང ། དེ་ཁྱེར་ཅིག་།དེ་ནས་ཁྱེར་ཅིག་།དེ་ཙམ་ཁྱེར་ཤོག་ཅེས་བྱ་བ་དང ། དེ་ཞོག་ཅིག་།དེར་ཞོག་ཅིག་།དེ་ཙམ་ཞོག་ཅིག་ཅེས་བྱ་བ་དེ་དག་འཐོབ་པར་འགྱུར་བ་མ་ཡིན་པའི་ཕྱོགས་སུ་སྒོ་བར་བྱེད་པ་ལ་ཉེས་བྱས་སུ་འགྱུར་ལ། བླངས་པ་དང ། ཁྱེར་བ་དང ། བཞག་པ་ན་ཡང་ཉེས་བྱས་སུ་འགྱུར་རོ། །དགེ་སློང་གིས་དབྱིག་ལ་རེག་ན། སྤང་བའི་ལྟུང་བྱེད་དུ་འགྱུར་རོ། །གསེར་ལ་རེག་ན། སྤང་བའི་ལྟུང་བྱེད་དུ་འགྱུར་རོ། །དབྱིག་དང་གསེར་ལ་རེག་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དབྱིག་གམ་གསེར་བརྡུངས་པ་ལ་རེག་ན། སྤང་བའི་ལྟུང་བྱེད་དུ་འགྱུར་རོ། །དབྱིག་དང་གསེར་མངོན་མཚན་ཅན་ལ་རེག་
Cha207b
ན། སྤང་པའི་ལྟུང་བྱེད་དུ་འགྱུར་རོ། །དངུལ་ལ་རེག་ན། སྤང་པའི་ལྟུང་བྱེད་དུ་འགྱུར་རོ། །ནོར་བུ་ལ་རེག་ན། སྤང་བའི་ལྟུང་བྱེད་དུ་འགྱུར་རོ། །མུ་ཏིག་ལ་རེག་ན། སྤང་བའི་ལྟུང་བྱེད་དུ་འགྱུར་རོ། ། བཻ་ ་ལ་རེག་ན། སྤང་བའི་ལྟུང་བྱེད་དུ་འགྱུར་རོ། །ནོར་བུ་དང ། མུ་ཏིག་དང ། བཻ་ ་ལ་རེག་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཡུལ་གྱི་ཐ་སྙད་ཅན་གྱི་དབྱིག་དང་གསེར་ལ་རེག་ན། ཉེས་བྱས་སུ་འགྱུར་རོ། །ར་གན་དང ། ཟངས་མ་དང ། ལྕགས་དང ། རྣོ་ལྕགས་དང ། རོ་ཉེ་དང ། ཞ་ཉེ་དང ། ཁྲོ་ཆུ་ལ་རེག་པ་ལ་ལྟུང་བ་མེད་དོ། །ཞེས་དེ་ལྟར་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་མཛད་དོ།། །།འདུལ་བ་རྣམ་པར་འབྱེད་པ། བམ་པོ་སོ་གསུམ་པ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཙམ་པ་ཀ་ན་ཁྱིམ་བདག་དད་པ་དང་ལྡན་པ། བཟང་བ། དགེ་བའི་བསམ་པ་ཅན། བཟང་པོ་སྦྱིན་པ་ཞིག་འདུག་པ་དེས། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱི་ཕྱིར་གཙུག་ལག་ཁང་རྟ་བབས་མཐོན་པོ་དང ། སྐར་ཁུང་དང ། སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ་སྙིང་དང ། མིག་འཕྲོག་པ། མཐོ་རིས་ཀྱི་ཐེམ་སྐས་སུ་གྱུར་པ་ཞིག་བྱེད་དུ་བཅུག་ནས་དེར་དགེ་སློང་མང་པོ་དག་དབྱར་གནས་པར་ཁས་བླངས་ཏེ། དེ་དག་གིས་དགག་དབྱེ་བྱས་ནས་སྨྲས་པ། ཁྱིམ་བདག་།བདག་ཅག་མཉན་ཡོད་དུ་སྟོན་པ་དང །
Cha208a
༄#། །དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་དུ་འགྲོའི། བདག་ཅག་ལ་གོས་དག་བྱིན་ཅིག་།ཁྱིམ་བདག་དེས་སྨྲས་པ། འཕགས་པ་དག་།འདི་ན་གོས་བཟང་པོ་དག་མ་མཆིས་ཏེ། དོན་མཐུན་དག་མཆིས་ཞེས་གྲག་གི་།དོན་མཐུན་དག་མཆིས་ཀྱི་བར་དུ་རེ་ཞིག་གཞེས་ཤིག་དང ། དེ་ནས་གོས་བཟང་པོ་དག་འཇལ་ཏེ་གསོལ་ལོ། །དེ་དག་གིས་སྨྲས་པ། ཁྱིམ་བདག་གལ་ཏེ་གྲོས་བཟང་པོ་དག་མེད་ན། གོས་ངན་པོ་དག་བྱིན་ཅིག་།འཕགས་པ་དག་།བདག་ནི། བཟང་པོ་སྦྱིན་པ་ལགས་ན། ཇི་ལྟར་བདག་གིས་ངན་པ་དག་གསོལ་བར་བགྱི། གལ་ཏེ་ཁྱེད་ཅག་རིངས་ན། གོས་ཀྱི་རིན་ཀཪྴ་པ་ཎ་དག་སྣོམས་ལ་བཞུད་ཅིག་།ཁྱིམ་བདག་།བཅོམ་ལྡན་འདས་ཀྱིས་ཀཪྴ་པ་ཎ་དག་བཀག་བས་བདག་ཅག་མི་ལེན་ཏོ། །འཕགས་པ་དག་།འདི་ལྟར་བདག་ལ་མ་བྱིན་པ་ནི། མི་མངའི། གོས་ངན་པ་དག་སྦྱིན་དུ་མི་རུང་ངོ ། །དགེ་སློང་དེ་དག་གིས་ཀཪྴ་པ་ཎ་དག་མ་བླངས་པར་གོས་ངན་པ་དག་ཁོ་ནས་དོང་སྟེ། མཐར་གྱིས་མཉན་ཡོད་དུ་ཕྱིན་པ་དང ། དེ་དག་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་།ཁྱེད་ཅག་གིས་དབྱར་གནས་པའི་གོས་ཀྱི་རྙེད་པ་མ་རྙེད་དམ་ཅི་ནས་གང་གི་ཕྱིར་ཁྱེད་ཅག་གོས་དག་ངན་པར་གྱུར། མ་རྙེད་དོ། །ཁྱེད་ཅག་གང་དུ་དབྱར་གནས་པར་ཁས་བླངས། ཙམ་པར་རོ། །ཁྱིམ་བདག་གང་ལ་བརྟེན། ཆེ་གེ་མོ་ཞིག་ལའོ། །ཁྱིམ་
Cha208b
བདག་དེ་བཟང་པོ་སྦྱིན་པ་ཞེས་གྲགས་སོ། །དེའི་ཕྱིར་མ་རྙེད་དོ། །དེའི་ཕྱིར་དེ་དག་གིས་སྐབས་དེ། རྒྱས་པར་བརྗོད་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མ་བྲམ་ཟེ་དང་ཁྱིམ་བདག་དད་པ་ཅན་དག་ཀྱང་གོས་ཀྱི་རིན་དག་སྦྱིན་པར་བྱེད་ལ། ངའི་ཉན་ཐོས་རྣམས་ཀྱང་གོས་ཀྱི་རིན་དག་འདོད་ཀྱི། ངས་ཉན་ཐོས་རྣམས་ལ་རུང་བར་བྱ་བ་ཅུང་ཞིག་གནང་བར་བྱའོ། །སྙམ་དུ་དགོངས་ནས། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་ཞིང་བླངས་ནས་ཀྱང་སྦྱིན་བདག་དེ་ཉིད་ལ་ཡིད་བརྟན་ཏེ་བཅང་བར་བྱའོ། །གཞན་ཡང་དགེ་སློང་གིས་ཞལ་ཏ་བྱེད་པ་སྤྲོ་བར་བྱའོ། །དགེ་སློང་དག་གིས་ཞལ་ཏ་བྱེད་པ་གང་སྤྲོ་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་ར་བ་པའམ། དགེ་བསྙེན་སྤྲོ་བར་བྱ་སྟེ། ཀུན་དགའ་ར་བ་པ་ཞེས་བྱ་བ་ནི། རུང་བར་བྱེད་པའོ། །དགེ་བསྙེན་ཞེས་བྱ་བ་ནི། གསུམ་ལ་སྐྱབས་སུ་སོང་བ་བསླབ་པའི་གཞི་ལྔ་བཟུང་བའོ། །དགེ་སློང་དག་ཡུལ་གཞན་དུ་འདོང་བ་ན། དེ་དག་འདི་ན་བདག་ཅག་ལ་སྦྱིན་པ་དག་འགའ་ཡང་མེད་དོ། །ཞེས་འགྱོད་པ་སྐྱེས་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྦྱིན་བདག་དེ་ཉིད་ཇི་སྲིད་དུ་གསོན་པ་དང ། འདུག་པ་དང ། འཚོ་བ་དང ། སྡོད་པའི་བར་དུ་ཤིན་ཏུ་རིང་དུ་སོང་བ་ཡང་ཉམས་པ་མེད་དོ། །དགེ་སློང་རྣམས་ཀྱིས་ཆོས་གོས་ཀྱི་རིན་དག་རྙེད་ལ་སྦྱིན་བདག་མེད་ནས་དེ་དག་འགྱོད་པ་སྐྱེས་ཏེ་མི་ལེན་པའི་སྐབས་དེ།
Cha209a
༄#། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་ཞིང་བླངས་ནས་ཀྱང་དགེ་སློང་གི་མདུན་དུ་འགྲེང་སྟེ་འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བས་དངོས་པོ་རུང་བ་མ་ལགས་པ་འདི་རྙེད་དེ། བདག་དགེ་སློང་མིང་འདི་ཞེས་བགྱི་བས་དངོས་པོ་རུང་བ་མ་ལགས་པ་འདི་བྱིན་གྱིས་བརླབ་བོ། །དངོས་པོ་རུང་བ་མ་ལགས་པ་འདིས་དངོས་པོ་རུང་བ་བསྒྲུབ་པར་བགྱིའོ། །དེ་བཞིན་ལན་གཉིས་ལན་གསུམ་དུ་བརྗོད་པར་བྱ་སྟེ། འདི་ལ་འགྱོད་པར་མི་བྱའོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་མཐའ་འཁོབ་དག་ཏུ་གཙུག་ལག་ཁང་དག་བྱེད་དུ་བཅུག་ནས་དེ་ན་དུས་དང་དུས་སུ་སྐྲག་པ་དག་བྱུང་ནས་དགེ་སློང་དག་གིས་གཙུག་ལག་ཁང་སྟོང་པར་བོར་ཏེ་བྱེར་རོ། །མ་བྱིན་པར་ལེན་པ་དག་གིས་གཙུག་ལག་ཁང་སྟོང་པར་རིག་ནས་གཙུག་ལག་ཁང་བཅོམ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱིའམ་མཆོད་རྟེན་གྱི་དབྱིག་དང་གསེར་སྦས་ཏེ་འགྲོ་བར་བྱའོ། །བཅོམ་ལྡན་འདས་ཀྱིས་སྦ་བར་བྱའོ། །ཞེས་བཀའ་སྩལ་ནས། དེ་དག་གིས་གང་གིས་སྦ་པར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་ར་བ་པའམ། དགེ་བསྙེན་གྱིས་སྦ་བར་བྱའོ། །གང་དག་སྦེད་པར་བྱེད་པ་དེ་དག་ཉིད་རྐུ་བར་བྱེད་ནས་བཅོམ་
Cha209b
ལྡན་འདས་ཀྱིས་བཀའ་སྩལ་པ། དགེ་བསྙེན་དད་པ་ཅན་གྱིས་སྦ་བར་བྱའོ། །དགེ་བསྙེན་དད་པ་ཅན་མེད་ན། དགེ་ཚུལ་གྱིས་སྦ་བར་བྱའོ། །དགེ་ཚུལ་མེད་ན། དགེ་སློང་དག་གིས་རང་གིས་སྦ་བར་བྱའོ། །དེ་ལ་དོང་བརྐོ་བར་བྱ་བ་ཡོད་ནས་གང་གིས་བརྐོ་བར་བྱ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་ར་བ་པའམ། དགེ་བསྙེན་གྱིས་བརྐོ་བར་བྱའོ། །དེ་ཉིད་རྐུ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་དད་པ་ཅན་གྱིས་བརྐོ་བར་བྱའོ། །དགེ་བསྙེན་དད་པ་ཅན་མེད་ན། དགེ་ཚུལ་གྱིས་བརྐོ་བར་བྱའོ། །དགེ་ཚུལ་མེད་ན། དགེ་སློང་དག་གིས་རང་གིས་བརྐོ་བར་བྱའོ། །འཇིགས་པ་དང་བྲལ་ན། རྣམ་པ་དེ་ལྟ་བུ་ཉིད་ཀྱིས་ཕྱུང་སྟེ་དགེ་འདུན་ལ་དབུལ་བར་བྱའོ། །དགེ་སློང་དག་།ངས་ཕོངས་པའི་དུས་དག་ཏུ་གནང་བ་གང་ཡིན་པ་དེ། བདེ་བའི་གནས་སྐབས་དག་ཏུ་སྤྱད་པར་མི་བྱ་སྟེ། སྤྱོད་ན། འགལ་ཚབས་ཅན་དུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གསེར་དང་དངུལ་དག་ལ་རེག་པའི་སྤང་བ་སྟེ། བཅོ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་འཇིག་རྟེན་དུ་བྱུང་བ་དེའི་ཚེ་ན་ཐམས་ཅད་དུ་ཡུལ་དབུས་སུ་སངས་རྒྱས་བཅོམ་ལྡན་འདས་བྱུང་ངོ ། །
Cha210a
༄#། །ཞེས་སྒྲ་གྲགས་ཏེ། དེའི་ཉན་ཐོས་རྣམས་འབར་བ་དང ། གསལ་བ་དང ། ཆར་འབབ་པ་དང ། གློག་འབྱིན་པའི་ཆོ་འཕྲུལ་དག་ཕྱེད་པས། གང་དག་དེ་ལ་མཆོད་པ་དག་བྱེད་པ་དེ་དག་ནི། ཤིན་ཏུ་འབྲས་བུ་ཆེ་བ་དང ། ཕན་ཡོན་ཆེ་བ་དང ། གསལ་བ་ཆེ་བ་དང ། རྒྱས་པ་ཆེ་བར་འགྱུར་རོ། །ཞེས་བྱང་ལམ་པའི་ཚོང་པ་དག་གིས་ཐོས་ནས་དེ་དག་གིས་སྨྲས་པ། ཤེས་ལྡན་དག། ཡུལ་དབུས་སུ་འདོང་ངོ ། །དེར་ཁེ་སྤོགས་མང་པོ་ཡང་བསྒྲུབ་པར་བྱ། སངས་རྒྱས་དང ། ཆོས་དང ། དགེ་འདུན་དག་ལ་ཡང་མཆོད་པར་བྱའོ། །ཞེས་བྱང་ལམ་པའི་ཚོང་པ་དེ་དག་ཟོང་ཐོགས་ཏེ་དེ་ལ་དབུས་སུ་འཕགས་ནས་མཐར་གྱིས་མཉན་ཡོད་དུ་ཕྱིན་ཏོ། །མཉན་ཡོད་ན་ཤེས་པ་ཅན་རྩིས་མཁས་པ་ཞིག་འདུག་པ་དེས། བྱང་ལམ་ནས་ཚོང་པ་དོན་མཐུན་འོངས་ཞེས་ཐོས་ནས་དེས་བསམ་པ། སོང་སྟེ་ཇེ་བལྟས་ན། དེར་ཅུང་ཟད་འཐོབ་བོ། །སྙམ་ནས། དེས་ཅུང་ཟད་དམིགས་པས་ཀྱང་ཤེས། ཅུང་ཟད་རྟོག་གེས་ཀྱང་ཤེས་ནས་དེས་སོང་སྟེ་དེད་དཔོན་ལ་མིང་དང་རུས་ནས་བརྗོད་ཅིང ། འདི་ཞེས་བྱ་བ་འོངས་པ་ལེགས་སོ། །འོངས་པ་ལེགས་སོ། །ཁྱོད་ཀྱི་མ་ནི། མིང་འདི་ཞེས་བྱ། ཁྱོད་ཀྱི་ཕ་ནི། མིང་འདི་ཞེས་བྱ། ཁྱོད་ཀྱི་རྫས་ནི། འདི་སྙེད་ཅིག་འོངས་སོ། །ཉི་མ་ག་གེ་མོ་ཞིག་ལ་ནི། ཁལ་འཇིག་པར་འགྱུར་རོ། །ཁེ་སྤོགས་ནི། འདི་སྙེད་ཅིག་འགྲུབ་པར་འགྱུར་རོ། །ཞེས་སྨྲས་པ་དང ། དེད་དཔོན་དེས་བསམ་པ། བཅོམ་ལྡན་འདས་ཀྱི་ཉན་ཐོས་གང་དག་འབར་བ་དང །
Cha210b
གསལ་བ་དང ། ཆར་འབབ་པ་དང ། གློག་འབྱིན་པའི་ཆོ་འཕྲུལ་བྱེད་ཅེས་གྲགས་པ་དེ་དག་ལས། འགའ་ཞིག་འདི་ཡིན་གོར་མ་ཆག་སྙམ་ནས། དེས་དེ་ལ་དད་པས་བྱང་ལམ་གྱི་ནགས་ཀྱི་འབྲས་བུས་སློང་ཕོར་བཀང་སྟེ་ཕྱིན་ནས་ལ་བ་སྲིན་བུའི་མདོག་ལྟ་བུ་ཞིག་ཀྱང་བསྐོན་ནོ། །ཤེས་པ་ཅན་དེས། དེ་བླངས་ཤིང་གྱོན་ཏེ་ཚངས་པ་མཚུངས་པར་སྤྱོད་པ་རྣམས་ཀྱི་གན་དུ་སོང་བ་དང ། དེ་དག་གིས་དེ་མཐོང་ནས་སྨྲས་པ། ཤེས་པ་ཅན། ཁྱོད་ཀྱིས་མགོ་བཟློག་སྟེ་ཉལ་བ་གང་ཞིག་ལས་ཐོབ། དེས་སྨྲས་པ། བྱང་ལམ་ནས་ཚོང་པ་དོན་མཐུན་འོངས་ནས་དེར་ཁོ་བོ་དེད་དཔོན་ལ་མིང་དང་རུས་ནས་བརྗོད་ནས། དེས་ཁོ་བོ་ལ་དད་པས་དད་པར་བྱ་བའི་དབང་དུ་བྱས་པ་ཡིན་ནོ། །དེ་དག་གིས་སྨྲས་པ། ཤེས་པ་ཅན། བདག་ཅག་ཤཱཀྱའི་བུའི་དགེ་སྦྱོང་དེ་དག་རྟག་ཏུ་ཁྱེད་ཅག་ལ་ཐ་ག་པ་དག་དང ། ཕྲེང་རྒྱུད་དག་དང་འབྲུ་མར་མཁན་དག་ལས། གཞན་པ་མི་གཙོ་བོ་འགའ་ཡང་མངོན་པར་དད་པར་མི་བྱེད་དོ། །ཞེས་མཐོ་འཚམ་པར་བྱེད་ཀྱི། ཁྱོད་ལ་བ་འདི་གྱོན་ཏེ་སོང་ལ་ཤཱཀྱའི་བུའི་དགེ་སྦྱོང་དེ་དག་གི་སྙིང་དག་གས་པར་གྱིས་ཤིག་།དེ་ལྟར་བྱའོ། །ཞེས་སྨྲས་ཏེ། དེ་ནས་ཤེས་པ་ཅན་དེ། ལ་བ་དེ་གྱོན་ནས་རྒྱལ་བྱེད་ཀྱི་ཚལ་དུ་སོང་ངོ ། །དྲུག་སྡེ་དག་གི་ཀུན་ཏུ་སྤྱོད་པ་ནི། འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ། །སྙམ་པས་དྲུག་སྡེ་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་བར་མི་འཇོག་
Cha211a
༄#། །པས།་ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས། ཤེས་པ་ཅན་དེ་ཐག་རིང་པོ་ཁོ་ན་ནས་མཐོང་ངོ ། །དེ་ནས་ཉེ་དགས་བསམ་པ། གཅེར་བུ་པ་ངན་པ་འདི་ལ་བ་བཟང་པོ་ཞིག་གྱོན་ཏེ་འོངས་ཀྱི། གལ་ཏེ་བདག་གིས་དེ་མ་འཕྲོག་ན། ཉེ་དགའ་ཞེས་བྱ་བའི་མིང་མི་གཟུང་ངོ ། །སྙམ་ནས། དེས་དེ་ལ་སྨྲས་པ། ཤེས་པ་ཅན། ཁྱོད་གཅེར་བུ་པ་ཡིན་ལ། ལ་བ་འདི་ལྟ་བུ་གྱོན་ན། ཕྱིར་བབས་སམ་ཅི། ཁོ་བོ་ཕྱིར་མ་བབས་ཏེ། འདི་ལྟར་བྱང་ལམ་ནས་ཚོང་པ་དོན་མཐུན་འོངས་ནས་དེར་ཁོ་བོས་དེད་དཔོན་ལ་མིང་དང་རུས་བརྗོད་ནས། དེས་ཁོ་བོ་ལ་དད་པས་དད་པའི་དབང་དུ་བྱས་པ་ཡིན་ནོ། །མ་ལེགས་སོ། །མ་ལེགས་སོ། །ཁྱོད་ཀྱིས་རྒས་པའི་གནས་སྐབས་སུ་ཚུལ་ཁྲིམས་འཆལ་བ་ཀུན་ཏུ་སྤྱད་དོ། །ཚུར་ཤོག། འདུག་ཅིག་དང་ཆོས་བསྟན་པར་བྱའོ། །ཤེས་པ་ཅན་དེ། ཉེ་དགའི་མདུན་དུ་འདུག་པ་དང ། ཉེ་དགའ་ཡིད་དགའ་ཞིང་ཡིད་དགའ་ནས་དེ་ལ་སྦྱིན་པའི་བསྔགས་པ་བརྗོད་པར་བརྩམས་སོ། །དྲུག་སྡེ་དག་གི་ཀུན་ཏུ་སྤྱོད་པ་ནི། གལ་ཏེ་ཚུལ་ཁྲིམས་ཀྱི་གཏམ་དག་བྱེད་ན། ཉན་པ་པོ་དག་བདག་ཅག་ལྷ་རྣམས་སུ་སྐྱེས་སོ། །སྙམ་དུ་སེམས་ལ། གལ་ཏེ་སྦྱིན་པའི་གཏམ་དག་བྱེད་ན། ཉན་པ་པོ་དག་རང་གི་ཤ་གང་ཡིན་པ་དེ་ཡང་བཅད་ཅིང་བཅད་ཅིང་སྦྱིན་པར་བྱའོ། །སྙམ་དུ་སེམས་སོ། །གལ་ཏེ་ངན་སོང་གི་གཏམ་དག་བྱེད་ན། ཉན་པ་པོ་དག་བདག་ཅག་ངན་སོང་རྣམས་སུ་
Cha211b
སྐྱེས་སོ། །སྙམ་དུ་སེམས་པར་འགྱུར་བ་ཡིན་པས། ཉེ་དགས་ཤེས་པ་ཅན་དེ་ལ་སྨྲས་པ། ཤེས་པ་ཅན། ཁྱོད་ཀྱི་སྟོན་པ་ནི། ངན་པ་ལ་མོས་པ་ཡིན་ཏེ། གལ་ཏེ་དེ་བཟང་པོ་འདོད་པར་གྱུར་ན། དེས་ཁྱེད་ཅག་ལ་གོས་འབུམ་རི་བ་དང ། ཟས་རོ་བརྒྱ་བ་དང་ལྡན་པ་དང ། ཁང་པ་བརྩེགས་པ་མིག་ལྔ་བརྒྱ་བ་ཡང་གནང་བར་འགྱུར་བ་ཞིག་ན་མ་གནང་ངོ ། །ཁོ་བོ་ཅག་གི་སྟོན་པ་ནི། བཟང་པོ་ལ་མོས་པ་ཡིན་པས་དེས་ཁོ་བོ་ཅག་ལ་གོས་འབུམ་རི་བ་དང ། ཟས་རོ་བརྒྱ་དང་ལྡན་པ་དང ། ཁང་པ་བརྩེགས་པ་མིག་ལྔ་བརྒྱ་བ་ཡང་གནང་ངོ ། །གལ་ཏེ་ཁྱོད་ལ་བ་འདི་ལྟ་བུ་གྱོན་ཏེ་སློང་མོ་ལ་འགྲོ་བར་གྱུར་ན། བྲམ་ཟེ་དང་ཁྱིམ་བདག་དད་པ་ཅན་དག་གིས། ཤེས་པ་ཅན་འདིས་ཚུལ་ཁྲིམས་འཆལ་བ་ཀུན་ཏུ་སྤྱད་དོ། །སྙམ་དུ་ཤེས་པས་ཁྱོད་ཀྱིས་སློང་མོ་ཡང་མི་རྙེད་པར་འགྱུར་གྱི་ཁྱོད་ཀྱི་ལ་བ་འདི་ཁོ་བོལ་བྱིན་ཅིག་དང ། ཁོ་བོས་ཁྱོད་ལ་ལ་བ་གཞན་ཞིག་སྦྱིན་ནོ། །ཁོ་བོ་ལ་བ་འདི་གྱོན་ཏེ་བསོད་སྙོམས་ལ་འཇུག་པ་ན། བྲམ་ཟེ་དང་ཁྱིམ་བདག་དད་པ་ཅན་དག་གིས་ཁོ་བོ་མཐོང་ནས་བཙུན་པ་ཉེ་དགས་ལ་བ་འདི་ལྟ་བུ་ག་ལས་རྙེད་ཅེས་ཟེར་ན། ཁོ་བོས་དེ་དག་ལ་འདི་སྐད་ཅེས། ཤེས་པ་ཅན་ཆེ་གེ་མོ་ཞིག་གིས་བྱིན་ནོ། །ཞེས་བརྗོད་པར་བྱ་སྟེ། དེས་ན་དེ་དག་གིས་ཤེས་པ་ཅན་དད་པ་དང་ལྡན་པར་གྱུར་ཏོ། །སྙམ་དུ་ཤེས་པར་འགྱུར་ཞིང ། དེ་དག་གིས་ཁྱོད་སློང་མོ་ལ་ཞུགས་པ་ལ་ཆང་དང་ནུ་རྩིས་སློང་ཕོར་བཀང་སྟེ་སྦྱིན་པར་འགྱུར་རོ། །དེས་སྨྲས་པ། བཙུན་པ་ཉེ་དགའ་
Cha212a
༄#། །བཞེས་ཤིག་།ཉེ་དགས་སྨྲས་པ། ཤེས་པ་ཅན། ཁྱོད་ཀྱི་ཚངས་པ་མཚུངས་པར་སྤྱོད་པ་དག་ནི། ཚུལ་ཁྲིམས་འཆལ་བ་ཡིན་པས་ཁྱོད་དེ་དག་གི་ཚིག་ཐོས་ནས་ཡང་ཕྱིར་འཕྲོག་ཏུ་འོང་བར་འགྱུར་བ་དེ་ལྟ་བུའི་གནས་ཡོད་དོ། །བཙུན་པ་ཉེ་དགའ། ཅི། ཁོ་བོའི་ལ་བ་འདི་ཚངས་པ་མཚུངས་པར་སྤྱོད་པ་དེ་དག་དབང་བ་ཡིན་ནམ། ལ་བ་འདི་ནི། ཁོ་བོ་ཉིད་དབང་བ་ཡིན་གྱི། བཞེས་ཤིག་དང་སླར་འཕྲོག་ཏུ་མི་འཆིའོ། །ཉེ་དགས་ལ་བ་དེ་བླངས་ནས། ལ་བ་རྩུབ་པོ་གཞན་ཞིག་དེ་ལ་བྱིན་ནས་ཤེས་པ་ཅན་དེ། ལ་བ་རྩུབ་པོ་དེ་གྱོན་ནས་ཚངས་པ་མཚུངས་པར་སྤྱོད་པ་རྣམས་ཀྱི་གན་དུ་ཕྱིར་སོང་བ་དང ། དེ་དག་གིས་དེ་མཐོང་ནས་སྨྲས་པ། ཤེས་པ་ཅན། ཁྱོད་ཀྱིས་ཡང་མགོ་བསྒྱུར་ཏེ་ཉལ་བ་གང་ཞིག་ལས་ཐོབ། དེས་སྨྲས་པ། འདི་ནི། གློ་གཞན་ནས་གྲུབ་པ་ཡིན་ནོ། །ཇི་ལྟར་གྱུར། ཁོ་བོས་ལ་བ་དེ་བཙུན་པ་ཉེ་དགའ་ལ་བྱིན་ནས། དེས་ཀྱང་ཁོ་བོ་ལ་ལ་བ་འདི་བྱིན་ཏོ། །དེ་དག་གིས་སྤྱོས་ཏེ་སྨྲས་པ། ཤེས་པ་ཅན། ཤཱཀྱའི་བུའི་དགེ་སྦྱོང་རྣམས་ནི།་ཡུ་བུ་ཅག་གསོན་པས་ཀྱང་མི་དགའ་བ་ཡིན་ནོ། །དྲུག་སྡེ་དག་ཇི་ལྟ་བར་གཞན་དེ་ལྟ་མ་ཡིན་ལ། ཉེ་དགའ་ཇི་ལྟ་བར་དྲུག་སྡེ་གཞན་དེ་ལྟ་མ་ཡིན་ནོ། །གལ་ཏེ་ཁྱོད་ཀྱིས་དགེ་སློང་གནས་བརྟན་གཞན་འགའ་ཞིག་ལ་བྱིན་པར་གྱུར་ན། ཁོ་བོ་ཅག་ཀྱང་རྗེས་སུ་ཡི་རང་བར་བྱེད་ན། ཁྱོད་ཀྱིས་ཉེ་དགའ་ལ་བྱིན་ཏེ། དེ་ནི། བདག་ཅག་ལས་ཟོང་གིས་ཀྱང་ཁྲག་གི་ཕྱིས་བུ་
Cha212b
ལན་པར་འདོད་པ་ཡིན་གྱི། གལ་ཏེ་ལ་བ་ཁྱེར་ཏེ་འོང་ན། དེ་ལྟ་ན་ལེགས། གལ་ཏེ་ཁྱེར་ཏེ་མི་འོང་ན། ཁོ་བོ་ཅག་གིས་ཁྱོད་ཚངས་པ་མཚུངས་པར་སྤྱོད་པའི་ནང་ནས་གནས་ནས་དབྱུང་བར་བྱ་ཞིང ། ཚུལ་ཤིང་ཡང་དབྱུང་བར་བྱ། སྤང་ལེབ་ཁྲིའུ་ཡང་བསྐྱུར་བར་བྱ། སློང་ཕོར་ཡང་ཁས་དབུབ་པར་བྱ། འཁར་བ་ཡང་དོར་བར་བྱའོ། །དེ་སྐྲག་ནས་ཉེ་དགའ་ག་ལ་བ་དེར་སོང་བ་དང ། ཉེ་དགས་ཐག་རིང་པོ་ཁོ་ན་ནས་དེ་འོང་བ་མཐོང་ནས་དེས་བསམ་པ། ཤེས་པ་ཅན་འགྲོས་འདི་ལྟ་བུས་འོང་བ་འདི་ནི། བདག་གི་ལ་བ་འཕྲོག་པར་བྱེད་པ་ཡིན་སྙམ་ནས། དེ་གཙུག་ལག་ཁང་གི་ནང་དུ་ཞུགས་ནས་སྒོ་བཅད་དེ་འདུག་གོ། ཤེས་པ་ཅན་དེས་བསྒོ་བརྡུང་བར་བརྩམས་ཏེ་བཙུན་པ་ཉེ་དགའ་བཙུན་པ་ཉེ་དགའ། ཞེས་བོས་པ་དང ། ཉེ་དགའ་ཅང་མི་སྨྲ་བར་འདུག་གོ་།དགེ་སློང་རྣམས་ཀྱིས་དེ་ལ་སྨྲས་པ། ཤེས་པ་ཅན། ཁྱོད་ལ་བཙུན་པ་ཉེ་དགས་ཅི་བྱ། དེས་སྨྲས་པ། དེས་ཁོ་བོའི་ལ་བ་ཞིག་ཁྱེར་རོ། །ཤེས་པ་ཅན། གལ་ཏེ་ཁྱོད་ལ་བ་འདོད་ན། སོང་ལ་བཅོམ་ལྡན་འདས་ལ་སྐྱབས་སུ་སྒྲུབས་ཤིག་།དེ་བཅོམ་ལྡན་འདས་ག་ལ་བ་དེར་སོང་བ་དང ། བཅོམ་ལྡན་འདས་ཀྱིས་ཤེས་པ་ཅན་དེ་ཐག་རིང་པོ་ཁོ་ན་ནས་འོང་བ་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག། ཁྱེད་ཤེས་པ་ཅན་ཐག་རིང་པོ་ཁོ་ན་ནས་འོང་བ་ལ་ལྟོས་ཤིག། བཙུན་པ། བཀའ་བཞིན་འཚལ། འདི་ནི། ལ་བའི་ཕྱིར་འོངས་ཏེ། གལ་ཏེ་ལ་བ་ཐོབ་ན། དེ་ལྟ་ན་ལེགས། གལ་ཏེ་མ་ཐོབ་ན། ཁྲག་ཚ་བ་སྐྱུགས་ཏེ་དུས་བྱེད་པར་འགྱུར་རོ། །དེ་ནས་ཤེས་པ་ཅན་དེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་
Cha213a
༄#། །ཏོ། །བཅོམ་ལྡན་འདས། བཙུན་པ་ཉེ་དགས་བདག་གི་ལ་བ་འཚལ་བ་དེ། བཅོམ་ལྡན་འདས་ཀྱིས་བདག་ལ་སླར་སྩལ་དུ་གསོལ་ཅིག། གལ་ཏེ་བཅོམ་ལྡན་འདས་ཀྱིས་བདག་ལ་ལ་བ་སླར་སྩལ་དུ་མ་སྩལ་ན། འདི་ལྟར་བདག་ཚངས་པ་མཚུངས་པར་སྤྱོད་པའི་ནང་ནས་གནས་ཕྱུང་བར་འགྱུར་ཞིང ། ཚུལ་ཤིང་ཡང་ཕྱུང་བར་འགྱུར། སྤང་ལེབ་ཁྲིའུ་ཡང་བསྐྱུར་བར་འགྱུར། སློང་ཕོར་ཡང་ཁས་ཕུབ་པར་འགྱུར། འཁར་བ་ཡང་བོར་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་ཉེ་དགའི་གན་དུ་སོང་སྟེ། ཤེས་པ་ཅན་གྱི་ལ་བ་ཕྱིར་བྱིན་ཅིག་།གལ་ཏེ་མི་སྦྱིན་ན། ཤེས་པ་ཅན་འདི་ཁྲག་ཚ་བ་སྐྱུགས་ཏེ་དུས་བྱེད་པར་འགྱུར་བའི་གནས་དེ་ལྟ་བུ་ཡོད་དོ། །ཞེས་གྱིས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ།་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཉེ་དགའ་ག་ལ་བ་དེར་སོང་བ་དང ། ཉེ་དགས་ཚེ་དང་ལྡན་པ་ཀུན་དགའ་བོ་ཐག་རིང་པོ་ཁོ་ན་ནས་འོང་བ་མཐོང་ནས་དེས་བསམ་པ། ཤེས་པ་ཅན་གྱིས་ཕོ་ཉ་འདི་ལྟ་བུ་ཁྲིད་དེ་འོང་བས་འདིས་ཁོ་བོའི་ལ་བ་འཕྲོག་པར་འགྱུར་རོ། །སྙམ་མོ། །དེ་ནས་ཚེ་དང་ལྡན་པ་ཀུན་དགའ་བོས་ཉེ་དགའ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤེས་པ་ཅན་གྱི་ལ་བ་ཕྱིར་བྱིན་ཅིག། གལ་ཏེ་འདིའི་ལ་བ་ཕྱིར་མྱུར་བར་མ་བྱིན་ན། ཤེས་པ་ཅན་འདི་ཁྲག་ཚ་བ་སྐྱུགས་ཏེ་དུས་བྱེད་པར་འགྱུར་བའི་གནས་
Cha213b
དེ་ལྟ་བུ་ཡོད་པར་འགྱུར་རོ། །ཞེས་བྱུང་ངོ ། །ཉེ་དགས་སྨྲས་པ། བཙུན་པ་ཀུན་དགའ་བོ། སྟོན་པའི་བཀའ་མཉན་པར་ཟད་ཀྱི། གཞན་དུ་ན་སྒྲེ་བྱི་གཅེར་བུ་འདི་ཕྲག་ཚ་བ་སྐྱུགས་ཏེ་དུས་བྱེད་པར་འགྱུར་བ་བས་གལ་ཏེ་ཤེས་པ་ཅན་ཤ་སྟག་གིས་འཛམ་བུའི་གླིང་འདི་ལྟ་སྟེ། དཔེར་ན། བུ་རམ་ཤིང་གི་ཚལ་ལམ། འདམ་བུའི་ཚལ་ལམ། འོད་མའི་ཚལ་བཞིན་དུ་གང་བར་གྱུར་ལ། དེ་དག་ཐམས་ཅད་ཁྲག་ཚ་བ་སྐྱུགས་ཏེ་ཁ་དག་ཅིང་དུས་བྱེད་པར་གྱུར་ཀྱང་ཉེ་དགའི་སྤུའི་རྩེ་མོ་ཙམ་ཡང་མི་གཡོ་སྟེ། འོན་ཀྱང་བཞུད་ཅིག་དང་སྦྱིན་ནོ། །ཚེ་དང་ལྡན་པ་ཀུན་དགའ་བོ་སོང་བ་དང ། ཉེ་དགས་སྨྲས་པ། ཀཝའི་གཅེར་བུ་པ་ཉོན་ཅིག་།ཁྱོད་ཀྱི་སྟོན་པ་རྫུན་མ་དེས་བརྫུན་དུ་སྨྲ་བས་འཇིག་རྟེན་བསླུས་ནས་སེམས་ཅན་དམྱལ་བ་རྣམས་སུ་སྐྱེས་ཏེ། དེའི་ལྕེ་ལ་ཐོང་གཤོལ་ལྔ་བརྒྱས་རྨེད་པར་བྱེད་ན། ཁྱོད་ཀྱང་དེ་བས་ཀྱང་རྫུན་མ་ཆེན་པོ་ཡིན་པས། ཁྱོད་ཀྱི་ལྕེ་ལ་ཡང་ཐོང་གཤོལ་སྟོང་གིས་རྨོ་བར་འགྱུར་རོ། །གཞན་ཡང་ཁོ་བོའི་ལ་བ་ཁྱོད་ཀྱིས་སྤྱད་ན། ཅི། ཁོ་བོས་ཀྱང་ཁྱོད་ཀྱི་ལ་བ་སྤྱད་སྙམ་མམ། བཙུན་པ་ཉེ་དགའ་མ་ལགས་སོ། །ཉེ་དགའ་དེའི་ལ་བ་དེས་འདོམས་ཀྱི་ཕྱོགས་ཐམས་ཅད་ཕྱིས་ནས་བཞི་ལྟབ་ཏུ་བལྟབ་སྟེ་ལག་པ་གཡོན་པའི་སྟོང་དུ་བཞག་ནས་ལག་པ་གཡས་པས་ཐལ་ལྕག་གིས་བསྣུན་པ་དང་རིམ་པ་ཐམས་ཅད་རྡོལ་བར་གྱུར་ནས་སྨྲས་པ། ཤེས་པ་ཅན། ལག་པ་གཉིས་རྐྱོངས་ཤིག། དེས་ལག་པ་གཉིས་བརྐྱངས་པ་དང་ཉེ་དགས་གང་གིས་དེ་ཁས་བུབ་ཏུ་སྒྱེལ་བར་
Cha214a
༄#། །འགྱུར་བ་དེ་ལྟ་བུའི་ཤུགས་ཀྱིས་ལ་བ་ལག་ཏུ་ཕྱིན་པ་དང ། དེ་ཁས་བུབ་ཏུ་སྒྱེལ་ནས། ཉེ་དགས་རྡོག་པས་བསྣུན་ཏེ་སྨྲས་པ། གཅེར་བུ་པ་སྒྲེ་བྱི། གཙུག་ལག་ཁང་སླ་བཙས་མ་གཏལ་བར་སོང་ཞིག་།བཙུན་པ་ཉེ་དགའ། གལ་ཏེ་མ་གུམ་ན། མཆིས་ཏེ་སླན་ཆད་རྒྱལ་བྱེད་ཀྱི་ཚལ་དུ་མི་མཆིའོ། །དེ་ནི། རེ་ཞིག་བྱུང་བ་ཡིན་གྱི། བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི། མ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བྱེད་དེ། ཀུན་ཏུ་སྦྱོར་བར་བྱེད། རབ་ཏུ་སྦྱོར་བར་བྱེད། བུན་འགྱེད་པར་བྱེད། སྐྱེད་འགྱེད་པར་བྱེད། བྱས་པའི་ཕྱིར་བྱས་པ་དང ། བྱས་པའི་ཕྱིར་མ་བྱས་པ་དང ། མ་བྱས་པའི་ཕྱིར་བྱས་པ་དང ། མ་བྱས་པའི་ཕྱིར་མ་བྱས་པ་གཏོང་བར་བྱེད་དོ། །ཇི་ལྟར་ཀུན་ཏུ་སྦྱོར་བར་བྱེད་ཅེ་ན། ཀུན་ཏུ་རྩོམ་པར་བྱེད། ཡུལ་ཚོལ་བར་བྱེད། ཤིང་རྟ་གསོག་པར་བྱེད། ཡུལ་དུ་འགྲོ་བའི་རྫས་ཤོམ་པར་བྱེད། ལེའུ་པ་དང ། གྲོ་ག་དང ། སྣག་ཚ་དང ། སྨྱུ་གུ་དང ། ཡི་གེ་པ་ཚོལ་བར་བྱེད་དེ། དེ་ལྟར་ཀུན་ཏུ་སྦྱོར་བར་བྱེད་དོ། །ཇི་ལྟར་རབ་ཏུ་སྦྱོར་བར་བྱེད་ཅེ་ན། བརྒྱ་ཤས་དང ། བཅུ་ཤས་དང ། བཅུ་གཉིས་ཤས་ཀྱི་ཕྱིར་དཔང་པོ་དང ། གྲོ་
Cha214b
ག་དང ། སྣག་ཆ་དང ། སྨྱུག་གུ་དང ། ཡི་གེ་པ་ཚོལ་བར་བྱེད་དེ། དེ་ལྟར་རབ་ཏུ་སྦྱོར་བར་བྱེད་དོ། །ཇི་ལྟར་བུན་འགྱེད་པར་བྱེད་ཅེ་ན། ནས་དང ། འབྲུ་རྙིང་པ་གསེར་ཕྱེ་དང་ཉི་སྡེའི་ཕྱིར་གཏོང་བ་དང་གཞལ་བའི་སྣོད་དང ། བྲེའུ་ཆུང་དང ། ཕུལ་དང ། གྲོ་ག་དང ། སྣག་ཚ་དང ། སྨྱུག་གུ་དང ། ཡི་གེ་པ་ཚོལ་བར་བྱེད་དོ། །དེ་ལྟར་བུན་འགྱེད་པར་བྱེད་དོ། །ཇི་ལྟར་སྐྱེད་འགྱེད་པར་བྱེད་ཅེ་ན། དུང་གི་ཚོགས་ཀྱི་ཕྱིར་ནོར་བུའི་ཚོགས་གཏོང་བར་བྱེད་པ་དང ། ནོར་བུའི་ཚོགས་ཀྱི་ཕྱིར་མུ་ཏིག་གི་ཚོགས་གཏོང་བར་བྱེད་པ་དང ། མུ་ཏིག་ཚོགས་ཀྱི་ཕྱིར་བཻ་ཌཱུརྱ་ཚོགས་གཏོང་བར་བྱེད་ཅིང ། དབང་པོ་དང ། གྲོ་ག་དང ། སྣག་ཚ་དང ། སྨྱུག་གུ་དང ། ཡི་གེ་པ་ཚོལ་བར་བྱེད་དོ། །དེ་ལྟར་སྐྱེད་འགྱེད་པར་བྱེད་དོ། །ཇི་ལྟར་བྱས་པའི་ཕྱིར་བྱས་པ་གཏོང་བར་བྱེད་ཅེ་ན། གསེར་མངོན་མཚན་ཅན་གྱི་ཕྱིར་མངོན་མཚན་ཅན་གཏོང་བར་བྱེད་དོ། དེ་ལྟར་བྱས་པའི་ཕྱིར་བྱས་པ་གཏོང་བར་བྱེད་དོ། །ཇི་ལྟར་བྱས་པའི་ཕྱིར་མ་བྱས་པ་གཏོང་བར་བྱེད་ཅེ་ན། གསེར་མངོན་མཚན་ཅན་གྱི་ཕྱིར་མངོན་མཚན་མེད་པ་གཏོང་བར་བྱེད་དོ། །དེ་ལྟར་བྱས་པའི་ཕྱིར་མ་བྱས་པ་གཏོང་བར་བྱེད་དོ། །ཇི་ལྟར་མ་བྱས་པའི་ཕྱིར་བྱས་པ་གཏོང་བར་བྱེད་ཅེ་ན། གསེར་མངོན་མཚན་ཅན་མ་ཡིན་པའི་ཕྱིར་མངོན་མཚན་ཅན་གཏོང་བར་བྱེད་དེ། དེ་ལྟར་མ་བྱས་པའི་ཕྱིར་བྱས་པ་གཏོང་བར་བྱེད་དོ། །ཇི་ལྟར་མ་བྱས་པའི་ཕྱིར་མ་བྱས་པ་གཏོང་བར་བྱེད་ཅེ་ན། གསེར་མངོན་མཚན་ཅན་
Cha215a
༄#། །མ་ཡིན་པའི་ཕྱིར་མངོན་མཚན་ཅན་མ་ཡིན་པ་གཏོང་བར་བྱེད་དེ། དེ་ལྟར་མ་བྱས་པའི་ཕྱིར་མ་བྱས་པ་གཏོང་བར་བྱེད་དོ། །གཞན་མུ་སྟེགས་ཅན་དག་ཤེས་ལྡན་དག། ཤཱཀྱའི་བུའི་དགེ་སྦྱོང་རྣམས་ནི། མ་ལོག་།མ་སྤངས། སོ་སོར་མ་སྤངས་པ་ཡིན་ཏེ། འདི་ལྟར་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བྱེད་དེ། ཀུན་ཏུ་སྦྱོར་བར་བྱེད།་རབ་ཏུ་སྦྱོར་བར་བྱེད། བུན་འགྱེད་པར་བྱེད། བྱས་པའི་ཕྱིར་བྱས་པ་དང ། བྱས་པའི་ཕྱིར་མ་བྱས་པ་དང ། མ་བྱས་པའི་ཕྱིར་བྱས་པ་དང ། མ་བྱས་པའི་ཕྱིར་མ་བྱས་པ་གཏོང་བར་བྱེད་དོ། ། བྲམ་ཟེ་དང་ཁྱིམ་བདག་རྣམས་ཀྱང་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བྱེད་དེ། ཀུན་ཏུ་སྦྱོར་བར་བྱེད། རབ་ཏུ་སྦྱོར་བར་བྱེད། བུན་འགྱེད་པར་བྱེད། སྐྱེད་འགྱེད་པར་བྱེད། བྱས་པའི་ཕྱིར་བྱས་པ་དང ། བྱས་པའི་ཕྱིར་མ་བྱས་པ་དང ། མ་བྱས་པའི་ཕྱིར་བྱས་པ་དང ། མ་བྱས་པའི་ཕྱིར་མ་བྱས་པ་གཏོང་བར་བྱེད་ན། ཤེས་ལྡན་དག། ཤཱཀྱའི་དགེ་སྦྱོང་རྣམས་དང ། བྲམ་ཟེ་དང་ཁྱིམ་བདག་རྣམས་ལ་བྱེ་བྲག་ཅི་ཡོད། བསམ་པ་ནི། ཅི་ཡོད། ཐ་དད་དུ་བྱ་བ་ནི། ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པར་བྱ་བར་སེམས་ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་
Cha215b
འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག། ཁྱེད་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ། དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བྱེད་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེ་དག་གམ། གཞན་ཡང་དེ་ལྟ་བུ་གང་ཡིན་པའོ། །མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་ཞེས་བྱ་བ་ནི། རྣམ་པ་དུ་མའོ། །བྱེད་ན་ཞེས་བྱ་བ་ནི། ཀུན་ཏུ་སྤྱོད་པར་བྱེད་པ་དང ། རབ་ཏུ་སྦྱོར་བར་བྱེད་
Cha216a
༄#། །པ་དང ། བུན་འགྱེད་པར་བྱེད་པ་དང ། སྐྱེད་འགྱེད་པར་བྱེད་པ་ལྷག་པར་སྤྱོད་པ་བྱེད་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་རྙེད་པ་འདོད་པས་ཡུལ་གྱི་ཐ་སྙད་ཀྱི་ཟོང་ཀུན་ཏུ་སྦྱོར་བར་བྱེད་ཅིང ། དེ་དེ་ལ་ཤིང་རྟ་དང ། གླང་དང ། གླ་མི་དང ། དཔང་པོ་དང ། གྲོ་ག་དང ། སྣག་ཚ་དང ། སྨྱུག་གུ་དང ། ཡི་གེ་པ་ཚོལ་བར་བྱེད་དེ། ཤོ་གམ་དང ། ལ་གཅན་དང ། གྲུ་བཙས་སྦྱིན་པར་བྱེད་ན། ཇི་སྲིད་དུ་རྙེད་པ་དག་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། རྙེད་པ་བདག་གིར་བྱེད་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་དབྱིག་གམ། གསེར་རབ་ཏུ་སྦྱོར་བར་བྱེད་ཅིང ། དེ་དེ་ལ་དཔང་པོ་དང ། གྲོ་ག་དང ། སྣག་ཚ་དང ། སྨྱུག་གུ་དང ། ཡི་གེ་པ་ཚོལ་བར་བྱེད་ན། ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། རྙེད་པ་དག་བདག་གིར་བྱེད་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་ནས་དང ། འབྲུའི་བུན་འགྱེད་པར་བྱེད་ཅིང ། དེ་དེ་ལ་གཞལ་བླུགས་དང ། བྲེའུ་ཆུང་དང ། ཕུལ་དང ། དཔང་པོ་དང ། གྲོ་ག་དང ། སྣག་ཚ་དང ། སྨྱུག་གུ་དང ། ཡི་གེ་པ་ཚོལ་བར་བྱེད་ན། ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ།
Cha216b
རྙེད་པ་བདག་གིར་བྱེད་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་རྙེད་པ་འདོད་པས་དུང་གི་ཚོགས་ཀྱི་ཕྱིར་ནོར་བུའི་ཚོགས་གཏོང་བར་བྱེད་པ་དང ། ནོར་བུའི་ཚོགས་ཀྱི་ཕྱིར་མུ་ཏིག་གི་ཚོགས་གཏོང་བར་བྱེད་པ་དང ། མུ་ཏིག་གི་ཚོགས་ཀྱི་ཕྱིར་བཻཌཱུརྱའི་ཚོགས་གཏོང་བར་བྱེད་ཅིང ། དེ་དེ་ལ་དབང་པོ་དང ། གྲོ་ག་དང ། སྣག་ཚ་དང ། སྨྱུག་གུ་དང ། ཡི་གེ་པ་ཚོལ་བར་བྱེད་ན། ཇི་སྲིད་དུ་རྙེད་པ་བདག་གིར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། རྙེད་པ་བདག་གིར་བྱེད་ན། སྤང་བའི་ལྟུང་བྱེད་དུ་འགྱུར་རོ། །ཞེས་དེ་ལྟར་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་མཛད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་བཟང་ན་བཞུགས་སོ། །དེའི་ཚེ་ན་ཡངས་པ་ཅན་པའི་ལི་ཙ་བྱི་དག་གི་ཁང་པ་དྲུག་བརྩེགས་དང་བདུན་བརྩེགས་སུ་བྱེད་དོ། །ཡངས་པ་ཅན་གྱི་ལི་ཙ་བྱི་རྣམས་ཀྱི་ཁང་པ་ཇི་ལྟ་བ་དེ་བཞིན་དུ་གཙུག་ལག་ཁང་དག་ཀྱང་དྲུག་བརྩེགས་དང་བདུན་བརྩེགས་སུ་བྱེད་པས། དེ་དག་མཐོ་ཆེས་པས་བརྩིགས་ཤིང་བརྩིགས་ཤིང་རྡིབ་ནས་སྦྱིན་བདག་དག་གིས་བསམ་པ། བདག་ཅག་གསོན་ཞིང་འདུག་སྟེ། འཚོ་ཞིང་སྡོད་པ་རྣམས་ཀྱི་གཙུག་ལག་ཁང་དག་ཀྱང་འདི་ལྟར་འཇིག་ན། ཤི་བ་རྣམས་ཀྱི་ཇི་ལྟར་འགྱུར། བདག་ཅག་གིས་མཁར་ལན་གྱི་རྒྱུར་དགེ་འདུན་ལ་མི་ཟད་པ་དབུལ་བར་བྱའོ། །སྙམ་ནས་དེ་དག་མི་ཟད་པ་ཐོགས་ཏེ་དགེ་སློང་རྣམས་ཀྱི་གན་དུ་སོང་ནས་ཕྱིན་པ་དང་
Cha217a
༄#། །དགེ་སློང་རྣམས་ལ་འདི་སྐད་ཅེས་སྨྲས་སོ། །འཕགས་པ་དག་།མཁར་ལན་གྱི་སླད་དུ་མི་ཟད་པ་འདི་དག་བཞེས་ཤིག་།དགེ་སློང་རྣམས་ཀྱིས་སྨྲས་པ། བཞིན་བཟང་དག། བཅོམ་ལྡན་འདས་ཀྱིས་བསླབ་པའི་གཞི་བཅའ་བར་མཛད་པས། བདག་ཅག་མི་ལེན་ཏོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་མཁར་ལན་གྱི་རྒྱུ་མི་ཟད་པ་བླང་བར་བྱའོ། །གཞན་ཡང་དགེ་སློང་གི་དགེ་འདུན་གྱི་གཙུག་ལག་ཁང་ནི། སུམ་བརྩེགས་སུ་བྱའོ། །དགེ་སློང་མའི་དགེ་འདུན་གྱི་དབྱར་ཁང་ནི། ཉིས་བརྩེགས་སུ་བྱའོ། །དགེ་སློང་རྣམས་ཀྱིས་བཅོམ་ལྡན་འདས་ལས་མཉན་ནས་མི་ཟད་པ་བླངས་ནས་དགེ་འདུན་གྱི་མཛོད་དུ་བཅུག་སྟེ་བཞག་གོ། སྦྱིན་བདག་འོངས་ཏེ་སྨྲས་པ། འཕགས་པ་དག་།ཅིའི་སླད་དུ་གཙུག་ལག་ཁང་གི་མཁར་ལེན་མི་བགྱིད། ཀཪྴ་པ་ཎ་དག་མེད་དོ། །འོ་ན་བདག་ཅག་གིས་ཁྱེད་ལ་མི་ཟད་པ་དག་མ་ཕུལ་ལམ། དགེ་སློང་རྣམས་ཀྱིས་སྨྲས་པ། ཅི། ཁོ་བོ་ཅག་གིས་མི་ཟད་པ་དག་ཟོས་སྙམ་མམ། དགེ་འདུན་གྱི་མཛོད་ན་འདུག་གོ། འཕགས་པ་དག། དེ་ལྟར་ན། མི་ཟད་པར་མི་འགྱུར་གྱི། འདི་ལྟར་ཟད་པར་འགྱུར་ཏེ། ཅི། བདག་ཅག་གི་སྡུམ་པ་ན་གནས་མ་མཆིས་སྙམ་མམ། ཅིའི་སླད་དུ་རབ་ཏུ་སྦྱོར་བར་མི་མཛད། དགེ་སློང་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་བསླབ་པའི་གཞི་
Cha217b
བཅའ་བར་མཛད་པས། བདག་ཅག་རབ་ཏུ་སྦྱོར་བར་མི་བྱེད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ཕྱིར་མཁར་ལན་གྱི་རྒྱུ་མི་ཟད་པ་རབ་ཏུ་སྦྱར་བར་བྱའོ། །དེ་བཞིན་དུ་བྲམ་ཟེ་དང་ཁྱིམ་བདག་དད་པ་ཅན་དག། སངས་རྒྱས་དང ། ཆོས་དང ། དགེ་འདུན་གྱི་ཕྱིར་མི་ཟད་པ་འབུལ་ནས། བཅོམ་ལྡན་འདས་ཀྱིས་བཀའ་སྩལ་པ། སངས་རྒྱས་དང ། ཆོས་དང ། དགེ་འདུན་གྱི་ཕྱིར་མི་ཟད་པ་རབ་ཏུ་སྦྱར་བར་བྱ་ཞིང ། དེ་ལས་སྐྱེད་གང་གྲུབ་པ་དེས། སངས་རྒྱས་དང ། ཆོས་དང ། དགེ་འདུན་ལ་མཆོད་པར་བྱའོ། །དེ་དག་གིས་དེ་དག་ཉིད་ལ་བྱིན་ནས་དེ་དག་ལ་བདས་པ་ན་རྩོད་པར་བྱེད་ཅིང ། འཕགས་པ་དག་།ཅིའི་ཕྱིར་བདག་ཉིད་ཀྱི་ནོར་ལས་རྩོད་པ་བྱུང་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་ལ་སྦྱིན་པར་མི་བྱའོ། །དེ་དག་གིས་ཕྱུག་པོ་དག་ལ་བྱིན་ནས། དེ་དག་ལ་བདས་པ་ན་མཐུ་དང་ལྡན་པ་ལ་བརྟེན་ཅིང་མི་སྟེར་བ་དང ། བླའི་གྲཝའི་མཐུས་མི་སྟེར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ལ་སྦྱིན་པར་མི་བྱའོ། །དེ་དག་གིས་དབུལ་པོ་རྣམས་ལ་བྱིན་ནས་དེ་དག་གིས་ཀྱང་འཇལ་མི་ནུས་ནས་བཅོམ་ལྡན་འདས་ཀྱིས་བཀའ་སྩལ་བ། གཏའ་ཉི་རིར་བླངས་ཏེ་དབང་པོ་དང་བཅས་པའི་དམ་རྒྱའི་གླེགས་བུ་བྲིས་ཏེ་སྦྱིན་པར་བྱའོ། །གླེགས་བུ་དེ་ལ་ཡང་ལོ་དང །
Cha218a
༄#། །ཟླ་བ་དང ། ཉི་མ་དང ། དགེ་འདུན་གྱི་གནས་བརྟན་དང ། དགེ་སྐོས་དང ། ལེན་པ་པོ་དང ། རྫས་དང ། སྐྱེད་རྣམས་ཀྱི་མིང་བྲི་བར་བྱའོ། །གང་ལ་སྦྱིན་པར་བྱ་བ་དགེ་བསྙེན་དད་པ་ཅན་བསླབ་པའི་གཞི་ལྔ་བཟུང་བ་ལ་ཡང་གཏའ་ཉི་རི་ཁོ་ནས་སྦྱིན་པར་བྱའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། ། མངོན་མཚན་ཅན་གྱི་སྤྱོད་པའི་སྤང་བ་སྟེ། བཅུ་དགུ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ།། དེའི་ཚེ་ན་དགེ་སློང་དྲུག་སྡེ་དག་ཉོ་ཚོང་རྣམ་པ་སྣ་ཚོགས་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། ཚོང་བར་བྱེད་དོ། །ཇི་ལྟར་ལེན་པར་བྱེད་ཅེ་ན། གང་གི་ཚེ་ལྗོངས་སུ་ལོ་ལེགས་ཤིང་གྲོང་ཁྱེར་དུ་ལོ་ཉེས་པ་དེའི་ཚེ་ན། ལྗོངས་ནས་གྲོང་ཁྱེར་དུ་ལེན་པར་བྱེད་དོ། །དེ་ལྟར་ལེན་པར་བྱེད་དོ། །ཇི་ལྟར་གཏོང་བར་བྱེད་ཅེ་ན། གང་གི་ཚེ་གྲོང་ཁྱེར་དུ་ལོ་ལེགས་ཤིང་ལྗོངས་སུ་ལོ་ཉེས་པ་དེའི་ཚེ་ན། གྲོང་ཁྱེར་ནས་ལྗོངས་སུ་གཏོང་བར་བྱེད་དེ། དེ་ལྟར་གཏོང་བར་བྱེད་དོ། །ཇི་ལྟར་ཉོ་བར་བྱེད་ཅེ་ན། གང་གི་ཚེ་རིན་ཆུང་བ་དེའི་ཚེ་ན་ཉོ་བར་བྱེད་དེ། དེ་ལྟར་ཉོ་བར་བྱེད་དོ། །ཇི་ལྟར་ཚོང་བར་བྱེད་ཅེ་ན། གང་གི་ཚེ་ན་རིན་ཆེ་བ་དེའི་ཚེ་ན་ཚོང་བར་བྱེད་དེ། དེ་ལྟར་ཚོང་བར་བྱེད་དོ། །གཞན་མུ་སྟེགས་ཅན་དག་ཤེས་ལྡན་དག། ཤཱཀྱའི་བུའི་དགེ་སྦྱོང་རྣམས་ནི། མ་ལོག། མ་སྤངས། སོ་སོར་མ་སྤངས་པ་ཡིན་ཏེ།
Cha218b
འདི་ལྟར་ཉོ་ཚོང་རྣམ་པ་སྣ་ཚོགས་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། ཚོང་བར་བྱེད་ཅིང ། བྲམ་ཟེ་དང ། ཁྱིམ་བདག་རྣམས་ཀྱང་ཉོ་ཚོང་རྣམ་པ་སྣ་ཚོགས་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། ཚོང་བར་བྱེད་ན། ཤཱཀྱའི་དགེ་སྦྱོང་རྣམས་དང ། བྲམ་ཟེ་དང་ཁྱིམ་བདག་འདི་ལ་བྱེ་བྲག་ནི། ཅི་ཡོད། བསམ་པ་ནི། ཅི་ཡོད། ཐ་དད་དུ་བྱ་བ་ནི། ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དག་བྱ་བར་སེམས་ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག། ཁྱེད་ཉོ་ཚོང་རྣམ་པ་སྣ་ཚོགས་བྱེད་དེ། ལེན་པར་བྱེད། གཏོང་བར་བྱེད། ཉོ་བར་བྱེད། ཚོང་བར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་
Cha219a
༄#། །རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཉོ་ཚོང་རྣམ་པ་སྣ་ཚོགས་བྱེད་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེ་དག་གམ། གཞན་ཡང་དེ་ལྟ་བུ་གང་ཡིན་པའོ། །ཉོ་ཚོང་རྣམ་པ་སྣ་ཚོགས་ཞེས་བྱ་བ་ནི། རྣམ་པ་མང་པོའོ། །བྱེད་ན་ཞེས་བྱ་བ་ནི། ལེན་པར་བྱེད་པ་དང ། གཏོང་བར་བྱེད་པ་དང ། ཉོ་བར་བྱེད་པ་དང ། ཚོང་བར་བྱེད་པ་དག་ལྷག་པར་སྤྱོད་པར་བྱེད་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་རྙེད་པ་འདོད་པས་ཉོ་བར་བྱེད། ཚོང་བར་བྱེད་ན། དེ་ཉོ་བར་བྱེད་པ་ལ་ཉེས་བྱས་སུ་འགྱུར་ལ། ཚོང་བ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་འདོད་པས་ཉོ་བར་བྱེད་ཅིང ། རྙེད་པ་མི་འདོད་པས་ཚོང་བར་བྱེད་ན། ཉོ་བར་བྱེད་པ་དེ་ལ་ཉེས་བྱས་སུ་འགྱུར་ལ། ཚོང་བར་བྱེད་པ་ལ་ལྟུང་བ་མེད་དོ། །དགེ་སློང་གིས་རྙེད་པ་མི་འདོད་པས་ཉོ་བར་བྱེད་ཅིང ། རྙེད་པ་འདོད་པས་ཚོང་བར་བྱེད་ན། ཉོ་བར་བྱེད་པ་ལ་ལྟུང་
Cha219b
བ་མེད་ལ། ཚོང་བར་བྱེད་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་རྙེད་པ་མི་འདོད་པས་ཉོ་བར་བྱེད་ཅིང ། རྙེད་པ་མི་འདོད་པས་ཚོང་བར་བྱེད་ན། གཉི་ག་ལ་ལྟུང་བ་མེད་དོ། །ཡུལ་གཞན་གྱི་སྦྱོར་བས་སྔ་མའི་རྒྱུད་སྦྱོང་བར་བྱེད་པ་ལ་ལྟུང་བ་མེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་བཟང་ན་བཞུགས་སོ། །དེའི་ཚེ་ན་བྱང་ལམ་པའི་ཚོང་པ་ལམ་གྱི་བགྲོད་པར་ཞུགས་པ་དག་གིས་གཙུག་ལག་ཁང་རྟ་བབས་མཐོན་པོ་དང་ལྡན་པ། སྐར་ཁུང་སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ། མིག་དང་སྙིང་འཕྲོག་པ་མཐོ་རིས་ཀྱི་ཐེམ་སྐས་སུ་གྱུར་པ་དག་མཐོང་ནས་དེ་དག་དད་པར་གྱུར་ཏེ། དེ་དག་གཙུག་ལག་ཁང་དུ་དོང་ནས་དགེ་སློང་རྣམས་ལ་འདི་སྐད་ཅེས་སྨྲས་སོ། །འཕགས་པ་དག། བདག་ཅག་གིས་དགེ་འདུན་ལ་མཆོད་སྟོན་བགྱིའོ། །དགེ་སློང་རྣམས་ཀྱིས་སྨྲས་པ། མཆོད་སྟོན་གྱི་ཡོ་བྱད་དག་ཁྱེར་ཏེ་ཤོག་རྩིག། དེ་དག་གིས་སྨྲས་པ། བདག་ཅག་གློ་བུར་དུ་ལྷག་པ་དག་ལགས་ཏེ། འདི་ལྟར། བདག་ཅག་རིན་དབུལ་གྱི། ཁྱེད་ཀྱིས་འབྲས་དག་སྩོལ་ཅིག་།བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མཛད་པས་བདག་ཅག་འབྲས་དག་མི་ཚོང་ངོ ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་མི་
Cha220a
༄#། །བྱ་བར་འདི་ལྟར་གང་དགེ་འདུན་གྱི་ཕྱིར་མཆོད་སྟོན་བྱེད་པ་དེ་ལ་རིན་གྱིས་འབྲས་སྦྱིན་པར་བྱའོ། །དགེ་སློང་དག། རི་བ་ཁོ་ནས་སྦྱིན་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གང་གཙུག་ལག་ཁང་དེ་ཉིད་དུ་མཆོད་སྟོན་བྱེད་པ་དེ་ལ་འཐེབ་དང་བཅས་པ་སྦྱིན་པར་བྱའོ། །བཅོམ་ལྡན་འདས་ཀྱིས་རིན་གྱིས་འབྲས་སྦྱིན་པར་བྱའོ། །ཞེས་བཅའ་བར་མཛད་པས། མང་པོ་དག་མཆོད་སྟོན་བྱེད་ནས་ཐམས་ཅད་ལ་བྱིན་ནས་འབྲས་དག་སྤྱད་པས། སྤྱི་བུངས་ཆད་པར་གྱུར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་མི་བྱ་བར་འདི་ལྟར་རིན་དེས་འབྲས་གཞན་དག་ཉོ་བར་བྱའོ། །འབྲས་རྙིང་པ་དག་ཀྱང་སོ་སོར་བརྟགས་ནས་གལ་ཏེ་སྲོག་ཆགས་མེད་ན། དུས་སུ་བཙོངས་ཏེ་འབྲས་གསར་པས་བང་བ་དག་དགང་བར་བྱའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཉོ་ཚོང་བྱེད་པའི་སྤང་བ་སྟེ།་ཉི་ཤུ་པ་རྫོགས་སོ།། །།སྡོམ་ལ། ལྷུང་བཟེད་གཉིས་དང་ཐ་ག་གཉིས། སྦྱིན་འཕྲོག་སྟོན་ཟླ་ཐ་ཆུང་དང ། །དགོན་པ་པ་དང་རས་ཆེན་དང ། བསྔོས་པ་དང་ནི་གསོག་འཇོག་གོ།་སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ཉེ་དགའ་འདི་སྙམ་དུ་སེམས་ཏེ། འདི་དག་
Cha220b
ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་ཁྱབ་པར་བྱས་པས་ཕྱིན་ཆད་གང་ནས་ཀྱང་རྙེད་པ་སྒྲུབ་པར་མི་ནུས་སོ། །སྙམ་ནས་དེ་དེ་སྙམ་སེམས་པ་ན། དགའ་འདུན་དྲུག་ཅུ་སྐྱེད་མོས་ཚལ་དུ་དོང་བ་དེ་དག་ཉེ་དགས་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། གལ་ཏེ་འདི་དག་ལས་རྙེད་པ་མ་གྲུབ་ན། ཉེ་དགའ་ཞེས་བྱ་བའི་མིང་གཟུང་བར་མི་བྱའོ། །སྙམ་མོ། །དྲུག་སྡེ་དག་གི་ཀུན་ཏུ་སྤྱོད་པ་ནི། གལ་ཏེ་སྦྱིན་པའི་གཏམ་དག་བྱེད་ན། ཉན་པ་པོ་དག་བདག་ཅག་གིས་རང་གི་ཤ་དག་བཅད་ཅིང་བཅད་ཅིང་སྦྱིན་པར་བྱའོ། །སྙམ་དུ་སེམས་ལ། གལ་ཏེ་ཚུལ་ཁྲིམས་ཀྱི་གཏམ་དག་བྱེད་ན། ཉན་པ་པོ་དག་བདག་ཅག་ལྷ་རྣམས་ཀྱི་ནང་དུ་སྐྱེས་སོ། །སྙམ་དུ་སེམས་སོ། །གལ་ཏེ་ངན་སོང་གི་གཏམ་དག་བྱེད་ན། ཉན་པ་པོ་དག་བདག་ཅག་ངན་སོང་རྣམས་སུ་སྐྱེས་སོ། །སྙམ་དུ་སེམས་པ་ཡིན་པས། དེས་ལྷུང་བཟེད་གསལ་བ། ཟླུམ་པ། ལོངས་སྤྱད་པར་བཟོད་པ་མཆན་ཁུང་གིས་ཁྱེར་ཏེ་དགའ་འདུན་དེ་དག་ག་ལ་བ་དེར་དོང་སྟེ་ཕྱིན་ནས་དགའ་འདུན་པ་གཅིག་ལ་ཅི་ནས་ཀྱང་དེའི་སེམས་མངོན་པར་དད་པར་འགྱུར་བ་དེ་ལྟར་སྦྱིན་པའི་གཏམ་བྱས་ནས་སེམས་དད་པར་གྱུར་ཏེ་སྨྲས་པ། འཕགས་པ། ཅིའི་ཕྱིར་བྱོན། ཉེ་དགས་སྨྲས་པ། བཞིན་བཟང ། བདག་ལ་ལྷུང་བཟེད་དགོས་སོ། །འཕགས་པ། བདག་ལ་ལྷུང་བཟེད་མ་མཆིས་ཏེ། གལ་ཏེ་རིན་གྱིས་རྙེད་ན། བདག་གིས་འཇལ་ཏེ་གསོལ་ལོ། །ཉེ་དགས་ལྷུང་བཟེད་མཆན་ཁུང་ནས་ཕྱུང་སྟེ་དེ་ལ་བསྟན་ནས་སྨྲས་པ།
Cha221a
༄#། །བཞིན་བཟང ། ལྷུང་བཟེད་འདི་ཡང་རིན་གྱིས་རྙེད་པ་ཡིན་ནོ། །འཕགས་པ། འདིའི་རིན་ཅི་ཙམ། ཀཪྴ་པ་ཎ་དྲུག་ཅུའོ། །བདག་གིས་འདིའི་རིན་ཀཪྴ་པ་ཎ་དྲུག་ཅུ་འབུལ་ལོ། །བཞིན་བཟང ། ་རོག་ཀྱ། དེ་དག་ཁྱོད་ཀྱིར་གྱུར་ཅིག་།སྦྱིན་པ་འདིས་ཁྱོད་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་ནང་དུ་སྣོད་དུ་འགྱུར་བར་གྱུར་ཅིག་།དེ་བཞིན་དུ་དེས་དགའ་འདུན་དྲུག་ཅུ་པོ་དག་རེ་རེ་ཡང་ཀཪྴ་པ་ཎ་དྲུག་ཅུ་དྲུག་ཅུ་སྦྱོར་དུ་བཅུག་ནས་སོང་ངོ ། །དགའ་འདུན་དེ་དག་ཐམས་ཅད་གཅིག་ཏུ་འདུས་པར་གྱུར་ནས། དེ་ན་དགའ་འདུན་གཅིག་གིས་སྨྲས་པ། ཤེས་ལྡན་དག་།ཁོ་བོས་བཙུན་པ་ཉེ་དགའ་ཤཱཀྱའི་རིགས་ལས་རབ་ཏུ་བྱུང་བ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་དང་ལྡན་པ་ལ་ལྷུང་བཟེད་ཀྱི་རིན་དུ་ཀཪྴ་པ་ཎ་དྲུག་ཅུ་ཕུལ་གྱི། རྗེས་སུ་ཡི་རང་བར་གྱིས་ཤིག་།གཞན་ཞིག་གིས་སྨྲས་པ། ཁོ་བོས་ཀྱང་ཕུལ་ལོ། །ཡང་གཞན་ཞིག་གིས་སྨྲས་པ། ཁོ་བོས་ཀྱང་ཕུལ་ལོ། །དེ་བཞིན་དུ་ཐམས་ཅད་ཀྱིས་ཁོ་བོས་ཀྱང་ཕུལ་ལོ། །ཁོ་བོས་ཀྱང་ཕུལ་ལོ། །ཞེས་སྨྲས་ནས་དེ་དག་ཕན་ཚུན་བལྟ་བར་བརྩམས་ཏེ། ཤེས་ལྡན་དག། དགེ་སློང་གཅིག་ལ་ལྷུང་བཟེད་དུ་དགོས་ཞེས་དེ་དག་གིས་དགེ་སློང་ཞིག་ལ་དྲིས་པ། འཕགས་པ། དགེ་སློང་གཅིག་ལ་ལྷུང་བཟེད་དུ་འཚལ། དེས་སྨྲས་པ། བཞིན་བཟང་དག། གཅིག་ཁོ་ན་དགོས་སོ། །དེ་དག་གིས་
Cha221b
ཤཱཀྱའི་སྲས་ཀྱི་དགེ་སྦྱོང་རྣམས་ནི། རྙེད་པ་འདོད་པས་ཟིལ་གྱིས་ནོན་པ་དག་ཡིན་ནོ། །ཞེས་སྨད་པར་བརྩམས་སོ། །དེ་ནི། རེ་ཞིག་བྱུང་བ་ཡིན་གྱི། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་ལྷུང་བཟེད་རྙེད་དོ་ཅོག་གསོག་པར་བྱེད་ཅིང ། བདག་ཉིད་ཀྱང་སྤྱོད་པར་མི་བྱེད། དགེ་སློང་གཞན་དག་ལ་ཡང་སྦྱིན་པར་མི་བྱེད་ནས་དགེ་སློང་དོན་ཉུང་དུ་དག། ཅིའི་ཕྱིར་དགེ་སློང་དག་ལྷུང་བཟེད་རྙེད་དོ་ཅོག་གསོག་པར་བྱེད་ཅིང ། བདག་ཉིད་ཀྱང་སྤྱོད་པར་མི་བྱེད། དགེ་སློང་གཞན་དག་ལ་ཡང་སྦྱིན་པར་མི་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་།ཁྱེད་ལྷུང་བཟེད་རྙེད་དོ་ཅོག་གསོག་པར་བྱེད་ཅིང ། བདག་ཉིད་ཀྱང་སྤྱོད་པར་མི་བྱེད། དགེ་སློང་གཞན་དག་ལ་ཡང་
Cha222a
༄#། །སྦྱིན་པར་མི་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་དང་མཐུན་པ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གི་ལྷུང་བཟེད་ལྷག་པ་ཞག་བཅུའི་བར་དུ་བཅང་བར་བྱའོ། །དེ་ལས་འདས་པར་འཆང་ན། སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །ལྷུང་བཟེད་ལྷག་པ་ཞེས་བྱ་བ་ནི། བྱིན་གྱིས་བརླབ་པར་བྱ་བ་ལས་ལྷག་པའོ། །ཞག་བཅུའི་བར་དུ་ཞེས་བྱ་བ་ནི། ཉིན་མཚན་བཅུའི་མཐའི་བར་དུའོ། །བཅང་བར་བྱའོ། །ཞེས་བྱ་བ་ནི། བདག་གིར་བྱའོ། །དེ་ལས་འདས་པར་འཆང་ན་ཞེས་བྱ་བ་ནི། དེ་ལས་ཐལ་བར་འཆང་བའོ། །སྤང་བའི་ལྟུང་བྱེད་དོ་ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། འདི་ལྟ་སྟེ།
Cha222b
དགེ་སློང་གིས་ཆེས་ལ་ལྷུང་བཟེད་རྙེད་ན། དགེ་སློང་དེས་ལྷུང་བཟེད་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་ལ་ལྷུང་བཟེད་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་ལྷུང་བཟེད་རྙེད་ན། དགེ་སློང་དེས་ལྷུང་བཟེད་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ཚེས་ལ་ལྷུང་བཟེད་གཅིག་རྙེད་ཅིང ། དེས་ཚེས་གཉིས་ལ་ཡང་གཞན་ཞིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་བྱིན་གྱིས་བརླབ་པར་བྱ་ཞིང ། ཕྱི་མ་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་བྱིན་གྱིས་བརླབ་པར་བྱ་ཞིང ། སྔ་མ་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་
Cha223a
༄#། །མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་གཉིས་ལ་མ་རྙེད་ཀྱང་ཚེས་གསུམ་དང་ཚེས་བཅུ་ཚུན་ཆད་ཀྱིས་ལྷུང་བཟེད་ཅིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་བྱིན་གྱིས་བརླབ་པར་བྱ་ཞིང ། ཕྱི་མ་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་བྱིན་གྱིས་བརླབ་པར་བྱ་ཞིང་སྔ་མ་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་གཉིས་རྙེད་ན། དགེ་སློང་དེས་ལྷུང་བཟེད་དེ་གཉིས་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་ལ་ལྷུང་བཟེད་གཉིས་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་ལྷུང་བཟེད་གཉིས་རྙེད་ན། དགེ་སློང་དེས་
Cha223b
ལྷུང་བཟེད་དེ་གཉིས་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱི་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་གཉིས་ཤིག་རྙེད་ཅིང ། དེས་ཚེས་གཉིས་ལ་ཡང་ལྷུང་བཟེད་གཞན་གཉིས་ཤིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་གཉིས་བྱིན་གྱིས་བརླབ་པར་བྱ་ཞིང ། ཕྱི་མ་གཉིས་གཏང་བར་བྱ་བ་འམ།་རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །ཡང་ཕྱི་མ་གཉིས་བྱིན་གྱིས་བརླབ་པར་བྱ་ཞིང ། སྔ་མ་གཉིས་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་གཉིས་ལ་མ་རྙེད་ཀྱང་ཚེས་གསུམ་དང ། ཚེས་བཅུ་ཚུན་ཆད་ཀྱིས་ལྷུང་བཟེད་གཉིས་ཤིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་གཉིས་བྱིན་གྱིས་བརླབ་པར་བྱ་ཞིང ། ཕྱི་མ་གཉིས་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་གཉིས་བྱིན་གྱིས་བརླབ་པར་བྱ་ཞིང ། སྔ་མ་གཉིས་གཏང་བར་བྱ་བའམ།
Cha224a
༄#། །རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱ་བའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་མང་པོ་རྙེད་ན། དགེ་སློང་དེས་ལྷུང་བཟེད་དེ་དག་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ། གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན་སྤང་བའི་ལྟུང་བྱེད་དུ་འགྱུར་རོ། །ཚེས་ལ་ལྷུང་བཟེད་མང་པོ་མ་རྙེད་ཀྱང ། ཚེས་གཉིས་སམ། ཚེས་གསུམ་མམ། ཚེས་དགུའམ། ཚེས་བཅུ་ཚུན་ཆད་ཀྱིས་ལྷུང་བཟེད་མང་པོ་རྙེད་ན། དགེ་སློང་དེས་ལྷུང་བཟེད་དེ་ཞག་བཅུ་པོ་དེ་ཉིད་ཀྱི་ནང་དུ་བྱིན་གྱིས་བརླབ་པར་བྱ་བའམ་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ལྷུང་བཟེད་མང་པོ་དག་ཅིག་རྙེད་ཅིང ། དེས་ཚེས་གཉིས་ལ་ཡང་གཞན་མང་པོ་
Cha224b
དག་ཅིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་དག་བྱིན་གྱིས་བརླབ་པར་བྱ་ཞིང ། ཕྱི་མ་དག་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། ། ཡང་ཕྱི་མ་དག་བྱིན་གྱིས་བརླབ་པར་བྱ་ཞིང ། སྔ་མ་དག་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་དང་ཚེས་གཉིས་ལ་མ་རྙེད་ཀྱང་ཚེས་གསུམ་དང་ཚས་བཅུ་ཚུན་ཆད་ཀྱིས་ལྷུང་བཟེད་མང་པོ་དག་ཅིག་རྙེད་ན། དགེ་སློང་དེས་ཞག་བཅུ་པོ་དེ་ཉིད་ཀྱི་ནང་དུ་སྔ་མ་དག་བྱིན་གྱིས་བརླབ་པར་བྱ་ཞིང ། ཕྱི་མ་དག་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །ཡང་ན་ཕྱི་མ་དག་བྱིན་གྱིས་བརླབ་པར་བྱ་ཞིང ། སྔ་མ་དག་གཏང་བར་བྱ་བའམ། རྣམ་པར་བརྟག་པར་བྱ་བའམ། གཞན་ལ་སྦྱིན་པར་བྱའོ། །བྱིན་གྱིས་རློབ་པར་མི་བྱེད་དམ། གཏོང་བར་མི་བྱེད་དམ། རྣམ་པར་རྟོག་པར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བཅུ་གཅིག་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་སྤང་བར་གྱུར་ན། དེ་མ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ལྷུང་བཟེད་སྤང་བར་
Cha225a
༄#། །གྱུར་ན། དེ་སྤངས་ཤིང་བྲལ་བར་མ་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ལྷུང་བཟེད་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ལྷུང་བཟེད་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་བཤགས་ནས་གཞན་ཞིག་རྙེད་ན། དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གིས་ཛ་སྲིད་དུ་སྤང་བའི་དངོས་པོ་དེ་མ་བཤགས་ཤིང ། སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་གཞན་ཉེ་བར་འཇོག་པར་བྱེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལྷུང་བཟེད་ཆུང་ངུ་དང ། ལྷུང་བཟེད་སྐྱ་བ་དང ། ལྷུང་བཟེད་ཆེ་བ་དང ། ལྷུང་བཟེད་མ་ཚོས་པ་འཆང་བ་ལ་ལྟུང་བ་མེད་དོ། །རབ་ཏུ་བྱུང་བ་ལ་ལྟོས་པའི་དོན་དུ་ལྷུང་བཟེད་འཆང་བ་ལ་ཐམས་ཅད་དུ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལྷུང་བཟེད་འཆང་བའི་སྤང་བ་སྟེ། ཉི་ཤུ་གཅིག་པ་རྫོགས་སོ།། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་སྤོས་ཚོང་གི་ཁྱེའུ་ཞིག་འདུག་པ་དེས། ལྷུང་བཟེད་ཤིན་ཏུ་གསལ་
Cha225b
བ།་དབྱིབས་ལེགས་པ། ལོངས་སྤྱད་པར་བཟོད་པ་ཞིག་རྙེད་དོ། །བསོད་སྙོམས་པ་ཞིག་ཀྱང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་ནས། དེས་བསོད་སྙོམས་རྒྱུས་ཏེ་སྲང་དུ་ཕྱིན་པ་དང ། སྤོས་ཚོང་གི་ཁྱེའུ་དེས་དེ་མཐོང་ནས་སྨྲས་པ། འཕགས་པ། བདག་གིས་ལྷུང་བཟེད་ཤིན་ཏུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ཞིག་རྙེད་ཀྱི། གལ་ཏེ་བཞེད་ན། སྣོམས་ཤིག་།བཞིན་བཟང ། བདག་ལ་ལྷུང་བཟེད་ཡོད་དོ། །འཕགས་པ། གལ་ཏེ་དགེ་སློང་གཞན་འགའ་ཞིག་ལྷུང་བཟེད་འཚལ་བ་མཆིས་ན། དེ་གཏང་དུ་གསོལ། གཏང་བར་བྱའོ། །དེ་ནས་བསོད་སྙོམས་པ་དེས་མཉན་ཡོད་དུ་བསོད་སྙོམས་ལ་རྒྱུས་ནས་རྒྱལ་བྱེད་ཀྱི་ཚལ་དུ་སོང་སྟེ་དེས་ཟན་ཟོས་ནས་ལྷུང་བཟེད་འཁྲུ་བ་ན། དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་སྲང་ག་གེ་མོ་ཞིག་ན་སྤོས་ཚོང་གི་ཁྱེའུ་ཞིག་འདུག་པ་དེས་ལྷུང་བཟེད་ཤིན་ཏུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ཞིག་རྙེད་ཀྱི། ཁྱེད་ཅག་ལས་གང་ལྷུང་བཟེད་འདོད་པ་དེ་སོང་ཞིག། དེ་དང་ཧ་ཅང་ཐག་མི་རིང་བ་ན་ཉེ་དགའ་འདུག་པ་དེས་ཐོས་ནས་དེས་བསམ་པ། ལྷུང་བཟེད་ནག་པོ་ཅན་འགའ་ཞིག་གིས་ཐོས་ནས་རབ་ཏུ་རྒྱུར་པར་གྱུར་ན་མི་རུང་གི། སྨད་པར་བྱའོ། །སྙམ་ནས་དེས་དེ་ལ་སྨྲས་པ། ཚེ་དང་ལྡན་པ། ཁྱོད་དད་པས་བྱིན་པ་ཟོས་ནས་ལྷུང་བཟེད་ཀྱི་གཏམ་དང ། ཆོས་གོས་ཀྱི་གཏམ་ལས་གཞན་པའི་གཏམ་འགའ་ཡང་མེད་མོད། དེས་བསམ་པ། འཇིག་རྟེན་ན་འདོད་པའི་བདག་
Cha226a
༄#། །ཉིད་ཅན་གང་ཇི་སྙེད་པ་དེ་དག་དང་ཉེ་དགའ་མཚུངས་པ་ཡིན་ན། འདིས་ཀྱང་རེ་ཞིག་བདག་སྨད་པར་གྱུར་ན། གལ་ཏེ་དགེ་སློང་གནས་བརྟན་གཞན་འགའ་ཞིག་གིས་ཐོས་པར་གྱུར་ན། དེས་རྒྱ་ཆེར་སྨད་པར་འགྱུར་རོ། །སྙམ་ནས་དེ་ཅང་མི་སྨྲ་བར་འདུག་གོ་།ཉེ་དགས་དེ་བཀར་ཏེ་སྨྲས་པ། ཚེ་དང་ལྡན་པ། ཁྱོད་ཀྱི་མཁན་པོ་དང་ཁོ་བོ་བཤེས་པས་དེའི་ཕྱིར་ཁོ་བོས་ཁྱེད་སྨད་ཀྱིས་མ་གཤེ་ཅིག་།གནས་བརྟན། གལ་ཏེ་བདག་ཡང་སྨྲ་བར་གྱུར་ན། ཁྱོད་ཀྱིས་བདག་ལ་ཡང་སྨད་པར་མཛོད་ཅིག་།ཚེ་དང་ལྡན་པ། ཁོ་བོས་ཡང་ཉེ་བར་མ་ཞི་བ་ཙམ་དུ་ཟད་ཀྱི། ཅི། ལྷུང་བཟེད་དེ་ལྷུང་བཟེད་མ་ཡིན་ནམ། གནས་བརྟན། སྔ་མ་ཡང་སྨྲ་བར་མི་བགྱི་བ་ལགས་ཀྱི། འཚལ་ཏོ། །ཚེ་དང་ལྡན་པ། དེ་ལྟ་མོད་ཀྱི། འོན་ཀྱང་རེ་ཞིག་སྨྲོས་ཤིག་།གནས་བརྟན། སྲང་ཆེ་གེ་མོ་ཞིག་ན་སྤོས་ཚོང་གི་ཁྱེའུ་ཞིག་མཆིས་པ་དེས། ལྷུང་བཟེད་ཤིན་ཏུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ཞིག་རྙེད་ནས། དེའི་མཆིད་ནས། གལ་ཏེ་དགེ་སློང་ལྷུང་བཟེད་འཚལ་བ་འགའ་མཆིས་ན། དེ་གཏང་དུ་གསོལ། ཞེས་མཆིའོ། །དེ་ནི། དེ་ཙམ་དུ་ཟད་དེ། དེ་ཡང་ཉེ་བར་མ་ཞི་བ་ཙམ་ཁོ་ནར་ཟད་དོ། །དེ་ནས་ཉེ་དགའ་སྣམ་སྦྱར་གྱོན་ཏེ་འགྲོས་བསྐྱེད་ནས། ཕྱ་ར་ར་སོང་བ་དང་སྤོས་ཚོང་གི་ཁྱེའུ་དེས། དེ་འགྲོས་བསྐྱེད་དེ་འོང་བ་ཐག་རིང་པོ་ཁོ་ན་ནས་མཐོང་ནས་དེས་བསམ་པ། དགེ་སྦྱོང་ཧྲལ་པོ་འགྲོས་འདི་ལྟ་བུས་འོང་བ་འདིས་བདག་གི་ལྷུང་བཟེད་འདི་འཕྲོག་པར་
Cha226b
འགྱུར་དུ་འོང་ངོ་སྙམ་ནས། དེས་ལྷུང་བཟེད་དེ་བླངས་ཏེ་འཇོང་ཚེའི་འོག་ཏུ་བཅུག་སྟེ་བཞག་པ་དང ། ཉེ་དགས་དེ་སྦེད་པའི་ཚེ་མཐོང་ནས་དེས་སྨྲས་པ། བཞིན་བཟང་ཅི། ལྷུང་བཟེད་འདི་ནལ་གྱི་བུ་ཡིན་ནམ། ཅི་ན་དེ་ཕྱིར་སྦེད་པར་བྱེད་ཅེས་དེས་ལག་པ་བརྐྱང་སྟེ་ལྷུང་བཟེད་བླངས་ནས་སྨྲས་པ། བཞིན་བཟང ། ་རོག་ཀྱ། སྦྱིན་པ་འདིས་ཁྱོད་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་ནང་ན་སྣོད་དུ་འགྱུར་བར་གྱུར་ཅིག། འཕགས་པ། བདག་ཅག་ཚོང་པ་དག་ཁེ་སྤོགས་འཚལ་བས་འཚོ་བ་ལགས་པས། འདི་རིན་མ་མཆིས་པར་མི་འབུལ་ཏེ། འདི་ལྟར་རིན་གྱི་ཕྱིར་འབུལ་ལོ། །བཞིན་བཟང ། ཅི། ཁྱོད་དྲང་སྲོང་གི་སྣོད་ཚོང་བར་བྱེད་དམ། ཚིགས་སུ་བཅད་པ་ཡང་སྨྲས་པ། གལ་ཏེ་སྐྱེས་བུས་ས་སྣོད་ཀྱིས།། གསེར་གྱི་སྣོད་ནི་ཐོབ་གྱུར་ན། །དེ་ཡིས་མྱ་ངན་ཅི་ཕྱིར་བྱ། །བསླུས་པ་མེད་པར་ཁོ་བོས་མཐོང ། །འཕགས་པ། ཁྱོད་མང་དུ་གསུངས་མོད་ཀྱི། འོན་ཀྱང་རིན་མ་མཆིས་པར་མི་འབུལ་ལོ། །ཉེ་དགས་སྨྲས་པ། ཁྱོད་ཀྱི་ལྷུང་བཟེད་ལ་ལྷག་པར་ཆགས་པ་འདིས་ཡི་དྭགས་ལྐོག་ཝ་ཅན་དག་གི་ནང་དུ་སྐྱེ་བར་བྱ་དགོས་སོ། །ཞེས་དེ་དེ་སྐད་སྤྱོ་བར་བྱེད་པ་ན། ཁྱིམ་བདག་ཅིག་ཕྱོགས་དེར་འོངས་ནས་དེས་སྨྲས་པ།་འཕགས་པ་ལ་ཕྱག་འཚལ་ལོ། །བཙུན་པ་ཉེ་དགའ་ལ་ཕྱག་འཚལ་ལོ། །ཉེ་དགས་སྨྲས་པ། བཞིན་བཟང ། ཁྱོད་ཀྱི་ཕྱག་སྐམ་པོ་འདིས་ཅི་བྱ། འཕགས་པ། བདག་ལ་བཙུན་པ་ཉེ་དགས་བཀའ་
Cha227a
༄#། །སྩལ་པ་གང་ཞིག་བདག་གིས་མ་བསྒྲུབས་ལྷུང་བཟེད་འདི། ཉོས་ཏེ་བྱིན་ཅིག་།ཁྱིམ་བདག་དེས་སྤོས་ཚོང་གི་ཁྱེའུ་དེ་ལ་སྨྲས་པ། བཞིན་བཟང་ལྷུང་བཟེད་འདི་རིན་ཇི་ཙམ། འདི་དང་འདི་ཙམ་མོ། །ཁོ་བོས་ཁྱོད་ལ་སྦྱིན་ནོ། །སྤོས་ཚོང་གི་ཁྱེའུ་དེས་ལྷུང་བཟེད་དེ། ཁྱིམ་བདག་དེ་ལ་བྱིན་ནས་ཁྱིམ་བདག་དེས་ཀྱང་ཉེ་དགའ་ལ་ཕུལ་ལོ། །ཉེ་དགས་སྨྲས་པ། ཨ་རོག་ཀྱ། སྦྱིན་པ་འདིས་ཁྱོད་ཀྱི་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་ནང་ན་སྣོད་དུ་འགྱུར་བར་གྱུར་ཅིག་།ཁྱིམ་བདག་དེ་སོང་བ་དང ། ཉེ་དགས་སྤོས་ཚོང་གི་ཁྱེའུ་དེ་ལ་སྨྲས་པ། བཀྲེན་པ། ཁྱོད་ཀྱིས་ཉེ་དགས་ལྷུང་བཟེད་ཀྱི་རིན་སྦྱོར་དུ་མི་འཇུག་མི་ནུས་སྙམ་དུ་ཤེས་སམ། ཁྱོད་ཀྱི་ལྷུང་བཟེད་ལ་ལྷགས་པར་ཆགས་པ་འདིས་ཡི་དྭགས་ཝ་བ་ཅན་དག་གི་ནང་དུ་སྐྱེ་བར་བྱ་དགོས་སོ། །འཕགས་པ། ཅི་ཞིག་སྦྱོར་མཆིས། ཁྱོད་ཀྱིས་ཀྱང་ལྷུང་བཟེད་ཐོབ་ལ། བདག་གིས་ཀྱང་རིན་ཐོབ་ཀྱི་བཞུད་ཅིག། ཉེ་དགའ་ཡང་ལྷུང་བཟེད་ཁྱེར་ཏེ་གཙུག་ལག་ཁང་དུ་སོང་ནས་དེས་ལྷུང་བཟེད་དེ་དགེ་སློང་རྣམས་ལ་བསྟན་ཏེ་སྨྲས་པ། ཚེ་དང་ལྡན་པ་དག་ལྟོས་ཤིག་ཁོ་བོའི་ལྷུང་བཟེད་ཅི་འདྲ། གཞོན་ནུ་ཞིག་གིས་སྨྲས་པ། གནས་བརྟན། ཅི། ཁྱོད་ལ་ལྷུང་བཟེད་གཞན་མ་མཆིས་སམ། ཡོད་དོ། །འོ་ན་གནས་བརྟན་གྱིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་བཙལ་
Cha227b
དུ་རུང་ངམ། དགྲ་བོ་རྣམས་ཀྱི་གྲེ་བར་རྐང་པས་མནན་ནས་སོ། །གནས་བརྟན་ལ་དགྲ་བོ་དག་ཀྱང་མཆིས་སམ། གང་གི་ཕྱིར་ཁྱོད་ཁོ་བོའི་ལྷུང་བཟེད་གཉིས་པ་ཡང་མི་བཟོད་པས། ཇེ་ཁྱོད་ཁོ་བོའི་དགྲ་བོ་ཐུ་བོ་ཡིན་ནོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་ཚོལ་བར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ། དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་ཚོལ་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། དགེ་སློང་གིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་བཙལ་བར་
Cha228a
༄#། །མི་བྱའོ།། །།འདུལ་བ་རྣམ་པར་འབྱེད་པ། བམ་པོ་སོ་བཞི་པ། བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་བཙལ་བར་མི་བྱའོ། །ཞེས་བཀའ་སྩལ་ནས་བསོད་སྙོམས་པ་ཞིག་གི་ལྷུང་བཟེད་ཅུང་ཞིག་རྡོལ་ནས་དེས་དེ་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་དང ། དེས་ཕྱེ་དག་རྙེད་ནས་དེས་དེ་དག་ལྷུང་བཟེད་ཀྱི་སྣོད་ཀྱིས་མནོས་སོ། །འབྲས་ཅན་གཤེར་པ་རྙེད་ནས་དེས་དེ་དག་ལྷུང་བཟེད་ཀྱིས་མནོས་པ་དང ། དེ་ནས་ཟགས་པས་ཕྱེ་དག་གཤེར་བར་གྱུར་པ་དེ་དག་གིས་ལྷུང་བཟེད་ཀྱི་སྣོད་མ་རུང་བར་གྱུར་ནས་དེ་སྦྲང་བུ་དག་གིས་ཡོངས་སུ་བསྐོར་བར་གྱུར་པ་དང ། དེ་ལ་ཁྱེའུ་དང་བུ་མོ་དག་གིས་སྨྲས་པ། འཕགས་པ། ནོར་ཅན་དང ། ཚོང་དཔོན་དང ། དེད་དཔོན་དག་བཞིན་དུ་འཁོར་མང་པོར་འགྱུར་བའི་ལས་བྱས་པས་སྦྲང་བུ་དག་གིས་ཡོངས་སུ་བསྐོར་ཅིང་བཞུད་དོ། །ཁྱིམ་བདག་མགོན་མེད་ཟས་སྦྱིན་གྱིས་དེ་མཐོང་ནས་སྨྲས་པ། བྱིས་པ་དག་།ཅིའི་ཕྱིར་འཕགས་པ་ལ་མཐོ་འཚམ་པར་བྱེད། ཁྱིམ་བདག། འཕགས་པ་ལ་མཐོ་འཚམ་དུ་ཅི་མཆིས། འཕགས་པས། ནོར་ཅན་དང ། ཚོང་དཔོན་དང ། དེད་དཔོན་དག་བཞིན་དུ་འཁོར་མང་པོ་འགྱུར་བའི་ལས་བགྱིས་པས་སྦྲང་བུ་དག་གིས་ཡོངས་སུ་བསྐོར་ཅིང་བཞུད་དོ། །ཁྱིམ་བདག་མགོན་མེད་ཟས་སྦྱིན་གྱིས་དགེ་སློང་དེ་ལ་སྨྲས་པ། འཕགས་པ། བཅོམ་ལྡན་འདས་ཀྱིས་བསྟན་པ་ཀུན་ཏུ་མཛེས་པ་ལ་ཁྱོད་ཅི་ཅལ་ཅོལ་བྱེད།
Cha228b
ཁྱིམ་བདག་འདི་ལ་ཅལ་ཅོལ་དུ་གྱུར་པ་ཅི་ཡོད། ཁྱོད་ཀྱིས་ཁོ་བོ་རོལ་མོ་མཁན་གྱི་ཁྱིམ་དང ། འཇུད་མཐུན་མའི་ཁྱིམ་དང ། ཆང་མའི་ཁྱིམ་དང ། རྒྱལ་པོའི་ཕོ་བྲང་དང ། གདོལ་པའི་ཁྱིམ་དུ་ཞུགས་པར་མཐོང་ངམ། འཕགས་པ། འོ་ན་ཅིའི་ཕྱིར་ཁྱོད་བྱིས་པ་དག་གིས་བསྐོར་ཏེ་འཕྱ་བར་བྱེད། ཁྱིམ་བདག་།ཁོ་བོའི་ལྷུང་བཟེད་འདི་ཟག་གོ། འོ་ན་ཅིའི་ཕྱིར་ལྷུང་བཟེད་གཞན་མི་ཚོལ། བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ཡོད་ཅིང་བདོག་བཞིན་དུ་ལྷུང་བཟེད་གཞན་བཙལ་བར་མི་བྱའོ། །ཞེས་གསུངས་སོ། །འཕགས་པ། ཁྱོད་ཀྱི་ལྷུང་བཟེད་འདི་འདྲ་བ་ཡོད་ཅིང་བདོག་པ་ཡིན་ནམ། ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་གི་ལྷུང་བཟེད་རྡོལ་བ་དེས་གླན་པར་བྱའོ། །བཅོམ་ལྡན་འདས་ཀྱིས་གང་གི་ལྷུང་བཟེད་རྡོལ་པ་དེས་གླན་པར་བྱའོ། །ཞེས་བཅའ་བར་མཛད་ནས་དགེ་སློང་དག་ལྷན་པ་སྙི་བ་ལྔ་པོ་བུ་རམ་དང ། རྒྱ་སྐྱེགས་ཀྱི་ཚིགས་མ་དང ། སྤྲ་ཚིལ་དང ། རོ་ཉེ་དང ། ཚོན་མོ་སྟེང་དག་གིས་གློན་པར་བྱེད་ནས་དེ་དག་ཚ་བ་དང་ཕྲད་ནས་ཡང་ཟག་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལྷན་པ་སྙི་བ་ལྔ་པོ་དེ་དག་སྤངས་ཏེ་ལྷན་པ་སྲ་བ་ལྔ་པོ་གཞན་དག་གིས་གླན་པར་བྱའོ། །དགེ་སློང་དག་གིས་ལྷན་པ་སྲ་བ་ལྔ་པོ་དག་ཅི་འདྲ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ།
Cha229a
༄#། །ལྷན་རིང་དང ། ཐམ་ཕྲན་དང ། ལྷན་པ་དང ། ཆུ་སྲིན་གྱི་སོ་ལྟ་བུ་དང ། ཕྱེ་མས་སོ། །དགེ་སློང་རྣམས་ཀྱིས་ཕྱེ་མ་དུ་ཡོད་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཕྱེ་མ་གཉིས་ཏེ། ལྕགས་ཀྱི་ཕྱེ་མ་དང ། རྡོའི་ཕྱེ་མས་སོ། །ལྕགས་ཀྱི་ལྷུང་བཟེད་ལ་ལྕགས་ཀྱི་ཕྱེ་མས་གླན་པར་བྱའོ། །སའི་ལྷུང་བཟེད་ལ་ནི། རྡོའི་ཕྱེ་མས་གླན་པར་བྱའོ། །དེ་དག་ཆུར་ཕྱེ་མ་བདར་ཏེ་གློན་པར་བྱེད་ནས་དེ་དེ་བཞིན་དུ་གོགས་ནས་བཅོམ་ལྡན་འདས་ཀྱིས་བཀའ་སྩལ་པ། འབྲུ་མར་དུ་བདར་བས་གླན་པར་བྱའོ། །དེ་དག་ཧ་ཅང་དྲག་ཏུ་སྲེག་པས་དེ་གོགས་པ་དང ། ཧ་ཅང་ཆུང་ངུར་སྲོད་པས་མི་འཆགས་ནས་བཅོམ་ལྡན་འདས་ཀྱིས་བཀའ་སྩལ་པ། ཅི་རན་ཙམ་དུ་བསྲོ་བར་བྱའོ། །ཧ་ཅང་རྩུབ་པོར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། བདར་བར་བྱའོ། །དེ་དག་ཆུས་བླུགས་ཏེ་བདར་བར་བྱེད་པས་དེ་ཡང་གོགས་ནས་བཅོམ་ལྡན་འདས་ཀྱིས་བཀའ་སྩལ་པ། འབྲུ་མར་བླུགས་ཏེ་བདར་བར་བྱའོ། །ས་ལས་བྱས་པའི་ལྷུང་བཟེད་དག་རྡོལ་ནས་བཅོམ་ལྡན་འདས་ཀྱིས་བཀའ་སྩལ་པ། བུ་རམ་དང ། འཇིམ་པས་གླན་ནས་དེ་དག་བསྲོ་བར་བྱའོ། །བཅོམ་ལྡན་འདས་ཀྱིས་དེ་ལྟར་ལྷན་པ་ལྔ་པོ་དག་གིས་གླན་པར་བྱའོ། །ཞེས་བཅའ་བར་མཛད་ནས་དགེ་སློང་བསོད་སྙོམས་པ་ཞིག་གིས་ས་ལས་བྱས་པའི་ལྷུང་བཟེད་ལག་པ་ནས་ཤོར་ཏེ། གྱོ་དུམ་ལྔར་
Cha229b
གྱུར་ནས་དེས་དེ་དག་བུག་གུ་ཕུག་སྟེ། གྱོ་དུམ་དག་སྐུད་པས་བརྒྱུད་ནས་བསོད་སྙོམས་ལ་རྒྱུ་བར་བྱེད་དོ། །བཅོམ་ལྡན་འདས་ཀྱིས་ལྷུང་བཟེད་ལ་ཟས་མེད་པར་བྱའོ། །ཞེས་བཀའ་སྩལ་ནས་དེས་དེ་རུང་བར་བྱེད་པ་ན། བཤིག་ཅིང་བརྒྱུད་པར་བྱེད་པས་སྔ་དྲོ་ཐམས་ཅད་ཟད་པར་གྱུར་ནས་དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ། ཅི། ཁྱོད་ཀྱི་དགེ་བའི་ཕྱོགས་འདི་ལྟ་སྟེ། བཅིངས་པ་གྲོལ་བ་འདི་ཁོ་ན་ཡིན་ནམ། དེས་སྨྲས་པ། ཚེ་དང་ལྡན་པ་དག། བཅོམ་ལྡན་འདས་ཀྱིས་ལྷུང་བཟེད་ཆགས་པ་ལ་ལྷན་པ་སྲ་བ་ལྔ་པོ་དག་གིས་གླན་པར་བྱའོ། །ཞེས་བཅའ་བར་མཛད་དོ། །ཞེས་ཟེར་བའི་སྐབས་དང ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་རྗེས་སུ་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱི་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ལྷུང་བཟེད་ལྷན་པ་ལྔ་མེད་པ་སྤྱད་བཟོད་པ་
Cha230a
༄#། །ཡོད་བཞིན་དུ་བཟང་པོ་འདོད་པའི་ཕྱིར་ལྷུང་བཟེད་གསར་པ་གཞན་ཚོལ་ཞིང་ལྷུང་བཟེད་གྲུབ་ན། སྤང་བའི་ལྷུང་བྱེད་དོ། །དགེ་སློང་དེས་ལྷུང་བཟེད་དེ། དགེ་སློང་གི་འཁོར་ལ་དབུལ་བར་བྱའོ། །དགེ་སློང་གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ། དགེ་སློང་དེ་ལ། དགེ་སློང ། ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ། གཞན་ལ་སྦྱིན་པར་མི་བྱ་བར་ཆག་པའི་མཐར་ཐུག་པའི་བར་དུ་ཁད་ཀྱིས་དལ་བུ་དལ་བུས་སྤྱད་པར་བྱའོ། །ཞེས་སྦྱིན་པར་བྱ་སྟེ། དེ་ལ་དེ་ནི་ཆོ་ག་ཡིན་ནོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ།། ལྷུང་བཟེད་ལྷན་པ་ལྔ་མེད་པ་ཞེས་བྱ་བ་ནི་ལྷུང་བཟེད་ལྷན་པ་ལྔར་མ་ཚང་བའོ། །སྤྱད་བཟོད་པ་ཡོད་བཞིན་དུ་ཞེས་བྱ་བ་ནི་ཡོངས་སུ་ལོངས་སྤྱད་པར་བཟོད་པ་ཡོད་བཞིན་དུའོ། །བཟང་པོ་འདོད་པའི་ཕྱིར་ཞེས་བྱ་བ་ནི་མཆོག་འདོད་པའི་ཕྱིར་རམ། ཡང་དང་ཡང་འདོད་པའི་ཕྱིར་རོ། །ལྷུང་བཟེད་གསར་པ་ཞེས་བྱ་བ་ནི་གསར་པ་གཉིས་ཏེ། གསར་པས་གསར་པ་དང ། རྙེད་པས་གསར་པ་སྟེ། དོན་འདིར་ནི་གཉི་ག་ཡིན་པར་དགོངས་སོ། །གཞན་ཞེས་བྱ་བ་ནི་གཉིས་པའོ། །ཚོལ་ཞིང་ཞེས་བྱ་བ་ནི་ཚོལ་བར་བྱེད་ཅིང་ངོ ། །ལྷུང་བཟེད་གྲུབ་ན་ཞེས་བྱ་བ་ནི་ལྷུང་བཟེད་ཐོབ་ནའོ། །སྤང་པའི་ལྟུང་བྱེད་དོ་ཞེས་བྱ་བ་ནི་དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དགེ་སློང་དེས་ཞེས་བྱ་བ་ནི་དགེ་སློང་གང་ཡིན་
Cha230b
པ་དེས་སོ། །ལྷུང་བཟེད་དེ་ཞེས་བྱ་བ་ནི་ལྷུང་བཟེད་འབྲེལ་པ་མེད་པ་དེའོ། །དགེ་སློང་གི་འཁོར་ལ་དབུལ་བར་བྱའོ། །ཞེས་བྱ་བ་ནི་དེ་ན་དགེ་སློང་གང་དག་འཁོད་པ་ལའོ། །དགེ་སློང་གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ། དགེ་སློང་དེ་ལ། དགེ་སློང་ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ། གཞན་ལ་སྦྱིན་པར་མི་བྱ་བར་ཆག་པའི་མཐར་ཐུག་གི་བར་དུ་ཁད་ཀྱིས་དལ་བུ་དལ་བུས་སྤྱད་པར་བྱའོ། །ཞེས་སྦྱིན་པར་བྱ་སྟེ་ཞེས་བྱ་བ་ལ་དགེ་སློང་གི་དགེ་འདུན་གྱིས་ཀྱང་ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་བསྐོ་བར་བྱ་སྟེ། ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། ལྷུང་བཟེད་འབྲེལ་པ་མེད་པ་བྲིམས་པ་དང་མ་བྲིམས་པ་མི་ཤེས་པའོ། །ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། ལྷུང་བཟེད་འབྲེལ་པ་མེད་པ་བྲིམས་པ་དང་མི་བྲིམས་པ་ཤེས་པའོ། །འདི་ལྟར་བསྐོ་བར་བྱ་སྟེ། ཇེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད། དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་པར་སྤྲོའམ། གལ་ཏེ་སྤྲོ་ན་དེས་སྤྲོའོ་
Cha231a
༄#། །ཞེས་བརྗོད་པར་བྱའོ། །དེའི་འོག་ཏུ་དེས་གནས་མལ་བཤམས་པ་བྱས་ཏེ་གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་སྟེ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི། དགེ་འདུན་ལ་ལྷུང་བཟེད་འབྲེལ་བ་མེད་པ་འབྲིམ་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། དགེ་འདུན་ལ་ལྷུང་བཟེད་འབྲེལ་བ་མེད་པ་འབྲིམ་པར་བསྐོའོ། །འདི་ནི། གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི།་དགེ་འདུན་ལ་ལྷུང་བཟེད་འབྲེལ་བ་མེད་པ་འབྲིམ་པར་སྤྲོ་སྟེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། དགེ་འདུན་ལ་ལྷུང་བཟེད་འབྲེལ་བ་མེད་པ་འབྲིམ་པར་བསྐོ་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི། དགེ་འདུན་ལ་ལྷུང་བཟེད་འབྲེལ་པ་མེད་པ་འབྲིམ་པར་བསྐོ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། དགེ་འདུན་ལ་ལྷུང་བཟེད་འབྲེལ་བ་མེད་པ་འབྲིམ་པར་བསྐོས་
Cha231b
ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་ལྷུང་བཟེད་འབྲེལ་བ་མེད་པ་འབྲིམ་པའི་དགེ་སློང་གི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། ལྷུང་བཟེད་འབྲེལ་བ་མེད་པ་འབྲིམ་པའི་དགེ་སློང་གིས་ཚོགས་པའི་དུས་སུ་དགེ་འདུན་ལ་ཚེ་དང་ལྡན་པ་དག་།བདག་སང་དག་འདུན་ལ་ལྷུང་བཟེད་འབྲེལ་བ་མེད་པ་འབྲིམ་པར་འགྱུར་གྱི། ཁྱེད་ཅག་ནང་པར་གཎྜཱི་བརྡུངས་པ་ན་རང་རང་གི་ལྷུང་བཟེད་དག་ཐོགས་ལ་དགེ་འདུན་གྱི་ནང་དུ་གཤེགས་པར་མཛོད་ཅིག་ཅེས་བསྒོ་བར་བྱའོ། །དེ་ནས་ལྷུང་བཟེད་འབྲེལ་བ་མེད་པ་འབྲིམ་པའི་དགེ་སློང་གིས་ཕྱི་དེ་ཉིན་པར་གནས་མལ་བཤམས་པ་བྱས་ཏེ་གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་བར་བྱའོ། །དགེ་སློང་རྣམས་ཀྱིས་རང་རང་གི་ལྷུང་བཟེད་དག་བྱིན་གྱིས་བརླབས་པ་ཕྱུང་ཞིང་ཐོགས་ཏེ་དགེ་འདུན་གྱི་ནང་དུ་འཇུག་པར་བྱའོ། །དེ་ནས་ལྷུང་བཟེད་འབྲེལ་བ་མེད་པ་འབྲིམ་པའི་དགེ་སློང་གིས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་ལྷུང་བཟེད་འབྲེལ་པ་མེད་པ་ཐོགས་ཏེ་རྒན་པའི་མཐའ་ལོགས་སུ་ཕྱག་འཚལ་ནས་དགེ་འདུན་གྱི་གནས་བརྟན་གྱི་མདུན་དུ་འདུག་སྟེ། གནས་བརྟན། ལྷུང་བཟེད་འདི་ནི། ཤིན་ཏུ་གསལ་བ། དབྱིབས་ལེགས་པ། ལོངས་སྤྱད་པར་བཟོད་པ་ལགས་ཀྱི། གལ་ཏེ་བཞེད་ན། སྣོམས་ཤིག་ཅེས་ཡོན་ཏན་ཇི་ལྟ་བ་བཞིན་དུ་ལྷུང་བཟེད་འབྲེལ་བ་མེད་པའི་བསྔགས་པ་བརྗོད་དེ་དབུལ་བར་བྱའོ། །དགེ་འདུན་གྱི་གནས་བརྟན་གྱིས་ཀྱང་གལ་ཏེ་འདོད་ན། བླང་བར་
Cha232a
༄#། །བྱའོ། །གལ་ཏེ་དགེ་འདུན་གྱི་གནས་བརྟན་གྱིས་ལྷུང་བཟེད་དེ་བླངས་ན། དགེ་འདུན་གྱི་གནས་བརྟན་གྱི་ལྷུང་བཟེད་གང་ཡིན་པ་དེ། གནས་བརྟན་གཉིས་པ་ལ་དབུལ་བར་བྱའོ། །གནས་བརྟན་གཉིས་པའི་ལྷུང་བཟེད་གང་ཡིན་པ་དེ། གནས་བརྟན་གསུམ་པ་ལ་དབུལ་བར་བྱའོ། །དེ་བཞིན་དུ་དགེ་འདུན་གྱི་གསར་བུ་གཉིས་པའི་ལྷུང་བཟེད་གང་ཡིན་པ་དེ། དགེ་འདུན་གྱི་གསར་བུ་ལ་དབུལ་བའི་བར་དུའོ། །གལ་ཏེ་དགེ་འདུན་གྱི་གནས་བརྟན་གྱིས་མ་བླངས་ན། གནས་བརྟན་གཉིས་པ་ལ་དབུལ་བར་བྱའོ། །གལ་ཏེ་གནས་བརྟན་གཉིས་པས་མ་བླངས་ན། གནས་བརྟན་གསུམ་པ་ལ་དབུལ་བར་བྱའོ། །གལ་ཏེ་གནས་བརྟན་གསུམ་པས་བླངས་པ་ན། དགེ་འདུན་གྱི་གནས་བརྟན་སློང་བར་བྱེད་ན། བརྗོད་པ་དང་པོ་ལ་སྦྱིན་པར་མི་བྱ་ཞིང ། བརྗོད་པ་གཉིས་པ་ལ་ཡང་སྦྱིན་པར་མི་བྱའོ། །བརྗོད་པ་གསུམ་པ་ལ་སྦྱིན་པར་བྱ་སྟེ། དགེ་འདུན་གྱི་གནས་བརྟན་གྱིས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པར་བྱའོ། །དེ་བཞིན་དུ་དགེ་འདུན་གྱི་གསར་བུ་གསུམ་པས་མ་བླངས་ན། གསར་བུ་གཉིས་པ་ལ་དབུལ་བར་བྱའོ། །གལ་ཏེ་གསར་བུ་གཉིས་པས་མ་བླངས་ན། གསར་བུ་ལ་དབུལ་བར་བྱའོ། །གལ་ཏེ་དགེ་འདུན་གྱི་གསར་བུས་བླངས་པ་ན། གསར་བུ་གསུམ་པ་སློང་བར་བྱེད་ན། བརྗོད་པ་དང་པོ་ལ་སྦྱིན་པར་མི་བྱ་ཞིང ། བརྗོད་པ་གཉིས་པ་ལ་ཡང་སྦྱིན་པར་མི་བྱའོ། །བརྗོད་པ་གསུམ་པ་ལ་སྦྱིན་པར་
Cha232b
བྱ་སྟེ། དགེ་འདུན་གྱི་གསར་བུ་གསུམ་པས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པའི་བར་དུ་བྱའོ། །དགེ་སློང་གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ། དགེ་སློང་དེ་ལ། དགེ་སློང ། ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ། གཞན་ལ་སྦྱིན་པར་མི་བྱ་བར་ཆག་པའི་མཐར་ཐུག་གི་བར་དུ་ཁད་ཀྱིས་དལ་བུ་དལ་བུས་སྤྱད་པར་བྱའོ། །ཞེས་སྦྱིན་པར་བྱའོ། །ལྷུང་བཟེད་འབྲེལ་པ་མེད་པ་འབྲིམ་པའི་དགེ་སློང་གི་ཀུན་ཏུ་སྤྱད་པར་བྱ་བའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །ངས་ལྷུང་བཟེད་འབྲེལ་པ་མེད་པ་འཆང་བའི་དགེ་སློང་གི་ཀུན་ཏུ་སྤྱད་པར་བྱ་བའི་ཆོས་དག་བཅའ་བར་བྱ་སྟེ། ལྷུང་བཟེད་འབྲེལ་པ་མེད་པ་འཆང་བའི་དགེ་སློང་གིས་ལྷུང་བཟེད་ཀྱི་སྣོད་གཉིས་ཉེ་བར་གཞག་པར་བྱ་ཞིང་དེ་ལ་བཟང་པོ་གང་ཡིན་པ་དེར་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང ། ཅིག་ཤོས་སུ་ལྷུང་བཟེད་བྱིན་གྱིས་བརླབས་པ་གཞུག་པར་བྱའོ། ། དེས་ལྷུང་བཟེད་གཉི་ག་ཐོགས་ཏེ་བསོད་སྙོམས་ལ་འཇུག་པར་བྱ་ཞིང ། གལ་ཏེ་འབྲས་ཆན་སྐམ་པོ་རྙེད་ན། ལྷུང་བཟེད་འབྲེལ་པ་མེད་པས་བླང་བར་བྱའོ། །གལ་ཏེ་འབྲས་ཆན་གཤེར་བ་རྙེད་ན། ལྷུང་བཟེད་བྱིན་གྱིས་བརླབས་པས་བླང་བར་བྱའོ། །གཙུག་ལག་ཁང་དུ་འོངས་ནས་དཀྱིལ་འཁོར་བྱས་ཏེ་ལྷུང་བཟེད་འབྲེལ་པ་མེད་པ་མདུན་དུ་བཞག་ནས་ལྷུང་བཟེད་བྱིན་གྱིས་བརླབ་པར་བཟའ་བར་
Cha233a
༄#། །བྱའོ། །ཟོས་ཟིན་ནས་བྱི་དོར་དང་ཁ་ཟས་འབགས་པའི་དྲིལ་ཕྱི་བྱ་བ་ཡང་དང་པོར་ལྷུང་བཟེད་འབྲེལ་པ་མེད་པ་ལ་བྱ་ཞིང ། དེའི་འོག་ཏུ་ལྷུང་བཟེད་བྱིན་གྱིས་བརླབས་པ་ལ་བྱའོ། །བཀྲུ་བ་དང ། བསྐམ་པ་དང ། ལྕི་བས་དྲུད་པ་ལ་ཡང་དེ་བཞིན་དུ་བྱའོ། །གལ་ཏེ་ལྷུང་བཟེད་ཀྱི་ངོས་ཁུང་གཉིས་ཡོད་ན། བཟང་པོ་གང་ཡིན་པ་དེར་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང ། གཅིག་ཤོས་སུ་ལྷུང་བཟེད་བྱིན་གྱིས་བརླབས་པ་གཞུག་པར་བྱའོ། །གལ་ཏེ་ངོས་ཁུང་གཅིག་ཡོད་ལ་གལ་ཏེ་ཤོད་བཟང་ན། ཤོད་དུ་ལྷུང་བཟེད་འབྲེལ་པ་མེད་པ་གཞག་པར་བྱ་ཞིང ། ངོས་ཁུང་དུ་ལྷུང་བཟེད་བྱིན་གྱིས་བརླབས་པ་གཞུག་པར་བྱའོ། །གལ་ཏེ་ངོས་ཁུང་བཟང་ན། ངོས་ཁུང་དུ་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང ། ཤོད་དུ་ལྷུང་བཟེད་བྱིན་གྱིས་བརླབས་པ་གཞག་པར་བྱའོ། །ལྷུང་བཟེད་ཀྱི་ལས་བྱེད་པ་ན། གལ་ཏེ་རྫ་བོ་གཉིས་ཡོད་ན། རྫ་བོ་བཟང་པོ་གང་ཡིན་པ་དེར་ལྷུང་བཟེད་འབྲེལ་པ་མེད་པ་བསྲེག་པར་བྱ་ཞིང ། གཅིག་ཤོས་སུ་ལྷུང་བཟེད་བྱིན་གྱིས་བརླབས་པ་བསྲེག་པར་བྱའོ། །གལ་ཏེ་རྫ་བོ་གཅིག་ཡིན་ན། གལ་ཏེ་འོག་མ་ལེགས་པར་ཚོས་པར་འགྱུར་ན། འོག་ཏུ་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང ། སྟེང་དུ་ལྷུང་བཟེད་བྱིན་གྱིས་བརླབས་པ་གཞག་པར་བྱའོ། །གལ་ཏེ་སྟེང་དུ་བཞག་པ་ལེགས་པར་ཚོས་པར་འགྱུར་ན། སྟེང་དུ་ལྷུང་བཟེད་འབྲེལ་པ་མེད་པ་གཞག་པར་བྱ་ཞིང ། འོག་ཏུ་ལྷུང་བཟེད་བྱིན་གྱིས་
Cha233b
བརླབས་པ་གཞུག་པར་བྱའོ། །ལམ་དུ་འགྲོ་བ་ན་ལྷུང་བཟེད་ཀྱི་སྣོད་གཉིས་བསྐུར་བར་བྱ་སྟེ། དེ་ལ་བཟང་པོ་གང་ཡིན་པ་དེར་ལྷུང་བཟེད་འབྲེལ་པ་མེད་པ་གཞུག་པར་བྱ་ཞིང ། གཅིག་ཤོས་སུ་ལྷུང་བཟེད་བྱིན་གྱིས་བརླབ་པ་གཞུག་པར་བྱའོ། །གལ་ཏེ་ཁུར་ཚ་བ་འགའ་ཞིག་ཡོད་ན། དེ་ལ་ལྷུང་བཟེད་བྱིན་གྱིས་བརླབས་པ་བཀུར་བར་བྱ་ཞིང ། བདག་ཉིད་ཀྱིས་ལྷུང་བཟེད་འབྲེལ་པ་མེད་པ་བཀུར་བར་བྱའོ། ། གལ་ཏེ་ཁུར་ཚ་བ་འགའ་ཡང་མེད་ན། ཕྲག་པ་གཡོན་པས་ལྷུང་བཟེད་འབྲེལ་པ་མེད་པ་བཀུར་བར་བྱ་ཞིང ། ཕྲག་པ་གཡས་པས་ལྷུང་བཟེད་བྱིན་གྱིས་བརླབས་པ་བཀུར་བར་བྱའོ། །འདི་ནི། རེ་ཞིག་ཆད་པའི་ལས་ཡིན་ཏེ། ཚུལ་ཁྲིམས་ཡང་དག་པར་རྗེས་སུ་སྲུང་བས་ཇི་སྲིད་འཚོའི་བར་དུ་སྤྱད་པར་བྱའོ། །ལྷུང་བཟེད་འབྲེལ་པ་མེད་པ་འཆང་བའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དེ་ལ་དེ་ནི། ཆོ་ག་ཡིན་ནོ། །ཞེས་བྱ་བ་ནི། དེ་ལ་དེ་ནི། རྗེས་སུ་མཐུན་པའི་ཆོས་ཡིན་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གི་ལྷུང་བཟེད་ཆག་ཀྱང་ལྷན་པ་གཅིག་གིས་གླན་པར་འོས་ཤིང་མ་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་གསར་པ་གཞན་ཚོལ་བར་བྱེད་ན་དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་གཉིས་ཀྱིས་གླན་པར་འོས་ཤིང་མ་གླན་ལ་སྤྱད་བཟོད་པ་ཡིན་ན།
Cha234a
༄#། །དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་གསར་པ་གཞན་ཚོལ་བར་བྱེད་ན། དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་གསུམ་གྱིས་གླན་པར་འོས་ཤིང་མ་གླན་ལ་སྤྱད་བཟོད་པ་མ་ཡིན་ན། དེ་ལ་ལྷུང་བཟེད་སྤྱད་བཟོད་པ་ཡོད་བཞིན་དུ་ལྷུང་བཟེད་གསར་པ་གཞན་ཚོལ་བར་བྱེད་ན། དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་པ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་བཞིས་གླན་པར་འོས་ཤིང་མ་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་གསར་པ་གཞན་ཚོལ་བར་བྱེད་ན། དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་གཅིག་གི་གླན་པར་འོས་ཤིང་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་གསར་པ་གཞན་ཚོལ་བར་བྱེད་ན། དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་གཉིས་ཀྱིས་གླན་པར་འོས་ཤིང་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་གསར་པ་གཞན་ཚོལ་བར་བྱེད་ན། དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟེད་ཆག་ཀྱང་ལྷན་པ་གསུམ་
Cha234b
གྱིས་གླན་པར་འོས་ཤིང་གླན་ལ་སྤྱད་བཟོད་པ་ཡིན་ན། དེ་ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་གསར་པ་གཞན་ཚོལ་བར་བྱེད་ན། དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ལྷུང་བཟེད་ཆག་ཀྱང་ལྷན་པ་བཞིས་གླན་པར་འོས་ཤིང་གླན་ལ་སྤྱད་བཟོད་པ་ཡིན་ན། ལྷུང་བཟེད་སྤྱད་བཟོད་པ་དེ་ཡོད་བཞིན་དུ་ལྷུང་བཟེད་གསར་པ་གཞན་ཚོལ་བར་བྱེད་ན། དེ་ཚོལ་བ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གི་ལྷུང་བཟད་ཆག་ཅིང་ལྷན་པ་ལྔས་གླེན་པར་འོས་པ་ཡིན་ན། དེ་དེས་གླན་ཡང་རུང ། མ་གླན་ཡང་རུང ། སྤྱད་བཟོད་ཀྱང་རུང ། སྤྱད་མི་བཟོད་ཀྱང་རུང ། ལྷུང་བཟེད་གསར་པ་གཞན་ཚོལ་བར་བྱེད་ན། དེ་ཚོལ་བ་ལ་ཡང་ལྟུང་བ་མེད་ལ། ཐོབ་ན་ཡང་ལྟུང་བ་མེད་དོ། །རིན་གྱིས་ལེན་པ་དང ། བརྗེ་བས་ལེན་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལྷུང་བཟེད་ཚོལ་བའི་སྤང་བ་སྟེ། ཉི་ཤུ་གཉིས་པ་རྫོགས་སོ།། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཉེ་དགས་བསམ་པ། འདི་དག་ཐམས་ཅད་ཁྱིམ་བདག་མགོན་མེད་ཟས་སྦྱིན་གྱིས་བསླབ་པའི་གཞི་དག་གིས་བསྡམས་པས། ཕྱིན་ཆད་རས་ཡུག་ཕྲན་སྦོམ་པོ་གཅིག་གི་རིན་ཡང་གང་ལས་ཀྱང་བསླང་བར་མི་ནུས་ཀྱི། སོང་སྟེ་བལྟས་ལ། གལ་ཏེ་ལ་ལ་ལས་བསླང་བར་ནུས་ཀྱང་
Cha235a
༄#། །སྲིད་དོ། །སྙམ་ནས་དེ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་ཤར་སྒོ་ནས་བསོད་སྙོམས་ལ་ཞུགས་པ་དང ། སྐྱེད་མོས་ཚལ་ཞིག་ན་ཡུགས་ས་མོ་ལྔ་བརྒྱ་ཙམ་དོག་པ་འཁལ་ཞིང་འཁོད་པ་དེ་དག་དེས་མཐོང་ནས་བསམ་པ། འདི་དག་ནི། ལས་བདག་གིར་བྱ་བ་དང་ལྡན་པ་དག་ཅིག་སྟེ། ཉིན་མཚན་དུ་ཐོང་གཤོལ་དཀར་པོ་སྤྱོད་ཀྱང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་རྒྱུ་དཔྱ་འཇལ་བར་མི་བྱེད་པ་དག་ཡིན་ནོ། །སྙམ་ནས་དེས་དེ་དག་ལ་སྨྲས་པ། སྲིང་མོ་དག་། རོག་ཀྱ། ཨ་རོག་ཀྱ། དེ་དག་ཅང་མི་སྨྲ་བས་འཁོད་པ་དང་དེས་དེ་དག་ལ་སྨྲས་པ། སྲིང་མོ་དག་།སྐྱེ་བོ་མང་པོ་མི་འདོད་པ་དང ། སྐྱེ་བོ་མང་པོ་མི་དགའ་བ་དང ། སྐྱེ་བོ་མང་པོ་ལ་མི་སྡུག་པ་དང ། སྐྱེ་བོ་མང་པོའི་ཡིད་དུ་མི་འོང་བ་འཇིག་རྟེན་ཐམས་ཅད་དང་ཐུན་མོང་བ། འདི་ལྟ་སྟེ། འཆི་བ་ཞེས་བྱ་བའི་ཆོས་དེ་འོང་བར་འགྱུར་བས་ཁྱེད་ཅག་དེའི་ཚེ་ཚིག་སྨྲར་ནི། དང་པོ་ཉིད་ནས་མི་ནུས་པར་འགྱུར་རོ། །དེ་ན་གཞོན་ནུ་མ་བསོད་ནམས་འདོད་པ་ཞིག་འདུག་པ་དེས་སྟན་ལས་ལངས་ཏེ་ཉེ་དགའི་སྟན་བཏིང་བ་དང་ཉེ་དགའ་དེ་ལ་འདུག་ནས། དེས་ཉེ་དགའི་རྐང་པ་ལ་ཕྱག་འཚལ་ཏེ་མདུན་དུ་འདུག་གོ་།ཉེ་དགས་དེ་དག་ལ་སྨྲས་པ། སྲིང་མོ་དག ། ཁྱེད་ཅག་ལ་དགེ་བའི་ཆོས་ཡང་དག་པར་བླངས་ཏེ་འཇུག་པར་བྱ་བ་ཅུང་ཟད་ཡོད་དམ། འཕགས་པ། ཅི་ཡང་མ་མཆིས་སོ། །སྲིང་མོ་དག་།མ་ལེགས་སོ། །བུ་མོ་འདིས་ནི། རེ་ཞིག་དགེ་བའི་
Cha235b
ཆོས་གཉིས་བྱས་ཤིང་བསགས་ཏེ། འདིས་ཁོ་བོ་ལ་སེམས་མངོན་པར་དད་པར་བྱས་པ་གང་ཡིན་པ་དེ་ནི། འདིས་ཕྱུག་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། །འདིས་ཁོ་བོ་ལ་སྔོན་དུ་ལྡང་བ་བྱས་ཤིང ། སྟན་བཏིང་བ་དང ། ཕྱག་བྱས་པ་གང་ཡིན་པ་དེ་ནི། འདིས་རིགས་མཐོན་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། །གལ་ཏེ་ཅུང་ཟད་སྦྱིན་པར་བྱེད་ན། དེ་ནི། འདིའི་ལོངས་སྤྱོད་ཆེན་པོར་འགྱུར་བ་ཡིན་ནོ། །སྲིང་མོ་དག་།ཁྱེད་ཅག་གི་འཚོ་ཚིས་དག་ག་ལས་འབྱུང ། འཕགས་པ། བསྒྱུར་བ་འདི་ཉིད་ལས་སོ། །གོས་དག་ག་ལས་འབྱུང ། བསྒྱུར་བ་འདི་ཉིད་ལས་སོ། །ཁྱེད་ཅག་གིས་འཇིག་རྟེན་ཕ་རོལ་ཏུ་འགྲོ་བའི་ལམ་རྒྱགས་ཅུང་ཟད་ཁྱེར་བ་ཡོད་དམ། འཕགས་པ། དེ་ནི། ཐམས་ཅད་ཀྱི་ཐམས་ཅད་དུ་མ་མཆིས་སོ། །སྲིང་མོ་དག་།མ་ལེགས་སོ། །མ་ལེགས་སོ། །འཕགས་པ། སུ་ལ་ཐུགས་ངན་མཛད། ཁྱེད་ཅག་ལ་སྟེ། ཁྱེད་ཅག་འཇིག་རྟེན་ཕ་རོལ་ནས་ཀྱང་བཅོམ་ཞིང་འདིར་འོངས་ལ། འདི་ནས་ཀྱང་བཅོམ་བཞིན་དུ་འཇིག་རྟེན་ཕ་རོལ་ཏུ་འགྲོ་བར་བྱེད་དོ། །འཕགས་པ། གང་གིས་བདག་ཅག་གིས་འཇིག་རྟེན་ཕ་རོལ་ཏུ་མཆི་བའི་ཤུལ་རྒྱགས་ཅུང་ཟད་བཀུར་བའི་ཐབས་ཅི་མཆིས། སྲིང་མོ་དག་།གལ་ཏེ་ཁྱོད་ཀྱིས་དགེ་སྦྱོང་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་དང་ལྡན་པ་གང་ཡིན་པ་དེ་ལ་རས་ཡུག་ཆེན་པོ་བསྐོན་ན། དེས་ཁྱེད་ཅག་གིས་འཇིག་རྟེན་ཕ་རོལ་
Cha236a
༄#། །ཏུ་འགྲོ་བའི་ལམ་རྒྱགས་མང་པོ་ཁྱེར་བར་འགྱུར་རོ། །འཕགས་པ། བདག་ཅག་གིས་དགེ་སློང་དེ་ལྟ་བུ་ག་ལས་རྙེད། སྲིང་མོ་དག་།ཁྱེད་ཀྱིས་ཁོ་བོ་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་དང་ལྡན་པ་ཡིན་པར་མི་ཤེས་སམ། འཕགས་པ། བདག་ཅག་ལ་རས་ཡུག་ཆེན་གྱི་འབྱོར་པ་ག་ལས་མཆིས། སྲིང་མོ་དག་།ཁྱོད་ཀྱིས། བསོད་ནམས་ཆུང་ཡང་བརྙས་མི་བྱ། །འདི་ནི་བདག་ལ་མི་འོང་མིན། །ཆུ་ཡི་ཐིགས་པ་འཛག་པ་ཡིས། །སྣོད་ཆེན་གང་བར་འགྱུར་བ་བཞིན། ། བརྟན་པ་རྣམས་ཀྱིས་བསོད་ནམས་ནི། །ཅུང་ཟད་ཅུང་ཟད་བསགས་ན་རྫོགས། །ཞེས་བྱ་བ་དེ་ནི། མི་ཤེས་སམ། ཁྱོད་ཀྱིས་རེ་ཞིག་དོག་པ་སྲང་གཅིག་སྦྱིན་ནུས་སམ། རྔོ་ཐོགས་སོ། །གཞན་ཞིག་གིས་སྨྲས་པ། བདག་གིས་ཀྱང་སྲང་ཕྱེད་འབུལ་ལོ། །གཞན་ཞིག་གིས་ཀྱང་སྨྲས་པ། བདག་གིས་ཀྱང་སྲང་གི་བཞི་ཆ་གཅིག་དབུལ་ལོ། །དེ་བཞིན་དུ་ཐམས་ཅད་ཀྱིས་ཀྱང་ཤས་ཤས་ཀྱི་དབུལ་བར་ཁས་བླངས་སོ། །ཉེ་དགས་སྨྲས་པ། སྲིང་མོ་དག་།དོག་པ་ཕྲ་མོ་དག་བྱིན་ཅིག་།འཕགས་པ། བདག་ཅག་ཐམས་ཅད་ནི། སྦོམ་པོ་འཁལ་བ་དག་ལགས་སོ། །བདག་ཅག་གི་ནང་ན་བདེ་གནས་མ་ཞིག་ནི། ཕྲ་མོར་འཁལ་ལོ། །སྲིང་མོ་དག་།དེ་ཇེ་བོས་ཤིག་།དེ་དག་གིས་དེ་བོས་པ་དང ། ཉེ་དགས་དེ་ལ་སྨྲས་པ། བུ་མོ། ཇེ་དོག་བ་ཕྲར་ཁོལ་ཅིག་།དེས་ཕྲར་བཀལ་བ་དང་
Cha236b
ཉེ་དགས་སྨྲས་པ། བུ་མོ་དེ་བས་ཀྱང་ཕྲར་ཁོལ་ཅིག་།དེས་དེ་བས་ཀྱང་ཕྲར་བཀལ་བ་དང ། ཉེ་དགས་ཡང་དང་ཡང་དུ་བུ་མོ་དེ་བས་ཀྱང་ཕྲར་ཁོལ་ཅིག་།ཅེས་སྨྲས་པ་དང ། དེས་སྨྲས་པ། འཕགས་པ། འདི་ལས་ཕྲ་བར་ནི་རྔོ་མི་ཐོགས་སོ། །ཉེ་དགས་དེ་དག་ལ་སྨྲས་པ། སྲིང་མོ་དག་།ཁྱེད་ཅག་ཐམས་ཅད་ཀྱིས་དོག་པ་འདི་འདྲ་བ་ཤ་སྟག་བྱིན་ཅིག་།འཕགས་པ། བདག་ཅག་གིས་དོག་པ་འདི་འདྲ་བར་འཁལ་དུ་རྔོ་མི་ཐོགས་སོ། །བུ་མོ་འདིས་ཀྱང་མི་ནུས་སམ་ཅི། ཁྱེད་ཅག་གིས་འདིའི་དོན་དུ་ཁོལ་ལ་འདི་ཁྱེད་ཅག་གི་དོན་དུ་འཁལ་དུ་ཅུག་ཅིག་།འཕགས་པ། གལ་ཏེ་བཏུབ་ནའོ། །ཉེ་དགས་དེ་ལ་སྨྲས་པ།་བུ་མོ། གྱིས་ཤིག་དང་ཁྱོད་ལ་བསོད་ནམས་སུ་འགྱུར་རོ། །འཕགས་པ། དོག་པ་འདི་ནི། ཕྲ་བདར་ཆེ་བ་ལགས་པས་ཡུན་རིང་མོས་བཀའ་འཚལ་གྱི། ཧ་ཅང་དོས་དྲག་ཏུ་མ་མཛད་པར་དུས་འདི་ཙམ་ན་སྤྱོན་ཅིག་།ཉེ་དགས་དེ་ལ་ཨ་རོག་ཀྱ། ཞེས་སྨྲས་ནས་སྟན་ལས་ལངས་ཏེ་སོང་ངོ ། །བདེ་གནས་མ་དེས་དུས་དེ་སྲིད་ཀྱི་དོག་པ་བཀལ་ནས་དེ་གཞན་དག་གི་གན་དུ་སོང་སྟེ་ཐམས་ཅད་འདུས་ནས་དོག་པ་དེ་ཉེ་དགའ་ལ་ཕུལ་ལོ། །ཉེ་དགས་དེ་དག་ལ་ཨ་རོག་ཀྱ། སྦྱིན་པ་འདི་ཁྱོད་ཀྱི་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་།ཅེས་སྨྲས་ཏེ་སོང་ངོ ། །དེ་ནས་ཉེ་དགས་དོག་པ་དེ་ཁྱེར་ཏེ་གཙུག་ལག་ཁང་དུ་སོང་ནས། དེས་དགེ་སློང་རྣམས་ལ་དོག་པ་དེ་བསྟན་ཏེ་སྨྲས་པ། ཚེ་དང་ལྡན་པ་དག །
Cha237a
༄#། །ཁོ་བོའི་དོག་པ་ཅི་འདྲ་ལྟོས། གནས་བརྟན། དོག་པ་བཟང་ངོ ། །གནས་བརྟན་གྱིས་གང་རས་ཡུག་ཆེན་འཐག་པར་འགྱུར་བའི་ཐ་ག་པ་འགའ་བཙལ་པ་མཆིས་སམ།་ཚེ་དང་ལྡན་པ་དག་།ཅི་ཁྱོད་ཀྱིས་ཉེ་དགའ་ཟིལ་གྱིས་གནོན་ཏམ། གལ་ཏེ་ཉེ་དགའ་རབ་ཏུ་མ་བྱུང་དུ་ཟིན་ན། ཉེ་དགའ་རང་ཉིད་འཐག་པར་འགྱུར་རོ། །གནས་བརྟན། བདག་ཅག་གིས་གནས་བརྟན་ག་ལ་ཟིལ་གྱིས་གནོན། འདི་ལྟར། ར་བ་ག་གེ་མོའི་དྲུང་ན་ཐ་ག་པ་སྤྱི་ཅེར་ཁྱོ་ཤུག་མཆིས་ཏེ། གལ་ཏེ་དེས་དོག་པ་འདི་སྙེད་དུ་ལགས་ན། ཆེན་པོ་ལ་འོས་པའི་རས་ཡུག་ཆེན་འགྲུབ་པར་འགྱུར་རོ། །བུ་དག་། རོག་ཀྱ། དོན་གྱིས་ན། ཁྱེད་ཀྱིས་ཁོ་བོའི་རས་ཡུག་ཆེན་འཐག་ཏུ་བཅུག་གོ་།ཞེས་དེས་དོག་པ་དེ་ཁྱེར་ཏེ་ཐ་ག་པ་དེའི་ཁྱིམ་དུ་སོང་བ་དང ། དེས་ཐ་ག་པ་དེ་ཐག་རིང་པོ་ཁོ་ན་ནས་མཐོང་ནས་ཚིགས་སུ་བཅད་པ་སྨྲས་པ། མཁས་པ་རིང་ནས་རབ་སྣང་བ། །གངས་དང་ལྡན་པའི་རི་བོ་བཞིན། །མི་མཁས་རབ་ཏུ་མི་སྣང་བ། །མུན་པའི་ནང་དུ་མདའ་འཕངས་བཞིན། ། བཞིན་བཟང ། ཁྱོད་ཀྱི་གྲགས་པས་མཉན་ཡོད་ཐམས་ཅད་གང་བར་གྱུར་པ་ནི། ཁྱོད་ཀྱིས་རྙེད་པ་ལེགས་པར་རྙེད་པ་ཡིན་ནོ། །དོག་པ་འདི་ཅི་འདྲ་ཇེ་ལྟོས་ཤིག་།འཕགས་པ། དོག་པ་བཟང་ངོ། །དོག་པ་ནི། འདི་ལགས་ལ། ཐ་ག་པ་ནི། བདག་ལགས་ན། ཆེན་པོ་ལ་འོས་པའི་རས་ཡུག་ཆེན་དུ་འགྱུར་རོ། །བཞིན་བཟང ། ཐོགས་ཤིག་།འཕགས་པ། བདག་ལ་ཐགས་གླ་སུས་
Cha237b
སྩོལ་བར་འགྱུར། བཞིན་བཟང ། ཁྱོད་རྟག་པ་ཉིད་དུ་ཐགས་གླས་མི་ངོམས་སམ། འཇིག་རྟེན་ཕ་རོལ་ཏུ་འགྲོ་བའི་ལམ་རྒྱགས་ཀྱང་བཀུར་བར་གྱིས་ཤིག་།དེ་ལ་ཆུང་མས་སྨྲས་པ། རྗེའི་སྲས། འདིས་ཐག་རིང་པོ་ཁོ་ན་ནས་བདག་ཅག་གཉིས་ཀྱི་བསྔགས་པ་བརྗོད་ཀྱི། འདིའི་རས་ཡུག་ཆེན་ཐོགས་ཤིག་།འཕགས་པ། དོག་པ་འདི་ཕྲ་བདར་ཆེ་བ་ལགས་ཀྱི། ཡུན་འདི་ཙམ་ན་སྤྱོན་ཅིག་།ཉེ་དགས་ཨ་རོག་ཀྱ། ཞེས་སྨྲས་ཏེ་སོང་ངོ ། །ཐ་ག་པ་དེས་རས་ཡུག་ཆེན་དེ་དུས་དེ་ཙམ་གྱིས་བཏགས་སོ། །ཉེ་དགའ་ཡང་དུས་དེ་ཙམ་གྱིས་དེར་སོང་བ་དང ། ཐ་ག་པ་དེས་དེ་ལ་རས་ཡུག་ཆེན་དེ་ཕུལ་ལོ། །ཉེ་དགས་དེ་ཁྱེར་ཏེ་གཙུག་ལག་ཁང་དུ་སོང་ནས་དེས་དགེ་སློང་རྣམས་ལ་རས་ཡུག་ཆེན་དེ་བསྟན་ཏེ་སྨྲས་པ། ཚེ་དང་ལྡན་པ་དག་།ཁོ་བོའི་རས་ཡུག་ཆེན་ཅི་འདྲ་བ་ལྟོས། གནས་བརྟན། རས་ཡུག་ཆེན་བཟང་ངོ ། །འདི་ལྟར་གང་ལ་འདི་ལྟ་བུ་གཉིས་པ་ཡང་མཆིས་པ་དེ་ནི། གསར་པ་ལས་སྣམ་སྦྱར་ཉི་རིམ་དུ་བགྱིས་ཏེ། དགེ་བའི་ཕྱོགས་ལ་སྙིང་ལས་ཆུང་ངུས་ཏྲོན་བགྱིད་པར་འགྱུར་རོ། །ཚེ་དང་ལྡན་པ་དག་ཅི། ཁྱོད་ཀྱིས་སྙིང་ལམ་ན་ཉེ་དགས་རས་ཡུག་ཆེན་འདི་འདྲ་བ་གཉིས་པ་སྦྱོར་དུ་འཇུག་མི་ནུས་སྙམ་མམ། ཇི་ལྟར་སྦྱོར་དུ་འཇུག་པ་ལྟོས་ཤིག་།དེ་ནས་ཉེ་དགས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་ནུབ་སྒོ་ནས་བསོད་སྙོམས་ལ་ཞུགས་པ་དང ། སྐྱེད་མོས་ཚལ་ཞིག་ན་ཡུག་ས་མོ་ལྔ་བརྒྱ་ཙམ་དོག་པ་འཁལ་ཞིང་འཁོད་པ་
Cha238a
༄#། །དག་དེས་མཐོང་ནས་བསམ་པ། འདི་དག་ནི། ལས་བདག་གིར་བྱ་བ་དང་ལྡན་པ་དག་ཅིག་སྟེ། ཉིན་མཚན་དུ་ཐོང་གཤོལ་དཀར་པོ་སྤྱོད་ཀྱང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་རྒྱུ་དཔྱ་འཇལ་བར་མི་བྱེད་པ་དག་ཡིན་ནོ། །སྙམ་ནས་དེས་དེ་དག་ལ་སྨྲས་པ། སྲིང་མོ་དག་། རོག་ཀྱ། ཨ་རོག་ཀྱ། དེ་དག་ཅང་མི་སྨྲ་བར་འཁོད་པ་དང་དེས་དེ་དག་ལ་སྨྲས་པ། སྲིང་མོ་དག་།སྐྱེ་བོ་མང་པོ་མི་འདོད་པ་དང ། སྐྱེ་བོ་མང་པོ་མི་དགའ་བ་དང ། སྐྱེ་བོ་མང་པོ་ལ་མི་སྡུག་པ་དང ། སྐྱེ་བོ་མང་པོའི་ཡིད་དུ་མི་འོང་བ་དང ། འཇིག་རྟེན་ཐམས་ཅད་དང་ཐུན་མོང་བ། འདི་ལྟ་སྟེ།་འཆི་བ་ཞེས་བྱ་བའི་ཆོས་དེ་འོང་བར་འགྱུར་བས་ཁྱེད་ཅག་དེའི་ཚེ་ཚིག་སྨྲར་ནི། དང་པོ་ཉིད་ནས་མི་ནུས་པར་འགྱུར་རོ། །དེ་ན་གཞོན་ནུ་མ་བསོད་ནམས་འདོད་པ་གཅིག་འདུག་པ་དེས་སྟན་ལས་ལངས་ཏེ། ཉེ་དགའི་སྟན་བཏིང་བ་དང ། ཉེ་དགའ་དེ་ལ་འདུག་ནས། དེས་ཉེ་དགའི་རྐང་པ་ལ་ཕྱག་འཚལ་ཏེ་མདུན་དུ་འདུག་གོ་།ཉེ་དགས་དེ་དག་ལ་སྨྲས་པ། སྲིང་མོ་དག་།ཁྱེད་ཅག་ལ་དགེ་བའི་ཆོས་ཡང་དག་པར་བླངས་ཏེ་འཇུག་པར་བྱ་བ་ཅུང་ཟད་ཡོད་དམ། འཕགས་པ། ཅི་ཡང་མ་མཆིས་སོ། །སྲིང་མོ་དག་།མ་ལེགས་སོ། །བུ་མོ་འདིས་ནི། རེ་ཞིག་དགེ་བའི་ཆོས་གཉིས་བྱས་ཤིང་བསགས་ཏེ།་འདིས་ཁོ་བོ་ལ་སེམས་མངོན་པར་དད་པར་བྱས་པ་གང་ཡིན་པ་དེ་ནི། འདིས་ཕྱུག་པར་འགྱུར་བའི་ལས་བྱས་ཤིང་བསགས་པ་ཡིན་ནོ། །འདིས་ཁོ་བོ་ལ་མངོན་དུ་ལྡང་བ་བྱས་ཤིང་སྟན་བཏིང་བ་
Cha238b
དང།་ཕྱག་བྱས་པ་གང་ཡིན་པ་དེ་ནི། འདིས་རིགས་མཐོན་པོར་འགྱུར་བའི་ལས་བྱས་ཤིང་བསགས་པ་ཡིན་ནོ། །གལ་ཏེ་ཅུང་ཟད་སྦྱིན་པར་བྱེད་ན། དེ་ནི། འདིའི་ལོངས་སྤྱོད་ཆེན་པོར་འགྱུར་བ་ཡིན་ནོ།། སྲིང་མོ་དག་།ཁྱེད་ཅག་གི་འཚོ་ཚིས་དག་ག་ལས་འབྱུང ། འཕགས་པ། བསྒྱུར་བ་འདི་ཉིད་ལས་སོ། །གོས་དག་ག་ལས་འབྱུང ། བསྒྱུར་བ་འདི་ཉིད་ལས་སོ། །ཁྱེད་ཅག་གིས་འཇིག་རྟེན་ཕ་རོལ་ཏུ་འགྲོ་བས་ལམ་རྒྱགས་ཅུང་ཟད་ཁྱེར་བ་ཡོད་དམ། འཕགས་པ། དེ་ནི། ཐམས་ཅད་ཀྱི་ཐམས་ཅད་དུ་མ་མཆིས་སོ། །སྲིང་མོ་དག། མ་ལེགས་སོ། །མ་ལེགས་སོ། །འཕགས་པ་སུ་ལ་ཐུགས་ངན་མཛད། ཁྱེད་ཅག་ལ་སྟེ། ཁྱེད་ཅག་འཇིག་རྟེན་ཕ་རོལ་ནས་ཀྱང་བཅོམ་ཞིང་འདིར་འོངས་ལ། འདི་ནས་ཀྱང་བཅོམ་བཞིན་དུ་འཇིག་རྟེན་ཕ་རོལ་ཏུ་འགྲོ་བར་བྱེད་དོ། །འཕགས་པ། གང་གིས་བདག་ཅག་གིས་འཇིག་རྟེན་ཕ་རོལ་ཏུ་མཆི་བའི་ཤུལ་རྒྱགས་ཅུང་ཟད་བཀུར་བའི་ཐབས་ཅི་མཆིས། སྲིང་མོ་དག་།གལ་ཏེ་ཁྱེད་ཀྱིས་དགེ་སློང་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་དང་ལྡན་པ་གང་ཡིན་པ་དེ་ལ་རས་ཡུག་ཆེན་བསྐོན་ན། དེས་ཁྱེད་ཅག་གིས་འཇིག་རྟེན་ཕ་རོལ་ཏུ་འགྲོ་བའི་ལམ་རྒྱགས་མང་པོར་ཁྱེར་བར་འགྱུར་རོ། །འཕགས་པ་བདག་ཅག་གིས་དགེ་སློང་དེ་ལྟ་བུ་ག་ལས་རྙེད། སྲིང་མོ་དག་།ཁྱེད་ཀྱིས་ཁོ་བོ་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་དང་
Cha239a
༄#། །ལྡན་པ་ཡིན་པར་མི་ཤེས་སམ། འཕགས་པ། བདག་ཅག་ལ་རས་ཡུག་ཆེན་གྱི་འབྱོར་བ་ག་ལས་མཆིས། སྲིང་མོ་དག་།ཁྱེད་ཀྱིས། བསོད་ནམས་ཆུང་ཡང་བརྙས་མི་བྱ། ། དེ་ནི་བདག་ལ་མི་འོང་མིན། །ཆུ་ཡི་ཐིགས་པ་འཛག་པ་ཡིས། །སྣོད་ཆེན་གང་བར་གྱུར་པ་བཞིན། །བརྟན་པ་རྣམས་ཀྱིས་བསོད་ནམས་ནི། །ཅུང་ཟད་ཅུང་ཟད་བསགས་ན་རྫོགས། །ཞེས་བྱ་བ་དེ་ནི། མི་ཤེས་སམ། ཁྱོད་ཀྱིས་རེ་ཞིག་དོག་པ་སྲང་གཅིག་སྦྱིན་ནུས་སམ། རྔོ་ཐོགས་སོ། །གཞན་ཞིག་གིས་སྨྲས་པ། བདག་གིས་ཀྱང་སྲང་ཕྱེད་དབུལ་ལོ། །གཞན་ཞིག་གིས་ཀྱང་སྨྲས་པ། བདག་གིས་ཀྱང་སྲང་གི་བཞི་ཆ་གཅིག་དབུལ་ལོ། །དེ་བཞིན་དུ་ཐམས་ཅད་ཀྱིས་ཀྱང་ཤས་ཤས་ཀྱིས་དབུལ་བར་ཁས་བླངས་སོ། །ཉེ་དགས་སྨྲས་པ། སྲིང་མོ་དག་།དོག་པ་ཕྲ་མོ་དག་བྱིན་ཅིག་།འཕགས་པ།་བདག་ཅག་ཐམས་ཅད་ནི། སྦོམ་པོ་འཁལ་བ་དག་ལགས་སོ། །བདག་ཅག་གི་ནང་ན་བདེ་གནས་མ་ཞིག་ནི། ཕྲ་མོར་འཁལ་ལོ། །སྲིང་མོ་དག་།དེ་ཇེ་བོས་ཤིག་།དེ་དག་གིས་དེ་བོས་པ་དང ། ཉེ་དགས་དེ་ལ་སྨྲས་པ། བུ་མོ། ཇེ་དོག་པ་ཕྲར་ཁོལ་ཅིག་།དོག་པ་དེ་དེས་ཕྲར་བཀལ་བ་དང ། ཉེ་དགས་སྨྲས་པ། བུ་མོ་དེ་བས་ཀྱང་ཕྲར་ཁོལ་ཅིག་།དེས་དེ་བས་ཀྱང་ཕྲར་བཀལ་བ་དང ། ཉེ་དགས་སྨྲས་པ། བུ་མོ་དེ་བས་ཀྱང་ཕྲར་ཁོལ་ཅིག་།དེས་དེ་བས་ཀྱང་ཕྲར་བཀལ་བ་དང ། ཉེ་དགས་ཡང་དང་ཡང་དུ་བུ་མོ་དེ་བས་ཀྱང་ཕྲར་ཁོལ་ཅིག་།ཅེས་སྨྲས་པ་དང ། དེས་སྨྲས་པ། འཕགས་པ། འདི་
Cha239b
ལས་ཕྲ་བ་ནི། རྔོ་མི་ཐོགས་སོ། །ཉེ་དགས་དེ་དག་ལ་སྨྲས་པ། སྲིང་མོ་དག། ཁྱེད་ཅག་ཐམས་ཅད་ཀྱིས་དོག་པ་འདི་འདྲ་བ་ཤ་སྟག་བྱིན་ཅིག་།འཕགས་པ། བདག་ཅག་གིས་དོག་པ་འདི་འདྲ་བར་འཁལ་རྔོ་མི་ཐོགས་སོ། །བུ་མོ་འདིས་ཀྱང་མི་ནུས་སམ། ཅི། ཁྱེད་ཅག་གིས་འདིའི་དོན་དུ་ཁོལ་ལ། འདི་ཁྱེད་ཅག་གི་དོན་དུ་འཁལ་དུ་ཆུག་ཅིག་།འཕགས་པ། གལ་ཏེ་བཏུབ་ནའོ། །ཉེ་དགས་དེ་ལ་སྨྲས་པ། བུ་མོ། གྱིས་ཤིག་དང་ཁྱེད་ལ་བསོད་ནམས་སུ་འགྱུར་རོ། །འཕགས་པ། དོག་པ་འདི་ནི། ཕྲ་བདར་ཆེ་བ་ལགས་པས་ཡུན་རིང་མོས་བཀལ་འཚལ་གྱི། ཧ་ཅང་དོས་དྲག་པར་མ་མཛད་པར་དུས་འདི་ཙམ་ན་སྤྱོན་ཅིག། ཉེ་དགས་དེ་ལ་ཨ་རོག་ཀྱ་ཞེས་སྨྲས་ནས་སྟན་ལས་ལངས་ཏེ་སོང་ངོ ། །བདེ་གནས་མ་དེས་དུས་དེ་སྲིད་ཀྱི་དོག་པ་བཀལ་ནས་དེ་གཞན་གྱི་གན་དུ་སོང་སྟེ་ཐམས་ཅད་འདུས་ནས་དོག་པ་དེ་ཉེ་དགའ་ལ་ཕུལ་ལོ།། ཉེ་དགས་དེ་དག་ལ་ཨ་རོག་ཀྱ། སྦྱིན་པ་འདིས་ཁྱེད་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་གོས་དག་ཐོབ་པར་གྱུར་ཅིག་ཅེས་སྨྲས་ཏེ་སོང་ངོ ། །དེ་ནས་ཉེ་དགས་དོག་པ་དེ་ཁྱེར་ཏེ་གཙུག་ལག་ཁང་དུ་སོང་ནས། དེས་དགེ་སློང་རྣམས་ལ་དོག་པ་དེ་བསྟན་ཏེ་སྨྲས་པ་དང ། ཚེ་དང་ལྡན་པ་དག་།ཁོ་བོའི་དོག་པ་ཅི་འདྲ་ལྟོས། གནས་བརྟན། དོག་པ་བཟང་ངོ ། །གནས་བརྟན་གྱིས་གང་རས་ཡུག་ཆེན་འཐག་པར་འགྱུར་བའི་ཐག་པ་འགའ་བཙལ་བ་མཆིས་སམ། ཚེ་དང་ལྡན་པ་དག་།ཅི། ཁྱེད་ཀྱིས་ཉེ་དགའ་ཟིལ་གྱིས་གནོན་
Cha240a
༄#། །ཏམ། གལ་ཏེ་ཉེ་དགའ་རབ་ཏུ་མ་བྱུང་དུ་ཟིན་ན། ཉེ་དགའ་རང་ཉིད་འཐག་པར་འགྱུར་རོ། །གནས་བརྟན། བདག་ཅག་གིས་གནས་བརྟན་ག་ལས་ཟིལ་གྱིས་གནོན། འདི་ལྟར། ར་བ་ག་གེ་མོའི་དྲུང་ན་ཐ་ག་པ་སྤྱི་ཅེར་ཁྱོ་ཤུག་མཆིས་ཏེ། གལ་ཏེ་དེས་དོག་པ་འདི་སྙེད་དུ་ལགས་ན། ཆེན་པོ་ལ་འོས་པའི་རས་ཡུག་ཆེན་འགྲུབ་པར་འགྱུར་རོ། །བུ་དག་། རོག་ཀྱ། དོན་གྱིས་ན། ཁྱེད་ཀྱིས་ཁོ་བོའི་རས་ཡུག་ཆེན་འཐག་ཏུ་བཅུག་གོ་།ཞེས་དེས་དོག་པ་དེ་ཁྱེར་ཏེ་ཐ་ག་པ་དེའི་ཁྱིམ་དུ་སོང་བ་དང ། དེས་ཐ་ག་པ་རིང་པོ་ཁོ་ན་ནས་མཐོང་ནས་ཚིགས་སུ་བཅད་པ་སྨྲས་པ།་མཁས་པ་རིང་ནས་རབ་སྣང་བ། །གངས་དང་ལྡན་པའི་རི་བོ་བཞིན། །མི་མཁས་རབ་ཏུ་མི་སྣང་བ། །མུན་པའི་ནང་དུ་མདའ་འཕངས་བཞིན། །བཞིན་བཟང ། ཁྱོད་ཀྱི་གྲགས་པས་མཉན་ཡོད་ཐམས་ཅད་གང་བར་གྱུར་པ་ནི། ཁྱོད་ཀྱིས་རྙེད་པ་ལེགས་པར་རྙེད་པ་ཡིན་ནོ། །དོག་པ་འདི་ཅི་འདྲ་ཇེ་ལྟོས་ཤིག་།འཕགས་པ། དོག་པ་བཟང་ངོ ། །དོག་པ་ནི། འདི་ལགས་ལ། ཐ་ག་པ་ནི། བདག་ལགས་ན། ཆེན་པོ་ལ་འོས་པའི་རས་ཡུག་ཆེན་དུ་འགྱུར་རོ། །བཞིན་བཟང ། འདི་ཡང་ཐོགས་ཤིག་།འཕགས་པ། བདག་ལ་ཐགས་གླ་སུས་སྩོལ་བར་འགྱུར། བཞིན་བཟང ། ཁྱོད་རྟག་པ་ཉིད་དུ་ཐགས་གླས་མི་ངོམས་སམ། འཇིག་རྟེན་ཕ་རོལ་དུ་འགྲོ་བའི་ལམ་རྒྱགས་ཀྱང་བཀུར་བར་གྱིས་ཤིག་།འཕགས་པ། རས་ཡུགས་ཆེན་སྔ་མ་དེ་འཐག་པ་ན། བདག་གིས་བུ་ལོན་གང་བླངས་པ་
Cha240b
དེ་དག་ཀྱང་ད་དུང་མ་འཁོར་རོ། །དེས་ཆུང་མའི་གདོང་དུ་ལྟ་བར་བརྩམས་པ་དང ། ཆུང་མས་སྨྲས་པ། འཕགས་པ། གལ་ཏེ་འདི་འཚལ་ཡང་བདག་མི་འཚལ་ལོ། །ཉེ་དགས་སྤྱོས་ཏེ་སྨྲས་པ། ཀཝའི་ཐ་ག་པ་སྤྱི་ཅེར་ཉོན་ཅིག་།ཁོ་བོས་གལ་ཏེ་ཁྱོད་རས་ཡུག་ཆེན་འདི་འཐག་ཏུ་མ་བཅུག་ན། སྤྱི་ཅེར་གྱི་མགོ་འདིས་མནའ་འདོར་རོ། །ཐ་ག་པ་དེས་ཀྱང་སྤྱོས་ཏེ་སྨྲས་པ། ཀཝའི་དགེ་སྦྱོང་མགོ་རེག་ཉོན་ཅིག། ཁོ་བོ་གལ་ཏེ་ཁྱོད་ཀྱིས་རས་ཡུག་ཆེན་འཐག་ན། མགོ་རེག་གི་མགོ་འདིས་མནའ་འདོར་རོ། །ཉེ་དགས་སྤྱོས་ཏེ་སོང་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཕོ་བྲང་གི་ཡིད་བརྟེན་པ་ཆེ་བ་ཞེས་བྱ་བ་ཉེ་དགའི་མཛའ་བོ་ཞིག་ཡོད་དོ། །ཉེ་དགའ་དེའི་སྡུམ་པར་སོང་སྟེ་གཡོག་འཁོར་དག་ལ་སྨྲས་པ། ཀྱེ་ནང་ཇེ་དག་།ཆེ་བ་གར་སོང ། དེ་དག་གིས་སྨྲས་པ། འཕགས་པ། སྲང་དུ་མཆིས་སོ། །ཉེ་དགས་དེ་འོང་བའི་སྲང་དུ་སོང་བ་དང ། ཆེ་བ་ཆང་ཚོང་བའི་ཚོང་བརྡལ་ཞིག་ཏུ་ཞུགས་སོ། །ཉེ་དགས་ཚོང་རྡལ་དེའི་སྒོར་བསྡད་དེ། ཆེ་བ་ལ་ཉེ་དགའ་སྒོ་ན་སྡོད་ཀྱི། ཕྱིར་བྱུང་ཞིག་ཅེས་འཕྲིན་སྤྲིང་བ་དང ། ཆེ་བ་ཕྱིར་ཕྱུང་ནས་སྨྲས་པ་དང ། བཙུན་པ་ཉེ་དགའ་ཕྱག་འཚལ་ལོ། །ཕྱག་འཚལ་ལོ། །ཉེ་དགས་སྨྲས་པ། ཆེ་བ། ཁོ་བོས་ཀོ་།ཁྱོད་རྒྱལ་པོའི་བྱ་བ་དང ། རྒྱལ་པོའི་བྱེད་པ་དག་ལ་བརྩོན་པར་གྱུར་སྙམ་དུ་བསམ་ཀྱི། ཁོ་བོས་ཁྱོད་འདི་ལྟར་ཆང་ཚོང་བའི་ཁྱིམ་ནས་ཆང་ཚོང་བའི་ཁྱིམ་དུ་འཕྱན་པར་ནི། མ་བསམ་མོ། །འཕགས་པ། བདག་རྒྱལ་པོའི་དགོས་པས་འདིར་ཞུགས་སོ། །བཙུན་པ་ཉེ་དགའ། བྱོན་
Cha241a
༄#། །པའི་དགོས་པ་ཅི་མཆིས། ཆེ་བ་དོག་པ་ཅུང་ཞིག་རྙེད་པ་འདིས་རེ་ཞིག་རས་ཡུག་ཆེན་འཐག་ཏུ་ཆུག་ཅིག་།བདག་གིས་བཙུན་པ་ཉེ་དགའ་ལ་རས་ཡུག་ཆེན་ཉིད་དབུལ་ལོ། །དེ་ཡང་བཀུར་ན། ཅི། དད་པས་སྦྱིན་པར་བྱ་བ་འདི། དོར་བར་བྱ་བའམ། ཆེ་བས་མི་ཞིག་ལ་བསྒོ་བ། ཀྱེ་ནང་རྗེ། ཐ་ག་པའི་སྣ་བོའི་གན་དུ་སོང་ལ། འཕགས་པ་ཉེ་དགའི་རས་ཡུག་ཆེན་འདི་ཐོགས་ལ་ཕུལ་ཅིག་ཅེས་གྱིས་ཤིག་།ཉེ་དགས་སྨྲས་པ། འདི་ཐ་ག་པའི་སྣ་བོ་འཐག་ཏུ་མ་གཞུག་པར་འདི་ལྟར་ར་བ་ག་གེ་མོ་ཞིག་གི་དྲུང་ན་ཐ་ག་པ་སྤྱི་ཅེར་ཁྱོ་ཤུག་འདུག་པ་དེས་འདི་བཏག་པར་བྱའོ། །ཆེ་བས་མི་དེ་ལ་སྨྲས་པ། ཀྱེ་ནང་རྗེ། ཐ་ག་པ་སྤྱི་ཅེར་དེའི་གན་དུ་སོང་ལ་འདི་སྐད་ཅེས། ཆེ་བ་ན་རེ། རས་ཡུག་ཆེན་འདི་ཐོགས་ལ་བྱིན་ཅིག་ཅེས་ཟེར་རོ། །ཞེས་གྱིས་ཤིག། མི་དེས་དོག་པ་དེ་ཁྱེར་ཏེ་ཐ་ག་པ་སྤྱི་ཅེར་གྱི་གན་དུ་སོང་ནས་སྨྲས་པ། ཀྱེ་སྤྱི་ཅེར། ཆེ་བའི་ཞལ་ནས་ཁྱོད་ཀྱིས་དོག་པ་འདི་ལས་རས་ཡུག་ཆེན་ཐོགས་ཤིག་།ཅེས་གསུང་ངོ ། །སྤྱི་ཅེར་གྱིས་དོག་པ་དེ། ངོ་ཤེས་ནས་དེས་སྨྲས་པ། བདག་གི་རེས་འཁོར་རོ། །མི་དེ་སོང་སྟེ་ཆེ་བ་ལ་སྨྲས་པ། ཐ་ག་པ་སྤྱི་ཅེར་གྱི་མཆིད་ནས་བདག་གི་རེས་འཁོར་རོ། །ཞེས་མཆིའོ། །ཆེ་བས་སྨྲས་པ། ཀྱེ་ནང་རྗེ། སྤྱི་ཅེར་གྱི་གན་དུ་སོང་ལ་འདི་སྐད་ཅེས། རེས་གཞན་བྱེད་དུ་མི་གཞུག་གོ། ཞེས་གྱིས་ཤིག་།མི་དེ་སོང་སྟེ་སྨྲས་པ། ཀྱེ་སྤྱི་ཅེར། ཆེ་བའི་ཞལ་ནས་རེས་གཞན་དུ་བྱེད་དུ་མི་གཞུག་གོ། །ཞེས་གསུང་
Cha241b
ངོ། །སྤྱི་ཅེར་གྱིས་སྨྲས་པ། ཀྱེ་ནང་རྗེ། ཆེ་བ་མཉན་ཡོད་དུ་དབང་བྱེད་ན། ཁོ་བོ་མཉན་ཡོད་དུ་མི་གནས་པར་ཟད་མོད། ཁོ་བོ་སྐལ་བ་མ་ཡིན་པའི་ལས་མི་བྱེད་དོ། །མི་དེ་ཆེ་བའི་གན་དུ་སོང་སྟེ་སྨྲས་པ། སྤྱི་ཅེར་གྱི་མཆིད་ནས། ཆེ་བ་མཉན་ཡོད་དུ་དབང་བྱེད་ན། ཁོ་བོ་མཉན་ཡོད་དུ་མི་གནས་པར་ཟད་མོད། ཁོ་བོའི་སྐལ་པ་མ་ཡིན་པའི་ལས་མི་བྱེད་དོ། །ཞེས་མཆིའོ། །ཆེ་བས་སྨྲས་པ། ཀྱེ་ནང་རྗེ། ཐ་ག་པའི་སྣ་བོའི་གན་དུ་སོང་ལ་དོག་པ་འདི་ལས་རས་ཡུག་ཆེན་ཐོགས་ཤིག་ཅེས་གྱིས་ཤིག་།ཉེ་དགས་སྨྲས་པ། འདི་ཐ་ག་པའི་སྣ་བོས་བཏག་པར་མི་བྱ་བར་འདི་ལྟར་ཐ་ག་པ་སྤྱི་ཅེར་གྱིས་བཏག་པར་བྱའོ། །ཆེ་བས་མི་དེ་ལ་སྨྲས་པ། ཀྱེ་ནང་རྗེ། ཐ་ག་པ་སྤྱི་ཅེར་གྱི་གན་དུ་སོང་ལ། ཆེ་བ་ན་རེ། སྐོམ་ཟོང་སྦྱིན་གྱི། རས་ཡུག་ཆེན་ཐོགས་ཤིག་ཅེས་ཟེར་རོ། །ཞེས་གྱིས་ཤིག་།དེ་འཕགས་པ་དང ། ཉེ་དགས་དེ་ལ་སྨྲས་པ། བཀྲེན་པ། ཁྱོད་སུ་ཞིག་གིས་རྒྱལ་པོའི་མིར་བཞག་།ཁྱོད་ལྕག་རྒོད་མང་པོས་བརྡབས་ཏེ་ས་དང་ཤིང་དག་སྐྱེད་དུ་གཞུག་པར་བྱ་བ་ཡིན་ནོ། །ཐག་པ་སྤྱི་ཅེར་གྱི་གན་དུ་སོང་སྟེ་འདི་སྐད་ཅེས།་ཆེ་བའི་ཞལ་ནས་རས་ཡུག་ཆེན་ཐོགས་ཤིག་ཅེས་བྱུང་ངོ ། །ཞེས་ཟེར་མི་ནུས་སམ། གལ་ཏེ་མི་འཐག་གོ་།ཞེས་ན། ཐོར་ཏོ་དག་ནས་བཟུང་སྟེ་ཁུག་ལ་ཁུ་ཚུར་གྱིས་གཏོགས་ཤིག་།གལ་ཏེ་ངུ་ན། ཐགས་མི་མཐུན་པར་དྲིལ་ཤིག་།གལ་ཏེ་དེའི་ཆུང་མ་ངུ་ན། ལན་བུ་ནས་བཟུང་སྟེ་དྲང་བར་བྱ་ཞིང ། ཁྱེད་གཉིས་ཆེ་བའི་མཆིད་བཅག་པས་ཁྱེད་གཉིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་
Cha242a
༄#། །ཀཪྴ་པ་ཎ་ལྔ་བརྒྱ་གཞལ་དགོས་པའི་གྱོད་ལ་བསྐྲིན་ནོ། །ཞེས་བརྗོད་པར་བྱའོ། །དེ་ལྟ་ན་ཁོ་བོའི་རས་ཡུག་ཆེན་ཡང་འགྲུབ་པར་འགྱུར་ལ། ཁྱོད་ཀྱིས་ཀྱང་གསུག་མང་པོ་འཐོབ་པར་འགྱུར་རོ། །དེ་སོང་སྟེ་སྨྲས་པ། ཆེ་བའི་ཞལ་ནས་སྐོམ་ཟོད་སྦྱིན་གྱི། རས་ཡུག་ཆེན་ཐོགས་ཤིག་ཅེས་བྱུང་ངོ ། །སྤྱི་ཅེར་གྱིས་སྨྲས་པ། ཁོ་བོ་སྐལ་པ་མ་ཡིན་པ་འཐག་མི་ནུས་སོ། ། དེས་དེའི་ཐོར་ཏོ་དག་ནས་བཟུང་སྟེ་བཀུག་ནས་ཁུ་ཚུར་གྱིས་བཏགས་སོ། །དེས་ངུ་བར་བརྩམས་པ་དང ། དེས་དེའི་ཐགས་མི་མཐུན་པར་དྲིལ་བར་བརྩམས་སོ། །དེའི་ཆུང་མས་ངུ་བར་བརྩམས་པ་དང ། དེས་དེའི་ལན་བུ་ནས་བཟུང་སྟེ་དྲང་བར་བརྩམས་ཤིང ། ཁྱེད་གཉིས་ཀྱིས་ཆེ་བའི་མཆིད་བཅག་པས་ཁྱེད་གཉིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཀཪྴ་པ་ཎ་ལྔ་བརྒྱ་གཞལ་དགོས་པའི་གྱོད་ལ་བསྐྲིན་པར་བྱའི། ཚུར་ཤོག་།རྒྱལ་པོའི་ཕོ་བྲང་དུ་འདོང་ངོ ། །ཞེས་དེས་དེ་གཉིས་ཁྲིད་དེ་འཕགས་པ་དང ། ཆུང་མས་སྤྱི་ཅེར་ལ་སྨྲས་པ། རྗེའི་སྲས། གལ་ཏེ་བདག་ཅག་གཉིས་བཙོན་རར་བཅུག་པར་གྱུར་ན། བདག་ཅག་གཉིས་ལ་ཐར་པར་བྱེད་པ་འགའ་ཡང་མེད་པས། བཙོན་རར་གནོད་པ་དག་གིས་འཆི་བར་བྱ་དགོས་ཀྱིས། རས་ཡུག་ཆེན་འདི་ཐོགས་ཤིག། སྤྱི་ཅེར་གྱིས་སྨྲས་པ།་ཀྱེ་ནང་པོ། བདག་ཅག་རྒྱལ་པོའི་ཕོ་བྲང་དུ་མ་བཀྲི་བར་དོག་པ་ཞོག་ལ་བཞུད་ཅིག་དང ། བདག་ཅག་གིས་རས་ཡུག་ཆེན་ཡང་བཏག་ཅིང ། ཁྱོད་ལ་ཡང་གསུག་མང་པོ་དབུལ་ལོ། །དེས་དོག་
Cha242b
པ་བཞག་སྟེ་སོང་བ་དང ། སྤྱི་ཅེར་གྱིས་ཆུང་མ་ལ་སྨྲས་པ། བཟང་མོ། རས་ཡུག་ཆེན་འདི་གང་གིས་དོག་པར་ཡང་མི་རུང་ལ། རས་ཡུག་ཆེན་དུ་ཡང་མི་རུང་བར་འགྱུར་བ་དེ་ལྟར་བཏག་པར་བྱའོ། །ཆུང་མས་སྨྲས་པ། རྗེའི་སྲས། དེ་དགེ་སྦྱོང་ཧྲལ་པོ་དེ་ལྟ་བུ་ཡིན་པས་བདག་ཅག་གིས་རས་ཡུག་ཆེན་དེ་ལྟ་བུར་བྱས་ན། དེས་གཏང་རེ་སྐན། དེས་རས་ཡུག་ཆེན་དེ་བཏགས་ནས། དེས་རས་ཡུག་ཆེན་དེ་ཐགས་ལས་འགྲོལ་ཞིང་འདུག་པ་ན། ཉེ་དགའ་ཡང་འོངས་ནས། ཉེ་དགས་རས་ཡུག་ཆེན་དེ་བླངས་པ་དང ། སྤྱི་ཅེར་གྱིས་སྨྲས་པ། འཕགས་པ། བདག་ལ་སྐོམ་ཟོང་སྩོལ་ཅིག་།བཀྲེན་པ། ཁོ་བོ་ཁྱོད་ཀྱི་སྐོམ་ཟོང་དབུལ་བ་ཡིན་ན། དུག་ཅིའི་ཕྱིར་མི་བརྒྱུད། ནུར་རྩི་ཅིའི་ཕྱིར་མི་བརྒྱུད། དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི། ཚིག་གོ། བྲམ་ཟེའི་ཚུལ་ནི། ཚིག་སྟེ། འདི་ལྟར། ཁའི་ཆོས་ཅུང་ཟད་ཀྱིས་ཀྱང་འཐག་ཏུ་བཅུག་གོ་།རྒྱལ་པོའི་ཕོ་བྲང་གི་མཐུ་ཅུང་ཟད་ཀྱིས་ཀྱང་འཐག་ཏུ་བཅུག་གོ་།ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་
Cha243a
༄#། །པ།་ཉེ་དགའ། ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་རང་གིས་བསླངས་པའི་དོག་པས་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུག་ན། གོས་གྲུབ་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །རང་གིས་བསླངས་པའི་དོག་པས་ཞེས་བྱ་བ་ནི། འདུན་པས་ལ་ལ་ལས་སྲང་གཅིག། ལ་ལ་ལས་སྲང་ཕྱེད། ལ་ལ་ལས་ཞོ་གཉིས། ལ་ལ་ལས་ཞོ་གཅིག་བསླངས་པའི་དོག་པས་སོ།། ཐ་ག་པ་ཞེས་བྱ་བ་ནི། ཐགས་མཁན་ནོ། །ཉེ་དུ་མ་ཡིན་པ་ལ་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ལས་བརྟེན་པའི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་
Cha243b
ཡིན་ནོ། །གོས་འཐག་ཏུ་འཇུག་ན་ཞེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་ལས་གང་ཡང་རུང་བའོ། །གོས་གྲུབ་ན་ཞེས་བྱ་བ་ནི། གོས་ཐོབ་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པ་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གི་ཉེ་དུ་མ་ཡིན་པ་ལས་དོག་པ་བསླངས་ཏེ་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུག་ན། དེ་སློང་བ་ལ་ཉེས་བྱས་སུ་འགྱུར་ལ། ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུག་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ། ཐ་ག་པ་ཉེ་དུ་ལ་གོས་འཐག་ཏུ་འཇུག་ན། དེ་སློང་བ་ལ་ཉེས་བྱས་སུ་འགྱུར་ལ། ཐ་ག་པ་ཉེ་དུ་ལ་འཐག་ཏུ་འཇུག་པ་ལ་ལྟུང་བ་མེད་དོ། །དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ་བདག་ཉིད་ཀྱིས་འཐག་པར་བྱེད་ན། དེ་སློང་བ་ལ་ཉེས་བྱས་སུ་འགྱུར་ལ། བདག་ཉིད་ཀྱིས་འཐག་པ་ལ་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ་ཐ་ག་པ་ཉེ་དུ་དང་ཉེ་དུ་མ་ཡིན་པ་ལ་གོས་འཐག་ཏུ་འཇུག་ན།་སློང་བ་ལ་ཉེས་བྱས་སུ་འགྱུར་ལ། ཐ་ག་པ་ཉེ་དུ་ལ་འཐག་ཏུ་འཇུག་པ་ལ་ལྟུང་བ་མེད་དོ། །ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུག་པ་ལ་སྤང་བའི་ལྟུང་བྱེད་དུ་འགྱུར་རོ། དགེ་སློང་གིས་
Cha244a
༄#། །ཉེ་དུ་མ་ཡིན་པ་ལས་དོག་པ་བསླངས་ཏེ་བདག་ཉིད་དང་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུག་ན། དེ་སློང་བ་ལ་ཉེས་བྱས་སུ་འགྱུར་ལ། བདག་ཉིད་ཀྱིས་འཐག་པ་ལ་ཡང་ཉེས་བྱས་སུ་འགྱུར་རོ། །ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུག་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཉེ་དུ་མ་ཡིན་པ་ལས་དོག་པ་བསླངས་ཏེ། བདག་ཉིད་དང་ཐ་ག་པ་ཉེ་དུ་ལ་གོས་འཐག་ཏུ་འཇུག་ན། དེ་སློང་བ་ལ་ཉེས་བྱས་སུ་འགྱུར་ལ། བདག་ཉིད་ཀྱིས་འཐག་པ་ལ་ཡང་ཉེས་བྱས་ཉིད་དུ་འགྱུར་རོ། །ཐ་ག་པ་ཉེ་དུ་ལ་འཐག་ཏུ་འཇུག་པ་ལ་ལྟུང་བ་མེད་དོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུག་ན། དེ་སློང་བ་ལ་ལྟུང་བ་མེད་ལ། ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུག་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་ཐ་ག་པ་ཉེ་དུ་ལ་གོས་འཐག་ཏུ་འཇུག་ན། དེ་སློང་བ་ལ་ལྟུང་བ་མེད་ལ། ཐ་ག་པ་ཉེ་དུ་ལ་གོས་འཐག་ཏུ་འཇུག་པ་ལ་ཡང་ལྟུང་བ་མེད་དོ། །དགེ་སློང་གི་ཉེ་དུ་ལ་དོག་པ་བསླངས་ཏེ་བདག་ཉིད་ཀྱིས་འཐག་པར་བྱེད་ན། དེ་སློང་བ་ལ་ལྟུང་བ་མེད་ལ། བདག་ཉིད་ཀྱིས་འཐག་པ་ལ་ཉེས་བྱས་ཉིད་དུ་འགྱུར་རོ། །དགེ་སློང་གིས་ཉེ་དུ་ལས་དོག་པ་བླངས་ཏེ། ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུག་ན། དེ་སློང་བ་ལ་ལྟུང་བ་མེད་ལ། ཐ་ག་པ་ཉེ་དུ་ལ་གོས་འཐག་ཏུ་འཇུག་པ་ལ་ཡང་ལྟུང་བ་མེད་དོ། །ཐ་
Cha244b
ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུག་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་བདག་ཉིད་དང་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་འཇུག་ན། དེ་སློང་བ་ལ་ལྟུང་བ་མེད་ལ། བདག་ཉིད་ཀྱིས་འཐག་པ་ལ་ཉེས་བྱས་ཉིད་དུ་འགྱུར་རོ། །ཐ་ག་པ་ཉེ་དུ་མ་ཡིན་པ་ལ་འཐག་ཏུ་འཇུག་པ་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཉེ་དུ་ལས་དོག་པ་བསླངས་ཏེ་བདག་ཉིད་དང་ཐ་ག་པ་ཉེ་དུ་ལ་གོས་འཐག་ཏུ་འཇུག་ན། དེ་སློང་བ་ལ་ལྟུང་བ་མེད་ལ། བདག་ཉིད་ཀྱིས་འཐག་པ་ལ་ཉེས་བྱས་ཉིད་དུ་འགྱུར་རོ། །ཐ་ག་པ་ཉེ་དུ་ལ་གོས་འཐག་ཏུ་འཇུག་པ་ལ་ལྟུང་བ་མེད་དོ། །གླ་རྔན་གྱིས་འཐག་ཏུ་འཇུག་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཐག་ཏུ་འཇུག་པའི་སྤང་བ་སྟེ། ཉི་ཤུ་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས། རིགས་མཉམ་པ་ལས་ཆུང་མ་བླངས་ཏེ་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཁྱིམ་བདག་དེ་དུས་གཞན་ཞིག་ན་གཞན་གྱི་ཆུང་མ་ལ་ཆགས་པར་གྱུར་ནས་དེ་ལ་ཆུང་མས། རྗེའི་སྲས། དེ་ལྟར་མ་མཛད་ཅིག་ཅེས་ཕྱིར་བཟློག་ན། ཇི་ཙམ་དུ་དེ་ཕྱིར་བཟློག་ཀྱང་མ་ལོག་པ་དེ་ཙམ་དུ་དེའི་ཆུང་མ་དེ་ཡང་སྐྱེས་པ་གཞན་དག་དང་
Cha245a
༄#། །ལྷན་ཅིག་འཁྲུལ་པ་རྩོམ་པར་བྱེད་དོ། །ཁྱིམ་བདག་དེ་ཡང་བུད་མེད་གཞན་དག་ལ་སྦྱིན་པར་བྱེད་ལ། ཆུང་མ་དེ་ཡང་སྐྱེས་པ་གཞན་དག་ལ་སྦྱིན་པར་བྱད་པས། དེ་ལྟར་ཁྱིམ་བདག་དེ་གཉི་ག་ནས་རྒུད་པར་གྱུར་ནས། དེ་གཉིས་ལ་བུ་མོ་མངག་གཞུག་མ་ཞིག་ཡོད་ནས། ཁྱིམ་བདག་དེས་བུ་མོ་དེ་ལ་འདིས་ཁྱིམ་རྒུད་པར་བྱས་སོ། །ཞེས་ཁུ་ཚུར་དང ། ཐལ་ལྕག་དག་གིས་རྡེག་པར་བྱེད་དོ། །བུ་མོ་དེས་སྨྲས་པ། བདག་གིས་ཁྱིམ་རྒུད་པར་གྱུར་པ་འདི། ཅི་ལས་གྱུར་པ་འཚལ་མོད་ཀྱི། འོན་ཀྱང་བདག་གིས་ཇི་ལྟར་རྗེ་དག་ལ་བསྔགས་པ་མ་ལགས་པ་བརྗོད་པར་བགྱིར་རུང ། ཉེ་དགས་དེ་ཚོར་ནས་ཁྱིམ་བདག་དེ་དང ། ཁྱིམ་བདག་གི་ཆུང་མ་དེའི་གན་དུ་སོང་སྟེ། ཅི་ནས་ཀྱང་དེ་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་གནས་པར་འགྱུར་པ་དེ་ལྟ་དེ་ལྟར་ཚུལ་ཁྲིམས་ཀྱི་བསྔགས་པ་བརྗོད་ཅིང ། ཚུལ་ཁྲིམས་འཆལ་བའི་བསྔགས་པ་མ་ཡིན་པ་བརྗོད་ནས། དེས་དེ་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་གནས་པར་བྱས་སོ། །ཁྱིམ་བདག་དེ་གཏུམ་པ། བརྟུན་ངས་པ། དྲག་ཤུལ་ཆེ་བ་ཡིན་པས། ཡང་བུ་མོ་དེ་ལ་བརྡེག་པར་བརྩམས་པ་དང་ཆུང་མས་དེ་ལ་སྨྲས་པ། རྗེའི་སྲས། གང་གི་ཚེ་བདག་ཅག་ལས་དང་ལས་ཀྱི་རྣམ་པར་སྨིན་པ་མི་མཁྱེན་པ་དེའི་ཚེ་ཀོ་རྡེག་པར་མཛད་མོད་དེ། ད་བདག་ཅག་དགེ་བའི་བཤེས་གཉེན་འཕགས་པ་ཉེ་དགའ་ལ་བརྟེན་ནས་ལས་དང་ལས་ཀྱི་རྣམ་པར་
Cha245b
སྨིན་པ་མཁྱེན་པས། འདི་ལྟར། འཇིག་རྟེན་ནི། རང་གི་ལས་ཀྱི་འབྲས་བུ་ལ་སྤྱོད་པ་ལགས་པས། སུ་ཞིག་སུའི་བྲན་ལགས། བུ་མོ་འདི་ལ་རྡེག་པར་མ་མཛད་ཅིག་།བཟང་མོ། ཁྱོད་ཟེར་བ་མ་ཉེས་སོ། །བུ་མོ་ཚུར་ཤོག། ཁྲུས་གྱིས་ལ་ཤོག་ཅིག་།བུ་མོ་དེས་ཁྲུས་བྱས་ཏེ་འོངས་པ་དང ། དེས་དེ་ལ་གོས་ཕྲུགས་གཅིག་བསྐོན་ནས་སྨྲས་པ། བུ་མོ། དགའ་ཞིང་ལས་བྱོས་ཤིག་།བུ་མོ་དེས་བསམ་པ། ཁྱིམ་བདག་ཁྱོ་ཤུག་འདི། སྔོན་གཏུམ་པ། བརྟུན་ངས་པ། དྲག་ཤུལ་ཆེ་བ་ཡིན་ཏེ། ཡང་དང་ཡང་དུ་བདག་ལ་ཁུ་ཚུར་དང་ཐལ་ལྕག་གིས་རྡེག་པར་བྱེད་ཅིང ། ཟས་དང་གོས་ངན་པ་དག་སྦྱིན་པར་བྱེད་ན། ད་འདི་བདག་གི་ཕ་མ་དང་འདྲ་བར་གྱུར་ཏོ། །སྙམ་ནས་ཡང་བསམ་པ། གང་ཚུན་ཆད་ནས་འཕགས་པ་ཉེ་དགའ་ཁྱིམ་འདིར་འཇུག་པར་བརྩམས་པ་དེ་ཚུན་ཆད་ནས་ཁྱིམ་བདག་འདི་ཕ་མ་དང་འདྲ་བར་གྱུར་པས། བདག་གིས་འཕགས་པ་ཉེ་དགའ་ལ་ཅི་ཞིག་གིས་དགའ་བར་བྱ་སྙམ་ནས། དེས་བསམ་པ། གལ་ཏེ་བདག་གིས་འདི་ལས་ཅུང་ཞིག་བརྐུས་ཏེ་དབུལ་དུ་ནི། ཁྱིམ་བདག་འདིས་བདག་བརྡེག་འཚོག་མང་པོ་བྱས་ཏེ་སྔོན་གྱི་གནས་སུ་གཞག་པར་འགྱུར་རོ། །སྙམ་ནས་དེ་སྡོད་ཅིང་འདུག་གོ་།ཁྱིམ་བདག་གི་ཆུང་མ་དེས་ཁྱིམ་བདག་དེ་ལ་སྨྲས་པ། རྗེའི་སྲས། མཁྱེན་ཕར་མཛོད་ཅིག་།འཕགས་པ་ཉེ་དགའ་ནི། བདག་ཅག་གི་དགེ་བའི་བཤེས་གཉེན་ལགས་ཏེ། འཕགས་པ་ཉེ་དགས་བདག་ཅག་ལས་དྲི་མ་ཅན་དང་ཕྲལ་ནས་སྐྱབས་སུ་འགྲོ་བ་དང ། བསླབ་པའི་
Cha246a
༄#། །གཞི་དག་ལ་བཀོད་དེ། ཡང་དང་ཡང་དུ་བདག་ཅག་ལ་ཆོས་ཀྱིས་སྡུད་པར་བྱེད་པས། བདག་ཅག་གིས་ཀྱང་དེ་ལ་ཟང་ཟིང་ཅུང་ཟད་ཀྱིས་བསྡུ་བར་བགྱིའོ། །བཟང་མོ།་དེ་བཞིན་བྱའོ། །རྗེའི་སྲས། བདག་གིས་དོག་པ་འཇམ་པོ་བཀལ་ཏེ། དོག་པ་དེ་ལས་ཐ་ག་པ་ཆེ་གེ་མོ་ཞིག་ལ་རས་ཡུག་ཆེན་འཐག་ཏུ་སྩོལ་ཅིང ། སླད་ཀྱིས་རས་ཡུག་ཆེན་བསྐོན་པར་བགྱིའོ། །ཁྱིམ་བདག་དེས་དོག་པ་དེ་ཐ་ག་པ་ལ་བྱིན་ནས་སྨྲས་པ། བཞིན་བཟང ། ཁྱོད་ཀྱིས་དོག་པ་འདི་ལས་རས་ཡུག་ཆེན་ཐོགས་ཤིག་དང ། འཕགས་པ་ཉེ་དགའ་ལ་དབུལ་བར་བྱའོ།། དེ་ལྟར་བྱའོ། །བུ་མོ་དེས་དེ་ཐོས་ནས་བསམ་པ། བདག་གིས་འཕགས་པ་ཉེ་དགའ་ལ་དགའ་བ་དེ་སྦྲན་པར་བྱའོ། །སྙམ་མོ། །ཉེ་དགའ་ཡང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་པ་དང ། བུ་མོ་དེས་ཁྱིམ་ལེགས་པར་བྱུགས་ཤིང་ཕྱག་དར་བོར་ནས། དེས་ཉེ་དགའ་མཐོང་བ་དང་རྐང་པ་གཉིས་ལ་ཕྱག་འཚལ་ཏེ་སྨྲས་པ། བདག་གིས་འཕགས་པ་ཉེ་དགའ་ལ་སྦྲན་པར་བགྱིའོ། །ཉེ་དགས་སྨྲས་པ། བུ་མོ་ཁྱོད་ཀྱིས་ཁོ་བོ་ལ་དགའ་བ་ཅི་ཞིག་སྦྲན་པར་བྱ། ཁྱིམ་བདག་འདི་ཁྱོད་ལ་རས་ཡུག་ཆེན་འབུལ་བར་འགྱུར་རོ། །ཉེ་དགས་བསམ་པ། སའི་སྟེང་ན་འདོད་པའི་བདག་ཉིད་ཅན་གང་ཇི་སྙེད་ཡོད་པ་དེ་དག་དང་བདག་མཉམ་པར་
Cha246b
དེང་བུ་མོ་འདིས་ཀྱང་འཕྲིགས་སོ། །སྙམ་དུ་རིག་ནས་བུ་མོ་དེ་ལ་འདི་སྐད་ཅེས་སྨྲས་སོ། །བུ་མོ་ཁྱོད་ཅི་ཁོ་བོ་ལ་མཐོ་མཚམ་པར་བྱེད་དམ། བུ་མོས་སྨྲས་པ། བདག་ཅིའི་སླད་དུ་འཕགས་པ་ལ་མཐོ་འཚམ་པར་བགྱིད། ཉེ་དགས་སྨྲས་པ། བུ་མོ། གལ་ཏེ་བདེན་པར་གྱུར་ན་ནི། ངས་ཁྱོད་ལ་གཤེ་བ་དག་ལ་ཆུགས་མ་བྱའོ། །ཅི་སྟེ་རྫུན་པར་གྱུར་ན་ནི། བརྡེག་འཚོག་མང་པོ་བྱེད་དུ་བཅུག་སྟེ་སྔོན་གྱི་གནས་ཇི་ལྟར་བར་གཞག་པར་བྱའོ། །འཕགས་པ་གལ་ཏེ་བདག་ལ་ཐུགས་མི་ཆེས་ན། ཕྱོགས་ག་གེ་མོ་ཞིག་ན་ཐ་ག་པ་མཆིས་པ་དེར་བཞུད་ཅིག་དང ། ཁྱོད་ཉིད་ཀྱིས་མཁྱེན་པར་འགྱུར་རོ། །དེ་དེར་སོང་སྟེ་ཐ་ག་པ་ལ་སྨྲས་པ། བཞིན་བཟང ། རས་ཡུག་ཆེན་འཐག་པ་འདི་སུའི་ཡིན། འཕགས་པ། བཙུན་པ་ཉེ་དགའི་ལགས་སོ། །ཁྱོད་ཀྱིས་ཉེ་དགའ་ཤེས་སམ། མ་འཚལ་ཏོ། །དེ་ནི། ཁོ་བོ་ཡིན་ནོ། །བཞིན་བཟང་སྲིད་དུ་འདི་ཙམ་གྱིས་བསྲིངས་ཤིག་།འཕགས་པ། དོག་པ་སུས་སྩོལ་བར་འགྱུར། ཁྱིམ་བདག་དེ་ཉིད་ཀྱིས་སྦྱིན་པར་འགྱུར་རོ། །ཁོ་བོས་ཀྱང་ཁྱོད་ལ་ཅུང་ཞིག་ཉེ་བར་བསྒྲུབ་པར་བྱའོ། །ཉེ་དགའ་ཕྱི་དེ་ཉིན་པར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་མཐར་གྱིས་བསོད་སྙོམས་ལ་རྒྱུ་བ་ན། བཙུན་མོ་ཕྲེང་ལྡན་མའི་ཁྱིམ་ན་བཞུགས་ནས་དེས་དེའི་སྟན་བཏིང་བ་དང ། དེ་དེ་ལ་འདུག་ནས་བཙུན་མོ། ཕྲེང་ལྡན་མས་ཉེ་དགའི་རྐང་པ་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་ན་འདུག་གོ།
Cha247a
༄#། །དེས་དེ་ལ་ཆོས་བསྟན་ནས་དེས་སྨྲས་པ། འཕགས་པ། ཅི་ལགས། དེང་སྤྱན་དྲངས་སམ། བསོད་སྙོམས་མཛད། བསོད་སྙོམས་བགྱིད་དོ། །དེས་བསམ་པ། སུ་ཞིག་བདག་པས་བསོད་སྙོམས་ཆེས་བཟང་བ་འབུལ་བར་འགྱུར་སྙམ་ནས། དེས་དེ་ལ་ཧཝགས་ཀྱི་ལ་དུ་དག་གིས་ལྷུང་བཟེད་བཀང་སྟེ་ཕུལ་ལོ། །ཉེ་དགས་དེ་དག་བླངས་ཏེ་ཐ་ག་པ་དེའི་གན་དུ་སོང་ནས་དེས་དེ་ལ་སྨྲས་པ། བཞིན་བཟང་ཇེ་ལག་པ་གཉིས་ཟེད་ཅིག་།དེས་ལག་པ་གཉིས་བཟེད་པ་དང ། དེས་དེ་ལ་ལ་དུ་གཅིག་བྱིན་ནས་སྨྲས་པ། བཞིན་བཟང་ཇེ་ཟོ་ཞིག་།དེས་ཟོས་པ་དང ། དེས་དེ་ལ་སྨྲས་པ།་བཞིན་བཟང་ལ་དུའི་རོ་ཅི་འདྲ། འཕགས་པ་བདའོ། །ཁྱོད་ཀྱིས་སྔོན་ལན་འགའ་ལ་དུ་འདི་འདྲ་བ་ཟོས་སམ། འཕགས་པ། ལན་འགའ་ཡང་མ་འཚལ་ཏོ། །ཐུ་བ་ཟེད་ཅིག་།དེས་ཐུ་བ་བཟེད་པ་དང ། དེས་དེའི་ཐུ་བར་ལ་དུ་ཐམས་ཅད་བླུགས་ཏེ་སྨྲས་པ། བཞིན་བཟང་ཁོ་བོའི་རས་ཡུག་ཆེན་འདི་ལེགས་པར་ཐོགས་ཤིག་།ཁོ་བོས་ཁྱོད་ལ་ཕྱིས་ཀྱང་ཅུང་ཟད་ཉེ་བར་བསྒྲུབ་པར་བྱའི། ཞེང་དུ་འདི་ཙམ་གྱིས་སྐྱེད་ཅིག་།འཕགས་པ། དོག་པ་སུ་སྩོལ་བར་འགྱུར། ཁྱིམ་བདག་དེ་ཉིད་ཀྱིས་སྦྱིན་པར་འགྱུར་རོ། །དེས་རས་ཡུག་ཆེན་དེ་འཐག་པ་ན། དོག་པ་དེ་ཟད་ནས་དེ་ཁྱིམ་བདག་དེའི་གན་དུ་སོང་བ་དང ། ཇི་ཙམ་ན་ཁྱིམ་བདག་གི་ཆུང་མ་ནི་མེད། ཁྱིམ་བདག་ནི། འདུག་ནས་ཐ་ག་པ་དེས་ཁྱིམ་བདག་དེ་ལ་སྨྲས་པ། ཁྱིམ་བདག། རས་ཡུག་ཆེན་དེ་བཏག་པའི་དོག་པ་ཟད་ཀྱི། དོག་པ་བྱིན་
Cha247b
ཅིག་།ཁྱིམ་བདག་དེས་བྱིན་ཏེ་བཏང་ངོ ། །ཡང་འཐག་པ་ན་དོག་པ་ཟད་ནས་དེ་ཡང་ཁྱིམ་བདག་དེའི་གན་དུ་སོང་བ་དང ། ཇི་ཙམ་ན་ཁྱིམ་བདག་ནི་མེད། ཁྱིམ་བདག་གི་ཆུང་མ་ནི། འདུག་ནས་ཐ་ག་པ་དེས་ཁྱིམ་བདག་གི་ཆུང་མ་དེ་ལ་སྨྲས་པ། སྲུ་རས་ཡུག་ཆེན་དེ་བཏག་པའི་དོག་པ་ཟད་ཀྱི། དོག་པ་བྱིན་ཅིག་།དེས་བྱིན་ཏེ་བཏང་ངོ ། །ཡང་འཐག་པ་ན་དོག་པ་ཟད་ནས་དེ་ཁྱིམ་བདག་དེའི་ཁྱིམ་དུ་སོང་བ་དང ། ཇི་ཙམ་ན། ཁྱིམ་བདག་དང་ཁྱིམ་བདག་གི་ཆུང་མ་གཉི་ག་འདུག་ནས་ཐ་ག་པ་དེས་ཁྱིམ་བདག་དེ་ལ་སྨྲས་པ། ཁྱིམ་བདག། ཡང་རས་ཡུག་ཆེན་དེ་བཏག་པའི་དོག་པ་ཟད་ཀྱི། ཡང་དོག་པ་བྱིན་ཅིག་།ཁྱིམ་བདག་གི་ཆུང་མས་སྨྲས་པ། ཀྱེ་ཐ་ག་པ། ཅི། རས་ཡུག་ཆེན་དེ་བསྐྱེད་དམ། ཁྱིམ་བདག་གིས་ཆུང་མ་ལ་སྨྲས་པ། བཟང་མོ། ཅི། ཁྱོད་ཀྱིས་ཀྱང་འདི་ལ་དོག་པ་བྱིན་ནམ། སྩལ་ཏོ། །ཁྱིམ་བདག་གིས་སྨྲས་པ། ཀྱེ་ཐ་ག་པ་ཅི། རས་ཡུག་ཆེན་དེ་བསྐྱེད་དམ། ཐ་ག་པས་སྨྲས་པ། ཁྱིམ་བདག། ཅི། དེང་བསྐྱེད་པར་བརྩམས་སྙམ་མམ། ཉི་མ་གང་ཁོ་ན་ལ་བཙུན་པ་ཉེ་དགའ་མཆིས་ནས་འདི་སྐད་ཅེས། སྲིད་དུ་འདི་ཙམ་གྱིས་བསྲིངས་ཤིག་།ཞེང་དུ་འདི་ཙམ་གྱིས་སྐྱེད་ཅིག་།ཅེས་མཆི་བའི་ཉི་མ་དེ་ཁོ་ན་ལ་སྐྱེད་པར་བརྩམས་སོ། །ཁྱིམ་བདག་གི་ཆུང་མས་བསམ་པ། རས་ཡུག་དེ་ཅི་འདྲ། ཇེ་བལྟར་འགྲོའོ། །སྙམ་ནས་དེ་དེར་སོང་བ་དང ། ཇི་ཙམ་ན་ཆེན་པོ་ལ་འོས་པའི་རས་ཡུག་ཆེན་མཐོང་ངོ ། །དེ་མཐོང་ནས་དེའི་མིག་ཁྲག་གིས་གང་སྟེ་སྨྲས་པ། ཁོ་མོས་རས་ཡུག་ཆེན་འདི། འཕགས་པ་ཉེ་དགའ་ལ་མི་སྦྱིན་ནོ། །ཁོ་
Cha248a
༄#། །མོས་དེའི་དོན་དུ་རས་ཡུག་ཆེན་གཞན་ཞིག་འཐག་ཏུ་གཞུག་གོ་།ཞེས་ཟེར་ཏེ་སོང་ངོ ། །ཉེ་དགའ་དུས་དང་དུས་སུ་དེར་འོངས་ནས་སྨྲས་པ། ཀྱེ་ཐ་ག་པ། རུང་ངམ། འཕགས་པ།་བདག་གི་ནི། རུང་ན། ཁྱོད་ཀྱི་ནི། མི་རུང་ངོ ། །ཀྱེ་ཐ་ག་པ། ཇི་ལྟར་གྱུར། དེས་སྨྲས་པ། ཁྱིམ་བདག་གི་ཆུང་མ་མཆིས་པར་གྱུར་ཏེ། དེས་རས་ཡུག་ཆེན་མཐོང་ནས་དེའི་མིག་ཁྲག་གིས་གང་སྟེ་ཁོ་མོས་འཕགས་པ་ཉེ་དགའ་ལ་རས་ཡུག་ཆེན་འདི་མི་སྦྱིན་ནོ། །ཁོ་མོས་དེའི་དོན་དུ་རས་ཡུག་ཆེན་གཞན་འཐག་ཏུ་གཞུག་གོ་།ཞེས་མཆི་སྟེ་མཆིས་སོ། །ཀྱེ་ཐ་ག་པ། ཁྱོད་ལ་ཁོ་བས་ཅུང་ཞིག་བྱས་པ་ཡོད་པ་ཤེས་སམ། དེས་སྨྲས་པ། ཅིའི་སླད་དུ་མ་འཚལ། བདག་ད་དུང་ཡང་ཁྱོད་ཀྱི་ལ་དུ་དག་འཚལ་ཞིང་མཆིས་སོ། །ཀྱེ་ཐ་ག་པ། གང་གི་ཚེ་ཁོ་བོ་ཁྱིམ་དེར་འོངས་པར་གྱུར་པ་དེའི་ཚེ་ན་ཁྱོད་ཀྱིས་རས་ཡུག་ཆེན་དེ་ཁྱེར་ཏེ་ཤོག་ཅིག་།འཕགས་པ། ཇེ་བཞུད་ཅིག་དང ། བདག་གིས་ཀྱང་ཁ་ཚར་བཀལ་ཏེ་མཆིའོ། །ཉེ་དགའ་དེའི་ཁྱིམ་དུ་སོང་སྟེ་སྒོའི་ཐད་ཀར་འདུག་པ་དང ། ཁྱིམ་བདག་གི་ཆུང་མ་དེས་རྐང་པ་ལ་ཕྱག་འཚལ་ཏེ་ཁ་སྒོར་ལྟ་ཞིང་མདུན་དུ་འདུག་གོ་།ཐ་ག་པ་དེས་ཀྱང་རས་ཡུག་ཆེན་དེའི་ཁ་ཚར་དྲིལ་ནས་དེ་ཁྱེར་ཏེ་དེར་སོང་བ་དང ། ཁྱིམ་བདག་གིས་ཆུང་མ་དེས་དེ་ཐག་རིང་པོ་ཁོ་ན་ནས་མཐོང་ནས། དེས་ལག་བརྡས་མ་འོངས་ཤིག་ཅེས་བྱས་པ་དང ། ཐ་ག་པ་དེས་ཕྱོགས་བཞིར་རྣམ་པར་བལྟས་ནས་ལྟོས་བཟུང་བས་མགོ་སྨད་དེ་ནང་དུ་ཞུགས་ནས་དེས་རས་ཡུག་
Cha248b
ཆེན་དེ། ཁྱིམ་བདག་གི་ཆུང་མ་དེའི་པང་དུ་བཞག་པ་དང ། ཉེ་དགས་ཚམ་ཚོམ་མེད་པར་བླངས་ཏེ་སྨྲས་པ། ཨ་རོག་ཀྱ། སྦྱིན་པ་འདིས་ཁྱོད་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་ཐོབ་པ་དང ། ལྷ་དང་མི་རྣམས་ཀྱི་གོས་ཐོབ་པར་གྱུར་ཅིག་།ཁྱིམ་བདག་གི་ཆུང་མས་སྨྲས་པ། འཕགས་པ། ཁྱིམ་བདག་གིས་རང་གི་སུག་པ་ནས་དབུལ་གྱི། སླར་སྩོལ་ཅིག་།ཉེ་དགས་སྨྲས་པ། ཁོ་བོས་འདི་ཇེ་རུང་བར་བྱས། དེའི་འོག་ཏུ་ཁྱིམ་བདག་དྲང་སྲོང་གི་རྒྱལ་མཚན་བསྐོན་དུ་གཞུག་གོ་།ཁྱིམ་བདག་གིས་ཆུང་མས་སྨྲས་པ། འཕགས་པ། བཅོམ་ལྡན་འདས་ཀྱིས་ཁ་དོག་དཀར་པོར་བསྔགས་སོ། །ཉེ་དགས་སྨྲས་པ། དྲང་སྲོང་གི་རྒྱལ་མཚན་བསྐོན་དུ་ཆུག་ཅིག་ཅེས་སྨྲས་ནས་ལངས་ཏེ་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་སོ་ལྔ་པ།་ཐ་ག་པས་སྨྲས་པ། ཁྱིམ་བདག་གིས་བཙུན་མོ། བདག་ལ་གླ་བྱིན་ཅིག་།དེས་སྨྲས་པ། ཁོ་མོའི་རས་ཡུག་ཆེན་གཅིག་ཀྱང་འཕྲོག་ཏུ་བཅུག་ནས་གླ་གཞན་ཡང་དེད་དམ། སོང་ལ་ཁྱོད་ཀྱིས་གང་ལ་རས་ཡུག་ཆེན་བྱིན་པ་དེ་ཉིད་ལ་གླ་དོས་ཤིག་།དེ་ཉེ་དགའི་གན་དུ་སོང་སྟེ་སྨྲས་པ། འཕགས་པ། བདག་ལ་གླ་སྩོལ་ཅིག་།སོང་ལ་ཁྱིམ་བདག་གི་ཆུང་མ་དེ་ཉིད་ལ་དོས་ཤིག་།འཕགས་པ།་ཁྱིམ་བདག་གི་མཆིས་བྲང་དེ་མཆི་འབོ་ཞིང་འདི་སྐད་ཅེས། ཁྱོད་ཀྱིས་གང་ལ་རས་ཡུག་ཆེན་བྱིན་པ་དེ་ཉིད་ལ་གླ་དོས་ཤིག་ཅེས་མཆིའོ། །ཉེ་དགས་སྨྲས་པ། སོང་ཞིག་དང་བྱིན་པར་འགྱུར་རོ། །
Cha249a
༄#། །ཐ་ག་པ་དེ་ཡང་དེའི་གན་དུ་སོང་སྟེ་སྨྲས་པ། ཁྱིམ་བདག་གི་བཙུན་མོ། བདག་ལ་གླ་བྱིན་ཅིག་།དེས་སྨྲས་པ། ཀཝའི་ཁྱོ་ག་ཁྱོད་འདུག་མི་ཕོད་དམ། གལ་ཏེ་འདུག་ན་ནི། འདུག་ཅིག་།མི་འདུག་ན། ཁོ་མོས་ཁྱོད་ཀྱི་མགྲིན་པར་ཆོལ་ཟངས་བཏགས་ཏེ་མཉན་ཡོད་ཐམས་ཅད་དུ་བསྐོར་བར་བྱའོ། །ཐ་ག་པ་དེ་ཡང་ཉེ་དགའི་ཐད་དུ་སོང་སྟེ་སྨྲས་པ། འཕགས་པ། ཁྱིམ་བདག་གི་མཆིས་བྲང་བདག་སྤྱོས་ཏེ། ཀཝའི་ཁྱོ་ག་ཁྱོད་འདུག་མི་ཕོད་དམ། གལ་ཏེ་འདུག་ན་ནི། འདུག་ཅིག་།མི་འདུག་ན། ཁོ་མོས་ཁྱོད་ཀྱི་མགྲིན་པར་ཆོལ་ཟངས་བཏགས་ཏེ་མཉན་ཡོད་ཐམས་ཅད་དུ་བསྐོར་བར་བྱའོ། །ཞེས་མཆི་ཡི། འཕགས་པ། བདག་ལ་གླ་སྩོལ་ཅིག་།ཉེ་དགས་སྨྲས་པ། ཀྱེ་ནང་རྗེ། གལ་ཏེ་གང་གིས་ཁོ་བོའི་རས་ཡུག་ཆེན་འཐག་ཏུ་བཅུག་པ་དེའི་གླ་ཁོ་བོ་འཇལ་བར་གྱུར་ན། ཁོ་བོའི་ལྷུང་བཟེད་དང་ཆོས་གོས་ཀྱང་མེད་པར་འགྱུར་རོ། །གཞན་ཡང་ཚུར་ཤོག་།རྩིས་བྱའི། ཁྱོད་ཀྱིས་ཁོ་བོ་ལས་བག་ཕྱེའི་རིན་དང ། ཞུན་མར་དང ། ཧཝགས་ལ་སོགས་པ་ཇི་ཙམ་ཁྱེར་བ་དག་ཁོད་ཅིག་།ཅེས་རྩིས་བྱས་པ་དང ། ཇི་ཙམ་ན་ཆེས་ལྷག་པར་ཁྱེར་བར་གྱུར་ནས། ཉེ་དགས་ཐ་ག་པ་དེ་ཡུད་ཙམ་ཞིག་ཉི་ཚན་ལ་བཏགས་ཏེ་བཏང་ངོ ། །ཐ་ག་པ་དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི། ཚིག་གོ། བྲམ་ཟེའི་ཚུལ་ནི། ཚིག་སྟེ། འདི་ལྟར། ལྷག་པ་ཁོ་ན་བྱའོ། །ཞེས་ཟེར་ལ། འབྲི་བ་ཁོ་ནར་བྱེད་དོ། །ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་
Cha249b
བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པས་ཐ་ག་པ་ཉེ་དུ་མ་ཡིན་པ་ལ་གོས་འཐག་ཏུ་བཅུག་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པར་རྣམ་པར་རྟོག་པ་འགའ་ཞིག་བྱུང་ནས་ཐ་ག་པ་ཉེ་དུ་མ་ཡིན་པའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཐ་ག་པ་ཤེས་
Cha250a
༄#། །པར་གྱིས་ཤིག་།གོས་འདི་ཁོ་བོའི་ཕྱིར་འཐག་གི་།ཚེ་དང་ལྡན་པ་ཐ་ག་པ། གོས་འདི་ཞེང་ཆེ་བ་དང ། ཁྲུན་རིང་བ་དང ། ཐར་གྱིས་ཞག་པ་དང ། ཐག་རན་བཟང་བར་ལེགས་པར་གྱིས་ཤིག་།ཚེ་དང་ལྡན་པ་ཐ་ག་པ། འདི་ལྟར་ཁོ་བོས་གླ་རྔན་འདི་ལྟ་སྟེ། བཟའ་བའམ། བཅའ་བ་ཙམ་མམ། བཟའ་རྒྱུ་ཅུང་ཟད་སྦྱིན་ནོ། །ཞེས་སྨྲས་ནས། དེ་ལ་གལ་ཏེ་དགེ་སློང་དེས་གོས་བསྒྲུབ་པའི་ཕྱིར་གླ་རྔན་འདི་ལྟ་སྟེ། བཟའ་བའམ། བཅའ་བ་ཙམ་མམ། བཟའ་རྒྱུ་ཅུང་ཟད་ཅིག་སྦྱིན་ཞིག་གོས་གྲུབ་ན། སྤང་བའི་ལྟུང་བྱེད་དོ། །དགེ་སློང་གི་ཕྱིར་ཞེས་བྱ་བ་ནི། ཤཱཀྱའི་བུ་ཉེ་དགའ་འམ།་གཞན་ཡང་དེ་ལྟ་བུ་གང་ཡིན་པའོ། །ཁྱིམ་བདག་ཅེས་བྱ་བ་ནི། སྐྱེས་པའོ། །ཁྱིམ་བདག་གི་ཆུང་མ་ཞེས་བྱ་བ་ནི། བུད་མེད་དོ། །ཉེ་དུ་མ་ཡིན་པ་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ཀྱི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །ཐ་ག་པ་ཞེས་བྱ་བ་ནི། ཐགས་མཁན་ནོ། །ཉེ་དུ་མ་ཡིན་པ་ལ་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ཀྱི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །གོས་འཐག་ཏུ་བཅུག་པ་ལས་ཞེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་དག་ལས་གང་ཡང་རུང་བའོ། །དེ་ན་གལ་ཏེ་དགེ་སློང་དེ་ལ་ཞེས་བྱ་བ་ནི། ཤཱཀྱའི་བུ་ཉེ་དགའ་ལའོ། །སྔར་མ་བསྟབས་པར་
Cha250b
ཞེས་བྱ་བ་ནི། སྔར་མགྲོན་དུ་མ་བོས་པར་རོ། །རྣམ་པར་རྟོག་པ་འགའ་ཞིག་བྱུང་ནས་ཞེས་བྱ་བ་ནི། བསྙེན་བཀུར་བྱེད་པ་འགའ་ཞིག་བྱུང་ནས་སོ། །ཐ་ག་པ་ཉེ་དུ་མ་ཡིན་པའི་གན་དུ་སོང་སྟེ་ཞེས་བྱ་བ་ནི། དྲུང་དུ་སོང་སྟེའོ། །འདི་སྐད་ཅེས་ཚེ་དང་ལྡན་པ་ཐ་ག་པ་ཤེས་པར་གྱིས་ཤིག་།གོས་འདི་ཁོ་བོའི་ཕྱིར་འཐག་གི་།ཞེས་བྱ་བ་ནི། བདག་ཉིད་ཉེ་བར་སྟོན་པར་བྱེད་པའོ། །ཞེས་ཆེ་བ་ཞེས་བྱ་བ་ནི། རྒྱར་ཆེ་བའོ། །ཁྲུན་རིང་བ་ཞེས་བྱ་བ་ནི། ཆུར་རིང་བའོ། །ཐར་གྱིས་ཞག་པ་ཞེས་བྱ་བ་ནི། འཇུར་མདུད་མེད་པའོ། །ཐག་རན་བཟང་བར་ཞེས་བྱ་བ་ནི། བྱེར་ཟུག་སྙོམས་པ་དང ། ཤས་བཟང་བ་དང ། སང་སེང་མེད་པར་རོ། །བཟའ་བའམ་ཞེས་བྱ་བ་ནི། བཟའ་བ་ལྔ་པོ་དག་གོ། བཅའ་བ་ཙམ་མམ་ཞེས་བྱ་བ་ནི། བཅའ་བ་ལྔ་པོ་དག་གོ། བཟའ་རྒྱུ་ཞེས་བྱ་བ་ནི། བཟའ་བའི་རྒྱུའོ། །དེ་ལ་གལ་ཏེ་དགེ་སློང་དེས་ཞེས་བྱ་བ་ནི། ཤཱཀྱའི་བུ་ཉེ་དགས་སོ། །གོས་བསྒྲུབ་པའི་ཕྱིར་ཞེས་བྱ་བ་ནི། གོས་ཐོབ་པར་བྱ་བའི་ཕྱིར་རོ། །གོས་གྲུབ་ན་ཞེས་བྱ་བ་ནི། གོས་ཐོབ་ནའོ། །སྤང་བའི་ལྟུང་བྱེད་དོ་ཞེས་བྱ་བ་ནི། དངོས་པོ་དེ་སྤང་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་གོས་བསྒྲུབ་པའི་ཕྱིར་ཁྲི་ལས་ལྡང་བར་བྱེད། གོས་དག་དང་ཤམ་ཐབས་གོན་པར་བྱེད། ལག་པ་དང་ལྷུང་བཟེད་འཁྲུ་བར་བྱེད། བསོད་སྙོམས་ལ་འཇུག་པར་བྱེད། བཅའ་བ་ལྔ་དང་བཟའ་བ་ལྔ་དག་སློང་བར་བྱེད། ཐ་ག་པ་ལ་
Cha251a
༄#། །སྦྱིན་པར་བྱེད་ཅིང་ཇི་སྲིད་དུ་གོས་ཐོབ་པར་མི་བྱེད་ཀྱི་བར་དུ་ཉེས་བྱས་སུ་འགྱུར་རོ། །གོས་ཐོབ་ན། སྤང་བའི་ལྟུང་བྱེད་དུ་འགྱུར་རོ། །གལ་ཏེ་ཕྱོགས་ག་གེ་མོ་ཞིག་ཏུ་གོས་འཐག་ཏུ་བཅུག་གི། དེ་ཁྱོད་ཀྱིས་བལྟ་བར་བྱའོ། །ཞེས་སྔར་བསྟབས་པར་གྱུར་ན། ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། ། འཐག་པ་བསྐྱེད་པའི་སྤང་བ་སྟེ། ཉི་ཤུ་བཞི་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དགའ་བོ་ལ་ལྷན་ཅིག་གནས་པ་ཆོས་ཞེས་བྱ་བ་ངོ་ཚ་ཤེས་པ། འགྱོད་པ་དང་ལྡན་པ། བསྡམས་པ། བསླབ་པ་འདོད་པ་ཞིག་ཡོད་པ་དེས། ཇི་སྲིད་དུ་དེ་གནས་ངན་ལེན་ཀུན་ཏུ་སྤྱོད་པར་མི་ཤེས་པ་དེ་སྲིད་དུ་དེ་དང་ལྷན་ཅིག་གནས་སོ། །གང་གི་ཚེ་དེས་དེ་གནས་ངན་ལེན་ཀུན་ཏུ་སྤྱོད་པར་ཤེས་པ་དེའི་ཚེ་ན། དེ་རང་བཞིན་དུ་གནས་པའི་དགེ་སློང་རྣམས་དང་ལྷན་ཅིག་གནས་པར་བརྩམས་ཏེ། བཅོམ་ལྡན་འདས་ཀྱིས་བཀའ་ལུང་གིས་དུས་གསུམ་དུ་རྐང་པ་ལ་ཕྱག་འཚལ་དུ་འགྲོ་བ་འབའ་ཞིག་བྱེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས།
Cha251b
ཆོས་གོས་ཀྱི་ལས་ཀྱིས་ཤིག་ཅེས་སྒོས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བར་དེས་ཆོས་གོས་ཀྱི་ལས་གྱིས་ཤིག་།དགའ་བོས་ཐོས་ཏེ་ཐོས་ནས་ཀྱང་ཉེ་དགའ་ལ་སྨྲས་པ། ཚེ་དང་ལྡན་པ་ཉེ་དགའ་ཤེས་པར་གྱིས་ཤིག་།ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་ཚེ་དང་ལྡན་པ་དག་ཤེས་པར་གྱིས་ཤིག་།བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་ཀྱི་ལས་ཀྱིས་ཤིག་ཅེས་བསྒོ་ན། གལ་ཏེ་བདག་ཅག་འདི་ཉིད་དུ་འདུག་ན་ནི། སྒོ་འཕར་བརྒྱ་དག་འདས་ཏེ། ཅི་ནས་ཀྱང་ལྟོ་དགང་བ་བསྒྲུབ་པར་བྱ་དགོས་སོ། །ཅི་སྟེ་བཅོམ་ལྡན་འདས་དང་ཐབས་ཅིག་ཏུ་འགྲོ་ན་ནི། བཅོམ་ལྡན་འདས་ཀྱིས་སངས་རྒྱས་གཤེགས་པ་ལ་ཕན་ཡོན་བཅོ་བརྒྱད་ཡོད་པར་གསུངས་པས། སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་བཅོམ་ལྡན་འདས་དང་ཐབས་ཅིག་འགྲོ་བར་འགྱུར་བས། གལ་ཏེ་བཅོམ་ལྡན་འདས་དང་ཐབས་ཅིག་འགྲོ་ན། རེ་ཞིག་ཆུ་ཡང་རྙོག་མ་ཅན་དག་བཏུང་དགོས་པར་འགྱུར་ལ། ཤིང་ལྗོན་པའི་དྲུང་དུ་ཡང་གོས་ཐོབ་པར་མི་འགྱུར་གྱི། བདག་ཅག་དགེ་སློང་རབ་ཏུ་བཤེས་པ་འགའ་ཞིག་ཁྲིད་
Cha252a
༄#། །དེ། སངས་རྒྱས་དང ། ཆོས་དང ། དགེ་འདུན་གྱི་བསྔགས་པ་བརྗོད་ཅིང་མདུན་དུ་དོང་ན། དེ་ལྟ་ན། བདག་ཅག་བདེ་བར་རྒྱུ་བར་འགྱུར་ཞིང ། རྙེད་པ་མང་པོ་ཡང་འགྲུབ་པར་འགྱུར་རོ། །ཉེ་དགས་སྨྲས་པ། སློབ་དཔོན། རེ་ཞིག་གསེར་གྱི་སྣོད་སྤངས་ཏེ་སའི་སྣོད་ཀྱིས་བསོད་སྙོམས་རྒྱུ་བར་བྱེད་དམ། ཁྱོད་ཀྱི་ལྷན་ཅིག་གནས་པ་ཆོས་ལྟ་བུ་ངོ་ཚ་ཤེས་པ། འགྱོད་པ་དང་ལྡན་པ། བསྡམས་པ། བསླབ་པ་འདོད་པ་སུ་ལ་ཡོད། དེས་ཁོ་བོ་མཐོང་བར་ཡང་མི་འདོད་དོ། །སློབ་དཔོན། བཅོམ་ལྡན་འདས་ཀྱིས་བསྡུ་བའི་དངོས་པོ་བཞི་པོ་སྦྱིན་པ་དང ། སྙན་པར་སྨྲ་བ་དང ། དོན་སྤྱོད་པ་དང ། དོན་མཐུན་པ་གང་དག་བཀའ་སྩལ་པ་དེ་དག་ལས། སློབ་དཔོན་གྱིས་འགའ་ཞིག་ཡང་དག་པར་བླངས་ཏེ་འཇུག་པར་བྱས་པ་ཡོད་དམ། དེ་ནི། ཐམས་ཅད་ཀྱི་ཐམས་ཅད་དུ་མེད་དོ། །དེའི་ཕྱིར་ཁྱོད་ཀྱི་གནས་སྐབས་དེ་ལྟ་བུ་དེར་གྱུར་ཏོ། །ཚེ་དང་ལྡན་པ་ཆོས་ཀྱི་སྣམ་སྦྱར་རྙིང་ནས་དེས་རས་ཡུག་ཆེན་ཞིག་རྙེད་ནས་བསམ་པ། བདག་སོང་ལ་མཁན་པོ་ལ་ཞུས་ཏེ་སྣམ་སྦྱར་བཙེམ་པར་བྱའོ། །སྙམ་ནས། དེས་དེ་ཁྱེར་ཏེ་དགའ་བོའི་གན་དུ་འཕགས་པ་དང ། དེ་འགྲོ་བ་ན་བསོད་སྙོམས་པ་ཞིག་གིས་མཐོང་ནས་དེས་སྨྲས་པ། ཚེ་དང་ལྡན་པ། ཁྱོད་གར་འགྲོ། དེས་སྨྲས་པ། ཁོ་བོའི་སྣམ་སྦྱར་རྙིང་སྟེ། ཁོ་བོས་རས་ཡུག་ཆེན་འདི་རྙེད་པས། བདག་སོང་སྟེ་མཁན་པོ་ལ་ཞུས་ལ་སྣམ་སྦྱར་བཙེམ་པར་བྱའོ། །བསོད་སྙོམས་པས་སྨྲས་པ། གལ་ཏེ་ཁྱོད་
Cha252b
སྣམ་སྦྱར་གསར་བ་གཞན་འཚེམ་ན། སྣམ་སྦྱར་རྙིང་པ་འདི་ཁོ་བོ་ལ་བྱིན་ཅིག་།དེ་བཞིན་བྱའོ། །དེ་དགའ་བོའི་གན་དུ་སོང་སྟེ་སྨྲས་པ། མཁན་པོ། བདག་གི་སྣམ་སྦྱར་རྙིང་སྟེ། བདག་གིས་རས་ཡུག་ཆེན་འདི་རྙེད་པས་སྣམ་སྦྱར་བཙེམ་པར་ཞུའོ། །ཉེ་དགས་སྨྲས་པ། སློབ་དཔོན། འདི་ནི། དེའི་དུས་ལགས་སོ། །དགའ་བོས་སྨྲས་པ། ཚེ་དང་ལྡན་པ་ཆོས། ཁོ་བོ་ཉིད་ལ་སྣམ་སྦྱར་ཞིག་ཡོད་པ་དེ་ཁོ་བོས་ཁྱོད་ལ་སྦྱིན་ནོ། །མཁན་པོ། མི་འཚལ་ཏེ། བདག་གིས་རས་ཡུག་ཆེན་འདི་ཉིད་ལས་སྣམ་སྦྱར་དྲུབས་ཏེ་བཅང་བར་བགྱིའོ། །ཉེ་དགས་སྨྲས་པ། ཚེ་དང་ལྡན་པ་ཆོས། ཁོ་བོས་ཀོ་གཞན་ཐོས་ལ་གཞན་མཐོང་སྟེ། ཁོ་བོས་ཁྱོད་ངོ་ཚ་ཤེས་པ། འགྱོད་པ་དང་ལྡན་པ། བསྡམས་པ། བསླབ་པ་འདོད་པ་ཡིན་པར་ཤེས་ཀྱི། ཁོ་བོས་ཁྱོད་འདི་ལྟར་མཁན་པོའི་ཆོས་དང་ལྡན་པའི་ཚིག་གཅོག་པར་མི་ཤེས་སོ། །ཅི་ཁྱོད། མཁན་པོ་དང་མི་མཐུན་པའི་དོན་ཡང་དག་པར་ལེན་པར་བྱེད་དམ། དེ་དགེ་སློང་དབང་ཆེན་པོས་སྨད་པས་ཅང་མི་སྨྲ་བར་འདུག་པ་དང ། དགའ་བོས་ཀྱང་དེ་ལ་སྣམ་སྦྱར་བྱིན་ནོ། །དེས་དེ་བླངས་ནས་སྨྲས་པ། མཁན་པོ། ཁྱོད་རས་ཡུག་ཆེན་འདི་བཞེས་ཤིག་།ཚེ་དང་ལྡན་པ་ཆོས། ཅི། ཁོ་བོས་ཁྱོད་ལ་བརྗེ་བའི་ཕྱིར་སྣམ་སྦྱར་བྱིན་པས་རས་ཡུག་ཆེན་གང་ཁྱོད་ཉིད་ཁྱེར་ཅིག་།དེས་བསམ་པ། བདག་ལ་ཡོ་བྱད་དོན་མེད་པ་འདིས་ཅི་བྱ། བདག་གིས་རས་ཡུག་ཆེན་འདི་དགེ་འདུན་ལ་དབུལ་བར་བྱ་ཞིང ། སྣམ་སྦྱར་རྙིང་པ་འདི་ཡང་བསོད་སྙོམས་པ་དེ་ལ་སྦྱིན་པ་མཁན་པོ་ལ་ཞུའོ། །
Cha253a
༄#། །སྙམ་ནས་སྨྲས་པ། མཁན་པོ། བདག་གིས་རས་ཡུག་ཆེན་འདི་དགེ་འདུན་ལ་དབུལ་བར་བགྱི་ཞིང ། སྣམ་སྦྱར་རྙིང་པ་འདི་ཡང་བསོད་སྙོམས་པ་ཞིག་གིས་བསླངས་བས་དེ་ལ་སྩལ་བར་བགྱི་བ་མཁན་པོ་ལ་ཞུའོ། །དེ་བཞིན་གྱིས་ཤིག་།དེས་རས་ཡུག་ཆེན་དེ་དགེ་འདུན་ལ་ཕུལ་ཞིང ། སྣམ་སྦྱར་རྙིང་པ་དེ་ཡང་བསོད་སྙོམས་པ་དེ་ལ་བྱིན་ནོ། །ཕྱི་དེ་ཉིན་པར་དེ་སྣམ་སྦྱར་དེ་གྱོན་ཏེ་མཁན་པོའི་རྐང་པ་ལ་ཕྱག་འཚལ་དུ་འོངས་པ་དང ། དགའ་བོས་སྨྲས་པ། ཚེ་དང་ལྡན་པ་ཁྱོད་ཤེས་པར་གྱིས་ཤིག་།ཚེ་དང་ལྡན་པ་ཀུན་དགའ་བོས། དགེ་སློང་རྣམས་ལ་ཚེ་དང་ལྡན་པ་དག་ཤེས་པར་གྱིས་ཤིག་།བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་ཀྱི་ལས་གྱིས་ཤིག་ཅེས་བསྒོ་ན། གལ་ཏེ་བདག་ཅག་འདི་ཉིད་དུ་འདུག་ན་ནི། སྒོ་འཕར་བརྒྱ་དག་འདས་ཏེ་ཅི་ནས་ཀྱང་ལྟོ་དགང་བ་བསྒྲུབ་པར་བྱ་དགོས་སོ། །ཅི་སྟེ་བཅོམ་ལྡན་འདས་དང་ཐབས་ཅིག་འགྲོ་ན་ནི། བཅོམ་ལྡན་འདས་ཀྱིས་སངས་རྒྱས་གཤེགས་པ་ལ་ཕན་ཡོན་བཅོ་བརྒྱད་ཡོད་པར་གསུངས་པས། སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་བཅོམ་ལྡན་འདས་དང་ཐབས་ཅིག་འགྲོ་བར་འགྱུར་བས། གལ་ཏེ་བཅོམ་ལྡན་འདས་དང་ཐབས་ཅིག་འགྲོ་ན། རེ་ཞིག་ཆུ་ཡང་རྙོག་མ་ཅན་དག་བཏུང་དགོས་པར་འགྱུར་ལ། ཤིང་ལྗོན་པའི་དྲུང་དུ་ཡང་གོ་ཐོབ་
Cha253b
པར་མི་འགྱུར་གྱི། བདག་ཅག་སངས་རྒྱས་དང ། ཆོས་དང ། དགེ་འདུན་གྱི་བསྔགས་པ་བརྗོད་ཅིང་མདུན་དུ་དོང་ན། དེ་ལྟ་ན། བདག་ཅག་བདེ་བར་རྒྱུ་བར་འགྱུར་ཞིང ། རྙེད་པ་མང་པོ་ཡང་འགྲུབ་པར་འགྱུར་རོ། །མཁན་པོ། བཅོམ་ལྡན་འདས་ཀྱིས་སངས་རྒྱས་གཤེགས་པ་ལ་ཕན་ཡོན་བཅོ་བརྒྱད་མཆིས་པར་བཀའ་སྩལ་པ། གང་དག་ལགས་པ་དེ་དག་མཁན་པོ་ལ་ཉེས་དམིགས་ཁོ་ནར་གྱུར་ཏེ། བདག་ནི། རེ་ཞིག་བཅོམ་ལྡན་འདས་ཉིད་དང་ཐབས་ཅིག་མཆིའོ། །དགའ་བོས་སྨྲས་པ། ཁོ་བོ་དང་ལྷན་ཅིག་འདོང་ངོ ། །དེས་སྨྲས་པ། བཅོམ་ལྡན་འདས་ཉིད་དང་ལྷན་ཅིག་མཆིའོ། །དགའ་བོས་སྤྱོས་ཏེ་སྨྲས་པ། ངན་པ། ཅི། ཁོ་བོས་ཁྱོད་ལ་ཆོས་ལ་ཆོས་ཉིད་བཟང་པོས་སྣམ་སྦྱར་བྱིན་སྙམ་ནས་ཁྱོད་ཁོ་བོ་དང་ལྷན་ཅིག་འགྲོ་བའི་ཕྱིར་བྱིན་པ་ཡིན་ན། གལ་ཏེ་ཁོ་བོ་དང་ལྷན་ཅིག་མི་འགྲོ་ན། སྣམ་སྦྱར་འོན་ཅིག་།ཁྱོད་ལ་མི་སྦྱིན་ནོ། །ཚེ་དང་ལྡན་པ་ཆོས་ཀྱིས་བསམ་པ། བདག་ལ་ཆོས་གོས་འཕྲོག་པ་ནི། བླའི། བདག་གནས་ངན་ལེན་ཀུན་ཏུ་སྤྱོད་པ་དག་དང་ལྷན་ཅིག་ལྗོངས་རྒྱུར་འགྲོ་བ་ནི། མི་རུང་ངོ ། །སྙམ་ནས། དེས་དེ་ལ་སྣམ་སྦྱར་ཕྱིར་བྱིན་ནོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང །
Cha254a
༄#། །ལྡན་པ། ཁྱུ་མཆོག་ལྟར་པ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་པའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་བསྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ།་ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། གནོད་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་
Cha254b
བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཤིན་ཏུ་དུལ་བ། སྤྱོད་ལམ་དང་སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་བཞག་པ་གསུམ་དང ། ཐུགས་རྗེ་ཆེན་པོ་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ་པ། ཉག་ཅིག་དཔའ་བ། གཉིས་པ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་ཞུགས་པ། རིག་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་པར་བསླབ་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་བརྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་
Cha255a
༄#། །ལག་བརྒྱད་སྟོན་པ། མཐར་གྱིས་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ་བརྒྱ་ཕྲག་བཅུར་དབང་བསྒྱུར་བ་ལས་ཁྱད་པར་དུ་འཕགས་པ། འཁོར་ཉན་ཐོས་ཆེན་པོ་ཚེ་དང་ལྡན་པ་ལྟེང་རྒྱས་འོད་སྲུང་དང ། ག་ཡ་འོད་སྲུང་དང ། ཆུ་ཀླུང་འོད་སྲུང་ལ་སོགས་པ་སྔོན་གྱི་རལ་པ་ཅན་སྟོང་དང ། ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་ལ་སོགས་པ་དགེ་སློང་གི་དགེ་འདུན་མང་པོས་མདུན་དུ་བདར་ཏེ་ཀོ་ས་ལ་དག་ཏུ་ལྗོངས་རྒྱུར་གཤེགས་སོ། །སངས་རྒྱས་བཅོམ་ལྡན་འདས་ལྗོངས་རྒྱུར་གཤེགས་པ་རྣམས་ནི། ཆོས་ཉིད་ཀྱིས་ན། སྐུ་ཐམས་ཅད་ཀྱིས་གཡས་ཕྱོགས་སུ་གླང་པོ་ཆེའི་ལྟ་ལྟངས་ཀྱིས་ལ་ལས་ལེགས་པར་མ་བགོས་པ་དང ། ལེགས་པར་མ་སྦྱངས་པར་མ་གྱུར་ཏམ་སྙམ་དུ་རྣམ་པར་གཟིགས་པར་མཛད་པས། བཅོམ་ལྡན་འདས་ཀྱིས་སྐུ་ཐམས་ཅད་ཀྱིས་གཡས་ཕྱོགས་སུ་གླང་པོ་ཆེའི་ལྟ་སྟངས་ཀྱིས་རྣམ་པར་གཟིགས་པ་ན། ཚེ་དང་ལྡན་པ་ཆོས། ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འགྲོ་བ་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དགེ་སློང་དབྱར་གནས་པ་རྣམས་ཀྱིས་ཆོས་གོས་ཀྱི་རྙེད་པ་མ་གྲུབ་བམ། བཅོམ་ལྡན་འདས། གྲུབ་བོ། འོ་ན་ཅིའི་ཕྱིར་དགེ་སློང་ཆོས། ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འགྲོ། དེས་སྐབས་དེ།
Cha255b
བཅོམ་ལྡན་འདས་ལ་རྒྱས་པར་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དགེ་སློང་དག། དགེ་སློང་ལ་གོས་བྱིན་ནས་འཕྲོག་པར་བྱེད་དམ། བཙུན་པ། འཕྲོག་པར་བགྱིད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགའ་བོ་ལ་རྨས་པ། དགའ་བོ། ཁྱོད་ཀྱིས་དགེ་སློང་ལ་གོས་བྱིན་ནས་ཡང་ཕྱིར་འཕྲོག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རུང་བ་མ་ཡིན་པ། རྗེས་སུ་མཐུན་པ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་འཕྲོག་གམ། འཕྲོག་ཏུ་འཇུག་ཅིང ། དེ་ལ་
Cha256a
༄#། །འདི་སྐད་ཅེས། དགེ་སློང་ཁྱོད་ལ་གོས་མི་སྦྱིན་གྱི། ཕྱིར་བྱིན་ཅེས་ཟེར་ན། དགེ་སློང་དེས་ལྷག་མ་ཡོད་པ་ཕྱིར་སྦྱིན་པར་བྱ་ཞིང ། བཏང་ན། སྤང་བའི་ལྟུང་བྱེད་དོ། ། ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་དགའ་བོའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་ལ་ཞེས་བྱ་བ་ནི། ཆོས་འདི་པའོ། །གོས་ཞེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་ལས་གང་ཡང་རུང་བའོ། །བྱིན་ནས་ཞེས་བྱ་བ་ནི། ཕྱིར་སྦྱིན་མི་དགོས་པར་རོ། །དེའི་འོག་ཏུ་ཞེས་བྱ་བ་ནི། དུས་གཞན་ནོ། །ཁྲོས་འཁྲུགས་རྔམ་པར་འགྱུར་ཏེ། ཡིད་མ་རངས་ནས་ཞེས་བྱ་བ་ནི། ཁྲོ་བ་མ་སངས་པར་རོ། །འཕྲོག་གམ་ཞེས་བྱ་བ་ནི། བདག་ཉིད་ཀྱིས་སོ། །འཕྲོག་ཏུ་འཇུག་ཅིང་ཞེས་བྱ་བ་ནི། གཞན་ནོ། །དགེ་སློང་དེས་ཞེས་བྱ་བ་ནི། དགེ་སློང་གང་ཡིན་པ་དེས་སོ། །ལྷག་མ་ཡོད་པ་ཞེས་བྱ་བ་ནི། དེའི་ལྷག་མ་གང་ཡོད་པའོ། །ཕྱིར་སྦྱིན་པར་བྱ་ཞིང་ཞེས་བྱ་བ་ནི། གཏང་བར་བྱ་ཞིང་ངོ ། །བཏང་ན་ཞེས་བྱ་བ་ནི། ལུས་དང་བྲལ་བར་བྱས་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། ལུས་གཡོ་བར་བྱེད་པ་དང ། ཚིག་རྗོད་པར་བྱེད་པ་དང ། དེ་གཉི་ག་དང་ལྡན་པ་དང ། གཞན་དག་
Cha256b
གིས་སོ། །དེ་ལ་ཇི་ལྟར་ལུས་གཡོ་བར་བྱེད་པས་ཤེ་ན། དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་ལུས་ཀྱིས་རྟུལ་བར་བྱེད་ཅིང་འདྲེན་པར་བྱེད། ཁྲིད་པར་བྱེད་ལ། ཚིག་གིས་དགེ་སློང་ཁྱེད་ལ་གོས་མི་སྦྱིན་གྱི། ཕྱིར་བྱིན་ཅེས་ནི། མི་ཟེར་ན། ཇི་སྲིད་དུ་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། གོས་ཀྱི་གྲཝ་ལུས་ལས་བྲལ་བར་བྱེད་ན། སྤང་བའི་ལྟུང་བྱེད་དུ་འགྱུར་ཏེ། དེ་ལྟར་ལུས་གཡོ་བར་བྱེད་པས་སོ། །ཇི་ལྟར་ཚིག་རྗོད་པར་བྱེད་པས་ཤེ་ན། དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་དགེ་སློང་ཁྱོད་ལ་གོས་མི་སྦྱིན་གྱི། ཕྱིར་བྱིན་ཅིག། ཅེས་ཚིག་རྗོད་པར་བྱེད་ལ། ལུས་ཀྱིས་རྟུལ་བར་མི་བྱེད་ན། ཇི་སྲིད་དུ་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། གོས་ཀྱི་གྲཝ་ལུས་ལས་བྲལ་བར་བྱེད་ན། སྤང་བའི་ལྟུང་བྱེད་དུ་འགྱུར་ཏེ། དེ་ལྟར་ཚིག་རྗོད་པས་སོ། །ཇི་ལྟར་དེ་གཉི་ག་དང་ལྡན་པས་ཤེ་ན། དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས། ལུས་ཀྱིས་ཀྱང་རྟུལ་བར་བྱེད་ཅིང ། ཚིག་གིས་ཀྱང་དགེ་སློང་ཁྱོད་ལ་གོས་མི་སྦྱིན་གྱི། ཕྱིར་བྱིན་ཅིག་ཅེས་ཟེར་ན། ཇི་སྲིད་དུ་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་ཉེས་བྱས་སུ་འགྱུར་ལ། གོས་ཀྱི་གྲཝ་ལུས་ལས་བྲལ་བར་བྱེད་ན། སྤང་བའི་ལྟུང་བྱེད་དུ་འགྱུར་ཏེ། དེ་ལྟར་གཉི་ག་དང་ལྡན་པས་སོ། །ཇི་ལྟར་གཞན་དག་
Cha257a
༄#། །གིས་ཤེ་ན། དགེ་སློང་གིས་དགེ་སློང་ལ་གོས་བྱིན་ནས། དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས། དགེ་སློང་འཕྲོག་ཏུ་འཇུག་ན་ཇི་སྲིད་དུ་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་གཉི་ག་ལ་ཉེས་བྱས་རེ་རེར་འགྱུར་ལ། གོས་ཀྱི་གྲཝ་ལུས་ལས་བྲལ་བར་བྱེད་ན། གཉི་ག་ལ་སྤང་བའི་ལྟུང་བྱེད་རེ་རེར་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་དགེ་སློང་མ་འཕྲོག་ཏུ་འཇུག་ན། ཇི་སྲིད་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་གཉི་ག་ལ་ཉེས་བྱས་རེ་རེར་འགྱུར་ལ། གོས་ཀྱི་གྲཝ་ལུས་ལས་བྲལ་བར་བྱེད་ན། དགེ་སློང་མ་ལ་ཉེས་བྱས་ཉིད་དུ་འགྱུར་ལ། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་དགེ་སློབ་མ་འཕྲོག་ཏུ་འཇུག་ན། ཇི་སྲིད་དུ་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་གཉི་ག་ལ་ཉེས་བྱས་རེ་རེར་འགྱུར་ལ། གོས་ཀྱི་གྲཝ་ལུས་ལས་བྲལ་བར་བྱེད་ན། དགེ་སློབ་མ་ལ་ཉེས་བྱས་ཉིད་དུ་འགྱུར་ལ། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་དགེ་ཚུལ་འཕྲོག་ཏུ་འཇུག་ན། ཇི་སྲིད་དུ་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་གཉི་ག་ལ་ཉེས་བྱས་རེ་རེར་འགྱུར་ལ། གོས་ཀྱི་གྲཝ་ལུས་ལས་བྲལ་བར་
Cha257b
བྱེད་ན། དགེ་ཚུལ་ལ་ཉེས་བྱས་ཉིད་དུ་འགྱུར་ལ། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་དགེ་ཚུལ་མ་འཕྲོག་ཏུ་འཇུག་ན། ཇི་སྲིད་དུ་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་གཉི་ག་ལ་ཉས་བྱས་རེ་རེར་འགྱུར་ལ། གོས་ཀྱི་གྲཝ་ལུས་ལས་བྲལ་བར་བྱེད་ན། དགེ་ཚུལ་མ་ལ་ཉེས་བྱས་ཉིད་དུ་འགྱུར་ལ། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་ཁྱིམ་པ་འཕྲོག་ཏུ་འཇུག་ན། ཇི་སྲིད་དུ་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་ཁྱིམ་པ་ལ་བསོད་ནམས་མ་ཡིན་པ་མང་པོ་སྐྱེ་བར་འགྱུར་ཞིང ། དགེ་སློང་ལ་ཉེས་བྱས་སུ་འགྱུར་ལ། གོས་ཀྱི་གྲཝ་ལུས་ལས་བྲལ་བར་བྱེད་ན། ཁྱིམ་པ་ལ་བསོད་ནམས་མ་ཡིན་པ་ཆེས་མང་དུ་སྐྱེ་བར་འགྱུར་ཞིང ། དགེ་སློང་ལ་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་གོས་བྱིན་ནས། དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་ཁྱིམ་པ་མོ་འཕྲོག་ཏུ་འཇུག་ན། ཇི་སྲིད་གོས་ཀྱི་གྲཝ་ལུས་ལས་བྲལ་བར་མི་བྱེད་པ་དེ་སྲིད་དུ་ཁྱིམ་པ་མོ་ལ་བསོད་ནམས་མ་ཡིན་པ་མང་དུ་སྐྱེ་བར་འགྱུར་ཞིང ། དགེ་སློང་ལ་ཉེས་བྱས་སུ་འགྱུར་ལ།་གོས་ཀྱི་གྲཝ་ལུས་ལས་བྲལ་བར་བྱེད་ན། ཁྱིམ་པ་མོ་ལ་བསོད་ནམས་མ་ཡིན་པ་ཆེས་མང་དུ་སྐྱེ་བར་འགྱུར་ཞིང ། དགེ་སློང་ལ་སྤང་བའི་ལྟུང་བྱེད་དུ་འགྱུར་ཏེ། དེ་ལྟར་གཞན་དག་གིས་སོ། །དོན་གཞན་
Cha258a
༄#། །དང་འདུལ་བའི་ཡོ་བྱད་ཀྱིས་ནི། ལྟུང་བ་མེད་དོ། །ཇི་ལྟར་དོན་གཞན་གྱིས་ཤེ་ན། འདི་ལྟ་སྟེ། སློབ་དཔོན་དང ། མཁན་པོའི་ལྷན་ཅིག་གནས་པ་དང ། ཉེ་གནས་དག་འཇིགས་པ་དང་བཅས་པའི་ཕྱོགས་སུ་དུས་མ་ཡིན་པ་དང ། ཆུ་ཀླུང་གི་ཁའམ། ཡུར་པོ་ཆེའི་ཁར་འགྲོ་བ་དེ་དག་ལ་སློབ་དཔོན་དང ། མཁན་པོས་ཆོམ་རྐུན་པ་དང ། གཡོན་ཅན་དག་གིས་གོས་དག་འཕྲོག་པར་གྱུར་ན་མི་རུང་ངོ ། །སྙམ་པས་འཕྲོག་གམ་འཕྲོག་ཏུ་འཇུག་པ་སྟེ། དེ་ལྟར་དོན་གཞན་གྱིས་སོ། །ཇི་ལྟར་འདུལ་བའི་ཡོ་བྱད་ཀྱིས་ཤེ་ན། འདི་ལྟ་སྟེ། དགེ་སློང་རྣམས་ཀྱི་ལྷན་ཅིག་གནས་པ་དང ། ཉེ་གནས་དག་སྡིག་པའི་གྲོགས་པོ་དང ། སྡིག་པའི་ཟླ་བོ་དང ། སྡིག་པའི་བསྟེན་གྲོགས་དག་དང་ལྷན་ཅིག་སྡིག་པ་བསྟེན་ཅིང་ལམ་དུ་འགྲོ་བར་གྱུར་ན། དེ་དག་ལ་མཁན་པོ་དང ། སློབ་དཔོན་གྱིས་འདི་དག་སྡིག་པའི་གྲོགས་པོ་དང ། སྡིག་པའི་ཟླ་བོ་དང ། སྡིག་པའི་བསྟེན་གྲོགས་ལ་བསྟེན་པར་གྱུར་ན་མི་རུང་ངོ ། །སྙམ་པས་གོས་དག་འཕྲོག་གམ་འཕྲོག་ཏུ་འཇུག་པ་སྟེ། དེ་དེ་ལྟར་འདུལ་བའི་ཡོ་བྱད་ཀྱིས་སོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཕྲོག་པའི་སྤང་བ་སྟེ། ཉི་ཤུ་ལྔ་པ་རྫོགས་སོ།། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲག་ཅིག་ན། ཁྱིམ་བདག་དད་པ་དང་ལྡན་པ། བཟང་བ། དགེ་བའི་བསམ་
Cha258b
པ་ཅན་ཞིག་འདུག་པ་དེ་དགོན་པར་དགེ་འདུན་གྱི་གཙུག་ལག་ཁང་རྟ་བབས་མཐོན་པོ་དང་ལྡན་པ། མཐོང་ཁུང་དང ། སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ། སྙིང་དང་མིག་འཕྲོག་པར་བྱེད་པ།་མཐོ་རིས་ཀྱི་ཐེམ་སྐས་སུ་གྱུར་པ། ཁྲི་དང ། ཁྲིའུ་དང ། ཡོ་བྱད་ཕུན་སུམ་ཚོགས་པ་ཞིག་བྱེད་དུ་བཅུག་སྟེ། དེ་ན་དགེ་སློང་དྲུག་ཅུ་གནས་པ་དེ་དག་ལ་ཁྱིམ་བདག་དེས་ཆོས་གོས་དང ། བསོད་སྙོམས་ལ་སོགས་པས་མཁོ་བ་སྟོབ་པར་བྱེད་དོ། །དེ་ནས་དུས་གཞན་ཞིག་ན་ཁྱིམ་བདག་དེ་དུས་ཀྱི་ཆོས་དང་ལྡན་པར་གྱུར་ནས་ཁྱིམ་བདག་དེ་ལ་བུ་ཞིག་ཡོད་པ་དེའི་གན་དུ་དགེ་སློང་དེ་དག་དོང་སྟེ་སྨྲས་པ། བཞིན་བཟང ། ཁྱོད་ཀྱི་ཕས་དགེ་སློང་དྲུག་ཅུ་ལ་ཆོས་གོས་དང ། བསོད་སྙོམས་ལ་སོགས་པས་མཁོ་བ་བསྟབས་པ་བྱས་པར་གྱུར་ན། ཁྱོད་ཀྱིས་ཀྱང་ཁོ་བོ་ཅག་དགེ་སློང་དྲུག་ཅུ་ལ་ཆོས་གོས་དང ། བསོད་སྙོམས་ལ་སོགས་པས་མཁོ་བ་སྟོབ་པར་བྱེད་ནུས་སམ། དེས་སྨྲས་པ། འཕགས་པ་དག། ལ་ལ་ནི། བརྒྱ་ལ་བསྙེན་བཀུར་བྱེད། ལ་ལ་ནི། སྟོང་ལ། ལ་ལ་ནི། འབུམ་ལ་བསྙེན་བཀུར་བྱེད་པ་ཡང་ཡོད། ལ་ལས་ནི། བདག་ཉིད་ཀྱང་གསོ་བར་དཀའ་བས་བདག་གིས་རྔོ་མི་ཐོགས་སོ། །དེ་ནས་དགེ་སློང་དེ་དག་གཙུག་ལག་ཁང་དེ་ནས་དོང་ངོ ། །རྒན་ཞུགས་རི་བྲག་དེ་ཉིད་ནས་རབ་ཏུ་བྱུང་བ་གཉིས་ཤིག། བསོད་སྙོམས་རྒྱུས་ནས་གཙུག་ལག་ཁང་དེ་ཉིད་ན་འཁོད་དོ། །བྱང་ལམ་ནས་དོན་མཐུན་དག་ལྷགས་ནས་དེ་དག་གིས་གཙུག་ལག་ཁང་དེ་ཐག་རིང་པོ་ཁོ་ན་ནས་མཐོང་ནས་དེ་དག་དེར་
Cha259a
༄#། །དོང་སྟེ་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ནས་གཙུག་ལག་ཁང་དུ་ཞུགས་པ་དང ། ཇི་ཙམ་ན་གཙུག་ལག་ཁང་སྟོན་པར་འདུག་ནས་དེ་དག་གིས་བསམ་པ།་དགེ་སློང་དག་ནང་དུ་ཡང་དག་འཇོག་ལ་ཞུགས་སམ། ཡང་ན་ཉིན་མོ་སྤྱོད་དུ་དོང་གོར་མ་ཆག་སྙམ་ནས། དེ་དག་དེ་ན་ཡོངས་སུ་བསྐོར་བ་ན་རྒན་ཞུགས་དེ་གཉིས་མཐོང་ནས་དེ་དག་གིས་དེ་གཉིས་ལ་སྨྲས་པ།་འཕགས་པ་གཉིས། དགེ་སློང་དག་གར་དོང ། དེ་གཉིས་ཀྱིས་སྨྲས་པ། བཞིན་བཟང་དག། འདི་ན་དགེ་སློང་དག་མི་འཁོད་དོ། །ཅིའི་སླད་དུ། ཁྱིམ་བདག་གང་གིས་གཙུག་ལག་ཁང་འདི་བྱེད་དུ་བཅུག་པ་དེས་དགེ་སློང་དྲུག་ཅུ་ལ་ཆོས་གོས་དང ། བསོད་སྙོམས་ལ་སོགས་པས་མཁོ་བ་བསྟབས་པ་བྱས་པར་གྱུར་ཏེ། དེ་དུས་ཀྱི་ཆོས་དང་ལྡན་པར་གྱུར་ནས། དགེ་སློང་རྣམས་ཀྱིས་དེ་ལ་བུ་ཞིག་ཡོད་པ་དེའི་གན་དུ་སོང་སྟེ། བཞིན་བཟང་ཁྱོད་ཀྱི་ཕས་དགེ་སློང་དྲུག་ཅུ་ལ་ཆོས་གོས་དང ། བསོད་སྙོམས་ལ་སོགས་པས་མཁོ་བ་བསྟབས་པ་བྱས་པར་གྱུར་ན། ཁྱོད་ཀྱིས་ཀྱང་ཁོ་བོ་ཅག་དགེ་སློང་དྲུག་ཅུ་ལ་ཆོས་གོས་དང ། བསོད་སྙོམས་ལ་སོགས་པས་མཁོ་བ་སྟོབ་པར་བྱེད་ནུས་སམ་ཞེས་སྨྲས་པས། དེ་ན་རེ། འཕགས་པ་དག་།ལ་ལ་ནི། བརྒྱ་ལ་བསྙེན་བཀུར་བྱེད། ལ་ལ་ནི། སྟོང་ལ། ལ་ལ་ནི། འབུམ་ལ་བསྙེན་བཀུར་བྱེད་པ་ཡང་ཡོད། ལ་ལས་ནི། བདག་ཉིད་ཀྱང་གསོ་བར་དཀའ་བས་བདག་གིས་རྔོ་མི་ཐོགས་སོ། །ཞེས་ཟེར་ནས་དགེ་སློང་དེ་དག་
Cha259b
དོང་ངོ ། །ཁོ་བོ་ཅག་གཉིས་ནི། བསོད་སྙོམས་རྒྱུས་ནས་གཙུག་ལག་ཁང་འདི་ཉིད་ན་འཁོད་དོ། །དེད་དཔོན་གྱིས་སྨྲས་པ། ཤེས་ལྡན་དག། བདག་ཅག་ཡུན་རིང་པོ་ནས་སྨོན་པ། ཀྱེ་མ་བདག་ཅག་གིས་དགེ་འདུན་གྱི་གཙུག་ལག་ཁང་བྱེད་དུ་གཞུག་ཅིང ། གཙུག་ལག་ཁང་བྱེད་དུ་བཅུག་ནས་དགེ་སློང་རྣམས་ལ་མཁོ་བ་བསྟབ་པར་བྱའོ། །སྙམ་ན། གཙུག་ལག་ཁང་འདི་ནི། བྱས་ཟིན་པ་ཡིན་པས།་གཙུག་ལག་ཁང་འདི་ཉིད་དུ་དགེ་སློང་རྣམས་ལ་མཁོ་བ་བསྟབ་པར་བྱའོ། །ཞེས་དེས་རས་ཡུག་ཆེན་བཏིང་སྟེ་ཤེས་ལྡན་དག། ཁྱེད་ཅག་ལས་གང་གིས་ཅི་ཡོངས་སུ་བཏང་བ་དེ་འདིར་ཕུལ་ཅིག་ཅེས་སྨྲས་པ་དང ། དེ་དག་གིས་ཀྱང་ཅི་འབྱོར་པ་དེ་ཕུལ་ནས་དེར་རྙེད་པ་མང་པོ་འདུས་པར་གྱུར་པ་དང ། དེད་དཔོན་གྱིས་རྒན་ཞུགས་དེ་གཉིས་ལ་སྨྲས་པ། འཕགས་པ་གཉིས། འདི་ནི། དགེ་སློང་དྲུག་ཅུའི་ཟླ་བ་གསུམ་གྱི་བསོད་སྙོམས་ལགས་སོ། །འདི་ནི། བརྒྱད་སྟོན་དང ། བཅུ་བཞི་སྟོན་དང ། ཉ་སྟོན་གྱི་བསོད་སྙོམས་ལགས་སོ། །འདི་ནི། ན་བའི་རྐྱེན་དང ། སྨན་གྱི་ཡོ་བྱད་ལགས་སོ། །འདི་ནི། རྙེད་པ་ལགས་སོ། །འདི་ནི། ཆོས་གོས་ཀྱི་ཟོང་ལགས་ཀྱི། དགེ་སློང་བཟང་པོ་དག་སྤྱན་དྲོངས་ཤིག། བདག་ཅག་དབྱར་འདས་ནས་འདིར་མཆིས་ཏེ། དགེ་སློང་བརྒྱ་ལ་མཁོ་བ་བསྟབ་པར་བགྱིའོ། ། ཞེས་སྨྲས་ཏེ་དོང་ངོ ། །རྒན་ཞུགས་གཅིག་གིས་སྨྲས་པ། རྒན་ཞུགས། དགེ་འདུན་གྱི་རྙེད་པ་སུས་སྦ་བར་བྱ། གཅིག་ཤོས་ཀྱིས་སྨྲས་པ། གང་གཞོན་པས་སོ། །དེ་གཉིས་ལས་གང་གཞོན་པས་རྙེད་པ་
Cha260a
༄#། །དེ་སྦས་ནས་དེས་སྨྲས་པ། རྒན་ཞུགས་མཉན་ཡོད་ནས་དགེ་སློང་དག་འབོད་ན། དེར་གང་འགྲོ་བར་བྱ། རྒན་པས་སྨྲས་པ། གང་གཞོན་པ་འགྲོ་བར་བྱའོ། །གཞོན་པས་སྨྲས་པ། ཁོ་བོས་རྙེད་པ་སྦས་ཀྱི། ཁྱོད་དེར་སོང་ཞིག་།རྒན་བཤོས་མཉན་ཡོད་དུ་དགེ་སློང་སྦྲོན་དུ་སོང་ངོ ། དྲུག་སྡེ་དག་གི་ཀུན་ཏུ་སྤྱོད་པ་ནི། འདིར་བདག་ཅག་གིས་བྲམ་ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ། །སྙམ་པས་དྲུག་སྡེ་ལས་གང་ཡང་རུང་བས། རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས་ཚེ་དང་ལྡན་པ་ཉེ་དགའ། རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེས། ཐག་རིང་པོ་ཁོ་ན་ནས་རྒན་ཞུགས་མགོ་སྤྲ་བའི་མེ་ཏོག་ལྟར་སྐྱ་བ། སྨིན་མ་འཕྱར་བ་ཞིག་འོང་བ་དེ་མཐོང་ནས་དེས་བསམ་པ། དགེ་སློང་གནས་བརྟན་ཞིག་འོངས་པ་འདི། གང་ཡིན་པ་བསུའོ། །སྙམ་ནས་དེས་དེ་ལ་གནས་བརྟན་བྱོན་པ་ལེགས་སོ། བྱོན་པ་ལེགས་སོ། །ཕྱག་འཚལ་ལོ། །ཞེས་སྨྲས་པ་དང ། དེ་ན་རེ། སློབ་དཔོན་ཕྱག་འཚལ་ལོ། །ཞེས་ཟེར་ནས་ཉེ་དགས་བསམ་པ། ཀྱེ་མ། འདི་ནི། རྒན་ཞུགས་ཤིག་སྟེ་སློབ་དཔོན་ཡང་མི་ཤེས། མཁན་པོ་ཡང་མི་ཤེས་སོ། །སྙམ་ནས་དེས་དེ་ལ་སྨྲས་པ། རྒན་ཞུགས། ག་ལས་འོངས། རི་བྲག་གི་གཙུག་ལག་ཁང་ག་གེ་མོ་ཞིག་ནས་མཆིས་སོ། །རྒན་ཞུགས། ཅི། དེ་གཙུག་ལག་ཁང་ཡིན་
Cha260b
ནམ།་འོན་ཏེ་ཕོངས་པ་ཡིན། གཙུག་ལག་ཁང་ནི། ཅི་འདྲ། ཕོང་པ་ནི། ཅི་འདྲ། གང་ན་ཡོ་བྱད་ཐམས་ཅད་དང་ལྡན་པ་ནི། གཙུག་ལག་ཁང་ཡིན་ལ། གང་ན་ཡོ་བྱད་ཐམས་ཅད་དང་བྲལ་བ་ནི། ཕོངས་པ་ཡིན་ནོ། །དེ་སྔོན་ནི། ཕོངས་པར་གྱུར་ལ། ད་ནི། གཙུག་ལག་ཁང་དུ་གྱུར་ཏོ། །ཇི་ལྟར་གྱུར། བྱང་ལམ་ནས་དོན་མཐུན་དག་ལྷགས་ནས་དེ་དག་གིས་དེར་དགེ་སློང་དྲུག་ཅུའི་ཟླ་བ་གསུམ་གྱི་བསོད་སྙོམས་དང ། བརྒྱད་སྟོན་དང ། བཅུ་བཞི་སྟོན་དང ། ཉ་སྟོན་དང ། ན་བའི་རྐྱེན་དང ། སྨན་གྱི་ཡོ་བྱད་དང ། རྙེད་པ་དང ། ཆོས་གོས་ཀྱི་ཟོར་དག་ཕུལ་ནས་འདི་སྐད་ཅེས། འཕགས་པ། དགེ་སློང་བཟང་པོ་དག་པོས་ཤིག། བདག་ཅག་ཀྱང་དབྱར་འདས་ནས་འདིར་མཆིས་ཏེ། དགེ་སློང་བརྒྱ་ལ་མཁོ་བ་བསྟབ་པར་བགྱིའོ། །ཞེས་མཆིའོ། །ཉེ་དགས་སྨྲས་པ། འོན་ཏང་ཁྱོད་དགེ་སློང་རྐུར་འོངས་མོད། ལགས་སོ།་རྒན་ཞུགས། ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང ། བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་ཚུལ་མ་དང ། ཁྱིམ་བདག་མགོན་མེད་ཟས་སྦྱིན་དང ། བླ་མཁྱེན་དྲང་སྲོང་བྱིན་དང ། རྙིང་པ་དང ། ཁྱིམ་བདག་གི་ཆུང་མ་རི་དྭགས་འཛིན་གྱི་མ་ས་ག་དང ། ལེགས་སྐྱེས་དང ། བྲམ་ཟེ་དང་ཁྱིམ་བདག་དད་པ་ཅན་མང་པོ་གཞན་དག་གིས་ཀྱང་དགེ་སློང་རྣམས་ལ་ཡོ་བྱད་ཐམས་ཅད་ཀྱིས་བསྙེན་བཀུར་བྱས་ཤིང ། དགེ་འདུན་གྱི་གནས་བརྟན་ཉི་མ་རེ་རེ་ཞིང་ཡོན་བཤད་པ་བྱེད་པ་ན་ཡང་གནས་འདིར་དགེ་སློང་གང་དག་མ་འོངས་པ་དེ་དག་ཀྱང་འོང་བར་འགྱུར་ཞིང ། འོངས་པ་དག་ཀྱང་མངོན་
Cha261a
༄#། །པར་དགའ་བར་གྱུར་ཅིག་།ཅེས་ཟེར་ལ། དེ་དག་ཀྱང་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ན་བའི་རྐྱེན་སྨན་གྱི་ཡོ་བྱད་དག་གིས་བྲེལ་བ་མེད་ཅིང ། བཅོམ་ལྡན་འདས་ཀྱང་མངོན་སུམ་དུ་ཆོས་སྟོན་པར་མཛད་པས། འདི་ན་ཆོས་ཀྱི་ལོངས་སྤྱོད་དང ། ཟང་ཟིང་གི་ལོངས་སྤྱོད་ཕུན་སུམ་ཚོགས་པ་ཡིན་པས། གལ་ཏེ་དགེ་སློང་རྣམས་ཀྱིས་ཁྱོད་དགེ་སློང་རྐུར་འདིར་འོངས་པར་ཤེས་པར་གྱུར་ན། ཁྱོད་གནས་ནས་དབྱུང་བའི་ལས་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱི། དགེ་སློང་གཞན་ལ་དེ་སྐད་མ་ཟེར་ཅིག་།འདི་ལྟར། ཁོ་བོ་ཅག་མི་དྲུག་རེ་རེ་ལ་ཡང་འཁོར་བཅུ་བཅུ་ཡོད་པས་ཁྱོད་ལ་སྙིང་བརྩེ་བའི་ཕྱིར་འོང་ངོ ། །སློབ་དཔོན། བདག་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཆིས་ཏེ་སླད་ཀྱིས་མཆིའོ། །ཉེ་དགས་བསམ་པ། ལྷུང་བཟེད་ནག་པོ་ཅན་འགའ་ཞིག་གིས་འདི་མཐོང་ཞིང ། དེ་ཐོས་ནས་དང་པོ་ཁོ་ནར་འགྲོ་བར་གྱུར་ན་མི་རུང་ངོ ། །སྙམ་ནས་སྨྲས་པ། རྒན་ཞུགས། ཁྱོད་ཀྱིས་ལྷ་ནི། ཡིད་ཀྱིས་བསྐོར་བ་ཡིན་གྱི། ལུས་ཀྱིས་བསྐོར་བ་མ་ཡིན་ནོ། །ཞེས་བྱ་བ་མ་ཐོས་སམ། བཅོམ་ལྡན་འདས་ཀྱིས་ཀྱང ། ཆོས་རྣམས་ཡིད་ཀྱིས་འདྲེན་བྱེད་ཅིང ། །ཡིད་གཙོ་ཡིད་ཀྱི་འགྲོས་ཅན་ཡིན། །ཞེས་གསུངས་ཀྱི། འདི་ཉིད་ནས་བཅོམ་ལྡན་འདས་ཀྱི་ཞབས་ལ་ཕྱག་འཚོལ་ཅིག་།ཅེས་དེས་དེའི་གཉའ་བ་ནས་བཟུང་སྟེ། རྒན་ཞུགས། སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་
Cha261b
འཚལ་ལོ། །དགེ་འདུན་ལ་ཕྱག་འཚལ་ལོ། །ཞེས་གྱིས་ཤིག་ཅེས་འདུད་དུ་བཅུག་གོ་།སློབ་དཔོན། སྐོམ་གྱི། ཇེ་སྐོམ་འཐུང་དུ་མཆིའོ། །འདི་ཉིད་དུ་སྡོད་ཅིག་དང ། ཁོ་བོས་སྐོམ་གྱིས་ཕོར་བུ་བཀང་སྟེ་ཁྱེར་ཏེ་འོང་ངོ ། །ཞེས་དེས་སྐོམ་གྱིས་ཕོར་བུ་བཀང་སྟེ་བླུད་ནས་སྨྲས་པ། རྒན་ཞུགས། ད་སོང་ཞིག་ཅེས་དེས་དེ་ཐག་རིང་པོར་བསྐྱལ་ནས་ད་ཕྱིར་མ་ལྡོག་ཅིག་།ཅེས་བསྒོས་ཏེ་བདག་ཉིད་ཕྱིར་ལོག་གོ་།དྲུག་སྡེ་དག་གི་ཀུན་ཏུ་སྤྱོད་པ་ནི། གང་ཅུང་ཟད་ཅི་ཐོས་པ་དེ་ཕྱེ་མ་རེད་ཀྱི་དུས་ཀྱི་ཚེ་གཅིག་ཏུ་འདུས་ནས་ཕན་ཚུན་རྗོད་པར་བྱེད་པ་ཡིན་པས། ཉེ་དགའ་གཙུག་ལག་ཁང་དུ་སོང་སྟེ་དྲུག་སྡེ་རྣམས་ལ་སྨྲས་པ། ཚེ་དང་ལྡན་པ་དག་།བདག་ཅག་གིས་ཡུན་ཇི་སྲིད་ཀྱིས་བྲེལ་བ་སྤང་བར་བྱ། ཁྱོད་ཀྱིས་ཐོས་པ་ཅུང་ཞིག་ཡོད་དམ། ཡོད་དེ། རི་བྲག་གི་གཙུག་ལག་ཁང་ག་གེ་མོ་ཞིག་ཏུ་བྱང་ལམ་ནས་དོན་མཐུན་དག་ལྷགས་ནས་དེ་དག་གིས་དེར་དགེ་སློང་དྲུག་ཅུའི་དབྱར་ཟླ་བ་གསུམ་གྱི་བསོད་སྙོམས་དང ། བརྒྱད་སྟོན་དང ། བཅུ་བཞི་སྟོན་དང ། ཉ་སྟོན་དང ། ན་བའི་རྐྱེན་དང ། སྨན་གྱི་ཡོ་བྱད་དང ། རྙེད་པ་དང ། ཆོས་གོས་ཀྱི་ཟོང་དག་ཕུལ་གྱི། དེར་དོང་ངོ ། །ཅི། དེ་ཉིད་དུ་དབྱར་གནས་པར་བྱ་བའམ། མི་བྱ་སྟེ། འདི་ལྟར། དབྱར་གྱི་ནང་ཉིད་དུ་དེ་དག་ཟོས་ཏེ། འདི་ཉིད་དུ་འོངས་ལ་དབྱར་ཕྱི་མ་ཉེ་བར་སྒྲུབ་པའི་དུས་སུ་གནས་པར་ཁས་བླང་བར་བྱའོ། །དེ་དག་དེར་འོངས་པ་དང ། རྒན་ཞུགས་གཉིས་ཀྱིས་དེ་དག་ཐག་རིང་པོ་ཁོ་ན་ནས་འོང་བ་མཐོང་ནས། ཚེ་དང་ལྡན་པ་དག་འོངས་པ་ལེགས་སོ། །འོངས་པ་
Cha262a
༄#། །ལེགས་སོ། །ཞེས་དེ་གཉིས་ཀྱིས་དེ་དག་གི་གནས་ཁང་དག་བསྐོ་ཤིང ། གནས་མལ་དང ། ཁྲི་དང ། ཁྲིའུ་དང ། ཆུ་ར་དང ། ཕོར་བུ་དང ། ཆུ་ཚགས་དང ། ལྡེ་མིག་ཀྱོག་པོ་དག་ཕོག་གོ་།དེ་དག་གིས་བསམ་པ། བདག་ཅག་དོན་གང་གི་ཕྱིར་ལྷགས་པ་དེ། ཇེ་བརྟག་པར་བྱའོ། །སྙམ་ནས་དེ་དག་གིས་སྨྲས་པ། རྒན་ཞུགས་གཉིས། འདིར་རྙེད་པ་ཅི་གྲུབ་པ་དག་ཇེ་བལྟའི། འོན་ཅིག་།རྒན་ཞུགས་དེ་གཉིས་དྲང་པོའི་རང་བཞིན་ཅན་ཡིན་པས། དེ་གཉིས་ཀྱིས། འདི་ནི། དགེ་སློང་དྲུག་ཅུའི་ཟླ་བ་གསུམ་གྱི་བསོད་སྙོམས་སོ། །འདི་ནི། བརྒྱད་སྟོན་ནོ། །འདི་ནི། བཅུ་བཞི་སྟོན་ནོ། །འདི་ནི། ཉ་སྟོན་ནོ། །འདི་ནི། ན་བའི་རྐྱེན་ཏོ། །འདི་ནི། སྨན་གྱི་ཡོ་བྱད་དོ། །འདི་ནི། འདིའི་རྙེད་པའོ། །འདི་ནི། ཆོས་གོས་ཀྱི་ཟོང་ངོ ། །ཞེས་རྙེད་པ། དེ་དག་ཐམས་ཅད་བསྟན་ཏོ། །དེ་དག་གིས་སྨྲས་པ། ཚེ་དང་ལྡན་པ་དག་།རྒན་ཞུགས་སེར་སྣ་ཅན་ཡིན་པས་ཟས་བསོད་པ་སྦྱིན་པར་མི་ནུས་ལ། འདི་ལྟར། རྒན་ཞུགས་འདི་གཉིས་ཀྱིས་དགེ་འདུན་ལ་བསྙེན་བཀུར་བྱས་པས་ཡོངས་སུ་སྤངས་པ་སྦྱིན་ནོ། །ཞེས་དེ་དག་གིས་དེ་གཉིས་ལ་ཡོངས་སུ་སྤངས་པ་བྱིན་ནས་དེ་གཉིས་ཀྱིས་ཀྱང་བདག་ཅག་གཉིས་ཀྱིས་ཡོངས་སུ་སྤངས་པ་ཐོབ་བོ། །ཞེས་དགའ་བར་གྱུར་ཏོ། །དེ་དག་གིས་སྨྲས་པ། ཚེ་དང་ལྡན་པ་དག། དགེ་སློང་ལྟོ་འདུན་ཅན་འགའ་ཞིག་ལ་བཅོལ་ན། དགེ་འདུན་ལ་ཉི་མ་རེ་རེ་ཞིང་བཅའ་བ་རྣམ་པ་བཅོ་བརྒྱད་དང །
Cha262b
ཚོད་མ་སྣུམ་བག་ཅན་མང་པོ་སྣ་ཚོགས་དག་དང ། ལེགས་པར་སྦྱར་བའི་བཏུང་བ་ཡང་འབྲིམ་པར་འགྱུར་རོ། །ཞེས་དེ་དག་གིས་དགེ་སློང་ལྟོ་འདུན་ཅན་ཞིག་ལ་བཅོལ་བ་དང ། དེས་དེ་དག་ལ་ཉི་མ་རེ་རེ་ཞིང་བཅའ་བ་རྣམ་པ་བཅོ་བརྒྱད་དང ། ཚོད་མ་སྣུམ་བག་ཅན་མང་པོ་སྣ་ཚོགས་དག་དང ། ལེགས་པར་སྦྱར་བའི་བཏུང་བ་ཡང་འབྲིམ་པར་བྱེད་པས་དུས་ཅུང་ཟད་ཅིག་གིས་བསོད་སྙོམས་ཐམས་ཅད་སྤྱད་པ་དང ། དགེ་བསྐོས་ཀྱིས་རྒན་པའི་མཐའ་ལོགས་སུ་འདུག་སྟེ་སྨྲས་པ། ཚེ་དང་ལྡན་པ་དག་།ད་ནི། དགེ་འདུན་གྱིས་གདུགས་གཅིག་ཁོ་ནའི་སྤྱི་བུངས་ཤིག་མཆིས་སོ། །དེ་དག་གིས་སྨྲས་པ། ཚེ་དང་ལྡན་པ་དག། གང་དག་བསླབ་པ་ཡང་དག་པར་མ་བླངས་པ་དེ་དག་ནི། བརྒྱད་སྟོན་དང ། བཅུ་བཞི་དང ། ཉ་སྟོན་བྱེད་ཀྱི། བདག་ཅག་བསླབ་པ་ཡང་དག་པར་བླངས་པ་དག་དེ་མི་བྱེད་ཀྱི། དེ་ཡང་བཟའོ། །ཞེས་དེ་དག་གིས་དེ་ཡང་ཟོས་པ་དང ། དགེ་བསྐོས་ཀྱིས་ཡང་རྒན་པའི་མཐའ་ལོགས་སུ་འདུག་སྟེ་སྨྲས་པ། ཚེ་དང་ལྡན་པ་དག། ད་ནི། དགེ་འདུན་གྱི་གདུགས་གཅིག་ཁོ་ནའི་སྤྱི་བུངས་ཤིག་མཆིས་སོ། །དྲུག་སྡེ་དག་གིས་སྨྲས་པ། ཚེ་དང་ལྡན་པ་དག། ཇི་སྲིད་དུ་ཉེ་བར་ལེན་པའི་ཕུང་པོ་ལྔ་འཚོ་བ་དེ་སྲིད་དུ་བདག་ཅག་རྟག་ཏུ་ནད་པ་ཡིན་པས། ན་བའི་སྨན་དེ་ཡང་བཟའོ། །ཞེས་དེ་དག་གིས་དེ་ཡང་ཟོས་ནས། དེ་དག་གིས་སྨྲས་པ། ཚེ་དང་ལྡན་པ་དག་།ཁུར་ཡ་གཅིག་ནི། འདུག་པར་དགའ་བ་ཡིན་གྱི། གོས་ཀྱི་རྙེད་པ་འདི་ཡང་བགོས་ལ་ཁུར་དོ་མཉམ་པས། བདེ་བར་འདོང་
Cha263a
༄#། །བར་བྱའོ། །ཞེས་དེ་དག་གིས་དེ་ཡང་བགོས་པ་དང ། དགེ་བསྐོས་ཀྱིས་ཡང་རྒན་པའི་མཐའ་ལོགས་སུ་འདུག་སྟེ་སྨྲས་པ། ད་ནི། དགེ་འདུན་གྱི་གདུགས་གཅིག་ཁོ་ནའི་སྤྱི་བུངས་ལས་མ་མཆིས་སོ། །དེ་དག་གིས་སྨྲས་པ། རྒན་ཞུགས་གཉིས། ཁྱེད་གཉིས་ན་རེ། དགེ་སློང་དྲུག་ཅུའི་ཟླ་བ་གསུམ་གྱི་བསོད་སྙོམས་ཡོད་དོ། །ཞེས་ཟེར་ན། དབྱར་གྱི་ནང་དུ་ཟད་པར་གྱུར་ཏོ། །དེ་གཉིས་ཀྱིས་སྨྲས་པ། ཅི། དེ་དག་གིས་བཅའ་བ་རྣམ་པ་བཅོ་བརྒྱད་དང་ཚོད་མ་སྣུམ་བག་ཅན་མང་པོ་སྣ་ཚོགས་དང ། ལེགས་པར་སྦྱར་བའི་བཏུང་བ་ཤ་སྟག་རིམས་ཤིག་།ཅེས་སྨྲས་སམ། དེ་དག་གིས་སྨྲས་པ། རྒན་ཞུགས་གཉིས་གཉའ་བ་སྨད་དེ་སྤྱོད་སྤྱོད་ལ་ད་སྨོད་པར་བྱེད་ཀྱི། ཚེ་དང་ལྡན་པ་དག། འདི་གཉིས་གནས་ནས་དབྱུང་བའི་ལས་གྱིས་ཤིག་།ཁ་ཅིག་གིས་སྨྲས་པ། རྒན་ཞུགས་གཉིས། མྱུར་དུ་བཟོད་པ་གསོལ་ཅིག་།ཕྱིར་བཟོད་པ་གསོལ་ན། ལྟག་པའི་སྤུ་བྱི་བར་འགྱུར་རོ། །དེ་གཉིས་ཀྱིས་བཟོད་པ་གསོལ་བར་བརྩམས་པ་དང ། ཁ་ཅིག་གིས་སྨྲས་པ། ཚེ་དང་ལྡན་པ་དག། རྒན་ཞུགས་འདི་གཉིས་དྲང་པོའི་རང་བཞིན་ཅན་ཡིན་གྱི། འདི་གཉིས་ལ་བཟོད་པ་གྱིས་ཤིག་།དེ་དག་གིས་སྨྲས་པ། རྒན་ཞུགས་གཉིས་བཟོད་པར་བྱའོ། །རི་བྲག་འདི་ན་མ་དད་པ་མང་པོས་འདིར་བསོད་སྙོམས་ཀྱང་མི་རྙེད་ཀྱི། གལ་ཏེ་ལྷག་རོལ་ཅུང་ཟད་ཡོད་ན། དེ་ཡང་བྱིན་ཅིག་།འོན་ཏེ་མེད་ན་ནི། ཁོ་བོ་ཅག་འདོང་
Cha263b
ངོ ། །ཚེ་དང་ལྡན་པ་དག། ཅི་ཡང་མེད་ཀྱི། དེངས་ཤིག་།དེ་དག་དེ་ནས་དོང་སྟེ་མཉན་ཡོད་དུ་སོང་ནས་དེ་དག་དེར་ཕྱིན་པ་དང་དབྱར་ཕྱི་མར་གནས་པར་ཁས་བླངས་སོ། །དབྱར་འདས་པ་དང་དོན་མཐུན་དེ་དག་ཡང་ལྷགས་ནས། དེ་དག་གིས་དེ་བཞིན་དུ་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ། གཙུག་ལག་ཁང་དུ་ཞུགས་པ་དང ། ཇི་ཙམ་ན་གཙུག་ལག་ཁང་སྟོང་པར་མཐོང་ནས་དེ་དག་གིས་བསམ་པ། དགེ་སློང་དག་ནང་དུ་ཡང་དག་འཇོག་ལ་ཞུགས་སམ། ཉིན་མོ་སྤྱོད་དུ་དོང་གོར་མ་ཆག་སྙམ་ནས་དེ་དག་དེ་ན་ཡོངས་སུ་བསྐོར་བ་ན། རྒན་ཞུགས་དེ་གཉིས་མཐོང་ནས་དེ་དག་གིས་སྨྲས་པ། འཕགས་པ་གཉིས། དགེ་སློང་དག་གར་དོང ། བཞིན་བཟང་དག། འདི་ན་དགེ་སློང་དག་མི་འཁོད་དོ། །འཕགས་པ་གཉིས། བདག་ཅག་གིས་དགེ་སློང་དྲུག་ཅུའི་ཟླ་བ་གསུམ་གྱི་བསོད་སྙོམས་མ་ཕུལ་ལམ། དེ་གཉིས་ཀྱིས་སྨྲས་པ། དགེ་སློང་དག་ལྷགས་པར་གྱུར་ནས། དེ་དག་གིས་དབྱར་གྱི་ནང་ཉིད་དུ་ཐམས་ཅད་ཟོས་ཏེ་དོང་ངོ ། །ཁྱེད་གཉིས་ཀྱིས་དགེ་སློང་གང་དག་ཁྲིད་དེ་འོངས། དྲུག་སྡེ་དག་གོ་།འཕགས་པ་གཉིས། ཁྱེད་གཉིས་རྒྱ་མཚོ་ཆེན་པོར་དོང་ནས་ནོར་བུ་མཆིང་བུ་དག་ཁྱེར་ཏེ་འོངས་སོ། །དེ་ན་དགེ་སློང་གཞན་དག་མེད་དམ། ཅི་ན་དྲུག་སྡེ་དག་ཁྲིད་དེ་འོངས། དེ་དག་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི། ཚིག་གོ་།བྲམ་ཟེའི་ཚུལ་ནི། ཚིག་སྟེ། འདི་ལྟར། བདག་ཅག་གི་དད་པའི་མྱུ་གུ་སྐྱེས་མ་ཐག་ཏུ་བཅོམ་མོ། །
Cha264a
༄#། །ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག། ཁྱེད་ཀྱིས་དབྱར་གྱི་རྙེད་པ་དབྱར་གྱི་ནང་དུ་བགོས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་འདི་ལྟར་གདོན་པར་བྱ་སྟེ། དེ་ལྟ་བས་ན། དགེ་སློང་རྣམས་ཀྱིས་དབྱར་གྱི་རྙེད་པར་དབྱར་གྱི་ནང་དུ་བགོ་བར་མི་བྱའོ། །དགེ་སློང་
Cha264b
རྣམས་ཀྱིས་དབྱར་གྱི་རྙེད་པར་དབྱར་གྱི་ནང་དུ་འགོད་པར་བྱེད་ན། འགལ་ཚབས་ཅན་དུ་འགྱུར་རོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་དགེ་སློང་མ་སྐྱེ་རྒུའི་བདག་མོ་ཆེན་མོ་གོའུ་ཏ་མི་དང་ཆོས་སྦྱིན་གཉིས་ལས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ནི། སྤོང་བ་མ། འཁོར་ཡང་སྤོང་བ་མ་དང་ལྡན་པ་ཡིན་ལ། ཆོས་སྦྱིན་ནི། མདོ་སྡེའི་མཐའ་པ། འཁོར་ཡང་མདོ་སྡེའི་མཐའ་པ་དང་ལྡན་པ་ཡིན་ཏེ། དེ་གཉིས་དབྱར་ཁང་གཅིག་ཏུ་དབྱར་གནས་པར་ཁས་བླངས་ནས་གང་གི་ཚེ་སྐྱེ་རྒུའི་བདག་མོ་ཆེན་མོ་གོའུ་ཏ་མིའི་འཁོར་རྣམ་པར་ལངས་པར་གྱུར་པ་དེའི་ཚེ་ན་ཆོས་སྦྱིན་གྱིས་རང་གི་འཁོར་ལ། ནུ་མོ་དག། བཅོམ་ལྡན་འདས་དགེ་སློང་རྣམས་ལ་རབ་ཏུ་འབྱུང་བ་དང་རྫོགས་པར་བསྙེན་པ་དགེ་སློང་མའི་དངོས་པོ་རྗེས་སུ་གནང་བ་གང་ཡིན་པ་དེ་ཐམས་ཅད། སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་བརྟེན་པ་ཡིན་ལ། བཅོམ་ལྡན་འདས་ཀྱིས་ཀྱང་གཞན་གྱི་སེམས་སྲུང་བའི་གང་ཟག་ནི། བསོད་ནམས་མང་དུ་བསྐྱེད་པར་བྱེད་དོ། །ཞེས་གསུངས་ཀྱི། ཁྱེད་ཅག་ཀྱང་རེ་ཞིག་མི་རྟག་པ་ཉིད་ཡིད་ལ་བྱ་བ་སྒོམས་ཤིག་།ཅེས་འདོམས་པར་བྱེད་ཅིང ། དེ་དག་ཀྱང་མི་རྟག་པ་ཉིད་ཡིད་ལ་བྱ་བ་སྒོམ་པར་རྩོམ་མོ། །གང་གི་ཚེ་ཆོས་སྦྱིན་གྱི་འཁོར་རྣམ་པར་ལངས་པར་གྱུར་པ་དེའི་ཚེ་ན་སྐྱེ་
Cha265a
༄#། །རྒུའི་བདག་མོ་གོའུ་ཏ་མི་ཡང་རང་གི་འཁོར་ལ། ནུ་མོ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱོད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་དེ། བླ་ན་མེད་པའི་མཁྱེན་པ་ཐུགས་སུ་ཆུད་པ་གང་ཡིན་པ་དེ་དག་ཐམས་ཅད། སེམས་ཅན་ལ་ཕན་པའི་རྒྱུ་ཡིན་ལ། བཅོམ་ལྡན་འདས་ཀྱིས་ཀྱང་གཞན་གྱི་སེམས་སྲུང་བའི་གང་ཟག་ནི། བསོད་ནམས་མང་པོ་སྐྱེད་པར་བྱེད་དོ། །ཞེས་གསུངས་ཀྱི། ཁྱེད་ཅག་ཀྱང་རེ་ཞིག་མི་རྟག་པ་ཉིད་དང་ལྡན་པའི་མདོ་སྡེའི་མཐའ་དག་ཁ་ཏོན་གྱིས་ཤིག་།ཅེས་འདོམས་པར་བྱེད་ཅིང ། དེ་དག་ཀྱང་མི་རྟག་པ་ཉིད་དང་ལྡན་པའི་མདོ་སྡེའི་མཐའ་དག་ཁ་ཏོན་བྱེད་པར་རྩོམ་མོ། །དགེ་སློང་མ་དག་།དེ་ལྟར་ཕན་ཚུན་སེམས་རྗེས་སུ་སྲུང་བས་དགེ་བའི་ཆོས་རྣམས་ཀྱིས་མི་འཕེལ་ཏེ། ཆུ་མེད་པ་ནས་ཨུཏྤ་ལ་བཞིན་ནོ། །ཆོས་སྦྱིན་ལ་དགེ་བསྙེན་ས་ག་ཞེས་བྱ་བ་མངོན་པར་དད་པས་དེས་ཡོ་བྱད་ཐམས་ཅད་ཀྱིས་དེ་མགྲོན་དུ་བོས་སོ། །དུས་གཞན་ཞིག་ན་དགེ་བསྙེན་ས་ག་ཆོས་སྦྱིན་གྱི་རྐང་པ་ལ་ཕྱག་འཚལ་དུ་འོངས་པ་དང ། ཆོས་སྦྱིན་གྱིས་དེ་ལ་སྨྲས་པ། བཞིན་བཟང ། དགེ་སློང་མ་རབ་ཏུ་མང་པོ་དག་དབྱར་ཁང་གཅིག་ཏུ་དབྱར་གནས་པར་ཁས་བླངས་པ་དེ་དག་ཕན་ཚུན་སེམས་རྗེས་སུ་སྲུང་བས་དགེ་བའི་ཆོས་རྣམས་ཀྱིས་མི་འཕེལ་ཏེ། ཆུ་མེད་པ་ནས་ཨུཏྤ་ལ་བཞིན་དུ་གྱུར་ན། ཁྱོད་ཀྱིས་དགེ་སློང་མའི་དགེ་འདུན་གྱི་ཕྱིར་དབྱར་
Cha265b
ཁང་བྱེད་དུ་འཇུག་ནུས་སམ། དེས་སྨྲས་པ། འཕགས་མ། བདག་ལ་ཀཪྴ་པ་ཎ་དག་ནི། མཆིས་ན། ས་གཞི་རྒྱལ་པོ་དབང་བས་ས་གཞིའི་སླད་དུ་རྒྱལ་པོ་ལ་གསོལ་བ་མཛོད་ཅིག་དང ། དེར་བདག་གིས་དབྱར་ཁང་བགྱིད་དུ་སྩལ་ཏོ། །དགེ་སློང་མ་ཆོས་སྦྱིན་བཙུན་མོ་ཕྲེང་ལྡན་མའི་གན་དུ་སོང་བ་དང ། བཙུན་མོ་ཕྲེང་ལྡན་མས་སྨྲས་པ། འཕགས་མ་བྱོན་པ་ལེགས་སོ། །བྱོན་པ་ལེགས་སོ། །འཕགས་མ་སྐུ་དོན་ཅི་ཞིག་གི་སླད་དུ་བྱོན། བདག་དགེ་སློང་མའི་དབྱར་ཁང་ཞིག་བགྱིད་དུ་སྩོལ་བར་འཚལ་ན། ས་གཞི་རྒྱལ་པོ་མངའ་བས་ས་གཞིའི་སླད་དུ་རྒྱལ་པོ་ལ་གསོལ་བ་བགྱི་བར་འཚལ་ལོ། །འཕགས་མ་ཁྱོད་བཞུད་ཅིག་དང ། བདག་གིས་འཕགས་མའི་སླད་དུ་ལྷ་ལ་གསོལ་བར་བགྱིའོ། །ཆོས་སྦྱིན་སོང་བ་དང ། བཙུན་མོ་ཕྲེང་ལྡན་མ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་སོང་སྟེ། དེས་སྨྲས་པ། ལྷ། ཁྱོད་ཀྱི་ཕོ་བྲང་དུ་འཕགས་མ་ཆོས་སྦྱིན་བྱོན་པར་གྱུར་པ་ནི། ཁྱོད་ཀྱིས་རྙེད་པ་ལེགས་པར་རྙེད་དོ། །དེ་ཅིའི་སླད་དུ་བྱོན། དེ་དགེ་སློང་མའི་དབྱར་ཁང་ཞིག་བགྱིད་དུ་སྩོལ་བར་བཞེད་ན། དོག་ས་རྒྱལ་པོ་མངའ་བས་དོག་སའི་སླད་དུ་རྒྱལ་པོ་ལ་གསོལ་བར་བགྱིད་ཅེས་མཆིའོ། །རྒྱལ་པོས་སྨྲས་པ། གལ་ཏེ་འཕགས་མ་ཆོས་སྦྱིན་རེ་ཞིག་གནས་འདི་ཉིད་བཞེད་ན་ཡང་དེ་འདི་ཉིད་དུ་བཞུགས་ལ་རག་སྟེ། ངའི་ཕོ་བྲང་གཞན་དུ་བྱེད་དུ་གཞུག་གོ་།གལ་ཏེ་མི་བཞེད་ན། གང་དུ་དགྱེས་པ་དེར་དབྱར་ཁང་བགྱིད་དུ་སྩོལ་ལ་རག་གོ། བཙུན་མོ་ཕྲེང་ལྡན་མས་ཆོས་སྦྱིན་ལ་ལྷས་འཕགས་མ་ལ་དམ་པ་
Cha266a
༄#། །གསོལ་ཏེ། གལ་ཏེ་འཕགས་མ་ཆོས་སྦྱིན་གནས་འདི་ཉིད་བཞེད་ན་ཡང་དེ་འདི་ཉིད་དུ་བཞུགས་ལ་རག་སྟེ། ངའི་ཕོ་བྲང་གཞན་དུ་བྱེད་དུ་གཞུག་གོ་།གལ་ཏེ་མི་བཞེད་ན།་གང་དུ་དགྱེས་པ་དེར་དབྱར་ཁང་བགྱིད་དུ་སྩལ་ལ་རག་ཅེས་བྱུང་ངོ ། །ཞེས་སྤྲིང་ངོ ། །ཆོས་བྱིན་གྱིས་དགེ་བསྙེན་ས་ག་ལ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བདག་ལ་དམ་པ་བྱིན་ཏེ། གལ་ཏེ་འཕགས་མ་ཆོས་སྦྱིན་རེ་ཞིག་གནས་འདི་ཉིད་བཞེད་ན་ཡང་དེ་འདི་ཉིད་དུ་བཞུགས་ལ་རག་སྟེ། ངའི་ཕོ་བྲང་གཞན་དུ་བྱེད་དུ་གཞུག་གོ་།གལ་ཏེ་མི་བཞེད་ན། གང་དུ་དགྱེས་པ་དེར་དབྱར་ཁང་བགྱིད་དུ་སྩལ་ལ་རག་ཅེས་བྱུང་ངོ ། །ཞེས་སྤྲིང་ངོ ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་རལ་གྲིའི་མཐུ་ཅན་དང ། རྒྱལ་རིགས་བཟང་པོ་པ་ཞེས་བྱ་བའི་ཁྲོམ་གཉིས་ཡོད་པ་ལས། རལ་གྲིའི་མཐུ་ཅན་གྱི་ཁྲོམ་དམག་གི་གནས་སུ་སོང་བ་དང ། དེ་དག་གི་ཆུང་མ་རྣམས་སྐྱེས་པ་གཞན་དག་དང་ལྷན་ཅིག་དགའ་མགུར་སྤྱོད་པར་བྱེད་པས་ཕྱོགས་དེ་གོ་སྐབས་དབེན་པར་གྱུར་ནས། ཆོས་སྦྱིན་གྱིས་སྨྲས་པ། ཕྱོགས་འདིར་དབྱར་ཁང་བྱེད་དུ་ཆུག་ཅིག་།དགེ་བསྙེན་ས་གས་ཕྱོགས་དེར་དབྱར་ཁང་བྱེད་དུ་བཅུག་ནས། དགེ་སློང་མ་རྣམས་ཀྱི་དེར་གནས་པར་བརྩམས་སོ། །རལ་གྲིའི་མཐུ་ཅན་གྱི་ཁྲོམ་དེ་དམག་གི་གནས་ནས་ཕྱིར་འོངས་ཏེ། དེ་དག་གིས་ཆུང་མ་དེ་དག་བཀུག་ཅིང་བཀུག་ཅིང་བརྡེག་པར་བརྩམས་པ་དང ། སྲང་དག་ན་དེ་དག་ངུ་བའི་སྒྲ་རྟའི་སྐད་དང །
Cha266b
གླང་པོ་ཆེའི་སྐད་ལྟ་བུའི་སྐད་མཐོན་པོ་དང་སྐད་ཆེན་པོ་དག་བྱུང་ངོ ། །དགེ་སློང་མ་རྣམས་ཀྱིས་སྨྲས་པ། འཕགས་མ་བདག་ཅག་དགུང་ཆར་གྱིས་འཇིགས་པས་དང་ལ་ཁའི་འོག་ཏུ་ཞུགས་སོ། །ཆོས་སྦྱིན་གྱིས་བསམ་པ། འདི་དག་ལས། ཁ་ཅིག་ལ་དགེ་བའི་རྩ་བ་ཡོད་དམ་སྙམ་དུ་བསམ་ན། ཡོད་པར་མཐོང་ངོ ། །སུ་ལ་རག་ལུས་སྙམ་དུ་བསམ་ན། བདག་ཉིད་ལ་རག་ལུས་པར་མཐོང་ནས་དེས་སྨྲས་པ། ནུ་མོ་དག་།གདུལ་བ་ལ་ལྟོས་པས་ཐམས་ཅད་བཟོད་པར་བྱའོ། །ཆོས་སྦྱིན་གྱིས་ཕྱོགས་གཅིག་ཏུ་གྱོ་མོ་གསར་པ་བཞག་སྟེ་དགེ་སློང་མ་རྣམས་ལ་སྨྲས་པ། ནུ་མོ་དག་།ཁྱེད་ཅག་གང་ལ་སྡེར་ལྷག་ཡོད་པ་དེ་ཐམས་ཅད་གྱོ་མོ་འདིར་ཆུག་ཅིག་།དེ་དག་ལ་སྔར་ལྷག་ཅི་ཡོད་པ་དེ་ཐམས་ཅད་གྱོ་མོ་དེར་འཇུག་པར་བྱེད་དོ། །དེ་ནས་བྱིས་པ་དག་དེར་འོངས་པར་གྱུར་ནས་ཆོས་སྦྱིན་གྱིས་དེ་ནི། ཁྱེའུ་གང་དག་ཡིན་པ་དེ་དག་ལ་ནི། འབྲུ་མར་བྱིན་ནས་གཅིག་གིས་གཅིག་གི་མགོ་སྐུད་དུ་བཅུག་སྟེ། རང་གི་ལག་གིས་བཅའ་བ་དག་སྦྱིན་པར་བྱེད་དོ། །བུ་མོ་གང་དག་ཡིན་པ་དེ་དག་ལ་ནི། བདག་ཉིད་ཀྱི་འབྲུ་མར་གྱིས་མགོ་བསྐུས་ནས་རང་གི་ལག་གིས་བཅའ་བ་དག་སྦྱིན་པར་བྱེད་དོ། །བྱིས་པ་དེ་དག་གིས་དེ་དག་ཁྱེར་ཏེ་རང་རང་གི་ཁྱིམ་དག་ཏུ་དོང་བ་དང ། དེ་དག་གི་མ་དག་གིས་དྲིས་པ། ཁྱེད་ཅག་ལ་འདི་དག་སུས་བྱིན། དེ་དག་གིས་སྨྲས་པ། འཕགས་མ་ཆོས་སྦྱིན་གྱིས་སོ། །ཆུང་མ་དེ་དག་གིས་བསམ་པ། དོན་གྱིས་ན། འཕགས་མ་ཆོས་སྦྱིན་ནི། བདག་ཅག་ལ་མ་མའི་བྱ་བ་མཛད་དོ། །སྙམ་དུ་
Cha267a
༄#། །རིག་ནས་དེ་ལ་མངོན་པར་དད་པར་གྱུར་ཏེ། དེ་དག་གིས་བསམ་པ། གང་གི་ཚེ་བདག་ཅག་གིས་ཁྱིམ་ཐབ་དག་དམག་གི་གནས་སུ་འདོང་བ་དེའི་ཚེ་ན་བདག་ཅག་གིས་ཁྱིམ་ཐབ་དག་བསྐྱལ་ནས་འཕགས་མ་ཆོས་སྦྱིན་ལ་བསྙེན་བཀུར་བྱའོ། །སྙམ་མོ། །དུས་གཞན་ཞིག་ན་དེ་དག་གི་ཁྱིམ་ཐབ་དག་དམག་གི་གནས་སུ་འཕགས་པ་དང ། ཆོས་སྦྱིན་གྱིས་དེ་དག་གདུལ་བའི་དུས་ཤེས་ནས་གཙུག་ལག་ཁང་ཆག་ཆག་བཏབ། ལེགས་པར་བྱུགས། ལྕི་བ་གསར་པའི་བྱུགས་པས་བསྐུས་ཏེ་འདག་རྫས་དང ། ཆུ་དང ། དྲི་དང ། བདུག་པ་དང ། མེ་ཏོག་དང ། པོག་ཕོར་བཞག་ནས་དགེ་སློང་མ་སྐད་སྙན་པ་དག་བསྐོས་ཏེ་བསྡད་པ་དང ། ཆུང་མ་དེ་དག་ཀྱང་ཁྱིམ་ཐབ་དག་བསྐྱལ་ཏེ་ཆོས་སྦྱིན་གྱི་དྲུང་དུ་ལྷགས་ནས་ཆོས་སྦྱིན་གྱིས་དེ་དག་ལ་འདག་རྫས་དང ། ལག་པ་བསྙལ་བའི་ཆུ་དང ། དྲི་དང ། བདུག་པ་དང ། མེ་ཏོག་དང ། པོག་ཕོར་དག་བྱིན་ནས་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ་དགེ་སློང་མའི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ་།དེ་དག་ཀྱང་དེའི་རྐང་པ་ལ་ཕྱག་འཚལ་ཏེ། ཆོས་མཉན་པའི་ཕྱིར་མདུན་དུ་འཁོད་དོ། །ཆོས་སྦྱིན་གྱིས་དེ་དག་གི་བསམ་པ་དང་བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་ཅི་ནས་ཀྱང་དེ་དག་གིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་
Cha267b
བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། འཕགས་མ། བདག་ཅག་གིས་དགེ་བའི་བཤེས་གཉེན་འཕགས་མ་ལ་བརྟེན་ནས་འཕགས་མས་བདག་ཅག་ལ་གང་མཛད་པ་འདི་ལྟ་བུ་ནི། བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་རྣམས་ཀྱིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང་རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། འཕགས་མ་བདག་ཅག་ནི། མངོན་པར་ཞུགས་པ་ལགས་སོ། །འཕགས་མ། བདག་ཅག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆིའི། བདག་ཅག་དགེ་བསྙེན་མར་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་སྐྱབས་སུ་མཆིའོ། །དེ་དག་མངོན་པར་དད་པར་གྱུར་ནས་ཁྱིམ་ཁྱིམ་དུ་
Cha268a
༄#། །དོང་སྟེ་ཁྱིམ་ཆག་ཆག་བཏབ། ལེགས་པར་བྱུགས། ལྕི་བ་གསར་པའི་བྱུགས་པས་བསྐུས་ཏེ་སྤྱོད་ལམ་ཞི་བས་འཁོད་དོ། །དེ་དག་གི་ཁྱིམ་ཐབ་དག་དམག་གི་གནས་ནས་ཕྱིར་འོངས་པ་ན་བསམ་པ། བདག་ཅག་གི་ཆུང་མ་གླང་པོ་ཆེ་འཚོ་བའམ། བ་ལང་རྫིའམ། སུ་ཞིག་དང་ལྷན་ཅིག་དགའ་མགུར་སྤྱོད་པར་བྱེད་ཅིང་འདུག་སྙམ་མོ། །དེ་དག་གིས་བདག་ཅག་གི་ཁྱིམ་ཐབ་དག་འོངས་ཞེས་ཐོས་སོ། །ཐོས་ནས་ཀྱང་བཤེས་པའི་ཚིག་གིས་རྗེའི་སྲས་དག་།བྱོན་པ་ལེགས་སོ། །བྱོན་པ་ལེགས་སོ། །ཞེས་བསུས་ནས་དེ་དག་རང་རང་གི་ཁྱིམ་དུ་དོང་བ་དང ། དེ་དག་རང་རང་གི་ཆུང་མ་དག་གིས་བསྐུ་མཉེ་དང་དྲིལ་ཕྱི་བྱས་ཏེ་ཁྲུས་བྱས་ནས་ལག་པས་བསྐུས་ཏེ་ཟས་བྱིན་ནོ། །དེ་དག་གིས་བསམ་པ། འདི་དག་གི་སྤྱོད་ལམ་འདི་ལྟ་བུ་ནི། སྔོན་མ་བྱུང་ངོ ། །སྙམ་ནས་དེ་དག་ལ་དྲིས་པ། བཟང་མོ་དག་།ཁྱོད་ཀྱི་སྤྱོད་ལམ་འདི་ལྟ་བུ་འདི་སྔོན་མ་བྱུང་བ་ཡིན་ན། ཅི་ལས་གྱུར། དེ་དག་གིས་སྨྲས་པ། རྗེའི་སྲས་དག་།འཕགས་མ་ཆོས་སྦྱིན་གྱིས་བདག་ཅག་ལ་ཅི་ནས་ཀྱང་བདག་ཅག་འཁོར་བ་ན་འཁོར་བ་རྣམས་སླན་ཆད་ཉོན་མོངས་པ་དེ་ལྟ་བུ་ཀུན་ཏུ་འབྱུང་བར་མི་འགྱུར་བ་དེ་ལྟར་ཆོས་བསྟན་པ་མཛད་དོ། །དེ་དག་གིས་བསམ་པ། འཕགས་མ་ཆོས་སྦྱིན་ནི། མ་དུལ་བ་འདུལ་བར་མཛད་པ་ཡིན་ཏེ། དེས་འདི་དག་བཏུལ་བ་ལྟ་སྟེ། གང་གི་ཕྱིར་བདག་ཅག་གིས་འདི་དག་གསད་པ་དང ། བཅིང་པ་དང ། བརྡེག་པ་དང ། སྤྱོ་བས་གདུལ་བར་མ་ནུས་པ་དག་
Cha268b
འཕགས་མ་ཆོས་སྦྱིན་གྱིས་ཆོས་བསྟན་པས་བཏུལ་བས། འཕགས་མ་ཆོས་སྦྱིན་གྱིས་བདག་ཅག་ལ་ཕན་བཏགས་ཀྱི། བདག་ཅག་གིས་ཀྱང་རྒྱལ་པོ་བལྟས་ཏེ་འཕགས་མ་ཆོས་སྦྱིན་ལ་བསྙེན་བཀུར་བྱའོ།། སྙམ་མོ། །ཆོས་སྦྱིན་གྱིས་ཀྱང་དེ་དག་གདུལ་བའི་དུས་ཤེས་ནས་གཙུག་ལག་ཁང་ཆག་ཆག་བཏབ། ལེགས་པར་བྱུགས། ལྕི་བ་གསར་པའི་བྱུག་པས་བསྐུས་ཏེ་འདག་རྫས་དང ། ཆུ་དང ། དྲི་དང ། བདུག་པ་དང ། མེ་ཏོག་དང ། པོག་ཕོར་དག་བཞག་ནས་དགེ་སློང་མ་སྐད་སྙན་པ་དག་བསྐོས་ཏེ་བསྡད་པ་དང ། དེ་དག་ཀྱང་རྒྱལ་པོ་བལྟས་ནས་ཆོས་སྦྱིན་གྱི་དྲུང་དུ་ལྷགས་པ་དང ། ཆོས་སྦྱིན་གྱིས་དེ་དག་ལ་འདག་རྫས་དང ། ལག་པ་སྙལ་བའི་ཆུ་དང ། དྲི་དང ། བདུག་པ་དང ། མེ་ཏོག་དང ། པོག་ཕོར་དག་བྱིན་ནས་ཚིགས་སུ་བཅད་པའི་སྐད་ཀྱིས་མཆོད་རྟེན་ལ་ཕྱག་འཚལ་ཏེ་དགེ་སློང་མའི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ་།དེ་དག་ཀྱང་དེའི་རྐང་པ་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འཁོད་དོ། །ཆོས་སྦྱིན་གྱིས་དེ་དག་གི་བསམ་པ་དང ། བག་ལ་ཉལ་དང ། ཁམས་དང་རང་བཞིན་ཁོང་དུ་ཆུད་ནས་ཅི་ནས་ཀྱང་དེ་དག་གིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པར་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། འཕགས་མ། བདག་ཅག་གིས་དགེ་བའི་བཤེས་གཉེན་འཕགས་མ་ལ་བརྟེན་ནས་འཕགས་མས་བདག་ཅག་ལ་གང་མཛད་པ་འདི་ལྟ་བུ་
Cha269a
༄#། །ནི།་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚེགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། འཕགས་མ། བདག་ཅག་ནི། མངོན་པར་ཞུགས་པ་ལགས་སོ། །འཕགས་མ། བདག་ཅག་ནི། མངོན་པར་ཞུགས་པ་ལགས་ཏེ། འཕགས་མ། བདག་ཅག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆིའི། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་སྐྱབས་སུ་མཆིའོ། །དེ་དག་མངོན་པར་དད་པར་གྱུར་ནས་ཡང་སྨྲས་པ། འཕགས་མ། བདག་ཅག་གིས་ད་ནི། སྲོག་ཆགས་གྲོག་སྦུར་ལ་ཡང་བསམ་བཞིན་དུ་སྲོག་འགུམ་པའི་རྔོ་མི་ཐོགས་
Cha269b
ལ།་བདག་ཅག་ནི། མཚོན་ཆས་འཚོ་བ་ལགས་ན། བདག་ཅག་གིས་ཇི་ལྟར་བསྒྲུབ་པར་བགྱི། ཆོས་སྦྱིན་གྱིས་སྨྲས་པ། གཞུ་རྒྱུད་མེད་པ་དག་དང ། མདའ་མདེའུ་མེད་པ་དང ། ཤིང་གི་རལ་གྲི་དག་ཐོགས་ཤིག་།དེ་དག་གཞུ་རྒྱུད་མེད་པ་དག་དང ། མདའ་མདེའུ་མེད་པ་དག་དང ། ཤིང་གི་རལ་གྲི་དག་ཐོགས་སོ། །གང་གི་ཚེ་དེ་དག་གིས་བདེན་པ་དག་མཐོང་བ་དེའི་ཚེ་ན། ཕྱིན་ཆད་རྒྱན་པོ་རྩེ་བར་མི་བྱེད། ཆང་འཐུང་བར་མི་བྱེད། བུད་མེད་གཞན་དག་དང་ལྷན་ཅིག་དགའ་མགུར་སྤྱོད་པར་མི་བྱེད་པས། དེ་དག་ལོངས་སྤྱོད་དག་གིས་ཕྱུག་པ་དང ། ཉེ་བར་བསགས་པར་གྱུར་ཏོ། །དེ་དག་གིས་གླང་པོ་ཆེ་དག་དང ། རྟ་དག་ཀྱང་ཡོངས་སུ་མ་སྤྱད་པས། ཚོ་བ་དང ། པགས་པ་དང ། ཤ་དང ། ཁྲག་རྒྱས་པར་གྱུར་ཏོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་རི་བྲག་པ་ཞིག་ལོག་ནས་དེར་དམག་རུ་ཞིག་བཏང་ནས་བཅོམ་པ་དང ། རབ་ཏུ་བཅོམ་པ་དང ། སོ་སོར་བཅོམ་པར་གྱུར་ཏེ་ཕྱིར་འོངས་སོ། །དེ་བཞིན་དུ་རུ་གཉིས་པ་བཏང་ན། དེ་ཡང་བཅོམ་པ་དང ། རབ་ཏུ་བཅོམ་པ་དང ། སོ་སོར་བཅོམ་པར་གྱུར་ཏེ་ཕྱིར་འོངས་ནས་བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ། རི་བྲག་པའི་དཔུང་ནི། སྐྱེས་ཤིང ། ལྷའི་དཔུང་ནི། ཉམས་ཏེ། གལ་ཏེ་ལྷ་ཉིད་དེར་མ་གཤེགས་ན། རི་བྲག་པ་སྒྲུབ་དཀའ་བར་འགྱུར་རོ། །རྒྱལ་པོས་དྲིལ་བསྒྲགས་པ་བྱས་ཏེ་ངའི་ཡུལ་ན་མཚོན་ཆས་འཚོ་བ་ཇི་སྙེད་འཁོད་པ་དེ་དག་ཐམས་ཅད་དེར་འགྲོ་བར་བྱའོ། །ཞེས་བསྒོས་ནས་རྒྱལ་པོ་ཡང་
Cha270a
༄#། །དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་ཆས་སོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་རལ་གྲིའི་མཐུ་ཅན་དང ། རྒྱལ་རིགས་བཟང་པོ་པ་ཞེས་བྱ་བའི་ཁྲོམ་གཉིས་ཡོད་པ་ལས། རལ་གྲིའི་མཐུ་ཅན་གྱི་ཁྲོམ་ནི། མདུན་དུ་འགྲོ་བའི་མི་ཡིན་ལ། རྒྱལ་རིགས་བཟང་པོ་པའི་ཁྲོམ་ནི། ཕྱི་ནས་འོང་བའི་མི་ཡིན་པས། རྒྱལ་པོས་རལ་གྲིའི་མཐུ་ཅན་གྱི་ཁྲོམ་མདུན་དུ་སོང་བའི་མི་དག་ཚོ་ཞིང ། པགས་པ་དང ། ཤ་དང ། ཁྲག་རྒྱས་དང ། དེ་དག་གི་གླང་པོ་ཆེ་དག་དང ། རྟ་དག་ཀྱང་ཚོ་ཞིང་པགས་པ་དང ། ཤ་དང ། ཁྲག་རྒྱས་པར་མཐོང་ངོ ། །མཐོང་ནས་ཀྱང་བློན་པོ་རྣམས་ལ་རྨས་པ། ཤེས་ལྡན་དག་།ཁྲོམ་འདི་གང་གི་ཡིན། དེ་དག་གིས་སྨྲས་པ། ལྷའི་ཁྲོམ་རལ་གྲིའི་མཐུ་ཅན་ཞེས་བགྱི་བ་མདུན་དུ་མཆི་བ་ལགས་སོ། །རྒྱལ་པོས་རྒྱབ་ཏུ་བལྟས་པ་དང ། ཇི་ཙམ་ན་རྒྱལ་རིགས་བཟང་པོ་པའི་ཁྲོམ་གྱི་མི་དག་རིད་པ་དང ། ཉམ་ཆུང་པ་དང ། རྐེ་བ་དང ། སྐམ་པ་དང ། ལུས་མ་ཐོབ་པ་དང ། དེ་དག་གི་གླང་པོ་ཆེ་དག་དང ། རྟ་དག་ཀྱང་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པར་མཐོང་ངོ ། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་།འདི་གང་གི་ཁྲོམ་ཡིན། དེ་དག་གིས་སྨྲས་པ། ལྷའི་ཁྲོམ་རྒྱལ་རིགས་བཟང་པོ་ཞེས་བགྱི་བསླད་བཞིན་མཆི་བ་ལགས་སོ། །རྒྱལ་པོས་སྨྲས་པ། ཤེས་ལྡན་དག་།ཅི་འདི་དག་དབང་ཐང་མཉམ་པར་མི་སྦྱིན་ནས། དེ་དག་གིས་སྨྲས་པ། ལྷ། དབང་ཐང་མཉམ་པར་
Cha270b
སྩོལ་ཏོ། །དེ་དག་པོས་ཤིག་།དེ་དག་བོས་པ་དང ། རྒྱལ་པོས་དེ་དག་ལ་སྨྲས་པ། ཤེས་ལྡན་དག་།ཁྱེད་ཅག་དབང་ཐང་མཉམ་པར་མི་སྦྱིན་ནམ། ལྷ། མཉམ་པར་སྩོལ་ཏོ། །འོ་ན་ཅིའི་ཕྱིར་རལ་གྲི་མཐུ་ཅན་གྱི་ཁྲོམ་འདི་དག་ནི། འབྱོར་པ་དང ། པགས་པ་དང ། ཤ་དང ། ཁྲག་རྒྱས་པར་གྱུར་ལ། རྒྱལ་རིགས་བཟང་པོ་པའི་ཁྲོམ་ཁྱེད་ནི། རྒུད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པར་གྱུར། ལྷ། གལ་ཏེ་བདག་ཅག་ཀྱང་གཞུ་རྒྱུད་མ་མཆིས་པ་དང ། མདའ་མདེའུ་མ་མཆིས་པ་དང ། ཞུགས་ཤིང་གི་རལ་གྲི་དག་ཐོགས་ཤིང ། མཚོན་ཆ་དག་བཙོངས་ཤིང་བཙོངས་ཤིང་འཚལ་བར་གྱུར་ན། བདག་ཅག་ཀྱང་འབྱོར་པ་དང ། པགས་པ་དང ། ཤ་དང ། ཁྲག་རྒྱས་པར་འགྱུར་རོ། །གཞན་ཡང ། འདི་དག་གི་གླང་པོ་ཆེ་དག་དང ། རྟ་དག་ནི། ཡོངས་སུ་མ་སྤྱད་ལ། བདག་ཅག་གི་རྟ་དང ། གླང་པོ་ཆེ་དག་ནི། ཡོངས་སུ་སྤྱད་དོ། །རྒྱལ་པོས་དེ་དག་ལ་རྨས་པ། ཤེས་ལྡན་དག་།ཁྱེད་དེ་ལྟར་གྱུར་པ་བདེན་ནམ། ལྷ། མད་དོ། །ཅི་ཁྱེད་ཅག་ང་དེར་ཁྲིད་ལ་རི་བྲག་ཏུ་གསད་པར་འདོད་དམ། དེ་དག་གིས་སྨྲས་པ། ལྷ། ཅི་ལགས། མཚོན་ཆས་གཡུལ་སྤྲོད་དམ། མིས་གཡུལ་སྤྲོད། རྒྱལ་པོས་སྤྱོས་ཏེ་སྨྲས་པ། གལ་ཏེ་མཚོན་ཆས་གཡུལ་མི་སྤྲོད་ན། ཁྱེད་ཅག་ཉིད་དེངས་ལ་རི་བྲག་པ་དེ་ཕོབ་ཅིག་ཅེས་སྨྲས་ཏེ། རྒྱལ་པོ་དེ་ཉིད་ནས་ཕྱིར་ལོག་གོ་།རལ་གྲིའི་མཐུ་ཅན་གྱི་ཁྲོམ་དེ་དག་ཆོས་སྦྱིན་གྱི་གན་དུ་སོང་སྟེ་སྨྲས་པ། འཕགས་མ། བདག་ཅག་
Cha271a
༄#། །རྒྱལ་པོས་དམག་གི་གནས་སུ་བསྐོས་ན། བདག་ཅག་གིས་ཇི་ལྟར་བསྒྲུབ་པར་བགྱི། ཆོས་སྦྱིན་གྱིས་སྨྲས་པ། དེངས་ཤིག་དང་ཁྱེད་ཅག་དེར་སོང་བ་རྣམས་ལ་ཉེས་དམིགས་འགའ་ཡང་འབྱུང་བར་མི་འགྱུར་རོ། །འདི་ལྟར། གང་དང་གང་དུ་བྲང་འདེབས་པ་དེ་དང་དེར་རྒྱུད་ཆགས་གསུམ་པ་ལྟོས་ཤིག་།ཉི་མ་གང་ལ་རི་བྲག་བསྐོར་བར་བྱེད་པའི་ཉི་མ་དེ་ལ་མཚན་ཐམས་ཅད་དུ་ཆོས་མཉན་པ་བྱིན་ལ་མི་མཇེད་ཀྱི་བདག་པོ་ཚངས་པ་དང ། ལྷའི་དབང་པོ་བརྒྱ་བྱིན་དང ། འཇིག་རྟེན་སྐྱོང་བ་བཞི་དང ། གནོད་སྦྱིན་གྱི་དམག་དཔོན་ཆེན་པོ་ཉི་ཤུ་རྩ་བརྒྱད་དང ། གནོད་སྦྱིན་གྱི་དམག་དཔོན་ཆེན་པོ་ལྔ་རྩེན་དང ། ཀླུའི་རྒྱལ་པོ་དགའ་བོ་དང ། ཉེ་དགའི་མིང་གིས་ཡོན་བཤད་པ་གྱིས་ཤིག་།དེ་དག་གིས་འཕགས་མ་ཆོས་སྦྱིན་གྱིས་སྨྲས་པ་ལ་མངོན་པར་བསྟོད་པ་དང ། རྗེས་སུ་ཡི་རང་བར་བྱས་ཏེ་འཕགས་ནས་དེ་དག་གང་དང་གང་དུ་བྲང་འདེབས་པ་དེ་དང་དེར་རྒྱུད་ཆགས་གསུམ་པ་ཀློག་པར་བྱེད་ཅིང ། གང་གི་ཉིན་མོ་རི་བྲག་བསྐོར་བར་བྱེད་པ་དེའི་ཉིན་མོ་མཚན་ཐམས་ཅད་དུ་ཆོས་མཉན་པ་བྱིན་ནས་མི་མཇེད་ཀྱི་བདག་པོ་ཚངས་པ་དང ། ལྷའི་དབང་པོ་བརྒྱ་བྱིན་དང ། འཇིག་རྟེན་སྐྱོང་བ་བཞི་དང ། གནོད་སྦྱིན་གྱི་དམག་དཔོན་ཆེན་པོ་ཉི་ཤུ་རྩ་བརྒྱད་དང ། གནོད་སྦྱིན་གྱི་དམག་དཔོན་ཆེན་པོ་ལྔ་རྩེན་དང ། ཀླུའི་རྒྱལ་པོ་དགའ་བོ་དང ། ཉེ་དགའི་མིང་གིས་ཡོན་བཤད་པ་བྱས་པ་དང ། དེའི་ཚེ་ན་རྒྱལ་པོ་ཆེན་པོ་རྣམ་
Cha271b
ཐོས་ཀྱི་བུ་གནོད་སྦྱིན་གནོད་སྦྱིན་རྣམས་འདུལ་བར་འཕགས་པ་དེས། ཡོན་བཤད་པ་བྱེད་པ་དེ་ཐོས་ནས་དེས་བསམ་པ། བདག་གི་མིང་གིས་ཡོན་བཤད་པ་བྱེད་པ་འདི་སུ་ཞིག་སྙམ་ནས་ཇི་ཙམ་ན་ཆོས་ཀྱི་སྤུན་དག་གནས་མ་ཡིན་པར་བསྐོས་པ་མཐོང་ངོ ། །མཐོང་ནས་ཀྱང་གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་ལ་སྨྲས་པ། ངའི་ཆོས་ཀྱི་སྤུན་འདི་དག་གནས་མ་ཡིན་པར་བསྐོས་ཀྱི། སོང་ལ་རི་བྲག་དེ་ཕབ་སྟེ་འདི་དག་ལ་བྱིན་ལ། སྲོག་ཆགས་འགའ་ལ་ཡང་མི་གནོད་པར་གྱིས་ཤིག་།གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་གྱིས་རྒྱལ་པོ་རྣམ་ཐོས་ཀྱི་བུ་ལས་མཉན་ནས་རིའི་རྩེ་མོ་ལྟ་བུའི་གླང་པོ་ཆེ་དག་དང ། རྔ་མོ་ལྟ་བུའི་རྟ་དང ། གཞལ་མེད་ཁང་ལྟ་བུའི་ཤིང་རྟ་དག་དང ། གནོད་སྦྱིན་གདུག་པ་ལྟ་བུའི་མི་དག་མངོན་པར་སྤྲུལ་ནས་རི་བྲག་པ་དག་གིས་དེ་དག་ཐག་རིང་པོ་ཁོ་ན་ནས་འོངས་པ་མཐོང་ངོ ། །དེ་དག་གིས་དེ་དག་མཐོང་ནས་སྐྲག་སྟེ་བསམ་པ། ཡུལ་དང་སྲོག་ལ་གནོད་བྱུང་ན། །སྐྱེས་བུས་ཀུན་ཏུ་སྲོག་བསྲུང་བྱ། །བློ་ཡིས་གཉི་ག་དཔྱད་བྱས་ནས། །ཡུལ་ནི་ཡང་རྙེད་སྲོག་རྣམས་མིན། །སྙམ་ནས་དེ་དག་གིས་རལ་གྲི་མགུལ་དུ་བཏགས་ཏེ་རི་བྲག་ནས་བྱུང་བ་དང ། དེ་དག་གིས་དེ་དག་བཟུང་ནས་རྒྱུ་དཔྱ་དང་བཅས་ཏེ་མཉན་ཡོད་དུ་བདས་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གན་དུ་དོང་སྟེ་སྨྲས་པ། ལྷ། རི་བྲག་པ་ནི། འདི་ལགས། རྒྱུ་དཔྱ་ནི། འདི་དག་ལགས་སོ། རྒྱལ་པོ་དགའ་ནས་དེས་སྨྲས་པ། ཤེས་ལྡན་དག་།རྒྱུ་དཔྱ་དག་
Cha272a
༄#། །ཁྱེད་ཅག་ཉིད་ཁྱེར་ཅིག་།དེ་དག་གིས་བསམ་པ། བདག་ཅག་གསོན་ཞིང་ལྷགས་པ་གང་ཡིན་པ་དེ་ཐམས་ཅད་འཕགས་མ་ཆོས་སྦྱིན་གྱི་མཐུ་ཡིན་པས། བདག་ཅག་དོང་ལ་རྒྱུ་དཔྱ་འདི་དག་འཕགས་མ་ཆོས་སྦྱིན་ལ་དབུལ་ལོ། །སྙམ་ནས་དེ་དག་གིས་དེ་དག་ཁྱེར་ཏེ་ཆོས་སྦྱིན་གྱི་གན་དུ་སོང་ནས་སྨྲས་པ། འཕགས་མ། བདག་ཅག་གསོན་ཞིང་ལྷགས་པ་དང ། བདག་ཅག་གི་དཔལ་དང ། སྐལ་པ་བཟང་པོ་ཕུན་སུམ་ཚོགས་པ་གང་ལགས་པ་དེ་ཐམས་ཅད་འཕགས་མ་ཁོ་ནའི་མཐུ་ལགས་ཀྱི། རྒྱལ་པོས་བདག་ཅག་ལ་རྒྱུ་དཔྱ་སྩལ་པ་འདི་དག་འཕགས་མས་ཐུགས་བརྩེ་བའི་སླད་དུ་བཞེས་སུ་གསོལ། དེས་སྨྲས་པ། བུ་དག་།ལྷ་རྣམས་ཀྱི་ནང་ན་ཡང་ལྷ་དབུལ་པོ་ཡོད་ཀྱི། སངས་རྒྱས་དང ། ཆོས་དང ། དགེ་འདུན་ལ་མཆོད་པ་གྱིས་ཤིག་དང ། དེས་ཁྱེད་ཅག་གི་ཡུན་རིང་པོའི་དོན་དང ། ཕན་པ་དང ། བདེ་བར་འགྱུར་རོ། །དེ་དག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་སྤྱན་དྲངས་ནས་དེ་དག་སྔ་དྲོ་ནི། སངས་རྒྱས་དང ། ཆོས་དང ། དགེ་འདུན་ལ་མཆོད་པ་བྱེད། ཕྱི་དྲོ་ནི། ཆོས་ཉན་པར་བྱེད་དོ།། །།འདུལ་བ་རྣམ་པར་འབྱེད་པ། བམ་པོ་སོ་དྲུག་པ། དུས་གཞན་ཞིག་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲག་པ་གཞན་ཞིག་ལོགས་ནས། རྒྱལ་པོས་རྒྱལ་རིགས་བཟང་པོ་པའི་ཁྲོམ་ལ་
Cha272b
བསྒོ་བ། དེང་ལ་རི་བྲག་པ་དེ་ཕོབ་ཅིག་།དེ་དག་གིས་སྨྲས་པ། ལྷ། བདག་ཅག་ནི། རྒུད་པ་ལགས་ལ། རལ་གྲིའི་མཐུ་ཅན་གྱི་ཁྲོམ་ནི། འབྱོར་པ་ལགས་ན། འདིའི་ཚེ་དེ་དག་ལ་བཀའ་སྩལ་ཅིང ། བདག་ཅག་རེས་གཞན་ལ་མཆི་བར་ཅི་གནང ། རྒྱལ་པོས་རལ་གྲིའི་མཐུ་ཅན་གྱི་ཁྲོམ་ལ་བསྒོ་བ། དེངས་ལ་རི་བྲག་པ་ཆེ་གེ་མོ་ཞིག་ཕོབ་ཅིག་།དེ་དག་གིས་སྨྲས་པ། ལྷ། བདག་ཅག་གིས་རེས་འཁོར་ལགས་སོ། །དེངས་ཤིག་དང་རེས་གཞན་ལ་མི་གཏང་ངོ ། །དེ་དག་གིས་བསམ་པ། དེའི་ཚེ་ནི། བདག་ཅག་གིས་གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་གྱི་མཐུས་རི་བྲག་པ་དེ་ཕབ་ཀྱི། ད་ནི། བདག་ཅག་གིས་དེ་ཉིད་དུ་འཆི་བར་བྱ་དགོས་པར་འགྱུར་བས། འདི་ལྟར། བདག་ཅག་གིས་འཕགས་པ་དག་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་སྤྱན་དྲངས་པ་དེ་དག་ལ་ཆོས་གོས་དག་ཕུལ་ཏེ་འདོང་བར་བྱའོ། །སྙམ་ནས་དེ་དག་ཆོས་གོས་དག་ཐོགས་ཏེ་གཙུག་ལག་ཁང་དུ་དོང་ནས་དགེ་སློང་རྣམས་ལ་སྨྲས་པ། འཕགས་པ་དག་།བདག་ཅག་རྒྱལ་པོས་དམག་གི་གནས་སུ་བཏང་སྟེ། གལ་ཏེ་ན་བདག་ཅག་དེ་ཉིད་དུ་འགུམ་པར་འགྱུར་བ་གང་ལགས་པ་དེ་ལྟ་བུའི་གནས་ཀྱང་མཆིས་པར་འགྱུར་བས། ཆོས་གོས་འདི་དག་བཞེས་སུ་གསོལ། དགེ་སློང་རྣམས་ཀྱིས་སྨྲས་པ། བཞིན་བཟང་དག ། བཅོམ་ལྡན་འདས་ཀྱིས་དགེ་སློང་རྣམས་ཀྱིས་དབྱར་གྱི་རྙེད་པ་དབྱར་གྱི་ནང་དུ་བགོ་བར་མི་བྱའོ། །ཞེས་བསླབ་པའི་གཞི་བཅའ་བར་མཛད་པས་བདག་ཅག་མི་ལེན་ཏོ། །དེ་དག་གིས་སྨྲས་པ། འཕགས་
Cha273a
༄#། །པ་དག་།ཁྱེད་ཅག་གིས་བཞེས་ཏེ་ཞོག་ལ་དགག་དབྱེ་བགྱིས་ནས་བགོ་བར་མཛོད་ཅིག་།ཅེས་དེ་དག་གིས་དེ་དག་གནས་ཁང་དུ་བཅུག་སྟེ་དོང་ངོ ། །དེ་དག་འཕགས་པ་དང་ཁྱིམ་བདག་མགོན་མེད་ཟས་སྦྱིན་གྱིས་མཐོང་ནས་སྨྲས་པ། ཤེས་ལྡན་དག་།གར་འདོང ། ཁྱིམ་བདག་།དམག་གི་གནས་སུ་མཆིའོ། །ཁྱེད་ཀྱིས་རེས་མ་འཁོར་རམ། ཁྱིམ་བདག ། རེས་འཁོར་རོ། །འོ་ན་ཅིའི་ཕྱིར་འདོང ། ལྷའི་ཞལ་ནས། དེངས་ཤིག་དང་རེས་གཞན་དུ་མི་གཏོང་ངོ ། །ཞེས་བྱུང་ངོ ། །ཁོ་བོས་ལྷ་ལ་ཞུའི། དེའི་བར་དུ་ཡུད་ཙམ་ཞིག་སྡོད་ཅིག་།དེ་རྒྱལ་པོའི་གན་དུ་སོང་སྟེ་སྨྲས་པ། ལྷས་རལ་གྲིའི་མཐུ་ཅན་གྱི་ཁྲོམ་གང་དུ་བཀའ་སྩལ། ཁྱིམ་བདག་།རི་བྲག་པ་ཆེ་གེ་མོ་ཞིག་ལོག་ནས་དེ་འབེབས་སུའོ། ལྷ། དེ་དག་གིས་རེས་མ་འཁོར་རམ། ཁྱིམ་བདག་རེས་འཁོར་རོ། །འོ་ན་ཇི་སླད་དུ་བཀའ་སྩལ། རེས་གཞན་དུ་མི་གཏོང་བར་བྱས་སོ། །ཅི་ལྷས་གཞུ་གཞུ་རྒྱུད་མ་མཆིས་པ་དང ། མདའ་མདེའུ་མ་མཆིས་པ་དང ། ཞུགས་ཤིང་གི་རལ་གྲི་ཐོགས་པ་དེ་དག་གིས་རི་བྲག་པ་དག་མི་ཕེབས་པར་མི་མཁྱེན་ཏམ། གཞན་ཡང་དེ་དག་ནི། སངས་རྒྱས་ཀྱི་སྲས་ཤ་སྟག་སྟེ། དེ་དག་གིས་སྲོག་ཆགས་གྲོག་སྒུར་ལ་ཡང་བསམ་བཞིན་དུ་སྲོག་འགུམ་པའི་རྔོ་མི་ཐོགས་སོ། །འདི་ལྟར། དེའི་ཚེ་ཡང་དེ་དག་གིས་གནོད་སྦྱིན་གྱི་དམག་དཔོན་ཆེན་པོ་ལྔས་རྩེན་གྱི་མཐུས་རི་བྲག་པ་དེ་ཕབ་བོ། །འདི་ལྟར། དེ་དག་དེར་མཆིས་
Cha273b
སུ་ལགས་ན། ནོངས་དམིགས་འགའ་ཞིག་ཀྱང་འབྱུང་བར་འགྱུར་ཞིང ། དེས་ལྷ་ལ་ཡང་མ་ལེགས་པར་འགྱུར་གོར་མ་བཀུམ་མོ། །ཁྱིམ་བདག་།ཅི། དེ་དག་སངས་རྒྱས་ཀྱི་སྲས་ཤ་སྟག་ཡིན་ནམ།་ལྷ། དེ་ལགས་ཏེ། དེ་དག་གིས་དགེ་བའི་བཤེས་གཉེན་འཕགས་མ་ཆོས་སྦྱིན་ལ་བརྟེན་ནས་ཐམས་ཅད་ཀྱིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་སོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བློན་པོ་རྣམས་ལ་བསྒོ་བ། ཤེས་ལྡན་དག་།དེང་ཕྱིན་ཆད་ཁྱེད་ཀྱི་དམག་དཔོན་འཕགས་སྐྱེས་པོ་ལ་བསྒོ་བར་བྱའི། རལ་གྲིའི་མཐུ་ཅན་གྱི་ཁྲོམ་ལ་བསྒོ་བར་མི་བྱའོ།། དེ་ནས་རལ་གྲིའི་མཐུ་ཅན་གྱི་ཁྲོམ་དེ་དག་ཕྱིར་མཁོས་སུ་ཕབ་ནས་དགེ་སློང་རྣམས་ཀྱིས་དགག་དབྱེ་བྱས་པའི་ཚེ་དགེ་སློང་དེ་དག་གིས་དེ་དག་གིས་གན་དུ་སོང་སྟེ་སྨྲས་པ། བཞིན་བཟང་དག་།ཁོ་བོ་ཅག་དགག་དབྱེ་བྱས་ཀྱི། ཆོས་གོས་དག་བྱིན་ཅིག་།འཕགས་པ་དག་།བདག་ཅག་གིས་ཆོས་གོས་དག་ཕུལ་ལགས་ཀྱི། དེ་དག་བཞེས་ཤིག་།དགེ་སློང་དེ་དག་དོང་སྟེ་གནས་ཁང་སྒོ་ཕྱེ་བ་དང ། ཕྱོགས་དེས་སྣུམ་ཞིང་དངར་བས་ཆོས་གོས་དེ་དག་སྲིན་དག་གིས་རྨུགས་ཏེ་རྡུལ་དུ་བརླགས་ཏེ་འདུག་པར་སྣང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།གོས་སྦེད་པའི་དགེ་སློང་བསྐོ་བར་བྱ་སྟེ། གོས་སྦེད་པའི་དགེ་སློང་ཆོས་ལྔ་དང་ལྡན་པ་ནི། མ་བསྐོས་པ་ནི། བསྐོ་
Cha274a
༄#། །བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། གོས་ཀྱི་རྙེད་པ་སྦས་པ་དང་མ་སྦས་པ་མི་ཤེས་པའོ། །གོས་སྦེད་པའི་དགེ་སློང་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། གོས་སྦས་པ་དང་མ་སྦས་པ་ཤེས་པའོ། །འདི་ལྟར་བསྐོ་བར་བྱ་སྟེ། ཇེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད། དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་སྤྲོའམ། གལ་ཏེ་སྤྲོ་ན། དེས་སྤྲོའོ། །ཞེས་བརྗོད་པར་བྱའོ། །དེའི་འོག་ཏུ་གནས་མལ་བཤམས་པ་བྱས་ཏེ་གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོས་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི། དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། དབྱར་དགེ་འདུན་གྱི་གོས་ཀྱི་
Cha274b
རྙེད་པ་སྦེད་པར་བསྐོ་བར་བགྱི་སྟེ། དགེ་སློང་མིང་འདི་ཞེས་བགྱི་བ་འདི། དབྱར་དགེ་འདུན་གྱི་གོས་ཀྱི་རྙེད་པ་སྦེད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི། དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་སྤྲོ་སྟེ། དགེ་སློང་མིང་འདི་ཞེས་བྱ་བ་འདི། དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་བསྐོ་ན། ཚེ་དང་ལྡན་པ་གང་དག་།དགེ་སློང་མིང་འདི་ཞེས་བགྱི་བ་འདི། དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་བསྐོ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། དབྱར་དགེ་འདུན་གྱི་གོས་ཀྱི་རྙེད་པ་སྦེད་པར་བསྐོས་ལགས་ཏེ།་འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་རྣམས་དང ། བསླབ་པ་ལ་གུས་པ་རྣམས་དང ། བསླབ་པ་ལ་ཡོ་བྱད་བསྙུངས་པ་རྣམས་དང ། ཕྲི་བ་རྣམས་དང ། སྦྱངས་པའི་ཡོན་ཏན་རྣམས་དང ། མཛེས་པ་རྣམས་དང ། དྲོད་རིག་པ་རྣམས་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་སྟོན་ཟླ་
Cha275a
༄#། །ཐ་ཆུང་ཉར་ཞག་བཅུས་མ་ཚང་བ་ཚུན་ཆད་དུ་བརྟད་པ་ལས་བྱུང་བའི་གོས་ཤིག་རྙེད་ལ་འདོད་ན། དགེ་སློང་དེས་གོས་དེ་བླང་བར་བྱའོ། །བླངས་ནས་གོས་སྦྱིན་པའི་དུས་ཀྱི་བར་དུ་བཅང་བར་བྱའོ། །དེ་ལས་འདས་པར་འཆང་ན། སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །སྟོན་ཟླ་ཐ་ཆུང་ཉར་ཞག་བཅུས་མ་ཚང་བ་ཚུན་ཆད་དུ་ཞེས་བྱ་བ་ནི། ཞག་བཅུ་ན་དགག་དབྱེ་འབྱུང་བ་ཚུན་ཆད་དུའོ། །བརྟད་པ་ལས་བྱུང་བའི་གོས་ཤིག་ཅེས་བྱ་བ་ནི། བརྟད་པ་ལས་བྱུང་བའི་གོས་ལྔ་པོ་དག་སྟེ། ལྔ་གང་ཞེ་ན། ནད་པ་ལ་སྦྱིན་པ་དང ། ནད་པའི་ཕྱིར་སྦྱིན་པ་དང ། འཆི་བ་ལ་སྦྱིན་པ་དང ། ཤི་བའི་ཕྱིར་སྦྱིན་པ་དང ། འགྲོ་བར་ཆས་པ་ལ་སྦྱིན་པའོ། །རྙེད་པ་ལ་ཞེས་བྱ་བ་ནི། གཞན་ལས་སོ། །འདོད་ན་ཞེས་བྱ་བ་ནི། གལ་ཏེ་དོན་དུ་གཉེར་ནའོ། །དགེ་སློང་དེས་ཞེས་བྱ་བ་ནི། དགེ་སློང་གང་ཡིན་པ་ངེས་སོ། །གོས་དེ་ཞེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རལ་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་ལས་གང་ཡང་རུང་བའོ། །བླང་བར་བྱའོ། །ཞེས་བྱ་བ་ནི། བདག་གིར་བྱ་བའོ། །བླངས་ནས་གོས་སྦྱིན་པའི་བར་དུ་བཅང་བར་བྱའོ། །ཞེས་བྱ་བ་ནི། སྦ་བར་བྱའོ། །དགེ་སློང་གི་གོས་སྦྱིན་པའི་དུས་ནི། གང་ཡིན། དུས་མ་ཡིན་པ་ནི། གང་ཡིན་ཞེ་ན། སྲ་བརྐྱང་མ་བཏིང་
Cha275b
བའི་གནས་ནི། སྟོན་ཟླ་ཐ་ཆུང་ཉ་ཚུན་ཆད་ནི། གོས་སྦྱིན་པའི་དུས་མ་ཡིན་ལ། ལྷག་མ་ནི། དུས་ཡིན་ནོ། །སྲ་བརྐྱང་བཏིང་བའི་གནས་ན་ནི། སྟོན་ཟླ་ཐ་ཆུང་ཉ་ཕན་ཆད་ནས་དཔྱིད་ཟླ་འབྲིང་པོ་ཉ་ཚུན་ཆད་ནི། དུས་མ་ཡིན་ལ། ལྷག་མ་ནི། དུས་ཡིན་ནོ། །དེ་ལས་འདས་པར་འཆང་ན་ཞེས་བྱ་བ་ནི། དེ་ལས་ཐལ་བར་འཆང་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་དབྱར་གྱི་རྙེད་པ་དབྱར་གྱི་ནང་དུ་བདག་གིར་བྱེད་དམ། གོས་སྦྱིན་པའི་དུས་ལས་འདས་པར་འཆང་ན། ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །བརྟད་པ་ལས་བྱུང་བའི་གོས་ལྔ་པོ་དག་བདག་གིར་བྱེད་པ་དང ། སྦྱིན་བདག་གིས་རང་གི་ལག་ནས་སྦྱིན་པར་བྱེད་ན། ལྟུང་བ་མེད་དོ། །གོས་སྦེད་པའི་དགེ་སློང་བསྐོས་པ་དང ། སྦྱིན་བདག་འོངས་ཏེ་འཕགས་པ་དག་བཞེས་ཤིག་དང ། གོས་འདི་དག་བདག་མཆིས་ནས་རང་གི་སུག་པ་ཉིད་ལས་དབུལ་ལོ། །ཞེས་ཟེར་བ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བརྟད་པ་ལས་བྱུང་བའི་སྤང་བ་སྟེ། ཉི་ཤུ་དྲུག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་
Cha276a
༄#། །ར་བ་ན་བཞུགས་སོ། །མཉན་ཡོད་ནས་ཧ་ཅང་མི་རིང་བ་ན་རི་བྲག་ཅིག་ཡོད་པ་དེ་ན་ཁྱིམ་བདག་ཕྱུག་པ། ནོར་མང་ལ་ལོངས་སྤྱོད་ཆེ་བ་ཞིག་འདུག་སྟེ། དེ་ཡང་དད་པ་ཅན། བཟང་བ། དགེ་བའི་བསམ་པ་ཅན་ཡིན་པས། དེས་དགེ་འདུན་ལ་བསྔོས་ཏེ་གཙུག་ལག་ཁང་རྟ་བབས་མཐོན་པོ་དང ། སྐར་ཁུང་དང ། སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ། སྙིང་དང་མིག་འཕྲོག་པ། མཐོ་རིས་ཀྱི་ཐེམ་སྐས་སུ་གྱུར་པ་ཞིག་བྱེད་དུ་བཅུག་གོ་།གཙུག་ལག་ཁང་དེར་དགེ་སློང་དྲུག་ཅུས་དབྱར་གནས་དག་བྱས་ཏེ་དོང་ནས་ཁྱིམ་བདག་དེས་དེར་མ་བྱིན་པར་ལེན་པ་དག་གིས་ཁྲིའམ། ཁྲིའུ་དག་མ་བརྐུས་པར་གྱིས་ཤིག་།ཅེས་སྲུང་མའི་མི་བཞག་གོ་།ཇི་ཙམ་དུས་གཞན་ཞིག་ན་དགེ་སློང་གཞན་དྲུག་ཅུ་ལྗོངས་རྒྱུ་ཞིང་འགྲོ་བ་ན་རི་བྲག་དེར་ཕྱིན་ནས་བསྟི་གནས་རྙེད་པར་བྱེད་པ་ན་མི་ཞིག་གིས་སྨྲས་པ། འཕགས་པ་དག་།ཁྱེད་ཅིའི་སླད་དུ་གཙུག་ལག་ཁང་དུ་མི་གནས། བཞིན་བཟང ། གཙུག་ལག་ཁང་ག་ལ་ཡོད། འཕགས་པ་དག་།དགོན་པ་འདི་ནའོ། །དགེ་སློང་དག་དེར་དོང་བ་དང ། སྲུང་མའི་མིས་མཐོང་ནས་དེས། འོངས་པ་ལེགས་སོ། །ཞེས་བྱ་བའི་ཚིག་གིས་བསྙེན་བཀུར་བྱས་ཏེ་གནས་ཁང་དག་བསྐོས་ནས་ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་ལ་སོགས་པ་དག་ཕུལ་ཏེ། སྤྱངས་ཚགས་གཡར་ནས་སྨྲས་པ། འཕགས་པ་དག་།རེ་
Cha276b
ཞིག་ཆབ་བཅག་པར་མཛོད་ཅིག་དང ། དེའི་བར་དུ་བདག་གིས་ཁྱིམ་བདག་ལ་བརྗོད་པར་བགྱིའོ། །ཞེས་མི་དེ་ཁྱིམ་བདག་གི་དྲུང་དུ་སོང་སྟེ་སྨྲས་པ། ཁྱིམ་བདག་དགྱེས་པ་སྐྱེད་ཅིག་།ཁྱེད་ཀྱི་གཙུག་ལག་ཁང་དུ་དགེ་སློང་གློ་བུར་དུ་ལྷགས་པ་དྲུག་ཅུ་མཆིས་སོ། །ཁྱིམ་བདག་གུས་པར་སྒྲིམ་པ་དང་བཅས་པས་ནང་མི་དག་ལ་སྨྲས་པ། ཤེས་ལྡན་དག་།ཁོ་བོའི་གཙུག་ལག་ཁང་དུ་དགེ་སློང་གི་དགེ་འདུན་བྱོན་པ་དེ་དག་ལེགས་པར་སྦྱར་བའི་བཏུང་བས་ཚིམ་པར་བྱའི། །བུ་རམ་དང ། ཧཝགས་དང ། ལི་ཁ་ར་དང ། རྒུན་འབྲུམ་དང ། བལ་པོ་སེའུ་ལོངས་ཤིག་ཅེས་ཁྱིམ་བདག་དེས་ལེགས་པར་སྦྱར་བའི་བཏུང་བ་སྦྱར་ནས་གཙུག་ལག་ཁང་དུ་སོང་བ་དང ། དགེ་སློང་དག་ཀྱང་ཆུ་བཙགས་ཏེ་རང་རང་གི་སྤྱོད་ལམ་གྱིས་འཁོད་དོ། །ཁྱིམ་བདག་དེས་དགེ་སློང་དེ་དག་ཐག་རིང་པོ་ཁོ་ནས་མཐོང་སྟེ། དེས་གཙུག་ལག་ཁང་དེ་མཚོ་པདྨས་གང་བ་བཞིན་དུ་མཐོང་ནས་རྒྱ་ཆེར་དད་པའི་ཤུགས་ཀྱིས་བསྒྲུབས་པའི་རྒྱུད་ཀྱིས་ཚིགས་སུ་བཅད་པ་སྨྲས་པ། གྲོང་ངམ་ཡང་ན་དགོན་པའང་རུང ། །གཤོང་ངམ་ཡང་ན་ཐང་ཡང་རུང ། གང་ན་འོས་པ་གནས་པ་ཡི། །ས་གཞི་དེ་ནི་དགའ་བྱེད་ཡིན། །དེ་ནས་ལེགས་པར་སྦྱར་བའི་བཏུང་བ་སྟ་གོན་བྱས་ཏེ་རང་གི་ལག་ནས་དགེ་སློང་གི་དགེ་འདུན་དེ་ཚིམ་པར་བྱས་ནས་རང་ཉིད་ཀྱིས་སྤོག་ཕོར་ཐོགས་ཏེ་དགེ་སློང་གི་དགེ་འདུན་དང་ལྷན་ཅིག་མཆོད་རྟེན་ལ་ཕྱག་འཚལ་ནས་གཙུག་ལག་ཁང་དུ་ཞུགས་ཏེ་རྒན་པའི་མཐའ་ལོགས་སུ་འདུག་གོ་།དགེ་འདུན་གྱི་གནས་བརྟན་
Cha277a
༄#། །གྱིས་ཡོན་བཤད་ནས། ཁྱིམ་བདག་དེས་རྐང་པ་གཉིས་ལ་ཕྱག་འཚལ་ཏེ་སང་བདག་གི་སྡུམ་པར་འཕགས་པའི་དགེ་འདུན་གྱིས་གདུགས་ཚོད་གསོལ་བར་ཅི་གནང་ཞེས་སྨྲས་པ་དང ། དགེ་སློང་རྣམས་ཀྱིས་ཀྱང་དང་དུ་བླངས་ནས་ཁྱིམ་བདག་དེས་རྐང་པ་གཉིས་ལ་ཕྱག་འཚལ་ཏེ་སོང་ངོ ། །ཁྱིམ་བདག་དེས་ཕྱི་དེ་ཉིན་པར་ཟས་བསོད་པས་དགེ་སློང་དག་ཚིམ་པར་བྱས་ཤིང ། དུས་མ་ཡིན་པར་ཡང་བཏུང་བ་བླུད་ནས། དགེ་སློང་རྣམས་ཀྱིས་ཀྱང་ཆོས་བསྟན་ཏོ། །ཕྱིས་ཀྱང་དེ་ཁོ་ན་བཞིན་དུ་དགེ་འདུན་གྱི་གནས་བརྟན་གྱིས་ཡོན་བཤད་པ་དང ། ཁྱིམ་བདག་དེ་རྒན་པའི་མཐའ་ལོགས་སུ་འདུག་སྟེ་སྨྲས་པ། འཕགས་པ་དག་།བདག་གི་གཙུག་ལག་ཁང་འདི། བདག་ཉིད་ཀྱི་སླད་དུ་ཡང་བགྱིད་དུ་མ་སྩལ། ཉེ་དུ་རྣམས་ཀྱི་སླད་དུ་ཡང་བགྱིད་དུ་མ་སྩལ་གྱི། འདི་ལྟར། འཕགས་པ་རྣམས་ཀྱི་སླད་དུ་བགྱིད་དུ་སྩལ་པ་ལགས་ཀྱི། འདི་ཉིད་དུ་དབྱར་གནས་པར་ཞལ་གྱིས་བཞེས་ཤིག་དང ། བདག་གིས་འཕགས་པ་རྣམས་ལ་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ། །དགེ་སློང་རྣམས་ཀྱིས་སྨྲས་པ། ཁྱིམ་བདག་།མཉན་ཡོད་ན་བཅོམ་ལྡན་འདས་ཆོས་ཀྱི་རྗེ་མངོན་སུམ་དུ་བཞུགས་ཤིང ། དུས་དང་དུས་སུ་དགེ་སློང་ཆེ་གེ་མོ་ཞིག་གིས་ནི། དགྲ་བཅོམ་པ་ཉིད་མངོན་སུམ་དུ་བྱས། ཆེ་གེ་མོ་ཞིག་གིས་ནི། མི་སྡུག་པ་གྲུབ་བོ། །ཞེས་ཤེས་པ་བརྡ་སྤྲོད་པ་དག་ཀྱང་ཐོས་པར་འགྱུར། རྒྱལ་པོ་ཡང་བསྟན་པ་
Cha277b
ལ་ཤིན་ཏུ་དད། བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་ཚུལ་མ་དང ། བླ་མཁྱེན་དྲང་སྲོང་བྱིན་དང ། རྙིང་པ་དང ། དགེ་བསྙེན་མ་ས་ག་དང ། རི་དྭགས་འཛིན་གྱི་མ་དང ། གཞན་ཡང་དད་པ་ཅན་མང་དུ་ཡོད་པས་དེར་ཟང་ཟིང་གི་ལོངས་སྤྱོད་དང ། ཆོས་ཀྱི་ལོངས་སྤྱོད་ཆེན་པོ་ཡང་འགྲུབ་པས། བདག་ཅག་དེ་ཉིད་དུ་འདོང་ངོ ། །འཕགས་པ་དག་།ཆོས་ཀྱི་ལོངས་སྤྱོད་ནི། འཕགས་པ་དག་ཉིད་ལ་རག་ལས་པ་ལགས་ཀྱི། ཟང་ཟིང་གི་ལོངས་སྤྱོད་ནི། བདག་ལ་རག་ལས་པ་ལགས་པས། དགྱེས་པ་སྐྱེད་ཅིག་དང ། ཅུང་ཟད་ཀྱང་ཉམས་པར་མི་འགྱུར་རོ། །དགེ་འདུན་གྱི་གནས་བརྟན་གྱིས་སྨྲས་པ། ཚེ་དང་ལྡན་པ་དག་།བཅོམ་ལྡན་འདས་ཀྱིས་དད་པ་ཅན་གྱི་དད་པ་སྤེལ་བར་བྱ་ཞིང ། སྦྱིན་བདག་ལ་རྗེས་སུ་སྙིང་བརྩེ་བར་བྱའོ། །ཞེས་གསུངས་པས། འདི་ཉིད་དུ་འཁོད་པར་བྱའོ། །ཞེས་དེ་དག་དེར་འཁོད་ནས་བློ་བརྟན་པས་གཙུག་ལག་ཁང་དེའི་ཕྱི་ནང་བཅས་པར་སོ་སོར་བརྟག་པར་བརྩམས་པ་དང ། གཙུག་ལག་ཁང་དེ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཤིན་ཏུ་དགའ་བར་མཐོང་ནས་དགེ་འདུན་གྱི་གནས་བརྟན་གྱིས་སྨྲས་པ། ཚེ་དང་ལྡན་པ་དག་།གཙུག་ལག་ཁང་འདི། མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ།་ཤིན་ཏུ་དགའ་བ་ཡིན་པས། གལ་ཏེ་བདག་ཅག་གིས་འདིར་དབྱར་སྔ་མར་གནས་པར་ཁས་བླངས་ནས་མེ་ཏོག་དང་འབྲས་བུ་ཐམས་ཅད་ཡོངས་སུ་སྤྱད་པར་མི་གྱུར་གྱི། བདག་ཅག་གིས་
Cha278a
༄#། །ངེས་པར་དབྱར་ཕྱི་མར་གནས་པར་ཁས་བླང་བར་བྱའོ། །ཞེས་དེ་དག་གིས་དེར་དབྱར་ཕྱི་མར་གནས་པར་ཁས་བླངས་སོ། །ཁྱིམ་བདག་དེ་ལ་གཙུག་ལག་ཁང་དེ་གཅིག་པུ་འབའ་ཞིག་ཡོད་པས་སྦྱིན་པ་དང ། བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་དོ། །རི་བྲག་དེ་ན་ཡང་གཙུག་ལག་ཁང་གཞན་མེད་པས་རི་བྲག་པ་དེ་དག་ཀྱང་སྦྱིན་པ་དང ། བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་པར་བྱེད་དོ། །རི་བྲག་དེའི་ཉེ་འཁོར་ན་ཡང་གཙུག་ལག་ཁང་གཞན་མེད་པས། རི་བྲག་གི་ཉེ་འཁོར་པ་དེ་དག་ཀྱང་སྦྱིན་པ་དང ། བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་དེ་ཉིད་དུ་སྦྱིན་ཞིང་བྱེད་པས། དེར་དབྱར་གནས་པར་ཁས་བླངས་པའི་དགེ་སློང་རྣམས་ལ་རྙེད་པ་མང་པོ་བྱུང་ངོ ། །སྟོན་ཟླ་ཐ་ཆུང་གི་གཡོན་ཅན་དག་གི་ཀུན་ཏུ་སྤྱོད་པ་ནི། དགག་དབྱེ་བྱས་མ་ཐག་ཏུ་འདུས་ཏེ་བདག་ཅག་གིས་ལས་ཅི་ཞིག་བྱས་ན། དེས་བཙལ་མི་དགོས་པར་ལོ་སྐོར་དུ་ལོངས་སྤྱོད་ཅིང ། བདེ་བར་འཁོད་པར་འགྱུར་ཞེས་ཕན་ཚུན་གྲོས་བྱེད་དོ། །དེ་དག་འདི་སྙམ་དུ་སེམས་ཏེ། ཤཱཀྱའི་སྲས་ཀྱི་དགེ་སློང་འདི་དག་གཞོམ་པར་བྱའོ། །སྙམ་མོ། །གཞན་དག་གིས་སྨྲས་པ། དེ་དག་ནི། སྒོ་འཕར་བརྒྱ་རྙེད་བདའ་བར་བྱས་ཀྱང་ལྟོ་ཁེངས་པ་འགྲུབ་པར་དགའ་བས། དེ་དག་ལ་ཅི་ཡང་མེད་
Cha278b
ན།་བདག་ཅག་ཅིའི་ཕྱིར་ཡུན་དེ་སྲིད་དུ་བསྡད་པར་བྱ། དེ་ན་དགེ་སློང་གི་རྒྱུས་ཤེས་པ་ཞིག་འདུག་པས་སྨྲས་པ། ཁྱེད་ཅི་ཤེས། དེ་དག་ལ་མང་དུ་ཡོད་དོ། །ཇི་ལྟར་རེ་ཞིག་གཙུག་ལག་ཁང་འདི་གང་གི་ཡིན་པའི་ཁྱིམ་བདག་དེ་ནི། དད་པ་ཅན། བཟང་བ། དགེ་བའི་བསམ་པ་ཅན་ཡིན་ལ། ཁྱིམ་བདག་དེ་ལ་ཡང་གཙུག་ལག་ཁང་དེ་གཅིག་པུ་འབའ་ཞིག་ཡོད་པས། དེ་སྦྱིན་པ་དང ། བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་དོ། །རི་བྲག་འདི་ན་ཡང་གཙུག་ལག་ཁང་གཞན་མེད་པས། རི་བྲག་འདི་དག་ཀྱང་སྦྱིན་པ་དང ། བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་དོ། །རི་བྲག་འདིའི་ཉེ་འཁོར་ན་ཡང་གཙུག་ལག་ཁང་གཞན་མེད་པས་རི་བྲག་གི་ཉེ་འཁོར་པ་འདི་དག་ཀྱང་སྦྱིན་པ་དང ། བྱ་བར་སེམས་པ་གང་ཡིན་པ་དེ་ཐམས་ཅད་གཙུག་ལག་ཁང་འདི་ཉིད་དུ་སྦྱིན་ཞིང་བྱེད་པས། འདིར་དབྱར་གནས་པར་ཁས་བླངས་པའི་དགེ་སློང་རྣམས་ལ་རྙེད་པ་མང་པོ་བྱུང་ངོ ། །གལ་ཏེ་ཡིད་མི་ཆེས་ན། སོང་ལ་ལྟོས་ཤིག་དང ། རང་ཉིད་ཀྱི་མངོན་སུམ་དུ་འགྱུར་རོ། །གལ་ཏེ་དེ་ལྟ་ན། ཁྱེད་ཉིད་ཇི་སོང་ལ་མངོན་སུམ་དུ་གྱིས་ཤིག་དང ། ཁོ་བོ་ཅག་ཕྱིས་འོང་ངོ ། །དེས་སྨྲས་པ། ལེགས་ཀྱི། དེ་བཞིན་གྱིས་ཤིག་དང ། ཁོ་བོ་འགྲོའོ། །ཞེས་དེ་གོས་ཚགས་བཅོས་ཏེ་འཕགས་ཤིང ། དེ་ནས་ཚིགས་སུ་བཅད་པའི་དབྱངས་
Cha279a
༄#། །ཀྱིས་མཆོད་རྟེན་ལ་ཕྱག་འཚལ་ཏེ་གཙུག་ལག་ཁང་དེར་ཞུགས་སོ། །ཇི་ཙམ་ན་སྒོ་ཁང་ན་རྒན་ཞུགས་ཅན་དེ་འདུག་ནས་གཡོན་ཅན་དེས་དེའི་རྐང་པ་ལ་ཕྱག་འཚལ་ཏེ་དྲི་བར་བརྩམས་པ། འཕགས་པ། གཙུག་ལག་ཁང་སྙིང་དང་མིག་འཕྲོག་པ། མཐོ་རིས་ཀྱི་ཐེམ་སྐས་སུ་གྱུར་པ་འདི་སུའི་ལགས། བཞིན་བཟང ། ཁྱིམ་བདག་ཆེ་གོ་མོ་ཞིག་གི་ཡིན་ནོ། །འཕགས་པ། ཅི། འདི་གཙུག་ལག་ཁང་ལགས་སམ། འོན་ཏེ་ཕོངས་པ་ལགས། བཞིན་བཟང ། གཙུག་ལག་ཁང་ནི། ཇི་ལྟ་བུ་ཡིན། ཕོངས་པ་ནི། ཇི་ལྟ་བུ་ཡིན།་འཕགས་པ། གང་ན་ཡོ་བྱད་ཕུན་སུམ་ཚོགས་པ་ནི། གཙུག་ལག་ཁང་ལགས་སོ། །གང་ན་ཡོ་བྱད་མ་མཆིས་པ་ནི། ཕོངས་པ་ལགས་སོ། །བཞིན་བཟང ། འོ་ན་འདི་ནི། གཙུག་ལག་ཁང་ཡིན་གྱི། ཕོངས་པ་མ་ཡིན་ཏེ། འདི་ན་ཡོ་བྱད་ཕུན་སུམ་ཚོགས་པ་ཡོད་ཀྱི། འདི་ན་ཡོ་བྱད་མེད་པ་མ་ཡིན་ནོ། །འཕགས་པ། ཟས་ཟ་བ་ནི། འགའ་ཡང་རྡུལ་མི་ཟ་ལ། གོས་དག་གྱོན་པ་ནི། འགའ་ཡང་ཤིང་ཤུན་དག་མི་གྱོན་པས། ཁྱེད་ཅག་ལ་གོས་ཅུང་ཟད་མ་མཆིས་སམ། རྒན་ཞུགས་དེ་དྲང་པོའི་རང་བཞིན་ཅན་ཡིན་པས། དེས་གཡོན་ཅན་དེའི་ལག་ནས་བཟུང་སྟེ་གནས་ཁང་དུ་བཅུག་ནས་སྨྲས་པ། བཞིན་བཟང ། གོས་ཀྱི་རྡང་གོས་དག་གིས་ཕུར་ཤོག་ཅིང་འདུག་པ་ལ་ལྟོས། འཕགས་པ། ཅི། འདི་ཁྱོད་ཀྱི་ལགས་སམ། འོན་ཏེ་
Cha279b
དགེ་འདུན་གྱི་ལགས། བཞིན་བཟང ། འདི་ཁོ་བོ་གང་ཟག་གི་ཡིན་ནོ། །འཕགས་པ། འོ་ན་ཁྱོད་ནི། གོར་མ་བཀུམ་པར་དགེ་འདུན་གྱི་གནས་བརྟན་ནམ། ཆོས་སྒྲོག་པ་ཞིག་ལགས་སོ། །བཞིན་བཟང ། ཁོ་བོ་ནི། དགེ་འདུན་གྱི་གནས་བརྟན་ཡང་མ་ཡིན་ལ། ཆོས་སྒྲོག་པ་ཡང་མ་ཡིན་ཏེ། འདི་ལྟར། ཁོ་བོ་ནི། དགེ་འདུན་གྱི་གསར་བུ་དགེ་ཚུལ་ཞིག་ཡིན་ནོ། །འཕགས་པ། དེ་ནི། འཇལ་ན།་འདི་ན་དགེ་འདུན་གྱི་གནས་མལ་ཅུང་ཟད་མ་མཆིས་སམ། བཞིན་བཟང ། མང་དུ་ཡོད་དོ། །རེ་ཞིག་ཁོ་བོའི་བྱུག་རིས་སུ་ཡང་དངོས་པོ་བདུན་པོ་དག་ཐོབ་བོ། །འཕགས་པ། དེ་ཡང་འཇལ་གྱི། འདི་ཞུའོ། །གཙུག་ལག་ཁང་འདི་ན་གང་ལ་ལ་འཚལ་མ་བགྱིད་ན། དེ་རྫ་མཁན་གྱི་སྣོད་དུ་འཚོད་དམ། འོན་ཏེ་ཟངས་མིའི་སྣོད་དུ་འཚོད། བཞིན་བཟང ། ཁྱོད་ཀྱིས་གནས་ཁང་འདི་དག་མཐོང་ངམ། འཕགས་པ།་མཐོང་ངོ ། །བཞིན་བཟང ། གནས་ཁང་འདི་དག་ཟངས་མའི་སྣོད་ཀྱིས་གང་ཞིང་འདུག་གོ་།གཡོན་ཅན་དེས་བསམ་པ། ལེགས་པར་བྲིས་ཟིན་གྱི། ད་ནི། འགྲོའོ། །སྙམ་ནས་གཡོན་ཅན་དེས་སྨྲས་པ། འཕགས་པ། ཁྱོད་ཀྱིས་དགེ་བའི་ཕྱོགས་ཡོངས་སུ་ཉམས་པ་ནི། བདག་གི་དོན་ཡོངས་སུ་ཉམས་པ་ལགས་བས་བདག་སླད་ཀྱིས་ཀྱང་མཆི་ཡི། དེ་ནི། མཆིའོ། །བཞིན་བཟང ། དེ་བཞིན་གྱིས་ཤིག་།གཡོན་ཅན་དེས་རྒན་ཞུགས་དེའི་རྐང་པ་ལ་ཕྱག་འཚལ་ཏེ་སོང་ནས་གཡོན་ཅན་དེ་ཆོམ་རྐུན་པ་དེ་དག་གི་དྲུང་དུ་སོང་སྟེ་སྨྲས་པ། པདྨའི་མིག་ཅན་དག་།རྫས་ཐམས་ཅད་ཀྱིས་གང་བའི་གྲུབ་བོ་ཆེ་སྐམ་ས་ལ་འདུག་གི། འཕྲོག་
Cha280a
༄#། །ཅིག་།འཕྲོག་ཅིག་།དེ་ན་གཅིག་གིས་སྨྲས་པ། དེ་ན་འཁོད་པའི་རབ་ཏུ་བྱུང་བ་དྲུག་ཅུ་པོ་དག་ནི། འཕོང་གི་སློབ་དཔོན་ཤ་སྟག་ཡིན་ཞེས་གྲགས་པས། དེ་བཞིན་དུ་གཞོམ་པར་མི་ནུས་ཀྱི། གང་གི་ཚེ་དེ་དག་མཚན་མོ་ཆོས་ཉན་པ་དེའི་ཚེ་གཞོམ་མོ། །གཞན་དག་གིས་སྨྲས་པ། ཉི་མ་གང་ལ་དེ་དག་གི་ཆོས་ཉན་པ་འབྱུང་བར་འགྱུར། དེས་སྨྲས་པ། ཚེས་བརྒྱད་དང ། བཅུ་བཞི་ལ་འབྱུང་སྟེ། དེ་ལ་ཚེས་བརྒྱད་ནི། ཐལ་ཟིན་པས་ཚེས་བཅུ་བཞི་ལ་འབྱུང་བར་འགྱུར་རོ། །དེ་དག་སོར་མོ་དག་གིས་ཉི་མ་བགྲང་ཞིང་འཁོད་ནས། ཇི་ཙམ་ན་ཚེས་བཅུ་བཞི་ལ་བབ་སྟེ། དགེ་འདུན་གྱིས་གནས་བརྟན་གྱིས་སོ་སོར་ཐར་པའི་མདོ་བཏོན་ཏེ་དགེ་འདུན་གྱིས་གསོ་སྦྱོང་བྱས་ནས་ཆོས་སྒྲོག་བསེང་གེའི་ཁྲི་ལ་འཛེག་སྟེ་འདི་སྐད་ཅེས། མི་མཆོག་གདུལ་བའི་ཁ་ལོ་སྒྱུར་མཛད་པ། ། ཀུན་སྦྱོར་འཆིང་བ་གཅོད་པ་དེ་བཞིན་གཤེགས། །དབང་པོ་ཞི་ཞིང་ཉེར་ཞི་ཞི་ལ་མཁས། །མཉན་ཡོད་བཞུགས་པས་བཀའ་བཞིན་བྱེད་ལ་གསུངས། །ཞེས་སྨྲ་བར་བརྩམས་པ་དང ། གཡོན་ཅན་དེ་དག་གིས་སྒོ་བརྡུངས་སོ། །དགེ་སློང་དག་གིས་ཚོར་ནས་སྨྲས་པ། ཤེས་ལྡན་དག་།ཁྱེད་ཅག་སུ་ཡིན། འཕགས་པ་དག། བདག་ཅག་རིགས་ཀྱི་བུ་དག་གོ། དགེ་སློང་རྣམས་ཀྱིས་བསམ་པ། རི་བྲག་ནས་སྐྱེ་བོའི་ཚོགས་དག་ཆོས་ཉན་དུ་ལྷགས་གོར་མ་ཆག་གི། སྒོ་དབྱེའོ། །སྙམ་ནས་དེ་དག་གིས་སྒོ་ཕྱེ་བ་དང་དེ་དག་ཞུགས་སོ། །ཇི་ཙམ་ན་གཞོམ་པར་བརྩམས་པ་དང་དགེ་སློང་རྣམས་ཀྱིས་སྨྲས་པ། ཤེས་ལྡན་
Cha280b
དག་།ཁྱེད་ཅག་ན་རེ། བདག་ཅག་རིགས་ཀྱི་བུ་དག་གོ་།ཞེས་ཟེར་ན། ད་ངེད་ཅག་འཇོམས་པར་བྱེད་དམ། དེ་དག་གིས་སྨྲས་པ། འཕགས་པ་དག་།བདག་ཅག་ལ་མིང་གཉིས་མཆིས་ཏེ། སླད་རོལ་དུ་ནི། རིགས་ཀྱི་བུ་དག་ཅེས་བགྱི་ལ། ནང་དུ་ནི། ཆོམ་རྐུན་པ་དག་ཅེས་བགྱིའོ། །ཁྱེད་ཅག་གི་མིང་འདོགས་པར་བྱེད་པ་ནི། ཉམས་སོ། །གཡོན་ཅན་དེ་དག་གིས་དགེ་སློང་དེ་དག་བཅོམ་སྟེ་དོང་ནས་དགེ་སློང་བཅོམ་པ་དེ་དག་གིས་གྲོས་བྱས་པ། ཚེ་དང་ལྡན་པ་དག་།བཅོམ་ལྡན་འདས་ཀྱིས་ལྷག་མ་དང་བཅས་པར་བཞོམ་པར་བྱའོ། །ཞེས་གསུངས་པས། རེ་ཞིག་ཁྱིམ་བདག་འདི་ཕྱོགས་བཞིའི་དགེ་སློང་གི་དགེ་འདུན་ལ་སྦྱིན་དུ་བཅུག་སྟེ་ཡང་ཅི་བྱ། བདག་ཅག་ལ་སྦྱིན་དུ་བཅུག་སྟེ་ཡང་ཅི་བྱ། བདག་ཅག་མཉན་ཡོད་ཉིད་དུ་དོང་ན་དེར་བདག་ཅག་ལ་ཚངས་པ་མཚུངས་པར་སྤྱོད་པ་དག་གིས། ཆོས་གོས་དག་གིས་མི་ཕོངས་པར་བྱེད་པར་འགྱུར་རོ། །ཞེས་གྲོས་བྱས་སོ། །ཇི་ལྟར་འདོང་བར་བྱ། མཚན་མོ་འགེབས་པར་འདོང་ཞིང ། ཉིན་མོ་ཐིབས་པོར་ཞུགས་ཏེ་འགྲོ་བར་བྱའོ། །ཞེས་དེ་དག་གིས་ཁྱིམ་བདག་ལ་ཡང་མ་བལྟས་པར་དོང་ངོ ། །ཇི་ཙམ་ན་མཐར་གྱིས་མཉན་ཡོད་དུ་ཕྱིན་པ་དང ། དགེ་སློང་དག་།ནམ་གྱི་ཆ་སྟོད་དང ། ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་གནས་པ་དེ་དག་གིས་དགེ་སློང་དེ་དག་སྒྲེན་མོར་སྒོའི་གམ་ཡོ་ན་རྒྱུ་བ་མཐོང་ནས་སྨྲས་པ། གཅེར་བུ་སྒྲེ་བྱི་དག། ཁྱེད་ཅག་འདིར་ཅི་འདོད། འདི་ཁྱེད་ཀྱི་གཙུག་ལག་ཁང་ཡང་མ་ཡིན་ལ། འདུག་གནས་ཀྱང་མ་ཡིན་ནོ། །དེ་དག་གིས་སྨྲས་པ། ཚེ་དང་ལྡན་པ་དག་།བདག་ཅག་གཅེར་བུ་དག་
Cha281a
༄#། །མ་ཡིན་ནོ། །འོ་ན་ཁྱེད་སུ་ཡིན། དགེ་སློང་དག་གོ། འདི་ལྟ་བུ་དག་དགེ་སློང་ཡིན་ནམ། གང་དག་ཆོམ་རྐུན་པ་དག་གིས་བཅོམ་པ་དེ་དག་ཇི་ལྟ་བུ་ཡིན། ཁྱེད་ཅག་མིང་ཅི། སངས་རྒྱས་འཚོའོ། །ཆོས་འཚོའོ། །དགེ་འདུན་འཚོའོ། །ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཞེས་དེ་དག་གིས་སྒོ་ཕྱེ་ནས་དགེ་སློང་དེ་དག་འཇུག་ཏུ་བཅུག་སྟེ། དེ་དག་ལ་ལ་ལས་ནི། ཆོས་གོས་བྱིན། ལ་ལས་ནི། ཤམ་ཐབས་བྱིན། ལ་ལས་ནི། རྡུལ་གཟན་བྱིན། ལ་ལས་ནི། ལྷུང་བཟེད་བྱིན། ལ་ལས་ནི། ཆུ་ཚགས་བྱིན་ཏེ་བགོ་བཤའ་ཇི་ལྟ་བ་བཞིན་དུ་ཐམས་ཅད་དུ་ཐམས་ཅད་བགོ་བཤའ་བྱས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དགོན་པ་པས། ཆོས་གོས་གསུམ་ལས་ཆོས་གོས་གང་ཡང་རུང་བ་ཁྱིམ་གཞན་དུ་གཞག་པར་བྱའོ། །བཅོམ་ལྡན་འདས་ཀྱིས་ཆོས་གོས་གསུམ་ལས་ཆོས་གོས་གང་ཡང་རུང་བ་ཁྱིམ་གཞན་དུ་གཞག་པར་བྱའོ། །ཞེས་བཀའ་སྩལ་ནས། དེ་དག་དེ་ཉིད་དུ་དོང་སྟེ་ཉལ་བར་བྱེད་པ་དང ། བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། འཕགས་པ་དག། ཁྱེད་ཅག་ཅིའི་སླད་དུ་འདིར་གཟིམས་པར་མཛད། ཁོ་བོ་ཅག་གིས་ཆོས་གོས་དག་འདིར་བཞག་གོ།་འཕགས་པ་དག་།ཅི། ཁྱེད་ཀྱི་ཆོས་གོས་དག་རྐུ་བར་བགྱིད་དམ། གལ་ཏེ་ཐུགས་མི་ཆེས་ན། བསྣམས་ཏེ་བཞུད་ཅིག་།ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་
Cha281b
པ་དང ། བཅོམ་ལྡན་འདས་ཀྱིས་བཀའ་སྩལ་པ། དེར་ཉལ་བར་མི་བྱའོ། །དེ་དག་ཕྱིར་དོང་སྟེ་སྐྱ་རེངས་འཆར་བར་བྱེད་པ་དང ། བུད་མེད་ཀྱི་ཡུལ་སྒྲེན་མོར་ཉལ་བ་དེ་དག་གིས་སྨྲས་པ། འཕགས་པ་དག། ཁྱེད་ཅག་ཅིའི་སླད་དུ་མཚན་མོ་ཉིད་ལ་འདིར་བྱོན། །ཁོ་བོ་ཅག་གིས་འདིར་ཆོས་གོས་དག་བཞག་གོ། འཕགས་པ་དག་།ཅི། ཁྱེད་ཅག་གིས་ཆོས་གོས་དག་རྐུ་བར་བགྱིད་དམ། གལ་ཏེ་ཐུགས་མི་ཆེས་ན། བསྣམས་ཏེ་བཞུད་ཅིག་།ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེར་སྐྱ་རེངས་འཆར་བར་མི་བྱའོ། །དེ་དག་ཕྱིས་དོང་སྟེ་བང་རིམ་དུ་སྐྱ་རེངས་འཆར་བར་བྱེད་པ་དང ། དེ་དག་ཆོམ་རྐུན་པ་དག་དང ། གཡོན་ཅན་དག་དང ། སེང་གེ་དག་དང ། སྟག་དག་དང ། གུང་དག་གི་དབང་དུ་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་ཉིད་དུ་སྐྱ་རེངས་འཆར་བར་བྱའོ། །དགེ་སློང་རྣམས་ལ་དགེ་འདུན་གྱི་དང ། མཆོད་རྟེན་གྱི་དང ། གང་ཟག་གི་བྱ་བའི་ཕྱིར་མཚམས་ཀྱི་ཕྱི་རོལ་དུ་འགྲོ་དགོས་པར་གྱུར་པ་དེ་དག་བདག་ཅག་གིས་ཁྱིམ་གཞན་དུ་ཆོས་གོས་དག་བཞག་གོ། ཞེས་དེར་མི་འགྲོ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དགོན་པ་པས་ཞག་དྲུག་གི་མཐའ་ཚུན་ཆད་དུ་ཆོས་གོས་དེ་དང་མཚམས་ཀྱི་ཕྱི་རོལ་དུ་འབྲལ་བར་བྱའོ། །དགེ་སློང་དྲུག་སྡེ་དག་བསམ་བཞིན་དུ་ཞག་བདུན་དུ་འབྲལ་བར་བྱེད་
Cha282a
༄#། །པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་།ངས་དགོན་པ་བས་ཞག་དྲུག་གི་མཐའ་ཚུན་ཆད་དུ་ཆོས་གོས་དེ་དང་མཚམས་ཀྱི་ཕྱི་རོལ་དུ་འབྲལ་བར་བྱའོ། །ཞེས་གསུངས་ན། ཁྱེད་ཅག་བསམ་བཞིན་དུ་ཞག་བདུན་དུ་མཚམས་ཀྱི་ཕྱི་རོལ་དུ་འབྲལ་བར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་རབ་ཏུ་མང་པོ་དག་གནས་མལ་དགོན་པ་དོགས་པ་དང་
Cha282b
བཅས་པར་གྲགས་པ། འཇིགས་པ་དང་བཅས་པར་གྲགས་པ། འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དག་ཏུ་དབྱར་ཕྱི་མར་གྱུར་ལ། དགེ་སློང་དགོན་པ་པས་འདོད་ན། ཆོས་གོས་གསུམ་ལས་ཆོས་གོས་གང་ཡང་རུང་བ་ཁྱིམ་གཞན་དུ་གཞག་པར་བྱའོ། །དགེ་སློང་དགོན་པ་པ་ལ་མཚམས་ཀྱི་ཕྱི་རོལ་དུ་འགྲོ་དགོས་པ་དེ་ལྟ་བུའི་རྐྱེན་ཞིག་བྱུང་ན། དགེ་སློང་དགོན་པ་པ་དེས་ཞག་དྲུག་གི་མཐའ་ཚུན་ཆད་དུ་ཆོས་གོས་དེ་དང་མཚམས་ཀྱི་ཕྱི་རོལ་ཏུ་འབྲལ་བར་བྱའོ། །དེ་ལས་འདས་པར་འབྲལ་ན། སྤང་བའི་ལྟུང་བྱེད་དོ། །དགེ་སློང་ཞེས་བྱ་བ་ནི། ཆོས་འདི་པའོ། །རབ་ཏུ་མང་པོ་དག་ཅེས་བྱ་བ་ནི། གཉིས་ཡན་ཆད་རབ་ཏུ་མང་པོ་དག་ཡིན་ནོ། །གནས་མལ་ཞེས་བྱ་བ་ནི། གཙུག་ལག་ཁང་ངོ ། །དགོན་པ་ཞེས་བྱ་བ་ནི། རྡུལ་ཕྲ་རབ་དྲུག་ལ་རྡུལ་ཕྲ་མོ་གཅིག་གོ། རྡུལ་ཕྲ་མོ་དྲུག་ལ་ཆུ་རྡུལ་གཅིག་གོ་།ཆུ་རྡུལ་དྲུག་ལ་ལྕགས་རྡུལ་གཅིག་གོ་།ལྕགས་རྡུལ་དྲུག་ལ་རི་བོང་རྡུལ་གཅིག་གོ། རི་བོང་རྡུལ་དྲུག་ལ་ལུག་རྡུལ་གཅིག་གོ། ལུག་རྡུལ་དྲུག་ལ་གླང་རྡུལ་གཅིག་གོ། གླང་རྡུལ་དྲུག་ལ་ཉི་ཟེར་གྱི་རྡུལ་གཅིག་གོ་།ཉི་ཟེར་གྱི་རྡུལ་དྲུག་ལ་སྲོ་མ་གཅིག་གོ་།སྲོ་མ་དྲུག་ལ་ཤིག་གཅིག་གོ་།ཤིག་དྲུག་ལ་ནས་གཅིག་གོ། ནས་དྲུག་ལ་སོར་གཅིག་གོ་།སོར་བཞི་དྲུག་ལ་ཁྲུ་གང་ངོ ། །ཁྲུ་ཕྱེད་དང་བཞི་ལ་མིའི་སྲིད་དོ་།ཁྲུ་བཞི་ལ་གཞུའོ། །གཞུ་ལྔ་བརྒྱ་ལ་རྒྱང་གྲགས་ཏེ། དེ་ཕན་ཆད་དགོན་པའོ། །དོགས་པ་དང་བཅས་པར་གྲགས་པ་ཞེས་བྱ་བ་ནི། ཆོམ་རྐུན་པ་དང་གཡོན་ཅན་གྱིས་འཇིགས་པར་གྲགས་པའོ། །
Cha283a
༄#། །འཇིགས་པ་དང་བཅས་པར་གྲགས་པ་ཞེས་བྱ་བ་ནི། སེང་གེ་དང་སྟག་དང་གུང་གིས་འཇིགས་པར་གྲགས་པའོ། །འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དག་ཏུ་ཞེས་བྱ་བ་ནི། ཤ་སྦྲང་དང ། སྦྲང་བུ་མཆུ་རིང་དང ། རླུང་དང ། ཉི་མ་དང ། སྡིག་སྦྲུལ་གྱིས་འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དག་ཏུའོ། །དབྱར་ཕྱི་མར་གྱུར་ལ་ཞེས་བྱ་བ་ནི། དབྱར་ཕྱི་མར་གནས་པར་ཁས་བླངས་པར་གྱུར་པའོ། །དགེ་སློང་དགོན་པ་པས་ཞེས་བྱ་བ་ནི། དགེ་སློང་གང་ཡིན་པ་དེས་སོ། །འདོད་ན་ཞེས་བྱ་བ་ནི། གལ་ཏེ་དོན་དུ་གཉེར་ནའོ། ། ཆོས་གོས་གསུམ་ལས་ཆོས་གོས་གང་ཡང་རུང་ཞེས་བྱ་བ་ནི། སྣམ་སྦྱར་དང ། བླ་གོས་དང ། མཐང་གོས་ལས་གང་འདོད་པའོ། །ཁྱིམ་གཞན་དུ་ཞེས་བྱ་བ་ནི། གང་ན་ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་དག་ཡོད་པར་རོ། །གཞག་པར་བྱའོ། །ཞེས་བྱ་བ་ནི། གཏམས་པར་བྱ་བའོ། །དགེ་སློང་དགོན་པ་པ་ལ་མཚམས་ཀྱི་ཕྱི་རོལ་ཏུ་འགྲོ་དགོས་པ་དེ་ལྟ་བུའི་རྐྱེན་ཞིག་བྱུང་ན་ཞེས་བྱ་བ་ནི། དགེ་འདུན་གྱིའམ། མཆོད་རྟེན་གྱིའམ། གང་ཟག་གི་བྱ་བའི་ཕྱིར་མཚམས་ཀྱི་ཕྱི་རོལ་ཏུ་འགྲོ་དགོས་པ་དེ་ལྟ་བུའི་རྐྱེན་ཞིག་བྱུང་ནའོ། །དགེ་སློང་དགོན་པ་པ་དེས་ཞེས་བྱ་བ་ནི། དགེ་སློང་གང་ཡིན་པ་དེས་སོ། །ཞག་དྲུག་གི་མཐའ་ཚུན་ཅན་དུ་ཞེས་བྱ་བ་ནི། ཉིན་མཚན་དྲུག་གི་མཐའ་ཚུན་ཆད་དོ། །ཆོས་གོས་དེ་དང་མཚམས་ཀྱི་ཕྱི་རོལ་ཏུ་འབྲལ་བར་བྱའོ། །ཞེས་བྱ་བ་ནི། ཆོས་གོས་བཞག་པ་གང་ཡིན་པ་
Cha283b
དེ་དང་ངོ ། །དེ་ལས་འདས་པར་འབྲལ་ན་ཞེས་བྱ་བ་ནི། དེ་ལས་ལྷག་པར་སྐྱ་རེངས་འཆར་བར་བྱེད་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། འདི་ལྟར། དེ་དགེ་སློང་དགོན་པ་པས་ཆོས་གོས་གསུམ་ལས་ཆོས་གོས་གང་ཡང་རུང་བ་དང་མཚམས་ཀྱི་ཕྱི་རོལ་དུ་འབྲལ་ན། ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །འདིའམ། དེར་བར་ཆད་བརྒྱད་པོ་འདི་ལྟ་སྟེ། རྒྱལ་པོའི་འཇིགས་པ་དང ། ཆོམ་རྐུན་གྱི་འཇིགས་པ་དང ། མེའི་འཇིགས་པ་དང ། ཆུའི་འཇིགས་པ་དང ། སེང་གེའི་འཇིགས་པ་དང ། སྟག་གི་འཇིགས་པ་དང ། མིའི་འཇིགས་པ་དང ། མི་མ་ཡིན་པའི་འཇིགས་པ་ལས། གང་ཡང་རུང་བ་ཉེ་བར་གནས་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཞག་བདུན་གྱིས་འབྲལ་བའི་སྤང་བ་སྟེ། ཉི་ཤུ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་དབྱར་གྱི་གོས་རས་ཆེན་བཅང་བར་བྱའོ། །ཞེས་བཀའ་སྩལ་ནས། དེ་ན་དགེ་སློང་གང་དག་སྔ་མའི་དབྱར་གནས་པ་ཁས་ལེན་པ་དེ་དག་ནི། རང་གི་དུས་ཡིན་ནོ། །ཞེས་ཚོལ་བར་བྱེད་ཅིང ། བདག་ཅག་གིས་ཅིའི་ཕྱིར་མི་བཅང་ཞེས་འཆང་བར་བྱེད་དོ། །ཕྱི་མའི་དབྱར་གནས་པར་ཁས་ལེན་པ་དེ་
Cha284a
༄#། །དག་ཀྱང་རང་གི་དུས་ཡིན་ནོ། །ཞེས་འཆང་བར་བྱེད་ཅིང ། བདག་ཅག་གིས་ཅིའི་ཕྱིར་མི་བཙལ་ཞེས་ཚོལ་བར་བྱེད་དོ། །དེ་དག་ཧ་ཅང་མྱུར་བར་ཚོལ་བ་དང ། ཧ་ཅང་ཡུན་རིང་དུ་འཆང་བར་བྱེད་པས། བྱ་བ་མང་བ་དང ། བྱེད་པ་མང་བར་གྱུར་ཏེ། ལུང་ནོད་པ་དང ། ཁ་ཏོན་དང ། རྣལ་འབྱོར་ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་ནས། དགེ་སློང་དོན་ཉུང་ངུ་དག། བཅོམ་ལྡན་འདས་ཀྱིས་དགེ་སློང་གིས་དབྱར་གྱི་གོས་རས་ཆེན་བཅང་བར་བྱའོ། །ཞེས་གསུངས་ན། ཅིའི་ཕྱིར་དགེ་སློང་དག་ཧ་ཅང་མྱུར་དུ་ཚོལ་བར་བྱེད་ཅིང ། ཧ་ཅང་ཡུན་རིང་དུ་འཆང་བར་བྱེད་པས་བྱ་བ་དང་བྱེད་པ་མང་བར་གྱུར་ཏེ། ལུང་ནོད་པ་དང ། ཁ་ཏོན་དང ། རྣལ་འབྱོར་ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་།ཁྱེད་ངས་དགེ་སློང་གིས་དབྱར་གྱི་གོས་རས་ཆེན་བཅང་བར་བྱའོ། །ཞེས་གསུངས་ན། ཁྱེད་ཅག་ཧ་ཅང་མྱུར་དུ་ཚོལ་བ་
Cha284b
དང ། ཧ་ཅང་ཡུན་རིང་དུ་འཆང་བར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་དང ། དགང་དཀའ་བ་དང ། འདོད་པ་ཆེ་བ་དང ། ཆོག་མི་ཤེས་པ་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་གསོ་སླ་བ་དང ། དགང་སླ་བ་དང ། འདོད་པ་ཆུང་བ་དང ། ཆོག་ཤེས་པ་དང ། ཕྲི་བ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་ན། དབྱར་གྱི་གོས་རས་ཆེན་བཙལ་བར་བྱའོ། །དབྱར་ཟད་ནས་འོག་ཏུ་ཟླ་བ་ཕྱེད་ཀྱི་བར་དུ་བཅང་བར་བྱའོ། །གལ་ཏེ་དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་པའི་སྔོན་རོལ་ཏུ་དབྱར་གྱི་གོས་རས་ཆེན་ཚོལ་བར་བྱེད་དམ། དབྱར་ཟད་ནས་འོག་ཏུ་ཟླ་བ་ཕྱེད་ལས་འདས་པར་འཆང་ན། སྤང་བའི་ལྟུང་བྱེད་དོ། །དགེ་སློང་གིས་ཞེས་བྱ་ནི། ཆོས་འདི་པས་སོ། །སོ་ག་རྣམས་ཀྱི་ཟླ་བ་གཅིག་ལུས་ན་ཞེས་བྱ་བ་ནི། ཟླ་བ་གཅིག་ན་དབྱར་ཉེ་བར་སྒྲུབ་པ་འབྱུང་བར་འགྱུར་བ་ནའོ། །དབྱར་གྱི་གོས་རས་ཆེན་ཞེས་བྱ་བ་ནི། ཆར་འབབ་པའི་གོས་སོ། །བཙལ་བར་བྱའོ། །ཞེས་བྱ་བ་ནི། གཞན་ལས་སོ། །དབྱར་ཟད་ནས་འོག་ཏུ་ཟླ་བ་ཕྱེད་ཀྱི་བར་བཅང་
Cha285a
༄#། །བར་བྱའོ། །ཞེས་བྱ་བ་ནི། དགག་དབྱེ་བྱས་ནས་ཟླ་བ་ཕྱེད་ཀྱི་བར་དུའོ། །གལ་ཏེ་དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་པའི་སྔོན་རོལ་དུ་དབྱར་གྱི་གོས་རས་ཆེན་ཚོལ་བར་བྱེད་དམ་ཞེས་བྱ་བ་ནི། དེའི་མདུན་རོལ་ཏུའོ། །དབྱར་ཟད་ནས་འོག་ཏུ་ཟླ་བ་ཕྱེད་ལས་འདས་པར་འཆང་ན་ཞེས་བྱ་བ་ནི། དེ་ལས་འདས་པར་རོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན་སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། སྔ་མ་དང ། ཕྱི་མ་ལས་ཏེ། དེ་ལས་གང་དག་དབྱར་སྔ་མར་གནས་པར་ཁས་ལེན་པ་དེ་དག་ལ་ནི། ཧ་ཅང་ཡང་ཡུན་རིང་དུ་འཆང་ན། སྤང་བའི་ལྟུང་བྱེད་དུ་འགྱུར་རོ། །གང་དག་དབྱར་ཕྱི་མར་གནས་པར་ཁས་ལེན་པ་དེ་དག་ནི། ཧ་ཅང་མྱུར་དུ་ཚོལ་ན། སྤང་བའི་ལྟུང་བྱེད་དུ་འགྱུར་རོ། །དེ་ལྟར་ན། དགེ་སློང་གིས་ཇི་ཙམ་དུ་ཧ་ཅང་མྱུར་དུ་ཚོལ་བར་བྱེད་པ་དང ། ཧ་ཅང་ཡུན་རིང་དུ་འཆང་བར་བྱེད་ན། ཐམས་ཅད་སྤང་བའི་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དབྱར་གྱི་རས་ཆེན་གྱི་སྤང་བ་སྟེ། ཉི་ཤུ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་ཤཱཀྱའི་ནང་ན་ཤཱཀྱ་རྣམས་ཀྱི་གྲོང་རྡལ་ཝ་ཚོང་ཅན་ཞེས་བྱ་བ་ན་བཞུགས་སོ། །དེའི་ཚེ་ན་ཁྱིམ་བདག་ཅིག་གིས་རང་གི་དད་པ་དང ། རང་གི་གཅུགས་པ་དང ། རང་གི་དང་བས་གཙུག་ལག་ཁང་བྱེད་དུ་བཅུག་ནས་ཚེ་དང་
Cha285b
ལྡན་པ་སྒྲ་གཅན་ཟིན་ལ་གང་ཟག་གིར་ཕུལ་ལོ། །དེ་ནས་ཚེ་དང་ལྡན་པ་སྒྲ་གཅན་ཟིན་གཙུག་ལག་ཁང་དེར་ཇི་ཙམ་པ་དེ་ཙམ་འདུག་ནས་ལྷུང་བཟེད་དང་ཆོས་གོས་ཐོགས་ཏེ་ལྗོངས་རྒྱུར་སོང་ངོ ། །ཁྱིམ་བདག་དེས་འཕགས་པ་སྒྲ་གཅན་ཟིན་གཙུག་ལག་ཁང་དེར་ཇི་ཙམ་པ་དེ་ཙམ་འདུག་ནས་ལྷུང་བཟེད་དང་ཆོས་གོས་ཐོགས་ཏེ་ལྗོངས་རྒྱུར་སོང་ཞེས་ཐོས་སོ། །ཐོས་ནས་ཀྱང་ཁྱིམ་བདག་དེས་གཙུག་ལག་ཁང་དེ་དགེ་འདུན་ལ་ཕུལ་ལོ། །དེ་ནས་ཚེ་དང་ལྡན་པ་སྒྲ་གཅན་ཟིན་ཅི་དགར་ལྗོངས་སུ་འདུག་ནས་ཤཱཀྱ་རྣམས་ཀྱི་གྲོང་རྡལ་ཝ་ཚོང་ཅན་ག་ལ་དེར་རྒྱུ་ཞིང་སོང་བ་ན་མཐར་གྱིས་རྒྱུ་ཞིང་འགྲོ་བའི་ཚེ་ན་ཝ་ཚོང་ཅན་དུ་ཕྱིན་ནས་ཚེ་དང་ལྡན་པ་སྒྲ་གཅན་ཟིན་གྱིས་ཁྱིམ་བདག་དེས། གཙུག་ལག་ཁང་དེ་དགེ་འདུན་ལ་ཕུལ་ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ཏོ། །བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་སྒྲ་གཅན་ཟིན་གྱིས་འདི་སྐད་ཅེས་གསོལ་ཏོ། །བཙུན་པ། འདི་ན་ཁྱིམ་བདག་ཅིག་གིས་རང་གི་དད་པ་དང ། རང་གི་གཅུགས་པ་དང ། རང་གི་དད་པས་གཙུག་ལག་ཁང་བགྱིད་དུ་སྩལ་ནས་བདག་ལ་གང་ཟག་གིར་སྩལ་ཏེ། བདག་གཙུག་ལག་ཁང་དེར་ཇི་ཙམ་པ་དེ་ཙམ་མཆིས་ནས་ལྷུང་བཟེད་དང་ཆོས་གོས་འཚལ་ཏེ་ལྗོངས་རྒྱུར་མཆིས་པ་དང ། ཁྱིམ་བདག་དེས་འཕགས་པ་སྒྲ་གཅན་ཟིན་གཙུག་ལག་ཁང་དེར་ཇི་ཙམ་པ་དེ་ཙམ་མཆིས་ནས་ལྷུང་བཟེད་དང་ཆོས་གོས་འཚལ་ཏེ་ལྗོངས་
Cha286a
༄#། །རྒྱུར་མཆིས་ཞེས་ཐོས་ཏེ། ཐོས་ནས་ཀྱང་ཁྱིམ་བདག་དེས་གཙུག་ལག་ཁང་དེ་དགེ་འདུན་ལ་ཕུལ་ན། བཙུན་པ། དེ་ལ་བདག་གིས་ད་ཇི་ལྟར་བགྱི། སྒྲ་གཅན་ཟིན་ཚུར་ཤོག་།ཁྱོད་ཁྱིམ་བདག་དེ་ག་ལ་བ་དེར་སོང་ལ་ཕྱིན་ནས་ཁྱིམ་བདག་དེ་ལ་འདི་སྐད་ཅེས། ཁྱིམ་བདག་།ཁྱོད་ཁོ་བོའི་ལུས་སམ་ངག་ལ་ཅུང་ཟད་སྨོད་པར་མི་བྱེད་དམ་ཞེས་སྨྲོས་ཤིག་།ཚེ་དང་ལྡན་པ་སྒྲ་གཅན་ཟིན་གྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཁྱིམ་བདག་ག་ལ་བ་དེར་སོང་སྟེ་ཕྱིན་ནས་ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག། ཁྱོད་ཁོ་བོའི་ལུས་སམ། ངག་ལ་ཅུང་ཟད་སྨོད་པར་མི་བྱེད་དམ། འཕགས་པ་སྒྲ་གཅན་ཟིན། བདག་ཁྱོད་ཀྱི་སྐུའམ། གསུང་ལ་ཅུང་ཟད་ཀྱང་སྨོད་པར་མི་བགྱིད་དོ། །དེ་ནས་ཚེ་དང་ལྡན་པ་སྒྲ་གཅན་ཟིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་སྒྲ་གཅན་ཟིན་གྱིས་འདི་སྐད་ཅེས་གསོལ་ཏོ། །བཙུན་པ། འདི་ན་བདག་ཁྱིམ་བདག་དེ་ག་ལ་བ་དེར་མཆིས་ཏེ་ཕྱིན་ནས་ཁྱིམ་བདག་དེ་ལ་འདི་སྐད་ཅེས། ཁྱིམ་བདག། ཁྱོད་ཁོ་བོའི་ལུས་སམ། ངག་ལ་ཅུང་ཟད་སྨོད་པ་མི་བགྱིད་དམ་ཞེས་བགྱིས་ན། དེ་འདི་སྐད་ཅེས། འཕགས་པ་སྒྲ་གཅན་ཟིན། བདག་ཁྱོད་ཀྱི་སྐུའམ། གསུང་ལ་སྨོད་པ་ཅུང་ཟད་ཀྱང་མ་མཆིས་སོ། །ཞེས་མཆིའོ། །དེའི་ཚེ་ན་ཚེ་དང་ལྡན་
Cha286b
པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་འདུག་པར་གྱུར་ཅིང་བསིལ་ཡབ་ཐོགས་ཏེ། བཅོམ་ལྡན་འདས་ལ་གཡོབ་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་ཇི་སྙེད་ཝ་ཚོང་ཅན་ན་ཉེ་བར་བརྟེན་ཅིང་འཁོད་པ་དེ་དག་ཐམས་ཅད་དཔོང་སའི་ཁང་པར་སྡུས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་ཇི་སྙེད་ཝ་ཚོང་ཅན་ན་ཉེ་བར་བརྟེན་ཅིང་འཁོད་པ་དེ་དག་ཐམས་ཅད་དཔོང་སའི་ཁང་པར་བསྡུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། ། བཙུན་པ། དགེ་སློང་ཇི་སྙེད་ཝ་ཚོང་ཅན་ན་ཉེ་བར་བརྟེན་ཅིང་མཆིས་པ་དེ་དག་ཐམས་ཅད་དཔོང་སའི་ཁང་པར་མཆིས་ཤིང ། མཐུན་པར་གྱུར་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་བཅོམ་ལྡན་འདས་དཔོང་སའི་ཁང་པ་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། གང་གིས་གང་ཟག་གཅིག་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་བྱེད་པ་ནི། ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་
Cha287a
༄#། །ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་བྱེད་པ་ཡང་ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱོད་དུ་རུང་བ་མ་ཡིན་ནོ། །དགེ་སློང་དག། གང་གིས་གཉིས་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་བྱེད་པ་ནི། ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་བྱེད་པ་ཡང་ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །དགེ་སློང་དག། གང་གིས་རབ་ཏུ་མང་པོ་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་བྱེད་པ་ནི། ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ཏེ། གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་བྱེད་པ་ཡང་ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །དགེ་སློང་དག། གང་གིས་དགེ་འདུན་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་བྱེད་པ་ནི།་ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་བྱེད་པ་ཡང་
Cha287b
ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །དགེ་སློང་དག། གང་གིས་དགེ་འདུན་བྱེ་ཞིང་གཉིས་སུ་གྱུར་ཏེ། ཕྱོགས་དང ། གཞན་གྱི་ཕྱོགས་སུ་རྣམ་པར་གནས་པ་ཕྱོགས་གཅིག་ལ་སྦྱིན་པ་བྱིན་ནས་ཕྱོགས་གཉིས་པ་ལ་སྦྱིན་པར་བྱེད་པ་ནི། ཆོས་དང་ལྡན་པའི་སྦྱིན་པ་མ་ཡིན་ཞིང ། ཆོས་དང་ལྡན་པའི་ལེན་པ་མ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །དགེ་སློང་དག། གང་གིས་གང་ཟག་གཅིག་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་མི་བྱེད་པ་ནི། ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱོད་དུ་རུང་བ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་མི་བྱེད་པ་ཡང་ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །དགེ་སློང་དག། གང་གིས་གཉིས་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་མི་བྱེད་པ་ནི། ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་མ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་མི་བྱེད་པ་ཡང་ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། ། དགེ་སློང་དག། གང་གིས་རབ་ཏུ་མང་པོ་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་མི་བྱེད་པ་ནི། ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །
Cha288a
༄#། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་མི་བྱེད་པ་ཡང་ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །དགེ་སློང་དག། གང་གིས་དགེ་འདུན་ལ་སྦྱིན་པ་བྱིན་ནས་གཞན་གཅིག་ལ་སྦྱིན་པར་མི་བྱེད་པ་ནི། ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །གཞན་གཉིས་སམ། རབ་ཏུ་མང་པོའམ། དགེ་འདུན་ལ་སྦྱིན་པར་མི་བྱེད་པ་ཡང་ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །དགེ་སློང་དག། གང་གིས་དགེ་འདུན་བྱེ་ཞིང་གཉིས་སུ་གྱུར་ལ། ཕྱོགས་དང ། གཞན་གྱི་ཕྱོགས་སུ་རྣམ་པར་གནས་པ་ན། ཕྱོགས་གཅིག་ལ་སྦྱིན་པ་བྱིན་ནས་ཕྱོགས་གཉིས་པ་ལ་སྦྱིན་པར་མི་བྱེད་པ་ནི། ཆོས་དང་ལྡན་པའི་སྦྱིན་པ་ཡིན་ཞིང ། ཆོས་དང་ལྡན་པའི་ལེན་པ་ཡིན་ལ། ལོངས་སྤྱད་དུ་རུང་བ་ཡིན་ནོ། །དགེ་སློང་དག། དེ་ལྟ་བས་ན། སྔ་མ་ནི། སྦྱིན་པ་ཡིན་ལ། ཕྱི་མ་ནི། མ་ཡིན་ནོ། །རྒྱལ་པོ་ནི། ས་གཞི་ལ་དབང་ལ། བདག་པོ་ནི། གནས་མལ་ལ་དབང ། དགེ་སློང་ནི། ལྷུང་བཟེད་དང་ཆོས་གོས་ལ་དབང་ངོ ། །སྦྱིན་པ་པོ་དང་སྦྱིན་བདག་གིས་རང་གི་སྦྱིན་པར་བྱ་བའི་ཆོས་མངོན་པར་འདུ་བྱ་བ་ནི། རུང་གི་།གཞན་ལ་སྦྱིན་དུ་ནི། མི་རུང་ངོ ། །དགེ་སློང་དག། དགེ་སློང་སྒྲ་གཅན་ཟིན་ལ་གཙུག་ལག་ཁང་དེ་ཕྱིན་བྱིན་ཅིག་།དགེ་སློང་དེ་དག་གིས་ཚེ་དང་ལྡན་པ་
Cha288b
སྒྲ་གཅན་ཟིན་ལ་གཙུག་ལག་ཁང་དེ་ཕྱིར་བྱིན་ནོ། །འདི་ནི། རེ་ཞིག་བྱུང་བ་ཡིན་གྱི། བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི། མ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བསོད་སྙོམས་པ་ཞིག་གིས་ཁྱིམ་བདག་ཅིག་སྐྱབས་སུ་འགྲོ་བ་དང་བསླབ་པའི་གཞི་དག་ལ་བཞག་ནས་དུས་གཞན་ཞིག་ན་བསོད་སྙོམས་པ་དེས། ཁྱིམ་བདག་དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་དག་གི་བསྔགས་པ་བརྗོད་པ་དང ། ཁྱིམ་བདག་དེས་སྨྲས་པ། འཕགས་པ། བདག་གིས་ཀྱང་རེ་ཞིག་རྫས་ལས་བྱུང་བའི་བསོད་ནམས་བགྱི་བའི་གཞི་ཅུང་ཞིག་བགྱིའོ། །དེ་བཞིན་གྱིས་ཤིག། ཅི་ཞིག་བགྱི། སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་ཅིག། དེ་བཞིན་བགྱིའོ། །ན་བཟའ་དབུལ་བ་ཡང་ཅུང་ཟད་ཡོད་དམ། འཕགས་པ། བདག་ནི། ལོངས་སྤྱོད་སྲབ་པ་ལགས་མོད་ཀྱི། རས་ཟུང་གཅིག་དབུལ་ལོ། །འཕགས་པ། ཁྱོད་ཀྱིས་སང་བདག་གི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲང་དུ་གསོལ། བསོད་སྙོམས་པ་དེས་ཚོགས་པའི་དུས་སུ་ཁྱིམ་བདག་དེའི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང ། དགེ་སློང་རྣམས་ཀྱི་སྨྲས་པ། བསོད་སྙོམས་པ། ཁྱོད་ཁྱིམ་དད་པར་བྱེད་པར་གྱུར་ཏོ། །བསོད་སྙོམས་པ། ཅི། ཁྱིམ་བདག་གིས་ཡོན་
Cha289a
༄#། །དང་བཅས་པའི་མཆོད་སྟོན་གསོལ་ལམ། འོན་ཏེ་ཡོན་པ་མེད་པའི་མཆོད་སྟོན་གསོལ། ཚེ་དང་ལྡན་པ་དག། ཡོན་དང་བཅས་པ་སྟེ། འོན་ཀྱང་ཁྱིམ་བདག་དེ་ལོངས་སྤྱོད་སྲབ་པ་ལགས་པས་འདི་ལྟར་རས་ཟུང་གཅིག་འབུལ་ལོ། །ཉེ་དགས་ཐོས་ནས་དེས་བསམ་པ། གང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རས་ཟུང་གཅིག་འབུལ་བ་དེ་ནི། ཆེན་པོ་ལ་འོས་པ་ཞིག་འབྱུང་གོར་མ་ཆག་གི་གལ་ཏེ་བདག་གིས་རས་ཟུང་དེ་མ་འཕྲོག་ན། ཉེ་དགའ་ཞེས་བྱ་བའི་མིང་མི་གཟུང་ངོ ། །སྙམ་ནས་ཉེ་དགའ་དེའི་ཕྱི་དེ་ཉིན་པར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཁྱིམ་བདག་དེའི་ཁྱིམ་དུ་སོང་བ་དང ། ཇི་ཙམ་ན། དེས་ཁྱིམ་བདག་དེ་མཆོད་སྟོན་སྦྱོར་བ་མཐོང་ནས་དེས་ཁྱིམ་བདག་དེ་ལ་དྲིས་པ། ཁྱིམ་བདག་ཅི་བྱེད། འཕགས་པ། མཆོད་སྟོན་སྦྱོར་རོ། །ཁྱིམ་བདག་།བཅོམ་ལྡན་འདས་ཀྱིས་སེམས་ཅན་གང་དག་སྔ་དྲོའི་དུས་ཀྱི་ཚེ་ལུས་ཀྱིས་ལེགས་པར་སྤྱད་ཅིང་སྤྱོད། ངག་དང་ཡིད་ཀྱིས་ལེགས་པར་སྤྱད་ཅིང་སྤྱོད་པའི་སེམས་ཅན་དེ་དག་ལ་དུས་དེ་ལ་སྔ་དྲོ་བཟང་པོར་ཉེ་བར་གནས་པར་འགྱུར་ལ། སེམས་ཅན་གང་དག་གུང་ཚིགས་ཀྱི་དུས་ཀྱི་ཚེ་དང ། ཕྱེ་མ་རེད་ཀྱི་དུས་ཀྱི་ཚེ་ལུས་ཀྱིས་ལེགས་པར་སྤྱད་ཅིང་སྤྱོད། ངག་དང་ཡིད་ཀྱིས་ལེགས་པར་སྤྱད་ཅིང་སྤྱོད་པའི་སེམས་ཅན་དེ་དག་ལ་དུས་དེ་ན་གུང་ཚིགས་བཟང་པོ་དང ། ཕྱེ་མ་རེད་བཟང་པོར་ཉེ་བར་གནས་པར་འགྱུར་རོ། །ཞེས་བཀའ་སྩལ་པ་དེ་
Cha289b
ནི།་ལེགས་པར་གསུངས་པ་ཡིན་ནོ། །ཁྱིམ་བདག། གོས་སྦྱིན་པ་ཡང་ཅུང་ཟད་ཡོད་དམ། འཕགས་པ། བདག་ནི། ལོངས་སྤྱོད་སྲབ་པ་ལགས་ཏེ། འོན་ཀྱང་རས་ཟུང་གཅིག་འབུལ་ལོ། །ཁྱིམ་བདག་རས་ཟུང་དེ་ཅི་འདྲ་བལྟའོ། །དེས་བསྟན་པ་དང ། ཇི་ཙམ་ན། བཟང་བར་མཐོང་ནས་ཉེ་དགས་སྨྲས་པ། ཁྱིམ་བདག། ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི། ཡོད་ན། ཡོངས་སུ་ལོངས་སྤྱོད་པ་ལས་བྱུང་བའི་བསོད་ནམས་ནི། ལན་འགའ་ཡང་མེད་དེ། བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་ལ་རས་ཟུང་སྟོང་ཉིས་བརྒྱ་ལྔ་བཅུས་འགྲུབ་པས་འདིས་ནི། རེ་ཞིག་ཆོས་གོས་ཀྱི་རྡང་ཁོ་ན་ལ་ཡོངས་སུ་ཟད་པར་བྱ་དགོས་པར་འགྱུར་རོ། །བཅོམ་ལྡན་འདས་ཀྱིས་ཀྱང་ཟས་ཀྱི་རྙེད་པ་བྱུང་ན་ནི། པུ་ལ་སའི་འདབ་མས་ཀྱང་བགོ་བར་བྱ་ལ། གོས་ཀྱི་རྙེད་པ་བྱུང་ན་ནི། མར་མེའི་སྙིང་པོར་རུང་བས་ཀྱང་བགོ་བར་བྱའོ། །ཞེས་གསུངས་ན། གལ་ཏེ་བགེད་པར་མི་བྱེད་ན་ནི། ཁྱོད་ཀྱི་འདི་ཡང་ལོངས་སྤྱད་པར་མི་འགྱུར་རོ། །དེས་སྨྲས་པ། འཕགས་པ། གང་གིས་བདག་ལ་ཡོངས་སུ་བཏང་བ་ལས་བྱུང་བའི་བསོད་ནམས་ཀྱང་མཆིས་ལ། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ཀྱང་མཆིས་པར་འགྱུར་བའི་ཐབས་ཅི་མཆིས། ཁྱིམ་བདག། གལ་ཏེ་ཁྱོད་ཀྱིས་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་གང་ཡིན་པ་དེ་ལ་རས་ཟུང་འདི་བསྐོན་ན། དེ་ལྟ་ན། ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་
Cha290a
༄#། །ནམས་དང ། ཡོངས་སུ་སྤྱད་པ་ལས་བྱུང་བའི་བསོད་ནམས་ཡང་འགྱུར་རོ། །དེས་སྨྲས་པ། འཕགས་པ། ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་སུ་མཆིས། ཁྱིམ་བདག། ཁོ་བོ་ཉིད་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་ཡིན་ནོ། །ཁྱིམ་བདག་དེས་ཉེ་དགའ་ལ། འཕགས་པ། ཁྱོད་རས་ཟུང་འདི་བཞེས་ཤིག་།ཅེས་སྦྱིན་པར་བརྩམས་པ་དང ། ཉེ་དགས་སྨྲས་པ། ཁྱིམ་བདག་།ཁྱོད་སྦྱིན་པ་ཡིན་ཡང་མི་ཤེས་སམ། གང་གི་ཚེ་སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ་ན་ཁྱོད་ཀྱིས་རྒན་པའི་མཐའ་ལོགས་སུ་རྗེས་སུ་ཡི་རང་བར་བྱེད་དུ་ཆུག་ལ་ཁོ་བོ་ལ་བྱིན་ཅིག། འཕགས་པ། དེ་བཞིན་བགྱིའོ། །ཞེས་ཁྱིམ་བདག་དེས་དེ་ལས་མཉན་ནས། ཁྱིམ་བདག་དེས་དེའི་འོག་ཏུ་སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་ནས་རས་ཟུང་དེ་རྒན་པའི་མཐའ་ལོགས་སུ་རྗེས་སུ་ཡི་རང་བར་མཛོད་ཅིག་།རྗེས་སུ་ཡི་རང་བར་མཛོད་ཅིག། ཅེས་རྗེས་སུ་ཡི་རང་བར་བྱེད་དུ་བཅུག་ནས་ཉེ་དགའ་ལ་བྱིན་ནོ། །དགེ་སློང་རྣམས་ཀྱིས་དགེ་བསྐོས་ལ་སྨྲས་པ། ཉེ་དགའ་ལས་རས་ཟུང་ལོངས་ཤིག། དག་བསྐོས་ཀྱིས་ཉེ་དགའ་ལ་སྨྲས་པ། རས་ཟུང་དེ་འོན་ཅིག། ཅི། གཙུག་ལག་ཁང་དུ་ཁྱེར་ཏེ་སྦྱིན་ནམ། དགེ་བསྐོས་ཀྱིས་སྨྲས་པ། མ་ཡིན་ཏེ། འདི་
Cha290b
ནི།་དགེ་འདུན་ལ་ཕུལ་བ་ཡིན་ནོ། །ཉེ་དགས་སྨྲས་པ། ཁྱོད་ཅིའི་ཕྱིར་རང་གི་ལྷུང་བཟེད་དང ། ཆོས་གོས་དགེ་འདུན་ལ་དབུལ་བར་མི་བྱེད། འདི་ནི། ཁོ་བོ་ལ་བྱིན་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཡོན་བཤད་པ་མཛད་ནས་གདན་ལས་བཞེངས་ཏེ་གཤེགས་པ་དང ། བསོད་སྙོམས་པ་དེ་སྐྱེངས་ནས་དེ་ཉིད་དུ་འདུག་གོ། དེ་ནས་བསོད་སྙོམས་པ་དེས། སངས་རྒྱས་སོགས་པ་དགེ་སློང་གི་དགེ་འདུན་བཞུད་ནས་རིང་པོ་མ་ལོན་པར་རིག་ནས་ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག་གིས་གཞན་དུ་འབྲུག་བསྒྲགས་ལ། གཞན་དུ་ཆར་ཕབ་བོ། །འཕགས་པ། ཇི་ལྟར་བགྱིས། བཙུན་པ་ཉེ་དགའི་མཆིད་ནས་ཁྱིམ་བདག་།ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི། ཡོད་ན། ཡོངས་སུ་ལོངས་སྤྱོད་པ་ལས་བྱུང་བའི་བསོད་ནམས་ནི། ལན་འགའ་ཡང་མེད་དེ། བཅོམ་ལྡན་འདས་ཀྱིས་འཁོར་སྟོང་ཉིས་བརྒྱ་ལྔ་བཅུ་ལ་རས་ཟུང་སྟོང་ཉིས་བརྒྱ་ལྔ་བཅུས་འགྲུབ་པས། འདིས་ནི། རེ་ཞིག་ཆོས་གོས་ཀྱི་རྡང་ཁོ་ན་ལ་ཡོངས་སུ་ཟད་པར་བྱ་དགོས་པར་འགྱུར་རོ། །བཅོམ་ལྡན་འདས་ཀྱིས་ཀྱང་ཟས་ཀྱི་རྙེད་པ་བྱུང་ན་ནི། པུ་ལ་སའི་འདབ་མས་ཀྱང་བགོ་བར་བྱ་ལ། གོས་ཀྱི་རྙེད་པ་བྱུང་ན་ནི། མར་མེའི་སྙིང་པོར་རུང་བས་ཀྱང་བགོ་བར་བྱའོ། །ཞེས་གསུངས་ནས། གལ་ཏེ་འགེད་པར་མི་བྱེད་ན་ནི། ཁྱོད་ཀྱི་འདི་ཡང་ལོངས་སྤྱད་པར་མི་འགྱུར་རོ། །ཞེས་མཆིད་ནས་བདག་གིས་དེ་ལ་འདི་སྐད་ཅེས། འཕགས་པ། གང་གིས་བདག་ལ་ཡོངས་སུ་བཏང་བ་ལས་བྱུང་བའི་བསོད་ནམས་ཀྱང་མཆིས་ལ། ཡོངས་སུ་ལོངས་སྤྱད་པ་ལས་བྱུང་
Cha291a
༄#། །བའི་བསོད་ནམས་ཀྱང་མཆིས་པའི་ཐབས་ཅི་མཆིས་ཞེས་བགྱིས་ན། བཙུན་པ། ཉེ་དགའི་མཆིད་ནས་ཁྱིམ་བདག་།གལ་ཏེ་ཁྱོད་ཀྱིས་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་གང་ཡིན་པ་དེ་ལ་རས་ཟུང་འདི་བསྐོན་ན། དེ་ལྟ་ན། ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་དང ། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་སུ་ཡང་འགྱུར་རོ། །ཞེས་མཆིའོ། །བདག་གིས་དེ་ལ་འདི་སྐད་ཅེས། འཕགས་པ། ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་སུ་མཆིས་ཞེས་བགྱིས་ན། བཙུན་པ་ཉེ་དགའ་བདག་ལ་འདི་སྐད་ཅེས། ཁྱིམ་བདག་།ཁོ་བོ་ཉིད་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་ཡིན་ནོ། །ཞེས་མཆིད་ནས། བདག་གིས་བཙུན་པ་ཉེ་དགའ་ལ། འཕགས་པ། ཁྱོད་རས་ཟུང་འདི་བཞེས་ཤིག་།ཅེས་སྦྱིན་པར་བརྩམས་པ་དང ། བཙུན་པ་ཉེ་དགའི་མཆིད་ནས་ཁྱིམ་བདག། ཁྱོད་སྦྱིན་པ་སྦྱིན་ཡང་མི་ཤེས་སམ། གང་གི་ཚེ་སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བ་དེའི་ཚེ་ཁྱོད་ཀྱིས་རྒན་པའི་མཐའ་ལོགས་སུ་རྗེས་སུ་ཡི་རང་བ་བྱེད་དུ་ཆུག་ལ་ཁོ་བོ་ལ་བྱིན་ཅིག་ཅེས་མཆིད་ནས་བདག་གིས་དེ་ཁོ་ན་བཞིན་དུ་བགྱིས་པས། འདི་ལ་བདག་གིས་ནོངས་པ་ཅི་མཆིས།
Cha291b
བསོད་སྙོམས་པ་དེ་གཙུག་ལག་ཁང་དུ་སོང་བ་དང ། དགེ་སློང་རྣམས་ཀྱིས་དེ་ལ་སྨྲས་པ། བསོད་སྙོམས་པ་དང་རིས་མཐུན་པ་གང་ཡིན་པས་ཀྱང་ཁྱིམ་བདག་ཅིག་ཇི་ལྟར་དད་པས་བསྐྱེད་ན། དེས་ཀྱང་གཞན་དུ་འབྲུག་བསྒྲགས་ལ། གཞན་དུ་ཆར་ཕབ་བོ། །དེས་སྨྲས་པ། དེས་ཅི་ཉེས། འདི་ལྟར། དེར་གཅིག་ཅིག་གིས་སོང་སྟེ་འདི་སྐད་ཅེས། ཁྱིམ་བདག། འདི་ནི། ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་ནི། ཡོད་ན། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ནི། ལན་འགའ་ཡང་མེད་དེ། བཅོམ་ལྡན་འདས་ཀྱི་འཁོར་སྟོང་ཉིས་བརྒྱ་ལྔ་བཅུ་ལ་རས་ཟུང་སྟོང་ཉིས་བརྒྱ་ལྔ་བཅུས་གྲུབ་པས། འདིས་ནི། རེ་ཞིག་ཆོས་གོས་ཀྱི་རྡང་ཁོ་ན་ལ་ཡོངས་སུ་ཟད་པར་བྱ་དགོས་པར་འགྱུར་རོ། །བཅོམ་ལྡན་འདས་ཀྱིས་ཀྱང་ཟས་ཀྱི་རྙེད་པ་བྱུང་ན་ནི། པུ་ལ་སའི་འདབ་མས་ཀྱང་བགོ་བར་བྱ་ལ། གོས་ཀྱི་རྙེད་པ་བྱུང་ན་ནི། མར་མེའི་སྙིང་པོར་རུང་བས་ཀྱང་བགོ་བར་བྱའོ། །ཞེས་གསུངས་ན། གལ་ཏེ་བགེད་པར་མི་བྱེད་ན་ནི། ཁྱོད་ཀྱི་འདི་ཡང་ལོངས་སྤྱད་པར་མི་འགྱུར་རོ། །ཞེས་ཟེར་ནས། དེས་འདི་སྐད་ཅེས་འཕགས་པ། གང་གིས་བདག་ལ་ཡོངས་སུ་བཏང་བ་ལས་བྱུང་བའི་བསོད་ནམས་ཀྱང་མཆིས་ལ། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་ཀྱང་མཆིས་པར་འགྱུར་བའི་ཐབས་ཅི་མཆིས་ཞེས་བྱས་ན། དེ་ན་རེ། འདི་སྐད་ཅེས། གལ་ཏེ་ཁྱོད་ཀྱིས་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་
Cha292a
༄#། །གང་ཡིན་པ་དེ་ལ་རས་ཟུང་འདི་བསྐོན་ན། དེ་ལྟར་ན། ཁྱོད་ལ་ཡོངས་སུ་བཏང་བ་ལས་བྱུང་བའི་བསོད་ནམས་དང ། ཡོངས་སུ་ལོངས་སྤྱད་པ་ལས་བྱུང་བའི་བསོད་ནམས་སུ་ཡང་འགྱུར་རོ། །ཞེས་ཟེར་རོ། །དེས་འདི་སྐད་ཅེས། ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་སུ་ཡོད་ཅེས་བྱས་ན། དེ་ན་རེ། ཁོ་བོ་ཉིད་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ་ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་ཡིན་ནོ། །ཞེས་ཟེར་ནས། དེས་དེ་ལ་རས་ཟུང་དེ་སྦྱིན་པར་བརྩམས་པ་དང ། དེ་ན་རེ། ཁྱིམ་བདག་།ཁྱོད་སྦྱིན་པ་བྱིན་ཡང་མི་ཤེས་སམ། གང་གི་ཚེ་སངས་རྒྱས་ལ་སོགས་པ་དགེ་སློང་གི་དགེ་འདུན་མཆོད་སྟོན་གསོལ་བར་དེའི་ཚེ་ཁྱེད་ཀྱིས་རྒན་པའི་མཐའ་ལོགས་སུ་རྗེས་སུ་ཡི་རང་བ་བྱེད་དུ་ཆུག་ལ་ཁོ་བོ་ལ་བྱིན་ཅིག་ཅེས་ཟེར་ནས། དེས་དེ་ཁོ་ན་བཞིན་བྱས་པས་དེས་ཉེས་པ་ཅི་ཡོད། དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་བསྔོར་འཇུག་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་
Cha292b
རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་བསྔོར་འཇུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ།་རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་བསྒྱུར་དུ་འཇུག་ན། སྤང་བའི་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །དགེ་འདུན་ལ་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ལའོ། །བསྔོས་པའི་ཞེས་བྱ་བ་ནི། གཟས་པའིའོ། །རྙེད་པ་ཞེས་བྱ་བ་ནི། རྙེད་པ་གཉིས་ཏེ། གོས་ཀྱི་རྙེད་པ་དང ། ཟས་ཀྱི་རྙེད་པ་སྟེ། དོན་འདིར་ནི། གོས་ཀྱི་རྙེད་པ་ཡིན་པར་དགོངས་སོ། །ཤེས་བཞིན་དུ་ཞེས་བྱ་བ་ནི། བདག་
Cha293a
༄#། །ཉིད་ཀྱིས་དེ་ཤེས་པར་གྱུར་པའམ། གཞན་དག་གིས་བརྗོད་པས་སོ། །གང་ཟག་བདག་ལ་བསྒྱུར་དུ་འཇུག་ན་ཞེས་བྱ་བ་ནི། བདག་ཉིད་ལ་འབུལ་དུ་འཇུག་ནའོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་སྟེ། དེས་ན། སྤང་བའི་ལྟུང་བྱེད་དོ། །ཞེས་གསུངས་སོ།། །།འདུལ་བ་རྣམ་པར་འབྱེད་པ། བམ་པོ་སོ་བདུན་པ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་གང་ཟག་བདག་ལ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་གཉིས་ལ་བསྔོས་པའི་རྙེད་པ་གང་ཟག་བདག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་གང་ཟག་བདག་ལ་བསྒྱུར་དུ་འཇུག་ན། དེ་བསྒྱུར་འཇུག་པ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་གང་ཟག་བདག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་གང་ཟག་གཞན་གཅིག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་གང་ཟག་
Cha293b
གཞན་གཉིས་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་གང་ཟག་གཞན་རབ་ཏུ་མང་པོ་དག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཅིག་ལ་བསྔོས་པའི་རྙེད་པ་དགེ་འདུན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་སུ་འགྱུར་རོ། །དགེ་སློང་གིས་གང་ཟག་གཉིས་ལ་བསྔོས་པའི་རྙེད་པ་གང་ཟག་གཞན་གཅིག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཉིས་ལ་བསྔོས་པའི་རྙེད་པ་གང་ཟག་གཞན་གཉིས་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཉིས་ལ་བསྔོས་པའི་རྙེད་པ་གང་ཟག་གཞན་རབ་ཏུ་མང་པོ་དག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་གཉིས་ལ་བསྔོས་པའི་རྙེད་པ་དགེ་འདུན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་གང་ཟག་གཞན་གཅིག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་
Cha294a
༄#། །འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་གང་ཟག་གཞན་གཉིས་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་གང་ཟག་གཞན་རབ་ཏུ་མང་པོ་དག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གང་ཟག་རབ་ཏུ་མང་པོ་དག་ལ་བསྔོས་པའི་རྙེད་པ་དགེ་འདུན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་གང་ཟག་གཅིག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་གང་ཟག་གཉིས་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ།་ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་གང་ཟག་རབ་ཏུ་མང་པོ་དག་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་དགེ་འདུན་གཞན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་
Cha294b
ཉིད་དུ་འགྱུར་རོ། །དགེ་སློང་གིས་དགེ་འདུན་ལ་བསྔོས་པའི་རྙེད་པ་དགེ་སློང་མའི་དགེ་འདུན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། ། དགེ་སློང་གིས་དགེ་སློང་མའི་དགེ་འདུན་ལ་བསྔོས་པའི་རྙེད་པ་དགེ་སློང་གི་དགེ་འདུན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གཉི་གའི་དགེ་འདུན་ལ་བསྔོས་པའི་རྙེད་པ་དགེ་སློང་གི་དགེ་འདུན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གཉི་གའི་དགེ་འདུན་ལ་བསྔོས་པའི་རྙེད་པ་དགེ་སློང་མའི་དགེ་འདུན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་འདུན་བྱེ་ཞིང་གཉིས་སུ་གྱུར་ཏེ་ཕྱོགས་དང ། གཞན་གྱི་ཕྱོགས་སུ་རྣམ་པར་གནས་པ་ན། ཕྱོགས་གཅིག་ལ་བསྔོས་པའི་རྙེད་པ་ཕྱོགས་གཉིས་པ་ལ་བསྔོར་འཇུག་ན། དེ་བསྔོར་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གནས་ཁང་གཅིག་ལ་བསྔོས་པའི་རྙེད་པ་གནས་ཁང་གཞན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་གནས་ཁང་ལ་བསྔོས་པའི་རྙེད་པ་ཁྱམས་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་
Cha295a
༄#། །བྱས་ཉིད་དུ་འགྱུར་རོ། །དགེ་སློང་གིས་ཁྱམས་ལ་བསྔོས་པའི་རྙེད་པ་གནས་ཁང་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་ཀ་བ་གཞན་གཅིག་ལ་བསྔོས་པའི་རྙེད་པ་ཀ་བ་གཞན་གཉིས་པ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་ཀ་བ་གཞན་གཅིག་ལ་བསྔོས་པའི་རྙེད་པ་སྒོ་ཁང་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་སྒོ་ཁང་ལ་བསྔོས་པའི་རྙེད་པ་བང་རིམ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་བང་རིམ་ལ་བསྔོས་པའི་རྙེད་པ་སྒོ་ཁང་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་སངས་རྒྱས་ཀྱི་སྐུ་གཟུགས་གཅིག་ལ་བསྔོས་པའི་རྙེད་པ་སངས་རྒྱས་ཀྱི་སྐུ་གཟུགས་གཞན་གཉིས་པ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་མཆོད་རྟེན་གཅིག་ལ་བསྔོས་པའི་རྙེད་པ་མཆོད་རྟེན་གཞན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འཇུག་ལ། ཐོབ་ན་
Cha295b
ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་མཆོད་རྟེན་གྱི་ཐེམ་སྐས་ཀྱི་གཞི་དང་པོ་ལ་བསྔོས་པའི་རྙེད་པ་ཐེམ་སྐས་ཀྱི་གཞི་གཉིས་པ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །ཐེམ་སྐས་ཀྱི་གཞི་གཉིས་པ་དང ། གསུམ་པ་དང ། བཞི་པ་དང ། ཐམས་ཅད་ཀྱི་སྟེང་མའི་བར་ལ་ཡང་དེ་བཞིན་ནོ། །དགེ་སློང་གི་ཐེམ་སྐས་ཀྱི་གཞི་ཐམས་ཅད་ཀྱི་སྟེང་མ་ལ་བསྔོས་པའི་རྙེད་པ་མེ་ཏོག་ཁང་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་གིས་མེ་ཏོག་ཁང་ལ་བསྔོས་པའི་རྙེད་པ་བ་གམ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི་ལྟུང་བ་མེད་དོ། །དགེ་སློང་གི་བ་གམ་གཅིག་ལ་བསྔོས་པའི་རྙེད་པ་བ་གམ་གཉིས་པ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །བ་གམ་གཉིས་པ་དང ། གསུམ་པ་དང ། བཞི་པ་ལ་ཡང་དེ་བཞིན་ནོ། །དགེ་སློང་གིས་བ་གམ་བཞི་པ་ལ་བསྔོས་པའི་རྙེད་པ་མཆོད་རྟེན་གྱི་བུམ་པ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་
Cha296a
༄#། །བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་མཆོད་རྟེན་གྱི་བུམ་པ་ལ་བསྔོས་པའི་རྙེད་པ་པུ་ཤུ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་པུ་ཤུ་ལ་བསྔོས་པའི་རྙེད་པ་གདུགས་ཐ་མ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་རོ། །གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །གདུགས་གཉིས་པ་དང ། གསུམ་པ་དང ། བཞི་པ་ནས་ཐམས་ཅད་ཀྱི་སྟེང་མའི་བར་ལ་ཡང་དེ་བཞིན་ནོ། །དགེ་སློང་གིས་གདུགས་ཐམས་ཅད་ཀྱི་སྟེང་མ་ལ་བསྔོས་པའི་རྙེད་པ་ཆར་ཁེབས་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་ཆར་ཁེབས་ལ་བསྔོས་པའི་རྙེད་པ་གདུགས་ཐམས་ཅད་ཀྱི་སྟེང་མ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དང་འོག་དང ། གསུམ་པ་དང ། གདུགས་ཐ་མའི་བར་ལ་ཡང་དེ་བཞིན་ནོ། །དགེ་སློང་གིས་གདུགས་ཐ་མ་ལ་བསྔོས་པའི་རྙེད་པ་བུ་ཤུ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་
Cha296b
ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་པུ་ཤུ་ལ་བསྔོས་པའི་རྙེད་པ་མཆོད་རྟེན་གྱི་བུམ་པ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་མཆོད་རྟེན་གྱི་བུམ་པ་ལ་བསྔོས་པའི་རྙེད་པ་བ་གམ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་བ་གམ་ལ་བསྔོས་པའི་རྙེད་པ་མེ་ཏོག་ཁང་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །དགེ་སློང་གིས་མེ་ཏོག་ཁང་ལ་བསྔོས་པའི་རྙེད་པ་ཐེམ་སྐས་ཀྱི་གཞི་སྟེང་མ་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། གཡར་པོའི་ཆོས་ཀྱི་སྦྱིན་པ་ལ་ནི། ལྟུང་བ་མེད་དོ། །ཐེམ་སྐས་ཀྱི་གཞི་དང་འོག་དང ། གསུམ་པ་ནས་ཐམས་ཅད་ཀྱི་ཐ་མའི་བར་ལ་ཡང་དེ་བཞིན་ནོ། །དགེ་སློང་གིས་མུ་ལྟོ་བ་གཅིག་ལ་བསྔོས་པའི་རྙེད་པ་མུ་ལྟོ་བ་གཞན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། བཙལ་ཏེ་མ་རྙེད་པ་ལ་ནི། ལྟུང་བ་མེད་དོ། །དགེ་སློང་གིས་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་གཅིག་ལ་བསྔོས་པའི་རྙེད་པ་དུད་འགྲོའི་སྐྱེ་གནས་སུ་སྐྱེས་པའི་སྲོག་
Cha297a
༄#། །ཆགས་གཞན་ལ་བསྒྱུར་དུ་འཇུག་ན། དེ་བསྒྱུར་དུ་འཇུག་པ་ལ་ཉེས་བྱས་སུ་འགྱུར་ལ། ཐོབ་ན་ཡང་ཉེས་བྱས་ཉིད་དུ་འགྱུར་ཏེ། བཙལ་ཏེ་མ་རྙེད་པ་ལ་ནི། ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསྔོས་པ་ལས་བསྒྱུར་བའི་སྤང་བ་སྟེ། ཉི་ཤུ་དགུ་པ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་པི་ལ་ནི་དའི་བུའི་ལྷན་ཅིག་གནས་པ་དང ། ཉེ་གནས་དགེ་སློང་དག་སྨན་གང་དག་དེ་ནས་ལག་ཉར་བླངས་པ་དང ། དེ་ལས་བྱིན་ལེན་བྱས་པ་དང ། ཟས་ཀྱི་ཕྱེ་མ་དང་འདྲེས་པ་དང ། ཕན་ཚུན་འདྲེས་པ་དང ། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟ་བར་བྱེད་ཅིང་དེ་དག་ལ་བཟའ་བར་རྣམ་པར་དབྱེ་བ་ཡང་མི་མངོན་ནས། དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་སྨན་གང་དེ་ནས་ལག་ཉར་བླངས་པ་དང ། དེ་ལས་བྱིན་ལེན་བྱས་པ་དང ། ཟས་ཀྱི་ཕྱེ་མ་དང་འདྲེས་པ་དང ། ཕན་ཚུན་འདྲེས་པ་དང ། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟླ་བར་བྱེད་ཅིང ། དེ་དག་ལ་བཟའ་བར་རྣམ་པར་དབྱེ་བ་ཡང་མི་མངོན་ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་
Cha297b
དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་པི་ལིནདའི་བུའི་ལྷན་ཅིག་གནས་པ་དང ། ཉེ་གནས་དགེ་སློང་རྣམས་ལ་སྨྲས་པ། དགེ་སློང་དག་།ཁྱེད་སྨན་གང་དག་དེ་ནས་ལག་ཉར་བླངས་པ་དང ། དེ་ལས་བྱིན་ལེན་བྱས་པ་དང ། ཟས་ཀྱི་ཕྱེ་མ་དང་འདྲེས་པ་དང ། ཕན་ཚུན་འདྲེས་པ་དང ། རང་གི་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་དུས་སུ་ཡང་ཟ་བར་བྱེད། དུས་མ་ཡིན་པར་ཡང་ཟ་བར་བྱེད་ཅིང ། དེ་དག་ལ་བཟའ་བར་རྣམ་པར་དབྱེ་བར་ཡང་མི་མངོན་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་གསོ་དཀའ་བ་དང ། དགང་དཀའ་བ་དང ། འདོད་པ་ཆེ་བ་དང ། ཆོག་མི་ཤེས་པ་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་གསོ་སླ་བ་དང ། དགང་སླ་བ་དང ། འདོད་པ་ཆུང་བ་དང ། ཆོག་ཤེས་པ་དང ། སྦྱངས་པའི་ཡོན་ཏན་རྣམས་དང ། མཛེས་པ་དང ། དྲོད་རིག་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་
Cha298a
༄#། །སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བཅོམ་ལྡན་འདས་ཀྱིས་དགེ་སློང་ན་བ་རྣམས་ལ་ཕན་པ་སོ་སོར་བསྟེན་པར་བྱ་བའི་སྨན་གང་དག་བཀའ་སྩལ་པ་འདི་ལྟ་སྟེ། ཞུན་མར་དང ། འབྲུ་མར་དང ། སྦྲང་རྩི་དང ། བུ་རམ་གྱི་ལྦུ་བ་དེ་དག་ལས། དགེ་སློང་ན་བས་འདོད་ན། རང་གིས་ཞག་བདུན་པར་བྱིན་གྱིས་བརླབས་ཏེ། གསོག་འཇོག་གི་ཡོངས་སུ་ལོངས་སྤྱོད་པས་ཡོངས་སུ་ལོངས་སྤྱད་པར་བྱའོ། །དེ་ལས་འདས་པར་ཡོངས་སུ་ལོངས་སྤྱོད་པར་བྱེད་ན། སྤང་བའི་ལྟུང་བྱེད་དོ། །བཅོམ་ལྡན་འདས་ཀྱིས་ཞེས་བྱ་བ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སོ། །དགེ་སློང་ཞེས་བྱ་བ་ནི། ཆོས་འདི་པས་སོ། །ན་བ་རྣམས་ལ་ཞེས་བྱ་བ་ནི། ནད་པ་རྣམས་ལའོ། །ཕན་པ་ཞེས་བྱ་བ་ནི། རྗེས་སུ་མཐུན་པའོ། །སོ་སོར་བསྟེན་པར་བྱ་བའི་ཞེས་བྱ་བ་ནི། རུང་བའིའོ། །སྨན་གང་དག་བཀའ་སྩལ་པ་ཞེས་བྱ་བ་ནི། རབ་ཏུ་བསྟན་པའོ། །འདི་ལྟ་སྟེ། ཞུན་མར་ཞེས་བྱ་བ་ནི། བཞུས་པའོ།། འབྲུ་མར་ཞེས་བྱ་བ་ནི། འབྲུ་མར་ཉིད་དོ། །སྦྲང་རྩི་ཞེས་བྱ་བ་ནི། སྦྲང་བུའི་སྦྲང་རྩིའོ། །བུ་རམ་གྱི་ལྦུ་བ་ཞེས་བྱ་བ་ནི། བུ་རམ་མོ། །དགེ་སློང་ཞེས་བྱ་བ་ནི། དགེ་སློང་གང་ཡིན་པ་དེའོ། །ན་བས་ཞེས་བྱ་བ་ནི། ནད་པས་སོ། །འདོད་ན་ཞེས་བྱ་བ་ནི། གལ་ཏེ་དོན་དུ་གཉེར་ནའོ། །རང་གིས་ཞེས་བྱ་བ་ནི། བདག་ཉིད་ཀྱིས་སོ། །ཞག་བདུན་པར་བྱིན་གྱིས་བརླབས་ཏེ་ཞེས་བྱ་བ་ནི། ཉིན་མཚན་བདུན་པར་
Cha298b
རོ། །གསོག་འཇོག་གི་ཡོངས་སུ་ལོངས་སྤྱོད་པས་ཡོངས་སུ་ལོངས་སྤྱོད་པར་བྱའོ། །ཞེས་བྱ་བ་ནི། རང་གིས་བླངས་ཏེ་བཟའ་བར་བྱའོ། །དེ་ལས་འདས་པར་ཡོངས་སུ་ལོངས་སྤྱོད་པར་བྱེད་ན་ཞེས་བྱ་བ་ནི། ཞག་བདུན་ལས་འདས་པར་རོ། །སྤང་བའི་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་སྤངས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བ་སྟེ། དེས་ན། སྤང་བའི་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཚེས་ལ་ན་བའི་སྨན་ཞིག་རྙེད་ན། དགེ་སློང་དེས་སྨན་དེ་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། ། ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། གསུམ་མམ། ཚེས་བདུན་ཚུན་ཆད་ཀྱིས་ན་བའི་སྨན་ཞིག་རྙེད་ན། དགེ་སློང་དེས་སྨན་དེ་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ན་བའི་སྨན་ཞིག་རྙེད་ཅིང ། དེས་ཚེས་གཉིས་ལ་ཡང་སྨན་གཞན་ཞིག་རྙེད་ན། དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྨན་སྔ་མ་ཤོས་ཡོངས་སུ་ལོངས་སྤྱད་པར་བྱ་ཞིང ། ཕྱི་མ་ཤོས་གཏང་བར་བྱ་བའམ། གཞན་ལ་
Cha299a
༄#། །སྦྱིན་པར་བྱའོ། །ཡང་ན། ཕྱི་མ་ཤོས་ཡོངས་སུ་ལོངས་སྤྱད་པར་བྱ་ཞིང ། སྔ་མ་ཤོས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་གཅིག་དང ། གཉིས་ལ་ཇི་ལྟ་བ་དེ་བཞིན་དུ་དེས་ཚེས་དྲུག་གི་བར་ལ་ན་བའི་སྨན་ཞིག་རྙེད་ཅིང ། དེས་ཚེས་བདུན་གྱི་བར་ལ་ཡང་གཞན་ཞིག་རྙེད་ན། དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྔ་མ་ཤོས་ཡོངས་སུ་ལོངས་སྤྱད་པར་བྱ་ཞིང ། ཕྱི་མ་ཤོས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན། ཕྱི་མ་ཤོས་ཡོངས་སུ་ལོངས་སྤྱད་པར་བྱ་ཞིང ། སྔ་མ་ཤོས་གཏོང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ།་གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ན་བའི་སྨན་གཉིས་ཤིག་རྙེད་ན། དགེ་སློང་དེས་སྨན་དེ་གཉིས་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱ་བའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཆེས་ལམ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་བདུན་ཚུན་ཆད་
Cha299b
ཀྱིས་ན་བའི་སྨན་གཉིས་ཤིག་རྙེད་ན། དགེ་སློང་དེས་སྨན་དེ་གཉིས་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལན་པའི་སྨན་གཉིས་ཤིག་རྙེད་ཅིང ། དེས་ཚེས་གཉིས་ལ་ཡང་གཞན་གཉིས་ཤིག་རྙེད་ན། དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྨན་སྔ་མ་གཉིས་ཡོངས་སུ་ལོངས་སྤྱད་པར་བྱ་ཞིང ། ཕྱི་མ་གཉིས་གཏང་བར་བྱ་བའམ། གཞན་ལ་སྦྱིན་པར་བྱའོ། ། ཡང་ན། ཕྱི་མ་གཉིས་ཡོངས་སུ་ལོངས་སྤྱད་པར་བྱ་ཞིང ། སྔ་མ་གཉིས་གཏོང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་གཅིག་དང ། ཚེས་གཉིས་ལ་ཇི་ལྟ་བ་དེ་བཞིན་དུ་དེས་ཚེས་དྲུག་གི་བར་ལན་པའི་སྨན་གཉིས་ཤིག་རྙེད་ཅིང ། དེས་ཚེས་བདུན་གྱི་བར་ལ་ཡང་གཞན་གཉིས་ཤིག་རྙེད་ན། དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྔ་མ་གཉིས་ཡོངས་སུ་ལོངས་སྤྱད་པར་བྱ་ཞིང ། ཕྱི་མ་གཉིས་གཏང་བར་བྱ་བའམ། གཞན་ལ་སྦྱིན་པར་བྱའོ། ། ཡང་ན། ཕྱི་མ་གཉིས་ཡོངས་སུ་ལོངས་སྤྱད་པར་བྱ་ཞིང ། སྔ་མ་གཉིས་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་
Cha300a
༄#། །པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལ་ན་བའི་སྨན་རབ་ཏུ་མང་པོ་དག་ཅིག་རྙེད་ན། དགེ་སློང་དེས་སྨན་དེ་དག་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱོད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་པའི་ལྟུང་བྱེད་དུ་འགྱུར་རོ། །ཚེས་ལ་མ་རྙེད་ཀྱང་ཚེས་གཉིས་སམ། ཚེས་གསུམ་མམ། ཚེས་བདུན་ཚུན་ཆད་ཀྱིས་ན་བའི་སྨན་རབ་ཏུ་མང་པོ་དག་ཅིག་རྙེད་ན་དགེ་སློང་དེས་སྨན་དེ་དག་ཉི་མ་བདུན་པོ་དེ་ཉིད་ཀྱི་ནང་དུ་ཡོངས་སུ་ལོངས་སྤྱད་པར་བྱ་བའམ། གཏང་བར་བྱ་བའམ། གཞན་ལ་སྦྱིན་པར་བྱ་བའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཚེས་ལན་པའི་སྨན་རབ་ཏུ་མང་པོ་དག་ཅིག་རྙེད་ཅིང ། དེས་ཚེས་གཉིས་ལ་ཡང་གཞན་རབ་ཏུ་མང་པོ་དག་ཅིག་རྙེད་ན། དགེ་སློང་དེས་ཉི་མ་བདུན་པོ་དེ་ཉིད་ཀྱི་ནང་དུ་སྨན་སྔ་མ་དག་ཡོངས་སུ་ལོངས་སྤྱད་པར་བྱ་ཞིང ། ཕྱི་མ་དག་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན། ཕྱི་མ་དག་ཡོངས་སུ་ལོངས་སྤྱད་པར་བྱ་ཞིང ། སྔ་མ་དག་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་
Cha300b
བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །ཚེས་གཅིག་དང་ཚེས་གཉིས་ལ་ཇི་ལྟ་བ་དེ་བཞིན་དུ་དེས་ཚེས་དྲུག་གི་བར་ན་བའི་སྨན་རབ་ཏུ་མང་པོ་དག་ཅིག་རྙེད་ཅིང ། དེས་ཚེས་བདུན་གྱི་བར་ལ་ཡང་གཞན་རབ་ཏུ་མང་པོ་དག་རྙེད་ན། དགེ་སློང་དེ་ཉི་མ་བདུན་པོ་དེ་ཉིད་ཀྱི་ནང་དུ་སྔ་མ་དག་ཡོངས་སུ་ལོངས་སྤྱད་པར་བྱ་ཞིང ། ཕྱི་མ་དག་གཏང་བར་བྱ་བའམ། གཞན་ལ་སྦྱིན་པར་བྱའོ། །ཡང་ན། ཕྱི་མ་དག་ཡོངས་སུ་ལོངས་སྤྱད་པར་བྱ་ཞིང ། སྔ་མ་དག་གཏང་བར་བྱ་བའམ་གཞན་ལ་སྦྱིན་པར་བྱའོ། །ཡོངས་སུ་ལོངས་སྤྱོད་པར་མི་བྱེད་དམ། གཏོང་བར་མི་བྱེད་དམ། གཞན་ལ་སྦྱིན་པར་མི་བྱེད་ན། ཉི་མ་བརྒྱད་པའི་སྐྱ་རེངས་ཤར་ན། སྤང་བའི་ལྟུང་བྱེད་དུ་འགྱུར་རོ། །དེ་ལ་སྨན་གང་དག་དེ་ནས་ལག་ཉར་བླངས་པ་དང ། དེ་ལས་བྱིན་ལེན་བྱས་པ་དང ། ཟས་ཀྱི་ཕྱེ་མ་དང་འདྲེས་པ་དང ། ཕན་ཚུན་འདྲེས་པ་དང ། རང་རྒྱུད་ཀྱིས་མྱགས་པ་གང་དག་རྣམ་པར་དབྱེར་ཡང་མི་མངོན་པ་དེ་དག་ནི། ཀུན་དགའ་ར་བ་པའམ། དགེ་ཚུལ་དག་ལ་སྤང་བར་བྱའོ། །དེ་ལ་སྨན་གང་དག་དེ་ནས་ལག་ཉར་མ་བླངས་པ་དང ། དེ་ལས་བྱིན་ལེན་མ་བྱས་པ་དང ། ཟས་ཀྱི་ཕྱེ་མ་དང་འདྲེས་པ་དང ། ཕན་ཚུན་མ་འདྲེས་པ་དང ། རང་གི་རྒྱུད་ཀྱི་ས་མ་མྱགས་པ་གང་དག་རྣམ་པར་དབྱེར་ཡང་མངོན་པ་དེ་དག་ནི། དགེ་སློང་གིས་རང་གི་རྒྱུད་ཀྱིས་ཞག་བདུན་པར་བྱིན་གྱིས་བརླབས་ཏེ་གསོག་འཇོག་གི་ཡོངས་སུ་ལོངས་སྤྱོད་པས་ཡོངས་སུ་ལོངས་སྤྱད་པར་
Cha301a
༄#། །བྱའོ། །འདི་ལྟར་བྱིན་གྱིས་བརླབ་པར་བྱ་སྟེ། ལག་པ་བསྙལ་ནས་སྨན་བྱིན་ལེན་བྱས་ཏེ་ཚངས་པ་མཚུངས་པར་སྤྱོད་པའི་མདུན་དུ་འདུག་ནས་འདི་སྐད་ཅེས་བརྗོད་པར་བྱའོ། ། ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བས་སྨན་རུང་བ་འདི། བདག་ཉིད་དང་ཚངས་པ་ཚུངས་པར་སྤྱོད་པ་རྣམས་ཀྱིས་བགྱི་བའི་སླད་དུ་ཞག་བདུན་པར་བྱིན་གྱིས་བརླབ་བོ། །དེ་བཞིན་ལན་གཉིས་ལན་གསུམ་དུ་བཟླས་པར་བྱའོ། །ཇི་ཙམ་ཡོངས་སུ་ལོངས་སྤྱད་པ་ཡང་ཚངས་པ་ཚུངས་པར་སྤྱོད་པ་ལ་བརྗོད་པར་བྱ་སྟེ། དེང་དུ་བདག་གིས་ཉི་མ་གཅིག་ཡོངས་སུ་ལོངས་སྤྱད་ལགས་ཏེ། ལྷག་མ་རྣམས་ཀྱང་ཡོངས་སུ་ལོངས་སྤྱད་པར་བགྱིའོ། །ཞེས་དེ་བཞིན་དུ་ཉི་མ་བདུན་གྱི་བར་དུ་བརྗོད་པར་བྱའོ། །གལ་ཏེ་ལྷག་མ་ཡོད་ན། དེ་ཀུན་དགའ་ར་བ་བའམ། དགེ་ཚུལ་རྣམས་ལ་སྤང་བར་བྱའོ། །དགེ་སློང་གི་ན་བའི་སྨན་སྤང་བར་གྱུར་ན། དེ་མ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ན་བའི་སྨན་སྤང་བར་གྱུར་ན། དེ་སྤངས་ཤིང་བྲལ་བར་མ་བྱས་ལ། ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ན་བའི་སྨན་སྤང་བར་གྱུར་ན། དེ་སྤངས་ཤིང་བྲལ་བར་བྱས་ལ་ལྟུང་བ་མ་བཤགས་པར་གཞན་ཞིག་རྙེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །དགེ་སློང་གི་ན་བའི་སྨན་སྤང་བར་གྱུར་ན། དེ་སྤངས་ཤིང་
Cha301b
བྲལ་བར་བྱས་ལ། ལྟུང་བ་བཤགས་ནས་གཞན་ཞིག་རྙེད་ན། དེ་ལ་ལྟུང་བ་མེད་དོ། །དེ་བཞིན་དུ་དགེ་སློང་གིས་ཇི་ཙམ་དུ་ན་བའི་སྨན་སྤང་བ་དེས་མ་སྤངས་ཤིང་སོ་སོར་མ་སྤངས་ལ། མ་བཤགས་ཤིང་སོ་སོར་མ་བཤགས་པར་ལྷུང་བཟེད་དམ། ཆོས་གོས་སམ། དྲ་བའམ་ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བའི་བར་དག་ཉེ་བར་འཇོག་པར་བྱེད་ན། དེ་ཡང་སྔ་མའི་རྒྱུད་ཀྱིས་སྤང་བར་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སོགས་འཇོག་གི་སྤང་བ་སྟེ། སུམ་ཅུ་པ་རྫོགས་སོ།། །།སྤང་བའི་ལྟུང་བྱེད་རྣམས་རྫོགས་སོ།། །།སྤྱི་སྡོམ་ལ། ཤེས་བཞིན་དང་ནི་ས་བོན་དང ། །མ་བསྐོས་པ་དང་ཡང་ཡང་དང ། །ཆུ་དང་ཁྱིམ་དང་བསམ་བཞིན་དང ། །མགྲོན་མང་རྐུན་མ་མཆོད་སྟོན་ནོ། །སྡོམ་ལ། རྫུན་སྐྱོན་དགེ་སློང་ཕྲ་མ་དང ། །སྐྱོ་ངོགས་བྱེད་དང་སྟོན་པ་དང ། །འདོན་དང་གནས་ངན་ལེན་དང་ཆོས། །བཤེས་ངོར་བྱེད་དང་ཁྱད་དུ་གསོད། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་སྒྲ་གཅན་ཟིན་རྒྱལ་པོའི་ཁབ་ན་ཆུ་དྲོན་གྱི་ཀུན་དགའ་ར་བ་ན་འདུག་སྟེ། བྲམ་ཟེ་དང་ཁྱིམ་བདག་དད་པ་ཅན་དག་ཚེ་དང་ལྡན་པ་སྒྲ་གཅན་ཟིན་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་སྒྲ་གཅན་ཟིན་ལ་བཙུན་པ་སྒྲ་གཅན་ཟིན། བཅོམ་ལྡན་འདས་ག་ལ་བཞུགས་ཞེས་འདྲི་བ་ན། གལ་ཏེ་བཅོམ་ལྡན་འདས་འོད་མའི་ཚལ་ན་བཞུགས་ན་ནི། དེ་ན་རེ། བྱ་རྒོད་
Cha302a
༄#། །ཕུང་པོ་ལ་བཞུགས་སོ། །ཞེས་ཟེར། གལ་ཏེ་བཅོམ་ལྡན་འདས་བྱ་རྒོད་ཕུང་པོ་ལ་བཞུགས་ན་ནི། དེ་ན་རེ། འོད་མའི་ཚལ་ན་བཞུགས་སོ། །ཞེས་ཟེར། གལ་ཏེ་བཅོམ་ལྡན་འདས་པི་པ་ལའི་ཕུག་ན་བཞུགས་ན་ནི། དེ་ན་རེ། སྡེ་ཅན་མའི་ཕུག་ན་བཞུགས་སོ། །ཞེས་ཟེར། གལ་ཏེ་བཅོམ་ལྡན་འདས་སྡེ་ཅན་མའི་ཕུག་ན་བཞུགས་ན་ནི། པི་པ་ལའི་ཕུག་ན་བཞུགས་སོ། ། ཟེར་ནས། དེ་དག་གིས་བཅོམ་ལྡན་འདས་བཙལ་ན་མ་རྙེད་ནས། དེ་དག་ལུས་ངལ་བ་དང ། ལུས་དུབ་པ་དང ། ལུས་རྒུད་པས་ཚེ་དང་ལྡན་པ་སྒྲ་གཅན་ཟིན་ག་ལ་བ་དེར་དོང་བ་དང ། ཚེ་དང་ལྡན་པ་སྒྲ་གཅན་ཟིན་གྱིས་དེ་དག་ལ་དྲིས་པ། ཤེས་ལྡན་དག། བཅོམ་ལྡན་འདས་མཐོང་ངམ། བཙུན་པ། སྒྲ་གཅན་ཟིན། མ་མཐོང་ངོ ། །དེ་དགོད་པ་དང་དེ་དག་གིས་སྨྲས་པ། བཙུན་པ་སྒྲ་གཅན་ཟིན། བསམ་བཞིན་དུ་བདག་ཅག་ལ་མཐོ་འཚམ་པར་མི་མཛད་དམ། དེ་ཡིན་ནོ། །དེ་དག་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་རྒྱལ་པོའི་ཁབ་ཏུ་བསོད་སྙོམས་ལ་གཤེགས་ནས། རྒྱལ་པོའི་ཁབ་ཏུ་བསོད་སྙོམས་རྒྱུས་ཏེ་ཟས་ཀྱི་བྱ་བ་མཛད་ནས། ཕྱི་མའི་ཟས་ཀྱི་བསོད་སྙོམས་ལས་སླར་ལོག་པས། ཆུ་དྲོན་གྱི་ཀུན་དགའ་ར་བར་ཚེ་དང་ལྡན་པ་སྒྲ་གཅན་ཟིན་གྱི་གཙུག་ལག་ཁང་ག་ལ་བ་དེར་གཤེགས་
Cha302b
སོ། །ཚེ་དང་ལྡན་པ་སྒྲ་གཅན་ཟིན་གྱི་ཐག་རིང་པོ་ཁོ་ན་ནས་བཅོམ་ལྡན་འདས་མཐོང་ངོ ། །མཐོང་ནས་ཀྱང་བཅོམ་ལྡན་འདས་ཀྱི་སླད་དུ་གདན་ཤོམ་པར་བྱེད། ཞབས་བསིལ་བའི་ཆབ་དང ། ཞབས་རྟེན་མཐའ་གཅིག་ཏུ་འཇོག་པར་བྱེད་ཅིང ། བསུས་ནས་ཆོས་གོས་ལེན་པར་བྱེད་ཅིང་འདི་སྐད་ཅེས། བཅོམ་ལྡན་འདས་གཤེགས་སུ་གསོལ། བཅོམ་ལྡན་འདས་བྱོན་པ་ལེགས་སོ། །བཅོམ་ལྡན་འདས་གདན་བཤམས་པ་ཉིད་ལ་བཞུགས་སུ་གསོལ་ཞེས་ཀྱང་སྨྲས་སོ། །བཅོམ་ལྡན་འདས་གདན་བཤམས་པ་ཉིད་ལ་བཞུགས་ནས་དེ་ནས་བཅོམ་ལྡན་འདས་ཀྱིས་ཉིད་ཀྱི་ཞབས་གཉིས་བསིལ་ནས་ཆུ་སྣོད་དུ་ཆུའི་ལྷག་མ་ཉུང་ཞིག་བཞག་ནས་ཚེ་དང་ལྡན་པ་སྒྲ་གཅན་ཟིན་ལ་བཀའ་སྩལ་པ། སྒྲ་གཅན་ཟིན། ངས་ཆུའི་སྣོད་དུ་ཆུའི་ལྷག་མ་ཉུང་ཞིག་བཞག་པ་ཁྱོད་ཀྱིས་མཐོང་ངམ། བཙུན་པ། མཐོང་ངོ ། །སྒྲ་གཅན་ཟིན། དེ་བཞིན་དུང་ནི། མི་གཏི་མུག་ཅན་གང་ལ་ལ་ཤེས་བཞིན་དུ་རྫུན་སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པ་དེའི་དགེ་སྦྱོང་གི་ཚུལ་ཉུང་བར་སྨྲའོ། །དེ་ནས་བཅོམ་ལྡན་འདས་ཀྱིས་ཆུའི་ལྷག་མ་ཉུང་ངུ་དེས་ལ་ཕོ་ནས་ཚེ་དང་ལྡན་པ་སྒྲ་གཅན་ཟིན་ལ་བཀའ་སྩལ་པ། སྒྲ་གཅན་ཟིན། ངས་ཆུའི་ལྷག་མ་ཉུང་དུ་མ་ས་ལ་ཕོ་བ་ཁྱོད་ཀྱིས་མཐོང་ངམ། བཙུན་པ། མཐོང་ངོ ། །སྒྲ་གཅན་ཟིན། དེ་བཞིན་དུ་ང་ནི། མི་གཏི་མུག་ཅན་གང་ལ་ལ་ཤེས་བཞིན་དུ་རྫུན་སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པ་དེའི་དགེ་སྦྱོང་གི་ཚུལ་བོ་བར་སྨྲའོ། །དེ་ནས་བཅོམ་ལྡན་འདས་ཀྱིས་ཆུ་སྣོད་དེ་ས་ལ་བཟུར་ནས་ཚེ་དང་ལྡན་པ་སྒྲ་གཅན་
Cha303a
༄#། །ཟིན་ལ་བཀའ་སྩལ་པ། སྒྲ་གཅན་ཟིན། ངས་ཆུ་སྣོད་ས་ལ་བཟུར་བ་ཁྱོད་ཀྱིས་མཐོང་ངམ། བཙུན་པ་མཐོང་ངོ ། །སྒྲ་གཅན་ཟིན། དེ་བཞིན་དུ་ང་ནི། མི་གཏི་མུག་ཅན་གང་ལ་ལ་ཤེས་བཞིན་དུ་རྫུན་སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པ་དེའི་དགེ་སྦྱོང་གི་ཚུལ་བཟུར་བར་སྨྲའོ། །དེ་ནས་བཅོམ་ལྡན་འདས་ཀྱིས་ཆུ་སྣོད་དེ་ས་ལ་ཁས་ཕུབ་ནས་ཚེ་དང་ལྡན་པ་སྒྲ་གཅན་ཟིན་ལ་བཀའ་སྩལ་པ། སྒྲ་གཅན་ཟིན། ངའི་ཆུའི་སྣོད་ས་ལ་ཁས་ཕུབ་པ་ཁྱོད་ཀྱིས་མཐོང་ངམ། བཙུན་པ། མཐོང་ངོ ། །སྒྲ་གཅན་ཟིན། དེ་བཞིན་དུ་ང་ནི། མི་གཏི་མུག་ཅན་གང་ལ་ལ་ཤེས་བཞིན་དུ་རྫུན་སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པ་དེའི་དགེ་སྦྱོང་གི་ཚུལ་ཁས་ཕུབ་བར་སྨྲའོ། །སྒྲ་གཅན་ཟིན། འདི་ལྟ་སྟེ། དཔེར་ན། རྒྱལ་པོའི་གླང་པོ་ཆེ་དྲེགས་པ། མ་ཏང་གནས་བྱུང་བ། གཞོན་པ། ལོ་དྲུག་ཅུ་ལོན་པ། མཆེ་བ་ཤིང་རྟའི་མདའ་ཙམ་དང་ལྡན་པ། བྲང་དཀྱིལ་ཆེ་བ། གཡུལ་ངོར་སྤྱད་པ། གཡུལ་གྱི་ནང་དུ་སོན་བ། ལག་པ་གཉིས་དང ། རྐང་པ་གཉིས་དང ། བརླ་གཉིས་དང ། རྐེད་པ་དང ། མཇུག་མ་དང ། གློ་གཉིས་དང ། རྒྱབ་དང ། ཟ་འགྲམ་གཉིས་དང ། མགྲིན་པ་དང ། རྣ་བ་གཉིས་དང ། མཆེ་བ་གཉིས་ཀྱིས་ལས་བྱེད་ཅིང་སྣས་ལས་མི་བྱེད་པ། ཕ་རོལ་གྱི་དཔུང་དང ། ཕ་རོལ་གྱི་དམག་ཚོགས་འཇོམས་པར་བྱེད་ན། དེ་ན་རྒྱལ་པོའི་གླང་པོ་ཆེ་ལ་ཞོན་པ་འདི་སྙམ་དུ། འདི་ལྟར་རྒྱལ་པོའི་གླང་པོ་ཆེ་དྲེགས་པ། མ་ཏང་གནས་བྱུང་བ། གཞོན་པ། ལོ་དྲུག་ཅུ་ལོན་པ།
Cha303b
མཆེ་བ་ཤིང་རྟའི་མདའ་ཙམ་དང་ལྡན་པ། བྲང་དཀྱིལ་ཆེ་བ། གཡུལ་ངོར་སྤྱད་པ། གཡུལ་གྱི་ནང་དུ་སོན་པ། ལག་པ་གཉིས་དང ། རྐང་པ་གཉིས་དང ། བརླ་གཉིས་དང ། རྐེད་པ་དང ། མཇུག་མ་དང ། གློ་གཉིས་དང ། རྒྱབ་དང ། ཟ་འགྲམ་གཉིས་དང ། མགྲིན་པ་དང ། རྣ་བ་གཉིས་དང ། མཆེ་བ་གཉིས་ཀྱིས་ལས་བྱེད་ཅིང་སྣས་ལས་མི་བྱེད་པ། ཕ་རོལ་གྱི་དཔུང་དང ། ཕ་རོལ་གྱི་དམག་ཚོགས་འཇོམས་པར་བྱེད་པའི་རྒྱལ་པོའི་གླང་པོ་ཆེ་ནི། སྣ་སྲུང་བར་བྱེད་པས། རྒྱལ་པོའི་གླང་པོ་ཆེས་སྲོག་ཡོངས་སུ་མི་གཏང་ངོ ། །སྙམ་དུ་སེམས་སོ། །སྒྲ་གཅན་ཟིན། གང་གི་ཕྱིར་རྒྱལ་པོའི་གླང་པོ་ཆེ་དྲེགས་པ། མ་ཏང་ག་ནས་བྱུང་བ། གཞོན་པ། ལོ་དྲུག་ཅུ་ལོན་པ། མཆེ་བ་ཤིང་རྟའི་མདའ་ཙམ་དང་ལྡན་པ། བྲང་དཀྱིལ་ཆེ་བ། གཡུལ་ངོར་སྤྱད་པ། གཡུལ་གྱི་ནང་དུ་སོན་པ། ལག་པ་གཉིས་དང ། རྐང་པ་གཉིས་དང ། བརླ་གཉིས་དང ། རྐེད་པ་དང ། མཇུག་མ་དང ། གློ་གཉིས་དང ། རྒྱབ་དང ། ཟ་འགྲམ་གཉིས་དང ། མགྲིན་པ་དང ། རྣ་བ་གཉིས་དང ། མཆེ་བ་གཉིས་དང ། སྣས་ཀྱང་ལས་བྱེད་པ་ཕ་རོལ་གྱི་དཔུང་དང ། ཕ་རོལ་གྱི་དམག་འཇོམས་པར་བྱེད་པ་ན། དེ་ན་རྒྱལ་པོ་གླང་པོ་ཆེ་ལ་ཞོན་པ་འདི་སྙམ་དུ། འདི་ལྟར་རྒྱལ་པོའི་གླང་པོ་ཆེ་དྲེགས་པ། མ་གཏང་ག་ནས་བྱུང་བ། གཞོན་པ། ལོ་དྲུག་ཅུ་ལོན་པ། མཆེ་བ་ཤིང་རྟའི་མདའ་ཙམ་དང་ལྡན་པ། བྲང་དཀྱིལ་ཆེ་བ། གཡུལ་ངོར་སྤྱད་པ། གཡུལ་གྱི་ནང་དུ་སོན་པ། ལག་པ་གཉིས་དང ། རྐང་པ་གཉིས་དང ། བརླ་གཉིས་དང ། རྐེད་པ་དང ། མཇུག་མ་དང ། གློ་གཉིས་དང ། རྒྱབ་དང ། ཟ་འགྲམ་གཉིས་དང །
Cha304a
༄#། །མགྲིན་པ་དང ། རྣ་བ་གཉིས་དང ། མཆེ་བ་གཉིས་དང ། སྣས་ཀྱང་ལས་བྱེད་པ། ཕ་རོལ་གྱི་དཔུང་དང ། ཕ་རོལ་གྱི་དམག་འཇོམས་པར་བྱེད་པའི་རྒྱལ་པོའི་གླང་པོ་ཆེ་ནི། སྣ་སྲུང་བར་མི་བྱེད་པས་རྒྱལ་པོའི་གླང་པོ་ཆེས་སྲོག་ཡོངས་སུ་གཏང་ངོ ། །སྙམ་དུ་སེམས་ཏེ། སྒྲ་གཅན་ཟིན། ང་ནི། དེའི་ཚེ་ན་རྒྱལ་པོའི་གླང་པོ་ཆེ་དེས་ལས་མི་བྱ་བ་ཅི་ཡང་མེད་པར་སྨྲའོ། །སྒྲ་གཅན་ཟིན། དེ་བཞིན་དུ་གང་ལ་ལས་ཤེས་བཞིན་དུ་རྫུན་སྨྲ་ཞིང་ངོ་ཚ་མེད་པ། འཛེམ་པ་མེད་པ། འགྱོད་པ་མེད་པར་གྱུར་ན། ང་ནི། མི་གཏི་མུག་ཅན་དེས། སྡིག་པའི་ལས་མི་བྱ་བ་ཅུང་ཟད་ཀྱང་མེད་པར་སྨྲའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་གཉིས་བཀའ་སྩལ་པ། ལུས་ཅན་བརྫུན་དུ་སྨྲ་བ་ཡི། ཆོས་གཅིག་ལས་ནི་འདས་གྱུར་ཅིང ། །འཇིག་རྟེན་ཕ་རོལ་བྲལ་བ་ཡིས། །འདི་ལ་སྡིག་པ་མི་བྱ་མེད། །ལྕགས་གོང་མེ་ལྕེ་འདྲ་བ་དག་།ཟོས་པར་གྱུར་པ་མཆོག་ཡིན་གྱི། །ཚུལ་འཆལ་ཡང་དག་མི་སྡོམ་པས། །ཡུལ་འཁོར་བསོད་སྙོམས་ཟ་བ་མིན། །སྒྲ་གཅན་ཟིན་ཇི་སྙམ་དུ་སེམས། མི་རྣམས་ཀྱི་མེ་ལོང་ཅིའི་ཕྱིར་འཆང ། བཙུན་པ། འདི་ལྟར། རང་གི་བཞིན་གྱི་གཟུགས་སོ་སོར་བརྟག་པའི་སླད་དུའོ། །སྒྲ་གཅན་ཟིན། དེ་བཞིན་དུ་ཁྱོད་ཀྱིས་ཀྱང་ལུས་ཀྱི་ལས་བྱ་བར་བསམ་པ་གང་ཡིན་པའི་ལུས་ཀྱི་ལས་དེ་ལ། ཅི། བདག་གི་ལུས་ཀྱི་ལས་བྱ་བར་བསམ་པའི་ལུས་ཀྱི་ལས་གང་ཡིན་པ་དེ། བདག་དང་གཞན་ལ་གནོད་པར་འགྱུར་བ། མི་དགེ་བ་སྡུག་བསྔལ་འབྱུང་བ། རྣམ་
Cha304b
པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ལུས་ཀྱི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱ་བར་བསམ་པ་གང་ཡིན་པའི་ལུས་ཀྱི་ལས་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ལུས་ཀྱི་ལས་དེ་གཏང་བར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ལུས་ཀྱི་ལས་བྱ་བར་བསམ་པ་གང་ཡིན་པའི་ལུས་ཀྱི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ལུས་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་གཅན་ཟིན། ཁྱོད་ཀྱིས་ལུས་ཀྱི་ལས་བྱེད་པ་གང་ཡིན་པའི་ལུས་ཀྱི་ལས་དེ་ལ། ཅི། བདག་གིས་ལུས་ཀྱི་ལས་བྱེད་པའི་ལུས་ཀྱི་ལས་གང་ཡིན་པ་དེ།་བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ལུས་ཀྱི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱེད་པ་གང་ཡིན་
Cha305a
༄#། །པའི་ལུས་ཀྱི་ལས་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱི་ལུས་ཀྱི་ལས་དེ་གཏང་བར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱེད་པ་གང་ཡིན་པའི་ལུས་ཀྱི་ལས་དེ། བདག་དང་གཞན་ལ་ཕན་པར་འགྱུར་བ།་དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ལུས་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་གཅན་ཟིན། ཁྱོད་ཀྱིས་ལུས་ཀྱི་ལས་བྱས་པ་གང་ཡིན་པའི་ལུས་ཀྱི་ལས་དེ་ལ། ཅི། བདག་གིས་ལུས་ཀྱི་ལས་བྱས་པ། འདས་པ། ཟད་པ། འགག་པ། བྲལ་བ། རྣམ་པར་གྱུར་པ་གང་ཡིན་པ་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ལུས་ཀྱི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ལུས་ཀྱི་ལས་བྱས་པ་འདས་པ། ཟད་པ། འགག་པ། བྲལ་བ། རྣམ་པར་གྱུར་པ་གང་ཡིན་པའི་ལུས་ཀྱི་ལས་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་གཅན་
Cha305b
ཟིན། ཁྱོད་ཀྱིས་ལུས་ཀྱི་ལས་དེ་སྟོན་པ་དང ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱི་མདུན་དུ་སོ་སོར་བཤགས་པར་བྱ་ཞིང ། ཕྱིན་ཆད་ཀྱང་བསྡམ་པ་བསྒྲུབ་པར་བྱའོ། །སྒྲ་གཅན་ཟིན། ཁྱད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ལུས་ཀྱི་ལས་བྱས་པ། འདས་པ། ཟད་པ། འགག་པ། བྲལ་བ། རྣམ་པར་གྱུར་པ་གང་ཡིན་པའི་ལུས་ཀྱི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བ། འབྱུང་བ། རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་དགའ་བ་དང ། མཆོག་ཏུ་དགའ་བ་དེ་ཉིད་ཀྱིས་ཉིན་མཚན་དུ་རྗེས་སུ་བསླབ་ཅིང་དྲན་པ་དང ། ཤེས་བཞིན་གྱིས་མང་དུ་གནས་པར་བྱའོ། །སྒྲ་གཅན་ཟིན། ཁྱོད་ཀྱིས་ངག་གི་ལས་བྱ་བར་བསམ་པ་གང་ཡིན་པའི་ངག་གི་ལས་དེ་ལ། ཅི་བདག་གི་ངག་གི་ལས་བྱ་བར་བསམ་པའི་ངག་གི་ལས་གང་ཡིན་པ་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ངག་གི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱ་བར་བསམ་པ་གང་ཡིན་པའི་ངག་གི་ལས་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་གཅན་ཟིན། ཁྱོད་
Cha306a
༄#། །ཀྱིས་ངག་གི་ལས་དེ་གཏང་བར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱ་བར་བསམ་པ་གང་ཡིན་པའི་ངག་གི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བ་འགྱུར་བ། རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ངག་གི་ལས་དེ་རྗེས་སུ་བསྒྲུབ་པར་བྱའོ། །སྒྲ་གཅན་ཟིན། ཁྱོད་ཀྱིས་ངག་གི་ལས་བྱེད་པ་གང་ཡིན་པའི་ངག་གི་ལས་དེ་ལ། ཅི། བདག་གིས་ངག་གི་ལས་བྱེད་པའི་ངག་གི་ལས་གང་ཡིན་པ་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ངག་གི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱེད་པ་གང་ཡིན་པའི་ངག་གི་ལས་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་བ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ངག་གི་ལས་དེ་གཏང་བར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱས་པ་གང་ཡིན་པའི་ངག་གི་ལས་དེ། བདག་དང ། གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་
Cha306b
པར་ཤེས་ན། སྒྲ་གཅན་ཟིན། ཁྱོད་ཀྱིས་ངག་གི་ལས་དེ་རྗེས་སུ་བསྒྲུབ་པར་བྱའོ། །སྒྲ་གཅན་ཟིན། ཁྱོད་ཀྱིས་ངག་གི་ལས་བྱས་པ་གང་ཡིན་པའི་ངག་གི་ལས་དེ་ལ། ཅི། བདག་གིས་ངག་གི་ལས་བྱས་པ།་འདས་པ། ཟད་པ། འགག་པ། བྲལ་བ། རྣམ་པར་གྱུར་པ་གང་ཡིན་པ་དེ། བདག་དང ། གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ངག་གི་ལས་དེ། བདག་དང ། གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན།་ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ངག་གི་ལས་བྱས་པ། འདས་པ། ཟད་པ། འགག་པ། བྲལ་བ། རྣམ་པར་གྱུར་པ་གང་ཡིན་པའི་ངག་གི་ལས་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ། སྡུག་བསྔལ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ངག་གི་ལས་དེ་སྟོན་པ་དང ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱི་མདུན་དུ་སོ་སོར་བཤགས་པར་བྱ་ཞིང ། ཕྱིན་ཆད་ཀྱང་བསྡམ་པ་བསྒྲུབ་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་དེ་བདག་གིས་ངག་གི་ལས་བྱས་པ། འདས་པ། ཟད་པ། འགག་པ་དང ། བྲལ་བ། རྣམ་པར་གྱུར་པ་གང་ཡིན་པའི་ངག་གི་ལས་དེ། བདག་དང་གཞན་ལ་ཕན་པར་འགྱུར་བ། དགེ་བ། བདེ་བར་འབྱུང་བ་རྣམ་པར་སྨིན་པ་བདེ་བ་ཡིན་པར་ཤེས་ན།
Cha307a
༄#། །སྒྲ་གཅན་ཟིན། ཁྱོད་ཀྱིས་དགའ་བ་དང ། མཆོག་ཏུ་དགའ་བ་དེ་ཉིད་ཀྱིས་ཉིན་མཚན་དུ་རྗེས་སུ་བསླབ་ཅིང་དྲན་པ་དང ། ཤེས་བཞིན་གྱིས་མང་དུ་གནས་པར་བྱའོ། །སྒྲ་གཅན་ཟིན། ཡིད་ནི། འདས་པའི་འདུ་བྱེད་རྣམས་ལ་བརྟེན་ཏེ་སྐྱེས་པས་ཁྱོད་ཀྱིས་ཡིད་ཀྱི་ལས་དེ་ལ། ཅི། བདག་གི་ཡིད་འདས་པའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ཡིད་ཀྱི་ལས་དེ། བདག་དང ། གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གིས་ཡིད་འདས་པའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང ། གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ཡིད་ཀྱི་ལས་དེ་གཏང་བར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་འདས་པའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང ། གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ཡིད་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་གཅན་ཟིན།
Cha307b
ཡིད་ནི། མ་འོངས་པའི་འདུ་བྱེད་རྣམས་ལ་བརྟེན་ཏེ་སྐྱེ་བས། ཁྱོད་ཀྱིས་ཡིད་ཀྱི་ལས་དེ་ལ། ཅི། བདག་གི་ཡིད་མ་འོངས་པའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང ། གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ཡིད་ཀྱི་ལས་དེ། བདག་དང ། གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་མ་འོངས་པའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང ། གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་བར་ཤེས་ན། སྒྲ་གཅན་ཟིན། ཁྱོད་ཀྱིས་ཡིད་ཀྱི་ལས་དེ་གཏང་བར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་མ་འོངས་པའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང ། གཞན་ལ་ཕན་པར་འགྱུར་བ།་དགེ་བ། བདེ་བ་འབྱུང་བ། རྣམ་པར་སྨིན་པ་མ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ཡིད་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་གཅན་ཟིན། ཡིད་ནི། ད་ལྟར་བྱུང་བའི་འདུ་བྱེད་རྣམས་ལ་བརྟེན་ཏེ་སྐྱེ་བས། ཁྱོད་ཀྱིས་ཡིད་ཀྱི་ལས་དེ་ལ། ཅི། བདག་གི་ཡིད་ད་ལྟར་བྱུང་བའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང ། གཞན་ལ་གནོད་པར་འགྱུར་བ། མི་དགེ་བ། སྡུག་
Cha308a
༄#། །བསྔལ་འབྱུང་བ། རྣམ་པར་སྨིན་པ་སྡུག་བསྔལ་བ་ཡིན་ནམ། འོན་ཏེ་ཡིད་ཀྱི་ལས་དེ། བདག་དང ། གཞན་ལ་ཕན་པར་འགྱུར་བ། དགེ་བ། བདེ་བ། འབྱུང་བ། རྣམ་པར་སྨིན་པ་བདེ་བ་ཡིན་ཞེས་ཡང་དང་ཡང་དུ་སོ་སོར་བརྟག་པར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་ད་ལྟར་བྱུང་བའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང་གཞན་ལ་གནོད་པར་འགྱུར་བ། མི་དགེ་བ། སྡུག་བསྔལ་འབྱུང་བ། རྣམ་པར་སྨིན་པ་སྡུག་བསྔལ་པར་ཤེས་ན། སྒྲ་གཅན་ཟིན། ཁྱོད་ཀྱིས་ཡིད་ཀྱི་ལས་དེ་གཏང་བར་བྱའོ། །སྒྲ་གཅན་ཟིན། ཁྱོད་དེ་ལྟར་སོ་སོར་རྟོག་པ་ན། གལ་ཏེ་བདག་གི་ཡིད་ད་ལྟར་བྱུང་བའི་འདུ་བྱེད་རྣམས་ལ་བརྟེན་ཏེ་སྐྱེས་པ་གང་ཡིན་པའི་ཡིད་ཀྱི་ལས་དེ། བདག་དང ། གཞན་ལ་ཕན་པར་འགྱུར་བ། དགེ་བ། བདེ་བ་འབྱུང་བ། རྣམ་པར་སྨིན་པ་བདེ་བ་ཡིན་པར་ཤེས་ན། སྒྲ་གཅན་ཟིན། ཁྱོད་ཀྱིས་ཡིད་ཀྱི་ལས་དེ་རྗེས་སུ་བསྒྲུབ་པར་བྱའོ། །སྒྲ་གཅན་ཟིན། དགེ་སྦྱོང་ངམ། བྲམ་ཟེ་གང་དག། ད་ལྟར་ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་ལ་སོ་སོར་བརྟགས་ཤིང ། སོ་སོར་བརྟགས་ནས་ཡོངས་སུ་སྦྱངས་ཤིང ། ཡོངས་སུ་སྦྱངས་ཏེ་མང་དུ་གནས་པར་བྱེད་པ་དེ་དག་ཐམས་ཅད་ཀྱང་ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་ལ་དེ་ལྟར་སོ་སོར་བརྟགས་ཤིང ། སོ་སོར་བརྟགས་ནས་ཡོངས་སུ་སྦྱངས་ཤིང ། ཡོངས་སུ་སྦྱངས་ཏེ་མང་དུ་གནས་པར་བྱེད་དོ། །དགེ་སྦྱོང་ངམ།
Cha308b
བྲམ་ཟེ་གང་དག་།འདས་པའི་དུས་ན་ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་ལ་སོ་སོར་བརྟགས་ཤིང ། སོ་སོར་བརྟགས་ནས་ཡོངས་སུ་སྦྱངས་ཤིང ། ཡོངས་སུ་སྦྱངས་ཏེ་མང་དུ་གནས་པར་གྱུར་པ་དེ་དག་ཐམས་ཅད་ཀྱིས་ཀྱང་ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་ལ་དེ་ལྟར་སོ་སོར་བརྟགས་ཤིང ། སོ་སོར་བརྟགས་ནས་ཡོངས་སུ་སྦྱངས་ཤིང ། ཡོངས་སུ་སྦྱངས་ཏེ་མང་དུ་གནས་པར་གྱུར་ཏོ། །དགེ་སྦྱོང་དང ། བྲམ་ཟེ་གང་དག་མ་འོངས་པའི་དུས་ན་ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་ལ་སོ་སོར་བརྟགས་ཤིང ། སོ་སོར་བརྟགས་ནས་ཡོངས་སུ་སྦྱངས་ཤིང ། ཡོངས་སུ་སྦྱངས་ཏེ་མང་དུ་གནས་པར་འགྱུར་བ་དེ་དག་ཐམས་ཅད་ཀྱང་ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་ལ་དེ་ལྟར་སོ་སོར་བརྟགས་ཤིང ། སོ་སོར་བརྟགས་ནས་ཡོངས་སུ་སྦྱངས་ཤིང ། ཡོངས་སུ་སྦྱངས་ཏེ་མང་དུ་གནས་པར་འགྱུར་རོ། །སྒྲ་གཅན་ཟིན། དེ་ལྟ་བས་ན། འདི་ལྟར། ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་དེ་ལ་སོ་སོར་བརྟགས་ཤིང ། སོ་སོར་བརྟགས་ནས་ཡོངས་སུ་སྦྱངས་ཤིང ། ཡོངས་སུ་སྦྱངས་ཏེ་མང་དུ་གནས་པར་བྱའོ། །ཞེས་བསླབ་པར་བྱ་སྟེ། སྒྲ་གཅན་ཟིན། ཁྱོད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་ཅེས་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །སངས་རྒྱས་བསྟན་པ་དྲན་བྱེད་ན། །ལུས་ཀྱི་ལས་དང་ངག་ལས་དང ། །ཡིད་ཀྱི་ལས་ལ་མང་དུ་ནི།།
Cha309a
༄#། །སོ་སོར་རྟོགས་ཤིག་སྒྲ་གཅན་ཟིན། །འདི་ནི་དགེ་སྦྱོང་ལས་ཡིན་ཏེ། །འདི་ལ་སློབས་ཤིག་སྒྲ་གཅན་ཟིན། །འདི་ལ་ཁྱོད་ནི་སློབ་བྱེད་ན། །དགེ་བར་འགྱུར་ཞིང་སྡིག་མེད་ཡིན། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་སྒྲ་གཅན་ཟིན་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །འདི་ནི། རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་ནི། མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་མཉན་ཡོད་ན་ཤཱཀྱའི་བུ་དགེ་སློང་ལག་བརྒྱུད་ཅེས་བྱ་བ་ཞིག་འདུག་པ་དེ། ཤིན་ཏུ་སྨྲ་བ་དང ། གཞན་གྱི་སྨྲ་བའི་རྗེས་སུ་བརྩོན་པར་གནས་སོ། །དེ་ནས་ཤེད་བུ་གསང་ཚིག་འདོད་པ་གསང་ཚིག་ཚོལ་བ་ཞིག་ཡུལ་དབུས་ནས་ལྷོ་ལམ་དུ་སོང་ངོ ། །དེ་ན་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ་ཡུལ་ཐ་དད་པ་ན་གནས་པའི་བྲམ་ཟེ་རྣམས་ཀྱི་སྟོན་པར་གྱུར་པ་ཞིག་འདུག་ནས། ཤེད་བུ་དེ་བྲམ་ཟེ་དེའི་དྲུང་དུ་སོང་སྟེ་ཕྱིན་ནས་ཞི་བ་དང ། སྤྱོད་ལམ་ཞི་བས་ཕྱག་འཚལ་ཏེ་མཐའ་གཅིག་ཏུ་འདུག་གོ། དེ་ནས་བྲམ་ཟེ་དེས། ཤེད་བུ་དེ་ལ་འོངས་པ་ལེགས་སོ། །ཞེས་བྱ་བའི་ཚིག་གི་ཀུན་ཏུ་སྤྱོད་པས་སྨྲས་པ། ཀྱེ་ཤེད་བུ། ཁྱོད་ག་ལས་འོངས། ཅི་ཞིག་འདོད།
Cha309b
ཤེད་བུས་སྨྲས་པ། བདག་ཡུལ་དབུས་ནས་མཆིས་ཏེ། མཁན་པོའི་ཞབས་ལ་སྲིད་ཞུ་བགྱིད་པར་འཚལ་ལོ། །ཅི་ཞིག་གི་ཕྱིར། རིག་བྱེད་བཀླག་པའི་སླད་དུའོ། །ཤེད་བུ། ལེགས་ཀྱི། དེ་བཞིན་གྱིས་ཤིག། དེ་ནི།་བྲམ་ཟེ་བྱ་བ་ཡིན་ནོ། །ཤེད་བུ་དེས། བྲམ་ཟེ་དེའི་དྲུང་དུ་རིག་བྱེད་བཀླག་པར་བྱ་བར་བརྩམས་སོ། །ཤེད་བུ་རྣམས་ཀྱི་ཀུན་ཏུ་སྤྱོད་པ་ནི། འདི་ཡིན་ཏེ། གང་གི་ཚེ་མི་ཀློག་པར་གྱུར་པ་དེའི་ཚེ་ན། ལན་འགའ་ནི། ཆུ་ངོགས་སུ་ཉེ་རེག་བྱེད་དུ་འདོང་ངོ ། །ལན་འགའ་ནི། གྲོང་ཁྱེར་ལྟ་བར་འདོང་ངོ ། །ལན་འགའ་ནི། ཡམ་སྲེག་ཤིང་འཐུར་འདོང་ངོ ། །ཇི་ཙམ་དུས་གཞན་ཞིག་ན། དེ་དག་མི་ཀློག་པར་གྱུར་ནས། དེའི་ཚེ་དེ་དག་ཡམ་སྲེག་ཤིང་འཐུར་དོང་བ་དང ། དེ་དག་ལ་ལམ་གྱི་བར་དུ་བར་སྐབས་ཀྱི་གཏམ་བརྗོད་པ་འདི་ལྟ་བུ་འདི་བྱུང་སྟེ། ཀྱེ་ཀུད་སའི་རིགས་དག། བད་སའི་རིགས་དག། ཤནྡི་ལའི་རིགས་དག། བྷ་ར་དྷྭ་ཛའི་རིགས་དང ། ལྔ་པའི་རིགས་དག། ཉེ་ལྔའི་རིགས་དག་།ཇེ་ཁྱེད་ཅག་ལས། གང་ནི། ཡུལ་གནས་འོངས་པ་དྲི་བར་བྱའོ། །དེ་ནས་ཤེད་བུ་ཞིག་གིས་སྨྲས་པ། ཁོ་བོ་ནི། ཡུལ་ཤར་ནས་སོ། །གཞན་དག་གིས་སྨྲས་པ། ཁོ་བོ་ནི། ལྷོ་ལམ་ནས་སོ། །ཡང་གཞན་གྱིས་སྨྲས་པ། ཁོ་བོ་ནི། ནུབ་ཀྱི་ནས་སོ། །ཡང་གཞན་དག་གིས་སྨྲས་པ། ཁོ་བོ་ནི། བྱང་ལམ་ནས་སོ། །ཤེད་བུ་དེས་སྨྲས་པ། ཁོ་བོ་ནི། ཡུལ་དབུས་ནས་སོ། །དེ་དག་གིས་སྨྲས་པ། ཤེས་ལྡན་དག། བདག་ཅག་གིས་ཡུལ་ཐམས་ཅད་མཐོང་ཞིང་ཐོས་ནས། ཡུལ་དབུས་ནི། མ་མཐོང་མ་ཐོས་སོ། །ཤར་ན་བློ་ཅན་གནས་པ་སྟེ། །ལྷོ་ལམ་ན་ནི་ཡོན་བྱེད་འདུག་།ནུབ་
Cha310a
༄#། །ཀྱི་ཡུལ་ན་ཕྲ་མ་ཅན། །བྱང་ལམ་ན་ནི་ཚིག་རྩུབ་བོ། །ཞེས་ཚིགས་སུ་བཅད་པ་ཡང་སྨྲས་སོ། །དེ་ནས་དྲིས་པ། ཤེད་བུ། ཡུལ་དབུས་ཅི་འདྲ། ཤེས་ལྡན་དག། ཡུལ་དབུས་ནི། ཡུལ་རྣམས་ཀྱི་མཆོག་ཡིན་ཏེ། སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང་མ་ཧེ་ཕུན་སུམ་ཚོགས་པ། སློང་མོ་པ་བརྒྱས་ཁྱབ་པ། དབུས་པའི་སྐྱེ་བོས་གང་ལ་མཐའ་འཁོབ་པའི་སྐྱེ་བོས་སྤངས་པ།་སྐྱེ་བོ་མཁས་པས་བསྟེན་པ། དེ་ན་ཆུ་ཀླུང་གངྒཱ་ཁ་རྗེ་དང ། བསོད་ནམས་དང ། བཀྲ་ཤིས་དང ། གཙང་བ་དང ། གཙང་བ་ཉིད་ཀྱི་གནས་སུ་གྲགས་པ། འགྲམ་གཉིས་ནས་རླན་འཕྱོ་བ། དྲང་སྲོང་རྣམས་ཀྱི་བསྟི་གནས་ཞེས་བྱ་བ་ཆུ་མགུར་བཅོ་བརྒྱད་འབབ་པ་ཡོད་དེ། དེར་དྲང་སྲོང་རྣམས་ཀྱིས་དཀའ་ཐུབ་སྤྱད་ན། རང་གི་ལུས་ཉིད་ཀྱིས་མཐོ་རིས་སུ་འདོང་པ་ཡིན་ནོ། །ཀྱེ་ཤེད་བུ། དེ་ནི། འཇལ་གྱི་གཞན་འདི་འདྲིའོ། །ཡུལ་དབུས་ན་མཁས་པར་བགྲང་བ་དག་ཡོད་དམ། ཤེས་ལྡན་དག། ཁོ་བོས་དང་པོ་ཉིད་ནས། ཤེས་ལྡན་དག། ཡུལ་དབུས་ནི། དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པའོ། །ཞེས་མ་སྨྲས་སམ། ཤེད་བུ། ཁྱོད་ཀྱིས་དེ་སྐད་སྨྲས་སོ། །ཤེད་བུ་ཡུལ་དབུས་ན། འདི་ལྟ་སྟེ། དཔེར་ན། བདག་ཅག་གི་མཁན་པོ་དང་འདྲ་བ། སྨྲ་བའི་ཁྱུ་མཆོག་དེ་ལྟ་བུ་དག་ཡོད་དམ། ཤེས་ལྡན་དག། ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་ལྟ་བར་ཡང་མི་ནུས་པ། སྙན་པར་སྨྲ་བ། སྨྲ་བའི་ཁྱུ་མཆོག་དེ་ལྟ་བུ་དག་ཡོད་དོ། །ཤེད་བུ་དེས་
Cha310b
དེ་དག་ལ་དེ་ལྟ་དེ་ལྟར་ཡུལ་དབུས་ཀྱི་བསྔགས་པ་བརྗོད་པ་དང ། འདི་ལྟར། དེ་དག་ཐམས་ཅད་དབུས་སུ་འདོང་འདོད་པར་གྱུར་ཏོ། །དེ་ནས་ཤེད་བུ་དེ་དག་གིས་ཡམ་སྲེག་ཤིང་དག་བཙལ་ཏེ་ཡམ་སྲེག་ཤིང་གི་ཁུར་ཐོགས་ནས་བྲམ་ཟེ་དེའི་ཁྱིམ་ག་ལ་བ་དེར་དོང་སྟེ་ཕྱིན་ནས། ཡམ་སྲེག་ཤིང་གི་ཁུར་མཐའ་གཅིག་ཏུ་བཞག་སྟེ་བྲམ་ཟེ་དེ་ག་ལ་བ་དེར་དོང་ནས་ཕྱིན་པ་དང ། བྲམ་ཟེ་དེ་ལ་འདི་སྐད་ཅེས་སྨྲས་སོ། །མཁན་པོ་མཁྱེན་པར་མཛོད་ཅིག་།ཤེད་བུ་འདིས་ཅི་ནས་ཀྱང་བདག་ཅག་ཐམས་ཅད་ཡུལ་དབུས་སུ་མཆི་འཚལ་བར་གྱུར་པ་དེ་ལྟར་ཡུལ་དབུས་ཀྱི་བསྔགས་པ་བརྗོད་དོ། །བྲམ་ཟེ་དེས་སྨྲས་པ། བུ་དག། ཅི་སྙེད་ཐོས་པ་དེ་སྙེད་བགྲོད་པར་བྱ་བ་ཡིན་ནམ། འདི་ལྟར། ཡུལ་དག་ནི། ཐོས་ན་དགའ་བར་འགྱུར་བ་ཡིན་པས་མཉན་པར་བྱའོ། །བགྲོད་པར་ནི། མི་བྱའོ། །མཁན་པོ། ཤེད་བུ་འདིའི་མཆིད་ནས། ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་ལྟ་བར་ཡང་མི་ནུས་པ། སྙན་པར་སྨྲ་བ། སྨྲ་བའི་ཁྱུ་མཆོག་དེ་ལྟ་བུ་དག་མཆིས་སོ། །ཞེས་མཆིའོ། །བུ་དག་།ཅི། ཁོ་བོ་ན་རེ། སའི་སྟེང་ན་ཁོ་བོ་གཅིག་པུ་ཁོ་ན་སྨྲ་བ་ཡིན་གྱི།་སྨྲ་བ་གཞན་འགའ་ཡང་མེད་དོ། །ཞེས་ཟེར་རམ། ས་ནི་རིན་པོ་ཆེ་མང་པོ་འཛིན་པ་ཡིན་པས། ས་གཞི་ནི། མཛེས་པ་དག་གིས་གང་བ་ཡིན་ནོ། །མཁན་པོ། རེ་ཞིག་ཡུལ་དེ་ཡང་མཐོང་བར་འགྱུར་ཞིང ། ཆུ་ངོགས་སུ་ཉེ་རེག་ཀྱང་བགྱི། སྨྲ་བའི་ཁྱུ་མཆོག་དེ་དག་ལ་ཡང་བསྙེན་བཀུར་བགྱི། རྒོལ་བ་དག་ཀྱང་གཅད་པར་བགྱི། རང་གི་གྲགས་པ་ཡང་བསྒྲག་པར་བགྱི། རྙེད་པ་ཡང་བསྒྲུབ་པར་བགྱིའི། བདག་ཅག་
Cha311a
༄#། །ཡུལ་དབུས་སུ་མཆིའོ། །བྲམ་ཟེ་དེ་སློབ་མ་ལ་རྗེས་སུ་ཆགས་པ་དང་བཅས་པ་དང ། འཁོར་ཉུང་བ་ཡིན་པས། དེས་ཤེད་བུ་དེ་དག་ལ་འདི་སྐད་ཅེས་སྨྲས་སོ། །བུ་དག། གལ་ཏེ་དེ་ལྟ་ན།་གཡང་གཞི་དག་དང ། ཤིང་ཤུན་དག་དང ། དབྱུ་གུ་དག་དང ། བླུགས་གཟར་དག་དང ། དགང་གཟར་དག་དང ། རིལ་བ་དག་ལོངས་ཤིག་དང ། ཡུལ་དབུས་སུ་འདོང་ངོ ། །དེ་དག་གིས་དེ་དག་བླངས་ནས་བྲམ་ཟེ་དེ་ཤེད་བུ་དེ་དག་དང་ལྷན་ཅིག་ཡུལ་དབུས་སུ་འཕགས་པ་དང ། དེས་རྒོལ་བ་ཁ་ཅིག་ནི། ཚར་བཅད་དེ། རྒོལ་བའི་ཤིང་རྟ་ལ་སྦྱོར་བར་བྱེད། ཁ་ཅིག་ནི། མགོར་ཐལ་བའི་བུམ་པ་དག་གིས་བསྣུན། ཁ་ཅིག་ནི། འཕོང་གི་དཔོང་སར་ཁཝ་བཞིན་དུ་ཐག་རིང་པོ་ནས་ཡོངས་སུ་སྤོང་བར་བྱེད། ཁ་ཅིག་ནི། གདུགས་དང ། རྒྱལ་མཚན་དང ། བ་དན་དག་གིས་བསུ་བར་བྱེད། ཁ་ཅིག་ནི། སློབ་མ་ཉིད་དུ་ཁས་ལེན་པར་བྱེད་ཅིང ། དེ་མཐར་གྱིས་གྲོང་དང ། གྲོང་རྡལ་དང ། དབྱེ་ཚོང་དང ། ཚོང་རྡལ་དག་ཏུ་རྒོལ་བ་འདུལ་ཞིང་མཉན་ཡོད་དུ་ཕྱིན་ཏོ།། །།འདུལ་བ་རྣམ་པར་འབྱེད་པ། བམ་པོ་སོ་བརྒྱད་པ། མཉན་ཡོད་ན་བྲམ་ཟེ་འཁོར་ཤིན་ཏུ་མང་བ་ཞིག་གིས་ལྷོ་ལམ་ནས་བྲམ་ཟེ་རྒོལ་བ་ཞིག་འོངས་ཞེས་ཐོས་སོ། །ཐོས་ནས་ཀྱང་དེས་རང་གི་འཁོར་རྣམས་ལ་སྨྲས་པ། ཤེས་ལྡན་དག། ཤེས་པར་གྱིས་ཤིག་།ཁོ་བོས་ལྷོ་ལམ་ནས་བྲམ་ཟེ་རྒོལ་བ་ཞིག་མཉན་ཡོད་དུ་འོངས་ཞེས་ཐོས་ཀྱི། དེ་གལ་ཏེ་རིག་པའི་གནས་ཆེ་གེ་མོ་ཞིག་ལ་གཏམ་འདྲེ་བར་བྱེད་ན། ཁྱོད་ཀྱིས་དེ་དང་ལྷན་ཅིག་གཏམ་
Cha311b
འདྲེ་བར་བྱའོ། །རིག་པའི་གནས་ཆེ་གེ་མོ་ཞིག་ལ་གཏམ་འདྲེ་བར་བྱེད་ན་ནི། ཁྱོད་ཀྱིས་དེ་དང་ལྷན་ཅིག་གཏམ་འདྲེ་བར་བྱའོ། །གལ་ཏེ་རེ་ཞིག་ཚར་གཅོད་པར་ནུས་ན། དེ་ལྟ་ན་ལེགས། གལ་ཏེ་ཚར་གཅད་པར་མ་ནུས་ན།་ཤཱཀྱའི་བུའི་དགེ་སྦྱོང་རྣམས་ཀྱི་ནང་དུ་གཏང་བར་བྱའོ། །གལ་ཏེ་རེ་ཞིག་ཤཱཀྱའི་བུའི་དགེ་སྦྱོང་རྣམས་ཚར་གཅོད་ན། བྲམ་ཟེ་མཆོག་ཉིད་དུ་འགྱུར་ལ། གལ་ཏེ་ཤཱཀྱའི་བུའི་དགེ་སྦྱོང་རྣམས་ཀྱིས་ཚར་བཅད་པར་གྱུར་ན། དེ་ལྟ་ན་ཡང་ལྷོ་ལམ་ནས་རྒོལ་བ་ཞིག་འོངས་པ་དེ། མཉན་ཡོད་ནས་ཚར་བཅད་དོ། །ཞེས་བདག་ཅག་ལ་ཕྱོགས་དང་ཕྱོགས་མཚམས་རྣམས་སུ་སྙན་པའི་སྒྲའི་ཚོགས་རྒྱ་ཆེན་པོ་དགེ་བ་མངོན་པར་འབྱུང་བར་འགྱུར་རོ། །ལྷོ་ལམ་ནས་འོངས་པའི་བྲམ་ཟེ་དེ། ནང་བར་སྔར་ལངས་ཏེ་གོས་ཀྱིས་གློ་དཀྲིས་ནས་རྩའི་སྒྲོན་མ་ཐོགས་ཏེ་མཉན་ཡོད་དུ་ཞུགས་པ་དང ། མཉན་ཡོད་པའི་བྲམ་ཟེའི་ཁྱེའུ་རྣམས་ཀྱིས་དེ་ལ་སྨྲས་པ། མཁན་པོ། །ཅིའི་སླད་དུ་གོས་ཀྱིས་གློ་དཀྲིས་པར་གྱུར། ཁོ་བོས་ཐོས་པ་དེ་སྙེད་བཟུང་བ་གློ་རྡོལ་ཏེ་མི་འབྱུང་བར་བྱ་བའི་ཕྱིར་རོ། །གལ་ཏེ་དེ་ལྟ་ན། ཟངས་མའི་གླེགས་བུས་དཀྲི་བར་བགྱི་བའི་རིགས་སོ།། ཅིའི་སླད་དུ་རྩའི་སྒྲོན་མ་བསྣམས། འཇིག་རྟེན་མི་ཤེས་པའི་མུན་པ་ཅན་གྱི་ནང་དུ་ཤེས་པའི་སྒྲོན་མེས་འཇུག་པར་བྱའོ། །དེ་དེ་དག་དང་ལྷན་ཅིག་རིག་པའི་གནས་གང་དང་གང་ལ་གཏམ་འདྲེ་བར་བྱེད་པ་དེ་དང་དེ་ལ།་དེས་དེ་དག་སྤོབས་པ་མེད་པར་བྱེད་ཅིང ། གང་གི་ཚེ་ཐམས་ཅད་སྤོབས་པ་མེད་པར་བྱས་པ་དེའི་ཚེ་ན་དེ་དག་གིས་སྨྲས་པ། མཁན་པོ། །ཅི། རང་གི་ཕྱོགས་འཇོམས་པ་ཁོ་ན་ལགས་སམ། དེས་སྨྲས་པ། ཅི།
Cha312a
༄#། །ཁོ་བོ་ལ་གཞན་གྱི་ཕྱོགས་འགའ་ཞིག་ཀྱང་ཡོད་དམ། དེ་དག་གིས། སྨྲས་པ། མཆིས་ཏེ། ཤཱཀྱའི་བུའི་དགེ་སྦྱོང་བྱུང་ནས་དུས་རིང་པོ་མ་ལགས་པ་དག་ལགས་ཏེ། དེ་ནི། ཤིན་ཏུ་རིགས་བཞི་པོ་དག་པར་འདོད་པ་དང ། སྟོན་པ་དང ། འདོགས་པ་དང ། རབ་ཏུ་འཇོག་པར་བགྱིད་པ་ལགས་ཀྱི། དེ་དག་དང་རེ་ཞིག་ལྷན་ཅིག་གཏམ་འདྲེ་བར་མཛོད་ཅིག་།དེ་དག་ག་ལ་འཁོད། མཉན་ཡོད་འདི་ཉིད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ནའོ། །དེ་དག་གི་སྨྲ་བའི་ཁྱུ་མཆོག་གང་ཡིན། དེ་དག་ཐམས་ཅད་ཀྱང་མཁས་པ། སྤྱོད་པ་གསལ་བ་ཤ་སྟག་ལགས་མོད་ཀྱི། འོན་ཀྱང་དེ་དག་གི་སྨྲ་བའི་ཁྱུ་མཆོག་ནི། དགེ་སློང་ལག་བརྒྱུད་ཅེས་བགྱི་བ་ལགས་སོ། །དེ་ག་ལ་འདུག། མཉན་ཡོད་འདི་ཉིད་ན་རྒྱལ་བྱེད་ཀྱི་ཚལ་མངོན་མེད་ཟས་སྦྱིན་གྱི་ཀུན་དགའ་ར་བ་ནའོ། །དེ་དག་དེ་ལྟར་གཏམ་འདྲེ་བར་བྱེད་པ་ན། ཤཱཀྱའི་བུ་ལག་བརྒྱུད་དེ་ཉིད་དུ་ཕྱིན་ནས་བྲམ་ཟེའི་ཁྱེའུ་དེ་དག་གིས་བྲམ་ཟེ་དེ་ལ་སྨྲས་པ། མཁན་པོ། །རེ་ཞིག་ཤཱཀྱའི་བུའི་དགེ་སྦྱོང་གཞན་དག་ཞོག་ལ། ཤཱཀྱའི་བུ་ལག་བརྒྱུད་འདི་དང་ལྷན་ཅིག་གཏམ་འདྲེ་བར་མཛོད་ཅིག་།དེས་དེ་མཐོང་ནས་སྨྲས་པ། འདི་ལ་སློབ་དཔོན་གྱི་མཚན་ཡོད་པས། འདི་ནི། སྨྲ་བའི་ཁྱུ་མཆོག་ཡིན་ནོ་ཞེས་དེ་དེའི་གན་དུ་སོང་སྟེ་སྨྲས་པ། ཀྱེ་དགེ་སློང ། བདག་གིས་བླ་མ་ལས་ཡི་གེ་ཅུང་ཟད་བླངས་པ་དག་ཅིག་ཡོད་དེ། བདག་ཁྱོད་དང་ལྷན་ཅིག་ཅུང་ཟད་གཏམ་རྣམ་པར་གཏན་ལ་དབབ་པ་བྱེད་པར་འདོད་དོ། །བྲམ་ཟེ། མ་ཉེས་ཏེ། ཁོ་བོ་ལ་ཡང་གང་དུ་བདག་གི་
Cha312b
གི་ཕྱིར་རྒོལ་བའི་བསྟན་བཅོས་རྣོན་པོར་བྱ་སྙམ་པའི་བློ་སྐྱེས་ན། ཁྱོད་ཀྱང་འདིར་འོངས་ཀྱི། དེ་བཞིན་བྱའོ། །ཉི་མ་གང་ལ་བྱ། སང་བྱའོ། །ཕྱོགས་གང་དུ། སྐྱེད་མོས་ཚལ་ག་གེ་མོ་ཞིག་ཏུའོ། །དེ་བཞིན་བྱའོ།། ཞེས་སྨྲས་ཏེ་སོང་ངོ ། །དེ་ནས་བྲམ་ཟེ་དེ་ཕྱོགས་དང ། གཞན་གྱི་ཕྱོགས་སེམས་ཤིང ། གལ་ཏེ་དེ་སྐད་ཅེས་ཟེར་ན། བདག་གིས་འདི་སྐད་ཅེས་བྱའོ། །སྙམ་དུ་སེམས་པ་ན། མཚན་ཐམས་ཅད་འདས་པར་གྱུར་ཏོ། །ཤཱཀྱའི་བུ་ལག་བརྒྱུད་ཀྱིས་བསམ་པ། གལ་ཏེ་བདག་གིས་རེ་ཞིག་བྲམ་ཟེ་ཚར་བཅད་ན་ནི། དེ་ལྟ་ན་ཡང་བདག་གིས་སྒོ་འཕར་བརྒྱ་དག་འདས་ཏེ་ཇི་ལྟར་ལྟོ་དགང་བ་བསྒྲུབ་པར་བྱ་དགོས་སོ། །གལ་ཏེ་བྲམ་ཟེས་བདག་ཚར་བཅད་ན་ནི། དེ་ལྟ་ན། བདག་གི་གྲགས་པའི་ཕྲེང་བ་མེད་པར་འགྱུར་རོ། །སྙམ་མོ། །བྲམ་ཟེ་ཡང་ནང་པར་སྔར་ལངས་ཏེ། སྐྱེད་མོས་ཚལ་དུ་སོང་ནས་དེས་དེར་དེ་ཡུན་རིང་དུ་བསྡད་དེ་མ་འོངས་པར་རིག་ནས་མཉན་ཡོད་དུ་ཞུགས་སོ། །ཤཱཀྱའི་བུ་ལག་བརྒྱུད་ཀྱང་རྩོད་པའི་དུས་ཡོལ་ནས་མཉན་ཡོད་དུ་བསོད་སྙོམས་ལ་ཞུགས་པ་དང ། དེ་བྲམ་ཟེ་དེས་མཐོང་ནས་སྨྲས་པ། ཀྱེ། དགེ་སློང་ཁྱོད་སྐྱེད་མོས་ཚལ་དེར་མ་འོངས་སོ། །ལག་བརྒྱུད་ཀྱིས་སྨྲས་པ། ཁོ་བོ་སྐྱེད་མོས་ཚལ་གང་དུ་བོས་ན་མ་འོངས། སངས་སྐྱེད་མོས་ཚལ་ག་གེ་མོ་ཞིག་ཏུ་གཏམ་རྣམ་པར་གཏན་ལ་དབབ་པར་བྱའོ། །ཞེས་སོ། །ལག་བརྒྱུད་ཀྱིས་སྨྲས་པ། བྲམ་ཟེ།་ཁོ་བོས་ཡེ་བརྗེད་དོ། །བྲམ་ཟེས་བསམ་པ། བདག་ནི། མཚན་ཐོག་ཐག་ཏུ་ཕྱོགས་དང ། གཞན་གྱི་ཕྱོགས་སེམས་པས་ནམ་ནངས་པར་གྱུར་ན། དགེ་སློང་འདི་ན་རེ། ཁོ་བོས་ཡེ་བརྗེད་དོ། །ཞེས་ཟེར་བ་ལས་
Cha313a
༄#། །ན།་ཡང་ན་ནི། བླུན་པོ་ཆེན་པོ་ཞིག་ཡིན་ནོ། །ཡང་ན་ནི། ཤེས་པས་མི་འཁྲུགས་པ་ཞིག་ཡིན་ནོ། །སྙམ་ནས་དེས་སྨྲས་པ། ཀྱེ་དགེ་སློང་སང་བྱའོ། །བྲམ་ཟེ། དེ་ལྟར་བྱའོ། །བྲམ་ཟེ་དེ་ཕྱི་དེ་ཉིན་པར་ཡང་ནང་པར་སྔར་ལངས་ཏེ་སྐྱེད་མོས་ཚལ་དེར་སོང་ནས་དེས་དེར་དེ་ཡུན་རིང་དུ་བསྡད་དེ་མ་འོངས་པར་རིག་ནས་ཡང་མཉན་ཡོད་དུ་ཞུགས་སོ། །ཤཱཀྱའི་བུ་ལག་བརྒྱུད་ཀྱང་རྩོད་པའི་དུས་ཡོལ་ནས་མཉན་ཡོད་དུ་བསོད་སྙོམས་ལ་ཞུགས་པ་དང ། དེ་བྲམ་ཟེ་དེས་མཐོང་ནས་སྨྲས་པ། ཀྱེ་དགེ་སློང ། ཁྱོད་སྐྱེད་མོས་ཚལ་དེར་མ་འོངས་སོ། །ལག་བརྒྱུད་ཀྱིས་སྨྲས་པ། བྲམ་ཟེ། ཅི། ཁོ་བོའི་བྱ་བ་དེ་ཁོ་ནར་ཟད་དམ། ཁོ་བོས་ཇེ་སྟོན་པ་ལ་བསྙེན་བཀུར་བྱ་དགོས་སོ། །ཐོས་པ་གཟུང་བར་བྱ་དགོས་སོ། །ཚོགས་ཀློག་ཏུ་གཞུག་དགོས་སོ། །བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ་དགོས་སོ། །བྲམ་ཟེས་སྨྲས་པ། དགེ་སློང ། ཁྱོད་ཆེད་དུ་བསམ་སྟེ་མཐོ་འཚམ་པར་མི་བྱེད་དམ། དེ་ཡིན་ནོ། །དེའི་ཚེ་ན་ཤཱཀྱའི་བུ་ལག་བརྒྱུད་ཡུལ་ཕྱོགས་བྱེད་ཅིང ། བརྡ་དང་མཚན་མ་བྱེད་དོ། །དེས་ཡུལ་ཕྱོགས་བྱས་ཤིང ། བརྡ་དང་མཚན་མ་བྱས་ནས་ཆེད་དུ་བསམ་སྟེ་མི་འགྲོ་ནས། གཞན་མུ་སྟེགས་ཅན་དག་ཤེས་ལྡན་དག། ཤཱཀྱའི་བུའི་དགེ་སྦྱོང་འདི་དག་ནི། རྫུན་སྨྲ་བ། རྫུན་སྨྲ་བ་ལས་མ་ལོགས་།མ་སྤངས། སོ་སོར་མ་སྤངས་པ་དག་ཡིན་ཏེ། ཡུལ་ཕྱོགས་བྱེད་ཅིང ། བརྡ་དང་མཚན་མ་བྱེད་ལ། ཡུལ་ཕྱོགས་བྱས་ཤིག། བརྡ་དང་མཚན་མ་བྱས་ནས་ཆེད་དུ་བསམ་སྟེ་འགྲོ་བར་མི་བྱེད་ཅེས་སྨོད་པར་བྱེད། འཕྱར་ཀ་གཏོང་
Cha313b
བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཤཱཀྱའི་བུ་ལག་བརྒྱུད་ལ་རྨས་པ། ལག་བརྒྱུད། ཁྱོད་ཡུལ་ཕྱོགས་བྱེད་ཅིང ། བརྡ་དང་མཚན་མ་བྱེད་ལ། ཡུལ་ཕྱོགས་བྱས་ཤིང ། བརྡ་དང་མཚན་མ་བྱས་ནས་ཆེད་དུ་བསམ་སྟེ་མི་འགྲོ་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པ་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་བར་བྱ་སྟེ། ཤེས་བཞིན་དུ་རྫུན་སྨྲ་ན། ལྟུང་བྱེད་དོ། །ཤེས་བཞིན་དུ་ཞེས་བྱ་བ་ནི། རྣམ་པར་དཔྱད་ནས་སོ། །རྫུན་སྨྲ་ན་ཞེས་བྱ་བ་ལ། རྫུན་སྨྲ་བ་ནི། རྣམ་པ་དགུ་ཡང་ཡོད། རྣམ་པ་བརྒྱད་ཀྱང་ཡོད། རྣམ་པ་
Cha314a
༄#། །བདུན་ཡང་ཡོད། རྣམ་པ་དྲུག་ཀྱང་ཡོད། རྣམ་པ་ལྔ་ཡང་ཡོད། རྣམ་པ་བཞི་ཡང་ཡོད། རྣམ་པ་གསུམ་ཡང་ཡོད། རྣམ་པ་གཉིས་ཀྱང་ཡོད། དེ་ལ་བརྫུན་དུ་སྨྲ་བ་རྣམ་པ་དགུ་གང་ཞེ་ན། གཞི་མེད་པར་ཕམ་པར་འགྱུར་བ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པར་བྱ་བ་དང ། ཉེས་བྱས་ཀྱིས་གླེང་བ་དང ། གཞི་མེད་པར་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། ཆོ་ག་ཉམས་པ་དང ། འཚོ་བ་ཉམས་པས་གླེང་བའོ། །བརྫུན་དུ་སྨྲ་བ་རྣམ་པ་བརྒྱད་གང་ཞེ་ན། གཞི་མེད་པར་ཕམ་པར་འགྱུར་བ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པར་བྱ་བ་དང ། ཉེས་བྱས་ཀྱིས་གླེང་བ་དང ། གཞི་མེད་པར་མཐོང་བ་དང ། ཐོས་པ་དང ། དགོས་པས་གླེང་བའོ། །བརྫུན་དུ་སྨྲ་བ་རྣམ་པ་བདུན་གང་ཞེ་ན། གཞི་མེད་པར་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། ཆོ་ག་ཉམས་པ་དང ། འཚོ་བ་ཉམས་པས་གླེང་བ་དང ། གཞི་མེད་པར་མཐོང་བ་དང ། ཐོས་པ་དང ། དོགས་པས་གླེང་བའོ། །བརྫུན་དུ་སྨྲ་བ་རྣམ་པ་དྲུག་གང་ཞེ་ན། དགེ་སློང་བརྫུན་དུ་སྨྲ་བར་འདོད་པ་ནི། འདི་སྙམ་དུ་རྫུན་སྨྲ་བར་བྱའོ། །སྙམ་པ་དང ། རྫུན་སྨྲ་བ་ན། འདི་སྙམ་དུ་རྫུན་སྨྲ་བའོ། །སྙམ་པ་དང ། རྫུན་སྨྲས་པ་ན། འདི་སྙམ་དུ་རྫུན་སྨྲས་སོ། །སྙམ་པ་དང ། དགེ་སློང་གཞི་མེད་པར་མཐོང་བ་དང ། ཐོས་པ་དང ། དོགས་པས་རྫུན་སྨྲ་བའོ། །རྫུན་སྨྲ་བ་རྣམ་པ་ལྔ་གང་ཞེ་ན། གཞི་མེད་པར་ཕམ་པར་འགྱུར་བ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་
Cha314b
བྱས་ཀྱི་གླེང་བའོ། །བརྫུན་དུ་སྨྲ་བ་རྣམ་པ་བཞི་གང་ཞེ་ན། གཞི་མེད་པར་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། ཆོ་ག་ཉམས་པ་དང ། འཚོ་བ་ཉམས་པས་གླེང་བའོ། །བརྫུན་དུ་སྨྲ་བ་རྣམ་པ་གསུམ་གང་ཞེ་ན། གཞི་མེད་པར་མཐོང་བ་དང ། ཐོས་པ་དང ། དོགས་པས་གླེང་བའོ། །གཞན་ཡང་བརྫུན་དུ་སྨྲ་བ་རྣམ་པ་གསུམ་གང་ཞེ་ན། རྫུན་སྨྲ་བར་འདོད་པ་ན། འདི་སྙམ་དུ་རྫུན་སྨྲ་བར་བྱའོ། །སྙམ་པ་དང ། རྫུན་སྨྲ་བ་ན། འདི་སྙམ་དུ་རྫུན་སྨྲའོ། །སྙམ་པ་དང ། རྫུན་སྨྲས་པ་ན། འདི་སྙམ་དུ་རྫུན་སྨྲས་སོ། །སྙམ་པའོ། །བརྫུན་དུ་སྨྲ་བ་རྣམ་པ་གཉིས་གང་ཞེ་ན། རྫུན་སྨྲ་བ་ན། འདི་སྙམ་དུ་རྫུན་སྨྲའོ། །སྙམ་པ་དང ། རྫུན་སྨྲས་པ་ན།་འདི་སྙམ་དུ་རྫུན་སྨྲས་སོ། །སྙམ་པའོ། །རྫུན་སྨྲ་བ་ལ་རྣམ་པ་གཅིག་པུ་འབའ་ཞིག་ནི། མེད་དོ། །བརྫུན་དུ་སྨྲ་བ་ན། ཕམ་པར་འགྱུར་བ་ཡང་ཡོད། བརྫུན་དུ་སྨྲ་བ་ན། དགེ་འདུན་ལྷག་མར་འགྱུར་བ་ཡང་ཡོད།་བརྫུན་དུ་སྨྲ་བ་ན། ཉེས་པ་སྦོམ་པོར་འགྱུར་བ་ཡང་ཡོད། ལྟུང་བྱེད་དུ་འགྱུར་བ་ཡང་ཡོད། ཉེས་བྱས་སུ་འགྱུར་བ་ཡང་ཡོད་དོ། །དེ་ལ་བརྫུན་དུ་སྨྲ་བ་ཕམ་པར་འགྱུར་བ་གང་ཞེ་ན། འདི་ལྟ་སྟེ། དགེ་སློང་མེད་ལ་མེད་བཞིན་དུ་མིའི་ཆོས་བླ་མ་སྨྲའོ། །བརྫུན་དུ་སྨྲ་བ་དགེ་འདུན་ལྷག་མར་འགྱུར་བ་གང་ཞེ་ན། འདི་ལྟ་སྟེ། དགེ་སློང་ཁྲོས་ཤིང་ཞེ་སྡང་བར་གྱུར་ནས་ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ། །སྙམ་ནས་དགེ་སློང་དག་པ་ལྟུང་བ་མེད་པ་ལ་གཞི་མེད་པར་ཕམ་པར་འགྱུར་བའི་ཆོས་ཀྱིས་སྐུར་བ་འདེབས་པའོ། །བརྫུན་དུ་སྨྲ་བ་ཉེས་པ་སྦོམ་པོར་འགྱུར་བ་གང་ཞེ་ན། འདི་ལྟ་སྟེ། དགེ་སློང་དགེ་འདུན་གྱི་ནང་དུ་ཆེད་དུ་བསམ་
Cha315a
༄#། །སྟེ་ཆོས་མ་ཡིན་པ་ཆོས་སུ་སྟོན་པ་དང ། ཆོས་ཆོས་མ་ཡིན་པར་སྟོན་པ་དང ། འདུལ་བ་མ་ཡིན་པ་འདུལ་བར་སྟོན་པ་དང ། འདུལ་བ་འདུལ་བ་མ་ཡིན་པར་སྟོན་པའོ། །བརྫུན་དུ་སྨྲ་བ་ཉེས་བྱས་སུ་འགྱུར་བ་གང་ཞེ་ན། འདི་ལྟ་སྟེ། དགེ་སློང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་ན། ཅི། འདི་ལ་ཁྱེད་ཡོངས་སུ་དག་གམ་ཞེས་དྲིས་པ་ན། ཡོངས་སུ་མ་དག་བཞིན་དུ་ཅང་མི་སྨྲ་བར་སྡོད་པའོ། །བརྫུན་དུ་སྨྲ་བ་ལྟུང་བྱེད་དུ་འགྱུར་བ་གང་ཞེ་ན། འདི་ལྟ་སྟེ། བརྫུན་དུ་སྨྲ་བ་རྣམ་པ་བཞི་པོ་དེ་དག་མ་གཏོགས་པ་བརྫུན་དུ་སྨྲ་བ་གང་ཡིན་པ་དེ་དག་ཐམས་ཅད་ནི། ལྟུང་བྱེད་དུ་འགྱུར་བ་ཡིན་ནོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚེད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ། མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ། མ་བརྗེད་པ་དང་ཡིད་གཉིས་དང ། །འདུ་ཤེས་པ་ནི་ཐ་མ་ཡིན། །དགེ་སློང་གིས་མ་མཐོང་བ་དང ། མ་ཐོས་པ་དང ། མ་རིག་པ་དང ། རྣམ་པར་མི་ཤེས་པ་ལ་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་ངོ ། །བདག་གིས་ཐོས་སོ། །བདག་གིས་རིག་གོ། བདག་གིས་རྣམ་པར་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་
Cha315b
མཐོང་ལ། དེ་ཡང་བརྗེད་པ་དང ། ཐོས་ཤིང་རིག་སྟེ་རྣམ་པར་ཤེས་ལ། དེ་ཡང་བརྗེད་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་སྟེ། དེ་ཡང་མ་བརྗེད་དོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ། དེ་ཡང་མ་བརྗེད་དོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ། དེ་ལ་ཡིད་གཉིས་ཟ་བ་དང ། ཐོས་ཤིང་རིག་སྟེ་རྣམ་པར་ཤེས་ལ། དེ་ལ་ཡིད་གཉིས་ཟ་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་སྟེ། དེ་ལ་ཡིད་གཉིས་མི་ཟའོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ། དེ་ལ་ཡིད་གཉིས་མི་ཟའོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་བ་ལ་མ་མཐོང་བར་འདུ་ཤེས་ཤིང ། ཐོས་པ་དང ། རེག་པ་དང ། རྣམ་པར་ཤེས་པ་ལ་རྣམ་པར་མ་ཤེས་པར་འདུ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་ངོ ། །ཐོས་སོ། །རིག་གོ། རྣམ་པར་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ཞིང ། ཐོས་པ་དང ། རིག་པ་དང ། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་གི། མ་ཐོས། མ་རིག། རྣམ་པར་མ་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་
Cha316a
༄#། །འགྱུར་རོ། །དེས་མ་ཐོས་ཤིང ། མཐོང་བ་དང ། རིག་པ་དང ། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་ཐོས་ཀྱི་མ་མཐོང ། མ་རིག། རྣམ་པར་མ་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་རིག་ཅིང ། མཐོང་བ་དང ། ཐོས་པ་དང ། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་རིག་གི། མ་མཐོང ། མ་ཐོས། རྣམ་པར་མ་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རྣམ་པར་མ་ཤེས་ཤིང ། མཐོང་བ་དང ། ཐོས་པ་དང ། རིག་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་རྣམ་པར་ཤེས་ཀྱི། མ་མཐོང ། མ་ཐོས། མ་རིག་གོ། ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ། དེ་ཡང་བརྗེད་པ་དང ། ཐོས་ཤིང་རིག་སྟེ་རྣམ་པར་ཤེས་ལ། དེ་ཡང་བརྗེད་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མ་མཐོང་སྟེ། དེ་ཡང་མ་བརྗེད་དོ། །མ་ཐོས། མ་རིག་།རྣམ་པར་མ་ཤེས་ཏེ། དེ་ཡང་མ་བརྗེད་དོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ། དེ་ལ་ཡིད་གཉིས་ཟ་བ་དང ། ཐོས་ཤིང་རིག་སྟེ་རྣམ་པར་ཤེས་ལ། དེ་ལ་ཡིད་གཉིས་ཟ་
Cha316b
ནས། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མ་མཐོང་སྟེ། དེ་ལ་ཡིད་གཉིས་མི་ཟའོ། །བདག་གིས་མ་ཐོས། མ་རིག། རྣམ་པར་མ་ཤེས་ཏེ། དེ་ལ་ཡིད་གཉིས་མི་ཟའོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེ་མཐོང་ལ་མཐོང་བར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མ་མཐོང་གི། ཐོས་ཤིང་རིག་ལ་རྣམ་པར་ཤེས་སོ། །ཞེས་ཟེར་ན། སྨྲས་སོ་ཅོག། ལྟུང་བྱེད་དུ་འགྱུར་རོ། །དེས་ཐོས་ལ་ཐོས་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མ་ཐོས་ཀྱི། མཐོང་ཞིང་རིག་སྟེ་རྣམ་པར་ཤེས་སོ། ། ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རིག་ལ་རིག་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གི་མ་རིག་གི། མཐོང་ཞིང་ཐོས་ལ་རྣམ་པར་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རྣམ་པར་ཤེས་ལ་རྣམ་པར་ཤེས་པར་འདུ་ཤེས་ནས་དེས་འདུ་ཤེས་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་རྣམ་པར་མ་ཤེས་ཀྱི། མཐོང་ཞིང་ཐོས་ལ་རིག་གོ་།ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ།།
Cha317a
༄#། །དགེ་སློང་གིས་མཐོང་བ་དང ། ཐོས་པ་དང ། རིག་པ་དང ། རྣམ་པར་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མ་མཐོང་ངོ ། །བདག་གིས་མ་ཐོས་སོ། །བདག་གིས་མ་རིག་གོ། བདག་གིས་རྣམ་པར་མི་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ལ། དེ་ཡང་མ་བརྗེད་པ་དང ། མ་ཐོས་མ་རིག་རྣམ་པར་མ་ཤེས་ལ། དེ་ཡང་མ་བརྗེད་ནས་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་སྟེ། དེ་ཡང་བརྗེད་དོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ། དེ་ཡང་བརྗེད་དོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ལ། དེ་ལ་ཡང་ཡིད་གཉིས་མི་ཟ་བ་དང།་མ་ཐོས་མ་རིག་རྣམ་པར་མ་ཤེས་ལ། དེ་ལ་ཡིད་གཉིས་མི་ཟ་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་སྟེ། དེ་ལ་ཡིད་གཉིས་ཟའོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ། དེ་ལ་ཡིད་གཉིས་ཟའོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་བ་ལ་མཐོང་བར་འདུ་ཤེས་ཤིང ། མ་ཐོས་པ་དང ། མ་རིག་པ་དང ། རྣམ་པར་མ་ཤེས་པ་ལ་རྣམ་པར་ཤེས་པར་འདུ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་
Cha317b
བསྒྱུར་ཏེ་འདི་སྐད་ཅེས། བདག་གིས་མ་མཐོང་ངོ ། །མ་ཐོས་སོ། །མ་རིག་གོ། རྣམ་པར་མ་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མཐོང་ཞིང ། མ་ཐོས་པ་དང ། མ་རིག་པ་དང ། རྣམ་པར་མ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མ་མཐོང་གི། ཐོས་ཤིང་རིག་ལ་རྣམ་པར་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་ཐོས་ཤིང ། མ་མཐོང་མ་རིག་རྣམ་པར་མ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མ་ཐོས་ཀྱི། མཐོང་ཞིང་རིག་ལ་རྣམ་པར་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རིག་ཅིང ། མ་མཐོང་མ་ཐོས་རྣམ་པར་མ་ཤེས་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མ་རིག་གི། མཐོང་ཞིང་ཐོས་ལ་རྣམ་པར་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རྣམ་པར་ཤེས་ཤིང ། མ་མཐོང ། མ་ཐོས། མ་རིག་ལ། དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་རྣམ་པར་མ་ཤེས་ཀྱི། མཐོང་ཞིང་ཐོས་ལ་རིག་གོ་།ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ལ། དེ་ཡང་མ་བརྗེད་པ་དང ། མ་ཐོས། མ་རིག་།རྣམ་པར་མ་ཤེས་ལ། དེ་ཡང་མ་བརྗེད་ནས་དེས་འདུ་ཤེས་
Cha318a
༄#། །བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་སྟེ། དེ་ཡང་བརྗེད་དོ། །ཐོས་ཤིང་རིག་ལ་རྣམ་པར་ཤེས་ཏེ།་དེ་ཡང་བརྗེད་དོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་བ་དེ་ལ་ཡིད་གཉིས་མི་ཟ་བ་དང ། མ་ཐོས། མ་རིག། རྣམ་པར་མ་ཤེས་ལ། དེ་ལ་ཡིད་གཉིས་མི་ཟ་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་སྟེ། དེ་ལ་ཡིད་གཉིས་ཟའོ། །བདག་གིས་ཐོས་ཤིང་རིག་ལ་རྣམ་པར་ཤེས་ཏེ། དེ་ལ་ཡིད་གཉིས་ཟའོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་མཐོང་ལ་མ་མཐོང་བར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང།་རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་མཐོང་གི། །མ་ཐོས། མ་རིག། རྣམ་པར་མ་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེ་མ་ཐོས་ལ་མ་ཐོས་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་ཐོས་ཀྱི། མ་མཐོང ། མ་རིག། རྣམ་པར་མ་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་མ་རིག་ལ་མ་རིག་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས།
Cha318b
བདག་གིས་རིག་གོ། མ་མཐོང ། མ་ཐོས། རྣམ་པར་མ་ཤེས་སོ། །ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དེས་རྣམ་པར་མ་ཤེས་ལ་རྣམ་པར་མ་ཤེས་པར་འདུ་ཤེས་ནས་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས། བདག་གིས་རྣམ་པར་ཤེས་ཀྱི། མ་མཐོང ། མ་ཐོས། མ་རིག་གོ། ཞེས་ཟེར་ན། སྨྲས་སོ་ཅོག་ལྟུང་བྱེད་དུ་འགྱུར་རོ། །དགེ་སློང་ཇི་ཙམ་དུ་འདུ་ཤེས་བསྒྱུར་ཏེ་ཚིག་སྨྲ་བར་བྱེད་ན། ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བརྫུན་དུ་སྨྲ་བའི་ལྟུང་བྱེད་དེ། དང་པོ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་།དགེ་སློང་རྣམས་ལ་འདི་ལྟ་སྟེ། ཞར་བ་དག་།འཐེང་པོ་དང ། སྨད་འཆལ་དག། ལག་སོར་རྡུམ་པོ་དག། སྒུར་པོ་དག། མིའུ་ཐུང་དག། ལྦ་བ་ཅན་དག། ལྐུག་པ་དག། འོན་པ་དག ། རྟེན་འཕྱེ་དག་།རྐང་བམ་དག་།གྱོལ་པོ་དག། མཆུ་འཕྱང་དག། མགོ་བོ་ཆེ་དག་ཅེས་མིའི་སྐྱོན་ནས་སྨྲ་བས་ཀུན་ཏུ་སྤྱོད་པར་བྱེད་དོ། །མིའི་སྐྱོན་ནས་སྨྲ་བས་ཀུན་ཏུ་སྤྱོད་པ་ན། དགེ་སློང་དག་སྤ་གོང་བ་དང ། གཟེངས་དམས་པ་དང ། ཞུམ་པར་གྱུར་ནས། ལུང་ནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་ཞིང ། སྡུག་བསྔལ་དང ། ཡིད་མི་བདེ་
Cha319a
༄#། །བ་མང་བར་གནས་སོ། །དགེ་སློང་དོན་ཉུང་ངུ་དག། ཅིའི་ཕྱིར་དགེ་སློང་དག། དགེ་སློང་རྣམས་ལ་འདི་ལྟ་སྟེ། ཞར་བ་དག། འཐེང་པོ་དག་།སྨད་འཆལ་དག། ལག་སོར་རྡུམ་པོ་དག། སྒུར་པོ་དག་།མིའུ་ཐུང་དག། ལྦ་བ་ཅན་དག་།ལྐུག་པ་དག་།འོན་པ་དག། རྟེན་འཕྱེ་དག་།རྐང་བམ་དག་།གྱོལ་པོ་དག། མཆུ་འཕྱང་དག་།མགོ་བོ་ཆེ་དག་ཅེས་མིའི་སྐྱོན་ནས་སྨྲ་བས་ཀུན་ཏུ་སྤྱོད་པར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག། ཁྱེད་དགེ་སློང་རྣམས་ལ་འདི་ལྟ་སྟེ། ཞར་བ་དག། འཐེང་པོ་དག། སྨད་འཆལ་དག ། ལག་སོར་རྡུམ་པོ་དག་།སྒུར་པོ་དག་།མིའུ་ཐུང་དག། ལྦ་བ་ཅན་དག། ལྐུག་པ་དག་།འོན་པ་དག། རྟེན་འཕྱེ་དག་།རྐང་བམ་དག། གྱོལ་པོ་དག་།མཆུ་འཕྱང་དག། མགོ་བོ་ཆེ་དག་ཅེས་མིའི་སྐྱོན་ནས་སྨྲས་པས་ཀུན་ཏུ་སྤྱོད་པར་བྱེད་པ་བདེན་ནམ། བཙུན་པ། མེད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་
Cha319b
དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དགེ་སློང་དག། སྔོན་བྱུང་བ་འདས་པའི་དུས་ན། རི་བྲག་ཅིག་ན་ཁྱིམ་བདག་ཅིག་འདུག་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་མོ་ཞིག་བྱུང་ནས་དེ་བསྲིངས་བསྐྱེད་ནས་ཆེན་མོར་གྱུར་ཏོ། །ཁྱིམ་བདག་དེ་ཞིང་པ་ཡིན་པས་རང་ཉིད་ཞིང་རྨོ་བར་བྱེད་དོ། །ཁྱིམ་བདག་ཅིག་གི་བུ་ཕ་མ་དང་བྲལ་ནས་དགོན་པ་ནས་ཤིང་ཁུར་ཐོགས་ཏེ། དེའི་ཞིང་དང་ཉེ་བར་ཤིང་ལྗོན་པའི་དྲུང་དུ་ཁུར་བཞག་སྟེ་ངལ་བསོས་ནས་དེས་སྨྲས་པ། ཞང་པོ། ཅིའི་ཕྱིར་ཁྱོད་རང་ཉིད་ཞིང་རྨོ་བར་བྱེད། ཁྱོད་ཀྱིས་གྲོང་དུ་གྲོང་གི་བྱ་བ་བྱ་བའི་རིགས་ན། ཁྱོད་དགོན་པར་དགོན་པའི་བྱ་བ་བྱེད་དམ། ཚ་བོ། ཁོ་བོ་ལ་བུ་ཡང་མེད། ཕུ་ནུ་ཡང་མེད་དོ། །ཞང་པོ། གཤོལ་འོན་ཅིག་དང་ཁོ་བོས་རྨོའི། ཁྱོད་རེ་ཤིག་ངལ་སོས་ཤིག ། ཅེས་དེས་ཞིང་རྨོ་བར་བརྩམས་པ་དང ། ཁྱིམ་བདག་དེས་དེའི་ཟན་ཁྱེར་ཏེ་འོངས་ནས་སྨྲས་པ། ཚ་བོ། ཚུར་ཤོག། ཟན་བཟའོ། །དེ་གཉིས་ཀྱིས་ཟན་ཟོས་ནས་ཁྱིམ་བདག་གི་བུ་དེས་སྨྲས་པ། ཞང་པོ། ཁོ་བོས་ཁྱོད་ཀྱི་ཁྱིམ་མི་ཤེས་ཀྱི་ཁྱོད་སོང་ཞིག་དང་ཁོ་བོས་ཞིང་རྨོའི། དགོངས་ཀར་གསུས་ཤིག་།ཁྱིམ་བདག་དེ་སོང་བ་དང ། ཁྱིམ་བདག་གི་བུ་དེས་ཀྱང་ཡུད་ཙམ་ཞིག་ཞིང་རྨོས་ནས་ཞིང་ཚིགས་ཀྱི་ཕྱོགས་སུ་གླང་གཉིས་ཟར་བཅུག་སྟེ། དགོངས་ཀར་རྩཝ་ཁུར་ཞིག་ཐོགས་ནས་རི་བྲག་དེར་འཇུག་པར་བརྩམས་པ་དང ། ཁྱིམ་བདག་དེས་ཀྱང་དེ་བསུས་ནས་ཁྱིམ་བདག་དེས་དེ་ཁྱིམ་དུ་ཁྲིད་དོ། །ཁྱིམ་བདག་གི་བུ་དེས་གླང་བྲག་ཏུ་སྩལ་ཏེ་བཅལ་
Cha320a
༄#། །བཀྲམ་ནས་དུ་བ་བཏུལ་ཏེ་གླང་གཉིས་ཀྱི་མདུན་དུ་རྩཝ་བཀྲམ་པ་དང ། ཁྱིམ་བདག་དེས་བསམ་པ། བདག་ཁྱིམ་བདག་གི་བུ་འདིས་བདེ་བར་གྱུར་གྱི། བདག་གིས་བུ་མོ་འདི་འདི་ལ་ཆུང་མར་སྦྱིན་ནོ། །སྙམ་ནས་དེས་དེ་ལ་སྨྲས་པ། ཚ་བོ། མངོན་པར་དགའ་བཞིན་དུ་ལས་གྱིས་ཤིག་དང ། བུ་མོ་འདི་ཁྱོད་ལ་ཆུང་མར་སྦྱིན་ནོ། །དེས་དེར་ཁྱིམ་རྩིག་པར་བརྩམས་པ་དང ། དེའི་གླང་ཞིང་ཟན་ཞིག་ཞིང་ལ་བྲོས་ནས། དེས་དེ་བཟློག་ཀྱང་མ་བཟློག་ནས་དེས་དེ་ལ་སྤྱོས་ཏེ་ཤིང་ཚལ་ཞིག་འཕངས་པ་དང ། དེས་དེའི་རཝ་ཆག་ནས་དེའི་མིང་རུ་ཆག་ཅེས་བྱ་བར་བཏགས་སོ། །དུས་གཞན་ཞིག་ན་ཡང་དེ་ཡང་ཞིང་ལ་བྲོས་ནས་དེས་དེ་བཟློག་ཀྱང་མ་བཟློག་ནས། དེས་དེ་ལ་སྤྱོས་ཏེ་ཟོར་བ་འཕངས་པ་དང ། དེས་དེའི་མཇུག་མཆད་ནས་དེའི་མིང་མཇུག་རྡུམ་ཞེས་བྱ་བར་བཏགས་སོ། །དེ་ལྟར་དེའི་མིང་རུ་ཆག་དང་མཇུག་རྡུམ་ཞེས་བཏགས་ནས། དེ་ཕྱིན་ཆད་གླང་དེའི་མིང་ཆག་རྡུམ་ཞེས་བྱ་བར་བཏགས་སོ། །དུས་གཞན་ཞིག་ན་ཁྱིམ་བདག་གི་བུ་དེས་ཁྱིམ་བདག་དེ་ལ་སྨྲས་པ། ཞང་པོ། ཇི་ལྟར་ཁས་བླངས་པ་བཞིན་གྱིས་ཤིག་།ཁྱིམ་བདག་དེས་ཆུང་མ་ལ་སྨྲས་པ། བཟང་མོ། བག་རྫོངས་སྟ་གོན་གྱིས་ཤིག་།བུ་མོ་བག་མར་གཏང་བར་བྱའོ། །ཆུང་མས་སྨྲས་པ། རྗེའི་སྲས། བུ་མོ་འདི་སུ་ལ་ཡང་མ་སྩལ་ན། ཇི་ལྟར་བག་མར་གཏང་བར་བགྱི། དེས་སྨྲས་པ། ཁོ་བོས་འདི་གཞན་ལ་བྱིན་ནོ། །སུ་ལ་སྩལ། ཁྱིམ་བདག་གི་བུ་འདི་ལའོ། །ཆུང་མས་སྨྲས་པ། ཁོ་མོས། ན་ལེ་ཤམ་དཀར་པོ་བཞིན་དུ་ཇི་ལྟར་བྱུང་གཏོལ་
Cha320b
མེད་པ་གང་ཡིན་པ་འདི་ལ་བུ་མོ་སྦྱིན་རེ་སྐན། འདི་ལྟར། གང་དུ་ཁོ་མོ་བགོ་བར་བྱ་བ་དང ། བཟའ་བར་བྱ་བ་ཡོད་པ་དེར་ཁོ་མོས་བུ་མོ་སྦྱིན་པར་བྱའོ། །དེས་སྨྲས་པ། བཟང་མོ། ཁྱིམ་བདག་གི་བུ་འདིས་ཁོ་བོ་བདེ་བར་གྱུར་ཏེ། གལ་ཏེ་འདི་འགྲོ་བར་གྱུར་ན་ཡང་ཁོ་བོས་ཞིང་རྨོ་དགོས་པར་འགྱུར་རོ། །ཆུང་མས་སྨྲས་པ། ཁོ་མོས། ལྟོ་ཁོལ་བ་འདི་ལ་བུ་མོ་སྦྱིན་པར་མི་ནུས་སོ། །ཁྱིམ་བདག་གིས་བསམ་པ། གལ་ཏེ་བདག་གིས་ཁྱེའུ་འདི་ལ་ཁོ་བོས་ཁྱོད་ལ་བུ་མོ་མི་སྦྱིན་ནོ། །ཞེས་སྨྲས་ན། དེང་ཉིད་དུ་འདི་འགྲོ་བར་འགྱུར་ཞིང ། བདག་སྡུག་བསྔལ་བར་འགྱུར་རོ། །སྙམ་ནས། དེ་ལ་སྒྱོང་བ་བྱས་སོ། །ཁྱིམ་བདག་གི་བུ་དེས་ཁྱིམ་བདག་དེ་ལ་ཡང་སྨྲས་པ། ཞང་པོ། ཇི་ལྟར་ཁས་བླངས་པ་བཞིན་གྱིས་ཤིག་།དེས་སྨྲས་པ། ཚ་བོ། ཁོ་བོ་ཉེ་དུའི་འཁོར་རྒྱ་ཆེན་པོ་དག་ལ་ཟན་སྦྱར་དགོས་ཀྱི། རེ་ཞིག་སཱ་ལུ་དག་སྒྲུབས་ཤིག། དེས་སཱ་ལུ་དག་བསྒྲུབས་ནས་སྨྲས་པ། ཞང་པོ། །བག་མ་རྫོངས་ཤིག། དེས་སྨྲས་པ། ཚ་བོ། དེ་ལ་བུ་རམ་དག་ཀྱང་དགོས་ཀྱི། རེ་ཞིག་བུ་རམ་ཤིང་དག་སྒྲུབས་ཤིག། དེས་བུ་རམ་ཤིང་དག་བསྒྲུབས་ནས་སྨྲས་པ། ཞང་པོ།་ད་བག་མེ་རྫོངས་ཤིག། དེས་སྨྲས་པ། ཚ་བོ། དེ་ལ་འཁུར་བ་དག་ཀྱང་དགོས་ཀྱི། རེ་ཞིག་གྲོ་དག་སྒྲུབས་ཤིག། དེས་གྲོ་དག་ཀྱང་བསྒྲུབས་ནས་སྨྲས་པ། ཞང་པོ། ད་བག་མ་རྫོངས་ཤིག་།ཁྱིམ་བདག་གིས་སྨྲས་པ། ཚ་བོ། སཱ་ལུ་སྔ་མ་དག་ཟད་ཀྱི། ད་ཡང་རེ་ཞིག་སཱ་ལུ་དག་སྒྲུབས་ཤིག་།ཁྱིམ་བདག་གི་བུ་དེས་བསམ་པ། དེ་གསུམ་ནི། རང་བཞིན་གྱིས་དུས་གཅིག་ཏུ་སྒྲུབ་པར་མི་ནུས་པས་འདི་སྒྱོང་བར་
Cha321a
༄#། །བྱེད་ཀྱི། སྐྱེ་བོ་ཕལ་པོ་ཆེའི་ནང་དུ་སོང་སྟེ་ཁས་ལེན་དུ་བཅུག་ལ། གལ་ཏེ་མི་སྟེར་ན། རྒྱལ་པོའི་ཕོ་བྲང་ནས་བདེ་བར་སྦྱིན་དུ་གཞུག་གོ། སྙམ་ནས། དེས་སྐྱེ་བོ་ཕལ་པོ་ཆེའི་ནང་དུ་དེ་ལ་སྨྲས་པ། ཞང་པོ། བག་མ་རྫོངས་ཤིག། ཁྱིམ་བདག་དེས་སྤྱོས་ཏེ་སྨྲས་པ། ཤེས་ལྡན་དག། མི་འདི་ཁོ་བོའི་ལྟོ་ཁོལ་པ། ལྟོ་གླས་ལས་བྱེད་པ་ཡིན་ན། ཁོ་བོས་འདི་ལ་བུ་མོ་སྦྱིན་རེ་སྐན། ཁྱིམ་བདག་གི་བུ་དེས་བསམ་པ། བདག་གིས་ཀཪྴ་པ་ཎ་དག་ཀྱང་མ་ཐོབ། བུ་མོ་ཡང་མ་ཐོབ་པས་འདི་ལ་གནོད་པ་ཅུང་ཞིག་བྱས་ཏེ་འགྲོའོ། །སྙམ་ནས། དེས་གླང་དེ་དག་ཉིན་པར་ཞིང་རྨོས་ནས་ལྕག་མང་པོས་བཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་སོང་ངོ ། །ཆོས་ཉིད་ཀྱིས་ན། འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་སྨྲ་ཤེས་པ་ཡིན་པས་གླང་དེ་དག་གིས་དེ་ལ་སྨྲས་པ། ཀྱེ། མི་ཁྱོད། ཁོ་བོ་ཅག་གི་ཕ་མ་འདྲ་བར་འདུག་འདུག་སྟེ། རྟག་ཏུ་ཁོ་བོ་ཅག་ལེགས་པར་བདེ་བས་ཡོངས་སུ་སྐྱོང་བར་བྱེད་ན། དེ་ཅིའི་ཕྱིར་ཉིན་པར་ཞིང་རྨོས་ནས་ལྕག་མང་པོས་བཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་འགྲོ། ཅི་ཁོ་བོ་ཅག་གིས་ཁྱོད་ལ་ཉེས་པ་ཞིག་བྱས་སམ། ཁྱེད་ཅག་གིས་ཁོ་བོ་ལ་ཉེས་པ་ཅུང་ཟད་ཀྱང་མ་བྱས་ཏེ། འདི་ལྟར། ཁྱེད་ཅག་གི་བདག་པོས་ཁོ་བོ་ལ་ཉེས་པ་བྱས་སོ། །དེས་ཅི་བྱས། ཁོ་བོ་ལ་བུ་མོ་སྦྱིན་པར་ཁས་བླངས་ནས་མ་སྟེར་རོ། །འོ་ན་རྒྱལ་པོའི་ཕོ་བྲང་དུ་ཅིའི་ཕྱིར་མི་འགྲོ། ཆེ་བཞི་དག་མེད་དོ། །སོང་ཞིག་དང ། ཁོ་བོ་ཅག་གིས་ཆེ་བཞི་དབྱེའོ། །ཅི། མིའི་སྐད་དུ་སྨྲ་བར་
Cha321b
འགྱུར་རམ། མ་ཡིན་ཏེ། འདི་ལྟར། ཁྱོད་ཀྱིས་བདེན་པས་གསོལ་བར་བྱ་སྟེ། ཁོ་བོ་ཅག་ཞག་བདུན་གྱི་བར་དུ་བྲག་ཏུ་བཏགས་ཏེ་རྩཝ་ཡང་སྦྱིན་པར་མི་བྱ། ཆུ་ཡང་བླུད་པར་མི་བྱ་བར་གཞག་པར་བྱ་ཞིང ། ཉི་མ་བདུན་པ་ལ་རྩཝ་ཕུན་སུམ་ཚོགས་པ་དང ། ཆུ་ཕུན་སུམ་ཚོགས་པའི་ཕྱོགས་སུ་གཏང་བར་བྱ་སྟེ། དེའི་ཚེ་ཁྱོད་ཀྱིས་རྒྱལ་པོའི་མདུན་དུ་གལ་ཏེ་བདག་བདེན་ན། གླང་འདི་དག་རྩཝ་ཡང་མི་ཟ། ཆུ་ཡང་མི་འཐུང་བར་གྱུར་ཅིག། ཅེས་བདེན་པའི་ཚིག་གིས་གསོལ་ཅིག་དང ། ཁོ་བོ་ཅག་ཇི་སྲིད་དུ་རྒྱལ་པོ་ཡིད་ཆེས་པར་མ་གྱུར་གྱི་བར་དུ་རྩཝ་ཡང་མི་ཟ། ཆུ་ཡང་མི་འཐུང་ངོ ། །ཁྱིམ་བདག་གི་བུ་དེས་རྒྱལ་པོའི་ཕོ་བྲང་དུ་སོང་སྟེ་རྒྱལ་པོ་ལ་གསོལ་པ། ལྷ། ཁྱིམ་བདག་ཆེ་གེ་མོ་ཞིག་གིས་བདག་ལ་བུ་མོ་སྩལ་བར་མཆིད་ཀྱིས་འཚལ་ནས་མི་སྟེར་རོ། །རྒྱལ་པོས་སྨྲས་པ། ཁྱོད་ལ་ཆེ་བཞི་འགའ་ཡོད་དམ། ལྷ། མཆིས་སོ། །ཅི། མི་དག་གམ།་མི་མ་ཡིན་པ་དག། མི་མ་ལགས་པ་གླང་དག་གོ། ཅི། མིའི་སྐད་དུ་སྨྲ་བར་འགྱུར་རམ། མ་ལགས་ཏེ། འདི་ལྟར། བདག་གིས་བདེན་པས་གསོལ་བར་བགྱི་སྟེ། བདག་གིས་དགུང་བདུན་གྱི་བར་དུ་གླང་དེ་དག་བྲག་ཏུ་བཏགས་ཏེ་ངན་ཡང་སྩལ་བར་མི་བགྱི། ཆབ་ཀྱང་སྩལ་བར་མི་བགྱི་བར་གཞག་པར་བགྱི་ཞིང ། གདུགས་བདུན་པ་ལ་རན་ཕུན་སུམ་ཚོགས་པ་དང ། ཆབ་ཕུན་སུམ་ཚོགས་པའི་ཕྱོགས་སུ་གཏང་བར་བགྱི་སྟེ། དེའི་ཚེ་བདག་གིས་ལྷའི་སྤྱན་སྔར་གལ་ཏེ་བདག་མེད་ན། གླང་འདི་དག་རན་ཡང་མི་འཚལ། ཆབ་ཀྱང་མི་འཚལ་བར་གྱུར་ཅིག་ཅེས་བདེན་པའི་ཚིག་གིས་གསོལ་ན། ཇི་སྲིད་དུ་ལྷ་ཐུགས་
Cha322a
༄#། །ཆེས་པར་མ་གྱུར་གྱི་བར་དུ་དེ་དག་རན་ཡང་མི་འཚལ། ཆབ་ཀྱང་མི་འཚལ་བར་འགྱུར་རོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།དེ་ལྟར་གྱིས་ཤིག། དེ་དག་གིས་གླང་དེ་དག་བྲག་ཏུ་བཏགས་ཏེ་བཞག་པ་དང ། ཆག་རྡུམ་གྱིས་སྨྲས་པ། ནུབ་ཕྱོགས་ནས་ཉི་མ་ཤར་ཏམ། ཅི་ན་གང་གི་ཚེ་བདག་ཅག་གཏོང་བར་མི་བྱེད། གཞན་དག་གིས་སྨྲས་པ། མ་ཡིན་ཏེ། བདག་གིས་ཁྱིམ་བདག་གི་བུ་དེ་ལ་འདི་ལྟར་ཁྱོད་ཀྱིས་བདེན་པས་གསོལ་བར་བྱ་སྟེ། ཁོ་བོ་ཅག་ཞག་བདུན་གྱི་བར་དུ་བྲག་ཏུ་བཏགས་ཏེ། རྩཝ་ཡང་སྦྱིན་པར་མི་བྱ། ཆུ་ཡང་བླུད་པར་མི་བྱ་བར་གཞག་པར་བྱ་ཞིང ། ཉི་མ་བདུན་པ་ལ་རྩཝ་ཕུན་སུམ་ཚོགས་པ་དང ། ཆུ་ཕུན་སུམ་ཚོགས་པའི་སྟོབས་སུ་གཏང་བར་བྱ་སྟེ། དེའི་ཚེ་ཁྱོད་ཀྱིས་རྒྱལ་པོའི་མདུན་དུ་གལ་ཏེ་བདག་བདེན་ན། གླང་འདི་དག་རྩཝ་ཡང་མི་ཟ། ཆུ་ཡང་མི་འཐུང་བ་གྱུར་ཅིག ། ཅེས་བདེན་པའི་ཚིག་གིས་གསོལ་ཅིག་དང ། ཁོ་བོ་ཅག་ཇི་སྲིད་དུ་རྒྱལ་པོ་ཡིད་ཆེས་པར་མ་གྱུར་གྱི་བར་དུ་རྩཝ་ཡང་མི་ཟ། ཆུ་ཡང་མི་འཐུང་ངོ ། །ཞེས་ཁས་བླངས་སོ། །ཆག་རྡུམ་གྱིས་སྨྲས་པ། ཁོ་བོ་ནི། གལ་ཏེ་བཏང་བར་གྱུར་ན། རྡོ་བ་ལ་ཡང་ཟ་ན། རྩཝ་ལྟ་སྨོས་ཀྱང་ཅི་དགོས། དེ་དག་གིས་སྨྲས་པ། ཁྱིམ་བདག་གི་བུ་དེ་བདག་ཅག་གི་ཕ་མ་འདྲ་བར་འདུག་འདུག་གི་དེ་ལྟར་མ་བྱེད་ཅིག་།ཆག་རྡུམ་གྱིས་སྨྲས་པ། དེ་བདག་ཅག་གི་ཕ་མ་དང་འདྲ་བར་འདུག་འདུག་པ་ཡང་བདེན་མོད་ཀྱི། འོན་ཀྱང་དེ་ཁོ་བོ་ལ་ཆག་རྡུམ་ཞེས་འབོད་པས། ཁོ་བོ་ནི། དེ་ལྟར་མི་འདོད་དེ། འདི་ལྟར། ཁོ་བོ་ནི། དེའི་ལྟོ་འདྲལ་བར་ཡང་
Cha322b
འདོད་དོ། །ཁྱིམ་བདག་གི་བུ་དེ། དུས་དང་དུས་སུ་གླང་དེ་དག་གི་གན་དུ་སོང་སྟེ་དྲིས་པ། ཀཝའི་གླང་དག་།ཇི་ལྟར་ཁྱོད་ཅག་རུང་ངམ། དེ་དག་གིས་སྨྲས་པ། ཁོ་བོ་ཅག་ནི། རུང་ན། ཁྱོད་ཀྱི་མི་རུང་ངོ ། །ཅི་ཉེས་ཆག་རྡུམ་འདི་ན་རེ། ཁོ་བོ་ནི། གལ་ཏེ་བཏང་བར་གྱུར་ན། རྡོ་བ་ཡང་ཟ་ན། རྩཝ་ལྟ་སྨོས་ཀྱང་ཅི་དགོས་ཞེས་ཟེར་རོ། །འོ་ན་ཅི། ཁོ་བོ་འབྲོས་པར་བྱ་བའམ། མ་འབྲོས་པར་འདི་ལྟར་ཆག་རྡུམ་འདིའི་སྣ་ཕུག་ཅིག་དང ། གལ་ཏེ་འདི་རྩཝ་ཟ་བ་གྱུར་ཏམ། ཆུ་འཐུང་བར་གྱུར་ན། ཁོ་བོ་ཅག་གིས་རཝ་དག་གིས་འདིའི་སྣ་བླངས་ཏེ་ཁ་གྱེན་དུ་གཟུང་བར་བྱའི། ཁྱོད་ཀྱིས་ཀྱང་དེའི་ཚེ་འདི་དག་འཇིག་རྟེན་སྐྱོང་བ་ལྔ་པ་ཉི་མ་ཡང་ཆེ་བཞིར་ཡོད་ཅེས་ཉི་མ་སྟོན་པར་བྱེད་དོ། །ཞེས་སྨྲ་བར་བྱའོ། །དེས་དེའི་སྣ་དབུགས་པར་བརྩམས་པ་དང་དེས་སྨྲས་པ། ཤེས་ལྡན་དག། འདི་ལྟར། ཁོ་བོ་ལ་མཐོ་འཚམས་པར་བྱེད་པ་ལ་ལྟོས་ཤིག་།དེ་དག་གིས་སྨྲས་པ། འདི་ཁྱོད་ལ་རྒྱན་འདོགས་པར་བྱེད་ཀྱི། ཁ་རོག་ཅིག། དེ་ནས་ཉི་མ་བདུན་པ་ལ་རྒྱལ་པོ་བློན་པོ་རྣམས་དང་ཐབས་ཅིག་ཚོགས་པས་གླང་དེ་དག་རྩཝ་ཕུན་སུམ་ཚོགས་པ་དང ། ཆུ་ཕུན་སུམ་ཚོགས་པའི་ཕྱོགས་སུ་བཏང་བ་ན། ཆག་རྡུམ་དེས་རྩཝའི་ཁམ་བླང་བར་བརྩམས་པ་དང ། གླང་དེ་དག་གི་རཝ་དག་གིས་དེའི་སྣ་བླངས་ཏེ་ཉི་མ་ལ་ལྟ་ཞིང་འཛིན་ཏོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག། ཅིའི་ཕྱིར་གླང་འདི་དག་ཉི་མ་ལ་ལྟ་ཞིང་འཁོད། དེ་ན་བློན་པོ་གཅིག་གིས་སྨྲས་པ། ལྷ། འདི་དག་དོན་གྱིས་ན། ལྷ་ལ་གསོལ་བར་བགྱིད་དེ། བདག་ཅག་འབའ་ཞིག་ཆེ་བཞི་ལགས་པར་མ་བས་ཀྱི། འཇིག་རྟེན་སྐྱོང་བ་
Cha323a
༄#། །ལྔ་པ་གདུགས་འདི་ཡང་ཆེ་བཞི་གཞན་ལགས་སོ། །ཞེས་མཆིའོ། །རྒྱལ་པོ་ངོ་མཚར་སྐྱེས་ནས་བློན་པོ་རྣམས་ལ་བསྒོ་བ། ཤེས་ལྡན་དག། མི་མ་ཡིན་པར་དག་གིས་ཆེ་བཞི་ཕྱེའི།་ཁྱིམ་བདག་གི་བུ་འདི་ལ་དེའི་བུ་མོ་སྦྱིན་དུ་ཆུག་ཅིག། ཁྱིམ་བདག་གི་བུ་དེས་ཁྱིམ་བདག་དེ་ཕམ་པར་བྱས་ནས་དེ་ལ་བུ་མོ་བྱིན་ནོ། །དགེ་སློང་དག་རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་མིས་སྐྱོན་ནས་སྨྲ་བས་ཀུན་ཏུ་སྤྱོད་པ་ན་གསོད་པར་སེམས་ན། མི་རྣམས་ལྟ་སྨོས་ཀྱང་ཅི་དགོས། དེ་ལྟ་བས་ན། དགེ་སློང་གིས་དགེ་སློང་ལ་མིའི་སྐྱོན་ནས་སྨྲ་བས་ཀུན་ཏུ་སྤྱད་པར་མི་བྱའོ། །དགེ་སློང་དག། སྔོན་བྱུང་བ། འདས་པའི་དུས་ན་རི་བྲག་ཅིག་ན་ཁྱིམ་བདག་ཤིང་རྟ་སྤྱོད་པ་ཞིག་འདུག་པ་དེ་ལ། བ་དགའ་བྱེད་དང ། ས་རི་ཞེས་བྱ་བ་གཉིས་ཤིག་ཡོད་པ་དེ་གཉིས་ལས། དཔྱིད་ཀྱི་ཟླ་བ་ལ་བེའུ་ཁྲ་བོ་དང ། ཉེ་བཀྲ་གཉིས་ཤིག་འབྲངས་སོ། །དེ་ནས་དགའ་བྱེད་ཀྱི་བེའུ་ནི། རུ་འདེལ་ཞིག་ཡིན་པ། ས་རིའི་བེའུ་ནི། ཁུ་ཡུ་ཞིག་ཡིན་ནས་དེས་གཅིག་གི་མིང་ནི། དགའ་བྱེད་རུ་འདེལ་ཞེས་བྱ་བར་བཏགས། གཅིག་གི་མིང་ནི། ས་རི་ཁུ་ཡུ་ཞེས་བྱ་བར་བཏགས་ཏེ། དེ་གཉིས་དུས་གཞན་ན་གླང་པོ་ཆེ་གཉིས་སུ་གྱུར་ཏོ། །དུས་གཞན་ཞིག་ན་ཤིང་རྟ་སྤྱོད་པ་དག་ཆང་གྲལ་དུ་ཚོགས་ཏེ་གཏམ་ཟེར་བ་ན། ཤེས་ལྡན་དག། བདག་ཅག་ལས་སུའི་གླང་དག་བཟང་ཞེས་སྨྲས་པ་དག། དེ་ན་གཅིག་ན་རེ། ཁོ་བོའི་ཟང་ངོ ། །ཞེས་ཟེར་རོ། །ཡང་གཞན་ཞིག་ན་རེ། ཁོ་བོའི་བཟང་
Cha323b
ངོ།་ཞེས་ཟེར་རོ། །ཤིང་རྟ་སྤྱོད་པ་དེ་ན་རེ། ཁོ་བོའི་བཟང་ངོ ། །ཞེས་ཟེར་རོ། །དེ་དག་གིས་སྨྲས་པ། ཇི་ལྟར་ཤེས། དེས་སྨྲས་པ། ལམ་དམའ་བ་ནས་ཤིང་རྟར་ཁལ་འདི་ཙམ་བཞག་སྟེ་ཀཪྴ་པ་ཎ་ལྔ་བརྒྱ་སྐུགས་སུ་བཙུགས་ལ་གླང་གཉིས་བདའ་བར་བྱའོ། །དེ་དག་གིས་ཡུམ་དམའ་བ་ནས་ཤིང་རྟར་ཁལ་དེ་ཙམ་བཞག་སྟེ་ཀཪྴ་པ་ཎ་ལྔ་བརྒྱ་སྐུགས་སུ་བཙུགས་ནས་གླང་དེ་གཉིས་འདེད་དུ་བཅུག་གོ། ཤིང་རྟ་སྤྱོད་པ་དེས། དགའ་བྱེད་རུ་འདེལ་སོང་ཞིག་།ས་རི་ཁུ་ཡུ་སོང་ཞིག་ཅེས་བདའ་བར་བརྩམས་པ་དང ། གླང་དེ་གཉིས་མི་འགུལ་བར་འཁོད་ནས། དེས་གླང་ངོ་གཉིས་ལ་ཁག་པས་གཙག་པར་བརྩམས་པ་དང ། ཤིང་རྟ་སྤྱོད་པ་གཞན་དག་གིས་སྨྲས་པ། ཁྱོད་ཕམ་གྱི། བ་ལང་མ་གསོད་པར་གླང་འདི་གཉིས་ཐོང་ལ་སྐུགས་འཇོལ་ཅིག། ཅེས་དེ་དག་གིས་དེ་ཀཪྴ་པ་ཎ་ལྔ་བརྒྱ་འཇལ་དུ་བཅུག་གོ། ཤིང་རྟ་སྤྱོད་པ་དེས་གླང་དེ་གཉིས་ལ་སྤྱོས་ཏེ་ལྕག་མང་པོས་བཞུས་ནས་ཉི་མ་ལ་ཤིང་སྐམ་ལ་བཏགས་ཏེ་བཞག་གོ་།ཆོས་ཉིད་ཀྱིས་ན། འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་མིའི་སྐད་སྨྲ་ཤེས་པས་དེ་གཉིས་ཀྱིས་སྨྲས་པ། ཁྱོད་བདག་ཅག་གི་ཕ་མ་དང་འདྲ་བར་འདུག་འདུག་ན། བདག་ཅག་གིས་ཁྱོད་ལ་ཉས་པ་བྱས་སམ། ཅི་ན། ཁྱོད་ཀྱིས་བདག་ཅག་ལྕག་མང་པོས་བཞུས་ཏེ་ཉི་མ་ལ་ཤིང་སྐམ་ལ་བཏགས་ཏེ་འཇོག་པར་བྱེད། དེས་སྨྲས་པ། ཁྱེད་གཉིས་ཀྱིས་ནུས་བཞིན་དུ་སྒྱུ་བྱས་ཏེ་ཁོ་བོ་ཀཪྴ་པ་ཎ་ལྔ་བརྒྱའི་སྐུགས་འཇལ་དུ་བཅུག་གོ་།དེ་གཉིས་ཀྱིས་སྨྲས་པ། ཁྱོད་རང་གི་ལྕེས་
Cha324a
༄#། །ལྐུགས་འཇལ་དུ་བཅུག་གོ་།ཇི་ལྟར་གྱུར། བདག་ཅག་གཉིས་ཀྱི་གཅིག་གི་མིང་ནི། དགའ་བྱེད་ཅེས་བྱ། གཅིག་གི་མིང་ནི། ས་རི་ཞེས་བྱ་བ་ན། ཁྱོད་ཅིའི་ཕྱིར་ཁོ་བོ་ཅག་གཉིས་ལ་རུ་འདེལ་དང ། ཁུ་ཡུ་ཞེས་མིང་མི་སྙན་པར་རྗོད་པར་བྱེད། དེ་ལྟ་མོད་ཀྱ། ད་ལམ་ཆེས་དམའ་བ་ནས་ཤིང་རྟར་ཁལ་དེའི་ཉིས་འགྱུར་བཞག་སྟེ་ཀཪྴ་པ་ཎ་དེའི་ཉིས་འགྱུར་སྐུགས་སུ་ཚུགས་ལ་ཁོ་བོ་ཅག་གཉིས་དོས་ཤིག་།ཅི། ཁྱེད་གཉིས་ཡང་ཁོ་བོ་སྐུགས་འཇལ་དུ་གཞུག་པར་འདོད་དམ། བདག་ཅག་གཉིས་ལ་མིང་མི་སྙན་པ་མ་རྗོད་ཅིག་དང ། ཁྱོད་སྐུགས་ནོད་དུ་གཞུག་གོ། དུས་གཞན་ཞིག་ན་ཤིང་རྟ་སྤྱོད་པ་དེ་དག་ཡང་ཆང་གྲལ་དུ་ཚོགས་ཏེ་གཏམ་ཟེར་བ་ན། ཤེས་ལྡན་དག། བདག་ཅག་ལས་སུའི་གླང་དག་བཟང་ཞེས་སྨྲས་པ་དང ། དེ་ན་གཅིག་ན་རེ། ཁོ་བོའི་བཟང་ངོ ། །ཞེས་ཟེར་རོ། །ཡང་གཞན་ཞིག་ན་རེ། ཁོ་བོའི་བཟང་ངོ ། །ཞེས་ཟེར་རོ། །ཤིང་རྟ་སྤྱོད་པ་དེ་ན་རེ། ཁོ་བོའི་བཟང་ངོ ། །ཞེས་ཟེར་རོ། །དེ་དག་གིས་སྨྲས་པ། ཀྱེ་ནང་རྗེ། ཁྱོད་ཡང་བདག་ཉིད་སྐུགས་འཇལ་དུ་གཞུག་པར་འདོད་དམ། དེས་སྨྲས་པ། ཁྱེད་ཅག་ལ་ཅི་གནད། ད་ལམ་ཆེས་དམའ་བ་ནས་ཤིང་རྟར་ཁལ་དེ་ཉིས་འགྱུར་བཞག་སྟེ་ཀཪྴ་པ་ཎ་སྟོང་སྐུགས་སུ་གཅུགས་ལ་གླང་དག་བདའ་བར་བྱའོ། །དེ་དག་གིས་ལམ་ཆེས་དམའ་བ་ནས་ཤིང་རྟར་ཁལ་དེ་ཉིས་འགྱུར་བཞག་སྟེ་ཀཪྴ་པ་ཎ་སྟོང་སྐུགས་སུ་བཙུགས་ནས་གླང་དེ་གཉིས་འདེད་དུ་བཅུག་གོ། ཤིང་རྟ་སྤྱོད་པ་དེས་དགའ་བྱེད་སོང་ཞིག། ས་རི་སོང་ཞིག། ཅེས་བདའ་བར་བརྩམས་
Cha324b
པ་དང ། དེ་གཉིས་ཀྱིས་ཁལ་དེ་མྱུར་བ་མྱུར་བ་ཁོ་ནར་ཐང་ལ་བསྐྱལ་ཏེ་ཤིང་རྟ་སྤྱོད་པ་དེས་སྐུགས་ཀཪྴ་པ་ཎ་སྟོང་ཐོབ་པ་དང་ལྷས་ཚིགས་སུ་བཅད་པ་དག་སྨྲས་པ། གང་ཚེ་ཁལ་ནི་ཆེས་ལྕི་ཞིང ། གང་ཚེ་ལམ་ཡང་ཆེས་དམའ་བ། །དེ་ཚེ་དེ་གཉིས་ཁལ་ཁྱེར་ཞིང ། །དེ་ཚེ་ཤིང་རྟ་འདྲེན་པར་བྱེད། །ཡིད་དུ་འོང་བ་བརྗོད་བྱས་ནས། །ཤིན་ཏུ་ལྕི་བའི་ཁལ་ཁྱེར་ཅིང ། །དེ་ཡང་རྙེད་དང་ལྡན་གྱུར་ལ། །དེ་གཉིས་ཀྱང་ནི་ཡིད་དགར་གྱུར། དེ་བས་ཡིད་འོང་བརྗོད་བྱ་ཞིང ། །ཡིད་དུ་མི་འོང་ནམ་ཡང་མིན། །ཡིད་དུ་འོང་བརྗོད་བྱེད་ན། །དགེ་བར་འགྱུར་ཞིང་སྡིག་མེད་ཡིན། །དགེ་སློང་དག། རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་མིས་སྐྱོན་ནས་སྨྲ་བས་ཀུན་ཏུ་སྤྱད་པ་ན་བྱམས་པའི་རྒྱུན་གཅོད་པར་བྱེད་ན། མི་རྣམས་ལྟ་སྨོས་ཀྱང་ཅི་དགོས། དེ་ལྟ་བས་ན། དགེ་སློང་གིས་དགེ་སློང་ལ་མིའི་སྐྱོན་ནས་སྨྲ་བས་ཀུན་ཏུ་སྤྱད་པར་མི་བྱའོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མིའི་སྐྱོན་ནས་སྨྲ་ན། ལྟུང་བྱེད་དོ། །མིའི་སྐྱོན་ནས་སྨྲ་ན་ཞེས་བྱ་བ་ནི། མིའི་སྐྱོན་ནས་སྨྲ་བའི་བསམ་པས་ངག་དང ། ཚིག་དང་ཐ་སྙད་དང ། སྐད་དང ། བརྗོད་པ་དང ། ངེས་པའི་ཚིག་གི་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་རྣམ་པར་
Cha325a
༄#། །རིག་བྱེད་སྨྲ་ནའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚེད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ། རིགས་དང་བཟོ་དང་ལས་དང་ནི། །རྟགས་ནང་ལྟུང་བ་སྡེ་ལྔ་དང ། །ཉེ་བའི་ཉོན་མོངས་རྣམས་དང་ནི། །སྤྱི་བོར་བྱེད་པ་ཐ་མ་ཡིན། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲམ་ཟེ་ལས་རབ་ཏུ་བྱུང་བ་ཡིན་ནོ།། ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྒྱལ་རིགས་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་
Cha325b
སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྗེའུ་རིགས་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད།་ཚེ་དང་ལྡན་པ་ནི། དམངས་རིགས་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཐ་ག་པ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཐ་ག་པ་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཁབ་རིས་མཁན་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་
Cha326a
༄#། །སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བཟང་མཁན་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ལྕགས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ལྕགས་མགར་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྡུངས་མགར་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཀོ་ལྤགས་མཁན་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས།
Cha326b
རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྫ་མཁན་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། འབྲེག་མཁན་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཤིང་མཁན་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། ། དགེ་སློང་གིས་མིའི་སྐྱོན་ནས་སྨྲ་བའི་བསམ་པས། སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། སྨྱིག་མ་མཁན་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་
Cha327a
༄#། །བསམ་པས། བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲན་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲམ་ཟེ་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྦྲ་དང ། ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུམ་བླང་བ་དང ། ས་བླང་བ་དང ། ལག་སྟངས་དང ། ཐོར་ཚུགས་དང ། རབ་བསྔགས་བྱ་བ་དང ། ཀྱེ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། མཆོད་སྦྱིན་བྱེད་པ་དང ། མཆོད་སྦྱིན་བྱེད་དུ་འཇུག་པ་དང ། ཀློག་པ་དང ། ཀློག་ཏུ་འཇུག་པ་དང ། སྦྱིན་པ་དང ། ལེན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ཉེས་བྱས་སུ་འགྱུར་རོ། ། དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་
Cha327b
ལྡན་པ་ནི། རྒྱལ་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། གླང་པོ་ཆེའི་གཉར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། འཕོང་དང་ཕྱིར་བསྣུར་བ་དང ། མདུན་དུ་བསྣུར་བ་དང ། ལྕགས་ཀྱུས་སྒྱུར་ཐབས་དང ། ཞགས་པ་གདབ་པ་དང ། མདའ་བོ་ཆེའི་འཕེན་ཐབས་དང ། འཛིན་སྟངས་དང ། གོམ་སྟབས་དང ། ཐོར་ཚུགས་དང ། གཅད་པ་དང ། དྲལ་བ་དང ། དབུག་པ་དང ། རྒྱང་ནས་ཕོག་པ་དང ། སྒྲ་གྲགས་པར་ཕོག་པ་དང ། གནད་དུ་ཕོག་པ་དང ། མི་འཆོར་བར་ཕོག་པ་དང ། ཚབས་ཆེ་བ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྗེའུ་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ཞིང་རྨོ་བ་དང ། བ་ལང་སྲུང་བ་དང ། ཚོང་བྱ་བ་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། དམངས་རིགས་ལས་རབ་ཏུ་བྱུང་བ་ཡིན་གྱི།
Cha328a
༄#། །ཚེ་དང་ལྡན་པས་རང་གི་བཟོ་འདི་ལྟ་སྟེ། ཟོར་བ་དང ། ཕྲག་རྡང་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཐག་པ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཐ་ག་པ་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། དར་དག་དང ། རས་ཡུག་ཆེན་དག་དང ། བེའུ་རས་དག་དང ། དར་ལ་དག་དང ། དུ་གུ་ལ་དག་དང ། ཀོ་ཏམ་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཁབ་རིས་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། བེའུ་རས་དང ། ཡུག་ཆེན་དང ། པར་ཐང་དང ། ཁབ་རིས་དང ། ཁྲིའུ་ཚེ་དང ། གོར་བུ་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་
Cha328b
ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བཟང་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ཞཝ་དང ། ཞཝ་སྒྲེ་བོ་དང ། བྱིས་པའི་གོས་དང ། ཤིང་ང་དཔུང་ཆད་དང ། དོར་མང་དག་དང ། དོར་ཐུང་དག་དང ། བཟང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ལྕགས་མཁར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ལྕགས་མཁར་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ལྷུང་བཟེད་དང ། ལྷུང་བཟེད་ཆུང་དུ་དང ། ཁབ་དང ། གྲི་དག་དང ། སེན་གྲི་དག་དང ། ལྕགས་མཁར་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྡུངས་མགར་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། འཁར་གཞོང་དག་དང ། གཞོང་བུ་དག་དང ། ཆ་ལང་དག་དང ། སྐོམ་པོར་དང ། རིལ་བ་དག་དང ། རྡུངས་མགར་གྱི་བཟོ་གཞན་གང་ཡིན་པ་དག་
Cha329a
༄#། །བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཀོ་ལྤགས་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ལྷམ་སྒྲོག་གུ་ཅན་དག་དང ། ལྷམ་ཡུ་ཆད་དག་དང ། མཆིལ་ལྷམ་དག་དང ། སྒྲ་དག་དང ། དོང་པ་དག་དང ། ཀོ་ལྤགས་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་སྨྲ་བའི་བསམ་པས། རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྫ་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། རྫ་མ་དག་དང ། བུམ་པ་དག་དང ། རིལ་བ་དག་དང ། རྫེའུ་དག་དང ། ཁམ་ཕོར་དག་དང ། རྫ་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་
Cha329b
ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། འབྲེག་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། སྐྲ་འབྲེག་པ་དང ། སེན་མོ་འབྲེག་པ་དང ། ཁ་སྤུ་འབྲེག་པ་དང ། བྱིན་པ་བཅོས་པ་དང ། འབྲེག་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཤིང་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ཁྲི་དག་དང ། ཁྲིའུ་དག་དང ། ན་དག་དང ། ན་ཁྲིའུ་དག་དང ། སྒོ་གླེགས་དག་དང ། ཤིང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། སྨྱིག་མ་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། སྐོན་བུ་དག་དང ། སྤྲོག་མ་དག་དང ། གདུགས་དག་དང ། བསིལ་ཡབ་དག་དང ། དུད་གཟེབ་དག་དང ། སྨྱིག་མ་མཁན་གྱི་བཟོ་གཞན་
Cha330a
༄#། །གང་ཡིན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། བསྐུ་མཉེ་དང ། དྲིལ་ཕྱི་དང ། ཁྲུས་དང ། ཕོ་ཉར་འགྲོ་བ་དང ། མངག་པ་དང ། བྲན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་སོ་དགུ་པ། དགེ་སློང་གིས་མིའི་སྐྱོན་ནས་སྨྲ་བའི་བསམ་པས། བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲམ་ཟེ་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་ལས་འདི་ལྟ་སྟེ། བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྦྲ་དང ། ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུམ་བླང་བ་དང ། ས་བླང་བ་དང ། ལག་སྟངས་དང ། ཐོར་ཚུགས་དང ། རབ་བསྔགས་བྱ་བ་དང ། ཀྱེ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། མཆོད་སྦྱིན་བྱེད་པ་དང་མཆོད་སྦྱིན་བྱེད་དུ་འཇུག་
Cha330b
པ་དང ། ཀློག་པ་དང་ཀློག་ཏུ་འཇུག་པ་དང ། སྦྱིན་པ་དང ། ལེན་པ་དང ། བྲམ་ཟེའི་ལས་གཞན་གང་ཡིན་པ་དག་ཀྱང་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྒྱལ་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་ལས་འདི་ལྟ་སྟེ། གླང་པོ་ཆེའི་གཉར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། འཕོང་དང་ཕྱིར་བསྣུར་བ་དང ། མདུན་དུ་བསྣུར་བ་དང ། ལྕགས་ཀྱུའི་སྒྱུར་ཐབས་དང ། ཞགས་པ་གདབ་པ་དང ། མདའ་བོ་ཆེ་འཕེན་ཐབས་དང ། འཛིན་སྟངས་དང ། གོམ་སྟངས་དང ། ཐོར་ཚུགས་དང ། གཅད་པ་དང ། དྲལ་བ་དང ། དབུག་པ་དང ། རྒྱང་ནས་ཕོག་པ་དང ། སྒྲ་གྲག་པར་ཕོག་པ་དང ། གནད་དུ་ཕོག་པ་དང ། མི་འཚོར་བར་ཕོག་པ་དང ། ཚབས་ཆེ་བ་དང ། རྒྱ་ལ་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྗེའུ་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་ལས་
Cha331a
༄#། །འདི་ལྟ་སྟེ། ཞིང་རྨོ་བ་དང ། བ་ལང་སྲུང་བ་དང ། ཚོང་བྱ་བ་དང ། རྗེའུ་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། དམངས་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་ལས་འདི་ལྟ་སྟེ། ཟོར་བ་དང ། ཕྲག་རྡང་དང ། དམངས་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཐ་ག་པ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཐག་པ་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། ཐག་བཟང་དང ། སོན་པ་དང ། དྲུ་གུ་དང ། སྣས་ལ་སོགས་པས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་
Cha331b
ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཁབ་རིས་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། རྒྱང་ཤིང་དང ། སྐུད་པ་དང ། ཚོན་དང ། ཕུར་པ་དང ། སོ་མང་གིས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བཟང་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། ཁབ་དང ། སྐུད་པ་དང ། གྲི་དང ། ཆན་པ་དང ། ལྕུག་མོས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ལྕགས་མཁར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ལྕགས་མཁར་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྦུད་པ་དང ། སྦུད་རུ་དང ། ཏི་ཚ་དང ། སྐམ་པ་དང ། ཐོ་བས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་
Cha332a
༄#། །ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྡུངས་མགར་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྦུད་པ་དང ། སྦུད་རུ་དང ། ཏི་ཚ་དང ། སྐམ་པ་དང ། ཐོ་བས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཀོ་ལྤགས་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། རྒྱུས་པ་དང ། རྒྱིའུ་དང ། འབྲེང་བུ་དང ། དྲ་གྲི་དང ། སྨྱུང་དང ། སྨྱུང་བུས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྫ་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། འཁོར་ལོ་དང ། དབྱིག་གུ་དང ། ཐ་གུ་དང ། འཁོར་ལོའི་རྟེན་མ་དང ། གསལ་གྱིས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་
Cha332b
མིའི་སྐྱོན་ནས་སྨྲ་བའི་བསམ་པས། འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། འབྲེག་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྤུ་གྲི་དང ། ཆན་པ་དང ། བདར་དང ། སྨང་ཚེར་དང ། སེན་གྲིས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཤིང་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྟེའུ་དང ། སྟ་རེ་དང ། གཟོང་དང ། སོག་ལེ་དང ། ཐོ་བས་རང་གི་ལས་བྱའོ། ། ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། སྨྱིག་མ་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྨྱིག་མ་དང ། གྲི་དང ། ཚོན་དང ། སྨྱུག་ཐོ་དང ། ལྷང་ཚེར་གྱི་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་
Cha333a
༄#། །སྐྱོན་ནས་སྨྲ་བའི་བསམ་པས། བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། བསྐུ་མཉེ་དང ། དྲིལ་ཕྱི་དང ། ཁྲུས་དང ། ཕོ་ཉར་འགྲོ་བ་དང ། མངག་པས་རང་གི་ལས་བྱའོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེ་ཚུལ་ག་ལ་ཡོད། ཚེ་དང་ལྡན་པ་ནི། འཐེང་པོ་དང ། སྨད་འཆལ་དང ། ཞར་བ་དང ། ལག་སོར་རྡུམ་པོ་དང ། སྒུར་པོ་དང ། མིའུ་ཐུང་དང ། ལྦ་བ་ཅན་དང ། གླེན་པ་དང ། ལྐུག་པ་དང ། གྲུམ་པོ་དང ། འོན་པ་དང ། རྟེན་འཕྱེ་དང ། རྐང་བམ་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། མཛེ་ཅན་དང ། འབྲུམ་བུ་ཕྲ་མོ་ཅན་དང ། ངལ་སྐྱེན་པ་ཅན་དང ། ཤུ་བ་ཅན་དང ། གཡན་པ་ཅན་དང ། ཁྱི་རྡོ་ཅན་དང ། གློག་པ་ཅན་དང ། རྐང་ཤུ་ཅན་དང ། སྐྱིགས་བུ་ཅན་དང ། སྐྱུག་བྲོ་ཅན་དང་
Cha333b
ཁོང་སྐེམ་ཅན་དང ། རིམས་ཅན་དང ། རིམས་དྲག་པོ་ཅན་དང ། ལུད་པ་ཅན་དང ། དབུགས་མི་བདེ་བ་ཅན་དང ། སྐེམ་ནད་ཅན་དང ། བརྗེད་བྱེད་ཅན་དང ། བཀྲེས་པ་ཅན་དང ། སྐྱ་རྦབ་ཅན་དང ། ཚིལ་པོ་ཆེ་དང ། སྐྲན་ཅན་དང ། ཁྲག་ནད་ཅན་དང ། མཁྲིས་ནད་ཅན་དང ། མཚན་པར་རྡོལ་བ་ལས་རབ་ཏུ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཕམ་པར་འགྱུར་བ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པར་བྱ་བ་དང ། ཉེས་བྱས་ཀྱི་ལྟུང་བ་བྱུང་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཁྲོ་བ་དང ། འཁོན་དུ་འཛིན་པ་དང ། འཆབ་པ་དང ། དངན་དུས་ཅན་དང ། ཕྲག་དོག་ཅན་དང ། སེར་སྣ་ཅན་དང ། གཡོན་ཅན་དང ། སྒྱུ་ཅན་དང ། ངོ་ཚ་མེད་པ་དང ། ཁྲེལ་མེད་པ་དག། སྡིག་པ་འདོད་པ་དང ། ལོག་པར་ལྟ་བ་ཡིན་ནོ། །ཞེས་སྨྲས་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་མིའི་སྐྱོན་ནས་སྨྲ་བའི་
Cha334a
༄#། །བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རོ་ལྟ་བུ་ཡིན་ནོ། །ཞེས་བྱ་བ་ལ་སོགས་པའི་སྤྱོ་བ་དག་གིས་སྤྱོ་བར་བྱེད་ན། དགེ་སློང་སྤ་གོང་བ་ཉིད་དུ་གྱུར་ཀྱང་རུང ། མ་གྱུར་ཀྱང་རུང ། དགེ་སློང་ལ་ལྟུང་བྱེད་དུ་འགྱུར་རོ། །གལ་ཏེ་མིང་དེ་ལྟ་བུ་མང་པོ་དག་ཡོད་པར་གྱུར་ན། དེ་ལ་ལན་གདབ་པར་སྨྲ་བ་སངས་རྒྱས་སྐྱོང་གང་ཡིན་ཞེས་ཟེར་བ་ལ། བྲམ་ཟེ་ལས་རབ་ཏུ་བྱུང་བ་གང་ཡིན་པ་དེའོ། །ཞེས་བྱ་བ་ལ་སོགས་པ་སྔ་མ་ལྟ་བུ་དག་བརྗོད་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མིའི་སྐྱོན་ནས་སྨྲ་བའི་ལྟུང་བྱེད་དེ། གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་དགེ་སློང་རྣམས་ལ་ཕྲ་མས་ཀུན་ཏུ་སྤྱོད་པར་བྱེད་དེ། ཕྲ་མས་ཀུན་ཏུ་སྤྱོད་པ་ན་དགེ་སློང་དག་སྤ་གོང་བ་དང ། གཟེངས་དམས་པ་དང ། ཞུམ་པར་གྱུར་ནས་ལུང་མནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་ཀྱང་གཏོང་བར་བྱེད། འདི་ལྟར་དུས་ཡུན་རིང་པོ་ནས་ཉེ་བར་བསགས་པ། ཆོས་དང་ལྡན་པའི་གཅུགས་པའི་རྒྱུན་ཡད་གཅོད་པར་བྱེད་ནས། དགེ་སློང་དོན་ཉུང་ངུ་དག། ཅིའི་ཕྱིར་དགེ་སློང་དག་དགེ་སློང་རྣམས་ལ་ཕྲ་
Cha334b
མས་ཀུན་ཏུ་སྤྱོད་པར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག། ཁྱེད་དགེ་སློང་རྣམས་ལ་ཕྲ་མས་ཀུན་ཏུ་སྤྱོད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དགེ་སློང་དག། སྔོན་བྱུང་བ། འདས་པའི་དུས་ན་ནགས་ཚལ་ཞིག་ན་སེང་གེ་མོ་སྦྲུམ་མ་ཞིག་འདུག་སྟེ། སེང་གེ་མོ་རྣམས་ཀྱི་ཀུན་ཏུ་སྤྱོད་པ་ནི། གང་གི་ཚེ་འབྲང་པའི་དུས་ལ་བབ་པ་དེའི་ཚེ་ན་ཤའི་ཚོགས་བྱས་ཏེ་འབྲང་བར་བྱེད་པས། སེང་གེ་མོ་དེ། བ་ལང་གི་ཚོགས་ཆེན་པོ་ཞིག་གི་ཕྱི་བཞིན་དུ་རྗེས་སུ་སོང་བ་དང ། བ་འབྲངས་ནས་རིང་པོ་མ་ལོན་པ་བེའུ་རྗེས་སུ་སྐྱོང་བར་བྱེད་པ་ཞིག་ཁྱུའི་ཕྱི་བཞིན་འབྲང་ཞིང་འགྲོ་བ་དེ། སེང་གེ་མོ་དེས་བསད་ནས་ཤ་ཁྱེར་ཏེ་རང་གི་ཚང་དུ་སོང་ངོ ། །བེའུ་དེ་ཡང་མའི་ནུ་མ་འཐུང་འདོད་པས་དེའི་ཕྱི་བཞིན་ཕྱི་བཞིན་དུ་སོང་བ་དང ། སེང་གེ་མོས་བསམ་པ། བེའུ་
Cha335a
༄#། །འདི་ཡང་གསད་པར་བྱའོ། །སྙམ་ན་ཡང་བསམ་པ། གལ་ཏེ་བདག་གིས་བུ་འབྲངས་པར་གྱུར་ན། འདི་དེའི་ཆུང་པོ་གྲོགས་སུ་འགྱུར་གྱི། མི་གསད་དོ་སྙམ་མོ། །སེང་གེ་མོ་དེ་འབྲངས་ནས་དེ་ལས་ཕྲུ་གུ་ཕོ་ཞིག་བྱུང་བ་དང ། སེང་གེ་མོ་དེས་རང་གི་ཕྲུ་གུ་དང ། བེའུ་དེ་གཉིས་ཀ་ནུ་མ་བསྣུན་པར་བརྩམས་ནས་ཇི་ཙམ་དུས་གཞན་ཞིག་ན་དེ་གཉི་ག་ཆེན་པོར་གྱུར་ཏོ། །དུས་གཞན་ཞིག་ན་སེང་གེ་དེ་ན་བར་གྱུར་ནས་འཆི་བའི་དུས་ཀྱི་ཚེ་སྨྲས་པ། བུ་གཉིས། ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱི། ཁོ་མོ་འདས་པའི་འོག་ཏུ་ཁྱེད་གཉིས་ཀྱིས་འགའ་ཡང་མཉན་པར་མི་བྱའོ། །ཞེས་སྨྲས་ནས། བསགས་པ་ཀུན་གྱི་མཐའ་འཛད་ཅིང ། མཐོན་པོ་རྣམས་ཀྱི་མཐའ་ལྟུང་འགྱུར། །འཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་ཆོས་དང་ལྡན་པར་གྱུར་ཏོ། །སེང་གེ་དེ་རི་དྭགས་དམ་པ་དམ་པ་དག་བསད་ནས་ཤ་དམ་པ་དམ་པ་དག་ཟ་ཞིང་ཁྲག་མང་པོ་དག་འཐུང་བས་ཆེན་པོར་གྱུར་ཏོ། །ཁྱུ་མཆོག་དེ་ཡང་སེང་གེས་བསྲུངས་པའི་རྩཝ་བཟང་པོ་དག་ཟ་ཞིང་ཆུ་གཙང་མ་དག་འཐུང་བས་ཆེན་པོར་གྱུར་ཏོ། །རི་དྭགས་ཀྱི་རྒྱལ་པོ་སེང་གེ་དེ་ལ་ཝ་རྒན་པོ་རབ་ཏུ་བརྐམ་པ། ལྷག་མ་ཟ་བ་ཞིག་འཁོར་ཞིང ། ཕྱི་བཞིན་ཕྱི་བཞིན་རྗེས་སུ་འབྲང་ནས་སེང་གེ་དེས་རི་དྭགས་དམ་པ་དམ་པ་དག་བསད་ནས་ཤ་དམ་པ་དག་ཟོས་ཤིང ། ཁྲག་དམ་པ་དག་འཐུངས་ནས། བག་ཚ་བ་མེད་པར་དེ་ན་འདུག་པས། ཕྱོགས་དེར་གཅན་
Cha335b
གཟན་ཕྲ་མོ་གཞན་དག་གིས་ཉེ་མི་ཕོད་པས། ཝ་རྒན་པོ་དེ་སེང་གེ་དེས་རི་དྭགས་དམ་པ་དག་བསད་ནས་ཤ་དམ་པ་དག་ཟོས་ཤིང་ཁྲག་དམ་པ་འཐུངས་པའི་ཤའི་ལྷག་མ་དང ། ཁྲག་གི་ལྷག་མ་དག་ཟ་ཞིང་འཐུང་བས། པགས་པ་དང ། ཤ་དང ། ཁྲག་རྒྱས་པར་གྱུར་ཏོ། །ཇི་ཙམ་དུས་གཞན་ཞིག་ན་སེང་གེ་དེ་རི་དྭགས་དམ་པ་དམ་པ་དག་བསད་ནས་ཤ་དམ་པ་དག་ཟོས་ཤིང་ཁྲག་དམ་པ་དག་འཐུངས་ནས་མྱུར་བ་མྱུར་བར་ཁོ་ནར་ཚང་དུ་སོང་སྟེ་ཁྱུ་མཆོག་དེ་དང་ལྷན་ཅིག་རྩེ་ཞིང་འདུག་པར་བྱེད་ནས། ཤའི་ལྷག་མ་དེ་དག་ཀྱང་གཅན་གཟན་ཕྲ་མོ་གཞན་དག་གིས་ཟོས་ནས་ཝ་རྒན་པོ་དེས་བསམ་པ། སེང་གེ་འདི་གང་དུ་འགྲོ་བ་ཇེ་བལྟ་བར་བྱའོ། །སྙམ་ནས། དེ་དེའི་ཕྱི་བཞིན་ཕྱི་བཞིན་དུ་སོང་བ་དང ། ཇི་ཙམ་ན་ཁྱུ་མཆོག་དང་ལྷན་ཅིག་རྩེ་ཞིང་འདུག་པ་མཐོང་ནས། དེས་བསམ་པ། ཁྱུ་མཆོག་འདི། བདག་གི་ལྟོའི་དགྲར་གྱུར་པ་ཡིན་གྱི། བདག་གི་འདི་གཉིས་དབྱེ་བར་བྱའོ། །སྙམ་ནས་ཝ་རྒན་པོ་དེས་ཁྱུ་མཆོག་དེའི་མདུན་དུ་རྣ་བ་ཕབ་སྟེ་འདུག་པ་དང ། ཁྱུ་མཆོག་གིས་སྨྲས་པ། ཞང་པོ། རླུང་ཚ་བ་དག་མི་ལྡང་ངམ། ཝས་སྨྲས་པ། ཚ་བོ། རླུང་རབ་ཏུ་འབར་བ་དག་ལྡང་ངོ ། །ཅི་ཉེས། སེང་གེ་འདི་ན་རེ། ཁོ་བོའི་ཤ་ཚོགས་རྒྱུ་ཁྱུ་མཆོག་དེ་གར་སོང ། གང་གི་ཚེ་ཁོ་བོས་ཤ་གཞན་མ་རྙེད་པ་དེའི་ཚེ་ཁོ་བོས་ཁྱུ་མཆོག་འདི་བཟའ་བར་བྱའོ། །ཞེས་ཟེར་རོ། །ཁྱུ་མཆོག་གིས་སྨྲས་པ། ཞང་པོ། ཁོ་བོ་ཅག་གཉིས་ལ་མས་འཆི་ཁར། བུ་གཉིས། ཁྱེད་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱི། ཁོ་
Cha336a
༄#། །མོ་འདས་པའི་འོག་ཏུ་ཁྱེད་གཉིས་འགའ་ཡང་མཉན་པར་མི་བྱའོ། །ཞེས་ཁ་ཆེམས་བཞག་གི་ཁྱོད་དེ་སྐད་མ་ཟེར་ཅིག་།ཝས་སྨྲས་པ། ཚ་བོ། ཁྱོད་ད་ཁོ་བོ་ཕན་པར་འདོད་པའི་ཚིག་མི་ཉན་ན། ཆུད་ཟོས་པར་འོང་ངོ ། །ཁྱུ་མཆོག་གིས་སྨྲས་པ། ཞང་པོ། གོ་རིམ་ཇི་ལྟར་འོང་བར་འགྱུར། ཝས་སྨྲས་པ། ཚ་བོ། སེང་གེ་འདི་ཚང་ནས་བྱུང་ནས་བྱ་སྨྱངས་བྱེད་པར་འགྱུར་ལ། བྱ་སྨྱངས་བྱས་ནས་གླལ་བར་འགྱུར་ཞིང ། གླལ་ནས་ཕྱོགས་བཞིར་རྣམ་པར་བལྟ་བར་འགྱུར། ཕྱོགས་བཞིར་རྣམ་པར་བལྟས་ནས་སེང་གེའི་སྐད་ཐང་གསུམ་ཕྱུང་སྟེ་ཁྱོད་ཀྱི་མདུན་དུ་འོང་བར་འགྱུར་བ་ན། ཁྱོད་ཀྱིས་བདག་འདིས་གསད་དོ། །སྙམ་དུ་ཤེས་པར་གྱིས་ཤིག་།ཝ་དེ། དེའི་འོག་ཏུ་སེང་གེའི་མདུན་དུ་རྣ་བ་ཕབ་སྟེ་འདུག་པ་དང ། སེང་གེས་སྨྲས་པ། ཞང་པོ། རླུང་ཚ་བ་དག་མི་ལྡང་ངམ། ཝས་སྨྲས་པ། ཚ་བོ། རླུང་རབ་ཏུ་འབར་བ་དག་ལྡང་ངོ ། །ཅི་ཉེས། ཁྱུ་མཆོག་འདི་ན་རེ། ཁོ་བོ་རྩཝའི་སེང་གེ་གར་སོང ། འདིའི་མས་ཁོ་བོའི་མ་བསད་ཀྱི། འདིའི་ལྟོ་ངེས་པར་དྲལ་བར་བྱའོ། །ཞེས་ཟེར་རོ། །སེང་གེས་སྨྲས་པ། ཞང་པོ།་ཁོ་བོ་ཅག་གཉིས་ལ་མས་འཆི་ཁར། བུ་གཉིས། ཁྱོད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱི། ཁོ་མོ་འདས་པའི་འོག་ཏུ་ཁྱེད་ཅག་གཉིས་ཀྱིས་འགའ་ཡང་མཉན་པར་མི་བྱའོ། །ཞེས་ཁ་ཆེམས་བཞག་གི། ཁྱོད་དེ་སྐད་མ་ཟེར་ཅིག་།ཝས་སྨྲས་པ། ཚ་བོ། ཁྱོད་ད་ཁོ་བོ་ཕན་པར་འདོད་པའི་ཚིག་མི་ཉན་ན། ཆུད་ཟོས་
Cha336b
པར་འོང་ངོ ། །སེང་གེས་སྨྲས་པ། ཞང་པོ། གོ་རིམས་ཇི་ལྟར་འོང་བར་འགྱུར། ཝས་སྨྲས་པ། ཚ་བོ། ཁྱུ་མཆོག་འདི་ལྷས་ནས་བྱུང་ནས་བྱ་སྨྱངས་བྱེད་པར་འགྱུར་ལ། བྱ་སྨྱངས་བྱས་ནས་འབུ་སྒྲ་འབྱིན་པར་འགྱུར་ཞིང ། འབུ་སྒྲ་ཕྱུང་ནས་ཕུག་ཐརིག་བྱེད་པར་འགྱུར། ཕུག་ཐརིག་བྱས་ནས་རྔམ་པ་བྱས་ཏེ་ཁྱོད་ཀྱི་མདུན་དུ་འོང་བར་འགྱུར་པ་ན། ཁྱོད་ཀྱིས་བདག་འདིས་གསད་དོ། །སྙམ་དུ་ཤེས་པར་གྱིས་ཤིག་།དེ་གཉིས་རང་བཞིན་གྱིས་རྟག་ཏུ་དེ་ལྟར་བྱེད་མོད་ཀྱི། ལན་འགའ་ཡང་ཕན་ཚུན་མཚན་མར་མ་བཟུང་ངོ ། །དེ་ནས་དུས་གཞན་ཞིག་ན་རི་དྭགས་ཀྱི་རྒྱལ་པོ་སེང་གེ་དེ་ཚང་ནས་བྱུང་ནས་བྱ་སྨྱངས་བྱས་ཏེ་གླལ་ནས་ཕྱོགས་བཞིར་རྣམ་པར་བལྟས་ཏེ། སེང་གེའི་སྐད་ཐང་གསུམ་ཕྱུང་ནས་ཁྱུ་མཆོག་གི་མདུན་དུ་སོང་ངོ ། །ཁྱུ་མཆོག་དེ་ཡང་ལྷས་ནས་བྱུང་ནས་བྱ་སྨྱངས་བྱས་ཏེ། འབུ་སྒྲ་ཕྱུང་ནས་ཕུག་ཐརིག་བྱས་ཏེ་རྔམ་པ་བྱས་ནས་སེང་གེའི་མདུན་དུ་སོང་ངོ ། །དེ་གཉིས་རང་བཞིན་གྱིས་རྟག་ཏུ་དེ་ལྟར་བྱེད་མོད་ཀྱི། ལན་འགའ་ཡང་མཚན་མར་མ་བཟུང་སྟེ། གང་གི་ཚེ་རྒྱུད་ལ་དབྱེན་གྱི་ས་བོན་བཏབ་པ་དེའི་ཚེ་ན་མཚན་མར་བཟུང་བས། ཁྱུ་མཆོག་གིས་ཀྱང་བདག་འདིས་གསད་དོ། །སྙམ་དུ་བསམ་ལ། སེང་གེས་ཀྱང་བདག་འདིས་གསད་དོ། །སྙམ་དུ་བསམ་ནས། སེང་གེས་ཁྱུ་མཆོག་གི་བྲང་ལ་སྡེར་མོ་བཏབ་པ་དང ། ཁྱུ་མཆོག་གིས་ཀྱང་རཝས་སེང་གེའི་ལྟོ་དྲལ་ནས། དེ་གཉིས་ཀ་དུས་ལ་བབ་པ་དང ། ལྷས་ཚིགས་སུ་བཅད་པ་སྨྲས་པ། བཟང་པོ་དག་ལ་ལྟ་བའི་མིས། །སྐྱེ་བོ་ངན་པ་བསྟེན་མི་བྱ། །སེང་གེ་ཁྱུ་མཆོག་མཛའ་བ་ལ། །ཝ་ཡིས་ཐ་དད་ཕྱེ་ལ་ལྟོས། །དགེ་སློང་དག་།རེ་
Cha337a
༄#། །ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་ཕྲ་མས་ཀུན་ནས་སྤྱོད་པ་ན་གསོད་པར་སེམས་ན། མི་རྣམས་ལྟ་སྨོས་ཀྱང་ཅི་དགོས། དགེ་སློང་དག་།དེ་ལྟ་བས་ན། དགེ་སློང་གིས་དགེ་སློང་ལ་ཕྲ་མས་ཀུན་ཏུ་སྤྱད་པར་མི་བྱའོ། །དགེ་སློང་གིས་དགེ་སློང་ལ་ཕྲ་མས་ཀུན་ཏུ་སྤྱོད་པར་བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་དག་།སྔོན་བྱུང་འདས་པའི་དུས་ན། ནགས་ཚལ་ཞིག་ན་སེང་གེ་མོ་ཕྲུ་གུ་དང་བཅས་པ་ཞིག་དང ། སྟག་མོ་ཕྲུ་གུ་དང་བཅས་པ་ཞིག་འདུག་སྟེ། སེང་གེ་མོ་སྤྱོད་ཡུལ་དུ་སོང་བ་དང ། དེའི་ཕྲུ་གུ་དེ་འཁྱམས་པ་ན་སྟག་མོའི་གན་དུ་སོང་ནས་སྟག་མོས་དེ་མཐོང་ནས་བསམ་པ། འདི་གསད་པར་བྱའོ། །སྙམ་ནས་ཡང་བསམ་པ། འདི་བདག་གི་བུའི་ཆུང་པོ་གྲོགས་སུ་འགྱུར་གྱི། མི་གསད་དོ། །སྙམ་ནས་དེས་དེ་ནུ་མ་བསྣུན་པར་བརྩམས་སོ། །སེང་གེ་མོ་དེས་ཀྱང་སྤྱོད་ཡུལ་རྒྱུས་ཏེ་ཕྱིར་འོངས་པ་དང ། ཇི་ཙམ་ན་ཕྲུ་གུ་མི་སྣང་ནས་དེས་དེ་བཙལ་བར་བརྩམས་པ་དང ། དེས་ཕྲུ་གུ་སྟག་མོས་བསྣུན་པ་མཐོང་ངོ ། །སྟག་མོ་དེས་ཀྱང་སེང་གེ་མོ་དེ་མཐོང་ནས་སྐྲག་སྟེ་འབྲོས་པར་བརྩམས་པ་དང ། སེང་གེ་མོ་དེས་སྟག་མོ་ལ་སྨྲས་པ། ནུ་མོ། མ་འབྲོས་ཤིག་དང་ལྷན་ཅིག་འཁོད་པར་བྱ་སྟེ། འདི་ལྟར། ཁོ་མོ་སྤྱོད་ཡུལ་དུ་སོང་བ་ན། ཁྱོད་ཀྱིས་ཁོ་མོའི་ཕྲུ་གུ་ལ་མཁོ་བ་བསྟབས་པས།་གལ་ཏེ་སྤྱོད་ཡུལ་དུ་འགྲོ་བར་གྱུར་ན། ཁོ་མོས་ཀྱང་ཁྱོད་ཀྱི་ཕྲུ་གུ་ལ་མཁོ་བ་བསྟབ་པར་བྱའོ། །དེ་གཉིས་ལྷན་ཅིག་འཁོད་པར་བརྩམས་ནས་དེ་གཉིས་ཀྱིས། སེང་གེའི་ཕྲུ་གུའི་མིང་ནི། མཆེ་
Cha337b
བཟང་ཞེས་བྱ་བར་བཏགས། སྟག་གི་ཕྲུ་གུའི་མིང་ནི། དཔུང་བཟང་ཞེས་བྱ་བར་བཏགས་ནས་དེ་གཉིས་དུས་གཞན་ཞིག་ན་ཆེན་པོར་གྱུར་ཏོ། །དུས་གཞན་ཞིག་ན་སེང་གེ་མོ་དང་སྟག་མོ་གཉིས་ན་བར་གྱུར་ནས་དེ་གཉིས་འཆི་བའི་དུས་ཀྱི་ཚེ་བུ་གཉིས་ལ་སྨྲས་པ། བུ་གཉིས་ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱི། ཁོ་མོ་ཅག་གཉིས་འདས་པའི་འོག་ཏུ་ཁྱེད་གཉིས་ཀྱིས་འགའ་ཡང་མཉན་པར་མི་བྱའོ། །ཞེས་སྨྲས་ནས། བསགས་པ་ཀུན་གྱིས་མཐའ་འཛད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །འཕྲད་པའི་མཐའ་ནི་འབྲལ་བ་སྟེ། །གསོན་པོའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་ཆོས་དང་ལྡན་པར་གྱུར་ཏོ། །སེང་གེ་ནི། རི་དྭགས་དམ་པ་དམ་པ་དག་བསད་ནས་ཤ་དམ་པ་དག་ཟ་བར་བྱེད། ཁྲག་དམ་པ་དག་འཐུང་བར་བྱེད་ཅིང ། དེ་ཤ་དམ་པ་དག་ཟོས་ཤིང་ཁྲག་དམ་པ་དག་འཐུངས་ནས་མྱུར་བ་མྱུར་བ་ཁོ་ནར་ཚང་དུ་འགྲོ་བར་བྱེད་དོ། །སྟག་ནི། སྤྱོད་ཡུལ་དུ་སོང་ནས་ཚེགས་ཆེན་པོས་རི་དྭགས་དག་བསད་དེ། ཤ་དང་ཁྲག་ཟོས་ཤིང་འཐུངས་ནས་ཡུན་རིང་པོས་ཕྱིར་འོང་ངོ ། །དུས་གཞན་ཞིག་ན་སྟག་གི་ལྷག་རོལ་དག་སྦས་ནས་དེས་དེ་ཟོས་ཏེ་མྱུར་དུ་ཕྱིར་འོངས་པ་དང ། སེང་གེས་སྟག་ལ་སྨྲས་པ། ཁྱོད་སྔོན་ཆད་ནི། ཡུན་རིང་ཞིག་གིས་ཕྱིར་འོང་ན། དེང་མྱུར་དུ་ཕྱིར་འོངས་པ་འདི་ལ་རྒྱུ་ཅི་ཡོད། སྟག་གིས་སྨྲས་པ། ཁོ་བོས། ལྷག་རོལ་སྦས་པར་གྱུར་པ་དེ་ཟོས་ཏེ་ཕྱིར་འོངས་སོ། །སེང་གེས་སྨྲས་པ། ཁྱོད་ལྷག་རོལ་སྦེད་དམ། སྟག་གིས་སྨྲས་པ། སྦེད་
Cha338a
༄#། །དོ། །སེང་གེས་སྨྲས་པ། ཁོ་བོ་ནི། རི་དྭགས་དམ་པ་དམ་པ་དག་བསད་ནས་ཤ་དམ་པ་ཟོས་ཤིང་ཁྲག་དམ་པ་འཐུངས་ནས་ལྟོས་པ་མེད་པར་འགྲོའོ། །སྟག་གིས་སྨྲས་པ། ཁྱོད་ནི། སྟོབས་དང་ལྡན་པ་ཡིན་གྱི། ཁོ་བོས་ནི། དེ་ལྟར་བྱེད་མི་ནུས་སོ། །སེང་གེས་སྨྲས་པ། བདག་ཅག་ལྷན་ཅིག་འདོང་ངོ ། །དེ་གཉིས་ལྷན་ཅིག་འདོང་བར་བརྩམས་སོ། །རི་དྭགས་ཀྱི་རྒྱལ་པོ་སེང་གེ་དེ་ལ་ཝ་རྒན་པོ་རབ་ཏུ་གདུ་བ། ལྷག་མ་ཟ་བ་ཞིག་འཁོར་ཞིང་ཕྱི་བཞིན་ཕྱི་བཞིན་དུ་འབྲང་བ་དེས་བསམ་པ། སྟག་འདི། བདག་གི་ལྟོའི་དགྲར་གྱུར་པ་ཡིན་གྱི། འདི་གཉིས་དབྱེ་བར་བྱའོ། །སྙམ་ནས། དེ་ནས་ཝ་རྒན་པོ་དེར་སེང་གེའི་མདུན་དུ་རྣ་བ་ཕབ་སྟེ་འདུག་པ་དང ། སེང་གེས་སྨྲས་པ། ཞང་པོ། རླུང་ཚ་བ་དག་མི་ལྡང་ངམ། ཝས་སྨྲས་པ། ཚ་བོ། རླུང་རབ་ཏུ་འབར་བདག་ལྡང་ངོ ། །ཅི་ཉེས། སྟག་འདི་ན་རེ། ཁོ་བོའི་རྩཝའི་སེང་གེ་དེ་གར་སོང ། དེས་ཁོ་བོ་ལྷག་མ་ཟར་བཅུག་གི། ཁོ་བོས་དེ་ངེས་པར་གསད་པར་བྱའོ། །ཞེས་ཟེར་རོ། །སེང་གེས་སྨྲས་པ། ཞང་པོ། ཁོ་བོ་ཅག་གཉིས་ལ་མ་གཉིས་ཀྱིས་འཆི་ཁར། བུ་གཉིས། ཁྱོད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱི། ཁོ་མོ་ཅག་གཉིས་འདས་པའི་འོག་ཏུ་ཁྱེད་གཉིས་ཀྱིས་འགའ་ཡང་མཉན་པར་མི་བྱའོ། །ཞེས་ཁ་ཆེམས་བཞག་གི། ཁྱོད་དེ་སྐད་མ་ཟེར་ཅིག་།ཝས་སྨྲས་པ། ཚ་བོ། ཁྱོད་ད་ཁོ་བོ་ཕན་པར་འདོད་པའི་ཚིག་མི་ཉན་ན། ཆུད་ཟོས་པར་འོང་ངོ ། །སེང་གེས་
Cha338b
སྨྲས་པ། ཞང་པོ། གོ་རིམ་ཇི་ལྟར་འོང་བར་འགྱུར། ཝས་སྨྲས་པ། ཚ་བོ་སྟག་འདི་ཚང་ནས་བྱ་སྨྱངས་བྱེད་པར་འགྱུར་ལ། བྱ་སྨྱངས་བྱས་ནས་གླལ་བར་འགྱུར་ཞིང ། གླལ་ནས་ཕྱོགས་བཞིར་རྣམ་པར་ལྟ་བར་འགྱུར། ཕྱོགས་བཞིར་རྣམ་པར་བལྟས་ནས་སྟག་གི་སྐད་ཐང་གསུམ་ཕྱུང་སྟེ་ཁྱོད་ཀྱི་མདུན་དུ་འོངས་པར་འགྱུར་བ་ན། ཁྱོད་ཀྱིས་བདག་འདིས་གསད་དོ། །སྙམ་དུ་ཤེས་པར་གྱིས་ཤིག་།དེའི་འོག་ཏུ་སྟག་གི་མདུན་དུ་རྣ་བ་ཕབ་སྟེ་འདུག་པ་དང ། སྟག་གིས་སྨྲས་པ། ཞང་པོ། རླུང་ཚ་བ་དག་མི་ལྡང་ངམ། ཝས་སྨྲས་པ། ཚ་བོ། རླུང་རབ་ཏུ་ཚ་བ་འབར་བ་དག་ལྡང་ངོ ། །ཅི་ཉེས། སེང་གེ་འདི་ན་རེ། ཁོ་བོའི་རྩའི་སྟག་དེ་གར་སོང ། དེ་ངེས་པར་གསད་པར་བྱའོ། །ཞེས་ཟེར་རོ། །སྟག་གིས་སྨྲས་པ། ཞང་པོ། ཁོ་བོ་ཅག་གཉིས་ལ་མ་གཉིས་ཀྱིས་འཆི་ཁར། བུ་གཉིས། ཁྱེད་གཉིས་ནུ་མ་གཅིག་ལ་ནུ་ནུ་བའི་སྤུན་ཡིན་ལ། ཕྲ་མ་ཅན་སྣོད་འབྱེད་པ་དག་གིས་འཇིག་རྟེན་གང་བར་འཁོད་ཀྱི། ཁྱེད་གཉིས་ཀྱིས་འགའ་ཡང་མཉན་པར་མི་བྱའོ། །ཞེས་ཁ་ཆེམས་བཞག་གི། ཁྱོད་དེ་སྐད་མ་ཟེར་ཅིག་།ཝས་སྨྲས་པ། ཚ་བོ། ཁྱོད་ད་ཁོ་བོ་ཕན་པར་འདོད་པའི་ཚིག་མི་ཉན་ན། ཆུད་ཟོས་པར་འོང་ངོ ། །ཞང་པོ། གོ་རིམ་ཇི་ལྟར་འོང་བར་འགྱུར། ཝས་སྨྲས་པ། ཚ་བོ། སེང་གེ་འདི་ཚང་ནས་བྱུང་ནས་བྱ་སྨྱངས་བྱེད་པར་འགྱུར་ལ། བྱ་སྨྱངས་བྱས་ནས་གླལ་བར་འགྱུར་ཞིང ། གླལ་ནས་ཕྱོགས་བཞིར་རྣམ་པར་ལྟ་བར་འགྱུར། ཕྱོགས་བཞིར་རྣམ་པར་བལྟས་ནས་སེང་གེའི་སྐད་ཐང་གསུམ་ཕྱུང་སྟེ་ཁྱོད་ཀྱི་མདུན་དུ་འོང་བར་འགྱུར་བ་ན།
Cha339a
༄#། །ཁྱོད་ཀྱིས་བདག་འདིས་གསད་པར་འགྱུར་རོ། །སྙམ་དུ་ཤེས་པར་བྱའོ། །དེ་གཉིས་རང་བཞིན་གྱིས་རྟག་ཏུ་དེ་ལྟར་བྱེད་མོད་ཀྱི། ལན་འགའ་ཡང་མཚན་མར་མ་བཟུང་ངོ ། །དུས་གཞན་ཞིག་ན་རི་དྭགས་ཀྱི་རྒྱལ་པོ་སེང་གེ་དེ་ཚང་ནས་བྱ་སྨྱངས་བྱས་ཏེ། གླལ་ནས་ཕྱོགས་བཞིར་རྣམ་པར་བལྟས་ཏེ་སེང་གེའི་སྐད་ཐང་གསུམ་ཕྱུང་ནས་སྟག་གི་མདུན་དུ་སོང་ངོ ། །སྟག་ཀྱང་ཚང་ནས་བྱུང་ནས་བྱ་སྨྱངས་བྱས་ཏེ་གླལ་ནས་ཕྱོགས་བཞིར་རྣམ་པར་བལྟས་ཏེ། སྟག་སྐད་ཐང་གསུམ་ཕྱུང་ནས་སེང་གེའི་མདུན་དུ་སོང་ངོ ། །དེ་གཉིས་རྟག་ཏུ་དེ་ལྟར་བྱེད་མོད་ཀྱི། ལན་འགའ་ཡང་མཚན་མར་མ་བཟུང་སྟེ། གང་གི་ཚེ་རྒྱུད་ལ་དབྱེན་གྱི་ས་བོན་བཏབ་པ་དེའི་ཚེ་མཚན་མར་བཟུང་བས། སེང་གེས་ཀྱང་བདག་འདིས་གསད་དོ། །སྙམ་དུ་བསམ་ལ། སྟག་གིས་ཀྱང་བདག་འདིས་གསད་དོ། །སྙམ་བསམ་མོ། །ཡང་སེང་གེས་བསམ་པ། བདག་ནི། སྟོབས་དང་ལྡན་པ་ཡིན་ལ། སྟག་ནི། དེ་ལྟ་མ་ཡིན་པས་འདིས་བདག་ལ་རྒོལ་མི་ནུས་ཀྱི། ཇེ་བརྟག་པར་བྱའོ། །སྙམ་ནས། དེས་ཚིགས་སུ་བཅད་པས་སྨྲས་པ། ཆུ་ཞེང་ཕུན་སུམ་ཚོགས་པ་དང ། །རྩལ་དང་ཤུགས་དང་ལྡན་པ་ཡི། །མཆེ་བ་བཟང་ལ་རྒོལ་བྱེད་པ། །དཔུང་བཟང་དེ་ནི་རིགས་པ་མིན། །སྟག་གིས་ཀྱང་ཚིགས་སུ་བཅད་པས་སྨྲས་པ། ཆུ་ཞེང་ཕུན་སུམ་ཚོགས་པ་དང ། །རྩལ་དང་ཤུགས་དང་ལྡན་པ་ཡི། །དཔུང་བཟང་ལ་ནི་རྒོལ་བྱེད་པ། །མཆེ་བཟང་དེ་ནི་རིགས་པ་མིན། །སེང་གེས་སྨྲས་པ། ཁྱོད་ལ་སུས་སྨྲས། སྟག་གིས་སྨྲས་པ། ཝ་
Cha339b
འདིས་སོ། །སྟག་གིས་སྨྲས་པ། ཁྱོད་ལ་སུས་སྨྲས། སེང་གེས་སྨྲས་པ། ཝ་འདིས་སོ། །སེང་གེས་བསམ་པ། འདིས་བདག་ཅག་གཉིས་འབྱེད་པར་བྱེད་དོ། །སྙམ་ནས། དེས་ཝ་དེ་ཐལ་ལྕག་གིས་བསྣུན་ཏེ་བསད་པ་དང ། ལྷས་ཚིགས་སུ་བཅད་པ་སྨྲས་པ། གཞན་གྱི་ཚིག་གིས་མཛའ་བཤེས་མི་སྤང་ཞིང ། །གཞན་གྱིས་སྨྲས་པ་དག་ལ་བརྟག་པར་བྱ། །འབྱེད་པར་འདོད་པ་སྐབས་ཚོལ་བྱེད་པས་ན། །སྐྱེ་བོ་ཕྲ་མ་ཅན་ལ་ཡིད་མི་རྟོན། །ཝ་སྐྱེས་གྲོང་པ་རྫུན་དུ་སྨྲ་བྱེད་པ། །མཛའ་བཤེས་འབྱེད་པར་བྱེད་པས་སྐྱེས་ཏ་རེ། །ཕྲ་མ་སྨྲ་བ་དེ་ནི་བསད་གྱུར་ནས། །བདེ་བས་མཛའ་བཤེས་དགའ་བར་བྱེད་ལ་ལྟོས། །དགེ་སློང་དག། རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་ཕྲ་མས་ཀུན་ཏུ་སྤྱོད་པ་ན། གསོད་པར་སེམས་ན་མི་རྣམས་ལ་ལྟ་སྨོས་ཀྱང་ཅི་དགོས། དགེ་སློང་དག་།དེ་ལྟ་བས་ན། དགེ་སློང་གིས་དགེ་སློང་ལ་ཕྲ་མས་ཀུན་ཏུ་སྤྱད་པར་མི་བྱའོ། །དགེ་སློང་གིས་དགེ་སློང་ལ་ཕྲ་མས་སྤྱོད་པར་བྱེད་ན། འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་ལ་ཕྲ་མ་བྱེད་ན། ལྟུང་བྱེད་དོ། །དགེ་སློང་ལ་ཕྲ་མ་བྱེད་ན་ཞེས་བྱ་བ་ནི། དགེ་སློང་ལ་ཕྲ་མ་བྱ་
Cha340a
༄#། །བའི་བསམ་པས་ངག་དང ། ཚིག་དང ། ཐ་སྙད་དང ། སྐད་དང ། རྗོད་པ་དང ། ངེས་པའི་ཚིག་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་རྣམ་པར་རིག་བྱེད་སྨྲས་པའོ། །ལྟུང་བྱེད་དོ་ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བདག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། ། གཞན་ཡང་ལྟུང་བ་དེ་མ་བཤགས་ཤིང ། སོ་སོར་མ་བཤགས་ནས། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེ་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ།་རིགས་དང་བཟོ་དང་ལས་དང་ནི། །རྟག་ནད་ལྟུང་བ་སྡེ་ལྔ་དང ། །ཉེ་བའི་ཉོན་མོངས་རྣམས་དང་ནི། །སྤྱོ་བར་བྱེད་པ་ཐ་མ་ཡིན། །དགེ་སློང་གིས་ཕྲ་མ་བྱ་བའི་བསམ་པས་བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱེད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲམ་ཟེ་ལས་རབ་ཏུ་བྱུང་བ་ཡིན་ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་
Cha340b
ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྒྱལ་རིགས་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན།་མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྗེའུ་རིགས་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། དམངས་རིགས་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཐ་ག་པ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་
Cha341a
༄#། །ཚུལ་ག་ལ་ཡོད། ཚེ་དང་ལྡན་པ་ནི། ཐ་ག་པ་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཁབ་རིས་མཁན་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བཟང་མཁན་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ལྕགས་མཁར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་
Cha341b
པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ལྕགས་མཁར་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས་རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྡུངས་མགར་ལས་རབ་ཏུ་བྱུང་བ་ཡིན་ནོ། ། ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཀོ་ལྤགས་མཁན་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་
Cha342a
༄#། །སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྫ་མཁན་ལས་རབ་ཏུ་བྱུང་བ་ཡིན་ནོ། ། ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། འབྲེག་མཁན་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཤིང་མཁན་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་རོ། །རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས།
Cha342b
སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། སྨྱིག་མ་མཁན་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲན་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲམ་ཟེ་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྒྲ་དང ། ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུ་མ་བླང་བ་དང ། ས་བླང་བ་དང ། ལག་སྟངས་དང ། ཐོར་ཚུགས་དང ། རབ་བསྔགས་བྱ་བ་དང ། ཀྱེ་ཞེས་བྱ་བ་དང ། ངེས་བརྗོད་
Cha343a
༄#། །ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། མཆོད་སྦྱིན་བྱེད་པ་དང་མཆོད་སྦྱིན་བྱེད་དུ་འཇུག་པ་དང ། ཀློག་པ་དང་ཀློག་ཏུ་འཇུག་པ་དང ། སྦྱིན་པ་དང ། ལེན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྒྱལ་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། གླང་པོ་ཆེའི་གཉར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། འཕོང་དང་ཕྱིར་བསྣུར་བ་དང ། མདུན་དུ་བསྣུར་བ་དང ། ལྕགས་ཀྱུས་བསྒྱུར་ཐབས་དང ། ཞགས་པས་གདབ་པ་དང ། མདའ་བོ་ཆེ་འཕེན་ཐབས་དང ། འཛིན་སྟངས་དང ། གོམ་སྟངས་དང ། ཐོར་ཚུགས་དང ། གཅད་པ་དང ། དྲལ་བ་དང ། དབུག་པ་དང ། རྒྱང་ནས་ཕོག་པ་དང ། སྒྲ་གྲག་པར་ཕོག་པ་དང ། གནད་དུ་ཕོག་པ་དང ། མི་ཚོར་བར་ཕོག་པ་དང ། ཚབས་ཆེ་བ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་
Cha343b
བརྗོད་པ་ལ་ཉེས་བྱས་སུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྗེའུ་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ཞིང་རྨོ་བ་དང ། བ་ལང་སྲུང་བ་དང ། ཚོང་བྱ་བ་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། དམངས་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། དམངས་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ཟོར་བ་དང ། ཕྲག་རྡང་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཐ་ག་པ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་
Cha344a
༄#། །ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཐ་ག་པ་ལས་རབ་ཏུ་བྱུང་བ་ཡིན་གྱི། ཚེ་ལྡན་པས་རང་གི་བཟོ་འདི་ལྟ་སྟེ། དར་དག་དང ། རས་ཡུག་ཆེན་དག་དང ། བེའུ་རས་དག་དང ། དར་ལ་དག་དང ། དུ་གུ་ལ་དག་དང ། ཀོ་ཏམ་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཁབ་རིས་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། བེའུ་རས་ཡུག་ཆེན་དང ། པར་ཐང་དང ། ཁབ་རིས་དང ། ཁྲིའུ་ཚེ་དང ། གོང་བུ་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི།་འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བཟང་
Cha344b
མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ཞཝ་དང ། ཞཝ་སྒྲེ་བོ་དང ། བྱིས་པའི་གོས་དག་དང ། ཤིང་ང་དཔུང་ཆད་དག་དང ། དོར་མང་དག་དང ། དོར་ཐུང་དག་དང ། བཟང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ལྕགས་མཁར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ལྕགས་མཁར་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོད་འདི་ལྟ་སྟེ། ལྷུང་བཟེད་དང ། ལྷུང་བཟེད་ཆུང་ངུ་དང ། ཁབ་དང ། གྲི་དག་དང ། སེན་གྲི་དག་དང ། ལྕགས་མཁར་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི།་འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྡུངས་མགར་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་
Cha345a
༄#། །པས་རང་གི་བཟོ་འདི་ལྟ་སྟེ། འཁར་གཞོང་དག་དང ། གཞོང་བུ་དང ། ཆ་ལང་དག་དང ། སྐོམ་པོར་དག་དང ། རིལ་བ་དག་དང ། རྡུངས་མགར་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཀོ་ལྤགས་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ལྷམ་སྒྲོག་གུ་ཅན་དག་དང ། ལྷམ་ཡུ་ཆད་དག་དང ། མཆིལ་ལྷམ་དག་དང ། སྒ་དག་དང ། དོང་པ་དག་དང ། ཀོ་ལྤགས་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གི་ཕྲ་མ་བྱ་བའི་བསམ་པས། རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྫ་མཁན་ལས་
Cha345b
རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། རྫ་མ་དག་དང ། བུམ་པ་དང ། རིལ་བ་དག་དང ། རྗེའུ་དག་དང ། ཁམ་ཕོར་དག་དང ། རྫ་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། ། ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད ། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། འབྲེག་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། སྐྲ་འབྲེག་པ་དང ། སེན་མོ་འབྲེག་པ་དང ། ཁ་སྤུ་འབྲེག་པ་དང ། བྱིན་པ་བཅོས་པ་དང ། འབྲེག་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ནས། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ཤིང་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། ཁྲི་དག་དང ། ཁྲིའུ་
Cha346a
༄#། །དག་དང ། ན་དག་དང ། ན་ཁྲིའུ་དག་དང ། སྒོ་གླེགས་དང ། ཤིང་མཁན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། །འདི་ཞེས་བྱ།་རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། སྨྱིག་མ་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། སྐོན་བུ་དག་དང ། སྤྲོག་མ་དག་དང ། གདུགས་དང ། བསིལ་ཡབ་དག་དང ། དུད་གཟེབ་དག་དང ། སྨྱིག་མ་མཁན་གྱི་བཟོ་གང་ཡིན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་བཟོ་འདི་ལྟ་སྟེ། བསྐུ་མ་ཉེ་དང ། དྲིལ་ཕྱི་དང ། ཁྲུས་དང ། ཕོ་ཉར་
Cha346b
འགྲོ་བ་དང ། མངག་པ་དང ། བྲན་གྱི་བཟོ་གཞན་གང་ཡིན་པ་དག་བསླབ་པར་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་བཞི་བཅུ་པ། དགེ་སློང་གིས་ཕྲ་མ་བྱ་བའི་བསམ་པས། བྲམ་ཟེ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲམ་ཟེ་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་ལས་འདི་ལྟ་སྟེ། བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྦྲ་དང ། ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུམ་བླང་བ་དང ། ལག་སྟངས་དང ། ཐོར་ཚུགས་དང ། རབ་བསྔགས་བྱ་བ་དང ། ཀྱེ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། མཆོད་སྦྱིན་བྱེད་པ་དང ། །མཆོད་སྦྱིན་བྱེད་དུ་འཇུག་པ་དང ། ཀློག་པ་དང་ཀློག་ཏུ་འཇུག་པ་དང ། སྦྱིན་པ་དང ། ལེན་པ་དང ། བྲམ་ཟེའི་ལས་གཞན་གང་ཡིན་པ་དག་ཀྱང་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ།།
Cha347a
༄#། །དགེ་སློང་གིས་ཕྲ་མ་བྱ་བའི་བསམ་པས། རྒྱལ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྒྱལ་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་ལས་འདི་ལྟ་སྟེ། གླང་པོ་ཆེའི་གཉར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། འཕོང་དང་ཕྱིར་བསྣུར་བ་དང ། མདུན་དུ་བསྣུར་བ་དང ། ལྕགས་ཀྱུས་སྒྱུར་ཐབས་དང ། ཞགས་པས་གདབ་དང ། མདའ་བོ་ཆེ་འཕེན་ཐབས་དང ། འཛིན་སྟངས་དང ། གོམ་སྟངས་དང ། ཐོར་ཚུགས་དང ། བཅད་པ་དང ། དྲལ་བ་དང ། དབུག་པ་དང ། རྒྱང་ནས་ཕོག་པ་དང ། སྒྲ་གྲག་པར་ཕོག་པ་དང ། གནད་དུ་ཕོག་པ་དང ། མི་འཆོར་བར་ཕོག་པ་དང ། ཚབས་ཆེ་བར་ཕོག་པ་དང ། རྒྱལ་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ཉེས་བྱས་སུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་ཕྲ་མོར་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྗེའུ་རིགས་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྗེའུ་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་
Cha347b
རང་གི་ལས་འདི་ལྟ་སྟེ། ཞིང་རྨོ་བ་དང ། བ་ལང་སྲུང་བ་དང ། ཚོང་བྱ་བ་དང ། རྗེའུ་རིགས་ཀྱི་ལས་གཞན་གང་ཡིན་པ་དག་ཀྱང་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ།་རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། དམངས་རིགས་ལས་རབ་ཏུ་བྱུང་བ་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། དམངས་རིགས་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་རང་གི་ལས་འདི་ལྟ་སྟེ། ཟོར་བ་དང ། ཕྲག་རྡང་དང ། དམངས་རིགས་ཀྱི་ལས་གཞན་གང་ཡིན་པ་དེ་དག་ཀྱང་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཐ་ག་བ་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཐ་ག་པ་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། ཐག་བཟང་དང ། སོན་པ་དང ། དྲུ་པུ་དང ། སྣལ་མ་ལ་སོགས་པས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ།
Cha348a
༄#། །རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཁབ་རིས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཁབ་རིས་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། རྒྱང་ཤིང་དང ། སྐུད་པ་དང ། ཚོན་དང ། ཕུར་པ་དང ། སོ་མང་གིས་རང་གི་ལས་བྱའོ། ། ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མི་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། བཟང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བཟང་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། ཁབ་དང ། སྐུད་པ་དང ། གྲི་དང ། ཆན་པ་དང ། ལྕུག་མོས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་
Cha348b
དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ལྕགས་མཁར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ལྕགས་མཁར་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྦུད་པ་དང ། སྦུད་རུ་དང ། ཏི་ཙ་དང ། སྐམ་པ་དང ། ཐོ་བས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྡུངས་མགར་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྡུངས་མགར་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྤུད་པ་དང ། སྦུད་རུ་དང ། ཏི་ཙ་དང་སྐམ་པ་དང ། ཐོ་བས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རིགས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཀོ་ལྤགས་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་
Cha349a
༄#། །དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཀོ་ལྤགས་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། རྒྱུས་པ་དང ། རྒྱིའུ་དང ། འབྲེང་བུ་དང ། དྲ་གྲི་དང ། སྨྱུང་དང ། སྨྱུང་བུས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི་འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། རྫ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རྫ་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། འཁོར་ལོ་དང ། དབྱིག་གུ་དང ། ཐ་གུ་དང ། འཁོར་ལོའི་རྟེན་མ་དང ། གསལ་གྱིས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། འབྲེག་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། འབྲེག་
Cha349b
མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྤུ་གྲི་དང ། ཆན་པ་དང ། བདར་དང ། སྨང་ཚེར་དང ། སེན་གྲིས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། ཤིང་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཤིང་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྟེའུ་དང ། སྟ་རེ་དང ། གཟོང་དང ། སོག་ལེ་དང ། ཐོ་བས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། སྨྱིག་མ་མཁན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། སྨྱིག་མ་མཁན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། སྨྱིག་མ་དང ། གྲི་དང ། ཚོན་དང ། སྨྱུག་ཐོ་དང ། ལྷང་ཚེར་གྱིས་རང་གི་ལས་བྱའོ། །ཞེས་ཟེར་ཏེ། དགེ་
Cha350a
༄#། །སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ། ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། བྲན་ལས་རབ་ཏུ་བྱུང་བའི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། བྲན་ལས་རབ་ཏུ་བྱུང་བ་ཡིན་གྱི། ཚེ་དང་ལྡན་པས་འདི་ལྟ་སྟེ། བསྐུ་མཉེ་དང ། དྲིལ་ཕྱི་དང ། ཁྲུས་དང ། ཕོ་ཉར་འགྲོ་བ་དང ། མངག་པས་རང་གི་ལས་བྱའོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། འཐེང་པོ་དང ། སྨད་འཆལ་དང ། ཞར་བ་དང ། ལག་སོར་རྡུམ་པོ་དང ། སྒུར་པོ་དང ། མིའུ་ཐུང་དང ། ཝ་བ་ཅན་དང ། གླེན་པ་དང ། ལྐུག་པ་དང ། རྡུམ་པོ་དང ། འོན་པ་དང ། རྟེན་འཕྱེ་དང ། རྐང་བམ་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་
Cha350b
སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། མཛེ་ཅན་དང ། འབྲུམ་བུ་ཕྲ་མོ་ཅན་དང ། ངལ་སྐྱེན་པ་དང ། ཤུ་བ་ཅན་དང ། གཡན་པ་ཅན་དང ། ཁྱི་རྡོ་ཅན་དང ། གློག་པ་ཅན་དང ། རྐང་ཤུ་ཅན་དང ། སྐྱིགས་བུ་ཅན་དང ། སྐྱུག་བྲོ་བ་དང ། ཁོང་སྐེམ་ཅན་དང ། རིམས་ཅན་དང ། རིགས་དྲག་པོ་ཅན་དང ། ལུད་པ་ཅན་དང ། དབུགས་མི་བདེ་བ་ཅན་དང ། སྐེམ་ནད་ཅན་དང ། བརྗེད་བྱེད་དང ། བཀྲེས་ངབ་ཅན་དང ། སྐྱ་རྦབ་ཅན་དང ། ཚིལ་པོ་ཆེ་དང ། སྐྲན་ཅན་དང ། ཁྲག་ནད་ཅན་དང ། མཁྲིས་ནད་ཅན་དང ། མཚན་པར་རྡོལ་པ་ལས་རབ་ཏུ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཕམ་པར་འགྱུར་བ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་
Cha351a
༄#། །པར་བྱ་བ་དང ། ཉེས་བྱས་ཀྱི་ལྟུང་བ་བྱུང་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། ཁྲོ་བ་དང ། འཁོན་དུ་འཛིན་པ་དང ། འཆབ་པ་དང ། དངན་དུས་ཅན་དང ། ཕྲག་དོག་ཅན་དང ། སེར་སྣ་ཅན་དང ། གཡོན་ཅན་དང ། སྒྱུ་ཅན་དང ། ངོ་ཚ་མེད་པ་དང ། ཁྲེལ་མེད་པ་དང ། སྡིག་པ་འདོད་པ་དང ། ལོག་པར་ལྟ་བ་ཡིན་ནོ། །ཞེས་ཟེར་ཏེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན། མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང ། རུས་བརྗོད་པ་ལ་ཉེས་བྱས་སུ་འགྱུར་རོ། །དགེ་སློང་གིས་ཕྲ་མ་བྱ་བའི་བསམ་པས། དགེ་སློང་གི་གན་དུ་སོང་སྟེ་འདི་སྐད་ཅེས། ཚེ་དང་ལྡན་པ་ཁྱོད་ལ་དགེ་སློང་ན་རེ། ཚེ་དང་ལྡན་པ་ལ་དགེ་སྦྱོང་གི་ཚུལ་ག་ལ་ཡོད། བྲམ་ཟེའི་ཚུལ་ག་ལ་ཡོད། ཚེ་དང་ལྡན་པ་ནི། རོ་ལྟ་བུ་ཡིན་ནོ། །ཞེས་བྱ་བ་ལ་སོགས་པའི་སྤྱོ་བ་དག་གིས་སྤྱོ་བར་བྱེད་དེ། དགེ་སློང་གང་ཞེ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ་ཞེས་སྨྲས་ན།
Cha351b
མིང་བརྗོད་པ་ལ་ལྟུང་བྱེད་དུ་འགྱུར་ལ། རིགས་དང་རུས་བརྗོད་པ་ལ་ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་ཇི་ཙམ་དུ་ཕྲ་མ་བྱ་བའི་བསམ་པས། དགེ་སློང་དག་དབྱེ་བའི་ཚིག་སྨྲས་ན། བདེན་ཡང་རུང ། རྫུན་ཡང་རུང ། ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་ལ་ཕྲ་མ་བྱེད་པའི་ལྟུང་བྱེད་དེ།་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་རྩོད་པ་འདི་ནི། ཤད་ཀྱིས་མ་བྱང་བ་དང ། ལེགས་པར་བཤད་ཀྱིས་མ་བྱང་བ་ཡིན་གྱི། ཡང་བཤད་ཀྱིས་སྦྱང་བར་བྱའོ། །རྩོད་པ་འདི་ནི། ངེས་པར་མ་བརྟགས་པ་དང ། ལེགས་པར་ངེས་པར་མ་བརྟགས་པ་ཡིན་གྱི། ཡང་དེས་པར་བརྟག་པར་བྱའོ། །རྩོད་པ་འདི་ནི། ཉེ་བར་མ་ཞི་བ་དང ། ལེགས་པར་ཉེ་བར་མ་ཞི་བ་ཡིན་གྱི། ཡང་ཉེ་བར་ཞི་བར་བྱའོ། །ཞེས་ཡང་ལས་ཀྱིས་སྐྱོ་སྔོགས་བྱེད་དེ། དགེ་སློང་དག་ཡང་དང་མང་དུ་རྩོད་པ་ཉེ་བར་ཞི་བར་བྱེད་པ་ན། བྱ་བ་མང་བ་དང ། བྱེད་པ་མང་བར་གྱུར་ནས་ལུང་མནོད་པ་དང ། ཀློག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཀྱི་ཞི་གནས་གཏོང་བར་བྱེད་དོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་
Cha352a
༄#། །དུ་རྩོད་པ་འདི་ནི། ཤད་ཀྱིས་མ་བྱང་བ་དང ། ལེགས་པར་ཤད་ཀྱིས་མ་བྱང་བ་ཡིན་གྱི། ཡང་ཤད་ཀྱིས་སྦྱང་བར་བྱའོ། །རྩོད་པ་འདི་ནི། ངེས་པར་མ་བརྟགས་པ་དང ། ལེགས་པར་ངེས་པར་མ་བརྟགས་པ་ཡིན་གྱི། ཡང་ངེས་པར་བརྟག་པར་བྱའོ། །རྩོད་པ་འདི་ནི། ཉེ་བར་མ་ཞི་བ་དང ། ལེགས་པར་ཉེ་བར་མ་ཞི་བ་ཡིན་གྱི། ཡང་ཉེ་བར་ཞི་བར་བྱའོ། །ཞེས་ཡང་ལས་ཀྱིས་སྐྱོ་སྔོགས་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་།ཁྱེད་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་
Cha352b
རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །དགེ་འདུན་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནོ། མཐུན་པས་ཞེས་བྱ་བ་ནི། བློ་མཐུན་པས་སོ། །ཆོས་བཞིན་དུ་ཞེས་བྱ་བ་ནི། ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་བཞིན་དུའོ། །རྩོད་པ་ཞེས་བྱ་བ་ནི། རྩོད་པ་བཞི་པོ་འཐབ་པའི་ཕྱིར་རྩོད་པ་དང ། མི་གདམས་པའི་ཕྱིར་རྩོད་པ་དང ། ལྟུང་བའི་ཕྱིར་རྩོད་པ་དང ། བྱ་བའི་ཕྱིར་རྩོད་པའོ། །སྦྱངས་པ་ཞེས་བྱ་བ་ནི། ཉེ་བར་ཞི་བར་བྱས་པའོ། །ཤེས་བཞིན་དུ་ཞེས་བྱ་བ་ནི། རང་ཉིད་ཀྱིས་དེ་ཡོངས་སུ་རིག་པའམ། གཞན་དག་གིས་བརྗོད་པས་སོ། །ཡང་ལས་ཀྱིས་སྐྱོ་སྔོགས་བྱེད་ན་ཞེས་བྱ་བ་ནི། ཡང་བྱེད་ནའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན། དགེ་བའི་
Cha353a
༄#། །ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་འཐབ་པའི་ཕྱིར་རྩོད་པ་ལ་འཐབ་པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་འཐབ་པའི་ཕྱིར་རྩོད་པ་ལ་མི་གདམས་པའི་ཕྱིར་རྩོད་པར་འདུ་ཤེས་ནས་ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་འཐབ་པའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན།
Cha353b
ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་འཐབ་པའི་ཕྱིར་རྩོད་པ་ལ་བྱ་བའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་མི་གདམས་པའི་རྩོད་པ་བྱུང་བ་ལ་མི་གདམས་པའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །
Cha354a
༄#། །དགེ་སློང་གིས་མི་གདམས་པའི་ཕྱིར་རྩོད་པ་ལ་འཐབ་པའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་མི་གདམས་པའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན་ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་མི་གདམས་པའི་ཕྱིར་རྩོད་པ་ལ་བྱ་བའི་ཕྱིར་རྩོད་པར་འདུ་ཤེས་ནས། ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང །
Cha354b
ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ལྟུང་བའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ལྟུང་བའི་ཕྱིར་རྩོད་པ་ལ་འཐབ་པའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ལྟུང་བའི་ཕྱིར་རྩོད་པ་ལ་མི་གདམས་
Cha355a
༄#། །པའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་གྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ལྟུང་བའི་རྩོད་པ་ལ་བྱ་བའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ཕྱིར་རྩོད་པ་ལ་བྱ་བའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་
Cha355b
དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱི་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ཕྱིར་རྩོད་པ་ལ་འཐབ་པའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ཕྱིར་རྩོད་པ་ལ་མི་གདམས་པའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་བྱ་བའི་ཕྱིར་རྩོད་པ་ལ་ལྟུང་བའི་ཕྱིར་རྩོད་པར་འདུ་ཤེས་ནས། ཤད་ཀྱིས་བྱང་བ་ལ་ཤད་ཀྱིས་བྱང་བར་འདུ་ཤེས་
Cha356a
༄#། །ཤིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །ཤད་ཀྱིས་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། ། ཤད་ཀྱིས་མ་བྱང་བ་ལ་ཤད་ཀྱིས་བྱང་བར་འདུ་ཤེས་ཤིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ཤད་ཀྱིས་མ་བྱང་བ་ལ་ཡིད་གཉིས་ཟ་ཞིང ། ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དེ་དག་ནི། གང་ཟག་ལྔ་སྟེ། གཉུག་མར་གནས་པ་དང ། ལས་བྱེད་པ་དང ། འདུན་པ་འབུལ་བ་དང ། ལྟ་བ་སྨྲ་བ་དང ། གློ་བུར་དུ་འོངས་པ་དག་གོ་།དེ་ལ། གང་ཟག་གཉུག་མར་གནས་པ་གང་ཞེ་ན། གང་གིས་རྩོད་པ་དེའི་ཐོག་མ་དང ། དབུས་དང ། ཐ་མ་དག་ཤེས་པའོ། །གང་ཟག་ལས་བྱེད་པ་གང་ཞེ་ན། གང་གིས་རྩོད་པ་དེ་ཉེ་བར་ཞི་བར་བྱ་བའི་ཕྱིར་ལས་བྱས་པའོ། །གང་ཟག་འདུན་པ་འབུལ་བ་གང་ཞེ་ན། གང་གིས་ལས་དེ་བྱ་བའི་ཕྱིར་འདུན་པ་ཕུལ་བར་གྱུར་པའོ། །གང་ཟག་ལྟ་བ་སྨྲ་བ་གང་ཞེ་ན། གང་གིས་རྩོད་པ་དེ་ལ་རང་གི་ལྟ་བ་སྨྲས་པར་གྱུར་པའོ། ། གང་ཟག་གློ་བུར་དུ་འོངས་པ་གང་ཞེ་ན། གང་གིས་རྩོད་པ་དེའི་ཐོག་མ་དང ། དབུས་དང ། ཐ་མ་དག་མི་ཤེས་པའོ། །དེ་ལ་གང་ཟག་དང་པོ་གསུམ་པོ་གཉུག་མར་གནས་པ་དང ། ལས་བྱེད་པ་དང ། འདུན་པ་འབུལ་བའི་གང་ཟག་དེ་གསུམ་གྱིས། དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །གང་ཟག་
Cha356b
ཐ་མ་གཉིས་པོ་ལྟ་བ་སྨྲ་བ་དང ། གློ་བུར་དུ་འོངས་པའི་གང་ཟག་དེ་གཉིས། དགེ་འདུན་མཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱིས་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྐྱོ་སྔོགས་བྱེད་པའི་ལྟུང་བྱེད་དེ། བཞི་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་འཆར་ཀ་ཤ་མཚན་གྱི་རིག་པ་ཤེས་ཏེ། དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་འཇུག་གོ་།དེ་བྲམ་ཟེ་དང ། ཁྱིམ་བདག་གི་ཁྱིམ་བདག་ཏུ་སོང་སྟེ་ཆོས་སྟོན་པར་བྱེད་ཅིང ། ཆོས་བསྟན་ནས་མནའ་མ་ལ་དྲིས་པ། སྲུ་མོ། །ཁྱོད་ཀྱི་སྒྱུག་མོ་ཅི་འདྲ། དེས་སྨྲས་པ། འཕགས་པ། རི་བོང་མ་མདས་ཕོག་པ་ཅི་འདྲ་བ་དེ་འདྲའོ། །འཆར་ཀས་སྨྲས་པ། སྲུ་མོ། ཅི། དེ་དེའི་ཉེས་པ་ཡིན་སྙམ་མམ། འདི་ལྟར། དེ་ལ་གཏུམ་པའི་མཚན་ནུ་མའི་བར་དང ། འདོམས་ཀྱི་བར་དང ། རྐེད་པའི་བར་དག་ན་ཤ་སྨན་དང ། འཛེར་བུ་དང ། སྨེ་བ་དང ། སྨེ་བ་དམར་པོ་དང ། སྤུ་འཁྱིལ་བ་དག་ཡོད་པས། དེ་ནི། དེའི་ཉེས་པ་ཡིན་ནོ། །དེའི་འོག་ཏུ་སྒྱུག་མོའི་གན་དུ་སོང་སྟེ་དྲིས་པ། སྲུ་མོ། ཁྱོད་ཀྱི་མནའ་མ་ཅི་འདྲ། འཕགས་པ། དེའི་སྐྱོན་ནི། སེག་རྡར་གྱིས་བརྡར་འཚལ་ཏེ། ལེ་ལོ་ཅན། སྒྲུབ་མི་ཕོད་པ། གཏུམ་པ། གཤེ་བ། སྤྱོ་བར་བགྱིད་
Cha357a
༄#། །པ་ལགས་སོ། །སྲུ་མོ། ཅི། དེ་དེའི་ཉེས་པ་ཡིན་སྙམ་མམ། འདི་ལྟར། དེ་ལ་གཏུམ་པའི་མཚན་ནུ་མའི་བར་དང ། འདོམས་ཀྱི་བར་དང ། རྐེད་པའི་བར་དག་ན་ཤ་སྨན་དང ། འཇེར་བུ་དང ། སྨེ་བ་དང ། སྨེ་བ་དམར་པོ་དང ། སྤུ་འཁྱིལ་བ་དག་ཡོད་པས། དེ་ནི། དེའི་ཉེས་པ་ཡིན་ནོ། །དེ་དུས་གཞན་ཞིག་ན་ཡང་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་འཇུག་གོ་།དེ་བྲམ་ཟེ་དང ། ཁྱིམ་བདག་གི་ཁྱིམ་བདག་ཏུ་སོང་སྟེ་ཆོས་སྟོན་པར་བྱེད་ཅིང་ཆོས་བསྟན་ནས་སྒྱུག་མོ་ལ་དྲིས་པ། སྲུ་མོ། ཁྱོད་ཀྱི་མནའ་མ་ཅི་འདྲ། འཕགས་པ། བུ་མོའམ་ནུ་མོ་ཅི་འདྲ་བ་དེ་འདྲའོ། །སྲུ་མོ། དེ་ནི། འདིའི་ཡོན་ཏན་མ་ཡིན་ཏེ། འདི་ལྟར། དེ་ལ་དེས་པའི་མཚན་ནུ་མའི་བར་དང་འདོམས་ཀྱི་བར་དང ། རྐེད་པའི་བར་དག་ན། འདི་ལྟ་སྟེ། དཔལ་བེའུ་དང ། བུམ་པ་གང་བ་དང ། བཀྲ་ཤིས་དང ། གཡུང་དྲུང་དག་ཡོད་པས། དེ་ནི། དེའི་ཡོན་ཏན་ཡིན་ནོ། །དེའི་འོག་ཏུ་དེའི་མནའ་མའི་གན་དུ་སོང་སྟེ་དྲིས་པ། སྲུ་མོ། ཁྱོད་ཀྱི་སྒྱུག་མོ་ཅི་འདྲ། འཕགས་པ། མའམ་ཕུ་ནུ་མོ་ཅི་འདྲ་བ་དེ་འདྲའོ། །སྲུ་མོ། དེ་ནི། འདིའི་ཡོན་ཏན་མ་ཡིན་ཏེ། འདི་ལྟར། དེ་ལ་དེས་པའི་མཚན་ནུ་མའི་བར་དང ། འདོམས་ཀྱི་བར་དང ། རྐེད་པའི་བར་དག་ན། འདི་ལྟ་སྟེ། དཔལ་བེའུ་དང ། བུམ་པ་གང་བ་དང ། བཀྲ་ཤིས་དང ། གཡུང་དྲུང་དག་ཡོད་པས། དེ་ནི། དེའི་ཡོན་ཏན་ཡིན་ནོ། །དེ་ནས་དུས་གཞན་ཞིག་ན་བུད་མེད་དེ་དག་བསྐུ་མཉེ་དང ། དྲིལ་ཕྱི་
Cha357b
དང ། ཁྲུས་བདག་གིར་བྱེད་པའི་ཚེ། གཅིག་ལ་གཅིག་གསང་བའི་གནས་ཀྱི་མཚན་མ་རྟོག་པར་བྱེད་པ་ནི། ཇི་ཙམ་ན་ཚེ་དང་ལྡན་པ་འཆར་ཀས་ཇི་སྐད་བསྟན་པ་དེ་ཁོ་ན་ལྟ་བུའི་མཚན་བཟང་པོ་དང ། མཚན་ངན་པ་དག་མཐོང་ངོ ། །དེ་དག་གང་གི་ཚེ་འཐབ་མོ་བྱུང་བ་དེའི་ཚེ་ན་གཅིག་ལ་གཅིག་གླེང་བར་བྱེད་དེ། ཁྱོད་ཀྱང་ཁོ་མོ་དང་ལྷན་ཅིག་སྨྲ་བར་བྱེད་དམ། ཁྱོད་སྐྱེས་པ་གཞན་དག་དང་ལྷན་ཅིག་འདི་དང་འདི་ལྟར་བྱེད་དོ། །སྡིག་པ་ཞིའོ། །འོ་ན་ཁྱོད་ཀྱི་འདོམས་ཀྱི་བར་དག་ན་མཚན་དང ། མཚན་ངན་པ་དག་ཡོད་པ་སྐྱེས་པ་གཞན་གྱིས་ཇི་ལྟར་ཤེས། གལ་ཏེ་དེ་ལྟར་ན། ཁོ་མོ་ཡང་ཅིའི་ཕྱིར་མི་སྨྲ། ཁྱོད་ཀྱང་ཁོ་མོ་དང་ལྷན་ཅིག་སྨྲ་བར་བྱེད་དམ། ཁྱོད་སྐྱེས་པ་གཞན་དག་དང་ལྷན་ཅིག་འདི་དང་འདི་ལྟར་བྱེད་དོ། །སྡིག་པ་ཞིའོ། །འོ་ན་ཁྱོད་ཀྱི་འདོམས་ཀྱི་བར་དག་ན་མཚན་མ་དང ། མཚན་ངན་པ་དག་ཡོད་པ་སྐྱེས་པ་གཞན་གྱིས་ཇི་ལྟར་ཤེས། གང་གི་ཚེ་དེ་དག་གིས་གཅིག་ལ་གཅིག་བཟོད་པ་གསོལ་བ་དེའི་ཚེ་ན། གཅིག་གིས་གཅིག་ལ་དྲིས་པ། ཁྱོད་ལ་སུས་སྨྲས། འཕགས་པ་འཆར་ཀས་སོ། །ཁྱོད་ལ་ཡང་སུས་སྨྲས། འཕགས་པ་འཆར་ཀས་སོ། །དེ་དག་འཕགས་པ་འཆར་ཀས་བསམ་བཞིན་དུ་བདག་ཅག་འཐབ་ཏུ་བཅུག་གོ་།ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དེ་དག་ཐེ་ཚོམ་སྐྱེས་ནས་དགེ་སློང་གནས་བརྟན་གནས་བརྟན་དག་བསོད་སྙོམས་ལ་ཞུགས་པ་ན། དེ་དག་གིས་དེ་དག་ལ་དྲིས་པ། འཕགས་པ་དང ། འཕགས་པ་འཆར་ཀ་
Cha358a
༄#། །དགེ་སློང་ཇི་ལྟ་བུ་ལགས། སྲིང་མོ་དག་།དེ་ནི། མདུན་ན་འདོན་གྱི་བུ་ལས་རབ་ཏུ་བྱུང་བ། དགེ་སློང་ཚུལ་ཁྲིམས་དང་ལྡན་པ་ཡིན་ནོ། །འཕགས་པ་དག་གལ་ཏེ་དེ་དགེ་སློང་ཚུལ་ཁྲིམས་དང་ལྡན་པ་ལགས་ན། དེས་ཇི་ལྟར་བུད་མེད་ཀྱི་ཡུལ་གྱི་གསང་བའི་ཕྱོགས་དག་ན་ཤ་སྨེན་མཆིས་པ་དག་འཚལ། དེ་དག་གིས་སྨྲས་པ། སྲིང་མོ་དག། དེས་ཤ་མཚན་བརྟག་པའི་རིག་པ་ཤེས་པས་དེའི་མཐུས་ཤེས་སོ། །འཕགས་པ་དག་།ཅི། ཇི་ཙམ་འཚལ་བ་དེ་དག་ཐམས་ཅད་བསྟན་པར་བགྱིའམ་ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གང་གི་ཕྱིར་ཉེས་དམིགས་ཅུང་ཟད་ཅི་བྱུང་བ་དེ་དག་ཐམས་ཅད་དགེ་སློང་བུད་མེད་ཀྱི་ཡུལ་ལ་ཆོས་སྟོན་པ་ལས་གྱུར་པ་ཡིན་གྱི། དེའི་ཕྱིར་དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ།། སྙམ་དུ་དགོངས་ནས། དེ་ལྟ་བས་ན། དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ། །ཞེས་བཀའ་སྩལ་ཏོ། །བཅོམ་ལྡན་འདས་ཀྱིས་དགེ་སློང་གིས་བུད་མེད་ཀྱི་ཡུལ་ལ་ཆོས་བསྟན་པར་མི་བྱའོ། །ཞེས་བཀའ་སྩལ་ནས་དགེ་སློང་དག་བསོད་སྙོམས་ལ་ཞུགས་པ་ན། བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་།ཆོས་བསྟན་དུ་གསོལ། སྲིང་
Cha358b
མོ་དག་།བཅོམ་ལྡན་འདས་ཀྱིས་མ་གནང་ངོ ། །དེ་དག་གིས་སྨྲས་པ། གལ་ཏེ་ཁྱོད་ཆོས་མི་སྟོན་ན། བདག་ཅག་ཀྱང་བསོད་སྙོམས་མི་འབུལ་ལོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཚིག་ལྔས་ཆོས་བསྟན་པར་བྱ་སྟེ། སྲིང་མོ་དག་།འདི་ལྟར། གཟུགས་ནི། མི་རྟག་པའོ། །ཚོར་བ་དང ། འདུ་ཤེས་པ་དང ། འདུ་བྱེད་རྣམས་དང ། རྣམ་པར་ཤེས་པ་ནི། མི་རྟག་པའོ། །ཞེས་བྱ་བས་སོ། །དགེ་སློང་དག་།བསོད་སྙོམས་ལ་ཞུགས་པ་ན།་བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་།ཆོས་བསྟན་དུ་གསོལ། དགེ་སློང་རྣམས་ཀྱིས། སྲིང་མོ་དག་།འདི་ལྟར། གཟུགས་ནི། མི་རྟག་པའོ། ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི། མི་རྟག་པའོ། །ཞེས་ཚིག་ལྔས་ཆོས་བསྟན་པ་དང ། དེ་དག་གིས་སྨྲས་པ། འཕགས་པ་དག་།ཡང་ཆོས་བསྟན་དུ་གསོལ། སྲིང་མོ་དག་།བཅོམ་ལྡན་འདས་ཀྱིས་རེ་ཞིག་དེ་ཙམ་ཞིག་རྗེས་སུ་གནང་ངོ ། །དེ་དག་གིས་སྨྲས་པ། འཕགས་པ་དག་།ལེགས་ཀྱི། བདག་ཅག་ཀྱང་བསོད་སྙོམས་ཅུང་ཞིག་འབུལ་ལོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཚིག་དྲུག་གིས་ཆོས་བསྟན་
Cha359a
༄#། །པར་བྱ་སྟེ། སྲིང་མོ་དག། འདི་ལྟར། མིག་ནི། མི་རྟག་པའོ། །རྣ་བ་དང ། སྣ་དང ། ལྕེ་དང ། ལུས་དང ། ཡིད་ནི། མི་རྟག་པའོ། །ཞེས་བྱ་བས་སོ། །དགེ་སློང་དག་བསོད་སྙོམས་ལ་ཞུགས་པ་ན། བུད་མེད་ཀྱི་ཡུལ་དག་གིས་སྨྲས་པ། འཕགས་པ་དག་།ཆོས་བསྟན་དུ་གསོལ། དགེ་སློང་རྣམས་ཀྱིས། སྲིང་མོ་དང ། འདི་ལྟར། མིག་ནི། མི་རྟག་པའོ། །རྣ་བ་དང ། སྣ་དང ། ལྕེ་དང ། ལུས་དང ། ཡིད་ནི། མི་རྟག་པའོ། །ཞེས་ཚིག་དྲུག་གིས་ཆོས་བསྟན་པ་དང ། དེ་དག་གིས་སྨྲས་པ། འཕགས་པ་དག་།ཡང་ཆོས་བསྟན་དུ་གསོལ། སྲིང་མོ་དག་།བཅོམ་ལྡན་འདས་ཀྱིས་རེ་ཤིག་དེ་ཙམ་ཞིག་རྗེས་སུ་གནང་ངོ ། །དེ་དག་གིས་སྨྲས་པ། འཕགས་པ་དག་།ལེགས་ཀྱི། བདག་ཅག་ཀྱང་བསོད་སྙོམས་ཅུང་ཞིག་འབུལ་ལོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྐྱེས་པ་བཞག་སྟེ་ཇི་ཙམ་འདོད་པར་ཆོས་བསྟན་པར་བྱའོ། །དགེ་སློང་དག་བསོད་སྙོམས་ལ་ཞུགས་པ་ན། བུད་མེད་ཀྱི་ཡུལ་དག་གིས་སྨྲས་པ། འཕགས་པ། ཆོས་བསྟན་དུ་གསོལ། དགེ་སློང་རྣམས་ཀྱིས་སྨྲས་པ། སྲིང་མོ་དག་།སྐྱེས་པ་འགའ་ཞིག་ཁྲིད་དེ་ཤོག་།འཕགས་པ་དག། སྐྱེས་པས་ཅི་བགྱི། སྲིང་མོ་དག། བཅོམ་ལྡན་འདས་ཀྱིས་སྐྱེས་པ་བཞག་
Cha359b
སྟེ་ཇི་ཙམ་འདོད་པར་ཆོས་བསྟན་པར་བྱའོ། །ཞེས་བསླབ་པའི་གཞི་བཅའ་བར་མཛད་དོ། །འཕགས་པ་དང ། ལེགས་ཏེ། བདག་ཅག་ཀྱང་ཤིན་ཏུ་སྦས་པ་དང ། ཤིན་ཏུ་བསྲུངས་པར་འགྱུར་ལ། འཕགས་པ་དག་ཀྱང་མི་བསྙེངས་པར་ཆོས་སྟོན་པར་འགྱུར་རོ། །ཞེས་དེ་དག་གིས་སྐྱེས་པ་ཁྲིད་དེ་འོངས་ནས་དགེ་སློང་དག་གིས་ཀྱང་ཅི་འདོད་པའི་ཆོས་བསྟན་ཏེ་དོང་ངོ ། །དྲུག་སྡེ་དག་བསོད་སྙོམས་ལ་ཞུགས་ནས་དེ་དག་གིས་བུད་མེད་ཀྱི་ཡུལ་དག་ལ་སྨྲས་པ། སྲིང་མོ་དག། འཁོད་ཅིག་དང་ཆོས་བསྟན་པར་བྱའོ། །དེ་དག་གིས་སྨྲས་པ། འཕགས་པ་དག་།སྐྱེས་པ་འགའ་ཞིག་ཁྲིད་དེ་མཆིའི། བར་དུ་རེ་ཞིག་ཡུད་ཙམ་ཞིག་གཞེས་སུ་གསོལ། དྲུག་སྡེ་དག་གིས་སྨྲས་པ། ཁྱི་དང ། སྤྲེའུ་དང ། བེའུ་དང ། ཕྱི་གན་དུ་ཉལ་བ་དང ། གོག་པ་དང ། ཁྱེའུ་འདུག་པ་འདི་ལས་གཞན་པའི་སྐྱེས་པ་ཅི་དགོས་ཞེས་དེ་དག་ལ་ཆོས་བསྟན་ནས་དོང་ངོ ། །དགེ་སློང་གནས་བརྟན་གནས་བརྟན་དག་བསོད་སྙོམས་ལ་ཞུགས་པ་ན། བུད་མེད་ཀྱི་ཡུལ་དག་གིས་སྨྲས་པ།་འཕགས་པ་དག། ཆོས་བསྟན་དུ་གསོལ། སྲིང་མོ་དག། སྐྱེས་པ་འགའ་ཞིག་ཁྲིད་དེ་ཤོག། དེ་དག་གིས་སྨྲས་པ། འཕགས་པ། ཅི་ལགས། ཁྱི་དང ། སྤྲེའུ་དང ། བེའུ་དང ། ཕྱི་གན་དུ་ཉལ་བ་དང ། གོག་པ་དང ། ཁྱེའུ་འདི་དག་མ་མཆིས་སམ། སྲིང་མོ་དག་།ཁོ་བོ་ཅག་སྐྱེས་པ་འདི་ལྟ་བུ་དང་ཆོས་མི་སྟོན་ཏེ། ཁྱེད་ཅག་ལ་སྐྱེས་པ་འདི་ལྟ་བུ་
Cha360a
༄#། །དང་ཆོས་སྟོན་པར་བྱེད་པ་དེ་སུ་ཡིན། དེ་དག་གིས་སྨྲས་པ། འཕགས་པ་དྲུག་སྡེ་དག་གོ་།དེ་ཁོ་ནའི་ཕྱིར་དེ་དག་གིས་གནས་སྐབས་དེ་འདྲའོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རིག་པའི་སྐྱེས་པ་བཞག་སྟེ་ཅི་འདོད་པར་ཆོས་བསྟན་པར་བྱའོ།། བཅོམ་ལྡན་འདས་ཀྱིས་བུད་མེད་ཀྱི་ཡུལ་ལ་ཚིག་ལྔའམ་དྲུག་གིས་ཆོས་བསྟན་པར་བྱའོ། །ཞེས་བཀའ་སྩལ་ནས། དྲུག་སྡེ་དག་ཚིག་ལྔས་ཆོས་སྟོན་པ་ན། བསམ་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང ། ཚིག་དྲུག་གིས་ཆོས་སྟོན་པ་ན་ཡང་བསམ་བཞིན་དུ་ཚིག་བདུན་པ་ལ་འཇུག་པར་བྱེད་ནས་དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་།བཅོམ་ལྡན་འདས་ཀྱིས་ཚིག་ལྔའམ་དྲུག་གིས་ཆོས་བསྟན་པར་བྱའོ། །ཞེས་བཀའ་སྩལ་ན། ཁྱེད་ཅག་ཚིག་ལྔས་ཆོས་སྟོན་པ་ན། བསམ་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང ། ཚིག་དྲུག་གིས་ཆོས་སྟོན་པ་ན། ཡང་བསམ་བཞིན་དུ་ཚིག་བདུན་པ་ལ་འཇུག་པར་བྱེད་དམ། དེ་དག་གིས་སྨྲས་པ། ཚེ་དང་ལྡན་པ་དག ། གང་ལ་ཚིག་ལྔ་པ་རུང་བ་དེ་ལ་ཚིག་དྲུག་པ་ཡང་རུང་ལ། གང་ལ་ཚིག་དྲུག་པ་རུང་བ་དེ་ལ་ཚིག་བདུན་པ་ཡང་རུང་སྟེ། ཚིག་དྲུག་པ་དང་བདུན་པས་ཀུན་དོང་ཟོས་སམ། ཆང་འཐུངས་
Cha360b
སམ། ཅི་ན། དམིགས་ཀྱིས་དགག་པར་བྱ། དགེ་སློང་དོན་ཉུང་ངུ་དག། བཅོམ་ལྡན་འདས་ཀྱིས་བུད་མེད་ཀྱི་ཡུལ་ལ་ཚིག་ལྔའམ་དྲུག་གིས་ཆོས་བསྟན་པར་བྱའོ། །ཞེས་བཀའ་སྩལ་ན། ཅིའི་ཕྱིར་དགེ་སློང་དག་ཚིག་ལྔས་ཆོས་སྟོན་པ་ན། བསམ་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང ། ཚིག་དྲུག་གིས་ཆོས་སྟོན་པ་ན། ཡང་བསམ་བཞིན་དུ་ཚིག་བདུན་པ་ལ་འཇུག་པར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ་།དགེ་སློང་དག་།ངས་བུད་མེད་ཀྱི་ཡུལ་ལ་ཚིག་ལྔའམ་དྲུག་གིས་ཆོས་བསྟན་པར་བྱའོ། །ཞེས་བསྟན་ན། ཁྱེད་ཚིག་ལྔས་ཆོས་སྟོན་པ་ན། བསམ་བཞིན་དུ་ཚིག་དྲུག་པ་ལ་འཇུག་པར་བྱེད་ཅིང ། ཚིག་དྲུག་གིས་ཆོས་སྟོན་པ་ན། ཡང་བསམ་བཞིན་དུ་ཚིག་བདུན་པ་ལ་འཇུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་
Cha361a
༄#། །གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བའི་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུད་མེད་ཀྱི་ཡུལ་ལ་ཚིག་ལྔའམ་དྲུག་ལས་ལྷག་པའི་ཆོས་སྟོན་ན། རིག་པའི་སྐྱེས་པ་མ་གཏོགས་ཏེ། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །བུད་མེད་ཀྱི་ཡུལ་ལ་ཞེས་བྱ་བ་ནི། བུད་མེད་དམ། གཞོན་ནུ་མ་ལེགས་པར་སྨྲས་པ་དང ། ཉེས་པར་སྨྲས་པའི་ཆོས་རྣམས་ཀྱི་དོན་ཀུན་ཏུ་ཤེས་པར་ནུས་པ་ལའོ། །ཚིག་ལྔའམ་དྲུག་ལས་ལྷག་པར་ཞེས་བྱ་བ་ནི། ཚིག་ལྔས་ཆོས་སྟོན་པ་ན། བསམ་བཞིན་དུ་ཚིག་དྲུག་པ་ལ་ཐལ་བར་བྱེད་པ་དང ། ཚིག་དྲུག་གིས་ཆོས་སྟོན་པ་ན། ཡང་བསམ་བཞིན་དུ་ཚིག་བདུན་པ་ལ་ཐལ་བར་བྱེད་པའོ། །ཆོས་ཞེས་བྱ་བ་ནི། སངས་རྒྱས་ཀྱིས་གསུངས་པའམ།
Cha361b
སངས་རྒྱས་ཀྱི་ཉན་ཐོས་ཀྱིས་བཤད་པའོ། །སྟོན་ན་ཞེས་བྱ་བ་ནི། འཆད་ནའོ། །རིག་པའི་སྐྱེས་པ་མ་གཏོགས་ཏེ་ཞེས་བྱ་བ་ནི། རིག་པའི་སྐྱེས་པ་བཞག་སྟེའོ། །ལྟུང་བྱེད་དོ། ། ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་སྟེང་གི་ཁང་ཐོག་ཏུ་བུད་མེད་ཀྱི་ཡུལ་ལ་ཆོས་སྟོན་པར་བྱེད་ན། དེས་ཚིག་ལྔའམ་དྲུག་གིས་ཆོས་བསྟན་པར་བྱ་སྟེ། དགེ་སློང་གིས་ཚིག་ལྔས་ཆོས་སྟོན་པ་ན། བསམ་བཞིན་དུ་ཚིག་དྲུག་པ་ལ་ཐལ་བར་བྱེད་ན། ལྟུང་བྱེད་དུ་འགྱུར་རོ། །ཚིག་དྲུག་གིས་ཆོས་སྟོན་པ་ན། བསམ་བཞིན་དུ་ཚིག་བདུན་པ་ལ་ཐལ་བར་བྱེད་ན། ལྟུང་བྱེད་དུ་འགྱུར་རོ། །ཆོས་བསྟན་ནས་ཁང་ཐོག་པར་མར་ཞུགས་པ་ན། དེའི་ཕྱི་བཞིན་དུ་འོང་ཞིང་འཕགས་པ་ཆོས་བསྟན་དུ་གསོལ་ཞེས་ཟེར་བ་ལ།་སྲིང་མོ་ཁྱོད་ལ་ཆོས་བསྟན་ཟིན་ཏོ། །ཞེས་བྱས་ནས། འཕགས་པ་འདིར་ཡང་ཆོས་བསྟན་དུ་གསོལ་ཞེས་ཟེར་ན། དེར་ཡང་ཚིག་ལྔའམ་དྲུག་གིས་ཆོས་བསྟན་པར་བྱ་སྟེ།
Cha362a
༄#། །དགེ་སློང་གིས་ཚིག་ལྔས་ཆོས་སྟོན་པ་ན། བསམ་བཞིན་དུ་ཚིག་དྲུག་པ་ལ་ཐལ་བར་བྱེད་ན། ལྟུང་བྱེད་དུ་འགྱུར་རོ། །ཚིག་དྲུག་གིས་ཆོས་སྟོན་པ་ན། བསམ་བཞིན་དུ་ཚིག་བདུན་པ་ལ་ཐལ་བར་བྱེད་ན། ལྟུང་བྱེད་དུ་འགྱུར་རོ། །འོག་གཞིའི་ས་དང ། སྒོ་ཁང་དང ། བང་རིམ་གྱི་བར་དུ་ཡང་དེ་བཞིན་དུ་སྦྱར་རོ། །བུད་མེད་ཀྱི་ཡུལ་མཁས་པའི་རང་བཞིན་ཅན་གྱིས་གོང་ནས་གོང་དུ་དྲིས་པ་གཏན་ལ་དབབ་པ་བྱས་པ་དང ། སློབ་གཉེར་བསོད་པ་དང ། ཁ་ཏོན་ཞུ་བ་དང ། དམིགས་ཀྱིས་འདྲི་བ་དང ། དུས་ཁྲིམས་དཔོག་པ་དང ། ཡོན་བཤད་པ་བྱེད་པ་ལ་ལྟུང་བ་མེད་དོ། །དགེ་སློང་གིས་ཇི་ཙམ་འདོད་པ་བཀག་པ་དང ། ལྡབ་ལྡིབ་ཅན་དང ། སྨྲ་བ་མྱུར་བ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྟོན་པའི་ལྟུང་བྱེད་དེ། ལྔ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་གང་ཟག་རྫོགས་པར་མ་བསྙེན་པ་དག་དང་ཚིག་གིས་ཆོས་འདོན་པར་བྱེད་དེ། དེས་ཀུན་དགའ་ར་བའི་མཐར་སྒྲ་མཐོན་པོ་དང ། སྒྲ་ཆེན་པོ་སྐྱེ་བོ་ཕལ་པོ་ཆེའི་ཚོགས་ཀྱི་སྒྲ་ལྟ་བུ་འདི་ལྟ་སྟེ། དཔེར་ན། བྲམ་ཟེ་རྣམས་བྲམ་ཟེའི་གསང་ཚིག་འདོན་པ་ལྟ་བུ་དང ། རྩིས་མཁན་རྣམས་
Cha362b
རྩིས་ཀྱི་གནས་ན་སྨྲ་བ་ལྟ་བུ་གྲག་པར་གྱུར་ཏོ། །བཅོམ་ལྡན་འདས་ཀྱིས་ཀུན་དགའི་ར་བའི་མཐར་དེ་དག་གི་སྒྲ་མཐོན་པོ་དང་སྒྲ་ཆེན་པོ་སྐྱེ་བོ་ཕལ་པོ་ཆེའི་ཚོགས་ཀྱི་སྒྲ་ལྟ་བུ་དེ་གསན་ཏོ།། གསན་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཀུན་དགའི་ར་བའི་མཐའ་ན་སྒྲ་མཐོན་པོ་དང ། སྒྲ་ཆེན་པོ་སྐྱེ་བོ་ཕལ་པོ་ཆེའི་ཚོགས་ཀྱི་སྒྲ་ལྟ་བུ་འདི་ལྟ་སྟེ། དཔེར་ན། བྲམ་ཟེ་རྣམས་བྲམ་ཟེའི་གསང་ཚིག་འདོན་པ་ལྟ་བུ་དང ། རྩིས་མཁན་རྣམས་རྩིས་ཀྱི་གནས་ན་སྨྲ་བ་ལྟ་བུ་འདི་ཅི་ཡིན། བཙུན་པ། དགེ་སློང་དྲུག་སྡེ་དག་གང་ཟག་རྫོགས་པར་མ་བསྙེན་པ་དག་དང་ཚིག་གིས་ཆོས་འདོན་པར་བགྱིད་དེ། དེས་ཀུན་དགའི་ར་བའི་མཐར་སྒྲ་མཐོན་པོ་དང ། སྒྲ་ཆེན་པོ་སྐྱེ་བོ་ཕལ་པོ་ཆེའི་ཚོགས་ཀྱི་སྒྲ་ལྟ་བུ་འདི་ལྟ་སྟེ། དཔེར་བགྱི་ན། བྲམ་ཟེ་རྣམས་བྲམ་ཟེའི་གསང་ཚིག་འདོན་པ་ལྟ་བུ་དང ། རྩིས་མཁན་རྣམས་རྩིས་ཀྱི་གནས་ན་སྨྲ་བ་ལྟ་བུ་འདི་གྲག་པར་གྱུར་ཏོ། ། ཀུན་དགའ་བོ། དགེ་སློང་དག་གང་ཟག་རྫོགས་པར་མ་བསྙེན་པ་དང་ལྷན་ཅིག་ཚིག་གིས་ཆོས་འདོན་པར་བྱེད་དམ། བཙུན་པ། བགྱིད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང།་གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་
Cha363a
༄#། །རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་།ཁྱེད་གང་ཟག་རྫོགས་པར་མ་བསྙེན་པ་དང་ལྷན་ཅིག་ཚིག་གིས་ཆོས་འདོན་པར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟག་རྫོགས་པར་མ་བསྙེན་པ་དང་ཚིག་གིས་ཆོས་འདོན་ན། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །གང་ཟག་རྫོགས་པར་མ་བསྙེན་པ་དང་ཞེས་བྱ་བ་ལ། རྫོགས་པར་བསྙེན་པ་ནི། གཉིས་ཏེ། དགེ་སློང་དང ། དགེ་སློང་མའོ། །དེ་ལས་གཞན་པ་རྫོགས་པར་མ་བསྙེན་པའོ། །ཚིག་གིས་ཞེས་བྱ་བ་ནི། ཚིག་མཉམ་པ་དང ། ཚིག་སྔ་བ་དང ། ཡི་གེ་
Cha363b
མཉམ་པ་དང ། ཡི་གེ་སྔ་བས་སོ། །ཇི་ལྟར་ཚིག་མཉམ་པས་ཤེ་ན། སློབ་དཔོན་འདི་སྐད་ཅེས། སྡིག་པ་ཐམས་ཅད་མི་བྱ་སྟེ། །ཞེས་འདོན་པ་ན། ཉེ་གནས་ཀྱང་དུས་གཅིག་ཏུ། སྡིག་པ་ཐམས་ཅད་མི་བྱ་སྟེ། ཞེས་འདོན་པ་སྟེ། དེ་ལྟར་ཚིག་མཉམ་པས་སོ། །ཇི་ལྟར་ཚིག་སྔ་བས་ཤེ་ན། སློབ་དཔོན་གྱིས་རེ་ཞིག་།སྡིག་པ་ཐམས་ཅད་མི་བྱ་སྟེ། །ཞེས་མ་བཏོན་པར་ཉེ་གནས། དགེ་བ་ཕུན་སུམ་ཚོགས་པར་བྱ། །ཞེས་འདོན་པ་སྟེ།་དེ་ལྟར་ཚིག་སྔ་བས་སོ། །ཇི་ལྟར་ཡི་གེ་མཉམ་པས་ཤེ་ན། སློབ་དཔོན་ཨ་ཞེས་འདོན་པ་ན། ཉེ་གནས་ཀྱང་དུས་གཅིག་ཏུ་ཨ་ཞེས་འདོན་པ་སྟེ། དེ་ལྟར་ཡི་གེ་མཉམ་པས་སོ། །ཇི་ལྟར་ཡི་གེ་སྔ་བས་ཤེ་ན།་སློབ་དཔོན་གྱིས་རེ་ཞིག་ཨ་ཞེས་མ་བཏོན་པར་ཉེ་གནས་ཨ་ཞེས་འདོན་པ་སྟེ། དེ་ལྟར་ཡི་གེ་སྔ་བས་སོ། །ཆོས་ཞེས་བྱ་བ་ནི། སངས་རྒྱས་ཀྱིས་གསུངས་པ་དང ། སངས་རྒྱས་ཀྱིས་ཉན་ཐོས་ཀྱིས་བཤད་པའོ། ། འདོན་ན་ཞེས་བྱ་བ་ནི། འཛིན་དུ་འཇུག་ནའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཚིག་མཉམ་པས་ཆོས་འདོན་ན། ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་
Cha364a
༄#། །རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས། ཚིག་སྔ་བས་ཆོས་འདོན་ན། ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཚིག་མཉམ་པས་ཆོས་འདོན་ན། ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཚིག་སྔ་བས་ཆོས་འདོན་ན། ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཡི་གེ་མཉམ་པས་ཆོས་འདོན་ན། ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཡི་གེ་སྔ་བས་ཆོས་འདོན་ན། ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཡི་གེ་མཉམ་པས་ཆོས་འདོན་ན། ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པར་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཡི་གེ་སྔ་བས་ཆོས་འདོན་ན། ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཚིག་མཉམ་པས་ཆོས་འདོན་ན། ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཚིག་སྔ་བས་ཆོས་འདོན་ན། ཉེས་བྱས་སུ་འགྱུར་
Cha364b
རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཚིགས་མཉམ་པས་ཆོས་འདོན་ན། ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཚིག་སྔ་བས་ཆོས་འདོན་ན། ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཡི་གེ་མཉམ་པས་ཆོས་འདོན་ན། ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ཡི་གེ་སྔ་བས་ཆོས་འདོན་ན། ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཡི་གེ་མཉམ་པས་ཆོས་འདོན་ན། ཉེས་བྱས་སུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་ཡིད་གཉིས་ཟ་བས་ཡི་གེ་སྔ་བས་ཆོས་འདོན་ན། ཉེས་བྱས་སུ་འགྱུར་རོ། །ལྡབ་ལྡིབ་ཅན་དང ། སྨྲ་བ་མྱུར་བ་ལ་ལྟུང་བ་མེད་དོ། །ཁ་ཏོན་ཞུར་གཞུག་པ་དང ། ཡོངས་སུ་འདྲིར་འཇུག་པ་ལ་ལྟུང་བ་མེད་དོ། །རྗེས་སུ་བསྒྲགས་ཏེ་ལུང་འབོག་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། ། འདོན་པའི་ལྟུང་བྱེད་དེ། དྲུག་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་ཞེས་གཅིག་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་
Cha365a
༄#། །སྦྱིན་གྱི་ཀུན་དགའ་ར་བ་ན་བཞུགས་སོ། །འདོད་ཆགས་དང་བྲལ་བ་མེད་པ་ཉོན་མོངས་པ་རྣམས་མ་སྤངས་པའི་ཕྱིར་དགེ་སློང་དག་དགེ་འདུན་ལྷག་མའི་ལྟུང་བ་འབྱིན་པར་བྱེད་པ་དང ། ཁ་ཅིག་ནི། ལམ་གོལ་བར་རྒས་པས་དེ་དག་གང་གི་ཚེ་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་ཐོས་པ་དེའི་ཚེ་ན། དེ་དག་ལྟུང་བ་དེ་ཆོས་བཞིན་དུ་ཕྱིར་བྱེད་ཅིང་དེ་དག་ཡོངས་སུ་གནས་པ་དང ། མགུ་བར་བྱ་བ་སྤྱོད་པ་ན། དགེ་འདུན་ལ་ཆུ་འབྲིམ་པའི་ཚེ་བྲམ་ཟེ་དང ། ཁྱིམ་བདག་དད་པ་ཅན་དག་གིས་སྨྲས་པ། གང་དག་རིན་པོ་ཆེ་རྟོག་པ་དག་ཀྱང་དེ་ལ་ཉེ་བར་བརྟགས་ཤིང་རིན་པོ་ཆེ་དེ་དག་སྡུད་པར་བྱེད་དོ། །དགེ་སློང་གནས་བརྟན་གནས་བརྟན་བསོད་སྙོམས་པ་འདི་དག་ཀྱང་དགེ་འདུན་ལ་ཆུ་འབྲིམ་ཞིང་བསོད་ནམས་གསོག་པར་བྱེད་དོ། །དྲུག་སྡེ་ལྟོ་འདུན་ཅན་འདི་དག་ནི། ཟ་ཞིང་འཁོད་པར་བྱེད་དོ། །དེ་དག་སྨོད་པར་བྱེད་པ་ན། དྲུག་སྡེ་དག་གིས་ཐོས་ནས་དེ་དག་གིས་སྨྲས་པ། ཤེས་ལྡན་དག་།ཅི། འདི་དག་ཆོས་བཟང་པོའི་ཆོས་ཀྱིས་དགེ་འདུན་ལ་ཆུ་འབྲིམ་པར་བྱེད་སྙམ་མམ། འདི་ལྟར། འདི་དག་ནི། ཆད་པའི་ལས་བྱེད་པ་ཡིན་ནོ། །དེ་དག་གིས་དྲིས་པ། འདི་དག་གིས་ཅི་བྱས། དྲུག་སྡེ་དག་གིས། ལག་པས་བྱ་བ་མ་ཡིན་པ་བྱས་ཏེ། འདི་ལྟར་བྱས་སོ། །ཞེས་སྨྲས་པ་དང ། དེ་དག་དགེ་སློང་གནས་བརྟན་གནས་བརྟན་གང་དག་ཡིན་པ་དེ་དག་གི་
Cha365b
གནས་སྐབས་ཀྱང་རེ་ཞིག་འདི་འདྲ་ན། དགེ་སློང་བར་མ་དང ། གསར་བུ་གང་དག་ཡིན་པ་དེ་དག་གི་གནས་སྐབས་ཅི་འདྲ་བར་འགྱུར་ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དགེ་སློང་ཡོངས་སུ་གནས་པར་བྱེད་པ་དེ་དག་ཕྱི་དྲོ་དབུ་སྐྲ་དང ། སེན་མོའི་མཆོད་རྟེན་དག་ལ་ལྕི་བ་འཇམ་པོའི་བྱུག་པས་ཉུག་པར་བྱེད་པ་ན། དྲུག་སྡེ་དག་གིས་དེ་དག་གི་ལྷན་ཅིག་གནས་པ་དང ། ཉེ་གནས་དག་ལ་དྲིས་པ། དགེ་ཚུལ་དག་།ཁྱོད་ཀྱི་མཁན་པོ་དང ། སློབ་དཔོན་དེ་དག་གར་དོང ། དེ་དག་གིས་སྨྲས་པ། བསོད་ནམས་དག་བྱེད་དེ། བཅོམ་ལྡན་འདས་ཀྱི་དབུ་སྐྲ་དང ། སེན་མོའི་མཆོད་རྟེན་དག་ལ་ལྕི་བ་འཇམ་པོའི་བྱུག་པས་ཉུག་པར་བྱེད་དོ། །ཁྱེད་ཅག་ཀྱང་དེ་ལྟ་བུའི་བསོད་ནམས་དག་གྱིས་ཤིག་།ཅི། དེ་དག་ཆོས་བཟང་པོའི་ཆོས་ཀྱིས་དབུ་སྐྲ་དང ། སེན་མོའི་མཆོད་རྟེན་དག་ལ་ལྕི་བ་འཇམ་པོའི་བྱུག་པས་ཉུག་པར་བྱེད་སྙམ་མམ། འདི་ལྟར། དེ་དག་ནི། ཆད་པའི་ལས་བྱེད་པ་ཡིན་ནོ། །དེ་དག་གིས་དེ་དག་ལ་དྲིས་པ། དེ་དག་གིས་ཅི་བྱས། དྲུག་སྡེ་དག་གིས་ལག་པས་བྱ་བ་མ་ཡིན་པར་བྱས་ཏེ། འདི་ལྟར་འདི་ལྟར་བྱས་སོ། །ཞེས་སྨྲས་སོ། །གང་གི་ཚེ་དགེ་སློང་ཡོངས་སུ་གནས་པ་བྱེད་པ་དེ་དག་ལྟུང་བ་དེ་ལས་ལངས་པར་གྱུར་པ་དེའི་ཚེ་ན་དགེ་ཚུལ་དག་ལ། དགེ་ཚུལ་དག་།འདི་དང་འདི་གྱིས་ཤིག་ཅེས་བསྒོ་བ་དང ། དགེ་ཚུལ་དེ་དག་གིས་སྨྲས་པ། ཁྱེད་དག་ཅིའི་ཕྱིར་མི་བྱེད། ཁོ་བོ་ཅག་གིས་བྱར་མི་རུང་ངོ ། །དེ་དག་གིས་སྨྲས་པ། ཁྱེད་ཀྱིས་འདི་ལྟ་འདི་ལྟར་བྱར་རུང་
Cha366a
༄#། །ན།་འདི་ཅིའི་ཕྱིར་བྱར་མི་རུང ། དེ་དག་གིས་སྨྲས་པ། དེ་ལྟ་བུ་ཡང་ཡོད་མོད་ཀྱི། འོན་ཀྱང་ཁོ་བོ་ཅག་གིས་ལྟུང་བ་དེ་ཆོས་བཞིན་དུ་ཕྱིར་བྱས་ཟིན་ཏོ། །ཁྱེད་ལ་སུས་སྨྲས།་དྲུག་སྡེ་དག་གིས་སོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་གང་ཟག་རྫོགས་པར་མ་བསྙེན་པ་ལ་གནས་ངན་ལེན་གྱི་ལྟུང་བ་རྗོད་པར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་ལ་འདི་སྐད་ཅེས་ལན་གདབ་པར་བྱ་སྟེ། གང་ལ་ཉེས་པ་མེད་པ་ཡིན། །སྐྱོན་མི་བྱེད་པའི་མི་གང་ཡིན། །སུ་ཞིག་ཀུན་ཏུ་རྨོངས་མི་འགྱུར། །སུ་ཞིག་རྟག་ཏུ་བརྟན་པར་གསུངས། །ཡང་དག་མཁྱེན་པས་རྣམ་གྲོལ་བ། །རྫོགས་པའི་སངས་རྒྱས་རབ་མཁྱེན་པ། །དེ་ལ་ཉེས་པ་མེད་པ་ཡིན། །སྐྱོན་མི་བྱེད་པའི་མི་དེ་ཡིན། །དེ་ནི་ཀུན་ཏུ་རྨོངས་མི་འགྱུར། །དེ་ནི་རྟག་ཏུ་བརྟན་པར་གསུངས། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི།་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་།ཁྱེད་གང་
Cha366b
ཟག་རྫོགས་པར་མ་བསྙེན་པ་ལ་གནས་ངན་ལེན་གྱི་ལྟུང་བ་བརྗོད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨོད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟག་རྫོགས་པར་མ་བསྙེན་པ་ལ་གནས་ངན་ལེན་གྱི་ལྟུང་བ་བརྗོད་ན། ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་མཛད་དོ། །མཉན་ཡོད་ན་དགེ་སློང་འཕྲལ་བ་དང ། དགེ་སློང་མ་གསལ་མ་ཞེས་བྱ་བ། ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང།་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁྱེད་ཀྱིས་དགེ་སློང་འཕྲལ་བ་དང ། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བྱེད་པའི་དགེ་སློང་བསྐོ་བར་བྱ་སྟེ། ཁྱིམ་
Cha367a
༄#། །རྣམས་སུ་སོ་སོར་གོ་བར་བྱེད་པའི་དགེ་སློང་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། གོ་བར་བྱས་པ་དང་མ་བྱས་པའི་ཁྱིམ་མི་ཤེས་པའོ། །ཁྱིམ་རྣམས་སུ་སོ་སོར་གོ་བར་བྱེད་པའི་དགེ་སློང་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། གོ་བར་བྱས་པ་དང་མ་བྱས་པའི་ཁྱིམ་ཤེས་པའོ། །འདི་ལྟར་བསྐོ་བར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། ཇེ་དང་པོར་སྤྲོ་བར་བྱ་སྟེ། དགེ་སློང་མིང་འདི་ཞེས་བྱ་བ་ཁྱོད། དགེ་སློང་འཕྲལ་བ་དང ། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བྱེད་པར་སྤྲོའམ། གལ་ཏེ་སྤྲོ་ན། དེས་སྤྲོའོ། །ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཕྲལ་བ་དང ། དགེ་སློང་མ་གསལ་མ། ཅི་ནས་ཀྱང་སྐྱེ་བོ་ཕལ་པོ་
Cha367b
ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བགྱིད་དེ། དགེ་སློང་མིང་འདི་ཞེས་བགྱི་བ་འདི། དགེ་སློང་འཕྲལ་བ་དང ། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། ཁྱིམ་རྣམས་སུ་སོ་སོར་གོ་བར་བགྱིད་པར་བསྐོ་སྟེ། དགེ་སློང་མིང་འདི་ཞེས་བགྱི་བ་འདི། དགེ་སློང་འཕྲལ་བ་དང ། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཕྲལ་བ་དང ། དགེ་སློང་མ་གསལ་མ། ཅི་ནས་ཀྱང་སྐྱེ་བོ་ཕོལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བགྱིད་ནས་དགེ་སློང་མིང་འདི་ཞེས་བགྱི་བ་འདི། དགེ་སློང་འཕྲལ་བ་དང ། དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་པར་སྤྲོ་སྟེ།་དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། ཁྱིམ་རྣམས་སུ་སོ་སོར་གོ་བར་བགྱིད་པར་བསྐོ་སྟེ། དགེ་སློང་མིང་འདི་ཞེས་བགྱི་བ་འདི། དགེ་སློང་འཕྲལ་བ་དང།་དགེ་སློང་མ་གསལ་མ་ཁྱིམ་རྣམས་སུ་སོ་སོར་གོ་བར་བགྱིད་ན། ཚེ་དང་ལྡན་པ་གང་དགེ་སློང་མིང་འདི་ཞེས་བགྱི་བ་འདི། ཁྱིམ་རྣམས་སུ་སོ་སོར་གོ་བར་བགྱིད་པར་བསྐོ་བར་བཟོད་
Cha368a
༄#། །པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། ཁྱིམ་རྣམས་སུ་སོ་སོར་གོ་བར་བགྱི་བར་བསྐོས་ལགས་ཏེ། འདི་ལྟར། ཅང་མི་གསུང་བསད་དེ་བཞིན་དུ་འཛིན་ཏོ། །དགེ་སློང་དག་།ངས་དགེ་སློང་ཁྱིམ་རྣམས་སུ་སོ་སོར་གོ་བར་བྱེད་པའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་ཁྱིམ་རྣམས་སུ་སོ་སོར་གོ་བར་བྱེད་པས་འདི་སྐད་ཅེས་བརྗོད་པར་བྱ་སྟེ། ཚེ་དང་ལྡན་པ་དག་།ཁྱེད་ཉོན་ཅིག་།ཁྱིམ་རྣམས་སུ་ཁྱིམ་སུན་པར་བྱེད་པ་དང ། གནས་རྣམས་སུ་གནས་སུ་ན་པར་བྱེད་པ་འདི་ལྟ་སྟེ། དཔེར་ན། འབྲས་སཱ་ལུའི་ཞིང་ཕུན་སུམ་ཚོགས་པ་ལ་སེར་པའི་འཁོར་ལོ་མི་བཟད་པ་བབ་ན། འདི་ལྟར། འབྲས་སཱ་ལུ་དེ་ཉིད་ཤིན་ཏེ་མ་དང ། ཆུད་ཟ་བ་དང ། ཚུལ་མ་ཡིན་པས་མ་རུངས་པར་འགྱུར་བ་དང ། བུ་རམ་ཤིང་གི་ཞིང་ཕུན་སུམ་ཚོགས་པ་ལ་ནད་ཀྱི་རིགས་དམར་པོ་ཞེས་བྱ་བ་བྱུང་ན། འདི་ལྟར།་བུ་རམ་ཤིང་དེ་ཉིད་ཤིན་ཏེ་མ་དང ། ཆུད་ཟ་བ་དང ། ཚུལ་མ་ཡིན་པས་མ་རུངས་པར་འགྱུར་བ་ལྟ་བུ་དག་ཡོད་ཀྱི། ཚེ་དང་ལྡན་པ་དག་།ཁྱེད་ཅག་དགེ་སློང་འདི་དང ། དགེ་སློང་མ་འདིས་བསྟན་པའི་ཚོད་མ་འཛིན་ཅིག་།འདི་ལྟར། དགེ་སློང་འདི་དང ། དགེ་སློང་མ་འདི་ནི། ཡོས་ཚིག་པ་བཞིན་དུ་ཆོས་འདུལ་བ་འདི་ལ་སྐྱེར་མི་རུང་བའི་ཆོས་ཅན་ཡིན་གྱི།
Cha368b
བཅོམ་ལྡན་འདས་དང ། གནས་བརྟན་ཀུན་ཤེས་ཀོའུ་དི་ནྱ་དང ། རླངས་པ་དང ། རྟ་ཐུལ་དང ། བཟང་ལྡན་དང ། གནས་བརྟན་གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང ། ལག་བཟང་དང ། ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་དང ། གསུས་པོ་ཆེ་ཆེན་པོ་དང ། སྐུལ་བྱེད་ཆེན་པོ་དང ། ཀ་ཏྱའི་བུ་ཆེན་པོ་དང ། ལྟེང་རྒྱས་འོད་སྲུང་དང ། ཆུ་ཀླུང་འོད་སྲུང་དང ། ག་ཡ་འོད་སྲུང་དང ། འགབ་མ་འོད་སྲུང་དང ། འོད་སྲུང་ཆེན་པོ་དང ། དགའ་བྱེད་དང ། ཀིམ་པི་ལ་དང ། ལེགས་སྐྱེས་དང ། ནམ་གྲུ་དང ། ས་རི་དང ། ཉེ་སྡེ་དང།་སོམ་ཉི་ནམ་གྲུ་དང ། ལམ་བསྟན་དང ། ལམ་ཕྲན་བསྟན་དང ། བརྟག་པའི་ཤིང་རྟ་དང ། ཆེན་པོ་པ་དང ། གྲགས་སྦྱིན་དང ། དེ་དག་ལ་སོགས་པ་དགེ་སློང་གནས་བརྟན་གནས་བརྟན་རྣམས་ལ་ལྟོས་ཤིག་།ཅེས་བརྗོད་པར་བྱའོ། །དགེ་སློང་ཁྱིམ་རྣམས་སུ་སོ་སོར་གོ་བར་བྱེད་པ་དེ། ཁྱིམ་རྣམས་སུ་སོ་སོར་གོ་བར་བྱེད་དུ་སོང་བ་དང ། དགེ་སློང་འཕྲལ་བས། དགེ་འདུན་གྱིས་དགེ་སློང་མིང་འདི་ཞེས་བྱ་བ་དེ། ཁྱིམ་རྣམས་སུ་སོ་སོར་གོ་བར་བྱེད་པར་བསྐོས་སོ། །ཞེས་ཐོས་ནས་དེ་དེའི་གན་དུ་སོང་སྟེ་སྨྲས་པ། ཁྱོད་ཁྱིམ་རྣམས་སུ་ཁོ་བོ་སུན་འབྱིན་དུ་འགྲོའམ། དགེ་འདུན་གྱི་ཆོས་དང་ལྡན་པའི་བཀའ་བསྒྲུབ་པར་བྱའོ། །ཁོ་བོས་དེ་དང་དེ་བྱར་རུང་ན། ཁྱོད་ཀྱི་ལྟོ་དྲལ་ཏེ་རྒྱུ་མ་དག་གིས་རྒྱལ་བྱེད་ཀྱི་ཚལ་དཀྲི་བར་བྱ་བ་དང ། མགོ་ཡང་འབྲུ་
Cha369a
༄#། །མར་གྱི་སྣོད་བཞིན་དུ་རྒྱལ་བྱེད་ཀྱི་ཚལ་གྱི་སྒོར་དབྱངས་ལ་གདགས་པར་མི་རུང་བ་ཅི་ཡོད། དགེ་སློང་དེས་དགེ་སློང་རྣམས་པ་འཕྲལ་བས་བདག་སྤྱོས་ཏེ། དེ་ན་རེ། ཁོ་བོས་དེ་དང་དེ་བྱར་རུང་ན། ཁྱོད་ཀྱི་ལྟོ་དྲལ་ཏེ་རྒྱུ་མ་དག་གིས་རྒྱལ་བྱེད་ཀྱི་ཚལ་དཀྲི་བར་བྱ་བ་དང ། མགོ་ཡང་འབྲུ་མར་གྱི་སྣོད་བཞིན་དུ་རྒྱལ་བྱེད་ཀྱི་ཚལ་གྱི་སྒོར་དཔྱངས་ལ་གདགས་པར་མི་རུང་བ་ཅི་ཡོད་ཅེས་ཟེར་གྱི། བདག་དེ་ཁྱིམ་རྣམས་སུ་སོ་སོར་གོ་བར་བྱེད་པར་མི་སྤྲོ་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།མི་གཏི་མུག་ཅན་དེས་གང་ཟག་ནི། གསོད་པར་ནུས་ཀྱི། དགེ་འདུན་ནི། མི་ནུས་པས་དེའི་ཕྱིར་དགེ་འདུན་གྱིས་ཁྱིམ་རྣམས་སུ་སོ་སོར་གོ་བར་བྱའོ། །འདི་ལྟར་སོ་སོར་གོ་བར་བྱ་སྟེ། གསོལ་བ་འབའ་ཞིག་གི་ལས་བྱའོ། །དེ་ཡང་འདི་ལྟར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོས་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ།་དགེ་སློང་འཕྲལ་བ་འདི་དང ། དགེ་སློང་མ་གསལ་མ་འདི། ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་
Cha369b
པར་བགྱིད་དེ། དགེ་སློང་འཕྲལ་བ་དང ། དགེ་སློང་མ་གསལ་མ་ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བགྱིད་ཀྱང ། དགེ་སློང་འཕྲལ་བ་དང ། དགེ་སློང་མ་གསལ་མ། ཁྱིམ་རྣམས་སུ་སོ་སོར་གོ་བར་བགྱིད་པར་སྤྲོ་བ་སུ་ཡང་མ་མཆིས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཕྲལ་བ་དང ། དགེ་སློང་མ་གསལ་མ། ཅི་ནས་ཀྱང་སྐྱེ་བོ་ཕལ་པོ་ཆེའི་ཚོགས་མ་དད་པར་རིག་པར་འགྱུར་བ་དེ་ལྟ་དེ་ལྟར་ཁྱིམ་རྣམས་སུ་སྤྱོད་པར་བགྱིད་པར་གང་གིས་མཐོང་ཞིང་གང་དུ་མཐོང་བ་དེས། ཁྱིམ་དེར་ཁྱེད་དགེ་སློང་འདི་དང ། དགེ་སློང་མ་འདིས་བསྟན་པའི་ཚོད་མ་འཛིན་ཅིག་།དགེ་སློང་འདི་དང ། དགེ་སློང་མ་འདི་ནི། ཡོས་ཚིག་པ་བཞིན་དུ་ཆོས་འདུལ་བ་འདི་ལ་སྐྱེར་མི་རུང་བའི་ཆོས་ཅན་ཡིན་གྱི། བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ལ་ལྟོས་ཤིག་།ཅེས་སོ་སོར་གོ་བར་བགྱིད་དུ་སྩལ་ཏོ། ། འདི་ནི།་གསོལ་བའོ། །བཅོམ་ལྡན་འདས་ཀྱིས། སོ་སོར་རིག་པའི་ཁྱིམ་དག་ཏུ་སོ་སོར་གོ་བར་བྱའོ། །ཞེས་བཀའ་སྩལ་ན། དེ་དག་སོ་སོར་རིག་པ་དང ། སོ་སོར་མ་རིག་པའི་ཁྱིམ་དག་ཏུ་སོ་སོར་གོ་བར་བྱེད་པ་ན། དེ་དག་བསོད་སྙོམས་ཀྱིས་ཕོངས་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ།
Cha370a
༄#། །སོ་སོར་རིག་པའི་ཁྱིམ་དག་ཏུ་སོ་སོར་གོ་བར་བྱའི། སོ་སོར་མ་རིག་པའི་ཁྱིམ་དག་ཏུ་སོ་སོར་གོ་བར་མི་བྱ་སྟེ། དེ་ལྟ་བས་ན། དགེ་འདུན་གྱིས་གནང་བ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དེ་དང་མཐུན་པ་དང ། དེའི་ཤས་ཆེ་བ་དང།་དེ་དང་ཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་གང་ཟག་རྫོགས་པར་མ་བསྙེན་པ་ལ་གནས་ངན་ལེན་གྱི་ལྟུང་བ་བརྗོད་ན། དགེ་འདུན་གྱིས་གནང་བ་མ་གཏོགས་ཏེ། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །གང་ཟག་རྫོགས་པར་མ་བསྙེན་པ་ལ་ཞེས་བྱ་བ་ལ། རྫོགས་པར་བསྙེན་པ་ནི། གཉིས་ཏེ། དགེ་སློང་དང ། དགེ་སློང་མའོ། །དེ་ལས་གཞན་པ་ནི། རྫོགས་པར་མ་བསྙེན་པའོ། །གནས་ངན་ལེན་ཅེས་བྱ་བ་ལ། གནས་ངན་ལེན་ནི། གཉིས་ཏེ། ཕམ་པར་འགྱུར་བ་ཀུན་ནས་སློང་བ་དང ། དགེ་འདུན་ལྷག་མ་ཀུན་ནས་སློང་བའོ། །ཅིའི་ཕྱིར་དེ་དག་གནས་ངན་ལེན་ཅེས་བྱ་ཞེ་ན། ངོ་བོ་ཉིད་ལས་དང །
Cha370b
ཀུན་ནས་སློང་བ་ལས་སོ། །ལྟུང་བ་བརྗོད་ན་ཞེས་བྱ་བ་ནི། སྨྲ་ནའོ། །དགེ་འདུན་གྱིས་གནང་བ་མ་གཏོགས་ཏེ་ཞེས་བྱ་བ་ནི། དགེ་འདུན་གྱིས་གནང་བ་བཞག་སྟེའོ། །ལྟུང་བྱེད་དོ། །ཞེས་བྱ་བ་ནི།་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་སོ་སོར་མ་རིག་པའི་ཁྱིམ་དག་ཏུ་སོ་སོར་མ་རིག་པར་འདུ་ཤེས་པས་དགེ་སློང་སོ་སོར་གོ་བར་བྱེད་ན། ལྟུང་བྱེད་དུ་འགྱུར་རོ། །དགེ་སློང་གིས་སོ་སོར་རིག་པའི་ཁྱིམ་དག་ཏུ་སོ་སོར་མ་རིག་པར་ཡིད་གཉིས་ཟ་བས་དགེ་སློང་སོ་སོར་གོ་བར་བྱེད་ན། ལྟུང་བྱེད་དུ་འགྱུར་རོ། །དགེ་སློང་གིས་སོ་སོར་རིག་པའི་ཁྱིམ་དག་ཏུ་སོ་སོར་མ་རིག་པར་འདུ་ཤེས་པས་དགེ་སློང་སོ་སོར་གོ་བར་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་སོ་སོར་རིག་པའི་ཁྱིམ་དག་ཏུ་སོ་སོར་མ་རིག་པར་ཡིད་གཉིས་ཟ་བས་དགེ་སློང་སོ་སོར་གོ་བར་བྱེད་ན། ཉེས་བྱས་སུ་འགྱུར་རོ། །དྲིལ་བསྒྲགས་པ་ལ་ནི། ལྟུང་བ་མེད་དོ། །ངོས་ལ་རི་མོར་བྲིས་པ་ཕན་ཆད་ལ་ཡང་ལྟུང་བ་མེད་དོ། །ཇི་ལྟར་བདག་གིས་ཤེས་པ་དེ་བཞིན་དུ་འཇིག་རྟེན་ཐམས་ཅད་ཀྱིས་ཀྱང་ཤེས་སོ།།
Cha371a
༄#། །སྙམ་ནའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གནས་ངན་ལེན་བརྗོད་པའི་ལྟུང་བྱེད་དེ། བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་བཟང་ན་བཞུགས་སོ། །དེའི་ཚེ་ན་ཉ་བ་ལྔ་བརྒྱ་ཆུ་ཀླུང་ཡིད་འོང་ལྡན་ལ་བརྟེན་ཅིང་འཁོད་དོ། །དེ་དག་ལ་རྒྱ་མོ་སྤྱོད་པ་དང ། སྤྱོད་པ་ཆེན་མོ། །ཞེས་བྱ་བ་གཉིས་ཤིག་ཡོད་དོ། །དེ་དག་ལན་འགའ་ནི། རྒྱ་མོ་སྤྱོད་པ་འཇུག་པར་བྱེད་ལ། ལན་འགའ་ནི། སྤྱོད་པ་ཆེན་མོ་འཇུག་པར་བྱེད་དོ། །གང་གི་ཚེ་ཉ་དག་ཉོ་བ་མེད་པ་དེའི་ཚེ་ནི། རྒྱ་མོ་སྤྱོད་པ་འཇུག་པར་བྱེད་ལ། གང་གི་ཚེ་ཉ་དག་ཉོ་བ་ཡོད་པ་དེའི་ཚེ་ནི། སྤྱོད་པ་ཆེན་མོ་འཇུག་པར་བྱེད་དོ། །ཇི་ཙམ་དུས་གཞན་ཞིག་ན་ཡངས་པ་ཅན་དུ་དུས་སྟོན་བྱུང་ནས་དེ་དག་གིས་རྒྱ་མོ་གཉིས་ཀ་བཅུག་སྟེ་ཉིས་བརྒྱ་ལྔ་བཅུས་ནི། རྒྱ་མོ་སྤྱོད་པ་བཅུག་།ཉིས་བརྒྱ་ལྔ་བཅུས་ནི། སྤྱོད་པ་ཆེན་མོ་བཅུག་གོ་།གང་དག་གིས་རྒྱ་མོ་སྤྱོད་པ་བཅུག་པ་དེ་དག་གིས་ནི། ཉ་དང ། རུས་སྦལ་དང ། སྦལ་པ་དང ། ཆུ་སྲིན་བྱིས་པ་གསོད་པ་དང ། ཉ་ཁྱི་བ་ལ་སོགས་པ་མང་པོ་དག་འདི་ལྟ་སྟེ། དཔེར་ན། ཏིལ་དང ། འབྲས་ཐུག་པོ་ཆེ་དང ། རྒྱ་ཤུག་དང ། རྒྱ་སྲན་ལ་སོགས་པ་བཞིན་དུ་ཕུང་པོ་ཆེན་པོར་རྣམ་
Cha371b
པར་བཞག་གོ་།གང་དག་གིས་རྒྱ་མོ་སྤྱོད་པ་ཆེན་མོ་བཅུག་པ་དེ་དག་གིས་ནི། རྒྱ་མཚོ་ཆེན་པོ་ནས་ཆུ་ཀླུང་ཡིད་འོང་ལྡན་དུ་ཞུགས་པ་ཆུ་སྲིན་ཉའི་རིགས། བོང་ཚོད་ཆེན་པོ་ཉལ་བ་ཟིན་ནས་དེ་དག་གིས་དེ་དྲང་བར་བརྩམས་སོ། །དེ་དག་གིས་དྲངས་པ་ན། དེ་སད་ནས་ཉ་པ་ཉིས་བརྒྱ་ལྔ་བཅུ་པོ་དེ་དག་དང ། རྒྱ་མོ་སྤྱོད་པ་ཆེན་མོ་ཁྱེར་ཏེ་རྒྱུན་ཕྱོགས་སུ་ཞུགས་སོ། །ཉ་པ་དེ་དག་གིས་ཉ་པ་ཉིས་བརྒྱ་ལྔ་བཅུ་པོ་གཞན་དག་ལ། ཤེས་ལྡན་དག་།རྒྱ་མོ་སྤྱོད་པ་ཆེན་མོ་དང་བདག་ཅག་ཁྱེར་གྱི། རམ་མདའ་ལོག་ཅིག་ཅེས་བྱས་སོ། །དེ་དག་གིས་ཐོས་ནས་ཉ་པ་ཉིས་བརྒྱ་ལྔ་བཅུ་པོ་གཞན་དག་ཀྱང་ལྷགས་ཏེ། དེ་ཉིད་ལ་རུབ་པ་དང་དེས་ཉ་པ་ལྔ་བརྒྱ་དང ། རྒྱ་མོ་སྤྱོད་པ་ཆེན་མོ་ཁྱེར་ཏེ་རྒྱུན་ཕྱོགས་སུ་ཞུགས་ནས་གཟུང་བར་མ་ནུས་སོ། །སྐྱབས་མེད་པ་དེ་དག་གིས། ཀུན་ཏུ་ཤེས་ལྡན་དག་།རྒྱ་མོ་སྤྱོད་པ་ཆེན་མོ་དང་བདག་ཅག་ཁྱེར་གྱི། གྲོགས་གྱིས་ཤིག་ཅེས་རམ་མདའ་བ་བཟློག་པ་དང ། ལས་མ་མཐོང་བའི་མི་བ་ལང་རྫི་དག་དང ། ཕྱུགས་རྫི་དག་དང ། ཤིང་འཐུན་དག་དང ། རྩཝ་འཐུན་དག་དང ། ལམ་གྱིས་འཚོ་བ་དག་དང ། ལམ་གོལ་བས་འཚོ་བའི་མི་དག་དང ། གཞན་ཡང་སྲོག་ཆགས་བརྒྱ་སྟོང་ཕྲག་དུ་མ་དག་ལོག་ནས་དེ་དག་གིས་ལུས་རྨས་པ་དང ། རྣམ་པར་རྨས་པ་དག་གིས་རྒྱ་མོ་རལ་པ་དང ། རབ་ཏུ་རལ་པས་ཆུ་སྲིན་དེ་ཆུ་ནས་སྐམ་ལ་ཕྱུང་ངོ ། །དེ་ལ་མགོ་བཅོ་བརྒྱད་དང ། མིག་སུམ་ཅུ་རྩ་དྲུག་ཡོད་དོ། །དེའི་མགོ་ལ་ལ་ནི། གླང་པོ་
Cha372a
༄#། །ཆེའི་མགོ་འདྲ། ལ་ལ་ནི། རྟའི་མགོ་འདྲ། ལ་ལ་ནི། རྔ་མོའི་མགོ་དང ། བོང་བུའི་མགོ་དང ། བ་ལང་གི་མགོ་དང ། སྤྲེའུའི་མགོ་དང ། སེང་གེའི་མགོ་དང ། སྟག་གི་མགོ་དང ། དོམ་གྱི་མགོ་དང ། དྲེད་མོའི་མགོ་དང ། གུང་གི་མགོ་དང ། བྱི་ལའི་མགོ་དང ། རའི་མགོ་དང ། ལུག་གི་མགོ་དང ། རི་དྭགས་ཀྱི་མགོ་དང ། མ་ཧེའི་མགོ་དང ། ཕག་གི་མགོ་དང ། ཁྱིའི་མགོ་འདྲའོ། །ཀུན་ཏུ་ཆུ་ཀླུང་ཡིད་འོང་ལྡན་པའི་ཉ་པ་ལྔ་བརྒྱས་རྒྱ་མཚོ་ཆེན་པོ་ནས་ཆུ་ཀླུང་ཡིད་འོང་ལྡན་དུ་ཞུགས་པའི་ཆུ་སྲིན་ཉའི་རིགས། བོང་ཚོད་ཆེན་པོ་ཞིག་རྒྱ་མོ་སྤྱོད་པ་ཆེན་མོས་ཟིན་ཏེ་ཆུ་ནས་སྐམ་ལ་ཕྱུང་ཞིང ། དེ་ལ་མགོ་བཅོ་བརྒྱད་དང ། མིག་སུམ་ཅུ་རྩ་དྲུག་ཡོད་དོ། །ཞེ་སྒྲས་ཁྱབ་པར་གྱུར་ཏོ། །དེ་ཐོས་ནས་སྲོག་ཆགས་བརྒྱ་སྟོང་ཕྲག་དུ་མ་དག་ཆུ་ཀླུང་ཡིད་འོང་ལྡན་གྱི་འགྲམ་དུ་ལྷགས་ཏེ། ཁ་ཅིག་ནི། ལྟད་མོ་སྐྱེས་པར་གྱུར། ཁ་ཅིག་ནི། སྔོན་གྱི་དགེ་བའི་རྩ་བ་དག་གིས་བསྐུལ་བར་གྱུར་ཏོ། །རྫོགས་བྱེད་ལ་སོགས་པ་སྟོན་པ་དྲུག་པོ་ཡངས་པ་ཅན་ན་བརྟེན་ཅིང་གནས་པ་དེ་དག་ཀྱང་ལྟད་མོ་སྐྱེས་ཏེ་དེར་ལྷགས་སོ། །སྐྱེ་བོའི་ཚོགས་ཆེན་པོ་ཡང་ཡ་མཚན་སྐྱེས་ཏེ་མིག་ཚུགས་སུ་རྟོག་ཅིང ། ཤེས་ལྡན་དག་།འདིའི་མགོ་ལ་ལ་ནི། གླང་པོ་ཆེའི་མགོ་འདྲ་ལ། དེ་ནས་རྟོག་པར་བྱེད། འདིའི་མགོ་ལ་ལ་ནི། ཁྱིའི་བར་གྱི་གོ་འདྲལ་དེ་ནས་རྟོག་པར་བྱེད་དོ། །ཞེས་ཀྱང་ཟེར་རོ། །དེའི་སྐབས་སུ་སངས་རྒྱས་བཅོམ་
Cha372b
ལྡན་འདས་རྣམས་ལ་ནི། མི་མཁྱེན་པ་དང ། མ་གཟིགས་པ་དང ། མ་རིག་པ་དང ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་བས་ཞེས་བྱ་བ་ནས་བཅོམ་ལྡན་འདས་ཀྱིས་ཉ་པ་ལྔ་བརྒྱ་པོ་དེ་དག་རབ་ཏུ་ཕྱུང ། རྫོགས་པར་བསྙེན་པར་མཛད་པའི་བར་དུ་སྔར་ཕམ་པར་འགྱུར་བ་བཞི་པའི་སྐབས་སུ་བསྟན་པ་བཞིན་དུ་རྒྱས་པར་སྦྱར་རོ། །དེ་ནས་དུས་གཞན་ཞིག་ན་ཆུ་ཀླུང་ཡིད་འོང་ལྡན་གྱི་འགྲམ་གྱི་དགེ་སློང་ལྔ་བརྒྱ་པོ་དེ་དག་གིས་གདོས་བུ་དང ། ཕོ་ལོང་གི་སྦྱོར་བས་སྤྲོ་བར་བྱེད། འབད་པར་བྱེད། རྩོལ་བར་བྱེད་པ་དག་གིས་གཅིག་པུ་དབེན་པ། བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་པ་ན་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་འདི་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། ། བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་བཞག་པ་ལྟ་བུ་རིག་པས་སྒོ་ངའི་སྤུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོར་ཡང་དག་པར་
Cha373a
༄#། །རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེའི་ཚེ་ན་མུ་གེ་ཉམ་ང་བ། དགོན་པ་སློང་མོ་པས་ཟས་རྙེད་པར་དཀའ་ཞིང ། ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང་བྱ་བར་སེམས་པ་དཀའ་ན། སློང་མོ་པ་དག་ལྟ་ལ་སྨོས་ཀྱང་ཅི་དགོས་པ་བྱུང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ད་ལྟར་མུ་གེ་ཉམ་ང་བ། དགོན་པ་སློང་མོ་བས་ཟས་རྙེད་པར་དཀའ་ཞིང ། ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང་བྱ་བར་སེམས་པ་དཀའ་ན། སློང་མོ་པ་དག་ལྟ་ལ་སྨོས་ཀྱང་ཅི་དགོས་པ་བྱུང་གི། དགེ་སློང་དག་།ཁྱེད་ཅག་ཚུར་ཤོག་ལ་སྨོས་འདྲིན་ཇི་ལྟ་བ་དང ། ཕེབས་པར་སྨྲ་བ་ཇི་ལྟ་བ་དང ། འགྲོགས་བཤེས་ཇི་ལྟ་བས་ཡངས་པ་ཅན་གྱི་ཉེ་འཁོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་ལོངས་ཤིག་།ང་ཡང་འོད་མ་ཅན་གྱི་གྲོང་འདི་ཉིད་དུ་བསྙེན་བཀུར་བ་དགེ་སློང་ཀུན་དགའ་བོ་དང་དབྱར་གནས་པར་ཁས་ལེན་གྱི། ཐམས་ཅད་ནི། བསོད་སྙོམས་ཀྱིས་ཉོན་མོངས་པར་གྱུར་ན་མི་རུང་ངོ ། །དགེ་སློང་དག་གིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་སྨོས་འདྲིན་ཇི་ལྟ་བ་དང ། ཕེབས་པར་སྨྲ་བ་ཇི་ལྟ་བ་དང ། འགྲོགས་བཤེས་
Cha373b
ཇི་ལྟ་བས་ཡངས་པ་ཅན་གྱི་ཉེ་འཁོར་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་སོ། །བཅོམ་ལྡན་འདས་ཀྱང་འོད་མ་ཅན་གྱི་གྲོང་དེ་ཉིད་དུ་བསྙེན་བཀུར་བ་ཚེ་དང་ལྡན་པ་ཀུན་དགའ་བོ་དང་དབྱར་གནས་པར་ཞལ་གྱིས་བཞེས་སོ། །དེ་ནས་དགེ་སློང་ལྔ་བརྒྱ་པོ་དེ་དག་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ན། འདི་ན་བདག་ཅག་ལ་ཉེ་དུ་འགའ་ཡང་མེད་དེ།་ཉ་པའི་གྲོང་ན་བདག་ཅག་གི་ཉེ་དུ་དག་འཁོད་ཀྱི། བདག་ཅག་ཉ་པའི་གྲོང་དུ་དོང་སྟེ་ཉེ་དུ་རྣམས་བལྟས་ནས་ཉ་པའི་གྲོང་གི་ཉེ་འཁོར་དུ་ལོ་མ་དང ། འདབ་མའི་སྤྱིལ་བུ་དག་བྱས་ཏེ་དབྱར་གནས་པར་ཁས་བླང་བར་བྱ་གོར་མ་ཆག་སྙམ་མོ། །དེ་ནས་ཆུ་ཀླུང་ཡིད་འོང་ལྡན་གྱི་འགྲམ་གྱི་དགེ་སློང་ལྔ་བརྒྱ་པོ་དེ་དག་འདི་སྙམ་དུ་སེམས་ཏེ། བདག་ཅག་གིས་སྔོན་ནི། ཉ་པའི་གྲོང་དུ་དོང་སྟེ་ཉེ་དུ་རྣམས་ལ་གཅིག་གིས་གཅིག་གི་ཡང་དག་པ་མ་ཡིན་པའི་ཡོན་ཏན་བསྒྲགས་པ་བྱས་པས། ད་ནི། གཅིག་གིས་གཅིག་གི་ཡང་དག་པའི་ཡོན་ཏན་བསྒྲག་པར་བྱའོ། །སྙམ་ནས་དགེ་སློང་ལྔ་བརྒྱ་པོ་དེ་དག་ཉ་པའི་གྲོང་དུ་དོང་སྟེ་ཉེ་དུ་དག་བལྟས་ནས་ཉ་བའི་གྲོང་གི་ཉེ་འཁོར་དུ་ལོ་མ་དང ། འདབ་མའི་སྤྱིལ་བུ་དག་བྱས་ཏེ་དབྱར་གནས་པར་ཁས་བླངས་སོ། །དེ་དག་གིས་ཉེ་དུ་དག་ཉེ་བར་འོངས་པར་གྱུར་ནས་དེ་དག་གིས་ཉེ་དུ་ཉེ་བར་འོངས་པ་དེ་དག་ལ་སྨྲས་པ། ཉེ་དུ་དག་།ཁྱེད་ཅག་གང་དག་གི་གྲོང་ཚིགས་ན། དགེ་སློང་གི་དགེ་འདུན་ཡོན་ཏན་གྱི་གནས་འདི་ལྟ་
Cha374a
༄#། །བུ་འདི་ལྟར་དབྱར་གནས་པར་ཁས་བླངས་པར་གྱུར་པའི་ཉེ་དུ་དེ་དག་གིས་ནི། རྙེད་པ་ལེགས་པར་རྙེད་པ་ཡིན་ཏེ། དགེ་སློང་འདི་ནི། མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་ཤེས་དང ། སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་སྡུག་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་རྣགས་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིག་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང ། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་པ་ཡིན་ནོ། །དགེ་སློང་འདི་ནི། བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང ། རྒྱུན་དུ་ཞུགས་
Cha374b
པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཡོངས་སུ་ཤེས་པ་དང ། སྔོན་གྱི་གནས་དང།་འཆི་འཕོ་དང ། སྐྱེ་བ་དང ། ཟག་པ་ཟད་པ་ཐོབ་པ་ཡིན་ནོ། །དགེ་སློང་འདི་ནི། དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་ཡིན་ནོ། །དགེ་སློང་འདི་ནི། གཉི་གའི་ཆ་ལས་རྣམ་པར་གྲོལ་བ་ཡིན་ནོ། །དེ་དག་གིས་སྨྲས་པ། འཕགས་པ་དག་།ཁྱེད་ཀྱིས་ཡོན་ཏན་གྱི་ཚོགས་དེ་ལྟ་བུ་དག་ཐོབ་བམ། ཐོབ་བོ། །འཇིག་རྟེན་ནི། ཡོན་ཏན་ལ་དགའ་བ་ཡིན་པས། རེ་ཞིག་རང་གི་བུ་དག་ལས་ཀྱང་འཕྲོག་སྟེ་དེ་དག་ལ་བསོད་སྙོམས་སྦྱིན་པ་དང ། བྱ་བར་སེམས་སོ། །སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ། འཚོ་ཞིང་གཞེས་པ་རྣམས་ལ་ཆོས་ཉིད་ཀྱིས། ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི། དབྱར་ཟླ་འབྲིང་པོའི་ཉ་ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི། སྟོན་ཟླ་འབྲིང་པོའི་ཉ་ལའོ། །དེ་ལ་གང་དག་དབྱར་ཟླ་འབྲིང་པོའི་ཉ་ལ་དབྱར་ཉེ་བར་སྒྲུབ་པའི་ཚེ་གདམས་ངག་མནོས་ཏེ། གྲོང་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་དག་ཏུ་དབྱར་གནས་པར་ཁས་ལེན་པ་དེ་དག་ནི། སྟོན་ཟླ་འབྲིང་པོའི་ཟླ་བ་ཉ་ལ་ལྷགས་ནས་ཇི་ལྟར་ཐོབ་པ་ནི། རྗོད་པར་བྱེད། མ་ཐོབ་པ་ནི། ཐོབ་པར་བྱ་བའི་ཕྱིར་འོག་ཏུ་འདྲི་བར་བྱེད་དོ། །དེ་ནས་དགེ་སློང་གང་དག་ཡངས་པ་ཅན་གྱི་ཉེ་འཁོར་
Cha375a
༄#། །སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་པ་དེ་དག་།དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང ། རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པས་ལྷུང་བཟེད་དང་ཆོས་གོས་ཐོགས་ཏེ། འོད་མ་ཅན་གྱི་གྲོང་ག་ལ་བ་དེར་རྒྱུ་ཞིང་འདོང་བ་ན། མཐར་གྱིས་རྒྱུ་ཞིང་འདོད་པའི་ཚེ་འོད་མ་ཅན་གྱི་གྲོང་དུ་ཕྱིན་པ་དང ། ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་མཉེས་གཤིན་པས། བཤེས་པ་དང་བཅས་པ་ཉིད་ཀྱི་ཚིག་གིས་བསུས་ནས་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང ། ལྷམ་ཡུ་ཆད་དང ། མཆིལ་ལྷམ་ལེན་པར་བྱེད་ཅིང ། འདི་སྐད་ཅེས་ཀྱང་སྨྲས་སོ། །ཚེ་དང་ལྡན་པ་དག་ཚུར་ཤོག་།འོངས་པ་ལེགས་སོ། །ཚེ་དང་ལྡན་པ་དག་།ཁྱེད་ཅག་གང་ནས་ད་ལྟར་འདིར་འོངས། ཁྱེད་ཅག་གང་དུ་དབྱར་གནས་པར་ཁས་བླངས། ཚེ་དང་ལྡན་པ་ཀུན་དགའ་བོ། བདག་ཅག་སྤོང་བྱེད་ཀྱི་གྲོང་ནས་འདིར་འོངས་སོ། །བདག་ཅག་སྤོང་བྱེད་ཀྱི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་།ཇི་ལྟར་སྤོང་བྱེད་ཀྱི་གྲོང་དུ་བདེ་བ་ལ་རེག་པར་དབྱར་གནས་པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་
Cha375b
ངལ་བར་མ་གྱུར་ཏམ། ཚེ་དང་ལྡན་པ་ཀུན་དགའ་བོ། བདག་ཅག་སྤོང་བྱེད་ཀྱི་གྲོང་དུ་ཏེ་བོར་བདེ་བ་ལ་རེག་པར་དབྱར་གནས་པར་ཁས་བླངས་མོད་ཀྱི། བདག་ཅག་བསོད་སྙོམས་ཀྱིས་ངལ་བར་གྱུར་ཏོ། །ཚེ་དང་ལྡན་པ་དག་།དེ་ཁོ་ན་ལྟར་སྣང་སྟེ། འདི་ལྟར། བསོད་སྙོམས་ཀྱིས་བྲེལ་བས་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པ་དང ། པགས་པ་དང ། ཤ་དང ། ཁྲག་བྲི་བར་གྱུར་ཏོ། །དགེ་སློང་གང་དག་ཉ་པའི་གྲོང་གི་ཉེ་འཁོར་དུ་དབྱར་གནས་པར་ཁས་བླངས་པ་དེ་དག་ཀྱང་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང ། ཚོ་བ་དང ། པགས་པ་དང ། ཤ་དང ། ཁྲག་རྒྱས་པས་ལྷུང་བཟེད་དང་ཆོས་གོས་ཐོགས་ཏེ་འོད་མ་ཅན་གྱི་གྲོང་ག་ལ་བ་དེར་རྒྱུ་ཞིང་འདོང་བ་ན།་མཐར་གྱིས་རྒྱུ་ཞིང་འདོང་བའི་ཚེ་འོད་མ་ཅན་གྱི་གྲོང་དུ་ཕྱིན་པ་དང ། ཚེ་དང་ལྡན་པ་ཀུན་དགའ་བོས་དགེ་སློང་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཚངས་པ་མཚུངས་པར་སྤྱོད་པ་ལ་མཉེས་གཤིན་པས་བཤེས་པ་དང་བཅས་པ་ཉིད་ཀྱི་ཚིག་གིས་བསུས་ནས་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང ། ལྷམ་ཡུ་ཆད་དང ། མཆིལ་ལྷམ་ལེན་པར་བྱེད་ཅིང ། འདི་སྐད་ཅེས་ཀྱང་སྨྲས་སོ། །ཚེ་དང་ལྡན་པ་དག་ཚུར་ཤོག་།འོངས་པ་ལེགས་སོ། །ཚེ་དང་ལྡན་པ་
Cha376a
༄#། །དག་།ཁྱེད་ཅག་གང་ནས་ད་ལྟར་འདིར་འོངས། ཁྱེད་ཅག་གང་དུ་དབྱར་གནས་པར་ཁས་བླངས། ཚེ་དང་ལྡན་པ་ཀུན་དགའ་བོ། བདག་ཅག་ཉ་བའི་གྲོང་ནས་འདིར་འོངས་སོ། ། བདག་ཅག་ཉ་བའི་གྲོང་དུ་དབྱར་གནས་པར་ཁས་བླངས་སོ། །ཚེ་དང་ལྡན་པ་དག་།ཇི་ལྟར་ཉ་བའི་གྲོང་དུ་བདེ་བར་རེག་པར་དབྱར་གནས་པར་ཁས་བླངས་སམ། ཁྱེད་ཅག་བསོད་སྙོམས་ཀྱིས་ངལ་བར་མ་གྱུར་ཏམ། ཚེ་དང་ལྡན་པ་ཀུན་དགའ་བོ། བདག་ཅག་ཉ་བའི་གྲོང་དུ་ཏེ་བོར་བདེ་བ་ལ་རེག་པར་དབྱར་གནས་པར་ཁས་བླངས་ཏེ། བདག་ཅག་བསོད་སྙོམས་ཀྱིས་ཀྱང་ངལ་བར་མ་གྱུར་ཏོ། །ཚེ་དང་ལྡན་པ་དག་།དེ་ཁོ་ན་ལྟར་སྣང་སྟེ། འདི་ལྟར། བསོད་སྙོམས་ཀྱིས་བྲེལ་བ་མེད་པས་ཚོ་བ་དང ། པགས་པ་དང ། ཤ་དང ། ཁྲག་རྒྱས་པར་གྱུར་ཏོ། །ཚེ་དང་ལྡན་པ་དག་།དེ་ལྟར་མུ་གེ་ཉམ་ང་བ། དགོན་པ་སློང་མོ་པས་ཟས་རྙེད་པར་དཀའ་ཞིང ། ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང ། བྱ་བ་སེམས་པར་དཀའ་ན། སློང་མོ་ལྟ་སྨོས་ཀྱང་ཅི་དགོས་པ་བྱུང་ན། འདིར་ཚེ་དང་ལྡན་པ་ཁྱེད་ཅག་བསོད་སྙོམས་ཀྱིས་བྲེལ་བ་མེད་པར་གྱུར་པའི་རྒྱུ་ནི། གང་ཡིན། རྐྱེན་ནི། གང་ཡིན། ཚེ་དང་ལྡན་པ་ཀུན་དགའ་བོ། བདག་ཅག་གིས་ཉེ་དུ་རྣམས་ཀྱི་མདུན་དུ་གཅིག་གིས་གཅིག་གི་ཡང་དག་པའི་ཡོན་ཏན་བསྒྲགས་པ་བྱས་ཏེ། དགེ་སློང་འདི་ནི། མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་
Cha376b
ཤེས་དང ། སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་སྡུག་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་རྣགས་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིགས་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང ། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་པ་ཡིན་ནོ། །དགེ་སློང་འདི་ནི། བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང ། རྒྱུན་དུ་ཞུགས་པའི་འབྲས་བུ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཡོངས་སུ་ཤེས་པ་དང ། སྔོན་གྱི་གནས་དང ། འཆི་འཕོ་བ་དང ། སྐྱེ་བ་དང ། ཟག་པ་
Cha377a
༄#། །ཟད་པ་ཐོབ་པ་ཡིན་ནོ། །དགེ་སློང་འདི་ནི། དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་བ་ཡིན་ནོ། །དགེ་སློང་འདི་ནི། གཉི་གའི་ཆ་ལས་རྣམ་པར་གྲོལ་བ་ཡིན་ནོ། །ཞེས་གཅིག་གིས་གཅིག་གི་ཡང་དག་པའི་ཡོན་ཏན་བསྒྲགས་པར་བྱས་སོ། །ཅི། ཡང་དག་པས་སམ། ཡང་དག་པར་མ་ཡིན་པས། ཡང་དག་པས་སོ། །ཚེ་དང་ལྡན་པ་དག་།ཁྱེད་ཅག་གང་ཟག་རྫོགས་པར་མ་བསྙེན་པ་ལ་མིའི་ཆོས་བླ་མ་བདེན་པ་རྗོད་དུ་རུང་ངམ། རུང་ཡང་སྲིད། མི་རུང་ཡང་སྲིད་དེ། འདི་ལྟར། བདག་ཅག་གིས་ནི། སྨྲས་སོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་གང་ཟག་རྫོགས་པར་མ་བསྙེན་པ་ལ་མིའི་ཆོས་བླ་མ་བདེན་པ་རྗོད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཆུ་ཀླུང་ཡིད་འོང་ལྡན་གྱི་འགྲམ་ན་གནས་པའི་དགེ་སློང་རྣམས་ལ་རྨས་པ། དགེ་སློང་དག་།ཁྱེད་ཀྱིས་གང་
Cha377b
ཟག་རྫོགས་པར་མ་བསྙེན་བ་ལ་མིའི་ཆོས་བླ་མ་བདེན་པ་སྨྲས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང ། མི་སྦྱོར་བ་དང ། མ་བརྟགས་པར་སྤྱོད་པ་རྣམས་རྣམ་པར་སྨད་པར་མཛད་དོ། །དེ་ནས་སངས་རྒྱས་བཅོམ་ལྡན་འདས་ཀྱིས་བརྩོན་པ་དང ། སྦྱོར་བ་དང ། བརྟགས་ཏེ་སྤྱོད་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟག་རྫོགས་པར་མ་བསྙེན་པ་ལ་མིའི་ཆོས་བླ་མ་བདེན་པ་བརྗོད་ན།་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཆོས་འདི་པའོ། །གང་ཟག་རྫོགས་པར་མ་བསྙེན་པ་ལ་ཞེས་བྱ་བ་ལ། རྫོགས་པར་བསྙེན་པ་ནི། གཉིས་ཏེ། དགེ་སློང་དང ། དགེ་སློང་མའོ། །དེ་ལས་གཞན་པ་ནི། རྫོགས་པར་མ་བསྙེན་པའོ། །མིའི་ཆོས་ཞེས་བྱ་བ་ནི། མི་རྣམས་ཀྱི་ཆོས་མྱ་ངན་ལས་འདས་པ་སྟེ། དེ་མི་རྣམས་ཀྱིས་འཐོབ་ཀྱི། ཟ་མ་དང ། མ་ནིང་དང ། མཚན་གཉིས་པ་དག་གིས་ཀྱང་མི་འཐོབ་ན། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ཀྱིས་ལྟ་སྨོས་ཀྱང་ཅི་དགོས་པའི་ཕྱིར་རོ། །བླ་མ་ཞེས་བྱ་བ་ནི།
Cha378a
༄#། །འདོད་པའི་ཁམས་པས་གཟུགས་ཀྱི་ཁམས་བླ་མ་ཡིན་ལ། གཟུགས་ཀྱི་ཁམས་པས། གཟུགས་མེད་པའི་ཁམས་བླ་མ་ཡིན་པའོ། །ཡང་ན་མིའི་ཆོས་ཞེས་བྱ་བ་ནི།་སྒྲིབ་པ་ལྔ་པོ་དག་གོ་།བླ་མ་ཞེས་བྱ་བ་ནི། དེ་དག་སྤངས་པ་གང་ཡིན་པའོ། །བདེན་པ་ཞེས་བྱ་བ་ནི། དེའི་དངོས་པོ་བདེན་པ་ཁོ་ན་ཡིན་པའོ། །སྨྲ་ན་ཞེས་བྱ་བ་ནི། བརྗོད་ནའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ། འདུ་ཤེས་མ་བསྒྱུར་དགོན་པ་དང ། །ཁྱིམ་རྣམས་སུ་ནི་སྟན་བཀྲ་དང ། །རང་གི་མཚན་ཉིད་འཛིན་པ་དང ། །བདག་ཉིད་ཉེ་བར་སྟོན་པའོ། །དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། ལྷ་རྣམས་མཐོང་ངོ ། །ཞེས་ཟེར་ན། ལྟུང་བྱེད་དུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་མཐོང་ངོ ། །ཞེས་ཟེར་ན། ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས། རྡུལ་ཁྲོད་ཀྱི་ཤ་ཟ་
Cha378b
རྣམས་མཐོང་ངོ ། །ཞེས་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། ལྷ་རྣམས་ཀྱི་སྒྲ་ཐོས་སོ། །ཞེས་ཟེར་ན། ལྟུང་བྱེད་དུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་གྱི་སྒྲ་ཐོས་སོ། །ཞེས་ཟེར་ན། ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས། རྡུལ་ཁྲོད་ཀྱི་ཤ་ཟ་རྣམས་ཀྱི་སྒྲ་ཐོས་སོ། །ཞེས་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང།་རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། ལྷ་རྣམས་བལྟ་བའི་ཕྱིར་འགྲོའོ། །ཞེས་ཟེར་ན། ལྟུང་བྱེད་དུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བལྟ་བའི་ཕྱིར་འགྲོའོ། །ཞེས་ཟེར་ན། ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས། རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འགྲོའོ། །ཞེས་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། ལྷ་རྣམས་བདག་བལྟ་བའི་ཕྱིར་འོང་ངོ ། །ཞེས་ཟེར་ན། ལྟུང་བྱེད་དུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དག་བདག་བལྟ་བའི་ཕྱིར་འོང་ངོ ། །ཞེས་ཟེར་ན།
Cha379a
༄#། །ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས། རྡུལ་ཁྲོད་ཀྱི་ཤ་ཟ་རྣམས་ཀྱང་བདག་བལྟ་བའི་ཕྱིར་འོང་ངོ ། །ཞེས་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། ལྷ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན། ལྟུང་བྱེད་དུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན།་ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས། རྡུལ་ཁྲོད་ཀྱི་ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། ལྷ་རྣམས་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་
Cha379b
ཅེས་ཟེར་ན། ལྟུང་བྱེད་དུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་པར་ཡང་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད།་སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན། ལྟུང་བྱེད་དུ་འགྱུར་རོ། །ཐ་ན་འདི་སྐད་ཅེས། རྡུལ་ཁྲོད་ཀྱི་ཤ་ཟ་རྣམས་ཀྱང་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་ཅེས་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། ཐོབ་བཞིན་དུ་བདག་གིས་མི་རྟག་པའི་འདུ་ཤེས་ཐོབ་བོ། །ཞེས་ཟེར་ན། ལྟུང་བྱེད་དུ་འགྱུར་རོ། །མི་རྟག་པ་ལ་སྡུག་བསྔལ་བའི་འདུ་ཤེས་ནས་སྔ་མ་བཞིན་དུ་སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཀྱི་བར་དུ་ཐོབ་བོ། །ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། ཐོབ་བཞིན་དུ་བདག་གིས་བསམ་གཏན་དང་པོ་ཐོབ་བོ། ། ཞེས་ཟེར་ན། ལྟུང་བྱེད་དུ་འགྱུར་རོ། །དེ་བཞིན་དུ་གཉིས་པ་དང ། གསུམ་པ་དང ། བཞི་པ་ནས་སྔ་མ་བཞིན་དུ་བདག་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་དང ། གཉི་
Cha380a
༄#། །གའི་ཆ་ལས་རྣམ་པར་གྲོལ་བའོ། །ཞེས་ཟེར་ན། ལྟུང་བྱེད་དུ་འགྱུར་རོ། །འདི་ལྟར། དགེ་སློང་རབ་ཏུ་མང་པོ་དག་གྲོང་མེད་པའི་དགོན་པའི་གནས་ཤིག་ན་གནས་ཤིང་དེ་ན་དེ་དག་ལ་མི་མ་ཡིན་པ་དག་གིས་འཚེ་བ་དེ་ན་དགེ་སློང་གང་རྒྱུན་དུ་ཞུགས་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡིན་པ་དེ་ལ་དེ་ན་མི་མ་ཡིན་པ་དག་གིས་འཚེ་བར་མི་བྱེད་ནས་དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། བདག་ཀྱང་གྲོང་མེད་པའི་དགོན་པའི་གནས་དེ་ན་གནས་ཏེ། དེ་ན་བདག་ལ་མི་མ་ཡིན་པ་རྣམས་འཚེ་བར་མི་བྱེད་དོ། །ཞེས་ཟེར་ན། ལྟུང་བྱེད་དུ་འགྱུར་རོ། །འདི་ལྟར། དགེ་སློང་རབ་ཏུ་མང་པོ་དག་ཁྱིམ་རྣམས་སུ་མགྲོན་དུ་བོས་ཏེ་ཟ་བར་བྱེད་ཅིང ། དེ་ན་དེ་དག་ལ་སྟན་ཁྲ་བོ་བཀྲ་བ་དག་བཤམས་ཤིང ། དེ་ན་དགེ་སློང་གང་རྒྱུན་དུ་ཞུགས་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡིན་པ་དེ་ལ་དེ་ན་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་ནས་དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། བདག་ཀྱང་ཁྱིམ་དེར་མགྲོན་དུ་བོས་ཤིང་ཟོས་ཏེ། དེ་ན་བདག་ལ་ཡང་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་དོ། །ཞེས་ཟེར་ན། ལྟུང་བྱེད་དུ་འགྱུར་
Cha380b
རོ། །འདི་ལྟར། དགེ་སློང་རབ་ཏུ་མང་པོ་དགོན་པ་ན་གནས་པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་མི་འབྱུང་ནས་དགེ་སློང་གིས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང།་ལྟ་བ་མ་བསྒྱུར་བར་འདི་སྐད་ཅེས། བདག་ཀྱང་གྲོང་མེད་པའི་དགོན་པའི་གནས་དེ་ན་གནས་ཤིང ། བདག་གིས་ཀྱང་དེ་ན་གནས་པ་ན་ཞི་གནས་ཀྱི་རྒྱུ་མཚན་གང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས། འདོད་པ་ལ་འདོད་ཆགས་དང ། གནོད་སེམས་དག་བདག་གི་རྒྱུད་ལ་ཡང་ཀུན་ཏུ་མི་འབྱུང་ངོ ། །ཞེས་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གང་གིས་ལྷ་རྣམས་མཐོང་བ་དེ་ལྟར་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཀླུ་རྣམས་དང།་གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་མཐོང་བ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཐ་
Cha381a
༄#། །ན་འདི་སྐད་ཅེས། དགེ་སློང་གང་གིས་རྡུལ་ཁྲོད་ཀྱི་ཤ་ཟ་རྣམས་མཐོང་བ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གང་གིས་ལྷ་རྣམས་ཀྱི་སྒྲ་ཐོས་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་གྱི་སྒྲ་ཐོས་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཐ་ན་འདི་སྐད་ཅེས། དགེ་སློང་གང་གིས་རྡུལ་ཁྲོད་ཀྱི་ཤ་ཟ་རྣམས་ཀྱི་སྒྲ་ཐོས་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གང་ལྷ་རྣམས་བལྟ་བའི་ཕྱིར་འགྲོ་བ་དེ་ཡོད་དོ། ། ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བལྟ་བའི་ཕྱིར་
Cha381b
འགྲོ་བ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཐ་ན་འདི་སྐད་ཅེས། དགེ་སློང་རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འགྲོ་བ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གང་ལ་ལྷ་རྣམས་བལྟ་བའི་ཕྱིར་འོང་བ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་བལྟ་བའི་ཕྱིར་འོང་བ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཐ་ན་འདི་སྐད་ཅེས། དགེ་སློང་གང་ལ་རྡུལ་ཁྲོད་ཀྱི་ཤ་ཟ་རྣམས་བལྟ་བའི་ཕྱིར་འོང་བ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གིས་ལྷ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ། །ཞེས་ཟེར་ཞིང ། འདི་སྐད་
Cha382a
༄#། །ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཐ་ན་འདི་སྐད་ཅེས། དགེ་སློང་གང་རྡུལ་ཁྲོད་ཀྱི་ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གང་དང་ལྷན་ཅིག་ལྷ་རྣམས་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། ། ཀླུ་རྣམས་དང ། གནོད་སྦྱིན་རྣམས་ནས་སྔ་མ་བཞིན་དུ་ལུས་སྲུལ་པོ་རྣམས་ཀྱི་བར་དུ་ཡང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་
Cha382b
ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །ཐ་ན་འདི་སྐད་ཅེས། དགེ་སློང་གང་དང་ལྷན་ཅིག་རྡུལ་ཁྲོད་ཀྱི་ཤ་ཟ་རྣམས་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གིས་མི་རྟག་པའི་འདུ་ཤེས་ཐོབ་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །མི་རྟག་པའི་འདུ་ཤེས་ཇི་ལྟ་བ་དེ་བཞིན་དུ་གང་གིས་སྔ་མ་བཞིན་དུ་སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཀྱི་བར་དུ་ཐོབ་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གང་གིས་བསམ་གཏན་དང་པོ་ཐོབ་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །བསམ་གཏན་དང་པོ་ཇི་ལྟ་བ་དེ་བཞིན་དུ་གང་
Cha383a
༄#། །གིས་སྔ་མ་བཞིན་དུ་གཉིས་པ་དང ། གསུམ་པ་དང ། བཞི་པ་ནས་དགེ་སློང་གང་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་དང ། གཉི་གའི་ཆ་ལས་རྣམ་པར་གྲོལ་བའི་བར་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །འདི་ལྟར། དགེ་སློང་རབ་ཏུ་མང་པོ་དག་གྲོང་མེད་པའི་དགོན་པའི་གནས་ཤིག་ན་གནས་ཤིང ། དེ་ལ་དེ་དག་ན་མི་མ་ཡིན་པ་དག་གིས་འཚེ་བ་ན། དགེ་སློང་གང་རྒྱུན་དུ་ཞུགས་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡིན་པ་དེ་ལ་དེ་ན་མི་མ་ཡིན་པ་དག་གིས་འཚེ་བར་མི་བྱེད་ནས་དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གང་གྲོང་མེད་པའི་དགོན་པའི་གནས་དེ་ན་གནས་པ་དེ་ལ་ནི་མི་མ་ཡིན་པ་རྣམས་འཚེ་བར་མི་བྱེད་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །འདི་ལྟར། དགེ་སློང་རབ་ཏུ་མང་པོ་དག་ཁྱིམ་རྣམས་སུ་མགྲོན་དུ་བོས་ཏེ་ཟ་བར་བྱེད་ཅིང ། དེ་ན་དེ་དག་ལ་སྟན་ཁྲ་བོ་ཉེ་བར་བཀྲ་བ་དག་བཤམས་ཤིང ། དེ་ན་དགེ་སློང་གང་རྒྱུན་དུ་ཞུགས་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡིན་པ་དེ་ལ་དེ་ན་སྟན་ཁྲ་བོ་ཉེ་བར་བཀྲ་བ་དག་ཤོམ་
Cha383b
པར་བྱེད་ནས་དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གང་ཁྱིམ་དེར་མགྲོན་དུ་བོས་ཤིང་ཟོས་ཏེ། དེ་ན་དེ་ལ་ཡང་སྟན་ཁྲ་བོ་ཉེ་བར་བཀྲ་བ་དག་ཤོམ་པར་བྱེད་པ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །འདི་ལྟར། དགེ་སློང་རབ་ཏུ་མང་པོ་དག་དགོན་པ་ན་གནས་པ་དག་གིས་ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས། འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་མི་འབྱུང་ནས་དགེ་སློང་གིས་བདག་ཉིད་ལ་ཉེ་བར་སྟོན་པས་འདུ་ཤེས་མ་བསྒྱུར་ཅིང ། བཟོད་པ་དང ། འདོད་པ་དང ། བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས། དགེ་སློང་གིས་གྲོང་མེད་པའི་དགོན་པའི་གནས་དེ་ན་གནས་ཤིང ། ཞི་གནས་ཀྱི་རྒྱུ་མཚན་རང་གི་མཚན་ཉིད་འཛིན་པ་ཅུང་ཟད་ཅིག་ལ་བརྟེན་ནས་འཇིག་རྟེན་པའི་ལམ་གྱིས་ཉོན་མོངས་པ་དག་རྣམ་པར་མནན་པས་འདོད་པ་ལ་འདོད་ཆགས་དང ། གནོད་སེམས་དག་རྒྱུད་ལ་ཀུན་ཏུ་མི་འབྱུང་བ་དེ་ཡོད་དོ། །ཞེས་ཟེར་ཞིང ། འདི་སྐད་ཅེས། ཁོ་བོའོ། །ཞེས་ནི། མི་ཟེར་ན། ཉེས་བྱས་སུ་འགྱུར་རོ། །མིའི་ཆོས་བླ་མ་བརྗོད་པའི་ལྟུང་བྱེད་དེ། བརྒྱད་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་ཞེ་གཉིས་པ། སངས་རྒྱས་བཅོམ་ལྡན་
Cha384a
༄#། །འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །གང་གི་ཚེ་ཚེ་དང་ལྡན་པ་གྱད་བུ་ནོར་གནས་མལ་འབོག་པ་དང ། ཟས་ལ་སྐོ་བར་བསྐོས་པ་དེའི་ཚེ་ན། དེ་དད་པ་དང་ལྡན་ཞིང་བཟང་ལ། དགེ་བའི་བསམ་པ་ཅན་ཡིན་པས། དགེ་འདུན་ལ་ཆོས་དང་ལྡན་པས་ཞལ་ཏ་བྱེད་པའི་ལས་ལ་བརྩོན་པ་ཡིན་ལ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ་ཡོངས་སུ་མ་བཏང་བ་ཅི་ཡང་མེད་དེ། དེས་དེ་ལྟར་ཕུལ་ཞིང་ཡོངས་སུ་བཏང་བས་ཆོས་གོས་གསུམ་ངན་ཅིང་སྣམ་སྦྱར་ཡང་ཡོངས་སུ་རྙིང་ནས་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་།ཚེ་དང་ལྡན་པ་གྱད་བུ་ནོར་འདི། དད་པ་དང་ལྡན་ཞིང་བཟང་ལ། དགེ་བའི་བསམ་པ་ཅན་ཡིན་པས། དགེ་འདུན་ལ་ཆོས་དང་ལྡན་པས་ཞལ་ཏ་བྱེད་པའི་ལས་ལ་བརྩོན་པ་ཡིན་ལ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མེད་དེ། དེས་དེ་ལྟར་ཕུལ་ཞིང་ཡོངས་སུ་བཏང་བས། ཆོས་གོས་གསུམ་ངན་ཅིང་སྣམ་སྦྱར་ཡང་ཡོངས་སུ་རྙིང་གི་གལ་ཏེ་དགེ་འདུན་གྱིས་རས་ཡུག་ཆེན་འགའ་ཞིག་རྙེད་ན། ཚེ་དང་ལྡན་པ་གྱད་བུ་ནོར་ལ་སྦྱིན་པར་བྱའོ། །ཞེས་སྨྲས་ནས། དགེ་འདུན་གྱིས་ཀྱང་རས་ཡུག་ཆེན་རྙེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་
Cha384b
ཀྱིས་བཀའ་སྩལ་པ། གསོལ་པ་བྱས་ཏེ་བྱིན་ན། མི་གཡོ་བར་འགྱུར་རོ། །འདི་ལྟར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་གྱད་བུ་ནོར་འདི་ནི། དད་པ་དང་ལྡན་ཞིང་བཟང་ལ། དགེ་བའི་བསམ་པ་ཅན་དེ། དགེ་འདུན་ལ་ཡང་ཆོས་ཀྱིས་ཞལ་ཏ་བགྱིད་པའི་ལས་ལ་བརྩོན་པ་ལགས་ལ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལམ་ཕུལ་བའམ། ཡོངས་སུ་མ་བཏང་བ་ཅི་ཡང་མ་མཆིས་ཏེ། དེས་དེ་ལྟར་ཕུལ་ཞིང་ཡོངས་སུ་བཏང་བས། ཆོས་གོས་གསུམ་ངན་ཅིང་སྣམ་སྦྱར་ཡང་ཡོངས་སུ་རྙིང་ལ། དགེ་འདུན་ལ་ནི། རས་ཡུག་ཆེན་པོ་འབྱོར་པར་མངའ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་ཚེ་དང་ལྡན་པ་གྱད་བུ་ནོར་ལ་རས་ཡུག་ཆེན་པོ་སྩོལ་ཏོ། །འདི་ནི། གསོལ་བའོ། །ཕྱིས་དགེ་འདུན་གྱིས་དེ་ལ་རས་ཡུག་ཆེན་བྱིན་པ་དང ། དགེ་སློང་མཛའ་བོ་དང ། ས་ལས་སྐྱེས་གཉིས། ཚེ་དང་ལྡན་པ་གྱད་བུ་ནོར་དང་ཚེ་རབས་ཚེ་རབས་ནས་རྗེས་སུ་འབྲེལ་བའི་འཁོན་ཡོད་པས། དེ་གཉིས་དགེ་སློང་རྣམས་ཀྱི་མདུན་ན། ཚེ་དང་ལྡན་པ་དག་།འདི་ལྟར་དགེ་འདུན་གྱི་རྙེད་པ་རྙེད་དོ་ཅོག་ཅིག་གིས་གང་
Cha385a
༄#། །ཟག་ལ་ཡོངས་སུ་བསྔོ་བར་བྱེད་ན། དགེ་འདུན་གྱིས་རྙེད་པ་འགྲུབ་པར་ག་ལ་འགྱུར་ཞེས་སྨོད་པར་བྱེད་ནས་དགེ་སློང་རྣམས་ཀྱིས་དེ་གཉིས་ལ་སྨྲས་པ། ཚེ་དང་ལྡན་པ་གཉིས། ཁྱེད་གཉིས་དེར་མ་འདུས་སམ། འདུས་སོ། །འོ་ན་ཅིའི་ཕྱིར་སྨོད་པར་བྱེད། དེ་གཉིས་ཀྱིས་སྨྲས་པ། ཅི། ཁོ་བོ་ཅག་གཉིས་འདུར་ཡང་མི་གནང་ངམ། དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་སྔར་ལེགས་པར་རུང་བར་བྱས་ནས་དེའི་འོག་ཏུ་འདི་སྐད་ཅེས། ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པར་བསྔོས་པ་བདག་གིས་གང་ཟག་ལ་བསྔོས་ཞེས་ཟེར་ཞིང་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་མཛའ་བོ་དང ། ས་ལས་སྐྱེས་གཉིས་ལ་རྨས་པ། དགེ་སློང་གཉིས། ཁྱེད་གཉིས་ཀྱིས་སྔར་ལེགས་པར་རུང་བར་བྱས་ནས་དེའི་འོག་ཏུ་འདི་སྐད་ཅེས། ཚེ་དང་ལྡན་པ་དག་གིས་འདི་ལྟར་བཤེས་ངོར་དགེ་འདུན་གྱི་རྙེད་པར་བསྔོས་པ་བདག་གིས་གང་ཟག་ལ་བསྔོས་སོ། །
Cha385b
ཞེས་སྨྲས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་སྔར་ལེགས་པར་རུང་བར་བྱས་ནས་དེའི་འོག་ཏུ་འདི་སྐད་ཅེས། ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པར་བསྔོས་པ། བདག་གི་གང་ཟག་ལ་བསྔོས་སོ། །ཞེས་ཟེར་ན། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། མཛའ་བོ་དང ། ས་ལས་སྐྱེས་སམ། གཞན་ཡང་དེ་ལྟ་བུ་གང་ཡིན་པའོ། །སྔར་ལེགས་པར་རུང་བར་བྱས་ནས་ཞེས་བྱ་བ་ནི། སྔར་དད་པ་ཕུལ་ནས་སོ། །དེའི་འོག་ཏུ་ཞེས་བྱ་བ་ནི། དུས་གཞན་ནའོ། །འདི་སྐད་ཅེས་ཞེས་བྱ་བ་ནི། འདི་སྐད་ཅེས་ཟེར་ནའོ། །ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་ཞེས་བྱ་བ་ལ། དགེ་སློང་གི་བཤེས་པ་གང་ཞེ་ན། མཁན་པོའི་ནི། ལྷན་ཅིག་གནས་པའོ། །ལྷན་ཅིག་གནས་པ་ཡི་ནི། །མཁན་པོའོ། །
Cha386a
༄#། །སློབ་དཔོན་གྱི་ནི། ཉེ་གནས་སོ། །ཉེ་གནས་ཀྱི་ནི། སློབ་དཔོན་ནོ། །མཁན་པོ་གཅིག་པ་ཡི་ནི། མཁན་པོ་གཅིག་པའོ། །སློབ་དཔོན་གཅིག་པའི་ནི། སློབ་དཔོན་གཅིག་པའོ། །མཛའ་བོ་ཡི་ནི། མཛའ་བོའོ། །དགེ་འདུན་གྱི་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །རྙེད་པ་ཞེས་བྱ་བ་ལ། རྙེད་པ་ནི། གཉིས་ཏེ། གོས་ཀྱི་རྙེད་པ་དང ། ཟས་ཀྱི་རྙེད་པ་སྟེ། དོན་འདིར་ནི། གོས་ཀྱི་རྙེད་པ་ཡིན་པར་དགོངས་སོ། །བསྔོ་བ་ཞེས་བྱ་བ་ནི། དགེ་འདུན་གྱི་ནང་དུ་གྲུབ་པའོ། །བདག་གི་གང་ཟག་ལ་བསྔོས་སོ། །ཞེས་བྱ་བ་ནི།་བདག་གི་དོན་དུའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་ཅུང་ཟད་སྔར་མཐུན་ཞིང་རུང་བར་བྱས་ནས་དེའི་འོག་ཏུ་འདི་སྐད་ཅེས། ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པར་བསྔོས་པ། བདག་གི་གང་ཟག་ལ་བསྔོས་སོ། །ཞེས་ཟེར་ན། ཐམས་ཅད་ནས་ཐམས་ཅད་དུ་ལྟུང་བྱེད་དུ་འགྱུར་རོ། །བཤེས་ནོར་བྱས་ཏེ་དགེ་འདུན་གྱི་རྙེད་པར་བསྔོས་
Cha386b
པ།་བདག་གི་གང་ཟག་ལ་བསྔོས་པ་བདེན་ན། ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྐུར་པ་འདེབས་པའི་ལྟུང་བྱེད་དེ། དགུ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པར་བྱའོ། །ཞེས་བཀའ་སྩལ་ནས་དགེ་སློང་རྣམས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ན། དྲུག་སྡེ་དག་ཕམ་པར་འགྱུར་བ་བཞི་པོ་དག་འདོན་པའི་ཚེ་ནི། ཅང་མི་སྨྲ་བར་འཁོད་དོ། །དགེ་འདུན་ལྷག་མ་བཅུ་གསུམ་འདོན་པའི་ཚེ་ན། འདི་སྐད་ཅེས། ཚེ་དང་ལྡན་པ་དག་།གང་ལ་གཞི་ངེས་པ་དང ། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ། བདག་ཅག་གི་རྨ་སོས་པ་སོས་པ་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པར་འགྱུར་པ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར་རོ། །དེ་བཞིན་དུ་མ་ངེས་པ་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང ། བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་དག་
Cha387a
༄#། །འདོན་པའི་ཚེ་ན་ཡང་འདི་སྐད་ཅེས། ཚེ་དང་ལྡན་པ་དག་།གང་ལ་གཞི་ངེས་པ་དང ། གང་ཟག་ངེས་པར་རབ་ཏུ་ཤེས་པ་ཡོད་བཞིན་དུ་བདག་ཅག་གི་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར་ནས། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གི་ཕྱིར་ཁོ་བོ་ཅག་ཟླ་བ་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པ་མ་ཡིན་གྱི། འདི་ལྟར། ཁོ་བོ་ཅག་ནི། སྟོན་པའི་བཀའ་ལུང་གིས་འདོན་ཏོ། །གལ་ཏེ་ཁྱེད་ཅག་སྡུག་བསྔལ་བ་དང ། ཡིད་མི་བདེ་བ་སྐྱེ་ན། ཅིའི་ཕྱིར་ལྷག་པར་སྤྱོད་པར་བྱེད། དགེ་སློང་དོན་ཉུང་དག་།ཅིའི་ཕྱིར་དགེ་སློང་དག་ཕམ་པར་འགྱུར་བ་བཞི་པོ་དག་བཏོན་པའི་ཚེ་ནི། ཅང་མི་སྨྲ་བར་འཁོད་ལ། དགེ་འདུན་ལྷག་མ་བཅུ་གསུམ་འདོན་པའི་ཚེ་ན། འདི་སྐད་ཅེས། ཚེ་དང་ལྡན་པ་དག་།གང་ལ་གཞི་ངེས་པ་དང ། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ་བདག་ཅག་གི་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་
Cha387b
གདོན་པ་འདོན་པ་དག་གིས་ཅི་བྱ་ཞེས་ཟེར། དེ་བཞིན་དུ་མ་ངེས་པ་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང ། བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་དག་འདོན་པའི་ཚེ་ན་ཡང་འདི་སྐད་ཅེས། ཚེ་དང་ལྡན་པ་དག་གང་ལ་གཞི་ངེས་པ་དང ། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ་བདག་ཅག་གི་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར་ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། ། ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་།ཁྱེད་ཕམ་པར་འགྱུར་བ་བཞི་པོ་དག་འདོན་པའི་ཚེ་ནི། ཅང་མ་སྨྲ་བར་འཁོད་ལ། དགེ་འདུན་ལྷག་མ་བཅུ་གསུམ་འདོན་པའི་ཚེ་ནི། འདི་སྐད་
Cha388a
༄#། །ཅེས། ཚེ་དང་ལྡན་པ་དག་།གང་ལ་གཞི་ངེས་པ་དང ། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ་བདག་ཅག་གི་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ། དེ་བཞིན་དུ་མ་ངེས་པ་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང་བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་དག་འདོན་པའི་ཚེ་ན་ཡང་འདི་སྐད་ཅེས། ཚེ་དང་ལྡན་པ་དག་།གང་ལ་གཞི་ངེས་པ་དང ། གང་ཟག་ངེས་པ་རབ་ཏུ་ཤེས་པ་ཡོད་བཞིན་དུ་བདག་ཅག་གི་རྨ་སོས་པ་སོས་པ་དག་ཅིའི་ཕྱིར་འདྲལ་བར་བྱེད། གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་སྨྲས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་
Cha388b
དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པ་ན། འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར་ཞིང་བསླབ་པ་ཁྱད་དུ་གསོད་ན། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །ཟླ་བ་ཕྱེད་ཕྱེད་ཅིང་ཞེས་བྱ་བ་ནི། ཟླ་བ་ཕྱེད་ཕྱེད་ཅིང་ངོ ། །སོ་སོར་ཐར་པ་ཞེས་བྱ་བ་ནི། ཕམ་པར་འགྱུར་བའི་ཆེས་བཞི་དང ། དགེ་འདུན་ལྷག་མའི་ཆོས་བཅུ་གསུམ་དང ། མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང ། བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་དག་གོ་།མདོ་ཞེས་བྱ་བ་ནི། དེས་ཉེ་བར་སྦྱར་བའི་མདོའམ། ཡང་ན་མདོ་ཡང་དག་པར་སྦྱོར་བའོ། །
Cha389a
༄#། །གདོན་པ་འདོན་པ་ན་ཞེས་བྱ་བ་ནི། རབ་ཏུ་སྟོན་པ་ནའོ། །འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པ་དག་གིས་ཅི་བྱ་ཞེས་ཟེར་ཞིང་བསླབ་པ་ཁྱད་དུ་གསོད་ན་ཞེས་བྱ་བ་ནི། ཁྱད་དུ་གསོད་པའི་བསམ་པས། ངག་དང ། ཚིག་དང ། ཐ་སྙད་དང ། སྐད་དང ། བརྗོད་པ་དང ། ངེས་པའི་ཚིག་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་རྣམ་པར་རིག་བྱེད་རྗོད་པའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན། ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་འགྱོད་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་
Cha389b
དག་།གང་དག་གིས་དགེ་སློང་རྣམས་ཡིད་ལ་གཅགས་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་།གང་དག་གིས། དགེ་སློང་རྣམས་ལ་གནོད་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས།་ཚེ་དང་ལྡན་པ་དག་གིས་དགེ་སློང་རྣམས་གདུང་བར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་ཀུན་ཏུ་གདུང་བར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་གང་གིས་དགེ་སློང་རྣམས་ཡོངས་སུ་གདུང་བར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་འགྱོད་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་ཕམ་པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་མངོན་པར་མི་དགའ་བར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་ཕམ་
Cha390a
༄#། །པར་འགྱུར་བ་བཞི་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་རྣམ་པར་འཁྱམས་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་དགེ་འདུན་ལྷག་མའི་ཆོས་བཅུ་གསུམ་དང ། མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང ། བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག། གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པ་དང ། གདུང་བ་དང ། ཀུན་ཏུ་གདུང་བ་དང ། ཡོངས་སུ་གདུང་བ་དང ། འདོད་པ་དང ། མངོན་པར་མི་དགའ་བ་དང ། རྣམ་པར་འཁྱམས་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་གཞི་དག་དང ། ཕྲན་ཚེགས་དག་དང ། གླེང་གཞི་དག་དང ། སིལ་བུ་དག་དང ། འདུལ་བ་ལྔ་པ་དག་དང ། འདུལ་བ་དྲུག་པ་དག་དང ། འདུལ་བའི་མ་མོ་དང ། དེ་ལས་གཞན་པ་འདུལ་བ་དང་ལྡན་པའི་མདོ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པ་དང ། གདུང་བ་དང ། ཀུན་ཏུ་གདུང་བ་དང ། ཡོངས་སུ་གདུང་བ་དང ། འདོད་པ་དང །
Cha390b
མངོན་པར་མི་དགའ་བ་དང ། རྣམ་པར་འཁྱམས་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ལྟུང་བྱེད་དུ་འགྱུར་རོ། །དགེ་སློང་དེ་ལས་གཞན་པའི་མདོ་སྡེ་དག་འདོན་པ་ན་འདི་སྐད་ཅེས། ཚེ་དང་ལྡན་པ་དག་།གང་དག་གིས་དགེ་སློང་རྣམས་འགྱོད་པ་དང ། ཡིད་ལ་གཅགས་པ་དང ། གནོད་པ་དང ། གདུང་བ་དང ། ཀུན་ཏུ་གདུང་བ་དང ། ཡོངས་སུ་གདུང་བ་དང ། འདོད་པ་དང ། མངོན་པར་མི་དགའ་བ་དག་དང ། རྣམ་པར་འཁྱམས་པར་འགྱུར་བ་འདི་དག་བཏོན་པས་ཅི་བྱ་ཞེས་ཟེར་ན། ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསླབ་པ་ཁྱད་དུ་གསོད་པའི་ལྟུང་བྱེད་དེ། བཅུ་པ་རྫོགས་སོ།། །།སྡོམ་ལ། ས་བོན་འཕྱ་བ་བསྒོ་བ་དང ། །ཁྲི་དང་གདིང་དང་སྐྲོད་པ་དང ། །ཕྱིས་གནོན་འབྱུང་བ་འདེབས་པ་དང ། །རིམ་པ་གཉིས་སུ་རྩིག་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་སྔོན་ཤིང་མཁན་རྒན་ཞུགས། བྱིས་པ། རྨོངས་པ། མི་གསལ་བ། མི་མཁས་པ་ཞིག་གིས་ཤིང་ལྗོན་པ་བཅད་ནས་དགེ་འདུན་གྱི་གཙུག་ལག་ཁང་བྱེད་དུ་བཅུག་གོ་།དེ་ནས་ཤིང་ལྗོན་པ་དེ་ལ་གནས་པའི་ལྷ་ཁ་དོག་ཤིན་ཏུ་འདས་པ་གང་ཡིན་པ་དེ། མཚན་མོ་ནམ་སྲོས་པ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོ་ཕྱག་འཚལ་ཏེ་མཐའ་
Cha391a
༄#། །གཅིག་ཏུ་འདུག་པ་དང ། འདི་ལྟར། ལྷ་དེའི་ཁ་དོག་གི་མཐུས་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ལྷ་དེས་འདི་སྐད་ཅེས་གསོལ་ཏོ། །བཙུན་པ། སྔོན་ཤིང་མཁན་རྒན་ཞུགས། བྱིས་པ། རྨོངས་པ། མི་གསལ་བ། མི་མཁས་པ་ཞིག་གིས་བདག་གི་གནས་དང ། གླིང་དང ། སྐྱོབ་པ་དང ། སྐྱབས་དང ། དཔུང་གཉེན་དང ། གནས་མལ་དང ། གཞི་དང ། རྟེན་གྱི་ཞུགས་ཤིང་གང་ལགས་པ་དེ་བཀུམ་ནས་དགེ་འདུན་གྱི་གཙུག་ལག་ཁང་བགྱིད་དུ་སྩལ་ཏེ། བཙུན་པ། དགུན་གྱི་དགུང་ནི། རིང ། དགུན་སྨད་ཀྱི་དུས་ཀྱི་ཚེ་ནི། ཚེས་བརྒྱད་ཀྱི་བར་ལ་འོད་མ་འགས་པའི་བསེར་མ་དག་ལྡང་ཞིང ། བཙུན་པ། བདག་གི་བུ་དང ། ཕྲུ་གུ་དག་ནི། ཆུང་ན། བདག་གིས་ཇི་ལྟར་བགྱི། དེ་ནས་བཅོམ་ལྡན་འདས་ཀྱིས་ལྷ་ཞིག་ལ་བཀའ་སྩལ་པ། ལྷ། ཁྱོད་ཀྱི་གནས་སུ་ལྷ་འདིའི་གནས་བྱིན་ཅིག་།ལྷ་དེས་འདི་ལྟ་སྟེ། སྟོན་པའི་བཀའ་ལུང་གིས་རང་གི་གནས་སུ་ལྷ་དེའི་གནས་བྱིན་ནོ། །དེ་ནས་བཅོམ་ལྡན་འདས་དེ་ཉིད་ཀྱི་མཚན་མོ་འདས་པ་དང ། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། མདང་ལྷ་ཁ་དོག་ཤིན་ཏུ་འདས་པ་ཞིག་མཚན་མོ་ནམ་སྲོས་པ་དང་ང་ག་ལ་བ་དེར་
Cha391b
འོངས་ཏེ་ཕྱིན་ནས་ངའི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་པ་དང ། འདི་ལྟར། ལྷ་དེའི་ཁ་དོག་གི་མཐུས་རྒྱལ་བྱེད་ཀྱི་ཚལ་ཐམས་ཅད་སྣང་བརྒྱ་ཆེན་པོས་ཁྱབ་པར་གྱུར་ཏོ། །མཐའ་གཅིག་ཏུ་འདུག་ནས་ང་ལ་ལྷ་དེ་འདི་སྐད་ཅེས། བཙུན་པ། སྔོན་ཤིང་མཁན་རྒན་ཞུགས། བྱིས་པ། རྨོངས་པ། མི་གསལ་བ། མི་མཁས་པ་ཞིག་གིས་བདག་གི་གནས་དང ། གླིང་དང ། སྐྱོབ་པ་དང ། སྐྱབས་དང ། དཔུང་གཉེན་དང ། གནས་མལ་དང ། གཞི་དང ། རྟེན་གྱི་ཞུགས་ཤིང་ལྗོན་པ་གང་ལགས་པ་དེ་བཀུམ་ནས་དགེ་འདུན་གྱི་གཙུག་ལག་ཁང་བགྱིད་དུ་སྩལ་ཏེ། བཙུན་པ། དགུན་གྱི་དགུང་ནི། རིང ། དགུན་སྨད་ཀྱི་དུས་ཀྱི་ཚེ་ནི། ཚེས་བརྒྱད་ཀྱི་བར་ལ་འོད་མ་འགས་པའི་བསེར་མ་དག་ལྡང་ཞིང ། བཙུན་པ་བདག་གི་བུ་དང ། ཕྲུ་གུ་དག་ནི། ཆུང་ན། བདག་གིས་ཇི་ལྟར་བགྱི་ཞེས་ཟེར་བས། དགེ་སློང་དག། འདི་ལྟར། ལྷ་དག་དེ་སྐད་ཅེས། ཀྱེ་མ་ཤཱཀྱའི་བུའི་དགེ་སྦྱོང་རྣམས་ནི། འདི་ལྟ་སྟེ། དགེ་བའི་ཆོས་རྣམས་ཀྱིས་ཡོངས་སུ་ཉམས་པར་འགྱུར་རོ། །ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པ་དེ་ནི། མི་མཛེས་ཤིང ། ཚུལ་དང་མཐུན་པ་མ་ཡིན་ནོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཉེས་དམིགས་གང་ཅུང་ཟད་ཅི་བྱུང་བ་དེ་ནི། དགེ་སློང་དག་ཤིང་ལྗོན་པ་གཅོད་པར་བྱེད་པ་ལས་གྱུར་བ་ཡིན་ནོ། །སྙམ་དུ་དགོངས་ནས་དགེ་སློང་རྣམས་ལ་བཀའ་
Cha392a
༄#། །སྩལ་པ། དགེ་སློང་དག། དེ་ལྟ་བས་ན། དགེ་སློང་གིས་ཤིང་ལྗོན་པ་གཅད་པར་མི་བྱའོ། །གཅོད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་འབྲོག་གནས་ན་འབྲོག་གི་ནགས་མཆོག་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གི་ཤིང་ལྗོན་པ་གཅད་པར་མི་བྱའོ། །ཞེས་བཀའ་སྩལ་ནས་དགེ་སློང་ལག་གི་བླ་དག་གིས་ཤིང་མེད་པས་མཁར་ལེན་དག་བཏང་བར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཅིའི་ཕྱིར་དགེ་སློང་ལག་གི་བླ་དག་གིས་མཁར་ལན་དག་བཏང་བར་གྱུར། བཙུན་པ། བཅོམ་ལྡན་འདས་ཀྱིས་དགེ་སློང་གིས་ཤིང་ལྗོན་པ་གཅད་པར་མི་བྱའོ། ། ཞེས་བཀའ་སྩལ་ནས་དགེ་སློང་ལག་གི་བླ་དག་གིས་ཞུགས་ཤིང་མ་མཆིས་པས་མཁར་ལན་བཏང་བར་གྱུར་ཏོ། །ཀུན་དགའ་བོ། ངས་དགེ་སློང་ལག་གི་བླའི་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་ལག་གི་བླས་ཞག་བདུན་ནམ། བརྒྱད་ཀྱིས་ཤིང་ལྗོན་པ་གཅོད་པར་འགྱུར་པ་ན། ཤིང་ལྗོན་པ་དེའི་དྲུང་དུ་དཀྱིལ་འཁོར་བྱ་ཞིང ། སྤོས་དང ། མེ་ཏོག་དང ། གཏོར་མ་ཡང་སྦྱིན་པར་བྱ། རྒྱུད་ཆགས་གསུམ་པ་ཡང་བཀླག་པར་བྱ། ཡོན་བཤད་པ་ཡང་བྱ་ཞིང་དགེ་བ་བཅུའི་ལས་ཀྱི་ལམ་དག་ཉེ་བར་གཞག་པར་ཡང་བྱ། མི་དགེ་བ་བཅུའི་ལས་ཀྱི་ལམ་
Cha392b
དག་གི་བསྔགས་པ་མ་ཡིན་པ་དག་ཀྱང་བརྗོད་པར་བྱ། འདི་སྐད་ཅེས། ཤིང་ལྗོན་པ་འདི་ལ་ལྷ་གང་གནས་པ་དེ། གནས་གཞན་ཚོལ་ཅིག་།ཤིང་ལྗོན་པ་འདིས་མཆོད་རྟེན་གྱིའམ། ཆོས་ཀྱིའམ། དགེ་འདུན་གྱི་བྱ་བ་བྱེད་པར་འགྱུར་རོ། །ཞེས་ཀྱང་བརྗོད་པར་བྱའོ། །དེའི་འོག་ཏུ་ཉི་མ་བདུན་ནམ། བརྒྱད་ཀྱིས་ཤིང་ལྗོན་པ་དེ་གཅད་པར་བྱའོ། །གལ་ཏེ་འགྱུར་བ་སྟོན་ན། གཅད་པར་མི་བྱའོ། །འོན་ཏེ་མི་སྟོན་ན། གཅད་པར་བྱའོ། །དགེ་སློང་ལག་གི་བླས་ཀུན་དུ་སྤྱད་པའི་ཆོས་ཇི་ལྟར་བཅས་པ་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །འདི་ནི། རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་ནི། མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་དྲུག་སྡེ་དག་།རང་གི་ལག་གིས་ཤིང་ལྗོན་པ་གཅོད་ཅིང་གཅོད་དུ་འཇུག་པར་ཡང་བྱེད། རྩཝ་སྔོན་པོ་རྔ་ཞིང་རྔར་འཇུག་པར་ཡང་བྱེད། མེ་ཏོག་དག་འཐོག་ཅིང་འཐོག་ཏུ་འཇུག་པར་ཡང་བྱེད་ནས་གཞན་མུ་སྟེགས་ཅན་དག་ཤེས་ལྡན་དག་།ཤཱཀྱའི་བུའི་དགེ་སྦྱོང་འདི་དག་ནི། རང་གི་ལག་གིས་ཤིང་ལྗོན་པ་གཅོད་ཅིང་གཅོད་དུ་འཇུག་པར་ཡང་བྱེད། རྩཝ་སྔོན་པོ་རྔ་ཞིང་རྔར་འཇུག་པར་ཡང་བྱེད། མེ་ཏོག་དག་འཐོག་ཅིང་འཐོག་ཏུ་འཇུག་པར་ཡང་བྱེད་པས། བྲམ་ཟེ་དང་ཁྱིམ་བདག་འདི་དག་ཀྱང་རང་གི་ལག་
Cha393a
༄#། །གིས་ཤིང་ལྗོན་པ་གཅོད་ཅིང་གཅོད་དུ་འཇུག་པར་ཡང་བྱེད། རྩཝ་སྔོན་པོ་རྔ་ཞིང་རྔར་འཇུག་པར་ཡང་བྱེད། མེ་ཏོག་དག་འཐོག་ཅིང་འཐོག་ཏུ་འཇུག་པར་ཡང་བྱེད་པས་ཤེས་ལྡན་དག་།ཤཱཀྱའི་བུའི་དགེ་སྦྱོང་འདི་དག་དང ། བྲམ་ཟེ་དང ། ཁྱིམ་བདག་འདི་དག་ལ་བྱེ་བྲག་ནི་ཅི་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང ། བྱ་བར་སེམས་ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། ། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་།ཁྱེད་ཅག་རང་གི་ལག་གིས་ཤིང་ལྗོན་པ་གཅོད་ཅིང་གཅོད་དུ་འཇུག་པར་ཡང་བྱེད། རྩཝ་སྔོན་པོ་རྔ་ཞིང་རྔར་འཇུག་པར་ཡང་བྱེད། མེ་ཏོག་དག་འཐོག་ཅིང་འཐོག་ཏུ་འཇུག་པར་ཡང་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་
Cha393b
རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ས་བོན་གྱི་ཚོགས་དང ། འབྱུང་པོའི་གནས་འཇིག་གམ་འཇིག་ཏུ་འཇུག་ན། ལྟུང་བྱེད་དོ། །ས་བོན་གྱི་ཚོགས་ཞེས་བྱ་བ་ནི་ས་བོན་ལྔ་སྟེ། རྩ་བའི་ས་བོན་དང ། སྡོང་བུའི་ས་བོན་དང ། ཐོག་གུའི་ས་བོན་དང ། འགས་པའི་ས་བོན་དང ། ས་བོན་གྱི་ས་བོན་ཉིད་ནི་ལྔ་པའོ། །རྩ་བའི་ས་བོན་གང་ཞེ་ན། གླ་སྒང་དང ། ཤུ་དག་དང ། ཡུང་དང ། སྒེའུ་གཤེར་དང ། བོང་ང་དཀར་པོ་དང ། གཞན་ཡང ། རྩ་བ་བཏབ་པ་ལས་རྩ་བ་ཉིད་སྐྱེ་བ་གང་ཡིན་པའོ། །སྡོང་བུའི་ས་བོན་གང་ཞེ་ན། ཤིང་ཀ་ན་ཙ་ན་དང ། ཀ་པི་ཏ་ལ་དང ། ་ཤཝཏྠ་དང ། ུ་དུམ་ཝ་ར་དང ། ནྱ་གྲོ་དྷ་དང ། གཞན་ཡང ། སྡོང་བུ་བཏབ་པ་ལས་སྡོང་བུ་ཉིད་སྐྱེ་བ་གང་ཡིན་པའོ། །ཐོག་གུའི་ས་བོན་གང་ཞེ་ན། བུ་རམ་ཤིང་དང ། འདམ་བུ་དང ། སྨིག་མ་དང ། རྒྱ་མཚོ་ནས་འབྱུང་བ་དང ། གཞན་ཡང་ཐོག་གུ་བཏབ་པ་ལས་ཐོག་གུ་ཉིད་སྐྱེ་བ་གང་ཡིན་པའོ། །འགས་པའི་ས་བོན་གང་ཞེ་ན། ཨ་རྫ་ཀ་དང ། ས་རྫ་ཀ་དང ། ཕ་ནིན་ཛ་ཀ་དང ། པཱུ་སྟྲིན་དང ། ཛམྦྷ་རི་དང །
Cha394a
༄#། །གཞན་ཡང་འགས་པ་བཏབ་པ་ལས་འགས་པ་ཉིད་སྐྱེ་བ་གང་ཡིན་པའོ། །ས་བོན་གྱི་ས་བོན་གང་ཞེ་ན། སཱ་ལུ་དང ། ནས་དང ། གྲོ་དང ། མོན་སྲན་སྡེའུ་དང ། མོན་གྲེའུ་དང ། ཡུངས་ཀར་དང ། གཞན་ཡང་ས་བོན་བཏབ་པ་ལས་ས་བོན་ཉིད་སྐྱེ་བ་གང་ཡིན་པའོ། །འབྱུང་པོའི་གནས་ཞེས་བྱ་བ་ལ། འབྱུང་པོ་ཞེས་བྱ་བ་ནི། གྲོག་སྦུར་དག་དང ། ཕྱེ་མ་ལེབ་དག་དང ། སྦྲང་བུ་དག་དང ། ཏིལ་དང་ཕུབ་མ་ཟ་བ་དག་དང ། སྦྲུལ་དག་དང ། སྡིག་པ་དག་དང ། སྦྲང་བུ་ཏྲེ་མ་བུ་ཀ་དག་དང ། ཏྲེ་ལ་ཏ་ཀ་དག་གོ་།དེ་དག་གི་གནས་ཞེས་བྱ་བ་ནི། ཤིང་ལྗོན་པ་ལ་སོགས་པའོ། །དེ་དག་འཇིག་གམ་འཇིག་ཏུ་འཇུག་ན་ཞེས་བྱ་བ་ནི། འབྱིན་པ་དང ། སྙོལ་པ་དང ། གཅོད་པ་དང ། འབིགས་པ་དང ། འཚེག་པ་དང ། འཚེག་ཏུ་འཇུག་ནའོ།། ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཚེས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། བར་སྡོམ་ལ། ས་བོན་ལཱ་དང་ཉམས་བྱེད་དང ། །ལྗོན་ཤིང་གཅོད་དང་རྩཝ་རྔ་དང ། །སྔོ་དང་འཆག་དང་རྩཝ་རྒྱུན་དང ། །ཉ་ལྕིབས་ཤ་མོ་རླམ་ཉིད་དོ། །དགེ་སློང་གིས་རྩ་
Cha394b
བའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་ནས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོང་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་ཐོག་གུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་འགས་པའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་
Cha395a
༄#། །འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་རྩ་བའི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་སྔོན་བུའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས། གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་སྡོང་བུའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས། གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་
Cha395b
རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་སྡོང་བུའི་ས་བོན་ལ་ཐོག་གུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་སྡོང་བུའི་ས་བོན་ལ་འགས་པའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་སྡོང་བུའི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་
Cha396a
༄#། །སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་ཐོག་གུའི་ས་བོན་ལ་ཐོག་གུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། ། སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་ཐོག་གུའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་ཐོག་གུའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་
Cha396b
སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་ཐོག་གུའི་ས་བོན་ལ་འགས་པའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གི་ཐོག་གུའི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་འགས་པའི་ས་བོན་ལ་འགས་པའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་
Cha397a
༄#། །འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གི་འགས་པའི་ས་བོན་ལ་རྩ་བའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་འགས་པའི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། ། སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། ། སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་འགས་པའི་ས་བོན་ལ་ཐོག་གུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་སྔོན་པོར་
Cha397b
འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་འགས་པའི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དེ་བཞིན་དུ་དགེ་སློང་གིས་ས་བོན་གྱི་ས་བོན་ལ་ས་བོན་གྱི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་ས་བོན་གྱི་ས་བོན་ལ་རྩ་བའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་
Cha398a
༄#། །པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་ས་བོན་གྱི་ས་བོན་ལ་སྡོང་བུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་ས་བོན་གྱི་ས་བོན་ལ་ཐོག་གུའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་ས་བོན་གྱི་ས་བོན་ལ་འགས་པའི་ས་བོན་དུ་འདུ་ཤེས་ཤིང ། སྔོན་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ལྟུང་བྱེད་དུ་འགྱུར་རོ། །སྔོན་པོ་ལ་ཡིད་གཉིས་ཟ་བས་གཅོད་དམ་གཅོད་དུ་
Cha398b
འཇུག་ན། ལྟུང་བྱེད་དུ་འགྱུར་རོ། །སྐམ་པོ་ལ་སྔོན་པོར་འདུ་ཤེས་པས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །སྐམ་པོ་ལ་ཡིད་གཉིས་ཟ་བས་གཅོད་དམ་གཅོད་དུ་འཇུག་ན། ཉེས་བྱས་སུ་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག་།ས་བོན་རྣམ་པར་ཉམས་པར་གྱུར་ཅིག། སྙམ་པས། ས་བོན་གྱི་རིགས་ལྔ་པོ་དག་མེར་འཇུག་པར་བྱེད་ཅིང ། ས་བོན་ཉམས་པ་དང ། ས་བོན་རྣམ་པར་ཉམས་པར་གྱུར་ན། དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང ། ས་བོན་རྣམ་པར་ཉམས་པར་མ་གྱུར་ན། ཉེས་བྱས་སུ་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག། ས་བོན་རྣམ་པར་ཉམས་པར་གྱུར་ཅིག་།སྙམ་པས། ས་བོན་གྱི་རིགས་ལྔ་པོ་དག་ཆུར་འཇུག་ཅིང ། ས་བོན་ཉམས་པ་དང ། ས་བོན་རྣམ་པར་ཉམས་པར་གྱུར་ན། དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང ། ས་བོན་རྣམ་པར་ཉམས་པར་མ་གྱུར་ན་ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག་།ས་བོན་རྣམ་པར་ཉམས་པར་གྱུར་ཅིག། སྙམ་པས། ས་བོན་གྱི་རིགས་ལྔ་པོ་དག་གཏུན་དུ་བླུགས་ཏེ་གཏུན་བུས་བརྡུང་ཞིང ། ས་བོན་ཉམས་པ་དང ། ས་བོན་རྣམ་པར་ཉམས་པར་གྱུར་ན། དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང ། ས་བོན་རྣམ་པར་ཉམས་པར་མ་གྱུར་ན། ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག། ས་བོན་རྣམ་པར་ཉམས་པར་གྱུར་ཅིག། སྙམ་པས། ས་བོན་གྱི་རིགས་ལྔ་པོ་དག་ས་སྐམ་པོ་ལ་འཇོག་ཅིང ། ས་བོན་ཉམས་
Cha399a
༄#། །པ་དང ། ས་བོན་རྣམ་པར་ཉམས་པར་གྱུར་ན། དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང ། ས་བོན་རྣམ་པར་ཉམས་པར་མ་གྱུར་ན། ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག་།ས་བོན་རྣམ་པར་ཉམས་པར་གྱུར་ཅིག། སྙམ་པས། ས་བོན་གྱི་རིགས་ལྔ་པོ་དག་ཚཝ་རྒོའམ། འགྱུར་བྱེད་དམ། ལྕི་བའམ། སས་འགེབས་པར་བྱེད་ཅིང ། ས་བོན་ཉམས་པ་དང ། ས་བོན་རྣམ་པར་ཉམས་པར་གྱུར་ན། དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང ། ས་བོན་རྣམ་པར་ཉམས་པར་མ་གྱུར་ན། ཉེས་བྱས་ལྔར་འགྱུར་རོ། །དགེ་སློང་གིས་ས་བོན་ཉམས་པར་གྱུར་ཅིག། ས་བོན་རྣམ་པར་ཉམས་པར་གྱུར་ཅིག་།སྙམ་པས་ས་བོན་གྱི་རིགས་ལྔ་པོ་དག་ལ་ཁུ་ཚན་ནམ། འབྲས་ཁུའམ། སྲན་ཚོད་ལྡུགས་པར་བྱེད་ཅིང་ས་བོན་ཉམས་པ་དང ། ས་བོན་རྣམ་པར་ཉམས་པར་གྱུར་ན། དགེ་སློང་ལ་ལྟུང་བྱེད་ལྔར་འགྱུར་རོ། །ས་བོན་ཉམས་པར་མ་གྱུར་ཅིང ། ས་བོན་རྣམ་པར་ཉམས་པར་མ་གྱུར་ན། ཉེས་བྱས་ལྔར་འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་གཅིག་གཅོད་ན། ཉེས་བྱས་གཅིག་དང ། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་གཉིས་གཅོད་ན། ཉེས་བྱས་གཅིག་དང ། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་གཅིག་གིས་ཤིང་ལྗོན་པ་རབ་ཏུ་མང་པོ་གཅོད་ན། ཉེས་བྱས་གཅིག་དང ། ལྟུང་བྱེད་རབ་ཏུ་མང་པོར་འགྱུར་
Cha399b
རོ། །དགེ་སློང་གིས་སྦྱོར་བ་གཉིས་ཀྱིས་ཤིང་ལྗོན་པ་གཅིག་གཅོད་ན། ཉེས་བྱས་གཉིས་དང ། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་ཤིང་ལྗོན་པ་གཉིས་གཅོད་ན། ཉེས་བྱས་གཉིས་དང ། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་ཤིང་ལྗོན་པ་རབ་ཏུ་མང་པོ་གཅོད་ན། ཉེས་བྱས་གཉིས་དང ། ལྟུང་བྱེད་རབ་ཏུ་མང་པོར་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་ཤིང་ལྗོན་པ་གཅིག་གཅོད་ན། ཉེས་བྱས་རབ་ཏུ་མང་པོ་དང ། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་ཤིང་ལྗོན་པ་གཉིས་གཅོད་ན། ཉེས་བྱས་རབ་ཏུ་མང་པོ་དང ། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་ཤིང་ལྗོན་པ་རབ་ཏུ་མང་པོ་གཅོད་ན། ཉེས་བྱས་རབ་ཏུ་མང་པོ་དང ། ལྟུང་བྱེད་རབ་ཏུ་མང་པོར་འགྱུར་རོ། །དགེ་སློང་གིས་སྦྱོར་བ་གཅིག་གིས་རྩཝ་གཅིག་བརྔ་ན། ཉེས་བྱས་གཅིག་དང ། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་གཅིག་གིས་རྩཝ་གཉིས་བརྔ་ན། ཉེས་བྱས་གཅིག་དང ། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་གཅིག་གིས་རྩཝ་རབ་ཏུ་མང་པོ་བརྔ་ན། ཉེས་བྱས་གཅིག་དང ། ལྟུང་བྱེད་རབ་ཏུ་མང་པོར་འགྱུར་རོ། ། དགེ་སློང་གིས་སྦྱོར་བ་གཉིས་ཀྱིས་རྩཝ་གཅིག་བརྔ་ན། ཉེས་བྱས་གཉིས་དང ། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་རྩཝ་གཉིས་བརྔ་ན། ཉེས་བྱས་གཉིས་དང །
Cha400a
༄#། །ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་གཉིས་ཀྱིས་རྩཝ་རབ་ཏུ་མང་པོ་བརྔ་ན། ཉེས་བྱས་གཉིས་དང ། ལྟུང་བྱེད་རབ་ཏུ་མང་པོར་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་རྩཝ་གཅིག་བརྔ་ན། ཉེས་བྱས་རབ་ཏུ་མང་པོ་དང ། ལྟུང་བྱེད་གཅིག་ཏུ་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་རྩཝ་གཉིས་བརྔ་ན། ཉེས་བྱས་རབ་ཏུ་མང་པོ་དང ། ལྟུང་བྱེད་གཉིས་སུ་འགྱུར་རོ། །དགེ་སློང་གིས་སྦྱོར་བ་རབ་ཏུ་མང་པོས་རྩཝ་རབ་ཏུ་མང་པོ་བརྔ་ན། ཉེས་བྱས་རབ་ཏུ་མང་པོ་དང ། ལྟུང་བྱེད་རབ་ཏུ་མང་པོར་འགྱུར་རོ། །ུཏྤལ་དང ། པདྨ་ལ་སོགས་པ་ལ་ཡང་དེ་བཞིན་དུ་རྒྱས་པར་སྦྱར་རོ། །དགེ་སློང་གིས་སྔོ་ཉམས་པར་གྱུར་ཅིག་།སྔོ་རྣམ་པར་ཉམས་པར་གྱུར་ཅིག་།སྙམ་པས་སྔོའི་ཕྱོགས་སུ་ཚཝ་རྒོའམ། འགྱུར་བྱེད་དམ། ལྕི་བའམ། སས་ཉུག་པར་བྱེད་ཅིང ། སྔོ་ཉམས་པ་དང ། རྣམ་པར་ཉམས་པར་གྱུར་ན། ལྟུང་བྱེད་དུ་འགྱུར་རོ། །སྔོ་ཉམས་པར་མ་གྱུར་ཅིང ། རྣམ་པར་ཉམས་པར་མ་གྱུར་ན། ཉེས་བྱས་སུ་འགྱུར་རོ། །ཉུག་པའི་བསམ་པ་ལ་ནི། ལྟུང་བ་མེད་དོ། །དགེ་སློང་གིས་སྔོ་ཉམས་པར་གྱུར་ཅིག་།སྔོ་རྣམ་པར་ཉམས་པར་གྱུར་ཅིག་།སྙམ་པས། སྔོའི་ཕྱོགས་སུ་ཁུ་ཚན་ནམ། འབྲས་ཁུའམ། སྲན་ཚོད་འཐོར་བར་བྱེད་ཅིང ། སྔོ་ཉམས་པ་དང ། རྣམ་པར་ཉམས་པར་གྱུར་ན། ལྟུང་བྱེད་དུ་འགྱུར་རོ། །སྔོ་ཉམས་པར་མ་གྱུར་ཅིང ། སྔོ་རྣམ་པར་ཉམས་པར་མ་གྱུར་
Cha400b
ན། ཉེས་བྱས་སུ་འགྱུར་རོ། །འདོར་བའི་བསམ་པ་ལ་ནི། ལྟུང་བ་མེད་དོ། །དགེ་སློང་གིས་སྔོ་ཉམས་པར་གྱུར་ཅིག་།སྔོ་རྣམ་པར་ཉམས་པར་གྱུར་ཅིག་།སྙམ་པས། སྔོའི་ཕྱོགས་སུ་འཆག་པར་བྱེད་ཅིང ། སྔོ་ཉམས་པ་དང ། རྣམ་པར་ཉམས་པར་གྱུར་ན། ལྟུང་བྱེད་དུ་འགྱུར་རོ། །སྔོ་ཉམས་པར་མ་གྱུར་ཅིང ། སྔོ་རྣམ་པར་ཉམས་པར་མ་གྱུར་ན། ཉེས་བྱས་སུ་འགྱུར་རོ། །འཆག་པའི་བསམ་པ་ལ་ནི། ལྟུང་བ་མེད་དོ། །དགེ་སློང་གིས་སྔོ་ཉམས་པར་གྱུར་ཅིག་།སྔོ་རྣམ་པར་ཉམས་པར་གྱུར་ཅིག་།སྙམ་པས། སྔོའི་ཕྱོགས་སུ་ཡལ་གའམ། སེག་གམ། རེ་ལྡེ་འདྲེན་པར་བྱེད་ཅིང ། སྔོ་ཉམས་པ་དང ། སྔོ་རྣམ་པར་ཉམས་པར་གྱུར་ན། ལྟུང་བྱེད་དུ་འགྱུར་རོ། །སྔོ་ཉམས་པར་མ་གྱུར་ཅིང ། སྔོ་རྣམ་པར་ཉམས་པར་མ་གྱུར་ན། ཉེས་བྱས་སུ་འགྱུར་རོ། །འདྲུད་པའི་བསམ་པ་ལ་ནི། ལྟུང་བ་མེད་དོ། །དགེ་སློང་གིས་ཤ་བལ་ཉམས་པར་གྱུར་ཅིག། ཤ་བལ་རྣམ་པར་ཉམས་པར་གྱུར་ཅིག། སྙམ་པས། ཤ་བལ་ཆགས་པའི་ཕྱོགས་སུ་འཆག་པར་བྱེད་ཅིང ། ཤ་བལ་ཉམས་པ་དང ། རྣམ་པར་ཉམས་པར་གྱུར་ན། ཉེས་བྱས་སུ་འགྱུར་རོ། །ཤ་བལ་ཉམས་པར་མ་གྱུར་ཅིང ། རྣམ་པར་ཉམས་པར་མ་གྱུར་ན་ཡང་ཉེས་བྱས་ཉིད་དུ་འགྱུར་རོ། །འཆག་པའི་བསམ་པ་ལ་ནི། ལྟུང་བ་མེད་དོ། །དགེ་སློང་གིས་ཤ་བལ་ཉམས་པར་གྱུར་ཅིག་།ཤ་བལ་རྣམ་པར་ཉམས་པར་གྱུར་ཅིག་།སྙམ་པས། ཤ་བལ་ཆགས་
Cha401a
༄#། །པའི་ཕྱོགས་སུ་ཁུ་ཚན་ནམ། འབྲས་ཁུའམ། སྲན་ཚོད་འཐོར་བར་བྱེད་ཅིང ། ཤ་བལ་ཉམས་པ་དང ། ཤ་བལ་རྣམ་པར་ཉམས་པར་གྱུར་ན། ཉེས་བྱས་སུ་འགྱུར་རོ། །ཤ་བལ་ཉམས་པར་མ་གྱུར་ཅིང ། རྣམ་པར་ཉམས་པར་མ་གྱུར་ན་ཡང་ཉེས་བྱས་ཉིད་དུ་འགྱུར་རོ། །འདོར་བའི་བསམ་པ་ལ་ནི། ལྟུང་བ་མེད་དོ། །དགེ་སློང་གིས་ཤ་བལ་ཉམས་པར་གྱུར་ཅིག་།ཤ་བལ་རྣམ་པར་ཉམས་པར་གྱུར་ཅིག་།སྙམ་པས། ཤ་བལ་ཆགས་པའི་ཕྱོགས་སུ་ཚཝ་རྒོའམ། འགྱུར་བྱེད་དམ། ལྕི་བའམ། སས་ཉུག་པར་བྱེད་ཅིང ། ཤ་བལ་ཉམས་པ་དང ། ཤ་བལ་རྣམ་པར་ཉམས་པར་གྱུར་ན། ཉེས་བྱས་སུ་འགྱུར་རོ། །ཤ་བལ་ཉམས་པར་མ་གྱུར་ཅིང ། རྣམ་པར་ཉམས་པར་མ་གྱུར་ན་ཡང་ཉེས་བྱས་ཉིད་དུ་འགྱུར་རོ། །ཉུག་པའི་བསམ་པ་ལ་ནི། ལྟུང་བ་མེད་དོ། །དགེ་སློང་གིས་ཤིང་ལྗོན་པའི་རྩཝ་རྒྱུན་འབྱིན་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཤིང་ལྗོན་པའི་རྩ་བ་འབྱིན་པར་བྱེད་ན། ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་ཤུན་པ་འཆུ་བར་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ཤིང་ལྗོན་པའི་བྲི་འཆུ་བར་བྱེད་ན།་ཉེས་བྱས་སུ་འགྱུར་རོ། །དགེ་སློང་གིས་ཤིང་ལྗོན་པའི་སྙིང་པོ་འཆུ་བར་བྱེད་ན། ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་ལོ་མ་རློན་པ་རློག་པར་བྱེད་ན། ལྟུང་
Cha401b
བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་ལོ་མ་སེར་པོ་རློག་པར་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ཤིང་ལྗོན་པའི་མེ་ཏོག་ཁ་མ་ཕྱེ་བ་རློག་པར་བྱེད་ན། ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་མེ་ཏོག་ཁ་ཕྱེ་བ་རློག་པར་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ཤིང་ལྗོན་པའི་འབྲས་བུ་མ་སྨིན་པ་རློག་པར་བྱེད་ན། ལྟུང་བྱེད་དུ་འགྱུར་རོ། །དགེ་སློང་གིས་ཤིང་ལྗོན་པའི་འབྲས་བུ་སྨིན་པ་རློག་པར་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ཉ་ལྕིབས་འབྱིན་པར་བྱེད་ན། ཇི་སྲིད་དུ་ཆུ་ནས་སྐམ་ལ་འདོན་པར་མི་བྱེད་ཀྱི་བར་དུ་ཉེས་བྱས་སུ་འགྱུར་རོ། །ཆུ་ནས་སྐམ་ལ་འདོན་པར་བྱེད་ན། ལྟུང་བྱེད་དུ་འགྱུར་རོ། །དགེ་སློང་གིས་ཉ་ཚང་འདོན་པར་བྱེད་ན། ཇི་སྲིད་དུ་ཆུ་ནས་སྐམ་ལ་འདོན་པར་མི་བྱེད་ཀྱི་བར་དུ་ཉེས་བྱས་སུ་འགྱུར་རོ། །ཆུ་ནས་སྐམ་ལ་འདོན་པར་བྱེད་ན། ལྟུང་བྱེད་དུ་འགྱུར་རོ། །དགེ་སློང་གིས་ཤ་མོ་འཐོག་པར་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་ཕ་བ་ལྒོ་ལྒོ་འཐོག་པར་བྱེད་ན། ཉེས་བྱས་སུ་འགྱུར་རོ། །དགེ་སློང་གིས་རྫ་མའམ། ཕྲུ་བའམ། རིལ་བའམ། གོས་སམ། གོས་ཀྱི་རྡང་ལ་རླམ་ཆགས་པ་སྐྱོད་པར་བྱེད་ན། ཉེས་བྱས་སུ་འགྱུར་རོ། །རུང་བར་བྱས་ཏེ་སྐྱོད་པ་ལ་ནི། ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་
Cha402a
༄#། །དང།་ཚོར་བ་དག་གིས་ཉེན་པ་ལ་ལྟུང་བ་མེད་དོ། །ས་བོན་དང་སྐྱེ་བ་འཇིག་པའི་ལྟུང་བྱེད་དེ། བཅུ་གཅིག་པ་རྫོགས་སོ།།
Ja1b
༄##། །འདུལ་བ་རྣམ་པར་འབྱེད་པ། བམ་པོ་ཞེ་གསུམ་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན། འོད་མའི་ཚལ་ཀ་ལན་དཀའི་གནས་ན་བཞུགས་སོ། །གང་གི་ཚེ་ཚེ་དང་ལྡན་པ་གྱད་བུ་ནོར་དགེ་འདུན་གྱིས་གནས་མལ་འབོགས་པ་དང ། ཟས་ལ་སྐོ་བར་བསྐོས་པའི་ཚེ་ན། དགེ་སློང་མཛའ་བོ་དང་ས་
Ja2a
༄#། །ལས་སྐྱེས་གཉིས། ཚེ་དང་ལྡན་པ་གྱད་བུ་ནོར་དང་ཚེ་རབས་ཚེ་རབས་ནས་ཁོན་ཡོད་པས་དགེ་སློང་མཛའ་བོ་དང་ས་ལས་སྐྱེས་གཉིས། ཚེ་དང་ལྡན་པ་ཉེ་དགའ་དང་ལྷན་ཅིག་ཏུ།་འདུ་འཛིའི་གཏམ་གྱིས་འཁོད་པ་ན། ཚེ་དང་ལྡན་པ་གྱད་བུ་ནོར་ཕྱོགས་དེར་འོངས་པ་དང ། དེ་གཉིས་ཀྱིས་ཉེ་དགའ་ལ་སྨྲས་པ། ཚེ་དང་ལྡན་པ་ཉེ་དགའ། གལ་ཏེ་ཁྱོད་ཀྱང་དགེ་འདུན་གྱིས་གནས་མལ་འབོགས་པ་དང ། ཟས་ལ་སྐོ་བར་བསྐོས་པར་གྱུར་ན། ཁྱོད་ཀྱང་ཁོ་བོ་ཅག་ལ་འདི་ལྟ་སྟེ་དཔེར་
Ja2b
ན།་ཚེ་དང་ལྡན་པ་གྱད་བུ་ནོར་བཞིན་དུ་མཐོ་འཚམ་པར་འགྱུར་རོ། །ཉེ་དགས་དེ་གཉིས་ལ་སྨྲས་པ། ཚེ་དང་ལྡན་པ་གཉིས་ཁྱེད་དགེ་འདུན་མཐུན་པས། དགེ་སློང་གནས་མལ་འབོག་པ་དང ། ཟས་ལ་སྐོ་བར་བསྐོས་པར་ཤེས་བཞིན་དུ།་དེ་ལ་ངོར་འཕྱའམ། དེ་གཉིས་ཀྱིས་སྨྲས་པ། ཅི་ཁོ་བོ་ཅག་གཉིས་འདུར་ཡང་མི་དབང་ངམ། དགེ་སློང་དོན་ཉུང་ངུ་དག་ཅིའི་ཕྱིར། དགེ་སློང་དག་དགེ་འདུན་མཐུན་པས་དགེ་སློང་གང་གནས་མལ་འབོག་པ་དང ། ཟས་ལ་སྐོ་བར་བསྐོས་པར་ཤེས་བཞིན་དུ་དེ་ལ་ངོར་འཕྱ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་
Ja3a
༄#། །སློང་མཛའ་བོ་དང་ས་ལས་སྐྱེས་གཉིས་སམ། གཞན་ཡང་དེ་ལྟ་བུ་གང་ཡིན་པ་དེ། ངོར་འཕྱ་བའི་གྲངས་སུ་ཆུག་ཅིག་།འདི་ལྟར་གྲངས་སུ་གཞུག་པར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མཛའ་བོ་དང་ས་ལས་སྐྱེས་འདི་གཉིས་འཚལ་བཞིན་དུ་དགེ་སློང་གང་དགེ་འདུན་མཐུན་པས་གནས་མལ་འབོག་པ་དང ། ཟས་ལ་སྐོ་བར་བསྐོས་པ་ཚེ་དང་ལྡན་པ་གྱད་བུ་ནོར་དེ་ལ་ངོར་འཕྱ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་
Ja3b
དང ། དགེ་འདུན་གྱིས་དགེ་སློང་མཛའ་བོ་དང་ས་ལས་སྐྱེས་ངོར་འཕྱ་བའི་གྲངས་སུ་སྩལ་ཏོ། །འདི་ནི་གསོལ་བའོ། །གང་གི་ཚེ་དགེ་འདུན་གྱིས་དགེ་སློང་མཛའ་བོ་དང་ས་ལས་སྐྱེས་གཉིས་ངོར་འཕྱ་བའི་གྲངས་སུ་བཅུག་པ་དེའི་ཚེ་ན། དེ་གཉིས་ཚེ་དང་ལྡན་པ་ཉེ་དགའ་དང་ལྷན་ཅིག་གཏམ་ཟེར་ཞིང་འདུག་པ་ན། ཚེ་དང་ལྡན་པ་གྱད་བུ་ནོར་ཕྱོགས་དེར་འོངས་པ་དང ། དེ་གཉིས་ཀྱིས་ཉེ་དགའ་ལ་སྨྲས་པ། ཚེ་དང་ལྡན་པ་ཉེ་དགའ་གལ་ཏེ་ཁྱོད་ཀྱང་དགེ་འདུན་གྱིས་གནས་མལ་འབོག་པ་དང ། ཟས་ལ་སྐོ་བར་བསྐོས་པར་གྱུར་ན། ཁྱོད་ཀྱང་ཁོ་བོ་ཅག་འདི་ལྟ་སྟེ་དཔེར་ན། ཁ་ཅིག་བཞིན་དུ་མཐོ་འཚམ་པར་འགྱུར་རོ། །ཉེ་དགས་དེ་གཉིས་ལ་སྨྲས་པ། ཚེ་དང་ལྡན་པ་གཉིས་ཁྱེད་དགེ་འདུན་མཐུན་པས་དགེ་སློང་གང་གནས་མལ་འབོག་པ་དང ། ཟས་ལ་སྐོ་བར་བསྐོས་པར་ཤེས་བཞིན་དུ་དེ་ལ་གཞོག་འཕྱས་བྱེད་དམ། དེ་གཉིས་ཀྱིས་སྨྲས་པ། ཅི་ཁོ་བོ་ཅག་གཉིས་ཀྱིས་འགའ་ཞིག་གི་མིང་ངམ་རུས་ནས་སྨོས་སམ། ཉེ་དགས་སྨྲས་པ། གལ་ཏེ་མིང་དང་རུས་མ་སྨས་པར་གཞོག་འཕྱས་བྱེད་དུ་གནང་ན། ཉེ་དགས་ཀྱང་འཇིག་རྟེན་ཐམས་ཅད་ལ་མིང་དང་རུས་མི་སྨོས་པར་གཞོག་འཕྱས་བྱས་པར་འགྱུར་རོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་འདུན་མཐུན་པས་དགེ་སློང་གང་གནས་མལ་འབོག་པ་དང ། ཟས་ལ་སྐོ་བར་བསྐོས་པར་ཤེས་བཞིན་དུ་དེ་ལ་གཞོག་འཕྱས་བྱེད་ཅེས་སྨོད་
Ja4a
༄#། །པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་མཛའ་བོ་དང་ས་ལས་སྐྱེས་གཉིས་སམ། གཞན་ཡང་དེ་ལྟ་བུ་གང་ཡིན་པ་དེ་གཞོག་འཕྱས་བྱེད་པའི་གྲངས་སུ་ཆུག་ཅིག་།འདི་ལྟར་གྲངས་སུ་གཞུག་པར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མཛའ་བོ་དང་ས་ལས་སྐྱེས་འདི་གཉིས་འཚལ་བཞིན་དུ་དགེ་སློང་གང་དགེ་འདུན་མཐུན་པས་གནས་མལ་འབོག་པ་དང ། ཟས་ལ་སྐོ་བར་བསྐོས་པ་ཚེ་དང་ལྡན་པ་གྱད་བུ་ནོར་དེ་ལ་གཞོག་འཕྱས་བགྱིད་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མཛའ་བོ་དང་ས་ལས་སྐྱེས་གཞོག་འཕྱས་བགྱིད་པའི་གྲངས་སུ་སྩལ་ཏོ། །འདི་ནི་གསོལ་བའོ། །གང་གི་ཚེ་དགེ་འདུན་གྱིས་དགེ་སློང་མཛའ་བོ་དང་ས་ལས་སྐྱེས་ངོར་འཕྱ་བ་དང་གཞོག་འཕྱས་བྱེད་པའི་གྲངས་སུ་བཅུག་པ་དེའི་ཚེ་ན། དེ་གཉིས་ཚེ་དང་ལྡན་པ་གྱད་བུ་ནོར་ལ་ངོར་འཕྱ་བ་དང་གཞོག་འཕྱས་
Ja4b
བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་འདུན་མཐུན་པས། དགེ་སློང་གང་གནས་མལ་འབོག་པ་དང ། ཟས་ལ་སྐོ་བར་བསྐོས་པར་ཤེས་བཞིན་དུ་དེ་ལ་ངོར་འཕྱ་བ་དང་གཞོག་འཕྱས་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་མཛའ་བོ་དང་ས་ལས་སྐྱེས་གཉིས་ལ་རྨས་པ། དགེ་སློང་ཁྱེད་གཉིས་ཤེས་བཞིན་དུ་དགེ་སློང་གང་དགེ་འདུན་མཐུན་པས་གནས་མལ་འབོག་པ་དང ། ཟས་ལ་སྐོ་བར་བསྐོས་པ་དགེ་སློང་གྱད་བུ་ནོར་དེ་ལ་ངོར་འཕྱ་བ་དང ། གཞོག་འཕྱས་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་
Ja5a
༄#། །ན་ཕན་ཡོན་བཅུ་ཡང་དག་པ་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འཕྱའམ་གཞོག་འཕྱས་བྱེད་ན་ལྟུང་བྱེད་དོ། །འཕྱའམ་གཞོག་འཕྱས་བྱེད་ན་ཞེས་བྱ་བ་ནི། འཕྱ་བ་དང་གཞོག་འཕྱས་བྱ་བའི་བསམ་པས་ངག་དང ། ཚིག་དང ། ཐ་སྙད་དང ། སྐད་དང ། རྗོད་པ་དང ། ངེས་པའི་ཚིག་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་རྣམ་པར་རིག་བྱེད་རྗོད་པའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དང ། ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། ། ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་དགེ་འདུན་གྱིས་བགྲངས་ཤིང་དེ་ཡང་གང་ཟག་བཅུ་གཉིས་སུ་བསྐོས་པ་སྦྱོར་བ་མ་བཏང་བ་དག་ལ་འཕྱ་ན་ལྟུང་བྱེད་དུ་འགྱུར་རོ། །གཞོག་འཕྱས་བྱེད་ན་ལྟུང་བྱེད་དུ་འགྱུར་རོ། །འཕྱ་བ་དང་གཞོག་འཕྱས་བྱེད་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་བགྲངས་ཤིང་དེ་ཡང་གང་ཟག་བཅུ་གཉིས་སུ་བསྐོས་པ་
Ja5b
སྦྱོར་བ་བཏང་བ་དག་ལ་འཕྱ་ན་ལྟུང་བྱེད་དུ་འགྱུར་རོ། །གཞོག་འཕྱས་བྱེད་ན་ལྟུང་བྱེད་དུ་འགྱུར་རོ། །འཕྱ་བ་དང་གཞོག་འཕྱས་བྱེད་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་བགྲངས་ཤིང་དེ་ཡང་གང་ཟག་བཅུ་གཉིས་སུ་མ་བསྐོས་པ་སྦྱོར་བ་མ་བཏང་བ་དག་ལ་འཕྱ་ན་ལྟུང་བྱེད་དུ་འགྱུར་རོ། །གཞོག་འཕྱས་བྱེད་ན་ལྟུང་བྱེད་དུ་འགྱུར་རོ། །འཕྱ་བ་དང་གཞོག་འཕྱས་བྱེད་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་བགྲངས་ཤིང་དེ་ཡང་གང་ཟག་བཅུ་གཉིས་སུ་མ་བསྐོས་པ་སྦྱོར་བ་བཏང་བ་དག་ལ་འཕྱ་ན་ལྟུང་བྱེད་དུ་འགྱུར་རོ། །གཞོག་འཕྱས་བྱེད་ན་ལྟུང་བྱེད་དུ་འགྱུར་རོ། །འཕྱ་བ་དང་གཞོག་འཕྱས་བྱེད་ན་ཉེས་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མ་བགྲངས་ཤིང་དེ་ཡང་གང་ཟག་བཅུ་གཉིས་སུ་བསྐོས་པ་སྦྱོར་བ་མ་བཏང་བ་དག་ལ་འཕྱ་ན་ཉེས་བྱས་སུ་འགྱུར་རོ། །གཞོག་འཕྱས་བྱེད་ན་ཉེས་བྱས་སུ་འགྱུར་རོ། །འཕྱ་བ་དང་གཞོག་འཕྱས་བྱེད་ན་ཉེས་བྱས་སུ་འགྱུར་རོ། །དགེ་སློང་དགེ་འདུན་གྱིས་མ་བགྲངས་ཤིང་དེ་ཡང་གང་ཟག་བཅུ་གཉིས་སུ་བསྐོས་པ་སྦྱོར་བ་བཏང་བ་དག་ལ་འཕྱ་ན་ཉེས་བྱས་སུ་འགྱུར་རོ། །གཞོག་འཕྱས་བྱེད་ན་ཉེས་བྱས་སུ་འགྱུར་རོ། །འཕྱ་བ་དང་གཞོག་འཕྱས་བྱེད་ན་ཉེས་བྱས་སུ་འགྱུར་རོ། །དགེ་སློང་དགེ་འདུན་གྱིས་མ་བགྲངས་ཤིང་དེ་ཡང་གང་ཟག་བཅུ་གཉིས་སུམ་བསྐོས་པ་སྦྱོར་བ་མ་བཏང་བ་དག་ལ་འཕྱ་ན་ཉེས་བྱས་སུ་འགྱུར་རོ། །གཞོག་འཕྱས་བྱེད་ན་ཉེས་བྱས་སུ་འགྱུར་རོ། །འཕྱ་བ་དང་གཞོག་
Ja6a
༄#། །འཕྱས་བྱེད་ན་ཉེས་བྱས་སུ་འགྱུར་རོ། །དགེ་སློང་དགེ་འདུན་གྱིས་མ་བགྲངས་ཤིང་དེ་ཡང་གང་ཟག་བཅུ་གཉིས་སུ་མ་བསྐོས་པ་སྦྱོར་བ་བཏང་བ་དག་ལ་འཕྱ་ན་ཉེས་བྱས་སུ་འགྱུར་རོ། །གཞོག་འཕྱས་བྱེད་ན་ཉེས་བྱས་སུ་འགྱུར་རོ། །འཕྱ་བ་དང་གཞོག་འཕྱས་བྱེད་ན་ཉེས་བྱས་སུ་འགྱུར་རོ། །ལས་དང་པོ་པ་དང་སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འཕྱ་བའི་ལྟུང་བྱེད་དེ་བཅུ་གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་གོའུ་ཤམྦྷི་ན་གདངས་ཅན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་འདུན་པ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་ནས། དེ་ལ་དགེ་སློང་དོན་འདོད་པ། ཕན་པ་འདོད་པ། བདེ་བ་ལ་རེག་པ་འདོད་པ་གྲུབ་པ་དང་བདེ་བ་འདོད་པ་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འདུན་པ་ཆོས་བཞིན་དུ་ཕྱིར་གྱིས་ཤིག་།དེས་སྨྲས་པ། སུ་ལ་ལྟུང་བ་བྱུང་བ་དེ་ཕྱིར་བྱེད་པར་འགྱུར་རོ། །ཁྱོད་ལ་ལྟུང་བ་བྱུང་བ་སུ་ཞིག་ཕྱིར་བྱེད་པར་འགྱུར། སུ་འགྱོད་པར་འགྱུར་བའོ། །ཁྱོད་ལ་ལྟུང་བ་བྱུང་བ་ལ་སུ་འགྱོད་པར་འགྱུར། གལ་ཏེ་ཚེ་དང་ལྡན་པ་ཁྱེད་ཅག་ལ་ལྟུང་བ་བྱུང་ན། ཁོ་བོའི་མདུན་དུ་མ་ཆགས་པར་གཞན་གྱི་མདུན་དུ་ཤོག་ཅིག་།ཚེ་དང་ལྡན་པ་དག་ཁྱེད་ཅག་ནི་རིགས་སྣ་ཚོགས་དང་རུས་སྣ་ཚོགས་དང་ཁྱིམ་སྣ་ཚོགས་ནས་རབ་ཏུ་བྱུང་བ་དག་ཡིན་ཏེ། འདི་ལྟ་སྟེ་དཔེར་
Ja6b
ན།་ཤིང་ལྗོན་པ་དག་གི་ལོ་མ་སྣ་ཚོགས་རླུང་གིས་བླགས་པ་དག་གཅིག་ཏུ་འདུག་པ་དེ་བཞིན་དུ་ཁྱེད་ཅག་ཀྱང་རིགས་སྣ་ཚོགས་དང་རུས་སྣ་ཚོགས་དང་ཁྱིམ་སྣ་ཚོགས་ནས་རབ་ཏུ་བྱུང་བ་དག་ཡིན་གྱི། ཁོ་བོའི་འཕགས་པས་ནི་བྱང་ཆུབ་ཐུགས་སུ་ཆུད་པ་ཡིན་ནོ་ཞེས་དེ་དགེ་སློང་རྣམས་ཀྱིས་བསྒོ་བ་རྣ་ལ་གཟོན་པར་བྱེད་ནས། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་དགེ་སློང་རྣམས་ཀྱིས་བསྒོ་བ་རྣ་ལ་གཟོན་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འདུན་པ་དང་གཞན་ཡང་དེ་ལྟ་བུ་གང་ཡིན་པ་དེ་བསྒོ་བ་རྣ་ལ་གཟོན་པའི་གྲངས་སུ་ཆུག་ཅིག་།འདི་ལྟར་གྲངས་སུ་གཞུག་པར་བྱ་སྟེ།་གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་པ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འདུན་པ་འདི་ལྟུང་བ་བྱུང་ཡང་ཆོས་བཞིན་དུ་སླར་མི་བགྱིད་དེ། འདི་ལ་དགེ་སློང་དོན་འཚལ་བ།་ཕན་པ་འཚལ་བ། བདེ་བ་འཚལ་བ། བདེ་བ་ལ་རེག་པ་འཚལ་བ། གྲུབ་པ་དང་བདེ་བ་འཚལ་བ་རྣམས་ཀྱིས་གཞི་དེས་གླེངས་ཀྱང་དགེ་སློང་རྣམས་ཀྱིས་བསྒོ་བ་རྣ་ལ་གཟོན་ན་གལ་ཏེ་
Ja7a
༄#། །དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་ཚེ་དང་ལྡན་པ་འདུན་པ་བསྒོ་བ་རྣ་ལ་གཟོན་པའི་གྲངས་སུ་སྩལ་ཏོ། །འདི་ནི་གསོལ་བའོ། །གང་གི་ཚེ་ན་ཚེ་དང་ལྡན་པ་འདུན་པ་བསྒོ་བ་རྣ་ལ་གཟོན་པའི་གྲངས་སུ་བཅུག་པ་དེའི་ཚེ་ན། དེས་བསམས་པ། བདག་ལ་ཉེས་པ་གང་བྱུང་བ་དེ་ནི་བདག་གིས་དེ་དག་ལ་ཚིག་སྨྲས་པ་ལས་གྱུར་པ་ཡིན་ཏེ་གང་གིས། སྐྱེས་བུ་མཁས་དང་ལྡན་པ་ཡིས། །ངག་རྣམ་བཞི་པོ་བསྲུང་བྱ་སྟེ། །ནགས་ཀྱི་ནང་དུ་གོང་མ་སྲེག་།སྒྲ་འབྱིན་པས་ནི་ཟིན་ལ་ལྟོས། །ཞེས་སྨྲས་པ་ནི་ལེགས་པ་ཡིན་ནོ་སྙམ་ནས། དེ་དགེ་སློང་རྣམས་ཀྱིས་སྨྲས་པ་ན། ཅང་མི་སྨྲ་བས་དགེ་སློང་རྣམས་ཀྱིས་བསྒོ་བ་རྣ་ལ་གཟོན་པར་བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་རྣམས་ཀྱིས་སྨྲས་པ་ན། ཅང་མི་སྨྲ་བས་དགེ་སློང་རྣམས་ཀྱིས་བསྒོ་བ་རྣ་ལ་གཟོན་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འདུན་པའམ་གཞན་ཡང་དེ་ལྟ་བུ་གང་ཡིན་པ་དེ་ཅང་མི་སྨྲ་བས་བསྒོ་བ་རྣ་ལ་གཟོན་པའི་གྲངས་སུ་ཆུག་ཅིག་།འདི་ལྟར་གཞུག་པར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ། དྲིས་
Ja7b
པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འདུན་པ་འདི་ལྟུང་བ་བྱུང་ཡང་ཆོས་བཞིན་དུ་སླར་མི་བགྱིད་དེ། འདི་ལ་དགེ་སློང་དོན་འཚལ་བ། ཕན་པ་འཚལ་བ། བདེ་བ་འཚལ་བ། བདེ་བ་ལ་རེག་པ་འཚལ་བ།་གྲུབ་པ་དང་བདེ་བ་འཚལ་བ་རྣམས་ཀྱིས་གཞི་དེས་གླེངས་ཀྱང་དགེ་སློང་རྣམས་ལ་ཅང་མི་སྨྲ་བས་རྣ་ལ་གཟོན་ན་གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་ཚེ་དང་ལྡན་པ་འདུན་པ་ཅང་མི་སྨྲ་བས་རྣ་ལ་གཟོན་པའི་གྲངས་སུ་སྩལ་ཏོ། །འདི་ནི་གསོལ་བའོ། །གང་གི་ཚེ་དགེ་འདུན་གྱིས་དགེ་སློང་འདུན་པ་བསྒོ་བ་རྣ་ལ་གཟོན་པ་དང ། ཅང་མི་སྨྲ་བས་རྣ་ལ་གཟོན་པའི་གྲངས་སུ་བཅུག་པ་དེའི་ཚེ་ན། དགེ་སློང་རྣམས་ཀྱིས་བསྒོ་བ་རྣ་ལ་གཟོན་པ་དང ། ཅང་མི་སྨྲ་བས་རྣ་ལ་གཟོན་པར་བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་རྣམས་ཀྱིས་བསྒོ་བ་རྣ་ལ་གཟོན་པ་དང ། ཅང་མི་སྨྲ་བས་རྣ་ལ་གཟོན་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་
Ja8a
༄#། །སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་འདུན་པ་ལ་རྨས་པ། དགེ་སློང་ཁྱོད་དགེ་སློང་རྣམས་ཀྱིས་བསྒོ་བ་རྣ་ལ་གཟོན་པ་དང ། ཅང་མི་སྨྲ་བས་རྣ་ལ་གཟོན་པ་བདེན་ནམ། བཙུན་པ་མད་དོ། ། སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། ། ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བསྒོ་བ་རྣ་ལ་གཞོན་ན་ལྟུང་བྱེད་དོ། །བསྒོ་བ་རྣ་ལ་གཟོན་ན་ཞེས་བྱ་བ་ནི་བསྒོ་བ་རྣལ་གཟོན་པའི་བསམ་པས། ངག་དང ། ཚིག་དང ། ཐ་སྙད་དང ། སྐད་དང ། རྗོད་པ་དང ། ངེས་པའི་ཚིག་དང ། ཚིག་གི་ལམ་དང ། ཚིག་གི་སྒྲ་དང ། ངག་གི་ལས་དང ། ངག་གི་རྣམ་པར་རིག་བྱེད་རྗོད་པའོ། །ལྟུང་བྱེད་དོ་ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང །
Ja8b
ཡི་དྭགས་དག་ངན་སོང་དང ། ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་དགེ་སློང་གི་གན་དུ་འོངས་ཏེ། འདི་སྐད་ཅེས་ཚེ་དང་ལྡན་པ་ཁྱོད་ཀྱིས་དགེ་སློང་སྐྲ་དང་ཁ་སྤུ་བྲེགས་ནས་རིང་པོ་མ་ལོན་པ་སྣམ་སྦྱར་དམར་སེར་དང ། ལྷུང་བཟེད་ཞ་ཉེའི་དབྱར་འདབ་ཀྱིས་སྦྱར་བ་དང ། འཁར་བ་སྦུ་བུས་དཀྲིས་པ་དང ། ཞུན་མར་གྱི་ལྷུང་བཟེད་དམ། འབྲུ་མར་གྱི་ལྷུང་བཟེད་དམ། སྦྲང་རྩིའི་ལྷུང་བཟེད་དམ། བུ་རམ་གྱི་དབུ་བའི་ལྷུང་བཟེད་ཀྱིས་འོང་བ་མཐོང་ངམ་ཞེས་ཟེར་བ་ལ། དེས་འདི་སྐད་ཅེས་ཚེ་དང་ལྡན་པ་ཁོ་བོས་དགེ་སློང་སྐྲ་དང་ཁ་སྤུ་བྲེགས་ནས་རིང་པོ་མ་ལོན་པ་ན་སྣམ་སྦྱར་དམར་སེར་དང ། ལྷུང་བཟེད་ཞ་ཉེའི་དབྱར་འདབ་ཀྱིས་སྦྱར་བ་དང ། འཁར་བ་སྦུ་བུས་དཀྲིས་པ་དང ། ཞུན་མར་གྱི་ལྷུང་བཟེད་དམ། འབྲུ་མར་གྱི་ལྷུང་བཟེད་དམ། སྦྲང་རྩིའི་ལྷུང་བཟེད་དམ། བུ་རམ་གྱི་དབུ་བའི་ལྷུང་བཟེད་ཀྱིས་འོང་བ་ནི་མ་མཐོང་གི་།འདི་ལྟར་ཁོ་བོས་དགེ་སློང་རྐང་པ་གཉིས་ཀྱིས་འོང་བ་མཐོང་ངོ་ཞེས་སྨྲས་ན་ལྟུང་བྱེད་དུ་འགྱུར་རོ། །དགེ་སློང་དགེ་སློང་གི་གན་དུ་འོངས་ཏེ། འདི་སྐད་ཅེས་ཚེ་དང་ལྡན་པ་ཁྱོད་ཀྱིས་དགེ་སློང་མ་སྐྲ་བྲེགས་ནས་རིང་པོ་མ་ལོན་པ་སྣམ་སྦྱར་དམར་སེར་དང ། ལྷུང་བཟེད་ཞ་ཉེའི་དབྱར་འདབ་ཀྱིས་
Ja9a
༄#། །སྦྱར་བ་དང ། ཞུན་མར་གྱི་ལྷུང་བཟེད་དམ། འབྲུ་མར་གྱི་ལྷུང་བཟེད་དམ། སྦྲང་རྩིའི་ལྷུང་བཟེད་དམ། བུ་རམ་གྱི་དབུ་བའི་ལྷུང་བཟེད་ཀྱིས་འོང་བ་མཐོང་ངམ། ཞེས་ཟེར་བ་ལ། དེས་འདི་སྐད་ཅེས་ཚེ་དང་ལྡན་པ་ཁོ་བོས་དགེ་སློང་མ་སྐྲ་བྲེགས་ནས་རིང་པོ་མ་ལོན་པ། སྣམ་སྦྱར་དམར་སེར་དང ། ལྷུང་བཟེད་ཞ་ཉེའི་དབྱར་འདབ་ཀྱི་སྦྱར་བ་དང ། ཞུན་མར་གྱི་ལྷུང་བཟེད་དམ། འབྲུ་མར་གྱི་ལྷུང་བཟེད་དམ། སྦྲང་རྩིའི་ལྷུང་བཟེད་དམ། བུ་རམ་གྱི་དབུ་བའི་ལྷུང་བཟེད་ཀྱིས་འོང་བ་ནི་མ་མཐོང་གི་།འདི་ལྟར་ཁོ་བོས་དགེ་སློང་མ་རྐང་པ་གཉིས་ཀྱིས་འོང་བ་མཐོང་ངོ་ཞེས་སྨྲས་ན་ལྟུང་བྱེད་དུ་འགྱུར་རོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་ལ་ཡང་དེ་བཞིན་ཅི་རིགས་པར་སྦྱར་རོ། །དགེ་སློང་དགེ་སློང་གི་གན་དུ་འོངས་ཏེ། འདི་སྐད་ཅེས་ཚེ་དང་ལྡན་པ་ཇི་ལྟ་ཁྱིམ་པ་བུ་རམ་ཤིང་གི་ཁུར་གྱིས་སམ། སྨིག་མའི་ཁུར་གྱིས་སམ། འདམ་བུའི་ཁུར་གྱིས་སམ། ཤིང་གི་ཁུར་གྱིས་སམ། ཞུན་མར་གྱི་བུམ་པས་སམ། འབྲུ་མར་གྱི་བུམ་པས་སམ། སྦྲང་རྩིའི་བམ་པས་སམ། བུ་རམ་གྱི་དབུ་བའི་བུམ་པས་འོང་བ་མཐོང་ངམ་ཞེས་ཟེར་བ་ལ། དེས་འདི་སྐད་ཅེས་ཚེ་དང་ལྡན་པ་ཁོ་བོས་ཁྱིམ་པ་བུ་རམ་ཤིང་གི་ཁུར་གྱིས་སམ། སྨིག་མའི་ཁུར་གྱིས་སམ། འདམ་བུའི་ཁུར་གྱིས་སམ། ཤིང་གི་ཁུར་གྱིས་སམ། ཞུན་མར་གྱི་བུམ་པས་སམ། འབྲུ་མར་གྱི་བུམ་པས་སམ། སྦྲང་རྩིའི་བུམ་པས་
Ja9b
སམ། བུ་རམ་གྱི་དབུ་བའི་བུམ་པས་འོང་བ་ནི་མ་མཐོང་གི་།འདི་ལྟར་ཁོ་བོས་ཁྱིམ་པ་རྐང་པ་གཉིས་ཀྱིས་འོང་བ་མཐོང་ངོ་ཞེས་སྨྲས་ན་ལྟུང་བྱེད་དུ་འགྱུར་རོ། །དགེ་སློང་དགེ་སློང་གི་གན་དུ་འོངས་སྟེ། འདི་སྐད་ཅེས་ཚེ་དང་ལྡན་པ་ཇི་ལྟར་ཁྱིམ་པ་མོ་གོས་ཐམས་ཅད་སྔོན་པོས་སམ། ཐམས་ཅད་སེར་པོས་སམ། ཐམས་ཅད་དམར་པོས་སམ། ཐམས་ཅད་དཀར་པོས་སམ། ཞུན་མར་གྱི་བུམ་པས་སམ། འབྲུ་མར་གྱི་བུམ་པས་སམ། སྦྲང་རྩིའི་བུམ་པས་སམ། བུ་རམ་གྱི་དབུ་བའི་བུམ་པས་འོང་བ་མཐོང་ངམ་ཞེས་ཟེར་བ་ལ། དེས་འདི་སྐད་ཅེས་ཚེ་དང་ལྡན་པ་ཁོ་བོས་ཁྱིམ་པ་མོ་གོས་ཐམས་ཅད་སྔོན་པོས་སམ། ཐམས་ཅད་སེར་པོས་སམ། ཐམས་ཅད་དམར་པོས་སམ། ཐམས་ཅད་དཀར་པོས་སམ། ཞུན་མར་གྱི་བུམ་པས་སམ། འབྲུ་མར་གྱི་བུམ་པས་སམ། སྦྲང་རྩིའི་བུམ་པས་སམ། བུ་རམ་གྱི་དབུ་བའི་བུམ་པས་འོང་བ་ནི་མ་མཐོང་གི་།འདི་ལྟར་ཁོ་བོས་ཁྱིམ་པ་མོ་རྐང་པ་གཉིས་ཀྱིས་འོང་བ་མཐོང་ངོ་ཞེས་སྨྲས་ན་ལྟུང་བྱེད་དུ་འགྱུར་རོ། །དགེ་སློང་གིས་ཇི་ཙམ་དུ་གཞན་འདྲི་བ་ལ་ལན་གཞན་འདེབས་ན་ཐམས་ཅད་དུ་ལྟུང་བྱེད་དུ་འགྱུར་རོ། །རྣམ་གྲངས་དེ་དག་ཐམས་ཅད་ལ་ཅང་མི་སྨྲ་བས་རྣ་ལ་གཟོན་ན་ཉེས་བྱས་སུ་འགྱུར་རོ། ། གཤེད་མའི་གསད་པར་བྱ་བ་བྲོས་ནས་དགེ་སློང་གི་གན་དུ་འོངས་ཏེ། འཕགས་པ་ཇི་ལྟ་གསད་པར་བྱ་བ་མཐོང་ངམ་ཞེས་འདྲི་ན་གལ་ཏེ་གྲང་བའི་དུས་ཡིན་ན་དགེ་སློང་གིས་གཤེད་མ་
Ja10a
༄#། །ལ་བཞིན་བཟང་མེ་ཁང་དུ་ཞུགས་ལ་མེ་འདི་ཞིག་ཅེས་བརྗོད་པར་བྱའོ། །གལ་ཏེ་ཚ་བའི་དུས་ཡིན་ན་བཞིན་བཟང་ཇེ་དཔོང་སའི་ཁང་པར་ཞུགས་ཤིག ། ཇེ་སྐོམ་འཐུངས་ཤིག་།ཇེ་ངལ་སོ་ཞིག་ཅེས་བརྗོད་པར་བྱའོ། །གལ་ཏེ་དེ་འདི་སྐད་ཅེས་བདག་མི་གྲང་ངོ ། །བདག་མི་ཆའོ་\་ཊཥཱའཱོ?\། །བདག་མི་སྐོམ་མོ། །བདག་མ་ཆད་དོ། །འདི་ལྟར་བདག་གསད་པར་བྱ་བ་འདྲིའོ་ཞེས་ཟེར་ན། ཇེ་སེན་མོ་ལ་ལྟས་ཏེ། སེན་མོ་མཐོང་ངོ་ཞེས་བརྗོད་པར་བྱའོ། །ནམ་མཁའ་ལ་ལྟས་ཏེ་ནམ་མཁའ་མཐོང་ངོ་ཞེས་བརྗོད་པར་བྱའོ། །གལ་ཏེ་དེ་འདི་སྐད་ཅེས་བདག་སེན་མོ་མི་འདྲིའོ། །བདག་ནམ་མཁའ་མི་འདྲིའོ། །འདི་ལྟར་བདག་གསད་པར་བྱ་བ་འདྲིའོ། །ཞེས་ཟེར་ན། དགེ་སློང་དེས་ཕྱོགས་བཞིར་རྣམ་པར་བལྟས་ཏེ་འདུ་བྱེད་ཐམས་ཅད་བདག་མེད་པ་ཡིད་ལ་བྱས་ནས། དོན་དམ་པར་ན་སེམས་ཅན་མ་མཐོང་ངོ་ཞེས་བརྗོད་པར་བྱ་བ་ལ་ལྟུང་བ་མེད་དོ། །ཁ་ན་བ་དང་ཁས་སྨན་འཛིན་པ་ལ་ལྟུང་བ་མེད་དོ། ། ལས་དང་པོ་པ་དང་སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་ཚེ་དང་ལྡན་པ་འདུན་པ་ཚངས་པ་མཚུངས་པར་སྤྱོད་པ་རྣམས་ཀྱི་ངག་མི་ཉན་ནས་བསྒོ་བ་རྣ་ལ་གཞོན་པ་དང་ཅང་མི་སྨྲ་བས་རྣ་ལ་གཟོན་པའི་གྲངས་སུ་སྩལ་པ་ལ་གཟིགས། དགེ་སློང་
Ja10b
དག་ད་ལྟར་དུ་མ་ཟད་ཀྱི་འདི་ལྟར་འདས་པའི་དུས་ན་ཡང་འདི་དགེ་བའི་བཤེས་གཉེན་རྣམས་ཀྱི་ངག་མི་ཉན་ནས་ཚུལ་མ་ཡིན་པས་སྡུག་བསྔལ་བར་གྱུར་ཏེ། དེ་ཉོན་ཅིག་།དགེ་སློང་དག་།སྔོན་བྱུང་བ་འདས་པའི་དུས་ན། རྫིང་ཞིག་ན་རུས་སྦལ་གཅིག་དང་ངང་པ་གཉིས་ཤིག་འཁོད་དེ། ད་ནས་དུས་གཞན་ཞིག་ན། ལོ་བཅུ་གཉིས་སུ་ཐན་པ་བྱུང་ནས་དེས་རྫིང་དེ་བསྐམ་པར་བརྩམས་སོ། །ཆོས་ཉིད་ཀྱིས་ན་འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་སྨྲ་ཤེས་པས། ངང་པ་གཉིས་ཀྱིས་རུས་སྦལ་ལ་སྨྲས་པ། གྲོགས་པོ་ཁོ་བོ་ཅག་གཉིས་ནི་རྫིང་གཞན་དུ་འགྲོའོ། །རུས་སྦལ་གྱིས་སྨྲས་པ། གྲོགས་པོ་གཉིས་ཁོ་བོ་ཡང་ཁྲིད་དེ་སོང་ཞིག་།ངང་པ་གཉིས་ཀྱིས་སྨྲས་པ། ཁྱོད་ཇི་ལྟར་ཁྲིད་དེ་འགྲོ་བར་བྱ། རུས་སྦལ་གྱིས་སྨྲས་པ། ཁོ་བོས་ཤིང་གི་དབུས་སུ་ཁས་གཟུང་བར་བྱས། ཁྱེད་གཉིས་ཀྱིས་རྩེ་མོ་གཉིས་ནས་བཟུང་ལ་དེང་ཞིག་།ངང་པ་གཉིས་ཀྱིས་སྨྲས་པ། ཁྱོད་སྨྲ་འདོད་པ་ཡིན་པས་ཚིག་སྲུང་མི་ནུས་ཀྱི། ཁོ་བོ་ཅག་གཉིས་ཁྱེར་ཏེ་མི་འགྲོའོ། །རུས་སྦལ་གྱིས་སྨྲས་པ། ཚིག་བསྲུང་བར་བྱའོ། །ངང་པ་གཉིས་ཀྱིས་རུས་སྦལ་དེ་ཁྱེར་ཏེ་སྟེང་གི་ནམ་མཁའ་ལ་འཕགས་ནས་ཇི་ཙམ་ན་རི་བྲགས་ཤིག་གི་སྟེང་ན་ཕར་སོང་བ་དང ། ཁྱེའུ་དང་བུ་མོ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ལྟོས་ཤིག་།ངང་པ་གཉིས་ཀྱིས་རུས་སྦལ་ཞིག་ཁྱེར་ཏེ་སོང་ངོ་ཞེས་ཟེར་བ་ན། རུས་
Ja11a
༄#། །སྦལ་དེས་ཀྱང་དང་དུ་བླངས་སོ། །དེ་ནས་རི་བྲགས་གཞན་ཞིག་གི་སྟེང་ན་ཕར་སོང་བ་དང ། ཡང་ཁྱེའུ་དང་བུ་མོ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ལྟོས་ཤིག་།ངང་པ་གཉིས་ཀྱིས་རུས་སྦལ་ཞིག་ཁྱེར་ཏེ་སོང་ངོ་ཞེས་ཟེར་བ་དང ། རུས་སྦལ་དེས་བསམས་པ། བདག་གིས་ཡུན་ཇི་སྲིད་དུ་མཐོ་འཚམ་པ་མནགས་པར་བྱ་སྙམ་ནས་སྨྲས་པ། ངང་པ་གཉིས་ཀྱིས་ཁོ་བོ་ཁྱེར་བ་མ་ཡིན་གྱི་འདི་ལྟར་ཁོ་བོ་རང་འགྲོའོ་ཞེས་བྱས་པ་དང ། ཤིང་ཤོར་ནས་དེ་ས་ལ་ལྷུང་སྟེ། དེ་དག་གིས་བཟུང་ནས་ཚུལ་མ་ཡིན་པས་སྡུག་བསྔལ་བར་བྱས་པ་དང ། ལྷས་ཚིགས་སུ་བཅད་པ་སྨྲས་པ། མཛའ་བཤེས་ཕན་པར་འདོད་རྣམས་ཀྱིས། །སྨྲས་པ་གང་ཞིག་མི་འཛིན་པ། །རུས་སྦལ་གྱིས་ནི་ཤིང་བཏང་ལྟར། །དེ་ནི་ལྷུང་ཞིང་ལས་པར་གྱུར། །དགེ་སློང་དག་དེའི་ཚེ་དེའི་དུས་ན་ངང་པ་ཆེས་རྒན་པ་ཅིག་ཤོས་གང་ཡིན་པ་དེ་ནི་ང་ཡིན་ནོ། །དེའི་ཚེ་དེའི་དུས་ན་ངང་པ་ཅིག་ཤོས་གང་ཡིན་པ་དེ་ནི་ཀུན་དགའ་བོ་ཡིན་ནོ། །དེའི་ཚེ་དེའི་དུས་ན་རུས་སྦལ་གང་ཡིན་པ་དེ་ནི་འདུན་པ་འདི་ཡིན་ཏེ། འདི་དེའི་ཚེ་ན་ཡང་དགེ་བའི་བཤེས་གཉེན་རྣམས་ཀྱི་ངག་མི་ཉན་པས་ཚུལ་མ་ཡིན་པས་སྡུག་བསྔལ་བར་གྱུར་ལ། ད་ལྟར་ཡང་འདི་ཚངས་པ་མཚུངས་པར་སྤྱོད་པ་རྣམས་ཀྱི་ངག་མི་ཉན་པས་བསྒོ་བ་རྣ་ལ་གཟོན་པ་དང་ཅང་མི་སྨྲ་བས་རྣ་ལ་གཟོན་པའི་གྲངས་སུ་བཅུག་གོ །
Ja11b
བསྒོ་བ་རྣ་ལ་གཟོན་པའི་ལྟུང་བྱེད་དེ་བཅུ་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཁྱིམ་བདག་གཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང་དགེ་སློང་གི་དགེ་འདུན་ནི་ཞུགས་སོ། ། བཅོམ་ལྡན་འདས་ནི་རྫས་ལས་བྱུང་བ་ན་བཞུགས་ཤིང ། བསོད་སྙོམས་མངོན་པར་བསྒྲུབས་སོ། །སངས་རྒྱས་བཅོམ་ལྡན་འདས་ནི་རྒྱུ་ལྔས་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབས་པར་མཛད་དེ། ལྔ་གང་ཞེ་ན། ནང་དུ་ཡང་དག་འཇོག་ལ་བཞེད་པ་དང ། ལྷ་རྣམས་ལ་ཆོས་སྟོན་པར་བཞེད་པ་དང ། ནད་པ་ལ་ལྟ་བར་བཞེད་པ་དང ། གནས་མལ་ལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པའོ། །དོན་འདིར་ནི་བཅོམ་ལྡན་འདས་གནས་མལ་ལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་བཞེད་པས་རྫས་ལས་བྱུང་བ་ན་བཞུགས་ཤིང ། བསོད་སྙོམས་མངོན་པར་བསྒྲུབ་པ་མཛད་དོ། །དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་སོང་ནས་རིང་པོ་མ་ལོན་པར་ཐུགས་སུ་ཆུད་ནས་ལྡེ་མིག་བསྣམས་ཏེ་ཀུན་དགའི་ར་བ་ནས་ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་
Ja12a
༄#། །དུ། འཆག་ས་ནས་འཆག་སར་དང ། གོལ་བར་གཤེགས་ཤིང་མཐར་གྱིས་གཤེགས་པ་ན། ཁང་པ་ཆེན་པོའི་གཙུག་ལག་ཁང་ཞིག་ག་ལ་བ་དེར་གཤེགས་སོ། །དེའི་ཚེ་ན་ཁང་པ་ཆེན་པོའི་གཙུག་ལག་ཁང་དེ་ན་གནས་མལ་རབ་ཏུ་མང་པོ་དག་བླ་གབ་མེད་པར་བཞག་ཅིང ། དུས་མ་ཡིན་པའི་སྤྲིན་ཆེན་པོ་ཡང་འདུས་པར་གྱུར་རོ། །བཅོམ་ལྡན་འདས་ཀྱིས་ཁང་པ་ཆེན་པོའི་གཙུག་ལག་ཁང་དེ་ན་གནས་མལ་རབ་ཏུ་མང་པོ་དག་བླ་གབ་མེད་པར་བཞག་ཅིང་དུས་མ་ཡིན་པའི་སྤྲིན་ཆེན་པོ་འདུས་པ་ཡང་གཟིགས་སོ། །གཟིགས་ནས་ཀྱང་ཨེ་མ་ཞེས་གསུང་ཞིང་སྨད་ནས་འདི་སྙམ་དུ་དགོངས་ཏེ་བྲམ་ཟེ་དང་ཁྱིམ་བདག་དད་པ་ཅན་དག་གིས་པགས་པ་དང་ཤ་དང་ཁྲག་དག་བཙིར་ཅིང་བཙིར་ཅིང་སྦྱིན་པ་དག་སྦྱིན། བསོད་ནམས་དག་བྱེད་པ་གང་ཡིན་པ་དེ་ལ་དགེ་སློང་དག་དྲོད་མི་ཤེས་པ་དང ། སོ་སོར་མི་རྟོག་པར་ཡོངས་སུ་ལོངས་སྤྱོད་དོ་སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་གྱིས་དུས་མ་ཡིན་པའི་སྤྲིན་ཆེན་པོ་དེ་ཕྱིར་དགག་པ་མཛད་དེ། བཅོམ་ལྡན་འདས་ཀྱིས་རྫུ་འཕྲུལ་གྱིས་དགག་པ་མཛད་པས་དེ་སྟེང་གི་བར་སྣང་ལ་ཆུ་ལོན་ལྟ་བུར་གྱུར་ཏེ། མཐའ་ན་འདུག་ཅིང་ཤས་ཆེར་བཅོམ་ལྡན་འདས་ལ་སྡོད་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་གནས་མལ་རབ་ཏུ་མང་པོ་དེ་དག་སྐྱབས་ཡོད་པར་བྲུབས་ནས་དབྱར་གྱི་ན་བཟའ་རས་ཆེན་བསྣམས་ཏེ། སྐུ་བསིལ་བར་
Ja12b
བཞེད་ནས་བང་རིམ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དུས་མ་ཡིན་པའི་སྤྲིན་ཆེན་པོ་དེ་དགག་པའི་རྫུ་འཕྲུལ་དེ་སླར་བསྡུ་བ་མཛད་དོ། །བཅོམ་ལྡན་འདས་ཀྱིས་རྫུ་འཕྲུལ་དེ་སླར་བསྡུ་བ་མཛད་ནས། འབྲུག་གྲགས་ཤིང་ཆར་གྱིས་གཤོང་དང་ཐང་ཐམས་ཅད་ཚིམ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་སྐུ་དག་བསིལ་ནས་ཞབས་གཉིས་བསིལ་ཏེ། ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་དགེ་སློང་བསོད་སྙོམས་སྒྲུབ་པས་བསོད་སྙོམས་བླངས་ནས་བཅོམ་ལྡན་འདས་ག་ལ་བ་དེར་སོང་ངོ ། །སངས་རྒྱས་བཅོམ་ལྡན་འདས་རྣམས་ནི་ཆོས་ཉིད་ཀྱིས་བསོད་སྙོམས་སྒྲུབ་པའི་དགེ་སློང་ལ། དགེ་སློང་ཇི་ལྟ་བ་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་འདིས་སོ་སོར་ཀུན་དགའ་བར་མཛད་པ་ཡིན་པས། བཅོམ་ལྡན་འདས་ཀྱིས་དགེ་སློང་བསོད་སྙོམས་སྒྲུབ་པ་ལ། དགེ་སློང་ཇི་ལྟ་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་དང ། དེས་གསོལ་བ། བཙུན་པ་ཏེ་པོར་ཟས་བསོད་ཅིང ། དགེ་སློང་གི་དགེ་འདུན་ཚིམ་པར་བགྱིས་སོ། །དེ་ནས་བཅོམ་ལྡན་འདས་ཞལ་ཟས་ཀྱི་བྱ་བ་མཛད་ནས་གཙུག་ལག་ཁང་གི་སླད་རོལ་ཏུ་ཞབས་གཉིས་བསིལ་ཏེ། ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་བཅོམ་ལྡན་འདས་ཕྱི་དྲོ་ནང་དུ་ཡང་དག་འཇོག་ལས་བཞེངས་ནས།
Ja13a
༄#། །དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས། དགེ་སློང་རྣམས་ལ་བཀའ་སྩལ་པ། དགེ་སློང་དག་ངས་འདི་ན་དགེ་སློང་གི་དགེ་འདུན་སོང་ནས་རིང་པོ་མ་ལོན་པར་ཤེས་ནས། ལྡེ་མིག་ཁྱེར་ཏེ་ཀུན་དགའི་ར་བ་ནས་ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་སར་དང ། གོལ་བར་སོང་ཞིག་མཐར་གྱིས་འགྲོ་ན། ཁང་པ་ཆེན་པོའི་གཙུག་ལག་ཁང་ཞིག་ག་ལ་བ་དེར་ཕྱིན་ནས་ངས་ཁང་པ་ཆེན་པོའི་གཙུག་ལག་ཁང་དེ་ན། གནས་མལ་རབ་ཏུ་མང་པོ་དག་བླ་གབ་མེད་པར་བཞག་ཅིང་དུས་མ་ཡིན་པའི་སྤྲིན་ཆེན་པོ་འདུས་པ་མཐོང་ངོ ། །མཐོང་ནས་ཀྱང་ཨེ་མ་ཞེས་བྱས་ཏེ་སྨད་ནས། འདི་སྙམ་དུ་བྲམ་ཟེ་དང་ཁྱིམ་བདག་དད་པ་ཅན་དག་གིས་པགས་པ་དང་ཤ་དང་ཁྲག་དག་བཙིར་ཅིང་བཙིར་ཅིང་སྦྱིན་པ་དག་སྦྱིན། བསོད་ནམས་དག་བྱེད་པ་གང་ཡིན་པ་དེ་ལ་དགེ་སློང་དག་དྲོད་མི་ཤེས་པ་དང ། སོ་སོར་མི་རྟོག་པར་ཡོངས་སུ་ལོངས་སྤྱོད་དོ་སྙམ་དུ་དགོངས་ཀྱི། དགེ་སློང་དག་ཁྱེད་ཀྱིས་དད་པས་སྦྱིན་པར་བྱ་བ་ལ་དྲོད་རན་པར་ཡོངས་སུ་ལོངས་སྤྱོད་པ་དང ། སྤང་ཞིང་ཡོངས་སུ་ལོངས་སྤྱད་པ་དང་དུས་སུ་ཡོངས་སུ་ལོངས་སྤྱད་པ་དང ། བརྟག་ཅིང་ཡོངས་སུ་ལོངས་སྤྱད་པ་དང ། ཁད་ཀྱིས་ཡོངས་སུ་ལོངས་
Ja13b
སྤྱད་ན་ལེགས་སོ། །བར་སྡོམ་ལ། དྲོད་རན་པ་དང་སྤོང་བ་དང ། དེ་བཞིན་དུས་དང་བརྟག་པ་དང ། །ཁད་ཀྱིས་ཡོངས་སུ་སྤྱད་པ་ཡིན། དེ་ནས་བཅོམ་ལྡན་འདས་ཀྱིས་དྲོད་རན་པ་དང་སྤང་བ་དང ། དུས་དང ། བརྟག་པ་དང ། ཁད་ཀྱིས་ཡོངས་སུ་ལོངས་སྤྱོད་པའི་བསྔགས་པ་བརྗོད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་ཁྲིའམ་ཁྲིའུ་འམ། སྟན་ནང་ཚངས་ཅན་ནམ། ལ་བའམ། སྔས་སམ། གོར་བུ་བླ་གབ་མེད་པར་བཏིང་ངམ། འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་པར་དེ་ནས་སོང་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུར་དོང་པ་ན་རི་བྲགས་ཤིག་ཏུ་ཕྱིན་ནས། དེ་དག་གིས་རི་བྲགས་དེར་གནས་བཙལ་བར་བརྩམས་པ་དང ། རི་བྲགས་དེ་ན་གཙུག་ལག་ཁང་ཞིག་ཡོད་ནས་དེ་ན། དེ་དག་ལ་མི་ཞིག་གིས་སྨྲས་པ། འཕགས་པ་དག་ཁྱེད་ཅག་གཙུག་ལག་ཁང་དུ་མི་གནས་སམ། བཞིན་བཟང་མི་གནས་ཏེ། ཁོ་བོ་ཅག་ནི་དོན་མཐུན་ལ་རག་
Ja14a
༄#། །ལས་པ་ཡིན་པས། གལ་ཏེ་ཁོ་བོ་ཅག་གཙུག་ལག་ཁང་དུ་གནས་པར་གྱུར་ན། དོན་མཐུན་གྱིས་ཁོ་བོ་ཅག་བོར་ཏེ་འགྲོ་བར་འགྱུར་རོ། །དེས་སྨྲས་པ། འཕགས་པ་དག་བཞུད་ལ་གཙུག་ལག་ཁང་དུ་གཟིམས་ཤིག་དང ། དོན་མཐུན་ཆ་བའི་དུས་ཀྱི་ཚེ་ན་བདག་གིས་འཕགས་པ་དག་བསླང་བར་བགྱིའོ། །དེ་དག་གཙུག་ལག་ཁང་དུ་དོང་སྟེ་གནས་མལ་བཤམས་ནས་ཉལ་བ་དང ། དོན་མཐུན་ཆས་ཏེ། གླང་ཐ་མ་བཀལ་ཟིན་པ་དང ། དེ་ནས་མི་དེ་སད་ནས་དེ་སོང་སྟེ། དགེ་སློང་རྣམས་ལ་སྨྲས་པ། འཕགས་པ་དག་དོན་མཐུན་ཆས་ཀྱི། མྱུར་དུ་སྤྱོན་ཅིག་།དེ་དག་ཇི་སྲིད་དུ་ལག་པ་དག་བསྙལ་བར་བྱེད། སོ་ཤིང་དག་འདོར་བར་བྱེད། གནས་མལ་དག་གཏོད་པར་བྱེད་པ་དེ་སྲིད་དུ་དོན་མཐུན་ཐལ་བར་གྱུར་ནས། དེ་དག་ཕྱི་བཞིན་འབྲང་ཞིང་འདོང་བ་ན། ཆོམ་རྐུན་པ་དག་གིས་བཅོམ་པར་གྱུར་ནས། དེ་དག་མཐར་གྱིས་གཙུག་ལག་ཁང་དུ་ཕྱིན་པ་དང ། དེ་དག་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཚེ་དང་ལྡན་པ་དག་བདེ་བར་བརྒྱུས་རེ་སྐན། ཅི་ཉེས། ཚེ་དང་ལྡན་པ་དག་།ཁོ་བོ་ཅག་ཆོམ་རྐུན་པ་དག་གིས་བཅོམ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་
Ja14b
པ། དགེ་སློང་འཁོད་པ་དག་ལ་བཅོལ་བར་བྱའོ། །བཅོམ་ལྡན་འདས་ཀྱིས་དགེ་སློང་འཁོད་པ་དག་ལ་བཅོལ་བར་བྱའོ་ཞེས་བཀའ་སྩལ་ནས། མཉན་ཡོད་ན་ཁྱིམ་བདག་གཉིས་ཤིག་འཁོད་པ་དེ་གཉིས་ཕན་ཚུན་འཁོན་ཡོད་ཅིང་གཅིག་ནི་དད་པ་དང་ལྡན་པ་ཡིན་ལ་གཅིག་ནི་མ་དད་པ་ཡིན་ནས། དད་པ་ཅན་གྱིས་བསམས་པ། ཁོན་སྤེལ་བས་ཅི་བྱ་སྟེ། ཁོན་ཞི་བར་བྱས་ཏེ། སོང་ལ་རབ་ཏུ་འབྱུང་བར་བྱའོ་སྙམ་ནས། དེ་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་རབ་ཏུ་བྱུང་ངོ ། །ཁྱིམ་བདག་མ་དད་པ་ཤོས་དེས་མི་ཞིག་ལ་དྲིས་པ། བཞིན་བཟང་ཁྱིམ་བདག་ཆེ་གེ་མོ་ཞེས་བྱ་བ་དེ་གར་སོང ། དེས་སྨྲས་པ། རབ་ཏུ་བྱུང་ངོ ། །གང་དུ། ཤཱཀྱའི་བུའི་དགེ་སྦྱོང་རྣམས་ཀྱི་ནང་དུའོ། །ཅི་དེ་མི་འཇིགས་པའི་གྲོང་ཁྱེར་ཡིན་ནམ། ཁོ་བོ་དེར་ཡང་སོང་ལ་དེ་ལ་གནོད་པ་བྱའོ། །འཇིག་རྟེན་ནི་མཛའ་བཤེས་དང ། དགྲ་བོ་དང་ཐ་མལ་པ་ཡིན་པས་གཞན་ཞིག་དེའི་གན་དུ་སོང་སྟེ་སྨྲས་པ། ཁྱོད་ལ་ཁྱིམ་བདག་དེ་གཤེའོ། །དེས་བསམས་པ། བདག་ཉེས་དམིགས་གང་གིས་རབ་ཏུ་བྱུང་བའི་ཉེས་དམིགས་དེ་ཉིད་ཀྱིས་རྗེས་སུ་འབྲེལ་ཏོ་སྙམ་ནས་དེ་མཁན་པོའི་དྲུང་དུ་སོང་སྟེ་སྨྲས་པ། མཁན་པོ་བདག་ཉེས་དམིགས་གང་གིས་རབ་ཏུ་བྱུང་བའི་ཉེས་དམིགས་དེ་ཉིད་ཀྱིས་རྗེས་སུ་འབྲེལ་བར་གྱུར་གྱི། མཆིའོ། །བུ་གང་དུ་འགྲོ། རྒྱལ་པོའི་ཁབ་ཏུའོ། །དེ་ལྟར་གྱིས་ཤིག་།དེ་རྒྱལ་པོའི་ཁབ་ཏུ་འཕགས་པ་དང ། ཁྱིམ་
Ja15a
༄#། །བདག་དེ་ཡང་རྒྱལ་བྱེད་ཀྱི་ཚལ་དུ་འོངས་ནས། དགེ་སློང་ལ་དྲིས་པ། འཕགས་པ་ཁྱིམ་བདག་འདི་ཞེས་བགྱི་བ་དེ་ཅི་རབ་ཏུ་བྱུང་ངམ། རབ་ཏུ་བྱུང་ངོ ། །དེ་གར་མཆིས། རྒྱལ་པོའི་ཁབ་ཏུ་སོང་ངོ ། །དེས་བསམས་པ། ཅི་དེ་མི་འཇིགས་པའི་གྲོང་ཁྱེར་ཡིན་ནམ། བདག་དེར་ཡང་སོང་ལ་མཚམས་གཅད་པར་བྱའོ་སྙམ་ནས། དེ་ཡང་རྒྱལ་པོའི་ཁབ་ཏུ་འཕགས་སོ། །དགེ་སློང་ནི་དུས་སུ་འགྲོ་ཞིང་དུས་མ་ཡིན་པར་མི་འགྲོ་ལ། ཁྱིམ་པ་ནི་དུས་སུ་ཡང་འགྲོ། །དུས་མ་ཡིན་པར་ཡང་འགྲོ་བས། དགེ་སློང་དེ་རི་བྲགས་ཀྱི་གཙུག་ལག་ཁང་ཞིག་ཏུ་ཞུགས་པ་དང ། ཁྱིམ་བདག་དེས་མཐོང་ནས་དེས་བསམས་པ། གལ་ཏེ་བདག་གིས་འདི་ལ་ཅུང་ཟད་སྨྲ་བའི་རིགས་ན་འདིའི་གྲོགས་དགེ་སློང་དག་མང་བས་བདག་ལ་གནོད་པ་བྱེད་པར་འགྱུར་གྱི། བདག་གིས་སང་འདི་ཤེས་པར་བྱའོ་སྙམ་མོ། །དགེ་སློང་དེ་ཡང་ནང་པར་སྔར་ལངས་ཏེ་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག ། བདག་འགྲོས་གནས་མལ་འདི་རེ་ཞེས་གནས་མལ་གཏད་པ་དང ། དགེ་སློང་རྣམས་ཀྱིས་སྨྲས་པ། ཁྱོད་གར་འགྲོ། རྒྱལ་པོའི་ཁབ་ཏུའོ། །ཚེ་དང་ལྡན་པ་ལམ་འདི་ནི་དོགས་པ་དང་བཅས་པ་ཡིན་གྱི། འདི་ནས་མ་འགྲོ་ཞིག། འདི་ནི་ལམ་གཞན་ཡིན་གྱི། དེ་ནས་སོང་ཞིག་།དེ་ལམ་དེ་ནས་སོང་བ་དང ། ཁྱིམ་བདག་དེ་ཡང་ནང་པར་སྔར་ལངས་ནས་གཙུག་ལག་
Ja15b
ཁང་དུ་སོང་སྟེ་དགེ་སློང་ལ་དྲིས་པ། འཕགས་པ་དགེ་སློང་འདི་ཞེས་བགྱི་བ་གར་མཆིས། རྒྱལ་པོའི་ཁབ་ཏུའོ། །ཤུལ་གང་ནས། ཆེ་གེ་མོ་ཞིག་ནས་སོ། །དེ་དེའི་ཕྱི་བཞིན་སོང་བ་དང ། དགེ་སློང་དེས་དེ་མཐོང་ནས་དེས་དེ་ལ་སྨྲས་པ། བཞིན་བཟང་འཁོན་ཞི་བར་གྱུར་ཅིག་།དེས་སྨྲས་པ། དེ་བཞི་བར་བྱའོ་ཞེས་ཁྱིམ་བདག་དེས་དགེ་སློང་དེ་ཤིན་ཏུ་བརྡེག་བརྡེག་ནས་ལྷུང་བཟེད་ཀྱང་བཅག། ཆོས་གོས་ཀྱང་དྲལ་ཏེ་ཐ་མ་མི་ཤི་ཙམ་བྱས་ཏེ་བཏང་ནས་དབུགས་དེའུ་ཆད་པ་ལས་སོས་ཏེ་ཕྱིར་ལོག་ནས་གཙུག་ལག་ཁང་དེ་ཉིད་དུ་ཕྱིན་པ་དང ། དགེ་སློང་རྣམས་ཀྱིས་དེ་མཐོང་ནས་སྨྲས་པ། ཚེ་དང་ལྡན་པ་ཅིའི་ཕྱིར་ཁྱོད་གནས་སྐབས་འདི་ལྟ་བུར་གྱུར། དེས་སྐབས་དེ་དགེ་སློང་རྣམས་ལ་རྒྱས་པར་བརྗོད་ནས། ཡང་སྨྲས་པ། གལ་ཏེ་ཁོ་བོས་ཚེ་དང་ལྡན་པ་དག་གིས་བསྟན་པ་ལྟར་མ་བྱས་ནས་ཁོ་བོ་གནས་སྐབས་འདི་འདྲ་བར་མི་འགྱུར་རོ་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་འདྲ་བའི་རྐྱེན་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ།
Ja16a
༄#། །འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་ཁྲིའམ་ཁྲིའུ་འམ། སྟན་ནང་ཚངས་ཅན་ནམ། ལ་བའམ། སྔས་སམ། གོར་བུ་བླ་གབ་མེད་པར་གཏིང་ངམ། འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་དེ་ནས་སོང་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །ཁྲི་ཞེས་བྱ་བ་ནི་ཁྲི་ཉིད་དོ། །ཁྲིའུ་ཞེས་བྱ་བ་ནི་ཁྲིའུ་ཉིད་དོ། །སྟན་ནང་ཚངས་ཅན་ཞེས་བྱ་བ་ནི་ཤིང་བལ་ཅན་ནོ། །ལ་བ་ཞེས་བྱ་བ་ནི་ལ་བ་ཉིད་དོ། །སྔས་ཞེས་བྱ་བ་ནི་སྔས་སུ་གཞུག་པའོ། །གོར་བུ་ཞེས་བྱ་བ་ནི་གྲུ་བཞིའོ། །བླ་གབ་མེད་པར་ཞེས་བྱ་བ་ནི་མ་གཡོགས་པར་རོ། །བཏིང་ངམ་ཞེས་བྱ་བ་ནི་རང་གིས་སོ། །འདིང་དུ་བཅུག་ནས་ཞེས་བྱ་བ་ནི་གཞན་ནོ། །མ་བསྡུས་སམ་ཞེས་བྱ་བ་ནི་རང་གིས་སོ། །སྡུད་དུ་མ་བཅུག་གམ་ཞེས་བྱ་བ་ནི་གཞན་ནོ། །དགེ་སློང་འཁོད་པ་ལ་ཞེས་བྱ་བ་ནི་དེ་ན་དགེ་སློང་གང་འདུག་པ་ལའོ། །མ་བཅོལ་བར་ཞེས་བྱ་བ་ལ་བཅོལ་བ་ནི་རྣམ་པ་ལྔ་སྟེ། གཙུག་ལག་ཁང་འདི་རེ་ཞེས་བྱ་བ་དང ། གཙུག་ལག་ཁང་ལྟོས་ཤིག་ཅེས་བྱ་བ་དང ། གནས་མལ་འདི་རེ་ཞེས་བྱ་བ་དང ། གནས་མལ་
Ja16b
བསྡུས་ཤིག་ཅེས་བྱ་བ་དང ། སྒོ་ལྕགས་ཆུག་ཅིག་ཅེས་བྱ་བ་ཉིད་ནི་ལྔ་པའོ། །གལ་ཏེ་དགེ་སློང་མེད་ན་དགེ་ཚུལ་ལ་བཅོལ་བར་བྱའོ། །གལ་ཏེ་དགེ་ཚུལ་མེད་ན་ཁྱིམ་བདག་ལ་བཅོལ་བར་བྱའོ། ། གལ་ཏེ་ཁྱིམ་བདག་མེད་ན་ཕྱོགས་བཞིར་རྣམ་པར་བལྟས་ཏེ། ལྡེ་མིག་སྦས་ནས་འགྲོ་བར་བྱའོ། །གལ་ཏེ་ལམ་ཀར་དགེ་སློང་མཐོང་ན། ཁོ་བོས་ཕྱོགས་ག་གེ་མོ་ཞིག་ཏུ་ལྡེ་མིག་སྦས་ཀྱི། ལོང་ཞིག་ཅེས་བརྗོད་པར་བྱའོ། །དེ་ནས་སོང་ན་ཞེས་བྱ་བ་ནི་ཉེ་འཁོར་སྤངས་ནའོ། །སངས་རྒྱས་བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་དགེ་སློང་གི་གནས་མལ་གྱི་ཉེ་འཁོར་གང་ལགས། ཉེ་བར་འཁོར། ངས་བྲམ་ཟེ་གྲོ་བཞིན་སྐྱེས་ལ། ཨ་མྲའི་སྡོང་པོ་ཤིན་ཏུ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཡལ་གའི་ཚོགས་ཕུན་སུམ་ཚོགས་པ། འདོམ་བདུན་གྱིས་བར་དུ་ཆོད་པའི་ཨ་མའི་སྡོང་པོ་གང་དག་ཡིན་པ་དེ་དག་ལ་འདོམ་བཞི་བཅུ་རྩ་དགུ་ཡོད་པར་བསྟན་པ་དེ་ནི། དགེ་སློང་གནས་མལ་གྱི་ཉེ་འཁོར་ཡིན་ནོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི་དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དང ། ངན་སོང་དང་ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པ་སྟེ། དེས་
Ja17a
༄#། །ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། འདི་ལྟ་སྟེ་དགེ་སློང་གིས་དགེ་འདུན་གྱིས་གནས་མལ་བླ་གབ་མེད་པར་བཞག་སྟེ། དེ་ནས་སོང་ན་ཇི་སྲིད་དུ་ཉེ་འཁོར་མ་སྤངས་ཀྱི་བར་དུ་ཉེས་བྱས་སུ་འགྱུར་ལ། ཉེ་འཁོར་སྤངས་ན་ལྟུང་བྱེད་དུ་འགྱུར་རོ། །གལ་ཏེ་ལམ་ཀར་བདག་གིས་དགེ་འདུན་གྱི་གནས་མལ་ཕྱོགས་འདི་ལྟ་བུ་ཞིག་ཏུ་བཞག་གོ་སྙམ་དུ་དྲན་ཞིང ། གལ་ཏེ་འདི་སྙམ་དུ་བདག་གི་ཚངས་པ་མཚུངས་པར་སྤྱོད་པ་མཁས་པ་དག་སྡུད་པར་འགྱུར་རོ་སྙམ་ན་དགེ་སློང་དེས་ཕྱིན་ཆད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །གལ་ཏེ་ལམ་ཀར་དགེ་སློང་དེར་འགྲོ་བ་མཐོང་ཞིང་གལ་ཏེ་དེ་འདི་སྙམ་དུ་འདིས་སྡུད་པར་འགྱུར་རོ་སྙམ་ན་དེ་ལ་འདི་སྐད་ཅེས་ཚེ་དང་ལྡན་པ་ཁོ་བོས་དགེ་འདུན་གྱི་གནས་མལ་ཕྱོགས་ག་གེ་མོ་ཞིག་ཏུ་བཞག་པ་དེ་སྡུས་ཤིག་ཅེས་བརྗོད་པར་བྱ་ཞིང་དགེ་སློང་དེས་ཕྱིན་ཆད་དེ་ལྟར་མི་བྱའོ། ། སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །དགེ་སློང་དེས་ཀྱང་དགེ་སློང་དེ་ལ་ཁས་བླངས་ནས། གུས་པར་བྱ་སྟེ་བསྡུ་བར་བྱའོ། །གལ་ཏེ་སྡུད་པར་མི་བྱེད་ན་འགལ་ཚབས་ཅན་དུ་འགྱུར་རོ། །གལ་ཏེ་དེར་སོང་ནས་བདག་གིས་དགེ་འདུན་གྱི་གནས་མལ་ཕྱོགས་འདི་ལྟ་བུ་ཞིག་ཏུ་བཞག་གོ་སྙམ་དུ་དྲན་ཞིང་
Ja17b
གལ་ཏེ་དེ་འདི་སྙམ་དུ་བདག་གི་ཚངས་པ་མཚུངས་པར་སྤྱོད་པ་མཁས་པ་དག་སྡུད་པར་འགྱུར་རོ་སྙམ་ནས་དགེ་སློང་དེས་ཕྱིན་ཆད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །གལ་ཏེ་དེར་སོང་ནས་དགེ་སློང་དེར་འགྲོ་བ་མཐོང་ཞིང ། གལ་ཏེ་དེ་འདི་སྙམ་དུ་འདིས་སྡུད་པར་འགྱུར་རོ་སྙམ་ན་དེ་ལ་འདི་སྐད་ཅེས་ཚེ་དང་ལྡན་པ་ཁོ་བོས་དགེ་འདུན་གྱི་གནས་མལ་ཕྱོགས་ག་གེ་མོ་ཞིག་ཏུ་བཞག་པ་དེ་སྡུས་ཤིག་ཅེས་བརྗོད་པར་བྱ་ཞིང ། དགེ་སློང་དེས་ཕྱིན་ཆད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །དགེ་སློང་དེས་ཀྱང་དགེ་སློང་དེ་ལ་ཁས་བླངས་ནས་གུས་པར་བྱ་སྟེ་བསྡུ་བར་བྱའོ། །གལ་ཏེ་སྡུད་པར་མི་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་གིས་དགེ་འདུན་གྱི་གནས་མལ་བླ་གབ་མེད་པར་བཞག་ནས་གཙུག་ལག་ཁང་དུ་འདིར་བདག་གིས་སེམས་མཉམ་པར་མ་བཞག་པ་མཉམ་པར་གཞག་གོ་སྙམ་པའམ། སེམས་མཉམ་པར་བཞག་པ་རྣམ་པར་གྲོལ་བར་བྱའོ་སྙམ་པས་ནང་དུ་ཡང་དག་འཇོག་གི་ཕྱིར་འཇུག་པར་བྱེད་ཅིང ། དེ་ཏིང་ངེ་འཛིན་དེ་ལས་མཚན་མོའི་ཐུན་དང་པོའམ། ཐུན་ཕྱེད་ན་ལྡང་བར་བྱེད་ན་གལ་ཏེ་གནས་མལ་ཕན་ཕུན་དུ་མ་གྱུར་ན་ཉེས་བྱས་སུ་འགྱུར་ལ། གལ་ཏེ་ཕན་ཕུན་དུ་གྱུར་ན་ལྟུང་བྱེད་དུ་འགྱུར་རོ། །དགེ་སློང་གིས་
Ja18a
༄#། །དགེ་འདུན་གྱི་གནས་མལ་བླ་གབ་མེད་པར་བཞག་ནས། གཙུག་ལག་ཁང་དུ་འདིར་བདག་གིས་སེམས་མཉམ་པར་མ་བཞག་པ་མཉམ་པར་གཞག་གོ་སྙམ་པའམ། སེམས་མཉམ་པར་བཞག་པ་རྣམ་པར་གྲོལ་བར་བྱའོ་སྙམ་པས་ནང་དུ་ཡང་དག་འཇོག་གི་ཕྱིར་འཇུག་པར་བྱེད་ཅིང་དེ་ཏིང་ངེ་འཛིན་དེ་ལས་མཚན་མོའི་གུང་ཐུན་ནམ། ཐུན་ཐ་མའམ། སྐྱ་རེངས་མ་ཤར་བའམ། སྐྱ་རེངས་ཤར་བའམ། ཉི་མ་མ་ཤར་བའམ། ཉི་མ་ཤར་བའམ། ཉི་མའི་བརྒྱད་ཆ་ཤར་བའམ། ཉི་མའི་བཞི་ཆ་ཤར་བའམ། ཕྱེད་མ་ཡོལ་བའམ། ཕྱེད་ཡོལ་བའམ། ཉི་མའི་བཞི་ཆ་ལུས་པའམ། ཉི་མའི་བརྒྱད་ཆ་ལུས་པའམ། ཉི་མ་མ་ནུབ་པའམ། ཉི་མ་ནུབ་པའམ། རྒྱུ་སྐར་དག་མ་ཤར་བའམ། རྒྱུ་སྐར་དག་ཤར་བ་ན་ལྡང་བར་བྱེད་ན་གལ་ཏེ་གནས་མལ་ཕན་ཕུན་དུ་མ་གྱུར་ན་ཉེས་བྱས་སུ་འགྱུར་ལ། གལ་ཏེ་ཕན་ཕུན་དུ་གྱུར་ན་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གནས་མལ་གྱི་ཕན་ཕུན་དུ་མཆིས། ཉེ་བར་འཁོར་གཉིས་ཏེ། རླུང་གི་ཕན་ཕུན་དང ། ཆར་པའི་ཕན་ཕུན་ནོ། །རླུང་གི་ཕན་ཕུན་གང་ཞེ་ན། རིམ་པ་གཅིག་ནས་རིམ་པ་གཉིས་པའི་བར་དུ་བཟློག་པར་གྱུར་པའོ། །ཆར་པའི་ཕན་ཕུན་གང་ཞེ་ན། རིམ་པ་གཅིག་ནས་རིམ་པ་གཉིས་པའི་བར་དུ་ཐལ་བར་གྱུར་པའོ། །བར་སྡོམ་ལ། ཆོས་བསྟན་
Ja18b
པ་དང་མགྲོན་འབོད་དང ། །གཙུག་ལག་ཁང་དང་ཆོས་མཉན་དང ། །འདུག་པ་དག་ནི་གཉིས་པོ་དང ། །སྐུ་གཟུགས་དང་ནི་ནད་པ་དང ། །སྟན་དང་ལྔ་དང་གཅིག་ལ་གཉིས། །ཕྱི་བཞིན་འགྲོ་དང་གྲོགས་བྱ་དང ། །ཁ་ཏོན་པ་དང་ཞུ་བ་དང ། །སྟེན་བསྐུར་བ་དང་ཟན་གཅད་དང ། །གྲུབ་པ་དང་ནི་བཅོལ་བ་དང ། །མེ་དང་ཆུ་ཡང་དེ་བཞིན་ནོ། །བྲམ་ཟེ་དང་ཁྱིམ་བདག་དད་པ་ཅན་དག་དགེ་སློང་དག་གི་གན་དུ་འོངས་ཏེ་སྨྲས་པ། འཕགས་པ་དག་ཆོས་བསྟན་དུ་གསོལ། དགེ་སློང་དག་གིས་སྨྲས་པ། བཅོམ་ལྡན་འདས་འདིར་མ་བཞུགས་ཀྱི། བཅོམ་ལྡན་འདས་ཀྱི་གན་དུ་དེང་ཞིག་དང ། བཅོམ་ལྡན་འདས་སྟོན་པར་འགྱུར་རོ། །འཕགས་པ་དག་སྟོན་པ་ཉག་གཅིག་ལགས་པས། རེ་ཞིག་ལྷ་རྣམས་ལ་ཆོས་སྟོན་ཏམ། འོན་ཏེ་ཀླུ་རྣམས་ལའམ། འོན་ཏེ་གནོད་སྦྱིན་རྣམས་ལའམ། འོན་ཏེ་དྲི་ཟ་རྣམས་ལའམ། འོན་ཏེ་མི་རྣམས་ལ་ཆོས་སྟོན་སུས་འཚལ་གྱི། ཁྱོད་ཀྱིས་ཀྱང་སྟོན་ཅིག་།བཅོམ་ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན། རྗེས་སུ་གནང་གི་།དགེ་སློང་རྣམས་ཀྱིས་ཀྱང་ཆོས་བསྟན་པར་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཀྱང་ཆོས་བསྟན་པར་བྱའོ་ཞེས་བཀའ་སྩལ་ནས། དགེ་སློང་དག་འགྲེང་བཞིན་དུ་ཆོས་སྟོན་པར་བྱེད་པ་ན། དེ་དག་སྐྱེ་བོ་ཕལ་པོ་ཆེའི་ཚོགས་ཀྱིས་
Ja19a
༄#། །ཡོངས་སུ་བསྐོར་བར་གྱུར་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་སྨྲས་པ། འདི་དག་སྐྱེས་འབུལ་བ་དག་འོངས་པ་ཡིན་ནམ་ཅི་ཞེས་ཟེར་བའི་སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། འདུག་སྟེ་ཆོས་བསྟན་པར་བྱའོ། །དགེ་སློང་དག་རང་རང་གི་སྟན་དག་ཐོགས་ཏེ་འདོང་བ་ན། མ་དད་པ་དག་གིས་མཐོང་ནས། རོལ་མོ་ལྟར་འདོང་ངམ་ཅི་ཞེས་ཅོ་འདྲི་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་གི། དགེ་འདུན་གྱི་སྟན་དག་ཉེ་བར་གཞག་པར་བྱའོ། །བཅོམ་ལྡན་འདས་ཀྱིས་དགེ་འདུན་གྱི་སྟན་དག་ཉེ་བར་གཞག་པར་རྗེས་སུ་གནང་བ་ཁྱིམ་བདག་མགོན་མེད་ཟས་སྦྱིན་གྱིས་ཐོས་ནས། དེས་དགེ་འདུན་ལ་ཁྲི་ལྔ་བརྒྱ་ཕུལ་བ་དང ། དེ་དག་ཐམས་ཅད་ཆོས་སྟོན་པར་བྱེད་པ་ན་ཅ་ཅོར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཅིག་གིས་ཆོས་བསྟན་པར་བྱའོ། །དེ་དག་གིས་གང་གིས་བསྟན་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་བརྟན་ནས་བཟུང་སྟེ། དགེ་འདུན་གྱི་གསར་བུའི་བར་གྱིས་ཆོས་བསྟན་པར་བྱའོ། །གལ་ཏེ་གསར་
Ja19b
བུའི་མཐའ་དག་ཏུ་ཆོས་སྟོན་པར་བྱེད་པ་ན། རྒན་པའི་མཐའ་དག་མི་བརྗིད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྒན་པའི་མཐའ་ལོགས་སུ་འདུག་སྟེ་ཆོས་བསྟན་པར་བྱའོ། །དགེ་འདུན་གྱི་གནས་བརྟན་མི་བརྗིད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྒན་པའི་མཐའ་ལོགས་སུ་སྟན་གཉིས་སམ་གསུམ་བཞག་སྟེ། ཆོས་བསྟན་པར་བྱའོ། ། དེར་ཡང་ཆོས་སྟོན་པ་མི་བརྗིད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྒན་པའི་མཐའ་ལོགས་སུ་སྟན་གཉིས་སམ་གསུམ་བཞག་སྟེ། སེང་གེའི་ཁྲི་བཤམ་པར་བྱའོ། ། ཆོས་སྟོན་པས་འཛེག་དཀའ་ནས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཕྱོགས་ངེས་པ་ཡིན་ན། སོ་ཕག་དག་གིས་ཐེམ་སྐས་བྱའོ། །གལ་ཏེ་ཕྱོགས་ངེས་པ་མ་ཡིན་ན་ཤིང་དག་གིས་ཐེམ་སྐས་བྱའོ། །དེ་མཆིལ་མ་འདོར་བས་ཡིད་དུ་མི་འོང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མཆིལ་མའི་སྣོད་གཞག་པར་བྱའོ། །དེར་སྦྲང་བུ་དག་འདུ་ནས། བཅོམ་ལྡན་འདས་ཀྱིས་བཀའ་སྩལ་པ། གཅལ་བླུགས་པར་བྱའོ། །དགེ་སློང་རྣམས་ཀྱིས་ཅི་ཞིག་བླུགས་པ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། བྱེ་མའམ་ཐལ་པ་བླུགས་པར་བྱའོ། །དེ་དྲི་ང་བར་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་སྦྱང་བ་དང ། བསྐམ་པར་བྱའོ། །དེ་དག་གྲལ་ཚར་གཅིག་ཁོ་ནར་རིང་པོར་ཤོམ་པར་བྱེད་པ་ན། གཞན་
Ja20a
༄#། །པའི་མཐའ་དག་གིས་མི་ཐོས་ནས། བཅོམ་ལྡན་འདས་ཀྱིས་བཀའ་སྩལ་པ། གནས་མལ་རྣམ་པ་གཉིས་སུ་བཤམ་པར་བྱ་སྟེ། ཟླ་གམ་གྱི་རྣམ་པ་ལྟ་བུའམ་རྫིང་བུའི་རྣམ་པ་ལྟ་བུར་རོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་སློང་རྣམས་ཁྱིམ་གཞན་དུ་མགྲོན་དུ་བོས་པ་ན། དགེ་སློང་དག་དང་དུ་མི་ལེན་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་སྨྲས་པ། འཕགས་པ་དག་གང་གི་ཚེ་སངས་རྒྱས་འཇིག་རྟེན་དུ་མ་བྱུང་བ་དེའི་ཚེ་ན་ནི། མུ་སྟེགས་ཅན་དག་སྦྱིན་གནས་ལགས་མོད། ད་ནི་བཅོམ་ལྡན་འདས་འཇིག་རྟེན་དུ་བྱུང་བས་ཁྱེད་ཅག་སྦྱིན་གནས་ལགས་ཏེ། གལ་ཏེ་ཁྱེད་ཅག་དང་དུ་མི་བཞེས་ན། ཅི་བདག་ཅག་དགེ་བའི་ཤུལ་རྒྱགས་མ་མཆིས་པར་འཇིག་རྟེན་འདི་ནས་འཇིག་རྟེན་ཕ་རོལ་ཏུ་མཆིས་པར་བགྱིའམ། ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དང་དུ་བླང་བར་བྱའོ། །དེ་དག་སྟན་དག་གཡར་པོ་བྱེད་པ་ན་དགེ་སློང་རྣམས་ཀྱིས་མི་སྟེར་ནས། བཅོམ་ལྡན་འདས་ཀྱིས་བཀའ་སྩལ་པ། སྟན་དག་བརྙན་པར་བྱའོ། །དགེ་སློང་དག་ཟན་ཟོས་ནས་སྟན་དེ་དག་ཁྱེར་ཏེ་འདོང་བ་ན་དེ་དག་གིས་སྨྲས་པ། འཕགས་པ་དག་ཁྱེད་བཞུད་ཅིག་དང་བདག་ཅག་གིས་འཚལ་ཏེ་མཆིའོ་ཞེས་ཟེར་བ་ན། དགེ་སློང་དག་འགྱོད་པས་མི་
Ja20b
འཇོག་ནས། བཅོམ་ལྡན་འདས་ཀྱིས་བཀའ་སྩལ་པ། གཞག་པར་བྱའོ། །དེ་དག་གིས་སྨྲས་པ། འཕགས་པ་དག་།སྐོམ་མནབས་ཏེ་བཞུད་ཀྱི་བར་དུ་རེ་ཞིག་གཞེས་ཤིག་ཅེས་ཟེར་བ་ན། དགེ་སློང་དག་མི་སྡོད་ནས་བཅོམ་ལྡན་འདས་ཀྱིས་བཀའ་སྩལ་པ། བསྡད་པར་བྱའོ། །དེ་དག་ལ་དེ་ལྟ་བུའི་རྐྱེན་བྱུང་ནས། དེས་ན་སྟན་དེ་དག་མི་སྐྱེལ་ནས། བཅོམ་ལྡན་འདས་ཀྱིས་བཀའ་སྩལ་པ།་བླང་བར་བྱའོ། །བཅོམ་ལྡན་འདས་ཀྱིས་བླང་བར་བྱའོ་ཞེས་བཀའ་སྩལ་ནས། དེ་དག་གིས་གང་གིས་བླང་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གནས་པ་དག་གིས་གཎྜཱི་ཆུང་ངུ་བརྡུངས་ཏེ་བླང་བར་བྱའོ། །བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་ལྷགས་ཏེ། དགེ་སློང་དག་མགྲོན་དུ་འབོད་པ་ན་དགེ་སློང་དག་དང་དུ་མི་ལེན་ནས།་བཅོམ་ལྡན་འདས་ཀྱིས་བཀའ་སྩལ་པ། དང་དུ་བླང་བར་བྱའོ། །དེ་དག་དགེ་སློང་དག་ཟན་ཟོས་ནས་སྟན་དག་གཡར་པོ་བྱེད་པ་ན། དགེ་སློང་དག་གིས་མི་སྟེར་ནས། དེ་དག་གིས་སྨྲས་པ།་འཕགས་པ་དག་བདག་ཅག་ནི་ཁྱེད་ལ་བཤོས་གསོལ་བ་ལགས་ན་ཁྱེད་ཀྱིས་བདག་ཅག་ལ་སྟན་དག་མི་གཡར་རམ་ཞེས་ཟེར་ནས། བཅོམ་ལྡན་འདས་ཀྱིས་བཀའ་སྩལ་པ། སྟན་དག་བརྙན་པར་བྱའོ། །དེ་དག་གིས་དེ་ཉིད་དུ་བོར་ཏེ་དོང་བ་ན། དེ་དག་མ་བྱིན་པར་ལེན་པ་དག་གིས་བརྐུས་ནས། བཅོམ་ལྡན་འདས་ཀྱིས་བཀའ་སྩལ་པ། སྲུང་བའི་དགེ་སློང་གཞག་པར་བྱའོ། །དེ་དེ་དག་གི་
Ja21a
༄#། །ནང་ཉིད་དུ་ཞུགས་པ་དང ། དེ་དག་གིས་སྨྲས་པ། འཕགས་པ་ཅི་ཡང་བཞེད་དམ། དེས་སྨྲས་པ། ཁོ་བོ་མི་འདོད་དེ། འདི་ལྟར་ཁོ་བོ་སྟན་དག་སྲུང་ངོ ། །དེ་དག་གིས་སྨྲས་པ། འཕགས་པ་ཅི་བདག་ཅག་ཁྱེད་ཀྱི་གདན་དག་བརྐུ་སྙམ་མམ། གལ་ཏེ་ཐུགས་མི་ཆེས་ན་སྣོམས་ཏེ་བཞུད་ཅིག་ཟེར་ནས། བཅོམ་ལྡན་འདས་ཀྱིས་བཀའ་སྩལ་པ། དེའི་ནང་དུ་འཇུག་པར་མི་བྱ་བར་མཐའ་གཅིག་ཏུ་འདུག་སྟེ། གལ་ཏེ་ཁ་ཏོན་པ་ཡིན་ན་ནི་དེས་ཁ་ཏོན་བྱ་ཞིང་དེ་ལ་ཡང་སེམས་གཏད་པར་བྱའོ། །གལ་ཏེ་སྤོང་བ་པ་ཡིན་ན་ནི་དེས་ཀྱང་མཐའ་གཅིག་ཏུ་འདུག་སྟེ་ཡིད་ལ་བྱ་བ་བསྐྱེད་པར་བྱ་ཞིང་དེ་ལ་ཡང་སེམས་གཏད་པར་བྱའོ། །གང་གི་ཚེ་དོང་བར་གྱུར་པ་དེའི་ཚེ་ན་བྲུབ་པར་བྱའོ། །དེ་དག་ཆང་གི་ཚིགས་མ་དང ། སྣུམ་དེང ། བཤང་བ་དང ། གཅི་བས་མ་རུང་བར་གྱུར་བ་ན། དགེ་སློང་དག་འདོར་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་དོར་བར་མི་བྱ་བར་གང་དག་ཆང་གི་ཚིགས་མ་ས་མ་རུང་བར་གྱུར་པ་དེ་དག་ནི་ཆུ་དག་གིས་སྦྱང་བར་བྱའོ། །གང་དག་སྣུམ་གྱིས་མ་རུང་བར་གྱུར་པ་དེ་དག་ནི་ཆལ་གྱིས་སྦྱང་བར་བྱའོ། །གང་དག་བཤང་བ་དང་གཅི་བས་མ་རུང་བར་གྱུར་པ་དེ་དག་ནི་སའམ་འདག་རྫས་སམ་ལྕི་བས་སྦྱང་བར་བྱའོ། །བཅོམ་ལྡན་འདས་ཀྱིས་ཆོས་མཉན་པར་བྱའོ་ཞེས་བཀའ་སྩལ་ནས། དགེ་སློང་དག་བླ་གབ་མེད་པར་
Ja21b
བྱེད་པ་ན་ཉི་མ་ཚ་ནས། བཅོམ་ལྡན་འདས་ཀྱིས་བཀའ་སྩལ་པ། བླ་རེ་གདགས་པར་བྱའོ། །རླུང་དང་ཆར་བྱུང་ནས་དེ་དག་གིས་གནས་མལ་བོར་ཏེ་འདོང་བས་དེ་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བྲུབ་པར་བྱའོ། །དེ་དག་གིས་སུས་བྲུབ་པ་མི་ཤེས་ཏེ། སུ་གང་ལ་ལ་འདུག་པ་དེས་དེ་འབྲུབ་པར་བྱེད་པ་ན་རྒན་པའི་མཐའ་དག་ལ་གཞི་བཟང་པོ་བཤམས་པ་དེ་དག་།དགེ་སློང་གནས་བརྟན་དག་གིས་འབྲུབ་པར་མི་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། རྒན་པའི་མཐའ་དག་གི་ནི་གཞོན་པ་རྣམས་ཀྱིས་བྲུབ་པར་བྱ་ཞིང ། གཞོན་པའི་མཐའ་དག་གི་ནི་རྒན་པ་རྣམས་ཀྱིས་བྲུབ་པར་བྱའོ། །བྲུགས་ནས་ཚོམས་གཅིག་ཏུ་བྱེད་པས་དེ་དག་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མཐུན་པ་དང་མཐུན་པར་བཞག་པར་བྱའོ། །དེ་དག་ཕྱིས་ཆོས་མཉན་པ་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། གཡོགས་པའམ་བླ་གབ་མེད་པར་བྱའོ། །དེ་ལྟར་ཆོས་ཉན་པ་ན་བྲམ་ཟེ་དང་ཁྱིམ་བདག་དད་པ་ཅན་དག་གིས་ནོར་བུས་སྤྲས་པ་དང ། གསེར་དང་དངུལ་གྱིས་བརྒྱན་པའི་གོས་དག་གིས་སེང་གེའི་ཁྲི་བཤམས་པ་དང་དགེ་སློང་དག་འགྱོད་པས་མི་འདུག་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པའི་གོས་དག་ཡིན་པར་བྱ་སྟེ། མི་རྟག་པ་ཉིད་ཡིད་ལ་བྱ་བས་ཟིལ་གྱིས་མནན་ནས་འདུག་པར་བྱ་སྟེ། འདི་ལ་འགྱོད་པར་མི་བྱའོ། །དགེ་སློང་དག་དགེ་
Ja22a
༄#། །འདུན་གྱིས་གནས་མལ་མི་འབྲུབ་ཅིང་དེ་ཉིད་དུ་འདོར་བ་ན་དེ་དག་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ཀྱང་བྲུབ་པར་བྱའོ། །ཁྱིམ་བདག་ཅིག་ལ་གཙུག་ལག་ཁང་དགོན་པ་དང ། གྲོང་མཐའ་བ་གཉིས་ཡོད་ནས་དེའི་གཙུག་ལག་ཁང་གྲོང་མཐའ་པ་ན་ནི་གནས་མལ་མང་དུ་ཡོད་ལ། གཙུག་ལག་ཁང་དགོན་པན་ནི་གནས་མལ་ཉུང་ངོ ། །དུས་གཞན་ཞིག་ན་དགོན་པའི་གཙུག་ལག་ཁང་དུ་དུས་སྟོན་བྱུང་ནས་དགེ་སློང་དགོན་པ་བདག་གི་གྲོང་མཐའི་གཙུག་ལག་ཁང་ནས་གནས་མལ་གཡར་བ་དང ། དགེ་སློང་གྲོང་མཐའ་པ་དག་གིས་མ་སྟེར་ནས། བཅོམ་ལྡན་འདས་ཀྱིས་བཀའ་སྩལ་པ། བརྙན་པར་བྱའོ། །གལ་ཏེ་ཆར་འབབ་བམ། ཆར་འབབ་ཏུ་དོགས་ན་བརྙན་པར་མི་བྱའོ། ལམ་ཀར་རླུང་དང་ཆར་བབ་པས་དེ་དག་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཤིང་ལྗོན་པའི་དྲུང་ངམ་རྩིག་དྲུང་དུ་བཅེར་ཏེ་རྫས་གཅིག་གིས་གཡོགས་པར་བྱའོ། །དེ་དག་རྫས་བཟང་པོས་གཡོགས་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། རྫས་ངན་པས་གཡོགས་པར་བྱའོ། །དུས་སྟོན་ཟིན་ནས་དེ་དག་གཙུག་ལག་ཁང་འདི་ཡང་ཁྱིམ་བདག་དེའི་ཡིན་ནོ་སྙམ་པས་ཕྱིར་མི་འབུལ་ནས། བཅོམ་ལྡན་འདས་ཀྱིས་བཀའ་སྩལ་པ། མཐུས་དགུག་པར་བྱའོ། །ངོ་མི་ཤེས་ནས། བཅོམ་ལྡན་འདས་
Ja22b
ཀྱིས་བཀའ་སྩལ་པ། གནས་མལ་འདི་ནི་ཁྱིམ་བདག་ཆེ་གེ་མོ་ཞིག་གི་དགོན་པའི་གཙུག་ལག་ཁང་གི་ཡིན་ནོ། །འདི་ནི་གྲོང་མཐའི་གཙུག་ལག་ཁང་གི་ཡིན་ནོ་ཞེས་ཡི་གེ་བྲིས་ཞིང་གནས་མལ་ཇི་ལྟར་ངེས་པར་བྱས་པ་དེ་བཞིན་དུ་ལོངས་སྤྱོད་པར་བྱའོ། །ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་ལ་ཁྱིམ་བདག་མགོན་མེད་ཟས་སྦྱིན་གྱིས་འདི་སྐད་ཅེས་གསོལ་ཏོ། །གང་གི་ཚེ་བཅོམ་ལྡན་འདས་བགྲེས་པའི་མཐའ་ལོགས་ན་བཞུགས་པ་དེའི་ཚེ་ན་བགྲེས་པའི་མཐའ་བརྗིད་པར་གྱུར་ཅིང ། གང་གི་ཚེ་བཅོམ་ལྡན་འདས་བགྲེས་པའི་མཐའ་ལོགས་ན་མི་བཞུགས་པ་དེའི་ཚེ་ན་བགྲེས་པའི་མཐའ་མི་བརྗིད་པར་གྱུར་ན། གལ་ཏེ་བཅོམ་ལྡན་འདས་ཀྱིས་གནང་ན་བདག་གིས་འཛམ་བུའི་གྲིབ་མ་ལ་བཞུགས་པའི་སྐུ་གཟུགས་བགྱིད་དུ་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། གནང་གི་།བྱེད་དུ་ཆུག་ཅིག་།དེས་འཛམ་བུའི་གྲིབ་མ་ལ་བཞུགས་པའི་སྐུ་གཟུགས་བྱེད་དུ་བཅུག་སྟེ། དེ་རྒན་པའི་མཐའ་ལོགས་སུ་བཞག་གོ། །རླུང་དང་ཆར་པ་བྱུང་ནས་དགེ་སློང་རྣམས་ཀྱིས་དེ་བོར་ཏེ་དོང་བ་དང ། བྲམ་ཟེ་དང་ཁྱིམ་བདག་དད་པ་ཅན་དག་ཁྱེད་ཀྱིས་སྟོན་པ་ཡང་བོར་རོ་ཞེས་སྨོད་པར་བྱེད་ནས། བཅོམ་ལྡན་འདས་
Ja23a
༄#། །ཀྱིས་བཀའ་སྩལ་པ། ཁྱིམ་བའམ་དགེ་ཚུལ་གྱིས་སྤྱན་དྲང་བར་བྱའོ། །ཁྱིམ་པ་ཡང་མེད། དགེ་ཚུལ་ཡང་མེད་ནས། བཅོམ་ལྡན་འདས་ཀྱིས་བཀའ་སྩལ་བ། དགེ་སློང་རྣམས་ཀྱིས་སྟོན་པའི་འདུ་ཤེས་བསྐྱེད་དེ་སྤྱན་དྲང་བར་བྱའོ། །དགེ་སློང་དག་ན་བར་གྱུར་ནས། དེ་དག་ལ་སུ་ཡང་མི་ལྟ་ནས། བཅོམ་ལྡན་འདས་ཀྱིས་བཀའ་སྩལ་བ། ནད་པ་དུས་གསུམ་དུ་བལྟ་བར་བྱའོ། །བཅོམ་ལྡན་འདས་ཀྱིས་ནད་པ་དུས་གསུམ་དུ་བལྟ་བར་བྱའོ་ཞེས་བཀའ་སྩལ་ནས། དེ་དག་གིས་ནང་གི་བལྟ་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་བརྟན་ནས་བཟུང་སྟེ་དགེ་འདུན་གྱི་གསར་བུའི་བར་གྱིས་བལྟ་བར་བྱའོ། །བཅོམ་ལྡན་འདས་ཀྱིས་ནད་པ་བལྟ་བར་བྱའོ་ཞེས་བཀའ་སྩལ་ནས། དགེ་སློང་གནས་བརྟན་གནས་བརྟན་དག་ནད་པ་ལྟ་བར་བྱེད་པ་ན། དེ་དག་འགྲེང་བཞིན་དུ་ནད་པ་ལྟ་བར་བྱེད་པས། ནད་པ་དག་ཉམ་ང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། འདུག་སྟེ་ནད་པ་བལྟ་བར་བྱའོ། །བཅོམ་ལྡན་འདས་ཀྱིས་འདུག་སྟེ་ནད་པ་བལྟ་བར་བྱའོ་ཞེས་བཀའ་སྩལ་ནས། དགེ་སློང་དག་རང་རང་གི་སྟན་དག་ཁྱེར་ཏེ་དོང་བ་ན། མ་དད་པ་དག་འཕགས་པ་དག་རོལ་མོ་ལྟར་འདོང་ངམ་ཅི་ཞེས་མཐོ་འཚམ་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་
Ja23b
ཀྱིས་བཀའ་སྩལ་པ། སྟན་དག་ཁྱེར་ཏེ་འདོང་བར་མི་བྱ་བར་འདི་ལྟར་ནད་གཡོག་གིས་སྟན་དག་པ་ཤམ་པར་བྱའོ། །དྲུག་སྟེ་དག་ནད་པ་ལྟར་དོང་བ་ན་དེ་ཉིད་ན་འདུ་འཛིའི་གཏམ་གྱིས་ཡུན་རིང་དུ་འཁོད་ནས། ནད་གཡོག་རྣམས་ཀྱིས་སྨྲས་པ། ཚེ་དང་ལྡན་པ་དག་ནད་པའི་བྱ་བ་ཡོངས་སུ་ཉམས་པར་གྱུར་གྱི། དེང་ཞིག་།དེ་དག་གིས་སྨྲས་པ། དེ་ཡང་གྱིས་ལ་གནས་མལ་ཡང་ལྟོས་ཤིག་དང ། དེ་ལྟ་ན་ནད་པ་ཤི་བའི་ཡོ་བྱད་དྲུག་འཐོབ་པར་འགྱུར་རོ། །གཞན་ཡང་ཁྱེད་ནད་པའི་བྱ་བ་ཡོངས་སུ་ཉམས་པར་མ་བྱེད་པར་དེང་ཞིག་དང ། ཁོ་བོ་ཅག་གིས་བལྟ་བར་བྱའོ། །ནད་གཡོག་དེ་དག་གིས་ནད་པ་ལ་མ་བཅོལ་པར་འདོང་བ་དང ། དྲུག་སྡེ་དག་ཀྱང་དོང་ནས། རླུང་དང་ཆར་བྱུང་བ་ན་ནད་པས་གནས་མལ་རྟུལ་མ་ནུས་ནས་དེ་དག་མ་རུང་བར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལྔ་པོ་འདི་དག་ལ་བཅོལ་བར་མི་བྱ་སྟེ། ངོ་ཚ་མེད་པ་དང ། ནད་དང་བཅས་པ་དང ། རྒས་པ་འཁོགས་ཤིང་ཉམ་ཆུང་བ་དང ། ན་བ་སྦྱོར་མི་བཟོད་པ་དང ། རྫོགས་པར་མ་བསྙེན་པ་ཐམས་ཅད་ལའོ།། །།འདུལ་བ་རྣམ་པར་འབྱེད་པ། བམ་པོ་ཞེ་བཞི་པ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་ཁྲི་གཅིག་ལ་དགེ་སློང་གཉིས་མཆིས་ན་དེ་གང་དག་གིས་བྲུབ་པར་བགྱི། གང་ཕྱིས་ལངས་པས་སོ། །
Ja24a
༄#། །གཉིས་དུས་གཅིག་ཏུ་ལངས་ན་གང་གཞོན་པས་སོ། །གཉིས་ཀ་གཞོན་ན་གཉིས་ཀས་བྲུབ་བར་བྱའོ། །སློབ་དཔོན་དང་མཁན་པོ་དག་འཆག་ཏུ་འདོང་པ་ན། དགེ་སློང་ལྷན་ཅིག་གནས་པ་དང ། ཉེ་གནས་གཙུག་ལག་ཁང་ན་འཁོད་པ་ན། དེ་དག་ཆུ་མེད་པ་ནས། ཨུཏྤ་ལ་བཞིན་དུ་དགེ་བའི་ཆོས་རྣམས་ཀྱིས་མི་འཕེལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ལྷན་ཅིག་གནས་པ་དང ། ཉེ་གནས་དག་གིས་སློབ་དཔོན་དང་མཁན་པོ་དག་གི་ཕྱི་བཞིན་འགྲོ་བར་བྱའོ། །སློབ་དཔོན་དང་མཁན་པོ་དག་སྟན་དག་ཁྱེར་ཏེ་འདོང་ཞིང ། ལྷན་ཅིག་གནས་པ་དང ། ཉེ་གནས་དག་ལག་པ་བརྐྱང་སྟེ་འགྲོ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ལྷན་ཅིག་གནས་པ་དང ། ཉེ་གནས་དག་གིས་སློབ་དཔོན་དང་མཁན་པོ་དག་གི་སྟན་དག་ཁྱེར་ཏེ་འགྲོ་བར་བྱའོ། །སློབ་དཔོན་དང་མཁན་པོ་དག་འཆག་ས་ན་ཕྱག་དར་བྱེད་པ་ན་ལྷན་ཅིག་གནས་པ་དང་ཉེ་གནས་དག་ལག་པ་བརྐྱང་སྟེ་འཁོད་ནས། བཅོམ་ལྡན་འདས་ཀྱིས་བཀའ་སྩལ་པ། ལྷན་ཅིག་གནས་པ་དང་ཉེ་གནས་དག་གིས་ཕྱགས་མ་བླངས་ཏེ། སློབ་དཔོན་དང་མཁན་པོ་དག་སྙིང་ལས་ཆུང་ངུར་བྱའོ། །མཁར་ལན་བྱེད་པར་བསྐོས་ན་ནི་ལྟུང་བ་མེད་དོ། །སློབ་དཔོན་དང་མཁན་པོ་དག་གོས་དག་འཚེམ་པ་ན་ལྷན་ཅིག་གནས་པ་དང ། ཉེ་གནས་
Ja24b
དག་སྙིང་ལས་ཆུང་ངུར་འཁོད་ནས། བཅོམ་ལྡན་འདས་ཀྱིས་བཀའ་སྩལ་པ། ལྷན་ཅིག་གནས་པ་དང་ཉེ་གནས་དག་གིས་ཁབ་བླང་ཞིང་སློབ་དཔོན་དང་མཁན་པོ་དག་སྙིང་ལས་ཆུང་ངུར་བྱའོ། །ཚེམ་བུ་འབྲུབ་པར་བསྐོས་ན་ནི་ལྟུང་བ་མེད་དོ། །ལྷན་ཅིག་གནས་པ་དང་ཉེ་གནས་དག་གིས་སློབ་དཔོན་དང་མཁན་པོ་དག་ལས་ལུང་མནོས་ཏེ། དེ་དག་ཉིད་ཀྱི་མདུན་ན་ཀློག་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁ་ཏོན་སློབ་པོ་དག་གིས་ལུང་མནོས་ནས་ཐོས་པའི་ཉེ་འཁོར་སྤངས་ཏེ། སྣང་བའི་ཉེ་འཁོར་དུ་འདུག་ནས། ལུང་ཕོག་པ་བཀླག་པར་བྱའོ། །དགེ་སློང་སྤོང་བ་པ་དག་གིས་གདམས་ངག་མནོས་ནས་མཐའ་གཅིག་ཏུ་སོང་སྟེ། ཡིད་ལ་བྱ་བ་བསྐྱེད་པར་བྱའོ། །ལྷན་ཅིག་གནས་པ་དང་ཉེ་གནས་དེ་དག་ལས་སུ་བསྐོས་པར་འགྲོ་བ་ན། དེ་དག་སློབ་དཔོན་དང་མཁན་པོ་དག་ལ་ཞུས་ཏེ་སོང་བ་ན། དེར་སོང་བ་དེ་དག་ལ་ལས་གཞན་བྱུང་ནས་དེ་དག་ཀྱང་ཕྱིར་འོང་ཞིང་འོང་ཞིང་ཞུ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེར་དོར་བ་རྣམས་ལ་ལས་གཞན་བྱུང་ན། དེ་དག་གིས་ཡང་དང་ཡང་དུ་ཕྱིར་འོངས་ཏེ་ཞུ་བར་མི་བྱ་བར་དེ་ཉིད་དུ་ལས་བྱས་ཏེ། དེ་དག་གིས་སྔར་ཞུས་པ་དེ་ཉིད་ཀྱིས་ཐམས་ཅད་ཞུས་པ་ཡིན་ནོ། །དེ་དག་གིས་དེར་སྟན་དག་ཁྱེར་བ་ཕྱིར་ཁྱེར་ཏེ་མི་འོངས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་སྟན་ཁྱེར་ཏེ་འོང་བར་བྱའོ། །དེ་དག་
Ja25a
༄#། །གིས་ཆེས་སྔར་སྟན་དག་ཁྱེར་ཏེ་དོང་བ་ན། སློབ་དཔོན་དང་མཁན་པོ་དག་ལ་གང་གིས་དེ་དག་མི་འགྲོ་བ་དེ་འདྲ་བའི་རྐྱེན་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་སློབ་དཔོན་དང་མཁན་པོ་དག་ལ་འཆག་ཏུ་འགྲོའམ་མི་འགྲོ་ཞེས་ཞུ་བར་བྱ་ཞིང་གལ་ཏེ་འགྲོའོ་ཞེས་ཟེར་ན་སྟན་དག་བསྐུར་བར་བྱའོ། །གལ་ཏེ་མི་འགྲོ་ཞེས་ཟེར་ན་སྟན་དག་བསྐུར་བར་མི་བྱའོ། །ཁྱིམ་བདག་གཅིག་གིས་སངས་རྒྱས་ལ་སོགས་པའི་དགེ་སློང་གི་དགེ་འདུན་ཁྱིམ་གཞན་དུ་བཤོས་ལ་སྤྱན་དྲངས་པ་ན། གཞོན་ནུ་ཞིག་དགེ་བའི་ཕྱོགས་ལ་ཤིན་ཏུ་བརྩོན་ནས། དེས་བསམས་པ། དེང་བདག་བསོད་སྙོམས་ལ་འཇུག་མི་དགོས་པས། ཇི་སྲིད་དུ་གདུགས་ཚོད་ལ་བབ་པར་མ་གྱུར་བ་དེ་སྲིད་ཀྱི་བར་དུ་དགེ་བའི་ཕྱོགས་ལ་ཏྲོན་བྱའོ་སྙམ་ནས་དེ་སྟན་ཁྱེར་ཏེ་ཕྱི་རོལ་དུ་སོང་བ་དང ། དགེ་སློང་རྣམས་དུས་སྔ་ཚོམས་སུ་གཙུག་ལག་ཁང་གི་སྒོ་བཅད་དེ་དོང་ངོ ། །དེས་ཀྱང་དུས་ཤེས་པར་བྱས་ཏེ་འོངས་པ་དང ། ཇི་ཙམ་ན་གཙུག་ལག་ཁང་གི་སྒོ་བཅད་པ་མཐོང་ནས། དེས་བསམས་པ། བདག་ཟན་བཅད་པ་ནི་བླའི། བདག་ལྟུང་བ་དང་བཅས་ན་མི་རུང་ངོ་སྙམ་ནས། དེས་ཟན་བཅད་པ་བྱས་པ་དང ། དེའི་ལུས་ལ་ཇི་སྲིད་དུ་མདངས་ཡོད་པ་དེ་སྲིད་དུ་དེས་དགེ་བའི་ཕྱོགས་ལ་ཏྲོན་བྱས་སོ། །གང་གི་ཚེ་ལུས་ལས་མདངས་ཡོལ་བ་དེའི་ཚེ་ན་གློས་ཕབ་སྟེ་ཉལ་བ་དང ། དགེ་
Ja25b
སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་གལ་ཏེ་ཟན་གཞན་གྱི་ཡིན་ཞེས་ཏེ། ལྟོ་ཡང་གཞན་གྱི་ཡིན་སྙམ་མམ་ཅི་ན། ཁྱོད་ཇི་ཙམ་གྱིས་དགེ་བའི་ཕྱོགས་ལ་ཏྲོན་བྱེད་ཀྱང་མི་ནུས་པ་དེ་ཙམ་ཟ་འམ། སུས་ཟོས། ཁྱོད་ཀྱིས་མ་ཟོས་སམ། མ་ཟོས་སོ། །ཅིའི་ཕྱིར། དེས་སྐབས་དེ་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཀྱིས་དུས་སྔ་ཚོགས་སུ་ཁྱིམ་གཞན་དུ་འཇུག་པར་མི་བྱ་བར་དུས་ཤེས་པར་བྱས་ཏེ་གཎྜཱི་བརྡུངས་ནས་འཇུག་པར་བྱའོ། །སློབ་དཔོན་དང་མཁན་པོ་དག་གིས་ཀྱང་རང་རང་གི་འཁོར་ལ་བལྟ་བར་བྱའོ། །གློ་བུར་དུ་འོངས་པ་འགའ་ཞིག་ཡོད་ན། དེ་ནི་དགེ་འདུན་གྱི་གནས་བརྟན་གྱིས་བལྟ་བར་བྱའོ། །གལ་ཏེ་དགེ་སློང་སྒོ་གཅོད་པར་འོངས་ན་དེས་སྟན་དེ་རྩིག་པའི་དྲུང་ངམ་ཤིང་ལྗོན་པའི་དྲུང་དུ་བཞག་སྟེ་འགྲོ་བར་བྱའོ། །དགེ་སློང་གིས་གྱ་ཚོམ་དུ་ཟན་གཅད་པར་མི་བྱའོ། །དགེ་སློང་གིས་གྱ་ཚོམ་དུ་ཟན་གཅོད་པར་བྱེད་ན་འགལ་ཚབས་ཅན་དུ་འགྱུར་རོ། །བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་འོངས་ཏེ། དེ་དག་སྟན་དག་ལ་འདུག་འདུག་ནས། དེ་ཉིད་དུ་བོར་ཏེ་དོང་ནས། དེ་དག་སུས་ཀྱང་མ་བྲུབས་པས་དེ་ཉིད་དུ་མ་རུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གང་གིས་མཐོང་བ་དེས་བྲུབ་པར་བྱའོ། །དགེ་སློང་རྒན་པོ་འཁོགས་པ་ཉམ་ཆུང་བ་དང ། ནད་པ་
Ja26a
༄#། །སྦྱོར་མི་བཟོད་པ་དག་གིས་དེ་དག་བླ་གབ་མེད་པར་བཞག་པ་མཐོང་ཞིང་དེ་དག་གིས་འབྲུབ་པར་མི་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་དགེ་སྐོས་ལ་བརྗོད་པར་བྱ་ཞིང ། དེས་ཀྱང་གུས་པར་བྱ་སྟེ་བྲུབ་པར་བྱའོ། །དགེ་སློང་རྣམས་ཀྱིས་གནས་མལ་དག་བླ་གབ་མེད་པར་བཏིང་ནས་དགེ་སློང་གཅིག་པུ་ཞིག་ལ་བཅོལ་ནས་བསོད་སྙོམས་ལ་ཞུགས་ཤིང ། གཞན་གྱིས་ཀྱང་དེ་ཉིད་ལ་བཅོལ། ཡང་གཞན་གྱིས་ཀྱང་དེ་ཉིད་ལ་བཅོལ་ཏེ། བསོད་སྙོམས་ལ་ཞུགས་པ་དང ། རླུང་དང་ཆར་བྱུང་སྟེ་དེས་བྲུབ་པར་མི་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། རབ་ཏུ་མང་པོ་དག་གིས་དགེ་སློང་གཅིག་ལ་བཅོལ་བར་མི་བྱའོ། །གལ་ཏེ་དེ་ལྟ་བུའི་རྐྱེན་བྱུང་ན། དེས་གཎྜཱི་བརྡུང་བར་བྱ་ཞིང ། དེ་ན་དགེ་སློང་གང་དག་འཁོད་པ་དེ་དག་གིས་གུས་པར་བྱ་སྟེ་བྲུབ་པར་བྱའོ། །དེ་དག་གིས་ཀྱང་གཎྜཱི་ཐོས་ནས་གུས་པས་འགྲོ་བར་བྱའོ། །ནགས་ཀྱི་ནང་ན་གཙུག་ལག་ཁང་འདུག་པ་ལ་མེ་ཤོང་ནས་མེས་གྲོང་ངམ་གྲོང་ཁྱེར་དང ། རྒྱལ་པོའི་ཕོ་བྲང་དང ། ཡུལ་འཁོར་ཡང་ཚིག་ལ་ཐུག་།སྤྱོད་ཡུལ་དང་སྤྱོད་ཡུལ་གྱི་ལམ་དང ། འཆག་ས་དང ། དང་ར་དང ། སྒོ་ཁང་དང ། གཙུག་ལག་ཁང་ཡང་ཚིག་ལ་ཐུག་པ་ན། དགེ་སློང་རྣམས་ཀྱིས་རང་རང་གི་ལྷུང་བཟེད་དང་ཆོས་གོས་དག་ནི་ཕྱུང ། དགེ་འདུན་གྱི་གནས་མལ་དག་ནི་ཚིག་ནས་ཁྱིམ་
Ja26b
བདག་འོངས་ཏེ། དགེ་སློང་རྣམས་ལ་དྲིས་པ། འཕགས་པ་དག་ཅི་དག་མ་ཚིག་གམ། ཅི་ཡང་མ་ཚིག་གོ་།དགེ་འདུན་གྱི་གནས་མལ་དག་ག་རེ་ཚིག་གོ་།ཅི་ཡང་མ་ཚིག་པ་དེ་དེ་འདྲའམ། ཁོ་བོ་ཅག་གི་ཅི་ཡང་མ་ཚིག་གོ་།དེས་སྨྲས་པ། ཀྱེ་མའོ་དགེ་འདུན་གྱི་གནས་མལ་ཙམ་འབྱིན་ཀྱང་མ་ཕོད་ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་མལ་ཡང་དབྱུང་བར་བྱའོ། །དེ་དག་དགེ་འདུན་གྱི་གནས་མལ་འབྱིན་པ་ན་དེ་དག་གི་གང་ཟག་གི་གནས་མལ་དང ། ལྷུང་བཟེད་དང་ཆོས་གོས་དག་ཚིག་ནས། དེ་དག་ཕོངས་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་ཟག་ནི་ཕོངས་པར་གྱུར་ལ་དགེ་འདུན་ནི་མི་འགྱུར་བས། ཇེ་དང་པོར་གང་ཟག་གི་ལྷུང་བཟེད་དང ། ཆོས་གོས་དབྱུང་བར་བྱ་ཞིང་དེའི་འོག་ཏུ་དགེ་འདུན་གྱི་དབྱུང་བར་བྱའོ། །དེ་དག་ཕྱུང་བ་ན་མ་བྱིན་པར་ལེན་པ་དག་གིས་བརྐུས་ནས། བཅོམ་ལྡན་འདས་ཀྱིས་བཀའ་སྩལ་པ། དེར་སྲུང་མ་དགེ་སློང་གཞག་པར་བྱའོ། །དེ་དག་མཐུ་དང་ལྡན་པར་འཇོག་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། མཐུ་ཆུང་ངུ་གཞག་པར་བྱའོ། །དེ་དག་མེ་མི་བཟོད་པར་འཇུག་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་མེ་མི་བཟོད་པ་ཡིན་ན་
Ja27a
༄#། །འཇུག་པར་མི་བྱ་སྟེ་གལ་ཏེ་ཚིག་ན་ཡང་དེ་ལ་འགྱོད་པར་མི་བྱའོ། །སེར་ཆེ་བའི་དབུས་ན་གཙུག་ལག་ཁང་འདུག་ཅིང ། སྟེང་གི་རི་ཁ་ནས་ཆར་པའི་རྒྱུན་སྦོམ་པོ་བབ་པ་ན་གཙུག་ལག་ཁང་དུ་ཆུ་བྱུང་ཞིང་གྲོང་དང་གྲོང་ཁྱེར་དང ། རྒྱལ་པོའི་ཕོ་བྲང་དང ། ཡུལ་འཁོར་ཡང་ཁྱེར་ལ་ཐུག་།སྤྱོད་ཡུལ་དང་སྤྱོད་ཡུལ་གྱི་ལམ་དང ། དང་ར་དང་སྒོ་ཁང ། གཙུག་ལག་ཁང་ཡང་ཁྱེར་ལ་ཐུག་པ་ན་དགེ་སློང་རྣམས་ཀྱིས་རང་རང་གི་ལྷུང་བཟེད་དང་ཆོས་གོས་དག་ནི་ཕྱུང ། དགེ་འདུན་གྱི་གནས་མལ་དག་ནི་ཁྱེར་ནས། ཁྱིམ་བདག་འོངས་ནས། དགེ་སློང་རྣམས་ལ་དྲིས་པ། འཕགས་པ་དག་ཅི་དག་མ་ཁྱེར་རམ། ཅི་ཡང་མ་ཁྱེར་རོ། །དགེ་འདུན་གྱི་གནས་མལ་དག་ག་རེ། ཁྱེར་རོ། །ཅི་ཡང་མ་ཁྱེར་བ་དེ་དེ་འདྲའམ། ཁོ་བོ་ཅག་གི་ཅི་ཡང་མ་ཁྱེར་རོ། །དེས་སྨྲས་པ། ཀྱེ་མའོ་དགེ་འདུན་གྱི་གནས་མལ་ཙམ་འབྱིན་ཀྱང་མ་ཕོད་ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་མལ་ཡང་དབྱུང་བར་བྱའོ། །དེ་དག་དགེ་འདུན་གྱི་གནས་མལ་འབྱིན་པ་ན།་དེ་དག་གིས་གང་ཟག་གི་གནས་མལ་དང ། ལྷུང་བཟེད་དང ། ཆོས་གོས་དག་ཁྱེར་ནས་དེ་དག་ཕོངས་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་
Ja27b
གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་ཟག་ནི་ཕོངས་པར་གྱུར་ལ། དགེ་འདུན་ནི་མི་འགྱུར་བས། ཇེ་དང་པོར་གང་ཟག་གི་ལྷུང་བཟེད་དང་ཆོས་གོས་དབྱུང་བར་བྱ་ཞིང ། དེའི་འོག་ཏུ་དགེ་འདུན་གྱི་དབྱུང་བར་བྱའོ། །དེ་དག་ཕྱུང་བ་ན་མ་བྱིན་པར་ལེན་པ་དག་གིས་བརྐུས་ནས། བཅོམ་ལྡན་འདས་ཀྱིས་བཀའ་སྩལ་པ། དེར་སྲུང་མ་དགེ་སློང་གཞག་པར་བྱའོ། །དེ་དག་མཐུ་དང་ལྡན་པ་འཇོག་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། མཐུ་ཆུང་ངུ་གཞག་པར་བྱའོ། །དེ་དག་ཆུ་མི་བཟོད་པར་འཇུག་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཆུ་མི་བཟོད་པ་ཡིན་ན་འཇུག་པར་མི་བྱ་སྟེ། གལ་ཏེ་ཁྱེར་ན་ཡང་དེ་ལ་འགྱོད་པར་མི་བྱའོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གནས་མལ་གྱི་ལྟུང་བྱེད་དེ་བཅུ་བཞི་པ་རྫོགས་སོ།། །།བར་སྡོམ་ལ། ལྷོ་ལམ་དང་ནི་མ་བོར་དང ། །མ་དྲིས་འདོར་དང་མཐུས་འདོར་དང ། །ཁྲོན་པ་དང་ནི་བླང་བ་དང ། །དང་ར་དང་ནི་འཆག་ས་དང ། །ལྕི་བ་གཞག་པ་ཐ་མ་ཡིན། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ལྷོ་ལམ་ནས་དགེ་སློང་རྒན་པ་དང ། གཞོན་པ་གཉིས་ཤིག་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཉན་ཡོད་དུ་འོངས་ནས།
Ja28a
༄#། །རྒན་པ་ཤོས་ཀྱིས་གཙུག་ལག་ཁང་ནི་གནས་མལ་དང་བཅས་པ་ཞིག་ཏུ་བསྐོས། གཞོན་པ་ཤོས་ཀྱི་གཙུག་ལག་ཁང་ནི་གནས་མལ་མེད་པ་ཞིག་ཏུ་བསྐོས་པ་དང ། གཞོན་པ་ཤོས་དེ་སྒྲུབ་ཕོད་པ་ཞིག་ཡིན་པས། དེས་རྩཝ་མང་པོ་དག་བླངས་ནས་པུས་མོ་ནུབ་ཙམ་གྱི་གདིང་བ་བཤམས་སོ། །རྒན་པ་དེས་བསམས་པ། གཞོན་ནུ་དེའི་གཙུག་ལག་ཁང་ཇི་ལྟ་བུ་ཞིག་ཏུ་བསྐོས་པ་ཇེ་བལྟས་འགྲོའོ་སྙམ་ནས། དེ་དེར་སོང་བ་དང་ཇི་ཙམ་ན་གདིང་བ་བཟང་པོ་བཤམས་པ་མཐོང་ནས། དེས་བསམས་པ། བདག་ཇི་སྲིད་དུ་གནས་མལ་ཕྱིར་གཏོད་པར་བྱེད་པ་དེ་སྲིད་དུ་སང་འགྲོ་བ་འཕྱིས་པར་འགྱུར་གྱི། འདི་ཉིད་དུ་འདུག་གོ་སྙམ་ནས། དེས་གནས་མལ་དང་བཅས་པའི་གཙུག་ལག་ཁང་དེ་དགེ་སློང་གནས་མལ་འབོགས་པ་ལ་ཕྱིར་གཏད་ནས། དེ་གཉིས་གཙུག་ལག་ཁང་དེར་མཚན་མོ་གནས་ནས་ནང་པར་སྔར་ལངས་ཏེ་དོང་ངོ ། །ཕྱོགས་དེ་ས་སྣུམ་ཞིང་མངར་བ་ཡིན་པས་རྩཝ་བཏིང་བ་དག་ལ་སྲིན་དག་ཆགས་ནས་གཙུག་ལག་ཁང་དེའི་ཕྱི་ནང་བཅས་པ་ཐམས་ཅད་སྲིན་གྱིས་ཁྱབ་པར་གྱུར་ཏོ། །དེའི་ཚེ་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང་དགེ་སློང་གི་དགེ་འདུན་ནི་བཞུགས་སོ། །བཅོམ་ལྡན་འདས་ནི་རྫས་ལས་བྱུང་བ་ན་བཞུགས་ཤིང་བསོད་སྙོམས་
Ja28b
མངོན་པར་བསྒྲུབས་སོ། །སངས་རྒྱས་བཅོམ་ལྡན་འདས་རྣམས་ནི་རྒྱུ་ལྔས་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབ་པ་མཛད་དེ། ལྔ་གང་ཞེ་ན། ནང་དུ་ཡང་དག་འཇོག་བཞེད་པ་དང ། ལྷ་རྣམས་ལ་ཆོས་སྟོན་པར་བཞེད་པ་དང ། ནད་པ་ལ་ལྟ་བར་བཞེད་པ་དང ། གནས་མལ་ལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་བཞེད་པའོ། །དོན་འདིར་ནི་བཅོམ་ལྡན་འདས་གནས་མལ་ལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་བཞེད་པས་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབ་པ་མཛད་དོ། །དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་སོང་ནས་རིང་པོ་མ་ལོན་པར་ཐུགས་སུ་ཆུད་ནས། ལྡེ་མིག་བསྣམས་ཏེ་ཀུན་དགའི་ར་བ་ནས་ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་སར་དང ། གོལ་བར་གཤེགས་ཤིང་མཐར་གྱིས་གཤེགས་པ་ན་གཙུག་ལག་ཁང་དེ་ག་ལ་བ་དེར་གཤེགས་པ་དང ། བཅོམ་ལྡན་འདས་ཀྱིས་གཙུག་ལག་ཁང་དེ་སྲིན་དག་གིས་ཕྱི་ནང་ཐམས་ཅད་ཁྱབ་པར་གཟིགས་སོ། །གཟིགས་ནས་ཀྱང་ཨེ་མ་ཞེས་གསུང་ཞིང ། སྨད་ནས་འདི་སྙམ་དུ་དགོངས་ཏེ། བྲམ་ཟེ་དང་ཁྱིམ་བདག་དད་པ་ཅན་དག་གིས་པགས་པ་དང་ཤ་དང་ཁྲག་དག་
Ja29a
༄#། །བཙིར་ཅིང་བཙིར་ཅིང་སྦྱིན་པ་དག་སྦྱིན། བསོད་ནམས་དག་བྱེད་པ་གང་ཡིན་པ་དེ་ལ་དགེ་སློང་དག་དྲོད་མི་ཤེས་པ་དང་སོ་སོར་མི་རྟོག་པར་ཡོངས་སུ་ལོངས་སྤྱོད་དོ་སྙམ་དུ་དགོངས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་གིས་ཅི་ནས་ཀྱང་སྲིན་དག་ལོགས་ཤིག་ཏུ་འགྱུར་ཞིང་ས་དག་ཀྱང་ལོགས་ཤིག་ཏུ་གྱུར་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱའོ་སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་ཅི་ནས་ཀྱང་སྲིན་དག་ཀྱང་ལོགས་ཤིག་ཏུ་འགྱུར་ཞིང་ས་དག་ཀྱང་ལོགས་ཤིག་ཏུ་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །དེ་ནས་བཅོམ་ལྡན་འདས་ཀྱིས་འཁོར་ལོ་དང་བཀྲ་ཤིས་དང་གཡུང་དྲུང་གི་ལྕགས་ཀྱོ་དག་དང་ལྡན་པའི་ཕྱག་དྲ་པ་འབྲེལ་བ། བསོད་ནམས་བརྒྱ་ཕྲག་དུ་མ་ལས་འཁྲུངས་པ་གཉིས་ཀྱིས་སྲིན་དེ་དག་ལེགས་པར་བསྡུས་ཏེ་བསིལ་བའི་ཕྱོགས་སུ་བཞག་པ་མཛད་དོ། །དེ་ནས་བཅོམ་ལྡན་འདས་ཀྱིས་གཙུག་ལག་ཁང་དེ་ཆག་ཆག་བཏབ་སྟེ་ཕྱག་དར་མཛད་ནས། ཉལ་ཉིལ་གཙུག་ལག་ཁང་གི་ཕྱི་རོལ་ཏུ་བོར་ཏེ། ཕྱག་དང་ཞབས་གཉིས་བསིལ་ནས་ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་དགེ་སློང་བསོད་སྙོམས་སྒྲུབ་པས་བསོད་སྙོམས་བླངས་ནས། བཅོམ་ལྡན་འདས་ག་
Ja29b
ལ་བ་དེར་སོང་ངོ ། །སངས་རྒྱས་བཅོམ་ལྡན་འདས་རྣམས་ནི་ཆོས་ཉིད་ཀྱིས་བསོད་སྙོམས་སྒྲུབ་པའི་དགེ་སློང་ལ། དགེ་སློང་ཇི་ལྟ་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་འདིས་སོ་སོར་ཀུན་དགའ་བར་མཛད་པ་ཡིན་པས། བཅོམ་ལྡན་འདས་ཀྱིས་དགེ་སློང་བསོད་སྙོམས་སྒྲུབ་པ་ལ་དགེ་སློང་ཇི་ལྟ་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་དང ། དེས་གསོལ་པ། བཙུན་པ་ཟས་ཏེ་པོར་བསོད་ཅིང་དགེ་སློང་གི་དགེ་འདུན་ཚིམ་པར་བགྱིས་སོ། །དེ་ནས་བཅོམ་ལྡན་འདས་ཞལ་ཟས་ཀྱི་བྱ་བ་མཛད་ནས། གཙུག་ལག་ཁང་གི་སླད་རོལ་ཏུ་ཞབས་གཉིས་བསིལ་ཏེ། ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་བཅོམ་ལྡན་འདས་ཕྱི་དྲོ་ནང་དུ་ཡང་དག་འཇོག་ལས་བཞེངས་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ན་ངས་དགེ་སློང་གི་དགེ་འདུན་སོང་ནས་རིང་པོ་མ་ལོན་པར་ཤེས་ནས་ལྡེ་མིག་ཁྱེར་ཏེ་ཀུན་དགའི་ར་བ་ནས་ཀུན་དགའི་ར་བར། གཙུག་ལག་ཁང་ནས་གཙུག་ལག་ཁང་དུ། ཁང་ཁྱིམ་ནས་ཁང་ཁྱིམ་དུ། འཆག་ས་ནས་འཆག་སར་དང ། གོལ་བར་སོང་ཞིང་མཐར་གྱིས་འགྲོ་བ་ན། གཙུག་ལག་ཁང་ཞིག་ག་ལ་བ་དེར་ཕྱིན་
Ja30a
༄#། །ནས་ངས་གཙུག་ལག་ཁང་དེ་སྲིན་དག་གིས་ཕྱི་ནང་ཐམས་ཅད་ཁྱབ་པར་མཐོང་ངོ ། །མཐོང་ནས་ཀྱང་ཨེ་མ་ཞེས་བྱས་ཏེ་སྨད་ནས། འདི་སྙམ་དུ་བྲམ་ཟེ་དང་ཁྱིམ་བདག་དད་པ་ཅན་དག་གིས་པགས་པ་དང་ཤ་དང་ཁྲག་དག་བཙིར་ཅིང་བཙིར་ཅིང་སྦྱིན་པ་དག་སྦྱིན། བསོད་ནམས་དག་བྱེད་པ་གང་ཡིན་པ་དེ་ལ། དགེ་སློང་དག་དྲོད་མི་ཤེས་པ་དང་སོ་སོར་མི་རྟོག་པར་ཡོངས་སུ་ལོངས་སྤྱོད་དོ་སྙམ་དུ་དགོངས་ཀྱི། དགེ་སློང་དག་ཁྱེད་ཀྱིས་དད་པས་སྦྱིན་པར་བྱ་བ་ལ་དྲོད་རན་པར་ཡོངས་སུ་ལོངས་སྤྱད་པ་དང ། སྤང་ཞིང་ཡོངས་སུ་ལོངས་སྤྱད་པ་དང ། དུས་སུ་ཡོངས་སུ་ལོངས་སྤྱད་པ་དང ། བརྟག་ཅིང་ཡོངས་སུ་ལོངས་སྤྱད་པ་དང ། ཁད་ཀྱིས་ཡོངས་སུ་ལོངས་སྤྱད་ན་ལེགས་སོ། །བར་སྡོམ་ལ།་དྲོད་རན་པ་དང་སྤང་བ་དང ། །དེ་བཞིན་དུས་དང་བརྟག་པ་དང ། །ཁད་ཀྱིས་ཡོངས་སུ་སྤྱད་པ་ཡིན། །དེ་ནས་བཅོམ་ལྡན་འདས་ཀྱིས་དྲོད་རན་པ་དང ། སྤང་བ་དང ། དུས་དང ། བརྟག་པ་དང ། ཁད་ཀྱིས་ཡོངས་སུ་ལོངས་སྤྱོད་པའི་བསྔགས་པ་བརྗོད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བས་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་
Ja30b
འདི་ལྟར་གདོན་པར་བྱ་སྟེ། ཡང་དགེ་སློང་གང་དག་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ། ལོ་མའི་གདིང་བ་བཏིང་ངམ་འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་པར་དེ་ནས་སོང་ན་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུར་དོང་བ་ན། རི་བྲགས་ཤིག་ཏུ་ཕྱིན་ནས། དེ་ན་དེ་དག་ཁྱིམ་བདག་གི་གན་དུ་སོང་སྟེ། ཁྱིམ་བདག་ཁོ་བོ་ཅག་ལ་གནས་གཡོར་ཅིག། ཅེས་གནས་བརྙས་པ་དང ། ཁྱིམ་བདག་གིས་སྨྲས་པ། དམ་ཚིག་གིས་གཡར་བར་བགྱི་སྟེ། གལ་ཏེ་བདག་གི་བསོད་སྙོམས་གསོལ་ཏེ་གཤེགས་ན་གཡར་རོ། །དགེ་སློང་རྣམས་ཀྱིས་སྨྲས་པ། ཁྱིམ་བདག་ཁོ་བོ་ཅག་ནི་དོན་མཐུན་ལ་རག་ལས་པ་ཡིན་པས་གལ་ཏེ་དོན་མཐུན་སྡོད་ན་བཟའ་བར་བྱའོ། །ཁྱིམ་བདག་འདི་ན་ཁྲིའམ་ཁྲིའུ་ལྟ་བུ་ཡོད་དམ། འཕགས་པ་དག་མ་མཆིས་སོ། །དགེ་སློང་དེ་དག་ལ་ཁྱིམ་པ་དང ། དགེ་ཚུལ་མང་དུ་ཡོད་པས། དེ་དག་གིས་རྩཝ་མང་པོ་བླངས་ཏེ། པུས་མོ་ནུབ་ཙམ་གྱི་གདིང་བ་བཤམས་སོ། །དོན་མཐུན་ནམ་མ་ནངས་པ་ཉིད་དུ་འཕགས་ནས། དགེ་སློང་དེ་དག་གིས་ཀྱང་གདིང་བ་མ་བོར་བར་དོང་ངོ ། །ཁྱིམ་བདག་གིས་བསམས་པ། གལ་ཏེ་འཕགས་པ་དག་བཞུགས་ན་དེ་དག་གི་གདུགས་ཚོད་ལྟ་གོན་བྱས། ཇེ་བལྟའོ་སྙམ་ནས་དེ་སོང་བ་དང ། ཇི་ཙམ་
Ja31a
༄#། །ན་དགེ་སློང་དེ་དག་ནམ་མ་ནངས་པ་ཁོ་ནར་དོང་བ་མཐོང་ངོ ། །ཁྱིམ་བདག་དེ་ཆུང་མ་དང་བཅས་པས་གདིང་བ་དེ་དག་འདོར་བ་ན་སྔ་དྲོ་རིལ་གྱིས་ཡོལ་བར་གྱུར་ཏོ། ། དགེ་སློང་རབ་ཏུ་མང་པོ་གཞན་དག་དོན་མཐུན་དང་ལྷན་ཅིག་ལྗོངས་གྱུར་དོང་བ་ན་རི་བྲགས་དེ་ཉིད་དུ་ཕྱིན་ནས། དེ་ན་དེ་དག་ཁྱིམ་བདག་གི་གན་དུ་སོང་སྟེ། ཁྱིམ་བདག་ཁོ་བོ་ཅག་ལ་གནས་གཡོར་ཅིག་ཅེས་གནས་བརྙས་པ་དང ། ཁྱིམ་བདག་གིས་སྨྲས་པ། འཕགས་པ་དག་དམ་ཚིག་གིས་གཡར་བར་བགྱི་སྟེ་གལ་ཏེ་ཁྱེད་ཅག་རན་གྱི་གདིང་བ་མི་གདིང་ན། གཡར་བར་བགྱིའོ། །ཁྱིམ་བདག་འདི་ན་གང་དུ་ཁོ་བོ་ཅག་ཉལ་བར་བྱ་བའི་ཁྲིའམ་ཁྲིའུ་ལྟ་ཡོད་དམ། འཕགས་པ་དག་མ་མཆིས་སོ། །ཁྱིམ་བདག་ས་སྒྲེ་བོ་ལ་ཇི་ལྟར་ཉལ་བར་བྱ། འཕགས་པ་དག་ཁྱེད་ཅག་ཉིད་ཀྱི་ཚངས་པ་མཚུངས་པར་སྤྱོད་པ་དག་ལྷགས་པར་གྱུར་ནས། དེ་དག་གིས་རན་གྱི་གདིང་བ་བཏིང་ནས་མ་བོར་བར་དོང་ནས་བདག་མཆིས་བྲང་དང་བཅས་པ་དེ་འདོར་བ་ན། སྔ་དྲོ་རིལ་གྱིས་ཡོལ་བར་གྱུར་ཏོ། །དགེ་སློང་དེ་དག་ས་སྒྲེ་བོ་ལ་མཚན་མོ་འདའ་བ་བྱས་ནས། ནང་པར་སྔར་ལངས་ཏེ་དོང་ངོ ། །དེ་དག་མཐར་གྱིས་རྒྱུ་ཞིང་དོང་བ་ན་མཉན་ཡོད་དུ་ཕྱིན་ནས། དགེ་སློང་རྣམས་ཀྱིས་དེ་དག་མཐོང་ནས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཇི་ལྟར་
Ja31b
བདེ་བར་བརྒྱུས། ས་སྒྲེ་བོ་ལ་མཚན་ཐོག་ཐག་འགྲེ་ལྡོག་པས་འདའ་བ་བྱས་སོ། །ཁྱེད་ཅག་རི་བྲགས་གང་དུ་ཞིག་།ག་གེ་མོ་ཞིག་ཏུའོ། །ཁྱིམ་བདག་གང་གི་སྡུམ་པར། ཆེ་གེ་མོ་ཞིག་གིའོ། །དེ་ན་དགེ་སློང་ཁ་ཅིག་གིས་སྨྲས་པ། ཁོ་བོ་ཅག་ནི་ཁྱིམ་བདག་དེའི་སྡུམ་པར་གདིང་བ་ལ་ཉལ་ཏེ་འོངས་སོ། །ཁྱེད་ཅག་གིས་གདིང་བ་དེ་གང་དུ་བོར། དེ་ཉིད་དུ་བོར་རོ། །དེའི་ཕྱིར་ཁྱིམ་བདག་དེ་སྨད་པར་བྱེད་དོ་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་གཞན་ནས་ཀྱང་གདིང་བ་དོར་བར་བྱའོ། །བཅོམ་ལྡན་འདས་ཀྱིས་ཁྱིམ་གཞན་ནས་ཀྱང་གདིང་བ་དོར་བར་བྱའོ་ཞེས་བཀའ་སྩལ་ནས། དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན་རི་བྲགས་ཤིག་ཏུ་ཕྱིན་ཏོ། །རི་བྲགས་དེ་ན་ཁྱིམ་བདག་ཅིག་གིས་དགེ་སྦྱོང་བྲམ་ཟེ་དང་གློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩཝ་མང་པོ་དག་བླངས་ཏེ། གདིང་བ་བཤམས་སོ། །དགེ་སློང་དེ་དག་ཁྱིམ་བདག་དེའི་གན་དུ་སོང་སྟེ། ཁྱིམ་བདག་ཁོ་བོ་ཅག་ལ་གནས་གཡོར་ཅིག་ཅེས་གནས་བརྙས་པ་དང ། ཁྱིམ་བདག་དེས་སྨྲས་པ། འཕགས་པ་དག་བདག་གིས་དགེ་སྦྱོང་དང ། བྲམ་ཟེ་དང་གློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩཝ་མང་པོ་དག་བླངས་ཏེ། གདིང་བ་འདི་བཤམས་ཀྱི། འདིར་གཟིམས་ཤིག། དེ་དག་དེར་ཉལ་ནས་ནམ་མ་ནངས་པ་ཁོ་ནར་ཁྱིམ་
Ja32a
༄#། །བདག་ལ་མ་དྲིས་པར་གདིང་བ་བོར་ཏེ་དོང་ངོ ། །ཁྱིམ་བདག་དེ་ནང་པར་སྔར་ལངས་ནས་དེ་བོར་ཏེ་དོང་བ་མཐོང་ནས་ཁྱིམ་བདག་དེས་བསམས་པ། བལྟར་འགྲོའོ། །གལ་ཏེ་ཕྱོགས་གཙང་མར་བོར་བར་གྱུར་ན། ཡང་བླང་ངོ་སྙམ་ནས་དེ་ལྟར་སོང་བ་དང ། ཇི་ཙམ་ན་ཕྱོགས་མི་གཙང་བར་བོར་བ་མཐོང་ན་དེས་དེ་མ་བླངས་སོ། །དགེ་སློང་རབ་ཏུ་མང་པོ་གཞན་དག་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན། རི་བྲགས་དེ་ཉིད་དུ་ཕྱིན་ནས། དེ་དག་ཁྱིམ་བདག་དེའི་གན་དུ་སོང་སྟེ། ཁྱིམ་བདག་ཁོ་བོ་ཅག་ལ་གནས་གཡོར་ཅིག་ཅེས་གནས་བརྙས་པ་དང ། ཁྱིམ་བདག་དེས་སྨྲས་པ། འཕགས་པ་དག་བཞུགས་སུ་གསོལ། ཁྱིམ་བདག། འདི་ན་ཁྲིའམ་ཁྲིའུ་དག་ཡོད་དམ། འཕགས་པ་དག་མ་མཆིས་སོ། །ཁྱིམ་བདག་ས་སྒྲེ་བོ་འདི་ལ་ཇི་ལྟར་ཉལ་བར་བྱ། འཕགས་པ་དག་བདག་གིས་དགེ་སྦྱོང་དང་བྲམ་ཟེ་གློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩཝ་མང་པོ་བླངས་ཏེ་གདིང་བ་བཤམས་པར་གྱུར་པ་ལས་ཁྱེད་ཅག་ཉིད་ཀྱི་ཚངས་པ་མཚུངས་པར་སྤྱོད་པ་དག་ལྷགས་པར་གྱུར་ཏོ། །དེ་དག་དེར་ཉལ་ནས་ནམ་མ་ནངས་པ་ཁོ་ནར་བདག་ལ་མ་དྲིས་པར་གདིང་བ་དེ་དག་ཕྱོགས་མི་གཙང་བར་བོར་ཏེ་དོང་ངོ ། །དེ་དག་དེར་ས་སྒྲེ་བོ་ལ་ཉལ་ཏེ་དོང་ངོ ། །དེ་དག་མཐར་གྱིས་རྒྱུ་ཞིང་འདོང་བ་ན་མཉན་ཡོད་དུ་ཕྱིན་ནས་དགེ་སློང་རྣམས་ཀྱིས་དེ་དག་མཐོང་
Ja32b
ནས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། དེ་དག་གིས་སྨྲས་པ། ཇི་ལྟར་བདེ་བར་རྒྱུས། ས་སྒྲེ་བོ་ལ་མཚན་ཐོག་ཐག་འགྲེས་ལྡོག་སྟེ་ནམ་ནངས་སོ། །ཁྱེད་ཅག་རི་བྲགས་གང་དུ་ཞིག་།ག་གེ་མོ་ཞིག་ཏུའོ། །ཁྱིམ་བདག་གང་གི་སྡུམ་པར། ཆེ་གེ་མོ་ཞིག་གིའོ། །དེ་ན་དགེ་སློང་ཁ་ཅིག་གིས་སྨྲས་པ། ཁོ་བོ་ཅག་ནི་ཁྱིམ་བདག་དེའི་སྡུམ་པར་གདིང་བ་ལ་ཉལ་ཏེ་འོངས་སོ། །ཁྱོད་ཀྱིས་གདིང་བ་དེ་གར་བཞག་།ཕྱི་རོལ་ཏུ་བོར་རོ། །དེའི་ཕྱིར་ཁྱིམ་བདག་དེ་སྨོད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་འདུག་པ་ལ་དྲི་བར་བྱ་སྟེ། གལ་ཏེ་འོར་ཅིག་ཅེས་ཟེར་ན་དོར་བར་བྱའོ། །གལ་ཏེ་མ་དོར་ཅིག་ཅེས་ཟེར་ན་དོར་བར་མི་བྱའོ། །རི་བྲགས་ཤིག་ན་གཙུག་ལག་ཁང་གནས་མལ་མེད་པ་ཞིག་ཡོད་པ་དེར། དགེ་སློང་རྣམས་ཀྱིས་དགེ་སློང་གློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩཝ་མང་པོ་དག་བླངས་ཏེ་གདིང་བ་བཤམས་སོ། །དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུ་ཞིང་འདོང་བ་ན་རི་བྲགས་དེར་ཕྱིན་ནས། དེ་དག་གཙུག་ལག་ཁང་དེར་ཞུགས་ནས་དེ་དག་གིས་དགེ་སློང་རྣམས་ལ་དྲིས་པ། ཚེ་དང་ལྡན་པ་དག་འདི་ན་གནས་མལ་ཅུང་ཟད་ཡོད་དམ། དེ་དག་གིས་སྨྲས་པ། ཡོད་དེ། འདི་ལྟར་ཁོ་བོ་ཅག་གིས་དགེ་
Ja33a
༄#། །སློང་གློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩཝ་མང་པོ་བླངས་ཏེ། གདིང་བ་བཤམས་ཀྱི། འདིར་ཉོལ་ཅིག་།དེ་དག་དེར་ཉལ་ནས་ནང་པར་སྔར་ལངས་ཏེ་གདིང་བ་དེ་དོར་བར་བརྩམས་པ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་གདིང་བ་འདི་མ་དོར་ཅིག་།ཁོ་བོ་ཅག་གིས་ཚངས་པ་མཚུངས་པར་སྤྱོད་པ་གློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩཝ་མང་པོ་བླངས་ཏེ་བཏིང་བ་ཡིན་ནོ། །དེ་དག་གིས་སྨྲས་པ། ཚེ་དང་ལྡན་པ་དག་ཁྱེད་ཅག་གིས་རེ་ཞིག་བདག་ཉིད་ལྟུང་བ་དང་བཅས་པར་བྱས་སོ། །ཁོ་བོ་ཅག་གིས་ཇི་ལྟར་བདག་ཉིད་ལྟུང་བ་དང་བཅས་པར་བྱས། དེ་དག་གིས་དེ་དག་སྤྱོས་ཏེ། གདིང་བ་དེ་དག་མཐུས་བོར་ནས་དོང་ངོ ། །དགེ་སློང་རབ་ཏུ་མང་པོ་གཞན་དག་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན། གཙུག་ལག་ཁང་དེ་ཉིད་དུ་ཕྱིན་ནས། དེ་དག་གིས་དགེ་སློང་དེ་དག་ལ་གནས་མལ་བརྙས་པ་དང ། དགེ་སློང་རྣམས་ཀྱིས་དགེ་སློང་དེ་དག་ལ་སྨྲས་པ། ཚེ་དང་ལྡན་པ་དག་གཙུག་ལག་ཁང་འདི་གནས་མལ་མེད་པ་ཡིན་ནམ། ཁོ་བོ་ཅག་གིས་ཚངས་པ་མཚུངས་པར་སྤྱོད་པ་གློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩཝ་མང་པོ་དག་བླངས་ཏེ་གདིང་བ་བཤམས་པར་གྱུར་བ་ལ། ཚངས་པ་མཚུངས་པར་སྤྱོད་པ་གཞན་དག་ཅིག་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན།
Ja33b
གཙུག་ལག་ཁང་འདིར་ལྷགས་ཏེ་དེ་དག་དེ་ལ་ཉལ་ནས་ནང་པར་སྔར་ལངས་ཏེ་གདིང་བ་དེ་དོར་བར་བརྩམས་པ་དང་ཁོ་བོ་ཅག་གིས་མ་དོར་ཅིག་ཅེས་བྱས་ན། དེ་དག་གིས་ཁོ་བོ་ཅག་སྤྱོས་ཏེ། མཐུས་བོར་ནས་དོང་ངོ ། །དེ་དག་ཀྱང་དེར་ས་སྒྲེ་བོ་ལ་ཉལ་ནས་ནང་པར་སྔར་ལངས་ཏེ་དོང་ངོ ། །དེ་དག་མཐར་གྱིས་ལྗོངས་རྒྱུ་ཞིང་འདོང་བ་ན་མཉན་ཡོད་དུ་ཕྱིན་ནས་དགེ་སློང་རྣམས་ཀྱིས་དེ་དག་མཐོང་ནས་སྨྲས་པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། དེ་དག་གིས་སྨྲས་པ། ཇི་ལྟར་བདེ་བར་བརྒྱུས། མཚན་ཐོག་ཐག་ས་སྒྲེ་བོ་ལ་འགྲེས་ལྡོག་སྟེ་ནམ་ནངས་སོ། །ཚེ་དང་ལྡན་པ་དག་རི་བྲགས་གང་དུ་ཞིག་།གཙུག་ལག་ཁང་གེ་མོ་ཞིག་ཏུའོ། །དེ་ན་དགེ་སློང་ཁ་ཅིག་གིས་སྨྲས་པ། ཁོ་བོ་ཅག་ནི་གཙུག་ལག་ཁང་དེར་གདིང་བ་ལ་ཉལ་ཏེ་འོངས་སོ། །ཁྱེད་ཅག་གིས་གདིང་བ་དེ་གར་བཞག་།ཁོ་བོ་ཅག་གིས་རྒན་ཞུགས་དེ་དག་སྨྲ་བཞིན་དུ་མཐུས་ཕྱི་རོལ་དུ་བོར་རོ། །དེའི་ཕྱིར་ཚངས་པ་མཚུངས་པར་སྤྱོད་པ་དེ་དག་སྨོད་པར་བྱེད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་དོར་བར་མི་བྱ་བར་དགེ་སློང་འཁོད་པ་དག་ལ་དྲི་བར་བྱའོ། །དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུ་ཞིང་འདོང་བ་ན། ཁྲོན་པའི་དྲུང་ཞིག་ཏུ་མཚན་མོ་ཞིག་ནས་དེ་དག་གིས་རྩཝ་མང་པོ་དག་བླངས་ཏེ་རྩཝའི་གདིང་བ་
Ja34a
༄#། །བཤམས་སོ། །དེ་དག་དང་ཧ་ཅང་ཐག་མི་རིང་བ་ན་བྲམ་ཟེ་ཞིག་ཀྱང་མཚན་མོ་ཞག་གོ་།དགེ་སློང་དག་དོན་མཐུན་དང་བཅས་ཏེ་ནང་པར་སྔར་ལངས་ཏེ་དོང་བ་དང ། དོན་མཐུན་ཕྱིར་འགྲོ་བ་ཡང་འོངས་སོ། །བྲམ་ཟེ་དེ་དོན་མཐུན་དེ་ལ་དོན་བསྒྲུབས་ནས་དེ་དོན་མཐུན་དེ་ཉིད་དང་ལྷན་ཅིག་ཕྱིར་ལོག་པ་དང ། དོན་མཐུན་དེ་ཡང་ཁྲོན་པའི་དྲུང་དེ་ཉིད་དུ་གདིང་བ་ཇི་ལྟར་བཤམས་པ་དག་ལ་མཚན་མོ་ཉལ་ལོ། །དོན་མཐུན་དེ་དང་གཅེར་བུ་པ་དག་ལྷན་ཅིག་འདོང་བ་དེ་དག་གདིང་བ་གང་ལ་དགེ་སློང་དག་ཉལ་ཉལ་བའི་གདིང་བ་དེ་ཉིད་ལ་ཉལ་བ་དང ། དེ་ནས་གཅེར་བུ་པ་གཅིག་གིས་སྨྲས་པ། ཤེས་པ་ཅན་ང་ཇི་ཞིག་གིས་ཟིན། གཅེར་བུ་པ་གཞན་ཞིག་གིས་སྨྲས་པ། ཁྱོད་ཀྱིས་ཆང་གི་ཚིགས་མ་མང་དུ་ཟོས་པས་ཁྱོད་འདོད་པའི་རྣམ་པར་རྟོག་པས་ཟིན་ཏོ། །དེས་གདིང་བ་དེ་ལ་བལྟས་པ་དང ། ཇི་ཙམ་ན་སྲིན་དག་མཐོང་ནས་དེས་སྨྲས་པ། གདིང་བ་འདི་ལ་སུ་ཉལ་བར་གྱུར། དེ་དག་དང་ཧ་ཅང་ཐག་མི་རིང་བ་ན་བྲམ་ཟེ་ཉལ་བ་དེས་དེ་སྨྲ་པ་ཐོས་ནས་དེས་སྨྲས་པ། ཤཱཀྱའི་བུའི་དགེ་སྦྱོང་དག་གདིང་བ་འདི་ལ་ཉལ་བར་གྱུར་ཏོ། །དེ་དག་གིས་སྨྲས་པ། ཤེས་ལྡན་དག་ཤཱཀྱའི་བུའི་དགེ་སློང་དག་འཇིག་རྟེན་ལ་བདག་ཉིད་མཁས་པར་བགྲངས་པར་བྱེད་ན་འདི་ལྟར་དགོན་པར་གདིང་བ་དོར་བར་བྱ་བ་དེ་ཡང་མི་ཤེས་སོ་ཞེས་ཟེར་བའི་སྐབས་དེ་དགེ་སློང་རྣམས་
Ja34b
གྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགོན་པར་ཡང་རྩཝའི་གདིང་བ་དོར་བར་བྱའོ། །བཅོམ་ལྡན་འདས་ཀྱིས་དགོན་པར་ཡག་རྩཝའི་གདིང་བ་དོར་བར་བྱའོ། །ཞེས་བཀའ་སྩལ་ནས། དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་ལྗོངས་རྒྱུ་ཞིང་འདོང་བ་ན། དགོན་པའི་གནས་ཤིག་ཏུ་ཞག་པ་དང ། དོན་མཐུན་དེ་ནམ་མ་ནངས་པ་ཉིད་དུ་འཕགས་ནས། དགེ་སློང་དེ་དག་ཇི་སྲིད་དུ་གདིང་བ་འདོར་བར་བྱེད་པ་དེ་སྲིད་དུ་དོན་མཐུན་ཐལ་ནས་དེ་དག་ཕྱི་བཞིན་འབྲང་ཞིང་འདོང་བ་ན་ཆོམ་རྐུན་པ་དག་གིས་བཅོམ་མོ། །དེ་དག་མཐར་གྱིས་རྒྱུ་ཞིང་འདོང་བ་ན་མཉན་ཡོད་དུ་ཕྱིན་ནས་དགེ་སློང་རྣམས་ཀྱིས་དེ་དག་མཐོང་ནས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཚེ་དང་ལྡན་པ་དག་ཇི་ལྟར་བདེ་བར་བརྒྱུས། ཁོ་བོ་ཅག་ཆོམ་རྐུན་པ་དག་གིས་བཅོམ་མོ། །གང་གིས་ཇི་ལྟར་གྱུར། དེ་དག་གིས་སྐབས་དེ་དགེ་སློང་རྣམས་ལ་བརྗོད་ནས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་ཀྱི་ཐམས་ཅད་དུ་དོར་བར་མི་བྱ་བར་འདི་ལྟར་གློངས་ཏེ་འགྲོ་བར་བྱའོ། །དགེ་སློང་དག་ཚོན་རྩཝའི་ལས་བྱེད་པ་ན། དང་ར་དག་ཏུ་རྩཝ་དག་བཀྲམ་སྟེ། གོས་དག་སྐེམས་པར་བྱེད་ཅིང་དེ་དག་རྩཝ་དེ་དག་འདོར་
Ja35a
༄#། །བར་མི་བྱེད་ནས། དེར་སྲིལ་དག་བྱུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྩཝ་དག་དོར་བར་བྱའོ། །དགེ་སློང་གཞན་དག་ཚོན་རྩིའི་ལས་བྱེད་པར་འདོད་ནས། དེ་དག་གིས་སྨྲས་པ། ཚེ་དང་ལྡན་པ་དག་རྩཝ་འདི་དག་མ་དོར་ཅིག་དང་ཁོ་བོ་ཅག་གིས་ཀྱང་འདིར་གོས་དག་བསྐམ་པར་བྱའོ། །དེ་དག་གིས་དེ་དག་ལ་མི་སྟེར་ནས། བཅོམ་ལྡན་འདས་ཀྱིས་བཀའ་སྩལ་པ། སྦྱིན་པར་བྱའོ། །དེ་དག་གིས་དེ་དང་དེ་དག་ཏུ་གོས་དག་བསྐམས་ནས། ཁོ་བོ་ཅག་གིས་མ་བཏིང་ངོ་ཞེས་རྩཝ་དེ་དག་འདོར་བར་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ལ་རྩཝ་འདོར་རམ་མི་འདོར་ཞེས་དྲི་བར་བྱ་ཞིང ། གལ་ཏེ་འདོར་རོ་ཞེས་ཟེར་ན་སྦྱིན་པར་བྱའོ། །གལ་ཏེ་མི་འདོར་རོ་ཞེས་ཟེར་ན་སྦྱིན་པར་མི་བྱའོ། །དགེ་སློང་དག་འཆག་ས་དག་ཏུ་འཆག་པ་ན་དེ་ནས་རྩུབ་པས་དེ་དག་གི་རྐང་མཐིལ་ཚ་ནས་བཅོམ་ལྡན་འདས་ཀྱིས་བཀའ་སྩལ་པ། དེར་རྩ་དག་གདིང་བར་བྱའོ། །རྩཝ་དག་བཏིང་བ་དང ། དེར་སྲིལ་དག་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། དོར་བར་བྱའོ། །དེ་དག་ཉི་མ་རེ་རེ་ཞིང་འདོར་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཉི་མ་རེ་རེ་ཞིང་དོར་བར་མི་བྱ་བར་འདི་ལྟར་དུས་དང་དུས་སུ་སོ་སོར་བརྟག་པར་བྱའོ། །གལ་ཏེ་ཐམས་ཅད་ཀྱི་ཐམས་ཅད་དུ་འདོང་བ་ན། དེའི་ཚེ་བསྡུས་
Ja35b
ཏེ་འདོང་བར་བྱའོ། །དགེ་སློང་དག་འཆག་ས་དག་ཏུ་རྩཝའི་ཆུན་པོ་དག་ས་ལ་འཇོག་པར་བྱེད་པ་ན་དེར་སྲིལ་དག་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། ཐག་པས་བཅིངས་ནས་ཤིང་ལྗོན་པ་དག་ལ་དཔྱངས་ཏེ་གཞག་པར་བྱའོ། །དགེ་སློང་དག་ལྕི་བ་དག་ས་ལ་འཇོག་པར་བྱེད་པ་ན་དེ་དག་ཏུ་སྲིལ་དག་བྱུང་ནས་བཅོམ་ལྡན་འདས་ཀྱིས་བཀའ་སྩལ་པ། གྱོ་མོར་གཞག་པར་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང ། དེའི་ཤད་ཆེ་བ་དང ། དེ་དང་འབྲེལ་བའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ། ལོ་མའི་གདིང་བ་བཏིང་ངམ། འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་དེ་ནས་སོང་ན། དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །གཙུག་ལག་ཁང་དུ་ཞེས་བྱ་
Ja36a
༄#། །བ་ནི་གང་དུ་སྤྱོད་ལམ་བཞི་པོ་འགྲོ་བ་དང ། འགྲེང་བ་དང ། འདུག་པ་དང ། ཉལ་བར་བྱར་རུང་བར་རོ། །རྩཝའི་གདིང་བ་ཞེས་བྱ་བ་ནི་རྩཝ་དག་གོ་།ལོ་མའི་གདིང་བ་ཞེས་བྱ་བ་ནི་ལོ་མ་དག་གོ་།བཏིང་ངམ་ཞེས་བྱ་བ་ནི་བདག་ཉིད་ཀྱིས་སོ། །འདིང་དུ་བཅུག་ནས་ཞེས་བྱ་བ་ནི་གཞན་ནོ། །མ་བསྡུས་སམ་ཞེས་བྱ་བ་ནི་བདག་ཉིད་ཀྱིས་སོ། ། སྡུད་དུ་མ་བཅུག་གམ་ཞེས་བྱ་བ་གཞན་ནོ། །དགེ་སློང་འཁོད་པ་ལ་ཞེས་བྱ་བ་ནི་དེ་ན་དགེ་སློང་གང་ཡོད་པ་ལའོ། །མ་བཅོལ་བར་ཞེས་བྱ་བ་ནི་མ་གཏད་པར་རོ། །དེ་ནས་སོང་ན་ཞེས་བྱ་བ་ནི་ཉེ་འཁོར་སྤངས་ནའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གདིང་བའི་ཉེ་འཁོར་གང་ལགས། ཉེ་བར་འཁོར། ངས་བྲམ་ཟེ་གྲོ་བཞིན་སྐྱེས་ལ། ཨ་མྲའི་སྡོང་པོ་ཤིན་ཏུ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཡལ་གའི་ཚོགས་ཕུན་སུམ་ཚོགས་པ་འདོམ་བདུན་གྱིས་བར་དུ་ཆོད་པའི་ཨ་མྲའི་སྡོང་པོ་བདུན་གང་དག་ཡིན་པ་དེ་དག་ལ་འདོམ་བཞི་བཅུ་རྩ་དགུ་ཡོད་པར་བསྟན་པ་དེ་ནི་གདིང་བའི་ཉེ་འཁོར་ཡིན་ནོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི་དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་
Ja36b
བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ་ལོ་མའི་གདིང་བ་གཏིང་ངམ། འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་དེ་ནས་སོང་ན་ཇི་སྲིད་དུ་ཉེ་འཁོར་མ་སྤངས་ཀྱི་བར་དུ་ཉེས་བྱས་སུ་འགྱུར་ལ། ཉེ་འཁོར་སྤངས་ན་ལྟུང་བྱེད་དུ་འགྱུར་རོ། །གལ་ཏེ་ལམ་ཀར་བདག་གིས་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ། ལོ་མའི་གདིང་བ་བཏིང་ངོ་སྙམ་དུ་དྲན་ཞིང་གལ་ཏེ་དེ་འདི་སྙམ་དུ་བདག་གི་ཚངས་པ་མཚུངས་པར་སྤྱོད་པ་མཁས་པ་དག་སྡུད་པར་འགྱུར་རོ་སྙམ་ན། དགེ་སློང་དེས་ཕྱིན་ཆད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །གལ་ཏེ་ལམ་ཀར་དགེ་སློང་དེར་འགྲོ་བ་མཐོང་ཞིང་གལ་ཏེ། དེ་འདི་སྙམ་དུ་འདིས་སྡུད་པར་འགྱུར་རོ་སྙམ་ན་དེ་ལ་འདི་སྐད་ཅེས་ཚེ་དང་ལྡན་པ་ཁོ་བོས་དགེ་འདུན་གྱི་གཙུག་ལག་ཁང་གི་ཕྱོགས་ག་གེ་མོ་ཞིག་ཏུ་རྩཝའི་གདིང་བའམ་ལོ་མའི་གདིང་བ་བཏིང་བ་དེ་སྡུས་ཤིག་ཅེས་བརྗོད་པར་བྱ་ཞིང་དགེ་སློང་དེས་ཕྱིན་ཆད་དེ་ལྟར་མི་བྱའོ་སྙམ་དུ་སེམས་བསྐྱེད་
Ja37a
༄#། །པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །དགེ་སློང་དེས་ཀྱང་དགེ་སློང་དེ་ལ་ཁས་བླངས་ནས་གུས་པར་བྱས་ཏེ་བསྡུ་བར་བྱའོ། །གལ་ཏེ་སྡུད་པར་མི་བྱེད་ན་འགལ་ཚབས་ཅན་དུ་འགྱུར་རོ། །གལ་ཏེ་དེར་སོང་ནས་བདག་གིས་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ་ལོ་མའི་གདིང་བ་བཏིང་ངོ་སྙམ་དུ་དྲན་ཞིང་གལ་ཏེ་དེ་འདི་སྙམ་དུ། བདག་གི་ཚངས་པ་མཚུངས་པར་སྤྱོད་པ་མཁས་པ་དག་སྡུད་པར་འགྱུར་རོ་སྙམ་ན་དགེ་སློང་དེས་ཕྱིན་ཆད་དེ་ལྟར་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །གལ་ཏེ་དེར་སོན་ནས་དགེ་སློང་དེར་འགྲོ་བ་མཐོང་ཞིང་གལ་ཏེ་འདི་སྙམ་དུ་འདིས་སྡུད་པར་འགྱུར་རོ་སྙམ་ན། དེ་ལ་འདི་སྐད་ཅེས་ཚེ་དང་ལྡན་པ་ཁོ་བོས་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ་ལོ་མའི་གདིང་བ་བཏིང་བ་དེ་སྡུས་ཤིག་ཅེས་བརྗོད་པར་བྱ་ཞིང ། དགེ་སློང་དེས་ཕྱིན་ཆད་དེ་ལྟ་བུ་མི་བྱའོ་སྙམ་དུ་སེམས་བསྐྱེད་པར་བྱ་ཞིང་ཚིག་ཏུ་ཡང་བརྗོད་པར་བྱ་སྟེ། ལྟུང་བ་དེ་ཡང་ཆོས་བཞིན་དུ་ཕྱིར་བྱའོ། །དགེ་སློང་དེས་ཀྱང་དགེ་སློང་དེ་ལ་ཁས་བླངས་ནས་གུས་པར་བྱ་སྟེ་བསྡུ་བར་བྱའོ། །གལ་ཏེ་སྡུད་པར་མི་བྱེད་ན་འགལ་ཆབས་ཅན་དུ་འགྱུར་རོ། །དགེ་སློང་གིས་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ་
Ja37b
ལོ་མའི་གདིང་བ་བཏིང་ངམ་འདིང་དུ་བཅུག་ནས། མ་བསྡུས་སམ་སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་གཙུག་ལག་ཁང་དུ་འདིར་བདག་གིས་སེམས་མཉམ་པར་མ་བཞག་པ་མཉམ་པར་གཞག་གོ་སྙམ་པའམ། སེམས་མཉམ་པར་བཞག་པ་རྣམ་པར་གྲོལ་བར་བྱའོ་སྙམ་པས་ནང་དུ་ཡང་དག་པར་འཇོག་གི་ཕྱིར་འཇུག་པར་བྱེད་ཅིང ། དེ་ཏིང་ངེ་འཛིན་དེ་ལས་མཚན་མོའི་ཐུན་དང་པོའམ་ཐུན་ཕྱེད་ན་ལྡང་བར་བྱེད་ན། གལ་ཏེ་ཕན་ཕུན་དུ་མ་གྱུར་ན་ཉེས་བྱས་སུ་འགྱུར་ལ། གལ་ཏེ་ཕན་ཕུན་དུ་གྱུར་ན་བྱེད་དུ་འགྱུར་རོ། །དགེ་སློང་གིས་དགེ་འདུན་གྱི་གཙུག་ལག་ཁང་དུ་རྩཝའི་གདིང་བའམ་ལོ་མའི་གདིང་བ་བཏིང་ངམ་འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་གཙུག་ལག་ཁང་དུ་འདིར་བདག་གིས་སེམས་མཉམ་པར་མ་བཞག་པ་མཉམ་པར་གཞག་གོ་སྙམ་པའམ། སེམས་མཉམ་པར་བཞག་པ་རྣམ་པར་གྲོལ་བར་བྱའོ་སྙམ་པས། ནང་དུ་ཡང་དག་འཇོག་གི་ཕྱིར་འཇུག་པར་བྱེད་ཅིང་དེ་ཏིང་ངེ་འཛིན་དེ་ལས་མཚན་མོའི་གུང་ཐུན་ནམ། ཐུན་ཐ་མའམ་སྐྱ་རེངས་མ་ཤར་བའམ། སྐྱ་རེང་ས་ཤར་བའམ། ཉི་མ་མ་ཤར་བའམ། ཉི་མ་ཤར་བའམ། ཉི་མའི་བརྒྱད་ཆ་ཤར་བའམ། ཉི་མའི་བཞི་ཆ་ཤར་བའམ། ཕྱེད་མ་ཡོལ་བའམ། ཕྱེད་ཡོལ་བའམ། ཉི་མའི་བཞི་ཆ་ལུས་པའམ། ཉི་མའི་
Ja38a
༄#། །བརྒྱད་ཆ་ལུས་པའམ། ཉི་མ་མ་ནུབ་པའམ། ཉི་མ་ནུབ་པའམ། རྒྱུ་སྐར་དག་མ་ཤར་བའམ། རྒྱུ་སྐར་དག་ཤར་བ་ན་ལྡང་བར་བྱེད་ན། གལ་ཏེ་ཕན་ཕུན་དུ་མ་གྱུར་ན་ཉེས་བྱས་སུ་འགྱུར་ལ། གལ་ཏེ་ཕན་ཕུན་དུ་གྱུར་ན་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གདིང་བའི་ཕན་ཕུན་དུ་མཆིས། ཉེ་བར་འཁོར་གཉིས་ཏེ། རླུང་གི་ཕན་ཕུན་དང ། སྲིལ་གྱི་ཕན་ཕུན་ནོ། །རླུང་གི་ཕན་ཕུན་གང་ཞེ་ན། རི་མ་པ་གཅིག་ནས་རིམ་པ་གཉིས་པའི་བར་དུ་བཟློག་པར་གྱུར་པའོ། །སྲིལ་གྱི་ཕན་ཕུན་གང་ཞེ་ན། རིམ་པ་གཅིག་ནས་རིམ་པ་གཉིས་ཀྱི་བར་དུ་ཕན་ཕུན་དུ་གྱུར་པའོ། །ས་གཞི་རྡོ་བའི་གཞི་ཅན་དང ། བྱེ་མའི་གཞི་ཅན་གང་དུ་ཉེས་དམིགས་དེ་ལྟ་བུ་མི་འབྱུང་བ་ལ་ནི་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གདིང་བའི་ལྟུང་བྱེད་དེ་བཅོ་ལྔ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤེག་།ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་
Ja38b
གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང་ཁྱེད་ཅག་ཀྱང་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་དབོག་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ་ཞེས་སྤྲོ་བར་བྱས་པ་དང ། དེ་དག་གིས་སློབ་དཔོན་དང་མཁན་པོ་དག་ལ་ཞུས་པ། མཁན་པོ་བདག་ཅག་ལྗོངས་རྒྱུར་མཆིའོ། །སུ་དང་ལྷན་ཅིག་ཏུ། བཙུན་པ་འཆར་ཀ་དང་ངོ ། །ཚེ་དང་ལྡན་པ་དག་དེ་ནི་གནས་ངན་ལེན་ཀུན་ཏུ་སྤྱོད་པ་ཡིན་པས། ཁྱེད་ལ་མཐོ་འཚམ་པར་འགྱུར་རོ། །མཁན་པོ་བཙུན་པ་འཆར་ཀ་ནི་བདག་ཅག་གི་ཕ་མ་ལྟ་བུར་རྣམ་པར་གནས་པ་ལགས་པས། ཅིའི་སྐད་དུ་དེ་བདག་ཅག་ལ་མཐོ་འཚམ་པར་འགྱུར་ཞེས་དེ་དག་གིས་དེ་དག་གི་ཚིག་ཚིག་མ་ཡིན་པར་བྱས་ཏེ་དེ་དང་ལྷན་ཅིག་ལྗོངས་རྒྱུར་འཕགས་སོ། །འཆར་ཀས་གང་གི་ཚེ་ཕྱི་རོལ་གྱི་མཚམས་འདས་པ་དེའི་ཚེ་ན་སྨྲས་པ། ཚེ་དང་ལྡན་པ་དག་ཁྱེད་ཅག་ཅིའི་ཕྱིར་གནས་མ་བཅས་པར་ལྗོངས་རྒྱུར་འདོང་བར་བྱེད། ཚུར་ཤེག་།གནས་ཆོས་ཤིག་ཅེས་དེས་དེ་དག་མདུན་དུ་ཙོག་པུར་འདུག་ཏུ་བཅུག་སྟེ་གནས་འཆར་བཅུག་གོ་།དེས་དེ་དག་ལ་ལ་ལ་གཏུར་བུ་གཏད། ལ་ལ་ལ་ལྷུང་བཟེད་ཀྱི་སྣོད་གཏད། ལ་ལ་ལ་བར་བུར་སྣོད་གཏད། ལ་ལ་ལ་ཕོར་བུ་གཏད། ལ་ལ་ལ་རིལ་བ་སྤྱི་བླུགས་
Ja39a
༄#། །གཏད་ནས། དེ་ལག་པ་གཉིས་བརྐྱང་སྟེ། རྡུལ་ཟན་ལས་གཞན་མེད་པར་འཇིག་རྟེན་ལ་མཐོ་འཚམས་ཞིང་འགྲོ་བ་ན། དེ་དག་རི་བྲགས་ཤིག་ཏུ་ཕྱིན་ནས་དེ་དག་དེར་ཁྲོན་པ་ཞིག་གི་དྲུང་དུ་ངལ་སོ་བར་བྱེད་པ་ན། དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་དང ། དེ་དག་གིས་ཐོས་ནས་སྨྲས་པ། སློབ་དཔོན་གཙུག་ལག་ཁང་དུ་གཎྜཱི་བརྡུངས་ཀྱི། བཞུད་དོ། །འཆར་ཀས་སྨྲས་པ། ལྷུང་བཟེད་ནག་པོ་ཅན་ལས་མེད་པ་དེ་དག་གིས་ལས་ཀྱི་གཎྜཱི་བརྡུངས་ཤིང་བདག་ཅག་ངལ་བ་དག་གིས་ལས་བྱ་དགོས་པར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །སློབ་དཔོན་རྙེད་པའི་གཎྜཱི་མ་ལགས་སམ། དེ་ཡིན་ན་བདག་ཅག་མཚམས་སུ་ཕྱིན་ན་འཐོབ་བོ། །སློབ་དཔོན་ནི་གྲགས་པ་བསོད་ནམས་ཆེ་བ་ལགས་པས་འཐོབ་ཀྱི། བདག་ཅག་སུས་སྩོལ་བར་འགྱུར། དེང་ལ་གལ་ཏེ་རྙེད་པ་ཡོད་ན་ཁོ་བོའི་ཡང་ནོས་ཤིག་།དེ་དག་དོང་བ་དང་ཅི་ཙམ་ན་དེར་གནས་མལ་གྱི་གཎྜཱི་བརྡུངས་ནས། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གནས་མལ་ནོས་ཤིག་།དེ་དག་གིས་སྨྲས་པ། བདག་ཅག་ལས་ཆེས་རྒན་པ་ཡང་ཡོད་དོ། །སུ་ཡིན། སློབ་དཔོན་འཆར་ཀའོ། །དེའི་ཡང་ནོས་ཤིག་།དེ་དག་གིས་གནས་མལ་མནོས་སོ། །ཚེ་དང་ལྡན་པ་འཆར་ཀ་ཡང་དེ་ན་འདུ་འཛིའི་གཏམ་གྱིས་འདུག་སྟེ།
Ja39b
རི་བྲགས་འདི་སུའི། གཙུག་ལག་ཁང་འདི་སུའི། ལྷ་ཁང་འདི་སུའི། སྐྱེད་མོས་ཚལ་འདི་སུའི། ཀུན་དགའ་ར་བ་འདི་སུའི། ཁྲོན་པ་འདི་སུའི། ཞིང་འདི་སུའི། བ་ལང་འདི་དག་སུའི། མ་ཧེ་འདི་དག་སུའི་ཞེས་འདུ་འཛིའི་གཏམ་གྱིས་འདུག་གོ་།དེ་དག་གིས་ཀྱང་བསམས་པ། སློབ་དཔོན་འཆར་ཀ་ཡུན་རིང་དུ་ཐོགས་པར་འགྱུར་རོ་སྙམ་ནས། དེ་དག་གིས་གཅིག་ལ་གཅིག་ཞུས་ཏེ། ཚེ་དང་ལྡན་པ་འཆར་ཀའི་མལ་བཤམས་ནས། རྐང་པའི་ཆུ་དང་རྐང་པ་བསྐུ་བ་མཐའ་གཅིག་ཏུ་བཞག་སྟེ། རྐང་པ་གཉིས་བཀྲུས་ནས་མེ་ཁང་དུ་ཞུགས་ཏེ་ཉལ་ལོ། །ཚེ་དང་ལྡན་པ་འཆར་ཀ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས། གང་གི་ཚེ་དེའི་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན་མིག་ལམ་ཆད་པའི་དུས་ཀྱི་ཚེ། གཙུག་ལག་ཁང་དུ་འོངས་ཏེ། ཚེ་དང་ལྡན་པ་དག་ཚེ་དང་ལྡན་པ་དག་ཚེ་དང་ལྡན་པ་དག་ཅེས་བོད་པར་བརྩམས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འཆར་ཀ་འདམ་བུའི་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། འཆར་ཀས་སྨྲས་པ། འདི་ན་ཁོ་བོ་གཞོན་ནུ་དག་ཅིག་འཁོད་ན། དེ་དག་ལས་འགའ་ཞིག་ན་བར་མ་གྱུར་ཏམ། དེ་དག་གིས་དེ་ཐོས་ནས་སྨྲས་པ། སློབ་དཔོན་མ་འབོད་ཅིག་།གནས་ཁང་འོ་ནིར་གཟིམས་མལ་བཤམས་ཏེ། ཞབས་ཀྱི་ཆབ་དང ། ཞབས་བསྐུ་བ་ཡང་བཞག་གི་།དེར་
Ja40a
༄#། །གཟིམས་ཤིག་།འཆར་ཀས་སྨྲས་པ། ཚེ་དང་ལྡན་པ་དག་ཁྱེད་ཀྱིས་སུ་ལ་ཞུས་ཏེ་རྐང་པ་དག་བཀྲུས། སློབ་དཔོན་ཡུན་རིང་དུ་ཐོགས་པར་གྱུར་ནས་གཅིག་ལ་གཅིག་ཞུས་ཏེ་སུག་པ་དག་བཀྲུས་སོ། །འཆར་ཀས་སྤྱོས་ཏེ་སྨྲས་པ། གཙུག་ལག་ཁང་ནས་ཕྱིར་བྱུང་ལ། གང་འདི་ལྟར་གུས་པ་མེད་པ་དང ། རྗེ་ས་མེད་པ་དག་ལ་གནས་སྦྱིན་པར་བྱེད་པ་དེའི་གན་དུ་སོང་ལ་གནས་ཆོས་ཤིག་ཅེས་དེས་དེ་དག་གཙུག་ལག་ཁང་ནས་ཕྱི་རོལ་ཏུ་བསྐྲད་དོ། །དེ་དག་དེ་ན་མཚན་ཐོག་ཐག་བླ་གབ་མེད་པར་ལྷགས་པས་ཉེན་པར་གྱུར་ཏོ། །དེ་དག་ནང་པར་སྔར་ལངས་ཏེ་སྨྲས་པ། སློབ་དཔོན་ལ་ཕྱག་འཚལ་ལོ། །བདག་ཅག་མཆིའོ། །གར་འདོང ། མཉན་ཡོད་དུའོ། །སྡོད་ཅིག་དང ། ཁོ་བོས་ཁྱེད་ཅག་ན་བ་རྣམས་ཀྱི་ནད་གཡོག་བྱའོ། །སློབ་དཔོན་ཁྱོད་ཀྱིས་བདག་ཅག་མི་ན་བ་ཡང་ན་བར་བྱས་པས། ན་བ་རྣམས་ཀྱི་ནད་གཡོག་བྱས་རེ་སྐན་ཞེས་དེ་དག་མཉན་ཡོད་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། ཇི་ལྟར་བདེ་བར་བརྒྱུས། བདག་ཅག་སློབ་དཔོན་འཆར་ཀས་མཚན་ཐོག་ཐག་ལྷགས་པས་མཐོ་བཙམས་སོ། །ཅིའི་ཕྱིར་དེ་དག་གིས་སྐབས་དེ་རྒྱས་པར་བརྗོད་པ་དང ། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་དགེ་
Ja40b
འདུན་གྱི་གཙུག་ལག་ཁང་ནས་དགེ་སློང་སྐྲོད་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་འཆར་ཀ་ལ་རྨས་པ། འཆར་ཀ་ཁྱོད་དགེ་འདུན་གྱི་གཙུག་ལག་ཁང་ནས་དགེ་སློང་སྐྲོད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བའི་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་བ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྲེས་འཁྲུགས་རྔམ་
Ja41a
༄#། །པར་འགྱུར་ཏེ། ཡི་མ་རངས་ནས་དགེ་འདུན་གྱི་གཙུག་ལག་ཁང་ནས་དགེ་སློང་སྐྲོད་དམ་སྐྲོད་དུ་འཇུག་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་སའི་གཙུག་ལག་ཁང་ཞིག་ཡོད་པ་དེ་ན་དགེ་སློང་ནད་པ་ཞིག་འདུག་ནས། ཇི་ཙམ་ན་སྤྲིན་ཁ་དོག་ལྔ་པ་འདུས་ནས། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་སྤྲིན་ཁ་དོག་ལྔ་འདུས་པས་གཙུག་ལག་ཁང་རྡིབ་པར་འགྱུར་སྲིད་ཀྱི། ཕྱིར་བྱུང་ཞིག་།ཁོ་བོ་རང་འབྱུང་མི་ནུས་སོ། །དགེ་སློང་རྣམས་འགྱོད་པས་བསམ་ཕྱུང་ནས་ཆར་བབ་སྟེ་གཙུག་ལག་ཁང་རྡིབས་ནས། དེས་དགེ་སློང་དེ་ནོན་ཏེ་དུས་ལ་བབ་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་བའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་
Ja41b
པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་འདུན་གྱི་གཙུག་ལག་ཁང་ནས་དགེ་སློང་སྐྲོད་དམ་སྐྲོད་དུ་འཇུད་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ཞེས་བྱ་བ་ནི། ཁྲོས་ཤིང་ཁྲོ་བའི་ཟིལ་གྱིས་ནོན་ནས་སོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །གཙུག་ལག་ཁང་ནས་ཞེས་བྱ་བ་ནི་གང་དུ་སྤྱོད་ལམ་བཞི་པོ་འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དག་བྱར་རུང་བ་ནས་སོ། །དགེ་སློང་ཞེས་བྱ་བ་ནི་ཆོས་འདི་པའོ། །སྐྲོད་དམ་ཞེས་བྱ་བ་ནི་བདག་ཉིད་ཀྱིས་སོ། །སྐྲོད་དུ་འཇུད་ན་ཞེས་བྱ་བ་ནི་གཞན་ནོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི་དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དང ། ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་ཁྲོས་འཁྲུགས་རྔམ་པར་གྱུར་ཏེ། ཡི་མ་རངས་ནས་དགེ་འདུན་གྱི་གཙུག་ལག་ཁང་ནས་དགེ་སློང་སྐྲོད་
Ja42a
༄#། །དམ་སྐྲོད་དུ་འཇུད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྐྲོད་པའི་ལྟུང་བྱེད་དེ་བཅུ་དྲུག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤོག་།ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང ། ཁྱེད་ཅག་ཀྱང་ལྷུང་བཟེད་དང་ཆོས་གོས་དང་དྲ་བ་དང་ཕོར་བུ་དང་སྐ་རགས་དང ། ལུང་དབོག་པ་དང ། བཀླག་པ་དང ། ཁ་ཏོན་དང་རྣལ་འབྱོར་དང་ཡིད་ལ་བྱ་བས་བྲེལ་བ་མེད་པར་བྱའོ་ཞེས་སྤྲོ་བར་བྱས་པ་དང ། དེ་དག་གིས་སློབ་དཔོན་དང་མཁན་པོ་དག་ལ་ཞུས་པ། མཁན་པོ་བདག་ཅག་ལྗོངས་རྒྱུར་མཆིའོ། །སུ་དང་ལྷན་ཅིག་ཏུ། བཙུན་པ་འཆར་ཀ་དང་ངོ ། །ཚེ་དང་ལྡན་པ་དག་དེ་ནི་གནས་ངན་ལེན་ཀུན་ཏུ་སྤྱོད་པ་ཡིན་པས་ཁྱེད་ལ་མཐོ་འཚམ་པར་འགྱུར་རོ། །མཁན་པོ་བཙུན་པ་འཆར་ཀ་ནི་བདག་ཅག་གི་ཕ་མ་ལྟ་བུར་རྣམ་པར་གནས་པ་ལགས་པས་ཅིའི་སླད་དུ་དེ་བདག་ཅག་ལ་མཐོ་འཚམ་པར་འགྱུར་ཞེས་དེ་དག་གིས་དེ་དག་གི་ཚིག་ཚིག་མ་ཡིན་པར་བྱས་ཏེ། དེ་དང་ལྷན་ཅིག་ལྗོངས་
Ja42b
རྒྱུར་འཕགས་སོ། །འཆར་ཀས་གང་གི་ཚེ་ཕྱི་རོལ་གྱི་མཚམས་འདས་པ་དེའི་ཚེ་ན་སྨྲས་པ། ཚེ་དང་ལྡན་པ་དག་ཁྱེད་ཅག་ཅིའི་ཕྱིར་གནས་མ་བཅས་པར་ལྗོངས་རྒྱུར་འདོང་བར་བྱེད། ཚུར་ཤེག་།གནས་ཆོས་ཤིག་ཅེས་དེས་དེ་དག་མདུན་དུ་ཙོག་བུར་འདུག་ཏུ་བཅུག་སྟེ། གནས་འཆར་བཅུག་གོ་།དེས་དེ་དག་ལ་ལ་ལ་གཏུར་པུ་གཏད། ལ་ལ་ལ་ལྷུང་བཟེད་ཀྱི་སྣོད་གཏད། ལ་ལ་ལ་བར་བུར་གྱི་སྣོད་གཏད། ལ་ལ་ལ་ཕོར་བུ་གཏད། ལ་ལ་ལ་རིལ་བ་སྤྱི་བླུགས་གཏད་ནས་དེ་ལག་པ་གཉིས་བརྐྱང་སྟེ། རྡུལ་ཟན་ལས་གཞན་མེད་པར་འཇིག་རྟེན་ལ་མཐོ་འཚམ་ཞིང་འགྲོ་བ་ན་དེ་དག་རི་བྲགས་ཤིག་ཏུ་ཕྱིན་ནས། དེ་དག་དེར་ཁྲོན་པ་ཞིག་གི་དྲུང་དུ་ངལ་སོ་བར་བྱེད་པ་ན། དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་དང ། དེ་དག་གིས་ཐོས་ནས་སྨྲས་པ།་སློབ་དཔོན་གཙུག་ལག་ཁང་དུ་གཎྜཱི་བརྡུངས་ཀྱི། བཞུད་དོ། །འཆར་ཀས་སྨྲས་པ། ལྷུང་བཟེད་ནག་པོ་ཅན་ལས་མེད་པ་དག་གིས་ལས་ཀྱི་གཎྜཱི་བརྡུངས་ཤིང་བདག་ཅག་ངལ་བ་དག་གིས་ལས་བྱ་དགོས་པར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །སློབ་དཔོན་རྙེད་པའི་གཎྜཱི་བརྡུངས་པ་མ་ལགས་སམ། དེ་ཡིན་ན་བདག་ཅག་མཚམས་སུ་ཕྱིན་ན་འཐོབ་བོ། །སློབ་དཔོན་ནི་གྲགས་པ་བསོད་ནམས་ཆེ་བ་ལགས་པས་འཐོབ་ཀྱི། བདག་ཅག་སུས་སྩོལ་བར་འགྱུར། དེང་ལ་གལ་ཏེ་རྙེད་པ་ཡོད་ན་ཁོ་བོའི་ཡང་ནོས་ཤིག་།དེ་དག་དོང་བ་དང་ཇི་ཙམ་ན་དེར་གནས་མལ་གྱི་
Ja43a
༄#། །གཎྜཱི་བརྡུངས་ནས་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གནས་མལ་ནོས་ཤིག་།དེ་དག་གིས་སྨྲས་པ། བདག་ཅག་ལས་ཆེས་རྒན་པ་ཡང་ཡོད་དོ། །སུ་ཡིན། སློབ་དཔོན་འཆར་ཀའོ། །དེའི་ཡང་ནོས་ཤིག་།དེ་དག་གིས་གནས་མལ་མནོས་སོ། །ཚེ་དང་ལྡན་པ་འཆར་ཀ་ཡང་དེ་ན་འདུ་འཛིའི་གཏམ་གྱིས་འདུག་སྟེ། རི་བྲགས་འདི་སུའི། གཙུག་ལག་ཁང་འདི་སུའི། ལྷ་ཁང་འདི་སུའི། སྐྱེད་མོས་ཚལ་འདི་སུའི། ཀུན་དགའ་ར་བ་འདི་སུའི། ཁྲོན་པ་འདི་སུའི། ཞིང་འདི་སུའི། བ་ལང་འདི་དག་སུའི། མ་ཧེ་འདི་དག་སུའི། ཞེས་འདུ་འཛིའི་གཏམ་གྱིས་འདུག་གོ་།དེ་དག་གིས་ཀྱང་བསམས་པ། སློབ་དཔོན་འཆར་ཀ་ཡུན་རིང་དུ་ཐོགས་པར་འགྱུར་རོ་སྙམ་ནས། དེ་དག་གིས་གཅིག་ལ་གཅིག་ཞུས་ཏེ། ཚེ་དང་ལྡན་པ་འཆར་ཀའི་མལ་བཤམས་ནས། རྐང་པའི་ཆུ་དང་རྐང་པ་བསྐུ་བ་མཐའ་གཅིག་ཏུ་བཞག་སྟེ། རྐང་པ་གཉིས་བཀྲུས་ནས་མེ་ཁང་དུ་ཞུགས་ཏེ་ཉལ་ལོ། །ཚེ་དང་ལྡན་པ་འཆར་ཀ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས། གང་གི་ཚེ་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན། མིག་ལམ་ཆད་པའི་དུས་ཀྱི་ཚེ་གཙུག་ལྷག་ཁང་དུ་འོངས་ཏེ་ཚེ་དང་ལྡན་པ་དག་ཚེ་དང་ལྡན་པ་དག་ཅེས་བོད་པར་བརྩམས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འཆར་ཀ་འདམ་བུ་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། འཆར་ཀས་སྨྲས་པ།
Ja43b
འདི་ན་ཁོ་བོའི་གཞོན་ནུ་དག་ཅིག་འཁོད་ན། དེ་དག་ལས་འགའ་ཞིག་ན་བར་མ་གྱུར་ཏམ། དེ་དག་གིས་དེ་ཐོས་ནས་སྨྲས་པ། སློབ་དཔོན་མ་འབོད་ཅིག་།གནས་ཁང་འོ་ནིར་གཟིམས་མལ་བཤམས་ཏེ། ཞབས་ཀྱི་ཆབ་དང་ཞབས་བསྐུ་བ་ཡང་བཞག་གི། དེར་གཟིམས་ཤིག་།འཆར་ཀས་སྨྲས་པ། ཚེ་དང་ལྡན་པ་དག་ཁྱེད་ཀྱིས་སུ་ལ་ཞུས་ཏེ་རྐང་པ་དག་བཀྲུས། སློབ་དཔོན་ཡུན་རིང་དུ་ཐོགས་པར་གྱུར་ནས་གཅིག་ལ་གཅིག་ཞུས་ཏེ་སུག་པ་དག་བཀྲུས་སོ། །འཆར་ཀས་སྤྱོས་ཏེ་སྨྲས་པ། ཁོ་བོ་ཁྱེད་དང་ལྷན་ཅིག་བྱ་བ་ཅུང་ཞིག་ཡོད་ཀྱི། སྒོ་ཕྱེ་ཞིག་།དེ་དག་གིས་སྒོམ་ཕྱེ་བ་དང ། དེས་སྤྱོས་ཏེ་སྒོ་གླེགས་ལ་རྡོག་པས་བརྡབས་ནས་དེས་མེ་ཁང་ཐམས་ཅད་འགུལ་བར་གྱུར་ཏོ། །དེ་དག་སྐྲག་ནས་བསམས་པ། འདི་སྟོབས་དང་ལྡན་པ་ཡིན་པས་དགེ་འདུན་གྱི་གཙུག་ལག་ཁང་བརྡིབ་པར་གྱུར་ན་མི་རུང་གི་།སྒོ་དབྱེའོ་སྙམ་ནས། དེ་དག་གིས་སྒོ་ཕྱེ་བ་དང ། དེ་ནང་དུ་ཞུགས་ནས་དེ་དག་གི་དབུས་བསྒྱེལ་ཏེ། དེས་དེ་དག་ཁ་ཅིག་ལ་ནི་གྲུ་མོས་བསྣུན། ཁ་ཅིག་ལ་ནི་པུས་མོས་བསྣུན་ནས་དེ་དག་གིས་སྨྲས་པ། སློབ་དཔོན་བདག་ཅག་སྣད་དོ། །བདག་ཅག་སྣད་དོ། །འཆར་ཀས་སྨྲས་པ། སུ་ལ་གནོད་པ་དེ་འགྲོ་བར་འགྱུར་རོ། །དེ་དག་གིས་གཅིག་ལ་གཅིག་སྨྲས་པ། ཚེ་དང་ལྡན་པ་དག་འདི་ནི་སྟོབས་དང་ལྡན་པ་ཡིན་པས་འདིས་བདག་ཅག་ཐམས་ཅད་ཀྱི་ཐམས་ཅད་དུ་སྲོག་དང་བྲལ་བར་བྱེད་པར་འགྱུར་བ་གང་ཡིན་པ་དེ་ལྟ་
Ja44a
༄#། །བུའི་གནས་ཡོད་པར་འགྱུར་གྱི། ཕྱིར་འབྱུང་བར་བྱའོ་ཞེས་དེ་དག་ཕྱིར་བྱུང་ངོ ། །དེ་དག་དེ་ན་མཚན་ཐོག་ཐག་བླ་གབ་མེད་པ་ན་ལྷགས་པས་ཉེན་པར་གྱུར་ཏོ་།དེ་དག་ནང་པར་སྔར་ལངས་ཏེ་སྨྲས་པ། སློབ་དཔོན་ལ་ཕྱག་འཚལ་ལོ། །བདག་ཅག་མཆིའོ། །གར་འདོང ། མཉན་ཡོད་དུའོ། །སྡོད་ཅིག་དང ། ཁོ་བོས་ཁྱེད་ཅག་ན་བ་རྣམས་ཀྱི་ནད་གཡོག་བྱའོ། ། སློབ་དཔོན་ཁྱོད་ཀྱིས་བདག་ཅག་མི་ན་བ་ཡང་ན་བར་བྱས་པས་ན་བ་རྣམས་ཀྱི་ནད་གཡོག་བྱས་རེ་སྐན་ཞེས་དེ་དག་མཉན་ཡོད་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཇི་ལྟར་བདེ་བར་བརྒྱུས། བདག་ཅག་སློབ་དཔོན་འཆར་ཀས་མཚན་ཐོག་ཐག་ལྷགས་པས་མཐོ་བཙམས་སོ། །ཅིའི་ཕྱིར་དེ་དག་གིས་སྐབས་དེ་རྒྱས་པར་བརྗོད་པ་དང ། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་དགེ་འདུན་གྱི་གཙུག་ལག་ཁང་ན་དགེ་སློང་དག་སྔ་ན་འཁོད་པར་ཤེས་བཞིན་དུ་ཕྱིས་འོངས་ནས་སུ་ལ་གནོད་པ་དེ་འགྲོ་བར་འགྱུར་བ་དེ་ཉིད་རྐྱེན་དུ་བྱས་ཏེ་ཕྱིས་གནོན་བྱེད་ཅིང ། སྟན་ལ་ཉལ་བ་དང་འདུག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང་སྐབས་འདི་ལ་དགེ་སློང་གི་དགེ་
Ja44b
འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་དགེ་འདུན་གྱི་གཙུག་ལག་ཁང་ན་དགེ་སློང་དག་སྔ་ན་འཁོད་པར་ཤེས་བཞིན་དུ་ཕྱིས་འོངས་ནས་སུ་ལ་གནོད་པ་དེ་འགྲོ་བར་འགྱུར་བ་དེ་ཉིད་རྐྱེན་དུ་བྱས་ཏེ་ཕྱིས་གནོན་བྱས་ནས་སྟན་ལ་ཉལ་ལམ་འདུག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བར་བྱ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་འདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་གཙུག་ལག་ཁང་ན་དགེ་སློང་དག་སྔ་ན་འཁོད་པར་ཤེས་བཞིན་དུ་ཕྱིས་འོངས་ནས་སུ་ལ་གནོད་པ་དེ་འགྲོ་བར་འགྱུར་བ་དེ་ཉིད་རྐྱེན་དུ་
Ja45a
༄#། །བྱས་ཏེ། ཕྱིས་གནོན་བྱས་ནས་སྟན་ལ་ཉལ་ལམ་འདུག་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །གཙུག་ལག་ཁང་ན་ཞེས་བྱ་བ་ནི་གང་དུ་སྤྱོད་ལམ་བཞི་པོ་འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དག་བྱར་རུང་བ་ནའོ། །དགེ་སློང་དག་ཅེས་བྱ་བ་ནི་ཆོས་འདི་པ་དག་གོ་།སྔ་ན་འཁོད་པ་ཞེས་བྱ་བ་ནི་སྔ་ན་གནས་པར་རོ། །ཤེས་བཞིན་དུ་ཞེས་བྱ་བ་ནི་དེ་རང་གིས་རིག་པར་གྱུར་པའམ། གཞན་དག་གིས་བསྟན་པས་སོ། །ཕྱིས་འོངས་ནས་ཞེས་བྱ་བ་ནི་དེའི་འོག་ཏུ་འོངས་ནས་སོ། །སུ་ལ་གནོད་པ་ཞེས་བྱ་བ་ནི་སུ་བདེ་བ་ལ་རེག་པར་མི་འགྱུར་བའོ། །དེ་འགྲོ་བར་འགྱུར་བ་ཞེས་བྱ་བ་ནི། དེ་དེ་ནས་གཞན་དུ་འགྲོ་བར་འགྱུར་བའོ། །དེ་ཉིད་རྐྱེན་དུ་བྱས་ཏེ་ཞེས་བྱ་བ་ནི་གཞན་མ་ཡིན་པའོ། །ཕྱིས་གནོན་བྱས་ནས་ཞེས་བྱ་བ་ནི་གནོད་པས་ཟིལ་གྱིས་མནན་ནས་སོ། །སྟན་ལ་ཞེས་བྱ་བ་ནི་གནས་མལ་ལའོ། །ཉལ་ན་ཞེས་བྱ་བ་ནི་ལུས་བསྙལ་ནའོ། །འདུག་ན་ཞེས་བྱ་བ་ནི་རྐུབ་ཚོས་བཞག་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་
Ja45b
པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་ཅུང་ཟད་དགེ་འདུན་གྱི་གཙུག་ལག་ཁང་ན་དགེ་སློང་དག་སྔ་ན་འཁོད་པར་ཤེས་བཞིན་དུ་ཕྱིས་འོངས་ནས་སུ་ལ་གནོད་པ་དེ་འགྲོ་བར་འགྱུར་བ་དེ་ཉིད་རྐྱེན་དུ་བྱས་ཏེ་ཕྱིས་གནོན་བྱས་ནས། སྟན་ལ་ཉལ་ལམ་འདུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །བར་སྡོམ་ལ། ངན་དང་གསོད་དང་གྲང་དྲོ་དང ། ཆོལ་ཟངས་དང་ནི་བཀྲུ་སྨན་དང ། །རྣལ་འབྱོར་མཐུན་དང་ཁ་ཏོན་དང ། འཇིགས་དང་བཅས་དང་འཇིགས་མེད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་དག་ལ་ཚེ་དང་ལྡན་པ་དག་ཚུར་ཤེག ། ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང་ཁྱེད་ཅག་ཀྱང་ལྷུང་བཟེད་དང་ཆོས་གོས་དང ། དྲ་བ་དང་ཕོར་བུ་དང ། སྐ་རགས་དང་ལུང་དཔོག་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ། །ཞེས་སྤྲོ་
Ja46a
༄#། །བར་བྱས་པ་དང ། དེ་དག་གིས་སློབ་དཔོན་དང་མཁན་པོ་དག་ལ་ཞུས་པ། མཁན་པོ་བདག་ཅག་ལྗོངས་རྒྱུར་མཆིའོ། །སུ་དང་ལྷན་ཅིག་ཏུ། བཙུན་པ་འཆར་ཀ་དང་ངོ ། །ཚེ་དང་ལྡན་པ་དག་དེ་ནི་གནས་ངན་ལེན་ཀུན་ཏུ་སྤྱོད་པ་ཡིན་པས་ཁྱེད་ལ་མཐོ་འཚམ་པར་འགྱུར་རོ། །མཁན་པོ་བཙུན་པ་འཆར་ཀ་ནི་བདག་ཅག་གི་ཕ་མ་ལྟ་བུར་རྣམ་པར་གནས་པ་ལགས་པས་ཅིའི་སླད་དུ་བདག་ཅག་ལ་མཐོ་འཚམ་པར་འགྱུར་ཞེས་དེ་དག་གིས་དེ་དག་གི་ཚིག་ཚིག་མ་ཡིན་པར་བྱས་ཏེ་དེ་དང་ལྷན་ཅིག་ལྗོངས་རྒྱུར་འཕགས་སོ། ། འཆར་ཀས་གང་གི་ཚེ་ཕྱི་རོལ་གྱི་མཚམས་འདས་པ་དེའི་ཚེ་ན་སྨྲས་པ། ཚེ་དང་ལྡན་པ་དག་ཁྱེད་ཅག་ཅིའི་ཕྱིར་གནས་མ་བཅས་པར་ལྗོངས་རྒྱུར་འདོང་བར་བྱེད། ཚུར་ཤེག ། གནས་ཆོས་ཤིག་ཅེས་དེས་དེ་དག་མདུན་དུ་ཙོག་པུར་འདུག་ཏུ་བཅུག་སྟེ་གནས་འཆར་བཅུག་གོ་།དེས་དེ་དག་ལ་ལ་ལ་གཏུར་བུ་གཏད། ལ་ལ་ལ་ལྷུང་བཟེད་ཀྱི་སྣོད་གཏད། ལ་ལ་ལ་བར་པུར་སྣོད་གཏད། ལ་ལ་ལ་ཕོར་བུ་གཏད། ལ་ལ་ལ་རིལ་པ་སྤྱི་བླུགས་གཏད་ནས་དེ་ལག་པ་གཉིས་བརྐྱང་སྟེ། རྡུལ་ཟན་ལས་གཞན་མེད་པར་འཇིག་རྟེན་ལ་མཐོ་འཚམ་ཞིང་འགྲོ་བ་ན་དེ་དག་རི་བྲགས་ཤིག་ཏུ་ཕྱིན་ནས། དེ་དག་དེར་ཁྲོན་པ་ཞིག་གི་དྲུང་དུ་ངལ་སོ་བར་བྱེད་པ་ན་དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་
Ja46b
དང་དེ་དག་གིས་ཐོས་ནས་སྨྲས་པ། སློབ་དཔོན་གཙུག་ལག་ཁང་དུ་གཎྜཱི་བརྡུངས་ཀྱི། བཞུད་དོ། །འཆར་ཀས་སྨྲས་པ། ལྷུང་བཟེད་ནག་པོ་ཅན་ལས་མེད་པ་དག་གིས་ལས་ཀྱི་གཎྜཱི་བརྡུངས་ཤིང ། བདག་ཅག་ངལ་བ་དག་གིས་ལས་བྱ་དགོས་པར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །སློབ་དཔོན་རྙེད་པའི་གཎྜཱི་མ་ལགས་སམ། དེ་ཡིན་ན་བདག་ཅག་མཚམས་སུ་ཕྱིན་ན་འཐོབ་བོ། །སློབ་དཔོན་ནི་གྲགས་པ་དང་བསོད་ནམས་ཆེ་བ་ལགས་པས་འཐོབ་ཀྱི་བདག་ཅག་ལ་སུས་སྩོལ་བར་འགྱུར་རོ། །དེང་ལ་གལ་ཏེ་རྙེད་པ་ཡོད་ན་ཁོ་བོའི་ཡང་ནོས་ཤིག། དེ་དག་དོང་པ་དང་ཇི་ཙམ་ན་དེར་གནས་མལ་གྱི་གཎྜཱི་བརྡུངས་ནས། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གནས་མལ་ནོས་ཤིག་།དེ་དག་གིས་སྨྲས་པ། བདག་ཅག་ལས་ཆེས་རྒན་པ་ཡང་ཡོད་དོ། །སུ་ཡིན། སློབ་དཔོན་འཆར་ཀའོ། །དེའི་ཡང་ནོས་ཤིག་།དེ་དག་གིས་གནས་མལ་མནོས་སོ། །ཚེ་དང་ལྡན་པ་འཆར་ཀ་ཡང་དེ་ན་འདུ་འཛིའི་གཏམ་གྱིས་འདུག་སྟེ། རི་བྲགས་འདི་སུའི། གཙུག་ལག་ཁང་འདི་སུའི། ལྷ་ཁང་འདི་སུའི། སྐྱེད་མོས་ཚལ་འདི་སུའི། ཀུན་དགའ་ར་བ་འདི་སུའི། ཁྲོན་པ་འདི་སུའི། ཞིང་འདི་སུའི། བ་ལང་འདི་དག་སུའི། མ་ཧེ་འདི་དག་སུའི་ཞེས་འདུ་འཛིའི་གཏམ་གྱིས་འདུག་གོ་།དེ་དག་གིས་ཀྱང་བསམས་པ། སློབ་དཔོན་འཆར་ཀ་ཡུན་རིང་དུ་ཐོགས་པར་
Ja47a
༄#། །འགྱུར་རོ་སྙམ་ནས་དེ་དག་གིས་གཅིག་ལ་གཅིག་ཞུས་ཏེ། ཚེ་དང་ལྡན་པ་འཆར་ཀའི་མལ་བཤམས་ནས། རྐང་པའི་ཆུ་དང་རྐང་པ་བསྐུ་བ་མཐའ་གཅིག་ཏུ་བཞག་སྟེ། གཅིག་ལ་གཅིག་སྨྲས་པ། ཚེ་དང་ལྡན་པ་དག་དེང་བདག་ཅག་གིས་ཁ་ཟས་ངན་པ་དག་ཟོས་པས་ཁ་ཏོན་མི་ནུས་ཀྱི། རེ་ཞིག་ཡིད་ལ་བྱེད་པ་བསྐྱེད་པར་བྱའོ་ཞེས་དེ་དག་དཔོང་སའི་ཁང་པར་ཞུགས་ནས། སྐྱིལ་མོ་ཀྲུང་བཅས་ཏེ་བསམ་གཏན་བྱ་བར་བརྩམས་སོ། །ཚེ་དང་ལྡན་པ་འཆར་ཀ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས་གང་གི་ཚེ་དེའི་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན། མིག་ལམ་ཆད་པའི་དུས་ཀྱི་ཚེ་གཙུག་ལག་ཁང་དུ་འོངས་ཏེ། ཚེ་དང་ལྡན་པ་དག་ཚེ་དང་ལྡན་པ་དག་ཅེས་བོད་པར་བརྩམས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འཆར་ཀ་འདམ་བུ་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། འཆར་ཀས་སྨྲས་པ། འདི་ན་ཁོ་བོའི་གཞོན་ནུ་དག་ཅིག་འཁོད་ན། དེ་དག་ལས་འགའ་ཞིག་ན་བར་མ་གྱུར་ཏམ། དེ་དག་གིས་དེ་ཐོས་ནས་སྨྲས་པ། སློབ་དཔོན་མ་འབོད་ཅིག་།གནས་ཁང་འོ་ནིར་གཟིམས་མལ་བཤམས་ཏེ། ཞབས་ཀྱི་ཆབ་དང་ཞབས་བསྐུ་བ་ཡང་བཞག་གི། དེར་གཟིམས་ཤིག་།བདག་ཅག་དེང་ཁ་ཟས་ངན་པ་
Ja47b
དག་འཚལ་བས་ཁ་ཏོན་རྔོ་མི་ཐོགས་ནས་རེ་ཞིག་དཔོང་སའི་ཁང་པ་འདིར་བསམ་གཏན་བགྱིད་དོ། །འཆར་ཀས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་མི་ཀློག་པ་ལ་ཤེས་རབ་མེད་དོ་ཞེས་མ་གསུངས་སམ། ཚུར་ཤེག་ཁ་ཏོན་གྱིས་ཤིག་ཅེས་དེས་དེ་དག་ཟུང་དུ་ལྷན་ཅིག་བཞག་སྟེ། མཚན་ཐོག་ཐག་ཁ་ཏོན་བྱེད་དུ་བཅུག་གོ་།དེ་དག་ནང་པར་སྔར་ལངས་ཏེ་སྨྲས་པ། སློབ་དཔོན་ཕྱག་འཚལ་ལོ། །བདག་ཅག་མཆིའོ། །གར་འདོང ། མཉན་ཡོད་དུའོ། །སྡོད་ཅིག་དང ། ཁོ་བོས་ཁྱེད་ཅག་ན་བ་རྣམས་ཀྱི་ནད་གཡོག་བྱའོ། །སློབ་དཔོན་ཁྱོད་ཀྱིས་བདག་ཅག་མི་ན་བ་ཡང་ན་བར་བྱས་པས་ན་བ་རྣམས་ཀྱི་ནད་གཡོག་བྱས་རེ་སྐན་ཞེས་དེ་དག་མཉན་ཡོད་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཇི་ལྟར་བདེ་བར་བརྒྱུས། བདག་ཅག་སློབ་དཔོན་འཆར་ཀས་མཚན་ཐོག་ཐག་མཐོ་བཙམས་སོ། །ཇི་ལྟར་མཐོ་བཙམས་དེ་དག་གིས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཆེད་དུ་བསམས་ཏེ་དགེ་སློང་རྣམས་ལ་མཐོ་འཚམ་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་
Ja48a
༄#། །ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ།། །།འདུལ་བ་རྣམ་པར་འབྱེད་པ། བམ་པོ་ཞེ་ལྔ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས། དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤེག་།ལྗོངས་དག་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང ། ཁྱེད་ཅག་ཀྱང་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་འབོག་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ། ། ཞེས་སྤྲོ་བར་བྱས་པ་དང ། དེ་དག་གིས་སློབ་དཔོན་དང ། མཁན་པོ་དག་ལ་ཞུས་པ། མཁན་པོ་བདག་ཅག་ལྗོངས་རྒྱུར་མཆིའོ། །སུ་དང་ལྷན་ཅིག་ཏུ། བཙུན་པ་འཆར་ཀ་དང་ངོ ། །ཚེ་དང་ལྡན་པ་དག་དེ་ནི་གནས་ངན་ལེན་ཀུན་ཏུ་སྤྱོད་པ་ཡིན་པས། ཁྱེད་ལ་མཐོ་འཚམ་པར་འགྱུར་རོ། །མཁན་པོ་བཙུན་པ་འཆར་ཀ་ནི་བདག་ཅག་གི་ཕ་མ་ལྟ་བུར་རྣམ་པར་གནས་པ་ལགས་པས། ཅིའི་སླད་དུ་བདག་ཅག་མཐོ་འཚམ་པར་འགྱུར་ཞེས་དེ་དག་གིས་དེ་དག་གི་ཚིག་ཚིག་མ་ཡིན་པར་བྱས་ཏེ། དེ་དང་ལྷན་ཅིག་ལྗོངས་རྒྱུར་འཕགས་སོ། །འཆར་ཀས་གང་གི་ཚེ་ཕྱི་
Ja48b
རོལ་གྱི་མཚམས་འདས་པ་དེའི་ཚེ་ན་སྨྲས་པ། ཚེ་དང་ལྡན་པ་དག་ཁྱེད་ཅག་ཅིའི་ཕྱིར་གནས་མ་བཅས་པར་ལྗོངས་རྒྱུར་འདོང་བར་བྱེད། ཚུར་ཤེག། གནས་ཆོས་ཤིག་ཅེས་དེས་དེ་དག་མདུན་དུ་ཙོག་པུར་འདུག་ཏུ་བཅུག་སྟེ། གནས་འཆར་བཅུག་གོ་།དེས་དེ་དག་ལ་ལ་ལ་གཏུར་བུ་གཏད། ལ་ལ་ལ་ལྷུང་བཟེད་ཀྱི་སྣོད་གཏད། ལ་ལ་ལ་བར་བུར་སྣོད་གཏད། ལ་ལ་ཕོར་བུ་གཏད། ལ་ལ་ལ་རིལ་པ་སྤྱི་བླུགས་གཏད་ནས། དེ་ལག་པ་གཉིས་བརྐྱང་སྟེ། རྡུལ་ཟན་ལས་གཞན་མེད་པར་འཇིག་རྟེན་ལ་མཐོ་འཚམ་ཞིང་འགྲོ་བ་ན། དེ་དག་རི་བྲགས་ཤིག་ཏུ་ཕྱིན་ནས་དེ་དག་དེར་ཁྲོན་པ་ཞིག་གི་དྲུང་དུ་ངལ་སོ་བར་བྱེད་པ་ན། དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་དང ། དེ་དག་གིས་ཐོས་ནས་སྨྲས་པ། སློབ་དཔོན་གཙུག་ལག་ཁང་དུ་གཎྜཱི་བརྡུངས་ཀྱི། བཞུད་དོ། འཆར་ཀས་སྨྲས་པ། ལྷུང་བཟེད་ནག་པོ་ཅན་ལས་མེད་པ་དག་གིས་ལས་ཀྱི་གཎྜཱི་བརྡུངས་ཤིང་བདག་ཅག་ངལ་བ་དག་གིས་ལས་བྱ་དགོས་པར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །སློབ་དཔོན། རྙེད་པའི་གཎྜཱི་མ་ལགས་སམ། དེ་ཡིན་ན་བདག་ཅག་མཚམས་སུ་ཕྱིན་ན་འཐོབ་བོ། །སློབ་དཔོན་ནི་གྲགས་པ་བསོད་ནམས་ཆེ་བ་ལགས་པས་འཐོབ་ཀྱི། བདག་ཅག་སུས་སྩོལ་བར་འགྱུར། དེང་ལ་གལ་ཏེ་རྙེད་པ་ཡོད་ན་ཁོ་བོའི་ཡང་ནོས་ཤིག་།དེ་དག་དོང་བ་དང་ཇི་ཙམ་ན་དེར་གནས་མལ་གྱི་གཎྜཱི་བརྡུངས་ནས་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གནས་མལ་ནོས་ཤིག་།དེ་དག་གིས་
Ja49a
༄#། །སྨྲས་པ། བདག་ཅག་ལས་ཆེས་རྒན་པ་ཡང་ཡོད་དོ། །སུ་ཡིན། སློབ་དཔོན་འཆར་ཀའོ། །དེའི་ཡང་ནོས་ཤིག་།དེ་དག་གིས་གནས་མལ་མནོས་སོ། །ཚེ་དང་ལྡན་པ་འཆར་ཀ་ཡང་དེ་ན་འདུ་འཛིའི་གཏམ་གྱིས་འདུག་གོ། རི་བྲགས་འདི་སུའི། གཙུག་ལག་ཁང་འདི་སུའི། ལྷ་ཁང་འདི་སུའི། སྐྱེད་མོས་ཚལ་འདི་སུའི། ཀུན་དགའ་ར་བ་འདི་སུའི། ཁྲོན་པ་འདི་སུའི། ཞིང་འདི་སུའི། བ་ལང་འདི་དག་སུའི། མ་ཧེ་འདི་དག་སུའི། ཞེས་འདུ་འཛིའི་གཏམ་གྱིས་འདུག་གོ་།དེ་དག་གིས་ཀྱང་བསམས་པ། སློབ་དཔོན་འཆར་ཀ་ཡུན་རིང་དུ་ཐོགས་པར་འགྱུར་རོ། །སྙམ་ནས་དེ་དག་གིས་གཅིག་ལ་གཅིག་ཞུས་ཏེ། ཚེ་དང་ལྡན་པ་འཆར་ཀའི་མལ་བཤམས་ནས། རྐང་པའི་ཆུ་དང ། རྐང་པ་བསྐུ་བ་མཐའ་གཅིག་ཏུ་བཞག་སྟེ་གཅིག་ལ་གཅིག་སྨྲས་པ། ཚེ་དང་ལྡན་པ་དག་།དེང་བདག་ཅག་གིས་ཁ་ཟས་བསོད་པ་དག་ཟོས་པས་རེ་ཞིག་ཟུང་གིས་ལྷན་ཅིག་ཁ་ཏོན་བྱའོ་ཞེས་དེ་དག་གིས་ཟུང་གིས་ཁ་ཏོན་བྱ་བར་བརྩམས་སོ། །ཚེ་དང་ལྡན་པ་འཆར་ཀ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས་གང་གི་ཚེ་དེའི་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན་མིག་ལམ་ཆད་པའི་དུས་ཀྱི་ཚེ། གཙུག་ལག་ཁང་དུ་འོངས་ཏེ་དེ་དག་ལ་དྲིས་པ། ཚེ་དང་ལྡན་པ་དག་ཅི་བྱེད། སློབ་དཔོན་བདག་ཅག་གིས་དེང་ཁ་ཟས་བསོད་པ་དག་འཚལ་བས་རེ་ཞིག་ཟུང་གིས་ཁ་ཏོན་བགྱིད་དོ། །འཆར་ཀས་སྨྲས་པ། ཚེ་དང་
Ja49b
ལྡན་པ་དག་།བཅོམ་ལྡན་འདས་ཀྱིས་བསམ་གཏན་མི་བྱེད་པ་ལ་ཤེས་རབ་མེད་དོ་ཞེས་མ་གསུངས་སམ། ཚུར་ཤེག་།བསམ་གཏན་གྱིས་ཤིག་ཅེས་དེས་དེ་དག་དཔོང་སའི་ཁང་པར་བཙུད་དེ། སྐྱིལ་མོ་ཀྲུང་འཆར་བཅུག་ནས་མཚན་ཐོག་ཐག་བསྲེལ་ཏོ། །དེ་དག་ནང་པར་སྔར་ལངས་ཏེ་སྨྲས་པ། སློབ་དཔོན་ཕྱག་འཚལ་ལོ། །བདག་ཅག་མཆིའོ། །གར་འདོང ། མཉན་ཡོད་དུའོ། །སྡོད་ཅིག་དང་ཁོ་བོས་ཁྱེད་ཅག་ན་བ་རྣམས་ཀྱི་ནད་གཡོག་བྱའོ། །སློབ་དཔོན་ཁྱོད་ཀྱིས་བདག་ཅག་མི་ན་བ་ཡང་ན་བར་བྱས་པས། ན་བ་རྣམས་ཀྱི་ནད་གཡོག་བྱས་རེ་སྐན་ཞེས་དེ་དག་མཉན་ཡོད་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཇི་ལྟར་བདེ་བར་བརྒྱུས། བདག་ཅག་སློབ་དཔོན་འཆར་ཀས་མཚན་ཐོག་ཐག་མཐོ་བཙམས་སོ། །ཇི་ལྟར་མཐོ་བཙམས། དེ་དག་གིས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཆེད་དུ་བསམས་ཏེ་དགེ་སློང་རྣམས་ལ་མཐོ་འཚམ་པར་བྱེད། ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་
Ja50a
༄#། །བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ། ཚེ་དང་ལྡན་པ་དག་ཚུར་ཤེག། ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང ། ཁྱེད་ཅག་ཀྱང་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་འབོགས་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ་ཞེས་སྤྲོ་བར་བྱས་པ་དང ། དེ་དག་གིས་སློབ་དཔོན་དང ། མཁན་པོ་དག་ལ་ཞུས་པ། མཁན་པོ་བདག་ཅག་ལྗོངས་རྒྱུར་མཆིའོ། །སུ་དང་ལྷན་ཅིག་ཏུ། བཙུན་པ་འཆར་ཀ་དང་ངོ ། །ཚེ་དང་ལྡན་པ་དག་དེ་ནི་གནས་ངན་ལེན་ཀུན་ཏུ་སྤྱོད་པ་ཡིན་པས་ཁྱེད་ལ་མཐོ་འཚམ་པར་འགྱུར་རོ། །མཁན་པོ་བཙུན་པ་འཆར་ཀ་ནི་བདག་ཅག་གི་ཕ་མ་ལྟ་བུར་རྣམ་པར་གནས་པ་ལགས་པས། ཅིའི་སླད་དུ་བདག་ཅག་ལ་མཐོ་འཚམ་པར་འགྱུར་ཞེས། དེ་དག་གིས་དེ་དག་གི་ཚིག་ཚིག་མ་ཡིན་པར་བྱས་ཏེ། དེ་དང་ལྷན་ཅིག་ལྗོངས་རྒྱུར་འཕགས་སོ། །འཆར་ཀས་གང་གི་ཚེ་ཕྱི་རོལ་གྱི་མཚམས་འདས་པ་དེའི་ཚེ་ན་སྨྲས་པ། ཚེ་དང་ལྡན་པ་དག་ཁྱེད་ཅག་ཅིའི་ཕྱིར་གནས་མ་བཅས་པར་ལྗོངས་རྒྱུར་འདོང་བར་བྱེད། ཚུར་ཤེག་གནས་ཆོས་ཤིག་ཅེས་དེས་དེ་དག་མདུན་དུ་ཙོག་པུར་འདུག་ཏུ་བཅུག་སྟེ། གནས་འཆར་
Ja50b
བཅུག་གོ་།དེས་དེ་དག་ལ་ལ་ལ་གཏུར་བུ་གཏད། ལ་ལ་ལ་ལྷུང་བཟེད་ཀྱི་སྣོད་གཏད། ལ་ལ་ལ་བར་བུར་སྣོད་གཏད། ལ་ལ་ལ་ཕོར་བུ་གཏད། ལ་ལ་ལ་རིལ་བ་སྤྱི་བླུགས་གཏད་ནས་དེ་ལག་པ་གཉིས་བརྐྱང་སྟེ། རྡུལ་ཟན་ལས་གཞན་མེད་པར་འཇིག་རྟེན་ལ་མཐོ་འཚམ་ཞིང་འགྲོ་བ་ན། དེ་དག་རི་བྲགས་ཤིག་ཏུ་ཕྱིན་ནས་དེ་དག་དེར་ཁྲོན་པ་ཞིག་གི་དྲུང་དུ་ངལ་སོ་བར་བྱེད་པ་ན་དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་དང ། དེ་དག་གིས་ཐོས་ནས་སྨྲས་པ། སློབ་དཔོན་གཙུག་ལག་ཁང་དུ་གཎྜཱི་བརྡུངས་ཀྱི། བཞུད་དོ། །འཆར་ཀས་སྨྲས་པ།་ལྷུང་བཟེད་ནག་པོ་ཅན་ལས་མེད་པ་དག་གིས་ལས་ཀྱི་གཎྜཱི་བརྡུངས་ཤིང་བདག་ཅག་ངལ་བ་དག་གིས་ལས་བྱ་དགོས་པར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །སློབ་དཔོན་རྙེད་པའི་གཎྜཱི་མ་ལགས་སམ། དེ་ཡིན་ན་བདག་ཅག་མཚམས་སུ་ཕྱིན་ན་འཐོབ་བོ། །སློབ་དཔོན་ནི་གྲགས་པ་བསོད་ནམས་ཆེ་བ་ལགས་པས་འཐོབ་ཀྱི་བདག་ཅག་སུས་སྩོལ་བར་འགྱུར། དེང་ལ་གལ་ཏེ་རྙེད་པ་ཡོད་ན་ཁོ་བོའི་ཡང་ནོས་ཤིག་།དེ་དག་དོང་བ་དང ། ཇི་ཙམ་ན་དེར་གནས་མལ་གྱི་གཎྜཱི་བརྡུངས་ནས། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གནས་མལ་ནོས་ཤིག་།དེ་དག་གིས་སྨྲས་པ། བདག་ཅག་ལས་ཆེས་རྒན་པ་ཡང་ཡོད་དོ། །སུ་ཡིན། སློབ་དཔོན་འཆར་ཀའོ། །དེའི་ཡང་ནོས་ཤིག་།དེ་དག་གིས་གནས་མལ་མནོས་སོ། །ཚེ་དང་
Ja51a
༄#། །ལྡན་པ་འཆར་ཀ་ཡང་དེ་ན་འདུ་འཛིའི་གཏམ་གྱིས་འདུག་སྟེ། རི་བྲགས་འདི་སུའི། གཙུག་ལག་ཁང་འདི་སུའི། ལྷ་ཁང་འདི་སུའི། སྐྱེད་མོས་ཚལ་འདི་སུའི། ཀུན་དགའ་ར་བ་འདི་སུའི། ཁྲོན་པ་འདི་སུའི། ཞིང་འདི་སུའི། བ་ལང་འདི་དག་སུའི། མ་ཧེ་འདི་དག་སུའི་ཞེས་འདུ་འཛིའི་གཏམ་གྱིས་འདུག་གོ་།དེ་དག་གིས་ཀྱང་བསམས་པ། སློབ་དཔོན་འཆར་ཀ་ཡུན་རིང་དུ་ཐོགས་པར་འགྱུར་རོ་སྙམ་ནས། དེ་དག་གིས་གཅིག་ལ་གཅིག་ཞུས་ཏེ། ཚེ་དང་ལྡན་པ་འཆར་ཀའི་མལ་བཤམས་ནས། རྐང་པའི་ཆུ་དང་རྐང་པ་བསྐུ་བ་མཐའ་གཅིག་ཏུ་བཞག་སྟེ། གཅིག་ལ་གཅིག་སྨྲས་པ། ཚེ་དང་ལྡན་པ་དག་ད་ལྟར་གྲང་བའི་དུས་ལ་བབ་ཀྱི། བདག་ཅག་མེ་ཁང་དུ་ཞུགས་ཏེ་ཉལ་ལོ་ཞེས་དེ་དག་མེ་ཁང་དུ་ཞུགས་ཏེ་ཉལ་ལོ། །ཚེ་དང་ལྡན་པ་འཆར་ཀ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས། གང་གི་ཚེ་དེའི་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན། མིག་ལམ་ཆད་པའི་དུས་ཀྱི་ཚེ ། གཙུག་ལག་ཁང་དུ་འོངས་ཏེ་ཚེ་དང་ལྡན་པ་དག་།ཚེ་དང་ལྡན་པ་དག་ཅེས་བོད་པར་བརྩམས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འཆར་ཀ་འདམ་བུ་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། འཆར་ཀས་སྨྲས་པ། འདི་ན་ཁོ་བོའི་གཞོན་ནུ་དག་ཅིག་འཁོད་ན་དེ་དག་ལས་འགའ་ཞིག་ན་བར་མ་གྱུར་ཏམ། དེ་དག་གིས་དེ་ཐོས་ནས་སྨྲས་པ། སློབ་
Ja51b
དཔོན་མ་འབོད་ཅིག་།གནས་ཁང་འོ་ནིར་གཟིམས་མལ་བཤམས་ཏེ་ཞབས་ཀྱི་ཆབ་དང་ཞབས་བསྐུ་བ་ཡང་བཞག་གི། དེར་གཟིམས་ཤིག་།བདག་ཅག་ད་ལྟར་གྲང་བའི་དུས་ལ་བབ་པས། མེ་ཁང་དུ་ཞུགས་ཏེ་མཆིས་ཉལ་ལོ། །ཚེ་དང་ལྡན་པ་དག་ཁྱེད་ཅག་གལ་ཏེ་ཁྲག་ནད་དམ། མཁྲིས་ནད་གཡོས་པར་གྱུར་ན་ཁོ་བོས་ཡུན་དེ་སྲིད་དུ་ཁྱོད་ཀྱི་ནད་གཡོག་བྱེད་པར་ག་ལ་ནུས། ཕྱིར་བྱུང་ཞིག ། ཅེས་དེས་དེ་དག་བླ་གབ་མེད་པར་བཏོན་ཏེ་ཆུ་གྲང་མོས་བཏབ་ནས་མཚན་ཐོག་ཐག་བསིལ་ཡབ་ཀྱིས་གཡབས་སོ། །དེ་དག་གིས་མཚན་མོའི་ནམ་ནངས་ནས་སྨྲས་པ། སློབ་དཔོན་ཕྱག་འཚལ་ལོ། །བདག་ཅག་མཆིའོ། །གར་འདོང ། མཉན་ཡོད་དུའོ། །སྡོད་ཅིག་དང་ཁོ་བོས་ཁྱེད་ཅག་ན་བ་རྣམས་ཀྱི་ནད་གཡོག་བྱའོ། །སློབ་དཔོན་ཁྱོད་ཀྱིས། ཁོ་བོ་ཅག་མི་ན་བ་ཡང་ན་བར་བྱས་པས་ན་བ་རྣམས་ཀྱི་ནད་གཡོག་བྱས་རེ་སྐན་ཞེས་དེ་དག་མཉན་ཡོད་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཇི་ལྟར་བདེ་བར་བརྒྱུས། བདག་ཅག་སློབ་དཔོན་འཆར་ཀས་མཚན་ཐོག་ཐག་མཐོ་བཙམས་སོ། །ཇི་ལྟར་མཐོ་བཙམས། དེ་དག་གིས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཆེད་དུ་བསམས་ཏེ་དགེ་སློང་རྣམས་ལ་མཐོ་འཚམ་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་
Ja52a
༄#། །བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ། ཚེ་དང་ལྡན་པ་དག་ཚུར་ཤེག་།ལྗོངས་རྒྱུར་འདོང་དང ། དེར་བདག་ཅག་གིས་རྒོལ་བ་དག་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང ། ཁྱེད་ཅག་ཀྱང་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་འབོགས་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་པ་མེད་པར་བྱའོ། །ཞེས་སྤྲོ་བར་བྱས་པ་དང ། དེ་དག་གིས་སློབ་དཔོན་དང ། མཁན་པོ་དག་ལ་ཞུས་པ། མཁན་པོ་བདག་ཅག་ལྗོངས་རྒྱུར་མཆིའོ། །སུ་དང་ལྷན་ཅིག་ཏུ། བཙུན་པ་འཆར་ཀ་དང་ངོ ། །ཚེ་དང་ལྡན་པ་དག་དེ་ནི་གནས་ངན་ལེན་ཀུན་ཏུ་སྤྱོད་པ་ཡིན་པས་ཁྱེད་ལ་མཐོ་འཚམ་པར་འགྱུར་རོ། །མཁན་པོ་བཙུན་པ་འཆར་ཀ་ནི་བདག་ཅག་གི་ཕ་མ་ལྟ་བུར་རྣམ་པར་གནས་པ་ལགས་པས་ཅིའི་སླད་དུ་བདག་ཅག་ལ་མཐོ་འཚམ་པར་འགྱུར་ཞེས་དེ་དག་གིས་དེ་དག་གི་ཚིག་ཚིག་མ་ཡིན་པར་བྱས་ཏེ། དེ་དང་ལྷན་ཅིག་ལྗོངས་
Ja52b
རྒྱུར་འཕགས་སོ། །འཆར་ཀས་གང་གི་ཚེ་ཕྱི་རོལ་གྱི་མཚམས་འདས་པ་དེའི་ཚེ་ན་སྨྲས་པ། ཚེ་དང་ལྡན་པ་དག་ཁྱེད་ཅག་ཅིའི་ཕྱིར་གནས་མ་བཅས་པར་ལྗོངས་རྒྱུར་འདོང་བར་བྱེད། ཚུར་ཤེག ། གནས་ཆོས་ཤིག་།དེས་དེ་དག་མདུན་དུ་ཙོག་པུར་འདུག་ཏུ་བཅུག་སྟེ། གནས་འཆར་བཅུག་གོ། དེས་དེ་དག་ལ་ལ་ལ་གཏུར་བུ་གཏད། ལ་ལ་ལ་ལྷུང་བཟེད་ཀྱི་སྣོད་གཏད། ལ་ལ་ལ་བར་བུར་སྣོད་གཏད། ལ་ལ་ལ་ཕོར་བུ་གཏད། ལ་ལ་ལ་རིལ་བ་སྤྱི་བླུགས་གཏད་ནས། དེ་ལག་པ་གཉིས་བརྐྱང་སྟེ། རྡུལ་ཟན་ལས་གཞན་མེད་པར་འཇིག་རྟེན་ལ་མཐོ་མཚམ་ཞིང་འགྲོ་བ་ན། དེ་དག་རི་བྲགས་ཤིག་ཏུ་ཕྱིན་ནས་དེ་དག་དེར་ཁྲོན་པ་ཞིག་གི་དྲུང་དུ་ངལ་སོ་བར་བྱེད་པ་ན་དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་དང ། དེ་དག་གིས་ཐོས་ནས་སྨྲས་པ། སློབ་དཔོན་གཙུག་ལག་ཁང་དུ་གཎྜཱི་བརྡུངས་ཀྱི། བཞུད་དོ། །འཆར་ཀས་སྨྲས་པ། ལྷུང་བཟེད་ནག་པོ་ཅན་ལས་མེད་པ་དག་གིས་ལས་ཀྱི་གཎྜཱི་བརྡུངས་ཤིང ། བདག་ཅག་ངལ་བ་དག་གིས་ལས་བྱ་དགོས་པར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །སློབ་དཔོན་རྙེད་པའི་གཎྜཱི་མ་ལགས་སམ། དེ་ཡིན་ན་བདག་ཅག་མཚམས་སུ་ཕྱིན་ན་འཐོབ་བོ། །སློབ་དཔོན་ནི་གྲགས་པ་བསོད་ནམས་ཆེ་བ་ལགས་པས་འཐོབ་ཀྱི་བདག་ཅག་སུས་སྩོལ་བར་འགྱུར། དེང་ལ་གལ་ཏེ་རྙེད་པ་ཡོད་ན་ཁོ་བོའི་ཡང་ནོས་ཤིག་།དེ་དག་དོང་བ་དང་ཇི་ཙམ་ན་དེར་གནས་མལ་གྱི་གཎྜཱི་བརྡུངས་ནས། དགེ་སློང་
Ja53a
༄#། །རྣམས་ཀྱིས་སྨྲས་པ། ཚེ་དང་ལྡན་པ་དག་གནས་མལ་ནོས་ཤིག་།དེ་དག་གིས་སྨྲས་པ། བདག་ཅག་ལས་ཆེས་རྒན་པ་ཡང་ཡོད་དོ། །སུ་ཡིན། སློབ་དཔོན་འཆར་ཀའོ། །དེའི་ཡང་ནོས་ཤིག་།དེ་དག་གིས་གནས་མལ་མནོས་སོ། །ཚེ་དང་ལྡན་པ་འཆར་ཀ་ཡང་དེ་ན་འདུ་འཛིའི་གཏམ་གྱིས་འདུག་སྟེ། རི་བྲགས་འདི་སུའི། གཙུག་ལག་ཁང་འདི་སུའི། ལྷ་ཁང་འདི་སུའི། སྐྱེད་མོས་ཚལ་འདི་སུའི། ཀུན་དགའ་ར་བ་འདི་སུའི། ཁྲོན་པ་འདི་སུའི། ཞིང་འདི་སུའི། བ་ལང་འདི་དག་སུའི། མ་ཧེ་འདི་དག་སུའི་ཞེས་འདུ་འཛིའི་གཏམ་གྱིས་འདུག་གོ་།དེ་དག་གིས་ཀྱང་བསམས་པ། སློབ་དཔོན་འཆར་ཀ་ཡུན་རིང་དུ་ཐོགས་པར་འགྱུར་རོ་སྙམ་ནས། དེ་དག་གིས་གཅིག་ལ་གཅིག་ཞུས་ཏེ་ཚེ་དང་ལྡན་པ་འཆར་ཀའི་མལ་བཤམས་ནས་རྐང་པའི་ཆུ་དང་རྐང་པ་བསྐུ་བ་མཐའ་གཅིག་ཏུ་བཞག་སྟེ། གཅིག་ལ་གཅིག་སྨྲས་པ། ཚེ་དང་ལྡན་པ་དག་ད་ལྟར་དྲོ་བའི་དུས་ལ་བབ་ཀྱི། བདག་ཅག་དཔོང་སའི་ཁང་པར་ཞུགས་ཏེ་ཉལ་ལོ།། ཞེས་དེ་དག་དཔོང་སའི་ཁང་པར་ཞུགས་ཏེ་ཉལ་ལོ། །ཚེ་དང་ལྡན་པ་འཆར་ཀ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས་གང་གི་ཚེ། དེའི་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན། མིག་ལམ་ཆད་པའི་དུས་ཀྱི་ཚེ་གཙུག་ལག་ཁང་དུ་འོངས་ཏེ། ཚེ་དང་ལྡན་པ་དག་ཚེ་དང་ལྡན་པ་དག་ཅེས་བོད་པར་བརྩམས་པ་དང ། དགེ་སློང་རྣམས་ཀྱིས་དེ་ལ་སྨྲས་པ།
Ja53b
ཚེ་དང་ལྡན་པ་འཆར་ཀ་འདམ་བུའི་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། འཆར་ཀས་སྨྲས་པ། འདི་ན་ཁོ་བོའི་གཞོན་ནུ་དག་ཅིག་འཁོད་ན་དེ་དག་ལས་འགའ་ཞིག་ན་བར་མ་གྱུར་ཏམ། དེ་དག་གིས་དེ་ཐོས་ནས་སྨྲས་པ། སློབ་དཔོན་མ་འབོད་ཅིག་།གནས་ཁང་འོ་ནིར་གཟིམས་མལ་བཤམས་ཏེ། ཞབས་ཀྱི་ཆབ་དང ། ཞབས་བསྐུ་བ་ཡང་བཞག་གི། དེར་གཟིམས་ཤིག ། བདག་ཅག་ད་ལྟར་དྲོ་བའི་དུས་ལ་བབ་པས་དཔོང་སའི་ཁང་པར་ཞུགས་ཏེ་ཉལ་ལོ། །ཚེ་དང་ལྡན་པ་དག་ཁྱེད་ཅག་གལ་ཏེ་རླུང་ངམ་བད་ཀན་གཡོས་པར་གྱུར་ན་ཁོ་བོས་ཡུན་དེ་སྲིད་དུ་ཁྱེད་ཀྱི་ནད་གཡོག་བྱེད་པར་ག་ལ་ནུས། བྱི་བས་ཤིག་ཅེས་དེ་དག་ནང་དུ་བཙུད་ནས། སྐར་ཁུང་དག་བཅད་དེ། མེ་སྤར་ནས་སྒོ་བཅད་དེ་ལ་བ་ཇི་སྙེད་ཡོད་པ་དག་གིས་དཀྲིས་ཏེ་སྟེང་དུ་མནན་ནས་འདུག་གོ་།དེ་དག་གིས་མཚན་མོའི་ནམ་ནངས་ནས་སྨྲས་པ། སློབ་དཔོན་ཕྱག་འཚལ་ལོ། །བདག་ཅག་མཆིའོ། །གར་འདོང ། མཉན་ཡོད་དུའོ། །སྡོད་ཅིག་དང་ཁོ་བོས་ཁྱེད་ཅག་ན་བ་རྣམས་ཀྱི་ནད་གཡོག་བྱའོ། །སློབ་དཔོན་ཁྱོད་ཀྱིས་བདག་ཅག་མིན་པ་ཡང་ན་བར་བྱས་ན། ན་བ་རྣམས་ཀྱི་ནད་གཡོག་བྱས་རེ་སྐན་ཞེས་དེ་དག་མཉན་ཡོད་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། ཇི་ལྟར་བདེ་བར་བརྒྱུས། བདག་ཅག་སློབ་དཔོན་འཆར་ཀས་མཚན་ཐོག་ཐག་མཐོ་བཙམས་སོ། །ཇི་ལྟར་མཐོ་བཙམས།
Ja54a
༄#། །དེ་དེ་དག་གིས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཆེད་དུ་བསམས་ཏེ་དགེ་སློང་རྣམས་ལ་མཐོ་མཚམ་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་དུ་ཅུང་ཟད་དགེ་སློང་ལ་མཐོ་མཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས། དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤེག་།ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ།་རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང ། ཁྱེད་ཅག་ཀྱང་ལྷུང་བཟེད་དང་ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་དབོག་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ། །ཁྱེད་ཅག་ན་བ་དག་གི་ནད་གཡོག་ཀྱང་བྱའོ་ཞེས་སྤྲོ་བར་བྱས་པ་དང ། དེ་གང་གི་ཚེ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་ཤེས་པར་གྱུར་པ་དེའི་ཚེ་ན། འགའ་ཡང་དེ་དང་ལྷན་ཅིག་ལྗོངས་རྒྱུར་འགྲོ་བར་སྤྲོ་བ་མེད་ནས། དེ་གཅིག་པུ་ལྗོངས་རྒྱུར་སོང་བ་ན། རི་བྲགས་
Ja54b
ཀྱི་གཙུག་ལག་ཁང་ཞིག་ཏུ་ཕྱིན་ཏོ། །གཙུག་ལག་ཁང་དེ་ན་བཤང་བའི་སྐྱབས་ཀྱང་མེད། གཅི་བའི་སྐྱབས་ཀྱང་མེད་དེ་དེ་ན་དགེ་སློང་དག་གིས་གྱོ་མོ་དག་བཞག་སྟེ། དེར་བཤང་བ་དང་གཅི་བ་དག་བྱས་ནས་འདོར་བར་བྱེད་དོ། །འཆར་ཀ་གཙུག་ལག་ཁང་དེར་ཞུགས་པ་ན། དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་དེ་ཤེས་ནས། དགེ་སློང་འགས་ཀྱང་དེ་མཁོས་སུ་མ་ཕབ་པ་དང ། དེས་བསམས་པ། ལྷུང་བཟེད་ནག་པོ་ཅན་འདི་དག་མི་དགའ་བར་བྱའོ་སྙམ་ནས་དེ་གཙུག་ལག་ཁང་དེའི་སྟེང་དུ་འཛེགས་པ་དང ། ཅི་ཙམ་ན་དེས་དེ་ན་གྱོ་མོ་དག་བཞག་པ་མཐོང་ནས། དེས་སྨྲས་པ། ཅི་འདི་གཙུག་ལག་ཁང་ཆོལ་ཟངས་ཅན་ཡིན་ནམ་ཞེས་གྱོ་མོ་དེ་དག་རྐང་པའི་མཐེ་བོས་བཟུང་སྟེ་ཕྱི་རོལ་ཏུ་བོར་རོ། །དགེ་སློང་དག་མཚན་མོ་ལངས་པ་དང་ཇི་ཙམ་ན་གྱོ་མོ་དག་མི་སྣང་ནས། དེ་དག་གིས་ཝའི་ཁར་བཤང་བ་དང་གཅི་བ་བྱས་སོ། །དེ་ནས་མཚན་མོའི་ནམ་ནངས་པ་ན། བྲམ་ཟེ་དང་ཁྱིམ་བདག་དད་པ་ཅན་དག་ལྷགས་པ་དང ། དེས་དེ་དག་ལ་སྨྲས་པ། ཤེས་ལྡན་དག་ཇི་ལྟར་ལྷུང་བཟེད་ནག་པོ་ཅན་གནས་ངན་ལེན་ཀུན་ཏུ་སྤྱོད་པ་དག་གིས་གཙུག་ལག་ཁང་ཐམས་ཅད་བཤང་བ་དང་གཅི་བས་མ་རུང་བར་བྱས་པ་ལ་ལྟོས་ཞེས་ཟེར་བའི་སྐབས་དེ་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སངས་རྒྱས་
Ja55a
༄#། །བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ། ཚེ་དང་ལྡན་པ་དག་ཚུར་ཤེག། ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང་ཁྱེད་ཅག་ཀྱང་ལྷུང་བཟེད་དང་ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་འབོག་པ་དང ། བཀླག་པ་དང ། ཁ་ཏོན་དང་རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ། །ཁྱེད་ཅག་ན་བ་དག་གི་ནད་གཡོག་ཀྱང་བྱའོ་ཞེས་སྤྲོ་བར་བྱས་པ་དང ། དེ་གང་གི་ཚེ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་ཤེས་པར་གྱུར་པ་དེའི་ཚེ་ན་འགའ་ཡང་དེ་དང་ལྷན་ཅིག་ལྗོངས་རྒྱུར་འགྲོ་བར་སྤྲོ་བ་མེད་ནས། དེ་དག་གཅིག་པུ་ལྗོངས་རྒྱུར་སོང་བ་ན་རི་བྲགས་ཀྱི་གཙུག་ལག་ཁང་ཞིག་ཏུ་ཕྱིན་ཏོ། །འཆར་ཀ་གཙུག་ལག་ཁང་དེར་ཞུགས་པ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་དེ་ཤེས་ནས། དགེ་སློང་འགས་ཀྱང་དེ་མཁོས་སུ་མ་ཕབ་པ་དང ། དེས་བསམས་པ། ལྷུང་བཟེད་ནག་པོ་ཅན་འདི་དག་མི་དགའ་བར་བྱའོ་སྙམ་ནས་དེས་བཀྲུ་སྨན་གྱི་རིལ་ལུ་ཟོས་ནས་མེ་ཁང་དུ་ཞུགས་ཏེ་འདུག་པ་ན་དེར་དེས་འཁྲུ་བར་བརྩམས་སོ། །བཅོམ་ལྡན་འདས་ཀྱིས་ནད་པ་དུས་གསུམ་དུ་བལྟ་བར་བྱའོ་ཞེས་བཀའ་སྩལ་
Ja55b
པ།་དགེ་སློང་གནས་བརྟན་གནས་བརྟན་དག་དེ་ནད་འདྲིས་ལྷགས་ནས། དེ་དག་གིས་དེ་ལ་དྲིས་པ། ཚེ་དང་ལྡན་པ་རུང་ངམ། དེས་སྨྲས་པ། མེ་རུང་ངོ ། །གནས་བརྟེན་དག་ཡུད་ཙམ་ཞིག་འཁོད་ནས་འདོང་བར་བརྩམས་པ་དང ། དེས་སྨྲས་པ། གནས་བརྟན་དག་རེ་ཞིག་ཡུད་ཙམ་ཞིག་གཞེས་ཤིག་།དེ་དག་གིས་ཡུད་ཙམ་ཞིག་འཁོད་ནས་འདོང་བར་བརྩམས་པ་དང ། དེས་ཡང་སྨྲས་པ། གནས་བརྟན་དག་ད་དུང་ཡང་ཡུད་ཙམ་ཞིག་གཞེས་ཤིག་།ཚེ་དང་ལྡན་པ་ཆེད་དུ་བསམས་ཏེ། མཐོ་འཚམ་པར་མི་བྱེད་དམ། ལྷུང་བཟེད་ནག་པོ་ཅན་ཁྱེད་དེ་ལྟར་མི་དགའ་བར་བྱའོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན། ཐམས་ཅད་དུ་ལྟུང་བྱེད་དུ་འགྱུར་རོ། ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤེག་།ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང ། ཁྱེད་ཅག་ཀྱང་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་འབོག་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ། །ཁྱེད་
Ja56a
༄#། །ཅག་ན་བ་དག་གིས་ནད་གཡོག་ཀྱང་བྱའོ་ཞེས་སྤྲོ་བར་བྱས་པ་དང ། དེ་གང་གི་ཚེ། དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་ཤེས་པར་གྱུར་པ་དེའི་ཚེ་ན་འགའ་ཡང་དེ་དང་ལྷན་ཅིག་ལྗོངས་རྒྱུར་འགྲོ་བར་སྤྲོ་བ་མེད་ནས་དེ་གཅིག་པུ་ལྗོངས་རྒྱུར་སོང་བ་ན་རི་བྲགས་ཀྱི་གཙུག་ལག་ཁང་ཞིག་ཏུ་ཕྱིན་ཏོ། །གཙུག་ལག་ཁང་དེ་ན་དགེ་སློང་སྤོང་བ་པ་ཤ་སྟག་འཁོད་དོ། །འཆར་ཀ་གཙུག་ལག་ཁང་དེར་ཞུགས་པ་ན། དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་དེ་ཤེས་ན། དགེ་སློང་འགས་ཀྱང་དེ་མཁོས་སུ་མ་ཕབ་པ་དང ། དེས་བསམས་པ། ལྷུང་བཟེད་ནག་པོ་ཅན་འདི་དག་མི་དགའ་བར་བྱའོ་སྙམ་ཞིང་གཙུག་ལག་ཁང་དེ་ཡང་ཕྱེད་བྱས་ཟིན་པར་འདུག་ནས། ཚེ་དང་ལྡན་པ་འཆར་ཀ་ཁྱིམ་བདག་དེའི་གན་དུ་སོང་སྟེ་ཕྱིན་ནས་སྨྲས་པ། ཁྱིམ་བདག་ཅིའི་ཕྱིར་གཙུག་ལག་ཁང་ཟིན་པར་མི་བྱེད། བཅོམ་ལྡན་འདས་ཀྱིས་ཀྱང ། མྱུར་བར་དགེ་ལ་འཇུག་བྱ་ཞིང ། །སྡིག་ལས་སེམས་ཀྱང་བཟློག་པར་བྱ། །བསོད་ནམས་བུལ་བར་བྱེད་གྱུར་ན། །ཡིད་ནི་སྡིག་ལ་དགའ་བར་འགྱུར། །ཞེས་མ་གསུངས་སམ། འཕགས་པ་བདག་ལ་ཀར་ཤ་པ་ན་དག་ནི་མཆིས་ན་གླ་མི་དག་མ་མཆིས་སོ། །ཁྱིམ་བདག།་བཅོམ་ལྡན་འདས་ཀྱིས་དགེ་སློང་དག་གིས་མཁར་ལན་བྱའོ་ཞེས་མ་གསུངས་སམ། གལ་ཏེ་འཕགས་པས་མཁར་ལན་བགྱིད་དུ་སྩལ་ན་ལེགས་སོ། །འཆར་ཀས་གཙུག་ལག་
Ja56b
ཁང་དུ་སྟོང་སྟེ་ཕྱིན་ནས་གཎྜཱི་བརྡུངས་སོ། །བཅོམ་ལྡན་འདས་ཀྱིས་གཎྜཱི་བསུ་བར་བྱའོ་ཞེས་སྔགས་པས་དགེ་སློང་རྣམས་ཀྱིས་གཎྜཱི་བསུ་བ་དང ། ཇི་ཅམ་\་ཊZཱཾ\་ན་ཆེ་\་ཊཥཱེ\་དང་ལྡན་པ་འཆར་ཀས་སོ་ཕག་དག་གདེག་པར་བརྩམས་པ་མཐོང་ནས། དགེ་སློང་དེ་དག་གིས་ཀྱང་སོ་ཕག་དག་གདེག་པར་བརྩམས་སོ། །འཆར་ཀས་དགེ་སློང་དེ་དག་ཉིན་ཐོག་ཐག་སོ་ཕག་དག་སྐྱེད་དུ་བཅུག་པ་དང ། དེ་དག་གིས་སྨྲས་པ།་ཚེ་དང་ལྡན་པ་དག་གཙུག་ལག་ཁང་འདི་སྔོན་ནི་རྣལ་འབྱོར་དང་མཐུན་པར་གྱུར་ན། ད་ནི་མཁར་ལན་དང་མཐུན་པར་གྱུར་གྱི། མཉན་ཡོད་དུ་འདོང་ངོ་ཞེས་དེ་དག་མཉན་ཡོད་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཁོ་བོ་ཅག་ཁྱེད་མཐོང་བར་ནི་དགའི་འོང་བར་ནི་མི་དགའོ། །གཙུག་ལག་ཁང་དེ་རྣལ་འབྱོར་དང་མཐུན་པ་ཡིན་ནོ། །ཁྱེད་ཅག་ཅིའི་ཕྱིར་གཙུག་ལག་ཁང་དེ་བོར་ཏེ་འདིར་འོངས། ཚེ་དང་ལྡན་པ་དག་།གཙུག་ལག་ཁང་དེ་སྔོན་ནི་རྣལ་འབྱོར་དང་མཐུན་པར་གྱུར་ན་ད་ནི་མཁར་ལན་དང་མཐུན་པར་གྱུར་ཏོ། །ཇི་ལྟར་གྱུར། ཚེ་དང་ལྡན་པ་འཆར་ཀ་དེར་འོངས་ནས། མཁར་ལན་བྱུང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་
Ja57a
༄#། །ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤེག ། ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཆར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང་ཁྱེད་ཅག་ཀྱང་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་དབོག་པ་དང ། བཀླག་པ་དང ། ཁ་ཏོན་དང་རྣལ་འབྱོར་དང་ཡིད་ལ་བྱ་བས་བྲེལ་བ་མེད་པར་བྱའོ། །ཁྱེད་ཅག་ན་བ་དག་གིས་ནད་གཡོག་ཀྱང་བྱའོ་ཞེས་སྤྲོ་བར་བྱས་པ་དང ། དེ་གང་གི་ཚེ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་ཤེས་པར་གྱུར་པ་དེའི་ཚེ་ན། འགའ་ཡང་དེ་དང་ལྷན་ཅིག་ལྗོངས་རྒྱུར་འགྲོ་བར་སྤྲོ་བ་མེད་ནས། དེ་གཅིག་པུ་ལྗོངས་རྒྱུར་སོང་བ་ན་རི་བྲགས་ཀྱི་གཙུག་ལག་ཁང་ཞིག་ཏུ་ཕྱིན་ཏོ། །གཙུག་ལག་ཁང་དེ་ན་དགེ་སློང་ཁ་ཏོན་པ་ཤ་སྟག་འཁོད་དོ། །འཆར་ཀ་གཙུག་ལག་ཁང་དེར་ཞུགས་པ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་དེ་ཤེས་ནས་དགེ་སློང་འགས་ཀྱང་དེ་མཁོས་སུ་མ་ཕབ་པ་དང ། དེས་བསམས་པ། ལྷུང་བཟེད་ནག་པོ་ཅན་འདི་དག་མི་དགའ་བར་བྱའོ་སྙམ་ཞིང་གཙུག་ལག་ཁང་དེ་ཡང་ཕྱེད་བྱས་ཟིན་པར་འདུག་ནས་ཚེ་དང་ལྡན་པ་འཆར་ཀ་ཁྱིམ་བདག་
Ja57b
དེའི་གན་དུ་སོང་སྟེ་ཕྱིན་ནས་སྨྲས་པ། ཁྱིམ་བདག་ཅིའི་ཕྱིར་གཙུག་ལག་ཁང་ཟིན་པར་མི་བྱེད། བཅོམ་ལྡན་འདས་ཀྱིས་ཀྱང ། མྱུར་བར་དག་ལ་འཇུག་བྱ་ཞིང ། །སྡིག་ལས་སེམས་ཀྱང་བཟློག་པར་བྱ། །བསོད་ནམས་བུལ་བར་བྱེད་གྱུར་ན། །ཡིད་ནི་སྡིག་ལ་དགའ་བར་འགྱུར། །ཞེས་མ་གསུངས་སམ། འཕགས་པ། བདག་ལ་ཀར་ཤ་པ་ན་དག་ནི་མཆིས་ན། གླ་མི་དག་མ་མཆིས་སོ། །ཁྱིམ་བདག་བཅོམ་ལྡན་འདས་ཀྱིས་དགེ་སློང་དག་གིས་མཁར་ལན་བྱའོ་ཞེས་མ་གསུངས་སམ། གལ་ཏེ་འཕགས་པས་མཁར་ལན་བགྱིད་དུ་སྩལ་ན་ལེགས་སོ། །འཆར་ཀས་གཙུག་ལག་ཁང་དུ་སོང་སྟེ་གཎྜཱི་བརྡུངས་སོ། །བཅོམ་ལྡན་འདས་ཀྱིས་གཎྜི་བསུ་བར་བྱའོ་ཞེས་གསུངས་པས། དགེ་སློང་རྣམས་ཀྱིས་གཎྜཱི་བསུ་བ་དང ། ཇི་ཙམ་ན་ཚེ་དང་ལྡན་པ་འཆར་ཀས་སོ་ཕག་དག་གདེག་པར་བརྩམས་པ་མཐོང་ནས། དགེ་སློང་དག་གིས་ཀྱང་སོ་ཕག་གདེག་པར་བརྩམས་སོ། །འཆར་ཀས་དགེ་སློང་དེ་དག་ཉིན་ཐོག་ཐག་སོ་ཕག་དག་སྐྱེད་དུ་བཅུག་པ་དང ། དེ་དག་གིས་སྨྲས་པ། ཚེ་དང་ལྡན་པ་དག་གཙུག་ལག་ཁང་འདི་སྔོན་ནི་ཁ་ཏོན་དང་མཐུན་པར་གྱུར་ན། ད་ནི་མཁར་ལན་དང་མཐུན་པར་གྱུར་གྱི། མཉན་ཡོད་དུ་འདོང་ངོ་ཞེས་དེ་དག་མཉན་ཡོད་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཁོ་བོ་ཅག་ཁྱེད་ཅག་མཐོང་བར་ནི་དགའི། འོང་བར་མི་དགའོ། །གཙུག་ལག་ཁང་དེ་ཁ་ཏོན་དང་མཐུན་པ་ཡིན་ན། ཁྱེད་ཅག་ཅིའི་ཕྱིར་གཙུག་
Ja58a
༄#། །ལག་ཁང་དེ་བོར་ཏེ་འདིར་འོངས། ཚེ་དང་ལྡན་པ་དག་གཙུག་ལག་ཁང་དེ་སྔོན་ནི་ཁ་ཏོན་དང་མཐུན་པར་གྱུར་ན་ད་ནི་མཁར་ལན་དང་མཐུན་པར་གྱུར་ཏོ། །ཇི་ལྟར་གྱུར། ཚེ་དང་ལྡན་པ་འཆར་ཀ་དེར་འོངས་ནས་མཁར་ལན་བྱུང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་ཅུང་ཟད་ཙམ་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ། ཚེ་དང་ལྡན་པ་དག་ཚུར་ཤེག་།ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང་ཁྱེད་ཅག་ཀྱང་ལྷུང་བཟེད་དང་ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་དབོག་པ་དང ། བཀླག་པ་དང ། ཁ་ཏོན་དང་རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ། །ཁྱེད་ཅག་ན་བ་དག་གི་ནད་གཡོག་ཀྱང་བྱའོ་ཞེས་སྤྲོ་བར་བྱས་པ་དང ། དེ་གང་གི་ཚེ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་ཤེས་པར་གྱུར་པ་དེའི་ཚེ་ན་འགའ་ཡང་དེ་དང་ལྷན་ཅིག་ལྗོངས་རྒྱུར་འགྲོ་བར་སྤྲོ་བར་མེད་ནས་
Ja58b
དེ་གཅིག་པུ་ལྗོངས་རྒྱུར་སོང་བ་ན། རི་བྲགས་ཀྱི་གཙུག་ལག་ཁང་ཞིག་ཏུ་ཕྱིན་ཏོ། །གཙུག་ལག་ཁང་དེ་ཆོམ་རྐུན་པས་འཇིགས་པ་དང་བཅས་པ་ཡིན་ནོ། འཆར་ཀས་གཙུག་ལག་ཁང་དེར་ཞུགས་པ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བ་དེ་ཤེས་ནས་དགེ་སློང་འགས་ཀྱང་དེ་མཁོས་སུ་མ་ཕབ་པ་དང ། དེས་བསམས་པ། ལྷུང་བཟེད་ནག་པོ་ཅན་འདི་དག་མི་དགའ་བར་བྱའོ་སྙམ་ནས་དེས་སྒོ་ཕྱེ་སྟེ་སྒོ་ཁང་དུ་འདུག་པ་དང ། དགེ་སྐོས་ཀྱིས་སྨྲས་པ། བཙུན་པ་འཆར་ཀ་ཁོ་བོ་སྒོ་གཅོད་པར་བྱེད་ཀྱི། ཁྱོད་ཕྱོགས་འདིར་འདུག་ཅིག་།འཆར་ཀས་སྨྲས་པ། ཁྱོད་རང་གི་གནས་ཁང་གི་སྒོ་ལེགས་པར་ཆོད་ལ་འདུག་ཅིག་ཅེས་དེས་སྒོ་གཅོད་དུ་མ་སྟེར་ཏོ། །དགེ་སློང་དེ་དག་འཇིགས་པ་དང་བཅས་པར་གཙུག་ལག་ཁང་གི་སྒོམ་བཅད་པས་མཚན་ཐོག་ཐག་ཏྲོན་བྱེད་བྱེད་ནས་མཚན་མོའི་ནམ་ནངས་པར་གྱུར་པའི་སྐབས་དེ་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འཆར་ཀས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤེག། ལྗོངས་རྒྱུར་འདོང་དང་དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་
Ja59a
༄#། །བསྒྲག་པར་བྱ། རྙེད་པ་ཡང་བསྒྲུབ་པར་བྱ་ཞིང ། ཁྱེད་ཅག་ཀྱང་ལྷུང་བཟེད་དང་ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་དབོག་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ། །ཁྱེད་ཅག་ན་བ་དག་གི་ནད་གཡོག་ཀྱང་བྱའོ་ཞེས་སྤྲོ་བར་བྱས་པ་དང ། དེ་གང་གི་ཚེ་ན་དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་ཤེས་པར་གྱུར་པ་དེ་ཚེ་ན་འགའ་ཡང་དེ་དང་ལྷན་ཅིག་ལྗོངས་རྒྱུར་འགྲོ་བར་སྤྲོ་བ་མེད་ནས། དེ་གཅིག་པུ་ལྗོངས་རྒྱུར་སོང་བ་ན་རི་བྲགས་ཀྱི་གཙུག་ལག་ཁང་ཞིག་ཏུ་ཕྱིན་ཏོ། །གཙུག་ལག་ཁང་དེ་ནི་འཇིགས་པ་མེད་པ་ཡིན་ནོ། །འཆར་ཀ་གཙུག་ལག་ཁང་དེར་ཞུགས་པ་ན། དགེ་སློང་རྣམས་ཀྱིས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་དེ་ཤེས་ནས་དགེ་སློང་འགས་ཀྱང་དེ་མཁོས་སུ་མ་ཕབ་པ་དང ། དེས་བསམས་པ། ལྷུང་བཟེད་ནག་པོ་ཅན་འདི་དག་མི་དགའ་བར་བྱའོ་སྙམ་ཞིང་གཙུག་ལག་ཁང་དེ་ཡང་འཇིགས་པ་མེད་པ་ཡིན་པས་དེ་ན་དགེ་སློང་དག་ཕྱི་རོལ་ཏུ་བཤང་བ་དང ། གཅི་བ་བྱེད་དུ་འདོང་ནས་འཆར་ཀས་སྒོ་བཅད་དེ་སྒོ་ཁང་དུ་མལ་བཤམས་ནས་ཉལ་ལོ། །དགེ་སློང་དག་མཚན་མོ་བཤང་བ་དང ། གཅི་བ་དག་བྱེད་དུ་འདོང་འདོད་ནས་སྨྲས་པ། ཚེ་དང་ལྡན་པ་འཆར་ཀ་ཁོ་བོ་ཅག་ཕྱི་རོལ་ཏུ་འདོང་གིས་ཁྱོད་ཕྱོགས་འདིར་ཉོལ་ཅིག་།འཆར་ཀས་སྨྲས་པ། ཁྱེད་ཅག་རང་གི་གནས་ཁང་གི་གློ་ཕུག་ལ་ཕྱི་རོལ་ཏུ་དེང་ཞིག། དགེ་
Ja59b
སློང་དེ་དག་བཤང་བ་དང་གཅི་བ་བདོ་བས་ཁ་ཅིག་གིས་ནི་ཁྱམས་སུ་བཤང་བ་དང་གཅི་བ་བྱས། ཁ་ཅིག་གིས་ནི་རྫིང་དྲུང་དུ་བཤང་བ་དང་གཅི་བ་བྱས་སོ། །དེ་ནས་མཚན་མོའི་ནམ་ནངས་པ་ན་བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་ལྷགས་པ་དང ། འཆར་ཀས་དེ་དག་ལ་སྨྲས་པ། ཤེས་ལྡན་དག་ཇི་ལྟར་ལྷུང་བཟེད་ནག་པོ་ཅན་གནས་ངན་ལེན་ཀུན་ཏུ་སྤྱོད་པ་འདི་དག་གིས་གཙུག་ལག་ཁང་ཐམས་ཅད་བཤང་བ་དང ། གཅི་བས་མ་རུང་བར་བྱས་པ་ལ་ལྟོས་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་གིས་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །དགེ་སློང་དག་གཞན་ཡང་དྲུག་པོ་འདི་དག་ནི་བསྒོ་བར་མི་བྱ་སྟེ། དྲུག་གང་ཞེ་ན། སྒོ་ཁང་ཐེམ་སྐས་ཀྱི་གཞི་དང་ཁྱམས་དང་དཔོང་སའི་ཁང་པ་དང་མེ་ཁང་དང་བཀད་སའོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཕྱིས་གནོན་གྱི་ལྟུང་བྱེད་དེ་བཅུ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་ཉེ་དགས་དགེ་སློང་གསར་བུ་གསར་བུ་དག་ལ་ཚེ་དང་ལྡན་པ་དག་ཚུར་ཤེག་།ལྗོངས་རྒྱུར་འདོང་དང ། དེར་བདག་ཅག་གིས་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱ། རྙེད་པ་
Ja60a
༄#། །ཡང་བསྒྲུབ་པར་བྱ་ཞིང ། ཁྱེད་ཅག་ཀྱང་ལྷུང་བཟེད་དང ། ཆོས་གོས་དང ། དྲ་བ་དང ། ཕོར་བུ་དང ། སྐ་རགས་དང ། ལུང་དབོག་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བས་བྲེལ་བ་མེད་པར་བྱའོ། །ཁྱེད་ཅག་ན་བ་དག་གི་ནད་གཡོག་ཀྱང་བྱའོ། །ཞེས་སྤྲོ་བར་བྱས་པ་དང ། དེ་གང་གི་ཚེ་ན་དགེ་སློང་རྣམས་འདི་གནས་ངན་ལེན་ཀུན་ཏུ་སྤྱོད་པ་ཡིན་ནོ་ཞེས་བྱ་བར་ཤེས་པར་གྱུར་པ་དེའི་ཚེ་ན་འགའ་ཡང་དེ་དང་ལྷན་ཅིག་ལྗོངས་རྒྱུར་འགྲོ་བར་སྤྲོ་བ་མེད་དོ། །བསོད་སྙོམས་པ་ཞིག་གིས་སྨྲས་པ། བཙུན་པ་ཉེ་དགའ་ཁོ་བོ་ཅག་ཁྱོད་དང་ལྷན་ཅིག་ལྗོངས་རྒྱུར་འགྲོའོ། །དགེ་སློང་རྣམས་ཀྱིས་བསོད་སྙོམས་པ་དེ་ལ་སྨྲས་པ། བསོད་སྙོམས་པ། དེ་ནི་གནས་ངན་ལེན་ཀུན་ཏུ་སྤྱོད་པ་ཡིན་པས་ཁྱོད་ལ་མཐོ་མཚམ་པར་འགྱུར། བསོད་སྙོམས་པས་སྨྲས་པ། ཁོ་བོ་ནི་ལོ་འདས་པ་ཡིན་པས་ཁོ་བོ་དེ་ལ་གནས་བཅའ་བ་དང ། ལུང་མནོད་པ་དང ། བཀླག་པ་དང ། ཁ་ཏོན་དང ། རྣལ་འབྱོར་དང ། ཡིད་ལ་བྱ་བའི་རག་ལུས་པ་ཅུང་ཟད་ཀྱང་མེད་པས། དེས་ཁོ་བོ་ལ་ཅི་བྱར་ཡོད་ཅེས་དེས་དགེ་སློང་དེ་དག་གི་ཚིག་ཚིག་མ་ཡིན་པར་བྱས་ཏེ་དེ་དང་ལྷན་ཅིག་ལྗོངས་རྒྱུར་སོང་ངོ ། །ཉེ་དགས་གང་གི་ཚེ་ཕྱི་རོལ་གྱི་མཚམས་འདས་པ་དེའི་ཚེ་ན་སྨྲས་པ།་བསོད་སྙོམས་པ་གཏུར་བུ་འདི་རེ་ཞིག་ཁྱེར་ཅིག་།བཙུན་པ་ཉེ་དགའ་ཅི་ཁྱོད་ཀྱིས། སངས་རྒྱས་དང ། ཆོས་དང ། དགེ་འདུན་མ་མཐོང་ངམ། ཡོ་བྱད་དོན་མེད་པ་འདིས་ཅི་བྱ། ཉེ་དགས་སྨྲས་
Ja60b
པ།་བསོད་སྙོམས་པ་ཁྱོད་རེ་ཞིག་མི་ཁྱེར་བ་ནི་ཡུས་ན། ཅི་ཁྱོད་ཁོ་བོ་བས་ཀྱང་མཁས་པ་ཡིན་སྙམ་མམ། ཅི་ན་ཁྱོད་ཁོ་བོ་ལ་དེ་སྐད་ཟེར། བསོད་སྙོམས་པས་སྨྲས་པ། མཁས་པ་མ་ཡིན་ཡང་རིགས་པ་ཙམ་སྨྲའོ། །ཉེ་དགས་བསམས་པ། བསོད་སྙོམས་པ་འདི་མི་དགའ་བར་བྱའོ་སྙམ་ནས་དེ་གཉིས་མཐར་གྱིས་ལྗོངས་རྒྱུ་ཞིང་འགྲོ་བ་ན། དེ་གཉིས་རི་བྲགས་ཤིག་ཏུ་ཕྱིན་ནས། དེ་གཉིས་དེར་ཁྲོན་པ་ཞིག་གི་དྲུང་དུ་ངལ་སོ་བར་བྱེད་པ་ན་དེ་ན་རི་བྲགས་ཀྱི་གཙུག་ལག་ཁང་ཞིག་ཡོད་པ་དེར་གཎྜཱི་བརྡུངས་པ་དང ། བསོད་སྙོམས་པ་དེས་ཐོས་ནས་སྨྲས་པ། བཙུན་པ་ཉེ་དགའ་གཙུག་ལག་ཁང་དུ་གཎྜཱི་བརྡུངས་ཀྱི། འདོང་ངོ ། །ཉེ་དགས་སྨྲས་པ། བསོད་སྙོམས་པ་ལྷུང་བཟེད་ནག་པོ་ཅན་ལས་མེད་པ་དག་གིས་ལས་ཀྱི་གཎྜཱི་བརྡུངས་ཤིང་བདག་ཅག་ངལ་བ་དག་གིས་ལས་བྱ་དགོས་པར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །བཙུན་པ་ཉེ་དགའ་རྙེད་པའི་གཎྜཱི་མ་ཡིན་ནམ། བསོད་སྙོམས་པ་དེ་ཡིན་ན་བདག་ཅག་མཚམས་སུ་ཕྱིན་ན་འཐོབ་བོ། །བཙུན་པ་ཉེ་དགའ་ནི་གྲགས་པ་བསོད་ནམས་ཆེ་བ་ཡིན་པས་འཐོབ་ཀྱི། ཁོ་བོས་སུས་བྱིན་པར་འགྱུར། བསོད་སྙོམས་པ་སོང་ལ་གལ་ཏེ་རྙེད་པ་ཡོད་ན་ཁོ་བོའི་ཡང་ནོས་ཤིག་།དེ་སོང་བ་དང་ཇི་ཙམ་ན་དེར་གནས་མལ་གྱི་གཎྜཱི་བརྡུངས་ནས་དགེ་སློང་རྣམས་ཀྱིས་སྨྲས་པ། བསོད་སྙོམས་པ་གནས་མལ་ནོས་ཤིག་།དེས་སྨྲས་པས། ཁོ་བོ་ལས་ཆེས་རྒན་པ་ཡང་ཡོད་དོ། །སུ་ཡིན། བཙུན་པ་ཉེ་དགའོ། །དེའི་ཡང་ནོས་ཤིག་།དེས་གནས་མལ་མནོས་
Ja61a
༄#། །སོ། །ཚེ་དང་ལྡན་པ་ཉེ་དགའ་ཡང་དེ་ན་འདུ་འཛིའི་གཏམ་གྱིས་འདུག་སྟེ། རི་བྲགས་འདི་སུའི། གཙུག་ལག་ཁང་འདི་སུའི། ལྷ་ཁང་འདི་སུའི། སྐྱེད་མོས་ཚལ་འདི་སུའི། ཀུན་དགའ་ར་བ་འདི་སུའི། ཁྲོན་པ་འདི་སུའི། ཞིང་འདི་སུའི། བ་ལང་འདི་དག་སུའི། མ་ཧེ་འདི་དག་སུའི་ཞེས་འདུ་འཛིའི་གཏམ་གྱིས་འདུག་གོ། བསོད་སྙོམས་པས་ཀྱང་བསམས་པ།་བཙུན་པ་ཉེ་དགའ་ཡུན་རིང་དུ་ཐོགས་པར་འགྱུར་རོ་སྙམ་ནས། དེས་ཁང་ཐོག་ཏུ་དེའི་མལ་བཤམས་ནས་རྐང་པའི་ཆུ་དང ། རྐང་པ་བསྐུ་བ་མཐའ་གཅིག་ཏུ་བཞག་སྟེ། གཙུག་ལག་ཁང་གི་ཕྱི་རོལ་དུ་རྐང་པ་གཉིས་བཀྲུས་ནས་འོག་ཁང་དུ་མལ་བཤམས་པར་ཞུགས་ཏེ་ཉལ་ལོ། །ཚེ་དང་ལྡན་པ་ཉེ་དགའ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས་གང་གི་ཚེ་དེའི་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན་མིག་ལམ་ཆད་པའི་དུས་ཀྱི་ཚེ་གཙུག་ལག་ཁང་དུ་འོངས་ཏེ། བསོད་སྙོམས་པ་བསོད་སྙོམས་པ་ཞེས་བོད་པར་བརྩམས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཉེ་དགའ་འདམ་བུ་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། ཉེ་དགས་སྨྲས་པ། འདི་ན་ཁོ་བོའི་གྲོགས་པོ་བསོད་སྙོམས་པ་ཞིག་འདུག་ན། དེ་ན་བར་མ་གྱུར་ཏམ། བསོད་སྙོམས་པས་དེ་ཐོས་ནས་སྨྲས་པ། བཙུན་པ་ཉེ་དགའ་མ་འབོད་ཅིག་།ཁོ་བོས་ཁྱོད་ཀྱི་མལ་ཁང་ཐོག་ཏུ་བཤམས་ཏེ། རྐང་པའི་ཆུ་དང་རྐང་པ་བསྐུ་བ་ཡང་མཐའ་
Ja61b
གཅིག་ཏུ་བཞག་གི། དེར་སོང་ལ་ཉོལ་ཅིག་།ཉེ་དགས་སྨྲས་པ། བསོད་སྙོམས་པ་འཐམ་པ་ཅུང་ཞིག་ཡོད་ཀྱི། ཇེ་སྒོ་ཕྱེ་ཞིག། བཙུན་པ་ཉེ་དགའ་ཁོ་བོ་ཆད་ཀྱི། སང་འཐམ་མོ། །བསོད་སྙོམས་པ་ཁོ་བོ་ཁྱོད་དང་ཇི་སྲིད་མཚན་ཐོག་ཐག་ཟད་པར་འགྱུར་བ་དེ་སྲིད་དུ་འཐམ་པར་བྱའོ། །བཙུན་པ་ཉེ་དགའ་ཁོ་བོ་ཆད་ཀྱི། ཁྱོད་ལ་སྒོ་མི་དབྱེའོ། །ཉེ་དགའ་ཁང་ཐོག་ཏུ་འཛེགས་ནས་རྐང་པ་གཉིས་བཀྲུས་ཏེ་གནས་ཁང་དུ་ཞུགས་ནས་བསོད་སྙོམས་པ་ཞེས་བོས་པ་དང ། བསོད་སྙོམས་པས། བཙུན་པ་ཉེ་དགའ་ཅི་ཟེར་ཞེས་བྱས་སོ། །ཉེ་དགའ་སྒྲ་ལ་མཁས་པས་དེས་བསོད་སྙོམས་པའི་དཔྲལ་བའི་ཐད་ཀར་ཁྲི་རྐང་གཏད་དེ་ཅི་ནས་ཀྱང་ཁྲི་རྐང་གིས་ཁང་ཐོག་བརྟོལ་ནས་བསོད་སྙོམས་པ་དེའི་དཔྲལ་བར་འབབ་པར་འགྱུར་བ་དེ་ལྟར་ཤུགས་དྲག་པོས་མནན་པ་དང ། དེས་བསོད་སྙོམས་པ་དེའི་དཔྲལ་བར་ཕོག་སྟེ་དཔྲལ་བ་གཞོམ་མོ། །བསོད་སྙོམས་པས་སྨྲས་པ། བཙུན་པ་ཉེ་དགའ་ཁོ་བོ་སྣད་དོ། །ཁོ་བོ་སྣད་དོ། །ཀཝའི་བསོད་སྙོམས་པ་ཅི་ཟེར། བསོད་སྙོམས་པས་བསམས་པ། གལ་ཏེ་སྐད་ཕྱུང་ན་འདིས་རྒན་རིམས་ཀྱིས་བདག་གི་ཁྲི་ཡང་ཕྲོགས་པར་འགྱུར་རོ་སྙམ་ནས་དེ་ཅང་མི་སྨྲ་བར་འདུག་གོ་།དེ་ནང་པར་སྔར་ལངས་ཏེ་སྨྲས་པ། བཙུན་པ་ཉེ་དགའ་ཕྱག་འཚལ་ལོ། །ཁོ་བོ་འགྲོའོ། །བསོད་སྙོམས་པ་གར་འགྲོ། མཉན་ཡོད་དུའོ། །བསོད་སྙོམས་པ་སྡོད་ཅིག་དང ། ཁོ་བོས་ཁྱོད་ན་བའི་ནད་གཡོག་བྱའོ། །བཙུན་པ་ཉེ་དགའ་ཁྱོད་ཀྱིས་ཁོ་བོ་མི་ན་བ་ཡང་ན་བར་བྱས་པས་ན་བའི་ནད་གཡོག་བྱས་རེ་སྐན་
Ja62a
༄#། །ཞེས་དེ་མཉན་ཡོད་དུ་སོང་བ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་བསོད་སྙོམས་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟར་བདེ་བར་བརྒྱུས་སམ། ཚེ་དང་ལྡན་པ་དག་ཇི་ལྟར་བདེ་བར་བརྒྱུས། བཙུན་པ་ཉེ་དགས་བདག་ཅག་གི་དཔྲལ་བ་བཅོམ་མོ། །ཇི་ལྟར་བཅོམ། དེས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་དགེ་འདུན་གྱི་གཙུག་ལག་ཁང་གི་སྟེང་གི་ནམ་མཁའ་ལ་ཐོག་བོར་བར་ཁྲིའམ་ཁྲིའུ་རྩ་བ་འབྱུང་བ་ལ་ཤེས་བཞིན་དུ་ལྗིད་ཀྱིས་ཕབ་སྟེ་འདུག་པ་དང་ཉལ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཉེ་དགའ་ལ་རྨས་པ། ཉེ་དགའ་ཁྱོད་དགེ་འདུན་གྱི་གཙུག་ལག་ཁང་གི་སྟེང་གི་ནམ་མཁའ་ལ་ཐོག་བོར་བར་ཁྲིའམ་ཁྲིའུ་རྩ་བ་བྱུང་བ་ལ་ཤེས་བཞིན་དུ་ལྗིད་ཀྱིས་ཕབ་སྟེ་འདུག་པ་དང་ཉལ་བར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་
Ja62b
ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་གཙུག་ལག་ཁང་གི་སྟེང་གི་ནམ་མཁའ་ལ་ཐོག་བོར་བར་ཁྲིའམ་ཁྲིའུ་རྩ་བ་འབྱུང་བ་ལ་ཤེས་བཞིན་དུ་ལྗིད་ཀྱིས་ཕབ་སྟེ་འདུག་གམ་ཉལ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའ་མ་གཞན་ཡང་དེ་ལྟ་བུ་གང་ཡིན་པའོ། །དགེ་འདུན་གྱི་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །གཙུག་ལག་ཁང་གི་ཞེས་བྱ་བ་ནི་གང་དུ་སྤྱོད་ལམ་བཞི་པོ་འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དག་བྱར་རུང་བར་རོ། །སྟེང་གི་ནམ་མཁའ་ལ་ཞེས་བྱ་བ་ནི་ཁང་སྟེང་གི་ནམ་མཁའ་ལའོ། །ཐོག་བོར་བར་ཞེས་བྱ་བ་ནི་རྩཝའི་ཐོག་གམ་ལོ་མའི་ཐོག་བོར་བར་རོ། །ཁྲི་ཞེས་བྱ་བ་ནི་ཁྲི་ཉིད་དོ། །ཁྲིའུ་ཞེས་བྱ་བ་ཡང་ཁྲིའུ་ཉིད་དོ། །རྩ་བ་འབྱུང་བ་ལ་ཞེས་བྱ་བ་ནི་རྐང་པ་འབྱུང་བ་ལའོ། །ཤེས་བཞིན་དུ་ཞེས་བྱ་བ་ནི་དེ་རང་ཉིད་ཀྱིས་རིག་པར་གྱུར་པའམ། གཞན་
Ja63a
༄#། །དག་གིས་བརྗོད་པས་སོ། །ལྗིད་ཀྱིས་ཕབ་སྟེ་ཞེས་བྱ་བ་ནི་མཐུས་མནན་ཏེའོ། །འདུག་གམ་ཞེས་བྱ་བ་ནི་རྐུབ་ཚོས་འཇོག་པར་བྱེད་པའོ། །ཉལ་ན་ཞེས་བྱ་བ་ནི་ལུས་བསྙལ་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་འདུན་གྱི་གཙུག་ལག་ཁང་གི་སྟེང་གི་ནམ་མཁའ་ལ་ཐོག་བོར་བར་ཁྲིའམ་ཁྲིའུ་རྩ་བ་འབྱུང་བ་ལ་ཤེས་བཞིན་དུ་ལྗིད་ཀྱིས་ཕབ་སྟེ་འདུག་གམ་ཉལ་ན་ཐམས་ཅད་དུ་ལྟུང་བྱེད་དུ་འགྱུར་རོ། །སྤང་ལེབ་ཀྱིས་གཡོགས་པ་དང ། སྤང་ལེབ་ཆུང་དུས་གཡོགས་པ་དང ། ཤིང་ལེབ་ཀྱིས་གཡོགས་པ་དང ། ཤིང་ལེབ་འབུར་ཅན་གྱིས་གཡོགས་པ་དང ། བྱིན་གྱིས་གཞོལ་བ་ལ་ནི་ལྟུང་བ་མེད་དོ། །རྐང་རྟེན་བཅུག་པ་དང ། བཀན་པ་བྱས་པ་ལ་ཡང་ལྟུང་བ་མེད་དོ། །ལས་དང་པོ་བ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །རྩ་བ་འབྱུང་བ་ལ་འདུག་པའི་ལྟུང་བྱེད་དེ་བཅོ་བརྒྱད་པ་རྫོགས་སོ།། །།སངས་རྒྱས་བཅོམ་
Ja63b
ལྡན་འདས་ཀོའུ་ཤམྦྷི་ན་གདངས་ཅན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འདུན་པ་ཤེས་བཞིན་དུ་སྲོག་ཆགས་དང་བཅས་པའི་ཆུས་རྩཝ་དང་ལྕི་བ་དང་ས་ལ་འདེབས་པར་བྱེད། འདེབས་སུ་འཇུག་པར་བྱེད་ནས། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འདུན་པ་ཁྱོད་ཤེས་བཞིན་དུ་སྲོག་ཆགས་དང་བཅས་པའི་ཆུས་རྩཝ་དང་ལྕི་བ་དང་ས་ལ་མ་འདེབས་ཤིག ། འདེབས་སུ་མ་འཇུག་ཅིག་།འདུན་པས་སྨྲས་པ། ཁོ་བོ་ལ་འགའ་ཞིག་གིས་བགྲངས་ཏེ་གཏད་དམ་ཅི། ཤར་གྱི་རྒྱ་མཚོ་ཆེན་པོར་འདོང་ན་ཅི་ཉེས། ལྷོ་དང་ནུབ་དང་བྱང་གི་རྒྱ་མཚོ་ཆེན་པོར་འདོང་ན་ཅི་ཉེས། འབབ་ཆུ་དང ། མཚོ་དང ། ལྟེང་ཀ་དག་ཏུ་འདོང་ན་ཅི་ཉེས། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་ཤེས་བཞིན་དུ་སྲོག་ཆགས་དང་བཅས་པའི་ཆུས་རྩཝ་དང་ལྕི་བ་དང་ས་ལ་འདེབས་པ་དང ། འདེབས་སུ་འཇུག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འདུན་པ་ལ་རྨས་པ། འདུན་པ་ཁྱེད་ཤེས་བཞིན་དུ་སྲོག་ཆགས་དང་
Ja64a
༄#། །བཅས་པའི་ཆུས་རྩཝ་དང་ལྕི་བ་དང་ས་ལ་འདེབས་པ་དང ། འདེབས་སུ་འཇུག་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཤེས་བཞིན་དུ་སྲོག་ཆགས་དང་བཅས་པའི་ཆུས་རྩཝའམ་ལྕི་བའམ། ས་ལ་འདེབས་སམ་ས་ལ་འདེབས་སུ་འཇུག་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འདུན་པའམ་གཞན་ཡང་དེ་ལྟ་བུ་གང་ཡིན་པའོ། །ཤེས་བཞིན་དུ་ཞེས་བྱ་བ་ནི་དེ་རང་ཉིད་ཀྱིས་རིག་པར་གྱུར་པའམ་གཞན་དག་གིས་བརྗོད་པས་སོ། །སྲོག་ཆགས་དང་བཅས་པ་ཞེས་བྱ་བ་ལ་སྲོག་ཆགས་དང་བཅས་པ་ནི་གཉིས་ཏེ།་གང་དག་མིག་གིས་མཐོང་བར་འགྱུར་བ་དང ། གང་དག་ཆུ་ཚགས་ཀྱིས་ཟིན་པར་འགྱུར་བའོ། །ཆུས་ཞེས་བྱ་བ་ནི་ཆུ་ཉིད་ཀྱིས་སོ། །རྩཝ་ཞེས་བྱ་བ་ནི་རྩཝ་ཉིད་དོ། །ལྕི་བ་ཞེས་བྱ་བ་ཡང་
Ja64b
ལྕི་བ་ཉིད་དོ། །ས་ཞེས་བྱ་བ་ཡང་ས་ཉིད་ལའོ། །འདེབས་སམ་ཞེས་བྱ་བ་ནི་རང་གིས་སོ། །འདེབས་སུ་འཇུག་ན་ཞེས་བྱ་བ་ནི་གཞན་ནོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་སྲོག་ཆགས་དང་བཅས་པའི་ཆུ་ལ་སྲོག་ཆགས་དང་བཅས་པར་འདུ་ཤེས་པས་རྩཝའམ་ལྕི་བའམ་ས་ལ་འདེབས་སམ། འདེབས་སུ་འཇུག་ན་ལྟུང་བྱེད་དུ་འགྱུར་རོ། །དགེ་སློང་གིས་སྲོག་ཆགས་དང་བཅས་པའི་ཆུ་ལ་ཡིད་གཉིས་ཟ་བས་རྩཝའམ་ལྕི་བའམ་ས་ལ་འདེབས་སམ། འདེབས་སུ་འཇུག་ན་ལྟུང་བྱེད་དུ་འགྱུར་རོ། །དགེ་སློང་གིས་སྲོག་ཆགས་མེད་པའི་ཆུ་ལ་སྲོག་ཆགས་དང་བཅས་པར་འདུ་ཤེས་པས་རྩཝའམ་ལྕི་བའམ་ས་ལ་འདེབས་སམ། འདེབས་སུ་འཇུག་ན་ཉེས་བྱས་སུ་འགྱུར་རོ། ། དགེ་སློང་གིས་སྲོག་ཆགས་མེད་པའི་ཆུ་ལ་ཡིད་གཉིས་ཟ་བས་རྩཝའམ་ལྕི་བའམ་ས་ལ་འདེབས་སམ། འདེབས་སུ་འཇུག་ན་ཉེས་བྱས་སུ་འགྱུར་རོ། །དགེ་སློང་གིས་སྲོག་ཆགས་དང་བཅས་པའི་ཡུར་པོ་ཆེ་འདེབས་པར་བྱེད་ན། སྲོག་ཆགས་ཇི་སྙེད་དུས་བྱེད་པ་དེ་སྙེད་ཀྱི་ལྟུང་བྱེད་དུ་འགྱུར་རོ། །སྲོག་ཆགས་ཇི་སྙེད་དུས་མི་བྱེད་པ་དེ་སྙེད་ཀྱི་ཉེས་བྱས་སུ་འགྱུར་རོ། །དགེ་སློང་གིས་སྲོག་ཆགས་དང་བཅས་
Ja65a
༄#། །པའི་ཡུར་པོ་ཆེ་གཅོད་པར་བྱེད་ན། སྲོག་ཆགས་ཇི་སྙེད་དུས་བྱེད་པ་དེ་སྙེད་ཀྱི་ལྟུང་བྱེད་དུ་འགྱུར་རོ། །སྲོག་ཆགས་ཇི་སྙེད་དུས་མི་བྱེད་པ་དེ་སྙེད་ཀྱི་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྲོག་ཆགས་དང་བཅས་པ་ལ་སྤྱོད་པའི་ལྟུང་བྱེད་དེ་བཅུ་དགུ་པ་རྫོགས་སོ།། །། སངས་རྒྱས་བཅོམ་ལྡན་འདས་ཀོའུ་ཤམྦྷི་ན་གདངས་ཅན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་དེ་དག་དེ་ན་གནས་པ་ན་དགའ་བོ་ཉེ་དགའ་ལྟོས་ཤིག་།གཙུག་ལག་ཁང་ནི་གྱོང་གྲུགས་སུ་གྱུར་པ་ཡིན་ནོ། །འདི་ནི་གས་པ་ཡིན་ནོ། །འདི་ནི་མཚམས་ཉམས་པ་ཡིན་ནོ། །འདི་ནི་ངོས་ཉམས་པ་ཡིན་ནོ། །འདི་ནི་མ་མོའི་ཁྱིམ་འདྲ་བ་ཡིན་ནོ་ཞེས་འཕྱ་བར་བྱེད་པ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང ། ཁྱེད་ཅག་གིས་རྡོ་ཡང་སྒྲེང་བར་མི་ནུས་ལ་འོན་ཀྱང་འཕྱ་བར་བྱེད་དོ། །དེ་སྐད་ཅེས་སྨྲས་པ་དང ། དེ་དག་ང་རྒྱལ་གྱིས་ཁེངས་པར་གྱུར་ནས། ཕན་ཚུན་སྨྲས་པར་བརྩམས་པ། དགའ་བོ་ཉེ་དགའ་ལྷུང་བཟེད་ནག་པོ་ཅན་འདི་དག་གིས་བདག་ཅག་ལ་ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་ཁྱེད་ཅག་གིས་རྡོ་ཡང་
Ja65b
སྒྲེང་བར་མི་ནུས་ལ་འོན་ཀྱང་འཕྱ་བར་བྱེད་དོ་ཞེས་ཧ་ཅང་ཟིལ་གྱིས་མནན་གྱི། ཚུར་ཤེག་བདག་ཅག་གིས་སྔོན་ལྷུང་བཟེད་ནག་པོ་ཅན་གང་གིས་ཀྱང་བྱེད་དུ་མ་བཅུག་པའི་གཙུག་ལག་ཁང་ཅི་འདྲ་བའི་གཙུག་ལག་ཁང་བྱེད་དུ་གཞུག་གོ་།གལ་ཏེ་བདག་ཅག་ཐམས་ཅད་ལག་གི་བླ་ལ་བརྩོན་པར་གྱུར་ན། ལྷུང་བཟེད་ནག་པོ་ཅན་དག་རྟག་པ་ཁོ་ནར་བདག་ཅག་ལ་སྐབས་ཚོལ་བས། དེ་དག་གིས་དྲུག་སྡེ་དག་ཐམས་ཅད་ལག་གི་བླ་ལ་ཞུགས་སོ་ཞེས་སྐབས་རྙེད་པར་འགྱུར་ལ། བདག་ཅག་གི་སློང་མོའི་ཁྱིམ་གང་དག་ཡིན་པ་དེ་དག་ཏུ་ཡང་བྲེལ་བ་དག་གི་སྐྱོན་བརྗོད་ནས་རྗེས་སུ་འཇུག་པར་བྱེད་པར་འགྱུར་གྱི། བདག་ཅག་གིས་བདག་ཅག་གི་ནང་ན་མཁས་པ་སྤྱོད་པ་གསལ་བ། ཁབ་གཞུག་པར་གཏུན་བུ་འཇུག་ནུས་པ་གང་ཡིན་པ་དེའི་གན་དུ་བདག་ཅག་དོང་ལ་སྤྲོ་བ་སྐྱེད་པར་བྱ་གོར་མ་ཆག་ན། དེའི་ཕྱིར་བདག་ཅག་གི་ནང་ན་མཁས་པ་སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་པར་ནུས་པ་གང་ཡིན་པ་བདག་ཅག་གི་ནང་ན། ཚེ་དང་ལྡན་པ་འདུན་པ་མཁས་པ་སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་ནུས་པ་ཡིན་གྱི། བདག་ཅག་དེའི་གན་དུ་སོང་ལ་སྤྲོ་བ་བསྐྱེད་པར་བྱའོ་ཞེས་དེ་དག་འདུན་པའི་གན་དུ་དོང་སྟེ་སྨྲས་པ། ཚེ་དང་ལྡན་པ་འདུན་པ་ལྷུང་བཟེད་ནག་པོ་ཅན་འདི་དག་གིས། བདག་ཅག་ལ་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང ། ཁྱེད་ཅག་གིས་རྡོ་ཡང་སྒྲེང་བར་མི་ནུས་ལ་འོན་ཀྱང་འཕྱ་བར་བྱེད་དོ་ཞེས་ཧ་ཅང་ཟིལ་གྱིས་མནན་ནས།
Ja66a
༄#། །ཁོ་བོ་ཅག་འདི་སྙམ་དུ་སེམས་ཏེ། ལྷུང་བཟེད་ནག་པོ་ཅན་འདི་དག་གིས་བདག་ཅག་ལ། ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་ཁྱེད་ཅག་གིས་རྡོ་ཡང་སྒྲེང་བར་མི་ནུས་ལ། འོན་ཀྱང་འཕྱ་བར་བྱེད་དོ་ཞེས་ཧ་ཅང་ཟིལ་གྱིས་མནན་གྱི། ཚུར་ཤེག་བདག་ཅག་གིས་སྔོན་ལྷུང་བཟེད་ནག་པོ་ཅན་གང་དག་གིས་ཀྱང་བྱེད་དུ་མ་བཅུག་པའི་གཙུག་ལག་ཁང་ཅི་འདྲ་བ་དེ་འདྲ་བའི་གཙུག་ལག་ཁང་བྱེད་དུ་གཞུག་གོ། གལ་ཏེ་བདག་ཅག་ཐམས་ཅད་ལག་གི་བླ་ལ་བརྩོན་པར་གྱུར་ན། ལྷུང་བཟེད་ནག་པོ་ཅན་དག་རྟག་པ་ཁོ་ནར་བདག་ཅག་ལ་སྐབས་ཚོལ་བས། དེ་དག་གིས་དྲུག་སྡེ་དག་ཐམས་ཅད་ལག་གི་བླ་ལ་ཞུགས་སོ་ཞེས་སྐབས་རྙེད་པར་ཡང་འགྱུར་ལ། བདག་ཅག་གི་སློང་མོའི་ཁྱིམ་གང་དག་ཡིན་པ་དེ་དག་ཏུ་ཡང་བྲེལ་བ་དག་གི་སྐྱོན་བརྗོད་ནས་རྗེས་སུ་འཇུག་པར་བྱེད་པར་འགྱུར་གྱི། བདག་ཅག་གི་ནང་ན་མཁས་པ་སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་ནུས་པ་གང་ཡིན་པ་དེའི་གན་དུ་བདག་ཅག་དོང་ལ། སྤྲོ་བ་བསྐྱེད་པར་བྱ་གོར་མ་ཆག་ན། དེའི་ཕྱིར་བདག་ཅག་གི་ནང་ན་མཁས་པ་སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་ནུས་པ་གང་ཡིན་པ་བདག་ཅག་གི་ནང་ན་ཚེ་དང་ལྡན་པ་འདུན་པ་མཁས་པ་སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་ནུས་པ་ཡིན་གྱི། བདག་ཅག་དེའི་གན་དུ་དོང་ལ་སྤྲོ་བ་བསྐྱེད་པར་བྱའོ་སྙམ་ནས་བདག་
Ja66b
ཅག་གིས་ཚེ་དང་ལྡན་པ་གཙུག་ལག་ཁང་གི་ཕྱིར་སྤྲོ་བར་བྱ་ཞིང་ཁྱོད་ལ་གསོལ་བ་འདེབས་ཀྱིས། ལྷུང་བཟེད་ནག་པོ་ཅན་དག་ཡན་ལག་འདིས་ཟིལ་གྱིས་ནོན་པར་གྱིས་ཤིག་།འདུན་པས་སྨྲས་པ། ཐབས་ཡིན་གྱི། དེ་ལྟར་བྱའོ། །དེ་དག་ཡིད་དགའ་ནས་དོང་ངོ ། །ཚེ་དང་ལྡན་པ་འདུན་པ་ཡང་གཙུག་ལག་ཁང་གི་ཕྱི་རོལ་ཏུ་རྐང་པ་གཉིས་བཀྲུས་ནས་གཙུག་ལག་ཁང་དུ་ཞུགས་ཏེ། འདུག་ནས་ཐབས་ཅི་ཡོད་ན་དེས་དགེ་འདུན་གྱི་གཙུག་ལག་ཁང་འགྲུབ་པར་འགྱུར་སྙམ་དུ་སེམས་པ་ལ་ཞུགས་སོ། །དེས་སུ་ཞིག་སུ་ལ་མངོན་པར་དད་སྙམ་དུ་རྣམ་པར་དཔྱད་པར་བརྩམས་པ་དང ། དེ་འདི་སྙམ་དུ་སེམས་ཏེ། རེ་ཞིག་འཇིག་རྟེན་ལྷ་དང་བཅས་པ་ནི། བཅོམ་ལྡན་འདས་ལ་མངོན་པར་དད་པ་ཡིན། ཁྱིམ་ཆེ་གེ་མོ་ཞིག་ནི། ཚེ་དང་ལྡན་པ་ཀུན་ཤེས་ཀོའུ་དི་ནྱ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འོད་སྲུང་ཆེན་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཤཱ་རིའི་བུ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མོའུ་དག་ལ་གྱི་བུ་ཆེན་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མ་འགགས་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་རྟ་ཐུལ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་བཟང་ལྡན་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་རླངས་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་མིང་ཆེན་ལ། ཁྱིམ་ཆེ་གེ་མོ་ཞིག་ན་ཚེ་དང་ལྡན་པ་གང་པོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་དྲི་མ་མེད་པ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་བ་ལང་བདག་ལ། ཁྱིམ་ཆེ་གེ་མོ་ཞིག་ནི་
Ja67a
༄#། །ཚེ་དང་ལྡན་པ་ཀུན་དགའ་བོ་ལ། ཁྱིམ་ཆེ་གེ་མོ་ཞིག་ནི་བཅོམ་ལྡན་འདས་ཀྱི་གཅུང་སྲུའི་སྲས་ཚེ་དང་ལྡན་པ་མཛེས་དགའ་ལ། ཁྱིམ་ཆེ་གེ་མོ་ཞིག་ནི་བཅོམ་ལྡན་འདས་ཀྱི་སྲས་ཚེ་དང་ལྡན་པ་སྒྲ་གཅན་ཟིན་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་གྱད་བུ་ནོར་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་དགའ་བོ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ཉེ་དགའ་ལ་ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འགྲོ་མགྱོགས་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་འཆར་ཀ་ལ། ཁྱིམ་ཆེ་གེ་མོ་ཞིག་ནི་ཚེ་དང་ལྡན་པ་ནབས་སོ་ལ་མངོན་པར་དད་པ་ཡིན་པས། དེའི་ཕྱིར་དེ་དག་སྦྱོར་དུ་གཞུག་ཏུ་ནི་མི་ནུས་ཀྱིས། འདི་ལྟར་ཀོའུ་ཤམྦྷི་ན་བྲམ་ཟེ་ཕྱུག་པ་ནོར་མང་བ་ལོངས་སྤྱོད་ཆེ་བ་ཡོངས་སུ་གཟུང་བ་ཡངས་ཤིང་རྒྱ་ཆེ་བ་ཞིག་འདུག་ན་དེ་ནི་སེར་སྣ་ཅན་མིག་ཕྲ་བ། བྱ་རོག་ལ་ཡང་གཏོར་མ་མི་སྟེར་བ། ཡོ་བྱད་ཀུན་འཛིན་པ་ཡིན་ལ། དེ་ལ་དབྱིག་དང་གསེར་མང་པོ་བདོག་པས་གལ་ཏེ་དེ་རྗེས་སུ་འཇུག་པར་བྱེད་ནུས་ན། དགེ་འདུན་གྱི་གཙུག་ལག་ཁང་འགྲུབ་པར་འགྱུར་རོ་སྙམ་ནས། དེ་དེ་ལྟར་སེམས་པ་ལ་ཞུགས་པས། ཚེགས་ཆེན་པོས་ནམ་ནངས་པར་བྱས་ནས་སྔ་དྲོ་ཤམས་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། ཀོའུ་ཤམྦྷིར་བསོད་སྙོམས་ལ་ཞུགས་སོ། །ཁྱིམ་གཉིས་སམ་གསུམ་དུ་བསོད་སྙོམས་བརྒྱུས་ནས་ཕྱེ་ཉུང་ཤས་ཤིག་ཁྱེར་ཏེ་བྲམ་ཟེ་དེའི་ཁྱིམ་དུ་འཇུག་པར་བརྩམས་པ་དང ། སྒོ་བས་འཕགས་
Ja67b
པ་སྡོད་ཅིག་།མ་འཇུག་ཅིག་ཅེས་བགགས་སོ། །དེས་སྨྲས་པ། བཞིན་བཟང་བཅོམ་ལྡན་འདས་ཀྱིས། ཁོ་བོ་ཅག་གི་སྤྱོད་ཡུལ་མ་ཡིན་པ་ནི་རྣམ་པ་ལྔ་གསུངས་ཏེ། རོལ་མོ་མཁན་གྱི་གནས་དང ། འཇུད་མཐུན་མའི་གནས་དང ། ཆང་པའི་གནས་དང ། གདོལ་པའི་གནས་དང ། རྒྱལ་པོའི་ཕོ་བྲང་ཡིན་ན། ཅི་ཁྱིམ་འདི་རོལ་མོ་མཁན་གྱི་གནས་ཡིན་ནམ། འོན་ཏེ་འཇུད་མཐུན་མའི་གནས་སམ། ཆང་པའི་གནས་སམ། གདོལ་པའི་གནས་སམ། རྒྱལ་པོའི་ཕོ་བྲང་ཡིན་ནམ་ཅི་ན། དེའི་ཕྱིར་ཁོ་བོ་འགོག་པར་བྱེད། སྒོ་བས་སྨྲས་པ། འཕགས་པ་ཁྱོད་མང་དུ་བཀྱོན་པར་གྱུར་མོད་ཀྱི། འདི་ནི་རོལ་མོ་མཁན་གྱི་གནས་ཀྱང་མ་ལགས། འཇུད་མཐུན་མའི་གནས་དང ། ཆང་པའི་གནས་དང ། གདོལ་པའི་གནས་དང ། རྒྱལ་པོའི་ཕོ་བྲང་ཡང་མ་ལགས་ཏེ། འདི་ལྟར་འདི་ནི་བྲམ་ཟེ་ཆེ་གེ་མོ་ཞིག་གི་ཁྱིམ་ལགས་སོ། །འདུན་པས་བསམས་པ། གང་དུ་རེ་ཞིག་ངོ་ཕྲད་པ་ཡང་མེད་པ་དེར་གཞན་ཅི་ཞིག་ཡོད་པར་འགྱུར་སྙམ་ནས། དེ་དེ་ལྟར་སྒོར་བགགས་ཏེ་སེམས་ཁོང་དུ་ཆུད་ཅིང་འདུག་པ་ན། ཁྱིམ་བདག་གཅིག་གི་བུ་བྱུང་བར་དེར་བཅུ་གཉིས་འདུས་པའི་དགའ་འདུན་གར་དང་གླུ་དང་སིལ་སྙན་གྱིས་ཞུགས་པ་དང ། སྒོ་བ་དེས་དེ་དག་ལ་ཏེ་པོར་བརྟག་པར་བརྩམས་ཏེ་སྒོ་ལ་མི་ལྟ་བའི་ཚེ། ཚེ་དང་ལྡན་པ་འདུན་པས་འཇུག་པ་ཐོབ་སྟེ་ཞུགས་ནས། དེའི་སྤྱོད་ལམ་གྱིས་འདོད་ཆགས་དང་བྲལ་བའི་ས་སྦྱོང་བར་བྱེད་པ་དེ་བྲམ་ཟེ་དེས་མཐོང་ནས་སྨྲས་པ།
Ja68a
༄#། །བཙུན་པ་འདུན་པ་བྱོན་པ་ལེགས་སོ། །གདན་འདི་ལ་བཞུགས་ཤིག་།འདུན་པ་དེ་ན་ཡོད་པས་འདུག་པ་དང ། གཏམ་གྱི་སྐབས་མ་རྙེད་ནས་འདུན་པས་སྨྲས་པ།་བྲམ་ཟེ་ཁོ་བོས་བསོད་སྙོམས་ཀྱི་ཕྱེ་ཉུང་ཤས་ཤིག་རྙེད་པ་འདི་འཚག་ཏུ་ཆུག་སྟེ་བྱིན་ཅིག་།བྲམ་ཟེས་བུ་མོ་ལ་བསྒོ་བ། བུ་མོ་འཕགས་པའི་བསོད་སྙོམས་ཀྱི་ཕྱེ་ཚགས་ཏེ་ཕུལ་ཅིག ། བུ་མོ་དེས་དེ་བཙག་པར་བརྩམས་པ་དང ། ཚེ་དང་ལྡན་པ་འདུན་པས་ཕྱེ་ལ་བརྟག་པར་བརྩམས་སོ། །བྲམ་ཟེས་སྨྲས་པ། འཕགས་པ་ཅི་རྟོག། སྲོག་ཆགས་སོ། །གལ་ཏེ་མཆིས་ན་ཇི་ལྟར་བགྱི། བཟའ་བར་མི་བྱའོ། །གལ་ཏེ་གསོལ་བར་གྱུར་ན་ནོངས་པ་ཅི་མཆིས། བྲམ་ཟེ་བཅོམ་ལྡན་འདས་ཀྱིས་སྲོག་གཅོད་པ་ཀུན་ཏུ་བསྟེན་ཅིང་གོམས་པར་བྱས། ལན་མང་དུ་བྱས་པས་ལུས་ཞིག་སྟེ། ཤི་བའི་འོག་ཏུ་ངན་སོང་དང ། ངན་འགྲོ་དང ། ལོག་པར་ལྟུང་བ་དང ། སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཞིང་གལ་ཏེ་འདི་ལྟ་བུ་ཉིད་དུ་མི་རྣམས་དང་སྐལ་བ་མཉམ་པར་འོང་ན་ཡང་ཚེ་ཐུང་བར་འགྱུར་རོ་ཞེས་གསུངས་སོ་ཞེས་བྱ་བ་ལ་སོགས་པ་མི་དགེ་བ་བཅུ་དང ། དགེ་བ་བཅུའི་ལས་ཀྱི་ལམ་དག་རྒྱས་པར་བརྗོད་པ་དང ། བྲམ་ཟེ་དེ་མངོན་པར་དད་པར་གྱུར་ནས་རང་ཉིད་ཀྱིས་བཟའ་བ་དང་བཅའ་བ་གཙང་ཞིང་བསོད་པས་སྣོད་བཀང་སྟེ་སྨྲས་པ། འཕགས་པ་ཐུགས་བརྩེ་བའི་སླད་དུ་འདི་བཞེས་སུ་གསོལ། ཚེ་དང་ལྡན་པ་འདུན་པས་བསམས་པ།
Ja68b
གལ་ཏེ་བླངས་པར་གྱུར་ན་འདི་ལྟ་སྟེ། དཔེར་ན་ཤིང་ལས་བྱས་པའི་སྣོད་དུ་བསྐོལ་བ་དང་འདྲ་བར་བདག་གི་དང་པོ་འདི་ཉིད་ཐ་མར་འགྱུར་རོ་སྙམ་དུ་རིག་ནས། སྨྲས་པ། བྲམ་ཟེ་ཁོ་བོས་བསོད་སྙོམས་ཀྱི་ཕྱེ་ཉུང་ཤས་ཤིག་རྙེད་པ་འདི་ཉིད་ཡོངས་སུ་ལོངས་སྤྱད་པར་བྱའི་དད་པས་སྦྱིན་པར་བྱ་བ་བླངས་ཏེ་དོར་དུ་ག་ལ་རུང ། བྲམ་ཟེས་སྨྲས་པ། འཕགས་པ་བདག་ཅག་བྲམ་ཟེ་རྣམས་ཀྱི་ཀུན་ཏུ་སྤྱོད་པ། ནི་གལ་ཏེ་ངན་པ་རྙེད་ནས་བཟང་པོ་རྙེད་པར་གྱུར་ན། ངན་པ་སྤངས་ཏེ་བཟང་པོ་ཡོངས་སུ་ལོངས་སྤྱོད་པར་བགྱིད་པ་ལགས་ན། དེ་ཁྱེད་ཅག་ལ་ཅི་ནོངས། བྲམ་ཟེ་ཁོ་བོ་ཅག་ནི་བསླབ་པའི་གཞི་ཡང་དག་པར་བླངས་པ་ཡིན་ལ་ཁྱེད་ཅག་བྲམ་ཟེ་དག་ནི་བསླབ་པའི་གཞི་ཡང་དག་པར་བླངས་པ་མ་ཡིན་པས། ཁྱེད་ཅག་བྲམ་ཟེ་དག་ནི་ཅི་དགའ་འཇུག་པར་བྱེད་པ་ཡིན་ནོ། །ཁོ་བོ་ཅག་ལ་ནི་བཅོམ་ལྡན་འདས་ཀྱིས་འཕགས་པའི་རིགས་བཞི་བཀའ་སྩལ་ཏེ། བཞི་གང་ཞེ་ན། ཆོས་གོས་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། བསོད་སྙོམས་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། གནས་མལ་གང་ཡང་རུང་བས་ཆོག་ཤེས་པ་འཕགས་པའི་རིགས་དང ། སྤོང་བ་ལ་དགའ་བ་དང་སྒོམ་པ་ལ་དགའ་བ་འཕགས་པའི་རིགས་སོ། ། བྲམ་ཟེ་དེ་ཤིན་ཏུ་མངོན་པར་དད་པར་གྱུར་ནས། སྨྲས་པ། འཕགས་པ་འདི་ནི་ཁྱོད་ཀྱི་ཁབ་ལགས་ཀྱི། དུས་དང་དུས་སུ་གཤེགས་སུ་གསོལ། བྲམ་ཟེ་ཁྱོད་ཀྱི་སྒོ་བ་འདི་ནི་གཤིན་རྗེའི་དབྱུག་
Ja69a
༄#། །པ་དང་འདྲ་བ་ཡིན་པས་སུ་ཡང་འཇུག་ཏུ་མི་སྟེར་གྱི། ལེགས་པར་བསྒོ་བ་གྱིས་ཤིག་དང ། དེས་ན་ཁོ་བོ་ལ་འགོག་པར་མི་བྱེད་དོ། །བྲམ་ཟེས་སྒོ་བ་བཀུག་སྟེ་ལེགས་པར་བསྒོ་བ། ཀཝའེ་ནང་རྗེ་ཁྱིམ་འདི་འཕགས་པ་འདུན་པའི་ཡིན་གྱི། ཁྱོད་ཀྱིས་མ་འགགས་ཤིག་།ནང་མི་ལ་ཡང་བསྒོ་བ། ཁྱེད་ཅག་གིས་འཕགས་པ་འདུན་པ་ལ་མི་གུས་པར་མི་བྱའོ། །ཚེ་དང་ལྡན་པ་འདུན་པས་བསམས་པ། བྲམ་ཟེ་འདི་ནི་མངོན་པར་དད་པར་གྱུར་ན། འོན་ཀྱང་གལ་ཏེ་འདིར་ལྷུང་བཟེད་ནག་པོ་ཅན་འཇུག་པར་གྱུར་ན་དེས་འདི་ཅི་ནས་ཀྱང་འཁྲུགས་པར་བྱེད་པར་གྱུར་པས། ཐབས་ཀྱི་རྣམ་པ་ཞིག་བྱའོ་སྙམ་ནས། འདུན་པས་སྒོ་བ་དེ་ལ་སྨྲས་པ། ཀཝའེ་ནང་རྗེ་ཁྱོད་ཀྱིས་བྲམ་ཟེ་དེ་ཇི་ལྟར་ཁོ་བོ་ལ་མངོན་པར་དད་པར་གྱུར་པ་མཐོང་ངམ། འཕགས་པ་མཐོང་ངོ ། །དེས་ཁོ་བོ་འབའ་ཞིག་འདིར་འཇུག་ཏུ་གནང་གི། ལྷུང་བཟེད་ནག་པོ་ཅན་གཞན་སུ་ཡང་འཇུག་ཏུ་མ་གཞུག་ཅིག་།གལ་ཏེ་འདིར་ལྷུང་བཟེད་ནག་པོ་ཅན་འགའ་ཞིག་འཇུག་ཏུ་བཅུག་ན། ཁོ་བོས་ཁྱོད་ཁྲིམས་ཆེན་པོ་འཆར་གཞུག་པར་བྱའོ། །འཕགས་པ་ཤིན་ཏུ་བག་ཡངས་སུ་བཞུད་ཅིག་།ཁྱོད་ཉིད་ཀྱང་རེ་ཞིག་དེའུ་མ་ཆུད་པ་ལགས་ན། ལྷུང་བཟེད་ནག་པོ་ཅན་གཞན་འཇུག་པར་འགྱུར་བ་ལྟ་སྨོས་ཀྱང་ཅི་འཚལ། ཚེ་དང་ལྡན་པ་འདུན་པ་ཡིད་བདེ་བ་སྐྱེས་ཏེ་སོང་ནས་དུས་དང་དུས་སུ་བྲམ་ཟེ་དེའི་ཁྱིམ་དུ་འགྲོ་བར་བྱེད་དོ། །བྲམ་ཟེས་ཀྱང་དེ་ཁོ་ན་
Ja69b
བཞིན་དུ་ཡང་དང་ཡང་དུ་སྟོབ་པར་བྱེད་ན། ཚེ་དང་ལྡན་པ་འདུན་པས་དང་དུ་ལེན་པར་མི་བྱེད་པར་སྦྱིན་པ་དང་ལྡན་པའི་ཆོས་བསྟན་པ་འབའ་ཞིག་བྱས་ཤིང་འགྲོ་བར་བྱེད་དོ།། །། འདུལ་བ་རྣམ་པར་འབྱེད་པ། བམ་པོ་ཞེ་དྲུག་པ། ཇི་ཙམ་དུས་གཞན་ཞིག་ན། ཚེ་དང་ལྡན་པ་འདུན་པས་བྲམ་ཟེ་དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་དག་གི་བསྔགས་པ་བརྗོད་ཅིང ། དེ་དག་རྒྱ་ཆེར་ལེགས་པར་བཤད་པ་དང ། བྲམ་ཟེས་སྨྲས་པ། འཕགས་པ་བདག་གིས་ཀྱང་རྫས་ལས་བྱུང་བའི་བསོད་ནམས་བྱ་བའི་གཞི་འགའ་ཞིག་བགྱིའོ། །བྲམ་ཟེ་དེ་བཞིན་གྱིས་ཤིག། འཕགས་པ་ཅི་ཞིག་བགྱི། དགེ་འདུན་གྱི་གཙུག་ལག་ཁང་བྱེད་དུ་ཆུག་ཅིག་།བྲམ་ཟེས་བསམས་པ། བདག་གིས་འཕགས་པ་འདུན་པ་ལ་རྣམ་པ་དུ་མར་བསྟབས་ན། འདིས་ལན་འགའ་ཡང་དང་དུ་མ་བླངས་ཏེ་དང་དུ་བླངས་པ་གང་ཡིན་པ་འདི་ཡང་དགེ་འདུན་གྱི་ཕྱིར་རོ་སྙམ་ནས་དེ་ངོ་མཚར་སྐྱེས་ཏེ་སྨྲས་པ། བཙུན་པ་བདག་ལ་ཀར་ཤ་པ་ནི་མཆིས་ན་བསོད་ནམས་ཀྱི་གྲོགས་མ་མཆིས་སོ། །ཁོ་བོས་ཁྱོད་ཀྱི་གྲོགས་བྱས་འདི་ལྟར། ཁྱོད་ཀྱི་ཁོ་བོ་དགེ་འདུན་གྱིས་ལག་གི་བླར་སྐོར་ཆུག་ཅིག་།ཁྱིམ་བདག་དེ་གཙུག་ལག་ཁང་དུ་སོང་སྟེ་རྒན་པའི་མཐའ་ལོགས་སུ་འདུག་ནས། སྨྲས་པ། འཕགས་པ་དག་།འཕགས་པ་འདུན་པ་འདི་བདག་གི་གཙུག་ལག་ཁང་བགྱིད་དུ་སྩོལ་བར་འཚལ་ན། དེའི་སླད་དུ་འཕགས་པའི་དགེ་འདུན་གྱིས་བདག་ལ་ཐུགས་བརྩེ་བའི་
Ja70a
༄#། །སླད་དུ་འཕགས་པ་འདུན་པ་བདག་གི་གཙུག་ལག་ཁང་བགྱིད་པའི་ལག་གི་བླར་སྐོར་གསོལ། དེ་ན་དགེ་འདུན་གྱི་ནང་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་པ་དེས་བསམས་པ། དྲུག་སྡེ་དག་ལས་སུ་མ་བསྐོས་ན་ཡང་དགེ་སློང་དག་ལ་མཐོ་འཚམ་པར་བྱེད་ན་གལ་ཏེ་ལག་གི་བླར་བསྐོས་པར་གྱུར་ན་རྒྱ་ཆེར་དགེ་སློང་རྣམས་ལ་མཐོ་འཚམ་པར་འགྱུར་རོ་སྙམ་ནས། ཚེ་དང་ལྡན་པ་ཤཱ་རིའི་བུས་འདུན་པ་ལ་སྨྲས་པ། ཚེ་དང་ལྡན་པ་འདུན་པ་གང་གི་ཚེ་ཁོ་བོས་རྒྱལ་བྱེད་ཀྱི་ཚལ་བརྩིག་ཏུ་བཅུག་པ་དེའི་ཚེ་ན་ཡང་ཁོ་བོ་སུས་ཀྱང་ལག་གི་བླར་མ་བསྐོས་སོ། །གང་གི་ཚེ་ཚེ་དང་ལྡན་པ་སྐུལ་བྱེད་ཆེན་པོས་གདངས་ཅན་གྱི་ཀུན་དགའ་ར་བ་བརྩིག་ཏུ་བཅུག་པ་དེའི་ཚེ་ན་ཡང་དེ་སུས་ཀྱང་ལག་གི་བླར་མ་བསྐོས་སོ། །ཁྱོད་ཀྱང་གལ་ཏེ་གཙུག་ལག་ཁང་བྱེད་དུ་འཇུད་པར་འདོད་ན་མ་བསྐོས་པ་ཉིད་དུ་བྱེད་དུ་ཆུག་ཅིག་།ཚེ་དང་ལྡན་པ་འདུན་པས་བསམས་པ། ལྷུང་བཟེད་ནག་པོ་ཅན་དག་བདག་ཅག་མཐོང་བར་ཡང་མི་དགའ་ན་ལག་གི་བླར་བསྐོར་སྟེར་བར་ལྟ་ག་ལ་འགྱུར་སྙམ་ནས། དེ་བྲམ་ཟེ་དེའི་གན་དུ་སོང་སྟེ། ཀར་ཤ་པ་ན་དག་བླངས་ནས་སོ་ཕག་མཁན་དག་གི་གན་དུ་སོང་སྟེ་སྨྲས་པ།་བཞིན་བཟང་དག་ཁྱེད་ཀྱིས་ཉི་མ་གཅིག་ཁོ་ནས་གཙུག་ལག་ཁང་སུམ་རྩེག་གི་སོ་ཕག་སྦྱིན་པར་ནུས་སམ། དེ་དག་གིས་སྨྲས་པ། འཕགས་པ་ཀར་ཤ་པ་ན་དག་སྩོལ་ཅིག་དང །
Ja70b
ལོག་སྟེ་དབུལ་བར་བགྱིའོ། །དེས་དེ་དག་ལ་ཀར་ཤ་པ་ན་དག་བྱིན་ནོ། །འདུན་པ་ཕྱ་མཁན་དག་གི་གན་དུ་སོང་སྟེ་སྨྲས་པ། བཞིན་བཟང་དག་ཁྱེད་ཀྱིས་ཉི་མ་གཅིག་ཁོ་ནས་གཙུག་ལག་ཁང་སུམ་རྩེག་ཟིན་པར་ནུས་སམ། འཕགས་པ་ཀར་ཤ་པ་ན་དག་སྩོལ་ཅིག་དང ། ལོག་སྟེ་ལེགས་པར་བགྱིའོ། །དེས་དེ་དག་ལ་ཀར་ཤ་པ་ན་དག་བྱིན་ནོ། །འདུན་པ་ཤིང་མཁན་དག་གི་གན་དུ་སོང་སྟེ་སྨྲས་པ། བཞིན་བཟང་དག་ཁྱེད་ཀྱིས་ཉི་མ་གཅིག་ཁོ་ནས་གཙུག་ལག་ཁང་སུམ་རྩེག་གི་ཤིང་དག་འཇོག་ནུས་སམ། འཕགས་པ་ཀར་ཤ་པ་ན་དག་སྩོལ་ཅིག་དང ། ལོག་སྟེ་གཞོག་པར་བགྱིའོ། །དེས་དེ་དག་ལ་ཀར་ཤ་པ་ན་དག་བྱིན་ནོ། །འདུན་པ་ཞལ་ཞལ་མཁན་དག་གི་གན་དུ་སོང་སྟེ་སྨྲས་པ། བཞིན་བཟང་དག་ཁྱོད་ཀྱིས་ཉི་མ་གཅིག་ཁོ་ནས་གཙུག་ལག་ཁང་སུམ་རྩེག་ཞལ་ཞལ་སྐུད་ནུས་སམ། འཕགས་པ་ཀར་ཤ་པ་ན་དག་སྩོལ་ཅིག་དང ། ལོག་སྟེ་བསྐུ་བར་བགྱིའོ། །དེས་དེ་དག་ལ་ཀར་ཤ་པ་ན་དག་བྱིན་ནོ། །འདུན་པ་རི་མོ་མཁན་དག་གི་གན་དུ་སོང་སྟེ་སྨྲས་པ། བཞིན་བཟང་དག་ཁྱེད་ཀྱིས་ཉི་མ་གཅིག་ཁོ་ནས་གཙུག་ལག་ཁང་སུམ་རྩེག་རི་མོ་བྲི་བར་ནུས་སམ། འཕགས་པ་ཀར་ཤ་པ་དག་སྩོལ་ཅིག་དང ། ལོག་སྟེ་བྲི་བར་བགྱིའོ། །དེས་དེ་དག་ལ་ཀར་ཤ་པ་ན་དག་བྱིན་ནོ། །འདུན་པ་གླ་མིའི་སྲང་དག་ཏུ་སོང་སྟེ། གླ་མི་མང་པོ་བཀུག་ནས་གཙུག་ལག་ཁང་དུ་འོངས་ཏེ། དེས་ཉི་མ་གཅིག་ཁོ་ནས་གཙུག་ལག་ཁང་སུམ་རྩེག་ཟིན་པར་བྱས་སོ། །དེས་དེ་ལ་
Ja71a
༄#། །སྒོའི་སྦུབས་ཀྱི་གནས་དང ། གཏན་པའི་གནས་དང ། སྐར་ཁུང་དང ། ཆུ་ཁུང་གི་གནས་དག་ཀྱང་མ་བཞག་པར་དེ་བཞིན་ཁོ་ནར་སྦྱང་འདྲ་བར་བརྩིགས་སོ། །དེ་བྲམ་ཟེ་དེའི་གན་དུ་སོང་སྟེ་སྨྲས་པ། བྲམ་ཟེ་ཁྱོད་ཀྱི་གཙུག་ལག་ཁང་ཟིན་གྱི། ཚུར་ཤོག་།དགེ་འདུན་ལ་ཕུལ་ཅིག། བྲམ་ཟེས་སྨྲས་པ། འཕགས་པ་དེང་བདག་གིས་ཞལ་ཟས་སྟ་གོན་མ་བགྱིས་ཀྱི། སང་བདག་གིས་ཞལ་ཟས་སྟ་གོན་བགྱིས་ཏེ་མཆིའོ། །བཅོམ་ལྡན་འདས་ཀྱིས་དགོངས་པ། གཙུག་ལག་ཁང་འདི་དེང་ཉིད་དུ་རྡིང་པར་འགྱུར་ཏེ་གལ་ཏེ་ཡོངས་སུ་མ་སྤྱད་པ་ཁོ་ནར་རྡིབ་པར་གྱུར་ན་ཁྱིམ་བདག་འདི་ཁྲག་ཚ་བ་སྐྱུགས་ཏེ་དུས་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ། དགེ་སློང་རྣམས་ལ་འདི་སྐད་ཅེས་ངས་དགེ་སློང་དག་ཁྱེད་དགེ་བ་མི་སྤྱོམས་པ་དང ། སྡིག་པ་བཤགས་པར་གྱིས་ཤིག་ཅེས་བསྟན་མོད་ཀྱི་འོན་ཀྱང་ཁྱེད་ཅག་ལས་གང་གིས་གནས་པ། གང་གིས་སྙོམས་པར་འཇུག་པ་ཐོབ་པ་དེས་གནས་པ་དེའི་སྙོམས་པར་འཇུག་པས་བྲམ་ཟེ་དེའི་གཙུག་ལག་ཁང་དུ་མཚན་མོའི་ཐུན་དང་པོ་འདའ་བར་གྱིས་ཤིག་ཅེས་བསྒོ་ཞིག་།ཚེ་དང་ལྡན་པ་ཀུན་དགའ་བོས། བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་
Ja71b
བཀའ་སྩལ་པ། ངས་དགེ་སློང་དག་ཁྱེད་དགེ་བ་མི་སྤྱོམས་པ་དང ། སྡིག་པ་བཤགས་པར་གྱིས་ཤིག་ཅེས་བསྟན་མོད་ཀྱི། འོན་ཀྱང་ཁྱེད་ཅག་ལས་གང་གིས་གནས་པ་གང་གིས་སྙོམས་པར་འཇུག་པ་ཐོབ་པ་དེས་གནས་པའི་སྙོམས་པར་འཇུག་པ་དེས་བྲམ་ཟེ་འདིའི་གཙུག་ལག་ཁང་དུ་མཚན་མོའི་ཐུན་དང་པོ་འདའ་བར་གྱིས་ཤིག་ཅེས་བྱུང་ངོ ། །དགེ་སློང་དེ་དག་གིས་ཚེ་དང་ལྡན་པ་ཀུན་དགའ་བོ་བཀའ་བཞིན་འཚལ་ཞེས། ཚེ་དང་ལྡན་པ་ཀུན་དགའ་བོ་ལས་མཉན་ནས་གང་གིས་གནས་པ་གང་གིས་སྙོམས་པར་འཇུག་པ་ཐོབ་པ་དེས་གནས་པའི་སྙོམས་པར་འཇུག་པ་དེས་བྲམ་ཟེ་དེའི་གཙུག་ལག་ཁང་དུ་མཚན་མོའི་ཐུན་དང་པོ་འདའ་བར་བྱས་སོ། །དེ་ནས་བཅོམ་ལྡན་འདས་མཚན་མོའི་གུང་ཐུན་ལ་དེར་གཤེགས་ནས། བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་དོ། །སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི་གལ་ཏེ་འཇིག་རྟེན་པའི་ཐུགས་བསྐྱེད་པར་མཛད་ན་ནི་ཐ་ན་སྲོག་ཆགས་གྲོག་སྦུར་གྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་ལ། ཇི་སྟེ་འཇིག་རྟེན་ལས་འདས་པའི་ཐུགས་བསྐྱེད་པར་མཛད་ན་ནི། རང་སངས་རྒྱས་རྣམས་ཀྱིས་ཀྱང་བཅོམ་ལྡན་འདས་ཀྱིས་ཐུགས་སེམས་ཀྱིས་མི་ཤེས་ན།་ཉན་ཐོས་ལ་སོགས་པས་ལྟ་སྨོས་ཀྱང་ཅི་དགོས། དེ་ནས་ཚངས་པ་དང་བརྒྱ་བྱིན་ལ་སོགས་པ་ལྷ་རྣམས་འདི་སྙམ་དུ་སེམས་ཏེ། ཅིའི་སླད་དུ་བཅོམ་ལྡན་འདས་ཀྱི་འཇིག་རྟེན་པའི་ཐུགས་བསྐྱད་\་BཥKYཱེཌ?\་
Ja72a
༄#། །པ་མཛད་སྙམ་པ་དང ། བཅོམ་ལྡན་འདས་བྲམ་ཟེ་དེའི་གཙུག་ལག་ཁང་དུ་མཚན་མོའི་གུང་ཐུན་ལ་ལྷ་རྣམས་ལ་ཆོས་སྟོན་པར་བཞེད་པར་མཐོང་ངོ ། །དེ་ནས་བརྒྱ་བྱིན་དང ། ཚངས་པ་ལ་སོགས་པ་ལྷ་རྣམས་ཀྱིས། བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་ནས། འདི་ལྟ་སྟེ་དཔེར་ན། སྐྱེས་བུའི་ལག་པ་བསྐུམ་པ་ལས་རྐྱོང་བར་བྱེད་པའམ། བརྐྱང་བ་ལས་སྐུམ་པར་བྱེད་པ་དེ་བཞིན་དུ་ཚངས་པ་དང་བརྒྱ་བྱིན་ལ་སོགས་པ་ལྷ་རྣམས་ལྷའི་འཇིག་རྟེན་ནས་མི་སྣང་བར་གྱུར་ཏེ། བཅོམ་ལྡན་འདས་ཀྱི་སྤྱན་སྔར་ལྷགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །བཅོམ་ལྡན་འདས་ཀྱིས་དེ་དག་ལ་ཆོས་བསྟན་པ་མཛད་ནས་དེ་དག་གིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་དེ་ཉིད་དུ་མི་སྣང་བར་གྱུར་ཏོ། །བཅོམ་ལྡན་འདས་ཀྱང་དེར་མཚན་མོའི་གུང་ཐུན་འདའ་བ་མཛད་ནས་གཤེགས་སོ། །མཚན་མོའི་ཐུན་ཐ་མ་ལ་སྤྲིན་ཁ་དོག་ལྔ་པ་འདུས་ནས། དེས་གཙུག་ལག་ཁང་དེར་ཇི་ཙམ་དུ་དཔེར་ན། སྦྱང་ཆུས་གང་བར་གྱུར་པ་བཞིན་དུ་ཆུས་གང་བར་གྱུར་པ་དེ་ཙམ་གྱི་ཆར་ཕབ་ནས། ཆུ་དེས་ཅི་ནས་ཀྱང་གཙུག་ལག་ཁང་དེ་ཐམས་ཅད་རྡིབ་པར་གྱུར་དེ་ཙམ་དུ་བངས་\?\་པར་གྱུར་ཏོ། །དྲུག་སྡེ་དག་གིས། དེ་ལྟར་གཙུག་
Ja72b
ལག་ཁང་དེ་ཐམས་ཅད་རྡིབ་པར་གྱུར་ཏོ་ཞེས་ཐོས་སོ། །ཐོས་ནས་ཀྱང་དེ་དག་སྐྲག་སྟེ་བྲོས་སོ། །བྲམ་ཟེ་དེས་ཀྱང་ཕྱི་དེ་ཉིན་པར་བཅའ་བ་དང་བཟའ་བ་གཙང་ཞིང་བསོད་པས་ཤིང་རྟ་བཀང་སྟེ་གཙུག་ལག་ཁང་དུ་འོངས་ནས། དེས་དགེ་སློང་རྣམས་ལ་དྲིས་ནས། འཕགས་པ་དག་བདག་གི་གཙུག་ལག་ཁང་དེ་གང་ལགས། དེ་ན་རྒན་ཞུགས་དྲུག་སྡེ་དག་དང་འཁོན་ཡོད་པ་ཞིག་འདུག་པ་དེས་སྨྲས་པ།་བྲམ་ཟེ་ཁྱོད་ཀྱི་གཙུག་ལག་ཁང་དེ་ནི་རྔ་མོ་སྒྱེལ་བ་བཞིན་དུ་འདུག་པ་འདི་ཡིན་གྱི། ཅི་ནས་ཀྱང་སྒོ་སྐྱེས་ཀྱིས་དཔྲལ་བ་མི་བཅོམ་པ་དེ་ལྟར་བག་གྱིས་ལ་འདིར་ཞུགས་ཤིག་།བྲམ་ཟེ་དེས་སྨྲས་པ། བདག་གིས་གཙུག་ལག་ཁང་ལ་ནོར་གྱི་ཕུང་པོ་འདི་སྙེད་ཅིག་ཡོངས་སུ་བཏང་ན་གཙུག་ལག་ཁང་དེ་ཡང་ཡོངས་སུ་མ་སྤྱད་པ་ཁོ་ནར་རྡིབ་བོ་ཞེས་རིག་ནས་བརྒྱལ་ཏེ་ས་ལ་འགྱེལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ། བྲམ་ཟེ་དེ་ལ་འདི་སྐད་ཅེས་ལྷ་དང་མི་མང་པོ་དག་གིས་དེ་བཞིན་གཤེགས་པ་ལ་བསྔོས་ཏེ་གཙུག་ལག་ཁང་དག་བྱེད་དུ་བཅུག་པ་དེ་དག་ནི། དེ་བཞིན་གཤེགས་པས་ཡོངས་སུ་མ་སྤྱད་ཀྱི། ཁྱོད་ཀྱི་གཙུག་ལག་ཁང་གང་ཡིན་པ་འདི་ནི། དགེ་སློང་གནས་བརྟན་གནས་བརྟན་དག་གིས་མཚན་མོའི་ཐུན་དང་པོ་ལ་ཡོངས་སུ་སྤྱད་ཅིང ། བཅོམ་ལྡན་འདས་བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་དང་བཅས་པས་ཀྱང་མཚན་མོའི་གུང་ཐུན་ལ་ཡོངས་སུ་སྤྱད་པས། ཁྱོད་ཀྱིས་ནི་རྙེད་པ་ལེགས་པར་རྙེད་དོ་ཞེས་
Ja73a
༄#། །གྱིས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། བྲམ་ཟེ་དེ་ག་ལ་བ་དེར་སོང་སྟེ་ཕྱིན་ནས། བྲམ་ཟེ་དེ་ལ་འདི་སྐད་ཅེས་སྨྲས་སོ། །བྲམ་ཟེ་བཅོམ་ལྡན་འདས་ཀྱིས་བཀའ་སྩལ་པ། ལྷ་དང་མི་མང་པོ་དག་གིས་དེ་བཞིན་གཤེགས་པ་ལ་བསྔོས་ཏེ་གཙུག་ལག་ཁང་དག་བྱེད་དུ་བཅུག་པ་དེ་དག་ནི་དེ་བཞིན་གཤེགས་པས་ཡོངས་སུ་མ་སྤྱད་ཀྱི། ཁྱོད་ཀྱི་གཙུག་ལག་ཁང་འདི་ནི་དགེ་སློང་གནས་བརྟན་གནས་བརྟན་དག་གིས་མཚན་མོའི་ཐུན་དང་པོ་ལ་ཡོངས་སུ་སྤྱད་ཅིང ། བཅོམ་ལྡན་འདས་བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་དང་བཅས་པས་ཀྱང་མཚན་མོའི་གུང་ཐུན་ལ་ཡོངས་སུ་སྤྱད་པས། ཁྱོད་ཀྱིས་ནི་རྙེད་པ་ལེགས་པར་རྙེད་དོ་ཞེས་བྱུང་ངོ ། །བཙུན་པ་ཀུན་དགའ་བོ་བདག་གི་གཙུག་ལག་ཁང་ལ་བཅོམ་ལྡན་འདས་ཀྱིས་ཡོངས་སུ་སྤྱད་དམ། བྲམ་ཟེ་ཡོངས་སུ་སྤྱད་དོ། །བཙུན་པ་ཀུན་དགའ་བོ་གལ་ཏེ་བདག་གི་གཙུག་ལག་ཁང་བཅོམ་ལྡན་འདས་ཀྱིས་ཡོངས་སུ་སྤྱད་ན། བདག་བཅོམ་ལྡན་འདས་ཀྱི་སླད་དུ་གདུགས་རེ་རེ་ཞིང་གཙུག་ལག་ཁང་འདི་ལྟ་བུ་ཤ་སྟག་བགྱིད་དུ་སྩོལ་བར་ཡང་སྤྲོའོ། །བདག་གི་དགེ་བའི་བཤེས་གཉེན་དེ་དག་གར་མཆི། དྲུག་སྡེ་དག་གིས་བྲམ་ཟེ་དེ་དེ་ལྟར་བདག་ཅག་འདྲིའོ་ཞེས་ཐོས་སོ། །ཐོས་ནས་ཀྱང་མྱུར་བ་མྱུར་བར་ལྷགས་པ་དང ། བྲམ་ཟེ་དེས་དེ་དག་ལ་རས་ཡུག་ཆེན་སར་པ་རེ་རེ་བསྐོན་
Ja73b
ཅིང་ཡོ་བྱད་ཐམས་ཅད་ཀྱིས་ཀྱང་བསྟབས་སོ། །དགེ་སློང་རྣམས་ཀྱིས་དེ་དག་ལ་དྲུག་སྡེ་དག་གིས་གཙུག་ལག་ཁང་འདི་འདྲ་བ་བྱེད་དུ་བཅུག་གོ་ཞེས་སྨྲས་པ་དང ། དྲུག་སྡེ་དག་གིས་སྨྲས་པ། ཁོ་བོ་ཅག་གིས་དེ་ལྟར་བྲམ་ཟེ་དེའི་ནོར་དེ་སྙེད་ཆུད་ཟོས་པར་གྱུར་དུ་ཟིན་ཀྱང་འོན་ཀྱང་དེས་ཁོ་བོ་ཅག་ལ་རས་ཡུག་ཆེན་སར་པ་རེ་རེ་བསྐོན་ཅིང་ཡོ་བྱད་ཐམས་ཅད་ཀྱིས་ཀྱང་བསྟབས་པར་གྱུར་པ་དེ་ལྟར་ཁོ་བོ་ཅག་གིས་བྲམ་ཟེ་དེ་མངོན་པར་དད་པར་བྱས་སོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཡན་ལག་གང་གིས་ངོ་ཚ་བར་བྱ་བའི་ཡན་ལག་དེ་ཉིད་ཀྱིས་རློམ་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱི་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་མི་མཛེས་སོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་
Ja74a
༄#། །པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་གཙུག་ལག་ཁང་ཆེན་པོ་ཞིག་རྩིག་ཏུ་འཇུག་ན་སྒོའི་སྦུབས་དང ། གཏན་པ་དང ། སྣང་བའི་གནས་ཇི་ཙམ་པའི་འདུ་ཤེས་ཀྱིས་ས་བརྟག་པ་ནས་བཟུང་སྟེ།་ཕ་གུའི་རིམ་པ་འཇིམ་པ་དང་བཅས་པ་གཉིས་སམ་གསུམ་བརྩིག་པར་བྱའོ། །དེ་ལས་ལྷག་པར་རྩིག་ན་ལྟུང་བྱེད་དོ། །དགེ་སློང་གིས་ཞེས་བྱ་བ་ནི་དྲུག་སྡེའམ་གཞན་ཡང་དེ་ལྟ་བུ་གང་ཡིན་པས་སོ། །གཙུག་ལག་ཁང་ཞེས་བྱ་བ་ནི་གང་དུ་སྤྱོད་ལམ་བཞི་པོ་འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དག་བྱར་རུང་བའོ། །ཆེན་པོ་ཞེས་བྱ་བ་ནི་ཆེན་པོ་གཉིས་ཏེ། སྦྱིན་པར་བྱས་པ་ལས་དང་ཚད་ལས་ཏེ། དོན་འདིར་ནི་གཉི་ག་ཡིན་པར་དགོངས་སོ། །བརྩིག་ཏུ་འཇུག་ན་ཞེས་བྱ་བ་ནི་བདག་ཉིད་ཀྱིས་སམ་གཞན་ནོ། །སྒོའི་སྦུབས་དང་གཏན་པ་ཞེས་བྱ་བ་ནི། སྒོའི་སྦུབས་དང་གཏན་པ་གཞུག་པར་བྱའོ། །སྣང་བའི་གནས་ཇི་ཙམ་པའི་འདུ་ཤེས་ཀྱིས་ཞེས་བྱ་བ་ནི་སྐར་ཁུང་དག་དང ། ཆུ་ཁུང་གི་གནས་ཇི་ཙམ་གདོད་པར་བྱ་བའི་འདུ་ཤེས་ཀྱིས་སོ། །ས་བརྟག་པ་ནས་བཟུང་སྟེ་ཕ་གུའི་རིམ་པ་འཇིམ་པ་དང་བཅས་པ་གཉིས་སམ་གསུམ་ཞེས་བྱ་བ་ལ་ཕ་གུའི་རིམ་པ་ཞེས་བྱ་བ་ནི་ཕ་གུའི་རྩེག་མའོ། །འཇིམ་པ་དང་བཅས་པ་ཞེས་བྱ་བ་ནི་ས་འཇིམ་པ་དང་བཅས་པའོ། །བརྩིག་པར་
Ja74b
བྱའོ་ཞེས་བྱ་བ་ནི་གཞག་པར་བྱ་བའོ། །དེ་ལས་ལྷག་པར་བརྩིག་ན་ཞེས་བྱ་བ་ནི་དེ་ལས་ལྷག་པར་འཇོག་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་ཕ་གུའི་རིམ་པ་གཉིས་སམ་གསུམ་ལས་ལྷག་པར་བརྩིག་ན་ཐམས་ཅད་དུ་ལྟུང་བྱེད་དུ་འགྱུར་རོ། །རྡོ་འབའ་ཞིག་གམ་སོ་ཕག་གམ་ཐམས་ཅད་ཤིང་ལས་བྱས་པའམ། སྦྱིན་བདག་ན་རེ། བྱས་ནས་བལྟའོ་ཞེས་ཟེར་བ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ།་བཙུན་པ་ཚེ་དང་ལྡན་པ་ཤཱ་རིའི་བུས། ཚེ་དང་ལྡན་པ་འདུན་པ་ལག་གི་བླར་བསྐོ་བར་བགྱིས་པ་བཟློག་པ་ལ་གཟིགས། དགེ་སློང་དག་ད་ལྟར་དུ་མ་ཟད་དེ་འདི་ལྟར་འདས་པའི་དུས་ན་ཡང་འདིས་དེ་བྱའི་རྒྱལ་པོར་དབང་བསྐུར་བར་བྱས་པ་བཟློག་སྟེ་དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན་གངས་ཀྱི་སེར་ག་ན་བྱའི་ཚོགས་ཆེན་པོ་འཁོད་པ་དེ་དག་གི་བྱའི་རྒྱལ་པོ་དུས་ལ་བབ་ནས། གཅིག་ལ་གཅིག་གནོད་པ་བྱེད་པར་བརྩམས་པ་དང ། དེ་དག་གིས་སྨྲས་པ། ཤེས་ལྡན་བདག་ཅག་གིས་བདག་ཅག་གིས་ནང་ན་གང་བདག་ཅག་ལ་ཆད་པས་གཅོད་པ་དང ། ཕན་འདོགས་པར་
Ja75a
༄#། །ནུས་པ་འགའ་ཞིག་བྱའི་རྒྱལ་པོར་དབང་བསྐུར་བར་བྱ་ན། བདག་ཅག་གིས་གང་ཞིག་བྱའི་རྒྱལ་པོར་དབང་བསྐུར་བར་བྱ། དེ་ན་ཧ་ཅང་ཐག་མི་རིང་བ་ཞིག་ན་འུག་པ་རྒན་པོ་ཞིག་འདུག་ནས། དེ་དག་གིས་སྨྲས་པ། འུག་པ་རྒན་པོ་འདི་བྱའི་རྒྱལ་པོར་དབང་བསྐུར་བར་བྱའོ། །དེ་དང་ཧ་ཅང་ཐག་མི་རིང་བ་ཞིག་ན་ནེ་ཙོ་རྒན་པོ་ཞིག་འདུག་ནས་དེ་དག་གིས་སྨྲས་པ། རེ་ཞིག་ནེ་ཙོ་རྒན་པོ་འདི་ལ་ཡང་དྲི་བར་བྱའོ་ཞེས་དེ་དག་དེའི་གན་དུ་སོང་སྟེ་དྲིས་པ་དང ། ནེ་ཙོ་རྒན་པོ་དེས་ཚིགས་སུ་བཅད་པ་སྨྲས་པ། བྱ་རྣམས་འུག་པར་དབང་བསྐུར་དུ། །བདག་ནི་མོས་པ་མ་ཡིན་ཏེ། ། མ་ཁྲོས་པ་ཡི་བཞིན་ལ་ལྟོས། །ཁྲོས་ན་ཇི་ལྟར་བྱེད་པར་འགྱུར། །དེ་དག་གིས་དེ་དབང་མ་བསྐུར་བར། ནེ་ཙོ་རྒན་པོ་དེ་ཉིད་བྱའི་རྒྱལ་པོར་དབང་བསྐུར་ཏོ། །དགེ་སློང་དག་དེའི་ཚེ་དེའི་དུས་ན། ནེ་ཙོ་རྒན་པོ་གང་ཡིན་པ་དེ་ནི་ཤཱ་རིའི་བུ་འདི་ཡིན་ནོ། །དེའི་ཚེ་དེའི་དུས་ན་འུག་པ་རྒན་པོ་གང་ཡིན་པ་དེ་ནི་འདུན་པ་འདི་ཉིད་ཡིན་ཏེ། དེའི་ཚེ་ན་ཡང་འདིས་དེ་བྱའི་རྒྱལ་པོར་དབང་བསྐུར་བར་བྱས་པ་བཟློག་ལ། ད་ལྟར་ཡང་འདིས་དེ་ལག་གི་བླར་བསྐོ་བར་བྱས་པ་བཟློག་གོ། ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གཙུག་ལག་ཁང་གི་ལྟུང་བྱེད་དེ་ཉི་ཤུ་པ་རྫོགས་སོ། །སྡོམ་ལ། མ་བསྐོས་ཉི་མ་ནུབ་པ་དང ། །ཟས་དང་ཆོས་གོས་གཉིས་དག་དང ། །དོན་མཐུན་གྲུ་དང་དབེན་
Ja75b
པ་གཉིས། །དགེ་སློང་མ་ཡིས་སྦྱོར་བཅུག་པའོ། །བར་སྡོམ་ལ། དགའ་བྱེད་བསྟན་པའི་མདོ་སྡེ་དང ། །དྲུག་སྡེ་ལམ་མདོ་བྱི་རོ་དང ། མཛོད་གསུམ་ཕག་འཚོང་འདུ་ཤེས་མེད། །འཚོ་བྱེད་རྟ་དང་སྨོན་ལམ་མོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་མ་འཕགས་མ་ཉན་ཐོས་ཆེན་པོ་གནས་བརྟན་མོ་གནས་བརྟན་མོ་འདི་ལྟ་བུ་འདི་དག་མཉན་ཡོད་དུ་དགེ་སློང་མའི་དབྱར་ཁང་རྒྱལ་པོའི་ཀུན་དགའ་ར་བར་དབྱར་གནས་པར་ཁས་བླངས་ཏེ། འདི་ལྟ་སྟེ་སྐུལ་བྱེད་མ་དང ། མིན་ད་དང ། མ་ད་བ་དང ། བ་ཋད་ཙ་ར་དང ། འབྲོག་གནས་དང ། བདེ་བ་དང ། ཟླ་བ་དང ། གོའུ་ཏ་མི་སྐེམ་མོ་དང ། ུཏྤ་ལའི་མདོག་དང ། དགེ་སློང་མ་སྐྱེ་དགུའི་བདག་མོ་ཆེན་པོ་གོའུ་ཏ་མི་དང ། དེ་དག་དང་གཞན་ཡང་དགེ་སློང་མ་འཕགས་མ་ཉན་ཐོས་ཆེན་མོ་གནས་བརྟན་མོ་གནས་བརྟན་མོ་དག་མཉན་ཡོད་དུ་དགེ་སློང་མའི་དབྱར་ཁང་རྒྱལ་པོའི་ཀུན་དགའ་ར་བར་དབྱར་གནས་པར་ཁས་བླངས་སོ།། དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མི་འཁོར་དགེ་སློང་མ་ལྔ་བརྒྱ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་སྐྱེ་དགུའི་བདག་མོ་ཆེན་མོ་གོའུ་ག་མི་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་
Ja76a
༄#། །འཛིན་ཏུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གོའུ་ཏ་མི་ཁྱོད་ཀྱི་དུས་ཡིན་གྱི། སོང་ཞིག་ཅེས་སྐུལ་བར་མཛད་དོ། །དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས། སྐྱེ་དགུའི་བདག་མོ་ཆེན་མོ་གོའུ་ཏ་མི་སོང་ནས་རིང་པོ་མ་ལོན་པར་ཐུགས་སུ་ཆུད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ང་ནི་ད་རྒན་པོ་རྒས་པ་དགོག་ཏུ་གྱུར་པ་ཡིན་པས་འཁོར་བཞི་པོ་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དག་ལ་སྟོན་ན་ངལ་བར་འགྱུར་གྱི། དགེ་སློང་དག་དེ་ལྟ་བས་ན་དེང་ཕྱིན་ཆད་དགེ་སློང་གནས་བརྟན་གནས་བརྟན་རྣམས་ཀྱིས་རེས་ཀྱིས་དགེ་སློང་མ་ལ་སྟོན་ཅིག་།དེའི་ཚེ་ན་དགེ་སློང་གནས་བརྟན་གནས་བརྟན་རྣམས་རེས་ཀྱིས་དགེ་སློང་མ་རྣམས་ལ་སྟོན་པར་བྱེད་དོ། །ཚེ་དང་ལྡན་པ་དགའ་བྱེད་ནི་རེས་བབ་པ་ན་དགེ་སློང་མ་རྣམས་ལ་ཆོས་སྟོན་པར་མི་བཏུབ་བོ། །དེ་ནས་སྐྱེ་དགུའི་བདག་
Ja76b
མོ་ཆེན་མོ་གོའུ་ཏ་མིའི་འཁོར་དགེ་སློང་མ་ལྔ་བརྒྱ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་བཅོམ་ལྡན་འདས་སྐྱེ་དགུའི་བདག་མོ་ཆེན་མོ་གོའུ་ཏ་མི་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གོའུ་ཏ་མི་ཁྱོད་ཀྱིས་དུས་ཡིན་གྱི། སོང་ཞིག་ཅེས་སྐུལ་བར་མཛད་དོ། །དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མིས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་སྐྱེ་དགུའི་བདག་མོ་ཆེན་མོ་གོའུ་ཏ་མི་སོང་ནས་རིང་པོ་མ་ལོན་པར་ཐུགས་སུ་ཆུད་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་གནས་བརྟན་གང་དག་དགེ་སློང་མ་ལ་རེས་ཀྱིས་སྟོན་པར་བྱེད་དམ། བཙུན་པ་དགེ་སློང་གནས་བརྟན་གནས་བརྟན་དག་ཕལ་ཆེར་དགེ་སློང་མ་ལ་རེས་ཀྱིས་སྟོན་པར་བགྱིད་དེ།
Ja77a
༄#། །ཚེ་དང་ལྡན་པ་དགའ་བྱེད་ནི་རེས་བབ་ཀྱང་དགེ་སློང་མ་ལ་སྟོན་པར་མི་འཚལ་ལོ། །དེའི་ཚེ་ན་ཚེ་དང་ལྡན་པ་དགའ་བྱེད་འཁོར་དེ་ཉིད་ན་འདུག་ཅིང་མཐུན་པར་གྱུར་ཏོ། ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བྱེད་ལ་བཀའ་སྩལ་པ། དགའ་བྱེད་ཁྱོད་ཀྱིས་དགེ་སློང་མ་ལ་སོམས་ཤིག་།དགའ་བྱེད་ཁྱོད་ཀྱིས་དགེ་སློང་མ་ལ་རྗེས་སུ་སྟོན་ཅིག་།དགའ་བྱེད་ཁྱོད་ཀྱིས་དགེ་སློང་མ་རྣམས་ལ་ཆོས་དང་ལྡན་པའི་གཏམ་གྱིས་ཤིག་།དེ་ཅིའི་ཕྱིར་ཞེ་ན། དགའ་བྱེད་དགེ་སློང་མ་ལ་ངའམ་ཁྱོད་ཀྱིས་གཏམ་ཀྱང་རུང་ཞིང་དགེ་སློང་མ་ལ་ངའམ་ཁྱེད་ཀྱིས་རྗེས་སུ་བསྟན་ཀྱང་རུང་ལ། དགེ་སློང་མ་རྣམས་ལ་ངའམ་ཁྱོད་ཀྱིས་ཆོས་དང་ལྡན་པའི་གཏམ་བྱར་ཡང་རུང་བའི་ཕྱིར་རོ། །ཚེ་དང་ལྡན་པ་དགའ་བྱེད་ཀྱིས་ཅང་མི་སྨྲ་བས་བཅོམ་ལྡན་འདས་ལས་དང་དུ་བླངས་སོ། །དེ་ནས་ཚེ་དང་ལྡན་པ་དགའ་བྱེད་ཀྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་དགའ་བྱེད་དེ་ཉིད་ཀྱི་མཚན་མོ་འདས་ནས། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །དེ་ནས་མཉན་ཡོད་དུ་བསོད་སྙོམས་བརྒྱུས་ནས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་
Ja77b
ལྷུང་བཟེད་དང་ཆོས་གོས་མཁོས་སུ་ཕབ་སྟེ། རྐང་པ་གཉིས་བཀྲུས་ནས་ནང་དུ་ཡང་དག་འཇོག་གི་ཕྱིར་གཙུག་ལག་ཁང་དུ་ཞུགས་སོ། །དེ་ནས་ཚེ་དང་ལྡན་པ་དགའ་བྱེད་ཕྱེམ་བྲེད་ནང་དུ་ཡང་དག་འཇོག་ལས་ལངས་ནས་སྣམ་སྦྱར་ཐོགས་ཏེ་ཕྱི་བཞིན་འབྲང་བའི་དགེ་སྦྱོང་དགེ་སློང་ཞིག་དང ། དགེ་སློང་མའི་དབྱར་ཁང་རྒྱལ་པོའི་ཀུན་དགའ་ར་བ་ག་ལ་བ་དེར་སོང་ངོ ། །དགེ་སློང་མ་དེ་དག་གིས་ཚེ་དང་ལྡན་པ་དགའ་བྱེད་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཚེ་དང་ལྡན་པ་དགའ་བྱེད་ཀྱིས་ཕྱིར་སྟན་ཤོམ་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །བཙུན་པ་དགའ་བྱེད་ཚུར་ཤོག། བཙུན་པ་དགའ་བྱེད་བྱོན་པ་ལེགས་སོ། །བཙུན་པ་དགའ་བྱེད་གདན་བཤམས་པ་ཉིད་ལ་བཞུགས་སུ་གསོལ། ཚེ་དང་ལྡན་པ་དགའ་བྱེད་སྟན་བཤམས་པ་ཉིད་ལ་འདུག་གོ་།དེ་ནས་དགེ་སློང་མ་དེ་དག་གིས། ཚེ་དང་ལྡན་པ་དགའ་བྱེད་ཀྱི་རྐང་པ་གཉིས་ལ་ཕྱག་འཚལ་ཏེ། མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་ཚེ་དང་ལྡན་པ་དགའ་བྱེད་ཀྱིས་དགེ་སློང་མ་དེ་དག་ལ་འདི་སྐད་ཅེས་སྨྲས་སོ། །སྲིང་མོ་དག་ཁྱེད་ཅག་རྣམ་བར་སེལ་བ་ཡོངས་སུ་དྲིས་ཤིག་དང ། ཆོས་དང་ལྡན་པའི་གཏམ་བརྗོད་པར་བྱའོ། །དེ་ལ་ཁྱོད་ཀྱིས་ཀུན་ཤེས་པ་དག་གིས་ཀུན་ཤེས་སོ་ཞེས་བརྗོད་པར་གྱིས་ཤིག་།ཀུན་མི་ཤེས་པ་དག་གིས་ཀྱང་ཀུན་མི་ཤེས་སོ་ཞེས་བརྗོད་པར་གྱིས་ཤིག་།གང་གིས་སྨྲས་པ་གང་གི་དོན་ཀུན་ཤེས་པ་དེས་ནི་དེ་ཁོ་ན་བཞིན་དུ་ཟུང་ཞིག་།གང་གིས་སྨྲས་པ་གང་གི་དོན་ཀུན་མི་ཤེས་པ་དེས་ནི་
Ja78a
༄#། །བདག་ཉིད་ལ་བཙུན་པ་དགའ་བྱེད་སྨྲས་པ་འདིའི་དོན་ཅི་ལགས། འདི་ཇི་ལྟ་བུ་ལགས་ཞེས་ཡོངས་སུ་དྲིས་ཤིག་།བཙུན་པ་དགའ་བྱེད་གང་གི་སླད་དུ། བཙུན་པ་དགའ་བྱེད་ཀྱིས་དེ་སྐད་ཅེས་སྲིང་མོ་དག་ཁྱེད་ཅག་རྣམ་པར་སེལ་བ་དྲིས་ཤིག་དང་ཆོས་དང་ལྡན་པའི་གཏམ་བརྗོད་པར་བྱའོ། །དེ་ལ་ཁྱོད་ཀྱིས་ཀུན་ཤེས་པ་དག་གིས་ཀྱང་ཀུན་ཤེས་སོ་ཞེས་བརྗོད་པར་གྱིས་ཤིག་།ཀུན་མི་ཤེས་པ་དག་གིས་ཀྱང་ཀུན་མི་ཤེས་སོ་ཞེས་བརྗོད་པར་གྱིས་ཤིག་།གང་གིས་སྨྲས་པ་གང་གི་དོན་ཀུན་ཤེས་པ་དེས་ནི་དེ་ཁོ་ན་བཞིན་དུ་ཟུང་ཞིག་།གང་གིས་སྨྲས་པ་གང་གི་དོན་ཀུན་མི་ཤེས་པ་དེས་ནི་བདག་ཉིད་ལ་བཙུན་པ་དགའ་བྱེད་སྨྲས་པ་འདིའི་དོན་ཅི་ལགས་འདི་ཇི་ལྟ་བུ་ལགས་ཞེས་ཡོངས་སུ་དྲིས་ཤིག་ཅེས་བཀའ་སྩལ་པ། དེ་ཉིད་ཀྱིས་བདག་ཅག་གློ་བ་དགའ་ཞིང་རངས་པར་གྱུར་ཏོ། །བཙུན་པ་དགའ་བྱེད་ཆོས་གསུངས་ཤིག་དང་བདག་ཅག་གིས་ཀུན་འཚལ་བདག་གིས་ཀྱང་ཀུན་འཚལ་ཏོ་ཞེས་བརྗོད་པར་བགྱིའོ། །ཀུན་མ་འཚལ་བ་དག་གིས་ཀྱང་ཀུན་མ་འཚལ་ཏོ་ཞས་བརྗོད་པར་བགྱིའོ། །གང་གིས་སྨྲས་པ་གང་གི་དོན་ཀུན་འཚལ་བ་དེས་ནི་དེ་ཁོ་ན་བཞིན་དུ་གཟུང་བར་བགྱིའོ། །གང་གིས་སྨྲས་པ། གང་གི་དོན་ཀུན་མ་འཚལ་བ་དེས་ནི་བཙུན་པ་དགའ་བྱེད་ཉིད་ལ། བཙུན་པ་དགའ་བྱེད་སྨྲས་པ་འདིའི་དོན་ཅི་ལགས། འདི་ཇི་ལྟ་བུ་ལགས་ཞེས་ཡོངས་སུ་དྲི་བར་བགྱིའོ། །སྲིང་མོ་དག་ཁྱེད་ཀྱིས་ནང་གི་སྐྱེ་མཆེད་མིག་ལ་འདི་ནི་བདག་
Ja78b
གིའོ། །འདི་ནི་བདག་གོ་།འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །སྲིང་མོ་དག་ཁྱེད་ཀྱིས་ནང་གི་སྐྱེ་མཆེད་རྣ་བ་དང ། སྣ་དང ། ལྕེ་དང ། ལུས་དང ། ཡིད་དག་ལ་འདི་ནི་བདག་གིའོ། །འདི་ནི་བདག་གོ། འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་བདག་མ་མཆིས་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་བདག་ཅག་གི་སེམས་ཀྱང་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་བདག་མ་མཆིས་པ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨྲས་པ་དེའི་དོན་ནི། ཇི་ལྟར་ནང་གི་སྐྱེ་མཆེད་དྲུག་པོ་འདི་དག་བདག་མེད་པ་དེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་ཁྱེད་ཀྱིས་ཕྱི་རོལ་གྱི་སྐྱེ་མཆེད་གཟུགས་དག་ལ། འདི་ནི་བདག་གིའོ། །འདི་ནི་བདག་གོ་།འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །སྲིང་མོ་དག་ཁྱེད་ཀྱིས་ཕྱི་རོལ་གྱི་སྐྱེ་མཆེད་སྒྲ་དག་དང ། དྲི་དག་དང ། རོ་དག་དང ། རེག་བྱ་དག་དང ། ཆོས་དག་ལ་འདི་ནི་བདག་གིའོ། །འདི་ནི་བདག་གོ། །འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་
Ja79a
༄#། །བདག་ཅག་གིས་དང་པོ་ཉིད་ནས་ཇི་ལྟར་སླད་རོལ་གྱི་སྐྱེ་མཆེད་དྲུག་པོ་འདི་དག་བདག་མ་མཆིས་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང ། བདག་ཅག་གིས་སེམས་ཀྱང་ཇི་ལྟར་སླད་རོལ་གྱི་སྐྱེ་མཆེད་དྲུག་པོ་འདི་དག་བདག་མ་མཆིས་པ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨྲས་པ་དེའི་དོན་ནི་ཇི་ལྟར་ཕྱི་རོལ་གྱི་སྐྱེ་མཆེད་དྲུག་པོ་འདི་དག་བདག་མེད་པ་དེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་ཁྱེད་ཀྱིས་མིག་དང་གཟུགས་རྣམས་ལ་བརྟེན་ནས་མིག་གི་རྣམ་པར་ཤེས་པའི་སྐྱེ་བའི་མིག་གི་རྣམ་པར་ཤེས་པ་དེ་ལ་འདི་ནི་བདག་གིའོ། །འདི་ནི་བདག་གོ་།འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །སྲིང་མོ་དག་ཁྱེད་ཀྱིས་རྣ་བ་དང ། རྣ་དང ། ལྕེ་དང ། ལུས་དང ། ཡིད་དང ། ཆོས་རྣམས་ལ་བསྟེན་ཏེ་ཡིད་ཀྱི་རྣམ་པར་ཤེས་པ་སྐྱེ་བའི་ཡིད་ཀྱི་རྣམ་པར་ཤེས་པ་དེ་ལ་འདི་ནི་བདག་གིའོ། །འདི་ནི་བདག་གོ། འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས། ཇི་ལྟར་རྣམ་པར་ཤེས་པའི་ཚོགས་དྲུག་པོ་འདི་དག་བདག་མ་མཆིས་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མ་མཐོང་ཞིང ། བདག་ཅག་གི་སེམས་ཀྱང་ཇི་ལྟར་རྣམ་པར་ཤེས་པའི་
Ja79b
ཚོགས་དྲུག་པོ་འདི་དག་བདག་མ་མཆིས་པ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨྲས་པ་དེའི་དོན་ནི་ཇི་ལྟར་རྣམ་པར་ཤེས་པའི་ཚོགས་དྲུག་པོ་འདི་དག་བདག་མེད་བདེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་ཁྱེད་ཀྱིས་མིག་དང་གཟུགས་རྣམས་ལ་བརྟེན་ནས་མིག་གི་རྣམ་པར་ཤེས་པ་སྐྱེ་ཞིང་གསུམ་འདུས་པ་ལས་རེག་པའི་མིག་གི་འདུས་ཏེ་རེག་པ་དེ་ལ་འདི་ནི་བདག་གིའོ། །འདི་ནི་བདག་གོ། འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །སྲིང་མོ་དག་ཁྱེད་ཀྱིས་རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། ཆོས་རྣམས་ལ་བརྟེན་ཏེ་ཡིད་ཀྱི་རྣམ་པར་ཤེས་པ་སྐྱེ་ཞིང ། གསུམ་འདུས་པ་ལས་རེག་པའི་ཡིད་ཀྱི་འདུས་ཏེ་རེག་པ་དེ་ལ་འདི་ནི་བདག་གིའོ། །འདི་ནི་བདག་གོ་།འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་རེག་པའི་ཚོགས་དྲུག་པོ་འདི་དག་བདག་མ་མཆིས་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་བདག་ཅག་གིས་སེམས་ཀྱང་ཇི་ལྟར་རེག་པའི་ཚོགས་དྲུག་པོ་འདི་དག་བདག་མ་མཆིས་པ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨྲས་པ། དེའི་དོན་ནི་ཇི་ལྟར་རེག་པའི་ཚོགས་དྲུག་པོ་འདི་དག་བདག་མེད་པ་དེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་ཁྱེད་ཀྱིས་མིག་དང་
Ja80a
༄#། །གཟུགས་རྣམས་ལ་བརྟེན་ནས་མིག་གི་རྣམ་པར་ཤེས་པ་སྐྱེ་ཞིང་གསུམ་འདུས་པ་ལས་རེག་པ། རེག་པའི་རྐྱེན་གྱིས་ཚོར་བའི་མིག་གི་འདུས་ཏེ་རེག་པ་ལས་བྱུང་བའི་ཚོར་བ་དེ་ལ་འདི་ནི་བདག་གིའོ། །འདི་ནི་བདག་གོ་།འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །སྲིང་མོ་དག་ཁྱེད་ཀྱིས་རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། ཆོས་རྣམས་ལ་བརྟེན་ཏེ་ཡིད་ཀྱི་རྣམ་པར་ཤེས་པ་སྐྱེ་ཞིང་གསུམ་འདུས་པ་ལས་རེག་པ། རེག་པའི་རྐྱེན་གྱིས་ཚོར་བའི་ཡིད་ཀྱི་འདུས་ཏེ་རེག་པ་ལས་བྱུང་བའི་ཚོར་བ་དེ་ལ་འདི་ནི་བདག་གིའོ། །འདི་ནི་བདག་གོ་།འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་ཚོར་བའི་ཚོགས་དྲུག་པོ་འདི་དག་བདག་མ་མཆིས་པར་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་བདག་ཅག་གིས་སེམས་ཀྱང་ཇི་ལྟར་ཚོར་བའི་ཚོགས་དྲུག་པོ་འདི་དག་བདག་མ་མཆིས་པ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨྲས་པ་དེའི་དོན་ནི་ཇི་ལྟར་རེག་པའི་ཚོགས་དྲུག་པོ་འདི་དག་བདག་མེད་པ་དེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་ཁྱེད་ཀྱིས་མིག་དང་གཟུགས་རྣམས་ལ་བརྟེན་ནས་མིག་གི་རྣམ་པར་ཤེས་པ་སྐྱེ་ཞིང ། གསུམ་འདུས་པ་ལས་རེག་པ། རེག་པའི་རྐྱེན་གྱིས་
Ja80b
ཚོར་བ། ཚོར་བའི་རྐྱེན་གྱིས་སྲེད་པའི་མིག་གི་འདུས་ཏེ་རེག་པ་ལས་བྱུང་བའི་སྲེད་པ་དེ་ལ་འདི་ནི་བདག་གིའོ། །འདི་ནི་བདག་གོ་།འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །སྲིང་མོ་དག་ཁྱེད་ཀྱིས་རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། ཆོས་རྣམས་ལ་བརྟེན་ཏེ་ཡིད་ཀྱི་རྣམ་པར་ཤེས་པ་སྐྱེ་ཞིང ། གསུམ་འདུས་པ་ལས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པའི་ཡིད་ཀྱི་འདུས་ཏེ་རེག་པ་ལས་བྱུང་བའི་སྲེད་པ་དེ་ལ་འདི་ནི་བདག་གིའོ། །འདི་ནི་བདག་གོ་།འདི་ནི་བདག་གི་བདག་གོ་ཞེས་བྱ་བར་ཡང་དག་པར་རྗེས་སུ་མཐོང་ངམ། བཙུན་པ་དགའ་བྱེད་མ་མཐོང་ངོ ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་སྲེད་པའི་ཚོགས་དྲུག་པོ་འདི་དག་ནི་བདག་མ་མཆིས་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་བདག་ཅག་གི་སེམས་ཀྱང་ཇི་ལྟར་སྲེད་པའི་ཚོགས་དྲུག་པོ་འདི་དག་བདག་མ་མཆིས་པ་དེ་ལྟར་དེ་ལ་མོས་པའི་སླད་དུའོ། ། སྲིང་མོ་དག་ལེགས་སོ་ལེགས་སོ། །སྨྲས་པ་དེའི་དོན་ནི་ཇི་ལྟར་སྲེད་པའི་ཚོགས་དྲུག་པོ་འདི་དག་བདག་མེད་པ་དེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་འདི་ལྟ་སྟེ་དཔེར་ན། འབྲུ་མར་དང་མར་མེའི་སྙིང་པོ་ལ་བརྟེན་ནས་འབྲུ་མར་གྱི་མར་མེ་འབར་བར་འགྱུར་ཞིང་འབྲུ་མར་གྱི་མར་མེ་དེའི་འབྲུ་མར་ཡང་མི་རྟག་པ་ཡིན། མར་མེའི་སྙིང་པོ་དང ། མེ་ལྕེ་དང་སྣོད་ཀྱང་མི་རྟག་པ་ཡིན་ན། སྲིང་མོ་དག་
Ja81a
༄#། །གང་འདི་སྐད་ཅེས་དེའི་འབྲུ་མར་མེད་པ་དང་མར་མེའི་སྙིང་པོ་དང་མེ་ལྕེ་དང ། སྣོད་མེད་ན་ཡང་དེ་ལ་བརྟེན་པའི་སྣང་བ་གང་ཡིན་པ་དེ་རྟག་པ་བརྟན་པ་ཐེར་ཟུག་པ་རྣམ་པར་མི་འགྱུར་བའི་ཆོས་ཅན་ཡང་དག་པ་དེ་ཁོ་ན་བཞིན་དུ་གནས་པར་འགྱུར་རོ་ཞེས་ཟེར་ན། དེ་སྐད་ཟེར་བ་དེ་ཡང་དག་པར་སྨྲ་བ་ཡིན་ནམ། བཙུན་པ་དགའ་བྱེད་མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་འདི་ལྟར་འབྲུ་མར་གྱི་མར་མེ་དེའི་འབྲུ་མར་ཡང་མི་རྟག་པ་ལགས། མར་མེའི་སྙིང་པོ་དང་མེ་ལྕེ་དང་སྣོད་ཀྱང་མི་རྟག་པ་ལགས་ལ། དེའི་འབྲུ་མར་མ་མཆིས་ཤིང་ཞུགས་མར་གྱི་སྙིང་པོ་དང་མེ་ལྕེ་དང་སྣོད་མ་མཆིས་ན་དེ་ལ་བརྟེན་པའི་སྣང་བ་གང་ལགས་པ་དེ་ཐམས་ཅད་ཀྱི་ཐམས་ཅད་དུ་མི་འབྱུང་བའི་སླད་དུའོ། །སྲིང་མོ་དག་དེ་བཞིན་དུ་ནང་གི་སྐྱེ་མཆེད་དྲུག་པོ་མི་རྟག་པ་འདི་དག་ལ་གང་འདི་སྐད་ཅེས་ནང་གི་སྐྱེ་མཆེད་དྲུག་པོ་མི་རྟག་པ་འདི་དག་ལ་བརྟེན་ནས་བདེ་བ་དང ། ཡིད་བདེ་བ་སྐྱེས་པ་གང་ཡིན་པ་དེ། རྟག་པ་བརྟན་པ་ཐེར་ཟུག་པ་རྣམ་པར་མི་འགྱུར་བའི་ཆོས་ཅན་ཡང་དག་པ་དེ་ཁོ་ན་བཞིན་དུ་གནས་པར་འགྱུར་རོ་ཞེས་ཟེར་ན། དེ་སྐད་ཅེས་ཟེར་བ་དེ་ཡང་དག་པར་སྨྲ་བ་ཡིན་ནམ། བཙུན་པ་དགའ་བྱེད་མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་མི་རྟག་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་བདག་ཅག་གི་སེམས་ཀྱང་ཇི་ལྟར་ཆོས་དེ་
Ja81b
དང་དེ་དག་སྐྱེས་པས་ཆོས་དེ་དང་དེ་དག་སྐྱེ་བར་འགྱུར་ཞིང ། ཆོས་དེ་དང་དེ་དག་འགགས་པས་ཆོས་དེ་དང་དེ་དག་འགག་པར་འགྱུར་བ་དང་ཉེ་བར་ཞི་བར་འགྱུར་བ་དང ། བསིལ་བར་འགྱུར་བ་དང ། ནུབ་པར་འགྱུར་པ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨྲས་པ་དེའི་དོན་ནི་ཇི་ལྟར་ནང་གི་སྐྱེ་མཆེད་དྲུག་པོ་འདི་དག་མི་རྟག་ཅིང་ཆོས་དེ་དང་དེ་དག་སྐྱེས་པས་ཆོས་དེ་དང་དེ་དག་སྐྱེ་བར་འགྱུར་ཞིང ། ཆོས་དེ་དང་དེ་དག་འགགས་པས་ཆོས་དེ་དང་དེ་དག་འགག་པར་འགྱུར་བ་དང་ཉེ་བར་ཞི་བར་འགྱུར་བ་དང ། བསལ་བར་འགྱུར་བ་དང ། ནུབ་པར་འགྱུར་བ་དེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་འདི་ལྟ་སྟེ་དཔེར་ན། ཤིང་ལྗོན་པ་ཆེན་པོ་རྩ་བ་དང་ལྡན་པ། སྡོང་པོ་དང་ལྡན་པ། སྙིང་པོ་དང་ལྡན་པ། ཡལ་ག་དང ། ལོ་མ་དང ། མེ་ཏོག་དང ། འབྲས་བུ་དང་ལྡན་པའི་རྩ་བ་ཡང་མི་རྟག་པ་ཡིན། སྡོང་པོ་དང ། སྙིང་པོ་དང ། ཡལ་ག་དང་ལོ་མ་དང་མེ་ཏོག་དང་འབྲས་བུ་ཡང་མི་རྟག་པ་ཡིན་ན། སྲིང་མོ་དག་གང་འདི་སྐད་ཅེས་དེའི་རྩ་བ་མེད་པ་དང ། སྡོང་པོ་དང ། སྙིང་པོ་དང ། ཡལ་ག་དང ། ལོ་མ་དང ། མེ་ཏོག་དང ། འབྲས་བུ་མེད་ན་ཡང་དེ་ལ་རྟེན་པའི་གྲིབ་མ་གང་ཡིན་པ་དེ་རྟག་པ་བརྟན་པ་ཐེར་ཟུག་པ་རྣམ་པར་མི་འགྱུར་བའི་ཆོས་ཅན་ཡང་དག་པ་དེ་ཁོ་ན་བཞིན་དུ་གནས་པར་འགྱུར་རོ་ཞེས་ཟེར་ན། དེ་སྐད་ཟེར་བ་དེ་ཡང་དག་པར་སྨྲ་བ་ཡིན་ནམ། བཙུན་པ་དགའ་བྱེད་མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་འདི་ལྟར་ཞུགས་
Ja82a
༄#། །ཤིང་ལྗོན་པ་ཆེན་པོ་རྩ་བ་དང་ལྡན་པ། སྡོང་པོ་དང་ལྡན་པ། སྙིང་པོ་དང་ལྡན་པ། ཡལ་ག་དང་ལྡན་པ། ལོ་མ་དང་མེ་ཏོག་དང་འབྲས་བུ་དང་ལྡན་པ་དེའི་རྩ་བ་ཡང་མི་རྟག་པ་ལགས། སྡོང་པོ་དང་སྙིང་པོ་དང་ཡལ་ག་དང་ལོ་མ་དང་མེ་ཏོག་དང ། འབྲས་བུ་ཡང་མི་རྟག་པ་ལགས་ལ། དེའི་རྩ་བ་མ་མཆིས་ཤིང་སྡོང་པོ་དང ། སྙིང་པོ་དང་ཡལ་ག་དང ། ལོ་མ་དང ། མེ་ཏོག་དང་འབྲས་བུ་མ་མཆིས་ན། དེ་ལ་བརྟེན་པའི་གྲིབ་མ་གང་ལགས་པ་དེ་ཐམས་ཅད་ཀྱི་ཐམས་ཅད་དུ་མི་འབྱུང་བའི་སླད་དུའོ། །སྲིང་མོ་དག་དེ་བཞིན་དུ་ཕྱི་རོལ་གྱི་སྐྱེ་མཆེད་དྲུག་པོ་མི་རྟག་པ་འདི་དག་ལ་གང་འདི་སྐད་ཅེས་ཕྱི་རོལ་གྱི་སྐྱེ་མཆེད་དྲུག་པོ་མི་རྟག་པ་འདི་དག་ལ་བརྟེན་ནས་བདེ་བ་དང་ཡིད་བདེ་བ་བསྐྱེད་པ་གང་ཡིན་པ་དེ་རྟག་པ་བརྟན་པ་ཐེར་ཟུག་པ་རྣམ་པར་མི་འགྱུར་བའི་ཆོས་ཅན་ཡང་དག་པ་དེ་ཁོ་ན་བཞིན་དུ་གནས་པར་འགྱུར་རོ་ཞེས་ཟེར་ན་དེ་སྐད་ཅེས་ཟེར་བ་དེ་ཡང་དག་པར་སྨྲ་བ་ཡིན་ནམ། བཙུན་པ་དགའ་བྱེད་མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་བདག་ཅག་གིས་དང་པོ་ཉིད་ནས་ཇི་ལྟར་སླད་རོལ་གྱི་སྐྱེ་མཆེད་དྲུག་པོ་འདི་དག་མི་རྟག་པ་དེ་ལྟར་ཡང་དག་པའི་ཤེས་རབ་ཀྱིས་ཡང་དག་པ་ཇི་ལྟ་བ་བཞིན་དུ་མཐོང་ཞིང་བདག་ཅག་གི་སེམས་ཀྱང་ཇི་ལྟར་ཆོས་དེ་དང་དེ་དག་སྐྱེས་པས་ཆོས་དེ་དང་དེ་དག་སྐྱེ་བར་འགྱུར་ཞིང་ཆོས་དེ་དང་དེ་དག་འགགས་པས་ཆོས་དེ་དང་དེ་དག་འགག་པར་འགྱུར་བ་དང ། ཉེ་བར་ཞི་བར་འགྱུར་བ་དང །
Ja82b
བསིལ་བར་འགྱུར་བ་དང ། ནུབ་པར་འགྱུར་བ་དེ་ལྟར་དེ་ལ་མོས་པའི་སླད་དུའོ། །སྲིང་མོ་དག་ལེགས་སོ་ལེགས་སོ། །སྨྲས་པ་དེའི་དོན་ནི་ཇི་ལྟར་ཕྱི་རོལ་གྱི་སྐྱེ་མཆེད་དྲུག་པོ་འདི་དག་མི་རྟག་ཅིང་ཆོས་དེ་དང ། དེ་དག་སྐྱེས་པས་ཆོས་དེ་དང་དེ་དག་སྐྱེ་བར་འགྱུར་ཞིང ། ཆོས་དེ་དང་དེ་དག་འགགས་པས་ཆོས་དེ་དང་དེ་དག་འགག་པར་འགྱུར་བ་དང་ཉེ་བར་ཞི་བར་འགྱུར་བ་དང ། བསིལ་བར་འགྱུར་བ་དང ། ནུབ་པར་འགྱུར་བ་དེ་ཁོ་ན་བཞིན་དུ་བལྟ་བར་བྱའོ། །སྲིང་མོ་དག་འདི་ན་སྐྱེས་བུ་མཁས་པ་དག་དཔེས་སྨྲས་པའི་དོན་ཀུན་ཤེས་པར་འགྱུར་བས་དེའི་ཕྱིར་རེ་ཞིག་དཔེ་ཉོན་ཅིག། སྲིང་མོ་དག་འདི་ལྟ་སྟེ། དཔེར་ན་བ་ལང་གསོད་པའམ་བ་ལང་གསོད་པའི་སློབ་མ་མཁས་པ་ཞིག་གིས་བ་ལང་བཤའ་བའི་གྲི་རྣོན་པོས་བ་ལང་བསད་དེ་དེའི་ནང་གི་ཤའི་ཚོགས་ཀྱང་མ་ཉམས་ཕྱི་རོལ་གྱི་པགས་པའི་ཚོགས་ཀྱང་མ་ཉམས་པར་བར་གྱི་ཆུ་རྒྱུས་དང་བར་གྱི་གློ་བ་དང་བར་གྱི་མཆིན་པ་དང་བར་གྱི་རྩ་རྒྱུན་གང་ཡིན་པ་དེ་དག་ཐམས་ཅད་ཀུན་ཏུ་བཅད་ཀུན་ཏུ་དྲལ་ནས་ཀུན་ཏུ་རྡུང་བར་བྱེད་ཀུན་ཏུ་དམྱལ་བར་བྱེད་ཅིང་དེ་དག་ཐམས་ཅད་ཀུན་ཏུ་བཅད། ཀུན་ཏུ་དྲལ་ནས་ཀུན་ཏུ་བརྡུངས། ཀུན་ཏུ་དམྱལ་ཏེ། ཡང་བ་ལང་གི་ཀོ་བས་གཡོགས་པར་གྱུར་པ་དེ་ལ། སྲིང་མོ་དག་གང་འདི་སྐད་ཅེས་བ་ལང་ཀོ་བ་དང་ལྡན་པ་ཡིན་གྱི་དྲལ་བ་མ་ཡིན་ནོ། །ཞེས་ཟེར་ན། དེ་སྐད་ཅེས་ཟེར་བ་དེ་ཡང་དག་པར་སྨྲ་བ་ཡིན་ནམ། བཙུན་པ་དགའ་བྱེད་མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་དགའ་བྱེད་འདི་ལྟར་བ་ལང་འགུམས་པའམ། བ་ལང་འགུམས་
Ja83a
༄#། །པའི་སློབ་མ་མཁས་པས་བ་ལང་འགུམས་པའི་གྲི་རྣོན་པོས་བ་ལང་བཀུམ་སྟེ། དེའི་ནང་གི་ཤའི་ཚོགས་ཀྱང་མ་ཉམས། སླད་རོལ་གྱི་པགས་པའི་ཚོགས་ཀྱང་མ་ཉམས་པར་བར་གྱི་ཆུ་རྒྱུས་དང ། བར་གྱི་གློ་བ་དང ། བར་གྱི་མཆིན་པ་དང ། བར་གྱི་རྩ་རྒྱུན་གང་ལགས་པ་དེ་དག་ཐམས་ཅད་ཀུན་ཏུ་བཅད། ཀུན་ཏུ་བྲལ་ནས་ཀུན་ཏུ་བརྡུངས་པར་བགྱིད། ཀུན་ཏུ་དམྱལ་བར་བགྱིད་ཅིང་དེ་དག་ཐམས་ཅད་ཀུན་ཏུ་བཅད། ཀུན་ཏུ་དྲལ་ནས་ཀུན་ཏུ་བརྡུངས། ཀུན་ཏུ་དམྱལ་ཏེ་དེ་ཡང་བ་ལང་གི་ཀོ་བས་གཡོགས་པར་གྱུར་པ་དེ་ནི་བཙུན་པ་དགའ་བྱེད་པ་ལང་གི་ཀོ་བ་དང་ལྡན་པ་མ་ལགས་ཀྱི་བྲལ་བ་ལགས་པའི་སླད་དུའོ། །སྲིང་མོ་དག་དེ་ལྟར་ཇི་ཙམ་དུ་དོན་རྣམ་པར་རིག་པར་བྱ་བའི་ཕྱིར་དཔེ་དེ་བྱས་ཏེ། འདི་ལ་དོན་ནི་འདི་ཡིན་པར་བལྟ་བར་བྱ་སྟེ། སྲིང་མོ་དག་བ་ལང་ཞེས་བྱ་བ་དེ་ནི་ལུས་གཟུགས་ཅན་རགས་པ་འབྱུང་བ་ཆེན་པོ་བཞི་ལས་གྱུར་པ། ཕ་མའི་མི་གཙང་བ་མེར་མེར་པོ་ལས་བྱུང་བ་འབྲས་ཆན་དང་ཟན་དྲོན་གྱིས་ཉེ་བར་བསགས་པ། རྟག་ཏུ་བྱུག་པ་དང ། ཁྲུས་དང་མཉེ་བ་དང ། འབྱེད་པ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཅན་གང་ཡིན་པའི་ཚིག་བླ་དྭགས་ཡིན་ནོ། །ནང་གི་ཤའི་ཚོགས་ཞེས་བྱ་བ་དེ་ནི་ནང་གི་སྐྱེ་མཆེད་དྲུག་པོ་དག་གི་ཚིག་བླ་དྭགས་ཡིན་ནོ། །ཕྱི་རོལ་གྱི་པགས་པའི་ཚོགས་ཞེས་བྱ་བ་དེ་ནི་ཕྱི་རོལ་གྱི་སྐྱེ་མཆེད་དྲུག་པོ་དག་གི་ཚིག་བླ་དྭགས་ཡིན་ནོ། །བར་གྱི་ཆུ་རྒྱུས་དང་བར་གྱི་གློ་བ་དང་
Ja83b
བར་གྱི་མཆིན་པ་དང ། བར་གྱི་རྩ་རྒྱུན་ཞེས་བྱ་བ་དེ་ནི་དགའ་བའི་འདོད་ཆགས་ཀྱི་ཚིག་བླ་དྭགས་ཡིན་ནོ། །བ་ལང་གསོད་པའམ། བ་ལང་གསོད་པའི་སློབ་མ་མཁས་པ་ཞེས་བྱ་བ་དེ་ནི་འཕགས་པའི་ཉན་ཐོས་ཐོས་པ་དང་ལྡན་པའི་ཚིག་བླ་དྭགས་ཡིན་ནོ། །གྲི་ཞེས་བྱ་བ་དེ་ནི་ཤེས་རབ་ཀྱི་མཚོན་གྱི་ཚིག་བླ་དྭགས་ཡིན་ནོ། །སྲིང་མོ་དག་འཕགས་པའི་ཉན་ཐོས་ཐོས་པ་དང་ལྡན་པས་ཤེས་རབ་ཀྱི་མཚོན་གྱིས་ཀུན་ཏུ་སྦྱོར་བ་དང ། འཆིང་བ་དང ། བག་ལ་ཉལ་བ་དང ། ཉེ་བའི་ཉོན་མོངས་པ་དང ། ཀུན་ནས་དཀྲིས་པ་ཐམས་ཅད་ཀུན་ཏུ་གཅོད་པར་བྱེད། ཀུན་ཏུ་འདྲལ་བར་བྱེད། ཀུན་ཏུ་རྡུང་བར་བྱེད། ཀུན་ཏུ་དམྱལ་བར་བྱེད་དོ། །སྲིང་མོ་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། འདོད་ཆགས་སྤང་བའི་ཕྱིར་ཆགས་པར་འགྱུར་བའི་ཆོས་རྣམས་ལ་བདག་གི་སེམས་གང་ཡིན་པ་ཆགས་པར་མི་འགྱུར་བ་དང ། ཞེ་སྡང་སྤང་བའི་ཕྱིར་ཞེ་སྡང་བར་འགྱུར་བའི་ཆོས་རྣམས་ལ་བདག་གི་སེམས་གང་ཡིན་པ་ཞེ་སྡང་བར་མི་འགྱུར་བ་དང ། གཏི་མུག་སྤང་བའི་ཕྱིར་རྨོངས་པར་འགྱུར་བའི་ཆོས་རྣམས་ལ་བདག་གི་སེམས་གང་ཡིན་པ་རྨོངས་པར་མི་འགྱུར་བ་དེ་ལྟར་བསླབ་པར་བྱའོ། །སྲིང་མོ་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། ཉེ་བར་ལེན་པའི་ཕུང་པོ་ལྔ་པོ་དག་ལ་འབྱུང་བ་དང ། འཇིག་པར་རྗེས་སུ་ལྟ་ཞིང་གནས་པར་བྱའོ། །རེག་པའི་སྐྱེ་མཆེད་དྲུག་པོ་དག་ལ་ཀུན་འབྱུང་བ་དང་ནུབ་པར་འགྱུར་བར་རྗེས་སུ་ལྟ་ཞིང་གནས་པར་བྱའོ། །དྲན་པ་ཉེ་བར་གཞག་པ་བཞི་པོ་དག་ལ་སེམས་ཉེ་བར་བཞག་
Ja84a
༄#། །ཅིང་གནས་པར་བྱའོ། །དྲན་པ་ཉེ་བར་གཞག་པ་བཞི་པོ་དག་སེམས་ལེགས་པར་ཉེ་བར་བཞག་ཅིང་གནས་ན་བྱང་ཆུབ་ཀྱི་ཡན་ལག་བདུན་པོ་དག་ཀུན་ཏུ་བསྟེན་པར་བྱ། གོམས་པར་བྱ། ལན་མང་དུ་བྱའོ་ཞེས་དེ་ལྟར་བསླབ་པར་བྱའོ། །སྲིང་མོ་དག་ཁྱེད་ཀྱིས་བྱང་ཆུབ་ཀྱི་ཡན་ལག་བདུན་པོ་དག་ཏུ་ཀུན་ཏུ་བསྟེན་པའི་རྒྱུ་དང ། གོམས་པར་བྱས་པའི་རྒྱུ་དང ། ལན་མང་དུ་བྱས་པའི་རྒྱུ་དང ། ལེགས་པར་ཡིད་ལ་བྱས་པའི་རྒྱུས་འདོད་པའི་ཟག་པ་ལས་སེམས་འདོད་ཆགས་དང་བྲལ་ཞིང་རྣམ་པར་གྲོལ་བ་དང ། སྲིད་པའི་ཟག་པ་དང ། མ་རིག་པའི་ཟག་པ་ལས་སེམས་འདོད་ཆགས་དང་བྲལ་ཞིང་རྣམ་པར་གྲོལ་བར་འགྱུར་རོ། །སྲིང་མོ་དག་ཁྱེད་ཅག་རྣམ་པར་གྲོལ་བ་དག་ལ། བདག་ཅག་སྐྱེ་བ་ནི་ཟད། ཚངས་པར་སྤྱོད་པ་ནི་བསྟེན། བྱ་བ་ནི་བྱས། སྲིད་པ་འདི་ལས་གཞན་ནི་མི་ཤེས་སོ་ཞེས་རྣམ་པར་གྲོལ་བའི་ཤེས་པ་དང་མཐོང་བ་སྐྱེ་བར་འགྱུར་གྱི། སྲིང་མོ་དག་ཁྱེད་ཀྱིས་དེ་ལྟར་བསླབ་པར་བྱའོ། །དེ་ནས་ཚེ་དང་ལྡན་པ་དགའ་བྱེད། དགེ་སློང་མ་དེ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ངོ ། །དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མི་འཁོར་དགེ་སློང་མ་ལྔ་བརྒྱ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་
Ja84b
འདུག་ནས་བཅོམ་ལྡན་འདས་སྐྱེ་དགུའི་བདག་མོ་ཆེན་མོ་གོའུ་ཏ་མི་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གོའུ་ཏ་མི་ཁྱོད་ཀྱི་དུས་ཡིན་གྱི། སོང་ཞིག་ཅེས་སྐུལ་བར་མཛད་དོ། །དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མིས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་སྐྱེ་དགུའི་བདག་མོ་ཆེན་མོ་གོའུ་ཏ་མི་སོང་ནས་རིང་པོ་མ་ལོན་པར་ཐུགས་སུ་ཆུད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་རིགས་ཀྱི་བུ་དགའ་བྱེད་ཀྱིས་དགེ་སློང་མ་ལྔ་བརྒྱ་པོ་དག་ལེགས་པར་གཏམས་ཤིང་ལེགས་པར་རྗེས་སུ་བསྟན་ནས། རྣམ་པར་གྲོལ་ཞིང་མཐར་ཐུག་པ་ཉིད་མ་ཐོབ་ཀྱང ། འདིའི་ཚེ་དུས་བྱེད་པར་གྱུར་ན་ངས་དེ་དག་ཀུན་ཏུ་སྦྱོར་བ་གང་དང་ལྡན་པས་ཡང་འཇིག་རྟེན་འདིར་འོང་བར་འགྱུར་བའི་ཀུན་ཏུ་སྦྱོར་བ་གཅིག་མ་སྤངས་པར་ཡང་དག་པར་རྗེས་སུ་མ་མཐོང་བ་ལ་ལྟོས། དགེ་སློང་དག་འདི་ལྟ་སྟེ་དཔེར་ན། ཟླ་བ་ཡར་གྱི་ངོ་དེ་ཉིད་ཀྱི་ཚེས་བཅུ་བཞི་ལ་བབ་པ་ན་མི་དག་ཟླ་བ་ལ་ཉའམ་ཉ་མ་ཡིན་ཞེས་
Ja85a
༄#། །གཉིས་སུ་འབྱེད་པར་བྱེད་དེ། འདི་ལྟར་ཉ་མ་ཡིན་པའི་ཕྱིར་མཐར་ཐུག་པ་ཉིད་དུ་མ་གྱུར་པ་དེ་བཞིན་དུ་རིགས་ཀྱི་བུ་དགའ་བྱེད་ཀྱི་བུ་དགའ་བྱེད་ཀྱིས་དགེ་སློང་མ་ལྔ་བརྒྱ་པོ་དག་ལ་ལེགས་པར་གཏམས་ཤིང་ལེགས་པར་རྗེས་སུ་བསྟན་ནས་རྣམ་པར་གྲོལ་ཞིང་མཐར་ཐུག་པ་ཉིད་མ་ཐོབ་ཀྱང་འདིའི་ཚེ་དུས་བྱེད་པར་གྱུར་ན། ངས་དེ་དག་ཀུན་ཏུ་སྦྱོར་བ་གང་དང་ལྡན་པའི་ཡང་འཇིག་རྟེན་འདིར་འོངས་པར་འགྱུར་བའི་ཀུན་ཏུ་སྦྱོར་བ་གཅིག་མ་སྤངས་བར་ཡང་དག་པར་རྗེས་སུ་མ་མཐོང་ངོ ། །དེ་ལྟར་དེ་ན་བཅོམ་ལྡན་འདས་ཀྱིས་དགེ་སློང་མ་ལྔ་བརྒྱ་པོ་དག་ཕྱིར་མི་འོང་བ་ཉིད་དུ་ལུང་བསྟན་ཏོ། །དེ་ནས་བཅོམ་ལྡན་འདས་ཀྱིས་ཡང་ལན་གཉིས་སུ་ཚེ་དང་ལྡན་པ་དགའ་བྱེད་ལ་བཀའ་སྩལ་པ། དགའ་བྱེད་ཁྱོད་ཀྱིས་དགེ་སློང་མ་ལ་སོམས་ཤིག། དགའ་བྱེད་ཁྱོད་ཀྱིས་དགེ་སློང་མ་ལ་རྗེས་སུ་སྟོན་ཅིག། དགའ་བྱེད་ཁྱོད་ཀྱིས་དགེ་སློང་མ་རྣམས་ལ་ཆོས་དང་ལྡན་པའི་གཏམ་གྱིས་ཤིག། དེ་ཅིའི་ཕྱིར་ཞེ་ན། དགའ་བྱེད་དགེ་སློང་མ་ལ་ངའམ་ཁྱོད་ཀྱིས་གཏམས་ཀྱང་རུང་ཞིང ། དགེ་སློང་མ་ལ་ངའམ་ཁྱོད་ཀྱིས་རྗེས་སུ་བསྟན་ཀྱང་རུང་ལ། དགེ་སློང་མ་རྣམས་ལ་ངའམ་ཁྱོད་ཀྱིས་ཆོས་དང་ལྡན་པའི་གཏམ་བྱར་ཡང་རུང་བའི་ཕྱིར་རོ། །ཚེ་དང་ལྡན་པ་དགའ་བྱེད་ཀྱིས་ཅང་མི་སྨྲ་བས་བཅོམ་ལྡན་འདས་ལས་དང་དུ་བླངས་སོ། །དེ་ནས་ཚེ་དང་ལྡན་པ་དགའ་བྱེད་ཀྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ། བཅོམ་ལྡན་འདས་
Ja85b
ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་དགའ་བྱེད་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །དེས་མཉན་ཡོད་དུ་བསོད་སྙོམས་ལ་བརྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས། ལྷུང་བཟེད་དང་ཆོས་གོས་མཁོས་སུ་ཕབ་སྟེ་རྐང་པ་གཉིས་བཀྲུས་ནས་ནང་དུ་ཡང་དག་འཇོག་གི་ཕྱིར་གཙུག་ལག་ཁང་དུ་ཞུགས་སོ། །དེ་ནས་ཚེ་དང་ལྡན་པ་དགའ་བྱེད་ཕྱེམ་བྲེད་ནང་དུ་ཡང་དག་འཇོག་ལས་ལངས་ནས་སྣམ་སྦྱར་ཐོགས་ཏེ་ཕྱི་བཞིན་འབྲང་བའི་དགེ་སྦྱོང་དགེ་སློང་ཞིག་དང་དགེ་སློང་མའི་དབྱར་ཁང་རྒྱལ་པོའི་ཀུན་དགའ་ར་བ་ག་ལ་བ་དེར་སོང་ངོ ། །དགེ་སློང་མ་དེ་དག་གིས་ཚེ་དང་ལྡན་པ་དགའ་བྱེད་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཚེ་དང་ལྡན་པ་དགའ་བྱེད་ཀྱི་ཕྱིར་སྟན་ཤོམ་པར་བྱེད་ཅིང་འདི་སྐད་ཅེས་ཀྱང་སྨྲས་སོ། །བཙུན་པ་དགའ་བྱེད་ཚུར་ཤེག། བཙུན་པ་དགའ་བྱེད་བྱོན་པ་ལེགས་སོ། །བཙུན་པ་དགའ་བྱེད་གདན་བཤམས་པ་ཉིད་ལ་བཞུགས་སུ་གསོལ། ཚེ་དང་ལྡན་པ་དགའ་བྱེད་གདན་བཤམས་པ་ཉིད་ལ་འདུག་གོ། དེ་ནས་དགེ་སློང་མ་དེ་དག་གིས་ཚེ་དང་ལྡན་པ་དགའ་བྱེད་ཀྱི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་ཚེ་དང་ལྡན་པ་དགའ་བྱེད་ཀྱིས་དགེ་སློང་མ་དེ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་
Ja86a
༄#། །འཛིན་ཏུ་འཇུད་པར་བྱེད། ཡང་དག་པར་གཟེངས་སྟོད་པར་བྱེད། ཡང་དག་པར་རབ་ཏུ་དགའ་བར་བྱེད། རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ངོ ། །དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མི་འཁོར་དགེ་སློང་མ་ལྔ་བརྒྱ་དང་བཅོམ་ལྡན་འདས་ག་ལ་བ་དེར་སོང་སྟེ། ཕྱིན་ནས་བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་སྐྱེ་དགུའི་བདག་མོ་ཆེན་མོ་གོའུ་ཏ་མི་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་ཏུ་འཇུག་པར་མཛད། ཡང་དག་པར་གཟེངས་སྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གོའུ་ཏ་མི་ཁྱོད་ཀྱི་དུས་ཡིན་གྱི། སོང་ཞིག་།ཅེས་སྐུལ་བར་མཛད་དོ། །དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་སྐྱེ་དགུའི་
Ja86b
བདག་མོ་ཆེན་མོ་གོའུ་ཏ་མི་སོང་ནས་རིང་པོ་མ་ལོན་པར་ཐུགས་སུ་ཆུད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་རིགས་ཀྱི་བུ་དགའ་བྱེད་ཀྱིས་དགེ་སློང་མ་ལྔ་བརྒྱ་པོ་དག་ལ་ལེགས་པར་གཏམས་ཤིང་ལེགས་པར་རྗེས་སུ་བསྟན་ནས་རྣམ་པར་གྲོལ་ཞིང་མཐར་ཐུག་པ་ཉིད་ཐོབ་སྟེ། འདིའི་ཚེ་དུས་བྱེད་པར་གྱུར་ན་དེ་དག་གིས་ལམ་གདགས་སུ་མེད་དེ་འདི་ཉིད་སྡུག་བསྔལ་གྱི་མཐར་གྱུར་པ་ལ་ལྟོས། དགེ་སློང་དག་འདི་ལྟ་སྟེ། དཔེར་ན་ཟླ་བ་ཡར་གྱི་ངོ་དེ་ཉིད་ཀྱི་ཚེས་བཅོ་ལྔ་ལ་བབ་པ་ན། མི་དག་ཟླ་བ་ཉའམ་ཉ་མ་ཡིན་ཞེས་གཉིས་སུ་འབྱེད་པར་མི་བྱེད་དེ་འདི་ལྟར་ཉ་ཡིན་པའི་ཕྱིར་མཐར་ཐུག་པ་ཉིད་དུ་གྱུར་པ་དེ་བཞིན་དུ། རིགས་ཀྱི་བུ་དགའ་བྱེད་ཀྱིས་དགེ་སློང་མ་ལྔ་བརྒྱ་པོ་དག་ལ་ལེགས་པར་གཏམས་ཤིང་ལེགས་པར་རྗེས་སུ་བསྟན་ནས་རྣམ་པར་གྲོལ་ཞིང་མཐར་ཐུག་པ་ཉིད་ཐོབ་སྟེ། འདིའི་ཚེ་དུས་བྱེད་པར་འགྱུར་ན་དེ་དག་གིས་ལམ་གདགས་སུ་མེད་དེ་འདི་ཉིད་སྡུག་བསྔལ་གྱི་མཐར་གྱུར་པ་ཡིན་ནོ། །དེ་ལྟར་དེ་ན་བཅོམ་ལྡན་འདས་ཀྱིས་དགེ་སློང་མ་ལྔ་བརྒྱ་པོ་དག་མཆོག་ཉིད་དུ་ལུང་བསྟན་ཏོ། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གནས་བརྟན་གནས་བརྟན་དག་གིས་རེས་ཀྱིས་དགེ་སློང་མ་ལ་བསྟན་པར་བྱའོ་ཞེས་བཀའ་སྩལ་ནས། དགེ་སློང་དྲུག་སྡེ་དག་ལ་དགེ་སློང་
Ja87a
༄#། །མ་ལ་སྟོན་པའི་རེས་བབ་པ་ན་དེ་དག་ཇི་ཙམ་བ་དེ་ཙམ་བསྟན་ནས། དེ་དག་དང་ལྷན་ཅིག་མཐོ་འཚམ་པར་བྱེད། ཀུན་ཏུ་རྩེ་བར་བྱེད། ཀུན་ཏུ་ཅ་ཅོ་འདོན་པར་བྱེད། གཞོག་སྟེགས་དང་ཕྱར་གཡེང་དང་ལུས་སྒྱུར་བ་བྱེད་དེ། དེ་ན་གང་དག་བདག་གིར་བྱེད་པ་དེ་དག་ནི་དེ་དག་དང་ལྷན་ཅིག་མཐོ་འཚམ་པར་བྱེད། ཀུན་ཏུ་རྩེ་བར་བྱེད། ཀུན་ཏུ་ཅ་ཅོ་འདོན་པར་བྱེད། གཞོག་སྟེགས་དང་ཕྱར་གཡེང་དང ། ལུས་སྒྱུར་བར་བྱེད་དོ། །གང་དག་བདག་གིར་མི་བྱེད་པ་དེ་དག་ནི་འཆག་ས་དག་དང ། དང་ར་དག་དང ། སྒོ་ཁང་དག་ན་གནས་ངན་ལེན་ཀུན་ཏུ་སྤྱོད་པ་འདི་ལྟ་བུ་དག་བདག་ཅག་ལ་ཀུན་ཏུ་སྟོན་པར་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དྲུག་སྡེ་དག་དགེ་སློང་མའི་སྟོན་པར་བསྐོ་བར་མི་བྱའོ། །དེ་ལྟར་བཅོམ་ལྡན་འདས་ཀྱིས་དྲུག་སྡེ་དག་དགེ་སློང་མའི་སྟོན་པར་བསྐོ་བར་མི་བྱའོ་ཞེས་བཀའ་སྩལ་ནས། དེ་དག་གཅིག་གིས་གཅིག་བསྐོས་ཏེ་དགེ་སློང་མ་ལ་སྟོན་པར་བྱེད་པ་ན་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མ་བསྐོས་པར་དགེ་སློང་མ་ལ་བསྟན་པར་མི་བྱའོ། །དེ་དག་གིས་མཚམས་ཀྱི་ཕྱི་རོལ་ཏུ་དོང་སྟེ་གཅིག་གིས་གཅིག་བསྐོས་ནས་དགེ་སློང་མ་ལ་སྟོན་པར་བྱེད་པ་ན་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ཕྱི་རོལ་ཏུ་བསྐོས་པས་དགེ་སློང་མ་ལ་བསྟན་པར་མི་བྱའོ། །
Ja87b
དེ་དག་གིས་མཚམས་ཀྱི་ནང་དུ་དགེ་སློང་ནད་པ་རྣམས་ཀྱིས་འདུན་པ་བླངས་ཏེ། ལྷག་མ་རྣམས་བྲེལ་བར་བྱས་ནས་གཅིག་གིས་གཅིག་བསྐོས་ཏེ་དགེ་སློང་མ་ལ་སྟོན་པར་བྱེད་པ་ན་ཉེས་དམིགས་དེ་ཉིད་དུ་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ནང་དུ་དགེ་སློང་ནད་པ་རྣམས་ཀྱི་འདུན་པ་བླངས་ཏེ་ལྷག་མ་རྣམས་བྲེལ་བར་བྱས་ནས་གཅིག་གིས་གཅིག་བསྐོས་ཏེ་དགེ་སློང་མ་ལ་བསྟན་པར་མི་བྱ་བར་འདི་ལྟར་གསོ་སྦྱོང་བཅོ་ལྔ་པ་དེ་ཉིད་ཀྱི་ཚེ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། དགེ་སློང་མའི་སྟོན་པ་བསྐོ་བར་བྱའོ། །འདི་ལྟར་བསྐོ་བར་བྱ་སྟེ། ཇེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དགེ་སློང་མའི་སྟོན་པར་སྤྲོའམ། གལ་ཏེ་སྤྲོ་ན་སྤྲོའོ་ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་སློང་མའི་སྟོན་པར་སྤྲོ་ན་གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་སློང་མའི་སྟོན་པར་བསྐོས་ཏེ་དགེ་སློང་མིང་འདི་ཞེས་བྱ་བ་འདི་དགེ་སློང་མ་ལ་སྟོན་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་སློང་མའི་སྟོན་པར་སྤྲོ་ན་དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་སློང་མའི་སྟོན་པར་བསྐོས་
Ja88a
༄#། །ཏེ། དགེ་སློང་མིང་འདི་ཞེས་བགྱི་བ་འདི་དགེ་སློང་མ་ལ་སྟོན་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་དགེ་སློང་མའི་སྟོན་པར་བསྐོ་བར་བཟོད་པ་དེ་དག་ནི་ཅང་མི་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་སློང་མའི་སྟོན་པར་བསྐོས་ལགས་ཏེ་འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །བཅོམ་ལྡན་འདས་ཀྱིས་དགེ་སློང་མའི་སྟོན་པ་བསྐོ་བར་བྱའོ་ཞེས་བཀའ་སྩལ་ནས། དེ་དག་བུས་པ་ཡང་རུང ། རྨོངས་པ་ཡང་རུང ། མི་གསལ་བ་ཡང་རུང ། མི་མཁས་པ་ཡང་རུང་སྟེ་བྱེ་བྲག་མེད་པར་བསྐོ་བར་བྱེད་ནས། དེ་དག་རེ་ཞིག་བདག་ཉིད་མ་དུལ་བས་གཞན་འདུལ་བར་འགྱུར་བ་དེ་ནི་གནས་མེད་པ་དང ། བདག་ཉིད་མ་ཞི་བས་གཞན་ཞི་བར་བྱེད་པ་དེ་ནི་གནས་མེད་པ་དང ། བདག་ཉིད་འདམ་ལས་མ་རྒལ་བས་གཞན་འདམ་ལས་སྒྲོལ་བར་བྱེད་པ་དེ་ནི་གནས་མེད་པ་དང ། དེ་དག་རེ་ཞིག་བདག་ཉིད་ཡོངས་སུ་མྱ་ངན་ལས་མ་འདས་པས་གཞན་ཡོངས་སུ་མྱ་ངན་ལས་འདའ་བར་བྱེད་པ་དེ་ཡང་གནས་མེད་པས། བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པ་དགེ་སློང་མའི་སྟོན་པར་བསྐོ་བར་བྱ་སྟེ། ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། གནས་བརྟན་རྒྱལ་ཚབ་ལྟ་བུ་དང ། གྲོང་ཁྱེར་བའི་སྐད་དང་ལྡན་པ་དང ། དེས་དགེ་སློང་མ་ལ་ལུས་ཀྱིས་རེག་པས་སུན་མ་ཕྱུང་ཞིང་གལ་ཏེ་སུན་ཕྱུང་ན་ཡང་དེས་
Ja88b
ལྟུང་བ་དེ་ཆོས་བཞིན་དུ་ཕྱིར་བྱས་པའོ། །ཇི་ལྟར་ཚུལ་ཁྲིམས་དང་ལྡན་པ་ཡིན་ཞེ་ན། ཕམ་པར་འགྱུར་བ་བཞི་བོ་དག་ལས་གང་ཡང་རུང་བའི་ལྟུང་བ་མ་བྱུང་བ་སྟེ་དེ་ལྟར་ཚུལ་ཁྲིམས་དང་ལྡན་པ་ཡིན་ནོ། །ཇི་ལྟར་མང་དུ་ཐོས་པ་ཡིན་ཞེ་ན། དེས་སོ་སོར་ཐར་པའི་མདོ་གདོན་པ་རྒྱ་ཆེར་ཐོན་པ་དང ། ལོབས་པ་སྟེ། དེ་ལྟར་མང་དུ་ཐོས་པ་ཡིན་ནོ། །ཇི་ལྟར་གནས་བརྟན་རྒྱལ་ཚབ་ལྟ་བུ་ཡིན་ཞེ་ན། རྫོགས་པར་བསྙེན་ནས་ལོ་ཉི་ཤུའམ་ལྷག་པ་སྟེ། དེ་ལྟར་གནས་བརྟན་རྒྱལ་ཚབ་ལྟ་བུ་ཡིན་ནོ། །ཇི་ལྟར་གྲོང་ཁྱེར་བའི་སྐད་དང་ལྡན་པ་ཡིན་ཞེ་ན། ཕོ་བྲང་འཁོར་ནི་གྲོང་ཁྱེར་ཞེས་བྱ་སྟེ། དེའི་སྐད་དང་ལྡན་པ་སྟེ། དེ་ལྟར་གྲོང་ཁྱེར་བའི་སྐད་དང་ལྡན་པ་ཡིན་ནོ། །ཇི་ལྟར་དེས་དགེ་སློང་མ་ལ་ལུས་ཀྱིས་རེག་པས་སུན་མ་ཕྱུང་བ་ཡིན་ཞེ་ན། དེས་དགེ་སློང་མའི་ལུས་ལ་ལུས་ཉེ་བར་གཞོལ་བ་མ་བྱས་པ་སྟེ། དེ་ལྟར་ན་དེས་དགེ་སློང་མ་ལ་ལུས་ཀྱིས་རེག་པས་སུན་མ་ཕྱུང་བ་ཡིན་ཏེ། ཆོས་ལྔ་པོ་དེ་དག་དང་ལྡན་པ་དགེ་སློང་མའི་སྟོན་པར་བསྐོ་བར་བྱའོ། །བཅོམ་ལྡན་འདས་ཀྱིས་ཆོས་ལྔ་དང་ལྡན་པ་དགེ་སློང་མའི་སྟོན་པར་བསྐོ་བར་བྱའོ་ཞེས་བཀའ་སྩལ་ནས། དགེ་སློང་དྲུག་སྡེ་དག་མ་བསྐོས་པ་ཁོ་ནར་དགེ་སློང་མ་ལ་སྟོན་པར་བྱེད་ནས། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་མ་བསྐོས་པ་ཁོ་ནར་དགེ་སློང་མ་ལ་སྟོན་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང །
Ja89a
༄#། །གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ངས་མ་བསྐོས་པར་དགེ་སློང་མ་ལ་བསྟན་པར་མི་བྱའོ་ཞེས་གསུངས་ན། ཁྱེད་མ་བསྐོས་པ་ཁོ་ནར་དགེ་སློང་མ་ལ་སྟོན་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱིས་མ་བསྐོས་པར་དགེ་སློང་མ་ལ་སྟོན་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་
Ja89b
བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། མཉན་ཡོད་ན་བྲམ་ཟེ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེའི་བུ་བཙས་སོ་ཅོག་དུས་བྱེད་ནས་དུས་གཞན་ཞིག་ན་དེའི་ཆུང་མ་ལ་སེམས་ཅན་ཞུགས་པར་གྱུར་ནས། དེ་ནས་བྲམ་ཟེ་དེ་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་པ་དང ། དེ་དང་ཧ་ཅང་ཐག་མི་རིང་བ་ཞིག་ན་བུད་མེད་རྒན་མོ་ཞིག་འདུག་པ་དེས་དེ་མཐོང་ནས་དེས་སྨྲས་པ། བྲམ་ཟེ་ཅིའི་སླད་དུ་ཁྱོད་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་བཞུགས། བྲམ་ཟེ་དེས་སྨྲས་པ། ཁོ་བོའི་བུ་བཙས་སོ་ཅོག་དུས་བྱེད་དེ། དེ་ཡང་ཁོ་བོའི་ཆུང་མ་ལ་སེམས་ཅན་ཞུགས་པར་གྱུར་པས། བུ་གཞན་བཙའ་བར་འགྱུར་བ་གང་ཡིན་པ་དེ་ཡང་དུས་བྱེད་པར་འགྱུར་བས་མྱ་ངན་མང་པོ་བྱིན་ཏེ་འགྲོ་བར་འགྱུར་རོ། །རྒན་མོས་སྨྲས་པ། གང་གི་ཚེ་ཁྱོད་ཀྱི་བཙུན་མོ་བཙའ་བར་འགྱུར་བ་དེའི་ཚེ་ན། ཁོ་མོ་སྦྲོན་ཅིག་།དེས་ནས་དུས་གཞན་ཞིག་ན་དེའི་ཆུང་མ་བཙའ་བའི་དུས་ལ་བབ་ནས། བྲམ་ཟེ་དེས་བུད་མེད་རྒན་མོ་དེ་བོས་ནས་དེ་ཡང་འོངས་སོ། །ཇི་ཙམ་ན་བཙས་པ་དང ། དེ་ལས་ཁྱེའུ་ཞིག་བྱུང་ནས། བུད་མེད་རྒན་མོ་དེས་
Ja90a
༄#། །ཁྱེའུ་དེ་ཁྲུས་བྱས་ཏེ་རས་དཀར་བོས་དཀྲིས་ནས་དེའི་ཁ་ཞུན་མར་གྱིས་བཀང་སྟེ་བུ་མོ་ཞིག་གི་ལག་ཏུ་བྱིན་ནས། དེས་བུ་མོ་ལ་སྨྲས་པ། བུ་མོ་ཁྱེའུ་འདི་ལམ་པོ་ཆེའི་བཞི་མདོར་བཟུང་ལ་གལ་ཏེ་དགེ་སྦྱོང་ངམ། བྲམ་ཟེ་འགའ་སྣང་ན་དེ་ལ་རྗེས་དང་བཅས། གུས་པ་དང་བཅས་པས་རྐང་པ་ལ་ཕྱག་འཚལ་ལ། དེ་ལ་འདི་སྐད་ཅེས། ཁྱེའུ་འདི་འཕགས་པ་དག་གི་ཞབས་ལ་ཕྱག་འཚལ་ལོ་ཞེས་གྱིས་ཤིག་།ཉི་མ་ནུབ་པ་ན་གལ་ཏེ་གསོན་ན་ཁྱེར་ཏེ་ཤོག་ཅིག་།གལ་ཏེ་དུས་བྱེད་ན་དེ་ཉིད་དུ་འོར་ཅིག་།བུ་མོ་དེ་གྲིམས་པ་སྒྲུབ་ཕོད་པ་ཡིན་པས། དེས་ཁྱེའུ་དེ་ཁྱེར་ནས་ལམ་པོ་ཆེའི་བཞི་མདོར་སོང་སྟེ་འདུག་གོ་།མུ་སྟེགས་ཅན་དག་གིས་ཀུན་ཏུ་སྤྱོད་པ་ནི་ནང་པར་སྔར་ལངས་ཏེ་ཆུ་ངོགས་སུ་རེག་པའི་ཕྱིར་འགྲོ་བ་ཡིན་པས། མུ་སྟེགས་ཅན་ཆུ་ངོགས་སུ་རེག་པའི་ཕྱིར་འདོང་བ་དག་དེར་ལྷགས་པས་བུ་མོ་དེས་རྗེས་དང་བཅས། གུས་པ་དང་བཅས་པས་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་དག་ཁྱེའུ་འདི་འཕགས་པ་དག་གི་ཞབས་ལ་ཕྱག་འཚལ་ལོ། །དེ་དག་གིས་སྨྲས་པ། ཡུན་རིང་དུ་འཚོ་བར་གྱུར་ཅིག་།ཚེ་རིང་དུ་སྐྱོང་བར་གྱུར་ཅིག་།ཕ་མ་གཉིས་ཀྱི་ཡིད་ལ་བསམ་པ་ཡོངས་སུ་རྫོགས་པར་གྱུར་ཅིག་།དགེ་སློང་གནས་བརྟན་གནས་བརྟན་དག་སྔ་དྲོ་ཤམས་ཐབས་བགོས་
Ja90b
ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་དང ། བུ་མོ་དེས་རྗེ་ས་དང་བཅས། གུས་པ་དང་བཅས་པས་གནས་བརྟན་གནས་བརྟན་དག་གིས་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་ཁྱེའུ་འདི་འཕགས་པ་དག་གི་ཞབས་ལ་ཕྱག་འཚལ་ལོ། །གནས་བརྟན་གནས་བརྟན་དག་གིས་སྨྲས་པ། ཡུན་རིང་དུ་འཚོ་བར་གྱུར་ཅིག་།ཚེ་རིང་དུ་སྐྱོང་བར་གྱུར་ཅིག་།ཕ་མ་གཉིས་ཀྱི་ཡིད་ལ་བསམ་པ་ཡོངས་སུ་རྫོགས་པར་གྱུར་ཅིག་།བུ་མོ་དེས་ཁྱེའུ་དེ་རྒྱལ་བྱེད་ཀྱི་ཚལ་གྱི་ལམ་ཀར་ཁྱེར་བ་དང ། བཅོམ་ལྡན་འདས་ཀྱང་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་མཉན་ཡོད་དུ་བསོད་སྙོམས་ལ་གཤེགས་ནས། བུ་མོ་དེས་རྒྱ་ཆེར་རྗེས་དང་བཅས། གུས་པ་དང་བཅས་པས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་གསོལ་པ། བཅོམ་ལྡན་འདས་ཁྱེའུ་འདི། བཅོམ་ལྡན་འདས་ཀྱི་ཞབས་ལ་ཕྱག་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཡུན་རིང་དུ་འཚོ་བར་གྱུར་ཅིག་།ཚེ་རིང་དུ་སྐྱོང་བར་གྱུར་ཅིག་།ཕ་མ་གཉིས་ཀྱི་ཆོས་དང་ལྡན་པའི་ཡིད་ལ་བསམ་པ་ཡོངས་སུ་རྫོགས་པར་གྱུར་ཅིག་།བུ་མོ་དེས་ཉི་མ་ནུབ་ཁར་བལྟས་ན་དེ་གསོན་པར་མཐོང་ནས་དེས་དེ་ཁྱེར་ཏེ་ཁྱིམ་དུ་འོངས་པ་དང ། དེ་དག་གིས་བུ་མོ་དེ་ལ་དྲིས་པ། ཁྱེའུ་གསོན་ནམ།
Ja91a
༄#། །བུ་མོས་སྨྲས་པ། གསོན་ནོ། །དེ་དག་གིས་སྨྲས་པ། ཁྱོད་ཀྱིས་གང་དུ་བཟུང ། ལམ་པོ་ཆེ་ག་གེ་མོ་ཞིག་ཏུའོ། །དེ་དག་གིས་སྨྲས་པ། ཁྱེའུའི་མིང་ཅིར་གདགས། ཁྱེའུ་འདི་ལམ་པོ་ཆེར་བཟུང་བས་འདིའི་མིང་ལམ་ཆེན་པ་ཞེས་གདགས་སོ། །ཞེས་དེའི་མིང་ལམ་ཆེན་པ་ཞེས་བཏགས་སོ། །ཁྱེའུ་ལམ་ཆེན་པ་དེ་བསྲིངས་བསྐྱེད་དེ་ཆེན་པོར་གྱུར་ཏོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ན་ཡི་གེ་དང ། གྲངས་དང ། རྩིས་དང ། ལག་རྩིས་དང ། དབྱུང་བ་དང ། གཞུག་པ་དང ། གཞག་པ་དང ། འབྱེད་པ་དང ། ཀློག་པའི་ཕ་རོལ་ཏུ་སོན་ཅིང ། དེའི་ཚེ་ན་བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྦྲ་དང ། ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུམ་བླང་བ་དང ། ས་བླང་བ་དང ། ལག་སྟངས་དང ། ཐོར་ཚུགས་དང ། རབ་བསྔགས་བྱ་བ་དང ། ཀྱེ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། བྲམ་ཟེའི་ལས་དྲུག་པོ་མཆོད་སྦྱིན་བྱེད་པ་དང ། མཆོད་སྦྱིན་བྱེད་དུ་འཇུད་པ་དང ། བཀླག་པ་དང ། ཀློག་ཏུ་འཇུད་པ་དང ། སྦྱིན་པ་དང ། ལེན་པ་ལ་མཁས་པའི་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ་ཤེས་པས། རང་གི་སྨྲ་བ་གསལ་བར་བྱེད་
Ja91b
པ།་གཞན་གྱི་སྨྲ་བ་ཚར་གཅོད་ནུས་པར་གྱུར་ཏོ། །དེའི་ཚེ་ན་བྲམ་ཟེ་ལམ་ཆེན་པ་དེས། བྲམ་ཟེའི་ཁྱེའུ་ལྔ་བརྒྱ་ཙམ་དག་།བྲམ་ཟེའི་གསང་ཚིག་དག་འདོན་དུ་བཅུག་གོ་།ཇི་ཙམ་དུས་གཞན་ཞིག་ན། ཡང་བྲམ་ཟེ་དེ་ཆུང་མ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་སེམས་ཅན་ཞུགས་པར་གྱུར་ནས། དེ་བཙའ་བའི་དུས་ལ་བབ་པའི་ཚེ། བྲམ་ཟེ་དེས་བུད་མེད་རྒན་མོ་དེ་བོས་ནས་དེ་ཡང་འོངས་སོ། །ཇི་ཙམ་ན་བཙས་པ་དང ། དེ་ལས་ཁྱེའུ་ཞིག་བྱུང་ནས་བུད་མེད་རྒན་མོ་དེས། ཁྱེའུ་དེ་ཁྲུས་བྱས་ཏེ་རས་དཀར་པོས་དཀྲིས་ནས་དེའི་ཁ་ཞུན་མར་གྱིས་བཀང་སྟེ། བུ་མོ་ཞིག་གི་ལག་ཏུ་བྱིན་ནས། དེས་བུ་མོ་དེ་ལ་སྨྲས་པ། བུ་མོ་ཁྱེའུ་འདི་ལམ་པོ་ཆེའི་བཞི་མདོར་བཟུང་ལ། གལ་ཏེ་དགེ་སྦྱོང་ངམ་བྲམ་ཟེ་འགའ་སྣང་ན་དེ་ལ་རྗེས་དང་བཅས། གུས་པ་དང་བཅས་པས་རྐང་པ་ལ་ཕྱག་འཚོལ་ལ། འདི་སྐད་ཅེས་ཁྱེའུ་འདི་འཕགས་པ་དག་གི་ཞབས་ལ་ཕྱག་འཚལ་ལོ་ཞེས་གྱིས་ཤིག་།ཉི་མ་ནུབ་པ་ན་གལ་ཏེ་གསོན་ན་ཁྱེར་ཏེ་ཤོག་ཅིག་།གལ་ཏེ་དུས་བྱེད་ན་དེ་ཉིད་དུ་འོར་ཅིག་།བུ་མོ་དེ་བླུན་མོ་ལེ་ལོ་ཅན་ཡིན་པས། དེས་ཁྱེའུ་དེ་ཁྱེར་ནས་ལམ་ཕྲན་དུ་སོང་སྟེ་འདུག་གོ་།མུ་སྟེགས་ཅན་དག་གི་ཀུན་ཏུ་སྤྱོད་པ་ནི། ནང་པར་སྔར་ལངས་ཏེ་ཆུ་ངོགས་སུ་རེག་པའི་ཕྱིར་འགྲོ་བ་ཡིན་པས། མུ་སྟེགས་ཅན་ཆུ་ངོགས་སུ་
Ja92a
༄#། །རེག་པའི་ཕྱིར་འདོང་བ་དག་དེར་ལྷགས་ནས་བུ་མོ་དེས་རྗེ་ས་དང་བཅས། གུས་པ་དང་བཅས་པས་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ་དག་།ཁྱེའུ་འདི་འཕགས་པ་དག་གི་ཞབས་ལ་ཕྱག་འཚལ་ལོ། །དེ་དག་གིས་སྨྲས་པ། ཡུན་རིང་དུ་འཚོ་བར་གྱུར་ཅིག་།ཚེ་རིང་དུ་སྐྱོང་བར་གྱུར་ཅིག་།ཕ་མ་གཉིས་ཀྱི་ཡིད་ལ་བསམ་པ་ཡོངས་སུ་རྫོགས་པར་གྱུར་ཅིག་།བུ་མོ་དེས་ཉི་མ་ནུབ་ཁར་བལྟས་ན། དེ་གསོན་པར་མཐོང་ནས་དེས་དེ་ཁྱེར་ཏེ་ཁྱིམ་དུ་འོངས་པ་དང ། དེ་དག་གིས་བུ་མོ་དེ་ལ་དྲིས་པ། ཁྱེའུ་གསོན་ནམ། བུ་མོས་སྨྲས་པ། གསོན་ནོ། །དེ་དག་གིས་སྨྲས་པ། ཁྱོད་ཀྱིས་གང་དུ་བཟུང ། ལམ་ཕྲན་ག་གེ་མོ་ཞིག་ཏུའོ། །དེ་དག་གིས་སྨྲས་པ། ཁྱེའུའི་མིང་ཅིར་གདགས། ཁྱེའུ་འདི་ལམ་ཕྲན་དུ་བཟུང་བས། འདིའི་མིང་ལམ་ཕྲན་པ་ཞེས་གདགས་སོ། །ཞེས་དེའི་མིང་ལམ་ཕྲན་པ་ཞེས་བཏགས་སོ། །ཁྱེའུ་ལམ་ཕྲན་པ་དེ་བསྲིངས་བསྐྱེད་དེ་ཆེན་པོར་གྱུར་ཏོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ན། ཡི་གེ་ལ་བཅུག་ན་དེས་སིད་ཅེས་བརྗོད་ན། དྷམ་བརྗེད་པར་བྱེད་ལ། དྷམ་ཞེས་བརྗོད་ན་ནི་སིད་བརྗེད་པར་བྱེད་ནས། དེའི་སློབ་དཔོན་དེས་བྲམ་ཟེ་ལ་སྨྲས་པ། བྲམ་ཟེ་ཁོ་བོས་བྲམ་ཟེའི་ཁྱེའུ་མང་པོ་གཞན་དག་ཀྱང་ཀློག་ཏུ་གཞུག་དགོས་པས་ཁོ་བོ་ལམ་ཕྲན་པ་ཀློག་ཏུ་འཇུད་མི་ནུས་སོ། །ལམ་ཆེན་པ་ནི། ཉུང་ངུ་བརྗོད་པས་མང་
Ja92b
པོ་འཛིན་པར་ནུས་ན། ལམ་ཕྲན་པ་འདི་ནི། སིད་ཅེས་བརྗོད་ན་དྷམ་བརྗེད་པར་བྱེད་ལ། དྷ་མ་ཞེས་བརྗོད་ན་སིད་བརྗེད་པར་བྱེད་དོ། །བྲམ་ཟེས་བསམས་པ། བྲམ་ཟེ་ཐམས་ཅད་ཡི་གེ་དང་འབྲུ་ལ་མཁས་པ་མ་ཡིན་ཏེ། འདི་རིག་བྱེད་ཀྱི་བྲམ་ཟེར་འགྱུར་རོ་སྙམ་ནས། དེས་ཀློག་མཁན་ལ་རིག་བྱེད་ཀློག་པར་ཕུལ་པ་དང ། དེས་ཨོཾ་བརྗོད་ན་བྷུ་བརྗེད་པར་བྱེད་ལ། བྷུ་ཞེས་བརྗོད་ན་ཨོཾ་བརྗེད་པར་བྱེད་ནས། ཀློག་མཁན་གྱིས་བྲམ་ཟེ་ལ་སྨྲས་པ། བྲམ་ཟེ་ཁོ་བོས་བྲམ་ཟེའི་ཁྱེའུ་མང་པོ་གཞན་དག་ཀྱང་ཀློག་ཏུ་གཞུག་དགོས་པས། ཁོ་བོ་ལམ་ཕྲན་པ་ཀློག་ཏུ་འཇུད་མི་ནུས་སོ། །ལམ་ཆེན་པ་ནི། ཉུང་ངུ་བརྗོད་པས་མང་པོ་འཛིན་པར་ནུས་ན། ལམ་ཕྲན་པ་འདི་ནི། ཨོཾ་ཞེས་བརྗོད་ན་བྷུ་བརྗེད་པར་བྱེད་ལ། བྷུ་ཞེས་བརྗོད་ན་ཨོཾ་བརྗེད་པར་བྱེད་དོ། །བྲམ་ཟེས་བསམས་པ། བྲམ་ཟེ་ཐམས་ཅད་རིག་བྱེད་ཀློག་པ་མ་ཡིན་ཏེ། མཁས་ཀྱང་རུང ། མི་མཁས་ཀྱང་རུང ། གཙང་ཡང་རུང ། མི་གཙང་ཡང་རུང་སྟེ། བྲམ་ཟེ་གང་ཡིན་པ་དེ་ཉིད་ལྷ་ཡིན་པས་འདི་ནི་རིགས་བྲམ་ཟེ་ཁོ་ནར་འགྱུར་སྙམ་མོ། །དེ་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་ཡིན་པས་དེའི་མིང་ལམ་ཆུང་བ། ལམ་ཆུང་བ་ཞེས་བྱ་བར་གྱུར་ཏོ། །བྲམ་ཟེ་དེའི་གང་དུ་ཅུང་ཟད་ཅི་ལ་མགྲོན་དུ་བོས་པར་ལམ་ཆུང་བ་དེ་ཁྲིད་དེ་འགྲོའོ། །དུས་གཞན་ཞིག་ན་བྲམ་ཟེ་དེ་ན་བར་གྱུར་ནས། དེ་རྩ་བ་དང །
Ja93a
༄#། །སྡོང་བུ་དང ། འདབ་མ་དང ། མེ་ཏོག་དང ། འབྲས་བུའི་སྨན་དག་གིས་བསྙེན་བཀུར་བྱས་ཀྱང་ཉམས་པ་ཉིད་དུ་གྱུར་ནས། དེས་ལམ་ཆེན་པ་བོས་ཏེ་སྨྲས་པ། བུ་ཁོ་བོ་འདས་ནས་ཁྱོད་ནི་མྱ་ངན་བྱ་མི་དགོས་ཀྱི། ཁྱོད་ཀྱི་ནུ་བོ་ལམ་ཆུང་བ་འདི་ལ་ཁྱོད་ཀྱིས་མཁོ་བ་བསྟབ་པར་གྱིས་ཤིག་།ཅེས་བསྙད་ནས། བསགས་པ་ཀུན་གྱི་མཐའ་ཟད་པ། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དེ་དུས་ཀྱི་ཆོས་དང་ལྡན་པར་གྱུར་ཏོ། །དེ་གཉིས་ཀྱིས་གོས་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་གིས་ཁྱོགས་སྤྱིལ་བརྒྱན་ཏེ་དུར་ཁྲོད་དུ་བསྐྱལ་ནས་བསྲེགས་ཏེ། དེའི་འོག་ཏུ་མྱ་ངན་བསང་བ་བྱས་ཏེ་འཁོད་དོ།། །།འདུལ་བ་རྣམ་པར་འབྱེད་པ། བམ་པོ་ཞེ་བདུན་པ། བྲམ་ཟེ་ལམ་ཆེན་པ་དེ་མཉན་ཡོད་དང་རྒྱལ་བྱེད་ཀྱི་ཚལ་གྱི་བར་ན་གནས་ཀྱི་ཤིང་ལྗོན་པ་ཞིག་ཡོད་པ་དེའི་དྲུང་ན་བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་ཀློག་ཏུ་འཇུད་ཅིང་འདུག་གོ་།ཚེ་དང་ལྡན་པ་ཤཱ་རིའི་བུ་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་གཉིས་ཀྱིས་འདུལ་བའི་བྱ་བ་བྱས་ནས་འཁོར་ལྔ་བརྒྱ་དང ། ཀོ་ས་ལ་དག་ཏུ་ལྗོངས་རྒྱུ་ཞིང་འདོང་
Ja93b
བ་ན་མཉན་ཡོད་དུ་ཕྱིན་ཏོ། །མཉན་ཡོད་དུ་སྐྱེ་བོ་ཕལ་པོ་ཆེའི་ཚོགས་ཀྱིས་འཕགས་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་གཉིས་འཁོར་ལྔ་བརྒྱ་དང་ཀོ་ས་ལ་དག་ཏུ་ལྗོངས་རྒྱུ་བ་ན་མཉན་ཡོད་དུ་ཕྱིན་ཏོ། །ཞེས་ཐོས་སོ། །ཐོས་ནས་ཀྱང་སྲོག་ཆགས་བརྒྱ་ཕྲག་དུ་མ་དག་ཕྱིར་འབྱུང་བར་བརྩམས་པ་དང ། ལམ་ཆེན་པས་དེ་དག་ཕྱིར་འབྱུང་བ་མཐོང་ནས་སྨྲས་པ། ཤེས་ལྡན་དག་གར་འདོང ། དེ་དག་གིས་སྨྲས་པ། འཕགས་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་གཉིས་ཀོ་ས་ལ་དག་ཏུ་ལྗོངས་རྒྱུ་ཤིང་གཤེགས་པ་ན། མཉན་ཡོད་དུ་བྱོན་ཏེ་དེ་གཉིས་ལྟར་འདོང་ངོ ། །ལམ་ཆེན་པས་སྨྲས་པ། དེ་གཉིས་ནི་རིགས་མཆོག་སྤངས་ཏེ་རིགས་གཉིས་པ་དགེ་སྦྱོང་གོའུ་ཏ་མའི་གན་དུ་རབ་ཏུ་བྱུང་བ་ཡིན་པས། དེ་གཉིས་མཐོང་བས་ཅི་བྱ། དེ་ན་བྲམ་ཟེའི་ཁྱེའུ་དད་པ་ཅན་ཞིག་འདུག་པ་དེས་སྨྲས་པ། མཁན་པོ་དེ་སྐད་མ་གསུངས་ཤིག་།དེ་གཉིས་ནི་བདག་ཉིད་ཆེན་པོ་ལགས་པས། གལ་ཏེ་མཁན་པོས་དེ་གཉིས་ལས་ཆོས་གསན་པར་གྱུར་ན། མཁན་པོའི་ཐུགས་མངོན་པར་དད་པར་འགྱུར་བ་གང་ལགས་པ་དེ་ལྟ་བུའི་གནས་མཆིས་སོ། ། ལམ་ཆེན་པས་བསམས་པ། བརྟག་པར་བྱས། རེ་ཞིག་གང་གི་ཚེ་བྲམ་ཟེའི་ཁྱེའུ་དག་མི་ཀློག་པར་འགྱུར་བ་དེའི་ཚེ། བདག་ཀྱང་འགྲོ་བར་བྱའོ་སྙམ་མོ། །བྲམ་ཟེའི་ཁྱེའུ་དེ་དག་གི་
Ja94a
༄#། །ཀུན་ཏུ་སྤྱོད་པ་ནི་གང་གི་ཚེ་མི་ཀློག་པ་དེའི་ཚེ་ན་ལན་འགའ་ནི་གྲོང་ཁྱེར་ལྟར་འདོང་བར་བྱེད། ལན་འགའ་ནི་ཡམ་སྲེག་ཤིང་ཐུར་འདོང་བར་བྱེད་པས། དུས་གཞན་ཞིག་ན། དེ་དག་མི་ཀློག་པར་གྱུར་ནས་དེ་དག་ཡམ་སྲེག་ཤིང་ཐུར་དོང་བ་དང ། ལམ་ཆེན་པ་དེ་ཡང་རྒྱལ་བྱེད་ཀྱི་ཚལ་ག་ལ་བ་དེར་སོང་ངོ ། །དགེ་སློང་ཞིག་རྒྱལ་བྱེད་ཀྱི་ཚལ་གྱི་སྒོ་ན་ཤིང་ལྗོན་པའི་དྲུང་ན་འཆག་ཅིང་འདུག་པ་དེ་བྲམ་ཟེ་དེས་ཐག་རིང་པོ་ཁོ་ན་ནས་མཐོང་ནས་དེའི་གན་དུ་སོང་སྟེ་སྨྲས་པ། ཀྱེ་དགེ་སློང་སངས་རྒྱས་ཀྱི་བཀའ་ཅུང་ཞིག་སྨྲོས་ཤིག་།དགེ་སློང་དེས་བསམས་པ། བྲམ་ཟེ་འདི་ནི་རྒོལ་བ་ཡིན་པས། འདི་ལ་བྱུང་རྒྱལ་དུ་སྨྲ་བར་མི་ནུས་སོ་སྙམ་ནས། དེས་བྲམ་ཟེ་དེ་ལ་དགེ་བ་བཅུའི་ལས་ཀྱི་ལམ་དང ། མི་དགེ་བ་བཅུའི་ལས་ཀྱི་ལམ་རྒྱ་ཆེར་བསྟན་ཏོ། །བྲམ་ཟེས་སྨྲས་པ། ཀྱེ་དགེ་སློང་ཁོ་བོ་ཡང་བྱ་བ་ཡོངས་སུ་ཉམས་ལ་ཁྱོད་ཀྱང་དགེ་བའི་ཕྱོགས་ཡོངས་སུ་ཉམས་ན་མ་ལེགས་ཀྱི། ཁོ་བོ་འགྲོས་ཕྱིས་ཀྱང་འོང་ངོ་ཞེས་སྨྲས་ཏེ་སོང་ངོ ། །དུས་གཞན་ཞིག་ན་ཡང་བྲམ་ཟེའི་ཁྱེའུ་དེ་དག་མི་ཀློག་པར་གྱུར་ནས་དེ་དག་ཡམ་སྲེག་ཤིང་ཐུར་དོང་བ་དང ། ལམ་ཆེན་པ་ཡང་གཅིག་པུ་རྒྱལ་བྱེད་ཀྱི་ཚལ་དུ་སོང་ངོ ། །དགེ་སློང་དེས་བྲམ་ཟེ་དེ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་དེས་བསམས་པ། དེའི་ཚེ་ན་བདག་གིས་བྲམ་ཟེ་འདི་ལ་དགེ་བ་བཅུའི་ལས་ཀྱི་ལམ་དང ། མི་དགེ་བ་བཅུའི་ལས་ཀྱི་ལམ་རྒྱ་ཆེར་བསྟན་གྱི། ད་ནི་བདག་གིས་འདི་ལ་རྟེན་ཅིང་འབྲེལ་པར་
Ja94b
འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང ། ལུགས་ལས་བཟློག་པ་རྒྱ་ཆེར་བསྟན་པར་བྱའོ་སྙམ་ནས། བྲམ་ཟེ་དེ་དགེ་སློང་དེ་ག་ལ་བ་དེར་སོང་སྟེ་བྱིན་ནས། དགེ་སློང་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་དགེ་སློང་དེས་བྲམ་ཟེ་དེ་ལ་རྟེན་ཅིང་འབྲེལ་པར་འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང ། ལུགས་ལས་བཟློག་པ་རྒྱ་ཆེར་བསྟན་ཏོ། །བྲམ་ཟེ་དེ་མངོན་པར་དད་པར་གྱུར་ནས་སྨྲས་པ། དགེ་སློང་བདག་རབ་ཏུ་དབྱུང་དུ་གསོལ། དགེ་སློང་དེས་བསམས་པ། བྲམ་ཟེ་འདི་ནི་རྒོལ་བ་ཡིན་པས་རབ་ཏུ་བྱུང་ན་བསྟན་པ་ལ་གཅེས་པ་བྱེད་པར་འགྱུར་གྱི། རབ་ཏུ་དབྱུང་ངོ་སྙམ་ནས་དེས་སྨྲས་པ། བྲམ་ཟེ་དེ་ལྟར་གྱིས་ཤིག། བྲམ་ཟེས་སྨྲས་པ། ཀྱེ་དགེ་སློང་བདག་ནི་བྲམ་ཟེ་གྲགས་པ་ཅན་ལགས་པས་བདག་གིས་འདི་ཉིད་དུ་རབ་ཏུ་འབྱུང་བའི་རྔོ་མི་ཐོག་ན་ལྗོངས་སུ་བཞུད་དོ། །དེ་ལྟར་གྱིས་ཤིག་།དགེ་སློང་དེས་བྲམ་ཟེ་དེ་ལྗོངས་སུ་ཁྲིད་དེ་རབ་ཏུ་ཕྱུང་རྫོགས་པར་བསྙེན་པར་བྱས་ནས་སྨྲས་པ། བཞིན་བཟང་དགེ་སློང་གི་ལས་ནི་གཉིས་ཏེ་བསམ་གཏན་དང་ཀློག་པ་ཡིན་ན་ཁྱོད་བསམ་གཏན་དང་ཀློག་པ་གང་འདོད། ལམ་ཆེན་པས་སྨྲས་པ། མཁན་པོ་གཉིས་ཀ་ཡང་བགྱི་སྟེ། གདུགས་ལ་ནི་བཀླག་པར་བགྱི། དགུང་ལ་ནི་བསམ་གཏན་བགྱིའོ། །བུ་དེ་བཞིན་གྱིས་ཤིག་།དེ་ནས་ཚེ་དང་ལྡན་པ་ལམ་ཆེན་པས་ཉིན་མོ་བཀླག་པ་དང་ཁ་ཏོན་བྱས་པས་སྡེ་སྣོད་གསུམ་པོ་དག་ལྷོགས་པར་གྱུར་ཏེ། སྡེ་སྣོད་གསུམ་དང་ལྡན་པ།
Ja95a
༄#། །ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་དུ་གྱུར་ཏོ། །མཚན་མོ་བསམ་གཏན་བྱས་པས་གོང་ནས་གོང་དུ་ཡིད་ལ་བྱེད་པའི་ཁྱད་པར་ཐོབ་ནས། འཁོར་བའི་འཁོར་ལོ་ཆ་ལྔ་པ་གཡོ་བ་དང ། མི་གཡོ་བ་འདི་ཉིད་རིག་སྟེ་འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་པས་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས། བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་པ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ་རིགས་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང་མངོན་པར་ཤེས་པ་དང་སོ་སོ་ཡང་དག་པར་རིག་པ་ཐོབ་བ། སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་
Ja95b
བར་བྱ་བར་གྱུར་ཏོ། །གང་གི་ཚེ་ཚེ་དང་ལྡན་པ་ལམ་ཆེན་པ་རབ་ཏུ་བྱུང་བ་དེའི་ཚེ་ན། ལམ་ཆུང་བའི་ལོངས་སྤྱོད་སྲབས་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་ནས། དེས་ཚེགས་ཆེན་པོས་འཚོ་བ་སྦྱར་བར་བརྩམས་སོ། །དེ་ནས་ཚེ་དང་ལྡན་པ་ལམ་ཆེན་པོ་འདི་སྙམ་དུ་སེམས་ཏེ། བདག་གིས་ཐོས་པས་ཐོབ་པར་བྱ་བ་གང་ཡིན་པ་དེ་བདག་གིས་ཐོབ་ཀྱི། བདག་མཉན་ཡོད་དུ་སོང་ལ་བཅོམ་ལྡན་འདས་ལ་བསྙེན་བཀུར་བྱའོ་སྙམ་མོ། །དེ་ནས་ཚེ་དང་ལྡན་པ་ལམ་ཆེན་པ་འཁོར་ལྔ་བརྒྱ་དང་ཀོ་ས་ལ་དག་ཏུ་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ཏོ། །མཉན་ཡོད་ན་སྐྱེ་བོ་ཕལ་པོ་ཆེའི་ཚོགས་ཀྱིས། འཕགས་པ་ལམ་ཆེན་པ་འཁོར་ལྔ་བརྒྱ་དང་ཀོ་ས་ལ་དག་ཏུ་ལྗོངས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ཏོ་ཞེས་ཐོས་སོ། །ཐོས་ནས་ཀྱང་སྐྱེ་བོ་ཕལ་པོ་ཆེའི་ཚོགས་ཕྱིར་འབྱུང་བར་བརྩམས་པ་ལམ་ཆུང་བས་མཐོང་ནས་དྲིས་པ། ཤེས་ལྡན་དག་གང་འདོད། དེ་དག་གིས་སྨྲས་པ། འཕགས་པ་ལམ་ཆེན་པ་འཁོར་ལྔ་བརྒྱ་དང་ཀོ་ས་ལ་དག་ཏུ་ལྗོངས་རྒྱུར་གཤེགས་པ་ན། གཉན་ཡོད་དུ་འོང་སྟེ་དེ་ལྟར་འདོང་ངོ ། །ལམ་ཆུང་བས་བསམས་པ། དེ་འདི་དག་གི་ཕུ་ནུ་ཡང་མ་ཡིན། ཉེ་དུ་ཡང་མ་ཡིན་ཡང་འདི་དག་དེ་ལྟར་འདོང་ན། དེ་བདག་གི་ཕུ་བོ་ཡིན་ན་བདག་ཅིའི་ཕྱིར་དེ་ལྟར་མི་འགྲོ་སྙམ་ནས་ལམ་ཆུང་བ་ཡང་འཕགས་པ་ལམ་ཆེན་པ་བལྟ་བའི་ཕྱིར་སོང་ངོ ། །ཚེ་དང་ལྡན་པ་ལམ་ཆེན་པས་དེ་མཐོང་ནས་སྨྲས་པ། ལམ་པ་འཚོའམ། འཕགས་པ་འཚོའོ། །ཇི་ལྟར་འཚོ།
Ja96a
༄#། །དེས་སྨྲས་པ། འཕགས་པ་ཚེགས་ཆེན་པོས་སོ། །ཚེ་དང་ལྡན་པ་ལམ་ཆེན་པས་སྨྲས་པ། ཇི་ལྟར་རབ་ཏུ་མི་འབྱུང་ངམ། ལམ་ཆུང་བས་སྨྲས་པ། འཕགས་པ་བདག་ནི་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་ལགས་ན། བདག་བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་བར་འགྱུར་རམ། ཚེ་དང་ལྡན་པ་ལམ་ཆེན་པས་དེ་ལ་དགེ་བའི་རྩ་བ་ཅུང་ཟད་ཡོད་དམ་ཞེས་བལྟས་ན། ཡོད་པར་མཐོང་ངོ ། །སུ་ལ་རག་ལུས་སྙམ་ན། བདག་ཉིད་ལ་རག་ལས་པར་མཐོང་ནས་དེས་སྨྲས་པ། ལམ་པ་ཐུབ་པའི་དབང་པོའི་གསུང་རབ་འདི་ལ་ནི་རིག་གཅེས་པ་མ་ཡིན། རུས་གཅེས་པ་མ་ཡིན། ཐོས་པ་གཅེས་པ་མ་ཡིན་གྱི། ཐུབ་པའི་དབང་པོའི་གསུང་རབ་འདི་ལ་ནི་སྒྲུབ་པ་གཅེས་པ་ཡིན་གྱི། གལ་ཏེ་འདོད་ན་རབ་ཏུ་བྱུང་ཞིག། འཕགས་པ་རབ་ཏུ་འབྱུང་ངོ ། །ཚེ་དང་ལྡན་པ་ལམ་ཆེན་པས་ལམ་ཆུང་བ་དེ་རབ་ཏུ་ཕྱུང ། རྫོགས་པར་བསྙེན་པར་བྱས་ནས་དེས་དེ་ཀློག་ཏུ་གཞུག་པར་བརྩམས་པ་དང ། ལུས་ངག་ཡིད་ཀྱིས་སྡིག་པ་མི་བྱ་ཞིང ། །འཇིག་རྟེན་ཀུན་ལས་ཡོངས་འཛིན་འདོད་བྲལ་བ། །དྲན་དང་ལྡན་ཞིང་ཤེས་བཞིན་ཅན་གྱིས་ནི། །གནོད་ལྡན་སྡུག་བསྔལ་གང་ཡིན་བསྙེན་མི་བྱ། །ཞེས་བྱ་བའི་ཚིགས་སུ་བཅད་པ་འདི་ཟླ་བ་གསུམ་གྱིས་ཀྱང་ལོབ་པར་མ་གྱུར་ཏོ། །བ་ལང་རྫི་དང་ཕྱུགས་རྫི་གཞན་དག་གིས་ཐོས་ནས་ལོབས་པར་གྱུར་པ་དང ། དེ་རྗེ་ས་དང་བཅས། གུས་པ་དང་བཅས་པས་དེ་དག་གི་གན་དུ་སོང་སྟེ་དྲིས་པ་དང་དེ་དག་གིས་དེ་ལ་
Ja96b
བསྟན་ཏོ། །ཇི་ལྟར་སངས་རྒྱས་བཅོམ་ལྡན་འདས་གསོན་ཞིང་བཞུགས་ཏེ་འཚོ་ཞིང་བཞེས་པ་རྣམས་ལ་ཆོས་ཉིད་ཀྱིས་ཉན་ཐོས་རྣམས་ཀྱི་འདུས་པ་ཆེན་པོ་གཉིས་ཡོད་དེ། གཅིག་ནི་དབྱར་ཟླ་འབྲིང་པོ་ཉ་ལ་དབྱར་ཉེ་བར་སྒྲུབ་པའི་ཚེའོ། །གཉིས་པ་ནི་སྟོན་ཟླ་འབྲིང་པོ་ཉ་ལའོ། །ཉན་ཐོས་ཆེན་པོ་རྣམས་ལ་ཡང་དེ་བཞིན་ནོ། །དེ་ལ་གང་དག་དབྱར་ཟླ་འབྲིང་པོ་ཉ་ལ་དབྱར་ཉེ་བར་སྒྲུབ་པའི་ཚེ། གདམས་ངག་མནོས་ཏེ་གྲོང་དང་གྲོང་རྡལ་དང་ཡུལ་འཁོར་དང་རྒྱལ་པོའི་ཕོ་བྲང་དག་ཏུ་དབྱར་གནས་པར་ཁས་ལེན་པ་དེ་དག་ནི་སྟོན་ཟླ་འབྲིང་པོའི་ཟླ་བ་ཉ་ལ་ལྷགས་ནས་ཇི་ལྟར་ཐོབ་པ་ནི་རྗོད་པར་བྱེད། མ་ཐོབ་པ་ནི་ཐོབ་པར་བྱ་བའི་ཕྱིར་འོག་ཏུ་འདྲི་བར་བྱེད་པས། ཚེ་དང་ལྡན་པ་ལ་མ་ཆེན་པའི་ལྷན་ཅིག་གནས་པ་དང ། ཉེ་གནས་གང་དག་ལྗོངས་སུ་དབྱར་གནས་པར་ཁས་བླངས་པ་དེ་དག་དབྱར་གྱི་ཟླ་བ་གསུམ་པོ་དག་འདས་ནས། ཆོས་གོས་བྱས་པ་དང་ལྡན་པ་ཆོས་གོས་ཟིན་པ་དང་ལྡན་ཞིང་ལྷུང་བཟེད་དང་ཆོས་གོས་ཐོགས་ཏེ། ཚེ་དང་ལྡན་པ་ལམ་ཆེན་པ་ག་ལ་བ་དེར་དོང་ནས་ཕྱིན་པ་དང ། ཚེ་དང་ལྡན་པ་ལམ་ཆེན་པའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་དེ་དག་ཁ་ཅིག་ནི་ཇི་ལྟར་ཐོབ་པ་རྗོད་པར་བྱེད་དེ། ཁ་ཅིག་ནི་མདོ་སྡེ་དང་འདུལ་བ་དང་ཆོས་མངོན་པ་དག་གི་ཁ་ཏོན་དག་དང་ཡོངས་སུ་དྲི་བ་དག་ཚོལ་བར་བྱེད་དོ། །དེ་ན་གང་དག་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་དེ་དག་དྲུག་སྡེ་དག་ལ་སྟེན་པར་བྱེད། བསྙེན་པར་
Ja97a
༄#། །བྱེད། བསྙེན་བཀུར་བྱེད་པས། ཚེ་དང་ལྡན་པ་ལམ་ཆུང་བ་ཡང་དྲུག་སྡེ་དག་ལ་སྟེན་པར་བྱེད། སྙེན་པར་བྱེད། བསྙེན་བཀུར་བྱེད་པ་ན་ཉེ་དགས་ཚེ་དང་ལྡན་པ་ལམ་པ་ལ་སྨྲས་པ། ལམ་པ་ཁྱོད་ཀྱི་མཁན་པོ་གཅིག་པ་འདི་དག་ཀྱང་མཁན་པོ་ལས་ཁ་ཏོན་དག་དང་ཡོངས་སུ་དྲི་བ་དག་ཚོལ་བར་བྱེད་ཀྱི། ཁྱོད་ཀྱང་སོང་ལ་རེ་ཞིག་མཁན་པོ་ལས་ཁ་ཏོན་དག་དང་ཡོངས་སུ་དྲི་བ་དག་ཚོལ་ཅིག། ལམ་པས་སྨྲས་པ། བདག་གིས་ཅི་ཡང་མ་བཀླགས་ཏེ་ཟླ་བ་གསུམ་གྱིས་ཚིགས་སུ་བཅད་པ་གཅིག་བཀླགས་ན་དེ་ཡང་མ་ལོབས་པས་བདག་གིས་ཁ་ཏོན་དག་དང ། ཡོངས་སུ་དྲི་བ་དག་ཅི་ལྟར་བཙལ། ཉེ་དགས་སྨྲས་པ། བཅོམ་ལྡན་འདས་ཀྱིས་གསང་ཚིག་གི་དྲི་མ་ནི་མི་ཀློག་པ་ཡིན་ནོ་ཞེས་མ་གསུངས་སམ། རེ་ཞིག་ལྷོགས་ཤིག་དང་ཚིགས་སུ་བཅད་པ་ཅིའི་ཕྱིར་ལོབས་པར་མི་འགྱུར་ཚོལ་ཅིག་དང ། ལམ་པ་སོང་སྟེ་སྨྲས་པ། མཁན་པོ་བདག་ལ་རེ་ཞིག་ཁ་ཏོན་དག་སྩོལ་ཅིག། ཚེ་དང་ལྡན་པ་ལམ་ཆེན་པས་བསམས་པ། ཅི་འདི་རེ་ཞིག་རང་གི་བློས་གསོལ་བར་བྱེད་དམ། འོན་ཏེ་གཞན་གྱིས་གཏང་སྙམ་དུ་བསམས་ན་དེ་གཞན་གྱིས་བཏང་བར་མཐོང་ནས་ཚེ་དང་ལྡན་པ་ལམ་ཆེན་པས་བསམས་པ།་ཅི་འདི་རེ་ཞིག་སྨད་པས་གདུལ་བ་ཡིན་ནམ། འོན་ཏེ་བསྟོད་པས་གདུལ་བ་ཡིན་སྙམ་དུ་བསམས་ན་སྨད་པས་གདུལ་བ་ཡིན་པར་མཐོང་ནས་དེས་དེའི་གཉའ་བ་ནས་བཟུང་སྟེ། རྒྱལ་
Ja97b
བྱེད་ཀྱི་ཚལ་གྱི་ཕྱི་རོལ་ཏུ་བསྐྲད་ནས་སྨྲས་པ། ཁྱོད་ནི་རེ་ཞིག་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་ཡིན་ན། ཁྱོད་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ་ཅི་བྱ། འདི་ཉིད་ན་འདུག་ཅིག་།ལམ་པ་ད་ནི་བདག་དགེ་སྦྱོང་ཡང་མ་ཡིན། བྲམ་ཟེ་ཡང་མ་ཡིན་ནོ་སྙམ་ནས་དེས་དུ་བར་བརྩམས་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ལམ་པ། རྒྱལ་བྱེད་ཀྱི་ཚལ་གྱི་ཕྱི་རོལ་ཏུ་ངུ་བ་གཟིགས་སོ། །དེ་ནས་བཅོམ་ལྡན་འདས་ཐུགས་རྗེ་ཆེན་པོས་བསྐུལ་བ་ན། ཚེ་དང་ལྡན་པ་ལམ་པ་ག་ལ་བ་དེར་གཤེགས་ཏེ་བྱོན་ནས། ཚེ་དང་ལྡན་པ་ལམ་པ་ལ་འདི་སྐད་ཅེས་བཀའ་སྩལ་ཏོ། །ལམ་པ་ཁྱོད་ཅིའི་ཕྱིར་རྒྱལ་བྱེད་ཀྱི་ཚལ་གྱི་ཕྱི་རོལ་ན་དུ། ལམ་པས་གསོལ་པ། བཅོམ་ལྡན་འདས་བདག་མཁན་པོས་གཉའ་བ་ནས་བཟུང་སྟེ། རྒྱལ་བྱེད་ཀྱི་ཚལ་གྱི་སླད་རོལ་ཏུ་བསྐྲད་ནས་ཁྱོད་ནི་རེ་ཞིག་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་ཡིན་ན། ཁྱོད་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ་ཅི་བྱ། འདི་ཉིད་ན་འདུག་ཅིག་ཅེས་མཆི་བས་ད་ནི་བདག་དགེ་སྦྱོང་ཡང་མ་ལགས། བྲམ་ཟེ་ཡང་མ་ལགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་བཀའ་སྩལ་པ། བྱིས་པ་བསྟོད་པ་གང་ཡིན་དང ། །མཁས་པ་སྨད་པ་གང་ཡིན་པ། །འདིར་ནི་མཁས་སྨོད་མཆོག་ཡིན་གྱི། །བྱིས་པ་བསྟོད་པ་མ་ཡིན་ནོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། བུ་ཁྱོད་ཀྱི་མཁན་པོས་ནི་བསྐལ་པ་གྲངས་མེད་པ་གསུམ་
Ja98a
༄#། །གྱིས་བྱ་དཀའ་བ་འབུམ་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་ཏེ་ཐུབ་པའི་དབང་པོའི་གསུང་རབ་འདི་ཡང་དག་པར་བསྒྲུབས་པ་མ་ཡིན་གྱི།་ངས་ནི་བསྐལ་པ་གྲངས་མེད་པ་གསུམ་གྱིས་བྱ་དཀའ་བ་འབུམ་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་ཏེ་ཐུབ་པའི་དབང་པོའི་གསུང་རབ་འདི་ཡང་དག་པར་བསྒྲུབས་པ་ཡིན་ན། ཁྱོད་དེ་བཞིན་གཤེགས་པ་ལས་ཀློག་ནུས་སམ། བཙུན་པ་བདག་ནི་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་ལགས་སོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་བཀའ་སྩལ་པ། གང་གིས་བྱིས་པ་བྱིས་ཉིད་རིག་།དེ་ལ་དེས་ན་དེ་མཁས་ཡིན། །བྱིས་པ་མཁས་པར་རློམ་བྱེད་པ། །དེ་འདིར་ཤིན་ཏུ་བྱིས་པ་ཡིན། །སངས་རྒྱས་བཅོམ་ལྡན་འདས་རྣམས་ཚིག་རེ་རེ་ནས་ཆོས་འདོན་པར་མཛད་པ་ནི་གནས་མ་ཡིན། སྐབས་མ་ཡིན་ཏེ། དེ་ནི་གནས་མེད་པས་དེ་ན་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་ཏོ། །ཀུན་དགའ་བོ་ཁྱོད་ཀྱིས་ལམ་པ་ཀློག་ཏུ་ཆུག་ཅིག་།ཚེ་དང་ལྡན་པ་ཀུན་དགའ་བོས་ལམ་པ་ཀློག་ཏུ་གཞུག་པར་བརྩམས་པ་དང ། དེས་ཀློག་མ་ནུས་ནས་བཅོམ་ལྡན་འདས་ལ།་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བདག་གིས་རེ་ཞིག་སྟོན་པ་ལ་ཡང་བསྙེན་བཀུར་བགྱི་འཚལ། ཐོས་པ་ཡང་གཟུང་འཚལ། ཚོགས་དག་ཀྱང་ཀློག་ཏུ་
Ja98b
སྩལ་འཆལ་བྲམ་ཟེ་དང་ཁྱིམ་བདག་མཆིས་ཤིང་ལྷགས་པ་རྣམས་ལ་ཡང་ཆོས་བསྟན་པར་བགྱི་འཚལ་བས། བདག་གིས་ལམ་པ་ཀློག་ཏུ་སྩོལ་བའི་རྔོ་མི་ཐོག་གོ། བཅོམ་ལྡན་འདས་ཀྱིས་དེ་ལ་རྡུལ་སྤང་ངོ ། །དྲི་མ་སྤང་ངོ་ཞེས་བྱ་བའི་ཚིག་གཉིས་སྩལ་ན། དེས་ཚིག་དེ་གཉིས་མ་ཟིན་ནས། བཅོམ་ལྡན་འདས་ཀྱིས་འདིའི་ལས་སྦྱང་བར་བྱའོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ལམ་པ་ལ་བཀའ་སྩལ་པ། ལམ་པ་ཁྱོད་ཀྱིས་དགེ་སློང་རྣམས་ཀྱི་མཆིལ་ལྷམ་དང་ལྷམ་སྒྲོ་གུ་ཅན་དག་འཕྱི་ནུས་སམ། བཙུན་པ་རྔོ་ཐོག་གོ་།སོང་ལ་དགེ་སློང་རྣམས་ཀྱི་མཆིལ་ལྷམ་དང་ལྷམ་སྒྲོ་གུ་ཅན་དག་ཕྱིས་ཤིག་།དེས་དགེ་སློང་རྣམས་ཀྱི་མཆིལ་ལྷམ་དང་ལྷམ་སྒྲོ་གུ་ཅན་དག་ཕྱི་བར་བརྩམས་པ་དང ། དགེ་སློང་རྣམས་ཀྱིས་དེ་ལ་མི་སྟེར་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལམ་པ་མཆིལ་ལྷམ་དང་ལྷམ་སྒྲོ་གུ་ཅན་དག་ཕྱིར་ཆུག་ཅིག་།དེ་ཅིའི་ཕྱིར་ཞེ་ན། འདིའི་ལས་སྦྱང་བར་བྱ་བའི་ཕྱིར་རོ། །འདི་ལ་ཚིག་གཉིས་ཀྱི་ཁ་ཏོན་དག་ཀྱང་རྗེས་སུ་སློབས་ཤིག་།ལམ་པས་དགེ་སློང་རྣམས་ཀྱི་མཆིལ་ལྷམ་དང་ལྷམ་སྒྲོ་གུ་ཅན་དག་འཕྱི་བ་ན་དགེ་སློང་རྣམས་ཀྱིས་དེ་ལ་རྡུལ་སྤང་ངོ་དྲི་མ་སྤང་ངོ་ཞེས་བྱ་བའི་ཁ་ཏོན་གཉིས་པོ་དག་ཀྱང་བསླབས་ནས། ལམ་པས་དུས་གཞན་ཞིག་ན། ཁ་ཏོན་གཉིས་པོ་དེ་ཡང་ལོབས་པར་གྱུར་ཏོ། །དེ་ནས་ཚེ་དང་ལྡན་པ་ལམ་པ་མཚན་མོའི་ནམ་ནངས་པའི་ཚེ། འདི་སྙམ་དུ་སེམས་ཏེ་བཅོམ་ལྡན་འདས་ཀྱིས་རྡུལ་སྤང་ངོ་དྲི་མ་སྤང་ངོ་ཞེས་བཀའ་སྩལ་པ་གང་ཡིན་པ་དེ་
Ja99a
༄#། །ཅི།་བཅོམ་ལྡན་འདས་ཀྱིས་ནང་གི་རྡུལ་ལས་དགོངས་ཏེ་བཀའ་སྩལ་ཏམ། འོན་ཏེ་ཕྱི་རོལ་གྱི་རྡུལ་ལས་དགོངས་ཏེ་བཀའ་སྩལ་སྙམ་མོ། །དེ་དེ་ལྟར་སེམས་པ་ན་དེའི་ཚེ་དེ་ལ་སྔོན་མ་ཐོབ་པའི་ཚིགས་སུ་བཅད་པ་གསུམ་པོ་འདི་དག་བློ་ལ་སྣང་བར་གྱུར་ཏོ། །རྡུལ་འདིར་འདོད་ཆགས་དེ་ནི་ས་རྡུལ་མིན། །རྡུལ་ནི་འདོད་ཆགས་མིང་སྟེ་རྡུལ་གྱི་མིན། །མཁས་པ་གང་གིས་རྡུལ་དེ་རྣམ་སྤངས་པ། །དེ་དག་བདེ་གཤེགས་བསྟན་ལ་བག་ཡོད་འགྱུར། །རྡུལ་འདིར་ཞེ་སྡང་དེ་ནི་ས་རྡུལ་མིན། །རྡུལ་ནི་ཞེ་སྡང་མིང་སྟེ་རྡུལ་གྱི་མིན། །མཁས་པ་གང་གིས་རྡུལ་དེ་རྣམ་སྤངས་པ། །དེ་དག་བདེ་གཤེགས་བསྟན་ལ་བག་ཡོད་འགྱུར། །རྡུལ་འདིར་གཏི་མུག་དེ་ནི་ས་རྡུལ་མིན། །རྡུལ་ནི་གཏི་མུག་མིང་སྟེ་རྡུལ་གྱི་མིན། །མཁས་པ་གང་གིས་རྡུལ་དེ་རྣམ་སྤངས་པ། ། དེ་དག་བདེ་གཤེགས་བསྟན་ལ་བག་ཡོད་འགྱུར། །དེས་སྤྲོ་བ་དང་འབད་པ་དང་བཙལ་བ་བྱས་པས་གོང་ནས་གོང་དུ་ཡིད་ལ་བྱེད་པའི་ཁྱད་པར་ཐོབ་ནས་འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ་འདུ་བྱེད་ཀྱི་རྣམ་པ་ཐམས་ཅད་ཉམས་པ་དང་ལྟུང་བ་དང་རྣམ་པར་འཐོར་བ་དང་རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་པས་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་དག་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་
Ja99b
སྤྱོད་པའི་མཐའ་བླ་ན་མེད་པ་དེའི་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ་ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང་མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །ཚེ་དང་ལྡན་པ་ལམ་པ་སྐྱིལ་མོ་ཀྲུང་གིས་འདུག་པ། ཚེ་དང་ལྡན་པ་ལམ་ཆེན་པས་མཐོང་ནས། དགྲ་བཅོམ་པ་དག་ནི་མ་བསམས་པར་ཤེས་པ་དང ། མཐོང་བ་མི་འཇུག་པས། ཚེ་དང་ལྡན་པ་ལམ་ཆེན་པས་ལག་པ་གཉིས་ཀྱིས་ཚེ་དང་ལྡན་པ་ལམ་པ་བཟུང་སྟེ་སྨྲས་པ། ལམ་པ་རེ་ཞིག་ཁ་ཏོན་དག་གྱིས་ཤིག་དང ། དེའི་འོག་ཏུ་བསམ་གཏན་པར་འགྱུར་རོ། །ཚེ་དང་ལྡན་པ་ལམ་པས་གླང་པོ་ཆེའི་སྣ་འདྲ་བའི་ལག་པ་བརྐྱང་པ་དང ། ཚེ་དང་ལྡན་པ་ལམ་ཆེན་པས་རྒྱབ་ཏུ་རྣམ་པར་བལྟས་ནས་མཐོང་སྟེ། དེས་སྨྲས་པ། ཚེ་དང་ལྡན་པ་ལམ་པ་ཁྱོད་ཀྱིས་ཡོན་ཏན་གྱི་ཚོགས་དེ་ལྟ་བུ་དག་རྟོགས་སམ། རྟོགས་སོ། །ཐམས་ཅད་དུ་བཅོམ་
Ja100a
༄#། །ལྡན་འདས་ཀྱིས་ལམ་ཆུང་བ་རབ་ཏུ་ཕྱུང་ངོ་ཞེས་སྒྲ་གྲགས་ནས། རྒྱལ་པོའི་ཁབ་ན་འཚོ་བྱེད་གཞོན་ནུས་གསོས་ཀྱིས། བཅོམ་ལྡན་འདས་ཀྱིས་ལམ་ཆུང་བ་རབ་ཏུ་བྱུང་ངོ་ཞེས་ཐོས་ནས། དེས་བསམས་པ། གལ་ཏེ་བཅོམ་ལྡན་འདས་རྒྱལ་པོའི་ཁབ་ཏུ་གཤེགས་པར་གྱུར་ན་བཙུན་པ་ལམ་པ་མ་གཏོགས་པ་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་སྤྱན་དྲངས་ཏེ་གདུགས་ཚོད་གསོལ་ལོ་སྙམ་མོ། །གཞན་མུ་སྟེགས་ཅན་དག། ཤེས་ལྡན་དག་དགེ་སྦྱོང་གོའུ་ཏ་མ་འདི་སྐད་ཅེས་ངའི་ཆོས་ནི་ཟབ་པ་ཟབ་པར་སྣང་བ། མཐོང་བར་དཀའ་བ། རྟོགས་པར་དཀའ་བ། བརྟག་མི་ནུས་པ། རྟོག་གེའི་སྤྱོད་ཡུལ་མ་ཡིན་པ་ཞིབ་མོ་བརྟགས་པ་མཁས་ཤིང་མཛངས་པས་རིག་པར་བྱ་བ་ཡིན་ནོ་ཞེས་ཟེར་ན་འདི་ལྟར་ལམ་ཆུང་པ་ལ་སོགས་པ་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་དག་ཀྱང་རབ་ཏུ་འབྱིན་པར་བྱེད་ན་དེའི་ཆོས་ཇི་ལྟར་ཟབ་པ་ཡིན་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །བཅོམ་ལྡན་འདས་ཀྱིས་ཉན་ཐོས་ཆེན་པོ་རི་རབ་དང་འདྲ་བ་ལ་སྐྱེ་བོ་ཕལ་པོ་ཆེའི་ཚོགས་ཀྱིས་སྨད་པ་མི་དགེ་བ་སྐྱེད་པར་བྱེད་ཀྱི། འདིའི་ཡོན་ཏན་བསྒྲག་པར་བྱའོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་ལམ་པ་ལ་དེ་བཞིན་གཤེགས་པའི་ཞལ་ནས་ཁྱོད་ཀྱིས་དགེ་སློང་མ་ལ་སྟོན་ཅིག་ཅེས་བཀའ་སྩལ་ཏོ་ཞེས་གྱིས་ཤིག་།ཚེ་དང་
Ja100b
ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཚེ་དང་ལྡན་པ་ལམ་པ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ལམ་པ་ལ་སྨྲས་པ། ཚེ་དང་ལྡན་པ་ལམ་པ། བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་དགེ་སློང་མ་ལ་སྟོན་ཅིག་ཅེས་བྱུང་ངོ ། །ཚེ་དང་ལྡན་པ་ལམ་པས་བསམས་པ། བཅོམ་ལྡན་འདས་ཀྱིས་ཅིའི་སླད་དུ་དགེ་སློང་གནས་བརྟན་གནས་བརྟན་དག་བཞག་སྟེ་བདག་ལ་བཀའ་སྩལ་སྙམ་ནས། དེས་བཅོམ་ལྡན་འདས་བདག་གི་ཡོན་ཏན་བསྒྲག་པར་བཞེད་པར་རིག་ནས། སྟོན་པའི་ཐུགས་ལ་དགོངས་པ་ཡོངས་སུ་རྫོགས་པར་བྱའོ་སྙམ་ནས་སྨྲས་པ། བཙུན་པ་ཀུན་དགའ་བོ། བཅོམ་ལྡན་འདས་ཀྱིས་བཀའ་སྩལ་པ་བཞིན་འཚལ་ལོ། །དགེ་སློང་མ་གསོ་སྦྱོང་འབུལ་བ་གཉིས་རྒྱལ་བྱེད་ཀྱི་ཚལ་དུ་འོངས་ཏེ། དེ་གཉིས་ཀྱིས་སྨྲས་པ།་བདག་ཅག་དགེ་སློང་མའི་སྟོན་པ་སུ་བསྐོས། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ལམ་པའོ། །ཅི་ལགས། འཕགས་པ་ལམ་ཆེན་པའམ། ཚེ་དང་ལྡན་པ་ལམ་པའོ། །དེ་གཉིས་ཀྱིས་སྨྲས་པ། ཕུ་ནུ་མོ་ཇི་ལྟར་བུད་མེད་ཀྱི་ཡུལ་བརྙས་པ་ལ་ལྟོས། དེས་ཟླ་བ་གསུམ་གྱིས་ཚིགས་སུ་བཅད་པ་གཅིག་བཀླགས་ན་དེ་ཡང་མ་ལོབས་པ་ཡིན་ལ། དགེ་སློང་མ་རྣམས་ནི་སྡེ་སྣོད་གཉིས་པ་དང ། སྡེ་སྣོད་གསུམ་པ་དང་ཆོས་སྒྲོག་པ་རིག་པ་དང་གྲོལ་བའི་སྤོབས་པ་ཅན་དག་ཡིན་ན། དེས་དགེ་སློང་མ་ལ་སྟོན་པར་འགྱུར་བ། ཇི་ལྟ་བྱེད་པ་བལྟས་འདོང་ངོ་ཞེས་ཚེ་དང་ལྡན་པ་ལམ་པ་
Ja101a
༄#། །ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ལམ་པའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སྨྲས་པ། བཙུན་པ་ལམ་པ་དགོངས་སུ་གསོལ། རྒྱལ་པོའི་ཀུན་དགའ་ར་བའི་དགེ་སློང་མའི་དགེ་འདུན་མཐུན་པ། རྒྱལ་བྱེད་ཀྱི་ཚལ་གྱི་དགེ་སློང་གི་དགེ་འདུན་མཐུན་པའི་ཞབས་ལ་མགོ་བོས་ཕྱག་འཚལ་ལོ། །གནོད་པ་ཉུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་ལྡན་ནམ། བདེའམ་ཁ་ན་མ་ཐོ་བ་མ་མཆིས་སམ། བདེ་བ་ལ་རེག་པར་གནས་སམ་ཞེས་སྙུན་གསོལ་ལོ། །ཟླ་བ་ཕྱེད་ཕྱེད་ཅིང་གདམས་ངག་དང་རྗེས་སུ་བསྟན་པ་གསོལ་ལོ། ། འདུན་པ་དང་གསོ་སྦྱོང་བགྱི་བར་གསོལ་བ་འདེབས་སོ། །གསོལ་པ་ཡང་མཁྱེན་པར་གསོལ་ལོ། །ཐབས་ཡིན་ནོ། །དེ་གཉིས་ཀྱིས་སྨྲས་པ། ཐབས་ཡིན་ནོ་ཞེས་བྱ་བ་ཙམ་ཡང་ཤེས་པ་ལྟ་ཞེས་དེ་གཉིས་དབྱར་ཁང་དུ་དོང་བ་དང ། དགེ་སློང་མ་རྣམས་ཀྱིས་མཐོང་ནས་སྨྲས་པ། བདག་ཅག་དགེ་སློང་མའི་སྟོན་པར་སུ་བྱོན། དེ་གཉིས་ཀྱིས་སྨྲས་པ། འཕགས་པ་ལམ་པའོ། །ཅི་འཕགས་པ་ལམ་ཆེན་པའམ། འཕགས་པ་ལམ་ཆེན་པ་མ་ཡིན་གྱི་འདི་ལྟར་ལམ་པའོ། །དེ་དག་གིས་སྨྲས་པ། ཕུ་ནུ་མོ་དག་ཇི་ལྟར་བུད་མེད་ཀྱི་ཡུལ་ལ་བརྙས་པ་ལ་ལྟོས། དེ་ཟླ་བ་གསུམ་གྱིས་ཚིགས་སུ་བཅད་པ་གཅིག་བཀླགས་ན་དེ་ཡང་མ་ལོབས་པ་ཡིན་ལ། དགེ་སློང་མ་རྣམས་ནི་སྡེ་སྣོད་གཉིས་པ་དང་སྡེ་སྣོད་གསུམ་པ་དང ། ཆོས་སྒྲོག་པ་རིག་པ་དང ། གྲོལ་བའི་སྤོབས་པ་ཅན་དག་
Ja101b
ཡིན་ན། དེས་ཇི་ལྟར་དགེ་སློང་མ་ལ་སྟོན་པར་འགྱུར། བདག་ཅག་ཇི་ལྟར་བཅོམ་ལྡན་འདས་ཀྱིས་ཟིལ་གྱིས་མནན་པ་ལྟར་ནི་ཡ་མཚན་ཅན་དགུ་བཅུ་རྩ་དྲུག་པོ་དག་གིས་ཀྱང་བུད་མེད་ཀྱི་ཡུལ་འགའ་ཡང་ཟིལ་གྱིས་མ་མནན་ཏོ། །དགེ་སློང་མ་བཅུ་གཉིས་སྡེ་དག་གིས་དེ་ལྟར་འཕགས་པ་ལམ་པ་དགེ་སློང་མ་ལ་སྟོན་པར་འོང་ངོ་ཞེས་ཐོས་ནས་དེ་དག་གིས་སྨྲས་པ། ཕུ་ནུ་མོ་དག་བདག་ཅག་གིས་ཅི་ནས་ཀྱང་ཕྱིན་ཆད་ཐོས་པ་ཉུང་ངུ་འགའ་ཡང་དགེ་སློང་མ་ལ་སྟོན་པར་མི་འགྱུར་བ་དེ་ལྟ་བུ་ཟན་མོའི་བུ་དེ་མི་དགའ་བར་བྱའོ་ཞེས་དེ་དག་གིས་སྨྲས་པ། ཕུ་ནུ་མོ་དག་བདག་ཅག་ལས་མི་མོ་དྲུག་གིས་ནི་ཡལ་ག་ཁྲུ་བཅུ་གཉིས་པ་དག་ལས་སེང་གེའི་ཁྲི་ཤོམས་ཤིག་།མི་མོ་དྲུག་གིས་ནི་མཉན་ཡོད་དུ་ཞུགས་ལ་ལམ་པོ་ཆེ་དང ། སྲང་དང་བཞི་མདོ་དང་སུམ་མདོ་དག་ཏུ་སྐྱེ་བོ་ཕལ་པོ་ཆེའི་ཚོགས་ལ་སང་བདག་ཅག་དགེ་སློང་མའི་སྟོན་པ་ཉན་ཐོས་ཆེན་པོ་འདི་འདྲ་བ་ཞིག་བྱོན་པར་འགྱུར་གྱི། ཁྱེད་ཅག་ལས་གང་གིས་དེར་བདེན་པ་དག་མཐོང་བར་མ་གྱུར་པ་དེས་ཡུན་རིང་པོར་འཁོར་བར་འཁོར་བར་བྱ་དགོས་པར་འགྱུར་རོ། ། ཞེས་སྒྲོགས་ཤིག་།དེ་དག་ལས་མི་མོ་དྲུག་གིས་ནི་ཡལ་ག་ཁྲུ་བཅུ་གཉིས་པ་དག་ལས་སེང་གེའི་ཁྲི་བཤམས་སོ། །མི་མོ་དྲུག་གིས་ནི་མཉན་ཡོད་དུ་ཞུགས་ཏེ་ལམ་པོ་ཆེ་དང ། སྲང་དང་བཞི་མདོ་དང་སུམ་མདོ་དག་ཏུ་སྐྱེ་བོ་ཕལ་པོ་ཆེའི་ཚོགས་ལ་སང་བདག་ཅག་དགེ་སློང་མའི་སྟོན་པ་ཉན་ཐོས་ཆེན་པོ་འདི་འདྲ་བ་ཞིག་བྱོན་པར་འགྱུར་གྱི། ཁྱེད་ཅག་ལས་གང་གིས་དེར་བདེན་པ་དག་མཐོང་
Ja102a
༄#། །བར་མ་གྱུར་པ་དེས་ཡུན་རིང་པོར་འཁོར་བར་འཁོར་བར་བྱ་དགོས་པར་འགྱུར་རོ་ཞེས་བསྒྲགས་པ་དང ། སྲོག་ཆགས་འབུམ་ཕྲག་དུ་མ་དག་ཁ་ཅིག་ནི་ལྟད་མོ་སྐྱེས་པ་ན། ཁ་ཅིག་ནི་སྔོན་གྱི་དགེ་བའི་རྩ་བ་དག་གིས་བསྐུལ་བ་ན་དེར་འདུས་པར་གྱུར་ཏོ། །དེ་ནས་ཚེ་དང་ལྡན་པ་ལམ་པ་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །དེ་མཉན་ཡོད་དུ་བསོད་སྙོམས་བརྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ལྷུང་བཟེད་དང་ཆོས་གོས་མཁོས་སུ་ཕབ་སྟེ། རྐང་པ་གཉིས་བཀྲུས་ནས་ནང་དུ་ཡང་དག་འཇོག་གི་ཕྱིར་གཙུག་ལག་ཁང་དུ་ཞུགས་སོ། །དེ་ནས་ཚེ་དང་ལྡན་པ་ལམ་པ་ཕྱེ་མ་བྲེད་ནང་དུ་ཡང་དག་འཇོག་ལས་ལངས་ཏེ་སྣམ་སྦྱར་ཐོགས་ནས་ཕྱི་བཞིན་འབྲང་བའི་དགེ་སྦྱོང་དགེ་སློང་ཞིག་དང་དགེ་སློང་མའི་དབྱར་ཁང་རྒྱལ་པོའི་ཀུན་དགའ་ར་བ་ག་ལ་བ་དེར་སོང་ངོ ། །སྐྱེ་བོ་ཕལ་པོ་ཆེའི་ཚོགས་ཀྱིས་དེ་མཐོང་ནས། དེ་དག་གིས་སྨྲས་པ། དགེ་སློང་མའི་སྟོན་པ་དེ་གང་ཡིན། ཅི་དགེ་སྦྱོང་སྔ་མ་ཡིན་ནམ། འོན་ཏེ་ཕྱི་བཞིན་འབྲང་བའི་དགེ་སྦྱོང་ཡིན། དེ་དག་གིས་སྨྲས་པ། ཁྱེད་ཀྱིས་ཕྱི་བཞིན་འབྲང་བའི་དགེ་སྦྱོང་འགའ་ཞིག་དགེ་སློང་མ་ལ་སྟོན་པར་བྱེད་ཅེས་ཐོས་སམ། དགེ་སྦྱོང་སྔ་མ་འདི་ཉིད་དགེ་སློང་མའི་སྟོན་པ་ཡིན་ནོ། །དེ་དག་གིས་སྨྲས་པ། འདིས་ཟླ་བ་གསུམ་གྱིས་ཚིགས་སུ་བཅད་པ་གཅིག་
Ja102b
བཀླགས་ན་དེ་ཡང་མ་ལོབས་པ་ཡིན་ན། དེས་དགེ་སློང་མ་སྡེ་སྣོད་གཉིས་པ་དང ། སྡེ་སྣོད་གསུམ་པ་དང ། ཆོས་སྒྲོགས་པ། རིག་པ་དང་གྲོལ་བའི་སྤོབས་པ་ཅན་དག་ལ་ཇི་ལྟར་སྟོན་པར་འགྱུར། དགེ་སྦྱོང་མ་སྒྲེ་བྱི་མོ་འདི་དག་གིས་བདག་ཅག་བྲིད་པར་གྱུར་གྱི། ཚུར་ཤེག་འདོང་ངོ ། །གཞན་དག་གིས་སྨྲས་པ། ཇི་ལྟ་བྱེད་པ་ཡང་བལྟས་ཏེ་རེ་ཞིག་སྡོད་ཅིག་།དེ་ནས་ཚེ་དང་ལྡན་པ་ལམ་པ་འཁོར་དེའི་ནང་དུ་ཞུགས་ནས་སེང་གེའི་ཁྲི་ག་ལ་བ་དེར་སོང་བ་དང ། ཇི་ཙམ་ན་ཡལ་ག་ཁྲུ་བཅུ་གཉིས་པ་དག་ལས་སེང་གེའི་ཁྲི་བཤམས་པ་མཐོང་ནས་དེས་བསམས་པ། ཅི་རེ་ཞིག་དད་པར་གྱུར་པ་དག་གིས་བཤམས་པ་ཡིན་ནམ། འོན་ཏེ་མཐོ་འཚམ་པའི་བསམ་པ་ཅན་དག་གིས་བཤམས་པ་ཡིན་སྙམ་ན། ཇི་ཙམ་ན་མཐོ་འཚམ་པའི་བསམ་པ་ཅན་དག་གིས་བཤམས་པར་མཐོང་ངོ ། ། དེ་ནས་ཚེ་དང་ལྡན་པ་ལམ་པས། གླང་པོའི་སྣ་ལྟ་བུའི་ལག་པ་བརྐྱང་སྟེ་སེང་གེའི་ཁྲི་དེ་ཇི་ལྟར་གནས་སུ་བཞག་པ་དེ་ལྟར་མནན་ནས་ཚེ་དང་ལྡན་པ་ལམ་པ་ཅི་ནས་ཀྱང་ཁ་ཅིག་གིས་མཐོང ། ཁ་ཅིག་གིས་ནི་མ་མཐོང་བ་དེ་ལྟར་སེང་གེའི་ཁྲི་ལ་འདུག་གོ་།དེ་ནས་ཚེ་དང་ལྡན་པ་ལམ་པ་ཏིང་ངེ་འཛིན་འདི་ལྟ་བུ་ལ་སྙོམས་པར་ཞུགས་ཏེ། ཇི་ལྟར་སེམས་མཉམ་པར་བཞག་ན་རང་གི་སྟན་ལས་མི་སྣང་བར་གྱུར་ཅིང་ཤར་ཕྱོགས་ཀྱི་སྟེང་གི་ནམ་མཁའ་ལ་མངོན་པར་འཕགས་ཏེ། སྤྱོད་ལམ་བཞི་པོ་འདི་ལྟ་སྟེ། འགྲོ་བ་དང་འགྲེང་བ་དང་འདུག་པ་དང་ཉལ་བ་དག་བྱེད་དོ། །མེའི་ཁམས་
Ja103a
༄#། །ལ་ཡང་སྙོམས་པར་འཇུག་སྟེ། ཚེ་དང་ལྡན་པ་ལམ་པ་མེའི་ཁམས་ལ་ཡང་སྙོམས་པར་ཞུགས་པའི་ལུས་ལས་འོད་ཟེར་སྣ་ཚོགས་འདི་ལྟ་སྟེ་སྔོན་པོ་དག་དང ། སེར་པོ་དག་དང ། དམར་པོ་དག་དང ། དཀར་པོ་དག་དང ། བཙོད་ཀ་དག་དང ། ཤེལ་དང་དངུལ་གྱི་ཁ་དོག་ལྟ་བུ་དག་བྱུང་ངོ ། །ཆོ་འཕྲུལ་ཟུང་དག་ཀྱང་རྣམ་པར་སྟོན་ཏེ། ལུས་ཀྱི་སྨད་ནས་མེ་འབར་ཞིང་ལུས་ཀྱི་སྟོད་ནས་ཆུ་གྲང་མོའི་རྒྱུན་དག་འབྱིན་པར་བྱེད་དོ། །ལུས་ཀྱི་སྟོད་ནས་མེ་འབར་ཞིང་ལུས་ཀྱི་སྨད་ནས་ཆུ་གྲང་མོའི་རྒྱུན་དག་འབྱིན་པར་བྱེད་དོ། །ཤར་ཕྱོགས་སུ་ཇི་ལྟ་བ་བཞིན་དུ་ལྷོ་དང་ནུབ་དང་བྱང་ཕྱོགས་སུ་ཡང་དེ་བཞིན་ཏེ། དེ་ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བཞི་བསྟན་ནས་རྫུ་འཕྲུལ་མངོན་པར་འདུ་བྱ་བ་དེ་ཕྱིར་བསྡུས་ཏེ་འཁོར་གྱི་གོང་དུ་སེང་གེའི་ཁྲི་བཤམས་པ་ཉིད་ལ་འདུག་གོ་།འདུག་ནས་ཚེ་དང་ལྡན་པ་ལམ་པས་དགེ་སློང་མ་རྣམས་ལ་སྨྲས་པ། སྲིང་མོ་དག་ཁོ་བོས་ཟླ་བ་གསུམ་གྱིས་ཚིགས་སུ་བཅད་པ་གཅིག་བཟུང་སྟེ། ཁོ་བོ་ཚིགས་སུ་བཅད་པ་དེ་ཉིད་ཉིན་མཚན་བདུན་གྱི་བར་དུ་ཚིག་གཞན་དག་དང་ཡི་གེ་གཞན་དག་དང་ཚིག་དང་ཡི་གེ་གཞན་དག་གིས་དོན་རྣམ་པར་འབྱེད་པར་སྤྲོའོ། །སྲིང་མོ་དག་དེ་ལ་ལུས་ཞེས་བྱ་བས་ནི་བཅོམ་ལྡན་འདས་ཀྱིས་ལུས་ཀྱིས་ཉེས་པར་སྤྱོད་པ་གསུམ་མི་བྱ་བ་བསྟན་ཏོ། །ངག་ཅེས་བྱ་བས་ནི། བཅོམ་ལྡན་འདས་ཀྱིས་ངག་གིས་ཉེས་པར་སྤྱོད་པ་བཞི་མི་བྱ་བ་བསྟན་ཏོ། །ཡིད་ཀྱིས་ཞེས་བྱ་
Ja103b
བས་ནི་བཅོམ་ལྡན་འདས་ཀྱིས་ཡིད་ཀྱིས་ཉེས་པར་སྤྱོད་པ་གསུམ་མི་བྱ་བ་བསྟན་ཏོ། །སྡིག་པ་མི་བྱ་ཞིང་ཞེས་བྱ་བས་ནི་བཅོམ་ལྡན་འདས་ཀྱིས་སྡིག་པ་ཐམས་ཅད་མི་བྱ་སྟེ་ཞེས་བྱ་བ་བསྟན་ཏོ། །འཇིག་རྟེན་ཀུན་ལ་ཞེས་བྱ་བས་ནི་བཅོམ་ལྡན་འདས་ཀྱིས་ཉེ་བར་ལེན་པའི་ཕུང་པོ་ཐམས་ཅད་བསྟན་ཏོ། །ཡོངས་འཛིན་ཞེས་བྱ་བས་ནི། བཅོམ་ལྡན་འདས་ཀྱིས་ཡོངས་འཛིན་རྣམ་པ་གསུམ་བསྟན་ཏེ། འདོད་ཆགས་ཀྱི་ཡོངས་འཛིན་དང ། ཞེ་སྡང་གི་ཡོངས་འཛིན་དང ། གཏི་མུག་གི་ཡོངས་འཛིན་ཏོ། །ཚེ་དང་ལྡན་པ་ལམ་པས་ཇི་ཙམ་གྱིས་ཚིགས་སུ་བཅད་པ་ཕྱེད་ཀྱི་དོན་ཀྱང་རྣམ་པར་ཕྱེ་བ་དེ་ཙམ་གྱིས་སྲོག་ཆགས་ཁྲི་ཉིས་སྟོང་གིས་བདེན་པ་དག་མཐོང་སྟེ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་སོ། །ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་རང་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འཁོར་ཕལ་ཆེར་ནི་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་བཀོད་དོ། །དེ་ནས་ཚེ་དང་ལྡན་པ་ལམ་པས་འཁོར་དེ་དག་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང །
Ja104a
༄#། །དགེ་འདུན་ལ་བབ་པར་རྣམ་པར་བཀོད་ནས་སྟན་ལས་ལངས་ཏེ་སོང་ངོ ། །དགེ་སློང་དག་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འཁོད་པ་དེ་དག་གིས། ཚེ་དང་ལྡན་པ་ལམ་པ་ཐག་རིང་པོ་ཁོ་ན་ནས་འོང་བ་མཐོང་ནས་དེ་དག་གིས་སྨྲས་པ། ཚེ་དང་ལྡན་པ་དག་ཚེ་དང་ལྡན་པ་ལམ་པས་དེང་སྐྱེ་བོ་ཕལ་པོ་ཆེའི་ཚོགས་མངོན་པར་མ་དད་པར་གྱུར་པར་བྱས་གོར་མ་ཆག་ན། མངོན་སུམ་དུ་མི་དགའ་བ་བརྗོད་པ་ནི་སྡུག་བསྔལ་བ་ཡིན་པས། ཕྱི་བཞིན་འབྲང་བའི་དགེ་སྦྱོང་ལ་དྲིའོ་ཞེས་དེ་དག་གིས་དེའི་ཕྱི་བཞིན་འབྲང་བའི་དགེ་སྦྱོང་ལ་སྨྲས་པ། ཚེ་དང་ལྡན་པ་དེང་ཚེ་དང་ལྡན་པ་ལམ་པས་སྐྱེ་བོ་ཕལ་པོ་ཆེའི་ཚོགས་ཇི་སྙེད་ཅིག་མངོན་པར་མ་དད་པར་བྱས། དེས་སྨྲས་པ། སུས་མ་དད་པ་བྱས། བཅོམ་ལྡན་འདས་ཀྱིས་ཝཱ་ར་ཎཱ་སིར་དྲང་སྲོང་སྨྲ་བ་རི་དྭགས་ཀྱི་ནགས་སུ་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་ཆོས་དང་ལྡན་པའི་ཆོས་ཀྱི་འཁོར་ལོ་བསྐོར་ཅེས་གང་ཐོས་པ་དེ་དེང་ཚེ་དང་ལྡན་པ་ལམ་པས་རྗེས་སུ་བསྐོར་ཏོ། །དེ་དག་གིས་སྨྲས་པ། ཇི་ལྟར་གྱུར། དེས་སྨྲས་པ། ཚེ་དང་ལྡན་པ་ལམ་པས་ཇི་ཙམ་གྱིས་ཚིགས་སུ་བཅད་པ་ཕྱེད་ཀྱི་དོན་ཀྱང་རྣམ་པར་ཕྱེ་བ་དེ་ཙམ་གྱིས། སྲོག་ཆགས་ཁྲི་ཉིས་སྟོང་གིས་བདེན་པ་དག་མཐོང་སྟེ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་
Ja104b
རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་སོ། ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འཁོར་ཕལ་ཆེར་ནི་སངས་རྒྱས་ལ་གཞོལ་བ་དང་ཆོས་ལ་འབབ་པ་དང་དགེ་འདུན་ལ་བབ་པར་རྣམ་པར་བཀོད་དོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་སེམས་བསྒྱུར་བ་ལ་མཁས་པ་རྣམས་ཀྱི་ནང་ན་འདི་ལྟ་སྟེ། ལམ་པ་འདི་ནི་མཆོག་ཡིན་ནོ། །དེ་ལྟ་བས་ན་ཆོས་འདི་ལྟ་བུ་དང་ལྡན་པ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱིས་མ་བསྐོས་པར་དགེ་སློང་མ་ལ་སྟོན་ན་ཆོས་འདི་ལྟ་བུ་དང་ལྡན་པ་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །དགེ་འདུན་གྱིས་ཞེས་བྱ་བ་ནི། དེ་
Ja105a
༄#། །བཞིན་གཤེགས་པའི་ཉན་ཐོས་ཀྱི་དགེ་འདུན་གྱིས་སོ། །མ་བསྐོས་པར་ཞེས་བྱ་བ་ནི། གསོལ་བ་དང་གཉིས་ཀྱི་ལས་ཀྱིས་སོ། །དགེ་སློང་མ་ཞེས་བྱ་བ་ནི། ཆོས་འདི་བ་ལའོ། །སྟོན་པ་ཞེས་བྱ་བ་ནི་ལྷག་པའི་ཚུལ་ཁྲིམས་དང་ལྷག་པའི་སེམས་དང ། ལྷག་པའི་ཤེས་རབ་བོ། །ཆོས་འདི་ལྟ་བུ་དང་ལྡན་པ་མ་གཏོགས་ཏེ་ཞེས་བྱ་བ་ནི་ཆོས་འདི་ལྟ་བུ་དང་ལྡན་པ་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན།་དགེ་སློང་དགེ་འདུན་གྱིས་བསྐོས་ཀྱང་མཚམས་ཀྱི་ཕྱི་རོལ་ཏུ་བསྐོས་ཤིང་མཚམས་ཀྱི་ནང་དུ་མ་བསྐོས་ན། གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་བསྐོས་ཀྱང་གསོ་སྦྱོང་བཅོ་ལྔ་པ་དེ་ཉིད་ལ་མ་བསྐོས་ན་གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་
Ja105b
བསྐོས་ཏེ། གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཀྱང་དགེ་འདུན་ཐམས་ཅད་འདུག་ཅིང་མཐུན་པ་མ་ཡིན་ན། གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་བསྐོས་ཏེ། གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཤིང་དགེ་འདུན་ཐམས་ཅད་འདུག་ཅིང་མཐུན་པར་གྱུར་ཀྱང་ཚུལ་ཁྲིམས་དང་ལྡན་པ་མ་ཡིན་ན། གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་བསྐོས་ཏེ། གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཤིང་དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ་དེ་ཡང་ཚུལ་ཁྲིམས་དང་ལྡན་པ་ཡིན་ཡང་མང་དུ་ཐོས་པ་མ་ཡིན་ན་གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་བསྐོས་ཏེ། གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཤིང་དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ་དེ་ཡང་ཚུལ་ཁྲིམས་དང་ལྡན་ཞིང་མང་དུ་ཐོས་པ་ཡིན་ཡང་གནས་བརྟན་རྒྱལ་ཚབ་ལྟ་བུ་མ་ཡིན་ན། གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་
Ja106a
༄#། །འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་བསྐོས་ཏེ། གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཤིང་དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ་དེ་ཡང་ཚུལ་ཁྲིམས་དང་ལྡན་ཞིང་མང་དུ་ཐོས་ལ་གནས་བརྟན་རྒྱལ་ཚབ་ལྟ་བུ་ཡིན་ཡང་གྲོང་ཁྱེར་བའི་སྐད་དང་ལྡན་པ་མ་ཡིན་ན་གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ།་དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་བསྐོས་ཏེ་གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཤིང་དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ། དེ་ཡང་ཚུལ་ཁྲིམས་དང་ལྡན་ཞིང་མང་དུ་ཐོས་ལ་གནས་བརྟན་རྒྱལ་ཚབ་ལྟ་བུ་ཡིན་ཞིང་གྲོང་ཁྱེར་བའི་སྐད་དང་ལྡན་ཡང་འདི་ལྟར་དེས་དགེ་སློང་མ་ལ་ལུས་ཀྱིས་རེག་པས་སུན་ཕྱུང་བར་གྱུར་ཅིང་དེས་ལྟུང་བ་དེ་ཡང་ཆོས་བཞིན་དུ་ཕྱིར་མ་བྱས་ན་གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེས་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་བསྐོས་ཏེ། གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཤིང་དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ། དེ་ཡང་ཚུལ་ཁྲིམས་དང་ལྡན་ཞིང་མང་དུ་ཐོས་པ་ཡང་ཡིན་ལ་གནས་བརྟན་རྒྱལ་ཚབ་ལྟ་བུ་ཡིན་ཞིང་གྲོང་ཁྱེར་བའི་སྐད་དང་ལྡན་ལ་དེས་དགེ་སློང་
Ja106b
མ་ལ་ལུས་ཀྱིས་རེག་པས་སུན་མ་ཕྱུང་ཞིང ། གལ་ཏེ་སུན་ཕྱུང་བར་གྱུར་ན་ཡང་དེས་ལྟུང་བ་དེ་ཡང་ཆོས་བཞིན་དུ་ཕྱིར་བྱས་པ་ཡིན་ཡང་ཕམ་པར་འགྱུར་བའི་ཆོས་བརྒྱད་པོ་དག་རྒྱ་ཆེར་བརྗོད་པར་མི་ནུས་ན་གང་དག་སྐོ་བར་བྱེད་པ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང ། མཚམས་ཀྱི་ཕྱི་རོལ་ཏུ་མ་བསྐོས་ཏེ། གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཤིང ། དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ། དེ་ཡང་ཚུལ་ཁྲིམས་དང་ལྡན་ཞིང ། མང་དུ་ཐོས་ལ་གནས་བརྟན་རྒྱལ་ཚབ་ལྟ་བུ་ཡིན་ཞིང་གྲོང་ཁྱེར་བའི་སྐད་དང་ལྡན་ལ་དེས་དགེ་སློང་མ་ལ་ལུས་ཀྱིས་རེག་པས་སུན་མ་ཕྱུང་ཞིང་གལ་ཏེ་སུན་ཕྱུང་བར་གྱུར་ན་ཡང་དེས་ལྟུང་བ་དེ་ཡང་ཆོས་བཞིན་དུ་ཕྱིར་བྱས་ལ་ཕམ་པར་འགྱུར་བའི་ཆོས་བརྒྱད་པོ་དག་རྒྱ་ཆེར་རྗོད་པར་ནུས་ཀྱང་ལྕི་བའི་ཆོས་བརྒྱད་པོ་དག་རྒྱ་ཆེར་རྗོད་པར་མི་ནུས་ན་གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས་ཀྱི་ཕྱི་རོལ་ཏུ་མ་བསྐོས་ཏེ། གསོ་སྦྱོང་བཅོ་ལྔ་པ་དེ་ཉིད་ལ་བསྐོས་ཤིང་དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ། དེ་ཡང་ཚུལ་ཁྲིམས་དང་ལྡན་ཞིང་མང་དུ་ཐོས་ལ་གནས་བརྟན་རྒྱལ་ཚབ་ལྟ་བུ་ཡིན་ཞིང་གྲོང་ཁྱེར་པའི་སྐད་དང་ལྡན་ལ་དེས་དགེ་སློང་མ་ལ་
Ja107a
༄#། །ལུས་ཀྱིས་རེག་པས་སུན་མ་ཕྱུང་ཞིང་གལ་ཏེ་སུན་ཕྱུང་བར་གྱུར་ན་ཡང་དེས་ལྟུང་བ་དེ་ཡང་ཆོས་བཞིན་དུ་ཕྱིར་བྱས་ལ་ཕམ་པར་འགྱུར་བའི་ཆོས་བརྒྱད་པོ་དག་རྒྱ་ཆེར་རྗོད་ནུས་ཤིང་ལྕི་བའི་ཆོས་བརྒྱད་པོ་དག་ཀྱང་རྒྱ་ཆེར་རྗོད་ནུས་ན་གང་དག་སྐོ་བར་བྱེད་པ་དེ་དག་ལྟུང་བ་མེད་ལ། དེ་བསྐོས་པ་དེས་དགེ་སློང་མ་ལ་སྟོན་ན་ཡང་ལྟུང་བ་མེད་དོ། །དགེ་སློང་མ་ལ་སྟོན་པ་ཕྱི་མ་ནི་སྲིང་མོ་དག་ཅི་ཁྱེད་ཅག་དགེ་སློང་མའི་དགེ་འདུན་ཚོགས་སམ། ཡོངས་སུ་དག་གམ། མཐུན་ནམ། ཁན་མ་ཐོ་བ་མེད་དམ། ཁྱེད་ཅག་ལ་དགེ་འདུན་གྱིས་མ་བསྐོས་པའི་གང་ཟག་འགའ་ཞིག་སྟོན་པར་མི་བྱེད་དམ། ཁྱེད་ཅག་ལ་སྟོན་པའི་གང་ཟག་ནི་འགའ་ཞིག་དགེ་འདུན་ལས་འོང་ངོ ། །ཁྱེད་ཅག་ལ་དགེ་སློང་འགའ་ཡང་སྟོན་པར་མི་སྤྲོའོ། །ཁྱེད་ཅག་གི་གདམས་ངག་དང་རྗེས་སུ་བསྟན་པ་ནི་དགེ་འདུན་ལས་སོ། །སྲིང་མོ་དག་གིས་བག་ཡོད་པར་སྒྲུབས་ཤིག་ཅེས་བྱ་བ་དེ་སྟོན་ནུས་པའོ། །སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་དགེ་སློང་མ་བཅུ་གཉིས་སྡེ་དག་གིས་ཚེ་དང་ལྡན་པ་ལམ་པ་ལ་གནོད་པ་བགྱིའོ་སྙམ་པ་ལས། ཕན་པ་ཉིད་བགྱིས་པ་ལ་གཟིགས། དགེ་སློང་དག་ད་ལྟར་འབའ་ཞིག་ཏུ་མ་ཟད་ཀྱི། འདི་ལྟར་འདས་པའི་དུས་ན་ཡང་དེ་དག་གིས་དེ་ལ་གནོད་པ་བྱའོ་སྙམ་པ་ལས་ཕན་པ་ཉིད་བྱས་པར་གྱུར་ཏེ། དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་བྲམ་ཟེ་ཞིག་འདུག་པ་དེས་རིགས་མཉམ་པ་
Ja107b
ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེ་ལ་བུ་བཙས་སོ། །འདོད་པ་འདི་དག་ནི་ལན་ཚ་དང་འདྲ་སྟེ་ཇི་ལྟ་ཇི་ལྟར་བསྟེན་པ་དེ་ལྟ་དེ་ལྟར་སྐོམ་པར་འགྱུར་བས་དེ་ཡང་དང་ཡང་དུ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེ་ལ་ཇི་ཙམ་ན་བུ་བཅུ་གཉིས་བཙས་ནས་དེས་དེ་དག་ཁྱིམ་དབུབ་བཅུག་གོ་།དུས་གཞན་ཞིག་ན་དེའི་ཆུང་མ་དུས་ལ་བབ་ནས། བྲམ་ཟེ་དེ་ཡང་རྒས་པའི་གནས་སྐབས་སུ་མྱ་ངན་གྱིས་ནོན་པས་མིག་གཉིས་ལྡོངས་པར་གྱུར་ཏོ། །དེའི་མནའ་མ་བཅུ་གཉིས་པོ་དེ་དག་ཉེས་པར་སྤྱོད་པ་ཤ་སྟག་ཡིན་ཏེ།་གང་གི་ཚེ་དེ་དག་གི་ཁྱིམ་ཐབ་དག་ཕྱི་རོལ་དུ་དོང་བ་དེའི་ཚེ་ན་སྐྱེས་པ་གཞན་དག་དང་ལྷན་ཅིག་དགའ་མགུར་སྤྱོད་པར་བྱེད་དོ། །བྲམ་ཟེ་དེ་སྒྲ་ལ་མཁས་པས་དེས་འདི་ནི་བདག་གི་བུ་རྣམས་ཀྱི་སྒྲ་ཡིན་ནོ། །འདི་ནི་སྐྱེས་པ་གཞན་དག་གི་སྒྲ་ཡིན་ནོ་ཞེས་བྱ་བར་ཤེས་པས་དེས་སྐྱེས་པ་གཞན་དག་གི་སྒྲ་ཐོས་པ་ན་མནའ་མ་རྣམས་བསྡིགས་པ་དང ། དེ་དག་གིས་བསམས་པ། བྲམ་ཟེ་འདི་བདག་ཅག་ལ་གནོད་པའི་ཕྱིར་ཞུས་པ་ཡིན་གྱི། བཟའ་ནར་བྱའོ་སྙམ་ནས། དེ་དག་གིས་དེ་ལ་འབྲས་ཆན་རྩུབ་པོ་དང་རྩབས་བསྐོལ་བ་བྱིན་ནོ། །བྲམ་ཟེ་དེས་བུ་རྣམས་ལ་སྨྲས་པ། བུ་དག་ཁོ་བོ་མནའ་མ་འདི་དག་གིས་འབྲས་ཆན་རྩུབ་པོ་དང་རྩབས་བསྐོལ་བ་བྱིན་ནོ། དེ་དག་གིས་ཆུང་མ་དག་ལ་སྨྲས་པ། ཁྱེད་ཅག་གིས་ཅིའི་ཕྱིར་ཡབ་ལ་འབྲས་ཆན་རྩུབ་པོ་དང་རྩབས་བསྐོལ་བ་གསོལ། དེ་དག་གིས་
Ja108a
༄#། །སྨྲས་པ། ཡབ་ཀྱི་བསོད་ནམས་དག་པས་ཏེ། དེའི་དོན་དུ་སྣོད་དུ་འབྲས་སཱ་ལུ་ཐུག་པོ་ཆེ་དག་སྩལ་ན་འབྲས་ཆན་རྩུབ་པོར་འགྱུར་ཞིང་ཆབ་ཞོ་སྩལ་ན་རྩབས་བསྐོལ་བར་འགྱུར་རོ། །ཅིའི་ཕྱིར་དེ་དག་དེ་ལྟར་འགྱུར། དེ་དག་གིས་སྨྲས་པ། གལ་ཏེ་ཁྱེད་ཅག་ཐུགས་མི་ཆེས་ན། བདག་ཅག་གིས་ཁྱེད་ཀྱི་མངོན་སུམ་དུ་བགྱིའོ། །དེ་དག་གིས་གཅིག་ལ་གཅིག་སྨྲས་པ། བདག་ཅག་གིས་ཁྱིམ་ཐབ་དག་ལ་དམ་བཅས་པའི་སྐབས་དེ་གྲུབ་པར་བྱ་དགོས་སོ་ཞེས་དེ་དག་གིས་རྫ་མཁན་བོས་ཏེ་སྨྲས་པ། བཞིན་བཟང་ཁྱོད་ཀྱིས་རྫེའུ་ཁ་ཅིག་ལ་ནང་གཉིས་ཡོད་པ་བྱེད་ནུས་སམ། དེས་སྨྲས་པ། ནུས་སོ་ཞེས་དེ་རྫེའུ་ཁ་གཅིག་ལ་ནང་དུ་གཉིས་ཡོད་པ་བྱས་སོ། །དེ་དག་གིས་རྫེའུ་ནང་གཅིག་ཏུ་འབྲས་རྩུབ་པོ་དག་བླུགས་ལ། ནང་གཅིག་ཏུ་ནི་འབྲས་སཱ་ལུ་ཐུག་པོ་ཆེ་དག་བླུགས་སོ། །རྫེའུ་ཅིག་ཤོས་ཀྱི་ནང་གཅིག་ཏུ་ནི་ཞོ་བླུགས་ལ། ནང་གཅིག་ཏུ་རྩབ་མོ་བླུགས་ཏེ་གཡོས་བྱས་ནས། ཁྱིམ་ཐབ་དག་ལ་སྨྲས་པ། རྗེའི་སྲས་དག་ཅི་ལགས། ཇེ་དང་པོར་ཡབ་བཤོས་གསོལ་ལམ། འོན་ཏེ་རྗེའི་སྲས་དག་གསོལ། དེ་དག་གིས་སྨྲས་པ། ཇེ་དང་པོར་ཡབ་བཤོས་གསོལ་པ་དེའི་འོག་ཏུ་ཁོ་བོ་ཅག་ལ་བྱིན་ཅིག་།དེ་དག་གིས་དེ་དག་གི་མདུན་དུ་རྫེའུའི་ནང་གཅིག་ཕྱེ་སྟེ། འབྲས་ཆན་རྩུབ་མོ་བཅུས་ཤིང་རྫེའུ་ཅིག་ཤོས་ཀྱི་ནང་གཅིག་ཕྱེ་སྟེ་རྩབ་མོ་བསྐོལ་བ་བཅུས་ནས་གྱོས་པོ་ལ་བྱིན་ནོ། །དེའི་འོག་ཏུ་རྫེའུ་ཡི་ནང་གཅིག་བྱེ་སྟེ་འབྲས་སཱ་
Ja108b
ལུ་ཐུག་པོ་ཆེའི་ཆན་བཅུས་ཤིང་རྫེའུ་ཅིག་ཤོས་ཀྱི་ནང་གཅིག་ཕྱེ་སྟེ་ཞོའི་ཚོད་མ་བཅུས་ནས་ཁྱིམ་ཐབ་རྣམས་ལ་བྱིན་ནོ། །བུ་རྣམས་ཀྱིས་ཕ་ལ་སྨྲས་པ། ཡབ་ཁྱོད་ཀྱི་བསོད་ནམས་དག་པས་ཏེ། བདག་ཅག་གི་མངོན་སུམ་ཁོ་ནར་རྫེའུ་གཅིག་གི་ནང་དུ་འབྲས་སཱ་ལུ་ཐུག་པོ་ཆེ་དག་སྩལ་ཅིང་རྫེའུ་ཅིག་ཤོས་ཀྱི་ནང་དུ་ཆབ་ཞོ་སྩལ་ཏེ་གཡོས་བགྱིད་དུ་སྩལ་ན། ཁྱོད་ཀྱི་ཞལ་དུ་ནི་འབྲས་ཆན་རྩུབ་པོ་དང་རྩབས་བསྐོལ་བ་མཆིས་ལ། བདག་ཅག་གི་གཡར་དུ་ནི་འབྲས་སཱ་ལུ་ཐུག་པོ་ཆེའི་ཆན་དང་ཆབ་ཞོའི་ཚོད་མ་མཆིས་པས་བུད་མེད་དག་གིས་མ་ནོངས་སོ། །བྲམ་ཟེས་བསམས་པ། ཁོ་བོས་ལག་པས་གཅལ་བ་བརྒྱ་དག་གིས་ལོངས་སྤྱོད་དག་བསྒྲུབས་ན། ཅིའི་ཕྱིར་ཁོ་བོའི་བསོད་ནམས་དག་ཟད་པར་གྱུར་སྙམ་ནས། དེས་དེ་དག་གིས་མ་ཚོར་བར་ལྐོག་ཏུ་དེ་དག་གི་ཚང་མང་དུ་སོང་སྟེ་ལག་ནོམ་གྱིས་བཙལ་བ་དང ། རྫེའུ་ཁ་གཅིག་ལ་ནང་གཉིས་ཡོད་པ་དག་ལག་པས་ཟིན་ནས་དེ་དག་གཞན་དུ་སྦས་ཏེ། བུ་དག་འོངས་ཤིང་ལྷགས་པ་ན། བུ་དག་ཁོ་བོའི་བསོད་ནམས་དག་ཟད་པ་ལ་ལྟོས་ཞེས་རྫེའུ་དེ་དག་བསྟན་ནས་ཚིགས་སུ་བཅད་པ་སྨྲས་པ། བུ་རྣམས་གཞན་གྱི་ཁྱིམ་དག་ན། །རྫེའུ་གཅིག་ལ་ནི་ཁ་གཅིག་ཡོད། བདག་ཅག་སྐལ་པ་མེད་རྣམས་ཀྱི། ། རྫེའུ་ནང་གཉིས་ལའང་ཁ་གཅིག་ཡོད། །དེ་དག་གིས་ཆུང་མ་དེ་དག་ཏེ་པོར་བརྡེགས་པ་དང ། དེ་དག་གིས་བསམས་པ། བྲམ་ཟེ་འདི་བདག་ཅག་ལ་གནོད་པའི་ཕྱིར་ཞུགས་པ་ཡིན་གྱི། བདག་
Ja109a
༄#། །ཅག་གིས་འདི་གསད་པར་བྱའོ་སྙམ་ནས། ཕྱོགས་དེར་སྦྲུལ་ཁས་བསྡིགས་པ་ཞིག་འོངས་ནས་དེ་དག་གིས་དེ་ལ་དྲིས་པ། བཞིན་བཟང་སྦྲུལ་ཡོད་དམ། དེས་སྨྲས་པ།་སྦྲུལ་ཇི་ལྟ་བུ་འདོད། ཅི་ཤི་བའམ། འོན་ཏེ་གསོན་པོ། དེ་དག་གིས་སྨྲས་པ། ཤི་པའོ། །དེས་བསམས་པ། འདི་དག་ལ་སྦྲུལ་ཤི་བས་ཅི་བྱ་སྟེ་འདི་དག་བྲམ་ཟེ་འདི་གསོད་པར་འདོད་གོར་མ་ཆག་སྙམ་མོ། །ཆོས་ཉིད་ཀྱིས་ན་སྦྲུལ་ཁྲོས་པའི་དུག་ནི་མགོ་དང་མཇུག་མའི་གནས་གཉིས་སུ་འཕོ་བས། དེས་སྦྲུལ་ནག་པོ་ཁྲོས་པར་བྱས་ཏེ་མགོ་དང་མཇུག་མ་བཅད་ནས་རྐེད་པའི་ཆ་དེ་དག་ལ་བྱིན་ནོ། །དེ་དག་གིས་ཕོ་ཤའི་ཁུ་ཤ་བྱས་ཏེ་བྲམ་ཟེ་དེ་ལ་སྨྲས་པ། ཡབ་ཕོ་ཤའི་ཁུ་ཤ་གསོལ་ལམ། བྲམ་ཟེ་དེས་བསམས་པ། ཅིའི་ཕྱིར་འདི་དག་གིས་བདག་ལ་ཕོ་ཤའི་ཁུ་ཤ་ལྡུད་པར་འགྱུར་ཏེ། དུག་ཅུང་ཞིག་སྦྱིན་འདོད་གོར་མ་ཆག་སྙམ་ནས་དེས་བསམས་པ། ཇི་ལྟར་ཤི་ཡང་བླས་བཏུང་ངོ་སྙམ་ནས་དེ་དག་གིས་དེ་ལ་སྦྲུལ་གྱི་ཕོ་ཤའི་ཁུ་ཤ་བླུད་ནས། དེས་དེ་འཐུངས་པ་དང ། དེའི་རླངས་པས་ལིང་ཏོག་ཕྱིད་ནས་བྲམ་ཟེ་དེས་མིག་མཐོང་བར་གྱུར་ཏོ། །དེས་བསམས་པ། ཅི་ནས་ཀྱང་སྣོན་དུ་གཞུག་པའི་ཐབས་བྱའོ་སྙམ་ནས། དེས་ས་ལ་བསྒྱེལ་ཏེ་ཉལ་ནས་སྨྲས་པ། ཁོ་བོ་ཤི་ལ་ཐུག་གོ་།ཁོ་བོ་ཤི་ལ་ཐུག་གོ་།དེ་དག་གིས་བསམས་པ། མྱུར་དུ་ཤི་བར་གྱུར་ཅིག་སྙམ་ནས་སྨྲས་པ། ཡབ་ཡང་གསོལ་ཅིག་དང ། ཁྱོད་སོས་པར་འགྱུར་རོ། །དེས་སྨྲས་པ། བཏུང་ངོ ། །དེ་དག་
Ja109b
གིས་དེ་ལ་ཡང་སྦྲུལ་གྱི་ཕོ་ཤའི་ཁུ་ཤ་བླུད་ནས། དེ་ཡང་འཐུངས་པ་དང་དེའི་རླངས་པས་དེའི་ལིང་ཏོག་རྒྱ་ཆེར་ཕྱིད་དེ། དེའི་མིག་གིས་སྔ་མཁོ་བཞིན་གསལ་བར་མཐོང་ནས་དེ་ཅང་མི་སྨྲ་བར་འདུག་གོ ། མནའ་མ་དེ་དག་སྔོན་བྲམ་ཟེ་ལྡོངས་པར་གྱུར་བའི་གནས་སྐབས་ན་དེ་ཁྱད་དུ་བསད་དེ་བག་མེད་པར་སྤྱོད་པ་དེ་བཞིན་དུ་ཡང་སྤྱད་པར་བརྩམས་པ་དང ། བྲམ་ཟེ་དེ་དབྱུག་པ་ཐོགས་ཏེ་ལངས་ནས་སྨྲས་པ། ཁྱེད་ཇི་སྙམ་དུ་སེམས། ད་ལྟར་ཁོ་བོས་མི་མཐོང་སྙམ་མམ། ད་ཁོ་བོའི་མིག་སྦྲུལ་གྱི་ཕོ་ཤའི་ཁུ་ཤའི་རླངས་པས་ཕོག་པས་ལིང་ཏོག་ཐམས་ཅད་ཕྱིད་དེ་སྔོན་གྱི་གནས་སྐབས་བཞིན་དུ་ཐམས་ཅད་གསལ་བར་མཐོང་གི་།བུ་མོ་དག་ཕྱིན་ཆད་བག་ཡོད་པར་སྤྱོད་ཅིག་།དགེ་སློང་དག་།དེའི་ཚེ། དེའི་དུས་ན་བྲམ་ཟེ་གང་ཡིན་པ་དེ་ནི་ལམ་པ་འདི་ཉིད་ཡིན་ནོ། །དེའི་ཚེ་དེའི་དུས་ན། མནའ་མ་བཅུ་གཉིས་པོ་གང་ཡིན་པ་དེ་དག་ནི་དགེ་སློང་མ་བཅུ་གཉིས་སྡེ་འདི་དག་ཡིན་ཏེ། དེའི་ཚེ་ན་ཡང་འདི་དག་གིས་དེ་ལ་གནོད་པར་བྱའོ་སྙམ་པ་ལས་ཕན་པ་ཉིད་བྱས་པར་གྱུར་ཏོ། །ཡང་སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཚེ་དང་ལྡན་པ་ལམ་པ་གདམས་ངག་ཅུང་ཞིག་གིས་གདམས་པ་མཛད་པས་འཁོར་བའི་དགོན་པ་ནས་ཕྱུང་སྟེ་ཤིན་ཏུ་མཐར་ཐུག་པ་གྲུབ་པ་དང་བདེ་བ་བླ་ན་མ་མཆིས་པའི་མྱ་ངན་ལས་འདས་པ་ལ་བཞག་པ་མཛད་པ་ལ་གཟིགས། དགེ་སློང་དག་ད་ལྟར་དུ་མ་ཟད་དེ་འདི་ལྟར་འདས་པའི་དུས་ན་ཡང་ངས་འདི་གདམས་ངག་
Ja110a
༄#། །ཅུང་ཞིག་གིས་གདམས་པས་དབང་ཕྱུག་གི་བདག་པོ་ཆེན་པོ་ལ་བཞག་པར་གྱུར་ཏེ། དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཡོངས་སུ་གཟུང་བ་ཡངས་ཤིང་རྒྱ་ཆེ་བ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པ་དེ་ལ་བུ་བྱུང་ནས། དེས་ཆུང་མ་ལ་སྨྲས་པ། བཟང་མོ་བདག་ཅག་ལ་བུ་ལོན་འཕྲོག་པ་ནོར་འཕྲོག་པ་བྱུང་གི ། ཁོ་བོ་ཟོང་ཐོགས་ཏེ། རྒྱ་མཚོ་ཆེན་པོར་འཇུག་ཏུ་འགྲོའོ། །རྗེའི་སྲས་དེ་བཞིན་མཛོད་ཅིག་།ཁྱིམ་བདག་དེས་བསམས་པ། གལ་ཏེ་ཆུང་མ་འདི་ལ་ཀར་ཤ་པ་ན་མང་པོ་དག་གཏད་པར་གྱུར་ན།་སྐྱེས་པ་གཞན་དང་ལྷན་ཅིག་འགྱུར་པ་སྟེན་པར་འགྱུར་རོ་སྙམ་ནས་དེས་དེ་ལ་ཀར་ཤ་པ་ན་ཉུང་ཟད་ཅིག་བྱིན་ནོ། །རི་བྲགས་དེ་ན་ཚོང་དཔོན་ཞིག་འདུག་པ་དེ་ཁྱིམ་བདག་དེའི་ཆུང་པོ་གྲོགས་ཡིན་པས་ཁྱིམ་བདག་དེས་ཚོང་དཔོན་དེའི་ལག་ཏུ་ཀར་ཤ་པ་ན་མང་པོ་དག་གཏམས་ནས་སྨྲས་པ། གལ་ཏེ་ཁོ་བོའི་ཆུང་མ་གོས་དང་ཟས་ཡོངས་སུ་ཉམས་པར་གྱུར་ན། ཁྱོད་ཀྱིས་ཟས་དང་གོས་ཀྱིས་དེ་ལ་མཁོ་བ་བསྟབས་པར་གྱིས་ཤིག་ཅེས་སྨྲས་ནས། དེ་ཟོང་ཐོགས་ཏེ་རྒྱ་མཚོ་ཆེན་པོར་ཞུགས་པ་དང ། དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ཆུང་མ་དེས་ཁྱེའུ་དེ་ཉེ་དུའི་
Ja110b
སྟོབས་དང་ལག་སྟོབས་ཀྱིས་བསྙོད་ཅིང་གསོས་ཏེ་བསྐྱེད་པ་དང ། ཁྱེའུ་དེས་མ་ལ་དྲིས་པ། མ་བདག་གི་ཕ་དང་མེས་པོ་དག་གིས་ལས་ཅི་ཞིག་བྱས་པར་གྱུར། མས་བསམས་པ། གལ་ཏེ་འདི་ལ་རྒྱ་མཚོ་ཆེན་པོར་གྲུ་པོ་ཆེ་སྤྱོད་པར་གྱུར་ཏོ་ཞེས་བྱས་ན་འདི་ཡང་རྒྱ་མཚོ་ཆེན་པོར་འཇུག་པར་འགྱུར་ཞིང་དེ་ཉིད་དུ་ཚུལ་མ་ཡིན་པས་སྡུག་བསྔལ་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་ནས་སྨྲས་པ། བུ་ཁྱོད་ཀྱི་ཕ་དང་མེས་པོ་དག་འདི་ཉིད་ནི་ཚོང་བ་བྱེད་པར་གྱུར་ཏོ། །མ་ཀར་ཤ་པ་ན་དག་བྱིན་ཅིག་དང་བདག་གིས་ཀྱང་འདི་ཉིད་དུ་ཚོང་བྱའོ། །བུ་ཁོ་མོ་ལ་ཀར་ཤ་བ་ན་དག་ག་ལ་ཡོད། བུ་ཁོ་མོས་ཁྱོད་ཀྱང་ཉེ་དུའི་སྟོབས་དང་ལག་སྟོབས་ཀྱིས་བསྙོད་ཅིང་གསོས་ཏེ་བསྐྱེད་པ་ཡིན་པས་ཁོ་མེ་ལ་ཀར་ཤ་པ་ན་དག་གིས་འབྱོར་པ་ཡོད་རེ་སྐན། འདི་ལྟར་ཚོང་དཔོན་འདི་ཁྱོད་ཀྱི་ཕའི་ཆུང་པོ་གྲོགས་ཡིན་གྱི། འདི་ལས་ཀར་ཤ་པ་ན་དག་ལོང་ལ་ལས་གྱིས་ཤིག་།ཁྱེའུ་དེ་ཚོང་དཔོན་དེའི་གན་དུ་སོང་བ་དང ། ཚོང་དཔོན་དེ་ཡང་མི་གཞན་ཞིག་གིས་ལན་གསུམ་གྱི་བར་དུ་ཚོང་ལ་དོར་བྱས་པས་དེ་དེ་ལ་ནན་ཏུར་བྱེད་ཅིང་འདུག་པ་ན། དེའི་ཁྱིམ་ནས་བུ་མོ་མངག་གཞུག་མས་ཕྱག་དར་གྱི་སྟེང་དུ་བྱི་བའི་རོ་ཞིག་བཞག་སྟེ་ཕྱིར་ཕྱུང་ནས་དོར་བར་བརྩམས་པ་དང ། ཚོང་དཔོན་དེས་མི་དེ་ལ་སྨྲས་པ། མི་གང་ནུས་པ་ཡིན་ན་དེས་བྱི་བའི་རོ་འདིས་ཀྱང་བདག་ཉིད་འཛིན་པར་ནུས་སོ། །ཁྱེའུ་དེས་དེ་ཐོས་ནས་བསམས་པ། ཚོང་དཔོན་འདི་ནི་བདག་ཉིད་ཆེན་པོ་ཡིན་པས་
Ja111a
༄#། །འདི་བྱུང་རྒྱལ་དུ་སྨྲས་པར་མི་བྱེད་པས་བྱི་བའི་རོ་འདིས་བདག་ཉིད་འཛིན་པར་ནུས་གོར་མ་ཆག་སྙམ་ནས། ཁྱེའུ་དེ་བུ་མོ་མངག་གཞུག་དེའི་ཕྱི་བཞིན་སོང་སོང་སྟེ། བུ་མོ་མངག་གཞུག་མ་དེས་ཕྱག་དར་པོར་བ་དང ། ཁྱེའུ་དེས་བྱི་བའི་རོ་དེ་བླངས་ནས་ཚོང་དུས་སུ་སོང་ངོ ། །དེ་ན་ཚོང་ཁང་ན་བྱི་ལ་ཞིག་བཏགས་ཤིང་འདུག་ནས་ཁྱེའུ་དེས་བྱི་བའི་རོ་དེ་བྱི་ལ་ལ་བསྟན་པ་དང ། དེས་དེ་མཐོང་ནས་མཆོང་པར་བརྩམས་པ་དང ། ཚོང་པ་དེས་ཁྱེའུ་དེ་ལ་སྨྲས་པ། བྱི་བའི་རོའོ་ནི་བྱི་ལ་འདི་ལ་བྱིན་ཅིག་།ཁྱེའུ་དེས་སྨྲས་པ། འདིར་རིན་མེད་པར་ཇི་ལྟར་སྦྱིན། རིན་བྱིན་ཅིག་དང ། སྦྱིན་ནོ། །ཚོང་པ་དེས་ཁྱེའུ་དེ་ལ་སྲན་མ་དག་གིས་སྙིམ་པ་བཀང་སྟེ་བྱིན་ནོ། །ཁྱེའུས་བསམས་པ། གལ་ཏེ་བདག་གིས་འདི་ཆོས་པར་གྱུར་ན། གཞི་ཆད་པར་འགྱུར་རོ་སྙམ་ནས། ཁྱེའུ་དེ་སྲན་མ་དེ་དག་སླ་ང་ལ་བརྔོས་ནས། ཆུ་གྲང་མོས་རིལ་བ་བཀང་སྟེ་རི་བྲགས་སུ་སོང་ནས་ཕྱོགས་གང་དུ་ཤིང་ཐུན་དག་ངལ་སོ་བར་འགྱུར་བའི་ཕྱོགས་དེར་སོང་སྟེ་བསྡད་པ་དང ། ཤིང་ཐུན་དག་ལྷགས་ནས་ཁྱེའུ་དེས་དེ་དག་ལ་སྨྲས་པ། ཞང་པོ་དག་ཤིང་ཁུར་ཞོག་ལ་ཡུད་ཙམ་ཞིག་ངལ་སོས་ཤིག་།དེ་ནས་ཤིང་ཐུན་དེ་དག་གིས་ཤིང་ཁུར་དག་བཞག་པ་དང ། ཁྱེའུ་དེས་དེ་དག་ལ་སྲན་མ་ཉུང་ཟད་ཉུང་ཟད་བྱིན་ཞིང་ཆུ་གྲང་མོ་ཡང་འཐུང་དུ་བཅུག་གོ་།ཤིང་ཐུན་རྣམས་ཀྱིས་སྨྲས་པ། ཚ་བོ་ཁྱོད་གར་འགྲོ་ཤིང་ཐུར་འགྲོའོ། །ཁོ་བོ་ཅག་ཇི་ཙམ་དུ་སྔར་དོང་ན་ཡང་ད་འཁོར་བ་ཡིན་ན། ཁྱོད་ད་སོང་
Ja111b
ན་ནམ་ཞིག་འཁོར་བར་འགྱུར་ཞེས་དེ་དག་གིས་དེ་ལ་ཤིང་རེ་རེ་བྱིན་ནོ། །ཤིང་རེ་རེ་བོ་དེ་དག་གིས་ཁྱེའུ་དེའི་ཤིང་ཁུར་ལོངས་ནས་དེས་དེ་ཁྱེར་ཏེ་ཕྱིར་ལོག་གོ་།དེས་དེ་དག་བཙོངས་ཏེ་སྲན་མ་དག་ཉོས་ནས་དེ་དག་བརྔོས་ཏེ་ཆུ་གྲང་མོས་བུམ་པ་བཀང་ནས་ཡང་ཕྱོགས་དེ་ཉིད་དུ་སོང་སྟེ་བསྡད་པ་དང ། ཤིང་ཐུན་དེ་དག་ཀྱང་ལྷགས་ནས། དེས་དེ་དག་ལ་སྨྲས་པ། ཞང་པོ་དག་ཤིང་ཁུར་ཞོག་ལ་ཡུད་ཙམ་ཞིག་ངལ་སོས་ཤིག་།དེ་ནས་ཤིང་ཐུན་དེ་དག་གིས་ཤིང་ཁུར་དག་བཞག་པ་དང ། ཁྱེའུ་དེ་ཡང་དེ་དག་ལ་སྲན་མ་དག་གིས་བགོ་བཤའ་བྱས་ཤིང ། ཆུ་གྲང་མོས་ངོམས་པར་བྱས་པ་དང ། དེ་དག་གིས་སྨྲས་པ། ཚ་བོ་ཁྱོད་ཉིན་གཅིག་བཞིན་དུ་སྲན་མ་དང་ཆུ་ཐོགས་ལ་འདི་ཉིད་དུ་སྡོད་ཅིག་དང ། ཁོ་བོ་ཅག་གིས་ཁྱོད་ལ་ཤིང་ཁུར་གྱི་གོང་ཤིང་ཁྱེར་ཏེ་འོང་ངོ ། །ཁྱེའུ་དེས་ཉི་མ་རེ་རེ་ཞིང་དེ་བཞིན་བྱ་བར་བརྩམས་ནས་དེས་དེ་དག་ལ་སྨྲས་པ། ཞང་པོ་དག་ཁྱེད་ཅག་ཤིང་ཁུར་དག་ཚོང་འདུས་སུ་མ་ཁྱེར་བར་ཁོ་བོའི་སྡུམ་པར་ཞོག་ཅིག་དང ། ཁོ་བོས་ཁྱེད་ཅག་ལ་རིན་བསྡོམས་ཏེ་བྱིན་ནོ། །དེ་དག་གིས་ཤིང་ཁུར་དེ་དག་དེའི་ཁྱིམ་དུ་བཞག་གོ་།དུས་གཞན་ཞིག་ན་ཉི་མ་བདུན་དུ་ཡུལ་ངན་བྱུང་ནས་ཁྱེའུ་དེས་ཤིང་དེ་དག་བཙོངས་པ་དང ། དེས་ཁེ་སྦོགས་མང་པོ་གྲུབ་བོ། །དེ་ནས་ཁྱེའུ་དེས་བསམས་པ། ཚོང་པ་རྣམས་ཀྱི་ནང་ན་འདི་ལྟ་སྟེ་ཤིང་འཚོང་བ་འདི་ནི་ཐ་ཆད་ཡིན་ཏེ་འདི་ལྟར་ཙན་དན་གྱིས་འཚོ་ན་ཡང་ཤིང་གིས་འཚོ་བ་ཁོ་ནར་ཟད་པས་བདག་
Ja112a
༄#། །གིས་བཟའ་བཅའི་ཟོང་དགྲམ་པར་བྱའོ་སྙམ་ནས། དེས་བཟའ་བཅའི་ཟོང་དགྲམ་ཞིང་དེ་ཆོས་དང་རིགས་པས་ཚོང་བྱེད་པས་དེ་དེར་ཡང་ཁེ་སྦོགས་མང་པོ་གྲུབ་པར་གྱུར་ཏོ། །དེས་ཡང་བསམས་པ། ཚོང་པ་རྣམས་ཀྱི་ནང་ན་འདི་ལྟ་སྟེ་བཟའ་བཅའ་འཚོང་པ་འདི་ནི་ཐ་ཆད་ཡིན་གྱི། བདག་གིས་སྤོས་འཚོང་གི་ཟོང་དགྲམ་པར་བྱའོ་སྙམ་ནས། དེས་སྤོས་འཚོང་གི་ཟོང་དགྲམ་ཞིང་དེས་ཆོས་དང་རིགས་པས་ཚོང་བྱེད་པས་དེས་དེར་ཡང་ཁེ་སྤོགས་མང་པོ་གྲུབ་པར་གྱུར་ཏོ། །དེས་ཡང་བསམས་པ། ཚོང་པ་རྣམས་ཀྱི་ནང་ན་འདི་ལྟ་སྟེ་སྤོས་འཚོང་འདི་ནི་ཐ་ཆད་ཡིན་གྱི། བདག་གིས་དབྱིག་གི་ཟོང་དགྲམ་པར་བྱའོ་སྙམ་ནས། དེས་དབྱིག་གི་ཟོང་དགྲམ་ཞིང་དེས་ཆོས་དང་རིགས་པས་ཚོང་བྱེད་པས་དེས་དབྱིག་ཚོང་པ་ཐམས་ཅད་ཟིལ་གྱིས་མནན་ནས། དེའི་མིང་བྱི་དབྱིག་པ་བྱི་དབྱིག་པ་ཞེས་བྱ་བར་གྱུར་ཏོ། །དབྱིག་ཚོང་པ་དེ་དག་གིས་སྨྲས་པ། བྱི་དབྱིག་པ་འདིས་བདག་ཅག་ཐམས་ཅད་ཟིལ་གྱིས་མནན་གྱི། ཅི་ནས་ཀྱང་འདི་རྒྱ་མཚོ་ཆེན་པོར་འཇུག་ཅིང་དེར་ཚུལ་མ་ཡིན་པས་སྡུག་བསྔལ་བར་འགྱུར་བ་དེ་ལྟར་ང་རྒྱལ་བསྐྱེད་པར་བྱའོ་སྙམ་ནས། དེ་དང་ཧ་ཅང་ཐག་མི་རིང་བར་འཁོད་དེ་ལོངས་གཏམ་སྨྲ་བས་འཁོད་ཅིང ། ཤེས་ལྡན་དག་འདི་ལྟ་སྟེ་དཔེར་ན། མི་གླང་པོ་ཆེའི་གཉར་ཞོན་ནས་རྟའི་རྒྱབ་ཏུ་ཞོན་པ་དང ། རྟའི་རྒྱབ་ཏུ་ཞོན་ནས་ཁྱོགས་སྤྱིལ་ལ་ཞོན་པ་དང ། ཁྱོགས་སྤྱིལ་
Ja112b
ལ་ཞོན་ནས་རྐང་པས་འགྲོ་བ་དེ་བཞིན་དུ་བྱི་དབྱིག་པ་འདི་ཡང་ཕ་མེས་དག་རྒྱ་མཚོ་ཆེན་པོར་གྲུ་བོ་ཆེ་སྤྱོད་ཅིང་འགྲོ་བར་གྱུར་པ་ལས་འདི་ད་ལྟར་དབྱིག་ཚོང་ཉིད་ཀྱིས་ཚེགས་ཆེན་པོས་འཚོ་བ་སྦྱོར་བར་བྱེད་དོ་ཞེས་སྨྲས་པ་དང ། བྱི་དབྱིག་པས་ཐོས་ནས་དེས་སྨྲས་པ། ཤེས་ལྡན་དག་ཅི་ཟེར། ཁྱོད་ཀྱི་ཕ་མེས་དག་རྒྱ་མཚོ་ཆེན་པོར་གྲུ་བོ་ཆེ་སྤྱོད་ཅིང་འགྲོ་བར་གྱུར་བ་ལས་དེར་ཡང་དེ་དག་ཤི་ནས་ཁྱོད་དབྱིག་ཚོང་ཙམ་གྱིས་ཚེགས་ཆེན་པོས་འཚོ་བ་སྦྱོར་བར་བྱེད་དོ། །བྱི་དབྱིག་པ་ཁྱིམ་དུ་སོང་སྟེ་མ་ལ་དྲིས་པ། མ་ཁོ་བོའི་ཕ་མེས་དག་རྒྱ་མཚོ་ཆེན་པོར་གྲུ་བོ་ཆེ་སྤྱོད་པར་གྱུར་པ་བདེན་ནམ། མས་བསམས་པ། འདིས་འགའ་ཞིག་ལས་ཐོས་པར་གྱུར་གོར་མ་ཆག་གི་།འདི་ལ་རྫུན་གྱི་ཚིག་སྨྲ་བ་ནི་བདག་གི་ཚུལ་དང་མཐུན་པ་མ་ཡིན་ནོ་སྙམ་ནས། དེས་སྨྲས་པ། བུ་བདེན་ནོ། །བྱི་དབྱིག་པས་སྨྲས་པ། མ་བདག་ཀྱང་རྒྱ་མཚོ་ཆེན་པོར་འཇུག་གི་གནོང་ཞིག་།མས་སྨྲས་པ་བུ་འདི་ཉིད་དུ་འདུག་ཅིག་།བྱི་དབྱིག་པས་ཡང་དང་ཡང་དུ་འགྲོའོ་ཞེས་སྨྲས་པ་དང ། མས་དེ་དུས་ཀྱིས་འཆུ་བར་ཤེས་ནས་གནང་ངོ ། བྱི་དབྱིག་པས་སྲང་ཆེན་པོར་ཚོང་པའི་ཚོགས་རྣམས་ལ། ཁྱེད་ཅག་ལས་གང་དེད་དཔོན་བྱི་དབྱིག་པ་དང་ལྷན་ཅིག་ཤོ་གམ་མེད་པ་དང ། ལ་གཅན་མེད་པ་དང ། གྲུ་བཙས་མེད་པར་རྒྱ་མཚོ་ཆེན་པོར་འཇུག་པར་སྤྲོ་བ་དེས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་གྱིས་ཤིག་ཅེས་དྲིལ་བསྒྲག་པར་བྱའོ། །དེ་ནས་ཚོང་པ་ལྔ་བརྒྱ་ཙམ་གྱིས་རྒྱ་མཚོ་ཆེན་པོར་འགྲོ་
Ja113a
༄#། །བའི་ཟོང་སྟ་གོན་བྱས་སོ། །དེ་ནས་དེད་དཔོན་བྱི་དབྱིག་པས་དགེ་མཚན་དང་བཀྲ་ཤིས་དང་དགེ་བར་འགྱུར་བ་བྱས་ཏེ་ཤིང་རྟ་དག་དང ། ཁུར་དག་དང ། སྤྱད་དག་དང ། གླེ་བ་དག་དང ། རྔ་མོ་དག་དང ། བ་ལང་དག་དང ། བོང་བུ་དག་ལ་ཟོང་མང་པོ་བཀལ་ཏེ་ཚོང་པ་དེ་དག་དང་ལྷན་ཅིག་རྒྱ་མཚོ་ཆེན་པོར་འཕགས་སོ། །དེ་ན་དེ་ལ་མི་ལྔ་ཡོད་དེ་སྡུད་པར་བྱེད་པ་དང ། ཚར་གཅོད་པར་བྱེད་པ་དང ། བྱི་དོར་བ་དང ། ཆུ་ཕྱགས་པ་དང ། རླུང་ཡོར་ཐོགས་པའོ། །སྡུད་པར་བྱེད་པ་གང་ཞེ་ན། དེ་ན་བཟའ་བ་དང་བཏུང་བ་སྦྱོར་བ་གང་ཡིན་པའོ། །ཚར་གཅོད་པར་བྱེད་པ་གང་ཞེ་ན། དེ་ན་རྩོད་པ་བྱུང་ངོ་ཅོག་ཉེ་བར་ཞི་བར་བྱེད་པ་གང་ཡིན་པའོ། །བྱི་དོར་བ་གང་ཞེ་ན། གྲུ་འཆོས་པར་བྱེད་པར་གང་ཡིན་པའོ། ཆུ་ཕྱགས་པ་གང་ཞེ་ན། དེ་ན་ཆུ་ཕྱགས་པར་བྱེད་པ་གང་ཡིན་པའོ། །རླུང་ཡོར་ཐོགས་པ་གང་ཞེ་ན། དེ་ན་རྒྱུ་སྐར་དག་ལ་རྣམ་པར་ལྟ་བར་བྱེད་པ་གང་ཡིན་པའོ། །དེ་མཐར་གྱིས་རྒྱ་མཚོའི་འགྲམ་དུ་ཕྱིན་པ་དང ། ཚོང་པ་དེ་དག་གིས་རྒྱ་མཚོ་ཆེན་པོ་མཐོང་ནས་སྐྲག་སྟེ་གྲུ་བོ་ཆེར་པོ་འཇུག་པར་མི་སྤྲོ་ནས། དེད་དཔོན་བྱི་དབྱིག་པས་རླུང་ཡོར་ཐོགས་པ་ལ་སྨྲས་པ། ཀཝའེ་ནང་རྗེ་རྒྱ་མཚོ་ཆེན་པོའི་བསྔགས་པ་ཇི་ལྟ་བ་བཞིན་དུ་སྒྲོགས་ཤིག་།དེ་ནས་རླུང་ཡོར་ཐོགས་པས་བསྒྲག་པར་བརྩམས་པ། འཛམ་བུ་གླིང་པའི་ཚོང་པ་ཤེས་ལྡན་དག་ཉོན་ཅིག་།རྒྱ་མཚོ་ཆེན་
Ja113b
པོ་འདི་ནི། རིན་པོ་ཆེ་ཆེན་པོ་ཆེ་བ་འདི་ལྟ་བུ་འདི་ལྟ་སྟེ་ནོར་བུ་དག་དང ། མུ་ཏིག་དང ། བཻཌཱུརྱ་དང ། མན་ཤེལ་དཀར་པོ་དང ། བྱུ་རུ་དང ། དངུལ་དང ། ས་ལེ་སྦྲམ་དང ། རྡོའི་སྙིང་པོ་དང ། སྤུག་དང ། དམར་པོ་དང ། གཡས་སུ་འཁྱིལ་བ་དག་ཡོད་ཀྱི། ཁྱེད་ཅག་ལས་གང་རིན་པོ་ཆེ་དེ་ལྟ་བུ་དག་གིས་བདག་ཉིད་དང ། ཕ་མ་དང ། བུ་དང་ཆུང་མ་དང ། བྲན་དང ། བྲན་མོ་དང་ལས་བྱེད་པ་དང ། ཞོ་ཤས་འཚོ་བ་དང ། མཛའ་བཤེས་དང ། བློན་པོ་དང་ཉེ་དུ་དང ། སྣག་གི་གཉེན་མཚམས་དག་ལེགས་པར་བདེ་བས་ཚིམ་པར་བྱ་བ་དང ། དུས་དང་དུས་སུ་དགེ་སྦྱོང་དང་བྲམ་ཟེ་དག་ལ་མཐོན་པོར་འགྲོ་བ་དང ། སྐལ་བ་ཅན་དུ་འགྱུར་བ་དང ། རྣམ་པར་སྨིན་པ་བདེ་བ་དང ། ཕྱི་མ་ལ་མཐོ་རིས་སུ་འགྲོ་བའི་ཡོན་འབུལ་བར་འདོད་པ་དེ་རྒྱ་མཚོ་ཆེན་པོར་ཞུགས་ཤིག་།འཇིག་རྟེན་ནི་འབྱོར་བ་འདོད་པས་སྐྱེ་བོ་ཕལ་པོ་ཆེའི་ཚོགས་གྲུ་བོ་ཆེར་ཞུགས་པ་དང ། དེས་དེ་དག་གྲུ་བོ་ཆེས་མི་བཟོད་པར་གྱུར་ནས། དེད་དཔོན་བྱི་དབྱིག་པས་བསམས་པ། ད་བདག་གིས་ཕྱིར་ཞུགས་ཤིག་ཅེས་ཇི་སྐད་སྨྲ་བར་བྱ་སྙམ་ནས། དེས་རླུང་ཡོར་ཐོགས་པ་ལ་སྨྲས་པ། ཀཝའེ་ནང་རྗེ་རྒྱ་མཚོ་ཆེན་པོའི་བསྔགས་པ་མ་ཡིན་པ་ཇི་ལྟ་བ་བཞིན་དུ་སྒྲོགས་ཤིག་།དེ་ནས་རླུང་ཡོར་ཐོགས་པས་བསྒྲག་པར་བརྩམས་པ། འཛམ་བུ་གླིང་པའི་ཚོང་པ་ཤེས་ལྡན་དག་ཉོན་ཅིག་།རྒྱ་མཚོ་ཆེན་པོ་འདི་ན་འཇིགས་པ་ཆེན་པོ་ཆེ་བ་འདི་ལྟ་སྟེ། ཉ་ཆེན་གྱི་འཇིགས་པ་དང ། ཉ་ཆེན་
Ja114a
༄#། །མིད་ཀྱི་འཇིགས་པ་དང ། ཉ་ཆེན་མིད་པ་མིད་ཀྱི་འཇིགས་པ་དང ། ཆུ་རླབས་ཀྱི་འཇིགས་པ་དང ། དབའ་ཀློང་གི་འཇིགས་པ་དང ། ཆུ་སྲིན་ཀུམྦྷི་རའི་འཇིགས་པ་དང ། ཆུ་སྲིན་བྱིས་པ་གསོད་ཀྱི་འཇིགས་པ་དང ། ཆུའི་ནང་ནས་བྱུང་བའི་རི་དྭགས་ལ་ཐུག་པའི་འཇིགས་པ་དང ། རླུང་ནག་པོའི་འཇིགས་པ་དག་ཡོད་ཅིང ། འདིར་ཆོམ་རྐུན་པ་ནོར་འཕྲོག་པ་སྔོན་པོ་དང་དཀར་པོ་དག་ཀྱང་འོང་བར་འགྱུར་རོ། །དེ་དག་གིས་ཁྱེད་ཅག་ཐམས་ཅད་ཀྱི་ཐམས་ཅད་དུ་སྲོག་དང་འབྲལ་བར་བྱེད་པར་འགྱུར་གྱི། ཁྱེད་ཅག་ལས་གང་བདག་ཉིད་དང་ཕ་མ་དང་བུ་དང ། ཆུང་མ་དང་བྲན་མོ་དང་བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དང་མཛའ་བཤེས་དང་བློན་པོ་དང་ཉེ་དུ་དང ། སྣག་གི་གཉེན་མཚམས་སྡུག་པ་དག་ཡོངས་སུ་གཏོང་བར་མི་འདོད་པ་དེ་རྒྱ་མཚོ་ཆེན་པོར་མ་འཇུག་ཅིག་།འཇིག་རྟེན་ནི་དཔའ་བོ་ཉུང་ལ་སྔར་མ་མང་བས། སྐྱེ་བོ་ཕལ་པོ་ཆེའི་ཚོགས་ཕྱིར་བྱུང་བ་དང་དེ་དེ་དག་གྲུས་བཟོད་པར་གྱུར་ནས། དེའི་འོག་ཏུ་རླུང་ཡོར་ཐོགས་པས་སྒྲ་ལན་གསུམ་བསྒྲག་པ་བྱས་ཏེ། དེའི་འོག་ཏུ་ཉག་ཐག་གཅིག་བཀྲོལ་ཞིང་གཉིས་པ་དང་གསུམ་པའི་བར་དུ་བཀྲོལ་ནས། དེས་གྲུ་བོ་ཆེ་རླུང་ཡོར་ཆེན་པོ་ཐོགས་པས་ལེགས་པར་བཟུང་བ། རླུང་གི་ཤུགས་སྟོབས་དང་ལྡན་པས་བསྐྱོད་པ། སྤྲིན་ཆེན་པོ་བཞིན་དུ་སོང་སྟེ་རྗེས་སུ་མཐུན་པའི་རླུང་གི་ཕུལ་ནས་ཇི་ཙམ་ན་རིན་པོ་ཆེའི་གླིང་དུ་ཕྱིན་ཏེ། དེ་ནས་
Ja114b
རླུང་ཡོར་ཐོགས་པས་སྒྲ་བསྒྲག་པར་བརྩམས་པ། འཛམ་བུ་གླིང་པའི་ཚོང་པ་ཤེས་ལྡན་དག་ཉོན་ཅིག་།རིན་པོ་ཆེའི་གླིང་འདི་ཉིད་ན། ནོར་བུ་མཆིང་བུ་རིན་པོ་ཆེ་འདྲ་བ་དག་ཀྱང་ཡོད་ཀྱི། ཁྱེད་ཀྱིས་དེ་དག་ཉེ་བར་བརྟག་ཅིང་བརྟག་ཅིང་ཕྱིས་ཁྱེད་ཅག་འཛམ་བུ་གླིང་དུ་སོན་པ་ན་འགྱོད་པར་མི་འགྱུར་བར་དེ་ལྟར་རིན་པོ་ཆེ་དག་ལོང་ཞིག་།རིན་པོ་ཆེའི་གླིང་འདི་ཉིད་ན་སྲིན་མོ་ཁྲུང་ཁྲུང་གཞོན་ནུ་མ་ཞེས་བྱ་བ་དག་ཡོད་དེ་དེ་དག་གིས་སྐྱེས་པ་དག་ཅི་ནས་ཀྱང་འདི་ཉིད་དུ་ཚུལ་མ་ཡིན་པས་སྡུག་བསྔལ་བར་འགྱུར་བ་དེ་ལྟ་དེ་ལྟར་མཐོ་འཚམ་པར་འགྱུར་གྱི། ཁྱོད་ཀྱིས་དེ་དག་བསྙེན་པར་མི་བྱའོ། །རིན་པོ་ཆེའི་གླིང་འདི་ཉིད་ན་མྱོས་པར་འགྱུར་བའི་འབྲས་བུ་དག་ཡོད་དེ། གང་གིས་དེ་དག་ཟོས་པ་དེ་ཞག་བདུན་དུ་བརྒྱལ་ཞིང་འདུག་པར་འགྱུར་བས་ཁྱེད་ཀྱིས་དེ་དག་བཟའ་བར་མི་བྱའོ། །རིན་པོ་ཆེའི་གླིང་འདི་ཉིད་ནི་མི་མ་ཡིན་པ་དག་འཁོད་དེ་དེ་དག་ཞག་བདུན་ལས་ལྷག་པར་ཁྱེད་འཁོད་པར་མི་བཟོད་པས་ཞག་བདུན་འདས་ནས་རླུང་གང་གིས་འདི་ལྟ་སྟེ། གྲུ་བོ་ཆེ་བྱ་བ་མ་བྱས་པར་ཁྱེར་བར་འགྱུར་བ་དེ་ལྟ་བུ་གཏོང་བར་འགྱུར་བས་ཁྱེད་ཀྱིས་དེ་ལ་ཡང་མ་ཐུག་པར་བྱའོ། །ཚོང་པ་དེ་དག་གིས་དེ་ཐོས་ནས་སེམས་བསྡུས་ཤིང་བག་ཡོད་པར་འཁོད་དོ། །དེ་དག་གིས་རིན་པོ་ཆེ་དག་ཉེ་བར་བརྟགས་ཤིང་བརྟགས་ཤིང་གྲུ་བོ་ཆེ་འདི་ལྟ་སྟེ། དཔེར་ན་ཏིལ་དང་འབྲས་ཐུག་པོ་ཆེ་དང་རྒྱ་ཤུགས་དང་རྒྱ་སྲན་དག་བཞིན་དུ་བཀང་སྟེ་རིན་པོ་
Ja115a
༄#། །ཆེའི་གླིང་ནས་འཕགས་ནས་རྗེས་སུ་མཐུན་པའི་རླུང་གིས་བདས་ཏེ། འཛམ་བུའི་གླིང་དུ་ཕྱིན་པར་གྱུར་ཏོ། །དེ་བཞིན་དུ་ལན་བདུན་གྱི་བར་དུ་གྲུ་བོ་ཆེ་ལེགས་པར་གྲུབ་སྟེ། འཛམ་བུའི་གླིང་དུ་འོངས་སོ། །དེ་ནས་དེད་དཔོན་བྱི་དབྱིག་པ་ལ་མས་སྨྲས་པ། བུ་ཁྱིམ་ཕུབ་ཅིག་།དེས་སྨྲས་པ། མ་ཅི་བུ་ལོན་པ་དག་བཅད་ནས་དེའི་འོག་ཏུ་ཁྱིམ་དབུབ་པར་བྱའོ། །མས་དེ་ལ་སྨྲས་པ། བུ་ཁྱོད་ཀྱི་ཕས་ཀྱང་བུ་ལོན་པ་ཡོད་པར་མ་བྱས། མེས་བོས་ཀྱང་མ་བྱས་ན། ཁྱོད་ལ་བུ་ལོན་པ་ག་ལས་བྱུང ། དེས་སྨྲས་པ། མ་ཁོ་བོ་ཉིད་ཤེས་སོ། ། ཞེས་དེས་རིན་པོ་ཆེ་བཞི་ལས་བྱས་པའི་བྱི་བ་བཞི་བྱེད་དུ་བཅུག་ནས། སྤྲོག་མ་གསེར་གྱིས་བཀང་སྟེ་བྱི་བ་བཞི་པོ་དེ་དག་སྤྲོག་མའི་ཕྱོགས་བཞིར་བཞག་ནས། ཚོང་དཔོན་དེའི་གན་དུ་སོང་ངོ ། ། ཚོང་དཔོན་དེ་ཡང་དེ་ཉིད་ཀྱི་བསྔགས་པ་བརྗོད་ཅིང་འདུག་སྟེ། ཤེས་ལྡན་དག་དེད་དཔོན་བྱི་དབྱིག་པ་དེས་རྩཝའམ། བོང་བའམ། གང་དང་གང་བླངས་པ་དེ་དང་དེ་དག་ཐམས་ཅད་གསེར་དུ་འགྱུར་ཏེ་ཇི་ཙམ་དུ་དེ་བསོད་ནམས་དང་ལྡན་ཞིང་དབང་ཆེ་བར་གྲགས་པ་ལ་ལྟོས་ཞེས་དེའི་བསྔགས་བརྗོད་ཅིང་འདུག་གོ་།དེ་དེ་ལྟར་དེའི་བསྔགས་པ་རྗོད་པའི་གཏམ་ཟེར་ཞིང་འདུག་པ་ན། སྒོ་བ་དེའི་གན་དུ་སོང་སྟེ་དེད་དཔོན་བྱི་དབྱིག་པ་སྒོ་ན་སྡོད་ཅིང་མཆིས་སོ་ཞེས་བརྗོད་པ་དང ། ཚོང་དཔོན་གྱིས་སྨྲས་པ། དེད་དཔོན་བྱི་དབྱིག་པ་འཇུག་ཏུ་ཆུག་ཅིག་།སུ་ཞིག་དེད་དཔོན་བྱི་
Ja115b
དབྱིག་པ་ཟློག་པར་བྱེད། དེ་ནས་དེད་དཔོན་བྱི་དབྱིག་པ་ནང་དུ་ཞུགས་ནས་དེས་ཚོང་དཔོན་དེ་ལ་སྨྲས་པ། ཚོང་དཔོན་འདི་ནི་གཞི་ལགས། འདི་ནི་ཁེ་སྦོགས་ལགས་ཀྱི། བཞེས་ཤིག་།ཚོང་དཔོན་གྱིས་སྨྲས་པ། དེད་དཔོན་ཁོ་བོས་ཁྱོད་ལ་ཅུང་ཟད་ཀྱང་བྱིན་པར་མི་དྲན་ནོ། །དེས་དཔོན་གྱིས་སྨྲས་པ། བདག་གིས་ཁྱོད་དྲན་པར་བྱའོ་ཞེས་དེས་དྲན་པར་བྱས་པ་དང ། ཚོང་དཔོན་གྱིས་དྲིས་པ། ཁྱོད་སུའི་བུ་ཡིན། ཁྱིམ་བདག་ཆེ་གེ་མོ་ཞིག་གིའོ་།ཚོང་དཔོན་གྱིས་སྨྲས་པ། འོ་ན་ཁྱོད་ཁོ་བོའི་ཆུང་པོ་གྲོགས་ཀྱི་བུ་ཡིན་ཏེ། ཁྱེད་ཀྱི་ཕ་འགྲོ་བ་ན་ཁོ་བོའི་ལག་ཏུ་ཀར་ཤ་བ་ན་མང་པོ་དག་གཏམས་པས་ཁོ་བོ་ཉིད་ཀྱིས་ཁྱོད་ལ་སྦྱིན་པར་བྱ་བ་ཡིན་ནོ་ཞེས་ཚོང་དཔོན་དེས་གསེར་གྱི་རིལ་བ་ཆུས་བཀང་བའི་མཆོད་ཡོན་གྱིས་བསུས་ནས་བུ་མོ་ཐུ་མོ་རྒྱན་ཐམས་ཅད་ཀྱིས་བརྒྱན་ཏེ་དེད་དཔོན་བྱི་དབྱིག་པའི་ཆུང་མར་བྱིན་ནོ། །དགེ་སློང་དག་དེའི་ཚེ་དེའི་དུས་ན་ཚོང་དཔོན་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ན་དེད་དཔོན་བྱི་དབྱིག་པ་གང་ཡིན་པ་དེ་ནི་ལམ་པ་འདི་ཡིན་ཏེ། དེའི་ཚེ་ཡང་ངས་འདི་ལ་གདམས་ངག་ཅུང་ཞིག་གིས་གཏམས་པས་དབང་ཕྱུག་གི་བདག་པོ་ཆེན་པོ་ལ་བཞག་པར་གྱུར་ལ། ད་ལྟར་ཡང་ངས་འདི་ལ་གདམས་ངག་ཅུང་ཞིག་གིས་གཏམས་པས་འཁོར་བའི་དགོན་པ་ནས་ཕྱུང་སྟེ་ཤིན་ཏུ་མཐར་ཐུག་པ་གྲུབ་པ་དང་བདེ་བ་བླ་ན་མེད་པའི་མྱ་ངན་ལས་འདས་པ་ལ་བཞག་གོ། །།འདུལ་བ་རྣམ་པར་འབྱེད་པ། བམ་པོ་ཞེ་བརྒྱད་པ། སངས་རྒྱས་བཅོམ་
Ja116a
༄#། །ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་ཚེ་དང་ལྡན་པ་ལམ་པས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རིགས་ཀྱི་བུ་ལམ་པ་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས་ལམ་པ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི།་འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན། བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་
Ja116b
རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་དགེ་སློང་གི་འཁོར་ཉི་ཁྲི་དང་ཝཱ་ར་ཎཱ་སི་ན་ཉེ་བར་རྟེན་ཅིང་བཞུགས་སོ། །དེའི་གསུང་རབ་ལ་ལམ་པ་འདི་དགེ་སློང་སྡེ་སྣོད་གསུམ་པར་གྱུར་ཏེ། དེས་ཆོས་ཀྱི་སེར་སྣས་འགའ་ལ་ཡང་ཚིག་བཞི་པའི་ཚིགས་སུ་བཅད་པ་ཡང་མ་བསྟན་ཏོ། །ཡང་རི་བྲགས་ཤིག་ན་ཕག་འཚོང་ཞིག་འདུག་སྟེ། ཆུ་ཀླུང་གི་ཕ་རོལ་དང་ཚུལ་རོལ་གྱི་རི་བྲགས་དེར་དུས་སྟོན་བྱུང་བ་ནས། ཕག་འཚོང་དེས་བསམས་པ། གལ་ཏེ་ཕག་དག་གསད་དུ་ནི་ཤ་དེ་སྙེད་ཉོ་བར་མི་འགྱུར་པས་གསོན་པོ་ཉིད་དུ་བཀུར་བར་བྱ་ཞིང་དེར་འཕྲལ་ལ་བསད་ཅིང་བསད་ཅིང་བཙོང་བར་བྱའོ་སྙམ་ནས། དེས་ཕག་མང་པོ་དག་གཅིག་ལ་གཅིག་སྦྲེལ་ཏེ་གྲུར་བཅུག་ནས་འཕགས་པ་དང ། དེ་དག་གིས། གྲུ་དེ་བསྐྱོད་པ་ན་བུབ་པར་གྱུར་ནས་དེ་དག་དེར་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ཕག་འཚོང་དེ་ཡང་རྒྱུན་ཕྱོགས་སུ་ཁྱེར་བ་ན་ཆུ་ཀླུང་དེའི་འགྲམ་ན་རང་སངས་རྒྱས་ལྔ་བརྒྱ་ཙམ་འཁོད་ནས། དེ་དག་ལས་རང་སངས་རྒྱས་གཅིག་ཅིག་ཆུའི་དོན་དུ་ཆུ་འགྲམ་དུ་སོང་བ་དང ། དེས་དེ་མཐོང་ནས་དེས་བསམས་པ། ཅི་འདི་རེ་ཞིག་ཤི་བ་ཡིན་ནམ། འོན་ཏེ་གསོན་པ་ཡིན་སྙམ་ནས། དེས་གླང་པོ་ཆེའི་སྣ་འདྲ་བའི་ལག་པ་བརྐྱང་སྟེ་དེ་ཕྱུང་ནས་བྱེ་མ་བདལ་ཏེ། དེར་ཁ་སྦུབ་ཏུ་བཞག་ནས་སོང་ངོ ། །དེའི་རྒྱུན་ཐམས་ཅད་ནས་
Ja117a
༄#། །ཆུ་ཟག་ནས་དེས་འདུ་ཤེས་ཕྱིར་རྙེད་དེ་ལངས་པ་དང ། མིའི་རྗེས་མཐོང་ནས་དེ་དེའི་རྗེས་བཞིན་དུ་སོང་བ་དང ། ཇི་ཙམ་ན་རང་སངས་རྒྱས་ལྔ་བརྒྱ་མཐོང་ནས་དེས་དེ་དག་ལ་ལོ་མ་དང་འབྲས་བུ་དང་སོ་ཤིང་གིས་བསྙེན་བཀུར་བྱ་བར་བརྩམས་པ་དང ། དེ་དག་གིས་དེ་ལ་ལྷུང་བཟེད་ཀྱི་ལྷག་མ་བྱིན་ནོ། །གང་གི་ཚེ་རང་སངས་རྒྱས་དེ་དག་སྐྱིལ་མོ་ཀྲུང་བཅས་ཏེ་བསམ་གཏན་བྱེད་པ་དེའི་ཚེ་ན་དེ་ཡང་མཐའ་གཅིག་ཏུ་འདུག་ནས་སྐྱིལ་མོ་ཀྲུང་བཅས་ཏེ་བསམ་གཏན་བྱེད་དོ། །དེས་དེར་འདུ་ཤེས་མེད་པའི་སྙོམས་པར་འཇུག་པ་བསྐྱེད་ནས་འདུ་ཤེས་མེད་པའི་སེམས་ཅན་ལྷ་རྣམས་ཀྱི་ནང་དུ་སྐྱེས་སོ། །དགེ་སློང་དག་དེའི་ཚེ་དེའི་དུས་ན་ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་དགེ་སློང་སྡེ་སྣོད་གསུམ་དང་ལྡན་པར་གྱུར་པ་གང་ཡིན་པ་དང ། ཕག་འཚོང་དུ་གྱུར་པ་གང་ཡིན་པ་དེ་ནི་དགེ་སློང་ལམ་པ་འདི་ཉིད་ཡིན་ཏེ་འདིས་ཆོས་ཀྱི་སེར་སྣས་འགའ་ལ་ཡང་ཚིག་བཞི་པའི་ཚིགས་སུ་བཅད་པ་ཡང་མ་བསྟན་པ་གང་ཡིན་པ་དང ། ཕག་དག་བསད་པ་གང་ཡིན་པ་དང ། འདུ་ཤེས་མེད་པའི་སེམས་ཅན་རྣམས་ཀྱི་ནང་ནས་འདིར་སྐྱེས་པ་གང་ཡིན་པའི་ལས་དེའི་རྣམ་པར་སྨིན་པས་བུལ་པ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བར་གྱུར་ཏོ། །དགེ་སློང་དག་དེ་ལྟར་ན་གདམས་ངག་མེད་པ་ལ་ཉེས་དམིགས་འདི་དང་གཞན་དག་ཀྱང་ཡོད་དེ་
Ja117b
དེ་ལྟ་བས་ན་དགེ་སློང་གིས་གདམས་ངག་མེད་པར་བསམ་གཏན་མི་བྱའོ། །བསམ་གཏན་བྱེད་ན་འགལ་ཚབ་ཅན་དུ་འགྱུར་རོ། །དེ་ནས་བཅོམ་ལྡན་འདས་མཉན་ཡོད་དུ་ཅི་དགྱེས་པར་བཞུགས་ནས་རྒྱལ་པོའི་ཁབ་ག་ལ་བ་དེར་གཤེགས་ཏེ་མཐར་གྱིས་རྒྱུ་ཞིང་གཤེགས་པ་ན་རྒྱལ་པོའི་ཁབ་ཏུ་བྱོན་ནས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །རྒྱལ་པོའི་ཁབ་ན་འཚོ་བྱེད་གཞོན་ནུས་གསོས་ཀྱིས། བཅོམ་ལྡན་འདས་མཐར་གྱིས་རྒྱུ་ཞིང་གཤེགས་པ་ན་རྒྱལ་པོའི་ཁབ་ཏུ་བྱོན་ནས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་ཤེས་ཐོས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་འཚོ་བྱེད་གཞོན་ནུས་གསོས་ལ། ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་འཚོ་བྱེད་གཞོན་ནུས་གསོས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་
Ja118a
༄#། །བྱས་ནས། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་གསོལ་བར་ཅི་གནང ། བཅོམ་ལྡན་འདས་རྣམས་ནི་བསྙེན་པར་དཀའ་བ་དང ། བཟོད་པར་དཀའ་བ་ཡིན་པས་འཚོ་བྱེད་གཞོན་ནུས་གསོས་ཀྱིས་སངས་རྒྱས་བཅོམ་ལྡན་འདས་ལ་བཙུན་པ་ལམ་པ་མ་གཏོགས་སོ་ཞེས་གསོལ་མ་ནུས་སོ། །བཅོམ་ལྡན་འདས་ཅང་མི་གསུང་བས་འཚོ་བྱེད་གཞོན་ནུས་གསོས་ལ་གནང་ངོ ། །དེ་ནས་འཚོ་བྱེད་གཞོན་ནུས་གསོས་ཀྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ནས་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་འཚོ་བྱེད་གཞོན་ནུས་གསོས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་མཁྱེན་པར་མཛོད་ཅིག་།བདག་གིས་སངས་རྒྱས་ལ་སོགས་པ་དགེ་སློང་གི་
Ja118b
དགེ་འདུན་སང་བདག་གི་སྡུམ་པར་གདུགས་ཚོད་ལ་སྤྱན་དྲངས་ཏེ་བཙུན་པ་ལམ་པ་ནི་མ་གཏོགས་སོ། །འཚོ་བྱེད་ཁྱོད་ཀྱི་དགེ་བའི་ཆོས་རྣམས་ཇི་ལྟར་འཕེལ་བར་གྱུར་ཅིག་།དེ་ནས་འཚོ་བྱེད་གཞོན་ནུས་གསོས་ཀྱིས་ཚེ་དང་ལྡན་པ་ཀུན་དགའ་བོས་སྨྲས་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ནས་ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སོང་ངོ ། །དེ་ནས་ཚེ་དང་ལྡན་པ་ཀུན་དགའ་བོས་འཚོ་བྱེད་གཞོན་ནུས་གསོས་སོང་ནས་རིང་པོ་མ་ལོན་པར་རིག་ནས་ཚེ་དང་ལྡན་པ་ལམ་པ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ལམ་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ལམ་པ་མཁྱེན་པར་མཛོད་ཅིག་།འཚོ་བྱེད་གཞོན་ནུས་གསོས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་སང་ཁྱིམ་གཞན་དུ་གདུགས་ཚོད་ལ་སྤྱན་དྲངས་ཏེ། ཚེ་དང་ལྡན་པ་ལམ་པ་གཅིག་པུ་མ་གཏོགས་སོ། །བཙུན་པ་ཀུན་དགའ་བོ་དེའི་དགེ་བའི་ཆོས་རྣམས་ཇི་ལྟར་འཕེལ་བར་གྱུར་ཅིག་།དེ་ནས་འཚོ་བྱེད་གཞོན་ནུས་གསོས་ཀྱིས་དེ་ཉིད་ཀྱི་མཚན་མོ་བཅའ་བ་དང་བཟའ་བ་གཙང་ཞིང་བསོད་པ་སྟ་གོན་བྱས་ནས་ནང་པར་སྔར་ལངས་ཏེ་གདན་དག་བཤམས་ནས་ཆུར་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་བཙུན་པ་གདུགས་ཚོད་གཡར་དགོངས་འཚལ་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་
Ja119a
༄#། །འདས་སྔ་དྲོ་ཤམས་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ནས་འཚོ་བྱེད་གཞོན་ནུས་གསོས་ཀྱི་བཀད་ས་ག་ལ་བ་དེར་གཤེགས་ཏེ། བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ལམ་པའི་བྱུག་རིས་ཞོག་ཅིག་།འཚོ་བྱེད་གཞོན་ནུས་གསོས་ཀྱིས་གསེར་གྱི་རིལ་བ་བྷྲིང་ག་ར་ཐོགས་ཏེ། རྒན་པའི་མཐའ་ལོགས་སུ་བསྡད་པ་དང ། བཅོམ་ལྡན་འདས་ཀྱིས་ཆབ་ཀྱི་རྒྱུན་མ་བཞེས་སོ། །འཚོ་བྱེད་གཞོན་ནུས་གསོས་ཀྱིས་གསོལ་པ། ཅིའི་སླད་དུ་བཅོམ་ལྡན་འདས་ཆབ་ཀྱི་རྒྱུན་བཞེས་པར་མི་མཛད། བཅོམ་ལྡན་འདས་ཀྱིས་བཀའ་སྩལ་པ། ད་དུང་དགེ་སློང་གི་དགེ་འདུན་མ་ཚོགས་སོ། །འཚོ་བྱེད་གཞོན་ནུས་གསོས་ཀྱིས་གསོལ་པ། བཅོམ་ལྡན་འདས་གང་མ་མཆིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ལམ་པའོ། །འཚོ་བྱེད་གཞོན་ནུས་གསོས་ཀྱིས་གསོལ་པ། བཅོམ་ལྡན་འདས་དེ་བདག་གིས་གཡར་མ་དྲངས་སོ། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་འཚོ་བྱེད་ཁྱེད་ཀྱིས་སངས་རྒྱས་བཅོམ་ལྡན་འདས་ལ་སོགས་པ་དགེ་སློང་གི་དགེ་འདུན་སྤྱན་དྲངས་སམ། བཅོམ་
Ja119b
ལྡན་འདས། སྤྱན་དྲངས་སོ། །འོ་ན་ཅི་ལམ་པ་དགེ་འདུན་ལས་ཕྱི་རོལ་ཏུ་གྱུར་པ་ཡིན་ནམ། བཅོམ་ལྡན་འདས་མ་ལགས་སོ། །སོང་ལ་དེས་བོས་ཤིག་།འཚོ་བྱེད་གཞོན་ནུས་གསོས་ཀྱིས་བསམས་པ། འདི་ལྟར་བདག་གིས་བཅོམ་ལྡན་འདས་ཀྱི་བཀས་བོད་པར་ནི་བྱ་མོད་ཀྱི་དེ་ལ་གུས་པར་བྱས་ཏེ་བྲིམ་པར་ནི་མི་བྱའོ་སྙམ་ནས་དེས་མངག་པ་བཏང་སྟེ་སོང་ལ་དེ་བོས་ཤིག་ཅེས་བསྒོའོ། །ཚེ་དང་ལྡན་པ་ལམ་པ་ཡང་འདི་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། ཇི་ལྟར་སེམས་མཉམ་པར་བཞག་ན་དགེ་སློང་སྟོང་ཉིས་བརྒྱ་ལྔ་བཅུ་སྤྲུལ་ཏེ་འདུག་གོ་།མངག་པ་དེ་སོང་སྟེ་ལམ་པ་ལམ་པ་ཞེས་བོས་པ་དང ། དགེ་སློང་དུ་མ་དག་གིས་ཨང་ཞེས་ལན་བཏབ་སྟེ། མི་དེ་འོངས་ཏེ་འཚོ་བྱེད་གཞོན་ནུས་གསོས་ལ་སྨྲས་པ། བདག་དེར་མཆི་སྟེ་ལམ་པ་ལམ་པ་ཞེས་བོས་ན་འོད་མའི་ཚལ་བྱ་ཀ་ལན་ཀའི་གནས་ན་སྔར་དགེ་སློང་དག་གིས་གང་ཞིང་འཁོད་པ་དེ་བཞིན་དུ་དགེ་སློང་དག་གིས་གང་ཞིག་འཁོད་ནས། དགེ་སློང་དུ་མ་དག་གིས་ཨང་ཞེས་ལན་བཏབ་ན་དེ་དག་ལས་གང་བོད། འཚོ་བྱེད་གཞོན་ནུས་གསོས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སོང་ཞིག་སོང་ལ། ལམ་པ་ཡང་དག་པ་གང་ཡིན་པ་དེ་ཤོག་ཅིག་ཅེས་གྱིས་ཤིག་།དེ་སོང་སྟེ་སྨྲས་པ། ལམ་པ་ཡང་དག་པ་གང་ལགས་པ་དེ་གཤེགས་སུ་གསོལ། དེ་ནས་ཚེ་དང་ལྡན་
Ja120a
༄#། །པ་ལམ་པས་རྫུ་འཕྲུལ་མངོན་པར་འདུ་བྱ་བ་དེ་ཕྱིར་བསྡུས་ནས་དེར་སོང་སྟེ་རང་གི་བྱུག་རིས་སུ་འདུག་པ་དང ། འཚོ་བྱེད་གཞོན་ནུས་གསོས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བྲིམ་པར་བརྩམས་ནས་ཚེ་དང་ལྡན་པ་ལམ་པ་ལ་གུས་པ་མ་བྱས་པར་བྲིམས་སོ། །བཅོམ་ལྡན་འདས་ཀྱིས་དགོངས་པ། ཉན་ཐོས་ཆེན་པོ་རི་རབ་དང་འདྲ་བ་ལ་འཚོ་བྱེད་གཞོན་ནུས་གསོས་ཀྱིས་སྨད་པ་ལེན་པར་བྱེད་ཀྱི། འདིའི་ཡོན་ཏན་བསྒྲག་པར་བྱའོ་སྙམ་ནས། ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱིས་ལྷུང་བཟེད་ལེན་པར་བྱེད་པ་ཡིན་ན། བཅོམ་ལྡན་འདས་དེ་ལ་མ་སྩལ་ཏོ། །ཆོས་ཉིད་ཀྱིས་ནི་ཇི་སྲིད་དུ་བཅོམ་ལྡན་འདས་ཀྱིས་ལྷུང་བཟེད་བླངས་པར་མ་གྱུར་གྱི་བར་དུ་དགེ་སློང་གནས་བརྟན་གནས་བརྟན་དག་གི་ལྷུང་བཟེད་དག་ལེན་པར་མི་བྱེད་དོ། །ཚེ་དང་ལྡན་པ་ལམ་པས་བསམས་པ། ཅིའི་ཕྱིར་བཅོམ་ལྡན་འདས་དང་དགེ་སློང་གནས་བརྟན་གནས་བརྟན་དག་གི་ལྷུང་བཟེད་དག་ལེན་པར་མི་བྱེད་སྙམ་ན། བདག་ཉིད་ཀྱིས་ཡོན་ཏན་བསྒྲག་པའི་ཕྱིར་རོ་སྙམ་དུ་རིག་ནས་སྟོན་པའི་ཐུགས་ལ་དགོངས་པ་ཡོངས་སུ་རྫོགས་པར་བྱའོ་སྙམ་ནས་ཚེ་དང་ལྡན་པ་ལམ་པས་སྟན་ཕྱེད་ལས་འཕགས་པ་བྱས་ཏེ་གླང་པོ་ཆེའི་སྣ་ལྟ་བུའི་ལག་པ་བརྐྱང་ནས། བཅོམ་ལྡན་འདས་ཀྱིས་ལྷུང་བཟེད་བླངས་པ་དང ། འཚོ་བྱེད་གཞོན་ནུས་གསོས་རྒན་པའི་མཐའ་ལོགས་
Ja120b
ན་འདུག་པས་མཐོང་ནས་དེས་བསམས་པ། རྫུ་འཕྲུལ་གྱི་ཆོ་འཕྲུལ་རྣམ་པར་སྟོན་པ་འདི་གནས་བརྟན་གང་ཡིན་སྙམ་ནས། དེ་ལྷུང་བཟེད་ཀྱི་རྗེས་བཞིན་སོང་བ་དང་ཇི་ཙམ་ན་ཚེ་དང་ལྡན་པ་ལམ་པ་ཡིན་པར་མཐོང་ངོ ། །མཐོང་ནས་དེ་བརྒྱལ་ཏེ་ས་ལ་འགྱེལ་བ་དང ། ཆུས་བཏབ་པས་སྲོག་ཕྱིར་ལོན་ནས་ཚེ་དང་ལྡན་པ་ལམ་པའི་རྐང་པ་གཉིས་ལ་གཏུགས་ཏེ་བཟོད་པ་གསོལ་ཞིང་ཚིགས་སུ་བཅད་པ་སྨྲས་པ། ཙན་དན་རྟག་ཏུ་བསིལ་ངད་ཡོན་ཏན་ལྡན། །ུཏྤལ་རྟག་ཏུ་དྲི་བདའ་དྲི་མེད་གསེར། །རྟག་གསལ་དག་པའི་བཻ་ཌཱུརྱ་འོད་བཞིན། །བྱིས་པའི་སྐྱེ་བོའི་སྡིག་པ་རྟག་ཏུ་ནི། ། མཚུངས་མེད་གོར་མའི་རི་མོ་རྟག་པ་བཞིན། །འཕགས་པའི་སྐྱེ་བོ་རྟག་ཏུ་ཐུགས་རྗེ་མངའ། །དགྲ་བཅོམ་དག་གི་བཟོད་པ་བརྟན་པ་ལགས། །ཚེ་དང་ལྡན་པ་ལམ་པས་སྨྲས་པ། འཚོ་བྱེད་བཟོད་དོ། ། བཅོམ་ལྡན་འདས་ཀྱིས་ཡོན་བཤད་པ་མཛད་ནས་གདན་ལས་བཞེངས་ཏེ་གཤེགས་སོ། །སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་འཚོ་བྱེད་གཞོན་ནུས་གསོས་ཀྱིས་གང་གི་ཚེ་དང་ལྡན་པ་ལམ་པའི་ཡོན་ཏན་དག་མངོན་པར་མ་འཚལ་བ་དེའི་ཚེ་ན་གུས་པ་མ་ལགས་པ་ལ་བརྩོན་ཞིང ། གང་གི་ཚེ་ཡོན་ཏན་དག་མངོན་པར་འཚལ་བ་དེའི་ཚེ་ན་རྐང་པ་གཉིས་ལ་གཏུགས་ཏེ་བཟོད་པ་གསོལ་བར་བགྱི་བ་ལ་གཟིགས། དགེ་སློང་དག་ད་ལྟར་དུ་མ་ཟད་དེ་འདི་ལྟར་འདས་པའི་དུས་ན་ཡང་དེས་གང་གི་ཚེ་འདིའི་ཡོན་ཏན་དག་མངོན་པར་མི་ཤེས་
Ja121a
༄#། །པ་དེའི་ཚེ་ན་གུས་པ་མ་ཡིན་པ་ལ་བརྩོན་ཞིང ། གང་གི་ཚེ་ཡོན་ཏན་དག་མངོན་པར་ཤེས་པ་དེའི་ཚེ་ན་རྐང་པ་གཉིས་ལ་གཏུགས་ཏེ་བཟོད་པ་གསོལ་བར་གྱུར་ཏེ། དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན་བྱང་ལམ་ནས་དེད་དཔོན་ཞིག་གིས་ཟོང་རྟ་ལྔ་བརྒྱ་བདས་ཏེ་ཡུལ་དབུས་སུ་ཕྱིན་ཏོ། །དེའི་རྒོད་མའི་མངལ་དུ་རྟ་ཅང་ཤེས་ཞུགས་ནས་དེ་གང་གི་ཉི་མ་ལ་ཞུགས་པ་དེ་ཉིད་ཀྱི་ཉི་མ་ནས་བཟུང་སྟེ། རྟ་དེ་དག་ཕྱིན་ཆད་སྐད་འབྱིན་པར་མི་བྱེད་ནས་དེད་དཔོན་གྱིས་བསམས་པ། བདག་གི་རྟ་རྣམས་ལ་ནད་འགའ་ཞིག་བྱུང་ངམ་ཅི་ན་དེས་རྟ་འདི་དག་སྐད་འབྱིན་པར་མི་བྱེད་དོ་སྙམ་མོ། །དུས་གཞན་ཞིག་ན་རྒོད་མ་དེ་འབྲངས་པ་ལས་རྟེའུ་ཕོ་ཞིག་བྱུང་ནས་དེ་གང་གི་ཉི་མ་ལ་བྱུང་བ་དེ་ཉིད་ཀྱི་ཉི་མ་ནས་བཟུང་སྟེ།་རྟ་དེ་དག་ཕྱིན་ཆད་སྣ་སྒྲ་འབྱིན་པར་ཡང་མི་བརྩོན་ནས་དེད་དཔོན་གྱིས་བསམས་པ། རྟེའུ་སེམས་ཅན་སྐལ་ཆད་འདི་བྱུང་བས་འདིའི་ཉེས་པས་བདག་གི་རྟ་རྣམས་ལ་ནད་བྱུང་བར་གྱུར་ཏོ་སྙམ་ནས་དེས་རྒོད་མ་དེ་རྟག་ཏུ་ཞོན་ཞིང་དེ་ལ་རྩཝ་དང་ཆས་ཀྱང་སྦྱིན་པར་མི་བྱེད་དོ། །དེ་མཐར་གྱིས་མཆོད་གྱུར་ཅེས་བྱ་བའི་གནས་སུ་ཕྱིན་པ་དང ། དེར་དེ་དབྱར་གྱི་ནམ་ལ་བབ་ནས་དེས་བསམས་པ། གལ་ཏེ་ད་སོང་བར་གྱུར་ན་རྟ་རྣམས་ཀྱི་རྨིག་པ་འདྲུལ་བར་འགྱུར་བས་བཟོད་དུ་མི་རུང་བར་འགྱུར་གྱི། དབྱར་གྱི་ནམ་ལ་འདི་ཉིད་དུ་འདུག་པར་བྱའོ་སྙམ་ནས་དེ་
Ja121b
དབྱར་གྱི་ནམ་ལ་དེ་ཉིད་དུ་འདུག་པ་དང ། དེ་ན་གནས་པའི་བཟོ་བོ་དག་གིས་དེ་ལ་རང་རང་གི་བཟོ་དག་གིས་བསྙེན་བཀུར་བྱས་སོ། །དེ་འགྲོ་བའི་དུས་ཀྱི་ཚེ་བཟོ་བོ་དག་ལྷགས་པ་དང ། དེས་དེ་དག་ལ་བགོ་བཤའ་དག་བྱས་སོ། །དེ་ན་རྫ་མཁན་གཅིག་ཅིག་འདུག་པ་དེས་ཀྱང་དེ་ལ་བཟོས་བསྙེན་བཀུར་བྱས་པས་དེ་ལ་ཆུང་མས་སྨྲས་པ། རྗེའི་སྲས་དེད་དཔོན་དེའི་ཕྱིར་བཞུད་ལ་ཅུང་ཞིག་སློངས་ཤིག་།རྫ་མཁན་དེས་དེད་དཔོན་འཕགས་པའི་མདུན་དུ་འཇིམ་པའི་གོང་བུ་ཐོགས་ཏེ་བསྡད་པ་དང ། དེད་དཔོན་དེས་དེ་མཐོང་ནས་དེ་ལ་སྨྲས་པ། ཀཝའི་ནང་རྗེ་ཁྱེད་ཧ་ཅང་ཕྱིས་ཏེ་འོངས་པས་ངའི་ཕན་ཐམས་ཅད་ཐལ་ལོ། །དེད་དཔོན་དེ་རྟེའུ་དེ་ལ་བཀྲ་མི་ཤིས་པའི་བློ་སྐྱེས་པས་དེད་དཔོན་དེས་རྫ་མཁན་དེ་ལ་སྨྲས་པ། འདི་ལྟར་ཁོ་བོ་ལ་རྟེའུ་གཅིག་ཅིག་ཡོད་ཀྱི། གལ་ཏེ་འདོད་ན་ཁྲིད་དེ་སོང་ཞིག་།རྫ་མཁན་གྱིས་སྨྲས་པ། མ་ནོངས་སོ། །བདག་ནི་རྫ་མ་བགྱིད་པར་འགྱུར་ལ་འདིས་ཀྱང་གཅོག་པར་འགྱུར་རོ། །དེ་ནས་རྟེའུ་དེས་རྫ་མཁན་དེའི་རྐང་པ་གཉིས་ལ་ལྕེས་བལྡག་པར་བརྩམས་པ་དང ། དེ་རྫ་མཁན་དེ་རྟེའུ་དེ་ལ་རྗེས་སུ་ཆགས་པ་སྐྱེས་ནས་དེ་ཁྲིད་དེ་ཁྱིམ་དུ་འོངས་སོ། །དེ་ལ་ཆུང་མས་སྨྲས་པ། རྗེའི་སྲས་ཁྱོད་ཀྱིས་དེ་ལས་ཅུང་ཟད་ཐོབ་བམ། རྟེའུ་དེ་ཐོབ་བོ། །མནོངས་\་ཾཱ་ཎཱོཎGཥ?\་སོ། ། ཁྱོད་ནི་རྫ་མ་བྱེད་པར་འགྱུར་ལ། འདིས་ཀྱང་གཅོག་པར་འགྱུར་རོ། །རྟེའུ་དེས་ཆུང་མའི་རྐང་པ་གཉིས་ལ་ཡང་ལྕེས་བལྡག་པར་བརྩམས་པ་དང་ཆུང་མ་དེ་ཡང་རྟེའུ་དེ་ལ་རྗེས་སུ་ཆགས་པ་སྐྱེས་སོ། །
Ja122a
༄#། །རྟེའུ་དེ་རྫ་མ་སོ་བཏང་བ་དང་མ་བཏང་བ་དག་གི་ནང་དུ་འགྲོ་བ་ན་རྫ་མ་འགའ་ཡང་མི་གཅོག་ནས་རྫ་མཁན་དེས་ཆུང་མ་ལ་སྨྲས་པ། རྟེའུ་བཟང་པོ་ཞིག་སྟེ། ཤེས་བཞིན་དུ་འགྲོ་བར་བྱེད་དོ། །དུས་གཞན་ཞིག་ན་རྫ་མཁན་དེ་སྒྲོ་བ་ཐོགས་ཏེ་ས་ལེན་དུ་སོང་བ་དང ། རྟེའུ་དེ་ཡང་དེའི་ཕྱི་བཞིན་ཐོག་ཐག་འབྲང་ཞིང་འོངས་སོ། །རྫ་མཁན་དེས་སས་སྒྲོ་བ་བཀང་བ་དང་རྟེའུ་དེས་རྒྱབ་བཟེད་ནས་རྫ་མཁན་དེས་སའི་སྒྲོ་བ་དེ་རྟེའུ་དེའི་རྒྱབ་ཏུ་བཀལ་ནས་དེས་དེ་ཁྲིད་དེ་ཁྱིམ་དུ་འོངས་ནས། རྫ་མཁན་དེས་ཆུང་མ་ལ་སྨྲས་པ། བཟང་མོ་རྟེའུ་བཟང་པོ་ཞིག་སྟེ་ཁོ་བོས་ཕྱིན་ཆད་ས་བསྐུར་དགོས་པར་མི་འགྱུར་རོ། །ཁོ་བོས་དེར་དགལ་བར་བྱས་ཁྱོད་ཀྱིས་འདིར་ཕོག་ཅིག་།ཆུང་མས་དེ་ལེགས་སོ་ཞེས་རྟེའུ་དེ་ལ་ཕུབ་མ་དང ། སྲན་ཕུབ་དག་བྱིན་ནོ། །དེའི་ཚེ་ན་ཝཱ་ར་ཎཱ་སི་ན་རྒྱལ་པོ་ཚངས་བྱིན་ཞེས་བྱ་བ་རྒྱལ་སྲིད་འབྱོར་པ་རྒྱས་པ་བདེ་བ་ལོ་ལེགས་པ་སྐྱེ་བོ་དང་མི་མང་པོས་གང་བ་འཐབ་མོ་དང་འཐབ་པ་དང་འཁྲུག་ལོང་དང ། ནང་འཁྲུག་རབ་ཏུ་ཞི་བ་ཆོམ་རྐུན་དང་མུ་གེ་དང་ནད་དང་བྲལ་བ། སཱ་ལུ་དང་བུ་རམ་ཤིང་གི་ཕྲེང་བ་དང་བ་ལང་དང་མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ་ཆོས་དང་ལྡན་པ་ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།དེའི་རྟ་ཅང་ཤེས་དུས་ལ་བབ་ནས་ཉི་འོག་གི་རྒྱལ་པོ་རྣམས་ཀྱིས། རྒྱལ་པོ་ཚངས་བྱིན་གྱི་རྟ་ཅང་ཤེས་དུས་ལ་བབ་པོ་ཞེས་ཐོས་པ་དང །
Ja122b
དེ་དག་གིས་དེ་ལ་ཡང་ན་ནི་སྒྱུ་དཔྱ་འཇོལ་ཅིག་།ཡང་ན་ནི་ཝཱ་རཱ་ཎཱ་སིའི་ཕྱི་རོལ་ཏུ་སྐྱེད་མོས་ཚལ་དུ་མ་བྱུང་ཞིག་།དེ་ལྟ་མི་བྱེད་ན་གཉའ་བ་ནས་བཏགས་ཏེ་བཀྲིའོ་ཞེས་ཕྲིན་སྤྲིང་ངོ ། །རྒྱལ་པོ་ཚངས་བྱིན་དེ་དག་ལ་སྒྱུ་དཔྱལ་འཇལ་བར་ཡང་མི་བྱེད། འཇིགས་པས་ཕྱི་རོལ་གྱི་སྐྱེད་མོས་ཚལ་དུ་ཡང་འབྱུང་བར་མི་བྱེད་ཅིང་འདུག་གོ་།དེད་དཔོན་དེ་ཡང་མཐར་གྱིས་ཝཱ་ར་ཎཱ་སིར་ཕྱིན་པ་དང་རྒྱལ་པོ་ཚངས་བྱིན་གྱིས་བྱང་ལམ་ནས་དེད་དཔོན་ཞིག་གིས་ཟོང་རྟ་ལྔ་བརྒྱ་དེད་དེ་ཝཱ་ར་ཎཱ་སིར་ཕྱིན་ཞེས་ཐོས་ནས་དེས་བློན་པོ་རྣམས་ལ་སྨྲས་པ། ཤེས་ལྡན་དག་ངས་ཡུན་ཇི་སྲིད་ཅིག་ཏུ་འདིར་ཞུགས་ཏེ་འདུག་པར་བྱ། དེང་ལ་རྟ་ཅང་ཤེས་ཚོལ་ཅིག་།དེ་དག་དེད་དཔོན་དེའི་གན་དུ་དོང་སྟེ་དེ་དག་གིས་རྟ་དེ་དག་མཐོང་ནས་གཅིག་ལ་གཅིག་སྨྲས་པ། ཤེས་ལྡན་དག ། རྟ་འདི་དག་ནི་རྟ་ཅང་ཤེས་ཀྱིས་བཏུལ་བ་ཤ་སྟག་ཡིན་ན་འདི་ན་རྟ་ཅང་ཤེས་ནི་འགའ་ཡང་མི་སྣང་ངོ ། །དེ་དག་གིས་རྒོད་མ་དེ་མཐོང་ནས་སྨྲས་པ། ཤེས་ལྡན་དག་རྒོད་མ་འདི་ལས་རྟ་ཅང་ཤེས་འབྲངས་ན་དེ་ནི་མི་སྣང་ངོ ། །དེ་དག་དེད་དཔོན་གྱི་གན་དུ་སོང་སྟེ་དྲིས་པ། དེད་དཔོན་ཁྱོད་ཀྱིས་རྟ་འགའ་ཞིག་བཙོངས་པའམ། གཞན་ལ་བྱིན་པ་ཡོད་དམ། དེད་དཔོན་གྱིས་སྨྲས་པ། བཙོངས་པ་ནི་འགའ་ཡང་མེད་དེ། འདི་ལྟར་ཁོ་བོས་མཆོད་གྱུར་གྱི་གནས་སུ་རྟེའུ་ཞིག་བཀྲ་མི་ཤིས་སོ་སྙམ་ནས་རྫ་མཁན་ཞིག་ལ་བྱིན་པ་ནི་ཡོད་དོ། །དེ་དག་གིས་གཅིག་ལ་གཅིག་སྨྲས་པ། ཤེས་ལྡན་དག།
Ja123a
༄#། །དེད་དཔོན་འདི་ནི་བླུན་པོ་ཞིག་ཡིན་ཏེ། སྙིང་པོ་གང་ཡིན་པ་བོར་ནས་སྙིགས་མ་དག་དེད་དེ་འདིར་འོངས་སོ། །དེ་དག་གིས་རྒྱལ་པོ་ལ་ཞུས་ཏེ་མཆོད་གྱུར་དུ་དོང་ནས་དེ་དག་རྫ་མཁན་དེའི་དྲུང་དུ་སོང་སྟེ་དྲིས་པ། ཁྱོད་ལ་རྟེའུ་འདིས་ཅི་བྱ། རྫ་མཁན་གྱིས་སྨྲས་པ། འདི་ཁོ་བོའི་ས་དགལ་ལོ། །དེ་དག་གིས་སྨྲས་པ། ཁོ་བོ་ཅག་གིས་ཁྱོད་ལ་བོང་བུ་སྦྱིན་གྱི། ཁྱོད་ཀྱིས་ཁོ་བོ་ཅག་ལ་འདི་བྱིན་ཅིག་།རྫ་མཁན་གྱིས་སྨྲས་པ། ཁོ་བོ་ལ་འདི་ཉིད་མཁོའོ། །དེ་དག་གིས་སྨྲས་པ། གླང་བཞི་དང་ལྡན་པའི་ཤིང་རྟ་བྱིན་ནོ། །རྫ་མཁན་གྱིས་སྨྲས་པ། ཁོ་བོ་ལ་འདི་ཉིད་མཁོའོ། །དེ་དག་གིས་སྨྲས་པ། ཁྱོད་དེང་གྲོས་ཀྱིས་ཤིག་དང་ཁོ་བོ་ཅག་སང་ཡང་འོང་ངོ་ཞེས་ཟེར་ཏེ་དོང་ངོ ། །ཆོས་ཉིད་ཀྱིས་ནི་འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་ན་དུད་འགྲོ་དག་ཀྱང་སྨྲ་ཤེས་པ་ཡིན་པས་རྟེའུ་དེས་རྫ་མཁན་དེ་ལ་སྨྲས་པ། དེ་དག་ཅི་འདོད། ཁྱོད་འདོད་དོ། །ཅིའི་ཕྱིར་སྦྱིན་པར་མི་བྱེད། ཅི་ཁྱོད་ཀྱི་སྙིང་ལམ་ན་ཁོ་བོ་ཇི་སྲིད་འཚོའི་བར་དུ་ཁྱོད་ཀྱིས་ཁལ་བྱེད་ཅིང་ཕུབ་མ་དང་སྲན་ཕུབ་ཟ་སྙམ་མམ། ཁོ་བོས་རྒྱལ་པོ་རྒྱལ་རིགས་སྤྱི་བོར་དབང་བསྐུར་བར་བྱ་ཞིང་གསེར་གྱི་སྣོད་ནས་བཟང་ཆས་ཟིལ་དངར་གྱིས་བཅིན་པ་དག་བཟའ་བར་བྱ་དགོས་སོ། །དེ་དག་རྟེའུ་ཞེས་ཟེར་ན་དེ་དག་ལ་རྟ་ཅང་ཤེས་ཟེར་དུ་ངོ་ཚའམ་ཅི་ཞེས་བརྗོད་པར་བྱའོ། །གལ་ཏེ་རིན་གྱི་ཕྱིར་བྱིན་ཅིག་ཅེས་ཟེར་ན། དེ་དག་ལ་ཡང་ན་གསེར་འབུམ་བྱིན་ཅིག །
Ja123b
ཡང་ན་འདིའི་བརླ་གཡས་པས་གསེར་ཅི་ཙམ་འདྲེན་ནུས་པ་དེ་ཙམ་བྱིན་ཅིག་ཅེས་བརྗོད་པར་བྱའོ། །ཕྱི་དེ་ཉིན་པར་དེ་དག་འོངས་ཏེ་རྫ་མཁན་ལ་དྲིས་པ། ཀཝའི་ནང་རྗེ་ཁྱེད་ཀྱིས་གྲོས་བྱས་སམ། གྲོས་བྱས་སོ། །འོ་ན་རྟེའུ་འདི་བྱིན་ཅིག་།ཁྱེད་རྟ་ཅང་ཤེས་ཟེར་ཞེས་ཟེར་དུ་ངོ་ཚའམ་ཅི། དེ་དག་གིས་བསམས་པ། གླེན་པ་འདིས་འདི་རྟ་ཅང་ཤེས་ཡིན་ནམ་མ་ཡིན་ཅི་ཤེས་ཏེ། འདི་ལྟར་རྟ་འདི་ཉིད་བྱས་པ་གཟོ་བ་ཡིན་པས་འདི་ཉིད་ཀྱིས་འདི་ལ་སྨྲས་པར་གྱུར་གོར་མ་ཆག་སྙམ་ནས། དེ་དག་གིས་སྨྲས་པ། རྟ་ཅང་ཤེས་ཡིན་ཡང་རུང་རྟེའུ་ཡིན་ཡང་རུང་གི། རིན་གྱི་ཕྱིར་བྱིན་ཅིག་།རྫ་མཁན་གྱིས་སྨྲས་པ། ཡང་ན་གསེར་འབུམ་བྱིན་ཅིག་།ཡང་ན་འདིའི་བརླ་གཡས་པས་གསེར་ཇི་ཙམ་འདྲེན་ནུས་པ་དེ་ཙམ་བྱིན་ཅིག་།དེ་དག་གིས་བསམས་པ། འདི་མཐུ་དང་ལྡན་ཡིན་པས་ཆེས་མང་པོ་དག་འདྲེན་པར་འགྱུར་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་ནས་སྨྲས་པ། གསེར་འབུམ་སྦྱིན་ནོ། །དེ་དག་གིས་རྒྱལ་པོ་ཚངས་བྱིན་ལ་གསེར་འབུམ་གྱིས་རྟ་ཅང་ཤེས་ཁུགས་སོ། །ཞེས་སྤྲིང་པ་དང ། རྒྱལ་པོ་ཚངས་བྱིན་གྱིས་དེ་དག་ལ་རིན་ཅི་ཙམ་གྱིས་ཁུགས་པ་དེ་ཙམ་གྱིས་ལོང་ཞིག་ཅེས་སྤྲིང་ངོ ། །དེ་དག་གིས་གསེར་འབུམ་གྱིས་བླངས་ནས་དེ་དག་རྟ་ཅང་ཤེས་དེ་ཁྲིད་དེ་ཝཱ་ར་ཎཱ་སིར་ལྷགས་ནས་དེ་དག་གིས་དེ་རྟ་བྲེས་ཀྱི་དང་པོར་བཏགས་ཏེ་དེ་ལ་རྩཝ་དང་ཆས་བྱིན་ན། དེ་དེ་མི་ཟ་ནས་རྒྱལ་པོས་སྨྲས་པ། ཁྱོད་ཀྱིས་རྟ་ཅང་ཤེས་ནད་པ་ཞིག་ཁྲིད་དེ་འོངས་སམ་ཅི། དེ་དག་
Ja124a
༄#། །གིས་སྨྲས་པ། འདི་བྲོ་འཆལ་བ་མ་ལགས་ཏེ། འདི་ལྟར་ཇེ་འདི་ལ་རྨའོ་ཞེས་དེ་ནས་འདུལ་སྦྱོང་བས་ཚིགས་སུ་བཅད་པ་སྨྲས་པ། མགྱོགས་འགྲོ་གང་ཚེ་རན་ཆས་ཆུ་མེད་པའི། །རྫ་མཁན་བྲེས་ན་མགོ་སྐམ་རུས་པགས་ཙམ། །རང་སོས་གཏུབས་པའི་རྩཝ་དག་ཟ་བ་སོམས། །དེའི་ཚེ་མང་པོས་ཁྱོད་ལ་བསམས་མ་གྱུར། །འདི་ན་མགྱོགས་འགྲོ་སྟོང་གི་ཐོགས་འདྲེན་ཅིང ། །རྒྱལ་པོས་ཆིབས་རན་མཆོག་དག་ཉེར་བསྟབས་པ། །ཅིའི་ཕྱིར་མི་ཟ་དྲིས་པ་བདག་ལ་སྨྲོས། །དེ་ནས་རབ་མགྱོགས་དྲང་པོ་བརྟན་ལྡན་པ། །མ་བཟོད་འཁྲུགས་བཅས་མགྱོགས་འགྲོ་མཆོག་གིས་ནི། །དེ་ལས་ཉེར་ཞི་ལེགས་པར་བསམས་བྱས་ནས། །འདུལ་སྦྱོང་བློ་ལྡན་མི་མཆོག་དེ་ལ་སྨྲས། །འདིར་ཁྱོད་ཁོ་བོ་ཡོན་ཏན་དེ་ཉིད་ཤེས། །ཁོ་བོ་ཇི་བཞིན་ཁྱོད་ཀྱིས་མ་རིག་མིན། །མཁས་པས་བརྙས་ན་ས་སྟེང་མི་རྒྱུ་ཞིང ། །ཁོ་བོ་འདི་ན་མྱུར་དུ་ཤི་ཡང་བླ། །སྐྱེ་བོ་ངན་པས་ཡུན་རིང་བརྙས་གྱུར་ཀྱང ། །གལ་ཏེ་ཡོན་ཏན་ཁྱོད་ལྡན་དེ་བརྙས་མིན། །སྐྱེ་བོ་མཛངས་པས་སྐད་ཅིག་བརྙས་གྱུར་ན། །ཞི་བ་གལ་ཏེ་ཡོན་ཏན་དེ་བརྙས་ཡིན། །འདུལ་སྦྱོང་བས་རྒྱལ་པོ་ལ་སྨྲས་པ། ལྷ་འདི་ནི་བྲོ་འཚལ་བ་མ་ལགས་ཀྱི། འདི་ལྟར་རིམ་པ་མ་བགྱིས་པས་དེའི་སླད་དུ་འདི་རན་དང་ཆས་མི་འཚལ་ལོ།། འདིའི་རིམ་པ་ཇི་ལྟར་བྱ། ལྷ་ཤུལ་དཔག་ཚད་ཕྱེ་དང་གསུམ་ཚུན་ཆད་དུ་མཛེས་པར་བགྱི་ཞིང་གྲོང་ཁྱེར་ཡང་མཛེས་པར་བགྱི། རྒྱལ་པོ་རྒྱལ་རིགས་སྤྱི་བོར་དབང་བསྐུར་བ། དཔུང་གི་ཚོགས་ཡན་
Ja124b
ལག་བཞི་དང་བཅས་པས་བསུ་བར་བགྱི། ཕྱོགས་གང་དུ་བཞག་པའི་ཕྱོགས་དེ་ཟངས་མའི་གླེགས་བུ་དག་གིས་གཡོག་པར་བགྱི། རྒྱལ་པོའི་སྲས་བུ་ཐུ་བོས་མགོའི་སྟེང་དུ་གདུགས་སྲོག་ཤིང་བརྒྱ་བ་གཟུང་བར་བགྱི། རྒྱལ་པོའི་སྲས་མོ་ཐུ་མོས་རྔ་ཡབ་གསེར་ཅན་ནོར་བུས་སྤྲས་པས་སྦྲང་མ་དག་བསྐྱབ་པར་བགྱི། རྒྱལ་པོའི་བཙུན་མོ་དམ་པས་གསེར་གྱི་སྣོད་ནས་ཟིལ་དངར་གྱིས་བཅིན་པའི་བཟང་ཆས་ཀྱི་ཟས་བསྟབ་པར་བགྱི། རྒྱལ་པོའི་བློན་པོ་དམ་པས་གསེར་གྱི་ཆོལ་ཟངས་ཀྱིས་རྟུག་པ་དོར་བར་བགྱིའོ། །རྒྱལ་པོས་སྨྲས་པ། དེ་ལྟ་ན་འདི་རྒྱལ་པོ་ཡིན་གྱི། ང་རྒྱལ་པོ་མ་ཡིན་ནོ། །འདུལ་སྦྱོང་བས་སྨྲས་པ། ལྷ་འདི་ལ་དུས་ཐམས་ཅད་དུ་བསྙེན་བཀུར་དེ་ལྟར་བགྱི་མི་འཚལ་ཏེ། འདི་ལྟར་དགུང་བདུན་གྱི་བར་དུ་བགྱིའོ། །དགུང་བདུན་འདས་ནས་བཀའ་ཉན་པར་འགྱུར་རོ། །འདས་པ་གང་ལགས་པ་དེ་ད་བགྱི་བར་མི་སྤྱོད་ཀྱང་ལྷག་མ་གང་ལགས་པ་དེ་མཛད་དུ་གསོལ། རྒྱལ་པོས་ཕྱོགས་གང་དུ་བཞག་པའི་ཕྱོགས་དེ་ཟངས་མའི་གླེགས་བུ་དག་གིས་ཀྱང་གཡོགས། རྒྱལ་པོའི་བུ་ཐུ་བོ་ཡང་མགོའི་སྟེང་དུ་གདུགས་སྲོག་ཤིང་བརྒྱ་པ་འཛིན་ཏུ་བཅུག་།རྒྱལ་པོའི་བུ་མོ་ཐུ་མོ་ཡང་རྔ་ཡབ་གསེར་ཅན་ནོར་བུས་སྤྲས་པས་སྦྲང་མ་དག་སྐྱོབ་ཏུ་བཅུག། རྒྱལ་པོའི་བཙུན་མོ་དམ་པ་ཡང་གསེར་གྱི་སྣོད་ནས་ཟིལ་མངར་གྱིས་བཅིན་པའི་བཟང་ཆས་ཀྱིས་ཟས་སྟོབས་སུ་བཅུག། རྒྱལ་པོའི་བློན་པོ་དམ་པ་ཡང་གསེར་གྱི་ཆོལ་ཟངས་ཀྱིས་རྟུག་པ་འདོར་དུ་བཅུག་གོ་།ས་བདག་འདུལ་སྦྱོང་བཅས་པ་དེ་ལ་ཆགས།
Ja125a
༄#། །ཤིན་ཏུ་དྲི་ཞིམ་བྱུག་པ་མཆོག་འཆང་ཞིང ། །ས་བདག་བཙུན་མོ་ཟིལ་མངར་བཟང་ཆས་ཀྱིས། །སྣོད་བཀང་མགྱོགས་འགྲོ་མཆོག་ཕྱིར་འཛིན་པར་བྱེད། །རྒྱལ་པོ་སྐྱེད་མོས་ཚལ་གྱི་སར་འགྲོ་བར་འདོད་པ་ལ་རྟ་ཅང་ཤེས་ཕུལ་བ་དང ། དེས་རྒྱབ་སྨད་ནས་རྒྱལ་པོས་འདུལ་སྦྱོང་བ་ལ་སྨྲས་པ། འདི་རྒྱབ་མི་ནའམ། དེས་སྨྲས་པ། ལྷ་བྲོ་མ་འཚལ་ཏེ། འདི་ལྟར་རྒྱལ་པོ་བཅིབས་དཀའ་བར་འགྱུར་སྙམ་ནས། དེའི་སླད་དུ་འདི་འདིས་རྒྱབ་སྨད་དོ། །རྒྱལ་པོ་ཞོན་ཏེ་སོང་བ་དང ། དེ་འགྲོ་བ་ན་ཆུ་བྱུང་ནས་དེ་དེ་ལ་མི་རྒལ་བ་དང ། རྒྱལ་པོས་འདུལ་སྦྱོང་བ་ལ་སྨྲས་པ། འདི་མི་འཇིགས་སམ། ལྷ་མི་འཇིགས་ཏེ་འདི་ལྟར་རྔ་མའི་ཆབ་ཀྱིས་རྒྱལ་པོ་གཤེར་བར་གྱུར་ན་མི་རུང་ངོ་སྙམ་པས་དེའི་སླད་དུ་རྒལ་བར་མི་བགྱིད་དོ། །རྒྱལ་པོས་དེའི་རྔ་མ་གསེར་གྱི་སྦུབས་སུ་བཅུག་པ་དང ། དེ་དེ་ལས་རྒལ་ཏོ། །རྒྱལ་པོ་དེ་སྐྱེད་མོས་ཚལ་དུ་སོང་སྟེ་བག་མེད་པར་འདུག་པ་དང ། ཉི་འོག་གི་རྒྱལ་པོ་དག་གིས་རྒྱལ་པོ་ཚངས་བྱིན་སྐྱེད་མོས་ཚལ་དུ་སོང་ངོ་།། ཞེས་ཐོས་ནས། དེ་དག་ལྷགས་ནས་གྲོང་ཁྱེར་གྱི་སྒོ་དག་བཟུང་ངོ ། །རྒྱལ་པོ་ཚངས་བྱིན་གྱིས་ཉི་འོག་གི་རྒྱལ་པོ་དག་གིས་གྲོང་ཁྱེར་གྱི་སྒོ་དག་བཟུང་ངོ་ཞེས་ཐོས་ནས། དེ་རྟ་ཅང་ཤེས་ལ་ཞོན་པ་དང་ཝཱ་ར་ཎཱ་སི་དང ། སྐྱེད་མོས་ཚལ་གྱི་བར་དུ་རྫིང་བུ་ཚངས་ལྡན་ཞེས་བྱ་བ་ཨུཏྤལ་དང ། པདྨ་དང ། ཀུ་མུ་ད་དང ། པདྨ་དཀར་པོས་ཁེབས་པ་ཞིག་གིས་ཆོད་ནས་རྟ་ཅང་ཤེས་ཀྱིས་བསམས་
Ja125b
པ།་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་གནོད་པ་དང་ཉམ་ང་བ་དང ། ཕོངས་པར་གྱུར་པ་བདག་གིས་ཡལ་བར་དོར་བ་ནི། བདག་གི་ཚུལ་དང་མཐུན་པ་མ་ཡིན་ནོ་སྙམ་ནས། རྟ་ཅང་ཤེས་དེས་པདྨའི་འདབ་མ་དག་གི་སྟེང་དུ་རྐང་པ་བཞག་སྟེ་སྒེའུ་ཆུང་ནས་ཝཱ་ར་ཎཱ་སིར་ཞུགས་པ་དང ། རྒྱལ་པོ་དགའ་ནས་བློན་པོ་རྣམས་ལ་སྨྲས་པ། ཤེས་ལྡན་དག་གང་གིས་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་སྲོག་ཕྱུང་བ་དེ་ལ་ཅི་སྦྱིན། ལྷ་རྒྱལ་སྲིད་ཀྱི་ཕྱེད་དོ། །རྒྱལ་པོས་སྨྲས་པ། འདི་ནི་དུད་འགྲོ་ཡིན་པས་འདི་ལ་རྒྱལ་སྲིད་ཀྱི་ཕྱེད་ཀྱིས་ཅི་བྱ་སྟེ། འདི་ལྟར་འདི་ལས་བརྟེན་ཏེ་ཞག་བདུན་དུ་སྦྱིན་པ་དག་སྦྱིན། བསོད་ནམས་དག་བྱ་ཞིང་དུས་མ་ཡིན་པར་ཀུ་མུ་དའི་དུས་སྟོན་བྱའོ་སྙམ་ནས། རྒྱལ་པོས་དེ་ལས་བརྟེན་ཏེ་ཞག་བདུན་དུ་སྦྱིན་པ་དག་སྦྱིན་པ་དང་བསོད་ནམས་དག་བྱ་བར་བརྩམས་ཤིང་ཞག་བདུན་དུ་དུས་མ་ཡིན་པར་ཀུ་མུ་དའི་དུས་སྟོན་དག་བྱས་པ་དང ། དེད་དཔོན་དེས་མི་དག་ལ་དྲིས་པ། ཤེས་ལྡན་དག་ཅིའི་ཕྱིར་དུས་མ་ཡིན་པར་ཀུ་མུ་དའི་དུས་སྟོན་འདི་བྱུང་བར་གྱུར། དེ་དག་གིས་དེ་ལ་སྨྲས་པ། རྒྱལ་པོས་མཆོད་གྱུར་ཅེས་བྱ་བའི་གནས་དེ་ནས་རྫ་མཁན་ཞིག་ལས་གསེར་འབུམ་གྱིས་རྟ་ཅང་ཤེས་ཉོས་ཏེ་འདིར་འོངས་ནས། དེས་རྒྱལ་པོ་འདིའི་སྲོག་ཕྱུང་ནས་རྒྱལ་པོས་དེ་ལས་བརྟེན་ཏེ་ཞག་བདུན་དུ་སྦྱིན་པ་དག་སྦྱིན། བསོད་ནམས་དག་བྱེད་ཅིང་དུས་མ་ཡིན་པར་ཀུ་མུ་དའི་དུས་སྟོན་བྱས་གསོ། །དེད་དཔོན་གྱིས་བསམས་པ། མ་ལ་རྟེའུ་དེ་ཅང་ཤེས་སུ་མ་
Ja126a
༄#། །གྱུར་གྲང ། ཇེ་སོང་ལ་དེ་ལྟའོ་སྙམ་ནས་དེའི་གན་དུ་སོང་བ་དང ། རྟ་ཅང་ཤེས་དེས་སྨྲས་པ། ཀཝའི་ནང་རྗེ་ཁྱོད་ཀྱིས་རྟ་ལྔ་བརྒྱ་པོ་དག་གིས་ཅི་ཐོབ། གསེར་འབུམ་མོ། །ཁོ་བོ་གཅིག་པུས་ཀྱང་རྫ་མཁན་དེ་ལ་གསེར་འབུམ་བྱིན་ནོ། །དེ་བརྒྱལ་ཏེ་ས་ལ་འགྱེལ་ནས་ཆུས་བཏབ་པས་སྲོག་ཕྱིར་རྙེད་ནས་རྟ་ཅང་ཤེས་ཀྱི་རྐང་པ་གཉིས་ལ་གཏུགས་ཏེ་བཟོད་པ་གསོལ་ཏོ། །དགེ་སློང་དག་དེའི་ཚེ་དེའི་དུས་ན་དེད་དཔོན་གང་ཡིན་པ་དེ་ནི་འཚོ་བྱེད་གཞོན་ནུས་གསོས་འདི་ཉིད་ཡིན་ནོ། །དེའི་ཚེ་དེའི་དུས་ན་རྟ་ཅང་ཤེས་གང་ཡིན་པ་དེ་ནི་ལམ་པ་འདི་ཉིད་ཡིན་ཏེ། །དེའི་ཚེ་ཡང་དེས་གང་གི་ཚེ་དེའི་ཡོན་ཏན་དག་མངོན་པར་མི་ཤེས་པ་དེའི་ཚེ་ན་དེ་ལ་གུས་པ་མ་ཡིན་པ་ལ་ཞུགས་པར་གྱུར་ལ། གང་གི་ཚེ་དེའི་ཡོན་ཏན་དག་མངོན་པར་ཤེས་པར་གྱུར་པ་དེའི་ཚེ་ན་རྐང་པ་གཉིས་ལ་གཏུགས་ཏེ་བཟོད་པ་གསོལ་བར་གྱུར་ལ། ད་ལྟར་ཡང་དེས་གང་གི་ཚེ་འདིའི་ཡོན་ཏན་དག་མངོན་པར་མི་ཤེས་པ་དེའི་ཚེ་ན་འདི་ལ་གུས་པ་མ་ཡིན་པ་ལ་ཞུགས་ལ། གང་གི་ཚེ་ཡོན་ཏན་དག་མངོན་པར་ཤེས་པར་གྱུར་པ་དེའི་ཚེ་ན་རྐང་པ་གཉིས་ལ་གཏུགས་ཏེ་བཟོད་པ་གསོལ་བར་བྱེད་དོ། །སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་ཚེ་དང་ལྡན་པ་ལམ་པས་ལས་ཅི་བགྱིས་ན་ལས་དེའི་རྣམ་པར་སྨིན་པས་བཅོམ་ལྡན་འདས་ཀྱིས་སེམས་སྒྱུར་བ་ལ་མཁས་པ་རྣམས་ཀྱི་མཆོག་ཏུ་ལུང་བསྟན། བཅོམ་ལྡན་འདས་
Ja126b
ཀྱིས་བཀའ་སྩལ་པ། སྨོན་ལམ་གྱི་དབང་གིས་སོ། །གང་དུ་སྨོན་ལམ་བཏབ། དགེ་སློང་དག་སྔོན་བྱུང་བ་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་འདི་རབ་ཏུ་བྱུང་བར་གྱུར་པ་ན་གང་ལས་རབ་ཏུ་བྱུང་བའི་མཁན་པོ་དེ་ཡང་དག་པར་རྫོགས་པའི་སངས་རྒྱས་འོད་སྲུང་གིས་སེམས་སྒྱུར་བ་ལ་མཁས་པ་རྣམས་ཀྱི་མཆོག་ཏུ་ལུང་བསྟན་ནོ། །དེ་ན་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་འགའ་ཡང་མ་ཐོབ་ནས་དེའི་འོག་ཏུ་འཆི་བའི་ཚེ། སྨོན་ལམ་འདི་སྐད་ཅེས་བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས་
Ja127a
༄#། །ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་ཅིང་ཇི་ལྟར་མཁན་པོ་འདི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་སེམས་སྒྱུར་བ་ལ་མཁས་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་ལྡན་འདས་ཤཱཀྱ་ཐུབ་པ། ཤཱཀྱའི་སེང་གེ་ཤཱཀྱའི་རྒྱལ་པོའི་གཙོ་བོ་དེས་སེམས་སྒྱུར་བ་ལ་མཁས་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་གདབ་པར་བརྩམས་པས་སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་སེམས་སྒྱུར་བ་ལ་མཁས་པ་རྣམས་ཀྱི་མཆོག་ཏུ་བསྟན་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་པ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང་འདྲེན་མ་རྣམས་སྤངས་ཏེ་ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མ་བསྐོས་པར་སྟོན་པའི་ལྟུང་བྱེད་དེ་ཉི་ཤུ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་
Ja127b
ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགའ་བྱེད་ཁྱོད་ཀྱིས་དགེ་སློང་མ་ལ་སོམས་ཤིག་།དགའ་བྱེད་ཁྱོད་ཀྱིས་དགེ་སློང་མ་ལ་རྗེས་སུ་སྟོན་ཅིག་།དགའ་བྱེད་ཁྱོད་ཀྱིས་དགེ་སློང་མ་རྣམས་ལ་ཆོས་དང་ལྡན་པའི་གཏམ་གྱིས་ཤིག་ཅེས་བཀའ་སྩལ་ནས། དེ་ནས་ཨུཏྤ་ལའི་མདོག་འཁོར་དགེ་སློང་མ་ལྔ་བརྒྱ་ཚེ་དང་ལྡན་པ་དགའ་བྱེད་ག་ལ་བ་དེར་སོང་སྟེ། ཕྱིན་ནས་ཚེ་དང་ལྡན་པ་དགའ་བྱེད་ཀྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།ཚེ་དང་ལྡན་པ་དགའ་བྱེད་ཀྱིས་བསམས་པ། བུད་མེད་ཀྱི་ཡུལ་ནི་ཤེས་རབ་ཆུང་བ་ཡིན་ནོ་སྙམ་ནས་དེས་དེ་ལ་དོན་དང་ཚིག་དང་ཡི་གེ་མདོར་འདུས་པ་འདུས་པ་དག་གིས་ཆོས་བསྟན་ཏོ། །དེ་ཤེས་རབ་ཅན་ཡིན་པས་གོང་ནས་གོང་དུ་འདྲི་བར་བྱེད་ནས་ཚེ་དང་ལྡན་པ་དགའ་བྱེད་ཀྱིས་ལན་བཏབ་ཅིང་དེས་དེ་ལ་ཇི་ཙམ་ན་ཉི་མ་ནུབ་པའི་དུས་ལ་བབ་པ་དེ་ཙམ་གྱི་བར་དུ་ཆོས་བསྟན་ནས། དེ་དག་གིས་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ། སྟན་ལས་ལངས་ཏེ་དོང་བ་དང ། ཇི་ཙམ་ན་མཉན་ཡོད་ཀྱི་སྒོ་དག་བཅད་པར་གྱུར་ནས་དགེ་སློང་མ་རྣམས་ཀྱིས་སྒོ་བཙལ་བ་དང ། སྒོ་བས་སྨྲས་པ། སྒོ་བཅད་ལགས་སོ། །དེ་དག་གིས་སྨྲས་པ། ཕྱེ་ཤིག་།ལྡེ་མིག་དག་རྒྱལ་པོའི་ཕོ་བྲང་དུ་འཚལ་ཏོ། །དེ་དག་གིས་བསམས་པ། འདི་ཉིད་དུ་འཁོད་དོ་སྙམ་ནས་མཉན་ཡོད་དང་ཧ་ཅང་མི་རིང་བ་ན་ཀུན་དགའ་ར་བ་ཞིག་འདུག་པ་དེར་དེ་དག་དོང་
Ja128a
༄#། །ངོ ། །བཅོམ་ལྡན་འདས་ཀྱིས་ཤིང་ལྗོན་པ་ཡང་རྒན་རིམས་ཀྱིས་བསྐོ་བར་བྱའོ་ཞེས་བཀའ་སྩལ་པས་དེ་དག་གིས་ཤིང་ལྗོན་པ་དག་རྒན་རིགས་ཀྱིས་བསྐོ་བར་བརྩམས་པ་དང ། དེ་ན་དེ་དག་ཤིང་ལྗོན་པ་དག་སྒོ་བ་རྣམས་ལ་ཨ་ཡY་ཨ་ཡY་ཨ་ཧ་ད་ཨག་ཨེ་ཨ་ག་ཧ་དེ་ཞེས་འབོད་པའི་སྒྲ་མཐོན་པོ་དང་སྒྲ་ཆེན་པོ་བྱུང་ངོ ། །གཡོན་ཅན་ལྔ་བརྒྱ་ཙམ་མཉན་ཡོད་འཇོམས་པར་འདོད་པ་དག་ལྷགས་པ་དེ་དག་གིས་སྒྲ་མཐོན་པོ་དང་སྒྲ་ཆེན་པོ་དེ་ཐོས་ནས་དེ་དག་གིས་སྨྲས་པ། ཤེས་ལྡན་དག་མཉན་ཡོད་རེ་ཞིག་སྡོད་ཅིག་།ཤེས་ལྡན་དག་ཇེ་བཙུན་མོའི་འཁོར་གྱིས་ཐོས་པ་འདི་དག་གཞོམ་པར་བྱའོ། །ུཏྤ་ལའི་མདོག་གིས་བསམས་པ། མི་མཛེས་པ་འགའ་ཞིག་གིས་རིག་པར་མི་འགྱུར་རམ་སྙམ་ན། ཇི་ཙམ་ན་འཇོམས་པར་འདོད་པའི་གཡོན་ཅན་ལྔ་བརྒྱ་ཙམ་པོ་དེ་དག་མཐོང་ནས་དེས་འཕགས་སྐྱེས་པོའི་དཔུང་སྤྲུལ་ཏེ་རྔ་པ་ཊ་ཧད་བརྡུངས་པ་དང ། དེ་དག་གིས་སྨྲས་པ། ཤེས་ལྡན་དག་བདག་ཅག་འཕགས་སྐྱེས་པོའི་དཔུང་གིས་བསྐོར་ཏེ་བདག་ཅག་ཟིན་པར་གྱུར་ན་མི་རུང་གི་།འབྲོས་པར་བྱའོ་ཞེས་དེ་ལྟར་རིག་ནས་དེ་དག་བྲོས་སོ། །ུཏྤ་ལའི་མདོག་གིས་དགེ་སློང་མ་དེ་དག་ལ་སྨྲས་པ། ནུ་མོ་དག་གཡོན་ཅན་འཇོམས་པར་འདོད་པ་ལྔ་བརྒྱ་ཙམ་འདིར་ལྷགས་ནས་ཁོ་མོས་དེ་དག་བསྡིགས་ནས་བྲོས་ཀྱི། ཁད་ཀྱིས་དལ་བུ་དལ་བུས་ལག་བརྡས་སྒོ་ཕྱེ་ཤིག་།དག་ནང་ཕར་སྔར་
Ja128b
ལངས་ཏེ་མཉན་ཡོད་དུ་ཞུགས་པ་དང ། བྲམ་ཟེ་དང་ཁྱིམ་བདག་གིས་མཐོང་ནས་དེ་དག་གིས་སྨྲས་པ། ཤཱཀྱའི་བུའི་དགེ་སྦྱོང་རྣམས་ཀྱི་ཆོས་འདྲེ་བ་དང ། ལྷག་པར་འདྲེ་ཤིང་ཚངས་པར་སྤྱད་པ་སྤྱོད་པར་བྱེད་པ་བཟང་ངོ ། །དགེ་སློང་དོན་ཉུང་ངུ་དག་ཅི་ཕྱིར་དགེ་སློང་དག་ཉི་མ་ནུབ་པའི་དུས་ཀྱི་བར་དུ་དགེ་སློང་མ་ལ་སྟོན་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བྱེད་ལ་རྨས་པ། དགའ་བྱེད་ཁྱོད་ཀྱིས་ཉི་མ་ནུབ་པའི་དུས་ཀྱི་བར་དུ་དགེ་སློང་མ་ལ་སྟོན་པ་བདེན་ནམ། བཙུན་པ་མེད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང ། མི་སྦྱོར་བ་དང་མ་བརྟགས་པར་སྤྱོད་པ་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་བརྩོན་པ་དང ། སྦྱོར་བ་དང ། བརྟགས་ཏེ་སྤྱོད་པའི་བསྔགས་པ་བརྗོད་ནས། དགེ་སློང་རྣམས་ལ་བཀའ་སྩལ་བ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་
Ja129a
༄#། །བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་དགེ་འདུན་གྱིས་བསྐོས་ཀྱང་ཉི་མ་ནུབ་པའི་དུས་ཀྱི་བར་དུ་དགེ་སློང་མ་ལ་སྟོན་ན་ལྟུང་བྱེད་དོ། །དགེ་སློང་ཞེས་བྱ་བ་ནི་ཆོས་འདི་པའོ། །དགེ་འདུན་གྱིས་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིས་སོ། །བསྐོས་ཀྱང་ཞེས་བྱ་བ་ནི་གསོལ་བ་དང་གཉིས་ཀྱི་ལས་ཀྱིས་སོ། །ཉི་མ་ནུབ་པའི་དུས་ཀྱི་བར་དུ་ཞེས་བྱ་བ་ནི་ཉི་མ་ནུབ་པའི་དུས་ལ་བབ་པར་རོ། །དགེ་སློང་མ་ཞེས་བྱ་བ་ནི་ཆོས་འདི་པ་ལའོ། །སྟོན་ན་ཞེས་བྱ་བ་ནི་ལྷག་པའི་ཚུལ་ཁྲིམས་དང་ལྷག་པའི་སེམས་དང་ལྷག་པའི་ཤེས་རབ་བོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཉི་མ་ནུབ་པ་ལ་ཉི་མ་ནུབ་པར་འདུ་ཤེས་པས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཉི་མ་ནུབ་པ་ལ་ཡིད་གཉིས་ཟ་བས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཉི་མ་ནུབ་པ་
Ja129b
ལ་ཉི་མ་ནུབ་པར་འདུ་ཤེས་པས་དགེ་སློང་མ་ལ་སྟོན་ན་ཉེས་བྱས་སུ་འགྱུར་རོ། །དགེ་སློང་གིས་ཉི་མ་མ་ནུབ་པ་ལ་ཡིད་གཉིས་ཟ་བས་དགེ་སློང་མ་ལ་སྟོན་ན་ཉེས་བྱས་སུ་འགྱུར་རོ། །མཚན་ཐོག་ཐག་ཆོས་ཉན་པར་གྱུར་པ་དང ། གཙུག་ལག་ཁང་གི་སྒོ་དྲུང་དུ་སྟོན་པ་དང ། སྒོ་མ་བཅད་པར་འདུག་པ་དང ། གྲོང་ཁྱེར་གྱི་ནང་ན་གཙུག་ལག་ཁང་ངམ་དབྱར་ཁང་འདུག་པ་དང ། ཁྱིམ་གཞན་དུ་སོང་སྟེ་སྟོན་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཨུཏྤ་ལའི་མདོག་གིས་དགེ་སློང་མ་ལྔ་བརྒྱ་གཡོན་ཅན་གྱི་འཇིགས་པ་ལས་ཡོངས་སུ་བསྐྱབས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་དུ་མ་ཟད་དེ། འདི་ལྟར་འདས་པའི་དུས་ན་ཡང་འདིས་དོན་མཐུན་མང་པོ་སེང་གེའི་འཇིགས་པ་ལས་ཡོངས་སུ་བསྐྱབས་པར་གྱུར་ཏེ། དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེས་ཆུང་མ་ལ་སྨྲས་པ་བཟང་མོ་ཁོ་བོ་ཟོང་ཐོགས་ཏེ་ཡུལ་གཞན་དུ་འགྲོའོ། །ཆུང་མས་སྨྲས་པ། རྗེའི་སྲས་བདག་ཀྱང་མཆིའོ། །ཁྱིམ་བདག་གིས་སྨྲས་པ། ལམ་དུ་ཁྱོད་ཀྱི་གཡོག་སུས་བྱེད་པར་
Ja130a
༄#། །འགྱུར། ཁྱོད་འདི་ཉིད་དུ་འདུག་ཅིག་།ཆུང་མས་བདག་མི་ཁྲིད་དོ་སྙམ་ནས་དུ་བར་བརྩམས་པ་དང ། ཞོ་ཤས་འཚོ་བ་དག་གིས་ཁྱིམ་བདག་ལ་དྲིས་པ། ཇོ་བོ་ས་ཅིའི་སླད་དུ་འདི་དུར་སྩལ། ཁྱིམ་བདག་གིས་སྨྲས་པ། མི་ཁྲིད་དོ་སྙམ་ནས་སོ། །དེ་དག་གིས་སྨྲས་པ། ཅིའི་སླད་དུ་མི་བཀྲི། ཁྱིམ་བདག་གིས་སྨྲས་པ། དེར་འདིའི་གཡོག་སུ་བྱེད་པར་འགྱུར། དེ་དག་གིས་སྨྲས་པ། དེར་བདག་ཅག་གིས་འདིའི་གཡོག་བགྱིའོ། །ཁྱིམ་བདག་གིས་དེ་ཁྲིད་དེ་སོང་ནས་དོན་མཐུན་དེ་དག་དགོན་པའི་ལམ་ཞིག་ཏུ་མཚན་མོ་བཏབ་པ་དང ། དོན་མཐུན་དེ་དག་ལམ་གྱིས་དུབ་པས་ཉལ་ནས་ཁྱིམ་བདག་གི་ཆུང་མ་དེ་མེལ་ཚེ་བྱེད་དོ། །ཇི་ཙམ་ན་དེར་སེང་གེ་འོངས་ནས་དེ་ས་མགལ་དུམ་ཐོགས་ཏེ་དེ་བསྡིགས་པ་དང་བྲོས་པར་འགྱུར་ནས། ལྷས་ཚིགས་སུ་བཅད་པ་སྨྲས་པ། གང་ཕྱིར་བྱ་བ་ཐམས་ཅད་ལ། །སྐྱེས་པ་འབའ་ཞིག་མཁས་པ་མིན། །དེ་དང་དེ་ལ་བུད་མེད་ཀྱང ། །ཟིན་ལ་མཁས་པ་ཉིད་དུ་འགྱུར། །དགེ་སློང་དག་དེའི་ཚེ་དེའི་དུས་ན་ཁྱིམ་བདག་གི་ཆུང་མ་གང་ཡིན་པ་དེ་ནི་ཨུཏྤ་ལའི་མདོག་འདི་ཉིད་ཡིན་ལ། དེའི་ཚེ་དེའི་དུས་ན་དོན་མཐུན་ལྔ་བརྒྱ་གང་ཡིན་པ་དེ་དག་ནི་དགེ་སློང་མ་ལྔ་བརྒྱ་པོ་འདི་དག་ཡིན་ཏེ། དེའི་ཚེ་ན་ཡང་འདིས་དོན་མཐུན་མང་པོས་སེང་གེའི་འཇིགས་པ་ལས་ཡོངས་སུ་བསྐྱབས་པར་གྱུར། ད་ལྟར་ཡང་འདིས་དགེ་སློང་མ་ལྔ་བརྒྱ་གཡོན་ཅན་གྱི་འཇིགས་པ་ལས་ཡོངས་སུ་
Ja130b
བསྐྱབས་པར་བྱས་སོ། །ཉི་མ་ནུབ་ཀྱི་བར་དུ་སྟོན་པའི་ལྟུང་བྱེད་དེ་ཉི་ཤུ་གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགའ་བྱེད་ཁྱོད་ཀྱིས་དགེ་སློང་མ་ལ་སོམས་ཤིག་།དགའ་བྱེད་ཁྱོད་ཀྱིས་དགེ་སློང་མ་ལ་རྗེས་སུ་སྟོན་ཅིག་།དགའ་བྱེད་ཁྱོད་ཀྱིས་དགེ་སློང་མ་རྣམས་ལ་ཆོས་དང་ལྡན་པའི་གཏམ་གྱིས་ཤིག་ཅེས་བཀའ་སྩལ་ནས་དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མི་འཁོར་དགེ་སློང་མ་ལྔ་བརྒྱ་དང་ཚེ་དང་ལྡན་པ་དགའ་བྱེད་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་དགའ་བྱེད་ཀྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།ཚེ་དང་ལྡན་པ་དགའ་བྱེད་ཀྱིས་དེ་ལ་དོན་དང་ཚིག་དང་ཡི་གེ་ཟབ་པ་ཟབ་པ་དག་གིས་ཆོས་བསྟན་ཏོ། །བུད་མེད་ཀྱི་ཡུལ་ནི་ཤེས་རབ་འཆལ་བའི་ཕྱིར་བརྡ་མི་ཕྲད་ཅིང་འཇིགས་པའི་ཕྱིར་འདྲི་མི་ནུས་སོ། །དེ་ནས་སྐྱེ་དགུའི་བདག་མོ་ཆེན་མོ་གོའུ་ཏ་མིས། ཚེ་དང་ལྡན་པ་དགའ་བྱེད་ཀྱིས་སྨྲས་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ། ཚེ་དང་ལྡན་པ་དགའ་བྱེད་ཀྱི་རྐང་པ་གཉིས་ལ་མགོ་བོས་ཕྱག་འཚལ་ནས་སྟན་ལས་ལངས་ཏེ་སོང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་ལ་སྐྱེ་དགུའི་
Ja131a
༄#། །བདག་མོ་ཆེན་མོ་གོའུ་ཏ་མིས་འདི་སྐད་ཅེས་གསོལ་ཏོ། །བཙུན་པ་འཕགས་པ་དགའ་བྱེད་ཀྱིས་དགེ་སློང་མ་རྣམས་ལ་དོན་དང་ཚིག་དང་ཡི་གེ་ཟབ་པ་ཟབ་པ་དག་གིས་ཆོས་བསྟན་ན་བུད་མེད་ཀྱི་ཡུལ་ནི་ཤེས་རབ་འཆལ་བའི་སླད་དུ་བརྡ་མི་འཇལ་ཅིང་འཇིགས་པའི་སླད་དུ་འདྲི་བའི་རྔོ་མི་ཐོག་སྟེ། བཅོམ་ལྡན་འདས་ཀྱིས་སྦྱིན་པ་ནི་མི་འཇིགས་པའི་རྒྱུ་ལགས་སོ་ཞེས་བཀའ་སྩལ་ན། གལ་ཏེ་བཅོམ་ལྡན་འདས་ཀྱིས་གནང་ན། དགེ་སློང་མ་རྣམས་ཀྱིས་དགེ་སློང་རྣམས་ལ་ཀུན་དགའ་བར་འགྱུར་བ་དག་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟར་ན་གནང་གི། དགེ་སློང་མ་རྣམས་ཀྱིས་དགེ་སློང་རྣམས་ལ་ཀུན་དགའ་བར་འགྱུར་བ་དག་བྱའོ། །བཅོམ་ལྡན་འདས་ཀྱིས་དགེ་སློང་མ་རྣམས་ཀྱིས་དགེ་སློང་རྣམས་ལ་ཀུན་དགའ་བར་འགྱུར་བ་དག་བྱའོ། ། ཞེས་བཀའ་སྩལ་ནས། དེ་དག་གིས་ཇི་ལྟར་བྱ་བ་དག་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། བཅའ་བ་ལྔ་པོ་རྩ་བ་དང ། སྡོང་བུ་དང ། འདབ་མ་དང ། མེ་ཏོག་དང ། འབྲས་བུ་དག་དང ། བཟའ་བ་ལྔ་པོ་འབྲས་ཆན་དང ། ཟན་དྲོན་དང ། འདེ་གུ་དང ། ཤ་དང ། སྣུམ་ཁུར་དག་དང ། ལྷུང་བཟེད་དང་ཆོས་གོས་དང ། དྲ་བ་དང་ཕོར་བུ་དང ། ཤུར་བུ་དང་ལྕག་ཕོད་དང ། ཤུར་བུ་ཕྲེའུ་དང ། རྒྱ་ཅང་དག་གིས་བྱའོ། །དགེ་སློང་མ་ཞིག་གིས་འོ་ཐུག་ཁྱེར་ཏེ་རྒྱལ་བྱེད་ཀྱི་ཚལ་དུ་སོང་བ་དང ། དྲུག་སྡེ་དག་གི་ཀུན་ཏུ་སྤྱོད་པ་ནི་འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་ལ་ཆོས་བསྟན་པར་བྱ། རྒོལ་བ་དག་ཀྱང་
Ja131b
ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་ནས། དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས་ཉེ་དགའ་ནང་པར་སྔར་ལངས་ཏེ་སོ་ཤིང་བོར་ནས་སྣམ་སྦྱར་དམར་སེར་གྱོན་ཏེ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་གོ་།ཉེ་དགའ་དགེ་སློང་མ་དེ་མཐོང་ནས་དེ་ལ་དྲིས་པ། ཁྱེར་ཏེ་འོངས་པ་འདི་ཅི། འོ་ཐུག་གོ་།སུ་ལ་བླུད། འཕགས་པ་དགའ་བྱེད་དོ། ། གལ་ཏེ་ཉེ་དགས་ཀྱང་འོ་ཐུག་རྙེད་པར་འགྱུར་ན་རྟག་པ་ཁོ་ནར་དགེ་སློང་མ་ལ་སྟོན་པར་འགྱུར་རོ། །དེ་བཞིན་དུ་དགེ་སློང་མ་ཁ་ཅིག་གིས་ནི་ཞོ་ཐུག་ཁྱེར་ཏེ་འོངས། ཁ་ཅིག་གིས་ནི་ཧཝགས་ཀྱི་ལ་དུ་ཁྱེར་ཏེ་འོངས་པ་དང ། ཉེ་དགས་སྨྲས་པ། ཁོ་བོ་ཀོ་ཚེ་དང་ལྡན་པ་དགའ་བྱེད་ཆོས་བཟང་པོའི་ཆོས་ཀྱིས་དགེ་སློང་མ་ལ་སྟོན་སྙམ་གྱི། ཁོ་བོ་ཚེ་དང་ལྡན་པ་དགའ་བྱེད་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་སྙམ་མི་སེམས་སོ། །དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་དགེ་སློང་མ་རྣམས་ལ་འདི་སྐད་ཅེས་དགེ་སློང་དག་ཟས་ཅུང་ཟད་ཙམ་གྱི་ཕྱིར་དགེ་སློང་མ་རྣམས་ལ་སྟོན་པར་བྱེད་ཅེས་ཟེར་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་
Ja132a
༄#། །བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ་ཁྱོད་དགེ་སློང་རྣམས་ལ་འདི་སྐད་ཅེས་དགེ་སློང་དག་ནི་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་ཟེར་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སློང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་རྣམས་ལ་འདི་སྐད་ཅེས་དགེ་སློང་དག་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་ཟེར་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་རྣམས་ལ་ཞེས་བྱ་བ་ནི་ཆོས་འདི་པ་རྣམས་ལའོ། །འདི་སྐད་ཅེས་ཞེས་བྱ་བ་ནི་འདི་སྐད་ཟེར་ནའོ། །དགེ་སློང་དག་ཅེས་བྱ་བ་ནི་ཆོས་འདི་བ་དག་གོ་།ཟས་ཅུང་ཟད་ཙམ་གྱི་ཕྱིར་ཞེས་བྱ་བ་ནི། བཅའ་བ་ལྔ་དང་བཟའ་བ་ལྔའི་ཕྱིར་རོ། །དགེ་སློང་མ་ལ་ཞེས་བྱ་བ་ནི་ཆོས་འདི་པ་ལའོ། །སྟོན་ཏོ་ཞེས་
Ja132b
ཟེར་ན་ཞེས་བྱ་བ་ནི་ལྷག་པའི་ཚུལ་ཁྲིམས་དང ། ལྷག་པའི་སེམས་དང ། ལྷག་པའི་ཤེས་རབ་བོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་ཙམ་དགེ་སློང་རྣམས་ལ་འདི་སྐད་ཅེས་དགེ་སློང་དག་ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་ཏོ་ཞེས་ཟེར་ན་ཐམས་ཅད་དུ་ལྟུང་བྱེད་དུ་འགྱུར་རོ། །ཟས་ཅུང་ཟད་ཙམ་གྱི་ཕྱིར་དགེ་སློང་མ་ལ་སྟོན་པ་བདེན་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཟས་ཅུང་ཟད་ཙམ་གྱི་ཕྱིར་སྟོན་པའི་ལྟུང་བྱེད་དེ་ཉི་ཤུ་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཚོང་དཔོན་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྒས་པའི་གནས་སྐབས་སུ་ཉེ་དུ་ཟད་པར་གྱུར་ཅིང་ནོར་ཟད་པ་དང་ལོངས་སྤྱོད་ཟད་པར་གྱུར་ནས། དེས་ཆུང་མ་ལ་སྨྲས་པ། བཟང་མོ་ཁོ་བོས་ད་ནོར་སྒྲུབ་པར་
Ja133a
༄#། །མི་ནུས་ཀྱི། ཁོ་བོ་རབ་ཏུ་འབྱུང་དུ་འགྲོའོ། །ཆུང་མས་སྨྲས་པ། རྗེའི་སྲས་བདག་ཀྱང་རབ་ཏུ་འབྱུང་ངོ ། །དེ་ལྟར་གྱིས་ཤིག་ཅེས་དེས་ཆུང་མ་སྐྱེ་དགུའི་བདག་མོ་ཆེན་མོ་གོའུ་ཏ་མིའི་གན་དུ་ཁྲིད་དེ་སྨྲས་པ། འཕགས་མ་བདག་གི་མཆིས་བྲང་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་ན་འཕགས་མས་འདི་རབ་ཏུ་དབྱུང་དུ་གསོལ། རྫོགས་པར་བསྙེན་པར་མཛད་དུ་གསོལ། སྐྱེ་དགུའི་བདག་མོ་ཆེན་མོ་གོའུ་ཏ་མིས་དེ་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་སོ། །དེས་ཚོང་དཔོན་ལ་སྨྲས་པ། རྗེའི་སྲས་བུད་མེད་ཀྱི་ཡུལ་ནི། སྲེད་པ་སྤྱད་པ་ལགས་ཀྱི། དུས་དང་དུས་སུ་སྤྱོན་ཅིག་།ཚོང་དཔོན་དེ་ཡང་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་རབ་ཏུ་བྱུང་ངོ ། །མཉན་ཡོད་པའི་ཚོང་དཔོན་རབ་ཏུ་བྱུང་ངོ་ཞེས་དེ་གྲགས་ཤིང་བསོད་ནམས་ཆེ་བས་དེས་དེའི་ཆོས་གོས་དང་བསོད་སྙོམས་དང་གནས་མལ་དང་ན་བའི་རྐྱེན་དང་སྨན་གྱི་ཡོ་བྱད་དག་གྲུབ་བོ། །དུས་གཞན་ཞིག་ན་སྣམ་སྦྱར་དམར་སེར་གྱོན་ཏེ། དགེ་སློང་མ་དེའི་དབྱར་ཁང་དུ་སོང་བ་དང ། དགེ་སློང་མ་དེས་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ། མདུན་དུ་འདུག་ནས་དེ་དེའི་སྣམ་སྦྱར་དེ་ལ་ཡང་ཡང་དུ་རྟོགས་ནས། དགེ་སློང་དེས་སྨྲས་པ། སྲིང་མོ་སྣམ་སྦྱར་འདི་འདོད་དམ། དེས་སྨྲས་པ། ལྷའི་གནས་ཀྱི་ལྷག་མ་བཞིན་དུའོ། །དེས་བསམས་པ། བདག་གིས་འདི་ལ་རྣམ་སྦྱར་འདི་སྦྱིན་པར་བྱ་ཞིང་བདག་གིས་སྣམ་སྦྱར་གཞན་བཙེམ་པར་བྱའོ།
Ja133b
སྙམ་ནས། དེས་དེ་ལ་སྣམ་སྦྱར་དེ་བྱིན་ཏེ་སོང་ངོ ། །དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ལྗོངས་རྒྱུར་འགྲོ་བ་སྤྲོ་བ་དེས། ཆོས་གོས་དག་ལོངས་ཤིག་ཅེས་གྱིས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་ཚེ་དང་ལྡན་པ་དག་།བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོངས་ཤིག་ཅེས་བསྒོའོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་
Ja134a
༄#། །ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་པའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་སྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། ནོར་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཀྱིས་ཤིན་ཏུ་དུལ་བ། སྤྱོད་ལམ་དང་སྤྱོད་
Ja134b
པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང་མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ་ཀུན་ཤེས་ཀོའུ་དི་ནྱ་དང ། རླངས་པ་དང ། མིང་ཆེན་དང ། མ་འགགས་པ་དང ། ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་དང ། འོད་སྲུང་དང ། ཀུན་དགའ་བོ་དང ། ནམ་གྲུ་ལ་སོགས་པ་ཉན་ཐོས་ཆེན་པོ་དག་དང ། གཞན་ཡང་དགེ་སློང་གི་དགེ་འདུན་མང་པོས་བསྐོར་ཏེ། ཀོ་ས་ལ་དག་ཏུ་ལྗོངས་རྒྱུར་གཤེགས་སོ། །ཆོས་ཉིད་ཀྱིས་ན་སངས་རྒྱས་བཅོམ་ལྡན་འདས་དག་ལྗོངས་རྒྱུར་གཤེགས་པ་ན་འགའ་ཞིག་ཆོས་གོས་སྟོད་གཡོགས་སྨད་གཡོགས་དང་བཅས་པ་ལྗོངས་རྒྱུ་བར་མི་འགྱུར་རམ་སྙམ་ནས། སྐུ་ཐམས་ཅད་ཀྱིས་གཡས་ཕྱོགས་ནས་གླང་པོ་ཆེའི་ལྟ་སྟངས་ཀྱིས་རྣམ་པར་གཟིགས་པ་ཡིན་པས་བཅོམ་ལྡན་འདས་ཀྱིས་དགེ་སློང་དེ་ཆོས་གོས་སྟོད་གཡོགས་སྨད་གཡོགས་
Ja135a
༄#། །དང་བཅས་པས་ལྗོངས་རྒྱུར་འགྲོ་བ་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་དབྱར་གནས་བདག་གིས་ཆོས་གོས་ཀྱི་རྙེད་པ་མ་གྲུབ་བམ། བཅོམ་ལྡན་འདས་གྲུབ་བོ། །ཀུན་དགའ་བོ་འོ་ན་ཅིའི་ཕྱིར་དགེ་སློང་འདི་ཆོས་གོས་སྟོད་གཡོགས་སྨད་གཡོགས་དང་བཅས་པས་ལྗོངས་རྒྱུར་འགྲོ། ཚེ་དང་ལྡན་པ་ཀུན་དགའ་བོས་སྐབས་དེ་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དགེ་སློང་དག་དགེ་སློང་མ་ཉེ་དུ་མ་ཡིན་པ་ལ་གོས་དག་སྦྱིན་ནམ། བཙུན་པ་སྩོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དགེ་སློང་མ་ཉེ་དུ་མ་ཡིན་པ་ནི་འདི་སྙམ་དུ་འདིའི་ཆོས་གོས་གསུམ་ཚང་ངམ། འོན་ཏེ་མ་ཚང་སྙམ་དུ་མི་སེམས་པར་འདི་ལྟར་ཐོབ་བོ་ཅོག་ལེན་པར་བྱེད་ཀྱི། ཉེ་དུ་ལ་ནི་བྱིན་ཡང་ལེན་པར་མི་བྱེད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། ། ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་
Ja135b
བཅོམ་ལྡན་འདས་ཀྱིས་དགེ་སློང་དེ་ལ་རྨས་པ། དགེ་སློང་ཁྱོད་དགེ་སློང་མ་ཉེ་དུ་མ་ཡིན་པ་ལ་གོས་སྦྱིན་པ་བདེན་ནམ། བཙུན་མ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་པ་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་བར་བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་གོས་སྦྱིན་ན་ལྟུང་བྱེད་དོ། ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །དགེ་སློང་མ་ཞེས་བྱ་བ་ཡང་ཆོས་འདི་པའོ། །ཉེ་དུ་མ་ཡིན་པ་ལ་ཞེས་བྱ་བ་ནི་ཕྱི་མོ་དང་མེས་པོ་དང་ཕྲུགས་པ་ལས་བརྟེན་པའི་བདུན་པ་ཚུན་ཆད་ནི་ཉེ་དུ་ཡིན་ལ་དེ་ཕན་ཆད་ནི་ཉེ་དུ་མ་ཡིན་ནོ། །གོས་ཞེས་བྱ་བ་ནི་བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་དག་ལས་གང་ཡང་རུང་བའོ། །སྦྱིན་ན་ཞེས་བྱ་བ་
Ja136a
༄#། །ནི་བསླང་བ་མི་དགོས་པར་རོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་པས་གོས་སྦྱིན་ན་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཡིད་གཉིས་ཟ་བས་གོས་བྱིན་ན་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཉེ་དུ་མ་ཡིན་པར་འདུ་ཤེས་པས་གོས་བྱིན་ན་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཉེ་དུ་མ་ཡིན་པར་ཡིད་གཉིས་ཟ་བས་གོས་བྱིན་ན་ཉེས་བྱས་སུ་འགྱུར་རོ། །བོར་བརླག་བྱུང་བ་ལ་སྦྱིན་པ་དང ། ལེགས་པར་སྨྲ་བ་ལ་སྦྱིན་པ་དང ། དགེ་སློང་མའི་དགེ་འདུན་ལ་གོས་ཀྱི་སྦྱིན་པ་དང ། རྫོགས་པར་བསྙེན་པར་བྱེད་པ་ལ་སྦྱིན་པ་དང ། རིན་གྱི་ཕྱིར་སྦྱིན་པ་དང ། བརྗེ་བའི་ཕྱིར་སྦྱིན་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གོས་སྦྱིན་པའི་ལྟུང་བྱེད་དེ་ཉི་ཤུ་བཞི་པ་རྫོགས་སོ།། །།འདུལ་བ་རྣམ་
Ja136b
པར་འབྱེད་པ། བམ་པོ་ཞེ་དགུ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་མ་སྦེད་མའི་ཆོས་གོས་ལྔ་ངན་ཅིང་སྣམ་སྦྱར་ཡང་རྙིངས་ནས། དེས་རས་ཡུག་ཆེན་ཞིག་རྙེད་པ་དང ། དེ་སུ་ཞིག་བདག་གི་ཆོས་གོས་འཚེམ་པར་འགྱུར་སྙམ་དུ་སེམས་ཁོང་དུ་ཆུད་ཅིང་འདུག་པ་ན། དགེ་སློང་མ་རྣམས་ཀྱིས་དེ་ལ་སྨྲས་པ། སྦེད་མ་ཁྱོད་ཅིའི་ཕྱིར་སེམས་ཁོང་དུ་ཆུད་ཅིང་འདུག་།ཕུ་ནུ་མོ་དག་ཁོ་མོ་ཆོས་གོས་ལྔ་ངན་ཅིང་སྣམ་སྦྱར་ཡང་རྙིངས་ནས། ཁོ་མོས་རས་ཡུག་ཆེན་པོ་ཞིག་རྙེད་ན། ཁོ་མོའི་ཆོས་གོས་སུ་འདྲུབ་པར་འགྱུར་མི་ཤེས་སོ། །སྦེད་མ་ཁྱོད་གསེར་གྱི་སྣོད་ཀྱི་སློང་མོ་ལ་རྒྱུའམ། ཁྱོད་ཀྱི་དགེ་སློང་འཕགས་པ་འཆར་ཀ་རབ་ཏུ་ཤེས་པ་ཡིན་ནོ། །སྦེད་མས་སྨྲས་པ། དེས་ཁོ་མོའི་ཆོས་གོས་དྲུབས་པར་མི་འགྱུར་རོ། །ཁྱོད་ཀྱིས་དེ་ལན་འགའ་བཅོལ་བ་ཡོད་དམ། ལན་འགའ་ཡང་བཅོལ་བ་མེད་དོ། །ཅི་ཁྱོད་ཆུ་སྒྲ་གྲགས་པས་ལྷམ་འབུད་དམ། སོང་ལ་ཆོལ་ཅིག་དང་འདྲུབ་པར་འགྱུར་རོ། །སྦེད་མ་འཆར་ཀའི་གན་དུ་སོང་སྟེ། དེའི་རྐང་པ་གཉིས་ལ་མགོ་བོས་ཕྱག་འཚལ་ནས་མདུན་དུ་འདུག་པ་དང ། ཚེ་དང་ལྡན་པ་འཆར་ཀས་དེའི་རས་ཡུག་ཆེན་མཐོང་ནས་དེས་སྨྲས་པ། སྦེད་མ་གང་ལ་རས་ཡུག་ཆེན་འདི་ལྟ་བུ་ཡོད་པ་དེས་ནི། སར་པ་ལས་སྣམ་སྦྱར་ཉིས་རིམ་བྱས་ཏེ་སྙིང་ལས་ཆུང་
Ja137a
༄#། །ངུས་\་ཌཱུཥ?\་དགེ་བའི་ཕྱོགས་ལ་ཏྲོན་བྱེད་པར་འགྱུར་རོ། །སྤེད་མས་སྨྲས་པ། འཕགས་པ་བདག་ཁྱོད་ལ་རས་ཡུག་ཆེན་མི་འབུལ་བ་ནི་མ་ལགས་ན། འདི་ལྟར་བདག་གིས་ཆོས་གོས་ལྔ་ངན་ཅིང་སྣམ་སྦྱར་ཡང་རྙིངས་པས་ཁྱོད་ཀྱིས་བདག་གི་སྣམ་སྦྱར་ཚེམས་ཏེ་སྩོལ་ཅིག་།འཆར་ཀས་བསམས་པ། གལ་ཏེ་རེ་ཞིག་བཙེམ་པར་བྱར་ཡང་བཅུ་གཉིས་སྡེ་དག་ལས་གང་དང་གང་དག་ལ་ཆོས་གོས་བཙེམ་པར་བྱ་བ་བྱུང་བར་གྱུར་པ་དེ་དག་ཐམས་ཅད་ཀྱང་བདག་གི་གན་དུ་ཁྱེར་ཏེ་འོང་བས་དེ་སྙེད་ཅིག་བཙེམ་པར་ཡང་ཇི་ལྟར་ནུས། གལ་ཏེ་མི་བཙེམ་དུ་ནི་ཚིག་པའི་གཡར་ཚུལ་ཀྱང་མི་སྟེར་བར་འགྱུར་བས། འདི་ལྟར་ཅི་ནས་ཀྱང་ཤིང་གི་སྣོད་དུ་བསྐོལ་བ་བཞིན་དུ་དང་པོ་གང་ཡིན་པ་དེ་ཉིད་ཐ་མར་འགྱུར་བ་དེ་ལྟར་བཙེམ་པར་བྱའོ་སྙམ་ནས། དེས་དེ་ལ་སྨྲས་པ། ཞོག་ལ་སོང་ཞིག་།སྦེད་མ་བཞག་སྟེ་སོང་བ་དང ། དྲུག་སྡེ་དག་དེར་དོང་ནས་དེ་དག་གིས་རས་ཡུག་ཆེན་དེ་མཐོང་ནས་སྨྲས་པ། བཙུན་པ་འཆར་ཀ་རས་ཡུག་ཆེན་འདི་སུའི་ལགས། བདག་གིར་བྱ་བ་དེའི་འོ། །གང་གི། སྦེད་མའི་འོ། །འོ་ན་འཁོད་དེ་ཅི་རུང་བཙེམ་པར་བྱའོ། །དེ་ལྟར་གྱིས་ཤིག་དེ་དག་གིས་རས་ཡུག་ཆེན་དེ་བརྒྱངས་ཏེ། དྲས་ཤིང་དྲུབས་ནས་འཆར་ཀས་སྣམ་སྦྱར་དེ་དང་ཚོན་སྣ་ལྔའི་སྐུད་པ་ཁྱེར་ཏེ་འཆག་ཏུ་སོང་ནས། དེས་དེར་སོང་སྟེ་སྣམ་
Ja137b
སྦྱར་དེ་ལ་ཚོན་སྣ་ལྔའི་སྐུད་པས་བདག་ཉིད་སྦེད་མའི་མགུལ་ནས་འཁྱུད་དེ་འདུག་པ་ཞིག་སྐུད་རིས་སུ་བཙེམས་ནས་དེ་གཙུག་ལག་ཁང་དུ་འོངས་ཏེ་སྣམ་སྦྱར་དེ་བལྟབ་ནས་ཆོས་གོས་ཀྱི་གདང་ལ་བཀལ་ཏེ་བཞག་པ་དང ། སྦེད་མ་ཡང་འོངས་ནས་འཆར་ཀས་སྨྲས་པ། སྦེད་མ་ཁོ་བོས་ཀྱང་སྣམ་སྦྱར་བཙེམས་ན་ཁྱོད་ཀྱང་འོངས་སོ། །དེས་སྣམ་སྦྱར་དེ་བཞིན་བལྟ་བ་བཞིན་དུ་སྦེད་མའི་ཕྲག་པ་ལ་བཀལ་ཏེ་སྨྲས་པ། རེ་ཞིག་ཇི་སྲིད་དུ་ཚོན་གྱིས་མ་བཅལ་བ་དེ་སྲིད་དུ་མ་དབྱེ་ཞིག། །ལྟུང་བ་བཅས་པར་གྱུར་ཏ་རེ། སྦེད་མས་སྣམ་སྦྱར་དེ་དེ་བཞིན་བལྟ་བ་བཞིན་ཁོ་ནར་དབྱར་ཁང་དུ་འཕགས་པ་དང ། དེ་ལ་དགེ་སློང་མ་ཁྲིམས་ཟླས་སྨྲས་པ། སྦེད་མ། འཕགས་པ་འཆར་ཀས་སྣམ་སྦྱར་ཇི་ལྟར་བཙེམས་པ་བལྟས་འོན་ཅིག་།སྦེད་མས་དེ་ལ་སྨྲས་པ། འཕགས་པ་འཆར་ཀ་ན་རེ། རེ་ཞིག་ཇི་སྲིད་དུ་ཚོན་གྱིས་མ་བཅལ་བ་དེ་སྲིད་དུ་མ་དབྱེ་ཞིག་།ལྟུང་བ་དང་བཅས་པར་གྱུར་ཏ་རེ་ཞེས་ཟེར་རོ་ཞེས་ལྟར་མ་སྟེར་རོ། །སྦེད་མ་དབྱར་ཁང་དུ་སོང་བ་དང ། དེ་ལ་དགེ་སློང་མ་རྣམས་ཀྱིས་སྨྲས་པ། སྦེད་མ་འཕགས་པ་འཆར་ཀས་སྣམ་སྦྱར་ཇི་ལྟར་བཙེམས་པ་བལྟས་འོན་ཅིག་།སྦེད་མས་སྨྲས་པ། འཕགས་པ་འཆར་ཀ་ན་རེ། རེ་ཞིག་ཇི་སྲིད་དུ་ཚོན་གྱིས་མ་བཅལ་བ་དེ་སྲིད་དུ་མ་དབྱེ་ཞིག་།ལྟུང་བ་དང་བཅས་པར་གྱུར་ཏེ་ཞེས་ཟེར་
Ja138a
༄#། །རོ། །དགེ་སློང་མ་གྲོགས་མོ་དག་འདི་ལ་ལྟུང་བར་འགྱུར་བ་ཅི་ཡོད་ཅེས་དེའི་རྒྱབ་ལོགས་སུ་འདུག་སྟེ་སྣམ་སྦྱར་ཧུ་ར་ཅེས་ཕྲོགས་ནས་ཕྱེ་སྟེ་བལྟས་པ་དང ། དགེ་སློང་མ་རྣམས་ཀྱིས་དེ་ལ་ཚོན་སྣ་ལྔའི་སྐུད་པས་འཆར་ཀ་སྦེད་མའི་མགུལ་ནས་འཁྱུད་དེ་འདུག་པ་སྐུད་རིས་སུ་བཙེམས་པ་མཐོང་ནས། རྟ་གད་ཀྱིས་བཏབ་སྟེ་སྨྲས་པ། སྦེད་མ་ཁྱོད་ལ་འཕགས་པ་འཆར་ཀས་ཡུན་རིང་པོ་ཞིག་གིས་གཟོད་འཁྱུད་དོ། །སྐྱེ་དགུའི་བདག་མོ་ཆེན་མོ་གོའུ་ཏ་མིས་ཐོས་ནས་དེས་སྨྲས་པ། ནུ་མོ་དག་ཁྱེད་མགོ་བྱི་ཞིང་མཆན་ཁུང་སྤུན་པ་ཡིན་ན་ཅི་དགོད། དེ་དག་གིས་སྨྲས་པ། འཕགས་མ་ཇི་ལྟར་འཕགས་པ་འཆར་ཀས་མི་མཛེས་པ་བགྱིས་པ་ལ་གཟིགས། ནུ་མོ་དག་དྲུག་སྡེ་གནས་ངན་ལེན་ཀུན་ཏུ་སྤྱོད་པ་དག་གིས་འདྲུམས་པ་ལྟུང་བས་བཅོམ་ལྡན་འདས་ཀྱི་བསྟན་པ་འཇིག་པར་བྱེད་དོ་ཞེས་ཟེར་བའི་སྐབས་དེ་དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་
Ja138b
རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་དགེ་སློང་མ་ཉེ་དུ་མ་ཡིན་པའི་གོས་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པའི་གོས་བྱེད་ན་ལྟུང་བྱེད་དུ་འགྱུར་རོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི་ཆོས་འདི་པའོ། །ཉེ་དུ་མ་ཡིན་པའི་ཞེས་བྱ་བ་ནི་ཕྱི་མོ་དང་མེས་པོ་དང་ཕྲུགས་ཀྱི་བདུན་པ་ཚུན་ཆད་ནི་ཉེ་དུ་ཡིན་ལ་དེ་ཕན་ཆད་ནི་ཉེ་དུ་མ་ཡིན་ནོ། །གོས་ཞེས་བྱ་
Ja139a
༄#། །བ་ནི་བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཀོ་ཏམ་པའི་གོས་དང ། ཉི་འོག་གི་གོས་དག་ལས་གང་ཡང་རུང་བའོ། །བྱེད་ན་ཞེས་བྱ་བ་ནི་འཚེམ་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང་ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཉེ་དུ་མ་ཡིན་པར་འདུ་ཤེས་པའི་གོས་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་མ་ཡིན་པ་ལ་ཡིད་གཉིས་ཟ་བས་གོས་བྱེད་ན་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཉེ་དུ་མ་ཡིན་པར་འདུ་ཤེས་པས་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལ་ཡིད་གཉིས་ཟ་བས་གོས་བྱེད་ན་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། གོས་བྱེད་པའི་ལྟུང་བྱེད་དེ་ཉི་ཤུ་ལྔ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་
Ja139b
མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ལྷུང་བཟེད་ནག་པོ་ཅན་འདི་དག་ནི་རྐང་བ་སྤྲེའུ་ཞག་གིས་བསྐུས་ཏེ་འགྲོ་ན་ཡང་འགྲོ་བར་ཆས་པའི་རྙེད་པ་སྒྲུབ་པར་བྱེད། འོང་ན་ཡང་གློ་བུར་དུ་འོངས་པའི་རྙེད་པ་སྒྲུབ་པར་བྱེད་ཅིང ། སྐྱེ་བོ་མང་པོ་དགའ་བ་དང་ཡིད་དུ་འོང་བར་ཡང་འགྱུར་རོ། །ཡུ་བུ་ཅག་ནི་ཁྲོན་པའི་རུས་སྦལ་དང་འདྲ་བར་གར་ཡང་མི་འདོང ། གང་ནས་ཀྱང་མི་འོང་བས་རྙེད་པ་འཐོབ་པ་དང ། སྐྱེ་བོ་མང་པོ་དགའ་བ་དང ། ཡིད་དུ་འོང་བར་ག་ལ་འགྱུར་གྱི། ཡུ་བུ་ཅག་ཀྱང་འདོང་ངོ ། །གང་དུ་འདོང ། ལྗོངས་རྒྱུར་འདོང་ངོ ། །ཇེ་སྲིང་མོ་དག་བལྟའོ་ཞེས་དེ་དག་སྔ་དྲོ་ཤམས་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །དེ་དག་དགེ་སློང་མའི་དབྱར་ཁང་དུ་དོང་སྟེ་བཅུ་གཉིས་སྡེ་དག་གི་གན་དུ་སོང་ནས་སྨྲས་པ། སྲིང་མོ་དག་ཁྱེད་ཅག་བལྟས་ཀྱི། ཁོ་བོ་ཅག་ལྗོངས་རྒྱུར་འདོང་ངོ ། །དེ་དག་ངུས་པ་དང ། དྲུག་སྡེ་དག་གིས་སྨྲས་པ། སྲིང་མོ་དག་ངུར་ཅི་ཡོད། གལ་ཏེ་ཁྱེད་ཅག་ལྗོངས་རྒྱུར་བཞུད་ན་བདག་ཅག་ལ་རྒྱལ་བྱེད་ཀྱི་ཚལ་སྟོངས་པར་འགྱུར་རོ། །དྲུག་སྡེ་དག་གིས་སྨྲས་པ། སྲིང་མོ་དག་བཅོམ་ལྡན་འདས་འཁོར་སྟོང་ཉིས་བརྒྱ་ལྔ་བཅུ་དང་བཞུགས་ན། ཁྱེད་ཅག་བདག་ཅག་ལ་རྒྱལ་བྱེད་ཀྱི་ཚལ་སྟོངས་པར་འགྱུར་རོ་ཞེས་ཟེར་རམ། དེ་དག་གིས་སྨྲས་པ། ལྷུང་བཟེད་ནག་པོ་ཅན་དག་བདག་ཅག་མཐོང་བར་ཡང་མི་དགའ་
Ja140a
༄#། །ན་མཆི་བ་དང ། སྟན་གདིང་བ་དང ། ཆོས་སྟོན་པར་ལྟ་ག་ལ་འགྱུར། ཉེ་དགས་སྨྲས་པ། སྲིང་མོ་དག་འོ་ན་ལྷན་ཅིག་འདོང་ངོ ། །སྦོམ་དགའ་མོས་སྨྲས་པ། དགེ་སློང་མ་དག་དགེ་སློང་དག་དང་ལྷན་ཅིག་མཆིར་རུང་ངམ། ཉེ་དགས་སྨྲས་པ། ལེགས་པར་རུང་ངོ ། །ཤིན་ཏུ་རུང་ངོ ། །གང་དུ་བཀག་།སུས་བཀག་།ལམ་རྒྱགས་མང་པོ་དག་སྟ་གོན་གྱིས་ཤིག་།དེ་དག་གིས་ལམ་རྒྱགས་མང་པོ་དག་སྟ་གོན་བྱས་སོ། །དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་དག་མཉན་ཡོད་དུ་བསོད་སྙོམས་བརྒྱུས་ནས་དགེ་སློང་མའི་དབྱར་ཁང་དུ་དོང་པ་དང ། དེ་དག་ལ་བཅུ་གཉིས་སྡེ་དག་གིས་སྨྲས་པ། ཇོ་བོ་ཅག་ཇེ་ཞལ་ཚུས་གསོལ་ཅིག་།དེ་དག་གིས་གཡར་ཚུས་བྱས་བྱས་པ་ན། དེ་དག་གི་ལམ་རྒྱགས་སྦྱར་བ་ཐམས་ཅད་ཟོས་ནས་དེ་དག་གིས་སྨྲས་པ། སྲིང་མོ་དག་ཁྱེད་ཀྱིས་ལམ་རྒྱགས་ཇི་སྙེད་སྟ་གོན་བྱས་པ་བལྟས་འོན་ཅིག་།དེ་དག་གིས་སྨྲས་པ།་ཁྱེད་ཀྱིས་གསོལ་བ་དེ་དག་ལགས་སོ། །དྲུག་སྡེ་དག་གིས་སྨྲས་པ། ལམ་རྒྱགས་དེ་ཙམ་གྱིས་ལྗོངས་རྒྱུར་ཇི་ལྟར་ནུས། འདི་ལྟར་ལམ་ཀར་ལྷག་པར་བཀྲེས་པར་འགྱུར་གྱི། ལམ་རྒྱགས་མང་དུ་སྟ་གོན་གྱིས་ཤིག་།དེ་དག་གིས་ལམ་རྒྱགས་མང་པོ་དག་སྟ་གོན་བྱས་ཏེ་དྲུག་སྡེ་དག་དང་ལྷན་ཅིག་ལྗོངས་རྒྱུར་འཕགས་སོ། །བསོད་སྙོམས་པ་ཞིག་ཀྱང་དེ་དག་དང་
Ja140b
ལྷན་ཅིག་ལྗོངས་རྒྱུར་འཕགས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། བསོད་སྙོམས་པ། འདི་དག་ནི་གནས་ངན་ལེན་ཀུན་ཏུ་སྤྱོད་པ་ཡིན་གྱི། ཁྱོད་འདི་དག་དང་ལྷན་ཅིག་ལྗོངས་རྒྱུར་མ་འགྲོ་ཞིག་ཁྱོད་ལ་མཐོ་འཚམ་པར་འགྱུར་རོ། །བསོད་སྙོམས་པས་སྨྲས་པ། ཁོ་བོ་ལོ་ཐལ་བ་ཡིན་པས་འདི་དག་ལ་ལུང་མནོད་པ་དང ། བཀླག་པ་དང ། ཁ་ཏོན་དང ། ཡོངས་སུ་དྲི་བ་དང།་རྣལ་འབྱོར་དང ། ཡིད་ལ་བྱ་བ་འགའ་ཡང་རག་པའི་ལས་པས་འདི་དག་གིས་ཁོ་བོ་ལ་མཐོ་འཚམ་དུ་ཅི་ཡོད་ཅེས་དེས་དེ་དག་གི་ཚིག་ཚིག་མ་ཡིན་པར་བྱས་ཏེ་དྲུག་སྡེ་དག་དང་ལྷན་ཅིག་ལྗོངས་རྒྱུར་འཕགས་སོ། །དེ་དག་གིས་གང་གི་ཚེ་མཚམས་ཀྱི་ཕྱི་རོལ་ཏུ་སོན་པ་དེའི་ཚེ་ན་སྨྲས་པ། དགའ་བོ་ཉེ་དགའ་བདག་ཅག་གིས་ཡུན་ཇི་སྲིད་དུ་གཞན་གྱི་སྤྱོད་ལམ་གྱིས་འཁོད་པར་བྱ། ཚུར་ཤེག་།བདག་ཅག་རང་རང་གི་སྤྱོད་ལམ་གྱིས་འཁོད་པར་བྱའོ་ཞེས་དང་བོར་དགའ་བོ་འདུག་ནས། དེའི་འོག་ཏུ་སྦོམ་དགའ་མོ་འདུག་།དེའི་འོག་ཏུ་དགའ་བོའི་ལྷན་ཅིག་གནས་པ་འདུག། དེའི་འོག་ཏུ་སྦོམ་དགའ་མོའི་ལྷན་ཅིག་གནས་པ་འདུག་།དེའི་འོག་ཏུ་དགའ་བོའི་དགེ་ཚུལ་འདུག་།དེའི་འོག་ཏུ་སྦོམ་དགའ་མོའི་དགེ་ཚུལ་མ་འདུག་གོ་།དེ་བཞིན་དུ་ཉེ་དགའ་དང་གཙུག་དགའ་མོ་ལ་སོགས་པའི་ཡང་སྤེལ་མར་བཀོད་དེ་དོང་ངོ ། །དོན་མཐུན་དེ་དང་བྲམ་ཟེ་ཞིག་འགྲོ་བ་དེས་དེ་དག་མཐོང་ནས་སྨྲས་པ། འདི་ནི་དགེ་སྦྱོང་ཡིན། དེའི་ཆུང་མ་ནི་འདི་ཡིན།
Ja141a
༄#། །དེའི་བུ་ནི་འདི་ཡིན། དེའི་མནའ་མ་ནི་འདི་ཡིན། དེའི་ཚ་བོ་ནི་འདི་ཡིན། དེའི་ཚ་བོའི་ཆུང་མ་ནི་འདི་ཡིན་པར་ཤེས་སོ། །ཉེ་དགས་ཐོས་ནས་སྨྲས་པ། བཀྲེན་པ་ཁྱོད་ཀྱི་གཉའ་བ་རྡོག་པས་མནན་ནས། འདི་ནི་ཁོ་བོའི་ཆུང་མ་ཡིན། འདི་ནི་ཁོ་བོའི་བུ་ཡིན། འདི་ནི་ཁོ་བོའི་མནའ་མ་ཡིན། འདི་ནི་ཁོ་བོའི་ཚ་བོ་ཡིན་ནོ། །འདི་ནི་ཁོ་བོའི་ཚ་བོའི་ཆུང་མ་ཡིན་ནོ། །བསོད་སྙོམས་པ་དེས་བསམས་པ། བདག་ཤི་བ་ནི་བླའི། གནས་ངན་ལེན་ཀུན་ཏུ་སྤྱོད་པ་འདི་དག་དང་ལྷན་ཅིག་ལྗོངས་རྒྱུར་འགྲོ་བ་ནི་མི་རུང་ངོ་སྙམ་ནས་དེ་ཕྱིར་ལོག་སྟེ། རྒྱལ་བྱེད་ཀྱི་ཚལ་དུ་སོང་བ་དང།་དགེ་སློང་རྣམས་ཀྱིས་དེ་མཐོང་ནས་སྨྲས་པ། བསོད་སྙོམས་པ་ཇི་ལྟ་བདེ་བར་བརྒྱུས་སམ། ཚེ་དང་ལྡན་པ་དག་ཇི་ལྟ་བདེ་བར་བརྒྱུས། དྲུག་སྡེ་གནས་ངན་ལེན་ཀུན་ཏུ་སྤྱོད་པ་དག་གིས་འདྲུམས་པ་ལྟུང་བས་བཅོམ་ལྡན་འདས་ཀྱི་བསྟན་པ་འཇིག་པར་བྱེད་དོ། །ཅི་བྱས། དེས་སྐབས་དེ་དགེ་སློང་རྣམས་ལ་རྒྱས་པར་བརྗོད་པ་དང ། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་མའི་དོན་མཐུན་དང་ལྷན་ཅིག་འཐམས་ནས་མགྲོན་ལམ་དུ་འཇུག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་
Ja141b
སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་དགེ་སློང་མའི་དོན་མཐུན་པ་དང་ལྷན་ཅིག་འཐམས་ནས་མགྲོན་ལམ་དུ་འཇུག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མའི་དོན་མཐུན་དང་ལྷན་ཅིག་འཐམས་ནས་མགྲོན་ལམ་དུ་འཇུག་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་རབ་ན་བཞུགས་སོ། །དགེ་སློང་མ་རབ་ཏུ་མང་པོ་དག་རྒྱལ་པོའི་ཁབ་ཏུ་དགེ་སློང་མའི་དབྱར་ཁང་རྒྱལ་
Ja142a
༄#། །པོའི་ཀུན་དགའ་ར་བ་ན་དབྱར་གནས་པར་ཁས་བླངས་ནས་དེ་དག་དབྱར་གྱི་ཟླ་བ་གསུམ་པོ་དག་འདས་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཉན་ཡོད་དུ་འཕགས་ནས་དེ་དག་གིས་མཉན་ཡོད་དུ་འགྲོ་བའི་དོན་མཐུན་བཙལ་བར་བརྩམས་པ་དང ། ཇི་ཙམ་ན་དེ་དག་གིས་དགེ་སློང་དང་བཅས་པའི་དོན་མཐུན་མཐོང་ནས་སྨྲས་པ། ཕུ་ནུ་མོ་དག་དོན་མཐུན་འདི་ནི་དགེ་སློང་དང་བཅས་པ་ཡིན་གྱི། དགེ་སློང་མེད་པའི་དོན་མཐུན་གཞན་བཙལ་བར་བྱའོ་ཞེས་དེ་དག་གིས་དགེ་སློང་མེད་པའི་དོན་མཐུན་གཞན་བཙལ་བར་བརྩམས་པ་དང ། ཇི་ཙམ་ན་དགེ་སློང་མེད་པའི་དོན་མཐུན་མ་རྙེད་ནས་དེ་དག་གིས་སྨྲས་པ། ཕུ་ནུ་མོ་དག་བདག་ཅག་གིས་ཤིན་ཏུ་ཡུན་རིང་པོར་བསྡད་ན་ཡང་དགེ་སློང་མེད་པའི་དོན་མཐུན་མ་རྙེད་ཀྱི། དོན་མཐུན་འདི་ཉིད་དང་མགོ་སྣང་ཙམ་གྱིས་འདོང་བར་བྱའོ་ཞེས་དེ་དག་དོན་མཐུན་དེ་དང་ལྷན་ཅིག་མགོ་སྣང་ཙམ་གྱིས་འཕགས་སོ། །དོན་མཐུན་དེ་ཤིན་ཏུ་རིང་པར་སོང་ནས་དེ་དག་ཕྱི་བཞིན་འབྲང་ཞིང་འགྲོ་བ་ན་ཆོམ་རྐུན་པ་དག་གིས་བཅོམ་ལྡན་ནས་དེ་དག་མཐར་གྱིས་མཉན་ཡོད་དུ་ཕྱིན་ཏེ་དགེ་སློང་མའི་དབྱར་ཁང་དུ་དོང་བ་དང ། དགེ་སློང་མ་རྣམས་ཀྱིས་མཐོང་ནས་སྨྲས་པ། ཕུ་ནུ་མོ་དག་ཇི་ལྟར་བདེ་བར་བརྒྱུས་སམ། ཇི་ལྟར་བདེ་བར་བརྒྱུས། བདག་ཅག་ཆོམ་རྐུན་པ་དག་གིས་བཅོམ་མོ། །ཕུ་ནུ་མོ་དག་ཇི་ལྟར་བདག་ཅག་བཅོམ་ལྡན་འདས་ཀྱིས་ཡོངས་སུ་བཏང་བ་དེ་ལྟར་ནི་ཡ་མཚན་ཅན་དགུ་བཅུ་རྩ་དྲུག་པོ་དག་
Ja142b
གིས་ཀྱང་བུད་མེད་ཀྱི་ཡུལ་འགའ་ཡང་ཡོངས་སུ་མ་བཏང་ངོ་ཞེས་ཟེར་བའི་སྐབས་དེ་དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་ནས། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང།་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དུས་མ་གཏོགས་སོ། །དགེ་སློང་དག་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན། དེ་དག་བསོད་སྙོམས་ཀྱིས་ཕོངས་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལམ་རྒྱགས་བསྐུར་བར་བྱའོ། །བཅོམ་ལྡན་འདས་ཀྱིས་ལམ་རྒྱགས་བསྐུར་བར་བྱའོ་ཞེས་བཀའ་སྩལ་ནས། དེ་དག་གིས་སུས་བསྐུར་བར་བྱ་བར་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རྩེ་རྒོད་ཀྱིས་བསྐུར་བར་བྱའོ། །རྩེ་རྒོད་མེད་ན། རྩེ་རྒོད་མོས་བསྐུར་བར་བྱའོ། །རྩེ་རྒོད་མོ་མེད་ན་དགེ་ཚུལ་གྱིས་བསྐུར་བར་བྱའོ། །དགེ་ཚུལ་མེད་ན་དགེ་ཚུལ་མས་བསྐུར་བར་བྱའོ། །དགེ་ཚུལ་མ་མེད་ན། དགེ་སློང་རྣམས་ཀྱིས་དགེ་སློང་མའི་ལམ་རྒྱགས་བསྐུར་བར་བྱ་ཞིང ། དགེ་སློང་མ་རྣམས་ཀྱིས་དགེ་སློང་རྣམས་ཀྱི་ལམ་རྒྱགས་བསྐུར་བར་བྱ་སྟེ་དགེ་སློང་རྣམས་ཀྱིས་དགེ་སློང་མ་རྣམས་ཀྱི་བྱིན་ལེན་བསྟབ་པར་བྱ་ཞིང་དགེ་སློང་མ་རྣམས་ཀྱིས་དགེ་སློང་རྣམས་ཀྱི་བྱིན་ལེན་བསྟབ་པར་བྱའོ། །དགེ་སློང་དག་ལྗོངས་རྒྱུ་ཞིང་འདོང་བ་ན་ན་བར་གྱུར་ནས། དགེ་སློང་མ་དག་གིས་དེ་དག་བོར་ཏེ་དོང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་རྣམས་
Ja143a
༄#། །ཀྱིས་ཀྱང་དགེ་སློང་དག་བསྐུར་བར་བྱའོ། །དགེ་སློང་མ་དག་རྐང་པ་ལོགས་ནས་འཛིན་ཅིང ། དགེ་སློང་དག་མགོ་ལོགས་ནས་འཛིན་པ་ན་དགེ་སློང་མ་དག་འདོད་ཆགས་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་རྐང་པ་ལོགས་ནས་གཟུང་བར་བྱ་ཞིང ། དགེ་སློང་མ་དག་གིས་མགོ་ལོགས་ནས་གཟུང་བར་བྱའོ། །དེ་དག་གྲོང་དུ་ཕྱིན་ནས་ཐམས་ཅད་སྡོད་པ་ན། དེ་དག་བསོད་སྙོམས་ཀྱིས་ཕོངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་ཀྱིས་བསྡད་པར་མི་བྱ་བར་དེ་ན་བའི་སྨན་དང ། ཟན་ལེགས་པར་སྦྱར་ཏེ། དགེ་སློང་གཅིག་བཞག་ནས་ལྷག་མ་རྣམས་འདོང་བར་བྱའོ། །དགེ་སློང་མ་རྣམས་ལ་ཡང་དེ་བཞིན་དུ་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མའི་དོན་མཐུན་དང་ལྷན་ཅིག་འཐམས་ནས་མགྲོན་ལམ་དུ་འཇུག་ན་དུས་མ་གཏོགས་ཏེ། ལྟུང་བྱེད་དོ། །དེ་ལ་དུས་ནི་འདི་ཡིན་ཏེ། ལམ་
Ja143b
དོན་མཐུན་གྱིས་བགྲོད་པར་བྱ་བ་དོགས་པ་དང་བཅས་པར་གྲགས་པ། འཇིགས་པ་དང་བཅས་པར་གྲགས་པ། འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་ཞིག་ན། དེ་ལ་དེ་ནི་དུས་ཡིན་ནོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་མའི་དོན་མཐུན་དག་ལྷན་ཅིག་ཅེས་བྱ་བ་ནི་ཆོས་འདི་པའོ། །འཐམས་ནས། ཞེས་བྱ་བ་ནི་བརྡ་བྱས་ནས་སོ། །མགྲོན་ལམ་དུ་ཞེས་བྱ་བ་ནི། དགོན་པའི་ལམ་དུའོ། །འཇུག་ན་ཞེས་བྱ་བ་ནི་འགྲོ་ནའོ། །དུས་མ་གཏོགས་ཏེ་ཞེས་བྱ་བ་དུས་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྡེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་དུས་ནི་འདི་ཡིན་ཏེ་ལམ་དོན་མཐུན་གྱིས་བགྲོད་པར་བྱ་ཞེས་བྱ་བ་ནི་དོན་མཐུན་མེད་པར་བགྲོད་མི་ནུས་པའོ། །དོགས་པ་དང་བཅས་པར་གྲགས་པར་ཞེས་བྱ་བ་ནི་ཆོམ་རྐུན་པ་དང་གཡོན་ཅན་གྱི་འཇིགས་པར་གྲགས་པའོ། །འཇིགས་པ་དང་བཅས་པར་གྲགས་པ་ཞེས་བྱ་བ་ནི། སེང་གེ་དང་སྟག་དང་གུང་གིས་འཇིགས་པར་གྲགས་པའོ། །འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་ཞིག་ན་ཞེས་བྱ་བ་ནི། ཤ་སྦྲང་
Ja144a
༄#། །དང་སྦྲང་བུ་མཆུ་རིངས་དང ། རླུང་དང་ཉི་མ་དང ། སྡིག་སྦྲུལ་གྱི་འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་ཞིག་ནའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་སློང་མའི་དོན་མཐུན་དང་ལྷན་ཅིག་འཐམས་ནས་མགྲོན་ལམ་དུ་འཇུག་ན་རྒྱང་གྲགས་ཕྱེད་ཕྱེད་དུ་ཉེས་བྱས་སུ་འགྱུར་ལ། རྒྱང་གྲགས་རེ་རེར་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མའི་དོན་མཐུན་དང་ལྷན་ཅིག་འཐམས་ནས་གྲོང་ནས་དགོན་པའི་མགྲོན་ལམ་དུ་འཇུག་ན་གྲོང་རྒྱང་གྲགས་ཀྱིས་བར་དུ་ཆོད་པ་བདུན་པོ་དག་གིས་རྒྱང་གྲགས་ཕྱེད་ཕྱེད་དུ་ཉེས་བྱས་སུ་འགྱུར་ལ། རྒྱང་གྲགས་རེ་རེར་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མའི་དོན་མཐུན་དང་ལྷན་ཅིག་འཐམས་ནས་དགོན་པ་ནས་གྲོང་གི་མགྲོན་ལམ་དུ་འཇུག་ན་གྲོང་རྒྱང་གྲགས་ཀྱིས་བར་དུ་ཆོད་པ་བདུན་པོ་དག་གི་རྒྱང་གྲགས་ཕྱེད་ཕྱེད་དུ་ཉེས་བྱས་སུ་འགྱུར་ལ། རྒྱང་གྲགས་རེ་རེར་ལྟུང་བྱེད་དུ་འགྱུར་རོ། །ལས་དང་པོ་བ་དང།་སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་མ་དང་ལྷན་ཅིག་མགྲོན་ལམ་དུ་འཇུག་པའི་ལྟུང་བྱེད་དེ་ཉི་ཤུ་དྲུག་པ་རྫོགས་སོ།། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ལྷུང་བཟེད་
Ja144b
ནག་པོ་ཅན་འདི་དག་ནི་རྐང་པ་སྤྲེའུ་ཞག་གིས་བསྐུས་ཏེ་འགྲོ་ན་ཡང་འགྲོ་བར་ཆས་པའི་རྙེད་པ་སྒྲུབ་པར་བྱེད། འོང་ན་ཡང་གློ་བུར་དུ་འོངས་པའི་རྙེད་པ་གྲུབ་པར་བྱེད་ཅིང་སྐྱེ་བོ་དག་དགའ་བ་དང་ཡིད་དུ་འོང་བར་ཡང་འགྱུར་རོ། །ཡུ་བུ་ཅག་ནི་ཁྲོན་པའི་རུས་སྦལ་དང་འདྲ་བར་གར་ཡང་མི་འདོང ། གང་ནས་ཀྱང་མི་འོང་བས། རྙེད་པ་འཐོབ་པ་དང ། སྐྱེ་བོ་མང་པོ་དག་དགའ་བ་དང ། ཡིད་དུ་འོང་བར་ག་ལ་འགྱུར་གྱི། ཡུ་བུ་ཅག་ཀྱང་འདོང་ངོ ། །གང་དུ་འདོང ། ལྗོངས་རྒྱུར་འདོང་ངོ ། །ཇེ་སྲིང་མོ་དག་བལྟའོ་ཞེས་དེ་དག་སྔ་དྲོ་ཤམ་ཐམས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེ་དག་དགེ་སློང་མའི་དབྱར་ཁང་དུ་དོང་སྟེ་བཅུ་གཉིས་སྡེ་དག་གི་གན་དུ་དོང་ནས་སྨྲས་པ། སྲིང་མོ་དག་ཁྱེད་ཅག་བལྟས་ཀྱི། ཁོ་བོ་ཅག་ལྗོངས་རྒྱུར་འདོང་ངོ ། །དེ་དག་དུས་པ་དང ། དྲུག་སྡེ་དག་གིས་སྨྲས་པ། སྲིང་མོ་དག་ངུར་ཅི་ཡོད། གལ་ཏེ་ཁྱེད་ཅག་ལྗོངས་རྒྱུར་བཞུད་ན། བདག་ཅག་ལ་རྒྱལ་བྱེད་ཀྱི་ཚལ་སྟོངས་པར་འགྱུར་རོ། ། དྲུག་སྡེ་དག་གིས་སྨྲས་པ། སྲིང་མོ་དག་བཅོམ་ལྡན་འདས་འཁོར་སྟོང་ཉིས་བརྒྱ་ལྔ་བཅུ་དང་བཞུགས་ན། ཁྱེད་ཅག་བདག་ཅག་ལ་རྒྱལ་བྱེད་ཀྱི་ཚལ་སྟོངས་པར་འགྱུར་རོ་ཞེས་ཟེར་རམ། དེ་དག་གིས་སྨྲས་པ། ལྷུང་བཟེད་ནག་པོ་ཅན་དག་བདག་ཅག་མཐོང་བར་ཡང་མི་དགའ་ན། མཆི་བ་དང་སྟན་གདིང་བ་དང ། ཆོས་སྟོན་པར་ལྟ་ག་ལ་འགྱུར། ཉེ་དགས་སྨྲས་པ། སྲིང་མོ་དག་འོ་ན་
Ja145a
༄#། །ལྷན་ཅིག་འདོང་ངོ ། །དེ་དག་གིས་སྨྲས་པ། བཅོམ་ལྡན་འདས་ཀྱིས་དགེ་སློང་དགེ་སློང་མའི་དོན་མཐུན་དང་ལྷན་ཅིག་འཐམས་ནས་མགྲོན་ལམ་དུ་འཇུག་ན་དུས་མ་གཏོགས་ཏེ་ལྟུང་བྱེད་དོ་ཞེས་བསླབ་པའི་གཞི་བཅའ་བ་མཛད་དམ། ཉེ་དགས་སྨྲས་པ། དེ་ནི་སྐམ་སའི་ལམ་དུ་བཅའ་བ་མཛད་པས་བདག་ཅག་གྲུའི་ལམ་དུ་འདོང་ངོ ། །སྦོམ་དགའ་མོས་སྨྲས་པ། དགེ་སློང་མ་དག་དགེ་སློང་དག་དང་ལྷན་ཅིག་གྲུའི་ལམ་དུ་མཆིར་རུང་ངམ། ཉེ་དགས་སྨྲས་པ། ལེགས་པར་རུང་ངོ ། །ཤིན་ཏུ་རུང་ངོ ། །གང་དུ་བཀག་།སུས་བཀག་།ལམ་རྒྱགས་མང་པོ་དག་སྟ་གོན་གྱིས་ཤིག་།དེ་དག་གིས་ལམ་རྒྱགས་མང་པོ་དག་སྟ་གོན་བྱས་སོ། །དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་དག་མཉན་ཡོད་དུ་བསོད་སྙོམས་བརྒྱུས་ནས་དགེ་སློང་མའི་དབྱར་ཁང་དུ་འདོང་བ་དང ། དེ་དག་ལ་བཅུ་གཉིས་སྡེ་དག་གིས་སྨྲས་པ། ཁོ་བོ་ཅག་ཇེ་ཞལ་ཚུས་གསོལ་ཅིག ། དེ་དག་གིས་གཡར་ཚུས་བྱས་པ་ན་དེ་དག་གི་ལམ་རྒྱགས་སྦྱར་བ་ཐམས་ཅད་ཟོས་ནས། དེ་དག་གིས་སྨྲས་པ། སྲིང་མོ་དག་ཁྱོད་ཀྱིས་ལམ་རྒྱགས་ཇི་རྙེད་ཅིག་སྟ་གོན་བྱས་པ་བལྟས་འོན་ཅིག། དེ་དག་གིས་སྨྲས་པ། ཁྱེད་ཀྱིས་གསོལ་པ་དེ་དག་ལགས་སོ། །དྲུག་སྡེ་དག་གིས་སྨྲས་པ། ལམ་རྒྱགས་དེ་ཙམ་གྱིས་ལྗོངས་རྒྱུར་ཇི་ལྟར་ནུས། འདི་ལྟར་ལམ་ཀར་ལྷག་པར་བཀྲེས་པར་
Ja145b
འགྱུར་གྱི། ལམ་རྒྱགས་མང་དུ་སྟ་གོན་གྱིས་ཤིག་།དེ་དག་གིས་ལམ་རྒྱགས་མང་པོ་དག་སྟ་གོན་བྱས་ཏེ། དྲུག་སྡེ་དག་དང་ལྷན་ཅིག་ལྗོངས་རྒྱུར་འཕགས་སོ། །བསོད་སྙོམས་པ་ཞིག་ཀྱང་དེ་དག་དང་ལྗོངས་རྒྱུར་འཕགས་པ་དང ། དགེ་སློང་རྣམས་ཀྱིས་དེ་ལ་སྨྲས་པ། བསོད་སྙོམས་པ། འདི་དག་ནི་གནས་ངན་ལེན་ཀུན་ཏུ་སྤྱོད་པ་ཡིན་གྱི། འདི་དག་དང་ལྷན་ཅིག་ལྗོངས་རྒྱུར་མ་འགྲོ་ཞིག་།ཁྱོད་ལ་མཐོ་འཚམ་པར་འགྱུར་རོ། །བསོད་སྙོམས་པས་སྨྲས་པ། ཁོ་བོ་ལོ་འདས་པ་ཡིན་པས་འདི་དག་ལ་ལུང་མནོད་པ་དང ། བཀླག་པ་དང ། ཁ་ཏོན་དང་ཡོངས་སུ་དྲི་བ་དང ། རྣལ་འབྱོར་དང ། ཡིད་ལ་བྱ་བ་འགའ་ཡང་རག་མ་ལུས་པས་འདི་དག་གིས་ཁོ་བོ་ལ་མཐོ་འཚམ་དུ་ཅི་ཡོད་ཅེས་དེ་དག་གི་ཚིག་ཚིག་མ་ཡིན་པར་བྱས་ཏེ་དྲུག་སྡེ་དག་དང་ལྷན་ཅིག་གྲུར་འཇུག་ཏུ་འཕགས་སོ། །དེ་དག་གིས་གང་གི་ཚེ་མཚམས་ཀྱི་ཕྱི་རོལ་ཏུ་སོན་པ་དེའི་ཚེ་ན་སྨྲས་པ། དགའ་བོ་ཉེ་དགའ་བདག་ཅག་གིས་ཡུན་ཇི་སྲིད་དུ་གཞན་གྱི་སྤྱོད་ལམ་གྱིས་འཁོད་པར་བྱ། ཚུར་ཤེག་།བདག་ཅག་རང་རང་གི་སྤྱོད་ལམ་གྱིས་འཁོད་པར་བྱའོ་ཞེས་དང་པོར་དགའ་བོ་འདུག་ནས་དེའི་འོག་ཏུ་དགའ་མོ་འདུག་།དེའི་འོག་ཏུ་དགའ་བོའི་ལྷན་ཅིག་གནས་པ་འདུག་།དེའི་འོག་ཏུ་དགའ་མོའི་ལྷན་ཅིག་གནས་པ་འདུག། །དེའི་འོག་ཏུ་དགའ་བོའི་དགེ་ཚུལ་འདུག་།དེའི་འོག་ཏུ་དགའ་མོའི་དགེ་ཚུལ་མ་འདུག་།དེ་བཞིན་དུ་ཉེ་དགའ་དང་གཙུག་དགའ་མོ་ལ་སོགས་པའི་ཡང་སྤེལ་མར་བཀོད་དེ་འདོང་ངོ ། །དོན་
Ja146a
༄#། །མཐུན་དེ་དང ། བྲམ་ཟེ་ཞིག་ལྷན་ཅིག་འགྲོ་བ་དེས་དེ་དག་མཐོང་ནས་དེས་སྨྲས་པ། འདི་ནི་དགེ་སྦྱོང་ཡིན། དེའི་ཆུང་མ་ནི་འདི་ཡིན། དེའི་བུ་ནི་འདི་ཡིན། དེའི་མནའ་མ་ནི་འདི་ཡིན། དེའི་ཚ་བོ་ནི་འདི་ཡིན། དེའི་ཚ་བོའི་ཆུང་མ་ནི་འདི་ཡིན་པར་ཤེས་སོ། །ཉེ་དགས་ཐོས་ནས་སྨྲས་པ། བཀྲེན་པ་ཁྱོད་ཀྱི་གཉའ་བ་རྡོག་པས་མནན་ནས་འདི་ནི་ཁོ་བོའི་ཆུང་མ་ཡིན། འདི་ནི་ཁོ་བོའི་བུ་ཡིན། འདི་ནི་ཁོ་བོའི་མནའ་མ་ཡིན། འདི་ནི་ཁོ་བོའི་ཚ་བོ་ཡིན། འདི་ནི་ཁོ་བོའི་ཚ་བོའི་ཆུང་མ་ཡིན་ནོ། །བསོད་སྙོམས་པ་དེས་བསམས་པ། བདག་ཤི་བ་ནི་བླའི། གནས་ངན་ལེན་ཀུན་ཏུ་སྤྱོད་པ་འདི་དག་དང་ལྷན་ཅིག་གྲུར་ཞུགས་ཏེ་འགྲོ་བ་ནི་མི་རུང་དོ་སྙམ་ནས་དེ་ཕྱིར་ལོག་སྟེ་རྒྱལ་བྱེད་ཀྱི་ཚལ་དུ་སོང་བ་དང ། དགེ་སློང་རྣམས་ཀྱིས་དེ་མཐོང་ནས་སྨྲས་པ། བསོད་སྙོམས་པ་ཇི་ལྟ་བདེ་བར་བརྒྱུས་སམ། ཚེ་དང་ལྡན་པ་ཇི་ལྟར་བདེ་བར་བརྒྱུས། དྲུག་སྡེ་གནས་ངན་ལེན་ཀུན་ཏུ་སྤྱོད་པ་དག་གིས་འདྲུམས་པ་ལྟུང་བས་བཅོམ་ལྡན་འདས་ཀྱི་བསྟན་པ་འཇིག་པར་བྱེད་དོ། །ཅི་བྱས། དེས་སྐབས་དེ་དགེ་སློང་རྣམས་ལ་རྒྱས་པར་བརྗོད་པ་དང ། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་དགེ་སློང་མའི་དོན་མཐུན་དང་ལྷན་ཅིག་འཐམས་ནས་གྲུ་གཅིག་ཏུ་འཇུག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་
Ja146b
འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ཏེ་སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་དགེ་སློང་མའི་དོན་མཐུན་དང་ལྷན་ཅིག་འཐམས་ནས་གྲུ་གཅིག་ཏུ་འཇུག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མའི་དོན་མཐུན་དང་ལྷན་ཅིག་འཐམས་ནས་གྲུ་གཅིག་ཏུ་འཇུག་ཅིང་གྱེན་དུ་འགྲོའམ་ཐུར་དུ་འགྲོ་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་ཀྱི་ཀུན་དགའ་ར་བ་ན་བཞུགས་སོ། །དེའི་
Ja147a
༄#། །ཚེ་ན་ཁྱིམ་བདག་ཅིག་གིས་ཆུ་ཀླུང་གནས་ཅན་གྱི་ཕ་རོལ་ཏུ་ཐིབ་ཅན་གྱི་ཀུན་དགའ་ར་བར་དགེ་འདུན་གྱི་ཕྱིར་གཙུག་ལག་ཁང་བྱེད་དུ་བཅུག་ནས་དེས་གཙུག་ལག་ཁང་དེ་དབུལ་བའི་ཕྱིར་གཉི་གའི་དགེ་འདུན་སྤྱན་དྲངས་སོ། །དགེ་སློང་མ་ཞིག་དགེ་བའི་ཕྱོགས་ལ་བརྩོན་པར་གྱུར་པ་དེས་བསམས་པ། དེང་བདག་གིས་བསོད་སྙོམས་ལ་བརྒྱུ་མི་དགོས་པས་ཇི་སྲིད་དུ་གདུགས་ཚོད་ལ་ཉེ་བར་མ་གྱུར་བ་དེ་སྲིད་ཀྱི་བར་དུ་དགེ་བའི་ཕྱོགས་ལ་ཏྲོན་བྱ་ཞིང་དེའི་འོག་ཏུ་དུས་ཤེས་པར་བྱས་ཏེ་འགྲོའོ་སྙམ་ནས་དེས་ཇི་སྲིད་དུ་གདུགས་ཚོད་ལ་ཉེ་བར་མ་གྱུར་པ་དེ་སྲིད་ཀྱི་བར་དུ་དགེ་བའི་ཕྱོགས་ལ་ཏྲོན་བྱས་ནས། དེའི་འོག་ཏུ་དུས་ཤེས་པར་བྱས་ཏེ་ཆུ་ཀླུང་གི་འགྲམ་དུ་སོང་བ་དང ། ཇི་ཙམ་ན་དགེ་སློང་དག་གྲུར་ཞུགས་ནས་གྲུ་པས་སྨྲས་པ། འཕགས་མ་གྲུར་ཞུགས་ཤིག་།བཞིན་བཟང་ཇེ་སོང་ཞིག་དང་གྲུ་གཞན་བཀང་བ་ན་འགྲོའོ། །གྲུ་པ་དེས་ཡང་དང་ཡང་དུ་འོངས་ཏེ་སྨྲས་པ། འཕགས་མ་གྲུར་ཞུགས་ཤིག་།དེས་ཀྱང་སྨྲས་པ། བཞིན་བཟང་ཇེ་སོང་ཞིག་དང ། གྲུ་གཞན་བཀང་པ་ན་འགྲོའོ། །གྲུ་པ་དེ་སོང་ནས་ཆུ་ཀླུང་གི་ཕ་རོལ་ཏུ་གྲུ་ཕུར་པ་ལ་བརྟོད་དེ་སྐྱེ་བོ་ཕལ་པོ་ཆེའི་ཚོགས་ཀྱི་ནང་དུ་ཞུགས་ཤིང་འདུག་གོ་།དགེ་སློང་མ་དེས་ཡང་དང་ཡང་དུ་བོས་པ་དང་གྲུ་པ་དེས་ཚིག་ཀྱང་མ་སྟེར་ནས་དེ་དེ་ན་སྡོད་སྡོད་ནས་ཇི་ཙམ་ན་གདུགས་ཚོད་ཡོལ་ནས་དེའི་འོག་ཏུ་དབྱར་ཁང་དུ་ཕྱིར་ལོག་སྟེ་ཇེ་སྲིད་དུ་ལུས་ལས་མ་མདངས་མ་
Ja147b
ཡལ་བ་དེ་སྲིད་ཀྱི་བར་དུ་དགེ་བའི་ཕྱོགས་ལ་ཏྲོན་བྱས་ནས། གང་གི་ཚེ་ལུས་ལས་མདངས་ཡལ་བ་དེའི་ཚེ་ན་གློས་ཕབ་སྟེ་ཉལ་བ་དང ། དགེ་སློང་མ་རྣམས་ལྷགས་ཏེ་དེ་ལ་སྨྲས་པ། འཕགས་མ། གལ་ཏེ་ཟས་གཞན་གྱི་ཡིན་ཞེས་ཏེ་ལྟོ་ཡང་གཞན་གྱི་ཡིན་སྙམ་མམ། ཅི་བྱས། ཇི་ཙམ་གྱིས་གློས་ཕབ་སྟེ་ཉལ་བར་གྱུར་པ་དེ་ཙམ་གྱིས་ཟས་ཟོས་སོ། །སུས་ཟོས། ཁྱོད་ཀྱིས་སོ། །ཁོ་མོས་མ་ཟོས་སོ། །འོ་ན་ཅིའི་ཕྱིར་གློས་ཕབ་སྟེ་ཉལ། དེས་སྐབས་དེ་རྒྱས་པར་དགེ་སློང་མ་རྣམས་ལ་བརྗོད་ནས། དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་ཐད་ཀར་ཕ་རོལ་ཏུ་འགྲོ་བ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང་བསླབ་པ་ལ་གུས་པ་དང་བསབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང་དེའི་ཤས་ཆེ་བ་དང་དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མའི་དོན་མཐུན་དང་ལྷན་ཅིག་འཐམས་ནས་གྲུ་གཅིག་ཏུ་འཇུག་ཅིང་གྱེན་དུ་འགྲོའམ་ཐུར་དུ་འགྲོ་ན་ཐད་ཀར་ཕ་རོལ་ཏུ་འགྲོ་བ་མ་གཏོགས་ཏེ་ལྟུང་བྱེད་
Ja148a
༄#། །དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ་གཞན་ཡང་དེ་ལྟ་བུ་གང་ཡིན་པའོ། །དགེ་སློང་མའི་དོན་མཐུན་དང་ལྷན་ཅིག་ཅེས་བྱ་བ་ནི་ཆོས་འདི་པའིའོ། ། འཐམས་ནས་ཞེས་བྱ་བ་ནི་བརྡ་བྱས་ནས་སོ། །གྲུ་གཅིག་ཏུ་ཞེས་བྱ་བ་ནི་ཤོ་གམ་གཅིག་པ་དང ། ལ་གཅན་གཅིག་པ་དང ། གྲུ་བཙས་གཅིག་པར་རོ། །འཇུག་ཅིང་ཞེས་བྱ་བ་ནི། ཞོན་ཞིང་ངོ ། །གྱེན་དུ་འགྲོའམ་ཞེས་བྱ་བ་ནི་རྒྱུན་ལས་བཟློག་ཕྱོགས་སུ་འགྲོ་བའོ། །ཐུར་དུ་འགྲོ་ན་ཞེས་བྱ་བ་ནི་རྒྱུན་ཕྱོགས་སུ་འགྲོ་བའོ། །ཐད་ཀར་ཕ་རོལ་ཏུ་འགྲོ་བ་མ་གཏོགས་ཏེ་ཞེས་བྱ་བ་ནི་ཐད་ཀར་ཕ་རོལ་ཏུ་འགྲོ་བ་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ། ། ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་སློང་མའི་དོན་མཐུན་དང་ལྷན་ཅིག་འཐམས་ནས་གྲུ་གཅིག་ཏུ་འཇུག་ཅིང་གྱེན་དུ་འགྲོའམ་ཐུར་དུ་འགྲོ་ན་རྒྱང་གྲགས་ཕྱེད་ཕྱེད་དུ་ཉེས་བྱས་སུ་འགྱུར་ལ། རྒྱང་གྲགས་རེ་རེར་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མའི་དོན་མཐུན་དང་ལྷན་ཅིག་འཐམས་ནས་གྲོང་ནས་དགོན་
Ja148b
པར་གྲུ་གཅིག་ཏུ་འཇུག་ཅིང་གྱེན་དུ་འགྲོའམ་ཐུར་དུ་འགྲོ་ན་གྲོང་རྒྱང་གྲགས་ཀྱིས་བར་དུ་ཆོད་པ་བདུན་པོ་དག་གི་རྒྱང་གྲགས་ཕྱེད་ཕྱེད་དུ་ཉེས་བྱས་སུ་འགྱུར་ལ། རྒྱང་གྲགས་རེ་རེར་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་མའི་དོན་མཐུན་དང་ལྷན་ཅིག་འཐམས་ནས་དགོན་པ་ནས་གྲོང་དུ་གྲུ་གཅིག་ཏུ་འཇུག་ཅིང་གྱེན་དུ་འགྲོའམ་ཐུར་དུ་འགྲོ་ན་གྲོང་རྒྱང་གྲགས་ཀྱིས་བར་དུ་ཆོད་པ་བདུན་པོ་དག་གི་རྒྱང་གྲགས་ཕྱེད་ཕྱེད་དུ་ཉེས་བྱས་སུ་འགྱུར་ལ་རྒྱང་གྲགས་རེ་རེར་ལྟུང་བྱེད་དུ་འགྱུར་རོ། །ཡོ་བ་ལས་བཟུར་བ་དང ། གཏིབ་ཆད་པ་ལས་བཟུར་བ་དང ། དཔའ་ཀློང་ལས་བཟུར་བ་དང ། རུ་སྐྱ་ཆག་པ་དང ། གདོས་པ་ཆག་པ་དང ། རུ་སྐྱ་འཛིན་པ་མི་ཉན་པ་ལ་ལྟུང་བ་མེད་དོ། །འགྲམ་གཉིས་ན་བར་ཆད་བརྒྱད་པོ་དག་ལས་གང་ཡང་རུང་བ་ཉེ་བར་གནས་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་མ་དང་ལྷན་ཅིག་གྲུར་འཇུག་པའི་ལྟུང་བྱེད་དེ་ཉི་ཤུ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་དགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་མཐར་གྱིས་མཉན་ཡོད་ན་བསོད་སྙོམས་ལ་རྒྱུ་བ་ན། ཁྱིམ་བདག་གི་ཆུང་མ་སྦེད་མའི་ཁྱིམ་ག་ལ་བ་དེར་སོང་ངོ ། །ཁྱིམ་བདག་གི་ཆུང་མ་
Ja149a
༄#། །སྦེད་མས་ཚེ་དང་ལྡན་པ་འཆར་ཀ་རྒྱང་རིང་པོ་ཁོ་ན་ནས་མཐོང་སྟེ་མཐོང་ནས་ཀྱང་ཚེ་དང་ལྡན་པ་འཆར་ཀའི་ཕྱིར་སྟན་ཤོམ་པར་བྱེད་ཅིང་འདི་སྐད་ཅེས་སྨྲས་སོ། །བཙུན་པ་འཆར་ཀ་ཚུར་སྤྱོན། བཙུན་པ་འཆར་ཀ་བྱོན་པ་ལེགས་སོ། །བཙུན་པ་འཆར་ཀ་གདན་བཤམས་པ་ཉིད་ལ་བཞུགས་ཤིག་།ཚེ་དང་ལྡན་པ་འཆར་ཀ་ཁ་ནང་དུ་བལྟས་ཏེ་འདུག་གོ ། ཁྱིམ་བདག་གི་ཆུང་མ་སྦེད་མ་ཡང་ཚེ་དང་ལྡན་པ་འཆར་ཀའི་རྐང་པ་གཉིས་ལ་ཕྱག་འཚལ་ཏེ་ཁ་ཕྱིར་བལྟས་ཏེ་འདུག་གོ་།འཆར་ཀས་དེ་ལ་ཇི་ཙམ་པ་དེ་ཙམ་གྱིས་ཆོས་བསྟན་ནས། སྔོན་དགོད་པ་དང ། རྩེས་པ་དང ། དགའ་བ་བྱས་པ་དང ། དགའ་མགུར་སྤྱད་པ་དག་དྲན་པར་བྱ་བར་བརྩམས་པ་དང ། སྦེད་མ་ཁྱོད་ཀྱིས་བདག་ཅག་གཉིས་སྐྱེད་མོས་ཚལ་དང་འདུན་ས་དང་ལྷའི་གནས་ག་གེ་མོ་ཞིག་ཏུ་བཅའ་བ་འདི་དང་འདི་ལྟ་བུ་འཆོས་པ་དང ། བཟའ་བ་འདི་དང་འདི་ལྟ་བུ་ཟོས་པ་དང ། བཏུང་བ་འདི་དང་འདི་ལྟ་བུ་འཐུངས་པ་དང ། གནས་མལ་འདི་དང་འདི་ལྟ་བུ་བཤམས་པ་དང ། འབྲུ་མར་གྱི་མར་མེ་འདི་དང་འདི་ལྟ་བུ་གཙུགས་ཤིང་དེར་བདག་ཅག་གཉིས་ཀྱིས་འདི་དང་འདི་ལྟ་བུ་བྱས་པ་དྲན་ནམ། སྦེད་མས་སྨྲས་པ་དྲན་ནོ། །བསོད་སྙོམས་པ་ཞིག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་མཐར་གྱིས་མཉན་ཡོད་དུ་བསོད་སྙོམས་ལ་རྒྱུ་བ་ན་ཁྱིམ་བདག་གི་
Ja149b
ཆུང་མ་སྦེད་མའི་ཁྱིམ་ག་ལ་དེར་སོང་བ་དང ། ཁྱིམ་བདག་གི་ཆུང་མ་སྦེད་མས་དེ་མཐོང་ནས་དེས་བསམས་པ། གལ་ཏེ་ལངས་ཏེ་བསོད་སྙོམས་ཕུལ་བར་གྱུར་ན་བཙུན་པ་འཆར་ཀའི་གཏམ་སྤངས་པར་འགྱུར་རོ་སྙམ་ནས་དེས་ལག་པས་སོང་ཞིག་ཅེས་བརྡ་བྱས་སོ། །འཆར་ཀས་སྦེད་མ་ལག་བརྡ་བྱེད་པ་མཐོང་ནས་དེས་སྨྲས་པ། སྦེད་མ་ཁྱོད་ཁོ་བོ་འདུག་བཞིན་དུ་སྐྱེས་པ་གཞན་དང་ལྷན་ཅིག་ལག་བརྡ་བྱེད་དམ། སྦེད་མས་སྨྲས་པ། འཕགས་པ་བདག་སྐྱེས་པ་གཞན་དང་ལག་བརྡ་མི་བགྱིད་དེ་འདི་ལྟར་བསོད་སྙོམས་པ་ཞིག་མཆིས་ནས། བདག་གིས་བསམས་པ། གལ་ཏེ་ལངས་ཏེ་བསོད་སྙོམས་ཕུལ་བར་གྱུར་ན་འཕགས་པའི་བཀའ་མཆིད་སྤངས་པར་འགྱུར་རོ་སྙམ་ནས། བདག་གིས་དེ་ལ་མཆིས་ཤིག་ཅེས་ལག་བརྡ་བགྱིས་སོ། །འཆར་ཀས་སྨྲས་པ། སྦེད་མ་ཁྱོད་ཀྱི་སྙིང་ལམ་དུ་ཁོ་བོས་ཁྱོད་ལ་འཕགས་པའི་བདེན་པ་བཞིའི་གཏམ་བྱས་སྙམ་མམ་ཅི། འདི་ལྟར་ཁོ་བོས་ལག་པས་བཅལ་བ་བརྒྱ་དག་གིས་ལོངས་སྤྱོད་དག་བསྒྲུབས་ན་ཁྱོད་ཀྱིས་སྦྱིན་པ་དག་སྦྱིན་ཞིང་བསོད་ནམས་དག་བྱེད་ཀྱང་མི་ནུས་སམ། སྦེད་མས་བསོད་སྙོམས་པ་དེ་བོས་ཏེ་བཅའ་བ་དང་བཟའ་བ་གཙང་ཞིང་བསོད་པ་དག་གིས་ལྷུང་བཟེད་བཀང་སྟེ་བྱིན་ནས། དེས་དེ་ཁྱེར་ཏེ་སོང་ངོ ། །ཚེ་དང་ལྡན་པ་འཆར་ཀས་ཟས་ཀྱི་བྱ་བ་བྱས་ཏེ་གཙུག་ལག་ཁང་དུ་སོང་བ་དང ། བསོད་སྙོམས་པ་དེས་བསམ་པ། བཙུན་པ་འཆར་ཀ་ལ་གཏམ་བྱ་ཞིང་
Ja150a
༄#། །ཐོས་ནས་མཆོག་ཏུ་དགའ་བ་བསྐྱེད་པར་བྱའོ་སྙམ་ནས་དེས་དེ་ལ་སྨྲས་པ། བཙུན་པ་འཆར་ཀ་མཆོག་ཏུ་དགའ་བ་བསྐྱེད་ཅིག་།དེང་དོན་གྱིས་ན་བདག་གིས་ཁྱོད་ཀྱི་བསོད་སྙོམས་ཟོས་སོ། །བསོད་སྙོམས་པ་ཤེས་ཏེ། དེས་དང་པོར་ཁྱོད་བོས་སྙམ་མམ་ཅི། དེས་ཁྱོད་སོང་ཞིག་ཅེས་ལག་བརྡ་བྱས་ནས། ཁོ་བོས་དེའི་འོག་ཏུ་དེ་ཕྱིར་འབོད་དུ་བཅུག་གོ་།ཅི་བྱིན། བཅའ་བ་དང་བཟའ་བ་གཙང་ཞིང་བསོད་པས་ལྷུང་བཟེད་བཀང་སྟེ་བྱིན་ཏེ་བཙུན་པ་འཆར་ཀ་དེ་ནི་ཁྱོད་ཀྱི་ཡིན་ནོ། །དེའི་ཚེ་ན་བཙུན་པ་འཆར་ཀ་དེ་ཉིད་ན་འདུག་པར་གྱུར་ཏམ། འདུག་གོ། ཁྱོད་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་སྟན་ལ་འདུག་ཏུ་རུང་ངམ། རུང་ཡང་སྲིད། མི་རུང་ཡང་སྲིད་དེ་ཁོ་བོ་དེ་ལྟར་འདུག་གོ། བསོད་སྙོམས་པ་ཁྱོད་ཀྱིས་དེང་དེ་ལྟར་ཁོ་བོའི་བསོད་སྙོམས་ཟོས་ཤིང་གལ་ཏེ་མི་བཟོད་ན་ཁོ་བོ་ལས་བརྟེན་ཏེ་བསླབ་པའི་གཞི་འཆར་ཆུག་ཅིག་།ཅི་དེ་ཁོ་བོས་ཡལ་པར་བོར་དུ་རེའམ་ཞེས་ཟེར་བའི་སྐབས་དེ་དགེ་སློང་རྣམས་ལ་བརྗོད་པ་དང ། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་སྟན་ལ་འདུག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ།།
Ja150b
དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་སྟན་ལ་འདུག་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་སྟན་ལ་འདུག་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་
Ja151a
༄#། །པའོ། །བུད་མེད་ཀྱི་ཡུལ་དང་ཞེས་བྱ་བ་ནི་བུད་མེད་དམ་གཞོན་ནུ་མ་མི་ཚངས་པར་སྤྱོད་པ་སྤྲོད་པ་ལས་བྱུང་བའི་ཆོས་སྟེན་ནུས་པ་དང་ངོ ། །ལྷན་ཅིག་ཅེས་བྱ་བ་ནི་དེ་དང་ལྷན་ཅིག་གོ་།གཅིག་པུ་གཅིག་དང་ཞེས་བྱ་བ་ནི་དེ་དང་ངོ ། །དབེན་པ་ཞེས་བྱ་བ་ནི་གང་ན་བུད་མེད་དང་སྐྱེས་པ་དང་མ་ནིང་གཞན་འགའ་ཡང་མེད་ནའོ། །སྐྱབས་ཡོད་པ་ན་ཞེས་བྱ་བ་ནི་ལྔས་བསྐྱབས་པ་ན་སྟེ། རྩིག་པས་བསྐྱབས་པ་དང ། རིབ་མས་བསྐྱབས་པ་དང ། ཡོལ་བས་བསྐྱབས་པ་དང ། ཐིབས་པོས་བསྐྱབས་པ་དང ། མཚན་མོས་བསྐྱབས་པའོ། །སྟན་ལ་ཞེས་བྱ་བ་ནི་གཞི་ལའོ། །འདུག་ན་ཞེས་བྱ་བ་ནི་འདོམ་གང་གི་ནང་དུ་རྐུབ་ཚོས་འཇོག་པར་བྱེད་པའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང་དབེན་པ་བསྐྱབས་ཡོད་པ་ན་སྟན་ལ་འདུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །སྒོ་ཁང་ན་འདུག་པ་དང །
Ja151b
སྨན་འཐག་ཏུ་འཇུད་པ་དང ། སྒོ་མ་བཅད་པར་འདུག་པ་དང ། གཞན་དག་འཇུག་ཅིང་གཞན་དག་འབྱུང་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གཅིག་པུ་འདུག་པའི་ལྟུང་བྱེད་དེ་ཉི་ཤུ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་སྦེད་མ་རབ་ཏུ་བྱུང་ནས་དེ་དགེ་སྐོས་བྱེད་པ་ན་དགེ་སློང་མ་རྣམས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་བསོད་སྙོམས་ལ་དོང་བ་ན་སྦེད་མ་གཙུག་ལག་ཁང་དུ་ཕྱག་དར་བྱེད་ཅིང་འདུག་གོ་།ཚེ་དང་ལྡན་པ་འཆར་ཀ་ཡང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་རྒྱུ་བ་ན། དགེ་སློང་མའི་དབྱར་ཁང་ག་ལ་བ་དེར་སོང་ངོ ། །སྦེད་མ་དགེ་སློང་མའི་དབྱར་ཁང་ན་ཕྱག་དར་བྱེད་ཅིང་འདུག་པ་དེས་ཚེ་དང་ལྡན་པ་འཆར་ཀ་ཐག་རིང་པོ་ཁོ་ན་ནས་མཐོང་སྟེ་མཐོང་ནས་ཀྱང་འདི་སྐད་ཅེས་སྨྲས་སོ། །འཕགས་པ་འཆར་ཀ་བྱོན་པ་ལེགས་སོ་བྱོན་པ་ལེགས་སོ་ཞེས་དེས་ཕྱགས་མ་ཕྱོགས་གཅིག་ཏུ་བཞག་ནས། ཚེ་དང་ལྡན་པ་འཆར་ཀའི་རྐང་པ་གཉིས་ལ་ཕྱག་འཚལ་ཏེ་མདུན་དུ་འགྲེང་ངོ ། །འཆར་ཀས་དེ་ལ་ཇི་ཙམ་པ་དེ་ཙམ་གྱིས་ཆོས་བསྟན་ནས། སྔོན་དགོད་པ་དང་རྩེས་པ་
Ja152a
༄#། །དང་དགའ་བ་བྱས་པ་དང་དགའ་མགུར་སྤྱོད་པ་དག་དྲན་པར་བྱ་བར་བརྩམས་ཏེ། སྦེད་མ་ཁྱོད་ཀྱིས་བདག་ཅག་སྐྱེད་མོས་ཚལ་དང་འདུན་ས་དང ། ལྷའི་གནས་ག་གེ་མོ་ཞིག་ཏུ་བཅའ་བ་འདི་དང་འདི་ལྟ་བུ་འཆོས་པ་དང ། བཟའ་བ་འདི་དང་འདི་ལྟ་བུ་ཟོས་པ་དང ། བཏུང་བ་འདི་དང་འདི་ལྟ་བུ་འཐུངས་པ་དང ། གནས་མལ་འདི་དང་འདི་ལྟ་བུ་བཤམས་པ་དང ། འབྲུ་མར་གྱི་མར་གྱི་མར་མེ་འདི་དང་འདི་ལྟ་བུ་བཙུགས་ཤིང་དེར་བདག་ཅག་གཉིས་ཀྱིས་འདི་དང་འདི་ལྟ་བུ་བྱས་པ་དྲན་ནམ། སྦེད་མས་སྨྲས་པ། དྲན་ནོ། །དེ་ན་དགེ་སློང་མ་རྒན་མོ་ནད་པ་ཞིག་འདུག་ནས་དེས་བསམས་པ། འདི་གཉིས་ཅིའི་ཕྱིར་མ་བག་མར་བླངས་པ་ཚུན་ཆད་ཀྱང་གཅིག་ལ་གཅིག་རྗོད་པར་བྱེད་སྙམ་མོ། ། སྦེད་མས་སྨྲས་པ། འཕགས་པ་ད་བཞུད་ཅིག་།དགེ་སློང་མ་དག་མཆི་བར་འགྱུར་ཞིང་དབྱར་ཁང་དུ་ཕྱག་དར་མ་བགྱིས་པར་མཆིས་པས་དགེ་སློང་མ་དག་སྨོད་པར་འགྱུར་རོ། ། ཞེས་དེས་ཕྱགས་མ་བླངས་པ་དང་འཆར་ཀ་སོང་ངོ ། །སྦེད་མས་གཙུག་ལག་ཁང་ཕྱག་དར་བྱ་བར་བརྩམས་པ་དང་དགེ་སློང་མ་དེ་དག་ཀྱང་ལྷགས་ནས་དེ་ལ་དེ་དག་གིས་སྨྲས་པ། སྦེད་མ་ཁྱོད་ཀྱིས་ཅི་བྱས་ན་དབྱར་ཁང་འདི་དེ་ཁོ་ན་བཞིན་དུ་ཕྱག་དར་དང་བཅས་པར་འདུག་།སྦེད་མས་སྨྲས་པ། ཕུ་ནུ་མོ་དག་གང་ཚུན་ཆད་ནས་ཁྱེད་ཅག་བསོད་སྙོམས་ལ་དོང་
Ja152b
བ་དེ་ཚུན་ཆད་ནས་ཁོ་མོ་ས་ལ་མ་འདུག་གོ་།དགེ་སློང་མ་རྒན་མོ་ནད་པ་དེས་ཐོས་ནས་དེས་དགེ་སློང་མ་རྣམས་ལ་སྨྲས་པ། གང་ཚུན་ཆད་ཁྱེད་ཅག་བསོད་སྙོམས་ལ་དོང་བ་དེ་ཚུན་ཆད་ནས་སྦེད་མ་མ་འདུག་པ་དེ་ནི་བདེན་ཏེ། འདི་ལྟར་འཕགས་པ་འཆར་ཀ་བྱོན་པར་གྱུར་ནས་འདི་དེ་དང་ལྷན་ཅིག་འགྲེང་ཞིང་མ་བག་མ་བླངས་པ་ཚུན་ཆད་ཀྱང་གཅིག་གིས་གཅིག་ལ་བརྗོད་དོ། །དགེ་སློང་མ་དེ་དག་གིས་སྦེད་མ་ལ་དྲིས་པ། སྦེད་མ་ཁྱོད་ཀྱིས་དེ་ལྟ་བྱས་པ་བདེན་ནམ། ཕུ་ནུ་མོ་དག་བདེན་ནོ། །དགེ་སློང་མ་དེ་དག་ཅིའི་ཕྱིར་དགེ་སློང་དག་དགེ་སློང་མ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འགྲེང་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་རྣམས་ལ་བརྗོད་པ་དང ། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་མ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འགྲེང་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་
Ja153a
༄#། །པ་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་དགེ་སློང་མ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འགྲེང་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ།་ཡང་དགེ་སློང་གང་དགེ་སློང་མ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འགྲེང་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་དང་ཞེས་བྱ་བ་ནི་ཆོས་འདི་པ་དང་ངོ ། །ལྷན་ཅིག་ཅེས་བྱ་བ་ནི་དེ་དེ་དང་ལྷན་ཅིག་གོ་།གཅིག་པུ་གཅིག་དང་ཞེས་བྱ་བ་
Ja153b
ནི་དེ་དེ་དང་ངོ ། །དབེན་པ་ཞེས་བྱ་བ་ནི་གང་ན་སྐྱེས་པ་དང་བུད་མེད་དང་མ་ནིང་གཞན་འགའ་ཡང་མེད་པའོ། །སྐྱབས་ཡོད་པ་ཞེས་བྱ་བ་ནི་ལྔས་བསྐྱབས་པ་ན་སྟེ། རྩིག་པས་བསྐྱབས་པ་དང ། རིབ་མས་བསྐྱབས་པ་དང ། ཡོལ་བས་བསྐྱབས་པ་དང ། ཐིབས་པོས་བསྐྱབས་པ་དང ། མཚན་མོས་བསྐྱབས་པ་ནའོ། །འགྲེང་ན་ཞེས་བྱ་བ་ནི་འདོམ་གང་གི་ནང་ན་འགྲེང་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང ། ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། །འཚོད་པར་བྱེད།་ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་སློང་མ་དང་ལྷན་ཅིག་གཅིག་པུ་གཅིག་དང་དབེན་པ་སྐྱབས་ཡོད་པ་ན་འགྲེང་ན་ཐམས་ཅད་དུ་ལྟུང་བྱེད་དུ་འགྱུར་རོ། །སྒོ་ཁང་ན་འགྲེང་བ་དང ། སྨན་འཐག་ཏུ་འཇུད་པ་དང ། སྒོ་མ་བཅད་པར་འགྲེང་བ་དང ། གཞན་དག་འཇུག་ཅིང་གཞན་དག་འབྱུང་བ་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གཅིག་པུ་འགྲེང་བའི་ལྟུང་བྱེད་དེ་ཉི་ཤུ་དགུ་པ་རྫོགས་སོ།། །།
Ja154a
༄#། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་འོད་སྲུང་ཆེན་པོ་མཉན་ཡོད་ན་ཤར་གྱི་ཀུན་དགའ་ར་བ་ན་རི་དྭགས་འཛིན་གྱི་མའི་ཁང་བཟང་ན་འདུག་གོ་།དེ་ནས་ཚེ་དང་ལྡན་པ་འོད་སྲུང་ཆེན་པོ་ཕྱེ་མ་བྲེད་ནང་དུ་ཡང་དག་འཇོག་ལས་ལངས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་བཀའ་སྩལ་ཏོ། །འོད་སྲུང་ད་ལྟར་ཁྱོད་ནི་རྒན་པོ་རྒས་པ་གོག་ཏུ་གྱུར་པ་ཡིན་ལ། ངའི་སྨད་གཡོགས་ཤ་ནའི་གོས་ཕྱག་དར་ཁྲོད་དག་ནི་ལྕིས། འོད་སྲུང་ཁྱོད་དགེ་འདུན་གྱི་གཙུག་ལག་ཁང་དུ་ཤོག་ལ་གང་ཟག་གིས་མགྲོན་དུ་བོས་པ་དག་བདག་གིར་གྱིས་ཤིག་།ཁྱིམ་བདག་གི་གོས་མཚོན་གྱིས་དྲས་པ་དག་ཀྱང་ཁ་དོག་ངན་པར་གྱིས་ལ་ཆོངས་ཤིག་།ཚེ་དང་ལྡན་པ་འོད་སྲུང་ཆེན་པོས་ཅང་མི་སྨྲ་བས་བཅོམ་ལྡན་འདས་ལས་མཉན་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་
Ja154b
སོང་ངོ ། །དེའི་ཚེ་ན་མཉན་ཡོད་ན་ཁྱིམ་བདག་ཅིག་འདུག་པ་དེ་ལ་ཡུན་རིང་པོ་ནས་སྨོན་པ་འདི་ལྟ་བུ་སྐྱེས་ཏེ་ཀྱེ་མ་བདག་གིས་གནས་བརྟན་འོད་སྲུང་ཆེན་པོ་ལྷ་དང་མིས་མཆོད་པ་ཁྱིམ་གཞན་དུ་སྤྱན་དྲངས་ཏེ་བཤོས་གསོལ་ན་ཅི་མ་རུང་སྙམ་ནས། ཁྱིམ་བདག་དེས་བཅོམ་ལྡན་འདས་ཀྱིས་འཕགས་པ་འོད་སྲུང་ཆེན་པོ་དགེ་འདུན་ལ་གཏད་པ་ཐོས་སོ། །ཐོས་ནས་ཀྱང་ཚེ་དང་ལྡན་པ་འོད་སྲུང་ཆེན་པོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་འོད་སྲུང་ཆེན་པོའི་རྐང་པ་གཉིས་ལ་མགོ་བོ་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་འོད་སྲུང་ཆེན་པོས་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་ཏུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་ཅང་མི་སྨྲའོ། །དེ་ནས་ཁྱིམ་བདག་དེ་འདི་སྙམ་དུ་སེམས་ཏེ་གལ་ཏེ་བདག་གིས་འཕགས་པ་འོད་སྲུང་ཆེན་པོ་ཉག་གཅིག་ཁྱིམ་གཞན་དུ་སྤྱན་དྲངས་པར་གྱུར་ན། མི་གནང་བར་འགྱུར་བ་དེ་ལྟ་བུའི་གནས་ཡོད་པར་འགྱུར་གྱི། བདག་གིས་དེ་དག་ཉིད་དང་བཞི་སྤྱན་དྲངས་ངོ་སྙམ་མོ། །དེ་ནས་ཁྱིམ་བདག་
Ja155a
༄#། །དེ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས། ཚེ་དང་ལྡན་པ་འོད་སྲུང་ཆེན་པོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཚེ་དང་ལྡན་པ་འོད་སྲུང་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་འོད་སྲུང་ཆེན་པོས་སང་བདག་གིས་སྡུམ་པར་བདག་ཉིད་དང་བཞི་གདུགས་ཚོད་གསོལ་བར་ཅི་གནང ། ཚེ་དང་ལྡན་པ་འོད་སྲུང་ཆེན་པོས་ཁྱིམ་བདག་དེ་ལ་ཅང་མི་སྨྲ་བས་དང་དུ་བླངས་སོ། །དེ་ནས་ཁྱིམ་བདག་དེས་ཚེ་དང་ལྡན་པ་འོད་སྲུང་ཆེན་པོས་ཅང་མི་སྨྲ་བས་དང་དུ་བླངས་པར་རིག་ནས་ཚེ་དང་ལྡན་པ་འོད་སྲུང་ཆེན་པོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སོང་ནས་རང་གི་སྡུམ་པ་ག་ལ་བ་དེར་སོང་སྟེ་ཕྱིན་ནས་ཆུང་མ་ལ་སྨྲས་པ། བཟང་མོ་ཁོ་བོ་ལ་ཡུན་རིང་པོ་ནས་སྨོན་པ་འདི་ལྟ་བུ་སྐྱེས་ཏེ་ཀྱེ་མ་བདག་གིས་གནས་བརྟན་འོད་སྲུང་ཆེན་པོ་ལྷ་དང་མིས་མཆོད་པ་ཁྱིམ་གཞན་དུ་སྤྱན་དྲངས་ཏེ་བ་ཤོས་གསོལ་ན་ཅི་མ་རུང་སྙམ་ནས། ཁོ་བོས་དེ་བདག་ཉིད་དང་བཞི་སང་ཁྱིམ་གཞན་དུ་གདུགས་ཚོད་ལ་སྤྱན་དྲངས་ན་དེས་ཀྱང་ཅང་མི་གསུང་བས་གནང་གི་།ཞལ་ཟས་བསོད་པ་མང་པོ་དག་སྟ་གོན་གྱིས་ཤིག་།ཁྱིམ་བདག་གི་ཆུང་མ་དེས་ཁྱིམ་བདག་ལས་མཉན་ནས། ཁ་ཟས་གྲང་ཆ་གང་དག་ཡིན་པ་དེ་དག་ནི་དེ་ཉིད་ཀྱི་ཉིན་མོ་སྟ་གོན་བྱས། དྲོ་བག་གང་དག་ཡིན་པ་དེ་དག་ནི་ཕྱི་དེ་ཉིན་པར་
Ja155b
སྟ་གོན་བྱས་ནས། ཁྱིམ་བདག་དེ་ནང་པར་སྔར་ལངས་ཏེ་བསམས་པ། གལ་ཏེ་འོག་གིས་གཞིར་གདན་བཤམས་ན་ནི་སློང་མོ་པ་དག་འདོད་པ་ན་ལང་ལོང་བྱེད་པར་འགྱུར་ལ་གལ་ཏེ་སྟེང་གིས་གཞིར་གདན་བཤམས་ན་ནི་དེར་སྦྲང་བུ་དག་གིས་འཁྲུག་ལོང་བྱེད་པར་འགྱུར་བས་བར་གྱི་ས་གཞིར་གདན་བཤམ་པར་བྱའོ། །སྙམ་ནས་དེས་བར་གྱི་ས་གཞིར་སྟན་བཤམས་ནས་ཚེ་དང་ལྡན་པ་འོད་སྲུང་ཆེན་པོ་ལ་མངག་པས། བཙུན་པ་འོད་སྲུང་ཆེན་པོ་གདུགས་ཚོད་གཡར་དགོངས་འཚལ་ན་དེའི་དུས་ལ་བབ་པར་དགོངས་སུ་གསོལ་ཞེས་བསྐུལ་ཏོ། །བཅོམ་ལྡན་འདས་ཀྱིས་གང་གི་ངོར་མགྲོན་དུ་བོས་པ་དེས་དུས་སྔར་དེར་འགྲོ་བར་བྱའོ་ཞེས་བཀའ་སྩལ་པས་དེ་ནས་ཚེ་དང་ལྡན་པ་འོད་སྲུང་ཆེན་པོ་དུས་སྔ་བ་ཁོ་ནས་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏ་ཁྱིམ་བདག་དེའི་སྡུམ་པ་ག་ལ་བ་དེར་སོང་སྟེ་ཕྱིན་ནས་བར་གྱི་ས་གཞིར་འཛེགས་ཏེ་སྟན་བཤམས་པ་ཉིད་ལ་འདུག་གོ་།དེ་ནས་ཁྱིམ་བདག་དེས་ཚེ་དང་ལྡན་པ་འོད་སྲུང་ཆེན་པོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་འོད་སྲུང་ཆེན་པོ་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །དེ་ནས་དགེ་
Ja156a
༄#། །སློང་མ་སྦོ་མ་དགའ་མོ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེ་མཐར་གྱིས་བསོད་སྙོམས་རྒྱུ་བ་ན་ཁྱིམ་དེར་ཞུགས་ཏེ་འདི་སྐད་ཅེས་སྨྲས་སོ། །མཚན་བཟང་ཨ་རོག་གྱ། བསོད་སྙོམས་བྱིན་ཅིག་།ཁྱིམ་བདག་གིས་སྨྲས་པ། འཕགས་མ། དེང་འཕགས་པ་འོད་སྲུང་ཆེན་པོ་ལྷ་དང་མིས་མཆོད་པ་བདག་གི་སྡུམ་པར་སྤྱན་དྲངས་ཏེ་ཞལ་ཟས་སྟ་གོན་བགྱིས་པས་རེ་ཞིག་ཅུང་བྲེལ་གྱི། བཞུད་ཅིག་།སྦོམ་དགའ་མོས་སྨྲས་པ། དེ་ནི་གཞན་མུ་སྟེགས་ཅན་ལས་རབ་ཏུ་བྱུང་བ། བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་ཡིན་ལ། ཁོ་མོ་ནི་ཤཱཀྱའི་བུ་མོ་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པའི་ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་ཡིན་ན་དེའི་ཟས་སྦྱོར་ཞིང་ཁོ་མོ་ལ་བསོད་སྙོམས་མི་སྟེར་མོད། ཚེ་དང་ལྡན་པ་འོད་སྲུང་ཆེན་པོས་དེ་ཐོས་ཏེ་ཐོས་ནས་ཀྱང་བསམས་པ། དེ་ལ་བསོད་ནམས་མ་ཡིན་པ་མང་པོ་སྐྱེ་བར་གྱུར་ན་མི་རུང་ངོ་སྙམ་ནས་དེས་མགུལ་བསལ་བའི་སྒྲ་ཕྱུང་བ་དང ། ཚེ་དང་ལྡན་པ་འོད་སྲུང་ཆེན་པོ་དབྱིག་གི་གདངས་དང་ལྡན་པ་ཡིན་པས་དེའི་སྒྲས་ཁྱིམ་ཐམས་ཅད་གང་བར་གྱུར་ཏོ། སྦོམ་དགའ་མོས་དེའི་སྒྲ་ཐོས་ནས་སྨྲས་པ། ཀླུའི་མིང་ཅན་འདི་ཉིད་ན་བཞུགས་སོ། །ཁྱིམ་བདག་དེས་ཐོས་ནས་སྨྲས་པ། ད་གཟོས་ཁོ་ན་དེ་ནི་གཞན་མུ་སྟེགས་ཅན་ལས་རབ་ཏུ་བྱུང་
Ja156b
བ།་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་ཡིན་ལ་ཞེས་ཟེར་ཞིང ། ད་ནི་ཀླུའི་མིང་ཅན་ཞེས་ཟེར་རོ་ཞེས་དེ་གཤེ་ཞིང་བར་གྱི་ནས་འབབ་པར་བརྩམས་པ་དང ། སྦོམ་དགའ་མོས་དེ་འབབ་པའི་སྒྲ་ཐརིག་ཐརིག་ཟེར་བ་ཐོས་ནས་དེས་བསམས་པ། ཁྱིམ་བདག་འདི་ཤུགས་འདི་ལྟ་བུས་འབབ་པ་ལས་ན། བདག་ལ་གནོད་པ་བྱེད་པར་འགྱུར་གོར་མ་ཆག་སྙམ་ནས། དེས་ཤིང་ང་དཔུང་ཆད་བ་རྫེས་ཏེ་འབྲོས་པར་བརྩམས་པ་དང ། ཁྱིམ་བདག་དེས་སྨྲས་པ། དགེ་སྦྱོང་མ་མགོ་རེག་མོ་མ་འབྲོས་པར་སྡོད་ཅིག་།ཅི་འབྲོས། ཁྱོད་ཀྱིས་ཁོ་བོའི་ཁྱིམ་དུ་འཇུག་པར་མི་བྱའོ། །སྦོམ་དགའ་མོས་སྨྲས་པ། ཁྱོད་ཀྱི་ཁྱིམ་རྟུག་ཁུང་དང་བཙོན་རར་གྱུར་ཅིག་།ཁྱོད་ཀྱི་ཁྱིམ་དུ་གདོལ་པ་དག་འཇུག་པར་གྱུར་ཅིག་།ཁོ་མོ་ཅག་གིས་རྒྱལ་པོ་ལས་བཙུན་མོའི་འཁོར་གྱིས་ཡོངས་སུ་སྤང་བ་ཐོབ་པས་ཁོ་མོ་ལ་ཇི་ཙམ་དུ་རེག་པར་བྱེད་པ་དེ་ཙམ་དུ་ཁོ་མོས་ཁྱོད་ཀྱི་ཀླག་པ་གཉིས་མཁྲིག་མ་ནས་གཅོད་དུ་གཞུག་གོ ། ཁྱིམ་བདག་དེས་སྨྲས་པ། དགེ་སྦྱོང་མ་མགོ་རེག་མོ་དགེ་སྦྱོང་མ་གནས་བརྟན་མོ་གནས་བརྟན་མོ་དག་གིས་རྒྱལ་པོ་ལས་བཙུན་མོའི་འཁོར་གྱིས་ཡོངས་སུ་སྤང་བ་ཐོབ་པ་ཡིན་གྱི། གནས་ངན་ལེན་ཀུན་ཏུ་སྤྱོད་པ་ཁྱོད་ཀྱིས་མ་ཐོབ་བོ། །དེ་ནས་ཁྱིམ་བདག་དེ་ཕྱིར་ལོག་ནས་ཚེ་དང་ལྡན་པ་འོད་སྲུང་ཆེན་པོ་ལ་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་
Ja157a
༄#། །ནས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མས་བཅའ་བ་དང་བཟའ་བ་གང་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས་ཚེ་དང་ལྡན་པ་འོད་སྲུང་ཆེན་པོ་ཟན་ཟོས་ཤིང་ལག་པ་བསྙལ་ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཚེ་དང་ལྡན་པ་འོད་སྲུང་ཆེན་པོའི་མདུན་དུ་ཆོས་མཉན་པའི་ཕྱིར་འདུག་གོ་།དེ་ནས་ཚེ་དང་ལྡན་པ་འོད་སྲུང་ཆེན་པོ་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་ཆོས་སྟོན་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་བདག་དེང་ཁོ་ན་དགེ་འདུན་ལ་གཏད་པར་གྱུར་ན་བདག་དེང་ཁོ་ན་གཞན་མུ་སྟེགས་ཅན་ལས་རབ་ཏུ་བྱུང་བ། བུལ་བ་མཆོག་ཏུ་བུལ་བ།
Ja157b
ཆུང་བ་མཆོག་ཏུ་ཆུང་བ་ཞེས་བགྱི་བར་ཡང་གྱུར། བདག་དེང་ཁོ་ན་ཀླུའི་མིང་ཅན་ཞེས་བགྱི་བར་ཡང་གྱུར་ཏེ་བཙུན་པ་བདག་ནི་ཡུན་རིང་པོ་ནས་དགོན་པ་པ་ལེགས་ཤིང་དགོན་པ་པ་ཉིད་ཀྱི་བསྔགས་པ་ཡང་བརྗོད། བསོད་སྙོམས་པ་ལགས་ཤིང་བསོད་སྙོམས་པ་ཉིད་ཀྱི་བསྔགས་པ་ཡང་བརྗོད། ཕྱག་དར་ཁྲོད་པ་ལགས་ཤིང་ཕྱག་དར་ཁྲོད་པ་ཉིད་ཀྱི་བསྔགས་པ་ཡང་བརྗོད་པ་ལགས་སོ། །འོད་སྲུང་ཁྱོད་ཀྱིས་དོན་གྱི་དབང་དུ་ཞིག་ཡང་དག་པར་མཐོང་ན་དགོན་པ་པ་ཡིན་ཞིང་དགོན་པ་པ་ཉིད་ཀྱི་བསྔགས་པ་ཡང་བརྗོད། བསོད་སྙོམས་པ་ཡིན་ཞིང་བསོད་སྙོམས་པ་ཉིད་ཀྱི་བསྔགས་པ་ཡང་བརྗོད། ཕྱག་དར་ཁྲོད་པ་ཡིན་ཞིང་ཕྱག་དར་ཁྲོད་པ་ཉིད་ཀྱི་བསྔགས་པ་ཡང་བརྗོད། བཙུན་པ་གཉིས་ཏེ་བདག་ཉིད་ཚེ་འདི་ལ་བདེ་བར་གནས་པའི་སླད་དུ་དང ། སླད་མའི་སྐྱེ་བོ་དག་ལ་སྣང་བ་བགྱིས་པར་འགྱུར་བའི་སླད་དུ་སྟེ། དགེ་སློང་གནས་བརྟན་རྒྱལ་ཚབ་ལྟ་བུ་རབ་ཏུ་བྱུང་ནས་ཡུན་རིང་དུ་ལགས་པ་ཚངས་པར་སྤྱོད་པ་མངོན་པར་སྤྱད་པ། སྟོན་པས་བསྔགས་པ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་བཀུར་བ། གང་དག་འདས་པར་གྱུར་པ་དེ་དག་ཡུན་རིང་པོ་ནས་དགོན་པ་པར་གྱུར་ཅིང་དགོན་པ་ཉིད་ཀྱི་བསྔགས་པ་ཡང་བརྗོད། བསོད་སྙོམས་པར་གྱུར་ཅིང་བསོད་སྙོམས་པ་ཉིད་ཀྱི་བསྔགས་པ་ཡང་བརྗོད། ཕྱག་དར་ཁྲོད་པར་གྱུར་ཅིང་ཕྱག་དར་ཁྲོད་པ་ཉིད་
Ja158a
༄#། །ཀྱི་བསྔགས་པ་ཡང་བརྗོད་པར་གྱུར་པ་དེ་དག་ཐོས་ནས་དེ་ལྟ་དེ་ལྟར་སྒྲུབ་པར་འགྱུར་ཞིང ། དེ་དག་ལ་ཡུན་རིང་པོའི་དོན་དང་སྨན་པ་དང་བདེ་བར་འགྱུར་རོ། །འོད་སྲུང་ཁྱོད་ཡུན་རིང་པོ་ནས་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་བདེ་བ་དང ། འཇིག་རྟེན་ལ་སྙིང་བརྩེ་བ་དང ། ལྷ་དང་མི་རྣམས་ཀྱི་དོན་དང་ཕན་པ་དང་བདེ་བའི་ཕྱིར་ཞུགས་པ་ལེགས་སོ་ལེགས་སོ། །འོད་སྲུང་གང་ལ་ལ་ཞིག་སྦྱངས་པའི་ཡོན་ཏན་དེ་དག་གི་བསྔགས་པ་མ་ཡིན་པ་རྗོད་པར་བྱེད་པ་དེ་ནི་ངའི་བསྔགས་པ་མ་ཡིན་པ་རྗོད་པར་བྱེད་པ་ཡིན་ལ། གང་ལ་ལ་ཞིག་སྦྱངས་པའི་ཡོན་ཏན་དེ་དག་གི་བསྔགས་པ་རྗོད་པར་བྱེད་པ་དེ་ནི་ངའི་བསྔགས་པ་རྗོད་པར་བྱེད་པ་ཡིན་ནོ། །དེ་ཅིའི་ཕྱིར་ཞེ་ན། ངས་ཡུན་རིང་པོ་ནས་སྦྱངས་པའི་ཡོན་ཏན་དེ་དག་བསྟོད་ཅིང་བཀུར་ལ་བསྔགས་ཤིང་རབ་ཏུ་བསྔགས་པའི་ཕྱིར་རོ། །འོད་སྲུང་དེ་ལྟ་བས་ན་ཁྱོད་ནི་དགོན་པ་པ་ཡིན་ཞིང་དགོན་པ་པ་ཉིད་ཀྱི་བསྔགས་པ་རྗོད་པ་དང ། བསོད་སྙོམས་པ་ཡིན་ཞིང་བསོད་སྙོམས་པ་ཉིད་ཀྱི་བསྔགས་པ་རྗོད་པ་དང ། ཕྱག་དར་ཁྲོད་པ་ཡིན་ཞིང་ཕྱག་དར་ཁྲོད་པ་ཉིད་ཀྱི་བསྔགས་པ་རྗོད་པ་ཡིན་ཏེ་འོད་སྲུང་ཁྱོད་ཀྱིས་དེ་ལྟར་བསླབ་པར་བྱའོ། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ།། །།
Ja158b
འདུལ་བ་རྣམ་པར་འབྱེད་པ། བམ་པོ་ལྔ་བཅུ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཕོངས་པ་དང་བཅས་པའི་དུས་བྱུང་ནས་བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་སློང་གནས་བརྟན་གནས་བརྟན་དག་གི་བསོད་སྙོམས་སྦྱོར་ཏེ། །དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་དག་བཅུ་གཉིས་སྡེ་དག་གི་གན་དུ་དོང་བ་དང ། དེ་དག་གིས་སྨྲས་པ། འཕགས་པ་དག་བཞུགས་ལ་ཞལ་ཚུས་གསོལ་ཅིག་།སུས་སྦྱིན་པར་འགྱུར། དེ་དག་གིས་སྨྲས་པ། བདག་ཅག་གིས་གསོལ་ལོ། །སང་སུས་སྦྱིན་པར་འགྱུར། བདག་ཅག་གིས་གསོལ་ལོ། །དྲུག་སྡེ་དག་གིས་སྨྲས་པ། སྲིང་མོ་དག་དེ་ཙམ་གྱིས་ཁོ་བོ་ཅག་འཚོ་བར་མི་ནུས་ཀྱི་འདི་ལྟར་བྲམ་ཟེ་དང་ཁྱིམ་བདག་དད་པ་ཅན་གང་དག་གིས་དགེ་སློང་གནས་བརྟན་གནས་བརྟན་དག་གི་བསོད་སྙོམས་སྦྱར་བ་དེ་དག་གལ་ཏེ་ཁྱོད་ཀྱིས་ཁོ་བོ་ཅག་གི་ཕྱིར་སྦྱོར་དུ་བཅུག་ན་དེ་ལྟ་ན་ཁོ་བོ་ཅག་འཚོ་བར་ནུས་སོ། །སྦོམ་དགའ་མོས་སྨྲས་པ། འཕགས་པ་དག་དེ་ལྟར་བགྱིར་རུང་ངམ། དྲུག་སྡེ་དག་གིས་སྨྲས་པ། ཅི་ཁོ་བོ་ཅག་ལྟོགས་ཏེ་འཆི་བར་བྱའམ། ལེགས་པར་རུང་ངོ ། །ཤིན་ཏུ་རུང་ངོ ། །གང་དུ་བཀག་།སུས་བཀག་།དེ་ནས་དགེ་སློང་མ་སྦོམ་དགའ་མོ་སྔ་དྲོ་ཤམ་ཐབས་
Ja159a
༄#། །བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་ཁྱིམ་གང་དུ་ཚེ་དང་ལྡན་པ་ཀུན་ཤེས་ཀོའུ་འདི་ནྱའི་བསོད་སྙོམས་སྦྱར་བའི་ཁྱིམ་དེར་སོང་སྟེ་འདི་སྐད་ཅེས་སྨྲས་སོ། །ཁྱེད་ཀྱིས་སུའི་བསོད་སྙོམས་སྦྱར། དེ་དག་གིས་སྨྲས་པ། འཕགས་པ་ཀུན་ཤེས་ཀོའུ་དི་ནྱའིའོ། །སྦོམ་དགའ་མོས་སྨྲས་པ། ཁྱེད་ཀྱིས་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ་ཆོས་སྒྲོག་པ་རིག་པ་དང་གྲོལ་བའི་སྤོབས་པ་ཅན་གང་ཡིན་པ་དེའི་བསོད་སྙོམས་སྦྱར་ན་དེ་ལྟ་ན་ཁྱེད་ལ་བསོད་ནམས་ཆེ་བར་འགྱུར་རོ། །དེ་དག་གིས་སྨྲས་པ། འཕགས་པ་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ་ཆོས་སྒྲོག་པ་རིག་པ་དང་གྲོལ་བའི་སྤོབས་པ་ཅན་དེ་གང་ལགས། སྦོམ་དགའ་མོས་སྨྲས་པ། འཕགས་པ་དགའ་བོ་ཤཱཀྱའི་རིགས་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ་ཆོས་སྒྲོག་པ་རིག་པ་དང་གྲོལ་བའི་སྤོབས་པ་ཅན་ཡིན་ནོ། །དེ་དག་གིས་སྨྲས་པ། དེ་ལྟར་བགྱིའོ་ཞེས་དེ་དག་གིས་འཕགས་པ་ཀུན་ཤེས་ཀོའུ་དི་ནྱའི་བསོད་སྙོམས་བྱར་བ་གང་ཡིན་པ་དེ་དགའ་བོའི་ཕྱིར་སྦྱོར་དུ་བཅུག་གོ་།དེ་བཞིན་དུ་གང་དག་གིས་དགེ་སློང་གནས་བརྟན་གནས་བརྟན་དག་གིས་བསོད་སྙོམས་སྦྱར་བ་དེ་དག་ཐམས་ཅད་དྲུག་སྡེ་དག་གི་ཕྱིར་སྦྱོར་དུ་བཅུག་གོ། །དྲུག་
Ja159b
སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་དོང་བ་དང ། དེ་དག་ལྷུང་བཟེད་སྣོད་ཁས་བཏགས་པའི་བསོད་སྙོམས་དག་གིས་འོངས་པ་དགེ་སློང་རྣམས་ཀྱིས་མཐོང་ནས་སྨྲས་པ། ཨེ་མའོ་དྲུག་སྡེ་དག་གིས་ལྷུང་བཟེད་སྣོད་དག་ཁས་བཏགས་སོ། །དྲུག་སྡེ་དག་གིས་སྨྲས་པ། གང་དག་གིས་བདག་ཅག་གི་ཕྱིར་བསོད་སྙོམས་དག་སྦྱོར་དུ་བཅུག་པའི་སྲིང་མོ་དག་ནད་མེད་པར་གྱུར་ཅིག་།དགེ་སློང་རྣམས་ཀྱིས་སྨྲས་པ། ཁྱེད་ཅག་ཤེས་བཞིན་དུ་དགེ་སློང་མས་སྦྱོར་དུ་བཅུག་པའི་ཟས་ཟར་རུང་ངམ། དྲུག་སྡེ་དག་གིས་སྨྲས་པ། རུང་ཡང་སྲིད། མི་རུང་ཡང་སྲིད་དེ་ཅི་ཁོ་བོ་ཅག་ལྟོགས་ཏེ་འཆི་བར་བྱའམ། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་མས་སྦྱོར་དུ་བཅུག་པའི་ཟས་ཟ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཤེས་བཞིན་དུ་དགེ་སློང་མས་སྦྱོར་དུ་བཅུག་པའི་ཟས་ཟ་བ་བདེན་ནམ། བཙུན་
Ja160a
༄#། །པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཤེས་བཞིན་དུ་དགེ་སློང་མས་སྦྱོར་དུ་བཅུག་པའི་ཟས་ཟ་ན་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེ་ལས་ཀྱི་མཐའ་གཉིས་བྱེད་དུ་འཛུད་དེ་ཚོང་དང ། ཞིང་བླས་ཀྱི་མཐའོ། །དེས་དགོན་པར་ཞིང་རྨོས་ནས་ས་བོན་བཏབ་སྟེ་ཞིང་དེའི་དྲུང་དུ་སྤྱིལ་བུ་བྱས་ནས་ཟོང་ཐོགས་ཏེ་ཡུལ་གཞན་དུ་སོང་ངོ ། །བསོད་སྙོམས་པ་ཞིག་ལྗོངས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ནས། དེས་དེར་བྱུལ་ན་ཞིང་དེའི་དྲུང་ན་སྤྱིལ་བུ་
Ja160b
མཐོང་ནས། དེས་བསམས་པ། ཕྱོགས་འདི་གོ་སྐབས་དབེན་པ་ཡིན་གྱི། འདི་ཉིད་དུ་འདུག་པར་བྱའོ་སྙམ་ནས་དེས་དེ་ཉིད་དུ་འདུག་པར་བརྩམས་ཏེ། མཉན་ཡོད་དུ་བསོད་སྙོམས་བརྒྱུས་ནས་དེ་ཉིད་དུ་གནས་འཆའོ། །དེར་མིའི་དྲིས་རི་དྭགས་དང་བྱ་འགའ་ཡང་མི་འོང་ཞིང་དེར་ལྷས་ཀྱང་དུས་དང་དུས་སུ་ཆར་གྱི་རྒྱུན་ལེགས་པར་ཕབ་པས་ཞིང་དེ་ཤིན་ཏུ་ཕུན་སུམ་ཚོགས་པར་གྱུར་ཏོ། ། ཁྱིམ་བདག་དེ་ཡང་དོན་ལེགས་པར་གྲུབ་སྟེ་བཀྲ་ཤིས་ཤིང་བདེ་བར་འོངས་སོ། །དེ་ནས་ཁྱིམ་བདག་དེས་རྫས་སྦས་ནས་ཁྲུས་བྱས་ཏེ། ཟན་ཟོས་པ་དང ། ཆུང་མས་སྨྲས་པ། རྗེའི་སྲས་ཁྱོད་ཀྱིས་དགོན་པའི་ཞིང་དེ་ལ་ས་བོན་བཏབ་ནས་ཡུལ་གཞན་དུ་བཞུད་ན་གལ་ཏེ་ས་བོན་གྱི་སྐྱིན་པ་ཙམ་གྲུབ་པར་གྱུར་ཏམ་ཇེ་གཟིགས་ཤིག་།ཁྱིམ་བདག་དེ་དེར་སོང་བ་དང ། ཇི་ཙམ་ན་ཞིང་དེ་ལོ་ཏོག་ཤིན་ཏུ་ཕུན་སུམ་ཚོགས་པ་མཐོང་ནས། དེས་བསམས་པ། བདག་གིས་འདིར་རིབ་མ་ཡང་མ་བྱས། སྲུང་མའི་མི་འགའ་ཡང་མ་བཞག་པར་ཞིང་འདི་ལོ་ཏོག་ཤིན་ཏུ་ཕུན་སུམ་ཚོགས་པར་གྱུར་བ་དེ་ལ་རྒྱུ་ཅི་ཡོད་སྙམ་ནས་དེ་དེར་བྱུལ་བ་དང ། མིའི་རྗེས་མཐོང་ནས་དེ་རྗེས་བཞིན་དུ་སྤྱིལ་བུ་དེར་སོང་བ་དང ། ཇི་ཙམ་ན་དགེ་སློང་བསོད་སྙོམས་པ་ཞིག་།སྐྱིལ་མོ་ཀྲུང་གིས་འདུག་པ་མཐོང་ནས། དེས་བསམས་པ། འདིའི་མཐུས་ཞིང་འདི་ཤིན་ཏུ་ལོ་ཏོག་ཕུན་ཚོགས་པར་གྱུར་ཏོ་སྙམ་ནས་དེས་སྨྲས་པ། འཕགས་པ་སྤྱིལ་བུ་འདི་ན་བཞུགས་སམ། དེས་སྨྲས་པ། ཁྱིམ་བདག་།ཡིན་ནོ། །
Ja161a
༄#། །ཁྱིམ་བདག་གིས་སྨྲས་པ། འཕགས་པ་ཞིང་འདི་བདག་གི་ལགས་ཀྱི། འཕགས་པས་མེ་ཏོག་དང་འབྲས་བུ་དང་ཚེམས་ཤིང་དག་ཅི་བ་དེར་ལོངས་སྤྱོད་དུ་གསོལ། འཕགས་པས་སང་བདག་གི་སྡུམ་པར་བསོད་སྙོམས་གསོལ་བར་ཅི་གནང ། ཁྱིམ་བདག་ཁོ་བོ་ནི་བསོད་སྙོམས་པ་ཡིན་པས་བསོད་སྙོམས་འབའ་ཞིག་ལ་རྒྱུའོ་ཞེས་དེས་དེ་དང་དུ་མ་བླངས་ནས་ཁྱིམ་བདག་དེས་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སོང་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས་ཆུང་མ་ལ་འདི་སྐད་ཅེས་སྨྲས་སོ། །བཟང་མོ་བང་བ་སྟ་གོན་གྱིས་ཤིག་།ཞིང་ལས་ལོ་ཏོག་ཤིན་ཏུ་ཕུན་སུམ་ཚོགས་པར་གྱུར་ཏོ། །ཆུང་མས་བསམས་པ། འདི་བདག་ལ་ཀུ་རེ་ཟེར་སྙམ་ནས་དེས་སྨྲས་པ། རྗེའི་སྨྲས་ཁྱོད་ཀྱིས་དེར་རིབ་མ་ཡང་མ་བགྱིས། སྲུང་མའི་མི་འགའ་ཡང་མ་བཞག་ན་བདག་ལ་ཀུ་རེ་བགྱིར་ཅི་མཆིས། ཁྱིམ་བདག་གིས་སྨྲས་པ། བཟང་མོ་ཅི་ཁོ་བོ་ཁྱོད་ལ་ཀུ་རེ་བྱེད་སྙམ་མམ་འདི་ལྟར་ཡིད་ཆེས་པར་གྱིས་ཤིག་།ཞིང་དེའི་ལོ་ཏོག་ཤིན་ཏུ་ཕུན་སུམ་ཚོགས་པར་གྱུར་ཏོ། །ཆུང་མས་སྨྲས་པ་ཅིའི་སླད་དུ། ཁྱིམ་བདག་གིས་སྨྲས་པ། ཁོ་བོས་ཞིང་དེའི་དྲུང་དུ་སྤྱིལ་བུ་བྱས་ཏེ་སྤྱིལ་བུ་དེར་དགེ་སློང་བསོད་སྙོམས་པ་ཞིག་འདུག་པས་དེའི་མཐུས་ཞིང་དེ་ཤིན་ཏུ་ལོ་ཏོག་ཕུན་སུམ་ཚོགས་པར་གྱུར་ཏོ། །ཆུང་མས་སྨྲས་པ། འོ་ན་ཁྱོད་ཀྱིས་ཅིའི་སླད་དུ་དེ་སང་བསོད་
Ja161b
སྙོམས་ལ་སྤྱན་མ་དྲངས། ཁྱིམ་བདག་གིས་སྨྲས་པ། ཁོ་བོས་དེ་སྤྱན་དྲངས་ན་བསོད་སྙོམས་པ་དེའི་ཞལ་ནས་ཁྱིམ་བདག་ཁོ་བོ་ནི་བསོད་སྙོམས་པ་ཡིན་པས་བསོད་སྙོམས་འབའ་ཞིག་ལ་རྒྱུའོ་ཞེས་དེས་དང་དུ་མ་བླངས་སོ། །ཆུང་མས་སྨྲས་པ། དེ་དག་ནི་ཞབས་ལ་ཕྱག་འཚལ་ཏེ་སྤྱན་དྲངས་པ་ལེགས་སོ། །ཁྱིམ་བདག་གིས་སྨྲས་པ། འོ་ན་ཁྱོད་ཀྱིས་ཞལ་ཟས་སྟ་གོན་གྱིས་ཤིག་དང་ཁོ་བོ་དེར་སོང་ལ་ཞབས་ལ་ཕྱག་འཚལ་ཏེ་སྤྱན་དྲང་བར་བྱའོ་ཞེས་དེ་སོང་སྟེ་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སྨྲས་པ། འཕགས་པས་སང་བདག་གི་སྡུམ་པར་བསོད་སྙོམས་གསོལ་བར་ཅི་གནང ། བསོད་སྙོམས་པ་དེས་སྨྲས་པ། ཁྱིམ་བདག་ཁོ་བོ་ནི་བསོད་སྙོམས་འབའ་ཞིག་ལ་རྒྱུའོ། །ཁྱིམ་བདག་གིས་སྨྲས་པ། འཕགས་པ་ཁྱོད་ཀྱིས་བདག་གི་སྡུམ་པར་བསོད་སྙོམས་མི་གསོལ་དུ་མི་རུང་ངོ ། །བསོད་སྙོམས་པ་དེས། ཁྱིམ་བདག་དེ་དུས་ཀྱིས་འཆུ་བར་ཤེས་ནས་ཅང་མི་སྨྲ་བས་དང་དུ་བླངས་སོ། །ཁྱིམ་བདག་དེས་ཅང་མི་སྨྲ་བས་དང་དུ་བླངས་པར་རིག་ནས་རྐང་པ་ལ་ཕྱག་འཚལ་ཏེ་སོང་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས་ཆུང་མ་ལ་སྨྲས་པ། བཟང་མོ་ཁོ་བོས་བསོད་སྙོམས་པ་དེ་སང་གདུགས་ཚོད་ལ་སྤྱན་དྲངས་ན་དེས་ཀྱང་ཅང་མི་སྨྲ་བས་དང་དུ་བླངས་ཀྱི། ཞལ་ཟས་གཙང་ཞིང་བསོད་པ་དག་སྟ་གོན་གྱིས་ཤིག་།ཁྱིམ་བདག་གི་ཆུང་མ་དེས་ཁ་ཟས་གྲང་ཆ་གང་དག་ཡིན་པ་དེ་དག་ནི་
Ja162a
༄#། །དེ་ཉིད་ཀྱི་ཉིན་མོ་སྟ་གོན་བྱས། དྲོད་བག་གང་དག་ཡིན་པ་དེ་དག་ནི་ཕྱི་དེ་ཉིན་པར་སྟ་གོན་བྱས་སོ། །དགེ་སློང་བསོད་སྙོམས་བདག་བསོད་སྙོམས་ལ་འཇུག་པར་བརྩམས་པ་དང ། བསོད་སྙོམས་པ་གཞན་ཞིག་བསོད་སྙོམས་པ་དེའི་གན་དུ་སོང་སྟེ་སྨྲས་པ། བསོད་སྙོམས་པ་ཚུར་ཤོག་།བསོད་སྙོམས་ལ་འདོང་ངོ ། །དེས་སྨྲས་པ། ཁོ་བོ་ཁྱིམ་བདག་ཅིག་གིས་མགྲོན་དུ་བོས་པས་དུས་ཤེས་པར་བྱས་ཏེ་འགྲོས་ཁྱོད་སོང་ཞིག་།དེས་སྨྲས་པ། བསོད་སྙོམས་པ་རྙེད་པ་དང་ལྡན་ཞིང་བསོད་སྙོམས་པ་བསོད་ནམས་ཆེན་པོར་གྱུར་གྱི། ཟས་ཀྱི་ཚོད་ཤེས་པར་གྱིས་ཤིག་།ཁོ་བོས་ཀྱང་དེ་ལ་དུས་ཤེས་པར་བྱའོ། །དགེ་སློང་མ་སྦོམ་དགའ་མོས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེ་མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་ཏེ་སྨྲས་པ། མཚན་བཟང་ཨ་རོག་གྱ། བསོད་སྙོམས་བྱིན་ཅིག་།ཁྱིམ་བདག་གིས་ཆུང་མས་སྨྲས་པ། འཕགས་མ་བདག་གིས་བསོད་སྙོམས་པ་ཞིག་སྤྱན་དྲངས་པ་དེ་འཕྱིས་ཏེ་ཟན་གཅད་པར་གྱུར་ན་མི་རུང་བས་བདག་བྲེལ་གྱི། རེ་ཞིག་བཞུད་ཅིག་།སྦོམ་དགའ་མོས་སྨྲས་པ། གལ་ཏེ་ཁོ་མོས་བསོད་སྙོམས་པ་དེ་ཁྲིད་དེ་འོང་ན་ཁྱོད་ཀྱིས་ཁོ་མོ་ལ་བསོད་སྙོམས་སྦྱིན་ནམ། དེས་སྨྲས་པ། གསོལ་ལོ། ཕྱི་བཞིན་འབྲང་བའི་དགེ་སྦྱོང་མ་འདི་ལ་སུས་སྦྱིན་པར་འགྱུར། བདག་གིས་གསོལ་
Ja162b
ལོ། །གཙུག་ལག་ཁང་སྲུང་བ་དག་སུས་སྦྱིན་པར་འགྱུར། བདག་གིས་གསོལ་ལོ། །སྦོམ་དགའ་མོས་བསམས་པ། བསོད་སྙོམས་པ་དག་གིས་བསོད་སྙོམས་བརྒྱུས་ནས་ད་ཙམ་ཕྱིར་འབྱུང་བས། གང་ད་གཟོད་འཇུག་པ་དེ་བསོད་སྙོམས་པ་དེ་ཡིན་ནོ་སྙམ་ནས་དེ་གྲོང་ཁྱེར་གྱི་སྒོར་སོང་སྟེ་བསྡད་དོ། །བསོད་སྙོམས་པ་དེས་ཀྱང་བསམས་པ། དེང་བདག་གིས་བསོད་སྙོམས་ལ་བརྒྱུ་མི་དགོས་པས་དགེ་བའི་ཕྱོགས་ལ་ཏྲོན་བྱ་ཞིང་དུས་ཤེས་པར་བྱས་ཏེ་འགྲོ་སྙམ་ནས་དེས་དུས་ཤེས་པར་བྱས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་འཇུག་པར་བརྩམས་པ་དང ། དེ་སྦོམ་དགའ་མོས་མཐོང་ནས་བསམས་པ། བསོད་སྙོམས་པ་དེ་འདི་ཡིན་ནོ་སྙམ་ནས་དེས་དེ་ལ་དྲིས་པ། འཕགས་པ་སྡུམ་པ་ག་གེ་མོ་ཞིག་ཏུ་སྤྱན་དྲངས་སམ། སྲིང་མོ་གཡར་དྲངས་སོ། །འཕགས་པ་བདག་གིས་ཁྱིམ་དེར་ཁྱོད་ཀྱི་བསྔགས་པ་བརྗོད་དོ། །དེས་སྨྲས་པ། སྲིང་མོ་ཅི་ཁོ་བོས་ཁྱོད་ལ་ཁོ་བོའི་བསྔགས་པ་རྗོད་ཅིག་ཅེས་བྱས་སམ། འཕགས་པ་བཀའ་མ་སྩལ་ཏོ། །བསོད་སྙོམས་པ་དེས་བསམས་པ། འདི་ནི་དགེ་སློང་མས་སྦྱོར་དུ་བཅུག་པའི་ཟས་ཡིན་པར་གྱུར་གྱི། བདག་གིས་ཟན་གཅད་པ་ནི་བླའི་བདག་ལྟུང་བ་དང་བཅས་པར་གྱུར་ན་མི་རུང་ངོ་སྙམ་ནས་དེ་ཕྱིར་ལྡོག་པར་བརྩམས་པ་དང ། སྦོམ་དགའ་མོས་སྨྲས་པ། འཕགས་པ་བདག་གིས་ཁྱོད་ཀྱི་གདུང་
Ja163a
༄#། །ཡང་མ་འཚལ་མཚན་ཡང་མ་འཚལ་བས་བདག་གིས་ཁྱོད་ཀྱི་བསྔགས་པ་བརྗོད་རེ་སྐན། བསོད་སྙོམས་པས་སྨྲས་པ། སྲིང་མོ་གལ་ཏེ་ཁྱོད་ཀྱི་ཚིག་སྔ་མ་བདེན་ན་ཕྱི་མ་རྫུན་ལ། གལ་ཏེ་ཕྱི་མ་བདེན་ན་ནི་སྔ་མ་རྫུན་ནོ་ཞེས་དེ་ཕྱིར་ལོག་སྟེ་སྤྱིལ་བུ་དེ་ཉིད་དུ་སོང་ནས་དེ་ཇི་སྲིད་དུ་ལུས་ལས་མདངས་མ་ཡལ་བ་དེ་སྲིད་དུ་དགེ་བའི་ཕྱོགས་ལ་ཏྲོན་བྱས་ནས་གང་གི་ཚེ་ལུས་ལས་མདངས་ཡལ་བ་དེའི་ཚེ་ན་གློས་ཕབ་སྟེ་ཉལ་བ་དང ། བསོད་སྙོམས་པ་གཞན་དག་གིས་དེ་ལ་སྨྲས་པ། གལ་ཏེ་ཟས་གཞན་གྱི་ཡིན་ཞེས་དེ་ལྟོ་ཡང་གཞན་གྱི་ཡིན་སྙམ་མམ། ཅི་བྱས། ཇི་ཙམ་གྱིས་དགེ་བའི་ཕྱོགས་ལ་ཏྲོན་བྱེད་ཀྱང་མི་ནུས་པ་དེ་ཙམ་གྱིས་ཟས་ཟོས་སོ། །སུས་ཟོས། ཁྱོད་ཀྱིས་ཟོས་སོ། །ཁོ་བོས་མ་ཟོས་སོ། །འོ་ན་ཅིའི་ཕྱིར་གློས་ཕབ་སྟེ་ཉལ། དེས་སྐབས་དེ་དགེ་སློང་རྣམས་ལ་རྒྱས་པར་བརྗོད་ནས་དགེ་སློང་རྣམས་ཀྱིས་བཅོམ་ལྡན་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་སྔར་ཁྱིམ་དུ་བོས་པ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དེ་ལྟ་བས་ན་
Ja163b
སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཤེས་བཞིན་དུ་དགེ་སློང་མས་སྦྱོར་དུ་བཅུག་པའི་ཟས་ཟ་ན་སྔར་ཁྱིམ་དུ་བོས་པ་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། ཤེས་བཞིན་དུ་ཞེས་བྱ་བ་ནི་དེ་བདག་ཉིད་ཀྱིས་རིག་པའམ་གཞན་གྱིས་བརྗོད་པས་སོ། །དགེ་སློང་མས་ཞེས་བྱ་བ་ནི་ཆོས་འདི་པས་སོ། །སྦྱོར་དུ་བཅུག་པའི་ཞེས་བྱ་བ་ནི་སྦྱོར་དུ་བཅུག་པ་ནི་གཉིས་ཏེ་ཚུལ་ཁྲིམས་ཀྱིས་སྦྱོར་དུ་བཅུག་པ་དང ། ཐོས་བས་སྤྱོར་དུ་བཅུག་པའོ། །ཟས་ཞེས་བྱ་བ་ནི་བཅའ་བ་ལྔ་དང་བཟའ་བ་ལྔའོ། །ཟ་ན་ཞེས་བྱ་བ་ནི་མགུལ་དུ་མིད་ནའོ། །སྔར་ཁྱིམ་དུ་བོས་པ་མ་གཏོགས་ཏེ་ཞེས་བྱ་བ་ནི་སྔར་ཁྱིམ་དུ་མགྲོན་དུ་བོས་པ་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་པའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ། ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། འདི་ལྟ་སྟེ་དགེ་སློང་རབ་ཏུ་མང་པོ་དག་ཁྱིམ་གཞན་དུ་མགྲོན་དུ་བོས་པར་གྱུར་བན་དེས་སློང་མ་འོངས་ཏེ་དྲིས་པ། ཁྱེད་ཅག་གིས་
Ja164a
༄#། །དགེ་སློང་གང་དག་མགྲོན་དུ་བོས། ཆེ་གེ་མོ་དང་ཆེ་གེ་མོ་ལ་སོགས་པ་དག་གོ་།ཟན་ཅི་ལྟ་བུ་དག་སྦྱིན། སུམ་ཕེལ་གྱི་ཟན་དག་གོ་།མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང་ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལ་གཙང་ཕྱེ་སྦྱིན་པར་བྱའོ། །ཞུན་མར་ཇི་ལྟ་བུ་སྦྱིན། རའི་ཞུན་མར་སྦྱིན་ནོ། །མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལ་བ་མར་སྦྱིན་པར་བྱའོ། །ལན་ཚཝ་ཇི་ལྟ་བུ་སྦྱིན། འགྱུར་བྱེད་ཀྱི་ལན་ཚཝའོ། །མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལ་རྒྱ་མ་ཚཝ་དང་བ་ཚཝ་དང ། རྒྱ་མཚོའི་ཚཝ་སྦྱིན་པར་བྱའོ། །བཏུང་བ་ཇི་ལྟ་བུ་བླུད། རྩབ་མོའོ། །མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལ་དར་བ་བླུད་པར་བྱའོ། །ཟན་སྤག་པ་ཇི་ལྟ་བུ་སྦྱིན། ཚ་དང་སྦྱར་བའི་ལྡུམ་མོ། མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་
Ja164b
ཡིན་པས་དེ་དག་ལ་ཚོགས་པ་དང་བཙོས་པ་ཞོ་ཐུག་བླུད་པར་བྱའོ། །འཁུར་བ་ཇི་ལྟ་བུ་སྦྱིན། མོན་སྲན་གྲེའུའི་འཁུར་བའོ། །མི་རུང་སྟེ་དགེ་སོང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལོ་ཧཝགས་ཀྱི་འཁུར་བ་དང་མོན་འཁུར་བ་དང ། བོག་རན་སྦྱིན་པར་བྱའོ། །མོན་འཁུར་སྦག་པར་ཇི་ལྟ་བུ་སྦྱིན། ཚ་དང་སྦྱར་བའི་ལྡུམ་མོ། །མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལ་རྔོ་ཤ་དང་སྲེག་ཤ་དང་ཤ་རྣམས་མང་པོ་སྦྱིན་པར་བྱའོ། །སྐོམ་ཇི་ལྟ་བུ་བླུད། བུ་རམ་ཆབ་བོ། །མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལ་ཧཝགས་ཆབ་དང་ལི་ཁར་ཆབ་དང་དྲོ་འཇམ་བླུད་པར་བྱའོ། །འབྲས་ཆེན་ཇི་ལྟ་བུ་སྦྱིན། འབྲས་ཆན་རྩུབ་པོ་དང་ཀོ་ཏྲ་བའི་ཆན་ནོ། མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་མི་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལ་འབྲས་སཱ་ལུའི་ཆན་སྦྱིན་པར་བྱའོ། །སྲན་ཚོ་ཇི་ལྟ་བུ་བླུད། མོན་སྲན་གྲོའུའི་སྲན་ཚོད་དོ། །མི་རུང་སྟེ། དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་
Ja165a
༄#། །དང ། དགྲ་བཅོམ་པ་དག་ཡིན་པས་དེ་དག་ལ་མོན་སྲན་སྡེའུའི་སྲན་ཚོད་བླུད་པར་བྱའོ། །བྱ་ན་ཇི་ལྟ་བུ་སྦྱིན། སྔོ་ཚོད་དོ། མི་རུང་སྟེ་དགེ་སློང་དེ་དག་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པས་དེ་དག་ལ་ཤ་རྣམས་སྣ་ཚོགས་དང་ཧཝགས་ཚོད་དང་ཞ་དང་ཚན་བླུད་པར་བྱའོ། ། ཞེས་སྦྱོར་དུ་བཅུག་ནས་དགེ་སློང་གིས་གལ་ཏེ་ཤེས་བཞིན་དུ་ཟོས་ན་ལྟུང་བྱེད་དུ་འགྱུར་རོ། །རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དག་ཡིན་པ་བདེན་ན་ལྟུང་བ་མེད་དོ། །འདི་ལྟ་སྟེ། དགེ་སློང་རབ་ཏུ་མང་པོ་དག་ཁྱིམ་གཞན་དུ་མགྲོན་དུ་བོས་པར་གྱུར་པ་ན། དེར་དགེ་སློང་མ་འོངས་ཏེ་དྲིས་པ། ཁྱེད་ཅག་གིས་དགེ་སློང་གང་དག་མགྲོན་དུ་བོས། ཆེ་གེ་མོ་དག་དང་ཆེ་གེ་མོ་ལས་སོགས་པ་དག་གོ་།ཟན་ཇི་ལྟ་བུ་དག་སྦྱིན། སུམ་ཕེལ་གྱི་ཟན་དག་གོ་།མི་རུང་སྟེ་དགེ་སོང་དེ་དག་ནི་མདོ་སྡེ་འཛིན་པ་དག། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་གཙང་ཕྱེ་སྦྱིན་པར་བྱའོ། ཞུན་མར་ཇི་ལྟ་བུ་སྦྱིན། རའི་ཞུན་མར་སྦྱིན་ནོ། །མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་བ་མར་སྦྱིན་པར་བྱའོ། །ལན་ཚཝ་ཇི་ལྟ་བུ་སྦྱིན། འགྱུར་བྱེད་
Ja165b
ཀྱི་ལན་ཚཝའོ། །མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་རྒྱམ་ཚཝ་དང་བ་ཚཝ་དང ། རྒྱ་མཚོའི་ཚཝ་སྦྱིན་པར་བྱའོ། །བཏུང་བ་ཇི་ལྟ་བུ་བླུད། རྩབ་མོའི། །མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་དར་བ་བླུད་པར་བྱའོ། །ཟན་སྤག་པ་ཇི་ལྟ་བུ་སྦྱིན། ཚཝ་དང་སྦྱར་བའི་ལྡུམ་མོ། །མི་རུང་སྟེ་དགེ་སོང་དེ་དག་ནི་མདོ་སྡེ་འཛིན་པ་དག། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་ཚོགས་པ་དང་བཙོས་པ་དང ། ཞོ་ཐུག་བླུད་པར་བྱའོ། །འཁུར་བ་ཇི་ལྟ་བུ་སྦྱིན། མོན་སྲན་གྲེའུའི་འཁུར་བའོ། །མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་ཧཝགས་ཀྱི་འཁུར་བ་དང ། མོན་འཁུར་བ་དང ། བོག་རན་སྦྱིན་པར་བྱའོ། །མོན་འཁུར་སྦག་པར་ཇི་ལྟ་བུ་སྦྱིན། ཚཝ་དང་སྦྱར་བའི་ལྡུམ་མོ། མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དག། མ་མོ་འཛིན་པ་དག་ཡིན་པས་དེ་དག་ལ་བསྔོ་ཤ་དང ། སྲེག་ཤ་དང་ཤ་རྣམ་པ་སྣ་ཚོགས་སྦྱིན་པར་བྱའོ། །སྐོམ་ཇི་ལྟ་བུ་བླུད། བུ་རམ་ཆབ་བོ་།མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་ཧཝགས་ཆབ་དང ། ལི་ཁ་རའི་ཆབ་དང ། དྲོ་འཇམ་བླུད་
Ja166a
༄#། །པར་བྱའོ། །འབྲས་ཆན་ཇི་ལྟ་བུ་སྦྱིན། འབྲས་ཆན་རྩུབ་པོ་དང ། ཀོ་དྲ་བའི་ཆན་ནོ། །མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་འབྲས་སཱ་ལུའི་ཆན་སྦྱིན་པར་བྱའོ། །སྲན་ཚོད་ཇི་ལྟ་བུ་བླུད། མོན་སྲན་གྲེའུའི་སྲན་ཚོད་དོ། །མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས། དེ་དག་ལ་མོན་སྲན་སྡེའུའི་སྲན་ཚོད་བླུད་པར་བྱའོ། །བྱ་ན་ཇི་ལྟ་བུ་སྦྱིན། སྔོ་ཚོད་དོ། །མི་རུང་སྟེ་དགེ་སློང་དེ་དག་ནི་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པས་དེ་དག་ལ་ཤ་རྣམ་པ་སྣ་ཚོགས་དང་ཧཝགས་ཚོད་དང་ཞོ་དང་འོ་ཚན་བླུད་པར་བྱའོ་ཞེས་སྦྱོར་དུ་བཅུག་ནས་དགེ་སློང་གིས་གལ་ཏེ་ཤེས་བཞིན་དུ་ཟོས་ན་ལྟུང་བྱེད་དུ་འགྱུར་རོ། །མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ཡིན་པ་བདེན་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་མས་སྦྱོར་དུ་བཅུག་པ་ཟ་བའི་ལྟུང་བྱེད་དེ་སུམ་ཅུ་པ་རྫོགས་སོ།། །།སྡོམ་ལ། ཡང་ཡང་དང་ནི་འདུག་གནས་གཅིག་།ཕྱེ་དང་བཅའ་དང་སྟོབས་པ་དང ། །འདུས་དང་དུས་མིན་གསོག་འཇོགས་
Ja166b
དང། །ཁ་ནས་མིད་དང་བསོད་པ་ཉིད། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ཀྱི་ཀུན་ཏུ་སྤྱོད་པ་ནི་དུས་དང་དུས་སུ་སེམས་ཅན་དམྱལ་བ་རྒྱུ་བ་དང ། དུད་འགྲོ་རྒྱུ་བ་དང ། ཡི་དྭགས་རྒྱུ་བ་དང ། ལྷ་རྒྱུ་བ་དང ། མི་རྒྱུར་འགྲོ་བ་ཡིན་པས་དེ་གཉིས་ཀྱི་དེ་དག་ཏུ་བརྒྱུས་ནས་འཛམ་བུ་གླིང་དུ་འོངས་ཏེ་འཁོར་བཞི་པོ་དག་ལ་སེམས་ཅན་དམྱལ་བ་པའི་སེམས་ཅན་རྣམས་ཀྱི་དབྱུང་བ་དང་གཏུབ་པ་དང་གཅད་པ་དང་གཤེགས་པ་ལ་སོགས་པའི་སྡུག་བསྔལ་དང ། དུད་འགྲོ་རྣམས་ཀྱི་གཅིག་ལ་གཅིག་ཟ་བ་ལ་སོགས་པའི་སྡུག་བསྔལ་དང ། ཡི་དྭགས་རྣམས་ཀྱི་བཀྲེས་པ་དང་སྐོམ་པ་ལ་སོགས་པའི་སྡུག་བསྔལ་དང ། ལྷ་རྣམས་ཀྱི་འཆི་འཕོ་དང་ལྟུང་བ་དང་རྣམ་པར་འཐོར་བ་དང་རྣམ་པར་འཇིག་པ་ལ་སོགས་པའི་སྡུག་བསྔལ་དང ། མི་རྣམས་ཀྱི་ཚོལ་བ་དང ། ཆགས་པ་ལ་སོགས་པའི་སྡུག་བསྔལ་གང་དག་ཡིན་པ་དེ་དག་རྗོད་པར་བྱེད་པས། གང་ལ་ལའི་ལྷན་ཅིག་གནས་པ་དང་ཉེ་གནས་ཚངས་པར་སྤྱོད་པ་ལ་མངོན་པར་མི་དགའ་བ་དེ་དག་དེས་ཁྲིད་དེ་ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་གཉིས་ལ་ཡང་དག་
Ja167a
༄#། །པར་འདོམས་སུ་འཚོལ་བར་བྱེད། ཡང་དག་པར་རྗེས་སུ་སྟོན་དུ་འཚོལ་བར་བྱེད་ཅིང ། ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ཀྱང་དེ་ལ་ཡང་དག་པར་འདོམས་པར་བྱེད། ཡང་དག་པར་རྗེས་སུ་སྟོན་པར་བྱེད་དོ། །ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ཀྱིས་ཡང་དག་པར་གཏམས་ཤིང་ཡང་དག་པར་རྗེས་སུ་བསྟན་པ་ན་དེ་དག་ཚངས་པར་སྤྱོད་པ་ལ་མངོན་པར་དགའ་ཞིང་གོང་དུ་ཁྱད་པར་ཡང་རྟོགས་པར་བྱེད་དོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་འཁོར་བཞི་པོ་དག་གིས་ཀུན་ཏུ་བསྐོར་ཅིང་འཁོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་གང་གིས་དགེ་སློང་ཤཱ་རིའི་བུ་དང་མོའུ་དགལ་གྱི་བུ་གཉིས་འཁོར་བཞི་པོ་དག་གིས་ཀུན་ཏུ་བསྐོར་ཅིང་འཁོད་པའི་རྒྱུ་ནི་གང་ཡིན་རྐྱེན་ནི་གང་ཡིན། བཙུན་པ་ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ཀྱི་ཀུན་ཏུ་སྤྱོད་པ་ནི་དུས་དང་དུས་སུ་སེམས་ཅན་དམྱལ་བ་རྒྱུ་བ་དང་དུད་འགྲོ་རྒྱུ་བ་དང་ཡི་དྭགས་རྒྱུ་བ་དང་ལྷ་རྒྱུ་བ་དང་མི་རྒྱུར་མཆིས་པ་ལགས་པས། དེ་གཉིས་ཀྱིས་དེ་དག་ཏུ་བརྒྱུས་ནས་འཛམ་བུ་གླིང་དུ་མཆིས་ཏེ། འཁོར་བཞི་པོ་དག་ལ་སེམས་ཅན་དམྱལ་བ་པའི་སེམས་ཅན་རྣམས་ཀྱི་དབྱུང་
Ja167b
བ་དང་གཏུབ་པ་དང་གཅད་པ་དང་གཤེགས་པ་ལ་སོགས་པའི་སྡུག་བསྔལ་དང ། དུད་འགྲོ་རྣམས་ཀྱི་གཅིག་ལ་གཅིག་འཚལ་བ་ལ་སོགས་པའི་སྡུག་བསྔལ་དང ། ཡི་དྭགས་རྣམས་ཀྱི་བཀྲེས་པ་དང ། སྐོམ་པ་ལ་སོགས་པའི་སྡུག་བསྔལ་དང ། ལྷ་རྣམས་ཀྱི་འཆི་འཕོ་དང་ལྟུང་བ་དང་རྣམ་པར་འཐོར་བ་དང་རྣམ་པར་འཇིག་པ་ལ་སོགས་པའི་སྡུག་བསྔལ་དང ། མི་རྣམས་ཀྱི་ཚོལ་བ་དང་ཆགས་པ་ལ་སོགས་པའི་སྡུག་བསྔལ་གང་དག་ལགས་པ་དེ་དག་བརྗོད་པར་བགྱི་པས། གང་ལ་ལའི་ལྷན་ཅིག་གནས་པ་དང་ཉེ་གནས་ཚངས་པར་སྤྱོད་པ་ལ་མངོན་པར་མི་དགའ་བ་དེ་དག་དེས་ཁྲིད་དེ་ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ག་ལ་བ་དེར་མཆིས་ཏེ་མཆིས་ནས། ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ལ་ཡང་དག་པར་འདོམས་སུ་འཚོལ་བར་བགྱིད། ཡང་དག་པར་རྗེས་སུ་སྟོན་དུ་འཚོལ་བར་བགྱིད་ཅིང ། ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ཀྱང་དེ་དག་ལ་ཡང་དག་པར་འདོམ་པར་བགྱིད། ཡང་དག་པར་རྗེས་སུ་སྟོན་པར་བགྱིད་དོ། །ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ཀྱིས་ཡང་དག་པར་གཏམས་ཤིང་ཡང་དག་པར་རྗེས་སུ་བསྟན་པ་ན་དེ་དག་ཚངས་པར་སྤྱོད་པ་ལ་མངོན་པར་དགའ་ཞིང་གོང་དུ་ཁྱད་པར་ཡང་རྟོགས་པར་བགྱིད་དེ།
Ja168a
༄#། །བཙུན་པ་ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་འཁོར་བཞི་པོ་དག་གིས་ཀུན་ཏུ་བསྐོར་ཅིང་མཆིས་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཀུན་དགའ་བོ་ཐམས་ཅད་དུ་དགེ་སློང་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་དང་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ལྟ་བུ་དག་མི་འབྱུང་བས་དེའི་ཕྱིར་སྒོ་ཁང་དུ་ཆ་ལྔ་པའི་འཁོར་ལོ་བྲི་བར་རྗེས་སུ་གནང་ངོ ། །བཅོམ་ལྡན་འདས་ཀྱིས་སྒོ་ཁང་དུ་ཆ་ལྔ་པའི་འཁོར་ལོ་བྲི་བར་བྱའོ་ཞེས་བཀའ་སྩལ་ནས། དགེ་སློང་རྣམས་ཀྱིས་ཇི་ལྟར་བྲི་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། འགྲོ་བ་ལྔ་པོ་སེམས་ཅན་དམྱལ་བའི་འགྲོ་བ་དང ། དུད་འགྲོའི་འགྲོ་བ་དང ། ཡི་དྭགས་ཀྱི་འགྲོ་བ་དང ། ལྷའི་འགྲོ་བ་དང ། མིའི་འགྲོ་བ་བྲི་བར་བྱའོ། །དགེ་སློང་རྣམས་ཀྱིས་གང་དུ་གང་བྲི་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། མཐར་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ཀྱི་འགྲོ་བ་བྲི་བར་བྱའོ། །ཤར་གྱི་ལུས་འཕགས་དང ། ནུབ་ཀྱི་བ་ལང་སྤྱོད་དང ། བྱང་གི་སྒྲ་མི་སྙན་དང ། འཛམ་བུའི་གླིང་ཡང་བྲི་བར་བྱའོ། །དབུས་སུ་འདོད་ཆགས་དང་ཞེ་སྡང་དང་གཏི་མུག་དག་བྲི་བར་བྱའོ། །སངས་རྒྱས་ཀྱི་སྐུ་གཟུགས་མྱ་ངན་ལས་འདས་པའི་དཀྱིལ་འཁོར་དཀར་པོ་སྟོན་པར་
Ja168b
བྲི་བར་བྱའོ། །བརྫུས་ཏེ་སྐྱེས་པའི་སེམས་ཅན་ཟོ་ཆུན་རྒྱུད་མོའི་ཚུལ་གྱིས་འཆི་འཕོ་བ་དང་སྐྱེ་བ་དག་ཀྱང་བྲི་བར་བྱའོ། །ཁོ་ར་ཁོར་ཡུག་ཏུ་རྟེན་ཅིང་འབྲེལ་པར་འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང་ལུགས་ལས་ལྡོག་པ་དག་བྲི་བར་བྱ་ཞིང ། ཐམས་ཅད་མི་རྟག་པས་བཟུང་བ་བྲི་བར་བྱའོ། །ཚིགས་སུ་བཅད་པ་གཉིས་པོ། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། ། ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་བྲི་བར་བྱའོ། །བཅོམ་ལྡན་འདས་ཀྱིས་སྒོ་ཁང་དུ་ཆ་ལྔ་པའི་འཁོར་ལོ་བྲི་བར་བྱའོ་ཞེས་བཀའ་སྩལ་ནས། དགེ་སློང་རྣམས་ཀྱི་སྒོ་ཁང་དུ་ཆ་ལྔ་པའི་འཁོར་ལོ་འདྲིར་བཅུག་པ་དང ། བྲམ་ཟེ་དང་ཁྱིམ་བདག་དག་ལྷགས་ནས་འཕགས་པ་དག་།བྲིས་པ་འདི་ཅི་ལགས་ཞེས་འདྲི་བ་ན་དེ་དག་གིས་ཁོ་བོ་ཅག་གིས་ཀྱང་མི་ཤེས་སོ་ཞས་སྨྲས་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེར་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་དེ་སྟོན་པར་འགྱུར་བའི་དགེ་སློང་བསྐོ་བར་བྱའོ། །བཅོམ་ལྡན་འདས་ཀྱིས་དགེ་སློང་བསྐོ་བར་བྱའོ་ཞེས་བཀའ་སྩལ་ནས་
Ja169a
༄#། །དེ་དག་བྱེ་བྲག་མེད་པར་བྱིས་པ་ཡང་རུང་རྨོངས་པ་ཡང་རུང་མི་གསལ་བ་ཡང་རུང་མི་མཁས་པ་ཡང་རུང་བ་ལས་སྐོ་བར་བྱེད་ནས། དེ་དག་བདག་ཉིད་ཀྱིས་ཀྱང་མི་ཤེས་ན་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་སྟོན་པར་འགྱུར་བ་ལྟ་ག་ལ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ནུས་པ་ལས་བསྐོ་བར་བྱའོ། །རྒྱལ་པོའི་ཁབ་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་བུ་བྱུང་ནས། དེས་ཆུང་མ་ལ་སྨྲས་པ། བཟང་མོ་བདག་ཅག་གི་ནོར་འཕྲོག་པ་ལོངས་སྤྱོད་འཕྲོག་པ་བྱུང་གི། ཁོ་བོ་ཟོང་ཐོགས་ཏེ་རྒྱ་མཚོ་ཆེན་པོར་འཇུག་གོ་།རྗེའི་སྲས་དེ་ལྟར་མཛོད་ཅིག་།དེ་ཟོང་ཐོགས་ཏེ་རྒྱ་མཚོ་ཆེན་པོར་ཞུགས་པ་དང ། དེ་དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ཆུང་མ་དེས་ཁྱེའུ་དེ་ཉེ་ངུའི་སྟོབས་དང་ལག་སྟོབས་ཀྱིས་བསྙོད་ཅིང་གསོས་ཏེ་བསྐྱེད་ནས་དེས་ཡི་གེ་དང་ཡིག་འབྲུ་དག་སློབ་ཏུ་བཅུག་ནས་དེ་འཇིག་རྟེན་གྱི་གཏམ་རྒྱུད་ལ་ཤིན་ཏུ་མཁས་པར་གྱུར་ཏོ། ། ཁྱེའུ་དེ་ནེའུ་ལྡངས་དང་ལྷན་ཅིག་འོད་མའི་ཚལ་དུ་སོང་སྟེ་གཙུག་ལག་ཁང་དུ་ཞུགས་པ་དང ། དེས་སྒོ་ཁང་ན་ཆ་ལྔ་པའི་འཁོར་ལོ་བྲིས་པ་མཐོང་ནས་དེས་དགེ་སློང་ལ་དྲིས་
Ja169b
པ།་འཕགས་པ་བྲིས་པ་འདི་ཅི་ལགས། དགེ་སློང་དེས་སྨྲས་པ། བཞིན་བཟང་འདི་དག་ནི་འགྲོ་བ་ལྔ་སྟེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དང ། ལྷ་དང ། མི་དག་གོ་།དེས་ཡང་དྲིས་པ། འཕགས་པ་འདི་དག་གིས་ལས་ཅི་བགྱིས་ན་ལས་དེའི་རྣམ་པར་སྨིན་པས་སེམས་ཅན་དམྱལ་བ་དག་ཏུ་སྐྱེས་ཤིང་དེས་ད་ལྟར་དབྱུང་བ་དང་གཏུབ་པ་དང་གཅད་པ་དང་གཤེགས་པ་ལ་སོགས་པའི་སྡུག་བསྔལ་ཉམས་སུ་མྱོང་བར་གྱུར། བཞིན་བཟང་འདི་དག་གིས་མི་དགེ་བ་བཅུའི་ལས་ཀྱི་ལམ་དག་ཆེར་ཀུན་ཏུ་བསྟེན་ཅིང་གོམས་པར་བྱས། ལན་མང་དུ་བྱས་པས་ལས་དེའི་རྣམ་པར་སྨིན་པས་སེམས་ཅན་དམྱལ་བ་རྣམས་སུ་སྐྱེས་ཤིང་དེས་ད་ལྟར་དབྱུང་བ་དང་གཏུབ་པ་དང་གཅད་པ་དང་གཤེགས་པ་ལ་སོགས་པའི་སྡུག་བསྔལ་དག་ཉམས་སུ་མྱོང་བར་འགྱུར་རོ། །འཕགས་པ་འདི་དག་གིས་ཀྱང་ལས་ཅི་བགྱིས་ན་ལས་དེའི་རྣམ་པར་སྨིན་པས་དུད་འགྲོ་རྣམས་སུ་སྐྱེས་ཤིང་དེས་ད་ལྟར་གཅིག་ལ་གཅིག་འཚལ་བ་ལ་སོགས་པའི་སྡུག་བསྔལ་དག་ཉམས་སུ་མྱོང་བར་འགྱུར། བཞིན་བཟང་འདི་དག་གིས་ནི་མི་དགེ་བ་བཅུའི་ལས་ཀྱི་ལམ་དག་ཆེས་སྲབ་པ་དང་ཆེས་ཆུང་བ་དག་ཀུན་ཏུ་བསྟེན་ཅིང་གོམས་པར་བྱས་ལན་མང་དུ་བྱས་པས་ལས་དེའི་རྣམ་པར་སྨིན་པས་དུད་འགྲོ་རྣམས་སུ་སྐྱེས་ཤིང་དེ་ད་ལྟར་གཅིག་ལ་གཅིག་ཟ་བའི་སྡུག་བསྔལ་དག་ཉམས་སུ་མྱོང་བར་
Ja170a
༄#། །གྱུར་ཏོ། །འཕགས་པ་འདི་དག་གིས་ཀྱང་ལས་ཅི་བགྱིས་ན་ལས་དེའི་རྣམ་པར་སྨིན་པས་ཡི་དྭགས་རྣམས་སུ་སྐྱེས་ཤིང་དེས་ད་ལྟར་བཀྲེས་པ་དང་སྐོམ་པ་ལ་སོགས་པའི་སྡུག་བསྔལ་དག་ཉམས་སུ་མྱོང་བར་གྱུར། བཞིན་བཟང་འདི་དག་གིས་ནི་སེར་སྣ་ཀུན་ཏུ་བསྟེན་ཅིང་གོམས་པར་བྱས་ལན་མང་དུ་བྱས་པས་ལས་དེའི་རྣམ་པར་སྨིན་པས་ཡི་དྭགས་རྣམས་སུ་སྐྱེས་ཤིང་དེས་ད་ལྟར་བཀྲེས་པ་དང་སྐོམ་པ་ལ་སོགས་པའི་སྡུག་བསྔལ་དག་ཉམས་སུ་མྱོང་བར་གྱུར་ཏོ། །འཕགས་པ་འོ་ན་འདི་དག་གིས་ལས་ཅི་བགྱིས་ན་ལས་དེའི་རྣམ་པར་སྨིན་པས་ལྷ་རྣམས་སུ་སྐྱེས་ཤིང་དེས་ད་ལྟར་ལྷའི་བདེ་བ་དག་ཉམས་སུ་མྱོང་བར་གྱུར། བཞིན་བཟང་འདི་དག་གིས་དགེ་བ་བཅུའི་ལས་ཀྱི་ལམ་ཆེར་ཀུན་ཏུ་བསྟེན་ཅིང་གོམས་པར་བྱས་ལན་མང་དུ་བྱས་པས་ལས་དེའི་རྣམ་པར་སྨིན་པས་ལྷ་རྣམས་སུ་སྐྱེས་ཤིང་དེས་ད་ལྟར་ལྷའི་བདེ་བ་དག་ཉམས་སུ་མྱོང་བར་གྱུར་ཏོ། །འཕགས་པ་འདི་དག་གིས་ལས་ཅི་བགྱིས་ན་ལས་དེའི་རྣམ་པར་སྨིན་པས་མི་རྣམས་སུ་སྐྱེས་ཤིང་དེས་ད་ལྟར་བདེ་བ་ཆུང་ངུ་ཉམས་སུ་མྱོང་བར་གྱུར། བཞིན་བཟང་འདི་དག་གིས་ནི་དགེ་བ་བཅུའི་ལས་ཀྱི་ལམ་ཆུང་ངུ་ཀུན་ཏུ་བསྟེན་ཅིང་གོམས་པར་བྱས་ལན་མང་དུ་བྱས་པས་ལས་དེའི་རྣམ་པར་སྨིན་པས་མི་རྣམས་སུ་སྐྱེས་ཤིང་དེས་ད་ལྟར་བདེ་བ་ཆུང་ངུ་ཉམས་སུ་མྱོང་
Ja170b
བར་གྱུར་ཏོ། །འཕགས་པ་འདི་ལ་བདག་འགྲོ་བ་གསུམ་པོ་སེམས་ཅན་དམྱལ་བ་དང་དུད་འགྲོ་དང་ཡི་དྭགས་དག་ནི་མི་འཚལ་ལོ། །འགྲོ་བ་གཉིས་པོ་ལྷ་དང་མི་གཉིས་ནི་འཚལ་ལོ། །འཕགས་པ་བདག་གིས་ལས་ཅི་བགྱིས་ན་དེས་བདག་ལྷར་སྐྱེ་བར་འགྱུར་བ་མཆིས་སམ། བཞིན་བཟང་ཡོད་དོ། །གང་ལགས། བཞིན་བཟང་བཅོམ་ལྡན་འདས་ཀྱིས་སྤྱན་སྔར་རབ་ཏུ་བྱུང་ལ་ཚངས་པར་སྤྱད་པ་སྤྱོད་ཅིག་དང ། གལ་ཏེ་ཚེ་འདི་ཉིད་ལ་ཀུན་ཤེས་པ་རྟོགས་པར་གྱུར་ན་དེ་ཉིད་ཁྱོད་ཀྱི་སྡུག་བསྔལ་གྱི་མཐའ་ཡིན་ནོ། །གལ་ཏེ་ཀུན་ཏུ་སྤྱོད་པ་ལྷག་མ་དང་བཅས་པས་དུས་བྱེད་པར་གྱུར་ན་ཁྱོད་ལྷ་རྣམས་སུ་སྐྱེ་བར་འགྱུར་རོ། །འཕགས་པ་ཡུན་ཇི་སྲིད་དུ། བཞིན་བཟང་ཇི་སྲིད་འཚོའི་བར་དུའོ། །དེ་ནི་རྔོ་མི་ཐོག་ན་ཐབས་གཞན་འགའ་མཆིས་སམ། ཡོད་དོ། །གང་ལགས། བཞིན་བཟང་བཅོམ་ལྡན་འདས་ཀྱིས་སྤྱན་སྔར་ལྔ་པ་ཚངས་པར་སྤྱོད་པའི་བསླབ་པའི་གཞི་དག་ལོང་ཞིག་།འཕགས་པ་ཡུན་ཇི་སྲིད་དུ། བཞིན་བཟང་ཇི་སྲིད་འཚོའི་བར་དུའོ། །འཕགས་པ་དེ་ཡང་རྔོ་མི་ཐོག་ན་ཐབས་གཞན་ཅི་མཆིས། ཡོད་དོ། །གང་ལགས། བཞིན་བཟང་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ཅིག་དང་ལྷ་རྣམས་སུ་སྐྱེ་བར་འགྱུར་རོ། །འཕགས་པ་ཀར་ཤ་པ་ན་དུ་ཙམ་དག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་
Ja171a
༄#། །ཚོད་ཁྱེད་པར་འགྱུར། བཞིན་བཟང་ཀར་ཤ་པ་ན་ལྔ་བརྒྱས་སོ། །འཕགས་པ་དེ་ནི་རྔོ་ཐོག་གོ་ཞེས་དེས་དགེ་སློང་དེའི་རྐང་པ་ལ་ཕྱག་འཚལ་ཏེ་སོང་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས། མ་ལ་འདི་སྐད་ཅེས་སྨྲས་སོ། །ཡུམ་བདག་དེང་འོད་མའི་ཚལ་དུ་མཆིས་ནས་བདག་གི་དེ་ན་ཆ་ལྔ་པའི་འཁོར་ལོ་བྲིས་པ་མཐོང་སྟེ་དེ་ན་འགྲོ་བ་ལྔ་པོ་སེམས་ཅན་དམྱལ་བ་དང་དུད་འགྲོ་དང་ཡི་དྭགས་དང ། ལྷ་དང་མི་དག་བྲིས་ན། ཡུམ་ཁྱོད་ངན་བུ་ལྷ་རྣམས་སུ་སྐྱེ་བར་བཞེད་དམ། བུ་ཁོ་མོ་སེམས་ཅན་ཐམས་ཅད་ལྷ་རྣམས་སུ་སྐྱེ་བ་ཡང་འདོད་ན་ཁྱོད་ལྟ་སྨོས་ཀྱང་ཅི་དགོས། ཡུམ་ཁྱོད་ཀྱིས་བདག་ལ་ཀར་ཤ་པ་ན་ལྔ་བརྒྱ་སྩོལ་ཅིག་དང་བདག་གིས་སངས་རྒྱས་ལ་སོགས་པའི་དགེ་སློང་གི་དགེ་འདུན་གདུགས་ཚོད་གསོལ་ལོ། །བུ་ཁྱོད་ཀྱང་ཁོ་མོས་ཉེ་དུའི་སྟོབས་དང་ལག་སྟོབས་ཀྱིས་བསྙོད་ཅིང་གསོས་ཏེ་བསྐྱེད་པ་ཡིན་པས་ཁོ་མོ་ལ་ཀར་ཤ་པ་ན་ལྔ་བརྒྱའི་འབྱོར་པ་ག་ལ་ཡོད། ཡུམ་བདག་གླ་རྔན་གྱི་སླད་དུ་ལས་བགྱིད་དུ་མཆིའོ། །བུ་ཁྱོད་ནི་ཤིན་ཏུ་གཞོན་པ་ཡིན་པས་ཁྱོད་ཀྱིས་གླ་རྔན་གྱི་ཕྱིར་ལས་བྱེད་པར་མི་ནུས་སོ། ། ཡུམ་རྔོ་ཐོག་གི་མཆིའོ། །དེས་དེ་དུས་ཀྱིས་འཆུ་བར་ཤེས་ཏེ་གནང་ནས་ཁྱེའུ་དེ་གླ་མིའི་སྲང་དུ་སོང་སྟེ་བསྡད་པ་དང ། བྲམ་ཟེ་དང་ཁྱིམ་བདག་དག་གིས་གླ་མི་གཞན་དག་ཁྲིད་ན་
Ja171b
དེ་འགས་ཀྱང་མ་ཁྲིད་ནས་དེས་དེར་ཉི་མ་ནུབ་པར་བྱས་ནས་ནམ་སྲོས་པ་དང་ཁྱིམ་དུ་འོངས་སོ། །མས་དེ་མཐོང་ནས་དྲིས་པ། བུ་ཁྱོད་ཀྱིས་དེད་གླ་རྔན་གྱི་ཕྱིར་ལས་བྱས་སམ། ཁྱེའུས་སྨྲས་པ། ཡུམ་བདག་སུས་ཀྱང་མ་ཁྲིད་དོ། །བུ་གླ་མི་དག་ནི་འདི་མི་འདྲ་སྟེ། གླ་མི་དག་ནི་སྐྲ་ཡེགས་ཤིང་གོས་དྲི་མ་ཅན་དག་གྱོན་ནས་གླ་མིའི་སྲང་དུ་སོང་སྟེ་སྡོད་ཀྱི། ཁྱོད་ཀྱང་གལ་ཏེ་གླ་རྔན་གྱི་ཕྱིར་ལས་བྱེད་པར་འདོད་ན་སྐྲ་ཡེགས་པར་གྱིས་ལ་གོས་དྲི་མ་ཅན་དག་གྱོན་ཏེ་གླ་མིའི་སྲང་དུ་སོང་ལ་སྡོད་ཅིག་།དེས་ཕྱི་དེ་ཉིན་པར་སྐྲ་ཡེགས་པར་བྱས་ཤིང་གོས་དྲི་མ་ཅན་དག་གྱོན་ནས། གླ་མིའི་སྲང་དུ་སོང་སྟེ་བསྡད་པ་དང་ཚོང་དཔོན་ཞིག་ཁྱིམ་རྩིག་པར་བྱེད་པ་དེ་གླ་མིའི་སྲང་དུ་འོངས་ནས་དེས་གླ་མི་གཞན་དག་ཁྲིད་དེ་ཁྱེའུ་དེ་མ་ཁྲིད་པ་དང ། ཁྱེའུས་སྨྲས་པ། ཡབ་བདག་གིས་ཀྱང་གླ་རྔན་གྱི་སླད་དུ་ལས་བགྱིའོ། །ཚོང་དཔོན་གྱིས་སྨྲས་པ། བུ་ཁྱོད་ཤིན་ཏུ་གཞོན་པས་ཁྱོད་ཀྱིས་གླ་རྔན་གྱི་ཕྱིར་ལས་བྱེད་པར་མི་ནུས་སོ། ། ཁྱེའུས་སྨྲས་པ། ཅི་ཁྱོད་ཀྱིས་བདག་ལ་དང་པོར་གླ་རྔན་སྩལ་ཏམ། ཚོང་དཔོན་གྱིས་སྨྲས་པ། མཇུག་ཏུ་གླ་རྔན་སྦྱིན་ནོ། །ཁྱེའུས་སྨྲས་པ། བདག་གིས་ཇེ་དེང་ལས་བགྱི་ཡི། གལ་ཏེ་ཁྱོད་མཉེས་པར་གྱུར་ན་གླ་རྔན་སྩོལ་ཅིག་།ཚོང་དཔོན་དེས་ཁྱེའུ་དེ་ཁྲིད་ནས་ཁྱེའུ་དེས་ཚོང་དཔོན་དེའི་ཁྱིམ་དུ་གླ་རྔན་གྱི་ཕྱིར་ལས་བྱ་བར་བརྩམས་སོ། །གླ་མི་གཞན་དག་
Ja172a
༄#། །གཡོས་ལས་བྱེད་པ་ན་ཁྱེའུ་དེ་མྱུར་བ་མྱུར་བར་ལས་བྱེད་ནས། དེ་དག་གིས་དེ་ལ་སྨྲས་པ། ཚ་བོ་ཁྱོད་ཅིའི་ཕྱིར་གཡོས་ལས་མི་བྱེད། ཁྱེའུས་སྨྲས་པ། ཞང་པོ་དག་ཁོ་བོ་སྔོན་ཉེས་པར་སྤྱད་པས་དབུལ་པོའི་ཁྱིམ་དག་ཏུ་སྐྱེས་ཤིང་དེས་ད་ལྟར་གླ་རྔན་གྱི་ཕྱིར་ལས་བྱེད་པ་ཡིན་ན་གལ་ཏེ་ད་གཡོས་ལས་བྱས་པར་གྱུར་ན་འདི་ནས་ཤི་འཕོས་པ་དག་གི་འགྲོ་བ་ཇི་ལྟར་འགྱུར། དེ་དག་གིས་སྨྲས་པ། ཚ་བོ་ཁྱོད་གསར་བུ་བུལ་བ་ཡིན་པས་ཐམས་ཅད་ཀྱི་ཐ་ན་ལས་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་དོ། །ཁྱེའུ་དེ་འཇིག་རྟེན་པའི་གཏམ་རྒྱུད་ལ་མཁས་པ་ཡིན་པས་དེས་གླ་མི་དེ་དག་ལ་གཏམ་རྒྱུད་སྨྲ་ཞིང་མྱུར་བ་མྱུར་བར་སོང་བ་དང ། གླ་མི་དེ་དག་ཀྱང་གཏམ་རྒྱུད་མི་ཐོས་ཀྱིས་དོགས་ནས་དེའི་ཕྱི་བཞིན་མྱུར་བ་མྱུར་བར་ལྷགས་ནས་དེའི་ཉིན་མོ་གླ་མི་དེ་དག་གིས་ལས་མང་དུ་བྱས་སོ། །ཁྱིམ་བདག་གིས་ཀུན་ཏུ་སྤྱོད་པ་ནི་ཕྱེ་མ་བྲེད་ཀྱི་དུས་ཀྱི་ཚེ་ལས་ཀྱི་མཐའ་དག་ལ་སོ་སོར་རྟོག་པ་ཡིན་པས། ཚོང་དཔོན་དེ་དགོངས་ཀར་འོངས་ཏེ་ལས་ཀྱི་མཐའ་དག་ལ་སོ་སོར་བརྟགས་པ་དང་ཅི་ཙམ་ན་ཉིས་འགྱུར་གྱི་ལས་བྱས་པར་མཐོང་ནས་དེས་ལག་དཔོན་གྱི་མི་ལ་དྲིས་པ། ཅི་ཁྱོད་ཀྱིས་ལས་མི་གཞན་དག་བཀུག་གམ། དེས་སྨྲས་པ། མ་བཀུག་གོ་།ཚོང་དཔོན་གྱིས་སྨྲས་པ། འོ་ན་ཅིའི་ཕྱིར་དེང་ལས་མང་དུ་ཟིན། དེས་སྨྲས་པ། །
Ja172b
ཁྱིམ་བདག་གི་བུ་འདི་ནད་མེད་པར་གྱུར་ཅིག་།འདི་འཇིག་རྟེན་གྱི་གཏམ་རྒྱུད་ལ་མཁས་པས་འདི་འཇིག་རྟེན་གྱི་གཏམ་རྒྱུད་ཟེར་ཞིང་མྱུར་བར་མྱུར་བར་ལས་བྱེད་པ་ན་གླ་མི་གཞན་དག་ཀྱང་གཏམ་རྒྱུད་མི་ཐོས་ཀྱིས་དོགས་པས་མྱུར་བ་མྱུར་བར་འདིའི་ཕྱིར་བཞིན་འདོང་ཞིང་ལས་བྱེད་པས་དེས་ན་དེང་ལས་མང་དུ་ཟིན་ཏོ། །ཚོང་དཔོན་དེས་ཁྱེའུ་དེ་ལ་གླ་རྔན་ཉིས་འགྱུར་སྦྱིན་པར་བརྩམས་པ་དང་ཁྱེའུས་སྨྲས་པ། ཅི་ལགས། བདག་ལ་གདུགས་ཚོད་གཉིས་ཀྱི་གླ་རྔན་གཅིག་ཅར་སྩལ་ཏམ། མ་ཡིན་ཏེ་འདི་ལྟར་ཁོ་བོ་ཁྱོད་ལ་དགའ་བས་བྱ་དགའ་སྦྱིན་ནོ། །ཁྱེའུས་སྨྲས་པ། གལ་ཏེ་ཁྱོད་བདག་ལ་དགྱེས་ན་ཇི་སྲིད་དུ་བདག་ཁྱོད་ཀྱི་སྡུམ་པ་ན་སུག་ལས་འཚལ་བ་དེ་སྲིད་དུ་བདག་གི་གླ་རྔན་ཁྱོད་ཀྱི་ཕྱག་ཏུ་གཞག་ཏུ་གསོལ། ཚོང་དཔོན་གྱིས་སྨྲས་པ། དེ་ལྟར་གྱིས་ཤིག་།གང་གི་ཚེ་དེའི་ཁྱིམ་ཟིན་པ་དེའི་ཚེ་ན་ཁྱེའུ་དེའི་གླ་རྔན་བརྩིས་ན་ཀར་ཤ་པ་ན་ལྔ་བརྒྱར་མ་ཆོག་ནས། ཁྱེའུ་དེ་ངུ་བར་བརྩམས་པ་དང ། ཚོང་དཔོན་དེས་སྨྲས་པ། བུ་ཅི་ངུ ། ཁོ་བོས་བྲིད་པར་མ་གྱུར་ཏམ། ཡབ་ཁྱོད་བདག་ཉིད་ཆེན་པོ་ལགས་པས་ཁྱོད་ཀྱིས་བདག་ག་ལ་བྲིད་དེ་འདི་ལྟར་བདག་གིས་ཀར་ཤ་པ་ན་ལྔ་བརྒྱའི་ཆེད་དུ་གླ་རྔན་གྱི་སླད་དུ་ལས་བགྱིས་ཤིང།་སངས་རྒྱས་ལ་སོགས་པའི་དགེ་སློང་གི་དགེ་འདུན་གདུགས་ཚོད་གསོལ་ཏེ། བདག་ལྷ་རྣམས་ཀྱི་ནང་དུ་སྐྱེ་བར་བགྱིའོ་སྙམ་ན་དེ་དག་མ་འཚལ་བས་ཡང་བདག་གི་གཞན་དུ་
Ja173a
༄#། །གླ་རྔན་གྱི་སླད་དུ་ལས་བགྱི་འཚལ་བར་འགྱུར་རོ། །ཚོང་དཔོན་དེ་དད་པ་ཅན་ཞིག་ཡིན་པས་དེས་སྨྲས་པ། བུ་ཁོ་བོས་ཁ་བསྐང་བར་བྱའོ། །ཡབ་བདག་ལྷ་རྣམས་ཀྱི་ནང་དུ་སྐྱ་བར་མི་འགྱུར་བ་སྙམ། བུ་ཁྱོད་བཅོམ་ལྡན་འདས་ལ་མངོན་པར་དད་དམ། མངོན་པར་དད་དོ། །སོང་ལ་བཅོམ་ལྡན་འདས་ལ་ཞུས་ཤིག་།དེ་ནས་ཁྱེའུ་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་གི་བུ་དེས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ཀར་ཤ་པ་ན་ལྔ་བརྒྱའི་ཚད་དུ་གླ་རྔན་གྱི་ཆེད་དུ་ཚོང་དཔོན་ཆེ་གེ་མོ་ཞིག་གི་སུག་ལས་བགྱིས་ན་དེ་དག་མ་འཚལ་ནས་ཚོང་དཔོན་དེས་དེའི་ཁ་སྐོང་བར་བགྱིད་ན་བླང་བར་བགྱིའམ། བཞིན་བཟང་ཚོང་དཔོན་དེ་དད་པ་ཅན་ཡིན་པས་ལོང་ཞིག་།བཅོམ་ལྡན་འདས་བདག་ལྷ་རྣམས་ཀྱི་ནང་དུ་སྐྱེ་བར་མི་འགྱུར་ལགས་པ་སྙམ། སྐྱེ་བར་འགྱུར་རོ། །ཁྱེའུ་དེས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སོང་ངོ ། །དེ་ནས་ཁྱིམ་བདག་གི་བུ་དེས་ཚོང་དཔོན་དེ་ལས་ཀར་ཤ་པ་ན་ལྔ་བརྒྱ་མནོས་ཏེ་མའི་གན་དུ་སོང་ནས་སྨྲས་པ། ཡུམ་ཀར་ཤ་པ་ན་ལྔ་བརྒྱ་པོ་འདི་དག་གིས་ཞལ་ཟས་སྟ་གོན་མཛོད་ཅིག་
Ja173b
དང་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ལོ། །བུ་ཁོ་མོ་ལ་སྣོད་སྤྱད་འགའ་ཡང་མེད་ཅིང་མི་བླས་དང་གནས་མལ་འགའ་ཡང་མེད་ཀྱི། ཚོང་དཔོན་དེ་ཉིད་སྣོད་སྤྱད་དང་མི་བླས་དང་གནས་མལ་མང་བ་ཡིན་ལ་དད་པ་ཅན་ཡིན་གྱི་སོང་ལ་དེ་ཉིད་ལ་གྱིས་ཤིག་།ཁྱེའུ་དེ་ཚོང་དཔོན་དེའི་གན་དུ་སོང་སྟེ་སྨྲས་པ། ཡབ་བདག་གི་སྡུམ་པ་ན་སྣོད་སྤྱད་དང་མི་བླས་དང་གནས་མལ་ཅུང་ཟད་ཀྱང་མ་མཆིས་ཀྱི། ཁྱོད་ཉིད་ཀྱིས་ཞལ་ཟས་སྟ་གོན་མཛོད་ཅིག་དང་བདག་མཆིས་ནས། རང་\་ཎGཱཎG?\་གི་སུག་པ་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ལོ། །ཚོང་དཔོན་དེ་དད་པ་ཅན་ཡིན་པས་དེས་བསམས་པ། བདག་གི་ཁྱིམ་གསར་དུ་བརྩིགས་པ་དེར་སངས་རྒྱས་ལ་སོགས་པ་དགེ་སློང་གི་དགེ་འདུན་གྱིས་གདུགས་ཚོད་གསོལ་བར་གྱུར་ན། ལེགས་སོ་སྙམ་ནས་དེས་སྨྲས་པ། བུ་ཞོག་སྟེ་སོང་ལ་སངས་རྒྱས་ལ་སོགས་པ་དགེ་སློང་གི་དགེ་འདུན་སང་གདུགས་ཚོད་ལ་སྤྱན་དྲོངས་ཤིག་དང་ཁོ་བོས་ཞལ་ཟས་སྟ་གོན་བྱའོ། །དེ་ནས་ཁྱིམ་བདག་གི་བུ་དེས་ཚོང་དཔོན་དེའི་ལག་ཏུ་ཀར་ཤ་པ་ན་ལྔ་བརྒྱ་གཏད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་རྒན་པའི་མཐའ་ལོགས་སུ་འདུག་ནས་གསོལ་པ། བཅོམ་ལྡན་འདས་སང་བདག་གིས་སངས་རྒྱས་ལ་སོགས་པའི་དགེ་
Ja174a
༄#། །སློང་གི་དགེ་འདུན་གདུགས་ཚོད་ལ་སྤྱན་འདྲེན་ཏོ། །བཅོམ་ལྡན་འདས་ཀྱིས་ཁྱིམ་བདག་གི་བུ་དེ་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་གི་བུ་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སོང་ངོ ། །ཚོང་དཔོན་དེས་ཀྱང་དེ་ཉིད་ཀྱི་མཚན་མོ་ཞལ་ཟས་སྟ་གོན་བྱས་ནས་ནང་པར་སྔར་ལངས་ཏེ་གདན་བཤམས་ནས་ཆུར་བཞག་སྟེ་བཅོམ་ལྡན་འདས་ལ་སྤྱན་འདྲེན་གྱིས་བཙུན་པ་གདུགས་ཚོད་གཡར་དགོངས་འཚལ་ན་བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ནས་ཚོང་དཔོན་དེའི་ཁྱིམ་ག་ལ་བ་དེར་གཤེགས་སོ། །དྲུག་སྡེ་དག་གིས་དྲིས་པ། སུའི་ཁྱིམ་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས། ཁྱིམ་བདག་གི་བུ་ཆེ་གེ་མོ་ཞིག་གིའོ། །དྲུག་སྡེ་དག་གིས་སྨྲས་པ། དེ་ནི་གླ་མི་ཡིན་པས་དེ་ཅི་ཞིག་སྦྱིན་པར་འགྱུར། ཁྱིམ་དུ་འགྲོ་བའི་ཁྱིམ་དུ་དོང་ལ་གཡར་ཚུས་བཟར་འདོང་ངོ་ཞེས་དེ་དག་ཁྱིམ་དུ་འགྲོ་བའི་ཁྱིམ་དག་ཏུ་དོང་བ་དང ། དེ་དག་གིས་སྨྲས་པ། འཕགས་
Ja174b
པ་དག་གདན་ཚུས་གསོལ་ཅིག་།དེ་ལྟར་བྱའོ་ཞེས་དེ་དག་གིས་ཁྱེའུ་ཚུས་ཟོས་སོ། །དེ་ནས་བཅོམ་ལྡན་འདས་ཚོང་དཔོན་དེའི་བཀད་ས་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དྲུག་སྡེ་དག་ཀྱང་ཁྱིམ་དུ་འགྲོ་བའི་ཁྱིམ་དག་ཏུ་ཁྱེའུ་ཚུས་ཟོས་ནས་དེ་ཉིད་དུ་དོང་སྟེ་འཁོད་དོ། །དེ་ནས་ཁྱིམ་བདག་གི་བུ་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད་ཅིང་སྟོབས་པར་བྱེད་དོ། །དེ་དེ་ན་རྒྱུ་བ་ན་དྲུག་སྡེ་དག་གུས་པར་བྱས་ཏེ། མི་ཟ་བ་མཐོང་ངོ ། །མཐོང་ནས་ཀྱང་བཅོམ་ལྡན་འདས་ཀྱི་སྤྱན་སྔར་འདུག་སྟེ་གསོལ་པ། བཅོམ་ལྡན་འདས་འདི་ན་འཕགས་པ་ཁ་ཅིག་གུས་པར་བགྱིས་ཏེ་མི་འཚལ་ན་བདག་ལྷ་རྣམས་ཀྱི་ནང་དུ་སྐྱེ་བར་མི་འགྱུར་ལགས་པ་སྙམ། བཅོམ་ལྡན་འདས་ཀྱིས་བཀའ་སྩལ་པ། བཞིན་བཟང་རེ་ཞིག་གནས་མལ་གྱི་ལོངས་སྤྱོད་ཀྱིས་ཀྱང་ཁྱོད་ལྷ་རྣམས་ཀྱི་ནང་དུ་སྐྱེ་བར་འགྱུར་ན། ཁ་ཟས་ཀྱི་ལོངས་སྤྱོད་ཀྱིས་ལྟ་སྨོས་ཀྱང་ཅི་དགོས། དེ་ནས་བཅོམ་ལྡན་འདས་ཁྱིམ་བདག་གི་བུ་དེ་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་
Ja175a
༄#། །མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །ཚོང་པ་ལྔ་བརྒྱ་ཙམ་རྒྱ་མཚོ་ཆེན་པོ་ནས་རྒྱལ་པོའི་ཁབ་ཏུ་ལྷགས་ནས་རྒྱལ་པོའི་ཁབ་ཏུ་དུས་སྟོན་བྱུང་བས་ཚོང་ཅུང་ཟད་ཀྱང་མ་རྙེད་ནས་དེ་ན་ཚོང་པ་དགེ་སློང་གི་རྒྱུས་ཤེས་པ་ཞིག་འདུག་པ་དེས་སྨྲས་པ། ཤེས་ལྡན་དག་ཤེས་པར་གྱིས་ཤིག་།ཁྱིམ་གང་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་གྱི་གདུགས་ཚོད་གསོལ་པའི་ཁྱིམ་དེ་ན་གོར་མ་ཆགས་པར་བཟའ་བ་དང་བཏུང་བ་ལྷག་པའི་ཆོས་ཅུང་ཟད་ཡོད་ཀྱི། དེར་དོང་ལ་རིན་གྱིས་བཙལ་ལོ། །དེ་དག་གིས་སྨྲས་པ་དང ། ཚོང་དཔོན་ཆེ་གེ་མོ་ཞིག་གི་ཁྱིམ་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་གྱིས་གདུགས་ཚོད་གསོལ་ཏོ་ཞེས་ཐོས་ནས་དེ་དག་ཟོང་ཐོགས་ཏེ་དེར་དོང་ནས་སྨྲས་པ། ཚོང་དཔོན་བདག་ཅག་ཚོང་པ་ལྔ་བརྒྱ་ཙམ་རྒྱ་མཚོ་ཆེན་པོ་ནས་རྒྱལ་པོའི་ཁབ་ཏུ་ལྷགས་ནས་རྒྱལ་པོའི་ཁབ་ཏུ་དུས་སྟོན་བྱུང་བས་ཚོང་ཅུང་ཟད་ཀྱང་མ་རྙེད་ནས་བདག་ཅག་ལྟོག་པར་གྱུར་ན། ཁྱོད་ཀྱི་ཁྱིམ་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་གྱིས་གདུགས་ཚོད་དག་
Ja175b
གསོལ་བས་བཟའ་བ་དང་བཏུང་བ་ལྷག་པའི་ཆོས་ཅུང་ཟད་ཡོད་ན་རིན་གྱི་ཕྱིར་བྱིན་ཅིག་།ཚོང་དཔོན་གྱིས་སྨྲས་པ། བཞིན་བཟང་དག་ཇེ་ལྟའོ་ཞེས་དེ་ཁྱིམ་བདག་གི་བུ་དེའི་གན་དུ་སོང་སྟེ་སྨྲས་པ།་བུ་ཚོང་པ་ལྔ་བརྒྱ་ཙམ་རྒྱ་མཚོ་ཆེན་པོ་ནས་རྒྱལ་པོའི་ཁབ་ཏུ་ལྷགས་ནས་རྒྱལ་པོའི་ཁབ་ཏུ་དུས་སྟོན་བྱུང་བས་ཚོང་ཅུང་ཟད་ཀྱང་མ་རྙེད་ནས་དེ་དག་ལྟོགས་པར་གྱུར་ཏེ་རིན་གྱིས་བཟའ་བ་དང།་བཏུང་བ་ཚོལ་དུ་འདིར་ལྷགས་ཀྱི། ལྷག་པའི་ཆོས་མང་དུ་ཡོད་ནས་རིན་གྱི་ཕྱིར་བྱིན་ཅིག་།ཁྱེའུས་སྨྲས་པ། ཡབ་བདག་རིན་གྱི་སླད་དུ་མི་སྩོལ་གྱི། སྦྱིན་པའི་ཆོས་ཀྱི་སླད་དུ་དེ་བཞིན་དུ་སྩོལ་གྱི། དེ་དག་མཆིས་སུ་སྩོལ་ཅིག་།ཚོང་དཔོན་དེས་ཚོང་པ་དེ་དག་འདུག་ཏུ་བཅུག་པ་དང ། ཁྱེའུ་དེས་བཟའ་བ་དང་བཏུང་བས་དེ་དག་ཚིམ་པར་བྱས་སོ། །ཚོང་པ་དེ་དག་ལུས་ཚིམ་པས་ཆེད་དུ་བརྗོད་པ་འདི་སྐད་ཅེས་ཆེད་དུ་བརྗོད་དོ། །ཚོང་དཔོན་གང་གི་ཁྱིམ་དུ་སངས་རྒྱས་ལ་སོགས་པའི་དགེ་སློང་གི་དགེ་འདུན་གྱིས་གདུགས་ཚོད་གསོལ་ཅིང་བདག་ཅག་ཚོང་པ་ལྔ་བརྒྱ་ཡང་བཟའ་བ་དང་བཏུང་བས་ཚིམ་པར་བྱས་པའི་ཚོང་དཔོན་དེས་ནི་རྙེད་པ་དག་ལེགས་པར་རྙེད་དོ། །ཚོང་དཔོན་དེས་སྨྲས་པ། བཞིན་བཟང་དག་འདི་ནི་ཁོ་བོའི་ཟས་མ་ཡིན་ཏེ། ཁྱིམ་བདག་གི་བུ་འདིའི་ཟས་ཡིན་ནོ། །དེ་དག་གིས་དྲིས་པ། འདི་ཁྱིམ་བདག་གང་གི་བུ་ཡིན། ཚོང་དཔོན་གྱིས་སྨྲས་པ། ཁྱིམ་བདག་ཆེ་གེ་མོ་ཞིག་གིའོ། །དེ་དག་གི་དེད་དཔོན་གྱིས་
Ja176a
༄#། །སྨྲས་པ། འོ་ན་འདི་བདག་གི་ཆུང་པོ་གྲོགས་ཀྱི་བུ་ཡིན་ནོ། །གཞན་དག་གིས་སྨྲས་པ། དེ་ལྟ་ན་འདི་བདག་ཅག་གི་ཞང་པོ་ཡིན་ནོ། །གཞན་དག་གིས་ཀྱང་སྨྲས་པ།་དེ་ལྟ་ན་འདི་བདག་ཅག་གི་ཚ་བོ་ཡིན་ནོ། །དེད་དཔོན་དེས་སྨྲས་པ། མང་པོ་དག་གིས་ནི་གཅིག་དབྱུང་བར་ནུས་ལ་གཅིག་གིས་ནི་མང་པོ་དག་ཀྱང་དབྱུང་བར་མི་ནུས་སོ་ཞེས་དེས་གཞི་གཏིང་སྟེ་རིན་པོ་ཆེ་བཞག་ནས་སྨྲས་པ། ཤེས་ལྡན་དག་གང་གིས་ཅི་ཡོངས་སུ་བཏང་བ་དེས་དེ་བཞིན་འདིར་ཞོག་ཅིག་།དེར་ལ་ལས་ནི་རིན་པོ་ཆེ་གཅིག་།ལ་ལས་ནི་གཉིས་བཞག་།ལ་ལས་ནི་མང་པོ་དག་བཞག་སྟེ། དེ་ལྟར་དེར་རིན་པོ་ཆེའི་ཕུང་པོ་ཆེན་པོ་རྣམ་པར་བཞག་ནས། དེད་དཔོན་གྱིས་ཁྱེའུ་ལ་སྨྲས་པ། བུ་ལོང་ཞིག་།ཁྱེའུས་སྨྲས་པ། ཤེས་ལྡན་དག་བདག་གིས་རིན་གྱི་ཕྱིར་མ་བྱིན་ནོ། །དེད་དཔོན་གྱིས་སྨྲས་པ། ཁོ་བོ་ཅག་ཁྱོད་ལ་རིན་བྱིན་པ་མ་ཡིན་ཏེ་འདི་ལྟར་རིན་པོ་ཆེ་གཅིག་གིས་ཀྱང་ཟས་འདི་ལྟ་བུ་བརྒྱ་སྙེད་འགྲུབ་པས། འདི་ལྟར་ཁོ་བོ་ཅག་ཁྱོད་ལ་དགའ་བས་དགའ་བའི་དབང་དུ་བྱས་བར་བྱའོ། །ཁྱེའུས་སྨྲས་པ། བདག་ལྷ་རྣམས་ཀྱི་ནང་དུ་སྐྱེ་བར་མི་འགྱུར་བ་སྙམ། ཁྱོད་བཅོམ་ལྡན་འདས་ལ་མངོན་པར་དད་དམ། མངོན་པར་དད་དོ། །སོང་ལ་བཅོམ་ལྡན་འདས་ལ་ཞུས་ཤིག་།དེ་ནས་ཁྱེའུ་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་
Ja176b
ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་གི་བུ་དེས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ན་བདག་གིས་ཚོང་པ་ལྔ་བརྒྱ་ཙམ་ལ་བཟའ་བ་དང་བཏུང་བ་སྩལ་ནས། དེ་དག་བདག་ལ་དགའ་བས་དགའ་བའི་དབང་དུ་བགྱིས་པ་བགྱིད་ན་བདག་གིས་བླང་བར་བགྱིའམ། བཞིན་བཟང་ལོང་ཞིག་།བཅོམ་ལྡན་འདས་བདག་ལྷ་རྣམས་ཀྱི་ནང་དུ་སྐྱེ་བར་མི་འགྱུར་ལགས་པ་སྙམ། བཅོམ་ལྡན་འདས་ཀྱིས་བཀའ་སྩལ་པ། བུ་དེ་ནི་མེ་ཏོག་ཡིན་གྱི། ལོངས་ཤིག་།འབྲས་བུ་གཞན་འབྱུང་བར་འགྱུར་རོ། །ཁྱེའུ་དེས་རིན་པོ་ཆེ་དེ་དག་བླངས་སོ། །རྒྱལ་པོའི་ཁབ་ན་ཚོང་དཔོན་བུ་མེད་པ་ཞིག་དུས་ལ་བབ་ནས། ནོར་ཅན་དག་དང་ཚོང་དཔོན་དག་དང་དེད་དཔོན་དག་འདུས་ཏེ་སྨྲས་པ། ཤེས་ལྡན་དག་བདག་ཅག་གིས་གང་ཞིག་གྲོང་ཁྱེར་གྱི་ཚོང་དཔོན་དུ་དབང་བསྐུར་བར་བྱ། བདག་ཅག་གི་ནང་ན་སེམས་ཅན་གང་བསོད་ནམས་ཆེ་བར་གྲགས་པའོ། །དེ་དག་གིས་སྨྲས་པ། བདག་ཅག་གིས་ཇི་ལྟར་ཤེས་པར་བྱ། དེ་དག་གིས་སྨྲས་པ། ས་བོན་ཁ་དོག་སྣ་ཚོགས་དག་རྫ་མ་སོ་བཏང་བའི་ནང་དུ་བླུགས་ཤིང་གང་གིས་ཁ་དོག་གཅིག་པ་ཤ་སྟག་ཟིན་པར་འགྱུར་བ་དེ་བདག་ཅག་གིས་ཚོང་དཔོན་དུ་དབང་བསྐུར་བར་བྱའོ། །དེ་དག་གིས་ས་བོན་ཁ་དོག་སྣ་ཚོགས་དག་
Ja177a
༄#། །རྫ་མ་སོ་བཏང་བའི་ནང་དུ་བླུགས་ཏེ། དེ་དག་གིས་གཟུང་བར་བརྩམས་པ་དང་གཞན་ཐམས་ཅད་ཀྱིས་ནི་ས་བོན་ཁ་དོག་སྣ་ཚོགས་དག་ཟིན། ཁྱིམ་བདག་གི་བུ་དེས་ནི་ས་བོན་ཁ་དོག་གཅིག་པ་ཤ་སྟག་ཟིན་ནས་དེ་དག་གིས་སྨྲས་པ། བདག་ཅག་གིས་གླ་མི་ཚོང་དཔོན་དུ་དབང་བསྐུར་བར་ཇི་ལྟར་བྱ་ཞེས་དེ་དག་གིས་ལན་གསུམ་གྱི་བར་དུ་དེ་ལྟར་བྱས་པ་དང ། གཞན་ཐམས་ཅད་ཀྱིས་ནི་ས་བོན་ཁ་དོག་སྣ་ཚོགས་དག་ཟིན། ཁྱིམ་བདག་གི་བུ་དེས་ནི་ས་བོན་ཁ་དོག་གཅིག་པ་ཤ་སྟག་ཟིན་ནས་དེ་དག་གིས་སྨྲས་པ། ཤེས་ལྡན་དག་།མི་མ་ཡིན་པ་དག་གིས་ཆེ་བཞི་ཕྱེས། ཁྱིམ་བདག་གི་བུ་འདི་ཉིད་ཚོང་དཔོན་དུ་དབང་བསྐུར་བར་བྱའོ། །ཞེས་དེ་དག་གིས་ཁྱེའུ་དེ་གྲོང་ཁྱེར་གྱི་ཚོང་དཔོན་དུ་དབང་བསྐུར་ཏོ། །ཚོང་དཔོན་དེས་བསམས་པ། སེམས་ཅན་འདི་ནི་བསོད་ནམས་དང་དབང་ཆེ་བར་གྲགས་པ་ཡིན་གྱི། འདི་ལ་གཅམ་གསག་པར་བྱའོ་སྙམ་ནས་ཚོང་དཔོན་དེས་ཀྱང་རང་གི་བུ་མོ་རྒྱན་ཐམས་ཅད་ཀྱིས་བརྒྱན་ཏེ། གྲོང་ཁྱེར་གྱི་ཚོང་དཔོན་དེའི་ཆུང་མར་བྱིན་ནས་དེའི་ཁྱིམ་ནོར་མང་ཞིང་ལོངས་སྤྱོད་དག་གིས་འཕྲལ་ཁོ་ན་མངོན་པར་མཐོ་བར་གྱུར་ནས། དེའི་མིང་འཕྲལ་ལ་མཐོས་འཕྲལ་ལ་མཐོས་ཞེས་བྱ་བར་གྱུར་ཏོ། །དེ་ནས་ཚོང་དཔོན་འཕྲལ་ལ་མཐོས་འདི་སྙམ་དུ་སེམས་ཏེ་བདག་གི་ཁྱིམ་ན་དཔལ་གྱི་འབྱོར་པ་ཕུན་སུམ་ཚོགས་པ་གང་ཡིན་པ་དེ་དག་ཐམས་ཅད་
Ja177b
སངས་རྒྱས་བཅོམ་ལྡན་འདས་ལ་བརྟེན་ནས་བདག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་སྤྱན་དྲངས་ཏེ་གདུགས་ཚོད་གསོལ་བ་ལས་གྱུར་པ་ཡིན་ནོ་སྙམ་ནས། དེ་ནས་ཚོང་དཔོན་འཕྲལ་ལ་མཐོས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཚོང་དཔོན་འཕྲལ་ལ་མཐོས་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཚོང་དཔོན་འཕྲལ་ལ་མཐོས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོངས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཚོང་དཔོན་འཕྲལ་ལ་མཐོས་ལ་ཅང་མི་གསུང་བར་གནང་ངོ ། །དེ་ནས་ཚོང་
Ja178a
༄#། །དཔོན་འཕྲལ་ལ་མཐོས་ཀྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚོང་དཔོན་འཕྲལ་ལ་མཐོས་ཀྱིས་དེ་ཉིད་ཀྱི་མཚན་མོ་བཅའ་བ་དང་བཟའ་བ་གཙང་ཞིང་བསོད་པ་སྟ་གོན་བྱས་ནས། ནང་པར་སྔར་ལངས་ཏེ་གདན་བཤམས་ནས་ཆུར་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་བཙུན་པ་གདུགས་ཚོད་གཡར་དགོངས་འཚལ་ནས། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་དུ་བདར་ནས་ཚོང་དཔོན་འཕྲལ་ལ་མཐོས་ཀྱི་བཀད་ས་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་ཚོང་དཔོན་འཕྲལ་ལ་མཐོས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་བཅའ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད་ཅིང་སྟོབས་པར་བྱེད་དོ། །རྣམ་གྲངས་དུ་མས་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་
Ja178b
པར་བྱས་ཤིང་བསྟབས་ནས། བཅོམ་ལྡན་འདས་གདུགས་ཚོད་གསོལ་ཞིང་ཕྱག་བཅབས་ཏེ་ལྷུང་བཟེད་དག་བཞག་པར་རིག་ནས། སྟན་ཆེས་དམའ་བ་ཞིག་བླངས་ཏེ་ཁྱོ་ཤུག་གཉིས་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།བཅོམ་ལྡན་འདས་འདས་ཀྱིས་ཚོང་དཔོན་འཕྲལ་ལ་མཐོས་ཁྱོ་ཤུག་གཉིས་ཀྱི་བསམ་པ་དང ། བག་ལ་ཉལ་དང་ཁམས་དང་རང་བཞིན་ཐུགས་སུ་ཆུད་ནས། ཅི་ནས་ཀྱང་ཚོང་དཔོན་འཕྲལ་ལ་མཐོས་ཁྱོ་ཤུག་གཉིས་ཀྱིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པར་མཛད་དོ། །དེས་བདེན་པ་མཐོང་ནས་གསོལ་པ། བཙུན་པ་བདག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས། བཅོམ་ལྡན་འདས་ཀྱིས་བདག་ལ་ཕན་པ་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང་རྩ་ལག་གི་ཚོགས་ཀྱིས་ཀྱང་མ་བགྱིས། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་དུད་འགྲོ་དང་ཡི་དྭགས་
Ja179a
༄#། །དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་།འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་པའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ནི་མངོན་པར་ཞུགས་པ་ལགས་སོ། །བཙུན་པ་བདག་ནི་མངོན་པར་ཞུགས་པ་ལགས་ཏེ། བཙུན་པ་བདག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་སྐྱབས་སུ་མཆིའོ། །དེ་ནས་བཅོམ་ལྡན་འདས་ཚོང་དཔོན་འཕྲལ་ལ་མཐོས་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ།། །།འདུལ་བ་རྣམ་པར་འབྱེད་པ། བམ་པོ་ང་
Ja179b
གཅིག་པ། དེ་ནས་བཅོམ་ལྡན་འདས་རྒྱལ་པོའི་ཁབ་ཏུ་ཅི་དགྱེས་པར་བཞུགས་ནས། ཡངས་པ་ཅན་ག་ལ་བ་དེར་ལོགས་སུ་ལྗོངས་རྒྱུ་ཞིང་གཤེགས་སོ། །དེ་ནས་བཅོམ་ལྡན་འདས་སྤོང་བྱེད་དག་ཏུ་ལྗོངས་རྒྱུ་ཞིང་གཤེགས་པ་ན་ཡངས་པ་ཅན་དུ་བྱོན་ནས། ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ། །ཁྱིམ་བདག་དྲག་ཤུལ་ཅན་གྱིས་བཅོམ་ལྡན་འདས་སྤོང་བྱེད་དག་ཏུ་ལྗོངས་རྒྱུ་ཞིང་གཤེགས་པ་ན་ཡངས་པ་ཅན་དུ་བྱོན་ནས་ཡངས་པ་ཅན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ་ཞེས་ཐོས་སོ། ། ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་ཁྱིམ་བདག་དྲག་ཤུལ་ཅན་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཁྱིམ་བདག་དྲག་ཤུལ་ཅན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་
Ja180a
༄#། །པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཀྱིས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཁྱིམ་བདག་དྲག་ཤུལ་ཅན་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་དྲག་ཤུལ་ཅན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་སྤྱན་སྔ་ནས་སོང་སྟེ། དེས་ཞོ་ཤས་འཚོ་རྣམས་ལ་སྨྲས་པ། ཤེས་ལྡན་དག་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ཡོངས་སུ་བསྙེལ་ཅིང་གཤེགས་ཀྱི། ཞལ་ཟས་གཙང་ཞིང་བསོད་པ་མང་པོ་དག་སྟ་གོན་གྱིས་ཤིག་།དེ་དག་གིས་ཞལ་ཟས་གཙང་ཞིང་བསོད་པ་མང་པོ་དག་སྟ་གོན་བྱས་སོ། །དེ་ནས་ཁྱིམ་བདག་དྲག་ཤུལ་ཅན་ནང་པར་སྔར་ལངས་ཏེ་གདན་བཤམས་ནས་ཆུར་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་བཙུན་པ་གདུགས་ཚོད་གཡར་དགོངས་འཚལ་ན་བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ཁྱིམ་དུ་འགྲོ་བའི་ཁྱིམ་དག་ཏུ་འདོང ། དེ་ལྟར་བྱའོ། །དེ་དག་གིས་བསོད་སྙོམས་པ་ཞིག་མཐོང་ནས་སྨྲས་པ། ཚུར་ཤོག་ཁྱིམ་དུ་འགྲོ་བའི་ཁྱིམ་དུ་འདོང་ངོ ། །
Ja180b
ཞེས་དེ་ཁྲིད་ནས་དེ་དག་ཆེས་སྔར་ཡངས་པ་ཅན་དུ་ཞུགས་ནས་ཁྱིམ་དུ་འགྲོ་བའི་ཁྱིམ་དག་ཏུ་དོང་བ་དང ། དེ་དག་གིས་སྨྲས་པ། འཕགས་པ་དག་ཞལ་ཆུས་གསོལ་ཅིག་།དྲུག་སྡེ་དག་གིས་སྨྲས་པ།་ཁོ་བོ་ཅག་མགྲོན་དུ་བོས་སོ། །སུས། ཁྱིམ་བདག་དྲག་ཤུལ་ཅན་གྱིས་སོ། །དེ་དག་གིས་སྨྲས་པ། འཕགས་པ་དག་འོ་ན་ཨ་མྲའི་འཁུར་བ་དག་གསོལ་ཅིག་།དེ་ལྟར་བྱའོ་ཞེས་དེ་དག་གིས་ཨ་མྲའི་འཁུར་བ་དག་ཟོས་སོ། །བསོད་སྙོམས་པ་དེ་མི་ཟ་ནས་དེ་དག་གིས་སྨྲས་པ། འཕགས་པ་ཁྱོད་ཀྱིས་ཀྱང་ཨ་མྲའི་འཁུར་བ་དག་གསོལ་ཅིག་།དེས་སྨྲས་པ། ཁོ་བོ་སྟན་གཅིག་པ་ཡིན་ནོ། །དེ་དག་གིས་སྨྲས་པ། འོ་ན་སྣོམས་ཏེ་བཞུད་ལ་དེ་ཉིད་དུ་གསོལ་ཅིག་།དེས་ལྷུང་བཟེད་ཆུང་ངུ་བཀང་སྟེ་དེར་སོང་བ་དང ། དགེ་སློང་གི་དགེ་འདུན་ནི་ཞུགས་སོ། །བཅོམ་ལྡན་འདས་ནི་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབས་སོ། །སངས་རྒྱས་བཅོམ་ལྡན་འདས་རྣམས་ནི་རྒྱུ་ལྔས་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབ་པར་མཛད་དེ། ལྔ་གང་ཞེ་ན། ནང་དུ་ཡང་དག་འཇོག་པར་བཞེད་པ་དང ། ལྷ་རྣམས་ལ་ཆོས་སྟོན་པར་བཞེད་པ་དང ། ནད་པ་ལྟ་བར་བཞེད་པ་དང ། གནས་མལ་ལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པའོ། །དོན་འདིར་ནི་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་བཞེད་པས་རྫས་
Ja181a
༄#། །ལས་བྱུང་བ་ནི་བཞུགས་ཤིང ། བསོད་སྙོམས་མངོན་པར་བསྒྲུབ་པ་མཛད་དོ། །དེ་ནས་ཁྱིམ་བདག་དྲག་ཤུལ་ཅན་གྱིས་དགེ་སློང་གི་དགེ་འདུན་བདེ་བར་འཁོད་པར་རིག་ནས། བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད་ཅིང་སྟོབས་པར་བྱེད་དོ། །དེ་ནས་ཁྱིམ་བདག་དྲག་ཤུལ་ཅན་བསོད་སྙོམས་པ་དེའི་མདུན་དུ་འདུག་པ་དང ། བསོད་སྙོམས་པ་དེས་བསམས་པ། ཁྱིམ་བདག་ལ་འདི་ལྟར་འདིས་ཨ་མྲའི་འཁུར་བ་ཟོས་སོ་ཞེས་བྱ་བ་དེ་ལྟར་རིག་པར་གྱུར་གྱི། ཇི་སྲིད་དུ་འདིས་བདག་ཀླན་ཀ་མ་རྙེད་པ་དེ་སྲིད་དུ་བདག་གིས་འདི་ལ་བརྗོད་པར་བྱའོ་སྙམ་ནས་དེས་ཁྱིམ་བདག་དྲག་ཤུལ་ཅན་ལ་འདི་སྐད་ཅེས་སྨྲས་སོ། །ཁྱིམ་བདག་བདག་འབའ་ཞིག་གིས་ཨ་མྲའི་འཁུར་བ་དག་ཟོས་པར་མ་ཟད་ཀྱི་དྲུག་སྡེ་འདི་དག་གིས་ཀྱང་ཨ་མྲའི་འཁུར་བ་དག་ཟོས་སོ། །ཁྱིམ་བདག་གིས་སྨྲས་པ། འཕགས་པ་ཅིའི་ཕྱིར་དེ་སྐད་ཅེས་བདག་འབའ་ཞིག་གིས་ཨ་མྲའི་འཁུར་བ་དག་ཟོས་པར་མ་ཟད་ཀྱི་དྲུག་སྡེ་འདི་དག་གིས་ཀྱང་ཨ་མྲའི་འཁུར་བ་དག་ཟོས་སོ། །ཞེས་ཟེར་ཞེས་དེས་སྤྱོས་ཏེ་སྨྲས་པ། འཕགས་པ་ཅི་ཁོ་བོ་ལ་ཨ་མྲའི་འཁུར་བ་དག་མེད་སྙམ་མམ། དེས་ཞོ་ཤས་འཚོ་བ་དག་ལ་སྨྲས་པ། ཤེས་ལྡན་དག་ཨ་མྲའི་འཁུར་བ་དག་གིས་སྤྲོག་མ་དག་ཕྱེ་ཤིག་།དེ་དག་གིས་ཕྱེའོ། །དེ་ནས་དགེ་སློང་བསོད་སྙོམས་སྒྲུབ་པས་བསོད་སྙོམས་བླངས་ནས་བཅོམ་ལྡན་འདས་
Ja181b
ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།སངས་རྒྱས་བཅོམ་ལྡན་འདས་རྣམས་ནི་ཆོས་ཉིད་ཀྱིས་བསོད་སྙོམས་སྒྲུབ་པའི་དགེ་སློང་ལ་དགེ་སློང་ཇི་ལྟར་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་འདིས་སོ་སོར་ཀུན་དགའ་བར་མཛད་པ་ཡིན་པས། ། བཅོམ་ལྡན་འདས་ཀྱིས་དགེ་སློང་བསོད་སྙོམས་སྒྲུབ་པ་ལ་དགེ་སློང་ཇི་ལྟ་ཟས་བསོད་དམ། དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ་བར་མཛད་པ་དང ། དེས་གསོལ་པ།་བཙུན་པ་ཏེ་པོར་ཟས་བསོད་ཅིང་དགེ་སློང་གི་དགེ་འདུན་ཚིམ་པར་ནི་བགྱིས་ན། འདི་ལྟར་ཁྱིམ་བདག་དྲག་ཤུལ་ཅན་གྱིས་དགེ་སློང་གི་དགེ་འདུན་སྤྱོས་སོ། །དོན་གང་ལ། དེས་སྐབས་དེ་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁྱིམ་བདག་དྲག་ཤུལ་ཅན་གྱིས་དགེ་སློང་གི་དགེ་འདུན་གནས་སུ་སྤྱོས་སོ། །དེ་ནས་བཅོམ་ལྡན་འདས་ཞལ་ཟས་ཀྱི་བྱ་བ་མཛད་ནས་གཙུག་ལག་ཁང་གི་སླད་རོལ་ཏུ་ཞབས་གཉིས་བསིལ་ཏེ་ནང་དུ་ཡང་དག་འཇོག་གི་སླད་དུ་གཙུག་ལག་ཁང་དུ་གཤེགས་སོ། །དེ་ནས་བཅོམ་ལྡན་འདས་ནང་དུ་ཡང་དག་འཇོག་ལས་བཞེངས་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་
Ja182a
༄#། །དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་ཁྱེད་ཡང་ཡང་ཟ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་ཡང་ཟ་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ། །དགེ་སློང་ན་བ་ཞིག་སྨན་པའི་གནས་སུ་སོང་བ་དང་དེས་དེ་མཐོང་ནས་སྨྲས་པ། བཞིན་བཟང་ཁོ་བོ་ལ་སྨན་སྟོན་ཅིག་།འཕགས་པ་ཇེ་ཞལ་ཚུས་གསོལ་ཅིག་།བཞིན་བཟང་བཅོམ་ལྡན་འདས་ཀྱིས་
Ja182b
མ་གནང་ངོ ། །འཕགས་པ་དེ་ཁྱོད་ཀྱི་སྨན་ལགས་ཏེ། གཞན་དུ་ཁྱོད་ཀྱིས་འཚོ་བར་མི་སྤྱོད་དོ། །བཞིན་བཟང་བཅོམ་ལྡན་འདས་ཀྱིས་བསླབ་པའི་གཞི་བཅའ་བར་མཛད་དེ། །འཕགས་པ་ཁྱོད་ཀྱི་སྟོན་པ་ཐུགས་རྗེ་ཅན་ལགས་པས་དེ་ཉིད་རྐྱེན་དུ་མཛད་ནས་གནང་བར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ། །དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ན་བའི་དུས་མ་གཏོགས་སོ། །དགེ་སློང་དག་མཆོད་རྟེན་གྱི་ལས་དང་དགེ་འདུན་གྱི་ལས་དག་བྱས་པ་ན་དེ་དག་བཀྲེས་ནས་གློས་ཕབ་སྟེ་ཉལ་ཞིང་དགེ་བའི་ཕྱོགས་ལ་ཏྲོན་བྱེད་པར་མི་ནུས་པ་ན་བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་ལྷགས་ནས་དེ་དག་གིས་སྨྲས་པ། འཕགས་པ་དག་བསྟན་པ་ལ་གཅིག་ཏུ་བརྩོན་པར་བགྱི་བ་ལགས་ན། ཅིའི་སླད་དུ་གློས་ཕབ་སྟེ་གཟིམས་ཤིང་དགེ་བའི་ཕྱོགས་ལ་ཏྲོན་མི་མཛད། བཞིན་བཟང་དག་ཁོ་བོ་ཅག་བཀྲེས་སོ། །འཕགས་པ་དག་ཞལ་ཚུས་གསོལ་ཅིག་།བཞིན་བཟང་དག་བཅོམ་ལྡན་འདས་ཀྱིས་བསླབ་པའི་གཞི་བཅའ་བར་མཛད་དོ། །ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལས་ཀྱི་དུས་མ་གཏོགས་སོ། །དགེ་སློང་གཞན་དག་ལམ་དུ་ཞུགས་པ་ན་བཀྲེས་པར་གྱུར་ནས་གློས་ཕབ་སྟེ་ཉལ་ཞིང་དགེ་བའི་ཕྱོགས་ལ་ཏྲོན་བྱེད་པར་མི་ནུས་པ་ན། བྲམ་ཟེ་དང་ཁྱིམ་བདག་དད་པ་ཅན་དག་
Ja183a
༄#། །ལྷགས་ནས་དེ་དག་གིས་སྨྲས་པ། འཕགས་པ་དག་བསྟན་པ་ལ་གཅིག་ཏུ་བརྩོན་པར་བགྱི་བ་ལགས་ན་ཅིའི་སླད་དུ་གློས་ཕབ་སྟེ་གཟིམས་ཤིང་དགེ་བའི་ཕྱོགས་ལ་ཏྲོན་མི་མཛད། བཞིན་བཟང་དག་ཁོ་བོ་ཅག་བཀྲེས་སོ། །འཕགས་པ་དག་ཞལ་ཚུས་གསོལ་ཅིག་།བཞིན་བཟང་དག་བཅོམ་ལྡན་འདས་ཀྱིས་བསླབ་པའི་གཞི་བཅའ་བར་མཛད་དོ། །ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལམ་གྱི་དུས་མ་གཏོགས་སོ། །དེ་ནས་བཅོམ་ལྡན་འདས་ཡངས་པ་ཅན་དུ་ཅི་དགྱེས་པར་བཞུགས་ནས་མཉན་ཡོད་ག་ལ་བ་དེར་ལོགས་སུ་ལྗོངས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ནས། མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེའི་ཀུན་ཏུ་སྤྱོད་པ་ནི་ཚེས་བརྒྱད་དང་བཅུ་བཞི་ལ་བསྙེན་གནས་ལ་གནས་ཤིང་ཇི་སྲིད་དུ་དགེ་འདུན་བཀྲབས་པ་དག་ཟན་མ་ཟོས་པ་དེ་སྲིད་དུ་བདག་ཉིད་ཟན་ཟ་བར་མི་བྱེད་དོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་སྤྱན་དྲངས་ནས། སངས་རྒྱས་ལ་སོགས་པ་དགེ་སློང་གི་དགེ་འདུན་གཤེགས་སོ། །ཁྱིམ་བདག་དེས་གཙུག་ལག་ཁང་དུ་མི་མངགས་ཏེ་སོང་ལ་དགེ་སློང་དག་སྤྱན་དྲོངས་ཤིག་དང་གདུགས་ཚོད་གསོལ་ལོ། །མི་དེ་གཙུག་ལག་ཁང་དུ་སོང་བ་དང ། ཇི་ཙམ་
Ja183b
ན་དགེ་སློང་གཅིག་ཀྱང་མི་སྣང་ནས་དེ་ཕྱིར་ལོག་སྟེ་སྨྲས་པ། ཁྱིམ་བདག་དེ་ན་དགེ་སློང་མེད་དེ་བདག་གིས་གཅིག་ཀྱང་མ་མཐོང་ངོ ། །ཁྱིམ་བདག་དེས་སྨྲས་པ། སོང་ལ་གང་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་པ་དེ་ནས་དགེ་སློང་དག་སྤྱན་དྲོངས་ཤིག་དང་གདུགས་ཚོད་གསོལ་ལོ། །མི་དེ་དེར་སོང་བ་དང་ཇི་ཙམ་ན་དགེ་སློང་དག་ཟན་ཟོས་ཏེ་ཕྱིར་བྱུང་བ་མཐོང་ནས་དེས་སྨྲས་པ། འཕགས་པ་དག་ཚུར་གཤེགས། ཁྱིམ་བདག་ཆེ་གེ་མོ་ཞིག་གི་སྡུམ་པར་གདུགས་ཚོད་གསོལ་བར་ཅི་གནང ། དགེ་སློང་རྣམས་ཀྱིས་སྨྲས་པ། ཁོ་བོ་ཅག་ཟན་ཟོས་ཟིན་ཏོ། །མི་དེ་སོང་སྟེ་ཁྱིམ་བདག་དེ་ལ་སྨྲས་པ། ཁྱིམ་བདག་དགེ་སློང་དག་གི་ཞལ་ནས་ཁོ་བོ་ཅག་ཟན་ཟོས་ཟིན་ཏོ་ཞེས་བྱུང་ངོ ། །ཀཝའི་ནང་རྗེ་སོང་ལ་ཁྱིམ་བདག་གི་མཆིད་ནས་ཚུར་སྤྱོན་གདུགས་ཚོད་གསོལ་དང་རས་ཡུག་ཆེན་འབུལ་ལོ་ཞེས་བྱོས་ཤིག་།དེ་སོང་སྟེ་སྨྲས་པ། འཕགས་པ་དག་ཁྱིམ་བདག་གི་མཆིད་ནས་ཚུར་གཤེགས་གདུགས་ཚོད་གསོལ་དང ། རས་ཡུག་ཆེན་འབུལ་ལོ་ཞེས་མཆིའོ། །དགེ་སློང་རྣམས་ཀྱིས་སྨྲས་པ། ཁོ་བོ་ཅག་གིས་སྤངས་སོ། །མི་དེ་སོང་སྟེ་ཁྱིམ་བདག་ལ་སྨྲས་པ། ཁྱིམ་བདག་དགེ་སློང་རྣམས་ཀྱི་ཞལ་ནས་བདག་ཅག་གིས་སྤངས་སོ་ཞེས་བྱུང་ངོ ། །ཁྱིམ་བདག་དེས་བདག་གིས་བཀྲབས་པའི་དགེ་འདུན་གྱིས་བཤོས་མ་གསོལ་ཏོ་ཞེས་ཟན་བཅད་པ་བསྒྲུབས་པ་དང ། དེའི་ངོས་ཀྱི་ཁྱིམ་མཚེས་དག་ཤཱཀྱའི་བུའི་དགེ་སྦྱོང་འདི་དག་གོས་བྱིན་ནའང་ལོངས་སྤྱོད་པར་མི་བཏུབ་པས་ཁྱིམ་བདག་འདིས་དགེ་སློང་དག་གིས་ཟན་མ་ཟོས་པའི་ཕྱིར་ཟས་བཅད་པ་བྱས་སོ་ཞེས་སྨོད་པར་བྱེད། ཕྱར་ཀ་གཏོང་
Ja184a
༄#། །བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གོས་སྦྱིན་པའི་དུས་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པར་འདོད་པ་དང་བསླབ་པ་ལ་གུས་པ་དང་བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང་དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་ཡང་ཟ་ན་དུས་མ་གཏོགས་ཏེ་ལྟུང་བྱེད་དོ། །དེ་ལ་དུས་ནི་འདི་ཡིན་ཏེ། ན་བ་དུས་སོ། ། ལས་དུས་སོ། །ལམ་དུས་སོ། །གོས་སྦྱིན་པའི་ཚེ་དུས་ཏེ། དེ་ལ་དེ་ནི་དུས་ཡིན་ནོ། །ཡང་ཡང་ཟ་ན་ཞེས་བྱ་བ་ནི་ཡང་དང་ཡང་དུ་ཟ་ནའོ། །དུས་མ་གཏོགས་ཏེ་ཞེས་བྱ་བ་ནི་དུས་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་དུས་ནི་འདི་ཡིན་ཏེ་ན་བ་དུས་སོ། །ཞེས་བྱ་བ་ནི་འདི་ལྟ་སྟེ་དགེ་སློང་ཟས་
Ja184b
གཅིག་གིས་འཚོ་བར་མི་ནུས་ནའོ། །ལས་དུས་སོ་ཞེས་བྱ་བ་ནི། འདི་ལྟ་སྟེ་དགེ་སློང་གིས་དགེ་འདུན་གྱིའམ། མཆོད་རྟེན་གྱི་ལས་སྡེ་ལས་ཐ་ན་ཕྱག་དར་རེ་ལྡེ་ཙམ་བྱས་སམ། དཀྱིལ་འཁོར་བ་མལ་ཙམ་བྱས་ནའོ། །ལམ་དུས་སོ་ཞེས་བྱ་བ་ནི། འདི་ལྟ་སྟེ་དགེ་སློང་དཔག་ཚད་ཕྱེད་དུ་སོང་ངམ། དེའི་ཕྱེད་དུ་སོང་སྟེ་ཕྱིར་ལོག་ནའོ། །གོས་སྦྱིན་པའི་ཚེ་དུས་ཏེ་ཞེས་བྱ་བ་ནི། རས་ཡུག་ཕྲན་ནམ་རས་ཡུག་ཆེན་ཐོབ་ནའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གོས་དང་བཅས་པ་དང ། གོས་མེད་པ་དང ། གོས་དང་བཅས་ཤིང་གོས་ཀྱི་རིན་དང་ཡང་བཅས་པ་དང ། གོས་མེད་ཅིང་གོས་ཀྱི་རིན་ཡང་མེད་པ་ལས་ཏེ། དེ་ལ་དགེ་སློང་གོས་དང་བཅས་པར་མགྲོན་དུ་བོས་ཤིང ། དེ་གོས་དང་བཅས་པ་གཞན་དུ་ཡང་མགྲོན་དུ་བོས་ན། དགེ་སློང་དེས་གཉི་ག་ཡང་ཁས་བླང་བར་བྱ་ཞིང་གཉི་ག་ཡང་བཟའ་བར་བྱ་སྟེ་དེ་ཁས་ལེན་པ་ལ་ཡང་ལྟུང་བ་མེད་ལ་ཟ་བ་ལ་ཡང་ལྟུང་བ་མེད་དོ། །དགེ་སློང་གོས་དང་བཅས་པར་མགྲོན་དུ་བོས་ཤིང་དེ་གོས་མེད་པ་གཞན་དུ་ཡང་མགྲོན་དུ་བོས་ན། དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་སྤང་བར་བྱ་བའམ། གཞན་ལ་སྦྱིན་པར་བྱའོ། །གཉི་ག་ཁས་ལེན་པར་བྱེད་ཅིང་གཉི་ག་ཟ་བར་བྱེད་ན། དེ་ཁས་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་ཏེ་སྔ་མ་ལ་ནི་ལྟུང་བ་མེད་དོ། །དགེ་སློང་གོས་དང་བཅས་པར་མགྲོན་དུ་བོས་ཤིང ། དེ་གོས་དང་བཅས་ཤིང་གོས་ཀྱི་རིན་དང་ཡང་བཅས་པ་གཞན་དུ་ཡང་མགྲོན་དུ་བོས་ན། དགེ་སློང་དེས་གཉི་ག་ཁས་བླང་བར་བྱ་
Ja185a
༄#། །ཞིང་གཉིས་ཀ་བཟའ་བར་བྱ་སྟེ། དེ་ཁས་ལེན་པ་ལ་ཡང་ལྟུང་བ་མེད་ལ་ཟ་བ་ལ་ཡང་ལྟུང་བ་མེད་དོ། །དགེ་སློང་གོས་དང་བཅས་པར་མགྲོན་དུ་བོས་ཤིང་དེ་གོས་མེད་ཅིང་གོས་ཀྱི་རིན་ཡང་མེད་པ་གཞན་དུ་ཡང་མགྲོན་དུ་བོས་ན། དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་སྤང་བར་བྱ་བའམ། གཞན་ལ་སྦྱིན་པར་བྱའོ། །གཉི་ག་ཁས་ལེན་པར་བྱེད་ཅིང་གཉི་ག་ཟ་བར་བྱེད་ན། དེ་ཁས་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་མེད་པར་མགྲོན་དུ་བོས་ཤིང་དེ་གོས་མེད་པ་གཞན་དུ་ཡང་མགྲོན་དུ་བོས་ན་དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་སྤང་བར་བྱ་བའམ། གཞན་ལ་སྦྱིན་པར་བྱའོ། །གཉི་ག་ཁས་ལེན་པར་བྱེད་ཅིང་གཉི་ག་ཟ་བར་བྱེད་ན་དེ་ཁས་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་མེད་པར་མགྲོན་དུ་བོས་ཤིང ། དེ་གོས་དང་བཅས་པ་གཞན་དུ་ཡང་མགྲོན་དུ་བོས་ན། དགེ་སློང་དེས་གཉི་ག་ཁས་བླང་བར་བྱ་ཞིང་གཉི་ག་བཟའ་བར་བྱ་སྟེ་དེ་ཁས་ལེན་པ་ལའང་ལྟུང་བ་མེད་ལ་ཟ་བ་ལའང་ལྟུང་བ་མེད་དོ། །དགེ་སློང་གོས་མེད་པར་མགྲོན་དུ་བོས་ཤིང་དེ་གོས་དང་བཅས་ཤིང་གོས་ཀྱི་རིན་དང་ཡང་བཅས་པ་གཞན་དུའང་མགྲོན་དུ་བོས་ན་དགེ་སློང་དེས་གཉི་ག་ཁས་བླང་བར་བྱ་ཞིང་གཉི་ག་བཟའ་བར་བྱ་སྟེ། དེ་ཁས་ལེན་པ་ལའང་ལྟུང་བ་མེད་ལ་ཟ་བ་
Ja185b
ལའང་ལྟུང་བ་མེད་དོ། །དགེ་སློང་གོས་མེད་པར་མགྲོན་དུ་བོས་ཤིང་དེ་གོས་མེད་ཅིང་གོས་ཀྱི་རིན་ཡང་མེད་པ་གཞན་དུ་འང་མགྲོན་དུ་བོས་ན་དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་སྤང་བར་བྱ་བའམ། གཞན་ལ་སྦྱིན་པར་བྱའོ། །གཉི་ག་ཁས་ལེན་པར་བྱེད་ཅིང་གཉི་ག་ཟ་བར་བྱེད་ན། དེ་ཁས་ལེན་པ་ལ་ཉེས་བྱས་སུ་འགྱུར་ལ། ཟ་བ་ལ་ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་དང་བཅས་ཤིང་གོས་ཀྱི་རིན་དང་ཡང་བཅས་པར་མགྲོན་དུ་བོས་ཤིང་དེ་གོས་དང་བཅས་ཤིང་གོས་ཀྱི་རིན་དང་ཡང་བཅས་པ་གཞན་དུ་ཡང་མགྲོན་དུ་བོས་ན། དགེ་སློང་དེས་གཉི་ག་ཁས་བླང་བར་བྱ་ཞིང་གཉིས་ཀ་བཟའ་བར་བྱ་སྟེ། དེ་ཁས་ལེན་པ་ལའང་ལྟུང་བ་མེད་ལ་ཟ་བ་ལའང་ལྟུང་བ་མེད་དོ། །དགེ་སློང་གོས་དང་ཡང་བཅས་ཤིང་གོས་ཀྱི་རིན་དང་ཡང་བཅས་པར་མགྲོན་དུ་བོས་ཤིང་དེ་གོས་དང་བཅས་པ་གཞན་དུའང་མགྲོན་དུ་བོས་ན་དགེ་སློང་དེས་གཉི་ག་ཁས་བླང་བར་བྱ་ཞིང་གཉི་ག་ཟ་བར་བྱ་སྟེ། དེ་ཁས་ལེན་པ་ལའང་ལྟུང་བ་མེད་ལ་ཟ་བ་ལའང་ལྟུང་བ་མེད་དོ། །དགེ་སློང་གོས་དང་བཅས་ཤིང་གོས་ཀྱི་རིན་དང་ཡང་བཅས་པར་མགྲོན་དུ་བོས་ཤིང་དེ་གོས་མེད་པ་གཞན་དུའང་མགྲོན་དུ་བོས་ན་དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་སྤང་བར་བྱ་བའམ། གཞན་ལ་སྦྱིན་པར་བྱའོ། །གཉི་ག་ཁས་ལེན་པར་བྱེད་ཅིང་གཉི་ག་ཟ་བར་བྱེད་ན་དེ་ཁས་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་
Ja186a
༄#། །ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་དང་བཅས་ཤིང་གོས་ཀྱི་རིན་དང་ཡང་བཅས་པར་མགྲོན་དུ་བོས་ཤིང་དེ་གོས་མེད་ཅིང་གོས་ཀྱི་རིན་ཡང་མེད་པ་གཞན་དུའང་མགྲོན་དུ་བོས་ན། དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་སྤང་བར་བྱ་བའམ། གཞན་ལ་སྦྱིན་པར་བྱའོ། །གཉི་ག་ཁས་ལེན་པར་བྱེད་ཅིང་གཉི་ག་ཟ་བར་བྱེད་ན་དེ་ཁས་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་མེད་ཅིང་གོས་ཀྱི་རིན་ཡང་མེད་པར་མགྲོན་དུ་བོས་ཤིང་དེ་གོས་མེད་ཅིང་གོས་ཀྱི་རིན་ཡང་མེད་པ་གཞན་དུའང་མགྲོན་དུ་བོས་ན་དགེ་སློང་དེས་སྔ་མ་ཁས་བླང་བར་བྱ་ཞིང་གཉིས་པ་སྤང་བར་བྱ་བའམ་གཞན་ལ་སྦྱིན་པར་བྱའོ། །གཉི་ག་ཁས་ལེན་པར་བྱེད་ཅིང་གཉི་ག་ཟ་བར་བྱེད་ན་དེ་ཁས་ལེན་པ་ལ་ཉེས་བྱས་སུ་འགྱུར་ལ་ཟ་བ་ལའང་ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་མེད་ཅིང་གོས་ཀྱི་རིན་ཡང་མེད་པར་མགྲོན་དུ་བོས་ཤིང་དེ་གོས་དང་བཅས་པ་གཞན་དུ་ཡང་མགྲོན་དུ་བོས་ན། དགེ་སློང་དེས་གཉི་ག་ཁས་བླང་བར་བྱ་ཞིང་གཉི་ག་ཟ་བར་བྱ་སྟེ་དེ་ཁས་ལེན་པ་ལའང་ལྟུང་བ་མེད་ལ་ཟ་བ་ལའང་ལྟུང་བ་མེད་དོ། །དགེ་སློང་གོས་མེད་ཅིང་གོས་ཀྱི་རིན་ཡང་མེད་པར་མགྲོན་དུ་བོས་ཤིང་དེ་གོས་མེད་པ་གཞན་དུའང་མགྲོན་དུ་བོས་ན་དགེ་སློང་དེས་སྔ་མ་ཁས་
Ja186b
བླང་བར་བྱ་ཞིང་གཉིས་པ་སྤང་བར་བྱ་བའམ་གཞན་ལ་སྦྱིན་པར་བྱའོ། །གཉི་ག་ཁས་བླང་བར་བྱེད་ཅིང་གཉི་ག་ཟ་བར་བྱེད་ན་དེ་ཁས་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་ཏེ། སྔ་མ་ལ་ནི་ལྟུང་བ་མེད་དོ། །དགེ་སློང་གོས་མེད་ཅིང་གོས་ཀྱི་རིན་ཡང་མེད་པར་མགྲོན་དུ་བོས་ཤིང་གོས་ཀྱི་རིན་དང་བཅས་པ་གཞན་དུ་བོས་ན། དགེ་སློང་དེས་གཉི་ག་ཁས་བླང་བར་བྱ་ཞིང ། གཉི་ག་ཟ་བར་བྱ་སྟེ་དེ་ཁས་ལེན་པ་ལ་ཡང་ལྟུང་བ་མེད་ལ་ཟ་བ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། ། ཡང་ཡང་ཟ་བའི་ལྟུང་བྱེད་དེ་སུམ་ཅུ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲགས་ཤིག་ན་ཁྱིམ་བདག་ཅིག་འདུག་པ་དེས་ཕྱོགས་བཞིའི་དགེ་སྦྱོང་དང་བྲམ་ཟེ་རྣམས་ཀྱི་དོན་དུ་འདུག་གནས་བྱེད་དུ་བཅུག་སྟེ། དེ་འདུག་གནས་དེ་ན་ཕྱོགས་བཞིའི་དགེ་སྦྱོང་དང ། བྲམ་ཟེ་དེ་གང་འདུག་པ་དེ་ལ་བསོད་སྙོམས་ཀྱིས་མཁོ་བ་སྟོབས་པར་བྱེད་དོ། །གང་གི་ཚེ་བཅོམ་ལྡན་འདས་ཀྱིས་མཉན་ཡོད་ན་ཆོ་འཕྲུལ་ཆེན་པོ་རྣམ་པར་བསྟན་ཏེ། གཞན་མུ་སྟེགས་ཅན་དག་ཚར་བཅད་ཅིང་ལྷ་དང་མི་རྣམས་ཀུན་ཏུ་དགའ་བར་མཛད། སྐྱེ་བོ་མཛངས་པ་དག་གི་སྙིང་དག་རངས་པར་མཛད་པ་དེའི་ཚེ་ན་གཞན་མུ་སྟེགས་ཅན་དག་མཐའ་འཁོབ་དག་ན་བརྟེན་ཅིང་
Ja187a
༄#། །གནས་སོ། །དུས་གཞན་ཞིག་ན་གཅེར་བུ་པ་དྲུག་ཅུ་རི་བྲགས་དེར་ལྷགས་ནས་དེ་དག་ཁྱིམ་བདག་དེའི་གན་དུ་དོང་སྟེ་འདི་སྐད་ཅེས་སྨྲས་སོ། །བཞིན་བཟང་ཆོས་ཐོབ་པར་གྱུར་ཅིག་།ཆོས་ཐོབ་པར་གྱུར་ཅིག་།ཁྱིམ་བདག་དེས་སྨྲས་པ། ཤེས་ལྡན་དག་རབ་ཏུ་བྱུང་བ་ཡིན་ནམ་ཅི། རབ་ཏུ་བྱུང་བ་དག་ཡིན་ནོ། །ཁྱིམ་བདག་གིས་སྨྲས་པ། མ་ནོངས་ཏེ་བདག་གིས་ཕྱོགས་བཞིའི་དགེ་སྦྱོང་དང་བྲམ་ཟེ་རྣམས་ཀྱི་དོན་དུ་འདུག་གནས་བགྱིད་དུ་སྩལ་བ་དེར་ཞུགས་ཤིག་དང ། བདག་གིས་ཁྱེད་ཅག་ལ་བསོད་སྙོམས་ཀྱིས་མཁོ་བ་བསྟབ་པར་བགྱིའོ། །དེ་དག་གིས་དེར་གནས་པར་བརྩམས་ནས་ཁྱིམ་བདག་དེ་དེ་དག་ལ་བསོད་སྙོམས་ཀྱིས་མཁོ་བ་སྟོབས་པར་བྱེད་དོ། །མཉན་ཡོད་ན་ཁྱིམ་བདག་དད་པ་ཅན་ཞིག་འདུག་པ་དེ་ཟོང་ཐོགས་ཏེ་རི་བྲགས་དེར་འོངས་ནས་དེ་ཁྱིམ་བདག་དེའི་ཚོང་ཁང་དུ་ཞུགས་ནས་ཁྱིམ་བདག་དེ་དེ་དང་ལྷན་ཅིག་བཤེས་པར་གྱུར་ཏོ། །ཁྱིམ་བདག་དེས་གཅེར་བུ་པ་དེ་དག་ལ་བྲིམ་པར་བརྩམས་ནས། དེས་ཁྱིམ་བདག་དེའི་གན་དུ་མི་མངགས་ཏེ་གྲོགས་པོ་དག་ཚུར་ཤོག་དང་སྦྱིན་གནས་དག་ལ་བྲིམ་པར་བྱའོ་ཞེས་སྦྲན་པ་དང ། ཁྱིམ་བདག་དེ་དད་པ་ཅན་ཡིན་པས་དེས་བསམས་པ། བཅོམ་ལྡན་འདས་ཀྱི་ཉན་ཐོས་དག་ཡིན་གོར་མ་ཆགས་གི་།སོང་ལ་བལྟའོ་སྙམ་ནས་དེ་དེར་སོང་བ་དང ། ཇི་ཙམ་ན་གཅེར་བུ་པ་ངོ་ཚ་དང་ཁྲེལ་བོར་བ་ཤ་སྟག་ཡིན་
Ja187b
པར་མཐོང་ནས། མངོན་སུམ་དུ་མི་སྙན་པ་བརྗོད་པ་ནི་སྡུག་བསྔལ་བ་ཡིན་པས་དེ་ཅང་མི་སྨྲ་བར་འདུག་གོ་།གཅེར་བུ་པ་དག་གིས་ཟན་ཟོས་ཏེ་སོང་ནས། ཁྱིམ་བདག་དེས་དེ་ལ་སྨྲས་པ། གྲོགས་པོ་ས་བོན་བཟང་ཞིང་ཞིང་བཟང་ངམ། དེས་སྨྲས་པ། གྲོགས་པོ་ས་བོན་ནི་བཟང་ན་ཞིང་ནི་གཅེར་བུ་པ་ངོ་ཚ་དང་ཁྲེལ་བོར་བ་སྡིག་པའི་ལྟ་བ་ཅན་དགོན་དུང་ཚཝ་སྒོ་ཅན་ཐ་ཆད་སྡིག་པ་ཅན་གྱི་ས་གཞི་ཤ་སྟག་ཡིན་ནོ། །ཁྱིམ་བདག་གིས་སྨྲས་པ། གྲོགས་པོ་ཞིང་བཟང་པོ་གཞན་འགའ་ཡོད་དམ། དེས་སྨྲས་པ། ཡོད་དེ་བཅོམ་ལྡན་འདས་ཀྱི་ཉན་ཐོས་དག་གོ་།ཁྱིམ་བདག་གིས་སྨྲས་པ། གལ་ཏེ་དེ་དག་འདིར་བྱོན་ན་བདག་གིས་དེ་དག་ལ་བསོད་སྙོམས་ཀྱིས་མཁོ་བ་བསྟབ་པར་བྱའོ། །ཁྱིམ་བདག་དེ་ཟོང་བསྒྱུར་ཏེ་རིན་བླངས་ནས་མཉན་ཡོད་དུ་ཕྱིན་པ་དང ། དེས་ཟོང་དག་ཚོང་ཁང་དུ་མཁོས་སུ་ཕབ་ནས་རྒྱལ་བྱེད་ཀྱི་ཚལ་དུ་སོང་ངོ ། །དྲུག་སྡེ་དག་གིས་ཀུན་ཏུ་སྤྱོད་པ་ནི། འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱའོ། །རང་གི་གྲགས་པ་ཡང་བསྒྲག་པར་བྱའོ་སྙམ་པས་དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས་ཚེ་དང་ལྡན་པ་ཉེ་དགའ་ནང་བར་སྔར་ལངས་ཏེ་སོ་ཤིང་པོར་ནས་སྣམ་སྦྱར་དམར་སེར་གྱོན་ཏེ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་གོ་།ཉེ་དགས་ཁྱིམ་བདག་དེ་ཐག་རིང་པོ་ཁོ་ན་ནས་
Ja188a
༄#། །མཐོང་ནས་སྨྲས་པ། ཁྱིམ་བདག་འོངས་པ་ལེགས་སོ་འོངས་པ་ལེགས་སོ། །ཁྱོད་གང་ནས་ཟླ་བ་བཞིན་དུ་ཡུན་རིང་མོ་ནས་རིང་མོ་ནས་འཁོད་ཅིང་འོངས། དེས་སྨྲས་པ། འཕགས་པ་རི་བྲགས་ག་གེ་མོ་ཞིག་ན་ཁྱིམ་བདག་ཆེ་གེ་མོ་ཞིག་མཆིས་པ་དེས་ཕྱོགས་བཞིའི་དགེ་སྦྱོང་དང་བྲམ་ཟེ་རྣམས་ཀྱི་དོན་དུ་འདུག་གནས་བགྱིད་དུ་སྩལ་ནས། དེ་བཅོམ་ལྡན་འདས་ཀྱི་ཉན་ཐོས་དག་མཐོང་བར་འཚལ་ལོ། །ཉེ་དགས་བསམས་པ། གལ་ཏེ་ལྷུང་བཟེད་ནག་པོ་ཅན་འགའ་ཞིག་གིས་ཐོས་པར་གྱུར་ན་དེ་ཤིན་ཏུ་མྱུར་བ་དེར་འགྲོ་བར་འགྱུར་བས་བདག་གིས་ཁྱིམ་བདག་འདི་སྨད་ན་ལྷུང་བཟེད་ནག་པོ་ཅན་འགའ་ལ་ཡང་བརྗོད་པར་མི་འགྱུར་རོ་སྙམ་ནས་དེས་ཁྱིམ་བདག་ལ་སྨྲས་པ། ཁྱོད་ཀྱི་སྙིང་ལམ་ན་ཁོ་བོ་ཅག་ཟན་སུས་སྦྱིན་པར་འགྱུར། གོས་སུས་སྦྱིན་པར་འགྱུར་སྙམ་པ་ལས་གཞན་པ་བསམ་གཏན་ནམ་ཀློག་པ་འགའ་ཡང་མི་སེམས་སྙམ་མམ། ཁྱིམ་བདག་དེས་བསམས་པ། འདོད་པའི་བདག་ཉིད་ཅན་གང་དག་ཡིན་པ་དེ་དག་གི་ནང་ན་ཉེ་དགའ་ལས་ལྷག་པ་མེད་ན་འདིས་ཀྱང་རེ་ཞིག་བདག་སྨད་པར་གྱུར་ན་གལ་ཏེ་བདག་གིས་དགེ་སློང་རང་བཞིན་དུ་གནས་པ་གཞན་དག་ལ་བརྗོད་པར་གྱུར་ན། དེ་དག་གིས་བདག་རྒྱ་ཆེར་སྨད་པར་འགྱུར་རོ་སྙམ་ནས། དེ་ཅང་མི་སྨྲ་བར་འདུག་གོ་།ཉེ་དགས་ཀྱང་ཁྱིམ་བདག་དེ་སྨད་ནས་དྲུག་སྡེ་དག་གི་
Ja188b
གན་དུ་སོང་སྟེ་སྨྲས་པ། ཚེ་དང་ལྡན་པ་དག་བདག་ཅག་གིས་ཡུན་ཇི་སྲིད་ཀྱིས་ཕོངས་པ་སྤང་བར་བྱ། དེ་དག་གིས་སྨྲས་པ། ཁྱོད་ཀྱིས་ཐོས་པ་ཅུང་ཞིག་ཡོད་དམ། ཡོད་དེ་རི་བྲགས་ག་གེ་མོ་ཞིག་ན་ཁྱིམ་བདག་ཆེ་གེ་མོ་ཞིག་འདུག་པ་དེས་ཕྱོགས་བཞིའི་དགེ་སྦྱོང་དང་བྲམ་ཟེ་རྣམས་ཀྱི་དོན་དུ་འདུག་གནས་བྱེད་དུ་བཅུག་ནས། དེ་ནས་གང་དག་འདུག་པ་དེ་དག་ལ་ཆོས་གོས་དང་བསོད་སྙོམས་ཀྱིས་མཁོ་བ་སྟོབས་པར་བྱེད་ཀྱི། དེར་འདོང་ངོ ། །དེ་དག་གིས་སྨྲས་པ། ཅི་ཐམས་ཅད་འདོང་ངམ། ཉེ་དགས་སྨྲས་པ། མི་དྲུག་ཁོ་ན་འདོང་ངོ ། །དེ་ལྟར་བྱའོ་ཞེས་དྲུག་པོ་དེ་དག་རི་བྲགས་ག་ལ་བ་དེར་རྒྱུ་ཞིང་དོང་ངོ ། །གཅེར་བུ་པ་དེ་དག་གིས་ཀྱང་སྨྲས་པ། ཤེས་པ་ཅན་དག་སྤྱོད་ཡུལ་རྗེས་སུ་འཇུག་པར་བྱས་འདོང་ངོ ། །ཞེས་དེ་དག་གིས་འདུག་གནས་དེར་སྲུང་མ་གཅེར་བུ་པ་གཅིག་བཞག་སྟེ་གཞན་དུ་དོང་ངོ ། །དྲུག་སྡེ་དག་ཀྱང་མཐར་གྱིས་རྒྱུ་ཞིང་འདོང་པ་ན་རི་བྲགས་དེར་ཕྱིན་ནས་དེ་དག་ཁྱིམ་བདག་དེའི་གན་དུ་དོང་སྟེ་སྨྲས་པ། ཁྱིམ་བདག་ཨ་རོག་གྱ་ཨ་རོག་གྱ། ཁྱིམ་བདག་གིས་སྨྲས་པ། ཁྱེད་ཅག་སུ་ཡིན། བཅོམ་ལྡན་འདས་ཀྱི་ཉན་ཐོས་དག་གོ་།ཁྱིམ་བདག་གིས་སྨྲས་པ། མ་ནོངས་ཏེ་བདག་ཀྱང་བཅོམ་ལྡན་འདས་ཀྱིས་ཉན་ཐོས་དག་མཐོང་བར་འཚལ་ན་ཁྱེད་ཅག་ཀྱང་བྱོན་ནོ། །འཕགས་པ་དག་བདག་གིས་ཕྱོགས་བཞིའི་དགེ་སྦྱོང་དང་བྲམ་ཟེ་རྣམས་ཀྱི་དོན་དུ་འདུག་གནས་བགྱིད་དུ་སྩལ་པ་དེར་བཞུགས་ཤིག་དང ། བདག་
Ja189a
༄#། །གིས་ཁྱེད་ཅག་ལ་བསོད་སྙོམས་ཀྱིས་མཁོ་བ་བསྟབ་པར་བགྱིའོ། །དྲུག་སྡེ་དག་གིས་སྨྲས་པ། གནས་མལ་ཁྲིའམ་ཁྲིའུ་ཅུང་ཟད་ཡོད་དམ། ཁྱིམ་བདག་གིས་སྨྲས་པ། མ་མཆིས་སོ། །དྲུག་སྡེ་དག་གིས་སྨྲས་པ། ཁྱིམ་བདག་ཁོ་བོ་ཅག་ས་ལ་མལ་འཆའ་བར་མི་བྱེད་དོ། །ཁྱིམ་བདག་དེས་དེར་གནས་མལ་བཙལ་ནས་ཁྲི་དང་ཁྲིའུ་དག་འདུག་གནས་དེར་བསྐུར་རོ། །གཅེར་བུ་པ་དེས་སྨྲས་པ། ཀྱེ་ཤཱཀྱའི་བུའི་དགེ་སྦྱོང་དག་འདི་ཁྱེད་ཀྱི་གཙུག་ལག་ཁང་ཡང་མ་ཡིན་ལ་འདུག་གནས་ཀྱང་མ་ཡིན་ན་ཁྱེད་ཅག་འདིར་གར་འཇུག་།དྲུག་སྡེ་དག་གིས་སྨྲས་པ། ཀཝའེ་ཤེས་པ་ཅན་ཅི་ཟེར། འདི་ཁོ་བོ་ཅག་གི་གཙུག་ལག་ཁང་ཡང་མ་ཡིན་ལ་འདུག་གནས་ཀྱང་མ་ཡིན་ནོ། །ཞེས་མ་ཟེར་ཅིག་།གལ་ཏེ་འདུག་ན་ནི་འདུག་ཏུ་ཟད། གལ་ཏེ་མི་འདུག་ན་ཁྱོད་ལ་མཚམས་ཆེན་པོ་གཅད་པར་བྱའོ། །གཅེར་བུ་པ་དེས་བསམས་པ། འདི་དག་ནི་མི་དྲུག་ཡོད་ལ། བདག་ནི་གཅིག་པུ་ཡིན་པས་བདག་གིས་འདི་དག་ལ་ཅི་ཡང་བྱ་བར་མི་ནུས་པས་འདི་དག་གིས་བདག་ལ་གནོད་པ་བྱས་པར་གྱུར་ན་མི་རུང་ངོ ། །སྙམ་ནས་དེ་སྐྲག་སྟེ་བྲོས་སོ། །དྲུག་སྡེ་དག་ཉི་མ་རེ་རེ་ཞིང་ཁྱིམ་བདག་དེའི་ཁྱིམ་དུ་དོང་སྟེ་ཟ་བར་བྱེད་དོ། །དུས་གཞན་ཞིག་ན་ཁྱིམ་བདག་དེ་ལ་རི་བྲགས་གཞན་ཞིག་ཏུ་བྱ་བ་ཅུང་ཞིག་བྱུང་ནས་དེས་དྲུག་སྡེ་
Ja189b
དག་ལ་སྨྲས་པ། འཕགས་པ་དག་བདག་ལ་རི་བྲགས་གཞན་ཞིག་ཏུ་བགྱི་བ་ཅུང་ཞིག་བྱུང་སྟེ་བདག་དེར་མཆིས་ཁྱེད་ཅག་བདག་གི་སྡུམ་པ་ན་ཇི་ལྟར་གསོལ་བ་དེ་བཞིན་དུ་བདག་སླར་མཆིས་ཀྱི་བར་དུ་གསོལ་ཅིག་།དྲུག་སྡེ་དག་གིས་སྨྲས་པ། དེ་ལྟར་བྱའོ། །ཁྱིམ་བདག་དེས་ནང་མི་ལ་སྨྲས་པ། ཁྱོད་ཀྱིས་འཕགས་པ་དག་ལ་ཇི་ལྟར་བསྙེན་བཀུར་བྱས་པ་དེ་བཞིན་དུ་ཁོ་བོ་ཕྱིར་འོངས་ཀྱི་བར་དུ་ཡང་གྱིས་ཤིག་།དེ་རི་བྲགས་དེར་སོང་བ་དང་དྲུག་སྡེ་དག་ཉི་མ་རེ་རེ་ཞིང་དེར་དོང་སྟེ་དེ་བཞིན་དུ་ཟ་བར་བྱེད་པ་ན་དེ་དག་གིས་སྨྲས་པ། དགའ་བོ་ཉེ་དགའ་བདག་ཅག་གིས་ཡུན་ཇི་སྲིད་དུ་གཞན་གྱི་སྤྱོད་ལམ་གྱིས་འཁོད་པར་བྱ། རང་གི་སྤྱོད་ལམ་བསྟན་པར་བྱའོ། །དེ་ལྟར་བྱའོ་ཞེས་དེ་དག་གིས་སྨྲས་པ། དགའ་བོ་ཉེ་དགའ་བུད་མེད་འདིའི་མིག་དག་དང་རྣ་བ་དག་དང་སོ་དག་དང་མཆུ་དག་དང་ནུ་མ་དག་དང་རྐེད་པ་དག་དང་བརླ་དག་དང་རྐང་པ་དག་མཛེས་པ་ལ་ལྟོས་ཤིག་།ལྟོས་ཤིག་།བུད་མེད་དེ་ངོ་ཚ་ནས་གནས་ཁང་དུ་ཞུགས་ཏེ་འདུག་གོ་།ཁྱིམ་བདག་དེ་ཡང་རི་བྲགས་དེ་ནས་འོངས་ནས་དེས་ནང་མི་ལ་དྲིས་པ། ཁྱོད་ཀྱིས་སྦྱིན་གནས་དག་བྱོན་ནས་དེ་བཞིན་དུ་གསོལ་ཏམ། དེས་སྨྲས་པ། འདི་འདྲ་བའི་སྦྱིན་གནས་དག་ནི་འགའ་ཡང་མ་མཆིས་ཀྱང་མི་དངོའོ། །བདག་གིས་དྭ་དག་དང་རོལ་མོ་མཁན་དག་དང་ནལ་གྱི་བུ་དག་ལས་ཀྱང་སྔོན་ལན་འགའ་ཡང་མ་ཐོས་པའི་ཚིག་དག་ཁྱོད་ཀྱི་སྦྱིན་གནས་དག་ལས་ཐོས་སོ། །ཁྱིམ་
Ja190a
༄#། །བདག་དེས་བསམས་པ། བུད་མེད་ཀྱི་ཡུལ་དག་ནི་སྐྱེས་པ་ལ་སེམས་པ་ཡིན་པས་གཅེར་བུ་བ་སྒྲེན་མོ་དག་ཞུགས་པ་དེ་དག་མཐོང་བ་ན་ཆགས་པར་འགྱུར་གྱི། བཅོམ་ལྡན་འདས་ཀྱི་ཉན་ཐོས་ཤམ་ཐབས་ལེགས་པར་བགོས་པ། ཆོས་གོས་ལེགས་པར་བགོས་པ་དེ་དག་ལ་འདི་མི་དགའོ་སྙམ་ནས། དེས་དེ་ལ་སྨྲས་པ། ཁྱོད་གཅེར་བུ་པ་སྒྲེན་མོ་དག་ལ་དགའི། བཅོམ་ལྡན་འདས་ཀྱི་ཉན་ཐོས་ཤམ་ཐབས་ལེགས་པར་བགོས་པ། ཆོས་གོས་ལེགས་པར་བགོས་པ་དག་ལ་ཁྱོད་དགའ་བར་ག་ལ་འགྱུར། ཆུང་མས་སྨྲས་པ། རྗེའི་སྲས་གལ་ཏེ་ཁྱོད་བདག་ལ་ཐུགས་མི་ཆེས་ན་བདག་གིས་ཁྱོད་ཀྱི་མངོན་སུམ་དུ་འགྱུར་བར་བགྱིའོ། །ཁྱིམ་བདག་གིས་བསམས་པ། ཇེ་བགམ་པར་བྱའོ་སྙམ་ནས་དེ་ཉི་མ་ཉུང་ཤས་ཤིག་འདུག་ནས་དྲུག་སྡེ་དག་ལ་སྨྲས་པ། འཕགས་པ་དག་ཡང་བདག་ལ་རི་བྲགས་དེར་བགྱི་བ་ཅུང་ཞིག་བྱུང་སྟེ་བདག་དེར་མཆི་ཡི། ཁྱེད་ཅག་བདག་གི་སྡུམ་པ་ན་ཇི་ལྟར་གསོལ་བ་དེ་བཞིན་དུ་བདག་སླར་མཆིས་ཀྱི་བར་དུ་གསོལ་ཅིག་།དྲུག་སྡེ་དག་གིས་སྨྲས་པ། དེ་ལྟར་བྱའོ། །ཁྱིམ་བདག་དེ་ཡང་གནས་ཁང་དུ་ཞུགས་ཏེ་འདུག་པ་དང ། དྲུག་སྡེ་དག་ཀྱང་དེ་བཞིན་དུ་དེའི་ཁྱིམ་དུ་ཞུགས་ཏེ་འཁོད་ནས། དེ་དག་ལ་དེའི་ཆུང་མ་དེས་བྲིམ་པར་བརྩམས་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་བུད་མེད་འདིའི་མིག་དག་དང་རྣ་བ་དག་དང་སོ་དག་
Ja190b
དང་མཆུ་དག་དང་ནུ་མ་དག་དང་རྐེད་པ་དག་དང་བརླ་དག་དང་རྐང་པ་དག་མཛེས་པ་ལ་ལྟོས་ཤིག་།ལྟོས་ཤིག་།ཁྱིམ་བདག་དེས་དེ་ཐོས་ནས་བསམས་པ། བདག་གིས་འཕྲལ་ཁོ་ན་ལ་འདི་དག་གི་བསོད་སྙོམས་བཅད་པ་ནི་བདག་གིས་ཚུལ་དང་མཐུན་པ་མ་ཡིན་གྱི། ཐབས་ཀྱི་རྣམ་པ་ཞིག་བྱའོ་སྙམ་ནས། དེས་དེའི་ཉིན་མོ་འཁུར་བ་གཅིག་ཕྲི་བ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་སྤྱོད་ཡུལ་ཚིག་གོ་ཞེས་དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་གིས་མུ་ཏོ་བ་དག་ལ་འཁུར་པ་གཅིག་སྦྱིན་པར་བྱ་བ་དེ་དེང་ཕྱིན་ཆད་སྦྱིན་དུ་མེད་དོ། །དེ་ཕྱི་དེ་ཉིན་པར་འཁུར་བ་གཉིས་པ་ཕྲི་བ་དང་དེ་དག་གིས་སྨྲས་པ། དགའ་བོ་ཉེ་དགའ་སྤྱོད་ཡུལ་ཚིག་གོ་ཞེས་དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་གིས་འཁུར་བ་གཞན་གཅིག་ལྷུང་བཟེད་ཀྱི་འོག་གཞིར་དོར་བ་དེ་ཡང་དེང་ཕྱིན་ཆད་དོར་དུ་མེད་དོ། །དེ་བཞིན་དུ་རིམ་གྱིས་ཇི་ཙམ་ན་འབྲས་ཆན་རྩུབ་པོ་དང་རྩབས་མོ་བསྐོལ་བ་དག་སྦྱིན་པར་བརྩམས་པ་དང ། དེ་དག་གིས་སྨྲས་པ། དགའ་བོ་ཉེ་དགའ་སྤྱོད་ཡུལ་ཚིག་གོ་།ཡང་སྨྲས་པ། འདིར་ཇི་ལྟར་ཚིག་།བདག་ཅག་སྒོ་འཕར་བརྒྱ་སྙེད་འདས་ཀྱང་ལྟོ་ཁེངས་པ་བ་སྒྲུབ་པར་དཀའ་ན་ད་ལྟར་འདི་ན་བདག་ཅག་གྲིབ་མ་བསིལ་བ་དག་ལ་འཁོད་དུ་ཡོད་ན་འབྲས་ཆན་རྩུབ་པོ་དང་རྩབས་བསྐོལ་བ་ཡང་མི་འདོད་དམ། གཅེར་བུ་པ་དེས་ཀྱང་འཁོར་འཁོར་ནས་གཅེར་བུ་པ་དེ་དག་མཐོང་ནས་སྨྲས་པ། ཤེས་པ་ཅན་དག་
Ja191a
༄#། །བདག་ཅག་གི་སྤྱོད་ཡུལ་ཕྲོགས་ཀྱི། ཕྱིར་ཁུག་ཅིག་།དེ་དག་གིས་སྨྲས་པ། ཁྱོད་འདུག་གནས་པོར་ཏེ་འདིར་གར་འོང ། དེས་སྨྲས་པ། ཁོ་བོ་དེ་ནས་བསྐྲད་དོ། །སུས་ཤཱཀྱའི་བུའི་དགེ་སྦྱོང་དག་གིས་སོ། །དེ་དག་གིས་སྨྲས་པ། ཤཱཀྱའི་བུའི་དགེ་སྦྱོང་ཇི་སྙེད་ལྷགས། དེས་སྨྲས་པ། མི་དྲུག་གོ་།དེ་དག་གིས་སྨྲས་པ། བདག་ཅག་མི་དྲུག་ཅུ་ཡོད་ན་དེ་དག་ཤིན་ཏུ་བརྡེགས་ཏེ་བསྐྲད་པར་མི་ནུས་སམ། ཚུར་ཤེག་འདོང་ངོ ། །བདག་ཅག་གིས་ཤེས་པ་ཅན་རེམ་ཞིག་།ཅེས་བརྗོད་པ་ན་དྲུག་སྡེ་རེ་རེ་ལ་བདག་ཅག་མི་བཅུ་བཅུ་རུབ་སྟེ་ཤིན་ཏུ་བརྡེག་པར་བྱའོ། །དེ་དག་གིས་སྨྲས་པ། ཇེ་ཁྱིམ་བདག་ལ་དྲི་བར་བྱ་བ་སྙམ། དེ་ལྟར་བྱའོ་ཞེས་དེ་དག་ཁྱིམ་བདག་གི་གན་དུ་དོང་སྟེ་སྨྲས་པ། ཁྱིམ་བདག་ཁྱོད་ཀྱིས་འདུག་གནས་སུ་ལ་ཕུལ། ཁྱིམ་བདག་གིས་སྨྲས་པ། སུ་ལ་ཡང་མ་ཕུལ་ཏེ་འདི་ལྟར་གང་དེ་ན་འདུག་པ་ད་ལ་བདག་བསོད་སྙོམས་ཀྱིས་མཁོ་བ་སྟོབས་པར་བྱེད་དོ། །དེ་དག་གིས་སྨྲས་པ།་ཁྱིམ་བདག་ནི་རེ་ཞིག་དབུས་ན་གནས་པ་ཡིན་ནོ། །ཞེས་དེ་དག་འདུག་གནས་སུ་དོང་ནས་དྲུག་སྡེ་དག་ལ་སྨྲས་པ། ཀཝའེ་ཤཱཀྱའི་བུའི་དགེ་སྦྱོང་དག་ཁྱེད་གང་ནས་ལྷགས་ཏེ་འདིར་འཁོད། འདི་ཁྱེད་ཀྱི་གཙུག་ལག་ཁང་ཡང་མ་ཡིན་ལ་འདུག་གནས་ཀྱང་མ་ཡིན་གྱི་ཕྱིར་བྱུང་ཞིག་།གལ་ཏེ་བྱུང་ན་ནི་བྱུང་དུ་ཟད། མི་འབྱུང་ན་ཁོ་བོ་ཅག་གིས་ཁྱེད་ལ་མཚམས་ཆེན་པོ་
Ja191b
གཅད་པར་བྱའོ། །དྲུག་སྡེ་དག་གིས་སྨྲས་པ། ཀཝའེ་གཅེར་བུ་པ་སྒྲེ་བྱི་དག་ཅི་ཟེར། འདི་ཁྱེད་ཀྱི་གཙུག་ལག་ཁང་ཡང་མ་ཡིན་ལ་འདུག་གནས་ཀྱང་མ་ཡིན་གྱི་ཕྱིར་བྱུང་ཞིག་།ཅེས་མ་ཟར་ཅིག་།གལ་ཏེ་འཁོད་ན་ནི་འཁོད་དུ་ཟད་གལ་ཏེ་མི་འཁོད་ན་ཁོ་བོ་ཅག་གིས་ཁྱེད་ལ་མཚམས་ཆེན་པོ་གཅད་པར་བྱའོ། །གཅེར་བུ་པ་ཅན་གྱིས་ཤེས་པ་ཅན་རེམ་ཞིག་ཅེས་སྨྲས་ནས། དྲུག་སྡེ་རེ་རེ་ལ་གཅེར་བུ་པ་བཅུ་བཅུ་རུབ་སྟེ་དེ་དག་གིས་བརྡེག་པར་བརྩམས་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ཚངས་པར་མཚུངས་པར་སྤྱོད་པ་དག་གིས་སྨད་པར་གྱུར་ན་མི་རུང་གི ། མིག་དང་རྣ་བ་དག་སྲུངས་ཤིག་ཅེས་དེ་དག་གིས་སྨྲས་པ། སྒྲ་བྱི་དག་ཕོད་ཡང་དག་ན་ཕྱོགས་འདིར་སྣུན་ཅིག་ཅེས་རྐུབ་ཚོས་ལ་སོགས་པ་བསྟན་ཏེ་དེ་དག་རྡེག་ཏུ་བཅུག་གོ་།གང་གི་ཚེ་གཅེར་བུ་པ་དག་ངལ་བར་གྱུར་ཅིང་རྡེག་མི་ནུས་པ་དེའི་ཚེ་ན་དྲུག་སྡེ་དག་གིས་ཚེ་དང་ལྡན་པ་དག་ཤིན་ཏུ་རེམ་ཞིག་ཅེས་དྲུག་སྡེ་རེ་རེས་ཀྱང་ལག་ངར་བརྐྱང་པས་ཀྱང་གཅེར་བུ་པ་ལྔ་ལྔ་ས་ལ་བརྡབས་ཤིང་ལག་ངར་བསྐུམས་པས་ཀྱང་གཅེར་བུ་པ་ལྔ་ལྔ་ས་ལ་བརྡབས་ནས་དེ་དག་ཤིན་ཏུ་བརྡེགས་པར་བརྩམས་ཏེ་སྨྲས་པ། དགའ་བོ་ཉེ་དགའ་ཕམ་པར་འགྱུར་བའི་ལྟུང་བར་བྱུང་བར་གྱུར་ན་མི་རུང་གི། རྩ་བའི་ལྟུང་བ་སྲུངས་ཤིག་ཅེས་དྲུག་སྡེ་དག་གིས་དེ་དག་ཐལ་ལྕག་དག་དང་ཁུ་ཚུར་དག་དང་རྡེག་པ་དག་དང་ལྕུག་མ་དག་གིས་ཤིན་ཏུ་གཏལ་ཅིང་བྲིམས་ནས་དེ་དག་གིས་གཅེར་བུ་བ་དག་རྡེག་བཞིན་
Ja192a
༄#། །དུ་འདུག་གནས་ཀྱི་ནང་ནས་ཕྱི་རོལ་ཏུ་འཛིངས་ཏེ་བྱུང་བ་དང ། བྲམ་ཟེ་དང་ཁྱིམ་བདག་དག་གིས་དེ་དག་མཐོང་ནས། དེ་དག་གིས་སྨྲས་པ། ཤེས་ལྡན་དག་ལྟོས་ཤིག་།ལྟོས་ཤིག་།དགེ་སྦྱོང་གཡུལ་འགྱེད་པས་ཆར་འབབ་པར་འགྱུར་རོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་སྤྱོད་ཡུལ་ཚིག་ཅིང་མེ་མདག་ཞི་བར་མ་གྱུར་གྱི། ཚུར་ཤེག་མཉན་ཡོད་དུ་འདོང་ངོ་ཞེས་དེ་དག་མཉན་ཡོད་དུ་དོང་ངོ ། །ལྷོ་ལམ་ནས་འཇིག་རྟེན་རྒྱང་ཕན་པའི་རྒོལ་བ་འཆར་ཀ་ཞེས་བྱ་བར་མཉན་ཡོད་དུ་འོངས་ནས་དེ་འགྱེད་འདོད་ཅིང་འགྱེད་པའི་ཡོ་བྱད་ཀྱི་ཕྱིར་ཚེ་དང་ལྡན་པ་ཀུན་ཤེས་ཀོའུ་དི་ནྱའི་དྲུང་དུ་སོང་སྟེ་སྨྲས་པ། ཀྱེ་དགེ་སློང་ཁོ་བོས་བླ་མ་ལས་ཡི་གེ་ཉུང་ཤས་ཤིག་བསླབས་ཏེ་དེའི་ཕྱིར་ཁོ་བོ་ཁྱོད་དང་ལྷན་ཅིག་གཏམ་རྣམ་པར་གཏན་ལ་དབབ་པར་བྱེད་པར་འདོད་དོ། །ཚེ་དང་ལྡན་པ་ཀུན་ཤེས་ཀོའུ་དི་ནྱས་སྨྲས་པ། བྲམ་ཟེ་ཁོ་བོ་ཁྱོད་དང་འགྱེད་པར་མི་འདོད་ཀྱི། སོང་ཞིག་།དེ་ནས་འཇིག་རྟེན་རྒྱང་ཕན་པ་དེ་ཚེ་དང་ལྡན་པ་རྟ་ཐུལ་དང ། བཟང་ལྡན་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང ། ལག་བཟང་ག་ལ་བ་དེར་སོང་སྟེ་དེ་དག་ལ་སྨྲས་པ། ཀྱེ་དགེ་སློང་ཁོ་བོས་བླ་མ་ལས་ཡི་གེ་ཉུང་ཤས་ཤིག་བླངས་ཏེ་དེའི་ཕྱིར་ཁོ་བོ་ཁྱེད་དང་ལྷན་ཅིག་གཏམ་རྣམ་པར་གཏན་ལ་དབབ་པར་བྱེད་པར་འདོད་དོ། །དེ་དག་གིས་
Ja192b
སྨྲས་པ། བྲམ་ཟེ་ཁོ་བོ་ཅག་ཁྱེད་དང་འགྱེད་པར་མི་འདོད་ཀྱི། སོང་ཞིག་།དེ་ནས་འཇིག་རྟེན་རྒྱང་པན་པ་དེ་ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །ཀྱེ་དགེ་སློང་ཁོ་བོས་བླ་མ་ལས་ཡི་གེ་ཉུང་ཤས་ཤིག་བླངས་ཏེ་དེའི་ཕྱིར་ཁོ་བོ་ཁྱོད་དང་ལྷན་ཅིག་གཏམ་རྣམ་པར་གཏན་ལ་དབབ་པ་བྱེད་པར་འདོད་དོ། །ཚེ་དང་ལྡན་པ་ཤཱ་རིའི་བུས་འདི་ལ་དགེ་བའི་རྩ་བ་དག་ཅུང་ཟད་ཡོད་དམ་སྙམ་དུ་བསམས་ན་ཡོད་པར་མཐོང་ངོ ། །སུ་ལ་རག་ལས་སྙམ་ན་བདག་ཉིད་ལ་རག་ལས་པར་མཐོང་ངོ ། །འགྱེད་པས་གདུལ་བ་ཡིན་ནམ་སྙམ་ན་ཡིན་པར་མཐོང་ངོ ། །ཡུན་ཇི་སྲིད་ཀྱིས་འདུལ་བར་འགྱུར་སྙམ་ན་ཞག་བདུན་འདས་ནས་འདུལ་བར་འགྱུར་བར་མཐོང་ནས་ཚེ་དང་ལྡན་པ་ཤཱ་རིའི་བུས་སྨྲས་པ། བྲམ་ཟེ་ཚུར་ཤོག་།དེ་ལྟར་བྱའོ་ཞེས་དེས་ཉི་མ་དང་པོ་ལ་འགྱེད་པ་ལྷག་མ་དང་བཅས་པར་བཏང་ངོ ། །ཕྱི་དེ་ཉིན་པར་ཡང་འགྱེད་པ་ལྷག་མ་དང་བཅས་པར་གཏང་ངོ ། །དེ་བཞིན་དུ་ཉི་མ་བདུན་པའི་བར་དུ་ཡང་འགྱེད་པ་ལྷག་མ་དང་བཅས་པར་བཏང་ངོ ། །ཐམས་ཅད་དུ་ལྷོ་ལམ་ནས་འཇིག་རྟེན་རྒྱང་ཕན་པའི་རྒོལ་བ་འཆར་ཀ་ཞེས་བྱ་བ་འོངས་ནས་དེ་དང་འཕགས་པ་ཤཱ་རིའི་བུ་གཉིས་ཉི་མ་བདུན་པ་དེང་གི་བར་དུ་བཀྱེ་ན་གཅིག་གིས་ཀྱང་ཚར་མ་ཆོད་ལ་གཉིས་པས་ཀྱང་ཚར་མཆོད་དོ་ཅེས་སྒྲ་གྲགས་ནས་སྲོག་ཆགས་འབུམ་ཕྲག་དུ་མ་དག་ཁ་ཅིག་ན་ལྟད་མོ་སྐྱེས་
Ja193a
༄#། །པ་དང ། ཁ་ཅིག་ནི་སྔོན་གྱི་དགེ་བའི་རྩ་བ་དག་གིས་བསྐུལ་བ་ན་དེར་འདུས་པར་གྱུར་ནས། ཚེ་དང་ལྡན་པ་ཤཱ་རིའི་བུས་བསམས་པ། བདག་གི་འགྱེད་པས་གདུལ་བ་དག་འདུས་སམ་སྙམ་ན་འདུས་པར་མཐོང་ནས། ཚེ་དང་ལྡན་པ་ཤཱ་རིའི་བུས་འཇིག་རྟེན་རྒྱང་ཕན་པ་དེ་ཕམ་པར་བྱས་ཤིང་རྡུགས་པར་བྱས་ཏེ་འགྱེད་པ་ལྷག་མ་མ་ལུས་པར་བཏང་ནས་འཇིག་རྟེན་རྒྱང་ཕན་པ་ཀུན་ཏུ་རྒྱུ་འཆར་ཀ་ཚར་བཅད་པ་དང་དེ་ཡང་དད་པར་གྱུར་ནས་སྨྲས་པ། བཙུན་པ་ཤཱ་རིའི་བུ་བདག་གིས་བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་རྫོགས་པར་བསྙེན་པ་དགེ་སློང་གི་དངོས་པོ་འཐོབ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་དོ། །ཚེ་དང་ལྡན་པ་ཤཱ་རིའི་བུས་དེ་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་སོ། །དེ་དེ་ལྟར་རབ་ཏུ་ཕྱུང་ནས་གཅིག་པུ་དབེན་པ་བག་ཡོད་པ་རྟུན་པ་དང་ལྡན་པ་བདག་ཉིད་བཏང་བར་གནས་པ་ན་རིགས་ཀྱི་བུ་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱེད་པ། ཚངས་པར་སྤྱོད་པའི་མཐའ་བླ་ན་མེད་པ་དེའི་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་
Ja193b
ཞེས་གོ་བར་བྱེད་ཅིང་དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ།་ཙན་དན་བཞག་པ་ལྟ་བུར་རིག་པས་སྒོ་ངའི་སྦུབས་དྲལ་བར་གྱུར་པ་རིག་པ་དང་མངོན་པར་ཤེས་པ་དང་སོ་སོ་ཡང་དག་པར་རིག་པ་ཐོབ་པ་སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ་དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། བརྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་འཁོར་དེ་ཚེ་དང་ལྡན་པ་ཤཱ་རིའི་བུས་འདི་ལྟ་བུའི་རྒོལ་བ་ཚར་བཅད་དོ་ཞེས་ཡ་མཚན་སྐྱེས་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་འཁོར་དེའི་བསམ་པ་དང་བག་ལ་ཉལ་དང་ཁམས་དང་རང་བཞིན་ཤེས་ནས་འདི་ལྟར་སྲོག་ཆགས་འབུམ་ཕྲག་དུ་མ་དག་གིས་བདེན་པ་དག་མཐོང་ཞིང་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་པ་དེ་ལྟར་ཆོས་བསྟན་པར་བྱས་ཏེ་འཁོར་དེ་ལས་ཕལ་ཆེར་སངས་རྒྱས་ལ་གཞོལ་པ་དང་ཆོས་ལ་འབབ་པ་དང་དགེ་འདུན་ལ་བབ་པར་རྣམ་
Ja194a
༄#། །པར་བཞག་གོ་།ཚེ་དང་ལྡན་པ་ཤཱ་རིའི་བུས་འཇིག་རྟེན་རྒྱང་ཕན་པ་འཆར་ཀ་སྔ་དྲོ་ཚར་བཅད་ནས་ཕྱི་དྲོ་དྲུག་སྡེ་དག་མཉན་ཡོད་དུ་ལྷགས་ནས། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ་འོངས་པ་ལེགས་སོ། །ཁྱེད་ཅག་ག་ལ་འོངས། ཚེ་དང་ལྡན་པ་ཤཱ་རིའི་བུས་ལྷོ་ལམ་ནས་འཇིག་རྟེན་རྒྱང་ཕན་པའི་རྒོལ་བ་བྲམ་ཟེ་ཀུན་ཏུ་རྒྱུ་འཆར་ཀ་ཞེས་བྱ་བ་འགྱེད་འདོད་ཅིང་འགྱེད་པའི་ཡོ་བྱད་ཀྱི་ཕྱིར་འོངས་པ་ཚར་བཅད་དེ་གཡུལ་ལས་རྣམ་པར་རྒྱལ་ལོ། །དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་།འདི་ལྟར་ཚེ་དང་ལྡན་པ་ཤཱ་རིའི་བུ་ཚོགས་ཅན་གཉིས་པ་ཆོས་ཀྱི་དམག་དཔོན་ཆོས་ཀྱི་འཁོར་ལོ་རྗེས་སུ་བསྐོར་བས་རྒོལ་བ་གཅིག་ཚར་བཅད་པ་འདི་ངོ་མཚར་ཅི་ཆེ། གལ་ཏེ་ཚེ་དང་ལྡན་པ་ཤཱ་རིའི་བུས་ཚར་བཅད་པར་མ་གྱུར་ན་ཡང་བཅོམ་ལྡན་འདས་སླད་ན་བཞུགས་པས་དེ་ངོ་མཚར་མི་ཆེའོ། །ཁོ་བོ་ཅག་མི་དྲུག་གིས་གཅེར་བུ་པ་དྲུག་ཅུ་ཚར་བཅད་པ་ངོ་མཚར་ཆེའོ། །རིག་པའི་གནས་གང་ལ་དབྱུག་པའི་རིག་པས་ལུས་ལ་ཆོས་བཤད་པས་སོ། །ཅི་འཚོའམ་འོན་ཏེ་ཤི་།དེའི་ཚེ་ན་ནི་འཚོ་ན་ད་ཙམ་འཚོའམ་ཤི་གཏོལ་མེད་དོ། །དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་ཡན་ལག་གང་གིས་ངོ་ཚ་བར་བྱ་བའི་ཡན་ལག་དེ་ཉིད་ཀྱིས་རློམ་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་
Ja194b
འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བར་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཀྱིས་མི་མཛེས་པ་དེ་ལྟ་བུ་དེ་བྱས་པར་གྱུར་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འདུག་གནས་གཅིག་ཏུ་ཞག་ལོན་པའི་དགེ་སློང་གིས་བསོད་སྙོམས་གཅིག་བཟའ་བར་བྱའོ། །དེ་ལས་ལྷག་པར་ཟ་ན་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །སངས་རྒྱས་བཅོམ་ལྡན་འདས་མཉན་
Ja195a
༄#། །ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཁྱིམ་བདག་དེ་ཟོང་ཐོགས་ཏེ་རི་བྲགས་དེ་ཉིད་དུ་ཕྱིན་ནས་དེ་ཁྱིམ་བདག་དེའི་ཚོང་ཁང་དུ་ཞུགས་པ་དང ། ཁྱིམ་བདག་གིས་གཅེར་བུ་པ་དག་ལ་བྲིམས་པར་བརྩམས་ནས་དེས་ཁྱིམ་བདག་དེའི་གན་དུ་མི་མངགས་ཏེ་གྲོགས་པོ་སྦྱིན་གནས་དག་ལ་བྲིམ་པར་བྱས་ཚུར་ཤོག་ཅེས་སྦྲན་པ་དང ། ཁྱིམ་བདག་དེ་དད་པ་ཅན་ཡིན་པས་དེས་བསམས་པ། བཅོམ་ལྡན་འདས་ཀྱི་ཉན་ཐོས་དག་ཡིན་གོར་མ་ཆག་གི་།སོང་ལ་བལྟའོ་སྙམ་ནས་དེ་དེར་སོང་བ་དང ། ཇི་ཙམ་ན་གཅེར་བུ་པ་ངོ་ཚ་དང་ཁྲེལ་བོར་བ་དག་ཅིག་ཡིན་པར་མཐོང་ནས། མངོན་སུམ་དུ་མི་སྙན་པ་བརྗོད་པ་ནི་སྡུག་བསྔལ་བ་ཡིན་པས་དེ་ཅང་མི་སྨྲ་བར་འདུག་གོ་།དེ་དག་ཟོས་ཏེ་དོང་བ་དང་ཁྱིམ་བདག་གིས་དེ་ལ་སྨྲས་པ། གྲོགས་པོ་ཞིང་བཟང་ཞིང་ས་བོན་བཟང་ངམ། ཁྱིམ་བདག་དེས་སྨྲས་པ། གྲོགས་པོ་ས་བོན་ནི་བཟང་ན་ཞིང་ནི་གཅེར་བུ་པ་ངོ་ཚ་དང་ཁྲེལ་བོར་བའི་སྡིག་པའི་ལྟ་བ་ཅན་དགོན་དུང་ཚཝ་སྒོ་ཅན་ཐ་ཆད་སྡིག་པ་ཅན་གྱི་ས་གཞི་ཤ་སྟག་ཡིན་ནོ། །ཁྱིམ་བདག་དེས་སྨྲས་པ། གྲོགས་པོ་ཞིང་ཆེས་བཟང་བ་གཞན་ཡོད་དམ། དེས་སྨྲས་པ། ཡོད་དེ་བཅོམ་ལྡན་འདས་ཀྱི་ཉན་ཐོས་དག་གོ་།ཁྱིམ་བདག་གིས་སྨྲས་པ། གྲོགས་པོ་དེ་དག་གི་མིང་ཡང་མ་སྨྲོས་ཤིག་།དེས་སྨྲས་པ། ཅི་དེ་དག་འདིར་ལྷགས་པར་གྱུར་ཏམ། ལྷགས་སོ། །
Ja195b
གང་དག་དྲུག་སྡེ་དག་གོ་།དེ་དག་གིས་རེ་ཞིག་ཅི་བྱས། འདི་དང་འདི་ལྟའོ། །དེས་སྨྲས་པ། གྲོགས་པོ་ཁྱོད་ཀྱིས་རྒྱ་མཚོ་ཆེན་པོ་ནས་ནོར་བུ་མཆིང་བུ་དག་བླངས་སོ། །ཁྱིམ་བདག་གིས་སྨྲས་པ།་བཅོམ་ལྡན་འདས་ཀྱི་ཉན་ཐོས་བཟང་པོ་གཞན་དག་ཀྱང་ཡོད་དམ། ཡོད་དེ་གལ་ཏེ་ཁྱོད་ཀྱིས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་དང ། ནམ་གྲུ་དང ། མ་འགགས་པ་ལ་སོགས་པ་བཅོམ་ལྡན་འདས་ཀྱི་ཉན་ཐོས་ཆེན་པོ་གཞན་དག་མཐོང་བར་གྱུར་ན་ཁྱོད་མངོན་པར་དད་པར་འགྱུར་བ་དེ་ལྟ་བུའི་གནས་ཡོད་དོ། །ཁྱིམ་བདག་གིས་སྨྲས་པ། གལ་ཏེ་དེ་དག་འདིར་བྱོན་པར་གྱུར་ན་བདག་གིས་དེ་དག་ལ་བསོད་སྙོམས་ཀྱིས་མཁོ་བ་བསྟབ་པར་བྱའོ། །ཁྱིམ་བདག་དེས་བསམས་པ། ད་ནི་བདག་སོང་ལ་བཅོམ་ལྡན་འདས་ལ་གསོལ་བར་བྱའོ་སྙམ་ནས། ཁྱིམ་བདག་དེས་ཟོང་བསྒྱུར་ཏེ་རིན་བླངས་ནས་མཉན་ཡོད་ག་ལ་བ་དེར་སོང་སྟེ་མཐར་གྱིས་མཉན་ཡོད་དུ་ཕྱིན་ཏོ། །དེ་ནས་ཁྱིམ་བདག་དེས་ཟོང་ཚོང་ཁང་དུ་སྦས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་དེས་འདི་སྐད་ཅེས་གསོལ་ཏོ། །བཙུན་པ་རི་བྲགས་ག་གེ་མོ་ཞིག་ན་ཁྱིམ་བདག་ཆེ་གེ་མོ་ཞིག་མཆིས་པ་དེས་ཕྱོགས་བཞིའི་དགེ་སྦྱོང་དང་བྲམ་ཟེ་རྣམས་ཀྱི་སླད་དུ་འདུག་
Ja196a
༄#། །གནས་བགྱིད་དུ་སྩལ་ཏེ་དེ་དེ་ན་གང་གནས་པ་དེ་ལ་བསོད་སྙོམས་ཀྱིས་མཁོ་བ་སྟོབས་པར་བགྱིད་ཅིང ། དེ་བཅོམ་ལྡན་འདས་ཀྱི་ཉན་ཐོས་དག་མཐོང་བར་འཚལ་ནས་བཅོམ་ལྡན་འདས་ཀྱིས་དེ་ལ་ཐུགས་བརྩེ་བའི་སླད་དུ་དེར་དགེ་སློང་དག་ཅིག་བཀའ་སྩལ་ན་ལེགས་སོ། །བཅོམ་ལྡན་འདས་ཀྱིས་ཁྱིམ་བདག་དེ་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་གང་གིས་ཁྱིམ་བདག་དེ་འཁོར་དང་བཅས་པ་དང ། རི་བྲགས་དེ་ན་གནས་པའི་སྐྱེ་བོའི་ཚོགས་དག་འདུལ་བར་འགྱུར་སྙམ་དུ་དགོངས་ན། དགེ་སློང་ཤཱ་རིའི་བུས་འདུལ་བར་གཟིགས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཁྱོད་ཀྱིས་རི་བྲགས་ག་གེ་མོ་ཞིག་ན་ཁྱིམ་བདག་ཆེ་གེ་མོ་འཁོར་དང་བཅས་པ་དང ། རི་བྲགས་ན་གནས་པའི་སྐྱེ་བོའི་ཚོགས་ལ་སོམས་ཤིག་།ཚེ་དང་ལྡན་པ་ཤཱ་རིའི་བུས། བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འཁོར་ལྔ་བརྒྱ་དང་རི་བྲགས་དེ་ག་ལ་བ་དེར་ལོགས་སུ་ལྗོངས་རྒྱུ་ཞིང་སོང་ནས་མཐར་གྱིས་རྒྱུ་ཞིང་འགྲོ་བ་ན་རི་བྲགས་དེར་
Ja196b
ཕྱིན་ནས་ཁྱིམ་བདག་དེའི་འདུག་གནས་སུ་ཞུགས་སོ། །ཁྱིམ་བདག་དེས་བཙུན་པ་ཤཱ་རིའི་བུ་འཁོར་ལྔ་བརྒྱ་དང་རི་བྲགས་འདིར་འོངས་ཏེ་བདག་གི་འདུག་གནས་སུ་ཞུགས་སོ་ཞེས་ཐོས་སོ། ། ཐོས་ནས་ཀྱང་ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་ཤཱ་རིའི་བུས་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུད་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་སྨྲའོ། །དེ་ནས་ཁྱིམ་བདག་དེ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས། ཚེ་དང་ལྡན་པ་ཤཱ་རིའི་བུ་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རིའི་བུས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་གདུགས་ཚོད་གསོལ་བར་ཅི་གནང ། ཚེ་དང་ལྡན་པ་ཤཱ་རིའི་བུས་ཁྱིམ་བདག་དེ་ལ་ཅང་མི་སྨྲ་བས་དང་དུ་བླངས་སོ། །དེ་ནས་ཁྱིམ་བདག་དེས་ཚེ་དང་ལྡན་པ་ཤཱ་རིའི་བུས་ཅང་མི་སྨྲ་བས་དང་དུ་བླངས་པར་
Ja197a
༄#། །རིག་ནས་ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་ཤཱ་རིའི་བུའི་དྲུང་ནས་སོང་ངོ ། །དེ་ནས་ཁྱིམ་བདག་དེས་དེ་ཉིད་ཀྱི་མཚན་མོ་བཅའ་བ་དང་བཟའ་བ་གཙང་ཞིང་བསོད་པ་སྟ་གོན་བྱས་ནས། ནང་པར་སྔར་ལངས་ཏེ་སྟན་བཤམས་ནས་ཆུ་ར་བཞག་སྟེ། ཚེ་དང་ལྡན་པ་ཤཱ་རིའི་བུ་ལ། མངག་པས་བཙུན་པ་ཤཱ་རིའི་བུ་གདུགས་ཚོད་གཡར་དགོངས་འཚལ་ན་བཅུན་པ་ཤཱ་རིའི་བུས་ད་དེའི་དུས་ལ་བབ་པར་དགོངས་སུ་གསོལ་ཞེས་བསྐུལ་ལོ། །དེ་ནས་ཚེ་དང་ལྡན་པ་ཤཱ་རིའི་བུ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་དགེ་སློང་གི་ཚོགས་ཀྱིས་ཡོངས་སུ་སྐོར་ཅིང་དགེ་སློང་གི་དགེ་འདུན་གྱི་མདུན་དུ་བདར་ནས། ཁྱིམ་བདག་དེའི་ཁྱིམ་ག་ལ་བ་དེར་སོང་སྟེ་ཕྱིན་ནས་དགེ་སློང་གི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ་།དེ་ནས་ཁྱིམ་བདག་དེས་ཚེ་དང་ལྡན་པ་ཤཱ་རིའི་བུ་ལ་སོགས་པ་དགེ་སློང་གི་དགེ་འདུན་བདེ་བར་འདུག་པར་རིག་ནས་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད་ཅིང་སྟོབས་པར་བྱེད་དོ། །རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ཏེ། ཚེ་དང་ལྡན་པ་ཤཱ་རིའི་བུ་ཟན་ཟོས་ཞིང་ལག་པ་བསྙལ་ལྷུང་བཟེད་བཞག་པར་རིག་ནས། སྟན་ཆེས་
Ja197b
དམའ་བ་ཞིག་བླངས་ཏེ་ཚེ་དང་ལྡན་པ་ཤཱ་རིའི་བུའི་མདུན་དུ་ཆོས་མཉན་པའི་ཕྱིར་འདུག་གོ་།འདུག་ནས་ཁྱིམ་བདག་དེས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རིའི་བུ་ཆོས་བསྟན་དུ་གསོལ། ཁྱིམ་བདག་དེའི་ཕྱིར་ཁྱོད་ཀྱིས་ས་ཕྱོགས་གོ་སྐབས་ཡངས་པར་སྟན་འདིང་དུ་ཆུག་ལ། རི་བྲགས་འདིར་སྐྱེ་བོ་ཕལ་པོ་ཆེའི་ཚོགས་ལ་སང་འཕགས་པ་ཤཱ་རིའི་བུ་ཆོས་སྟོན་པར་འགྱུར་གྱི། ཁྱེད་ཅག་ལས་གང་ཆོས་ཉན་པར་འདོད་པ་དེ་ཤོག་ཅིག་ཅེས་དྲིལ་བསྒྲག་པ་བྱེད་དུ་ཆུག་ཅིག་།ཚེ་དང་ལྡན་པ་ཤཱ་རིའི་བུས་ཡོན་བཤད་པ་བྱས་ནས་སྟན་ལས་ལངས་ཏེ་སོང་ངོ ། །ཁྱིམ་བདག་དེ་རི་བྲགས་དེ་ན་གཙོ་བོར་གྲགས་པ་ཡིན་པས་དེས་ས་ཕྱོགས་གོ་སྐབས་ཡངས་པར་སྟན་ཤོམ་དུ་བཅུག་ནས་རི་བྲགས་དེར་སྐྱེ་བོ་ཕལ་པོ་ཆེའི་ཚོགས་ལ་སང་འཕགས་པ་ཤཱ་རིའི་བུ་ཆོས་སྟོན་པར་འགྱུར་གྱི། ཁྱེད་ཅག་ལས་གང་ཆོས་ཉན་པར་འདོད་པ་དེ་ཤོག་ཅིག་།ཁྱེད་ཅག་ལས་གང་གིས་དེར་བདེན་པ་དག་མཐོང་བར་མ་གྱུར་པ་དེས་འཁོར་བར་ཡུན་རིང་དུ་འཁོར་པར་བྱ་དགོས་སོ་ཞེས་དྲིལ་བསྒྲག་པ་བྱེད་དུ་བཅུག་གོ་།དེ་ནས་ཚེ་དང་ལྡན་པ་ཤཱ་རིའི་བུ་ཕྱོགས་དེར་སོང་སྟེ་དགེ་སློང་གི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་པ་དང ། སྲོག་ཆགས་འབུམ་ཕྲག་དུ་མ་དག་ཀྱང་ཁ་ཅིག་ནི་ལྟད་མོ་སྐྱེས་པ་ན། ཁ་ཅིག་ནི་སྔོན་གྱི་དགེ་བའི་རྩ་བ་དག་གིས་བསྐུལ་བ་ན་འདུག་པར་གྱུར་ནས། ཚེ་དང་ལྡན་པ་ཤཱ་རིའི་བུས་འཁོར་དེའི་བསམ་པ་དང་བག་
Ja198a
༄#། །ལ་ཉལ་དང་ཁམས་དང་རང་བཞིན་ཤེས་ནས་འདི་ལྟར་ཁྱིམ་བདག་དེ་འཁོར་དང་བཅས་པ་དང ། སྲོག་ཆགས་ཁྲི་ཉིས་སྟོང་གིས་བདེན་པ་དག་མཐོང་ཞིང ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས། ཁ་ཅིག་གིས་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ལྟར་ཆོས་བསྟན་པ་བྱས་ཏེ་འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང་ཆོས་ལ་འབབ་པ་དང་དགེ་འདུན་ལ་བབ་པར་རྣམ་པར་བཞག་གོ་།ཚེ་དང་ལྡན་པ་ཤཱ་རིའི་བུས་ཧ་ཅང་ཡུན་རིང་དུ་ཆོས་བསྟན་པས་གདུགས་ཚོད་ཡོལ་ཞིང་རླུང་གིས་དེའི་རྒྱབ་ན་བར་གྱུར་ནས། ཁྱིམ་བདག་དེས་སྨྲས་པ། བཙུན་པ་ཤཱ་རིའི་བུས་དེའི་སླད་དུ་བདག་གི་འདུག་གནས་སུ་བཞུགས་ཤིག་དང་བདག་གིས་ཁྱོད་ལ་བསོད་སྙོམས་ཀྱིས་མཁོ་བ་བསྟབ་པར་བགྱིའོ། །ཁྱིམ་བདག་ཁྱོད་ཉིད་ལ་བརྟེན་ནས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་
Ja198b
མཛད་ཀྱི་འགྲོའོ། །དེ་ནས་ཚེ་དང་ལྡན་པ་ཤཱ་རིའི་བུ་ན་བཞིན་དུ་ཟན་བཅད་དེ་རི་བྲགས་དེ་ནས་མཉན་ཡོད་ག་ལ་བ་དེར་ལོགས་སུ་རྒྱུ་ཞིང་སོང་སྟེ་མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ནས། དགེ་སློང་རྣམས་ཀྱིས་ཚེ་དང་ལྡན་པ་ཤཱ་རིའི་བུའི་ལྷན་ཅིག་གནས་པ་དང་ཉེ་གནས་དག་ལ་དྲིས་པ། ཚེ་དང་ལྡན་པ་དག་ཇི་ལྟ་བདེ་བར་བརྒྱུས་སམ། ཚེ་དང་ལྡན་པ་དག་ཅུང་ཞིག་བདེ་བར་ཡང་བརྒྱུས། ཅུང་ཞིག་སྡུག་བསྔལ་བར་ཡང་བརྒྱུས་སོ། །ཅི་ཞིག་བདེ་བར་བརྒྱུས། མཁན་པོས་གདུལ་བར་བྱ་བ་འདི་སྙེད་ཅིག་མཛད་པ་གང་ཡིན་པ་དེ་ནི་བདེ་བར་བརྒྱུས་པ་ཡིན་ནོ། །ཅི་ཞིག་སྡུག་བསྔལ་བར་བརྒྱུས། མཁན་པོས་སྙུང་བཞིན་དུ་གདུགས་ཚོད་བཅད་དེ་རི་བྲགས་དེ་ནས་བཞུད་པ་གང་ཡིན་པ་དེ་ནི་སྡུག་བསྔལ་བར་བརྒྱུས་པ་ཡིན་ནོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ན་བ་མ་གཏོགས་ཏེ། དགེ་སློང་གིས་པུས་ཁྱུད་བཅང་བར་རྗེས་སུ་གནང་ངོ ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང་བསླབ་པ་ལ་གུས་པ་དང་བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང་དེའི་ཤས་ཆེ་བ་དང་དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་
Ja199a
༄#། །སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འདུག་གནས་གཅིག་ཏུ་ཞག་ལོན་པའི་དགེ་སློང་མི་ན་བས་བསོད་སྙོམས་གཅིག་བཟའ་བར་བྱའོ། །དེ་ལས་ལྷག་པར་ཟ་ན་ལྟུང་བྱེད་དོ། །འདུག་གནས་གཅིག་ཏུ་ཞག་ལོན་པའི་ཞེས་བྱ་བ་ནི་མུ་སྟེགས་ཅན་གྱི་འདུག་གནས་སུ་ཞག་ལོན་པའོ། །དགེ་སློང་ཞེས་བྱ་བ་ནི་ཆོས་འདི་པའོ། །མི་ན་བས་ཞེས་བྱ་བ་ནི་ན་བ་མ་གཏོགས་པས་སོ། །བསོད་སྙོམས་གཅིག་བཟའ་བར་བྱའོ་ཞེས་བྱ་བ་ཟན་ལན་གཅིག་གོ་།དེ་ལས་ལྷག་པར་ཟ་ན་ཞེས་བྱ་བ་ནི་དེ་ལས་མང་དུ་ཟ་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ།། ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དེར་གནས་ཤིང་དེར་ཟ་ན། དེར་གནས་པ་ལ་ཉེས་བྱས་སུ་འགྱུར་ལ་དེར་ཟ་བ་ལ་ལྟུང་བྱེད་དུ་འགྱུར་རོ། །དེར་གནས་ཤིང་གཞན་དུ་ཟ་ན། དེར་གནས་པ་ལ་ཉེས་བྱས་སུ་འགྱུར་ལ་གཞན་དུ་ཟ་བ་ལ་ལྟུང་བ་མེད་དོ། །གཞན་དུ་གནས་ཤིང་དེར་ཟ་ན། གཞན་དུ་གནས་པ་ལ་ལྟུང་བ་མེད་ལ། དེར་ཟ་བ་ལ་ལྟུང་བྱེད་དུ་འགྱུར་
Ja199b
རོ། །གཞན་དུ་གནས་ཤིང་གཞན་དུ་ཟ་ན་གཉི་ག་ལ་ལྟུང་བ་མེད་དོ། །ཚོགས་ཀྱི་དང་ཉེ་དུའི་དང་སྦྱིན་བདག་ན་རེ་དེ་ཉིད་དུ་འདུག་ཅིག་ཅེས་ཟེར་བ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འདུག་གནས་སུ་ཟ་བའི་ལྟུང་བྱེད་དེ་སུམ་ཅུ་གཉིས་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་ང་གཉིས་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྱང་ལམ་ནས་དོན་མཐུན་དག་མཉན་ཡོད་དུ་ལྷགས་པ་ན་དྲུག་སྡེ་དག་གིས་དེ་ཐོས་ནས་སྨྲས་པ། དགའ་བོ་ཉེ་དགའ་བདག་ཅག་གིས་བྱང་ལམ་ནས་དོན་མཐུན་དག་མཉན་ཡོད་དུ་ལྷགས་ཞེས་ཐོས་ཀྱི། གལ་ཏེ་ན་ཅུང་ཟད་སྒྲུབ་པར་ནུས་ཀྱང་སྲིད་ཀྱི་འདོང་ངོ ། །གལ་ཏེ་བསོད་སྙོམས་ཟོ་ཞིག་ཅེས་ཟེར་ན་ལྟོ་གང་བས་ཆོག་གོ་ཞེས་བརྗོད་པར་བྱའོ། །གལ་ཏེ་གོས་ལོང་ཞིག་ཅེས་ཟེར་ན་བླང་བར་བྱའོ། །ཞེས་དེ་དག་དོང་སྟེ་སྨྲས་པ། བཞིན་བཟང་དག་འཁོད་ཅིག་དང་ཆོས་བསྟན་པར་བྱའོ། །དེ་དག་གིས་རྐང་པ་ལ་ཕྱག་འཚལ་ཏེ་མདུན་དུ་ཆོས་མཉན་པའི་ཕྱིར་འཁོད་པ་དང ། དེ་དག་གིས་དེ་དག་ལ་ཆོས་བསྟན་ནས་དེ་དག་གིས་སྨྲས་པ། འཕགས་པ་དག་འདི་ཉིད་དུ་བསོད་སྙོམས་གསོལ་ཅིག་།དྲུག་སྡེ་དག་གིས་སྨྲས་པ། བཞིན་བཟང་དག་ལྟོ་གང་བས་
Ja200a
༄#། །ཆོག་གོ་།དྲུག་སྡེ་དག་གིས་ཀྱང་ཡང་དང་ཡང་དུ་འོངས་ཏེ་ཆོས་བསྟན་པ་དང་དོན་མཐུན་དག་གིས་ཀྱང་ཡང་དང་ཡང་དུ་སྨྲས་པ། འཕགས་པ་དག་འདི་ཉིད་དུ་བསོད་སྙོམས་གསོལ་ཅིག་།དྲུག་སྡེ་དག་གིས་ཀྱང་ཡང་དང་ཡང་སྨྲས་པ། བཞིན་བཟང་དག་ལྟོ་གང་བས་ཆོག་གོ་།དུས་གཞན་ཞིག་ན་དོན་མཐུན་དག་གིས་སྨྲས་པ། ཤེས་ལྡན་དག་འདི་ན་གླང་དག་གི་རྩཝ་མེད་ཀྱི། རེ་ཞིག་རི་བྲགས་གཞན་ཞིག་ཏུ་འདོང་ལ་གླང་དག་གཟོན་ཞིང་འཁོད་པར་བྱ་སྟེ་ཇི་ཙམ་ན་ཟོང་བསྒྱུར་ཏེ་འགྲོ་བ་ན་མཉན་ཡོད་དུ་འདོང་བར་བྱའོ་ཞེས་དེ་དག་གིས་གླང་དག་དེད་ནས་རི་བྲགས་ཤིག་ཏུ་གླང་དག་གཟོན་དུ་དོང་ངོ ། །དྲུག་སྡེ་དག་ཀྱང་ནང་པར་སྔར་ལངས་ཏེ་ཆོས་སྟོན་དུ་དོང་བ་དང་ཇི་ཙམ་ན་དོན་མཐུན་དེ་དག་མི་སྣང་ནས་དེ་དག་སེམས་ཁོང་དུ་ཆུད་ཅིང་འཁོད་པ་དང ། ཇི་ཙམ་ན་དེར་མི་ཞིག་འོངས་ཏེ་སྨྲས་པ། འཕགས་པ་དག་ཅིའི་སླད་དུ་སེམས་ཁོང་དུ་ཆུད་ཅིང་བཞུགས། དྲུག་སྡེ་དག་གིས་སྨྲས་པ། བཞིན་བཟང་ཕྱོགས་འདི་ན་ཁོ་བོ་ཅག་གི་མཛའ་བོ་དོན་མཐུན་དག་ཅིག་འཁོད་འཁོད་ན་དེ་དག་གིས་ཁོ་བོ་ཅག་ལམ་བལྟས་པ་ཁོ་ནར་དོང་ངོ ། །དེས་སྨྲས་པ། འཕགས་པ་དག་དེ་དག་ནི་ཐམས་ཅད་ཀྱི་ཐམས་ཅད་དུ་མཆིས་པ་མ་ལགས་ཏེ་འདི་ལྟར་དེ་དག་གི་གླང་དག་གི་རན་མ་མཆིས་ནས་དེ་དག་རི་བྲགས་ཤིག་ན་གླང་དག་གཟོན་ཅིང་མཆིས་ཏེ་སླར་ཡང་འདིར་མཆི་
Ja200b
བར་འགྱུར་རོ། །བཞིན་བཟང་ནད་མེད་པར་གྱུར་ཅིག་ཅེས་དྲུག་སྡེ་དག་རི་བྲགས་དེར་དོང་བ་དང ། ཇི་ཙམ་ན་དེ་དག་གིས་དོན་མཐུན་དེ་དག་ཐག་རིང་པོ་ཁོ་ན་ནས་མཐོང་ནས་ཚིགས་སུ་བཅད་པ་དག་སྨྲས་པ། རྩུབ་པའི་རི་ལ་འགྲོ་མི་བྱ། །སོང་ནའང་ཡུན་རིང་གནས་མི་བྱ། །རྩུབ་པའི་རི་དག་ཇི་བཞིན་དུ། །རི་ལ་འཁོད་པའང་དེ་བཞིན་ནོ། །རི་ལ་འཁོད་པ་དང་པོར་ནི། །གསེར་དག་བདར་བ་ཇི་བཞིན་ཏེ། །མི་ལ་འཚེ་བ་རྣམས་བརྟག་ན། །རི་དག་ཇི་ལྟ་དེ་བཞིན་ནོ། །དོན་མཐུན་དེ་དག་གིས་ཐོས་ནས་སྨྲས་པ། འཕགས་པ་དག་ཁྱེད་ཅག་ཅི་སྐྱོན། བཞིན་བཟང་དག་ཁྱེད་ཅག་ཁོ་བོ་ཅག་གིས་མཛའ་བོ་དག་ཡིན་པས་ཁོ་བོ་ཅག་གི་དགེ་བའི་ཕྱོགས་དག་ཡོངས་སུ་ཉམས་པར་བྱས་ཏེ་ཁྱེད་ཅག་ལ་ཆོས་བསྟན་ན་ཁྱེད་ཅག་ཁོ་བོ་ཅག་ལ་མ་བལྟས་པ་ཁོ་ནར་འདིར་དོང་ངོ ། །འཕགས་པ་དག་བདག་ཅག་ཐམས་ཅད་ཀྱི་ཐམས་ཅད་འདིར་མཆིས་པ་མ་ལགས་ཏེ། འདི་ལྟར་དེ་ན་བདག་ཅག་གི་གླང་དག་གི་རན་མ་མཆིས་པས་དེའི་སླད་དུ་བདག་ཅག་འདི་ན་གླང་དག་གཟོན་ཅིང་མཆིས་ཏེ། ཇི་ཙམ་ན་ཟོང་དག་བསྒྱུར་ཏེ་མཆི་བ་ན་བདག་ཅག་སླར་ཡང་མཉན་ཡོད་དུ་མཆིའོ། །བཞིན་བཟང་དག་འཁོད་ཅིག་དང་ཆོས་བསྟན་པར་བྱའོ། །དེ་དག་གིས་དྲུག་སྡེ་དག་གི་རྐང་པ་ལ་ཕྱག་འཚལ་ཏེ།་སྟན་ཆེས་དམའ་བ་དག་བླངས་ནས་མདུན་དུ་ཆོས་མཉན་པའི་ཕྱིར་འཁོད་པ་དང ། དྲུག་སྡེ་དག་གིས་དེ་དག་ལ་ཆོས་བསྟན་ནས་དེ་དག་གིས་སྨྲས་པ། འཕགས་པ་དག་འདི་ཉིད་དུ་བསོད་
Ja201a
༄#། །སྙོམས་གསོལ་ཞིག་།བཞིན་བཟང་དག་ལྟོ་གང་བས་ཆོག་གོ་།དེད་དཔོན་གྱིས་སྨྲས་པ། ཤེས་ལྡན་དག་འཕགས་པ་དག་ཡང་དང་ཡང་དུ་ལྟོ་གང་བས་ཆོག་གོ་ཞེས་གསུང་བ་ལས་ན་འདི་དག་ལ་ན་བཟའ་མི་མངའ་གོར་མ་ཆག་གི། འདི་དག་ལ་ན་བཟའ་དབུལ་བར་བྱའོ། །དེ་ལྟར་བགྱིའོ་ཞེས་དེ་དག་གིས་དྲུག་སྡེ་དག་ལ་ལ་བ་སྲིན་བུའི་མདོག་ལྟ་བུ་རེ་རེ་བསྐོན་ཏོ། །དེ་ནས་དྲུག་སྡེ་དག་གིས་སྨྲས་པ། བཞིན་བཟང་དག་ཁྱེད་ཅག་ཡང་དང་ཡང་དུ་བསོད་སྙོམས་ཟོ་ཞིག་ཅེས་ཟེར་ན་བསོད་སྙོམས་ཇི་ལྟ་བུ་སྦྱིན་པ་བལྟས་འོན་ཅིག་།དྲུག་སྡེ་དག་ལས་གཅིག་གིས་ཐབ་སྣོད་ལྟ་བུ་བཟེད་ནས་འདིར་ལུགས་ཤིག་ཅེས་སྨྲས་པ་དང ། དོན་མཐུན་དེ་དག་གིས་བསམས་པ། སྣོད་འདི་རེ་ཆེ་ཞིག་བཀང་བས་འདི་དག་ཐམས་ཅད་ཀྱི་ལྟོ་ཁེངས་པའི་བསོད་སྙོམས་འབྱུང་བར་འགྱུར་རོ་སྙམ་ནས་དེ་དག་གིས་ལམ་རྒྱགས་ལས་སྣོད་དེ་བཀང་སྟེ་ཕུལ། དྲུག་སྡེ་གཞན་གྱིས་ཀྱང་དེ་བཞིན་གཞན་དུ་མཐར་གྱིས་རེ་རེ་ནས་ཐབ་སྣོད་ལྟ་བུ་རེ་རེ་བཟེད་པ་དང་ཇི་ཙམ་ན་དོན་མཐུན་དེ་དག་གིས་ལམ་བརྒྱགས་ལས་ཐབ་སྣོད་ལྟ་བུའི་སྣོད་དྲུག་བཀང་སྟེ་ཕུལ་བ་དང ། དོན་མཐུན་དེ་དག་གི་ལམ་བརྒྱགས་ཐམས་ཅད་ཟད་པར་གྱུར་ནས་དེ་དག་གིས་སྨྲས་པ། འཕགས་པ་དག་བདག་ཅག་གིས་འདིར་ཤུལ་བརྒྱགས་ཉུང་ཤས་ཤིག་འཚལ་ཏེ་མཆིས་པ་དེ་དག་ཐམས་ཅད་བས་ཀྱི། བདག་
Ja201b
ཅག་གིས་མི་འདི་ཀར་ཤ་པ་ན་དག་བསྐུར་ཏེ་འཕགས་པ་དག་དང་ཐབས་ཅིག་མཉན་ཡོད་དུ་གཏང་གི་།འཕགས་པ་དག་གིས་བདག་ཅག་གི་ཤུལ་རྒྱགས་དག་འཇོལ་ཏེ་སྩོལ་ལ་སེལ་བ་དང་བཅས་ཏེ་གཏང་དུ་གསོལ། བཞིན་བཟང་དག་དེ་ལྟར་བྱའོ། །དོན་མཐུན་དེ་དག་གིས་དྲུག་སྡེ་དག་གི་ཕྱི་བཞིན་མི་ཞིག་ཀར་ཤ་བ་ན་དག་བསྐུར་ཏེ་བཏང་བ་དང ། དྲུག་སྡེ་དག་གཙུག་ལག་ཁང་དུ་དོང་སྟེ་མི་དེ་ལ་སྨྲས་པ། བཞིན་བཟང་ཇེ་ལས་འདི་གྱིས་ཤིག་།དེས་དེ་བྱས་ནས་དྲུག་སྡེ་དག་གིས་ཡང་སྨྲས་པ། བཞིན་བཟང་ལས་གཞན་འདི་ཡང་གྱིས་ཤིག་།དེས་དེ་ཡང་བྱས་པ་དང་དྲུག་སྡེ་དག་གིས་མི་དེ་རིང་ཞིག་བཀོལ་བཀོལ་ནས་ཇི་ཙམ་ན་ཉི་མ་ཡོལ་བར་གྱུར་པ་དང ། དེའི་འོག་ཏུ་བཏང་སྟེ་སྨྲས་པ། ད་ཉོས་ལ་སོང་ཞིག་།མི་དེ་རང་གིས་ལམ་བརྒྱགས་དག་ཉོས་ཏེ་འཕགས་པ་དང་མཉན་ཡོད་ཀྱི་ཉེ་འཁོར་ཐིབས་བོར་སོན་པ་ན་ཆོམ་རྐུན་པ་དག་གིས་བཅོམ་ནས་དེ་གཅིག་པུ་དོན་མཐུན་དག་གི་ནང་དུ་སོང་ངོ ། །དོན་མཐུན་དག་གིས་དེ་མཐོང་ནས་སྨྲས་པ། ཁྱོད་ཀྱིས་ཅི་ཁྱེར་ཏེ་འོངས། དེས་སྨྲས་པ། ཅི་ཡང་མ་འོངས་སོ། །ཅིའི་ཕྱིར་ཆོམ་རྐུན་པ་དག་གིས་བཅོམ་མོ། །དེ་དག་གིས་སྨྲས་པ། འཕགས་པ་དག་གིས་ཁྱོད་ཀྱི་སེལ་བ་མ་བཏང་ངམ། དེས་སྨྲས་པ། ཤེས་ལྡན་དག་དོན་གྱིས་ན་དེ་དག་ཉིད་ཀྱིས་བཅོམ་མོ། །དེ་དག་གིས་སྨྲས་པ། ཇི་ལྟར་གྱུར། དེས་སྨྲས་པ། དེ་དག་གིས་ཁོ་བོ་ལས་ཤ་སྟག་བྱེད་དུ་བཅུག་ནས་ཇི་ཙམ་ན་
Ja202a
༄#། །ཉི་མ་ཡོལ་བར་གྱུར་པ་དང ། དེའི་འོག་ཏུ་བཏང་སྟེ་ད་ཉོས་ལ་སོང་ཤིག་ཅེས་ཟེར་ནས་ཁོ་བོ་རང་གིས་ལམ་རྒྱགས་དག་ཉོས་ཏེ་འཕགས་པ་དང ། མཉན་ཡོད་ཀྱི་ཉེ་འཁོར་ཐིབས་པོར་སོན་པ་ན་ཆོམ་རྐུན་པ་དག་གིས་བཅོམ་མོ། །དེ་དག་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ་།བྲམ་ཟེའི་ཚུལ་ནི་ཚིག་སྟེ་འདི་ལྟར་ཕན་པ་བྱའོ་ཞེས་ཟེར་ལ་གནོད་པ་ཁོ་ན་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་མོ་གཡས་ཞར་མ་ཞིག་བྱུང་ནས་དེ་བསྲིངས་ཤིང་བསྐྱེད་དེ་ཆེན་མོར་གྱུར་ཏོ། །བུ་མོ་དེའི་ན་ཟླ་གཞན་ཐམས་ཅད་བག་མར་བཏང་བ་ན་བུ་མོ་དེ་གཡས་ཞར་ཡིན་པའི་ཕྱིར་སློང་བ་འགའ་ཡང་མ་འོངས་སོ། །མཉན་ཡོད་ན་ཁྱིམ་བདག་གཞན་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེའི་ཆུང་མ་དེ་རང་
Ja202b
གི་ལས་དག་གིས་དུས་ལ་བབ་བོ། །གཉིས་པ་བླངས་པ་དང་དེ་ཡང་དུས་ལ་བབ་བོ། །དེ་བཞིན་དུ་ཆུང་མ་བདུན་པའི་བར་དུ་བླངས་པ་དང་དེ་ཡང་དུས་ལ་བབ་བོ། །ཁྱིམ་བདག་དེ་ཡང་སྐུར་པ་གདབ་པར་འགྱུར་བའི་ལས་དག་གིས་ཆུང་མ་གསོད་པ་ཆུང་མ་གསོད་པ་ཞེས་བྱ་བའི་མིང་དུ་གྱུར་ཏོ། །ཁྱིམ་བདག་དེས་ཡང་བུ་མོ་བསླངས་པ་དང་མི་སྟེར་ཅིང ། ངེད་ཀྱིས་ཅིའི་ཕྱིར་བུ་མོ་ཡོངས་སུ་གཏང་མི་སྦྱིན་ནོ་ཞེས་ཀྱང་ཟེར་རོ། །ཁྱིམ་བདག་དེས་ཡུགས་མོ་དག་བསླངས་པ་དང་ཡུགས་ས་མོ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་བཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །ཁྱིམ་བདག་དེ་རྣམ་པ་ཐམས་ཅད་དུ་ཡི་ཆད་ནས་རང་ཉིད་ཀྱིས་ཁྱིམ་གྱི་སོ་ཚིས་དག་བྱ་བར་བརྩམས་པ་དང ། དུས་གཞན་ཞིག་ན་ཁྱིམ་བདག་དེའི་ཆུང་པོ་གྲོགས་ཤིག་འོངས་ནས་དེས་ཁྱིམ་བདག་དེ་མཐོང་ནས་དྲིས་པ། ཁྱོད་ཅི་བྱེད། ཁྱིམ་བདག་གིས་སྨྲས་པ། ཁྱིམ་གྱིས་སོ་ཚིས་དག་བྱེད་དོ། །དེས་སྨྲས་པ། ཁྱེད་ཅིའི་ཕྱིར་རང་ཉིད་ཀྱིས་ཁྱིམ་གྱི་སོ་ཚིས་དག་བྱེད། ཁྱིམ་བདག་གིས་སྨྲས་པ། ཁོ་བོས་ཆུང་མ་གཅིག་བླངས་པ་དང་དེ་རང་གི་ལས་དག་གིས་དུས་ལ་བབ་བོ། །གཉིས་པ་བླངས་པ་དང་དེ་ཡང་དུས་ལ་བབ་བོ། ། དེ་བཞིན་དུ་བདུན་པའི་བར་དུ་བླངས་པ་དང་དེ་ཡང་དུས་ལ་བབ་བོ། །དེས་སྨྲས་པ། གཞན་དག་ཅིའི་ཕྱིར་མི་སློང ། ཁྱིམ་བདག་གིས་སྨྲས་པ། བསླངས་ན་མི་སྟེར་ཅིང ། ངེད་ཀྱིས་ཅིའི་ཕྱིར་
Ja203a
༄#། །བུ་མོ་ཡོངས་སུ་གཏང་མི་སྦྱིན་ནོ་ཞེས་ཟེར་རོ། །དེས་སྨྲས་པ། ཡུགས་མོ་དག་ཅིའི་ཕྱིར་མི་སློང ། ཁྱིམ་བདག་གིས་སྨྲས་པ། བསླངས་ཏེ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་གཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །དེས་སྨྲས་པ། གཡས་ཞར་མ་ཅིའི་ཕྱིར་མི་སློང ། མི་སྟེར་རོ། །སོང་ལ་སློངས་ཤིག་དང་དེ་དག་བུ་མོས་ཡོངས་སུ་སྐྱོ་བ་ཡིན་པས་སྟེར་བར་འགྱུར་རོ། །ཁྱིམ་བདག་དེ་གཡས་ཞར་མའི་ཕའི་ཁྱིམ་དུ་སོང་སྟེ་བདེ་ལེགས་བདེ་ལེགས་ཞེས་སྨྲས་པ་དང ། དེ་དག་གིས་སྨྲས་པ། ཅི་སློང ། དེས་སྨྲས་པ། བུ་མོའི་སློང་མོ་སློང་ངོ ། །བུ་མོ་གང ། གཡས་ཞར་མའོ། །དེ་དག་དེས་ཡོངས་སུ་སྐྱོ་བ་ཡིན་པས་སྨྲས་པ། སྦྱིན་ནོ། །དེས་སྨྲས་པ། ནམ་བག་མར་གཏང ། ཉི་མ་མང་གེ་མོ་ཞིག་ལའོ། །དེས་དེ་ལྟར་གྱིས་ཤིག་ཅེས་སྨྲས་ཏེ་སོང་ངོ ། །དེའི་ཆུང་པོ་གྲོགས་དེ་ཡང་འགྱོད་པ་སྐྱེས་ཏེ་བདག་གིས་གྲོགས་པོ་ལ་གཡས་ཞར་མ་སློངས་ཤིག་ཅེས་བསྐུལ་བ་དེ་ནི་བདག་གིས་མ་ལེགས་པ་ཞིག་བྱས་ཏེ། དེ་མཚན་ངན་པ་ཡིན་པས་དེས་གྲོགས་པོ་གསད་པར་གྱུར་ན་མི་རུང་ངོ་སྙམ་ནས་དེ་ཁྱིམ་བདག་དེའི་གན་དུ་སོང་སྟེ་སྨྲས་པ། ཁྱེད་ཀྱིས་གཡས་ཞར་མ་ཐོབ་བམ། ཁྱིམ་བདག་གིས་སྨྲས་པ། ཐོབ་བོ། །དེས་ཚིགས་སུ་བཅད་པ་དག་སྨྲས་པ། རྒྱ་སྐེགས་ཤིང་གི་སོ་ཤིང་དང ། །ནུབ་ཏུ་སྔས་བསྟན་
Ja203b
ཉལ་བ་དང ། །ཤིན་ཏུ་གཉིད་ཆེ་ཞོ་འཐུང་དང ། །ཆུང་མ་གཡས་ཞར་ལེན་བྱེད་ན། །ཞི་བའང་གནས་ནས་ཉམས་པར་འགྱུར། །འགོག་ལ་འགོག་བྱེད་བབ་པ་དང ། །རྡོ་ལ་ལྕགས་ནི་བབ་པ་ལྟར། །ཁྱོད་ཀྱང་ཆུང་མ་གསོད་བྱེད་ལ། །དེ་ཡང་གཡས་ཞར་ཡིན་པས་ན། ཁྱེད་གཉིས་གང་རྒྱལ་གང་ཕམ་ལྟའོ། །གྲོགས་པོ་བུ་མོ་ད་མཚན་ངན་མ་ཡིན་པས་ཁྱོད་དུས་བྱེད་པར་གྱུར་ན་མི་རུང་གི་།དེ་བོར་ལ་ཁོ་བོའི་སྲིང་མོ་ཡུགས་ས་མོ་ཞིག་ཡོད་པ་དེ་ལོང་ཞིག་།ཁྱིམ་བདག་གིས་སྨྲས་པ། གྲོགས་པོ་ད་དོར་བར་མི་ནུས་ཏེ་འོན་ཀྱང་འདི་ལ་ཐབས་ཀྱི་རྣམ་པ་ཞིག་བྱའོ། །གཡས་ཞར་མའི་མ་དེས་ཀྱང་བག་རྫོངས་སྟ་གོན་བྱ་བར་བརྩམས་སོ། །ཁྱིམ་དེ་དྲུག་སྡེ་དག་གིས་ཁྱིམ་དུ་འགྲོ་བའི་ཁྱིམ་ཡིན་པས་དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་མཐར་གྱིས་བསོད་སྙོམས་ལ་རྒྱུ་བ་ན་ཁྱིམ་དེར་ཞུགས་པ་དང ། ཇི་ཙམ་ན་འཁུར་བ་དག་སྲེག་པར་བྱེད་པ་མཐོང་ནས་དེ་དག་གིས་སྨྲས་པ། སྲིང་མོ་དུས་སྟོན་ལ་བབ་ཏུ་ཉེའམ་ཅི། དེས་སྨྲས་པ། འཕགས་པ་དག་ཁྱེད་ཀྱི་ལྕམ་མོ་བག་མར་མཆི་བ་ལ་ཐུག་ནས། དེའི་བག་རྫོངས་སྟ་གོན་བགྱིད་དོ། །དྲུག་སྡེ་དག་གིས་སྨྲས་པ། སྲིང་མོ་ཁོ་ཅག་གིས་ཅུང་ཟད་མི་ཐོབ་བམ། འཕགས་པ་དག་ཁྱེད་ཅག་ལ་སུ་ཞིག་གིས་དབུལ་འཚལ། འདི་ཁྱེད་ཉིད་ཀྱི་ལགས་སོ། །དྲུག་སྡེ་དག་གིས་སྨྲས་པ། སྲིང་མོ་རེ་ཞིག་ཕུགས་ན་ཡོད་པ་ན་གཞན་
Ja204a
༄#། །ཐམས་ཅད་ལྟ་ཞོག་གི་།ད་འཕྲལ་དུ་ཅི་སྦྱིན་པ་བལྟས་འོན་ཅིག་།དེས་བག་བརྐྱང་སྟེ་དེ་དག་གི་ལྷུང་བཟེད་ཐམས་ཅད་འཁུར་བ་དག་གིས་བཀང་ནས་དྲུག་སྡེ་དག་གིས་དེའི་ཁ་ཟས་ཐམས་ཅད་བསྡུས་ཏེ་དོང་ངོ ། །ཇི་ཙམ་ན་ཁྱིམ་བདག་དེ་འོངས་པ་དང་ཆུང་མས་སྨྲས་པ། རྗེའི་སྲས་སྦྱིན་གནས་དག་བྱོན་པར་གྱུར་ནས་དེ་དག་གིས་ཁ་ཟས་ཐམས་ཅད་བཞེས་ཀྱི། བཞུད་ལ། ཁྱོ་ག་དེ་ལ་བག་རྫོངས་སྟ་གོན་བྱེད་ཀྱི་བར་དུ་རེ་ཞིག་ཉི་མ་ཉུང་ཤས་ཤིག་སྡོད་ཅིག་ཅེས་གསུངས་ཤིག་།ཁྱིམ་བདག་གིས་སྨྲས་པ། བཟང་མོ་དེས་སྡོད་པར་མི་ནུས་ཀྱི། ཇེ་བུ་མོ་བག་མར་གཏང་བར་གྱིས་ཤིག་དང ། ཕྱིས་ཉེ་དུ་དག་ཟན་སྦྱིན་པར་བྱའོ། །ཆུང་མས་སྨྲས་པ། རྗེའི་སྲས་དེ་ནི་ཆུང་མ་གསོད་པ་ལགས་པས་དེ་ལ་གཞན་སུས་ཀྱང་བུ་མོ་སྩོལ་བར་མི་འགྱུར་གྱི། བཞུད་ཅིག་དང ། སྡོད་པར་འགྱུར་རོ། །ཁྱིམ་བདག་དེ་དེའི་གན་དུ་སོང་སྟེ་སྨྲས་པ། བུ་བདག་ཅག་གིས་ཁ་ཟས་དག་སྟ་གོན་བྱས་པར་གྱུར་པ་གང་ཡིན་པ་དེ་སྦྱིན་གནས་དག་གིས་བཞེས་ཀྱི། དེ་ཉེ་དུ་དག་གི་ཕྱིར། ཁ་ཟས་སྟ་གོན་བྱེད་ཀྱི་བར་དུ་ཉི་མ་ཉུང་ཤས་ཤིག་སྡོད་ཅིག་།དེ་སྨྲས་པ། ཁོ་བོ་མི་སྡོད། གལ་ཏེ་ཉི་མ་དེ་ཉིད་ལ་བག་མར་རྫོང་ཞིང་སྦྱིན་ན་བག་མར་བླང་ངོ ། །གལ་ཏེ་མི་སྦྱིན་ན་ཁོ་བོ་ཆུང་མ་གཞན་ལེན་གྱི། ཁྱོད་ཀྱི་བུ་མོ་དོར་བར་བྱའོ། །ཁྱིམ་བདག་དེ་ཆུང་མའི་གན་དུ་སོང་སྟེ་སྨྲས་པ། བཟང་མོ་ཁྱོ་ག་དེ་ན་རེ། གལ་ཏེ་ཉི་མ་དེ་
Ja204b
ཉིད་ལ་བག་མ་རྫོང་ཞིང་སྦྱིན་ན་བག་མ་བླང་བར་བྱའོ། །གལ་ཏེ་མ་སྦྱིན་ན། ཁོ་བོ་ཆུང་མ་གཞན་ལེན་གྱི། ཁྱོད་ཀྱི་བུ་མོ་དོར་བར་བྱའོ་ཞེས་ཟེར་རོ། །ཆུང་མས་སྨྲས་པ། རྗེའི་སྲས་དེ་ཆུང་མ་གསོད་པ་ལགས་པས་གཞན་སུ་ཞིག་གིས་དེ་ལ་བུ་མོ་སྩོལ་བར་འགྱུར་ཞེས་དེས་བག་རྫོངས་སྟ་གོན་བྱ་བར་བརྩམས་སོ། །ཁྱོ་ག་དེས་ཀྱང་གྲོགས་པོའི་སྲིང་མོ་ཡུགས་ས་མོ་བླངས་སོ། །གཡས་ཞར་མའི་མ་དེས་ཀྱང་ཁ་ཟས་སྟ་གོན་བྱས་ནས་ཡང་ཁྱིམ་བདག་དེ་ལ་སྨྲས་པ། རྗེའི་སྲས་ད་ཁྱོ་ག་དེའི་གན་དུ་བཞུད་ལ་བག་མ་ལེན་དུ་ཤོག་ཅིག་ཅེས་གསུངས་ཤིག་།ཁྱིམ་བདག་དེ་དེའི་གན་དུ་སོང་སྟེ་སྨྲས་པ། བུ་ད་བག་མ་ལེན་དུ་ཤོག་ཅིག་།དེས་སྨྲས་པ། ཁྱེད་ཀྱིས་ཉི་མ་དེ་ལས་ཡོལ་བར་བྱས་པས་ད་ཁོ་བོ་མི་ལེན་ཏོ། །ཁྱིམ་བདག་དེས་ཁྱོ་ག་དེ་བཟུང་སྟེ་རྒྱལ་པོའི་ཕོ་བྲང་དུ་འོ་དོད་བོས་ནས་ཤགས་ལ་བཀུག་པ་དང ། ཁྱོ་ག་དེས་ཁྱིམ་བདག་དེ་ཕམ་པར་བྱས་སོ། །གཡས་ཞར་མའི་མ་དེས་བདག་གི་བུ་མོ་མ་ལོམ་མོ་ཞེས་ངུ་ཞིང་འདུག་པ་དང ། དེའི་ངོས་ཀྱི་སྡུམ་མཚེས་དག། ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ་།བྲམ་ཟེའི་ཚུལ་ནི་ཚིག་སྟེ་འདི་ལྟར་བུ་མོ་བྱིན་ཟིན་པའི་བར་ཆད་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་
Ja205a
༄#། །འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཀྱིས་མི་མཛེས་པ་དེ་ལྟ་བུ་བྱས་པར་གྱུར་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་རབ་ཏུ་མང་པོ་དག་ཁྱིམ་རྣམས་སུ་དོང་བ་ལས་གལ་ཏེ་དེ་དག་ལ་བྲམ་ཟེ་དང་ཁྱིམ་བདག་དད་པ་ཅན་དག་གིས་ཕྱེ་དག་དང་འཁུར་བ་དག་དུས་ཀྱིས་སྟོབས་པར་གྱུར་ལ་འདོད་ན་དགེ་སློང་དེ་དག་གིས་ལྷུང་བཟེད་གང་བ་གཉིས་སམ་གསུམ་བླང་བར་བྱའོ། །དེ་ལས་ལྷག་པར་ལེན་ན་ལྟུང་
Ja205b
བྱེད་དོ། །ལྷུང་བཟེད་གང་བ་གཉིས་སམ་གསུམ་བླངས་ནས་ཕྱི་རོལ་ཀུན་དགའ་ར་བར་དོང་ལ་དགེ་སློང་འཁོད་པ་རྣམས་ལའང་བགོ་བཤའ་བྱ། བདག་ཅག་ཀྱང་བཟའ་བར་བྱ་སྟེ་དེ་ལ་དེ་ནི་ཆོ་ག་ཡིན་ནོ། །དགེ་སློང་ཞེས་བྱ་བ་ནི། དྲུག་སྡེ་དག་གོ་།རབ་ཏུ་མང་པོ་དག་ཅེས་བྱ་བ་ནི། གཉིས་ལས་ལྷག་པ་ནི་རབ་ཏུ་མང་པོ་དག་གོ་།ཁྱིམ་རྣམས་སུ་ཞེས་བྱ་བ་ནི་བྲམ་ཟེ་དང་ཁྱིམ་བདག་དག་གིས་ཁྱིམ་རྣམས་སུའོ། །དོང་བ་ལས་ཞེས་བྱ་བ་ནི་སོང་བ་ལས་སོ། །གལ་ཏེ་དེ་དག་ལ་ཞེས་བྱ་བ་ནི་དགེ་སློང་དེ་དག་ལའོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་ཞེས་བྱ་བ་ལ་དད་པ་ཅན་ཞེས་བྱ་བ་ནི། སངས་རྒྱས་ལ་མངོན་པར་དད་པ་དང ། ཆོས་དང་དགེ་འདུན་ལ་མངོན་པར་དད་པ་དང ། སངས་རྒྱས་ལ་སྐྱབས་སུ་སོང་བ་དང ། ཆོས་དང་དགེ་འདུན་ལ་སྐྱབས་སུ་སོང་བ་དག་གོ་།ཕྱེ་དག་ཅེས་བྱ་བ་ནི་ཕྱེ་དང་འདེ་གུ་དག་གོ་།འཁུར་བ་དག་ཅེས་བྱ་བ་ནི་བག་ཚོས་དག་གོ་།དུས་ཀྱིས་སྟོབས་པར་གྱུར་ལ་ཞེས་བྱ་བ་ནི་ཡང་དང་ཡང་དུ་སྟོབས་པར་གྱུར་ལའོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །དགེ་སློང་དེ་དག་གིས་ཞེས་བྱ་བ་ནི་དགེ་སློང་གང་ཡིན་པ་དག་གིས་སོ། །ལྷུང་བཟེད་གང་བ་གཉིས་སམ་གསུམ་བླང་བར་བྱའོ་ཞེས་བྱ་བ་ལ་ལྷུང་བཟེད་ནི་གསུམ་སྟེ་ཆེན་པོ་དང་འབྲིང་དང་ཆུང་ངུའོ། །དེ་ལ་ཆེན་པོ་ནི་གང་དུ་འབྲས་ཐུག་པོ་ཆེ་མ་ག་དྷའི་བྲེའུ་ཆུང་དོ་བཙོས་པ། སྲན་ཚོད་དང་བཅས་ཚོད་མ་དང་
Ja206a
༄#། །བཅས་པ་བླུགས་ན་ཁའི་ཆའི་མཐའ་ཁོ་ན་ནས་མཐེ་བོའི་ལྟོ་གང་གིས་མི་རེག་པའོ། །ཆུང་ངུ་ནི་གང་དུ་འབྲས་ཐུག་པོ་ཆེ་མ་ག་དྷའི་བྲེ་ཆུང་གང་བཙོས་པ་སྲན་ཚོད་དང་བཅས་ཚོད་མ་དང་བཅས་པ་བླུགས་ན་ཁའི་ཆའི་མཐའ་ཁོ་ན་ནས་མཐེ་བོའི་ལྟོ་གང་གིས་མི་རེག་པའོ། །འབྲིང་པོ་དེ་གཉིས་ཀྱི་བར་རོ། །དེ་ལས་ལྷག་པར་ལེན་ན་ཞེས་བྱ་བ་ནི་དེ་ལས་མང་དུའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོང་བར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །ལྷུང་བཟེད་གང་བ་གཉིས་སམ་གསུམ་བླངས་ནས་ཕྱི་རོལ་ཀུན་དགའ་ར་བར་དོང་ལ་དགེ་སློང་འཁོད་པ་རྣམས་ལ་ཡང་བགོ་བཤའ་བྱ་ཞེས་བྱ་བ་ནི། ཁྱིམ་གྱི་ཕྱི་རོལ་གཙུག་ལག་ཁང་དུ་དོང་ལ་དེ་ན་དགེ་སློང་གང་དག་འཁོད་པ་རྣམས་ལ་ཡང་སྦྱིན་པར་བྱའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ལྷུང་བཟེད་ཆེན་པོ་གསུམ་ལེན་པར་བྱེད་ན་དེ་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་རོ། ། དགེ་སློང་གིས་ལྷུང་བཟེད་ཆེན་པོ་གཉིས་དང་འབྲིང་གཅིག་ལེན་པར་བྱེད་ན་དེ་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་རོ། །དགེ་སློང་གིས་ལྷུང་བཟེད་ཆེན་པོ་གཉིས་དང་
Ja206b
ཆུང་ངུ་གཅིག་ལེན་པར་བྱེད་ན། དེ་ལེན་པ་ལ་ཉེས་བྱས་སུ་འགྱུར་ལ། ཟ་བ་ལ་ལྟུང་བྱེད་དུ་འགྱུར་རོ། །དགེ་སློང་གིས་ལྷུང་བཟེད་འབྲིང་གཉིས་དང་ཆེན་པོ་གཅིག་ལེན་པར་བྱེད་ན། དེ་ལེན་པ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་རོ། །དགེ་སློང་གིས་ཇི་ཙམ་དུ་བྲེའུ་ཆུང་ཕྱེད་དང་ལྔ་ལས་ལྷག་པའི་བསོད་སྙོམས་ལེན་ན་ཐམས་ཅད་དུ་ལྟུང་བྱེད་དུ་འགྱུར་རོ། །སྦྱིན་བདག་གིས་ཅི་བདེར་བྱས་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལྷུང་བཟེད་དོ་གསུམ་ཙམ་ལས་ལྷག་པར་ལེན་པའི་ལྟུང་བྱེད་དེ་སུམ་ཅུ་གསུམ་པ་རྫོགས་སོ།། །།བར་སྡོམ་ལ། སྟན་གཅིག་དང་ནི་ཆུ་བཞིན་སྤོང ། །འབགས་དང་ཟས་ཡོད་རུང་བ་དང ། །ཐོང་ཞིག་ལྷག་པོར་ཐུག་པ་དང ། སྐྱོ་མའི་སྡེ་ཚན་བསྡུས་པ་ཡིན། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ང་ནི་སྟན་གཅིག་པའི་ཟས་ཟ་སྟེ། ང་སྟན་གཅིག་པའི་ཟས་ཟ་བ་ན་སྙིང་ལས་ཆུང་ངུར་འཚོ་ཞིང ། གནོད་པ་ཉུང་བ་དང་ཉམ་ང་བ་ཆུང་བ་དང ། བསྐྱོད་པ་ཡང་པ་དང་འཚོ་བ་དང་སྟོབས་དང་ལྡན་པ་དང ། བདེ་བ་དང་ཁ་ན་མ་ཐོ་བ་མེད་པ་དང་བདེ་བ་ལ་རེག་པར་གནས་པར་འཚོའོ། །དགེ་སློང་དག་ཁྱེད་ཀྱང་ཚུར་ཤེག་ལ་སྟན་གཅིག་པའི་ཟས་ཟོ་ཞིག་
Ja207a
༄#། །དང།་ཁྱེད་ཀྱང་སྟན་གཅིག་པའི་ཟས་ཟ་བ་ན་སྙིང་ལས་ཆུང་ངུར་འཚོ་ཞིང་གནོད་པ་ཉུང་བ་དང་ཉམ་ང་བ་ཆུང་བ་དང ། བསྐྱོད་པ་ཡང་བ་དང་འཚོ་བ་དང་སྟོབས་དང་ལྡན་པ་དང་བདེ་བ་དང་ཁ་ན་མ་ཐོ་བ་མེད་པ་དང་བདེ་བ་ལ་རེག་པར་གནས་པར་འཚོ་བར་འགྱུར་རོ། །དགེ་སློང་རྣམས་སྟན་གཅིག་པའི་ཟས་ཟ་བར་བྱེད་དེ། དེ་དག་སྟན་གཅིག་པའི་ཟས་ཟ་བ་ན་སློབ་དཔོན་མཐོང་ན་ཡང་ལྡང་བར་བྱེད། མཁན་པོ་དང་བླ་མ་དང་བླ་མ་ལྟ་བུ་མཐོང་ན་ཡང་ལྡང་བར་བྱེད་པས། དེ་དག་བདག་ཅག་གིས་སྤངས་སོ་ཞེས་ཟ་བར་མི་བྱེད་པས་དེ་དག་རིད་པ་དང་ཉམ་ཆུང་བ་དང་རྐེ་པ་དང ། སྐམ་པ་དང་ལུས་མ་ཐོབ་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ངས་དགེ་སློང་དག་ང་ནི་སྟན་གཅིག་པའི་ཟས་ཟ་སྟེ་ང་སྟན་གཅིག་པའི་ཟས་ཟ་བ་ན་སྙིང་ལས་ཆུང་ངུར་འཚོ་ཞིང་གནོད་པ་ཉུང་བ་དང་ཉམ་ང་བ་ཆུང་བ་དང ། བསྐྱོད་པ་ཡང་བ་དང་འཚོ་བ་དང་སྟོབས་དང་ལྡན་པ་དང་བདེ་བ་དང་ཁ་ན་མ་ཐོ་བ་མེད་པ་དང་བདེ་བ་ལ་རེག་པར་གནས་པར་འཚོའོ། །དགེ་སློང་དག་ཁྱེད་ཀྱང་ཚུར་ཤེག་ལ་སྟན་གཅིག་པའི་ཟས་ཟོ་ཞིག་དང་ཁྱེད་ཀྱང་སྟན་གཅིག་པའི་ཟས་ཟ་ན། སྙིང་ལས་ཆུང་ངུར་འཚོ་ཞིང་གནོད་པ་ཉུང་བ་དང་ཉམ་ང་བ་ཆུང་བ་དང་བསྐྱོད་པ་ཡང་པ་དང །
Ja207b
འཚོ་བ་དང་སྟོབས་དང་ལྡན་པ་དང་བདེ་བ་དང་ཁ་ན་མ་ཐོ་བ་མེད་པ་དང་བདེ་བ་ལ་རེག་པར་གནས་པར་འཚོ་བར་འགྱུར་རོ་ཞེས་བྱས་ན། གང་གིས་ད་ལྟར་དགེ་སློང་དག་རིད་པ་དང་ཉམ་ཆུང་བ་དང་རྐེ་བ་དང་སྐམ་པ་དང ། ལུས་མ་ཐོབ་པར་གྱུར་པའི་རྒྱུ་ནི་གང་ཡིན། རྐྱེན་ནི་གང་ཡིན། བཙུན་པ་བཅོམ་ལྡན་འདས་ཀྱིས་དགེ་སློང་དག་ང་ནི་སྟན་གཅིག་པའི་ཟས་ཟ་སྟེ། ང་སྟན་གཅིག་པའི་ཟས་ཟ་བ་ན་སྙིང་ལས་ཆུང་ངུར་འཚོ་ཞིང་གནོད་པ་ཉུང་བ་དང་ཉམ་ང་བ་ཆུང་བ་དང ། བསྐྱོད་པ་ཡང་བ་དང་འཚོ་བ་དང་སྟོབས་དང་ལྡན་པ་དང་བདེ་བ་དང་ཁ་ན་མ་ཐོ་བ་མེད་པ་དང་བདེ་བ་ལ་རེག་པར་གནས་པར་འཚོའོ། །དགེ་སློང་དག་ཁྱེད་ཀྱང་ཆུར་ཤེག་ལ་སྟན་གཅིག་པའི་ཟས་ཟོ་ཞིག་དང ། ཁྱེད་ཀྱང་སྟན་གཅིག་པའི་ཟས་ཟ་བ་ན་སྙིང་ལས་ཆུང་ངུར་འཚོ་ཞིང་གནོད་པ་ཉུང་བ་དང་ཉམ་ང་བ་ཆུང་བ་དང ། བསྐྱོད་པ་ཡང་བ་དང་འཚོ་བ་དང་སྟོབས་དང་ལྡན་པ་དང་བདེ་བ་དང་ཁ་ན་མ་ཐོ་བ་མེད་པ་དང་བདེ་བ་ལ་རེག་པར་གནས་པར་འཚོ་བར་འགྱུར་རོ་ཞེས་བཀའ་སྩལ་ནས། དགེ་སློང་རྣམས་སྟན་གཅིག་པའི་འཚལ་མ་འཚལ་བར་བགྱིད་དེ། དེ་དག་སྟན་གཅིག་པའི་འཚལ་མ་འཚལ་བ་ན། སློབ་དཔོན་མཐོང་བ་ན་ཡང་ལྡང་བར་བགྱིད། མཁན་པོ་དང་བླ་མ་དང་བླ་མ་ལྟ་བུ་མཐོང་ན་ཡང་ལྡང་བར་བགྱིད་པས། དེ་དག་བདག་ཅག་གིས་སྤངས་སོ་ཞེས་འཚལ་བར་མི་བགྱིད་པས། དེ་དག་རིད་པ་དང་ཉམ་ཆུང་བ་དང་རྐེ་བ་དང་སྐམ་པ་དང་ལུས་མ་ཐོབ་
Ja208a
༄#། །པར་གྱུར་ཏེ། བཙུན་པ་གང་གིས་ད་ལྟར་དགེ་སློང་དག་རིད་བ་དང་ཉམ་ཆུང་བ་དང་རྐེ་བ་དང་སྐམ་པ་དང་ལུས་མ་ཐོབ་པར་གྱུར་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། ཀུན་དགའ་བོ་དེ་ལྟ་བས་ན་མ་སྤངས་པས་ཇི་ཙམ་གྱིས་ཆོག་པར་བཟའ་བར་བྱ་ཞིང ། ཁ་ཟས་བརྩམས་པས་སློབ་དཔོན་དང་མཁན་པོ་དང་བླ་མ་དང་བླ་མ་ལྟ་བུ་མཐོང་ན་ལྡང་བར་མི་བྱའོ། །བཅོམ་ལྡན་འདས་ཀྱིས་མ་སྤངས་པས་ཇི་ཙམ་གྱིས་ཆོག་པ་བཟའ་བར་བྱ་ཞིང ། ཟས་བརྩམས་པས་སློབ་དཔོན་དང་མཁན་པོ་དང་བླ་མ་དང་བླ་མ་ལྟ་བུ་མཐོང་ན་ལྡང་བར་མི་བྱའོ་ཞེས་བཀའ་སྩལ་ནས། དེ་དག་ཆུ་བཞིན་དུ་སྤོང་བས་ལོ་མ་དང་སྲན་ཚོད་དང་ལྡམ་ལྡུམ་དང་སྐམ་ཚོད་ཀྱིས་ཀྱང་སྤོང་བར་བྱེད་ཅིང ། དེ་དག་བདག་ཅག་གིས་སྤངས་སོ་ཞེས་ཟ་བར་མི་བྱེད་པས། དེ་དག་རིད་པ་དང་ཉམ་ཆུང་བ་དང་རྐེ་བ་དང་སྐམ་པ་དང་ལུས་མ་ཐོབ་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ངས་མ་སྤངས་པས་ཇི་ཙམ་གྱིས་ཆོག་པ་ཟ་བར་བྱ་ཞིང ། ཟས་བརྩམས་པས་སློབ་དཔོན་དང་མཁན་པོ་དང་བླ་མ་དང་བླ་མ་ལྟ་བུ་མཐོང་ན་ལྡང་བར་མི་བྱའོ་ཞེས་བྱས་ན། གང་གིས་ད་ལྟར་དགེ་སློང་དག་རིད་པ་དང་ཉམ་ཆུང་བ་དང་རྐེ་བ་དང ། སྐམ་པ་དང་ལུས་མ་ཐོབ་པར་གྱུར་པའི་རྒྱུ་ནི་གང་ཡིན་རྐྱེན་ནི་གང་ཡིན། བཙུན་
Ja208b
པ་བཅོམ་ལྡན་འདས་ཀྱིས་མ་སྤངས་པས་ཇི་ཙམ་གྱིས་ཆོག་པ་བཟའ་བར་བྱ་ཞིང ། ཟས་བརྩམས་པས་སློབ་དཔོན་དང་མཁན་པོ་དང་བླ་མ་དང་བླ་མ་ལྟ་བུ་མཐོང་ན་ལྡང་བར་མི་བྱའོ་ཞེས་བཀའ་སྩལ་ནས། དེ་དག་ཆབ་བཞིན་དུ་སྤོང་བས་ལོ་མ་དང་སྲན་ཚོད་དང་ལྡམ་ལྡུམ་དང ། སྐམ་ཚོད་ཀྱིས་ཀྱང་སྤོང་བར་བགྱིད་ཅིང་དེ་བདག་ཅག་གིས་སྤངས་སོ་ཞེས་འཚལ་བར་མི་བགྱིད་པས་དེ་དག་རིད་པ་དང་ཉམ་ཆུང་བ་དང་རྐེ་བ་དང་སྐམ་པ་དང་ལུས་མ་ཐོབ་པར་གྱུར་ཏོ། །བཙུན་པ་གང་གིས། ད་ལྟར་དགེ་སློང་དག་རིད་པ་དང་ཉམ་ཆུང་བ་དང་རྐེ་བ་དང་སྐམ་པ་དང་ལུས་མ་ཐོབ་པར་གྱུར་བའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཀུན་དགའ་བོ་དེ་ལྟ་བས་ན་བཅའ་བ་ལྔ་པོ་དག་གིས་ནི་སྤངས་པར་མི་འགྱུར་ལ་བཟའ་བ་ལྔ་པོ་དག་གིས་ནི་སྤང་བར་འགྱུར་ཏེ། བཅའ་བ་ལྔ་པོ་གང་དག་གིས་སྤངས་པར་མི་འགྱུར་ཞེ་ན། བཅའ་བར་བྱ་བ་རྩ་བ་དང ། སྡོང་བུ་དང ། འདབ་མ་དང ། མེ་ཏོག་དང ། འབྲས་བུ་དག་སྟེ། བཅའ་བ་ལྔ་པོ་དེ་དག་གིས་ནི་སྤངས་པར་མི་འགྱུར་རོ། །བཟའ་བ་ལྔ་པོ་གང་དག་གིས་སྤངས་པར་འགྱུར་བ་དག་གང་ཞེ་ན། བཟའ་བར་བྱ་བ་འབྲས་ཆན་དང ། ཟན་དྲོན་དང ། ཤ་དང ། སྣུམ་འཁུར་དང ། འདེ་གུ་དག་སྟེ། བཟའ་བ་ལྔ་པོ་དེ་དག་གིས་ནི་སྤངས་པར་འགྱུར་རོ། །བཅའ་བ་ལྔ་པོ་དག་འཆོས་ནས་ནི་བཟའ་བ་ལྔ་པོ་དག་བཟའ་བར་བྱའི། བཟའ་བ་ལྔ་པོ་དག་ཟོས་ནས་ན། བཅའ་བ་ལྔ་པོ་དག་བཅའ་བར་མི་བྱའོ། །དགེ་སློང་གིས་བཟའ་བ་ལྔ་པོ་དག་ཟོས་
Ja209a
༄#། །ནས་བཅའ་བ་ལྔ་པོ་དག་འཆའ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་བཅའ་བ་ལྔ་པོ་དག་གིས་ནི་སྤངས་བར་མི་འགྱུར་ལ། བཟའ་བ་ལྔ་པོ་དག་གིས་ནི་སྤངས་པར་འགྱུར་རོ་ཞེས་བཀའ་སྩལ་ནས་དེ་དག་དེས་འབགས་པའི་ལག་པ་དག་དང་དེས་གོས་པའི་ལྷུང་བཟེད་དག་གིས་བདག་ཅག་གིས་སྤངས་སོ་ཞེས་ཟ་བར་མི་བྱེད་པས་དེ་དག་རིད་པ་དང་ཉམ་ཆུང་བ་དང་རྐེ་བ་དང་སྐམ་པ་དང་ལུས་མ་ཐོབ་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ངས་བཅའ་བ་ལྔ་པོ་དག་གིས་ནི་སྤངས་པར་མི་འགྱུར་ལ། བཟའ་བ་ལྔ་པོ་དག་གིས་ནི་སྤངས་པར་འགྱུར་རོ་ཞེས་བྱས་ན། གང་དག་གིས་ད་ལྟར་དགེ་སློང་དག་རིད་པ་དང་ཉམ་ཆུང་བ་དང་རྐེ་བ་དང་སྐམ་པ་དང་ལུས་མ་ཐོབ་པར་གྱུར་པའི་རྒྱུ་ནི་གང་ཡིན་རྐྱེན་ནི་གང་ཡིན། བཙུན་པ་བཅོམ་ལྡན་འདས་ཀྱིས་བཅའ་བ་ལྔ་པོ་དག་གིས་ནི་སྤངས་པར་མི་འགྱུར་ལ། བཟའ་བ་ལྔ་པོ་དག་གིས་ནི་སྤངས་པར་འགྱུར་རོ་ཞེས་བཀའ་སྩལ་ནས་དེ་དག་དེས་འབགས་པའི་སུག་པ་དག་དང་དས་གོས་པའི་ལྷུང་བཟེད་དག་གིས་བདག་ཅག་གིས་སྤངས་སོ་ཞེས་འཚལ་བར་མི་བགྱིད་པས་དེ་དག་རིད་པ་དང་ཉམ་ཆུང་བ་དང་རྐེ་བ་དང་སྐམ་པ་དང་ལུས་མ་ཐོབ་པར་གྱུར་ཏོ། །བཙུན་པ་གང་གིས་ད་ལྟར་དགེ་སློང་དག་རིད་པ་དང་ཉམ་ཆུང་བ་
Ja209b
དང་རྐེ་བ་དང་སྐམ་པ་དང་ལུས་མ་ཐོབ་པར་གྱུར་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཀུན་དགའ་བོ་དེ་ལྟ་བས་ན་རྒྱུ་ལྔས་ནི་སྤངས་པར་བརྗོད་པར་བྱ་ཞིང ། རྒྱུ་ལྔས་ནི་མ་སྤངས་པར་བརྗོད་པར་བྱའོ། །རྒྱུ་ལྔ་པོ་གང་དག་གིས་སྤངས་པར་བརྗོད་པར་བྱ་ཞེ་ན། ཟས་ཡོད་པ་དང ། ཟས་སྟོབས་པ་ཡོད་པ་དང ། ཟས་བརྩམས་པ་ཡོད་པ་དང ། ཟས་སྤངས་པ་ཡོད་པ་དང ། སྤྱོད་ལམ་ལས་ཉམས་པས་སོ། །ཇི་ལྟར་ཟས་ཡོད་པས་ཤེ་ན། བཅའ་བ་ལྔ་པོ་དང་བཟའ་བ་ལྔ་པོ་དག་ཡོད་པས་ཏེ། ཇི་ལྟར་ཟས་ཡོད་པས་སོ། །ཇི་ལྟར་ཟས་སྟོབས་པ་ཡོད་པས་ཤེ་ན། བུད་མེད་དམ་སྐྱེས་པའམ་མ་ནིང་ཡོད་པས་ཏེ། དེ་ལྟར་ཟས་སྟོབས་པ་ཡོད་པས་སོ། །ཇི་ལྟར་ཟས་བརྩམས་པ་ཡོད་པས་ཤེ་ན། བཅའ་བ་ལྔ་པོ་དང་བཟའ་བ་ལྔ་པོ་དག་ཀུན་ཏུ་བརྩམས་པ་ཡོད་པས་ཏེ། དེ་ལྟར་ཟས་བརྩམས་པ་ཡོད་པས་སོ། །ཇི་ལྟར་ཟས་སྤངས་པ་ཡོད་པས་ཤེ་ན། བཅའ་བ་ལྔ་པོ་དང་བཟའ་བ་ལྔ་པོ་དག་སྤངས་པ་ཡོད་པས་ཏེ། དེ་ལྟར་ཟས་སྤངས་པ་ཡོད་པས་སོ། །ཇི་ལྟར་སྤྱོད་ལམ་ལས་མ་ཉམས་པས་ཤེ་ན། སྟན་གང་ལ་འདུག་པར་གྱུར་པའི་སྟན་དེ་ལས་ལངས་པར་གྱུར་པས་ཏེ། དེ་ལྟར་སྤྱོད་ལམ་ལས་ཉམས་པས་ཏེ། རྒྱུ་ལྔ་པོ་དེ་དག་གིས་ནི་སྤངས་པར་བརྗོད་པར་བྱའོ། ། རྒྱུ་ལྔ་པོ་གང་དག་གིས་མ་སྤངས་པར་བརྗོད་པར་བྱ་ཞེ་ན། ཟས་མེད་པ་དང ། ཟས་སྟོབས་པ་མེད་པ་དང ། ཟས་བརྩམས་པ་མེད་པ་དང ། ཟས་སྤངས་པ་མེད་པ་དང ། སྤྱོད་ལམ་ལས་མ་ཉམས་
Ja210a
༄#། །པས་སོ། །ཇི་ལྟར་ཟས་མེད་པས་ཤེ་ན། བཅའ་བ་ལྔ་པོ་དང་བཟའ་བ་ལྔ་པོ་དག་མེད་པས་ཏེ། དེ་ལྟར་ཟས་མེད་པས་སོ། །ཇི་ལྟར་ཟས་སྟོབས་པ་མེད་པས་ཤེ་ན། བུད་མེད་དམ་སྐྱེས་པའམ་མ་ནིང་མེད་པས་ཏེ། དེ་ལྟར་ཟས་སྟོབས་པ་མེད་པས་སོ། །ཇི་ལྟར་ཟས་བརྩམས་པ་མེད་པས་ཤེ་ན། བཅའ་བ་ལྔ་པོ་དག་དང་བཟའ་བ་ལྔ་པོ་དག་ཀུན་ཏུ་བརྩམས་པ་མེད་པས་ཏེ། དེ་ལྟར་ཟས་བརྩམས་པ་མེད་པས་སོ། །ཇི་ལྟར་ཟས་སྤངས་པ་མེད་པས་ཤེ་ན། བཅའ་བ་ལྔ་པོ་དག་དང་བཟའ་བ་ལྔ་པོ་དག་སྤངས་པ་མེད་པས་ཏེ། དེ་ལྟར་ཟས་སྤངས་པ་མེད་པས་སོ།། ཇི་ལྟར་སྤྱོད་ལམ་ལས་མ་ཉམས་པས་ཤེ་ན། སྟན་གང་ལ་འདུག་པར་གྱུར་པའི་སྟན་དེ་ལས་ལངས་པར་མ་གྱུར་པས་ཏེ། དེ་ལྟར་སྤྱོད་ལམ་ལས་མ་ཉམས་པས་ཏེ། རྒྱུ་ལྔ་པོ་དེ་དག་གིས་ནི་མ་སྤངས་པར་བརྗོད་པར་བྱའོ། །གཞན་ཡང་རྒྱུ་ལྔས་ནི་སྤངས་པར་བརྗོད་པར་བྱ་ཞིང་རྒྱུས་ལྔས་ནི་མ་སྤངས་པར་བརྗོད་པར་བྱའོ། །རྒྱུ་ལྔ་པོ་གང་གིས་སྤངས་པར་བརྗོད་པར་བྱ་ཞེ་ན། རུང་བས་སྤོང་བར་བྱེད་པ་དང ། རུང་བ་དང་འདྲེས་པས་སྤོང་བར་བྱེད་པ་དང ། གསོག་འཇོག་མ་བྱས་པས་སྤོང་བར་བྱེད་པ་དང ། གསོག་འཇོག་མ་བྱས་པ་དང་འདྲེས་པས་སྤོང་བར་བྱེད་པ་དང ། སྤྱོད་ལམ་ལས་མ་ཉམས་པས་ཏེ། རྒྱུ་ལྔ་པོ་དེ་དག་གིས་ནི་སྤངས་པར་བརྗོད་པར་བྱའོ། །རྒྱུ་ལྔ་པོ་གང་དག་གིས་མ་སྤངས་པར་བརྗོད་པར་བྱ་ཞེ་ན། མི་རུང་བས་སྤོང་བར་བྱེད་པ་དང ། མི་རུང་བ་
Ja210b
དང་འདྲེས་པས་སྤོང་བར་བྱེད་པ་དང ། གསོག་འཇོག་བྱས་པས་སྤོང་བར་བྱེད་པ་དང ། གསོག་འཇོག་བྱས་པ་དང་འདྲེས་པས་སྤོང་བར་བྱེད་པ་དང ། སྤྱོད་ལམ་ལས་མ་ཉམས་པས་ཏེ། རྒྱུ་ལྔ་པོ་དེ་དག་གིས་ནི་མ་སྤངས་པར་བརྗོད་པར་བྱའོ། །གཞན་ཡང་ཚིག་ལྷག་མ་མེད་པ་ལྔས་ནི་སྤངས་པར་བརྗོད་པར་བྱ་ཞིང་ཚིག་ལྷག་མ་དང་བཅས་པ་ལྔས་ནི་མ་སྤངས་པར་བརྗོད་པར་བྱའོ། །ཚིག་ལྷག་མ་མེད་པ་ལྔ་གང་ཞེ་ན། ཐོང་ཞིག་ཅེས་བྱ་བ་དང ། བྱིན་ཅིག་ཅེས་བྱ་བ་དང ། སོང་ཞིག་ཅེས་བྱ་བ་དང ། ཟོས་ཟིན་ཏོ་ཞེས་བྱ་བ་དང ། ཆོག་གོ་ཞེས་བྱ་བ་སྟེ། ཚིག་ལྷག་མ་མེད་པ་ལྔ་པོ་དེ་དག་གིས་ནི་སྤངས་པར་བརྗོད་པར་བྱའོ། །ཚིག་ལྷག་མ་དང་བཅས་པ་ལྔ་གང་ཞེ་ན། རེ་ཞིག་ཐོང་ཞིག་ཅེས་བྱ་བ་དང ། རེ་ཞིག་བྱིན་ཅིག་ཅེས་བྱ་བ་དང ། རེ་ཞིག་སོང་ཞིག་ཅེས་བྱ་བ་དང ། རེ་ཞིག་ཟོས་ཟིན་ཏོ་ཞེས་བྱ་བ་དང ། རེ་ཞིག་ཆོག་གོ་ཞེས་བྱ་བ་སྟེ། ཚིག་ལྷག་མ་དང་བཅས་པ་ལྔ་པོ་དེ་དག་གིས་ནི་མ་སྤངས་པར་བརྗོད་པར་བྱའོ། །བཅོམ་ལྡན་འདས་ཀྱིས་དགེ་སློང་གིས་སྤངས་པ་བཟའ་བར་མི་བྱའོ་ཞེས་བཀའ་སྩལ་ནས་དྲུག་སྡེ་དག་སྤངས་པས་ཀྱང་ཟ་བར་བྱེད། མ་སྤངས་པས་ཀྱང་ཟ་བར་བྱེད་ནས་དགེ་སློང་དོན་ཉུང་ངུ་དག་བཅོམ་ལྡན་འདས་ཀྱིས་དགེ་སློང་གིས་སྤངས་པས་བཟའ་བར་མི་བྱའོ་ཞེས་བཀའ་སྩལ་ན་ཅིའི་ཕྱིར་དགེ་སློང་དག་སྤངས་པས་ཀྱང་ཟ་བར་བྱེད། མ་སྤངས་པས་ཀྱང་ཟ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་
Ja211a
༄#། །ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དྲུག་སྡེ་དག་ལ་རྨས་པ། དགེ་སློང་དག་ངས་དགེ་སློང་གིས་སྤངས་པས་བཟའ་བར་མི་བྱའོ་ཞེས་བཀའ་སྩལ་ན་ཁྱེད་སྤངས་པས་ཀྱང་ཟ་བར་བྱེད། མ་སྤངས་པས་ཀྱང་ཟ་བར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟར་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟས་ཟོས་ཟིན་ཅིང་སྤངས་པ་ལས་བཅའ་བའམ་བཟའ་བ་འཆའ་བའམ་ཟ་ན་ལྟུང་བྱེད་དོ་ཞེས་བཅོམ་ལྡན་
Ja211b
འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དགེ་སློང་ནད་པ་རབ་ཏུ་མང་པོ་དག་གི་ནད་གཡོག་རབ་ཏུ་མང་པོ་དག་ཡོད་པ་དེ་དག་གིས་བདག་ཉིད་ཟོས་ནས་ནད་པ་རྣམས་ཀྱི་ལྟོ་ཁེངས་པའི་བསོད་སྙོམས་དག་མནོས་པ་དང ། དགེ་སློང་ནད་པ་རྣམས་ཀྱིས་ཟ་བར་མ་ནུས་ཤིང ། དགེ་སློང་ནད་གཡོག་གིས་ཀྱང་བདག་ཅག་གིས་སྤངས་སོ་ཞེས་ཟ་བར་མི་བྱེད། ཀུན་དགའ་ར་བ་པ་དང་དགེ་ཚུལ་དག་ཀྱང་མེད་ནས། དེ་དག་གིས་ཀུན་དགའ་ར་བའི་ནང་དུ་ཟས་ཀྱི་ཕུང་པོ་ཆེན་པོ་རྣམ་པར་བཞག་པ་དང ། དེར་བྱ་རོག་དག་ཟ་བ་ན་བྱ་རོག་གི་སྒྲ་འབྱིན་པ་ཆེན་པོ་བྱུང་བར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཀུན་དགའ་ར་བའི་ནང་ན་བྱ་རོག་གི་སྒྲ་འབྱིན་པ་ཆེན་པོ་བྱུང་བར་གྱུར་བ་འདི་ཅི་ལས་གྱུར། བཙུན་པ་ཁྱིམ་བདག་གཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་སྡུམ་པ་གཞན་དུ་གདུགས་ཚོད་ལ་སྤྱན་དྲངས་ནས་དགེ་སློང་བྲོ་འཚལ་བ་རབ་ཏུ་མང་པོ་དག་གི་བྲོ་གཡོག་རབ་ཏུ་མང་པོ་དག་མཆིས་པ་དེ་དག་གིས་བདག་ཉིད་འཚལ་ནས་བྲོ་འཚལ་བ་རྣམས་ཀྱིས་
Ja212a
༄#། །གཡར་བལྟམས་པའི་བསོད་སྙོམས་དག་མནོས་པ་དང ། དགེ་སློང་བྲོ་འཚལ་བ་རྣམས་ཀྱིས་འཚལ་བར་རྔོ་མ་ཐོག་ཅིང་དགེ་སློང་བྲོ་གཡོག་དག་གིས་ཀྱང་བདག་ཅག་གིས་སྤངས་སོ་ཞེས་འཚལ་བར་མི་བགྱིད། ཀུན་དགའ་ར་བ་པ་དང་དགེ་ཚུལ་དག་ཀྱང་མ་མཆིས་ནས་དེ་དག་གིས་ཀུན་དགའ་ར་བའི་ནང་དུ་ཟས་ཀྱི་ཕུང་པོ་ཆེན་པོ་རྣམ་པར་བཞག་པ་དང ། དེར་བྱ་རོག་དག་འཚལ་བ་ན་བྱ་རོག་གི་སྒྲ་འབྱིན་པ་ཆེན་པོ་བྱུང་བར་གྱུར་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངས་དགེ་སློང་རྣམས་བདེ་བ་ལ་རེག་པར་གནས་པར་བྱ་བའི་ཕྱིར་དང ། སྦྱིན་པ་པོ་རྣམས་ཀྱིས་སྦྱིན་པར་བྱ་བའི་ཆོས་ཡོངས་སུ་ལོངས་སྤྱད་པར་བྱ་བའི་ཕྱིར་ལྷག་པོར་གནང་བར་བྱའོ་སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ལྷག་བོར་བྱས་ཏེ་བཟའ་བར་རྗེས་སུ་གནང་ངོ ། །བཅོམ་ལྡན་འདས་ཀྱིས་ལྷག་པོར་བྱས་ཏེ་བཟའ་བར་རྗེས་སུ་གནང་ངོ་ཞེས་བཀའ་སྩལ་ནས་དགེ་སློང་རྣམས་ཀྱིས་ལྷག་པོར་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཟས་ཟོས་ཟིན་ཅིང་སྤངས་ཏེ་ཡོངས་སུ་རྫོགས་ཤིང་མཐར་ཐུག་པར་བྱས་པ་གང་ཡང་རུང་བ་ཞིག་གིས་བཅའ་བའམ་བཟའ་བ་རྙེད་ཅིང་ཟ་བར་འདོད་ན་དགེ་སློང་དེས་ལག་པ་གཉིས་བསྙལ་ཏེ། བྱིན་ལེན་བྱས་ལ་དགེ་སློང་ཟས་ཟོས་ཟིན་ཅིང་མ་སྤངས་ལ་སྤྱོད་ལམ་ལས་
Ja212b
མ་ཉམས་པ་གང་ཡིན་པའམ། དགེ་སློང་ཟས་ཟོས་ཟིན་ཅིང་སྤངས་ལ་སྤྱོད་ལམ་ལས་མ་ཉམས་པ་གང་ཡིན་པ་དེའི་མདུན་དུ་ཙོག་བུར་འདུག་སྟེ། འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བ་འཚལ་མ་འཚལ་ལགས་ཤིང་སྤངས་ཏེ། ཡོངས་སུ་རྫོགས་ཤིང་མཐར་ཐུག་པར་བགྱིས་པ་ལས་བཅའ་བ་དང་བཟའ་བ་རྙེད་ཅིང་འཚལ་བར་འཚལ་ན་ལྷག་པོར་བགྱིས་ཏེ་བདག་ལ་སྩལ་དུ་གསོལ། དེས་ཁམ་གཉིས་སམ་གསུམ་ཟོས་ནས་འདི་སྐད་ཅེས་ཁྱོད་ཀྱིར་གྱུར་གྱི། བཞུད་ཅིག་ཅེས་བརྗོད་པར་བྱའོ། །དེ་ལ་དགེ་སློང་ཟས་ཟོས་ཟིན་ཅིང་མ་སྤངས་ལ་སྤྱོད་ལམ་ལས་མ་ཉམས་པ་གང་ཡིན་པ་དེས་ནི་བདག་ཉིད་ཀྱིས་ཁམས་གཉིས་སམ་གསུམ་ཟོས་ནས་ལྷག་པོར་བྱའོ། །དེ་ལ་དགེ་སློང་ཟས་ཟོས་ཟིན་ཅིང་སྤངས་ལ་སྤྱོད་ལམ་ལས་མ་ཉམས་པ་གང་ཡིན་པ་དེས་ནི། བཟའ་བར་མི་བྱ་བར་ལག་པར་བྱིན་ནས་ཁྱོད་ཀྱིར་\་KYཱིཥ\་གྱུར་གྱི། བཞུད་ཅིག་ཅེས་བརྗོད་པར་བྱ་བས་ལྷག་པོར་བྱའོ། །གལ་ཏེ་ཟེ་ན་འགའ་ཚབས་ཅན་དུ་འགྱུར་རོ། །རྒྱུ་ལྔས་ལྷག་པོར་མ་བྱས་པར་བརྗོད་པར་བྱ་སྟེ། ལྔ་གང་ཞེ་ན། མཚམས་ཀྱི་ཕྱི་རོལ་ཏུ་དང ། མི་འཐོབ་པའི་ཕྱོགས་སུ་དང ། རྒྱབ་ནས་དང ། གློ་ནས་དང ། སྤྱོད་ལམ་ལས་ཉམས་པ་བྱེད་དུ་འཇུད་པ་སྟེ། རྒྱུ་ལྔ་པོ་དེ་དག་གིས་ནི་ལྷག་པོར་མ་བྱས་པར་བརྗོད་པར་བྱའོ། །རྒྱུ་ལྔས་ནི་ལྷག་པོར་བྱས་པར་བརྗོད་པར་བྱ་སྟེ། ལྔ་གང་ཞེ་ན། མཚམས་ཀྱི་ཕྱི་རོལ་མ་ཡིན་པ་དང ། འཐོབ་
Ja213a
༄#། །པའི་ཕྱོགས་སུ་དང ། རྒྱབ་མ་ཡིན་པ་ནས་དང ། གློ་མ་ཡིན་པ་ནས་དང ། སྤྱོད་ལམ་ལས་མ་ཉམས་པ་བྱེད་དུ་འཇུད་པ་སྟེ། རྒྱུ་ལྔ་པོ་དེ་དག་གིས་ནི་ལྷག་པོར་བྱས་པར་བརྗོད་པར་བྱའོ། །གཞན་ཡང་རྒྱུ་ལྔས་ནི་ལྷག་པོར་མ་བྱས་པར་བརྗོད་པར་བྱ་སྟེ། ལྔ་གང་ཞེ་ན། མཚམས་ཀྱི་ཕྱི་རོལ་དུ་དང ། འཐོབ་པའི་ཕྱོགས་སུ་དང ། ལྷུང་བཟེད་ཀྱི་གཞིར་དང ། ཐུ་བར་དང ། སྤྱོད་ལམ་ལས་ཉམས་པ་བྱེད་དུ་འཇུད་པ་སྟེ། རྒྱུ་ལྔ་པོ་དེ་དག་གིས་ནི་ལྷག་པོར་མ་བྱས་པར་བརྗོད་པར་བྱའོ། །རྒྱུ་ལྔས་ནི་ལྷག་པོར་བྱས་པར་བརྗོད་པར་བྱ་སྟེ། ལྔ་གང་ཞེ་ན། མཚམས་ཀྱི་ཕྱི་རོལ་མ་ཡིན་པ་དང ། འཐོབ་པའི་ཕྱོགས་སུ་དང ། ལྷུང་བཟེད་ཀྱི་གཞིར་མ་ཡིན་པ་དང ། ཐུ་བར་མ་ཡིན་པ་དང ། སྤྱོད་ལམ་ལས་མ་ཉམས་པ་བྱེད་དུ་འཇུད་པ་སྟེ། རྒྱུ་ལྔ་པོ་དེ་དག་གིས་ནི་ལྷག་པོར་བྱས་པར་བརྗོད་པར་བྱའོ། །གཅིག་གིས་ལྷག་པོར་བྱས་པ་མང་པོ་དག་གིས་བཟའ་བར་བྱ་སྟེ་འདི་ལ་འགྱོད་པར་མི་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང་དེའི་ཤས་ཆེ་བ་དང་དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་
Ja213b
བྱ་སྟེ། ཡང་དགེ་སློང་གང་ཟས་ཟོས་ཟིན་ཅིང་སྤངས་པ་ལས་ལྷག་པོར་མ་བྱས་པར་བཅའ་བའམ་བཟའ་བ་འཆའ་འམ་ཟ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ་གཞན་ཡང་དེ་ལྟ་བུ་གང་ཡིན་པའོ། །ཟས་ཟོས་ཟིན་ཅིང་སྤངས་པ་ལས་ཞེས་བྱ་བ་ནི་ཡོངས་སུ་རྫོགས་ཤིང་མཐར་ཐུག་པར་བྱས་པ་ལས་སོ། །ལྷག་པོར་མ་བྱས་པར་ཞེས་བྱ་བ་ནི་ལྷག་མར་མ་བྱས་ཤིང་མ་བོར་ཡོངས་སུ་མ་བཏང་བར་རོ། །བཅའ་བའམ་བཟའ་བ་ཞེས་བྱ་བ་ནི་བཅའ་བ་ལྔ་པོ་དང་བཟའ་བ་ལྔ་པོ་དག་གོ་།འཆའ་འམ་ཟན་ཞེས་བྱ་བ་ནི་མགུལ་དུ་མིད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན་དགེ་སློང་གིས་སྤངས་པ་ལ་སྤངས་པར་འདུ་ཤེས་པས་ལྷག་པོར་མ་བྱས་པར་བཅའ་བའམ་བཅའ་བ་འཆའ་འམ་ཟན་ལྟུང་བྱེད་དུ་འགྱུར་རོ། །དགེ་སློང་གིས་སྤངས་པ་ལ་ཡིད་གཉིས་ཟ་བས་ལྷག་པོར་མ་བྱས་པར་བཅའ་བའམ་བཟའ་བ་འཆའ་འམ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་མ་སྤངས་པ་ལ་སྤངས་པ་ལ་འདུ་ཤེས་པས་ལྷག་པོར་མ་བྱས་པར་བཅའ་བའམ་བཟའ་བ་འཆའ་འམ་ཟན་ཉེས་བྱས་སུ་འགྱུར་རོ། །
Ja214a
༄#། །དགེ་སློང་གིས་མ་སྤངས་པ་ལ་ཡིད་གཉིས་ཟ་བས་ལྷག་པོར་མ་བྱས་པར་བཅའ་བའམ་བཟའ་བ་འཆའ་འམ་ཟ་ན་ཉེས་བྱས་སུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་ཐུག་པ་ཇི་ལྟ་བུ་སྤང་བར་བགྱི་འཚལ། ཉེ་བར་འཁོར་གང་ལ་ཁ་གཟར་གྱེན་དུ་འགྲེང་བའོ། །བཙུན་པ་སྐྱོ་མ་ཇི་ལྟ་བུ་སྤང་བར་བགྱི་འཚལ། ཉེ་བར་འཁོར་གང་ལ་སོར་མོ་ལྔ་མངོན་པའོ། །ཉེ་བར་འཁོར་མགུལ་དུ་བཏུང་བ་ལ་ནི་སྤངས་པ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྟན་གཅིག་པའི་ཟས་ཀྱི་ལྟུང་བྱེད་དེ་སུམ་ཅུ་བཞི་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །དེ་རྒས་པའི་གནས་སྐབས་སུ་ཉེ་དུ་ཟད་པ་དང་ནོར་ཟད་པ་དང་ལོངས་སྤྱོད་ཟད་པར་གྱུར་ནས་དེས་ཆུང་མ་ལ་སྨྲས་པ། བཟང་མོ་ཁོ་བོས་རྒས་པའི་གནས་སྐབས་སུ་ནོར་སྒྲུབ་པ་མི་ནུས་ཀྱི། རབ་ཏུ་འབྱུང་དུ་འགྲོའོ། །རྗེའི་སྲས་དེ་བཞིན་མཛོད་ཅིག་།དེ་རྒྱལ་བྱེད་ཀྱི་ཚལ་དུ་སོང་སྟེ་དགེ་སློང་གི་གན་དུ་སོང་སྟེ་ཕྱིན་ནས་རྐང་པ་གཉིས་ལ་
Ja214b
མགོ་བོས་ཕྱག་འཚལ་ཏེ་སྨྲས་པ། འཕགས་པ་བདག་རབ་ཏུ་འབྱུང་གི་།རབ་ཏུ་དབྱུང་དུ་གསོལ། དེས་སྨྲས་པ། བཞིན་བཟང་ཁོ་བོ་རབ་ཏུ་བྱུང་ནས་གསར་བུ་ཡིན་པས། ཁོ་བོས་རབ་ཏུ་འབྱིན་དུ་མི་རུང་ངོ ། ། དེ་སྨྲས་པ། འཕགས་པ་བདག་དང་པོ་ཁོ་ནར་ཁྱེད་ཀྱི་གན་དུ་མཆིས་པས་ཁྱོད་ཀྱིས་བདག་དགེ་སློང་འགའ་ཞིག་ལ་གཏད་དུ་གསོལ། དགེ་སློང་དེའི་མཁན་པོ་སྤོང་བ་པ་དགོན་པ་ན་བསམ་གཏན་བྱེད་པ་ཞིག་ཡོད་ནས་དེས་དེ་ཁྲིད་དེ་མཁན་པོའི་གན་དུ་སོང་ནས་སྨྲས་པ། མཁན་པོ་རིགས་ཀྱི་བུ་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་ན་མཁན་པོས་ཐུགས་བརྩེ་བའི་སླད་དུ་འདི་རབ་ཏུ་དབྱུང་དུ་གསོལ། རྫོགས་པར་བསྙེན་པར་མཛད་དུ་གསོལ། མཁན་པོས་སྨྲས་པ། བུ་བཅོམ་ལྡན་འདས་ཀྱིས་དགེ་སློང་དག་ཤན་པའི་གནས་སུ་གཏང་བ་ནི་བླའི་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་ནས་འདོམས་པར་མི་བྱེད་རྗེས་སུ་སྟོན་པར་མི་བྱེད་པ་ནི་མི་རུང་ངོ་ཞེས་བཀའ་སྩལ་ཏོ། །དེས་སྨྲས་པ། མཁན་པོ་རབ་ཏུ་དབྱུང་བ་དང་རྫོགས་པར་བསྙེན་པ་འབའ་ཞིག་མཛོད་ཅིག་དང་བདག་གིས་འདི་ཀློག་པ་དང་སློབ་ཏུ་སྩལ་ཏོ། །དགེ་སློང་དེས་དེ་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་ནས་སྨྲས་པ། བཞིན་བཟང་འདི་ཁྱེད་ཀྱི་སློབ་དཔོན་ཡིན་པས་ཀློག་པ་དང་སློབ་ཏུ་འཇུད་པར་འགྱུར་གྱི། ཀུན་ཏུ་སྤྱད་པ་གང་ཡིན་པ་དེ་འདི་ལ་དྲིས་ཏེ་གྱིས་ཤིག་།དེས་ཀློག་པ་དང་སློབ་ཏུ་འཇུད་པ་ན་
Ja215a
༄#། །རྒན་ཞུགས་དེ་བརྗེད་ངས་པས་ཡང་དང་ཡང་དུ་ལྟུང་བ་འབྱིན་ནས་དེས་དེ་མདུན་དུ་ཙོག་པུར་འདུག་ཏུ་བཅུག་སྟེ། ལྟུང་བ་འཆགས་སུ་འཇུད་པར་བྱེད་དོ། །རྒན་ཞུགས་དེས་བསམས་པ། བདག་གིས་སློབ་དཔོན་འདིས་བདག་རྟག་ཏུ་མདུན་དུ་ཙོག་པུར་འདུག་ཏུ་བཅུག་སྟེ། ལྟུང་བ་འཆགས་སུ་འཇུད་པས་བདག་གིས་ཀྱང་འདི་མདུན་དུ་ཙོག་པུར་འདུག་ཏུ་བཅུག་སྟེ། ལྟུང་བ་འཆགས་སུ་བཞུགས་པའི་ཐབས་ཅི་ཡོད་སྙམ་མོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་གཤེགས་ཏེ། བཅོམ་ལྡན་འདས་ཀྱིས་གདུགས་ཚོད་གསོལ་ནས་ཁྱིམ་བདག་དེ་ལ་ཆོས་བསྟན་པར་བརྩམས་སོ། །དགེ་སློང་དེས་རྒན་ཞུགས་དེ་ལ་སྨྲས་པ། རྒན་ཞུགས་ཚུར་ཤོག་།ཁྱིམ་དུ་འགྲོ་བའི་ཁྱིམ་དག་ལྟར་འདོང་ངོ ། །དེ་གཉིས་ཁྱིམ་དུ་འགྲོ་བའི་ཁྱིམ་དག་ཏུ་དོང་བ་དང ། དེ་དག་གིས་སྨྲས་པ། འཕགས་པ་གཉིས་གདུགས་ཚོད་གསོལ་ཅིག་།ཁྱིམ་བདག་ཁོ་བོ་ཅག་གཉིས་ཟན་ཟོས་ཟིན་ཏོ། །དེས་སྨྲས་པ། སྣོམས་ཏེ་བཞུད་ལ་ལྷག་པོར་མཛད་དེ་གསོལ་ཅིག་།དེས་རྒན་ཞུགས་ཀྱི་གདོང་དུ་བལྟས་ཏེ་སྨྲས་པ། རྒན་ཞུགས་འདོད་དམ། འཚལ་ལོ། །དེ་གཉིས་ཀྱིས་བྱིན་ལེན་བྱས་ཏེ་དོང་ནས་རྒྱལ་བྱེད་ཀྱི་ཚལ་དུ་ཕྱིན་པ་དང ། དགེ་སློང་དེས་སྨྲས་པ། རྒན་ཞུགས་ཁྱོད་ཆུ་འཚག་གམ་འོན་ཏེ་
Ja215b
གཙུག་ལག་ཁང་དུ་སོང་སྟེ་ལྷག་པོར་བྱེད་དུ་འཇུད། རྒན་ཞུགས་ཀྱིས་སྨྲས་པ། ལྷག་པོར་བགྱིད་དུ་སྩོལ་ཏོ། །དགེ་སློང་དེས་ཆུ་བཙག་པར་བཙམས་པ་དང ། རྒན་ཞུགས་ཀྱིས་བསོད་སྙོམས་ཁྱེར་ཏེ། གཙུག་ལག་ཁང་དུ་ཞུགས་ནས་དེས་བདག་ཉིད་ཀྱི་བསོད་སྙོམས་ལ་ལྷག་པོར་བྱེད་དུ་བཅུག་ཅིང ། དེའི་བསོད་སྙོམས་ལ་ལྷག་པོར་བྱེད་དུ་མ་བཅུག་གོ་།དགེ་སློང་དེས་ཆུ་བཙགས་ཏེ། གཙུག་ལག་ཁང་དུ་ཞུགས་ནས་སྨྲས་པ། རྒན་ཞུགས་ལྷག་པོར་བྱེད་དུ་བཅུག་གན། དེས་སྨྲས་པ། བགྱིད་དུ་སྩལ་ཏོ། །དགེ་སློང་དེས་འདུག་སྟེ་ཟོས་པ་དང་རྒན་ཞུགས་ཀྱིས་སྨྲས་པ། སློབ་དཔོན་ཇེ་སྐབས་ཕྱེ་ཤིག ། ཕྱེའོ། །རྒན་ཞུགས་ཀྱིས་སྨྲས་པ་ཁྱོད་ལ་ལྟུང་བ་བྱུང་གི་།ཆོས་བཞིན་དུ་སླར་མཛོད་ཅིག་།དེས་སྨྲས་པ། ལྟུང་བ་མ་མཐོང་ངོ ། །རྒན་ཞུགས་ཀྱིས་སྨྲས་པ། ཁྱོད་ཀྱིས་ལྷག་པོར་མ་བྱས་པའི་བཅའ་བ་དང་བཟའ་བ་ཟོས་སོ། །དེས་སྨྲས་པ། ཁོ་བོས་ཁྱེད་ལ་ལྷག་པོར་བྱེད་དུ་བཅུག་གམ་ཞེས་མ་དྲིས་སམ། རྒན་ཞུགས་ཀྱིས་སྨྲས་པ། བདག་གིས་བདག་ཉིད་ཀྱི་བགྱིད་དུ་སྩལ་ཏོ། །དེས་སྨྲས་པ། རྒན་ཞུགས་ཁོ་བོ་ལྟུང་བ་མི་འཆགས་ཀྱི་འདི་ལྟར་ཁྱོད་ལྟུང་བ་དང་བཅས་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་ཞེས་དེས་དགེ་སློང་རྣམས་ལ་བརྗོད་པ་དང ། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་ཤེས་བཞིན་དུ་དགེ་སློང་ཟས་ཟིན་ཅིང་སྤངས་པ་ལ་སྐབས་ཚོལ་ཞིང་ཅི་ནས་ཀྱང་དགེ་སློང་འདི་ཉེས་པ་འབྱུང་བར་བྱའོ་སྙམ་པ་དེ་ཉིད་རྐྱེན་དུ་བྱས་ནས་ཚེ་དང་
Ja216a
༄#། །ལྡན་པ་འདི་འཆོ་ཞིག་།འདི་ཟོ་ཞིག་ཅེས་ལྷག་པོར་མ་བྱས་པའི་བཅའ་བ་དང་བཟའ་བ་དུས་ཀྱིས་སྟོབས་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ།་སངས་རྒྱས་བཅོམ་ལྡན་འདས་ཀྱིས་དགེ་སློང་དེ་ལ་རྨས་པ། དགེ་སློང་ཁྱོད་ཤེས་བཞིན་དུ་དགེ་སློང་ཟས་ཟོས་ཟིན་ཅིང་སྤངས་པ་སྐབས་ཚོལ་ཞིང་ཅི་ནས་ཀྱང་དགེ་སློང་འདི་ཉེས་པ་འབྱུང་བར་བྱའོ་སྙམ་པ་དེ་ཉིད་རྐྱེན་དུ་བྱས་ནས་ཚེ་དང་ལྡན་པ་འདི་འཆོ་ཞིག་།འདི་ཟོ་ཞིག་ཅེས་ལྷག་པོར་མ་བྱས་པའི་བཅའ་བ་དང་བཟའ་བ་དུས་ཀྱིས་སྟོབས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་
Ja216b
དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཤེས་བཞིན་དུ་དགེ་སློང་ཟས་ཟོས་ཟིན་ཅིང་སྤངས་པ་ལ་སྐབས་ཚོལ་ཞིང་ཅི་ནས་ཀྱང་དགེ་སློང་འདི་ཉེས་པ་འབྱུང་བར་བྱའོ་སྙམ་པ་དེ་ཉིད་རྐྱེན་དུ་བྱས་ནས། ཚེ་དང་ལྡན་པ་འདི་འཆོ་ཞིག་།འདི་ཟོ་ཞིག་ཅེས་ལྷག་པོར་མ་བྱས་པའི་བཅའ་བ་དང་བཟའ་བ་དུས་ཀྱིས་སྟོབས་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །ཤེས་བཞིན་དུ་ཞེས་བྱ་བ་ནི་དེ་རང་ཉིད་ཀྱིས་རིག་པའམ་གཞན་དག་གིས་བརྗོད་པས་སོ། །དགེ་སློང་ཞེས་བྱ་བ་ནི་ཆོས་འདི་པའོ། །ཟས་ཟོས་ཟིན་ཅིང་སྤངས་པ་ལ་ཞེས་བྱ་བ་ནི། ཡོངས་སུ་རྫོགས་ཤིང་མཐར་ཐུག་པར་བྱས་པ་ལའོ། །སྐབས་ཚོལ་ཞིང་ཞེས་བྱ་བ་ནི། ཀླན་ཀ་ཚོལ་ཞིང་ངོ ། །ཅི་ནས་ཀྱང་དགེ་སློང་འདི་ཉེས་པ་འབྱུང་བར་བྱའོ་སྙམ་པ་ཞེས་བྱ་བ་ནི་ཅི་ནས་ཀྱང་དགེ་སློང་འདི་ལྟུང་བ་དང་བཅས་པར་འགྱུར་རོ་སྙམ་པའོ། །དེ་ཉིད་རྐྱེན་དུ་བྱས་ནས་ཞེས་བྱ་བ་ནི། གཞན་མ་ཡིན་པའོ། །ཚེ་དང་ལྡན་པ་འདི་འཆོ་ཞིག ། འདི་ཟོ་ཞིག་ཅེས་བྱ་བ་ནི་བཅའ་བ་དང་བཟའ་བའོ། །ལྷག་པོར་མ་བྱས་པའི་ཞེས་བྱ་བ་ནི་ལྷག་མར་མ་བྱས་ཤིང་མ་བོར་ཡོངས་སུ་མ་བཏང་བའོ། །བཅའ་བ་དང་བཟའ་བ་ཞེས་བྱ་
Ja217a
༄#། །བ་ནི་བཅའ་བ་ལྔ་པོ་དང་བཟའ་བ་ལྔ་མོ་དག་གོ་།དུས་ཀྱིས་སྟོབས་ན་ཞེས་བྱ་བ་ནི་ཡང་དང་ཡང་དུ་སྟོབས་ནའོ། །ལྟུང་བྱེད་དོ་ཞེས་བྱ་བ་ནི། སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་དུ་ཅུང་ཟད་ཤེས་བཞིན་དུ་དགེ་སློང་ཟས་ཟོས་ཟིན་ཅིང་སྤངས་པ་ལ་སྐབས་ཚོལ་ཞིང་ཅི་ནས་ཀྱང་དགེ་སློང་འདི་ཉེས་པ་འབྱུང་བར་བྱའོ་སྙམ་པ་དེ་ཉིད་རྐྱེན་དུ་བྱས་ནས་ཚེ་དང་ལྡན་པ་འདི་འཆོ་ཞིག་།འདི་ཟོ་ཞིག་ཅེས་ལྷག་པོར་མ་བྱས་པའི་བཅའ་བ་དང་བཟའ་བ་དུས་ཀྱིས་སྟོབས་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྤངས་པ་ལ་སྟོབས་པའི་ལྟུང་བྱེད་དེ་སུམ་ཅུ་ལྔ་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་ང་གསུམ་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་ལྷས་བྱིན་དགེ་སློང་རབ་ཏུ་མང་པོ་དག་དང་ལྷན་ཅིག་ཀུན་དགའ་ར་བའི་ནང་ན་འདུས་ཤིང་བཟའ་བ་ཟ་ནས་དགེ་སློང་དོན་ཉུང་
Ja217b
ངུ་དག་ཅིའི་ཕྱིར་དགེ་སློང་དག་ཀུན་དགའ་ར་བའི་ནང་ན་འདུས་ཤིང་བཟའ་བ་ཟ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ལྷས་བྱིན་ལ་རྨས་པ། ལྷས་བྱིན་ཁྱོད་དགེ་སློང་རབ་ཏུ་མང་པོ་དག་དང་ལྷན་ཅིག་ཀུན་དགའ་ར་བའི་ནང་ན་འདུས་ཤིང་ཟ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འདུས་ཤིང་ཟ་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་
Ja218a
༄#། །དོ། །དགེ་སློང་རབ་ཏུ་མང་པོ་ན་བ་དག་སྨན་པའི་གནས་སུ་དོང་སྟེ། དེ་དག་གིས་དེ་མཐོང་ནས་སྨྲས་པ། བཞིན་བཟང་ཁོ་བོ་ཅག་ལ་ཇེ་སྨན་སྟོན་ཅིག་།དེས་སྨྲས་པ། འཕགས་པ་དག་ཞལ་ཚུས་གསོལ་ཅིག་།སུས་སྦྱིན་པར་འགྱུར། བདག་གིས་གསོལ་ལོ། །ཅི་དགེ་འདུན་ཐམས་ཅད་དམ། མ་ལགས་ཏེ་དགེ་སློང་སྙུང་བ་ཇི་སྙེད་པ་དག་གོ་།བཞིན་བཟང་བཅོམ་ལྡན་འདས་ཀྱིས་འདུས་ཤིང་ཟ་བ་ལ་བསླབ་པའི་གཞི་བཅའ་བ་མཛད་དོ། །འཕགས་པ་དག་ཁྱེད་ཀྱི་སྟོན་པ་ཐུགས་རྗེ་ཅན་ལགས་པས་དེ་ཉིད་རྐྱེན་དུ་མཛད་ནས་གནང་བར་འགྱུར་བ་དེ་ལྟ་བུའི་གནས་མཆིས་སོ། ། ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ན་བའི་དུས་མ་གཏོགས་སོ། །དགེ་སློང་དག་གིས་དགེ་འདུན་གྱི་དང་མཆོད་རྟེན་གྱི་ལས་དག་བྱས་ནས་དེ་དག་བཀྲེས་པས་གློས་ཕབ་སྟེ་ཉལ་ཅིང་དགེ་བའི་ཕྱོགས་ལ་ཏྲོན་བྱེད་པར་མི་ནུས་པ་ན། བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་ལྷགས་ནས། དེ་དག་གིས་དྲིས་པ་འཕགས་པ་དག་བསྟན་པ་ལ་གཅིག་ཏུ་བརྩོན་པར་བགྱི་བ་ལགས་ན། ཅིའི་སླད་དུ་གློས་ཕབ་སྟེ་གཟིམས་ཤིང་དགེ་བའི་ཕྱོགས་ལ་ཏྲོན་མི་མཛད། དེ་དག་གིས་སྨྲས་པ། ཁོ་བོ་ཅག་བཀྲེས་སོ། །ཅིའི་སླད་དུ་ཞལ་ཚུས་མི་གསོལ། སུས་སྦྱིན་པར་འགྱུར་།བདག་ཅག་གིས་གསོལ། ཅི་དགེ་འདུན་ཐམས་ཅད་གསོལ་ལམ། མ་ལགས་ཏེ་ཁྱེད་ཅག་ཁོ་ན་
Ja218b
གསོལ་ལོ། །བཞིན་བཟང་དག་བཅོམ་ལྡན་འདས་ཀྱིས་འདུས་ཤིང་ཟ་བ་ལ་བསླབ་པའི་གཞི་བཅའ་བ་མཛད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལས་ཀྱི་དུས་མ་གཏོགས་སོ། །དགེ་སློང་དག་དོན་མཐུན་དང་ལྷན་ཅིག་མགྲོན་ལམ་དུ་འདོང་བ་ན་ཅི་ཙམ་དུ་རི་བྲགས་ཤིག་ཏུ་ཕྱིན་ནས་དེ་དག་གིས་སྨྲས་པ།་བཞིན་བཟང་དག་ཁོ་བོ་ཅག་རི་བྲགས་སུ་བསོད་སྙོམས་ལ་རྒྱུའི་བར་དུ་རེ་ཞིག་ཡུད་ཙམ་ཞིག་སྡོད་ཅིག་།དོན་མཐུན་དག་གིས་སྨྲས་པ། འཕགས་པ་དག་ཤུལ་འདི་ན་ཆོམ་རྐུན་པའི་འཇིགས་པ་མཆིས་ཀྱི། ཚུར་གཤེགས་དང་བདག་ཅག་ཉིད་ཀྱིས་བསོད་སྙོམས་གསོལ་ལོ། །ཅི་གཅིག་གིས་ཐམས་ཅད་སྦྱིན་ནམ། མ་ལགས་ཏེ་ལ་ལས་བཞི་ལའོ། །ལ་ལས་ལྔ་ལའོ། །བཞིན་བཟང་དག་བཅོམ་ལྡན་འདས་ཀྱིས་འདུས་ཤིང་ཟ་བ་ལ་བསླབ་པའི་གཞི་བཅའ་བ་མཛད་དོ་ཞེས་དགེ་སློང་དེ་དག་གིས་ཤས་ཆེར་ཟན་བཅད་པ་བྱས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལམ་གྱི་དུས་མ་གཏོགས་སོ། །དགེ་སློང་རབ་ཏུ་མང་པོ་དག་དོན་མཐུན་དང་ལྷན་ཅིག་གྲུར་ཞུགས་ཏེ། ལྗོངས་རྒྱུར་འདོང་བ་ན་རི་བྲགས་ཞིག་ཏུ་ཕྱིན་ནས་དེ་དག་གིས་སྨྲས་པ། བཞིན་བཟང་དག་ཁོ་བོ་ཅག་རི་བྲགས་སུ་བསོད་སྙོམས་ལ་རྒྱུའི་བར་དུ་རེ་ཞིག་ཡུད་ཙམ་ཞིག་སྡོད་ཅིག་།དོན་མཐུན་དག་གིས་སྨྲས་པ། འཕགས་པ་
Ja219a
༄#། །དག་གྲུའི་ཤུལ་འདི་ན་ཆོམ་རྐུན་པའི་འཇིགས་པ་མཆིས་ཀྱིས་ཚུར་གཤེགས་དང་བདག་ཅག་ཉིད་ཀྱིས་བསོད་སྙོམས་གསོལ་ལོ། །ཅི་གཅིག་གིས་ཐམས་ཅད་སྦྱིན་ནམ། མ་ལགས་ཏེ་ལ་ལས་བཞི་ལའོ། །ལ་ལས་ལྔ་ལའོ། །བཞིན་བཟང་དག་བཅོམ་ལྡན་འདས་ཀྱིས་འདུས་ཤིང་ཟ་བ་ལ་བསླབ་པའི་གཞི་བཅའ་བ་མཛད་དོ་ཞེས་དགེ་སློང་དེ་དག་གིས་ཤས་ཆེར་ཟན་བཅད་པར་བྱས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གྲུར་ཞུགས་པ་མ་གཏོགས་སོ། །བཅོམ་ལྡན་འདས་ཀྱིས་གཙུག་ཕུད་ཀྱི་དུས་སྟོན་དང ། དུས་སྟོན་ཆེན་པོ་དང ། ལོ་ལྔའི་དུས་སྟོན་བྱའོ་ཞེས་བཀའ་སྩལ་ནས། དེ་ན་དགེ་སློང་རྣམས་ཀྱིས་འདུས་པ་ཆེན་པོ་བྱུང་བར་གྱུར་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་སློང་རྣམས་ལ་སྨྲས་པ། འཕགས་པ་དག་ཚུར་གཤེགས། གདུགས་ཚོད་གསོལ་ཅིག་།དགེ་སློང་རྣམས་ཀྱིས་སྨྲས་པ། ཅི་དགེ་འདུན་ཐམས་ཅད་གསོལ་ལམ། འཕགས་པ་དག་བདག་ཅག་ལ་དགེ་འདུན་ཐམས་ཅད་གསོལ་བའི་འབྱོར་པ་གང་ལགས་པ་དེ་ལྟ་བུ་ག་ལ་མཆིས་ཏེ། འདི་ལྟར་ལ་ལས་ཉི་ཤུ་གསོལ་ལོ། ། ལ་ལས་སུམ་ཅུ་གསོལ་ལོ། །བཞིན་བཟང་དག་བཅོམ་ལྡན་འདས་ཀྱི་འདུས་ཤིང་ཟ་བ་ལ་བསླབ་པའི་གཞི་བཅའ་བར་མཛད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་
Ja219b
ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་འདུས་པ་ཆེན་པོའི་དུས་མ་གཏོགས་སོ། །གང་གི་ཚེ་རྒྱལ་པོ་གཟུགས་ཅན་སྙིང་པོས་བདེན་པ་དག་མ་མཐོང་བ་དེའི་ཚེ་ན་འོད་མའི་ཚལ་ཀུན་ཏུ་འཚོ་དག་ལ་ཕུལ་བར་གྱུར་ཏོ། །གང་གི་ཚེ་བདེན་པ་དག་མཐོང་བ་དེའི་ཚེ། འོད་མའི་ཚལ་ཀུན་ཏུ་འཚོ་དག་ལས་ཕྲོགས་ཏེ་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ལ་ཕུལ་ལོ། །རྒྱལ་པོ་གཟུགས་ཅན་སྙིང་པོའི་ཞང་པོ་ཀུན་ཏུ་འཚོ་དག་གི་ནང་དུ་རབ་ཏུ་བྱུང་ནས། རྒྱལ་པོས་སྨྲས་པ། འཕགས་པ་དག་འདི་བདག་གི་ཞང་པོ་ལགས་ཀྱི། ཇི་སྲིད་དུ་འགྱུར་བ་བསྟེན་པར་མི་བགྱིད་ཀྱི་བར་དུ་འདི་གཅིག་པུ་གཞག་ཏུ་གསོལ། གང་གི་ཚེ་འགྱུར་བ་བསྟེན་པར་འགྱུར་བ་དེའི་ཚེ་ན། བདག་གིས་འདི་ཡང་བསྐྲད་པར་བགྱིའོ། །ཞེས་རྒྱལ་པོ་གཟུགས་ཅན་སྙིང་པོས་ཀུན་ཏུ་འཚོ་དེ་ལ་ཁ་ཟས་ཀྱི་མཁོ་བ་སྟོབས་པར་བྱེད་དོ། །དགེ་སློང་དག་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་པར་གནས་པ་དེ་དག་ཀུན་ཏུ་འཚོ་དེས་མཐོང་ནས་དེ་ཤིན་ཏུ་དད་པ་སྐྱེས་ཏེ། དེས་དགེ་སློང་རྣམས་ལ་སྨྲས་པ། བདག་གིས་ཀྱང་དགེ་སློང་རྣམས་ཀྱི་གདུགས་ཚོད་བགྱིའོ། །དེ་ལྟར་གྱིས་ཤིག་།ཅི་དགེ་འདུན་ཐམས་ཅད་ཀྱི་བྱེད་དམ། མ་ལགས་ཏེ་བདག་གིས་རྒྱལ་པོས་ཞལ་ཟས་ཀྱི་མཁོ་བ་སྟོབས་པར་བགྱིད་པ་ལྟར་བདག་ལ་དགེ་འདུན་ཐམས་ཅད་ཀྱི་གདུགས་ཚོད་བགྱི་བའི་འབྱོར་པ་གང་ལགས་པ་དེ་ལྟ་བུ་མ་མཆིས་ཏེ། འདི་ལྟར་དགེ་སློང་
Ja220a
༄#། །ཉི་ཤུའམ་ཉི་ཤུ་རྩ་ལྔའི་གདུགས་ཚོད་བགྱིའོ། །དགེ་སློང་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་འདུས་ཤིང་ཟ་བ་ལ་བསླབ་པའི་གཞི་བཅའ་བ་མཛད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གི་ཟས་ཀྱི་དུས་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང་དེའི་ཤས་ཆེ་བ་དང་དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འདུས་ཤིང་ཟ་ན་དུས་མ་གཏོགས་ཏེ་ལྟུང་བྱེད་དོ། །དེ་ལ་དུས་ནི་འདི་ཡིན་ཏེ། ན་བ་དུས་སོ། །ལས་དུས་སོ། །ལམ་དུས་སོ། ། གྲུར་ཞུགས་པ་དང ། འདུས་པ་ཆེན་པོ་དང ། དགེ་སྦྱོང་གི་ཟས་དུས་ཏེ། དེ་ལ་དེ་ནི་དུས་ཡིན་ནོ། །འདུས་ཤིང་ཟ་ན་ཞེས་བྱ་བ་ནི་མི་མཐུན་པར་ཟ་ནའོ། །དུས་མ་གཏོགས་ཏེ་ཞེས་བྱ་བ་ནི། དུས་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་
Ja220b
ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་དུས་ནི་འདི་ཡིན་ཏེ། ན་བ་དུས་སོ་ཞེས་བྱ་བ་ནི་འདི་ལྟ་སྟེ། དགེ་སློང་ན་བ་ཟས་གཅིག་གིས་འཚོ་བར་མི་ནུས་པའོ། །ལས་དུས་སོ་ཞེས་བྱ་བ་ནི་འདི་ལྟ་སྟེ། དགེ་སློང་གིས་དགེ་འདུན་གྱིའམ་མཆོད་རྟེན་གྱི་ལས་ཐ་ན་ཕྱག་དར་རེ་ལྡེ་ཙམ་མམ། དཀྱིལ་འཁོར་བ་མ་ལ་ཙམ་བྱས་པའོ། །ལམ་དུས་སོ་ཞེས་བྱ་བ་ནི་འདི་ལྟ་སྟེ། དགེ་སློང་དཔག་ཚད་ཕྱེད་དུ་སོང་བའམ། དེའི་ཕྱེད་དུ་སོང་སྟེ་ཕྱིར་འོངས་པའོ། །གྲུར་ཞུགས་པ་དུས་སོ་ཞེས་བྱ་བ་ནི་འདི་ལྟ་སྟེ། དགེ་སློང་གྲུར་ཞུགས་ཏེ་དཔག་ཚད་ཕྱེད་དུ་སོང་བའམ་དེའི་ཕྱེད་དུ་སོང་སྟེ་ཕྱིར་འོངས་པའོ། །འདུས་པ་ཆེན་པོ་དུས་སོ་ཞེས་བྱ་བ་ནི་སྤགས་པའོ། །དགེ་སྦྱོང་གི་ཟས་དུས་ཏེ་ཞེས་བྱ་བ་ནི་འདི་ལས་ཕྱི་རོལ་པའི་རབ་ཏུ་བྱུང་བ་དག་འཁོད་ན། དེ་ཡང་དགེ་སྦྱོང་ཞེས་བྱ་བའི་གྲངས་སུ་འགྲོའོ། །དེ་ལ་དེ་ནི་དུས་ཡིན་ནོ་ཞེས་བྱ་བ་ནི་དེ་ལ་དེ་ནི་མཐུན་པའི་ཆོས་ཡིན་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་པས་འདུས་ཤིང་བཟའ་བ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་མཚམས་ཀྱི་ནང་དུ་ཡིད་གཉིས་ཟ་བས་འདུས་ཤིང་བཟའ་བ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་མཚམས་ཀྱི་ཕྱི་རོལ་ཏུ་མཚམས་ཀྱི་ནང་དུ་འདུ་ཤེས་པས་འདུས་ཤིང་བཟའ་བ་ཟ་ན་ཉེས་བྱས་སུ་འགྱུར་རོ། །དགེ་སློང་གིས་
Ja221a
༄#། །མཚམས་ཀྱི་ཕྱི་རོལ་ཏུ་ཡིད་གཉིས་ཟ་བས་འདུས་ཤིང་བཟའ་བ་ཟ་ན་ཉེས་བྱས་སུ་འགྱུར་རོ། །གནས་གཉིས་པོ་གཞིའི་གནས་དང ། ཁང་ཁྱིམ་གྱི་གནས་དེ་གཉིས་ཡོད་ན་དེ་ན་གང་དག་གཞིའི་གནས་སུ་ཟ་བ་དེ་དག་གིས་ཁང་ཁྱིམ་ནས་དགེ་སློང་དག་འོངས་སམ་ཞེས་དྲི་བར་བྱའོ། །མ་དྲིས་པར་ཟ་ན་ཉེས་བྱས་སུ་འགྱུར་རོ། །གང་དག་ཁང་ཁྱིམ་དུ་ཟ་བ་དེ་དག་གིས་ཀྱང་གཞིའི་གནས་ནས་དགེ་སློང་དག་འོངས་སམ་ཞེས་དྲི་བར་བྱའོ། །མ་དྲིས་པར་ཟ་ན་ལྟུང་བྱེད་དུ་འགྱུར་རོ། །གསུམ་ཟ་ཞིང་གཅིག་ལས་བྱེད་པ་དང ། གསུམ་རྫོགས་པར་བསྙེན་ཅིང་གཅིག་རྫོགས་པར་མ་བསྙེན་པ་དང ། ཟས་བྲིམ་པ་ཐ་ན་ལན་ཚཝ་ཕོ་ཚུམས་གང་ངམ། ལྡམ་ལྡུམ་སྲང་གཅིག་ཙམ་འོངས་པ་དང ། གནས་སོ་སོར་ངེས་པ་དང ། སྦྱིན་བདག་ན་རེ་གང་དག་འདི་ན་འཁོད་པ་དེ་དག་ལ་སྦྱིན་ནོ་ཞེས་ཟེར་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འདུས་ཤིང་ཟ་བའི་ལྟུང་བྱེད་དེ་སུམ་ཅུ་དྲུག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཉེ་བར་འཁོར་ལ་སོགས་པས་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་
Ja221b
པ་དེའི་ཚེ་ན་དེ་དག་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །བུད་མེད་ཀྱི་ཡུལ་ནི་སྲེད་པ་སྤྱད་པ་ཡིན་པས་བུད་མེད་ཀྱིས་དེ་དག་མཐོང་ནས་བྲང་བརྡུངས་ཏེ་སྨྲས་པ། འདི་དག་སྐྱེད་པ་གང་དག་གིས་འདི་དག་སྐྱེས་མ་ཐག་གི་ཁ་ལན་ཚཝས་འགེངས་པར་མི་ནུས་པ་དང་བླ་ཕྲག་ཏུ་ཁྲོན་པ་བཅུག་སྟེ་འབྲང་བར་མ་ནུས་པ་དེ་དག་གིས་ཅི་ཐོབ། བཅུ་བདུན་སྡེ་དག་ཉམ་ང་བར་གྱུར་ནས་སྨྲས་པ། བདག་ཅག་གིས་ཟན་བཅད་པར་གྱུར་པ་ནི་བླའི་ཚིག་ངན་པ་རྣམ་པ་འདི་ལྟ་བུ་དག་ཐོས་པར་གྱུར་པ་ནི་མི་རུང་ངོ་ཞེས་དེ་དག་དེ་ཉིད་ནས་ཕྱིར་ལོག་སྟེ་དེ་དག་གིས་ཟན་བཅད་པར་བྱས་ནས་དེ་དག་གིས་ཇི་སྲིད་དུ་ལུས་ལ་མདངས་ཡོད་པ་དེ་སྲིད་དུ་དགེ་བའི་ཕྱོགས་ལ་ཏྲོན་བྱས་ནས་གང་གི་ཚེ་ལུས་ལས་མདངས་ཡལ་བར་གྱུར་པ་དེའི་ཚེ་ན་གློས་ཕབ་སྟེ་ཉལ་བ་དང ། ཉེ་དགས་དེ་དག་མཐོང་ནས་སྨྲས་པ། ཨེ་མའོ་བཅུ་བདུན་སྡེ་དག་ཅི་གལ་ཏེ་ཟས་གཞན་གྱི་ཡིན་ཞེས་ཏེ་ལྟོ་ཡང་གཞན་གྱི་ཡིན་སྙམ་མམ། ཅི་བྱས། ཅི་ཙམ་གྱིས་དགེ་བའི་ཕྱོགས་ལ་ཏྲོན་བྱེད་ཀྱང་མི་ནུས་པ་ཙམ་གྱི་ཟས་ཟོས་སོ། །སུས་ཟོས། ཁྱེད་ཀྱིས་སོ། །ཁོ་བོ་ཅག་གིས་མ་ཟོས་སོ། ། འོ་ན་ཅིའི་ཕྱིར་གློས་ཕབ་སྟེ་ཉལ། དེ་དག་གིས་སྐབས་དེ་རྒྱས་པར་བརྗོད་དོ། །གྲོང་ཁྱེར་གྱི་སྐབས་མོ་ཅན་དག་ནི་སྐྱེད་མོས་ཚལ་ལ་དགའ་བས་དེ་དག་བཟའ་བ་དང་བཏུང་བ་ཁྱེར་
Ja222a
༄#། །ཏེ་མཉན་ཡོད་ཀྱི་ཕྱི་རོལ་རྒྱལ་བྱེད་ཀྱི་ཚལ་དུ་དོང་ནས་འཆའ་བར་བྱེད་ཟ་བར་བྱེད་འཐུང་བར་བྱེད་པ་ན་བཅུ་བདུན་སྡེ་དག་གིས་དེ་དག་མཐོང་ནས། ལྟོ་བ་ལ་ཉུག་པར་བྱེད་ཅིང ། ཚིགས་སུ་བཅད་པ་དག་སྨྲས་པ། མགོན་པོ་ཁྱེད་ཀྱིས་ལེགས་གསུངས་མང་པོ་དང ། །རྒྱུ་དང་མི་རྒྱུའི་འཇིག་རྟེན་འདི་ན་སྤྱོད། །བཀྲེས་ཉམས་ལུས་ཀྱི་ཚོར་བ་མ་མཆིས་པ། །ཐུབ་པ་དེ་ནི་ཁྱོད་ཀྱིས་ལེགས་གསུངས་མཆོག་།དེ་དག་གིས་སྨྲས་པ། འཕགས་པ་དག་གསོལ་ན་བཞེད་དམ། འདོད་དོ། །དེ་དག་གིས་བཅུ་བདུན་སྡེ་དག་ལས་བཟའ་བ་དང་བཏུང་བ་བྱིན་པ་དང ། དེ་དག་གིས་ལོངས་སྤྱད་ནས་དེ་དག་གིས་ཟུང་དུ་བསྡེབས་ཏེ་འཆག་ཅིང་ཁ་དོན་བྱ་བར་བརྩམས་པ་དང ། ཉེ་དགས་དེ་དག་ཁ་ཏོན་བྱེད་པ་མཐོང་ནས་སྨྲས་པ། ཀྱེ་མའོ། །བཅུ་བདུན་སྡེ་དག་གིས་ཤིན་ཏུ་བརྩོན་འགྲུས་བརྩམས་སོ། །བཙུན་པ་ཉེ་དགའ་བཅོམ་ལྡན་འདས་ཀྱིས་བདེན་ཆོས་མངོན་པར་བརྗོད་པར་བྱའོ། །སྦྱིན་པ་པོ་དང་སྦྱིན་བདག་གིས་ལེན་པ་པོ་ལ་ཟས་སྦྱིན་པ་ནི་གནས་ལྔ་སྦྱིན་པར་བྱེད་དེ། ཚེ་སྦྱིན་པ་དང ། ཁ་དོག་སྦྱིན་པ་དང ། སྟོབས་སྦྱིན་པ་དང ། བདེ་བ་སྦྱིན་པ་དང ། སྤོབས་པ་སྦྱིན་པ་ནི། བདེ་བར་འགྱུར་རོ་ཞེས་བཀའ་སྩལ་པ་ནི་ལེགས་པར་གསུངས་པ་ཡིན་ཏེ། ཟོས་ན་སྟོབས་དང་ལྡན་པར་འགྱུར་གྱི། མི་ཟོས་ན་མི་འགྱུར་རོ། །ཁྱོད་
Ja222b
ཀྱིས་ཟོས་སམ། ཟོས་སོ། །ཁྱེད་དུས་མ་ཡིན་པར་བཟར་རུང་ངམ། གལ་ཏེ་དུས་སུ་མ་རྙེད་ན་ཁོ་བོ་ཅག་གིས་ལྟོགས་ཏེ་འཆི་བར་བྱའམ་ཅི། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དུས་མ་ཡིན་པར་བཅའ་བ་དང་བཟའ་བ་ཟ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ།། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་བཅུ་བདུན་སྡེ་དག་ལ་རྨས་པ། དགེ་སློང་དག་ཁྱེད་དུས་མ་ཡིན་པར་བཅའ་བ་དང་བཟའ་བ་འཆའ་ཞིང་ཟ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་
Ja223a
༄#། །རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དུས་མ་ཡིན་པར་བཅའ་བའམ་བཟའ་བ་འཆའམ་ཟ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་བཅུ་བདུན་སྡེའམ། གཞན་ཡང་དེ་ལྟ་བུ་གང་ཡིན་པའོ། །དུས་མ་ཡིན་པར་ཞེས་བྱ་བ་ནི་དུས་མ་ཡིན་པ་གཉིས་ཏེ། སྐྱ་རེངས་མ་ཤར་བ་དང ། ཕྱེད་ཡོལ་བར་རོ། །བཅའ་བའམ་བཟའ་བ་ཞེས་བྱ་བ་ནི། བཅའ་བ་ལྔ་པོ་དང་བཟའ་བ་ལྔ་པོ་དག་གོ་།འཆའམ་ཟ་ན་ཞེས་བྱ་བ་ནི། མགུལ་དུ་མིད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དུས་མ་ཡིན་པ་ལ་དུས་མ་ཡིན་པར་འདུ་ཤེས་པས་བཅའ་བ་དང་བཟའ་བ་འཆའམ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་དུས་མ་ཡིན་པ་ལ་ཡིད་
Ja223b
གཉིས་ཟ་བས་བཅའ་བ་དང་བཟའ་བ་འཆའམ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་དུས་སུ་དུས་མ་ཡིན་པར་འདུ་ཤེས་པས་བཅའ་བ་དང་བཟའ་བ་འཆའམ་ཟ་ན་ཉེས་བྱས་སུ་འགྱུར་རོ། །དགེ་སློང་གིས་དུས་སུ་ཡིད་གཉིས་ཟ་བས་བཅའ་བ་དང་བཟའ་བ་འཆའམ་ཟ་ན་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དུས་མ་ཡིན་པར་ཟ་བའི་ལྟུང་བྱེད་དེ་སུམ་ཅུ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ནག་པོའི་ཀུན་ཏུ་སྤྱོད་པ་ནི་གྲོང་ངམ་གྲོང་རྡལ་གང་ན། ཉེ་བར་རྟེན་ཅིང་གནས་པ་ན། དེ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ། གྲོང་ངམ་གྲོང་རྡལ་དེ་ཉིད་དུ་ལུས་ཤིན་ཏུ་བསྲུངས་པ་དང ། དབང་པོ་རྣམས་ཀྱིས་ཤིན་ཏུ་བསྡམས་པ་དང ། དྲན་པ་ཤིན་ཏུ་ཉེ་བར་བཞག་པས་བསོད་སྙོམས་ལ་འཇུག་ཅིང་གལ་ཏེ་འབྲས་ཆན་གཤེར་པ་རྙེད་ན་ནི། ལྷུང་བཟེད་ཀྱིས་ལེན་པར་བྱེད། གལ་ཏེ་འབྲས་ཆན་སྐམ་པོ་རྙེད་ན་ནི་ལྷུང་བཟེད་ཀྱི་སྣོད་ཀྱིས་ལེན་པར་བྱེད་དེ། དེ་གྲོང་ངམ་གྲོང་རྡལ་དེར་བསོད་སྙོམས་ལ་བརྒྱུས་ནས་གཙུག་ལག་ཁང་དུ་སོང་སྟེ། འབྲས་ཆན་གཤེར་བ་ནི་ཟ་བར་བྱེད། འབྲས་
Ja224a
༄#། །ཆན་སྐམ་པོ་ནི་བསྐམས་ནས་རྫ་མ་སོ་བཏང་བ་བཀང་སྟེ་འཇོག་པར་བྱེད་ཅིང ། དེ་རླུང་ལྡང་བའམ་ཡུལ་ངན་འབྱུང་བའམ་ཆར་པ་འབབ་པའམ། ལྷགས་པ་འབྱུང་བ་གང་དག་བྱུང་བར་གྱུར་པ་ན། རླུང་ལངས་པའམ་ཡུལ་ངན་བྱུང་བའམ་ཆར་པ་བབ་པའམ། ལྷགས་པ་བྱུང་བ་དེ་ལྟ་བུའི་ཚེ་འབྲས་ཆན་སྐམ་པོ་ཆུ་དྲོན་མོས་སྦངས་ཏེ་ཟོས་ནས་བསམ་གཏན་དང་རྣམ་པར་ཐར་པ་དང་ཏིང་ངེ་འཛིན་ལ་སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་བྱེད་དེ། །སངས་རྒྱས་བཅོམ་ལྡན་འདས་འཚོ་ཞིང་བཞུགས་ལ་གསོན་ཞིང་གཞེས་པ་རྣམས་ཀྱི་ཆོས་ཉིད་ནི་གདུལ་བར་གྱུར་པའི་སྐྱེ་བོ་ལ་རྗེས་སུ་ཐུགས་བརྩེ་བས་དུས་དང་དུས་སུ་སེམས་ཅན་དམྱལ་བ་རྒྱུར་གཤེགས་པ་དང ། དུད་འགྲོ་རྒྱུ་བ་དང ། ཡི་དྭགས་རྒྱུ་བ་དང ། ལྷ་རྒྱུ་བ་དང ། ལྗོངས་རྒྱུ་བ་དང ། ཆུ་ཀླུང་རྒྱུ་བ་དང ། རི་རྒྱུ་བ་དང ། དུར་ཁྲོད་རྒྱུ་བ་དང ། གཙུག་ལག་ཁང་རྒྱུར་གཤེགས་པས་དོན་འདིར་ནི་སངས་རྒྱས་བཅོམ་ལྡན་འདས་གཙུག་ལག་ཁང་རྒྱུར་གཤེགས་པར་བཞེད་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་གཙུག་ལག་ཁང་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཏུ་གཙུག་ལག་ཁང་
Ja224b
རྒྱུར་འགྲོ་བར་སྤྲོ་བ་དེས་ཆོས་གོས་དག་ལོང་ཞིག་ཅེས་གྱིས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་ཚེ་དང་ལྡན་པ་དག་བཅོམ་ལྡན་འདས་གཙུག་ལག་ཁང་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཏུ་གཙུག་ལག་ཁང་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོང་ཞིག་།དེ་ནས་བཅོམ་ལྡན་འདས་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ཏེ། གཙུག་ལག་ཁང་རྒྱུ་ཞིང་གཤེགས་པ་ན་ཚེ་དང་ལྡན་པ་ནག་པོའི་གཙུག་ལག་ཁང་ག་ལ་བ་དེར་གཤེགས་སོ། །དེའི་ཚེ་ན་ཚེ་དང་ལྡན་པ་ནག་པོའི་གཙུག་ལག་ཁང་ན་འབྲས་ཆན་སྐམ་པོ་རབ་ཏུ་མང་པོ་དག་བཏིང་ཞིང་འདུག་གོ་།བཅོམ་ལྡན་འདས་ཀྱིས་ཚེ་དང་ལྡན་པ་ནག་པོའི་གཙུག་ལག་ཁང་ན་འབྲས་ཆན་སྐམ་པོ་རབ་ཏུ་མང་པོ་དག་བཏིང་ཞིང་འདུག་པ་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་འབྲས་ཆན་སྐམ་པོ་རབ་ཏུ་མང་པོ་བཏིང་བ་འདི་དག་སུའི། བཙུན་པ་ཚེ་དང་ལྡན་པ་ནག་པོའི་ཀུན་ཏུ་སྤྱོད་པ་ནི། གྲོང་ངམ་གྲོང་རྡལ་གང་ན་ཉེ་བར་རྟེན་ཅིང་གནས་པ་ན། དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་གྲོང་ངམ་གྲོང་རྡལ་དེ་ཉིད་དུ་ལུས་ཤིན་ཏུ་བསྲུངས་པ་དང་
Ja225a
༄#། །དབང་པོ་རྣམས་ཀྱིས་ཤིན་ཏུ་བསྡམས་པ་དང ། དྲན་པ་ཤིན་ཏུ་ཉེ་བར་བཞག་པས་བསོད་སྙོམས་ལ་འཇུག་ཅིང་གལ་ཏེ་འབྲས་ཆན་གཤེར་བ་རྙེད་ན་ནི་ལྷུང་བཟེད་ཀྱིས་ལེན་པར་བགྱིད། གལ་ཏེ་འབྲས་ཆན་སྐམ་པོ་རྙེད་ན་ནི་ལྷུང་བཟེད་ཀྱི་སྣོད་ཀྱིས་ལེན་པར་བགྱིད་དེ། དེ་གྲོང་ངམ་གྲོང་རྡལ་དེར་བསོད་སྙོམས་ལ་བརྒྱུས་ནས། གཙུག་ལག་ཁང་དུ་མཆིས་ཏེ་འབྲས་ཆན་གཤེར་བ་ནི་འཚལ་བར་བགྱིད། འབྲས་ཆན་སྐམ་པོ་ནི་བསམས་ནས་རྫ་མ་སོ་བཏང་བ་བཀང་སྟེ་འཇོག་པར་བགྱིད་ཅིང་དེ་བསེར་མ་ལྡང་བའམ་ཡུལ་ངན་བྱུང་བའམ་དགུང་ཆར་འབབ་པའམ་དགུང་ལྷགས་འབྱུང་བ་གང་དག་བྱུང་བར་གྱུར་བ་ན། བསེར་མ་ལངས་པའམ་ཡུལ་ངན་བྱུང་བའམ། དགུང་ཆར་འབབ་པའམ་དགུང་ལྷགས་བྱུང་བ་དེ་ལྟ་བུའི་ཚེ་འབྲས་ཆན་སྐམ་པོ་ཆབ་དྲོན་མོས་སྦངས་ཏེ་འཚལ་ནས། བསམ་གཏན་དང་རྣམ་པར་ཐར་པ་དང ། ཏིང་ངེ་འཛིན་ལ་སྙོམས་པར་འཇུག་པའི་བདེ་བ་དག་ཉམས་སུ་མྱོང་བར་བགྱིད་དོ། །ཀུན་དགའ་བོ་དགེ་སློང་དག་གསོག་འཇོག་བྱས་པ་ཟའམ། བཙུན་པ་འཚལ་ལོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་
Ja225b
སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ནག་པོ་ལ་རྨས་པ། ནག་པོ་ཁྱོད་བཅའ་བ་དང་བཟའ་བ་གསོག་འཇོག་བྱས་པ་ཟ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང་མི་སྦྱོར་བ་དང ། མ་བརྟགས་པར་སྤྱོད་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་བརྩོན་པ་དང་སྦྱོར་བ་དང ། བརྟགས་ཏེ་སྤྱོད་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བཅའ་བ་དང་བཟའ་བ་གསོག་འཇོག་བྱས་པ་འཆའ་འམ་ཟ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཚེ་དང་ལྡན་པ་ནག་པོའམ། གཞན་ཡང་དེ་ལྟ་བུ་གང་ཡིན་པའོ། །བཅའ་བ་དང་བཅའ་བ་ཞེས་བྱ་བ་ནི་བཅའ་བ་ལྔ་པོ་དང་བཟའ་བ་ལྔ་པོ་དག་གོ་།གསོག་འཇོག་བྱས་པ་ཞེས་བྱ་བ་ནི། གསོག་འཇོག་བྱས་པ་རྣམ་པ་གཉིས་ཏེ། སྔ་དྲོ་བྱིན་ལེན་བྱས་པ་ཕྱི་དྲོའི་བར་དུ་གསོག་འཇོག་བྱས་པ་དང ། ཕྱི་དྲོ་བྱིན་ལེན་བྱས་པ་ཐུན་སྟོད་ལས་ཡོལ་བར་གསོག་འཇོག་བྱས་པའོ། །འཆའ་འམ་ཟ་ན་ཞེས་བྱ་བ་ནི། མགུལ་དུ་མིད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་
Ja226a
༄#། །ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་གསོག་འཇོག་བྱས་པ་ལ་གསོག་འཇོག་བྱས་པར་འདུ་ཤེས་པས་བཅའ་བ་དང་བཟའ་བ་འཆའ་འམ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་གསོག་འཇོག་བྱས་པ་ལ་ཡིད་གཉིས་ཟ་བས་བཅའ་བ་དང་བཅའ་བ་འཆའ་འམ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་གསོག་འཇོག་མ་བྱས་པ་གསག་འཇོག་བྱས་པར་འདུ་ཤེས་པས་བཅའ་བ་དང་བཟའ་བ་འཆའ་འམ་ཟ་ན་ཉེས་བྱས་སུ་འགྱུར་རོ། །དགེ་སློང་གིས་གསག་འཇོག་མ་བྱས་པ་ལ་ཡིད་གཉིས་ཟ་བས་བཅའ་བ་དང་བཟའ་བ་འཆའ་འམ་ཟ་ན་ཉེས་བྱས་སུ་འགྱུར་རོ། །དགེ་སློང་གིས་ལྷུང་བཟེད་དང་ལྷུང་བཟེད་ཆུང་ངུ་དང་ཁ་གཟར་དང་ཁ་ཕོར་དང་ཚ་ཁུག་དང་ལྷུང་བཟེད་ཀྱི་སྣོད་དང་གོས་དང་མན་ཤེལ་དང་ཁྲི་དང་ཁྲིའུ་དང་འཁར་བ་དང་བུམ་པ་དང་རིལ་བ་དང་ལྡེ་མིག་དང་ལྡེ་མིག་ཀྱོག་པོ་གསོག་འཇོག་བྱས་པས་འབགས་པ་ཟ་ན་ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་གསོག་འཇོག་བྱས་པས་ཁ་དང་གསོག་འཇོག་བྱས་པས་ལག་པ་དག་གིས་བཅའ་བ་དང་བཟའ་བ་འཆའ་འམ་ཟ་ན་ཉེས་བྱས་སུ་འགྱུར་རོ། །དགེ་སློང་གིས་མེ་ཏོག་དང་འབྲས་བུ་གསོག་
Ja226b
འཇོག་བྱས་པ་དང་དགེ་སློང་ཇི་ཙམ་དུ་གསོག་འཇོག་བྱས་པ་ཟ་ན་ཐམས་ཅད་དུ་ལྟུང་བྱེད་དུ་འགྱུར་རོ། །དགེ་སློང་གིས་ཁ་མ་བཀྲུས་པར་སྐོམ་འཐུང་ན་ཉེས་བྱས་སུ་འགྱུར་རོ། །ལས་དང་པོ་བ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གསོག་འཇོག་གི་ལྟུང་བྱེད་དེ་སུམ་ཅུ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་བ་ནག་པོ་ཆེན་པོ་ནི་ཐམས་ཅད་དུར་ཁྲོད་པ་དང་ལྡན་པ་ཡིན་ཏེ། དེའི་ལྷུང་བཟེད་ཀྱང་དུར་ཁྲོད་པ་ཡིན། ཆོས་གོས་ཀྱང་དུར་ཁྲོད་པ་ཡིན། བསོད་སྙོམས་ཀྱང་དུར་ཁྲོད་པ་ཡིན། གནས་མལ་ཡང་དུར་ཁྲོད་པ་ཡིན་ནོ། །ཇི་ལྟར་ལྷུང་བཟེད་དུར་ཁྲོད་པ་ཡིན་ཞེ་ན། འདི་ལྟ་སྟེ་ཉེ་དུ་དག་གིས་ཤི་ཞིང་དུས་ལ་བབ་པའི་རྫེའུ་དུར་ཁྲོད་དུ་འདོར་བར་བྱེད་པ་དེ་ཚེ་དང་ལྡན་པ་ནག་པོ་ཆེན་པོས་གྱོ་མོ་ཁ་གཞོགས་ཏེ་བསྲེགས་ནས་ལྷུང་བཟེད་དུ་བྱིན་གྱིས་བརླབས་ཤིང་འཆང་བར་བྱེད་དེ་དེ་ལྟར་ལྷུང་བཟེད་དུར་ཁྲོད་པ་ཡིན་ནོ། །ཇི་ལྟར་ཆོས་གོས་དུར་ཁྲོད་པ་ཡིན་ཞེ་ན། འདི་ལྟ་སྟེ་ཉེ་དུ་དག་གིས་ཤི་ཞིང་དུས་ལ་བབ་པའི་གོས་དག་།དུར་ཁྲོད་དུ་འདོར་བར་བྱེད་པ་དེ་དག་ཚེ་དང་ལྡན་པ་ནག་པོ་ཆེན་པོས་བཀྲུས་ཏེ་དྲུབས་ཤིང་ཁབ་སྒྱུར་ནས་ཆོས་གོས་སུ་བྱིན་གྱིས་བརླབས་ཤིང་འཆང་བར་བྱེད་དེ་དེ་ལྟར་ཆོས་
Ja227a
༄#། །གོས་དུར་ཁྲོད་པ་ཡིན་ནོ། །ཇི་ལྟར་བསོད་སྙོམས་དུར་ཁྲོད་པ་ཡིན་ཞེ་ན། འདི་ལྟ་སྟེ་ཉེ་དུ་དག་གིས་ཤི་ཞིང་དུས་ལ་བབ་པའི་ཟས་ལྔ་དུར་ཁྲོད་དུ་འདོར་བར་བྱེད་པ་དེ་དག་ཚེ་དང་ལྡན་པ་ནག་པོ་ཆེན་པོས་བླངས་ཤིང་ཟ་བར་བྱེད་དེ་དེ་ལྟར་བསོད་སྙོམས་དུར་ཁྲོད་པ་ཡིན་ནོ། །ཇི་ལྟར་གནས་མལ་དུར་ཁྲོད་པ་ཡིན་ཞེ་ན། འདི་ལྟ་སྟེ་ཚེ་དང་ལྡན་པ་ནག་པོ་ཆེན་པོ་དུར་ཁྲོད་དུ་གནས་མལ་བྱེད་དེ་དེ་ལྟར་གནས་མལ་དུར་ཁྲོད་པ་ཡིན་ནོ། །གང་གི་ཚེ་སྐྱེ་བོ་ཕལ་པོ་ཆེ་ལ་མི་ངས་བྱུང་བ་དེའི་ཚེ་ན་ཚེ་དང་ལྡན་པ་ནག་པོ་ཆེན་པོ་ཚོ་བ་དང་པགས་པ་དང་ཤ་དང་ཁྲག་རྒྱས་པར་གྱུར་ཅིང་དེ་ཡང་དང་ཡང་དུ་གྲོང་དུ་བསོད་སྙོམས་ལ་འཇུག་པར་མི་བྱེད་དེ། གང་གི་ཚེ་སྐྱེ་བོ་ཕལ་པོ་ཆེ་ལ་མི་ངས་མ་བྱུང་བ་དེའི་ཚེ་ན་ཚེ་དང་ལྡན་པ་ནག་པོ་ཆེན་པོ་རིད་པ་དང་ཉམ་ཆུང་བ་དང་རྐེ་བ་དང་སྐེམ་པ་དང ། ལུས་མ་ཐོབ་པར་གྱུར་ཅིང་དེ་ཡང་དང་ཡང་དུ་གྲོང་དུ་བསོད་སྙོམས་ལ་འཇུག་པར་བྱེད་དོ། །སྒོ་བས་དེ་མཚན་མར་བཟུང་ནས་འཕགས་པ་ནག་པོ་ཆེན་པོ་འདི་གང་གི་ཚེ་སྐྱེ་བོ་ཕལ་པོ་ཆེ་ལ་མི་ངས་བྱུང་བ་དེའི་ཚེ་ན་ཚོ་བ་དང་པགས་པ་དང་ཤ་དང་ཁྲག་རྒྱས་པར་གྱུར་ཅིང་འདི་ཡང་དང་ཡང་དུ་གྲོང་དུ་བསོད་སྙོམས་ལ་འཇུག་པར་མི་བྱེད་ལ། གང་གི་ཚེ་སྐྱེ་བོ་ཕལ་པོ་ཆེ་ལ་མི་ངས་མ་བྱུང་བ་དེའི་ཚེ་ན་འཕགས་པ་ནག་པོ་ཆེན་པོ་འདི་རིང་བ་དང་ཉམ་ཆུང་བ་དང་རྐེ་བ་དང་སྐེམ་པ་དང ། ལུས་མ་ཐོབ་
Ja227b
པར་གྱུར་ཅིང་འདི་ཡང་དང་ཡང་དུ་གྲོང་དུ་བསོད་སྙོམས་ལ་འཇུག་པར་བྱེད་པ་ལས་ན། འཕགས་པ་ནག་པོ་ཆེན་པོ་འདི་མི་ཤ་མི་ཟའམ་སྙམ་མོ། །ཐམས་ཅད་དུ་ཡང་འཕགས་པ་ནག་པོ་མི་ཤ་ཟའོ་ཞེས་སྒྲ་གྲགས་སོ། །མཉན་ཡོད་ན་བྲམ་ཟེ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་དེའི་བུ་མོ་ཞིག་བྱུང་ནས་བསྲིངས་ཤིང་བསྐྱེད་དེ་ཆེན་མོར་གྱུར་ཏོ། །དུས་གཞན་ཞིག་ན་བྲམ་ཟེ་དེ་དུས་ལ་བབ་ནས་ཉེ་དུ་རྣམས་ཀྱིས། གོས་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་གིས་ཁྱོགས་སྤྱིལ་བརྒྱན་ནས་དུར་ཁྲོད་དུ་ཁྱེར་ཏེ། བསྲེགས་ཤིང་དོང་ནས་དེའི་ཆུང་མ་དང་བུ་མོ་གཉིས་མཐའ་གཅིག་ཏུ་དོང་སྟེ་བསྡད་པ་དང ། ཚེ་དང་ལྡན་པ་ནག་པོ་ཆེན་པོ་དེའི་གདོང་དུ་ལྟ་ཞིང་སྡོད་དོ། །བུ་མོ་དེས་འཕགས་པ་ནག་པོ་ཆེན་པོ་དེའི་གདོང་དུ་ལྟ་ཞིང་སྡོད་པ་མཐོང་ངོ ། །མཐོང་ནས་ཀྱང་མ་ལ་སྨྲས་པ། ཡུམ་འཕགས་པ་ནག་པོ་ཆེན་པོ་འདི་བྱ་རོག་མོ་ཞར་མ་བཞིན་དུ་ངེས་པར་རྟོག་ཅིང་སྡོད་དོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་བྲམ་ཟེའི་བུ་མོ་ཞིག་སྨྲས་པ་དང ། ཉེ་བར་སྨྲས་པར་གྱུར་ཏེ་དེས་ཉན་ཐོས་ཆེན་པོ་རི་རབ་དང་འདྲ་བ་ལ་ངག་གི་ལས་རྩུབ་པོ་སྨྲས་པས་བྲམ་ཟེའི་བུ་མོ་དེ་ཚེ་རབས་ལྔ་བརྒྱར་བྱ་རོག་མོ་ཞར་མར་འགྱུར་རོ། །ཐམས་ཅད་དུ་
Ja228a
༄#། །བཅོམ་ལྡན་འདས་ཀྱིས་བྲམ་ཟེའི་བུ་མོ་དེ་ཚེ་རབས་ལྔ་བརྒྱར་བྱ་རོག་མོ་ཞར་མར་འགྱུར་རོ་ཞེས་ལུང་བསྟན་ཏོ་ཞེས་སྒྲ་གྲགས་སོ། །བྲམ་ཟེ་མོ་དེས་བཅོམ་ལྡན་འདས་ཀྱིས་བདག་གི་བུ་མོ་ཚེ་རབས་ལྔ་བརྒྱར་བྱ་རོག་མོ་ཞར་མར་འགྱུར་བར་ལུང་བསྟན་ཏོ་ཞེས་ཐོས་སོ། །དེ་ནས་བྲམ་ཟེ་མོ་དེས་བུ་མོ་དེ་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བུ་མོ་འདི་ལ་བཟོད་པ་མཛད་དུ་གསོལ། འདིས་རབ་ཏུ་སྡང་པའི་སེམས་ཀྱིས་ངག་གི་ལས་རྩུབ་པོ་མ་སྨྲས་སོ། །བྲམ་ཟེ་མོ། ཅི་ངས་འགའ་ཞིག་ལ་མནའ་འདོར་བར་བྱའམ། གལ་ཏེ་བུ་མོ་འདིས་རབ་ཏུ་སྡང་པའི་སེམས་ཀྱིས་ངག་གི་ལས་རྩུབ་པོ་སྨྲས་པར་གྱུར་ན་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བ་དེ་ལྟ་བུའི་གནས་ཡོད་པར་འགྱུར་རོ། །མཉན་ཡོད་ན་བྲམ་ཟེའི་ཁྱེའུ་དག་གིས་འཕགས་པ་ནག་པོ་ཆེན་པོ་མི་ཤ་ཟའོ་ཞེས་ཐོས་ནས། དེ་དག་གིས་སྨྲས་པ། ཤེས་ལྡན་དག་ཅི་ཡང་དག་པ་ཡིན་ནམ། འོན་ཏེ་དེ་ཡང་དག་པ་མ་ཡིན་བ་བདག་ཅག་གིས་འཕགས་པ་ནག་པོ་ཆེན་པོ་བགམ་པར་བྱས་བདག་ཅག་ལས་གཅིག་ཤི་བའི་ཆ་ལུགས་སུ་བྱས་ལ་དེ་བདག་ཅག་གིས་དུར་ཁྲོད་དུ་བསྐུར་བར་བྱའོ། །བདག་ཅག་
Ja228b
ལས་གང་ཞིག་ཤི་བའི་ཆ་ལུགས་སུ་བྱ། ཁྱོད་ཤི་བའི་ཆ་ལུགས་སུ་གྱིས་ཤིག་།དེས་སྨྲས་པ། ཁོ་བོ་མི་ཟོས་སམ། དེ་དག་གིས་སྨྲས་པ། ཁོ་བོ་ཅག་གིས་ཁྱོད་བསྲུང་བར་བྱའོ། །དེས་ཤི་བའི་ཆ་ལུགས་སུ་བྱས་པ་དང ། དེ་དག་གིས་དེ་ཁུར་དང་འབྲུ་མར་གྱིས་བསྐུས་ཏེ་ཁྱོགས་སྤྱིལ་དུ་བཞག་ནས་མཉན་ཡོད་ནས་ཕྱིར་འབྱུང་བར་བརྩམས་པ་དང ། ཚེ་དང་ལྡན་པ་ནག་པོ་ཆེན་པོ་ཡང་མཉན་ཡོད་དུ་བསོད་སྙོམས་ལ་ཞུགས་ཏེ་དེས་དེ་མཐོང་ནས་བསམས་པ། བདག་དགང་དཀའ་བ་འདིའི་དོན་དུ་གྲོང་དུ་བསོད་སྙོམས་ལ་ཞུགས་ཏེ་ཅི་རུང་ཕྱིར་ལོག་ལ་ཟས་ལྔ་པོ་འདི་དག་ཉིད་བཟའ་བར་བྱའོ་སྙམ་ནས་དེ་ཕྱིར་ལོག་གོ་།བྲམ་ཟེའི་ཁྱེའུ་དེས་དེ་དག་ལ་སྨྲས་པ། ཤེས་ལྡན་དག་འཕགས་པ་ནག་པོ་ཆེན་པོ་འདི་ཕྱིར་ལོག་པས་ཁོ་བོ་ཟོས་པར་མི་འགྱུར་རམ། དེ་དག་གིས་སྨྲས་པ། ཁོ་བོ་ཅག་འཁོད་བཞིན་དུ་ཇི་ལྟར་ཟ་བར་འགྱུར། དེ་དག་གིས་དེ་དུར་ཁྲོད་དུ་བོར་ཏེ། མཐའ་གཅིག་ཏུ་དོང་ནས་ཚང་ཚིང་དང་ལྷབ་ལྷུབ་དག་གི་ནང་དུ་མགོ་བསྲིངས་ཏེ་བསྡད་དོ། །དེར་ཝ་ཞིག་གིས་བགྲོད་པར་བརྩམས་པ་དང ། ཚེ་དང་ལྡན་པ་ནག་པོ་ཆེན་པོས་བསམས་པ། ཝས་ཟས་ལྔ་པོ་དག་ཟོས་ཤིང་བདག་གི་ཟན་གཅད་པར་གྱུར་ན་མི་རུང་ངོ ། །སྙམ་དུ་རིག་ནས། དེས་མྱུར་བ་མྱུར་བར་འགྲོ་བར་བརྩམས་པ་དང ། བྲམ་ཟེའི་ཁྱེའུ་དེ་སྐྲག་སྟེ་ཁོ་བོ་ཟོས་ཁོ་བོ་ཟོས་ཞེས་ངུ་བར་བརྩམས་སོ། །བྲམ་ཟེའི་
Ja229a
༄#། །ཁྱེའུ་དེ་དག་དབྱུག་པ་ཐོགས་ཏེ་མྱུར་བ་མྱུར་བར་དོང་ནས་དེ་དག་གིས་སྨྲས་པ། འཕགས་པ་དྲང་སྲོང་གི་རྒྱལ་མཚན་ཐོགས་ཤིང་སྡིག་པའི་ལས་རྩུབ་པོ་འདི་དང་འདི་ལྟ་བུ་ལྷག་པར་སྤྱོད་དམ། དེས་སྨྲས་པ། ཅི་བྱས། ཅི་མི་ཤ་ཟའོ། །བཞིན་བཟང་དག་ཁྱེད་ཀྱིས་ཁོ་བོ་མཚོན་ཐོགས་ཏེ་ཤ་གཅོད་ཅིང་ཟ་བ་མཐོང་ངམ། དེ་དག་གིས་སྨྲས་པ། འོ་ན་ཅིའི་སླད་དུ་མྱུར་བ་མྱུར་བར་བྱོན། བཞིན་བཟང་དག་ཁོ་བོ་ལ་བློ་སྐྱེས་པ་ཝ་འདིས་ཟས་ལྔ་པོ་དག་ཟོས་ཤིང་བདག་གི་ཟན་ཆད་པར་གྱུར་ན་མི་རུང་ངོ་སྙམ་དུ་རིག་ནས་མྱུར་བ་མྱུར་བར་འོངས་སོ། །འཕགས་པ་ཟས་ལྔ་པོ་དག་གསོལ་ལམ། མི་ཤ་གསོལ་ནི་མ་འཚལ་གྱི་འདི་ལྟར་ཐམས་ཅད་དུ་འཕགས་པ་ནག་པོ་ཆེན་པོ་མི་ཤ་གསོལ་ཞེས་སྒྲ་གྲགས་བར་གྱུར་ཏོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ་ཉེས་དམིགས་གང་ཅུང་ཟད་བྱུང་བ་དེ་ནི། དགེ་སློང་དག་བྱིན་ལེན་བྱེད་དུ་མ་གཞུག་པར་ཟ་བ་ལས་གྱུར་པ་ཡིན་པས། དེ་ལྟ་བས་ན་དགེ་སློང་རྣམས་ཀྱིས་བྱིན་ལེན་བྱེད་དུ་བཅུག་སྟེ་ཟ་ན་དེ་ཉིད་དཔང་པོར་འགྱུར་རོ་སྙམ་དུ་དགོངས་ནས་བཀའ་སྩལ་པ། དེ་ལྟ་བས་ན་དགེ་སློང་རྣམས་ཀྱིས་བྱིན་ལེན་བྱེད་དུ་བཅུག་སྟེ་བཟའ་བར་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་བྱིན་
Ja229b
ལེན་བྱེད་དུ་བཅུག་སྟེ་བཟའ་བར་བྱའོ་ཞེས་བཀའ་སྩལ་ནས། དེ་དག་གིས་བྱིན་ལེན་དུ་ཡོད་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། བྱིན་ལེན་ནི་རྣམ་པ་ལྔ་སྟེ། ལྔ་གང་ཞེ་ན། ལུས་ཀྱིས་ལུས་སུ་དང ། ལུས་དང་འབྲེལ་བས་ལུས་སུ་དང ། ལུས་ཀྱིས་ལུས་དང་འབྲེལ་བར་དང ། ལུས་དང་འབྲེལ་བས་ལུས་དང་འབྲེལ་བར་དང ། བཞག་པའི་ཆོ་ག་ཉིད་ནི་ལྔ་པའོ། །ཇི་ལྟར་ལུས་ཀྱིས་ལུས་སུ་ཞེ་ན། ལུས་ཀྱིས་སྦྱིན་པར་བྱེད་ཅིང་ལུས་སུ་ལེན་པར་བྱེད་པ་སྟེ། དེ་ལྟར་ལུས་ཀྱིས་ལུས་སུའོ། །ཇི་ལྟར་ལུས་དང་འབྲེལ་བས་ལུས་སུ་ཞེ་ན། ལྷུང་བཟེད་ཀྱིས་སྦྱིན་པར་བྱེད་ཅིང་ལུས་སུ་ལེན་པར་བྱེད་པ་སྟེ་དེ་ལྟར་ལུས་དང་འབྲེལ་བས་ལུས་སུའོ། །ཇི་ལྟར་ལུས་ཀྱིས་ལུས་དང་འབྲེལ་བར་ཞེ་ན། ལུས་ཀྱིས་སྦྱིན་པར་བྱེད་ཅིང་ལྷུང་བཟེད་དུ་ལེན་པར་བྱེད་པ་སྟེ། དེ་ལྟར་ལུས་ཀྱིས་ལུས་དང་འབྲེལ་བར་རོ། །ཇི་ལྟར་ལུས་དང་འབྲེལ་བས་ལུས་དང་འབྲེལ་བར་ཞེ་ན། ལྷུང་བཟེད་ཀྱིས་སྦྱིན་པར་བྱེད་ཅིང་ལྷུང་བཟེད་དུ་ལེན་པར་བྱེད་པ་སྟེ། དེ་ལྟར་ལུས་དང་འབྲེལ་བས་ལུས་དང་འབྲེལ་བར་རོ། །ཇི་ལྟར་བཞག་པའི་ཆོ་ག་ཉིད་ནི་ལྔ་པ་ཡིན་ཞེ་ན། དགེ་སློང་དག་སྨད་པ་ཞེས་བྱ་བའི་ཡུལ་གྱི་མི་དག་ཡོད་དེ། དེ་དག་མ་ཡང་སྨོད་པར་བྱེད། ཕ་ཡང་སྨོད་པར་བྱེད། ཕུ་ནུ་དང་བུ་སྲིང་ཡང་སྨོད་པར་བྱེད་དོ། །དགེ་སློང་གང་དེར་འགྲོ་བ་དེས་དཀྱིལ་འཁོར་བྱས་ཏེ་འདིར་ཞོག་ཅིག་ཅེས་བརྗོད་པར་བྱ་ཞིང་དེ་དག་གིས་དེར་གང་བཞག་པ་དེ་བྱིན་ལེན་བྱས་པར་
Ja230a
༄#། །བརྗོད་པར་བྱ་ཞིང ། བྱང་གི་སྒྲ་མི་སྙན་གྱི་དུས་བྱིན་གྱིས་བརླབས་ཏེ་བཟའ་བར་བྱ་ཞིང་འདི་ལ་འགྱོད་པར་མི་བྱ་སྟེ། དེ་ལྟར་བཞག་པའི་ཆོ་ག་ཉིད་ནི་ལྔ་པ་ཡིན་ནོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་སློང་རྣམས་ལ་ཤིང་ཏོག་དག་འབུལ་བར་བྱེད་པ་ན་དགེ་སློང་རྣམས་དེ་དག་མི་ལེན་ནས་དེ་དག་གིས་སྨྲས་པ། འཕགས་པ་དག་གང་གི་ཚེ་བཅོམ་ལྡན་འདས་འཇིག་རྟེན་དུ་མ་གཤེགས་པ་དེའི་ཚེ་ན་ནི་གཞན་མུ་སྟེགས་ཅན་དག་སྦྱིན་གནས་ལགས་མོད། དེ་ནི་བཅོམ་ལྡན་འདས་འཇིག་རྟེན་དུ་གཤེགས་པས་ཁྱེད་ཅག་སྦྱིན་གནས་ལགས་ལ། གལ་ཏེ་ཁྱེད་ཅག་མི་བཞེས་ན་ཅི་བདག་ཅག་དགེ་བའི་ཤུལ་རྒྱགས་དང་བྲལ་བ་དག་གིས་འཇིག་རྟེན་འདི་ནས་འཇིག་རྟེན་ཕ་རོལ་ཏུ་འཆི་བར་བགྱིའམ། བཞེས་ཤིག་ཅེས་ཟེར་བའི་སྐབས་དེ་དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་ཞིང་བླངས་ནས་རུང་བར་བྱ་སྟེ་བཟའ་བར་བྱའོ། །དེ་དག་གིས་རུང་བ་དུ་ཡོད་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རུང་བ་ནི་རྣམ་པ་ལྔ་སྟེ། ལྔ་གང་ཞེ་ན་མེས་རུང་བ་དང ། མཚོན་གྱིས་རུང་བ་དང ། སེན་མོས་རུང་བ་དང ། རྙིས་པས་རུང་བ་དང ། ནེ་ཙོས་རྨ་ཕྱུང་བས་རུང་བ་ཉིད་ནི་ལྔ་པའོ། །གཞན་ཡང་རུང་བ་ལྔ་སྟེ། ལྔ་གང་ཞེ་ན། ཕྱུང་བ་དང ། གཤེགས་པ་དང ། བཅད་པ་དང །
Ja230b
ཕུག་པ་དང ། ས་བོན་གྱི་ཆོས་མེད་པ་ཉིད་ནི་ལྔ་པའོ། །བཅོམ་ལྡན་འདས་ཀྱིས་ཤིང་ཏོག་དག་བྱིན་ལེན་བྱེད་དུ་བཅུག་སྟེ། བཟའ་བར་བྱའོ་ཞེས་བཀའ་སྩལ་ནས། དེ་དག་གིས་བྱིན་ལེན་དུ་ཡོད་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ལག་པ་བཀན་པར་བྱིན་ལེན་ལྔ་སྟེ། ལྔ་གང་ཞེ་ན། མན་ཤེལ་དང ། ཁྲི་དང ། ཁྲིའུ་དང ། ཐུ་བ་དང ། ལྷུང་བཟེད་ཀྱི་གཞི་ཉིད་ནི་ལྔ་པའོ། །དགེ་སློང་རྣམས་ཤིང་ཏོག་དག་རེ་རེ་ནས་རུང་བར་བྱེད་དུ་འཇུག་པས་ཡུན་རིང་དུ་ཐོགས་ནས། བཅོམ་ལྡན་འདས་ཀྱིས་བཀའ་སྩལ་པ་ཕུང་པོར་བྱས་ཏེ་མེས་གནས་གཉིས་སམ་གསུམ་དུ་རེག་པར་བྱས་ན་ཐམས་ཅད་དུ་རུང་བར་འགྱུར་རོ། །མཚོན་དང་སེན་མོས་ནི་རེ་རེ་ནས་སོ། །ཁྱིམ་པ་རྣམས་ཤིང་ཏོག་དག་མི་སྙོམས་པར་འདྲིམ་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་དག་འདྲིམ་དུ་གཞུག་པར་བྱའོ། །དགེ་ཚུལ་དག་ཀྱང་མི་སྙོམས་པར་འདྲིམ་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་ལག་པ་དག་བསྙལ་ཏེ་བྱིན་ལེན་བྱས་ནས་བྲིམ་པར་བྱའོ། །འོན་ཀྱང་མ་སྙོམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བྲིམ་པར་བྱ་བ་གཅེས་པ་དང ། བར་མ་དང ། ཐ་མ་དག་སོ་སོར་བྱའོ། །གང་དག་འདྲིམ་པར་བྱེད་པ་དེ་དག་གིས་ཕྱིས་ཐམས་ཅད་ཀྱི་ཐ་ཆད་དག་ཐོབ་ནས། བཅོམ་ལྡན་འདས་ཀྱིས་བཀའ་སྩལ་པ། འདྲིམ་པར་བྱེད་པའི་སྐལ་བ་ནི་མཁན་
Ja231a
༄#། །པོ་དང་སློབ་དཔོན་དག་གིས་མནོད་པར་བྱའོ། །དེ་དག་གིས་བཟང་པོ་དག་ཐོབ་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གི་དྲུང་ན་འདུག་པ་དག་གིས་མནོད་པར་བྱའོ། །དེ་དག་ལངས་ཤིང་ལངས་ཤིང་རབ་ཏུ་མང་པོ་དག་གི་སྐལ་པ་དག་བྱིན་ལེན་བྱེད་དུ་འཇུག་ནས། བཅོམ་ལྡན་འདས་ཀྱིས་བཀའ་སྩལ་པ། སྟན་ལས་མ་འཕགས་པས།་ཇི་ཙམ་ནུས་པ་དེ་ཙམ་དག་བྱིན་ལེན་བྱེད་དུ་གཞུག་གོ་།འདྲིམ་པ་ན་དེ་དག་ཡང་བྱིན་ལེན་བྱེད་དུ་འཇུད་ནས། བཅོམ་ལྡན་འདས་ཀྱིས་བཀའ་སྩལ་པ། སྟན་ལས་མ་འཕགས་པས་གང་དག་ལེན་ནུས་པ་དེ་དག་ནི་བྱིན་ལེན་བྱེད་དུ་བཅུག་ཟིན་པར་བརྗོད་པར་བྱའོ། །སྟན་པས་མ་འཕགས་པས་གང་དག་ལེན་མི་ནུས་པ་དེ་དག་ནི་ཡང་བྱིན་ལེན་བྱེད་དུ་གཞུག་པར་བྱའོ། ། ཁྱིམ་པ་དག་ན་རེ་འཕགས་པ་དག་བདག་ཅག་གིས་ཀྱང་བྲིམ་པར་བགྱིའོ། །ཞེས་ཟེར་བ་ན་དགེ་སློང་དག་མི་བཏུབ་ནས། བཅོམ་ལྡན་འདས་ཀྱིས་བཀའ་སྩལ་པ། འདྲིམ་དུ་གཞུག་པར་བྱའོ། །དེ་དག་དང་པོར་འཛིན་ཅིང་དགེ་སློང་དག་ཕྱིས་འཛིན་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་དང་པོར་གཟུང་བར་བྱ་ཞིང ། ཕྱིས་ཁྱིམ་པ་དག་གིས་གཟུང་བར་བྱའོ། །དགེ་སློང་རྣམས་དགེ་སློང་དག་ལས་བླངས་པ་གང་དག་ཡིན་པ་དེ་དག་།ཡང་བྱིན་ལེན་བྱེད་དུ་འཇུད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལས་བླངས་གང་དག་
Ja231b
ཡིན་པ་དེ་དག་གི་བྱིན་ལེན་ནི་དེ་ཉིད་ཡིན་ནོ། །ཁྱིམ་པ་དག་ལས་བླངས་པ་གང་དག་ཡིན་པ་དེ་དག་ནི་བྱིན་ལེན་བྱེད་དུ་གཞུག་གོ་།གཏོང་བ་ན་དང་པོར་ཁྱིམ་པ་དག་གིས་གཏོང་ཞིང་ཕྱིས་དགེ་སློང་དག་གིས་གཏོང་བར་བྱེད་ནས། དགེ་སློང་རྣམས་དེ་དག་གསོག་འཇོག་བྱས་པ་ཡིན་ནོ་ཞེས་འདོར་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དང་པོར་དགེ་སློང་དག་གིས་གཏང་བར་བྱ་ཞིང་ཕྱིས་ཁྱིམ་པ་དག་གིས་གཏང་བར་བྱ་སྟེ། ཕྱི་དེ་ཉིན་པར་དགེ་འདུན་ལ་བྲིམ་པར་བྱའོ། །བྲམ་ཟེ་དང་ཁྱིམ་བདག་དད་པ་ཅན་དག་གིས་དགེ་འདུན་ལ་ཞུན་མར་གྱི་བུམ་པ་དང ། འབྲུ་མར་གྱི་བུམ་པ་དང ། སྦྲང་རྩིའི་བུམ་པ་དང ། བུ་རམ་གྱི་དབུ་བའི་བུམ་པ་དག་འབུལ་བ་ན་དགེ་སློང་དག་མི་ལེན་ནས་བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་ཞིང་བླངས་ནས་དགེ་འདུན་ལ་བྲིམ་པར་བྱའོ། །དེ་དག་གིས་ཆོས་གོས་དག་སྣུམ་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བར་དུ་རྩཝའམ་ལོ་མ་དག་བཅུག་སྟེ་བྲིམ་པར་བྱའོ། །དེ་དག་བཟུང་སྟེ་འགྲེང་བ་ན་ངལ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གཞག་པར་བྱའོ། །དེ་དག་གིས་བཞག་པ་དང ། འདྲིལ་ནས་བཅོམ་ལྡན་འདས་ཀྱིས་བཀའ་སྩལ་པ། འོག་གཞི་ལ་གཞག་པར་བྱའོ། །དེ་དག་གིས་དེ་དག་ཟོས་ནས་དེ་དག་ཉིད་ལ་ཕྱིར་སྦྱིན་ནས་དེ་དག་གིས་སྨྲས་པ། འཕགས་པ་གཞུན་མར་དང་འབྲུ་མར་དང་སྦྲང་རྩི་དང་བུ་
Ja232a
༄#། །རམ་གྱི་དབུ་བ་དག་ཕུལ་ན་བུམ་པ་དག་མ་ཕུལ་ལམ་ཅི། བུམ་པ་དག་ཀྱང་ཁྱེད་ཉིད་སྣོམས་ཤིག་།དེ་དག་གིས་མནོས་ཏེ་འདུག་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་དག་ཆུའི་རྫིང་བུ་ཟབ་མོའི་ནང་དུ་ཞག་བདུན་ནམ། བརྒྱད་གཞུག་པར་བྱ་ཞིང་གང་གི་ཚེ་ཉའམ་རུས་སྦལ་ལམ་སྦལ་པའམ་ཆུ་སྲིན་བྱིས་པ་གསོད་དམ། ཉ་ཁྱི་བ་དག་གིས་མ་ལུས་པར་ལྡོག་པར་གྱུར་པ་དེའི་ཚེ་ན་རུང་བའི་ཁང་པར་བཅུག་སྟེ་སྤྱད་པར་བྱའོ། །བཅོམ་ལྡན་འདས་ཀྱིས་བྱིན་ལེན་བྱེད་དུ་བཅུག་སྟེ་བཟའ་བར་བྱའོ་ཞེས་བཀའ་སྩལ་ནས་དེ་དག་གིས་ཇི་ལྟར་བྱིན་ལེན་བྱེད་དུ་བཅུག་པ་དང ། ཇི་ལྟར་བྱིན་ལེན་བྱེད་དུ་མ་བཅུག་པ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རྣམ་པ་ལྔས་ནི་བྱིན་ལེན་བྱེད་དུ་མ་བཅུག་པར་བརྗོད་པར་བྱ་ལ། རྣམ་པ་ལྔས་ནི་བྱིན་ལེན་བྱེད་དུ་བཅུག་པར་བརྗོད་པར་བྱའོ། །རྣམ་པ་ལྔ་པོ་གང་དག་གིས་བྱིན་ལེན་བྱེད་དུ་མ་བཅུག་པར་བརྗོད་པར་བྱ་ཞེ་ན། མཚམས་ཀྱི་ཕྱི་རོལ་ན་འདུག་པས་དང ། མི་འཐོབ་པའི་ཕྱོགས་ནས་དང ། གློ་ནས་དང ། རྒྱང་ནས་དང ། ལག་པ་ཁས་ཕུབ་པས་བྱིན་ལེན་བྱེད་དུ་འཇུག་པ་སྟེ། རྣམ་པ་ལྔ་པོ་དེ་དག་གིས་ནི་བྱིན་ལེན་བྱེད་དུ་མ་བཅུག་པར་བརྗོད་པར་བྱའོ། །རྣམ་པ་ལྔ་པོ་གང་དག་གིས་ནི་བྱིན་ལེན་བྱེད་དུ་བཅུག་པར་བརྗོད་པར་བྱ་ཞེ་ན། མཚམས་ཀྱི་ཕྱི་རོལ་མ་ཡིན་པ་ན་འདུག་པས་དང །
Ja232b
མི་འཐོབ་པའི་ཕྱོགས་མ་ཡིན་པ་ནས་དང ། གློ་མ་ཡིན་པ་ནས་དང ། རྒྱབ་མ་ཡིན་པ་ནས་དང ། ལག་པ་ཁས་ཕུབ་པ་མ་ཡིན་པས་བྱིན་ལེན་བྱེད་དུ་འཇུད་པ་སྟེ། རྣམ་པ་ལྔ་པོ་དེ་དག་གིས་ནི་བྱིན་ལེན་བྱེད་དུ་བཅུག་པར་བརྗོད་པར་བྱའོ། །བཅོམ་ལྡན་འདས་ཀྱིས་བྱིན་ལེན་བྱེད་དུ་བཅུག་སྟེ་བཟའ་བར་བྱའོ་ཞེས་བཀའ་སྩལ་ནས། དྲུག་སྡེ་དག་བྱིན་ལེན་བྱེད་དུ་བཅུག་པ་དང་བྱིན་ལེན་བྱེད་དུ་མ་བཅུག་པ་ཡང་ཟ་བར་བྱེད་ནས་དགེ་སློང་དོན་ཉུང་དུ་དག་བཅོམ་ལྡན་འདས་ཀྱིས་བྱིན་ལེན་བྱེད་དུ་བཅུག་སྟེ་བཟའ་བར་བྱའོ་ཞེས་བཀའ་སྩལ་ན། ཅིའི་ཕྱིར་དགེ་སློང་དག་བྱིན་ལེན་བྱེད་དུ་བཅུག་པ་དང་བྱིན་ལེན་བྱེད་དུ་མ་བཅུག་པ་ཡང་ཟ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ངས་བྱིན་ལེན་བྱེད་དུ་བཅུག་སྟེ་བཟའ་བར་བྱའོ་ཞེས་བཀའ་སྩལ་ན་ཁྱེད་བྱིན་ལེན་བྱེད་དུ་བཅུག་པ་དང ། བྱིན་ལེན་བྱེད་དུ་མ་བཅུག་པ་ཡང་ཟ་བ་བདེན་ནམ།
Ja233a
༄#། །བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མ་བྱིན་པར་ཁ་ནས་མིད་པའི་ཟས་ཟ་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །དགེ་སློང་དགོན་པ་དགོན་པ་ན་གནས་པ་རྣམས་ལ་ཆུ་དང་སོ་ཤིང་གི་བྱིན་ལེན་སྟོབས་པ་མེད་ནས་དེ་དག་གིས་དགོན་པའི་གནས་མལ་དག་བོར་ཏེ། གྲོང་མཐའི་གནས་མལ་དག་ཏུ་ཞུགས་སོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་དགེ་སློང་དགོན་པ་པ་དག་གིས་དགོན་པའི་གནས་མལ་དག་བོར་ཏེ། གྲོང་
Ja233b
མཐའི་གནས་མལ་དག་ཏུ་ཞུགས། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མ་བྱིན་པར་ཁ་ནས་མིད་པའི་ཟས་ཟ་ན་ལྟུང་བྱེད་དོ་ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་པས་དགེ་སློང་དགོན་པ་པ་དགོན་པ་ན་གནས་པ་རྣམས་ལ་ཆབ་དང་སོ་ཤིང་གི་བྱིན་ལེན་སྟོབས་པ་མ་མཆིས་ནས་དེ་དག་གིས་དགོན་པའི་གནས་མལ་དག་བོར་ཏེ། གྲོང་མཐའི་གནས་མལ་དག་ཏུ་ཞུགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཆུ་དང་སོ་ཤིང་མ་གཏོགས་སོ། །གླང་པོ་ཆེ་ཅང་ཤེས་དང་སྤྲེའུ་ཅང་ཤེས་དང་དོམ་ཅང་ཤེས་དག་ཡོད་ནས་དེ་དག་གིས་དགེ་སློང་རྣམས་ལ་ཤིང་ཏོག་དག་འབུལ་བ་ན་དགེ་སློང་རྣམས་འགྱོད་པས་དེ་དག་མི་ལེན་ནས་བཅོམ་ལྡན་འདས་ཀྱིས་བཀའ་སྩལ་པ། གང་ལ་ལེན་པ་ཡོད་པ་དེ་ལ་སྟོབས་པ་ཡང་ཡོད་པས་དེ་དག་གིས་བསྟབས་པ་ནི་བྱིན་ལེན་བྱས་པར་བརྗོད་པར་བྱ་སྟེ། དེ་ལ་འགྱོད་པར་མི་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང་བསླབ་པ་ལ་གུས་པ་དང་བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང་དེའི་ཤས་ཆེ་བ་དང་དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་
Ja234a
༄#། །པའི་གཞི་འདི་ལྟར་གདོན་པར་བྱ་སྟེ་ཡང་དགེ་སློང་གང་མ་བྱིན་པར་ཁ་ནས་མིད་པའི་ཟས་ཟ་ན་ཆུ་དང་སོ་ཤིང་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ་གཞན་ཡང་དེ་ལྟ་བུ་གང་ཡིན་པའོ། །མ་བྱིན་པར་ཞེས་བྱ་བ་ནི་དེ་ལ་སྐྱེས་པའམ་བུད་མེད་དམ། མ་ནིང་གང་དག་གིས་ཀྱང་མ་བྱིན་པར་རོ། །ཁ་ནས་མིད་པའི་ཟས་ཞེས་བྱ་བ་ནི། བཅའ་བ་ལྔ་པོ་དང་བཟའ་བ་ལྔ་པོ་དག་གོ། ཟ་ན་ཞེས་བྱ་བ་ནི་མགུལ་དུ་མིད་ནའོ། །ཆུ་དང་སོ་ཤིང་མ་གཏོགས་ཏེ་ཞེས་བྱ་བ་ནི་ཆུ་དང་སོ་ཤིང་བཞག་སྟེའོ། ། ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་བྱིན་ལེན་མ་བྱས་པ་ལ་བྱིན་ལེན་མ་བྱས་པར་འདུ་ཤེས་པས་བཅའ་བ་དང་བཟའ་བ་འཆའ་འམ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་བྱིན་ལེན་མ་བྱས་པ་ལ་ཡིད་གཉིས་ཟ་བས་བཅའ་བ་དང་བཟའ་བ་འཆའམ་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་བྱིན་ལེན་བྱས་པ་ལ་བྱིན་ལེན་མ་བྱས་པར་འདུ་ཤེས་པས་བཅའ་བ་དང་བཟའ་བ་
Ja234b
འཆའ་འམ་ཟ་ན་ཉེས་བྱས་སུ་འགྱུར་རོ། །དགེ་སློང་གིས་བྱིན་ལེན་བྱས་པ་ལ་ཡིད་གཉིས་ཟ་བས་བཅའ་བ་དང་བཟའ་བ་འཆའམ་ཟ་ན་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་ཚེ་དང་ལྡན་པ་ནག་པོ་ཆེན་པོས་ལས་ཅི་བགྱིས་ན་ལས་དེའི་རྣམ་པར་སྨིན་པས། བཅོམ་ལྡན་འདས་ཀྱི་སྤྱན་སྔར་རབ་ཏུ་བྱུང་ནས་ཐམས་ཅད་དུར་ཁྲོད་པ་དང་ལྡན་ཞིང་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བགྱིས་ཤིང་དགྲ་བཅོམ་པ་ཉིད་ཐོབ་ནས་ཡང་དག་པ་མ་ལགས་པས་སྐུར་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རིགས་ཀྱི་བུ་ནག་པོ་ཆེན་པོ་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ་འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས་ནག་པོ་ཆེན་པོ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི་འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ།
Ja235a
༄#། །ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན། གྲོང་ཁྱེར་ཝཱ་ར་ཎཱ་སིར་རང་སངས་རྒྱས་བླ་མ་ཞེས་བྱ་བ་ཞིག་ཉེ་བར་རྟེན་ཅིང་གནས་པ་དེ་ལྷའི་ཚོགས་འབུམ་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ་དུར་ཁྲོད་ཆེན་པོའི་དབུས་ནས་ཝཱ་ར་ཎཱ་སིར་བསོད་སྙོམས་ལ་ཞུགས་སོ། །དུར་ཁྲོད་ཆེན་པོ་དེ་ན་གནོད་སྦྱིན་གདུག་པ་ཞིག་འདུག་པ་དེ་དེ་ན་མི་རོ་མྱགས་པ་ཟའོ། །གང་གི་ཚེ་རང་སངས་རྒྱས་བླ་མ་དུར་ཁྲོད་ཆེན་པོ་དེར་ཕྱིན་པ་དེའི་ཚེ་ན། གནོད་སྦྱིན་གདུག་པ་དེ་ལྷའི་མཐུས་དུར་ཁྲོད་ཆེན་པོ་དེ་ནས་བྲོས་པ་དང ། དེའི་མི་རོ་མྱགས་པ་དེ་དག་ཝ་ལ་སོགས་པས་ཟོས་ནས། གནོད་སྦྱིན་གདུག་པ་དེས་བསམས་པ། རབ་ཏུ་བྱུང་བ་འདི་བདག་གི་ལྟོའི་གེགས་སུ་གྱུར་གྱི། བདག་གིས་འདི་ལ་བསྙེན་བཀུར་མ་ཡིན་པ་བྱའོ་སྙམ་ནས་དེས་དེའི་ལྷུང་བཟེད་དུ་མིའི་ལག་པ་བཅུག་པ་དང ། ཝཱ་ར་ཎཱ་སི་ཐམས་ཅད་དུ་རབ་ཏུ་བྱུང་བ་དེ་མི་ཤ་ཟའོ་ཞེས་སྒྲ་གྲགས་པར་གྱུར་ཏོ། །རང་སངས་རྒྱས་བདག་ཉིད་ཆེན་པོ་དེས་བསམས་པ། གནོད་སྦྱིན་གདུག་པ་ཉོན་མོངས་པ་འདི་ཧ་ཅང་སྨྲས་པ་དང་ཉམས་པར་གྱུར་ན་མི་རུང་གི། འདི་ལྟ་ལག་ནས་དྲང་བ་སྦྱིན་ནོ་སྙམ་ནས་དེ་དེ་ལ་སྙིང་བརྩེ་བའི་ཕྱིར་དེས་ངང་པའི་རྒྱལ་པོ་འདབ་མ་བརྐྱང་པ་ལྟར་
Ja235b
སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང་གསལ་བ་དང་ཆར་འབབ་པ་དང་གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། གནོད་སྦྱིན་གདུག་པ་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་གི་སུག་པ་ནས་དྲང་བ་སྩལ་དུ་གསོལ། བདག་གིས་ཁྱེད་ལ་ཡང་དག་པ་མ་ལགས་པའི་བསྔགས་པ་མ་ལགས་པ་བརྗོད་དོ། །ཝཱ་ར་ཎཱ་སི་ཐམས་ཅད་དུ་ཡང་རབ་ཏུ་བྱུང་བ་དེ་མི་ཤ་མི་ཟ་ཡི། འདིས་དེ་ལ་ཡང་དག་པ་མ་ཡིན་པའི་མི་བསྔགས་པ་བརྗོད་དོ། ། ཞེས་སྒྲ་གྲགས་པར་གྱུར་ཏོ། །རང་སངས་རྒྱས་དེ་གནོད་སྦྱིན་གདུག་པ་དེ་ལ་རྗེས་སུ་སྙིང་བརྩེ་བའི་ཕྱིར། སྟེང་གི་ནམ་མཁའ་ལས་ཤོད་དུ་བབས་སོ། །དེ་ནས་གནོད་སྦྱིན་གདུག་པ་དེས་དེའི་ལྷུང་བཟེད་ནས། མིའི་ལག་པ་ས་ལ་བོར་ཏེ་རྐང་པ་གཉིས་ལ་ཕྱག་འཚལ་ནས་སྨོན་ལམ་འདི་སྐད་ཅེས་བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མ་གྱུར་བར་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས་འདྲི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང་ཐུགས་བྱུང་བར་མི་
Ja236a
༄#། །བྱེད་པའི་ཡོན་ཏན་གྱི་རྣམ་པ་དེ་ལྟ་བུ་ཐོབ་པར་གྱུར་ཅིག་ཅེས་སྨོན་ལམ་བཏབ་བོ། །དགེ་སློང་དག་དེ་ལ་དེའི་དུས་ན་གནོད་སྦྱིན་གདུག་པ་གང་ཡིན་པ་དེ་ནི་ནག་པོ་ཆེན་པོ་འདི་ཡིན་ཏེ། དེས་རང་སངས་རྒྱས་ལ་ཡང་དག་པ་མ་ཡིན་པས་སྐུར་པ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས་ཚེ་རབས་མང་པོ་དག་ཏུ་སེམས་ཅན་དམྱལ་བ་རྣམས་སུ་གདུངས་ནས་ལས་དེ་ཉིད་ཀྱི་ལྷག་མས་ཚེ་རབས་ལྔ་བརྒྱར་ཡང་དག་པ་མ་ཡིན་པས་སྐུར་ནས་ད་ལྟར་དགྲ་བཅོམ་པ་ཐོབ་ཀྱང་ཡང་དག་པ་མ་ཡིན་པས་སྐུར་ཏོ། །མཆོད་པ་བྱས་ནས་སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས་ནི་ངའི་དྲུང་དུ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཤིང་འདིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཤིང་ཐུགས་བྱུང་བར་མ་བྱས་སོ། །འདི་དུར་ཁྲོད་དེ་ན་གནས་གནས་པ་གང་ཡིན་པ་དེའི་བག་ཆགས་ཀྱིས་ད་ལྟར་ཡང་ཐམས་ཅད་དུར་ཁྲོད་པ་དང་ལྡན་པར་གྱུར་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་
Ja236b
པ་རྣམས་དང ། འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱོད་ཀྱིས་དེ་ལྟར་བསླབ་པར་བྱའོ། །བར་སྡོམ་ལ། ཐམས་ཅད་དུར་ཁྲོད་ལྡན་པ་དང ། །སྒོ་བ་དང་ནི་བུ་མོ་དང ། །བྲམ་ཟེས་བགམ་དང་བྱིན་ལེན་ལྔ། །ཤིང་ཏོག་ལྔ་སོགས་གཞན་ལྔ་དང ། །ཆུ་དང་སོ་ཤིང་གནང་བ་དང ། །གླང་པོ་སྤྲེའུ་དང་དོམ་དང་ནི། །སྔོན་གྱི་ཚུལ་དང་སྦྱར་བ་ཡིན། །བྱིན་ལེན་མ་བྱས་པར་ཟ་བའི་ལྟུང་བྱེད་དེ་སུམ་ཅུ་དགུ་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་ང་བཞི་པ། སངས་རྒྱས་བཅོམ་ལྡན་འདས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ན་སེར་སྐྱའི་གནས་སུ་བྱོན་ནས། སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །ཤཱཀྱ་མིང་ཆེན་གྱིས་བཅོམ་ལྡན་འདས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ན་སེར་སྐྱའི་གནས་སུ་བྱོན་ནས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ་ཞེས་ཐོས་སོ། །ཐོས་ནས་ཀྱང་སེར་སྐྱའི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཤཱཀྱ་མིང་ཆེན་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་
Ja237a
༄#། །ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཤཱཀྱ་མིང་ཆེན་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་ལོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཤཱཀྱ་མིང་ཆེན་ལ་ཅང་མི་གསུང་བས་གནང་ངོ ། །དེ་ནས་ཤཱཀྱ་མིང་ཆེན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས་ཞོ་ཤས་འཚོ་བ་དག་ལ་སྨྲས་པ། ཤེས་ལྡན་དག་བཅོམ་ལྡན་འདས་དང་དགེ་སློང་གི་དགེ་འདུན་ཤུལ་གྱིས་བསྙེལ་ཏེ་གཤེགས་ཀྱི། གདུགས་ཚོད་སྔ་རབ་ཏུ་ཞལ་ཟས་བསོད་པ་སྟ་གོན་གྱིས་ཤིག་།དྲུག་སྡེ་དག་ནང་པར་སྔར་ལངས་ཏེ་སྨྲས་པ། དགའ་བོ་ཉེ་དགའ་ཇེ་ཁྱིམ་དུ་འགྲོ་བའི་ཁྱིམ་དག་བལྟས་འདོང་ངོ ། །དེ་ལྟར་བྱའོ་ཞེས་དེ་དག་ཁྱིམ་དུ་འགྲོ་བའི་ཁྱིམ་དག་ཏུ་དོང་བ་དང །
Ja237b
དེ་དག་གིས་སྨྲས་པ། འཕགས་པ་དག་འདི་ཉིད་དུ་གདུགས་ཚོད་གསོལ་ཅིག་།དྲུག་སྡེ་དག་གིས་སྨྲས་པ། ཁོ་བོ་ཅག་མགྲོན་དུ་བོས་སོ། །སུས་ཤཱཀྱ་མིང་ཆེན་གྱིས་སོ། །འོ་ན་སང་གདུགས་ཚོད་གསོལ་ཅིག་།དེ་ལྟར་བྱའོ། །དེ་ནས་ཤཱཀྱ་མིང་ཆེན་ནང་པར་སྔར་ལངས་ཏེ་གདན་དག་བཤམས་ནས་ཆུ་ར་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་བཙུན་པ་གདུགས་ཚོད་གཡར་དགོངས་འཚལ་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ནས་ཤཱཀྱ་མིང་ཆེན་གྱི་བཀད་ས་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་ཤཱཀྱ་མིང་ཆེན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད་ཅིང་སྟོབས་པར་བྱེད་དོ། །རྣམ་གྲངས་དུ་མས་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས་བཅོམ་ལྡན་འདས་གདུགས་ཚོད་གསོལ་ཅིང་ཕྱག་བཅབས་ཏེ་ལྷུང་བཟེད་བཞག་པར་རིག་ནས་སྟན་ཆེས་དམའ་བ་བླངས་ཏེ་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་ནས་
Ja238a
༄#། །བཅོམ་ལྡན་འདས་ཀྱིས་ཤཱཀྱ་མིང་ཆེན་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་ཤཱཀྱ་མིང་ཆེན་རེ་ཞིག་བཅོམ་ལྡན་འདས་ཀྱི་སླད་བཞིན་སླད་བཞིན་དུ་སོང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔ་ནས་ཕྱིར་ལོག་སྟེ་དེ་སྟེང་གི་ཁང་བཟང་གི་གཞིར་གཏོགས་པ་ན་གཏོང་བ་རྗེས་སུ་དྲན་པ་སྒོམ་པར་བྱེད་དོ། །ཞོ་ཤས་འཚོ་བ་དག་གིས་ཀྱང་དེའི་གནས་མལ་དག་བརྟུལ་ཅིང་ཁ་ཟས་དག་བསྡུས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་གདུགས་ཚོད་ལ་བབ་པས་ཟན་ཆད་པར་གྱུར་ན་མི་རུང་གི། འདོང་ངོ་ཞེས་དེ་དག་གིས་ཁྱིམ་དུ་འགྲོ་བའི་ཁྱིམ་དག་ཏུ་ཟན་དྲུག་ཅུ་སྦྱོར་དུ་བཅུག་ནས་ཤཱཀྱ་མིང་ཆེན་གྱི་ཁྱིམ་དུ་དོང་བ་དང ། ཇི་ཙམ་ན་དེ་ན་ཁ་ཟས་སྟ་གོན་བྱས་པ་ཡང་མེད། གནས་མལ་བཤམས་པ་ཡང་མེད་པར་
Ja238b
མཐོང་ནས་དྲུག་སྡེ་དག་གིས་ཞོ་ཤས་འཚོ་བ་དེ་དག་ལ་སྨྲས་པ། ཤེས་ལྡན་དག་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་ནས་སྙིང་ལས་ཆུང་དུར་འཁོད་ཅིང་གདུགས་ཚོད་ཀྱང་སྟ་གོན་མི་བྱེད། གནས་མལ་ཡང་ཤོམ་པར་མི་བྱེད་ན་ཇི་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གཅོད་པར་བྱེད་དམ། དེ་དག་གིས་སྨྲས་པ། འཕགས་པ་དག་ཁྱེད་ཅག་མནལ་བར་གྱུར་ཏམ་ཅི། སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ཏེ་གཤེགས་ལགས་སོ། །དྲུག་སྡེ་དག་གིས་སྨྲས་པ། ཁོ་བོ་ཅག་གི་ཟན་གཅད་པར་བྱའམ། དེ་དག་གིས་སྨྲས་པ། འཕགས་པ་དག་བདག་ཅག་གིས་ཤཱཀྱ་མིང་ཆེན་ལ་སྦྲན་གྱི་བར་དུ་རེ་ཞིག་ཡུད་ཙམ་ཞིག་གཞེས་ཤིག་ཅེས་དེ་དག་དོང་སྟེ་ཤཱཀྱ་མིང་ཆེན་ལ་སྨྲས་པ། འཕགས་པ་དྲུག་སྡེ་དག་ད་གཟོད་མཆིས་ཏེ་འཚལ་མ་སློད་ངོ ། །ཤཱཀྱ་མིང་ཆེན་གྱིས་སྨྲས་པ། དེང་ལ་ལྷག་རོལ་ཅུང་ཟད་ཅི་ཡོད་པ་དེ་བྱིན་ཅིག་།དེ་དག་དོང་སྟེ་སྨྲས་པ། འཕགས་པ་དག་བཞུགས་ལ་གསོལ་ཅིག་ཅེས་དེ་དག་གིས་བྲིམ་པར་བརྩམས་པ་དང ། དྲུག་སྡེ་དག་གིས་སྨྲས་པ། ཤཱཀྱ་མིང་ཆེན་གྱིས་ཁ་ཤིན་ཏུ་ཆེན་པོས་བཅོམ་ལྡན་འདས་ཀྱིས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་གསོལ་བར་ཅི་གནང་ཞེས་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་ན་གལ་ཏེ་ཟན་འདི་འདྲ་བས་སངས་
Ja239a
༄#། །རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲང་དུ་རུང་ན་ནི་ཉེ་དགས་ཀྱང་ཉི་མ་རེ་རེ་ཞིང་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་འདྲེན་པར་འགྱུར་རོ། །འདི་ལྟར་བཀྲེན་པ་འདི་ལ་ཅི་བདོག་གོ་།དེང་ལ་ཁྱིམ་བདག་ཆེ་གེ་མོའི་ཁྱིམ་ནས་འོ་མ་ལོང་ཞིག་།ཆེ་གེ་མོའི་ཁྱིམ་ནས་ཞོ་ལོང་ཞིག་།ཆེ་གེ་མོའི་ཁྱིམ་ནས་མར་ལོང་ཞིག་།ཆེ་གེ་མོའི་ཁྱིམ་ནས་ཉ་ཤ་ལོང་ཞིག་།ཆེ་གེ་མོའི་ཁྱིམ་ནས་ཤ་ལོང་ཞིག་།ཆེ་གེ་མོའི་ཁྱིམ་ནས་ཤ་ཤམ་དག་ལོང་ཞིག་ཅེས་དེ་དག་གིས་བདག་ཉིད་ཀྱི་ཕྱིར་ཟས་བསོད་པ་དེ་ལྟ་བུ་དག་གཞན་གྱི་ཁྱིམ་དག་ནས་བླངས་ཏེ། དེར་ཟོས་ནས་དོང་སྟེ་གཙུག་ལག་ཁང་དུ་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་ཁྱེད་ཀྱིས་གང་དུ་ཟན་ཟོས་དེ་ཉིད་དུའོ། ། ཁྱེད་ཅག་དེ་ན་མ་མཐོང་ངོ ། །དྲུག་སྡེ་དག་གིས་སྨྲས་པ། ཁོ་བོ་ཅག་ཕྱིས་ལྷགས་སོ། །ཁྱེད་ཅག་གིས་ཟན་ཇི་ལྟ་བུ་ཟོས། དྲུག་སྡེ་དག་གིས་སྨྲས་པ། འོ་མ་དང་ཞོ་དང་མར་དང་ཉ་ཤ་དང་ཤ་དང་ཤ་སྐམ་དག་གོ་།དགེ་སློང་རྣམས་ཀྱིས་སྨྲས་པ། ཁོ་བོ་ཅག་གིས་ཟས་དེ་ལྟ་བུ་མ་ཐོབ་པ། །དྲུག་སྡེ་དག་གིས་སྨྲས་པ། བཀྲེན་པ་དེ་ལ་ཟས་དེ་ལྟ་བུ་ག་ལ་ཡོད། ཁོ་བོ་ཅག་གིས་ཁྱིམ་དུ་འགྲོ་བའི་ཁྱིམ་དག་ནས་བསླངས་ཏེ་དེར་ཟོས་སོ། །ཁྱེད་ཅག་བདག་ཉིད་ཀྱི་ཕྱིར་ཟས་བསོད་པ་དེ་ལྟ་བུ་དག་གཞན་གྱི་ཁྱིམ་དག་ནས་བསླངས་ཏེ་ཟར་རུང་ངམ། རུང་ཡང་སྲིད།
Ja239b
མི་རུང་ཡང་སྲིད། ཅི་ཁོ་བོ་ཅག་གིས་ལྟོགས་ཏེ་འཆི་བར་བྱའམ། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་བདག་ཉིད་ཀྱི་ཕྱིར་ཟས་བསོད་པ་དེ་ལྟ་བུ་དག་གཞན་གྱི་ཁྱིམ་དག་ནས་བསླངས་ཏེ། འཆའ་བ་དང་ཟ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ངས་དགེ་སློང་རྣམས་ཀྱི་ཟས་བསོད་པ་གང་དག་གསུངས་པ་འདི་ལྟ་སྟེ། འོ་མ་དང་ཞོ་དང་མར་དང་ཉ་ཤ་དང་ཤ་དང་ཤ་སྐམ་དག་སྟེ། ཁྱེད་ཀྱིས་བདག་ཉིད་ཀྱི་ཕྱིར་ཟས་བསོད་པ་དེ་ལྟ་བུ་དག་གཞན་གྱི་ཁྱིམ་དག་ནས་བསླངས་ཏེ་ཟོས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་
Ja240a
༄#། །བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བཅོམ་ལྡན་འདས་ཀྱིས་དགེ་སློང་རྣམས་ཀྱི་ཟས་བསོད་པ་གང་དག་གསུངས་པ་འདི་ལྟ་སྟེ། འོ་མ་དང་ཞོ་དང་མར་དང་ཉ་ཤ་དང་ཤ་དང་ཤ་སྐམ་དག་སྟེ། ཡང་དགེ་སློང་གང་བདག་ཉིད་ཀྱི་ཕྱིར་ཟས་བསོད་པ་དེ་ལྟ་བུ་དག་གཞན་གྱི་ཁྱིམ་དག་ནས་བསླངས་ཏེ་འཆའ་འམ་ཟ་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །དགེ་སློང་ན་བ་ཞིག་གིས་སྨན་པ་ལ་དྲིས་པ། བཞིན་བཟང་ཇེ་ཁོ་བོ་ལ་སྨན་སྟོན་ཅིག་།འཕགས་པ་འོ་མ་གསོལ་ཅིག་།བཞིན་བཟང་ཁོ་བོ་ལ་འོ་མ་སུས་སྦྱིན་པར་འགྱུར། འཕགས་པ་ཁྱིམ་དག་ནས་སློངས་ཤིག་།བཞིན་བཟང་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མཛད་དོ། །འཕགས་པ་ཁྱོད་ཀྱི་སྟོན་པ་ཐུགས་རྗེ་ཅན་ལགས་པས་དེ་ཉིད་རྐྱེན་དུ་མཛད་ནས་གནང་བར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་
Ja240b
ལྟ་བས་ན་ན་བའི་དུས་མ་གཏོགས་སོ། །དེ་བཞིན་དུ་དགེ་སློང་གཞན་ལ་འོ་མ་དང་ཞོ་དང་མར་དང་ཉ་ཤ་དང་ཤ་དང་ཤ་སྐམ་དག་ཁྱིམ་དག་ནས་སློང་དུ་གནང་བའི་བར་དུ་སྔ་མ་བཞིན་ནོ། །དེ་ནས་བཅོམ་ལྡན་འདས་ཀྱིས་བསླབ་པར་འདོད་པ་དང་བསླབ་པ་ལ་གུས་པ་དང་བསླབ་པ་ལ་ཡེ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང་དེའི་ཤས་ཆེ་བ་དང་དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བཅོམ་ལྡན་འདས་ཀྱིས་དགེ་སློང་རྣམས་ཀྱི་ཟས་བསོད་པ་གང་དག་གསུངས་པ་འདི་ལྟ་སྟེ། འོ་མ་དང་ཞོ་དང་མར་དང་ཉ་ཤ་དང་ཤ་སྐམ་དག་སྟེ། ཡང་དགེ་སློང་གང་མི་ན་བར་བདག་ཉིད་ཀྱི་ཕྱིར་ཟས་བསོད་པ་དེ་ལྟ་བུ་དག་གཞན་གྱི་ཁྱིམ་དག་ནས་བསླངས་ཏེ། འཆའ་འམ་ཟ་ན་ལྟུང་བྱེད་དོ། ། བཅོམ་ལྡན་འདས་ཀྱིས་ཞེས་བྱ་བ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སོ། །དགེ་སློང་རྣམས་ཀྱི་ཞེས་བྱ་བ་ནི། ཆོས་འདི་པ་རྣམས་ཀྱིའོ། །ཟས་བསོད་པ་གང་དག་གསུངས་པ་ཞེས་བྱ་བ་ནི་རབ་ཏུ་བསྟན་པའོ། །འདི་ལྟ་སྟེ་འོ་མ་དང་ཞོ་དང་མར་དང་ཉ་ཤ་དང་ཤ་དང་སྐམ་དག་སྟེ་ཞེས་བྱ་བ་ནི་ཟས་བསོད་པ་དག་གོ་།ཡང་དགེ་སློང་གང་
Ja241a
༄#། །ཞེས་བྱ་བ་ནི་དྲུག་སྡེའམ་གཞན་ཡང་དེ་ལྟ་བུ་གང་ཡིན་པའོ། །མི་ན་བར་ཞེས་བྱ་བ་ནི་ན་བ་མ་གཏོགས་པར་རོ། །བདག་ཉིད་ཀྱི་ཕྱིར་ཞེས་བྱ་བ་ནི་བདག་ཉིད་ལ་བསྔོས་ཏེའོ། །ཟས་བསོད་པ་དེ་ལྟ་བུ་དག་ཅེས་བྱ་བ་ནི་འོ་མ་དང་ཞོ་དང་མར་དང་ཉ་ཤ་དང་ཤ་དང་ཤ་སྐམ་དག་གོ་།གཞན་གྱི་ཁྱིམ་དག་ནས་ཞེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་དག་ནས་སོ། །བསླངས་ཏེ་ཞེས་བྱ་བ་ནི་གསོལ་ཏེའོ། །འཆའ་འམ་ཟ་ན་ཞེས་བྱ་བ་ནི། མགུལ་དུ་མིད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་མི་ན་བས་སློང་ཞིང་མི་ན་བས་ཟ་ན་དེ་སློང་བ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བྱེད་དུ་འགྱུར་རོ། །དགེ་སློང་གིས་མི་ན་བས་སློང་ཞིང་ན་བས་ཟ་ན་དེ་སློང་བ་ལ་ཉེས་བྱས་སུ་འགྱུར་ལ་ཟ་བ་ལ་ལྟུང་བ་མེད་དོ། །དགེ་སློང་གིས་ན་བས་སློང་ཞིང་མི་ན་བས་ཟ་ན་དེ་སློང་བ་ལ་ལྟུང་བ་མེད་ལ་ཟ་བ་ལ་ལྟུང་བྱེད་དུ་འགྱུར་རོ། །དགེ་སློང་གིས་ན་བས་སློང་ཞིང་ན་བས་ཟ་ན་གཉི་ག་ལ་ལྟུང་བ་མེད་དོ། །དགེ་
Ja241b
སློང་བསོད་སྙོམས་ལ་རྒྱུ་ཞིང་ཁྱིམ་དག་ཏུ་འགྲོ་བ་ན་བུད་མེད་ཀྱི་ཡུལ་ཟས་ཐོགས་ཏེ་ཕྱིར་འབྱུང་བའི་ཚེ། དགེ་སློང་ཅང་མི་སྨྲ་བར་སྡོད་པ་ན། བུད་མེད་ཀྱི་ཡུལ་ན་རེ། འཕགས་པ་ཅི་བཞེད་ཅེས་དྲིས་ན་བསྟབས་པར་བརྗོད་པར་བྱ་སྟེ། ཅི་འདོད་པ་དེ་བསླང་བར་བྱ་བ་ལ་ལྟུང་བ་མེད་དོ། །སྦྱིན་བདག་གིས་ཅི་བདེར་བྱས་པ་ལ་ལྟུང་བ་མེད་དོ། །ཞོ་སྦྱིན་པ་ན་ཆུར་ཁུ་དང་དར་བ་སློང་བ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསོད་པ་སློང་བའི་ལྟུང་བྱེད་དེ་བཞི་བཅུ་པ་རྫོགས་སོ།། །། སྡོམ་ལ། སྲོག་ཆགས་བཅས་དང་ཉལ་སར་འདུག་།འགྲེང་དང་གཅེར་བུ་དམག་དང་ནི། །ཞག་གཉིས་བཤམས་དཀྲུགས་འགྲོ་བ་དང ། །རྡེག་དང་གཟས་དང་གནས་ངན་ལེན། །སངས་རྒྱས་བཅོམ་ལྡན་འདས་ཀོའུ་ཤམྦྷི་ན་གདངས་ཅན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་འདུན་པ་ཤེས་བཞིན་དུ་སྲོག་ཆགས་དང་བཅས་པའི་ཆུ་ལ་སྤྱོད་ནས། དེ་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་འདུན་པ་ཁྱོད་ཤེས་བཞིན་དུ་སྲོག་ཆགས་དང་བཅས་པའི་ཆུ་ལ་མ་སྤྱོད་ཅིག་།དེས་སྨྲས་པ། ཁོ་བོ་ལ་འགའ་ཞིག་གིས་བགྲངས་ཏེ་གཏད་དམ་ཅི། ཤར་གྱི་རྒྱ་མཚོ་ཆེན་པོར་ཅིའི་ཕྱིར་མི་འགྲོ་།ལྷོ་དང་ནུབ་དང་བྱང་གི་རྒྱ་མཚོ་ཆེན་པོར་ཅིའི་ཕྱིར་མི་འགྲོ་།འབབ་ཆུ་དང་མཚོ་དང་ལྟེང་ཀ་དག་ཏུ་ཅིའི་ཕྱིར་མི་འགྲོ་ཞེས་ཟེར་ནས་དགེ་སློང་དོན་ཉུང་དུ་དག་
Ja242a
༄#། །ཅིའི་ཕྱིར་དགེ་སློང་དག་ཤེས་བཞིན་དུ་སྲོག་ཆགས་དང་བཅས་པའི་ཆུ་ལ་སྤྱོད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། ། ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འདུན་པ་ལ་རྨས་པ། འདུན་པ་ཁྱོད་ཤེས་བཞིན་དུ་སྲོག་ཆགས་དང་བཅས་པའི་ཆུ་ལ་སྤྱོད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་
Ja242b
པར་བྱ་སྟེ། ཡང་དགེ་སློང་གང་ཤེས་བཞིན་དུ་སྲོག་ཆགས་དང་བཅས་པའི་ཆུ་ལ་སྤྱོད་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འདུན་པའམ་གཞན་ཡང་དེ་ལྟ་བུ་གང་ཡིན་པའོ། །ཤེས་བཞིན་དུ་ཞེས་བྱ་བ་ནི་དེ་རང་ཉིད་ཀྱིས་རིག་པར་གྱུར་པའམ། གཞན་དག་གིས་བརྗོད་པས་སོ། །སྲོག་ཆགས་དང་བཅས་པའི་ཞེས་བྱ་བ་ནི་སྲོག་ཆགས་དང་བཅས་པ་རྣམ་པ་གཉིས་ཏེ། གང་དག་མིག་སྔར་སྣང་བར་གྱུར་པ་དང ། གང་དག་ཆུ་ཚགས་ཀྱིས་ཟིན་པར་འགྱུར་བའོ། །ཆུ་ལ་སྤྱོད་ན་ཞེས་བྱ་བ་ནི་ཆུའི་སྤྱད་པ་གཉིས་སུ་སྟེ་ནང་གི་དང་ཕྱི་རོལ་གྱིས་སོ། །ནང་གིར་སྤྱད་པ་ནི་ཁྲུས་བྱེད་པ་དང་འཐུང་བ་དང་སོ་ཤིང་འདོར་བ་དང་ལག་པ་དང་རྐང་པ་དག་འཁྲུ་བའོ། །ཕྱི་རོལ་གྱིར་སྤྱད་པ་ནི་ལྷུང་བཟེད་འཁྲུ་བ་དང ། ལྷུང་བཟེད་ཆུང་ངུ་འཁྲུ་བ་དང ། ཆོས་གོས་དག་འཁྲུ་བ་དང ། ཚོན་གྱི་ལས་བྱེད་པ་དང ། གཙུག་ལག་ཁང་དུ་ཆག་ཆག་འདེབས་པ་དང ། ཞལ་ཞལ་སྐུད་པ་དང ། ལྕི་བ་སར་པའི་བྱུག་པས་ཉུག་པའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་སྲོག་ཆགས་
Ja243a
༄#། །དང་བཅས་པའི་ཆུ་ལ་སྲོག་ཆགས་དང་བཅས་པར་འདུ་ཤེས་པས་སྤྱོད་ན་ལྟུང་བྱེད་དུ་འགྱུར་རོ། །དགེ་སློང་གིས་སྲོག་ཆགས་དང་བཅས་པའི་ཆུ་ལ་ཡིད་གཉིས་ཟ་བས་སྤྱོད་ན་ལྟུང་བྱེད་དུ་འགྱུར་རོ། །དགེ་སློང་གིས་སྲོག་ཆགས་མེད་པའི་ཆུ་ལ་སྲོག་ཆགས་དང་བཅས་པར་འདུ་ཤེས་པས་སྤྱོད་ན་ཉེས་བྱས་སུ་འགྱུར་རོ། །དགེ་སློང་གིས་སྲོག་ཆགས་མེད་པའི་ཆུ་ལ་ཡིད་གཉིས་ཟ་བས་སྤྱོད་ན་ཉེས་བྱས་སུ་འགྱུར་རོ། །དགེ་སློང་གིས་སྲོག་ཆགས་དང་བཅས་པའི་ཞུན་མར་དང་འབྲུ་མར་དང་སྦྲང་རྩི་དང ། བུ་རམ་གྱི་དབུ་པ་དང་འོ་མ་དང་ཞོ་དང་མར་ཟ་ན་ལྟུང་བྱེད་དུ་འགྱུར་རོ། །དགེ་སློང་གིས་སྲོག་ཆགས་དང་བཅས་པའི་ཚཝ་དང་འབྲུའི་ཚཝ་དང་ཞོག་ཆུ་དང་རྩབ་མོ་འཐུང་ན་ལྟུང་བྱེད་དུ་འགྱུར་རོ། །དགེ་སློང་གིས་སྲོག་ཆགས་དང་བཅས་པའི་ཤིང་ཏོག་དང་བཅའ་བ་འཆའ་ན་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྲོག་ཆགས་དང་བཅས་པའི་ཆུ་ལ་སྤྱོད་པའི་ལྟུང་བྱེད་དེ་བཞི་བཅུ་རྩ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་འཆར་གས་བསམ་པའི་ནོར་བུའི་རིག་པ་ཤེས་ཏེ། དེ་སྔ་དྲོ་ཤམ་ཐབས་བགོས། ལྷུང་བཟེད་
Ja243b
དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །མཉན་ཡོད་ན་སྤོས་འཚོང་གི་ཁྱེའུ་ཆུང་མ་བླངས་ནས་རིང་པོ་མ་ལོན་པ་ཞིག་འདུག་པ་དེས་ཟོང་བཀྲམ་པ་ན་བདག་ཆུང་མ་དང་ལྷན་ཅིག་དགའ་མགུར་སྤྱོད་དུ་འགྲོའོ་སྙམ་པའི་ཚུལ་བཞིན་མ་ཡིན་པ་ཡིད་ལ་བྱེད་པ་སྐྱེས་ནས་དེས་ཟོང་ཕྱིར་བསྡུ་བར་བརྩམས་པ་དང་ཚེ་དང་ལྡན་པ་འཆར་ཀས་དེ་མཐོང་ནས་བསམས་པ། ད་ལྟར་ཚོང་པ་གཞན་དག་ཟོང་འགྲེམས་པར་བྱེད་ན་སྤོས་འཚོང་གི་ཁྱེའུ་འདི་ཟོང་སྡུད་པར་བྱེད་པ་ཅིའི་ཕྱིར་སྙམ་ནས་དེས་ཡང་བསམས་པ་དང ། འདི་ཆུང་མ་བླངས་ནས་རིང་པོ་མ་ལོན་པས་འདི་ཆུང་མ་དང་ལྷན་ཅིག་དགའ་མགུར་སྤྱོད་པར་འདོད་དོ་སྙམ་དུ་ཤེས་ནས་དེ་དག་སོང་ལ་རེ་བ་མེད་པར་བྱའོ་སྙམ་ནས་དེ་དང་པོར་དེའི་ཁྱིམ་དུ་སོང་སྟེ་སྟན་ལ་འདུག་ནས་འདི་སྐད་ཅེས་སྨྲས་སོ། །བུ་མོ་ཚུར་ཤོག་།འདུག་ཅིག་དང་ཆོས་བསྟན་པར་བྱའོ། །བུ་མོ་དེས་དེའི་རྐང་པ་ལ་ཕྱག་འཚལ་ཏེ་མདུན་དུ་ཆོས་མཉན་པའི་ཕྱིར་འདུག་པ་དང་དེས་དེ་ལ་ཆོས་བསྟན་པར་བརྩམས་སོ། །ཇི་ཙམ་ན་སྤོས་འཚོང་གི་ཁྱེའུ་དེ་འོངས་ནས་དེས་ཆུང་མ་ལ་སྨྲས་པ། འཕགས་པ་འཆར་ཀ་ལ་བསོད་སྙོམས་ཕུལ་ལ་བཞུད་དུ་གསོལ་ཅིག་།ཚེ་དང་ལྡན་པ་འཆར་ཀས་སྨྲས་པ། བཞིན་བཟང་ཁོ་བོས་བདག་ཉིད་ཀྱི་དགེ་བའི་ཕྱོགས་ཡོངས་སུ་ཉམས་པར་བྱས་ཏེ་འོངས་ནས་ཆོས་སྟོན་པར་བྱེད་ན་ཁྱོད་ཆོས་ཉན་མི་འདོད་དམ། འདུག་ལ་ཆོས་ཉོན་
Ja244a
༄#། །ཅིག་ཅེས་དེས་དེ་ནན་ཀྱིས་འདུག་ཏུ་བཅུག་སྟེ་དེས་ཇི་ཙམ་གྱིས་དེའི་ཀུན་ནས་དཀྲིས་པ་དང་བྲལ་བ་དེ་ཙམ་དུ་ཆོས་བསྟན་པ་དང ། དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ་།བྲམ་ཟེའི་ཚུལ་ནི་ཚིག་སྟེ། འདི་ལྟར་རང་གི་ཆུང་མ་ལ་ཡང་དབང་མེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་ནས་དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་ཕྱིས་གནོན་བྱས་ཏེ་སྟན་ལ་འདུག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་ཕྱིས་གནོན་བྱས་ཏེ་སྟན་ལ་འདུག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་
Ja244b
ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་ཕྱིས་གནོན་བྱས་ཏེ་སྟན་ལ་འདུག་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །ཤེས་བཞིན་དུ་ཞེས་བྱ་བ་ནི་དེ་རང་ཉིད་ཀྱིས་རིག་པར་གྱུར་པའམ། གཞན་དག་གིས་བརྗོད་པས་སོ། །ཉལ་པོ་བྱེད་པར་ཤོམ་པའི་ཞེས་བྱ་བ་ནི་བུད་མེད་ནི་སྐྱེས་པའི་ཉལ་པོ་བྱ་བ་ཡིན་ལ་སྐྱེས་པ་ནི་བུད་མེད་ཀྱི་ཉལ་པོ་བྱེད་པ་ཡིན་ནོ། ། ཁྱིམ་དུ་ཞེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་དུའོ། །ཕྱིས་གནོན་བྱས་ཏེ་ཞེས་བྱ་བ་ནི་ཕྱིས་ཞུགས་ཏེའོ། །སྟན་ལ་ཞེས་བྱ་བ་ནི་གཞི་ལའོ། །འདུག་ན་ཞེས་བྱ་བ་ནི་འདོམ་གང་གི་ནང་དུ་རྐུབ་ཚོས་བཞག་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་
Ja245a
༄#། །པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་ཕྱིས་གནོན་བྱས་ཏེ་སྟན་ལ་འདུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཉལ་པོ་བྱེད་པར་ཤོམ་པའི་ཁྱིམ་ན་འདུག་པའི་ལྟུང་བྱེད་དེ་བཞི་བཅུ་གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་འཆར་ཀ་བསམ་པའི་ནོར་བུའི་རིག་པ་ཤེས་ཏེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་སོ། ། མཉན་ཡོད་ན་སྤོས་འཚོང་གི་ཁྱེའུ་ཆུང་མ་བླངས་ནས་རིང་པོ་མ་ལོན་པ་ཞིག་འདུག་པ་དེས་ཟོང་བཀྲམ་པ་ན་བདག་ཆུང་མ་དང་ལྷན་ཅིག་དགའ་མགུར་སྤྱོད་དུ་འགྲོའོ་སྙམ་པའི་ཚུལ་བཞིན་མ་ཡིན་པ་ཡིད་ལ་བྱེད་པ་སྐྱེས་ནས་དེས་ཟོང་ཕྱིར་བསྡུ་བར་བརྩམས་པ་དང ། ཚེ་དང་ལྡན་པ་འཆར་ཀས་དེ་མཐོང་ནས་བསམས་པ། ད་ལྟར་ཚོང་པ་གཞན་དག་ཟོང་འགྲེམས་པར་
Ja245b
བྱེད་ན་སྤོས་འཚོང་གི་ཁྱེའུ་འདི་ཟོང་སྡུད་པར་བྱེད་པ་ཅིའི་ཕྱིར་སྙམ་ནས་དེས་ཡང་བསམས་པ་དང ། འདི་ཆུང་མ་བླངས་ནས་རིང་པོ་མ་ལོན་པས་འདི་ཆུང་མ་དང་ལྷན་ཅིག་དགའ་མགུར་སྤྱོད་པར་འདོད་དོ་སྙམ་དུ་ཤེས་ནས་དེ་དག་སོང་ལ་བལྟའོ་སྙམ་ནས་དེ་དང་པོར་དེའི་ཁྱིམ་དུ་སོང་སྟེ་སྒོ་གླེགས་ཀྱི་རྒྱབ་ན་མགོ་སྲི་ཞིང་འགྲེང་ངོ ། །དེའི་འོག་ཏུ་སྤོས་འཚོང་གི་ཁྱེའུ་དེ་འོངས་ནས་དེས་ཆུང་མ་ཁྲིད་དེ་གནས་ཁང་དུ་ཞུགས་པ་དང ། བུ་མོ་དེས་འཆར་ཀ་དབེན་པ་ན་འགྲེང་བ་མཐོང་ནས་དེས་ཁྱོ་ལ་སྨྲས་པ། རྗེའི་སྲས་འཕགས་པ་འཆར་ཀ་སྒོ་གླེགས་ཀྱི་རྒྱབ་ན་འགྲེང་ངོ ། །སྤོས་འཚོང་གི་ཁྱེའུས་སྨྲས་པ། འཕགས་པ་འཆར་ཀ་གཙུག་ལག་ཁང་ན་བསམ་གཏན་དང་རྣམ་པར་ཐར་པ་དང་ཏིང་ངེ་འཛིན་ལ་སྙོམས་པར་འཇུག་པའི་བདེ་བ་དག་ཉམས་སུ་མྱོང་ཞིང་འགྲེང་ངོ ། །ཞེས་དེས་ཆུང་མ་ལ་དགའ་མགུར་སྤྱད་ནས་གང་གི་ཚེ་དེའི་ཀུན་ནས་དཀྲིས་པ་དང་བྲལ་བར་གྱུར་པ་དེའི་ཚེ་ན། དེས་འཆར་ཀ་མཐོང་བ་དང་དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སློང་གི་ཚུལ་ནི་ཚིག་གོ་།བྲམ་ཟེའི་ཚུལ་ནི་ཚིག་སྟེ་འདི་ལྟར་རང་གི་ཆུང་མ་ལ་ཡང་དབང་མེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་ནས། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་དབེན་པ་སྐྱབས་ཡོད་པར་འགྲེང་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་
Ja246a
༄#། །བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་དབེན་པ་སྐྱབས་ཡོད་པར་འགྲེང་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཤེས་བཞིན་དུ་ཉལ་པོ་བྱེད་པར་ཤོམ་པའི་ཁྱིམ་དུ་དབེན་པ་
Ja246b
སྐྱབས་ཡོད་པར་འགྲེང་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །ཤེས་བཞིན་དུ་ཞེས་བྱ་བ་ནི་དེ་རང་ཉིད་ཀྱིས་རིག་པར་གྱུར་པའམ་གཞན་དག་གིས་བརྗོད་པས་སོ། །ཉལ་པོ་བྱེད་པར་ཤོམ་པའི་ཞེས་བྱ་བ་ནི་བུད་མེད་ནི་སྐྱེས་པའི་ཉལ་པོ་བྱ་བ་ཡིན་ལ། སྐྱེས་པ་ནི་བུད་མེད་ཀྱི་ཉལ་པོ་བྱེད་པ་ཡིན་ནོ། །ཁྱིམ་དུ་ཞེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་དུའོ། །དབེན་པ་ཞེས་བྱ་བ་ནི་གང་ན་བུད་མེད་དང་སྐྱེས་པ་དང་མ་ནིང་གཞན་འགའ་ཡང་མེད་པའོ། །སྐྱབས་ཡོད་པར་ཞེས་བྱ་བ་ན་ལྔས་བསྐྱབས་པར་ཏེ།་རྩིག་པས་བསྐྱབས་པ་དང ། རིབ་མས་བསྐྱབས་པ་དང ། ཡོལ་བས་བསྐྱབས་པ་དང ། ཐིབས་པོས་བསྐྱབས་པ་དང ། མཚན་མོས་བསྐྱབས་པར་རོ། །འགྲེང་ན་ཞེས་བྱ་བ་ནི་འདོམ་གང་གི་ནང་དུ་འགྲེང་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་ཤེས་བཞིན་དུ་ཉལ་བོ་བྱེད་པར་ཤོམ་པའི་ཁྱིམ་དུ་དབེན་པ་སྐྱབས་ཡོད་པར་འགྲེང་ན་ཐམས་ཅད་དུ་ལྟུང་བྱེད་དུ་འགྱུར་རོ། །
Ja247a
༄#། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཉལ་པོ་བྱེད་པར་ཤོམ་པའི་ཁྱིམ་ན་འགྲེང་བའི་ལྟུང་བྱེད་དེ་བཞི་བཅུ་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་དཀའི་གནས་ན་བཞུགས་ཏེ། དེ་ནས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་བཅོམ་ལྡན་འདས་ག་ལ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། ། མཐའ་གཅིག་ཏུ་འཁོད་ནས་བཅོམ་ལྡན་འདས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་གིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བར་བྱས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་
Ja247b
ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ནས་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་ཚེ་དང་ལྡན་པ་ཀུན་དགའ་བོ་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུད་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་ཅང་མི་སྨྲའོ། །དེ་ནས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས། ཚེ་དང་ལྡན་པ་ཀུན་དགའ་བོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་གང་དུ་གཤེགས་པར་འགྱུར། ཤེས་ལྡན་དག་སངས་རྒྱས་བཅོམ་ལྡན་འདས་ལ་ཞུས་ཤིག་།བཙུན་པ་ཀུན་དགའ་བོ་སངས་རྒྱས་བཅོམ་ལྡན་འདས་ནི་བསྙེན་པར་དགའ་བ་དང་བཟོད་པར་དཀའ་བ་ལགས་པས། བདག་ཅག་གིས་སངས་རྒྱས་
Ja248a
༄#། །བཅོམ་ལྡན་འདས་ལ་ཞུ་བའི་རྔོ་མི་ཐོག་གོ་།ཤེས་ལྡན་དག་ཁོ་བོ་ལ་ཡང་སངས་རྒྱས་བཅོམ་ལྡན་འདས་བསྙེན་པར་དཀའ་བ་དང་བཟོད་པར་དཀའ་བ་ཉིད་ཡིན་པས་ཁོ་བོས་ཀྱང་སངས་རྒྱས་བཅོམ་ལྡན་འདས་ལ་ཞུ་བར་མི་ནུས་སོ། །བཙུན་པ་ཀུན་དགའ་བོ་གལ་ཏེ་བཙུན་པ་ཀུན་དགའ་བོ་ལ་ཡང་སངས་རྒྱས་བཅོམ་ལྡན་འདས་བསྙེན་པར་དཀའ་བ་དང་བཟོད་པར་དཀའ་བ་ལགས་པས། བཙུན་པ་ཀུན་དགའ་བོས་ཀྱང་སངས་རྒྱས་བཅོམ་ལྡན་འདས་ལ་ཞུ་བར་མི་སྤྲོ་ན། བཙུན་པ་ཀུན་དགའ་བོས་མཚན་མའམ། བཀའ་མཆིད་ཀྱིས་བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་ཕྱོགས་ག་གེ་མོར་གཤེགས་པར་འགྱུར་བར་ཇི་ལྟར་མཁྱེན། མཚན་མས་ནི་ཇི་ལྟར་མཁྱེན། བཀའ་མཆིད་ཀྱིས་ནི་ཇི་ལྟར་མཁྱེན། ཤེས་ལྡན་དག་བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་ཕྱོགས་གང་དུ་གཤེགས་པར་བཞེད་པའི་ཕྱོགས་སུ་བཅོམ་ལྡན་འདས་ཞལ་གཟིགས་ཤིང་བཞུགས་ལ་དེ་དག་གི་བསྔགས་པ་ཡང་བརྗོད་པར་མཛད་དོ། །བཙུན་པ་ཀུན་དགའ་བོ་བཅོམ་ལྡན་འདས་ཞལ་གར་གཟིགས་ཤིང་བཞུགས། མི་གང་དག་གི་བསྔགས་པ་ཡང་བརྗོད་པར་མཛད། ཤེས་ལྡན་དག་བཅོམ་ལྡན་འདས་ཀོ་ས་ལར་ཞལ་གཟིགས་ཤིང་བཞུགས་ལ་མཉན་ཡོད་པའི་མི་དག་གི་བསྔགས་པ་ཡང་བརྗོད་པར་མཛད་དོ། །དེ་དག་གིས་ཚེ་
Ja248b
དང་ལྡན་པ་ཀུན་དགའ་བོས་སྨྲས་པ་ལ་མངོན་པར་དགའ་བ་དང་རྗེས་སུ་ཡི་རང་བར་བྱས་ནས། ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་དོང་ནས་དེ་དག་གིས་བསམས་པ། བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་མཉན་ཡོད་དུ་གཤེགས་པར་འགྱུར་རོ་སྙམ་ནས་དེ་དག་གིས་མཉན་ཡོད་དུ་འདོང་བའི་ཟོང་སྟ་གོན་བྱས་སོ། །དེ་ནས་བཅོམ་ལྡན་འདས་དབྱར་གནས་པར་ཞལ་གྱིས་བཞེས་ཏེ་དབྱར་གྱི་ཟླ་བ་གསུམ་པོ་དག་འདས་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དག་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་ཞིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་ཚེ་དང་ལྡན་པ་དག་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོའོ། །རྒྱལ་པོའི་ཁབ་པའི་ཚོང་པ་དག་གིས་ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་
Ja249a
༄#། །ཚེ་དང་ལྡན་པ་དག་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་བ་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་རྒྱལ་པོའི་ཁབ་པའི་ཚོང་བ་རབ་ཏུ་མང་པོ་དག་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་རྒྱལ་པོའི་ཁབ་ནས་མཉན་ཡོད་ཀྱི་བར་ཇི་
Ja249b
ཙམ་པར་བདག་ཅག་ལས་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་སྨན་གྱི་ཡོ་བྱད་དག་བཞེས་པར་ཅི་གནང ། བཅོམ་ལྡན་འདས་ཀྱིས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་གིས་བཅོམ་ལྡན་འདས་ཀྱིས་ཅང་མི་གསུང་པས་གནང་བར་རིག་ནས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། ། དེ་ནས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་གིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་བཅོམ་ལྡན་འདས་ཤུལ་དག་ཏུ་ཇི་ཙམ་དུ་གཤེགས། ཤེས་ལྡན་དག་འདི་ལྟ་སྟེ་དཔེར་ན། འཁོར་ལོས་སྒྱུར་བའི་རྒྱལ་པོ་ཙམ་དུའོ། །བཙུན་པ་ཀུན་དགའ་བོ་འཁོར་ལོས་སྒྱུར་བའི་རྒྱལ་པོ་ཅི་ཙམ་དུ་མཆི། ཤེས་ལྡན་དག་འཁོར་ལོས་སྒྱུར་བའི་རྒྱལ་པོ་ནི་ལམ་དག་ཏུ་རྒྱང་གྲགས་བཅུར་འགྲོའོ། །དེ་དག་གིས་རྒྱང་གྲགས་བཅུར་བཅོམ་ལྡན་འདས་དགེ་སློང་གི་དགེ་འདུན་དང་བཅས་པའི་ཚོགས་
Ja250a
༄#། །དག་བཤམས་ཤིང ། དེ་དག་གི་ཞལ་ཟས་གྲང་ཆ་གང་དག་ཡིན་པ་དེ་དག་ནི་དེ་ཉིད་ཀྱི་ཉིན་མོ་སྟ་གོན་བྱས། དྲོད་བག་གང་དག་ཡིན་པ་དེ་དག་ནི་ཉི་མ་རེ་རེ་ཞིང་སྟ་གོན་བྱེད་དེ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་བའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ།
Ja250b
མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་སྒྱུར་བའི་རྒྱལ་པོ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། ནོར་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་ཅུ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་པ་རིས་ཀྱིས་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཀྱིས་ཤིན་ཏུ་དུལ་བ་སྤྱོད་ལམ་དང་སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ། ཀུན་ཤེས་
Ja251a
༄#། །ཀོའུ་དི་ནྱ་དང ། རྟ་ཐུལ་དང ། བཟང་ལྡན་དང ། རླངས་པ་དང ། མིང་ཆེན་དང ། གྲགས་པ་དང ། གང་བོ་དང ། དྲི་མེད་དང ། བ་ལང་བདག་དང ། ལག་བཟའ་ལ་སོགས་པ་ཉན་ཐོས་ཆེན་པོ་དེ་དག་དང ། གཞན་ཡང་དགེ་སློང་གི་དགེ་འདུན་རབ་ཏུ་མང་པོས་ཡོངས་སུ་བསྐོར་ཅིང་མདུན་དུ་བདར་ཏེ་མཉན་ཡོད་ག་ལ་དེར་ལོགས་སུ་ལྗོངས་རྒྱུ་ཞིང་གཤེགས་སོ། །དོན་མཐུན་དེ་དང་ཤེས་པ་ཅན་ཞིག་ལྷན་ཅིག་འགྲོ་བ་དེ་ཕོངས་པའི་དུས་ལ་བབ་ཅིང་བཀྲེས་པས་ཉམ་ཐག་པར་གྱུར་ནས། དེས་བསམས་པ། བདག་གང་གིས་བཀྲེས་པས་ཉམ་ཐག་པར་མི་འགྱུར་བའི་ཐབས་ཅི་ཡོད་སྙམ་ནས་དེས་ཡང་བསམས་པ། ཤཱཀྱའི་བུའི་དགེ་སྦྱོང་རྣམས་ལ་སྐྱབས་བཙལ་ན་དེས་བདག་བདེ་བར་ལམ་དུ་འགྲོ་བར་འགྱུར་རོ་སྙམ་དུ་རིག་ནས་དེ་དགེ་སློང་རྣམས་ཀྱི་གན་དུ་སོང་སྟེ་སྨྲས་པ། ཁྱེད་ཅག་གི་སྟོན་པ་ནི་བཟང་པོ་ལ་མོས་པ་ཡིན་ཏེ། དེ་གསེར་གྱི་གཤོལ་གྱིས་ཞིང་རྨོ་བས་དེས་ཁྱེད་ཅག་ལ་ཟས་རོ་བརྒྱ་པ་དང ། གོས་འབུམ་རི་བ་དང་ཁང་པ་བརྩེགས་པ་ལྔ་བརྒྱ་པ་ཡང་རྗེས་སུ་གནང་བས་ཁྱེད་ཅག་ནི་རེ་ཞིག་ཚེ་འདི་ཉིད་ལ་ཡང་བདེ་བ་ལ་རེག་པར་གནས་ལ། འདི་ནས་ཤི་འཕོས་པ་རྣམས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཁོ་བོ་ཅག་གི་སྟོན་པ་ནི་ངན་པ་ལ་མོས་པ་ཡིན་ཏེ། དེ་ཏིལ་གྱི་ཚིགས་མའི་གཤོལ་གྱིས་ཞིང་རྨོ་བས་དེས་ཁོ་བོ་ཅག་ལ་གཅེར་བུ་དང་སྒྲེ་བྱི་དང ། སྦྲང་ཟན་
Ja251b
དང ། ཡུལ་རྒྱུ་བ་དང ། ས་ལ་ཉལ་བ་ལས་གཞན་རྗེས་སུ་མ་གནང་བས་ཁོ་བོ་ཅག་ནི་རེ་ཞིག་ཚེ་འདི་ཉིད་ལ་ཡང་སྡུག་བསྔལ་ལ་རེག་པར་གནས་ཤིང ། འདི་ནས་ཤི་འཕོས་པ་རྣམས་ཀྱང་སེམས་ཅན་དམྱལ་བ་པ་རྣམས་ཀྱི་ནང་དུ་སྐྱེ་བར་འགྱུར་རོ། །དགེ་སློང་རྣམས་ཀྱིས་བསམས་པ། ཤེས་པ་ཅན་འདི་དད་པར་གྱུར་ཏོ་སྙམ་ནས་དེ་དག་གིས་དེ་ལ་སྨྲས་པ། ཤེས་པ་ཅན་ཇི་ལྟར་འཚོར་དཀའ་བས་སོ། །དགེ་སློང་རྣམས་ཀྱི་ལྷུང་བཟེད་ཀྱི་ལྷག་མ་འདོད་དམ། ཤེས་པ་ཅན་དེས་བསམས་པ། གལ་ཏེ་དགེ་སློང་རྣམས་ཀྱི་ལྷུང་བཟེད་ཀྱི་ལྷག་མ་མ་ཟོས་ན་ལྟོགས་ཏེ་འཆི་བར་འགྱུར་རོ་སྙམ་ནས་དེས་སྨྲས་པ། འཚལ་ལོ། །དགེ་སློང་རྣམས་ཀྱིས་སྨྲས་པ། ཤེས་པ་ཅན་དགེ་སློང་རྣམས་ཟན་ཟ་བའི་མིག་ལམ་དུ་འདུག་ཅིག་དང ། དགེ་སློང་རྣམས་ཁྱོད་ལ་ལྷུང་བཟེད་ཀྱི་ལྷག་མ་སྦྱིན་པར་འགྱུར་རོ། །ཤེས་པ་ཅན་དེ་དགེ་སློང་རྣམས་ཟ་ན་ཟ་བའི་མིག་ལམ་དུ་འདུག་པ་དང ། དགེ་སློང་རྣམས་ཀྱིས་དེ་ལ་ལྷུང་བཟེད་ཀྱི་ལྷག་མ་བྱིན་ནས་དེའི་སློང་ཕོར་འཁུར་བས་བྱུར་བུར་བྱས་སོ། །དེ་སློང་ཕོར་འཁུར་བས་བྱུར་བུར་བྱས་པ་ཐོགས་ཏེ་ཕྱིར་བྱུང་བ་དེད་དཔོན་གྱིས་མཐོང་ནས་དེས་སྨྲས་པ། ཤེས་པ་ཅན་ཁྱོད་ལ་འཁུར་བ་སུས་བྱིན། དེས་སྨྲས་པ། ཁྱེད་ཀྱི་ཡོན་གནས་ནི་དགེ་སློང་དེ་དག་ཡིན་ལ་དེ་དག་གི་ཡོན་གནས་ནི་ཁོ་བོ་ཡིན་པས་ཁོ་བོ་ལ་དེ་དག་གིས་ཕུལ་ལོ། །དེད་དཔོན་གྱིས་སྨྲས་པ། ཤེས་པ་ཅན་དགེ་
Ja252a
༄#། །སློང་རྣམས་ཀྱིས་ཁྱོད་ལ་སྙིང་རྗེ་བས་བྱིན་ན་ཁྱོད་དེ་སྐད་ཅེས་དེ་དག་གིས་ཡོན་གནས་ཁོ་བོ་ཡིན་ཞེས་ཟེར་རམ། གལ་ཏེ་བཅོམ་ལྡན་འདས་ཀྱིས་གསན་པར་གྱུར་ན། བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་དོ། །དེས་སྨྲས་པ། དེད་དཔོན་མད་ཀྱང་བཞད་གད་བགྱིས་སོ། །ལམ་དེ་ནས་དོན་མཐུན་ཚུར་འོང་བ་དག་ཅིག་ལྷགས་ནས་དོན་མཐུན་དེ་དང་ལྷན་ཅིག་ཤེས་པ་ཅན་ཞིག་འོངས་པ་དེས་དེ་མཐོང་ནས་སྨྲས་པ། ཤེས་པ་ཅན་ཉོད་པ་ཉོད་དམ་དེས་སྨྲས་པ། ཉོད་དོ། །གང་ནས། དེས་སྨྲས་པ། ཁྱིམ་བདག་སྒྲེ་བྱི་འདི་དག་ཁོ་བོ་ལ་མཁོ་བོ་སྟོབས་པར་བྱེད་དོ། །དེས་སྨྲས་པ། ཤེས་པ་ཅན་ཁྱོད་ནི་བྱིས་པ་མི་ཤེས་པ་ཡིན་ཏེ། འདི་དག་ཁྱོད་ཀྱི་ཁྱིམ་བདག་སྒྲེ་བྱི་དག་ཡིན་ནམ། འདི་དག་ལས་ནི་ལྔ་བརྒྱ་པའི་ཚོགས་དག་ཡོངས་སུ་མྱ་ངན་ལས་འདའ་བར་སྣང་གི་ཁྱོད་ཀྱིས་ཤེས་པ་ཅན་ནི་གཅིག་འགའ་ཡང་ཡོངས་སུ་མྱ་ངན་ལས་འདའ་བར་མཐོང་ངམ་ཞེས་དེས་ཚིགས་སུ་བཅད་པ་དག་སྨྲས་པ། ངན་པ་ཅི་ཕྱིར་ས་ལ་འབྱིང་མི་བྱེད། །ཅི་ཕྱིར་ལྕེ་ཡང་ཚལ་བ་བརྒྱར་མི་འགས། ། ཁྱོད་ཀྱི་ལུས་ལ་ཅི་ཕྱིར་གསར་བ་དག་།རྡོ་རྗེའི་སེར་བ་མདུང་ཐུང་མདའ་མི་འཕེན། །ཇི་ལྟར་སེང་གེའི་ལྷག་མ་ཟ་བའི་ཝ། །སེང་གེ་ཉིད་ལ་གསོད་པ་འདོད་པ་ལྟར། །དེ་བཞིན་ཁྱོད་ཀྱང་སྟོབས་
Ja252b
བཅུའི་ཁྱོས་ཟ་ཞིང ། །སྟོབས་བཅུ་ཉིད་ལ་སྨོད་བྱེད་མ་འཕགས་པ། །གང་དུ་གང་ལ་ཉེ་བར་བརྟེན་བྱས་ནས། །མི་ངན་འདི་འདྲས་འཚོ་བ་འཐོབ་པ་ལས། །དེ་ནི་ངེས་པར་མཛའ་བཤེས་དགྲ་རྣམས་ལ། །མཉམ་མཛད་བློ་ལྡན་ཐམས་ཅད་མཁྱེན་པ་ཡིན། །མི་རྣམས་གང་དག་བྱས་པ་མི་ཤེས་པ། །དེ་དག་ཁྱི་བས་ཤིན་ཏུ་ངན་པར་བསམ། །ཁྱི་ཡང་མི་ལ་བྱས་པ་ཤེས་སྣང་ན། །སྦྲུལ་འདྲའི་མི་དག་དུག་ནི་གཏོང་བར་བྱེད། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་ནི་མི་མཛད་དོ། །དེ་ནས་བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུ་ཞིང་གཤེགས་པ་ན། མཉན་ཡོད་དུ་བྱོན་ཏོ། །མཉན་ཡོད་ན་སྐྱེད་མོས་ཚལ་ཞིག་ན་ཡུགས་ས་མོ་ལྔ་བརྒྱ་ཙམ་དོག་པ་འཁལ་ཞིང་འཁོད་པ་དེ་དག་གིས་སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་གཟུགས་ཅན་བརྒྱན་ཅིང་གསལ་བ། གཟུགས་ཅན་ལྟ་བུ་ཆོས་དང་ལྡན་པ། བསྲེག་བྱས་བཏབ་བའི་མེ་ལྟ་བུ། གསེར་གྱི་སྣོད་ན་འདུག་པའི་མར་མེ་ལྟ་བུ། གསེར་གྱི་རི་བོ་འགྲོ་བ་ལྟ་བུ། རིན་པོ་ཆེ་སྣ་ཚོགས་ཀྱིས་སྤྲས་པའི་གསེར་གྱི་མཆོད་སྡོང་ལྟ་བུ་གྲགས་པ་དང་གསལ་བ་དང ། མི་བསྙེངས་པ་དང ། དྲི་མ་མེད་པ་དང ། རྣམ་པར་དག་པའི་བློ་དང་ལྡན་པ་མཐོང་ངོ ། །མཐོང་ནས་ཀྱང་འདི་ལྟ་སྟེ་དགེ་བའི་རྩ་བ་བསགས་པའི་རྒྱུ་ལས་བྱུང་བའི་སེམས་ཅན་གྱིས་དང་པོར་སངས་
Ja253a
༄#། །རྒྱས་མཐོང་བ་ན་སེམས་ཉམས་བདེ་བ་སྐྱེད་པར་བྱེད་པ་དེ་ལྟར་ནི་ལོ་བཅུ་གཉིས་སུ་ཞི་གནས་ཀྱི་སེམས་གོམས་པར་བྱས་པ་དང ། དབུལ་པོས་གཏེར་མཐོང་བ་དང ། བུ་མེད་པས་བུ་ཐོབ་པ་དང ། རྒྱལ་སྲིད་ལ་མངོན་པར་དགའ་བ་རྒྱལ་སྲིད་ལ་དབང་བསྐུར་བ་ཡང་སེམས་ཉམས་བདེ་བ་སྐྱེད་པར་མི་བྱེད་པས། དེ་དག་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ཀྱིས་དེ་དག་གི་བསམ་པ་དང ། བག་ལ་ཉལ་དང་ཁམས་དང་རང་བཞིན་ཐུགས་སུ་ཆུད་ནས་ཅི་ནས་ཀྱང་དེ་དག་གི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པ་མཛད་དོ། །དེ་དག་གིས་བདེན་པ་དག་མཐོང་ནས་གསོལ་བ། བཙུན་པ་བཅོམ་ལྡན་འདས་ཀྱིས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང་རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་
Ja253b
པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྔོ་དག་ནི་ཕྱེ། སེམས་ཅན་དམྱལ་བ་དང ། དུད་འགྲོ་དང་ཡི་དྭགས་དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་།འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ཅག་ནི་མངོན་པར་ཞུགས་པ་ལགས་སོ། །བཙུན་པ་བདག་ཅག་ནི་མངོན་པར་ཞུགས་པ་ལགས་ཏེ། བཙུན་པ་བདག་ཅག་བཅོམ་ལྡན་འདས་དང་ཆོས་དང་དགེ་འདུན་ལ་སྐྱབས་སུ་མཆི། བདག་ཅག་དགེ་བསྙེན་མར་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་སྐྱབས་སུ་མཆིའོ། །དེ་དག་གིས་བསམས་པ།་གལ་ཏེ་བཅོམ་ལྡན་འདས་མཉན་ཡོད་དུ་གཤེགས་པར་གྱུར་ན། དེར་བདག་ཅག་གིས་སྐབས་ཀྱང་མི་རྙེད་ཀྱི། བདག་ཅག་གིས་འདི་ཉིད་དུ་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་གདུགས་ཚོད་ལ་སྤྱན་དྲང་ངོ་སྙམ་ནས། དེ་ནས་རིགས་ཀྱི་བུ་མོ་དེ་དག་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སང་དགེ་སློང་གི་དགེ་འདུན་དང་ཐབས་ཅིག་ཏུ་བདག་ཅག་གི་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་རིགས་ཀྱི་
Ja254a
༄#། །བུ་མོ་དག་ལ་ཅང་མི་གསུང་བས་གནང་ངོ ། །དེ་ནས་རིགས་ཀྱི་བུ་མོ་དེ་དག་གིས། བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ནས། ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་རིགས་ཀྱི་བུ་མོ་དེ་དག་གིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་བདག་ཅག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་སང་གདུགས་ཚོད་ལ་སྤྱན་དྲངས་ན་བཙུན་པ་ཀུན་དགའ་བོ་ཀར་ཤ་པ་ན་ཇི་ཙམ་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་གྱི་གདུགས་ཚོད་འཚལ་བར་འགྱུར། ཚེ་དང་ལྡན་པ་ཀུན་དགའ་བོས་སྨྲས་པ། ཀར་ཤ་པ་ན་ལྔ་བརྒྱས་སོ། །དེ་དག་གིས་ཀར་ཤ་པ་ན་རེ་རེ་བསྡུས་ཏེ་སྨྲས་པ། བཙུན་པ་ཀུན་དགའ་བོ་བདག་ཅག་ལ་སྣོད་སྤྱད་དང ། མི་བླས་དང ། གནས་མལ་གྱི་འབྱོར་པ་མ་མཆིས་ན་ཁྱོད་ཀྱིས་ཞལ་ཟས་སྟ་གོན་མཛོད་ཅིག་དང ། བདག་ཅག་མཆིས་ཏེ་བྲིམ་པར་བགྱིའོ། །ཀར་ཤ་པ་ན་དག་ཞོག་ཅིག་།དེ་དག་གིས་ཀར་ཤ་པ་ན་དག་མཐའ་གཅིག་ཏུ་བཞག་སྟེ་དོང་ངོ་།། །།འདུལ་བ་རྣམ་པར་
Ja254b
འབྱེད་པ། བམ་པོ་ང་ལྔ་པ། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ཅེས་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་ཏུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་གདུགས་ཚོད་གསོལ་བར་ཅི་གནང ། ཁྱིམ་བདག་ང་དེའི་དང་པོར་ཁྱིམ་བདག་མོ་ལྔ་བརྒྱས་སྤྱན་དྲངས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་
Ja255a
༄#། །འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་སྟེ་ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་ནས་ཕྱིན་པ་དང ། ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།དེས་ཀར་ཤ་པ་ན་དེ་དག་མཐོང་ནས་སྨྲས་པ། བཙུན་པ་ཀུན་དགའ་བོ་ཀར་ཤ་པ་ན་འདི་དག་སུའི་ལགས། ཚེ་དང་ལྡན་པ་ཀུན་དགའ་བོས་སྨྲས་པ། ཁྱིམ་བདག་མོ་ལྔ་བརྒྱ་ཙམ་གྱིས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེ་དག་གིས་ཀར་ཤ་པ་ན་འདི་དག་བཞག་གི། ཁྱོད་ཀྱིས་འདི་དག་དང་བདག་ཉིད་ཀྱི་ཀར་ཤ་པ་ན་གཞན་དག་བསྲེས་ཏེ་ཞལ་ཟས་བསོད་པ་སྟ་གོན་གྱིས་ལ་འདིར་སྐུར་ཅིག་།དེས་ཀར་ཤ་པ་ན་དེ་དག་ཁྱེར་ཏེ་སོང་ནས་དེས་ཀར་ཤ་པ་ན་དེ་དག་དང་བདག་ཉིད་ཀྱི་ཀར་ཤ་པ་ན་གཞན་དག་བསྲེས་ཏེ་ཞལ་ཟས་བསོད་པ་སྟ་གོན་བྱས་ནས་རྒྱལ་བྱེད་ཀྱི་ཚལ་དུ་བསྐུར་རོ། །ཚེ་དང་ལྡན་པ་ཀུན་དགའ་བོས་དེ་དག་ལ་ཞལ་ཟས་སྟ་གོན་བྱས་ཀྱི། ཚུར་ཤེག་ལ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བྲིམས་ཤིག་ཅེས་སྤྲིང་པ་དང ། དེ་དག་ལྷགས་ཏེ་སྨྲས་པ། བཙུན་པ་ཀུན་དགའ་བོ་ཁྱོད་བདག་ཅག་གི་དགེ་
Ja255b
བའི་བཤེས་གཉེན་ལགས་ཀྱི། ཚུར་སྤྱོན་ལ་ཁྱོད་ཀྱིས་ཀྱང་བྲིམ་དུ་གསོལ། ཚེ་དང་ལྡན་པ་ཀུན་དགའ་བོས་བྲིམ་པར་བརྩམས་པ་དང ། དེར་གཅེར་བུ་མ་གཉིས་ཤིག་འོངས་ཏེ་དེ་གཉིས་ཀྱིས་ཁྱིམ་བདག་མོ་དེ་དག་ལ་ཟས་བསླངས་པ་ན་དེ་དག་གིས་སྨྲས་པ། ཟས་འདི་ནི་རྒྱལ་བུ་འདིའི་ཡིན་ནོ། །གཅེར་བུ་མ་དེ་གཉིས་ཀྱིས་ཚེ་དང་ལྡན་པ་ཀུན་དགའ་བོ་ལ་རྒྱལ་བུ་བདག་ཅག་གཉིས་ནི་སྡུག་བསྔལ་བ་ལགས་ཀྱིས་བདག་ཅག་གཉིས་ལ་ཟས་སྩོལ་ཅིག་ཅེས་ཟས་བསླངས་པ་དང ། ཚེ་དང་ལྡན་པ་ཀུན་དགའ་བོས་སྨྲས་པ། འདུག་ཅིག་དང་སྦྱིན་ནོ། །དེ་གཉིས་འདུག་གོ་།དེ་ན་གཅིག་རྒན་མོ་ཞིག་ཡིན། ཅིག་ཤོས་ནི་གཞོན་ནུ་མ་ཞིག་ཡིན་ནོ། །ཚེ་དང་ལྡན་པ་ཀུན་དགའ་བོས་མ་བསམས་པར་བྲིམས་པ་དང ། རྒན་མོ་དེ་ལ་ནི་འཁུར་བ་གཅིག་བྱིན། གཞོན་ནུ་མ་དེ་ལ་ནི་འཁུར་བ་གཉིས་སྦྱིན་ནོ། །རྒན་མོ་དེས་འཁུར་བ་གཅིག་པོ་དེ་ཟོས་ནས་གཞོན་ནུ་མ་ལ་སྨྲས་པ། ཁྱོད་ཀྱིས་འཁུར་བ་དུ་ཐོབ། སྨྲས་པ། གཉིས་ཐོབ་བོ། །རྒན་མོས་སྨྲས་པ། རྒྱལ་བུ་དེས་ཁོ་མོ་ལ་ནི་འཁུར་བ་གཅིག་བྱིན་ལ། ཁྱོད་ལ་གཉིས་བྱིན་པ་ལས་ན་རྒྱལ་བུ་དེས་ཁྱོད་དོན་དུ་གཉེར་གྱི། སྟ་གོན་གྱིས་ཤིག་།གཞོན་ནུ་མས་སྨྲས་པ། དེས་བཙུན་མོའི་འཁོར་རྒྱས་པ་སྤངས་ཏེ་རབ་ཏུ་བྱུང་བས་དྲི་མའི་རྫབ་ཅན་ཁོ་མོ་ལྟ་བུ་དོན་དུ་གཉེར་བར་ག་ལ་འགྱུར། རྒན་མོས་སྨྲས་པ། སྐྱེས་པ་དག་ནི་བུད་མེད་སྣ་ཚོགས་དག་ལ་བུད་མེད་ཀྱི་འདུན་པ་ཡོད་པས་རྒྱལ་བུ་འདིས་ཁྱོད་
Ja256a
༄#། །དོན་དུ་གཉེར་གྱི། སྟ་གོན་གྱིས་ཤིག་།དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་གཅེར་བུ་པ་དང་གཅེར་བུ་མ་དང་ཀུན་ཏུ་རྒྱུ་དང་ཀུན་ཏུ་རྒྱུ་མོ་ལ་རང་གི་ལག་ནས་བཅའ་བ་དང་བཟའ་བ་སྦྱིན་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཁྱོད་གཅེར་བུ་པ་དང་གཅེར་བུ་མ་ཀུན་ཏུ་རྒྱུ་དང་ཀུན་ཏུ་རྒྱུ་མོ་ལ་རང་གི་ལག་ནས་བཅའ་བ་དང་བཟའ་བ་སྦྱིན་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང་མི་སྦྱོར་བ་དང་མ་བརྟགས་པར་སྤྱོད་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་བརྩོན་པ་དང་སྦྱོར་བ་དང་བརྟགས་ཏེ་སྤྱོད་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་
Ja256b
འདི་ལྟར་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་གཅེར་བུ་པའམ་གཅེར་བུ་མ་ཀུན་ཏུ་རྒྱུའམ་ཀུན་ཏུ་རྒྱུ་མོ་ལ་རང་གི་ལག་ནས་བཅའ་བ་དང་བཟའ་བ་སྦྱིན་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །གཅེར་བུ་པའམ་གཅེར་བུ་མ་ཀུན་ཏུ་རྒྱུའམ་ཀུན་ཏུ་རྒྱུ་མོ་ལ་རང་གི་ལག་ནས་ཞེས་བྱ་བ་ནི་ལག་པས་ལག་པར་རོ། །བཅའ་བ་དང་བཟའ་བ་ཞེས་བྱ་བ་ནི་བཅའ་བ་ལྔ་དང་བཟའ་བ་ལྔའོ། །སྦྱིན་ན་ཞེས་བྱ་བ་ནི་བསབ་མི་དགོས་པར་རོ། ། ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་གཅེར་བུ་པའམ་གཅེར་བུ་མ་ཀུན་ཏུ་རྒྱུའམ་ཀུན་ཏུ་རྒྱུ་མོ་ལ་རང་གི་ལག་ནས་བཅའ་བ་དང་བཟའ་བ་སྦྱིན་ན་ཐམས་ཅད་དུ་ལྟུང་བྱེད་དུ་འགྱུར་རོ། །ཉེ་དུ་དང་ནད་པ་དང་སྡིག་པ་ཅན་གྱི་ལྟ་བའི་རྣམ་པ་ལས་དབྲལ་འདོད་པ་ཡིན་ན་ལྟུང་བ་མེད་དོ། །དུམ་བུར་བྱས་ཏེ་སྦྱིན་པ་དང ། གཞན་སྦྱིན་དུ་འཇུག་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང །
Ja257a
༄#། །ཚོར་བ་དག་གིས་ཉེན་པ་ལ་ལྟུང་བ་མེད་དོ། །གཅེར་བུ་ལ་སྦྱིན་པའི་ལྟུང་བྱེད་དེ་བཞི་བཅུ་བཞི་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲགས་པ་ཞིག་ལོག་ནས་དེར་རུ་བ་གཅིག་བཏང་བ་དང ། དེ་བཅོམ་ཞིང་རབ་ཏུ་བཅོམ་སྟེ་ཕྱིར་འོངས་སོ། །རུ་བ་གཉིས་པ་དང་གསུམ་པ་བཏང་བ་དང་དེ་ཡང་བཅོམ་ཞིང་རབ་ཏུ་བཅོམ་སྟེ་ཕྱིར་འོངས་ནས་བློན་པོ་རྣམས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་སྨྲས་པ། ལྷ་རི་བྲགས་པའི་དཔུང་ནི་སྐྱེས། ལྷའི་དཔུང་ནི་ཉམས་པས་གལ་ཏེ་ལྷ་ཉིད་དེར་རང་མ་གཤེགས་ན་རི་བྲགས་པ་ཕེབས་དཀའ་བར་འགྱུར་ན་ལྷས་རང་ཉིད་དེར་གཤེགས་པར་མཛད་དུ་གསོལ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ངའི་ཡུལ་ན་མཚོན་གྱིས་འཚོ་བ་གང་དག་འཁོད་པ་དེ་དག་ཐམས་ཅད་འདོང་བར་བྱའོ། །གང་མི་འགྲོ་བ་དེས་ཆད་པར་ཀར་ཤ་པ་ན་ལྔ་བརྒྱ་དབུལ་བར་བྱའོ་ཞེས་དྲིལ་བསྒྲགས་པ་བྱེད་དུ་བཅུག་སྟེ། རྒྱལ་པོ་དཔུང་གི་ཚོགས་ཡན་ལག་བཞི་པ་དག་འཕགས་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་གསུས་པོ་ཆེའི་དཔུང་གི་ཚོགས་ཡན་ལག་བཞི་པ་ཅི་འདྲ་བ་ལྟས་འདོང་ངོ་ཞེས་དེ་དག་ལམ་ཀར་འདོང་སྟེ་འཁོད་པ་དང ། ཇི་ཙམ་ན་གླང་པོ་ཆེའི་ཚོགས་འོངས་ནས་དྲུག་སྡེ་དག་གིས་དེ་དག་
Ja257b
ལ་སྨྲས་པ། ཤེས་ལྡན་དག་གར་འདོང ། འཕགས་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲགས་པ་ཞིག་ལོག་པ་དེ་འབེབས་སུ་མཆིའོ། །བཀྲེན་པ་དག་གླང་པོ་ཆེ་འདི་ལྟ་བུ་དག་གིས་རི་བྲགས་པ་ཕེབས་པར་འགྱུར་རམ། ཁྱེད་ཀྱི་གླང་པོ་ཆེ་འདི་དག་ནི་ཕག་འདྲ་ལ་རི་བྲགས་པའི་གླང་པོ་ཆེ་དག་ནི་རི་བོ་བརྩེགས་པ་འདྲ་བས་ཁྱེད་ཅག་ཕར་འགྲོ་བ་ཡོད་ཀྱང་ཕྱིར་ལྡོག་པ་མེད་ཀྱི། ཕྱིར་དེང་ལ་ཕ་མ་དག་ལ་ཏིལ་གྱི་ཆུ་བྱིན་ལ་གཟོད་དེང་ཞིག་།དེ་དག་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་དོ། །དེ་ནས་རྟ་པའི་ཚོགས་འོངས་ནས་དྲུག་སྡེ་དག་གིས་དེ་དག་ལ་སྨྲས་པ། ཤེས་ལྡན་དག་གར་འདོང ། འཕགས་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲགས་པ་ཞིག་ལོག་པ་དེ་འབེབས་སུ་མཆིའོ། །བཀྲེན་པ་དག་རྟ་འདི་ལྟ་བུ་དག་གིས་རི་བྲགས་པ་ཕེབས་པར་འགྱུར་རམ། ཁྱེད་ཀྱི་རྟ་འདི་དག་ནི་བོང་བུ་འདྲ་ལ་རི་བྲགས་པའི་རྟ་ནི་གླང་པོ་ཆེའི་ཕྲུ་གུ་འདྲ་བས་ཁྱེད་ཅག་ཕར་འགྲོ་བ་ཡོད་ཀྱང་ཕྱིར་ལྡོག་པ་མེད་ཀྱི། ཕྱིར་དེང་ལ་ཕ་མ་དག་ལ་ཏིལ་གྱི་ཆུ་བྱིན་ལ་གཟོད་དེང་ཞིག་།དེ་དག་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་དོ། །དེ་ནས་ཤིང་རྟ་པའི་ཚོགས་འོངས་ནས་དྲུག་སྡེ་དག་གིས་དེ་དག་ལ་སྨྲས་པ། ཤེས་ལྡན་དག་གར་འདོང ། འཕགས་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲགས་པ་ཞིག་ལོག་པ་དེ་འབེབས་སུ་མཆིའོ། །བཀྲེན་
Ja258a
༄#། །པ་དག་ཤིང་རྟ་འདི་ལྟ་བུ་དག་གིས་རི་བྲགས་པ་ཕེབས་པར་འགྱུར་རམ། ཁྱེད་ཀྱི་ཤིང་རྟ་འདི་དག་ནི་ཤིང་རྟ་ཞིག་པ་འདྲ་ལ་རི་བྲགས་པའི་ཤིང་རྟ་དག་ནི་གཞལ་མེད་ཁང་འདྲ་བས་ཁྱེད་ཅག་ཕར་འགྲོ་བ་ཡོད་ཀྱང་ཕྱིར་ལོག་པ་མེད་ཀྱི། ཕྱིར་དེང་ལ་ཕ་མ་དག་ལ་ཏིལ་གྱི་ཆུ་བྱིན་ལ་གཟོད་དེང་ཞིག་།དེ་དག་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་དོ། །དེ་ནས་དཔུང་བུ་ཆུང་གི་ཚོགས་འོངས་ནས་དྲུག་སྡེ་དག་གིས་དེ་དག་ལ་སྨྲས་པ། ཤེས་ལྡན་དག་གར་འདོང ། འཕགས་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་རི་བྲགས་པ་ཞིག་ལོག་པ་དེ་འབེབས་སུ་མཆིའོ། །བཀྲེན་པ་དག་མི་འདི་ལྟ་བུ་དག་གིས་རི་བྲགས་པ་ཕེབས་པར་འགྱུར་རམ། ཁྱོད་ཀྱི་མི་འདི་དག་ནི་རྩཝ་མི་འདྲ་ལ་རི་བྲགས་པའི་མི་དག་ནི་གནོད་སྦྱིན་གདུག་པ་འདྲ་བས་ཁྱེད་ཅག་ཕར་འགྲོ་བ་ཡོད་ཀྱང་ཕྱིར་ལྡོག་པ་མེད་ཀྱི། ཕྱིར་དེང་ལ་ཕ་མ་དག་ལ་ཏིལ་གྱི་ཆུ་བྱིན་ལ་གཟོད་དེང་ཞིག་།དེ་དག་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་དོ། །ཇི་ཙམ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་འོངས་ནས་དེས་སྨྲས་པ། ཁྱེད་ཅག་ཅིའི་ཕྱིར་མི་འདོང་བར་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད། དེ་དག་གིས་སྨྲས་པ། ལྷ་བདག་ཅག་རྒྱལ་བར་ག་ལ་འགྱུར། འདི་ལྟར་དགེ་སྦྱོང་མགོ་རེག་རས་ཡུག་ཆེན་གླེགས་པ་འཚལ་བ་འདི་དག་མི་མཆི་དགུ་མཆིའོ། །གང་དག་།འཕགས་
Ja258b
པ་དྲུག་སྡེ་དག་གོ། ཤེས་ལྡན་དག་དེ་དག་ནི་དགེ་སྦྱོང་ཧྲལ་པོ་དག་ཡིན་པས་དེ་དག་གིས་སྨྲས་པས་ཁྱེད་ལ་ཅི་གནོད་དེང་ཞིག་།ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བསམས་པ། འདི་དག་ཡང་དང་ཡང་དུ་བདག་ལ་མཐོ་འཚམ་པར་འགྱུར་རོ་སྙམ་དུ་རིག་ནས། མི་ཞིག་ལ་སྨྲས་པ། ཀཝའེ་ནང་རྗེ་ཚུར་ཤོག་།བཅོམ་ལྡན་འདས་ག་ལ་བ་དེར་སོང་སྟེ་ངའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་གནོད་པ་ཉུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མ་མཆིས་སམ་ཞེས་སྙུན་གསོལ་ལ། འདི་སྐད་ཅེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་མཆིད་ནས་བཙུན་པ་འཕགས་པ་འདི་དག་དམག་ཆས་པ་ལ་ལྟར་མཆི་ན། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་དམག་ཆས་པ་ལྟར་འཆི་བར་མི་འགྱུར་བར་དྲན་པར་བགྱི་བ་ཅུང་ཞིག་བཅའ་བ་མཛད་ན་ལེགས་སོ་ཞེས་གསོལ་ཅིག་།མི་དེས་ལྷ་བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་མི་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་བཅོམ་ལྡན་འདས་
Ja259a
༄#། །ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་གནོད་པ་ཉུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མ་མཆིས་སམ་ཞེས་སྙུན་གསོལ་ལོ། །ཀཝའི་ནང་རྗེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང་ཁྱོད་བདེ་བར་གྱུར་ཅིག་།བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་མཆིད་ནས། བཙུན་པ་འཕགས་པ་འདི་དག་དམག་ཆས་པ་ལ་ལྟར་མཆི་ན། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་དམག་ཆས་པ་ལ་ལྟར་མཆི་བ་མི་འགྱུར་བར་དྲན་པར་བགྱི་བ་ཆུང་ཞིག་བཅའ་བ་མཛད་ན་ལེགས་སོ། །ཞེས་མཆིའོ། །བཅོམ་ལྡན་འདས་ཀྱིས་མི་དེ་ལ་ཅང་མི་གསུང་བས་གནང་ངོ ། །དེ་ནས་མི་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་དམག་ཆས་
Ja259b
པ་ལ་ལྟར་འགྲོ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རུང་བ་མ་ཡིན་པ། རྗེས་སུ་མཐུན་པ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱི་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དམག་ཆས་པ་ལ་ལྟར་འགྲོ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ་གཞན་ཡང་དེ་ལྟ་བུ་གང་ཡིན་པའོ། །དམག་ཅེས་བྱ་བ་ལ་དམག་ནི་ཡན་ལག་གཅིག་པ་ཡང་ཡོད། ཡན་ལག་གཉིས་པ་ཡང་ཡོད། ཡན་ལག་གསུམ་པ་ཡང་ཡོད། ཡན་ལག་བཞི་པ་ཡང་ཡོད་དོ། །དམག་ཡན་ལག་གཅིག་པ་གང་ཞེ་ན། གླང་པོ་ཆེའི་ཚོགས་སོ། །དམག་ཡན་ལག་གཉིས་པ་གང་ཞེ་ན། གླང་པོ་ཆེའི་ཚོགས་དང ། རྟ་པའི་ཚོགས་སོ། །དམག་ཡན་ལག་གསུམ་པ་གང་ཞེ་ན། གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་སོ། །དམག་ཡན་ལག་བཞི་པ་གང་ཞེ་ན། གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་སོ། །ཆས་པ་ལ་ཞེས་བྱ་བ་ནི།
Ja260a
༄#། །གཡུལ་འགྱེད་པར་མངོན་པར་དགའ་བ་ལའོ། །ལྟར་འགྲོ་ན་ཞེས་བྱ་བ་ནི་འགྲོ་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་ཇི་ཙམ་ཅུང་ཟད་དམག་ཆས་པ་ལྟར་འགྲོ་ན་ཐམས་ཅད་དུ་ལྟུང་བྱེད་དུ་འགྱུར་རོ།། དགེ་སློང་བསོད་སྙོམས་ལ་ཞུགས་པ་ན་དམག་འགྲོ་བ་དང་གཙུག་ལག་ཁང་ལམ་ཀ་ན་འདུག་པ་དང ། དམག་གཙུག་ལག་ཁང་དུ་འོངས་པ་དང ། རྒྱལ་པོ་དང་བཙུན་མོ་དང་གཞོན་ནུ་དང་ཞང་བློན་དང་ཁྲོམ་གྱི་རུ་སྣ་དང་གྲོང་རྡལ་གྱི་མི་དང་ལྗོངས་ཀྱི་མིས་བཀུག་པ་ལ་ལྟུང་བ་མེད་དོ། །བར་ཆད་བརྒྱད་པོ་དག་ལས་བར་ཆད་གང་ཡང་རུང་བ་ཉེ་བར་གནས་པར་གྱུར་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དམག་ལ་ལྟ་བའི་ལྟུང་བྱེད་དེ་བཞི་བཅུ་ལྔ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲགས་པ་དེ་དེ་ལྟར་ན་ཡང་མ་ཕེབས་ནས་རྒྱལ་པོས་དེ་ཉིད་དུ་ཕྲུ་མ་བཏབ་སྟེ་འདུག་པ་དང །
Ja260b
བློན་པོ་རྣམས་ཀྱིས་སྨྲས་པ། ལྷ་ཁྱིམ་བདག་མགོན་མེད་ཟས་སྦྱིན་ནི་བསོད་ནམས་ཀྱི་རྣམ་པར་སྨིན་པ་ཅན་དབང་ཆེ་བར་གྲགས་པ་ལགས་པས། གལ་ཏེ་དེ་མཆིས་པར་གྱུར་ན་དེའི་མཐུས་རི་བྲགས་པ་འདི་ཕེབས་པར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་བ་གདའོ། །རྒྱལ་པོས་ཁྱིམ་བདག་མགོན་མེད་ཟས་སྦྱིན་ལ་ཁྱིམ་བདག་མཐོང་བར་འདོད་དོ་ཞེས་ཡི་གེ་སྤྲིང་པ་དང ། ཁྱིམ་བདག་མགོན་མེད་ཟས་སྦྱིན་དེར་འོངས་སོ། །དེ་ལྟ་ན་ཡང་རི་བྲགས་པ་དེ་མ་ཕེབས་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཁྱིམ་བདག་མགོན་མེད་ཟས་སྦྱིན་ལ་སྨྲས་པ།་ཁྱིམ་བདག་ཁྱེའུ་དག་མི་དྲན་ནམ། ལྷ་ཁྱེའུ་དག་ནི་མི་དྲན་ཏེ་འདི་ལྟར་འཕགས་པ་དག་མཐོང་བར་འཚལ་ལོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་དགེ་འདུན་ལ་འཕགས་པ་དག་མཐོང་བར་འཚལ་ལོ། །ཞེས་ཡི་གེ་སྤྲིང་པ་དང་དགེ་སྐོས་ཀྱིས་དགེ་འདུན་གྱི་དབུས་སུ་ཡི་གེ་བཀླགས་ཏེ་གང་དེར་འགྲོ་བར་སྤྲོ་བ་དེས་ཚུལ་ཤིང་ལོང་ཞིག་ཅེས་ཚུལ་ཤིང་བྲིམས་པ་དང ། དགེ་སློང་གནས་བརྟན་གནས་བརྟན་དག་གིས་སྨྲས་པ། ཁོ་བོ་ཅག་ནི་རྒན་པོ་སྦྱོར་མི་བཟོད་པ་དག་ཡིན་པས་དེར་འགྲོ་མི་ནུས་སོ། །དགེ་སློང་གསར་བུ་གསར་བུ་དག་གིས་སྨྲས་པ། དེར་ཆོས་བསྟན་པར་བྱ་དགོས་ན་བདག་ཅག་ནི་ཐོས་པ་ཉུང་བ་ཡིན་པས་ཆོས་སྟོན་པར་ནི་མི་ནུས་ན་དེར་ཆུ་བྲིམ་པར་བྱའམ་ཅི། བདག་ཅག་ཀྱང་དེར་འགྲོ་མི་ནུས་སོ། །དྲུག་སྡེ་དག་གིས་སྨྲས་པ། དགའ་
Ja261a
༄#། །བོ་ཉེ་དགའ་ཇི་སྲིད་དུ་བཅོམ་ལྡན་འདས་བཞུགས་ཤིང་བདག་ཅག་གསོན་པ་དེ་སྲིད་དུ་བསྟན་པ་གནས་ལ་བཅོམ་ལྡན་འདས་ཡོངས་སུ་མྱ་ངན་ལས་འདས་ཤིང་བདག་ཅག་དུས་ལ་བབ་ན་བསྟན་པ་ནུབ་པར་བརྗོད་པར་བྱ་སྟེ་ཇི་སྲིད་དུ་བདག་ཅག་གསོན་པ་དེ་སྲིད་དུ་བསྟན་པ་ལ་གཅེས་པ་བསྐྱེད་པར་བྱས་ཚུལ་ཤིང་བླང་ངོ་ཞེས་དེ་དག་གིས་ཚུལ་ཤིང་བླངས་ཏེ་དེར་དོང་ནས། རྒྱལ་པོ་ལ་ཆོས་བསྟན་པས་རྒྱལ་པོ་མངོན་པར་དད་པར་བྱས་སོ། །བཙུན་མོ་དང་གཞོན་ནུ་དག་དང་ཞང་བློན་དང་ཁྲོམ་གྱི་རུ་སྣ་དག་ལ་ཡང་ཆོས་བསྟན་པས་སྐྱེ་བོ་ཕལ་པོ་ཆེའི་ཚོགས་མངོན་པར་དད་པར་བྱས་སོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བློན་པོ་རྣམས་ལ་སྨྲས་པ། རི་བྲགས་པ་བསྐོར་དུ་འདོང་ངོ་ཞེས་དེ་དག་འཕགས་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་བདག་ཅག་གིས་ཡུན་ཇི་སྲིད་དུ་གཞན་གྱི་སྤྱོད་ལམ་གྱིས་གནས་པར་བྱ། རང་གི་སྤྱོད་ལམ་གྱིས་གནས་པར་བྱས། གསུས་པོ་ཆེའི་དམག་ཅི་འདྲ་བ་ལྟར་འདོང་ངོ་ཞེས་དེ་དག་ལམ་གར་དོང་སྟེ་འཁོད་པ་དང ། ཇི་ཙམ་ན་གླང་པོ་ཆེའི་ཚོགས་འོངས་ནས་དེ་དག་གིས་སྨྲས་པ། འཕགས་པ་དག་ཤུལ་ཕྱེ་ཤིག་ཤུལ་ཕྱེ་ཤིག ། ཅི་བྱ། གླང་པོ་ཆེའི་ཚོགས་མཆིའོ། །བཀྲེན་པ་དག་འདི་འདྲ་བ་དག་གླང་པོ་ཆེ་ཡིན་ནམ། ཕག་དག་འདྲའོ་ཞེས་དེ་དག་གིས་དེ་དག་གི་མཆེ་བ་དག་ནས་བཟུང་སྟེ་མཐའ་གཅིག་ཏུ་བོར་རོ། །
Ja261b
ཇི་ཙམ་ན་རྟ་པའི་ཚོགས་འོངས་ནས་དེ་དག་གིས་སྨྲས་པ། འཕགས་པ་དག་ཤུལ་ཕྱེ་ཤིག་ཤུལ་ཕྱེ་ཤིག་།ཅི་བྱ། རྟ་པའི་ཚོགས་མཆིའོ། །བཀྲེན་པ་དག་འདི་འདྲ་པ་དག་རྟ་ཡིན་ནམ། བོང་བུ་དག་འདྲའོ་ཞེས་དེ་དག་གིས་དེ་དག་གི་མཇུག་མ་དག་ནས་བཟུང་སྟེ་མཐའ་གཅིག་ཏུ་བོར་རོ། །ཇི་ཙམ་ན་ཤིང་རྟ་པའི་ཚོགས་འོངས་ནས་དེ་དག་གིས་སྨྲས་པ། འཕགས་པ་དག་ཤུལ་ཕྱེ་ཤིག་ཤུལ་ཕྱེ་ཤིག་།ཅི་བྱ། ཤིང་རྟ་པའི་ཚོགས་མཆིའོ། །བཀྲེན་པ་དག་འདི་འདྲ་བ་དག་ཤིང་རྟ་ཡིན་ནམ། ཤིང་རྟ་ཞིག་པ་དག་འདྲའོ་ཞེས་དེ་དག་གིས་དེ་དག་གི་སྲོག་ཤིང་དག་ནས་བཟུང་སྟེ་མཐའ་གཅིག་ཏུ་བོར་རོ། །ཇི་ཙམ་ན་དཔུང་བུ་ཆུང་གི་ཚོགས་འོངས་ནས་དེ་དག་གིས་སྨྲས་པ། འཕགས་པ་དག་ཤུལ་ཕྱེ་ཤིག་ཤུལ་ཕྱེ་ཤིག་།ཅི་བྱ། དབུང་བུ་ཆུང་གི་ཚོགས་མཆིའོ། །བཀྲེན་པ་དག་འདི་འདྲ་བ་དག་མི་ཡིན་ནམ། རྩཝ་མི་དག་འདྲའོ་ཞེས་དེ་དག་གིས་དེ་དག་གི་གཉའ་བ་དག་ནས་བཟུང་སྟེ་མཐའ་གཅིག་ཏུ་བོར་ནས་དེ་དག་སེམས་ཁོང་དུ་ཆུད་ཅིང་འཁོད་དོ། །ཇི་ཙམ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་འོངས་ནས། དེས་སྨྲས་པ། ཤེས་ལྡན་དག་ཅིའི་ཕྱིར་ཁྱེད་ཅག་མི་འདོང་བར་སེམས་ཁོང་དུ་ཆུད་ཅིང་འཁོད། ལྷ་བདག་ཅག་རྒྱལ་བར་ག་ལ་འགྱུར། འདི་ལྟར་དགེ་སྦྱོང་མགོ་རེག་རས་ཡུག་ཆེན་གླེགས་པ་འཚལ་བ་འདི་དག་མི་མཆི་དགུ་མཆིའོ། །གང་དག་།འཕགས་པ་དྲུག་སྡེ་དག་གོ་།ཤེས་ལྡན་དག་འདི་དག་ནི་དགེ་སྦྱོང་ཧྲལ་པོ་དག་ཡིན་པས་དེ་
Ja262a
༄#། །དག་གིས་སྨྲས་པས་ཁྱེད་ལ་ཅི་གནོད། དེང་ཞིག་།ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བསམས་པ། འདི་དག་བདག་ལ་ཡང་དང་ཡང་དུ་མཐོ་འཚམ་པར་འགྱུར་རོ་སྙམ་དུ་རིག་ནས། མི་ཞིག་ལ་སྨྲས་པ། ཀཝའེ་ནང་རྗེ་ཚུར་ཤོག་།བཅོམ་ལྡན་འདས་ག་ལ་བ་དེར་སོང་ལ་ངའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་གནོད་པ་ཉུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མ་མཆིས་སམ་ཞེས་སྙུན་གསོལ་ལ་འདི་སྐད་ཅེས་བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་མཆིད་ནས། བཙུན་པ་འཕགས་པ་འདི་དག་དམག་ཆས་པ་ལ་ལྟར་མཆིས་ནས་ཤིན་ཏུ་ཡུན་རིང་པོར་དམག་གི་ནང་ན་གནས་ན། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་དམག་ཆས་པ་ལ་ལྟར་མཆིས་ནས་ཤིན་ཏུ་ཡུན་རིང་པོ་དམག་གི་ནང་ན་གནས་པར་མི་འགྱུར་བར་བཅོམ་ལྡན་འདས་ཀྱིས་འཕགས་པ་རྣམས་ལ་དྲན་པར་བགྱི་བ་ཅུང་ཞིག་བཅའ་བ་མཛད་ན་ལེགས་སོ་ཞེས་གསོལ་ཅིག་།མི་དེས་ལྷ་བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་
Ja262b
གོ་།མཐའ་གཅིག་ཏུ་འདུག་ནས་མི་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ཉམ་ང་བ་ཉུང་ངམ། གནོད་པ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མ་མཆིས་སམ། ཞེས་སྙུན་གསོལ་ལ། ཀཝའེ་ནང་རྗེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང་ཁྱོད་བདེ་བར་གྱུར་ཅིག་།བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་མཆིད་ནས། བཙུན་པ་འཕགས་པ་འདི་དག་དམག་ཆས་པ་ལ་ལྟར་མཆིས་ནས། ཤིན་ཏུ་ཡུན་རིང་པོར་དམག་གི་ནང་ན་གནས་ན། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་དམག་ཆས་པ་ལ་ལྟར་མཆིས་ནས། ཤིན་ཏུ་ཡུན་རིང་པོར་དམག་གི་ནང་ན་གནས་པར་མི་འགྱུར་བར་བཅོམ་ལྡན་འདས་ཀྱིས་འཕགས་པ་རྣམས་ལ་དྲན་པར་བགྱི་བ་ཅུང་ཞིག་བཅའ་བ་མཛད་ན་ལེགས་སོ་ཞེས་མཆིའོ། །བཅོམ་ལྡན་འདས་ཀྱིས་མི་དེ་ལ་ཅང་མི་གསུང་བས་གནང་ངོ ། །དེ་ནས་མི་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་དུ་རྨེད་པར་མཛད་
Ja263a
༄#། །པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་དམག་ཆས་པ་ལ་ལྟར་སོང་ནས་ཤིན་ཏུ་ཡུན་རིང་པོར་དམག་གི་ནང་ན་གནས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱི་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་དམག་ཆས་པ་ལ་ལྟར་འགྲོ་བ་དེ་ལྟ་བུའི་རྐྱེན་ཞིག་བྱུང་ན། དགེ་སློང་དེས་དམག་དེའི་ནང་དུ་ཞག་གཉིས་ཚུན་ཆད་གནས་པར་བྱའོ། །དེ་ལས་ལྷག་པར་གནས་ན་ལྟུང་བྱེད་དོ། །དགེ་སློང་ཞེས་བྱ་བ་ནི་དྲུག་སྡེའམ་གཞན་ཡང་དེ་ལྟ་བུ་གང་ཡིན་པའོ། །དམག་ཅེས་བྱ་བ་ལ་དམག་ནི་ཡན་ལག་གཅིག་པ་ཡང་ཡོད། ཡན་ལག་གཉིས་པ་ཡང་ཡོད། ཡན་ལག་གསུམ་པ་ཡང་ཡོད། ཡན་ལག་བཞི་པ་ཡང་ཡོད་དོ། །དམག་ཡན་ལག་གཅིག་པ་གང་ཞེ་ན། གླང་པོ་ཆེ་ཡི་ཚོགས་སོ། །དམག་ཡན་ལག་གཉིས་པ་
Ja263b
གང་ཞེ་ན། གླང་པོ་ཆེ་པའི་ཚོགས་དང ། རྟ་པའི་ཚོགས་སོ། །དམག་ཡན་ལག་གསུམ་པ་གང་ཞེ་ན། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་སོ། །དམག་ཡན་ལག་བཞི་པ་གང་ཞེ་ན། གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་སོ། །ཆས་པ་ལ་ཞེས་བྱ་བ་ནི་གཡུལ་འགྱེད་པར་མངོན་པར་དགའ་བ་ལ་ལའོ། །ལྟར་འགྲོ་བ་ཞེས་བྱ་བ་ནི་རྒྱུ་གང་གིས་སོ། །དེ་ལྟ་བུའི་རྐྱེན་ཞིག་བྱུང་ན་ཞེས་བྱ་བ་ནི་རྒྱལ་པོ་དང ། བཅུན་མོ་དང་གཞོན་ནུ་དང་ཞང་བློན་དང་ཁྲོམ་གྱི་རུ་སྣ་དང ། གྲོང་རྡལ་གྱི་མི་དང་ལྗོངས་ཀྱི་མིས་བཀུག་ནའོ། །དགེ་སློང་དེས་ཞེས་བྱ་བ་ནི་དགེ་སློང་གང་ཡིན་པ་དེས་སོ། །དམག་དེའི་ནང་དུ་ཞེས་བྱ་བ་ནི་དམག་ཆས་པ་དེའི་ནང་དུའོ། །ཞག་གཉིས་ཚུན་ཆད་གནས་པར་བྱའོ། །ཞེས་བྱ་བ་ནི་ཞག་གཉིས་ཀྱི་མཐའ་ཚུན་ཆད་གནས་པར་བྱ་བའོ། །དེ་ལས་ལྷག་པར་གནས་པ་ཞེས་བྱ་བ་ནི་དེ་ལས་འདས་པར་གནས་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་འཚོད་པར་བྱེད། སྲེག་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ན་ཅུང་ཟད་ཞག་གཉིས་ལས་ལྷག་པར་དམག་
Ja264a
༄#། །གི་ནང་ན་གནས་ན་ཐམས་ཅད་དུ་ལྟུང་བྱེད་དུ་འགྱུར་རོ། །རྒྱལ་པོ་དང་བཙུན་མོ་དང་གཞོན་ནུ་དང་ཞང་བློན་དང་ཁྲོམ་གྱི་རུ་སྣ་དང ། གྲོང་རྡལ་གྱི་མི་དང་ལྗོངས་ཀྱི་མི་ན་རེ། འདུག་ཅིག་ཅེས་ཟེར་བ་ལ་ལྟུང་བ་མེད་དོ། །བར་ཆད་བརྒྱད་པོ་དག་ལས་བར་ཆད་གང་ཡང་རུང་བ་ཉེ་བར་གནས་པར་གྱུར་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དམག་གི་ནང་ན་གནས་པའི་ལྟུང་བྱེད་དེ་བཞི་བཅུ་དྲུག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲགས་པ་དེ་དེ་ལྟ་ན་ཡང་མ་ཕེབས་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཁྱིམ་བདག་མགོན་མེད་ཟས་སྦྱིན་ལ་སྨྲས་པ། ཁྱིམ་བདག་ཁྱེའུ་དག་མི་དྲན་ནམ། ལྷ་ཁྱེའུ་དག་ནི་མི་དྲན་ཏེ་འདི་ལྟར་འཕགས་པ་དག་མཐོང་བར་འཚལ་ལོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་དགེ་སློང་གི་དགེ་འདུན་ལ་འཕགས་པ་དག་མཐོང་བར་འཚལ་ལོ་ཞེས་ཡི་གེ་སྤྲིང་པ་དང ། དགེ་སྐོས་ཀྱིས་དགེ་འདུན་གྱི་དབུས་སུ་ཡི་གེ་བཀླགས་ཏེ་གང་དེར་འགྲོ་བར་སྤྲོ་བ་དེས་ཚུལ་ཤིང་ལོང་ཞིག་ཅེས་ཚུལ་ཤིང་བྲིམས་པ་དང ། དགེ་སློང་གནས་བརྟན་གནས་བརྟན་དག་གིས་སྨྲས་པ། ཁོ་བོ་ཅག་ནི་རྒན་པོ་སྦྱོར་མི་བཟོད་པ་དག་ཡིན་པས་དེར་འགྲོ་བར་མི་ནུས་སོ། །དགེ་སློང་གསར་བུ་གསར་
Ja264b
བུ་དག་གིས་སྨྲས་པ། དེར་ཆོས་བསྟན་པར་བྱ་དགོས་ན་བདག་ཅག་ནི་ཐོས་པ་ཉུང་བ་ཡིན་པས་ཆོས་སྟོན་པར་མི་ནུས་ན་དེར་ཆུ་བྲིམས་པར་བྱའམ། ཅི་བདག་ཅག་ཀྱང་དེར་འགྲོ་མི་ནུས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ་ཇི་སྲིད་དུ་བཅོམ་ལྡན་འདས་བཞུགས་ཤིང་བདག་ཅག་གསོན་པ་དེ་སྲིད་དུ་བསྟན་པ་གནས་ལ། བཅོམ་ལྡན་འདས་ཡོངས་སུ་མྱ་ངན་ལས་འདས་ཤིང་བདག་ཅག་དུས་ལ་བབ་ན་བསྟན་པ་ནུབ་པར་བརྗོད་པར་བྱ་སྟེ། ཇི་སྲིད་དུ་བདག་ཅག་གསོན་པ་དེ་སྲིད་དུ་བསྟན་པ་ལ་གཅེས་པ་བསྐྱེད་པར་བྱའི་ཚུལ་ཤིང་བླང་ངོ་ཞེས་དེ་དག་གིས་ཚུལ་ཤིང་བླངས་ཏེ་དེར་དོང་ནས་རྒྱལ་པོ་ལ་ཆོས་བསྟན་པས་རྒྱལ་པོ་མངོན་པར་དད་པར་བྱས་སོ། །བཙུན་མོ་དང་གཞོན་ནུ་དག་དང ། ཞང་ལོན་དང་ཁྲོམ་གྱི་རུ་སྣ་དག་ལ་ཡང་ཆོས་བསྟན་པས་སྐྱེ་བོ་ཕལ་པོ་ཆེའི་ཚོགས་མངོན་པར་དད་པར་བྱས་སོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བློན་པོ་རྣམས་ལ་སྨྲས་པ། དེང་ལ་གཡུལ་ཤོམས་ཤིག་དང་རི་བྲགས་པ་བསྐོར་བར་བྱའོ། །དེ་དག་གིས་གཡུལ་བཤམ་པར་བརྩམས་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་བདག་ཅག་གིས་ཡུན་ཇི་སྲིད་དུ་གཞན་གྱི་སྤྱོད་ལམ་གྱིས་གནས་པར་བྱ། རང་གི་སྤྱོད་ལམ་གྱིས་གནས་པར་བྱས། གསུས་པོ་ཆེའི་རྒྱལ་མཚན་གྱི་མཆོག་དང་དཔུང་གི་མཆོག་དང ། གཡུལ་བཀོད་ཅིང་བཤམས་པའི་དམག་ལ་ལྟ་བ་ཉམས་སུ་མྱོང་བར་བྱས་འདོང་ངོ་ཞེས་དེ་དག་གླང་པོ་ཆེའི་ཚོགས་ཀྱི་
Ja265a
༄#། །གན་དུ་དོང་སྟེ་དྲིས་པ། ཤེས་ལྡན་དག་ཅི་བྱེད། དེ་དག་གིས་སྨྲས་པ། འཕགས་པ་དག་བཀོད་པ་ཤོམ་མོ། །དྲུག་སྡེ་དག་གིས་སྨྲས་པ། བཀྲེན་པ་དག་གླང་པོ་ཆེ་བཅོས་མ་འདི་ལྟ་བུ་དག་ཕྱོགས་འདིར་འཇོག་གམ། འདི་སོལ་ཅིག་ཅེས་དེ་དག་གིས་དེ་དག་གི་མཆེ་བ་དག་ནས་བཟུང་སྟེ་མཐའ་གཅིག་ཏུ་བོར་རོ། །དེ་དག་རྟ་པའི་ཚོགས་ཀྱི་གན་དུ་དོང་སྟེ་དྲིས་པ། ཤེས་ལྡན་དག་ཅི་བྱེད། དེ་དག་གིས་སྨྲས་པ། འཕགས་པ་དག་བཀོད་པ་ཤོམ་མོ། །དྲུག་སྡེ་དག་གིས་སྨྲས་པ། བཀྲེན་པ་དག་རྟ་ཐེང་པོ་འདི་ལྟ་བུ་དག་ཕྱོགས་འདིར་འཇོག་གམ། འདི་སོལ་ཅིག་ཅེས་དེ་དག་གིས་དེ་དག་གི་མཇུག་མ་དག་ནས་བཟུང་སྟེ་མཐའ་གཅིག་ཏུ་བོར་རོ། །དེ་དག་ཤིང་རྟ་པའི་ཚོགས་ཀྱི་གན་དུ་དོང་སྟེ་དྲིས་པ། ཤེས་ལྡན་དག་ཅི་བྱེད། དེ་དག་གིས་སྨྲས་པ། འཕགས་པ་དག་བཀོད་པ་ཤོམ་མོ། །དྲུག་སྡེ་དག་གིས་སྨྲས་པ། བཀྲེན་པ་དག་ཤིང་རྟ་ཞིག་པ་འདི་ལྟ་བུ་དག་ཕྱོགས་འདིར་འཇོག་གམ། འདི་སོལ་ཅིག་ཅེས་དེ་དག་གིས་དེ་དག་གི་སྲོག་ཤིང་དག་ནས་བཟུང་སྟེ་མཐའ་གཅིག་ཏུ་བོར་རོ། །དེ་དག་དཔུང་བུ་ཆུང་གི་ཚོགས་ཀྱི་གན་དུ་དོང་སྟེ་དྲིས་པ། ཤེས་ལྡན་དག་ཅི་བྱེད། དེ་དག་གིས་སྨྲས་པ།་འཕགས་པ་དག་བཀོད་པ་ཤོམ་མོ། །དྲུག་སྡེ་དག་གིས་སྨྲས་པ། བཀྲེན་པ་དག་མི་ཞར་བ་འདི་ལྟ་བུ་ཕྱོགས་འདིར་འཇོག་གམ། འདི་སོལ་ཅིག་ཅེས་དེ་དག་གིས་དེ་དག་གི་
Ja265b
གཉའ་བ་དག་ནས་བཟུང་སྟེ་མཐའ་གཅིག་ཏུ་བོར་རོ། །དྲུག་སྡེ་དག་དེ་དག་གི་འདུན་ལོགས་སུ་རི་བྲགས་པ་དང་ཧ་ཅང་ཐག་མི་རིང་བར་འཁོད་དེ་ཀླག་ཅོར་གྱི་སྒྲ་ཕྱུང་བ་དང ། དེ་དག་གིས་བསམས་པ།་རི་བྲགས་པ་དག་རྫོང་ནས་རླུགས་ཏེ་བྱུང་ངོ་སྙམ་དུ་རིག་ནས་སྐྲག་ཅིང་སྡངས་ཏེ་འབྲོས་པར་བརྩམས་པ་དང ། དྲུག་སྡེ་དག་མྱུར་བ་མྱུར་བར་དོང་སྟེ། ཁྲོམ་གྱི་རུ་སྣའི་མདུན་དུ་འཁོད་ནས་སྨྲས་པ།་ཤེས་ལྡན་དག་ཅིའི་ཕྱིར་འབྲོས། དེ་དག་གིས་སྨྲས་པ། འཕགས་པ་དག་རི་བྲགས་པ་དག་རྫོངས་ནས་རླུགས་ཏེ་བྱུང་ངོ ། །དྲུག་སྡེ་དག་གིས་སྨྲས་པ། བཀྲེན་པ་དག་དེ་ནི་ཁོ་བོ་ཅག་གིས་ཀུ་རེ་ཅུང་ཞིག་བྱས་པ་ཡིན་ཏེ། གལ་ཏེ་རི་བྲགས་པ་དག་གིས་ཁྱོད་ཅག་དེ་ལྟར་བྲེད་ངས་པར་ཤེས་ཤིང་རིག་པར་གྱུར་ན། ནང་པར་སྔ་བ་ཁོ་ནར་ཡང་ཁྱོད་ཅག་གཉའ་བ་དག་ནས་བཏགས་ཏེ་རི་བྲགས་སུ་ཁྲིད་པར་འགྱུར་གྱི། མ་འཇིགས་པར་ཕྱིར་ལོག་ཅིག་།དེ་དག་ཕྱོགས་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་དོ། །ཇི་ཙམ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་འོངས་ནས། དེས་སྨྲས་པ། ཤེས་ལྡན་དག་།ཁྱེད་ཀྱིས་ད་དུང་ཡང་གཡུལ་གྱི་བཀོད་པ་མ་བཤམས་སམ། དེ་དག་གིས་སྨྲས་པ། ལྷ་བདག་ཅག་རྒྱལ་བར་ག་ལ་འགྱུར། འདི་ལྟར་དགེ་སྦྱོང་མགོ་རེག་རས་ཡུག་ཆེན་གླེགས་པ་འཚལ་པ་འདི་དག་མཆིས་ནས་བདག་ཅག་ལ་མཐོ་འཚམ་ཞིང་མི་མཆི་དགུ་མཆིའོ། །རྒྱལ་པོས་སྨྲས་པ། དགེ་སྦྱོང་གང་དག་།འཕགས་པ་དྲུག་སྡེ་དག་གོ་།ཤེས་ལྡན་དག་
Ja266a
༄#། །འདི་དག་ནི་དགེ་སྦྱོང་ཧྲལ་པོ་དག་ཡིན་པས་དེ་དག་གིས་སྨྲས་པ་ཁྱོད་ལ་ཅི་གནོད། དེང་ལ་གཡུལ་གྱི་བཀོད་པ་ཤོམས་ཤིག་།ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བསམས་པ། འདི་དག་བདག་ལ་ཡང་དང་ཡང་དུ་མཐོ་འཚམ་པར་འགྱུར་རོ་སྙམ་དུ་རིག་ནས་མི་ཞིག་ལ་སྨྲས་པ། ཀཝའི་ནང་རྗེ་ཆུར་ཤོག་།བཅོམ་ལྡན་འདས་ག་ལ་བ་དེར་སོང་ལ་ངའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་གནོད་པ་ཉུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མ་མཆིས་སམ་ཞེས་སྙུན་གསོལ་ལ་འདི་སྐད་ཅེས་བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་མཆིད་ནས། བཙུན་པ་འཕགས་པ་འདི་དག་ཤིན་ཏུ་ཡུན་རིང་པོར་དམག་གི་ནང་ན་གནས་པའི་ཚེ་ཡང་བཤམས་པ་འཁྲུག་ཏུ་མཆི་ཞིང ། རྒྱལ་མཚན་གྱི་མཆོག་དང་དཔུང་གི་མཆོག་དང་གཡུལ་བཤམས་པའི་དམག་ལ་ལྟར་ཉམས་སུ་མྱོང་བར་བགྱིད་ན། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་ཤིན་ཏུ་ཡུན་རིང་པོར་དམག་གི་ནང་ན་གནས་པའི་ཚེ་ཡང་བཤམས་པ་འཁྲུག་ཏུ་མི་མཆི་ཞིང་རྒྱལ་མཚན་གྱི་མཆོག་དང་དཔུང་གི་མཆོག་དང་གཡུལ་བཤམས་པའི་དམག་ལ་ལྟ་བ་ཉམས་སུ་མྱོང་བར་བགྱིད་པར་མི་འགྱུར་བར་དྲན་པར་བགྱི་བ་ཅུང་ཞིག་བཅའ་
Ja266b
བ་མཛད་ན་ལེགས་སོ་ཞེས་མཆིའོ་ཞེས་གསོལ་ཅིག་།མི་དེས་ལྷ་བཀའ་བཞིན་འཚལ་ཞེས་གོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་མི་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་གནོད་པ་ཉུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མ་མཆིས་སམ་ཞེས་སྙུན་གསོལ་ལོ། །ཀཝའེ་ནང་རྗེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང་ཁྱོད་བདེ་བར་གྱུར་ཅིག ། བཙུན་པ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་མཆིད་ནས་འཕགས་པ་འདི་དག་ཤིན་ཏུ་ཡུན་རིང་པོར་དམག་གི་ནང་ན་གནས་པའི་ཚེ་ཡང་བཤམས་པ་འཁྲུག་ཏུ་མཆི་ཤིང ། རྒྱལ་མཚན་གྱི་མཆོག་དང་དཔུང་གི་མཆོག་དང་གཡུལ་བཤམས་པའི་དམག་ལ་ལྟ་བ་ཉམས་སུ་མྱོང་བར་བགྱིད་ན་ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་འདི་དག་ཤིན་ཏུ་ཡུན་རིང་པོར་དམག་གི་ནང་ན་གནས་པའི་ཚེ་ཡང་བཤམས་པ་འཁྲུག་ཏུ་མི་མཆི་ཞིང ། རྒྱལ་མཚན་གྱི་མཆོག་དང་དཔུང་གི་མཆོག་དང་གཡུལ་བཤམས་པའི་དམག་ལ་ལྟ་བ་ཉམས་
Ja267a
༄#། །སུ་མྱོང་བར་བགྱིད་པར་མི་འགྱུར་བར་དྲན་པར་བགྱི་བ་ཅུང་ཞིག་བཅའ་བ་མཛད་ན་ལེགས་སོ་ཞེས་མཆིའོ། །བཅོམ་ལྡན་འདས་ཀྱིས་མི་དེ་ལ་ཅང་མི་གསུང་པས་གནང་ངོ ། །དེ་ནས་མི་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླིང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་དམག་གི་ནང་ན་གནས་པའི་བཤམས་པ་འཁྲུག་ཏུ་འགྲོ་ཞིང་རྒྱལ་མཚན་གྱི་མཆོག་དང་དཔུང་གི་མཆོག་དང་གཡུལ་བཤམས་པའི་དམག་ལ་ལྟ་བ་ཉམས་སུ་མྱོང་བར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་
Ja267b
ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གང་ཞག་གཉིས་དམག་དེའི་ནང་ན་གནས་པའི་ཚེ་ཡང་གལ་ཏེ་བཤམས་པ་འཁྲུག་ཏུ་འགྲོའམ། རྒྱལ་མཚན་གྱི་མཆོག་གམ། དཔུང་གི་མཆོག་གམ། གཡུལ་བཤམས་པའི་དམག་ལ་ལྟ་བ་ཉམས་སུ་མྱོང་བར་བྱེད་ན་ལྟུང་བྱེད་དོ། །དགེ་སློང་གང་ཞེས་བྱ་བ་ནི་དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །ཞག་གཉིས་ཞེས་བྱ་བ་ནི་ཞག་གཉིས་ཚུན་ཆད་དོ། །དམག་ཅེས་བྱ་བ་ལ། དམག་ནི་ཡན་ལག་གཅིག་པ་ཡང་ཡོད། ཡན་ལག་གཉིས་པ་ཡང་ཡོད། ཡན་ལག་གསུམ་པ་ཡང་ཡོད། ཡན་ལག་བཞི་པ་ཡང་ཡོད་དོ། །དམག་ཡན་ལག་གཅིག་པ་གང་ཞེ་ན། གླང་པོ་ཆེ་པའི་ཚོགས་སོ། །དམག་ཡན་ལག་གཉིས་པ་གང་ཞེ་ན། གླང་པོ་ཆེ་པའི་ཚོགས་དང ། རྟ་པའི་ཚོགས་སོ། །དམག་ཡན་ལག་གསུམ་པ་གང་ཞེ་ན། གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་བའི་ཚོགས་སོ། །དམག་ཡན་ལག་བཞི་པ་གང་ཞེ་ན། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་སོ། །དེའི་ནང་ན་གནས་པའི་ཆེ་ཡང་ཞེས་བྱ་བ་ནི་འདུག་པའི་ཚེ་ཡང་ངོ ། །གལ་ཏེ་བཤམས་པ་འཁྲུག་ཏུ་འགྲོའམ་ཞེས་བྱ་བ་ནི་གཡུལ་ལ་ཆས་པ་འཁྲུག་ཏུ་འགྲོ་བའོ། །རྒྱལ་
Ja268a
༄#། །མཚན་གྱི་མཆོག་ཅེས་བྱ་བ་ནི་རྒྱལ་མཚན་རྣམ་པ་བཞི་སྟེ་ཁྱུ་མཆོག་གི་རྒྱལ་མཚན་དང ། ཆུ་སྲིན་གྱི་རྒྱལ་མཚན་དང ། སེང་གེའི་རྒྱལ་མཚན་དང ། ཀླུའི་རྒྱལ་མཚན་ནོ། །དཔུང་གི་མཆོག་ཅེས་བྱ་བ་ནི་དཔུང་གི་ཚོགས་ཡན་ལག་བཞི་པ་སྟེ་གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་སོ། །གཡུལ་བཤམས་པའི་དམག་ལ་ལྟ་བ་ཉམས་སུ་མྱོང་བར་བྱེད་ན་ཞེས་བྱ་བ་ལ། བཤམས་པ་ནི་རྣམ་པ་བཞི་སྟེ། འབྲུའི་ཁ་ལྟ་བུ་དང ། ཤིང་རྟ་པའི་དབྱིབས་ལྟ་བུ་དང ། ཟླ་གམ་གྱི་རྣམ་པ་ལྟ་བུ་དང ། ནམ་མཁའ་ལྡིང་གི་འདབ་མ་ལྟ་བུའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་གྱུར་ཞེ་ན། དགེ་སློང་གིས་གླང་པོ་ཆེ་གོ་བསྐོན་པའི་བཤམས་པ་འཁྲུག་པར་བྱེད་ན་ལྟུང་བྱེད་དུ་འགྱུར་རོ།། གོམ་བསྐོན་པའི་བཤམས་པ་འཁྲུག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་རྟ་གོ་བསྐོན་པའི་བཤམས་པ་འཁྲུག་པར་བྱེད་ན་ལྟུང་བྱེད་དུ་འགྱུར་རོ། །གོ་མ་བསྐོན་པའི་
Ja268b
བཤམས་པ་འཁྲུག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་ཤིང་རྟ་བཅས་པའི་བཤམས་པ་འཁྲུག་པར་བྱེད་ན་ལྟུང་བྱེད་དུ་འགྱུར་རོ། །མ་བཅས་པའི་བཤམས་པ་འཁྲུག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་དཔུང་བུ་ཆུང་གོ་བསྐོན་པའི་བཤམས་པ་འཁྲུག་པར་བྱེད་ན་ལྟུང་བྱེད་དུ་འགྱུར་རོ། །གོ་མ་བསྐོན་པའི་བཤམས་པ་འཁྲུག་པར་བྱེད་ན་ཉེས་བྱས་སུ་འགྱུར་རོ། །དགེ་སློང་གིས་བཤམས་པ་འཁྲུག་ཏུ་འགྲོ་ན་ལྟུང་བྱེད་དུ་འགྱུར་རོ། །རྒྱལ་མཚན་གྱི་མཆོག་དང་དཔུང་གི་མཆོག་དང་གཡུལ་བཤམས་པའི་དམག་ལ་ལྟ་བ་ཉམས་སུ་མྱོང་བར་བྱེད་པའི་ལྟུང་བྱེད་ཀྱང་དེ་བཞིན་ནོ། །བར་ཆད་བརྒྱད་པོ་དག་ལས་བར་ཆད་གང་ཡང་རུང་བ་ཉེ་བར་གནས་པར་གྱུར་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུག་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དཔུང་གི་ཡན་ལག་ཉམས་སུ་མྱོང་བར་བྱེད་པའི་ལྟུང་བྱེད་དེ་བཞི་བཅུ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང ། རྫོགས་པར་བསྙེན་པར་བྱས་པ་དེའི་ཚེ་ན་དེ་དག་དྲུག་སྡེ་དག་ལ་སྟེན་པར་བྱེད། བསྙེན་པར་བྱེད། བསྙེན་བཀུར་བྱེད་དོ། །དེ་ནས་འཆར་ཀས་སྨྲས་པ། བཅུ་བདུན་སྡེ་
Ja269a
༄#། །དག་ཚུར་ཤེག་།འདི་དང་འདི་གྱིས་ཤིག་།དེ་དག་གིས་སྨྲས་པ། ཅི་ཁྱོད་ཁོ་བོ་ཅག་གི་སློབ་དཔོན་ཡིན་ནམ་མཁན་པོ་ཡིན། མི་བྱེད་དོ། །དེས་གླེན་པ་དག་ཁྱེད་གཞན་ཅི་ཞིག་བྱེད་ཅེས་དེ་དག་ལས་གཅིག་བརྡེགས་པ་དང ། དེ་དག་ཐམས་ཅད་ཀྱིས་བདག་ཅག་བརྡེགས་སོ། །བདག་ཅག་བརྡེགས་སོ་ཞེས་ཕྱིས་གན་དུ་འགྱེལ་ཏེ་དུ་བར་བརྩམས་སོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་འཆར་ཀ་ཅིའི་ཕྱིར་གཞོན་ནུ་དག་ལ་རྡེག་པར་བྱེད། འཆར་ཀས་སྨྲས་པ། ཚེ་དང་ལྡན་པ་དག་ཁོ་བོས་གཅིག་བརྡེགས་པ་དང་ཐམས་ཅད་ས་ལ་འགྱེལ་ཏེ་ངུའོ། །དགེ་སློང་རྣམས་ཀྱིས་བཅུ་བདུན་སྡེ་དག་ལ་སྨྲས་པ། ཚེ་དང་ལྡན་པ་དག་ཁྱེད་ཅག་ལས་གཅིག་བརྡེགས་ན་ཅི་ཕྱིར་ཐམས་ཅད་ས་ལ་འགྱེལ་ཏེ་ངུ ། དེ་དག་གིས་སྨྲས་པ། གལ་ཏེ་མ་ངུས་ན་ཐམས་ཅད་བརྡེག་པར་འགྱུར་རོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་རྡེག་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་
Ja269b
སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་རྣམས་ལ་རྡེག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། ། ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྲོས་འཁྲུགས་རྔམ་བར་གྱུར་ཏེ་ཡི་མ་རངས་ནས་དགེ་སློང་ལ་རྡེག་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ཞེས་བྱ་བ་ནི་ཁྲོས་ཤིང་ཁྲོ་བའི་ཟིལ་གྱིས་ནོན་ནས་སོ། །དགེ་སློང་ལ་ཞེས་བྱ་བ་ནི་ཆོས་འདི་པ་ལའོ། །རྡེག་ན་ཞེས་བྱ་བ་ནི་རྡེག་པར་བྱེད་ནའོ། །ལྟུང་བྱེད་དོ། །ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་
Ja270a
༄#། །བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟ་བ་ཇི་ལྟར་འགྱུར་ཞེ་ན། ནང་གིས་ཟིན་པ་དང་ཕྱི་རོལ་ཏུ་འཕངས་པ་དང་དེ་གཉིས་ཀ་དང་ལྡན་པས་སོ། །ཇི་ལྟར་ནང་གིས་ཟིན་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་སོར་མོ་གཅིག་གིས་རྡེག་པར་བྱེད་ན་ལྟུང་བྱེད་དུ་འགྱུར་རོ། །སོར་མོ་གཉིས་དང་གསུམ་དང་བཞི་དང་སོར་མོ་ལྔས་རྡེག་པར་བྱེད་ན་ལྟུང་བྱེད་ལྔར་འགྱུར་རོ། །ཁུ་ཚུར་དང ། གྲུ་མོ་དང ། ཕྲག་པ་དང ། མགོ་དང ། གློ་དང ། རྒྱབ་དང ། རྐེད་པ་དང ། བརླ་དང ། བུས་མོ་དང ། རྗེ་ངར་དང ། ཐ་ན་རྐང་པའི་མཐེ་བོས་རྡེག་པར་བྱེད་ན་ལྟུང་བྱེད་དུ་འགྱུར་ཏེ། དེ་ལྟར་ནང་གི་ཟིན་པས་སོ། །ཇི་ལྟར་ཕྱི་རོལ་ཏུ་འཕངས་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་མདས་འཕེན་པར་བྱེད་ན་ལྟུང་བྱེད་དུ་འགྱུར་རོ། །མདས་ཇི་ལྟ་བ་དེ་བཞིན་དུ་ལྕགས་མདའ་དང ། མདའ་ཕྱེད་ལྕགས་ལས་བྱས་པ་དང ། མདེའུ་སྟེའུ་ཀ་མ་དང ། མདེའུ་བེའུ་སོ་ལྟ་བུ་དང ། མདེའུ་ཟུར་བཞི་མ་དང ། མདེའུ་ཀ་ར་བི་རའི་འདབ་མ་ལྟ་བུ་དང ། མདེའུ་བེའུ་སྙིང་མ་དང ། འཁོར་ལོ་དང ། རྡོ་རྗེ་རྩེ་གཅིག་དང ། མདའ་བོ་ཆེ་དང ། མཚོན་རྩེ་གཅིག་དང ། རྒྱ་ཤུག་གི་ཚིག་གུ་དང ། ཐ་ན་
Ja270b
ཡུངས་ཀར་སྤར་གང་འཕེན་པར་བྱེད་ན་ཡུངས་ཀར་ཇི་སྙེད་ལུས་ལ་ཕོག་པ་དེ་སྙེད་ཀྱི་ལྟུང་བྱེད་དུ་འགྱུར་རོ། །ཡུངས་ཀར་ཇི་སྙེད་ལུས་ལ་མ་ཕོག་པ་དེ་སྙེད་ཀྱི་ཉེས་བྱས་སུ་འགྱུར་ཏེ། དེ་ལྟར་ཕྱི་རོལ་ཏུ་འཕངས་པས་སོ། །ཇི་ལྟར་དེ་གཉི་ག་དང་ལྡན་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་རལ་གྲིས་འདེབས་ན་ལྟུང་བྱེད་དུ་འགྱུར་རོ། །རལ་གྲིས་ཇི་ལྟ་བ་བཞིན་དུ་ཤང་ལང་དང་རལ་གྲི་སོ་གཅིག་པ་དང ། རལ་གྲི་སོ་གཉིས་པ་དང ། མདུང་དང ། འཕང་མདུང་དང ། ཆུ་གྲི་དང ། རྩཝའི་ཉག་མ་དང ། ཐ་ན་ཕྱགས་མས་རྡེག་པར་བྱེད་ན་ཉག་མ་ཇི་སྙེད་ལུས་ལ་ཕོག་པ་དེ་སྙེད་ཀྱི་ལྟུང་བྱེད་དུ་འགྱུར་རོ། །ཉག་མ་ཇི་སྙེད་ལུས་ལ་མ་ཕོག་པ་དེ་སྙེད་ཀྱི་ཉེས་བྱས་སུ་འགྱུར་ཏེ། དེ་ལྟར་གཉི་ག་དང་ལྡན་པས་སོ། །བརྣངས་པ་དང་ཐལ་ལྕག་གི་རིག་སྔགས་གྲུབ་པར་བྱེད་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །རྡེག་པའི་ལྟུང་བྱེད་དེ་བཞི་བཅུ་བརྒྱད་པ་རྫོགས་སོ།། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང་རྫོགས་པར་བསྙེན་པར་བྱས་པ་དེའི་ཚེ་ན་དེ་དག་དྲུག་སྡེ་དག་ལ་སྟེན་པར་བྱེད། བསྙེན་པར་བྱེད། བསྙེན་བཀུར་བྱེད་དོ། །དེ་
Ja271a
༄#། །ནས་འཆར་ཀས་སྨྲས་པ། བཅུ་བདུན་སྡེ་དག་ཚུར་ཤེག་།འདི་དང་འདི་གྱིས་ཤིག་།དེ་དག་གིས་སྨྲས་པ། ཅི་ཁྱོད་ཁོ་བོ་ཅག་གི་སློབ་དཔོན་ཡིན་ནམ་མཁན་པོ་ཡིན། མི་བྱེད་དོ། །དེས་གླེན་པ་དག་ཁྱེད་གཞན་ཅི་ཞིག་བྱེད་ཅེས་དེ་དག་ལས་གཅིག་ལ་བརྡེག་པར་གཟས་པ་དང ། དེ་དག་ཐམས་ཅད་ཀྱིས་བདག་ཅག་ལ་བརྡེག་པར་གཟས་སོ། །བདག་ཅག་ལ་བརྡེག་པར་གཟས་སོ། །ཞེས་ཕྱིས་གན་དུ་འགྱེལ་ཏེ་དུ་བར་བརྩམས་སོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་འཆར་ཀ་ཅིའི་ཕྱིར་གཞོན་ནུ་དག་ལ་བརྡེག་པར་གཟས། འཆར་ཀས་སྨྲས་པ། ཚེ་དང་ལྡན་པ་དག་ཁོ་བོས་གཅིག་ལ་བརྡེག་པར་གཟས་པ་དང་ཐམས་ཅད་ས་ལ་འགྱེལ་ཏེ་ངུའོ། །དགེ་སློང་རྣམས་ཀྱིས་བཅུ་བདུན་སྡེ་དག་ལ་སྨྲས་པ། ཚེ་དང་ལྡན་པ་དག་ཁྱེད་ཅག་ལས་གཅིག་ལ་བརྡེག་པར་གཟས་ན་ཅིའི་ཕྱིར་ཐམས་ཅད་ས་ལ་འགྱེལ་ཏེ་ངུ ། དེ་དག་གིས་སྨྲས་པ། གལ་ཏེ་མ་ངུས་ན་གང་ལ་ཅིས་རྡེག་གཏོལ་མེད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས། དགེ་སློང་ལ་རྡེག་པར་གཟའ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་
Ja271b
རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་བརྡེག་པར་གཟས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ།་དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་ལ་བརྡེག་པར་གཟས་ན་ཐལ་མོས་ཀྱང་རུང་སྟེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་ཞེས་བྱ་བ་ནི་ཁྲོས་ཤིང་ཁྲོ་བའི་ཟིལ་གྱིས་ནོན་ནས་སོ། །དགེ་སློང་ལ་ཞེས་བྱ་བ་ནི་ཆོས་འདི་པ་ལའོ། །བརྡེག་པར་གཟས་ན་ཞེས་བྱ་བ་ནི་བརྡེག་པར་བཤམས་ནའོ། །ཐ་ན་ཐལ་མོས་ཀྱང་རུང་སྟེ་ཞེས་བྱ་བ་ནི་ཐ་ན་ཐལ་ལྕག་ཙམ་གཟས་ཀྱང་རུང་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་
Ja272a
༄#། །སོང་དང་ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། ནང་གིས་ཟིན་པ་དང ། ཕྱི་རོལ་ཏུ་འཕངས་པ་དང ། དེ་གཉི་ག་དང་ལྡན་པས་སོ། །ཇི་ལྟར་ནང་གི་ཟིན་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས། དགེ་སློང་སོར་མོ་གཅིག་གིས་བརྡེག་པར་གཟས་ན་ལྟུང་བྱེད་དུ་འགྱུར་རོ། །སོར་མོ་གཉིས་དང་གསུམ་དང་བཞི་དང་སོར་མོ་ལྔས་བརྡེག་པར་གཟས་ན་ལྟུང་བྱེད་ལྔར་འགྱུར་རོ། །ཁུ་ཚུར་དང ། གྲུ་མོ་དང ། ཕྲག་པ་དང ། མགོ་དང ། གློ་དང ། རྒྱབ་དང ། རྐེད་པ་དང ། བརླ་དང ། པུས་མོ་དང ། རྗེ་དར་དང ། ཐ་ན་རྐང་པའི་མཐེ་བོས་བརྡེག་པར་གཟས་ན་ལྟུང་བྱེད་དུ་འགྱུར་ཏེ། དེ་ལྟར་ནང་གིས་ཟིན་པས་སོ། །ཇི་ལྟར་ཕྱི་རོལ་ཏུ་འཕངས་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ། ཡི་མ་རངས་ནས་དགེ་སློང་ལ་མདའ་འཕེན་པར་གཟས་པར་བྱེད་ན་ལྟུང་བྱེད་དུ་འགྱུར་རོ། །མདའ་འཕེན་པར་གཟས་པ་ཇི་ལྟ་བ་དེ་བཞིན་དུ་ལྕགས་མདའ་དང ། མདའ་ཕྱེད་ལྕགས་ལས་བྱས་དང ། མདེའུ་སྟེའུ་ཀ་མ་དང ། མདེའུ་བེའུ་སོ་ལྟ་བུ་དང ། མདེའུ་ཟུར་བཞི་མ་དང ། མདེའུ་ཀ་ར་བི་རའི་འདབ་མ་ལྟ་བུ་དང ། མདེའུ་བེའུ་སྙིང་མ་དང ། འཁོར་ལོ་དང་རྡོ་རྗེ་རྩེ་གཅིག་པ་དང ། མདའ་བོ་ཆེ་དང ། མཚོན་རྩ་གཅིག་དང ། རྒྱ་ཤུག་གི་ཚིག་གུ་དང ། ཐ་ན་
Ja272b
ཡུངས་ཀར་སྤར་གང་གཟས་པར་བྱེད་ན་ཡུངས་ཀར་ཇི་སྙེད་གཟས་པ་དེ་སྙེད་ཀྱི་ལྟུང་བྱེད་དུ་འགྱུར་ཏེ། དེ་ལྟར་ཕྱི་རོལ་ཏུ་འཕངས་པས་སེ་\་ཥཱོ\། །ཇི་ལྟར་དེ་གཉི་ག་དང་ལྡན་པས་ཤེ་ན། དགེ་སློང་ཁྲོས་འཁྲུགས་རྔམ་པར་གྱུར་ཏེ། ཡི་མ་རངས་ནས་དགེ་སློང་ལ་རལ་གྲིས་གདབ་པ་གཟས་པར་བྱེད་ན་ལྟུང་བྱེད་དུ་འགྱུར་རོ། །རལ་གྲིས་ཇི་ལྟ་བ་དེ་བཞིན་དུ་ཤང་ལང་དང ། རལ་གྲི་སོ་གཅིག་པ་དང ། རལ་གྲི་སོ་གཉིས་པ་དང ། མདུང་དང ། འཕང་མདུང་དང ། ཆུ་གྲི་དང ། རྩཝའི་ཉག་མ་དང ། ཐ་ན་ཕྱགས་མས་བརྡེག་པ་གཟས་པར་བྱེད་ན་ཉག་མ་ཇི་སྙེད་གཟས་པ་དེ་སྙེད་ཀྱི་ལྟུང་བྱེད་དུ་འགྱུར་རོ། །ཕྱགས་མས་ཇི་ལྟ་བ་བཞིན་དུ་ཐུར་མའི་ཆག་པ་དང ། ཐག་པའི་ཆུན་པོས་བརྡེག་པ་གཟས་པ་ཡང་དེ་བཞིན་ཏེ་དེ་ལྟར་གཉི་ག་དང་ལྡན་པས་སོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བདག་གིས་ཉེན་པ་ལ་ལྟུང་བ་མེད་དོ། །གཟས་པའི་ལྟུང་བྱེད་དེ་བཞི་བཅུ་དགུ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགའ་བོ་ལ་ལྷན་ཅིག་གནས་པའི་དགེ་སློང་ཆོས་ཞེས་བྱ་བ་ངོ་ཚ་ཤེས་པ་འགྱོད་པ་དང་ལྡན་པ་བསྡམས་པ་བསླབ་པ་འདོད་པ་ཞིག་ཡོད་པ་དེས་དེ་ཇི་སྲིད་དུ་གནས་ངན་ལེན་ཀུན་ཏུ་སྤྱོད་པར་མི་ཤེས་པ་དེ་སྲིད་དུ་དེ་དང་ལྷན་ཅིག་གནས་སོ། །གང་གི་ཚེ་དེས་གནས་ངན་ལེན་ཀུན་ཏུ་སྤྱོད་པར་ཤེས་པ་དེའི་ཚེ་ན་དེ་རང་བཞིན་དུ་གནས་པའི་དགེ་སློང་རྣམས་དང་ལྷན་ཅིག་གནས་པར་བརྩམས་ཏེ། བཅོམ་ལྡན་འདས་ཀྱི་བཀའ་ལུང་གིས་དུས་གསུམ་
Ja273a
༄#། །དུ་རྐང་པ་ལ་ཕྱག་འཚལ་དུ་འགྲོ་བ་འབའ་ཞིག་བྱེད་དོ། །དེ་དེའི་གན་དུ་སོང་སྟེ་མཁན་པོ་གདུགས་ལ་སྤྱོད་དུ་མཆིའོ། །ཞེས་ཞུས་པ་དང ། ཉེ་དགས་ཐོས་ནས་སྨྲས་པ། བུ་ཆོས་ཁོ་བོའི་སྟན་ཡང་ཁྱེར་ལ་སོང་ཞིག་།ཅི་སློབ་དཔོན་ཡང་གདུགས་ལ་སྤྱོད་དུ་བཞུད་དམ། གླེང་པ་ཁྱོད་ཀྱིས་ཁོ་བོ་ལ་སོ་སོར་བརྟག་གམ། ཁོ་བོས་མི་ཤེས་པའི་རྣལ་འབྱོར་སྤྱོད་པའི་ས་གང་ཡོད། བདག་སློབ་དཔོན་ལ་སོ་སོར་རྟོག་པར་མི་བགྱིད་དེ། འདི་ལྟར་ཅི་སློབ་དཔོན་ཡང་གདུགས་ལ་སྤྱོད་དུ་བཞུད་དམ་ཞེས་ཞུ་བར་བྱས་ཏེ། གདན་འཚལ་ཏེ་མཆིའོ། །དེས་དེའི་སྟན་ཁྱེར་ཏེ་ཉིན་མོ་སྤྱོད་དུ་སོང་ནས་དེས་དེའི་སྟན་དེ་ཤིང་ལྗོན་པའི་དྲུང་དུ་བཞག་སྟེ་དབེན་པའི་ཕྱོགས་སུ་འདུག་ནས་ཡིད་ལ་བྱེད་པ་བསྐྱེད་པར་བརྩམས་སོ། །དེའི་འོག་ཏུ་ཉེ་དགའ་འོངས་ནས་ཆོས་ཀྱིས་ཐག་རིང་པོ་ཁོ་ན་ནས་དེ་མཐོང་ནས་སྨྲས་པ། སློབ་དཔོན་གདན་ཤིང་ལྗོན་པའི་དྲུང་དུ་བཞག་གི། དེར་བཞུད་ལ་བཞུགས་ཤིག་།ཉེ་དགའ་དེར་སོང་ནས་མགོ་གཡོགས་ཏེ་འདུག་པ་དང ། དེས་དེར་མོས་པ་མ་རྙེད་ནས་སྟན་ལས་ལངས་ཏེ།་ཕྱོགས་བཞིར་རྣམ་པར་བལྟ་བར་བརྩམས་པ་དང ། ཇི་ཙམ་ན་བུ་མོ་ཞིག་རྒྱལ་བྱེད་ཀྱི་ཚལ་གྱི་རིབ་མ་འདྲལ་བ་མཐོང་ནས་དེས་ཆོས་ལ། ཆོས་རིབ་མ་འདྲལ་བར་བྱེད་དོ། །ཞེས་བོས་པ་དང ། ཆོས་ཀྱིས་དེ་ལ་སྨྲས་པ། སློབ་དཔོན་རྒྱལ་བྱེད་ཀྱི་ཚལ་གྱི་མདོ་དགོངས་ཤིག་།གླེན་པ་ཁྱོད་མདོ་སྡེའི་མཐའ་ལ་སྟོན་པར་གྱུར་ཏམ། བཅོམ་ལྡན་འདས་ཀྱིས་དགེ་འདུན་གྱི་རྩཝ་ཡང་ཡལ་མི་འདོར་རོ་ཞེས་མ་
Ja273b
གསུངས་སམ། ཁོ་བོ་རང་ཉིད་སོང་ལ་བཟློག་པར་བྱའོ། །སློབ་དཔོན་ཉིད་མཁྱེན་ནོ། །ཉེ་དགས་སོང་སྟེ་སྨྲས་པ། བུ་མོ་ཁྱོད་ཅིའི་ཕྱིར་རྒྱལ་བྱེད་ཀྱི་ཚལ་གྱི་རིབ་མ་འདྲལ་བར་བྱེད། བུ་མོ་དེས་འཛུམ་བྱུང་བ་དང ། ཉེ་དགས་དེ་ཡན་ལག་དང་ཉིང་ལག་ནས་མནམས་ཏེའོ་བྱས་ནས། དེ་ཆོས་ཀྱི་གན་དུ་སོང་སྟེ་དྲིས་པ། བུ་ཆོས། ཁྱོད་ཀྱིས་ཅུང་ཟད་མཐོང་ངམ། སློབ་དཔོན་གཞུག་པ་འཇུད་པ་འབའ་ཞིག་མ་གཏོགས་པ་གཞན་ཐམས་ཅད་མཐོང་ངོ ། །བུ་ཆོས། སུ་ལ་ཡང་མ་ཟེར་ཅིག་།སློབ་དཔོན། ཇི་སྲིད་དུ་རང་བཞིན་དུ་གནས་པའི་དགེ་སློང་མ་མཐོང་བ་དེ་སྲིད་ཀྱི་བར་དུ་སུ་ལ་ཡང་མི་མཆིའོ། །ཉེ་དགས་སྨྲས་པ། ཁོ་བོ་ཁྱོད་ཀྱི་མཁན་བོའི་གནས་ངན་ལེན་གྱི་ལྟུང་བ་འཆབ་པར་བྱེད་ན། ཁྱོད་ཁོ་བོའི་འཆབ་པར་མི་བྱེད་དམ། ཆོས་ཀྱིས་སྨྲས་པ། སློབ་དཔོན་ཁྱོད་འཆབ་པར་མཛད་ཀྱང་བདག་ནི་འཆབ་པར་མི་བགྱིད་དོ་ཞེས་ཟེར་བའི་སྐབས་དེ་དགེ་སློང་རྣམས་ལ་བརྗོད་པ་དང ། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་ཤེས་བཞིན་དུ་དགེ་སློང་གི་གནས་ངན་ལེན་གྱི་ལྟུང་བ་འཆབ་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་
Ja274a
༄#། །ཀྱིས་ཚེ་དང་ལྡན་པ་ཉེ་དགའ་ལ་རྨས་པ། ཉེ་དགའ་ཁྱོད་ཤེས་བཞིན་དུ་དགེ་སློང་གི་གནས་ངན་ལེན་གྱི་ལྟུང་བ་འཆབ་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཤེས་བཞིན་དུ་དགེ་སློང་གི་གནས་ངན་ལེན་གྱི་ལྟུང་བ་འཆབ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའ་འམ། གཞན་ཡང་དེ་ལྟ་བུ་གང་ཡིན་པའོ། །ཤེས་བཞིན་དུ་ཞེས་བྱ་བ་ནི་དེ་རང་ཉིད་ཀྱིས་རིག་པའམ་གཞན་དག་གིས་བརྗོད་པས་སོ། །དགེ་སློང་གི་ཞེས་བྱ་བ་ནི་ཆོས་འདི་པའིའོ། །གནས་ངན་ལེན་གྱི་ལྟུང་བ་ཞེས་བྱ་བ་ནི་གནས་ངན་ལེན་གཉིས་ཏེ་ཕམ་པར་འགྱུར་བ་ཀུན་ནས་སློང་བ་དང ། དགེ་འདུན་ལྷག་མ་ཀུན་ནས་སློང་བའོ། །ཅིའི་ཕྱིར་དེ་དག་གནས་ངན་ལེན་ཅེས་བྱ་ཞེ་ན། ངོ་བོ་ཉིད་དང ། ཀུན་ནས་སློང་བ་ལས་སོ། །འཆབ་ན་ཞེས་བྱ་བ་ནི་མཁྱུད་ནའོ། །ལྟུང་བྱེད་དོ། །
Ja274b
ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན་དགེ་སློང་གིས་དགེ་སློང་ཕམ་པར་འགྱུར་བའི་ལྟུང་བ་འབྱིན་པ་མཐོང་ཞིང་དེ་དེ་ལ་བཅབ་པའི་སེམས་སྐྱེས་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་རོ། །དགེ་སློང་གིས་དགེ་འདུན་ལྷག་མའི་ལྟུང་བ་འབྱིན་པ་མཐོང་ཞིང་དེ་དེ་ལ་བཅབ་པའི་སེམས་སྐྱེས་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལྟུང་བྱེད་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་བཅབ་པའི་སེམས་སྐྱེས་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ཡང་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་སོ་སོར་བཤགས་པར་བྱ་བའི་ལྟུང་བ་འབྱིན་པ་མཐོང་ཞིང་དེ་དེ་ལ་བཅབ་པའི་སེམས་སྐྱེས་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ཡང་ཉེས་བྱས་ཉིད་དུ་འགྱུར་རོ། །དགེ་སློང་གིས་དགེ་སློང་ཉེས་བྱས་ཀྱི་ལྟུང་བ་འབྱིན་པ་མཐོང་ཞིང་དེ་དེ་ལ་བཅབ་པའི་སེམས་སྐྱེས་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་
Ja275a
༄#། །འགྱུར་ལ། སྐྱ་རེངས་ཤར་ནས་ཡང་ཉེས་བྱས་ཉིད་དུ་འགྱུར་རོ། །བདག་ལ་གཞི་འདིས་བདེ་བ་ལ་མི་རེག་པ་དང་དགེ་སྦྱོང་གི་ཚུལ་དང་ཚངས་པར་སྤྱོད་པའི་བར་ཆད་དུ་འགྱུར་ན་ལྟུང་བ་མེད་དོ། །བདག་ལ་གཞི་འདིས་དགེ་འདུན་དབྱེ་བ་དང་དགེ་འདུན་འཁྲུགས་པ་དང་དགེ་འདུན་གཉིས་སུ་འགྱུར་བ་དང་དགེ་འདུན་ཐ་དད་པར་འགྱུར་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བདག་གིས་ཉེན་པ་ལ་ལྟུང་བ་མེད་དོ། །གནས་ངན་ལེན་འཆབ་པའི་ལྟུང་བྱེད་དེ་ལྔ་བཅུ་པ་རྫོགས་སོ།། །། འདུལ་བ་རྣམ་པར་འབྱེད་པ། བམ་པོ་ང་དྲུག་པ། སྡོམ་ལ། བདེ་དང་མེ་དང་འདུན་པ་དང ། རྫོགས་པར་མ་བསྙེན་ཆོས་དང་སྨྲ། །དགེ་ཚུལ་ཁ་དོག་བསྒྱུར་བ་དང ། །རིན་པོ་ཆེ་དང་ཚ་བའི་དུས། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགའ་བོ་ལ་ལྷན་ཅིག་གནས་པ་དགེ་སློང་ཆོས་ཞེས་བྱ་བ་ངོ་ཚ་ཤེས་པ་འགྱོད་པ་དང་ལྡན་པ་བསྡམས་པ་བསླབ་པ་འདོད་པ་ཞིག་ཡོད་པ་དེས་ཇི་སྲིད་དུ་དེ་གནས་ངན་ལེན་ཀུན་ཏུ་སྤྱོད་པར་མི་ཤེས་པ་དེ་སྲིད་དུ་དེ་དང་ལྷན་ཅིག་གནས་སོ། །གང་གི་ཚེ་དེས་དེ་གནས་ངན་ལེན་ཀུན་ཏུ་སྤྱོད་པ་ཤེས་པ་དེའི་ཚེ་ན་དེ་རང་བཞིན་དུ་གནས་པའི་དགེ་སློང་རྣམས་དང་ལྷན་ཅིག་གནས་པར་བརྩམས་ཏེ། བཅོམ་ལྡན་འདས་ཀྱི་བཀའ་ལུང་གིས་དུས་
Ja275b
གསུམ་དུ་རྐང་པ་ལ་ཕྱག་འཚལ་དུ་འགྲོ་བ་འབའ་ཞིག་བྱེད་དོ། །ཉེ་དགས་དགའ་བོ་ལ་སྨྲས་པ། སློབ་དཔོན་ཆོས་འདིས་ཁོ་བོ་སངས་རྒྱས་ལ་སོགས་པ་དགེ་སློང་གི་དགེ་འདུན་གྱི་མདུན་དུ་མཐོ་བཙམས་པ་ལྟོས། ཁོ་བོས་ཀྱང་འདི་ལ་ངེས་པར་གནོད་པ་ཅུང་ཞིག་བྱའོ། །དགའ་བོས་སྨྲས་པ། དགེ་སློང་འདི་ནི་ངོ་ཚ་ཤེས་པ་འགྱོད་པ་དང་ལྡན་པ་བསྡམས་པ་བསླབ་པ་འདོད་པ་ཡིན་པས་ཁྱོད་ཀྱིས་འདི་ལ་གནོད་པ་ཅི་ཞིག་བྱར་ཡོད། ངེས་པར་འདིའི་ཟན་གཅད་པར་བྱའོ། །དེ་ནི་ནུས་སོ། །ཁྱིམ་བདག་ཅིག་གིས་དགའ་བོ་དང་ཉེ་དགའ་གཉིས་ཟན་ལ་མགྲོན་དུ་བོས་པ་དང ། ཉེ་དགས་བསམས་པ། དེང་ཆོས་འདིའི་ཟན་གཅད་པར་བྱའོ་སྙམ་མོ། །ཆོས་དགའ་བོའི་གན་དུ་སོང་སྟེ་སྨྲས་པ། མཁན་པོ་བདག་བསོད་སྙོམས་ལ་མཆི་བ་ཞུའོ། ། དགའ་བོས་སྨྲས་པ། ཆོས་ཁོ་བོ་ཅག་དེང་ཁྱིམ་བདག་ཅིག་གིས་ཟན་ལ་མགྲོན་དུ་བོས་ཀྱི། ཚུར་ཤོག་ལ་འདི་ཉིད་དུ་ཟན་ཟོ་ཞིག་།ཆོས་ཀྱིས་སྨྲས་པ། བདག་མཁན་པོ་དང་ལྷན་ཅིག་སྔན་ཆད་མགྲོན་དུ་བོས་པ་འགའ་ཡང་མཆིས་སམ། ཉེ་དགས་སྨྲས་པ། ཆོས་ཁོ་བོས་གཞན་ཐོས་ལ་གཞན་མཐོང་སྟེ། ཁོ་བོས་ཀོ་ཁྱོད་ངོ་ཚ་ཤེས་པ་འགྱོད་པ་དང་ལྡན་པ་བསྡམས་པ་བསླབ་པ་འདོད་པ་ཡིན་པར་ཤེས་ན། ཁྱོད་མཁན་པོས་མི་རུང་བའི་དངོས་པོ་ཡང་དག་པར་འཛིན་དུ་བཅུག་གམ་ཅི་ན་གང་གི་ཕྱིར་མཁན་པོའི་ཆོས་དང་ལྡན་པའི་ཚིག་
Ja276a
༄#། །གཅོག་པར་བྱེད། བཅོམ་ལྡན་འདས་ཀྱིས་འདུལ་བ་ལས་སློབ་དཔོན་དང་མཁན་པོས་བསྒོ་བ་ན་ཁས་བླང་བར་བྱའོ། །ཁས་མི་ལེན་ན་ཉེས་བྱས་སུ་འགྱུར་རོ་ཞེས་མ་གསུངས་སམ། དེ་ལ་དགེ་སློང་རབ་ཏུ་གྲགས་པས་སྨད་པས་ཅང་མི་སྨྲ་བར་འདུག་ནས། དེས་སྨྲས་པ། ལྷུང་བཟེད་དང་ཆུ་ཚགས་བླངས་ཏེ་མཆིའོ། །དགའ་བོས་སྨྲས་པ། དེར་ལྷུང་བཟེད་དང་ཆུ་ཚགས་ཀྱིས་ཅི་བྱ། དེར་སྣོད་བཀྲུས་པ་དག་དང་ཆུ་བཙགས་པ་དག་འཐོབ་ཀྱི། ཚུར་ཤོག་འདོང་ངོ ། །ཆོས་དེ་གཉིས་དང་ལྷན་ཅིག་འཕགས་པ་བསོད་སྙོམས་པ་ཞིག་གིས་མཐོང་ནས་དེས་སྨྲས་པ། ཆོས་གར་འགྲོ། མགྲོན་དུ་བོས་པས་འགྲོའོ། །ཟས་ཀྱི་ཚོད་ཤེས་པར་གྱིས་ཤིག་།ཆོས་ཀྱིས་སྨྲས་པ། ཟན་ཟ་བར་འགྱུར་རམ། འོན་ཏེ་ཟན་གཅད་པར་འགྱུར་གཏོལ་མེད་དོ། །དེ་དེ་གཉིས་དང་ལྷན་ཅིག་མཉན་ཡོད་དུ་ཞུགས་པ་དང་དེ་གཉིས་སྲང་དུ་དོང་སྟེ་ཚོང་ཁང་དུ་འཁོད་ནས་ཉེ་དགའ་ཁྱིམ་བདག་དེའི་ཁྱིམ་དུ་སོང་སྟེ་ཟན་ཟོས་ནས་ཕྱིར་འོངས་སོ། །དེའི་འོག་ཏུ་དགའ་བོ་ཡང་ཁྱིམ་བདག་དེའི་ཁྱིམ་དུ་སོང་སྟེ་ཟན་ཟ་ཞིང་འདུག་གོ་།ཆོས་ཀྱིས་ཉེ་དགའ་ལ་སྨྲས་པ། སློབ་དཔོན་གདུགས་ཚོད་ལ་བབ་ཀྱི། བཞུད་དོ། །ཉེ་དགས་སྨྲས་པ། དེར་ཐམས་ཅད་སྟ་གོན་བྱས་ཟིན་པས་དེར་སོང་སྟེ་བཟའ་བ་ལས་གཞན་པའི་བྱ་བ་ཅི་ཡང་མེད་ཀྱི།
Ja276b
གདུགས་ཚོད་ཀྱི་ཁ་ཁོ་ནར་འདོང་ངོ ། །ཆོས་ལངས་ཏེ། རྐང་པ་གཉིས་ཀྱིས་གྲིབ་ཚོད་གཞལ་བར་བརྩམས་པ་དང ། ཉེ་དགས་སྨྲས་པ། གླེན་པ་ཁྱོད་ཁོ་བོ་ཅག་གི་བསླབ་པ་ལ་ཅུང་ཟད་ཡིད་མི་ཆེས་སམ། ཅི་ཁྱོད་ཀྱི་སྙིང་ལམ་ན་ཁོ་བོ་ཅག་དུས་མ་ཡིན་པར་ཟ་བར་འགྱུར་སྙམ་མམ། ཁོ་བོ་ལ་ཁྱོད་དང་ལྷན་ཅིག་སྨྲ་བའམ། འདུག་པ་བདེ་བ་མ་ཡིན་གྱི། འདི་ལྟར་ཁོ་བོ་གཅིག་པུ་ཁོ་ན་སྨྲ་བའམ། འདུག་ན་བདེས་ཁྱོད་སོང་ཞིག་།ཆོས་ཀྱིས་བསམས་པ། གལ་ཏེ་བདག་གིས་ལྷུང་བཟེད་དང་ཆུ་ཚགས་ཁྱེར་ཏེ་འོངས་པར་གྱུར་ན། བདག་བསོད་སྙོམས་ལ་རྒྱུ་བར་འགྱུར་བ་ཞིག་ན། ད་ནི་ཅི་བྱར་ཡང་མེད་དོ་སྙམ་ནས། དེ་གཙུག་ལག་ཁང་དུ་སོང་སྟེ་ཇི་སྲིད་དུ་དེའི་ལུས་ལ་མདངས་ཡོད་པ་དེ་སྲིད་དུ་དགེ་བའི་ཕྱོགས་ལ་ཏྲོན་བྱས་ནས་གང་གི་ཚེ་དེའི་ལུས་ལས་མདངས་ཡལ་བ་དེའི་ཚེ་ན་གློས་ཕབ་སྟེ་ཉལ་བ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཆོས་གལ་ཏེ་ཟན་གཞན་གྱི་ཡིན་ཞེས་ཏེ་ལྟོ་ཡང་གཞན་གྱི་ཡིན་ནམ་ཅི་ན་ཇི་ཙམ་གྱིས་དགེ་བའི་ཕྱོགས་ལ་ཏྲོན་བྱེད་ཀྱང་མི་ནུས་པ་དེ་ཙམ་གྱི་ཟན་ཟོས། ཆོས་ཀྱིས་སྨྲས་པ། སུས་ཟོས། ཁྱོད་ཀྱིས་མ་ཟོས་སམ། མ་ཟོས་སོ། །ཅིའི་ཕྱིར་དེས་སྐབས་དེ་རྒྱས་པར་བརྗོད་པ་དང ། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་གིས་བསམ་སྟེ། དགེ་སློང་ཟན་གཅོད་དུ་འཇུད་ཅེས་སྨོད་
Ja277a
༄#། །བར་བྱེད། ཕྱར་ཀ་གཏོང་བར་བྱེད། ཁ་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ་ཁྱོད་ཀླན་ཀ་ཚོལ་ཞིང་ཅི་ནས་ཀྱང་དགེ་སློང་འདི་ལ་ཀླན་ཀ་བཙལ་བར་འགྱུར་རོ་སྙམ་པ་དེ་ཉིད་རྐྱེན་དུ་བྱས་ཏེ། དགེ་སློང་ལ་འདི་སྐད་ཅེས་ཚེ་དང་ལྡན་པ་ཚུར་ཤོག་།ཁྱིམ་དག་ཏུ་འདོང་དང་དེར་ཁྱོད་ལ་བཅའ་བ་དང་བཟའ་བ་ཇི་ཙམ་འདོད་པ་སྦྱིན་དུ་གཞུག་གོ་ཞེས་སྨྲས་ནས། ཁྱོད་ཀྱིས་དེ་ལ་སྦྱིན་དུ་མ་བཅུག་པར་དེའི་འོག་ཏུ་འདི་སྐད་ཅེས་ཚེ་དང་ལྡན་པ་ཁོ་བོ་ལ་ཁྱོད་དང་ལྷན་ཅིག་སྨྲ་བའམ། འདུག་པ་བདེ་བ་མ་ཡིན་གྱི་འདི་ལྟར་ཁོ་བོ་གཅིག་པུ་ཁོ་ན་སྨྲའམ། འདུག་ན་བདེས། ཁྱོད་སོང་ཞིག་ཅེས་ཟེར་ཞིང་ཟན་གཅོད་དུ་འཇུག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་རུང་བ་མ་ཡིན་པ། ཚུལ་
Ja277b
དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཀླན་ཀ་ཚོལ་ཞིང་ཅི་ནས་ཀྱང་དགེ་སློང་འདི་ལ་ཀླན་ཀ་བཙལ་བར་འགྱུར་རོ། །སྙམ་པ་དེ་ཉིད་རྐྱེན་དུ་བྱས་ཏེ། དགེ་སློང་ལ་འདི་སྐད་ཅེས་ཚེ་དང་ལྡན་པ་ཚུར་ཤོག་།ཁྱིམ་དག་ཏུ་འདོང་དང་དེར་ཁྱེད་ལ་བཅའ་བ་དང་བཟའ་བ་བསོད་པ་ཇི་ཙམ་འདོད་པ་སྦྱིན་དུ་གཞུག་གོ་།ཞེས་སྨྲས་ནས། དེས་དེ་ལ་སྦྱིན་དུ་མ་བཅུག་པར་དེའི་འོག་ཏུ་འདི་སྐད་ཅེས་ཚེ་དང་ལྡན་པ་ཁོ་བོ་ལ་ཁྱོད་དང་ལྷན་ཅིག་སྨྲ་བའམ། འདུག་པ་བདེ་བ་མ་ཡིན་གྱི་འདི་ལྟར་ཁོ་བོ་གཅིག་པུ་ཁོ་ན་སྨྲའམ། འདུག་ན་བདེས་ཁྱོད་སོང་ཞིག་ཅེས་ཟེར་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་ཉེ་དགའ་འམ། གཞན་ཡང་དེ་ལྟ་བུ་གང་ཡིན་པའོ། །ཀླན་ཀ་ཚོལ་ཞིང་ཅི་ནས་ཀྱང་དགེ་སློང་འདི་ལ་ཀླན་ཀ་བཙལ་བར་འགྱུར་རོ་སྙམ་པ་ཞེས་བྱ་བ་ནི། ཅི་ནས་ཀྱང་དགེ་སློང་འདིའི་ཟན་གཅོད་
Ja278a
༄#། །དུ་བཅུག་པར་འགྱུར་རོ་སྙམ་པའོ། །དེ་ཉིད་རྐྱེན་དུ་བྱས་ཏེ། ཞེས་བྱ་བ་ནི། གཞན་མ་ཡིན་པའོ། །དགེ་སློང་ལ་ཞེས་བྱ་བ་ནི་ཆོས་འདི་པ་ལའོ། །འདི་སྐད་ཅེས་ཞེས་བྱ་བ་ནི་འདི་སྐད་ཅེས་སྨྲས་ནས་སོ། །ཚེ་དང་ལྡན་པ་ཚུར་ཤོག་།ཁྱིམ་དག་ཏུ་འདོང་དང་ཞེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་དག་ཏུའོ། །དེར་ཁྱོད་ལ་བཅའ་བ་དང་བཟའ་བ་བསོད་པ་ཞེས་བྱ་བ་ནི་བཅའ་བ་ལྡ་དང་བཟའ་བ་ལྡའོ། །ཇི་ཙམ་འདོད་པ་སྦྱིན་དུ་གཞུག་གོ་ཞེས་སྨྲས་ནས་ཞེས་བྱ་བ་ནི། ཇི་ཙམ་གྱིས་ཆོག་པར་རོ། །དེས་དེ་ལ་སྦྱིན་དུ་མ་བཅུག་པར་དེའི་འོག་ཏུ་འདི་སྐད་ཅེས་ཚེ་དང་ལྡན་པ་ཁོ་བོ་ལ་ཁྱོད་དང་ལྷན་ཅིག་སྨྲ་བའམ། འདུག་པ་བདེ་བ་མ་ཡིན་གྱི་འདི་ལྟར་ཁོ་བོ་གཅིག་པུ་ཁོ་ན་སྨྲའམ། འདུག་ན་བདེས་ཁྱོད་སོང་ཞིག་ཅེས་ཟེར་ན་ཞེས་བྱ་བ་ནི། དེ་སྐད་ཅེས་ཟེར་ནའོ། །ལྟུང་བྱེད་དོ་ཞེས་བྱ་བ་ནི། སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་ཆེད་དུ་བསམས་ཏེ། དགེ་སློང་གིས་ཟན་
Ja278b
གཅོད་དུ་འཇུད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ནད་པའི་བྱེད་དུ་འཇུག་པ་དང ། སྨན་པས་བསྟན་པ་བྱེད་དུ་འཇུག་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཟན་གཅོད་དུ་འཇུག་པའི་ལྟུང་བྱེད་དེ་ལྔ་བཅུ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་མཉན་ཡོད་པའི་ཚོང་པ་རབ་ཏུ་མང་པོ་དག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་ཅིག་ཏུ་འཁོད་དོ། །མཐའ་ཅིག་ཏུ་འཁོད་ནས། བཅོམ་ལྡན་འདས་མཉན་ཡོད་པའི་ཚོང་པ་རབ་ཏུ་མང་པོ་དག་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་ཏུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་མཉན་ཡོད་པའི་ཚོང་བ་རབ་ཏུ་མང་པོ་དག་གིས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་
Ja279a
༄#། །དགའ་བ་དང ། རྗེས་སུ་ཡི་རང་བ་བྱས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ནས། ཚེ་དང་ལྡན་པ་ཀུན་དགའ་བོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་ཚེ་དང་ལྡན་པ་ཀུན་དགའ་བོས་མཉན་ཡོད་པའི་ཚོང་པ་རབ་ཏུ་མང་པོ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་ཅང་མི་སྨྲའོ། །དེ་ནས་མཉན་ཡོད་པའི་ཚོང་པ་རབ་ཏུ་མང་པོ་དག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བྱས་ནས་ཚེ་དང་ལྡན་པ་ཀུན་དགའ་བོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ། །བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་གང་དུ་གཤེགས་པར་འགྱུར། ཤེས་ལྡན་དག་།སངས་རྒྱས་བཅོམ་ལྡན་འདས་ལ་ཞུས་ཤིག་།བཙུན་
Ja279b
པ་ཀུན་དགའ་བོ་སངས་རྒྱས་བཅོམ་ལྡན་འདས་ནི། བསྙེན་པར་དཀའ་བ་དང ། བཟོད་པར་དཀའ་བ་ལགས་པས་བདག་ཅག་གིས་སངས་རྒྱས་བཅོམ་ལྡན་འདས་ལ་ཞུ་བའི་རྡོ་མི་ཐོག་གོ་ཤེས་ལྡན་དག་།ཁོ་བོ་ལ་ཡང་སངས་རྒྱས་བཅོམ་ལྡན་འདས་བསྙེན་པར་དཀའ་བ་དང་བཟོད་པར་དཀའ་བ་ཉིད་ཡིན་པས་ཁོ་བོས་ཀྱང་སངས་རྒྱས་བཅོམ་ལྡན་འདས་ལ་ཞུ་བར་མི་ནུས་སོ། ། བཙུན་པ་ཀུན་དགའ་བོ། གལ་ཏེ་བཙུན་པ་ཀུན་དགའ་བོ་ལ་ཡང་སངས་རྒྱས་བཅོམ་ལྡན་འདས་ནི་བསྙེན་པར་དཀའ་བ་དང་བཟོད་པར་དཀའ་བ་ལགས་པས་བཙུན་པ་ཀུན་དགའ་བོས་ཀྱང་སངས་རྒྱས་བཅོམ་ལྡན་འདས་ལ་ཞུ་བར་མི་སྤྱོད་ན། བཙུན་པ་ཀུན་དགའ་བོས་མཚན་མའམ། བཀའ་མཆིད་ཀྱིས་བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་ཕྱོགས་ག་གེ་མོར་གཤེགས་པར་འགྱུར་བར་ཇི་ལྟར་མཁྱེན། མཚན་མས་ནི་ཇི་ལྟར། བཀའ་མཆིད་ཀྱིས་ནི་ཇི་ལྟར་མཁྱེན། ཤེས་ལྡན་དག་།བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་ཕྱོགས་གང་དུ་གཤེགས་པར་བཞེད་པའི་ཕྱོགས་དེ་ལོགས་སུ་བཅོམ་ལྡན་འདས་ཞལ་གཟིགས་ཤིང་བཞུགས་ལ་དེ་དག་གི་བསྔགས་པ་ཡང་བརྗོད་པར་མཛད་དོ། ། བཙུན་པ་ཀུན་དགའ་བོ། བཅོམ་ལྡན་འདས་ཞལ་གར་གཟིགས་ཤིང་བཞུགས། མི་གང་དག་གི་བསྔགས་པ་ཡང་བརྗོད་པར་མཛད། ཤེས་ལྡན་དག་།བཅོམ་ལྡན་འདས་མ་
Ja280a
༄#། །ག་དྷར་ཞལ་གཟིགས་ཤིང་བཞུགས་ལ། རྒྱལ་པོའི་ཁབ་པའི་མི་དག་གི་བསྔགས་པ་ཡང་བརྗོད་པར་མཛད་དོ། །དེ་དག་གིས་ཚེ་དང་ལྡན་པ་ཀུན་དགའ་བོས་སྨྲས་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ནས་ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་དོང་ནས་དེ་དག་གིས་བསམས་པ། བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་རྒྱལ་པོའི་ཁབ་ཏུ་གཤེགས་པར་འགྱུར་རོ། །སྙམ་ནས་དེ་དག་གིས་རྒྱལ་པོའི་ཁབ་ཏུ་དོང་བའི་ཟོང་སྟ་གོན་བྱས་སོ། །དེ་ནས་བཅོམ་ལྡན་འདས་དབྱར་གནས་པར་ཞལ་གྱིས་བཞེས་ཏེ། དབྱར་གྱི་ཟླ་བ་གསུམ་པོ་དག་འདས་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་མ་ག་དྷ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་མ་ག་དྷ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་ཀྱིས་ཤིག་ཅེས་བསྒོ་ཞིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ། ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ། ཚེ་དང་ལྡན་པ་དག་།དེ་བཞིན་གཤེགས་པ་མ་ག་དྷ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་
Ja280b
གང་དེ་བཞིན་གཤེགས་པ་དང་ཐབས་ཅིག་ཏུ་མ་ག་དྷ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོའོ། །མཉན་ཡོད་པའི་ཚོང་པ་དག་གིས་ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་ཚེ་དང་ལྡན་པ་དག་དེ་བཞིན་གཤེགས་པ་མ་ག་དྷ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་མ་དྷ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་བ་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་མཉན་ཡོད་པའི་ཚོང་བ་རབ་ཏུ་མང་པོ་དག་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་ཏུ་འཇུད་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མས་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་མཉན་ཡོད་པའི་ཚོང་བ་རབ་ཏུ་མང་པོ་དག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་
Ja281a
༄#། །ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་མཉན་ཡོད་ནས་རྒྱལ་པོའི་ཁབ་ཀྱི་བར་ཇི་ཙམ་བར་བདག་ཅག་ལས་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་བར་ཅི་གནང ། བཅོམ་ལྡན་འདས་ཀྱིས་མཉན་ཡོད་པའི་ཚོང་པ་རབ་ཏུ་མང་པོ་དག་ལ་ཅད་མི་གསུང་བས་གནང་ངོ ། །དེ་ནས་མཉན་ཡོད་པའི་ཚོང་པ་རབ་ཏུ་མང་པོ་དག་གིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བར་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེ་ནས་མཉན་ཡོད་པའི་ཚོང་བ་རབ་ཏུ་མང་པོ་དག་ཚེ་དང་ལྡན་པ་ཀུན་དགའ་བོ་ག་ལ་བ་དེར་དོང་སྟེ་ཕྱིན་ནས་ཚེ་དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་མཉན་ཡོད་པའི་ཚོང་པ་རབ་ཏུ་མང་པོ་དག་གིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ། བཅོམ་ལྡན་འདས་ཤུལ་དག་ཏུ་ཇི་ཙམ་དུ་གཤེགས།
Ja281b
ཤེས་ལྡན་དག་འདི་ལྟ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་ཙམ་དུའོ། །བཙུན་པ་ཀུན་དགའ་བོ། འཁོར་ལོས་སྒྱུར་བའི་རྒྱལ་པོ་ཇི་ཙམ་དུ་མཆི། ཤེས་ལྡན་དག་འཁོར་ལོས་སྒྱུར་བའི་རྒྱལ་པོ་ནི་ལམ་དག་ཏུ་རྒྱང་གྲགས་བཅུར་འགྲོའོ། །དེ་དག་གིས་རྒྱང་གྲགས་བཅུ་བཅུར་བཅོམ་ལྡན་འདས་དགེ་སློང་གི་དགེ་འདུན་དང་བཅས་པའི་ཚོགས་དག་བཤམས་ཤིང་དེ་དག་གི་ཞལ་ཟས་གྲང་ཆ་གང་དག་ཡིན་པ་དེ་དག་ནི་དེ་ཉིད་ཀྱི་ཉིན་མོ་སྟ་གོན་བྱས། དྲོད་བག་གང་དག་ཡིན་པ་དེ་དག་ནི་ཉི་མ་རེ་རེ་ཞིང་སྟ་གོན་བྱེད་དོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུག་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་
Ja282a
༄#། །བ།་སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་པའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་སྒྱུར་བའི་རྒྱལ་པོ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། ནོར་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཤིན་ཏུ་དུལ་བ་སྤྱོད་ལམ་དང་སྤྱོད་པ་མ་འཁྲུགས་པ་ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་
Ja282b
བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང་མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ། ཀུན་ཤེས་ཀོའུ་དི་ནྱ་དང ། རྟ་ཐུལ་དང ། བཟང་ལྡན་དང ། རླངས་པ་དང ། མིང་ཆེན་དང ། གྲགས་པ་དང ། གང་བོ་དང ། དྲི་མེད་དང ། བ་ལང་བདག་དང ། ལག་བཟང་ལ་སོགས་པ་ཉན་ཐོས་ཆེན་པོ་དེ་དག་དང ། གཞན་ཡང་དགེ་སློང་གི་དགེ་འདུན་རབ་ཏུ་མང་པོས་ཡོངས་སུ་བསྐོར་ཅིང་མདུན་དུ་བདར་ཏེ། རྒྱལ་པོའི་ཁབ་ག་ལ་བ་དེར་ལོགས་སུ་ལྗོངས་རྒྱུ་ཞིང་གཤེགས་སོ། །ཚེ་དང་ལྡན་པ་ཀུན་དགའ་བོ་དོན་མཐུན་གྱི་མདུན་དུ་སོང་བ་དང ། ཇི་ཙམ་ན་ལམ་ཁ་བྲག་མཐོང་ནས། དེས་བཅོམ་ལྡན་འདས་མ་གཤེགས་ཀྱི་བར་དུ་དེར་བསྡད་དོ། །བཅོམ་ལྡན་འདས་གཤེགས་ནས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཅི་སྡོད། བཙུན་པ་འདི་ནི་ཤུལ་ཁ་བྲག་ལགས་ཏེ། ཤུལ་འདི་ནི་དྲང་ལ་སེང་གེའི་འཇིགས་པ་དང་བཅས་པ་ལགས། ཤུལ་འདི་ནི་འཁྱོག་ལ་བདེ་བ་ལགས་ན་ཤུལ་གང་ནས་མཆི་བར་བགྱི། ཀུན་དགའ་བོ་ལམ་
Ja283a
༄#། །དྲང་པོ་ནས་སོང་ཞིག་དང ། དེ་བཞིན་གཤེགས་པ་ནི་སེང་གེའི་འཇིགས་པ་དང་བྲལ་བ་ཡིན་ནོ། །དེ་ནས་བཅོམ་ལྡན་འདས་ཤུལ་དྲང་པོ་ནས་གཤེགས་པར་བརྩམས་ནས་ཇི་ཙམ་ན་ལམ་དེ་ན་རི་བྲགས་ཤིག་ཡོད་པ་དེར་བྱོན་པ་དང ། རི་བྲགས་དེ་ནས་བྱིས་པ་ཁྱེའུ་གཉིས་ཤིག་ལམ་ཀར་འོངས་ཏེ་རྩེ་ཞིང་འདུག་གོ་།དེ་ནས་གཅིག་གི་ལག་ན་ནི་རྔ་པ་ཊ་ཧ་ཐོགས། ཅིག་ཤོས་ཀྱི་ལག་ན་ནི་གཞུ་ཐོགས་སོ། །དེ་གཉིས་ཀྱིས་བཅོམ་ལྡན་འདས་མཐོང་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཚུར་གཤེགས་སུ་གསོལ། བཅོམ་ལྡན་འདས་བྱོན་པ་ལེགས་སོ། །བཅོམ་ལྡན་འདས་འཇིགས་པ་དང་བཅས་པའི་ཤུལ་དུ་གར་གཤེགས། འོན་ཀྱང་བཅོམ་ལྡན་འདས་མི་བསྙེངས་སུ་གསོལ། བདག་ཅག་གཉིས་ཀྱིས་བཅོམ་ལྡན་འདས་ཀྱི་སེལ་བགྱིའོ། །དེ་ན་དད་པ་སྐྱེས་པ་གཅིག་གིས་ནི་རྔ་པ་ཊ་ཧ་བརྡུངས། དད་པ་སྐྱེས་པ་ཅིག་ཤོག་ཀྱིས་ནི་གཞུ་བརྡུངས་ཏེ། དེ་གཉིས་བཅོམ་ལྡན་འདས་ཀྱི་མདུན་དུ་འགྲོ་བར་བརྩམས་པ་དང ། བཅོམ་ལྡན་འདས་འདི་སྙམ་དུ་དགོངས་ཏེ། ཁྱེའུ་འདི་གཉིས་ཀྱིས་དགེ་བའི་རྩ་བ་དག་བསྐྱེད་དོ་སྙམ་དུ་རིག་ནས། བཅོམ་ལྡན་འདས་ཀྱིས་ཁྱེའུ་དེ་གཉིས་ལ་འདི་སྐད་ཅེས་བཀའ་སྩལ་ཏོ། །ཁྱེའུ་གཉིས་ཕྱིར་ལོག་ཅིག་།དེ་བཞིན་གཤེགས་པ་ནི་སེང་
Ja283b
གེའི་འཇིགས་པ་དང་བྲལ་བ་ཡིན་ནོ། །དེ་གཉིས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་དོང་བ་དང ། བཅོམ་ལྡན་འདས་འཛུམ་པ་མཛད་དོ། །ཆོས་ཉིད་ཀྱི་ན་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ན་ཞལ་ནས་འོད་ཟེར་སྔོན་པོ་དང་སེར་པོ་དང་དམར་པོ་དང་དཀར་པོ་དང ། བཙོད་ཀ་དང་ཤེལ་དང་དངུལ་གྱི་ཁ་དོག་ལྟ་བུ་དག་བྱུང་ནས། ཁ་ཅིག་ནི་འོག་ལོགས་སུ་འདོང ། ཁ་ཅིག་ནི་སྟེང་ལོགས་སུ་འདོང་བས་གང་དག་འོག་ལོགས་སུ་འདོང་བ་དེ་དག་ནི་སེམས་ཅན་དམྱལ་བ་ཡང་སོས་དང ། ཐིག་ནག་དང ། བསྡུས་གཞོམ་དང ། ངུ་འབོད་དང ། ངུ་འབོད་ཆེན་པོ་དང ། ཚབ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཆུ་བུར་རྡོལ་བ་དང ། སོ་ཐམ་ཐམ་པ་དང ། ཀྱི་ཧུད་ཟེར་བ་དང ། ་ཆུ་ཟེར་བ་དང ། ུཏྤ་ལ་ལྟར་གས་པ་དང ། པད་མ་ལྟར་གས་པ་དང ། པད་མ་ལྟར་གས་པ་ཆེན་པོར་དོང་སྟེ། སེམས་ཅན་དམྱལ་བ་ཚ་བ་གང་དག་ཡིན་པ་དེ་དག་ཏུ་ནི་བསིལ་བར་གྱུར་ཏེ་འབབ་པར་བྱེད་ལ། སེམས་ཅན་དམྱལ་བ་གྲང་བ་གང་དག་ཡིན་པ་དེ་དག་ཏུ་ནི་དྲོ་བར་གྱུར་ཏེ་འབབ་པར་བྱེད་དོ། །དེས་སེམས་ཅན་དེ་དག་གི་གནོད་པའི་བྱེ་བྲག་གང་དག་རྒྱུན་གཅོད་པར་བྱེད་ཅིང ། དེ་དག་འདི་སྙམ་དུ་ཤེས་ལྡན་དག་།ཅི་བདག་ཅག་འདི་ནས་ཤི་འཕོས་སམ།
Ja284a
༄#། །འོན་ཏེ་གཞན་དུ་སྐྱེས་སྙམ་དུ་སེམས་སོ། །དེ་དག་དད་པ་བསྐྱེད་པར་བྱ་བའི་ཕྱིར་བཅོམ་ལྡན་འདས་ཀྱི་སྤྲུལ་པ་གཏོང་བར་མཛད་དེ། དེ་དག་གིས་སྤྲུལ་པ་མཐོང་ནས་འདི་སྙམ་དུ་ཤེས་ལྡན་དག་བདག་ཅག་འདི་ནས་ཤི་འཕོས་པ་ཡང་མ་ཡིན་ལ། གཞན་དུ་སྐྱེས་པ་ཡང་མ་ཡིན་ཏེ། འདི་ལྟར་སེམས་ཅན་སྔོན་མ་མཐོང་བ་འདིའི་མཐུས་བདག་ཅག་གི་གནོད་པའི་བྱེ་བྲག་དག་རྒྱུན་ཆད་པར་གྱུར་ཏོ་སྙམ་དུ་སེམས་སོ། །དེ་དག་སྤྲུལ་པ་ལ་སེམས་མངོན་པར་དད་པར་གྱུར་ནས། སེམས་ཅན་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས། གང་དུ་བདེན་པ་དག་གི་སྣོད་དུ་གྱུར་པ་འགྱུར་བའི་ལྷ་དང་མི་རྣམས་ཀྱི་ནང་དུ་ཉིང་མཚམས་སྦྱོར་བ་ལེན་པར་བྱེད་དོ། །གང་དག་སྟེང་ལོགས་སུ་འདོང་བ་དེ་དག་ནི་རྒྱལ་ཆེན་བཞི་པ་དང ། སུམ་ཅུ་རྩ་གསུམ་པ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་སྐྱེས་དང ། འབྲས་བུ་ཆེ་བ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་དང ། ཤིན་ཏུ་མཐོང་དང ། འོག་མིན་གྱི་ལྷ་རྣམས་ཀྱི་ནང་དུ་དོང་ནས་མི་རྟག་
Ja284b
པ་དང ། སྡུག་བསྔལ་དང ། སྟོང་པ་དང ། བདག་མེད་པ་ཞེས་བྱ་བའི་སྒྲ་སྒྲོགས་པར་བྱེད་ཅིང ། ཚིགས་སུ་བཅད་པ་གཉིས་པོ། བརྩམས་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། འདམ་བུའི་ཁྱིམ་དུ་གླང་ཆེན་བཞིན། འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་སྨྲས་སོ། །དེ་ནས་འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱུལ་ནས། བཅོམ་ལྡན་འདས་ཉིད་ཀྱི་སླད་བཞིན་སླད་བཞིན་དུ་རྗེས་སུ་འདོང་སྟེ། དེ་ལ་གལ་ཏེ་བཅོམ་ལྡན་འདས་འདས་པའི་ལས་ལུང་སྟོན་པར་བཞེད་ན་ནི་བཅོམ་ལྡན་འདས་ཀྱི་སྣམ་ལོགས་སུ་ནུབ་པར་འགྱུར་རོ། །མ་འོངས་པའི་ལས་ལུང་སྟོན་པར་བཞེད་ན་ནི། མདུན་ལོགས་སུ་ནུབ་པར་འགྱུར་རོ། །སེམས་ཅན་དམྱལ་བར་སྐྱེ་བ་ལུང་སྟོན་པར་བཞེད་ན་ནི་ཞབས་ཀྱི་མཐིལ་དུ་ནུབ་པར་འགྱུར་རོ། །དུད་འགྲོར་སྐྱེ་བ་ལུང་སྟོན་པར་བཞེད་ན་ནི་ལོང་བུར་ནུབ་པར་འགྱུར་རོ། །ཡི་དྭགས་སུ་སྐྱེ་བར་ལུང་སྟོན་པར་བཞེད་ན་ནི་ཞབས་ཀྱི་མཐེ་བོར་ནུབ་པར་འགྱུར། མིར་སྐྱེ་བ་ལུང་སྟོན་པར་བཞེད་ན་ནི། པུས་མོར་ནུབ་པར་འགྱུར། སྟོབས་ཀྱི་འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི་ཕྱག་མཐིལ་གཡོན་པར་ནུབ་པར་འགྱུར། འཁོར་
Ja285a
༄#། །ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི་ཕྱག་མཐིལ་གཡས་པར་ནུབ་པར་འགྱུར། ལྷར་སྐྱེ་བར་ལུང་སྟོན་པར་བཞེད་ན་ནི་ལྟེ་བར་ནུབ་པར་འགྱུར། ཉན་ཐོས་ཀྱི་བྱང་ཆུབ་ལུང་སྟོན་པར་བཞེད་ན་ནི་ཞལ་དུ་ནུབ་པར་འགྱུར། རང་སངས་རྒྱས་ཀྱི་བྱང་ཆུབ་ལུང་སྟོན་པར་བཞེད་ན་ནི་མཛོད་སྤུར་ནུབ་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལུང་སྟོན་པར་བཞེད་ན་ནི་གཙུག་ཏོར་དུ་ནུབ་པར་འགྱུར་རོ། །དེ་ན་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་མཛོད་སྤུར་ནུབ་བོ། །དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ་བཅོམ་ལྡན་འདས་ལ་ཞུས་པ། ཁ་དོག་སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱི་སྒྲོས་ནས་བྱུང་གྱུར་ཏེ། །དེ་ཡིས་ཕྱོགས་རྣམས་ཐམས་ཅད་སྣང་བགྱིས་པ། །ཉི་གདུགས་བདལ་བར་གྱུར་པ་ཇི་བཞིན་ནོ། །ཡང་ཚིགས་སུ་བཅད་པ་སྨྲས་པ། རྒོད་བྲལ་ཞུམ་དང་རྒྱགས་པ་རབ་སྤངས་པ། །སངས་རྒྱས་འགྲོ་བ་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བསྟན་པ་རང་བློས་དུས་མཁྱེན་ནས། །ཐུབ་པ་ཁྱུ་མཆོག་དགེ་སྦྱོང་སྐྱེ་དབང་པོ། །ཉན་པའི་སྐྱེ་བོ་སོམ་ཉི་ལྡན་རྣམས་ལ། །ཐེ་ཚོམ་སྐྱེས་པ་གསུང་ཚིག་བསྟན་པ་དང ། །དམ་པ་དགེ་བ་དག་གིས་
Ja285b
བསལ་དུ་གསོལ། །ཚཝ་ཆུ་རི་རྒྱལ་ལྟ་བུར་བརྟན་པ་ཡི། །སངས་རྒྱས་མགོན་རྣམས་གློ་བུར་འཛུམ་མི་སྟོན། །བརྟན་རྣམས་ཇི་སླད་འཛུམ་པ་སྟོན་མཛད་པ། །སྐྱེ་བོའི་ཚོགས་རྣམས་དེ་ནི་ཉན་པར་འཚལ། །བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་མ་མཆིས་རྐྱེན་མ་མཆིས་པར་འཛུམ་པ་མི་མཛད་ན། བཙུན་པ། འཛུམ་པ་མཛད་པའི་རྒྱུ་ནི་གང་ལགས་རྐྱེན་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ནོ། །དེ་དེ་བཞིན་ཏེ། ཀུན་དགའ་བོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་དོ། །ཀུན་དགའ་བོ་ཁྱོད་ཀྱིས་གང་དག་གིས་དེ་བཞིན་གཤེགས་པའི་སེལ་བྱས་པའི་བྱིས་པ་ཁྱེའུ་གཉིས་མཐོང་ངམ། བཙུན་པ་མཐོང་ངོ ། །ཀུན་དགའ་བོ་ཁྱེའུ་འདི་གཉིས་ནི་དགེ་བའི་རྩ་བ་འདི་དང་ལེགས་པར་སྤྱད་པ་འདིས་བསྐལ་པ་བཅུ་གསུམ་དུ་ལོག་པར་ལྟུང་བར་འགྲོ་བར་མི་འགྱུར་ཞིང་དེ་གཉིས་ལྷ་དང་མི་རྣམས་སུ་ཉིང་མཚམས་སྦྱར་ཅིང་འཁོད་ནས་སྲིད་པ་ཐ་མ་དང ། གནས་ཐ་མ་དང ། གཟུགས་ཐ་མ་དང ། ལུས་ཐ་མ་ཐོབ་པ་ན་ལས་དེ་ཉིད་དང ། དགེ་བའི་རྩ་བ་དེ་ཉིད་དང ། ལེགས་པར་སྤྱད་པ་དེ་ཉིད་ཀྱིས་རབ་ཏུ་བྱུང་ནས་རང་བྱང་ཆུབ་མངོན་དུ་བྱེད་པར་འགྱུར་ཏེ་།གཅིག་ནི་རང་སངས་རྒྱས་རྔ་སྒྲ་ཞེ་
Ja286a
༄#། །བྱ་བར་འགྱུར། ཅིག་ཤོས་ནི་རང་སངས་རྒྱས་མི་འཇིགས་སྦྱིན་ཞེས་བྱ་བར་འགྱུར་རོ། །དེ་ནས་བཅོམ་ལྡན་འདས་གྲོང་ཁྱེར་མེད་པའི་དགོན་པའི་གནས་ཤིག་ཏུ་མཚན་མོ་གནས་པར་ཞལ་གྱིས་བཞེས་སོ། །བཅོམ་ལྡན་འདས་ཀྱིས་ཤིང་ལྗོན་པ་ཡང་རྒན་རིམས་ཀྱིས་བསྐོ་བར་བྱའོ་ཞེས་བཀའ་སྩལ་པས་དྲུག་སྡེ་དག་གིས་ཤིང་ལྗོན་པ་ཁོང་སྟོང་ཞིག་ཐོབ་ནས་དེ་དག་གྲང་བ་དག་གིས་ཤིང་ལྗོན་པ་ཁོང་སྟོང་དེ་ལ་མེ་བཏང་བ་དང ། ཤིང་ལྗོན་པ་ཁོང་སྟོང་དེ་ལ་སྦྲུལ་དུག་མྱུར་དུ་ཁྱབ་པར་བྱེད་པ་ཞིག་གནས་པ་དེ་དུ་བས་དཀྲུགས་ནས་སྟེང་གི་ཡལ་ག་ལ་འཛེགས་ཏེ་འཕྱང་ཞིང་འདུག་གོ་།དྲུག་སྡེ་དག་གིས་དེ་འཕྱང་ཞིང་འདུག་པ་མཐོང་ནས་དེ་དག་གིས་སྨྲས་པ། བྱུང་ངོ་བྱུང་ངོ་ཞེས་བགྱིས་པ་དང ། དོན་མཐུན་གྱིས་དེ་ཐོས་ནས་བསམས་པ། ཅི་སེང་གེ་བྱུང་ངོ་སྙམ་ནས་དོན་མཐུན་སྐྲག་སྟེ་ཕྱོགས་བཞིར་བྲོས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཅིའི་ཕྱིར་དོན་མཐུན་འདི་ཕྱོགས་བཞིར་བྲོས། བཙུན་པ་བཅོམ་ལྡན་འདས་ཀྱིས་ཞུགས་ཤིང་ལྗོན་པ་ཡང་རྒན་རིམས་ཀྱིས་བསྐོ་བར་བྱའོ་ཞེས་བཀའ་སྩལ་པས། དྲུག་སྡེ་དག་གིས་ཞུགས་ཤིང་ལྗོན་པ་ཁོང་སྟོང་ཞིག་ཐོབ་ནས་དེ་དག་གྲང་བ་དག་གིས་ཞུགས་ཤིང་ལྗོན་པ་ཁོང་སྟོང་དེ་ལ་ཞུགས་བཏང་བ་དང་ཞུགས་ཤིང་ལྗོན་པ་ཁོང་སྟོང་དེ་ལ་སྦྲུལ་དུག་མྱུར་དུ་
Ja286b
ཁྱབ་པར་བགྱིད་པ་ཞིག་གནས་པ་དེ་དུ་བས་དཀྲུགས་ནས་སྟེང་གི་ཡལ་ག་ལ་འཛེགས་ཏེ་འཕྱང་ཞིང་མཆིས་པ་དྲུག་སྡེ་དག་གིས་མཐོང་ནས་དེ་དག་གིས་བྱུང་ངོ་བྱུང་ངོ་ཞེས་བགྱིས་པ་དང ། དོན་མཐུན་གྱིས་དེ་ཐོས་ནས་སེང་གེ་བྱུང་ངོ་སྙམ་ནས་དོན་མཐུན་སྐྲག་སྟེ་ཕྱོགས་བཞིར་བྲོས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་སོང་ལ་དོན་མཐུན་ལ་དེ་བཞིན་གཤེགས་པ་ནི་སེང་གེའི་འཇིགས་པ་དང་བྲལ་བ་ཡིན་གྱི། ཕྱིར་ལོག་ཅིག་ཅེས་བསྒོ་ཞིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དོན་མཐུན་གྱི་གན་དུ་སོང་སྟེ་ཤེས་ལྡན་དག་དེ་བཞིན་གཤེགས་པ་ནི་སེང་གེའི་འཇིགས་པ་དང་བྲལ་བ་ཡིན་གྱི། ཕྱིར་ལོག་ཅིག་ཅེས་སྨྲས་ནས་དེའི་ཕྱིར་ལོག་པར་གྱུར་ཏོ། །དགེ་སློང་རྣམས་ཀྱིས་བཅོམ་ལྡན་འདས་ལ་ཞུས་པ། བཙུན་པ་དྲུག་སྡེ་དག་གིས་དོན་མཐུན་སྐྲག་པར་བགྱིས་ཏེ་ཕྱོགས་བཞིར་བྲོས་པ། བཅོམ་ལྡན་འདས་ཀྱིས་དབུགས་ཕྱུང་བ་ལ་གཟིགས། དགེ་སློང་དག་ད་ལྟར་དུ་མ་ཟད་དེ་འདི་ལྟར་འདས་པའི་དུས་ན་ཡང་འདི་དག་གིས་རི་དྭགས་ཀྱི་ཚོགས་ཆེན་པོ་སྐྲག་པར་བྱས་ཏེ་ཕྱོགས་བཞིར་བྲོས་པ་ངས་དབུགས་ཕྱུང་སྟེ། དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན་མཚེའུ་ཞིག་གི་འགྲམ་ན་ཤིང་བིལ་བའི་ཚལ་ཡོད་དེ་ཤིང་བིལ་བའི་ཚལ་དེ་ན་རི་བོང་དྲུག་ཅིག་གནས་སོ། །ཤིང་བིལ་བའི་ཚལ་དེ་
Ja287a
༄#། །ནས་ཤིང་བིལ་བ་ཞིག་མཚེའུའི་ནང་དུ་རྡིབ་པ་ན་སྒྲ་ཅལ་ཞེས་ཟེར་བ་བྱུང་ངོ ། །རི་བོང་དྲུག་པོ་དེ་དག་གིས་སྒྲ་ཐོས་ནས། དེ་དག་ལུས་ཆུང་བས་སྐྲག་སྟེ་འབྲོས་པར་བརྩམས་སོ། །དེ་དག་འབྲོས་པ་ཝ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། རི་བོང་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། ། དེ་ནས་ཝ་དེ་དག་གིས་ཀྱང་འབྲོས་པར་བརྩམས་སོ། །དེ་དག་འབྲོས་པ་སྦྲེ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། ཝ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་སྤྲེ་དེ་དག་གིས་ཀྱང་འབྲོས་པར་བརྩམས་སོ། །དེ་དག་འབྲོས་པ་རི་དྭགས་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། སྦྲེ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་རི་དྭགས་དག་གིས་ཀྱང་འབྲོས་པར་བརྩམས་སོ། །དེ་དག་འབྲོས་པ་ཕག་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། རི་དྭགས་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་ཕག་དེ་དག་ཀྱང་འབྲོས་པར་བརྩམས་སོ། །དེ་དག་འབྲོས་པ་མ་ཧེ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། ཕག་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་མ་ཧེ་དག་གིས་ཀྱང་
Ja287b
འབྲོས་པར་བརྩམས་སོ། །དེ་དག་འབྲོས་པ་བསེ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། མ་ཧེ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་བསེ་དག་གིས་ཀྱང་འབྲོས་པར་བརྩམས་སོ། །དེ་དག་འབྲོས་པ་གླང་པོ་ཆེ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། བསེ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་གླང་པོ་ཆེ་དེ་དག་གིས་ཀྱང་འབྲོས་པར་བརྩམས་སོ། །དེ་དག་འབྲོས་པ་དོམ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། གླང་པོ་ཆེ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་དོམ་དེ་དག་གིས་ཀྱང་འབྲོས་པར་བརྩམས་སོ། །དེ་དག་འབྲོས་པ་དྲེད་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། དོམ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་དྲེད་དེ་དག་གིས་ཀྱང་འབྲོས་པར་བརྩམས་སོ། །དེ་དག་འབྲོས་པ་གུང་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། དྲེད་དེ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་གུང་དེ་དག་གིས་ཀྱང་འབྲོས་པར་བརྩམས་སོ། །དེ་དག་འབྲོས་པ་སྟག་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། གུང་དེ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་སྟག་དེ་དག་གིས་འབྲོས་པར་བརྩམས་སོ། །དེ་དག་
Ja288a
༄#། །འབྲོས་པ་སེང་གེ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་ཅིའི་ཕྱིར་འབྲོས། སྟག་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །དེ་ནས་སེང་གེ་དག་གིས་ཀྱང་འབྲོས་པར་བརྩམས་སོ། །ཇི་ཙམ་ན་རི་དྲུང་དང་ཉེ་བ་ཞིག་ན་སེང་གེ་རལ་བ་ཅན་ཅོད་བན་ལྟ་བུ་དང་ལྡན་པ་ཞིག་འདུག་པ་དེས་སེང་གེ་དེ་དག་འབྲོས་པ་མཐོང་ནས་དེས་སྨྲས་པ། ཤེས་ལྡན་དག་ཁྱེད་ཅག་ཐམས་ཅད་ནི་སྡེར་མོའི་སྟོབས་ཅན་དང ། མཆེ་བའི་སྟོབས་ཅན་ཤ་སྟག་ཡིན་ན་ཅིའི་ཕྱིར་འབྲོས། སེང་གེ་དེ་དག་གིས་སྨྲས་པ། ཅལ་ཅལ་ཟེར་བ་བྱུང་ངོ ། །ཤེས་ལྡན་དག་ཅལ་ཅལ་ཟེར་བ་དེ་ག་ལས་བྱུང ། བདག་ཅག་གིས་ཀྱང་ཅལ་ཅལ་ཟེར་བ་དེ་ག་ལས་བྱུང་མི་ཤེས་སོ། །སེང་གེ་དེས་སྨྲས་པ། ཤེས་ལྡན་དག་མ་འབྲོས་ཤིག་།ཅལ་ཅལ་ཟེར་བ་ག་ལས་བྱུང་བ་བརྟག་པར་བྱའོ་ཞེས་དེས་སྟག་དག་ལ་རྨས་པ། ཁྱེད་ཅག་ལ་སུས་སྨྲས། སྟག་གིས་སྨྲས་པ། གུང་དག་གིས་སོ། །དེས་གུང་དག་ལ་རྨས་པ། ཁྱེད་ཅག་ལ་སུས་སྨྲས། གུང་དག་གིས་སྨྲས་པ། དྲེད་དག་གིས་སོ། །དེས་དྲེད་དག་ལ་རྨས་པ། ཁྱེད་ཅག་ལ་སུས་སྨྲས། དྲེད་དག་གིས་སྨྲས་པ། དོམ་དག་གིས་སོ། །དེས་དོམ་དག་ལ་རྨས་པ། ཁྱེད་ཅག་ལ་སུས་སྨྲས། དོམ་དག་གིས་སྨྲས་པ། གླང་པོ་ཆེ་དག་གིས་སོ། །དེས་གླང་པོ་ཆེ་དག་ལ་རྨས་པ། ཁྱེད་ཅག་ལ་སུས་སྨྲས། གླང་པོ་ཆེ་དག་གིས་སྨྲས་པ།
Ja288b
བསེ་དག་གིས་སོ། །དེས་བསེ་དག་ལ་རྨས་པ། ཁྱེད་ཅག་ལ་སུས་སྨྲས། བསེ་དག་གིས་སྨྲས་པ། མ་ཧེ་དག་གིས་སོ། །དེས་མ་ཧེ་དག་ལ་རྨས་པ། ཁྱེད་ཅག་ལ་སུས་སྨྲས། མ་ཧེ་དག་གིས་སྨྲས་པ། ཕག་དག་གིས་སོ། །དེས་ཕག་དག་ལ་རྨས་པ། ཁྱེད་ཅག་ལ་སུས་སྨྲས། ཕག་དག་གིས་སྨྲས་པ། རི་དྭགས་དག་གིས་སོ། །དེས་རི་དྭགས་དག་ལ་རྨས་པ། ཁྱེད་ཅག་ལ་སུས་སྨྲས། རི་དྭགས་དག་གིས་སྨྲས་པ། སྦྲེ་དག་གིས་སོ། །དེས་སྦྲེ་དག་ལ་རྨས་པ། ཁྱེད་ཅག་ལ་སུས་སྨྲས། སྦྲེ་དག་གིས་སྨྲས་པ། ཝ་དག་གིས་སོ། །དེས་ཝ་དག་ལ་རྨས་པ། ཁྱེད་ཅག་ལ་སུས་སྨྲས། ཝ་དག་གིས་སྨྲས་པ། རི་བོང་དག་གིས་སོ། །དེས་རི་བོང་དག་ལ་རྨས་པ། ཁྱེད་ཅག་ལ་སུས་སྨྲས། རི་བོང་དག་གིས་སྨྲས་པ། བདག་གིས་འཇིགས་པ་དེ་མངོན་སུམ་དུ་མཐོང་གི། ཚུར་ཤོག་དང་ཅལ་ཅལ་ཟེར་བ་དེ་ག་ལས་བྱུང་བ་བསྟན་པར་བྱའོ། །ཞེས་དེ་དག་གིས་སེང་གེ་དེ་ཁྲིད་དེ་ཤིང་བིལ་བའི་ཚལ་དེ་བསྟན་ནས་ཅལ་ཅལ་ཟེར་བ་དེ་འདི་ནས་བྱུང་ངོ་ཞེས་སྨྲས་པ་དང ། ཇི་ཙམ་ན་ཤིང་བིལ་བའི་ཚལ་དེ་ནས་ཡང་ཤིང་བིལ་བ་ཞིག་མཚེའུ་དེའི་ནང་དུ་རྡིབ་པ་ན་སྒྲ་ཅལ་ཞེས་ཟེར་བ་བྱུང་ནས། སེང་གེ་དེས་སྨྲས་པ། ཤེས་ལྡན་དག་འདི་ནི་ཅལ་བ་ཡིན་གྱི། མ་འཇིགས་ཤིག་ཅེས་ཐམས་ཅད་དབུགས་ཕྱུང་བ་དང ། ལྷས་ཚིགས་སུ་བཅད་པ་སྨྲས་པ། རབ་ཏུ་གྲགས་པས་འགྲོ་མི་བྱ། །བདག་ཉིད་ཀྱིས་ནི་མངོན་སུམ་བྱ། །བིལ་བ་རྡིབ་པས་
Ja289a
༄#། །ནགས་ཚལ་ནི། །རྐང་བཞི་མེད་བར་བྲོས་ལ་ལྟོས། །དགེ་སློང་དག་དེའི་ཚེ་དེའི་དུས་ན་སེང་གེ་རལ་པ་ཅན་ཅོད་པན་ལྟ་བུ་དང་ལྡན་པ་གང་གིས་རི་དྭགས་ཀྱི་ཚོགས་ཆེན་པོ་སྐྲག་པ་ཕྱོགས་བཞིར་འབྲོས་པ་དག་དབུགས་ཕྱུང་བར་གྱུར་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ན་རི་བོང་དྲུག་པོ་གང་གིས་རི་དྭགས་ཀྱི་ཚོགས་ཆེན་པོ་སྐྲག་པར་བྱས་པ་དེ་དག་ནི་དྲུག་སྡེ་དག་ཡིན་ཏེ། དགེ་སློང་དག་དེ་ལྟར་འདས་པའི་དུས་ན་ཡང་འདི་དག་གིས་རི་དྭགས་ཀྱི་ཚོགས་ཆེན་པོ་སྐྲག་པར་བྱས་ཏེ་ཕྱོགས་བཞིར་བྲོས་པ་ངས་དབུགས་ཕྱུང་ལ། ད་ལྟར་ཡང་འདི་དག་གིས་དོན་མཐུན་སྐྲག་པར་བྱས་ཏེ་ཕྱོགས་བཞིར་བྲོས་པ་ངས་དབུགས་ཕྱུང་ངོ ། །འདི་ནི་རེ་ཞིག་བྱུང་བ་ཡིན་ཏེ་སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་མི་མཛད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དོན་མཐུན་ལ་ཁྱེད་ཅག་ལས་གང་ཡང་དོན་མཐུན་གྱི་མདུན་དུ་མ་འགྲོ་ཞིག་།དེ་བཞིན་གཤེགས་པ་ཉིད་དོན་མཐུན་གྱི་མདུན་དུ་གཤེགས་སོ་ཞེས་བསྒོ་ཞིག། ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དོན་མཐུན་གྱི་གན་དུ་སོང་སྟེ་སྨྲས་པ། ཤེས་ལྡན་དག་དེ་བཞིན་གཤེགས་པས་བཀའ་སྩལ་
Ja289b
པ། ཁྱེད་ཅག་ལས་གང་ཡང་དོན་མཐུན་གྱི་མདུན་དུ་མ་འགྲོ་ཞིག་།དེ་བཞིན་གཤེགས་པ་ཉིད་དོན་མཐུན་གྱི་མདུན་དུ་གཤེགས་སོ་ཞེས་བྱུང་ངོ་ཞེས་བསྒོའོ། །དེ་ནས་དེ་བཞིན་གཤེགས་པ་ཉིད་དོན་མཐུན་གྱི་མདུན་དུ་གཤེགས་པ་དང་ཇི་ཙམ་ན་སེང་གེ་རལ་པ་ཅན་ཅོད་པན་ལྟ་བུ་དང་ལྡན་པ་ཞིག་རྔམ་སྟེ་བཅོམ་ལྡན་འདས་ཀྱི་སྤྱན་སྔར་འདོར་ཅིང་བྱུང་བ་དང ། བཅོམ་ལྡན་འདས་ཀྱིས་ཕྱག་གཡས་པའི་མཐིལ་དུ་སེང་གེ་རལ་པ་ཅན་ཅོད་པན་ལྟ་བུ་དང་ལྡན་པ་ལྔ་སྤྲུལ་པ་མཛད་ནས། དེས་དེ་དག་གི་དྲི་ཚོར་ནས་སྐྲག་སྟེ་འབྲོས་པར་བརྩམས་པ་དང ། ལྡན་འདས་ཀྱིས་ཕྱོགས་བཞིར་མེ་སྤྲུལ་པ་མཛད་དོ། །སེང་གེ་དེས་ཕྱོགས་བཞིར་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ཅིང་འབར་བར་མཐོང་ཞིང་བཅོམ་ལྡན་འདས་ཉིད་ཀྱི་ཞབས་ཀྱི་དྲུང་འབའ་ཞིག་ན་ཞི་བར་མཐོང་ནས། དེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་པ་དང ། བཅོམ་ལྡན་འདས་ཀྱིས་ཕྱག་འཁོར་ལོ་དང་བཀྲ་ཤིས་དང་གཡུང་དྲུང་དང་དྲ་བས་འབྲེལ་པ་བསོད་ནམས་བརྒྱ་ཕྲག་དུ་མ་ལས་འཁྲུངས་པ། འཇིགས་པ་རྣམས་དབུགས་འབྱིན་པར་མཛད་པས་མགོ་ལ་བྱུགས་ཏེ་བཀའ་སྩལ་པ། བཞིན་བཟང་ཁྱོད་སྔོན་གྱི་ཉེས་པར་སྤྱད་པ་དང་ལྡན་པས་དུད་འགྲོའི་སྐྱེ་གནས་སུ་སྐྱེས་ཏེ། ཁྱོད་ད་ལྟར་དྲག་ཤུལ་ཅན་ལག་པ་དམར་བ། སྣུན་པ་དང་རབ་ཏུ་སྣུན་པ་ལ་གཞུག་པ། གཞན་གྱི་
Ja290a
༄#། །སྲོག་འཕྲོག་པ། གཞན་གྱི་སྲོག་གཅོད་དུ་འཇུད་པ། གཞན་གྱི་སྲོག་གཅོད་བས་འཚོ་བར་བྱེད་པ་ཡིན་པས་ཁྱོད་འདི་ནས་ཤི་འཕོས་པའི་འགྲོ་བ་ནི་ཅིར་འགྱུར། སྐྱེ་བ་ནི་ཅིར་འགྱུར། ཚེ་ཕྱི་མ་ནི་ཅིར་འགྱུར། བཞིན་བཟང་འདི་ལྟར་འདུ་བྱེད་ཐམས་ཅད་ནི་མི་རྟག་པའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་བའོ་ཞེས་ཚིག་གསུམ་གྱི་ཆོས་བསྟན་ནས་བཞིན་བཟང་ཁྱོད་ང་ལ་སེམས་མངོན་པར་དད་པར་གྱིས་ཤིག་དང་དེས་དུད་འགྲོའི་སྐྱེ་གནས་ཀྱི་འདོད་ཆགས་དང་བྲལ་བར་འགྱུར་རོ་ཞེས་བཀའ་སྩལ་ཏོ། །དགེ་སློང་དག་སེང་གེ་དེ་ལ་རེག་པར་བྱེད་པ་ན་དེ་སྒྲ་འབྱིན་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་སེང་གེ་ལ་མ་རེག་ཅིག་།དེ་ཅིའི་ཕྱིར་ན་དགེ་སློང་དག་སེང་གེ་ནི་བཟོད་པར་དཀའ་བ་དང ། བསྙེན་པར་དཀའ་བ་ཡིན་པའི་ཕྱིར་རོ། །དགེ་སློང་དག་དེ་ལྟ་བས་ན། དགེ་སློང་གིས་སེང་གེ་དེ་ལ་རེག་པར་མི་བྱའོ། །དགེ་སློང་སེང་གེ་ལ་རེག་པར་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་རི་དྭགས་ཀྱི་རྒྱལ་པོ་སེང་གེ་དེ་འདི་སྙམ་དུ་སེམས་ཏེ། གང་གི་ཕྱིར་བདག་གིས་བཅོམ་ལྡན་འདས་ཀྱི་སྤྱན་སྔར་ཚིག་གསུམ་གྱི་ཆོས་ཐོས་ནས་ཟས་ཟ་བར་བྱེད་པ་ནི་བདག་གི་ཚུལ་དང་མཐུན་པ་མ་ཡིན་ནོ་སྙམ་ནས། དེ་ཟས་མི་ཟ་བ་ལ་ཞུགས་སོ། །དུད་འགོའི་སྐྱེ་
Ja290b
གནས་སུ་སྐྱེས་པ་རྣམས་ཀྱི་མེ་ནི་རྣོ་བ་ཡིན་པས་དེ་བཀྲེས་པས་ཉམ་དམས་པ་ན་བཅོམ་ལྡན་འདས་ལ་སེམས་མངོན་པར་དད་པར་བྱས་ནས་དུས་ལ་བབ་པ་དང་རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་སོ། །ལྷའི་བུའམ་ལྷའི་བུ་མོའི་ཆོས་ཉིད་ནི་སྐྱེས་ནས་རིང་པོ་མ་ལོན་པ་ལ་སེམས་གསུམ་སྐྱེ་སྟེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་སྐྱེས་པའོ། །དེས་དུད་འགྲོ་རྣམས་ཀྱི་ནང་ནས་ཤི་འཕོས་པ་དང ། རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་པ་དང ། བཅོམ་ལྡན་འདས་ལ་སེམས་མངོན་པར་དད་པར་བྱས་པས་སྐྱེས་པར་མཐོང་ངོ ། །དེ་ནས་སྔོན་སེང་གེ་ལྷའི་བུ་དེ་འདི་སྙམ་དུ་སེམས་ཏེ་གང་གི་ཕྱིར་བདག་ཡོངས་སུ་གནས་པ་བསྟེན་ཏེ། བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི་བདག་གི་ཚུལ་དང་མཐུན་པ་མ་ཡིན་གྱི། བདག་ཡོངས་སུ་གནས་པ་མ་བསྟེན་པ་ཁོ་ནར་བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་ཉེ་བར་འགྲོའོ་སྙམ་མོ། །དེ་ནས་སྔོན་སེང་གེ་ལྷའི་བུ་རྣ་ཆ་གདུབ་ཀོར་གཡོ་ཞིང་དྲི་མ་མེད་པ་ཐོགས་ཏེ་དོ་ཤལ་དང ། སེ་མོ་དོས་བརྒྱན་པའི་ལུས་ཀྱིས་ལྷའི་ཨུཏྤ་ལ་དང ། པདྨ་དང ། ཀུ་མུ་ཏ་དང ། པདྨ་དཀར་པོ་དག་གིས་ཐུ་བ་བཀང་སྟེ་ཁ་དོག་ཤིན་ཏུ་འདས་པས་མཚན་མོ་ལ་བབ་པ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་མེ་ཏོག་དག་གིས་མངོན་པར་གཏོར་ཏེ།
Ja291a
༄#། །བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་མཐའ་གཅིག་ཏུ་འདུག་པ་དང ། འདི་ལྟར་སྔོན་སེང་གེ་ལྷའི་བུའི་ཁ་དོག་གི་མཐུས་གྲོང་མེད་པའི་དགོན་པའི་གནས་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་སྔོན་སེང་གེ་ལྷའི་བུའི་བསམ་པ་དང ། བག་ལ་ཉལ་དང ། ཁམས་དང་རང་བཞིན་ཐུགས་སུ་ཆུད་ནས་གང་ཐོས་ནས་སྔོན་སེང་གེ་ལྷའི་བུས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོག་པར་བྱེད་པའི་ཆོས་བསྟན་པར་མཛད་དོ། །དེས་བདེན་པ་མཐོང་ནས། བཙུན་པ་བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང་རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དྭགས་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་དུད་འགྲོ་དང་ཡི་
Ja291b
དྭགས་དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་གོ་ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲགས་ཉེས་པ་མང་ལྡན་པའི། ། ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་རྣམ་དག་ཁྱེད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་རྡལ་བར་འགྱུར། །འགྲོ་བ་ལྷ་མིན་མི་དང་ལྷས་མཆོད་པ། ། སྐྱེ་དང་རྒ་དང་ན་འཆི་བྲལ་བ་བོ། །སྲིད་པ་སྟོང་དུ་མཐོང་བ་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །དེ་ནས་འདུད་བྱས་དོ་ཤལ་རབ་འཕྱང་བས། །ཞབས་ལ་ཕྱག་འཚལ་རངས་པ་སྐྱེས་གྱུར་ནས། །དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང ། །དེ་ནས་སྔོན་སེང་གེ་ལྷའི་བུ་ཚོང་པ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཏོག་འབྱོར་པ་ལྟ་བུ་དང ། དཔའ་བོ་གཡུལ་ལས་རྣམ་པར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་པ་ལྟ་བུར་གྱུར་ཏེ། ཆ་ལུགས་གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་ཆ་ལུགས་དེ་ཉིད་ཀྱིས་རང་གི་གནས་སུ་སོང་ངོ ། །དགེ་སློང་དག་ནམ་གྱི་ཆ་སྟོད་དང ། ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་བརྩོན་
Ja292a
༄#། །པར་གནས་པ་དེ་དག་གིས་བཅོམ་ལྡན་འདས་ཀྱི་སྤྱན་སྔར་སྣང་བ་རྒྱ་ཆེན་པོས་ཁྱབ་པར་གྱུར་པ་མཐོང་ངོ ། །མཐོང་ནས་ཐེ་ཚོམ་ཟ་བའི་ཡིད་ཀྱིས་མཚན་མོ་ནམ་ནངས་པ་དང ། བཅོམ་ལྡན་འདས་ལ་ཞུས་པ། བཅོམ་ལྡན་འདས་ཅི་ལགས། མདང་སུམ་མི་མཇེད་ཀྱི་བདག་པོ་ཚངས་པའམ། ལྷའི་དབང་པོ་བརྒྱ་བྱིན་ནམ། འཇིག་རྟེན་སྐྱོང་བ་བཞིའམ། ལྷའི་བུ་འབྱོར་བ་ཆེ་བ་མཐུ་ཆེ་བ་གཞན་ཞིག་།བཅོམ་ལྡན་འདས་ལ་ལྟ་བའི་སླད་དུ་ཉེ་བར་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མི་མཇེད་ཀྱི་བདག་པོ་ཚངས་པ་ང་ལ་བལྟ་བའི་ཕྱིར་ཉེ་བར་འོངས་པ་ཡང་མ་ཡིན། ལྷའི་དབང་པོ་བརྒྱ་བྱིན་ཡང་མ་ཡིན། འཇིག་རྟེན་སྐྱོང་བ་བཞི་ཡང་མ་ཡིན། ལྷའི་བུ་འབྱོར་པ་ཆེ་བ་མཐུ་ཆེ་བ་གཞན་ཡང་མ་ཡིན་ཏེ། དགེ་སློང་དག་འདི་ལྟར་ཁྱེད་ཀྱིས་ངས་རི་དྭགས་ཀྱི་རྒྱལ་པོ་སེང་གེ་གང་ལ་ཚིག་གསུམ་གྱི་ཆོས་བསྟན་པ་དེ་མཐོང་ངམ། བཅོམ་ལྡན་འདས་མཐོང་ངོ ། །དགེ་སློང་དག་དེ་དེ་ནས་ཤི་འཕོས་ཏེ་རྒྱལ་ཆེན་བཞི་བའི་ལྷ་རྣམས་ཀྱི་ནང་དུ་སྐྱེས་ནས། དེ་མདང་སུམ་ངའི་གན་དུ་འོངས་ཏེ། ངས་དེ་ལ་ཆོས་བསྟན་ནས་དེས་བདེན་པ་མཐོང་སྟེ་རང་གི་གནས་སུ་སོང་ངོ ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་སྔོན་སེང་གེ་ལྷའི་བུས་
Ja292b
ལས་ཅི་བགྱིས་ན། ལས་དེའི་རྣམ་པར་སྨིན་པས་སེང་གེ་རྣམས་ཀྱི་ནང་དུ་སྐྱེས་པར་གྱུར། ལས་ཅི་བགྱིས་ན་ལས་དེའི་རྣམ་པར་སྨིན་པས་རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་པར་གྱུར། ལས་ཅི་བགྱིས་ན་ལས་དེའི་རྣམ་པར་སྨིན་པས་བདེན་པ་མཐོང་ནས་རང་གི་གནས་སུ་མཆིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔོན་སེང་གེ་ལྷའི་བུ་ཉིད་ཀྱི་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་གྱུར་པ་དག་བྱས་ཤིང་བསགས་པས་སྔོན་སེང་གེ་ལྷའི་བུས་ལས་བྱས་ཤིང་བསགས་པ་གཞན་སུ་ཞིག་གིས་ཉམས་སུ་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་ཏེ། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་རོ། །ལས་རྣམས་བསྐལ་བ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན་བསྐལ་བ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
Ja293a
༄#། །པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་དགེ་སློང་ཉི་ཁྲིས་བསྐོར་ཅིང་གྲོང་ཁྱེར་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་གནས་ན་ཉེ་བར་རྟེན་ཅིང་བཞུགས་སོ། །གང་གི་ཚེ་ཡང་དག་པར་རྫོགས་པའི་སངས་རྒྱས་འོད་སྲུང་འཇིག་རྟེན་དུ་བྱུང་བར་མ་གྱུར་པ་དེའི་ཚེ། ཝཱ་ར་ཎཱ་སི་ན་བྲམ་ཟེ་འཁོར་ཤིན་ཏུ་མང་བ་རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ། ཡུལ་ཐ་དད་པ་ན་གནས་པའི་བྲམ་ཟེ་རྣམས་ཀྱི་སྟོན་པར་གྱུར་པ་ཞིག་འདུག་པ་དེ་འཇིག་རྟེན་ཐམས་ཅད་ཀྱིས་ཤིན་ཏུ་བཀུར་སྟིར་བྱས། བླ་མར་བྱས། རྗེད་པར་བྱས། མཆོད་པར་བྱས་སོ། །གང་གི་ཚེ་ཡང་དག་པར་རྫོགས་པའི་སངས་རྒྱས་འོད་སྲུང་འཇིག་རྟེན་དུ་བྱུང་བར་གྱུར་བ་དེའི་ཚེ་ན་དེ་ལ་ཕྱིན་ཆད་འགའ་ཡང་བཀུར་སྟིར་མི་བྱེད། བླ་མར་མི་བྱེད། རྗེད་པར་མི་བྱེད། མཆོད་པར་མི་བྱེད་དོ། །ཡང་དག་པར་རྫོགས་པའི་སངས་རྒྱས་འོད་སྲུང་འཁོར་བ་བརྒྱ་ཕྲག་དུ་མའི་མདུན་ན་བཞུགས་ཤིང་ཆོས་སྟོན་པར་མཛད་པ་ན། བྲམ་ཟེ་འཁོར་ཤིན་ཏུ་མང་བ་དེ་ཕྱོགས་དེ་ནས་སོང་བ་དང ། བྲམ་ཟེ་དེས་ཡང་དག་པར་རྫོགས་པའི་སངས་རྒྱས་འོད་སྲུང་འཁོར་བརྒྱ་
Ja293b
ཕྲག་དུ་མའི་མདུན་ན་བཞུགས་ཤིང་ཆོས་སྟོན་པ་མཐོང་ངོ ། །མཐོང་ནས་ཀྱང་སྨྲས་པ། དགེ་སྦྱོང་འདི་ནི་སེང་གེ་བཞིན་དུ་འཇིགས་པ་མེད་པ་དང་བག་ཚ་བ་མེད་པར་འཁོར་ལ་ཆོས་སྟོན་པར་བྱེད་ལ། ཉན་ཐོས་འདི་དག་ནི་རི་དྭགས་ཕྲ་མོ་དག་བཞིན་དུ་ཆོས་ཉན་པར་བྱེད་དོ། །ཡང་དག་པར་རྫོགས་པའི་སངས་རྒྱས་འོད་སྲུང་གིས་དེ་གསན་ཏོ། །གསན་ནས་ཀྱང་བྲམ་ཟེ་དེ་ལ་བཀའ་སྩལ་པ། བྲམ་ཟེ་ཁྱོད་ཀྱིས་ངག་གི་ལས་རྩུབ་བོ་སྨྲས་ཀྱི། ཉེས་པ་ཉེས་པའི་སྒོ་ནས་ཤོགས་ཤིག་དང ། དེ་ལྟ་ན་ཁྱོད་ཀྱི་ལས་དེ་སྲབས་པ་ཉིད་དང ། ཡོངས་སུ་ཟད་པ་དང ། ཡོངས་སུ་མཐར་ཐུག་པར་འགྱུར་རོ། །བྲམ་ཟེ་དེས་ཉེས་པ་ཉེས་པའི་སྒོ་ནས་བཤགས་ཏེ་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་དག་བླངས་སོ། །དགེ་སློང་དག་དེའི་ཚེ་དེའི་དུས་ན་གང་གིས་ཡང་དག་པར་རྫོགས་པའི་སངས་རྒྱས་འོད་སྲུང་ལ་སེང་གེ་ཞེས་བརྗོད་པས་ཀུན་ཏུ་སྤྱོད་པ་གང་ཡིན་པ་དེ་ནི་སྔོན་སེང་གེ་ལྷའི་བུ་འདི་ཉིད་ཡིན་ཏེ། དེའི་ཚེ་འདིས་ཡང་དག་པར་རྫོགས་པའི་སངས་རྒྱས་འོད་སྲུང་ལ་སེང་གེ་ཞེས་བརྗོད་པས་ཀུན་ཏུ་སྤྱད་པའི་ལས་དེའི་རྣམ་པར་སྨིན་པས་ཚེ་རབས་ལྔ་བརྒྱར་སེང་གེ་རྣམས་ཀྱི་ནང་དུ་སྐྱེས་པར་གྱུར་ནས། ད་ལྟར་གྱི་བར་དུ་ཡང་སེང་གེ་རྣམས་ཀྱི་ནང་དུ་སྐྱེས་པར་གྱུར་ཏོ། །འདིས་ང་ལ་སེམས་མངོན་པར་དད་པར་བྱས་པའི་ལས་དེའི་རྣམ་པར་
Ja294a
༄#། །སྨིན་པས་ནི་ཤི་ཞིང་དུས་ལ་བབ་ནས་རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་སོ། །འདིས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་འདི་དག་བླངས་པའི་ལས་དེའི་རྣམ་པར་སྨིན་པས་ནི། ངའི་སྤྱན་སྔར་བདེན་པ་དག་མཐོང་ཞིང་དེས་བདེན་པ་དག་མཐོང་ནས་རང་གི་གནས་སུ་ཕྱིན་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པར་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་གཅིག་ཏུ་གནག་པ་རྣམས་དང ། འདྲེས་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །དེ་ནས་བཅོམ་ལྡན་འདས་མ་ག་དྷ་དག་ཏུ་ལྗོངས་རྒྱུ་ཞིག་གཤེགས་པ་ན། རྒྱལ་པོའི་ཁབ་ཏུ་བྱོན་ནས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་དུས་ན་དྲུག་སྡེ་དག་གིས་མེས་གཞན་ལ་གཏོང་བས་རྩེ་བར་བྱེད་ཅིང ། ཟླ་བ་ཡང་བྱེད། ཉི་མ་ཡང་བྱེད། མགལ་མེའི་འཁོར་ལོ་ཡང་བྱེད་ནས། གཞན་མུ་སྟེགས་ཅན་དག་ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་མེས་གཞན་ལ་
Ja294b
གཏོང་བས་རྩེ་བར་བྱེད་ཅིང ། ཟླ་བ་ཡང་བྱེད། ཉི་མ་ཡང་བྱེད། འགལ་མེའི་འཁོར་ལོ་ཡང་བྱེད་དེ་བྱིས་པ་ཁྱེའུ་འདི་དག་ཀྱང་མེས་གཞན་ལ་གཏོང་བས་རྩེ་བར་བྱེད་ཅིང ། ཟླ་བ་ཡང་བྱེད། ཉི་མ་ཡང་བྱེད། འགལ་མེའི་འཁོར་ལོ་ཡང་བྱེད། ཤེས་ལྡན་དག་བྱིས་པ་ཁྱེའུ་འདི་དག་དང་ཤཱཀྱའི་བུའི་དགེ་སྦྱོང་འདི་དག་ལ་བྱེ་བྲག་ནི་ཅི་ཡོད། བསམ་པ་ནི་ཅི་ཡོད། ཐ་དད་དུ་བྱ་བ་ནི་ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ཞེས་སྨོད་པར་བྱེད། ཕྱར་ཀ་གཏོད་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། ། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་བྱེད་མེས་གཞན་ལ་གཏོང་བས་རྩེ་བར་བྱེད་ཅིང ། ཟླ་བ་ཡང་བྱེད། ཉི་མ་ཡང་བྱེད། འགལ་མེའི་འཁོར་ལོ་ཡང་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་བར་སྨད་པ་མཛད་
Ja295a
༄#། །དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མེ་ལ་རེག་གམ་རེག་ཏུ་འཇུད་ན་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །དགེ་སློང་དག་ཕྱིན་ཆད་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་དག་ལ་བདུག་སྤོས་ཀྱང་གསོལ་བར་མི་བྱེད། མར་མེ་ཡང་སྤར་བར་མི་བྱེད། སློབ་དཔོན་དང་མཁན་པོ་དག་ལ་ཡང་ཆུ་དྲོན་འབུལ་བར་ཡང་མི་བྱེད། ལྷུང་བཟེད་ཀྱི་ལས་ཀྱང་མི་བྱེད། ཚོན་གྱི་ལས་ཀྱང་མི་བྱེད་ནས། སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ཅིའི་ཕྱིར་ན་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་དག་ལ་བདུག་སྤོས་ཀྱང་གསོལ་བར་མི་བྱེད། མར་མེ་ཡང་སྤར་བར་མི་བྱེད། སློབ་དཔོན་དང་མཁན་པོ་དག་ལ་ཡང་ཆུ་དྲོན་འབུལ་བར་མི་བྱེད། ལྷུང་བཟེད་
Ja295b
ཀྱི་ལས་ཀྱང་མི་བྱེད། ཚོན་གྱི་ལས་ཀྱང་མི་བྱེད། བཙུན་པ་བཅོམ་ལྡན་འདས་ཀྱིས་འདི་ལྟར་ཡང་དགེ་སློང་གང་མེ་ལ་རེག་གམ། རེག་ཏུ་འཇུད་ན་ལྟུང་བྱེད་དོ་ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་པས་དགེ་སློང་དེ་དག་སླན་ཆད་དེ་བཞིན་གཤེགས་པའི་དབུ་སྐྲ་དང་སེན་མོའི་མཆོད་རྟེན་དག་ལ་བདུག་སྤོས་དག་ཀྱང་གསོལ་བར་མི་བགྱིད། མར་མེ་ཡང་སྤར་བར་མི་བགྱིད། སློབ་དཔོན་དང་མཁན་པོ་དག་ལ་ཡང་ཆབ་དྲོན་འབུལ་བར་མི་བགྱིད། ལྷུང་བཟེད་ཀྱི་ལས་ཀྱང་མི་བགྱིད། ཚོན་ཀྱི་ལས་ཀྱང་མི་བགྱིད་དོ། །ཀུན་དགའ་བོ་དེ་ལྟ་བས་ན་དུས་བྱིན་གྱིས་བརླབ་བར་བྱའོ། །བཅོམ་ལྡན་འདས་ཀྱིས་དུས་བྱིན་གྱིས་བརླབ་པར་བྱའོ་ཞེས་བཀའ་སྩལ་ནས། དེ་དག་གིས་ཇི་ལྟར་དུས་བྱིན་གྱིས་བརླབ་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྟོན་པ་དང ། ཆོས་དང ། དགེ་འདུན་དང ། སློབ་དཔོན་དང་མཁན་པོ་དང ། ཚངས་པ་མཚུངས་པར་སྤྱོད་པ་རྣམས་ཀྱི་ཆོས་ལྡན་པའི་བྱ་བའི་དོན་ཉིད་ཀྱིས་དུས་བྱིན་གྱིས་བརླབ་པར་བྱའོ། །དགེ་སློང་དག་ལྷུང་བཟེད་ཀྱི་ལས་དང་ཚོན་གྱི་ལས་དག་བྱེད་པ་ན། ཡང་དང་ཡང་དུ་བརྗེད་ངས་པས་དེ་མེ་ལ་རེག་ནས་དེ་དག་འགྱོད་པ་སྐྱེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དུས་ཡུན་རིང་དུ་བྱིན་གྱིས་བརླབ་པར་བྱའོ། །དགེ་སློང་ཞིག་ན་ཞིང་
Ja296a
༄#། །རླུང་ནད་ཅན་དུ་གྱུར་ནས། དེ་སྨན་པའི་གན་དུ་སོང་སྟེ་དྲིས་པ། བཞིན་བཟང་ཁོ་བོ་ལ་སྨན་སྟོན་ཅིག་།འཕགས་པ་ཞུགས་སྟེན་ཅིག་།བཞིན་བཟང་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མཛད་དོ། །འཕགས་པ་ཁྱོད་ཀྱི་སྟོན་པ་ནི་ཐུགས་རྗེ་ཅན་ལགས་པས་འདི་ལྟར་དེ་ཉིད་རྐྱེན་དུ་མཛད་ནས་རྗེས་སུ་གནང་བར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ན་བའི་དུས་མ་གཏོགས་སོ། །དེ་ནས་བཅོམ་ལྡན་འདས་ཀྱི་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ། འདི་ནི་རྗེས་སུ་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་མི་ན་བར་བདག་ཉིད་ཀྱི་ཕྱིར་མེ་ལ་རེག་གམ། རེག་ཏུ་འཇུད་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །མི་ན་བར་ཞེས་བྱ་བ་ནི་ན་
Ja296b
བ་བཞག་སྟེའོ། །བདག་ཉིད་ཀྱི་ཕྱིར་ཞེས་བྱ་བ་ནི་བདག་ཉིད་ཀྱི་ཆེད་དུའོ། །མེ་ལ་རེག་གམ་ཞེས་བྱ་བ་ནི་བདག་ཉིད་ཀྱིས་སོ། །རེག་ཏུ་འཇུད་ན་ཞེས་བྱ་བ་ནི་གཞན་ནོ། །ལྟུང་བྱེད་དོ་ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་མེས་གཞན་ལ་གཏོང་བས་རྩེ་བར་བྱེད་ན་ལྟུང་བྱེད་དུ་འགྱུར་རོ། །ཟླ་བ་བྱེད་ན་ལྟུང་བྱེད་དུ་འགྱུར་རོ། །ཉི་མ་བྱེད་ན་ལྟུང་བྱེད་དུ་འགྱུར་རོ། །མགལ་མེའི་འཁོར་ལོ་བྱེད་ན་ལྟུང་བྱེད་དུ་འགྱུར་རོ། །དགེ་སློང་མེ་སྤར་བར་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་སྤར་བར་བྱེད་ན་ལྟུང་བྱེད་དུ་འགྱུར་རོ། །དགེ་སློང་མེ་གསོད་པར་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་གསོད་པར་བྱེད་ན་ལྟུང་བྱེད་དུ་འགྱུར་རོ། །དགེ་སློང་བུད་ཤིང་སྐུལ་བར་བྱེད་དམ། བུད་ཤིང་འདྲེན་པར་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་བུད་ཤིང་སྐུལ་བར་བྱེད་དམ། འདྲེན་པར་བྱེད་ན་ལྟུང་བྱེད་དུ་འགྱུར་རོ། །དགེ་སློང་མདག་མ་སྤུང་བར་བྱེད་དམ། མདག་མ་འདྲུ་བར་
Ja297a
༄#། །བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་མདག་མ་སྤུང་བར་བྱེད་དམ། འདྲུ་བར་བྱེད་ན་ལྟུང་བྱེད་དུ་འགྱུར་རོ། །དགེ་སློང་མེ་མ་མུར་སྤུང་བར་བྱེད་དམ། འདྲུ་བར་བྱེད་ན་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་མེ་མ་མུར་སྤུང་བར་བྱེད་དམ། འདྲུ་བར་བྱེད་ན་ཉེས་བྱས་སུ་འགྱུར་རོ། །དགེ་སློང་མེར་སྐྲ་དང ། སྤུ་དང ། རུས་པ་དང ། སེན་མོ་དག་འཇུད་ན་ཉེས་བྱས་སུ་འགྱུར་རོ། །དགེ་སློང་མེར་མཆིལ་མ་དང ། སྣབས་དང ། སྐྱུགས་པ་དང ། རླུགས་པ་དག་འཇུད་ན་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མེ་ལ་རེག་པའི་ལྟུང་བྱེད་དེ་ལྔ་བཅུ་གཉིས་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་ང་བདུན་པ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་འཆར་ཀས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་པ་དང ། ཚེ་དང་ལྡན་པ་འདུན་པ་ནི་ཀོའུ་ཤིམྦྷིར་སོང་སྟེ། སྙིང་ལས་ཆུང་ངུར་འདུག་པ་དང ། འགྲོ་མགྱོགས་དང ། ནབ་སོ་གཉིས་ནི་དུས་ལ་བབ་པ་དང ། དགའ་བོ་དང་ཉེ་དགའ་གཉིས་ནི་དགེ་འདུན་གྱི་ནང་ན་གནས་པ་དེའི་ཚེ་ན་བཅུ་བདུན་སྡེ་
Ja297b
དག་གདུག་པ་དང་ཕ་རོལ་གནོན་པར་གྱུར་ཅིང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་ཡང་ཡིན་པས་དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་ཡུན་རིང་པོ་ནས་དྲུག་སྡེ་དག་གིས་མཐོ་བཙམས་ཏེ། ཇི་ལྟར་དགའ་བོ་དང་ཉེ་དགའ་གཉིས་ཀྱིས་མཐོ་བཙམས་པ་ལྟར་ཡང་གཞན་དག་གིས་མཐོ་མ་བཙམས་ལ་ཇི་ལྟར་ཉེ་དགས་མཐོ་བཙམས་པ་ལྟར་ཡང་དགའ་བོས་མཐོ་མ་བཙམས་ཀྱི། ཚུར་ཤེག་།དེ་གནས་ནས་དབྱུང་བའི་ལས་བྱའོ། །དེ་ན་གཅིག་གིས་སྨྲས་པ། ཕུ་ནུ་བོ་དག་དེའི་ཕུ་བོ་དགའ་བོ་རྩོད་པ་ལ་མཁས་པས་བདག་ཅག་གིས་ཉེ་དགའ་གནས་ནས་དབྱུང་བའི་ལས་བྱ་བར་མི་ནུས་སོ། །དེ་བྲེལ་བ་བསྐྱེད་པར་བྱའོ་ཞེས་དེ་དག་དགའ་བོའི་གན་དུ་སོང་སྟེ་སྨྲས་པ། གནས་བརྟན་ཕྱག་འཚལ་ལོ། །ཚེ་དང་ལྡན་པ་དག་ཨ་རོག་གྱ།་གནས་བརྟན་གྱི་ཆོས་གོས་དག་དྲི་མ་ཅན་དུ་གྱུར་ཏོ། །བུ་དག་ཁོ་བོ་རྒས་པར་གྱུར་པས་དགེ་སློང་ལྷན་ཅིག་གནས་པ་དང ། ཉེ་གནས་དག་གིས་ཀྱང་རྒས་པའི་ཕྱིར་བརྙས་ཏེ་ཕྱིན་ཆད་ཆོས་གོས་ཀྱི་ལས་བྱེད་དུ་མི་བཏུབ་བོ། །བདག་ཅག་གིས་གནས་བརྟན་གྱི་ཆོས་གོས་དག་བཀྲུ་བར་བགྱི་ཡི། ཆོས་གོས་དག་ཚུར་སྩོལ། དགའ་བོས་བཅུ་བདུན་སྡེ་དག་ལ་ཆོས་གོས་དག་བྱིན་ནོ། །དེ་དག་གིས་སྨྲས་པ། གནས་བརྟན་ཆོས་གོས་དག་གཅིག་ཅར་བཀྲུས་།ཆོས་གོས་ཐམས་ཅད་ཚུར་སྩོལ། དགའ་བོས་རྙང་རྙིང་དག་གྱོན་ཏེ་ཆོས་གོས་ཐམས་ཅད་བཅུ་བདུན་
Ja298a
༄#། །སྡེ་དག་ལ་བྱིན་ནོ། །བཅུ་བདུན་སྡེ་དག་གིས་ཆོས་གོས་དེ་དག་འགྱུར་བྱེད་ཀྱིས་བཙལ་ནས། གནས་མལ་བཤམས་ཏེ་གཎྜཱི་བརྡུངས་ནས་དགའ་བོའི་གན་དུ་སོང་སྟེ་སྨྲས་པ། གནས་བརྟན་དགེ་འདུན་གྱི་བྱ་བ་ཅུང་ཞིག་མཆིས་ཏེ། གཎྜཱི་བརྡུངས་ཀྱི། ཚུར་སྤྱོན། དགའ་བོས་སྨྲས་པ། བུ་དག་ཁོ་བོ་འདི་འདྲ་བའི་གནས་སྐབས་ཀྱིས་དགེ་འདུན་གྱི་ནང་དུ་ཇི་ལྟར་འགྲོ་བར་བྱ། དགེ་འདུན་གྱི་བྱ་བ་ཆོས་དང་ལྡན་པ་ལ་འདུན་པ་འབུལ་ལོ། །དེ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན་དགེ་སློང་གླེང་བ་པོ་རྒན་པའི་མཐའ་ལོགས་སུ་འདུག་སྟེ། ཉེ་དགའ་ལ་རྨས་པ། བཙུན་པ་ཉེ་དགའ་ཁྱོད་ཀྱིས་བཅུ་བདུན་སྡེ་དག་གི་ལྟོ་དྲལ་ཏེ་རྒྱུ་མ་དག་གིས་རྒྱལ་བྱེད་ཀྱི་ཚལ་དགང་བར་བྱའོ་ཞེས་བྱ་བ་དེ་ལྟ་བུའི་ཚིག་སྨྲས་པ་གང་ཡིན་པ་དེ་དྲན་ནམ། ཚེ་དང་ལྡན་པ་དག་རྨ་སོས་པ་དག་དྲན་ཏེ་ཅི་བྱེད་དེ་ནི་འདས་པའི་དོན་ཡིན་ནོ། །དེ་དག་གིས་སྨྲས་པ། བཅོམ་ལྡན་འདས་ཀྱིས་འདས་པའི་དུས་ཁོ་ན་ལས་བཙམས་ཏེ་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ་ཞེས་དེ་དག་གིས་ཉེ་དགའ་ལ་གྱ་ཚོམ་དུ་ནན་གྱིས་གནས་ནས་དབྱུང་བའི་ལས་བྱས་སོ། །ཉེ་དགའ་གནས་ནས་དབྱུང་བའི་ལས་བྱས་ནས་ཕུ་བོ་དགའ་བོའི་གན་དུ་སོང་སྟེ། ངུ་བར་བརྩམས་པ་དང ། དགའ་བོས་སྨྲས་པ། ཉེ་དགའ་ཅིའི་ཕྱིར་དུ། ཉེ་དགས་སྨྲས་པ།
Ja298b
ལྷུང་བཟེད་ནག་པོ་ཅན་དག་གིས་ཁོ་བོ་གནས་ནས་དབྱུང་བའི་ལས་བྱས་སོ། །དགའ་བོས་སྨྲས་པ། གང་དག་གིས་ཁོ་བོའི་ནུ་བོ་གནས་ནས་དབྱུང་བའི་ལས་བྱས་པ་དེ་དག་གྲོང་དང་གྲོང་ཁྱེར་དང་ལྗོངས་དང་ཁམས་གསུམ་ནས་གནས་ནས་ཕྱུང་བར་གྱུར་ཅིག་།འོན་ཀྱང་གནས་ནས་དབྱུང་བའི་ལས་བྱས་པ་རྣམས་ལ་གྲོང་དང་གྲོང་ཁྱེར་མེད་དམ་ཅི། སྡོད་ཅིག་དང་བཟོད་པ་གསོལ་བར་བྱའོ། །འདི་ལྟར་དེ་དག་གིས་མི་མཐུན་པ་ཁོ་ནར་ལས་བྱས་སོ། །གང་ཞིག་དེར་མ་འདུས། ཁོ་བོའོ། །སློབ་དཔོན་གྱིས་དེར་འདུན་པ་ཕུལ་ལོ། །ཅི་ཁོ་བོས་བདག་གི་ནུ་བོ་གནས་ནས་དབྱུང་བའི་ལས་བྱེད་པར་ཤེས་སམ། ཁོ་བོ་དགེ་འདུན་གྱི་བྱ་བ་དེ་ལྟ་བུ་ལ་འདུན་པ་མི་འབུལ་གྱི། ཁོ་བོས་འདུན་པ་མ་ཕུལ་ལོ། །ཁོ་བོས་འདུན་པ་ཉེས་པར་ཕུལ་ལོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་འདུན་གྱི་བྱ་བ་ཆོས་དང་ལྡན་པ་ལ་དགེ་སློང་ལ་འདུན་པ་ཕུལ་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་སྤོང་བའི་ཆོས་སུ་བྱེད་ཅིང་འདི་སྐད་ཅེས་དགེ་སློང་འདུན་པ་ཕྱིར་བྱིན་ཅིག་།ཁྱོད་ལ་མི་སྦྱིན་ནོ་ཞེས་ཟེར་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །
Ja299a
༄#། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགའ་བོ་ལ་རྨས་པ། དགའ་བོ་ཁྱོད་དགེ་འདུན་གྱི་བྱ་བ་ཆོས་དང་ལྡན་པ་ལ་དགེ་སློང་ལ་འདུན་པ་ཕུལ་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡི་མ་རངས་ནས་སྤོང་བའི་ཆོས་སུ་བྱེད་ཅིང་འདི་སྐད་ཅེས་དགེ་སློང་འདུན་པ་ཕྱིར་བྱིན་ཅིག་།ཁྱོད་ལ་མི་སྦྱིན་ནོ་ཞེས་ཟེར་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་བྱ་བ་ཆོས་དང་ལྡན་པ་ལ་དགེ་སློང་ལ་འདུན་པ་ཕུལ་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས། སྤོང་བའི་ཆོས་སུ་བྱེད་ཅིང་འདི་སྐད་ཅེས་དགེ་སློང་འདུན་པ་
Ja299b
ཕྱིར་བྱིན་ཅིག་།ཁྱོད་ལ་མི་སྦྱིན་ནོ་ཞེས་ཟེར་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་དགའ་བོའམ། གཞན་ཡང་དེ་ལྟ་བུ་གང་ཡིན་པའོ། །དགེ་འདུན་གྱི་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །བྱ་བ་ཆོས་དང་ལྡན་པ་ལ་ཞེས་བྱ་བ་ནི་ལས་ཆོས་དང་ལྡན་པ་ལའོ། །དགེ་སློང་ལ་ཞེས་བྱ་བ་ནི་ཆོས་འདི་པ་ལའོ། །འདུན་པ་ཕུལ་ནས་ཞེས་བྱ་བ་ནི་འདུན་པ་བྱིན་ནས་སོ། །དེའི་འོག་ཏུ་ཞེས་བྱ་བ་ནི་དུས་གཞན་ནའོ། །ཁྲོས་ཁྲུགས་རྔམ་པར་གྱུར་ཏེ་ཡི་མ་རངས་ནས་ཞེས་བྱ་བ་ནི་ཁྲོས་ཤིང་ཁྲོ་བའི་ཟིལ་གྱིས་ནོན་ནས་སོ། །སྤོང་བའི་ཆོས་སུ་བྱེད་ཅིང་ཞེས་བྱ་བ་ནི་བསྙོན་པའི་ཆོས་སུ་བྱེད་ཅིང་ངོ ། །འདི་སྐད་ཅེས་ཞེས་བྱ་བ་ནི་འདི་སྐད་ཅེས་ཟེར་ནའོ། །དགེ་སློང་འདུན་པ་ཕྱིར་བྱིན་ཅིག་།ཁྱོད་ལ་མི་སྦྱིན་ནོ་ཞེས་ཟེར་ན་ཞེས་བྱ་བ་ནི་དེ་སྐད་ཅེས་ཟེར་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་འདུན་གྱི་བྱ་བ་ཆོས་དང་ལྡན་པ་ལ་དགེ་སློང་ལ་འདུན་པ་ཕུལ་ནས། དེའི་འོག་ཏུ་ཁྲོས་ཁྲུགས་རྔམ་པར་གྱུར་ཏེ་ཡི་མ་རངས་ནས་སྤོང་བའི་
Ja300a
༄#། །ཆོས་སུ་བྱེད་ཅིང་འདི་སྐད་ཅེས་དགེ་སློང་འདུན་པ་ཕྱིར་བྱིན་ཅིག་།ཁྱོད་ལ་མི་སྦྱིན་ནོ་ཞེས་ཟེར་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འདུན་པ་ཕྱིར་སྒྱུར་བའི་ལྟུང་བྱེད་དེ་ལྔ་བཅུ་གསུམ་པ་རྫོགས་སོ།། །།བར་སྡོམ་ལ། ཆོས་མཉན་པ་དང་སྒྲ་གཅན་ཟིན། །ནད་དང་དགེ་སློང་སྡིག་ཅན་དང ། །དོན་མཐུན་གཉིས་སུ་བྱས་པ་དང ། །མདུན་དུ་བཏུད་དང་དགེ་ཚུལ་ལོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་ལྷགས་ནས་དགེ་སློང་རྣམས་ལ་སྨྲས་པ། འཕགས་པ་དག་ཆོས་བསྟན་དུ་གསོལ། དགེ་སློང་རྣམས་ཀྱིས་སྨྲས་པ། བཞིན་བཟང་དག་བཅོམ་ལྡན་འདས་ཀྱི་སྤྱན་སྔར་དེང་ཞིག་དང ། བཅོམ་ལྡན་འདས་ཁྱེད་ཅག་ལ་ཆོས་སྟོན་པར་མཛད་དོ། ། དེ་དག་གིས་སྨྲས་པ། འཕགས་པ་དག་སྟོན་པ་ཉག་གཅིག་ཏུ་བས་རེ་ཞིག་ལྷ་རྣམས་ལ་ཆོས་སྟོན་པར་མཛད་དམ། འོན་ཏེ་ཀླུ་རྣམས་ལའམ། གནོད་སྦྱིན་རྣམས་ལའམ། མི་རྣམས་ལ་ཆོས་སྟོན་པར་མཛད་སུས་འཚལ་གྱི། ཁྱེད་ཅག་གིས་ཀྱང་ཆོས་བསྟན་དུ་གསོལ། བཞིན་བཟང་དག་བཅོམ་ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་
Ja300b
སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་རྣམས་ཀྱིས་ཀྱང་ཆོས་བསྟན་པར་བྱ་བར་གནང་ངོ ། །བཅོམ་ལྡན་འདས་ཀྱིས་དགེ་སློང་རྣམས་ཀྱང་ཆོས་བསྟན་པར་བྱའོ་ཞེས་བཀའ་སྩལ་ནས། དེ་དག་ཉིན་མོ་ཆོས་སྟོན་པར་བྱེད་དོ། །དེ་ན་གང་དག་བསོད་ནམས་ཀྱི་འབྲས་བུ་འཚོ་བ་དེ་དག་ནི་ཉིན་མོ་ཆོས་མཉན་ནས་མཚན་མོ་རྩོལ་བའི་འབྲས་བུས་འཚོ་བ་རྣམས་ལ། ཤེས་ལྡན་དག་འཕགས་པ་དག་ཆོས་སྙན་པ་སྙན་པ་སྟོན་པར་མཛད་ཅིང་སྦྲང་རྩི་བྱེད་པའི་སྦྲང་བུ་བཞིན་དུ་ཆོས་སྦྲང་རྩི་ལྟ་བུ་སྟོན་ཅིང་སྟོབས་པར་མཛད་དོ་ཞེས་རྗོད་པར་བྱེད་དོ། །རྩོལ་བའི་འབྲས་བུ་འཚོ་བ་དག་གིས་སྨྲས་པ། ཁྱེད་ཅག་ལས་གང་དག་ཆོས་ཉན་པ་དེ་དག་གིས་སངས་རྒྱས་འབྱུང་བ་ནི་འབྲས་བུ་དང་བཅས་པ་ཡིན་ནོ། །འོ་ན་ཁྱེད་ཅག་ཅིའི་ཕྱིར་ཆོས་ཉན་པར་མི་བྱེད། ཁྱེད་ཅག་ནི་བསོད་ནམས་ཀྱི་འབྲས་བུས་འཚོ་བ་དག་ཡིན་པས་ཉིན་མོ་ཆོས་ཉན་པར་བྱེད་ཀྱི། ཁོ་བོ་ཅག་ནི་རྩོལ་བའི་འབྲས་བུས་འཚོ་བ་དག་ཡིན་པས་གལ་ཏེ་ཉིན་མོ་ལས་དག་མ་བྱས་ན་ལྟོགས་ཏེ་འཆི་བར་འགྱུར་རོ། །གལ་ཏེ་འཕགས་པ་དག་མཚན་མོ་ཆོས་སྟོན་པར་འགྱུར་ན་དེ་ལྟ་ན་བདག་ཅག་གིས་ཀྱང་ཆོས་མཉན་པར་བྱའོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚན་མོ་ཆོས་བསྟན་པར་བྱའོ། །ད་
Ja301a
༄#། །དག་མཚན་ཐམས་ཅད་ཁོ་ནར་ཆོས་སྟོན་པར་བྱེད་ཅིང་དེ་དག་ངལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། མཚན་ཐམས་ཅད་ཁོ་ནར་ཆོས་བསྟན་པར་མི་བྱའོ། །དེ་དག་ནམ་ཕྱེད་ཀྱི་བར་དུ་ཆོས་སྟོན་པར་བྱེད་པ་ན་དེ་ལྟ་ན་ཡང་ངལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཚེས་བརྒྱད་དང་ཚེས་བཅུ་བཞི་ལ་ཆོས་བསྟན་པར་བྱའོ། ། དེ་དག་ཚེས་བརྒྱད་དང ། ཚེས་བཅུ་བཞི་ལ་ཆོས་སྟོན་པར་བྱེད་པ་ན་བསོད་སྙོམས་པ་ཞིག་གཙུག་ལག་ཁང་དུ་ཆོས་ཉན་དུ་འོངས་ནས་དགེ་སློང་རྣམས་ཀྱིས་ནམ་ཕྱེད་ཀྱི་བར་དུ་ཆོས་བསྟན་པ་དང ། བསོད་སྙོམས་པ་དེས་བསམས་པ། ད་ནི་འགྲོ་བའི་དུས་མ་ཡིན་གྱི། འདི་ཉིད་དུ་འདུག་པར་བྱའོ་ཞེས་དེ་མཐའ་གཅིག་ཏུ་སོང་ནས་སྐྱིལ་མོ་ཀྲུང་བཅས་ཏེ་འདུག་གོ་།དེར་ལྷགས་པའི་ཁྱིམ་པ་དེ་དག་ཀྱང་དེ་ཉིད་དུ་ཉལ་ནས། དགེ་སྐོས་ཀྱིས་མར་མེ་གསད་པར་བརྩམས་པ་དང ། དེ་དག་གིས་སྨྲས་པ། འཕགས་པ་ཞུགས་མར་མ་དགུམ་ཞིག་དང་བདག་ཅག་གིས་འབྲུ་མར་དབུལ་ལོ། །དགེ་སྐོས་ཀྱིས་མར་མེ་གསོས་ཏེ་སོང་ནས་ཁྱིམ་པ་དེ་དག་དེ་ན་འཁོད་ཅིང་དེ་དག་གིས་སྨྲས་པ། འཕགས་པ་ཆེ་གེ་མོ་ཞིག་གིས་ནི་ཆོས་སྙན་པ་སྙན་པ་དག་སྟོན་ཏོ། །འཕགས་པ་ཆེ་གེ་མོ་ཞིག་གིས་ནི་ཆོས་ཆེས་སྙན་པ་སྙན་པ་དག་སྟོན་ཏོ་ཞེས་ཟེར་རོ། །དེ་ན་དགེ་སློང་རྒན་ཞུགས་རྗེད་ངས་པ་ཞིག་ཉལ་བ་དེས་རྨི་ལམ་ན་སྔོན་གྱི་རྙིང་པ་དང་ལྷན་ཅིག་ཉལ་བར་རྨིས་
Ja301b
ནས། དེས་ཅི་དང་ཅི་དག་ཚིག་བརྡོལ་པར་བརྩམས་པ་དང ། ཁྱིམ་པ་དེ་དག་གིས་སྨྲས་པ། ཤེས་ལྡན་དག་ཁྱིམ་པ་ཅི་དང་ཅི་དག་བརྡོལ་བ་འདི་སུ་ཡིན་ཞེས་དེ་དག་གིས་དེ་བསྐྱོད་པར་བརྩམས་པ་དང ། ཇི་ཙམ་དུ་རྒན་ཞུགས་དེ་ཕྱིས་གན་དུ་ཉལ་ཞིང་ཅི་དང་ཅི་དག་བརྡོལ་བ་མཐོང་བ་ལ་དེ་དག་གིས་སྨྲས་པ། ཤེས་ལྡན་དག་རྒན་པོ་རྣམས་ཀྱི་གནས་སྐབས་ཀྱང་རེ་ཞིག་འདི་འདྲ་ན་འདི་དག་ནི་རབ་ཏུ་བྱུང་བ་གཞོན་ནུ་དག་ཡིན་པས་འདི་དག་གི་གནས་སྐབས་ཇི་ལྟ་བུར་འགྱུར་ཞེས་མ་དད་པ་གོ་བར་བྱེད་དོ། །བསོད་སྙོམས་པ་དེ་ནང་པར་སྔར་ལངས་ཏེ་དགོན་པའི་གནས་སུ་སོང་བ་དང་དགེ་སློང་སྤོང་པ་དག་གིས་དེ་མཐོང་ནས་སྨྲས་པ། ཚེ་དང་ལྡན་པ་ཇི་ལྟ་ཚངས་པ་མཚུངས་པར་སྤྱོད་པ་དག་གིས་ཆོས་སྙན་པ་སྙན་པ་དག་བསྟན་ཅིང་སྐྱེ་བོ་ཕལ་པོ་ཆེའི་ཚོགས་མངོན་པར་དད་པར་བྱས་སམ། དེས་སྨྲས་པ། ཚངས་པ་མཚུངས་པར་སྤྱོད་པ་དག་གིས་ཆོས་སྙན་པ་སྙན་པ་དག་བསྟན་ཅིང་སྐྱེ་བོ་ཕལ་པོ་ཆེའི་ཚོགས་ཏེ་པོར་མངོན་པར་དད་པར་བྱས་སོ། །རྒན་ཞུགས་ཤིག་གིས་ནི་སྐྱེ་བོ་ཕལ་པོ་ཆེའི་ཚོགས་མངོན་པར་མ་དད་པར་བྱས་སོ། །ཇི་ལྟར་གྱུར། དེས་སྐབས་དེ་དགེ་སློང་རྣམས་ལ་བརྗོད་ནས་དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ་ཉེས་དམིགས་གང་ཅུང་ཟད་བྱུང་བ་ནི་དགེ་སློང་རྣམས་རྫོགས་པར་མ་བསྙེན་པ་དང་ལྷན་ཅིག་
Ja302a
༄#། །ཉལ་བར་བྱེད་པ་དང ། སྣང་བ་ལ་ཉལ་བར་བྱེད་པ་ལས་གྱུར་ཏོ་སྙམ་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་གང་ཟག་རྫོགས་པར་མ་བསྙེན་པ་དང་ལྷན་ཅིག་ཉལ་བར་མི་བྱ་ཞིང་སྣང་བ་ལ་ཡང་ཉལ་བར་མི་བྱའོ། །ཉལ་བར་བྱེད་ན་འགལ་ཚབས་ཅན་དུ་འགྱུར་རོ། །འདི་ནི་རེ་ཞིག་བྱུང་བ་ཡིན་ཏེ་སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་ནི་མི་མཛད་དོ། །ཚེ་དང་ལྡན་པ་ཤཱ་རིའི་བུ་ལ་དགེ་ཚུལ་སྒྲ་གཅན་ཟིན་དང ། སྐུལ་བྱེད་ཅེས་བྱ་བ་གཉིས་ཡོད་དེ། དགེ་སློང་གློ་བུར་དུ་འོངས་པ་ཞིག་འོངས་པ་ན་ཚེ་དང་ལྡན་པ་སྒྲ་གཅན་ཟིན་ཉིན་མོ་སྤྱོད་དུ་སོང་བའི་གཙུག་ལག་ཁང་དུ་དགེ་སློང་གློ་བུར་དུ་འོངས་པ་དེའི་གཙུག་ལག་ཁང་དུ་བསྐོས་ནས་དགེ་སློང་དེས་ཚེ་དང་ལྡན་པ་སྒྲ་གཅན་ཟིན་གྱི་ལྷུང་བཟེད་དང་ཆོས་གོས་ཕྱི་རོལ་ཏུ་ཕྱུང་སྟེ་མཐའ་གཅིག་ཏུ་བཞག་གོ་།ཚེ་དང་ལྡན་པ་སྒྲ་གཅན་ཟིན་ཉིན་མོ་སྤྱོད་པ་ནས་ཕྱིར་འོངས་པ་དང ། ཇི་ཙམ་ན་རང་གི་ལྷུང་བཟེད་དང་ཆོས་གོས་ཕྱི་རོལ་ཏུ་ཕྱུང་སྟེ་མཐའ་གཅིག་ཏུ་བཞག་པ་མཐོང་ནས་དེས་སེམས་ཁོང་དུ་ཆུད་ཅིང་འདུག་གོ་།ཇི་ཙམ་ན་དགེ་ཚུལ་སྐུལ་བྱེད་འོངས་ནས་སྨྲས་པ། ཚེ་དང་ལྡན་པ་སྒྲ་གཅན་ཟིན་ཅིའི་ཕྱིར་སེམས་ཁོང་དུ་ཆུད་ཅིང་འདུག་།སྒྲ་གཅན་ཟིན་གྱིས་སྨྲས་པ། ཁོ་བོ་ཉིན་མོ་སྤྱོད་དུ་སོང་བའི་གཙུག་ལག་ཁང་དགེ་སློང་
Ja302b
གློ་བུར་དུ་འོངས་པའི་གཙུག་ལག་ཁང་དུ་བསྐོས་ནས་དེས་ཁོ་བོའི་ལྷུང་བཟེད་དང་ཆོས་གོས་ཕྱི་རོལ་ཏུ་ཕྱུང་སྟེ་མཐའ་གཅིག་ཏུ་བཞག་ན་སྤྲིན་ཁ་དོག་ལྔ་པ་འདུས་པས་ཁོ་བོ་དེང་མལ་གང་དུ་བཤམ་པར་བྱ་བ་མི་ཤེས་སོ། །སྐུལ་བྱེད་ཀྱིས་སྨྲས་པ། ཚེ་དང་ལྡན་པ་སྒྲ་གཅན་ཟིན་ཅིའི་ཕྱིར་སེམས་ཁོང་དུ་ཆུད་ཅིང་འདུག་ཏུ་ཡོད། གར་ཡང་རུང་ཉོལ་ཅིག་།སྒྲ་གཅན་ཟིན་གྱིས་སྨྲས་པ། ཚེ་དང་ལྡན་པ་སྐུལ་བྱེད་ཁྱོད་ནི་རྫུ་འཕྲུལ་ཆེ་བ་དང ། མཐུ་ཆེ་བ་ཡིན་པས་ལོ་མ་མ་ཡིན་པའི་སྤྱིལ་བུ་སྤྲུལ་ཏེ། མལ་འཆའ་བར་བྱེད་མོད། ཁོ་བོས་ཇི་ལྟར་བྱ། དེའི་ཚེ་ན་བྲམ་ཟེ་དང་ཁྱིམ་བདག་དད་པ་ཅན་དག་གིས་བཅོམ་ལྡན་འདས་ཀྱི་སྣམ་ཕྱིས་སྤོས་ཀྱི་བྱུག་པས་བསྐུས་ནས། ཚེ་དང་ལྡན་པ་སྒྲ་གཅན་ཟིན་གྱིས་བསམས་པ། སངས་རྒྱས་བཅོམ་ལྡན་འདས་རྣམས་ལ་དུས་མ་ཡིན་པར་བཤང་བ་མཛད་པར་འགྱུར་བ་གང་ཡིན་པ་དེ་ནི་གནས་མེད་ཅིང་སྐབས་མ་ཡིན་གྱི། སོང་ལ། དེར་ཉལ་བར་བྱའོ་སྙམ་ནས་དེ་དེར་སོང་སྟེ་སྙམ་ཕྱི་སའི་ཞབས་རྟེན་ལ་མགོ་བཞག་སྟེ་ཉལ་ལོ། །དེའི་མཚན་མོ་སྤྲིན་ཁ་དོག་ལྔ་པ་འདུས་ནས་དེར་ཆར་འབབ་པར་བརྩམས་པ་དང ། སྣམ་ཕྱི་ས་དེ་དང་ཧ་ཅང་ཐག་མི་རིང་བ་ན་སྦྲུལ་དུག་མྱུར་དུ་ཁྱབ་པར་བྱེད་པའི་གཙོ་བོ་ཞིག་གི་ཚང་འདུག་པ་དེར་ཆར་བབ་པའི་ཆུས་གང་ནས། སྦྲུལ་དུག་མྱུར་དུ་ཁྱབ་པར་བྱེད་པའི་གཙོ་བོ་དེ་བཅོམ་ལྡན་འདས་ཀྱི་སྣམ་ཕྱི་ས་ག་ལབ་དེར་འཕགས་སོ། །སངས་རྒྱས་བཅོམ་ལྡན་འདས་རྣམས་ནི་བསྙེལ་བ་མི་མངའ་
Ja303a
༄#། །བའི་ཆོས་ཉིད་ཅན་ཡིན་པས་བཅོམ་ལྡན་འདས་ཀྱིས་དགོངས་པ། གལ་ཏེ་སྦྲུལ་དུག་མྱུར་དུ་ཁྱབ་པར་བྱེད་པའི་གཙོ་བོ་དེས་སྒྲ་གཅན་ཟིན་རྙེད་པར་གྱུར་ན་མིང་གི་ལྷག་མ་ཙམ་ལས་པར་བྱེད་པར་འགྱུར་ཏེ། ཤཱཀྱ་ང་རྒྱལ་ཅན་དག་གལ་ཏེ་གཞོན་ནུ་སྒྲ་གཅན་ཟིན་བཟང་པོ་རབ་ཏུ་བྱུང་བར་མ་གྱུར་ན་རྒྱལ་པོ་དངོས་བརྩན་པར་འགྱུར་བ་ཞིག་ན་དེ་རབ་ཏུ་ཕྱུང་ནས་མགོན་མེད་པའི་བྱ་བས་དུས་ལ་བབ་བོ་ཞེས་མ་དད་པ་གོ་བར་བྱེད་པར་འགྱུར་བར་ཐུགས་སུ་ཆུད་ནས་གླང་པོ་ཆེའི་སྣ་འདྲ་བའི་ཕྱག་བརྐྱང་སྟེ་སྒྲ་གཅན་ཟིན་བླངས་ནས་ཉིད་ཀྱི་གཟིམས་མལ་དུ་བསྙལ་ཏེ་བཞག་གོ་།སངས་རྒྱས་བཅོམ་ལྡན་འདས་རྣམས་གང་ཟག་རྫོགས་པར་མ་བསྙེན་པ་དང་ལྷན་ཅིག་གནས་གཅིག་ན་གཟིམས་པར་འགྱུར་བ་ནི་གནས་མ་ཡིན་ཞིང་སྐབས་མེད་པས་བཅོམ་ལྡན་འདས་ཀྱིས་དགུང་ལ་འཆག་པ་དང་བཞུགས་པ་གཉིས་ཀྱིས་ཤས་ཆེར་མཚན་མོ་འདའ་བར་མཛད་དོ། །དགེ་སློང་གནས་བརྟན་གནས་བརྟན་དག་ནང་པར་སྔར་ལངས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་དུ་འོང་བ། སངས་རྒྱས་བཅོམ་ལྡན་འདས་རྣམས་ཀྱི་ཆོས་ཉིད་ནི་གལ་ཏེ་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་བཞེད་ན་དེའི་ཚེ་དགེ་སློང་མ་འོངས་པ་རྣམས་ལ་ནི་གཞེས་པར་མཛད་ལ་དགེ་སློང་འོངས་པ་རྣམས་ནི་ཕྱིར་གཏོང་བར་མི་མཛད་པས། ཚེ་དང་ལྡན་པ་སྐུལ་བྱེད་བཅོམ་ལྡན་
Ja303b
འདས་ཀྱི་ཞབས་གཉིས་ལ་མགོ་བོས་ཕྱག་འཚལ་དུ་སོང་བ་དང ། ཇི་ཙམ་ན་ཚེ་དང་ལྡན་པ་སྒྲ་གཅན་ཟིན་བཅོམ་ལྡན་འདས་ཀྱི་གཟིམས་མལ་ན་ཉལ་བ་མཐོང་ངོ ། །མཐོང་ནས་ཀྱང་སེ་གོལ་གྱི་སྒྲས་ཚེ་དང་ལྡན་པ་སྒྲ་གཅན་ཟིན་སད་པར་བྱས་ཏེ། སྨྲས་པ། ཚེ་དང་ལྡན་པ་སྒྲ་གཅན་ཟིན་ཁྱོད་གང་དུ་ཉལ། དེ་སད་པ་དང ། ཇི་ཙམ་ན་བདག་ཉིད་བཅོམ་ལྡན་འདས་ཀྱི་གཟིམས་མལ་ན་ཉལ་བར་མཐོང་ནས། དེས་མྱུར་བ་མྱུར་བར་ཁོ་ནར་ལངས་ཏེ་བཅོམ་ལྡན་འདས་ཀྱི་གཟིམས་མལ་ནས་བབས་པ་དང ། སྐུལ་བྱེད་ཀྱིས་སྨྲས་པ། ཚེ་དང་ལྡན་པ་སྒྲ་གཅན་ཟིན་གལ་ཏེ་ཁྱོད་ལ་བཅོམ་ལྡན་འདས་ཀྱིས་མ་དགོངས་སུ་ཟིན་ན་སྦྲུལ་དུག་མྱུར་དུ་ཁྱབ་པར་བྱེད་པའི་གཙོ་བོས་ཁྱེད་མིང་གི་ལྷག་མ་ཙམ་ལས་བར་བྱེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་ཚུལ་འདི་དག་ལ་ནི། མ་ཡང་མེད་ཕ་ཡང་མེད། བྱམས་པ་དང་མཛའ་བཤེས་ཀྱི་ཚོགས་གཞན་འགའ་ཡང་མེད་དེ། ཚངས་པ་མཚུངས་པ་སྤྱོད་པ་ཁྱེད་ཅག་འབའ་ཞིག་ཏུ་ཟད་ཅིང་འདི་དག་ནི་དགྲ་བཅོམ་པའི་སྒོ་ང་དད་ལྡན་པ་དག་ཡིན་ཏེ། གལ་ཏེ་ཁྱེད་ཅག་གིས་འདི་དག་ཡོངས་སུ་སྐྱོང་བར་མི་བྱེད་ན་གཞན་སུ་ཞིག་བྱེད་པར་འགྱུར། དགེ་སློང་དག་དེ་ལྟ་བས་ན་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ཚུན་ཆད་གནས་གཅིག་ཏུ་ཉལ་བར་རྗེས་སུ་གནང་ངོ ། །དགེ་སློང་ཞིག་ལ་འཁྲུ་བའི་ནད་བྱུང་ནས་དེ་
Ja304a
༄#། །མུན་པའི་ནང་དུ་བཤང་བ་བྱེད་པ་ན་རྐང་པ་གཉིས་ལ་གོས་ནས་རྐང་པ་གཉིས་བརྐྱང་སྟེ་ཉལ་བ་དང ། དེའི་གན་དུ་ནང་པར་སྔར་དགེ་སློང་ལྷན་ཅིག་གནས་པ་དང་ཉེ་གནས་དག་འོངས་ནས་དེ་དག་གིས་དྲིས་པ་དང ། མཁན་པོ་ཐུགས་བདེའམ། དེས་སྨྲས་པ། མི་བདེའོ། །ཇི་ལྟར་མི་བདེ། དེས་སྐབས་དེ་རྒྱས་པར་བརྗོད་ནས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་སྣང་བ་བྱའོ། །སྣང་བ་བྱས་པ་དང ། དེ་འགྱོད་པས་མི་ཉལ་ནས་ཉེས་དམིགས་དེ་ཉིད་དུ་གྱུར་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཉལ་བར་བྱ་སྟེ་འདི་ལ་འགྱོད་པར་མི་བྱའོ། །དགེ་སློང་ནད་གཡོག་དག་འགྱོད་པར་མི་ཉལ་བ་ན་དེ་དག་ན་བར་གྱུར་པས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ཀྱང་ཉལ་བར་བྱའོ། །དེར་བྱིན་ལེན་སྟོབས་པས་བྱ་བ་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། རྫོགས་པར་མ་བསྙེན་པས་ཀྱང་དེར་ཉལ་བར་བྱའོ། །དེ་དག་ནུབ་གཉིས་འདས་ནས། ཕྱིར་འབྱིན་པར་བྱེད་པ་ན་ནད་པ་ལ་གནོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ནུབ་གསུམ་ལ་ཡང་ཉལ་བར་བྱའོ། །ནད་པ་འགྱོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། འདི་ལ་འགྱོད་པར་མི་བྱ་བར་ཉལ་བར་བྱའོ། །ནད་གཡོག་དག་འགྱོད་པས་མི་ཉལ་
Ja304b
ནས། བཅོམ་ལྡན་འདས་ཀྱིས་བཀའ་སྩལ་པ། ཉལ་བར་བྱ་སྟེ། འདི་ལ་འགྱོད་པར་མི་བྱའོ། །དགེ་སློང་གནས་བརྟན་དག་ན་བར་གྱུར་ནས་དེ་དག་ལངས་ཤིང་རང་ཉིད་ཀྱིས་བྱིན་ལེན་བྱས་ཏེ་ཟ་བར་མི་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་ནད་གཡོག་དག་གི་ལག་པ་བསྙལ་ཏེ་བྱིན་ལེན་བྱས་ནས་ལྷན་ཅིག་འདུག་སྟེ་བཟའ་བར་བྱའོ། །དེ་དག་གི་ནད་གཡོག་དག་གཞོན་པ་ཡིན་ན་ཡང་དེ་དག་གིས་ཀྱང་དེ་བཞིན་དུ་བཟའ་བར་བྱའོ། །རྫོགས་པར་བསྙེན་པ་དག་མེད་ནས། བཅོམ་ལྡན་འདས་ཀྱིས་བཀའ་སྩལ་པ། རྫོགས་པར་མ་བསྙེན་པས་བཟའ་བར་བྱའོ། །ཇི་ལྟར་རྒན་པ་རྣམས་ལ་གསར་བུ་རྣམས་དང་རྫོགས་པར་མ་བསྙེན་པ་རྣམས་ནད་གཡོག་བྱེད་པ་དེ་བཞིན་དུ་རྒན་པ་རྣམས་ཀྱིས་ཀྱང་གསར་བུ་རྣམས་དང་རྫོགས་པར་མ་བསྙེན་པ་རྣམས་ཀྱི་ནད་གཡོག་བྱའོ། །ཟླ་བའི་སྣང་བ་དང ། ཉི་མའི་སྣང་བ་བྱུང་ནས་དགེ་སློང་དག་འགྱོད་པས་ཉལ་བར་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ནི་ཐ་སྙད་དུ་བྱ་བ་མ་ཡིན་པས་ཉལ་བར་བྱ་སྟེ་འདི་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་བར་མི་བྱའོ། །ཞེས་བཀའ་སྩལ་ནས། དགེ་སློང་རྣམས་ཀྱིས་གང་ཟག་རྫོགས་པར་མ་བསྙེན་པ་དེ་དག་གཙུག་ལག་ཁང་ནས་ཕྱིར་ཕྱུང་ནས། ཆོམ་རྐུན་པ་དག་དང་གཡོན་ཅན་དག་
Ja305a
༄#། །དང་སེང་གེ་དག་དང་སྟག་དང་གུང་དག་གིས་བགྲོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གཙུག་ལག་ཁང་ནས་ཕྱིར་དབྱུང་བར་མི་བྱའོ། །དགེ་སློང་རྣམས་ཀྱིས་དེ་དག་ཁྱམས་ནས་ཕྱིར་ཕྱུང་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱམས་ནས་ཕྱིར་དབྱུང་བར་མི་བྱ་བར་འདི་ལྟར་ཉེ་འཁོར་དུ་སྤང་བར་བྱའོ། ། དགེ་སློང་ཞིག་ལ་དགེ་ཚུལ་ཞིག་ཡོད་དེ། གཙུག་ལག་ཁང་དེར་དགེ་སློང་སྡིག་ཅན་འོངས་ནས་དེས་དགེ་ཚུལ་དེ་ལ་སྨྲས་པ། དགེ་ཚུལ་ཁྱོད་གང་དུ་ཉལ། དེས་སྨྲས་པ། སྒོ་ཁང་འདིར་རོ། །དགེ་ཚུལ་དེའི་མཁན་པོས་དེ་ཐོས་ནས་དེས་དགེ་ཚུལ་དེ་ལ་དྲིས་པ། ཁྱོད་སྨྲས་པ་དེ་ཅི། དེས་སྨྲས་པ། འདིས་བདག་ལ་ཁྱོད་གང་དུ་ཉལ་ཞེས་འདྲིའོ། །མཁན་པོ་དེས་དགེ་ཚུལ་དེ་བདག་ཉིད་ཀྱི་གནས་ཁང་དུ་བསྙལ་ནས་མཁན་པོ་དེས་ཀྱང་འཆག་པ་དང་འདུག་པ་དག་གིས་མཚན་མོ་འདའ་བར་བྱས་སོ། །དེ་ནང་པར་སྔར་ལངས་ནས་དགེ་སློང་ལྷན་ཅིག་གནས་པ་དང་ཉེ་གནས་དག་འོངས་ཏེ་དྲིས་པས། མཁན་པོ་ཐུགས་བདེའམ། དེས་སྨྲས་པ། མི་བདེའོ། །ཅིའི་སླད་དུ་དེས་སྐབས་དེ་རྒྱས་པར་བརྗོད་པ་དང ། དེ་དག་གིས་སྨྲས་པ། མཁན་པོ་བཅོམ་ལྡན་འདས་ཀྱིས་སྐྱེས་བུ་དམ་པ་ནི་གཉིས་ཏེ། གང་ཁུར་མ་བླངས་པ་ལེན་པར་མི་བྱེད་པ་དང ། གང་ཁུར་བླངས་པ་མཐར་ཕྱིན་པར་བྱེད་པའོ་ཞེས་བཀའ་སྩལ་པས། ཁུར་
Ja305b
བླངས་པ་འདི་མཐར་ཕྱིན་པར་བགྱི་འཚལ་ལོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་གནས་པར་ཁས་མ་བླངས་པ་རྣམས་ཀྱི་ནང་དུ་དགེ་སློང་སྡིག་ཅན་འོངས་ཤིང་དགེ་སློང་སྡིག་ཅན་དེ་སྐྲོད་པར་ནུས་ན་དེ་བསྐྲད་པར་བྱའོ། །གལ་ཏེ་སྐྲོད་པར་མི་ནུས་ན་དགེ་ཚུལ་ཁྲིད་དེ་གཙུག་ལག་ཁང་གཞན་དུ་འགྲོ་བར་བྱའོ། །གལ་ཏེ་གནས་པར་ཁས་བླངས་པ་རྣམས་ཀྱི་ནང་དུ་དགེ་སློང་སྡིག་ཅན་འོངས་ཤིང་དགེ་སློང་སྡིག་ཅན་དེ་སྐྲོད་པར་ནུས་ན་དེ་བསྐྲད་པར་བྱའོ། །གལ་ཏེ་སྐྲོད་པར་མ་ནུས་ན་དགེ་ཚུལ་དགེ་སློང་མཛའ་བོའི་གན་དུ་གཞག་པར་བྱའོ། །གལ་ཏེ་དགེ་སློང་མཛའ་བོ་མེད་ན་གནས་གཅིག་ཏུ་ལྷན་ཅིག་ཟླ་བ་གསུམ་འདའ་བར་བྱའོ། །དགག་དབྱེ་བྱས་ནས་གལ་ཏེ་དགེ་སློང་སྡིག་ཅན་དེ་སྐྲད་པར་ནུས་ན་དེ་བསྐྲད་པར་བྱའོ། །གལ་ཏེ་མི་ནུས་ན་དགེ་ཚུལ་ཁྲིད་དེ་གཙུག་ལག་ཁང་གཞན་དུ་འགྲོ་བར་བྱའོ། །དགེ་སློང་དག་ལམ་དུ་འདོང་བ་ན་དེ་ན་དགེ་ཚུལ་ཡང་འདོང་ནས་དགེ་སློང་རྣམས་ཀྱིས་དགེ་ཚུལ་དེ་དག་ནུབ་གཉིས་འདས་ཤིང་དོན་མཐུན་གྱི་ཕྱི་རོལ་ཏུ་འབྱིན་པར་བྱེད་པ་ན། དེ་དག་ཆོམ་རྐུན་པ་དག་དང་གཡོན་ཅན་དག་དང་སེང་གེ་དག་དང་སྟག་དག་དང་གུང་དག་གིས་བགྲོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཕྱི་རོལ་ཏུ་དབྱུང་བར་མི་བྱ་བར་འདི་ལྟར་དོན་མཐུན་གཉིས་སུ་བྱའོ། །དོན་མཐུན་གཉིས་སུ་བྱས་པ་དང ། དེ་དག་དཔུང་ཆུང་བས་ཆོམ་རྐུན་པ་དག་དང་གཡོན་ཅན་
Ja306a
༄#། །དག་དང་སེང་གེ་དག་དང་སྟག་དག་དང་གུང་དག་གི་བགྲོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དོན་མཐུན་དཔུང་ཆུང་ན་གཉིས་སུ་མི་བྱ་བར་དགེ་སློང་རྣམས་ཀྱིས་མི་ཉལ་བར་ཏྲོན་བྱའོ། །དགེ་སློང་རྣམས་མཚན་ཐམས་ཅད་དུ་མི་ཉལ་བར་ཏྲོན་བྱེད་པ་ན་ངལ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མཚན་ཐམས་ཅད་དུ་ཏྲོན་མི་བྱ་བར་ཐུན་གསུམ་མམ་གཉིས་སམ་གཅིག་གམ་ཐ་ན་སྐྱ་རེངས་འཆར་བར་ཏྲོན་བྱའོ། །དེ་ལྟ་ན་ཡང་ངལ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཉལ་བར་བྱ་སྟེ་འདི་ལ་འགྱོད་པར་མི་བྱའོ། །དགེ་སློང་རྣམས་ཀྱིས་དགེ་ཚུལ་དག་ལམ་ཀར་རྗེས་སུ་བོར་ཏེ་དོང་བ་ན་དེ་དག་ཆོམ་རྐུན་པ་དག་དང ། གཡོན་ཅན་དང ། སེང་གེ་དག་དང་སྟག་དག་དང ། གུང་དག་གིས་བགྲོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མདུན་ཏུ་བཏང་སྟེ་འགྲོ་བར་བྱའོ། །དགེ་ཚུལ་དེ་དག་ནང་པར་སྔ་བ་ཁོ་ནར་བཀྲེས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ལ་གཡར་སུས་སྦྱིན་པར་བྱའོ། །དགེ་ཚུལ་དེ་དག་དྲོ་ཁར་ཡང་ཟན་སློང་ནས་དགེ་སློང་རྣམས་ཀྱིས་ཁྱེད་ཅག་ད་ནང་གཡར་སུས་བྱིན་ཟིན་ན་ད་ཡང་སློང་ངམ་ཅི་ཞེས་ཟེར་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་དག་ནི་མེའི་ཁམས་ཆེ་བ་ཡིན་གྱི། དེ་དག་ལ་དྲོ་ཁར་ཡང་ཟན་སྦྱིན་པར་བྱའོ། །ཉེ་དགའ་ལ་དགེ་ཚུལ་ཚེར་མ་དང ། ཆེན་པོ་པ་ཞེས་བྱ་བ་གཉིས་
Ja306b
ཡོད་དེ། དེ་དེ་གཉིས་དང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་བར་བྱེད་ནས། དགེ་སློང་རྣམས་ཀྱིས་དེ་ལ་སྨྲས་པ། ཆེ་\་ཊཥཱེ?\་དང་ལྡན་པ་ཉེ་དགའ་བཅོམ་ལྡན་འདས་ཀྱིས་དགེ་སློང་གིས་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་བར་མི་བྱའོ་ཞེས་བཀའ་སྩལ་གྱི། ཁྱོད་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་མ་ཉལ་ཅིག་།ཉེ་དགས་སྨྲས་པ། གང་ལ་ནུབ་གཉིས་རུང་བ་དེ་ལ་ནུབ་གསུམ་པ་ཡང་རུང་མོད། ནུབ་གསུམ་པས་ཆང་འཐུངས་སམ། ཀུན་དོང་ཟོས་སམ་ཅི་ཉེས། དགེ་སློང་དོན་ཉུང་ངུ་དག་བཅོམ་ལྡན་འདས་ཀྱིས་དགེ་སློང་གིས་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་བར་མི་བྱའོ་ཞེས་བཀའ་སྩལ་ན། ཅིའི་ཕྱིར་དགེ་སློང་དག་ཆེད་དུ་བསམས་ཏེ། ནུབ་གཉིས་ལས་ལྷག་པར་འདའ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་
Ja307a
༄#། །དགའ། ངས་དགེ་སློང་གིས་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་བར་མི་བྱའོ་ཞེས་གསུངས་ནས་ཁྱེད་ཆེད་དུ་བསམས་ཏེ་ནུབ་གཉིས་ལས་ལྷག་པར་འདའ་བར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟག་རྫོགས་པར་མ་བསྙེན་པ་དང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའ་འམ་གཞན་ཡང་དེ་ལྟ་བུ་གང་ཡིན་པའོ། །གང་ཟག་རྫོགས་པར་མ་བསྙེན་པ་དང་ལྷན་ཅིག་ཅེས་བྱ་བ་ལ་རྫོགས་པར་བསྙེན་པ་ནི་གཉིས་ཏེ་དགེ་སློང་དང་དགེ་སློང་མའོ། །དེ་ལས་གཞན་པ་ནི་རྫོགས་པར་མ་བསྙེན་པའོ། །ནུབ་གཉིས་ལས་ལྷག་པར་ཞེས་བྱ་བ་ནུབ་གཉིས་
Ja307b
ལས་འདས་པར་རོ། །གནས་གཅིག་ཏུ་ཉལ་ན་ཞེས་བྱ་བ་ནི་གནས་བཞི་པོ་ཐམས་ཅད་གཡོགས་ཤིང་ཐམས་ཅད་བསྐོར་བ་དང ། ཐམས་ཅད་གཡོགས་ཤིང་ཕལ་ཆེར་བསྐོར་བ་དང ། ཕལ་ཆེར་གཡོགས་ཤིང་ཐམས་ཅད་བསྐོར་བ་དང ། ཕལ་ཆེར་གཡོགས་ཤིང་ཕལ་ཆེར་བསྐོར་བ་དག་ཏུ་ཉལ་བས་སྐྱ་རེངས་འཆར་བར་བྱེད་ནའོ། །ཐམས་ཅད་གཡོགས་ཤིང་ཐམས་ཅད་བསྐོར་བ་ནི་གནས་ཁང་ངམ་འཁོར་གྱི་ཁྱམས་སམ་ཁང་པ་བརྩེགས་པ་དག་གོ་།ཐམས་ཅད་གཡོགས་ཤིང་ཕལ་ཆེར་བསྐོར་བ་ནི་སྒོ་བཅུ་པ་དང་སྒོ་བཅུ་གཉིས་པ་དག་གོ་།ཕལ་ཆེར་གཡོགས་ཤིང་ཐམས་ཅད་བསྐོར་བ་ནི་ཁྱམས་ངོས་བཞི་པ་དག་གོ་།ཕལ་ཆེར་གཡོགས་ཤིང་ཕལ་ཆེར་བསྐོར་བ་ནི་ཁྱམས་ངོས་གསུམ་པ་དང་འཁོར་གྱི་ཁྱམས་དག་གོ་།ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང ། ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན་དགེ་སློང་གིས་གང་ཟག་རྫོགས་པར་མ་བསྙེན་པ་ལ་རྫོགས་པར་མ་བསྙེན་པར་འདུ་ཤེས་ཤིང་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་ན་ལྟུང་བྱེད་དུ་འགྱུར་རོ། །གང་ཟག་རྫོགས་པར་མ་བསྙེན་པ་ལ་ཡིད་གཉིས་ཟ་བས་ལྷན་ཅིག་ནུབ་གཉིས་ལས་
Ja308a
༄#། །ལྷག་པར་གནས་གཅིག་ཏུ་ཉལ་ན་ལྟུང་བྱེད་དུ་འགྱུར་རོ། །དགེ་སློང་གིས་གང་ཟག་རྫོགས་པར་བསྙེན་པ་ལ་རྫོགས་པར་མ་བསྙེན་པར་འདུ་ཤེས་པས་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་ན་ཉེས་བྱས་སུ་འགྱུར་རོ། །རྫོགས་པར་བསྙེན་པ་ལ་ཡིད་གཉིས་ཟ་བས་ལྷན་ཅིག་ནུབ་གཉིས་ལས་ལྷག་པར་གནས་གཅིག་ཏུ་ཉལ་ན་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །རྫོགས་པར་མ་བསྙེན་པ་དང་ལྷན་ཅིག་ཉལ་བའི་ལྟུང་བྱེད་དེ་ལྔ་བཅུ་བཞི་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་སྔོན་བོང་རྫི་དགེ་སློང་འཆི་ལྟས་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་ཟེར་རོ། །དགེ་སློང་རབ་ཏུ་མང་པོ་དག་གིས་སྔོན་བོང་རྫི་དགེ་སློང་འཆི་ལྟས་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་
Ja308b
གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་ཟེར་བ་ཐོས་ནས་དགེ་སློང་རྣམས་ཀྱིས་སྐབས་དེ་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་སྔོན་བོང་རྫི་དགེ་སློང་འཆི་ལྟས་དང ། གཞན་ཡང་དེ་ལྟ་བུ་གང་ཡིན་པ་ལ་བཞམས་ཏེ་བསྒོ་བར་བྱའོ། །འདི་སྐད་ཅེས་བསྒོ་བར་བྱ་སྟེ། ཚེ་དང་ལྡན་པ་འཆི་ལྟས་ཁྱོད་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་དེ་སྐད་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ ། །འཆི་ལྟས་བར་དུ་གཅོད་པའི་ཆོས་རྣམས་ནི་བར་དུ་གཅོད་པ་ཉིད་དོ། །ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ། དེ་དག་བསྟེན་ན་བར་དུ་གཅོད་པར་འགྱུར་གྱི། འཆི་ལྟས་ཁྱོད་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འཆི་ལྟས་ལ་ཚེ་དང་ལྡན་པ་འཆི་ལྟས་ཁྱོད་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་
Ja309a
༄#། །པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་དེ་སྐད་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ ། །འཆི་ལྟས་པར་དུ་གཅོད་པའི་ཆོས་རྣམས་ནི་བར་དུ་གཅོད་པ་ཉིད་དོ་ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ། དེ་དག་བསྟེན་ན་བར་དུ་གཅོད་པར་འགྱུར་གྱི། འཆི་ལྟས་ཁྱོད་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བཞམས་ཏེ་བསྒོའོ། །དགེ་སློང་རབ་ཏུ་མང་པོ་དག་གིས་དེ་ལ་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ། །ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་སྔོན་བོང་རྫི་དགེ་སློང་འཆི་ལྟས་དང་གཞན་ཡང་དེ་ལྟ་བུ་གང་ཡིན་པ་ལ་གསོལ་པ་དང་བཞིའི་ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ཏེ་
Ja309b
ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་མཆི་ནས། འདི་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ན་འདི་ལ་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆི་ལྟས་ལ་འཆི་ལྟས་ཁྱོད་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ་དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་དེ་སྐད་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ། །འཆི་ལྟས་བར་དུ་གཅོད་པའི་ཆོས་རྣམས་ནི་བར་དུ་གཅོད་པ་ཉིད་དོ་ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ་དེ་དག་བསྟེན་ན་བར་དུ་གཅོད་པར་འགྱུར་གྱི། འཆི་ལྟས་ཁྱོད་
Ja310a
༄#། །སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི་གསོལ་བའོ། །ལས་ནི་འདི་ལྟ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་མཆི་ནས། འདི་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ན། འདི་ལ་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ། ། ཞེས་རྗེས་སུ་ཐ་སྙད་འདོགས་ཏེ། དེའི་སླད་དུ་དགེ་འདུན་གྱིས་དགེ་སློང་འཆི་ལྟས་ཁྱོད་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་དེ་སྐད་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ ། །འཆི་ལྟས་བར་དུ་གཅོད་པའི་ཆོས་རྣམས་ནི་བར་དུ་གཅོད་པ་ཉིད་དོ་ཞེས་བཅོམ་ལྡན་འདས་
Ja310b
ཀྱིས་རྣམ་གྲངས་དུ་མར་གསུངས་ཏེ། དེ་དག་བསྟན་ན་བར་དུ་གཅོད་པར་འགྱུར་གྱི། འཆི་ལྟས་ཁྱོད་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན་ཚེ་དང་ལྡན་པ་གང་དག་དགེ་སློང་འཆི་ལྟས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག། འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་འཆི་ལྟས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ་འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འཆི་ལྟས་ལ་གསོལ་བ་དང་བཞིའི་ལས་ཀྱིས་བསྒོའོ། །གསོལ་བ་དང་བཞིའི་ལས་ཀྱིས་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་དང་གཞན་ཡང་དེ་ལྟ་བུ་གང་ཡིན་པ་ལ་སྨད་པའི་ལས་བྱའོ། །འདི་ལྟར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་
Ja311a
༄#། །སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ་དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་མཆི་ནས་འདི་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ན་འདི་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་རྫུན་པའོ། །ཞེས་རྗེས་སུ་ཐ་སྙད་འདོགས་ཏེ། འདི་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་བསྒོ་ན་འདི་ལ་གསོལ་བ་དང་བཞིའི་ལས་ཀྱིས་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་ན་གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་སྨད་པའི་ལས་བགྱི་སྟེ། ཇི་སྲིད་དུ་དགེ་སློང་འཆི་ལྟས་
Ja311b
སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐམས་ཅད་ཀྱི་ཐམས་ཅད་དང་རྣམ་པ་ཐམས་ཅད་ཀྱི་ཐམས་ཅད་དུ་མི་གཏོང་བ་དེ་སྲིད་དུ་གཏམ་འདྲེ་བར་མི་བགྱི། ཕེབས་པར་སྨྲ་བར་མི་བགྱི་ཞིང ། དཔེར་ན་གདོལ་བུ་བཞིན་དུ་སྨད་པར་བགྱི་ཞིང་མཆོག་ཏུ་སྨད་པར་བགྱིའོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་པར་དུ་གཅོད་བར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་མཆི་ནས། འདི་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ན་འདི་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་བའོ་ཞེས་རྗེས་སུ་ཐ་སྙད་འདོགས་ཏེ། འདི་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་བསྒོ་ན་འདི་ལ་གསོལ་བ་དང་བཞིའི་ལས་ཀྱིས་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་ན། དེའི་སླད་དུ་དགེ་འདུན་གྱིས་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་
Ja312a
༄#། །སྨད་པའི་ལས་བགྱི་སྟེ། ཇི་སྲིད་དུ་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐམས་ཅད་ཀྱི་ཐམས་ཅད་དང་རྣམ་པ་ཐམས་ཅད་ཀྱི་ཐམས་ཅད་དུ་མི་གཏོང་བ་དེ་སྲིད་དུ་གཏམ་འདྲེ་བར་མི་བགྱི། ཕེབས་པར་སྨྲ་བར་མི་བགྱི་ཞིང་དཔེར་ན་གདོལ་བུ་བཞིན་དུ་སྨད་པར་བགྱི་ཞིང་མཆོག་ཏུ་སྨད་པར་བགྱི་ན་ཚེ་དང་ལྡན་པ་གང་དག་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་སྨད་པའི་ལས་བགྱི་ཞིང་ཇི་སྲིད་དུ་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐམས་ཅད་ཀྱི་ཐམས་ཅད་དང་རྣམ་པ་ཐམས་ཅད་ཀྱི་ཐམས་ཅད་དུ་མི་གཏོང་བ་དེ་སྲིད་དུ་གཏམ་འདྲེ་བར་མི་བགྱི། ཕེབས་པར་སྨྲ་བར་མི་བགྱི་ཞིང་དཔེར་ན་གདོལ་བུ་བཞིན་དུ་སྨད་པར་བགྱི་ཞིང ། མཆོག་ཏུ་སྨད་པར་བགྱི་བར་བཟོད་པ་དེ་དག་ནི་ཅང་མ་གསུངས་ཤིག། གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནད་ནས། དགེ་འདུན་གྱིས་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་སྨད་པའི་འཕྲིན་ལས་མཛད་ཅིང ། ཇི་སྲིད་དུ་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐམས་ཅད་ཀྱི་ཐམས་ཅད་དང ། རྣམ་པ་ཐམས་ཅད་ཀྱི་ཐམས་ཅད་དུ་མི་གཏོང་བ་དེ་སྲིད་དུ་གཏམ་འདྲེ་བར་མི་བགྱི། ཕེབས་པར་སྨྲ་བར་མི་བགྱི་ཞིང་དཔེར་ན་གདོལ་
Ja312b
བུ་བཞིན་དུ་སྨད་པར་བགྱི་ཤིང་མཆོག་ཏུ་སྨད་པར་བགྱིས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་སྨད་པའི་ལས་བྱས་ཤིང་ཇི་སྲིད་དུ་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་དེ་ལྟ་བུ་དེ་ཐམས་ཅད་ཀྱི་ཐམས་ཅད་དང་རྣམ་པ་ཐམས་ཅད་ཀྱི་ཐམས་ཅད་དུ་མི་གཏོང་བ་དེ་སྲིད་དུ་གཏམ་འདྲེ་བར་མི་བགྱི། ཕེབས་པར་སྨྲ་བར་མི་བྱ་ཞིང་དཔེར་ན་གདོལ་བུ་བཞིན་དུ་སྨད་པར་བྱས་ཤིང་མཆོག་ཏུ་སྨད་པར་བྱས་སོ། །དགེ་སློང་དེ་དག་གིས་དགེ་སློང་འཆི་ལྟས་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་སྨད་པའི་ལས་བྱས་ཤིང ། ཇི་སྲིད་དུ་སྡིག་པ་ཅན་གྱི་ལྟ་བའི་རྣམ་པ་དེ་ལྟ་བུ་དེ་ཐམས་ཅད་ཀྱི་ཐམས་ཅད་དང་རྣམ་པ་ཐམས་ཅད་ཀྱི་ཐམས་ཅད་དུ་མི་གཏོང་བ་དེ་སྲིད་དུ་གཏམ་འདྲེ་བར་མི་བྱ། ཕེབས་པར་སྨྲ་བར་མི་བྱ་ཞིང་དཔེར་ན་གདོལ་བུ་བཞིན་དུ་སྨད་པར་བྱས་ཤིང་མཆོག་ཏུ་སྨད་པར་བྱས་ཀྱང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་
Ja313a
༄#། །མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་འཆི་ལྟས་ལ་རྨས་པ། འཆི་ལྟས་ཁྱོད་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ།་དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་ཟེར་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་འདི་སྐད་ཅེས་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་
Ja313b
ཤེས་སོ་ཞེས་ཟེར་ན་དགེ་སློང་དེ་ལ་དགེ་སློང་རྣམས་ཀྱིས་འདི་སྐད་ཅེས་ཚེ་དང་ལྡན་པ་ཁྱོད་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་དེ་སྐད་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ ། །ཚེ་དང་ལྡན་པ་བར་དུ་གཅོད་པའི་ཆོས་རྣམས་ནི་བར་དུ་གཅོད་པ་ཉིད་དོ། །ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ། དེ་དག་བསྟེན་ན་བར་དུ་གཅོད་པར་འགྱུར་གྱི། ཚེ་དང་ལྡན་པ་ཁྱོད་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆི་ལྟས་སམ་གཞན་ཡང་དེ་ལྟ་བུ་གང་ཡིན་པའོ། །འདི་སྐད་ཅེས་ཞེས་བྱ་བ་ནི་འདི་སྐད་ཅེས་ཟེར་ནའོ། །ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་
Ja314a
༄#། །ཆོས་སུ་གསུངས་པ་གང་དག་ཡིན་པ་ཞེས་བྱ་བ་ལ་བར་དུ་གཅོད་པའི་ཆོས་ཞེས་བྱ་བ་ནི། ཕམ་པར་འགྱུར་བའི་ཆོས་བཞི་དང ། དགེ་འདུན་ལྷག་མའི་ཆོས་བཅུ་གསུམ་དང ། མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང ། བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་གང་དག་བཅོམ་ལྡན་འདས་ཀྱིས་གསུངས་པ་དག་གོ་།དེ་དག་བསྟེན་ཀྱང་ཞེས་བྱ་བ་ནི་དེ་དག་ལྷག་པར་སྤྱད་ཀྱང་ངོ ། །བར་དུ་གཅོད་པར་མི་འགྱུར་ཏེ་ཞེས་བྱ་བ་ནི་དེས་དགེ་སྦྱོང་གི་ཚུལ་གྱི་བར་དུ་གཅོད་པར་མི་འགྱུར་ཏེ་ཞེས་ཟེར་བའོ། །དེ་ལྟར་བཅོམ་ལྡན་འདས་ཀྱིས་ཞེས་བྱ་བ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིའོ། །ཆོས་ཞེས་བྱ་བ་ནི་སངས་རྒྱས་ཀྱིས་གསུངས་པ་དང ། ཉན་ཐོས་ཀྱིས་བཤད་པའོ། །བསྟན་པ་ཞེས་བྱ་བ་ནི་རབ་ཏུ་བསྟན་པའོ། །བདག་གིས་ཤེས་སོ། ། ཞེས་ཟེར་ན་ཞེས་བྱ་བ་ནི་བདག་གིས་ཀུན་ཤེས་སོ་ཞེས་ཟེར་ནའོ། །དགེ་སློང་དེ་ལ་ཞེས་བྱ་བ་ནི་འཆི་ལྟས་ལའོ། །དགེ་སློང་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི་བཞམས་ཏེ་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་ཞེས་བྱ་བ་ནི་བཞམས་ཏེ་བསྒོ་བ་ནའོ། །གལ་ཏེ་གཞི་དེ་གཏོང་ན་
Ja314b
ཞེས་བྱ་བ་ནི་ལྟ་བའི་རྣམ་པ་དེ་ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི། དེ་ལྟ་ན་བཟང་བའོ། །གལ་ཏེ་མི་གཏོང་ན་ཞེས་བྱ་བ་ནི་ཡོངས་སུ་མི་གཏོང་ནའོ། །ལན་གཉིས་ལན་གསུམ་དུ་ཡང་དག་པར་བསྒོ་བར་བྱའོ། ཡང་དག་པར་བསྟན་པར་བྱའོ། །ཞེས་བྱ་བ་ནི་གསོལ་བ་དང་བཞིའི་ལས་ཀྱིས་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་སྟེ། ཡང་དག་པར་བསྒོ་བ་དེ་ནི་དེ་ཡིན། ཡང་དག་པར་བསྟན་པ་དེ་ནི་དེ་ཡིན་ནོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན་དགེ་སློང་ཇི་ཙམ་ཅུང་ཟད་འདི་སྐད་ཅེས་ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་ཟེར་ན་ཐམས་ཅད་དུ་ཉེས་བྱས་སུ་འགྱུར་རོ། །དགེ་སློང་གིས་བཞམས་ཏེ་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་ཉེས་བྱས་སུ་འགྱུར་རོ། །གསོལ་བ་དང་བཞིའི་ལས་ཀྱིས་བསྒོ་ན་གཞི་དེ་གཏོང་ན་དེ་ལྟན་ལེགས། གལ་ཏེ་མི་གཏོང་ན་གསོལ་བ་བྱས་པ་ན་ཉེས་བྱས་སུ་འགྱུར་རོ། །ལས་བརྗོད་པ་དང་པོ་བརྗོད་པ་
Ja315a
༄#། །ན། མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་ཉེས་བྱས་སུ་འགྱུར་རོ། །ལས་བརྗོད་པ་གཉིས་པ་བརྗོད་པ་ན། མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་ཉེས་བྱས་སུ་འགྱུར་རོ། །ལས་བརྗོད་པ་གསུམ་པ་བརྗོད་པ་ན། མ་རྫོགས་པར་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་རྫོགས་པར་བརྗོད་པ་ན་གལ་ཏེ་མི་མཐུན་པ་དང་ཆོས་མ་ཡིན་པས་སྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་ཆོས་ཀྱིས་སྒོ་བར་བྱེད་ན་ལྟུང་བ་མེད་དོ། ། མཐུན་པ་དང་ཆོས་ལྟར་བཅོས་པས་སྒོ་བར་བྱེད་ན་ལྟུང་བ་མེད་དོ། །མི་མཐུན་པ་དང་ཆོས་མ་ཡིན་པ་ལྟར་བཅོས་པས་སྒོ་བར་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་སྒོ་བར་མི་བྱེད་ན་ལྟུང་བ་མེད་དོ། །ཆོས་ཇི་ལྟ་བ་དང ། འདུལ་བ་ཇི་ལྟ་བ་དང ། སྟོན་པའི་བསྟན་པ་ཇི་ལྟ་བ་དེ་ལྟར་མཐུན་པས་སྒོ་བར་བྱེད་ན་རྫོགས་པར་བརྗོད་པ་ན་ལྟུང་བྱེད་དུ་འགྱུར་རོ། །དགེ་སློང་དེས་སྟན་དེ་ལ་འདུག་བཞིན་དུ་འདི་སྐད་ཅེས་ཚེ་དང་ལྡན་པ་དག་བདག་ལ་ལྟུང་བྱེད་ཀྱི་ལྟུང་བ་བྱུང་ངོ ། །ཞེས་བརྗོད་པར་བྱ་སྟེ་གལ་ཏེ་དེ་སྐད་བརྗོད་ན་དེ་ལྟ་ན་ལེགས། གལ་ཏེ་མི་བརྗོད་ན་དེ་ཕྱིན་ཆད་དེ་ལ་འཆབ་པའི་ཉེས་པ་འབྱུང་བར་འགྱུར་རོ། །དེ་བས་ན་དགེ་སློང་གིས་ཇི་ཙམ་དུ་གཞི་དེས་མ་བཤགས་ཤིང་སོ་སོར་མ་
Ja315b
བཤགས་པར་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་ཉམས་སུ་མྱོང་བར་བྱེད་ན་ཐམས་ཅད་དུ་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལྟ་བའི་རྣམ་པ་མི་གཏོང་བའི་ལྟུང་བྱེད་དེ་ལྔ་བཅུ་ལྔ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །འཆི་ལྟས་དེ་གནས་ནས་འབྱུང་བའི་ལས་བྱས་པ་ན་ངུ་ཞིང་ཉེ་དགའི་གན་དུ་སོང་བ་དང ། ཉེ་དགས་སྨྲས་པ། འཆི་ལྟས་ཁྱོད་ཅིའི་ཕྱིར་ངུ ། འཆི་ལྟས་ཀྱིས་སྨྲས་པ། ལྷུང་བཟེད་ནག་པོ་ཅན་དག་གིས་ཁོ་བོ་གནས་ནས་དགུང་བའི་ལས་བྱས་སོ། །ཉེ་དགས་སྨྲས་པ། གང་དག་གིས་འཆི་ལྟས་གནས་ནས་དབྱུང་བའི་ལས་བྱས་པ་དེ་དག་གྲོང་དང་གྲོང་ཁྱེར་དང་ལྗོངས་དང་ཁམས་གསུམ་ནས་གནས་ཕྱུང་བར་གྱུར་ཅིག་།འོན་ཀྱང་གནས་ནས་དབྱུང་བའི་ལས་བྱས་པ་རྣམས་ལ་གྲོང་ངམ་གྲོང་རྡལ་དག་མེད་དམ་ཅི། སྡོད་ལ་བཟོད་པ་གསོལ་ཅིག་ཅེས་ཉེ་དགའ་འཆི་ལྟས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། ཀུན་ཏུ་གནས་པར་བྱེད། ཀུན་ཏུ་ལོངས་སྤྱོད་པར་བྱེད་ཅིང ། དེ་དང་ལྷན་ཅིག་གནས་གཅིག་ཏུ་ཉལ་བར་བྱེད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཤེས་བཞིན་དུ་དེ་སྐད་ཟེར་བའི་གང་ཟག་ཆོས་བཞིན་དུ་མ་
Ja316a
༄#། །བྱས་པ་སྡིག་པ་ཅན་གྱི་ལྟ་བའི་རྣམ་པ་དེ་མ་སྤངས་པ་དང་གཏམ་འདྲེ་བར་བྱེད། ཕེབས་པར་སྨྲ་བར་བྱེད། ཀུན་ཏུ་སྨྲས་པར་བྱེད། ཀུན་ཏུ་ལོངས་སྤྱོད་པར་བྱེད་ཅིང ། དེ་དང་ལྷན་ཅིག་གནས་གཅིག་ཏུ་ཉལ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ་ཁྱོད་ཤེས་བཞིན་དུ་དེ་སྐད་ཟེར་བའི་གང་ཟག་ཆོས་བཞིན་མ་བྱས་པ་སྡིག་པ་ཅན་གྱི་ལྟ་བའི་རྣམ་པ་དེ་མ་སྤངས་པ་དང་གཏམ་འདྲེ་བར་བྱེད། ཕེབས་པར་སྨྲ་བར་བྱེད། ཀུན་ཏུ་གནས་པར་བྱེད། ཀུན་ཏུ་ལོངས་སྤྱོད་པར་བྱེད་ཅིང ། དེ་དང་ལྷན་ཅིག་གནས་གཅིག་ཏུ་ཉལ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་
Ja316b
དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཤེས་བཞིན་དུ་དེ་སྐད་ཟེར་བའི་གང་ཟག་ཆོས་བཞིན་མ་བྱས་པ་སྡིག་པ་ཅན་གྱི་ལྟ་བའི་རྣམ་པ་དེ་མ་སྤངས་པ་དང་གཏམ་འདྲེ་བར་བྱེད། ཕེབས་པར་སྨྲ་བར་བྱེད། ཀུན་ཏུ་གནས་པར་བྱེད། ཀུན་ཏུ་ལོངས་སྤྱོད་པར་བྱེད་ཅིང ། དེ་དང་ལྷན་ཅིག་གནས་གཅིག་ཏུ་ཉལ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །ཤེས་བཞིན་དུ་ཞེས་བྱ་བ་ནི་དེར་རང་ཉིད་ཀྱིས་རིག་པར་གྱུར་པའམ་གཞན་དག་གིས་བརྗོད་པའོ། །དེ་སྐད་ཟེར་བའི་གང་ཟག་ཅེས་བྱ་བ་ནི་འཆི་ལྟས་སོ། །ཆོས་བཞིན་མ་བྱས་པ་ཞེས་བྱ་བ་ནི་ཆོས་དང་མཐུན་པར་མ་བྱས་པའོ། །སྡིག་པ་ཅན་གྱི་ལྟ་བའི་རྣམ་པ་དེ་མ་སྤངས་པ་ཞེས་བྱ་བ་ནི་ལྟ་བའི་རྣམ་པ་གང་ཡིན་པ་དེའོ། །གཏམ་འདྲེ་བར་བྱེད་ཅེས་བྱ་བ་ནི་ལུང་འབོག་པ་སྦྱིན་པར་བྱེད་པའོ། །ཕེབས་པར་སྨྲ་བར་བྱེད་ཅེས་བྱ་བ་ནི་དམིགས་ཀྱིས་འདྲི་བ་སྦྱིན་པར་བྱེད་པའོ། །ཀུན་ཏུ་གནས་པར་བྱེད་ཅེས་བྱ་བ་ནི་གནས་སྦྱིན་པར་བྱེད་པའོ། །ཀུན་ཏུ་ལོངས་སྤྱོད་པར་བྱེད་ཅིང་ཞེས་བྱ་བ་ནི་དེ་ལས་བསྙེན་བཀུར་བདག་གིར་བྱེད་ཅིང་ངོ ། །དེ་
Ja317a
༄#། །དག་ལྷན་ཅིག་གནས་གཅིག་ཏུ་ཉལ་ན་ཞེས་བྱ་བ་ནི་གནས་བཞི་པོ་ཐམས་ཅད་གཡོགས་ཤིང་ཐམས་ཅད་བསྐོར་བ་དང ། ཐམས་ཅད་གཡོགས་ཤིང་ཕལ་ཆེར་བསྐོར་བ་དང ། ཕལ་ཆེར་གཡོགས་ཤིང་ཐམས་ཅད་བསྐོར་བ་དང ། ཕལ་ཆེར་གཡོགས་ཤིང་ཕལ་ཆེར་བསྐོར་བ་དག་ཏུ་ཉལ་བས་སྐྱ་རེངས་འཆར་བར་བྱེད་ནའོ། །གནས་ཐམས་ཅད་གཡོགས་ཤིང་ཐམས་ཅད་བསྐོར་བ་ནི་གནས་ཁང་དང་འཁོར་གྱི་ཁྱམས་དང་ཁང་པ་བརྩེགས་པ་དག་གོ་།ཐམས་ཅད་གཡོགས་ཤིང་ཕལ་ཆེར་བསྐོར་བ་ནི་སྒོ་བཅུ་པ་དང་སྒོ་བཅུ་གཉིས་པ་དག་གོ ། ཕལ་ཆེར་གཡོགས་ཤིང་ཐམས་ཅད་བསྐོར་བ་ནི་ཁྱམས་ངོས་བཞི་པ་དག་གོ་།ཕལ་ཆེར་གཡོགས་ཤིང་ཕལ་ཆེར་བསྐོར་བ་ནི་ཁྱམས་ངོས་གསུམ་པ་དང་འཁོར་གྱི་ཁྱམས་དག་གོ་།ལྟུང་བྱེད་དོ། ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པ་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་ཤེས་བཞིན་དུ་དེ་སྐད་ཟེར་བའི་གང་ཟག་ཆོས་བཞིན་མ་བྱས་པ་སྡིག་པ་ཅན་གྱི་ལྟ་བའི་རྣམ་པ་དེ་མ་སྤངས་པ་དང་གཏམ་འདྲེ་བར་བྱེད་ན་ལྟུང་བྱེད་དུ་འགྱུར་རོ། །
Ja317b
ཕེབས་པར་སྨྲ་བར་བྱེད་ན་ལྟུང་བྱེད་དུ་འགྱུར་རོ། །ཀུན་ཏུ་གནས་པར་བྱེད་ན་ལྟུང་བྱེད་དུ་འགྱུར་རོ། །ཀུན་ཏུ་ལོངས་སྤྱོད་པར་བྱེད་ན་ལྟུང་བྱེད་དུ་འགྱུར་རོ། །དེ་དང་ལྷན་ཅིག་གནས་བཞི་པོ་དག་ཏུ་ཉལ་བས་སྐྱ་རེངས་འཆར་བར་བྱེད་ན་ལྟུང་བྱེད་དུ་འགྱུར་རོ། །ན་བར་གྱུར་པ་དང་སྡིག་པ་ཅན་གྱི་ལྟ་བའི་རྣམ་པ་དེ་དང་བྲལ་བར་འདོད་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྤངས་པའི་རྗེས་སུ་ཕྱོགས་པའི་ལྟུང་བྱེད་དེ་ལྔ་བཅུ་དྲུག་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་ང་བརྒྱད་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཉེ་དགའ་ལ་དགེ་ཚུལ་ཚེར་མ་དང་ཆེན་པོ་པ་ཞེས་བྱ་བ་གཉིས་ཤིག་ཡོད་དེ། འདོད་ཆགས་དང་བྲལ་བ་མེད་པ་ན་དགེ་སློང་རྣམས་དེ་གཉིས་དང་ལྷན་ཅིག་གཞོགས་སྟེགས་བྱེད། ཕྱར་གཡེང་བྱེད། མཐོ་འཚམས་པར་བྱེད། ཀུན་ཏུ་རྩེ་བར་བྱེད།་ཅ་ཅོ་འདོན་པར་བྱེད། རྒོད་པ་དང་དྲེགས་པ་དང་ལུས་སྒྱུར་བྱེད་དོ། །ཕྱིས་དེ་དག་གིས་བསྡམ་པར་བྱ་བའི་ལྟུང་བ་གང་དག་ཡིན་པ་དེ་དག་ཀྱང་བསྡམ་པར་བྱས། བཤགས་པར་བྱ་བའི་ལྟུང་བ་གང་དག་ཡིན་པ་དེ་དག་ཀྱང་བཤགས་པར་བྱས་ཏེ། སྤྲོ་བར་བྱེད། འབད་པར་བྱེད། རྩོལ་བར་བྱེད་པ་དེ་དག་གིས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་
Ja318a
༄#། །སུམ་དུ་བྱས་ཤིང་རྫུ་འཕྲུལ་ཡང་མངོན་པར་བསྒྲུབས་སོ། །དུས་གཞན་ཞིག་ན་དགེ་ཚུལ་ཚེར་མ་དང་ཆེན་པོ་པ་གཉིས་མེ་ཏོག་དག་ཐུ་ཞིང་འཁོད་པ་ན་ནམ་མཁའ་ལས་དགེ་སློང་དག་ཅིག་རྫུ་འཕྲུལ་གྱིས་འདོང་བ་མཐོང་ནས་དེ་གཉིས་ཀྱིས་སྨྲས་པ། ཁྱེད་ཅག་སུ་དག་ཡིན། དེ་དག་གིས་སྨྲས་པ། ཁོ་བོ་ཅག་མིང་འདི་ཞེས་བྱ་བ་དག་ཡིན་ནོ། །དེ་གཉིས་ཀྱིས་སྨྲས་པ། ཁྱེད་ཅག་གིས་ཁོ་བོ་ཅག་གཉིས་དང་ལྷན་ཅིག་འདི་དང་འདི་ལྟར་བྱས་སོ། །དེ་དག་གིས་སྨྲས་པ། དེ་ལྟ་ཡིན་མོད་ཀྱང་ཁོ་བོ་ཅག་གིས་བསྡམ་པར་བྱ་བའི་ལྟུང་བ་གང་དག་ཡིན་པ་དེ་དག་ཀྱང་བསྡམ་པར་བྱས། བཤགས་པར་བྱ་བའི་ལྟུང་བ་གང་དག་ཡིན་པ་དེ་དག་ཀྱང་བཤགས་པར་བྱས་ཏེ། སྤྲོ་བར་བྱེད། འབད་པར་བྱེད། རྩོལ་བར་བྱེད་པ་དག་གིས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཤིང་རྫུ་འཕྲུལ་ཡང་མངོན་པར་བསྒྲུབས་སོ། །དེ་ནས་དགེ་ཚུལ་ཚེར་མ་དང་ཆེན་པོ་པ་གཉིས་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་
Ja318b
ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་ཚུལ་ཚེར་མ་དང་ཆེན་པོ་པ་དང་གཞན་ཡང་དེ་ལྟ་བུ་གང་ཡིན་པ་དེ་དག་ལ་བཞམས་ཏེ་བསྒོ་བར་བྱའོ། །འདི་སྐད་ཅེས་བསྒོ་བར་བྱ་སྟེ་ཚེར་མ་དང་ཆེན་པོ་པ་ཁྱེད་གཉིས་ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་དེ་སྐད་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ། །ཚེར་མ་དང་ཆེན་པོ་པ་འདོད་པ་བར་དུ་གཅོད་པ་རྣམས་ནི་བར་དུ་གཅོད་པ་ཉིད་དོ་ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ། དེ་དག་བསྟེན་ན་བར་དུ་གཅོད་པར་འགྱུར་གྱི། ཚེར་མ་དང་ཆེན་པོ་པ་ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་དགེ་ཚུལ་ཚེར་མ་དང་ཆེན་པོ་པ་གཉིས་ལ་ཚེར་མ་དང་ཆེན་པོ་པ་ཁྱེད་གཉིས། ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་དེ་སྐད་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །
Ja319a
༄#། །བཅོམ་ལྡན་འདས་ནི་དེ་སྐད་མི་གསུང་ངོ ། །ཚེར་མ་དང་ཆེན་པོ་པ་འདོད་པ་བར་དུ་གཅོད་པ་རྣམས་ནི་བར་དུ་གཅོད་པ་ཉིད་དོ་ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ་དེ་དག་བསྟེན་ན་བར་དུ་གཅོད་པར་འགྱུར་གྱི། ཚེར་མ་དང་ཆེན་པོ་པ་ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བཞམས་ཏེ་བསྒོའོ། །དགེ་སློང་རབ་ཏུ་མང་པོ་དག་གིས་དགེ་ཚུལ་ཚེར་མ་དང་ཆེན་པོ་པ་ལ་བཞམས་ཏེ་བསྒོ་ན། དེ་གཉིས་ལ་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག་ཁྱེད་ཀྱིས་དགེ་ཚུལ་ཚེར་མ་དང་ཆེན་པོ་པ་དང་གཞན་ཡང་དེ་ལྟ་བུ་གང་ཡིན་པ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །འདི་ལྟར་བསྒོ་བར་བྱ་སྟེ་གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན་དགེ་ཚུལ་ཚེར་མ་དང་ཆེན་པོ་པ་གཉིས་ཐོས་པའི་ཉེ་འཁོར་ནས་སྤངས་ཏེ་མཐོང་བའི་ཉེ་འཁོར་དུ་བཞག་ནས་དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་
Ja319b
ཚུལ་ཚེར་མ་དང་ཆེན་པོ་པ་འདི་གཉིས་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་མཆི་ནས་འདི་གཉིས་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ན་འདི་གཉིས་ལ་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་ན་གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་ཚུལ་ཚེར་མ་དང་ཆེན་པོ་པ་ལ་ཚེར་མ་དང་ཆེན་པོ་པ་ཁྱེད་གཉིས་ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་དེ་སྐད་ཅེས་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ ། །ཚེར་མ་དང་ཆེན་པོ་པ་འདོད་པ་བར་དུ་གཅོད་པ་རྣམས་ནི་བར་དུ་གཅོད་པ་ཉིད་དོ་ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ། དེ་དག་བསྟེན་ན་བར་དུ་
Ja320a
༄#། །གཅོད་པར་འགྱུར་གྱི། ཚེར་མ་དང་ཆེན་པོ་པ་ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི་གསོལ་བའོ། །དེའི་འོག་ཏུ་དགེ་སློང་གཅིག་གིས་དེ་གཉིས་ལ་ཁྱོད་གཉིས་ལ་དགེ་འདུན་གྱིས་གསོལ་པ་དང་བཞིའི་ལས་མཛད་པར་འགྱུར་བ་ལས་གསོལ་བ་མཛད་ལགས་ཀྱིས་ཁྱེད་གཉིས་སྡིག་པ་ཅན་གྱི། ལྟ་བའི་རྣམ་པ་འདི་ལྟ་བུ་ཐོང་ཞིག་ཅེས་བསྒོ་བར་བྱའོ། །དེ་སྐད་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་ལས་བྱའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། །དགེ་ཚུལ་ཚེར་མ་དང་ཆེན་པོ་པ་འདི་གཉིས་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་མཆི་ནས་འདི་གཉིས་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ན། འདི་གཉིས་ལ་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་ནས། དེའི་སླད་དུ་དགེ་འདུན་གྱིས་དགེ་ཚུལ་ཚེར་མ་དང་ཆེན་པོ་པ་ལ་
Ja320b
ཚེར་མ་དང་ཆེན་པོ་པ་ཁྱེད་གཉིས་ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་དེ་སྐད་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་པས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ ། །ཚེར་མ་དང་ཆེན་པོ་པ་འདོད་པ་བར་དུ་གཅོད་པ་རྣམས་ནི་བར་དུ་གཅོད་པ་ཉིད་དོ་ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ་དེ་དག་བསྟེན་ན་བར་དུ་གཅོད་པར་འགྱུར་གྱི། ཚེར་མ་དང་ཆེན་པོ་པ་ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་ན་ཚེ་དང་ལྡན་པ་གང་དག་དགེ་ཚུལ་ཚེར་མ་དང་ཆེན་པོ་པ་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་བརྗོད་པ་དང་པའོ། །དེའི་འོག་ཏུ་དགེ་སློང་གཅིག་གིས་དེ་གཉིས་ལ་ཁྱེད་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་མཛད་པར་འགྱུར་བ་ལས། ལས་བརྗོད་པ་དང་པོ་ཡང་མཛད་ལགས་ཀྱི། ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དེ་སྐད་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་ལས་བརྗོད་པ་གཉིས་པ་བྱའོ། །ལས་བརྗོད་པ་
Ja321a
༄#། །གཉིས་པ་བྱས་ནས་ཀྱང་དེའི་འོག་ཏུ་དགེ་སློང་གཅིག་གིས་དེ་གཉིས་ལ་ཁྱེད་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་མཛད་པར་འགྱུར་བ་ལས། ལས་བརྗོད་པ་གཉིས་པ་ཡང་མཛད་ལགས་ཀྱི། ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དེ་སྐད་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་ལས་བརྗོད་པ་གསུམ་པ་བྱའོ། །ལས་བརྗོད་པ་གསུམ་པ་བྱས་ནས་ཀྱང་དེའི་འོག་ཏུ་དགེ་སློང་གཅིག་གིས་དེ་གཉིས་ལ་ཁྱེད་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་མཛད་པར་འགྱུར་བ་ལས། ལས་བརྗོད་པ་གསུམ་པ་ཡང་མཛད་ལགས་ཀྱི། ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དེ་སྐད་བསྒོ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་མཇུག་བསྡུ་བར་བྱ་སྟེ། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་ཚུལ་ཚེར་མ་དང་ཆེན་པོ་པ་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་བརྗོད་པར་བྱའོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དགེ་ཚུལ་ཚེར་མ་དང་ཆེན་པོ་པ་ལ་གསོལ་བ་དང་བཞིའི་ལས་ཀྱིས་བསྒོའོ། །དགེ་སློང་རྣམས་ཀྱིས་དགེ་ཚུལ་ཚེར་མ་དང་ཆེན་པོ་པ་ལ་གསོལ་
Ja321b
པ་དང་བཞིའི་ལས་ཀྱིས་བསྒོ་ན། དེ་གཉིས་ལ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་པར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་ཚུལ་ཚེར་མ་དང་ཆེན་པོ་པ་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་དང་གཞན་ཡང་དེ་ལྟ་བུ་གང་ཡིན་པ་ལ་གསོལ་པ་དང་བཞིའི་ལས་ཀྱིས་བསྙིལ་བའི་ལས་བྱའོ། །འདི་ལྟར་བྱ་སྟེ་གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། དགེ་ཚུལ་ཚེར་མ་དང ། ཆེན་པོ་པ་གཉིས་ཐོས་པའི་ཉེ་འཁོར་ནས་སྤངས་ཏེ་མཐོང་བའི་ཉེ་འཁོར་དུ་བཞག་ནས་དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་ཚུལ་ཚེར་མ་དང་ཆེན་པོ་པ་འདི་གཉིས་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་མཆི་ནས་འདི་གཉིས་ལ་དགེ་སློང་རབ་ཏུ་མང་
Ja322a
༄#། །པོས་བཞམས་ཏེ་བསྒོ་ན། འདི་གཉིས་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་ནས། འདི་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་བསྒོ་ན་འདི་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་ན་གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་ཚུལ་ཚེར་མ་དང་ཆེན་པོ་པ་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་དེང་ཕྱིན་ཆད་དགེ་ཚུལ་ཁྱེད་གཉིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་སྟོན་པའོ། ། ཞེས་མ་ཟེར་ཅིག་།ཆངས་\་ཊཥཱཎGཥ?\་པ་མཚུངས་པར་སྤྱོད་པ་མཁས་པ་བླ་མའི་གནས་ལྟ་བུ་གང་ཡང་རུང་བའི་ཕྱི་བཞིན་ཕྱི་བཞིན་དུ་ཡང་མ་འགྲོ་ཞིག་།དགེ་སློང་རྣམས་དང་དགེ་ཚུལ་ལྷན་ཅིག་ནུབ་གཉིས་ཚུན་ཆད་གནས་གཅིག་ཏུ་ཉལ་དུ་དབང་བ་གང་ཡིན་པ་དེ་ཡང་དེང་ཕྱིན་ཆད་ཁྱེད་ལ་མེད་དེ། མི་གཏི་མུག་ཅན་ཁྱེད་གཉིས་བསྙིལ་གྱི་གཞན་དུ་སོང་ཞིག་ཅེས་བསྙིལ་བའི་འཕྲིན་ལས་
Ja322b
མཛད་དོ། །འདི་ནི་གསོལ་བའོ། །དེའི་འོག་ཏུ་དགེ་སློང་གཅིག་གིས་དེ་གཉིས་ལ་དགེ་འདུན་གྱི་གསོལ་བ་དང་བཞིའི་ལས་མཛད་པར་འགྱུར་བ་ལས་གསོལ་བ་མཛད་ལགས་ཀྱི། ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དེ་སྐད་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་ལས་བྱའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་ཚུལ་ཚེར་མ་དང་ཆེན་པོ་པ་འདི་གཉིས་ལ་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་ཅག་གིས་ཤེས་སོ་ཞེས་མཆི་ནས་འདི་གཉིས་ལ་དགེ་སློང་རབ་ཏུ་མང་པོས་བཞམས་ཏེ་བསྒོ་ན་འདི་གཉིས་ལ་བཞམས་ཏེ་བསྒོ་ཡང་སྡིག་པ་ཅན་གྱི་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས། འདི་ཉིད་བདེན་གྱི་གཞན་ནི། རྫུན་པའོ་ཞེས་རྗེས་སུ་ཐ་སྙད་འདོགས་ནས་འདི་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་བསྒོ་ན་འདི་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་བསྒོ་ཡང་སྡིག་པ་ཅན་གྱིས་ལྟ་བའི་རྣམ་པ་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་རྫུན་པའོ་ཞེས་རྗེས་སུ་ཐ་སྙད་འདོགས་ཏེ། དེའི་སླད་དུ་དགེ་འདུན་
Ja323a
༄#། །གྱིས་དགེ་ཚུལ་ཚེར་མ་དང་ཆེན་པོ་པ་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་ཚེར་མ་དང་ཆེན་པོ་པ་ཁྱེད་གཉིས་དེང་ཕྱིན་ཆད་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་སྟོན་པའོ་ཞེས་མ་ཟེར་ཅིག་།ཚངས་པ་མཚུངས་པར་སྤྱོད་པ་མཁས་པ་བླ་མའི་གནས་ལྟ་བུ་གང་ཡང་རུང་བའི་ཕྱི་བཞིན་ཕྱི་བཞིན་དུ་ཡང་མ་འགྲོ་ཞིག་།དགེ་སློང་རྣམས་དང་དགེ་ཚུལ་ལྷན་ཅིག་ནུབ་གཉིས་ཚུན་ཆད་གནས་གཅིག་ཏུ་ཉལ་དུ་དབང་བ་གང་ཡིན་པ་དེ་ཡང་དེང་ཕྱིན་ཆད་ཁྱེད་ལ་མེད་དེ། མི་གཏི་མུག་ཅན་ཁྱེད་གཉིས་བསྙིལ་གྱི། གཞན་དུ་སོང་ཞིག་ཅེས་བསྙིལ་བའི་འཕྲིན་ལས་མཛད་ན། ཚེ་དང་ལྡན་པ་གང་དག་དགེ་ཚུལ་ཚེར་མ་དང་ཆེན་པོ་པ་སྡིག་པ་ཅན་གྱི་ལྟ་བའི་རྣམ་པ་མི་གཏོང་བ་ལ་བསྙིལ་བའི་འཕྲིན་ལས་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་བརྗོད་པ་དང་པོའོ། །དེའི་འོག་ཏུ་དགེ་སློང་གཅིག་གིས་དེ་གཉིས་ལ་ཁྱེད་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་མཛད་པར་འགྱུར་བ་ལས། ལས་བརྗོད་པ་དང་པོ་ཡང་མཛད་ལགས་ཀྱི། ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དེ་སྐད་ཅེས་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་ལས་བརྗོད་པ་གཉིས་པ་བྱའོ། །ལས་བརྗོད་པ་གཉིས་པ་བྱས་ནས་
Ja323b
ཀྱང་དེའི་འོག་ཏུ་དགེ་སློང་གཅིག་གིས་དེ་གཉིས་ལ་ཁྱེད་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་མཛད་པར་འགྱུར་བ་ལས། ལས་བརྗོད་པ་གཉིས་པ་ཡང་མཛད་ལགས་ཀྱི། ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དེ་སྐད་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་ལས་བརྗོད་པ་གསུམ་པ་བྱའོ། ། ལས་བརྗོད་པ་གསུམ་པ་བྱས་ནས་ཀྱང་དེའི་འོག་ཏུ་དགེ་སློང་གཅིག་གིས་དེ་གཉིས་ལ་ཁྱེད་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་མཛད་པར་འགྱུར་བ་ལས། ལས་བརྗོད་པ་གསུམ་པ་ཡང་མཛད་ལགས་ཀྱི། ཁྱེད་གཉིས་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དེ་སྐད་བསྒོ་བ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་མཇུག་བསྡུ་བར་བྱ་སྟེ། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་ཚུལ་ཚེར་མ་དང་ཆེན་པོ་པ་ལ་གསོལ་བ་དང་བཞིའི་ལས་ཀྱིས་བསྙིལ་བའི་འཕྲིན་ལས་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་བརྗོད་པར་བྱའོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དགེ་ཚུལ་ཚེར་མ་དང་ཆེན་པོ་པ་ལ་གསོལ་བ་དང་བཞིའི་ལས་ཀྱིས་བསྙིལ་བའི་ལས་བྱས་སོ། །དེ་གཉིས་བསྙིལ་བའི་ལས་བྱས་པ་ན་ངུ་ཞིང་ཉེ་དགའི་གན་དུ་དོང་བ་དང་ཉེ་དགས་སྨྲས་པ། ཚེར་མ་དང་ཆེན་པོ་པ་ཁྱེད་གཉིས་
Ja324a
༄#། །ཅིའི་ཕྱིར་ངུ ། དེ་གཉིས་ཀྱིས་སྨྲས་པ། ལྷུང་བཟེད་ནག་པོ་ཅན་དག་གིས་བདག་ཅག་གཉིས་བསྙིལ་བའི་ལས་བྱས་སོ། །ཉེ་དགས་སྨྲས་པ། གང་དག་གིས་ཁྱེད་གཉིས་བསྙིལ་བའི་ལས་བྱས་པ་དེ་དག་གྲོང་དང་གྲོང་ཁྱེར་དང་ལྗོངས་དང་ཁམས་གསུམ་ནས་བསྙིལ་བར་གྱུར་ཅིག་།འོན་ཀྱང་བསྙིལ་བའི་ལས་བྱས་པ་དག་ལ་གྲོང་དང་གྲོང་ཁྱེར་དག་མེད་དམ་ཅི། སྡོད་ལ་བཟོད་པ་གསོལ་ཅིག་ཅེས་དེ་གཉིས་ཉེ་བར་འཇོག་པར་བྱེད། ཉེ་བར་གཏོད་པར་བྱེད་ཅིང ། དེ་གཉིས་དང་ལྷན་ཅིག་གནས་གཅིག་ཏུ་ཉལ་བར་བྱེད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཤེས་བཞིན་དུ་དེ་ལྟར་བསྙིལ་བའི་དགེ་ཚུལ་དག་ཉེ་བར་འཇོག་པར་བྱེད། ཉེ་བར་གཏོད་པར་བྱེད་ཅིང་དེ་དག་དང་ལྷན་ཅིག་གནས་གཅིག་ཏུ་ཉལ་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། ། ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་སྨྲས་པ། ཉེ་དགའ་ཁྱེད་ཤེས་བཞིན་དུ་དེ་ལྟར་བསྙིལ་བའི་དགེ་ཚུལ་དག་ཉེ་བར་འཇོག་པར་བྱེད། ཉེ་བར་སྟོན་པར་བྱེད་ཅིང་དེ་དག་དང་ལྷན་ཅིག་གནས་གཅིག་ཏུ་ཉལ་བ་བདེན་ནམ།
Ja324b
བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་ཚུལ་ཞིག་ཀྱང་འདི་སྐད་ཅེས་ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་ཟེར་ན་དགེ་ཚུལ་དེ་ལ་དགེ་སློང་རྣམས་ཀྱིས་འདི་སྐད་ཅེས་དགེ་ཚུལ་ཁྱོད་ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ་ཞེས་དེ་སྐད་ཅེས་མ་ཟེར་ཅིག་།བཅོམ་ལྡན་འདས་ལ་སྐུར་པ་མ་འདེབས་ཤིག་།བཅོམ་ལྡན་འདས་ལ་སྐུར་བས་ལེགས་པར་མི་འགྱུར་རོ། །བཅོམ་ལྡན་འདས་ནི་དེ་སྐད་མི་གསུང་ངོ ། །ཚེ་དང་ལྡན་པ་དགེ་ཚུལ་འདོད་པ་བར་དུ་གཅོད་པ་
Ja325a
༄#། །རྣམས་ནི་བར་དུ་གཅོད་པ་ཉིད་དོ་ཞེས་བཅོམ་ལྡན་འདས་ཀྱིས་རྣམ་གྲངས་དུ་མར་གསུངས་ཏེ་དེ་དག་བསྟེན་ན་བར་དུ་གཅོད་པར་འགྱུར་གྱི། དགེ་ཚུལ་ཁྱོད་སྡིག་པ་ཅན་གྱི་ལྟ་བའི་རྣམ་པ་འདི་ལྟ་བུ་འདི་ཐོང་ཞིག་ཅེས་བསྒོ་བར་བྱའོ། །དགེ་ཚུལ་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དགེ་ཚུལ་དེ་ལ་དགེ་སློང་རྣམས་ཀྱིས་དེང་ཕྱིན་ཆད་དགེ་ཚུལ་ཁྱེད་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་སྟོན་པའོ་ཞེས་མ་ཟེར་ཅིག་།ཚངས་པ་མཚུངས་པར་སྤྱོད་པ་མཁས་པ་བླ་མའི་གནས་ལྟ་བུ་གང་ཡང་རུང་བའི་ཕྱི་བཞིན་ཕྱི་བཞིན་དུ་ཡང་མ་འགྲོ་ཞིག། དགེ་སློང་རྣམས་དང་དགེ་ཚུལ་ལྷན་ཅིག་ནུབ་གཉིས་ཚུན་ཆད་གནས་གཅིག་ཏུ་ཉལ་དུ་དབང་བ་གང་ཡིན་པ་དེ་ཡང་དེང་ཕྱིན་ཆད་ཁྱེད་ལ་མེད་དེ། མི་གཏི་མུག་ཅན་ཁྱོད་བསྙིལ་གྱི། གཞན་དུ་སོང་ཞིག་ཅེས་བསྒོ་བར་བྱའོ། །ཡང་དགེ་སློང་གང་ཤེས་བཞིན་དུ་དེ་ལྟར་བསྙིལ་བའི་དགེ་ཚུལ་ཉེ་བར་འཇོག་པར་བྱེད་དམ། ཉེ་བར་གཏོད་པར་བྱེད་དམ། དེ་དང་ལྷན་ཅིག་གནས་གཅིག་ཏུ་ཉལ་
Ja325b
ན་ལྟུང་བྱེད་དོ། །དགེ་ཚུལ་ཞིག་ཀྱང་ཞེས་བྱ་བ་ན་ཚེར་མ་དང་ཆེན་པོ་པའམ། གཞན་ཡང་དེ་ལྟ་བུ་གང་ཡིན་པའོ། །འདི་སྐད་ཅེས་ཞེས་བྱ་བ་ནི་འདི་སྐད་ཅེས་ཟེར་ནའོ། །ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པའོ་ཞེས་གསུངས་པ་གང་དག་ཡིན་པ་ཞེས་བྱ་བ་ལ་འདོད་པ་དག་ཅེས་བྱ་བ་ནི། འདོད་པའི་ཡོན་ཏན་ལྔ་པོ་དག་གོ་།དེ་དག་བསྟེན་ཀྱང་ཞེས་བྱ་བ་ནི་དེ་དག་ལྷག་པར་སྤྱད་ཀྱང་ངོ ། །བར་དུ་གཅོད་པར་མི་འགྱུར་ཏེ་ཞེས་བྱ་བ་ནི་དགེ་སྦྱོང་གི་ཚུལ་གྱི་བར་དུ་གཅོད་པར་མི་འགྱུར་ཏེ་ཞེས་ཟེར་བའོ། །དེ་ལྟར་བཅོམ་ལྡན་འདས་ཀྱིས་ཞེས་བྱ་བ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིའོ། །ཆོས་ཞེས་བྱ་བ་ནི་སངས་རྒྱས་ཀྱིས་གསུངས་པའམ། ཉན་ཐོས་ཀྱིས་བཤད་པའོ། །བསྟན་པ་ཞེས་བྱ་བ་ནི་རབ་ཏུ་བསྟན་པའོ། །བདག་གིས་ཤེས་སོ་ཞེས་ཟེར་ན་ཞེས་བྱ་བ་ནི་བདག་གིས་ཀུན་ཤེས་སོ་ཞེས་ཟེར་ནའོ། །དགེ་ཚུལ་དེ་ལ་ཞེས་བྱ་བ་ནི་ཚེར་མ་དང་ཆན་པོ་པ་ལའོ། །དགེ་སློང་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི། བཞམས་ཏེ་བསྒོ་བ་ཇི་ལྟར་སྔར་བསྟན་པ་ལྟར་བསྒོ་བར་བྱའོ། །དགེ་ཚུལ་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་ཞེས་བྱ་བ་ནི་བཞམས་ཏེ་བསྒོ་བ་ནའོ། །གལ་ཏེ་གཞི་དེ་གཏོང་ན་ཞེས་བྱ་བ་ནི་ལྟ་བའི་རྣམ་པ་དེ་ཡོངས་སུ་གཏོང་ནའོ། །དེ་ལྟ་ན་ལེགས་ཞེས་བྱ་བ་ནི་དེ་ལྟ་ན་བཟང་བའོ། །གལ་ཏེ་མི་གཏོང་ན་ཞེས་བྱ་བ་ནི་ཡོངས་སུ་མི་གཏོང་ནའོ། །ལན་གཉིས་ལན་གསུམ་
Ja326a
༄#། །དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ཞེས་བྱ་བ་ནི་གསོལ་བ་དང་བཞིའི་ལས་ཀྱིས་བསྒོ་བ་ཇི་སྐད་སྔར་བསྟན་པ་ལྟར་བསྒོ་བར་བྱ་སྟེ་ཡང་དག་པར་བསྒོ་བ་དེ་ནི་དེ་ཡིན། ཡང་དག་པར་བསྟན་པ་དེ་ནི་དེ་ཡིན། དགེ་ཚུལ་དེ་ལ་ཞེས་བྱ་བ་ནི་ཚེར་མ་དང་ཆེན་པོ་པ་ལའོ། །དགེ་སློང་རྣམས་ཀྱིས་ཞེས་བྱ་བ་ནི་ཆོས་འདི་པ་རྣམས་ཀྱིས་སོ། །དེང་ཕྱིན་ཆད་དགེ་ཚུལ་ཁྱོད་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་སྟོན་པའོ་ཞེས་མ་ཟེར་ཅིག་།ཚངས་པ་མཚུངས་པར་སྤྱོད་པ་མཁས་པ་བླ་མའི་གནས་ལྟ་བུ་གང་ཡང་རུང་བའི་ཕྱི་བཞིན་ཕྱི་བཞིན་དུ་ཡང་མ་འགྲོ་ཞིག་།དགེ་སློང་རྣམས་དང་དགེ་ཚུལ་ལྷན་ཅིག་ནུབ་གཉིས་ཚུན་ཆད་གནས་གཅིག་ཏུ་ཉལ་དུ་དབང་བ་གང་ཡིན་པ་དེ་ཡང་དེང་ཕྱིན་ཆད་ཁྱོད་ལ་མེད་དེ། མི་གཏི་མུག་ཅན་ཁྱོད་བསྙིལ་གྱི། གཞན་དུ་སོང་ཞིག་བསྒོ་བར་བྱའོ་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་བསྙིལ་བར་བྱ་བ་ཇི་སྐད་སྔར་བསྟན་པ་ལྟར་བསྒོ་བར་བྱའོ། ། ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའ་མ། གཞན་ཡང་དེ་ལྟ་བུ་གང་ཡིན་པའོ། །ཤེས་བཞིན་དུ་ཞེས་བྱ་བ་ནི་དེ་རང་ཉིད་ཀྱིས་རིག་པར་གྱུར་པའམ། གཞན་དག་གིས་བརྗོད་པས་སོ། ། དེ་ལྟར་བསྙིལ་བའི་དགེ་ཚུལ་ཞེས་བྱ་བ་ནི་ཚེར་མ་དང་ཆེན་པོ་པ་ཇི་ལྟ་བར་རོ། །ཉེ་བར་འཇོག་པར་བྱེད་ཅེས་བྱ་བ་ནི་གནས་སྦྱིན་པར་བྱེད་པའོ། །ཉེ་བར་གཏོད་པར་བྱེད་ཅེས་བྱ་བ་ནི་ལྷུང་བཟེད་དང་
Ja326b
ཆོས་གོས་དང་དྲ་བ་དང་ཕོར་བུ་དང་སྐ་རགས་དང ། ལུང་དབོག་པ་དང་ཀློག་པ་དང་ཁ་ཏོན་དང་དམིགས་ཀྱིས་དྲི་བ་སྦྱིན་པས་སོ། །དེ་དང་ལྷན་ཅིག་གནས་གཅིག་ཏུ་ཉལ་ན་ཞེས་བྱ་བ་ནི་གནས་བཞི་པོ་ཐམས་ཅད་གཡོགས་ཤིང་ཐམས་ཅད་བསྐོར་བ་དང ། ཐམས་ཅད་གཡོགས་ཤིང་ཕལ་ཆེར་བསྐོར་བ་དང ། ཕལ་ཆེར་གཡོགས་ཤིང་ཐམས་ཅད་བསྐོར་བ་དང ། ཕལ་ཆེར་གཡོགས་ཤིང་ཕལ་ཆེར་བསྐོར་བ་དག་ཏུ་ཉལ་བས་སྐྱ་རེངས་འཆར་བར་བྱེད་ནའོ། །གནས་ཐམས་ཅད་གཡོགས་ཤིང་ཐམས་ཅད་བསྐོར་བ་ནི་གནས་ཁང་དང་འཁོར་གྱི་ཁྱམས་དང་ཁང་བ་བརྩེགས་པ་དག་གོ་།ཐམས་ཅད་གཡོགས་ཤིང་ཕལ་ཆེར་བསྐོར་བ་ནི་སྒོ་བཅུ་པ་དང་སྒོ་བཅུ་གཉིས་པ་དག་གོ། ཕལ་ཆེར་གཡོགས་ཤིང་ཐམས་ཅད་བསྐོར་བ་ནི་ཁྱམས་ངོས་བཞི་པ་དག་གོ་།ཕལ་ཆེར་གཡོགས་ཤིང་ཕལ་ཆེར་བསྐོར་བ་ནི་ཁྱམས་ངོས་གསུམ་པ་དང་འཁོར་གྱི་ཁྱམས་དག་གོ་།ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན་དགེ་སློང་གིས་ཇི་ཙམ་ཅུང་ཟད་ཤེས་བཞིན་དུ་དེ་ལྟར་བསྙིལ་བའི་དགེ་ཚུལ་ཉེ་བར་འཇོག་པར་བྱེད་ན་ལྟུང་བྱེད་དུ་འགྱུར་རོ། །ཉེ་བར་གཏོད་པར་བྱེད་
Ja327a
༄#། །ན་ལྟུང་བྱེད་དུ་འགྱུར་རོ། །དེ་དང་ལྷན་ཅིག་གནས་གཅིག་ཏུ་ཉལ་ན་ལྟུང་བྱེད་དུ་འགྱུར་རོ། །ན་བ་དང་སྡིག་པ་ཅན་གྱི་ལྟ་བའི་རྣམ་པ་དེ་དང་བྲལ་བར་འདོད་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསྙིལ་བ་སྡུད་པའི་ལྟུང་བྱེད་དེ་ལྔ་བཅུ་བདུན་པ་རྫོགས་སོ།། །། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །རྒྱལ་པོའི་ཁབ་ན་ཀླུའི་རྒྱལ་པོ་རི་བོ་དང་ཡིད་འོང་ཞེས་བྱ་བ་གཉིས་ཤིག་གནས་པ་དེ་གཉིས་ཀྱི་མཐུས་རྒྱལ་པོའི་ཁབ་ཀྱི་ཆུ་དྲོན་ལྔ་བརྒྱ་དང་འབབ་ཆུ་དག་དང་མཚོ་དག་དང ། ལྟེང་ག་དག་ཏུ་ལྷས་དུས་དང་དུས་སུ་ཆུའི་རྒྱུན་ལེགས་པར་འབེབས་ཤིང་ལོ་ཐོག་ཀྱང་ཤིན་ཏུ་ཕུན་སུམ་ཚོགས་པར་གྱུར་ཏོ། །གང་གི་ཚེ་བཅོམ་ལྡན་འདས་ཀྱིས་ཀླུའི་རྒྱལ་པོ་དགའ་བོ་དང་ཉེ་དགའ་གཉིས་བཏུལ་བ་དེའི་ཚེ་ན་དེ་གཉིས་ཚེས་བརྒྱད་དང ། ཚེས་བཅུ་བཞི་དང ། ཚེས་བཅོ་ལྔ་ལ་རི་རབ་ཀྱི་བང་རིམ་དུ་འོངས་ཏེ་བཅོམ་ལྡན་འདས་ལ་བསྙེན་བཀུར་བྱེད་དེ། དེ་ན་ཀླུའི་རྒྱལ་པོ་རི་བོ་དང་ཡིད་འོང་གཉིས་འདི་སྙམ་དུ་སེམས་ཏེ་ཀླུའི་རྒྱལ་པོ་དགའ་བོ་དང་ཉེ་དགའ་གཉིས་ཚེས་བརྒྱད་དང་ཚེས་བཅུ་བཞི་དང་ཚེས་བཅོ་ལྔ་ལ་རི་རབ་ཀྱི་བང་རིམ་དུ་འོངས་ཏེ། བཅོམ་ལྡན་འདས་ལ་བསྙེན་བཀུར་བྱེད་ན། བདག་ཅག་གཉིས་འདི་ན་འཁོད་པས་བཅོམ་ལྡན་
Ja327b
འདས་ལ་བསྙེན་བཀུར་མ་བྱས་ཀྱི། བཅོམ་ལྡན་འདས་ལ་བསྙེན་བཀུར་བྱེད་དུ་འདོང་ངོ་སྙམ་མོ། །དེ་ནས་ཀླུའི་རྒྱལ་པོ་རི་བོ་དང་ཡིད་འོང་གཉིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་རི་བོ་དང་ཡིད་འོང་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཀོད་དོ། །གང་གི་ཚེ་བཅོམ་ལྡན་འདས་ཀྱིས་དེ་གཉིས་སྐྱབས་སུ་འགྲོ་བ་དང་བསླབ་པའི་གཞི་དག་ལ་བཀོད་པ་དེའི་ཚེ་ན། དེ་གཉིས་ལུས་དང་ལོངས་སྤྱོད་དག་གིས་ཤིན་ཏུ་མངོན་པར་མཐོ་བར་གྱུར་ཏོ། །གང་གིས་ཚེ་དེ་གཉིས་ལུས་དང་ལོངས་སྤྱོད་དག་གིས་ཤིན་ཏུ་མངོན་པར་མཐོ་བར་གྱུར་པ་དེའི་ཚེ་ན་དེ་གཉིས་ཀྱིས་བསམས་པ། རྒྱ་མཚོ་ཆེན་པོར་འཇུག་ཏུ་འདོང་ངོ་སྙམ་ནས་དེ་གཉིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ལ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གང་གི་ཚེ་བདག་ཅག་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཀོད་པ་དེའི་ཚེ་ན་བདག་ཅག་གཉིས་ལུས་དང་ལོངས་སྤྱོད་དག་གིས་ཤིན་ཏུ་མངོན་པར་མཐོ་བར་གྱུར་པས་གལ་ཏེ་བཅོམ་ལྡན་འདས་ཀྱིས་གནང་ན་བདག་
Ja328a
༄#། །ཅག་གཉིས་རྒྱ་མཚོ་ཆེན་པོར་འཇུག་ཏུ་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། ཀླུའི་དབང་པོ་གཉིས་ཁྱེད་གཉིས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོའི་ཡུལ་ན་གནས་པ་དག་ཡིན་པས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཞུས་ཤིག་།དེ་གཉིས་ཀྱིས་བསམས་པ། དོན་གྱིས་ན་བཅོམ་ལྡན་འདས་ཀྱིས་བདག་ཅག་གཉིས་རྒྱ་མཚོ་ཆེན་པོར་འཇུག་ཏུ་འགྲོ་བར་མ་གནང་ངོ་སྙམ་མོ། །དེ་གཉིས་གང་གི་ཚེ་མཚན་མོ་བཅོམ་ལྡན་འདས་ལ་བསྙེན་བཀུར་བྱེད་པ་དེའི་ཚེ་ན་ནི་གཞལ་མེད་ཁང་པའི་ཆ་ལུགས་ཀྱིས་བསྙེན་བཀུར་བྱེད་ཅིང་གང་གི་ཚེ་ཉིན་མོ་བཅོམ་ལྡན་འདས་ལ་བསྙེན་བཀུར་བྱེད་པ་དེའི་ཚེ་ན་ནི་ཁྱིམ་བདག་གི་ཆ་ལུགས་ཀྱིས་བསྙེན་བཀུར་བྱེད་དོ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་འོད་མའི་ཚལ་ཀ་ལན་ད་ཀའི་གནས་ག་ལ་བ་དེར་སོང་ངོ ། །རྒྱལ་རིགས་ནི་མངོན་པའི་ང་རྒྱལ་ཅན་ཡིན་པས་རྒྱལ་པོ་དེས་ལམ་ཀར་བསྡད་དེ་མི་དག་པའི་མཐའ་ཅན་ཞིག་ལ་སྨྲས་པ། ཀཝའེ་ནང་རྗེ་སོང་ལ་བཅོམ་ལྡན་འདས་ལ་སུ་དག་བསྙེན་བཀུར་བྱེད་པ་ལྟོས་ཤིག་།མི་དག་པའི་མཐའ་ཅན་དེས་ལྷ་བཀའ་བཞིན་འཚལ་ཞེས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལས་མཉན་ནས། བཅོམ་ལྡན་འདས་ག་ལ་བ་དེར་སོང་བ་དང ། ཇི་ཙམ་ན་ཁྱིམ་བདག་གཉིས་ཤིག་བཅོམ་ལྡན་འདས་ལ་བསྙེན་བཀུར་བྱེད་པ་
Ja328b
མཐོང་ངོ ། །མཐོང་ནས་ཀྱང་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ག་ལ་བ་དེར་སོང་སྟེ་ཕྱིན་ནས་མ་ག་དྷར་བྱུང་བའི་རྒྱལ་པོ་གཟོ་སྦྱངས་གཟུགས་ཅན་སྙིང་པོ་ལ་འདི་སྐད་ཅེས་སྨྲས་སོ། །ལྷ་ཁྱིམ་བདག་གཉིས་ཤིག་བཅོམ་ལྡན་འདས་ལ་བསྙེན་བཀུར་བགྱིད་དེ། དེ་གཉིས་ལྷའི་ཡུལ་ན་གནས་པ་དག་ལགས་གོར་མ་བཀུམ་མོ། །རྒྱལ་པོས་བསམས་པ། ཁྱིམ་བདག་དེ་གཉིས་བདག་གི་ཡུལ་ན་གནས་པ་ཡིན་པས་དེ་གཉིས་ཀྱིས་བདག་མཐོང་ན་མངོན་དུ་ལྡང་བར་འགྱུར་གྲང་སྙམ་ནས་དེ་བཅོམ་ལྡན་འདས་ག་ལ་བ་དེར་སོང་ངོ ། །ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱིས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་དེ་གཉིས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཅི་ལགས། རེ་ཞིག་དམ་པའི་ཆོས་ལ་བསྙེན་བཀུར་བགྱིའམ། འོན་ཏེ་རྒྱལ་པོ་ལ་བསྙེན་བཀུར་བགྱི། ཀླུའི་དབང་པོ་གཉིས་རེ་ཞིག་དམ་པའི་ཆོས་ལ་བསྙེན་བཀུར་གྱིས་ཤིག་།སངས་རྒྱས་བཅོམ་ལྡན་འདས་རྣམས་ནི་དམ་པའི་ཆོས་ལ་གུས་པར་མཛད་དེ་དགྲ་བཅོམ་པ་དག་ཀྱང་ཆོས་བླ་མར་བྱེད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་དག་བཀའ་སྩལ་པ། སངས་རྒྱས་གང་དག་འདས་པ་དང ། ། སངས་རྒྱས་གང་དག་མ་བྱོན་དང ། །སངས་རྒྱས་མྱ་ངན་སེལ་མཛད་པ། །ད་ལྟར་མང་པོ་གང་བཞུགས་དག་།ཐམས་ཅད་དམ་པའི་ཆོས་ལ་ནི། །གུས་པར་གནས་གྱུར་གནས་འགྱུར་ཞིང ། །
Ja329a
༄#། །དེ་བཞིན་གུས་པར་གནས་མཛད་དེ། །དེ་ནི་སངས་རྒྱས་ཆོས་ཉིད་ཡིན། །དེ་ཕྱིར་བདག་ལ་ལེགས་འདོད་ཅིང ། །བདག་ཉིད་ཆེན་པོ་མངོན་འདོད་པས། །སངས་རྒྱས་བསྟན་པ་དྲན་བྱེད་ན། །འདི་ལ་དམ་ཆོས་གུས་པར་བྱ། །དེ་གཉིས་ཀྱིས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་མངོན་དུ་ལྡང་བ་མ་བྱས་པ་དང ། རྒྱལ་པོ་ཁྲོས་ཏེ་བསམས་པ། ཁྱིམ་བདག་འདི་གཉིས་བདག་གི་ཡུལ་ན་གནས་པ་དག་ཡིན་ན་བདག་ལ་མངོན་དུ་ལྡང་བར་མི་བྱེད་དོ་སྙམ་ནས། དེ་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་བསྟན་དུ་གསོལ། དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་དག་བཀའ་སྩལ་པ། རབ་ཏུ་དང་སེམས་མེད་པ་དང ། །ཞེ་སྡང་ཅན་དང་འཁྲུགས་པ་ཡིས། །ཡང་དག་རྫོགས་སངས་བསྟན་པ་ཡི། །དམ་ཆོས་ཀུན་ཤེས་བྱ་མི་ནུས། །གང་གིས་ཉེས་རྩོམ་བཏུལ་བྱས་ཤིང ། །རབ་དང་མེད་པའི་སེམས་གསལ་ཏེ། །ཀུན་ནས་མནར་སེམས་འདིར་སྤོང་བ། །དེས་ནི་ལེགས་གསུངས་ཤེས་པར་གྱུར། །རྒྱལ་པོས་བསམས་པ། ཁྱིམ་བདག་འདི་གཉིས་ལ་བརྟེན་ནས་བཅོམ་ལྡན་འདས་ཀྱིས་ཆོས་མཉན་པ་ཡང་རྒྱུན་
Ja329b
གསུམ་མོ་སྙམ་མོ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ནས་དེས་འོད་མའི་ཚལ་ནས་ཕྱིར་འབྱུང་བ་ན་ཞོ་ཤས་འཚོ་བ་རྣམས་ལ་བསྒོ་བ། གང་གི་ཚེ་ཁྱིམ་བདག་འདི་གཉིས་བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་བར་གྱུར་པ་དེའི་ཚེ་ན་འདི་སྐད་ཅེས་རྒྱལ་པོའི་ཞལ་ནས་ཁྱེད་གཉིས་ངའི་ཡུལ་ན་མ་འདུག་ཅིག་ཅེས་བྱུང་ངོ་ཞེས་གྱིས་ཤིག་ཅེས་སྨྲས་ཏེ་རྒྱལ་པོ་སོང་ངོ ། །ཞོ་ཤས་འཚོ་བ་དག་གིས་ལྷ་བཀའ་བཞིན་འཚལ་ཞེས་རྒྱལ་པོ་ལས་མཉན་ནས་དེ་ཉིད་དུ་བསྡད་པ་དང་ཀླུའི་རྒྱལ་པོ་རི་བོ་དང་ཡིད་འོང་གཉིས་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་ནས་དེ་གཉིས་འོད་མའི་ཚལ་ནས་ཕྱིར་འབྱུང་བ་ན་རྒྱལ་པོ་ཞོ་ཤས་འཚོ་བ་དག་གིས་སྨྲས་པ། ཁྱིམ་བདག་གཉིས་རྒྱལ་པོའི་ཞལ་ནས་ཁྱེད་གཉིས་ངའི་ཡུལ་ན་མ་འདུག་ཅིག་ཅེས་བྱུང་ངོ ། །དེ་སྐད་ཅེས་སྨྲས་པ་དང ། ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱིས་བསམས་པ། བདག་ཅག་གཉིས་ཀྱིས་ཡུན་རིང་པོ་ནས་སྨོན་པ་གང་ཡིན་པ་དེ་ཚེགས་ཆུང་ངུས་གྲུབ་བོ་སྙམ་དུ་རིག་ནས། དེ་ཉིད་དུ་ཆུའི་འོད་པ་ཆེན་པོ་ཀུན་ཏུ་རབ་ཏུ་བསྐྱེད་ནས་ངམ་གྲོག་ཆུང་ངུ་དག་ཏུ་ཞུགས་སོ། །ངམ་གྲོག་ཆུང་ངུ་དག་ནས་ངམ་གྲོག་ཆེན་པོ་དག་ཏུ་ཞུགས་སོ། །ངམ་གྲོག་ཆེན་པོ་དག་ནས་ཆུ་ཀླུང་ཆུང་དུ་དག་ཏུ་ཞུགས་སོ། །ཆུ་ཀླུང་
Ja330a
༄#། །ཆུང་ངུ་དག་ནས་ཆུ་ཀླུང་ཆེན་པོ་དག་ཏུ་ཞུགས་སོ། །ཆུ་ཀླུང་ཆེན་པོ་དག་ནས་རྒྱ་མཚོ་ཆེན་པོར་ཞུགས་ཏེ་གང་གི་ཚེ་དེ་གཉིས་རྒྱ་མཚོ་ཆེན་པོར་ཞུགས་པ་དེའི་ཚེ་ན་ལུས་དང་ལོངས་སྤྱོད་དག་གིས་ཆེས་ཤིན་ཏུ་མངོན་པར་མཐོ་བར་གྱུར་ཏོ། །གང་གི་ཚེ་དེ་གཉིས་རྒྱ་མཚོ་ཆེན་པོར་ཞུགས་པ་དེའི་ཚེ་ན་རྒྱལ་པོའི་ཁབ་ཀྱི་ཆུ་དྲོན་ལྔ་བརྒྱ་པོ་དག་ཀྱང་བསྐམ་པར་བརྩམས། འབབ་ཆུ་དག་དང་མཚོ་དག་དང་ལྟེང་ཀ་དག་ཏུ་ཡང་ལྷས་དུས་དང་དུས་སུ་ཆུའི་རྒྱུན་ལེགས་པར་འབེབས་པར་མི་བྱེད། ལོ་ཐོག་དག་ཀྱང་ཤིན་ཏུ་རྒུད་པར་གྱུར་ནས་རྒྱལ་པོས་བསམས་པ། རྒྱལ་པོའི་ཁབ་འདི་ན་ཀླུའི་རྒྱལ་པོ་རི་བོ་དང་ཡིད་འོང་ཞེས་བྱ་བ་གཉིས་ཤིག་གནས་པ་དེ་གཉིས་ཀྱི་མཐུས་རྒྱལ་པོའི་ཁབ་ན་ཆུ་དྲོན་ལྔ་བརྒྱ་དང་འབབ་ཆུ་དག་དང ། མཚོ་དང་ལྟེང་ཀ་དག་ཏུ་ལྷས་དུས་དང་དུས་སུ་ཆུའི་རྒྱུན་ལེགས་པར་འབེབས་ཤིང ། ལོ་ཐོག་དག་ཀྱང་ཤིན་ཏུ་ཕུན་སུམ་ཚོགས་པར་གྱུར་ན། ད་ལྟར་རྒྱལ་པོའི་ཁབ་ཀྱི་ཆུ་དྲོན་ལྔ་བརྒྱ་པོ་དག་ཀྱང་བསྐམ་པར་བརྩམས། འབབ་ཆུ་དག་དང་མཚོ་དག་དང་ལྟེང་ཀ་དག་ཏུ་ཡང་ལྟས་དུས་དང་དུས་སུ་ཆུའི་རྒྱུན་ལེགས་པར་མི་འབེབས། ལོ་ཐོག་དག་ཀྱང་ཤིན་ཏུ་རྒུད་པར་གྱུར་པ་ལས་ན་ཀླུའི་རྒྱལ་པོ་རི་བོ་དང་ཡིད་འོང་གཉིས་ཉམས་པའམ། ཤི་བའམ། བྲོས་པའམ། སྤྲུལ་ཁས་སྡིག་པས་བཟུང་བའམ་གཅིག་ཏུ་མ་གྱུར་ཏམ། འདི་ལྟར་སངས་རྒྱས་བཅོམ་
Ja330b
ལྡན་འདས་འདི་ཐམས་ཅད་མཁྱེན་པ་ཐམས་ཅད་གཟིགས་པ་མཁྱེན་པ་དང་ཤེས་བྱ་ལ་བླ་ན་མེད་པའི་མངའ་བརྙེས་པ་ཡིན་གྱི། སངས་རྒྱས་བཅོམ་ལྡན་འདས་ལ་ཞུར་འགྲོའོ་སྙམ་མོ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་འདི་སྐད་ཅེས་གསོལ་ཏོ། །བཙུན་པ་རྒྱལ་པོའི་ཁབ་འདི་ན་ཀླུའི་རྒྱལ་པོ་རི་བོ་དང་ཡིད་འོང་ཞེས་བགྱི་བ་གཉིས་ཤིག་གནས་པ་དེ་གཉིས་ཀྱི་མཐུས་རྒྱལ་པོའི་ཁབ་ཀྱི་ཆབ་དྲོན་ལྔ་བརྒྱ་དང་འབབ་ཆུ་དག་དང་མཚོ་དག་དང་ལྟེང་ཀ་དག་ཏུ་ལྷས་དུས་དང་དུས་སུ་ཆར་ཀྱི་རྒྱུན་ལེགས་པར་འབེབས་ཤིང་ལོ་ཐོག་ཀྱང་ཤིན་ཏུ་ཕུན་སུམ་ཚོགས་པར་གྱུར་ན་ད་ལྟར་རྒྱལ་པོའི་ཁབ་ཀྱི་ཆབ་དྲོན་ལྔ་བརྒྱ་པོ་དག་ཀྱང་བསྐམ་པར་བརྩམས། འབབ་ཆུ་དག་དང་མཚོ་དག་དང་ལྟེང་ཀ་དག་ཏུ་ཡང་ལྷས་དུས་དང་དུས་སུ་ཆབ་ཀྱི་རྒྱུན་ལེགས་པར་མི་འབེབས། ལོ་ཐོག་དག་ཀྱང་ཤིན་ཏུ་རྒུད་པར་གྱུར་པ་ལས་ན་ཀླུའི་རྒྱལ་པོ་རི་བོ་དང ། ཡིད་འོང་གཉིས་ཉམས་པའམ། གུམ་པའམ། བྲོས་པའམ། སྦྲུལ་ཁས་སྡིགས་པས་བཟུང་བའམ་གཅིག་ཏུ་མ་གྱུར་ཏམ། རྒྱལ་པོ་ཆེན་པོ་ཀླུའི་རྒྱལ་པོ་རི་བོ་དང་ཡིད་འོང་གཉིས་ནི་ཉམས་པར་
Ja331a
༄#། །ཡང་མ་གྱུར། ཤི་བར་ཡང་མ་གྱུར། བྲོས་པར་ཡང་མ་གྱུར། སྦྲུལ་ཁས་སྡིགས་པས་བཟུང་བར་ཡང་མ་གྱུར་ཏེ་འདི་ལྟར་ཁྱོད་ཉིད་ཀྱིས་བསྐྲད་དོ། །བཙུན་པ། བདག་གིས་ཀླུའི་རྒྱལ་པོ་རི་བོ་དང་ཡིད་འོང་གཉིས་མཐོང་བར་ཡང་མི་དྲན་ན་བསྐྲད་པར་ལྟ་ག་ལ་འགྱུར། རྒྱལ་པོ་ཆེན་པོ་ངས་ཁྱོད་ལ་དྲན་པར་བྱའོ། །བཙུན་པ་བཅོམ་ལྡན་འདས་ཀྱིས་དྲན་པར་མཛད་དུ་གསོལ། རྒྱལ་པོ་ཆེན་པོ་དེའི་ཚེ་ཁྱོད་ཀྱིས་ཁྱིམ་བདག་དེ་གཉིས་ལ་ཇི་སྐད་སྨྲས། བཙུན་པ་བདག་གིས་ཞོ་ཤས་འཚོ་བ་དག་ལ་གང་གི་ཚེ་ཁྱིམ་བདག་འདི་གཉིས་བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་བར་གྱུར་པ་དེའི་ཚེ་ན་འདི་སྐད་ཅེས་རྒྱལ་པོའི་ཞལ་ནས་ཁྱེད་གཉིས་ངའི་ཡུལ་ན་མ་འདུག་ཅིག་ཅེས་བྱུང་ངོ་ཞེས་གྱིས་ཤིག་ཅེས་མཆིད་སྩལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཁྱིམ་བདག་དེ་གཉིས་ནི་ཀླུའི་རྒྱལ་པོ་རི་བོ་དང་ཡིད་འོང་གཉིས་ཡིན་ནོ། །རྒྱལ་པོས་གསོལ་པ། བཙུན་པ་དེའི་ཚེ་དེ་གཉིས་ནི་གང་དུ་མཆིས། རྒྱ་མཚོ་ཆེན་པོར་ཞུགས་སོ། །རྒྱལ་པོས་གསོལ་བ། བཙུན་པ་དེ་ལྟ་ན་བདག་གི་ཡུལ་མ་རུང་དུ་བས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཁྱེད་ཀྱི་ཡུལ་མ་རུང་བར་མི་འགྱུར་ཏེ་འདི་ལྟར་ཁྱོད་ཀྱིས་དེ་གཉིས་ལ་བཟོད་པ་གསོལ་བར་བྱ། བཙུན་པ་དེ་གཉིས་ནི་རྒྱ་མཚོ་ཆེན་པོར་ཞུགས་ལ། བདག་ནི་འདི་ན་མཆིས་ན་བདག་གིས་ཇི་ལྟར་དེ་
Ja331b
གཉིས་ལ་བཟོད་པ་གསོལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་གཉིས་ཚེས་བརྒྱད་དང་ཚེས་བཅུ་བཞི་དང་ཚེས་བཅོ་ལྔ་ལ་ངའི་རྐང་པ་ལ་ཕྱག་འཚལ་དུ་འདིར་འོང་གི་།ཁྱོད་ཀྱང་ཚེས་བརྒྱད་དང་ཚེས་བཅུ་བཞི་དང་ཚེས་བཅོ་ལྔ་ལ་འདིར་ཤོག་ཅིག་དང ། ངས་ཁྱོད་ལ་དེ་གཉིས་བསྟན་པར་བྱས་ཁྱོད་ཀྱིས་བཟོད་པ་གསོལ་ཅིག་།བཙུན་པ་ཅི་ལགས། བདག་གིས་དེ་གཉིས་ཀྱི་རྐང་པ་གཉིས་ལ་གཏུགས་པར་བགྱིའམ། རྒྱལ་པོ་ཆེན་པོ་རྐང་པ་གཉིས་ལ་གཏུགས་པར་མི་བྱ་སྟེ། འདི་ལྟར་མི་མ་རབས་དག་གིས་རྐང་པ་ལ་ཕྱག་འཚལ་བ་གང་ཡིན་པ་དེ་ནི་མི་གཙོ་བོ་དག་གིས་ལག་པ་ནས་བཟུང་བ་ཡིན་གྱི། ཁྱོད་ཀྱི་ལག་པ་གཡས་པ་རྐྱོང་ལ་ཀླུའི་དབང་པོ་གཉིས་ལ་བཟོད་པ་མཛོད་ཅིག་ཅེས་བཟོད་པ་གསོལ་ཅིག་།དེ་ནས་དུས་གཞན་ཞིག་ན་ཀླུའི་རྒྱལ་པོ་རི་བོ་དང་ཡིད་འོང་གཉིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །དེའི་ཚེ་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་བརྡ་མཛད་དོ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ལག་པ་གཡས་པ་བརྐྱང་སྟེ་སྨྲས་པ། ཀླུའི་དབང་པོ་
Ja332a
༄#། །གཉིས་བཟོད་པ་མཛོད་ཅིག་།དེ་གཉིས་ཀྱིས་སྨྲས་པ། རྒྱལ་པོ་ཆེན་པོ་བཟོད་པར་བགྱིའོ། །ཀླུའི་དབང་པོ་གཉིས་གལ་ཏེ་བཟོད་ན་བདག་གི་ཡུལ་དུ་ཚུར་སྤྱོན་ཅིག་དེ་གཉིས་ཀྱིས་སྨྲས་པ། རྒྱལ་པོ་ཆེན་པོ་གང་གི་ཚེ་བདག་ཅག་གཉིས་རྒྱ་མཚོ་ཆེན་པོར་ཞུགས་པ་དེའི་ཚེ་ན་ལུས་དང་ལོངས་སྤྱོད་དག་གིས་ཆེས་ཤིན་ཏུ་མངོན་པར་མཐོ་བར་གྱུར་པས་ད་གལ་ཏེ་བདག་གཉིས་འདིར་མཆིས་པར་གྱུར་ན་འདིར་བདག་ཅག་གཉིས་ཀྱི་གོ་སྐབས་ཉིད་ཀྱང་མ་མཆིས་པར་འགྱུར་རོ། །རྒྱལ་པོས་སྨྲས་པ། ཀླུའི་དབང་པོ་གཉིས་དེ་ལྟ་ན་བདག་གི་ཡུལ་མ་རུང་དུ་བས་སོ། །དེ་གཉིས་ཀྱིས་སྨྲས་པ། རྒྱལ་པོ་ཆེན་པོ་ཁྱོད་ཀྱི་ཡུལ་མ་རུང་བར་མི་འགྱུར་ཏེ། འདི་ལྟར་ཁྱོད་ཀྱི་ལྷ་ཁང་གཉིས་རྩིག་ཏུ་སྩོལ་ལ་གཅིག་ནི་རི་བོའི་སླད་དུ། ཅིག་ཤོས་ནི་ཡིད་འོང་གི་སླད་དུ་སྩོལ་ཅིག་དང་དེར་བདག་ཅག་གཉིས་ཀྱི་ཞོ་ཤས་འཚོ་བ་གཞག་པར་བགྱིའོ། །ཟླ་བ་དྲུག་དྲུག་ན་དུས་སྟོན་བགྱིད་དུ་སྩོལ་ཅིག་དང ། དེར་བདག་ཅག་གཉིས་ཀྱང་རང་ཉིད་མཆིས་ནས་གཡར་སྔར་བྲིམ་པར་བགྱིའོ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ལྷ་ཁང་གཉིས་བརྩིག་ཏུ་བཅུག་སྟེ། གཅིག་ནི་རི་བོའི་ཕྱིར། ཅིག་ཤོས་ནི་ཡིད་འོང་གི་ཕྱིར་བརྩིག་ཏུ་བཅུག་ནས་ཟླ་བ་དྲུག་དྲུག་ན་དུས་སྟོན་བྱེད་དུ་བཅུག་གོ་།གང་གི་ཚེ་དེར་དུས་སྟོན་བྱུང་བ་དེའི་ཚེ་ན་གྲོང་ཁྱེར་ཆེན་པོ་དྲུག་པོ་དག་ནས་སྐྱེ་བོ་ཕལ་པོ་
Ja332b
ཆེའི་ཚོགས་དག་ལྷགས་ཏེ་འདུག་ཅིང་མཐུན་པར་གྱུར་ཏོ། །དེ་ནས་དུས་གཞན་ཞིག་ན་རྒྱལ་པོའི་ཁབ་ཏུ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱི་དུས་སྟོན་ལ་བབ་པ་དང་ལྷོ་ལམ་ནས་གར་མཁན་ཞིག་ཀྱང་རྒྱལ་པོའི་ཁབ་ཏུ་འོངས་ནས་དེས་བསམས་པ། གང་གིས་སྐྱེ་བོ་ཕལ་པོ་ཆེའི་ཚོགས་ཀྱང་མངོན་པར་དགའ་བར་འགྱུར་ཞིང་རྙེད་པ་མང་པོ་ཡང་འགྲུབ་པར་འགྱུར་བའི་ཐབས་ཅི་ཡོད་སྙམ་ནས། དེས་ཀྱང་བསམས་པ། གལ་ཏེ་སྐྱེས་བུ་གཙོ་བོའི་བསྔགས་པ་བརྗོད་ན་དེ་ལྟར་སྐྱེ་བོ་ཕལ་པོ་ཆེའི་ཚོགས་ཀྱང་མངོན་པར་དགའ་བར་འགྱུར་ཞིང་རྙེད་པ་མང་པོ་ཡང་འགྲུབ་པར་འགྱུར་རོ་སྙམ་མོ། །དེའི་ཚེ་ན་སྐྱེ་བོ་ཕལ་པོ་ཆེའི་ཚོགས་ཕལ་ཆེར་བཅོམ་ལྡན་འདས་ལ་མངོན་པར་དད་པར་གྱུར་ནས། གར་མཁན་དེས་བསམས་པ། རེ་ཞིག་ལྷ་དང་བཅས་པའི་འཇིག་རྟེན་འདི་ནི་བཅོམ་ལྡན་འདས་ལ་མངོན་པར་དད་པ་ཡིན་པས་སངས་རྒྱས་བཅོམ་ལྡན་འདས་ཀྱི་བསྔགས་པ་བརྗོད་ན། སྐྱེ་བོ་ཕལ་པོ་ཆེའི་ཚོགས་ཀྱང་མངོན་པར་དགའ་བར་འགྱུར་ཞིང་རྙེད་པ་མང་པོ་ཡང་འགྲུབ་པར་འགྱུར་བས་བདག་གིས་སངས་རྒྱས་བཅོམ་ལྡན་འདས་ཀྱིས་བསྔགས་པ་བརྗོད་པར་བྱའོ་སྙམ་ནས་དེ་དགའ་བོའི་གན་དུ་སོང་སྟེ་སྨྲས་པ། འཕགས་པ་གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པས་གཟིགས་པ་ལྔ་པོ་རིགས་དང་རུས་དང་ཡུལ་དང་དུས་དང་བུད་མེད་ལ་གཟིགས་པ་དག་གིས་
Ja333a
༄#། །འཇིག་རྟེན་ལ་གཟིགས་ནས་འདོད་པ་ན་སྤྱོད་པའི་ལྷ་དྲུག་པོ་དག་ལན་གསུམ་ཡོངས་སུ་སྦྱང་བ་བགྱིད་དུ་སྩལ་ཏེ། གླང་པོ་ཆེར་སྣང་བར་བསྒྱུར་ནས་ཤེས་བཞིན་དུ་ཡུམ་གྱི་ལྷུམས་སུ་ཞུགས་པ་དེའི་ཚེ་ན། ས་ཆེན་པོ་ཤིན་ཏུ་གཡོས་པར་གྱུར་ཅིང་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས་གནག་པར་གྱུར་པ་གང་དག་ལགས་པ་དེ་དག་ཀྱང་དེའི་ཚེ་ན་སྣང་བ་རྒྱ་ཆེན་པོས་ཁྱབ་པར་གྱུར་ནས། སེམས་ཅན་གང་དག་དེར་སྐྱེས་པ་དག་གིས་རང་གིས་རང་གི་ལག་པ་བརྐྱང་པ་ཡང་མི་མཐོང་བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་།སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་འཚལ་བར་གྱུར་པ་དང ། གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་ཟླ་བ་བཅུ་འདས་ནས་ཡུམ་གྱི་ལྷུམས་ནས་བལྟམས་པ་དེའི་ཚེ་ཡང་ས་ཆེན་པོ་ཤིན་ཏུ་གཡོས་པར་གྱུར་ཅིང་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས་གནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་སྣང་བ་ཆེན་པོས་ཁྱབ་པར་གྱུར་ནས་སེམས་ཅན་
Ja333b
གང་དག་དེར་སྐྱེས་པ་དག་གིས་རང་གི་ལག་པ་བརྐྱང་པ་ཡང་མི་མཐོང་བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས། ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་འཚལ་བར་གྱུར་པ་དང ། གང་གི་གདུགས་ལ་བཅོམ་ལྡན་འདས་བྱང་ཆུབ་སེམས་དཔའ་བལྟམས་པར་གྱུར་པ་དེའི་གདུགས་ལ་རྒྱལ་པོ་ཆེན་པོ་བཞི་དག་གི་བུ་ཡང་བཙས་པར་གྱུར་ཏེ། མཉན་ཡོད་ན་རྒྱལ་པོ་ཆེན་པོ་རྩིབས་ཀྱི་འཕུར་ཚངས་སྦྱིན་གྱི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་གསལ་བ་གསལ་བ་ལྟར་སྣང་བས་གཞོན་ནུ་འདིའི་མིང་གསལ་རྒྱལ་དུ་གདགས་སོ་སྙམ་ནས་བུ་དེའི་མིང་གསལ་རྒྱལ་ཞེས་བགྱི་བར་བཏགས་པ་དང ། རྒྱལ་པོའི་ཁབ་ན་རྒྱལ་པོ་པད་མ་ཆེན་པོའི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་ཉི་མའི་གཟུགས་ཤར་བ་ལྟར་སྣང་ཞིང་འདི་བཙུན་མོ་གཟུགས་ཅན་གྱི་བུ་ཡིན་པས་གཞོན་ནུ་འདིའི་མིང་གཟུགས་ཅན་སྙིང་པོར་གདགས་སོ་སྙམ་ནས་བུ་དེའི་མིང་གཟུགས་ཅན་སྙིང་པོ་ཞེས་བགྱི་བར་བཏགས་པ་དང ། ཀོའུ་ཤམྦྷི་ན་རྒྱལ་པོ་ཆེན་པོ་དམག་བརྒྱ་བའི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་ཉི་མ་ཤར་བ་ལྟར་སྣང་བར་གྱུར་པས་གཞོན་ནུ་འདིའི་མིང་ཤར་པར་གདགས་སྙམ་ནས་བུ་དེའི་མིང་ཤར་པ་ཞེས་
Ja334a
༄#། །བགྱི་བར་བཏགས་པ་དང ། འཕགས་རྒྱལ་ན་རྒྱལ་པོ་ཆེན་པོ་མུ་ཁྱུད་མཐའ་ཡས་ཀྱི་བུ་བཙས་ནས་དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འཇིག་རྟེན་རབ་ཏུ་སྣང་བས་སྣང་བར་གྱུར་བས་བུ་འདིའི་མིང་རབ་སྣང་ཞེས་བྱ་བར་གདགས་སོ་སྙམ་ནས་དེའི་མིང་རབ་སྣང་ཞེས་བགྱི་བར་བཏགས་པ་དང ། གང་གི་ཚེ་གདུགས་ལ་བཅོམ་ལྡན་འདས་བྱང་ཆུབ་སེམས་དཔའ་བལྟམས་པ་དེ་ཉིད་ཀྱི་གདུགས་ལ་ཤཱཀྱ་གཞོན་ནུ་བཟང་ལྡན་ལ་སོགས་པ་ལྔ་བརྒྱ་དང ། བསྙེན་བཀུར་བ་འདུན་བྱེད་ལ་སོགས་པ་ལྔ་བརྒྱ་ཡང་བཙས། རྟ་རྒོད་མ་ལྔ་བརྒྱ་ལས་ཀྱང་རྟེའུ་བསྔགས་ལྡན་ལ་སོགས་པ་ལྔ་བརྒྱ་འབྲངས། ལྷ་རྣམས་ཀྱིས་ཀྱང་གཏེར་ལྔ་བརྒྱ་ཉེ་བར་བསྟན་པ་དང ། བཅོམ་ལྡན་འདས་བྱང་ཆུབ་སེམས་དཔའ་དེ་བྲམ་ཟེ་ལྟས་པ་དང་མཚན་མཁན་དག་གིས་ལུང་བསྟན་པ་གལ་ཏེ་གཞོན་ནུ་ཕོ་བྲང་གི་ནང་ན་བཞུགས་པར་གྱུར་ན་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྒྱལ་བ་ཆོས་ཀྱི་རྒྱལ་པོ་ཆོས་དང་ལྡན་པ་རིན་པོ་ཆེ་སྣ་བདུན་དང་ལྡན་པར་འགྱུར་ཏེ་དེའི་རིན་པོ་ཆེ་སྣ་བདུན་པོ་དེ་དག་ནི་འདི་ལྟ་བུར་འགྱུར་ཏེ། འདི་ལྟ་སྟེ་འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། དམག་དཔོན་རིན་པོ་ཆེ་ཉིད་ནི་བདུན་པ་ཡིན་ནོ། །འདི་ལ་བུ་དཔའ་བ་རྟུལ་ཕོད་
Ja334b
པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པ་གནོད་པར་སྡོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ་ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ་ཞེས་ལུང་བསྟན་པ་དང ། གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་འཇིག་རྟེན་དུ་བྱུང་བ་དེའི་ཚེ་ན་ཐམས་ཅད་དུ་གངས་རིའི་ངོས་དང་ཉེ་བ་ཆུ་ཀླུང་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེ་ལྟས་པ་དང་མཚན་མཁན་དག་གིས་དེ་སྐད་ལུང་བསྟན་ཏོ། །ཞེས་སྒྲ་གྲགས་པར་གྱུར་པ་དང ། ཉི་འོག་གི་ཁམས་ཀྱི་རྒྱལ་པོ་དག་གིས་ཀྱང་གངས་རིའི་ངོས་དང་ཉེ་བ་ཆུ་ཀླུང་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེ་ལྟས་པ་དང་མཚན་མཁན་དག་གིས་དེ་སྐད་ལུང་བསྟན་ཏོ་ཞེས་ཐོས་པ་དང་ཐོས་ནས་ཀྱང་ཉི་འོག་གི་
Ja335a
༄#། །ཁམས་ཀྱི་རྒྱལ་པོ་དེ་དག་འདི་སྙམ་དུ་སེམས་ཏེ་ད་ལྟ་གཞོན་ནུ་བསྟེན་ན་དུས་སུ་འབྲས་བུ་སྟེར་བར་འགྱུར་པས་གང་བསྟེན་ན་གཞོན་ནུ་བསྟེན་པར་འགྱུར་སྙམ་ནས་དེ་དག་གིས་བསམས་པ། རྒྱལ་པོ་ཟས་གཙང་བསྟེན་པར་བྱ་སྟེ་དེ་བསྟེན་ན་གཞོན་ནུ་བསྟེན་པར་འགྱུར་རོ་སྙམ་ནས་དེ་དག་གིས་རྒྱལ་པོ་ཟས་གཙང་བསྟེན་པར་བརྩམས་ཏེ། དུས་དང་མཐུན་པའི་དུས་སུ་ཕོ་ཉ་དང་དཀོར་སྒྲོམ་དག་གཏོང་ཞིང་བསྐུར་བར་བགྱིད་པ་དང ། དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ་བདག་གི་བུ་བཙས་པ་ན་དོན་ཐམས་ཅད་དང་ལས་ཀྱི་མཐའ་ཐམས་ཅད་གྲུབ་པས་དེའི་ཕྱིར་གཞོན་ནུ་འདིའི་མིང་དོན་ཐམས་ཅད་གྲུབ་པ་ཞེས་བྱ་བར་གདགས་སོ་སྙམ་ནས། དེའི་མཚན་དོན་ཐམས་ཅད་གྲུབ་པ་ཞེས་བགྱི་བར་གསོལ་བ་དང ། ཤཱཀྱ་རྣམས་ཀྱི་ལྷ་གནོད་སྦྱིན་ཤཱཀྱ་སྤེལ་བ་ཞེས་བྱ་བ་ལ་ཕྱག་འཚལ་དུ་ཁྲིད་པ་ན་ཤཱཀྱ་དེ་ཐུབ་ཅིང་དེས་ཕྱག་བྱས་པས་ཤཱཀྱ་ཐུབ་པ་ཞེས་བགྱི་བ་དང ། ལྷའི་ཡང་ལྷ་ཞེས་བགྱི་བར་མཚན་གསོལ་བ་དང ། གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་སྐུ་ཆེན་པོར་འཁྲུངས་པའི་ཚེ་རིག་པའི་གནས་ཐམས་ཅད་ཀྱི་མཐར་བྱོན་ཅིང་གཞོན་ནུ་རོལ་པའི་ནང་ན་རོལ་པར་གྱུར་པ་དང ། རྒན་པོ་དང་ནད་པ་དང་ཤི་བ་གཟིགས་ནས་ཐུགས་བྱུང་སྟེ། ནགས་ཀྱི་ནང་དུ་གཤེགས་ཏེ་ལོ་དྲུག་ཏུ་དཀའ་བ་སྤྱད་པ་དང ། དེའི་ཚེ་རྒྱལ་པོ་ཟས་གཙང་དང །
Ja335b
ཤཱཀྱ་ལེགས་པར་རབ་ཏུ་རྟོགས་ཀྱིས་བཀའ་མཆིད་གསོལ་བའི་མི་ཉིས་བརྒྱ་ལྔ་བཅུ། ཉིས་བརྒྱ་ལྔ་བཅུ་བཀྱེ་སྟེ། དེ་དག་གིས་ཉི་མ་རེ་རེ་ཞིང་བཅོམ་ལྡན་འདས་བྱང་ཆུབ་སེམས་དཔའི་བཀའ་མཆིད་འཚལ་ཏེ་མཆི་བ་དང ། གང་གི་ཚེ་བཅོམ་ལྡན་འདས་བྱང་ཆུབ་སེམས་དཔས་ལོ་དྲུག་ཏུ་དཀའ་བ་སྤྱད་དེ། དཀའ་བ་བྱེད་པ་ཅི་ཡང་མེད་པར་རིག་ནས་ཅི་བདེར་དབུགས་རྔུབ་པར་མཛད་ཅི་བདེར་དབུགས་འབྱིན་པར་མཛད་ཅིང་འབྲས་ཆན་དང ། ཟན་དྲོན་ལ་སོགས་པ་ཞལ་ཟས་རྒྱ་ཆེན་པོ་དག་ཀྱང་གསོལ་བར་མཛད། ཞུན་མར་དང་འབྲུ་མར་དག་གིས་སྐུ་དག་ཀྱང་སྐུད་པར་མཛད་ཅིང་ཆབ་དྲོན་པོས་ཀྱང་སྐུ་བསིལ་བར་མཛད་པ་དང ། གྲོང་སྡེ་འདོང་དུ་གཤེགས་ནས་གྲོང་བའི་བུ་མོ་དགའ་མོ་དང་དགའ་སྟོབས་མ་གཉིས་ལས་ལན་བཅུ་དྲུག་བཟླས་པའི་འོ་མ་སྦྲང་རྩི་དང་བསྲེས་པ་གསོལ་ཏོ། །ཀླུའི་རྒྱལ་པོ་ནག་པོས་མངོན་པར་བསྟོད་པ་ན། རྩཝ་བཀྲ་ཤིས་འཚོང་པ་ལས་རྩཝ་གསེར་གྱི་མདོག་ལྟ་བུ་དག་བཞེས་ནས་བྱང་ཆུབ་ཀྱི་གཞི་ག་ལ་བ་དེར་གཤེགས་ཏེ། བྱོན་ནས་ཉིད་ཀྱིས་རྩཝ་མ་འཁྲུགས་པའི་གདན་བཤམས་ནས་སྐྱིལ་མོ་ཀྲུང་བཅས་སྐུ་དྲང་པོ་སྲང་ནས་དྲན་པ་ཕྱོགས་པར་བཞག་སྟེ་བཞུགས་ནས། ཇི་སྲིད་ཟག་མེད་མ་ཐོབ་བར། །དེ་སྲིད་སྐྱིལ་ཀྲུང་གཞིག་མི་བྱ། །ཞེས་ཐུགས་བསྐྱེད་ཅིང་གསུང་བརྗོད་པ་དང ། གང་གི་ཚེ་བཅོམ་ལྡན་འདས་ཀྱིས་མཚན་མོའི་གུང་ཐུན་ལ་བདུད་འབྱུང་པོ་དུང་ཕྱུར་ཕྲག་གསུམ་འདང །
Ja336a
༄#། །བྱེ་བ་ཕྲག་དྲུག་གི་འཁོར་དང་ལྡན་པ་བྱམས་པའི་སྟོབས་ཀྱིས་མངོན་པར་བཏུལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཇི་ལྟར་མངོན་པར་རྫོགས་པར་སངས་རྒྱས་པ་རྒྱ་ཆེར་བསྟན་དུ་གསོལ། དགའ་བོས་སྨྲས་པ། དེས་ཁྱོད་ལ་ཅི་བྱ། གར་མཁན་གྱིས་སྨྲས་པ། འཕགས་པ་གར་ཐབས་སྦྱར་བར་བགྱིའོ། །དགའ་བོས་སྨྲས་པ། བཀྲེན་པ་ཁྱོད་ཁོ་བོ་ཅག་གི་སྟོན་པ་ལྟར་འཆོས་སམ། མི་སྨྲས་ཕར་སོང་ཞིག་།དེ་ནས་གར་མཁན་དེ་ཉེ་དགའི་གན་དུ་སོང་སྟེ་དེ་སྐད་དྲིས་ན་དེས་ཀྱང་དེ་སྐད་ལན་བཏབ་བོ། །དེ་ནས་འགྲོ་མགྱོགས་དང་ནབ་སོ་དང་འདུན་པ་དང་འཆར་ཀ་དག་གི་གན་དུ་རིམས་ཀྱིས་སོང་སྟེ་དེ་སྐད་དྲིས་ན། དེ་དག་ཐམས་ཅད་ཀྱིས་ཀྱང་སོ་སོ་ནས་དེ་སྐད་ལན་བཏབ་སྟེ་མ་བསྟན་ཏོ། །དེ་ནས་གར་མཁན་དེ་དགེ་སློང་མ་བཅུ་གཉིས་སྡེ་དག་གི་གན་དུ་སོང་སྟེ་དང་པོར་དགེ་སློང་མ་སྦོམ་དགའ་མོ་ལ་དེ་སྐད་ཅེས་དྲིས་པ་དང ། སྦོམ་དགའ་མོས་སྨྲས་པ། དེ་ཁྱོད་ལ་ཅི་བྱ། གར་མཁན་གྱིས་སྨྲས་པ། གར་ཐབས་སྦྱར་བར་བགྱིའོ། །ཁོ་མོ་ལ་བཅའ་བའི་རིན་སྦྱིན་ནམ། གསོལ་ལོ། །སྦོམ་དགའ་མོ་དེ་མང་དུ་ཐོས་པ་སྡེ་སྣོད་གསུམ་དང་ལྡན་པ། རིག་པ་དང་གྲོལ་བའི་སྤོབས་པ་ཅན་ཡིན་པས་དེས་དེ་ལ་གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པས་གཟིགས་པ་ལྔ་པོ་རིགས་དང་རུས་དང་
Ja336b
ཡུལ་དང་དུས་དང་བུད་མེད་ལ་གཟིགས་པ་དག་གིས་འཇིག་རྟེན་ལ་གཟིགས་ནས་འདོད་པ་ན་སྤྱོད་པའི་ལྷ་དྲུག་པོ་དག་ལན་གསུམ་ཡོངས་སུ་སྦྱང་བ་བྱེད་དུ་བཅུག་སྟེ་གླང་པོ་ཆེར་སྣང་བར་བསྒྱུར་ནས་ཤེས་བཞིན་དུ་ཡུམ་གྱི་ལྷུམས་སུ་ཞུགས་པ་དེའི་ཚེ་ན་ས་ཆེན་པོ་ཤིན་ཏུ་གཡོས་པར་གྱུར་ཅིང་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས་གནག་པར་གྱུར་པར་གང་དག་ཡིན་པ་དེ་དག་ཀྱང་དེའི་ཚེ་ན་སྣང་བ་རྒྱ་ཆེན་པོས་ཁྱབ་པར་གྱུར་ནས་སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་པ་ཡང་མི་མཐོང་བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས། ཤེས་ལྡན་དག ། སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་ཤེས་པར་གྱུར་པ་ནས་གང་གི་ཚེ་བཅོམ་ལྡན་འདས་ཀྱིས་མཚན་མོའི་གུང་ཐུན་ལ་བདུད་འབྱུང་པོ་དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་གི་འཁོར་དང་ལྡན་པ་བྱམས་པའི་སྟོབས་ཀྱིས་མངོན་པར་བཏུལ་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཇི་ལྟར་མངོན་པར་རྫོགས་པར་སངས་རྒྱས་པའི་བར་དག་མངོན་པར་འབྱུང་བའི་མདོ་ལས་རྒྱ་ཆེར་ཇི་སྐད་གསུངས་པ་བཞིན་ཐམས་ཅད་རྒྱས་པར་བསྟན་ཏོ། །དེ་ནས་གར་མཁན་དེས་གར་
Ja337a
༄#། །ཐབས་སྦྱར་ནས་ཡང་བསམས་པ། བདག་གིས་འདི་སྐྱེ་བོ་ཕལ་པོ་ཆེའི་ཚོགས་དད་པ་དང་ལྡན་པ་རྣམས་ནི་དད་པ་སྤེལ་བར་ནུས་ན་གང་གིས་མ་དད་པ་དག་ཀྱང་དད་པ་སྐྱེ་བར་འགྱུར་བའི་ཐབས་ཅི་ཡོད་སྙམ་ནས། དེ་དགེ་སློང་དྲུག་སྡེ་དག་ལ་སྙིང་ན་བས་ཀླན་ཀ་ཚོལ་ཞིང་དེ་དག་གི་ཕྱི་བཞིན་ཕྱི་བཞིན་རྗེས་སུ་འབྲང་ཞིང་སོང་བ་དང ། ཅི་ཙམ་ན་ཚེ་དང་ལྡན་པ་འདུན་པས་ཟན་ཟོས་ཅིང་སྤངས་པས་བཅའ་བ་དང་བཟའ་བ་བསོད་པ་ཞིག་རྙེད་ཅིང་དེ་ཟ་བར་འདོད་ནས་དེས་ལག་པ་གཉིས་བསྙལ་ཏེ་བཅའ་བ་དང་བཟའ་བ་བསོད་པ་དེ་བྱིན་ལེན་བྱས་ནས་ཚེ་དང་ལྡན་པ་འཆར་ཀ་ཟན་ཟ་བ་ན་འདུན་པས་དེའི་མདུན་དུ་ཙོག་བུར་འདུག་སྟེ་སྨྲས་པ། བཙུན་པ་འཆར་ཀ་དགོངས་སུ་གསོལ། བདག་དགེ་སློང་འདུན་པ་ཞེས་བགྱི་བ་འཚལ་མ་འཚལ་ལགས་ཤིང་སྤངས་ཏེ་ཡོངས་སུ་རྫོགས་ཤིང་མཐར་ཐུག་པར་བགྱིས་པ་ལས་བཅའ་བ་དང་བཟའ་བ་རྙེད་ཅིང་འཚལ་བར་འཚལ་ན། ལྷག་པོར་བགྱིས་ཏེ་བདག་ལ་སྩལ་དུ་གསོལ། འཆར་ཀས་དེ་ལས་ཁམ་གཉིས་སམ་གསུམ་ཟོས་ནས་ཁྱོད་ཀྱིར་འགྱུར་གྱི། བཞུད་ཅིག་ཅེས་སྨྲས་པ། གར་མཁན་དེས་མཐོང་ནས་དེས་བསམས་པ། བདག་གིས་འདིས་མ་དད་པ་དག་ཀྱང་དད་པར་འགྱུར་བར་ནུས་སོ་སྙམ་ནས་དེ་ནས་ཕྱིར་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་ང་དགུ་པ། དེ་ནས་
Ja337b
གར་མཁན་དེས་རྒྱལ་པོ་ཁབ་ཏུ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱི་དུས་སྟོན་བརྩམས་པ་དེའི་ཉིན་མོ་བླ་རེ་བྲེས་ཏེ་རྫ་རྔ་ཆེན་པོ་བརྡུངས་པ་དང་སྐྱེ་བོ་ཕལ་པོ་ཆེའི་ཚོགས་དེར་ལྷགས་ཏེ་འདུག་ཅིང་མཐུན་པར་གྱུར་པའི་ཚེ་དེ་གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པས་གཟིགས་པ་ལྔ་པོ་རིགས་དང་རུས་དང་ཡུལ་དང་དུས་དང་བུད་མེད་ལ་གཟིགས་པ་དག་གིས་འཇིག་རྟེན་ལ་གཟིགས་ནས་འདོད་པ་ན་སྤྱོད་པའི་ལྷ་དྲུག་པོ་དག་ལན་གསུམ་ཡོངས་སུ་སྦྱང་བ་བྱེད་དུ་བཅུག་སྟེ་གླང་པོ་ཆེར་སྣང་བར་བསྒྱུར་ནས། ཤེས་བཞིན་དུ་ཡུམ་གྱི་ལྷུམས་སུ་ཞུགས་པ་དེའི་ཚེ་ན། ས་ཆེན་པོ་ཤིན་ཏུ་གཡོས་པར་གྱུར་ཅིང ། འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས་གནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན་སྣང་བ་རྒྱ་ཆེན་པོས་ཁྱབ་པར་གྱུར་ནས་སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་པ་ཡང་མི་མཐོང་བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་ཤེས་པར་གྱུར་པ་ནས། གང་གི་ཚེ་བཅོམ་ལྡན་འདས་ཀྱིས་མཚན་མོའི་གུང་ཐུན་ལ་བདུད་
Ja338a
༄#། །འབྱུང་པོ་དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་གི་འཁོར་དང་ལྡན་པ་བྱམས་པའི་སྟོབས་ཀྱིས་མངོན་པར་བཏུལ་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཇི་ལྟར་མངོན་པར་རྫོགས་པར་སངས་རྒྱས་པའི་བར་དག་མངོན་པར་འབྱུང་བའི་མདོ་ལས་རྒྱ་ཆེར་ཇི་སྐད་གསུངས་པ་དང་འདྲ་བར་དེ་ལྟར་བཅོས་པ་ཐམས་ཅད་གར་ཐབས་སུ་རྒྱ་ཆེར་སྦྱར་ཏེ་གར་བྱས་པ་དང ། སྐྱེ་བོ་ཕལ་པོ་ཆེའི་ཚོགས་དད་པ་དང་ལྡན་པ་དག་དད་པ་མངོན་པར་འཕེལ་བར་གྱུར་ནས། ཨེ་མའོ་གར་བྱས་སོ། །ེ་མའོ་གར་བྱས་སོ་ཞེས་ཟེར་ཞིང་གར་མཁན་དེས་ཀྱང་རྙེད་པ་མང་པོ་གྲུབ་པར་གྱུར་ཏོ། །དེ་ནས་གར་མཁན་དེས་ཡང་བསམས་པ། བདག་གིས་སྐྱེ་བོ་ཕལ་པོ་ཆེའི་ཚོགས་དད་པ་དང་ལྡན་པ་དག་ནི་དད་པ་མངོན་པར་འཕེལ་བར་བྱས་ཟིན་གྱི། ད་ནི་མ་དད་པ་དག་ཀྱང་དད་པར་འགྱུར་བར་བྱའོ་སྙམ་ནས་དེའི་འོག་ཏུ་གར་མཁན་གཅིག་གིས་འཆར་ཀའི་ཆ་ལུགས་སུ་བྱས་ཤིང་གར་མཁན་ཅིག་ཤོས་ཀྱིས་འདུན་པའི་ཆ་ལུགས་སུ་བྱས་ཏེ་དེས་ཁམ་པོར་ཐལ་བས་བཀང་ནས་སྟེང་དུ་བུ་རམ་གྱི་དུམ་བུ་གཉིས་སམ་གསུམ་བཞག་སྟེ་འཆར་ཀའི་ཆ་ལུགས་ཅན་ཟན་ཟ་བའི་མདུན་དུ་ཙོག་པུར་འདུག་སྟེ་སྨྲས་པ། བཙུན་པ་འཆར་ཀ་དགོངས་སུ་གསོལ། བདག་དགེ་སློང་འདུན་པ་ཞེས་བགྱི་བ་འཚལ་མ་འཚལ་ཞིང་སྤངས་ཏེ། ཡོངས་སུ་རྫོགས་ཤིང་མཐར་ཐུག་པར་བགྱིས་
Ja338b
པ་ལས་བཅའ་བ་དང་བཟའ་བ་རྙེད་ཅིང་འཚལ་བར་འཚལ་ན་ལྷག་པོར་བགྱིས་ཏེ་བདག་ལ་སྩལ་དུ་གསོལ། འཆར་ཀའི་ཆ་ལུགས་ཅན་དེས་དེ་ནས་བུ་རམ་གྱི་དུམ་བུ་གཉིས་སམ་གསུམ་པོ་དག་བླངས་ཏེ་ཟོས་ནས་ཕམ་ཕོར་གྱི་ཐལ་བ་འདུན་པའི་ཆ་ལུགས་ཅན་གྱི་མགོ་བོའི་སྟེང་དུ་གཏོར་ཏེ་ཁྱོད་ཀྱིར་གྱུར་གྱི། བཞུད་ཅིག་ཅེས་སྨྲས་པ་དང ། སྐྱེ་བོ་ཕལ་པོ་ཆེའི་ཚོགས་ཐམས་ཅད་ཀྱིས་ཧ་ཧ་ཞེས་གད་མོའི་སྒྲ་ཆེན་པོ་ཕྱུང་སྟེ། མ་དད་པ་དག་ཀྱང་དད་པ་མངོན་པར་འཕེལ་བར་གྱུར་ནས་ཨེ་མའོ་སྨྱོན་ཐབས་བྱས་སོ། །ེ་མའོ་སྨྱོན་ཐབས་བྱས་སོ་ཞེས་ཟེར་ཞིང་གར་མཁན་དེས་ཀྱང་རྙེད་པ་མང་པོ་གྲུབ་པར་གྱུར་ཏོ། །དེ་ནས་སྐྱེ་བོ་ཕལ་པོ་ཆེའི་ཚོགས་དད་པ་དང་ལྡན་པ་དག་ནི་ཤེས་ལྡན་དག་ལྟོས་ཤིག་།གར་མཁན་འདིས་གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པས་གཟིགས་པ་ལྔ་པོ་རིགས་དང་རུས་དང་ཡུལ་དང་དུས་དང་བུད་མེད་ལ་གཟིགས་པ་དག་གིས་འཇིག་རྟེན་ལ་གཟིགས་ནས་འདོད་པ་ན་སྤྱོད་པའི་ལྷ་དྲུག་པོ་དག་ལ་ལན་གསུམ་ཡོངས་སུ་སྦྱང་བ་བྱེད་དུ་བཅུག་སྟེ་གླང་པོ་ཆེར་སྣང་བར་བསྒྱུར་ནས་ཤེས་བཞིན་དུ་ཡུམ་གྱི་ལྷུམས་སུ་ཞུགས་པ་དེའི་ཚེ་ན་ས་ཆེན་པོ་ཤིན་ཏུ་གཡོས་བར་གྱུར་ཅིང་འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་
Ja339a
༄#། །མུན་ནག་མུན་པར་བྱེད་པས་གནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན་སྣང་བ་རྒྱ་ཆེན་པོས་ཁྱབ་པར་གྱུར་ནས། སེམས་ཅན་གང་དག་དེར་སྐྱེས་པ་དག་གི་རང་གི་ལག་པ་བརྐྱང་པ་ཡང་མི་མཐོང་བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་ཤེས་པར་གྱུར་པ་ནས། གང་གི་ཚེ་བཅོམ་ལྡན་འདས་ཀྱིས་མཚན་མོའི་གུང་ཐུན་ལ་བདུད་འབྱུང་པོ་དུང་ཕྱུར་ཕྲག་གསུམ་དང ། བྱེ་བ་ཕྲག་དྲུག་གི་འཁོར་དང་ལྡན་པ་བྱམས་པའི་སྟོབས་ཀྱིས་མངོན་པར་བཏུལ་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཇི་ལྟར་མངོན་པར་རྫོགས་པར་སངས་རྒྱས་པའི་བར་དག་མངོན་པར་འབྱུང་བའི་མདོ་ལས་རྒྱ་ཆེར་ཇི་སྐད་གསུངས་པ་དང་འདྲ་བར་དེ་ལྟར་བཅོས་པ་ཐམས་ཅད་གར་ཐབས་སུ་རྒྱ་ཆེར་སྦྱར་ཏེ་གར་བྱས་སོ་ཞེས་ཟེར་ཞིང་དད་པ་མངོན་པར་འཕེལ་བར་གྱུར་ཏོ། །སྐྱེ་བོ་ཕལ་པོ་ཆེའི་ཚོགས་མ་དད་པ་དག་ཀྱང་ཤེས་ལྡན་དག་ལྟོས་ཤིག་།གར་མཁན་འདིས་དགེ་སྦྱོང་ཧྲལ་པོ་དྲུག་སྡེ་དག་མི་བྱེད་དགུ་བྱེད་པ་དེ་ལྟར་བཅོས་པ་ཐམས་ཅད་སྨྱོན་ཐབས་སུ་རྒྱ་ཆེར་སྦྱར་ཏེ་བཞད་གང་བྱས་སོ་ཞེས་དད་པ་མངོན་པར་འཕེལ་བར་གྱུར་ཏོ། །ཇི་ཙམ་ན་མཐར་གྱིས་དྲུག་སྡེ་དག་གིས་གར་
Ja339b
མཁན་དེས་བདག་ཅག་ལྟར་བཅོས་ཞེས་གྲག་གོ་ཞེས་ཐོས་ནས་དེ་དག་གིས་སྨྲས་པ། བདག་ཅག་གིས་གར་མཁན་དེ་མི་དགའ་བར་བྱས་སྲིང་མོ་དག་གི་གན་དུ་གྲོས་བྱེད་དུ་འདོང་ཞེས་དེ་དག་དགེ་སློང་མ་བཅུ་གཉིས་སྡེ་དག་གི་གན་དུ་དོང་ནས་སྨྲས་པ། སྲིང་མོ་དག་བདག་ཅག་གིས་བཅོམ་ལྡན་འདས་བྱང་ཆུབ་སེམས་དཔའི་སྤྱོད་པ་ལ་འཇུག་པ་ན་སྒྲ་མི་སྙན་ཅེས་བྱ་བའི་གར་ཐབས་བྱས་པ་གང་ཡིན་པ་དེ་ལས་ཅུང་ཟད་ཅི་དྲན་པ་བགྲོའོ་ཞེས་དེ་རྣམས་དེ་དག་དང་ལྷན་ཅིག་སྐྱེད་མོས་ཚལ་དུ་དོང་སྟེ་བགྲོ་བར་བརྩམས་པ་དང ། ཇི་ཙམ་ན་ཅུང་ཟད་ཀྱང་མ་བརྗེད་ནས་དེ་དག་གིས་རྒྱལ་པོའི་ཕོ་བྲང་ནས་རྒྱན་དང་ཆ་ལུགས་བླངས་ཏེ་གར་མཁན་དེ་དང་ཧ་ཅང་ཐག་མི་རིང་བར་བླ་རེ་བྲེས་ནས་ཉེ་དགའ་མགོ་རས་ཀྱིས་དཀྲིས་ཏེ་རྫ་རྔ་ཆེན་པོ་བརྡུངས་པ་དང ། གར་ལ་བལྟ་བ་དེའི་ནང་ནས། སྐྱེ་བོ་ཕལ་པོ་ཆེའི་ཚོགས་ཕྱིར་བྱུང་སྟེ་དེར་ལྷགས་སོ། །གར་མཁན་དེ་ཡང་དེར་སོང་བ་དང་ཇི་ཙམ་ན་ལྷའི་གར་ཐབས་ལྟ་བུ་མཐོང་ནས། དེས་བསམས་པ། འདི་དག་ལྷ་དག་གར་བྱེད་པ་ཡིན་ནམ། འོན་ཏེ་ཀླུ་དག་གམ། འོན་ཏེ་གནོད་སྦྱིན་དག་གམ། དྲི་ཟ་དག་གམ། མིའམ་ཅི་དག་གམ། ལྟོ་འཕྱེ་ཆེན་པོ་དག་གར་བྱེད་པ་ཡིན་སྙམ་དུ་རིག་ནས་ཡ་མཚན་སྐྱེས་པར་གྱུར་ཏོ། །དྲུག་སྡེ་དག་གིས་ཀྱང་གར་བྱས་ནས་ཆ་སྤྱད་བརྟུལ་ཏེ་དོང་བ་དང་གར་མཁན་དེས་བསམས་པ།
Ja340a
༄#། །འདི་དག་སུ་ཞིག་ཡིན་སྙམ་ནས་དེ་དེ་དག་གི་ཕྱི་བཞིན་ཕྱི་བཞིན་འབྲང་ཞིང་སོང་བ་དང་ཇི་ཙམ་ན་དེ་དག་འོད་མའི་ཚལ་དུ་ཞུགས་ནས། གར་མཁན་དེས་སྒོར་བསྡད་པ་དང ། ཇི་ཙམ་ན་འཆར་ཀ་རྣ་བ་བབ་ལས་བསྐུས་བཞིན་དུ་སྒོར་བྱུང་ནས་གར་མཁན་དེས་དེ་ལ་སྨྲས་པ། འཕགས་པ་གར་དེ་ཁྱོད་ཀྱིས་བགྱིས་སམ། འཆར་ཀས་སྨྲས་པ། ཁོ་བོ་ཅག་གིས་ཁྱོད་དེ་ལྟར་མི་དགའ་བར་བྱའོ། །བཀྲེན་པ་ཁྱོད་ཁོ་བོ་ཅག་ཁོ་ནའི་སྒྱུ་རྩལ་གྱིས་ཉེ་བར་འཚོ་བ་ལ་ཁོ་བོ་ཅག་ཉིད་ལྟར་བཅོས་པ། ཁྱོད་གང་དང་གང་དུ་གར་བྱེད་པ་དེ་དང་དེར། ཁོ་བོ་ཅག་དོང་ལ་ཁྱོད་ལ་མཐོ་བཙམས་པར་བྱས་ཏེ། ཁོ་བོ་ཅག་གིས་རྫ་རྔ་ཆེན་པོ་དང་ཆ་བྱད་གཞན་ཅི་ཡང་བསྐུར་མི་དགོས་པར་འོང་ངོ ། །གར་མཁན་དེས་སྨྲས་པ། འཕགས་པ་དེ་ནི་བདག་ཅག་གིས་འཚོ་བ་ལགས་ཀྱི། བཟོད་པར་མཛོད་ཅིག་།འཆར་ཀས་སྨྲས་པ། གལ་ཏེ་ཁྱོད་ཀྱིས་རྙེད་པ་ཅི་རྙེད་པ་དེ་དག་ཐམས་ཅད་ཁོ་བོ་ཅག་ལ་བྱིན་ན་བཟོད་པར་བྱའོ། །དེས་བསམས་པ། འདི་དག་ཡང་དང་ཡང་དུ་མཐོ་འཚམ་པར་འགྱུར་གྱི། བྱིན་ནོ་སྙམ་ནས་དེ་རྙེད་པ་ཐམས་ཅད་དེ་དག་ལ་བྱིན་ནས་སེམས་ཁོང་དུ་ཆུད་ཅིང་འདུག་གོ་།ཇི་ཙམ་ན་དེའི་ཆུང་པོ་གྲོགས་འོངས་ནས་དེས་དེ་ལ་དྲིས་པ། གྲོགས་པོ་ཁྱོད་ཅིའི་ཕྱིར་སེམས་ཁོང་དུ་ཆུད་ཅིང་འདུག་།དེས་སྨྲས་པ། ཁོ་བོ་ཆད་པས་བཅད་དོ། །སུས། ཤཱཀྱའི་བུའི་
Ja340b
དགེ་སློང་དག་གིས། ཅིའི་ཕྱིར། དེས་སྐབས་དེ་རྒྱས་པར་བརྗོད་པ་དང ། དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ་།བྲམ་ཟེའི་ཚུལ་ནི་ཚིག་སྟེ། འདི་ལྟར་གར་མཁན་དག་ལ་ཡང་ཆད་པས་གཅོད་པར་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་ནས། དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་མི་མཛེས་པ་དེ་ལྟ་བུ་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཉེས་དམིགས་གང་ཅུང་ཟད་བྱུང་བ་འདི་ནི་དགེ་སློང་དག་ཁྱིམ་པའི་གོས་གྱོན་པ་ལས་གྱུར་པ་དེའི་ཕྱིར་དགེ་སློང་གིས་ཁྱིམ་པའི་གོས་བགོ་བར་མི་བྱའོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་པ་ཉིད་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཀྱིས་མི་མཛེས་པ་དེ་ལྟ་བུ་དེ་བྱས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་
Ja341a
༄#། །དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་དག་གིས་གོས་སར་པ་ཞིག་རྙེད་ན་ཁ་བསྒྱུར་བ་གསུམ་པོ་སྔོན་པོའམ། དམར་པོའམ། ངུར་སྨྲིག་ལས་གང་ཡང་རུང་བར་ཁ་བསྒྱུར་བར་བྱའོ། །གལ་ཏེ་དགེ་སློང་གིས་གོས་སར་པ་ཁ་བསྒྱུར་བ་གསུམ་པོ་སྔོན་པོའམ། དམར་པོའམ། ངུར་སྨྲིག་ལས་གང་ཡང་རུང་བར་ཁ་མ་བསྒྱུར་བར་སྤྱོད་ན་ལྟུང་བྱེད་དོ། །དགེ་སློང་གིས་ཞེས་བྱ་བ་ནི་དྲུག་སྡེས་སོ། །གོས་ཞེས་བྱ་བ་ནི་བདུན་པོ། བལ་གོས་དང ། ཤ་ནའི་གོས་དང ། ཟར་མའི་གོས་དང ། དུ་གུ་ལའི་གོས་དང ། ཀོ་ཏམ་པའི་གོས་དང ། རས་བལ་གྱི་གོས་དང ། ཉི་འོག་གི་གོས་ལས་གང་ཡང་རུང་བའོ། །སར་པ་ཞིག་ཅེས་བྱ་བ་ནི་སར་པ་གཉིས་ཏེ། གསར་པས་གསར་པ་དང་རྙེད་པས་གསར་པ་སྟེ། དོན་འདི་ནི་རྙེད་པས་གསར་པ་ཡིན་པར་དགོངས་སོ། །རྙེད་ན་ཞེས་བྱ་བ་ནི་གཞན་ལས་སོ། །ཁ་བསྒྱུར་བ་གསུམ་པོ་སྔོན་པོའམ། དམར་
Ja341b
པོའམ། ངུར་སྨྲིག་ལས་གང་ཡང་རུང་བར་ཞེས་བྱ་བ་ལ། སྔོན་པོ་ཞེས་བྱ་བ་ནི་རམས་ཉིད་དོ། །དམར་པོ་ཞེས་བྱ་བ་ནི་བཙག་གོ་།ངུར་སྨྲིག་ཅེས་བྱ་བ་ནི་ཤིང་ཤུན་ནོ། །ཁ་བསྒྱུར་བར་བྱའོ་ཞེས་བྱ་བ་ནི་ཁ་དོག་ངན་པར་བྱའོ། །གལ་ཏེ་དགེ་སློང་གི་གོས་སར་པ་ཁ་བསྒྱུར་བ་གསུམ་པོ་སྔོན་པོའམ། དམར་པོའམ། ངུར་སྨྲིག་ལས་གང་ཡང་རུང་བར་ཁམ་བསྒྱུར་བར་སྤྱོད་ན་ཞེས་བྱ་བ་ནི་གྱོན་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན་དགེ་སློང་གིས་ཇི་ཙམ་ཅུང་ཟད་གོས་སར་པ་ཞིག་རྙེད་ན་ཐ་ན་ལྷུང་བཟེད་ཀྱི་ཁ་གཡོགས་ཀྱང་རུང་སྟེ། ཁ་བསྒྱུར་བ་གསུམ་པོ་སྔོན་པོའམ། དམར་པོའམ། ངུར་སྨྲིག་ལས་གང་ཡང་རུང་བར་ཁ་བསྒྱུར་བར་བྱའོ། །གལ་ཏེ་དགེ་སློང་གིས་གོས་སར་པ་ཁ་བསྒྱུར་བ་གསུམ་པོ་སྔོན་པོའམ། དམར་པོའམ། ངུར་སྨྲིག་ལས་གང་ཡང་རུང་བར་ཁ་མ་བསྒྱུར་བར་སྤྱོད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཁ་མ་བསྒྱུར་བའི་གོས་གྱོན་པའི་
Ja342a
༄#། །ལྟུང་བྱེད་དེ་ལྔ་བཅུ་བརྒྱད་པ་རྫོགས་སོ།། །།བར་སྡོམ་ལ། བྱ་རྒོད་ཕུང་པོ་འཕོངས་དང་ནི། །རོལ་མོ་ལི་ཙ་ཆེན་པོ་དང ། །སིལ་སྙན་རི་དྭགས་འཛིན་མ་ཡི། །སྡེ་ཚན་ཡང་དག་བསྡུས་པ་ཡིན། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་བཞུགས་སོ། །དེ་ནས་བཅོམ་ལྡན་འདས་སྔ་དྲོ་ཤམས་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ། བྱ་རྒོད་ཀྱི་ཕུང་པོའི་རི་ལ་བབས་ནས་སླད་བཞིན་འབྲང་བའི་དགེ་སྦྱོང་ཚེ་དང་ལྡན་པ་ཀུན་དགའ་བོ་དང་རྒྱལ་པོའི་ཁབ་ཏུ་བསོད་སྙོམས་ལ་གཤེགས་པ་དང ། བཅོམ་ལྡན་འདས་ཀྱིས་བསྐལ་བ་དང་པོའི་མི་རྣམས་ཀྱིས་གཏེར་སྦས་པ། ལྷས་ཆར་ཕབ་པས་ཕྱོགས་དེར་ཆུའི་འོད་པ་བབ་ཅིང་དེ་ཡང་ལམ་ལམ་ལམ་འབར་ཞིང་འདུག་པ་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བཅོམ་ལྡན་འདས་སྦྲུལ་དུག་དྲག་པོ་ལགས་སོ། །ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བདེ་བར་གཤེགས་པ་སྦྲུལ་དུག་དྲག་པོ་ལགས་སོ། །དེ་ན་ཧ་ཅང་ཐག་མི་རིང་བ་ན་མི་འབྲས་བུ་དང་རྩ་བ་ཐུ་བ་ཞིག་འདུག་པ་དེས་དེ་ཐོས་ནས། དེས་བསམས་པ། བདག་གིས་སྦྲུལ་དུག་མྱུར་དུ་ཁྱབ་པར་བྱེད་པ་ནི་མཐོང་ན་སྦྲུལ་དུག་དྲག་པོ་ནི་མ་མཐོང་བས་ཤཱཀྱའི་བུའི་དགེ་སྦྱོང་
Ja342b
རྣམས་ཀྱི་སྦྲུལ་དུག་དྲག་པོ་ཅི་འདྲ། བདག་ཀྱང་ཕྱོགས་འདིར་ཉིན་མཚན་དུ་རྒྱུ་བས་བདག་སྦྲུལ་དུག་དྲག་པོས་ཟིན་པར་གྱུར་ན་མི་རུང་གི་།ཇི་ལྟར་འགྲོའོ་སྙམ་ནས། དེ་དེར་སོང་བ་དང ། ཇི་ཙམ་ན་གཏེར་ཞིག་ལམ་ལམ་ལམ་འབར་ཞིང་འདུག་པ་མཐོང་ནས། དེས་བསམས་པ། ཤཱཀྱའི་བུའི་དགེ་སྦྱོང་རྣམས་ཀྱི་སྦྲུལ་དུག་དྲག་པོ་ནི་མཛེས་པ་ཡིན་ནོ། །ཤཱཀྱའི་བུའི་དགེ་སྦྱོང་རྣམས་ཀྱི་སྦྲུལ་དུག་དྲག་པོ་ནི་ཤིན་ཏུ་བཟང་བ་ཡིན་ཏེ། འདི་ལྟར་སྦྲུལ་དུག་དྲག་པོ་འདི་ལྟ་བུས་ནི་ཕ་དང་མ་སྡུག་པ་ཡང་ཟིན་ཀྱང་བླའོ། །བུ་དང་ཆུང་མ་དང་བྲན་དང་བྲན་མོ་དང་ལས་མི་དང་ཞོ་ཤས་འཚོ་བ་དང ། མཛའ་བཤེས་དང་བློན་པོ་དང་ཉེ་དུ་དང་སྣག་གི་གཉེན་མཚམས་སྡུག་པ་ཡང་ཟིན་ཀྱང་བླའོ་སྙམ་ནས། མི་དེས་གཏེར་དེ་ལོ་མའི་ཆུན་པོ་དག་གིས་གཡོགས་ཤིང ། ཁད་ཀྱིས་ཁད་ཀྱིས་རིམ་གྱིས་རང་གི་ཁྱིམ་དུ་བསྐྱས་སོ། །གང་གི་ཚེ་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་སྡིག་པའི་གྲོགས་པོ་ལྷས་བྱིན་གྱིས་ཉེ་བར་བསྐོར་བས། ཕ་ཆོས་དང་ལྡན་པ་ཆོས་ཀྱི་རྒྱལ་པོ་གཟུགས་ཅན་སྙིང་པོ་སྲོག་དང་ཕྲལ་ཏེ། རང་ཉིད་ཅོད་པ་ན་བཅིངས་ནས་རྒྱལ་སྲིད་ཀྱི་དབང་ཕྱུག་གི་བདག་པོར་བཞག་པ་དེའི་ཚེ་ན། དེས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་སོང་ལ་གང་ལ་འདུ་བ་ནི་ཅི་ཡོད། འགོད་པ་ནི་ཅི་ཡོད། གང་ན་ཅི་ཞིག་གིས་འཚོ་བར་བྱེད་པ་
Ja343a
༄#། །དག་ལྟོས་ཤིག་།དེ་ནས་ཞོ་ཤས་འཚོ་བའི་མི་དེ་དག་གིས་ལྷ་བཀའ་བཞིན་འཚལ། ཞེས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ལས་མཉན་ནས། རྒྱལ་པོའི་ཞོ་ཤས་འཚོ་བའི་མི་དེ་དག་གིས་ཕྱོགས་སུ་བྱུལ་བ་ན་མི་དེ་ཁྱིམ་གྱི་འབྱོར་བ་དག་བྱེད་པ་མཐོང་ནས། དེ་དག་གིས་དེ་ལ་སྨྲས་པ། ཀྱེ་ནང་རྗེ་ཁྱོད་དབུལ་པོ་རྩ་བ་དང་འབྲས་བུ་ཐུ་བ་རྩ་བ་དང་འབྲས་བུ་དག་བཙོངས་ཤིང་འཚོ་བ་དག་སྦྱོར་བར་བྱེད་པ་ཡིན་ན། ཁྱོད་ཀྱིས་ཁྱིམ་གྱི་འབྱོར་པ་འདི་ག་ལས་འོངས། ཁྱོད་ཀྱིས་གཏེར་མ་རྙེད་དམ། དེས་སྨྲས་པ། བདག་གིས་གཏེར་མ་རྙེད་དེ་བདག་ཉིད་ལ་འབྱོར་བ་འདི་ལྟ་བུ་དག་ཡོད་མོད་ཀྱི་སྔན་ཆད་ནི་རྒྱལ་པོ་ཆོས་དང་མི་ལྡན་པ་བྱུང་བས་དེའི་ཕྱིར་བདག་གིས་མ་ཕྱུང་ངོ ། །ད་ནི་རྒྱལ་པོ་ཆོས་དང་ལྡན་པ་བྱུང་བས་དེའི་ཕྱིར་བདག་གི་ཁྱིམ་གྱི་འབྱོར་པ་བྱས་ཏེ་རྒྱལ་པོ་གཟུགས་ཅན་སྙིང་པོ་ལ་ཕོ་བྲང་འཁོར་དང་ལྗོངས་ཀྱི་མི་དག་རྗེས་སུ་དགའ་བར་ཟད་ཀྱི་དེ་ཆོས་དང་ལྡན་པ་མ་ཡིན་ནོ། །རྒྱལ་པོ་མ་སྐྱེས་དགྲ་ལ་ནི་ཕོ་བྲང་འཁོར་དང་ལྗོངས་ཀྱི་མི་རྗེས་སུ་མི་དགའ་ཡང་དེ་ཆོས་དང་ལྡན་པའི་རྒྱལ་པོ་ཡིན་ནོ། །དེ་དག་གིས་སྨྲས་པ། ཀྱེ་ནང་རྗེ་རྒྱལ་པོ་གཟུགས་ཅན་སྙིང་པོ་ཆོས་དང་ལྡན་པ་མ་ཡིན་ན་གང་ཆོས་དང་ལྡན་པ་དེ་ཆོས་དང་ལྡན་པ་མ་ཡིན་པར་གྱུར་ལ། ཕ་བསོད་པ་གང་ཡིན་པ་དེ་ཆོས་དང་ལྡན་པར་གྱུར་ཏམ་ཁྱོད་
Ja343b
ཀྱིས་ཁོ་བོ་ཅག་སུ་ཡིན་ཤེས་སམ། དེས་སྨྲས་པ། ཤེས་ཏེ་རྒྱལ་པོའི་ཞོ་ཤས་འཚོ་བ་དག་ཡིན་པས། ཁྱོད་ཀྱི་མིག་གིས་རྒྱལ་པོ་མཐོང་ངོ ། །དེ་དག་གིས་སྨྲས་པ། ཀྱེ་ནང་རྗེ་ཁོ་བོ་ཅག་རྫུན་ཀྱིས་མ་སླུ་ཞིག་།ཁྱོད་ཀྱིས་གཏེར་རྙེད་ཀྱི། ཕྱེད་ནི་ཁྱོད་ཁྱེར་ལ་ཕྱེད་ནི་ཁོ་བོ་ཅག་ལ་བྱིན་ཅིག་།དེས་སྨྲས་པ། ཁོ་བོས་གཏེར་མ་རྙེད་དེ་འདི་ནི་ཁོ་བོ་ཉིད་ཀྱི་ཡིན་མོད་ཀྱི་འོན་ཀྱང་སུམ་ཆ་སྦྱིན་གྱི། ཁ་རོག་པར་དེང་ཞིག་།དེ་དག་གིས་སྤྱོས་ཏེ་ལག་པ་གཉིས་ཕྱིང་ཀ་ལོག་ཏུ་བཅིངས་ནས་གཉའ་ཟུངས་རྒྱུད་མོས་རྒྱལ་པོའི་དྲུང་དུ་ཁྲིད་དེ་སྨྲས་པ། ལྷ་མི་འདིས་གཏེར་རྙེད་དོ། །རྒྱལ་པོས་སྨྲས་པ། ཀཝའེ་ནང་རྗེ་ང་སུ་ཡིན་ཤེས་སམ། ལྷ་འཚལ་ཏེ་འཇིག་རྟེན་སྐྱོང་བ་བཞི་ནི་འཇིག་རྟེན་སྐྱོང་བར་བགྱིད་པ་ལགས། ཁྱོད་ནི་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་འཇིག་རྟེན་སྐྱོང་བ་ལྔ་པ་ལགས་ཏེ་སྐྱེ་དགུ་སྐྱོང་བར་མཛད་པ་ལགས་སོ། །ཀཝའེ་ནང་རྗེ་ཁྱོད་ཀྱིས་གཏེར་རྙེད་ཀྱི། ང་ལ་རྫུན་གྱིས་མ་སླུ་བར་བདེན་པར་སྨྲོས་ལ་ཕྱེད་ནི་ཁྱོད་ཁྱེར་ཅིག་།ཕྱེད་ནི་ང་ལ་བྱིན་ཅིག་།ལྷ་བདག་གིས་གཏེར་མ་རྙེད་དོ། །ཀཝའེ་ནང་རྗེ་ཁྱོད་ཀྱིས་གཏེར་རྙེད་ཀྱི་སུམ་ཆ་ང་ལ་བྱིན་ཅིག་།ལྷ་བདག་གིས་གཏེར་མ་རྙེད་དོ། །རྒྱལ་པོ་ཁྲོས་ཏེ་བློན་པོ་རྣམས་ལ་སྨྲས་པ། ཤེས་ལྡན་དག་གང་གིས་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་བཀའ་ལན་གསུམ་གྱི་བར་དུ་བཅག་པ་དེ་ལ་ཆད་པ་ཅི་ཡོད། དེ་དག་གིས་སྨྲས་
Ja344a
༄#། །པ། ལྷ་དགུམ་པ་ལ་ཐུག་པའི་ཆད་པ་མཆིས་སོ། །རྒྱལ་པོས་སྨྲས་པ། ཤེས་ལྡན་དག་ངས་མི་འདི་ཡོངས་སུ་གཏང་གི། འདིའི་ཉེ་དུ་རྣམས་ཀྱང་ཕྱག་སྦལ་དུ་ཆུག་ལ། འདིའི་ནོར་ཐམས་ཅད་ཀྱང་རྒྱལ་པོའི་ཕོ་བྲང་དུ་ཕུལ་ཅིག་།དེ་ནས་བློན་པོ་རྣམས་ཀྱིས་ལྷ་བཀའ་བཞིན་འཚལ་ཞེས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་ལས་མཉན་ནས་མི་དེའི་ཉེ་དུ་རྣམས་ཀྱང་བཙོན་རར་བཅུག་།དེའི་ནོར་ཐམས་ཅད་ཀྱང་རྒྱལ་པོའི་ཕོ་བྲང་དུ་ཕུལ། མི་དེ་ཉིད་ཀྱང་མི་གོས་སྔོན་པོ་གྱོན་པ་ལག་ན་རལ་གྲི་ཐོགས་པ་དག་གིས་ཀ་ར་བི་རའི་མེ་ཏོག་དམར་པོ་དག་གིས་མགྲིན་པ་བཅིངས་ཏེ་གསད་སར་ཁྲིད་པ་དང ། མི་དེས་བྱུང་རྒྱལ་དུ་སྨྲས་པ། ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བཅོམ་ལྡན་འདས་སྦྲུལ་དུག་དྲག་པོ་ལགས་སོ། །ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བདེ་བར་གཤེགས་པ་སྦྲུལ་དུག་དྲག་པོ་ལགས་སོ། །རྒྱལ་པོ་དེའི་ཆོས་ཉིད་ནི་གསད་པར་བྱ་བའི་མི་གང ། གཞན་དྲིས་ལ་ལན་གཞན་འདེབས་པར་བྱེད་པ་དེ་ཇི་སྲིད་དུ་རྒྱལ་པོ་ལ་མ་ཞུས་ཀྱི་བར་དུ་རེ་ཞིག་གསོད་པར་མི་བྱེད་པས་བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་མི་དེ་གཞན་དྲིས་ན་ལན་གཞན་འདེབས་པར་བགྱིད་དོ། །རྒྱལ་པོས་སྨྲས་པ། ཁྲིད་དེ་ཤོག་ཅིག་།བློན་པོ་རྣམས་
Ja344b
ཀྱིས་ཁྲིད་དེ་འོངས་ནས། རྒྱལ་པོའི་དྲིས་པ། ཀཝའེ་ནང་རྗེ་ཁྱོད་ཅི་ཟེར། དེས་སྨྲས་པ། ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བཅོམ་ལྡན་འདས་སྦྲུལ་དུག་དྲག་པོ་ལགས་སོ། །ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བདེ་བར་གཤེགས་པ་སྦྲུལ་དུག་དྲག་པོ་ལགས་སོ། །རྒྱལ་པོས་སྨྲས་པ། ཀཝའེ་ནང་རྗེ་སྨྲས་པ་དེའི་དོན་ཅི། ལྷ་ཇེ་མི་འཇིགས་པ་སྩལ་དུ་གསོལ། བྱིན་ནོ། །དེས་སྐབས་དེ་རྒྱས་པར་བརྗོད་ནས་འདི་སྐད་ཅེས་ཀྱང་སྨྲས་སོ། །གལ་ཏེ་སྦྲུལ་དུག་མྱུར་དུ་ཁྱབ་པར་བགྱིད་པས་བདག་ཟིན་པར་གྱུར་ན། བདག་གཅིག་པུ་དུས་ལ་བབ་པར་འགྱུར་བ་ཞིག་ན། སྦྲུལ་དུག་དྲག་པོས་བདག་ཟིན་པས་དེའི་སླད་དུ་བདག་དང་ཉེ་དུ་དང་ནོར་ཐམས་ཅད་ཀྱང་ཚུལ་མ་ལགས་པས་སྡུག་བསྔལ་བར་གྱུར་ཏོ། ། དེའི་ཚེ་ན་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲས། བཅོམ་ལྡན་འདས་ལ་དད་པ་ཐོབ་ནས་རིང་པོ་མ་ལོན་པས་དེས་སྨྲས་པ། ཀཝའི་ནང་རྗེ། ཁྱོད་བཅོམ་ལྡན་འདས་ལ་མངོན་པར་དད་དམ། ལྷ་མངོན་པར་དད་དོ། །དེ་ནས་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲ་མཆི་མས་བརྣངས་པར་གྱུར་ནས། དེས་སྨྲས་པ། ཀཝའི་ནང་རྗེ་དེ་ཁྱོད་ཀྱི་ཡིན་གྱི། སོང་ཞིག་།དེ་ནས་རྒྱལ་པོས་ཞོ་ཤས་འཚོ་བ་རྣམས་ལ་བསྒོ་བ། མི་འདིའི་ཉེ་དུ་རྣམས་ཀྱང་ཐོང་ལ་འདིའི་ནོར་ཐམས་ཅད་ཀྱང་ཕྱིར་བྱིན་ཅིག་།ཞོ་ཤས་འཚོ་བ་
Ja345a
༄#། །རྣམས་ཀྱིས་དེའི་ཉེ་དུ་རྣམས་ཀྱང་བཏང ། དེའི་ནོར་ཐམས་ཅད་ཀྱང་ཕྱིར་བྱིན་ནོ། །དེ་ནས་མི་དེ་འདི་སྙམ་དུ་སེམས་ཏེ་བདག་གི་ཁྱིམ་ན་དཔལ་དང་སྐལ་བ་བཟང་པོ་ཕུན་སུམ་ཚོགས་པ་གང་ཅུང་ཟད་ཅི་ཡོད་པ་དེ་དག་ཐམས་ཅད་བཅོམ་ལྡན་འདས་ལ་བརྟེན་པ་ཡིན་པས་བདག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་སྤྱན་དྲངས་ཏེ་གདུགས་ཚོད་གསོལ་ལོ་སྙམ་ནས། དེ་ནས་མི་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་མི་དེ་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡབ་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་མི་དེ་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་སང་བདག་གི་
Ja345b
སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་གསོལ་བ་ཅི་གནང ། བཅོམ་ལྡན་འདས་ཀྱིས་མི་དེ་ལ་ཅང་མི་གསུང་བས་གནང་ངོ ། །དེ་ནས་མི་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་མི་དེས་དེ་ཉིད་ཀྱི་མཚན་མོ་བཅའ་བ་དང་བཟའ་བ་གཙང་ཞིང་བསོད་པ་སྟ་གོན་བྱས་ནས་ནང་པར་སྔར་ལངས་ཏེ་གདན་བཤམས་ནས་ཆུར་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་བཙུན་པ་གདུགས་ཚོད་གཡར་དགོངས་འཚལ་ན་བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ཏེ། མི་དེའི་བཀད་ས་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་མི་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད་སྟོབས་པར་བྱེད་དོ། །རྣམ་གྲངས་དུ་མར་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་
Ja346a
༄#། །ནས་བསྟབས་ཤིང་ཚིམ་པར་བྱས་ནས། བཅོམ་ལྡན་འདས་གདུགས་ཚོད་གསོལ་ཅིང་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།དེ་ནས་བཅོམ་ལྡན་འདས་ཀྱིས་མི་དེའི་བསམ་པ་དང་བག་ལ་ཉལ་དང་ཁམས་དང་རང་བཞིན་ཐུགས་སུ་ཆུད་ནས་འདི་ལྟར་མི་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པར་མཛད་དོ། །དེས་བདེན་པ་མཐོང་ནས་གསོལ་པ། བཙུན་པ་བདག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས། བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་ཤེས་དང་རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་
Ja346b
དམྱལ་བ་དང ། ཡི་དྭགས་དང་དུད་འགྲོ་དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་།འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ནི་མངོན་པར་ཞུགས་པ་ལགས་སོ། །བཙུན་པ་བདག་ནི་མངོན་པར་ཞུགས་པ་ལགས་ཏེ། བཙུན་པ་བདག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆིས། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་དད་པས་སྐྱབས་སུ་མཆིའོ། །དེ་ནས་བཅོམ་ལྡན་འདས་ཀྱིས་མི་དེ་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གདན་ལས་བཞེངས་ཏེ་གཤེགས་སོ། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་དང ། ཇི་ཙམ་ན་དེས་
Ja347a
༄#། །བསོད་སྙོམས་བརྒྱུས་ནས་འཕོང་གི་དཔོང་ས་མཐོང་ནས་དེ་དེར་ཞུགས་པ་དང་འཕོང་གི་སློབ་དཔོན་ནི་མེད། ཁྱེའུ་དག་འཁོད་ནས་དེས་དྲིས་པ། ཁྱེའུ་དག་ཅི་བྱེད། དེ་དག་གིས་སྨྲས་པ། འཕགས་པ། འཕོང་སློབ་བོ། །འཆར་ཀས་སྨྲས་པ། བུ་དག་ལེགས་ཏེ་ཁྱེད་ཅག་གིས་སྒྱུ་རྩལ་མཆོག་ལས་བརྒལ་ཏོ། །བུ་དག་ལྟས་གཡོན་འཕོངས་དང ། གཡས་འཕོངས་དང ། གོམ་སྟབས་དང ། འཛིན་སྟངས་དང ། ཞགས་པ་གདབ་པ་དང ། མདའ་བོ་ཆེ་འཕང་བ་དང ། གཅད་པ་དང་དྲལ་བ་དང་དབུག་པ་དང ། རྡོ་རྗེ་རྩེ་གཅིག་པ་དང ། མཚོན་རྩེ་གཅིག་པ་འཕངས་པ་གྱིས་ཤིག་།དེ་དག་གིས་གཡོན་འཕོངས་དང ། གཡས་འཕོངས་དང ། གོམ་སྟབས་དང་འཛིན་སྟངས་དང ། ཞགས་པ་གདབ་པ་དང ། མདའ་བོ་ཆེ་འཕངས་པ་དང ། གཅད་པ་དང་དྲལ་བ་དང་དབུག་པ་དང ། རྡོ་རྗེ་རྩེ་གཅིག་པ་དང ། མཚོན་རྩེ་གཅིག་པ་འཕང་བར་བཙམས་པ་དང ། འཆར་ཀ་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་ནས་དེ་དག་གིས་སྨྲས་པ། འཕགས་པ་ཅིའི་སླད་དུ་ཕྱག་གཉིས་དྲིལ་བར་མཛད། ཞལ་བསྒྱུར་བར་མཛད། འཆར་ཀས་སྨྲས་པ། ད་དུང་ཁྱེད་ཅག་གི་སློབ་དཔོན་གྱིས་ཀྱང་མི་ཤེས་ན་ཁྱེད་ཅག་གིས་ལྟ་ཤེས་པར་འགྱུར་རེ་སྐན། དེ་དག་གིས་སྨྲས་པ། འཕགས་པ་འདི་ལ་ཅུང་ཟད་མཁྱེན་པ་
Ja347b
མངའ་འམ། འཆར་ཀས་སྨྲས་པ། ཁྱེའུ་དག་སའི་སྟེང་ན་གང་ཁོ་བོས་མི་ཤེས་པའི་ལས་ཀྱི་གནས་དང་བཟོའི་གནས་དེ་གང་ཡིན། དེ་དག་གིས་སྨྲས་པ། འཕགས་པ་གཡར་སྔ་བྲིམ་གྱི། གཡོན་འཕོངས་དང ། གཡས་འཕོངས་དང ། གོམས་སྟབས་དང་འཛིན་སྟབས་དང ། ཞགས་པ་གདབ་པ་དང ། མདའ་བོ་ཆེ་འཕང་བ་དང ། གཅད་པ་དང་དྲལ་བ་དང་དབུགས་པ་དང ། རྡོ་རྗེ་རྩེ་གཅིག་པ་དང ། མཚོན་རྩེ་གཅིག་པ་འཕང་བ་མཛད་དུ་གསོལ། འཆར་ཀས་གཡོན་འཕོངས་དང ། གཡས་འཕོངས་དང ། གོམ་སྟབས་དང་འཛིན་སྟངས་དང ། ཞགས་པས་གདབ་པ་དང ། མདའ་བོ་ཆེ་འཕང་བ་སུས་ཀྱང་བྱེད་མི་ནུས་པ་བྱས་ཤིང་རྐེད་བཅིངས་ཀྱིས་བཅིངས་ཏེ་ཕུབ་ཟླུམ་ཐོགས་ནས་གཅད་པ་དང་དྲལ་བ་དང་དབུག་པ་ཡང་བྱས་པ་དང ། དེ་དག་ཡ་མཚན་སྐྱེས་ནས་སྨྲས་པ། འཕགས་པ་ལེགས་སོ་ལེགས་སོ། །འཆར་ཀས་སྨྲས་པ། ཁྱེའུ་དག་བཟོའི་གནས་དེ་ལྟར་བསླབ་པར་བྱ་བའམ། ཡང་ན་སློབ་དཔོན་གཞན་བཙལ་བར་བྱ་ཡི་འབྲས་བུ་མེད་པའི་སྦུན་པ་ཕྱར་ཞིང་འཁོད་དེ་ཅིའི་རུང་ཞེས་སྨྲས་ཏེ་སོང་ངོ ། །ཅི་ཙམ་ན་དེ་དག་གི་སློབ་དཔོན་འོངས་ནས་དེས་སྨྲས་པ། ཁྱེའུ་དག་འཁོད་དེ་ཅི་རུང ། གཡོན་འཕོངས་དང་གཡས་འཕོངས་དང ། གོམ་སྟབས་དང་འཛིན་སྟངས་དང་ཞགས་པ་གདབ་པ་དང ། མདའ་བོ་ཆེ་འཕང་བ་དང ། གཅད་པ་དང་བྲལ་བ་དང་དབུག་པ་དང ། རྡོ་རྗེ་རྩེ་
Ja348a
༄#། །གཅིག་པ་དང་མཚོན་རྩེ་གཅིག་པ་འཕང་བ་གྱིས་ཤིག་།དེ་དག་ལག་པ་གཉིས་དྲིལ་བར་བྱེད། བཞིན་སྒྱུར་བར་བྱེད་ཅིང་སྨྲས་པ། སློབ་དཔོན་ཡང་ད་དུང་ཅི་ཡང་མི་མཁྱེན་ན་བདག་ཅག་གིས་ལྟ་འཚལ་བར་འགྱུར་ཏེ་སྐན། སློབ་དཔོན་གྱིས་སྨྲས་པ། ཁྱེའུ་དག་སྔོན་མ་བྱུང་བའི་རྣམ་པར་འགྱུར་བ་འདི་ལྟ་བུ་བྱུང་ན། འགའ་ཞིག་འདིར་འོངས་པར་མ་གྱུར་ཏམ། དེ་དག་གིས་སྨྲས་པ། མཆིས་སོ། །སུ། འཕགས་པ་འཆར་ཀ་སྟེ་དེས་གཡོན་འཕོངས་དང་གཡས་འཕོངས་དང ། གོམ་སྟབས་དང ། འཛིན་སྟངས་དང ། ཞགས་པ་གདབ་པ་དང ། མདའ་བོ་ཆེ་འཕང་བ་དང ། གཅད་པ་དང་དྲལ་བ་དང་དབུག་པ་དང ། རྡོ་རྗེ་རྩེ་གཅིག་པ་དང་མཚོན་རྩེ་གཅིག་པ་འཕང་བ་སུས་ཀྱང་བགྱི་བར་རྔོ་མི་ཐོགས་པ་དེ་ལྟ་བུ་བགྱིས་སོ། །དེས་དེ་དག་ལ་སྨྲས་པ། བྱང་ཆུབ་སེམས་དཔའ་འཕོང་གི་དཔོང་ས་གང་དུ་འཕོང་བསླབས་པ་དེའི་དྲུང་དུ་དེས་ཀྱང་བསླབས་ཏེ་གལ་ཏེ་དེ་རབ་ཏུ་བྱུང་བར་མ་གྱུར་ན་འཛམ་བུའི་གླིང་མཐའ་དག་ཏུ་འཕོང་གི་སློབ་དཔོན་གྱི་མཆོག་ཏུ་འགྱུར་རོ། །འོན་ཀྱང་ཁོ་བོས་ཅི་ཤེས་པ་དེ་ཇེ་ཁོ་བོ་ལས་སློབས་ལ། ལྷག་མ་གཞན་ལས་སློབས་ཤིག་།སློབ་དཔོན་དེས་བསམས་པ། དེ་ཡང་དང་ཡང་དུ་བདག་ལ་མཐོ་འཚམ་པར་འགྱུར་གྱི། དེ་ལྟར་འགྲོའོ་སྙམ་ནས་དེ་འཆར་ཀའི་གན་དུ་སོང་སྟེ་སྨྲས་པ། འཕགས་པ་འཆར་
Ja348b
ཀ་བདག་ཅག་གི་འཕོང་གི་དཔོང་སར་བྱོན་པར་གྱུར་ཏམ། འཆར་ཀས་སྨྲས་པ། སོན་ཏོ། །འཕགས་པས་ཁྱེའུ་དག་ཅུང་ཟད་ཚར་བཀུམ་མམ། འཆར་ཀས་སྨྲས་པ། ཚར་བཅད་དོ། །དེས་སྨྲས་པ། འཕགས་པ་དེ་ནི་བདག་གི་འཚོ་བ་ལགས་ཀྱི། ཁྱེའུ་དག་ཚར་མ་བཀུམ་ཞིག་།བཀྲེན་པ་ཁྱེད་ཁོ་བོ་ཅག་གི་སྒྱུ་རྩལ་གྱིས་འཚོ་བ་ཁོ་བོ་ཅག་ལ་བཅའ་བའི་རིན་ཅུང་ཟད་ཀྱང་མི་སྦྱིན་ནམ། དེས་སྨྲས་པ། འཕགས་པ་བདག་ནི་དབུལ་པོ་ལགས་སོ། །འཆར་ཀས་སྨྲས་པ། བཀྲེན་པ་གལ་ཏེ་མི་སྦྱིན་ནས་ཡང་དང་ཡང་དུ་ཁོ་བོ་སོང་ལ་ཚར་གཅད་བར་བྱའོ། །དེས་བསམས་པ། འདི་ལ་བཅའ་བའི་རིན་མ་བྱིན་ན་ཡང་དང་ཡང་དུ་སོང་སྟེ་ཁྱེའུ་དག་ཚར་གཅོད་པར་འགྱུར་རོ་སྙམ་ནས་དེ་འཕོང་གི་ཡོ་བྱད་ཐམས་ཅད་བཙོངས་ཏེ་དེ་ལ་བཅའ་བའི་རིན་བྱིན་ནས་སེམས་ཁོང་དུ་ཆུད་ཅིང་འདུག་གོ་།ཇི་ཙམ་ན་དེའི་ཆུང་པོ་གྲོགས་འོངས་ནས་དེས་དྲིས་པ། གྲོགས་པོ་ཅིའི་ཕྱིར་སེམས་ཁོང་དུ་ཆུད་ཅིང་འདུག་།དེས་སྨྲས་པ། ཁོ་ཆད་པས་བཅད་དོ། །སུས། ཤཱཀྱའི་བུའི་དགེ་སྦྱོང་དག་གིས་སོ། །ཅིའི་ཕྱིར་དེས་སྐབས་དེ་རྒྱས་པར་བརྗོད་པ་དང་དེས་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ་།བྲམ་ཟེའི་ཚུལ་ནི་ཚིག་སྟེ། འདི་ལྟར་འཕོང་གི་སློབ་དཔོན་དག་ཀྱང་ཆད་པས་གཅོད་པར་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །འདི་ཡང་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །
Ja349a
༄#། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །ཚེ་དང་ལྡན་པ་འཆར་ཀ་སྔ་དྲོ་ཤམས་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་དང་ཇི་ཙམ་ན་དེས་བསོད་སྙོམས་ལ་བརྒྱུས་ནས་རོལ་མོའི་དཔོང་ས་མཐོང་ནས་དེ་དེར་ཞུགས་པ་དང ། རོལ་མོའི་སློབ་དཔོན་ནི་མེད། ཁྱེའུ་དག་འཁོད་ནས། དེས་དྲིས་པ། ཁྱེའུ་དག་ཅི་བྱེད། དེ་དག་གིས་སྨྲས་པ། འཕགས་པ་རོལ་མོ་སློབ་བོ། །འཆར་ཀས་སྨྲས་པ། བུ་དག་ལེགས་ཏེ་ཁྱེད་ཅག་གིས་སྒྱུ་རྩལ་མཆོག་ལས་བརྒལ་ཏོ། །བུ་དག་ལྟས། དྲུག་ལྡན་དང་དྲང་སྲོང་དང་ས་འཛིན་དང ། བློ་གསལ་དང་འཁོར་ཉན་དང ། བར་མ་པ་དང་ཀོའུ་ཤི་ཀ་གྱིས་ཤིག་།དེ་དག་གིས་དྲུག་ལྡན་དང་དྲང་སྲོང་པ་དང་ས་འཛིན་པ་དང ། བློ་གསལ་དང་འཁོར་ཉན་དང ། བར་མ་པ་དང་ཀོའུ་ཤི་ཀ་བྱ་བར་བརྩམས་པ་དང ། འཆར་ཀ་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་ནས་དེ་དག་གིས་སྨྲས་པ།་འཕགས་པ་ཅིའི་སླད་དུ་ཕྱག་གཉིས་འདྲིལ་བར་མཛད་ཞལ་སྒྱུར་བར་མཛད། འཆར་ཀས་སྨྲས་པ། ད་དུང་ཁྱེད་ཅག་གི་སློབ་དཔོན་གྱིས་ཀྱང་མི་ཤེས་ན་ཁྱོད་ཅག་གིས་ལྟ་ཤེས་པར་འགྱུར་རེ་སྐན། དེ་དག་གིས་སྨྲས་པ། འཕགས་པ་འདི་ལ་ཅུང་ཟད་མཁྱེན་པ་མངའམ། འཆར་ཀས་སྨྲས་པ། ཁྱེའུ་དག་སའི་སྟེང་ན་གང་ཁོ་བོས་མི་ཤེས་པའི་བཟོའི་གནས་དང་ལས་ཀྱི་
Ja349b
གནས་དེ་གང་ཡིན། དེ་དག་གིས་སྨྲས་པ། འཕགས་པ་གཡར་སྔ་བྲིམ་གྱི་དྲུག་ལྡན་དང་དྲང་སྲོང་བ་དང་ས་འཛིན་པ་དང་བློ་གསལ་དང་འཁོར་ཉན་པ་དང ། བར་མ་པ་དང་ཀོའུ་ཤི་ཀ་མཛོད་ཅིག་།འཆར་ཀས་དྲུག་ལྡན་དང་དྲང་སྲོང་བ་དང་ས་འཛིན་པ་དང་བློ་གསལ་བ་དང ། འཁོར་ཉན་དང་བར་མ་པ་དང ། ཀོའུ་ཤི་ཀ་སུས་ཀྱང་བྱ་བར་མི་ནུས་པ་བྱས་པ་དང ། དེ་དག་ཡ་མཚན་སྐྱེས་ནས་སྨྲས་པ། འཕགས་པ་ལེགས་སོ་ལེགས་སོ། །འཆར་ཀས་སྨྲས་པ། ཁྱེའུ་དག་བཟོའི་གནས་དེ་ལྟར་བསླབ་པར་བྱ་བའམ། ཡང་ན་སློབ་དཔོན་གཞན་བཙལ་བར་བྱའི་འབྲས་བུ་མེད་པར་སྦུན་པ་འཕྱར་ཞིང་འཁོད་དེ་ཅི་རུང་ཞེས་སྨྲས་ཏེ་སོང་ངོ ། །ཇི་ཙམ་ན་དེ་དག་གི་སློབ་དཔོན་འོངས་ནས་དེས་སྨྲས་པ། ཁྱེའུ་དག་འཁོད་དེ་ཅི་རུང ། དྲུག་ལྡན་དང་དྲང་སྲོང་བ་དང་ས་འཛིན་པ་དང་བློ་གསལ་དང་འཁོར་ཉན་དང་བར་མ་བ་དང་ཀོའུ་ཤི་ཀ་གྱིས་ཤིག་།དེ་དག་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་ཅིང་སྨྲས་པ། སློབ་དཔོན་ཡང་ད་དུང་ཅི་ཡང་མི་མཁྱེན་ན་བདག་ཅག་གིས་ལྟ་འཚལ་བར་འགྱུར་རེ་སྐན། སློབ་དཔོན་གྱིས་སྨྲས་པ། ཁྱེའུ་དག་སྔོན་མ་བྱུང་བའི་རྣམ་པར་འགྱུར་བ་འདི་ལྟ་བུ་བྱུང་ན། འགའ་ཞིག་འདིར་འོངས་པར་མ་གྱུར་ཏམ། དེ་དག་གིས་སྨྲས་པ། མཆིས་སོ། །སུ། འཕགས་པ་འཆར་ཀ་སྟེ་དེས་གླུ་དང་གར་སུས་ཀྱང་བརྗོད་པར་རྔོ་མི་ཐོག་པ་དེ་ལྟ་བུ་བགྱིས་སོ། །དེས་དེ་དག་ལ་སྨྲས་པ། བྱང་ཆུབ་སེམས་དཔས་རོལ་མོའི་དཔོང་ས་གང་དུ་རོལ་མོ་བསླབས་པ་དེའི་དྲུང་དུ་དེས་ཀྱང་བསླབས་ཏེ་གལ་ཏེ་རབ་ཏུ་
Ja350a
༄#། །བྱུང་བར་མ་གྱུར་ན་འཛམ་བུའི་གླིང་མཐའ་དག་ཏུ་རོལ་མོ་མཁན་གྱི་སློབ་དཔོན་གྱི་མཆོག་ཏུ་འགྱུར་རོ། །འོན་ཀྱང་ཁོ་བོས་ཅི་ཤེས་པ་དེ་ཇེ་ཁོ་བོ་ལས་སློབས་ལ་ལྷག་མ་གཞན་ལ་སློབས་ཤིག་།སློབ་དཔོན་དེས་བསམས་པ། དེ་ཡང་དང་ཡང་དུ་བདག་ལ་མཐོ་འཚམ་པར་འགྱུར་གྱི། དེ་བལྟ་བར་འགྲོའོ་སྙམ་ནས་དེ་འཆར་ཀའི་གན་དུ་སོང་སྟེ་སྨྲས་པ། འཕགས་པ་འཆར་ཀ་བདག་ཅག་གི་རོལ་མོའི་དཔོང་སར་བྱོན་པར་གྱུར་ཏམ། འཆར་ཀས་སྨྲས་པ། སོན་ཏོ། །འཕགས་པས་ཁྱེའུ་དག་ཅུང་ཟད་ཚར་བཀུམ་མམ། འཆར་ཀས་སྨྲས་པ། ཚར་བཅད་དོ། །དེས་སྨྲས་པ། འཕགས་པ་དེ་ནི་བདག་གི་འཚོ་བ་ལགས་ཀྱི། ཁྱེའུ་དག་ཚར་མ་བཀུམ་ཞིག་།བཀྲེན་པ་ཁྱོད་ཁོ་བོ་ཅག་གི་སྒྱུ་རྩལ་གྱིས་འཚོ་བ་ཁོ་བོ་ཅག་ལ་བཅའ་བའི་རིན་ཅུང་ཟད་ཀྱང་མི་སྦྱིན་ནམ། དེས་སྨྲས་པ། འཕགས་པ་བདག་ནི་དབུལ་པོ་ལགས་སོ། །འཆར་ཀས་སྨྲས་པ། བཀྲེན་པ་གལ་ཏེ་མ་སྦྱིན་ན། ཡང་དང་ཡང་དུ་ཁོ་བོ་སོང་ལ་ཚར་གཅད་པར་བྱའོ། ། དེས་བསམས་པ། འདི་ལ་བཅའ་བའི་རིན་མ་བྱིན་ན་ཡང་དང་ཡང་དུ་སོང་སྟེ། ཁྱེའུ་དག་ཚར་གཅོད་པར་འགྱུར་རོ་སྙམ་ནས་དེས་རོལ་མོའི་ཡོ་བྱད་ཐམས་ཅད་བཙོངས་ཏེ་དེ་ལ་བཅའ་བའི་རིན་བྱིན་ནས་སེམས་ཁོང་དུ་ཆུད་ཅིང་འདུག་གོ་།ཇི་ཙམ་ན་དེའི་ཆུང་པོ་གྲོགས་འོངས་ནས། དེས་དྲིས་པ་གྲོགས་པོ་ཅིའི་ཕྱིར་སེམས་ཁོང་དུ་ཆུད་ཅིང་འདུག་།དེས་སྨྲས་པ། ཁོ་བོ་
Ja350b
ཆད་པས་གཅད་དོ། །སུས། ཤཱཀྱའི་བུའི་དགེ་སྦྱོང་དག་གིས་སོ། །ཅིའི་ཕྱིར་དེས་སྐབས་དེ་རྒྱས་པར་བརྗོད་པ་དང ། དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་གོ་།བྲམ་ཟེའི་ཚུལ་ནི་ཚིག་སྟེ་འདི་ལྟར་རོལ་མོ་མཁན་གྱི་སློབ་དཔོན་དག་ཀྱང་ཆད་པས་གཅོད་པར་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །འདི་ཡང་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །དེ་ནས་བཅོམ་ལྡན་འདས་རྒྱལ་པོའི་ཁབ་ཏུ་ཅི་དགྱེས་པར་བཞུགས་ནས་ཡངས་པ་ཅན་ག་ལ་བ་དེ་ལོགས་སུ་ལྗོངས་རྒྱུ་ཞིང་གཤེགས་ཏེ་མཐར་གྱིས་རྒྱུ་ཞིང་གཤེགས་པ་ན་ཡངས་པ་ཅན་དུ་བྱོན་ནས་ཡངས་པ་ཅན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ། །ཉེ་དགའ་སྔ་དྲོ་ན་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཡངས་པ་ཅན་དུ་བསོད་སྙོམས་ལ་ཞུགས་པ་དང ། ལི་ཙ་བྱིའི་ཁྱེའུ་རབ་ཏུ་མང་པོ་དག་ཀྱང་ཡངས་པ་ཅན་ནས་བྱུང་སྟེ། ཡངས་པ་ཅན་གྱི་ཕྱི་རོལ་ཏུ་རྒྱན་ཐམས་ཅད་ཕྱོགས་གཅིག་ཏུ་བཞག་སྟེ་རྩེ་བར་བརྩམས་སོ། །ཉེ་དགས་དེ་མཐོང་ནས་དེས་གནོད་སྦྱིན་གྱི་ནོར་ཡིན་ནོ། ། ཞེས་རྒྱན་དེ་དག་ཐམས་ཅད་ཁྱེར་ཏེ་སོང་བ་དང ། ཡངས་པ་ཅན་གྱི་ལི་ཙ་བྱིའི་ཁྱེའུ་དེ་དག་གིས་ཉེ་དགའ་ལ་ལས་ནི་ལག་པ་ནས་བཟུང ། ལ་ལས་ནི་རྐང་པ་ནས་བཟུང ། ལ་ལས་ནི་ཆོས་
Ja351a
༄#། །གོས་ནས་བཟུང་སྟེ་འཕགས་པ་ཅིའི་ཕྱིར་ཁོ་བོ་ཅག་གི་རྒྱན་འཕྲོག་པར་བྱེད་ཅེས་ཟེར་རོ། །ལི་ཙ་བྱི་ཆེན་པོས་ཡངས་པ་ཅན་གྱི་ལི་ཙ་བྱིའི་ཁྱེའུ་དག་གིས་ཉེ་དགའ་བཟུང་སྟེ་ཐོ་འཚམ་པ་མཐོང་ནས། དེས་སྨྲས་པ། ཁྱེའུ་དག་ཅིའི་ཕྱིར་འཕགས་པ་ཉེ་དགའ་ལ་མཐོ་འཚམ་པར་བྱེད། དེ་དག་གིས་སྨྲས་པ། འདིས་བདག་ཅག་གི་རྒྱན་དག་ཕྲོགས་སོ། །དེས་སྨྲས་པ། འཕགས་པ་ཉེ་དགའ་ཅིའི་སླད་དུ་ཁྱེའུ་དག་གི་རྒྱན་འཕྲོག་པར་མཛད། ཉེ་དགས་སྨྲས་པ། ཁོ་བོས་གནོད་སྦྱིན་གྱི་ནོར་འདི་རྙེད་དོ། །དེས་སྨྲས་པ། འདི་འདྲ་བ་གནོད་སྦྱིན་གྱི་ནོར་ལགས་རེ་སྐན། གཞོན་ནུ་དག་གི་རྒྱན་ལགས་ཀྱི་མ་འཕྲོག་པར་འོར་ཅིག་།ཉེ་དགས་དེ་བོར་ཏེ་རྡུལ་གྱིས་གོས་པའི་ཆོས་གོས་དག་གིས་གཙུག་ལག་ཁང་དུ་སོང་བ་དང ། དགེ་སློང་རྣམས་ཀྱིས་དེ་ལ་སྨྲས་པ། བཙུན་པ་ཉེ་དགའ་ཅིའི་ཕྱིར་རྡུལ་གྱི་ཚོགས་ཀྱིས་གོས། ཉེ་དགས་སྨྲས་པ། ལི་ཙ་བྱི་ཆེན་པོ་ནད་མེད་པར་གྱུར་ཅིག་།ཁོ་བོས་གནོད་སྦྱིན་གྱི་ནོར་ཐོབ་པ་དེས་འདོར་དུ་བཅུག་གོ་།འདི་ཡང་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་ནི་མི་མཛད་དོ། །སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ། །དྲུག་སྡེ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཡངས་པ་
Ja351b
ཅན་དུ་བསོད་སྙོམས་ལ་ཞུགས་སོ། །ལམ་གྱི་བར་ན་ཡངས་པ་ཅན་གྱི་ལི་ཙ་བྱི་རྣམས་ཀྱི་སྐྱེད་མོས་ཚལ་དག་ཡོད་ནས་དེ་དག་གིས་སྨྲས་པ། དགའ་བོ་ཉེ་དགའ་བཅོམ་ལྡན་འདས་ཀྱིས་ཡངས་པ་ཅན་གྱི་ལི་ཙ་བྱི་དག་གིས་དཔེ་སུམ་ཅུ་རྩ་གསུམ་པའི་ལྷ་རྣམས་ལས་བླངས་ཀྱི། དེ་དག་གི་སྐྱེད་མོས་ཚལ་དག་ཅི་འདྲ་བ་བལྟས་འདོང་ངོ་ཞེས་དེ་དག་དེར་ཞུགས་པ་དང ། ཇི་ཙམ་ན་དེ་ན་ཡོ་བྱད་རྣམ་པ་སྣ་ཚོགས་དང ། ཁྲུས་ཀྱི་ཆལ་དག་དང་སོ་ཕག་དག་དང ། བསྐུ་བ་དག་དང ། ཕྲུག་སྤྱད་དག་དང ། ས་གར་དག་དང ། སྐྱུ་རུ་ར་དག་དང ། མགོ་བཀྲུ་བ་དག་དང ། པི་ཝང་དང་འོད་མ་དང ། མ་ཧཱ་ཏི་དང ། བལ་ལ་རི་དང ། སུ་གྷོ་ཤ་ཀ་དག་བཞག་པ་མཐོང་ནས་དེ་དག་གིས་སྨྲས་པ། དགའ་བོ་ཉེ་དགའ་ཇེ་དང་པོར་ཁྲུས་བྱའམ། འོན་ཏེ་གླུ་བླང་ཞིང་བྲོ་བརྡུང་བར་བྱ། དེ་དག་གིས་སྨྲས་པ། བདག་ཅག་གིས་ཡུན་རིང་པོ་ནས་གླུ་བླངས་ཤིང་བྲོ་བརྡུངས་ཀྱི། ཇེ་གླུ་བླང་ཤིང་བྲོ་བརྡུང་བར་བྱའོ། །ཞེས་དེ་དག་གིས་གླུ་བླང་ཞིང་བྲོ་བརྡུང་བར་བརྩམས་སོ། །རྒྱལ་པོ་ཟས་གཙང་གི་སྐྱེད་མོས་ཚལ་དུ་སྤྱད་པའི་རོལ་མོའི་སྒྲ་གང་ཡིན་པ་དེ་ནི་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་གཡུལ་ངོར་སྤྱད་པའི་རོལ་མོའི་སྒྲ་ཡིན་པས་དེ་དག་གིས་རོལ་མོའི་སྒྲ་འབྱུང་བར་བརྩམས་པ་དང ། ཡངས་པ་ཅན་གྱི་ལི་ཙ་བྱི་དག་གིས་ཐོས་སོ། །ཐོས་ནས་དེ་དག་སྔངས་ཏེ་སྨྲས་པ། ཤེས་ལྡན་དག་ཕ་བསོད་པས་མ་སྦྲན་པར་དམག་དྲངས་ཏེ་
Ja352a
༄#། །འོངས་སོ་ཞེས་དེ་དག་གོ་བགོས་ཏེ་ཕྱིར་འབྱུང་བར་བརྩམས་སོ། །དྲུག་སྡེ་དག་ཀྱང་སྐྱེད་མོས་ཚལ་དེ་ནས་ཕྱིར་བྱུང་བ་དང ། དེ་དག་གིས་ཡངས་པ་ཅན་གྱི་ལི་ཙ་བྱི་དག་གོ་བགོས་ཏེ་ཕྱིར་བྱུང་བ་མཐོང་ནས་དྲུག་སྡེ་དག་གིས་དེ་དག་ལ་དྲིས་པ། ཤེས་ལྡན་དག་གར་འདོང ། དེ་དག་གིས་སྨྲས་པ། འདིར་ཕ་གསོད་པ་འོངས་པས་དེ་དང་གཡུལ་དགྱེ་བའི་ཕྱིར་སུར་འདོང་ངོ ། །དེ་དག་ལ་འདུག་།དེ་དག་གིས་སྨྲས་པ། འདིར་ལུས་འཕགས་མའི་བུ་མ་ག་དྷར་བྱུང་བའི་རྒྱལ་པོ་མ་སྐྱེས་དགྲའི་གཡུལ་ངོར་སྤྱད་པའི་རོལ་མོའི་སྒྲ་བྱུང་ངོ ། །ཤེས་ལྡན་དག་དེ་ནི་ཁོ་བོ་ཅག་གིས་བཞད་གད་བྱས་པ་ཡིན་ན་ཁྱེད་ཅག་དེ་ལྟར་བྲེད་ངས་སམ། དེ་དག་གིས་སྨྲས་པ། འཕགས་པ་དག་ཁྱེད་ཀྱིས་རོལ་མོའི་སྒྲའི་ཡོ་བྱད་དེ་དག་སྒྲ་ཕྱུང་ངམ། དྲུག་སྡེ་དག་གིས་སྨྲས་པ། ཁོ་བོ་ཅག་གིས་སྒྲ་ཕྱུང་ངོ ། །དེ་དག་གིས་སྨྲས་པ། འཕགས་པ་དག་ཡངས་པ་ཅན་གྱི་ལི་ཙ་བྱི་དག་སྡངས་པས་ཁྱེད་ལ་གནོད་པ་བྱེད་ན་མི་རུང་གི་།སླར་ལོག་ཅིག་།དེ་དག་ཕྱིར་ལོག་པ་དང་དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་ཁྱེད་ཅག་ཇི་སྟེ་ཕྱིར་ལོག་།དྲུག་སྡེ་དག་གིས་སྨྲས་པ། ཚེ་དང་ལྡན་པ་དག་ཁོ་བོ་ཅག་དེའུ་གསད་དོ། ། སུས། ཡངས་པ་ཅན་གྱི་ལི་ཙ་བྱི་དག་གིས་སོ། །ཅིའི་ཕྱིར་དེ་དག་གིས་སྐབས་དེ་རྒྱས་པར་བརྗོད་པ་དང་དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་མི་མཛེས་པ་དེ་ལྟ་བུ་བྱེད་ཅེས་སྨོད་པར་
Ja352b
བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་ཀྱིས་མི་མཛེས་པ་དེ་ལྟ་བུ་དེ་བྱས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་རིན་པོ་ཆེའམ་རིན་པོ་ཆེར་སྨོས་པ་རང་གི་ལག་གིས་ལེན་ཏམ་ལེན་དུ་འཇུག་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །དེ་ནས་བཅོམ་ལྡན་འདས་
Ja353a
༄#། །ཡངས་པ་ཅན་དུ་ཅི་དགྱེས་པར་བཞུགས་ནས། མཉན་ཡོད་ག་ལ་བ་དེར་ལོགས་སུ་ལྗོངས་རྒྱུ་ཞིང་གཤེགས་ནས་མཐར་གྱིས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ནས་མཉན་ཡོད་ན་ཤར་གྱི་ཀུན་དགའ་ར་བ་རི་དྭགས་འཛིན་གྱི་མིའི་ཁང་བཟང་ན་བཞུགས་སོ། །རི་དྭགས་འཛིན་གྱི་མ་ས་གས་བཅོམ་ལྡན་འདས་ཀོ་ས་ལ་དག་ཏུ་ལྗོངས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ནས། མཉན་ཡོད་ན་བདག་གི་ཁང་བཟང་ན་བཞུགས་ཞེས་ཐོས་སོ། །ཐོས་ནས་ཀྱང་རྒྱན་ཐམས་ཅད་ཀྱིས་བརྒྱན་ཏེ་མཉན་ཡོད་ནས་བྱུང་ནས་བཅོམ་ལྡན་འདས་ག་ལ་བ་དེར་སོང་ངོ ། །དེ་ངོ་ཚ་དང་ལྡན་པ་ཡིན་པས་དེས་རྒྱན་བཀྲོལ་ཏེ་ཐུམ་པོར་བཅིངས་ནས་བུ་མོའི་ལག་ཏུ་བྱིན་ཏེ་དེ་བཅོམ་ལྡན་འདས་ཀྱིས་སྤྱན་སྔར་སོང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།དེ་ན་ཧ་ཅང་ཐག་མི་རིང་བ་ན་སྣ་མའི་ཡལ་ག་མེ་ཏོག་རྒྱས་པ་ཞིག་འདུག་ནས་བུ་མོ་དེས་དེ་མཐོང་ནས་བསམས་པ། འདི་ལས་མེ་ཏོག་དག་གཏོགས་ཏེ་བཅོམ་ལྡན་འདས་ལ་མེ་ཏོག་སིལ་མ་དག་གིས་གཏོར་གྱི། འཐོག་ཏུ་འགྲོའོ་སྙམ་ནས་དེས་རྒྱན་དེ་མཐའ་གཅིག་ཏུ་བཞག་སྟེ་སྣ་མའི་ཡལ་ག་དེ་ལས་མེ་ཏོག་དག་གཏོགས་ནས་བཅོམ་ལྡན་འདས་ལ་མེ་ཏོག་སིལ་མ་དག་གིས་གཏོར་ཏེ་མཐའ་གཅིག་ཏུ་འདུག་གོ་།བཅོམ་ལྡན་འདས་ཀྱིས་དེ་ལ་ཡུན་
Ja353b
རིང་དུ་ཆོས་བསྟན་ནས་དེ་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་སོང་བ་དང་རྒྱན་གྱི་ཐུམ་པོ་དེ་ཉིད་དུ་བརྗེད་དེ་ལུས་སོ། །ཚེ་དང་ལྡན་པ་ཀུན་དགའ་བོས་དེས་རྒྱན་དེ་བོར་ཏེ་སོང་བ་མཐོང་ནས་དེས་བསམས་པ། འདི་ལྟར་བཅོམ་ལྡན་འདས་ཀྱིས་མ་གནང་མོད་ཀྱི་འདི་ཉིད་རྐྱེན་དུ་མཛད་དེ། གནང་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་ནས་དེ་ནས་ཚེ་དང་ལྡན་པ་ཀུན་དགའ་བོས་རྒྱན་དེ་སྦེད་དུ་བཅུག་ནས། བཅོམ་ལྡན་འདས་ག་ལ་བ་དེར་སོང་སྟེ། ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ ། མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་རི་དྭགས་འཛིན་གྱི་མ་ས་གས་རྒྱན་བསྐྱུད་དེ་མཆིས་ནས་བདག་ལ་བློ་སྐྱེས་པ་འདི་ལྟར་བཅོམ་ལྡན་འདས་ཀྱིས་མ་གནང་མོད་ཀྱི་འདི་ཉིད་རྐྱེན་དུ་མཛད་དེ་གནང་བར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ་སྙམ་ནས་བདག་གིས་རྒྱན་དེ་སྦེད་དུ་སྩལ་ཏོ། །ཀུན་དགའ་བོ་འདི་ལྟར་ངས་མ་གནང་ཡང་གནང་བར་འགྱུར་བ་གང་ཡིན་པ་དེ་ཁྱོད་ཀྱིས་ཤེས་པ་ལེགས་སོ་ལེགས་སོ། །ཀུན་དགའ་བོ་དེ་ལ་བས་ན་ཀུན་དགའི་ར་བར་གཏོགས་པ་ན་འདུག་པའམ་གནས་ཁང་དུ་གཏོགས་པ་ན་འདུག་པ་མ་གཏོགས་སོ། །བུད་མེད་ཀྱི་ཡུལ་ནི་རྒྱན་ལ་ཉེ་བར་སྤྱོད་པ་ཡིན་པས་ས་གས་ཕྱི་དེ་ཉིན་པར་རྒྱན་དེ་དྲན་པས་དེས་བུ་
Ja354a
༄#། །མོ་དེ་ལ་སྨྲས་པ། བུ་མོ་རྒྱན་ག་རེ། བུ་མོས་སྨྲས་པ། ཇོ་མོ་དེ་ཉིད་དུ་བསྒྱུད་དོ། །དེས་སྨྲས་པ། སོང་ལ་ལོང་ཞིག་།དེའི་བུ་དག་གིས་དེ་ཐོས་ནས། དེ་དག་གིས་སྨྲས་པ། ཡུམ་མཛོད་ཁང་དུ་བཞག་པར་མཁྱེན་ནམ་ཅི་ག་ལས་བླངས་ཏེ་མཆི་བར་འགྱུར། ས་གས་བུ་རྣམས་ལ་སྨྲས་པ། བུ་དག་ཁོ་མོ་ནི་ནོར་ཆུད་མི་ཟ་བ་ཡིན་ནོ། །དེ་ནས་བུ་མོ་དེ་ཚེ་དང་ལྡན་པ་ཀུན་དགའ་བོའི་གན་དུ་སོང་བ་དང་ཚེ་དང་ལྡན་པ་ཀུན་དགའ་བོས་སྨྲས་པ། བུ་མོ་ཅི་ལ་འོངས། བུ་མོས་སྨྲས་པ། འཕགས་པ་ཇོ་མོས་རྒྱན་བསྐྱུད་དོ། ། ཚེ་དང་ལྡན་པ་ཀུན་དགའ་བོས་སྨྲས་པ། འདི་ན་འདུག་གི། ཁྱེར་ཏེ་སོང་ཞིག་།བུ་མོ་དེས་ཁྱེར་ཏེ་སོང་ནས་ས་ག་ལ་སྨྲས་པ། ཇོ་མོ་རྒྱན་དེ་འཚལ་ཏེ་མཆིས་པ་འདི་ལགས་སོ། །ས་གས་བུ་རྣམས་ལ་སྨྲས་པ། བུ་དག་རྒྱན་དེ་ཁྱེར་ཏེ་འོངས་པ་འདི་ཡིན་ཏེ། ཁོ་མོས་ཁོ་མོ་ནི་ནོར་ཆུད་མི་ཟ་བར་ཡིན་ནོ། །ཞེས་མ་སྨྲས་སམ། བུ་དེ་དག་གིས་བུ་མོ་དེ་ལ་དྲིས་པ། བུ་མོ་འཕགས་པ་གང་གིས་སྦེད་དུ་བཅུག་པར་གྱུར། བུ་མོས་སྨྲས་པ། འཕགས་པ་ཀུན་དགའ་བོས་སོ། །དེ་དག་གིས་སྨྲས་པ། འཕགས་པ་ཀུན་དགའ་བོས་གཟིགས་པས། དེས་ན་ཐོབ་པར་ཟད་ཀྱི་གལ་ཏེ་དྲུག་སྡེ་དག་གིས་མཐོང་བར་གྱུར་ཏུ་ཟིན་ན་དེ་དག་གིས་བཅའ་བའི་རིན་དུ་བྱིན་གྱིས་བརླབ་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །དེ་དག་གིས་དེ་བདག་ཅག་གིས་
Ja354b
མ་འདི་ནོར་ཆུད་ཟ་བ་ཡིན་ནམ་མ་ཡིན་པ་བརྟགས་ན་ཤེས་པར་འགྱུར་རོ་སྙམ་ནས་དེ་དག་གིས་མའི་སོར་གདུབ་རྒྱ་བླངས་ཏེ་ཁྲོན་པའི་ནང་དུ་བཅུག་པ་དང ། ས་གས་བུ་མོ་མངག་གཞུག་མ་ལ་སྨྲས་པ། བུ་མོ་ཆུ་ཆུས་ཤིག་ཁྲུས་བྱའོ། །བུ་མོ་དེས་ཆུ་བཅུ་བར་བརྩམས་པ་དང ། དེའི་བུམ་པའི་ནང་དུ་སོར་གདུབ་རྒྱ་དེ་ཆུད་ནས། ས་ག་ཁྲུས་བྱེད་པ་ན་སོར་གདུབ་རྒྱ་དེ་ཕང་པར་ལྷུང་ནས། ས་གས་བུ་རྣམས་ལ་བསྟན་ཏེ་སྨྲས་པ། བུ་དག་ཁོ་མོས་ཁོ་མོ་ནི་ནོར་ཆུད་མི་ཟ་བ་ཡིན་ནོ། །ཞེས་མ་སྨྲས་སམ། ཡང་དེ་དག་གིས་སོར་གདུབ་རྒྱ་དེ་ཆུ་ཀླུང་གནས་ཅན་གྱི་ནང་དུ་འཕངས་པ་དང ། དེ་ཉ་བོ་ཆེས་མིད་ནས་ཉ་བོ་ཆེ་དེ་ཉ་བ་དག་གིས་རྒྱ་མོས་བཅུས་ཏེ་ཕྱུང་ངོ ། །ས་གའི་བུ་མོ་མངག་གཞུག་མ་ཉ་ཤའི་ཕྱིར་ཆོང་འདུས་སུ་སོང་ནས་དེས་ཉ་པ་ལས་ཉ་བོ་ཆེ་དེ་ཉོས་ཏེ་བཤས་པ་དང ། ཇི་ཙམ་ན་དེའི་ལྟོ་ནས་སོར་གདུབ་རྒྱ་དེ་བྱུང་བ་མཐོང་ནས་དེས་ས་ག་ལ་སྨྲས་པ། ཇོ་མོ་སོར་གདུབ་རྒྱ་དེ་འདི་ལགས་སོ། །ས་གས་བུ་རྣམས་ལ་དེ་བསྟན་ཏེ་སྨྲས་པ། བུ་དག་ཁོ་མོས་ཁོ་མོ་ནི་ནོར་ཆུད་མི་ཟ་བ་ཡིན་ནོ་ཞེས་མ་སྨྲས་སམ། བུ་དེ་དག་གིས་སྨྲས་པ། ཡུམ་ནོར་ཆུད་མི་ཟ་བར་ལགས་སམ། མ་ལགས་པ་ད་དུང་ཡང་བརྟག་པར་བགྱིའོ། །ཞེས་དེ་དག་གིས་དེ་ན་ར་དག་གིས་སྲེ་མོ་ལྟ་བུའི་རྐྱལ་བུ་བཀང་སྟེ་ལམ་པོ་ཆེའི་བཞི་མདོར་བོར་བ་དང ། སྐྱེ་བོ་ཕལ་པོ་ཆེ་དེ་ནས་འགྲོ་བས་མཐོང་ནས་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ་ཞེས་ཡོངས་སུ་སྤངས་ཏེ་
Ja355a
༄#། །འགྲོ་ཞིང་འགའ་ཡང་ལེན་པར་མི་བྱེད་ནས། དེ་དག་གིས་སྨྲས་པ། འདི་ནི་སྲེ་མོ་ལྟ་བུའི་རྐྱལ་བུ་དེ་ན་ར་དག་གིས་གང་བ་འདུག་ན་མི་ལེན་ཏམ། དེ་དག་གིས་སྨྲས་པ། འདི་ནི་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་གྱི་སྲེ་མོ་ལྟ་བུ་རྐྱལ་བུ་དེ་ན་ར་དག་གིས་གང་བ་མ་ཡིན་གྱི། མི་ལེན་ཏོ། །དེ་ནས་བུ་དག་ལྷགས་ཏེ་མ་ལ་སྨྲས་པ། ཡུམ་ཁྱོད་ནི་ནོར་ཆུད་མི་ཟ་བ་ལགས་མད་དོ། །ཐམས་ཅད་དུ་ཡང་རི་དྭགས་འཛིན་གྱི་མ་ས་ག་ནི་ནོར་ཆུད་མི་ཟ་བ་ཡིན་བདེན་ནོ་ཞེས་སྒྲ་གྲགས་པར་གྱུར་ཏོ། །དགེ་སློང་གིས་ཀུན་དགའི་ར་བར་གཏོགས་པར་སྲེ་མོ་ལྟ་བུ་རྐྱལ་བུ་དེ་ན་ར་དག་གིས་གང་བ་ཞིག་ལྷུང་བ་མཐོང་ནས་ཕྱོགས་དེར་མི་ཞིག་འོངས་པ་དང ། དགེ་སློང་དེས་མི་དེ་ལ་སྨྲས་པ། ཀྱེ་ནང་རྗེ་སྲེ་མོ་ལྟ་བུའི་རྐྱལ་བུ་འདི་ཁྱོད་ཀྱི་མ་ཡིན་ནམ། འཕགས་པ་ལགས་སོ། །ཁྱེར་ཏེ་སོང་ཞིག་།དེས་དེ་ཁྱེར་ཏེ་མྱུར་བ་མྱུར་བར་སོང་བ་དང ། མི་གཞན་ཞིག་མགོ་རྡུལ་གྱིས་གང་སྟེ་ངུ་ཞིང་འོངས་ནས་དེས་སྨྲས་པ། འཕགས་པ་ཁྱོད་ཀྱིས་སྲེ་མོ་ལྟ་བུའི་རྐྱལ་བུ་ཞིག་གཟིགས་སམ། དགེ་སློང་དེས་སྨྲས་པ། མི་ཞིག་གིས་ཁྱེར་ཏེ་སོང་ངོ ། །དེས་སྲེ་མོ་ལྟ་བུའི་རྐྱལ་བུ་དེ་མ་རྙེད་པ་ན་སྨྱོས་ཤིང་སེམས་འཁྲུགས་པས་དེ་དང་དེར་ཚོལ་བ་ན་ཚུལ་མ་ཡིན་པས་སྡུག་བསྔལ་བར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་གྱ་
Ja355b
ཚོམ་དུ་སྨྲ་བར་མི་བྱ་བར་དེ་ལ་སྲེ་མོ་ལྟ་བུའི་རྐྱལ་བུ་ཅི་འདྲ་བ་ཞིག་སྲང་དུ་བ་ཞིག་ཅེས་དྲི་བར་བྱའོ། །གལ་ཏེ་རྟགས་ལ་བབ་པར་སྨྲ་ན་སྦྱིན་པར་བྱའོ། །གལ་ཏེ་རྟགས་ལ་མ་བབ་པར་སྨན་སྦྱིན་པར་མི་བྱའོ། །དེ་དག་གིས་དེ་དེར་བོར་ཏེ་དོང་བ་ན་དེ་གཞན་དག་གིས་བརྐུས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་བོར་ཏེ་འདོང་བར་མི་བྱ་བར་འགྲོ་བའི་ལམ་གཡོགས་སུ་སའམ་ལོ་མའི་ཚོགས་དག་གིས་གཡོག་པར་བྱའོ། །དེ་དག་གིས་དེ་ཡལ་བ་ཁོ་ནར་བོར་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ཡལ་བར་དོར་བར་མི་བྱ་བར་ཞག་བདུན་ནམ་བརྒྱད་དུ་དེར་སོང་སྟེ་བསྡད་པར་བྱའོ། །གལ་ཏེ་བདག་པོ་འོངས་ཤིང་རྟགས་ལ་བབ་པར་སྨྲ་ན་སྦྱིན་པར་བྱའོ། །གལ་ཏེ་མ་འོངས་ན་དེའི་འོག་ཏུ་དགེ་འདུན་གྱི་མཛོད་དུ་བཅུག་སྟེ་གཞག་པར་བྱའོ། །གལ་ཏེ་བདག་བོ་ཟླ་བ་དྲུག་འདས་ནས་འོངས་ཤིང་རྟགས་ལ་བབ་པར་སྨྲ་ན་སྦྱིན་པར་བྱའོ། །གལ་ཏེ་མ་འོངས་ན་དེའི་འོག་ཏུ་དངོས་པོ་བརྟན་པོར་བཙོངས་ཏེ་གཞག་པར་བྱའོ། །གལ་ཏེ་དེའི་ཚེ་བདག་པོ་འོངས་པར་གྱུར་ན་དེ་ལ་དེ་དངོས་པོ་འདིར་བཙོངས་ཀྱི། རྗེས་སུ་ཡི་རང་བར་གྱིས་ཤིག་ཅེས་བརྗོད་པར་བྱའོ། །གལ་ཏེ་རྗེས་སུ་ཡི་རང་ན་དེ་ལྟ་ན་ལེགས། གལ་ཏེ་རྗེས་སུ་ཡི་རང་བར་མི་བྱེད་ན་སྦྱིན་པར་བྱའོ། །གལ་ཏེ་སྐྱེད་སློང་ན་ཁོ་བོ་ཅག་གིས་ཡོངས་སུ་བསྐྱངས་པ་གང་ཡིན་པ་དེ་ཉིད་དྲིན་ཆེ་བར་མི་སེམས་སམ།ཁྱེར་ཏེ་སོང་ཞིག་ཅེས་བརྗོད་པར་བྱའོ། །དེ་ལྟ་བས་ན་ཀུན་དགའི་ར་བར་
Ja356a
༄#། །གཏོགས་པ་ན་འདུག་པའམ་གནས་ཁང་དུ་གཏོགས་པ་ན་འདུག་པ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་བར་བྱ་སྟེ། ཡང་དགེ་སློང་གང་རིན་པོ་ཆེའམ། རིན་པོ་ཆེར་སྨོས་པ་རང་གི་ལག་གིས་ལེན་ཏམ་ལེན་དུ་འཇུད་ན་ཀུན་དགའི་ར་བར་གཏོགས་པ་ན་འདུག་པའམ། གནས་ཁང་དུ་གཏོགས་པ་ན་འདུག་པ་མ་གཏོགས་ཏེ་ལྟུང་བྱེད་དོ། །དགེ་སློང་གིས་ཀུན་དགའི་ར་བར་གཏོགས་པའམ། གནས་ཁང་དུ་གཏོགས་པ་ན་རིན་པོ་ཆེའམ། རིན་པོ་ཆེར་སྨོས་པ་འདུག་པ་ལ་འདི་སུའི་ཡིན་པ་དེ་ལེན་པར་འགྱུར་གྲང་སྙམ་པ་དེ་ལྟ་བུའི་སེམས་ཀྱིས་བླང་བར་བྱ་སྟེ། དེ་ལ་དེ་ནི་ཆོ་ག་ཡིན་ནོ། །ཡང་དགེ་སློང་གང་ཞེས་བྱ་བ་ནི་དྲུག་སྡེའམ་གཞན་ཡང་དེ་ལྟ་བུ་གང་ཡིན་པའོ། །རིན་པོ་ཆེའམ་ཞེས་བྱ་བ་ལ་རིན་པོ་ཆེ་ཞེས་བྱ་བ་ནི་ནོར་བུ་དག་དང་མུ་ཏིག་དག་དང་བཻ་ཌཱུརྱ་དང་མན་ཤེལ་དཀར་པོ་དང་བྱི་རུ་དང་གསེར་དང་དངུལ་དང ། རྡོའི་སྙིང་པོ་དང་སྤུག་དང་དམར་པོ་དང །
Ja356b
གཡས་སུ་འཁྱིལ་བའོ། །རིན་པོ་ཆེར་སྨོས་པ་ཞེས་བྱ་བ་ལ་རིན་པོ་ཆེར་སྨོས་པ་ཞེས་བྱ་བ་ནི། གཡུལ་ངོར་སྤྱད་པའི་མཚོན་ཆ་ཐམས་ཅད་དང་རོལ་མོར་སྤྱད་པའི་ཡོ་བྱད་ཐམས་ཅད་དོ། ། རང་གི་ལག་གིས་ཞེས་བྱ་བ་ནི་ལག་པས་ལག་པར་རོ། །ལེན་ཏམ་ཞེས་བྱ་བ་ནི་བདག་ཉིད་ཀྱིས་སོ། །ལེན་དུ་འཇུད་ན་ཞེས་བྱ་བ་ནི་གཞན་ནོ། །ཀུན་དགའི་ར་བར་གཏོགས་པ་ན་འདུག་པ་ཞེས་བྱ་བ་ནི་ཀུན་དགའ་ར་བའི་ཕྱི་རོལ་ནའོ། །གནས་ཁང་དུ་གཏོགས་པ་ན་འདུག་པ་ཞེས་བྱ་བ་ནི་ཀུན་དགའི་ར་བའི་ནང་ནའོ། །མ་གཏོགས་ཏེ་ཞེས་བྱ་བ་ནི་ཀུན་དགའི་ར་བར་གཏོགས་པ་ན་འདུག་པ་འམ། གནས་ཁང་དུ་གཏོགས་པ་ན་འདུག་པ་ན་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། དགེ་སློང་གིས་ཞེས་བྱ་བ་ནི་ཆོས་འདི་པས་སོ། །ཀུན་དགའི་ར་བར་གཏོགས་པའམ། གནས་ཁང་དུ་གཏོགས་པ་ན་རིན་པོ་ཆེའམ་རིན་པོ་ཆེར་སྨོས་པ་འདུག་པ་ལ་འདི་སུའི་ཡིན་པ་དེ་ལེན་པར་འགྱུར་གྲང་སྙམ་པ་དེ་ལྟ་བུའི་སེམས་ཀྱིས་བླང་བར་བྱ་སྟེ། དེ་ལ་དེ་ནི་ཆོ་ག་ཡིན་ནོ་ཞེས་བྱ་བ་ལ་དེ་ལ་དེ་ནི་རྗེས་སུ་མཐུན་པའི་ཆོས་ཡིན་པའོ། །དེ་ལ་ལྟུང་བ་ཇི་
Ja357a
༄#། །ལྟར་འགྱུར་ཞེ་ན། བར་སྡོམ་ལ། ནོར་བུ་མགུལ་རྒྱན་པི་ཝང་དང ། དུང་དང་གཞུ་དང་མདའ་དང་ནི། །སྐུ་གཟུགས་སྐུ་གདུང་བཅས་པ་དང ། །སྔོན་གྱི་ཚུལ་ནི་ཐ་མ་ཡིན། །དགེ་སློང་གིས་ནོར་བུ་ལེན་ན་བདར་བ་ལེན་ན་ལྟུང་བྱེད་དུ་འགྱུར་ལ། མ་བདར་བ་ལེན་ན་ཉེས་བྱས་སུ་འགྱུར་རོ། །ནོར་བུ་ཇི་ལྟ་བ་བཞིན་དུ་མུ་ཏིག་དང་བཻ་ཌཱུརྱ་དང་མན་ཤེལ་དཀར་པོ་དང་བྱི་རུ་དང་དངུལ་དང་གསེར་དང་རྡོའི་སྙིང་པོ་དང ། སྤུག་དང་དམར་པོ་དང་གཡས་སུ་འཁྱིལ་བ་ཡང་དེ་བཞིན་ནོ། །ཐ་ན་ནོར་བུ་མཆིང་བུ་ལེན་ན་ཡང་ཉེས་བྱས་སུ་འགྱུར་རོ། །དགེ་སློང་གིས་མགུལ་རྒྱན་ལེན་ན་ལྟུང་བྱེད་དུ་འགྱུར་རོ། །མགུལ་རྒྱན་ཇི་ལྟ་བ་བཞིན་དུ་གདུ་བུ་རྒྱན་ཅན་དང་དཔུང་རྒྱན་དང་ངོ་ཤལ་དང་སེན་མོ་དོ་ཡང་དེ་བཞིན་ནོ། །ཐ་ན་སོག་མའི་ཕྲེང་བ་ལེན་ན་ཡང་ཉེས་བྱས་སུ་འགྱུར་རོ། །དགེ་སློང་གིས་པི་ཝང་ལེན་ན་རྒྱུད་དང་བཅས་པ་ལེན་ན་ལྟུང་བྱེད་དུ་འགྱུར་ལ། རྒྱུད་མེད་པ་ལེན་ན་ཉེས་བྱས་སུ་འགྱུར་རོ། །པི་ཝང་ཇི་ལྟ་བ་དེ་བཞིན་དུ་འོད་མ་དང་བལ་ལ་རི་དང་མ་ཧ་ཏི་དང་སུ་གྷོ་ཤ་ཀ་ཡང་དེ་བཞིན་ནོ། །ཐ་ན་མཆུ་སྦྲང་ལེན་ན་ཡང་ཉེས་བྱས་སུ་འགྱུར་རོ། །དགེ་སློང་གིས་དུང་ལེན་ན་སྒྲ་འབྱིན་པ་ལེན་ན་ལྟུང་བྱེད་དུ་འགྱུར་ལ། སྒྲ་མི་འབྱིན་པ་ལེན་ན་ཉེས་བྱས་སུ་འགྱུར་རོ། །དུང་ཇི་ལྟ་བ་བཞིན་དུ་རྔ་བོ་ཆེ་དང ། རྔ་པ་ཊ་ཧ་དང ། རྫ་རྔ་ཡང་དེ་བཞིན་ནོ། །ཐ་ན་རྫ་རྔ་ཁ་ཅིག་པ་ལེན་ན་ཡང་ཉེས་བྱས་སུ་འགྱུར་རོ། །དགེ་སློང་གིས་
Ja357b
གཞུ་ལེན་ན་རྒྱུད་དང་བཅས་པ་ལེན་ན་ལྟུང་བྱེད་དུ་འགྱུར་ལ། རྒྱུད་མེད་པ་ལེན་ན་ཉེས་བྱས་སུ་འགྱུར་རོ། །གཞུ་ཇི་ལྟ་བ་བཞིན་དུ་རལ་གྲི་དང་རལ་གྲི་ཁྱོག་པོ་དང་རལ་གྲི་སོ་གཉིས་པ་དང ། མདུང་དང་འཕང་མདུང་དང་ལྕགས་ཀྱོ་ཡང་དེ་བཞིན་ནོ། །ཐ་ན་གཞུ་ལེན་ན་ཉེས་བྱས་སུ་འགྱུར་རོ། །དགེ་སློང་གིས་མདའ་ལེན་ན་མདེའུ་དང་བཅས་པ་ལེན་ན་ལྟུང་བྱེད་དུ་འགྱུར་ལ། མདེའུ་མེད་པ་ལེན་ན་ཉེས་བྱས་སུ་འགྱུར་རོ། །མདའ་ཇི་ལྟ་བ་བཞིན་དུ་ལྕགས་མདའ་དང ། མདའ་ཕྱེད་ལྕགས་ལས་བྱས་པ་ཡང་དེ་བཞིན་ནོ། །ཐ་ན་མདའ་ལྟར་བཅོས་པ་ལེན་ན་ཉེས་བྱས་སུ་འགྱུར་རོ། །དགེ་སློང་གིས་སྐུ་གཟུགས་ལེན་ན་སྐུ་གདུང་དང་བཅས་པ་ལེན་ན་ལྟུང་བྱེད་དུ་འགྱུར་ལ། སྐུ་གདུང་མེད་པ་ལེན་ན་ཉེས་བྱས་སུ་འགྱུར་རོ། །སྟོན་པའི་འདུ་ཤེས་ཉེ་བར་བཞག་སྟེ་ལེན་ན་ལྟུང་བ་མེད་དོ། ། ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་རྣམས་ལ་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་རི་དྭགས་འཛིན་གྱི་མ་ས་གས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་ནོར་ཆབ་མི་འཚལ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རི་དྭགས་འཛིན་གྱི་མ་ས་གཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ་འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འགྱུར་པ་དག་བྱས་ཤིང་བསགས་
Ja358a
༄#། །པས་རི་དྭགས་འཛིན་གྱི་མ་ས་གཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི་འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་བསྐལ་པ་ཆེན་པོ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་ངོ ། །གང་གི་ཚེ་ཡང་དག་པར་རྫོགས་པའི་སངས་རྒྱས་འོད་སྲུང་གིས་སངས་རྒྱས་ཀྱི་མཛད་པ་མཐའ་ད་མཛད་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་ལས་འདས་པ་དེའི་ཚེ་ན། རྒྱལ་པོ་ཀྲི་ཀྲི་ཞེས་བྱ་བ་རྒྱལ་སྲིད་དང་འབྱོར་པ་དང་རྒྱས་པ་བདེ་བ་ལོ་ལེགས་པ། སྐྱེ་
Ja358b
བོ་དང་མི་མང་པོས་གང་བ། འཐབ་མོ་དང་འཐབ་པ་དང་འཁྲུག་ལོང་དང་ནང་འཁྲུག་དག་རབ་ཏུ་ཞི་བ། ཆོམ་རྐུན་དང་མུ་གེ་དང་ནད་དང་བྲལ་བ། སཱ་ལུ་དང་བུ་རམ་ཤིང་གི་ཕྲེང་བ་དང ། བ་ལང་དང་མ་ཧེ་ཕུན་སུམ་ཚོགས་པ་བྱེད་དུ་འཇུག་པ་ཆོས་དང་ལྡན་པ་ཆོས་ཀྱི་རྒྱལ་པོ་ཆོས་ཀྱི་རྒྱལ་སྲིད་བྱེད་དུ་འཇུད་པའི་རིན་པོ་ཆེ་སྣ་བཞི་ལས་བྱས་པའི་མཆོད་རྟེན་རྒྱར་དཔག་ཚད་གཅིག་པ་ཕང་དུ་དཔག་ཚད་ཕྱེད་པ་བྱེད་དུ་བཅུག་གོ་།དེ་ན་བུད་མེད་རྒན་མོ་སྐྱབས་སུ་འགྲོ་བ་དང་བསླབ་པའི་གཞི་བླངས་པ་གཅིག་ཅིག་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་བསྙེན་བཀུར་བྱེད་ཅིང་འདུག་གོ་།དེ་ནས་རྒྱལ་པོ་ཀྲི་ཀྲི་དཔྱིད་ཀྱི་དུས་ཀྱི་ཚེ་ཤིང་ལྗོན་པ་མེ་ཏོག་ཁ་བྱེ་ཞིང་འབྲས་བུ་རྒྱས་པ་དང་ངང་པ་དང་ཁྲུང་ཁྲུང་དང་རྨ་བྱ་དང་ནེ་ཙོ་དང་རི་སྐེགས་དང ། ཁུ་བྱུག་དང ། ཤང་ཤང་ཏེའུ་སྒྲ་འབྱིན་པའི་ཚལ་གསེབ་དག་ཏུ་བཙུན་མོའི་འཁོར་དང་ལྷན་ཅིག་སྐྱེད་མོས་ཚལ་གྱི་སར་བྱུང་ནས། རྒྱལ་པོས་དེ་མྱུར་བ་མྱུར་བར་ཡང་ཝཱ་ར་ཎཱ་སིར་ཞུགས་སོ། །བཙུན་མོའི་འཁོར་གྱི་སྣ་མའི་ཡལ་ག་དག་ལ་མུ་ཏིག་གི་ཆུན་པོ་དཔྱངས་ཏེ་ཁྲུས་བྱ་བར་བརྩམས་པ་དང ། དེས་རྒྱལ་པོ་མྱུར་བ་མྱུར་བར་ཝཱ་ར་ཎཱ་སིར་ཞུགས་པ་ཐོས་ནས་དེ་ཡང་བརྟད་པ་དང་བཅས་པས་མུ་ཏིག་གི་ཆུན་པོ་བརྗེད་དེ་པོར་ནས་ཝཱ་ར་ཎཱ་སིར་ཞུགས་སོ། །བུད་མེད་རྒན་མོ་དེས་མུ་ཏིག་གི་ཆུན་པོ་དེ་མཐོང་ནས། དེས་མུ་ཏིག་གི་ཆུན་པོ་དེ་སྨྱུག་མ་ལ་བཏགས་ཏེ་བཞག་གོ་།བུད་མེད་ཀྱི་ཡུལ་ནི་རྒྱན་ལ་ཉེ་བར་སྤྱོད་པ་ཡིན་པས་དེས་ཕྱི་དེ་ཉིན་
Ja359a
༄#། །པར་རྒྱན་དེ་དྲན་ནས། དེས་རྒྱལ་པོ་ལ་གསོལ་པ་དང ། རྒྱལ་པོ་ཞོ་ཤས་འཚོ་བ་དག་དེར་བཏང་ནས་དེ་དག་གིས་མུ་ཏིག་གི་ཆུན་པོ་སྨྱུག་མ་ལ་བཏགས་པ་དེ་མཐོང་བ་དང ། དེ་དག་གིས་བུད་མེད་རྒན་མོ་ལ་དྲིས་པ། མུ་ཏིག་གི་ཆུན་པོ་འདི་སུས་སྨྱུག་མ་ལ་བཏགས་ཏེ་བཞག་།རྒན་མོས་སྨྲས་པ། ཁོ་མོས་སོ། །དེ་དག་གིས་མུ་ཏིག་གི་ཆུན་པོ་དེ་རྒྱལ་པོ་ལ་ཕུལ་བ་དང ། རྒྱལ་པོས་ཞོ་ཤས་འཚོ་བ་དག་ལ་སྨྲས་པ། ཁྱེད་ཅག་གིས་དེ་ག་ལས་རྙེད། དེ་དག་གིས་སྨྲས་པ། བུད་མེད་རྒན་མོ་ཞིག་གིས་སྨྱུག་མ་ལ་བཏགས་ཏེ་བཞག་པ་དེ་ནས་བདག་གིས་རྙེད་དོ། །རྒྱལ་པོས་སྨྲས་པ། བུད་མེད་རྒན་མོ་དེ་བོས་ཤིག་།དེ་དག་གིས་བོས་ཏེ་སྨྲས་པ། ལྷ་བུད་མེད་རྒན་མོ་དེ་འདི་ལགས་སོ། །རྒྱལ་པོས་སྨྲས་པ། ཁྱེད་ཀྱིས་མུ་ཏིག་གི་ཆུན་པོ་འདི་སྨྱུག་མ་ལ་བཏགས་ཏེ་བཞག་པ་བདེན་ནམ། རྒན་མོས་སྨྲས་པ། ལྷ་མད་དོ། །རྒྱལ་པོས་སྨྲས་པ། ཁྱོད་དེ་ལ་འདོད་པ་མ་སྐྱེས་སམ། རྒན་མོས་སྨྲས་པ། ལྷ་བདག་གིས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔ་ནས་སྐྱབས་སུ་མཆི་བ་དང་བསླབ་པའི་གཞི་དག་བླངས་པས། བདག་གཞན་གྱི་རྫས་ལ་འདོད་པའི་ཆོས་སྐྱེད་པར་ག་ལ་འགྱུར། རྒྱལ་པོ་དགའ་ནས་དེས་དེ་ལ་མུ་ཏིག་གི་ཆུན་པོ་དེ་ཉིད་བྱ་དགའ་བྱིན་ཏེ། ཁྱོད་ཀྱིར་གྱུར་གྱི། སོང་ཞིག་ཅེས་སྨྲས་སོ། །རྒན་མོ་དེས་མུ་ཏིག་གི་ཆུན་པོ་དེ་ཁྱེར་ཏེ་བཙོངས་ནས་བཅོམ་ལྡན་འདས་ཡང་དག་པར་རྫོགས་
Ja359b
བའི་སངས་རྒྱས་འོད་སྲུང་གི་མཆོད་རྟེན་ལ་མཆོད་པ་དང ། བསྙེན་བཀུར་བྱས་ཏེ། ཞབས་གཉིས་ལ་གཏུགས་ནས། སྨོན་ལམ་འདི་སྐད་ཅེས་བདག་དགེ་བའི་རྩ་བ་འདིས་ནོར་ཆུད་མི་ཟ་བར་གྱུར་ཅིག་ཅེས་བཏབ་བོ། །དགེ་སློང་དག་དེའི་ཚེ་དེའི་དུས་ན། བུད་མེད་རྒན་མོ་གང་ཡིན་པ་དེ་ནི། རི་དྭགས་འཛིན་གྱི་མ་ས་ག་འདི་ཉིད་ཡིན་ཏེ། འདིས་དེའི་ཚེ་སྨོན་ལམ་དེ་ལྟར་བཏབ་པའི་ལས་དེའི་རྣམ་པར་སྨིན་པས་ནོར་ཆུད་མི་ཟ་བར་གྱུར་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་གནག་པ་ཡིན། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན། ལས་གཅིག་ཏུ་གནག་པ་དང ། འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས། དེ་ལྟར་བསླབ་པར་བྱའོ། །ལོངས་པའི་གཞིར་གཏོགས་པའི་ལྟུང་བྱེད་དེ། ལྔ་བཅུ་དགུ་པ་རྫོགས་སོ།། །། འདུལ་བ་རྣམ་པར་འབྱེད་པ། བམ་པོ་དྲུག་ཅུ་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་གའི་གནས་ན་བཞུགས་སོ། །རྒྱལ་པོའི་ཁབ་ན་ཆུ་དྲོན་གསུམ་ཡོད་པ་གཅིག་ཏུ་ནི་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཁྲུས་བྱེད། གཉིས་པར་ནི་བཙུན་མོའི་འཁོར་ཁྲུས་བྱེད། གསུམ་པར་ནི་གྲོང་རྡལ་གྱི་མི་དང་ཡུལ་གྱི་མི་དག་ཁྲུས་བྱེད་
Ja360a
༄#། །དོ། །མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བསམས་པ། བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་རྣམ་པ་དུ་མའི་སྒོ་ནས་ཡོ་བྱད་ཐམས་ཅད་ཀྱིས་བཏབ་ན་ཁྲུས་ཀྱིས་མ་བསྟབས་ཀྱི། བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་བཅས་པ་ལ་ཁྲུས་ཀྱིས་བསྟབ་པར་བྱའོ་སྙམ་དུ་རིག་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོ་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་འདི་སྐད་ཅེས་གསོལ་ཏོ། །བཙུན་པ་རྒྱལ་པོའི་ཁབ་འདི་ན་ཆབ་དྲོན་གསུམ་མཆིས་པ་གཅིག་ཏུ་ནི་བདག་ཁྲུས་བགྱིད། གཉིས་པར་ནི་མཆིས་བྲང་གི་འཁོར་ཁྲུས་བགྱིད། གསུམ་པར་ནི་གྲོང་རྡལ་གྱི་མི་དང་ཡུལ་གྱི་མི་དག་ཁྲུས་བགྱིད་ན། བཙུན་པ་གང་དུ་བདག་ཁྲུས་བགྱིད་པ་དེར་འཕགས་པ་དག་ཀྱང་ཁྲུས་མཛད་ཅིང་གང་གི་ཚེ་འཕགས་པ་དག་ཁྲུས་མཛད་པ་དེའི་ཚེ་ན་བདག་སྡོད་པར་བགྱིད་ལ། གང་གི་ཚེ་བདག་ཁྲུས་བགྱིད་པ་དེའི་ཚེ་ཡང་འཕགས་པ་དག་གིས་གཞེས་པར་མཛད་དུ་གསོལ། གང་དུ་མཆིས་འབྲང་གི་འཁོར་ཁྲུས་བགྱིད་པ་དེར་ཡང་འཕགས་མ་དག་ཁྲུས་མཛད་ཅིང་གང་གི་ཚེ་འཕགས་མ་དག་ཁྲུས་མཛད་པ་དེའི་ཚེ་ཡང་མཆིས་བྲང་གི་འཁོར་སྡོད་པར་བགྱིད་ལ། གང་གི་
Ja360b
ཚེ་མཆིས་བྲང་གི་འཁོར་ཁྲུས་བགྱིད་པ་དེའི་ཚེ་ཡང་འཕགས་མ་དག་གིས་གཞེས་པར་མཛད་དུ་གསོལ། །བཅོམ་ལྡན་འདས་ཀྱིས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཅང་མི་གསུང་བས་གནང་ངོ ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དྲུག་སྡེ་དག་ལ་བློ་སྐྱེས་པ་དགའ་བོ་ཉེ་དགའ་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་དད་པ་དང་ལྡན་པ་ནི་ཡིན་ན་དད་པ་ཇི་ལྟ་བུ་དང་ལྡན་པ་བལྟས་ཁྲུས་བྱེད་དུ་འདོང་ངོ་ཞེས་དེ་དག་དེར་ཁྲུས་བྱེད་དུ་དོང་ནས། དེ་དག་གིས་སྨྲས་པ། དགའ་བོ་ཉེ་དགའ་གལ་ཏེ་བདག་ཅག་ཐམས་ཅད་གཅིག་ཅར་ཁྲུས་བྱས་ན་མྱུར་དུ་ཟིན་པར་འགྱུར་གྱི། གཉིས་ཀྱིས་ཁྲུས་བྱ་ཞིང་བཞིས་གྲོགས་བྱའོ། །དེའི་འོག་ཏུ་གཉིས་ཀྱིས་ཁྲུས་བྱ་ཞིང་བཞིས་གྲོགས་བྱའོ། །དེའི་འོག་ཏུ་ཡང་གཉིས་ཀྱིས་ཀྱང་ཁྲུས་བྱ་ཞིང་བཞིས་གྲོགས་བྱའོ། །དེ་ལྟར་བྱའོ་ཞེས་དེ་དག་ལས་གཉིས་ཀྱིས་ཁྲུས་བྱ་བར་བརྩམས་ཏེ་བཞིས་གྲོགས་བྱེད་ཅིང་འདུག་གོ་།དེའི་ཚེ་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་དེར་ཁྲུས་བྱེད་དུ་འཕགས་ནས། དེས་མི་གསང་ལ་གཏོགས་པ་ལ་སྨྲས་པ། ཀཝའེ་ནང་རྗེ་སོང་ལ་ད་ལྟར་སུ་ཁྲུས་བྱེད་ལྟོས་ཤིག་།མི་དེས་ལྷ་བཀའ་བཞིན་འཚལ།
Ja361a
༄#། །ཞེས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལས་མཉན་ནས། དེར་སོང་སྟེ་བལྟས་ན་ཇི་ཙམ་ན་དྲུག་སྡེ་དག་ཁྲུས་བྱེད་པ་མཐོང་ནས་རྒྱལ་པོའི་གན་དུ་སོང་སྟེ་སྨྲས་པ། ལྷ་འཕགས་པ་དྲུག་སྡེ་དག་ཁྲུས་བགྱིད་དོ། །རྒྱལ་པོས་སྨྲས་པ། ཁྲིའུ་ཚུགས་ཤིག་དང་བསྡད་པར་བྱའོ། །དེས་ཁྲིའུ་བཙུགས་ནས་རྒྱལ་པོས་བསྡད་པ་དང ། ཇི་ཙམ་ན་ཡུན་རིང་ཞིག་ལོན་ནས་རྒྱལ་པོས་ཡང་མི་གསང་ལ་གཏོགས་པ་ལ་སྨྲས་པ། ཀཝའེ་ནང་རྗེ་སོང་ལ་ད་ལྟར་སུ་ཁྲུས་བྱེད་ལྟོས་ཤིག་།མི་དེས་ལྷ་བཀའ་བཞིན་འཚལ་ཞེས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལས་མཉན་ནས་དེར་སོང་སྟེ་བལྟས་ན་ཇི་ཙམ་ན་ཡང་དྲུག་སྡེ་དག་ཁྲུས་བྱེད་པ་མཐོང་ནས་དེ་རྒྱལ་པོའི་གན་དུ་སོང་སྟེ་སྨྲས་པ། ། ལྷ་འཕགས་པ་དྲུག་སྡེ་དེ་དག་ཉིད་ཁྲུས་བགྱིད་དོ། །རྒྱལ་པོས་ཡང་ཁྲིའུ་བཙུགས་པ་དེ་ཉིད་ལ་བསྡད་པ་དང ། ཇི་ཙམ་ན་ཡུན་རིང་ཞིག་ལོན་ནས་ཡང་རྒྱལ་པོས་མི་གསང་ལ་གཏོགས་པ་ལ་སྨྲས་པ། ཀཝའེ་ནང་རྗེ་སོང་ལ་ད་ལྟར་སུ་ཁྲུས་བྱེད་ལྟོས་ཤིག་།མི་དེས་ལྷ་བཀའ་བཞིན་འཚལ་ཞེས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལས་མཉན་ནས་དེར་སོང་སྟེ་བལྟས་ན་ཇི་ཙམ་ན་ད་རུང་ཡང་དྲུག་སྡེ་དག་ཁྲུས་བྱེད་པ་མཐོང་ནས། དེ་རྒྱལ་པོའི་གན་དུ་སོང་སྟེ་སྨྲས་པ། ལྷ་ད་དུད་ཡང་འཕགས་པ་དྲུག་སྡེ་དེ་དག་ཉིད་ཁྲུས་བགྱིད་དོ། །རྒྱལ་པོས་
Ja361b
སྨྲས་པ། ཤེས་ལྡན་དག་འོ་ན་ནི་དེ་དག་ཡུན་རིང་པོར་ད་ལ་མཐོ་འཚམ་པར་བྱེད་ཀྱི། ཆུ་འོན་ཅིག་དང་དབང་བསྐུར་བའི་ཁྲུས་ཀྱིས་ཁྲུས་བྱའོ། །དེ་དག་གིས་ཆུ་བླངས་ནས་རྒྱལ་པོས་དེ་ཉིད་དུ་དབང་བསྐུར་བའི་ཁྲུས་ཀྱིས་ཁྲུས་བྱས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཆོས་མཉན་པ་མ་མཉན་པ་ཁོ་ནར་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། དགའ་བོ་ཅིའི་ཕྱིར་རྒྱལ་པོ་གཟུགས་ཅན་སྙིང་པོས་ཆོས་མཉན་པ་མ་མཉན་པར་སོང ། བཙུན་པ་རྒྱལ་པོ་གཟུགས་ཅན་སྙིང་པོ་འདི་དྲུག་སྡེ་དག་གིས་མཐོ་བཙམས་སོ། །ཅིའི་ཕྱིར་དེས་སྐབས་དེ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ་ཉེས་དམིགས་གང་ཅུང་ཟད་བྱུང་བ་དེ་ནི་དགེ་སློང་དག་ཁྲུས་བྱེད་པ་ལས་གྱུར་པས་དེའི་ཕྱིར་དགེ་སློང་རྣམས་ཀྱིས་ཁྲུས་མི་བྱའོ་སྙམ་དུ་དགོངས་ནས་བཀའ་སྩལ་པ། དེ་ལྟ་བས་ན་དགེ་སློང་རྣམས་ཀྱིས་ཁྲུས་མི་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཁྲུས་མི་བྱའོ་ཞེས་བཀའ་སྩལ་ནས། དགེ་སློང་དག་ཕྱིན་ཆད་ཁྲུས་མི་བྱེད་པས་དེ་དག་དྲི་མའི་རྫབ་ཀྱིས་གོས་པའི་ལུས་དྲི་ང་བར་གྱུར་ནས་བྲམ་ཟེ་དང་ཁྱིམ་བདག་གིས་སྨྲས་པ། འཕགས་པ་དག་དྲི་ང་བའི་འདི་སུ་ལགས། དགེ་སློང་རྣམས་ཀྱིས་སྨྲས་པ། ཁོ་བོ་ཅག་གོ་།འཕགས་པ་དག་ཅིའི་སླད་དུ་ཁྲུས་མི་མཛད། བཅོམ་ལྡན་འདས་ཀྱིས་
Ja362a
༄#། །མ་གནང་ངོ ། །ཅི་ཁྱེད་ཅག་དྲི་མའི་རྫབ་འཆང་བས་དག་པར་འགྱུར་རམ། ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཟླ་བ་ཕྱེད་ཕྱེད་ཅིང་ཁྲུས་བྱ་བར་གནང་ངོ ། བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་ཁྲུས་བྱའོ། །ཞེས་བཀའ་སྩལ་ནས་སོ་གའི་དུས་ལ་བབ་པ་དང་དགེ་སློང་དག་ཚ་བས་སྙོམ་ནས། དེ་དག་སྐྱ་བོ་བསེང་བསེང་བོར་གྱུར་ཅིང་རིད་པ་དང་ཉམ་ཆུང་བ་དང་རྐེ་བ་དང་ལུས་མ་ཐོབ་པར་གྱུར་ནས། བྲམ་ཟེ་དང་ཁྱིམ་བདག་དད་པ་ཅན་དག་གིས་སྨྲས་པ། འཕགས་པ་དག་ཅིའི་སླད་དུ་ཁྱེད་སྐྱ་བོ་བསེར་བསེང་བོར་གྱུར་ཅིང་རིད་པ་དང་ཉམ་ཆུང་བ་དང་རྐེ་བ་དང་ལུས་མ་ཐོབ་པར་གྱུར། དགེ་སློང་རྣམས་ཀྱིས་སྨྲས་པ། ཚ་བས་སྙོམ་མོ། ། ཅིའི་སླད་དུ་ཁྲུས་མི་མཛད། བཅོམ་ལྡན་འདས་ཀྱིས་མ་གནང་ངོ ། །ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཚ་བའི་དུས་མ་གཏོགས་སོ། །དགེ་སློང་དག་ན་བར་གྱུར་ནས་དེ་དག་སྨན་པའི་གན་དུ་དོང་སྟེ་དྲིས་པ། བཞིན་བཟང་ཁོ་བོ་ཅག་ན་ན་ཁོ་བོ་ཅག་ལ་སྨན་སྟོན་ཅིག་།དེས་སྨྲས་པ། འཕགས་པ་དག་གདུགས་རེ་རེ་ཞིང་ཁྲུས་སྟེན་ཅིག་དང་དེས་སོས་པར་འགྱུར་རོ། །བཞིན་བཟང་བཅོམ་ལྡན་འདས་ཀྱིས་མ་གནང་ངོ ། །འཕགས་པ་དག་ཁྱེད་ཀྱི་སྟོན་པ་ཐུགས་རྗེ་དང་
Ja362b
ལྡན་པས་དེ་ཉིད་རྐྱེན་དུ་མཛད་ནས་གནང་བར་འགྱུར་པ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ན་བའི་དུས་མ་གཏོགས་སོ། །དགེ་སློང་དག་གིས་དགེ་འདུན་དང་མཆོད་རྟེན་གྱི་ལས་དག་བྱས་ནས་དེ་དག་འཇིམ་རྫབ་ཀྱིས་གོས་ཤིང་འབགས་བཞིན་དུ་འཁོད་ནས། བྲམ་ཟེ་དང་ཁྱིམ་བདག་དད་པ་ཅན་དག་འོངས་ཏེ་དྲིས་པ། འཕགས་པ་དག་ཅིའི་སླད་དུ། ཁྱེད་ཅག་འཇིམ་རྫབ་ཀྱིས་གོས་ཤིང་འབགས་བཞིན་དུ་འཁོད། ཁྲུས་མཛད་ན་ཅི་ནོངས། བཅོམ་ལྡན་འདས་ཀྱིས་མ་གནང་ངོ ། །ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལས་ཀྱི་དུས་མ་གཏོགས་སོ། །དགེ་སློང་དག་ལམ་དུ་སོང་ཞིང་འོངས་པར་གྱུར་པ་ན་དེ་དག་ལུས་ངལ་བས་གློས་ཕབ་སྟེ་ཉལ་བ་ན། བྲམ་ཟེ་དང་ཁྱིམ་བདག་དད་པ་ཅན་དག་འོངས་ཏེ་དྲིས་པ། འཕགས་པ་དག་བསྟན་པ་ལ་གཅིག་ཏུ་བརྩལ་བར་བགྱི་བ་ལགས་ན་ཅིའི་སླད་དུ་གློས་ཕབ་སྟེ་གཟིམས་ཤིང་དགེ་བའི་ཕྱོགས་ལ་ཏྲོན་མི་མཛད། དགེ་སློང་རྣམས་ཀྱིས་སྨྲས་པ། ཁོ་བོ་ཅག་ལམ་དུ་སོང་ཞིང་འོངས་པས་ཚ་བས་སྙོམས་ནས་གློས་ཕབ་སྟེ་ཉལ་ཞིང་དགེ་བའི་ཕྱོགས་ལ་ཏྲོན་བྱེད་པ་མི་ནུས་པར་གྱུར་ཏོ། །ཁྲུས་མཛད་ན་ནི་ཅི་ནོངས། བཅོམ་ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་
Ja363a
༄#། །བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལམ་གྱི་དུས་མ་གཏོགས་སོ། །རླུང་བྱུང་ནས་དགེ་སློང་དག་རྡུལ་གྱིས་རྡུལ་ཅན་དུ་གྱུར་ནས་དེ་དག་ཁོ་ན་བཞིན་དུ་འཁོད་པ་ན། བྲམ་ཟེ་དང་ཁྱིམ་བདག་དད་པ་ཅན་དག་འོངས་ནས་དེ་དག་གིས་མཐོང་ནས་དྲིས་པ། འཕགས་པ་དག་ཅིའི་སླད་དུ་རྡུལ་གྱིས་གོས་ཤིང་བཞུགས། ཁྲུས་མཛད་ན་ཅི་ནོངས། བཅོམ་ལྡན་འདས་ཀྱིས་མ་གནང་ངོ ། །ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རླུང་གི་དུས་མ་གཏོགས་སོ། །ཆར་འབབ་ནས་དགེ་སློང་དག་མངོན་པར་ལྔར་ནས་དེ་དག་ཁོ་ན་བཞིན་དུ་འཁོད་པ་དང ། བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་འོངས་ཏེ་དྲིས་པ། འཕགས་པ་དག་ཅིའི་སླད་དུ་ཆར་གྱིས་མངོན་པར་ལྔར་ཅིང་བཞུགས། ཁྲུས་མཛད་ན་ཅི་ནོངས། བཅོམ་ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཆར་གྱི་དུས་མ་གཏོགས་སོ། །རྫི་ཆར་བྱུང་ནས་དགེ་སློང་དག་ལུས་ཁྲ་བོར་གྱུར་ནས་དེ་དག་དེ་ཁོ་ན་བཞིན་དུ་འཁོད་པ་དང ། བྲམ་ཟེ་དང་ཁྱིམ་བདག་དད་པ་ཅན་དག་གཙུག་ལག་ཁང་དུ་འོངས་ཏེ་དྲིས་པ། འཕགས་པ་དག་ཅིའི་སླད་དུ་
Ja363b
ལུས་ཁྲ་བོར་གྱུར་ཅིང་བཞུགས། ཁྲུས་མཛད་ན་ཅི་ནོངས། བཅོམ་ལྡན་འདས་ཀྱིས་མ་གནང་ངོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྫི་ཆར་གྱི་དུས་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེ་དང་མཐུན་པ་དང་དེའི་ཤས་ཆེ་བ་དང་དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་བས་ན་སྔ་མ་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ་བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་ཁྲུས་བྱ་བར་གསུངས་པ་དེ་ལས་འདུམས་པར་བྱེད་ན་དུས་མ་གཏོགས་ཏེ་ལྟུང་བྱེད་དོ། །དེ་ལ་དུས་ནི་འདི་ཡིན་ཏེ། སོ་ག་རྣམས་ཀྱི་ཟླ་བ་ལྷག་མ་ཕྱེད་དང་གཉིས་དང ། དབྱར་རྣམས་ཀྱི་དང་པོ་དང་ཟླ་བ་ཕྱེད་དང་གསུམ་པོ་འདི་དག་ནི་ཚ་བའི་དུས་སོ། །ལྷག་མ་ནི་ན་བ་དུས་སོ། །ལས་དུས་སོ། །ལམ་དུས་སོ། །རླུང་དུས་སོ། །ཆར་དུས་སོ། །རྫི་ཆར་དུས་ཏེ། དེ་ལ་དེ་ནི་དུས་ཡིན་ནོ། ། བཅོམ་ལྡན་འདས་ཀྱིས་ཞེས་བྱ་བ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སོ། །ཟླ་བ་ཕྱེད་ཕྱེད་ཅིང་ཁྲུས་བྱ་བར་གསུངས་པ་ཞེས་བྱ་བ་ནི་ཟླ་བ་ངོ་ཕྱེད་
Ja364a
༄#། །ཕྱེད་ལའོ། །དེ་ལས་འདུམས་པར་བྱེད་ན་ཞེས་བྱ་བ་ནི་ཟླ་བ་ཕྱེད་ཕྱེད་ལས་འདུམས་པར་བྱེད་ནའོ། །དུས་མ་གཏོགས་ཏེ་ཞེས་བྱ་བ་ནི་དུས་བཞག་སྟེའོ། །ལྟུང་བྱེད་དོ།། ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་དུས་ནི་འདི་ཡིན་ཏེ། སོ་ཀ་རྣམས་ཀྱི་ཟླ་བ་ལྷག་མ་ཕྱེད་དང་གཉིས་དང ། དབྱར་རྣམས་ཀྱི་དང་པོ་དང་ཟླ་བ་ཕྱེད་དང་གསུམ་པོ་འདི་དག་ནི་ཚ་བའི་དུས་སོ་ཞེས་བྱ་བ་ལ། སོ་ག་རྣམས་ཀྱི་ཟླ་བ་ལྷག་མ་ཕྱེད་དང་གཉིས་ཞེས་བྱ་བ་ནི་ཟླ་བ་ཕྱེད་དང་གཉིས་ནི་དབྱར་ཉེ་བར་བསྒྲུབ་པར་འབྱུང་བར་འགྱུར་བ་སྟེ། དབྱར་ཟླ་ར་བ་ཚེས་ནས་དབྱར་ཟླ་འབྲིང་པོ་ཉའི་བར་གྱི་ཟླ་བ་ཕྱེད་དང་གཉིས་སོ། །དབྱར་རྣམས་ཀྱི་དང་པོ་ཞེས་བྱ་བ་ནི། གནས་པར་ཁས་བླངས་པ་རྣམས་ཀྱིས་དང་པོ་ཟླ་བ་གཅིག་སྟེ། དབྱར་ཟླ་འབྲིང་པོའི་ཚེས་བཅུ་དྲུག་ནས་དབྱར་ཟླ་ཐ་ཆུང་ཉའི་བར་གྱི་ཟླ་བ་གཅིག་གོ་།ལྷག་མ་ནི་ན་བ་དུས་སོ། །ཞེས་བྱ་བ་ནི་འདི་ལྟ་སྟེ། དགེ་སློང་ན་བ་ཁྲུས་མ་བྱས་པར་འཚོ་བར་མི་ནུས་ནའོ། །ལས་དུས་སོ་ཞེས་བྱ་བ་ནི་འདི་ལྟ་སྟེ་དགེ་སློང་གིས་དགེ་འདུན་གྱིའམ། མཆོད་རྟེན་གྱི་ལས་ཐ་ན་རེ་ལྡེ་ཙམ་ཞིག་ཕྱགས་
Ja364b
སམ་དཀྱིལ་འཁོར་བ་མལ་ཙམ་ཞིག་བྱུག་པ་བྱས་ནའོ། །ལམ་དུས་སོ་ཞེས་བྱ་བ་ནི་འདི་ལྟ་སྟེ་དགེ་སློང་དཔག་ཚད་གཅིག་ཏུ་སོང་ངམ། དཔག་ཚད་ཕྱེད་དུ་སོང་སྟེ་ཕྱིར་འོང་ནའོ། །རླུང་དུས་སོ་ཞེས་བྱ་བ་ནི་འདི་ལྟ་སྟེ་ཐ་ན་རླུང་གིས་གོས་ཀྱི་གྲ་བསྐུལ་བར་གྱུར་ནའོ། །ཆར་དུས་སོ་ཞེས་བྱ་བ་ནི་འདི་ལྟ་སྟེ་ཐ་ན་ལུས་ལ་ཆར་གྱི་ཐིགས་པ་གཉིས་སམ། གསུམ་བབ་པར་གྱུར་ནའོ། །རྫེ་ཆར་དུས་སོ་ཞེས་བྱ་བ་ནི་འདི་ལྟ་སྟེ་ཐ་ན་རྫི་ཆར་གྱིས་གོས་ཀྱི་མཐའ་བསྐུལ་བར་གྱུར་ཅིང་ལུས་ལ་ཆར་པའི་ཐིགས་པ་གཉིས་སམ་གསུམ་བབ་པར་གྱུར་ནའོ། །དེ་ལ་དེ་ནི་དུས་ཡིན་ནོ་ཞེས་བྱ་བ་ནི་དེ་ལ་དེ་ནི་རྗེས་སུ་མཐུན་པའི་ཆོས་ཡིན་པའོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་དབང་བསྐུར་བའི་ཁྲུས་ཀྱིས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གི་འཇུག་པའི་ཁྲུས་ཀྱིས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ།། དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་དབང་བསྐུར་བའི་ཁྲུས་ཀྱིས་ཁྲུས་བྱས་ནས་འཇུག་པའི་ཁྲུས་ཀྱིས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབ་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་
Ja365a
༄#། །འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་འཇུག་པའི་ཁྲུས་ཀྱིས་ཁྲུས་བྱེད་ནས་དབང་བསྐུར་བའི་ཁྲུས་ཀྱིས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཆུ་གྲང་མོས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཆུ་དྲོན་མོས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཆུ་གྲང་མོས་ཁྲུས་བྱས་ནས་ཆུ་དྲོན་མོས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱིས་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཆུ་དྲོན་མོས་ཁྲུས་བྱས་ནས་ཆུ་གྲང་མོས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཆུ་ཀླུང་དལ་གྱིས་འབབ་པར་ཁྲུས་
Ja365b
བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཆུ་ཀླུང་དྲག་ཏུ་འབབ་པར་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཆུ་ཀླུང་དལ་གྱིས་འབབ་པར་ཁྲུས་བྱས་ནས་ཆུ་ཀླུང་དྲག་ཏུ་འབབ་པར་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་ཕྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་དུ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་གིས་ཆུ་ཀླུང་དྲག་ཏུ་འབབ་པར་ཁྲུས་བྱས་ནས་ཆུ་ཀླུང་དལ་གྱིས་འབབ་པར་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །དུས་བྱིན་གྱིས་མ་བརླབས་པར་ཁྲུས་བྱེད་ན་ཇི་སྲིད་དུ་ཆུས་ལྟེ་བར་མ་སོན་གྱི་བར་ལ་ཉེས་བྱས་སུ་འགྱུར་ལ། ཆུས་ལྟེ་བར་སོན་ན་ལྟུང་བྱེད་དུ་འགྱུར་རོ། །དགེ་སློང་དག་ཆུ་ཀླུང་རྒལ་བ་ན་དེ་དག་འགྱོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། འདི་ལ་འགྱོད་པར་མི་བྱ་བར་གལ་ཏེ་ཁྲུས་བྱེད་པར་འདོད་ན་དུས་བྱིན་གྱིས་བརླབས་ཏེ་ཁྲུས་བྱའོ། །དགེ་སློང་དག་སྐམ་སའོ་སྙམ་ནས་ཆུར་ཞུགས་པ་དང ། དེ་དག་དེར་ལྷུང་ཞིང་དེ་དག་འགྱོད་པ་སྐྱེས་ནས། བཅོམ་ལྡན་འདས་ཀྱིས་
Ja366a
༄#། །བཀའ་སྩལ་པ། འདི་ལ་འགྱོད་བར་མི་བྱ་བར་གལ་ཏེ་ཁྲུས་བྱེད་པར་འདོད་ན་དུས་བྱིན་གྱིས་བརླབས་ཏེ་ཁྲུས་བྱའོ། །དེ་བཞིན་དུ་དགེ་སློང་དག་འཆགས་ན་ཡེངས་པས་ཆུར་ལྷུང་བ་དང ། བརྒྱལ་བ་ལ་ཆུས་བཏབ་པ་ན་དེ་དག་འགྱོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། འདི་ལ་འགྱོད་པར་མི་བྱ་བར་གལ་ཏེ་ཁྲུས་བྱེད་པར་འདོད་ན། དུས་བྱིན་གྱིས་བརླབས་ཏེ་ཁྲུས་བྱའོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཁྲུས་བྱེད་པའི་ལྟུང་བྱེད་དེ་དྲུག་ཅུ་པ་རྫོགས་སོ།། །། སྡོམ་ལ། དུད་འགྲོ་འགྱོད་པ་སོར་མོ་དང ། །རྩེ་དང་ལྷན་ཅིག་སྡངས་བྱེད་དང ། །སྦེད་དང་རྡེང་མེད་གཞི་མེད་དང ། །སྐྱེས་པ་མེད་པར་ལམ་འགྲོ་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེར་བསོད་སྙོམས་བརྒྱུས་ཏེ་འཕོང་གི་དཔོང་ས་མཐོང་ནས་དེ་དེར་ཞུགས་པ་དང་འཕོང་གི་སློབ་དཔོན་ནི་མེད། ཁྱེའུ་དག་འཁོད་ནས་དེས་ཁྱེའུ་དག་ལ་དྲིས་པ། ཁྱེའུ་དག་ཅི་བྱེད། དེ་དག་གིས་སྨྲས་པ། འཕགས་པ་འཕོང་སློབ་བོ། །འཆར་ཀས་སྨྲས་པ། བུ་དག་ལེགས་ཏེ་ཁྱེད་ཀྱིས་སྒྱུ་རྩལ་མཆོག་ལ་བརྒལ་ཏེ་བལྟས། གཡོན་འཕོངས་དང་གཡས་
Ja366b
འཕོངས་དང་མདའ་ལྔ་འཕོང་བ་བྱོས་ཤིག་།དེ་དག་གིས་གཡོན་འཕོངས་དང་གཡས་འཕོངས་དང ། མདའ་ལྔ་འཕང་བ་བྱ་བར་བརྩམས་པ་དང ། དེ་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་དོ། །དེ་དག་གིས་སྨྲས་པ། འཕགས་པ་ཅིའི་སླད་དུ་ཕྱག་གཉིས་འདྲིལ་བར་མཛད། བཞིན་སྒྱུར་བར་མཛད། འཆར་ཀས་སྨྲས་པ། ད་དུང་ཁྱེད་ཅག་གི་སློབ་དཔོན་གྱིས་ཀྱང་མི་ཤེས་ན་ཁྱེད་དག་གིས་ལྟ་ཤེས་པར་འགྱུར་རེ་སྐན། དེ་དག་གིས་སྨྲས་པ། འཕགས་པ་འདི་ལ་མཁྱེན་པ་ཅུང་ཟད་མངའམ། འཆར་ཀས་སྨྲས་པ། སའི་སྟེང་ན་ཁོ་བོས་མི་ཤེས་པའི་བཟོའི་གནས་དང་ལས་ཀྱི་ག་ནས་གང་ཡོད། དེ་དག་གིས་སྨྲས་པ། འཕགས་པ་གཡར་སྔ་བྲིམ་གྱི། གཡོན་འཕོངས་དང་གཡས་འཕོངས་དང་མདའ་ལྔ་འཕང་བ་མཛད་དུ་གསོལ། འཆར་ཀས་སྨྲས་པ། གཞུ་འོན་ཅིག་།དེ་དག་གིས་གཞུ་ཕུལ་བ་དང ། འཆར་ཀས་སྨྲས་པ། གཞུ་འདི་རས་བལ་གྱི་གཞུ་འདྲས་གཞན་འོན་ཅིག་།དེ་དག་གིས་གཞུ་གཉིས་པ་དང ། གསུམ་པ་ཕུལ་བ་དང ། འཆར་ཀས་སྨྲས་པ། གཞུ་འདི་དག་ཀྱང་རས་བལ་གྱི་གཞུ་འདྲས་ཁྱེད་ཀྱི་སློབ་དཔོན་གྱི་གཞུ་འོན་ཅིག་།དེ་དག་གིས་སློབ་དཔོན་གྱི་གཞུ་ཕུལ་བ་དང ། འཆར་ཀས་སྨྲས་པ། འདི་ཡང་ཚོད་ཡོད་པ་ཞིག་གོ་ཞེས་གཞུ་དེ་རས་བལ་གྱི་གཞུ་བཞིན་དུ་བརྡུངས་ཏེ་སྒྲ་སྦྲེངས་པ་དང ། སྟེང་གི་ནམ་མཁའ་ལ་བྱ་རོག་གི་ཚོགས་རྒྱུ་བར་བརྩམས་ནས། འཆར་ཀས་སྨྲས་པ། ཇི་ལྟར་ཇེ་བྱ་རོག་འདིའི་རྐུབ་ཏུ་བསྣུན་ལ་ཁར་དབྱུང་བར་བྱ་
Ja367a
༄#། །བའམ། འོན་ཏེ་ཁར་བསྣུན་ལ་རྐུབ་ཏུ་དབྱུང་བར་བྱ། དེ་དག་གིས་སྨྲས་པ། འཕགས་པ་རྐུབ་ཏུ་བསྣུན་ལ་ཁར་དབྱུང་དུ་གསོལ། འཆར་ཀས་སྨྲས་པ། ཤར་ཕྱོགས་ཀྱི་སྟེང་གི་ནམ་མཁའ་ལ་མདའ་གཅིག་འཕངས་ཤིང་ལྷོ་དང་ནུབ་དང་བྱང་ཕྱོགས་ཀྱི་སྟེང་གི་ནམ་མཁའ་ལ་ཡང་མདའ་རེ་རེ་འཕངས་པ་དང་བྱ་རོག་དེས་ཁ་གྱེན་དུ་ཕྱོགས་ཏེ་འགྲོ་བར་བརྩམས་པ་ནས། འཆར་ཀས་དེའི་ཕྱི་བཞིན་མདའ་གཅིག་འཕངས་པས་རྐུབ་ཏུ་བསྣུན་ཏེ་ཁར་བྱུང་ནས་བྱ་རོག་དེས་ལ་ལྷུང་བ་དང ། དེ་དག་ཡ་མཚན་སྐྱེ་ནས་སེམས་ཁོང་དུ་ཆུད་ཅིང་འཁོད་དོ། །འཆར་ཀས་སྨྲས་པ། བུ་དག་བཟོ་འདི་ལྟར་བསླབ་པར་བྱ་བའམ། ཡང་ན་སློབ་དཔོན་གཞན་བཙལ་བར་བྱའི་འབྲས་བུ་མེད་པའི་སྦུན་པ་འཕྱར་ཞིང་འཁོད་དེ་ཅི་རུང་ཞེས་སྨྲས་ཏེ་སོང་ངོ ། །དེ་དག་སེམས་ཁོང་དུ་ཆུད་ཅིང་འཁོད་པ་དང ། ཅི་ཙམ་ན་དེ་དག་གི་སློབ་དཔོན་འོངས་ནས་དེས་སྨྲས་པ། ཁྱེའུ་དག་ཅིའི་ཕྱིར་སེམས་ཁོང་དུ་ཆུད་ཅིང་འཁོད། གཡོན་འཕོངས་དང་གཡས་འཕོངས་དང་མདའ་ལྔ་འཕང་བ་བྱོས་ཤིག་།དེ་དག་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་པ་དང ། སློབ་དཔོན་གྱིས་སྨྲས་པ། ཁྱེའུ་དག་སྔོན་མ་བྱུང་བའི་རྣམ་པར་འགྱུར་བ་འདི་ལྟ་བུ་བྱུང་ན་འདིར་འགའ་ཞིག་འོངས་པར་མ་གྱུར་ཏམ། མཆིས་སོ། །སུ། འཕགས་པ་འཆར་ཀའོ། །དེས་ཅི་བྱས། མདའ་ལྔ་འཕངས་པ་
Ja367b
བགྱིས་ནས་བྱ་རོག་འདིའི་རྐུབ་ཏུ་བསྣུན་ནས་ཁར་ཕྱུང་ངོ ། །དེས་སྨྲས་པ། ཁྱེའུ་དག་བྱང་ཆུབ་སེམས་དཔས་འཕོང་གི་དཔོང་ས་གང་དུ་འཕོང་བསླབ་པར་གྱུར་བ་དེར་དེས་ཀྱང་བསླབས་ཏེ། གལ་ཏེ་དེ་རབ་ཏུ་བྱུང་བར་མ་གྱུར་ན་འཛམ་བུའི་གླིང་མཐའ་དག་ཏུ་འཕོང་གི་སློབ་དཔོན་མཆོག་ཏུ་འགྱུར་རོ། །འོན་ཀྱང་ཁོ་བོས་ཅི་ཤེས་པ་རེ་ཞིག་ཁོ་བོ་ལས་སློབས་ལ་ལྷག་མ་གཞན་ལས་སློབས་ཤིག ། དེས་བསམས་པ། དེ་ཡང་དང་ཡང་དུ་བདག་ལ་མཐོ་འཚམ་པར་འགྱུར་བས། བདག་གིས་དེ་མི་དགའ་བར་བྱའོ་སྙམ་ནས་དེས་ཁྱེའུ་དེ་དག་ལ་སྨྲས་པ། ཁྱེའུ་དག་ཁྱེད་ཅག་ཕྱོགས་དང ། ཕྱོགས་མཚམས་རྣམས་སུ་བཙུན་པ་འཆར་ཀའི་སྒྲའི་ཚོགས་སྙན་པ་རྒྱ་ཆེན་པོ་གྲགས་པ་འདོད་དམ། དེ་དག་གིས་སྨྲས་པ། འཚལ་ལོ། །དེས་སྨྲས་པ། གང་གི་ཚེ་འཕགས་པ་འཆར་ཀ་བསོད་སྙོམས་ལ་ཞུགས་པ་དེའི་ཚེ་ན་ཁྱོད་ཀྱིས་བྱ་རོག་གི་རོ་འདི་སྨྱུག་མ་རིང་པོའི་རྩེ་མོ་ལ་ཐོགས་ཏེ། དེའི་ཕྱི་བཞིན་ཕྱི་བཞིན་རྗེས་སུ་སོང་ལ་མིའོ་ཅོག་ལ་འདི་སྐད་ཅེས་འཕགས་པ་འཆར་ཀས་མདའ་ལྔ་འཕང་བ་འདི་ལྟ་བུ་བྱས་ཏེ། བྱ་རོག་འདིའི་རྐུབ་ཏུ་བསྣུན་ནས་ཁར་ཕྱུང་བ་ལ་ལྟོས་ཤིག་ཅེས་སྒྲོགས་ལ། གལ་ཏེ་ཕྱིར་ལོག་ཅིག་ཅེས་ཟེར་ན་ཡང་མ་ལོག་ཅིག་།ཕྱི་དེ་ཉིན་པར་ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་དང ། ཁྱེའུ་དེ་དག་གིས་དེ་མཐོང་ནས་དེ་དག་གིས་བྱ་རོག་གི་རོ་དེ་སྨྱུག་མ་རིང་པོའི་
Ja368a
༄#། །རྩེ་མོ་ལ་བཏགས་ཏེ་ཚེ་དང་ལྡན་པ་འཆར་ཀའི་ཕྱི་བཞིན་དུ་རྗེས་སུ་སོང་ནས་མིའོ་ཅོག་ལ་འདི་སྐད་ཅེས་འཕགས་པ་འཆར་ཀས་མདའ་ལྔ་འཕང་བ་འདི་ལྟ་བུ་བྱས་པས་བྱ་རོག་འདིའི་རྐུབ་ཏུ་བ་སྣུན་ནས་ཁར་ཕྱུང་བ་ལ་ལྟོས་ཞེས་བསྒྲགས་པ་དང ། འཆར་ཀས་དེ་དག་མཐོང་ནས་དེས་སྨྲས་པ། ཁྱེའུ་དག་ཅིའི་ཕྱིར་ཁོ་བོ་ལ་མཐོ་འཚམ་པར་བྱེད། ཕྱིར་ལྡོག་ཅིག་།འོན་ཀྱང་དེ་དག་ཕྱིར་མ་ལོག་པར་དེ་སྐད་སྒྲོགས་པར་བྱེད་ནས་བྲམ་ཟེ་དང་ཁྱིམ་བདག་ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་སྲོག་གཅོད་པར་བྱེད་པ་སྟེ། སྲོག་གཅོད་པ་ལས་མ་ལོག་།མ་སྤངས། སོ་སོར་མ་སྤངས་པ་ཡིན་ནོ། །ཤེས་ལྡན་དག་ཤཱཀྱའི་བུའི་དགེ་སྦྱོང་སེམས་ཅན་གང་གི་པགས་པ་ཡང་དགོས་པར་མི་རུང་ཤ་དང་རྒྱུས་པ་དང་རུས་པ་ཡང་དགོས་པར་མི་རུང་བ་འདི་ལྟ་བུ་ཡང་གསོད་པར་བྱེད་པ་ལ་ལྟོས། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང་བྱ་བར་སེམས་ཤེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་
Ja368b
ལ་སོགས་པ་ཡང་སྔ་མ་བཞིན་ཏེ་སངས་རྒྱས་བཅོམ་ལྡན་འདས་ཀྱིས་འཆར་ཀ་ལ་རྨས་པ། འཆར་ཀ་ཁྱོད་ཀྱིས་མི་མཛེས་པ་དེ་ལྟ་བུ་དེ་བྱས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། ། དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བསམས་བཞིན་དུ་དུད་འགྲོ་སྐྱེ་གནས་སུ་གཏོགས་པའི་སྲོག་ཆགས་གསོད་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །བསམས་བཞིན་དུ་ཞེས་བྱ་བ་ནི་རྣམ་པར་བརྟགས་ནས་སོ། །དུད་འགྲོའི་སྐྱེ་གནས་སུ་གཏོགས་པའི་སྲོག་ཆགས་ཞེས་བྱ་བ་ནི་བྱ་རོག་གམ་གཞན་ཡང་དེ་ལྟ་བུ་གང་ཡིན་པའོ། །གསོད་ན་ཞེས་བྱ་བ་ནི་དེའི་སྲོག་གཅོད་པར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་
Ja369a
༄#། །ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། བར་སྡོམ་ལ། བདག་ཉིད་ཀྱིས་ནི་ཟིན་པ་དང ། །ཕྱི་རོལ་ཏུ་ནི་འཕངས་པ་དང ། །གཉི་ག་དང་ནི་ལྡན་པ་ཡི། །སྡེ་ཚན་ཡང་དག་བསྡུས་པ་ཡིན། །ཇི་ལྟར་བདག་ཉིད་ཀྱིས་ཟིན་པས་ཤེ་ན་དགེ་སློང་གིས་དུད་འགྲོའི་སྐྱེ་གནས་སུ་གཏོགས་པའི་སེམས་ཅན་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་ནས་སོར་མོ་གཅིག་གིས་སྣུན་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ནི་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་ཡང་མ་ཡིན་ལ། དེས་དེའི་འོག་ཏུ་ཡང་མ་ཡིན་ན། དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་རོ། །སོར་མོ་གཅིག་གིས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སོར་མོ་གཉིས་ཀྱིས་སམ། གསུམ་གྱིས་སམ། བཞིས་སམ། ལྔས་སམ། ཁུ་ཚུར་གྱིས་སམ། གྲུ་མོས་སམ། ཕྲག་པས་སམ། མགོ་བོས་སམ། གློས་སམ། རྐེད་པས་སམ། བརླས་སམ། པུས་མོས་སམ། རྗེ་ངར་གྱིས་སམ། ལོང་བུས་སམ། རྐང་མཐིལ་གྱིས་སམ། ཐ་ན་རྐང་པའི་མཐེ་བོས་སྣུན་པར་བྱེད་ཅིང་དེ་ཡང་རྩོམ་པ་དེས་དུས་བྱེད་ན་དགེ་
Ja369b
སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་མ་ཡིན་ཀྱང ། དེས་དེའི་འོག་ཏུ་ན། དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་ཡང་མ་ཡིན་ལ། དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་ཏེ་དེ་ལྟར་བདག་ཉིད་ཀྱིས་ཟིན་པས་སོ། །ཇི་ལྟར་ཕྱི་རོལ་ཏུ་འཕངས་པས་ཤེ་ན་དགེ་སློང་གིས་དུད་འགྲོའི་སྐྱེ་གནས་སུ་གཏོགས་པའི་སེམས་ཅན་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་མདས་སྣུན་པར་བྱེད་ཅིང་དེ་ཡང་རྩོམ་པ་དེས་དུས་བྱེད་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེམ་ཡིན་ཡང་དེས་དེའི་འོག་ཏུ་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་ཡང་མ་ཡིན་ལ། དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་རོ། །མདས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་ལྕག་མདས་སམ། མདའ་ཕྱེད་ལྕགས་ལས་བྱས་པས་སམ། སྟེའུ་ཁ་མས་སམ། མདེའུ་བེའུ་སོ་ལྟ་བུས་སམ། མདེའུ་ཟུར་བཞི་པས་སམ། མདེའུ་ཀ་ར་བི་རའི་ལོ་མ་ལྟ་བུས་སམ། མདེའུ་བྱེའུ་སྙིང་མས་སམ། འཁོར་ལོས་སམ། རྡོ་རྗེ་རྩེ་གཅིག་པས་སམ། མདའ་བོ་ཆེས་སམ། མཚོན་རྩེ་གཅིག་པས་སམ། མཐའ་ན་རྒྱ་ཤུག་གི་འབྲས་བུས་སྣུན་པར་བྱེད་ཅིང ། དེ་ཡང་རྩོམ་པ་དེས་དུས་བྱེད་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་ཡང་མ་ཡིན་
Ja370a
༄#། །ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་ཏེ་དེ་ལྟར་ཕྱི་རོལ་ཏུ་འཕངས་པས་སོ། །ཇི་ལྟར་དེ་གཉི་ག་དང་ལྡན་པས་ཤེ་ན་དགེ་སློང་གིས་དུད་འགྲོའི་སྐྱེ་གནས་སུ་གཏོགས་པའི་སྲོག་ཆགས་ལ་གསད་པའི་སེམས་ཀྱིས་འདི་ལྟར་རྩོམ་པ་འདིས་འདིའི་དུས་བྱེད་པར་གྱུར་ཅིག་སྙམ་པས་རལ་གྲིས་སྣུན་པར་བྱེད་ཅིང་དེ་ཡང་རྩོམ་པ་དེས་དུས་བྱེད་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་མ་ཡིན་ཡང་དེའི་འོག་ཏུ་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་རོ། །རལ་གྲིས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་ཤང་ལང་གིས་སམ། རལ་གྲི་སོ་གཅིག་པས་སམ། རལ་གྲི་སོ་གཉིས་པས་སམ། མདུང་གིས་སམ། འཕང་མདུང་གིས་སམ། ཀྱོ་བ་ཁ་ཕྲག་གིས་སམ། ཚ་ལྕགས་ཀྱིས་སམ། ཐ་ན་རྩཝ་མདས་སྣུན་པར་བྱེད་ཅིང་དེ་ཡང་རྩོམ་པ་དེས་དུས་བྱེད་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་ཏེ་དེ་ལྟར་གཉི་ག་དང་ལྡན་པས་སོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་
Ja370b
དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དུད་འགྲོ་གསོད་པའི་ལྟུང་བྱེད་དེ་དྲུག་ཅུ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང་རྫོགས་པར་བསྙེན་པར་བྱས་པ་དེའི་ཚེ་ན་དེ་དག་དྲུག་སྡེ་དག་ལ་བསྟེན་པར་བྱེད་བསྙེན་པར་བྱེད་བསྙེན་བཀུར་བྱེད་དོ། །དེ་ནས་ཚེ་དང་ལྡན་པ་འཆར་ཀས་བཅུ་བདུན་སྡེ་དག་ལ་སྨྲས་པ། བཅུ་བདུན་སྡེ་དག་ཚུར་ཤོག་།འདི་དང་འདི་གྱིས་ཤིག་།དེ་དག་གིས་སྨྲས་པ། ཁྱོད་ཁོ་བོ་ཅག་གི་སློབ་དཔོན་ཡིན་ནམ། མཁན་པོ་ཡིན་ནམ་ཅི་མི་བྱེད་དོ། །འཆར་ཀས་སྨྲས་པ། གླེན་པ་དག་འོ་ན་གཞན་ཅི་བྱེད་ཅེས་དེས་གཉའ་བ་དག་ནས་བཟུང་སྟེ་ཕྱི་རོལ་ཏུ་བསྐྲད་དོ། །དེ་དག་གི་སྨྲས་པ། ཚེ་དང་ལྡན་པ་དག་བདག་ཅག་དྲུག་སྡེ་དག་གིས་གང་ཅུང་ཟད་བརྙས་པར་གྱུར་པ་དེ་དག་ཐམས་ཅད་ནི་བདག་ཅག་ཐོས་པ་ཉུང་བ་ལས་གྱུར་པ་ཡིན་གྱི། ཇེ་ཐོས་པ་འཛིན་དུ་འདོང་དང ། དེས་ན་ཕྱིན་ཆད་དྲུག་སྡེ་དག་ལ་ཅུང་ཟད་ཀྱང་དྲི་མི་དགོས་པར་འགྱུར་རོ་ཞེས་དེ་དག་དགེ་སློང་ཞིག་གི་གན་དུ་དོང་སྟེ་སྨྲས་པ། བཙུན་པ་བདག་ཅག་ཀློག་ཏུ་སྩོལ་ཅིག་།དེས་དེ་དག་ལ་ཐབས་ཡིན་ནོ་ཞེས་སྨྲས་ནས། དེ་དག་གིས་དེའི་གན་དུ་བཀླག་པར་བརྩམས་སོ། །ཉེ་དགས་སྨྲས་པ། བཙུན་པ་འཆར་ཀ་བཅུ་བདུན་སྡེ་
Ja371a
༄#། །དག་དེ་བར་བདག་ཅག་ལ་བསྟེན་པར་མི་བྱེད་བསྙེན་པར་མི་བྱེད་བསྙེན་བཀུར་མི་བྱེད་དོ། །འཆར་ཀས་སྨྲས་པ། ཁོ་བོས་དེ་དག་བསྐྲད་ནས་ད་ལྟར་ཐོས་པ་འཛིན་པར་བརྩམས་སོ། །བཙུན་པ་འཆར་ཀ་ཁྱོད་ཀྱིས་བདག་ཅག་གི་སྦྲུལ་ཉལ་བ་ལ་ལྕག་གིས་གཞུས་སོ། །ཇི་སྲིད་དུ་གླེན་པ་དེ་དག་ཐོས་པ་ཉུང་བ་དེ་སྲིད་དུ་དེ་དག་བདག་ཅག་ལ་བསྟེན་པར་བྱེད། བསྙེན་པར་བྱེད། བསྙེན་བཀུར་བྱེད་ཀྱི། གང་གི་ཚེ་དེ་དག་ཐོས་པ་མང་པོར་གྱུར་ཅིང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དང ། གདུག་ཅིང་ཕ་རོལ་གནོན་པར་གྱུར་པ་དེའི་ཚེ་ན་དེ་དག་བདག་ཅག་ལ་གནོད་པ་བྱ་བར་སེམས་པར་འགྱུར་རོ། །འཆར་ཀས་སྨྲས་པ། ཁོ་བོས་དེ་དག་ཅི་ནས་ཀྱང་ཐོས་པ་འཛིན་པར་མི་འགྱུར་བ་དང་ཐོས་པ་གཟུང་བ་ལས་ཀྱང་ཡོངས་སུ་ཉམས་པར་འགྱུར་བ་དེ་ལྟར་བྱའོ་ཞེས་དེ་དག་གི་གན་དུ་སོང་སྟེ་འདི་སྐད་ཅེས་སྨྲས་སོ། །ཀྱེ་བཅུ་བདུན་སྡེ་དག་ཤིན་ཏུ་བརྩོན་འགྲུས་བརྩམས་སམ། དེ་དག་གིས་སྨྲས་པ།་བརྩམས་སོ། །བརྩོན་འགྲུས་ཀྱིས་ཅི་བྱ། ཐོས་པ་བཟུང་ངོ ། །ཐོས་པ་བཟུང་བས་ཅིར་འགྱུར། མང་དུ་ཐོས་པར་འགྱུར་རོ། །མང་དུ་ཐོས་པས་ཅིར་འགྱུར། དབང་པོ་ཡོངས་སུ་སྨིན་པར་འགྱུར་རོ། །དབང་པོ་ཡོངས་སུ་སྨིན་པས་ཅིར་འགྱུར། ངེས་པ་ལ་འཇུག་པ་དང་ཟག་པ་ཟད་པར་འགྱུར་རོ། །ཁྱེད་ངེས་པ་ལ་འཇུག་པ་དང ། ཟག་པ་ཟད་པར་འགྱུར་རེ་སྐན།
Ja371b
བཙུན་པ་འཆར་ཀ་ཁོ་བོ་ཅག་མཚམས་མེད་པའི་ལས་དག་བྱས་པའམ། དགེ་བའི་རྩ་བ་ཆད་པ་ཡིན་ནམ་ཅི། ཁྱེད་ཅག་མཚམས་མེད་པའི་ལས་དག་བྱས་པ་ཡང་མ་ཡིན། དགེ་བའི་རྩ་བ་ཆད་པ་ཡང་མ་ཡིན་མོད་ཀྱི་འོན་ཀྱང་ཁྱོད་ཀྱིས་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་ལོ་ཉི་ཤུ་མ་ལོན་པ་དག་དགེ་སློང་གི་དངོས་པོ་རྫོགས་པར་བསྙེན་པར་བྱེད་ན་གང་ཟག་དེ་ཡང་རྫོགས་པར་བསྙེན་པར་མི་འགྱུར་ལ་དགེ་སློང་དེ་དག་ཀྱང་སྨད་པར་འགྱུར་རོ་ཞེས་གསུངས་པ་མ་ཐོས་སམ། ཁྱེད་ཅག་ལོ་ཉི་ཤུ་མ་ལོན་པར་རྫོགས་པར་བསྙེན་པས་ཁྱེད་ཅག་ངེས་པ་ལ་འཇུག་པ་དང ། ཟག་པ་ཟད་པར་འགྱུར་རེ་སྐན། དེ་དག་གིས་དེ་ཐོས་ནས་སེམས་ཁོང་དུ་ཆུད་ཅིང་འཁོད་པ་དང ། དེ་དག་གི་སློབ་དཔོན་འོངས་ནས་དེས་སྨྲས་པ། གཞོན་ནུ་དག་ཅིའི་ཕྱིར་སེམས་ཁོང་དུ་ཆུད་ཅིང་འཁོད། ཚུར་ཤོག་ལ་ཐོས་པ་ཟུང་ཞིག་།དེ་དག་གིས་སྨྲས་པ། སློབ་དཔོན་ཐོས་པ་བཟུང་བས་ཅིར་འགྱུར། མང་དུ་ཐོས་པར་འགྱུར་རོ། །མང་དུ་ཐོས་པས་ཅིར་འགྱུར། དབང་པོ་ཡོངས་སུ་སྨིན་པར་འགྱུར་རོ། །དབང་པོ་ཡོངས་སུ་སྨིན་པས་ཅིར་འགྱུར། ངེས་པ་ལ་འཇུག་པ་དང་ཟག་པ་ཟད་པར་འགྱུར་རོ། །དེ་དག་གིས་སྨྲས་པ། སློབ་དཔོན་བདག་ཅག་ངེས་པ་ལ་འཇུག་པ་དང ། ཟག་པ་ཟད་པར་འགྱུར་རེ་སྐན། ཁྱེད་ཅག་མཚམས་མེད་པའི་ལས་དག་བྱས་པ་དང་དགེ་བའི་རྩ་བ་ཆད་པ་ཡིན་ནམ་ཅི། དེ་དག་གིས་སྨྲས་པ། སློབ་དཔོན་བདག་ཅག་
Ja372a
༄#། །མཚམས་མ་མཆིས་པའི་ལས་དག་བགྱིས་པ་ཡང་མ་ལགས། དགེ་བའི་རྩ་བ་ཆད་པ་ཡང་མ་ལགས་མོད་ཀྱི་འོན་ཀྱང་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་ཉི་ཤུ་མ་ལོན་པར་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་ཡང་རྫོགས་པར་བསྙེན་པར་མི་འགྱུར་ལ་དགེ་སློང་དེ་དག་ཀྱང་སྨད་པར་འགྱུར་རོ། །ཞེས་གསུངས་པས་བདག་ཅག་ལོ་ཉི་ཤུ་མ་ལོན་པར་རྫོགས་པར་བསྙེན་པས། བདག་ཅག་ངེས་པ་ལ་འཇུག་པ་དང་ཟག་པ་ཟད་པ་འགྱུར་རེ་སྐན། དེས་སྨྲས་པ། ཁྱེད་ཀྱིས་དེ་ནི་ཐོས་ན་བཅོམ་ལྡན་འདས་ཀྱིས་ལས་དང་པོ་བ་ལ་ལྟུང་བ་མེད་དོ་ཞེས་གསུངས་པ་དེ་མ་ཐོས་སམ། ཁྱེད་ཅག་ལས་དང་པོ་པ་ཡིན་པས་རྫོགས་པར་བསྙེན་པར་གྱུར་ཀྱི། ཚུར་ཤེག་ལ་ལུང་ནོས་ཤིག་།གཞན་ཡང་འདི་ལྟར་ཁྱེད་སུས་འགྱོད་པ་བསྐྱེད། བཙུན་པ་འཆར་ཀས་སོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་བསམས་བཞིན་དུ་དགེ་སློང་ལ་འགྱོད་པ་སྐྱེད་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་
Ja372b
ཏེ།་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་བསམས་བཞིན་དུ་དགེ་སློང་ལ་འགྱོད་པ་སྐྱེད་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲང་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བསམས་བཞིན་དུ་ཅི་ནས་ཀྱང་དགེ་སློང་འདི་ཡུད་ཙམ་ཞིག་ཀྱང་བདེ་བ་ལ་མི་རེག་པར་བྱའོ་སྙམ་པ་དེ་ཉིད་རྐྱེན་དུ་བྱས་ཏེ་དགེ་སློང་ལ་འགྱོད་པ་སྐྱེད་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །བསམས་བཞིན་དུ་ཞེས་བྱ་བ་ནི་རྣམ་པར་བརྟགས་ནས་སོ། །ཅི་ནས་ཀྱང་དགེ་སློང་འདི་ཡུད་ཙམ་ཞིག་ཀྱང་བདེ་བ་ལ་མི་རེག་པར་བྱའོ་སྙམ་པ་ཞེས་བྱ་བ་ནི་ཐ་ན་ཡུད་ཙམ་ཞིག་ཀྱང་ཡིད་མི་དགའ་བར་བྱའོ་སྙམ་པའོ། །དེ་ཉིད་རྐྱེན་དུ་བྱས་ཏེ་ཞེས་བྱ་བ་ནི་གཞན་མ་ཡིན་པའོ། །དགེ་སློང་ལ་ཞེས་བྱ་བ་ནི་ཆོས་འདི་པའོ། །
Ja373a
༄#། །འགྱོད་པ་སྐྱེད་ན་ཞེས་བྱ་བ་ནི་སེམས་ལ་ཅུང་ཟད་འགྱོད་པ་དང་རྣམ་པར་འགྱོད་པ་དང་རབ་ཏུ་འགྱོད་པ་སྐྱེད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན་དགེ་སློང་གིས་དགེ་སློང་ལ་འགྱོད་པ་སྐྱེད་པའི་བསམ་པས་གན་དུ་སོང་སྟེ། འདི་སྐད་ཅེས་ཚེ་དང་ལྡན་པས་རྒྱལ་པོ་དང ། ནོར་ཅན་དང ། ཚོང་དཔོན་དང ། དེད་དཔོན་ཆེ་གེ་མོ་ཞིག་དྲན་ནམ་ཞེས་དྲིས་ཏེ་མི་དྲན་ནོ་ཞེས་ཟེར་ནས་དེ་ནི་དུས་སྔ་བ་མ་ཡིན་གྱི་ཚེ་དང་ལྡན་པ་ནི་དུས་འཕྱི་བ་མ་ཡིན་པས་ཚེ་དང་ལྡན་པ་རྫོགས་པར་མ་བསྙེན་ཅིང་ཉེས་པར་རྫོགས་པར་བསྙེན་པས་ཡང་རྫོགས་པར་བསྙེན་པར་བྱ་དགོས་སོ་ཞེས་སྨྲས་ནས། དགེ་སློང་འགྱོད་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་འགྱོད་པ་སྐྱེད་པའི་བསམ་པས་གན་དུ་སོང་སྟེ། འདི་སྐད་ཅེས་ཚེ་དང་ལྡན་པས་ཟླ་བ་གཟས་ཟིན་པ་དང་ཉི་མ་གཟས་ཟིན་པ་ཆེ་གེ་མོ་ཞིག་དྲན་ནམ་ཞེས་དྲིས་ཏེ་མི་དྲན་ནོ་ཞེས་ཟེར་ན། དེ་ནི་དུས་སྔ་མ་ཡིན་གྱི་ཚེ་དང་ལྡན་པ་ནི་དུས་འཕྱི་བ་ཡིན་པས་ཚེ་དང་ལྡན་པ་རྫོགས་པར་མ་བསྙེན་ཅིང་
Ja373b
ཉེས་པར་རྫོགས་པར་བསྙེན་པས་ཡང་རྫོགས་པར་བསྙེན་པར་བྱ་དགོས་སོ་ཞེས་སྨྲས་ན་དགེ་སློང་འགྱོད་པ་སྐྱེད་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་འགྱོད་པ་སྐྱེད་པའི་བསམ་པས་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ལོ་ལེགས་པ་དང་ལོ་ཉེས་པ་ཆེ་གེ་མོ་ཞིག་དྲན་ནམ་ཞེས་དྲིས་ཏེ་མི་དྲན་ནོ་ཞེས་ཟེར་ན། དེ་ནི་དུས་སྔ་མ་ཡིན་གྱི་ཚེ་དང་ལྡན་པ་ནི་དུས་འཕྱི་བ་ཡིན་པས་ཚེ་དང་ལྡན་པ་རྫོགས་པར་མ་བསྙེན་ཅིང་ཉེས་པར་རྫོགས་པར་བསྙེན་པས་ཡང་རྫོགས་པར་བསྙེན་པར་བྱ་དགོས་སོ་ཞེས་སྨྲས་ན། དགེ་སློང་འགྱོད་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་འགྱོད་པ་བསྐྱེད་པའི་བསམ་པས་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་གནས་གང་དུ་རྫོགས་པར་བསྙེན་ཅེས་དྲིས་ཏེ། ག་གེ་མོ་ཞིག་ཏུའོ་ཞེས་ཟེར་ནས་གནས་དེ་ནི་མཚམས་མ་བཅད་པ་དང ། དཀྱིལ་འཁོར་བར་བློ་མཐུན་པར་མ་བྱས་པ་ཡིན་པས་ཚེ་དང་ལྡན་པ་རྫོགས་པར་མ་བསྙེན་ཅིང་ཉེས་པར་རྫོགས་པར་བསྙེན་པས་ཡང་རྫོགས་པར་བསྙེན་པར་བྱ་དགོས་སོ་ཞེས་སྨྲས་ན་དགེ་སློང་འགྱོད་པ་སྐྱེད་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་འགྱོད་པ་སྐྱེད་པའི་བསམ་པས་གན་དུ་སོང་སྟེ། འདི་སྐད་ཅེས་ཚེ་དང་ལྡན་པའི་མཁན་པོ་ནི་གང་ཡིན། སློབ་དཔོན་ནི་གང་ཞེས་དྲིས་ཏེ་མཁན་པོ་ནི་ཆེ་གེ་མོ་ཞིག་ཡིན། སློབ་དཔོན་ནི་ཆེ་གེ་མོ་ཞིག་ཡིན་ནོ་ཞེས་ཟེར་
Ja374a
༄#། །ནས་དེ་གཉིས་ནི་ཚུལ་ཁྲིམས་འཆལ་བ་ཡིན་པས་ཚེ་དང་ལྡན་པ་རྫོགས་པར་མ་བསྙེན་ཅིང་ཉེས་པར་རྫོགས་པར་བསྙེན་པས་ཡང་རྫོགས་པར་བསྙེན་པར་བྱ་དགོས་སོ་ཞེས་སྨྲས་ན་དགེ་སློང་འགྱོད་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་འགྱོད་པ་སྐྱེད་པའི་བསམ་པས་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཕྱོགས་ག་གེ་མོ་ཞིག་ཏུ་འགྲོའམ་ཞེས་དྲིས་ཏེ། འགྲོའོ་ཞེས་ཟེར་ནས་དེ་ནི་གཅན་སྒོ་ཡིན་པས་ཚེ་དང་ལྡན་པ་ཕམ་པར་འགྱུར་བའི་ལྟུང་བ་བྱུང་ངོ་ཞེས་སྨྲས་ན། དགེ་སློང་འགྱོད་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་འགྱོད་པ་སྐྱེད་པའི་བསམ་པས་གན་དུ་སོང་སྟེ། འདི་སྐད་ཅེས་ཚེ་དང་ལྡན་པས་སློབ་དཔོན་དང་མཁན་པོ་དག་གི་ཆོས་གོས་དག་བླངས་སམ་ཞེས་དྲིས་ཏེ་བླངས་སོ་ཞེས་ཟེར་ན་ཚེ་དང་ལྡན་པ་རྐུ་སེམས་ཀྱིས་བླངས་པས་ཚེ་དང་ལྡན་པ་ཕམ་པར་འགྱུར་བའི་ལྟུང་བ་བྱུང་ངོ་ཞེས་སྨྲས་ན་དགེ་སློང་འགྱོད་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་འགྱོད་པ་སྐྱེད་པའི་བསམ་པས་གན་དུ་སོང་སྟེ། འདི་སྐད་ཅེས་ཚེ་དང་ལྡན་པས་དགེ་འདུན་གྱི་ནང་དུ་འདུ་བྱེད་ཐམས་ཅད་ནི་མི་རྟག་པ། ཆོས་ཐམས་ཅད་ནི་བདག་མེད་པ། མྱ་ངན་ལས་འདས་པ་ནི་ཞི་བའོ་ཞེས་བྱ་སྨྲས་སམ་ཞེས་དྲིས་ཏེ་སྨྲས་
Ja374b
སོ་ཞེས་ཟེར་ན་ཚེ་དང་ལྡན་པ་མི་ཆོས་བླ་མ་སྨྲས་པས་ཚེ་དང་ལྡན་པ་ཕམ་པར་འགྱུར་བའི་ལྟུང་བ་བྱུང་ངོ་ཞེས་སྨྲས་ན། དགེ་སློང་འགྱོད་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དོན་གཞན་ཡང་འདུལ་བའི་ཡོ་བྱད་ཀྱིས་ནི་ལྟུང་བ་མེད་དོ། །ཇི་ལྟར་དོན་གཞན་གྱིས་ཞེས་ན་འདི་ལྟ་སྟེ། དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པས་རྒྱལ་པོ་དང ། ནོར་ཅན་དང ། ཚོང་དཔོན་དང ། དེད་དཔོན་ཆེ་གེ་མོ་ཞིག་དྲན་ནམ་ཞེས་དྲིས་ཏེ། མི་དྲན་ནོ་ཞེས་ཟེར་ནས་དེ་ནི་དུས་སྔ་མ་ཡིན་པས་ཚེ་དང་ལྡན་པས་མི་དྲན་ཏེ་ཚེ་དང་ལྡན་པ་ལེགས་པར་རྫོགས་པར་བསྙེན་ཏོ་ཞེས་སྨྲས་ན་ལྟུང་བ་མེད་དོ། །འདི་ལྟ་སྟེ་དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པས་ཟླ་བ་གཟས་ཟིན་པ་དང ། ཉི་མ་གཟས་ཟིན་པ་ཆེ་གེ་མོ་ཞིག་དྲན་ནམ་ཞེས་དྲིས་ཏེ་མི་དྲན་ནོ་ཞེས་ཟེར་ནས་དེ་ནི་དུས་སྔ་མ་ཡིན་པས་ཚེ་དང་ལྡན་པས་མི་དྲན་ཏེ་ཚེ་དང་ལྡན་པ་ལེགས་པར་རྫོགས་པར་བསྙེན་ཏོ། །ཞེས་སྨྲས་ན་ལྟུང་བ་མེད་དོ། །འདི་ལྟ་སྟེ་དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པས་ལོ་ལེགས་པ་དང་ཉེས་པ་ཆེ་གེ་མོ་ཞིག་དྲན་ནམ་ཞེས་དྲིས་ཏེ་མི་དྲན་ནོ་ཞེས་སྨྲས་ནས་དེ་ནི་དུས་སྔ་མ་ཡིན་པས་ཚེ་དང་ལྡན་པས་མི་དྲན་ཏེ་ཚེ་དང་ལྡན་པ་ལེགས་པར་རྫོགས་པར་བསྙེན་ཏོ་ཞེས་སྨྲས་ན་ལྟུང་བ་མེད་དེ་དེ་ལྟར་དོན་གཞན་གྱིས་སོ། །ཇི་ལྟར་འདུལ་བའི་
Ja375a
༄#། །ཡོ་བྱད་ཀྱིས་ཤེ་ན། འདི་ལྟ་སྟེ། དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་གནས་གང་དུ་རྫོགས་པར་བསྙེན་ཅེས་དྲིས་ཏེ་ག་གེ་མོ་ཞིག་ཏུའོ་ཞེས་ཟེར་ནས་གནས་དེ་ནི་མཚམས་བཅད་པ་དང་དཀྱིལ་འཁོར་བར་བློ་མཐུན་པར་བྱས་པ་ཡིན་པས་ཚེ་དང་ལྡན་པ་ལེགས་པར་རྫོགས་པར་བསྙེན་ཏོ་ཞེས་སྨྲས་ན་ལྟུང་བ་མེད་དོ། །འདི་ལྟ་སྟེ། དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པའི་མཁན་པོ་ནི་གང་ཡིན་སློབ་དཔོན་ནི་གང་ཡིན་ཞེས་དྲིས་ཏེ་མཁན་པོ་ནི་ཆེ་གེ་མོ་ཞིག་ཡིན། སློབ་དཔོན་ནི་ཆེ་གེ་མོ་ཞིག་ཡིན་ནོ་ཞེས་ཟེར་ནས་དེ་གཉིས་ནི་དགེ་སློང་ཚུལ་ཁྲིམས་དང་ལྡན་པས་དེ་གཉིས་ལ་བསྙེན་བཀུར་བྱས་ན་ཁྱོད་ལ་བསོད་ནམས་མང་དུ་སྐྱེ་ཞིང་ཚེ་དང་ལྡན་པ་ལེགས་པར་རྫོགས་པར་བསྙེན་པ་ཡིན་ནོ་ཞེས་སྨྲས་ན་ལྟུང་བ་མེད་དོ། །འདི་ལྟ་སྟེ་དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་མཁན་པོ་དང་སློབ་དཔོན་དག་གིས་ཆོས་གོས་དག་བླངས་སམ་ཞེས་དྲིས་ཏེ། བླངས་སོ་ཞེས་ཟེར་ནས་བརྐུ་སེམས་ཀྱིས་མ་ལེན་ཅིག་ཕམ་པར་འགྱུར་བའི་ལྟུང་བ་མ་བྱུང་བར་གྱིས་ཤིག་ཅེས་སྨྲས་ན་ལྟུང་བ་མེད་དོ། །འདི་ལྟ་སྟེ་དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པ་ཕྱོགས་ག་གེ་མོ་ཞིག་ཏུ་འགྲོའམ་ཞེས་དྲིས་ཏེ། འགྲོའོ་ཞེས་ཟེར་ནས་ཚེ་དང་ལྡན་པ་ཕྱོགས་དེ་ནི་གཅན་སྒོ་ཡིན་གྱི། ཕྱོགས་དེར་མ་འགྲོ་ཞིག་།ཁྱོད་ཚངས་
Ja375b
པ་མཚུངས་པར་སྤྱོད་པ་མཁས་པ་རྣམས་མི་དོགས་པའི་གནས་ལ་དོགས་པར་འགྱུར་བར་མི་བྱེད་ཅིག་།མ་རྟོག་པའི་གནས་ལ་རྟོག་པར་འགྱུར་བར་མ་བྱེད་ཅིག་ཅེས་སྨྲས་ན་ལྟུང་བ་མེད་དོ། །འདི་ལྟ་སྟེ་དགེ་སློང་གིས་དགེ་སློང་གི་གན་དུ་སོང་སྟེ། འདི་སྐད་ཅེས་ཚེ་དང་ལྡན་པས་དགེ་འདུན་གྱི་ནང་དུ་འདུ་བྱེད་ཐམས་ཅད་ནི་མི་རྟག་པ། ཆོས་ཐམས་ཅད་ནི་བདག་མེད་པ། མྱ་ངན་ལས་འདས་པ་ནི་ཞི་བའོ་ཞེས་སྨྲས་སམ་ཞེས་དྲིས་ཏེ། སྨྲས་སོ་ཞེས་ཟེར་ནས་མིའི་ཆོས་བླ་མ་མ་སྨྲ་ཞིག། ཕམ་པར་འགྱུར་བའི་ལྟུང་བ་མ་བྱུང་བར་གྱིས་ཤིག་ཅེས་སྨྲས་ན་ལྟུང་བ་མེད་དོ། །དེ་ལྟར་འདུལ་བའི་ཡོ་བྱད་ཀྱིས་སོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །འགྱོད་པ་སྐྱེད་པའི་ལྟུང་བྱེད་དེ་དྲུག་ཅུ་གཉིས་པ་རྫོགས་སོ།། །། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང་རྫོགས་པར་བསྙེན་པར་བྱས་པ་དེའི་ཚེ་ན་བཅུ་བདུན་སྡེ་དག་གལ་ཏེ་གཅིག་ལ་ལས་སུ་བསྐོ་བ་བབ་པ་ན་ཡང་དེ་དག་ཐམས་ཅད་བསྡོངས་ཏེ་བྱེད་དོ། །ཇི་ཙམ་དུས་གཞན་ཞིག་ན་གཙུག་ལག་ཁང་དེར་མཚན་ཐོག་ཐག་ཏུ་ཆོས་མཉན་པ་བྱུང་བ་དེར་དེ་དག་ཐམས་ཅད་ཀྱིས་བསྡོངས་ཏེ་ཏྲོན་བྱས་སོ། །ཕྱི་དེ་ཉིན་པར་དགེ་འདུན་
Ja376a
༄#། །གྱི་སྲོ་ཁང་དུ་ཆོས་མཉན་པ་བྱུང་ནས་དེར་ཡང་དེ་དག་ཐམས་ཅད་ཀྱིས་བསྡོངས་ཏེ་ཏྲོན་བྱས་སོ། །དེའི་ཕྱི་དེ་ཉིན་པར་བཅུ་བདུན་སྡེ་ལས་གཅིག་ལ་དགེ་སྐོས་ཕབ་ནས་དེའི་ཉིན་མོ་ཡང་ཐམས་ཅད་ཀྱིས་གཙུག་ལག་ཁང་བརྒྱན་ཏེ་འཁོད་དོ། །དེ་ནས་དགེ་སྐོས་ཏྲོན་བྱེད་པའི་ཚེ་བཅུ་བདུན་སྡེ་ལས་གཅིག་ལ་བློ་བྱུང་བ་བདག་ནི་ཆད་ཀྱིས་ཉལ་ལོ། །མི་བཅུ་དྲུག་གིས་ཅིའི་ཕྱིར་ཏྲོན་མི་ནུས་སྙམ་མོ། །དེ་དེ་བཞིན་དུ་རེ་རེ་ལ་ཡང་བློ་དེ་ལྟ་བུ་དེ་ལྟ་བུ་བྱུང་ནས་གཞན་བཅུ་དྲུག་པོ་ཐམས་ཅད་སོ་སོར་ཉལ་དུ་འདོང་ངོ ། །དགེ་སྐོས་འབའ་ཞིག་གཅིག་པུས་མཚན་ཐོག་ཐག་ལས་བྱས་ཏེ་མཚན་མོ་ནམ་ནངས་པ་དང་མར་མེའི་ཀོང་བུ་དག་བསྡུས། སྒོ་དག་ཕྱེ། གཙུག་ལག་ཁང་ཆག་ཆག་བཏབ། བྱུག་པ་བྱས་ཏེ་དུས་ཤེས་པར་བྱས་ནས་སྟན་བཤམས་ཤིང་མཆོད་རྟེན་གྱི་འཁོར་སར་བདུག་སྤོས་བྲིམས་ཏེ་གཙུག་ལག་ཁང་གི་སྟེང་དུ་འགྲེང་ནས་གཎྜཱི་བརྡུངས་པར་བརྩམས་སོ། །དེ་ནས་བཅུ་དྲུག་པོ་དེ་དག་གཎྜཱི་དེའི་སྒྲས་སད་ནས་རང་རང་གི་གནས་ཁང་དག་ནས་ལྷུང་བཟེད་ཐོགས་ཏེ་བྱུང་བ་དང ། དེ་དག་གིས་དགེ་སྐོས་དེ་གཅིག་པུ་ཕར་རྒྱུག་ཚུར་རྒྱུག་ཅིང་འདུག་པ་མཐོང་ནས། དེ་དག་གིས་ཕན་ཚུན་སྨྲས་པ། ཚེ་དང་ལྡན་པ་དག་འདི་གཅིག་པུ་ཕར་རྒྱུག་ཚུར་རྒྱུག་ཅིང་འདུག་ན་ཡུ་བུ་ཅག་ལས་སུས་ཀྱང་འདིའི་གྲོགས་མ་བྱས་སམ། གཅིག་གིས་སྨྲས་པ། ཁོ་བོ་ལ་བློ་བྱུང་བ་བདག་ནི་ཆད་ཀྱིས་ཉལ་ལོ། །མི་
Ja376b
བཅུ་དྲུག་གིས་ཅིའི་ཕྱིར་ཏྲོན་མི་ནུས་སྙམ་མོ། །དེ་བཞིན་དུ་གཞན་དེ་སྐད་ཟེར། གཞན་དག་ཀྱང་དེ་སྐད་ཟེར་ཏེ། ཐམས་ཅད་ཀྱིས་དེ་སྐད་སྨྲས་སོ། །དེ་ནས་བཅུ་དྲུག་པོ་དག་གིས་སྨྲས་པ། ཚེ་དང་ལྡན་བ་དག་འདི་བདག་ཅག་གི་འཕྲལ་གྱི་བྱ་བ་ཐམས་ཅད་ལ་ཐོག་མར་འགྲོ་བ་ཡིན་ན། བདག་ཅག་གིས་འདིའི་གྲོགས་མ་བྱས་པ་ཡིན་ན་ནི། ཡུ་བུ་ཅག་གི་མ་ལེགས་པ་བྱས་ཏེ་འདི་བདག་ཅག་ལ་གཤེ་བར་འགྱུར་གྱི། ཟན་ཟོས་མ་ཐག་ཏུ་གཟོད་པ་གསོལ་པར་བྱའོ་ཞེས་དེ་དག་གིས་ཟན་ཟོས་ནས་བཟོད་པ་གསོལ་བར་བརྩམས་ཏེ། གཞོན་པ་རྣམས་ཀྱིས་ནི་དེའི་རྐང་པ་ལ་གཏུགས། རྒན་པ་རྣམས་ཀྱིས་ནི་མགུལ་ནས་འཁྱུད་དེ། ཚེ་དང་ལྡན་པ་བཟོད་པ་གསོལ་ལོ་ཞེས་བྱས་ན། དེ་ཅང་མི་སྨྲ་བ་ཉིད་དུ་འདུག་གོ་།དེ་དང་ཆེས་བཤེས་པ་གཅིག་ཡོད་པ་དེས་ག་ག་ཚིལ་བྱས་པ་དང་དེས་དགོད་པར་བརྩམས་ཏེ། བཟོད་དོ་ཞེས་ཀྱང་ཟེར་རོ། །དེ་དག་གིས་བསམས་པ། དེ་ནི་ཐབས་ལེགས་པ་ཡིན་ནོ་སྙམ་ནས། གཞན་གྱིས་ཀྱང་ག་ག་ཚིལ་བྱས་ཤིང ། དེ་བཞིན་དུ་ཐམས་ཅད་ཀྱི་བར་གྱིས་ག་ག་ཚིལ་བྱས་པ་དང་དེ་རླུང་གྱེན་དུ་འཆུགས་ཏེ་དུས་ལ་བབ་བོ། །དེ་དག་བརྟད་ཅིང་མྱ་ངན་བྱ་བར་བརྩམས་པ་དང ། དགེ་སློང་རྣམས་ཀྱིས་སྨྲས་པ། ཀྱེ་བཅུ་བདུན་སྡེ་དག་ཅིའི་ཕྱིར་བརྟད་ཅིང་མྱ་ངན་བྱེད། དེ་དག་གིས་སྨྲས་པ། བདག་ཅག་སྔོན་ནི་ན་བཅུ་བདུན་སྡེར་གྱུར་ནད་ནི་བཅུ་དྲུག་སྡེར་འགྱུར་ཏེ། ཚངས་པ་མཚུངས་པར་སྤྱོད་པ་ཡིད་དུ་འོང་བ་དང་བྲལ་ཞིང་ཕམ་པར་འགྱུར་བའི་
Ja377a
༄#། །ལྟུང་བ་བྱུང་ངོ ། །དགེ་སློང་དེ་དག་གིས་མ་ལེགས་སོ་ཞེས་སྨྲས་ཏེ་འདོང་ངོ ། །བཅུ་དྲུག་པོ་དེ་དག་ཀྱང་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་པ་དེ་དགེ་སློང་གཞན་དག་གིས་མཐོང་ནས་དེ་དགེ་སློང་དེ་དག་གིས་སྦྱོར་བ་བརྩམས་ཏེ་ཚེ་དང་ལྡན་བཅུ་བདུན་སྡེ་འདི་དག་ནི་སོག་མའི་མེ་བཞིན་དུ་སྐད་ཅིག་གིས་འབར་ཞིང་སྐད་ཅིག་གིས་ཤི་བར་གྱུར་ཏེ་ཡུད་ཙམ་ཞིག་གིས་རྒོད་བག་བྱེད་ཅིང་ཡུད་ཙམ་ཞིག་གིས་སེམས་ཁོང་དུ་ཆུད་ཅིང་འཁོད་དོ་ཞེས་ཟེར་རོ། །དེ་དག་མྱ་ངན་གྱི་མེས་ཡིད་གདུངས་པས་ཡོངས་སུ་སྤྱོས་ཀྱང་ཅང་མི་སྨྲ་བར་སེམས་ཁོང་དུ་ཆུད་ཅིང་འཁོད་དོ། །དེ་དག་སེམས་ཁོང་དུ་ཆུད་ཅིང་འཁོད་པ་འཆར་ཀ་ས་མཐོང་ནས། དེས་སྨྲས་པ། བཅུ་བདུན་སྡེ་དག་ཅིའི་ཕྱིར་སེམས་ཁོང་དུ་ཆུད་ཅིང་འཁོད། དེ་དག་གིས་སྨྲས་པ། ཁོ་བོ་ཅག་ད་དུང་བཅུ་བདུན་སྡེ་ཡིན་སྙམ་མམ། ཅིའི་ཕྱིར་མ་ཡིན། དེ་དག་གིས་སྐབས་དེ་རྒྱས་པར་བརྗོད་པ་ན་དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་ལ་སོར་མོས་ག་ག་ཚིལ་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་ཏེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་
Ja377b
མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་བཅུ་བདུན་སྡེ་དག་ལ་རྨས་པ། དགེ་སློང་དག་སོར་མོས་ག་ག་ཚིལ་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། སོར་མོས་ག་ག་ཚིལ་བྱེད་ན་ལྟུང་བྱེད་དོ། །སོར་མོས་ག་ག་ཚིལ་བྱེད་ན་ཞེས་བྱ་བ་ནི་སོར་མོས་ག་ག་ཚིལ་བྱ་བ་ནི་སོར་མོས་ག་ག་ཚིལ་བྱ་བའི་བསམ་པས་ལུས་ཀྱི་ལས་དང་ལུས་ཀྱི་སྤྱོད་པ་དང་ལུས་ཀྱི་གཡོ་བ་གང་ཡིན་པ་བྱེད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་
Ja378a
༄#། །ན།་དགེ་སློང་གིས་དགེ་སློང་ལ་སོར་མོ་གཅིག་གིས་ག་ག་ཚིལ་བྱེད་ན་ལྟུང་བྱེད་དུ་འགྱུར་རོ། །སོར་མོ་གཉིས་དང་གསུམ་དང་བཞི་དང་ལྔས་ག་ག་ཚིལ་བྱེད་ན་ཡང་ལྟུང་བྱེད་དུ་འགྱུར་རོ། །ཁུ་ཚུར་དང་གྲུ་མོ་དང་ཕྲག་པ་དང་མགོ་དང་གློ་དང་རྒྱབ་དང་རྐེད་པ་དང་བརླ་དང་བྱིན་པ་དང ། ཐ་ན་རྐང་པའི་མཐེ་བོས་ག་ག་ཚིལ་བྱེད་ན་ཡང་ལྟུང་བྱེད་དུ་འགྱུར་རོ། །རྨ་སྟོན་པ་དང ། སྦྲང་བུ་དང ། འབྲུམ་བུ་དང ། སྨེ་བ་དང ། སྤུའི་ཚངས་སྟོན་པ་ལ་ལྟུང་བ་མེད་དོ། །ལས་དང་པོ་བ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ག་ག་ཚིལ་བྱེད་པའི་ལྟུང་བྱེད་དེ་དྲུག་ཅུ་གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅུ་བདུན་སྡེ་དག་ལས་ཚེ་དང་ལྡན་པ་ཉེ་བར་འཁོར་གྱིས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་པ་དེའི་ཚེ་ན། དེས་བསམས་པ། བདག་གི་ཚངས་པ་མཚུངས་པར་སྤྱོད་པ་འདི་དག་ལ་དགེ་བའི་རྩ་བ་ཅུང་ཟད་ཡོད་དམ་སྙམ་ན། དེས་ཡོད་པར་མཐོང་ངོ ། །སུ་ལ་རག་ལས་སྙམ་ན། བདག་ཉིད་ལ་རག་ལས་པར་མཐོང་ནས་དེ་བཅུ་དྲུག་པོ་གཞན་དག་གདུལ་བ་ལ་ལྟོས་པས་དེ་དག་གིས་ཕྱི་བཞིན་ཕྱི་བཞིན་རྗེས་སུ་འབྲང་བ་ན། དེ་དག་གིས་སྨྲས་པ། ཚེ་དང་ལྡན་པ་དག་ཆུ་ཀླུང་གནས་ཅན་གྱི་ངོགས་སུ་ཆུའི་དོན་དུ་འདོང་ཞིང་དེས་ཁྲུས་ཀྱང་
Ja378b
བྱའོ་ཞེས་དེ་དག་ལ་ཆུ་ཚགས་དང་ཆུ་བུམ་ཐོགས་ཏེ་ཆུ་ཀླུང་གནས་ཅན་ག་ལ་བ་དེར་དོང་ནས། དེ་དག་གིས་སྨྲས་པ། ཚེ་དང་ལྡན་པ་དག་ཇི་ལྟར་ཇེ་ཁྲུས་བྱའམ། འོན་ཏེ་ཆུ་བཙག་པར་བྱ། དེ་དག་གིས་སྨྲས་པ། ཇེ་ཆུ་བཙག་པར་བྱ་སྟེ། དེའི་འོག་ཏུ་ཁྲུས་བྱའོ་ཞེས་དེ་དག་གིས་ཆུ་བཙགས་ནས། གོས་དག་མཐའ་གཅིག་ཏུ་ཕུད་དེ་ཁྲུས་བྱ་བར་བརྩམས་ནས་ཆུར་ཞུགས་ཏེ་དེ་དག་སྟེང་དུ་འབྱུང་བར་ཡང་བྱེད། འོག་ཏུ་ནུབ་པར་ཡང་བྱེད། ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་འགྲོ་བར་ཡང་བྱེད། ཕ་རོལ་གྱི་འགྲམ་ནས་ཚུ་རོལ་གྱི་འགྲམ་དུ་འོང་བར་ཡང་བྱེད། རྒྱུན་ཕྱོགས་སུ་འགྲོ་བར་བྱེད། རྒྱུན་ལས་ལྡོག་ཕྱོགས་སུ་འགྲོ་བར་ཡང་བྱེད། ཆུ་ལ་རྔ་བོ་ཆེའི་སྒྲ་འབྱིན་པར་ཡང་བྱེད། རྫ་རྔ་ཁ་གཅིག་པའི་སྒྲ་འབྱིན་པ་ཡང་བྱེད། ཆུ་ལ་གསེག་མ་འཁྲབ་པ་དང་འཕེན་པར་ཡང་བྱེད། ཆུ་ལ་ཁོར་ཡུག་དང་རྡོ་རྗེ་ལྟ་བུ་ཡང་བྱེད། ཆུ་ལ་ཁྲོན་པ་དང་རྦ་ཀློང་དང ། ཆུ་སྲུབས་འདྲེན་པ་ཡང་བྱེད། ཆུ་ལ་རྒོད་བག་དང་ཕྱར་གཡེང་དང་ལུས་སྒྱུར་བ་དག་ཀྱང་བྱེད་དོ། །ཚེ་དང་ལྡན་པ་ཉེ་བར་འཁོར་ཡང་ཤེས་བཞིན་དུ་ཁྲུས་བྱས་ཏེ། ཆུ་ཀླུང་གནས་ཅན་རྒལ་ནས་ཆོས་གོས་དག་བགོས་ཏེ་སྡོད་དོ། །དེའི་ཚེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་སྟེང་གི་ཁང་བཟང་གི་གཞིར་གཏོགས་པ་ན་བཙུན་མོ་ཕྲེང་ལྡན་མ་དང་ལྷན་ཅིག་འདུག་པས་ཇི་ཙམ་ན་བཅུ་བདུན་སྡེ་དག་ཆུ་ལ་རྩེ་བར་རྩེ་བ་མཐོང་ངོ ། །མཐོང་ནས་ཀྱང་དེས་བཙུན་མོ་ཕྲེང་ལྡན་མ་ལ་སྨྲས་པ། ཕྲེང་
Ja379a
༄#། །ལྡན་མ་ཡོན་གནས་དག་གིས་མཛེས་པ་ལ་ལྟོས་ཤིག་ལྟོས་ཤིག་།ཕྲེང་ལྡན་མས་སྨྲས་པ། ལྷ་དེ་ནི་ངོ་མཚར་མི་ཆེ་སྟེ། ལང་ཚོ་གསར་དུ་གྱུར་ནས་ཚངས་པར་སྤྱད་པ་སྤྱོད་པ་ལགས་ཀྱི། ལྷ་བགྲེས་པའི་གནས་སྐབས་སུ་གྱུར་ཀྱང་ད་དུང་ཐུགས་མ་བྱུང་བ་ངོ་མཚར་ཆེ་ལགས་སོ། །རྒྱལ་པོ་སྐྱེངས་ནས་ཅང་མི་སྨྲ་བར་འདུག་གོ་།ཚེ་དང་ལྡན་པ་ཉེ་བར་འཁོར་གྱིས་ལ་ལ་ཞིག་མི་དགའ་བར་སེམས་པར་མ་གྱུར་ཏམ་སྙམ་དུ་བསམས་ན། དེས་ཇི་ཙམ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་སྟེང་གི་ཁང་བཟང་གི་གཞིར་གཏོགས་པ་ན་མི་དགའ་བར་སེམས་པ་མཐོང་ངོ ། ། མཐོང་ནས་ཀྱང་དེ་དག་ལ་སྨྲས་པ། ཚེ་དང་ལྡན་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་མི་དགའ་བར་སེམས་ཀྱི། བྱུང་ཞིག་དང་དེ་དགའ་བར་བྱའོ། །དེ་ནས་དེ་དག་བྱུང་སྟེ་གོས་དག་གྱོན་པ་ཚེ་དང་ལྡན་པ་ཉེ་བར་འཁོར་མོས་པ་ལས་བྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་ལྟར་དེ་དག་ཐམས་ཅད་ཆུ་ཚགས་དང་ཆུ་བུམ་དང་བཅས་ཏེ་སྟེང་གི་ནམ་མཁའ་ལ་ངང་པའི་རྒྱལ་པོ་འདབ་མ་བརྐྱང་པ་ལྟར་འཕགས་ཏེ་འདོང་ངོ ། །དེ་དག་སྟེང་གི་ནམ་མཁའ་ལ་འདོང་བའི་གྲིབ་མ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་སྟེང་གི་ཁང་བཟང་གི་གཞིར་བབ་ནས། བཙུན་མོ་ཕྲེང་ལྡན་མས་དེ་དག་སྟེང་གི་ནམ་མཁའ་ལ་ངང་པའི་རྒྱལ་པོ་འདབ་མ་བརྐྱང་བ་ལྟར་འཕགས་ཏེ་འདོང་བ་མཐོང་ནས། དེས་ཀོ་ས་ལར་བྱུང་བའི་རྒྱལ་པོ་
Ja379b
གསལ་རྒྱལ་ལ་སྨྲས་པ། ལྷ་ཡོན་གནས་དག་གི་མཛེས་པ་ལ་གཟིགས་ཤིག་གཟིགས་ཤིག་།རྒྱལ་པོས་སྨྲས་པ། ཕྲེང་ལྡན་མ་དགྲ་བཅོམ་པ་ཟག་པ་ཟད་པ་དག་ཆུ་ལ་ཕྱར་གཡེང་གིས་རྩེ་བར་འགྱུར་བ་དེ་ནི་གནས་མ་ཡིན་སྐབས་མ་ཡིན་ཏེ་དེ་ནི་གནས་མེད་དོ། །ཕྲེང་ལྡན་མས་སྨྲས་པ། ལྷས་དེ་ནི་གསན་ན་བཅོམ་ལྡན་འདས་ཀྱིས་འདི་ན་ངས་དགེ་སློང་འདུག་པ་ན་འདོད་ཆགས་དང་བཅས་ཞེ་སྡང་དང་བཅས་གཏི་མུག་དང་བཅས་པར་མཐོང་ལ། དེ་ཉིད་ལངས་པ་ན། འདོད་ཆགས་དང་བྲལ་ཞེ་སྡང་དང་བྲལ་གཏི་མུག་དང་བྲལ་བར་ཡང་མཐོང་ངོ ། །དགེ་སློང་དག་དེ་ལྟ་བས་ན་སེམས་ནི་གློག་དང་འདྲ་ལ། ཏིང་ངེ་འཛིན་ནི་རྡོ་རྗེ་དང་འདྲ་བས་ཉོན་མོངས་པ་རྣམས་ནི་ཡེ་ཤེས་ཀྱིས་འཇོམས་སོ་ཞེས་གསུངས་པ་དེ་མ་གསན་ཏམ། རྒྱལ་པོ་ཐོས་པ་ཉུང་བས་དེ་ཅང་མི་སྨྲ་བར་འདུག་གོ་།ཕྲེང་ལྡན་མས་ཀྱང་བསམས་པ། དགྲ་བཅོམ་པ་ཟག་པ་ཟད་པ་དག་ཆུ་ལ་ཕྱར་གཡེང་གིས་རྩེ་བ་དེ་ནི་གནས་མ་ཡིན་སྐབས་མ་ཡིན་ཏེ། དེ་ནི་གནས་མེད་དོ་སྙམ་མོ། །དེ་ནས་བཙུན་མོ་ཕྲེང་ལྡན་མས་མི་ཞིག་ལ་སྨྲས་པ། ཀྱེ་ནང་རྗེ་ཁྱོད་ཚུར་ཤོག་།བཅོམ་ལྡན་འདས་ག་ལ་བ་དེར་སོང་ལ་ཕྱིན་པ་དང ། ཁོ་མོའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚོལ་ལ་འདི་སྐད་བཙུན་མོ་ཕྲེང་ལྡན་མའི་མཆིད་ནས་བཙུན་པ་འཕགས་པ་འདི་དག་ཆབ་ལ་ཕྱར་གཡེང་གིས་རྩེ་བར་བགྱིས་པས་རྒྱལ་པོ་གློ་བ་མི་དགའ་བར་སེམས་ན། ཀྱེ་མ་བཅོམ་ལྡན་འདས་ཀྱིས་གང་གིས་འཕགས་པ་
Ja380a
༄#། །དག་ཆབ་ལ་ཕྱར་གཡེང་གིས་རྩེ་བར་མི་འགྱུར་བ་དྲན་པར་བགྱི་བ་ཅུང་ཞིག་བཅའ་བར་མཛད་ན་ལེགས་སོ་ཞེས་མཆིའོ་ཞེས་གསོལ་ཅིག་།མི་དེས་ཇོ་མོ་བཀའ་བཞིན་འཚལ་ཞེས་བཙུན་མོ་ཕྲེང་ལྡན་མ་ལས་མཉན་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ ། མཐའ་གཅིག་ཏུ་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཙུན་མོ་ཕྲེང་ལྡན་མ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ལོ། །བཙུན་མོ་ཕྲེང་ལྡན་མ་དང་ཁྱོད་བདེ་བར་གྱུར་ཅིག་།བཙུན་པ་བཙུན་མོ་ཕྲེང་ལྡན་མའི་མཆིད་ནས་འཕགས་པ་འདི་དག་ཆབ་ལ་ཕྱར་གཡེང་གིས་རྩེ་བར་བགྱིད་པས་རྒྱལ་པོ་གློ་བ་མི་དགའ་བར་སེམས་ན། ཀྱེ་མ་བཅོམ་ལྡན་འདས་ཀྱིས་གང་གིས་འཕགས་པ་དག་ཆབ་ལ་ཕྱར་གཡེང་གིས་རྩེ་བར་མི་འགྱུར་བའི་དྲན་པ་བགྱི་བ་ཅུང་ཞིག་བཅའ་བ་མཛད་ན་ལེགས་སོ་ཞེས་མཆིའོ། །བཅོམ་ལྡན་འདས་ཀྱིས་མི་དེ་ལ་ཅང་མི་གསུང་བས་གནང་ངོ ། །དེ་ནས་མི་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་
Ja380b
ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ་སངས་རྒྱས་བཅོམ་ལྡན་འདས་ཀྱིས་བཅུ་བདུན་སྡེ་དག་ལ་རྨས་པ། དགེ་སློང་དག་ཁྱེད་ཆུ་ལ་ཕྱར་གཡེང་གིས་རྩེ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཆུ་ལ་རྩེ་ན་ལྟུང་བྱེད་དོ། །ཆུ་ལ་རྩེ་ན་ཞེས་བྱ་བ་ནི་ཆུ་ལ་རྩེ་བའི་བསམ་པས་ལུས་ཀྱི་ལས་དང་ལུས་ཀྱི་སྤྱོད་པ་དང ། ལུས་ཀྱི་གཡོ་བ་བྱེད་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡག་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་
Ja381a
༄#། །བ་ཇི་ལྟར་འགྱུར་ཞེ་ན་གཞི་དགུ་ལས་ཏེ་རྩེ་བར་བྱའོ། །རྩེར་གཞུག་པར་བྱའོ། །རྩེད་མོ་བྱའོ། །རྩེད་མོ་བྱེད་དུ་གཞུག་གོ་།དགའ་བར་བྱའོ། །དགའ་བར་བྱེད་དུ་གཞུག་གོ་།རྒོད་བག་བྱའོ། །ཕྱར་གཡེང་བྱའོ། །ལུས་བསྒྱུར་བར་བྱའོ་སྙམ་པའི་བསམ་པས་སོ། །དེ་ལ་ཇི་ལྟར་རྩེ་བར་བྱའོ་སྙམ་པའི་བསམ་པས་ཤེ་ན། དགེ་སློང་གིས་ཆུ་ལ་རྩེ་བའི་བསམ་པས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། ཆོས་གོས་གྱོན་པར་བྱེད། འགྲོ་བར་བྱེད་ཅིང་གོས་དག་བཞག་ནས་ཁྲུས་རས་གྱོན་པར་བྱེད། ཆུར་འཇུག་པར་བྱེད་ཅིང་འོག་ཏུ་ནུབ་པར་བྱེད་ན་ལྟུང་བྱེད་དུ་འགྱུར་རོ། །སྟེང་དུ་འབྱུང་བར་བྱེད་ན་ལྟུང་བྱེད་དུ་འགྱུར་རོ། །སིམ་པར་འདོད་པའི་བསམ་པས་ནི་ལྟུང་བ་མེད་དོ། །ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་འགྲོ་བར་བྱེད་ན་ལྟུང་བྱེད་དུ་འགྱུར་རོ། །ཕ་རོལ་གྱི་འགྲམ་ནས་ཚུ་རོལ་གྱི་འགྲམ་དུ་འོངས་ན་ལྟུང་བྱེད་དུ་འགྱུར་རོ། །རྒལ་བའི་བསམ་པས་ནི་ལྟུང་བ་མེད་དོ། །རྒྱུན་ཕྱོགས་སུ་རྩོལ་ན་ལྟུང་བྱེད་དུ་འགྱུར་རོ། །རྒྱུན་ལས་ལྡོག་ཕྱོགས་སུ་རྩོལ་ན་ལྟུང་བྱེད་དུ་འགྱུར་རོ། །སློབ་པའི་བསམ་པས་ནི་ལྟུང་བ་མེད་དོ། །ཆུ་ལ་རྔ་བོ་ཆེ་རྡུང་ངམ། ཆུ་ལ་རྫ་རྔ་ཁ་གཅིག་པ་རྡུང་ངམ། ཆུ་ལ་གསེག་མ་འཁྲབ་བམ། ཆུ་ལ་ཁོར་ཡུག་བྱེད་དམ། ཆུ་ལ་རྡོ་རྗེ་བྱེད་དམ། ཆུ་ལ་ཆུ་སྲུབས་འདྲེན་ན་ལྟུང་བྱེད་དུ་འགྱུར་རོ། །ཐ་ན་ཆུ་ལ་བེམ་ཏོལ་གྱིས་བརྡེག་ན་ཉེས་བྱས་སུ་འགྱུར་རོ། །དགེ་སློང་གིས་བུམ་པ་དང་ཕྲུ་བ་
Ja381b
དང་རིལ་བ་དང་ཁམ་ཕོར་དུ་ཆུ་ལ་རྔ་བོ་ཆེ་རྡུང་བར་བྱེད་དམ། ཆུ་ལ་རྫ་རྔ་ཁ་གཅིག་པ་རྡུང་བར་བྱེད་དམ། ཐ་ན་བེམ་ཏོལ་གྱིས་རྡེག་ན་ཉེས་བྱས་སུ་འགྱུར་རོ། །དགེ་སློང་གིས་སྲན་ཚོད་དང་འུ་ཤ་དང་ཐང་ཚ་བར་ཆུ་ལ་རྔ་བོ་ཆེ་རྡུང་བར་བྱེད་དམ། རྫ་རྔ་ཁ་གཅིག་པ་རྡུང་བར་བྱེད་དམ། ཐ་ན་བེམ་ཏོལ་གྱིས་རྡེག་ན་ཉེས་བྱས་སུ་འགྱུར་རོ། །གྲངས་པར་འདོད་པའི་བསམ་པས་ནི་ལྟུང་བ་མེད་དེ་དེ་ལྟར་རྩེ་བར་བྱའོ། ། སྙམ་པའི་བསམ་པས་སོ། །རྩེར་གཞུག་གོ་སྙམ་པའི་བསམ་པ་ལ་སོགས་པ་ལྷག་མ་རྣམས་ལ་ཡང་དེ་བཞིན་ནོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཆུ་ལ་རྩེ་བའི་ལྟུང་བྱེད་དེ་དྲུག་ཅུ་བཞི་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་རེ་གཅིག་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མ་འགགས་པས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཤིང་རྣམ་པར་གྲོལ་བའི་བདེ་བ་ཉམས་སུ་མྱོང་བའི་ཚེ་དེ་འདི་སྙམ་དུ་སེམས་ཏེ་བཅོམ་ལྡན་འདས་དེ་ནི་བདག་ལ་ཕན་པ་མཛད་པ་ཡིན་ནོ། །བདེ་བར་གཤེགས་པ་དེ་ནི་བདག་ལ་ལེགས་པ་མཛད་པ་ཡིན་ཏེ། འདི་ལྟར་བཅོམ་ལྡན་འདས་དེ་ནི་བདག་གི་སྡུག་བསྔལ་གྱི་ཆོས་མང་པོ་སེལ་བར་མཛད་པ། བཅོམ་ལྡན་འདས་དེ་ནི་བདག་གི་བདེ་བའི་ཆོས་མང་པོ་སྒྲུབ་པར་མཛད་པ། བཅོམ་
Ja382a
༄#། །ལྡན་འདས་དེ་ནི་བདག་གི་སྡིག་པ་མི་དགེ་བའི་ཆོས་མང་པོ་སེལ་བར་མཛད་པ། བཅོམ་ལྡན་འདས་དེ་ནི་བདག་གི་དགེ་བའི་ཆོས་མང་པོ་སྒྲུབ་པར་མཛད་པ་ཡིན་ན། བདག་གིས་དེ་ལ་ཅི་ཞིག་བྱས་ན། བདག་གིས་བཅོམ་ལྡན་འདས་ལ་ལན་བྱས་པ་དང ། ཉེ་བར་བྱས་པ་དང ། རབ་ཏུ་བྱས་པར་འགྱུར་སྙམ་ནས། ཡང་དེ་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་དཀའ་བ་མཛད་པ་བརྒྱ་སྟོང་དུ་མ་དག་གིས་བསྐལ་པ་གྲངས་མེད་པ་གསུམ་གྱིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་ནས། བླ་ན་མེད་པའི་མཁྱེན་པ་ཐུགས་སུ་ཆུད་པ་གང་ཡིན་པ་དེ་དག་ཐམས་ཅད་ནི་སེམས་ཅན་གྱི་དོན་གྱི་ཕྱིར་ཡིན་པས་བདག་གིས་ཀྱང་གདུལ་བའི་བྱ་བ་ཅུང་ཞིག་བྱའོ་སྙམ་མོ། །དེ་ནས་ཚེ་དང་ལྡན་པ་མ་འགགས་པ་ཕྱེ་མ་བྲེད་ནང་དུ་ཡང་དག་འཇོག་ལས་ལངས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་མ་འགགས་པས་འདི་སྐད་ཅེས་གསོལ་ཏོ། །བཙུན་པ་བདག་ལྗོངས་རྒྱུར་མཆི་བར་འཚལ་ལོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མ་འགགས་པའི་སེམས་ཐུགས་ཀྱིས་མཁྱེན་ནས། ཚེ་དང་ལྡན་པ་མ་འགགས་པ་ལ་འདི་སྐད་ཅེས་བཀའ་སྩལ་པ། མ་འགགས་པ་ཁྱོད་སོང་ལ་སེམས་ཅན་མ་རྒལ་བ་
Ja382b
རྣམས་ནི་སྒྲོལ་ཅིག་།མ་གྲོལ་བ་རྣམས་ནི་ཁྲོལ་ཅིག་།དབུགས་མ་བྱིན་པ་རྣམས་ནི་དབུགས་ཕྱུང་ཞིག་།ཡོངས་སུ་མྱ་ངན་ལས་མ་འདས་པ་རྣམས་ནི་ཡོངས་སུ་མྱ་ངན་ལས་ཟློས་ཤིག་།དེ་ནས་ཚེ་དང་ལྡན་པ་མ་འགགས་པས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་མ་འགགས་པ་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། ། མཉན་ཡོད་དུ་བསོད་སྙོམས་བརྒྱུས་ནས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་ལོངས་སྤྱོད་པའི་གནས་མལ་མཁོས་སུ་ཕབ་ནས། ལྷུང་བཟེད་དང་ཆོས་གོས་ཐོགས་ཏེ་ལྗོངས་རྒྱུར་སོང་ངོ ། །རི་བྲགས་ཤིག་ན་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་གཉིས་དང་བུ་མོ་གཅིག་ཡོད་ནས་དེས་བུ་དེ་གཉིས་ཀྱི་ཁྱིམ་ཕུབ་ཅིང་བུ་མོ་དེ་ཡང་བག་མར་བཏང་ངོ ། །དུས་གཞན་ཞིག་ན་ཁྱིམ་བདག་དེ་ཡང་དུས་ལ་བབ། དེའི་བུ་མོ་དེ་ཡང་ཁྱོ་ཤི་བར་གྱུར་ནས། མིང་པོ་གཉིས་ཀྱི་ཁྱིམ་དུ་གནས་པར་བརྩམས་ཤིང་དེ་སྐྱེས་པ་གཞན་དག་དང་ལྷན་ཅིག་དགའ་མགུར་སྤྱོད་པར་བྱེད་དོ། །རི་བྲགས་དེ་ན་དེའི་མིང་པོ་དེ་གཉིས་གཙོ་བོར་གྲགས་པ་ཡིན་ཏེ། གང་གི་ཚེ་དེ་
Ja383a
༄#། །གཉིས་འགའ་ཞིག་དང་ལྷན་ཅིག་འཐབ་པ་དེའི་ཚེ་ན་འཐབ་ཟླ་དེ་ན་རེ། ཁྱེད་གཉིས་ཀྱང་སྨྲའམ། ཁྱེད་གཉིས་ཀྱི་སྲིང་མོ་སྐྱེས་པ་གཞན་དག་དང་ལྷན་ཅིག་དགའ་མགུར་སྤྱོད་པར་བྱེད་དོ་ཞེས་ཟེར་རོ། །དེ་གཉིས་དོང་སྟེ་སྲིང་མོ་ལ་སྨྲས་པ། སྲིང་མོ་ཁོ་བོ་ཅག་གཉིས་མི་དང་འཐབ་པ་ན། དེ་ན་རེ་ཁྱེད་གཉིས་ཀྱང་སྨྲའམ། ཁྱེད་གཉིས་ཀྱི་སྲིང་མོ་སྐྱེས་པ་གཞན་དང་ལྷན་ཅིག་དགའ་མགུར་སྤྱོད་པར་བྱེད་དོ་ཞེས་ཟེར་རོ། །སྲིང་མོས་སྨྲས་པ། མིང་པོ་གཉིས་བདག་ནི་ཚུལ་ཁྲིམས་དང་ལྡན་པ་ལགས་ན་སྐྱེ་བོ་རྫུན་མ་དག་བདག་ལ་སྐུར་བར་མཆིའོ། །དུས་གཞན་ཞིག་ན་དེ་ལ་སེམས་ཅན་ཞུགས་པར་གྱུར་ཏེ། མངལ་ན་གནས་པའི་མཚན་མ་དག་ཀྱང་བྱུང་ནས་མིང་པོ་གཉིས་ཀྱིས་དེ་ལ་སྨྲས་པ། སྲིང་མོ་ཁྱོད་ན་རེ། བདག་ནི་ཚུལ་ཁྲིམས་དང་ལྡན་པ་ལགས་ན། སྐྱེ་བོ་རྫུན་མ་དག་སྐུར་བར་མཆིའོ་ཞེས་ཟེར་ན་འདི་ག་ལས་བྱུང ། སྲིང་མོས་སྨྲས་པ། མིང་པོ་གཉིས་འདི་ནི་སེམས་ཅན་སྤྱི་རྡོལ་ཅན་ཞིག་ནན་གྱིས་བདག་གི་མངལ་དུ་ཞུགས་པ་ལགས་སོ། །དུས་གཞན་ཞིག་ན་དེ་བཙས་པ་ལས་ཁྱེའུ་ཞིག་བྱུང་ནས་དེའི་ཉེ་དུ་དག་འདུས་ཤིང་ལྷགས་ཏེ་ཁྱེའུ་འདིའི་མིང་ཅིར་གདགས་ཞེས་དེའི་མིང་འདོགས་པར་བྱེད་པ་ན་དེ་དག་འདི་སྙམ་དུ་སེམས་ཏེ་ཁྱེའུ་འདི་མ་བཙས་པ་ཁོ་ན་ནས་མས་སྤྱི་རྡོལ་ཅན་ཞེས་བྱ་བའི་ཚིག་ཀུན་ཏུ་བརྗོད་པས། ཁྱེའུ་འདིའི་མིང་སྤྱི་རྡོལ་ཅན་དུ་གདགས་སོ་ཞེས་ཁྱེའུ་དེའི་མིང་སྤྱི་རྡོལ་ཅན་ཞེས་བྱ་བར་བཏགས་སོ། །དེའི་མ་ཡང་སྤྱི་རྡོལ་ཅན་གྱི་མ་
Ja383b
ཞེས་བྱ་བའི་མིང་དུ་གྱུར་ནས། མིང་པོ་གཉིས་ཀྱིས་དེ་གནས་གཞན་དུ་བཞག་གོ་།ཚེ་དང་ལྡན་པ་མ་འགགས་པ་ལྗོངས་རྒྱུ་ཞིང་འགྲོ་བ་ན་རི་བྲགས་དེར་ཕྱིན་ནས་དེས་དེར་བསྟི་གནས་བརྙས་པ་དང ། ཁྱེའུ་དག་ཅིག་རྩེ་ཞིང་འཁོད་པ་དེ་དག་གིས་དེ་ལ་སྨྲས་པ། འཕགས་པ་སྤྱི་རྡོལ་ཅན་གྱི་མ་ལ་བསྟི་གནས་གཡོར་ཅག་དང ། དེ་ཁྱོད་ལ་བསྟི་གནས་འབུལ་བར་འགྱུར་རོ། །དགྲ་བཅོམ་པ་རྣམས་ཀྱི་ཆོས་ཉིད་ནི་མ་བསམས་པར་ཤེས་པ་དང་མཐོང་བ་མི་འཇུག་པས་དེ་དེར་སོང་སྟེ་བསྟི་གནས་བརྙས་པ་དང ། དེས་དེ་ལ་བསྟི་གནས་ཕུལ་ཏེ་སྟན་བཤམས་ནས་འདིར་བཞུགས་ཤིག་ཅེས་སྨྲས་སོ། །དེ་དེར་འདུག་པ་དང་དེས་དེའི་རྐང་པ་བཀྲུ་བའི་ཆུ་ཁྱེར་ཏེ་འོངས་ནས་སྨྲས་པ། འཕགས་པ་ཞབས་བཀྲུ་བར་བགྱིའོ། །ཚེ་དང་ལྡན་པ་མ་འགགས་པས་སྨྲས་པ། ཁོ་བོ་ནི་བུད་མེད་ཀྱིས་རྐང་པ་མི་འཁྲུའོ། །དེས་བསམས་པ། རབ་ཏུ་བྱུང་བ་དག་ལ་འདི་ལྟ་བུའི་བརྟུལ་ཞུགས་ཡང་དག་པར་བླངས་པ་ཡོད་དོ་སྙམ་ནས་དེས་དེའི་རྐང་པ་བསྐུ་བ་ཁྱེར་ཏེ་འོངས་ནས་སྨྲས་པ། འཕགས་པ་ཞབས་བསྐུ་བར་བགྱིའོ། །ཚེ་དང་ལྡན་པ་མ་འགགས་པས་སྨྲས་པ། ཁོ་བོ་ནི་བུད་མེད་ཀྱིས་རྐང་པ་མི་སྐུད་དོ། །དེས་བསམས་པ། རབ་ཏུ་བྱུང་བ་དག་ལ་འདི་ལྟ་བུའི་བརྟུལ་ཞུགས་ཡང་དག་པར་བླངས་པ་ཡོད་དོ་སྙམ་ནས། དེས་ཟན་ཁྱེར་ཏེ་འོངས་ནས་སྨྲས་པ།་འཕགས་པ་བཤོས་གསོལ་ཅིག་།ཚེ་དང་ལྡན་པ་མ་འགགས་པས་སྨྲས་པ། ཁོ་བོ་ནི་དུས་མ་ཡིན་པར་མི་ཟའོ། །དེས་བསམས་པ། རབ་ཏུ་བྱུང་བ་དག་ལ་བརྟུལ་ཞུགས་འདི་ལྟ་བུ་ཡང་དག་པར་བླངས་
Ja384a
༄#། །བ་ཡོད་དོ་སྙམ་ནས། དེས་དེའི་མལ་བཤམས་པ་དང ། ཚེ་དང་ལྡན་པ་མ་འགགས་པས་མལ་དེར་སྐྱིལ་མོ་ཀྲུང་བཅས་ནས། ལུས་དྲང་པོར་བསྲངས་ཏེ་དྲན་པ་མངོན་དུ་ཕྱོགས་པར་བཞག་ནས་འདུག་གོ་།དེས་དེའི་གན་དུ་འོངས་ཏེ། བུད་མེད་ཀྱི་གཡོ་དག་དང ། བུད་མེད་ཀྱི་གྱ་གྱུ་དག་དང ། བུད་མེད་ཀྱི་ཡ་ཡོ་དག་དང ། བུད་མེད་ཀྱི་སྒྱུ་གང་དག་ཡིན་པ་དེ་དག་ཉེ་བར་བསྟན་པར་བརྩམས་པ་དང ། ཚེ་དང་ལྡན་པ་མ་འགགས་པ་དབང་པོ་དག་འབེབས་པར་བྱེད་དོ། །དེས་བསམས་པ། འདི་ཆད་པས་རེ་ཞིག་ཉལ་དུ་བཅུག་སྟེ་ནམ་ཕྱེད་ན་འགྲོ་བར་བྱའོ་སྙམ་ནས། དེ་ནམ་ཕྱེད་ན་སོང་སྟེ་དེ་བཞིན་དུ་བུད་མེད་ཀྱི་གཡོ་དག་དང ། བུད་མེད་ཀྱི་གྱ་གྱུ་དག་དང ། བུད་མེད་ཀྱི་ཡ་ཡོ་དག་དང ། བུད་མེད་ཀྱི་སྒྱུ་གང་དག་ཡིན་པ་དེ་དག་བསྟན་པར་བརྩམས་པ་དང ། ཚེ་དང་ལྡན་པ་མ་འགགས་པས་དབང་པོ་དག་འབེབས་པར་བྱེད་དོ། །དེས་བསམས་པ། སྐྱེས་བུ་འདི་ལྟ་བུ་དང་ནི་ཤིན་ཏུ་ཐག་རིང་དུ་སོང་ཡང་ལྷན་ཅིག་དགའ་མགུར་སྤྱད་པ་བྱ་བ་ཡིན་ན། གང་གིས་འདི་བདག་གི་དབང་དུ་འགྱུར་བའི་ཐབས་དེས་བསམས་པ། བུད་མེད་ཀྱི་ཡུལ་གྱི་རིག་པ་ནི་དུག་ཡིན་པས། བདག་གིས་འཁྱུད་ན་འདི་བདག་གི་དབང་དུ་འགྱུར་རོ་སྙམ་ནས་དེས་འཁྱུད་པར་བརྩམས་པ་དང ། ཚེ་དང་ལྡན་པ་མ་འགགས་པ་ངང་པའི་རྒྱལ་པོ་འདབ་མ་བརྐྱང་པ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང་གསལ་བ་དང ། ཆར་འབེབས་པ་དང་གློག་
Ja384b
འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། བུད་མེད་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་ཚེ་དང་ལྡན་པ་མ་འགགས་པའི་རྐང་པ་གཉིས་ཀྱི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་གི་སུག་པ་ནས་དྲང་བ་སྩལ་དུ་གསོལ། ཚེ་དང་ལྡན་པ་མ་འགགས་པ་བུད་མེད་དེ་ལ་རྗེས་སུ་སྙིང་བརྩེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །དེ་ནས་བུད་མེད་དེས་ཚེ་དང་ལྡན་པ་མ་འགགས་པའི་རྐང་པ་གཉིས་ལ་ཕྱག་འཚལ་ཏེ་སྟན་ཤིན་ཏུ་དམའ་བ་ཞིག་བླངས་ནས། ཆོས་མཉན་པའི་ཕྱིར་དེའི་མདུན་དུ་འདུག་གོ་།ཚེ་དང་ལྡན་པ་མ་འགགས་པས་དེའི་བསམ་པ་དང་བག་ལ་ཉལ་དང ། ཁམས་དང་རང་བཞིན་ཁོང་དུ་ཆུད་ནས་གང་ཐོས་ན་བུད་མེད་དེས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པར་བྱས་སོ། །དེས་བདེན་པ་མཐོང་ནས་སྨྲས་པ། བཙུན་པ་མ་འགགས་པས་བདག་ལ་གང་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་
Ja385a
༄#། །སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང་རྩ་ལག་གི་ཚོགས་དག་གིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་དུད་འགྲོ་དང་ཡི་དྭགས་དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་།འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་མ་འགགས་པ་བདག་ནི་མངོན་པར་ཞུགས་པ་ལགས་སོ། །བཙུན་པ་མ་འགགས་པ་བདག་ནི་མངོན་པར་ཞུགས་པ་ལགས་ཏེ། བཙུན་པ་མ་འགགས་པ་བདག་བཅོམ་ལྡན་འདས་དང ། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆིས། བདག་དགེ་བསྙེན་མར་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་སྐྱབས་སུ་མཆིའོ། །བཙུན་པ་མ་འགགས་པ་དེའི་སླད་དུ་སང་འདི་ཉིད་དུ་གདུགས་ཚོད་གསོལ་བ་ཅི་གནང ། སྲིང་མོ་དམ་ཚིག་གིས་བཟའ་བར་བྱ་སྟེ། གལ་ཏེ་སྒོ་བཅད་ཏེ་སྦྱིན་པར་བྱེད་ན་བཟའོ། །དེས་སྨྲས་པ་ཆབ་སྒོ་བཀུམ་སྟེ་གསོལ་ལོ། །དེས་དེ་ཉིད་ཀྱི་མཚན་མོ་ཁ་ཟས་སྟ་གོན་བྱས་ནས། ནང་པར་སྔར་ལངས་ཏེ་སྟན་བཤམས་ནས་སྒོ་བཅད་དེ་གདུགས་ཚོད་ལ་བབ་པ་དང ། ཚེ་དང་ལྡན་པ་
Ja385b
མ་འགགས་པ་བདེ་བར་འདུག་པར་རིག་ནས་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད། སྟོབས་པར་བྱེད་དོ། །རྣམ་གྲངས་དུ་མར་བཅའ་བ་དང་གཟའ་བ་གཙང་ཞིང་བསོད་པས་རང་གི་ལག་ནས་བསྟབས་ཤིང་ཚིམ་པར་བྱས་ནས། ཚེ་དང་ལྡན་པ་མ་འགགས་པ་ཟན་ཟོས་ཤིང་ལག་པ་བསྙལ། ལྷུང་བཟེད་བཞག་པར་རིག་ནས་སྟན་ཆོས་དམའ་བ་ཞིག་བླངས་ཏེ་ཚེ་དང་ལྡན་པ་མ་འགགས་པའི་མདུན་དུ་ཆོས་མཉན་པའི་ཕྱིར་འདུག་གོ་།དེའི་ཚེ་ན་དེའི་མིང་པོ་གཉིས་མི་ཞིག་དང་ལྷན་ཅིག་འཐབ་མོ་བྱུང་བ་ན་མི་དེ་ན་རེ། ཁྱེད་གཉིས་ཀྱང་སྨྲའམ། ཁྱེད་གཉིས་ཀྱི་སྲིང་མོ་ཡ་མཚན་ཅན་སྣ་ཚོགས་དང་ལྡན་པའི་མཆོད་སྦྱིན་བྱེད་པས། ཤཱཀྱའི་བུའི་དགེ་སྦྱོང་ཡང་མ་བཏང་སྟེ། ཤཱཀྱའི་བུའི་དགེ་སྦྱོང་ཁར་ཙང་ཞུགས་ན་ད་དུང་ཡང་མ་བྱུང་ངོ་ཞེས་ཟེར་རོ། །དེ་གཉིས་ཀྱིས་བསམས་པ། བདག་ཅག་གཉིས་གང་ཅུང་ཟད་མིས་བརྙས་པར་གྱུར་པ་ཐམས་ཅད་ནི་འདིའི་ལེ་ལན་ཡིན་གྱི། དེ་གསོད་དུ་འདོང་ངོ་སྙམ་ནས་རལ་གྲི་ཤུབས་ནས་ཕྱུང་སྟེ་དེའི་ཁྱིམ་ག་ལ་བ་དེར་ལོགས་སུ་ཕྱོགས་ཏེ་བརྒྱུགས་པ་དང ། སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་ཁ་ཅིག་ནི་ལྟད་མོ་སྐྱེས་པ་ན། ཁ་ཅིག་སྔོན་གྱི་དགེ་བའི་རྩ་བ་དག་གིས་བསྐུལ་བ་ན། དེ་གཉིས་ཀྱི་ཕྱི་བཞིན་ཕྱིར་བཞིན་དུ་རྗེས་སུ་འབྲང་ངོ ། །དེ་ནས་ཚེ་དང་ལྡན་པ་མ་འགགས་པས་སྨྲས་པ། སྲིང་མོ་ཁོ་བོ་ཕྱིར་འབྱུང་གི། ཁྱོད་ཀྱིས་སྒོ་ཆོད་ཅིག་།དེ་ཕྱིར་བྱུང་བ་དང་དེས་སྒོ་བཅད་དོ། །དེ་ནས་ཚེ་དང་ལྡན་པ་མ་འགགས་པས་ངང་པའི་རྒྱལ་
Ja386a
༄#། །པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་འཕགས་ནས་འབར་བ་དང་གསལ་བ་དང ། ཆར་འབེབས་པ་དང་གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། ། སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས་དེ་གཉིས་ཤིང་ལྗོན་པ་རྩ་བ་ནས་བཅད་པ་བཞིན་དུ་ཚེ་དང་ལྡན་པ་མ་འགགས་པའི་རྐང་པ་གཉིས་ཀྱི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་ཅག་གི་སུག་པ་ནས་དྲང་བ་སྩལ་དུ་གསོལ། ཚེ་དང་ལྡན་པ་མ་འགགས་པ་དེ་གཉིས་ལ་རྗེས་སུ་སྙིང་བརྩེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །དེ་ནས་དེ་གཉིས་ཀྱིས་ཚེ་དང་ལྡན་པ་མ་འགགས་པའི་རྐང་པ་གཉིས་ལ་ཕྱག་འཚལ་ཏེ་མཐའ་གཅིག་ཏུ་འཁོད་དོ། །ཚེ་དང་ལྡན་པ་མ་འགགས་པས་འཁོར་དེའི་བསམ་པ་དང་བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར་ཇི་སྲིད་སྲོག་ཆགས་ཉི་ཁྲི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དང ། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ།་ཁ་ཅིག་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས། ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་
Ja386b
སེམས་བསྐྱེད། ཁ་ཅིག་གིས་ནི་རང་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་པར་གྱུར་པ་དེ་ལྟར་ཆོས་བསྟན་པར་བྱས་ཏེ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང་ཆོས་ལ་འབབ་པ་དང ། དགེ་འདུན་ལ་བབ་པར་གྱུར་ཏོ། །དེ་ནས་ཚེ་དང་ལྡན་པ་མ་འགགས་པས་འཁོར་དེ་ལ་ཆོས་བསྟན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས། སྟན་ལས་ལངས་ཏེ་སོང་ནས་རི་བྲགས་གཞན་ཞིག་ག་ལ་བ་དེར་ལོགས་སུ་སོང་ངོ ། །རི་བྲགས་དེ་དང་ཧ་ཅང་མི་རིང་བ་ན་སྐྱེད་མོས་ཆལ་ཞིག་ཡོད་པ་དེར་མཚན་མོ་གནས་པར་ཁས་བླངས་ནས་དེ་སྐྱིལ་མོ་ཀྲུང་བཅས་ནས་འདུག་གོ་།ཆོམ་རྐུན་པ་རི་བྲགས་འཇོམས་པར་འདོད་པ་ལྔ་བརྒྱ་ཙམ་ཞིག་ཀྱང་སྐྱེད་མོས་ཚལ་དེར་ཞུགས་ནས། དེ་ན་ཆོམ་རྐུན་པ་གཅིག་གིས་ཚེ་དང་ལྡན་པ་མ་འགགས་པ་སྡོང་དུམ་ཡིན་ནོ་སྙམ་ནས། དེའི་སྟེང་དུ་མདའ་དག་བཞག་སྟེ། ཆོམ་རྐུན་པ་དེས་མདའ་དག་ཕྱིར་བླང་བར་བརྩམས་པ་དང ། ཚེ་དང་ལྡན་པ་མ་འགགས་པས་སྨྲས་པ། བཞིན་བཟང་རྣ་སྦྲང་ཆོས་གོས་ལ་ཐོགས་ཀྱི། ཆོས་གོས་རལ་བར་མི་འགྱུར་བར་དལ་བུས་ལོང་ཞིག་།དེས་སྨྲས་པ་ཁྱོད་སུ་ཞིག་།དགེ་སྦྱོང་ངོ ། །གང་དག་གིས། ཤཱཀྱའི་བུའི་དགེ་སྦྱོང་དག་གིའོ། །དེས་སྨྲས་པ། ཤེས་ལྡན་དག་བདག་ཅག་གིས་བཀྲ་མི་ཤིས་པ་མཐོང་གི། གསད་
Ja387a
༄#། །པར་བྱའོ། །དེ་ན་དམག་དཔོན་གང་ཡིན་པ་དེ་ཚེ་དང་ལྡན་པ་མ་འགགས་པ་སྔོན་ཁྱིམ་ན་གནས་པའི་བྲན་དུ་གྱུར་ཅིང་ཚེ་དང་ལྡན་པ་མ་འགགས་པས་འཕོང་གི་དཔོང་ས་གང་དུ་བསླབ་པ་དེར་དེས་ཀྱང་བསླབས་ཤིང་དེ་གཅད་པ་ལ་མཁས་པར་གྱུར་ཏོ། །གང་གི་ཚེ་ཚེ་དང་ལྡན་པ་མ་འགགས་པ་ཁྱིམ་ནས་རབ་ཏུ་བྱུང་བ་དེའི་ཚེ་ན་དེ་ཡང་ཆོམ་རྐུན་པའི་ནང་དུ་ཞུགས་ཏེ་ཆོམ་རྐུན་པ་ལྔ་བརྒྱའི་དམག་དཔོན་དུ་གྱུར་པས་དེས་དེ་སྐད་ལས་ཚེ་དང་ལྡན་པ་མ་འགགས་པ་ངོ་ཤེས་ནས་དེས་སྨྲས་པ། འཕགས་པ་མ་འགགས་པ་མ་ལགས་སམ། བཞིན་བཟང་སྐྱེ་བོ་དག་གིས་དེ་ལྟར་ཤེས་སོ། །དེས་སྨྲས་པ་ཤེས་ལྡན་དག་འདི་མ་གསད་ཅིག་།འདི་ནི་མི་སྐལ་བ་བཟང་པོ་རབ་ཏུ་བྱུང་བ་ཡིན་ཏེ་འདིའི་མིང་གིས་ཚོང་བ་དག་རྒྱ་མཚོ་ཆེན་པོ་ནས་ཀྱང་གྲུ་བོ་ཆེ་ལེགས་པར་གྲུབ་སྟེ་འོང་ངོ ། །ཇི་ལྟར་ཤེས། གལ་ཏེ་བདག་ཅག་གིས་དོ་མོད་ཅི་ཡང་མི་ཐོབ་ན་དེའི་འོག་ཏུ་གཟོད་གསད་པར་བྱའི། ཐོབ་ན་གསད་པར་མི་བྱས། རེ་ཞིག་སྡོད་ཅིག་ཅེས་དེ་དག་གིས་དེའི་སྲུང་མ་ཆོམ་རྐུན་པ་མི་བཞི་བཞག་སྟེ། འདི་བྲོས་པར་གྱུར་ཏ་རེ་ཞེས་བསྒོ་ནས་དེ་དག་འཇོམས་པར་འདོད་པས་རི་བྲགས་དེར་ཞུགས་སོ། །ཚེ་དང་ལྡན་པ་མ་འགགས་པས་སྲུང་མ་བཞི་པོ་དེ་དག་ལ་སྨྲས་པ། བཞིན་བཟང་དག་རེ་ཞིག་གོ་ཕུད་ཅིག་།དེ་དག་གིས་སྨྲས་པ། ཁྱོད་འབྲོས་པར་འགྱུར་རོ། །ཁྱེད་ཅག་མི་བཞི་འཁོད་ན་ཁོ་བོ་ཇི་ལྟར་འབྲོས་པར་འགྱུར།
Ja387b
དེ་དག་གིས་གོ་ཕུད་དེ་འཁོད་པ་དང ། ཚེ་དང་ལྡན་པ་མ་འགགས་པས། དེ་དག་གི་བསམ་པ་དང་བག་ལ་ཉལ་དང་ཁམས་དང་རང་བཞིན་ཁོང་དུ་ཆུད་ནས། འདི་ལྟར་དེ་དག་གིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པར་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། བཙུན་པ་བདག་ཅག་གིས་དགེ་བའི་བཤེས་གཉེན་བཙུན་པ་ལ་བརྟེན་ནས་བཙུན་པས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང་རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་དུད་འགྲོ་དང་ཡི་དྭགས་དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་།འཁོར་བ་ནི་མཐར་བགྱིས་།ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ཅག་ནི་མངོན་པར་ཞུགས་པ་ལགས་སོ། །བཙུན་པ་བདག་
Ja388a
༄#། །ཅག་ནི་མངོན་པར་ཞུགས་པ་ལགས་ཏེ། བཙུན་པ་བདག་ཅག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆིས། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །འཕགས་པ་བདག་ཅག་གི་གྲོགས་གཞན་དེ་དག་གིས་ཀྱང་ཆོས་འདི་ལྟ་བུ་དག་ཐོབ་པར་འགྱུར་རམ། ཁྱེད་ཅག་ལས་ཤས་ཆེར་རྟེན་པ་ཐམས་ཅད་ཀྱིས་འཐོབ་པར་འགྱུར་རོ། །ཚེ་དང་ལྡན་པ་མ་འགགས་པས་ཅི་ནས་ཀྱང་རི་བྲགས་དེ་ན་ཁྱི་གཅིག་ཀྱང་སོད་པར་མ་གྱུར་པ་དེ་ལྟར་བྱིན་གྱིས་བརླབས་ནས། ཆོམ་རྐུན་པ་དེ་དག་གིས་ལས་བྱས་ཏེ་ཕྱིར་ལྷགས་ནས། དེ་དག་གིས་མི་བཞི་པོ་དག་ལ་སྨྲས་པ། རབ་ཏུ་བྱུང་བ་དེ་ག་རེ། དེས་ཅི་བྱ། ཁོ་བོ་ཅག་གིས་ལས་བྱས་ཏེ་ལྷགས་པས་དེ་ལ་བསྙེན་བཀུར་བྱའོ། །ཚེ་དང་ལྡན་པ་མ་འགགས་པས་དེ་དག་ལ་སྨྲས་པ། བཞིན་བཟང་དག་གོ་ཕུད་ལ་འཁོད་ཅིག་དང ། ཁྱེད་ལ་ཆོས་བསྟན་པར་བྱའོ། །འཕགས་པ་བདག་ཅག་འཛིན་པ་མི་མཆིའམ། མི་འོང་ངོ ། །མི་དག་གིས་གོ་ཕུད་དེ། ཚེ་དང་ལྡན་པ་མ་འགགས་པའི་མདུན་དུ་ཆོས་མཉན་པའི་ཕྱིར་འཁོད་པ་དང ། ཚེ་དང་ལྡན་པ་མ་འགགས་པས་དེ་དག་གི་བསམ་པ་དང ། བག་ལ་ཉལ་དང ། ཁམས་དང་རང་བཞིན་ཁོང་དུ་ཆུད་ནས་འདི་ལྟར་དེ་དག་གིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་
Ja388b
བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པར་བྱས་སོ། །དེ་དག་གིས་བདེན་པ་མཐོང་ནས་སྨྲས་པ། བཙུན་པ་བདག་ཅག་གིས་དགེ་བའི་བཤེས་གཉེན་བཙུན་པ་ལ་བརྟེན་ནས། བཙུན་པས་བདག་ཅག་ལ་གང་མཛད་པ་འདི་ལྟ་བུ་ནི་བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་དུད་འགྲོ་དང་ཡི་དྭགས་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་།འཁོར་བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ཅག་ནི་མངོན་པར་ཞུགས་པ་ལགས་སོ། །བཙུན་པ་བདག་ཅག་ནི་མངོན་པར་ཞུགས་པ་ལགས་ཏེ། བཙུན་པ་བདག་ཅག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆིས། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པས་ནས་རབ་ཏུ་དང་བས་སྐྱབས་སུ་མཆིའོ། །འཕགས་
Ja389a
༄#། །པ་བདག་ཅག་གིས་ད་ནི་གཞན་གྱི་ཏིལ་གྱི་ཕུབ་མ་ཙམ་ཡང་མ་བྱིན་པར་ལེན་པའི་རྡོ་མི་ཐོགས་པས་རྫས་འདིས་ཅི་བགྱི། བཞིན་བཟང་དག་དེ་ཉིད་དུ་དེང་ལ་ཞོག་ཅིག ། འཕགས་པ་བདག་ཅག་འཛིན་པ་མི་མཆིའམ། ཅི་ཁྱེད་ཀྱིས་དེར་ཁྱི་གཅིག་ཙམ་ཡང་སད་པར་གྱུར་ཏམ། དེང་ལ་དེ་ཉིད་དུ་ཞོག་ཅིག་།དེ་དག་གིས་དེར་སོང་སྟེ་རྫས་དེ་དག་ཕྱིར་བཞག་གོ་།དེ་ནས་ཚེ་དང་ལྡན་པ་མ་འགགས་པ་ལ་མངོན་པར་དད་པའི་ལྷ་གང་ཡིན་པ་དེས། རི་བྲགས་དེར་སྨྲས་པ། ཁྱེད་མ་བཅོམ་པ་གང་ཡིན་པ་དེ་ཐམས་ཅད་ནི་འཕགས་པ་མ་འགགས་པའི་མཐུ་ཡིན་ཏེ།་འཕགས་པ་མ་འགགས་པ་སྐྱེད་མོས་ཚལ་འདི་ན་བཞུགས་ཀྱི། དེང་ལ་ཆོས་ཉོན་ཅིག་།དེ་ནས་སྲོག་ཆགས་བརྒྱ་སྟོང་ཕྲག་དུ་མ་དག་ཁ་ཅིག་ནི་ལྟད་མོ་སྐྱེས་པ་ན། ཁ་ཅིག་ནི་སྔོན་གྱི་དགེ་བའི་རྩ་བ་དག་གིས་བསྐུལ་བ་ན། དེ་ནས་ཕྱིར་འཐོན་ནས་འཕགས་པ་མ་འགགས་པ་ག་ལ་བ་དེར་དོང་སྟེ་ཕྱིན་ནས། འཕགས་པ་མ་འགགས་པའི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཆོས་མཉན་པའི་ཕྱིར་འཕགས་པ་མ་འགགས་པའི་མདུན་དུ་འཁོད་དོ། །ཚེ་དང་ལྡན་པ་མ་འགགས་པས་འཁོར་དེའི་བསམ་པ་དང ། བག་ལ་ཉལ་དང ། ཁམས་དང་རང་བཞིན་ཁོང་དུ་ཆུད་ནས། འདི་ལྟར་སྲོག་ཆགས་ཁྲི་ཉིས་སྟོང་གིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་
Ja389b
སུམ་དུ་བྱས་པ་དང ། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས། ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་རང་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་པ་དེ་ལྟར་ཆོས་བསྟན་པར་བྱས་ཏེ། འཁོར་དེ་ལས་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་གྱུར་ཏོ། །དེ་ནས་རིགས་ཀྱི་བུ་ལྔ་བརྒྱ་པོ་དེ་དག་གིས་ཚེ་དང་ལྡན་པ་མ་འགགས་པ་ལ་འདི་སྐད་ཅེས་སྨྲས་སོ། །བཙུན་པ་མ་འགགས་པ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་རྫོགས་པར་བསྙེན་པ་དགེ་སློང་གི་དངོས་པོ་ཐོབ་ན་བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་དོ། །བཞིན་བཟང་དག་ཚུར་ཤེག་དང་བཅོམ་ལྡན་འདས་ཀྱིས་ཁྱེད་རབ་ཏུ་འབྱིན་པ་དང་རྫོགས་པར་བསྙེན་པ་དགེ་སློང་གི་དངོས་པོ་འཐོབ་པར་མཛད་པར་འགྱུར་རོ། །དེ་ནས་ཚེ་དང་ལྡན་པ་མ་འགགས་པས་རིགས་ཀྱི་བུ་ལྔ་བརྒྱ་པོ་དེ་དག་ཁྲིད་ནས་བཅོམ་ལྡན་འདས་ག་ལ་བ་དེར་སོང་ངོ ། །དེའི་ཚེ་ན་བཅོམ་ལྡན་འདས་འཁོར་བརྒྱ་ཕྲག་དུ་མའི་མདུན་ན་བཞུགས་ཤིང་ཆོས་སྟོན་པར་མཛད་དོ། །བཅོམ་ལྡན་འདས་ཀྱིས་ཚེ་དང་ལྡན་པ་མ་འགགས་པ་ཐག་རིང་པོ་ཁོ་ན་
Ja390a
༄#། །ནས་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ་དང ། དགེ་སློང་དག་ཁྱེད་ཀྱིས་དགེ་སློང་མ་འགགས་པ་ཐག་རིང་པོ་ཁོ་ན་ནས་འོང་བ་མཐོང་ངམ། བཙུན་པ་མཐོང་ངོ ། །དགེ་སློང་དག་མ་འགགས་པ་འདི་དེ་བཞིན་གཤེགས་པ་ལ་སྐྱེས་དང་བཅས་ཤིང་འོང་སྟེ། དེ་བཞིན་གཤེགས་པའི་སྐྱེས་ནི་འདི་ལྟར་འདུལ་བ་ལས་གཞན་པ་དེ་ལྟ་བུ་མེད་དོ། །དེ་ནས་ཚེ་དང་ལྡན་པ་མ་འགགས་པ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་མ་འགགས་པས་འདི་སྐད་ཅེས་གསོལ་ཏོ། །བཙུན་པ་རིགས་ཀྱི་བུ་ལྔ་བརྒྱ་པོ་འདི་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་རྫོགས་པར་བསྙེན་པ་དགེ་སློང་གི་དངོས་པོ་འཚལ་ན། བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་འདི་དག་རབ་ཏུ་དབྱུང་དུ་གསོལ། རྫོགས་པར་བསྙེན་པར་མཛད་དུ་གསོལ། བཅོམ་ལྡན་འདས་ཀྱིས་དེ་དག་ལ་དགེ་སློང་ཚུར་ཤོག་།རབ་ཏུ་བྱུང་ཞིག་།དགེ་སློང་དག་ཚུར་ཤོག་།ཚངས་པར་སྤྱད་པ་སྤྱོད་ཅིག་ཅེས་བཀའ་སྩལ་པ་དང ། དེ་དག་བཅོམ་ལྡན་འདས་ཀྱི་བཀའི་མཇུག་ཁོ་ནར་སྐྲ་བྱི་བ་དང་སྣམ་སྦྱར་གྱོན་པར་གྱུར་ཏེ། སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང་ལག་པ་ལྷུང་བཟེད་དང ། བྱ་མ་བུམ་གྱིས་བྲེལ་བ་དང ། དགེ་
Ja390b
སློང་རྫོགས་པར་བསྙེན་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །ཡང་སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པ། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། ། མོད་ལ་དབང་པོ་རབ་ཞི་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་ནས་བཅོམ་ལྡན་འདས་ཀྱིས་དེ་དག་ལ་གདམས་ངག་སྩལ་ཏོ། །གཅིག་པུ་དབེན་པ་བག་ཡོད་པ་བརྟུན་པ་དང་ལྡན་པ་བདག་ཉིད་བཏང་བར་གནས་པ་ན་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས། ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ། དེའི་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ་ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང་མངོན་པར་ཤེས་པ་དང་སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། བརྗེད་པར་བྱ་བ་དང ། མངོན་
Ja391a
༄#། །དུ་སྨྲ་བར་བྱ་བར་གྱུར་ཏོ། །དགེ་སློང་རྣམས་ཀྱིས་ཚེ་དང་ལྡན་པ་མ་འགགས་པ་ལ་དྲིས་པ། ཚེ་དང་ལྡན་པ་མ་འགགས་པ་ཇི་ལྟར་བདེ་བར་བརྒྱུས་སམ། ཚེ་དང་ལྡན་པ་དག་ཅུང་ཟད་བདེ་བར་ཡང་བརྒྱུས། ཅུང་ཟད་སྡུག་བསྔལ་བར་ཡང་བརྒྱུས་སོ། །ཇི་ལྟར་བདེ་བར་བརྒྱུས། ཇི་ལྟར་སྡུག་བསྔལ་བར་བརྒྱུས། འདི་ལྟར་རེ་ཞིག་འདུལ་བའི་བྱ་བ་བྱས་པ་གང་ཡིན་པ་དེ་ནི་བདེ་བར་བརྒྱུས་པ་ཡིན་ནོ། །ཧད་པོར་དེའུ་གསད་པ་དེ་ནི་སྡུག་བསྔལ་བར་བརྒྱུས་པ་ཡིན་ནོ། །ཅིའི་ཕྱིར་སྐབས་དེ་རྒྱས་པར་བརྗོད་པ་དང ། དགེ་སློང་རྣམས་ཀྱིས་སྨྲས་པ།་ཚེ་དང་ལྡན་པ་མ་འགགས་པ་ཁྱོད་བུད་མེད་ཀྱི་ཡུལ་དང་ལྷན་ཅིག་གནས་གཅིག་ཏུ་ཉལ་དུ་རུང་ངམ། གང་གི་ཕྱིར་མི་རུང་བ་དེ་ཉིད་ཀྱི་ཕྱིར་ཉེས་དམིགས་བྱུང་བར་གྱུར་ཏོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་བུད་མེད་ཀྱི་ཡུལ་དང་ལྷན་ཅིག་གནས་གཅིག་ཏུ་ཉལ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་
Ja391b
ཀྱིས་ཚེ་དང་ལྡན་པ་མ་འགགས་པ་ལ་རྨས་པ། མ་འགགས་པ་ཁྱོད་བུད་མེད་ཀྱི་ཡུལ་དང་ལྷན་ཅིག་གནས་གཅིག་ཏུ་ཉལ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང་མི་སྦྱོར་བ་དང་མ་བརྟགས་པར་སྤྱོད་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་བརྩོན་པ་དང་སྦྱོར་བ་དང་བརྟགས་ཏེ་སྤྱོད་པའི་བསྔགས་པ་བརྗོད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་གནས་གཅིག་ཏུ་ཉལ་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའོ། །བུད་མེད་ཀྱི་ཡུལ་དང་ཞེས་བྱ་བ་ནི་བུད་མེད་དམ། གཞོན་ནུ་མ་མི་ཚངས་པར་སྤྱོད་པ་དང་སྤྲོད་པ་ལས་བྱུང་བའི་ཆོས་སྟེན་ནུས་པ་དང་ངོ ། །ལྷན་ཅིག་ཅེས་བྱ་བ་ནི་དེ་དང་དེའོ། །གནས་གཅིག་ཏུ་ཞེས་བྱ་བ་ནི་གནས་བཞི་པོ་ཐམས་ཅད་གཡོགས་ཤིང་ཐམས་ཅད་བསྐོར་བ་དང ། ཐམས་ཅད་གཡོགས་ཤིང་ཕལ་ཆེར་བསྐོར་བ་དང ། ཕལ་ཆེར་གཡོགས་ཤིང་ཐམས་ཅད་བསྐོར་བ་དང ། ཕལ་ཆེར་གཡོགས་ཤིང་ཕལ་ཆེར་བསྐོར་བ་དག་ཏུའོ། །གནས་ཐམས་ཅད་གཡོགས་ཤིང་ཐམས་ཅད་བསྐོར་བ་ནི་གནས་ཁང་དང་འཁོར་གྱི་
Ja392a
༄#། །ཁྱམས་དང་ཁང་པ་བརྩེགས་པ་དག་གོ་།ཐམས་ཅད་གཡོགས་ཤིང་ཕལ་ཆེར་བསྐོར་བ་ནི་སྒོ་བཅུ་པ་དང་སྒོ་བཅུ་གཉིས་པ་དག་གོ་།ཕལ་ཆེར་གཡོགས་ཤིང་ཐམས་ཅད་བསྐོར་བ་ནི་ཁྱམས་ངོས་བཞི་པ་དག་གོ་།ཕལ་ཆེར་གཡོགས་ཤིང་ཕལ་ཆེར་བསྐོར་བ་ནི་ཁྱམས་ངོས་གསུམ་པ་དང་འཁོར་གྱི་ཁྱམས་དག་གོ་།ཉལ་ན་ཞེས་བྱ་བ་ནི་མཚན་མོ་གློས་ཕབ་སྟེ་ཉལ་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་བར་ཁང་ན་ཉལ་ཞིང་བུད་མེད་ཀྱི་ཡུལ་འོག་ཁང་ན་ཉལ་ན་དགེ་སློང་དེས་སྐས་བསྡུ་བར་བྱ་བའམ། སྒོ་གཏན་པས་གཅད་པར་བྱ་བའམ། སྲུང་བ་དགེ་སློང་གཞག་པར་བྱའོ། །སྐས་སྡུད་པར་མི་བྱེད་དམ། སྒོ་གཏན་པས་གཅོད་པར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་རོ། །དགེ་སློང་སྟེང་ཁང་ན་ཉལ་ཞིང་བུད་མེད་ཀྱི་ཡུལ་བར་ཁང་ན་ཉལ་ན། དགེ་སློང་དེས་སྐས་བསྡུ་བར་བྱ་བའམ། སྒོ་གཏན་པས་གཅད་པར་བྱ་བའམ། སྲུང་བ་
Ja392b
དགེ་སློང་གཞག་པར་བྱའོ། །སྐས་སྡུད་པར་མི་བྱེད་དམ། སྒོ་གཏན་པས་གཅོད་པར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་རོ། །དགེ་སློང་བར་ཁང་ན་ཉལ་ཞིང་བུད་མེད་ཀྱི་ཡུལ་སྟེང་ཁང་ན་ཉལ་ན་དགེ་སློང་དེས་སྐས་བསྡུ་བར་བྱ་བའམ། སྒོ་གཏན་པས་གཅད་པར་བྱ་བའམ། སྲུང་བ་དགེ་སློང་གཞག་པར་བྱའོ། །སྐས་བསྡུ་བར་མི་བྱེད་དམ། སྒོ་གཏན་པས་གཅོད་པར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་རོ། །དགེ་སློང་འོག་ཁང་ན་ཉལ་ཞིང་བུད་མེད་ཀྱི་ཡུལ་བར་ཁང་ན་ཉལ་ན་དགེ་སློང་དེས་སྐས་བསྡུ་བར་བྱ་བའམ། སྒོ་གཏན་པས་གཅད་པར་བྱ་བའམ། སྲུང་བ་དགེ་སློང་གཞག་པར་བྱའོ། །སྐས་བསྡུ་བར་མི་བྱེད་དམ། སྒོ་གཏན་པས་གཅོད་པར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་ལ། དགེ་སློང་གནས་ཁང་ན་ཉལ་ཞིང་བུད་མེད་ཀྱི་ཡུལ་ཁྱམས་ན་ཉལ་ན་དགེ་སློང་དེས་སྒོ་གཏན་པས་གཅད་པར་བྱ་བའམ། སྲུང་བ་དགེ་སློང་གཞག་པར་བྱའོ། །སྒོ་གཏན་པས་གཅོད་པར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་
Ja393a
༄#། །ཤར་ན་ལྟུང་བྱེད་དུ་འགྱུར་རོ། །དགེ་སློང་ཁྱིམ་ན་ཉལ་ཞིང་བུད་མེད་ཀྱི་ཡུལ་གནས་ཁང་ན་ཉལ་ན་དགེ་སློང་དེས་སྒོ་ཕྱི་རོལ་ནས་གཅད་པར་བྱ་བའམ། སྲུང་བ་དགེ་སློང་གཞག་པར་བྱའོ། །སྒོ་ཕྱི་རོལ་ནས་གཅོད་པར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་རོ། །དགེ་སློང་སྒོ་ཁང་ན་ཉལ་ཞིང་བུད་མེད་ཀྱི་ཡུལ་བང་རིམ་ན་ཉལ་ན། དགེ་སློང་དེས་སྒོ་ནང་ནས་གཅད་པར་བྱ་བའམ། སྲུང་བ་དགེ་སློང་གཞག་པར་བྱའོ། །སྒོ་ནང་ནས་གཅོད་པར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་རོ། །དགེ་སློང་བང་རིམ་དུ་ཉལ་ཞིང་བུད་མེད་ཀྱི་ཡུལ་སྒོ་ཁང་དུ་ཉལ་ན་དགེ་སློང་དེས་ཕྱི་རོལ་ནས་གཅད་པར་བྱ་བའམ། སྲུང་བ་དགེ་སློང་གཞག་པར་བྱའོ། །སྒོ་ཕྱི་རོལ་ནས་གཅོད་པར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ། སྐྱ་རེངས་ཤར་ན་ལྟུང་བྱེད་དུ་འགྱུར་རོ། །ཁྱིམ་ཐབ་ཀྱིས་བསྲུངས་ན་ལྟུང་བ་མེད་དོ། །དགེ་སློང་བ་ལང་གི་ལྷས་སམ་ཕྱུགས་ལྷས་སུ་ཉལ་ན་དགེ་སློང་དེས་ཕྱོགས་དེ་རེ་ལྡེ་དག་གམ། གསེག་དག་གམ། ཡོལ་བ་དག་གིས་བསྐོར་བར་བྱ་བའམ། སྲུང་བ་དགེ་སློང་གཞག་པར་བྱའོ། །
Ja393b
ཕྱོགས་དེར་རེ་ལྡེ་དག་གམ། གསེག་དག་གམ། ཡོལ་བ་དག་གིས་བསྐོར་བར་མི་བྱེད་དམ། སྲུང་བ་དགེ་སློང་འཇོག་པར་མི་བྱེད་ན་ཇི་སྲིད་དུ་སྐྱ་རེངས་མ་ཤར་གྱི་བར་དུ་ཉེས་བྱས་སུ་འགྱུར་ལ།་སྐྱ་རེངས་ཤར་ན་ཡང་ཉེས་བྱས་ཉིད་དུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་མ་འགགས་པས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་ཕྱུག་པ། ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེས་ཤིང་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བགྱིས་ཏེ་དེས་འདུལ་བའི་བྱ་བ་དེ་སྙེད་བགྱིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རིགས་ཀྱི་བུ་མ་འགགས་པ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ་འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། མ་འགགས་པ་ཉིད་ཀྱིས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་
Ja394a
༄#། །བ་དང ། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། ། ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་བསྐལ་པ་ཆེན་པོ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་བ་ན། འདི་དེའི་བསྟན་པ་ལ་རབ་ཏུ་བྱུང་བར་གྱུར་ནས་རི་བྲགས་ཤིག་ན་གཙུག་ལག་ཁང་ཞིག་ཡོད་པ་དེ་ན་འདི་ཞལ་ཏ་བྱེད་པར་གྱུར་ཅིང ། དེ་ལྷན་ཅིག་གནས་པ་དང་ཉེ་གནས་ཀྱང་ལྔ་བརྒྱ་ཡོད། རི་བྲགས་ན་གནས་པའི་སྐྱེ་བོའི་ཚོགས་ཀྱང་ཕལ་ཆེར་དེ་ལ་མངོན་པར་དད་དོ། ། དུས་གཞན་ཞིག་ན་དེ་ན་བར་གྱུར་ནས། དེ་ལ་ལྷན་ཅིག་གནས་པ་དང་ཉེ་གནས་དག་གིས་དྲིས་པ། མཁན་པོ་ཁྱོད་ཀྱིས་ཡོན་ཏན་གྱི་ཚོགས་འགའ་ཞིག་ཐོབ་པ་མཆིས་སམ། དེས་སྨྲས་པ། འགའ་ཡང་མེད་དོ། །མཁན་པོ་སྨོན་ལམ་ཇི་ལྟར་བཏབ། ཁོ་བོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་
Ja394b
ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང ། ཞབས་སུ་ལྡན་པ་བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ངེས་པར་སྐལ་བ་དང་ལྡན་པ་ཉིད་དུ་ལུང་བསྟན་པ་དེའི་གསུང་རབ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་པར་གྱུར་ཅིག་ཅེས་སྨོན་ལམ་བཏབ་བོ། །དེ་དག་གིས་སྨྲས་པ། བདག་ཅག་ཀྱང་མཁན་པོ་ལ་བརྟེན་ཏེ། བཅོམ་ལྡན་འདས་དེའི་གསུང་རབ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བགྱིད་པར་གྱུར་ཅིག་།རི་བྲགས་དེ་ན་གནས་པའི་སྐྱེ་བོའི་ཚོགས་དེས་དེ་ལྟར་འཕགས་པ་ནའོ་ཞེས་ཐོས་ནས། དེ་དག་དེའི་གན་དུ་སོང་སྟེ་དྲིས་པ། འཕགས་པས་ཡོན་ཏན་གྱི་ཚོགས་འགའ་ཞིག་ཐོབ་པ་མཆིས་སམ། འགའ་ཡང་མེད་དོ། །འཕགས་པས་སྨོན་ལམ་ཇི་ལྟར་བཏབ། ཁོ་བོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
Ja395a
༄#། །སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ངེས་པར་སྐལ་པ་དང་ལྡན་པ་ཉིད་དུ་ལུང་བསྟན་པ་དེའི་གསུང་རབ་ལ་བདག་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་པར་གྱུར་ཅིག་ཅེས་སྨོན་ལམ་བཏབ་བོ། །དེ་དག་གིས་སྨྲས་པ། བདག་ཅག་ཀྱང་འཕགས་པ་ལ་བརྟེན་ཏེ། བཅོམ་ལྡན་འདས་དེའི་གསུང་རབ་ལ་བདེན་པ་དག་མཐོང་བར་གྱུར་ཅིག་།དགེ་སློང་དག་དེའི་ཚེ་དེའི་དུས་ན་དགེ་སློང་ཞལ་ཏ་བྱེད་པར་གྱུར་པ་གང་ཡིན་པ་དེ་ནི་མ་འགགས་པ་འདི་ཡིན་ཏེ། འདིས་དེར་ཆོས་དང་ལྡན་པས་ཞལ་ཏ་བྱས་པའི་ལས་དེའི་རྣམ་པར་སྨིན་པས་ནི་ཕྱུག་པ། ནོར་མང་པོ་ལོངས་སྤྱོད་ཆེ་བའི་ཁྱིམ་དུ་སྐྱེས་ཤིང་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱས་སོ། །དེའི་ཚེ་དེའི་དུས་ན་དེའི་ལྷན་ཅིག་གནས་པ་དང ། ཉེ་གནས་ལྔ་བརྒྱ་པོ་གང་དག་ཡིན་པ་དེ་དག་ནི་དགེ་སློང་ལྔ་བརྒྱ་པོ་འདི་དག་ཡིན་ཏེ། འདི་དག་གིས་དེར་སྨོན་ལམ་དེ་སྐད་བཏབ་པའི་དབང་གིས། ད་ལྟར་མ་འགགས་པ་ལ་བརྟེན་ཏེ་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་
Ja395b
སུམ་དུ་བྱས་སོ། །དེའི་ཚེ་དེའི་དུས་ན་རི་བྲགས་དེ་ན་གནས་པའི་སྐྱེ་བོའི་ཚོགས་གང་དག་ཡིན་པ་དེ་དག་ནི། ད་ལྟར་རི་བྲགས་ན་གནས་པའི་སྐྱེ་བོའི་ཚོགས་འདི་དག་ཡིན་ཏེ། འདི་དག་གིས་དེར་སྨོན་ལམ་དེ་སྐད་བཏབ་པའི་དབང་གིས་ད་ལྟར་མ་འགགས་པ་ལ་བརྟེན་ཏེ་ངའི་གསུང་རབ་ལ་བདེན་པ་དག་མཐོང་བར་གྱུར་ཏོ། །བཙུན་པ་ཚེ་དང་ལྡན་པ་མ་འགགས་པས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ལྷའི་མིག་དང་ལྡན་པར་གྱུར། དགེ་སློང་དག་སྔོན་བྱུང་བ་བསྐལ་བ་ཆེན་པོ་འདི་ཉིད་ལ་སྐྱེ་དགུའི་ཚེ་ལོ་བཞི་ཁྲི་ཐུབ་པ་ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཁོར་བ་འཇིག་ཅེས་བྱ་བ་འཇིག་རྟེན་དུ་བྱུང་སྟེ། དེས་སངས་རྒྱས་ཀྱི་མཛད་པ་མཐའ་དག་མཛད་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ནས་རྒྱལ་པོ་མཛེས་པས་དེའི་མཆོད་རྟེན་རིན་པོ་ཆེ་སྣ་བཞི་ལས་བྱས་པ་རྒྱར་དཔག་ཚད་གཅིག་པ་འཕང་དུ་དཔག་ཚད་ཕྱེད་པ་བྱེད་དུ་བཅུག་ནས། དེས་དེ་ལ་དུས་སྟོན་བྱ་བ་ཡང་བཤམས་སོ། །དེར་དུས་སྟོན་ལ་བབ་པ་ན་ཆོམ་རྐུན་པ་འཇོམས་པར་འདོད་པ་ལྔ་བརྒྱ་དེར་ལྷགས་ནས་དེ་ན་ཆོམ་རྐུན་པའི་དམག་དཔོན་གྱི་ལྷམ་རལ་ནས་དེ་དང་ཧ་ཅང་མི་རིང་བ་
Ja396a
༄#། །ན་དྲི་གཙང་ཁང་འདུག་པ་དེ་ན་མར་མེའི་འོད་ཚོད་དུ་མི་གསལ་བར་ཆོམ་རྐུན་པའི་དམག་དཔོན་དེས་མཐོང་ནས་དེ་དྲི་གཙང་ཁང་དེར་ཞུགས་ཏེ། ལྷམ་བྲུབ་པར་བརྩམས་པ་ན། མར་མེའི་འོད་ཚོད་དུ་མི་གསལ་བར་འབར་ནས། དེས་མར་མེའི་སྙིང་པོ་བསྐུལ་བ་དང ། མར་མེ་དེ་ཤིན་ཏུ་འོད་གསལ་བར་འབར་བར་གྱུར་ནས། ཇི་ཙམ་ན་དེས་སྐུ་གཟུགས་མཐོང་ངོ ། །མཐོང་ནས་ཀྱང་དེ་ཤིན་ཏུ་དད་པ་སྐྱེས་ནས་དེས་དབྱིག་གིས་མཆོད་པ་བྱས་ཏེ། བདག་གི་དགེ་བའི་རྩ་བ་འདིས་བདག་ལྷའི་མིག་དང་ལྡན་པར་གྱུར་ཅིག་ཅེས་སྨོན་ལམ་བཏབ་བོ། །དགེ་སློང་དག་དེའི་ཚེ་དེའི་དུས་ན་ཆོམ་རྐུན་པའི་དམག་དཔོན་གང་ཡིན་པ་དེ་ནི་དགེ་སློང་མ་འགགས་པ་འདི་ཡིན་ཏེ། འདིས་མར་མེའི་སྙིང་པོ་བསྐུལ་ཅིང་སེམས་དད་པ་བསྐྱེད་པའི་ལས་དེའི་རྣམ་པར་སྨིན་པས་ལྷའི་མིག་དང་ལྡན་པར་གྱུར་ཏོ། །བཙུན་པ་ཚེ་དང་ལྡན་པ་མ་འགགས་པས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་བཅོམ་ལྡན་འདས་ཀྱིས་ལྷའི་མིག་ཅན་རྣམས་ཀྱི་མཆོག་ཏུ་བསྟན། དགེ་སློང་དག་དེ་ཡང་སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན། དགེ་སློང་དག་སྔོན་བྱུང་བ་བསྐལ་བ་ཆེན་པོ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་
Ja396b
པ།་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ་དེ་ཝཱ་ར་ཎཱ་སི་ན་དྲང་སྲོང་སྨྲ་བའི་རི་དྭགས་ཀྱི་ནགས་ན་ཉེ་བར་རྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས་དགེ་སློང་གང་གིས་དེ་རབ་ཏུ་བྱུང་བའི་དགེ་སློང་དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་ལྷའི་མིག་ཅན་རྣམས་ཀྱི་མཆོག་ཏུ་བསྟན་ཏོ། །དེ་ན་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་འགའ་ཡང་མ་ཐོབ་ནས་དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས་བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་བའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་
Ja397a
༄#། །འདས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ངེས་པ་ཉིད་དུ་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱེད་ཅིང ། ཇི་ལྟར་མཁན་པོ་འདི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་ལྷའི་མིག་ཅན་རྣམས་ཀྱི་མཆོག་ཏུ་བསྟན་པ་དེ་བཞིན་དུ་བདག་ཀྱང ། བཅོམ་ལྡན་འདས་ཤཱཀྱ་ཐུབ་པ། ཤཱཀྱ་སེང་གེ་།ཤཱཀྱའི་རྒྱལ་པོའི་གཙོ་བོ་དེས་ལྷའི་མིག་ཅན་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་གདབ་པར་བརྩམས་པས་སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་ལྷའི་མིག་ཅན་རྣམས་ཀྱི་མཆོག་ཏུ་བསྟན་ཏེ། དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་དེ་ལྟར་ཁྱོད་ཀྱིས་བསླབ་པར་བྱའོ། །བུད་མེད་དང་ལྷན་ཅིག་ཉལ་བའི་ལྟུང་བྱེད་དེ་དྲུག་ཅུ་རྩ་ལྔ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་
Ja397b
ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང ། རྫོགས་པར་བསྙེན་པར་བྱས་པ་དེའི་ཚེ་ན་དེ་དག་དྲུག་སྡེ་དག་ལ་སྟེན་པར་བྱེད། བསྙེན་པར་བྱེད། བསྙེན་བཀུར་བྱེད་དོ། །དེ་ནས་འཆར་ཀས་དེ་དག་ལ་སྨྲས་པ། བཅུ་བདུན་སྡེ་དག་ཚུར་ཤོག་འདི་དང་འདི་གྱིས་ཤིག་།དེ་དག་གིས་སྨྲས་པ། ཁྱོད་ཁོ་བོ་ཅག་གི་སློབ་དཔོན་ཡིན་ནམ། མཁན་པོ་ཡིན་ནམ་ཅི། མི་བྱེད་དོ། །འཆར་ཀས་སྨྲས་པ། གླེན་པ་དག་འོ་ན་གཞན་ཅི་བྱེད་ཅེས་དེས་དེ་དག་གཉའ་བ་དག་ནས་བཟུང་སྟེ་བསྐྲད་དོ། །དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་དྲུག་སྡེ་དག་གིས་གང་ཅུང་ཟད་བརྙས་པར་གྱུར་པ་དེ་དག་ཐམས་ཅད་ནི་བདག་ཅག་ཐོས་པ་ཉུང་བ་ལས་གྱུར་པ་ཡིན་གྱི། བདག་ཅག་ཐོས་པ་འཛིན་དུ་འདོང་དང ། དེས་ན་ཕྱིན་ཆད་དྲུག་སྡེ་དག་ལ་ཅུང་ཟད་ཀྱང་དྲི་བར་མི་བྱའོ་ཞེས་དེ་དག་དགེ་སློང་ཞིག་གི་གན་དུ་སོང་སྟེ་སྨྲས་པ། བཙུན་པ་བདག་ཅག་ཀློག་ཏུ་སྩོལ་ཅིག། །དེས་དེ་དག་ལ་ཐབས་ཡིན་ནོ་ཞེས་སྨྲས་པ། དེ་དག་གིས་དེ་ལས་བཀླག་པར་བརྩམས་སོ། །ཉེ་དགས་སྨྲས་པ། བཙུན་པ་འཆར་ཀ་བཅུ་བདུན་སྡེ་དག་དེ་བར་བདག་ཅག་ལ་སྟེན་པར་མི་བྱེད། བསྙེན་པར་མི་བྱེད། བསྙེན་བཀུར་མི་བྱེད་དོ། །འཆར་ཀས་སྨྲས་པ། དེ་དག་ཁོ་བོས་བསྐྲད་ནས་ཐོས་པ་
Ja398a
༄#། །འཛིན་པར་བརྩམས་སོ། །བཙུན་པ་འཆར་ཀ་ཁྱོད་ཀྱིས་བདག་ཅག་གི་སྦྲུལ་ཉ་ལ་བ་ལྕག་གིས་གཞུས་སོ། །ཇི་སྲིད་དུ་གླེན་པ་དེ་དག་ཐོས་པ་ཉུང་བར་གྱུར་པ་དེ་སྲིད་དུ་དེ་དག་བདག་ཅག་ལ་སྟེན་པར་བྱེད། བསྙེན་པར་བྱེད། བསྙེན་བཀུར་བྱེད་ཀྱི། གང་གི་ཚེ་དེ་དག་མང་དུ་ཐོས་པར་གྱུར་ཅིང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དང ། གདུག་ཅིང་ཕ་རོལ་གནོན་པར་གྱུར་པ་དེའི་ཚེ་ན་དེ་དག་བདག་ཅག་ལ་གནོད་པ་བྱ་བར་སེམས་པར་འགྱུར་རོ། །འཆར་ཀས་སྨྲས་པ། ཁོ་བོ་ཅི་ནས་ཀྱང་དེ་དག་གིས་མ་རྟོགས་པ་ཡང་རྟོགས་པར་མི་འགྱུར་ཞིང ། རྟོགས་པ་ལས་ཀྱང་ཡོངས་སུ་ཉམས་པར་འགྱུར་བ་དེ་ལྟར་བྱའོ། །བཅུ་བདུན་སྡེ་དག་མེ་ཁང་དུ་མར་མེ་བཙུགས་ཏེ་ཁ་ཏོན་བྱ་བར་བརྩམས་པ་དང ། ཅི་ཙམ་ན་ཚེ་དང་ལྡན་པ་འཆར་ཀ་ལ་བ་ཞིག་སྤུ་ཕྱིར་བསྟན་ཏེ་གྱོན་ནས་མེ་ཁང་དུ་ཞུགས་ཏེ་མར་མེ་བསད་ནས་འབྱུང་པོའོ་ཞེས་སྨྲས་པ་དང ། དེ་དག་སྡངས་ཅིང་སྐྲག་ནས་མེ་ཁང་ནས་ཕྱིར་བྱུང་སྟེ། མཐའ་གཅིག་ཏུ་འཁོད་དོ། །དེ་དག་སློབ་དཔོན་གྱིས་མཐོང་ནས་དེས་སྨྲས་པ། གཞོན་ནུ་དག་ཅིའི་ཕྱིར་ཁ་ཏོན་མི་བྱེད་པར་ཁ་རོག་སྟེ་འཁོད། དེ་དག་གིས་སྨྲས་པ། སློབ་དཔོན་བདག་ཅག་མི་མ་ལགས་པས་གཙེས་སོ། །དེས་བསམས་པ། རྒྱལ་བྱེད་ཀྱི་ཚལ་གནོད་སྦྱིན་གོས་སྔོན་པོ་གྱོན་པ་ལྔ་བརྒྱས་རྟག་ཏུ་མི་སྟོང་བས་འདི་ན་མི་མ་ཡིན་པ་ཡོད་རེ་
Ja398b
སྐན། ལྷུང་བཟེད་ནག་པོ་ཅན་གནས་ངན་ལེན་ཀུན་ཏུ་སྤྱོད་པ་འགའ་ཞིག་གིས་འདི་དག་བསྡིགས་སོ་སྙམ་ནས་དེས་སྨྲས་པ། གཞོན་ནུ་དག་ཁྱེད་ཅག་མི་མ་ཡིན་པ་དེ་འཛིན་པར་འདོད་དམ། དེ་དག་གིས་སྨྲས་པ། འཚལ་ལོ། །དེས་སྨྲས་པ། གཞོན་ནུ་དག་མེ་ཁང་གི་གྲཝ་བཞིར་མར་མེ་བཙུགས་ཏེ་རྫ་མས་ཁོབ་ལ་དབུས་སུ་མར་མེ་བཙུགས་ཏེ་ཁ་ཏོན་གྱིས་ཤིག་དང ། གལ་ཏེ་དེ་འོངས་ཏེ་དབུས་ཀྱི་མར་མེ་བསད་ནས་འབྱུང་པོའོ་འབྱུང་པོའོ་ཞེས་ཟེར་བ་ན་སྒོ་ཆོད་ལ་མེ་ཁང་གི་གྲཝ་བཞིའི་མར་མེ་ཕྱེ་ལ་ཟུང་ཞིག་།དེ་དག་གིས་དེ་ལྟར་བྱས་པ་དང ། ཇི་ཙམ་ན་ཚེ་དང་ལྡན་པ་འཆར་ཀ་ལ་བ་ཞིག་སྤུ་ཕྱིར་བསྟན་ཏེ་གྱོན་ནས་མེ་ཁང་དུ་ཞུགས་ཏེ་དབུས་ཀྱི་མར་མེ་བསད་ནས་འབྱུང་པོའོ་འབྱུང་པོའོ་ཞེས་སྨྲས་པ་དང ། དེ་དག་གིས་སྒོ་བཅད་ནས་མེ་ཁང་གི་གྲཝ་བཞིའི་མར་མེ་ཕྱེ་སྟེ་བཟུང་ནས་བརྡེག་པར་བརྩམས་པ་དང ། དེས་སྨྲས་པ། འཆར་ཀའོ་འཆར་ཀའོ། །དེ་དག་གིས་སྨྲས་པ། ཁྱོད་ཀྱི་སྙིང་ལམ་ན་འཆར་ཀ་ཁོ་བོ་ཅག་གི་གྲོགས་ཡིན་པས་དེ་ཡིན་ནོ། ། ཞེས་བྱས་ན་བཏང་བར་འགྱུར་སྙམ་མམ། ཤི་དྲོད་ཀྱིས་མ་བཟུང་གི་བར་དུ་མི་གཏོང་ངོ ། །དེ་དག་གིས་སྨྲས་པ། ཚེ་དང་ལྡན་པ་དག་མི་མ་ཡིན་པ་ཤིན་ཏུ་ཆེན་པོ་ཞིག་བསད་ཀྱང་ཉེས་པ་སྦོམ་པོར་འགྱུར་བར་ཟད་པས་བདག་ཅག་གི་ལྟུང་བ་མཐོལ་ཞིང་བཤགས་པར་བྱས། ཏེ་པོར་བརྡེག་གོ་ཞེས་དེ་དག་གིས་ཏེ་པོར་གཏལ་ཏེ་བཏང་ནས། འཆར་ཀས་འཕྱེས་འཁྲུད་དེ་རང་གི་གནས་
Ja399a
༄#། །སུ་ཕྱིན་ནས། དེ་ཕྱི་དེ་ཉིན་པར་ལུས་དག་འབྲུ་མར་གྱིས་བསྐུ་མཉེ་བྱས་ནས་ཁྲི་ལ་ཉལ་ཞིང་འདུག་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འཆར་ཀ་ཁྱོད་ཅི་ཉེས། འཆར་ཀས་སྨྲས་པ། ཚེ་དང་ལྡན་པ་དག་ཁོ་བོས་ཀུ་རེ་ཅུང་ཞིག་བྱས་ན་ཉེས་དམིགས་འདི་ལྟ་བུ་བྱུང་བར་གྱུར་ཏོ། །ཅི་བྱས། དེས་སྐབས་དེ་རྒྱས་པར་བརྗོད་པ་དང ། དགེ་སློང་རྣམས་ཀྱིས་དེ་ལ་སྨྲས་པ། ཁྱོད་དགེ་སློང་ལ་སྡངས་པར་བྱེད་དུ་རུང་ངམ། གང་གི་ཕྱིར་མི་རུང་བ་དེ་ཉིད་ཀྱི་ཕྱིར་ཉེས་དམིགས་འདི་ལྟ་བུ་བྱུང་བར་གྱུར་ཏོ། །དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་དགེ་སློང་ལ་སྔངས་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། ། དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་ལ་རྨས་པ། འཆར་ཀ་ཁྱོད་དགེ་སློང་ལ་སྔངས་པར་བྱེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ།
Ja399b
ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་ལ་སྔངས་པར་བྱེད་དམ། སྡངས་པར་བྱེད་དུ་འཇུག་ན་ཐ་ན་བཞད་གད་བྱ་བར་བསམས་ཀྱང་རུང་སྟེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་འཆར་ཀའམ་གཞན་ཡང་དེ་ལྟ་བུ་གང་ཡིན་པའོ། །དགེ་སློང་ལ་ཞེས་བྱ་བ་ནི་ཆོས་འདི་པ་ལའོ། །སྔངས་པར་བྱེད་དམ་ཞེས་བྱ་བ་ནི་བདག་ཉིད་ཀྱིས་སོ། །སྔངས་པར་བྱེད་དུ་འཇུད་ན་ཞེས་བྱ་བ་ནི་གཞན་ནོ། །ཐ་ན་བཞད་གད་བྱ་བར་བསམས་ཀྱང་རུང་སྟེ་ཞེས་བྱ་བ་ནི་ཐ་ན་ཀུ་རེ་བྱ་བར་བསམས་ཀྱང་རུང་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན་དགེ་སློང་
Ja400a
༄#། །གིས་དགེ་སློང་ལ་སྔངས་པར་བྱ་བའི་བསམ་པས་འདི་ལྟ་སྟེ། དཔེར་ན་ཡི་དྭགས་དང་ཤ་ཟ་དང་གྲུལ་བུམ་དང ། ལུས་སྲུལ་པོ་གཟུགས་ལ་བ་ནག་པོ་དང་སོལ་བ་དང་ཀ་བ་ཚིག་པ་ལྟ་བུ་གཟུགས་ཡིད་དུ་མི་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ་ཞེས་ཉེ་བར་སྒྲུབ་པར་བྱེད་ན་དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་སྡངས་པར་བྱ་བའི་བསམ་པས་འདི་ལྟ་སྟེ་དཔེར་ན་ཡི་དྭགས་དང་ཤ་ཟ་དང་གྲུལ་བུམ་དང་ལུས་སྲུལ་པོ་སྒྲ་སེང་གེ་དང་སྟག་དང་གུང་དང་མཚའ་དང་གཟིག་དང་ཝའི་སྐད་ལྟ་བུ་སྒྲ་ཡིད་དུ་མི་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་སྲོག་དང་བྲལ་བར་འགྱུར་རོ་ཞེས་ཉེ་བར་སྒྲུབ་པར་བྱེད་ན་དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་སྡངས་པར་བྱ་བའི་བསམ་པས་འདི་ལྟ་སྟེ་དཔེར་ན་ཡི་དྭགས་དང་ཤ་ཟ་དང་གྲུལ་བུམ་དང་ལུས་སྲུལ་པོ་དྲི་བཤང་བ་དང་གཅི་བ་དང་ར་དང་རའི་ཟེ་བའི་དྲི་ལྟ་བུ་དྲི་ཡིད་དུ་མི་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ་ཞེས་ཉེ་བར་སྒྲུབ་པར་བྱེད་ན་དགེ་
Ja400b
སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་སྔངས་པར་བྱ་བའི་བསམ་པས་འདི་ལྟ་སྟེ། དཔེར་ན་ཡི་དྭགས་དང་ཤ་ཟ་དང་གྲུལ་བུམ་དང་ལུས་སྲུལ་པོ་དང་རེག་པ་སྲེག་དང ། རེ་ལྡེ་དང་ཕྱར་བའི་རེག་པ་ལྟ་བུ་ཡིད་དུ་མི་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ་ཞེས་ཉེ་བར་སྒྲུབ་པར་བྱེད་ན་དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་ལ་སྡངས་པར་བྱ་བའི་བསམ་པས་འདི་ལྟ་སྟེ། དཔེར་ན་ལྷ་དང ། ཀླུ་དང ། དྲི་ཟ་དང ། གནོད་སྦྱིན་དང ། མིའམ་ཅི་དང ། ལྟོ་འཕྱེ་ཆེན་པོ་གཟུགས་རྒྱལ་པོ་དང ། བློན་པོ་དང ། བྲམ་ཟེ་དང ། ཁྱིམ་བདག་དང ། ནོར་ཅན་དང ། ཚོང་དཔོན་དང ། དེད་དཔོན་ལྟ་བུ་གཟུགས་ཡིད་དུ་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ་ཞེས་ཉེ་བར་སྒྲུབ་པར་བྱེད་ན། དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་ལ་སྡངས་པར་བྱ་བའི་བསམ་པས་འདི་ལྟ་སྟེ། དཔེར་ན་ལྷ་དང ། ཀླུ་དང ། དྲི་ཟ་དང ། གནོད་སྦྱིན་དང ། མིའམ་ཅི་དང ། ལྟོ་འཕྱེ་ཆེན་པོ་སྒྲ་པི་ཝང་དང ། འོད་མ་དང ། བལ་ལ་རི་དང ། མ་ཧ་ཏི་དང ། སུ་
Ja401a
༄#། །གྷོ་ཤ་ཀའི་ལྟ་བུ་སྒྲ་ཡིད་དུ་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ་ཞེས་ཉེ་བར་སྒྲུབ་པར་བྱེད་ན་དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་ལ་སྡངས་པར་བྱ་བའི་བསམ་པས་འདི་ལྟ་སྟེ། དཔེར་ན་ལྷ་དང་ཀླུ་དང་དྲི་ཟ་དང་གནོད་སྦྱིན་དང་མིའམ་ཅི་དང་ལྟོ་འཕྱེ་ཆེན་པོ་དྲི་ཨ་ཀ་རུ་དང ། ཙན་དན་དང ། གུར་གུམ་དང ། ཏ་མ་ལའི་ལོ་མའི་དྲི་ལྟ་བུ་དྲི་ཡིད་དུ་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ་ཞེས་ཉེ་བར་སྒྲུབ་པར་བྱེད་ན་དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་ལ་སྡངས་པར་བྱ་བའི་བསམ་པས་འདི་ལྟ་སྟེ། དཔེར་ན་ལྷ་དང་ཀླུ་དང་དྲི་ཟ་དང་གནོད་སྦྱིན་དང་མིའམ་ཅི་དང་ལྟོ་འཕྱེ་ཆེན་པོ་རེག་པ་དར་དང ། རས་ཡུག་ཆེན་དང ། བེའུ་རས་དང ། དར་ལ་དང ། དུ་གུ་ལའི་རས་དང ། ཀོ་ཏམ་པའི་རས་ཀྱི་རེག་པ་ལྟ་བུ་རེག་པ་ཡིད་དུ་འོང་བ་དག་ཡོད་དེ། དེ་དག་གིས་ཁྱོད་ཁྲིད་པར་འགྱུར། དེ་དག་གིས་ཁྱོད་གསོད་པར་འགྱུར། དེ་དག་གིས་ཁྱོད་སྲོག་དང་བྲལ་བར་བྱེད་པར་འགྱུར་རོ་ཞེས་ཉེ་བར་སྒྲུབ་
Ja401b
བར་བྱེད་ན་དགེ་སློང་འཇིགས་པ་སྐྱེས་ཀྱང་རུང་མ་སྐྱེས་ཀྱང་རུང་དགེ་སློང་ལ་ཉེས་བྱས་སུ་འགྱུར་རོ། །སྐྱོ་བར་བྱ་བའི་ཆེད་དུ་སེམས་ཅན་དམྱལ་བའི་གཏམ་དང་དུད་འགྲོའི་གཏམ་དང་ཡི་དྭགས་ཀྱི་གཏམ་དང་ལྷའི་གཏམ་དང་མིའི་གཏམ་ཟེར་བ་ལ་ནི་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྡངས་པར་བྱེད་པའི་ལྟུང་བྱེད་དོ་དྲུག་ཅུ་དྲུག་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་རེ་གཉིས་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང ། རྫོགས་པར་བསྙེན་པར་བྱས་པ་དེའི་ཚེ་ན་དེ་དག་དྲུག་སྡེ་དག་ལ་སྟེན་པར་བྱེད་བསྙེན་པར་བྱེད་བསྙེན་བཀུར་བྱེད་དོ། །ཁྱིམ་བདག་ཞིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་ནི་གཤེགས་སོ། །དྲུག་སྡེ་དག་དང་བཅུ་བདུན་སྡེ་དག་ཕྱི་བཞིན་འབྲང་ཞིང་དོང་ངོ ། །དེ་ན་ལམ་ཀ་ན་རྫིང་བུ་ཆུས་གང་བ་ཞིག་འདུག་ནས་དྲུག་སྡེ་དག་གིས་བཅུ་བདུན་སྡེ་དག་ལ་སྨྲས་པ། བཅུ་བདུན་སྡེ་དག་ཀྱེ་མ་ཁྱེད་ཅག་དང་ཁོ་བོ་ཅག་ལྷན་ཅིག་ཤིན་ཏུ་འགྲན་པ་
Ja402a
༄#། །ཡིན་ན་ཚུར་ཤེག་ཡུ་བུ་ཅག་ཆུའི་ནང་དུ་གང་ཡུན་རིང་དུ་ནུབ་ཅིང་འདུག་སུས་ཕོད་པ་ལྟའོ། །དེ་དག་གིས་སྨྲས་པ། དེ་ལྟར་བྱའོ་ཞེས་དེ་དག་ཐམས་ཅད་ཆུར་ཞུགས་པ་དང ། ཉེ་དགའ་ཆུ་ནས་བྱུང་སྟེ་བཅུ་བདུན་སྡེ་དག་གི་གོས་དག་ས་འབུས་པ་ཞིག་གི་འོག་ཏུ་སྦས་ཏེ་བཞག་པ་དང ། དྲུག་སྡེ་དག་མྱུར་བ་མྱུར་བར་རྫིང་བུ་ནས་བྱུང་སྟེ་གོས་དག་གྱོན་ནས་དོང་ངོ ། །བཅུ་བདུན་སྡེ་དག་ཆུའི་སྟེང་དུ་བྱུང་བ་དང ། དྲུག་སྡེ་དག་མི་སྣང་ནས་དེ་དག་གིས་བདག་ཅག་ཕམ་པར་བྱས་ན་མི་རུང་ངོ་ཞེས་དེ་དག་ཡང་ཆུའི་འོག་ཏུ་ཞུགས་སོ། །དེ་དག་ཡང་དང་ཡང་དུ་སྟེང་དུ་བྱུང་སྟེ་བལྟས་ན་དྲུག་སྡེ་དག་མི་སྣང་ནས། དེ་དག་ད་དུང་ཡང་ཆུའི་འོག་ཏུ་འདུག་གོ་སྙམ་ནས་དེ་དག་གིས་སྨྲས་པ། ཚེ་དང་ལྡན་པ་དག་དྲུག་སྡེ་དག་གིས་གོས་དག་སྦས་ཏེ་འདོང་ངོ་ཞེས་བགྲོས་པ་དང ། ཇི་ཙམ་ན་གོས་གཅིག་ཀྱང་མི་སྣང་ནས་དེ་དག་གིས་སྨྲས་པ། ཚེ་དང་ལྡན་པ་དེ་དག་གིས་བདག་ཅག་ལ་མཐོ་བཙམས་སོ་ཞེས་དེ་དག་རྫིང་བུ་ནས་བྱུང་སྟེ་མཐའ་གཅིག་ན་འཁོད་དོ། །ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་འཁོར་ལྔ་བརྒྱ་དང་ཀོ་ས་ལ་དག་ཏུ་ལྗོངས་རྒྱུ་ཞིང་འདོང་བ་ན་རྒྱལ་བྱེད་ཀྱི་ཚལ་དུ་ཕྱིན་པ་དང ། ཇི་ཙམ་ན་རྒྱལ་བྱེད་ཀྱི་ཚལ་སྟོང་པར་མཐོང་ནས། དེ་གཉིས་ཀྱིས་སྨྲས་པ། སངས་རྒྱས་ལ་སོགས་པ་དགེ་སློང་གི་དགེ་འདུན་གར་གཤེགས། ཁྱིམ་བདག་ཞིག་གི་སྤྱན་
Ja402b
དྲངས་སོ། །དེ་གཉིས་ཀྱིས་སྨྲས་པ། སྐོལ་ཅག་གཉིས་ཀྱང་དེར་བཞུད་ལ་བསོད་སྙོམས་གསོལ་ལོ་ཞེས་དེ་གཉིས་དོང་བ་དང ། ཇི་ཙམ་ན་ཚེ་དང་ལྡན་པ་ཤཱ་རིའི་བུས་བཅུ་བདུན་སྡེ་དག་རྫིང་བུའི་འགྲམ་ན་རྩེ་ཞིང་འདུག་པ་མཐོང་ངོ ། །མཐོང་ནས་ཀྱང་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་སྨྲས་པ། སློབ་མ་རྣམས་ཀྱི་འབྱོར་བ་ལ་གཟིགས། ཚེ་དང་ལྡན་པ་མོའུ་དགལ་གྱི་བུ་ཆེན་པོས་སྨྲས་པ། བདག་གི་མཆིད་མི་ཉན་པས་བདག་གིས་ཇི་ལྟར་བགྱི། ཚེ་དང་ལྡན་པ་མོའུ་དགལ་གྱི་བུ་ཆེན་པོས་བཅུ་བདུན་སྡེ་དག་ལ་སྨྲས་པ། གཞོན་ནུ་དག་གདུགས་ཚོད་ཡོལ་ན་མི་རུང་གི། ཆུ་རྒོལ་ཅིག་དང་འདོང་ངོ ། །དེ་དག་གིས་སྨྲས་པ། མཁན་པོ། དྲུག་སྡེ་དག་གིས་བདག་ཅག་གི་རད་པ་དག་སྦས་སོ། །ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཅི་ཁྱེར་ཏེ་དོང་ངམ་འོན་ཏེ་འདི་ཉིད་དུ་སྦས་ཏེ་བཞག་སྙམ་དུ་བསམས་ན། དེ་ཇི་ཙམ་ན་དེ་ཉིད་དུ་སྦས་ཏེ་བཞག་པར་མཐོང་ནས་དེས་བླངས་ཏེ་དེ་དག་ལ་བྱིན་ནོ། །བཅུ་བདུན་སྡེ་དག་གོས་དག་གྱོན་ཏེ་དེར་དོང་བ་དང་ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་གཉིས་ཀྱིས་དགེ་སློང་དག་ལ་བཤུགས་པ་ན། བཅུ་བདུན་སྡེ་དག་ཀྱང་དགེ་སློང་དག་བཤུག་པར་བྱེད་ནས། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་།ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་ཆེན་པོ་གཉིས་ནི་འདུལ་བའི་བྱ་བ་བྱས་ཏེ་འོང་བ་ཡིན་པས་དེ་གཉིས་ཀྱིས་རེ་ཞིག་དགེ་སློང་དག་བཤུགས་པ་ནི་རིགས་ཀྱི། རིགས་ཀྱི་བུ་
Ja403a
༄#། །ཁྱེད་ཅག་གིས་ཅི་ཞིག་བྱས་ན་ད་འདིར་ལྷགས་ཏེ་དགེ་སློང་དག་བཤུག་པར་བྱེད། དེ་དག་གིས་སྨྲས་པ། ཚེ་དང་ལྡན་པ་དག་གལ་ཏེ་ཁོ་བོ་ཅག་ལ་མཁན་པོས་མ་དགོངས་སུ་ཟིན་ན་ཁོ་བོ་ཅག་གི་ཟན་གཅད་པར་བྱས་པར་འགྱུར་རོ། །ཅིའི་ཕྱིར། དེ་དག་གིས་སྐབས་དེ་རྒྱས་པར་བརྗོད་པ་དང་དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དགེ་སློང་གི་གོས་དག་སྦེད་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་ཁྱེད་དགེ་སློང་དག་གི་གོས་དག་སྦེད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་
Ja403b
ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱི་འདུལ་བ་ལ་བསླབ་པའི་གཞི་འདི་ལྟར་འདོན་པར་བྱ་སྟེ། ཡང་དགེ་སློང་གང་དགེ་སློང་ངམ། དགེ་སློང་མའམ། དགེ་སློབ་མའམ། དགེ་ཚུལ་ལམ། དགེ་ཚུལ་མའི་ལྷུང་བཟེད་དམ། གོས་སམ། དྲ་བའམ། ཕོར་བུ་འམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་སྦེད་དམ། སྦེད་དུ་འཇུག་ན་ལྟུང་བྱེད་དོ་ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །དགེ་སློང་ཞིག་གིས་དགེ་སློང་ཞིག་གི་ལག་ཏུ་གོས་དག་གཏམས་ནས། འཇིགས་པ་བྱུང་བ་དང་དགེ་སློང་དེས་རང་གི་གོས་དག་ནི་སྦས། དགེ་སློང་དེའི་གོས་དག་ནི་མ་སྦས་པ་དང ། དེ་དག་མ་བྱིན་པར་ལེན་པ་དག་གིས་ཕྲོགས་ནས་དགེ་སློང་དེ་ཕོངས་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དེ་འདྲ་བའི་རྐྱེན་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས། དགེ་སློང་རྣམས་ལ་དེའི་ཤས་ཆེ་བ་དང་དེ་དང་མཐུན་པ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་
Ja404a
༄#། །བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་ངམ། དགེ་སློང་མའམ། དགེ་སློབ་མམ། དགེ་ཚུལ་ལམ། དགེ་ཚུལ་མའི་ལྷུང་བཟེད་དམ། གོས་སམ། དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཅི་ཡང་རུང་བ་སྦེད་དམ། སྦེད་དུ་འཇུག་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །ཡང་དག་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའམ་གཞན་ཡང་དེ་ལྟ་བུ་གང་ཡིན་པའོ། །དགེ་སློང་ངམ། དགེ་སློང་མའམ། དགེ་སློང་མའམ། དགེ་ཚུལ་ལམ། དགེ་ཚུལ་མའི་ཞེས་བྱ་བ་ནི་ཆོས་འདི་པའིའོ། །ལྷུང་བཟེད་ཅེས་བྱ་བ་ནི་ལྷུང་བཟེད་ཉིད་དོ། །གོས་ཞེས་བྱ་བ་ནི་བདུན་པོ་དག་ལས་གང་ཡང་རུང་བའོ། །དྲ་བ་ཞེས་བྱ་བ་ནི་ལྷུང་བཟེད་ཀྱི་སྣོད་དོ། །ཕོར་བུ་ཞེས་བྱ་བ་ནི་ཁ་ཕོར་རོ། །སྐ་རགས་ཞེས་བྱ་བ་ནི་ཤུར་བུ་དང ། ལྕག་པོད་དང ། རྒྱ་ཅང་དང ། ཤུར་བུ་ཕྲེའུའོ། །དགེ་སློང་གི་འཚོ་བའི་ཡོ་བྱད་གང་ཡང་རུང་བ་ཞེས་བྱ་བ་ནི་དེ་དག་ལས་གཞན་གང་ཡང་རུང་བའོ། །སྦེད་དམ་ཞེས་བྱ་བ་ནི་བདག་ཉིད་ཀྱིས་སོ། །སྦེད་དུ་འཇུག་ན་ཞེས་བྱ་བ་ནི་གཞན་ནོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་དེ་ནི་དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་
Ja404b
པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་སློང་ངམ། དགེ་སློང་མའམ། དགེ་སློབ་མའམ། དགེ་ཚུལ་ལམ། དགེ་ཚུལ་མའི་ལྷུང་བཟེད་དམ། གོས་སམ་དྲ་བའམ། ཕོར་བུའམ། སྐ་རགས་སམ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་སྦེད་དམ་སྦེད་དུ་འཇུད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྦེད་པའི་ལྟུང་བྱེད་དེ་དྲུག་ཅུ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་འཆར་ཀས་ནི་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་དུ་བྱས། ཚེ་དང་ལྡན་པ་འདུན་པ་ཀོའུ་ཤམྦྷི་ར་སོང་སྟེ། སྙིང་ལས་ཆུང་ངུར་འདུག་།འགྲོ་མགྱོགས་དང་ནབས་སོ་གཉིས་ནི་དུས་ལ་བབ། དགའ་བོ་དང་ཉེ་དགའ་གཉིས་ནི་དགེ་འདུན་གྱི་ནང་ན་འཁོད་པ་དེའི་ཚེ་ན། ཚེ་དང་ལྡན་པ་ཉེ་དགའ་རྒས་པར་གྱུར་ནས་དེ་ལ་ལྷན་ཅིག་གནས་པ་དང ། ཉེ་གནས་འགའ་ཡང་མི་ཉན་པས་དེའི་ཆོས་གོས་དག་དྲི་མ་ཅན་དུ་གྱུར་ཀྱང་དེས་འཁྲུ་བ་དང་ཁ་སྒྱུར་བར་མི་ནུས་པས། དེ་ལ་བློ་བྱུང་བ་ཐབས་ཤིག་བྱའོ། །
Ja405a
༄#། །སྙམ་ནས། དེས་ཆོས་གོས་དེ་དག་ལྷན་ཅིག་གནས་པ་དང ། ཉེ་གནས་དག་ལ། ལ་ལ་ལ་སྣམ་སྦྱར་སྦྱིན། ལ་ལ་ལ་བླ་གོས་སྦྱིན། ལ་ལ་ལ་མཐང་གོས་སྦྱིན་ནོ། །དེ་དག་གིས་སྨྲས་པ། མཁན་པོ་ཅི་འདི་དག་བཀྲུས་ཤིང་ཁ་བསྒྱུར་ཏེ་སླར་དབུལ་ལམ། དེས་སྨྲས་པ། བུ་དག་ཁོ་བོ་རྒས་པས་འདི་དག་ཁྱེད་ཉིད་ཀྱི་ཡིན་ནོ། །དེ་དག་གིས་རང་གི་སྲེད་པས་ཆོས་གོས་དེ་དག་ལེགས་པར་བཀྲུས་ཤིང་ལེགས་པར་ཁ་བསྒྱུར་བ་བྱས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོ་ཞིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། དགེ་སློང་རྣམས་ལ་ཚེ་དང་ལྡན་པ་དག་དེ་བཞིན་གཤེགས་པ་ཀོ་ས་ལ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ཀོ་ས་ལ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་བསྒོའོ། །དེ་དག་གིས་དེ་སྐད་བསྒོ་བ་ཐོས་ནས་ཆོས་གོས་དེ་དག་ཁྱེར་ཏེ་དགེ་སློང་ཞིག་གི་གན་དུ་དོང་ནས་སྨྲས་པ། བཙུན་པ་བདག་ཅག་གི་ཆོས་གོས་འདི་དག་རེ་ཞིག་ཁྱོད་ལ་གཏམས་སོ། །བདག་ཅག་ནི་བཅོམ་
Ja405b
ལྡན་འདས་དང་ཐབས་ཅིག་ལྗོངས་རྒྱུར་འགྲོའོ། །དེས་སྨྲས་པ། ཅི་ཁྱོད་ཀྱི་མཁན་པོ་ཡང་འགྲོའམ། དེ་དག་གིས་སྨྲས་པ་མི་འགྲོའོ། །དེས་སྨྲས་པ། དེང་ལ་དེ་ཉིད་ལ་ཐོམས་ཤིག་།ཁོ་བོ་ལ་འཁོར་འབྱེད་པར་བྱེད་དོ་ཞེས་ཟེར་དང ། མི་རུང་ངོ ། །དེ་དག་ཉེ་དགའི་གན་དུ་སོང་སྟེ་སྨྲས་པ། མཁན་པོ་ཆོས་གོས་འདི་དག་རེ་ཞིག་མཁན་པོའི་གན་དུ་གཏམས་སོ། །བདག་ཅག་ནི་བཅོམ་ལྡན་འདས་དང་ཐབས་ཅིག་ལྗོངས་རྒྱུར་མཆིའོ། །ཉེ་དགས་སྨྲས་པ། ཚེ་དང་ལྡན་པ་དག་ཁོ་བོ་ནི་དགེ་སློང་ཚུལ་ཁྲིམས་དང་ལྡན་པ་རྩཝས་བཅིངས་ན་ཡང་དུས་བྱེད་པར་འགྱུར་བ་ཡིན་པས་ཁོ་བོ་འཇོག་པར་མི་སྤྲོའི། དགེ་སློང་མཛའ་བོ་གཞན་འགའ་ཞིག་གི་ལག་ཏུ་ཐོམས་ཤིག་།དེ་དག་གིས་སྨྲས་པ། མཁན་པོ་བདག་ཅག་ལ་མཁན་པོ་ལས་ཆོས་ལྷག་པའི་དགེ་སློང་མཛའ་བོ་སུ་ཞིག་མཆིས། མཁན་པོ་ཉིད་ཀྱི་ཕྱག་ཏུ་བཞག་གོ་།ཉེ་དགས་སྨྲས་པ། གལ་ཏེ་དེ་ལྟར་ན་མཚན་མ་ལེགས་པར་ཐོབ་ལ་ཞོག་ཅིག་དང ། ཕྱིར་ལྷགས་ནས་རང་རང་གིས་བླང་སླ་བར་འགྱུར་རོ། །དེ་དག་གིས་ཆོས་གོས་དེར་བཞག་ནས། བཅོམ་ལྡན་འདས་དང་ཐབས་ཅིག་ལྗོངས་རྒྱུར་དོང་ངོ ། །ཉེ་དགས་གཏུར་བུ་གཅིག་ནས་སྣམ་སྦྱར་ཞིག་ཕྱུང་སྟེ་ཇི་ཙམ་གྱིས་ཤིན་ཏུ་དྲི་མ་ཅན་དུ་གྱུར་པ་དེ་ཙམ་དུ་གྱོན་གྱོན་ནས། གཏུར་བུ་དེ་ཉིད་ཀྱི་ནང་དུ་ཕྱིར་བཅུག་གོ་།དེ་བཞིན་དུ་གཏུར་བུ་གཅིག་ནས་བླ་གོས་ཕྱུང་སྟེ་གྱོན་ཞིང་དེ་བཞིན་དུ་ཆོས་གོས་ཐམས་ཅད་སྤྱད་ནས་ཇི་ཙམ་ན་ཤིན་ཏུ་དྲི་མ་ཅན་དུ་གྱུར་པ་དང ། དེས་དེ་དག་སྡམ་\་ཎGཱ་ཾཱ?\་ཁོ་ན་
Ja406a
༄#། །བཞིན་དུ་བཅིངས་ཏེ་བཞག་གོ་།ཇི་ཙམ་ན་བཅོམ་ལྡན་འདས་ལྗོངས་བརྒྱུས་ནས་མཉན་ཡོད་དུ་གཤེགས་པ་དང ། ཁྱིམ་བདག་ཞིག་གིས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལྗོངས་བརྒྱུས་ནས། མཉན་ཡོད་དུ་བྱོན་ཅེས་ཐོས་ནས། དེས་སངས་རྒྱས་ལ་སོགས་པ་དགེ་སློང་གི་དགེ་འདུན་གློ་བུར་དུ་གཤེགས་པ་རྣམས་གདུགས་ཚོད་ལ་སྤྱན་དྲངས་སོ། །དེ་དག་གིས་བསམས་པ། ལམ་གྱི་ཆོས་གོས་དག་བཞག་སྟེ། ཆོས་གོས་གཞན་དག་གྱོན་ལ་འདོང་ངོ་སྙམ་ནས། དེ་དག་ཉེ་དགའི་གན་དུ་དོང་སྟེ་ཆོས་གོས་གཏམས་པ་དག་ཕྱུང་སྟེ་བལྟས་པ་དང་དྲི་མ་ཅན་དུ་གྱུར་པས་ངོ་མ་ཤེས་ནས། དེ་དག་གིས་སྨྲས་པ། མཁན་པོ་བདག་ཅག་གི་ཆོས་གོས་དེ་དག་འདི་ལགས་སམ། ཉེ་དགས་སྨྲས་པ། ཚེ་དང་ལྡན་པ་ཁོ་བོས་ཁྱོད་ལ་ཁོ་བོ་ནི་དགེ་སློང་ཚུལ་ཁྲིམས་དང་ལྡན་པ་ཡིན་པ་རྩཝས་བཅིངས་ན་ཡང་དུས་བྱེད་པར་འགྱུར་གྱི། མཚན་མ་ལེགས་པར་ཐོབ་ལ་ཞོག་ཅིག་དང ། ཕྱིར་ལྷགས་པ་ན་རང་རང་གིས་བླང་སླ་བར་འགྱུར་རོ། ། ཞེས་མ་སྨྲས་སམ། ཇི་ཙམ་ན་དགེ་སློང་གཅིག་གིས་རང་གི་ཆོས་གོས་སྲུབས་ལས་ངོ་ཤེས་ནས་དེས་སྨྲས་པ། ཚེ་དང་ལྡན་པ་དག་ཆོས་གོས་འདི་དག་ནི་ཁོ་བོའི་ཡིན་ན་མཁན་པོས་སྤྱད་དོ། ། ཉེ་དགས་སྨྲས་པ། བཀྲེན་པ་དག་ཁྱེད་ཅག་དེ་ལྟར་མི་དགའ་བར་བྱའོ། །དེ་དག་གིས་སྨྲས་པ། ཚེ་དང་ལྡན་པ་དག་འདི་དག་པས་ནི་ལམ་གྱི་ཆོས་གོས་དག་ཆེས་བཟང་གི། དེ་དག་གྱོན་ཏེ་
Ja406b
འདོང་ངོ་ཞེས་དེ་དག་ལམ་གྱི་ཆོས་གོས་དག་གྱོན་ཏེ་དེར་དོང་བ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་ཁྱེད་ཅག་གི་ཆོས་གོས་དག་གཅིག་གཏམས་ཏེ་བཞག་ན་ཅིའི་ཕྱིར་ལམ་གྱི་ཆོས་གོས་དག་གྱོན་ཏེ་འོངས། དེ་དག་གིས་སྨྲས་པ། གཏམས་ཏེ་བཞག་གོ་།འོ་ན་ཅིའི་ཕྱིར་དེ་དག་མི་གྱོན། དེ་དག་གིས་སྐབས་དེ་རྒྱས་པར་བརྗོད་པ་དང ། དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་སློང་ལ་ཆོས་གོས་བྱིན་ནས་དེའི་འོག་ཏུ་གདེང་མེད་པར་སྤྱོད་པར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཤཱཀྱའི་བུ་ཉེ་དགའ་ལ་རྨས་པ། ཉེ་དགའ་ཁྱོད་དགེ་སློང་ལ་ཆོས་གོས་བྱིན་ནས་དེའི་འོག་ཏུ་གདེང་མེད་པར་སྤྱོད་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ། རུང་བ་མ་ཡིན་པ་ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་
Ja407a
༄#། །རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་ལ་གོས་བྱིན་ནས། དེའི་འོག་ཏུ་གདེང་མེད་པར་སྤྱོད་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་ལ་ཞེས་བྱ་བ་ནི་ཆོས་འདི་པ་ལའོ། །གོས་ཞེས་བྱ་བ་ནི་སྣམ་སྦྱར་དང་བླ་གོས་དང་མཐང་གོས་གསུམ་ལས་གང་ཡང་རུང་བའོ། །བྱིན་ནས་ཞེས་བྱ་བ་ནི་བླང་བ་མེད་པར་བྱིན་ནའོ། །དེའི་འོག་ཏུ་ཞེས་བྱ་བ་ནི་དུས་གཞན་དུའོ། །གདེང་མེད་པར་ཞེས་བྱ་བ་ནི་མ་བསླང་བར་རོ། །སྤྱོད་ན་ཞེས་བྱ་བ་ནི་གྱོན་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང ། ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་སློང་ལ་གོས་བྱིན་ནས། དེའི་འོག་
Ja407b
ཏུ་གདེང་མེད་པར་སྤྱོད་ན་ཐམས་ཅད་དུ་ལྟུང་བྱེད་དུ་འགྱུར་རོ། །དགའ་བ་དང་གཅུགས་པ་དང་ཡིད་དུ་འོང་བ་ཡིན། ཞེས་ཐོས་ནས་མཆོག་ཏུ་དགའ་བ་བསྐྱེད་པར་འགྱུར་ན་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བྱིན་པས་ཉེ་བར་འཚོ་བའི་ལྟུང་བྱེད་དེ་དྲུག་ཅུ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ཚེ་དང་ལྡན་པ་གྱད་བུ་ནོར་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ་འདུག་སྟེ་དེ་དང་ཧ་ཅང་མི་རིང་བ་ན་རྫིང་བུ་རྡོ་རྩིགས་ཅན་ཞེས་བྱ་བ་འདུག་པ་དེའི་འགྲམ་ན་ཚེ་དང་ལྡན་པ་གྱད་བུ་ནོར་ཉིན་མོ་གནས་པར་བྱེད་དོ། །གང་གི་ཚེ་ཨུཏྤ་ལའི་མདོག་དགེ་བའི་བཤེས་གཉེན་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བརྟེན་ཏེ། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་དགྲ་བཅོམ་པ་རྣམ་པར་རྒྱལ་བར་བྱ་བ་ལས་རྣམ་པར་རྒྱལ་བར་གྱུར་པ་དེའི་ཚེ་ན། དེ་ཤེས་ནས་དད་པ་དང་ལྡན་པས། བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ལ་ཡང་དང་ཡང་དུ་བལྟ་བའི་ཕྱིར་འགྲོ་ཞིང་ལྷག་པར་ཡང་ཚེ་དང་ལྡན་པ་གྱད་བུ་ནོར་ལ་འདི་འདི་ལྟར་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པར་གྱུར་ཀྱང ། བསམ་གཏན་དང་རྣམ་པར་ཐར་པ་དང་ཏིང་ངེ་འཛིན་ལ་སྙོམས་པར་འཇུག་པའི་བདེ་བ་དག་སྤངས་ཏེ། དགེ་འདུན་གྱི་ཆོས་དང་ལྡན་པའི་ཞལ་ཏའི་
Ja408a
༄#། །ལས་དག་ལ་བརྩོན་པར་གྱུར་པ་ནི་དཀའ་བ་བྱེད་པ་ཡིན་ནོ་སྙམ་ནས་ཡང་དང་ཡང་དུ་དེ་ལྟ་བའི་ཕྱིར་འགྲོའོ། །དེ་དུས་གཞན་ཞིག་ན་བཅོམ་ལྡན་འདས་དང་དགེ་སློང་གནས་བརྟན་གནས་བརྟན་གྱི་ཞབས་ལ་ཕྱག་འཚལ་ནས། ཚེ་དང་ལྡན་པ་གྱད་བུ་ནོར་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་གྱད་བུ་ནོར་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཆོས་མཉན་པའི་ཕྱིར་མདུན་དུ་འདུག་གོ་།དེའི་ཚེ་ན་དགེ་སློང་མཛའ་བོ་དང་ས་ལས་སྐྱེས་གཉིས་ཀྱིས་ཕྱག་དར་ཁྲོད་ཅིག་རྙེད་ཅིང ། དེ་གཉིས་ཚེ་དང་ལྡན་པ་གྱད་བུ་ནོར་དང་ཚེ་རབས་ཚེ་རབས་སུ་ཁོ་ན་བྱུང་སྟེ་རྟག་ཏུ་ཀླན་ཀ་ཚོལ་བ་ལ་བརྩོན་པ་ཡིན་པས་མཛའ་བོས་སྨྲས་པ། ས་ལས་སྐྱེས་ཕྱག་དར་ཁྲོད་རྙེད་པ་ནི་གང་དུ་འཁྲུར་གཞུག་།ས་ལས་སྐྱེས་ཀྱིས་སྨྲས་པ།་རྫིང་བུ་རྡོ་རྩིགས་ཅན་ནི་རྒྱུན་ལུགས་ཉུང་ཞིང་ཉེ་འཁོར་གཙང་བ་ཡིན་པས་དེར་འདོང་ངོ ། །དེ་གཉིས་ཕྱག་དར་ཁྲོད་ཁྱེར་ཏེ་རྫིང་བུ་རྡོ་རྩིགས་ཅན་དུ་དོང་ནས། དེ་གཉིས་ཀྱིས་ཕྱག་དར་ཁྲོད་དེར་འཁྲུར་བཅུག་ནས་ཉི་མ་ལ་བཏིང་སྟེ་འཁོད་དོ། །དེའི་ཚེ་ན་ཚེ་དང་ལྡན་པ་གྱད་བུ་ནོར་གྱིས་ཆོས་གོས་ཀྱི་གྲཝ་རླུང་གིས་བསྐྱོད་ནས། དགེ་སློང་མ་ཨུཏྤ་ལའི་མདོག་གི་མགོ་ལ་རེག་གོ་།དེ་མཛའ་བོས་མཐོང་ནས་དེས་སྨྲས་པ། ས་ལས་སྐྱེས་གྱད་བུ་ནོར་འདི་ལ་དགེ་སློང་མ་ཨུཏྤ་ལའི་མདོག་དང་ལྷན་ཅིག་ལུས་ཀྱིས་རེག་པའི་དགེ་འདུན་ལྷག་མ་བྱུང་གི་།འདོང་
Ja408b
ལ་དགེ་སློང་རྣམས་ལ་བརྗོད་པར་བྱའོ། །ས་ལས་སྐྱེས་ཀྱིས་སྨྲས་པ། ཚེ་དང་ལྡན་པ་མཛའ་བོ་དེའི་ཚེ་ཡང་རེ་ཞིག་བདག་ཅག་གཉིས་གནས་ནས་དབྱུང་བའི་ལས་བྱས་ན། ཅི་ད་ཡང་གནས་ནས་དབྱུང་བའི་ལས་བྱེད་དུ་འཇུད་པར་འདོད་དམ། མཛའ་བོས་སྨྲས་པ། ཚེ་དང་ལྡན་པ་ས་ལས་སྐྱེས་དེའི་ཚེ་ན་ནི་ཡང་དག་པ་མ་ཡིན་པས་ཡིན་གྱི། ད་ནི་ཡང་དག་པས་ཡིན་ཏེ། བཅོམ་ལྡན་འདས་ཀྱིས་ལན་དུ་ཞེས་བྱ་བ་ནི་སྐྲ་དག་དང་དེ་དང་འབྲེལ་བའི་གོས་ཡིན་ནོ་ཞེས་མ་གསུངས་སམ། ཚེ་དང་ལྡན་པ་འདི་ལ་བརྫུན་དུ་སྨྲ་བ་ག་ལ་ཡོད་ཀྱི། ཚུར་ཤོག་འདོང་ལ་དགེ་སློང་རྣམས་ལ་བརྗོད་པར་བྱའོ། །ས་ལས་སྐྱེས་དེ་མཛའ་བོས་བསླུས་པ་ན་བཏུབ་པར་གྱུར་ནས་དེ་གཉིས་གཙུག་ལག་ཁང་དུ་དོང་སྟེ། དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།འདི་ལྟར་བདག་ཅག་གཉིས་ཀྱིས་ཚེ་དང་ལྡན་པ་གྱད་བུ་ནོར་ལ་དགེ་སློང་མ་ཨུཏྤ་ལའི་མདོག་དང་ལྷན་ཅིག་ལུས་ཀྱིས་རེག་པའི་དགེ་འདུན་ལྷག་མ་བྱུང་བ་མཐོང་སྟེ། འདི་ལ་བདག་ཅག་གཉིས་གང་གི་དད་པའམ། ཡིད་ཆེས་པས་འགྲོ་བར་བྱ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་གཉིས་ཅི། ཁྱེད་གཉིས་ལྷ་དང་མི་རྣམས་གཅིག་ཏུ་ཡོངས་སུ་བཏང་ཞིང་སེམས་ཅན་དམྱལ་བ་དང་ཡི་དྭགས་དང་དུད་འགྲོ་རྣམས་སུ་གཅིག་ཏུ་གནས་སམ་ཅི་ན་དགེ་སློང་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་རྣམ་པར་སྟོན་པ་དེ་ལ་ཁྱེད་གཉིས་གཞི་མེད་པའི་དགེ་འདུན་
Ja409a
༄#། །ལྷག་མའི་ཆོས་ཀྱིས་སྐུར་བ་འདེབས་པར་བྱེད། དེ་གཉིས་ཀྱིས་སྨྲས་པ། ཚེ་དང་ལྡན་པ་དག་དེ་ནི་བདག་ཅག་གཉིས་ཀྱིས་མ་ཉེས་ཀྱི་འདི་ལྟར་བདག་ཅག་གཉིས་ཀྱི་མིག་དག་གིས་མཐོང་བས་མིག་དབྱུང་བར་བྱ་གྲང ། བཅོམ་ལྡན་འདས་ཀྱིས་དེ་གཉིས་ལ་ཅི་ཞིག་མཐོང ། ཇི་ལྟར་མཐོང ། གང་དུ་མཐོང ། ཁྱེད་གཉིས་དོན་ཅི་ལ་དེར་སོང་བས་དེར་མཐོང་ཞེས་ལེགས་པར་རབ་ཏུ་གླེང་བར་གྱིས་ཤིག་།བརྟག་པར་གྱིས་ཤིག་ཅེས་བཀའ་སྩལ་པ། དགེ་སློང་རྣམས་ཀྱིས་དེ་གཉིས་ལ་ཅི་ཞིག་མཐོང་ཇི་ལྟར་མཐོང་གང་དུ་མཐོང ། ཁྱེད་གཉིས་ཅིའི་ཕྱིར་དེར་སོང་བས་དེར་མཐོང་ཞེས་ལེགས་པར་རབ་ཏུ་གླེང་ཞིང་བརྟགས་སོ། །དགེ་སློང་རབ་ཏུ་མང་པོ་དག་གིས་ལེགས་པར་རབ་ཏུ་གླེང་ཞིང་བརྟགས་པ་ན། དེ་གཉིས་ཀྱིས་སྨྲས་པ། ཚེ་དང་ལྡན་པ་དག་ཚེ་དང་ལྡན་པ་གྱད་བུ་ནོར་ལ། དགེ་སློང་མ་ཨུཏྤ་ལའི་མདོག་དང་ལྷན་ཅིག་ལུས་ཀྱིས་རེག་པའི་དགེ་འདུན་ལྷག་མ་མ་བྱུང་སྟེ། འདི་ལྟར་བདག་ཅག་གཉིས་ཀྱིས་ཚེ་དང་ལྡན་པ་གྱད་བུ་ནོར་ལ་འདུན་པས་སྨྲས། ཞེ་སྡང་དང་གཏི་མུག་དང་འཇིགས་པས་སྨྲས་སོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་པ་ལྟུང་བ་མེད་པ་ལ་གཞི་མེད་པར་དགེ་འདུན་ལྷག་མའི་ཆོས་ཀྱིས་བསྐུར་བ་འདེབས་བར་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་
Ja409b
དང་གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ཀྱིས་མཛའ་བོ་དང་ས་ལས་སྐྱེས་གཉིས་ལ་རྨས་པ། དགེ་སློང་དག་ཁྱེད་གཉིས་ཁྲོས་ཤིང་ཞེ་སྡང་བར་གྱུར་ནས། དགེ་སློང་དག་པ་ལྟུང་བ་མེད་པ་ལ་གཞི་མེད་པར་དགེ་འདུན་ལྷག་མའི་ཆོས་ཀྱིས་སྐུར་བ་འདེབས་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ་རྗེས་སུ་མཐུན་པ་མ་ཡིན་པ་རུང་བ་མ་ཡིན་པ། ཚུལ་དང་མཐུན་པ་ཡིན་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཁྲོས་ཤིང་ཞེ་སྡང་བར་གྱུར་ནས། དགེ་སློང་དག་པ་ལྟུང་བ་མེད་པ་ལ་གཞི་མེད་པར་དགེ་འདུན་ལྷག་མའི་ཆོས་ཀྱིས་སྐུར་ན་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་མཛའ་བོ་
Ja410a
༄#། །འམ་ས་སྐྱེས་སམ། གཞན་ཡང་དེ་ལྟ་བུ་གང་ཡིན་པའོ། །ཁྲོས་ཤིང་ཞེས་བྱ་བ་ནི་འཁྲུགས་ཤིང་ངོ ། །ཞེ་སྡང་བར་གྱུར་ནས་ཞེས་བྱ་བ་ནི་ཡིད་མི་དགའ་བར་གྱུར་ནས་ཏེ་འཁྲུགས་པ་མ་བསལ་བར་རོ། །དགེ་སློང་དག་པ་ཞེས་བྱ་བ་ནི་ཚེ་དང་ལྡན་པ་གྱད་བུ་ནོར་རམ་གཞན་ཡང་དེ་ལྟ་བུ་གང་ཡིན་པའོ། །ལྟུང་བ་མེད་པ་ལ་ཞེས་བྱ་བ་ནི་གཞི་འདིའི་ལྟུང་བ་མེད་པ་ལའོ། །གཞི་མེད་པར་ཞེས་བྱ་བ་ནི་གཞི་གསུམ་པོ་མཐོང་བའི་གཞི་དང ། ཐོས་པའི་གཞི་དང ། དོགས་པའི་གཞི་མེད་པར་རོ། །དགེ་འདུན་ལྷག་མའི་ཆོས་ཀྱིས་ཞེས་བྱ་བ་ནི་བཅུ་གསུམ་པོ་གང་ཡང་རུང་བ་སྟེ། དེ་ནི་ཆོས་མ་ཡིན་པར་ཆོས་ཀྱི་སྒྲར་གསུངས་པ་ཡིན་ནོ། །སྐུར་ན་ཞེས་བྱ་བ་ནི་སྐུར་བ་འདེབས་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། གང་ཟག་དག་པ་ལ་སྐུར་བ་འདེབས་པ་ལ་གཞི་བཅུས་ནི་ལྟུང་བར་འགྱུར་ལ། གཞི་ལྔས་ནི་ལྟུང་བར་མི་འགྱུར་རོ། །ཇི་ལྟར་གཞི་བཅུས་ལྟུང་བར་འགྱུར་ཞེ་ན། དེས་མ་མཐོང་བ་དང ། མ་ཐོས་པ་དང ། མི་དོགས་པར་དེས་འདུ་ཤེས་བསྒྱུར་ཅིང་བཟོད་པ་དང །
Ja410b
འདོད་པ་དང ། བློ་གྲོས་དང ། རྟོག་པ་དང ། ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་ངོ ། །བདག་གིས་ཐོས་སོ། །བདག་དོགས་སོ་ཞེས་ཟེར་ན་བརྗོད་དོ་ཅོག་ལྟུང་བྱེད་དུ་འགྱུར་རོ། །དེས་ཐོས་ལ་དེ་ཡང་བརྗེད་པ་དང ། དེ་དོགས་ལ་དེ་ཡང་བརྗེད་བཞིན་དུ་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་དང་ལྟ་བ་བསྒྱུར་ཏེ་འདི་སྐད་ཅེས་བདག་གིས་ཐོས་ཏེ་དེ་ཡང་མ་བརྗེད་དོ། །བདག་དོགས་ཏེ་དེ་ཡང་མ་བརྗེད་དོ་ཞེས་ཟེར་ན་བརྗོད་དོ་ཅོག་ལྟུང་བྱེད་དུ་འགྱུར་རོ། །ཐོས་པ་ལ་ཡིད་ཆེས་ནས་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་ཡིད་མ་ཆེས་པར་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་དོགས་པ་ན་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་མི་དོགས་པ་ན་བདག་གིས་མཐོང་ངོ་ཞེས་ཟེར་བ་དང ། དོགས་པ་ལ་དོགས་པ་ན་བདག་གིས་མཐོང་ངོ་ཞེས་ཟེར་ན་བརྗོད་དོ་ཅོག་ལྟུང་བྱེད་དུ་འགྱུར་ཏེ། དེ་ལྟར་གཞི་བཅུས་ལྟུང་བར་འགྱུར་རོ། །ཇི་ལྟར་གཞི་ལྔས་ལྟུང་བར་མི་འགྱུར་ཞེ་ན། དེ་མ་མཐོང་བ་དང ། མ་ཐོས་པ་དང ། མི་དོགས་པ་ལ་དེས་འདུ་ཤེས་མ་བསྒྱུར་ཅིང་བཟོད་པ་དང ། འདོད་པ་དང་བློ་གྲོས་དང་རྟོག་པ་དང་ལྟ་བ་མ་བསྒྱུར་བར་འདི་སྐད་ཅེས་བདག་གིས་མཐོང་ངོ་ཐོས་སོ་དོགས་སོ་ཞེས་ཟེར་ན་ལྟུང་བར་མི་འགྱུར་རོ། །དེས་ཐོས་ལ་དེ་ཡང་བརྗེད་པ་དང ། དེ་དོགས་ལ་དེ་ཡང་བརྗེད་པ་ལ། དེས་འདུ་ཤེས་མ་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང་རྟོག་པ་ལྟ་བ་མ་བསྒྱུར་བར་འདི་སྐད་ཅེས་བདག་གིས་ཐོས་
Ja411a
༄#། །ཏེ་དེ་ཡང་བརྗེད་དོ། །བདག་དོགས་ཏེ་དེ་ཡང་བརྗེད་དོ་ཞེས་ཟེར་ན་ལྟུང་བར་མི་འགྱུར་ཏེ། དེ་ལྟར་གཞི་ལྔས་ལྟུང་བར་མི་འགྱུར་རོ། །ཇི་ལྟར་གང་ཟག་དག་པ་ལ་སྐུར་པ་འདེབས་པ་ལ་གཞི་བཅུས་ལྟུང་བར་འགྱུར་ལ། གཞི་ལྔས་ལྟུང་བར་མི་འགྱུར་བ་དེ་བཞིན་དུ་གང་ཟག་དག་པ་མ་དག་པ་ལྟར་བཅོས་པ་ལ་སྐུར་པ་འདེབས་པ་ལ་ཡང་གཞི་བཅུས་ལྟུང་བར་འགྱུར་ལ། གཞི་ལྔས་ལྟུང་བར་མི་འགྱུར་རོ། །གང་ཟག་མ་དག་པ་ལ་སྐུར་པ་འདེབས་པ་ལ་ནི་གཞི་བཅུ་གཅིག་གིས་ལྟུང་བར་འགྱུར་ལ། གཞི་དྲུག་གིས་ལྟུང་བར་མི་འགྱུར་རོ། །ཇི་ལྟར་གཞི་བཅུ་གཅིག་གིས་ལྟུང་བར་འགྱུར་ཞེ་ན། དེས་མ་མཐོང་བ་དང་མ་ཐོས་པ་དང་མི་དོགས་པ་ལ་དེས་འདུ་ཤེས་བསྒྱུར་ཅིང་བཟོད་པ་དང ། འདོད་པ་དང ། བློ་གྲོས་དང་རྟོག་པ་དང་ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་ངོ ། །བདག་གིས་ཐོས་སོ། །བདག་དོགས་སོ་ཞེས་ཟེར་ན་བརྗོད་དོ་ཅོག་ལྟུང་བྱེད་དུ་འགྱུར་རོ། །དེས་མཐོང་ལ་དེ་ཡང་བརྗེད་པ་དང ། དེས་ཐོས་ལ་དེ་ཡང་བརྗེད་པ་དང ། དེ་དོགས་ལ་དེ་ཡང་བརྗེད་པ་ལ་དེས་འདུ་ཤེས་བསྒྱུར་ཅིང་བཟོད་པ་དང་འདོད་པ་དང་བློ་གྲོས་དང ། རྟོག་པ་དང་ལྟ་བ་བསྒྱུར་ཏེ་འདི་སྐད་ཅེས་བདག་གིས་མཐོང་སྟེ་དེ་ཡང་མ་བརྗེད་དོ། །དེ་བདག་གིས་ཐོས་ཏེ་དེ་ཡང་མ་བརྗེད་དོ། །བདག་དོགས་ཏེ་དེ་ཡང་མ་བརྗེད་དོ་ཞེས་ཟེར་ན་བརྗོད་དོ་ཅོག་ལྟུང་བྱེད་
Ja411b
དུ་འགྱུར་རོ། །ཐོས་པ་ལ་ཡིད་ཆེས་ནས་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་ཡིད་མ་ཆེས་པར་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་དོགས་པ་ན་བདག་གིས་མཐོང་ངོ་ཞེས་ཟེར་བ་དང ། ཐོས་པ་ལ་མི་དོགས་པ་ན་བདག་གིས་མཐོང་ངོ་ཞེས་ཟེར་བ་དང ། དོགས་པ་ལ་དོགས་པ་ན་བདག་གིས་མཐོང་ངོ་ཞེས་ཟེར་ན་བརྗོད་དོ་ཅོག་ལྟུང་བྱེད་དུ་འགྱུར་ཏེ། དེ་ལྟར་གཞི་བཅུ་གཅིག་གིས་ལྟུང་བར་འགྱུར་རོ། །ཇི་ལྟར་གཞི་དྲུག་གིས་ལྟུང་བ་མེད་པར་འགྱུར་ཞེ་ན། དེས་མ་མཐོང་བ་དང་མ་ཐོས་པ་དང་མི་དོགས་པ་ལ་དེས་འདུ་ཤེས་མ་བསྒྱུར་ཅིང་བཟོད་པ་དང ། འདོད་པ་དང་བློ་གྲོས་དང་རྟོག་པ་དང་ལྟ་བ་མ་བསྒྱུར་བར་འདི་སྐད་ཅེས་བདག་གིས་མཐོང་ངོ ། །ཐོས་སོ། །དོགས་སོ་ཞེས་ཟེར་ན་ལྟུང་བར་མི་འགྱུར་རོ། །དེ་མཐོང་ལ་དེ་ཡང་བརྗེད་པ་དང ། དེས་ཐོས་ལ་དེ་ཡང་བརྗེད་པ་དང ། དེས་དོགས་ལ་དེ་ཡང་བརྗེད་པ་ལ། དེས་འདུ་ཤེས་མ་བསྒྱུར་ཅིང་བཟོད་པ་དང ། འདོད་པ་དང་བློ་གྲོས་དང ། རྟོག་པ་དང ། ལྟ་བ་མ་བསྒྱུར་བར་འདི་སྐད་ཅེས་བདག་གིས་མཐོང་སྟེ་དེ་ཡང་མ་བརྗེད་དོ། །བདག་གིས་ཐོས་ཏེ་དེ་ཡང་མ་བརྗེད་དོ། །བདག་དོགས་ཏེ་དེ་ཡང་མ་བརྗེད་དོ་ཞེས་ཟེར་ན་ལྟུང་བར་མི་འགྱུར་ཏེ་དེ་ལྟར་གཞི་དྲུག་གིས་ལྟུང་བར་མི་འགྱུར་རོ། །ཇི་ལྟར་གང་ཟག་མ་དག་པ་ལ་སྐུར་པ་འདེབས་པ་ལ་གཞི་བཅུ་གཅིག་གིས་ལྟུང་བར་འགྱུར་ལ་གཞི་དྲུག་གིས་ལྟུང་བར་མི་འགྱུར་བ་དེ་བཞིན་དུ་གང་
Ja412a
༄#། །ཟག་མ་དག་པ་དག་པ་ལྟར་བཅོས་པ་ལ་སྐུར་པ་འདེབས་པ་ལ་ཡང་གཞི་བཅུ་གཅིག་གིས་ལྟུང་བར་འགྱུར་ལ། གཞི་དྲུག་གིས་ལྟུང་བར་མི་འགྱུར་རོ། ། དྲིལ་བསྒྲགས་པ་ལ་ནི་ལྟུང་བ་མེད་དོ། །ངོས་ལ་རི་མོར་བྲིས་པ་ཕན་ཆད་ལ་ཡང་ལྟུང་བ་མེད་དེ། ཇི་ལྟར་བདག་གིས་ཤེས་པ་བཞིན་དུ་འཇིག་རྟེན་ཐམས་ཅད་ཀྱིས་ཀྱང་ཤེས་སོ། ། སྙམ་ནའོ། །ལས་དང་པོ་བ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །སྐུར་པ་འདེབས་པའི་ལྟུང་བྱེད་དེ་དྲུག་ཅུ་དགུ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རྒྱལ་པོའི་ཁབ་ན་ཐ་ག་པ་སྤྱི་ཅེར་ཞེས་བྱ་བ་ཞིག་འདུག་པ་དེས་མཉན་ཡོད་པའི་ཐ་ག་པ་ཞིག་གི་བུ་མོ་བག་མར་བླངས་ནས། དེ་བུ་མོ་དེ་ལ་ཡང་དང་ཡང་དུ་ཁུ་ཚུར་དང་ཐལ་ལྕག་གིས་རྡེག་པར་བྱེད་དོ། །དེའི་སྡུམ་ཚེས་བུད་མེད་རྒན་མོ་ཞིག་འདུག་ནས། བུ་མོ་དེ་བུད་མེད་རྒན་མོ་དེའི་གན་དུ་སོང་སྟེ་སྨྲས་པ། ཡུམ་བདག་ལ་ཁྱིམ་བདག་འདི་ཡང་དང་ཡང་དུ་ཁུ་ཚུར་དང་ཐལ་ལྕག་དག་གིས་རྡེག་བར་བགྱིད་པས། བདག་འབྲོས་སོ། །རྒན་མོས་སྨྲས་པ། བུ་མོ་ཁྱོད་ལ་ཇི་སྲིད་དུ་བུ་མ་བཙས་པ་དེ་སྲིད་དུ་ཁྱོད་ལ་ཁྱིམ་བདག་འདིས་རྡེག་པར་བྱེད་ཀྱི། གང་གི་ཚེ་ཁྱེད་ལ་བུ་བཙས་
Ja412b
པར་གྱུར་པ་དེའི་ཚེ་ན་འདི་ཁྱོད་ལ་བྱམས་པར་འགྱུར་གྱི། མ་འབྲོས་པར་སྡོད་ཅིག་དང་ཁོ་མོས་བཟློག་པར་བྱའོ་ཞེས་བུད་མེད་རྒན་མོ་དེས་ཐ་ག་པར་སྤྱི་ཅེར་ལ་སྨྲས་པ། བུ་ཁྱོད་བུ་མོ་འདི་ལ་ཡང་དང་ཡང་དུ་ཁུ་ཚུར་དང་ཐལ་ལྕག་དག་གིས་རྡེག་པས་འདི་བྲོས་པར་གྱུར་ན་མི་རུང་གི་།ཕྱིན་ཆད་མ་རྡེགས་ཤིག་།ཐ་ག་པ་དེ་དེ་ལྟར་བུད་མེད་རྒན་མོ་དེས་བཟློག་ཀྱང་མ་བཏུབ་སྟེ། ཕྱིན་ཆད་ཡང་དང་ཡང་དུ་བུ་མོ་དེ་ལ་ཁུ་ཚུར་དང་ཐལ་ལྕག་དག་གིས་རྡེག་པར་བྱེད་དོ། །དེ་ནས་དུས་གཞན་ཞིག་ན་ཐ་ག་པ་དེ་ཚོང་ཁང་དུ་ཆང་འཐུངས་ཏེ་ར་རོ་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས། དེས་བུ་མོ་དེ་ཤིན་ཏུ་བརྡེགས་པ་དང ། བུ་མོ་དེས་བསམས་པ། བདག་བུ་བཙས་པར་མ་གྱུར་གྱི་བར་སྐབས་སུ་འདིས་གསད་པར་གྱུར་ན་མི་རུང་གི ། བདག་ལ་བུ་མེད་ཀྱང་བླས། བདག་བྲོས་ཏེ་འགྲོའོ་སྙམ་ནས། བུ་མོ་དེས་ཐ་ག་པ་དེ་གཉིད་ལོག་པར་རིག་ནས། སྒོ་དང་པོ་ཕྱེ་བ་ཁོ་ན་ནས་བྱུང་སྟེ་བྲོས་སོ། །དགེ་སློང་ཞིག་རྒྱལ་པོའི་ཁབ་ཏུ་དབྱར་གནས་པར་ཁས་བླངས་ནས་མཉན་ཡོད་དུ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འཕགས་པ་དེ་ཡང་སྒོ་དང་པོ་ཕྱེ་བ་ཁོ་ན་ནས་བྱུང་སྟེ་སོང་བ་དང ། བུ་མོ་དེས་དགེ་སློང་དེ་མཐོང་ནས་དེས་སྨྲས་པ། འཕགས་པ་གར་བཞུད། དགེ་སློང་དེས་སྨྲས་པ། སྲིང་མོ་མཉན་ཡོད་དུ་འགྲོའོ། །བུ་མོ་དེས་སྨྲས་པ། བདག་ཀྱང་མཉན་ཡོན་དུ་མཆིས། བདག་འཕགས་པ་དང་ལྷན་ཅིག་
Ja413a
༄#། །འགྲོགས་ཏེ་མཆིའོ། །དེ་ལྟར་གྱིས་ཤིག་།བུ་མོ་དེ་དགེ་སློང་དེ་དང་ལྷན་ཅིག་འགྲོགས་ཏེ་འགྲོ་བར་བརྩམས་སོ། །ཇི་ཙམ་ན་ཐ་ག་པ་སྤྱི་ཅེར་ར་རོ་བ་སངས་ཏེ་སད་ནས་བུ་མོ་དེ་མི་སྣང་ནས། དེ་བུད་མེད་རྒན་མོའི་གན་དུ་སོང་སྟེ་དྲིས་པ། ཡུམ་བུ་མོ་དེ་མི་སྣང་ངོ ། །རྒན་མོས་སྨྲས་པ། བུ་ཁོ་མོས་དང་པོ་ཉིད་ནས་ཁྱོད་ལ་དེ་བྲོས་པར་གྱུར་ན་མི་རུང་གི་།མ་རྡེགས་ཤིག་ཅེས་མ་བྱས་སམ། དེ་བྲོས་ཏེ་སོང་པ་སྙམ་གྱི། སྒོ་བ་ལ་དྲིས་ཤིག་།ཐ་ག་པ་དེ་སོང་སྟེ་སྒོ་བ་ལ་དྲིས་པ། ཀྱེ་ནང་རྗེའི་སྒོ་འདི་ནས་བུ་མོ་ཞིག་ཕྱིར་བྱུང་ངམ། སྒོ་བས་སྨྲས་པ། སྒོ་དང་པོ་ཕྱེ་བ་ཁོ་ན་ནས་བྱུང་སྟེ་སོང་ངོ ། །ཐ་ག་པ་དེར་བ་ལས་འཛེགས་ཏེ་ཕྱི་བཞིན་བལྟས་པ་དང ། ཇི་ཙམ་ན་ཐག་རིང་པོ་ཁོ་ན་ནས་སོང་བ་མཐོང་ནས། དེ་མྱུར་བ་མྱུར་བར་བབས་ཏེ་བསྙགས་པ་དང ། ཇི་ཙམ་ན་དགེ་སློང་ཞིག་དང་ལྷན་ཅིག་འགྲོ་བ་མཐོང་ནས། དེས་བསམས་པ། བདག་ནི་གཅིག་པུ་ཡིན་ལ། འདི་གཉིས་ནི་གཉིས་ཡིན་པས་གལ་ཏེ་དེ་བཟུང་ན་འདི་གཉིས་ལོག་སྟེ། བདག་རྡེག་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱི། གང་གི་ཚེ་གྲོགས་རྙེད་པར་གྱུར་པ་དེའི་ཚེ་ན་གཟུང་བར་བྱའོ་སྙམ་ནས། དེ་དེ་གཉིས་ཀྱི་ཕྱི་བཞིན་འབྲང་ཞིང་སོང་བ་དང ། ཇི་ཙམ་ན་རི་བྲགས་ཞིག་ཏུ་ཕྱིན་ནས། རི་བྲགས་དེ་ན་ཐ་ག་པ་ལྔ་བརྒྱ་ཙམ་འཁོད་ནས། ཐ་ག་པ་སྤྱི་ཅེར་སོང་སྟེ་སྨྲས་པ། ཤེས་ལྡན་དག་ཁྱེད་ཁོ་བོའི་ཉེ་དུ་ཡིན་ན། ཁོ་བོའི་ཆུང་མར་ཤཱཀྱའི་བུའི་དགེ་
Ja413b
སྦྱོང་གིས་ཕྲོགས་ཀྱི། དེ་ལ་གྲོགས་ཀྱིས་ཞིག་ཅེས་ར་མདའ་འདོག་ཏུ་བཅུག་གོ་།ཐ་ག་པ་དག་ནི་ཡོངས་སུ་མི་རྟོག་པ་ཡིན་པས། དེ་དག་གིས་ཐགས་ཟངས་ལྔ་བརྒྱ་ཙམ་ཐོགས་ཏེ། རི་བྲགས་ནས་ཕྱིར་བྱུང་ནས། དེ་དག་གིས་དགེ་སློང་དེ་ཤིན་ཏུ་བརྡེགས་ཏེ། ལྷུང་བཟེད་ཀྱང་བཅག་།ཕོར་བུ་དང་འཁར་བ་ཡང་བཅག་།ཆོས་གོས་དག་ཀྱང་རལ་ནས་ཤིའོ་སྙམ་དུ་བསམས་ཏེ་བོར་རོ། །བུ་མོ་དེས་དགེ་སློང་དེ་ལ་སྨྲས་པ། འཕགས་པ་ཁྱེད་ཅག་གིས་རྒྱལ་པོ་ལས་གཞོན་ནུའི་ཡོངས་སུ་སྤང་པ་ཐོབ་པ་ལགས་ཀྱིས། རྒྱལ་པོའི་གན་དུ་བཞུད་དེ་གསུངས་ལ། འདི་དག་གི་ལག་པ་དང་རྐང་པ་དག་གཅོད་དུ་སྩོལ་ཅིག་།དེ་དག་སྐྲག་ནས་དགེ་སློང་དེ་ལ་བཟོད་པ་གསོལ་བར་བརྩམས་ཏེ་སྨྲས་པ། འཕགས་པ་བདག་ཅག་ལ་བཟོད་པ་མཛད་དུ་གསོལ། དགེ་སློང་གི་སྙིང་ནི་མར་དང་འདྲ་བས། དེས་སྨྲས་པ་བཟོད་པར་བྱའོ། །བུ་མོ་དེས་སྨྲས་པ། གལ་ཏེ་འཕགས་པས་བཟོད་ཀྱང་བདག་གིས་མི་བཟོད་དོ། །དེ་དག་གིས་བུ་མོ་དེ་ལ་སྨྲས་པ། སྲིང་མོ་ཁྱོད་བདག་ཅག་གི་ཉེ་དུ་ཡིན་པས། ཁྱོད་ཀྱིས་ཀྱང་བཟོད་པར་གྱིས་ཤིག་།བུ་མོ་དེས་སྨྲས་པ། ཁྱེད་ཅག་ལ་ནི་བཟོད་ན། ཐ་ག་པ་སྤྱི་ཅེར་འདི་ལ་མི་བཟོད་དོ། ། བདག་གིས་འདིའི་ལག་པ་དང་རྐང་པ་དག་གཅད་པར་བྱའོ། །དེ་དག་གིས་སྨྲས་པ། འདི་ལ་ཡང་བཟོད་པར་གྱིས་ཤིག་།བུ་མོ་དེས་སྨྲས་པ། དམ་ཚིག་གིས་བཟོད་པར་བྱ་སྟེ་གལ་ཏེ་
Ja414a
༄#། །ཕྱིན་ཆད་བདག་ལ་མི་རྡེག་ན་བཟོད་དོ། །ཐ་ག་པ་དེས་སྨྲས་པ། ཕྱིན་ཆད་མི་བརྡེག་གོ་།བུ་མོ་དེས་སྨྲས་པ། གལ་ཏེ་དེ་ལྟར་ན་བཟོད་པར་བྱའོ། །དགེ་སློང་དེ་མཐར་གྱིས་མཉན་ཡོད་དུ་ཕྱིན་ནས། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཚེ་དང་ལྡན་པ་དག་ཇི་ལྟར་བདེ་བར་བརྒྱུས། ཁོ་བོ་ཐ་ག་པ་དག་གིས་ཧད་པོར་སྲོག་དང་དེའུ་ཕྲལ་ལོ། །ཅིའི་ཕྱིར་དེས་སྐབས་དེ་རྒྱས་པར་བརྗོད་པ་དང ། དགེ་སློང་རྣམས་ཀྱིས་སྨྲས་པ། ཁྱོད་སྐྱེས་པ་མེད་པར་བུད་མེད་དང་ལྷན་ཅིག་མགྲོན་ལམ་དུ་འགྲོར་རུང་ངམ། གང་གི་ཕྱིར་འགྲོར་མི་རུང་བ་དེ་ཉིད་ཀྱི་ཕྱིར་ཉེས་དམིགས་འདི་ལྟ་བུ་བྱུང་ངོ། །དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དག་སྐྱེས་པ་མེད་པར་བུད་མེད་དང་ལྷན་ཅིག་མགྲོན་ལམ་དུ་འགྲོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ།
Ja414b
སངས་རྒྱས་བཅོམ་ལྡན་འདས་ཀྱིས་དགེ་སློང་དེ་ལ་རྨས་པ། དགེ་སློང་ཁྱོད་སྐྱེས་པ་མེད་པར་བུད་མེད་དང་ལྷན་ཅིག་མགྲོན་ལམ་དུ་འགྲོ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་སྐྱེས་པ་མེད་པར་བུད་མེད་དང་ལྷན་ཅིག་མགྲོན་ལམ་དུ་འགྲོ་ན་ཐ་ན་གྲོང་བར་དུ་ཡང་རུང་སྟེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཆོས་འདི་པའམ། གཞན་ཡང་དེ་ལྟ་བུ་གང་ཡིན་པའོ། །སྐྱེས་པ་མེད་པར་ཞེས་བྱ་བ་ནི་དེ་དང་དེའོ། །བུད་མེད་དང་ལྷན་ཅིག་ཅེས་བྱ་བ་ནི་བུད་མེད་དམ་གཞོན་ནུ་མ་མི་ཚངས་པར་སྤྱོད་པ་འཁྲིག་པའི་ཆོས་སྟེན་ནུས་པ་དང་ངོ ། །མགྲོན་ལམ་དུ་འགྲོ་ན་ཞེས་བྱ་བ་ནི་དགོན་པའི་ལམ་དུ་འགྲོ་ནའོ། །ཐ་ན་གྲོང་བར་དུ་ཡང་རུང་སྟེ་ཞེས་བྱ་བ་ནི། ཐ་ན་རྒྱང་གྲགས་ཀྱི་བར་དུ་ཡང་རུང་
Ja415a
༄#། །སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་སྐྱེས་པ་མེད་པར་བུད་མེད་དང་ལྷན་ཅིག་མགྲོན་ལམ་དུ་འགྲོ་ན་ཐམས་ཅད་དུ་ལྟུང་བྱེད་དུ་འགྱུར་རོ། །རྒྱང་གྲགས་ཀྱིས་བར་དུ་ཆོད་པའི་གྲོང་བདུན་ལས་གྲོང་ནས་དགོན་པར་འགྲོ་ན། རྒྱང་གྲགས་ཕྱེད་ཕྱེད་དུ་ནི་ཉེས་བྱས་སུ་འགྱུར་ལ། རྒྱང་གྲགས་རེ་རེར་ནི་ལྟུང་བྱེད་དུ་འགྱུར་རོ། །དགོན་པ་ནས་གྲོང་དུ་འགྲོ་ན་ཡང་རྒྱང་གྲགས་ཕྱེད་ཕྱེད་དུ་ནི་ཉེས་བྱས་སུ་འགྱུར་ལ། རྒྱང་གྲགས་རེ་རེར་ནི་ལྟུང་བྱེད་དུ་འགྱུར་རོ། །བུད་མེད་བསེལ་བྱེད་དུ་འཛུད་པ་དང ། ལམ་ནོར་བ་བུད་མེད་ཀྱིས་ལམ་དུ་འཛུད་པ་དང ། འགྲོ་མི་ནུས་པ་བུད་མེད་ཀྱིས་ཁྲིད་པ་ལ་ནི་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བུད་མེད་དང་ལྷན་ཅིག་འགྲོ་བའི་ལྟུང་བྱེད་དེ་བདུན་ཅུ་པ་རྫོགས་སོ།། །།སྡོམ་ལ། རྐུ་དང་ཉི་ཤུ་མ་ལོན་དང ། །རྐོ་དང་མགྲོན་དང་བསླབ་པ་དང ། །འཐབ་དང་མི་སྨྲ་འགྲོ་བ་དང ། །མི་
Ja415b
གུས་ཆང་འཐུང་དུས་མིན་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་རྒྱལ་པོའི་ཁབ་འོད་མའི་ཚལ་ཀ་ལན་ད་ཀའི་གནས་སུ་དབྱར་གནས་པར་ཁས་བླངས་སོ། །དེ་ནས་དགེ་སློང་དེ་དབྱར་གྱི་ཟླ་བ་གསུམ་པོ་དག་འདས་ནས། ཆོས་གོས་བྱས་པ་དང་ལྡན་ཆོས་གོས་ཟིན་པ་དང་ལྡན་ཞིང་ལྷུང་བཟེད་དང་ཆོས་གོས་ཐོགས་ཏེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འཕགས་ནས། མཉན་ཡོད་དུ་འགྲོ་བའི་དོན་མཐུན་བཙལ་བ་དང ། དེས་ཚོང་པ་ཤོ་གམ་འདྲལ་བ་དག་མཐོང་ནས། དེས་སྨྲས་པ། ཤེས་ལྡན་དག་གར་འདོང ། དེ་དག་གིས་སྨྲས་པ། འཕགས་པ་མཉན་ཡོད་དུ་མཆིའོ། །དེས་སྨྲས་པ། ཤེས་ལྡན་དག་ཁོ་བོ་ཡང་ཁྱེད་ཅག་དང་ལྷན་ཅིག་མཉན་ཡོད་དུ་འགྲོའོ། །དེ་དག་གིས་སྨྲས་པ། འཕགས་པ་དེ་ལྟར་མཛོད་ཅིག་།དེ་དག་གིས་ཐབས་ཡིན་ནོ་ཞེས་བྱས་ནས། འགྱོད་པ་སྐྱེས་ཏེ། དེ་དག་གིས་སྨྲས་པ། འཕགས་པ་བདག་ཅག་ནི་ཚོང་བ་ཤོ་གམ་འདྲལ་བ་དག་ལགས་པས་དུས་སུ་ཡང་མཆི། དུས་མ་ཡིན་པར་ཡང་མཆི། ཤུལ་དུ་ཡང་མཆི། ཤུལ་གོལ་བར་ཡང་མཆི་བས། ཁྱོད་ཀྱིས་བདག་ཅག་དང་ལྷན་ཅིག་བཞུད་མི་སྤྱོད་དོ། །དེས་སྨྲས་པ། ཅི་ཁྱེད་ཅག་སྟོང་པར་འདོང་ངམ། འོན་ཏེ་ཁུར་དག་གིས་འདོང ། དེ་དག་གིས་སྨྲས་པ། ཁུར་
Ja416a
༄#། །དག་གིས་མཆིའོ། །དེས་སྨྲས་པ། ཁྱེད་ཅག་ཁུར་དག་གིས་འདོང་ན་ཁོ་བོ་སྟོང་པར་འགྲོ་བས་ཅིའི་ཕྱིར་ཁྱོད་ཀྱི་ཕྱི་བཞིན་འགྲོ་མི་ནུས། དེ་དག་གིས་སྨྲས་པ། གལ་ཏེ་སྤྱོད་ན་བཞུད་ཀྱི། ཕྱོགས་འདིར་བཞུད་ལ་བདག་ཅག་མ་མཆིས་ཀྱི་བར་དུ་གཞེས་ཤིག་།དེར་སོང་སྟེ་བསྡད་པ་དང ། ཇི་ཙམ་ན་ཚོང་པ་ཤོ་གམ་འདྲལ་བ་དེ་དག་འོངས་ནས་དེ་དེ་དག་དང་ལྷན་ཅིག་འཕགས་སོ། །ཇི་ཙམ་ན་རི་བྲགས་ཤིག་ཏུ་ཤོ་གམ་གྱི་གནས་སུ་ཕྱིན་པ་དང ། ཚོང་པ་ཤོ་གམ་འདྲལ་བ་དེ་དག་ཤོ་གམ་གཅོད་པ་དག་གིས་འཇིགས་པས་ལམ་གོལ་བ་ནས་འགྲོ་བར་བརྩམས་པ་དང ། དགེ་སློང་དེ་ཡང་མདུན་དུ་སོང་ངོ ། །དེ་དག་ལམ་གོལ་བ་ནས་འདོང་བ་ན་དེ་དག་ཤོ་གམ་པ་དག་གིས་མཐོང་ནས། དེ་དག་གིས་སྨྲས་པ། ཀཝའེ་ཚོང་པ་ཤོ་གམ་འདྲལ་བདག་གར་འདོང ། དེ་དག་གིས་དགེ་སློང་དེ་མདུན་དུ་འགྲོ་བ་མཐོང་ནས། དེ་དག་གིས་སྨྲས་པ། ཤེས་ལྡན་དག་ཚོང་པ་ཤོ་གམ་འདྲལ་བ་འདི་དག་གིས་མ་ཉེས་ཀྱི། ཤཱཀྱའི་བུའི་དགེ་སྦྱོང་མདུན་དུ་འགྲོ་བ་འདིས་ཉེས་ཀྱི་འདི་གསད་པར་བྱའོ། །ཞེས་དེ་དག་གིས་དགེ་སློང་དེ་ཤིན་ཏུ་བརྡེགས་ཏེ། ལྷུང་བཟེད་ཀྱང་བཅག་ཕོར་བུ་དང་འཁར་བ་དག་ཀྱང་བཅག་།ཆོས་གོས་དག་ཀྱང་བྲལ་ཏེ། ཤིའོ་སྙམ་ནས་བོར་རོ། །ཚོང་པ་ཤོ་གམ་འདྲལ་བ་དེ་དག་གིས་དགེ་
Ja416b
སློང་དེ་ལ་སྨྲས་པ། འཕགས་པ་ཁྱེད་ཀྱིས་རྒྱལ་པོ་ལས་གཞོན་ནུའི་ཡོངས་སུ་སྤང་བ་ཐོབ་པ་ལགས་ཀྱི། རྒྱལ་པོའི་གན་དུ་བཞུད་དེ་གསུངས་ལ། ཤོ་གམ་པ་འདི་དག་གི་ལག་པ་དང ། རྐང་པ་དག་གཅོད་དུ་སྩོལ་ཅིག་།ཤོ་གམ་པ་དེ་དག་སྐྲག་ནས། དགེ་སློང་དེ་ལ་བཟོད་པ་གསོལ་བར་བརྩམས་ཏེ་སྨྲས་པ། འཕགས་པ་བདག་ཅག་ལ་བཟོད་པར་མཛད་དུ་གསོལ། དགེ་སློང་གི་སེམས་ནི་ཞུན་མར་དང་འདྲ་བས་དེས་སྨྲས་པ། བཟོད་དོ། །ཚོང་པ་ཤོ་གམ་འདྲལ་བ་དག་གིས་སྨྲས་པ། གལ་ཏེ་འཕགས་པས་བཟོད་ཀྱང་བདག་ཅག་གིས་མི་བཟོད་དོ། །ཤོ་གམ་པ་དག་གིས་སྨྲས་པ། ཁྱེད་ཅག་ཀྱང་བཟོད་པ་གྱིས་ཤིག་།ཤོ་གམ་འདྲལ་བ་དག་གིས་སྨྲས་པ། དམ་ཚིག་གིས་བཟོད་པར་བྱ་སྟེ། ཁྱེད་ཅག་ཤོ་གམ་པ་ཇི་སྙེད་པ་དག་གིས་ཁོ་བོ་ཅག་ཚོང་པ་ཇི་སྙེད་པ་དག་ཤོ་གམ་འཇལ་དུ་མི་འཇུག་ན་ཁོ་བོ་ཅག་གིས་ཀྱང་བཟོད་པར་བྱའོ། །ཤོ་གམ་པ་དེ་དག་གིས་ཚོང་པ་དེ་དག་ལ་གནང་ངོ ། །དགེ་སློང་དེ་ཡང་མཐར་གྱིས་མཉན་ཡོད་དུ་ཕྱིན་ནས། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། ཚེ་དང་ལྡན་པ་དག་ཇི་ལྟར་བདེ་བར་བརྒྱུས། ཁོ་བོ་ཤོ་གམ་པ་དག་གིས་ཧད་པོར་དེའུ་གསད་དོ། །ཅིའི་ཕྱིར་དེས་སྐབས་དེ་རྒྱས་པར་བརྗོད་པ་དང ། དགེ་སློང་རྣམས་ཀྱིས་སྨྲས་པ། ཁྱོད་དོན་མཐུན་
Ja417a
༄#། །རྐུན་མ་དང་ལྷན་ཅིག་མགྲོན་ལམ་དུ་འགྲོར་རུང་ངམ། གང་གི་ཕྱིར་མི་རུང་བ་དེ་ཉིད་ཀྱི་ཕྱིར་ཉེས་དམིགས་འདི་ལྟ་བུ་དག་བྱུང་བར་གྱུར་ཏོ། །དགེ་སློང་དོན་ཉུང་དུ་དག་ཅིའི་ཕྱིར་དགེ་སློང་དོན་མཐུན་རྐུན་མ་དང་ལྷན་ཅིག་མགྲོན་ལམ་དུ་འགྲོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་དེ་ལ་རྨས་པ། དགེ་སློང་ཁྱོད་དོན་མཐུན་རྐུན་མ་དང་ལྷན་ཅིག་མགྲོན་ལམ་དུ་འགྲོ་བ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ། ། ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་
Ja417b
ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དོན་མཐུན་རྐུན་མ་དང་ལྷན་ཅིག་མགྲོན་ལམ་དུ་འགྲོ་ན་ཐ་ན་གྲོང་བར་དུ་ཡང་རུང་སྟེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའམ། གཞན་ཡང་དེ་ལྟ་བུ་གང་ཡིན་པའོ། །དོན་མཐུན་རྐུན་མ་དང་ལྷན་ཅིག་ཅེས་བྱ་བ་ལ་རྐུན་མ་ཞེས་བྱ་བ་ལ་ཆོམ་རྐུན་པ་གྲོང་འཇོམས་པར་བྱེད་པ་དང་ཚོང་པ་ཤོ་གམ་འདྲལ་བ་དག་གོ་།མགྲོན་ལམ་དུ་འགྲོ་ན་ཞེས་བྱ་བ་ནི་དགོན་པའི་ལམ་དུ་འགྲོ་ནའོ། །ཐ་ན་གྲོང་བར་དུ་ཡང་རུང་སྟེ་ཞེས་བྱ་བ་ནི་ཐ་ན་རྒྱང་གྲགས་ཀྱི་བར་དུ་ཡང་རུང་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང་ཡི་དྭགས་ངན་སོང་དང་ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བ་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དོན་མཐུན་རྐུན་མ་དང་ལྷན་ཅིག་མགྲོན་ལམ་དུ་འགྲོ་ན་ཐམས་ཅད་དུ་ལྟུང་བྱེད་དུ་འགྱུར་རོ། །གྲོང་བདུན་པོ་རྒྱང་གྲགས་ཀྱིས་
Ja418a
༄#། །བར་དུ་ཆོད་པ་དག་ལས་དགེ་སློང་གྲོང་ནས་དགོན་པར་འགྲོ་ན་རྒྱང་གྲགས་ཕྱེད་ཕྱེད་དུ་ནི་ཉེས་བྱས་སུ་འགྱུར་ལ། རྒྱང་གྲགས་རེ་རེར་ནི་ལྟུང་བྱེད་དུ་འགྱུར་རོ། །དགོན་པ་ནས་གྲོང་དུ་འགྲོ་ན་ཡང་རྒྱང་གྲགས་ཕྱེད་ཕྱེད་དུ་ནི་ཉེས་བྱས་སུ་འགྱུར་ལ། རྒྱང་གྲགས་རེ་རེར་ནི་ལྟུང་བྱེད་དུ་འགྱུར་རོ། །རྐུན་མ་བསེལ་བྱེད་དུ་འཇུག་པ་དང ། ལམ་ནོར་བ་རྐུན་མས་ལམ་འཇུག་པ་དང ། འགྲོ་མི་ནུས་པ་རྐུན་མས་ཁྲིད་དུ་འཇུད་པ་ལ་ལྟུང་བྱེད་དོ། །ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །རྐུན་མ་དང་ལྷན་ཅིག་འགྲོ་བའི་ལྟུང་བྱེད་དེ་བདུན་ཅུ་གཅིག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཉེ་བར་འཁོར་ལ་སོགས་པ་སར་བ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང ། རྫོགས་པར་བསྙེན་པར་བྱས་པ་དེའི་ཚེ་ན་དེ་དག་མཚན་མོའི་ཐོ་རངས་ཀྱི་དུས་ཀྱི་ཚེ་བཀྲེས་པའི་ཉམ་ཆུང་བས་ཡོངས་སུ་གཟིར་ནས་དུའོ། །བཅོམ་ལྡན་འདས་ཀྱིས་མཚན་མོའི་ཐོ་རངས་ཀྱི་དུས་ཀྱི་ཚེ་ཀུན་དགའ་ར་བའི་ནང་ན་བྱིས་པ་ཁྱེའུ་རབ་ཏུ་མང་པོ་དག་དུ་བའི་སྒྲ་གསན་ཏོ། །གསན་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་
Ja418b
བོ་མཚན་མོའི་ཐོ་རངས་ཀྱི་དུས་ཀྱི་ཚེ་ཀུན་དགའ་ར་བའི་ནང་ན་བྱིས་པ་ཁྱེའུ་རབ་ཏུ་མང་པོ་དུ་བ་འདི་དག་སུ། བཙུན་པ་འདི་དག་ནི་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོ་དག་རབ་ཏུ་ཕྱུང ། རྫོགས་པར་བསྙེན་པར་བགྱིས་པ་དེ་དག་མཚན་མོའི་ཐོ་རངས་ཀྱི་དུས་ཀྱི་ཚེ་བཀྲེས་པའི་ཉམ་ཆུང་པས་ཡོངས་སུ་གཟིར་ཏེ་དུ་བ་ལགས་སོ། །ཀུན་དགའ་བོ་དགེ་སློང་དག་གང་ཟག་ལོ་ཉི་ཤུ་མ་ལོན་པ་དགེ་སློང་གི་དངོས་པོར་རྫོགས་པར་བསྙེན་པར་བྱེད་དམ། བཙུན་པ་བགྱིད་དོ། ། ཀུན་དགའ་བོ་གང་ཟག་ལོ་ཉི་ཤུ་མ་ལོན་པས་ནི་གྲང་བ་དང་ཚ་བ་དང་བཀྲེས་པ་དང ། སྐོམ་པ་དང་རླུང་དང་ཉི་མ་དང་ཤ་སྦྲང་དང་སྦྲང་བུ་མཆུ་རིངས་དང་སྡིག་སྦྲུལ་དག་གི་རེག་པ་དག་དང ། ། གཞན་ལས་ཚིག་གི་ལམ་ངན་པར་སྨྲས་པ་དང ། ངན་པ་འོངས་པ་དག་དང ། ལུས་ཀྱི་ཚོར་བ་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བ་སྲོག་འཕྲོག་པར་བྱེད་པ་བྱུང་ངོ་ཅོག་དག་མི་བཟོད་ཅིང ། ཟག་པ་དག་ལ་ཇི་མི་སྙམ་པར་བྱ་བ་ཡང་མི་བཟོད་ཅིང་དང་དུ་ལེན་མི་ནུས་པའི་རང་བཞིན་ཅན་ནོ། །གང་ཟག་ལོ་ཉི་ཤུ་ལོན་པས་ནི་གྲང་བ་དང་ཚ་བ་དང་བཀྲེས་པ་དང་སྐོམ་པ་དང་རླུང་དང་ཉི་མ་དང་ཤ་སྦྲང་དང་སྦྲང་བུ་མཆུ་རིངས་དང ། སྡིག་སྦྲུལ་གྱི་རེག་པ་དང ། གཞན་ལས་ཚིག་གི་ལམ་ངན་པར་སྨྲས་པ་དང ། ངན་པ་འོངས་པ་དག་དང ། ལུས་ཀྱི་ཚོར་བ་སྡུག་
Ja419a
༄#། །བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོངས་པ་སྲོག་འཕྲོག་པར་བྱེད་པ་བྱུང་ངོ་ཅོག་བཟོད་ཅིང ། ཟག་པ་དག་ལ་ཇི་མི་སྙམ་པར་བྱ་བ་ཡང་བཟོད་ཅིང ། དང་དུ་ལེན་ནུས་པའི་རང་བཞིན་ཅན་ཡིན་ནོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་གླེང་གཞི་འདི་དང་སྐབས་དི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་རྨས་པ། མོའུ་དགལ་གྱི་བུ་ཁྱོད་ཀྱིས་གང་ཟག་ལོ་ཉི་ཤུ་མ་ལོན་པ་དགེ་སློང་གི་དངོས་པོར་རྫོགས་པར་བསྙེན་པར་བྱེད་པ་བདེན་ནམ། བཙུན་པ་མད་དོ། ། སངས་རྒྱས་བཅོམ་ལྡན་འདས་ཀྱིས་མི་བརྩོན་པ་དང ། མི་སྦྱོར་བ་དང ། མ་བརྟགས་པར་སྤྱོད་པ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་བརྩོན་པ་དང ། སྦྱོར་བ་དང ། བརྟགས་ཏེ་སྤྱོད་པའི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱི་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟག་ལོ་ཉི་ཤུ་མ་ལོན་པ་
Ja419b
དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་ལྟུང་བྱེད་དོ། །གང་ཟག་དེ་ཡང་རྫོགས་པར་བསྙེན་པར་མི་འགྱུར་ལ་དགེ་སློང་དེ་དག་ཀྱང་མད་པར་འགྱུར་ཏེ་དེ་ལ་དེ་ནི་ཆོ་ག་ཡིན་ནོ། །ཡང་དགེ་སློང་གང་ཞེས་བྱ་བ་ནི་ཆོས་འདི་པའམ། གཞན་ཡང་དེ་ལྟ་བུ་གང་ཡིན་པའོ། །གང་ཟག་ཅེས་བྱ་བ་ནི་དགེ་སློང་བྱ་བ་གང་ཡིན་པ་དེའོ། །ལོ་ཉི་ཤུ་མ་ལོན་པ་ཞེས་བྱ་བ་ནི་ལོ་ཉི་ཤུ་མ་ལོན་པའོ། །དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་སོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ངན་སོང་དང་ངན་འགྲོ་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ་དེས་ན་ལྟུང་བྱེད་དོ། ། ཞེས་གསུངས་སོ། །གང་ཟག་དེ་ཡང་རྫོགས་པར་བསྙེན་པར་མི་འགྱུར་ལ་ཞེས་བྱ་བ་ནི་གང་ཟག་གང་ཡིན་པ་དེའོ། །དགེ་སློང་དེ་དག་ཀྱང་སྨད་པར་འགྱུར་ཏེ་ཞེས་བྱ་བ་ནི་དེ་ན་དགེ་སློང་གང་དག་འཁོད་པ་དེ་དག་གོ་།དེ་ལ་ནི་དེ་ནི་ག་ཡིན་ནོ་ཞེས་བྱ་བ་ནི་དེ་ལ་དེ་ནི་རྗེས་སུ་མཐུན་པའི་ཆོས་ཡིན་ནོ། །དེ་ལ་ལྟུང་བ་ཇི་ལྟར་འགྱུར་ཞེ་ན། ལོ་ཉི་ཤུ་མ་ལོན་པར་ཡང་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་འོ་ཉི་ཤུ་ལོན་ནམ་ཞེས་དྲིས་པ་ན་དེ་འདི་སྐད་ཅེས་བདག་ལོན་ཉི་ཤུ་མ་ལོན་ནོ་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་དང་
Ja420a
༄#། །པོ་ཉིད་ནས་རྫོགས་པར་མ་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་འགྱུར་ལ། དེས་དགེ་འདུན་ལ་ཡང་འགལ་ཚབས་ཅན་དུ་འགྱུར་རོ། །ལོ་ཉི་ཤུ་ཡང་མ་ལོན་ལ་ལོ་ཉི་ཤུ་མ་ལོན་པར་ཡང་འདུ་ཤེས་ཤིང་དེ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནམ་ཞེས་དྲིས་པ་ན། དེ་འདི་སྐད་ཅེས་བདག་ཤེས་ཤིང་དྲན་ལ་ཡིད་གཉིས་མི་ཟ་སྟེ་བདག་ལོ་ཉི་ཤུ་མ་ལོན་ནོ་ཞེས་ཟེ་བ་ན་དགེ་སློང་རྣམས་ཀྱི་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་དང་པོ་ཉིད་ནས་རྫོགས་པར་མ་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ལྟུང་བར་འགྱུར་ལ། དེ་དགེ་འདུན་ལ་ཡང་འགལ་ཚབས་ཅན་དུ་འགྱུར་རོ། །ལོ་ཉི་ཤུ་མ་ལོན་ལ་ལོ་ཉི་ཤུ་ལོན་པར་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནས་ཞེས་དྲིས་པ་ན་དེ་འདི་སྐད་ཅེས་བདག་ལོ་ཉི་ཤུ་ལོན་ནོ་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན། གང་ཟག་དེ་ལ་དེའི་མོད་ལ་རབ་ཏུ་འབྱུང་བ་དང་རྫོགས་པར་བསྙེན་པ་དགེ་སློང་གི་དངོས་པོ་འཆགས་ཤིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་འགྱུར་ལ། དེས་དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །ལོ་ཉི་ཤུ་མ་ལོན་ལ་ལོ་ཉི་ཤུ་ལོན་པར་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནམ་ཞེས་དྲིས་ལན་འདི་སྐད་ཅེས་བདག་ཤེས་ཤིང་དྲན་ལ་
Ja420b
ཡིད་གཉིས་མི་ཟ་སྟེ། བདག་ལོ་ཉི་ཤུ་ལོན་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་ལ་དེའི་མོད་ལ་རབ་ཏུ་བྱུང་བ་དང་རྫོགས་པར་བསྙེན་པ་དགེ་སློང་དངོས་པར་འཆགས་ཤིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བ་མི་འགྱུར་ལ། དེས་དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། ལོ་ཉི་ཤུ་མ་ལོན་ལ་དེས་མི་ཤེས་མི་དྲན་ཡིད་གཉིས་ཟ་ཞིང་དེ་ལ་དགེ་སློང་རྣམས་ཀྱིས་མ་དྲིས་སམ། དྲིས་ཀྱང་ལན་མི་འདེབས་པ་ན་དགེ་སློང་རྣམས་ཀྱིས་གང་ཟག་གི་དངོས་པར་རྫོགས་པར་བསྙེན་པར་བྱེད་ན་གང་ཟག་དེ་ལ་དེའི་མོད་ལ་རབ་ཏུ་འབྱུང་བ་དང་རྫོགས་པར་བསྙེན་པ་དགེ་སློང་གི་དངོས་པོ་འཆགས་ཤིང་གྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་འགྱུར་ལ་དེས་དགེ་འདུན་ལ་ནི་འགལ་ཚབས་ཅན་དུ་འགྱུར་རོ། །ལོ་ཉི་ཤུ་ལོན་ལ་ལོ་ཉི་ཤུ་མ་ལོན་པར་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནམ་ཞེས་དྲིས་པ་ན་དེ་འདི་སྐད་ཅེས་བདག་ལོ་ཉི་ཤུ་མ་ལོན་ནོ་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན། གང་ཟག་དེ་དང་པོ་ཉིད་ནས་ལེགས་པར་རྫོགས་པར་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་འགྱུར་ལ། དེས་དགེ་འདུན་ལ་ནི་འགལ་ཚབས་ཅན་དུ་འགྱུར་རོ། །ལོ་ཉི་ཤུ་ལོན་ལ་ལོ་ཉི་ཤུ་མ་ལོན་པར་འདུ་ཤེས་ཤིང་དེ་ལ་དགེ་སློང་
Ja421a
༄#། །རྣམས་ཀྱིས་ཁྱོད་ལོ་ཉི་ཤུ་ལོན་ནམ་ཞེས་དྲིས་པ་ན། དེ་འདི་སྐད་ཅེས་བདག་གིས་ཤེས་ཤིང་དྲན་ལ་ཡིད་གཉིས་མི་ཟ་སྟེ། བདག་ལོ་ཉི་ཤུ་མ་ལོན་ནོ་ཞེས་ཟེར་བ་ན། དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན། གང་ཟག་དེ་དང་པོ་ཉིད་ནས་ལེགས་པར་རྫོགས་པར་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་འགྱུར་ལ། དེས་དགེ་འདུན་ལ་ནི་འགལ་ཚབས་ཅན་དུ་འགྱུར་རོ། །ལོ་ཉི་ཤུ་ཡང་ལོན་ལ་ལོ་ཉི་ཤུ་ལོན་པར་ཡང་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནམ་ཞེས་དྲིས་པ་ན་དེ་འདི་སྐད་ཅེས་བདག་ལོ་ཉི་ཤུ་ལོན་ནོ་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན། གང་ཟག་དེ་དང་པོ་ཉིད་ནས་ལེགས་པར་རྫོགས་པར་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ལྟུང་བར་མི་འགྱུར་ལ་དེས་དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །ལོ་ཉི་ཤུ་ཡང་ལོན་ལ་ལོ་ཉི་ཤུ་ལོན་པར་ཡང་འདུ་ཤེས་ཤིང་དེ་ལ་དགེ་སློང་རྣམས་ཀྱིས་ཁྱོད་ལོ་ཉི་ཤུ་ལོན་ནམ་ཞེས་དྲིས་པ་ན། དེ་འདི་སྐད་ཅེས་བདག་ཤེས་ཤིང་དྲན་ལ་ཡིད་གཉིས་མི་ཟ་སྟེ་བདག་ལོ་ཉི་ཤུ་ལོན་ནོ་ཞེས་ཟེར་བ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་དང་པོ་ཉིད་ནས་ལེགས་པར་རྫོགས་པར་བསྙེན་ཅིང་
Ja421b
འགྲོགས་པ་དང ། ལོངས་སྤྱོད་པ་ལ་ཡང་ལྟུང་བར་མི་འགྱུར་ལ། དེས་དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །ལོ་ཉི་ཤུ་ལོན་ལ་དེས་མི་ཤེས་མི་དྲན་ཡིད་གཉིས་ཟ་ཞིང་དེ་ལ་དགེ་སློང་རྣམས་ཀྱིས་མ་དྲིས་སམ། དྲིས་པས་ཀྱང་ལན་མི་འདེབས་པ་ན་དགེ་སློང་རྣམས་ཀྱིས་གང་ཟག་དེ་དགེ་སློང་གི་དངོས་པོར་རྫོགས་པར་བསྙེན་པར་བྱེད་ན་གང་ཟག་དེ་དང་པོ་ཉིད་ནས་ལེགས་པར་རྫོགས་པར་བསྙེན་ཅིང་འགྲོགས་པ་དང་ལོངས་སྤྱོད་པ་ལ་ཡང་ལྟུང་བར་མི་འགྱུར་ལ། དེས་དགེ་འདུན་ལ་ནི་འགལ་ཚབས་ཅན་དུ་འགྱུར་རོ། །དེ་ལ་གང་ཟག་དང་པོ་གཉིས་པོ་གང་དག་ཡིན་པ་དེ་དག་ནི་དང་པོ་འཁྲུགས་པ་ཡིན་པས་དང་པོ་ཉིད་ནས་རྫོགས་པར་མ་བསྙེན་པ་ཡིན་ཏེ། གང་ཟག་རང་བཞིན་དུ་གནས་པ་རྣམས་དང་ལྷན་ཅིག་ལན་གཉིས་སམ་གསུམ་གསོ་སྦྱོང་ངམ། ལས་ཉམས་སུ་མྱོང་བར་བྱེད་ན་རྐུ་ཐབས་སུ་གནས་པ་ཡིན་ཏེ་གང་ཟག་བསྙིལ་བར་འོས་པ་དག་ཡིན་ནོ། །དེ་ལ་གང་ཟག་ལོ་ཉི་ཤུ་མ་ལོན་ལ་ལོ་ཉི་ཤུ་ལོན་པར་འདུ་ཤེས་པ་རྫོགས་པར་བསྙེན་པ་གང་ཡིན་པ་དེའི་ཉེ་དུ་དག་འོངས་ཤིང་ལྷགས་ནས། མི་འདི་ཞེས་བྱ་བ་དེ་རྫོགས་པར་བསྙེན་ཏམ་ཞེས་འདྲི་ཞིང་དེ་ནི་ལོ་ཉི་ཤུ་མ་ལོན་ནོ་ཞེས་ཟེར་བ་དེའི་མངལ་ན་གནས་པའི་ཟླ་བ་དང་ཤོལ་གྱི་ཟླ་བ་དག་ཀྱང་བརྩི་བར་བྱ་སྟེ། གལ་ཏེ་ཚང་ན་དེ་ལྟ་ན་ལེགས། གལ་ཏེ་མ་ཚང་ནས་སྤོ་བར་བྱ་བའམ། ཡང་རྫོགས་པར་བསྙེན་པར་བྱའོ། །ས་སྤོ་བར་མི་བྱེད་དམ། ཡང་རྫོགས་པར་བསྙེན་པར་མི་བྱེད་པར་
Ja422a
༄#། །གང་ཟག་རང་བཞིན་དུ་གནས་པ་རྣམས་དང་ལྷན་ཅིག་ལན་གཉིས་སམ་གསུམ་གསོ་སྦྱོང་ངམ། ལས་ཉམས་སུ་མྱོང་བར་བྱེད་ན་རྐུ་ཐབས་སུ་གནས་པ་ཡིན་ཏེ་གང་ཟག་བསྙིལ་བར་འོས་པ་ཡིན་ནོ། །དེ་ལ་གང་ཟག་ལོ་བཅུ་དགུ་ལོན་པ་རྫོགས་པར་བསྙེན་པ་གང་ཡིན་པ་དེས་གལ་ཏེ་ལོ་མ་ཚང་བའི་དྲན་པ་རྙེད་པར་གྱུར་ན་དེས་མངལ་ན་གནས་པའི་ཟླ་བ་དག་དང་ཤོལ་གྱི་ཟླ་བ་དག་ཀྱང་བརྩི་བར་བྱ་སྟེ། གལ་ཏེ་ཚང་ན་དེ་ལྟ་ན་ལེགས། གལ་ཏེ་མ་ཚང་ནས་སྤོ་བར་བྱ་བའམ། ཡང་རྫོགས་པར་བསྙེན་པར་བྱའོ། །ས་སྤོ་བར་མིན་བྱེད་དམ། ཡང་རྫོགས་པར་བསྙེན་པར་མི་བྱེད་པར་གང་ཟག་རང་བཞིན་དུ་གནས་པ་རྣམས་དང་ལྷན་ཅིག་ལན་གཉིས་སམ་གསུམ་གསོ་སྦྱོང་ངམ། ལས་ཉམས་སུ་མྱོང་བར་བྱེད་ན་རྐུ་ཐབས་སུ་གནས་པ་ཡིན་ཏེ། གང་ཟག་བསྙིལ་བར་འོས་པ་ཡིན་ནོ། །གལ་ཏེ་ལོ་གཅིག་གི་དྲན་པ་རྙེད་ན་དེ་ལྟར་རྫོགས་པར་བསྙེན་པ་ནི་ལེགས་པར་རྫོགས་པར་བསྙེན་པ་ཡིན་ཏེ། འདི་ལྟར་གང་ཟག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་རྫོགས་པར་བསྙེན་པ་དགེ་སློང་གི་དངོས་པོ་འཐོབ་པ་ནི་དཀོན་པའི་ཕྱིར་རོ། །དེ་ལ་གང་ཟག་ལོ་བཅོ་བརྒྱད་ལོན་ན་རྫོགས་པར་བསྙེན་པ་གང་ཡིན་པ་དེས་གལ་ཏེ་ལོ་མཚང་བའི་དྲན་པ་རྙེད་པར་གྱུར་ན། དེས་ས་སྤོ་བར་བྱ་བའམ། ཡང་རྫོགས་པར་བསྙེན་པར་བྱའོ། །ས་སྤོ་བར་མི་བྱེད་དམ། ཡང་རྫོགས་
Ja422b
པར་བསྙེན་པར་མི་བྱེད་པར་གང་ཟག་རང་བཞིན་དུ་གནས་པ་རྣམས་དང་ལྷན་ཅིག་ལན་གཉིས་སམ་གསུམ་གསོ་སྦྱོང་ངམ། ལས་ཉམས་སུ་མྱོང་བར་བྱེད་ན་རྐུ་ཐབས་སུ་གནས་པ་ཡིན་ཏེ། གང་ཟག་བསྙིལ་བར་འོས་པ་ཡིན་ནོ། །གལ་ཏེ་ལོ་གཅིག་གིས་དྲན་པ་རྙེད་པར་གྱུར་ན་དེས་མངལ་ན་གནས་པའི་ཟླ་བ་དག་དང ། ཤོལ་གྱི་ཟླ་བ་དག་ཀྱང་བརྩི་བར་བྱ་སྟེ། གལ་ཏེ་ཚང་ན་དེ་ལྟ་ན་ལེགས། གལ་ཏེ་མཚང་ན་ས་སྤོ་བར་བྱ་བའམ། ཡང་རྫོགས་པར་བསྙེན་པར་བྱ་བའོ། །ས་སྤོ་བར་མི་བྱེད་དམ། ཡང་རྫོགས་པར་བསྙེན་པར་མི་བྱེད་པར་གང་ཟག་རང་བཞིན་དུ་གནས་པ་རྣམས་དང་ལྷན་ཅིག་ལན་གཉིས་སམ་གསུམ་གསོ་སྦྱོང་ངམ། ལས་ཉམས་སུ་མྱོང་བར་བྱེད་ན་རྐུ་ཐབས་སུ་གནས་པ་ཡིན་ཏེ། གང་ཟག་བསྙིལ་བར་འོས་པ་ཡིན་ནོ། །གལ་ཏེ་ལོ་གཉིས་ཀྱིས་དྲན་པ་རྙེད་པར་གྱུར་ན་དེ་ལྟར་རྫོགས་པར་བསྙེན་པར་ནི་ལེགས་པར་རྫོགས་པར་བསྙེན་པ་ཡིན་ཏེ། འདི་ལྟར་གང་ཟག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་ཕྱུང་ཞིང་རྫོགས་པར་བསྙེན་པ་དགེ་སློང་གི་དངོས་པོ་འཐོབ་པ་ནི་དཀོན་པའི་ཕྱིར་རོ། །དེ་ལ་གང་ཟག་ལོ་ཉི་ཤུ་མ་ལོན་ལ་དེས་མི་ཤེས་མི་དྲན་ཡིད་གཉིས་ཟ་ཞིང ། རྫོགས་པར་བསྙེན་པ་གང་ཡིན་པ་དེ་ལ་ནི་ཤེས་པར་བྱ། དྲན་པར་བྱ། ཡིད་གཉིས་སྤང་བར་བྱ་སྟེ། གང་གི་ཚེ་དེ་ཤེས་པ་དང ། དྲན་པ་དང ། ཡིད་གཉིས་སྤངས་པར་གྱུར་པ་ན། དེའི་མངལ་ན་གནས་པའི་ཟླ་བ་དག་དང་ཤོལ་གྱི་ཟླ་བ་དག་ཀྱང་བརྩི་
Ja423a
༄#། །བར་བྱ་སྟེ། གལ་ཏེ་ཚང་ན་དེ་ལྟ་ན་ལེགས་གལ་ཏེ་མ་ཚང་ན་ས་སྤོ་བར་བྱ་བའམ། ཡང་རྫོགས་པར་བསྙེན་པར་བྱའོ། །ས་སྤོ་བར་མ་བྱེད་དམ། ཡང་རྫོགས་པར་བསྙེན་པར་མི་བྱེད་པར་གང་ཟག་རང་བཞིན་དུ་གནས་པ་རྣམས་དང་ལྷན་ཅིག་ལན་གཉིས་སམ་གསུམ་གསོ་སྦྱོང་ངམ། ལས་ཉམས་སུ་མྱོང་བར་བྱེད་ན་རྐུ་ཐབས་སུ་གནས་པ་ཡིན་ཏེ། གང་ཟག་བསྙིལ་བར་འོས་པ་ཡིན་ནོ། །དེ་ལ་གང་ཟག་ལོ་ཉི་ཤུ་ལོན་ལ་ལོ་ཉི་ཤུ་མ་ལོན་པར་འདུ་ཤེས་པས་རྫོགས་པར་བསྙེན་པ་གང་ཡིན་པ་དེ་ནི་དང་པོ་ཉིད་ནས་རྫོགས་པར་བསྙེན་པ་ཡིན་ནོ། །དེ་ལ་གང་ཟག་ལོ་ཉི་ཤུ་ལོན་ལ་ལོ་ཉི་ཤུ་ལོན་པར་འདུ་ཤེས་པས་རྫོགས་པར་བསྙེན་པ་གང་ཡིན་པ་དེ་ཡང་དང་པོ་ཉིད་ནས་ལེགས་པར་རྫོགས་པར་བསྙེན་པ་ཡིན་ནོ། ། ལས་དང་པོ་པ་དང ། སྨྱོས་པ་དང་སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ལོ་ཉི་ཤུ་མ་ལོན་པར་རྫོགས་པར་བསྙེན་པར་བྱེད་པའི་ལྟུང་བྱེད་དེ་བདུན་ཅུ་གཉིས་པ་རྫོགས་སོ།། །།བཀྲ་ཤིས།། །།
Nya1b
༄##། །འདུལ་བ་རྣམ་པར་འབྱེད་པ། བམ་པོ་དྲུག་ཅུ་གསུམ་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དྲུག་སྡེ་དག་རང་གི་ལག་གིས་ས་རྐོ་བར་བྱེད། རྐོར་འཇུག་པར་བྱེད། རྣང་སྒལ་སྤྱུར་བར་བྱེད། སྤྱུར་དུ་འཇུག་པར་བྱེད། ཡུར་བ་འདྲེན་པར་བྱེད། འདྲེན་དུ་འཇུག་པར་
Nya2a
༄##། །བྱེད་ནས། གཞན་མུ་སྟེགས་ཅན་དག་ཤེས་ལྡན་དག་།ཤཱཀྱའི་བུའི་དགེ་སྦྱོང་འདི་དག་རང་གི་ལག་གིས་ས་རྐོ་བར་བྱེད། རྐོར་འཇུག་པར་བྱེད། རྣང་སྒལ་སྤྱུར་བར་བྱེད། སྤྱུར་དུ་འཇུག་པར་བྱེད། ཡུར་བ་འདྲེན་པར་བྱེད། འདྲེན་དུ་འཇུག་པར་བྱེད། བྲམ་ཟེ་དང ། ཁྱིམ་བདག་དག་ཀྱང་རང་གི་ལག་གིས་ས་རྐོ་བར་བྱེད། རྐོར་འཇུག་པར་བྱེད། རྣང་སྒལ་སྤྱུར་བར་བྱེད། སྤྱུར་དུ་འཇུག་པར་བྱེད། ཡུར་བ་འདྲེན་པར་བྱེད། འདྲེན་དུ་འཇུག་པར་བྱེད། ཤེས་ལྡན་དག་།ཤཱཀྱའི་བུའི་དགེ་སྦྱོང་འདི་དག་དང ། བྲམ་ཟེ་དང ། ཁྱིམ་བདག་དག་ལ་བྱེ་བྲག་ནི།
Nya2b
ཅི་ཡོད། བསམ་པ་ནི། ཅི་ཡོད། ཐ་དད་དུ་བྱ་བ་ནི། ཅི་ཡོད། སུ་ཞིག་དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང ། བྱ་བར་སེམས་ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་།ཁྱེད་རང་གི་ལག་གིས་ས་རྐོ་བར་བྱེད། རྐོར་འཇུག་པར་བྱེད། རྣང་སྒལ་སྤྱུར་པར་བྱེད། སྤྱུར་དུ་འཇུག་པར་བྱེད། ཡུར་བ་འདྲེན་པར་བྱེད། འདྲེན་དུ་འཇུག་པར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་
Nya3a
༄#། །འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་རང་གི་ལག་གི་ས་རྐོ་བའམ། རྐོར་འཇུག་ན། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །རང་གི་ལག་གིས་ཞེས་བྱ་བ་ནི། ལག་ནས་ལག་པས་སོ། །ས་ཞེས་བྱ་བ་ནི། ས་གཉིས་ཏེ། རང་བཞིན་ཅན་དང ། རང་བཞིན་ཅན་མ་
Nya3b
ཡིན་པའོ། །རང་བཞིན་ཅན་ཞེས་བྱ་བ་ནི། ཆར་ཆུ་ཞོད་ན། ཟླ་བ་གསུམ་གྱིས་ས་འཐས་པར་འགྱུར་པའོ། །ཆར་ཆུ་མ་ཞོད་ན། ཟླ་བ་དྲུག་གིས་ས་འཐས་པར་འགྱུར་བའོ། །རང་བཞིན་ཅན་མ་ཡིན་པ་ནི། དེ་ལས་གཞན་པའོ། །རྐོའམ་ཞེས་བྱ་བ་ནི། བདག་ཉིད་ཀྱིས་སོ། །རྐོར་འཇུག་ན་ཞེས་བྱ་བ་ནི། གཞན་ནོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་ས་རྐོ་ན། རང་བཞིན་ཅན་རྐོ་ན། ལྟུང་བྱེད་དུ་འགྱུར་ལ། རང་བཞིན་ཅན་མ་ཡིན་པ་རྐོ་ན། ཉེས་བྱས་སུ་འགྱུར་རོ། །དགེ་སློང་ས་ཞག་འགོགས་ན། སྲ་བ་འགོགས་ན། ལྟུང་བྱེད་དུ་འགྱུར་ལ། གྲུགས་པ་འགོགས་ན། ཉེས་བྱས་སུ་འགྱུར་རོ། །དགེ་སློང་ས་ལ་ཕུར་པ་འདེབས་ན། ལྟུང་བྱེད་དུ་འགྱུར་ལ། ས་ལས་ཕུར་པ་འབྱིན་ན། ཉེས་བྱས་སུ་འགྱུར་རོ། །དགེ་སློང་ས་ལ་རི་མོ་འདྲེན་ན། ཉེས་བྱས་སུ་འགྱུར་རོ། །ཤོད་དགོད་པའི་བསམ་པ་ལ་ནི། ལྟུང་བ་མེད་དོ། །དགེ་སློང་ས་དང་འབྱར་བའི་ལྕི་བ་འགོགས་ན། ཉེས་བྱས་སུ་འགྱུར་ལ། ལྕི་བ་འབའ་ཞིག་འགོགས་པ་ལ་ནི། ལྟུང་བ་མེད་དོ། །དགེ་སློང་དོག་ས་རྟིབ་པར་བྱེད་ན། སྲ་བ་རྟིབ་པར་བྱེད་ན། ལྟུང་བྱེད་དུ་འགྱུར་ལ། གྲུགས་
Nya4a
༄#། །པ་རྟིབ་པར་བྱེད་ན། ཉེས་བྱས་སུ་འགྱུར་རོ། །དགེ་སློང་འདམ་སྐྱོད་པར་བྱེད་ན། ཉེས་བྱས་སུ་འགྱུར་རོ། །དགེ་སློང་འདམ་དང་འབྲེལ་བའི་ཕྲུ་བ་དང ། བུམ་པ་དང ། རིལ་བ་འདེགས་པར་བྱེད་ན། ཉེས་བྱས་སུ་འགྱུར་རོ། །དགེ་སློང་རྩིག་པ་འཇིག་པར་བྱེད་ན། སྲ་བ་འཇིག་པར་བྱེད་ན། ལྟུང་བྱེད་དུ་འགྱུར་ལ། གྲུགས་པ་འཇིག་པར་བྱེད་ན། ཉེས་བྱས་སུ་འགྱུར་རོ། །དགེ་སློང་རྩིག་པའི་སྐྱང་ནུལ་འགོགས་པར་བྱེད་ན། སྲ་བ་འགོགས་པར་བྱེད་ན། ལྟུང་བྱེད་དུ་འགྱུར་ལ། གྲུགས་པ་འགོགས་པར་བྱེད་ན། ཉེས་བྱས་སུ་འགྱུར་རོ། །དགེ་སློང་རྩིག་པ་ལ་ཕུར་པ་འདེབས་ན། ལྟུང་བྱེད་དུ་འགྱུར་ལ། རྩིག་པ་ལས་ཕུར་པ་འབྱིན་ན། ཉེས་བྱས་སུ་འགྱུར་རོ། །དགེ་སློང་རྩིག་པ་དང་འབྱར་བའི་ལྕི་བ་འགོགས་པར་བྱེད་ན། ཉེས་བྱས་སུ་འགྱུར་རོ། །དགེ་སློང་རྩིག་པ་ལ་རི་མོ་འདྲེན་པར་བྱེད་ན། ཉེས་བྱས་སུ་འགྱུར་རོ། །ཤོད་དགོད་པའི་བསམ་པ་ལ་ནི། ལྟུང་བ་མེད་དོ། །དགེ་སློང་རྩིག་པ་ལས་ཚཝ་རྒོ་འབྲུལ་བར་བྱེད་ན། ཉེས་བྱས་སུ་འགྱུར་རོ། །དགེ་སློང་རྡོ་བ་ཅན་གྱི་ས་རྐོ་བར་བྱེད་ན། གལ་ཏེ་ས་ཆེས་མང་ལ་རྡོ་བ་ཆེས་ཉུང་ན། ལྟུང་བྱེད་དུ་འགྱུར་རོ། །གལ་ཏེ་རྡོ་བ་ཆེས་མང་ལ་ས་ཆེས་ཉུང་ན། ཉེས་བྱས་འགྱུར་རོ། །རྡོ་བ་འབའ་ཞིག་སྐྱོད་པར་བྱེད་པ་ལ་ནི། ལྟུང་བ་མེད་དོ། །དགེ་སློང་བྱེ་མ་ཅན་གྱི་ས་རྐོ་བར་བྱེད་ན། གལ་ཏེ་ས་ཆེས་མང་ལ་བྱེ་མ་ཆེས་ཉུང་ན། ལྟུང་བྱེད་དུ་འགྱུར་རོ། །གལ་ཏེ་བྱེ་མ་ཆེས་མང་ལ་
Nya4b
ས་ཆེས་ཉུང་ན། ཉེས་བྱས་སུ་འགྱུར་རོ། །བྱེ་མ་འབའ་ཞིག་རྐོ་བ་ལ་ནི། ལྟུང་བ་མེད་དོ། །དགེ་སློང་ལག་གི་བླས་རྒྱུ་སྐར་གྱི་སྦྱོར་བས་རུང་བར་བྱེད་པ་མེད་ན། ཐུར་མ་སོར་བཞི་ཙམ་ས་ལ་འཛུགས་པ་ལ་ལྟུང་བ་མེད་དོ། །ལས་དང་པོ་པ་དང ། སྐྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ས་རྐོ་བའི་ལྟུང་བྱེད་དེ། བདུན་ཅུ་གསུམ་པ་རྫོགས་སོ།། །། སངས་རྒྱས་བཅོམ་ལྡན་འདས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ན། སེར་སྐྱའི་གནས་སུ་བྱོན་ནས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །ཤཱཀྱ་མིང་ཆེན་གྱིས། བཅོམ་ལྡན་འདས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ན་སེར་སྐྱའི་གནས་སུ་བྱོན་ནས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། བདག་གིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལན་མང་དུ་གདུགས་ཚོད་ལ་ཁྱིམ་གཞན་དུ་སྤྱན་དྲངས་ཏེ་བཤོས་གསོལ་ན། ལན་འགའ་ཡང་ཡོ་བྱད་ཐམས་ཅད་ཀྱིས་སྤྱན་མ་དྲངས་ཀྱི། བདག་གིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ཟླ་བ་བཞིར་ཡོ་བྱད་ཐམས་ཅད་ཀྱིས་སྤྱན་དྲང་ངོ ། །སྙམ་མོ། །དེ་ནས་ཤཱཀྱ་མིང་ཆེན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཐབས་གཅིག་ཏུ་འདུག་གོ་།ཐབས་གཅིག་ཏུ་འདུག་ནས་བཅོམ་ལྡན་འདས་ཤཱཀྱ་མིང་ཆེན་ལ་ཆོས་དང་ལྡན་
Nya5a
༄#། །པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་འཇུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཤཱཀྱ་མིང་ཆེན་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་དགུང་ཟླ་བཞིར་བདག་གི་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། བཅོམ་ལྡན་འདས་ཀྱིས་ཤཱཀྱ་མིང་ཆེན་ལ་ཅང་མི་གསུང་བས་གནང་ངོ ། །དེ་ནས་ཤཱཀྱ་མིང་ཆེན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ནས། དེས་སྙུང་བའི་རུང་བའི་ཁང་པ་རྩིག་ཏུ་བཅུག་ཅིང ། སྙུང་བའི་སྨན་ཡང་འཇོག་ཏུ་བཅུག་།བདེ་བའི་སྨན་དུས་སུ་རུང་བ་དང ། ཐུན་ཚོད་དུ་རུང་བ་དང ། ཞག་བདུན་པ་དང ། འཚོ་བའི་བར་དུ་བཅང་བ་དང ། རྩ་བའི་སྨན་དང ། སྡོང་བུའི་སྨན་དང ། ལོ་མའི་
Nya5b
སྨན་དང ། མེ་ཏོག་གི་སྨན་དང ། འབྲས་བུའི་སྨན་དག་ཀྱང་འཇོག་ཏུ་བཅུག་།ཞུན་མར་མ་བསྐོལ་བ་དང་བསྐོལ་བ་དག་ཀྱང་འཇོག་ཏུ་བཅུག་།འབྲུ་མར་བསྐོལ་བ་དང་མ་བསྐོལ་བ་དག་ཀྱང་འཇོག་ཏུ་བཅུག་།བ་དག་དང ། མ་ཧེ་དག་དང ། ར་བཞོན་དག་ཀྱང་འཇོག་ཏུ་བཅུག་།ཡོ་བྱད་ཐམས་ཅད་ཀྱང་འཇོག་ཏུ་བཅུག་།སྨན་པ་དང ། སྙུན་གཡོག་དག་ཀྱང་འཇོག་ཏུ་བཅུག་སྟེ། དགེ་སློང་དག་ལ་ཡང་ཡོ་བྱད་ཐམས་ཅད་ཀྱིས་བསྟབས་སོ། །དྲུག་སྡེ་དག་གིས་སྨྲས་པ། དགའ་བོ་ཉེ་དགའ། བཅའ་བ་དང་བཟའ་བ་འདི་ལྟ་བུ་རྙེད་ཀྱི། ཐབས་ཤིག་བྱའོ། །ཞེས་དེ་དག་གིས་སྨན་པ་ལ་དྲིས་པ། བཞིན་བཟང ། ཁོ་བོ་ཅག་ལ་ནད་ཅི་ཡོད་པ་ཇེ་ལྟོས་ཤིག་།སྨན་པས་བསམ་པ། འདི་དག་ནི། དགེ་སློང་ཧྲལ་པོ་དག་ཡིན་པས་ཟ་འདོད་ཀྱི། འདི་དག་དང་མཐུན་པར་སྨྲ་བར་བྱའོ། །སྙམ་ནས་དེས་དེ་དག་ལ་སྨྲས་པ། འཕགས་པ་དག་།ཁྱེད་ཅག་ནི། ཤུལ་གྱིས་དུབ་པ་དག་ལགས་པས། ཇེ་སྐུར་སྣུམ་བག་གསོལ་ལ། དེའི་འོག་ཏུ་བསྐ་བ་གསོལ་ཅིག་།དེ་དག་གིས་སྨྲས་པ། དགའ་བོ་ཉེ་དགའ། འདི་ནི། སྨན་པ་ཆེན་པོ་ནད་དང ། ནད་ཀྱི་གཞི་དང ། ཁམས་ལ་མཁས་པ་རྒྱལ་པོ་ལ་མཁོ་བ་ཡིན་ཏེ། གལ་ཏེ་བདག་ཅག་ཐམས་ཅད་ཀྱིས་དུས་གཅིག་ཏུ་དེ་ལྟར་བྱ་བར་བརྩམས་ན། མྱུར་དུ་ཟིན་པར་འགྱུར་གྱི། ཇེ་དང་པོར་གཉིས་ཀྱིས་སྣུམ་བག་བསྟེན་ཅིང ། བཞིས་ནད་གཡོག་བྱའོ། །དེའི་འོག་ཏུ་ཡང་གཉིས་ཀྱིས་སྣུམ་བག་བསྟེན་ཅིང ། བཞིས་ནད་གཡོག་བྱའོ། །དེ་ལྟར་
Nya6a
༄#། །བྱའོ། །ཞེས་དེ་དག་ལས་གཉིས་ཀྱིས་སྣུམ་བག་བསྟེན་པར་བརྩམས་ཤིང ། བཞིས་ནད་གཡོག་བྱེད་པ་ན། ཇི་ཙམ་ན་ཟླ་བ་གཅིག་འདས་སོ། །དེའི་འོག་ཏུ་གཞན་གཉིས་སྣུམ་བག་བསྟེན་པར་བརྩམས་ཤིང ། བཞིས་ནད་གཡོག་བྱེད་པ་ན། ཟླ་བ་གཉིས་པ་འདས་སོ། །དེའི་འོག་ཏུ་གཞན་གཉིས་ཀྱིས་སྣུམ་བག་བསྟེན་པར་བརྩམས་ཤིང ། བཞིས་ནད་གཡོག་བྱེད་པ་ན། ཟླ་བ་གསུམ་པ་འདས་སོ། །ཟླ་བ་བཞི་པ་ལ་ཐམས་ཅད་འདུས་ཏེ་བཟའ་བར་བརྩམས་ནས་ཟླ་བ་བཞི་འདས་པ་དང ། ཤཱཀྱ་མིང་ཆེན་གྱིས་བཅོམ་ལྡན་འདས་གཤེགས་སྟོན་ལ་སྤྱན་དྲངས་པ་དང་ཉེ་དགས་ཕྱག་ཚང་ལ་འཕྲིན་སྤྲིང་སྟེ། བཞིན་བཟང ། དེང་ཁོ་བོ་ལ་ཁུ་ཤ་དང ། ཁུ་བ་དང ། ཤ་ཚོད་དག་གྱིས་ཤིག་ཅེས་སྤྲིང་ངོ ། །ཕྱག་ཚང་གིས་སྨྲས་པ། འཕགས་པ། དགུང་ཟླ་བཞི་འདས་ཏེ་ཤཱཀྱ་མིང་ཆེན་གྱིས་བཅོམ་ལྡན་འདས་གཤེགས་སྟོན་ལ་སྤྱན་དྲངས་ན། ཁྱོད་ཀྱི་བྱ་བ་ད་དུང་ཡང་མ་རྫོགས་སམ། ཉེ་དགས་སྨྲས་པ། བཀྲེན་པ། ཤཱཀྱ་མིང་ཆེན་ཁ་ཤིན་ཏུ་ཆེན་པོས་སངས་རྒྱས་ལ་སོགས་པ་དགེ་སློང་གི་དགེ་འདུན་ཟླ་བ་བཞིར་ཡོ་བྱད་ཐམས་ཅད་ཀྱིས་སྤྱན་འདྲེན་ན། གལ་ཏེ་སྤྱན་དྲངས་པ་འདི་ལྟ་བུས་སངས་རྒྱས་ལ་སོགས་པ་དགེ་འདུན་སྤྱན་དྲང་དུ་རུང་ན་ནི། ཉེ་དགས་ཀྱང་སངས་རྒྱས་ལ་སོགས་པ་དགེ་སློང་གི་དགེ་འདུན་ཇི་སྲིད་འཚོ་བའི་བར་དུ་སྤྱན་འདྲེན་པར་སྤྲོའོ། །དེས་སྨྲས་པ། ཁྱེད་ཅག་ཟླ་བ་བཞིར་ཤ་དང ། འཁུར་བ་ཤ་
Nya6b
སྟག་ཟོས་པར་གྱུར་ཀྱང་འོན་ཀྱང་ཁྱེད་ཅག་སྨོད་པར་བྱེད་ན། གནས་བརྟན་གནས་བརྟན་གང་དག་གིས་ཟླ་བ་བཞིར་ཨ་རུ་ར་འབྲུམ་གཅིག་ཀྱང་མ་གསོལ་བ་དེ་དག་ནི། ཤིན་ཏུ་དཀའ་བ་བྱེད་པ་ཡིན་ནོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་ཧ་ཅང་སློང་བར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་ཧ་ཅང་སློང་བར་མི་བྱའོ། །དགེ་སློང་དག་།སྔོན་བྱུང་བ། འདས་པའི་དུས་ན། གྲོང་མེད་པའི་དགོན་པའི་གནས་ཤིག་ན་དྲང་སྲོང་ཞིག་འདུག་སྟེ། དེའི་བསྟི་གནས་དེ། མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེ་འཁོར་ཕུན་སུམ་ཚོགས་པ་ཡིན་ནོ། །དེའི་བསྟི་གནས་དེ་དང་ཧ་ཅང་མི་རིང་བ་ན་རྫིང་ཆེན་པོ་ཞིག་འདུག་པ་དེ་ན་ཀླུ་གཞོན་ནུ་ཞིག་འདུག་གོ་།གང་གི་ཚེ་དང་སྲོང་དེ་སྐྱིལ་མོ་ཀྲུང་གིས་འདུག་པ་དེའི་ཚེ་ན་ཀླུ་གཞོན་ནུ་དེ་རྫིང་ཆེན་པོ་དེ་ནས་བྱུང་ནས་ལུས་ཀྱིས་དྲང་སྲོང་དེའི་ལུས་ལ་ལན་བདུན་དུ་དཀྲིས་ཏེ་སྟེང་དུ་གདེངས་ཀ་ཆེན་པོ་བྱས་ཏེ་འདུག་གོ་།གང་གི་ཚེ་དྲང་སྲོང་དེ་ལངས་པར་གྱུར་པ་དེའི་ཚེ་ན། ཀླུ་གཞོན་ནུ་དེས་དྲང་སྲོང་དེའི་ལུས་ལ་ལུས་ཀྱིས་དཀྲོལ་ནས་དཔུང་རྒྱན་དང ། རྣ་ཆ་གདུབ་འཁོར་དང ། ཕྲེང་བ་རྒྱུ་སྣ་ཚོགས་ཀྱི་རྒྱན་དང ། བྱུག་པས་བརྒྱན་པར་གྱུར་ཏེ་ཐལ་མོ་སྦྱར་ནས་མདུན་དུ་འདུག་སྟེ། དྲང་སྲོང་དེ་ལ་ཡོ་བྱད་ཐམས་ཅད་ཀྱིས་སྟོབ་པར་
Nya7a
༄#། །བྱེད་དོ། །དྲང་སྲོང་དེ། ཀླུ་གཞོན་ནུ་དེའི་ལུས་ཀྱིས་རེག་པས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། རྐེ་བ་དང ། ལུས་མ་ཐོབ་པར་གྱུར་ཏོ། ། དུས་གཞན་ཞིག་ན་དྲང་སྲོང་གཞན་ཞིག་ལྗོངས་རྒྱུ་ཞིང་འགྲོ་བ་ན་དྲང་སྲོང་དེའི་བསྟི་གནས་སུ་ཕྱིན་ནས་དེས་དྲང་སྲོང་དེ་ལ་སྨྲས་པ། ཀྱེ་དྲང་སྲོང ། ཁྱོད་ཀྱི་བསྟི་གནས་འདི་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེ་འཁོར་ཕུན་སུམ་ཚོགས་པ་ཡིན་ན། ཁྱོད་ཅིའི་ཕྱིར་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། རྐེ་བ་དང ། ལུས་མ་ཐོབ་པར་གྱུར། དེས་སྨྲས་པ། དེ་དེ་བཞིན་ཏེ། ཁོ་བོའི་བསྟི་གནས་འདི། མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེ་འཁོར་ཕུན་སུམ་ཚོགས་པ་ཡིན་མོད་ཀྱི། འོན་ཀྱང་འདི་ན་ཉེས་དམིགས་དག་ཀྱང་ཡོད་དོ། །འདི་ན་ཉེས་དམིགས་ཅི་ཡོད། དེས་སྨྲས་པ། རྫིང་ཆེན་པོ་འདི་ན་ཀླུ་གཞོན་ནུ་ཞིག་འདུག་སྟེ། གང་གི་ཚེ་ཁོ་བོ་སྐྱིལ་མོ་ཀྲུང་གིས་འདུག་པ་དེའི་ཚེ་ན། ཀླུ་གཞོན་ནུ་དེ་རྫིང་ཆེན་པོ་དེ་ནས་བྱུང་ནས་ལུས་ཀྱིས་ཁོ་བོའི་ལུས་ལ་ལན་བདུན་དཀྲིས་ཏེ་སྟེང་དུ་གདེངས་ཀ་ཆེན་པོ་བྱས་ཏེ་འདུག་གོ་།གང་གི་ཚེ་ཁོ་བོ་ལངས་པར་གྱུར་པ་དེའི་ཚེ་ན། དེས་ཁོ་བོའི་ལུས་ལ་ལུས་ཀྱིས་དཀྲོལ་ནས་དཔུང་རྒྱན་དང ། རྣ་ཆ་གདུབ་འཁོར་དང ། ཕྲེང་བ་རྒྱུ་སྣ་ཚོགས་ཀྱི་རྒྱན་དང ། བྱུག་པས་བརྒྱན་པར་གྱུར་ཏེ་ཐལ་མོ་སྦྱར་ནས་མདུན་དུ་འདུག་སྟེ། ཁོ་བོ་ལ་ཡོ་བྱད་ཐམས་
Nya7b
ཅད་ཀྱིས་སྟོབ་པར་བྱེད་དེ། དེའི་ལུས་ཀྱིས་རེག་པས་ཁོ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། རྐེ་བ་དང ། ལུས་མ་ཐོབ་པར་གྱུར་ཏོ། །དེས་སྨྲས་པ། ཁྱོད་ཀླུ་གཞོན་ནུ་དེ་ཕྱིན་ཆད་འོང་བར་མི་འགྱུར་བར་འདོད་དམ། དེས་སྨྲས་པ། འདོད་དོ། །དེས་སྨྲས་པ། གང་གི་ཚེ་ཀླུ་གཞོན་ནུ་དེ་ཁྱོད་ལ་ཡོ་བྱད་ཐམས་ཅད་ཀྱིས་སྟོབ་པར་བྱེད་པ་དེའི་མགོ་ལ་ནོར་བུ་འདུག་པ་དེ་སློངས་ཤིག་དང ། ཀླུ་རྣམས་ནི། སེར་སྣ་ཅན་ཡིན་པས་མི་སྟེར་བས་ཕྱིན་ཆད་འོང་བར་མི་འགྱུར་རོ། །དུས་གཞན་ཞིག་ན་དྲང་སྲོང་དེ་སྐྱིལ་མོ་ཀྲུང་གིས་འདུག་པ་དེའི་ཚེ་ན་ཀླུ་གཞོན་ནུ་དེ་དེ་བཞིན་དུ་རྫིང་ཆེན་པོ་དེ་ནས་བྱུང་ནས་ལུས་ཀྱིས་དྲང་སྲོང་དེའི་ལུས་ལ་ལན་བདུན་དཀྲིས་ཏེ་སྟེང་དུ་གདེངས་ཀ་ཆེན་པོ་བྱས་ཏེ་འདུག་གོ་།གང་གི་ཚེ་དྲང་སྲོང་དེ་ལངས་པར་གྱུར་པ་དེའི་ཚེ་ན། ཀླུ་གཞོན་ནུ་དེས་དྲང་སྲོང་དེའི་ལུས་ལ་ལུས་ཀྱིས་དཀྲོལ་ནས་དཔུང་རྒྱན་དང ། རྣ་ཆ་གདུབ་འཁོར་དང ། ཕྲེང་བ་རྒྱུ་སྣ་ཚོགས་ཀྱི་རྒྱན་དང ། བྱུག་པས་བརྒྱན་པར་གྱུར་ཏེ། ཐལ་མོ་སྦྱར་ནས་མདུན་དུ་འདུག་སྟེ་དྲང་སྲོང་དེ་ལ་ཡོ་བྱད་ཐམས་ཅད་ཀྱིས་སྟོབ་པར་བྱེད་པ་ན། དྲང་སྲོང་དེས་དེ་ལ་སྨྲས་པ། ཀླུ་གཞོན་ནུ། ཁྱོད་ཀྱི་མགོ་ལ་འདུག་པའི་ནོར་བུ་གང་ཡིན་པ་དེ། ཁོ་བོ་ལ་བྱིན་ཅིག་།དེས་སྨྲས་པ། ཕ་མ་དག་ལ་དྲི་བར་བྱའོ། །དྲང་སྲོང་གིས་སྨྲས་པ། དེ་ལྟར་གྱིས་ཤིག་།ཀླུ་གཞོན་ནུ་དེས་ཕ་མ་གཉིས་ལ་དྲིས་པ། ཡབ་ཡུམ་གཉིས། དྲང་སྲོང་གིས་བདག་གི་ནོར་བུ་སློང་ན། དེ་ལ་སྩལ་བར་བགྱིའམ། དེ་གཉིས་
Nya8a
༄#། །ཀྱིས་སྨྲས་པ། ནོར་བུ་འདིའི་མཐུས་བདག་ཅག་གི་ཟས་དང ། སྐོམ་དང ། སྤོས་དང ། ཕྲེང་བ་རྒྱུ་དང ། རྒྱན་དག་རྙེད་པ་ཡིན་གྱི། མ་སྦྱིན་ཅིག་།དེ་ནས་ཀླུ་གཞོན་ནུ་དེ་རྫིང་དེ་ནས་བྱུང་སྟེ་དྲང་སྲོང་དེའི་མདུན་དུ་འདུག་པ་དང ། དྲང་སྲོང་དེས་དེ་ལ་སྨྲས་པ། ཀླུ་གཞོན་ནུ། ཁྱོད་ཀྱི་མགོ་ལ་འདུག་པའི་ནོར་བུ་གང་ཡིན་པ་དེ་ཁོ་བོ་ལ་སྦྱིན་ཅིག་།དེ་ནས་ཀླུ་གཞོན་ནུ་དེས་ཚིགས་སུ་བཅད་པ་སྨྲས་པ། བཟའ་དང་བཏུང་དང་དེ་བཞིན་བགོ་བ་དང ། ནོར་བུ་འདི་ཡི་མཐུ་ལས་འགྲུབ་འགྱུར་བས། །དེ་ཕྱིར་ཁྱོད་ལ་ནོར་བུ་འདི་མི་སྦྱིན། །ཧ་ཅང་སློང་བས་ཞེ་སྡང་གནས་སུ་གྱུར། །ཧ་ཅང་སློང་བས་བདག་ལ་སྡིག་བྱེད་པ། །རལ་གྲི་རྡོ་དང་འབྲུ་མར་བདར་བ་བཞིན། །གལ་ཏེ་ཁྱོད་གནས་ཕྱིན་ཆད་བདག་འོང་ན། །བདག་གི་ཀླད་པ་རྡོ་བས་སྣུན་གྱིས་ཤིག་།ཅེས་སྨྲས་ཏེ། མི་སྣང་བའི་ལམ་ན་འདུག་གོ་།དགེ་སློང་དག་།རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་ཧ་ཅང་བསླངས་པ་ན། མི་སྣང་བའི་ལམ་ན་འཁོད་ན། མི་དག་ལྟ་སྨོས་ཀྱང་ཅི་དགོས། དེ་ལྟ་བས་ན། དགེ་སློང་གིས་ཧ་ཅང་བསླང་པར་མི་བྱའོ། །དགེ་སློང་དག་།གཞན་ཡང་སྔོན་བྱུང་བ། འདས་པའི་དུས་ན་གྲོང་མེད་པའི་དགོན་པའི་གནས་ཤིག་ན་དྲང་སྲོང་ཞིག་འདུག་སྟེ། དེའི་བསྟི་གནས་དེ་མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེ་འཁོར་ཕུན་སུམ་ཚོགས་པ་ཡིན་ནོ། །དེ་ན་བྱ་མང་པོ་དག་གནས་པ་དེ་དག་དེར་སྒྲ་འབྱིན་ཏེ།
Nya8b
བསམ་གཏན་དག་གི་ཚེར་མ་ནི། སྒྲ་ཡིན་པས་དྲང་སྲོང་དེས། བྱ་མང་པོ་དག་གིས་སྒྲ་དེས་སེམས་རྩེ་གཅིག་པ་ཉིད་མ་ཐོབ་བོ། །དེ་ནས་དྲང་སྲོང་གཞན་ཞིག་ལྗོངས་རྒྱུ་ཞིང་འགྲོ་བ་ན་དྲང་སྲོང་དེའི་བསྟི་གནས་སུ་ཕྱིན་ནས་དེས་དྲང་སྲོང་དེ་ལ་སྨྲས་པ། ཀྱེ་དྲང་སྲོང ། ཁྱོད་ཀྱི་བསྟི་གནས་འདི་ནི། མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེ་འཁོར་ཕུན་སུམ་ཚོགས་པ། བཟང་བ་ཡིན་ན། ཁྱོད་ཀྱིས་འདིར་སེམས་རྩེ་གཅིག་པ་ཉིད་ཐོབ་བམ། དེས་སྨྲས་པ། དེ་དེ་བཞིན་ཏེ། ཁོ་བོའི་བསྟི་གནས་འདི། མེ་ཏོག་ཕུན་སུམ་ཚོགས་པ། འབྲས་བུ་ཕུན་སུམ་ཚོགས་པ། ཉེ་འཁོར་ཕུན་སུམ་ཚོགས་པ། བཟང་བ་ཡིན་ན། འོན་ཀྱང་འདི་ན་ཉེས་དམིགས་ཀྱང་ཡོད་དོ། །དེས་སྨྲས་པ། འདི་ན་ཉེས་དམིགས་ཅི་ཡོད། དེས་སྨྲས་པ། འདི་ན་བྱ་མང་པོ་དག་གནས་པ་དེ་དག་འདིར་སྒྲ་འབྱིན་པར་བྱེད་དེ། བསམ་གཏན་དག་གི་ཚེར་མ་ནི། སྒྲ་ཡིན་པས། བདག་གི་བྱ་མང་པོ་དག་གི་སྒྲ་དེས་སེམས་རྩེ་གཅིག་པ་ཉིད་མ་ཐོབ་བོ། །དེས་སྨྲས་པ། ཁྱོད་བྱ་དེ་དག་ཕྱིན་ཆད་འདིར་མི་འོང་བར་འདོད་དམ། དེས་སྨྲས་པ། འདོད་དོ། །དེས་སྨྲས་པ། ཚེས་ཉི་ཤུ་དགུའི་མཚན་མོ་རྩཝའི་མེ་སྒྲོན་སྤོར་ལ་ཤིང་ལྗོན་པ་དག་གི་དྲུང་དུ་སོང་སྟེ་འདི་སྐད་ཅེས་སྒོ་ང་དག་བཟའོ། །ཕྲུ་གུ་དག་བཟའོ།། ཞེས་སྨྲོས་ཤིག་དང ། ཕྱིན་ཆད་མི་འོང་བར་འགྱུར་རོ། །དེས་དེ་ལྟར་བྱ་བར་བརྩམས་པ་དང ། བྱ་དེ་དག་གིས་བསམ་པ། དྲང་སྲོང་འདི། སྨྱོས་པར་གྱུར་ཏམ་ཅི་སྙམ་ནས་བྱ་དེ་དག་གི་ཕྲུ་གུ་དག་
Nya9a
༄#། །འདབ་མ་སྐྱེས་པར་གྱུར་པ་དང ། དེ་དག་དོང་སྟེ་ཕྱིན་ཆད་མི་འོང་ཞིང ། ཇི་ཙམ་ན་མཐར་གྱིས་ཐམས་ཅད་མི་སྣང་བའི་ལམ་ན་འཁོད་དོ། །དགེ་སློང་དག། རེ་ཞིག་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་དེ་དག་ཀྱང་ཧ་ཅང་བསླངས་པ་ན། མི་སྣང་བའི་ལམ་ན་འཁོད་ན། མི་རྣམས་ལྟ་སྨོས་ཀྱང་ཅི་དགོས། དེ་ལྟ་བས་ན། དགེ་སློང་གིས་ཧ་ཅང་བསླང་བར་མི་བྱའོ། །ཧ་ཅང་སློང་ན། འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ།། ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་ཟླ་བ་བཞིར་མགྲོན་དུ་བོས་པ་བདག་གིར་བྱས་ནས་དེ་ལས་ལྷག་པར་བདག་གིར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་བ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་
Nya9b
པས།་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པར་བདག་གིར་བྱེད་ན། ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །དེ་ནས་བཅོམ་ལྡན་འདས་སེར་སྐྱའི་གནས་སུ་ཅི་དགྱེས་པར་བཞུགས་ནས་རྒྱལ་པོའི་ཁབ་ག་ལ་བ་དེ་ལོགས་སུ་ལྗོངས་རྒྱུ་ཞིང་གཤེགས་ཏེ་མཐར་གྱིས་རྒྱུ་ཞིང་གཤེགས་པ་ན་རྒྱལ་པོའི་ཁབ་ཏུ་བྱོན་ནས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ན། རྒྱལ་པོའི་ཁབ་ཏུ་བྱོན་ནས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་ཞེས་ཐོས་སོ། །ཐོས་ནས་ཀྱང་འདི་སྙམ་དུ་སེམས་ཏེ།་ཤཱཀྱ་མིང་ཆེན་གྱིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ཟླ་བ་བཞིར་ཡོ་བྱད་ཐམས་ཅད་ཀྱིས་སྤྱན་དྲངས་ཀྱི། བདག་གིས་ཀྱང་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལན་མང་དུ་གདུགས་ཚོད་ལ་ཁྱིམ་གཞན་དུ་སྤྱན་དྲངས་ཏེ་བཤོས་གསོལ་ན། ལན་འགའ་ཡང་ཡོ་བྱད་ཐམས་ཅད་ཀྱིས་སྤྱན་མ་དྲངས་ཀྱི། བདག་གིས་ཀྱང་བཅོམ་ལྡན་འདས་དགེ་སློང་
Nya10a
༄#། །གི་དགེ་འདུན་དང་བཅས་པ་ཟླ་བ་བཞིར་ཡོ་བྱད་ཐམས་ཅད་ཀྱིས་སྤྱན་དྲང་ངོ ། །སྙམ་མོ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་དགུང་ཟླ་བཞིར་བདག་གི་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། བཅོམ་ལྡན་འདས་ཀྱིས་མ་ག་དྷར་བྱུང་བའི་རྒྱལ་པོ་བཟོ་
Nya10b
སྦྱངས་གཟུགས་ཅན་སྙིང་པོ་ལ་ཅང་མི་གསུང་བས་གནང་ངོ ། །མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས། བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ནས་དེས་སྙུང་བའི་རུང་བའི་ཁང་པ་རྩིག་ཏུ་བཅུག་ཅིང་སྙུང་བའི་སྨན་ཡང་འཇོག་ཏུ་བཅུག་བདེ་བའི་སྨན་དུས་སུ་རུང་བ་དང ། ཐུན་ཚོད་དུ་རུང་བ་དང ། ཞག་བདུན་པ་དང ། འཚོ་བའི་བར་དུ་བཅང་བ་དང ། རྩ་བའི་སྨན་དང ། སྡོང་བུའི་སྨན་དང ། ལོ་མའི་སྨན་དང ། མེ་ཏོག་གི་སྨན་དང ། འབྲས་བུའི་སྨན་དག་ཀྱང་འཇོག་ཏུ་བཅུག་།ཞུན་མར་བསྐོལ་བ་དང ། མ་བསྐོལ་བ་དག་ཀྱང་འཇོག་ཏུ་བཅུག་།འབྲུ་མར་བསྐོལ་བ་དང ། མ་བསྐོལ་བ་དག་ཀྱང་འཇོག་ཏུ་བཅུག་།བ་དག་དང ། མ་ཧེ་མོ་དག་དང ། ར་བཞོན་དག་ཀྱང་འཇོག་ཏུ་བཅུག་།སྨན་པ་དང ། སྙུང་གཡོག་དག་ཀྱང་འཇོག་ཏུ་བཅུག་གོ། ཚེ་དང་ལྡན་པ་པི་ལིན་དའི་བུའི་སྲིང་མོའི་ཁྱོས། བཅོམ་ལྡན་འདས་ཤཱཀྱ་རྣམས་ཀྱི་ནང་དུ་ལྗོངས་རྒྱུ་ཞིང་གཤེགས་པ་ན། རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་ཞེས་ཐོས་སོ། །ཐོས་ནས་ཀྱང་འདི་སྙམ་དུ་སེམས་ཏེ། ཤཱཀྱ་མིང་ཆེན་གྱིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ཟླ་བ་བཞིར་ཡོ་བྱད་ཐམས་ཅད་ཀྱིས་སྤྱན་དྲངས་ཏེ་བདག་གིས་ཀྱང་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལན་མང་དུ་གདུགས་ཚོད་ལ་ཁྱིམ་
Nya11a
༄#། །གཞན་དུ་སྤྱན་དྲངས་ཏེ་བཤོས་གསོལ་ན། ལན་འགའ་ཡང་ཡོ་བྱད་ཐམས་ཅད་ཀྱིས་སྤྱན་མ་དྲངས་ཀྱི། བདག་གིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ཟླ་བ་བཞིར་ཡོ་བྱད་ཐམས་ཅད་ཀྱིས་སྤྱན་དྲང་ངོ ། །སྙམ་མོ། །དེ་ནས་བྲམ་ཟེ་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་བྲམ་ཟེ་དེ་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་བྲམ་ཟེ་དེ་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་དགུང་ཟླ་བཞིར་བདག་གི་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། བྲམ་ཟེ་དེའི་དང་པོར་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་སྤྱན་
Nya11b
དྲངས་སོ། །བྲམ་ཟེ་དེས་བསམ་པ། འཕགས་པ་པི་ལིནདའི་བུ་བདག་གི་ཉེ་དུ་ཡིན་པས་དེ་སྤྱན་དྲངས་ན། གནང་བར་འགྱུར་གྲང་སྙམ་ནས་དེ་ཚེ་དང་ལྡན་པ་པི་ལིནདའི་བུ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་པི་ལིནདའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་ཚེ་དང་ལྡན་པ་པི་ལིནདའི་བུ་བྲམ་ཟེ་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་ཅང་མི་སྨྲའོ། །དེ་ནས་བྲམ་ཟེ་དེ་སྟན་ལས་ལངས་ཏེ་ཚེ་དང་ལྡན་པ་པི་ལིནདའི་བུ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཚེ་དང་ལྡན་པ་པི་ལིན་དའི་བུ་ལ་འདི་སྐད་ཅེས་སྨྲས་སོ། །འཕགས་པ་དགུང་ཟླ་བཞིར་བདག་གི་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་པི་ལིནདའི་བུས་སྨྲས་པ། བཅོམ་ལྡན་འདས་ལ་ཞུའོ། །དེ་ནས་ཚེ་དང་ལྡན་པ་པི་ལིནདའི་བུ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་
Nya12a
༄#། །གི་མག་པ་བདག་ག་ལ་བ་དེར་མཆིས་ནས། དེ་བདག་ལ་འཕགས་པས་དགུང་ཟླ་བཞིར་བདག་གི་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་དང་སྨན་གྱི་ཡོ་བྱད་དག་བཞེས་པར་ཅི་གནང་ཞེས་མཆི་ན། དེ་ལ་མཆིད་ཀྱིས་འཚལ་ལམ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། སོ་སོར་མགྲོན་དུ་བོས་པ་མ་གཏོགས་ཏེ། དགེ་སློང་གིས་སོ་སོར་མགྲོན་དུ་བོས་པ་བདག་གིར་བྱའོ། །དགེ་སློང་གཞན་དག་ཕྱིས་ལྷགས་པ་དེ་དག་གིས་བསམ་པ། བདག་ཅག་རྒྱལ་པོས་མགྲོན་དུ་མ་བོས་ཀྱི། བསོད་སྙོམས་ལ་འཇུག་པར་བྱའོ། །སྙམ་དུ་རིག་ནས་དེ་དག་བསོད་སྙོམས་ལ་ཞུགས་པ་དང ། མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟེང་གི་ཁང་བཟང་གི་གཞིར་གཏོགས་པ་ན་འདུག་པས་དེ་དག་བསོད་སྙོམས་ལ་རྒྱུ་བ་མཐོང་ནས་དེས་བློན་པོ་རྣམས་ལ་རྨས་པ། ཤེས་ལྡན་དག་།ཅིའི་ཕྱིར་འཕགས་པ་འདི་དག་བསོད་སྙོམས་ལ་ཞུགས། དེ་དག་གིས་སྨྲས་པ། ལྷ། འདི་དག་སླད་ཀྱིས་མཆིས་པས་འདི་དག་གི་གློ་བ་ལ་དགེ་སློང་གང་དག་བཅོམ་ལྡན་འདས་དང་ཐབས་ཅིག་ལྷགས་པ་དེ་དག་རྒྱལ་པོས་མགྲོན་དུ་བོས་ཀྱི། བདག་ཅག་ཕྱིས་ལྷགས་པ་དག་རྒྱལ་པོས་མགྲོན་དུ་མ་བོས་སོ། །སྙམ་དུ་རིག་ནས་བསོད་སྙོམས་ལ་ཞུགས་སོ། །རྒྱལ་པོས་སྨྲས་པ། དེ་ལྟ་བས་ན། འཕགས་པ་དག་།ཡང་དང་ཡང་དུ་མགྲོན་དུ་འབོད་དོ། །ཞེས་ཟེར་བའི་སྐབས་དེ། དགེ་
Nya12b
སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ཡང་དང་ཡང་དུ་མགྲོན་དུ་བོས་པ་མ་གཏོགས་ཏེ། དགེ་སློང་གིས་ཡང་དང་ཡང་དུ་མགྲོན་དུ་བོས་བ་བདག་གིར་བྱའོ། །དགེ་སློང་དག་གིས་བསམ་པ། རྒྱལ་པོ་གཟུགས་ཅན་སྙིང་པོ་ནི། བྱ་བ་མང་པོ་དང ། བྱེད་པ་མང་བ་ཡིན་ལ། བདག་ཅག་ནི། བྱ་བ་ཉུང་བ་དང ། བྱེད་པ་ཉུང་བ་ཡིན་གྱི། བདག་ཅག་བསོད་སྙོམས་ལ་འཇུག་པར་བྱའོ། །སྙམ་དུ་རིག་ནས་དེ་དག་བསོད་སྙོམས་ལ་ཞུགས་པ་དང ། མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟེང་གི་ཁང་བཟང་གི་གཞིར་གཏོགས་པ་ན་འདུག་པས་དེ་དག་བསོད་སྙོམས་ལ་རྒྱུ་བ་མཐོང་ནས་དེས་བློན་པོ་རྣམས་ལ་རྨས་པ། ཤེས་ལྡན་དག་།ཅིའི་ཕྱིར་འཕགས་པ་འདི་དག་བསོད་སྙོམས་ལ་ཞུགས། དེ་དག་གིས་སྐབས་དེ་རྒྱས་པར་བརྗོད་པ་དང ། རྒྱལ་པོས་སྨྲས་པ། དེ་ལྟ་བས་ན། འཕགས་པ་དག་དུས་ཀྱིས་མགྲོན་དུ་འབོད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དུས་ཀྱིས་མགྲོན་དུ་བོས་པ་མ་གཏོགས་ཏེ། དགེ་སློང་གིས་དུས་ཀྱིས་མགྲོན་དུ་བོས་པ་བདག་གིར་བྱའོ། །རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་གཤེགས་སྟོན་ལ་སྤྱན་དྲངས་ནས། ཕྱི་དེ་ཉིན་པར་དགེ་སློང་རབ་ཏུ་མང་པོ་དག་བསོད་སྙོམས་ལ་ཞུགས་པ་དང ། མ་ག་དྷར་བྱུང་བའི་རྒྱལ་པོ་བཟོ་
Nya13a
༄#། །སྦྱངས་གཟུགས་ཅན་སྙིང་པོ་སྟེང་གི་ཁང་བཟང་གི་གཞིར་གཏོགས་པ་ན་འདུག་པས་དེ་དག་བསོད་སྙོམས་ལ་རྒྱུ་བ་མཐོང་ནས། དེས་བློན་པོ་རྣམས་ལ་སྨྲས་པ། ཤེས་ལྡན་དག། ཅིའི་ཕྱིར་འཕགས་པ་འདི་དག་བསོད་སྙོམས་ལ་ཞུགས། དེ་དག་གིས་སྐབས་དེ་རྒྱས་པར་བརྗོད་པ་དང ། རྒྱལ་པོས་སྨྲས་པ། དེ་ལྟ་བས་ན། འཕགས་པ་དག་རྟག་ཏུ་མགྲོན་དུ་འབོད་དོ། ། ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྟག་ཏུ་མགྲོན་དུ་བོས་པ་མ་གཏོགས་ཏེ། དགེ་སློང་གིས་རྟག་ཏུ་མགྲོན་དུ་བོས་པ་བདག་གིར་བྱའོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པ་བདག་གིར་བྱེད་ན། ལྟུང་བྱེད་དོ། །སོ་སོར་མགྲོན་དུ་བོས་པ་དང ། ཡང་དང་ཡང་མགྲོན་དུ་བོས་པ་དང ། དུས་ཀྱིས་མགྲོན་དུ་བོས་པ་དང །
Nya13b
རྟག་ཏུ་མགྲོན་དུ་བོས་པ་ནི། མ་གཏོགས་ཏེ། དེ་ལ་དེ་ནི། དུས་ཡིན་ནོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །ཟླ་བ་བཞིར་ཞེས་བྱ་བ་ནི། ཟླ་བ་བཞི་ཚུན་ཆད་དུའོ། །མགྲོན་དུ་བོས་པ་ཞེས་བྱ་བ་ནི། བསྟབས་པའོ། །བདག་གིར་བྱའོ། །ཞེས་བྱ་བ་ནི། ཁས་བླང་པར་བྱ་བའོ། །དེ་ལས་ལྷག་པར་བདག་གིར་བྱེད་ན་ཞེས་བྱ་བ་ནི། དེ་ལས་འདས་པར་རོ། །ལྟུང་བྱེད་དོ། །ཞེས་བྱ་བ་ནི།་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང་ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །སོ་སོར་མགྲོན་དུ་བོས་པ་ཞེས་བྱ་བ་ནི། འདི་ལྟ་སྟེ། དགེ་སློང་སོ་སོར་ཐ་དད་པར་མགྲོན་དུ་བོས་པའོ། །ཡང་དང་ཡང་མགྲོན་དུ་བོས་པ་ཞེས་བྱ་བ་ནི། འདི་ལྟ་སྟེ། དགེ་སློང་ཡང་དང་ཡང་མགྲོན་དུ་བོས་པའོ། །དུས་ཀྱིས་མགྲོན་དུ་བོས་པ་ཞེས་བྱ་བ་ནི། འདི་ལྟ་སྟེ། དགེ་སློང་ནན་གྱིས་མགྲོན་དུ་བོས་པའོ། །རྟག་ཏུ་མགྲོན་དུ་བོས་པ་ཞེས་བྱ་བ་ནི། འདི་ལྟ་སྟེ། དགེ་སློང་གཏན་དུ་མགྲོན་དུ་བོས་པའོ། །མ་གཏོགས་ཏེ་ཞེས་བྱ་བ་ནི། བཞག་སྟེའོ། །དེ་ལ་དེ་ནི། དུས་ཡིན་ནོ། །ཞེས་བྱ་བ་ནི། རྗེས་སུ་མཐུན་པའི་ཆོས་ཡིན་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་ཟླ་བ་བཞིར་མགྲོན་དུ་བོས་པ་ལས་ལྷག་པར་བདག་གིར་བྱེད་ན། ཐམས་
Nya14a
༄#། །ཅད་དུ་ལྟུང་བྱེད་དུ་འགྱུར་རོ། །དགེ་སློང་གིས་ངན་པ་ལ་མགྲོན་དུ་བོས་པ་ན་བསོད་པ་སློང་ན། དེ་སློང་བ་ལ་ཉེས་བྱས་སུ་འགྱུར་ལ། ཟ་བ་ལ་ལྟུང་བྱེད་དུ་འགྱུར་རོ། །དགེ་སློང་གིས་བསོད་པ་ལ་མགྲོན་དུ་བོས་པ་ན་ངན་པ་སློང་ན། དེ་སློང་བ་ལ་ཉེས་བྱས་སུ་འགྱུར་ལ། ཟ་བ་ལ་ཡང་ཉེས་བྱས་ཉིད་དུ་འགྱུར་རོ། །དགེ་སློང་བསོད་སྙོམས་ལ་ཞུགས་པ་ན་བུད་མེད་ཀྱི་ཡུལ་ཟས་ཁྱེར་ཏེ་འོངས་ན། དགེ་སློང་གིས། སྲིང་མོ། ཆོག་གོ་།མི་འདོད་དོ། །ཞེས་བརྗོད་པར་བྱ་སྟེ། གལ་ཏེ་བུད་མེད་ཀྱི་ཡུལ་ན་རེ། འཕགས་པ་ཅི་ཞིག་བཞེད་ཅེས་ཟེར་ན། བསྟབས་པ་བརྗོད་པར་བྱ་སྟེ། གང་འདོད་པ་དེ་བསླང་བར་བྱའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མགྲོན་དུ་གཉེར་བ་ལས་རིང་དུ་འདུག་པའི་ལྟུང་བྱེད་དེ། བདུན་ཅུ་བཞི་བ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ཐུན་མོང་འཆའ་བ་མཛད་པ་དེའི་ཚེ་ན་གཉི་གའི་དགེ་འདུན་བསྡུ་བ་མཛད་པས། འདི་ཡང་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ཐུན་མོང་བཅའ་བ་མཛད་པ་ཡིན་ན། འདི་ལ་གཉི་གའི་དགེ་འདུན་བསྡུ་བ་མཛད་པས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།
Nya14b
ཀུན་དགའ་བོ། སོང་ལ་དགེ་སློང་རྣམས་ལ་དགེ་སློང་ཞིག་དགེ་སློང་མ་རྣམས་ཀྱི་ནང་དུ་ཐོང་ལ་འདི་སྐད་ཅེས། སྲིང་མོ་དག་།བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ཐུན་མོང་འདི་ལྟར་བཅའ་བ་མཛད་དེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པར་བདག་གིར་བྱེད་ན། ལྟུང་བྱེད་དོ། །སོ་སོར་མགྲོན་དུ་བོས་པ་དང ། ཡང་དང་ཡང་མགྲོན་དུ་བོས་པ་དང ། དུས་ཀྱིས་མགྲོན་དུ་བོས་པ་དང ། རྟག་ཏུ་མགྲོན་དུ་བོས་པ་ནི། མ་གཏོགས་ཏེ། དེ་ལ་དེ་ནི། དུས་ཡིན་ནོ། །ཞེས་བཅའ་བ་མཛད་ཀྱི། ཁྱེད་ཀྱིས་བསླབ་པ་འདི་ལ་བསླབ་པར་བྱའོ། །ཞེས་སྒོས་ཤིག་ཅེས་གྱིས་ཤིག། ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཚེ་དང་ལྡན་པ་ལམ་པ་ག་ལ་བ་དེར་སོང་སྟེ་ཕྱིན་ནས། ཚེ་དང་ལྡན་པ་ལམ་པ་ལ་བསྒོ་བ། ཚེ་དང་ལྡན་པ་ལམ་པ། ཁྱོད་བཞུད་ལ་དགེ་སློང་མ་རྣམས་ལ། སྲིང་མོ་དག་།བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ཐུན་མོང་འདི་ལྟར་བཅའ་བ་མཛད་དེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པར་བདག་གིར་བྱེད་ན། ལྟུང་བྱེད་དོ། །སོ་སོར་མགྲོན་དུ་བོས་པ་དང ། ཡང་དང་ཡང་མགྲོན་དུ་བོས་པ་དང ། དུས་ཀྱིས་མགྲོན་དུ་བོས་པ་དང ། རྟག་ཏུ་མགྲོན་དུ་བོས་པ་མ་གཏོགས་ཏེ། དེ་ལ་དེ་ནི། དུས་ཡིན་ནོ། །ཞེས་བཅའ་བ་མཛད་ཀྱི། ཁྱེད་ཀྱིས་
Nya15a
༄#། །བསླབ་པ་འདི་ལ་བསླབ་པར་བྱའོ། །ཞེས་སྒོས་ཤིག་།ཚེ་དང་ལྡན་པ་ལམ་པས། བཙུན་པ་ཀུན་དགའ་བོ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་ལས་མཉན་རྣམས་དགེ་སློང་མའི་དབྱར་ཁང་ག་ལ་བ་དེར་སོང་བ་དང ། ཇི་ཙམ་ན་དྲུག་སྡེ་དག་གིས་དེ་མཐོང་ནས་དེ་དག་གིས་དྲིས་པ། ཚེ་དང་ལྡན་པ་ལམ་པ། ཁྱོད་གར་འགྲོ་།ཚེ་དང་ལྡན་པ་ལམ་པས་བསམ་པ། འདི་དག་གིས་ཀྱང་མ་ཐོས་པ་འདྲའི། འདི་དག་ལ་ཡང་བརྗོད་པར་བྱའོ། །སྙམ་ནས་དེས་སྨྲས་པ། ཚེ་དང་ལྡན་པ་དག་།བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ཐུན་མོང་འདི་ལྟར་བཅའ་བ་མཛད་དེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པར་བདག་གིར་བྱེད་ན། ལྟུང་བྱེད་དོ། །སོ་སོར་མགྲོན་དུ་བོས་པ་དང ། ཡང་དང་ཡང་དུ་མགྲོན་དུ་བོས་པ་དང ། དུས་ཀྱིས་མགྲོན་དུ་བོས་པ་དང ། རྟག་ཏུ་མགྲོན་དུ་བོས་པ་ནི། མ་གཏོགས་ཏེ། དེ་ལ་དེ་ནི། དུས་ཡིན་ནོ། །ཞེས་བཅའ་བ་མཛད་ཀྱི། ཁྱེད་ཀྱིས་ཀྱང་བསླབ་པ་འདི་ལ་བསླབ་པར་བྱའོ། །དེ་དག་གིས་སྨྲས་པ། བདག་ཅག་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་འདྲིའི། བར་དུ་བྱིས་པ ། རྨོངས་པ། མི་གསལ་བ། མི་མཁས་པ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་དེ་དག་གིས་བྱིས་པ་དང ། རྨོངས་པ་དང ། མི་གསལ་བ་དང ། མི་མཁས་པ་ཞེས་བྱ་བ་དག་གིས་
Nya15b
ཁུར་བསླང་ངོ ། །ཚེ་དང་ལྡན་པ་ལམ་པ་དེ་ནས་སོང་སྟེ་འགྲོ་བ་ན། །དགེ་སློང་མ་བཅུ་གཉིས་སྡེ་དག་གིས་མཐོང་ནས་དེ་དག་གིས་དེ་ལ་སྨྲས་པ། བཙུན་པ་ལམ་པ། གར་བཞུད། དེས་སྨྲས་པ། སྲིང་མོ་དག་ཤེས་པར་གྱིས་ཤིག་།བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ཐུན་མོང་འདི་ལྟར་བཅའ་བ་མཛད་དེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པར་བདག་གིར་བྱེད་ན། ལྟུང་བྱེད་དོ། །སོ་སོར་མགྲོན་དུ་བོས་པ་དང ། ཡང་དང་ཡང་མགྲོན་དུ་བོས་པ་དང ། དུས་ཀྱིས་མགྲོན་དུ་བོས་པ་དང ། རྟག་ཏུ་མགྲོན་དུ་བོས་པ་མ་གཏོགས་ཏེ། དེ་ལ་དེ་ནི། དུས་ཡིན་ནོ། །ཞེས་བཅའ་བ་མཛད་ཀྱི། ཁྱེད་ཀྱིས་ཀྱང་བསླབ་པ་འདི་ལ་བསླབ་པར་བྱའོ། །དེ་དག་གིས་སྨྲས་པ། བདག་ཅག་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་འདྲིའི། །བར་དུ་བྱིས་པ། རྨོངས་པ། མི་གསལ་བ། མི་མཁས་པ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་བྱིས་པ་དང ། རྨོངས་པ་དང ། མི་གསལ་བ་དང ། མི་མཁས་པ་ཞེས་བྱ་བ་དག་གིས་ཁུར་བསླང་སྟེ་དོང་ངོ ། །ཚེ་དང་ལྡན་པ་ལམ་པས་བསམ་པ། བདག་ལ་གནས་ངན་ལེན་ཀུན་ཏུ་སྤྱོད་པ་འདི་དག་ལ་བརྗོད་པས་ཅི་བྱ། ད་ནི། སོང་ལ་སྐྱེ་རྒུའི་བདག་མོ་ཆེན་མོ་གཽའུ་ཏ་མི་མ་གཏོགས་པ་གཞན་གང་ལ་ཡང་བརྗོད་པར་མི་བྱའོ། །སྙམ་ནས་དེ་སྐྱེ་རྒུའི་བདག་མོ་ཆེན་མོ་གཽ་ཏ་མི་ག་ལ་བ་དེར་སོང་སྟེ་ཕྱིན་ནས་སྐྱེ་རྒུའི་
Nya16a
༄#། །བདག་མོ་གཽ་ཏ་མི་ཆེན་མོ་ལ་འདི་སྐད་ཅེས་སྨྲས་སོ། །གཽ་ཏ་མི་ཤེས་པར་གྱིས་ཤིག་།བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་ཐུན་མོང་འདི་ལྟར་བཅའ་བ་མཛད་དེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པར་བདག་གིར་བྱེད་ན། ལྟུང་བྱེད་དོ། །སོ་སོར་མགྲོན་དུ་བོས་པ་དང ། ཡང་དང་ཡང་དུ་མགྲོན་དུ་འབོད་པ་དང ། དུས་ཀྱིས་མགྲོན་དུ་བོས་པ་དང ། རྟག་ཏུ་མགྲོན་དུ་བོས་པ་ནི། མ་གཏོགས་ཏེ། དེ་ལ་དེ་ནི། དུས་ཡིན་ནོ། །ཞེས་བཅའ་བ་མཛད་ཀྱི། ཁྱེད་ཀྱིས་བསླབ་པ་འདི་ལ་བསླབ་པར་བྱའོ། །སྐྱེ་རྒུའི་བདག་མོ་ཆེན་མོས་སྨྲས་པ། བཙུན་པ་ལམ་པ། བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པར་བདག་གིར་བྱེད་ན། ལྟུང་བྱེད་དོ། །སོ་སོར་མགྲོན་དུ་བོས་པ་དང ། ཡང་དང་ཡང་དུ་མགྲོན་དུ་བོས་པ་དང ། དུས་ཀྱིས་མགྲོན་དུ་བོས་པ་དང ། རྟག་ཏུ་མགྲོན་དུ་བོས་པ་ནི། མ་གཏོགས་ཏེ། དེ་ལ་དེ་ནི། དུས་ཡིན་ནོ། །ཞེས་བཅའ་བ་མཛད་པ་གང་ལགས་པ་དེ། བདག་མགོ་དང ། ངག་དང ། ཡིད་ཀྱིས་ཀྱང་ནོད་དོ། །བཙུན་པ་ལམ་པ། འདི་ལྟ་སྟེ། དཔེར་བགྱི་ན། རྒྱལ་རིགས་ཀྱི་ཕྱུག་ཆུང་དག་གམ། བྲམ་ཟེའི་ཕྱུག་ཆུང་དག་གམ། རྗེའུ་རིགས་ཀྱི་ཕྱུག་ཆུང་དག་གམ།
Nya16b
དམངས་རིགས་ཀྱི་ཕྱུག་ཆུང་ལེགས་པར་ཁྲུས་བགྱིས། བྱུག་པས་ལེགས་པར་བྱུགས་པ། སྐྲ་དང་སེན་མོ་ལེགས་པར་བཅོས་པ། རད་པ་དཀར་པོ་འཚལ་བ་དག་གིས་ཨུཏྤ་ལའི་ཕྲེང་བའམ། ཙམ་པ་ཀའི་ཕྲེང་བའམ། བར་ཤི་ཀའི་ཕྲེང་བའམ། ཨ་ཏི་མུག་ཏ་ཀའི་ཕྲེང་བ་འགའ་ཞིག་སྩལ་བར་གྱུར་ན། དེ་ཡིད་དགའ་བས་སུག་པ་གཉིས་ཀྱིས་བླངས་ཏེ་ཡན་ལག་གི་དམ་པ་མགོ་ལ་བཏགས་པར་བགྱི་བ་དེ་བཞིན་དུ་བཙུན་པ་ལམ་པ། བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དེ། དགེ་སློང་གིས་ཟླ་བ་བཞིར་མགྲོན་དུ་བོས་པ་བདག་གིར་བྱའོ། །དེ་ལས་ལྷག་པར་བདག་གིར་བྱེད་ན། ལྟུང་བྱེད་དོ། །སོ་སོར་མགྲོན་དུ་བོས་པ་དང ། ཡང་དང་ཡང་དུ་མགྲོན་དུ་བོས་པ་དང ། དུས་ཀྱིས་མགྲོན་དུ་བོས་པ་དང ། རྟག་ཏུ་མགྲོན་དུ་བོས་པ་ནི། མ་གཏོགས་ཏེ། དེ་ལ་དེ་ནི། དུས་ཡིན་ནོ། །ཞེས་བཅའ་བ་མཛད་པ་གང་ལགས་པ་དེ་ཡང་བདག་མགོ་དང ། ངག་དང ། ཡིད་ཀྱིས་ཀྱང་ནོད་དོ། །ཚེ་དང་ལྡན་པ་ལམ་པས་བསྒོས་ཏེ་ཕྱིར་འོངས་པ་དང ། ཚེ་དང་ལྡན་པ་ཀུན་དགའ་བོས་དེ་མཐོང་ནས་དྲིས་པ། ཚེ་དང་ལྡན་པ་ལམ་པ། ཁྱོད་ཀྱིས་དགེ་སློང་མ་རྣམས་ལ་བསྒོས་སམ། དེས་སྨྲས་པ། བསྒོས་ཏེ། འདི་ལྟར། བྱིས་པ་དང ། རྨོངས་པ་དང ། མི་གསལ་བ་དང ། མི་མཁས་པ་ཞེས་བྱ་བ་དག་གིས་ཁུར་བསླང་ངོ ། །སུས། དྲུག་སྡེ་དག་གིས་སོ། །ཅིའི་ཕྱིར། དེས་སྐབས་དེ་རྒྱས་པར་བརྗོད་པ་དང ། དགེ་སློང་དོན་
Nya17a
༄#། །ཉུང་ངུ་དག་།ཅིའི་ཕྱིར་དགེ་སློང་རྣམས་ཀྱིས་ཚེ་དང་ལྡན་པ་ཁྱེད་ཀྱིས་བསླབ་པ་འདི་ལ་བསླབ་པར་བྱའོ། །ཞེས་བསྒོ་བ་ན། དེ་དེ་དག་ལ་འདི་སྐད་ཅེས། བདག་ཅག་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་འདྲིའི། བར་དུ་བྱིས་པ་རྨོངས་པ། མི་གསལ་བ། མི་མཁས་པ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་སྨོད་པར་བྱེད་འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་།ཁྱེད་དགེ་སློང་རྣམས་ཀྱིས། ཚེ་དང་ལྡན་པ་དག་ཁྱེད་ཀྱིས་བསླབ་པ་འདི་ལ་བསླབ་པར་བྱའོ། ། ཞེས་བསྒོ་བ་ན། དེ་དག་ལ་འདི་སྐད་ཅེས། བདག་ཅག་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་འདྲིའི། བར་དུ་བྱིས་པ། རྨོངས་པ། མི་གསལ་བ། མི་མཁས་པ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་ཟེར་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་
Nya17b
ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དག་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་རྣམས་ཀྱིས་ཚེ་དང་ལྡན་པ་ཁྱོད་ཀྱིས་བསླབ་པ་འདི་ལ་བསླབ་པར་བྱའོ། །ཞེས་བསྒོ་བ་ན། དེ་དག་ལ་འདི་སྐད་ཅེས། བདག་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་ཡང་འདྲིའི། བར་དུ་བྱིས་པ། རྨོངས་པ། མི་གསལ་བ། མི་མཁས་པ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་པོ། །ཞེས་ཟེར་ན། ལྟུང་བྱེད་དོ། །དགེ་སློང་ཀུན་ཤེས་པར་འདོད་པས་ཀྱང་བསླབ་པ་དེ་ལ་བསླབ་པར་བྱའོ། །དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་ཡང་དྲི་བར་བྱ་སྟེ། དེ་ལ་དེ་ནི། ཆོ་ག་ཡིན་ནོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་རྣམས་ཀྱིས་ཞེས་བྱ་བ་ནི། ཆོས་འདི་པ་རྣམས་ཀྱིས་སོ། །ཚེ་དང་ལྡན་པ་ཁྱོད་ཀྱིས་བསླབ་པ་འདི་ལ་བསླབ་པར་བྱའོ། །ཞེས་བསྒོ་བ་ན་ཞེས་བྱ་བ་ནི། བསླབ་པ་གང་ཡིན་པ་དེ་ལའོ། །དེ་དག་ལ་ཞེས་བྱ་བ་ནི། དགེ་
Nya18a
༄#། །སློང་དེ་དག་ལའོ། །འདི་སྐད་ཅེས་ཞེས་བྱ་བ་ནི་འདི་སྐད་ཅེས་ཟེར་ནའོ། །དགེ་སློང་མདོ་སྡེ་འཛིན་པ་ཞེས་བྱ་བ་ནི་མདོ་སྡེ་མཐའ་དག་འཛིན་པ་གང་དག་ཡིན་པ་རྣམས་སོ། །འདུལ་བ་འཛིན་པ་ཞེས་བྱ་བ་ནི་འདུལ་བ་མཐའ་དག་འཛིན་པ་གང་དག་ཡིན་པ་རྣམས་སོ། །མ་མོ་འཛིན་པ་རྣམས་ལ་འདྲིའི། །བར་དུ་ཞེས་བྱ་བ་ནི་མ་མོ་མཐའ་དག་འཛིན་པ་གང་དག་ཡིན་པ་རྣམས་ལའོ། །བྱིས་པ་ཞེས་བྱ་བ་ལ། བྱིས་པ་ཞེས་བྱ་བ་ནི་ཉེས་པར་བསམ་པ་སེམས་པ་དང ། ཉེས་པར་སྨྲ་བ་བརྗོད་པ་དང ། ཉེས་པར་བྱ་བའི་ལས་བྱེད་པའོ། །རྨོངས་པ་ཞེས་བྱ་བ་ལ། །རྨོངས་པ་ཞེས་བྱ་བ་ནི་མདོ་སྡེ་འཛིན་པ་མ་ཡིན་པ་དང ། འདུལ་པ་འཛིན་པ་མ་ཡིན་པ་དང ། མ་མོ་འཛིན་པ་མ་ཡིན་པའོ། །མི་གསལ་བ་ཞེས་བྱ་བ་ལ། མི་གསལ་བ་ཞེས་བྱ་བ་ནི་མདོ་སྡེ་ལ་མི་གསལ་བ་དང ། འདུལ་བ་ལ་མི་གསལ་བ་དང ། མ་མོ་ལ་མི་གསལ་བའོ། །མི་མཁས་པ་ཞེས་བྱ་བ་ལ། མི་མཁས་པ་ཞེས་བྱ་བ་ནི་མདོ་སྡེ་ལ་མི་མཁས་པ་དང ། འདུལ་བ་ལ་མི་མཁས་པ་དང ། མ་མོ་ལ་མི་མཁས་པའོ། །ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་ཟེར་ན་ཞེས་བྱ་བ་ནི་དེ་སྐད་ཅེས་ཟེར་ནའོ། །ལྟུང་བྱེད་དོ། །ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་
Nya18b
ན།་དགེ་བའི་ཆོས་རྣམས་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དགེ་སློང་ཀུན་ཤེས་པར་འདོད་པས་ཀྱང་བསླབ་པ་དེ་ལ་བསླབ་པར་བྱའོ། །དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་ཡང་དྲི་བར་བྱ་སྟེ། དེ་ལ་དེ་ནི་ཆོ་ག་ཡིན་ནོ། །ཞེས་བྱ་བ་ནི་དེ་ལ་དེ་ནི་རྗེས་སུ་མཐུན་པའི་ཆོས་ཡིན་པའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་སློང་རྣམས་ཀྱིས་ཚེ་དང་ལྡན་པ་ཁྱོད་ཀྱིས་བསླབ་པ་འདི་ལ་བསླབ་པར་བྱའོ། །ཞེས་བསྒོ་བ་ན། དེ་དག་ལ་འདི་སྐད་ཅེས། བདག་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་འདྲིའི། བར་དུ་བྱིས་པ། རྨོངས་པ། མི་གསལ་བ། མི་མཁས་པ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་ཟེར་ན། ཐམས་ཅད་དུ་ལྟུང་བྱེད་དུ་འགྱུར་རོ། །བྱིས་པ་ཁྱོད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་ཟེར་ན། ལྟུང་བྱེད་དུ་འགྱུར་རོ། །རྨོངས་པ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་ཟེར་ན། ལྟུང་བྱེད་དུ་འགྱུར་རོ། །མི་གསལ་བ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་ཟེར་ན། ལྟུང་བྱེད་དུ་འགྱུར་རོ། །མི་མཁས་པ་ཁྱེད་ཀྱི་ཚིག་གིས་བསླབ་པ་འདི་ལ་མི་སློབ་བོ། །ཞེས་ཟེར་ན།་ལྟུང་བྱེད་དུ་འགྱུར་རོ། །ཡང་དག་པ་ཁོ་ནར་བྱིས་པ་དང ། རྨོངས་པ་དང ། མི་གསལ་བ་དང ། མི་མཁས་པ་ཡིན་ན། ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་
Nya19a
༄#། །པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསླབ་པ་ལ་ཉེ་བར་འཇོག་པ་སྤོང་བའི་ལྟུང་བྱེད་དེ། བདུན་ཅུ་ལྔ་བ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་འཆར་ཀས་ནི། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས། ཚེ་དང་ལྡན་པ་འདུན་པ་ནི། ཀོའུ་ཤམྦྷིར་སོང་སྟེ་སྙིང་ལས་ཆུང་ངུར་འདུག་།འགྲོ་མགྱོགས་དང་ནབ་སོ་གཉིས་ནི། དུས་ལ་བབ། དགའ་བོ་དང་ཉེ་དགའ་གཉིས་ནི། དགེ་འདུན་གྱི་ནང་ན་འདུག་པ་དེའི་ཚེ་ན། བཅུ་བདུན་སྡེའི་ཚོགས་དག་འདུག་ཅིང་ཕ་རོལ་གནོན་པ་དང ། མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པར་གྱུར་ནས་དེ་དག་གིས་སྨྲས་པ། ཚེ་དང་ལྡན་པ་དག་།བདག་ཅག་ཡུན་རིང་པོ་ནས་དྲུག་སྡེ་དག་གིས་མཐོ་བཙམས་ཏེ། ཇི་ལྟར་དགའ་བོ་དང་ཉེ་དགའ་གཉིས་ཀྱིས་མཐོ་བཙམས་པ་ལྟར་ཡང་གཞན་གྱིས་མ་བཙམས་ལ། ཇི་ལྟར་ཉེ་དགས་མཐོ་བཙམས་པ་ལྟར་ཡང་དགའ་བོས་མ་བཙམས་ཀྱི། དེ་གནས་ནས་དབྱུང་བའི་ལས་བྱའོ། །དེ་དག་གིས་སྨྲས་པ། འདིའི་ཕུ་བོ་རྩོད་པ་ལ་མཁས་པ་ཡིན་གྱི། ཚུར་ཤོག་།ཇེ་གྲོས་བྱའོ། །ཞེས་དེ་དག་དཔོང་སའི་ཁང་པར་ཞུགས་ཏེ་སྒོ་བཅད་ནས་གྲོས་བྱ་བར་བརྩམས་པ་དང ། ཉེ་དགའ་སྐར་ཁུང་ན་ཉན་ཅིང་དེས་དེ་དག་བསྡིགས་ཏེ། ཀྱེ་མ་བཅུ་བདུན་སྡེ་དག་།ཅི་གྲོས་བྱེད། ཁོ་བོའི་ཚངས་པ་
Nya19b
མཚུངས་པར་སྤྱོད་པ་ཁ་ཅིག་ནི། ཡོངས་སུ་མྱ་ངན་ལས་འདས། ཁ་ཅིག་ནི། སྙིང་ལས་ཆུང་ངུ་ཁོ་ནར་འདུག་།ཁ་ཅིག་ནི། དུས་ལ་བབ་པས་ད་འདི་གནས་ནས་དབྱུང་བའི་ལས་བྱའོ། །སྙམ་དུ་སེམས་སམ་ཅི། ཁྱེད་ཀྱིས་ད་ཁོ་བོ་ཅག་ཟིལ་གྱིས་མནན་ཏེ་འཁོད་སྙམ་མམ། ཁོ་བོ་ཅག་གིས་ཀྱང་ཁྱེད་ལ་མཚམས་ཆེན་པོ་གཅད་པར་བྱའོ། །ཁྱེད་ཀྱིས། གླང་པོའི་ཐག་པ་ཉི་མ་དང ། །རླུང་གིས་ཡོངས་སུ་བསྐམས་གྱུར་ཅིང ། ། གླང་པོའི་གཉའ་ནས་ལྷུང་གྱུར་ཀྱང ། །ལུག་ནི་ལྔ་བརྒྱས་དྲང་བར་བྱ། །ཞེས་བྱ་བ་མ་ཐོས་སམ་ཞེས་བསྡིགས་པ་དང ། དེ་དག་གིས་བསམ་པ། འདིས་བདག་ཅག་གྲོས་བྱེད་པ་འཕྲིགས་ཀྱི། གཞན་དུ་འདོང་ངོ ། །ཞེས་དེ་དག་མེ་ཁང་དུ་ཞུགས་ཏེ་གྲོས་བྱ་བར་བརྩམས་པ་དང ། ཉེ་དགའ་ཡང་དེར་འཇབ་ཅིང་འོངས་ཏེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་སྟེང་ཁང་དུ་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་བར་ཁང་དུ་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་བར་ཁང་དུ་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་འོག་ཏུ་འདུག་སྟེ་ཉན་ཅིང ། དེས་དེང་ཡང་དེ་བཞིན་དུ་བསྡིགས་སོ། །དེ་དག་གནས་ཁང་དུ་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་ཁྱམས་སུ་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་ཁྱམས་སུ་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་གནས་ཁང་དུ་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་སྒོ་ཁང་དུ་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་བང་རིམ་
Nya20a
༄#། །དུ་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་བང་རིམ་དུ་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་སྒོ་ཁང་དུ་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་འཆག་སར་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་སྤན་སྤུན་དག་གིས་ནང་དུ་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། ། དེ་དག་སྤན་སྤུན་དག་གི་ནང་དུ་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་འཆག་སར་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་དགོན་པར་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་ཚང་ཚིང་དག་གི་ནང་དུ་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་ཚང་ཚིང་དག་གི་ནང་དུ་འཁོད་དེ་གྲོས་བྱ་བར་བརྩམས་པ་དང ། ཉེ་དགའ་དགོན་པར་འདུག་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་སོ། །དེ་དག་ལམ་ནས་འདོང་ཞིང་གྲོས་བྱ་བར་བརྩམས་པ་དང ། ཉེ་དགའ་ཕྱི་བཞིན་སོང་སྟེ་ཉན་ཅིང ། དེས་དེར་ཡང་དེ་བཞིན་དུ་བསྡིགས་ནས་དེ་དག་གིས་སྨྲས་པ། ཚེ་དང་ལྡན་པ་དག་།བདག་ཅག་གིས་འདི་གནས་ནས་དབྱུང་བའི་ལས་བྱ་བར་མི་ནུས་ཀྱི། འདི་ལ་བཟོད་པ་གསོལ་བར་བྱའོ། ། ཞེས་དེ་དག་གིས་དེ་ལ་སྨྲས་པ། བཙུན་པ་ཉེ་དགའ། བདག་ཅག་ལ་བཟོད་པར་མཛོད་ཅིག་།ཉེ་དགས་སྨྲས་པ། བཟོད་པར་བྱའོ། །དེ་དག་གིས་དེ་ལ་དྲིས་པ། ཁྱོད་ཀྱིས་ཁོ་བོ་ཅག་གྲོས་བྱེད་པ་
Nya20b
ཇི་ལྟར་ཤེས། ཉེ་དགས་སྨྲས་པ། གང་གི་ཚེ་ཁྱེད་ཅག་དཔོང་སའི་ཁང་པར་ཞུགས་ཏེ་གྲོས་བྱེད་པ་དེའི་ཚེ་ན། ཁོ་བོས་སྐར་ཁུང་ནས་མཉན་ཏོ། །གང་གི་ཚེ་ཁྱེད་ཅག་མེ་ཁང་དུ་ཞུགས་ཏེ་གྲོས་བྱེད་པ་དེའི་ཚེ་ན་ཁོ་བོས་བཞབས་ཏེ་མཉན་ཏོ། །གང་གི་ཚེ་ཁྱེད་ཅག་སྟེང་ཁང་དུ་འཁོད་ཏེ་གྲོས་བྱེད་པ་དེའི་ཚེ་ན། ཁོ་བོས་བར་ཁང་དུ་འདུག་སྟེ་མཉན་ཏོ། །གང་གི་ཚེ་ཁྱེད་ཅག་བར་ཁང་དུ་འཁོད་དེ་གྲོས་བྱེད་པ་དེའི་ཚེ་ན། ཁོ་བོས་འོག་ཁང་དུ་འདུག་སྟེ་མཉན་ཏོ། །གང་གི་ཚེ་ཁྱེད་ཅག་གནས་ཁང་དུ་འཁོད་དེ་གྲོས་བྱེད་པ་དེའི་ཚེ་ན། ཁོ་བོས་ཁྱམས་སུ་འདུག་སྟེ་མཉན་ཏོ། །གང་གི་ཚེ་ཁྱེད་ཅག་ཁྱམས་སུ་འཁོད་དེ་གྲོས་བྱེད་པ་དེའི་ཚེ་ན། ཁོ་བོས་གནས་ཁང་དུ་འདུག་སྟེ་མཉན་ཏོ། །གང་གི་ཚེ་ཁྱེད་ཅག་སྒོ་ཁང་དུ་འཁོད་དེ་གྲོས་བྱེད་པ་དེའི་ཚེ་ན། ཁོ་བོས་བང་རིམ་དུ་འདུག་སྟེ་མཉན་ཏོ། །གང་གི་ཚེ་ཁྱེད་ཅག་བང་རིམ་དུ་འཁོད་དེ་གྲོས་བྱེད་པ་དེའི་ཚེ་ན། ཁོ་བོས་སྒོ་ཁང་དུ་འདུག་སྟེ་མཉན་ཏོ། །གང་གི་ཚེ་ཁྱེད་ཅག་འཆག་སར་འཁོད་དེ་གྲོས་བྱེད་པ་དེའི་ཚེ་ན་ཁོ་བོས་སྤན་སྤུན་དག་གི་ནང་དུ་འདུག་སྟེ་མཉན་ཏོ། །གང་གི་ཚེ་ཁྱེད་ཅག་སྤན་སྤུན་དག་གི་ནང་དུ་འཁོད་དེ་གྲོས་བྱེད་པ་དེའི་ཚེ་ན། ཁོ་བོས་འཆག་སར་འདུག་སྟེ་མཉན་ཏོ། །གང་ཏི་ཚེ་ཁྱེད་ཅག་དགོན་པར་འཁོད་དེ་གྲོས་བྱེད་པ་དེའི་ཚེ་ན། ཁོ་བོས་ཚང་ཚིང་དག་གི་ནང་དུ་འདུག་སྟེ་མཉན་ཏོ། །གང་གི་ཚེ་ཁྱེད་ཅག་ཚང་ཚིང་དག་གི་ནང་དུ་འཁོད་དེ་གྲོས་བྱེད་པ་དེའི་ཚེ་ན། ཁོ་བོས་དགོན་པར་འདུག་སྟེ་མཉན་ཏོ། །གང་གི་ཚེ་ཁྱེད་ཅག་ལམ་ནས་འདོང་
Nya21a
༄#། །ཞིང་གྲོས་བྱེད་པ་དེའི་ཚེ་ན། ཁོ་བོས་ཕྱི་བཞིན་སོང་སྟེ་མཉན་ཏོ། །དེ་དག་གིས་སྨྲས་པ། ཁྱེད་ཉན་རྣས་འདུག་ཏུ་རུང་ངམ། ཉེ་དགས་སྨྲས་པ། གལ་ཏེ་ཁོ་བོས་ཁྱེད་ཅག་གྲོས་བྱེད་པའི་ཚེ་ཉན་རྣས་འདུག་པར་མ་གྱུར་ཏུ་ཟིན་ན། ཁྱེད་ཅག་གིས་ཁོ་བོ་གནས་ནས་དབྱུང་བའི་ལས་བྱས་པར་གྱུར་ཏོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་།དགེ་སློང་རྣམས་འཐབ་པར་གྱུར། མཚང་འདྲུ་བར་གྱུར། མི་མཐུན་པར་གྱུར། རྩོད་པར་གྱུར་ཅིང་འཁོད་པ་ལ། དགེ་སློང་འདི་དག་ཇི་སྐད་ཟེར་བ་དེ་བདག་གིས་མཉན་ཏེ་དེ་ལྟ་དེ་ལྟར་རྗེས་སུ་ཐ་སྙད་གདགས་པར་བྱའོ། །སྙམ་པ་དེ་ཉིད་རྐྱེན་དུ་བྱས་ཏེ། ཅང་མི་སྨྲ་བར་ཉན་རྣས་འདུག་པར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཤཱཀྱའི་བུ་ཉེ་དགའ་ལ་རྨས་པ། ཉེ་དགའ་།ཁྱོད་དགེ་སློང་རྣམས་འཐབ་པར་གྱུར། མཚང་འདྲུ་བར་གྱུར། མི་མཐུན་པར་གྱུར། རྩོད་པར་གྱུར་ཅིང་འཁོད་པ་ལ། དགེ་སློང་འདི་དག་ཇི་སྐད་ཟེར་བ་དེ་བདག་གིས་
Nya21b
མཉན་ཏེ་དེ་ལྟ་དེ་ལྟར་རྗེས་སུ་སྙད་གདགས་པར་བྱའོ། །སྙམ་པ་དེ་ཉིད་རྐྱེན་དུ་བྱས་ཏེ་ཅང་མི་སྨྲ་བར་ཉན་རྣས་འདུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་རྣམས་འཐབ་པར་གྱུར། མཚང་འདྲུ་བར་གྱུར། མི་མཐུན་པར་གྱུར། རྩོད་པར་གྱུར་ཅིང་འཁོད་པ་ལ། དགེ་སློང་འདི་དག་ཇི་སྐད་ཟེར་བ་དེ་བདག་གིས་མཉན་ཏེ། དེ་ལྟ་དེ་ལྟར་རྗེས་སུ་ཐ་སྙད་གདགས་པར་བྱའོ། །སྙམ་པ་དེ་ཉིད་རྐྱེན་དུ་བྱས་ཏེ་ཅང་མི་སྨྲ་བར་ཉན་རྣས་འདུག་ན། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་རྣམས་ཞེས་བྱ་བ་ནི། ཆོས་འདི་བ་རྣམས་སོ། །འཐབ་པར་གྱུར། མཚང་འདྲུ་བར་གྱུར། མི་མཐུན་པར་གྱུར། རྩོད་པར་གྱུར་ཅིང་འཁོད་པ་ལ་ཞེས་བྱ་བ་ནི། ཕྱོགས་དང ། གཞན་གྱི་ཕྱོགས་སུ་རྣམ་པར་གནས་པ་
Nya22a
༄#། །ལའོ། །དགེ་སློང་འདི་དག་ཇི་སྐད་ཟེར་བ་དེ་བདག་གིས་མཉན་ཏེ་དེ་ལྟ་དེ་ལྟར་རྗེས་སུ་ཐ་སྙད་གདགས་པར་བྱའོ། །སྙམ་པ་ཞེས་བྱ་བ་ནི། དེ་ལྟ་བུའི་བསམ་པས། གཉེན་པོས་དེ་ལྟ་དེ་ལྟར་ཕ་རོལ་གནོན་པར་བྱའོ། །སྙམ་པའོ། །དེ་ཉིད་རྐྱེན་དུ་བྱས་ཏེ་ཞེས་བྱ་བ་ནི། གཞན་མ་ཡིན་པའོ། །ཅང་མི་སྨྲ་བར་ཉན་རྣས་འདུག་ན་ཞེས་བྱ་བ་ནི། ཅང་མི་སྨྲ་བར་རྣ་གཏད་པས་འདུག་ནའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། ། དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་དག་སྟེང་ཁང་ན་གྲོས་བྱེད་ཅིང་དགེ་སློང་དག་འཛེག་ན། དགེ་སློང་དེས་རྟིང་སྒྲའམ། སེ་གོལ་གྱི་སྒྲའམ། མགུལ་བསལ་བའི་སྒྲ་བྱའོ། །རྟིང་སྒྲ་འམ། སེ་གོལ་གྱི་སྒྲའམ། མགུལ་བསལ་བའི་སྒྲ་མི་བྱེད་ན། ཇི་སྲིད་དུ་སྒྲ་དེ་ཐོས་ཤིང་དོན་མ་གོ་བའི་བར་དུ་དགེ་སློང་ལ་ཉེས་བྱས་སུ་འགྱུར་ལ། སྒྲའི་དོན་གོ་ན། ལྟུང་བྱེད་དུ་འགྱུར་རོ། །དགེ་སློང་དག་པར་ཁང་དང ། འོག་ཁང་དང ། གནས་ཁང་དང ། ཁྱམས་དང ། སྒོ་ཁང་དང ། བང་རིམ་དང ། འཆག་ས་དང ། དགོན་པ་དང ། ལམ་ནས་འགྲོ་ཞིང་གྲོས་བྱེད་ལ། དགེ་སློང་ཡང་ཕྱི་བཞིན་
Nya22b
འགྲོ་ན། དགེ་སློང་དེས་རྟིང་སྒྲའམ། སེ་གོལ་གྱི་སྒྲའམ། མགུལ་བསལ་བའི་སྒྲ་བྱའོ། །རྟིང་སྒྲའམ། སེ་གོལ་གྱི་སྒྲའམ། མགུལ་བསལ་བའི་སྒྲ་མི་བྱེད་ན། ཇི་སྲིད་དུ་སྒྲ་ཐོས་ལ་དོན་མ་གོ་བའི་བར་དུ་དགེ་སློང་ལ་ཉེས་བྱས་སུ་འགྱུར་ལ། སྒྲའི་དོན་གོ་ན། ལྟུང་བྱེད་དུ་འགྱུར་རོ། །ནང་དང་བཅས་པ་མ་ཡིན་པ་དང ། གྱ་ཙོམ་དུ་འཇུག་པ་དང ། མཉན་ནས་ཉེ་བར་ཞི་བར་བྱའོ། །སྙམ་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཉན་རྣ་ལས་གྱུར་པའི་ལྟུང་བྱེད་དེ། བདུན་ཅུ་དྲུག་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་རེ་བཞི་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་འཆར་ཀས་ནི། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས། ཚེ་དང་ལྡན་པ་འདུན་པ་ནི། ཀོའུ་ཤམྦྷིར་སོང་སྟེ་སྙིང་ལས་ཆུང་ངུར་འདུག་།འགྲོ་མགྱོགས་དང ། ནབས་སོ་གཉིས་ནི། དུས་ལ་བབ། དགའ་བོ་དང ། ཉེ་དགའ་གཉིས་ནི། དགེ་འདུན་གྱི་ནང་ན་འདུག་པ་དེའི་ཚེ་ན་བཅུ་བདུན་སྡེའི་ཚོགས་དག་གདུག་ཅིང་ཕ་རོལ་གནོན་པ། མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པར་གྱུར་ནས་དེ་དག་གིས་སྨྲས་པ། ཚེ་དང་ལྡན་པ་དག་།བདག་ཅག་ཡུན་རིང་པོ་ནས་དྲུག་སྡེ་དག་གིས་མཐོ་བཙམས་ཏེ། ཇི་ལྟར་དགའ་བོ་དང ། ཉེ་དགའ་གཉིས་ཀྱིས་མཐོ་བཙམས་པ་ལྟར་ཡང་གཞན་གྱིས་མ་བཙམས་
Nya23a
༄#། །ལ།་ཇི་ལྟར་ཉེ་དགས་མཐོ་བཙམས་པ་ལྟར་ཡང་དགའ་བོས་མ་བཙམས་ཀྱི། དེ་གནས་ནས་དབྱུང་བའི་ལས་བྱའོ། །དེ་ན་ཁ་ཅིག་གིས་སྨྲས་པ། འདིའི་ཕུ་བོ་དགའ་བོ་རྩོད་པ་ལ་མཁས་པ་ཡིན་པས། བདག་ཅག་གིས་འདི་གནས་ནས་དབྱུང་བའི་ལས་བྱ་བར་མི་ནུས་སོ། །ཁ་ཅིག་གིས་སྨྲས་པ། གཅིག་སྨྲ་བ་ན། གཉིས་ཀྱིས་མཉན་པར་མི་བྱའོ། །ཆོགས་སྨྲ་ན། ཚོགས་ནི། རྒྱལ་པོ་དང་འདྲ་བས་གལ་ཏེ་དེ་ཅུང་ཟད་སྨྲ་བར་གྱུར་ན། དེའི་ཚེ་གནས་ནས་དབྱུང་བའི་ལས་བྱའོ། །ཞེས་དེ་དག་གིས་གནས་མལ་བཤམས་ནས་གཎྜི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོས་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། གླེང་བ་པོ་རྒན་པའི་མཐའ་ལོགས་སུ་འདུག་སྟེ་སྨྲས་པ། བཙུན་པ་ཉེ་དགའ། ཁྱོད་ཀྱིས་བཅུ་བདུན་སྡེའི་ཚོགས་དག་གིས་ལྟོ་དྲལ་སྟེ་རྒྱུ་མ་དག་གིས་རྒྱལ་བྱེད་ཀྱི་ཚལ་བསྐོར་བར་བྱའོ། །ཞེས་བྱ་བ་དེ་ལྟ་བུའི་ཚིག་སྨྲ་བ་གང་ཡིན་པ་དེ་དྲན་ནམ། ཉེ་དགས་སྨྲས་པ། ཚེ་དང་ལྡན་པ་དག་།དེ་ནི། དོན་འདས་པ་ཡིན་ན། རྨ་སོས་པ་གླེང་སྟེ་ཅི་བྱ། དེ་དག་གིས་སྨྲས་པ། བཅོམ་ལྡན་འདས་ནི། འདས་པའི་དོན་ཁོ་ན་ལ་བརྟེན་ནས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དོ། །དགའ་བོས་ཕྱིར་ཟློག་པར་བརྩམས་པ་དང ། དེ་དག་གིས་སྨྲས་པ། གང་གཅིག་ཕྱིར་ཟློག་པར་བྱེད་པ་དེ་ཡང་གནས་ནས་དབྱུང་བའི་ལས་བྱའོ། །དགའ་བོས་བསམ་པ། འདི་དག་གི་བྱེད་སྟངས་
Nya23b
ལས་ན། བདག་ལ་ཡང་གནས་ནས་འབྱིན་པའི་ལས་བྱེད་པར་འགྱུར་ན། མ་ལེགས་པར་འགྱུར་རོ། །སྙམ་ནས། དེ་དགུན་གྱི་དུས་ལ་བབ་པས། ལ་བ་ཞིག་གྱོན་ཏེ་དེས་ལ་བ་དེ་རྩིག་དྲུང་དུ་བསླང་སྟེ་བཞག་ནས་ཅང་མི་སྨྲ་བར་སྟན་ལས་ལངས་ཏེ་སོང་ངོ ། །དེ་དག་གིས་སྨྲས་པ། ཚེ་དང་ལྡན་པ་དག་འདོད་པ་སྨྲོས་ཤིག་།ཅེས་དེ་དག་གིས་གྱ་ཙོམ་དུ་ཉེ་དགའ་གནས་ནས་དབྱུང་བའི་ལས་བྱས་སོ། །དེ་གནས་ནས་དབྱུང་བའི་ལས་བྱས་པ་ན། ངུ་ཞིང་ཕུ་བོའི་གན་དུ་སོང་བ་དང ། དགའ་བོས་སྨྲས་པ། ཉེ་དགའ་ཅིའི་ཕྱིར་དུ། ལྷུང་བཟེད་ནག་པོ་ཅན་དག་གིས་གནས་ནས་དབྱུང་བའི་ལས་བྱས་སོ། །དགའ་བོས་སྨྲས་པ། གང་དག་གིས་ཁོ་བོའི་ནུ་བོ་གནས་ནས་དབྱུང་བའི་ལས་བྱས་པ་དེ་དག་གྲོང་དང ། གྲོང་ཁྱེར་དང ། ཁམས་གསུམ་ནས་གནས་ནས་ཕྱུང་བར་གྱུར་ཅིག་།འོན་ཀྱང་གནས་ནས་དབྱུང་བའི་ལས་བྱས་པ་དག་ལ་གྲོང་དང ། གྲོང་ཁྱེར་མེད་དམ་ཅི། སྡོད་ལ་ཕྱིས་བཟོད་པ་གསོལ་ཅིག་།འདི་ལྟར། དེ་དག་གིས་མི་མཐུན་པ་ཁོ་ནར་ལས་བྱས་སོ། །སུ་ཞིག་དེར་མ་འོངས། དགའ་བོས་སྨྲས་པ། ཁོ་བོའོ། །བདག་གིས་དེ་ན་རྒན་པའི་མཐའ་ལེགས་ན།་སློབ་དཔོན་གྱི་སྒྲ་ཐོས་སོ། །དགའ་བོས་སྨྲས་པ། གང་གི་ཚེ་དེ་དག་ན་རེ། གང་གཅིག་ཕྱིར་ཟློག་པར་བྱེད་པ་དེ་ཡང་གནས་ནས་དབྱུང་བའི་ལས་བྱའོ། །ཞེས་ཟེར་བ་དེའི་ཚེ་ན་ཁོ་བོས་བསམ་པ། འདི་དག་གི་བྱེད་སྟངས་ལས་ན། བདག་ལ་ཡང་གནས་ནས་འབྱིན་པའི་ལས་བྱེད་པར་གྱུར་ན། མ་ལེགས་པར་འགྱུར་རོ། །སྙམ་ནས། ཁོ་བོ་དགུན་གྱི་དུས་ལ་བབ་པས། ལ་བ་ཞིག་གྱོན་ཏེ་ཁོ་བོས་ལ་བ་དེ་རྩིག་དྲུང་དུ་བསླང་སྟེ་
Nya24a
༄#། །བཞག་ནས་ཅང་མི་སྨྲ་བར་སྟན་ལས་ལངས་ཏེ་སོང་ངོ ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་དགེ་འདུན་གྱི་ཆོས་དང་ལྡན་པའི་གཏམ་རྣམ་པར་གཏན་ལ་འབེབས་པར་བྱུང་ན། ཅང་མི་སྨྲ་བར་སྟན་ལས་ལངས་ཏེ་འགྲོ་བར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱི་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། །མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཤཱཀྱའི་བུ་དགའ་བོ་ལ་རྨས་པ། དགའ་བོ། ཁྱོད་དགེ་འདུན་གྱི་ཆོས་དང་ལྡན་པའི་གཏམ་རྣམ་པར་གཏན་ལ་འབེབས་པ་བྱུང་ན། ཅང་མི་སྨྲ་བར་སྟན་ལས་ལངས་ཏེ་འགྲོ་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་
Nya24b
པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་ཆོས་དང་ལྡན་པའི་གཏམ་རྣམ་པར་གཏན་ལ་འབེབས་པ་བྱུང་བ་ན་ཅང་མི་སྨྲ་བར་སྟན་ལས་ལངས་ཏེ་འགྲོ་ན་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །དགེ་སློང་ནད་ངན་ཅན་དག་འཁོད་པ་དེ་དག་གིས་ཡུན་རིང་དུ་འདུག་པར་མི་ནུས་པ་ན། དགེ་སློང་ནད་གཡོག་དག་གིས་ཀྱང ། ནད་པ་དག་གི་བྱ་བ་ཉམས་པར་བྱེད། དགེ་སློང་ཞལ་ལྟ་བྱེད་པ་དག་གིས་ཀྱང་དགེ་འདུན་གྱི་བྱ་བ་ཉམས་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་འདུག་པ་ལ་སྨྲས་ཏེ་འགྲོ་བར་བྱའོ། །བཅོམ་ལྡན་འདས་ཀྱིས་དགེ་སློང་འདུག་པ་ལ་སྨྲས་ཏེ་འགྲོ་བར་བྱའོ། །ཞེས་བཀའ་སྩལ་ནས། དགེ་སློང་ཞིག་གིས་ཁྱིམ་གཞན་དུ་ལྷུང་བཟེད་དང ། ཆོས་གོས་བཞག་ནས་ཇི་ཙམ་ན་དེར་མེ་ཤོར་ནས་དགེ་སློང་དེས་དེར་འགྲོ་བར་བརྩམས་ཏེ་དེ་ལམ་གྱི་ཕྱེད་དུ་ཕྱིན་པ་དང་བདག་གིས་དགེ་སློང་འདུག་པ་ལ་མ་སྨྲས་སོ། །སྙམ་པའི་དྲན་པ་སྐྱེས་ནས་དེ་ཕྱིར་ལོག་སྟེ་ཇི་སྲིད་དུ་དགེ་སློང་འདུག་པ་ལ་སྨྲ་བར་བྱེད་པ་དེ་སྲིད་དུ་དེའི་ལྷུང་བཟེད་དང ། ཆོས་གོས་ཚིག་ནས་དེ་དེར་སོང་བ་དང་ཁྱིམ་བདག་གིས་སྨྲས་པ། འཕགས་པ། ཁྱོད་ཅིའི་སླད་དུ་འཕྱིས་ཏེ་བྱོན། དེས་ན། ཁྱོད་ཀྱི་ལྷུང་བཟེད་དང ། ཆོས་གོས་ཚིག་གི་།གལ་ཏེ་ཁྱོད་མྱུར་དུ་བྱོན་པར་གྱུར་ན། ཁྱོད་ཀྱི་ལྷུང་བཟེད་དང ། ཆོས་གོས་ཚིག་
Nya25a
༄#། །པར་མི་འགྱུར་རོ། །ཞེས་ཟེར་ཞིང ། དགེ་སློང་དེ་ཡང་ཕོངས་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དེ་འདྲ་བའི་རྐྱེན་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་ཆོས་དང་ལྡན་པའི་གཏམ་རྣམ་པར་གཏན་ལ་འབེབས་པ་བྱུང་བ་ན། ཅང་མི་སྨྲ་བར་སྟན་ལས་ལངས་ཏེ་འགྲོ་ཞིང་དགེ་སློང་འདུག་པ་ལ་མི་སྨྲ་ན། དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་དགའ་བོའམ། གཞན་ཡང་དེ་ལྟ་བུ་གང་ཡིན་པའོ། །དགེ་འདུན་གྱི་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །ཚེ་དང་ལྡན་པའི་གཏམ་རྣམ་པར་གཏན་ལ་འབེབས་པ་བྱུང་བ་ན་ཞེས་བྱ་བ་ནི། གསོལ་པ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱུང་བ་ནའོ། །ཅང་མི་སྨྲ་བར་སྟན་ལས་ལངས་ཏེ་འགྲོ་ཞིང་ཞེས་བྱ་བ་ནི། ཐོས་པའི་ཉེ་འཁོར་
Nya25b
ལས་འདས་ཏེ་འགྲོ་ཞིང་ངོ ། །དགེ་སློང་འདུག་པ་ལ་མི་སྨྲ་ན་ཞེས་བྱ་བ་ནི། དེ་ན་དགེ་སློང་གང་འདུག་པ་ལའོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི། དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་ཇི་ཙམ་ཅུང་ཟད་དགེ་འདུན་གྱི་ཆོས་དང་ལྡན་པའི་གཏམ་རྣམ་པར་གཏན་ལ་འབེབས་པ་བྱུང་བ་ན། ཅང་མི་སྨྲ་བར་སྟན་ལས་ལངས་ཏེ་འགྲོ་ཞིང་དགེ་སློང་འདུག་པ་ལ་མི་སྨྲ་ན། ཇི་སྲིད་ཐོས་པའི་ཉེ་འཁོར་ལས་མ་འདས་ཀྱི་བར་ཉེ་བྱས་སུ་འགྱུར་ལ། ཐོས་པའི་ཉེ་འཁོར་ལས་འདས་ན། ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མི་སྨྲ་བར་འགྲོ་བའི་ལྟུང་བྱེད་དེ། བདུན་བཅུ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །དེའི་ཚེ་ན་གླང་ཆེན་ལྷས་ཀྱི་བདག་པོའི་བུ་ནག་པ་དགེ་སློང་རབ་ཏུ་མང་པོ་དག་འདི་ལྟ་སྟེ། འདི་ནི། ཆོས་སོ། །འདི་ནི། འདུལ་བའོ། །འདི་ནི། སྟོན་པའི་བསྟན་པའོ། །ཞེས་རྩོད་པ་ཉེ་བར་ཞི་བར་བྱ་བ་འགའ་ཞིག་གི་ཕྱིར་དཔོང་སའི་ཁང་པར་འདུག་ཅིང་མཐུན་པར་གྱུར་པ་ན། གཅིག་པུས་དགེ་འདུན་
Nya26a
༄#། །ཟློག་པར་བྱེད། གཅིག་པུས་དགེ་འདུན་མི་མཐུན་པར་བྱེད་ཅིང ། རྩོད་པ་བཟུང་སྟེ་རྩོད་ཅིང་འདུག་ལ། གཏམ་གྱི་མཇུག་སྡོད་པར་མི་བྱེད། གུས་པར་མི་བྱེད། རྗེ་ས་མི་བྱེད་ཅིང ། ཕྱིར་སྨྲ་བར་བྱའོ། །སྙམ་དུ་སེམས་ནས། དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་།དགེ་སློང་རབ་ཏུ་མང་པོ་དག་འདི་ལྟ་སྟེ། འདི་ནི། ཆོས་སོ། །འདི་ནི། འདུལ་བའོ། །འདི་ནི། སྟོན་པའི་བསྟན་པའོ། ། ཞེས་རྩོད་པ་ཉེ་བར་ཞི་བར་བྱ་བ་འགའ་ཞིག་གི་ཕྱིར་དཔོང་སའི་ཁང་པར་འདུག་ཅིང་མཐུན་པར་གྱུར་པ་ན། གཅིག་པུས་དགེ་འདུན་ཟློག་པར་བྱེད། གཅིག་པུས་དགེ་འདུན་མི་མཐུན་པར་བྱེད་ཅིང ། རྩོད་པ་བཟུང་སྟེ་རྩོད་ཅིང་འདུག་ལ། གཏམ་གྱི་མཇུག་སྡོད་པར་མི་བྱེད། གུས་པར་མི་བྱེད། རྗེས་མི་བྱེད་ཅིང ། ཕྱིར་སྨྲ་བར་བྱའོ། །སྙམ་དུ་སེམས་ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་གླང་ཆེན་ལྷས་ཀྱི་བདག་པོའི་བུ་ནག་པ་ལ་རྨས་པ། དགེ་སློང ། ཁྱོད་དགེ་སློང་རབ་ཏུ་མང་པོ་དག་འདི་ལྟ་སྟེ། འདི་ནི། ཆོས་སོ། །འདི་ནི། འདུལ་བའོ། །འདི་ནི། སྟོན་པའི་བསྟན་པའོ། །ཞེས་རྩོད་པ་ཉེ་བར་ཞི་བར་བྱ་བ་འགའ་ཞིག་གི་ཕྱིར་དཔོང་སའི་ཁང་པར་
Nya26b
འདུག་ཅིང་མཐུན་པར་གྱུར་པ་ན། གཅིག་པུས་དགེ་འདུན་ཟློག་པར་བྱེད། གཅིག་པུས་དགེ་འདུན་མི་མཐུན་པར་བྱེད་ཅིང་རྩོད་པ་བཟུང་སྟེ་རྩོད་ཅིང་འདུག་ལ། གཏམ་གྱི་མཇུག་སྡོད་པར་མི་བྱེད། གུས་པར་མི་བྱེད། རྗེ་ས་མི་བྱེད་ཅིང ། ཕྱིར་སྨྲ་བར་བྱའོ། །སྙམ་དུ་སེམས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པར་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། གུས་པར་མི་བྱེད་ན། ལྟུང་བྱེད་དོ། །གུས་པར་མི་བྱེད་ན་ཞེས་བྱ་བ་ནི། གཉིས་ཀ་ལ་གུས་པར་མི་བྱེད་ན་སྟེ། དགེ་འདུན་དང ། གང་ཟག་ལའོ། །དེ་ལ་དགེ་འདུན་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་དང ། དགེ་འདུན་གྱི་ཐ་སྙད་པའོ། ། གང་ཟག་ནི། མཁན་པོ་དང ། སློབ་དཔོན་དག་གོ་།ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གི་
Nya27a
༄#། །དགེ་འདུན་གྱིས་འདུག་ཅིག་ཅེས་བསྒོ་བ་ན། མི་འདུག་ན། ལྟུང་བྱེད་དུ་འགྱུར་རོ། །མ་འདུག་ཅིག་ཅེས་བསྒོ་བ་ན། འདུག་ན། ལྟུང་བྱེད་དུ་འགྱུར་རོ། །སོང་ཞིག་ཅེས་བསྒོ་བ་ན། མི་འགྲོ་ན། ལྟུང་བྱེད་དུ་འགྱུར་རོ། །མ་འགྲོ་ཞིག་ཅེས་བསྒོ་བ་ན། འགྲོ་ན། ལྟུང་བྱེད་དུ་འགྱུར་རོ། །གནས་མལ་ལོངས་ཤིག་ཅེས་བསྒོ་བ་ན། མི་ལེན་ན། ལྟུང་བྱེད་དུ་འགྱུར་རོ། །གནས་མལ་མ་ལེན་གཅིག་ཅེས་བསྒོ་བ་ན། ལེན་ན། ལྟུང་བྱེད་དུ་འགྱུར་རོ། །གཙུག་ལག་ཁང་ལོངས་ཤིག་ཅེས་བསྒོ་བ་ན། མི་ལེན་ན། ལྟུང་བྱེད་དུ་འགྱུར་རོ། །གཙུག་ལག་ཁང་མ་ལེན་ཅིག་ཅེས་བསྒོ་བ་ན། ལེན་ན། ལྟུང་བྱེད་དུ་འགྱུར་རོ། །སྨྲོས་ཤིག་ཅེས་བསྒོ་བ་ན། མི་སྨྲ་ན། ལྟུང་བྱེད་དུ་འགྱུར་རོ། །མ་སྨྲ་ཞིག་ཅེས་བསྒོ་བ་ན། སྨྲ་ན། ལྟུང་བྱེད་དུ་འགྱུར་རོ། །ཆོས་དང་ལྡན་པར་ཤད་ཀྱིས་སྦྱང་བ་སྦྱིན་པར་བྱེད་ན། ལྟུང་བ་མེད་དོ། །དགེ་འདུན་གྱི་ཐ་སྙད་པས་བསྒོ་བ་ལ་ཡང་དེ་བཞིན་དུ་སྦྱར་རོ། །དགེ་སློང་མཁན་པོས་འདུག་ཅིག་ཅེས་བསྒོ་བ་ན། མི་འདུག་ན། ཉེས་བྱས་སུ་འགྱུར་རོ། །མ་འདུག་ཅིག་ཅེས་བསྒོ་བ་ན། འདུག་ན། ཉེས་བྱས་སུ་འགྱུར་རོ། །སོང་ཞིག་ཅེས་བསྒོ་བ་ན། མི་འགྲོ་ན། ཉེས་བྱས་སུ་འགྱུར་རོ། །མ་འགྲོ་ཞིག་ཅེས་བསྒོ་བ་ན། འགྲོ་ན། ཉེས་བྱས་སུ་འགྱུར་རོ། ། གནས་མལ་ལོངས་ཤིག་ཅེས་བསྒོ་བ་ན། མི་ལེན་ན། ཉེས་བྱས་སུ་འགྱུར་རོ། །གནས་མལ་མ་ལེན་ཅིག་ཅེས་བསྒོ་བ་ན། ལེན་ན། ཉེས་བྱས་སུ་འགྱུར་རོ། །གཙུག་ལག་ཁང་ལོངས་ཤིག་ཅེས་བསྒོ་བ་ན། མི་ལེན་ན། ཉེས་བྱས་སུ་འགྱུར་རོ། །གཙུག་ལག་ཁང་མ་ལེན་ཅིག་ཅེས་བསྒོ་བ་ན། ལེན་ན། ཉེས་བྱས་སུ་འགྱུར་རོ། །སྨྲོས་ཤིག་ཅེས་བསྒོ་བ་ན། མི་སྨྲ་ན། ཉེས་བྱས་སུ་འགྱུར་རོ། །མ་སྨྲ་ཞིག་ཅེས་བསྒོ་བ་ན། སྨྲ་ན། ཉེས་བྱས་སུ་འགྱུར་རོ།།
Nya27b
ཆོས་དང་ལྡན་པར་ཤད་ཀྱིས་སྦྱང་བ་སྦྱིན་པར་བྱེད་ན། ལྟུང་བ་མེད་དོ། །སློབ་དཔོན་རྣམས་ཀྱིས་བསྒོ་བ་ལ་ཡང་དེ་བཞིན་དུ་སྦྱར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །མ་གུས་པའི་ཚུལ་གྱི་ལྟུང་བྱེད་དེ། བདུན་ཅུ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཆུ་སྲིན་བྱིས་པ་གསོད་ཀྱི་རི་ལ་ཁྱིམ་བདག་རྟོག་ལྡན་ཞེས་བྱ་བ། ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བཙས་ནས་དེ་བསྲིངས་ཤིང་བསྐྱེད་དེ་ཆེན་མོར་གྱུར་ཏོ། །ཁྱིམ་བདག་དེས་བསམ་པ། བདག་གི་བུ་མོ་འདི་གཟུགས་ཀྱི་ཕྱིར་ཡང་མི་སྦྱིན། བཟོའི་ཕྱིར་ཡང་མི་སྦྱིན་གྱི། བདག་དང་རིགས་དང ། ནོར་གྱིས་འདྲ་བའམ། ལྷག་པ་གང་ཡིན་པ་ལ་བདག་གིས་བུ་མོ་འདི་སྦྱིན་ནོ། །སྙམ་མོ། །དེས་མཉན་ཡོད་ན་ཁྱིམ་བདག་མགོན་མེད་ཟས་སྦྱིན་ཞེས་བྱ་བ། ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་པ་དེ། བདག་དང་རིགས་དང ། ནོར་གྱིས་མཉམ་ཞིང ། ནོར་གྱི་རྣམ་པས་ཆེས་ལྷག་པ་ཡིན་ནོ། །ཞེས་ཐོས་ནས། དེས་བུ་མོ་དེ་མཉན་ཡོད་དུ་ཁྱིམ་བདག་མགོན་མེད་ཟས་སྦྱིན་གྱི་བུ་ལ་བྱིན་ནོ། །ཁྱིམ་བདག་མགོན་མེད་ཟས་སྦྱིན་གྱིས་ཀྱང་དཔལ་གྱི་འབྱོར་
Nya28a
༄#། །པས་བུའི་ཆུང་མར་བླངས་སོ། །ཁྱིམ་བདག་རྟོག་ལྡན་ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པས་ཆུང་མ་ལ་སེམས་ཅན་ཞུགས་པར་གྱུར་ནས། དེ་ལ་གང་གི་ཉིན་མོ་སེམས་ཅན་ཞུགས་པར་གྱུར་པ་དེ་ཉིད་ཀྱི་ཉིན་མོ་ཁྱིམ་བདག་རྟོག་ལྡན་ལ་གནོད་པ་བརྒྱ་དག་བྱུང་བ་གྱུར་ཏོ། །མངལ་ན་གནས་པ་དེ། ཇི་ལྟ་ཇི་ལྟར་སྐྱེས་པར་གྱུར་པ་དེ་ལྟ་དེ་ལྟར་ཁྱིམ་བདག་རྟོག་ལྡན་ལ་ཡང་དང་ཡང་དུ་རྒྱ་ཆེར་གནོད་པ་བརྒྱ་དག་བྱུང་བར་གྱུར་ཏོ། །ཁྱིམ་བདག་རྟོག་ལྡན་གྱིས་བསམ་པ། བདག་སྐྱེད་མོས་ཚལ་དུ་སོང་སྟེ་འདུག་གོ་སྙམ་ནས་དེས་ཞོ་ཤས་འཚོ་བ་དག་ལ་བསྒོ་བ། ཤེས་ལྡན་དག་།གལ་ཏེ་ཁོ་བོ་ལ་གནོད་པ་ཆེན་པོ་ཞིག་བྱུང་བར་གྱུར་ན། སྦྲོན་ཅིག་།ཇི་སྟེ་མ་བྱུང་ན། མ་སྦྲོན་ཅིག་།ཅེས་བསྒོས་ནས་དེས་སྐྱེད་མོས་ཚལ་དུ་དོང་སྟེ་འདུག་གོ་།དེ་ནས་དུས་གཞན་ཞིག་ན་དེའི་ཆུང་མ་བཙས་པ་ལས་ཁྱེའུ་ཞིག་བྱུང་ནས་དེ་གང་གི་ཉི་མ་ལ་བྱུང་བ་དེ་ཉིད་ཀྱི་ཉིན་མོ་ཁྱིམ་བདག་རྟོག་ལྡན་ལ་གནོད་པ་སྟོང་དག་བྱུང་བར་གྱུར་ཏོ། །དེ་ནས་མི་ཞིག་རིངས་པ་རིངས་པར་ཁྱིམ་བདག་རྟོག་ལྡན་ག་ལ་བ་དེར་སོང་བ་དང ། ཁྱིམ་བདག་རྟོག་ལྡན་གྱིས་མི་དེ་ཐག་རིང་པོ་ཁོ་ན་ནས་རིངས་པ་རིངས་པར་འོངས་པ་མཐོང་ནས་དེས་བསམ་པ། བདག་ལ་གནོད་པ་ཆེན་པོ་ཞིག་བྱུང་བར་གྱུར་གོར་མ་ཆག་སྙམ་ནས་དེས་མི་དེ་ལ་སྨྲས་པ། ཀཝའི་ནང་རྗེ། ཅིའི་ཕྱིར་འདི་ལྟར་རིངས་པ་རིངས་པར་འོང ། མི་དེས་སྨྲས་པ། ཁྱོད་ཀྱི་སྲས་བལྟམས་ཀྱི། དགྱེས་བསྐྱེད་ཅིག་།རྟོག་ལྡན་གྱིས་སྨྲས་པ། ཀཝའི་ནང་རྗེ། ཁོ་བོའི་བུས་གནོད་པ་བརྒྱ་ཕྲག་མང་པོ་བསྐྱེད་མོད་ཀྱི། འོན་ཀྱང་བུ་འོངས་
Nya28b
པ་ལེགས་སོ། །ངའི་ཉེ་དུ་དག་འདུས་ཤིང་ལྷགས་ནས་ཁྱེའུ་འདིའི་མིང་ཅིར་གདགས་སྙམ་ནས་དེ་དག་དེ་འདི་སྙམ་དུ་སེམས་ཏེ། ཁྱེའུ་འདི་ལ་ཕས་འོངས་པ་ལེགས་སོ། །ཞེས་བྱ་བའི་ཕྱིར་ཚིག་བརྗོད་པས་ཁྱེའུ་འདིའི་མིང་ལགས་འོངས་ཞེས་གདགས་སོ། །ཞེས་དེའི་མིང་ལེགས་འོངས་ཞེས་བྱ་བར་བཏགས་སོ། །ལེགས་འོངས་ཇི་ལྟ་ཇི་ལྟར་སྐྱེས་པར་གྱུར་པ་དེ་ལྟ་དེ་ལྟར་ཁྱིམ་བདག་རྟོག་ལྡན་གྱི་ཁྱིམ་ན་ནོར་དང ། འབྲུ་དང ། དབྱིག་དང ། གསེར་དང་བྲན་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དག་ཡོངས་སུ་ཟད་པར་གྱུར་ཏོ། །དེ་ནས་དུས་གཞན་ཞིག་ན་ཁྱིམ་བདག་རྟོག་ལྡན་ཡང་དུས་ལ་བབ་ཅིང ། དེའི་ཆུང་མ་ཡང་དུས་ལ་བབ། དེའི་ཁྱིམ་ཡང་མེས་ཚིག་།བང་མཛོད་ཀྱི་རྣམ་པ་དང ། ཞིང་གི་རྣམ་པ་དང ། ནོར་གྱི་རྣམ་པ་དང ། འབྲུའི་རྣམ་པ་ཐམས་ཅད་ཀྱང་མེས་ཚིག་གོ་།གྲོང་པའི་མི་གང་དག་ཟོང་ཐོགས་ཏེ་ཡུལ་གཞན་དུ་དོང་བ་དག་ཀྱང་དེ་ན་ཁ་ཅིག་ནི། རྒྱ་མཚོ་ཆེན་པོར་གྲུ་བོ་ཆེ་ཞིག་པར་གྱུར་ཁ་ཅིག་ནི། ཟོང་ཟོང་མ་ཡིན་པར་གྱུར། ཁ་ཅིག་ནི། དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར། ཁ་ཅིག་ནི། དེ་ཉིད་དུ་འཁོད་དེ་ཚིག་ཀྱང་མི་སྟེར་རོ། །ཉེ་དུ་དག་ཀྱང་ཁ་ཅིག་ནི། དུས་ལ་བབ། ཁ་ཅིག་ནི། བྲོས། ཁ་ཅིག་ནི། དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །བྲན་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དག་ཀྱང་ཁ་ཅིག་ནི། དུས་ལ་བབ། ཁ་ཅིག་ནི། བྲོས། ཁ་ཅིག་ནི། དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །ཁྱིམ་བདག་རྟོག་ལྡན་གྱི་སྔོན་གྱི་བྲན་མོ་རྒན་མོ་གཅིག་པུ་ཞིག་ལེགས་འོངས་ཀྱི་བསྙེན་བཀུར་བྱེད་ཅིང་འདུག་པ་དེས། ལེགས་འོངས་ཁྱེའུའི་གྲཝར་ཡི་གེ་དང ། ཡིག་འབྲུ་སློབ་ཏུ་ཕུལ་ལོ། །རྒན་མོ་དེས་བསམ་པ། ཁྱིམ་བདག་རྟོག་ལྡན་གྱི་བུ་ཁྱིམ་ནོར་དུ།
Nya29a
༄#། །མ་དང་ལྡན་པ་ཡོངས་སུ་ཟད་ཅིང་མཐར་ཐུག་པར་གྱུར་ན། གང་གི་བསོད་ནམས་མེད་པས་དེ་ལྟར་གྱུར་པ། ཅི་བདག་གི་འམ། འོན་ཏེ་ལེགས་འོངས་ཀྱི་བསོད་ནམས་མེད་པས་དེ་ལྟར་གྱུར་པ་བལྟའོ། །སྙམ་ནས། ཇི་ཙམ་ན་དེས་ལེགས་འོངས་ཀྱི་མིང་གིས་ཕྲུ་རྟོག་བཙུགས་པ་དང ། དེ་ཆུད་ཟོས་པར་གྱུར་ཅིག་།བདག་མིང་གིས་ཕྲུ་རྟོག་བཙུགས་པ་དང ། དེ་ཚོས་པར་གྱུར་ནས། དེས་བསམ་པ། འདི་ནི། སེམས་ཅན་སྐལ་ཆད་ཅིག་ཡིན་པས། འདིའི་ལེ་ལན་གྱིས་ཁྱིམ་བདག་རྟོག་ལྡན་གྱི་ཁྱིམ་ནོར་དུ་མ་དང་ལྡན་པ་ཚུལ་མ་ཡིན་པས་ཆུད་ཟོས་པར་གྱུར་པས། བདག་ཀྱང་འདིའི་ལེ་ལན་གྱིས་ཚུལ་མ་ཡིན་པས་སྡུག་བསྔལ་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གོར་མ་ཆག་ན། འདི་ལ་ཇི་ལྟར་བྱ་སྙམ་ནས་དེས་བསམ་པ། འབྲོས་སོ། །སྙམ་ནས་རྒན་མོ་དེས་ཀྱང་དེ་ན་གཅེས་པ་ཅུང་ཟད་ཅི་ཡོད་པ་དེ་དག་ཁྱེར་ཏེ་བྲོས་སོ། །ཁྱིམ་སྟོང་པ་དེར་ཁྱི་དག་ཞུགས་ནས་ཟས་ཟོས་ཏེ་འཐབ་པར་བརྩམས་པ་དང ། མི་གཡོ་ཅན་ཞིག་ཕྱོགས་དེ་ནས་འགྲོ་བ་དེས་ཁྱིམ་དེ་ན་ཁྱི་དག་འཐབ་པའི་སྒྲ་ཐོས་ནས་དེས་བསམ་པ། ཁྱིམ་བདག་རྟོག་ལྡན་གྱི་ཁྱིམ་སྟོང་པར་གྱུར་ཏམ། ཅི་ན། འདི་ལྟར་འདི་ན་ཁྱི་དག་འཐབ་ཅིང་འཁོད། བདག་གིས་ཇེ་བལྟའོ། །སྙམ་ནས། དེ་དེར་ཞུགས་པ་དང ། ཇི་ཙམ་ན་ཁྱི་རྐུན་ཕལ་པོ་ཆེ་དག་འཐབ་ཅིང་འདུག་གི། མི་ནི། འགའ་ཡང་མེད་དེ་སྟོང་པར་མཐོང་ནས།
Nya29b
དེས་དེ་ནས་ལྷག་རོལ་གྱི་ལྷག་མ་ཅུང་ཟད་ཅི་ཡོད་པ་དེ་དག་ཁྱེར་ནས་སོང་ངོ ། །དེའི་འོག་ཏུ་ལེགས་འོངས་ཟན་ཟའོ། །སྙམ་ནས་ཁྱེའུའི་གྲཝ་ནས་འོངས་ཏེ་དེ་དེར་ཞུགས་པ་དང ། ཇི་ཙམ་ན་སྟོང་པར་མཐོང་ནས། དེས་མ་མ་མ་མ་ཞེས་བོས་ན། འགའ་ཡང་ལན་འདེབས་པ་མེད་ནས་དེ་དང་ཧ་ཅང་ཐག་མི་རིང་བ་ན་ཉེ་དུའི་ཁྱིམ་ཞིག་ཡོད་པ་དེར་ཞུགས་པ་དང ། ཇི་ཙམ་ན་དེར་ཡང་ཁྱིམ་མི་དག་འཐབ་མོ་བྱུང་བར་གྱུར་ཏོ། །གང་གི་ཚེ་དེ་དག་འཐབ་མོ་ཞི་བ་གྱུར་པ་དེའི་ཚེ་ན་གཅིག་ལ་གཅིག་སྨྲས་པ། ཤེས་ལྡན་དག་།བདག་གིས་སྔན་ཆད་ཁྱོད་མཐོང་ན་སྙིང་དུ་སྡུག་ན། དེང་བདག་གིས་ཁྱོད་མཐོང་ན། གསོད་དོ། །སྙམ་དུ་སེམས་སོ། །གཞན་དག་ཀྱང་གཅིག་ལ་གཅིག་དེ་སྐད་ཟེར་ནས་དེ་དག་གིས་བསམ་པ། འདིར་གཞན་འགའ་ཞིག་མ་འོངས་སམ་བལྟའོ། །སྙམ་ནས་དེ་དག་གིས་བལྟས་ན། ཇི་ཙམ་ན་ལེགས་འོངས་དེར་འོངས་པ་མཐོང་ནས་དེ་དག་གིས་སྨྲས་པ། ཤེས་ལྡན་དག་།འདི་ནི། ལེགས་འོངས་མ་ཡིན་ཏེ། ཉེས་འོངས་ཡིན་ཏེ། འདིའི་ལེ་ལན་གྱིས་བདག་ཅག་འཐབ་མོ་བྱུང་བར་གྱུར་ཏོ། ། ཞེས་དེ་དག་གིས་བསྐྲད་དེ་གཞན་དུ་སོང་བ་དང ། དེར་ཡང་དེ་དག་དེ་བཞིན་དུ་གྱུར་ནས་དེ་དག་གིས་ཀྱང་དེ་སྐད་སྨྲས་ཏེ་བསྐྲད་དེ་བཏང་ངོ ། །དེ་མུ་ལྟོ་བ་དག་གི་ནང་དུ་ཞུགས་པ་དང ། ཇི་ཙམ་ན་མུ་ལྟོ་བ་དེ་དག་ཀྱང་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ཕྱིར་ལྷགས་ནས་དེ་དག་གིས་སྨྲས་པ། ཤེས་ལྡན་དག་།བདག་ཅག་སྔོན་ཆད་གང་དུ་ཞུགས་པ་དེར་ལག་པ་གང་བ་དང ། སྤྲང་ཕོར་
Nya30a
༄#། །གང་བར་གྱུར་ཏེ་ཕྱིར་འོང་ན། དེང་བདག་ཅག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ཕྱིར་ལྷགས་པ་འདི་ལ་རྒྱུ་ཅི་ཡོད། དེ་དག་གིས་སྨྲས་པ། བདག་ཅག་གི་ནང་དུ་སེམས་ཅན་སྐལ་ཆད་འགའ་ཞིག་ཞུགས་པས། དེས་ན། བདག་ཅག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ཕྱིར་ལྷགས་སོ། །ཡང་དེ་དག་གིས་སྨྲས་པ། བརྟག་པར་བྱའི། བདག་ཅག་ཁ་གཉིས་སུ་བཅད་དེ་འཇུག་པར་བྱའོ། །ཞེས་དེ་དག་གིས་ཁ་གཉིས་སུ་བཅད་དེ་ཞུགས་པ་དང ། གང་དག་གི་ནང་དུ་ལེགས་འོངས་ཞུགས་པ་དེ་དག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ལྷགས་སོ། །དེ་དག་གིས་ཀྱང་ཁ་གཉིས་སུ་བཅད་དེ་ཞུགས་པ་དང་ཡང་དེ་ལྟར་གྱུར་ཏོ། །དེ་དག་ཡང་དང་ཡང་དུ་ཁ་གཉིས་སུ་བཅད་དེ་ཞུགས་པ་དང་དེ་ལྟ་དེ་ལྟར་གྱུར་ནས་ཇི་ཙམ་ན། ལེགས་འོངས་དང་མུ་ལྟོ་བ་གཞན་གཅིག་དང་གཉིས་ལྷན་ཅིག་ཞུགས་པ་ཡང་སོ་སོར་བྱེ་བ་དང ། ལེགས་འོངས་ནི། ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་འོངས་ལ། གཞན་ཐམས་ཅད་ལག་པ་གང་བ་དང ། སྤྲང་ཕོར་གང་བར་གྱུར་ཏེ་འོངས་ནས་དེ་དག་གིས་སྨྲས་པ། སེམས་ཅན་སྐལ་ཆད་འདི་བདག་ཅག་གི་ནང་དུ་ཞུགས་པས། དེས་ན། བདག་ཅག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ལྷགས་སོ། །ཞེས་དེ་དག་གིས་ལེགས་འོངས་ཤིན་ཏུ་བརྡེགས་ཏེ་བསྐྲད་དོ། །མཉན་ཡོད་ན་ཁྱིམ་བདག་རྟོག་ལྡན་གྱི་ཆུང་པོ་གྲོགས་ཁྱིམ་བདག་ཅིག་འདུག་
Nya30b
པ་དེ་ཟོང་ཐོགས་ཏེ། ཆུ་སྲིན་བྱིས་པ་གསོད་ཀྱི་རིར་ཕྱིན་ནས་ཁྱིམ་བདག་དེས། ལེགས་འོངས་ལག་ན་སྤྲང་ཕོར་ཐོགས་ཏེ་སྲང་དུ་སོང་བ་མཐོང་ནས། དེ་བཞིན་གཟུགས་ལས་དེའི་ངོ་ཤེས་ནས་དེས་དེ་ལ་སྨྲས་པ། བུ། ཁྱོད་ཁྱིམ་བདག་རྟོག་ལྡན་གྱི་བུ་མ་ཡིན་ནམ། ལེགས་འོངས་ཀྱིས་སྨྲས་པ། ཡིན་ནོ། །དེས་སྨྲས་པ། ཁྱོད་ཀྱི་ཕ་མ་གཉིས་གར་སོང ། ལེགས་འོངས་ཀྱིས་སྨྲས་པ། དུས་ལ་བབ་བོ། །དེས་སྨྲས་པ། དེའི་ཁྱིམ་དང ། བང་མཛོད་ཀྱི་རྣམ་པ་དང ། ཞིང་གི་རྣམ་པ་དང ། ནོར་གྱི་རྣམ་པ་དང ། འབྲུའི་རྣམ་པ་དག་ག་རེ། ལེགས་འོངས་ཀྱིས་སྨྲས་པ། ཐམས་ཅད་མེས་ཚིག་གོ་།དེས་སྨྲས་པ། གྲོང་བའི་མི་གང་དག་ཟོང་ཐོགས་ཏེ་ཡུལ་གཞན་དུ་དོང་བ་དག་གར་དོང ། ལེགས་འོངས་ཀྱིས་སྨྲས་པ། ཁ་ཅིག་ནི། རྒྱ་མཚོ་ཆེན་པོ་གྲུ་བོ་ཆེ་ཞིག་པར་གྱུར། ཁ་ཅིག་ནི། ཟོང་ཟོང་མ་ཡིན་པར་གྱུར། ཁ་ཅིག་ནི། དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར། ཁ་ཅིག་ནི། དེ་ཉིད་དུ་འཁོད་དེ་ཚིག་ཀྱང་མི་སྟེར་རོ། །དེས་སྨྲས་པ། ཉེ་དུ་དག་གར་དོང ། ལེགས་འོངས་ཀྱིས་སྨྲས་པ། ཁ་ཅིག་ནི། དུས་ལ་བབ། ཁ་ཅིག་ནི། བྲོས། ཁ་ཅིག་ནི། དེ་ཉིད་དུ་འཁོད་དེ་ཚིག་ཀྱང་མི་སྟེར་རོ། །དེས་སྨྲས་པ། བྲན་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དག་གར་དོང ། ལེགས་འོངས་ཀྱིས་སྨྲས་པ། ཁ་ཅིག་ནི། དུས་ལ་བབ། ཁ་ཅིག་ནི། བྲོས། ཁ་ཅིག་ནི། དེ་ཉིད་ན་འཁོད་དེ་ཆིག་ཀྱང་མི་སྟེར་རོ། །ཁྱིམ་བདག་དེས་དེ་
Nya31a
༄#། །མཐོང་ནས་མཆི་མས་བརྣངས་ཏེ་འདུག་ནས་དེས་སྨྲས་པ། བུ། ཁོ་བོ་དང་ལྷན་ཅིག་མཉན་ཡོད་དུ་འདོང་ངོ ། །ལེགས་འོངས་ཀྱིས་སྨྲས་པ། ཕ། བདག་དེར་སོང་ན། ཅིར་འགྱུར། དེས་སྨྲས་པ། བུ། དེ་ན་ཁྱིམ་བདག་མགོན་མེད་ཟས་སྦྱིན་འདུག་པ་དེའི་བུས་ཁྱོད་ཀྱི་སྲིང་མོ་ཆུང་མར་བླངས་པས། ཁྱོད་དེར་སོང་ན་སྲིང་མོ་དེ་ཁྱོད་ལ་མཁོ་བ་སྟོབ་པར་འགྱུར་རོ། །ལེགས་འོངས་ཀྱིས་སྨྲས་པ། ཕ། འགྲོའོ། །ཁྱིམ་བདག་དེས་ལེགས་འོངས་ལ་ཀཪྴ་པ་ཎ་གཉིས་བྱིན་ཏེ་སྨྲས་པ། བུ། ཁོ་བོ་ཟོང་བསྒྱུར་གྱི་བར་དུ་ཁྱོད་རེ་ཞིག་འདི་གཉིས་ཟ་ཞིང་སྡོད་ཅིག་།ལེགས་འོངས་ཀྱིས་ཀཪྴ་པ་ཎ་དེ་གཉིས་གོས་ཀྱི་གྲཝར་ཕུར་ཏེ་བཞག་པ་དང ། དེས་ལས་ཀྱི་རྣམ་པར་སྨིན་པས་དེ་གཉིས་ཀྱང་བརྗེད་པར་གྱུར་ཏོ། །ཁྱིམ་བདག་དེས་ཟོང་བསྒྱུར་ཏེ་རིན་བླངས་ནས་ལེགས་འོངས་ཁྲིད་དེ་འཕགས་པ་དང ། ལེགས་འོངས་ཀྱང་དེ་དང་ལྷན་ཅིག་འཕགས་སོ། །ཇི་ཙམ་ན་དོན་མཐུན་དེ་དག་འཐབ་པར་བརྩམས་ཤིང ། གླང་དག་ཀྱང་འཐབ་པར་བརྩམས་ནས་དེ་དག་གིས་སྨྲས་པ། ཤེས་ལྡན་དག། བདག་ཅག་སྔན་ཆད་གཅིག་གིས་གཅིག་མཐོང་ན་སྙིང་དུ་སྡུག་ན། དེང་བདག་ཅག་གཅིག་གིས་གཅིག་མཐོང་ན། འཐབ་པར་རྩོམ་ཞིང ། གླང་དག་ཀྱང་གཅིག་གིས་གཅིག་མཐོང་ན། འཐབ་པར་རྩོམ་པ་ལས་ན། མ་ལ་འདིར་ཉེས་འོངས་དེ་མ་འོངས་སམ་ཞེས་བལྟས་པ་དང ། ཇི་ཙམ་ན་དེ་དག་གིས་ལེགས་འོངས་དེར་འོངས་པ་མཐོང་ནས་དེ་དག་གིས་སྨྲས་པ། ཤེས་
Nya31b
ལྡན་དག་འདི་ནི་ལེགས་འོངས་མ་ཡིན་གྱི་ཉེས་འོངས་ཡིན་ཏེ། འདིའི་ལེ་ལན་གྱིས་བདག་ཅག་འཐབ་པར་བརྩམས་ཤིང ། གླང་དག་ཀྱང་འཐབ་པར་རྩོམ་མོ། །ཞེས་དེ་དག་གིས་དེ་བསྐྲད་པར་བརྩམས་པ་དང ། ཁྱིམ་བདག་དེས་སྨྲས་པ། ཤེས་ལྡན་དག་།འདི་ནི་ཁོ་བོའི་ཆུང་པོ་གྲོགས་ཀྱི་བུ་ཡིན་གྱི། མ་བསྐྲད་ཅིག་།དེ་དག་གིས་སྨྲས་པ། ཁྱིམ་བདག་།ཁྱོད་ནི་དོན་མཐུན་ལ་དབང་བ་ཡིན་མོད་ཀྱི། བདག་ཅག་འདི་དང་ལྷན་ཅིག་འགྲོ་མི་ཕོད་དེ། གལ་ཏེ་འདི་འགྲོ་ན། བདག་ཅག་མི་འགྲོའོ། །ཁྱིམ་བདག་དེས་ལེགས་འོངས་ལ་སྨྲས་པ། བུ། ཁྱོད་ཕྱི་བཞིན་འབྲང་ཞིང་ཤོག་ཅིག་དང ། ཁོ་བོས་ཁྱོད་ཀྱི་ཕྱིར་ཟན་གཞག་པར་བྱའོ། །ལེགས་འོངས་ཕྱི་བཞིན་འབྲང་ཞིང་འོང་བ་ན།་ཁྱིམ་བདག་དེས་ཀྱང་དེའི་དོན་དུ་ཟན་འཇོག་པར་བྱེད་ཅིང ། ཁ་ཅིག་ནི་ས་གཞི་ལ་སས་གཡོགས་ཏེ་འཇོག་པར་བྱེད། ཁ་ཅིག་ནི་ཤིང་ལྗོན་པའི་ཡལ་ག་དག་ལ་ལོ་མ་དག་གིས་གཡོགས་ཏེ་འཇོག་པར་བྱེད་དོ། །དེའི་ཟན་གང་དག་ས་གཞི་ལ་སས་གཡོགས་ཏེ་བཞག་པ་དེ་དག་ནི་ཝ་དག་གིས་ཟོས། གང་དག་ནི་ཤིང་ལྗོན་པའི་ཡལ་ག་དག་ལ་ལོ་མ་དག་གིས་གཡོགས་ཏེ་བཞག་པ་དེ་དག་ནི་བྱ་དང་སྤྲེའུ་དག་གིས་ཟོས་ནས་ལེགས་འོངས་ཀྱིས་ཅུང་ཟད་ནི་ཐོབ། ཕལ་ཆེར་ནི་མ་ཐོབ་ནས་དེ་ཤིན་ཏུ་ཉམ་ང་བས་འཚོ་ཞིང་འགྲོའོ། །སྲིད་པ་ཐ་མ་པའི་སེམས་ཅན་ཟག་པ་ཟད་པ་མ་ཐོབ་པར་བར་མ་དོར་རྒྱུན་ཆད་ཅིང་དུས་བྱེད་པར་འགྱུར་བ་ནི་གནས་མ་ཡིན། སྐབས་མ་ཡིན་ཏེ། དེ་ནི་གནས་མེད་པས་ལེགས་འོངས་མཐར་གྱིས་མཉན་ཡོད་དུ་ཕྱིན་ནས་མཉན་ཡོད་ཀྱི་ཕྱི་རོལ་ཁྲོན་པའི་ཁ་ན་ངལ་བསོ་ཞིང་འདུག་གོ་།ལེགས་འོངས་ཀྱི་སྲིང་མོ་ཁྱིམ་བདག་མགོན་མེད་ཟས་
Nya32a
༄#། །སྦྱིན་གྱི་མནའ་མ་བྱེད་པ་དེའི་བུ་མོ་མངག་ཞུག་མ་ཆུ་བུམ་ཐོགས་ཏེ་ཁྲོན་པ་དེའི་དྲུང་དུ་ཆུ་འཆུར་སོང་བ་དང ། དེས་ལེགས་འོངས་བཞིན་གཟུགས་ལས་ངོ་ཤེས་ནས། དེས་དེ་ལ་སྨྲས་པ། ཇོ་བོ། ཁྱོད་ཆུ་སྲིན་བྱིས་པ་གསོད་ཀྱི་རི་བ་ཁྱིམ་བདག་རྟོག་ལྡན་གྱི་བུ་ལེགས་འོངས་མ་ལགས་སམ། སྲིང་མོ། ཡིན་ནོ། །ཇོ་བོ། ཁྱོད་ཀྱི་ཡབ་ཡུམ་གཉིས་གར་བཞུད། དུས་ལ་བབ་བོ། །དེའི་ཁྱིམ་དང ། བང་མཛོད་ཀྱི་རྣམ་པ་དང ། ཞིང་གི་རྣམ་པ་དང ། ནོར་གྱི་རྣམ་པ་དང ། འབྲུའི་རྣམ་པ་དག་གར་མཆིས། ཐམས་ཅད་མེས་ཚིག་གོ་།གྲོང་བའི་མི་གང་དག་ཟོང་ཐོགས་ཏེ་ཡུལ་གཞན་དུ་མཆིས་པ་དག་གར་མཆིས། ཁ་ཅིག་ནི། རྒྱ་མཚོ་ཆེན་པོར་གྲུ་བོ་ཆེ་ཞིག་པར་གྱུར། ཁ་ཅིག་ན། ཟོང་ཟོང་མ་ཡིན་པར་གྱུར། ཁ་ཅིག་ནི། དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར། ཁ་ཅིག་ནི། དེ་ཉིད་དུ་འཁོད་དེ་ཚིག་ཀྱང་མི་སྟེར་རོ། །ཉེ་དུ་དག་གར་མཆིས། ཁ་ཅིག་ནི། དུས་ལ་བབ། ཁ་ཅིག་ནི། བྲོས། ཁ་ཅིག་ནི། དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །བྲན་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དག་གར་མཆིས། ཁ་ཅིག་ནི། དུས་ལ་བབ། ཁ་ཅིག་ནི། བྲོས། ཁ་ཅིག་ནི། དེ་ཉིད་ན་འཁོད་དེ་ཚིག་ཀྱང་མི་སྟེར་རོ། །བུ་མོ་དེས་དེ་ཐོས་ནས་དེ་མཆི་མས་བརྣངས་ཏེ་འདུག་ནས། དེས་ལེགས་འོངས་ལ་སྨྲས་པ། ཇོ་བོ། བདག་གིས་ཁྱོད་ཀྱི་ལྕམ་མོ་ལ་སྦྲན་གྱི་བར་དུ་རེ་ཞིག་འདི་ཉིད་ན་གཞེས་ཤིག་ཅེས་སྨྲས་ཏེ། བུ་མོ་དེ་སོང་
Nya32b
ནས་ཇོ་མོ་ལ་སྨྲས་པ། ཇོ་མོ། ཁྱོད་ཀྱི་དྲལ་བ་བྱོན་ནོ། །དེས་སྨྲས་པ། ཟོང་ཇི་ལྟ་བུས་བྱོན། བུ་མོས་སྨྲས་པ། ཇོ་མོ། འཁར་བ་དང ། རལ་རུལ་དང ། སྤྲང་ཕོར་གྱིས་བྱོན་ནོ། །དེས་བུ་མོ་དེའི་ལག་ཏུ་གོས་དག་དང ། ཀཪྴ་པ་ཎ་དག་བསྐུར་ནས་སྨྲས་པ། ཇོ་བོ་ལ་འདི་སྐད་ཅེས། སྔ་མ་འདི་ཙམ་ཇེ་གསོལ་ཞིང་མ་ནོབས་ཤིག་དང ། སླད་ཀྱི་གལ་ཏེ་དབོན་པོ་དག་དང ། དབོན་མོ་དག་དང་མཇལ་བར་གྱུར་ན། དེ་དག་ཀཪྴ་པ་ཎ་ཇི་སྙེད་ཅིག་འབུལ་བར་འགྱུར་བས། ཁྱོད་ཉེ་དུ་དག་གིས་གློ་བས་བས་པར་མི་འགྱུར་རོ། །ཞེས་གྱིས་ཤིག་།བུ་མོ་དེ་དེར་སོང་སྟེ་ལེགས་འོངས་ལ་གོས་དག་དང ། ཀཪྴ་པ་ཎ་དག་ཕུལ་ནས་སྨྲས་པ། ཇོ་བོ། ལྕམ་གྱི་མཆིད་ནས་སྔ་མ་འདི་ཙམ་ཇེ་གསོལ་ཞིང་མ་ནོབས་ཤིག་དང ། སླད་ཀྱི་གལ་ཏེ་དབོན་པོ་དག་དང ། དབོན་མོ་དག་དང་མཇལ་བར་གྱུར་ན། དེ་དག་ཀཪྴ་པ་ཎ་ཇི་སྙེད་ཅིག་འབུལ་བར་གྱུར་པས། ཁྱོད་ཉེ་དུ་དག་གིས་གླེ་བས་བས་པར་མི་འགྱུར་རོ། །ཞེས་སྨྲས་ཏེ་སོང་ངོ ། །ལེགས་འོངས་ཀྱིས་བསམ་པ། ཁྱིམ་བདག་མགོན་མེད་ཟས་སྦྱིན་ནི། ཉེ་དུའི་འཁོར་རྒྱ་ཆེ་བ་ཡིན་ལ། བདག་ཀྱང་སྔོན་ཉེ་དུའི་འཁོར་རྒྱ་ཆེ་བ་ཡིན་པས་དེ་དེར་སོང་ན། དེ་དག་བདག་ལ་གཏམ་འདྲི་བས་རིང་དུ་ཐོགས་པར་འགྱུར་ཞིང ། དེས་བདག་ལྟོགས་ཏེ་འཆི་བར་འགྱུར་གྱི། ཇེ་གཡར་སུས་ཟ་ཞིང་འགྲངས་ནས་དེར་སོང་སྟེ། ཉེ་དུའི་ཚོགས་དག་ལ་བདེ་བར་སོར་སོར་ཀུན་དགའ་བར་བྱའོ། །སྙམ་ནས། དེ་ཆང་མའི་ཁྱིམ་དུ་སོང་སྟེ། དེས་ཇི་ཙམ་གྱིས་ར་རོ་བར་
Nya33a
༄#། །འགྱུར་བ་དེ་ཙམ་གྱིས་ཆང་གསར་པ་འཐུངས་ནས་དེ་ར་རོ་སྟེ་སྐྱེད་མོས་ཚལ་དུ་སོང་ནས་ཉལ་ལོ། །མཉན་ཡོད་ན་སྐྱེད་མོས་ཚལ་འཇོམས་པའི་མི་དག་སྐྱེད་མོས་ཚལ་ཉུག་པར་བྱེད་ཅིང ། དེ་དག་གིས་གལ་ཏེ་མི་གཉིད་ལོག་པ་མཐོང་ན། དེ་རྐང་པས་སྒུལ་བར་བྱེད་ཅིང ། གལ་ཏེ་སད་ན་ནི། དེ་ལ་འདི་སྐད་ཅེས། ཀྱེ་ནང་རྗེ། ཁྱོད་ཀྱིས་མཉན་ཡོད་ན་སྐྱེད་མོས་ཚལ་འཇོམས་པའི་མི་དག་སྐྱེད་མོས་ཚལ་ཉུག་པར་བྱེད་ཅིང ། དེ་དག་མི་གཉིད་ལོག་པ་འཇོམས་པར་བྱེད་དོ། །ཞེས་མ་ཐོས་སམ། ལོངས་ལ་སོང་ཞིག་ཅེས་ཟེར་རོ། །གལ་ཏེ་མ་སད་ན་ནི། བཅོམ་སྟེ་འདོང་བར་བྱེད་པས་སྐྱེད་མོས་ཚལ་འཇོམས་པའི་མི་དག་དེར་ལྷགས་ཏེ་ལེགས་འོངས་ཉལ་བ་མཐོང་ནས་དེ་དག་གིས་དེ་རྐང་པས་བསྒུལ་ན་མ་སད་ནས། ཇི་ཙམ་ན་དེ་དག་གིས་དེ་བཅོམ་སྟེ་དོང་ངོ ། །ཇི་ཙམ་ན་ལེགས་འོངས་སད་པ་དང ། བདག་ཉིད་བཅོམ་པར་མཐོང་ནས། དེས་རལ་རུལ་དེ་དག་ཉིད་གྱོན་ཏེ་འདུག་གོ་།དེའི་སྲིང་མོས་བསམ་པ། ཅིའི་ཕྱིར་བདག་གི་མིང་པོ་དེ་ཡུན་རིང་དུ་ཐོགས་སྙམ་ནས། དེས་བུ་མོ་མངག་གཞུག་མ་མངགས་ཏེ་བལྟར་བཏང་བ་དང ། དེ་དེར་སོང་སྟེ་བལྟས་ན། ཇི་ཙམ་ན་བཅོམ་པ་མཐོང་ནས། བུ་མོ་དེ་སོང་སྟེ་ཇོ་མོ་ལ་སྨྲས་པ། ཇོ་མོ། ཇོ་བོ་བཅོམ་སྟེ་སྔོན་གྱི་ཆ་ལུགས་ཉིད་ཀྱིས་བཞུགས་སོ། །སྲིང་མོས་བསམ་པ། དེ་ནི། སེམས་ཅན་སྐལ་ཆད་ཅིག་ཡིན་པས། དེའི་ལེ་ལན་གྱིས་ཁྱིམ་བདག་རྟོག་ལྡན་གྱི་ཁྱིམ་ནོར་དུ་མ་དང་
Nya33b
ལྡན་པ་ཚུལ་མ་ཡིན་པས་ཆུད་ཟོས་པར་གྱུར་པས། ད་གལ་ཏེ་བདག་གིས་དེ་འདིར་བཅུག་པར་གྱུར་ན། བདག་གི་གྱོས་པོའི་ཁྱིམ་ཡང་དེའི་ལེ་ལན་གྱིས་ཚུལ་མ་ཡིན་པས་སྡུག་བསྔལ་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །སྙམ་ནས། དེས་དེ་ཡལ་བར་བོར་རོ། །ལེགས་འོངས་ཀྱིས་ཀྱང་ལས་ཀྱི་སྒྲིབ་པས་དེ་བརྗེད་ནས། དེ་མུ་ལྟོ་བ་དག་གི་ནང་དུ་ཞུགས་པ་དང ། ཇི་ཙམ་ན་མུ་ལྟོ་བ་དེ་དག་ཀྱང་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ། ཕྱིར་ལྷགས་ནས་དེ་དག་གིས་སྨྲས་པ། ཤེས་ལྡན་དག། བདག་ཅག་སྔོན་ཆད་གར་ཞུགས་པ་དེར་ལག་པ་གང་བ་དང ། སྤྲང་ཕོར་གང་བར་གྱུར་ཏེ་ཕྱིར་འོང་ན། དེང་བདག་ཅག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ཕྱིར་ལྷགས་པ་འདི་ལ་རྒྱུ་ཅི་ཡོད། དེ་དག་གིས་སྨྲས་པ། བདག་ཅག་གི་ནང་དུ་སེམས་ཅན་སྐལ་ཆད་འགའ་ཞིག་ཞུགས་པས། དེས་ན། བདག་ཅག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ཕྱིར་ལྷགས་སོ། །ཡང་དེ་དག་གིས་སྨྲས་པ། བརྟག་པར་བྱའི། བདག་ཅག་ཁ་གཉིས་སུ་བཅད་དེ་འཇུག་པར་བྱའོ། །ཞེས་དེ་དག་གིས་ཁ་གཉིས་སུ་བཅད་དེ་ཞུགས་པ་དང ། གང་དག་གི་ནང་དུ་ལེགས་འོངས་ཞུགས་པ་དེ་དག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ལྷགས་སོ། །དེ་དག་གིས་ཀྱང་ཁ་གཉིས་སུ་བཅད་དེ་ཞུགས་པ་དང ། གང་དག་གི་ནང་དུ་ལེགས་འོངས་ཞུགས་པ་དེ་དག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ལྷགས་སོ། །དེ་དག་གིས་ཀྱང་ཁ་གཉིས་སུ་བཅད་དེ་ཞུགས་པ་དང །
Nya34a
༄#། །ཡང་དེ་ལྟར་གྱུར་ཏོ། །དེ་དག་གིས་ཀྱང་ཡང་དང་ཡང་དུ་ཁ་གཉིས་སུ་བཅད་དེ་ཞུགས་པ་དང ། དེ་ལྟ་དེ་ལྟར་གྱུར་ནས་ཇི་ཙམ་ན། ལེགས་འོངས་དང་མུ་ལྟོ་བ་གཞན་གཅིག་ཞུགས་པ་ཡང་སོ་སོར་བྱེ་བ་དང ། ལགས་འོངས་ནི། ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་འོངས་ལ། གཞན་ཐམས་ཅད་ལག་པ་གང་བ་དང ། སྤྲང་ཕོར་གང་བར་གྱུར་ཏེ་འོངས་ནས་དེ་དག་གིས་སྨྲས་པ། སེམས་ཅན་སྐལ་ཆད་འདི་བདག་ཅག་གི་ནང་དུ་ཞུགས་པས། དེས་ན། བདག་ཅག་ལག་པ་སྟོང་པ་དང ། སྤྲང་ཕོར་སྟོང་པར་གྱུར་ཏེ་ལྷགས་སོ། །ཞེས་དེ་དག་གིས་ལེགས་འོངས་ཤིན་ཏུ་བརྡེགས་ཏེ་སྤྲང་ཕོར་གྱིས་དེའི་ཀླད་པ་བཅོམ་ནས་ཉེས་འོངས་ཁྱོད་ཕར་སོང་ཞིག། ཅེས་སྨྲས་ཏེ་བསྐྲད་དོ། །ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེའི་ཞོ་ཤས་འཚོ་བ་དག་ལ་བསྒོ་བ། ཤེས་ལྡན་དག། ཇི་སྲིད་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་གྱིས་གདུགས་ཚོད་མ་གསོལ་གྱི་བར་དུ་མུ་ལྟོ་བ་འགའ་ཡང་འཇུག་ཏུ་མ་གཞུག་ཅིག། དེ་ལ་ཕྱིས་སྦྱིན་པར་བྱའོ། །དེ་ན་མུ་ལྟོ་བས་འཇུག་པར་བརྩམས་པ་ན། མི་སྒོ་བས་དེ་དག་ཕྱིར་ཟློག་པ་དང ། དེ་དག་གིས་སྨྲས་པ། ཀྱེ་ནང་རྗེ། ཁོ་བོ་ཅག་གི་མིང་གིས། ཁྱིམ་བདག་བཟང་སྦྱིན་གྱི་མིང་མགོན་མེད་ཟས་སྦྱིན་ཞེས་བྱ་བར་གྲགས་པ་ཡིན་ན། ཅིའི་ཕྱིར་ཁྱོད་ཁོ་བོ་ཅག་ཕྱིར་ཟློག་པར་བྱེད། ཡང་དེ་དག་གིས་སྨྲས་པ། ཤེས་ལྡན་དག། བདག་ཅག་གི་ནང་
Nya34b
དུ་ཡང་ཉེས་འོངས་དེ་ཞུགས་པར་མ་གྱུར་ཏམ། ལྟོས་ཤིག་ཅེས་དེ་དག་གིས་བལྟས་པ་དང ། ཇི་ཙམ་ན། དེ་དག་གིས་ལེགས་འོངས་དེར་ཞུགས་པ་མཐོང་ནས། དེ་དག་གིས་སྨྲས་པ། ཉེས་འོངས་དེ་འདི་ཡིན་ནོ། །ཞེས་དེ་དག་གིས་ལེགས་འོངས་ཤིན་ཏུ་འདེབས་ཏེ་སྤྲང་ཕོར་གྱིས་དེའི་ཀླད་པ་བཅོམ་ནས་དེ་དག་གིས་ལག་པ་དང ། རྐང་པ་དག་ནས་བཟུང་སྟེ་ཁྲིད་ནས་ཕྱག་དར་གྱི་ཕུང་པོའི་སྟེང་དུ་བཞག་སྟེ། ཉེས་འོངས་ཁྱོད་འདིར་འདུག་ཅིག་ཅེས་སྨྲས་པ་དང ། ལེགས་འོངས་ཕྱག་དར་གྱི་ཕུང་པོའི་སྟེང་ན་ངུ་ཞིང་འདུག་གོ། དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱི་མདུན་དུ་བདར་ཏེ་ཁྱིམ་བདག་མགོན་མེད་ཟས་སྦྱིན་གྱི་གནས་ས་ག་ལ་བ་དེ་ལོགས་སུ་གཤེགས་པ་དང ། བཅོམ་ལྡན་འདས་ཀྱིས་ལེགས་འོངས་ཕྱག་དར་གྱི་ཕུང་པོའི་སྟེང་ན་ཀླད་པ་ཞོམ་ནས་ཁྲག་འཛག་ཅིང་ངུ་ཞིང་འདུག་པ་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་།འདི་ལྟར་སྲིད་པ་ཐ་མ་པའི་སེམས་ཅན་ཡང་གནས་སྐབས་འདི་ལྟ་བུར་གྱུར་པས། སྲིད་པ་དག་གིས་ངོམ་པར་བྱ་ཞིང ། སྲིད་པའི་ཡོ་བྱད་དག་གིས་ཀྱང་ངོམ་པར་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་ཀྱིས་ལེགས་འོངས་ལ་ལྷུང་བཟེད་ཀྱི་ལྷག་མ་གཞག་པར་བྱའོ། །དེ་ནས་བཅོམ་ལྡན་འདས་ཁྱིམ་བདག་མགོན་མེད་ཟས་སྦྱིན་གྱི་གནས་ས་ག་ལ་
Nya35a
༄#། །བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས་བཅོམ་ལྡན་འདས་གདུགས་ཚོད་གསོལ་ཞིང་ཕྱག་བཅབས། ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ནས་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། ཚེ་དང་ལྡན་པ་ཀུན་དགའ་བོས་ལེགས་འོངས་ལ་ལྷུང་བཟེད་ལྷག་མ་བཞག་པ་བརྗེད་དོ། །སངས་རྒྱས་བཅོམ་ལྡན་འདས་རྣམས་ནི། བསྙེལ་བ་མི་མངའ་བའི་ཆོས་ཉིད་ཅན་ཡིན་པས། བཅོམ་ལྡན་འདས་ཀྱིས་ལེགས་འོངས་ལ་ལྷུང་བཟེད་ཀྱི་ལྷག་མ་བཞག་པ་མཛད་དོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྷུང་བཟེད་ཀྱི་ཕམ་ཕབས་བླང་བར་བརྩམས་པ་དང ། ཇི་ཙམ་ན་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱིས་བདག་ལ་ལེགས་འོངས་ལ་ལྷུང་བཟེད་ཀྱི་ལྷག་མ་ཞོག་ཅིག་ཅེས་བཀའ་སྩལ་པ་བརྗེད་པ་དྲན་ནས་དེས་དུ་བར་བརྩམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཁྱོད་ཅིའི་ཕྱིར་དུ། བཙུན་པ། བདག་གིས་ལེགས་འོངས་ལ་ལྷུང་
Nya35b
བཟེད་ཀྱི་ལྷག་མ་བཞག་པ་བསྐྱུད་དེ། བདག་གིས་བཅོམ་ལྡན་འདས་ཀྱིས་བཀའ་བཅག་གོ་།ཀུན་དགའ་བོ། ཁྱོད་ཀྱིས་ངའི་བཀའ་བཅག་པ་མ་ཡིན་གྱི། འདི་ལྟར་ལེགས་འོངས་ཉིད་ཀྱིས་ལས་ཀྱི་སྒྲིབ་པས་ཁྱོད་ཀྱིས་དེ་ལ་ལྷུང་བཟེད་ཀྱི་ལྷག་མ་བཞག་པ་བརྗེད་པར་གྱུར་ཏོ། །ཀུན་དགའ་བོ། ཁྱོད་སོང་ལ་ལེགས་འོངས་བོས་ཤིག། དེ་སོང་སྟེ་ལེགས་འོངས། ལེགས་འོངས་ཞེས་བོས་པ་དང ། དུ་མ་དག་གིས་ཨང་ཞེས་ལན་བཏབ་ཅིང ། དེ་དག་གིས་བསམ་པ། དེང་བཅོམ་ལྡན་འདས་འཇིག་རྟེན་གསུམ་གྱི་བླ་མས་གང་ལ་དགོངས་སྙམ་མོ། །ཚེ་དང་ལྡན་པ་ཀུན་དགའ་བོ་ཕྱིར་ལོག་སྟེ་གསོལ་བ། བཙུན་པ། བདག་གིས་ལེགས་འོངས། ལེགས་འོངས་ཞེས་བོས་ན། དུ་མ་དག་གིས་ཨང་ཞེས་ལན་བཏབ་ན། གང་མཆི་བར་བགྱི། ཀུན་དགའ་བོ། སོང་ལ་འདི་སྐད་ཅེས། ཆུ་སྲིན་བྱིས་པ་གསོད་ཀྱི་རི་པ་ཁྱིམ་བདག་རྟོག་ལྡན་གྱི་བུ་ལེགས་འོངས་གང་ཡིན་པ་དེ། ཚུར་ཤོག་ཅེས་བོས་ཤིག་།ཚེ་དང་ལྡན་པ་ཀུན་དགའ་བོ་སོང་སྟེ་དེ་སྐད་བོས་པ་དང ། ལེགས་འོངས་ཀྱིས་བདག་གི་མིང་དྲན་ནས་དེས་ཚིགས་སུ་བཅད་པ་དག་སྨྲས་པ། ལེགས་འོངས་སྒྲ་འདི་བསྐྱུད་གྱུར་ན། །ག་ལས་འདིར་ནི་མཆིས་པར་གྱུར། །ངེས་པར་མ་ལེགས་ཟད་གྱུར་ཅིང ། །ལེགས་པ་བྱུང་བར་གྱུར་ཡང་དག་།གང་དག་ཁྱོད་ལ་སྐྱབས་མཆིས་པ། །དེ་དག་མགོན་ནི་ཀུན་མཁྱེན་ལགས། །གང་དག་ཁྱོད་ཀྱི་གསུང་དགའ་དང ། །འཕགས་པ་དེ་དག་ལེགས་འོངས་ལགས། །བདག་ནི་སྐལ་དང་བྲལ་བ་སྟེ། །རྩ་ལག་
Nya36a
༄#། །ཀུན་གྱིས་སྤངས་གྱུར་ཅིང ། །བརྩེ་གནས་དྲག་པོའི་གནས་ཐོབ་པ། །མྱ་ངན་ཟུག་རྔུས་གཟིར་བ་ལགས། །ཚེ་དང་ལྡན་པ་ཀུན་དགའ་བོས་དེ་ཁྲིད་དེ་ཞུགས་ནས་གསོལ་པ། བཙུན་པ། ལེགས་འོངས་དེ། འདི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བུ། ཁྱོད་བཅོམ་ལྡན་འདས་ཀྱིས་ལྷུང་བཟེད་ཀྱི་ཕམ་ཕབས་ཟ་འམ། བཅོམ་ལྡན་འདས། འཚལ་ལོ། །བཅོམ་ལྡན་འདས་ཀྱིས་དེ་ལ་ལྷུང་བཟེད་ཀྱི་ཕམ་ཕབས་སྩལ་བ་དང ། ཇི་ཙམ་ན་དེས་ཉུང་ངུར་མཐོང་ནས་དེས་བསམ་པ། བདག་ལ་བཅོམ་ལྡན་འདས་འཇིག་རྟེན་གསུམ་གྱི་བླ་མས་བརྒྱ་ལམ་ན་དགོངས་སུ་ཟིན་ཀྱང་ལྷུང་བཟེད་ཀྱི་ཕམ་ཕབས་ཆུང་ངུ་ཞིག་བཞག་གོ། སྙམ་མོ། །བཅོམ་ལྡན་འདས་ཀྱིས་དེའི་སེམས་ཐུགས་ཀྱིས་མཁྱེན་ནས་བཀའ་སྩལ་པ། བུ་ལེགས་འོངས། གལ་ཏེ་ཁྱོད་རི་རབ་ཙམ་གྱི་ཁམ་དག་དང ། རྒྱ་མཚོ་ཆེན་པོ་ཙམ་གྱི་ལྟོས་ཟ་བར་བྱེད་ན་ཡང་ཇི་སྲིད་དུ་ཁྱོད་ཚིམ་པར་མ་གྱུར་པ་དེ་སྲིད་དུ་དེ་བཞིན་གཤེགས་པའི་ལྷུང་བཟེད་ཀྱི་ཕམ་ཕབས་ཟད་པར་མི་འགྱུར་རོ།། དེས་བཅོམ་ལྡན་འདས་ཀྱི་ལྷུང་བཟེད་ཀྱི་ཕམ་ཕབས་ཟོས་པ་དང ། དེ་ཚིམ་པར་གྱུར་ནས། དེ་བཅོམ་ལྡན་འདས་ཀྱི་ཞལ་དུ་བལྟ་བར་བརྩམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། བུ་ལེགས་འོངས། ཚིམ་མམ། བཅོམ་ལྡན་འདས། ཚིམ་མོ། །ཁམ་ཐ་མ་ལོངས་ཤིག་དང ། མི་སྣང་བར་འགྱུར་རོ། །དེས་དེ་བླངས་ནས་མི་སྣང་བར་གྱུར་ཏོ། །ཁྱིམ་བདག་མགོན་མེད་ཟས་
Nya36b
སྦྱིན་གྱིས་གསོལ་པ། བཅོམ་ལྡན་འདས། འདི་སུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཆུ་སྲིན་བྱིས་པ་གསོད་ཀྱི་རི་བ་ཁྱིམ་བདག་རྟོག་ལྡན་གྱི་བུ་ཡིན་ནོ། །བཅོམ་ལྡན་འདས། འོ་ན་བདག་གི་ཆུང་པོ་གྲོགས་ཀྱི་བུ་ལགས་སོ། །ཁྱིམ་བདག། དེ་ཡིན་ནོ། །དེ་ནས་བཅོམ་ལྡན་འདས་ཀྱི་ཡོན་བཤད་པ་མཛད་ནས་གདན་ལས་བཞེངས་ཏེ་གཤེགས་པ་དང ། སྲིད་པ་ཐ་མ་པའི་སེམས་ཅན་དེ། བཅོམ་ལྡན་འདས་ཀྱི་སླད་བཞིན་སླད་བཞིན་རྗེས་སུ་འབྲང་ཞིང་སོང་ནས། བཅོམ་ལྡན་འདས་གཙུག་ལག་ཁང་དུ་གཤེགས་ཏེ་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་པ་དང ། ལེགས་འོངས་ཀྱང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།བཅོམ་ལྡན་འདས་ཀྱིས་དེའི་ལས་སྦྱང་བར་བྱའོ། །སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་ལེགས་འོངས་ལ་བཀའ་སྩལ་པ། ལེགས་འོངས། ཁྱོད་ལ་ཀཪྴ་པ་ཎ་དག་ཡོད་དམ། བཅོམ་ལྡན་འདས། མ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། བུ། གོས་ཀྱི་གྲར་ལྟོས་ཤིག་།དེས་བལྟས་པ་དང ། ཇི་ཙམ་ན་ཀཪྴ་པ་ཎ་གཉིས་ཡོད་པར་མཐོང་ནས་དེས་གསོལ་བ། བཅོམ་ལྡན་འདས། མཆིས་སོ། ། བཅོམ་ལྡན་འདས་ཀྱིས་བཀའ་སྩལ་པ། བུ། སོང་ལ་ཀུན་དགའ་ར་བ་པ་རྒྱལ་བུ་དུམ་པའི་གན་ནས་ཨུཏྤ་ལ་སྔོན་པོ་དག་ཁྱེར་ཏེ་ཤོག་ཅིག་།དེས་བཅོམ་ལྡན་འདས་བཀའ་བཞིན་འཚལ་ཞེས་
Nya37a
༄#། །བཅོམ་ལྡན་འདས་ལས་མཉན་ནས་ཀུན་དགའ་ར་བ་པ་རྒྱལ་བུ་དུམ་པ་ག་ལ་བ་དེར་སོང་བ་དང ། རྒྱལ་བུ་དུམ་པས་དེ་ཐག་རིང་པོ་ཁོ་ན་ནས་འོང་བ་མཐོང་ནས་དེས་བསམ་པ། ཉེས་འོངས་འདི་གཤེད་ནས་འདིར་འོངས་པས། བདག་ལ་གནོད་པ་འབྱུང་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །སྙམ་ནས་དེས་སྨྲས་པ། ཉེས་འོངས། ཀུན་དགའི་ར་བར་མ་འཇུག་ཅིག་།ལེགས་འོངས་ཀྱིས་ཚིགས་སུ་བཅད་པ་སྨྲས་པ། བདག་ནི་ཨུཏྤལ་མི་སྒྲུབ་སྟེ། །པདྨ་བདག་ལ་དགོངས་པ་མེད། །ཁོ་བོ་ཀུན་མཁྱེན་གྲགས་ལྡན་པ། །ཐུབ་པའི་དབང་པོའི་ཕོ་ཉ་ཡིན། །དུམ་པས་ཚིགས་སུ་བཅད་པ་སྨྲས་པ། གལ་ཏེ་ཐུབ་པ་ཞི་བདག་ཉིད། །ལྷ་མི་རྣམས་ཀྱི་མཆོད་གནས་ཀྱི། །མཆོད་པའི་གནས་ཀྱིས་ཆེས་མཆོད་པའི། །ཕོ་ཉ་ལགས་ན་ཚུར་གཤེགས་བྱོན། །དུམ་པས་སྨྲས་པ། ཁྱོད་སངས་རྒྱས་ཀྱི་ཕོ་ཉ་ཡིན་ནམ། ལེགས་འོངས་ཀྱིས་སྨྲས་པ། ཁོ་བོ་སངས་རྒྱས་ཀྱི་ཕོ་ཉ་ཡིན་ནོ། །དོན་ཅིའི་ཕྱིར་འོངས། ཨུཏྤ་ལ་དག་གི་ཕྱིར་འོངས་སོ། །སོང་ལ་ཇི་སྙེད་འདོད་པ་དེ་སྙེད་ཁྱེར་ཏེ་སོང་ཞིག་།ལེགས་འོངས་ཀྱིས་ཨུཏྤ་ལ་སྔོན་པོ་དག་གི་ཁུར་ཁྱེར་ཏེ་བཅོམ་ལྡན་འདས་ཀྱི་སྤྱན་སྔར་སོང་བ་དང ། བཅོམ་ལྡན་འདས་ཀྱིས་བཀའ་སྩལ་པ། ལེགས་འོངས། དགེ་སློང་རྣམས་ལ་བྲིམས་ཤིག་།ལེགས་འོངས་ཀྱིས་དགེ་སློང་རྣམས་ལ་ཨུཏྤ་ལ་སྔོན་པོ་དག་བྲིམ་པར་བརྩམས་པ་དང ། དགེ་སློང་དག་མི་ལེན་ནས་བཅོམ་ལྡན་འདས་
Nya37b
ཀྱིས་བཀའ་སྩལ་པ། དགེ་སློང་དག་དྲི་ཞིམ་པོ་ཐམས་ཅད་ནི། མིག་ལ་ཕན་ཞིང ། འདིའི་ལས་སྦྱང་བར་ཡང་བྱའི། ལོངས་ཤིག་།དགེ་སློང་རྣམས་ཀྱིས་མེ་ཏོག་དེ་དག་བླངས་སོ། །ལེགས་འོངས་ཀྱིས་སྔོན་ཟད་པར་སྔོན་པོའི་སྐྱེ་མཆེད་བསྐྱེད་པས་དེ་རྒན་པའི་མཐའ་ལོགས་ན་འདུག་པས། དགེ་སློང་རྣམས་ཀྱི་ལག་ན་ཨུཏྤ་ལ་སྔོན་པོ་དག་ཐོགས་པ་དེ་དག་མཐོང་ངོ ། །མཐོང་ནས་ཟད་པར་སྔོན་པོའི་སྐྱེ་མཆེད་མངོན་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ལེགས་འོངས། ཁྱོད་ཅིའི་ཕྱིར་རབ་ཏུ་མི་འབྱུང ། བཅོམ་ལྡན་འདས། བདག་རབ་ཏུ་འབྱུང་ངོ ། །བཅོམ་ལྡན་འདས་ཀྱིས་དེ་རབ་ཏུ་ཕྱུང ། རྫོགས་པར་བསྙེན་པར་མཛད་ནས་བཅོམ་ལྡན་འདས་ཀྱིས་དེ་ལ་གདམས་ངག་སྩལ་ཏོ། །དེ་དེ་ལྟར་རབ་ཏུ་བྱུང་ནས་གཅིག་པུ་དབེན་པ། བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་པ་ན་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱེད་ལ། ཚངས་པར་སྤྱོད་པའི་མཐའ་བླ་ན་མེད་པ་དེའི་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་
Nya38a
༄#། །སེམས་དང་ལྡན་པ། ཙནྡན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོར་ཡང་དག་པར་རིག་པ་ཐོབ་པ། སྲིད་པ་དང ། འདེད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། བརྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ལེགས་འོངས་ཀྱིས་དགྲ་བཅོམ་པ་ཉིད་ཐོབ་ནས་རྣམ་པར་གྲོལ་བའི་དགའ་བ་དང ། བདེ་བ་ཉམས་སུ་མྱོང་བ་ན། དེའི་ཚེ་ཚིགས་སུ་བཅད་པ་དག་སྨྲས་པ། དབང་པོ་དེ་ཉིད་གཟིགས་པ་ཡིས། །ཐབས་ཀྱི་ཞགས་པས་བདག་བཅིངས་ཏེ། །གླང་ཆེན་རྒས་པ་འདམ་ཕྱུང་ལྟར། །ཐུགས་རྗེས་སྡུག་བསྔལ་འདམ་ནས་ཕྱུང ། །བདག་ནི་སྔོན་ཆད་ལེགས་འོངས་གྱུར། ། དེ་ཡི་འོག་ཏུ་ཉེས་འོངས་ལགས། །ད་ནི་ཐུགས་དབང་ཁྱོད་གསུང་གིས། །གསལ་བར་ལེགས་འོངས་ཉིད་དུ་གྱུར། །ཀུན་མཁྱེན་ལྕགས་འདྲ་བདག་གིས་ནི། །ཁྱོད་ཀྱི་གསུང་མཆོག་ཐོས་གྱུར་ནས། །ད་ནི་གསེར་དང་འདྲ་བ་ཡི། །ཟག་པ་མེད་པའི་ལུས་ཀྱང་ཐོབ། །རིན་ཆེན་ལ་སོགས་ཐོབ་པ་དང ། །མཐོ་རིས་ཐར་པ་འཚལ་བ་ཡིས། །རྟག་ཏུ་ཕན་པ་བཞེད་པ་ཡི། །དགེ་བཤེས་བསྟེན་པར་བགྱི་བ་བཟང་།། །།འདུལ་བ་རྣམ་པར་འབྱེད་པ། བམ་པོ་རེ་ལྔ་པ། གང་གི་ཚེ་ཚེ་དང་ལྡན་པ་ལེགས་འོངས། ལེགས་པར་གསུངས་པའི་ཆོས་འདུལ་
Nya38b
བ་ལ་རབ་ཏུ་བྱུང་བ་དེའི་ཚེ་ན། གཞན་མུ་སྟེགས་ཅན་དང ། ཤེས་ལྡན་དག་།དགེ་སྦྱོང་གོའུ་ཏ་མ་ན་རེ། ངའི་བསྟན་པ་ནི། ཀུན་ཏུ་མཛེས་པ་ཡིན་ནོ། །ཞེས་ཟེར་ན། འདི་ལྟར། ཉེས་འོངས་ལ་སོགས་པ་མུ་ལྟོ་བ་དག་ཀྱང་རབ་ཏུ་འབྱིན་པར་བྱེད་ན། དེའི་བསྟན་པ་ཇི་ལྟར་ཀུན་ཏུ་མཛེས་པ་ཡིན་ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་ནས་བཅོམ་ལྡན་འདས་ཀྱིས་དགོངས་པ།་ཉན་ཐོས་ཆེན་པོ་རི་རབ་ལྟ་བུ་ལ་སྐྱེ་བོ་ཕལ་པོ་ཆེའི་ཚོགས་དག་སྨྲས་པ་སྐྱེད་པར་བྱེད་པས་འདིའི་ཡོན་ཏན་བསྒྲག་པར་བྱ་ན། གང་དུ་བྱ། གང་དུ་སྐྱེས་ཤིང་གང་དུ་རྡིབ་པ་དེ་ཉིད་དུ་བྱའོ། །སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ་དེ་བཞིན་གཤེགས་པ་ངན་སྤོང་གི་བུ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ངན་སྤོང་གི་བུ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་དག་ལོངས་ཤིག་ཅེས་སྒོས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་ཚེ་དང་ལྡན་པ་དག་།བཅོམ་ལྡན་འདས་ངན་སྤོང་གི་བུ་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ཏུ་ངན་སྤོང་གི་བུ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་དག་ལོངས་ཤིག་ཅེས་བསྒོའོ། །དེ་ནས་བཅོམ་
Nya39a
༄#། །ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུག་གུའི་ཚོགས་ཀྱིས་ཡོངས་སུ་བསྐོར་བ། སེང་གེ་ལྟར་མཆེ་བ་ཅན་གྱི་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་པའི་ཚོགས་ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་དཔོན་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ། ཁམས་ཀྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་བསྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་
Nya39b
སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱིས་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། གནོད་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐག་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཤིན་ཏུ་དུལ་བ། སྤྱོད་ལམ་དང་སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་དེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ་ཀུན་ཤེས་ཀོའུ་དི་ནྱ་དང ། རྟ་ཐུལ་དང ། བཟང་ལྡན་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང ། ལག་བཟང་ལ་སོགས་པ་ཉན་ཐོས་ཆེན་པོ་དེ་དག་དང ། གཞན་ཡང་དགེ་སློང་གི་དགེ་འདུན་མང་པོས་
Nya40a
༄#། །ཡོངས་སུ་བསྐོར་ཅིང་མདུན་དུ་བདར་ཏེ་ངན་སྤོང་གི་བུ་དག་ཏུ་ཆུ་སྲིན་བྱིས་པ་གསོད་ཀྱི་རི་ག་ལ་བ་དེ་ལོགས་སུ་ལྗོངས་རྒྱུ་ཞིང་གཤེགས་པ་ན་ཆུ་སྲིན་བྱིས་པ་གསོད་ཀྱི་རིར་བྱོན་ནས་ཆུ་སྲིན་བྱིས་པ་གསོད་ཀྱི་རི་ལ་འཇིགས་རུང་གི་ཆ་ལ་རི་དྭགས་ཀྱི་ནགས་ན་བཞུགས་སོ། །ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་དག་གིས། བཅོམ་ལྡན་འདས་ངན་སྤོང་གི་བུ་དག་ཏུ་ལྗོངས་རྒྱུ་ཞིང་གཤེགས་པ་ན། ཆུ་སྲིན་བྱིས་པ་གསོད་ཀྱི་རིར་བྱོན་ནས་ཆུ་སྲིན་བྱིས་པ་གསོད་ཀྱི་རི་ལ་འཇིགས་རུང་གི་ཚལ་རི་དྭགས་ཀྱི་ནགས་ན་བཞུགས་ཞེས་ཐོས་སོ། ཐོས་ནས་ཀྱང་ཚོགས་ནས་ཚོགས་སུ། བྱིངས་ནས་བྱིངས་སུ་འདུས་ཤིང་ལྷགས་ཏེ་ཆུ་སྲིན་བྱིས་པ་གསོད་ཀྱི་རི་ནས་བྱུང་སྟེ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། ། རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་
Nya40b
མཛད་ནས་ཅང་མི་གསུང་ངོ ། །དེ་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་སང་བདག་ཅག་གི་སྡུམ་པར་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང ། ཁྱིམ་བདག་རྣམས་ལ་ཅང་མི་གསུང་བས་གནང་ངོ ། །དེ་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ཀྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱིས་སྤྱན་སྔ་ནས་དོང་ངོ ། །དེ་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང ། ཁྱིམ་བདག་རྣམས་ཀྱིས་དེ་ཉིད་ཀྱིས་མཚན་མོ་བཅའ་བ་དང ། བཟའ་བ་གཙང་ཞིང་བསོད་པ་དག་སྟ་གོན་བྱས་ནས་ནང་པར་སྔར་ལངས་ཏེ། གདན་བཤམས་ཤིང་ཆུར་བཞག་ནས། བཅོམ་ལྡན་འདས་ལ་སྤྱན་འདྲེན་གྱིས། བཙུན་པ། གདུགས་ཚོད་གཡར་དགོངས་འཚལ་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་འདས་ཀྱིས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱི་མདུན་དུ་
Nya41a
༄#། །བདར་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ཀྱི་བཀད་ས་ག་ལ་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང ། ཁྱིམ་བདག་རྣམས་ཀྱི་བཅོམ་ལྡན་འདས་དང ། དགེ་སློང་གི་དགེ་འདུན་བདེ་བར་བཞུགས་པར་རིག་ནས་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས། བཅོམ་ལྡན་འདས་གདུགས་ཚོད་གསོལ་ཞིང་ཕྱག་བཅབས། ལྷུང་བཟེད་བཞག་པར་རིག་ནས་སྟན་ཆེས་དམའ་བ་དག་བླངས་ཏེ་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འཁོད་དོ། །འཁོད་ནས་བཅོམ་ལྡན་འདས་ལ་ཆུ་སྲིན་བྱིས་པ་གསོད་ཀྱི་རི་བའི་བྲམ་ཟེ་དང་ཁྱིམ་བདག་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ཀྱིས་ཀླུ་གདུག་པ་དང ། གནོད་སྦྱིན་གདུག་པ་དང ། སོག་མ་མེད་དང ། འབྲོག་གནས་ལ་སོགས་པ་དེ་དང་དེ་དག་ཀྱང་བཏུལ་ནས། བཙུན་པ། ཀླུ་ཨ་མྲའི་ཆུ་ངོགས་པ་འདི་ཡུན་རིང་པོ་ནས་བདག་ཅག་འཁོན་མ་མཆིས་པ་རྣམས་ལ་འཁོན་དུ་འཛིན། མི་འགྲན་པ་རྣམས་ལ་འགྲན་དུ་ཚོལ། མི་འཁུ་བ་རྣམས་ལ་འཁུ་བར་བགྱིད་ཅིང ། ལོ་ཏོག་འཁྲུངས་སོ་འཚལ་
Nya41b
མ་རུངས་པར་བགྱིད་ན། ཀྱེ་མ་བཅོམ་ལྡན་འདས་ཀྱིས་རྗེས་སུ་ཐུགས་བརྩེ་བའི་སླད་དུ་ཀླུ་ཨ་མྲའི་ཆུ་ངོགས་པ་འདི་འདུལ་དུ་གསོལ། བཅོམ་ལྡན་འདས་ཀྱིས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ལ་ཅང་མི་གསུང་བས་གནང་ངོ ། །དེ་ནས་བཅོམ་ལྡན་འདས་ཀྱིས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་བཅོམ་ལྡན་འདས་གཙུག་ལག་ཁང་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ། ཁྱེད་ཅག་ལས་གང་ཀླུ་ཨ་མྲའི་ཆུ་ངོགས་པ་འདུལ་བར་སྤྲོ་བ་དེས་ཚུལ་ཤིང་ལོངས་ཤིག་ཅེས་བསྒོ་ལ། དགེ་འདུན་ལ་ཚུལ་ཤིང་བྲིམས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་
Nya42a
༄#། །ནས་དགེ་སློང་རྣམས་ལ་ཁྱེད་ཅག་ལས་གང་ཀླུ་ཨ་མྲའི་ཆུ་ངོགས་པ་འདུལ་བར་སྤྲོ་བ་དེས། ཚུལ་ཤིང་ལོངས་ཤིག་ཅེས་བསྒོ་སྟེ། དགེ་འདུན་ལ་ཚུལ་ཤིང་བྲིམས་པར་བརྩམས་པ་དང ། བཅོམ་ལྡན་འདས་ཀྱིས་ཚུལ་ཤིང་མ་བཞེས་ནས་དགེ་སློང་གནས་བརྟན་གནས་བརྟན་དག་གིས་བསམ་པ། བཅོམ་ལྡན་འདས་ཀྱིས་ཅིའི་སླད་དུ་ཚུལ་ཤིང་མ་བཞེས་སྙམ་དུ་བསམ་ན། ཚེ་དང་ལྡན་པ་ལེགས་འོངས་ཀྱི་ཡོན་ཏན་བསྒྲག་པར་བཞེད་པར་རིག་ནས་དེ་དག་གིས་ཀྱང་ཚུལ་ཤིང་མ་བླངས་སོ། །ཚེ་དང་ལྡན་པ་ལེགས་འོངས་ཀྱིས་བསམ་པ།་བཅོམ་ལྡན་འདས་དང་དགེ་སློང་གནས་བརྟན་གནས་བརྟན་དག་གིས་ཅིའི་སླད་དུ་ཚུལ་ཤིང་མ་བཞེས་སྙམ་དུ་བསམ་ན། བདག་གི་ཡོན་ཏན་བསྒྲག་པར་བཞེད་ནས་སྟོན་པའི་ཐུགས་ལ་དགོངས་པ་ཡོངས་སུ་རྫོགས་པར་བྱའོ། །སྙམ་ནས། དེས་སྟན་ཕྱེད་ལས་འཕགས་ཏེ་གླང་པོ་ཆེའི་སྣ་ལྟ་བུའི་ལག་པ་བརྐྱངས་ནས་ཚུལ་ཤིང་བླངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་པོ་དགེ་སློང་གནས་བརྟན་གང་གིས་ཚུལ་ཤིང་བླངས། བཙུན་པ། ཚེ་དང་ལྡན་པ་ལེགས་འོངས་ཀྱིས་བླངས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། སོང་ལ་དགེ་སློང་ལེགས་འོངས་ལ་འདི་སྐད་ཅེས། དེ་ནི། ཀླུ་གདུག་པ་ཡིན་གྱི་ཁྱོད་ཀྱིས་ལུས་ཀྱི་དབང་པོ་བསྲུང་བར་བྱའོ། །
Nya42b
ཞེས་གྱིས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། ཚེ་དང་ལྡན་པ་ལེགས་འོངས་ལ་སྨྲས་པ། ཚེ་དང་ལྡན་པ་ལེགས་འོངས། བཅོམ་ལྡན་འདས་ཀྱིས་བཀའ་སྩལ་པ། དེ་ནི། ཀླུ་གདུག་པ་ཡིན་གྱི། ཁྱོད་ཀྱིས་ལུས་ཀྱི་དབང་པོ་བསྲུང་བར་བྱའོ། །ཞེས་གསུང་ངོ ། །ཚེ་དང་ལྡན་པ་ལེགས་འོངས་ཀྱིས་སྨྲས་པ། བཙུན་པ་ཀུན་དགའ་བོ། སྟོན་པའི་བཀའ་མཉན་པས་བཀའ་བཞིན་འཚལ། གཞན་དུ་ན་ཀླུ་ཨ་མྲའི་ཆུ་ངོགས་ལྟ་བུ་ཤ་སྟག་གིས་འཛམ་བུའི་གླིང་འདི་ལྟ་སྟེ། དཔེར་ན། བུ་རམ་ཤིང་གི་ཚལ་ལམ། འདམ་བུའི་ཚལ་ལམ། འོད་མའི་ཚལ་བཞིན་དུ་གང་བར་གྱུར་ཀྱང་དེ་དག་གིས་བདག་གི་སྤུའི་རྩེ་མོ་ཙམ་ཡང་གཡོ་བར་མི་ནུས་ན། ལུས་ཀྱི་དབང་པོ་འགག་པར་ལྟ་ག་ལ་ནུས་ཏེ། འདི་ལྟར། བདག་གིས་བཅོམ་ལྡན་འདས་ཀྱི་སྤྱན་སྔར་རྫུ་འཕྲུལ་གྱི་རྐང་པ་བཞི་པོ་དག་ཀུན་ཏུ་བསྟེན་ཅིང ། གོམས་པར་བྱས། ལན་མང་དུ་བྱས་པའི་ཕྱིར་རོ། །དེ་ནས་ཚེ་དང་ལྡན་པ་ལེགས་འོངས་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཆུ་སྲིན་བྱིས་པ་གསོད་ཀྱི་རིར་བསོད་སྙོམས་ལ་ཞུགས་སོ། །ཆུ་སྲིན་བྱིས་པ་གསོད་ཀྱི་རིར་བསོད་སྙོམས་རྒྱུས་ནས་ཀླུ་ཨ་མྲའི་ཆུ་ངོགས་པའི་གནས་ག་ལ་བ་དེར་སོང་བ་དང ། ཀླུ་ཨ་མྲའི་ཆུ་ངོགས་པས་ཚེ་དང་ལྡན་པ་ལེགས་འོངས་ཐག་རིང་པོ་ཁོ་ན་ནས་འོང་བ་མཐོང་ངོ ། །མཐོང་ནས་ཀྱང་དེས་བསམ་
Nya43a
༄#། །པ།་དགེ་སྦྱོང་འདིས་བདག་ཤི་བར་གཏམ་ཐོས་སམ། ཅི་ན། བདག་གི་གནས་སུ་འོང ། རེ་ཞིག་འདི་ནི། གློ་བུར་བ་ཡིན་གྱི། འོང་དུ་ཆུག་ཅིག་སྙམ་མོ། ། དེ་ནས་ཚེ་དང་ལྡན་པ་ལེགས་འོངས་ཀྱིས་ཆུ་ཚགས་དང་ལྷུང་བཟེད་མཐའ་གཅིག་ཏུ་བཞག་སྟེ་སྣམ་སྦྱར་སྦྲུགས་ནས་རྐང་པ་གཉིས་བཀྲུས་ཤིང ། ལག་པ་གཉིས་བསྙལ་ཏེ་ཚུ་བཙགས་ནས་ལོ་མ་ལྷགས་པ་དག་བླངས་ཏེ་འདུག་ནས་ཟས་ཀྱི་བྱ་བ་བྱ་བར་བརྩམས་སོ། །དེ་ནས་ཚེ་དང་ལྡན་པ་ལེགས་འོངས་ཀྱིས་ཟས་ཀྱི་བྱ་བ་བྱས་ནས་བསམ་པ། ཀླུ་གདུག་པ་ནི། འཁྲུགས་པར་མ་བྱས་ན། འདུལ་བའི་གནས་སུ་མི་རུང་བས། འདི་ནི། ཀླུ་གདུག་པ་ཡིན་པས་འཁྲུགས་པར་བྱའོ། །སྙམ་ནས། དེ་ལྷུང་བཟེད་བཀྲུས་ཏེ་ལྷུང་བཟེད་ཀྱི་འཁྲུད་མའི་ཆུ་དེ། དེའི་རྫིང་དེར་བླུགས་པ་དང ། ཀླུ་ཨ་མྲའི་ཆུ་ངོགས་པ་དེ་འཁྲུགས་ནས་དེས་བསམ་པ། བདག་གིས་དགེ་སྦྱོང་འདི་འོང་བ་དང ། ཟ་བ་ཡང་ཡལ་བར་བོར་ན། བདག་ལ་བརྙས་ཏེ་བདག་གི་གནས་སུ་འཁྲུད་མའི་ཆུ་ལྡུགས་པར་བྱེད་པས། དགེ་སྦྱོང་འདི་ནི། ཉེ་བར་མ་ཞི་བ་ཞིག་ཡིན་ནོ། །སྙམ་ནས། དེ་ཁྲོས་ཏེ་སྟེང་གི་ནམ་མཁའ་ལ་མངོན་པར་འཕགས་ནས་འབྲུག་སྒྲ་ཆེན་པོ་ཕྱུང་སྟེ། ཚེ་དང་ལྡན་པ་ལེགས་འོངས་ཀྱི་སྟེང་དུ་རྡོ་རྗེ་རྩེ་གཅིག་པ་དང ། འཁོར་ལོ་དང ། མདའ་བོ་ཆེ་དང ། མཚོན་རྩེ་གཅིག་པ་ལ་སོགས་པ་མཚོན་ཆ་སྣ་ཚོགས་
Nya43b
དབབ་པར་བརྩམས་པ་དང ། ཚེ་དང་ལྡན་པ་ལེགས་འོངས་བྱམས་པའི་ཏིང་ངེ་འཛིན་ལ་ཞུགས་པས། མཚོན་ཆ་དེ་དག་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དག་ཏུ་གྱུར་ཏེ་ཚེ་དང་ལྡན་པ་ལེགས་འོངས་ཀྱི་ལུས་ལ་འབབ་བོ། །ཀླུ་ཨ་མྲའི་ཆུ་ངོགས་པས་མེ་མདག་གི་ཆར་དབབ་པར་བརྩམས་པ་དང ། ཚེ་དང་ལྡན་པ་ལེགས་འོངས་བྱམས་པའི་ཏིང་ངེ་འཛིན་ལ་ཞུགས་པས། མེ་མདག་དེ་དག་ལྷའི་མེ་ཏོག་མནད་ར་བ་དག་ཏུ་གྱུར་ཏེ་ཚེ་དང་ལྡན་པ་ལེགས་འོངས་ཀྱི་ལུས་ལ་འབབ་བོ། །ཀླུ་ཨ་མྲའི་ཆུ་ངོགས་པས་ཕྱག་དར་གྱི་ཆར་དབབ་པར་བརྩམས་པ་དང ། ཚེ་དང་ལྡན་པ་ལེགས་འོངས་བྱམས་པའི་ཏིང་ངེ་འཛིན་ལ་ཞུགས་པས། ཕྱག་དར་དེ་དག་ལྷའི་ཨ་ཀ་རུའི་ཕྱེ་མ་དག་དང ། ཙནྡན་གྱི་ཕྱེ་མ་དག་དང ། རྒྱ་སྤོས་ཀྱི་ཕྱེ་མ་དག་དང ། ཏ་མ་ལའི་ལོ་མའི་ཕྱེ་མ་དག་ཏུ་གྱུར་ཏེ་ཚེ་དང་ལྡན་པ་ལེགས་འོངས་ཀྱི་ལུས་ལ་འབབ་པོ། །ཀླུ་ཨ་མྲའི་ཆུ་ངོགས་པས་ཁྲོ་བའི་མཐུས་ངུ་བ་བཏུལ་བ་དང ། ཚེ་དང་ལྡན་པ་ལེགས་འོངས་ཀྱིས་ཀྱང་རྫུ་འཕྲུལ་གྱི་མཐུས་ངུ་བ་བཏུལ་ཏེ། ཀླུ་ཨ་མྲའི་ཆུ་ངོགས་པས་ཁྲོ་པའི་མཐུས་མེ་སྤར་བ་དང ། ཚེ་དང་ལྡན་པ་ལེགས་འོངས་མེའི་ཁམས་ལ་སྙོམས་པར་ཞུགས་སོ། །དེ་ན་ཀླུ་ཨ་མྲའི་ཆུ་ངོགས་པའི་ཁྲོ་བའི་མཐུ་དང ། ཚེ་དང་ལྡན་པ་ལེགས་འོངས་ཀྱི་རྫུ་འཕྲུལ་གྱི་མཐུས་སྣང་བ་ཆེན་པོ་བྱུང་བར་གྱུར་ནས། ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་
Nya44a
༄#། །ཁྱིམ་བདག་རྣམས་ཀྱིས་སྨྲས་པ། ཤེས་ལྡན་དག་།འདི་ནི། བཅོམ་ལྡན་འདས་ཀླུ་ཨ་མྲའི་ཆུ་ངོགས་པ་གདུལ་བར་མཛད་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་ཉན་ཐོས་ཀྱི་དགེ་སློང་ཡང་དང་ཡང་དུ་མེའི་ཁམས་ལ་སྙོམས་པར་འཇུག་པ་རྣམས་ཀྱི་ནང་ན་འདི་ལྟ་སྟེ། དགེ་སློང་ལེགས་འོངས་འདི་མཆོག་ཡིན་ནོ། །གང་གི་ཆེ་ཀླུ་ཨ་མྲའི་ཆུ་ངོགས་པ་མཚོན་ཐམས་ཅད་ཟད་པར་གྱུར་པ་དེའི་ཚེ་ན་དེས་འབྲོས་པར་བརྩམས་པ་དང ། ཚེ་དང་ལྡན་པ་ལེགས་འོངས་ཀྱིས་ཀུན་ཏུ་མེ་མངོན་པར་སྤྲུལ་ནས། ཀླུ་ཨ་མྲའི་ཆུ་ངོགས་པས་ཚེ་དང་ལྡན་པ་ལེགས་འོངས་ཀྱི་རྐང་པའི་དྲུང་འབའ་ཞིག་ཞི་བར་མཐོང་བ་མ་གཏོགས་པར་ཐམས་ཅད་ཀུན་ཏུ་འབར། རབ་ཏུ་འབར། ཀུན་ཏུ་རབ་ཏུ་འབར་ཞིང ། མེ་ལྕེ་གཅིག་ཏུ་གྱུར་བར་མཐོང་ནས་དེ་ཚེ་དང་ལྡན་པ་ལེགས་འོངས་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ལེགས་འོངས་ལ་འདི་སྐད་ཅེས་སྨྲས་སོ། །བཙུན་པ་ལེགས་འོངས། ཅིའི་སླད་དུ་བདག་ལ་མཐོ་འཚམ་པར་མཛད། རྒ་བའི་ཆས་ཅན། ཁོ་བོ་ཁྱོད་ལ་མཐོ་འཚམ་པ་མ་ཡིན་གྱི། ཁྱོད་ཁོ་བོ་ལ་མཐོ་འཚམ་སྟེ། གལ་ཏེ་ཁོ་བོས་ཡོན་ཏན་གྱི་ཚོགས་འདི་ལྟ་བུ་ཐོབ་པར་མ་གྱུར་ཏུ་ཟིན་ན། ཁྱོད་ཀྱིས་དེང་ཁོ་བོ་མིང་ལས་ལྷག་མ་མ་ལུས་པར་བྱེད་པར་འགྱུར་རོ། །དེས་སྨྲས་པ། བཙུན་
Nya44b
པ་ལེགས་འོངས། བདག་གིས་ཅི་བགྱི་བ་བཀའ་སྩལ་དུ་གསོལ། བཞིན་བཟང ། ཚུར་ཤོག་།བཅོམ་ལྡན་འདས་ཀྱི་སྤྱན་སྔར་སོང་ལ་སྐྱབས་སུ་འགྲོ་བ་དང ། བསླབ་པའི་གཞི་དག་ལོངས་ཤིག་།དེ་ནས་ཚེ་དང་ལྡན་པ་ལེགས་འོངས་ཀྱིས། ཀླུ་ཨ་མྲའི་ཆུ་ངོགས་པ་ལྷུང་བཟེད་དུ་བཅུག་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ལེགས་འོངས་ཀྱིས་འདི་སྐད་ཅེས་གསོལ་ཏོ། །བཙུན་པ། ཀླུ་ཨ་མྲའི་ཆུ་ངོགས་པ་དེ་འདི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བཞིན་བཟང ། ཁྱོད་རེ་ཞིག་ཉེས་པར་སྤྱད་པས། ད་ལྟར་དུད་འགྲོའི་སྐྱེ་གནས་ངན་པར་སྐྱེས་ཤིང ། དྲག་ཤུལ་ཅན། ལག་པ་དམར་པ། སྣུན་པ་དང ། རབ་ཏུ་སྣུན་པ་ལ་ཞུགས་པ། གཞན་གྱི་སྲོག་འཕྲོག་པ། གཞན་གྱི་སྲོག་གཅོད་དུ་འཇུག་པ། གཞན་གྱི་སྲོག་གཅོད་པས་འཚོ་བར་བྱེད་པ་ཡིན་པས། ཁྱོད་འདི་ནས་ཤི་འཕོས་པའི་འགྲོ་བ་ནི། ཅིར་འགྱུར། སྐྱེ་བ་ནི། ཅིར་འགྱུར། ཚེ་ཕྱི་མ་ནི། ཅིར་འགྱུར། བཅོམ་ལྡན་འདས་ཀྱིས་བདག་གིས་ཇི་ལྟར་བགྱི་བ་བཀའ་སྩལ་དུ་གསོལ། བཞིན་བཟང ། ཁྱོད་ཚུར་ཤོག་ལ་ངའི་སྤྱན་སྔར་སྐྱབས་སུ་འགྲོ་བ་
Nya45a
༄#། །དང ། བསླབ་པའི་གཞི་དག་ལོངས་ལ་ཆུ་སྲིན་བྱིས་པ་གསོད་ཀྱི་རི་བའི་བྲམ་ཟེ་དང ། ཁྱིམ་བདག་རྣམས་ལ་མི་འཇིགས་པ་བྱིན་ཅིག་།བཙུན་པ། བདག་བཅོམ་ལྡན་འདས་ཀྱི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་དག་ལེན་ཅིང ། དེང་སླན་ཆད་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང ། ཁྱིམ་བདག་རྣམས་ལ་མི་འཇིགས་པ་སྩོལ་ཏོ། །དེ་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང ། ཁྱིམ་བདག་རྣམས་བྱ་མོ་ལབ་མང་པོ་ཐོགས་ནས་བཅོམ་ལྡན་འདས་ག་ལ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་ལ་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང ། ཁྱིམ་བདག་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ཀྱིས་ཀླུ་ཨ་མྲའི་ཆུ་ངོགས་པ་བཏུལ་ཏམ། བཅོམ་ལྡན་འདས་ཀྱིས་བཀའ་སྩལ་པ། ངས་ཀླུ་ཨ་མྲའི་ཆུ་ངོགས་པ་མ་བཏུལ་ཏེ། དགེ་སློང་ལེགས་འོངས་ཀྱིས་ཀླུ་ཨ་མྲའི་ཆུ་ངོགས་པ་བཏུལ་ཏོ། །བཙུན་པ། ལེགས་འོངས་གང་གིས། ཆུ་སྲིན་བྱིས་པ་གསོད་ཀྱི་རི་བའི་ཁྱིམ་བདག་རྟོག་ལྡན་གྱི་བུ་ལེགས་འོངས་ཀྱིས་སོ། །དེ་ན་ཁ་ཅིག་གིས་སྨྲས་པ། བདག་ཅག་གི་བུ་ལེགས་འོངས་ཡིན་ནོ། །ཁ་ཅིག་གིས་སྨྲས་པ། བདག་ཅག་
Nya45b
གི་ཚ་བོ་ཡིན་ནོ། །ཁ་ཅིག་གིས་སྨྲས་པ། བདག་ཅག་གི་ཞང་པོ་ཡིན་ནོ། །ཁ་ཅིག་གིས་སྨྲས་པ། བདག་ཅག་གི་ཆུང་པོ་གྲོགས་ཀྱི་བུ་ཡིན་ནོ། །ཞེས་དེ་དག་གིས་དེ་ལ་བྱ་མོ་ལབ་མང་པོ་ཕུལ་ལོ། །དེ་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས། བཙུན་པ་ལེགས་འོངས་ལ་བརྟེན་ཏེ་དགུང་བདུན་དུ་བདག་ཅག་གི་མཆོད་པའི་དབང་དུ་བགྱིས་པའི་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང ། ཁྱིམ་བདག་རྣམས་ལ་ཅང་མི་གསུང་བས་གནང་ངོ ། །དེ་ནས་ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ཀྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་ང་ནས་དོང་ངོ ། །ཆུ་སྲིན་བྱི་པ་གསོད་ཀྱི་རི་ལ་ཁྱིམ་བདག་རྟོག་ལྡན་གྱི་ཆུང་པོ་གྲོགས་བྲམ་ཟེ་སྦྲུལ་ཁས་སྡིགས་པ་ཞིག་འདུག་པ་དེ། ཀླུ་ཨ་མྲའི་ཆུ་ངོགས་པའི་འཇིགས་པས་བྲོས་ཏེ་མཉན་ཡོད་དུ་སོང་བ་དེ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་གླང་པོ་ཆེའི་ཆང་པའི་བླར་བསྐོས་ཏེ་བཞག་གོ་།དེ་བྱ་བ་ཞིག་གི་ཕྱིར་ཆུ་སྲིན་བྱིས་
Nya46a
༄#། །པ་གསོད་ཀྱི་རིར་ཕྱིན་པ་དང ། དེས་ཇི་ལྟར་ཁྱིམ་བདག་རྟོག་ལྡན་གྱི་བུ་བཙུན་པ་ལེགས་འོངས་ཀྱིས་ཀླུ་ཨ་མྲའི་ཆུ་ངོགས་པ་བཏུལ་བ་ཐོས་སོ། །ཐོས་ནས་ཀྱང་ཚེ་དང་ལྡན་པ་ལེགས་འོངས་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ལེགས་འོངས་ཀྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་ལེགས་འོངས་ལ་བྲམ་ཟེ་དེས་འདི་སྐད་ཅེས་སྨྲས་སོ། །བཙུན་པ་ལེགས་འོངས་ཀྱིས་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། བྲམ་ཟེ། ཆུ་སྲིན་བྱིས་པ་གསོད་ཀྱི་རི་པའི་བྲམ་ཟེ་དང་ཁྱིམ་བདག་རྣམས་ཀྱིས་ཁོ་བོ་ལ་བརྟེན་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་ཞག་བདུན་དུ་མཆོད་པའི་དབང་དུ་བྱས་པའི་གདུགས་ཚོད་ལ་སྤྱན་དྲངས་ཀྱི།་མི་འཚལ་ལོ། །བྲམ་ཟེས་སྨྲས་པ། གལ་ཏེ་ཁྱོད་ཀྱིས་ད་མི་གནང་ན། གང་གི་ཚེ་ཁྱོད་མཉན་ཡོད་དུ་བྱོན་པར་གྱུར་པ་དེའི་ཚེ་ན་ཁྱོད་ཀྱིས་དང་པོ་ཁོ་ནར་བདག་གི་བསོད་སྙོམས་གསོལ་བར་མཛོད་ཅིག་།ཚེ་དང་ལྡན་པ་ལེགས་འོངས་ཀྱིས། དེ་ལྟར་བྱའོ། །ཞེས་སྨྲས་ནས་དེ་ལངས་ཏེ་སོང་ངོ ། །དེ་ནས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་རིར་ཅི་དགྱེས་པར་བཞུགས་ནས་མཉན་ཡོད་ག་ལ་དེ་ལོགས་སུ་ལྗོངས་རྒྱུ་ཞིང་གཤེགས་ཏེ་མཐར་གྱིས་རྒྱུ་ཞིང་གཤེགས་པ་ན། མཉན་ཡོད་དུ་བྱོན་ནས་མཉན་ཡོད་དུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་
Nya46b
གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ངན་སྤོང་གི་བུ་དག་ཏུ་ལྗོངས་རྒྱུ་ཞིང་གཤེགས་པ་ན། མཉན་ཡོད་དུ་བྱོན་ནས་མཉན་ཡོད་དུ་རྒྱལ་བྱེད་ཀྱི་ཚལ་བདག་གི་ཀུན་དགའ་ར་བ་ན་བཞུགས་ཞེས་ཐོས་སོ། །ཐོས་ནས་ཀྱང་མཉན་ཡོད་ནས་བྱུང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅད་མི་གསུང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་སང་བདག་གི་སྡུམ་པར་གདུགས་ཚོད་གསོལ་
Nya47a
༄#། །བར་ཅི་གནང ། བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་གྱི་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །བྲམ་ཟེ་སྦྲུལ་ཁས་སྡིགས་པ་དེས་བཅོམ་ལྡན་འདས་ངན་སྤོང་གི་བུ་དག་ཏུ་ལྗོངས་རྒྱུ་ཞིང་གཤེགས་པ་ན། མཉན་ཡོད་དུ་བྱོན་ནས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཞེས་ཐོས་སོ། །ཐོས་ནས་ཀྱང་ཆེ་དང་ལྡན་པ་ལེགས་འོངས་ག་ལ་བ་དེ་སོང་སྟེ་ཕྱིན་ནས་ཚེ་དང་ལྡན་པ་ལེགས་འོངས་ཀྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་ལེགས་འོངས་བྲམ་ཟེ་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་
Nya47b
ནས་ཅང་མི་སྨྲའོ། །དེ་ནས་བྲམ་ཟེ་དེ་སྟན་ལས་ལངས་ཏེ། ཚེ་དང་ལྡན་པ་ལེགས་འོངས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཚེ་དང་ལྡན་པ་ལེགས་འོངས་ལ་འདི་སྐད་ཅེས་སྨྲས་སོ། །བཙུན་པ་ལེགས་འོངས་ཀྱིས་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། བྲམ་ཟེ། བཅོམ་ལྡན་འདས་ལ་ཞུའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ལེགས་འོངས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བྲམ་ཟེ་དེ་བདག་གི་གན་དུ་མཆིས་ཏེ་བདག་སང་སྡུམ་པ་གཞན་དུ་འཚལ་མ་ལ་གཡར་འདྲེན་ན། མཆིད་ཀྱིས་འཚལ་ལམ། བཅོམ་ལྡན་འདས་ཀྱིས་བཀའ་སྩལ་པ། སྔར་མགྲོན་དུ་བོས་པས་བདག་གིར་བྱའོ། །ཚེ་དང་ལྡན་པ་ལེགས་འོངས་ཀྱིས། བྲམ་ཟེ་དེ་ལ་ཅང་མི་སྨྲ་བས་དང་དུ་བླངས་སོ། །དེ་ནས་བྲམ་ཟེ་དེས་ཚེ་དང་ལྡན་པ་ལེགས་འོངས་ཀྱིས་ཅང་མི་སྨྲ་བས་དང་དུ་བླངས་པར་རིག་ནས་ཚེ་དང་ལྡན་པ་ལེགས་འོངས་ཀྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་ཚེ་དང་ལྡན་པ་ལེགས་འོངས་ཀྱི་དྲུང་ནས་སོང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་དེ་ཉིད་ཀྱི་མཚན་མོ་བཅའ་བ་དང ། བཟའ་བ་གཙང་ཞིང་བསོད་པ་སྟ་གོན་བྱེད་དུ་བཅུག་ནས་ནང་པར་སྔར་ལངས་ཏེ་གདན་བཤམས་ཤིང་ཆུ་ར་བཞག་ནས་བཅོམ་ལྡན་འདས་ལ་སྤྱན་འདྲེན་གྱིས། བཙུན་པ། གདུགས་ཚོད་གསོལ་དགོངས་འཚལ་ན།
Nya48a
༄#། །བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་དུ་བདར་ནས་ཁྱིམ་བདག་མགོན་མེད་ཟས་སྦྱིན་གྱི་བཀད་ས་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བྲམ་ཟེ་དེས་ཀྱང་ཚེ་དང་ལྡན་པ་ལེགས་འོངས་ཀྱི་ཁ་ཟས་བསོད་པ་སྟ་གོན་བྱས་སོ། །ཚེ་དང་ལྡན་པ་ལེགས་འོངས་ཀྱང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ནས་བྲམ་ཟེ་དེའི་བཀད་ས་ག་ལ་བ་དེར་སོང་སྟེ་ཕྱིན་ནས་སྟན་བཤམས་པ་ཉིད་ལ་འདུག་གོ་།དེ་ནས་བྲམ་ཟེ་དེས་ཚེ་དང་ལྡན་པ་ལེགས་འོངས་བདེ་བར་འདུག་པར་རིག་ནས་ཚེ་དང་ལྡན་པ་ལེགས་འོངས་ཁ་ཟས་བསོད་པས་ཚིམ་པར་བྱས་སོ། །བྲམ་ཟེ་དེས་བསམ་པ། བཙུན་པ་ལེགས་འོངས་ཀྱིས་ཁ་ཟས་བསོད་པ་ཟོས་པས་འཇུ་བར་མི་ནུས་སོ། ། སྙམ་དུ་རིག་ནས་ཚེ་དང་ལྡན་པ་ལེགས་འོངས་ལ་འདི་སྐད་ཅེས་སྨྲས་སོ། །བཙུན་པ་ལེགས་འོངས། རྩང་ནན་གསོལ་ལམ། དེས་སྨྲས་པ། འཐུང་ངོ ། །བྲམ་ཟེ་དེས་གླང་པོ་ཆེའི་ཆང་གི་ནང་དུ་མཛུབ་མོ་བཅུག་སྟེ་སྐོམ་གྱི་ནང་དུ་ཀྲོག་ཀྲོག་དཀྲུགས་ཏེ། ཚེ་དང་ལྡན་པ་ལེགས་འོངས་ལ་ཕུལ་ལོ། །དགྲ་བཅོམ་པ་དག་ནི། མ་བསམ་པར་ཤེས་པ་དང ། མཐོང་བ་མི་འཇུག་པས། ཚེ་དང་
Nya48b
ལྡན་པ་ལེགས་འོངས་ཀྱིས་དེ་འཐུངས་ཏེ་ཡོན་བཤད་པ་བྱས་ནས་སྟན་ལས་ལངས་ཏེ་སོང་ངོ ། །དེ་མཉན་ཡོད་ཀྱི་སྲང་རེ་ལྡེས་གཡོགས་པ་ལས་ཐལ་ནས་ཉི་མའི་འོད་ཟེར་དག་གིས་ལུས་ལ་ཕོག་པ་དང ། ར་རོ་ནས་དེ་ཆང་གིས་མྱོས་པའི་ཤུགས་ཀྱིས་དེ་བརྒྱལ་ཏོ། །སངས་རྒྱས་བཅོམ་ལྡན་འདས་རྣམས་ནི། བསྙེལ་བ་མི་མངའ་བའི་ཆོས་ཉིད་ཅན་ཡིན་པས། བཅོམ་ལྡན་འདས་ཀྱིས་དེར་ལོ་མ་མ་ཡིན་པའི་སྤྱིལ་བུ་ཞིག་སྤྲུལ་པ་མཛད་དེ་བཀབ་བོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གེ་དགེ་འདུན་བདེ་བར་བཞུགས་པ་རིག་ནས་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས། བཅོམ་ལྡན་འདས་གདུགས་ཚོད་གསོལ་ཅིང་ཕྱག་བཅབས། ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། དེ་ནས་བཅོམ་ལྡན་འདས་ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་
Nya49a
༄#། །དགའ་བར་མཛད་ནས་ཡོན་བཤད་པ་མཛད་ནས་གདན་ལས་བཞེངས་ཏེ་གཤེགས་ནས་ཕྱོགས་དེར་བྱོན་ཏོ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་མཛད་པ་དེ་བརྟུལ་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།འདི་ནི། གང་གིས་ཀླུ་ཨ་མྲའི་ཆུ་ངོགས་པ་བཏུལ་བའི་དགེ་སློང་ལེགས་འོངས་ཞེས་བྱ་བ་དེ་ཡིན་ན། དགེ་སློང་དག་།ཇི་སྙམ་དུ་སེམས་དགེ་སློང་ལེགས་འོངས་འདིས་ད་ལྟར་སྦྲུལ་ཕྲུག་ཀྱང་ཐུལ་བར་ནུས་སམ། བཙུན་པ། རྔོ་མི་ཐོགས་སོ། །དགེ་སློང་དག་།དེ་ལྟར་ན། ཉེས་དམིགས་འདི་དང ། གཞན་དག་ཀྱང་མྱོས་པར་འགྱུར་བ་འཐུང་བ་ལས་བྱུང་བས། དགེ་སློང་དག་།ང་ལ་སྟོན་པའོ། །ཞེས་ཟེར་བ་དག་གིས་མྱོས་པར་འགྱུར་བ། ཐ་ན་རྩཝའི་རྩེ་མོས་ཀྱང་བཏུང་བར་མི་བྱ་ཟིང ། བླུད་པར་ཡང་མི་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ལེགས་འོངས་སད་པར་མཛད་ནས་བཀའ་སྩལ་པ། ལེགས་འོངས། ཅིའི་ཕྱིར་འདི་ལྟར་གྱུར། བཅོམ་ལྡན་འདས། མ་བསམ་མོ། །བདེ་བར་གཤེགས་པ། མ་བསམ་མོ། །དེ་ནས་བཅོམ་ལྡན་འདས་གཙུག་ལག་ཁང་དུ་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་
Nya49b
སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་འཐུང་ན། ལྟུང་བྱེད་དོ། །འབྲུའི་ཆང་ཞེས་བྱ་བ་ནི། ཆན་གྱི་བཏུང་བ་དང ། ཕབས་ཀྱི་བཏུང་བའོ། །བཅོས་པའི་ཆང་ཞེས་བྱ་བ་ནི། རྩ་བའི་བཏུང་བ་དང ། སྡོང་བུའི་བཏུང་བ་དང ། འདབ་མའི་བཏུང་བ་དང ། མེ་ཏོག་གི་བཏུང་བ་དང ། འབྲས་བུའི་བཏུང་བའོ། །དེ་གཉིས་ཀ་བསྲེས་པ་ནི། འབྲུའི་ཆང་དང ། བཅོས་པའི་ཆང་ཞེས་བྱའོ། །དེ་འཐུང་ན་ཞེས་བྱ་བ་ནི། མགུལ་དུ་མིད་ནའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མྱོས་པར་འགྱུར་བའི་ཁ་དོག་དང་ལྡན་པ་དང།་སྨྱོས་པར་འགྱུར་པའི་དྲི་དང་ལྡན་པ་དང ། མྱོས་པར་འགྱུར་བའི་རོ་དང་ལྡན་པ་དང ། མྱོས་པར་འགྱུར་བའི་མྱང་བ་དང་ལྡན་པ་འཐུང་ན། འཐུངས་ན་མྱོས་པར་འགྱུར་ན། ལྟུང་བྱེད་དུ་འགྱུར་ལ། འཐུངས་ན་མྱོས་པར་མི་འགྱུར་ན། ཉེས་བྱས་སུ་འགྱུར་རོ། །དགེ་སློང་མྱོས་པར་འགྱུར་བའི་ཁ་དོག་དང་ལྡན་པ་དང ། མྱོས་པར་འགྱུར་བའི་དྲི་དང་ལྡན་པ་དང ། མྱོས་པར་འགྱུར་བའི་རོ་དང་ལྡན་པ་འཐུང་ན། འཐུངས་
Nya50a
༄#། །ནས་མྱོས་པར་འགྱུར་ན། ལྟུང་བྱེད་དུ་འགྱུར་ལ། འཐུངས་ནས་མྱོས་པར་མི་འགྱུར་ན། ཉེས་བྱས་སུ་འགྱུར་རོ། །དགེ་སློང་མྱོས་པར་འགྱུར་བའི་ཁ་དོག་དང་ལྡན་པ་དང ། མྱོས་པར་འགྱུར་བའི་དྲི་དང་ལྡན་པ་འཐུང་ན། འཐུངས་ནས་མྱོས་པར་འགྱུར་ན་ལྟུང་བྱེད་དུ་འགྱུར་ལ། འཐུངས་ནས་མྱོས་པར་མི་འགྱུར་ན་ཉེས་བྱས་སུ་འགྱུར་རོ། །མྱོས་པར་འགྱུར་བའི་ཁ་དོག་འབའ་ཞིག་མ་འདྲེས་པ་དང་ལྡན་པ་འཐུང་བ་ལ་ནི་ལྟུང་བ་མེད་དོ། །དེ་ཡང་ཚཝ་ཉིད་དུ་གྱུར་བའོ། །དགེ་སློང་འབྲུའི་ཆང་འཐུང་ན་ལྟུང་བྱེད་དུ་འགྱུར་རོ། །བཅོས་པའི་ཆང་འཐུང་ན་ལྟུང་བྱེད་དུ་འགྱུར་རོ། །འབྲུའི་ཆང་དང་བཅོས་པའི་ཆང་འཐུང་ན་ལྟུང་བྱེད་དུ་འགྱུར་རོ། །དགེ་སློང་འབྲུའི་ཆང་གི་ནུ་རྫི་འཐུང་ན་ལྟུང་བྱེད་དུ་འགྱུར་རོ། །དགེ་སློང་སྦང་མ་ཟ་ན་ལྟུང་བྱེད་དུ་འགྱུར་རོ། །དགེ་སློང་ཚིགས་མ་ཟ་ན་ལྟུང་བྱེད་དུ་འགྱུར་རོ། །དགེ་སློང་ཕབས་ཀྱི་ཆང་བུ་ཟ་ན་ཉེས་བྱས་སུ་འགྱུར་རོ། །དགེ་སློང་མེ་ཏོག་དང་འབྲས་བུ་མྱོས་པར་འགྱུར་བ་དག་ཟ་ན་ཉེས་སུ་འགྱུར་རོ། །བསྐོལ་བ་འཐུང་བ་དང ། ཁའི་ནད་ཡོད་པ་ལ་སྨན་པའི་ལུང་གིས་ཁུར་བར་བསྲེལ་བ་དང ། ལུས་དག་སྐུད་པ་ལ་ལྟུང་བ་མེད་དོ། །ལས་དང་པོ་པ་དང ། མྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་ལེགས་འོངས་ཀྱིས་ལས་ཅི་བགྱིས་ན། ལས་དེའི་རྣམ་པར་སྨིན་པས་ཕྱུག་པ། ནོར་མང་ལ་ལོངས་སྤྱོད་ཆེ་བའི་ཁྱིམ་དུ་སྐྱེས། ལས་ཅི་བགྱིས་ན། ལས་དེའི་རྣམ་པར་སྨིན་པས། མུ་ལྟོ་
Nya50b
བ་རྣམས་ཀྱི་ནང་དུ་ཞུགས་ཤིང་ཉེས་འོངས་ཞེས་བགྱི་བའི་མིང་དུ་གྱུར། ལས་ཅི་བགྱིས་ན། ལས་དེའི་རྣམ་པར་སྨིན་པས། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བགྱིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།རིགས་ཀྱི་བུ་ལེགས་འོངས་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་སྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། ལེགས་འོངས་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་འདས་པའི་དུས་ན་རི་བྲག་ཅིག་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་འདུག་པ་དེ། འཁོར་དང་བཅས་ཏེ་སྐྱེད་མོས་ཚལ་གྱི་སར་བྱུང་ངོ ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་
Nya51a
༄#། །དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །རང་སངས་རྒྱས་ན་བ་ཞིག་རི་བྲག་དེར་བསོད་སྙོམས་ལ་ཞུགས་པ་དང ། ཁྱིམ་བདག་དེས་རང་སངས་རྒྱས་དེ་ཐག་རིང་པོ་ཁོ་ན་ནས་མཐོང་ནས། དེ་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་།རབ་ཏུ་བྱུང་བ་འདི་སྐྲོད་ཅིག་།དེ་དག་ལས་འགའ་ཡང་རང་སངས་རྒྱས་དེ་སྐྲོད་པར་སྤྲོ་བ་མེད་ནས། ཁྱིམ་བདག་དེས་སྤྱོས་ཏེ་སྟན་ལས་ལངས་ཏེ་རང་ཉིད་ཀྱིས་རང་སངས་རྒྱས་དེའི་གཉའ་བ་ནས་བཟུང་སྟེ་བསྐྲད་ནས་སྨྲས་པ། ཉེས་འོངས། མུ་ལྟོ་བ་རྣམས་ཀྱི་ནང་དུ་ཞུགས་ཤིག་ཅེས་ཕུལ་བ་དང ། དེ་ཕྱག་དར་གྱི་ཕུང་པོའི་ནང་དུ་བསྒྱེལ་ཏོ། །རང་སངས་རྒྱས་བདག་ཉིད་ཆེན་པོ་དེས་བསམ་པ། ཁྱིམ་བདག་ཉོན་མོངས་པ་འདི་ཧ་ཅང་སྨྲས་པ་དང་ཉམས་བར་གྱུར་ན། མི་རུང་གི་།འདི་ལ་ལག་ནས་དྲང་པ་སྦྱིན་ནོ། །སྙམ་ནས། དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི། རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། ཁྱིམ་བདག་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་
Nya51b
གསོལ། ཉོན་མོངས་པའི་འདམ་དུ་བྱིང་བ་བདག་གི་སུག་པ་ནས་དྲང་བ་སྩལ་དུ་གསོལ། རང་སངས་རྒྱས་དེ་ཁྱིམ་བདག་དེ་ལ་རྗེས་སུ་སྙིང་བརྩེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །ཁྱིམ་བདག་དེས་དེ་ལ་མཆོད་པ་བྱས་ནས་རྐང་པ་གཉིས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས། བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མ་གྱུར་པར་མཆོད་པ་གང་ཡིན་པའི་དགེ་བའི་རྩ་བ་འདིས་བདག་ཕྱུག་པ། ནོར་མང་བ། ལོངས་སྤྱོད་ཆེ་བའི་ཁྱིམ་དུ་སྐྱེ་ཞིང ། འདི་པས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང ། ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་ཐོབ་པར་གྱུར་ཅིག་།ཅེས་སྨོན་ལམ་བཏབ་བོ། །དགེ་སློང་དག་།དེ་ལ་དེའི་ཚེ་དེའི་དུས་ན་ཁྱིམ་བདག་གང་ཡིན་པ་དེ་ནི། ལེགས་འོངས་འདི་ཡིན་ཏེ། འདིས་རང་སངས་རྒྱས་དེ་ལ་མཆོད་པ་བྱས་ནས་སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས་ནི། ད་ལྟར་ཕྱུག་ལ་ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེས་སོ། །གནོད་པ་བྱས་པ་དང ། ཉེས་འོངས་ཞེས་བརྗོད་པ་གང་ཡིན་པའི་ལས་དེའི་རྣམ་པར་སྨིན་བས་ནི། བསྐལ་པར་སེམས་ཅན་དམྱལ་བ་ཆེན་པོ་མནར་མེད་པར་གདུངས་ནས་ལས་དེ་ཉིད་ཀྱི་ལྷག་མས་ཚེ་རབས་ལྔ་བརྒྱར་མུ་ལྟོ་པ་ཉིད་ཀྱིས་འཕྱན་པར་གྱུར་ཅིང ། ཉེས་འོངས་ཞེས་བྱ་བར་གྱུར་ཏེ། ད་ལྟར་གྱི་བར་དུ་ཡང་མུ་ལྟོ་བ་རྣམས་ཀྱི་ནང་དུ་ཞུགས་ཤིང ། ཉེས་འོངས་ཞེས་བྱ་བའི་མིང་དུ་
Nya52a
༄#། །གྱུར་ཏོ། །བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མ་གྱུར་པར་འདི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང ། ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་ཐོབ་པར་གྱུར་ཅིག་ཅེས་སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱས་ཤིང ། འདིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཤིང་ཐུགས་བྱུང་བར་མ་བྱས་སོ། །བཙུན་པ། ཚེ་དང་ལྡན་པ་ལེགས་འོངས་ཀྱིས་ལས་ཅི་བགྱིས་ན། ལས་དེའི་རྣམ་པར་སྨིན་པས། བཅོམ་ལྡན་འདས་ཀྱིས་ཡང་དང་ཡང་དུ་མེའི་ཁམས་ལ་སྙོམས་པར་འཇུག་པ་རྣམས་ཀྱི་མཆོག་ཏུ་བསྟན། དེ་ཡང་སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན། དགེ་སློང་དག། སྔོན་བྱུང་བ་འདས་པའི་དུས་ན་བསྐལ་པ་ཆེན་པོ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་
Nya52b
བར་བརྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས་དགེ་སློང་གང་གིས་དེ་རབ་ཏུ་བྱུང་བའི་དགེ་སློང་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཡང་དང་ཡང་དུ་མེའི་ཁམས་ལ་སྙོམས་པར་འཇུག་པ་རྣམས་ཀྱི་མཆོག་ཏུ་བསྟན་ཏོ། །དེ་ན་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ནས་ཡོན་ཏན་གྱི་ཚོགས་འགའ་ཡང་མ་ཐོབ་ནས། དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས། བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ། བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་རྒུའི་ཚེ་ལོ་བརྒྱ་ཐུབ་པར་གྱུར་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱེད་ཅིང ། ཇི་
Nya53a
༄#། །ལྟར་མཁན་པོ་འདི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཡང་དང་ཡང་དུ་མེའི་ཁམས་ལ་སྙོམས་པར་འཇུག་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་ལྡན་འདས་ཤཱཀྱ་ཐུབ་པ། ཤཱཀྱ་སེང་གེ་།ཤཱཀྱའི་རྒྱལ་པོའི་གཙོ་བོ་དེས། ཡང་དང་ཡང་དུ་མེའི་ཁམས་ལ་སྙོམས་པར་འཇུག་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་།ཅེས་གདབ་པར་བརྩམས་པས། སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་ཡང་དང་ཡང་དུ་མེའི་ཁམས་ལ་སྙོམས་པར་འཇུག་པ་རྣམས་ཀྱི་མཆོག་ཏུ་བསྟན་ཏོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་རྣམས་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་དང ། འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་སྩལ་པར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །མྱོས་པར་འགྱུར་བ་འཐུང་བའི་ལྟུང་བྱེད་དེ། བདུན་ཅུ་དགུ་པ་རྫོགས་སོ།། །། བར་སྡོམ་ལ། ཞི་པ་རལ་བ་ནོར་བུ་དང ། །སྨན་པ་དགེ་འདུན་ལྟོ་དང་སྐྲས། །ཟ་དང་གཉིས་གྱུར་གཏུམ་མོ་དང ། །གཞོན་ནུ་ལྷུང་བཟེད་སྟོབས་རྣམས་སོ། །སངས་རྒྱས་བཅོམ་ལྡན་འདས་མཉན་
Nya53b
ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །རི་བྲག་ཅིག་ན་བྲམ་ཟེ་ཞིག་འདུག་པ་དེས། མཉན་ཡོད་པའི་བུ་མོ་ཞིག་བག་མར་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་མོ་ཞིག་བྱུང་ནས་དེ་བསྲིངས་ཤིང་བསྐྱེད་དེ་ཆེན་མོར་གྱུར་ཏོ། །བྲམ་ཟེ་དེ་ལ་རེ་ཞིག་མཉན་ཡོད་དུ་བྱ་བ་ཞིག་བྱུང་ནས། དེས་ཤིང་རྟ་བཅས་ཏེ་འཕགས་པ་དང ། བུ་མོ་དེས་མཐོང་ནས་དེས་སྨྲས་པ། ཡབ། གར་བཞུད། བྲམ་ཟེས་སྨྲས་པ། བུ་མོ། མཉན་ཡོད་དུའོ། །བུ་མོས་སྨྲས་པ། ཡབ། བདག་ཀྱང་མཆིའོ། །བྲམ་ཟེས་སྨྲས་པ། བུ་མོ། ཁྱོད་ད་མཆོག་ཐོབ་པ་ཡིན་པས། ཁྱོད་ཀྱི་ལག་པའམ། རྐང་པ་ལ་འགའ་ཞིག་གིས་རེག་པར་གྱུར་ན། བདག་ཅག་ལ་མི་སྙན་པར་འགྱུར་གྱི། ཁྱོད་འདི་ཉིད་ན་འདུག་ཅིག་།བུ་མོ་དེས་ངུ་བར་བརྩམས་པ་དང ། བྲམ་ཟེ་མོས་སྨྲས་པ། བུ་མོ། ཅིའི་ཕྱིར་དུ། བུ་མོས་སྨྲས་པ། ཡབ་མཉན་ཡོད་དུ་བཞུད་ནས་བདག་དེར་ཁྲིད་པར་མི་བཞེད་དོ། །བྲམ་ཟེ་མོས་སྨྲས་པ། རྗེའི་སྲས། བུ་མོ་ཡང་ཁྲིད་ཅིག་དང ། ཉེ་དུ་དག་མཐོང་བར་འགྱུར་རོ། ། བྲམ་ཟེས་སྨྲས་པ། བུ་མོ་ད་མཆོག་འཐོབ་པར་འགྱུར་བས། འདིའི་ལག་བའམ། རྐང་པ་ལ་འགའ་ཞིག་གིས་རེག་པར་གྱུར་ན། བདག་ཅག་ལ་མི་སྙན་པར་འགྱུར་གྱི། འདི་ཉིད་དུ་ཞོག་ཅིག་།བྲམ་ཟེ་མོས་སྨྲས་པ། རྗེའི་སྲས་དང་ཐབས་ཅིག་མཆི་ན། ལེགས་པར་སྤས་པ་དང ། ལེགས་པར་སྲུང་བར་འགྱུར་རོ། །བྲམ་ཟེ་དེས་བུ་མོ་དེ་ཤིང་རྟར་བཅུག་སྟེ་འཕགས་པ་དང ། བུ་མོ་དེ་ལྟད་མོའི་རང་བཞིན་ཅན་
Nya54a
༄#། །ཡིན་པས། ཕ་ལ་དྲིས་པ། ཡབ། འདི་སུའི་ཀུན་དགའ་ར་བ་ལགས། འདི་སུའི་རྫིང་བུ་ལགས། འདི་སུའི་ལྷ་ཁང་ལགས། འདི་སུའི་སྐྱེད་མོས་ཚལ་ལགས། འདི་སུའི་ཁྲོན་པ་ལགས། འདི་སུའི་གཙུག་ལག་ཁང་ལགས། བྲམ་ཟེས་སྨྲས་པ། བུ་མོ། འདི་ནི་ཤཱ་ཀྱའི་བུ་དགེ་སྤྱོད་རྣམས་ཀྱི་བསྟི་གནས་ཡིན་ནོ། །བུ་མོས་སྨྲས་པ། ཡབ། བལྟར་མཆིའོ། །བྲམ་ཟེས་སྨྲས་པ། བུ་མོ། བསྟི་གནས་འདི་ན་རིགས་སྣ་ཚོགས་དང ། རུས་སྣ་ཚོགས་ལས་རབ་ཏུ་བྱུང་བ་དག་འཁོད་པས། ཁྱོད་ཀྱི་ལག་པའམ། རྐང་པ་ལ་འགའ་ཞིག་གིས་རེག་པར་གྱུར་ན། བདག་ལ་མི་སྙན་པར་འགྱུར་གྱི། ཚུར་ཤོག་།འདོང་ངོ ། །ཞེས་དེ་འཕགས་པ་དང ། ཇི་ཙམ་ན་གྲོང་བར་དེ་ཉིད་ནས་བྲམ་ཟེ་དང ། ཁྱིམ་བདག་གི་ཆུང་མ་རབ་ཏུ་མང་པོ་གཙུག་ལག་ཁང་ལྟ་འདོད་པ་དག་མཉན་ཡོད་ཀྱི་ཕྱི་རོལ་དུ་བྱུང་བ་དེ་དག་གིས། བྲམ་ཟེ་དེ་མཐོང་ནས། དེ་དག་གིས་སྨྲས་པ། སྣུམ་ཟུང་བྱོན་པ་ལེགས་སོ། །བྱོན་པ་ལེགས་སོ། །ཁྱོད་ཡུན་རིང་མོ་རིང་མོ་ཞིག་གིས་གར་བཞུད། བྲམ་ཟེས་སྨྲས་པ། ཁོ་བོ་ཁྱེད་ཅག་ཉིད་བལྟར་འོངས་ན། ཁྱེད་ཅག་གར་འདོང ། རྒྱལ་བྱེད་ཀྱི་ཚལ་དུ་གཙུག་ལག་ཁང་བལྟར་མཆིའོ། །སྲུ་ཅག་།ཚ་མོ་འདི་ཡང་ཁྲིད་དེ་དེངས་ལ་འདི་ལ་ཡང་གཙུག་ལག་ཁང་སྟོན་ཅིག་བུ་མོ་དེ་ཡང་དེ་དག་དང་ལྷན་ཅིག་རྒྱལ་བྱེད་ཀྱི་ཚལ་དུ་སོང་ངོ ། །དྲུག་སྡེ་དག་གི་ཀུན་ཏུ་སྤྱོད་པ་ནི། འདིར་བདག་ཅག་གིས་བྲམ་ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་
Nya54b
བྱ།་རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ། །སྙམ་པས། དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས། ཚེ་དང་ལྡན་པ་འཆར་ཀ་ནང་པར་སྔར་ལངས་ཏེ་སོ་ཤིང་བོར་ནས་སྣམ་སྦྱར་དམར་སེར་གྱོན་ཏེ། རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་གོ་།དྲུག་སྡེ་དག་གིས་གྲོང་ཁྱེར་ཆེན་པོ་དྲུག་པོ་དག་ན་འཁོད་པའི་མི་རྣམས་འདི་ལྟ་སྟེ། རིགས་ལས་སམ། རུས་ལས་སམ། རྒྱུད་ལས་སམ། མིང་ལས་སམ། གཟུགས་ལས་སམ། བཟོ་ལས་སམ། འཚོ་བ་ལས་མི་ཤེས་པའམ། མ་མཐོང་བའམ། མ་ཐོས་པའམ། མ་རིག་པའམ། རྣམ་པར་མི་ཤེས་པ་འགའ་ཡང་མེད་པས། ཚེ་དང་ལྡན་པ་འཆར་ཀས་བྲམ་ཟེ་དང ། ཁྱིམ་བདག་གི་ཆུང་མ་རབ་ཏུ་མང་པོ་དེ་དག་ཐག་རིང་པོ་ཁོ་ན་ནས་མཐོང་སྟེ། མཐོང་ནས་ཀྱང་འདི་སྐད་ཅེས་སྨྲས་སོ། །ཆེ་གེ་མོའི་མ། ཆེ་གེ་མོའི་ཆུང་མ། ཆེ་གེ་མོའི་མནའ་མ། ཆེ་གེ་མོའི་བུ་མོ། ཆེ་གེ་མོའི་སྲིང་མོ། འོངས་པ་ལེགས་སོ། །འོངས་པ་ལེགས་སོ། །ཁྱེད་ཅག་ཅིའི་ཕྱིར་ཡུན་རིང་མོ་རིང་མོ་ནས་ཟླ་བ་ལྟར་རྒྱུ་བར་བྱེད། དེ་དག་གིས་སྨྲས་པ། བཙུན་པ་འཆར་ཀ་བཅོམ་ལྡན་འདས་ཀྱིས་མི་ཁོམ་པ་བརྒྱད་ནི། གང་ཟག་གིས་ཚངས་པར་སྤྱད་པའི་དུས་མ་ལགས་སོ། །ཞེས་ལེགས་པར་རབ་ཏུ་གསུངས་ན། བདག་ཅག་ནི། འདི་ལྟ་སྟེ། ཁྱིམ་གྱི་འདུ་འཛི་དང་ལྡན་པས་མི་ཁོམ་པ་དགུ་པ་ལགས་སོ། །འཆར་ཀས་སྨྲས་པ། སྲིང་མོ་དག་།ཁྱེད་ཀྱིས་འགའ་ཞིག་འདི་སྐད་ཅེས། དུག་ཅན་ལ་སོགས་རྒྱལ་པོ་
Nya55a
༄#། །ཡིས། །བྱ་བ་དག་ནི་མ་བྱས་པར། །དེ་དག་ཉིད་དང་བྱ་བ་རྣམས། །ཞིག་པ་ཉིད་དུ་གྱུར་པ་ཡིན། །བྱ་བ་དེ་དག་ཉིད་ཀྱང་ནི། །ཡོངས་སུ་རྫོགས་པར་མ་གྱུར་པར། །འཇིག་རྟེན་དགྲ་བོ་འཆི་བདག་དེ། །འོངས་པ་ཉིད་དུ་འགྱུར་བ་ཡིན། །ཞེས་སྨྲས་པ་མ་ཐོས་སམ། དེ་དག་གིས་སྨྲས་པ། བཙུན་པ་འཆར་ཀ། དེའི་སླད་དུ་བདག་ཅག་སྐྱེད་མོས་ཚལ་དུ་མཆིས་ཏེ་རྒྱལ་བྱེད་ཀྱི་ཚལ་དུ་འཇུག་པ་དང ། གཙུག་ལག་ཁང་བལྟ་བ་དང ། བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ཀྱི་ཞབས་ལ་ཕྱག་འཚལ་བའི་སླད་དུ་མཆིས་ལགས་སོ། །འཆར་ཀས་སྨྲས་པ། སྲིང་མོ་དག་།གལ་ཏེ་ཁྱེད་ཅག་དེའི་ཕྱིར་འོངས་ན། བཅོམ་ལྡན་འདས་ཀྱིས་ཀྱང་སྙིང་པོ་མེད་པའི་ལུས་ལས་སྙིང་པོ་བླང་བར་བྱའོ། །ཞེས་གསུངས་པས་ལེགས་སོ། །ལེགས་སོ། སྲིང་མོ་དག་།དེ་ནི། འཇལ་གྱི། འདི་ལྟར། ལྟད་མོ་ཇི་ལྟར་བལྟ་བར་དྲི་བར་བྱའོ། །སྲིང་མོ་དག་།ཁྱེད་ཅག་གང་དུ་འཇུག་པར་བྱེད། བཙུན་པ་འཆར་ཀ་།བདག་ཅག་ཀུན་དགའ་ར་བར་འཇུག་ཅིང་གཙུག་ལག་ཁང་བལྟ་བར་འཚལ་ལོ། །སྲིང་མོ་དག་།བཅོམ་ལྡན་འདས་ཀྱིས། མཁས་པ་གང་ཞིག་རབ་ཏུ་སེམས་དང་བས། །སངས་རྒྱས་མཆོད་རྟེན་དག་ལ་གོམ་འདོར་ན། ཛམྦུ་ཆུ་བོའི་གསེར་ལྟར་སྲང་ཚད་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །ཞེས་གསུངས་པས་དེ་ཡང་ལེགས་སོ། །སྲིང་མོ་དག་།ཁྱེད་ཀྱིས་གང་ཁྱེད་ཅག་གཙུག་ལག་ཁང་སྟོན་པར་བྱེད་པའི་དགེ་སློང་འགའ་ཞིག་
Nya55b
བཙལ་ཏམ། འཕགས་པ། ཅི་བདག་ཅག་སྒྲོན་མ་སུག་པ་ན་ཐོགས་བཞིན་དུ་ཞུགས་གཞན་དུ་ཚོལ་ལམ། བཙུན་པ་འཆར་ཀ་སྤངས་ཏེ་དགེ་སློང་གཞན་ག་ལ་ཚོལ། ཁྱོད་པས་གཞན་ཁྱད་པར་འཕགས་པ་སུ་ཞིག་མཆིས་ཀྱི། ཁྱོད་ཉིད་ཀྱིས་བསྟན་དུ་གསོལ། དེ་ནས་ཚེ་དང་ལྡན་པ་འཆར་ཀ་འདི་སྙམ་དུ་སེམས་ཏེ། གལ་ཏེ་འདི་དག་གཙུག་ལག་ཁང་བསྟན་པར་བྱ་ན་ནི། བདག་གི་དགེ་བའི་ཕྱོགས་ཡོངས་སུ་ཉམས་པར་ཡང་འགྱུར། གལ་ཏེ་བསྟན་པར་མི་བྱ་ན་ནི། ཚིག་པའི་བསོད་སྙོམས་ཀྱང་སྟེར་བར་མི་འགྱུར་ལ། བཅོམ་ལྡན་འདས་ཀྱིས་ཀྱང་མ་དད་པ་རྣམས་དད་པ་ཕུན་སུམ་ཚོགས་པ་ཡང་དག་པར་འཛིན་དུ་གཞུག་པར་བྱ། གདུལ་བར་བྱ། གཟུང་བར་བྱ། རབ་ཏུ་དགོད་པར་བྱའོ། །ཞེས་གསུངས་པས། དེའི་ཕྱིར་འདི་དག་དགེ་བ་ལ་ངེས་པར་སྦྱར་བར་བྱའི། །རྣམ་པ་ཐམས་ཅད་དུ་བསྟན་པར་བྱའོ། །སྙམ་དུ་རིག་ནས་དེས་མེ་ཏོག་དང ། བདུག་སྤོས་ལ་སོགས་པ་མཆོད་པ་སྣ་ཚོགས་ཐོགས་ཏེ་པོག་ཕོར་ལག་ཏུ་བླངས་ནས་གོ་རིམ་ཇི་ལྟ་བ་བཞིན་དུ་བསྟན་པར་བརྩམས་ཏེ། སྲིང་མོ་དག་།འདི་ནི། བཅོམ་ལྡན་འདས་ཀྱི་དྲི་གཙང་ཁང་སྟེ། གང་དུ་བཅོམ་ལྡན་འདས་ཉིན་ལན་གསུམ་མཚན་ལན་གསུམ་སངས་རྒྱས་བཅོམ་ལྡན་འདས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ནས་གང་ནི། ཉམས་པར་གྱུར། གང་ནི། འཕེལ་བར་གྱུར། གང་ནི། གནོད་པར་གྱུར། གང་ནི། ཉམ་ང་པར་གྱུར། གང་ནི། མི་བདེ་བར་གྱུར། གང་ནི། གནོད་པ་དང ། ཉམ་ང་བ་དང ། མི་བདེ་བར་གྱུར། གང་ནི། ངན་སོང་ལ་གཞོལ། གང་
Nya56a
༄#། །ནི།་ངན་སོང་ལ་འབབ། གང་ནི། ངན་སོང་ལ་བབ། གང་ནི། ངན་སོང་གི་འདམ་ནས་བསླངས་ཏེ་མཐོ་རིས་དང ། ཐར་པ་དང ། འབྲས་བུ་ལ་གཞག་པར་བྱ། འདོད་པའི་འདམ་དུ་བྱིང་བ་གང་གི་ལག་ནས་ནི། དྲང་བར་བྱ། འཕགས་པའི་ནོར་གྱི་དབྱིག་དང་བྲལ་བ་གང་ནི། འཕགས་པའི་ནོར་གྱི་དབང་ཕྱུག་ལ་གཞག་པར་བྱ། གང་གི་སངས་རྒྱས་འབྱུང་བས་བརྒྱན་པའི་འཇིག་རྟེན་ནི། འབྲས་བུ་དང་བཅས་པར་བྱ། གང་གི་དགེ་བའི་རྩ་བ་དག་མ་སྐྱེས་པ་ནི། བསྐྱེད་པར་བྱ། དགེ་བའི་རྩ་བ་དག་བསྐྱེད་པ་གང་ནི། ཡོངས་སུ་སྨིན་པར་བྱ། ཡོངས་སུ་སྨིན་པ་གང་ནི། རྣམ་པར་གྲོལ་བར་བྱ་ཞེས་མཁྱེན་པ་དང ། གཟིགས་པ་འཇུག་ཅིང ། འདི་ལྟར། ཆུ་སྲིན་གནས་ཀྱི་དུག་ཅན་པ། །དུས་ལས་འདའ་བར་འགྱུར་སྲིད་ཀྱི། །སངས་རྒྱས་གདུལ་ལ་བྱམས་པ་ནི། །དུས་ལས་འདའ་བར་མི་འགྱུར་རོ། །ཇི་ལྟར་མ་ནི་བུ་སྡུག་གཅིག་པུ་ལ། །རྟོག་ཅིང་དེ་སྲོག་སྲུང་བར་བྱེད་པ་ལྟར། །དེ་བཞིན་གཤེགས་པའང་གདུལ་བའི་སྐྱེ་བོ་ལ། །རྟོག་པར་མཛད་ཅིང་དེ་སྲོག་སྲུང་བར་མཛད། །ཀུན་མཁྱེན་རྒྱུད་ལ་མངའ་བའི་ཐུགས་རྗེ་ཡི། །བཞོན་མ་གདུལ་བའི་བེའུ་ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་ལ་བྱམས་པ་ནི། །རབ་ཉམས་བེའུ་ལ་བྱམས་པའི་བ་བཞིན་ནོ། །ཞེས་བྱ་བ་འཇུག་པ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས། སྟོབས་བཅུའི་སྟོབས་དང་ལྡན་པ །
Nya56b
མི་འཇིགས་པ་བཞིས་བསྙེངས་པ་མི་མངའ་བ། ཁྱུ་མཆོག་རླབས་པོ་ཆེའི་གནས་སུ་དམ་བཅའ་བ། འཁོར་གྱི་ནང་དུ་སེངྒེའི་སྒྲ་ཡང་དག་པར་སྒྲོག་པ་གང་ཡིན་པ་དེའི་ཡིན་གྱི། འདིའི་ཞབས་ལ་ཕྱག་དག་ཚོལ་ཅིག་།འདི་ནི། ཚེ་དང་ལྡན་པ་ཀུན་ཤེས་ཀོའུ་དི་ནྱའི་གཙུག་ལག་ཁང་སྟེ། བཅོམ་ལྡན་འདས་ཀྱིས་འཇིག་རྟེན་མི་ཤེས་པའི་མུན་པ་དང ། འདྲེན་པ་མེད་པ་དང ། ཡོངས་སུ་འདྲེན་པ་མེད་པ་ན། དེའི་དང་པོར་ཡེ་ཤེས་ཀྱི་མག་སྨན་གྱི་ཐུར་མས། གང་གི་ཆོས་ཀྱི་མིག་རྣམ་པར་སྦྱངས་པ། བཅོམ་ལྡན་འདས་ཀྱིས་གནས་བརྟན་རྣམས་དང ། རྒྱལ་ཚབ་ལྟ་བུ་རྣམས་དང ། ཡུན་རིང་པོ་ནས་རབ་ཏུ་བྱུང་བ་རྣམས་དང ། ཚངས་པར་སྤྱོད་པ་མངོན་པར་སྤྱད་པ་རྣམས་དང ། སྣམ་སྦྱར་གྱི་རྒྱལ་མཚན་ཐོགས་པ་རྣམས་ཀྱི་མཆོག་ཏུ་ལུང་བསྟན་པ་གང་ཡིན་པ། གང་གི་རྒྱུད་ལ་དེའི་དང་པོར་བཅོམ་ལྡན་འདས་ཀྱིས་འཇིག་རྟེན་དུ་དགེ་སློང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་ཆོས་དང་མཐུན་པར་བསྐོར་མི་ནུས་པ། ཆོས་དང་ལྡན་པའི་ཆོས་ཀྱི་འཁོར་ལོ་འགྲོ་བ་མང་པོའི་དོན་དང ། སྐྱེ་བོ་མང་པོ་ལ་ཕན་པ་དང ། བདེ་བ་དང ། འཇིག་རྟེན་ལ་རྗེས་སུ་ཐུགས་བརྩེ་བ་དང ། ལྷ་དང་མི་རྣམས་ཀྱི་དོན་དང ། ཕན་པ་དང ། བདེ་བའི་ཕྱིར་ལན་གསུམ་དུ་བཟླས་ཏེ། རྣམ་པ་བཅུ་གཉིས་སུ་བསྐོར་བ་དེའི་ཡིན་གྱི། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི། ཚེ་དང་ལྡན་པ་འོད་སྲུང་ཆེན་པོའི་གཙུག་ལག་ཁང་སྟེ། བྲམ་ཟེ་ཤིང་སཱ་ལ་ཆེན་པོ་ལྟ་བུ་རྨོན་པ་དོར་སྟོང་ཏུ་གཅིག་གིས་མཆོག་པ་སྤངས་
Nya57a
༄#། །ཏེ་རབ་ཏུ་བྱུང་བ། དབྱིག་བྱེ་བ་ཕྲག་དྲུག་ཅུ་དང་ལྡན་པ། གསེར་ནས་བང་ཆུང་བརྒྱད་ཅུ་བདོག་པ། བྲན་གྱི་གྲོང་བཅོ་བརྒྱད་བདོག་པ། སྦྱོར་བའི་གྲོང་བཅུ་དྲུག་བདོག་པ། སེར་སྐྱ་བཟང་མོ་ལུས་གསེར་བས་ལྷག་པ་དང་ལྡན་པ། མཆིལ་མའི་ཐལ་བ་སྨིན་པ་ལྟར་སྤངས་ཏེ་མཚན་མོའི་ཐུན་ཐ་མ་ལ་རས་སྦྱར་མའི་སྣམ་སྦྱར་རིན་ཐང་འབུམ་རི་བ་ཐོགས་ཏེ། འཇིག་རྟེན་ན་དགྲ་བཅོམ་པ་གང་དག་བཞུགས་པ་དེ་དག་གི་ཕྱིར་རབ་ཏུ་བྱུང་བ་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་བསྐྱེད་པའི་ཕྱིར་ནགས་ན་བརྟན་པ་གང་ཡིན་པ། གང་མཐོང་ན་སྤོས་ཀྱི་གླང་པོ་ཆེ་དག་ཀྱང་རྒྱགས་པ་དང་བྲལ་བར་འགྱུར་བ་གང་གི་བུ་མང་གི་མཆོད་རྟེན་དུ་སྟོན་པར་ཁས་བླངས་ནས་དགེ་སློང་གི་སྡོམ་པ་ཐོབ་པ། བཅོམ་ལྡན་འདས་ཀྱིས་ཀྱང་དགེ་སློང་དག། ངའི་ཉན་ཐོས་ཀྱི་དགེ་སློང་འདོད་པ་ཆུང་བ། ཆོག་ཤེས་པ། སྦྱངས་པའི་ཡོན་ཏན་སྨྲ་བ་རྣམས་ཀྱི་ནང་ན། མཆོག་ནི། འདི་ཡིན་ཏེ། འདི་ལྟ་སྟེ། དགེ་སློང་འོད་སྲུང་ཆེན་པོའོ། །ཞེས་གསུངས་ཤིང ། བཅོམ་ལྡན་འདས་ཀྱིས་རྗེས་སུ་བསྔགས་པ་གང་ཡིན་པ་དེའི་ཡིན་གྱི། འདིར་ཡང་ཞབས་ལ་ཕྱག་དག་ཚོལ་ཅིག། འདི་ནི། ཚེ་དང་ལྡན་པ་ཤཱ་རིའི་བུའི་གཙུག་ལག་ཁང་སྟེ། མཆོག་ཐོབ་པའི་བུ་གང་ཡིན་པ་གང་ལོ་བརྒྱད་གཉིས་སུ་དབང་པོའི་བརྡ་སྤྲོད་པ་བཀླགས་པ། རྒོལ་བ་ཐམས་ཅད་ཚར་གཅོད་པ། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་བཅོམ་ལྡན་འདས་ཀྱིས་
Nya57b
ཤེས་རབ་ཆེན་པོ་རྣམས་དང ། སྤོབས་པ་ཆེན་པོ་རྣམས་ཀྱི་མཆོག་ཏུ་བསྟན་པ་གང་ཡིན་པ། བཅོམ་ལྡན་འདས་ཀྱིས་འཇིག་རྟེན་ཐམས་ཅད་གང་གི་ཆ་བཅུ་དྲུག་པར་བཞག་ཅིང ། བཅོམ་ལྡན་འདས་ཀྱིས། དེ་བཞིན་གཤེགས་པ་མ་གཏོགས་པར། །འཇིག་རྟེན་ཀུན་གྱི་ཤེས་རབ་གང ། །ཤཱ་རིའི་བུ་ཡི་ཤེས་རབ་ཀྱི། །བཅུ་དྲུག་ཆར་ཡང་མི་ཆོག་གོ་།གལ་ཏེ་ལྷ་བཅས་འཇིག་རྟེན་འདི། །ཤཱ་རིའི་བུ་དང་མཉམ་གྱུར་པས། །དེ་བཞིན་གཤེགས་པའི་ཤེས་རབ་ཀྱི། །བཅུ་དྲུག་ཆར་ཡང་མི་ཆོག་གོ་།ཞེས་གསུངས་པ་གང་ཡིན་པ་དེའི་ཡིན་གྱི། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི། ཚེ་དང་ལྡན་པ་མཽངྒལ་གྱི་བུ་ཆེན་པོའི་གཙུག་ལག་ཁང་སྟེ། མདུན་ན་འདོན་གྱི་བུ་ཅོད་པན་མེད་པའི་རྒྱལ་སྲིད་སྤངས་ཏེ་རབ་ཏུ་བྱུང་བ་གང་ཡིན་པ། གང་གིས་ལྷའི་དབང་པོ་བརྒྱ་བྱིན་གྱི་ཁང་བཟང་རྣམ་པར་རྒྱལ་བྱེད་རྐང་པ་གཡས་པའི་མཐེ་བོས་ལན་གསུམ་དུ་བསྒུལ། ཀུན་ཏུ་བསྒུལ། ཀུན་ཏུ་རབ་ཏུ་བསྒུལ་བ། གང་གི་རྫུ་འཕྲུལ་གྱིས་བཅོམ་ལྡན་འདས་འཇིག་རྟེན་གྱི་ཁམས་འོད་ཟེར་ཅན་དུ་ཉིན་མཚན་བདུན་གྱིས་གཤེགས་པ། བཅོམ་ལྡན་འདས་ཀྱིས་རྫུ་འཕྲུལ་ཆེན་པོ་རྣམས་དང ། མཐུ་ཆེན་པོ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱི། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི། ཚེ་དང་ལྡན་པ་མ་འགག་པའི་གཙུག་ལག་ཁང་སྟེ། མི་སྐལ་པ་བཟང་པོ་ལས་རབ་ཏུ་བྱུང་བ་གང་ཡིན་པ། བཅོམ་ལྡན་འདས་ཀྱི་ཡབ་ཀྱི་མཆེད་ཀྱི་སྲས། གང་གི་མིང་ཡང་དག་པར་བསྒྲགས་པས་ཚོང་
Nya58a
༄#། །པ་དག་རྒྱ་མཚོ་ཆེན་པོ་ནས་བཞོན་པའི་སྣོད་ལེགས་པར་གྲུབ་ཅིང་འོང་བར་འགྱུར་བ། བཅོམ་ལྡན་འདས་ཀྱིས་ལྷའི་མིག་ཅན་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱི། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི། ཚེ་དང་ལྡན་པ་ཀུན་དགའ་བོའི་གཙུག་ལག་ཁང་སྟེ། ཡུན་རིང་པོ་ནས་བཅོམ་ལྡན་འདས་ཀྱིས་བསྙེན་བཀུར་བ་གང་ཡིན་པ། སངས་རྒྱས་བཅོམ་ལྡན་འདས་ཀྱི་ཞམ་རིང་ན་ཉེ་བར་སྤྱོད་པ། སྟོན་པས་ཡང་དག་པར་བསྔགས་པ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་ཡང་དག་པར་བཀུར་བ་གང་ཡིན་པ། བཅོམ་ལྡན་འདས་ཀྱི་ཡབ་ཀྱི་མཆེད་ཀྱི་སྲས་ལས་རབ་ཏུ་བྱུང་བ། བཅོམ་ལྡན་འདས་ཀྱིས་མང་དུ་ཐོས་པ་རྣམས་དང ། ཐོས་པ་འཛིན་པ་རྣམས་དང ། ཐོས་པ་བསགས་པ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱི། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི། ཚེ་དང་ལྡན་པ་མཛེས་དགའི་གཙུག་ལག་ཁང་སྟེ། བཅོམ་ལྡན་འདས་ཀྱི་གཅུང་པོ་སྲུའི་སྲས་ལས་རབ་ཏུ་བྱུང་བ། གལ་ཏེ་རབ་ཏུ་མ་བྱུང་ན་སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་འགྱུར་བ། བཅོམ་ལྡན་འདས་ཀྱིས་རབ་ཏུ་བྱུང ། དབང་པོ་དག་གི་སྒོ་བསྡམས་པ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱི། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི། ཚེ་དང་ལྡན་པ་སྒྲ་གཅན་ཟིན་གྱི་གཙུག་ལག་ཁང་སྟེ། བཅོམ་ལྡན་འདས་ཀྱི་སྲས་ལས་རབ་ཏུ་བྱུང་བ།
Nya58b
གལ་ཏེ་རབ་ཏུ་མ་བྱུང་ན། མཐུ་དང་ལྡན་པའི་རྒྱལ་པོར་འགྱུར་བ་གང་ཡིན་པ། གང་རབ་ཏུ་བྱུང་བས་རྒྱལ་པོ་མང་པོས་བཀུར་གྱི་རྒྱུད་གཅིག་ནས་གཅིག་ཏུ་བརྒྱུད་པ་ཡང་དག་པར་རྒྱུད་ཆད་པ། བཅོམ་ལྡན་འདས་ཀྱིས་བསླབ་པ་འདོད་པ་རྣམས་དང ། བསླབ་པ་ལ་གུས་པ་རྣམས་དང ། བསླབ་པ་ལ་ཡོ་བྱད་བསྙུངས་པ་ཐོབ་པ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེའི་ཡིན་གྱི། འདིར་ཡང་ཞབས་ལ་ཕྱག་དག་ཚོལ་ཅིག་།འདི་ནི། ཚེ་དང་ལྡན་པ་དགའ་བོའི་གཙུག་ལག་ཁང་ངོ ། །འདི་ནི། ཉེ་དགའི་འོ། །འདི་ནི། འདུན་པའི་འོ། །འདི་ནི། འགྲོ་མགྱོགས་ཀྱིའོ། །འདི་ནི། ནབ་སོའི་འོ། །འདི་ནི། ཁོ་བོའི་གཙུག་ལག་ཁང་ངོ ། ། ཅི།་འདི་ཡང་བལྟ་བར་བྱེད་དམ། འཕགས་པ། ཅི་བདག་ཅག་གི་གཙུག་ལག་ཁང་ཐམས་ཅད་བལྟས་ནས། གདོད་འཕགས་པ་འཆར་ཀའི་གཙུག་ལག་ཁང་བལྟ་བར་མི་བགྱིའམ། བདག་ཅག་གིས་འཕགས་པ་འཆར་ཀའི་གཙུག་ལག་ཁང་འདི་དག་ཤིན་ཏུ་བལྟ་བར་བགྱིའོ། །སྲིང་མོ་དག་།དེ་བཞིན་གྱིས་ཤིག་།ཚེ་དང་ལྡན་པ་འཆར་ཀ་དེ་འདོད་ཆགས་སྤྱད་པ་ཡིན་པས་དེའི་གཙུག་ལག་ཁང་གི་གཞི་མོན་སྲན་གྲེའུའི་ཕྱེ་མས་བསྐུས་པ་དང ། རྩིག་པ་བཀྲ་ཞིང་ཉེ་བར་བཀྲ་བ་དང ། མལ་སྟན་བེའུ་ཕྲུག་གི་སྙིང་པོ་ཅན་བཤམས་པ་དང ། བུམ་པ་བཏུང་བས་བཀང་བ་བཅུ་སྣོད་དང་བཅས་པ་བཞག་པ་དང ། སྐོན་པའི་ནང་ན་བཅའ་བ་སྣ་ཚོགས་ཀྱིས་གང་བ་དག་ཡོད་དོ། །ཚེ་དང་ལྡན་པ་འཆར་ཀས་བྲམ་ཟེ་དང་ཁྱིམ་བདག་གི་ཆུང་མ་རབ་ཏུ་མང་པོ་རང་གི་གཙུག་ལག་ཁང་དུ་འོངས་པ་རྣམས་ལ་སྨྲས་
Nya59a
༄#། །པ།་སྲིང་མོ་དག་།ཅི་ཇེ་ཁྱེའུ་སུས་བྱའམ། འོན་ཏེ་བཏུང་བ་འཐུང ། འཕགས་པ། ཅི་ཆུ་ཀླུང་ཟློག་ཕྱོགས་སུ་འབབ་བབ། བདག་ཅག་གིས་འཕགས་པ་ལ་གསོལ་བར་བགྱི་བ་གང་ལགས་པ་དེ་ཉིད་འཕགས་པས་བདག་ཅག་ལ་སྩོལ་ཏམ། འདི་ལྟར། བདག་ཅག་ལ་གང་དཀོན་པ་དེ་སྩོལ་ཅིག་།སྲིང་མོ་དག་།ཁྱེད་ཅག་ལ་ཅི་ཞིག་དཀོན། འཕགས་པ། ཆོས་མཉན་པའོ། ། སྲིང་མོ་དག་།བཅོམ་ལྡན་འདས་ཀྱིས་གནས་དྲུག་པོ་དག་འཇིག་རྟེན་དུ་བྱུང་བ་ནི། ངོ་མཚར་རྨད་དུ་བྱུང་བ་ཡིན་ཏེ། དྲུག་པོ་དེ་དག་གང་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང ། དེ་བཞིན་གཤེགས་པས་གསུངས་པའི་ཆོས་འདུལ་བ་དང ། མི་ཉིད་དང ། དབུས་པའི་གནས་སུ་སྐྱེ་བ་དང ། དབང་པོ་མ་ཚང་བ་མེད་པ་དང ། དགེ་བའི་ཆོས་ལ་འདུན་པའོ། །ཞེས་ལེགས་པར་གསུངས་པས། དེའི་ཕྱིར་ཁྱེད་ཅག་དགེ་བའི་ཆོས་ལ་འདུན་པ་སྐྱེས་པ་འདི་ནི། སངས་རྒྱས་འབྱུང་བ་དང་འདྲ་སྟེ། ལེགས་སོ། །ལེགས་སོ། །སྲིང་མོ་དག་འཁོད་ཅིག་དང ། ཁོ་བོ་ཁྱེད་ལ་ཆོས་བསྟན་པར་བྱའོ། །དེ་དག་གིས་དེའི་རྐང་པ་གཉིས་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འཁོད་པ་དང ། དེས་དེ་དག་ལ་ཆོས་བསྟན་པར་བརྩམས་སོ།། །། འདུལ་བ་རྣམ་པར་འབྱེད་པ། བམ་པོ་རེ་དྲུག་པ། བུ་མོ་དེ་ཡང་ལྟད་མོའི་རང་བཞིན་ཅན་ཡིན་པས་རི་མོ་བལྟ་ཞིང་གཞན་དུ་སོང་ངོ ། །དེ་དག་གིས་ཀྱང་ཆོས་མཉན་ནས་ཚེ་དང་ལྡན་པ་འཆར་ཀའི་རྐང་
Nya59b
པ་གཉིས་ལ་ཕྱག་འཚལ་ཏེ་གཙུག་ལག་ཁང་ནས་བྱུང་ངོ ། །བུ་མོ་དེས་གཞན་དག་བྱུང་བ་ཚོར་ནས་སྒོ་ཁང་དེ་ཉིད་ན་རི་མོ་བལྟ་ཞིང་འདུག་གོ་།ཚེ་དང་ལྡན་པ་འཆར་ཀས་དེ་དག་བསྐྱལ་ནས་གཙུག་ལག་ཁང་དུ་འཇུག་པར་བརྩམས་པ་དང ། དེས་བུ་མོ་དེ་སྒོ་ཁང་ན་འདུག་པ་མཐོང་ནས་དེས་དེ་ལ་སྨྲས་པ། བུ་མོ་ཁྱོད་མ་སོང་ངམ། དེས་འཛུམ་ཕྱུང་བ་དང ། འཆར་ཀས་དེ་ལ་འོ་བྱས་ཏེ་ཡན་ལག་དང་ཉིང་ལག་དག་མནམས་ཀུན་ཏུ་མནམས་སོ། །བུ་མོ་དེ་ངུ་ཞིང་ཕྱིར་བྱུང་ནས་ཕའི་གན་དུ་སོང་སྟེ་སྨྲས་པ། ཡབ། བདག་དགེ་སྦྱོང་འཆར་ཀས་གཞོན་ནུ་མ་དང་བྲལ་བར་བགྱིས་སོ། །བྲམ་ཟེ་དེས་བསམ་པ། གལ་ཏེ་ད་ཅུང་ཟད་སྨྲར་ནི། བདག་གཅིག་པུ་ཡིན་ལ། འདི་དག་ནི། མང་བས་བདག་ལ་གནོད་པ་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོང་བར་འགྱུར་གྱི། གང་དུ་གྲོགས་རྙེད་པར་གྱུར་པ་ན་ར་མདའ་བཟློག་པར་བྱའོ། །སྙམ་མོ། །རྒྱལ་བྱེད་ཀྱི་ཚལ་དང་མཉན་ཡོད་ཀྱི་བར་ན་གནས་ཀྱི་ཤིང་ལྗོན་པ་ཞིག་ཡོད་པ་དེའི་དྲུང་ན་བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་ཀློག་ཏུ་འཇུག་ཅིང་འདུག་ནས་བྲམ་ཟེ་དེས། དེ་དག་ལ་སྨྲས་པ། ཤེས་ལྡན་དག ། དགེ་སྦྱོང་འཆར་ཀས་ཁོ་བོའི་བུ་མོ་གཞོན་ནུ་མ་དང་བྲལ་བར་བྱས་ཀྱི། ཁྱེད་ཅག་ཁོ་བོའི་ཚངས་པ་མཚུངས་པར་སྤྱོད་པ་ཡིན་གྱི། གྲོགས་གྱིས་ཤིག་།བྲམ་ཟེ་དག་ནི། ཡོངས་སུ་མི་རྟོག་པ་ཡིན་པས་དེ་དག་དབྱུག་པ་དག་ཐོགས་ཏེ་དེར་དོང་ངོ ། །ཚེ་དང་ལྡན་པ་འཆར་ཀ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་པ་དེ་དག་གིས་བཟུང་ཞིང་བཀྲི་བར་བརྩམས་པ་དང ། དེ་དག་གིས་དེ་བསྒུལ་བར་ཡང་མ་ནུས་སོ། །བཅོམ་
Nya60a
༄#། །ལྡན་འདས་ཀྱིས་གདུལ་བའི་དུས་མཁྱེན་ནས་དེའི་སྟོབས་དབྲི་བར་མཛད་པ་དང ། དེ་དག་གིས་ཚེ་དང་ལྡན་པ་འཆར་ཀ་ཕར་དྲངས། ཚུར་དྲངས་ཏེ་ཁྲིད་དོ། །ཚེ་དང་ལྡན་པ་འཆར་ཀས་བསམ་པ། བཅོམ་ལྡན་འདས་ཀྱིས་བདག་གནོད་པ་དང ། ཉམ་ང་བ་དང ། མི་བདེ་བ་བྱུང་བ་ལ་མི་དགོངས་སོ། །སྙམ་པ་དེ། བཅོམ་ལྡན་འདས་ཀྱིས་དགོངས་པ། འདི་ལ་གདམས་པའི་ཐ་མ་འདི་ཡིན་པས་ཁྲིད་ཀྱང་བླའོ། །སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་སྟེང་གི་ཁང་བཟང་གི་གཞིར་གཏོགས་པ་ན་གཉིད་ལོག་ཅིང་འདུག་པ་སེ་གོལ་གྱི་སྒྲས་སད་པར་མཛད་ནས་བཀའ་སྩལ་པ། རྒྱལ་པོ་ཆེན་པོ། ཁྱོད་ཀྱིས་གྱ་ཙོམ་དུ་མི་བྱ་བར་ལེགས་པར་བརྟག་པར་བྱའོ། །ཞེས་གོ་བར་མཛད་དོ། །བཅོམ་ལྡན་འདས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་སྟེང་གི་ཁང་བཟང་གི་གཞིར་གཏོགས་པ་ན་གཉིད་ལོག་ཅིང་འདུག་པ་ལན་གཉིས་ལན་གསུམ་དུ་སེ་གོལ་གྱི་སྒྲས་སད་པར་མཛད་ནས་བཀའ་སྩལ་པ། རྒྱལ་པོ་ཆེན་པོ། ཁྱོད་ཀྱིས་གྱ་ཙོམ་དུ་མི་བྱ་བར་ལེགས་པར་བརྟག་པར་བྱའོ། །ཞེས་གོ་བར་མཛད་དོ། །བྲམ་ཟེ་དེ་དག་གིས་ཀྱང་ཚེ་དང་ལྡན་པ་འཆར་ཀ་རྒྱལ་པོའི་ཕོ་བྲང་གི་སྒོར་ཁྲིད་དོ། །དེ་ན་རྒྱལ་པོའི་ཕོ་བྲང་གི་སྒོ་ན་སྐྱེ་བོ་ཕལ་པོ་ཆེའི་ཚོགས་དག་བྲམ་ཟེ་རྣམས་ཀྱིས་དགེ་སྦྱོང་འཆར་ཀ་བཟུང་སྟེ་རྒྱལ་པོའི་སྒོར་ཁྲིད་དེ་འོངས་སོ། །ཞེས་སྒྲ་མཐོན་པོ་དང ། སྒྲ་ཆེན་པོ་འབྱིན་
Nya60b
ཏོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་སྟེང་གི་ཁང་བཟང་གི་གཞིར་གཏོགས་པ་ན་གཉིད་ལོག་པ་སྐྱེ་བོ་ཕལ་པོ་ཆེའི་ཚོགས་དེས་སད་ནས་དེས་ཞོ་ཤས་འཚོ་བ་དག་ལ་སྨྲས་པ། ཤེས་ལྡན་དག་།ཅིའི་ཕྱིར་སྐྱེ་བོ་ཕལ་པོ་ཆེའི་ཚོགས་འདི་དག་སྒྲ་མཐོན་པོ་དང ། སྒྲ་ཆེན་པོ་འབྱིན་པར་བྱེད། དེ་དག་གིས་སྨྲས་པ། ལྷ། བཙུན་པ་འཆར་ཀ་དང ། བྲམ་ཟེའི་བུ་མོ་ཞིག་དང ། བྲམ་ཟེ་ཞིག་དང ། བྲམ་ཟེའི་ཁྱེའུ་ལྔ་བརྒྱ་ཙམ་རྒྱལ་པོའི་ཕོ་བྲང་གི་ཆབ་སྒོ་ན་བླག་ཅོར་མཆི་ཞིང་མཆིས་སོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བསམ་པ། བཅོམ་ལྡན་འདས་ཀྱིས་འདི་ལ་དགོངས་ནས་བདག་ལ་རྒྱལ་པོ་ཆེན་པོ། ཁྱོད་ཀྱིས་གྱ་ཙོམ་དུ་མི་བྱ་བར་ལེགས་པར་བརྟག་པར་བྱའོ། །ཞེས་བཀའ་སྩལ་ཏོ། །སྙམ་དུ་རིག་གོ་།མཉན་ཡོད་ན་ཆོས་ཉིད་ཀྱིས་གང་གི་ཚེ་རྩོད་པ་ཆེན་པོ་བྱུང་བ་དེའི་ཚེ་ན་རྔ་བོ་ཆེ་རྡུང་ཞིང ། དུང་སྒྲིལ་མ་ཡང་འབུད་པར་བྱེད་པས། རྒྱལ་པོ་གསལ་རྒྱལ་གྱིས་ཞོ་ཤས་འཚོ་བ་དག་ལ་བསྒོ་བ། ཤེས་ལྡན་དག་།རྔ་བོ་ཆེ་ཡང་རྡུང་ཞིག་།དུང་སྒྲིལ་མ་ཡང་བུས་ཤིག་།དེ་དག་གིས་རྔ་བོ་ཆེ་བརྡུངས་ཤིང་དུང་སྒྲིལ་མ་བུས་པ་དང ། རྒྱལ་པོ་དང་བཅས་པའི་འཁོར་འདུས་པར་གྱུར་ཏོ། །རྒྱལ་པོས་སྨྲས་པ། བྲམ་ཟེ་དེ་དང ། བཙུན་པ་འཆར་ཀ་ནང་དུ་ཐོང་ཞིག་།དེ་གཉིས་ནང་དུ་འོངས་པ་དང ། རྒྱལ་པོས་བྲམ་ཟེ་དེ་ལ་སྨྲས་པ། བྲམ་ཟེ། ཁྱེད་ཅི་ཟེར། ལྷ། དགེ་སྦྱོང་འཆར་ཀས་བདག་གི་བུ་མོ་ཞིག་གཞོན་ནུ་མ་དང་བྲལ་བར་བགྱིས་སོ། །རྒྱལ་པོས་སྨྲས་པ། བཙུན་པ་འཆར་ཀ། བྲམ་ཟེ་འདི་དེ་སྐད་མཆི་ན།
Nya61a
༄#། །ཁྱོད་ཅི་གསུང ། ལྷ། བདག་གིས་དེ་ལ་སྡིག་པའི་ལས་མ་བགྱིས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།འདི་ཇི་ལྟར་དཔྱད་པར་བྱ། བློན་པོ་རྣམས་ཀྱིས་སྨྲས་པ། ལྷ། བཅོམ་ལྡན་འདས་ཀྱིས་ཁྱོད་ཉིད་སྤོབས་པ་ཅན་རྣམས་ཀྱི་མཆོག་ཏུ་བསྟན་པ་ལགས་པས། ལྷ་ཉིད་ཀྱི་ཞལ་མཆུ་འདི་དགུམ་དུ་གསོལ། རྒྱལ་པོས་སྨྲས་པ། ཤེས་ལྡན་དག་།འདི་ལ་ཇི་ལྟར་ཤེས་པས་ནི། གཟུགས་དག་མཐོང་མོད། བཙུན་མོའི་འཁོར་གྱིས་ནི། བུ་མོ་བརྟག་མོད། བུ་མོ་དེ་བཙུན་མོའི་འཁོར་གྱི་ནང་དུ་ཐོང་ལ་བརྟག་ཏུ་ཆུག་ཅིག་།དེ་དག་གིས་བུ་མོ་དེ་བཙུན་མོའི་འཁོར་གྱི་ནང་དུ་བཏང་བ་དང ། བཙུན་མོ་ཕྲེང་ལྡན་མས་བུ་མོ་དེ་པང་བར་བསྙལ་ཏེ་སྨྲས་པ། བུ་མོ། བདེན་པར་སྨྲོས་ཤིག་།གལ་ཏེ་ཁྱོད་བཙུན་པ་འཆར་ཀས་གཞོན་ནུ་མ་དང་བྲལ་བར་བྱས་ན་ཡང ། དེ་ནི། བྲམ་ཟེ་མདུན་ན་འདོན་གྱི་བུ་ལས་རབ་ཏུ་བྱུང་བ་ཡིན་པས། ཁྱོད་ཀྱི་ཁྱིམ་ཐབ་ཀྱི་ཐབ་རིར་འབབ་པར་འགྱུར་རོ། །འོན་ཏེ་ཁྱོད་ཕྱུག་ཆུང་མ་རྨས་པ་ཚུལ་ཁྲིམས་དང་ལྡན་པ་ཡིན་ན་ནི། དགེ་སློང་ལ་ཡང་དག་པ་མ་ཡིན་པས་བསྐུར་ན། སེམས་ཅན་དམྱལ་བ་ཆེན་པོར་འགྲོ་བར་འགྱུར་རོ། །བུ་མོ་དེས་སྨྲས་པ། རྗེ་མོ། བདག་དེས་གཞོན་ནུ་མ་དང་བྲལ་བར་མ་བགྱིས་ཏེ། འདི་ལྟར་དེས་འོ་བགྱིས་ཤིང ། ཡན་ལག་དང ། ཉིད་ལག་དག་ཀུན་ཏུ་མནམས་སོ། །བཙུན་མོ་ཕྲེང་ལྡན་མས་སྨྲས་པ། བུ་མོ། ཁྱོད་ཀྱིས་དོན་དེ་ཙམ་ཞིག་ལ་རྒྱལ་པོ་དང་བཅས་པའི་འཁོར་ཀུན་ཏུ་དཀྲུགས་སོ། །ཅི། ཕ་དག་ཀྱང་བུ་མོ་དག་ལ་འོ་བྱེད་ཅིང ། ཡན་
Nya61b
ལག་དང ། ཉིང་ལག་དྲག་ལ་མི་ནོམ་མམ། ཀུན་ཏུ་མི་ནོམ་མམ། དེ་ནས་བུད་མེད་རྒན་མོ་རྣམས་ཀྱིས་བུ་མོ་དེ་བརྟག་ན། ཇི་ཙམ་ན་ཕྱུག་ཆུང་མ་ཉམས་པར་འགྱུར་ནས་དེ་དག་གིས་རྒྱལ་པོ་ལ་སྨྲས་པ། ལྷ། བུ་མོ་འདི་ཕྱུག་ཆུང་མ་ཉམས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།འདི་ལ་གང་ཡུས། བློན་པོ་རྣམས་ཀྱིས་སྨྲས་པ། ལྷ། བཙུན་པ་འཆར་ཀ་ཡུས་སོ། །རྒྱལ་པོས་སྨྲས་པ། ཤེས་ལྡན་དག་།དེངས་ལ་བྲམ་ཟེ་འདི་རྒྱ་སྐེགས་ཀྱི་ཁང་པར་ཆུག་ལ། མེས་སྲེགས་ཤིག་།བུ་མོ་དེ་ཡང་རྟེའུ་དམུ་རྒོད་ཀྱི་རྐང་པ་གཉིས་ལ་ཐོགས་ཤིག་།བྲམ་ཟེའི་ཁྱེའུ་ལྔ་བརྒྱ་པོ་དེ་དག་ཀྱང་ལག་པ་དང ། རྐང་པ་དག་ཆོད་ཅིག་།ཚེ་དང་ལྡན་པ་འཆར་ཀས་སྨྲས་པ། ལྷ། གལ་ཏེ་བདག་ལ་བརྟེན་ཏེ་སེམས་ཅན་དེ་སྙེད་ཅིག་ཆབ་སྩལ་བར་གྱུར་ན། དོན་གྱིས་ལྷས་བདག་བཅོམ་ལྡན་འདས་ཀྱི་བསྟན་པ་ལས་ཕྱུང་ལགས་སོ། །རྒྱལ་པོས་སྨྲས་པ། ཤེས་ལྡན་དག་།འོ་ན་དེངས་ལ་བྲམ་ཟེའི་ཁྱེའུ་ལྔ་བརྒྱ་པོ་དེ་དག་ཐོང་ལ། བྲམ་ཟེ་འདི་ནི། རྒྱ་སྐེགས་ཀྱི་ཁང་པར་ཆུག་ལ་མེས་སྲེགས་ཤིག་།བུ་མོ་དེ་ཡང་རྟེའུ་དམུ་རྒོད་ཀྱི་རྐང་པ་གཉིས་ལ་ཐོགས་ཤིག་།ཚེ་དང་ལྡན་པ་འཆར་ཀས་སྨྲས་པ། ལྷ། གལ་ཏེ་བདག་ལ་བརྟེན་ཏེ་ཐ་ན་གྲོག་མ་ཕྲ་མོ་འགའ་ཞིག་ལ་གནོད་པར་གྱུར་ན་ཡང་དོན་གྱིས་ལྷས་བདག་བཅོམ་ལྡན་འདས་ཀྱི་བསྟན་པ་ལས་ཕྱུང་བ་ཁོ་ན་ལགས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།བཅོམ་ལྡན་འདས་ཀྱི་ཉན་ཐོས་འདོད་ཆགས་དང་མ་བྲལ་ན་ཡང་སོ་སོར་རྟོག་པའི་སྟོབས་ལ་ལྟོས། གལ་ཏེ་བྲམ་ཟེ་
Nya62a
༄#། །དག་གིས་བཙུན་པ་འཆར་ཀ་ཐུབ་པར་གྱུར་ན་ནི། རྡོ་གཅིག་གིས་ཀྱང་གསོད་པར་འགྱུར་རོ། །ཤེས་ལྡན་དག་།དེངས་ལ་ཐམས་ཅད་ཁྱེ་ཞིག་།དེ་དག་བཀྱེ་ནས་འགྱེས་རྔ་བརྡུངས་ཤིང་ཡོལ་བས་བཅད་པ་དང ། སྐྱེ་བོ་ཕལ་པོ་ཆེའི་ཚོགས་དག་སོ་སོར་གྱེས་སོ། །རྒྱལ་པོ་དང ། བཙུན་མོ་ཕྲེང་ལྡན་མ་དང ། ཚེ་དང་ལྡན་པ་འཆར་ཀ་གསུམ་འདུག་པ་ན། རྒྱལ་པོས་བཙུན་མོ་ཕྲེང་ལྡན་མ་ལ་སྨྲས་པ། ཕྲེང་ལྡན་མ། བཙུན་པ་འཆར་ཀས་ཇི་ལྟར་བུའི་ཕན་ཕུན་བྱས་པས་རྒྱལ་པོ་དང་བཅས་པའི་འཁོར་ཀུན་ཏུ་དཀྲུགས་པ་ལ་ལྟོས། བཙུན་མོ་ཕྲེང་ལྡན་མས་ཚེ་དང་ལྡན་པ་འཆར་ཀ་ལ་སྨྲས་པ། བཙུན་པ་འཆར་ཀ། ཁྱོད་པས་སླད་ཀྱིས་རབ་ཏུ་བྱུང་བ་དགེ་སློང་མ་ཨུཏྤ་ལའི་མདོག་དང ། དགེ་ཚུལ་མ་སྐུལ་བྱེད་དང ། དགེ་ཚུལ་མ་ཅི་རི་ཀ་དང ། གཞན་ཡང་མང་པོ་གང་ལགས་པ་དེ་དག་ཐམས་ཅད་ཀྱིས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བགྱིས་ན། ཁྱོད་ཀྱིས་ནི། རྒྱལ་པོ་དང་བཅས་པའི་འཁོར་གྱི་ནང་དུ་མི་མཛེས་པ་འདི་ལྟ་བུ་བགྱིས་པར་གྱུར་ཀྱང་ད་དུང་སྐྱོ་བ་མི་མངའམ། ཚེ་དང་ལྡན་པ་འཆར་ཀས་སྨྲས་པ། ཕྲེང་ལྡན་མ། ད་ཕྱིན་ཆད་འཁོར་བར་འཁོར་བ་ན་ཉོན་མོངས་པ་དེ་ལྟ་བུ་དག་ཀུན་ཏུ་སྤྱོད་པར་མི་འགྱུར་བ་དེ་ལྟར་བྱའོ། །ཞེས་སྨྲས་ནས་དེ་སྟན་ལས་ལངས་ཏེ་སོང་ངོ ། །དེ་ངོ་ཚ་བས་བཅོམ་ལྡན་འདས་དང་འཕྲད་པར་མ་ནུས་ནས། ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་
Nya62b
སྨྲས་སོ། །མཁན་པོ། ཇི་ལྟར་བདག་འཁོར་བར་འཁོར་བ་ན་ཉོན་མོངས་པ་དེ་ལྟ་བུ་དག་ཀུན་ཏུ་སྤྱོད་པར་མི་འགྱུར་པ་དེ་ལྟར་བདག་ལ་ཆོས་བསྟན་དུ་གསོལ། ཚེ་དང་ལྡན་པ་ཤཱ་རིའི་བུས་བསམ་པ།་ལྟུང་བ་ལྷག་མ་མེད་པ་བྱུང་བར་མ་གྱུར་ཏམ་སྙམ་ན། ཇི་ཙམ་ན་དེས་ལྷག་མ་ཡོད་པར་མཐོང་ནས། དེས་དེ་བཤགས་པར་བྱ་བའི་ལྟུང་བ་གང་དག་ཡིན་པ་དེ་དག་ཀྱང་འཆགས་སུ་བཅུག་།བསྡམ་པར་བྱ་བའི་ལྟུང་བ་གང་དག་ཡིན་པ་དེ་དག་ཀྱང་སྡོམ་དུ་བཅུག་ནས་དེས་དེ་ལ་འདི་དང་འདི་ལྟར་ཡིད་ལ་གྱིས་ལ་བག་ཡོད་པས་སྒྲུབས་ཤིག་།ཅེས་གདམས་ངག་བྱིན་ནོ། །དེ་ནས་ཚེ་དང་ལྡན་པ་འཆར་ཀ་གཅིག་པུ་དབེན་པ། བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་པ་ན། རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས། བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་བཞག་པ་ལྟ་བུ། རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་
Nya63a
༄#། །དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུ་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་འཆར་ཀ་དགྲ་བཅོམ་པ་ཉིད་ཐོབ་ཅིང་རྣམ་པར་གྲོལ་བའི་དགའ་བ་དང་བདེ་བ་ཉམས་སུ་མྱོང་བ་ན། འདི་སྙམ་དུ་སེམས་ཏེ། བཅོམ་ལྡན་འདས་ནི། བདག་ལ་ཕན་པ་མཛད་པ། བདེ་བར་གཤེགས་པ་ནི། བདག་ལ་ལེགས་པར་མཛད་པ་སྟེ། འདི་ལྟར། བཅོམ་ལྡན་འདས་དེ་ནི། བདག་གི་སྡུག་བསྔལ་གྱི་ཆོས་མང་པོ་དག་སེལ་བར་མཛད་པ། བཅོམ་ལྡན་འདས་དེ་ནི། བདག་གི་བདེ་བའི་ཆོས་མང་པོ་དག་སྒྲུབ་པར་མཛད་པ། བཅོམ་ལྡན་འདས་དེ་ནི། བདག་གི་མི་དགེ་བའི་ཆོས་རྣམ་པ་དུ་མ་དག་སེལ་བར་མཛད་པ། བཅོམ་ལྡན་འདས་དེ་ནི། བདག་གི་དགེ་བའི་ཆོས་རྣམ་པ་དུ་མ་དག་སྒྲུབ་པར་མཛད་པ་ལགས་ན། བདག་གིས་ཅི་ཞིག་བྱས་ན། དེས་བདག་གིས་བཅོམ་ལྡན་འདས་ལ་ལན་བྱས་པ་དང ། ཉེ་བར་བྱས་པ་དང ། རབ་ཏུ་བྱས་པར་འགྱུར་སྙམ་ནས། དེས་ཡང་བསམ་པ། སངས་རྒྱས་བཅོམ་ལྡན་འདས་རྣམས་ནི། དཀའ་བ་མཛད་པ་བརྒྱ་སྟོང་དུ་མ་དག་གིས་བསྐལ་པ་གྲངས་མེད་པ་གསུམ་གྱིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ་མཛད་ནས་བླ་ན་མེད་པའི་མཁྱེན་པ་ཐུགས་སུ་ཆུད་པ་གང་ཡིན་པ་དེ་དག་ཐམས་ཅད་ནི། སེམས་ཅན་ལ་ཕན་པའི་ཕྱིར་ཡིན་པས། བདག་གིས་ཀྱང་སེམས་ཅན་ལ་ཕན་པ་བྱའོ། །སྙམ་མོ།།
Nya63b
དེས་བསམ་པ། བཅོམ་ལྡན་འདས་ཀྱིས་ཁྱིམ་པ་དད་པར་བྱེད་པ་རྣམས་ཀྱི་མཆོག་ཏུ་བསྟན་པ་འགའ་ཡོད་དམ་སྙམ་ན། དེས་ཇི་ཙམ་ན་མེད་པར་མཐོང་ངོ ། །སུ་ལ་ལྟོས་སྙམ་ན། བདག་ཉིད་ལ་ལྟོས་པར་མཐོང་ནས། ལེགས་ཀྱི། བདག་གིས་སྟོན་པའི་ཐུགས་ལ་དགོངས་པ་ཡོངས་སུ་རྫོགས་པར་བྱའོ། །སྙམ་མོ། །གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཞི་བ་ལ་དད་པ། ཞི་བ་ལ་བསྙེན་བཀུར་བྱེད་པ་ཞིག་འདུག་ནས་ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་ནས་དེ་དེའི་གན་དུ་སོང་བ་དང ། བྲམ་ཟེ་དེས་ཀྱང་ཞི་བ་ལ་བསྙེན་བཀུར་བྱས་ནས། ཀྱེ་བྲམ་ཟེ་བྲམ་ཟེ་ཞེས་བྲམ་ཟེ་ཚོལ་བར་བྱེད་དོ། །ཚེ་དང་ལྡན་པ་འཆར་ཀས་སྨྲས་པ། ཁོ་བོ་བྲམ་ཟེ་ཡིན་ནོ། །དེས་སྨྲས་པ། བྲམ་ཟེ་ནི། ཐོར་ཚུགས་ཅན་གྱི་ཁྱོད་ནི། དགེ་སྦྱོང་མགོ་རེག་ཡིན་ནོ། །ཚེ་དང་ལྡན་པ་འཆར་ཀས་སྨྲས་པ། འདི་ལྟར། ཁོ་བོ་བྲམ་ཟེ་ཡིན་ཞིང ། ཁོ་བོའི་སྟོན་པ་ཡང་བྲམ་ཟེའི་མཆོག་ཡིན་ན། ཁྱོད་ནི། ཞི་བ་འདི་ལ་མངོན་པར་དད་དམ། དེས་སྨྲས་པ། མངོན་པར་དད་དོ། །ཚེ་དང་ལྡན་པ་འཆར་ཀས་སྨྲས་པ། ཀཝའི་ཞི་བ་སྨྲོས་ཤིག་།ཇི་ལྟར་ཁོ་བོ་བྲམ་ཟེ་ཡིན་ཞིང་ཁོ་བོའི་སྟོན་པ་ཡང་བྲམ་ཟེའི་མཆོག་ཡིན་ནམ། ཞི་བས་སྨྲས་པ། འཕགས་པ་འཆར་ཀ། དེ་དེ་བཞིན་ཏེ། ཁྱོད་ནི། བྲམ་ཟེ་ལགས་ཤིང ། ཁྱོད་ཀྱི་སྟོན་པ་ཡང་བྲམ་ཟེའི་མཆོག་ལགས་སོ། །བྲམ་ཟེ་དེས་བསམ་པ། བདག་གིས་ཡུན་རིང་པོ་ནས་ཞི་བ་ལ་བསྙེན་བཀུར་བྱས་ན། འདིས་ལན་འགའ་རྨི་ལམ་དུ་ཡང་མ་བསྟན་ན། བཙུན་པ་འཆར་ཀས་
Nya64a
༄#། །སྨྲས་པ་ལ་ཚིག་སྨྲ་བར་བྱེད་པས། ཀྱེ་མ་བཙུན་པ་འཆར་ཀ་ནི། རྫུ་འཕྲུལ་ཆེ་བ། མཐུ་ཆེ་བ་ཡིན་ནོ། །སྙམ་ནས། དེས་སྨྲས་པ། བཙུན་པ་འཆར་ཀ། །ཅིའི་སླད་དུ་བྱོན། ཁྱོད་ཉིད་འདུལ་བའི་དོན་དུའོ། །བཙུན་པ་འཆར་ཀ་།དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག་།ཚེ་དང་ལྡན་པ་འཆར་ཀ་དེ་ཉིད་དུ་འདུག་སྟེ་ཟས་ཀྱི་བྱ་བ་བྱས་པ་དང ། བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆེས་མཉན་པའི་ཕྱིར་འདུག་ནས་ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར།་བྲམ་ཟེ་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་ཏུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་
Nya64b
པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི།་མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས། ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་བར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་ཟེ་གཞན་དག་ལ་ཡང་ཕན་པ་བྱ་དགོས་སོ། །ཞེས་སྨྲས་ཏེ། དང་དུ་མ་བླངས་སོ། །དེ་ནས་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་དང་པོ་གཉིས་ཀ་ནས་བཏུལ་ཅིང་བཞག་གོ་།ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཞི་བ་ལ་དད་པ། ཞི་བ་ལ་བསྙེན་བཀུར་བྱེད་པ་ཞིག་འདུག་ནས་ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་
Nya65a
༄#། །ནས། དེ་དེའི་གན་དུ་སོང་བ་དང ། བྲམ་ཟེ་དེས་ཀྱང་ཞི་བ་ལ་བསྙེན་བཀུར་བྱས་ནས། ཀྱེ་བྲམ་ཟེ་བྲམ་ཟེ་ཞེས་བྲམ་ཟེ་ཚོལ་བར་བྱེད་དོ། །ཚེ་དང་ལྡན་པ་འཆར་ཀས་སྨྲས་པ། ཁོ་བོ་བྲམ་ཟེ་ཡིན་ནོ། །དེས་སྨྲས་པ། མགོ་རེག་འདི་ལྟ་བུ་བྲམ་ཟེ་ག་ལ་ཡིན། ཚེ་དང་ལྡན་པ་འཆར་ཀས་སྨྲས་པ། བྲམ་ཟེ་ཇི་ལྟ་བུ་ཡིན། དེས་སྨྲས་པ། བྲམ་ཟེ་ནི། རལ་པ་ཅན་ཡིན་ནོ། །ཚེ་དང་ལྡན་པ་འཆར་ཀས་རལ་པ་ཅན་དུ་སྤྲུལ་པ་དང ། ཇི་ཙམ་ན། བྲམ་ཟེ་དེ་ངོ་མཚར་སྐྱེས་ནས། དེས་སྨྲས་པ། བཙུན་པ་འཆར་ཀ་།ཅིའི་སླད་དུ་བྱོན། ཁྱོད་ཉིད་འདུལ་བའི་དོན་དུའོ། །བཙུན་པ་འཆར་ཀ་།དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག་།ཚེ་དང་ལྡན་པ་འཆར་ཀ་དེར་འདུག་སྟེ་ཟས་ཀྱི་བྱ་བ་བྱས་པ་དང ། བྲམ་ཟེ་དེ་ཆུང་མ་དང་བཅས་པ། ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས་ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་ཁོང་དུ་ཆུད་ནས། འདི་ལྟར་བྲམ་ཟེ་དེ་ཆུང་མ་དང་བཅས་བས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་
Nya65b
ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་དག་གིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ་འཆར་ཀ། བདག་ནི། མངོན་པར་ཞུགས་པ་ལགས་སོ། །བཙུན་པ།་བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོ་བའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་
Nya66a
༄#། །ཟེ་གཞན་དག་ལ་ཡང་ཕན་པ་བྱ་དགོས་སོ། །ཞེས་སྨྲས་ཏེ། དང་དུ་མ་བླངས་སོ། །དེ་ནས་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་གཉིས་པ་གཉི་ག་ནས་བཏུལ་ཅིང་བཞག་གོ་།ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་སེར་སྣ་ཅན་ཞིག་འདུག་པ་དེའི་ཆུང་མ་ནོར་བུ་ལ་དགའ་ནས། ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་ནས། ཚེ་དང་ལྡན་པ་འཆར་ཀ་ནོར་བུ་མཁན་གྱི་ཆ་ལུགས་སུ་བྱས་ཏེ་དེའི་ཁྱིམ་དུ་སོང་ནས་ནོར་བུ་སུ་ཉོ། །ནོར་བུ་སུ་ཉོ། །ཞེས་བྱས་པ་དང ། བྲམ་ཟེ་མོ་དེས་ཐོས་ནས་དེས་སྨྲས་པ། ནོར་བུ་དག་རིན་ཇི་ཙམ་དུ་འཚོང ། ཚེ་དང་ལྡན་པ་འཆར་ཀས་སྨྲས་པ། ནོར་བུ་འདི་དག་རིན་ཆེ་མོད་ཀྱི། འོན་ཀྱང་རིན་ཆུང་ངུའི་ཕྱིར་སྦྱིན་ནོ། །ཞེས་ཚེ་དང་ལྡན་པ་འཆར་ཀས་ནོར་བུ་མཁན་གྱི་ཆ་ལུགས་མི་སྣང་བར་བྱས་ཏེ་རང་གི་ཆ་ལུགས་ཀྱིས་འདུག་པ་དང ། བྲམ་ཟེ་དེ་ངོ་མཚར་སྐྱེས་ནས་དེས་སྨྲས་པ། བཙུན་པ་འཆར་ཀ་།ཅིའི་སླད་དུ་འདིར་བྱོན། ཁྱོད་ཉིད་འདུལ་བའི་དོན་དུའོ། །བཙུན་པ་འཆར་ཀ་།དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག་།ཚེ་དང་ལྡན་པ་འཆར་ཀས་དེར་འདུག་སྟེ་ཟས་ཀྱི་བྱ་བ་བྱས་པ་དང ། བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས་ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་
Nya66b
ཉལ་དང ། ཁམས་དང ། རང་བཞིན་ཁོང་དུ་ཆུད་ནས། འདི་ལྟར། བྲམ་ཟེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་
Nya67a
༄#། །དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་ཟེ་གཞན་དག་ལ་ཡང་ཕན་པར་བྱ་དགོས་སོ། །ཞེས་སྨྲས་ཏེ། དང་དུ་མ་བླངས་སོ། །དེ་ནས་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེ་ཁྱིམ་གསུམ་པ་གཉི་ག་ནས་བཏུལ་ཅིང་བཞག་གོ་།ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ནད་པ་ཞིག་འདུག་པ་དེ། སྨན་པ་དག་གིས་སྨན་ཁ་བ་དང ། ཚ་བ་དང ། བསྐ་བ་དག་གིས་ཡིད་བྱུང་ནས། དེས་སྒོ་བ་ལ་ཁྱོད་ཀྱིས་སྨན་པ་འགའ་ཡང་ནང་དུ་མ་གཏང་ཞིག་ཅེས་བསྒོས་ནས། ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་ནས། ཚེ་དང་ལྡན་པ་འཆར་ཀ་སྨན་པའི་ཆ་ལུགས་སུ་བྱས་ཏེ་བྲམ་ཟེ་དེའི་ཁྱིམ་སྒོར་སྨན་པ་འོངས་སོ། །ཞེས་བྱས་ཏེ་བསྡད་པ་དང ། སྒོ་བས་སྨྲས་པ། ཁོ་བོ་ལ་བྲམ་ཟེས། ཁྱོད་ཀྱིས་སྨན་པ་འགའ་ཡང་ནང་དུ་མ་གཏང་ཞིག་།ཅེས་སྒོ་བ་ཁོ་བོ་དེ་ཉིད་ཀྱི་ཕྱིར་བཞག་གོ་།ཚེ་དང་ལྡན་པ་འཆར་ཀས་སྨྲས་པ། ཁྱོད་སོང་ལ་བྲམ་ཟེ་ལ་སྨན་པ་
Nya67b
འོངས་ཏེ། དེ་ན་རེ། སྨན་པ་ང་སྨན་མི་སྦྱིན། བྱ་དགའ་ཡང་མི་སློང་བར་གསང་སྔགས་དག་གིས་སོས་པར་བྱའོ། །ཞེས་ཟེར་རོ། །ཞེས་གྱིས་ཤིག་།སྒོ་བ་སོང་སྟེ་བྲམ་ཟེ་དེ་ལ་དེ་སྐད་རྒྱས་པར་བརྗོད་པ་དང ། དེས་སྨྲས་པ། ནང་དུ་ཐོང་ཞིག་།ཚེ་དང་ལྡན་པ་འཆར་ཀ་ནང་དུ་ཞུགས་ནས་དེས་གསང་སྔགས་དག་གིས་དེ་སོས་པར་བྱས་ནས་ཚེ་དང་ལྡན་པ་འཆར་ཀས་སྨན་པའི་ཆ་ལུགས་མི་སྣང་བར་བྱས་ཏེ་རང་གི་ཆ་ལུགས་ཀྱིས་འདུག་པ་དང ། བྲམ་ཟེ་དེ་དོ་མཚར་སྐྱེས་ནས་དེས་སྨྲས་པ། བཙུན་པ་འཆར་ཀ་།ཅིའི་སླད་དུ་འདིར་བྱོན། ཁྱོད་ཉིད་འདུལ་བའི་དོན་དུའོ། །བཙུན་པ་འཆར་ཀ་།དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག་།ཚེ་དང་ལྡན་པ་འཆར་ཀ་དེར་འདུག་སྟེ་ཟས་ཀྱི་བྱ་བ་བྱས་པ་དང ། བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས་ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་
Nya68a
༄#། །ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ།་བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་ཟེ་གཞན་དག་ལ་ཡང་ཕན་པ་བྱ་
Nya68b
དགོས་སོ། །ཞེས་སྨྲས་ཏེ། དང་དུ་མ་བླངས་སོ། །དེ་ནས་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་བཞི་པ་གཉི་ག་ནས་བཏུལ་ཅིང་བཞག་གོ་།ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། སེར་སྣ་ཅན། མིག་ཕྲ་བ། བྱ་རོག་ལ་ཡང་གཏོར་མ་མི་སྟེར་བ། ཡོ་བྱད་ཀུན་ཏུ་འཛིན་པ་ཞིག་འདུག་པ་དེ། སྒོ་དྲུང་ན་བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་དག་ཀློག་ཏུ་འཇུག་ནས་ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་ནས། ཚེ་དང་ལྡན་པ་འཆར་ཀ་འདུལ་བ་ལ་ལྟོས་པས་ཡང་དང་ཡང་དུ་དེར་བསོད་སྙོམས་ལ་བཞུགས་ནས། དེས་དེར་ལན་འགའ་ཡང་བསོད་སྙོམས་མ་ཐོབ་ནས། དེ་དེ་ནས་ཕྱིར་བྱུང་བ་བྲམ་ཟེ་དེས་མཐོང་ནས། དེས་སྨྲས་པ། ཀྱེ་དགེ་སྦྱོང ། ཁྱེད་ཡང་དང་ཡང་དུ་དེར་འཇུག་ན། རྙེད་པ་ཅུང་ཟད་ཡོད་དམ། ཚེ་དང་ལྡན་པ་འཆར་ཀས་དེའི་དད་པའི་ནོར་ལས་བསམ་སྟེ་སྨྲས་པ། བྲམ་ཟེ་ཁྱོད་ཉིད་ལ་ཡང་མེད་ན། ཅི་ཞིག་སྦྱིན་པར་བྱེད། བྲམ་ཟེ་དེས་སྤྱོས་ཏེ་སྨྲས་པ། དགེ་སྦྱོང་ཁྱོད་ཁྱིམ་མི་དང་བཅས་པ་ཐམས་ཅད་ལ་སྦྱིན་པར་བྱའོ། །ཚེ་དང་ལྡན་པ་འཆར་ཀས་ཐབས་ཡིན་ནོ། ། ཞེས་སྨྲས་ཏེ་སོང་ངོ ། །དེ་ན་བྲམ་ཟེའི་ཁྱེའུ་དགེ་སློང་གི་རྒྱུས་ཤེས་པ་ཞིག་གིས་བྲམ་ཟེ་དེ་ལ་སྨྲས་པ། མཁན་པོས། དེ་དག་གིས་ཐབས་ཡིན་ནོ། །ཞེས་བགྱིས་པ་དེའི་དོན་ཅི་ལགས་མཁྱེན་ཏམ་
Nya69a
༄#། །དེས་སྨྲས་པ། མི་ཤེས་སོ། །སྐོལ་གྱིས་དང་དུ་བླང་ངོ ། །ཞེས་སྨྲས་པ་གང་ལགས་པ་དེའི་དོན་ནི། དེ་དག་གིས་ཐབས་ཡིན་ནོ། །ཞེས་སྨྲས་པ་དེ་ལགས་སོ། །དེས་ཡང་སྨྲས་པ། མཁན་པོས། དེ་དག་གི་ཁྱིམ་མི་དང་བཅས་པ་ཐམས་ཅད་ཅེས་བགྱི་བ་དེའི་དོན་ཅི་ལགས་མཁྱེན་ཏམ། དེས་སྨྲས་པ། མི་ཤེས་སོ། །དེ་དག་གི་ཁྱིམ་མི་དང་བཅས་པ་ཐམས་ཅད་ཅེས་བགྱི་བ་ནི།་རྒྱལ་རིགས་དགེ་སྦྱོང་གཽ་ཏ་མ་འཁོར་སྟོང་ཉིས་བརྒྱ་ལྔ་བཅུ་དང་བཅས་པ་ལགས་ཏེ། དེ་ལྟར་ན། མཁན་པོས་དོན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་པར་གྱུར་ཏོ། ། བྲམ་ཟེ་དེས་སྨྲས་པ། ཁོ་བོས་བྲམ་ཟེ་རིག་བྱེད་གསུམ་པ་དང་ལྡན་པ་དག་མ་མཐོང་ངམ། ཅི་ན། གང་གི་ཕྱིར་དགེ་སྦྱོང་མགོ་རེག་དག་ལ་སྦྱིན་པར་བྱེད། དེས་སྨྲས་པ། དགེ་སྦྱོང་དེས་དེང་མཁན་པོའི་མཚན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་སང་མཁན་པོའི་སྡུམ་པར་སྤྱན་འདྲེན་པར་བགྱིད་དོ། །བྲམ་ཟེས་སྨྲས་པ། ཅིའི་ཕྱིར་དེ་དེ་ལྟར་བྱེད། དེས་སྨྲས་པ། མཁན་པོ།་གལ་ཏེ་བདག་ལ་ཐུགས་མི་ཆེས་ན། བྲམ་ཟེའི་ཁྱེའུ་ཞིག་རྟོག་ཏུ་གཏང་དུ་གསོལ། དེས་བྲམ་ཟེའི་ཁྱེའུ་ཞིག་རྟོག་ཏུ་བཏང་བ་དང ། ཇི་ཙམ་ན་ཚེ་དང་ལྡན་པ་འཆར་ཀས་སངས་རྒྱས་ལ་སོགས་པ་དགེ་སློང་གི་དགེ་འདུན་ཚོགས་པ་ན། རྒན་པའི་མཐའ་ལོགས་སུ་འདུག་སྟེ། བྲམ་ཟེ་ཆེ་གེ་མོ་ཞིག་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་
Nya69b
འདྲེན་ཏོ། །ཞེས་བྲམ་ཟེ་དེའི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་སྤྱན་དྲངས་བ་དེས་ཐོས་སོ། །བྲམ་ཟེའི་ཁྱེའུ་དེས་དེ་ཐོས་ནས་ཕྱིར་འོངས་ཏེ་བྲམ་ཟེ་དེ་ལ་སྨྲས་པ། མཁན་པོ། དེ་བཞིན་ཏེ། བཙུན་པ་འཆར་ཀས་མཁན་པོའི་མཚན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་སང་མཁན་པོའི་སྡུམ་པར་སྤྱན་དྲངས་ཀྱི། ཞལ་ཟས་སྟ་གོན་བགྱིད་དུ་སྩོལ་ཅིག་།དེས་སྨྲས་པ། ཁོ་བོས་བྲམ་ཟེའི་རིག་བྱེད་གསུམ་དང་ལྡན་པ་དག་མ་མཐོང་ངམ། ཅི་ན། གང་གི་ཕྱིར་དགེ་སྦྱོང་མགོ་རེག་དག་ལ་སྦྱིན་པར་བྱེད། དེ་དག་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་ཟ་བར་འགྱུར་གྲང ། ཇི་ཙམ་ན་དེ་ནང་པར་ལངས་པ་དང་དགེ་སློང་ཆུའི་གཙང་སྦྱོར་དག་བྲམ་ཟེ་དེའི་ཁྱིམ་དུ་ལྷགས་ཏེ་སྨྲས་པ། བྲམ་ཟེ། ཆུ་གང་དུ་གཞག་པར་བྱ། བྲམ་ཟེ་དེས་སྨྲས་པ། ཁྱིམ་བདག་མགོན་མེད་ཟས་སྦྱིན་གྱི་སྡུམ་པར་རོ། །དེ་བཞིན་དུ་བཤོས་ཀྱི་གཙང་སྦྱོར་དག་ལྷགས་ཏེ་སྨྲས་པ། བྲམ་ཟེ། ཞལ་ཟས་གང་དུ་བརྟག་པར་བྱ། བྲམ་ཟེ་དེས་སྨྲས་པ། ཁྱིམ་བདག་མགོན་མེད་ཟས་སྦྱིན་གྱི་སྡུམ་པར་རོ། །བཅོམ་ལྡན་འདས་ཀྱི་གང་གི་ངོར་མགྲོན་དུ་བོས་བ་དེས་དུས་སྔར་འགྲོ་བར་བྱ་ཞིང ། མ་ཟིན་པ་དག་ཟིན་པར་བྱའོ། །ཞེས་བཀའ་སྩལ་པས། ཚེ་དང་ལྡན་པ་འཆར་ཀ་ནང་པར་སྔར་ལངས་ཏེ་འཕགས་པ་དང ། ཁྱིམ་བདག་མགོན་མེད་ཟས་སྦྱིན་གྱིས་ལམ་ཀར་དེ་མཐོང་ནས་སྨྲས་པ། བཙུན་པ་འཆར་ཀ་།གར་བཞུད། དེས་སྨྲས་པ། བྲམ་ཟེ་ཞིག་གིས་བདག་ལ་བརྟེན་ཏེ་སངས་རྒྱས་ལ་སོགས་པ་དགེ་སློང་གི་དགེ་
Nya70a
༄#། །འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པས་དེར་འགྲོའོ། །ཁྱིམ་བདག་གིས་སྨྲས་པ། བྲམ་ཟེ་དེ་ནི། མ་དད་པ་ལགས་ཀྱི། སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་བཅད་པར་གྱུར་ན་མི་རུང་གི་།བདག་ཀྱང་མཆིའོ། །དེ་གཉིས་དེར་དོང་བ་དང ། ཇི་ཙམ་ན་བྲམ་ཟེ་དེ་སྙིང་ལས་ཆུང་ངུར་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་དེ་ལ་སྨྲས་པ། བྲམ་ཟེ། ཁྱོད་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ན། ཅིའི་ཕྱིར་སྙིང་ལས་ཆུང་ངུར་འདུག་།ཞལ་ཟས་སྟ་གོན་བྱེད་ན། ཅི་ཉེས། བྲམ་ཟེ་དེས་སྨྲས་པ། ཁོ་བོ་བྲམ་ཟེ་རིག་བྱེད་གསུམ་དང་ལྡན་པ་དག་མ་མཐོང་ངམ། ཅི་ན། དགེ་སྦྱོང་མགོ་རེག་དག་ལ་སྦྱིན་པར་བྱེད། ཁྱོད་བདག་གི་ཁྱིམ་དུ་ཟན་བྱིན་ཅིག་།ཁྱིམ་བདག་གིས་སྨྲས་པ། བྲམ་ཟེ་ཁོ་བོ་ལ་འབྱོར་པ་མེད་སྙམ་མམ། ཁོ་བོས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཇི་སྲིད་འཚོའི་བར་དུ་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་གིས་བསྙེན་བཀུར་བྱེད་པར་ཡང་སྤྲོ་མོད་ཀྱི། འོན་ཀྱང་ཁོ་བོ་ཁྱོད་ལ་ཕན་གདགས་པའི་ཕྱིར་སྨྲའི། ཁྱོད་སྙིང་ལས་ཆུང་ངུར་མ་འདུག་པར་ཞལ་ཟས་སྟ་གོན་གྱིས་ཤིག་།འདི་ལྟར། སངས་རྒྱས་ལ་སོགས་པ་དགེ་སློང་གི་དགེ་འདུན་ནི། ཀོ་ས་ལར་བྱུང་བའི་རྒྱལ་པོ་གསལ་རྒྱལ་དང ། བཙུན་མོ་ཕྲེང་ལྡན་མ་དང ། རྒྱལ་རིགས་དབྱར་ཚུལ་མ་དང ། བླ་མཁྱེན་
Nya70b
དྲང་སྲོང་བྱིན་དང ། རྙིང་པ་དང ། ཁོ་བོ་དང ། གཞན་ཡང་བྲམ་ཟེ་དང ། ཁྱིམ་བདག་རྒྱ་ཆེ་རྒུ་དག་གིས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པར་བྱས་པ་ཡིན་པས། གལ་ཏེ་ཁྱོད་ལ་བརྟེན་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་བཅད་པར་གྱུར་ན། ཁྱོད་ལ་རྒྱལ་པོ་གདོན་མི་ཟ་བར་གནོད་པ་བྱེད་པར་འགྱུར་ཞིང ། ཁྱོད་ཕྱག་སྦལ་དུ་བཅུག་པས་འཆི་དགོས་པར་འགྱུར་པ་གང་ཡིན་པ་དེ་ལྟ་བུའི་གནས་ཀྱང་ཡོད་པར་འགྱུར་རོ། །བྲམ་ཟེ་དེ་སྐྲག་སྟེ་བསམ་པ། དེ་ལྟར་འགྱུར་རོ། །སྙམ་ནས་སྨྲས་པ། ཁྱིམ་བདག་།བདག་གིས་ཞལ་ཟས་སྟ་གོན་མ་བྱས་ན། ད་ཇི་ལྟར་བྱ། ཁྱིམ་བདག་གིས་སྨྲས་པ། བྲམ་ཟེ། མཉན་ཡོད་ན་གང་ཉོ་བས་མི་རྙེད་པའི་རྫས་དེ་ལྟ་བུ་མེད་ཀྱི། ཀཪྴ་པ་ཎ་འོན་ཅིག་དང ། ཁོ་བོས་ཞལ་ཟས་སྟ་གོན་བྱའོ། །བྲམ་ཟེས་སྨྲས་པ། ཁྱིམ་བདག་།ཀཪྴ་པ་ཎ་ཇི་སྙེད་དག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་གྱི་གདུགས་ཚོད་འབྱོར་པར་འགྱུར། ཁྱིམ་བདག་གིས་སྨྲས་པ། ཀཪྴ་པ་ཎ་ལྔ་བརྒྱས་སོ། །བྲམ་ཟེ་དེས་ཁྱིམ་བདག་ལ་ཀཪྴ་པ་ཎ་ལྔ་བརྒྱ་ཕུལ་ནས། ཁྱིམ་བདག་མགོན་མེད་ཟས་སྦྱིན་གྱིས་དེ་དག་གི་སྟེང་དུ་ཀཪྴ་པ་ཎ་གཞན་དག་གིས་ཀྱང་བསྣན་ཏེ་ཞལ་ཟས་སྟ་གོན་བྱས་སོ། །བྲམ་ཟེ་དེས་སྨྲས་པ། ཁྱིམ་བདག་།བདག་ལ་སྩང་སྡེར་དག་ཀྱང་མི་བདོག་གོ་།ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། བྲམ་ཟེ། ཁྱོད་སྩང་སྡེར་དག་གིས་མ་འཚེར་བར་སྙིང་ལས་ཆུང་ངུར་འདུག་ཅིག་དང ། དེ་དག་དྲང་སྲོང་གི་སྣོད་དང་བཅས་ཏེ་གཤེགས་པར་འགྱུར་རོ། །དེ་ནས་སངས་རྒྱས་
Nya71a
༄#། །ལ་སོགས་པ་དགེ་སློང་གི་དགེ་འདུན་གཤེགས་ཏེ་བཞུགས་ནས་དགེ་སློང་རྣམས་ཀྱིས་ལྷུང་བཟེད་དག་བྱི་དོར་བྱས་པ་བྲམ་ཟེ་དེས་མཐོང་ནས་དེས་བསམ་པ། རེ་ཞིག་སྣོད་དག་ཀྱང་བདག་གིས་བྱི་དོར་བྱ་མི་དགོས་སོ། །སྙམ་ནས་དེ་མངོན་པར་དད་པར་གྱུར་ཏེ། ཚེ་དང་ལྡན་པ་འཆར་ཀ་ལ་སྨྲས་པ། བཙུན་པ་འཆར་ཀ། ཁྱོད་བདག་གིས་དགེ་བའི་བཤེས་གཉེན་ལགས་ཀྱི། ཁྱོད་ཀྱིས་ཀྱང་བྲིམ་པ་མཛོད་ལ་སླད་ཀྱིས་བཤོས་གསོལ་ཅིག་།སངས་རྒྱས་ལ་སོགས་པའི་དགེ་སློང་གི་དགེ་འདུན་གདུགས་ཚོད་གསོལ་ནས་བཅོམ་ལྡན་འདས་ཀྱིས་ཡོན་བཤད་པ་མཛད་དེ་གདན་ལས་བཞེངས་ཏེ་གཤེགས་སོ། །དེ་ནས་བྲམ་ཟེ་དེས་སྨྲས་པ། བཙུན་པ་འཆར་ཀ་།ད་ཁྱོད་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག་།དེ་འདུག་པ་དང་བྲམ་ཟེ་དེ་ཟས་བྲིམས་ཏེ་དེས་ཟས་ཀྱི་བྱ་བ་བྱས་པ་དང།་བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས་ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་
Nya71b
མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ཐོབ་སྟེ། བཙུན་པ།་བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང ། དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་
Nya72a
༄#། །པས། བྲམ་ཟེ་གཞན་དག་ལ་ཡང་ཕན་པ་བྱ་དགོས་སོ། །ཞེས་སྨྲས་ཏེ་དང་དུ་མ་བླངས་སོ། །དེ་ནས་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་ལྔ་པ་གཉི་ཀ་ནས་བཏུལ་ཅིང་བཞག་གོ་།ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཞིག་འདུག་པ་དེའི་ཆུང་མ་གཟུགས་བཟང་བ། བལྟ་ན་སྡུག་པ། མཛེས་པ་ཡིན་པས། དེ་དེ་ལ་ཤིན་ཏུ་ལྷག་པར་ཆགས་པས་ཁྱིམ་དུ་འགའ་ཡང་འཇུག་ཏུ་མི་སྟེར་ནས་ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་ནས།་དེ་བྲམ་ཟེ་དེའི་ཁྱིམ་དུ་སོང་བ་དང ། ཇི་ཙམ་ན་བྲམ་ཟེ་དེ། གཅིན་གཅི་ཞིང་འདུག་པས་ཚེ་དང་ལྡན་པ་འཆར་ཀ་མཐོང་ནས་སྨྲས་པ། དགེ་སྦྱོང་མ་འཇུག་པར་སྡོད་ཅིག་།ཚེ་དང་ལྡན་པ་འཆར་ཀས་འདི་ལྟར་བྲམ་ཟེའི་གཅིན་གྱི་རྒྱུན་མི་འཆད་པ་དེ་ལྟར་བྱིན་གྱིས་བརླབས་ནས། ཚེ་དང་ལྡན་པ་འཆར་ཀ་ནང་དུ་ཞུགས་ཏེ་བྲམ་ཟེ་དེའི་ཆུང་མ་དེ་ཡང་འདི་ལྟར་དེའི་ལྟོ་ན་ནང་གྲོལ་གང་དག་ཡོད་པ་དེ་དག་ཐམས་ཅད་ཕྱི་རོལ་ནས་སྣང་བ་དེ་ལྟར་བྱིན་གྱིས་བརླབས་ནས། ཚེ་དང་ལྡན་པ་འཆར་ཀ་ཕྱིར་བྱུང་བ་དང ། བྲམ་ཟེ་དེས་སྨྲས་པ། བཙུན་པ་འཆར་ཀ་།ཁྱོད་ཀྱིས་བདག་གི་མཆིས་བྲང་གཟིགས་སམ། དེས་སྨྲས་པ། མཐོང་ངོ ། །ཅི་འདྲ། ཁྱོད་ཀྱིས་ཇི་ལྟར་མཐོང་བར་གྱུར་པ་དེ་འདྲའོ། །དེ་ཞུགས་ཏེ་བལྟས་ན། དེ་ལྟར་མི་སྡུག་པར་མཐོང་ནས་དེས་དེ་ལ་སྨྲས་པ། བྲམ་ཟེ་མོ།
Nya72b
ཁྱོད་ཀྱིས་བཙུན་པ་འཆར་ཀ་ལ་ཅུང་ཞིག་མ་སྨྲས་སམ། དེས་སྨྲས་པ། ཅུང་ཟད་ཀྱང་མ་སྨྲས་ཏེ། འདི་ལྟར། དེས་བདག་སྤྱོས་ཏེ་དམོད་མོ་བགྱིས་ཀྱི། བཞུད་ལ་དེ་ལ་བཟོད་པ་གསོལ་ཅིག་།དེ་སོང་སྟེ་སྨྲས་པ།་བཙུན་པ་འཆར་ཀ་།བདག་གི་མཆིས་བྲང་ལ་བཟོད་པ་མཛད་དུ་གསོལ། ཚེ་དང་ལྡན་པ་འཆར་ཀས་སྨྲས་པ། བཟོད་པར་བྱའོ། །དེས་དེ་སྔོན་ཇི་ལྟ་བ་བཞིན་དུ་གྱུར་པ་དང ། བྲམ་ཟེ་དེ་དད་པར་གྱུར་ནས་དེས་སྨྲས་པ། བཙུན་པ་འཆར་ཀ་ཅིའི་སླད་དུ་བྱོན། ཁྱོད་ཉིད་འདུལ་བའི་དོན་དུའོ། །བཙུན་པ་འཆར་ཀ་།དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག་།ཚེ་དང་ལྡན་པ་འཆར་ཀ་དེར་འདུག་སྟེ་ཟས་ཀྱི་བྱ་བ་བྱས་པ་དང ། བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས། ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་
Nya73a
༄#། །དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་ནི། བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་པ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀ་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་ཟེ་གཞན་དག་ལ་ཡང་ཕན་པ་བྱ་དགོས་སོ། །ཞེས་སྨྲས་ཏེ་
Nya73b
དང་དུ་མ་བླངས་སོ། །དེ་ན་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་དྲུག་པ་གཉི་ག་ནས་བཏུལ་ཅིང་བཞག་གོ་།ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཞིག་འདུག་པ་དེའི་ཆུང་མ་གཟུགས་བཟང་བ། བལྟ་ན་སྡུག་པ། མཛེས་པ་ཡིན་ཏེ། བྲམ་ཟེ་དེས་མེ་ཏོག་དང ། ཡམ་སྲེག་ཤིང་གི་ཕྱིར་ཕྱི་རོལ་ཏུ་བྱུང་བ་དང ། ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་ནས། དེ་བྲམ་ཟེའི་ཁྱིམ་དུ་སོང་བ་དང ། དེའི་ཆུང་མ་དེས་ཚེ་དང་ལྡན་པ་འཆར་ཀ་སྒོ་ཁང་དུ་མཐོང་ནས་དེའི་ནང་དུ་ཞུགས་པ་དང ། ཚེ་དང་ལྡན་པ་འཆར་ཀ་ཡང་ཁྱིམ་གྱི་ནང་དུ་ཞུགས་སོ། །དེ་གནས་ཁང་དུ་ཞུགས་པ་དང ། ཚེ་དང་ལྡན་པ་འཆར་ཀ་ཡང་དེའི་ཕྱི་བཞིན་གནས་ཁང་དུ་བཞུགས་སོ། །དེ་གནས་ཁང་ནས་ཕྱིར་བྱུང་སྟེ་སྐས་ལས་ཁང་སྟེང་དུ་འཛེག་པར་བརྩམས་པ་དང ། ཚེ་དང་ལྡན་པ་འཆར་ཀས་ཀྱང་དེའི་ཕྱི་བཞིན་སྐས་ལས་ཁང་སྟེང་དུ་འཛེག་པར་བརྩམས་སོ། །དེས་སྐས་ཕུལ་བ་དང ། ཚེ་དང་ལྡན་པ་འཆར་ཀ་ས་ལ་བསྒྱེལ་ནས་དེ་འགོག་པ་ལ་སྙོམས་པར་ཞུགས་པ་དང ། དེས་བསམ་པ། མ་ཤིའམ་སྙམ་ནས་དེ་བབས་ཏེ་བསླང་བར་བརྩམས་ནས། འགུལ་བར་ཡང་མ་ནུས་སོ། །བྲམ་ཟེ་འོངས་ནས་དྲིས་པ། འདི་ཅི་ཡིན། བྲམ་ཟེ་མོས་རྒྱས་པར་བརྗོད་པ་དང ། དེས་སྨྲས་པ། ཁྱོད་ཀྱི་འདི་དེ་ལྟར་ཕུལ་བ་ནི། མ་ལེགས་པ་བྱས་ཏེ། འདི་ནི། བྲམ་ཟེ་མདུན་ན་འདོན་གྱི་བུ་ལས་རབ་ཏུ་བྱུང་བ། རྒྱལ་པོ་གསལ་རྒྱལ་གྱི་ཆུང་པོ་
Nya74a
༄#། །གྲོགས། བཙུན་མོ་ཕྲེང་ལྡན་མའི་སློབ་དཔོན་ཡིན་ཏེ། འདི་དག་གིས་རྒྱལ་པོ་ལས་གཞོན་ནུའི་ཡོངས་སུ་སྤངས་པ་ཐོབ་པས། བདག་ཅག་རྒྱལ་པོས་ཕྱག་སྦལ་དུ་བཅུག་པས་འཆི་བར་བྱ་དགོས་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །བྲམ་ཟེ་མོས་ཚེ་དང་ལྡན་པ་འཆར་ཀའི་རྐང་པ་གཉིས་ལ་གཏུགས་ཏེ། འཕགས་པ། ཁྱོད་ཀྱིས་མི་མཁྱེན་པ་དང ། མ་གཟིགས་པ་དང།་མ་རིག་པ་དང ། རྣམ་པར་མི་མཁྱེན་པ་ཅི་ཡང་མ་མཆིས་ཀྱི། བཟོད་པ་གསོལ་ཞེས་བཟོད་པ་གསོལ་པ་དང ། ཚེ་དང་ལྡན་པ་འཆར་ཀ་ལངས་ཏེ་སྨྲས་པ། བཟོད་པར་བྱའོ། །བྲམ་ཟེ་དེ་ངོ་མཚར་སྐྱེས་ནས་དེས་སྨྲས་པ། བཙུན་པ་འཆར་ཀ་།ཅིའི་སླད་དུ་བྱོན། ཁྱོད་ཉིད་འདུལ་བའི་དོན་དུའོ། །བཙུན་པ་འཆར་ཀ་།དེའི་སླད་དུ་འདི་ཉིད་དུ་བཞུགས་ཏེ་ཞལ་ཟས་ཀྱི་བྱ་བ་མཛོད་ཅིག་།ཚེ་དང་ལྡན་པ་འཆར་ཀས་དེར་འདུག་སྟེ་ཟས་ཀྱི་བྱ་བ་བྱས་པ་དང ། བྲམ་ཟེ་དེ་ཆུང་མ་དང་བཅས་པ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་ནས་ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་
Nya74b
བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱིས་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང།་མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ།་བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླད་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང །
Nya75a
༄#། །ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་ཟེ་གཞན་དག་ལ་ཡང་ཕན་པ་བྱ་དགོས་སོ། །ཞེས་སྨྲས་ཏེ། དང་དུ་མ་བླངས་སོ། །དེ་ན་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་བདུན་པ་གཉི་ག་ནས་བཏུལ་ཅིང་བཞག་གོ་།ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། །མཉན་ཡོད་ན་བྲམ་ཟེ་ཞིག་འདུག་པ་དེའི་ཆུང་མ་གཟུགས་བཟང་བ། བལྟ་ན་སྡུག་པ། མཛེས་པ་ཡིན་ཏེ། བྲམ་ཟེ་དེ་མེ་ཏོག་དང་ཡམ་སྲེག་ཤིང་གི་ཕྱིར་ཕྱི་རོལ་ཏུ་བྱུང་བ་དང ། ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་ནས། དེ་བྲམ་ཟེ་དེའི་ཁྱིམ་དུ་སོང་བ་དང ། བྲམ་ཟེ་མོ་དེ་གཟུགས་ཀྱི་རྒྱགས་པ་དང ། ལང་ཚོའི་རྒྱགས་པ་དང ། རིགས་ཀྱི་རྒྱགས་པ་དང ། དབང་ཕྱུག་གི་རྒྱགས་པས་རྒྱགས་ནས་ཚིག་ཀྱང་མི་སྟེར་རོ། །ཚེ་དང་ལྡན་པ་འཆར་ཀས་དེའི་སྔོན་གྱི་ལས་ཟད་པ་ལས་བསམ་ནས་ཚིགས་སུ་བཅད་པ་སྨྲས་པ། སྲིང་མོ་རྙིང་པ་ཟད་བྱེད་ཅིང ། །གསར་པ་ཅུང་ཟད་སྐྱེད་མི་བྱེད། །བག་མེད་བརྒྱན་པ་མཐོང་ནས་ནི། །མཆི་མས་བརྣངས་པའི་བཞིན་གྱིས་དུ། །ཞེས་སྨྲས་ཏེ་སོང་ངོ ། །བྲམ་ཟེ་མོ་དེ་འདིས་བདག་སྤྱོས་སོ། །ཞེས་གཤེ་ཞིང་དེ་གོས་དྲི་མ་ཅན་གྱོན་ཏེ། ཁྲི་ཞིག་པའི་སྟེང་དུ་ཉལ་ཏེ་འདུག་གོ་།བྲམ་ཟེ་དེ་འོངས་པ་དང་དེས་དེ་མཐོང་ནས་སྨྲས་པ། བྲམ་ཟེ་མོ་འདི་ཅི་ཉེས། བྲམ་ཟེ་མོས་བཤེས་ཏེ་སྨྲས་པ། གལ་ཏེ་ཁྱོད་ལ་
Nya75b
གང་སྒོ་ན་འགྲེང་བའི་མི་གཅིག་ལ་ཡང་བཟའ་བ་དང ། བགོ་བ་སྦྱིན་པའི་འབྱོར་བ་མེད་ན། ཁྱོད་ལ་ཁྱིམ་མི་མོ་བླངས་པས་ཅི་བྱ། དགེ་སྦྱོང་འཆར་ཀ་གང་ཡིན་པ་དེས་ཁོ་མོ་སྤྱོས་སོ། །བྲམ་ཟེས་སྨྲས་པ། བཟང་མོ། དེ་ནི། བྲམ་ཟེ་མདུན་ན་འདོན་གྱི་བུ་ལས་རབ་ཏུ་བྱུང་བ་ཡིན་གྱི། དེ་ལ་བཟོད་པར་གྱིས་ཤིག་།བྲམ་ཟེ་མོས་སྨྲས་པ། གལ་ཏེ་དེ་གསོན་ན། ཁོ་མོ་མི་གསོན་ནོ། །བྲམ་ཟེས་སྨྲས་པ། བཟང་མོ། འདི་ནི། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཆུང་པོ་གྲོགས། བཙུན་མོ་ཕྲེང་ལྡན་མའི་སློབ་དཔོན་ཡིན་ཏེ། དེ་དག་གིས་རྒྱལ་པོ་ལས་གཞོན་ནུའི་ཡོངས་སུ་སྤངས་པ་ཐོབ་པས་གལ་ཏེ་བདག་གིས་དེ་ལ་སྡུག་བསྔལ་ཅུང་ཟད་བསྐྱེད་པར་གྱུར་ན། བདག་ཅག་རྒྱལ་པོས་ཕྱག་སྦལ་དུ་བཅུག་པས་འཆི་བར་བྱ་དགོས་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱི། བཟོད་པར་གྱིས་ཤིག་།བྲམ་ཟེ་མོས་སྨྲས་པ། བྲམ་ཟེ། མང་དུ་སྨྲས་ཏེ་ཅི་རུང ། གལ་ཏེ་དེ་གསོན་ན། ཁོ་མོ་མི་གསོན་ནོ། །འདོད་པ་བསྟེན་པས་ནི། སྡིག་པའི་ལས་མི་བྱ་བ་ཅི་ཡང་མེད་པས། བྲམ་ཟེ་དེ་རལ་གྲི་མཆན་དུ་བཅུག་སྟེ་འཕགས་པ་དང ། ཚེ་དང་ལྡན་པ་འཆར་ཀས་ཐག་རིང་པོ་ཁོ་ནས་དེ་སེམས་ཇི་ལྟ་བུས་འོང་སྙམ་ན། ཇི་ཙམ་ན་གསོད་པའི་སེམས་ཀྱིས་འོང་བར་མཐོང་ནས། ཚེ་དང་ལྡན་པ་འཆར་ཀས་ལོ་མ་མ་ཡིན་པའི་སྤྱིལ་བུ་མངོན་པར་སྤྲུལ་ནས་དེར་ཞུགས་ཏེ་འདུག་གོ་།བྲམ་ཟེ་དེས་སྨྲས་པ། བཙུན་པ་འཆར་ཀ། སྒོ་ཕྱེ་ཞིག་།ཚེ་དང་ལྡན་པ་འཆར་ཀས་སྨྲས་པ། ཁྱོད་སྐྱེས་བཟང་པོས་འོངས་པར་གྱུར་ན། ཁོ་བོས་ཅིའི་ཕྱིར་སྒོ་མི་དབྱེ། རལ་གྲི་འོར་ཅིག །
Nya76a
༄#། །བྲམ་ཟེས་བསམ་པ། བགགས་ཏེ་གསད་དོ། །སྙམ་ནས་དེས་རལ་གྲི་བོར་རོ། །ཚེ་དང་ལྡན་པ་འཆར་ཀས་སྨྲས་པ། སྡིག་པའི་སེམས་དེ་ཡང་འོར་ཅིག་།བྲམ་ཟེ་དེས་བསམ་པ། འདི་ནི། བདག་ཉིད་ཆེན་པོ་ཞིག་སྟེ། བདག་གི་སེམས་ཀྱང་ཤེས་སོ། །སྙམ་ནས་དེ་མངོན་པར་དད་པར་གྱུར་པ་དང ། ཚེ་དང་ལྡན་པ་འཆར་ཀས་རྫུ་འཕྲུལ་མངོན་པར་འདུ་བྱ་བ་དེའི་ཕྱིར་བསྡུས་ནས་དེ་བཞིན་དུ་འདུག་གོ་།བྲམ་ཟེ་དེས་ཚེ་དང་ལྡན་པ་འཆར་ཀའི་རྐང་པ་གཉིས་ལ་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འདུག་པ་དང ། ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས། བཙུན་པ་འཆར་ཀ་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ།
Nya76b
མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་ནི། བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དད་པས་སྐྱབས་སུ་མཆིའོ། །དེ་ནས་བྲམ་ཟེ་དེས་སྨྲས་པ། བཙུན་པ། འཆར་ཀ་ཁྱོད་བདག་གི་སྡུམ་པར་བྱོན་ཏམ། སོན་ཏོ། །བཙུན་པ་འཆར་ཀས་བདག་གི་བྲམ་ཟེ་མོ་ལ་ཇི་སྐད་བཀའ་སྩལ། ཚེ་དང་ལྡན་པ་འཆར་ཀས་སྨྲས་པ། ཁོ་བོ་དེ་ལ་འདི་སྐད་ཅེས། སྲིང་མོ་རྙིང་པ་ཟད་བྱེད་ཅིང ། །གསར་པ་ཅུང་ཟད་སྐྱེད་མི་བྱེད། །བག་མེད་བརྒྱན་པ་མཐོང་ནས་ནི། ། མཆི་མས་བརྣངས་པའི་བཞིན་གྱིས་དུ། །ཞེས་སྨྲས་སོ། །བཙུན་པ། ཚིགས་སུ་བཅད་པ་དེའི་དོན་ཅི་ལགས། བྲམ་ཟེ་སྔོན་བྱུང་བ། འདས་པའི་དུས་ན། རི་བྲག་ཅིག་ཏུ་དུས་སྟོན་བྱུང་ནས་དེ་ན་ཁྱིམ་བདག་གི་ཆུང་མ་རབ་ཏུ་མང་པོ་དག་རང་གི་རྒྱན་དག་གིས་བརྒྱན་ཏེ། སྐྱེད་མོས་ཚལ་གྱི་སར་དོང་བ་དེ་དག་གྲོང་སྤྲང་མོ་ཞིག་གིས་མཐོང་ནས་དེ་བདག་ཉིད་རྒུད་པའི་མྱ་ངན་བྱེད་དོ། །སངས་རྒྱས་རྣམས་འབྱུང་བ་མེད་
Nya77a
༄#། །པའི་ཚེ་རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །རང་སངས་རྒྱས་ཤིག་དེ་ལ་ཕན་གདགས་པའི་ཕྱིར་ཕྱོགས་དེར་སོང་བ་དང ། དེའི་ལུས་མཛེས་པ་དང ། སེམས་མཛེས་པ་གྲོང་སྤྲང་མོ་དེས་མཐོང་ནས། དེས་སྤྲང་ཟན་ཅུང་ཟད་ཅིག་རྙེད་པ་དང ། དེས་བསམ་པ། བདག་གིས་སྦྱིན་གནས་འདི་ལྟ་བུ་ལ་མཆོད་པ་མ་བྱས་པས། དེས་ན་གནས་སྐབས་འདི་ལྟ་བུར་གྱུར་གོར་མ་ཆག་གི། གལ་ཏེ་བཅོམ་ལྡན་འདས་འདི་བདག་ལས་བསོད་སྙོམས་ཅུང་ཟད་ལེན་པར་འགྱུར་ན། བདག་གིས་འདི་ལ་དབུལ་བར་བྱའོ། །སྙམ་མོ། །རང་སངས་རྒྱས་དེས་དེ་ལ་སྙིང་བརྩེ་བའི་ཕྱིར་ལྷུང་བཟེད་བཟེད་པ་དང ། དེས་དེ་ལ་ཕུལ་ལོ། །རང་སངས་རྒྱས་དེ་དེ་ལ་སྙིང་བརྩེ་བས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་འགྱེལ་ནས་དེས་སྨོན་ལམ་འདི་སྐད་ཅེས། བདག་ལས་འདིའི་རྣམ་པར་སྨིན་པས་ནམ་ཡང་སྡུག་བསྔལ་བར་མ་གྱུར་ཅིག་།ཅེས་བཏབ་བོ། །བྲམ་ཟེ། དེའི་ཚེ་དེའི་དུས་ན། གྲོང་སྤྲང་མོ་གང་ཡིན་པ་དེ་ནི། ཁྱོད་ཀྱི་ཆུང་མ་དེ་ཡིན་ཏེ། དེས་རང་
Nya77b
སངས་རྒྱས་ལ་མཆོད་པ་བྱས་པའི་ལས་དེའི་རྣམ་པར་སྨིན་པས་ད་ལྟར་འདི་ལྟ་བུར་སྐྱེས་ཏེ་ཁོ་བོས་དེའི་ལས་ཀྱི་རྣམ་པར་སྨིན་པ་དེ་ཟད་པ་ལས་བསམ་ནས་དེ་སྐད་ཅེས། སྲིང་མོ་རྙིང་པ་ཟད་བྱེད་ཅིང་།། གསར་པ་ཅུང་ཟད་སྐྱེད་མི་བྱེད། །བག་མེད་བརྒྱན་པ་མཐོང་ནས་ནི། །མཆི་མས་བརྣངས་པའི་བཞིན་གྱིས་ངུ ། །ཞེས་སྨྲས་སོ། །བཙུན་པ་འཆར་ཀས་དོན་གྱིས་ན་བདག་གི་མཆིས་བྲང་ལ་བསྐུལ་བ་མཛད་དོ། ། བཙུན་པ་འཆར་ཀ་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། ཚེ་དང་ལྡན་པ་འཆར་ཀས། བྲམ་ཟེ་དེ་ལ་ཅང་མི་སྨྲ་བས་དང་དུ་བླངས་སོ། །དེ་ནས་བྲམ་ཟེ་དེས་ཚེ་དང་ལྡན་པ་འཆར་ཀས་ཅང་མི་སྨྲ་བས་དང་དུ་བླངས་པར་རིག་ནས་སོང་ངོ ། །བྲམ་ཟེ་མོ་དེ་ཡང་འགྱོད་པ་སྐྱེས་ཏེ་བདག་གིས་བྲམ་ཟེ་འཆར་ཀ་སོད་ཅིག་།ཅེས་མངག་པ་ནི། མ་ལེགས་པ་བྱས་ཏེ། བྲམ་ཟེ་དེས་བཙུན་པ་འཆར་ཀ་བསད་པར་མ་གྱུར་ཏམ་སྙམ་མོ། །བྲམ་ཟེ་དེས་འོངས་པ་དང་ཆུང་མས་སྨྲས་པ། རྗེའི་སྲས། ཁྱོད་ཀྱིས་བཙུན་པ་འཆར་ཀ་མ་བཀྲོངས་སམ། བྲམ་ཟེས་སྨྲས་པ། དེ་ནི། བདག་ཉིད་ཆེན་པོ་ཡིན་པས་སུ་ཞིག་གིས་བཀྲོངས་པར་ནུས། ཆུང་མས་སྨྲས་པ། འོ་ན་ཁྱོད་ཀྱིས་སྤྱན་མ་དྲངས་སམ། བྲམ་ཟེས་སྨྲས་པ། ཁོ་བོས་སང་ཁྱིམ་གཞན་དུ་གདུགས་ཚོད་ལ་སྤྱན་དྲངས་ཀྱི། ཞལ་ཟས་སྟ་གོན་གྱིས་ཤིག་།བྲམ་ཟེ་མོ་དེས་ཞལ་ཟས་གྲང་ཆ་གང་དག་ཡིན་པ་དེ་དག་ནི། དེ་ཉིད་ཀྱིས་ཉིན་མོ་སྟ་གོན་བྱས། དྲོད་བག་གང་དག་ཡིན་པ་དེ་དག་ནི། ཕྱི་དེ་ཉིན་པར་སྟ་གོན་བྱས་སོ། །ཚེ་དང་ལྡན་པ་འཆར་ཀ་ཡང་ཕྱི་དེ་ཉིན་པར་སྔ་དྲོ་ཤམ་ཐབས་བགོས།
Nya78a
༄#། །ཆོས་གོས་དང་ལྷུང་བཟེད་ཐོགས་ཏེ་བྲམ་ཟེ་དེའི་ཁྱིམ་ག་ལ་བ་དེར་སོང་ནས་ཕྱིན་པ་དང་སྟན་བཤམས་པ་ཉིད་ལ་འདུག་གོ་།དེ་ནས་བྲམ་ཟེ་དེ་ཆུང་མ་དང་བཅས་པས་ཚེ་དང་ལྡན་པ་འཆར་ཀ་བདེ་བར་འདུག་པར་རིག་ནས། བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད། སྟོབ་པར་བྱེད། རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས། ཚེ་དང་ལྡན་པ་འཆར་ཀས་ཟན་ཟོས་ཤིང་ལག་པ་བསྙལ། ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་པ་དང ། ཚེ་དང་ལྡན་པ་འཆར་ཀས་བྲམ་ཟེ་མོ་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་མོ་དེ་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གི་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་
Nya78b
མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་ནི། བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་མར་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་ཟེ་གཞན་པ་ལ་ཕན་པ་བྱ་དགོས་སོ། །ཞེས་སྨྲས་ཏེ། དང་དུ་མ་བླངས་སོ། །དེ་ན་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེ་ཁྱིམ་བརྒྱད་པ་གཉི་ག་ནས་བཏུལ་ཅིང་བཞག་གོ ། ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡང་ས་ཤིང་རྒྱ་ཆེ་བ། སེར་སྣ་ཅན། མིག་ཕྲ་བ། བྱ་རོག་ལ་ཡང་
Nya79a
༄#། །གཏོར་མ་མི་སྟེར་བ། ཡོ་བྱད་ཀུན་ཏུ་འཛིན་པ་ཞིག་འདུག་པ་དེས། རི་བྲག་ཅིག་ཏུ་ཞིང་བླས་ཀྱི་མཐའ་རྨོར་བཅུག་ནས། དེས་བང་བ་དག་རྒྱས་བཏབ་སྟེ་ཆུང་མ་ལ་ལྟོ་རྒྱགས་ཙམ་བྱིན་ནས་རི་བྲག་དེར་སོང་སྟེ་རང་གི་ཞལ་ལྟ་བྱས་ནས་ཞིང་བླས་ཀྱི་མཐའ་དག་བྱེད་དུ་འཇུག་གོ། །ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་འདུལ་བའི་དུས་ཡིན་ནོ། །སྙམ་ནས་དེས་བསོད་སྙོམས་རྒྱུས་ཏེ་བྲམ་ཟེ་དེའི་ཁྱིམ་དུ་སོང་ནས་དེས་སྨྲས་པ། བྲམ་ཟེ་མོ། ལྷུང་བཟེད་ཀྱི་ཆུ་བསླང་ངོ ། །དེས་དེ་ལ་འབྲས་ཆན་ཕུལ་བ་དང ། ཕྲུ་བ་དེ་དེ་བཞིན་དུ་གང་བར་འདུག་གོ་།བྲམ་ཟེ་མོས་སྨྲས་པ། འཕགས་པ། བདག་གི་ཁྱིམ་ཐབ་སེར་སྣ་ཅན། མིག་ཕྲ་བ། བྱ་རོག་ལ་ཡང་གཏོར་མ་མི་སྟེར་བ། ཡོ་བྱད་ཀུན་དུ་འཛིན་པ་ལགས་ཀྱི། སླན་ཆད་མ་བྱོན་ཅིག་།ཚེ་དང་ལྡན་པ་འཆར་ཀས་སྨྲས་པ། ཐབས་ཡིན་གྱི། སང་ཁོ་བོ་བདག་ཉིད་དང་གཉིས་འོང་ངོ ། །ཚེ་དང་ལྡན་པ་འཆར་ཀ་ཕྱི་དེ་ཉིན་པར་བདག་ཉིད་དང་གཉིས་དེར་སོང་བ་དང ། དེས་དེ་ལ་དེ་བཞིན་དུ་འབྲས་ཆན་ཕུལ་ལོ། །དེ་བཞིན་དུ་བདག་ཉིད་དང་དྲུག་ཅུའི་བར་དུ་ཉིན་རེར་ལན་རེ་སོང་སྟེ་བྲམ་ཟེའི་ཁྱིམ་དེར་བསོད་སྙོམས་ཟོས་པ་དང ། དགོས་ཀྱི་སྡུམ་ཚེས་དག་།ཤེས་ལྡན་དག་།ལྟོས་ཤིག་།བྲམ་ཟེ་དེས་ལག་པ་བཅལ་བ་བརྒྱ་དག་གིས་ལོངས་སྤྱོད་དག་བསྒྲུབས་ན། དེ་དག་བྲམ་ཟེ་མོ་དེས། ཤཱཀྱའི་བུའི་དགེ་སྦྱོང་དག་དང་ལྷན་ཅིག་ཟ་བར་བྱེད་དོ། །ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་དོ། །བྲམ་ཟེའི་ཁྱེའུ་ཞིག་བྱ་བ་འགའ་ཞིག་ལ་མཉན་ཡོད་ནས་རི་བྲག་དེར་སོང་བ་དང ། བྲམ་ཟེ་དེས་བྲམ་ཟེའི་ཁྱེའུ་དེ་ཐག་
Nya79b
རིང་པོ་ཁོ་ན་ནས་མཐོང་ནས་དེས་བྲམ་ཟེའི་ཁྱེའུ་དེ་ལ་དྲིས་པ། བྲམ་ཟེའི་ཁྱེའུ། ཁྱོད་ག་ལས་འདིར་འོངས། དེས་སྨྲས་པ། མཉན་ཡོད་ནས་སོ། །ཁྱོད་ཀྱིས་ཁོ་བོའི་ཁྱིམ་གྱི་གཏམ་ཐོས་སམ། ཐོས་ཏེ། མཉན་ཡོད་ན་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་ནི། ཤཱཀྱའི་བུའི་དགེ་སྦྱོང་དག་གི་ཁྱིམ་དང་པོ་ལགས་སོ། །མཁན་པོའི་ཁྱིམ་ནི། ཤཱཀྱའི་བུའི་དགེ་སྦྱོང་དག་གི་ཁྱིམ་གཉིས་པ་ལགས་ཏེ། ཤཱཀྱའི་བུའི་དགེ་སྦྱོང་དྲུག་ཅུ་ཉིན་རེར་ལན་རེ་མཆིས་ཏེ་བསོད་སྙོམས་འཚལ་ལོ། །བྲམ་ཟེ་དེས་བསམ་པ། འདིས་ཁོ་བོ་སེར་སྣ་ཅན་ལ་མཐོ་འཚམ་པར་བྱེད་ཀྱི། གཞན་ལ་ཡང་དྲི་བར་བྱའོ། །སྙམ་ནས། དེ་ལམ་གར་སོང་སྟེ་བསྡད་པ་དང ། ཇི་ཙམ་ན་བྲམ་ཟེའི་ཁྱེའུ་གཞན་ཞིག་བྱ་བ་འགའ་ཞིག་ལ་མཉན་ཡོད་ནས་རི་བྲག་དེར་སོང་བ་དེ། བྲམ་ཟེ་དེས་བྲམ་ཟེའི་ཁྱེའུ་ད་ཐག་རིང་པོ་ཁོ་ན་ནས་མཐོང་ནས། དེས་བྲམ་ཟེའི་ཁྱེའུ་དེ་ལ་དྲིས་པ། བྲམ་ཟེའི་ཁྱེའུ། ཁྱོད་ག་ལས་འདིར་འོངས། དེས་སྨྲས་པ། མཉན་ཡོད་ནས་སོ། །ཁྱོད་ཀྱིས་ཁོ་བོའི་ཁྱིམ་གྱི་གཏམ་ཐོས་སམ། ཐོས་ཏེ། མཉན་ཡོད་ན་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་ནི། ཤཱཀྱའི་བུའི་དགེ་སྦྱོང་དག་གི་ཁྱིམ་དང་པོ་ལགས་སོ། །མཁན་པོའི་ཁྱིམ་ནི། ཤཱཀྱའི་བུའི་དགེ་སྦྱོང་དག་གི་ཁྱིམ་གཉིས་པ་ལགས་ཏེ། ཤཱཀྱའི་བུའི་དགེ་སྦྱོང་དྲུག་ཅུ་ཉིན་རེར་ལན་རེ་མཆིས་ཏེ་བསོད་སྙོམས་འཚལ་ལོ། །བྲམ་ཟེ་དེས་བསམ་པ། དེ་དང་འདི་མཐུན་པས་དེ་ལྟར་གྱུར་གྱི། བྲམ་ཟེ་མོ་དེས་ལོངས་སྤྱོད་དག་ཟོས་པར་གྱུར་ན་མི་རུང་གི། འགྲོའོ། །སྙམ་མོ། །དེ་ནས་བྲམ་ཟེ་དེ་ཕྱིར་འོངས་ཏེ་བྲམ་ཟེ་དེ་ལ་སྨྲས་པ། བྲམ་ཟེ་མོ་
Nya80a
༄#། །ངན་པ། ཁོ་བོས་ལག་པས་གཞལ་བ་བརྒྱ་དག་གིས་ལོངས་སྤྱོད་དག་བསྒྲུབས་ན། ཁྱོད་དེ་དག་ཤཱཀྱའི་བུའི་དགེ་སྦྱོང་དག་དང་ལྷན་ཅིག་ཟ་བར་བྱེད་དམ། ཁྱོད་ཀྱིས་བྲམ་ཟེ་རིག་བྱེད་གསུམ་དང་ལྡན་པ་དག་མ་མཐོང་ངམ། ཅི་ན། དགེ་སྦྱོང་མགོ་རེག་དེ་དག་ལ་སྦྱིན་པར་བྱེད་ཅེས་དེས་དེ་བརྡེག་པར་བརྩམས་པ་དང ། དེས་སྨྲས་པ། བྲམ་ཟེ། ཁྱོད་ཀྱིས་ཁོ་མོ་ལ་གཏད་པའི་བང་བ་དག་ཁོ་མོས་རྒྱ་ཉམས་པར་བྱས་སམ་ཅི། ཇེ་སོ་སོར་རྟོགས་ཤིག་།བྲམ་ཟེ་དེས་བང་བ་དག་སོ་སོར་བརྟགས་པ་དང་ཇི་ཙམ་ན་དེ་བཞིན་དུ་རྒྱ་མ་ཉམས་པར་འདུག་པ་དག་མཐོང་ནས་དེས་ཆུང་མ་ལ་སྨྲས་པ། ཁྱོད་ཀྱི་ཟས་དེ་སྙེད་ག་ལས་རྙེད། དེས་སྨྲས་པ། བདག་གི་ཕྲུ་བ་འདིར་འབྲས་ཆན་དང ། སྲན་ཚོད་བཙོས་ན། འབྲས་ཆན་དེས། དགེ་སྦྱོང་དྲུག་ཅུ་དང་བདག་ཀྱང་འགྲངས་པར་གྱུར་ཏོ། །བྲམ་ཟེ་དེས་སྨྲས་པ། ཅིའི་ཕྱིར་དེ་ལྟར་དུ་གྱུར། དེས་སྨྲས་པ། བདག་གིས་ཁྱོད་ཀྱི་མངོན་སུམ་དུ་འགྱུར་བར་བྱའོ། །ཞེས་དེས་ཕྱི་དེ་ཉིན་པར་ཚེ་དང་ལྡན་པ་འཆར་ཀ་བདག་ཉིད་དང་དྲུག་ཅུ་དེར་འོངས་པ་ལ་དེ་བཞིན་དུ་བསོད་སྙོམས་ཕུལ་ནས་དེས་སྨྲས་པ། བྲམ་ཟེ། ཁྱོད་ཀྱིས་མཐོང་ངམ། བྲམ་ཟེ་དེ་མངོན་པར་དད་པར་གྱུར་ནས། དེས་སྨྲས་པ། བཙུན་པ་འཆར་ཀས་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། བྲམ་ཟེ། ཅི། འདི་འདྲ་བས་སམ། འོན་ཏེ་ཟས་ཡང་དག་པས་མགྲོན་དུ་འབོད། བཤོས་ཡང་དག་པས་སྤྱན་འདྲེན་
Nya80b
ཏོ། །ཚེ་དང་ལྡན་པ་འཆར་ཀས་བྲམ་ཟེ་དེ་ལ་ཅང་མི་སྨྲ་བས་དང་དུ་བླངས་ཏེ་སོང་ངོ ། །དེ་ནས་བྲམ་ཟེ་དེས་ཚེ་དང་ལྡན་པ་འཆར་ཀས་ཅང་མི་སྨྲ་བས་དང་དུ་བླངས་པར་རིག་ནས། དེ་ཉིད་ཀྱི་མཚན་མོ་བཅའ་བ་དང ། བཟའ་བ་གཙང་ཞིང་བསོད་པ་དག་སྟ་གོན་བྱས་སོ། །ཚེ་དང་ལྡན་པ་འཆར་ཀ་ཡང་ཕྱི་དེ་ཉིན་པར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་བྲམ་ཟེའི་ཁྱིམ་ག་ལ་བ་དེར་སོང་སྟེ་ཕྱིན་ནས་སྟན་བཤམས་པ་ཉིད་ལ་འདུག་གོ་།དེ་ནས་བྲམ་ཟེ་དེ་ཚེ་དང་ལྡན་པ་འཆར་ཀ་བདེ་བར་འདུག་པར་རིག་ནས། བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད ། སྟོབ་པར་བྱེད་དོ། །རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས། ཚེ་དང་ལྡན་པ་འཆར་ཀ་ཟན་ཟོས་ཤིང་ལག་པ་བསྙལ། ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་གོ་།ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང་རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེ་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེ་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་
Nya81a
༄#། །ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་
Nya81b
ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་ཟེ་གཞན་དག་ལ་ཡང་ཕན་པ་བྱ་དགོས་སོ། །ཞེས་སྨྲས་ཏེ། དང་དུ་མ་བླངས་སོ། །དེ་ནས་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེ་ཁྱིམ་དགུ་པ་གཉི་ནས་བཏུལ་ཅིང་བཞག་གོ།། །།འདུལ་བ་རྣམ་པར་འབྱེད་པ། བམ་པོ་རེ་བདུན་པ། །ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཞིག་འདུག་པ་དེས། རིགས་མཉམ་པ་ལ་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལ་བུ་ཞིག་བྱུང་ནས་དེ་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །དེའི་ཆུང་མ་དེ་གཏུམ་པ། བརླང་པ། རྩུབ་པ། རྒྱ་བ། གཤེ་བ། སྤྱོ་བ་ཞིག་ཡིན་པས་རྟག་ཏུ་ངོས་ཀྱི་སྡུམ་ཚེས་དག་དང་ལྷན་ཅིག་འཐབ་ཀྲོལ་བྱེད་ནས་དེའི་མིང་གཏུམ་མོ། གཏུམ་མོ། ཞེས་བྱ་བར་གྱུར་ཏོ། །དུས་གཞན་ཞིག་ན་མཉན་ཡོད་དུ་དུས་སྟོན་བྱུང་ནས་བྲམ་ཟེ་དེས་བུ་ལ་སྨྲས་པ། བུ། ཁྱོད་ཀྱི་མ་འདི་གཏུམ་པས་གཞན་དག་དང་ལྷན་ཅིག་འཐབ་ཀྲོལ་བྱེད་པས་བདག་ཅག་ཁྲི་མོན་དུ་བཅུག་པས་འཆི་བར་བྱ་དགོས་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱི། རེ་ཞིག་དུས་སྟོན་ཐལ་གྱི་བར་དུ་རི་བྲག་གཞན་ཞིག་ཏུ་འདོང་ཞིང་འཁོད་ལ། དེའི་འོག་ཏུ་ཕྱིར་འོང་བར་བྱའོ། །ཁྱོད་སོང་ལ་མ་ལ་དྲིས་ཤིག ། བུ་དེས་མ་ལ་སྨྲས་པ། ཡུམ། བདག་བགྱི་བ་ཅུང་ཞིག་གི་སླད་དུ་རི་བྲག་ག་གེ་མོ་ཞིག་ཏུ་མཆིའོ། །གཏུམ་མོས་སྨྲས་པ། གང་དུ་ཁོ་མོའི་དང་པོའི་གོས་སོང་བ་དེར་སོང་ཞིག་།བྲམ་ཟེས་ཀྱང་སྨྲས་པ།
Nya82a
༄#། །ཁོ་བོ་ཡང་འགྲོའོ། །གཏུམ་མོས་སྨྲས་པ། གང་ནས་ཀྱང་མི་འོང་བ་དེར་སོང་ཞིག་།དེ་གཉིས་དོང་བ་དང ། གཏུམ་མོས་བུ་མོ་མངག་གཞུག་མ་ལ་སྨྲས་པ། བུ་མོ། འཁུར་སླང་ཚུགས་ཤིག་དང ། ཇེ་སྣོག་ཟན་བྱའོ། །དེས་འཁུར་སླང་བཙུགས་ཏེ་འཁུར་བ་དག་བྱ་བར་བརྩམས་པ་དང ། ཚེ་དང་ལྡན་པ་འཆར་ཀས་བསམ་པ། གཏུམ་མོ་ད་འདུལ་བའི་དུས་ཡིན་ནོ། །སྙམ་ནས། དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས། དེ་མཐར་གྱིས་བསོད་སྙོམས་ལ་རྒྱུ་བ་ན། གཏུམ་མོའི་ཁྱིམ་དུ་འཇུག་པར་བརྩམས་པ་དང ། དེ་འཇུག་པ་གཏུམ་མོས་མཐོང་ནས། དེས་བུ་མོ་མངག་གཞུག་མ་ལ་སྨྲས་པ། བུ་མོ། དགེ་སློང་འདི་སྐྲོད་ཅིག་།དེས་བསྐྲད་པ་དང ། ཚེ་དང་ལྡན་པ་འཆར་ཀ་ཚེ་དང་པོར་ནང་དུ་ཞུགས་ཤིང ། བུ་མོ་མངག་གཞུག་མ་ཕྱིས་ཞུགས་སོ། །དེ་གཏུམ་མོས་ཡང་མཐོང་ནས། དེས་བུ་མོ་མངག་གཞུག་མ་ལ་སྨྲས་པ། བུ་མོ། ཁྱོད་ཀྱིས་དགེ་སྦྱོང་འདི་མ་བསྐྲད་དམ། དེས་སྨྲས་པ། བསྐྲད་དོ། །འོ་ན་འདི་ག་ལས་ཞུགས། ཡང་སྐྲོད་ལ་སྒོ་ཆོད་ཅིག་།དེས་དེ་བསྐྲད་དེ་སྒོ་བཅད་ནས་ཞུགས་པ་དང ། ཚེ་དང་ལྡན་པ་འཆར་ཀ་ཆེས་དང་པོར་ཞུགས་སོ། །དེ་གཏུམ་མོས་ཡང་མཐོང་ནས། དེས་བུ་མོ་མངག་གཞུག་མ་ལ་སྨྲས་པ། བུ་མོ། ཁྱོད་ཀྱིས་དགེ་སྦྱོང་འདི་བསྐྲད་དེ་སྒོ་མ་བཅད་དམ། བཅད་དོ། །འོ་ན་འདི་ག་ནས་ཞུགས། དེ་ནས་གཏུམ་མོས་སྨྲས་པ། དགེ་སྦྱོང་ཅི་སློང ། ཚེ་དང་ལྡན་པ་འཆར་ཀས་སྨྲས་པ། འཁུར་
Nya82b
བའོ། །གཏུམ་མོས་སྨྲས་པ། ཁྱོད་བུ་ཐུ་བོར་གྱུར་ཏེ་འོངས་ན། ཁྱོད་ལ་འཁུར་བ་ཅིའི་ཕྱིར་མི་སྦྱིན། ཚེ་དང་ལྡན་པ་འཆར་ཀས་བུ་ཐུ་བོར་སྤྲུལ་ཏེ་འོངས་པ་དང ། གཏུམ་མོས་སྨྲས་པ། གལ་ཏེ་ལག་པ་དང ། རྐང་པ་དག་སེར་པོར་བྱས་ཀྱང་ཁྱོད་ལ་འཁུར་བ་མི་སྦྱིན་ནོ། །ཚེ་དང་ལྡན་པ་འཆར་ཀས་ལག་པ་དང ། རྐང་པ་དག་སེར་པོར་སྤྲུལ་པ་དང ། གཏུམ་མོས་སྨྲས་པ། གལ་ཏེ་མིག་གཉིས་ཁམ་ཕོར་ལྟ་བུར་བལྟ་ན་ཡང་ཁྱོད་ལ་འཁུར་བ་མི་སྦྱིན་ནོ། །ཚེ་དང་ལྡན་པ་འཆར་ཀས་མིག་གཉིས་ཁམ་ཕོར་ལྟ་བུར་སྤྲུལ་པ་དང ། གཏུམ་མོས་སྨྲས་པ། གལ་ཏེ་ནམ་མཁའ་ལ་དྲིལ་བུ་བཞིན་དུ་ཁྲལ་ལ་འཁྲོལ་ཞིང་འདུག་ན་ཡང་ཁྱོད་ལ་འཁུར་བ་མི་སྦྱིན་ནོ། །ཚེ་དང་ལྡན་པ་འཆར་ཀས་ནམ་མཁའ་ལ་དྲིལ་བུ་བཞིན་དུ་ཁྲལ་ལ་འཁྲོལ་ཞིང་འདུག་པ་དང ། གཏུམ་མོས་སྨྲས་པ། གལ་ཏེ་ཁྱོད་ཕྱེད་ཕྱེད་དུ་དུམ་བུ་གཉིས་སུ་གས་ཀྱང་ཁྱོད་ལ་འཁུར་བ་མི་སྦྱིན་ནོ། །ཚེ་དང་ལྡན་པ་འཆར་ཀས་བདག་ཉིད་ཕྱེད་ཕྱེད་དུ་དུམ་བུ་གཉིས་སུ་གས་པར་སྤྲུལ་ཏེ་ས་ལ་བསྒྱེལ་བ་དང ། བུ་མོ་མངག་གཞུག་མས་སྨྲས་པ། ཇོ་མོ། ཁྱེད་ཀྱིས་གདུང་བར་བགྱིད་པ་མང་པོ་དད་བསྒྲུབས་པ་དེ་དག་གི་ནང་དུ་འདི་ནི། ཆེས་གདུང་བར་བགྱིད་པ་ལགས་ཏེ། དགེ་སློང་འདི་ནི། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཆུང་པོ་གྲོགས། བཙུན་མོ་ཕྲེང་ལྡན་མའི་སློབ་དཔོན་ལགས་པས། བདག་ནི། ཤིན་ཏུ་ཐག་རིང་པོར་མཆིས་ཀྱང་བྲན་མོ་ཉིད་དུ་བས་ཀྱི། ཇོ་མོས་ནི། གསེར་གྱི་ཆུ་བུམ་གྱིས་རྒྱལ་པོའི་ཕོ་བྲང་དུ་ཆབ་བཅུ་འཚམ་པར་འགྱུར་རོ། །གཏུམ་མོ་སྐྲག་སྟེ་བསམ་པ། དེ་ལྟར་འགྱུར་རོ། །སྙམ་ནས་དེས་སྨྲས་པ།
Nya83a
༄#། །བུ་མོ། དོང་རྐོས་ཤིག་དང་སྦའོ། །ཞེས་དེས་དོང་བཀོས་སྟེ་སྦ་བར་བརྩམས་པ་དང ། ཚེ་དང་ལྡན་པ་འཆར་ཀ་འགོག་པ་ལ་སྙོམས་ཞུགས་ནས་དེས་བསྒུལ་བར་ཡང་མ་ནུས་སོ། །དེ་ནས་གཏུམ་མོས་ཚེ་དང་ལྡན་པ་འཆར་ཀའི་རྐང་པ་གཉིས་ལ་གཏུགས་ཏེ་སྨྲས་པ། འཕགས་པ། ཁྱོད་ཀྱིས་མི་མཁྱེན་པ་དང ། མི་གཟིགས་པ་དང ། མ་རིག་པ་དང ། རྣམ་པར་མི་མཁྱེན་པ་ཅི་ཡང་མ་མཆིས་ཀྱི། བདག་ལ་བཟོད་པ་མཛོད་ཅིག་དང ། ཁྱོད་ལ་འཁུར་བ་གསོལ་ལོ། །ཚེ་དང་ལྡན་པ་འཆར་ཀ་ལངས་ཏེ་ཆ་ལུགས་ཐ་མལ་བསྟན་པ་དང ། གཏུམ་མོས་བསམ་པ། འདི་ལ་འཁུར་བ་སྦྱིན་ནོ། ། ཞེས་ཁས་བླངས་ན། འཁུར་བ་འདི་དག་ནི། ཧ་ཅང་ཆེ་ཆེས་བས་ཕངས་ཀྱི། འདིའི་ཕྱིར་འཁུར་བ་ཆུང་ངུ་གཞན་ཞིག་བྱའོ། །སྙམ་ནས། དེས་འཁུར་བ་ཆུང་ངུ་ཞིག་སྲེག་པར་བརྩམས་པ་དང ། འཁུར་བ་དེས་འཁུར་སླང་ཐམས་ཅད་ཡོག་པར་གྱུར་ནས་གཏུམ་མོས་བསམ་པ། བདག་གི་ཁུར་བ་འདི། མི་སྦྱིན་པར་འཁུར་བ་སྔ་མ་ལས་གཅིག་སྦྱིན་ནོ། །སྙམ་ནས་དེས་འཁུར་བ་གཅིག་དྲང་བར་བརྩམས་པ་དང ། ཇི་ཙམ་ན་ཁུར་བ་ཐམས་ཅད་འོངས་ནས་གཏུམ་མོས་སྨྲས་པ། ཅི། འཕགས་པ་འཁུར་བ་ཐམས་ཅད་བཞེད་དམ། ཚེ་དང་ལྡན་པ་འཆར་ཀས་སྨྲས་པ། འདོད་དོ། །གཏུམ་མོས་སྨྲས་པ། བཞེས་སུ་གསོལ། ཚེ་དང་ལྡན་པ་འཆར་ཀས་སྨྲས་པ། སྲིང་མོ་དང ། གལ་ཏེ་ཡོངས་སུ་གཏང་ན། ཁྱིམ་བདག་མགོན་མེད་ཟས་སྦྱིན་གྱི་དེང་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་
Nya83b
ལ་སྤྱན་དྲངས་ཀྱི། དེར་དོང་ལ་རང་གི་ལག་ནས་བྲིམས་ཤིག་།གཏུམ་མོས་སྨྲས་པ། འཕགས་པ། བདག་གཏུམ་མོ། ཞེས་ཐམས་ཅད་དུ་རིག་པས། བདག་དེར་འཇུག་ཏུ་ག་ལ་ཆུད། ཚེ་དང་ལྡན་པ་འཆར་ཀས་སྨྲས་པ། སྲིང་མོ། ཁོ་བོས་ཁྱོད་འཇུག་ཏུ་གཞུག་གོ་།དེ་ནས་གཏུམ་མོས་འཁུར་བ་དེ་དག་ཐོགས་ཏེ། ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་འཇུག་པར་བརྩམས་པ་དང ། སྒོ་བས་སྨྲས་པ། གཏུམ་མོ། དོན་ཅིའི་ཕྱིར་འདིར་འོངས། མ་འཇུག་ཅིག་།ཚེ་དང་ལྡན་པ་འཆར་ཀས་སྨྲས་པ། བཞིན་བཟང ། འཇུག་ཏུ་ཆུག་ཅིག་།སྒོ་བས་གཏུམ་མོ་ནང་དུ་བཏང་བ་དང ། དེས་སངས་རྒྱས་ལ་སོགས་པ་དགེ་སློང་གི་དགེ་འདུན་མང་པོ་མཐོང་ནས་འཁུར་བ་དེ་དག་གཏུབ་པར་བརྩམས་པ་དང ། ཚེ་དང་ལྡན་པ་འཆར་ཀས་སྨྲས་པ། མ་གཏུབ་པར་རངས་པར་བྲིམས་ཤིག་།གཏུམ་མོས་སྨྲས་པ། ཁྱེད་པར་མི་འགྱུར་རོ། །ཚེ་དང་ལྡན་པ་འཆར་ཀས་སྨྲས་པ། བྲིམས་ཤིག་དང་ཁྱེད་པར་འགྱུར་རོ། །ཞེས་དེས་འདི་ལྟར་སངས་རྒྱས་ལ་སོགས་པ་དགེ་སློང་གི་དགེ་འདུན་ཐམས་ཅད་ལ་ཁྱེད་པའི་ཕྱིན་ལྷག་ཀྱང་བྱུང་བ་དེ་ལྟར་བྱིན་གྱིས་བརླབས་སོ། །གཏུམ་མོས་སངས་རྒྱས་ལ་སོགས་པ་དགེ་སློང་གི་དགེ་འདུན་ཐམས་ཅད་ལ་འཁུར་བས་ཁྱེད་པར་བྲིམས་ཏེ་གསོལ་ནས། བཅོམ་ལྡན་འདས་ཀྱིས་ཡོན་བཤད་པ་མཛད་ནས་གདན་ལས་བཞེངས་ཏེ་གཤེགས་སོ། །གཏུམ་མོས་སྨྲས་པ། བཙུན་པ་འཆར་ཀ་ཁྱོད་བདག་གི་དགེ་བའི་བཤེས་གཉེན་ལགས་ཀྱི་ཚུར་གཤེགས། བདག་གི་སྡུམ་པར་བཞུད་ལ་ཁྱོད་ཀྱི་དེར་གདུག་ཚོད་གསོལ་ཅིག་།ཚེ་དང་ལྡན་པ་
Nya84a
༄#། །འཆར་ཀ་གཏུམ་མོའི་ཁྱིམ་དུ་སོང་བ་དང ། གཏུམ་མོས་ཚེ་དང་ལྡན་པ་འཆར་ཀ་ལ་ཟན་བྱིན་ནས་གཏུམ་མོ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་པ་དང ། ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། གཏུམ་མོས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ། བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས་རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་
Nya84b
ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་མར་གཟུང་དུ་གསོལ། །དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །དེ་ནས་ཚེ་དང་ལྡན་པ་འཆར་ཀས་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་འཇུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ངོ ། །དེ་ནས་གཏུམ་མོས་རང་གི་ཁྱིམ་ཕྱག་དེར་ལེགས་པར་བྱས། ཆག་ཆག་ལེགས་པར་བཏབ། བྱུག་པས་ལེགས་པར་བྱུགས་ཏེ་མེ་ཏོག་དག་དགྲམ་པར་བྱས་ནས་སྤྱོད་ལམ་ཞི་བས་འདུག་གོ་།བྲམ་ཟེ་དེ་ཡང་དུས་སྟོན་ཐལ་ནས་ཕྱིར་འོངས་ཏེ་སྐྱེད་མོས་ཚལ་དུ་བསྡད་ནས་དེས་བུ་ལ་སྨྲས་པ། བུ། ཁྱོད་སོང་ལ་ཁྱོད་ཀྱི་མ་ཁྲི་མོན་གང་དུ་བཅུག་ཅིང་འདུག་པ་ལྟོས་ཤིག་དང ། དབྱུང་བར་བྱའོ། །བུ་དེ་ཁྱིམ་དུ་སོང་བ་དང ། གཏུམ་མོས་ཐག་རིང་པོ་ཁོ་ན་ནས་བུ་མཐོང་ནས་དེས་སྨྲས་པ། བུ། འོངས་པ་ལེགས་སོ། །འོངས་པ་ལེགས་སོ། །ཚུར་ཤོག་།ངལ་སོས་ཤིག་།ཁྱོད་ཀྱི་ཕ་དེ་འོངས་སམ། བུས་སྨྲས་པ། མཆིས་ཏེ། སྐྱེད་མོས་ཚལ་ན་སྡོད་ཅིང་མཆིས་སོ། །བུ་དེ་ཟན་ཟོས་ནས་པའི་གན་དུ་སོང་བ་དག་ཕས་དྲིས་པ། བུ། ཁྱིམ་བདེའམ། བུས་སྨྲས་པ། ཡབ། ཡུམ་གྱི་སྤྱོད་ལམ་དེ་ལྟ་བུ་ནི། སྔོན་ལན་འགའ་ཡང་མཐོང་སྟེ། འདི་ལྟར་སྤྱོད་ལམ་ཞི་བས་མཆིས་སོ། །བྲམ་ཟེ་དེ་ཁྱིམ་དུ་ཞུགས་པ་དང །
Nya85a
༄#། །གཏུམ་མོས་ཐག་རིང་པོ་ཁོ་ན་ནས་མཐོང་ནས་དེས་སྨྲས་པ། རྗེའི་སྲས། བྱོན་པ་ལེགས་སོ། །བྱོན་པ་ལེགས་སོ། །བཞུགས་སུ་གསོལ། དེ་འདུག་ནས་བསམ་པ། བྱེ་བྲག་འདི་ལྟ་བུ་ནི། སྔོན་མ་བྱུང་ན། ཅི་ལས་གྱུར་སྙམ་ནས་དེས་ཚིགས་སུ་བཅད་པ་སྨྲས་པ། འདི་ལྟར་སྔོན་དང་མི་འདྲ་བར། །ལོག་པ་ཉིད་དུ་ཁྱོད་སྣང་ན། །ཁྱོད་ནི་སྨྱོ་བྱེད་ལྡན་གྱུར་ཏམ། །འོན་ཏེ་མྱོས་པར་གྱུར་ཏམ་ཅི། །གཏུམ་མོས་ཚིགས་སུ་བཅད་པ་སྨྲས་པ། ཇོ་བོ་བདག་ནི་སྨྱོས་པ་མིན། མྱོས་པར་གྱུར་པའང་མ་ལགས་ཏེ། །བདག་གིས་སངས་རྒྱས་བསྟན་པ་ལ། །འཕགས་པའི་བདེན་པ་མཐོང་བར་བགྱིས། ། རྗེའི་སྲས། བདག་ལ་འཕགས་པ་འཆར་ཀས་འདི་ལྟར། བདག་སླན་ཆད་འཁོར་བ་ན་འཁོར་བའི་ཚེ་ཉོན་མོངས་པ་དེ་ལྟ་བུ་དག་ཀུན་ཏུ་སྤྱོད་པར་མི་འགྱུར་བ་དེ་ལྟར་ཆོས་བསྟན་པ་མཛད་དོ། །བྲམ་ཟེ་དེ་དེ་ངོ་མཚར་སྐྱེས་ཏེ་བསམ་པ། བདག་གིས་བརྡེག་པ་དང ། བཅིང་བ་དང ། སྨད་པས་ཐུལ་བར་མ་ནུས་པ་གང་ཡིན་པ་དེ། བཙུན་པ་འཆར་ཀས་ཆོས་བསྟན་པས་བཏུལ་བས། གང་གི་ཕྱིར་ཆོས་བསྟན་པས་འདི་བཏུལ་བ་ནི། འཕགས་པ་འཆར་ཀས་བདག་ལ་ཕན་པ་མང་དུ་མཛད་དོ། །འཕགས་པ་འཆར་ཀས་བདག་ལ་ལེགས་པ་མང་དུ་མཛད་ཀྱི། བདག་སོང་ལ་འཕགས་པ་འཆར་ཀ་སང་ཁྱིམ་གཞན་དུ་གདུགས་ཚོད་ལ་སྤྱན་དྲང་ངོ ། །སྙམ་ནས་ཚེ་དང་ལྡན་པ་འཆར་ཀས་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་འཆར་ཀའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ །
Nya85b
མཐའ་གཅིག་ཏུ་འདུག་ནས་ཚེ་དང་ལྡན་པ་འཆར་ཀ་བྲམ་ཟེ་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་སྨྲའོ། །དེ་ནས་བྲམ་ཟེ་དེ་སྟན་ལས་ལངས་ཏེ་ཚེ་དང་ལྡན་པ་འཆར་ཀ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཚེ་དང་ལྡན་པ་འཆར་ཀ་ལ་འདི་སྐད་ཅེས་སྨྲས་སོ། །བཙུན་པ་འཆར་ཀས་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། ཚེ་དང་ལྡན་པ་འཆར་ཀས་བྲམ་ཟེ་དེ་ལ་ཅང་མི་སྨྲ་བས་དང་དུ་བླངས་སོ། །དེ་ནས་བྲམ་ཟེ་དེས་ཚེ་དང་ལྡན་པ་འཆར་ཀས་ཅང་མི་སྨྲ་བས་དང་དུ་བླངས་པར་རིག་ནས་ཚེ་དང་ལྡན་པ་འཆར་ཀའི་རྐང་པ་གཉིས་ལ་མགོ་བོས་ཕྱག་འཚལ་ཏེ་སོང་ངོ ། །དེ་ནས་བྲམ་ཟེ་དེས་དེ་ཉིད་ཀྱི་མཚན་མོ་བཅའ་བ་དང ། བཟའ་བ་གཙང་ཞིང་བསོད་པ་དག་སྟ་གོན་བྱས་སོ། །ཚེ་དང་ལྡན་པ་འཆར་ཀ་ཡང་ཕྱི་དེ་ཉིན་པར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་བྲམ་ཟེ་དེའི་ཁྱིམ་ག་ལ་བ་དེར་སོང་སྟེ་ཕྱིན་ནས་སྟན་བཤམས་པ་ཉིད་ལ་འདུག་གོ་།དེ་ནས་བྲམ་ཟེ་དེས་ཚེ་དང་ལྡན་པ་འཆར་ཀ་བདེ་བར་འདུག་པར་རིག་ནས་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་
Nya86a
༄#། །པས་རང་གི་ལག་ནས་ཚིམ་པར་བྱས་ཤིང་བསྟབས་ནས་ཚེ་དང་ལྡན་པ་འཆར་ཀ་ཟན་ཟོས་ཤིང་ལག་པ་བསྙལ། ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འདུག་གོ་།ཚེ་དང་ལྡན་པ་འཆར་ཀས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེས་བདེན་པ་མཐོང་ནས་སྨྲས་པ།་བཙུན་པ། བདག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་
Nya86b
པའི་དུས་ནས་བསགས་པའི་འཇིགས་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ།། བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་ནི། བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ་དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་གི་བསོད་སྙོམས་དང ། ན་བཟའ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས་བྲམ་ཟེ་གཞན་དག་ལ་ཡང་ཕན་པར་བྱ་དགོས་སོ། །ཞེས་སྨྲས་ཏེ། དང་དུ་མ་བླངས་སོ། །བྲམ་ཟེ་དེས་སྨྲས་པ། གལ་ཏེ་བཙུན་པ་འཆར་ཀས་དང་དུ་མི་བཞེས་ན། བདག་གིས་དྲང་སྲོང་གི་གདན་བཤམས་པར་བགྱི་ཡི། བཙུན་པ་འཆར་ཀ་གཤེགས་ཏེ་ལོངས་སྤྱོད་པར་གསོལ། ཚེ་དང་ལྡན་པ་འཆར་ཀས་བྲམ་ཟེ་དེ་ལ་ཅང་མི་སྨྲ་བས་དང་དུ་བླངས་སོ། །དེ་ནས་ཚེ་དང་ལྡན་པ་འཆར་ཀས་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན་ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ངོ ། །དེ་ནས་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་བཅུ་
Nya87a
༄#། །པ་གཉི་ག་ནས་བཏུལ་ཅིང་བཞག་གོ་།ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་གཞོན་ནུ་ཁྱེའུ་ལྔ་བརྒྱ་ཙམ་ཆུང་མ་དང་བཅས་པ་དག་བཅའ་བ་དང ། བཟའ་བ་དང ། དྲི་དང ། ཕྲེང་བ་རྒྱུ་མང་པོ་ཐོགས་ཏེ་རྩེ་བའི་ཕྱིར་སྐྱེད་མོས་ཚལ་གྱི་སར་བྱུང་བ་དང ། ཚེ་དང་ལྡན་པ་འཆར་ཀས་བསམ་པ། འདི་དག་འདུལ་བའི་དུས་ཡིན་ནོ། །སྙམ་ནས་དེ་དེ་དག་གི་གན་དུ་སོང་བ་དང ། དེ་དག་གིས་སྨྲས་པ། བཙུན་པ་འཆར་ཀ་ཁྱོད་བྲམ་ཟེ་མདུན་ན་འདོན་གྱི་བུ་ཡིན་ན། ཅིའི་ཕྱིར་ཤཱཀྱའི་བུའི་དགེ་སྦྱོང་བ་འདི་དག་ཐམས་ཅད་ཟ་བ་དག་གི་ནང་དུ་རབ་ཏུ་བྱུང ། ཚེ་དང་ལྡན་པ་འཆར་ཀས་འདི་ལྟར། དེ་དག་གི་ཕྲེང་བ་གང་དག་ཡིན་པ་དེ་དག་ནི། ཀུན་དོང་གི་ཕྲེང་བར་གྱུར། འཁུར་བ་གང་དག་ཡིན་པ་དེ་དག་ནི། བ་ལང་གི་ཀོ་བར་གྱུར། ཤ་གང་དག་ཡིན་པ་དེ་དག་ནི། བ་ལང་གི་ཤར་གྱུར། བཏུང་བ་གང་དག་ཡིན་པ་དེ་དག་ནི། ཆང་དུ་གྱུར་པ་དེ་ལྟར་བྱིན་གྱིས་བརླབས་ནས་ཚེ་དང་ལྡན་པ་འཆར་ཀས་དེ་དག་ལ་ལྷུང་བཟེད་བསྟན་ཏེ་སྨྲས་པ།་ཤེས་ལྡན་དག་ལྟོས་ཤིག་།ཁོ་བོའི་ལྷུང་བཟེད་ན་ཀུན་དོང་དང ། བ་ལང་གི་རྐོ་བ་དང ། བ་ལང་གི་ཤ་དང ། ཆང་ཡོད་སྙམ་མམ། ཅི། ཁྱེད་ཅག་ནི། མགོ་ལ་ཡང་ཀུན་དོང་གི་ཕྲེང་བ་ཐོགས། ཟས་སུ་ཡང་བ་ལང་གི་ཀོ་བ་དང ། བ་ལང་གི་ཤ་ཟ། བཏུང་བར་ཡང་ཆང་འཐུང་བས། ཁྱེད་ཅག་ཐམས་ཅད་ཟ་བ་ཡིན་པས། དེ་དག་གིས་གཅིག་ལ་གཅིག་བལྟས་ནས་ཇི་ཙམ་ན། བདག་ཅག་ཐམས་ཅད་ཀྱི་
Nya87b
མགོ་ལ་ཀུན་དོང་གི་ཕྲེང་བ་ཐོགས་པ་དང ། འཁུར་བ་ཐམས་ཅད་བ་ལང་གི་ཀོ་བར་གྱུར་པ་དང ། ཤ་ཐམས་ཅད་བ་ལང་གི་ཤར་གྱུར་པ་དང ། བཏུང་བ་ཐམས་ཅད་ཆང་དུ་གྱུར་པར་མཐོང་ནས་དེ་དག་གིས་སྨྲས་པ།་འཕགས་པ་འཆར་ཀ་།ཁྱོད་ཀྱིས་བདག་ཅག་ལ་དམོད་པ་བོར་གྱི། བདག་ཅག་ལ་བཟོད་པ་མཛད་དུ་གསོལ། ཚེ་དང་ལྡན་པ་འཆར་ཀས་སྨྲས་པ། བཟོད་པར་བྱའོ། །དེ་ནས་དེ་དག་སྔ་མཁོ་བཞིན་དུ་གྱུར་པ་དང ། དེ་དག་ངོ་མཚར་སྐྱེས་ནས་དེ་དག་གིས་སྨྲས་པ། བཅུན་པ་འཆར་ཀ་ཅིའི་སླད་དུ་བྱོན། ཁྱེད་ཅག་ཉིད་གདུལ་བའི་དོན་དུ་འོངས་ཀྱི། འཁོད་ཅིག་དང་ཆོས་བསྟན་པར་བྱའོ། །དེ་དག་ཚེ་དང་ལྡན་པ་འཆར་ཀའི་མདུན་དུ་ཆོས་མཉན་པའི་ཕྱིར་འཁོད་པ་དང ། ཚེ་དང་ལྡན་པ་འཆར་ཀས་དེ་དག་ཆུང་མ་དང་བཅས་པའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་འདི་ལྟར། བྲམ་ཟེ་དེ་དག་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་དུ་བྱས་པ་དེ་ལྟར་ཆོས་བསྟན་ཏོ། །དེ་དག་གིས་བདེན་པ་མཐོང་ནས་སྨྲས་པ། བཙུན་པ། བདག་ཅག་གིས་དགེ་བའི་བཤེས་གཉེན་བཙུན་པ་འཆར་ཀ་ལ་བརྟེན་ནས་བཙུན་པ་འཆར་ཀས་བདག་ཅག་ལ་གང་མཛད་པ་འདི་ལྟ་བུ་ནི། བདག་ཅག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས་
Nya88a
༄#། །བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག ། འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ཅག་ནི། མངོན་པར་ཞུགས་པ་ལགས་སོ། །བཙུན་པ། བདག་ཅག་ནི། མངོན་པར་ཞུགས་པ་ལགས་ཏེ། བཙུན་པ། བདག་ཅག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །བཙུན་པ་འཆར་ཀས་ཇི་སྲིད་འཚོའི་བར་དུ་བདག་ཅག་གི་བསོད་སྙོམས་དང ། ན་བཟའ་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་བཞེས་པར་ཅི་གནང ། ཚེ་དང་ལྡན་པ་འཆར་ཀས་སྨྲས་པ། རབ་ཏུ་བྱུང་བ་ནི། གཞན་ལ་ཕན་པས་རྗེས་སུ་འཛིན་པ་ལ་ཞུགས་པ་ཡིན་པས། བྲམ་ཟེ་གཞན་དག་ལ་ཡང་ཕན་པ་བྱ་དགོས་སོ། །ཞེས་སྨྲས་ཏེ་དང་དུ་མ་བླངས་སོ། །བྲམ་ཟེ་དེ་དག་གིས་སྨྲས་པ།
Nya88b
གལ་ཏེ་བཙུན་པ་འཆར་ཀས་དང་དུ་མི་བཞེས་ན། བདག་ཅག་གིས་དྲང་སྲོང་གི་གདན་བཤམས་པ་བགྱིའོ། །བཙུན་པ་འཆར་ཀ་གཤེགས་ཏེ་ལོངས་སྤྱོད་པར་གསོལ། ཚེ་དང་ལྡན་པ་འཆར་ཀས་བྲམ་ཟེ་དེ་དག་ལ་ཅང་མི་སྨྲ་བས་དང་དུ་བླངས་སོ། །དེ་ནས་ཚེ་དང་ལྡན་པ་འཆར་ཀས་དེ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་སྟན་ལས་ལངས་ཏེ་སོང་ངོ ། །དེ་ན་ཚེ་དང་ལྡན་པ་འཆར་ཀས་མཉན་ཡོད་དུ་བྲམ་ཟེའི་ཁྱིམ་ལྔ་བརྒྱ་ལྷག་ཙམ་གཉི་ག་ནས་བཏུལ་ཅིང་བཞག་གོ་།དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་ཉན་ཐོས་ཀྱི་དགེ་སློང་ཁྱིམ་པ་དད་པར་བྱེད་པ་རྣམས་ཀྱི་ནང་ན་མཆོག་ནི། འདི་ལྟ་སྟེ། དགེ་སློང་འཆར་ཀ་ནག་པོ་འདི་ཡིན་ནོ། །ཚེ་དང་ལྡན་པ་འཆར་ཀས་བསམ་པ། གང་འདུལ་བའི་དུས་ཡིན་སྙམ་ན། མཉན་ཡོད་ན་བྲམ་ཟེ་ཞིག་གསང་སྔགས་དག་གིས་མི་མ་ཡིན་པ་དབང་དུ་བྱས་ནས་ཤིང་རྟ་བཅས་ཏེ་འདྲེན་དུ་འཇུག་པར་བྱེད་ནས་ཚེ་དང་ལྡན་པ་འཆར་ཀས་བསམ་པ། བྲམ་ཟེ་དེ་གདུལ་བའི་དུས་ཡིན་ནོ། །སྙམ་ནས། ཚེ་དང་ལྡན་པ་འཆར་ཀས་བྲམ་ཟེ་གདུལ་བའི་ཕྱིར་འཕགས་པ་དང ། ཇི་ཙམ་ན་བྲམ་ཟེ་དེ་གསང་སྔགས་དག་གིས་མི་མ་ཡིན་པ་དབང་དུ་བྱས་ནས་ཤིང་རྟ་བཅས་ཏེ་འདྲེན་དུ་བཅུག་ནས་མཉན་ཡོད་ཀྱི་ཕྱི་རོལ་དུ་སོང་བ་ན། བྲམ་ཟེ་དེ་ཤིང་རྟ་ལས་བབས་ནས་གཅིན་གཅི་བར་བསམ་པ་དང ། ཚེ་དང་ལྡན་པ་འཆར་ཀས་འདི་ལྟར། བྲམ་ཟེ་དེའི་གཅིན་རྒྱུན་མི་
Nya89a
༄#། །འཆད་པ་དེ་ལྟར་བྱིན་གྱིས་བརླབས་ནས་ཚེ་དང་ལྡན་པ་འཆར་ཀས་གསང་སྔགས་ཀྱི་ཕུར་བུ་བྱུང་བ་དང ། མི་མ་ཡིན་པ་དེ་བྲོས་ཏེ་སོང་ངོ ། །ཇི་ཙམ་ན་བྲམ་ཟེ་དེ་ལངས་པ་དང ། མི་མ་ཡིན་པ་དེ་བྲོས་པར་མཐོང་ནས་དེས་སྨྲས་པ། སུས་ཁོ་བོའི་མི་མ་ཡིན་པའི་ཕུར་བུ་ཕྱུང ། ཚེ་དང་ལྡན་པ་འཆར་ཀས་སྨྲས་པ། ཁོ་བོས་སོ། །ཅིའི་ཕྱིར་ཁྱོད་བྲམ་ཟེར་གྱུར་ནས་མི་མ་ཡིན་པར་སྤྱོད་དམ། དེས་སྨྲས་པ། སུ་ཞིག་བདག་གི་བསྙེན་བཀུར་བྱེད་པར་འགྱུར། ཚེ་དང་ལྡན་པ་འཆར་ཀས་དེ་ལ་ལྷུང་བཟེད་བསྟན་ནས་སྨྲས་པ། འདི་ཁྱོད་ཀྱི་བསྙེན་བཀུར་བྱེད་པར་འགྱུར་རོ། །དེས་སྨྲས་པ། འདིས་ཅི་འགྲུབ་པར་འགྱུར། ཚེ་དང་ལྡན་པ་འཆར་ཀས་སྨྲས་པ། གང་སེམས་པ་དང ། གང་འདོད་པ་དེ་དག་ཐམས་ཅད་འགྲུབ་པར་འགྱུར་རོ། །ཇི་ཙམ་ན་བྲམ་ཟེ་དེ་གང་སེམས་པ་དང ། གང་འདོད་པ་དེ་དག་ཐམས་ཅད་ལྷུང་བཟེད་དེ་ལས་གྲུབ་པར་གྱུར་པ་དང ། བྲམ་ཟེ་དེ་ངོ་མཚར་སྐྱེས་ཏེ། དེས་སྨྲས་པ། བཙུན་པ་འཆར་ཀ་ཅིའི་སླད་དུ་འདི་ལྟར་འགྱུར། ཚེ་དང་ལྡན་པ་འཆར་ཀས་སྨྲས་པ། ཁོ་བོས་ལྷུང་བཟེད་ཀྱི་རིག་པ་ཤེས་སོ། །དེས་སྨྲས་པ། བཙུན་པ་འཆར་ཀ། ལྷུང་བཟེད་ཀྱི་རིག་པ་དེ་བདག་ལ་སྩོལ་ཅིག་།ཚེ་དང་ལྡན་པ་འཆར་ཀས་ཚིགས་སུ་བཅད་པ་སྨྲས་པ། རིག་པ་སུ་ལའང་སྦྱིན་མི་བྱ། །རིག་དང་བཅས་ཏེ་འཆི་བར་བྱ། །རིག་པ་རིག་དང་གུས་པ་དང ། །ནོར་གྱི་ཕྱིར་ནི་སྦྱིན་པར་བྱ། །བྲམ་ཟེས་སྨྲས་པ། བདག་ཁྱོད་ལ་གུས་པར་བགྱིད་དོ། །ཚེ་དང་ལྡན་པ་འཆར་
Nya89b
ཀས་སྨྲས་པ། ཁོ་བོ་ཁྱིམ་པ་ལས་བསྙེན་བཀུར་བདག་གིར་མི་བྱེད་ཀྱི། ཁོ་བོ་ནི། རབ་ཏུ་བྱུང་བ་ལས་བསྙེན་བཀུར་བདག་གིར་བྱེད་དོ། །དེས་སྨྲས་པ། བདག་རབ་ཏུ་བྱུང་ངོ ། །ཚེ་དང་ལྡན་པ་འཆར་ཀས་སྨྲས་པ། རབ་ཏུ་ཕྱུང་ཞིག་།ཅེས་དེས་རབ་ཏུ་ཕྱུང་རྫོགས་པར་བསྙེན་པར་བྱས་ཏེ་གདམས་ངག་བྱིན་ནོ། །དེ་དེ་ལྟར་རབ་ཏུ་བྱུང་ནས་གཅིག་པུ་དབེན་པ། བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་སོ། །གཅིག་པུ་དབེན་པ། བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་པ་ན། རིགས་ཀྱི་བུ་དག་།གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱེད་པ། ཚངས་པར་སྤྱོད་པའི་མཐའ་བླ་ན་མེད་པ་དེའི་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། ། ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ་དང ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །
Nya90a
༄#། །ཚེ་དང་ལྡན་པ་འཆར་ཀས་བསམ་པ། གང་གདུལ་བའི་དུས་ཡིན་སྙམ་ན། ཡུལ་མིའི་གྱད་ཅིག་གིས་ཡུལ་དག་ཏུ་གྱད་རྣམས་བརྡབས་ནས་མཉན་ཡོད་དུ་འོངས་ནས་མཉན་ཡོད་ན་སྒོ་ཁར་རྐང་པ་བརྐྱང་སྟེ་འདུག་ཅིང ། དེ་གང་ལ་འོང་བ་དེ་ལ་འདི་སྐད་ཅེས། ཡང་ན་ནི། ཁོ་བོ་ལ་སྟོབས་རྒོལ་ཅིག་།ཡང་ན་ནི། ཁོ་བོའི་རླིག་བར་དུ་སོང་ཞིག་།ཅེས་ཟེར་རོ། །དེ་ན་སྐྱེ་བོ་ཕལ་པོ་ཆེའི་ཚོགས་འདུ་བ་དག་ལས། འགའ་ཡང་དེ་ལ་སྟོབས་ཀྱང་མི་རྒོལ། དེའི་རླིག་པར་དུ་ཡང་མི་འགྲོའོ། །ཚེ་དང་ལྡན་པ་འཆར་ཀས་བསམ་པ། གྱད་དེ་གདུལ་བའི་དུས་ཡིན་ནོ། །སྙམ་ནས། ཚེ་དང་ལྡན་པ་འཆར་ཀས་ཕྱོགས་དེར་སོང་སྟེ་སྨྲས་པ། འདི་སུ་ཞིག་ཡིན། སྐྱེ་བོ་ཕལ་པོ་ཆེའི་ཚོགས་ཀྱིས་སྨྲས་པ། གྱད་འདིའི་མཆིད་ནས་འདི་སྐད་ཅེས། ཡང་ན་ནི། ཁོ་བོ་ལ་སྟོབས་རྒོལ་ཅིག་།ཡང་ན་ནི། ཁོ་བོའི་རླིག་བར་དུ་སོང་ཞིག་།ཅེས་མཆིའོ། །ཚེ་དང་ལྡན་པ་འཆར་ཀས་དེ་ལ་སྨྲས་པ། ཅི། ཇེ་ཁོ་བོ་དང་ལྷན་ཅིག་སྟོབས་བྱའམ། འོན་ཏེ་ཁོ་བོས་བརྡབས་པའི་གྱད་གསུམ་པོ་གང་དག་ཡིན་པ་དེ་དག་དང་ལྷན་ཅིག་སྟོབས་འགྱེད། དེས་སྨྲས་པ། ཁྱོད་ཀྱིས་བརྡབས་པའི་གྱད་གསུམ་པོ་གང་དག་ཡིན་པ་དེ་དག་དང་ལྷན་ཅིག་སྟོབས་བྱའོ། །ཚེ་དང་ལྡན་པ་འཆར་ཀས་སྨྲས་པ། ཁོ་བོས་འདོད་ཆགས་ཀྱི་གྱད་བརྡབས། ཞེ་སྡང་གི་གྱད་བརྡབས། གཏི་མུག་གི་གྱད་བརྡབས་ཀྱི། ཁྱེད་དེ་དག་དང་ལྷན་ཅིག་སྟོབས་ཁྱེ་ཞིག་།ཅེས་ཚེ་དང་ལྡན་པ་འཆར་ཀས་དེ་བཏུལ་ནས་དེས་རབ་ཏུ་ཕྱུང ། རྫོགས་པར་བསྙེན་པར་བྱས་ཏེ་གདམས་
Nya90b
ངག་བྱིན་ནོ། །དེ་དེ་ལྟར་རབ་ཏུ་བྱུང་ནས་གཅིག་པུ་དབེན་པ། བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་སོ། །གཅིག་པུ་དབེན་པ། བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་པ་ན། རིགས་ཀྱི་བུ་དག་།གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུ་སྟི་ལ་རྒྱབ་ཀྱིས་ཕྱོགས་པ།་དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པ་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །གཏུམ་མོ་དེས་བུའི་ཆུང་མ་བླངས་ནས་དུས་གཞན་ཞིག་ན་གཏུམ་མོ་ཡང་དུས་ལ་བབ། དེའི་ཁྱིམ་ཐབ་ཀྱང་དུས་ལ་བབ་བོ། །གཏུམ་མོའི་བུ་དེ་ཁ་ཏོན་གྱི་ཞོར་ལ་ཡུལ་གཞན་དུ་སོང་ངོ ། །གཏུམ་མོའི་མནའ་མ་དེ་གོས་དང ། ཟས་བཟའ་ཞིང་ཞིམ་པ་ལ་ལོངས་སྤྱོད་སྤྱོད་པ་
Nya91a
༄#། །ཉོན་མོངས་པ་དག་གིས་གདུངས་པར་གྱུར་ནས། དེས་བུ་མོ་མངག་གཞུག་མ་ལ་སྨྲས་པ། བུ་མོ། སོང་ལ་སྐྱེས་པ་ལུས་བརྟན་པ། མཁྲང་བ། དམ་པ་འགའ་ཅི་སྣང་ཚོལ་ཅིག་དང ། དེ་དང་ལྷན་ཅིག་དགའ་མགུར་སྤྱད་པར་བྱའོ། །བུ་མོ་མངག་གཞུག་མས་སྨྲས་པ། ཇོ་མོ། ཁྱོད་ཀྱི་གྱོས་པོ་དང ། སྒྱུག་མོ་གཉིས་ནི། བདེན་པ་མཐོང་བ་ལགས་ན། ཁྱོད་དྲང་སྲོང་གི་ཁྱིམ་འདི་ལྟ་བུར་བྱོན་ན། ཉེས་པར་སྤྱོད་པ་དེ་ལྟ་བུ་ཇི་ལྟར་བགྱིར་རུང ། དྲང་སྲོང་གི་ཁྱིམ་གྱི་མི་སྙན་པ་སྐྱེད་པར་མཛད་དམ་ཅི། དེས་སྨྲས་པ། ཀཝའི། ཁྱོད་བསམ་པ་དེས་ཅི་བྱ། ཇེ་སོང་ལ་ཁྲིད་དེ་ཤོག་ཅིག་།གལ་ཏེ་ཁྲིད་དེ་མ་འོངས་ན། ཁྱོད་ལ་མཚམས་ཆེན་པོ་གཅད་པར་བྱའོ། །བུ་མོས་བསམ་པ། བུ་ཟན་མའི་བུ་མོ་འདིས་དྲང་སྲོང་གི་ཁྱིམ་རྩོག་གིས་དགང་བར་ཆད་དེ། བདག་ལ་དཀའ་བ་མེད་ཀྱི། དགུག་གོ་།སྙམ་ནས་དེ་སྲང་དུ་སོང་བ་དང ། དེས་དེ་ན་ཆོམ་རྐུན་པའི་དམག་དཔོན་ལུས་བརྟན་པ། མཁྲང་བ། དམ་པ་ཞིག་མཐོང་ནས་དེས་དེ་ལ་སྨྲས་པ། ཀྱེ་བཙུན་པོ། ཁྱོད་ཁོ་མོའི་ཇོ་མོ་དང་ལྷན་ཅིག་དགའ་མགུར་སྤྱོད་ཕོད་དམ། དེས་སྨྲས་པ། ཕོད་དོ། །དེས་ནི། ཁྲིད་དེ་ཇོ་མོ་དང་སྤྲད་ནས་དེ་དང་ལྷན་ཅིག་དགའ་མགུར་སྤྱོད་པར་བྱེད་དོ། །ཚེ་དང་ལྡན་པ་འཆར་ཀ་དེར་དུས་དང ། དུས་སུ་འགྲོ་བས་དེ་མཐོང་ནས་ཚེ་དང་ལྡན་པ་འཆར་ཀས་བསམ་པ། བུད་མེད་ཀྱི་ཡུལ་འདི་ནི། འདོད་ཆགས་སྤྱད་པ་ཞིག་ཡིན་ནོ། །སྙམ་ནས། དེས་དེ་ལ་འདོད་ཆགས་ཀྱི་བསྔགས་པ་མ་ཡིན་པ་བརྗོད་དོ། །
Nya91b
དེས་བསམ་པ། འཕགས་པ་འཆར་ཀ་ནི། གཞན་གྱི་སེམས་ཤེས་པ་ལ་མཁས་པ་ཡིན་པས། དེས་བདག་འཕྲིགས་ཀྱི། གལ་ཏེ་དེ་མ་བསད་ན། བདག་གི་ཁྱིམ་ཐབ་ལ་བྱས་ཤིང ། དེ་བདག་ལ་གནོད་པ་བྱེད་པར་འགྱུར་དུ་འོང་གི། བདག་གིས་དེ་གསད་དོ། །སྙམ་ནས་དེས་ཆོམ་རྐུན་པའི་དམག་དཔོན་ལ་སྨྲས་པ། འཕགས་པ་འཆར་ཀ་ནི། གཞན་གྱི་སེམས་ཤེས་པ་ལ་མཁས་པ་ཡིན་པས། དེས་བདག་ཅག་འཕྲིགས་ཀྱི། གལ་ཏེ་དེ་མ་བསད་ན། བདག་གི་ཁྱིམ་ཐབ་ལ་བྱས་ཤིང ། དེ་བདག་ཅག་ལ་གནོད་པ་བྱེད་པར་འགྱུར་དུ་འོང་གི་།ཁྱོད་ཀྱིས་དེ་སོད་ཅིག་།ཆོམ་རྐུན་པའི་དམག་དཔོན་གྱིས་སྨྲས་པ། ཁོ་བོ་དེ་མི་གསོད་དེ། དེ་ནི། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཆུང་པོ་གྲོགས། བཙུན་མོ་ཕྲེང་ལྡན་མའི་སློབ་དཔོན་ཡིན་གྱི། ཁོ་བོས་དེ་བསད་པར་གྱུར་ན། ཁོ་བོ་རྒྱལ་པོས་རྒྱ་སྐྱེགས་ཀྱི་ཁང་པར་བཅུག་སྟེ་བསྲེགས་པས་འཆི་བར་བྱ་དགོས་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །དེས་སྨྲས་པ། གལ་ཏེ་ཁྱོད་དེ་གསོད་ན། དེ་ལྟ་ན་ལེགས། གལ་ཏེ་མི་གསོད་ན། ཁྱོད་ཕྱིན་ཆད་ཁོ་མོའི་ཁྱིམ་དུ་འཇུག་པར་མི་བྱའོ། །འདོད་པ་བསྟེན་པ་དག་གིས་ནི། སྡིག་པའི་ཆོས་མི་བྱ་བ་ཅི་ཡང་མེད་པས། ཆོམ་རྐུན་པའི་དམག་དཔོན་དེས་སྨྲས་པ། གལ་ཏེ་དེ་གཞན་གྱི་སེམས་ཤེས་པ་ལ་མཁས་པ་ཡིན་ན། ཁོ་བོས་ཇི་ལྟར་གསད་པར་བྱ། དེས་སྨྲས་པ། ཐབས་ཀྱི་རྣམ་པ་ཞིག་བྱའོ། །ཞེས་དེས་དུས་མ་ཡིན་པར་ཚེ་དང་ལྡན་པ་འཆར་ཀའི་གན་དུ་མངག་པ་བཏང་སྟེ། བཙུན་པ་འཆར་ཀ། བདག་བྲོ་འཚལ་
Nya92a
༄#། །བར་གྱུར་ན། ཁྱོད་ཀྱིས་བདག་ལ་གཟིགས་པར་ཅི་གནང་ཞེས་སྤྲིང་ངོ ། །དགྲ་བཅོམ་པ་དག་ནི། མ་བསམ་པར་ཤེས་པ་དང ། མཐོང་བ་མི་འཇུག་པས་ཚེ་དང་ལྡན་པ་འཆར་ཀ་ཡང་དུས་མ་ཡིན་པར་ཞུགས་ཏེ། དེ་ལ་ཆོས་བསྟན་པར་བྱས་ནས་དེ་ཕྱིར་འབྱུང་བར་བརྩམས་པ་དང ། དེས་སྨྲས་པ། འཕགས་པ། བདག་ཁྱོད་མཐོང་ན། གློ་བ་ཐག་པ་ནས་ཡུད་ཙམ་ཞིག་བཞུགས་སུ་གསོལ་ཞེས་དེས་ཚེ་དང་ལྡན་པ་འཆར་ཀ་ཇི་སྲིད་ཀྱིས་ཤིན་ཏུ་ནམ་སྲོས་པར་གྱུར་པ་དེ་སྲིད་དུ་བཟུང་ནས། ཆོམ་རྐུན་པའི་དམག་དཔོན་ཡང་རལ་གྲི་ཤུབས་ནས་ཕྱུང་སྟེ་སྒོ་ན་སྡོད་དོ། །དེ་ནས་ཚེ་དང་ལྡན་པ་འཆར་ཀ་ཕྱིར་ཕྱུང་བ་དང ། ཆོམ་རྐུན་པའི་དམག་དཔོན་སྙིང་རྗེ་མེད་པའི་སེམས་དང་ལྡན་པ། འཇིག་རྟེན་ཕ་རོལ་བཏང་བ་དེས། ཚེ་དང་ལྡན་པ་འཆར་ཀའི་མགོ་དྲུང་པ་ནས་བཅད་དེ་ས་ལ་བསྒྱེལ་ཏོ། །དེ་འཕགས་པ་གསོད་ཅིང་འདུག་པ་བུད་མེད་རྒན་མོ་ཞིག་གིས་མཐོང་ནས། དེས་སྨྲས་པ། གཟུ་ལུམས་བྱེད་པ་འདི་སུ་ཡིན། ཆོམ་རྐུན་པའི་དམག་དཔོན་གྱིས་སྨྲས་པ། སུ་ལ་ཡང་མ་ཟེར་ཅིག། ཁོ་བོས་ཁྱོད་ཀྱང་འདིའི་གནས་སྐབས་ལྟ་བུར་བྱས་པར་གྱུར་ཏ་རེ། དེ་སྐྲག་ནས་འཕྲལ་དུ་སྨྲ་མ་ཕོད་དོ། །བདག་ཉིད་ཆེན་པོ་འདིའི་རྗེས་གཅོད་པ་འགའ་ཞིག་ཕྱིས་འོང་གྲང་སྙམ་ནས། དེ་ཉིད་ན་ཅང་མི་སྨྲ་བར་འདུག་གོ་།སྙིང་རྗེ་མེད་པའི་སེམས་དང་ལྡན་པ། འཇིག་རྟེན་ཕ་རོལ་བཏང་བ་དེ་གཉིས་ཀྱིས་ཚེ་དང་ལྡན་པ་འཆར་ཀའི་ལུས་དེ་ཕྱག་དར་གྱི་ཕུང་པོ་ཞིག་ཏུ་སྦས་ཏེ་བཞག་གོ་།དེའི་ཉིན་མོ་གསོ་སྦྱོང་གི་
Nya92b
ཞལ་ཏ་བ་རྒན་པའི་མཐའ་ལོགས་སུ་འདུག་སྟེ་སྨྲས་པ། འགའ་ཞིག་གིས་བཙུན་པ་འཆར་ཀའི་འདུན་པ་བླངས་སམ། བཙུན་པ་འཆར་ཀ་མེད་དོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱིམ་པ་དད་པར་བྱེད་པ་རྣམས་ཀྱི་མཆོག་དེ་བསད་ཀྱི། ཆོས་གོས་དག་ལོངས་ཤིག་དང ། དེའི་ལུས་ལ་མཆོད་པར་བྱའོ། །བཅོམ་ལྡན་འདས་འཕགས་པ་དང ། ཇི་ཙམ་ན་མཉན་ཡོད་ཀྱི་སྒོ་ཆོད་ནས་བཅོམ་ལྡན་འདས་ཀྱིས་གསེར་གྱི་འོད་ལྟ་བུའི་འོད་གཏོང་བ་མཛད་པ་དང ། དེས་མཉན་ཡོད་ཐམས་ཅད་གསེར་གཙོ་མའི་འོད་ལྟ་བུས་སྣང་བར་གྱུར་ཏོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བསམ་པ། ཅིའི་ཕྱིར་མཉན་ཡོད་ཐམས་ཅད་གསེར་བཙོ་མའི་འོད་ལྟ་བུས་སྣང་བར་གྱུར་སྙམ་ནས་དེས་ཡང་བསམ་པ། བཅོམ་ལྡན་འདས་གཤེགས་པར་བཞེད་གོར་མ་ཆག་སྙམ་ནས་དེ་བཙུན་མོའི་འཁོར་དང་བཅས་པས་མཉན་ཡོད་ཀྱི་ལྡེ་མིག་ཁྱེར་ཏེ་སྒོ་ཕྱེ་བ་དང ། བཅོམ་ལྡན་འདས་མཉན་ཡོད་དུ་གཤེགས་སོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བསམ་པ། ཅིའི་ཕྱིར་བཅོམ་ལྡན་འདས་དུས་མ་ཡིན་པར་མཉན་ཡོད་དུ་གཤེགས་སྙམ་ནས། སངས་རྒྱས་བཅོམ་ལྡན་འདས་རྣམས་ནི། བསྙེན་པར་དཀའ་བ་དང ། བཟོད་པར་དཀའ་བ་ཡིན་པས་དེས་སངས་རྒྱས་བཅོམ་ལྡན་འདས་ལ་ཞུ་བར་མ་ནུས་སོ། །བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་མདུན་དུ་གཤེགས་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་བཙུན་མོའི་འཁོར་དང་བཅས་པ་བཅོམ་ལྡན་འདས་ཀྱི་སླད་བཞིན་
Nya93a
༄#། །སླད་བཞིན་དུ་རྗེས་སུ་འབྲང་ཞིང་སོང་བ་དང ། ཇི་ཙམ་ན། ཕྱག་དར་གྱི་ཕུང་པོའི་ཕྱོགས་དེར་བྱོན་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱིམ་པ་དད་པར་བྱེད་པ་རྣམས་ཀྱི་མཆོག་དེ། འདིར་སྦས་ཀྱི། ཕྱུང་ཞིག་།དེ་ཕྱུང་བ་དང ། དེ་ན་གང་དག་ཚེ་དང་ལྡན་པ་འཆར་ཀ་ལ་བརྟེན་ནས་འཕགས་པའི་བདེན་པ་དག་མཐོང་བ་དེ་དག་གིས་གསོལ་པ། འདི་བདག་ཅག་གི་དགེ་བའི་བཤེས་གཉེན་ལགས་ན། བཅོམ་ལྡན་འདས་ཀྱིས་བདག་ཅག་འདིའི་ལུས་ལ་མཆོད་པ་བགྱིད་པར་ཅི་གནང ། བཅོམ་ལྡན་འདས་ཀྱིས་མ་གནང་ངོ ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་གསོལ་པ། འདི་བདག་གི་ཆུང་པོ་གྲོགས་ལགས་ན། བཅོམ་ལྡན་འདས་ཀྱིས་བདག་འདིའི་ལུས་ལ་མཆོད་པ་བགྱིད་པར་ཅི་གནང ། བཅོམ་ལྡན་འདས་ཀྱིས་མ་གནང་ངོ ། །བཙུན་མོ་ཕྲེང་ལྡན་མས་གསོལ་པ། འདི་བདག་གི་སློབ་དཔོན་ལགས་ན། བཅོམ་ལྡན་འདས་ཀྱིས་བདག་འདིའི་ལུས་ལ་མཆོད་པ་བགྱིད་པར་ཅི་གནང ། བཅོམ་ལྡན་འདས་ཀྱིས་གནང་ངོ ། །དེ་ནས་བཙུན་མོ་ཕྲེང་ལྡན་མས་ཚེ་དང་ལྡན་པ་འཆར་ཀའི་ལུས་དེ། ས་དཀར་གྱིས་དྲིལ་ཕྱི་བྱེད་དུ་བཅུག་ནས་སྤོས་ཆུས་འཁྲུར་བཅུག་སྟེ། རས་ཁ་དོག་སྣ་ཚོགས་དག་གི་ཁྱོགས་སྤྱིལ་བརྒྱན་ནས་དེར་བཅུག་སྟེ་བཞག་གོ་།དེ་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་མདུན་དུ་གཤེགས་ནས་རྒྱལ་པོ་བཙུན་མོའི་འཁོར་དང་བཅས་པ་དེའི་ཕྱི་བཞིན་དུ་རྗེས་སུ་འབྲང་
Nya93b
ཞིང་སོང་སྟེ། ས་ཕྱོགས་གོ་སྐབས་ཡངས་པ་ཞིག་ཏུ་བཞག་ནས་བཙུན་མོ་ཕྲེང་ལྡན་མས། སྤོས་ཀྱི་ཤིང་ཐམས་ཅད་ཀྱིས་ཕུང་པོར་བཅེར་ཏེ་བསྲེགས་ནས་ཕུང་པོ་དེ། འོ་མས་ཞི་བར་བྱས་ཏེ་རུས་པ་དེ་དག་གསེར་གྱི་བུམ་པར་བཅུག་ནས་ལམ་པོ་ཆེའི་བཞི་མདོར་ལུས་ཀྱི་མཆོད་རྟེན་རྩིག་ཏུ་བཅུག་སྟེ། གདུགས་དང ། རྒྱལ་མཚན་དང ། བ་དན་དག་བསྒྲེང་ཞིང ། དྲི་དང ། ཕྲེང་བ་རྒྱུ་དང ། བདུག་སྤོས་དང ། ཕྱེ་མ་དང།་སིལ་སྙན་དག་གིས་མཆོད་པ་བྱས། རྐང་པ་གཉིས་ལ་ཕྱག་འཚལ་ནས་བཅོམ་ལྡན་འདས་ཀྱིས་ཡོན་བཤད་པ་མཛད་དེ་གཤེགས་སོ། །དེ་ནས་བཅོམ་ལྡན་འདས་གཙུག་ལག་ཁང་དུ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ཉེས་དམིགས་འདི་དང ། གཞན་དག་ཀྱང་དགེ་སློང་དུས་མ་ཡིན་པར་གྲོང་དུ་འཇུག་པ་ལས་གྱུར་པས། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དུས་མ་ཡིན་པར་གྲོང་དུ་འཇུག་ན། ལྟུང་བྱེད་དོ། ། ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །དགེ་སློང་ནད་ངན་ཅན་དག་འཁོད་པ་དག་གིས་ཡུན་རིང་དུ་འཇུག་པར་མི་ནུས་པ་ན་དགེ་སློང་
Nya94a
༄#། །ནད་གཡོག་དག་གིས་ཀྱང་ནད་པ་དག་གིས་བྱ་བ་ཉམས་པར་བྱེད། དགེ་སློང་ཞལ་ཏ་བྱེད་པ་དག་གིས་ཀྱང་དགེ་འདུན་གྱི་བྱ་བ་ཉམས་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་འདུག་པ་ལ་སྨྲས་ཏེ་འགྲོ་བར་བྱའོ། །བཅོམ་ལྡན་འདས་ཀྱིས་དགེ་སློང་འདུག་པ་ལ་སྨྲ་བར་བྱའོ། །ཞེས་བཀའ་སྩལ་ནས་དགེ་སློང་ཞིག་གིས་ཁྱིམ་གཞན་དུ་ལྷུང་བཟེད་དང ། ཆོས་གོས་བཞག་ནས་ཇི་ཙམ་ན་དེར་མེ་ཤོར་ནས་དགེ་སློང་དེས་དེར་འགྲོ་བར་བརྩམས་ཏེ། དེ་ལམ་གྱི་ཕྱེད་དུ་སོན་པ་དང ། བདག་གིས་དགེ་སློང་འདུག་པ་ལ་མ་སྨྲས་སོ། །སྙམ་པའི་དྲན་པ་སྐྱེས་ནས་དེ་ཕྱིར་ལོག་སྟེ་ཇི་སྲིད་དུ་དགེ་སློང་འདུག་པ་ལ་སྨྲ་བར་བྱེད་པ་དེ་སྲིད་དུ་དེའི་ལྷུང་བཟེད་དང ། ཆོས་གོས་ཚིག་ནས་དེ་དེར་སོང་བ་དང ། ཁྱིམ་བདག་གིས་སྨྲས་པ། འཕགས་པ། ཁྱོད་ཅིའི་སླད་དུ་འཕྱིས་ཏེ་བྱོན། དེས་ན་ཁྱོད་ཀྱི་ལྷུང་བཟེད་དང ། ཆོས་གོས་ཚིག་གི་།གལ་ཏེ་ཁྱོད་མྱུར་དུ་བྱོན་པར་གྱུར་ན། ཁྱོད་ཀྱི་ལྷུང་བཟེད་དང ། ཆོས་གོས་ཚིག་པར་མི་འགྱུར་རོ། །ཞེས་ཟེར་ཞིང ། དགེ་སྦྱོང་དེ་ཡང་ཕོངས་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དེ་འདྲ་བའི་རྐྱེན་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་
Nya94b
བའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དུས་མ་ཡིན་པར་གྲོང་དུ་འཇུག་ཅིང་དགེ་སློང་འདུག་པ་ལ་མི་སྨྲ་ན། དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཆོས་འདི་པའམ། གཞན་ཡང་དེ་ལྟ་བུ་གང་ཡིན་པའོ། །དུས་མ་ཡིན་པར་ཞེས་བྱ་བ་ནི།་དུས་མ་ཡིན་པ་གཉིས་སུ་སྟེ། སྐྱ་རེངས་མ་ཤར་བ་དང ། ཕྱེད་ཡོལ་བར་རོ། །གྲོང་དུ་ཞེས་བྱ་བ་ནི། གང་ན་སྲང་དང ། བཞི་མདོ་དང ། སུམ་མདོ་དག་ཡོད་པར་རོ། །འཇུག་ཅིང་ཞེས་བྱ་བ་ནི། འགྲོ་ཞིང་ངོ ། །དགེ་སློང་འདུག་པ་ལ་མི་སྨྲ་ན་ཞེས་བྱ་བ་ནི། དེ་ན་དགེ་སློང་གང་འདུག་པ་ལའོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི། དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དུས་མ་ཡིན་པ་ལ་དུས་མ་
Nya95a
༄#། །ཡིན་པར་འདུ་ཤེས་པས་གྲོང་དུ་འཇུག་ན། ལྟུང་བྱེད་དུ་འགྱུར་རོ། །དུས་མ་ཡིན་པ་ལ་ཡིད་གཉིས་ཟ་བས་གྲོང་དུ་འཇུག་ན། ལྟུང་བྱེད་དུ་འགྱུར་རོ། །དུས་ལ་དུས་མ་ཡིན་པར་འདུ་ཤེས་པས་གྲོང་དུ་འཇུག་ན། ཉེས་བྱས་སུ་འགྱུར་རོ། །དུས་ལ་ཡིད་གཉིས་ཟ་བས་གྲོང་དུ་འཇུག་ན་ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བཙུན་མོ་ཕྲེང་ལྡན་མས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་སྨྲས་པ། ལྷས་དགེ་སློང་རྣམས་ལ་ནི་གཞོན་ནུའི་ཡོངས་སུ་སྤངས་པ་སྩལ། དགེ་སློང་མ་རྣམས་ལ་ནི་བཙུན་མོའི་འཁོར་གྱི་ཡོངས་སུ་སྤངས་པ་རྩལ་ཅིང ། འཕགས་པ་འཆར་ཀ། ལྷའི་ནི་ཆུང་པོ་གྲོགས་ལགས། བདག་གི་ནི་སློབ་དཔོན་ལགས་ཏེ། དགེ་སློང་རབ་ཏུ་གྲགས་པ་དེ་ལྟ་བུ་ཡང་བཙན་མཐོང་དུ་བཀུམ་ན། དགེ་སློང་རབ་ཏུ་མ་གྲགས་པ་གཞན་དག་ལྷ་ལ་བཀའ་མཆིད་ཀྱང་སུ་རྨེད་པར་འགྱུར། ལྷས་འཕགས་པ་འཆར་ཀ་དེ་སུས་འགུམ་དུ་སྩལ་པ་དང ། སུས་བཀུམ་པ་བཀས་རྨ་བར་ཅི་གནང ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཞོ་ཤས་འཚོ་བ་དག་ལ་བསྒོ་བ། ཤེས་ལྡན་དག། དེངས་ལ་འཕགས་པ་འཆར་ཀ་སུས་གསོད་དུ་བཅུག་པ་དང ། སུས་བསད་པ་དེ་དག་རྨོས་ཤིག་།དེ་དག་རྨེད་ཅིང་ཕྱོགས་
Nya95b
དེར་དོང་བ་དང ། དེ་དག་གིས་དེ་ན་བུད་མེད་རྒན་མོ་དེ་མཐོང་ཞིང ། དེས་ནི་དེ་དག་མ་མཐོང་བ་ན། བུད་མེད་རྒན་མོ་དེས་བྱུང་རྒྱལ་དུ་སྨྲས་པ། ཕྱོགས་འདིར་ཁྱིམ་པ་དད་པར་བྱེད་པ་རྣམས་ཀྱི་མཆོག་དེ་སྦས་པ་ནི་དེ་དང་དེ་དག་གིས་བསད་དོ། །དེ་དག་གིས་དེ་ཐོས་ནས་སྨྲས་པ། རྒན་མོ་ཅི་ཟེར། རྒན་མོ་དེས་སྨྲས་པ། ཅང་མི་ཟེར་རོ། །དེ་དག་གིས་དེ་བཟུང་སྟེ་བསྡིགས་ནས་དེ་སུས་བསད་སྨྲོས་ཤིག་།ཅེས་བྱས་པ་དང ། དེས་སྨྲས་པ། བྲམ་ཟེའི་བུ་མོ་འདིས་གསོད་དུ་བཅུག་གོ་།ཆོམ་རྐུན་པའི་དམག་དཔོན་འདིས་བསད་དོ། །དེ་དག་གིས་ཀྱང་བསྡིགས་ཏེ།་ཅི་དེ་གཉིས་ཁོ་ནར་ཟད་དམ་ཞེས་རྨས་པ་དང ། དེས་སྨྲས་པ། གཞན་ཡང་གཡོན་ཅན་ལྔ་བརྒྱ་ཡོད་དོ། །རྒྱལ་པོའི་མི་དེ་དག་གིས་བྲམ་ཟེའི་བུ་མོ་དེ་དང ། ཆོམ་རྐུན་པའི་དམག་དཔོན་དེ་དང ། གཡོན་ཅན་ལྔ་བརྒྱ་པོ་དེ་དག་བཟུང་སྟེ་རྒྱལ་པོ་ལ་ཕུལ་ནས་སྨྲས་པ། ལྷ། འཕགས་པ་འཆར་ཀ་ནི་བྲམ་ཟེའི་བུ་མོ་འདིས་འགུམ་དུ་སྩལ་ཏེ། ཆོམ་རྐུན་པའི་དམག་དཔོན་འདིས་བཀུམ་མོ། །གཡོན་ཅན་ལྔ་བརྒྱ་པོ་འདི་དག་གི་དམག་དཔོན་ནི་འདི་ལགས་སོ། །རྒྱལ་པོས་སྨྲས་པ། ཤེས་ལྡན་དག་།དེངས་ལ་བྲམ་ཟེའི་བུ་མོ་འདི་ནི་རྟེའུ་དམུ་རྒོད་ཀྱི་རྐང་པ་གཉིས་ལ་ཐོགས་ཤིག་།ཆོམ་རྐུན་པའི་དམག་དཔོན་འདི་ནི་རྒྱ་སྐྱེགས་ཀྱི་ཁང་པར་ཆུག་ལ་སྲེགས་ཤིག། གཡོན་ཅན་ལྔ་བརྒྱ་པོ་འདི་དག་ནི་ལག་པ་དང ། རྐང་པ་དག་ཆོད་ཅིག་།དེ་དག་གིས་བྲམ་
Nya96a
༄#། །ཟེའི་བུ་མོ་དེ་ནི། རྟེའུ་དམུ་རྒོད་ཀྱི་རྐང་པ་གཉིས་ལ་བཏགས་སོ། །ཆོམ་རྐུན་པའི་དམག་དཔོན་དེ་ནི། རྒྱ་སྐྱེགས་ཀྱི་ཁང་པར་བཅུག་སྟེ། བསྲེགས་སོ། །གཡོན་ཅན་ལྔ་བརྒྱ་པོ་དེ་དག་ནི། ལག་པ་དང ། རྐང་པ་དག་བཅད་དོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་འཆར་ཀས་ལས་ཅི་བགྱིས་ན། ལས་དེའི་རྣམ་པར་སྨིན་པས་སྡང་བ་མ་མཆིས་པ་དང ། གནོད་པ་མ་བགྱིས་བཞིན་དུ་དེ་གཉིས་ཀྱིས་དགུམ་པར་གྱུར་ཅིང ། དེ་གཉིས་ཀྱང་བཀུམ་པར་གྱུར། གཡོན་ཅན་ལྔ་བརྒྱ་པོ་དག་ཀྱང་ལག་པ་དང ། རྐང་པ་དག་བཀུམ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་དག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་པ།་འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་དག་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར་།རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ།
Nya96b
ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ། འདས་པའི་དུས་ན་ཝཱ་ར་ཎཱ་སི་ན་རྒྱལ་པོ་ཚངས་བྱིན་ཞེས་བྱ་བས་རྒྱལ་སྲིད་བྱེད་དུ་བཅུག་པའི་ཚེ། ཉམ་ང་བ་དང་བཅས་པའི་དུས་བྱུང་བ་ན་མུ་སྟེགས་ཅན་དག་གིས་ལོ་བཅུ་གཉིས་སུ་ཐན་པ་འབྱུང་ངོ ། །ཞེས་ལུང་བསྟན་ནས་རྒྱལ་པོ་ཚངས་བྱིན་གྱིས་དྲིལ་སྒྲོག་པ་བྱེད་དུ་བཅུག་སྟེ་གང་ལ་ལོ་བཅུ་གཉིས་ཀྱི་ཟན་ཡོད་པ་དེ་ནི། འདུག་ཅིག་།གང་ལ་མེད་པ་དེ་ནི། སོང་ཞིག་།ཅེས་བསྒོའོ། །དེའི་མདུན་ན་འདོན་དེ་བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་ཀློག་ཏུ་འཇུག་པ་དེ་ལ་བྲམ་ཟེའི་ཁྱེའུ་དག་གིས་སྨྲས་པ། མཁན་པོ། བདག་ཅག་ལ་ལོ་བཅུ་གཉིས་ཀྱི་འཚལ་མ་མ་མཆིས་ཀྱི། བདག་ཅག་མཆིའོ། །དེས་སྨྲས་པ། བུ་དག་འཁོད་ཅིག་དང ། ཁོ་བོས་ཁྱོད་ལ་མཁོ་བ་བསྟབ་པར་བྱའོ། །རྒྱལ་པོ་ཚངས་བྱིན་གྱི་རྨི་ལམ་ན་བདག་གི་རྒྱུ་མ་དག་གིས་གྲོང་ཁྱེར་ཐམས་ཅད་དཀྲིས་པར་མཐོང་ངོ ། །མཐོང་ནས་ཀྱང་དེ་གཞི་འདིས་བདག་རྒྱལ་སྲིད་ལས་ཉམས་པའམ། ཚེའི་བར་ཆད་འབྱུང་བའམ། གཅིག་ཏུ་མི་འགྱུར་གྲང་སྙམ་དུ་འཇིགས་པ་སྐྱེས་པར་གྱུར་ནས། དེས་རྨི་ལམ་དེ་མདུན་ན་འདོན་དེ་ལ་བཟླས་པ་དང ། མདུན་ན་འདོན་དེས་བསམ་པ། ལྷས་རྨི་ལམ་བཟང་བ་ཞིག་གཟིགས་མོད་ཀྱི། འོན་ཀྱང་བྲམ་ཟེའི་ཁྱེའུ་དག་གི་རྙེད་པའི་བར་ཆད་དུ་གྱུར་ན། མི་རུང་གི་།ངན་པར་བསྙད་པར་བྱའོ། །སྙམ་
Nya97a
༄#། །ནས་དེས་རྒྱལ་པོ་ལ་སྨྲས་པ། ལྷ། རྨི་ལམ་ངན་པ་ཞིག་གཟིགས་པས་གཞི་འདིས་ལྷ་རྒྱལ་སྲིད་ལས་ཉམས་པའམ། སྐུ་ཚེའི་བར་ཆད་འབྱུང་བའམ། གཅིག་ཏུ་འགྱུར་རོ། །རྒྱལ་པོས་སྨྲས་པ། འདི་ལ་ཅི་ཞིག་བྱ། དེས་སྨྲས་པ། ལྷ། བ་ལང་གི་མཆོད་སྦྱིན་སྩལ་བར་བགྱིའོ། །རྒྱལ་པོས་སྨྲས་པ། དེ་ལྟར་བྱའོ། །དེས་བ་ལང་སྟོང་ཕྲག་དུ་མ་དག་བསྲེགས་པ་དང ། རྒྱལ་པོ་ཕྱིར་བྱུང་ནས་རྒྱལ་པོས་བ་ལང་དེ་དག་མཐོང་བ་དང ། བ་ལང་དེ་དག་བ་ལང་གི་འབུ་སྒྲ་ཆེན་པོ་བྱུང ། རྒྱལ་པོས་དེ་དག་མཐོང་ཞིང་ཐོས་ནས་དེ་སྙིང་རྗེ་སྐྱེས་ཏེ། དེས་མདུན་ན་འདོན་ལ་སྨྲས་པ། འདི་དག་ཐམས་ཅད་གསད་པར་བྱའམ། མདུན་ན་འདོན་གྱིས་བསམ་པ། རྒྱལ་པོ། འདི་དག་ཐམས་ཅད་གསད་པར་མི་འདོད་དོ། །སྙམ་ནས་དེས་སྨྲས་པ། ལྷ། ཐམས་ཅད་འགུམ་པར་མི་བགྱིའོ། །དེའི་ཚེ་རྔ་བྲན་ཞིག་རྔ་བྲན་མོ་ཞིག་ལ་རྒྱབ་རྒལ་བྱེད་ནས་མདུན་ན་འདོན་གྱིས་སྨྲས་པ། ལྷ། རྔ་བྲན་དང ། རྔ་བྲན་མོ་འདི་གཉིས་དགུམ་པར་བགྱིའོ། །བྲམ་ཟེའི་ཁྱེའུ་དེ་དག་གིས་ཀྱང་ལག་པ་བརྐྱང་སྟེ་འདི་གཉིས་ལགས་སོ། །ཞེས་བསྟན་ནས། དེ་གཉིས་བཤས་པ་ན་སེམས་པ་གཡོས་པ། བདག་ཅག་གཉིས་སྡང་བ་མེད་པ་དང།་གནོད་པ་མ་བྱས་བཞིན་དུ་བསད་པ་གང་ཡིན་པ་དེ་ཐམས་ཅད་ནི། མདུན་ན་འདོན་འདི་དང ། བྲམ་ཟེའི་བུ་ལྔ་བརྒྱ་པོ་འདི་དག་གི་ལེ་ལན་ཡིན་གྱི། བདག་ཅག་གཉིས་གང་དུ་གང་དུ་སྐྱེས་པ་
Nya97b
ན་བདག་ཅག་གཉིས་ཀྱིས་མདུན་ན་འདོན་འདི། སྡང་བ་མེད་པ་དང ། གནོད་པ་མ་བྱས་བཞིན་དུ་གསོད་པ་དང ། བྲམ་ཟེའི་ཁྱེའུ་ལྔ་བརྒྱ་པོ་འདི་དག་ཀྱང་ལག་པ་དང ། རྐང་པ་དག་གཅོད་དུ་འཇུག་པར་གྱུར་ཅིག་།སྙམ་དུ་དམ་བཅས་སོ། །དགེ་སློང་དག་།དེའི་ཚེ་དེའི་དུས་ན་རྒྱལ་པོ་ཚངས་སྦྱིན་གང་ཡིན་པ་དེ་ནི། ད་ལྟར་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡིན་ནོ། །དེའི་ཚེ་དེའི་དུས་ན་རྒྱལ་པོ་ཚངས་བྱིན་གྱི་བཙུན་མོ་གང་ཡིན་པ་དེ་ནི། ད་ལྟར་བཙུན་མོ་ཕྲེང་ལྡན་མ་ཡིན་ནོ། །དེའི་ཚེ་དེའི་དུས་ན་མདུན་ན་འདོན་གང་ཡིན་པ་དེ་ནི། ད་ལྟར་དགེ་སློང་འཆར་ཀ་ཡིན་ནོ། །དེའི་ཚེ་དེའི་དུས་ན་བྲམ་ཟེའི་ཁྱེའུ་ལྔ་བརྒྱ་པོ་གང་དག་ཡིན་པ་དེ་དག་ནི། ད་ལྟར་གཡོན་ཅན་ལྔ་བརྒྱ་པོ་འདི་དག་ཡིན་ནོ། །དེའི་ཚེ་དེའི་དུས་ན་རྔ་བྲན་གང་ཡིན་པ་དེ་ནི། ད་ལྟར་ཆོམ་རྐུན་པའི་དམག་དཔོན་ཡིན་ནོ། །དེའི་ཚེ་དེའི་དུས་ན་རྔ་བྲན་མོ་གང་ཡིན་པ་དེ་ནི། ད་ལྟར་བྲམ་ཟེའི་བུ་མོ་ཡིན་ཏེ། མདུན་ན་འདོན་དེ་དང ། བྲམ་ཟེའི་ཁྱེའུ་ལྔ་བརྒྱ་པོ་དག་གིས། རྔ་བྲན་དང ། རྔ་བྲན་མོ་དེ་གཉིས་སྡང་བ་མེད་པ་དང ། གནོད་པ་མ་བྱས་བཞིན་དུ་གསོད་དུ་བཅུག་པའི་ལས་དེའི་རྣམ་པར་སྨིན་པས། ད་ལྟར་ཡང་ཆོམ་རྐུན་པའི་དམག་དཔོན་འདི་དང ། བྲམ་ཟེའི་བུ་མོ་འདི་གཉིས་ཀྱིས་འཆར་ཀ་དང ། གཡོན་ཅན་ལྔ་བརྒྱ་པོ་དག་སྡང་བ་མེད་པ་དང ། གནོད་པ་མ་བྱས་བཞིན་དུ་གསོད་དུ་བཅུག་གོ་།བཙུན་པ། ཚེ་དང་ལྡན་པ་འཆར་ཀས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། ཕྱུག་པ། ནོར་མང་བ། ལོངས་
Nya98a
༄#། །སྤྱོད་ཆེ་བའི་ཁྱིམ་དུ་སྐྱེས། ལས་ཅི་ཞིག་བགྱིས་ན། དེས་བཅོམ་ལྡན་འདས་ཀྱི་སྤྱན་སྔར་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བགྱིས། ལས་ཅི་ཞིག་བགྱིས་ན། དེས་དགྲ་བཅོམ་པ་ཉིད་ཐོབ་ཀྱང་མཚོན་གྱིས་ཡོངས་སུ་མྱ་ངན་ལས་འདས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།རིགས་ཀྱི་བུ་འཆར་ཀ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། འཆར་ཀ་ཉིད་ཀྱི་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ། འདས་པའི་དུས་ན་སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ།
Nya98b
བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཇི་ཙམ་ན་རི་བྲག་ཅིག་ན་རྔོན་པ་ཞིག་འདུག་སྟེ། རི་བྲག་དེ་དང་ཧ་ཅང་མི་རིང་བ་ཞིག་ན་རི་དྭགས་དང་བྱ་མང་པོ་དག་གི་རྟེན་དུ་གྱུར་པ། མཚེའུ་ཞིག་ཡོད་པ་དེར་རྔོན་པ་དེ་ཉི་མ་རེ་རེ་ཞིང་རི་དྭགས་དང ། བྱ་མང་པོ་དག་དྲུངས་དབྱུང་བའི་ཕྱིར་དང ། ཉམས་པར་བྱ་བའི་ཕྱིར་དང ། ཚུལ་མ་ཡིན་པས་སྡུག་བསྔལ་བར་བྱ་བའི་ཕྱིར་རྔོན་སྤྱད་དང ། རྙི་དང ། རྙོང་མང་པོ་དག་འཛུགས་པར་བྱེད་དོ། །དེའི་རྔོན་སྤྱད་དང ། རྙི་དང ། རྙོང་དེ་དག་ཀྱང་དོན་ཡོད་པ་ཡིན་ནོ། །ཇི་ཙམ་དུས་གཞན་ཞིག་ན་རང་སངས་རྒྱས་ཤིག་ལྗོངས་རྒྱུ་ཞིང་སོང་བ་ན་རི་བྲག་དེར་ཕྱིན་ནས་ལྷའི་གནས་ཤིག་ཏུ་མཚན་མོ་གནས་པར་ཁས་བླངས་ནས་དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རི་བྲག་དེར་བསོད་སྙོམས་ལ་ཞུགས་སོ། །དེར་བསོད་སྙོམས་རྒྱུས་ནས་བསམ་པ། ལྷའི་གནས་འདི་ཉིན་མོ་རྒྱུན་ལུགས་མང་བ་ཡིན་གྱི། རི་བྲག་གི་ཕྱི་རོལ་གྱི་གནས་ཞི་བ་ཞིག་ཏུ་བསོད་སྙོམས་བཟའོ། །སྙམ་ནས། དེ་རི་བྲག་ནས་བྱུང་སྟེ།་འདི་ནི། ཞི་བའོ། །འདི་ནི། ཞི་བའོ། །ཞེས་མཚེའུ་དེ་ག་ལ་བ་དེར་སོང་སྟེ་ཕྱིན་ནས་ལྷུང་བཟེད་དང་ཆུ་ཚགས་མཐའ་གཅིག་ཏུ་བཞག་སྟེ་རྐང་པ་གཉིས་བཀྲུས་ནས་ལག་པ་གཉིས་བསྙལ་ཏེ་ཚུ་བཙགས་ནས་ལོ་མ་ལྷགས་པ་དག་བླངས་ཏེ་འདུག་ནས་ཟས་ཀྱི་བྱ་བ་བྱས་ཏེ། ལག་པ་གཉིས་བསྙལ་ནས་ཁ་བཀྲུས་ཏེ་ལྷུང་བཟེད་དང་ཆུ་ཚགས་གནས་ཇི་ལྟ་བ་བཞིན་དུ་བཞག་ནས་རྐང་པ་གཉིས་བཀྲུས་ཏེ་ཤིང་
Nya99a
༄#། །དྲུང་ཞིག་ཏུ་བརྟེན་ནས་བྲང་འགྲོའི་རྒྱལ་པོ་ཉལ་བའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས་ཏེ་སྤྱོད་ལམ་ཞི་བར་འདུག་པ་དང ། དེའི་ཉིན་མོ་མིའི་དྲིས་རི་དྭགས་གཅིག་ཀྱང་མ་ཟིན་ཏོ། །དེ་ནས་རྔོན་པ་དེ་ནང་པར་སྔར་ལངས་ཏེ་མཚེའུ་དེ་ག་ལ་བ་དེར་སོང་ནས་དེས་རྔོན་སྤྱད་དང ། རྙི་དང ། རྙོང་དེ་དག་བྱུལ་བར་བརྩམས་པ་དང ། རི་དྭགས་གཅིག་ཀྱང་མ་མཐོང་ནས་དེ་འདི་སྙམ་དུ་སེམས་ཏེ། བདག་གི་རྔོན་སྤྱད་དང ། རྙི་དང ། རྙོང་འདི་དག་དོན་ཡོད་པ་ཡིན་ན། གང་གི་ཕྱིར་དེར་རི་དྭགས་གཅིག་ཀྱང་མ་ཟིན་པ་འདིའི་རྒྱུ་གང་ཡིན་སྙམ་ནས། དེས་མཚེའུ་དེའི་ཐན་ཀོར་བྱུལ་བར་བརྩམས་པ་དང ། མིའི་རྗེས་མཐོང་ནས་དེ་རྗེས་དེའི་ཕྱི་བཞིན་དུ་སོང་བ་དང ། རང་སངས་རྒྱས་སྤྱོད་ལམ་ཞི་བས་འདུག་པ་དེ་མཐོང་ནས་དེས་བསམ་པ། རབ་ཏུ་བྱུང་བ་སེམས་ཞི་བ་འདི་དག་གནས་འདི་ལྟ་བུ་དག་ཏུ་མངོན་པར་དགའ་བར་བྱེད་པས། གལ་ཏེ་བདག་གིས་འདིའི་སྲོག་གཅད་པར་མ་བྱས་ན། འདི་དག་གིས་ངེས་པར་བདག་གི་འཚོ་བ་གཅོད་པར་བྱེད་ཀྱི། རྣམ་པ་ཐམས་ཅད་དུ་འདི་གསད་པར་བྱའོ། །སྙམ་ནས་སྙིང་རྗེ་མེད་པའི་སེམས་དང་ལྡན་པ། འཇིག་རྟེན་ཕ་རོལ་བཏང་བ་དེས། མདའ་དུག་ཅན་གྱིས་གཞུ་རྔའི་དབྱིབས་འདྲ་བར་རྣ་དྲུང་དུ་ཐུག་པར་བཀང་སྟེ་རང་སངས་རྒྱས་དེའི་གནད་དུ་བསྣུན་ཏོ། །རང་སངས་རྒྱས་བདག་ཉིད་ཆེན་པོ་དེས་བསམ་པ། རྔོན་པ་ཉོན་མོངས་པ་འདི། ཧ་ཅང་རྨས་པ་དང ། ཉམས་པར་གྱུར་ན་མི་རུང་གི་།ད་འདི་
Nya99b
ལ་ལག་ནས་དྲང་བ་སྦྱིན་ནོ། །སྙམ་ནས། དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི། རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། རྔོན་པ་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་གི་སུག་པ་ནས་དྲང་བ་སྩལ་དུ་གསོལ། རང་སངས་རྒྱས་དེ་རྔོན་པ་དེ་ལ་རྗེས་སུ་སྙིང་བརྩེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །དེ་ནས་རྔོན་པ་དེས་ཟུག་རྔུ་མེད་པར་བྱས་ཏེ་རྨ་ལྷན་གྱིས་གླན་ནས་སྨྲས་པ། འཕགས་པ་སྡུམ་པར་གཤེགས་སུ་གསོལ། གལ་ཏེ་འདིར་གསེར་གྱི་ལྷན་པས་གླན་པར་མཛད་ན། དེ་ཡང་བདག་གིས་སྦྱར་བར་བགྱིའོ། །རང་སངས་རྒྱས་ཀྱིས་བསམ་པ། བདག་གི་རྣག་གི་ལུས་འདིས་ཐོབ་པར་བྱ་བ་གང་ཡིན་པ་ཐོབ་ཟིན་པས། དེའི་ཕྱིར་ད་ནི། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཇུག་པར་བྱའོ། །སྙམ་ནས། དེ་རྔོན་པ་དེ་ཉིད་ཀྱི་མདུན་དུ་ཡང་ནམ་མཁའི་དཀྱིལ་དུ་འཕགས་ཏེ། ཆོ་འཕྲུལ་རྣམ་པ་སྣ་ཚོགས་དག་རྣམ་པར་བསྟན་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདས་སོ། །རྔོན་པ་དེ། ནོར་དང་ལྡན་པ་ཡིན་པས་དེས་སྤོས་ཀྱི་ཤིང་ཐམས་ཅད་ཀྱིས་ཕུང་
Nya100a
༄#། །པོར་བཅེར་ཏེ་བསྲེགས་ནས་ཕུང་པོ་དེ་འོ་མས་ཞི་བར་བྱས་ཏེ། རུས་པ་དེ་དག་གསེར་གྱི་བུམ་པར་བཅུག་ནས། ལམ་པོ་ཆེའི་བཞི་མདོར་ལུས་ཀྱི་མཆོད་རྟེན་རྩིག་ཏུ་བཅུག་སྟེ། གདུགས་དང ། རྒྱལ་མཚན་དང ། བ་དན་དག་བསྒྲེང་ཞིང ། དྲི་དང ། ཕྲེང་བ་རྒྱུ་དང ། བདུག་སྤོས་དང ། ཕྱེ་མ་དང ། སིལ་སྙན་དག་གིས་མཆོད་པ་བྱས་ནས་རྐང་པ་གཉིས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས། བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མ་གྱུར་པར་མཆོད་པར་བྱས་པ་གང་ཡིན་པའི་དགེ་བའི་རྩ་བ་འདིས། བདག་ཕྱུག་པ། ནོར་མང་བ། ལོངས་སྤྱོད་ཆེ་བའི་ཁྱིམ་དུ་སྐྱེ་བར་གྱུར་ཅིག་།ཅེས་གདབ་བོ། །དགེ་སློང་དག་།དེ་ལ་དེའི་ཚེ་དེའི་དུས་ན་རྔོན་པ་གང་ཡིན་པ་དེ་ནི། འཆར་ཀ་འདི་ཡིན་ཏེ།་དེས་རང་སངས་རྒྱས་ཀྱི་གནད་དུ་མདའ་དུག་ཅན་གྱི་བསྣུན་པ་གང་ཡིན་པའི་ལས་དེའི་རྣམ་པར་སྨིན་པས། བསྐལ་པར་སེམས་ཅན་དམྱལ་བ་ཆེན་པོ་མནར་མེད་པར་གདུངས་ནས་ལས་དེ་ཉིད་ཀྱི་ལྷག་མས་ཚེ་རབས་ལྔ་བརྒྱར་མཚེའུ་འགྲམ་དེ་ཉིད་དུ་རི་དྭགས་སུ་སྐྱེས་ཤིང་མཚོན་གྱིས་དུས་ལ་བབ་སྟེ། ད་ལྟར་གྱི་བར་དུ་ཡང་དགྲ་བཅོམ་པ་ཐོབ་ཀྱང་དེ་མཚོན་གྱིས་ཡོངས་སུ་མྱ་ངན་ལས་འདས་སོ། །མཆོད་པ་བྱས་ནས་སྨོན་ལམ་བཏབ་པ་གང་ཡིན་པ་དེས་ནི། ད་ལྟར་ཕྱུག་པ། ནོར་མང་བ། ལོངས་སྤྱོད་ཆེ་བའི་ཁྱིམ་དུ་སྐྱེས་སོ། །བཙུན་པ། ཚེ་དང་ལྡན་པ་འཆར་ཀས་
Nya100b
ལས་ཅི་བགྱིས་ན། ལས་དེའི་རྣམ་པར་སྨིན་པས་འདིའི་དུས་ལ་བབ་པའི་ལུས་ཕྱག་དར་གྱི་ཕུང་པོར་སྦས་པ་དང ། འདིས་སྟོན་པ་མཉེས་པར་བགྱིས་ཤིང་ཐུགས་བྱུང་བར་མ་བགྱིས་པ་དང ། འདི་དུས་ལ་བབ་པའི་ལུས་ལ་སྟོན་པ་ཉན་ཐོས་ཀྱི་དགེ་འདུན་དང་བཅས་པ་དང ། རྒྱལ་པོ་བཙུན་མོའི་འཁོར་དང་བཅས་པས་ལུས་ཀྱི་མཆོད་པ་བགྱིས་པ་དེ་ལྟ་བུའི་ཡོན་ཏན་གྱི་ཚོགས་ཐོབ་པར་གྱུར། དགེ་སློང་དག་།འཆར་ཀ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། འཆར་ཀ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པ་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ། འདས་པའི་དུས་ན་སངས་རྒྱས་རྣམས་འབྱུང་བ་མེད་པའི་ཚེ། རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་
Nya101a
༄#། །པ་དག་འཇིག་རྟེན་དུ་བྱུང་ངོ ། །གངས་ཀྱི་སུལ་ཞིག་ན་རང་སངས་རྒྱས་ལྔ་བརྒྱ་གནས་ཏེ། དེ་ན་རང་སངས་རྒྱས་གཅིག་ཅིག་ན་བར་གྱུར་ནས་གཞན་དག་གིས་དེ་ལ་སྨྲས་པ། ཁྱོད་བཞུད་ལ་སྨན་པ་ལ་སྨོས་ཏེ་ཆོ་ག་མཛོད་ཅིག་།དེ་རི་བྲག་གཞན་ཞིག་ཏུ་སོང་ནས་མཚན་མོ་རྫ་མཁན་གྱི་ར་བ་ཞིག་ཏུ་གནས་པར་ཁས་བླངས་པ་དང ། དེ་མཚན་མོ་ན་བར་གྱུར་ནས་དུས་ལ་བབ་བོ། །རྫ་མཁན་དེས་དེ་མཐོང་ནས་དེས་བསམ་པ། རབ་ཏུ་བྱུང་བ་འདི། རྫ་མ་སོ་བཏང་བ་དང ། མ་བཏང་བ་དག་གི་ནང་དུ་དུས་ལ་བབ་པས། འཇིག་རྟེན་ནི། གཙང་སྦྲ་འདོད་པ་ཡིན་པས་གལ་ཏེ་སྐྱེ་བོ་དག་གིས་ཚོར་བར་གྱུར་ན། འགའ་ཡང་སྣོད་ཉོ་བར་མི་འགྱུར་རོ། །སྙམ་ནས། དེས་རང་སངས་རྒྱས་དེའི་ལུས་དེ་ཕྱག་དར་གྱི་ཕུང་པོ་ཞིག་ཏུ་སྦས་ཏེ་བཞག་གོ་།རང་སངས་རྒྱས་གཞན་དག་གིས་བསམ་པ།་བདག་ཅག་གི་ཚངས་པ་མཚུངས་པར་སྤྱོད་པར་དེ་གར་སོང་སྙམ་ནས་བལྟས་པ་དང ། ཇི་ཙམ་ན་ཡོངས་སུ་མྱ་ངན་ལས་འདས་པར་མཐོང་ནས་དེ་དག་གིས་དེ་ཉིད་ནས་སྤོས་ཀྱི་ཤིང་དག་སྟེང་གི་ནམ་མཁའ་ལས་ཁྱེར་ཏེ་འོངས་ནས་རྫ་མཁན་གྱི་ར་བར་བབས་པ་དང ། རྫ་མཁན་གྱིས་དེ་དག་མཐོང་ནས་དེས་སྨྲས་པ། འཕགས་པ་དག་།གར་གཤེགས། དེ་དག་གིས་སྨྲས་པ། ཚངས་པ་མཚུངས་པར་སྤྱོད་པ་ལ་མཆོད་པ་བྱེད་དུའོ། །རྫ་མཁན་གྱིས་སྨྲས་པ། འདིས་ཀྱང་ཁྱེད་ཀྱི་ཡོན་ཏན་གྱི་ཚོགས་འདི་ལྟ་བུ་ཐོབ་བམ། དེ་དག་གིས་སྨྲས་པ། ཐོབ་བོ། །རྫ་མཁན་གྱིས་སྨྲས་པ།
Nya101b
བདག་གིས་འདི་ལ་བཀུར་སྟི་མ་ལགས་པ་བགྱིས་པས། ད་བཀུར་སྟི་བགྱི་བའི་བར་དུ་ཡུད་ཙམ་ཞིག་བ་ཞེས་སུ་གསོལ། དེ་སོང་སྟེ་རྒྱལ་པོ་ལ་སྨྲས་པ། ལྷ། བདག་གི་ར་བར་རབ་ཏུ་བྱུང་བ་བརྟུལ་ཞུགས་གྲུབ་པ་ཞིག་དུས་ལ་བབ་ཀྱི། ལྷས་དེ་ལ་བཀུར་སྟི་མཛད་དུ་གསོལ། རྒྱལ་པོ་བཙུན་མོའི་འཁོར་དང་བཅས་པ་ཕྱིར་བྱུང་ནས་དེས་རང་སངས་རྒྱས་ཀྱི་ལུས་དེ་སྤོས་ཀྱི་ཤིང་ཐམས་ཅད་ཀྱི་ཕུང་པོར་བཅེར་ཏེ་བསྲེགས་ནས་ཕུང་པོ་དེ་འོ་མས་ཞི་བར་བྱས་ཏེ་རུས་པ་དེ་དག་གསེར་གྱི་བུམ་པར་བཅུག་ནས་ལམ་པོ་ཆེའི་བཞི་མདོར་ལུས་ཀྱི་མཆོད་རྟེན་རྩིག་ཏུ་བཅུག་སྟེ་གདུགས་དང ། རྒྱལ་མཚན་དང ། བ་དན་བསྒྲེང་ཞིང ། དྲི་དང ། ཕྲེང་བ་རྒྱུ་དང ། བདུག་སྤོས་དང ། ཕྱེ་མ་དང ། སིལ་སྙན་དག་གིས་མཆོད་པར་བྱས་སོ། །རྫ་མཁན་དེས་རྐང་པ་གཉིས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས། བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མ་གྱུར་པར་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས། བདག་འདི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང ། ཐུགས་བྱུང་བར་བྱེད་པར་མི་འགྱུར་བ་དང ། བདག་དུས་ལ་བབ་པའི་ལུས་ལ་ཡང་སྟོན་པ་ཉན་ཐོས་ཀྱི་དགེ་འདུན་དང་བཅས་པ་དང ། རྒྱལ་པོ་བཙུན་མོའི་འཁོར་དང་བཅས་པ་མཆོད་པ་མཛད་པར་གྱུར་ཅིག་།ཅེས་བཏབ་བོ། །དགེ་སློང་དག་།དེའི་ཚེ་དེའི་དུས་ན་རྫ་མཁན་གང་ཡིན་པ་དེ་ནི། ད་ལྟར་དགེ་སློང་འཆར་ཀ་འདི་
Nya102a
༄#། །ཡིན་ཏེ། འདིས་དེའི་ཚེ་རང་སངས་རྒྱས་དེ་དུས་ལ་བབ་པའི་ལུས་ཕྱག་དར་གྱི་ཕུང་པོར་སྦས་པའི་ལས་དེའི་རྣམ་པར་སྨིན་པས་ནི། ད་ལྟར་འདི་དུས་ལ་བབ་པའི་ལུས་ཕྱག་དར་གྱི་ཕུང་པོར་སྦས་སོ། །འདིས་དེའི་ཚེ་རང་སངས་རྒྱས་ཀྱི་ལུས་དེ་ལ་མཆོད་པ་བྱས་ཏེ་སྨོན་ལམ་དེ་སྐད་བཏབ་པའི་ལས་དེའི་རྣམ་པར་སྨིན་པས་ནི། ད་ལྟར་འདིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཤིང ། ཐུགས་བྱུང་བར་མ་བྱས་ཏེ། འདི་དུས་ལ་བབ་པའི་ལུས་ལ་སྟོན་པ་ཉན་ཐོས་ཀྱི་དགེ་འདུན་དང་བཅས་པ་དང ། རྒྱལ་པོ་བཙུན་མོའི་འཁོར་དང་བཅས་པས་ལུས་ཀྱི་མཆོད་པ་བྱས་པར་གྱུར་ཏོ། །བཙུན་པ། ཚེ་དང་ལྡན་པ་འཆར་ཀས་ལས་ཅི་བགྱིས་ན། ལས་དེའི་རྣམ་པར་སྨིན་པས་བཅོམ་ལྡན་འདས་ཀྱིས་ཁྱིམ་པ་དད་པར་བགྱིད་པ་རྣམས་ཀྱི་མཆོག་ཏུ་བསྟན། དེ་ནི། སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན། དགེ་སློང་དག་།སྔོན་བྱུང་བ་འདས་པའི་དུས་ན་བསྐལ་པ་ཆེན་པོ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ།་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་
Nya102b
ན་ཉེ་བར་བརྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས་དགེ་སློང་གང་གིས་དེ་རབ་ཏུ་ཕྱུང་བའི་དགེ་སློང་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཁྱིམ་པ་དད་པར་བྱེད་པ་རྣམས་ཀྱི་མཆོག་ཏུ་བསྟན་ཏོ། །དེ་ན་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་ནས་དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས། བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ཀྱང་ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་རྒུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱེད་ཅིང ། ཇི་ལྟར་མཁན་
Nya103a
༄#། །པོ་འདི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཁྱིམ་པ་དད་པར་བྱེད་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་ལྡན་འདས་ཤཱཀྱ་ཐུབ་པ། ཤཱཀྱ་སེངྒེ། ཤཱཀྱའི་རྒྱལ་པོའི་གཙོ་བོ་དེས་ཁྱིམ་པ་དད་པར་བྱེད་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་།ཅེས་བཏབ་པར་བརྩམས་པས། སྨོན་ལམ་དེའི་དབང་གིས་དེ་ལྟར་དེ་བཞིན་གཤེགས་པས་ཁྱིམ་པ་དད་པར་བྱེད་པ་རྣམས་ཀྱི་མཆོག་ཏུ་བསྟན་ཏོ། །དགེ་སློང་དག་།དེ་ལྟར་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་ནག་པ་ཡིན་ལ། གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན་ལ། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག། དེ་ལྟ་བས་ན། ལས་གཅིག་ཏུ་ནག་པ་རྣམས་དང ། འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །དུས་མ་ཡིན་པར་འགྲོ་བའི་ལྟུང་བྱེད་དེ། བརྒྱད་ཅུ་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་རེ་བརྒྱད་པ། སྡོམ་ལ། ཟས་བཅས་སྐྱ་རེངས་ད་གདོད་དང ། །ཁབ་རལ་དང་ནི་ཁྲི་རྐང་དང ། །བདལ་དང་འདིང་དང་གཡན་པ་དང ། །རས་ཆེན་བདེ་གཤེགས་ཆོས་གོས་སོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་
Nya103b
བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་འདུག་པ་དེའི་ཁྱིམ་དུ་ཉེ་དགའ་དུས་དང་དུས་སུ་འགྲོ་ཞིང ། དེས་དེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་གོ་།དུས་གཞན་ཞིག་ན་དེས་དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་དག་གི་བསྔགས་བ་རྒྱ་ཆེར་བརྗོད་པ་དང ། དེས་སྨྲས་པ། འཕགས་པ། བདག་གིས་ཀྱང་རྫས་ལས་བྱུང་བའི་བསོད་ནམས་བྱ་བའི་གཞི་ཅུང་ཟད་བགྱིའོ། །ཉེ་དགས་སྨྲས་པ། ལེགས་ཀྱི། དེ་བཞིན་གྱིས་ཤིག་།ཅི་ཞིག་བྱེད། སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ལོ། །ཁྱིམ་བདག་།ཁྱོད་ཀྱིས་སེམས་རྒྱ་ཆེན་པོ་བསྐྱེད་ཀྱི། གདུགས་ཚོད་གསོལ་ཅིག་།འཕགས་པ། ཁྱོད་ཀྱིས་བདག་གི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་སང་བདག་གི་སྡུམ་པར་གདུགས་ཚོད་ལ་སྤྱན་དྲངས་པའི་རིགས་སོ། །དེས་དང་དུ་བླངས་སོ། །དེ་ནས་ཚེ་དང་ལྡན་པ་ཉེ་དགས་ཁྱིམ་བདག་དེ་ལ། ཨ་རོག་གྱ་ཞེས་བྱས་ཏེ་སོང་ནས་དེ་གཙུག་ལག་ཁང་དུ་སོང་སྟེ། དེས་ཁྱིམ་བདག་དེའི་མིང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཉེ་དགའ། ཁྱིམ་བདག་དེ་མ་དད་པ་ཡིན་ན། ཁྱོད་ཀྱིས་ཇི་ལྟར་རྗེས་སུ་འཇུག་པར་བྱས། ཉེ་དགས་སྨྲས་པ། ཚེ་དང་ལྡན་པ་དག་།ཉེ་དགའ་ལ་དེ་ཙམ་ཡང་མི་གནས་སམ། རྗེས་སུ་འཇུག་པར་བྱས་པ་འབའ་ཞིག་ཏུ་
Nya104a
༄#། །མ་ཟད་ཀྱི། སྐྱབས་སུ་འགྲོ་བ་དང ། བསླབ་པའི་གཞི་དག་ལ་ཡང་བཞག་གོ་།དགེ་སློང་རྣམས་ཀྱིས་སྨྲས་པ། ལེགས་པར་བྱས་ཀྱི། འདོང་ལ་བཟའ་བར་བྱའོ། །ཆོས་ཉིད་ཀྱིས་ན། གང་གི་ངོར་དགེ་སློང་གི་དགེ་འདུན་སྤྱན་དྲངས་པ་དེ་དུས་སྔར་འགྲོ་བ་ཡིན་པས། ཚེ་དང་ལྡན་པ་ཉེ་དགའ་དུས་དེར་སོང་ནས་དེས་ཁྱིམ་བདག་དེ་ལ་སྨྲས་པ། ཁྱིམ་བདག་།ཁོ་བོ་ཁྱིམ་དུ་འགྲོ་བའི་ཁྱིམ་དག་ལྟ་བའི་བར་དུ་ཁྱོད་རེ་ཞིག་ཞལ་ཟས་སྟ་གོན་གྱིས་ཤིག་།ཁོ་བོས་མ་འོངས་ཀྱི་བར་དུ་ཡང་ཁྱོད་ཀྱི་རེ་ཞིག་བྲིམ་པར་མི་བྱའོ། །ཞེས་སྨྲས་ཏེ་སོང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ་ཁྱིམ་བདག་དེ་རྒྱུས་མི་ཤེས་པ་ཡིན་པས། དེས་སྤྱན་འདྲེན་གཏོང་བར་མི་བྱེད་ཀྱི། དུས་སྔར་ཤིག་ཅིག་དང ། འདོང་ངོ ། །ཞེས་སྒོག་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ་བསྒོ་བ་དང ། དགེ་སློང་རྣམས་ཆས་ཏེ་ལྷགས་སོ། །དེ་ནས་བཅོམ་ལྡན་འདས་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱི་མདུན་དུ་བདར་ནས་ཁྱིམ་བདག་དེའི་ཁྱིམ་ག་ལ་བ་དེར་གཤེགས་ཏེ་སྒོ་དྲུང་ན་གཞེས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་ཁྱིམ་བདག་དེ་ལ་སངས་རྒྱས་ལ་སོགས་པ་དགེ་སློང་གི་དགེ་འདུན་སྒོ་དྲུང་ན་
Nya104b
གཞེས་ཀྱི། ཅི་བདེར་གྱིས་ཤིག་ཅེས་སྒོས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ནང་དུ་སོང་སྟེ། ཁྱིམ་བདག་དེ་ལ་ཁྱིམ་བདག་།སངས་རྒྱས་ལ་སོགས་པ་དགེ་སློང་གི་དགེ་འདུན་སྒོ་དྲུང་ན་གཞེས་ཀྱི། ཅི་བདེར་གྱིས་ཤིག་།ཁྱིམ་བདག་གིས་སྨྲས་པ། འཕགས་པ། བདག་གིས་ཁྱེད་ཅག་གི་ཅི་བདེ་ཅི་ལགས་ནི། མི་འཚལ་གྱི།་འདི་ལྟར་ཁྱེད་ཅག་ཁོ་ནའི་སླད་དུ་གདན་དག་བཤམས་ཀྱི། བཞུགས་སུ་གསོལ། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་གསོལ་པ། བཅོམ་ལྡན་འདས། ཁྱིམ་བདག་དེའི་མཆིད་ནས། བདག་གིས་ཁྱེད་ཅག་གི་ཅི་བདེ་ཅི་ལགས་ནི། མ་འཚལ་གྱི། འདི་ལྟར་ཁྱེད་ཅག་ཁོ་ནའི་སླད་དུ་གདན་བཤམས་ཀྱི། བཞུགས་སུ་གསོལ་ཞེས་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེ་སྐད་ཟེར་ན། ཁྱེད་ཅག་ཁོ་ནའི་ཕྱིར་སྟན་དག་བཤམས་པས་ཅི་བདེ་བྱས་པར་བརྗོད་པར་བྱ་སྟེ། འདུག་པར་བྱ་ཞིང ། འདི་ལ་འགྱོད་པར་མི་བྱའོ། །སངས་རྒྱས་ལ་སོགས་པ་དགེ་སློང་གི་དགེ་འདུན་བཞུགས་པ་དང ། ཇི་ཙམ་ན་གདུགས་ཚོད་ལ་བབ་ཏུ་ཉེ་བས་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་ཁྱིམ་བདག་ལ་གདུགས་ཚོད་བབ་ཏུ་ཉེའི། ཞལ་ཟས་བྲིམས་ཤིག་།ཟས་འདིས་ཁྱོད་ལ་ཅི་ཞིག་བྱ་ཞེས་གྱིས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཁྱིམ་
Nya105a
༄#། །བདག་ལ་བསྒོ་བ་དང ། དེས་སྨྲས་པ། འཕགས་པ་ཉེ་དགའ་མཆིས་སམ། ཚེ་དང་ལྡན་པ་ཀུན་དགའ་བོས་སྨྲས་པ། ཁྱིམ་བདག་།མ་འོངས་སོ། །དེས་སྨྲས་པ། འཕགས་པ།་དེ་མཆིའི་བར་དུ་ཡུད་ཙམ་ཞིག་གཞེས་སུ་གསོལ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་གསོལ་པ། བཅོམ་ལྡན་འདས། ཁྱིམ་བདག་དེའི་མཆིད་ནས་ཉེ་དགའ་མཆིས་སམ་ཞེས་མཆི་ནས། བདག་གིས་མ་མཆིས་སོ། །ཞེས་བགྱིས་པ་དང ། དེའི་མཆིད་ནས་དེ་མཆིའི་བར་དུ་ཡུད་ཙམ་ཞིག་གཞེས་སུ་གསོལ་ཞེས་མཆིའོ། །བཅོམ་ལྡན་འདས་ཀྱིས་ཡུད་ཙམ་ཞིག་གཞེས་ནས་ཡང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་ཁྱིམ་བདག་ལ་གདུགས་ཚོད་ལ་བབ་ཀྱི། ཞལ་ཟས་བྲིམས་ཤིག་།ཟས་རུལ་བར་གྱུར་པ་འདིས་ཁྱོད་ལ་ཅི་ཞིག་བྱ་ཞེས་གྱིས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཁྱིམ་བདག་ལ་བསྒོ་བ་དང ། དེས་སྨྲས་པ། འཕགས་པ་ཉེ་དགའ་མཆིས་སམ། ཚེ་དང་ལྡན་པ་ཀུན་དགའ་བོས་སྨྲས་པ། ཁྱིམ་བདག་།མ་འོངས་སོ། །དེས་སྨྲས་པ། འཕགས་པ། དེ་མཆིའི་བར་དུ་ཡུད་ཙམ་ཞིག་གཞེས་སུ་གསོལ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་གསོལ་བ། བཅོམ་ལྡན་འདས། ཁྱིམ་བདག་དེའི་མཆིད་ནས་ཉེ་དགའ་མཆིས་སམ་ཞེས་མཆི་ནས། བདག་གིས་མ་མཆིས་སོ། །ཞེས་བགྱིས་པ་དང ། དེ་མཆིད་
Nya105b
ནས་དེ་མཆིའི་བར་དུ་ཡུད་ཙམ་ཞིག་གཞེས་སུ་གསོལ་ཞེས་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། སོང་ལ་ཁྱིམ་བདག་ལ་ཉེ་དགའ་འོངས་པར་མ་གྱུར་ན། ཟན་སྦྱིན་པར་མི་བྱེད་དམ་ཞེས་གྱིས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་ཁྱིམ་བདག་ལ་དེ་སྐད་སྨྲས་པ་དང ། དེས་སྨྲས་པ། འཕགས་པ།་མི་གསོལ་ལོ། །བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་གསོལ་པ། བཅོམ་ལྡན་འདས། མི་གསོལ་ལོ། །ཞེས་མཆིའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་བཀའ་སྩལ་པ། གཞན་དབང་ཐམས་ཅད་སྡུག་བསྔལ་ཏེ། །བདག་དབང་ཐམས་ཅད་བདེ་བ་ཡིན། །ཐུན་མོང་དག་གིས་གནོད་བྱེད་དེ། །འབྲེལ་པ་ཤིན་ཏུ་འདའ་བར་དཀའ། །ཇི་ཙམ་ན་གདུགས་ཚོད་ཀྱི་མཐའ་ལ་བབ་པ་ན། ཉེ་དགའ་འོངས་ནས་དེས་སྨྲས་པ། ཁྱིམ་བདག་།མི་འབྲིམ་པར་ཅིས་སྡོད། དེས་སྨྲས་པ། འཕགས་པ། ཁྱོད་ཀྱི་ཞལ་ནས་ཁོ་བོ་མ་འོངས་ཀྱི་བར་དུ་རེ་ཞིག་བྲིམ་པར་མི་བྱའོ། །ཞེས་བྱུང་ལ། ད་འདི་སྐད་ཅེས་གསུང་ངམ། ཉེ་དགའ་ཤགས་མེད་ནས་ཅང་མི་སྨྲ་བར་འདུག་གོ་།དེ་ནས་ཁྱིམ་བདག་དེས་བྲིམ་པར་བརྩམས་པ་དང ། ཇི་ཙམ་ན་གདུགས་ཚོད་ཡོལ་ནས་དགེ་སློང་ཁ་ཅིག་གིས་ནི། ཟན་ཐོབ་ནས་ཟན་བཅད་པ་བྱས། ཁ་ཅིག་གིས་ནི། ཟན་མ་ཐོབ་པ་ཁོ་ནར་ཟན་བཅད་པ་བྱས་ནས་བཅོམ་ལྡན་འདས་ཀྱིས་ཡོན་བཤད་པ་མཛད་དེ་གཤེགས་སོ། །ཉེ་དགའ་ངོ་ཚ་བར་གྱུར་པའི་
Nya106a
༄#། །སྙིང་གིས་དེ་ཉིད་དུ་འདུག་གོ་།དེའི་ཉིན་མོ་གསོ་སྦྱོང་གི་ཞལ་ཏ་པ་རྒན་པའི་མཐའ་ལོགས་སུ་འདུག་སྟེ། དགེ་སློང་རྣམས་ལ་ཡང་དག་པར་བསྒོ་ཞིང་སྨྲས་པ། བཙུན་པ་ཉེ་དགའ་མ་མཆིས་སམ། འགའ་ཞིག་གིས་དེའི་མདུན་པ་བླངས་སམ། དགེ་སློང་རྣམས་ཀྱིས་སྨྲས་པ། དེ་མ་འོངས་ཏེ། སུས་ཀྱང་དེའི་འདུན་པ་ཡང་མ་བླངས་སོ། །དགེ་སློང་གཞན་དག་གིས་སྨྲས་པ། ཚེ་དང་ལྡན་པ་དག་།ཉེ་དགས་བདག་ཅག་སྔ་དྲོ། ཟང་ཟིང་གི་ཕྱེད་ལ་མཐོ་བཙམས་ལ། ད་ནི། ཆོས་ཀྱི་ཕྱེད་ལ་མཐོ་འཚམ་པར་བྱེད་དོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་ཟས་དང་བཅས་པའི་ཁྱིམ་དུ་མགྲོན་དུ་བོས་ནས་སྔ་དྲོ་དང་ཕྱི་དྲོ་ཁྱིམ་དག་ཏུ་རྒྱུ་བར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་ཟས་དང་བཅས་པའི་ཁྱིམ་དུ་མགྲོན་དུ་བོས་ནས་སྔ་དྲོ་དང ། ཕྱི་དྲོ་ཁྱིམ་བདག་ཏུ་རྒྱུ་བར་བྱེད་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་
Nya106b
སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟས་དང་བཅས་པའི་ཁྱིམ་དུ་མགྲོན་དུ་བོས་ནས་སྔ་དྲོ་དང་ཕྱི་དྲོ་ཁྱིམ་དག་ཏུ་རྒྱུ་ན། ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་དོ། །དགེ་སློང་ནད་ངན་ཅན་དག་འཁོད་པ་དག་གིས་ཡུན་རིང་དུ་འདུག་མི་ནུས་ནས། དགེ་སློང་ནད་གཡོག་རྣམས་ཀྱིས་ནད་པའི་བྱ་བ་ཉམས་པར་བྱེད་ཅིང ། དགེ་སློང་ཞལ་ཏ་བྱེད་པ་དག་གིས་ཀྱང་དགེ་འདུན་གྱི་བྱ་བ་ཉམས་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པ་འདུག་པ་ལ་བསྒོ་པར་བྱའོ། །བཅོམ་ལྡན་འདས་ཀྱིས་ཁྱིམ་པ་འདུག་པ་ལ་བསྒོ་བར་བྱའོ། །ཞེས་བཀའ་སྩལ་ནས་དགེ་སློང་ཞིག་གིས་ཁྱིམ་གཞན་དུ་ལྷུང་བཟེད་དང ། ཆོས་གོས་བཞག་ནས། ཇི་ཙམ་ན་དེར་མེ་ཤོར་ནས་དགེ་སློང་དེས་དེར་འགྲོ་བར་བརྩམས་ཏེ། དེ་ལམ་གྱི་ཕྱེད་དུ་སོན་པ་དང ། བདག་
Nya107a
༄#། །གི་ཁྱིམ་པ་འདུག་པ་ལམ་བསྒོས་སོ། །སྙམ་པའི་དྲན་པ་སྐྱེས་ནས་དེ་ཕྱིར་ལོག་སྟེ་ཇི་སྲིད་དུ་ཁྱིམ་པ་འདུག་པ་ལ་སྒོ་བར་བྱེད་པ་དེ་སྲིད་དུ་དེའི་ལྷུང་བཟེད་དང་ཆོས་གོས་ཚིག་ནས་དེ་དེར་སོང་བ་དང ། ཁྱིམ་བདག་གིས་སྨྲས་པ། འཕགས་པ། ཁྱོད་ཅིའི་སླད་དུ་འཕྱིས་ཏེ་བྱོན། ཁྱོད་ཀྱི་ལྷུང་བཟེད་དང ། ཆོས་གོས་ཚིག་གི་།གལ་ཏེ་ཁྱོད་མྱུར་དུ་བྱོན་པར་གྱུར་ན། ཁྱོད་ཀྱི་ལྷུང་བཟེད་དང ། ཆོས་གོས་ཚིག་པར་མི་འགྱུར་རོ། །ཞེས་ཟེར་ཞིང ། དགེ་སློང་དེ་ཡང་ཕོངས་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དེ་འདྲ་བའི་རྐྱེན་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང ། ཟས་དང་བཅས་པའི་ཁྱིམ་དུ་མགྲོན་དུ་བོས་ནས་སྔ་དྲོ་དང་ཕྱི་དྲོ་ཁྱིམ་དག་ཏུ་རྒྱུ་ཞིང ། ཁྱིམ་པ་འདུག་པ་ལ་མི་སྒོ་ན། དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །
Nya107b
ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་ཉེ་དགའ་འམ་གཞན་ཡང་དེ་ལྟ་བུ་གང་ཡིན་པའོ། །ཟས་དང་བཅས་པའི་ཞེས་བྱ་བ་ནི། མགྲོན་དུ་བོས་པ་དང་བཅས་པའིའོ། །ཁྱིམ་ཞེས་བྱ་བ་ནི། བྲམ་ཟེ་དང ། ཁྱིམ་བདག་གི་ཁྱིམ་དུའོ། །མགྲོན་དུ་བོས་ནས་ཞེས་བྱ་བ་ནི། བསོད་སྙོམས་ཀྱི་ཕྱིར་རོ། །སྔ་དྲོ་ཞེས་བྱ་བ་ནི། སྔ་དྲོ་ཉིད་དེ། ཁྱིམ་གཉིས་ལས་ལྷག་པར་རྒྱུ་ནའོ། །ཕྱི་དྲོ་ཞེས་བྱ་བ་ནི། ཕྱི་དྲོ་ཉིད་དེ། ཁྱིམ་གསུམ་ལས་ལྷག་པར་རྒྱུ་ནའོ། །ཁྱིམ་དག་ཏུ་ཞེས་བྱ་བ་ནི། བྲམ་ཟེ་དང ། ཁྱིམ་བདག་དག་གི་ཁྱིམ་དག་ཏུའོ། །རྒྱུ་ཞིང་ཞེས་བྱ་བ་ནི། འགྲོ་ཞིང་ངོ ། །ཁྱིམ་པ་འདུག་པ་ལ་མི་སྒོ་ན་ཞེས་བྱ་བ་ནི། དེ་ན་ཁྱིམ་པ་གང་འདུག་པ་ལའོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི། དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་ཇི་ཙམ་ཅུང་ཟད་ཟས་དང་བཅས་པའི་ཁྱིམ་དུ་མགྲོན་དུ་བོས་ནས་སྔ་དྲོ་ཁྱིམ་གཉིས་ལས་ལྷག་པར་རྒྱུ་ཞིང ། ཕྱི་དྲོ་ཡང་ཁྱིམ་གསུམ་ལས་ལྷག་པར་རྒྱུ་ན། ཐམས་ཅད་ལྟུང་བྱེད་དུ་འགྱུར་རོ། །དེའི་ངོར་མགྲོན་དུ་བོས་པ་མ་ཡིན་ན། ལྟུང་བ་མེད་དོ། །ལས་དང་པོ་པ་དང ། སྨྱོས་
Nya108a
༄#། །པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གྲོང་རྒྱུ་བའི་ལྟུང་བྱེད་དེ། བརྒྱད་ཅུ་རྩ་གཅིག་པ་རྫོགས་སོ།། །། སྒོ་གཏན་གྱི་བསླབ་པའི་གཞིའི་བར་སྡོམ་ལ། དགའ་བོ་ཉེ་དགའ་ཞག་བདུན་དང ། །བཟང་སྦྱིན་སྡུམ་བྱེད་ཚུལ་ཁྲིམས་དང ། །ནག་པོའི་ཚིགས་བཅད་འཆར་ཀ་དང ། །བཅུ་དང་བསླབ་བཞིའི་རིམ་པ་དང ། །གྲོང་ཁྱེར་གཉིས་དང་གཡུལ་གཞི་དང ། །ལྷ་མོ་འཁར་ཕོར་འཕྱང་བ་དང ། །སྔོ་སངས་རྒྱལ་སྲིད་བོག་ཀ་ན། །མ་ལ་འཁར་བ་བྱིན་པ་དང ། །ལྷམ་གྱི་དབང་ཕྱུག་མཉན་ཡོད་དང ། །སྔོན་གྱི་ཚུལ་དང་ནོར་བཟང་དང ། །དྲང་སྲོང་རྣམས་དང་གཙུག་ལག་ཁང ། །མགུ་བྱེད་དང་ནི་གཟུང་བྱེད་དང ། །སྟོང་ཐུབ་དང་ནི་འབྲོག་གནས་དང ། །ལག་བརྒྱུད་དང་ནི་སྔོ་བསངས་ཅན། །མི་གདུང་རྣམས་སུ་སྐྱེས་པ་དང ། །དཔའ་ཆེན་དང་ནི་སྒུར་མཆོག་དང ། །དཔེ་མེད་མ་དང་ལྕགས་མགར་དང ། །སིངྒ་ལ་དང་ཤར་པ་དང ། །སྙན་སྨྲ་དང་ནི་ཚིག་པ་དང ། །སྒུར་དང་ཐོས་པ་འཛིན་པ་དང ། །དྲན་མེ་དང་ནི་བྲམ་ཟེ་མོ། །མགུ་བྱེད་དཔལ་ལྡན་གྱུར་པ་དང ། །ཤཱ་རིའི་བུ་ནི་བཞུགས་པ་དག་།སྒོ་གཏན་ཡང་དག་བསྡུས་པ་ཡིན། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དགོན་པ་དང ། ཤིང་དྲུང་དང ། ཁྱིམ་གྱིས་སྟོང་པ་དང ། རི་སུལ་དང ། རི་
Nya108b
ཕུག་དང ། རྩཝ་སྤྱིལ་དང ། བླ་གབ་མེད་པ་དང ། ངུར་ཁྲོད་དང ། ནགས་ཁྲོད་དང ། རི་དྲུང་དང ། བས་མཐའི་གནས་མལ་འདི་དག་ཏུ་བསམ་གཏན་གྱིས་ཤིག་།དགེ་སློང་དག་།བག་ཡོད་པར་བསྒྲུབས་ལ་ཕྱིས་འགྱོད་པར་མི་འགྱུར་བར་གྱིས་ཤིག་།འདི་ནི། ངའི་གདམས་ངག་དང ། རྗེས་སུ་བསྟན་པ་ཡིན་ནོ། །བཅོམ་ལྡན་འདས་ཀྱིས་དགེ་སློང་རྣམས་ལ་དེ་སྐད་ཅེས་བཀའ་སྩལ་ནས་དགེ་སློང་རྣམས་དགོན་པ་དང ། ཤིང་དྲུང་དང ། ཁྱིམ་གྱིས་སྟོང་པ་དང ། རི་སུལ་དང ། རི་ཕུག་དང ། རྩཝ་སྤྱིལ་དང ། བླ་གབ་མེད་པ་དང ། དུར་ཁྲོད་དང ། ནགས་ཁྲོད་དང ། རི་དྲུང་དང ། བས་མཐའི་གནས་མལ་དག་ཏུ་ཞུགས་ཏེ།་ཁ་ཅིག་ནི། རི་རབ་ཀྱི་བང་རིམ་ན་བསམ་གཏན་བྱེད། ཁ་ཅིག་ནི། གསེར་གྱི་རི་བདུན་པོ་དག་ལ། ཁ་ཅིག་ནི། མཚོ་ཆེན་པོ་མ་དྲོས་པ་ན། ཁ་ཅིག་ནི། རྫིང་བུ་དལ་གྱིས་འབབ་ན། ཁ་ཅིག་ནི། རྣལ་འབྱོར་པའི་སྐྱེ་བོ་དང་རྗེས་སུ་མཐུན་པའི་གྲོང་དང ། གྲོང་རྡལ་དང ། ཡུལ་དང ། ཡུལ་འཁོར་དང ། རྒྱལ་པོའི་ཕོ་བྲང་གི་ཕྱོགས་དེ་དང་དེ་དག་ན་བསམ་གཏན་བྱེད་དོ། །རིའི་རྒྱལ་པོ་རི་རབ་དཔག་ཚད་བརྒྱད་ཁྲི་ནི། ཆུའི་ནང་དུ་ནུབ། དཔག་ཚད་བརྒྱད་ཁྲི་ནི། ཆུ་ལས་མངོན་པར་འཕགས་ཏེ། དེ་ལ་དཔག་ཚད་འབུམ་དྲུག་ཁྲི་ཡོད་དོ། །རིའི་རྒྱལ་པོ་རི་རབ་ཀྱི་ངོས་རེ་རེ་ལ་དཔག་ཚད་བརྒྱད་ཁྲི་བརྒྱད་ཁྲི་ཡོད་དོ། །དེ་དག་ལ་དཔག་ཚད་སུམ་འབུམ་ཉི་ཁྲི་ཡོད་དོ། །རིའི་རྒྱལ་པོ་རི་རབ་རིན་པོ་ཆེ་སྣ་བཞི་ལས་བྱས་པ། གཟུགས་བཟང་བ། བལྟ་ན་སྡུག་པ། མཛེས་པ་ཡིན་ཏེ། དེར་ཀླུའི་རྒྱལ་པོ་དགའ་བོ་དང ། ཉེ་དགའ་
Nya109a
༄#། །གཉིས་སྐྱེས་ནས་དེ་གཉིས་ཀྱི་ལུས་ཀྱིས་དེ་ལན་གསུམ་དཀྲིས་ཏེ་འཁོད་ཅིང་བསྐལ་པར་གནས་པས་ས་འཛིན་པ། འདབ་ཆགས་ཀྱི་རྒྱལ་པོ་འདབ་བཟང་གིས་དབྱུང་པར་མི་ནུས་པ་ཡིན་ནོ། །དེ་གཉིས་འདི་སྙམ་དུ་སེམས་ཏེ། བདག་ཅག་གཉིས་ཀྱི་བསོད་ནམས་ཀྱིས་གནས་འདི་བྱུང་ངོ ། །སྙམ་ནས་དེ་གཉིས་སེར་སྣས་ཀུན་ནས་དཀྲིས་པས་ཉིན་མོ་ལན་གསུམ་མི་མཐུན་པའི་རླུང་གཏོང་སྟེ། དེས་རི་རབ་ཀྱི་བང་རིམ་ལ་གནས་པའི་རི་དྭགས་དང ། བྱ་མང་པོ་དག་ཚུལ་མ་ཡིན་པས་སྡུག་བསྔལ་བར་གྱུར་ཏོ། །དེ་ན་དགེ་སློང་གང་དག་རི་རབ་ཀྱི་བང་རིམ་ན་བསམ་གཏན་བྱེད་པ་དེ་དག་ཀྱང་མི་མཐུན་པའི་རླུང་དེས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། རྐེ་བ་དང ། ལུས་མ་ཐོབ་པར་གྱུར་ནས་དེ་དག་དབྱར་གྱི་ཟླ་བ་གསུམ་པོ་དག་འདས་ནས་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཉན་ཡོད་དུ་ལྷགས་པ་དང ། དགེ་སློང་རྣམས་ཀྱིས་དེ་དག་མཐོང་ནས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཁྱེད་ཅག་ག་ལས་འདིར་འོངས། ཁྱེད་ཅག་དབྱར་གང་དུ་གནས་པར་ཁས་བླངས། དེ་དག་གིས་སྨྲས་པ། ཚེ་དང་ལྡན་པ་དག་།བདག་ཅག་རི་རབ་ཀྱི་བང་རིམ་ནས་འདིར་འོངས་སོ། །བདག་ཅག་རི་རབ་ཀྱི་བང་རིམ་དུ་དབྱར་གནས་པར་ཁས་བླངས་སོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་།ཁྱེད་ཅག་ཅིའི་ཕྱིར་སྐྱ་བོ་སེང་སེང་པོར་
Nya109b
གྱུར་ཅིང ། རིད་པ་དང ། ཉམ་ཆུང་བ་དང ། རྐེ་པ་དང ། ལུས་མ་ཐོབ་པར་གྱུར། དེ་དག་གིས་སྨྲས་པ། ཚེ་དང་ལྡན་པ་དག་།རི་རབ་ཀྱི་བང་རིམ་དུ་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་སྐྱེས་ནས་དེ་གཉིས་ཀྱི་ལུས་ཀྱིས་དེ་ལན་གསུམ་དཀྲིས་ཏེ་འཁོད་ཅིང་བསྐལ་བར་གནས་པས་ས་འཛིན་པ། འདབ་ཆགས་ཀྱི་རྒྱལ་པོ་འདབ་བཟང་གིས་དབྱུང་བར་མི་ནུས་པ་ཡིན་ནོ། །དེ་གཉིས་འདི་སྙམ་དུ་སེམས་ཏེ། བདག་ཅག་གཉིས་ཀྱི་བསོད་ནམས་ཀྱིས་གནས་འདི་བྱུང་ངོ ། །སྙམ་ནས་དེ་གཉིས་སེར་སྣས་ཀུན་ནས་དཀྲིས་པས་ཉིན་མོ་ལན་གསུམ་མི་མཐུན་པའི་རླུང་གཏོང་སྟེ། དེས་རི་རབ་ཀྱི་བང་རིམ་ལ་གནས་པའི་རི་དྭགས་དང ། བྱ་མང་པོ་དག་ཚུལ་མ་ཡིན་པས་སྡུག་བསྔལ་བར་གྱུར་ཏོ། །བདག་ཅག་ཀྱང་མི་མཐུན་པའི་རླུང་དེས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། རྐེ་པ་དང ། ལུས་མ་ཐོབ་པར་གྱུར་ཏོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་།ཁྱེད་ཀྱིས་དེ་གཉིས་འདུལ་བར་མི་ནུས་སམ། དེ་དག་གིས་སྨྲས་པ། ཚེ་དང་ལྡན་པ་དག་།རེ་ཞིག་དེ་གཉིས་བདག་ཅག་གིས་གདུལ་བ་མ་ཡིན་ནོ། །འོ་ན་སུས་གདུལ་བ་ཡིན། ཉན་ཐོས་ཆེན་པོས་གདུལ་བ་ཡིན་ནོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་དགོངས་པ། དེ་གཉིས་གང་གིས་གདུལ་བ་ཡིན་སྙམ་ན། དགེ་སློང་མོའུ་འགལ་གྱི་བུ་ཆེན་པོས་གདུལ་བ་ཡིན་པར་གཟིགས་ཤིང་མཁྱེན་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་བཀའ་སྩལ་
Nya110a
༄#། །པ། མོའུ་འགལ་གྱི་བུ། རི་རབ་ཀྱི་བང་རིམ་ན་ཀླུའི་རྒྱལ་པོ་དགའ་བོ་དང ། ཉེ་དགའ་བོ་གཉིས་ལ་སོམས་ཤིག་།ཚེ་དང་ལྡན་པ་མོའུ་འགལ་གྱི་བུ་ཆེན་པོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་འདི་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། ཇི་ལྟར་སེམས་མཉམ་པར་བཞག་ན། མཉན་ཡོད་ནས་མི་སྣང་བར་གྱུར་ཅིང ། རི་རབ་ཀྱི་བང་རིམ་དུ་སོན་པར་གྱུར་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་ན་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་གཉིས་ལོག་པར་གྱུར་ནས་དེས་སེ་གོལ་གྱིས་སད་པར་བྱ་བར་བརྩམས་ན། དེ་གཉིས་མ་སད་དོ། །དེས་དེ་གཉིས་ཀྱི་སྟེང་དུ་བཅག་པར་བརྩམས་ན། དེ་ལྟ་ན་ཡང་དེ་གཉིས་མ་སད་དོ། །དེས་དེ་གཉིས་ཀྱི་ལྟོར་ཞུགས་ཏེ། སྤྲིན་ཆེན་པོ་བཞིན་དུ་འབྲུག་བསྒྲག་པར་བརྩམས་ན། དེ་ལྟ་ན་ཡང་དེ་གཉིས་མ་སད་དོ། །དེས་ཀླུ་ཆེན་པོའི་ལུས་ཀྱིས་རིའི་རྒྱལ་པོ་རི་རབ་ལ་ལན་བདུན་དཀྲིས་ཏེ་སྟེང་དུ་གདེངས་ཀ་ཆེན་པོ་བྱས་ཏེ་འདུག་པ་དང ། དེ་གཉིས་ཁུར་ལྕི་བས་མནན་པས་སད་དེ་ཇི་ཙམ་ན་ཀླུ་ཆེན་པོ་ཞིག་གིས་བདག་ཅག་གཉིས་མནན་པར་མཐོང་ནས་དེ་གཉིས་ཀྱིས་བསམ་པ། ཀླུ་རྫུ་འཕྲུལ་ཆེན་པོ་ཞིག་བྱུང་སྟེ་བདག་ཅག་གཉིས་གནས་འདི་ནས་ཉམས་པར་གྱུར་གྱི། བྲོས་ཏེ་འདོང་ངོ ། །སྙམ་དུ་རིག་ནས་སྐྲག་སྟེ་བྲམ་ཟེའི་ཁྱེའུའི་ཁ་དོག་ཏུ་བདག་ཉིད་མངོན་པར་སྤྲུལ་ནས་འབྲོས་པར་བརྩམས་སོ། །དེ་ནས་ཚེ་དང་
Nya110b
ལྡན་པ་མོའུ་འགལ་གྱི་བུ་ཆེན་པོས་རྫུ་འཕྲུལ་མངོན་པར་འདུ་བྱ་བ་དེ་ཕྱིར་བསྡུས་ནས་དེ་གཉིས་ཀྱི་མདུན་དུ་འདུག་སྟེ་སྨྲས་པ། ཀླུའི་དབང་པོ་གཉིས་གར་འདོང ། དེ་གཉིས་ཀྱིས་སྨྲས་པ། ཀླུ་རྫུ་འཕྲུལ་ཆེན་པོ་ཞིག་བྱུང་སྟེ། བདག་ཅག་གཉིས་གནས་འདི་ནས་ཉམས་པར་གྱུར་གྱི། འབྲོས་སུ་འགྲོའོ། །དེས་སྨྲས་པ། ཚུར་ཤོག་།ཀླུ་དེ་ཅི་འདྲ་བ་བལྟའོ། །དེ་གཉིས་དེ་དང་ལྷན་ཅིག་ཕྱིར་ལོག་པ་དང ། ཇི་ཙམ་ན་མི་སྣང་ནས་དེ་གཉིས་ཀྱིས་སྨྲས་པ། འཕགས་པས་བདག་ཅག་གཉིས་ལ་ཀུ་རེ་མ་བགྱིས་སམ། དེས་སྨྲས་པ། དེ་ཡིན་ནོ། །འོ་ན། བདག་ཅག་གཉིས་ཀྱིས་ནོངས་པ་ཅི་བགྱིས། རྒ་བའི་ཆོས་ཅན། ཁྱེད་གཉིས་ཀྱིས་སངས་རྒྱས་ཀྱི་ཕོ་ཉ་འོངས་པ་ལ་མ་བསམ་མོ། །འཕགས་པ། ཁྱོད་སངས་རྒྱས་ཀྱི་ཕོ་ཉ་ལགས་སམ། སངས་རྒྱས་ཀྱི་ཕོ་ཉ་ཡིན་ནོ། །འཕགས་པ། གལ་ཏེ་ཁྱོད་སངས་རྒྱས་ཀྱི་ཕོ་ཉ་ལགས་ན། བདག་ཅག་གཉིས་ཀྱིས་ཅི་བགྱི་བ་བཀའ་སྩལ་དུ་གསོལ། ཚུར་ཤོག་།བཅོམ་ལྡན་འདས་ཀྱི་སྤྱན་སྔ་ཁོ་ནར་འདོང་ངོ ། །འཕགས་པ། མ་ནོངས་ཏེ། དེ་བཞིན་བགྱིའི། །བཞུད་དོ། །དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་ཁྲིད་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་མོའུ་འགལ་གྱི་བུ་ཆེན་པོས་འདི་སྐད་ཅེས་གསོལ་ཏོ།
Nya111a
༄#། །བཙུན་པ། བཅོམ་ལྡན་འདས་ཀྱིས་གང་གི་སླད་དུ་བདག་ལ་བཀའ་སྩལ་པའི་ཀླུའི་རྒྱལ་པོ་དགའ་བོ་དང ། ཉེ་དགའ་དེ་གཉིས་ནི། འདི་ལགས་སོ། །དེ་ནས་བཅོམ་ལྡན་འདས་ཀྱིས་ཀླུའི་རྒྱལ་པོ་དགའ་བོ་དང ། ཉེ་དགའ་ལ་འདི་སྐད་ཅེས་བཀའ་སྩལ་ཏོ། །ཀླུའི་དབང་པོ། ཁྱེད་གཉིས་སྔོན་གྱི་ཉེས་པར་སྤྱད་པས་ཀླུའི་སྐྱེ་གནས་ངན་པར་སྐྱེས་ཤིང ། ཁྱེད་གཉིས་ད་ལྟར་དྲག་ཤུལ་ཅན། ལག་པ་ཁྲག་གིས་གོས་པ། ཉམས་པ་དང ། རབ་ཏུ་ཉམས་པ་ལ་ཞེན་པ། གཞན་གྱི་སྲོག་འཕྲོག་པ། གཞན་གྱི་སྲོག་གཅོད་པས་འཚོ་བར་བྱེད་དེ། འདི་ནས་ཤི་འཕོས་ན། ཁྱེད་གཉིས་ཀྱི་འགྲོ་བ་ནི། ཅིར་འགྱུར། སྐྱེ་བ་ནི། ཅིར་འགྱུར། ཚེ་ཕྱི་མ་ནི། ཅིར་འགྱུར། དེ་གཉིས་ཀྱིས་གསོལ་པ། བཅོམ་ལྡན་འདས། བདག་ཅག་གཉིས་ཀྱིས་ཅི་ཞིག་བགྱི་བ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀླུའི་དབང་པོ་གཉིས་ཚུར་ཤོག་།ངའི་དྲུང་དུ་སྐྱབས་སུ་འགྲོ་བ་དང ། བསླབ་པའི་གཞི་དག་ལོངས་ལ། རི་རབ་ཀྱི་བང་རིམ་ལ་གནས་པའི་རི་དྭགས་དང ། བྱ་རྣམས་ལ་མི་འཇིགས་པ་བྱིན་ཅིག་།དེ་གཉིས་ཀྱིས་གསོལ་པ། བཙུན་པ། བདག་ཅག་གཉིས་བཅོམ་ལྡན་འདས་ཀྱི་སྤྱན་སྔར་སྐྱབས་སུ་མཆི་བ་དང ། བསླབ་པའི་གཞི་དག་ལེན་ཅིང ། རི་རབ་ཀྱི་བང་རིམ་ལ་གནས་པའི་རི་དྭགས་དང ། བྱ་རྣམས་ལ་མི་འཇིགས་བ་སྩོལ་ཏོ། །དེ་གཉིས་ཀྱིས་བཅོམ་ལྡན་འདས་ཀྱི་སྤྱན་སྔར་སྐྱབས་སུ་འགྲོ་བ་དང ། བསླབ་
Nya111b
པའི་གཞི་དག་བླངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་ཀྱིས་ལས་ཅི་བགྱིས་ན། དེའི་རྣམ་པར་སྨིན་པས་ཀླུའི་ནང་དུ་སྐྱེས། ལས་ཅི་བགྱིས་ན། དེས་རིན་པོ་ཆེ་སྣ་བཞི་ལས་བགྱིས་པའི་གནས་མངོན་པར་གྲུབ་ཅིང ། ལྷའི་བདུད་རྩིའི་ཟས་དང ། སྦྲང་རྩིའི་ཆང་གི་བཏུང་བ་དང ། རེ་རེ་ལ་ཡང་འཁོར་ཉིས་སྟོང་ལྔ་བརྒྱ་དང་ལྡན་པར་གྱུར། ལས་ཅི་བགྱིས་ན། དེས་ན་བསྐལ་པར་གནས་པས་ས་འཛིན་པ། འདབ་ཆགས་ཀྱི་རྒྱལ་པོ་འདབ་བཟང་གིས་དབྱུང་བར་རྔོ་མི་ཐོགས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག ། འདི་གཉིས་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། འདི་གཉིས་ཀྱིས་ལས་བྱས་ཤིང་བསགས་པ་དག་།གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང །
Nya112a
༄#། །སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་བསྐལ་པ་ཆེན་པོ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་དགེ་སློང་ཉི་ཁྲིས་བསྐོར་ཅིང་གྲོང་ཁྱེར་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །དེའི་ཚེ་ན་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཀྲི་ཀྲི་ཞེས་བྱ་བས། རྒྱལ་སྲིད་འབྱོར་བ་རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་མོ་དང ། འཐབ་པ་དང ། ཕྱི་དགྲ་དང ། ནང་འཁྲུག་རབ་ཏུ་ཞི་བ། ཆོམ་རྐུན་དང ། མུ་གེ་དང་བྲལ་བ། སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ། ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།རྒྱལ་པོ་ཀྲི་ཀྲི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་
Nya112b
རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་དགེ་སློང་ཉི་ཁྲིས་བསྐོར་ཅིང་གྲོང་ཁྱེར་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་ཞེས་ཐོས་སོ། །ཐོས་ནས་ཀྱང་རྒྱལ་པོའི་འབྱོར་པ་ཆེན་པོ་དང ། རྒྱལ་པོའི་མཐུ་ཆེན་པོས་ཡང་དག་པར་རྫོགས་པའི་སངས་རྒྱས་འོད་སྲུང་ག་ལ་བ་དེར་སོང་སྟེ། རྒྱལ་པོ་ཀྲི་ཀྲིས་ཡང་དག་པར་རྫོགས་པའི་སངས་རྒྱས་འོད་སྲུང་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་སྐུ་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་པས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་ཀུན་ཏུ་འགྲོ་བ་ལྟར་བཟང་བ་མཐོང་ངོ ། །མཐོང་མ་ཐག་ཏུ་རྒྱལ་པོ་ཀྲི་ཀྲི། བཅོམ་ལྡན་འདས་འོད་སྲུང་ལ་ཤིན་ཏུ་དད་པ་སྐྱེས་ནས་ཡང་དག་པར་རྫོགས་པའི་སངས་རྒྱས་འོད་སྲུང་ག་ལ་བ་དེར་སོང་སྟེ་ཕྱིན་ནས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།ཡང་དག་པར་རྫོགས་པའི་སངས་རྒྱས་འོད་སྲུང་གིས་རྒྱལ་པོ་ཀྲི་ཀྲིའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་གང་ཐོས་ན། རྒྱལ་པོ་ཀྲི་ཀྲིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་
Nya113a
༄#། །རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པ་མཛད་དོ། །དེས་བདེན་པ་མཐོང་ནས་བཙུན་པ། བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་གོ་།ཞེས་ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་
Nya113b
བརྒལ་བར་གྱུར། །འགྲོ་བར་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བ་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །ཞེས་སྨྲས་ཏེ་སྟན་ལས་ལངས་ནས་ཡང་དག་པར་རྫོགས་པའི་སངས་རྒྱས་འོད་སྲུང་ལ་ལན་གསུམ་བསྐོར་བ་བྱས་ཏེ་ཞབས་གཉིས་ལ་མགོ་བོས་ཕྱག་འཚལ་ནས་སོང་ངོ ། །གང་གི་ཚེ་རྒྱལ་པོ་ཀྲི་ཀྲིས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་བདེན་པ་དག་མཐོང་བ་དེའི་ཚེ་ན། དེ་དོན་གྱི་གནས་སུ་འདུག་སྟེ་བློན་པོ་དང ། གྲོང་ཁྱེར་བ་དང ། ཡུལ་མི་རྣམས་ལ་སྨྲས་པ། ཀཝའི་བློན་པོ་དང ། གྲོང་ཁྱེར་བ་དང ། ཡུལ་མི་དག་ཉོན་ཅིག་།ངས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་བདེན་པ་དག་མཐོང་བས། ད་ངས་ཆོས་དང ། ཆོས་མ་ཡིན་པས་རྒྱལ་སྲིད་བྱེད་དུ་འཇུག་མི་ནུས་ཀྱི། དེའི་ཕྱིར་ཁྱོད་ཀྱིས་གཞོན་ནུ་ལེགས་སྐྱེས་རྒྱལ་སྲིད་ཀྱི་དབང་ཕྱུག་གི་བདག་པོར་ཞོག་ཅིག་།ང་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །དེ་ལ་བློན་པོའི་མཆོག་དགའ་བོ་དང ། ཉེ་དགའ་ཞེས་བྱ་བ་གཉིས་ཤིག་ཡོད་པ་དེ་གཉིས་ཀྱིས་དེའི་རྐང་པ་གཉིས་ལ་གཏུགས་ཏེ་སྨྲས་པ། ལྷས་མཚན་མ་ཙམ་འབའ་ཞིག་མཛོད་ཅིག་དང ། བདག་ཅག་གཉིས་ཀྱིས་ཆོས་ཀྱིས་ལྷའི་རྒྱལ་སྲིད་བགྱིད་དུ་སྩལ་ཏོ། །རྒྱལ་པོས་སྨྲས་པ། གལ་
Nya114a
༄#། །ཏེ་དེ་ལྟ་ན། བྱེད་དུ་ཆུག་ཅིག་།དེ་གཉིས་ཀྱིས་ཇི་སྲིད་པ་དེ་སྲིད་དུ་ཆོས་ཀྱིས་རྒྱལ་སྲིད་བྱེད་དུ་བཅུག་ནས་ཡང་ཆོས་དང ། ཆོས་མ་ཡིན་པས་རྒྱལ་སྲིད་བྱེད་དུ་གཞུག་པར་བརྩམས་པ་དང ། དེ་གཉིས་ཀྱི་ཉེ་དུ་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་བ་དེ་དག་དེ་གཉིས་ཀྱི་གན་དུ་འོངས་ཏེ་སྨྲས་པ། ཚེ་དང་ལྡན་པ་གཉིས། ཆོས་ཀྱིས་རྒྱལ་སྲིད་བྱེད་དུ་ཆུག་ཅིག་།ཆོས་དང ། ཆོས་མ་ཡིན་པས་བྱེད་དུ་མ་གཞུག་ཅིག་།སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག་།དེ་གཉིས་ཀྱིས་དེ་དག་ལས་ཐོས་ནས་ཇི་སྲིད་པ་དེ་སྲིད་དུ་ཆོས་ཀྱི་རྒྱལ་སྲིད་བྱེད་དུ་བཅུག་ནས་ཡང་ཆོས་དང ། ཆོས་མ་ཡིན་པས་རྒྱལ་སྲིད་བྱེད་དུ་གཞུག་པར་བརྩམས་པ་དང ། དེ་དག་ཡང་དེ་གཉིས་ཀྱི་གན་དུ་འོང་སྟེ་སྨྲས་པ། ཚེ་དང་ལྡན་པ་གཉིས། ཆོས་ཀྱིས་རྒྱལ་སྲིད་བྱེད་དུ་ཆུག་ཅིག་།ཆོས་དང ། ཆོས་མ་ཡིན་པས་བྱེད་དུ་མ་གཞུག་ཅིག་།སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག་།དེ་གཉིས་ཀྱིས་སྨྲས་པ། འཕགས་པ་དག་།བདག་ཅག་བློན་པོ་དག་ནི། རྒྱལ་སྲིད་བགྱིད་དུ་སྩོལ་བ། གསང་ཚིག་མཐུན་པས་འཚོ་བ་ལགས་པས། གཅིག་ཏུ་ཆོས་ཀྱི་རྒྱལ་སྲིད་བགྱིད་དུ་སྩོལ་བའི་རྔོ་མི་ཐོགས་ཏེ། ངེས་པ་ཁོ་ནར་ཁྱེད་པར་ཅན་མ་ལགས་པ་དག་ནི། ཆར་གཅད་པར་བགྱི་ཞིང ། ཁྱད་པར་ཅན་དག་ནི། ཡོངས་སུ་བསྐྱང་བར་བགྱི་འཚལ་ལོ། །དེ་དག་གིས་སྨྲས་པ། གལ་ཏེ་དེ་ལྟ་ན། ཡོ་བྱད་ཐམས་ཅད་ཕུན་
Nya114b
སུམ་ཚོགས་པའི་གཙུག་ལག་ཁང་བྱེད་དུ་བཅུག་ལ། ཡང་དག་པར་རྫོགས་པའི་སངས་རྒྱས་འོད་སྲུང་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལ། དགེ་སློང་རྣམས་ལ་ནི། གཞོན་ནུའི་ཡོངས་སུ་སྤངས་པ་བྱིན་ཅིག་།དགེ་སློང་མ་རྣམས་ལ་ནི། བཙུན་མོའི་འཁོར་གྱི་ཡོངས་སུ་སྤངས་པ་བྱིན་ཅིག་དང ། དེས་ཁྱེད་གཉིས་ལ་ཡུན་རིང་པོའི་དོན་དང ། ཕན་པ་དང ། བདེ་བར་འགྱུར་རོ། །དེ་གཉིས་ཀྱིས་སྨྲས་པ། འཕགས་པ་དག་།མ་ནོངས་ཀྱི། དེ་བཞིན་བགྱིའོ། །ཞེས་དེ་གཉིས་ཀྱིས་ཡོ་བྱད་ཐམས་ཅད་ཕུན་སུམ་ཚོགས་པའི་གཙུག་ལག་ཁང་བྱེད་དུ་བཅུག་སྟེ། ཡང་དག་པར་རྫོགས་པའི་སངས་རྒྱས་འོད་སྲུང་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ཞིང ། དགེ་སློང་རྣམས་ལ་ནི། གཞོན་ནུའི་ཡོངས་སུ་སྤངས་པ་བྱིན། དགེ་སློང་མ་རྣམས་ལ་ནི། བཙུན་མོའི་འཁོར་གྱི་ཡོངས་སུ་སྤངས་པ་བྱིན་ནོ། །དགེ་སློང་དག་།དེའི་ཚེ་དེའི་དུས་ན་རྒྱལ་པོ་ཀྲི་ཀྲིའི་བློན་པོའི་མཆོག་དགའ་བོ་དང ། ཉེ་དགའ་ཞེས་བྱ་བ་དེ་གཉིས་ནི། ད་ལྟར་ཀླུའི་རྒྱལ་པོ་དགའ་བོ་དང ། ཉེ་དགའ་འདི་གཉིས་ཡིན་ཏེ། དེ་གཉིས་ཀྱིས་ཆོས་དང ། ཆོས་མ་ཡིན་པས་རྒྱལ་སྲིད་བྱེད་དུ་བཅུག་པ་གང་ཡིན་པ་དེས་ནི། ཀླུ་རྣམས་ཀྱི་ནང་དུ་སྐྱེས་སོ། །ཡོ་བྱད་ཐམས་ཅད་ཕུན་སུམ་ཚོགས་པའི་གཙུག་ལག་ཁང་བྱེད་དུ་བཅུག་སྟེ་ཡང་དག་པར་རྫོགས་པའི་སངས་རྒྱས་འོད་སྲུང་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་བ་གང་ཡིན་པ་དེས་ནི། རིན་པོ་ཆེ་སྣ་བཞི་ལས་བྱས་པའི་གནས་མངོན་པར་གྲུབ་ཅིང །
Nya115a
༄#། །ལྷའི་བདུད་རྩིས་ཟས་དང ། སྦྲང་རྩིའི་ཆང་གི་བཏུང་བ་དང ། རེ་རེ་ལ་ཡང་འཁོར་ཉིས་སྟོང་ལྔ་བརྒྱ་དང་ལྡན་པར་གྱུར་ཏོ། །དགེ་སློང་རྣམས་ལ་གཞོན་ནུའི་ཡོངས་སུ་སྤངས་པ་བྱིན་པ་དང ། དགེ་སློང་མ་རྣམས་ལ་བཙུན་མོའི་འཁོར་གྱི་ཡོངས་སུ་སྤངས་པ་བྱིན་པ་གང་ཡིན་པ་དེས་ནི། བསྐལ་པར་གནས་པས་ས་འཛིན་པ། འདབ་ཆགས་ཀྱི་རྒྱལ་པོ་འདབ་བཟང་གིས་དབྱུང་བར་མི་ནུས་པར་གྱུར་ཏོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན་ལ། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་དང ། འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །གང་གི་ཚེ་བཅོམ་ལྡན་འདས་ཀྱིས་ཀླུའི་རྒྱལ་པོ་དགའ་པོ་དང ། ཉེ་དགའ་གཉིས་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཀོད་པ་དེའི་ཚེ་ན། དེ་གཉིས་ཚེས་བརྒྱད་དང ། ཚེས་བཅུ་བཞི་དང ། ཚེས་བཅོ་ལྔ་ལ་རི་རབ་ཀྱི་བང་རིམ་དུ་འོངས་ནས་བཅོམ་ལྡན་འདས་ལ་བསྙེན་བཀུར་བྱེད་དོ། །དེ་གཉིས་གང་གི་ཚེ་མཚན་མོ་བཅོམ་ལྡན་འདས་ལ་བསྙེན་བཀུར་བྱེད་པ་དེའི་ཚེ་ན་ནི། གཞལ་མེད་
Nya115b
ཁང་པའི་ཆ་ལུགས་ཀྱིས་བསྙེན་བཀུར་བྱེད་ཅིང ། གང་གི་ཚེ་ཉིན་མོ་བཅོམ་ལྡན་འདས་ལ་བསྙེན་བཀུར་བྱེད་པ་དེའི་ཚེ་ན་ནི། ཁྱིམ་བདག་གི་ཆ་ལུགས་ཀྱིས་བསྙེན་བཀུར་བྱེད་དོ། །དུས་གཞན་ཞིག་ན་དེ་གཉིས་ཉིན་མོ་ཁྱིམ་བདག་གི་ཆ་ལུགས་ཀྱིས་བཅོམ་ལྡན་འདས་ཀྱི་སྤྱན་སྔར་སོང་ངོ ། །ཇི་ཙམ་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡང་རྒྱལ་བྱེད་ཀྱི་ཚལ་ག་ལ་བ་དེར་སོང་ངོ ། ། རྒྱལ་རིགས་ནི། མངོན་པའི་ང་རྒྱལ་ཅན་ཡིན་པས། རྒྱལ་པོ་དེ་གང་གི་ཚེ་བཅོམ་ལྡན་འདས་ཀྱི་སྤྱན་སྔར་འགྲོ་བ་དེའི་ཚེ་ན། བདག་བཅོམ་ལྡན་འདས་ཀྱི་སྤྱན་སྔར་སོང་བ་ན་འགའ་ཞིག་བདག་ལ་མངོན་དུ་ལྡང་བར་མི་འགྱུར་བ་མེད་གྲང་སྙམ་ནས་མི་དག་པའི་མཐའ་ཅན་གཏོང་བར་བྱེད་པ་ཡིན་པས། དེ་ནས་ཀོ་ས་ལར་བྱུང་བའི་རྒྱལ་པོ་གསར་རྒྱལ་གྱིས་རྒྱལ་བྱེད་ཀྱི་ཚལ་གྱི་སྒོར་བསྡད་དེ་མི་དག་པའི་མཐའ་ཅན་ཞིག་ལ་སྨྲས་པ། ཀཝའི་ནང་རྗེ་སོང་ལ། བཅོམ་ལྡན་འདས་ལ་སུ་དག་བསྙེན་བཀུར་བྱེད་པ་ལྟོས་ཤིག་།མི་དག་པའི་མཐའ་ཅན་དེས། ལྷ། བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་བཅོམ་ལྡན་འདས་ག་ལ་བ་དེར་སོང་བ་དང ། ཇི་ཙམ་ན་ཁྱིམ་བདག་གཉིས་ཤིག་བཅོམ་ལྡན་འདས་ལ་བསྙེན་བཀུར་བྱེད་པ་མཐོང་ངོ ། །མཐོང་ནས་ཀྱང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་ནས་གོ་ས་ལར་བྱུང་བའི་རྒྱལ་པོ་ལ་འདི་སྐད་ཅེས་སྨྲས་སོ། །ལྷ། ཁྱིམ་བདག་གཉིས་ཤིག་བཅོམ་ལྡན་འདས་ལ་བསྙེན་
Nya116a
༄#། །བཀུར་བགྱིད་དེ། དེ་གཉིས་ལྷའི་ཡུལ་ན་གནས་པ་དག་ལགས་གོར་མ་བཀུམ་མོ། །རྒྱལ་པོས་བསམ་པ། ཁྱིམ་བདག་དེ་གཉིས་བདག་གི་ཡུལ་ན་གནས་པ་ཡིན་པས། དེ་གཉིས་ཀྱིས་བདག་མཐོང་ན། མངོན་དུ་ལྡང་བར་འགྱུར་གྲང་སྙམ་ནས་དེ་བཅོམ་ལྡན་འདས་ག་ལ་བ་དེར་སོང་ངོ ། །ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་དེ་གཉིས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ཅི་ལགས། རེ་ཞིག་དམ་པའི་ཆོས་ལ་བསྙེན་བཀུར་བགྱིའམ། འོན་ཏེ་རྒྱལ་པོ་ལ་བསྙེན་བཀུར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀླུའི་དབང་པོ་གཉིས། རེ་ཞིག་དམ་པའི་ཆོས་ལ་བསྙེན་བཀུར་གྱིས་ཤིག ། སངས་རྒྱས་བཅོམ་ལྡན་འདས་རྣམས་ཀྱིས་དམ་པའི་ཆོས་ལ་གུས་པར་མཛད་དེ། དགྲ་བཅོམ་པ་དག་ཀྱང་ཆོས་བླ་མར་བྱེད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་དག་བཀའ་སྩལ་པ། སངས་རྒྱས་གང་དག་འདས་པ་དང ། །སངས་རྒྱས་གང་དག་མ་བྱོན་དང ། །སངས་རྒྱས་མྱ་ངན་སེལ་མཛད་པ། །ད་ལྟར་མང་པོ་གང་བཞུགས་དག་།ཐམས་ཅད་དམ་པའི་ཆོས་ལ་ནི། །གུས་པར་གནས་གྱུར་གནས་འགྱུར་ཞིང ། །དེ་བཞིན་གུས་པར་གནས་མཛད་དེ། །དེ་ནི་སངས་རྒྱས་ཆོས་ཉིད་ཡིན། །དེ་ཕྱིར་བདག་ལ་ལེགས་འདོད་ཅིང ། །བདག་ཉིད་ཆེན་པོ་མངོན་
Nya116b
འདོད་པས། །སངས་རྒྱས་བསྟན་པ་དྲན་བྱེད་ན། །འདི་ལ་དམ་ཆོས་གུས་པར་བྱ། །དེ་གཉིས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་མངོན་དུ་ལྡང་བ་མ་བྱས་པ་དང ། རྒྱལ་པོ་ཁྲོས་ཏེ་བསམ་པ། ཁྱིམ་བདག་འདི་གཉིས་བདག་གི་ཡུལ་ན་གནས་པ་དག་ཡིན་ན། བདག་ལ་མངོན་དུ་ལྡང་བ་མི་བྱེད་དོ། །སྙམ་ནས་དེ་ཁྲོས་པས་ཀུན་ནས་དཀྲིས་བཞིན་དུ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།བཅོམ་ལྡན་འདས་ཀྱིས་འདི་ཁྲོ་བས་ཀུན་ནས་དཀྲིས་སོ། །སྙམ་ནས་བཀའ་མཆིད་གཞན་དག་མཛད་པར་བརྩམས་ཏེ་ཆོས་སྟོན་པར་མི་མཛད་པ་དང ། དེས་གསོལ་བ། བཅོམ་ལྡན་འདས། ཆོས་བསྟན་དུ་གསོལ། །བདེ་བར་གཤེགས་པ། ཆོས་བསྟན་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚིགས་སུ་བཅད་པ་དག་བཀའ་སྩལ་པ། རབ་ཏུ་དང་སེམས་མེད་པ་དང ། །ཞེ་སྡང་ཅན་དང་འཁྲུགས་པ་ཡིས། །ཡང་དག་རྫོགས་སངས་བསྟན་པ་ཡི། །དམ་ཆོས་ཀུན་ཤེས་བྱ་མི་ནུས། །གང་གིས་ཉེས་རྩོམ་བཏུལ་བྱས་ཤིང ། །རབ་དང་མེད་པའི་སེམས་བསལ་ཏེ། །ཀུན་ནས་མནར་སེམས་འདི་སྤོང་བ། །དེས་ནི་ལེགས་གསུངས་ཤེས་པར་འགྱུར། །རྒྱལ་པོ་རྒྱ་ཆེར་དེ་གཉིས་ལ་ཁྲོས་ཏེ་བསམ་པ། འདི་གཉིས་ལ་བརྟེན་ནས་བཅོམ་ལྡན་འདས་ཀྱིས་ཆོས་མཉན་པ་ཡང་རྒྱུན་བཀུམ་མོ། །སྙམ་དུ་རིག་ནས་སྡོད་ཅིག་ཅེས་བྱས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་
Nya117a
༄#། །ཕྱག་འཚལ་ཏེ་སྟན་ལས་ལངས་ཏེ་སོང་ངོ ། །གང་གི་ཚེ་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་ཉིན་མོ་བཅོམ་ལྡན་འདས་ལ་བསྙེན་བཀུར་བྱེད་པ་དེའི་ཚེ་ན། དེ་གཉིས་ཀྱི་ཞོ་ཤས་འཚོ་བ་དག་གིས་རི་རབ་ཀྱི་བང་རིམ་ནས་མཉན་ཡོད་ཀྱི་བར་གྱི་ལམ་ཇི་སྲིད་པའི་ལམ་གྱི་ངོས་གཉིས་སུ་རྩིག་པ་དངར་ཏེ་འཁོད་པར་བྱེད་དོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བློན་པོ་རྣམས་ལ་བསྒོ་བ། ཤེས་ལྡན་དག་།གང་གི་ཚེ་ཁྱིམ་བདག་འདི་གཉིས་བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་བར་གྱུར་པ་དེའི་ཚེ་ན་འདི་གཉིས་ཀྱི་མགོ་དྲུང་ནས་ཆོད་ལ་ས་ལ་སྒྱེལ་བར་གྱིས་ཤིག་།ཚིག་དེ་སྐད་ཅེས་སྨྲས་པ་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་ཀྱི་ཞོ་ཤས་འཚོ་བ་དག་གིས་ཐོས་སོ། །ཐོས་ནས་ཀྱང་དེ་དག་འཁྲུགས་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་སྟེང་དུ་རྡོ་རྗེ་རྩེ་གཅིག་པ་དང ། འཁོར་ལོ་དང ། མངའ་བོ་ཆེ་དང ། མཚོན་རྩེ་གཅིག་པ་ལ་སོགས་པའི་མཚོན་དག་འཕང་བར་བརྩམས་སོ། །སངས་རྒྱས་བཅོམ་ལྡན་འདས་རྣམས་ནི། བསྙེལ་བ་མི་མངའ་བའི་ཆོས་ཅན་ཡིན་པས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་བཀའ་སྩལ་པ། མོའུ་འགལ་གྱི་བུ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་འཁོར་དང་བཅས་པ་དང ། མཉན་ཡོད་ན་གནས་པའི་སྐྱེ་བོའི་ཚོགས་ལ་སོམས་ཤིག་།ཚེ་དང་ལྡན་པ་མོའུ་འགལ་གྱི་བུ་ཆེན་པོས། བཙུན་པ། བཀའ་བཞིན་
Nya117b
འཚལ་ཞེས་བཅོམ་ལྡན་འདས་ལས་བཀའ་མཉན་ནས་བྱམས་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལ་སྙོམས་པར་ཞུགས་པའི་བྱེ་བྲག་གིས་རྡོ་རྗེ་རྩེ་གཅིག་པ་དང ། འཁོར་ལོ་དང ། མདའ་པོ་ཆེ་དང ། མཚོན་རྩེ་གཅིག་པ་ལ་སོགས་པའི་མཚོན་དེ་དག་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ཏ་དང ། པདྨ་དཀར་པོ་དང ། མན་དཱ་ར་བ་དག་ཏུ་གྱུར་ཏེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་སྟེང་དུ་འབབ་པར་བརྩམས་སོ། །དེ་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ཏ་དང ། པདྨ་དཀར་པོ་དང ། མན་དཱ་ར་བ་དག་གིས་གང་བཞིན་དུ་ཁྱིམ་དུ་ཞུགས་ནས་དེས་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་སྣ་དང ། གྲོང་རྡལ་གྱི་མི་དང ། ཡུལ་མི་དང ། བྲམ་ཟེ་དག་ལ་སྨྲས་པ། ཤེས་ལྡན་དག་།ང་རྒྱལ་བྱེད་ཀྱི་ཚལ་དུ་ཞུགས་ཚུན་ཆད་ནས་ལྷའི་མེ་ཏོག་ཨུཏྤ་ལ་དང ། ཀུ་མུ་ཏ་དང ། པདྨ་དཀར་པོ་དང ། མན་དཱ་ར་བ་དག་གིས་གང་བཞིན་དུ་ཁྱིམ་དུ་ཞུགས་པ་འདི་ཅི་ཡིན། སུའི་མཐུ་ཡིན། དེ་ན་གང་དག་སྙན་པ་དང ། འཇམ་པར་སྨྲ་བ་ལ་མཁས་པ་དེ་དག་གིས་སྨྲས་པ། ལྷ། གཞན་སུ་ཞིག་གིས་འདི་འཚལ་བར་འགྱུར། འདི་གཞན་སུ་ཞིག་གི་མཐུ་ལགས། འདི་ལྟར། ལྷ་ཉིད་ཆོས་ཀྱི་རྒྱལ་སྲིད་བགྱིད་དུ་སྩོལ་བས། འདི་ལྷ་ཉིད་ཀྱི་མཐུ་ལགས་སོ། །རྒྱལ་པོས་སྨྲས་པ། ཤེས་ལྡན་དག་།དེ་བདེན་ཏེ། ང་ཆོས་ཀྱི་རྒྱལ་སྲིད་བྱེད་དུ་འཇུག་པས་འདི་གོར་མ་ཆག་པར་ངའི་མཐུ་ཡིན་ནོ། །བཙུན་མོའི་འཁོར་གྱིས་སྨྲས་པ།
Nya118a
༄#། །བདག་ཅག་ལྷ་ལས་གཞན་པའི་སྐྱེས་པའི་གན་དུ་མི་མཆི་ཞིང ། བདག་པོ་ལས་མི་འཕྱོ་བས། འདི་ནི། བདག་ཅག་གི་མཐུ་ལགས་སོ། །གཞོན་ནུ་རྣམས་ཀྱིས་སྨྲས་པ།་བདག་ཅག་ཡབ་ཡུམ་ལ་གུས་ཤིང་སྲི་ཞུ་ཆེ་བས། འདི་ནི། བདག་ཅག་གི་མཐུ་ལགས་སོ། །བློན་པོ་རྣམས་ཀྱིས་སྨྲས་པ། བདག་ཅག་ཆོས་ཀྱིས་ལྷའི་རྒྱལ་སྲིད་བགྱིད་དུ་སྩོལ་བས། འདི་ནི།་བདག་ཅག་གི་མཐུ་ལགས་སོ། །ཁྲོམ་གྱི་རུ་སྣ་དག་གིས་སྨྲས་པ། བདག་ཅག་ལྷའི་བཀའ་ཆོས་དང་ལྡན་པ་སྒྲུབ་པར་བགྱིད་པས། འདི་ནི། བདག་ཅག་གི་མཐུ་ལགས་སོ། །གྲོང་རྡལ་གྱི་མི་དང ། ཡུལ་མི་དག་གིས་སྨྲས་པ། བདག་ཅག་ལྷ་ལ་ཆོས་དང་ལྡན་པར་དཔྱ་འབུལ་བས། འདི་ནི། བདག་གི་མཐུ་ལགས་སོ། །རྒྱལ་པོས་བསམ་པ། འདི་དག་སོ་སོ་ནས་བདག་གི་མཐུའོ།། བདག་གི་མཐུའོ། །ཞེས་ཟེར་ན། སུའི་མཐུ་ཡིན་པ་མི་ཤེས་ཀྱི། འདི་ལྟར། སངས་རྒྱས་བཅོམ་ལྡན་འདས་འདི། ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་ལ་བླ་ན་མེད་པའི་མངའ་བརྙེས་པ་ཡིན་གྱི། སངས་རྒྱས་བཅོམ་ལྡན་འདས་ལ་ཞུར་འགྲོའོ། །སྙམ་དུ་རིག་ནས་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ཏ་དང ། པདྨ་དཀར་པོ་དང ། མན་དཱ་ར་བ་དེ་དག་གིས་ཐུ་བ་བཀང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་
Nya118b
ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་སྐབས་དེ། བཅོམ་ལྡན་འདས་ལ་རྒྱས་བར་གསོལ་པ་དང ། བཅོམ་ལྡན་འདས་ཀྱི་བཀའ་སྩལ་པ། རྒྱལ་པོ་ཆེན་པོ། དེ་ནི། ཁྱོད་ཀྱི་མཐུའང་མ་ཡིན། བཙུན་མོའི་འཁོར་གྱིའང་མ་ཡིན། གཞོན་ནུ་རྣམས་ཀྱིའང་མ་ཡིན། བློན་པོ་རྣམས་ཀྱིའང་མ་ཡིན། །ཁྲོམ་གྱི་རུ་སྣའི་ཡང་མ་ཡིན། གྲོང་རྡལ་གྱི་མི་དང་ལྗོངས་ཀྱི་མི་རྣམས་ཀྱིའང་མ་ཡིན། བྲམ་ཟེ་རྣམས་ཀྱིའང་མ་ཡིན་ཏེ། འདི་ལྟར། དེ་ནི། དགེ་སློང་མོའུ་འགལ་གྱི་བུ་ཆེན་པོའི་མཐུ་ཡིན་ཏེ། གལ་ཏེ་དགེ་སློང་མོའུ་འགལ་གྱི་བུ་ཆེན་པོས་ཁྱོད་བཙུན་མོའི་འཁོར་དང ། གཞོན་ནུ་དང ། བློན་པོ་དང ། གྲོང་རྡལ་གྱི་མི་དང་བཅས་པ་ལ་མ་བསམ་དུ་ཟིན་ན། དེང་ཉིད་དུ་མཉན་ཡོད་སྤྱོད་ཡུལ་དུ་མི་འགྱུར་བ་ཞིག་ན། དེ་ནི། དགེ་སློང་མོའུ་འགལ་གྱི་བུ་དེས་ཁྱོད་བཙུན་མོའི་འཁོར་དང ། གཞོན་ནུ་དང ། བློན་པོ་དང ། གྲོང་རྡལ་གྱི་མི་དང ། ཡུལ་མི་དང་བཅས་པ་ལ་བསམ་པའི་མཐུ་ཡིན་གྱི། དེ་ལ་སེམས་མངོན་པར་དད་པར་གྱིས་ཤིག་།རྒྱལ་པོས་གསོལ་བ། བཅོམ་ལྡན་འདས། དེ་ལྟར་དེ་དགེ་སློང་མོའུ་འགལ་གྱི་བུའི་མཐུ་ལགས་ཤིང ། བཅོམ་ལྡན་འདས་ཀྱིའང་མ་ལགས། ཉན་ཐོས་ཆེན་པོ་གཞན་དག་གིའང་མ་ལགས་པར་ཇི་ལྟར་འཚལ་བར་བགྱི། རྒྱལ་པོ་ཆེན་པོ། དེ་ནི། ངའི་མཐུའང་མ་ཡིན། ཉན་ཐོས་ཆེན་པོ་གཞན་དག་གིའང་མ་ཡིན་ཏེ། འདི་ལྟར། དེ་ནི། དགེ་སློང་མོའུ་འགལ་གྱི་བུའི་མཐུ་ཡིན་ནོ། །གལ་ཏེ་ཁྱོད་སོམ་ཉི་དང ། ཡིད་གཉིས་ཟ་ན། ལྷའི་མེ་ཏོག་ཨུཏྤ་ལ་དང ། པདྨ་དང །
Nya119a
༄#། །ཀུ་མུ་ཏ་དང ། པདྨ་དཀར་པོ་དང ། མན་དཱ་ར་བ་འདི་དག་ས་ལ་བོར་ཅིག་།དེས་དེ་དག་ས་ལ་བོར་བ་དང ། རྡོ་རྗེ་རྩེ་གཅིག་པ་དང ། འཁོར་ལོ་དང ། མདའ་བོ་ཆེ་དང ། མཚོན་རྩེ་གཅིག་པ་ལ་སོགས་པའི་མཚོན་ཤ་སྟག་ཏུ་འགྱུར་ཏོ། །དེས་དེ་དག་མཐོང་ནས་ཉམ་ང་བར་གྱུར་ཏེ་གསོལ་པ། བཅོམ་ལྡན་འདས། འདི་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཁྱོད་ཀྱིས་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་ལ་རབ་ཏུ་སྡང་བའི་སེམས་བསྐྱེད་པས། དེ་ལས་འདི་བྱུང་ངོ ། །རྒྱལ་པོས་གསོལ་པ། བཙུན་པ། བདག་གིས་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་མཐོང་བར་ཡང་མི་དྲན་ན། རབ་ཏུ་སྡང་བའི་སེམས་བསྐྱེད་པར་ལྟ་ག་ལ་འགྱུར། རྒྱལ་པོ་ཆེན་པོ། ངས་ཁྱོད་ལ་དྲན་པར་བྱའོ། །བཙུན་པ། བཅོམ་ལྡན་འདས་ཀྱིས་དྲན་པར་མཛད་དུ་གསོལ། །རྒྱལ་པོ་ཆེན་པོ། ཁྱོད་ཀྱིས་ངའི་མདུན་དུ་ཁྱིམ་བདག་གཉིས་ཤིག་ཆོས་ཉན་པ་གང་ཡིན་པ་དེ་གཉིས་ཀྱིས་ཁྱོད་ལ་མངོན་དུ་ལྡང་བ་མ་བྱས་པ་དེ་དྲན་ནམ། བཅོམ་ལྡན་འདས། དེ་དྲན་ནོ། །རྒྱལ་པོ་ཆེན་པོ། ཁྱིམ་བདག་དེ་གཉིས་ནི། ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་ཡིན་ནོ། །དེས་གསོལ་བ། བཅོམ་ལྡན་འདས། དེ་གཉིས་འཁྲུགས་པར་མ་གྱུར་ཏམ། རྒྱལ་པོ་ཆེན་པོ། དེ་གཉིས་འཁྲུགས་པར་མ་གྱུར་ཏེ། དེ་གཉིས་ཀྱི་ཞོ་ཤས་འཚོ་བ་དག་འཁྲུགས་པར་གྱུར་ཏོ། །བཅོམ་ལྡན་འདས། བདག་གིས་དེ་གཉིས་ལ་ཇི་ལྟར་བསྒྲུབ་པར་བགྱི།
Nya119b
རྒྱལ་པོ་ཆེན་པོ། །བཟོད་པར་གསོལ་བར་བྱའོ། །བཅོམ་ལྡན་འདས། དེ་གཉིས་ནི། རི་རབ་ཀྱི་བང་རིམ་ན་མཆིས་ལ། བདག་ནི། འདི་ན་མཆིས་ན། བདག་གིས་ཇི་ལྟར་དེ་གཉིས་ལ་བཟོད་པར་གསོལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། དེ་གཉིས་ཚེས་བརྒྱད་དང ། ཚེས་བཅུ་བཞི་དང ། ཚེས་བཅོ་ལྔ་ལ་ངའི་རྐང་པ་གཉིས་ལ་ཕྱག་འཚལ་དུ་འདིར་འོང་གི་།ཁྱོད་ཀྱང་ཚེས་བརྒྱད་དང ། ཚེས་བཅུ་བཞི་དང ། ཚེས་བཅོ་ལྔ་ལ་འདིར་ཤོག་ཅིག་དང ། ངས་ཁྱོད་ལ་དེ་གཉིས་བསྟན་པར་བྱའི། ཁྱོད་ཀྱིས་བཟོད་པར་གསོལ་ཅིག་།དེས་གསོལ་པ། བཙུན་པ། ཅི་ལགས། བདག་གིས་དེ་གཉིས་ཀྱི་རྐང་པ་གཉིས་ལ་གཏུགས་པར་བགྱིའམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཁྱོད་ཀྱིས་དེ་གཉིས་ཀྱི་རྐང་པ་གཉིས་ལ་གཏུགས་པར་མི་བྱ་སྟེ། འདི་ལྟར། མི་མ་རབས་དག་གིས་རྐང་པ་ལ་ཕྱག་འཚལ་བ་གང་ཡིན་པ་དེ་ནི།་མི་གཙོ་བོ་དག་གིས་ལག་པ་ནས་བཟུང་བ་ཡིན་གྱི། ཁྱོད་ཀྱིས་ལག་པ་གཡས་པ་རྐྱོངས་ལ་ཀླུའི་དབང་པོ་གཉིས་བཟོད་པ་མཛོད་ཅིག་།ཅེས་བཟོད་པ་གསོལ་ཅིག་དང ། དེ་གཉིས་བཟོད་པར་འགྱུར་རོ། །དེས་གསོལ་བ། བཙུན་པ། མ་ནོངས་ཏེ། དེ་བཞིན་དུ་བགྱིའོ། །ཞེས་གསོལ་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སོང་ངོ ། །ཇི་ཙམ་དུས་གཞན་ཞིག་ན་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་རི་རབ་ཀྱི་བང་རིམ་དུ་འོངས་ནས་བདག་ཉིད་ཁྱིམ་བདག་གི་ཆ་ལུགས་སུ་མངོན་པར་སྤྲུལ་ཏེ་བཅོམ་ལྡན་འདས་ག་ལ་བ་དེར་སོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་
Nya120a
༄#། །ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་དེ་ལ་བརྡ་མཛད་དོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ལག་པ་གཡས་པ་བརྐྱངས་ཏེ་སྨྲས་པ། ཀླུའི་དབང་པོ་གཉིས། བཟོད་པར་མཛོད་ཅིག་།དེ་གཉིས་ཀྱིས་སྨྲས་པ། རྒྱལ་པོ་ཆེན་པོ། །བཟོད་པར་བགྱིའོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཀླུའི་རྒྱལ་པོ་དགའ་བོ་དང ། ཉེ་དགའ་གཉིས་ལ་བཟོད་པར་གསོལ་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གིས་འཕགས་པ་མོའུ་འགལ་གྱི་བུ་ཆེན་པོ་ལ་མཆོད་པའི་སླད་དུ་བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་བདག་གི་སྡུམ་པར་དགུང་བདུན་གྱི་བར་དུ་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་ཅང་མི་གསུང་བས་གནང་ངོ ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སོང་ནས་དེས་བློན་པོ་རྣམས་ལ་བསྒོ་བ། ཤེས་ལྡན་དག་།ངས་འཕགས་པ་མོའུ་
Nya120b
འགལ་གྱི་བུ་ཆེན་པོ་མཆོད་པའི་ཕྱིར་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཞག་བདུན་དུ་གདུགས་ཚོད་ལ་སྤྱན་དྲངས་ཀྱི། ཁྱེད་ཀྱིས་གྲོང་ཁྱེར་མཛེས་པར་གྱིས་ལ་གདུགས་ཚོད་སྟ་གོན་གྱིས་ཤིག་།རྒྱལ་པོ་རྣམས་ནི། ཚིག་གིས་འགྲུབ་པ་ཡིན་ལ། ལྷ་རྣམས་ནི། སེམས་ཀྱིས་འགྲུབ་པ་ཡིན། རྣལ་འབྱོར་པ་རྣམས་ནི། སེམས་བསྐྱེད་པ་ཙམ་གྱིས་ཐམས་ཅད་འགྲུབ་པ་ཡིན་པས། བློན་པོ་རྣམས་ཀྱིས། ལྷ། བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་རྒྱལ་བྱེད་ཀྱི་ཚལ་དང ། མཉན་ཡོད་ཀྱི་བར་གྱི་ལམ་ཇི་སྲིད་པ་དག་མཆོག་ཏུ་མཛེས་པར་བྱས་ཤིང ། མཉན་ཡོད་ཀྱང་རྡོ་བ་དང ། གསེག་མ་དང ། གྱོ་མོ་མེད་པར་རྣམ་པར་གནས་པར་བྱས་ཏེ། ཙནྡན་གྱི་ཆུས་ཆག་ཆག་བཏབ་ཅིང ། བདུག་སྤོས་དྲི་ཞིམ་པོའི་སྣོད་ཉེ་བར་བཞག་སྟེ་དར་གྱི་ཆུན་པོའི་ཚོགས་དཔྱངས་ཤིང ། རྒྱལ་མཚན་དང ། བ་དན་བསྒྲེངས་ཏེ་མེ་ཏོག་སྣ་ཚོགས་བཀྲམ་ཞིང་ལྷ་རྣམས་ཀྱི་ལྷའི་མདུན་ས་ཆོས་བཟང་ལྟར་ཉམས་དགའ་བར་བྱས་སོ། །ཞལ་ཟས་ཀྱང་ཁ་དོག་དང ། དྲི་དང ། རོ་ཕུན་སུམ་ཚོགས་པ་དང་ལྡན་པ། སྐྱུ་རུམ་སྣ་ཚོགས་དང་བཅས་པ། སྤྱན་གཟིགས་སྣ་ཚོགས་ཀྱིས་མཛེས་པར་བྱས་པ་བཤམས་ནས་འབྱོར་པ་དེ་ལྟ་བུ་འདིས་ཉི་མ་རེ་རེ་ཞིང་སངས་རྒྱས་ལ་སོགས་པ་དགེ་སློང་གི་དགེ་འདུན་རྒྱལ་པོའི་ཕོ་བྲང་དུ་གདུགས་ཚོད་གསོལ་ཏོ། །དེས་ན་མཚན་མོའི་འཁུར་བ་ཚོད་པ་དག་ཏུ་མེ་ཤོར་ནས་དེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་གླང་པོ་ཆེ་ཡན་ལག་མཆོག་དང་ལྡན་པ་མང་པོ་
Nya121a
༄#། །དག་ཚིག་པར་གྱུར་ཏོ། །དེ་ནས་གདུགས་ཚོད་ཞག་བདུན་ཐལ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་མཉན་ཡོད་དུ་དྲིལ་སྒྲོག་པར་བྱེད་དུ་བཅུག་ནས་མཉན་ཡོད་དུ་སུས་ཀྱང་མཚན་མོ་མེ་སྦར་བར་མི་བྱའོ། །གང་མེ་སྦར་བར་བྱེད་ན། དེ་ཀཪྴ་པ་ཎ་དྲུག་ཅུའི་ཆད་པས་གཅད་པར་བྱ་བའམ། ཕྱག་སྦལ་དུ་བཅུག་སྟེ་འཆི་བར་བྱ་དགོས་སོ། །ཞེས་བསྒོའོ།། དེའི་ཚེ་མཉན་ཡོད་ན་ཁྱིམ་བདག་བཟང་སྦྱིན་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དུས་གཞན་ཞིག་ན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཁྱིམ་བདག་བཟང་སྦྱིན་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་
Nya121b
མཛད་ནས་ཅང་མི་གསུང་ངོ ། །དེ་ནས་ཁྱིམ་བདག་བཟང་སྦྱིན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཁྱིམ་བདག་བཟང་སྦྱིན་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་བཟང་སྦྱིན་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཁྱིམ་བདག་བཟང་སྦྱིན་གྱིས་དེ་ཉིད་ཀྱི་མཚན་མོ་བཅའ་བ་དང ། བཟའ་བ་གཙང་ཞིང་བསོད་པ་སྟ་གོན་བྱས་ཏེ་ནང་པར་སྔར་ལངས་ནས་གདན་དག་བཤམས་ཏེ་ཆུ་ར་བཞག་ནས་བཅོམ་ལྡན་འདས་ལ་སྤྱན་འདྲེན་གྱིས་གདུགས་ཚོད་གཡར་དགོངས་འཚལ་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་དུ་བདར་ནས་ཁྱིམ་བདག་བཟང་སྦྱིན་གྱི་ཁྱིམ་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་བཟང་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་བཟའ་
Nya122a
༄#། །བ་དང ། བཅའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས་བཅོམ་ལྡན་འདས་གདུགས་ཚོད་གསོལ་ཅིང་ཕྱག་བཅབས། ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་འདི་ལྟར། ཁྱིམ་བདག་བཟང་སྦྱིན་ཆུང་མ་དང་བཅས་པས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པར་མཛད་དོ། །དེས་བདེན་པ་མཐོང་ནས་བཙུན་པ། བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་དག་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་
Nya122b
པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་གོ་།ཞེས་ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་བརྒལ་བར་གྱུར། །འགྲོ་བར་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བའོ། །སྲིད་པ་སྟོང་དུ་མཐོང་བར་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །བཅོམ་ལྡན་འདས་ཀྱིས་ཆོས་བསྟན་པ་མཛད་ནས་གཤེགས་སོ། །ཁྱིམ་བདག་བཟང་སྦྱིན་ཆུང་མ་དང་བཅས་པས་གང་གི་ཉིན་མོ་བདེན་པ་མཐོང་བར་བྱས་པ་དེའི་ཉིན་མོ་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །ཁྱིམ་བདག་བཟང་སྦྱིན་གྱིས་ཀྱང་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཁྱིམ་གཞན་དུ་སྤྱན་དྲངས་ཏེ་བཤོས་གསོལ་ནས། བཅོམ་ལྡན་འདས་ཀྱིས་ཁྱིམ་བདག་བཟང་སྦྱིན་ཆུང་མ་དང་བཅས་པ་ལ་གང་ཐོས་ནས་དེ་གཉིས་ཀྱིས་ཕྱིར་མི་འོང་བའི་འབྲས་བུ་མངོན་སུམ་དུ་བྱས་ཤིང ། རྫུ་འཕྲུལ་ཡང་མངོན་པར་བསྒྲུབས་པར་གྱུར་པ་དེ་ལྟར་ཆོས་བསྟན་པ་མཛད་དོ། །གང་གི་ཉིན་མོ་ཁྱིམ་བདག་བཟང་སྦྱིན་ཆུང་མ་དང་བཅས་པས་ཕྱིར་མི་འོང་
Nya123a
༄#། །བའི་འབྲས་བུ་མངོན་སུམ་དུ་བྱས་ཤིང ། རྫུ་འཕྲུལ་མངོན་པར་བསྒྲུབས་པ་དེའི་ཉིན་མོ་དེའི་ཆུང་མ་ལ་བུ་བཙས་པ་ལས་ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། གསལ་བ། གསེར་གྱི་ཁ་དོག་འདྲ་བ། མགོ་གདུགས་ལྟ་བུ་དང་ལྡན་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛང་བ། སྣའི་གཟེངས་མཐོ་བ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །ཉེ་དུ་དག་གིས་སྨྲས་པ། གང་གི་ཕྱིར་ཁྱེའུ་འདིའི་མིང་ཕ་མ་གཉིས་ཀྱི་ཉི་མ་གང་ལ་ཕྱིར་མི་འོང་བའི་འབྲས་བུ་མངོན་སུམ་དུ་བྱས་ཤིང ། རྫུ་འཕྲུལ་མངོན་པར་བསྒྲུབས་པར་གྱུར་པའི་ཉི་མ་དེ་ལ་བཙས་པས། དེའི་ཕྱིར་ཁྱེའུའི་མིང་རྫུ་འཕྲུལ་ལེན་ཅེས་བྱའོ། །ཞེས་དེའི་མིང་རྫུ་འཕྲུལ་ལེན་ཅེས་བྱ་བར་བཏགས་སོ། །ཁྱེའུ་རྫུ་འཕྲུལ་ལེན་མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དེ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང ། གྲངས་དང ། རྩིས་དང །
Nya123b
ལག་རྩིས་དང ། དབྱུང་བ་དང ། གཞུག་པ་དང ། གཞག་པ་ལ་ཉེ་བར་ཞུགས་ནས་དེ་ཡི་གེའི་མཐར་ཕྱིན་ཅིང ། འབྱེད་པ་དང ། ཀློག་པ་དང ། མཁས་པ་དང ། སྤྱོད་པ་གསལ་བ་དང ། བརྟག་པ་བརྒྱད་པོ་འདི་ལྟ་སྟེ། རིན་པོ་ཆེ་བརྟག་པ་དང ། གཞི་བརྟག་པ་དང ། གོས་བརྟག་པ་དང ། ཤིང་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་ལ་མཁས་པར་གྱུར་ཏོ། །དེ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་བཙུན་མོའི་འཁོར་གྱི་དྲུང་དུ་སོང་བ་དང ། དེའི་བཙུན་མོའི་འཁོར་གྱིས་སྟེང་གི་ཁང་བཟང་གི་གཞིར་གཏོགས་པ་ནས་དེ་ལ་མེ་ཏོག་གི་ཕྲེང་བ་འཕངས་སོ། །འཇིག་རྟེན་ནི། མཛའ་བཤེས་དང ། དགྲ་བོ་དང ། ཐ་མལ་པ་ཡིན་པས། ཇི་ཙམ་ན་གཞན་དག་གིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་སྨྲས་པ། ལྷ། གཞོན་ནུ་རྫུ་འཕྲུལ་ལེན་ནི། ལྷའི་བཙུན་མོའི་འཁོར་དོན་དུ་གཉེར་རོ། །རྒྱལ་པོ་དག་ནི། མི་རྟོག་པར་བྱེད་པས་དེས་བློན་པོ་རྣམས་ལ་བསྒོ་བ། ཤེས་ལྡན་དག་།ངས་ཁྱིམ་བདག་གི་བུ་གཞོན་ནུ་རྫུ་འཕྲུལ་ལེན་ཡོངས་སུ་བཏང་ངོ ། །བློན་པོ་རྣམས་ཀྱིས་དེ་ཀཱ་ར་བཱི་རའི་མེ་ཏོག་གི་ཕྲེང་བས་མགུལ་པ་བཅིངས་ཏེ་གོས་སྔོན་པོ་གྱོན་པའི་མི་དག་བཀྲི་ནས་གྲོང་ཁྱེར་གྱི་དབུས་ནས་ཕྱིར་ཕྱུང་སྟེ་གསད་སར་ཕྱིན་ནས་གསོད་དུ་བཅུག་གོ་།མཉན་ཡོད་ན་གནས་པའི་སྐྱེ་བོའི་ཚོགས་དང ། ཡུལ་ཐ་དད་པ་ནས་ལྷགས་པའི་མི་དག་གིས་།རྒྱལ་པོ་སྡིག་པ་ཅན་འདི་ནི། མ་བརྟགས་པར་བྱེད་པ་ངན་པ་ཡིན་ཏེ། དེས་ཁྱིམ་བདག་
Nya124a
༄#། །གི་བུ་གཞོན་ནུ་རྫུ་འཕྲུལ་ལེན་འཁོན་མེད་པ། འགྲན་མི་ཚོལ་བ། མི་འཁུ་བ་བསོད་དོ། །ཞེས་བརྗོད་དོ། །དེ་བཞིན་དུ་བཙུན་མོའི་འཁོར་དང ། གཞོན་ནུ་དང ། བློན་པོ་རྣམས་ཀྱིས་ཀྱང་ངན་པ་དེས། ཁྱིམ་བདག་གི་བུ་གཞོན་ནུ་རྫུ་འཕྲུལ་ལེན་འཁོན་མེད་པ། འགྲན་མི་ཚོལ་བ། མི་འཁུ་བ་བསད་པ་ནི། ལེགས་པ་མ་བྱས་སོ། །ཤིན་ཏུ་མ་བྱས་སོ། །ཞེས་བརྗོད་དོ། །ཁྱིམ་བདག་བཟང་སྦྱིན་གྱིས་བསམ་པ། བདག་གིས་བདོག་ཅིང་བདག་དབང་བ་སུ་ལ་ཡང་ཡོངས་སུ་མ་བཏང་བ་གང་ཡིན་པ་དེ་ཐམས་ཅད་ནི། གཞོན་ནུ་རྫུ་འཕྲུལ་ལེན་ལ་ལྟོས་པ་ཡིན་ན། དེ་ནི། སྔོན་གྱི་ལས་ཀྱི་ཉེས་པས་རྒྱལ་པོས་མ་བརྟགས་པ་ལྔ་པ་ཉིད་དུ་བསྒྲུབས་པས་ད་སུའི་ཕྱིར་བཅང་བར་བྱ་སྟེ། དམན་པ་དང ། མགོན་མེད་པ་དང ། བཀྲེན་པ་དང ། སྡུག་འཕོངས་པ་དག་ལ་ཡོངས་སུ་གཏང་བར་བྱའོ། །སྙམ་ནས་དེས་ཀཪྴ་པ་ཎ་གཅིག་ཟོང་གི་རྒྱུར་བཞག་ནས་ནོར་གྱི་རྣམ་པ་གཞན་ཐམས་ཅད་དམན་པ་དང ། མགོན་མེད་པ་དང ། བཀྲེན་པ་དང ། སྡུག་འཕོངས་པ་དག་ལ་ཡོངས་སུ་བཏང་ངོ ། །དེས་ཀཪྴ་པ་ཎ་གཅིག་པོ་དེས་ཟོང་ཉོས་ཤིང་བཙོངས་པས། དེས་ཀཪྴ་པ་ཎ་བཞི་རྙེད་ནས་དེས་ཀཪྴ་པ་ཎ་གཅིག་གིས་ནི། བཅོམ་ལྡན་འདས་ཀྱི་དྲི་གཙང་ཁང་སྤོས་ཀྱི་བྱུག་པས་བྱུགས་སོ། །གཉིས་པས་ནི། གཡོག་འཁོར་གྱི་ཟན་སྦྱར་ཏོ། །གསུམ་པས་ནི། དགེ་འདུན་གྱི་ཕྱིར་དགེ་སློང་ལ་ཆོས་སྟོན་བྱིན་ནོ། །བཞི་པ་ནི། ཟོང་གི་རྒྱུར་བཞག་གོ་།དེའི་ཁྱིམ་ན་
Nya124b
ལོངས་སྤྱོད་བསྲབས་པའི་ཕྱིར་སྦྱིན་པ་ངན་པ་དག་ཀྱང་སྦྱིན་པར་བྱེད། མཆོག་ཏུ་ངན་པ་དག་ཀྱང་སྦྱིན་པར་བྱེད་པས། དེའི་མིང་ངན་པ་བཟང་སྦྱིན་ཞེས་བྱ་བར་གྱུར་ཏོ། །དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་ཁྱིམ་བདག་ངན་པ་བཟང་སྦྱིན་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག་།ཇི་ལྟར་ཁྱོད་ཀྱི་ཁྱིམ་ན་སྦྱིན་པ་དག་སྦྱིན་ནམ། བསོད་ནམས་དག་བྱེད་དམ། བཙུན་པ། དེ་བཞིན་ཏེ། བདག་གི་སྡུམ་པ་ན་སྦྱིན་པ་དག་ཀྱང་སྩོལ་ཅིང ། བསོད་ནམས་དག་ཀྱང་བགྱིད་ན། དེ་དག་ནི། ངན་པ་དག་དང ། མཆོག་ཏུ་ངན་པ་དག་ལགས་སོ། །ཁྱིམ་བདག་།སྦྱིན་པ་ངན་པའམ། བཟང་པོ་སྦྱིན་ཡང་རུང་སྟེ། དེ་གཉིས་ཀ་ལོངས་སྤྱོད་ཀྱི་རྣམ་པར་སྨིན་པ་ཅན་ཡིན་ནོ། །ཁྱིམ་བདག་།སྦྱིན་པ་ངན་པའམ། བཟང་པོ་སྦྱིན་ཡང་རུང་སྟེ། དེ་ཡང་དད་པས་མ་ཡིན། གུས་པས་མ་ཡིན། རང་གི་ལག་ནས་མ་ཡིན། དུས་སུ་མ་ཡིན། གནོད་པ་མེད་པ་མ་ཡིན། གང་གི་ཚེ་དེའི་རྣམ་པར་སྨིན་པ་སོ་སོར་མྱོང་བར་འགྱུར་བ་དེའི་ཚེ་ན། དེའི་སེམས་ཁྱིམ་གྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་མི་འགྱུར། ཟས་ཀྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་མི་འགྱུར། གོས་ཀྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་མི་འགྱུར། གནས་མལ་གྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་མི་འགྱུར། བཞོན་པའི་ལོངས་སྤྱོད་རྒྱ་ཆེན་པོ་དག་ལ་
Nya125a
༄#། །འཇུག་པར་མི་འགྱུར། གཟུགས་དང ། སྒྲ་དང ། དྲི་དང ། རོ་དང ། རེག་བྱ་རྒྱ་ཆེན་པོ་དག་ལ་འཇུག་པར་མི་འགྱུར་ཏེ། ཁྱིམ་བདག་།སྦྱིན་པ་དེ་ལྟ་བུ་སྦྱིན་པའི་འབྲས་བུ་རྣམ་པར་སྨིན་པ་ནི། དེ་ལྟ་བུར་འདོད་པར་བྱའོ། །ཁྱིམ་བདག་།སྦྱིན་པར་ངན་པའམ། བཟང་པོ་སྦྱིན་ཡང་རུང་སྟེ། དེ་ཡང་དད་པས་ཡིན། གུས་པས་ཡིན། རང་གི་ལག་ནས་ཡིན། དུས་སུ་ཡིན། གནོད་པ་མེད་པ་ཡིན། གང་གི་ཚེ་དེའི་རྣམ་པར་སྨིན་པ་སོ་སོར་མྱོང་བར་འགྱུར་བ་དེའི་ཚེ་ན། དེའི་སེམས་ཁྱིམ་གྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། ཟས་ཀྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། གོས་ཀྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། གནས་མལ་གྱི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། བཞོན་པའི་ལོངས་སྤྱོད་རྒྱ་ཆེན་པོ་དག་ལ་འཇུག་པར་འགྱུར། གཟུགས་དང ། སྒྲ་དང ། དྲི་དང ། རོ་དང ། རེག་བྱ་རྒྱ་ཆེན་པོ་དག་ལ་འཇུག་པར་འགྱུར་ཏེ། ཁྱིམ་བདག་།སྦྱིན་པ་དེ་ལྟ་བུ་བྱིན་པའི་འབྲས་བུ་རྣམ་པར་སྨིན་པ་ནི། དེ་ལྟ་བུར་འདོད་པར་བྱའོ།། །།འདུལ་བ་རྣམ་པར་འབྱེད་པ། བམ་པོ་རེ་དགུ་པ། ཁྱིམ་བདག་།སྔོན་བྱུང་བ་བྲམ་ཟེ་དུས་དཔོག་ཅེས་བྱ་བ། ཤིང་སཱ་ལ་ཆེན་པོ་ལྟ་བུ་ཞིག་བྱུང་བར་གྱུར་ཏེ། དེས་བྲམ་ཟེ་རྣམས་ལ་སྦྱིན་པ་འདི་ལྟ་བུ་འདི་བྱིན་ཏེ། གླང་པོ་ཆེ་གསེར་གྱིས་བརྒྱན་པ། གསེར་གྱིས་མཛེས་པར་བྱས་པ། གསེར་གྱི་རྒྱལ་མཚན་ཅན། གསེར་གྱི་དྲ་
Nya125b
བས་གཡོགས་པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ་།རྟ་གསེར་གྱིས་བརྒྱན་པ། གསེར་གྱིས་མཛེས་པར་བྱས་པ། གསེར་གྱི་རྒྱལ་མཚན་ཅན། གསེར་གྱི་དྲ་བས་གཡོགས་པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །ཤིང་རྟ་རྣམ་བཞི་གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པ་དག། སེངྒེའི་པགས་པས་གཡོགས་པ་དང ། སྟག་ལྤགས་ཀྱིས་གཡོགས་པ་དང ། གུང་ལྤགས་ཀྱིས་གཡོགས་པ། ཨར་མོ་ནིག་གིས་བཀབ་པ། རྣམ་པར་རྒྱལ་བྱེད་ཡིད་དུ་འོང་བ་དང་ལྡན་པའི་ཤིང་རྟ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །ཁང་པ་བརྩེགས་པ་རྣམ་བཞི་གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པའི་ཁང་པ་བརྩེགས་པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །ཁྲི་རྣམ་བཞི་གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པ་ཤུར་བུས་བླས་པ། སྟན་སྦྱར་མ་བཏིང་བ། སྟན་ནང་ཚངས་ཅན་བཏིང་བ། སྟན་ཁྲ་བོ་བཏིང་བ། སྟན་ཆེན་པོ་བཏིང་བ། སྟན་བཟང་པོ་བཏིང་བ། སུ་མཚན་གྱི་གོས་ཀྱིས་སྟེང་གཡོགས་བཏིང་བ། སྟེང་ནས་བགོ་བའི་གོས་དང་བཅས་པ། གཉིས་སུ་རྒྱབ་རྟེན་དམར་པོ་བཞག་པའི་ཁྲི་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །གསེར་གྱི་སྣོད་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །དངུལ་གྱི་སྣོད་བརྒྱད་ཁྲི་བཞི་སྟོང་
Nya126a
༄#། །བྲམ་ཟེ་རྣམས་ལ་སྦྱིན་པར་བྱིན་ནོ། །གསེར་གྱི་སྣོད་དངུལ་ཕྱེས་གང་བ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །དངུལ་གྱི་སྣོད་གསེར་ཕྱེས་གང་བ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །རས་ཟུང་རྣམ་བཞི། ཀ་ཤི་ཀའི་རས་ཕྲན་དང ། ཟར་མའི་རས་ཕྲན་དང ། དུ་གུ་ལའི་རས་ཕྲན་དང ། ཀོ་ཏཾ་པའི་རས་ཕྲན་ཟུང་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །བ་གསེར་གྱི་རཝ་ཅན། རྨིག་པ་དངུལ་ལས་བྱས་པ། བེའུ་མཐུན་པ་དང་བཅས་པ། འཁར་བའི་ཟེ་བ་ཅན། རས་བཅོས་བུ་ཕྲུགས་ཀྱིས་གཡོགས་པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །བུ་མོ་གསེར་གྱི་དཔུང་རྒྱན་ཅན། མགུལ་རྒྱན་དང་བཅས་པ། རྒྱན་བཟང་པོས་བརྒྱན་པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །ཟས་དང ། སྐོམ་དང ། བཅའ་བ་དང ། བཟའ་བ་དང ། ལྡག་པ་དང ། བཞིབ་པ་གཞན་ལྟ་སྨོས་ཀྱང་ཅི་དགོས་ཏེ། བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་ནོ། །ཁྱིམ་བདག་བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་གང་ཡིན་པ་དེ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་
Nya126b
འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་སོ་སོའི་སྐྱེ་བོ་འཛམ་བུའི་ཚལ་དུ་འོངས་པ་གཅིག་ལ་ཟན་བྱིན་པ་གང་ཡིན་པ་དེ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བ་རྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་གཅིག་ལ་ཟན་བྱིན་པ་གང་ཡིན་པ་དེ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་གཅིག་ལ་ཟན་བྱིན་པ་གང་ཡིན་པ་དེ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་
Nya127a
༄#། །བུ་མངོན་སུམ་དུ་བྱ་བའི་ཕྱིར་ཞུགས་པ་གཅིག་ལ་ཟན་བྱིན་པ་གང་ཡིན་པ་དེ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་གཅིག་ལ་ཟན་བྱིན་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་
Nya127b
ཞུགས་པ་གཅིག་ལ་ཟན་བྱིན་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་གཅིག་ལ་ཟན་བྱིན་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་
Nya128a
༄#། །ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཞུགས་པ་གཅིག་ལ་ཟན་བྱིན་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པ་གཅིག་ལ་ཟན་བྱིན་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ།། བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་
Nya128b
ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པ་བརྒྱ་ལ་ཟན་བྱིན་པ་དང ། གང་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་ཕུལ་བ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་
Nya129a
༄#། །བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པ་བརྒྱ་ལ་ཟན་བྱིན་པ་དང ། གང་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་ཕུལ་བ་དང ། གང་གིས་ཀུན་དགའི་ར་བ་དེ་ཉིད་དུ་གཙུག་ལག་ཁང་རྩིག་ཏུ་བཅུག་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པ་བརྒྱ་ལ་ཟན་བྱིན་པ་
Nya129b
དང ། གང་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་ཕུལ་བ་དང ། གང་གིས་ཀུན་དགའི་ར་བ་དེ་ཉིད་དུ་གཙུག་ལག་ཁང་རྩིག་ཏུ་བཅུག་པ་དང ། གང་གིས་གཙུག་ལག་ཁང་དེ་ཉིད་དུ་གནས་མལ་འདི་ལྟ་སྟེ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་དག་ཕུལ་བ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པ་བརྒྱ་ལ་ཟན་བྱིན་པ་དང ། གང་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་ཕུལ་བ་དང ། གང་གིས་ཀུན་དགའི་ར་བ་དེ་ཉིད་དུ་གཙུག་ལག་
Nya130a
༄#། །ཁང་རྩིག་ཏུ་བཅུག་པ་དང ། གང་གིས་གཙུག་ལག་ཁང་དེ་ཉིད་དུ་གནས་མལ་འདི་ལྟ་སྟེ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་དག་ཕུལ་བ་དང ། གང་གིས་གཙུག་ལག་ཁང་དེ་ཉིད་དུ་གཏམ་གྱི་རྐྱེན་རིས་དང་མཐུན་པའི་མཆོད་སྦྱིན་ཕུལ་བ་དང ། གང་སངས་རྒྱས་ལ་སྐྱབས་སུ་འགྲོ་བ་དང ། ཆོས་ལ་སྐྱབས་སུ་འགྲོ་བ་དང ། དགེ་འདུན་ལ་སྐྱབས་སུ་འགྲོ་བ་དང ། བསླབ་པའི་གཞི་དག་ལེན་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པ་བརྒྱ་ལ་ཟན་བྱིན་པ་དང ། གང་གིས་ཕྱོགས་
Nya130b
བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་ཕུལ་བ་དང ། གང་གིས་ཀུན་དགའི་ར་བ་དེ་ཉིད་དུ་གཙུག་ལག་ཁང་རྩིག་ཏུ་བཅུག་པ་དང ། གང་གིས་གཙུག་ལག་ཁང་དེ་ཉིད་དུ་གནས་མལ་འདི་ལྟ་སྟེ། ཁྲི་དང ། ཁྲིའུ་དང ། སྟན་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་དག་ཕུལ་བ་དང ། གང་གིས་གཙུག་ལག་ཁང་དེ་ཉིད་དུ་གཏན་གྱི་རྐྱེན་རིས་དང་མཐུན་པའི་མཆོད་སྦྱིན་ཕུལ་བ་དང ། གང་སངས་རྒྱས་ལ་སྐྱབས་སུ་འགྲོ་བ་དང ། ཆོས་ལ་སྐྱབས་སུ་འགྲོ་བ་དང ། དགེ་འདུན་ལ་སྐྱབས་སུ་འགྲོ་བ་དང ། བསླབ་པའི་གཞི་དག་ལེན་པ་དང ། གང་གིས་སེམས་ཅན་སྲོག་ཆགས་འབྱུང་པོ་ཐམས་ཅད་ལ་བྱམས་པའི་སེམས་སྒོམ་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །ཁྱིམ་བདག། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་དེ་བྱིན་པ་དང ། གང་གིས་ཕྱི་རོལ་པའི་དྲང་སྲོང་འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་ཕྱིར་མི་འོང་བ་བརྒྱ་ལ་ཟན་བྱིན་པ་དང ། གང་གིས་
Nya131a
༄#། །དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་དགྲ་བཅོམ་པ་བརྒྱ་ལ་ཟན་བྱིན་པ་དང ། གང་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་ཕུལ་བ་དང ། གང་གིས་ཀུན་དགའི་ར་བ་དེ་ཉིད་དུ་གཙུག་ལག་ཁང་ཅིག་རྩིག་ཏུ་བཅུག་པ་དང ། གང་གིས་གཙུག་ལག་ཁང་དེ་ཉིད་དུ་གནས་མལ་འདི་ལྟ་སྟེ། ཁྲི་དང ། ཁྲིའུ་དང ། སྟན་དང ། སྟན་ནང་ཚངས་ཅན་དང ། ལ་བ་དང ། སྔས་དང ། ཁྲིའུ་དག་ཕུལ་བ་དང ། གང་གིས་གཙུག་ལག་ཁང་དེ་ཉིད་དུ་གཏན་གྱི་རྐྱེན་རིས་དང་མཐུན་པའི་མཆོད་སྦྱིན་ཕུལ་བ་དང ། གང་སངས་རྒྱས་ལ་སྐྱབས་སུ་འགྲོ་བ་དང ། ཆོས་ལ་སྐྱབས་སུ་འགྲོ་བ་དང ། དགེ་འདུན་ལ་སྐྱབས་སུ་འགྲོ་བ་དང ། བསླབ་པའི་གཞི་དག་ལེན་པ་དང ། གང་གིས་སེམས་ཅན་སྲོག་ཆགས་འབྱུང་པོ་ཐམས་ཅད་ལ་བྱམས་པའི་སེམས་སྒོམ་པ་དང ། གང་འདུ་བྱེད་ཐམས་ཅད་ལ་མི་རྟག་པར་རྗེས་སུ་ལྟ་ཞིང་གནས་པ་དང ། ཟད་པར་རྗེས་སུ་ལྟ། འདོད་ཆགས་དང་བྲལ་བར་རྗེས་སུ་ལྟ། འགོག་པར་རྗེས་སུ་ལྟ། སྤོང་བར་རྗེས་སུ་ལྟ་ཞིང་གནས་པ་གང་ཡིན་པ་ནི། སྦྱིན་པ་དེ་བས་སྦྱིན་པ་འདི་ཆེས་འབྲས་བུ་ཆེའོ། །ཁྱིམ་བདག་།དེ་ལྟ་བས་ན། ཁྱོད་ཀྱིས་འདི་ལྟར་འདུ་བྱེད་ཐམས་ཅད་ལ་མི་རྟག་པ་རྗེས་སུ་ལྟ་ཞིང་གནས་པར་བྱ་བ་དང ། ཟད་པར་རྗེས་སུ་ལྟ། འདོད་ཆགས་དང་བྲལ་བར་རྗེས་སུ་ལྟ། འགོག་པར་རྗེས་སུ་ལྟ། སྤོང་བར་རྗེས་སུ་
Nya131b
ལྟ་ཞིང་གནས་པར་བྱ་ཞེས་བསླབ་པར་བྱ་སྟེ། ཁྱིམ་བདག་།ཁྱོད་ཀྱིས་དེ་ལྟར་བསླབ་པར་བྱའོ། །དེ་ནས་ཁྱིམ་བདག་ངན་པ་བཟང་སྦྱིན་གྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་པ་དང ། རྗེས་སུ་ཡི་རང་བ་བྱས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་དུས་གཞན་ཞིག་ན་རང་གི་ཁྱིམ་ན་མཚན་མོ་མར་མེ་སྦར་ཏེ་སངས་རྒྱས་ཀྱི་བཀའ་ཀློག་པ་ན། རྒྱལ་པོའི་ཞོ་ཤས་འཚོ་བ་གྲོང་ཁྱེར་ཉུལ་བ་དག་གིས་སྒོ་གཏན་གྱི་བུ་གུ་ནས་དེ་མཐོང་ནས་དེ་དག་གིས་དེ་ལ་སྨྲས་པ། ཁྱིམ་བདག་།རྒྱལ་པོས་དྲིལ་སྒྲོག་པ་བྱེད་དུ་བཅུག་སྟེ་མཉན་ཡོད་དུ་སུས་ཀྱང་མཚན་མོ་མེ་སྦར་བར་མི་བྱའོ། །གང་སྦར་བར་བྱེད་པ་དེ་ཀཪྴ་པ་ཎ་དྲུག་ཅུའི་ཆད་པས་གཅད་པར་བྱ་བའམ། ཕྱག་སྦལ་དུ་བཅུག་སྟེ་འཆི་བར་བྱའོ། །ཞེས་བཀའ་བཏགས་ན། ཁྱོད་ཀྱིས་ཅིའི་ཕྱིར་མཚན་མོ་མེ་སྦར། དེས་སྨྲས་པ། ཤེས་ལྡན་དག་།འདི་ནི། མེ་མ་ཡིན་ཏེ། མར་མེ་ཡིན་ནོ། །ཁྱིམ་བདག་།ཅི། འདིས་མེའི་བྱ་བ་བྱེད་མི་ནུས་སམ། ཡང་ན་ནི། ཀཪྴ་པ་ཎ་དྲུག་ཅུ་ཕུལ་ཅིག་།ཡང་ན་ནི། ཕྱག་སྦལ་དུ་འདུག་ཅིག་།ཤེལ་ལྡན་དག་།ཁོ་བོ་ལ་ཀཪྴ་པ་ཎ་དྲུག་ཅུའི་འབྱོར་པ་ག་ལ་ཡོད། ཕྱག་སྦལ་དུ་འདུག་གོ་།ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ཕྱག་སྦལ་ནི། རིམ་པ་གསུམ་ཡོད་དེ། མི་གཙོ་བོ་གང་དག་ཡིན་པ་དེ་དག་ནི། སྟེང་རིམ་དུ་འཇོག་པར་བྱེད། མི་བར་མ་གང་དག་ཡིན་པ་དེ་དག་ནི།
Nya132a
༄#། །བར་དུ་འཇོག་པར་བྱེད། མི་ངན་པ་གང་དག་ཡིན་པ་དེ་དག་ནི། གཏིང་དུ་འཇོག་པར་བྱེད་པས། དེ་མི་གཙོ་བོ་ཡིན་པའི་ཕྱིར་དེ་དག་གིས་སྟེང་རིམ་དུ་བཞག་གོ་།དེ་ནས་རྒྱལ་པོ་ཆེན་པོ་བཞི་མཚན་མོའི་ཐུན་དང་པོ་ལ་ཁྱིམ་བདག་ངན་པ་བཟང་སྦྱིན་ག་ལ་བ་དེར་སོང་སྟེ་ཕྱིན་ནས་ཁྱིམ་བདག་ངན་པ་བཟང་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ཕྱག་སྦལ་ན་འདུག་པ་ཚུལ་དང་མཐུན་པ་མ་ཡིན་ན། ཅིའི་ཕྱིར་ཁྱོད་ཕྱག་སྦལ་ན་འདུག་།དེས་སྨྲས་པ། ཉེ་དབང་དག་།ཁོ་བོ་རང་དབང་གིས་ཕྱག་སྦལ་ན་འདུག་པ་མ་ཡིན་ཏེ། འདི་ལྟར། རྒྱལ་པོའི་ཞོ་ཤས་འཚོ་བ་དག་གིས་ཕྱག་སྦལ་དུ་བཅུག་གོ་།ཅིའི་ཕྱིར་ཀཪྴ་པ་ཎ་དྲུག་ཅུའི་ཕྱིར་ཏེ། ཁོ་བོ་ལ་དེ་དག་གི་འབྱོར་པ་མེད་པས། དེའི་ཕྱིར་ཕྱག་སྦལ་ན་འདུག་གོ ། ཁྱིམ་བདག་།དེའི་ཕྱིར་ཁྱོད་སེམས་བསྐྱེད་ལ་ཚིག་རྗོད་ཅིག་།ཁྱོད་ཀྱི་ཁྱིམ་མམ། ཆུའི་གནས་གང་དག་དབྱིག་དང ། གསེར་གྱིས་དགང་བར་བྱ། ཉེ་དབང་དག་།ཁྱོད་སྙིང་ལས་ཆུང་ངུར་གྱིས་ཤིག་དང ། བདག་ལ་རྒྱལ་པོ་དད་པས་དད་པའི་དབང་དུ་བྱ་བ་བྱེད་པར་འགྱུར་རོ། །གལ་ཏེ་འདོད་ན་འདུག་ཅིག་དང ། ཁྱེད་ལ་ཆོས་བསྟན་པར་བྱའོ། །དེ་དག་ཆོས་མཉན་པའི་ཕྱིར་དེའི་མདུན་དུ་འདུག་པ་ན། དེ་དག་གི་ལུས་འདི་འདྲ་སྟེ། འདི་ལྟ་སྟེ། དཔེར་ན། མེའི་ཕུང་པོ་ཆེན་པོ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དང་
Nya132b
འདྲའོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་མཚན་མོའི་ཐུན་དང་པོ་ལ་ཕྱག་སྦལ་ན་མེའི་ཕུང་པོ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་མཐོང་ངོ ། །དེ་ནས་ལྷའི་དབང་པོ་བརྒྱ་བྱིན་མཚན་མོའི་གུང་ཐུན་ལ། ཁྱིམ་བདག་ངན་པ་བཟང་སྦྱིན་ག་ལ་བ་དེར་སོང་སྟེ་ཕྱིན་ནས་ཁྱིམ་བདག་ངན་པ་བཟང་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ཕྱག་སྦལ་ན་འདུག་པ་ཚུལ་དང་མཐུན་པ་མ་ཡིན་ན། ཅིའི་ཕྱིར་ཁྱོད་ཕྱག་སྦལ་ན་འདུག་།དེས་སྨྲས་པ། ཀོའུ་ཤི་ཀ། ཁོ་བོ་རང་དབང་གིས་ཕྱག་སྦལ་ན་འདུག་པ་མ་ཡིན་ཏེ། འདི་ལྟར། རྒྱལ་པོའི་ཞོ་ཤས་འཚོ་བ་དག་གིས་ཕྱག་སྦལ་དུ་བཅུག་གོ་།ཅིའི་ཕྱིར་ཀཪྴ་པ་ཎ་དྲུག་ཅུའི་ཕྱིར་ཏེ། ཁོ་བོ་ལ་དེ་དག་གི་འབྱོར་པ་མེད་པས། དེའི་ཕྱིར་ཕྱག་སྦལ་ན་འདུག་གོ་།ཁྱིམ་བདག་།དེའི་ཕྱིར་སེམས་བསྐྱེད་ལ་ཚིག་རྗོད་ཅིག་།ཁྱོད་ཀྱི་ཁྱིམ་མམ། ཆུའི་གནས་གང་དག་དབྱིག་དང ། གསེར་གྱིས་དགང་བར་བྱ། ཀོའུ་ཤི་ཀ། ཁྱོད་སྙིང་ལས་ཆུང་ངུར་གྱིས་ཤིག་དང ། བདག་ལ་རྒྱལ་པོ་དད་པས་དད་པའི་དབང་དུ་བྱ་བ་བྱེད་པར་འགྱུར་རོ། །གལ་ཏེ་འདོད་ན་འདུག་ཅིག་དང ། ཁྱོད་ལ་ཆོས་བསྟན་པར་བྱའོ། །དེ་ཆོས་མཉན་པའི་ཕྱིར་དེའི་མདུན་དུ་འདུག་པ་ན། དེའི་ལུས་འདི་འདྲ་སྟེ། འདི་ལྟ་སྟེ། དཔེར་ན། མེའི་ཕུང་པོ་ཆེན་པོ་སྔ་མ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་པས་ཆེས་འཕགས་པ་དང །
Nya133a
༄#། །ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་འདྲའོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་མཚན་མོའི་གུང་ཐུན་ལ་ཕྱག་སྦལ་ན་མེའི་ཕུང་པོ་སྔ་མ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་པས་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་མཐོང་ངོ ། །དེ་ནས་མི་མཇེད་ཀྱི་བདག་པོ་ཚངས་པ་མཚན་མོའི་ཐུན་ཐ་མ་ལ་ཁྱིམ་བདག་ངན་པ་བཟང་སྦྱིན་ག་ལ་བ་དེར་སོང་སྟེ་ཕྱིན་ནས། ཁྱིམ་བདག་ངན་པ་བཟང་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ཕྱག་སྦལ་ན་འདུག་པ་ཚུལ་དང་མཐུན་པ་མ་ཡིན་ན། ཅིའི་ཕྱིར་ཁྱོད་ཕྱག་སྦལ་ན་འདུག་།དེས་སྨྲས་པ། ཚངས་པ། ཁོ་བོ་རང་དབང་གིས་ཕྱག་སྦལ་ན་འདུག་པ་མ་ཡིན་ཏེ། འདི་ལྟར། རྒྱལ་པོ་ཞོ་ཤས་འཚོ་བ་དག་གིས་ཕྱག་སྦལ་དུ་བཅུག་གོ་།ཅིའི་ཕྱིར། ཀཪྴ་པ་ཎ་དྲུག་ཅུའི་ཕྱིར་ཏེ། ཁོ་བོ་ལ་དེ་དག་གི་འབྱོར་པ་མེད་པས་དེའི་ཕྱིར་ཕྱག་སྦལ་ན་འདུག་གོ་།ཁྱིམ་བདག་།དེའི་ཕྱིར་ཁྱོད་སེམས་བསྐྱེད་ལ་ཚིག་རྗོད་ཅིག་།ཁྱོད་ཀྱི་ཁྱིམ་མམ། ཆུའི་གནས་གང་དག་དབྱིག་དང ། གསེར་གྱིས་དགང་བར་བྱ། ཚངས་པ། ཁྱོད་སྙིང་ལས་ཆུང་ངུར་གྱིས་ཤིག་དང ། བདག་ལ་རྒྱལ་པོ་དད་པས་དད་པའི་དབང་དུ་བྱ་བ་བྱེད་པར་འགྱུར་རོ། །གལ་
Nya133b
ཏེ་འདོད་ན་འདུག་ཅིག་དང ། ཁྱོད་ལ་ཆོས་བསྟན་པར་བྱའོ། །དེས་ཆོས་མཉན་པའི་ཕྱིར་དེའི་མདུན་དུ་འདུག་པ་ན་དེའི་ལུས་འདི་འདྲ་སྟེ། འདི་ལྟ་སྟེ། དཔེར་ན། མེའི་ཕུང་པོ་ཆེན་པོ་སྔ་མ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་པས་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་བས་ཀྱང་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་འདྲའོ། ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་མཚན་མོའི་ཐུན་ཐ་མ་ལ་ཕྱག་སྦལ་ན་མེའི་ཕུང་པོ་ཆེན་པོ་སྔ་མ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ། མེ་ལྕེ་གཅིག་ཏུ་གྱུར་ཅིང་སྲེག་པ་དག་པས་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་བས་ཀྱང་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་མཐོང་ངོ ། །མཐོང་ནས་ཀྱང་ཕྱག་སྦལ་སྲུང་བའི་མི་མངག་པས་བཀུག་སྟེ་སྨྲས་པ། ཀཝའི་ནང་རྗེ། དས་དྲིལ་སྒྲོག་པ་བྱེད་དུ་བཅུག་སྟེ་མཉན་ཡོད་དུ་སུས་ཀྱང་མཚན་མོ་མེ་སྦར་བར་མི་བྱའོ། །ཞེས་བསྒོ་ན། ང་ཉིད་ཀྱི་ཕྱག་སྦལ་ན་མདང་མཚན་མོ་ཐོ་ཐག་མེའི་
Nya134a
༄#། །ཕུང་པོ་ཆེན་པོ་སྦར་བ་དེ་ཅིའི་ཕྱིར། དེས་སྨྲས་པ། ལྷ། སུས་ཀྱང་མཚན་མོ་ཕྱག་སྦལ་དུ་ཞུགས་མ་སྦར་ཏེ། ལྷས་དེར་ཅི་ཞིག་གཟིགས་མ་འཚལ་ཏོ། །རྒྱལ་པོས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་།དེངས་ལ་ཅི། བདེན་ནམ་རྫུན་པ་ཕྱག་སྦལ་རྟོགས་ཤིག་།དེ་དག་དོང་སྟེ་ཕྱག་སྦལ་བརྟགས་ན། ཐལ་བ་ཡང་མི་སྣང་ནས་དེ་དག་ཕྱིར་ལོག་སྟེ་རྒྱལ་པོ་ལ་སྨྲས་པ། ལྷ། བདག་ཅག་གིས་ཕྱག་སྦལ་བརྟགས་ན། ཐལ་བ་ཡང་མི་གདའོ། །རྒྱལ་པོས་ཕྱག་སྦལ་ན་སྲུང་བའི་མི་ལ་སྨྲས་པ། ཀཝའི་ནང་རྗེ། དེ་ན་མི་གཙོ་བོ་གང་འདུག་།ལྷ། ཁྱིམ་བདག་ངན་པ་བཟང་སྦྱིན་མཆིས་སོ། །དེ་བོས་ཤིག་།དེས་ལྷ། བཀའ་བཞིན་འཚལ་ཞེས་དེ་བོས་པ་དང ། རྒྱལ་པོས་དེ་ལ་སྨྲས་པ། ཁྱིམ་བདག་།ངས་དྲིལ་སྒྲོག་པར་བྱེད་དུ་བཅུག་སྟེ། སུས་ཀྱང་མཉན་ཡོད་དུ་མཚན་མོ་མེ་སྦར་བར་མི་བྱའོ། །ཞེས་བསྒོ་ན། ཁྱོད་ཀྱིས་ཅིའི་ཕྱིར་ཕྱག་སྦལ་དུ་མཚན་ཐོག་ཐག་མེ་སྦར། དེས་སྨྲས་པ། ལྷ། བདག་གིས་ཡུད་ཙམ་ཡང་ཞུགས་མ་བལྟམ་ན། མཚན་ཐོག་ཐག་ལྟ་ཅི་སྨོས། ཁྱིམ་བདག་།ང་ཉིད་ཀྱིས་མཚན་མོའི་ཐུན་དང་པོ་ལ་མེའི་ཕུང་པོ་ཆེན་པོ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་དང ། མཚན་མོའི་གུང་ཐུན་ལ་མེའི་ཕུང་པོ་ཆེན་པོ་སྔ་མ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་
Nya134b
པས་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དང ། མཚན་མོའི་ཐུན་ཐ་མ་ལ་མེའི་ཕུང་པོ་ཆེན་པོ་སྔ་མ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་པས་ཀྱང་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་པས་ཀྱང་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་མཐོང་བཞིན་དུ། ཁྱོད་ན་རེ་དེ་སྐད་ཅེས། བདག་གིས་ཡུད་ཙམ་ཡང་མེ་མ་སྦར་ན། མཚན་ཐོག་ཐག་ལྟ་ཅི་སྨོས་ཞེས་ཟེར་ན། དེ་ཅི་ཡིན། ལྷ། དེ་ནི། མད་དེ། བདག་གིས་ནི། མཚན་མོ་ཞུགས་མ་སྦར་མོད་ཀྱི། འདི་ལྟར། མདང་མཚན་མོའི་ཐུན་དང་པོ་ལ་རྒྱལ་པོ་ཆེན་པོ་བཞི་བདག་ག་ལ་བ་དེར་མཆིས་ཏེ་ཕྱིན་ནས་བདག་ལ་འདི་སྐད་ཅེས། ཁྱིམ་བདག་།ཁྱོད་ཕྱག་སྦལ་ན་འདུག་པ་ཚུལ་དང་མཐུན་པ་མ་ཡིན་ནོ་།ཅིའི་ཕྱིར་ཁྱོད་ཕྱག་སྦལ་ན་འདུག་ཅེས་མཆིས་ནས། བདག་གིས་དེ་དག་ལ་འདི་སྐད་ཅེས། ཉེ་དབང་དག་།ཁོ་བོ་རང་དབང་གིས་ཕྱག་སྦལ་ན་འདུག་པ་མ་ཡིན་ཏེ། འདི་ལྟར། རྒྱལ་པོའི་ཞོ་ཤས་འཚོ་བ་དག་གིས་ཕྱག་སྦལ་ན་བཅུག་གོ་།ཞེས་བགྱིས་པ་དང ། དེ་དག་བདག་ལ་འདི་སྐད་ཅེས། ཅིའི་ཕྱིར་ཞེས་མཆི་
Nya135a
༄#། །ནས་བདག་གིས་དེ་དག་ལ་འདི་སྐད་ཅེས། ཀཪྴ་པ་ཎ་དྲུག་ཅུའི་ཕྱིར་ཏེ། ཁོ་བོ་ལ་དེ་དག་གི་འབྱོར་པ་མེད་པས་དེའི་ཕྱིར་ཕྱག་སྦལ་ན་འདུག་གོ་།ཞེས་བགྱིས་ན། དེ་དག་བདག་ལ་འདི་སྐད་ཅེས། ཁྱིམ་བདག་།དེའི་ཕྱིར་ཁྱོད་སེམས་བསྐྱེད་ལ་ཚིག་རྗོད་ཅིག་།ཁྱོད་ཀྱི་ཁྱིམ་མམ། ཆུའི་གནས་གང་དག་དབྱིག་དང ། གསེར་གྱིས་དགང་བར་བྱ་ཞེས་མཆི་ནས། བདག་གིས་དེ་དག་ལ་འདི་སྐད་ཅེས། ཉེ་དབང་དག་།སྙིང་ལས་ཆུང་ངུར་གྱིས་ཤིག་།བདག་ལ་རྒྱལ་པོ་དད་པས་དད་པའི་དབང་དུ་བྱ་བ་བྱེད་པར་འགྱུར་རོ། །གལ་ཏེ་འདོད་ན། འདུག་ཅིག་དང ། ཁྱོད་ལ་ཆོས་བསྟན་པར་བྱའོ། །ཞེས་བགྱིས་པ་དང ། དེ་དག་ཆོས་མཉན་པའི་སླད་དུ་བདག་གི་མདུན་དུ་མཆིས་པ་ན། དེ་དག་གི་ལུས་འདི་འདྲ་སྟེ། འདི་ལྟ་སྟེ། དཔེར་བགྱི་ན། ཞུགས་ཀྱི་ཕུང་པོ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་འདྲའོ། །དེ་ནས་མཚན་མོའི་གུང་ཐུན་ལ་ལྷའི་དབང་པོ་བརྒྱ་བྱིན་བདག་ག་ལ་བ་དེར་མཆིས་ཏེ་ཕྱིན་ནས་བདག་ལ་འདི་སྐད་ཅེས། ཁྱིམ་བདག་།ཁྱོད་ཕྱག་སྦལ་ན་འདུག་པ་ཚུལ་དང་མཐུན་པ་མ་ཡིན་ནོ། ཅིའི་ཕྱིར་ཁྱོད་ཕྱག་སྦལ་ན་འདུག་ཅེས་མཆི་ནས་བདག་གིས་དེ་ལ་འདི་སྐད་ཅེས། ཀོའུ་ཤི་ཀ། ཁོ་བོ་རང་དབང་གིས་ཕྱག་སྦལ་ན་འདུག་པ་མ་ཡིན་ཏེ། འདི་ལྟར། རྒྱལ་པོའི་ཞོ་ཤས་འཚོ་བ་དག་གིས་ཕྱག་སྦལ་དུ་བཅུག་གོ་།ཞེས་བགྱིས་པ་དང ། དེ་བདག་ལ་འདི་སྐད་ཅེས།
Nya135b
ཅིའི་ཕྱིར་ཞེས་མཆི་ནས་བདག་གིས་དེ་ལ་འདི་སྐད་ཅེས། ཀཪྴ་པ་ཎ་དྲུག་ཅུའི་ཕྱིར་ཏེ། ཁོ་བོ་ལ་དེ་དག་གི་འབྱོར་པ་མེད་པས་དེའི་ཕྱིར་ཕྱག་སྦལ་དུ་བཅུག་གོ་།ཞེས་བགྱིས་ན། དེ་དག་བདག་ལ་འདི་སྐད་ཅེས། ཁྱིམ་བདག་།དེའི་ཕྱིར་ཁྱོད་སེམས་བསྐྱེད་ལ་ཚིག་རྗོད་ཅིག་དང ། ཁྱོད་ཀྱི་ཁྱིམ་མམ། ཆུའི་གནས་གང་དག་དབྱིག་དང ། གསེར་གྱིས་དགང་བར་བྱ་ཞེས་མཆི་ན། བདག་གིས་དེ་ལ་འདི་སྐད་ཅེས། ཀོའུ་ཤི་ཀ་།ཁྱོད་སྙིང་ལས་ཆུང་ངུར་གྱིས་ཤིག་དང ། བདག་ལ་རྒྱལ་པོ་དད་པས་དད་པའི་དབང་དུ་བྱ་བ་བྱེད་པར་འགྱུར་རོ། གལ་ཏེ་འདོད་ན། འདུག་ཅིག་དང ། ཁྱོད་ལ་ཆོས་བསྟན་པར་བྱའོ། ། ཞེས་བགྱིས་པ་དང ། དེ་ཆོས་མཉན་པའི་སླད་དུ་བདག་གི་མདུན་དུ་མཆིས་པ་ན། དེའི་ལུས་འདི་འདྲ་སྟེ། འདི་ལྟ་སྟེ། དཔེར་བགྱི་ན། ཞུགས་ཀྱི་ཕུང་པོ་ཆེན་པོ་སྔ་མ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་པས་ཆེས་འཕགས་པ་དང ། ཆེས་གྱ་ནོམ་པའི་ཞུགས་ཀྱི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་འདྲའོ། །དེ་ནས་མཚན་མོའི་ཐུན་ཐ་མ་ལ་མི་མཇེད་ཀྱི་བདག་པོ་ཚངས་པ་བདག་ག་ལ་བ་དེར་མཆིས་ཏེ་ཕྱིན་ནས་བདག་ལ་འདི་སྐད་ཅེས། ཁྱིམ་བདག། ཁྱོད་ཕྱག་སྦལ་ན་འདུག་པ་ཚུལ་དང་མཐུན་པ་མ་ཡིན་ན། ཅིའི་ཕྱིར་ཁྱོད་ཕྱག་སྦལ་ན་འདུག་ཅེས་མཆི་ནས་བདག་གིས་དེ་ལ་འདི་སྐད་ཅེས། ཚངས་པ། ཁོ་བོ་རང་དབང་གིས་ཕྱག་སྦལ་ན་འདུག་པ་མ་ཡིན་ཏེ། འདི་ལྟར།
Nya136a
༄#། །རྒྱལ་པོའི་ཞོ་ཤས་འཚོ་བ་དག་གིས་ཕྱག་སྦལ་དུ་བཅུག་གོ་།ཞེས་བགྱིས་པ་དང ། དེ་བདག་ལ་འདི་སྐད་ཅེས། ཅིའི་ཕྱིར་ཞེས་མཆི་ནས་བདག་གིས་དེ་ལ་འདི་སྐད་ཅེས། ཀཪྴ་པ་ཎ་དྲུག་ཅུའི་ཕྱིར་ཏེ། ཁོ་བོ་ལ་དེ་དག་གི་འབྱོར་པ་མེད་པས་དེའི་ཕྱིར་ཕྱག་སྦལ་ན་འདུག་གོ་།ཞེས་བགྱིས་ན། དེ་བདག་ལ་འདི་སྐད་ཅེས། ཁྱིམ་བདག་།དེའི་ཕྱིར་ཁྱོད་སེམས་བསྐྱེད་ལ་ཚིག་རྗོད་ཅིག་།ཁྱོད་ཀྱི་ཁྱིམ་མམ། ཆུའི་གནས་གང་དག་དབྱིག་དང ། གསེར་གྱིས་དགང་བར་བྱ་ཞེས་མཆི་ནས་བདག་གིས་དེ་ལ་འདི་སྐད་ཅེས། ཚངས་པ། ཁྱོད་སྙིང་ལས་ཆུང་ངུར་གྱིས་ཤིག་དང ། བདག་ལ་རྒྱལ་པོ་དད་པས་དད་པའི་དབང་དུ་བྱ་བ་བྱེད་པར་འགྱུར་རོ། །གལ་ཏེ་འདོད་ན། འདུག་ཅིག་དང ། ཁྱོད་ལ་ཆོས་བསྟན་པར་བྱའོ། །ཞེས་བགྱིས་པ་དང ། དེ་ཆོས་མཉན་པའི་སླད་དུ་བདག་གི་མདུན་དུ་མཆིས་པ་ན། དེའི་ལུས་འདི་འདྲ་སྟེ། འདི་ལྟ་སྟེ། དཔེར་བགྱི་ན། ཞུགས་ཀྱི་ཕུང་པོ་ཆེན་པོ་སྔ་མ་བཞི་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་དག་པས་ཆེས་འཕགས་པ་དང ། ཆེས་གྱ་ནོམ་པའི་མེའི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་བས་ཀྱང་ཆེས་འཕགས་པ་དང ། ཆེས་གྱ་ནོམ་པའི་ཞུགས་ཀྱི་ཕུང་པོ་ཆེན་པོ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ་མེ་ལྕེ་གཅིག་ཏུ་གྱུར་ཅིང་སྲེག་པ་འདྲའོ། །རྒྱལ་པོས་སྨྲས་པ།
Nya136b
ཁྱིམ་བདག་།གལ་ཏེ་དེ་ལྟར་ན། ངས་ཀྱང་ཁྱོད་ལ་དམ་པ་སྦྱིན་གྱི། ཅི་འདོད་པ་སྨྲོས་ཤིག་།དེས་སྨྲས་པ། ལྷ། གལ་ཏེ་ཁྱོད་བདག་ལ་ཐུགས་དད་ན། བདག་དགུང་ལ་ཞུགས་མར་གྱི་འོད་ལ་སངས་རྒྱས་ཀྱི་བཀའ་ཀློག་པར་འཚལ་ལོ། །རྒྱལ་པོས་སྨྲས་པ། ཁྱིམ་བདག་།ཁྱོད་འབའ་ཞིག་ལ་གནང་བར་མ་ཟད་ཀྱི། འདི་ལྟར། ཁྱོད་ཉིད་ལ་བརྟེན་ནས་གཞན་གང་དག་མཚན་མོ་མེ་མར་གྱི་འོད་ལ་སངས་རྒྱས་ཀྱི་བཀའ་ཀློག་པར་འདོད་པ་ཐམས་ཅད་ལ་ཡང་གནང་ངོ ། །དེ་ནས་ཁྱིམ་བདག་ངན་པ་བཟང་སྦྱིན་རྒྱལ་པོས་བཏང་བས་དགའ་མགུར་རབ་ཏུ་དགའ་སྟེ། རྒྱལ་པོའི་དྲུང་ནས་སོང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་དུ་རྒྱལ་བྱེད་ཀྱི་ཚལ་དུ་སོང་ངོ ། །རྒྱལ་རིགས་ནི། མངོན་པའི་ང་རྒྱལ་ཅན་ཡིན་པས། དེས་རྒྱལ་བྱེད་ཀྱི་ཚལ་གྱི་སྒོར་བསྡད་དེ། མི་དག་པའི་མཐའ་ཅན་ཞིག་ལ་སྨྲས་པ། ཀཝའི་ནང་རྗེ། སོང་ལ་བཅོམ་ལྡན་འདས་ལ་སུ་དག་བསྙེན་བཀུར་བྱེད་པ་ལྟོས་ཤིག་།མི་དག་པའི་མཐའ་ཅན་དེས། ལྷ། བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས་བཅོམ་ལྡན་འདས་ག་ལ་བ་དེར་སོང་བ་དང ། ཇི་ཙམ་ན་ཁྱིམ་བདག་ངན་པ་བཟང་སྦྱིན་བཅོམ་ལྡན་འདས་ལ་བསྙེན་བཀུར་བྱེད་པ་མཐོང་ངོ ། །
Nya137a
༄#། །མཐོང་ནས་ཀྱང་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ག་ལ་བ་དེར་སོང་སྟེ་ཕྱིན་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ། ཁྱིམ་བདག་ངན་པ་བཟང་སྦྱིན་བཅོམ་ལྡན་འདས་ལ་བསྙེན་བཀུར་བགྱིད་ཅིང་མཆིས་སོ། །རྒྱལ་པོས་བསམ་པ། ཁྱིམ་བདག་དེ་བདག་གི་ཡུལ་ན་གནས་པ་ཡིན་པས་དེས་བདག་མཐོང་ན། མངོན་དུ་ལྡང་བར་འགྱུར་གྲང་སྙམ་ནས་དེས་བཅོམ་ལྡན་འདས་ག་ལ་བ་དེར་སོང་ངོ ། །ཁྱིམ་བདག་ངན་པ་བཟང་སྦྱིན་གྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ཅི་ལགས། རེ་ཞིག་དམ་པའི་ཆོས་ལ་བསྙེན་བཀུར་བགྱིའམ། འོན་ཏེ་རྒྱལ་པོ་ལ་བསྙེན་བཀུར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་།རེ་ཞིག་དམ་པའི་ཆོས་ལ་བསྙེན་བཀུར་གྱིས་ཤིག། སངས་རྒྱས་བཅོམ་ལྡན་འདས་རྣམས་ནི། དམ་པའི་ཆོས་ལ་གུས་པ་མཛད་དེ།་དགྲ་བཅོམ་པ་དག་ཀྱང་ཆོས་བླ་མར་བྱེད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་དག་བཀའ་སྩལ་པ། སངས་རྒྱས་གང་དག་འདས་པ་དང ། །སངས་རྒྱས་གང་དག་མ་བྱོན་དང ། །སངས་རྒྱས་མྱ་ངན་སེལ་མཛད་པ། །ད་ལྟར་མང་པོ་གང་བཞུགས་དག་།ཐམས་ཅད་དམ་པའི་ཆོས་ལ་ནི། །གུས་པར་གནས་གྱུར་ནས་འགྱུར་ཞིང ། །དེ་བཞིན་
Nya137b
གུས་པར་གནས་མཛད་དེ། །དེ་ནི་སངས་རྒྱས་ཆོས་ཉིད་ཡིན། །དེ་ཕྱིར་བདག་ལ་ལེགས་འདོད་ཅིང ། །བདག་ཉིད་ཆེན་པོ་མངོན་འདོད་པས། །སངས་རྒྱས་བསྟན་པ་དྲན་བྱེད་ན། །འདི་ལ་དམ་ཆོས་གུས་པར་བྱ། །ཁྱིམ་བདག་ངན་པ་བཟང་སྦྱིན་གྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ་མངོན་དུ་ལྡང་བ་མ་བྱས་པ་དང ། རྒྱལ་པོ་ཁྲོས་ཏེ་བསམ་པ། ཁྱིམ་བདག་འདི་བདག་གི་ཡུལ་ན་གནས་པ་ཡིན་ན། བདག་ལ་མངོན་དུ་ལྡང་བ་མི་བྱེད་དོ། །སྙམ་ནས། དེ་ཁྲོ་བས་ཀུན་ནས་དཀྲིས་བཞིན་དུ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།བཅོམ་ལྡན་འདས་ཀྱིས་འདི་ཁྲོ་བས་ཀུན་ནས་དཀྲིས་སོ། །སྙམ་དུ་མཁྱེན་ནས་བཀའ་མཆིད་གཞན་དག་མཛད་པར་བརྩམས་ཏེ་ཆོས་སྟོན་པར་མི་མཛད་པ་དང ། དེས་གསོལ་པ། བཅོམ་ལྡན་འདས། ཆོས་བསྟན་དུ་གསོལ། བདེ་བར་གཤེགས་པ། ཆོས་བསྟན་དུ་གསོལ། དེ་སྐད་ཅས་གསོལ་པ་དང ། བཅོམ་ལྡན་འདས་ཀྱིས་དེ་ལ་ཚིགས་སུ་བཅད་པ་དག་བཀའ་སྩལ་པ། རབ་ཏུ་དང་སེམས་མེད་པ་དང ། །ཞེ་སྡང་ཅན་དང་འཁྲུགས་པ་ཡིས། །ཡང་དག་རྫོགས་སངས་བསྟན་པ་ཡི། །དམ་ཆོས་ཀུན་ཤེས་བྱ་མི་ནུས། །གང་གིས་ཉེས་རྩོམ་བཏུལ་བྱས་ཤིང ། །རབ་དང་མེད་པའི་སེམས་བསལ་ཏེ། །ཀུན་ནས་མནར་སེམས་འདིར་སྤོང་བ། །དེས་ནི་ལེགས་གསུངས་ཤེས་པར་འགྱུར། །རྒྱལ་པོས་བསམ་པ། ཁྱིམ་བདག་འདི་ལ་བརྟེན་ནས་བཅོམ་ལྡན་འདས་ཀྱིས་ཆོས་མཉན་པ་ཡང་
Nya138a
༄#། །རྒྱུན་བཀུམ་མོ། །སྙམ་ནས་དེ་ལ་རྒྱ་ཆེར་ཁྲོ་བའི་སེམས་སྐྱེས་ཏེ་སྡོད་ཅིག་ཅེས་བྱས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །ད་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་བློན་པོ་རྣམས་ལ་བསྒོ་བ། ཤེས་ལྡན་དག། གང་གི་ཚེ་ཁྱིམ་བདག་ངན་པ་བཟང་སྦྱིན་བཅོམ་ལྡན་འདས་ཀྱི་སྤྱན་སྔ་ནས་ཕྱིར་བྱུང་བ་དེའི་ཚེ་དེ་ལ་ཁྱོད་ངའི་ཡུལ་ནམ་འདུག་ཅིག་།ཅེས་སྒོས་ཤིག་།དེ་ནས་ལྷ་གང་ཁྱིམ་བདག་ངན་པ་བཟང་སྦྱིན་ལ་མངོན་པར་དད་པ་དེས། སྲོག་ཆགས་ཏྲེ་མ་བུ་ཀ་དང ། ཏྲ་ལ་ཏ་ཀ་མང་པོ་དག་བཏང་ནས་དེ་དག་གིས་རྒྱལ་པོ་དེ་ཀུན་ནས་བསྐོར་ཏེ་ཟིན་པ་ན། དེ་ཉམ་ང་བས་རང་གི་ཁྱིམ་དུ་ཕྱིན་ཅིང་དེར་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་སྣ་དང ། གླང་པོ་ཆེ་དང ། རྟ་དག་ཀྱང་ཀུན་ནས་བསྐོར་ཅིང་ཟིན་པར་གྱུར། མཉན་ཡོད་ན་གནས་པའི་སྐྱེ་བོའི་ཚོགས་ཐམས་ཅད་ཀྱང་ཀུན་ནས་བསྐོར་ཟིན་པར་གྱུར་ཏོ། །དེ་ནས་རྒྱལ་པོ་སྐྲག་སྟེ་མྱུར་བ་མྱུར་བར་གླང་པོ་ཆེ་ལ་ཞོན་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ ། མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་འདི་སྐད་ཅེས་གསོལ་ཏོ། །བཙུན་པ། རེ་ཞིག་དེའི་ཚེ་ཡང་ཀླུའི་རྒྱལ་པོ་དགའ་བོ་དང །
Nya138b
ཉེ་དགའ་གཉིས་འཁྲུགས་པར་གྱུར་ན། ད་སུ་ཞིག་འཁྲུགས་ལགས། རྒྱལ་པོ་ཆེན་པོ། ཇི་ལྟར་གྱུར། བཅོམ་ལྡན་འདས། བདག་སྲོག་ཆགས་ཏྲ་མ་བུ་ཀ་དང ། ཏྲེ་ལ་ཏ་ཀ་དག་གིས་ཀུན་ནས་བསྐོར་ཅིང་ཟིན་པར་གྱུར། མཆིས་བྲང་གི་འཁོར་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་སྣ་དང ། གླང་པོ་ཆེ་དང ། རྟ་དག་ཀྱང་ཀུན་ནས་བསྐོར་ཅིང་ཟིན་པར་གྱུར། མཉན་ཡོད་ན་གནས་པའི་སྐྱེ་བོའི་ཚོགས་ཐམས་ཅད་ཀྱང་ཀུན་ནས་བསྐོར་ཅིང་ཟིན་པར་གྱུར་ཏོ། །རྒྱལ་པོ་ཆེན་པོ། ཁྱོད་ཀྱིས་ཁྱིམ་བདག་ངན་པ་བཟང་སྦྱིན་ལ་རབ་ཏུ་སྡང་བའི་སེམས་བསྐྱེད་དོ། །བཅོམ་ལྡན་འདས། ཅི་ལགས། ཁྱིམ་བདག་དེ་འཁྲུགས་པར་གྱུར་ཏམ། རྒྱལ་པོ་ཆེན་པོ། དེ་ནི། ཕྱིར་མི་འོང་བ་ཡིན་པས་འཁྲུག་པ་སྐྱེད་པར་མི་བྱེད་དེ། འདི་ལྟར། ལྷ་གང་དེ་ལ་མངོན་པར་དད་པ་དེ་འཁྲུགས་པར་གྱུར་ཏོ། །བཅོམ་ལྡན་འདས། བདག་གིས་དེ་ལ་ཇི་ལྟར་བསྒྲུབ་པར་བགྱི། རྒྱལ་པོ་ཆེན་པོ། ཁྱོད་ཀྱིས་དེ་ལ་བཟོད་པར་གསོལ་བར་བྱའོ། །བཅོམ་ལྡན་འདས། ཅི་ལགས། བདག་གིས་དེའི་རྐང་པ་གཉིས་ལ་གཏུགས་པར་བགྱིའམ། རྒྱལ་པོ་ཆེན་པོ། རྐང་པ་གཉིས་ལ་གཏུགས་པར་མི་བྱ་སྟེ། འདི་ལྟར། མི་མ་རབས་དག་གིས་རྐང་པ་ལ་ཕྱག་འཚལ་བ་གང་ཡིན་པ་དེ་ནི། མི་གཙོ་བོ་དག་གིས་ལག་པ་ནས་གཟུང་བ་ཡིན་གྱི། ཁྱོད་ཀྱིས་ལག་པ་གཡས་པ་རྐྱོངས་ལ། ཁྱིམ་བདག་།བཟོད་པར་གྱིས་ཤིག་ཅེས་བཟོད་པ་གསོལ་ཅིག་དང ། དེས་བཟོད་པར་འགྱུར་རོ། །དེ་ནས་ཀོ་ས་ལར་
Nya139a
༄#། །བྱུང་བའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་པ་དང ། རྗེས་སུ་ཡི་རང་བ་བྱས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །མཉན་ཡོད་ན་ཁྱིམ་བདག་སྡུམ་བྱེད་དང ། ཚུལ་ཁྲིམས་ཚོང་དཔོན་ཞེས་བྱ་བ་གཉིས་ཤིག་ཡོད་དེ། དེ་ན་གཏམས་པ་སྲུང་བ་རྣམས་ལ་ནི། སྡུམ་བྱེད་དྲང་པོ་ཡིན། གཅིག་པུས་ཆེ་བཞི་འབྱེད་པ་རྣམས་ལ་ནི། ཚུལ་ཁྲིམས་ཚོང་དཔོན་དྲང་པོ་ཡིན་ལ། དེ་ཡང་ངོ་ཚ་དང་ལྡན་པས་བཤང་བའི་སར་ཐག་རིང་དུ་འགྲོ་བ་ཡིན་ནོ། །མཉན་ཡོད་ན་སྟོན་ཟླ་ཐ་ཆུང་གི་གཡོ་ཅན་ཞེས་བྱ་བ་ཆོམ་རྐུན་པ་དག་འཁོད་པ་དེ་དག་གི་ཀུན་ཏུ་སྤྱོད་པ་ནི། དགག་དབྱེ་བྱས་མ་ཐག་ཏུ་འདུས་ནས་ཤེས་ལྡན་དག། བདག་ཅག་གི་ལས་ཅི་ཞིག་བྱས་ན། དེས་བཙལ་མི་དགོས་པར་ལོ་སྐོར་དུ་ལོངས་སྤྱོད་ཅིང ། བདེ་བར་འཁོད་པར་འགྱུར་ཞེས་ཕན་ཚུན་གྲོས་བྱེད་དོ། །དེ་དག་ལས་གཅིག་གིས་སྨྲས་པ། ཤེས་ལྡན་དག་།ཁྱིམ་བདག་སྡུམ་བྱེད་འདི། གཏམས་པ་འཛིན་པ་ཡིན་པས། འདི་ལ་བརྒལ་ཞིང་བརྟག་པར་བྱའོ། །གཞན་དག་གིས་སྨྲས་པ། མ་ཉེས་ཀྱི། དེ་བཞིན་བྱ་སྟེ། འདི་ལྟར། ཁྱིམ་བདག་ཚུལ་ཁྲིམས་ཚོང་དཔོན་འདི་གཅིག་པུས་ཆེ་བཞི་འབྱེད་པ་རྣམས་ལ་དྲང་བ་ཡིན་ལ། དེ་ཡང་ངོ་ཚ་དང་ལྡན་པས་བཤང་བའི་སར་ཐག་རིང་དུ་འགྲོ་བས། དེ་བཟུང་སྟེ་བསྡིགས་ན། དེས་
Nya139b
ཆེ་བཞི་འབྱེད་པར་འགྱུར་རོ། །ཞེས་དེ་དག་གིས་དེའི་བྱ་ར་བྱས་ཏེ་བཤང་བའི་སར་སོང་བ་བཟུང་ནས་བསྡིགས་ཏེ་སྨྲས་པ། ཁྱིམ་བདག། ཁྱོད་གསོན་ནམ། འཆི། དེས་སྨྲས་པ། ཤེས་ལྡན་དག། ཁྱེད་ཀྱིས་ཇི་ལྟར་བསམ་པའོ། །དེ་དག་གིས་སྨྲས་པ། ཁྱིམ་བདག། གལ་ཏེ་དེ་ལྟ་ན། ཁོ་བོ་ཅག་ཁྱིམ་བདག་སྡུམ་བྱེད་ལ་ནོར་བརྒྱའམ། སྟོང་གིས་རྒོལ་ཞིང་རྟོག་གི་།ཁྱོད་ཀྱིས་ཆེ་བཞི་ཕྱེ་ཞིག་།དེས་སྨྲས་པ། ཤེས་ལྡན་དག་།ཅི། ཡང་དག་པས་སམ། ཡང་དག་པ་མ་ཡིན་པས། ཁྱིམ་བདག། ཡང་དག་པ་མ་ཡིན་པས་སོ། །ཤེས་ལྡན་དག་།ཁོ་བོ་ཡང་དག་པ་མ་ཡིན་པས་ཆེ་བཞི་མི་འབྱེད་དེ། ཁོ་བོས་ཚེ་གཅིག་གི་སྡུག་བསྔལ་ལས་ཐར་པར་བྱ་བའི་དོན་དུ་ཚེ་རབས་མང་པོའི་སྡུག་བསྔལ་སྐྱེད་པར་མི་ནུས་སོ། །དེ་དག་གིས་སྨྲས་པ། ཁྱིམ་བདག་གལ་ཏེ་རེ་ཞིག་ཆེ་བཞི་འབྱེད་ན། དེ་ལྟ་ན་ལེགས། གལ་ཏེ་མི་འབྱེད་ན། ཁོ་བོ་ཅག་གིས་ཁྱོད་མགོ་དྲུངས་ནས་བཅད་དེ་ས་ལ་བསྒྱེལ་བར་བྱའོ། །དེས་ཚིགས་སུ་བཅད་པ་སྨྲས་པ། ཁོ་བོ་ཆོས་ལ་གནས་ན་མྱུར་དུ་ཤི་ཡང་བླ། །ཆོས་ལ་རྒྱབ་ཀྱིས་ཕྱོགས་ན་གསོན་པར་མ་གྱུར་ཅིག་།ཆོས་ལ་གནས་པ་སུམ་ཅུ་ལྷ་ཡི་བདེ་བ་སྤྱོད། །ཆོས་ལས་ཉམས་པ་མི་བཟད་འཇིགས་པའི་ངན་སོང་ལྟུང ། །དེ་ནས་སྟོན་ཟླ་ཐ་ཆུང་གི་གཡོན་ཅན་དེ་དག་གིས་ཁྱིམ་བདག་དེའི་རྐང་པ་གཉིས་ལ་གཏུགས་ཏེ་སྨྲས་པ། ཁྱིམ་བདག། བདག་ཅག་ལ་མི་འཇིགས་པ་སྩོལ་ཅིག་།དེས་སྨྲས་
Nya140a
༄#། །པ།་སྦྱིན་ནོ། །སྟོན་ཟླ་ཐ་ཆུང་གི་གཡོན་ཅན་དེ་དག་གིས་དེའི་རྐང་པ་གཉིས་ལ་གཏུགས་ཏེ་གདོང་ངོ ། །མཉན་ཡོད་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱི་ནུ་བོ་རྒྱལ་བུ་ནག་པོ་ཞེས་བྱ་བ། གཟུགས་བཟང་བ། བལྟ་ན་སྡུག་པ། མཛེས་པ། དད་པ་དང་ལྡན་ཞིང་བཟང་ལ་དག་བའི་བསམ་པ་ཅན། སངས་རྒྱས་ལ་སྐྱབས་སུ་སོང ། ཆོས་ལ་སྐྱབས་སུ་སོང ། དགེ་འདུན་ལ་སྐྱབས་སུ་སོང་བ་ཞིག་འདུག་པ་དེ། ཡན་ལག་བརྒྱད་དང་ལྡན་པའི་གསོ་སྦྱོང་ལ་ཉེ་བར་གནས་པའི་གན་དུ་བདུད་ཀྱི་རིས་ཀྱི་ལྷ་མོ་ཞིག་འོངས་ཏེ་རིགས་པས་བསྐྱེད་པ་མ་ཡིན་པས་མགྲོན་དུ་གཉེར་བ་ན། དེས་དེ་དང་དུ་མ་བླངས་སོ། །ཇི་ཙམ་དུས་གཞན་ཞིག་ན་ཁྱིམ་བདག་ངན་པ་བཟང་སྦྱིན་དང ། ཁྱིམ་བདག་སྡུམ་བྱེད་དང།་ཁྱིམ་བདག་ཚུལ་ཁྲིམས་ཚོང་དཔོན་དང ། རྒྱལ་བུ་ནག་པོ་རྣམས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་གཉིས་ལ་མགོ་བོས་ཕྱག་འཚལ་སྟེ་མཐའ་གཅིག་ཏུ་འཁོད་དོ། །ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡང་རྒྱལ་པོའི་འབྱོར་པ་ཆེན་པོ་དང ། རྒྱལ་པོའི་མཐུ་ཆེན་པོས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་ཀོ་ས་ལར་བྱུང་བའི་
Nya140b
རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ། ཁྱིམ་བདག་ངན་པ་བཟང་སྦྱིན་ནི། འདི་ཡིན་ནོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་སྟན་ལས་ལངས་ཏེ་ལག་པ་གཡས་པ་བརྐྱངས་ནས་སྨྲས་པ། ཁྱིམ་བདག་།བཟོད་པར་མཛོད་ཅིག་།ཁྱིམ་བདག་གིས་སྨྲས་པ། ལྷ། བཟོད་པར་འཚལ་ལོ། །དེ་ནས་བཅོམ་ལྡན་འདས་ལ་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་འདི་སྐད་ཅེས་གསོལ་ཏོ། །བཙུན་པ། བདག་ནི། རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ལགས་ན། བདག་གིས་བདག་གི་ཡུལ་ན་གནས་པའི་འབངས་ལ་བཟོད་པར་གསོལ་བ་གང་ལགས་པ་དེ། ངོ་མཚར་མི་ཆེའམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། རྗེ་དཔོན་གྱིས་བཟོད་པ་གསོལ་བ་ངོ་མཚར་ཆེའོ། །དེ་ནས་བཅོམ་ལྡན་འདས་ལ་ཁྱིམ་བདག་ངན་པ་བཟང་སྦྱིན་གྱིས་འདི་སྐད་ཅེས་གསོལ་ཏོ། །བཙུན་པ། བདག་ལ་ཀཪྴ་པ་ཎ་གཅིག་མཆིས་པ་དེས། བདག་གིས་ཟོང་འཇལ་ཅིང་བཙོངས་ནས་དེ་ལས་ཀཪྴ་པ་ཎ་བཞི་གྲུབ་ཅིང ། དེ་དག་ལས་གཅིག་གིས་ནི། བཅོམ་ལྡན་འདས་ཀྱི་དྲི་གཙང་ཁང་དུ་སྤོས་ཀྱི་བྱུག་པས་བྱུགས། གཉིས་པས་ནི། དགེ་འདུན་གྱི་སླད་དུ་དགེ་སློང་མཆོད་སྟོན་སྩལ། གསུམ་པས་ནི། གཡོག་འཁོར་གྱི་འཚོ་བ་སྦྱར། བཞི་པ་ནི། ཟོང་གི་རིན་དུ་བཞག་སྟེ། བཙུན་པ། བདག་གི་ནོར་མ་མཆིས་པའི་སྦྱིན་པ་གང་ལགས་པ་དེ། ངོ་མཚར་མི་
Nya141a
༄#། །ཆེའམ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། ནོར་མེད་པའི་སྦྱིན་པ་ངོ་མཚར་ཆེའོ། །དེ་ནས་བཅོམ་ལྡན་འདས་ལ་ཁྱིམ་བདག་ཚུལ་ཁྲིམས་ཚོང་དཔོན་གྱིས་འདི་སྐད་ཅེས་གསོལ་ཏོ། །བཙུན་པ། བདག་སླད་རོལ་ཏུ་མཆིས་པ་དང ། སྟོན་ཟླ་ཐ་ཆུང་གི་གཡོན་ཅན་དག་གིས་བཟུང་ནས་བསྡིགས་ཏེ་དེ་དག་བདག་ལ་འདི་སྐད་ཅེས། ཁྱིམ་བདག་།ཅི། ཁྱོད་གསོན་ནམ། འཆི་ཞེས་མཆི་ནས་བདག་གིས་དེ་དག་ལ་འདི་སྐད་ཅེས། ཤེས་ལྡན་དག་།ཁྱེད་ཀྱིས་ཇི་ལྟར་བསམ་པའོ། །ཞེས་བགྱིས་པ་དང ། དེ་དག་བདག་ལ་འདི་སྐད་ཅེས། ཁྱིམ་བདག་།གལ་ཏེ་དེ་ལྟ་ན། ཁེ་བོ་ཅག་ཁྱིམ་བདག་སྡུམ་བྱེད་ལ་ནོར་བརྒྱའམ། སྟོང་གིས་རྒོལ་ཞིང་རྟོག་གི། ཁྱེད་ཀྱིས་ཆེ་བཞི་ཕྱེ་ཞིག་ཅེས་མཆི་ནས་བདག་གིས་དེ་དག་ལ་འདི་སྐད་ཅེས། ཤེས་ལྡན་དག་།ཅི། ཡང་དག་པས་སམ། ཡང་དག་པ་མ་ཡིན་པས་ཞེས་བགྱིས་ན། དེ་དག་བདག་ལ་འདི་སྐད་ཅེས། ཁྱིམ་བདག་།ཡང་དག་པ་མ་ཡིན་པས་སོ། །ཞེས་མཆི་ནས་བདག་གིས་དེ་དག་ལ་འདི་སྐད་ཅེས། ཤེས་ལྡན་དག་།ཁོ་བོ་ཡང་དག་པ་མ་ཡིན་པས་ཆེ་བཞི་མི་འབྱེད་དེ། ཁོ་བོས་ཚེ་གཅིག་གི་སྡུག་བསྔལ་ལས་ཐར་པར་བྱ་བའི་དོན་དུ་ཚེ་རབས་མང་པོའི་སྡུག་བསྔལ་སྐྱེད་པར་མི་ནུས་སོ། །ཞེས་བགྱིས་པ་དང ། དེ་དག་བདག་ལ་འདི་སྐད་ཅེས། གལ་ཏེ་ཁྱིམ་བདག་།གལ་ཏེ་རེ་ཞིག་ཆེ་བཞི་འབྱེད་ན། དེ་ལྟ་ན་ལེགས།
Nya141b
གལ་ཏེ་མི་འབྱེད་ན། ཁོ་བོ་ཅག་གིས་ཁྱོད་མགོ་དྲུངས་ནས་བཅད་དེ་ས་ལ་བསྒྱེལ་བར་བྱའོ། །ཞེས་མཆི་ནས་བདག་གིས་ཚིགས་སུ་བཅད་པ་འདི་སྐད་ཅེས། ཁོ་བོ་ཆོས་ལ་གནས་ན་མྱུར་དུ་ཤི་ཡང་བླ། །ཆོས་ལ་རྒྱབ་ཀྱིས་ཕྱོགས་ན་གསོན་པར་མ་གྱུར་ཅིག་།ཆོས་ལ་གནས་པ་སུམ་ཅུ་ལྷ་ཡི་བདེ་བ་སྤྱོད། །ཆོས་ལས་ཉམས་པ་མི་བཟད་འཇིགས་པའི་ངན་སོང་ལྟུང ། །ཞས་སྨྲས་པ་དང ། དེ་དག་གིས་བདག་གི་རྐང་པ་གཉིས་ལ་གཏུགས་ཏེ་བདག་ལ་འདི་སྐད་ཅེས། ཁྱིམ་བདག་།བདག་ཅག་ལ་མི་འཇིགས་པ་སྩོལ་ཅིག་ཅེས་མཆི་ནས་བདག་གིས་དེ་དག་ལ་འདི་སྐད་ཅེས། སྦྱིན་ནོ། །ཞེས་བགྱིས་ཏེ།་བཙུན་པ། བདག་ཕོངས་པར་གྱུར་པས་ཀྱང་ཆོས་ཡོངས་སུ་མ་བཏང་སྟེ། བདག་གིས་ཕོངས་པར་གྱུར་པ་ན་ཆོས་སྤྱད་པ་དེ། ངོ་མཚར་མི་ཆེའམ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་།ཕོངས་པར་གྱུར་པ་ན་ཆོས་སྤྱད་པ་ངོ་མཚར་ཆེའོ། །དེ་ནས་བཅོམ་ལྡན་འདས་ལ་རྒྱལ་བུ་ནག་པོས་འདི་སྐད་ཅེས་གསོལ་ཏོ། །བཙུན་པ། བདག་ཡན་ལག་བརྒྱད་དང་ལྡན་པའི་གསོ་སྦྱོང་ལ་ཉེ་བར་གནས་པའི་གན་དུ་བདུད་ཀྱི་རིས་ཀྱི་ལྷ་མོ་ཞིག་མཆིས་ནས་རིགས་པས་བསྐྱེད་པ་མ་ལགས་པས་མགྲོན་དུ་གཉེར་བ་ན། བདག་གིས་དེ་དང་དུ་མ་བླངས་ཏེ། བཅོམ་ལྡན་འདས། བདག་ནོར་མངལ་འདོད་པ་དག་ལས་དབེན་པ་དེ། ངོ་མཚར་མི་ཆེའམ། བཅོམ་ལྡན་འདས་ཀྱིས་བཀའ་སྩལ་པ། གཞོན་ནུ་ནོར་མང་ལ་འདོད་པ་དག་ལས་དབེན་པ་ངོ་མཚར་ཆེའོ། །དེ་ནས་བཅོམ་
Nya142a
༄#། །ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་བཀའ་སྩལ་པ། རྗེ་དཔོན་བཟོད་གསོལ་ནོར་མེད་སྦྱིན་པ་དང ། །ཕོངས་པར་གྱུར་པ་ཆོས་སྤྱོད་བྱེད་པ་དང ། ནོར་མང་འདོད་པ་དག་ལས་དབེན་བྱེད་པ། །བཞི་པོ་དེ་དག་ཤིན་ཏུ་བྱ་དཀའ་ཡིན། །དེ་ནས་ཁྱིམ་བདག་ངན་པ་བཟང་སྦྱིན་དང ། ཁྱིམ་བདག་སྡུམ་བྱེད་དང ། ཁྱིམ་བདག་ཚུལ་ཁྲིམས་ཚོང་དཔོན་དང ། རྒྱལ་བུ་ནག་པོ་རྣམས་ཀྱིས་བཅོམ་ལྡན་འདས་ལ་ཆོས་མངོན་པ་དང ། འདུལ་བ་མངོན་པའི་ཞུ་བ་ཞུས་ནས་བཅོམ་ལྡན་འདས་ཀྱིས་དེ་དག་ལ་གོང་ནས་གོང་དུ་བཀའ་ལན་སྩལ་པ་དང ། ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཡང་དེ་དག་གི་གདོང་དུ་བལྟ་ཞིང་འདུག་སྟེ། དེས་ཡུད་ཙམ་ཞིག་ཆོས་དང་ལྡན་པའི་གཏམ་མཉན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་སོང་སྟེ། དེ་བཙུན་མོའི་འཁོར་གྱི་ནང་དུ་ཞུགས་ནས་བཙུན་མོ་ཕྲེང་ལྡན་མ་ལ་སྨྲས་པ། ཕྲེང་ལྡན་མ། དེང་ཁྱིམ་བདག་ངན་པ་བཟང་སྦྱིན་དང ། ཁྱིམ་བདག་སྡུམ་བྱེད་དང ། ཁྱིམ་བདག་ཚུལ་ཁྲིམས་ཚོང་དཔོན་དང ། རྒྱལ་བུ་ནག་པོ་རྣམས་ཀྱིས་བཅོམ་ལྡན་འདས་ལ་ཆོས་མངོན་པ་དང ། འདུལ་བ་མངོན་པའི་ཞུ་བ་ཞུས་ནས་བཅོམ་ལྡན་འདས་ཀྱིས་ཀྱང་དེ་དག་ལ་གོང་ནས་གོང་དུ་བཀའ་ལན་སྩལ་པ་དང ། ང་ཡང་དེ་དག་གི་གདོང་དུ་བལྟ་ཞིང་ཁ་རོག་པར་འདུག་འདུག་ནས་ལངས་ཏེ་སོང་ངོ ། །ཕྲེང་ལྡན་
Nya142b
མས་སྨྲས་པ། ལྷ། ཁྱོད་ཀྱིས་ཀྱང་ཅིའི་སླད་དུ་བཅོམ་ལྡན་འདས་ལ་མ་ཞུས། ཕྲེང་ལྡན་མ། ང་ནི། ཐོས་པ་ཉུང་བ་ཡིན་ལ། དེ་དག་ནི། ཐོས་པ་མང་བ་ཡིན་པས། ངས་ཅི་ཞིག་ཞུར་ཡོད། ལྷ།་ཁྱོད་ཀྱང་ཅིའི་སླད་དུ་སངས་རྒྱས་ཀྱི་བཀའ་ཀློག་པར་མི་མཛད། ཕྲེང་ལྡན་མ། ང་རྒྱལ་པོའི་བྱ་བ་དང ། རྒྱལ་པོའི་བྱེད་པ་དག་ལ་རྟག་ཏུ་བྲེལ་བས་ཇི་ལྟར་བཀླག་།གལ་ཏེ་ཁྱོད་འགའ་ཞིག་ལས་སངས་རྒྱས་ཀྱི་བཀའ་ཀློག་ན། ངས་མཚན་མོ་ཁྱོད་ལས་བཀླག་པར་བྱའོ། །ལྷ། དེ་ལྟར་བགྱིའོ། །རྒྱལ་པོས་བཙུན་མོ་རྒྱལ་རིགས་དབྱར་ཚུལ་མ་ལ་སྨྲས་པ། ཁྱོད་སུ་ལས་ཀློག་།དེས་སྨྲས་པ། ལྷ། འཕགས་པ་ཤཱ་རིའི་བུ་ལས་སོ། །བཙུན་མོ་ཕྲེང་ལྡན་མ་ལ་སྨྲས་པ། ཁྱོད་སུ་ལས་ཀློག་།དེས་སྨྲས་པ། ལྷ། འཕགས་པ་འཆར་ཀ་ལས་སོ། །དེ་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ཚེ་དང་ལྡན་པ་ཤཱ་རིའི་བུ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ།་རྒྱལ་རིགས་དབྱར་ཚུལ་མ་འཕགས་པ་ལས་སངས་རྒྱས་ཀྱི་བཀའ་ཀླག་པར་འཚལ་ན། ཀློག་ཏུ་སྩལ་བར་གསོལ། དེས་སྨྲས་པ། ལྷ། བཅོམ་ལྡན་འདས་ལ་ཞུའོ། །ཞེས་དེ་ནས་ཚེ་དང་ལྡན་པ་ཤཱ་རིའི་བུ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་
Nya143a
༄#། །འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཙུན་པ། ཀ་ས་ལར་བྱུང་བའི་རྒྱལ་པོ་གསལ་རྒྱལ་འདི་སྐད་ཅེས། རྒྱལ་རིགས་དབྱར་ཚུལ་མ་ཀློག་ཏུ་སྩོལ་ཅིག་།ཅེས་མཆི་ན། བདག་གིས་དེ་ལ་ཇི་སྐད་བརྗོད་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ། ཀློག་ཏུ་ཆུག་ཅིག་།ཚེ་དང་ལྡན་པ་ཤཱ་རིའི་བུས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ། ལྷ། བཀའ་ཀློག་ཏུ་སྩལ་ཏོ། །ཞེས་ཁས་བླངས་སོ། །རྒྱལ་པོས་དེའི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་འཆར་ཀ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་འཆར་ཀའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་ཚེ་དང་ལྡན་པ་འཆར་ཀ་ལ་འདི་སྐད་ཅེས་སྨྲས་སོ། །འཕགས་པ། ཕྲེང་ལྡན་མ་འཕགས་པ་ལས་སངས་རྒྱས་ཀྱི་བཀའ་ཀློག་པར་འཚལ་ན། ཀློག་ཏུ་སྩལ་བར་གསོལ། དེས་སྨྲས་པ། ལྷ། བཅོམ་ལྡན་འདས་ལ་ཞུའོ། །ཞེས་དེ་ནས་ཚེ་དང་ལྡན་པ་འཆར་ཀ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་འཆར་ཀས་འདི་སྐད་ཅེས་གསོལ་ཏོ། །བཙུན་པ། ཀོ་ས་ལར་བྱུང་བའི་རྒྱལ་པོ་
Nya143b
གསལ་རྒྱལ་འདི་སྐད་ཅེས། ཕྲེང་ལྡན་མ་ཀློག་ཏུ་གསོལ་ཅིག་ཅེས་མཆི་ན། བདག་གིས་དེ་ལ་ཇི་སྐད་བརྗོད་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། འཆར་ཀ་ཀློག་ཏུ་ཆུག་ཅིག་།ཚེ་དང་ལྡན་པ་འཆར་ཀས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལ། ལྷ། ཀློག་ཏུ་སྩལ་ཏོ། །ཞེས་ཁས་བླངས་ནས་རྒྱལ་པོ་དེའི་རྐང་པ་ལ་ཕྱག་འཚལ་ཏེ་སོང་ངོ་།། །། འདུལ་བ་རྣམ་པར་འབྱེད་པ། བམ་པོ་བདུན་ཅུ་པ། ཚེ་དང་ལྡན་པ་ཤཱ་རིའི་བུ་ནི། དུས་ཤེས་པ་དང ། དུས་རིག་པ་ཡིན་པས། དེ་དུས་སུ་སོང་ནས་རྒྱལ་རིགས་དབྱར་ཚུལ་མ་ཀློག་ཏུ་འཇུག་གི ། དུས་མ་ཡིན་པར་མི་འགྲོའོ། །ཚེ་དང་ལྡན་པ་འཆར་ཀ་ནི། དུས་མི་ཤེས་པ་དང ། དུས་མི་རིག་པ་ཡིན་པས་དུས་སུ་ཡང་སོང་སྟེ། ཕྲེང་ལྡན་མ་ཀློག་ཏུ་འཇུག་ལ། དུས་མ་ཡིན་པར་ཡང་འགྲོའོ། ། ཇི་ཙམ་དུས་གཞན་ཞིག་ན་ཀོ་ས་ལར་བྱུང་བའི་རྒྱལ་པོ་གསལ་རྒྱལ་རི་བྲག་གཞན་ཞིག་ཏུ་བྱ་བ་ཅུང་ཞིག་བྱུང་ནས་དེའི་མཚན་མོ་ཉིད་དུ་ལངས་ཏེ་དེར་འཕགས་པ་དང ། ཚེ་དང་ལྡན་པ་འཆར་ཀ་གླང་པོ་ཆེའི་སྒྲ་དང ། རྟའི་སྒྲ་དང ། དུང་གི་སྒྲས་སད་ནས་དེས་བསམ་པ། བཙུན་མོ་ཕྲེང་ལྡན་མ་ལ་བཟླས་པ་སྦྱིན་དུ་འགྲོའོ། །སྙམ་ནས་དེ་རྒྱལ་པོའི་ཕོ་བྲང་གི་སྒོར་སོང་བ་དང་སྒོ་བས་སྨྲས་པ། འཕགས་པ། དུས་མ་ལགས་པར་རྒྱལ་པོའི་ཕོ་བྲང་དུ་མ་འཇུག་པར་རེ་ཞིག་གཞེས་ལ་སླད་ཀྱིས་ཞུགས་ཤིག་།དེ་ཁྲོས་ཏེ་སྨྲས་པ། བཀྲེན་པ། ཇི་སྲིད་དུ་གསུས་པོ་ཆེ་འདི་
Nya144a
༄#། །གསོན་པ་དེ་སྲིད་དུ་ཁོ་བོ་འདིར་དུས་སུ་ཡང་འཇུག་ལ། དུས་མ་ཡིན་པར་ཡང་འཇུག་གོ་།འདི་ཤི་ན། འདིར་གདོལ་པ་དག་དང ། ཆོམ་རྐུན་པ་དག་འཇུག་པར་འགྱུར་ཞིང ། འདི་མི་གཙང་བའི་ར་བ་དང ། བཙོན་ར་དང ། ཝ་ལམ་ཅན་དུ་འགྱུར་རོ། །སྒོ་བ་སྐྲག་ནས་ཅང་མི་སྨྲ་བར་འདུག་པ་དང ། ཚེ་དང་ལྡན་པ་འཆར་ཀ་ནང་དུ་ཞུགས་པ་ན། བཙུན་མོ་ཕྲེང་ལྡན་མ་གཉིད་ལོག་ཅིང་འདུག་ནས། དེས་སེ་གོལ་གྱི་སྒྲས་དེ་བསླང་བ་དང ། དེས་དེའི་རྐང་པ་གཉིས་ལ་ཕྱག་འཚལ་ཏེ་མདུན་དུ་འདུག་གོ་།བཙུན་མོ་ཕྲེང་ལྡན་མ་བཙུན་མོའི་འཁོར་ལ་འོས་པའི་གོས་དག་གྱོན་ནས་ཚེ་དང་ལྡན་པ་འཆར་ཀ་དབང་པོ་རྣམས་བསྡུས་ཏེ་འདུག་པ་དང ། བཙུན་མོ་ཕྲེང་ལྡན་མས་བསམ་པ། ཅིའི་ཕྱིར་འཕགས་པ་འཆར་ཀ་དབང་པོ་རྣམས་བསྡུས་ཏེ་འདུག་སྙམ་ནས་དེས་ཡང་བསམ་པ། བདག་གི་བཙུན་མོའི་འཁོར་ལ་འོས་པའི་གོས་དག་གྱོན་པས་དེའི་ཕྱིར་འཕགས་པ་འཆར་ཀ་དབང་པོ་རྣམས་བསྡུས་ཏེ་འདུག་གོ་།སྙམ་དུ་རིག་ནས། དེ་ནས་གནས་ཁང་དུ་ཞུགས་ཏེ་གོས་སྡུག་པོ་དག་གྱོན་ནས་ཕྱིར་བྱུང་བ་དང ། ཚེ་དང་ལྡན་པ་འཆར་ཀས་དེ་ལ་བཟླས་པ་བྱིན་ནས་ལུང་གཞན་ཡང་ཕོག་པ་དང ། བཙུན་མོ་ཕྲེང་ལྡན་མས་སྨྲས་པ། འཕགས་པ། ཅི་ལགས། དེང་དགེ་འདུན་སྤྱན་དྲངས་སམ། འོན་ཏེ་བསོད་སྙོམས་མཛད། དེས་སྨྲས་པ། བསོད་སྙོམས་བགྱིད་དོ། །བཙུན་མོ་ཕྲེང་ལྡན་མས་སྨྲས་པ། འཕགས་པ། གལ་ཏེ་བསོད་སྙོམས་མཛད་ན།
Nya144b
བདག་ལས་ལྷག་པར་བསོད་པ་འབུལ་བ་སུ་ཞིག་མཆིས་ཏེ། བདག་ཉིད་ཀྱིས་འབུལ་ལོ། །ཞེས་དེ་བཅའ་བ་དང ། བཟའ་བ་གཙང་ཞིང་བསོད་པས་ལྷུང་བཟེད་བཀང་སྟེ་དེ་ལ་ཕུལ་ལོ། །ཚེ་དང་ལྡན་པ་འཆར་ཀས་དེ་བླངས་ཏེ་ཕྱིར་ཕྱུང་བ་དང ། ཚེ་དང་ལྡན་པ་ཤཱ་རིའི་བུ་ནང་དུ་འཇུག་པ་དང་འཕྲད་ནས་དེས་སྨྲས་པ། དོན་ཉུང་ངུ་ཁྱོད་ཀྱིས་བརྩོན་འགྲུས་འདི་ལྟ་བུས་ཟག་པ་ཟད་པར་བྱས་སམ། ཅི་ན། ཁྱོད་ད་གཟོད་འོང ། ཁོ་བོས་ནི། བཟླས་པ་བྱིན་ནས་ལུང་གཞན་ཡང་ཕོག་སྟེ། ཁོ་བོས་བཅའ་བ་དང ། བཟའ་བ་གཙང་ཞིང་བསོད་པས་ལྷུང་བཟེད་གང་བ་འདི་ཡང་ཐོབ་བོ། །ཚེ་དང་ལྡན་པ་ཤཱ་རིའི་བུས་སྨྲས་པ། དེའི་ཕྱིར་ཁྱོད་དྲུག་སྡེ་ཡིན་ནོ། །དགེ་སློང་དོན་ཉུང་ངུ་དག་གིས་ཐོས་ནས་ཅིའི་ཕྱིར་དགེ་སློང་དག་ནམ་མ་ལངས། སྐྱ་རེངས་མ་ཤར། རིན་པོ་ཆེ་དག་གམ། རིན་པོ་ཆེར་སྨོས་པ་དག་མ་བསྡུས་པར་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་སྒོ་གཏན་ནམ། སྒོ་གཏན་གྱི་ཉེ་འཁོར་ལས་འདའ་བར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་འཆར་
Nya145a
༄#། །ཀ་ལ་སྨྲས་པ། འཆར་ཀ། ཁྱོད་ནམ་མ་ལངས། སྐྱ་རེངས་མ་ཤར། རིན་པོ་ཆེ་དག་གམ། རིན་པོ་ཆེར་སྨོས་པ་དག་མ་བསྡུས་པར་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་སྒོ་གཏན་ནམ། སྒོ་གཏན་གྱི་ཉེ་འཁོར་ལས་འདའ་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ།་རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཅིའི་ཕྱིར་ཞེ་ན། དགེ་སློང་དག་།རྒྱལ་པོའི་ཕོ་བྲང་དུ་འགྲོ་བ་ལ་ཉེས་དམིགས་བཅུ་པོ་འདི་དག་ཡོད་པའི་ཕྱིར་ཏེ། བཅུ་གང་ཞེ་ན། དགེ་སློང་དག་།འདི་ལ་རྒྱལ་པོ་བཙུན་མོ་དང་ལྷན་ཅིག་འདུག་ཅིང ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ལ། དེ་ནས་བཙུན་མོས་དགེ་སློང་མཐོང་ནས་འཛུམ་འབྱིན་པར་བྱེད་ན། དེ་ལ་རྒྱལ་པོ་འདི་སྙམ་དུ། འདི་ལྟར། བཙུན་མོས་དགེ་སློང་མཐོང་ནས་འཛུམ་འབྱིན་པར་བྱེད་པ་ལས་ན། དགེ་སློང་གིས་དབེན་པར་སྡིག་པའི་ལས་བྱས་པའམ། སྡིག་པའི་ལས་འགའ་ཞིག་བྱ་བར་སེམས་པར་མི་འགྱུར་རམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་དང་པོ་ཡིན་ནོ། །གཞན་ཡང་རྒྱལ་པོ་བཙུན་མོའི་གན་དུ་སོང་བ་བརྗེད་དམ། སྦྲུམ་པ་བཙུན་མོའི་འཁོར་ནི་ནང་དུ་ཞུགས་པར་གྱུར་ལ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ལ་རྒྱལ་པོ་འདི་སྙམ་དུ་དགེ་སློང་རྒྱལ་པོའི་ཕོ་བྲང་
Nya145b
འདིར་འགྲོ་བ་ལས་ན། དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་གཉིས་པ་ཡིན་ནོ། །གཞན་ཡང་རྒྱལ་པོའི་ཕོ་བྲང་ནས་རིན་པོ་ཆེའམ། རིན་པོ་ཆེར་སྨོས་པ་སྟོར་བར་གྱུར་ལ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ལ་རྒྱལ་པོ་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ན། དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་གསུམ་པ་ཡིན་ནོ། །གཞན་ཡང་རྒྱལ་པོའི་ཕོ་བྲང་ནས་གསང་ཚིག་ཕྱི་རོལ་ཏུ་འཕེལ་བར་གྱུར་ལ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ལ་རྒྱལ་པོ་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ན། དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་བཞི་པ་ཡིན་ནོ། །གཞན་ཡང་རྒྱལ་པོ་གཞོན་ནུ་རྣམས་ལ་གསོད་པར་སེམས་ལ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ན་གང་དག་ཡིད་མི་དགའ་བ་དེ་དག་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ན། དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་ལྔ་པ་ཡིན་ནོ། །གཞན་ཡང་གཞོན་ནུ་རྣམས་རྒྱལ་པོ་གསོད་པར་སེམས་ཤིང ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ན་གང་དག་ཡིད་མི་དགའ་བ་དེ་དག་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ན།
Nya146a
༄#། །དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་དྲུག་པ་ཡིན་ནོ། །གཞན་ཡང་རྒྱལ་པོས་བློན་པོ་གནས་མཐོན་པོ་དག་གནས་དམའ་བར་འཇོག་པར་བྱེད་ཅིང ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ན་གང་དག་ཡིད་མི་དགའ་བ་དེ་དག་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ན། དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་བདུན་པ་ཡིན་ནོ། །གཞན་ཡང་རྒྱལ་པོས་བློན་པོ་དམའ་བ་དག་གནས་མཐོན་པོར་འཇོག་པར་བྱེད་ཅིང ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ན་གང་དག་ཡིད་མི་དགའ་བ་དེ་དག་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ན། དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་བརྒྱད་པ་ཡིན་ནོ། །གཞན་ཡང་རྒྱལ་པོའི་དཔུང་གི་ཚོགས་ཡན་ལག་བཞི་པ། གང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ་ལྗོངས་དག་ཏུ་འགྲོ་བ་དང ། ལྡོག་པར་བྱེད་ཅིང ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ན་གང་དག་ཡིད་མི་དགའ་བ་དེ་དག་འདི་སྙམ་དུ་དགེ་སློང་རྒྱལ་པོའི་ཕོ་བྲང་འདིར་འགྲོ་བ་ལས་ནི། དེའི་ལས་མ་ཡིན་ནམ་སྙམ་དུ་སེམས་པར་འགྱུར་
Nya146b
ཏེ།་དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་དགུ་པ་ཡིན་ནོ། །གཞན་ཡང་རྒྱལ་པོ་མ་ཕེབས་པ་འབེབས་པར་བྱེད་ཅིང་ཕེབས་པ་གནས་པར་བྱེད་ལ་ཐོབ་རྒྱལ་དུ་བསྒྲགས་ནས་དེའི་འོག་ཏུ་ཆད་པ་ཆེན་པོས་རྗེས་སུ་སྟོན་པར་བྱེད་ཅིང ། དགེ་སློང་ཡང་རྒྱལ་པོའི་ཕོ་བྲང་དུ་འགྲོ་ན། དེ་ན་གང་དག་ཡིད་མི་དགའ་བ་དེ་དག་འདི་སྙམ་དུ་དགེ་སློང་རྒྱལ་པོའི་ཕོ་བྲང་དུ་འདིར་འགྲོ་བ་ལས་ན། དེའི་ལས་མ་ཡིན་ནམ་སྙམ་དུ་སེམས་པར་འགྱུར་ཏེ། དེ་ནི། རྒྱལ་པོའི་ཕོ་བྲང་དུ་འགྲོ་བའི་ཉེས་དམིགས་བཅུ་པ་ཡིན་ནོ། །དགེ་སློང་དག་།དེ་ལྟར་ན། རྒྱལ་པོའི་ཕོ་བྲང་དུ་འགྲོ་བ་ནི། གླང་པོ་ཆེའི་གནོད་པ་དང ། རྟའི་གནོད་པ་དང ། ཤིང་རྟའི་གནོད་པ་དང ། དཔུང་བུ་ཆུང་གི་གནོད་པ་འབྱུང་བར་འགྱུར་ཏེ། དགེ་སློང་དག་།རྒྱལ་པོའི་ཕོ་བྲང་དུ་འགྲོ་བ་ནི། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ། དགེ་སློང་གི་ཚུལ་དང་མི་མཐུན་པ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ནམ་མ་ནངས། སྐྱ་རེངས་མ་ཤར། རིན་པོ་ཆེ་དག་གམ། རིན་པོ་ཆེར་སྨོས་པ་དག་མ་བསྡུས་པར་རྒྱལ་
Nya147a
༄#། །པོ་རྒྱལ་རིགས་སྤྱི་བོར་དབང་བསྐུར་བའི་སྒོ་གཏན་ནམ། སྒོ་གཏན་གྱི་ཉེ་འཁོར་ནས་འདའ་ན། ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལནད་ཀའི་གནས་ན་བཞུགས་སོ། །དེའི་ཚེ་ན་འྫམྦུའི་གླིང་ན་གྲོང་ཁྱེར་ཆེན་པོ་རྒྱལ་པོའི་ཁབ་དང ། སྒྲ་སྒྲོག་ཅེས་བྱ་བ་གཉིས་ཡོད་དེ། གང་གི་ཚེ་རྒྱལ་པོའི་ཁབ་རྒུད་པ་དེའི་ཚེ་ན་ནི། སྒྲ་སྒྲོག་འབྱོར་པར་འགྱུར་ལ། གང་གི་ཚེ་སྒྲ་སྒྲོག་རྒུད་པ་དེའི་ཚེ་ན་ནི། རྒྱལ་པོའི་ཁབ་འབྱོར་པར་འགྱུར་རོ། །གྲོང་ཁྱེར་ཆེན་པོ་སྒྲ་སྒྲོག་ན་རྒྱལ་པོ་ཨུ་ཏྲ་ཡ་ན་བྱ་བས་རྒྱལ་སྲིད་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་མོ་དང ། འཐབ་པ་དང ། ཕྱི་དགྲ་དང ། ནང་འཁྲུག་རབ་ཏུ་ཞི་བ། ཆོམ་རྐུན་དང ། མུ་གེ་དང ། ནད་དང་བྲལ་བ། འབྲས་སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ།་ཆོས་དང་ལྡན་པ། ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།དེ་ན་ཤིང་ལྗོན་པ་དག་ཀྱང་རྟག་ཏུ་མེ་ཏོག་དང་འབྲས་བུ་འཆགས་པ་ཡིན་ཞིང ། ལྷས་ཀྱང་དུས་དང་དུས་སུ་ཆར་གྱི་རྒྱུན་ལེགས་པར་འབེབས་པས་ལོ་ཏོག་ཤིན་ཏུ་ཕུན་སུམ་ཚོགས་པར་གྱུར་ཏོ། །དེ་ལ་བཙུན་མོ་ཟླ་འོད་ཅེས་བྱ་བ། གཟུགས་བཟང་བ། བལྟ་ན་སྡུག་པ། མཛེས་པ། ཡན་ལག་དང་ཉིང་ལག་ཐམས་
Nya147b
ཅད་དང་ལྡན་པ་དང ། བུ་རྒྱལ་ཚབ་གཙུག་ཕུད་ཅན་ཞེས་བྱ་བ་དང ། བློན་པོའི་མཆོག་ཧེ་རུ་ཀ་དང ། བྷི་རུ་ཀ་ཞེས་བྱ་བ་གཉིས་ཡོད་དོ། །གྲོང་ཁྱེར་རྒྱལ་པོའི་ཁབ་ན། མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་རྒྱལ་སྲིད་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་མོ་དང ། འཐབ་པ་དང ། ཕྱི་དགྲ་དང ། ནང་འཁྲུག་རབ་ཏུ་ཞི་བ། ཆོམ་རྐུན་དང ། མུ་གེ་དང ། ནད་དང་བྲལ་བ། སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ། ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།དེ་ན་ཡང་ཤིང་ལྗོན་པ་དག་ཀྱང་རྟག་ཏུ་མེ་ཏོག་དང ། འབྲས་བུ་འཆགས་ཤིང ། ལྷས་ཀྱང་དུས་དང་དུས་སུ་ཆར་གྱི་རྒྱུན་ལེགས་པར་འབེབས་པས་ལོ་ཏོག་ཤིན་ཏུ་ཕུན་སུམ་ཚོགས་པར་གྱུར་ཏོ། །དེ་ལ་བཙུན་མོ་ལུས་འཕགས་མ་ཞེས་བྱ་བ། གཟུགས་བཟང་བ། བལྟ་ན་སྡུག་པ། མཛེས་པ། ཡན་ལག་དང་ཉིང་ལག་ཐམས་ཅད་དང་ལྡན་པ་དང ། བུ་རྒྱལ་ཚབ་མ་སྐྱེས་དགྲ་ཞེས་བྱ་བ་དང ། བློན་པོའི་མཆོག་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་ཚུལ་ཞེས་བྱ་བ་ཡོད་དོ། །ཇི་ཙམ་དུས་གཞན་ཞིག་ན་རྒྱལ་པོའི་ཁབ་ན་ཚོང་པ་དག་ཟོང་ཐོགས་ཏེ་ཡུལ་གཞན་དུ་འཕགས་ནས་དེ་དག་མཐར་གྱིས་གྲོང་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་དག་ཏུ་ཚོང་འདུས་དག་ལ་རྣམ་པར་ལྟ་བ་ན་གྲོང་ཁྱེར་ཆེན་པོ་སྒྲ་སྒྲོག་ཏུ་ཕྱིན་ཏོ། །ཇི་ཙམ་ན་རྒྱལ་པོ་ཨུ་ཏྲ་
Nya148a
༄#། །ཡ་ན་བློན་པོའི་ཚོགས་ཀྱིས་ཡོངས་སུ་བསྐོར་ཏེ་དོན་གྱི་གནས་ན་འདུག་པ་ན་ཚོང་པ་དེ་དག་སྐྱེས་ཐོགས་ཏེ་རྒྱལ་པོ་ཨུ་ཏྲ་ཡ་ནའི་གན་དུ་དོང་བ་དང ། རྒྱལ་པོ་ཨུ་ཏྲ་ཡ་ནས་དེ་དག་ལ་འོངས་པ་ལེགས་སོ། །ཞེས་བྱ་བའི་ཚིག་གིས་ཀུན་ཏུ་སྤྱད་དེ་གནས་ཇི་ལྟ་བ་བཞིན་དུ་འཁོད་དོ། །རྒྱལ་པོ་ཨུ་ཏྲ་ཡ་ནས་དེ་དག་མཐོང་ནས་བློན་པོ་རྣམས་ལ་སྨྲས་པ། ཤེས་ལྡན་དག་།ཡུལ་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ་འདི་ལྟ་བུ་དང ། ཤིང་ལྗོན་པ་རྟག་ཏུ་མེ་ཏོག་དང་འབྲས་བུ་འཆགས་པ་འདི་ལྟ་བུ་དང ། ལྷས་དུས་དང་དུས་སུ་ཆར་གྱི་རྒྱུན་ལེགས་པར་འབེབས་ཤིང ། ལོ་ཐོག་ཤིན་ཏུ་ཕུན་སུམ་ཚོགས་པ་དང་ལྡན་པའི་རྒྱལ་པོ་གཞན་འགའ་ཞིག་ཡོད་དམ། ཚོང་པ་དེ་དག་གིས་སྨྲས་པ། ལྷ། མཆིས་ཏེ། ཤར་གྱི་ཡུལ་ན་གྲོང་ཁྱེར་རྒྱལ་པོའི་ཁབ་ཅེས་བགྱི་བ་དེ་ན་རྒྱལ་པོ་གཟུགས་ཅན་སྙིང་པོ་ཞེས་བགྱི་བས་རྒྱལ་སྲིད་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ་བགྱིད་དུ་སྩོལ་བ་དེ་ན་ཡང་ཤིང་ལྗོན་པ་དག་ཀྱང་རྟག་ཏུ་མེ་ཏོག་དང་འབྲས་བུ་འཆགས་ཤིང ། ལྷས་ཀྱང་དུས་དང་དུས་སུ་ཆར་གྱི་རྒྱུན་ལེགས་པར་འབེབས་པས། ལོ་ཐོག་ཤིན་ཏུ་ཕུན་སུམ་ཚོགས་པ་ལགས་སོ། །རྒྱལ་པོ་ཨུ་ཏྲ་ཡ་ན་དེ་ལ་རྗེས་སུ་ཆགས་པ་སྐྱེས་ནས་དེས་སྨྲས་པ། ཤེས་ལྡན་དག་།རྒྱལ་པོ་དེའི་ཡུལ་ན་ཅི་ཞིག་དཀོན། བློན་པོ་རྣམས་ཀྱིས་སྨྲས་པ། ལྷ་ནི། རིན་པོ་ཆེའི་མངའ་བདག་ལགས་
Nya148b
ལ།་རྒྱལ་པོ་དེ་ནི། གོས་ཀྱི་བདག་པོ་ལགས་པས། དེ་ལ་རིན་པོ་ཆེ་དག་དཀོན་ནོ། །རྒྱལ་པོས་སྨྲས་པ། ཤེས་ལྡན་དག་།གལ་ཏེ་དེ་ལྟར་ན། རིན་པོ་ཆེ་རྟོག་པ་དག་བོས་ཤིག་།ཅེས་རྒྱལ་པོས་རིན་པོ་ཆེ་དག་བརྟགས་ཤིང་བརྟགས་ཤིང་སྒྲོམ་བཀང་ནས། ཚོང་པ་དེ་དག་གི་ལག་ཏུ་སྐྱེས་སུ་བསྐུར་ཞིང ། འཕྲིན་ཡིག་ཀྱང ། ཤེད་མཐུན་དགྱེས་པ། ཁྱོད་བདག་གིས་མ་མཐོང་བའི་གྲོགས་ལགས་ཀྱི། གལ་ཏེ་གྲོང་ཁྱེར་སྒྲ་སྒྲོག་ཏུ་ཁྱོད་ལ་བགྱི་བ་ཅུང་ཟད་མཆིས་ན། བདག་ལ་འཕྲིན་ཡིག་སྐུར་ཅིག་དང ། ཐམས་ཅད་བསྒྲུབ་བོ། །ཞེས་བྲིས་ཏེ་བསྐུར་རོ། །དེ་ནས་ཚོང་པ་དེ་དག་གིས་སྐྱེས་དང ། འཕྲིན་ཡིག་དང ། ཟོང་རིན་ཁྱེར་ཏེ་རྒྱལ་པོའི་ཁབ་ཏུ་འཕགས་ནས་མཐར་གྱིས་རྒྱལ་པོའི་ཁབ་ཏུ་ཕྱིན་ཏོ། །དེ་ནས་ལམ་གྱིས་དུབ་པའི་ངལ་བསོས་ནས་རིན་པོ་ཆེའི་སྒྲོམ་དང ། འཕྲིན་ཡིག་དེ་དག་ཁྱེར་ཏེ། རྒྱལ་པོ་གཟུགས་ཅན་སྙིང་པོའི་གན་དུ་དོང་ནས་རྐང་པ་གཉིས་ལ་གཏུགས་ཏེ་སྒྲོམ་དང་འཕྲིན་ཡིག་དག་ཕུལ་ནས་སྨྲས་པ། ལྷ། གྲོང་ཁྱེར་སྒྲ་སྒྲོག་ན་རྒྱལ་པོ་ཨུ་ཏྲ་ཡ་ན་ཞེས་བགྱི་བ་དེས། ལྷ་ལ་སྐྱེས་དང ། འཕྲིན་ཡིག་འདི་དག་བསྐུར་རོ། །རྒྱལ་པོ་གཟུགས་ཅན་སྙིང་པོས་འཕྲིན་ཡིག་བཀླགས་ཏེ་སྨྲས་པ། ཤེས་ལྡན་དག་།རྒྱལ་པོ་དེའི་ཡུལ་ན་ཅི་ཞིག་དཀོན། བློན་པོ་རྣམས་ཀྱིས་སྨྲས་པ།་ལྷ། གོས་ཀྱི་མངའ་བདག་ལགས། རྒྱལ་པོ་དེ་ནི། རིན་པོ་ཆེའི་བདག་པོ་ལགས་པས་དེ་ལ་གོས་དག་དཀོན་ནོ། །དེ་ནས་རྒྱལ་པོ་གཟུགས་ཅན་སྙིང་པོས་གོས་རིན་པོ་ཆེ་དག་གིས་
Nya149a
༄#། །སྒྲོམ་བཀང་སྟེ་སྐྱེས་སུ་བཀུར་ཞིང་འཕྲིན་ཡིག་ཀྱང ། ཤེད་མཐུན་དགྱེས་པ། ཁྱོད་ཀྱིས་འཕྲིན་སྤྲིངས་པ་དེས་འཇལ་ཏེ། ཁྱོད་ཀྱང་བདག་གིས་མ་མཐོང་བའི་གྲོགས་ལགས་ཀྱི། རྒྱལ་པོའི་ཁབ་ཏུ་ཁྱོད་ལ་ཡང་བགྱི་བ་ཅུང་ཟད་མཆིས་ན། བདག་ལ་འཕྲིན་ཡིག་སྤྲིངས་ཤིག་དང ། ཐམས་ཅད་བསྒྲུབ་བོ། །ཞེས་བྲིས་ཏེ། བློན་པོ་རྣམས་ལ་བསྒོ་བ། སྐྱེས་དང ། འཕྲིན་ཡིག་འདི་ཁྱེར་ལ། ཕོ་ཉ་དག་ལ་སྐུར་ཅིག་།བློན་པོ་རྣམས་ཀྱིས་ཕོ་ཉ་དག་ལ་བསྐུར་བ་དང ། དེ་དག་གིས་སྐྱེས་དང ། འཕྲིན་ཡིག་དེ་ཁྱེར་ཏེ་སྒྲ་སྒྲོག་ཏུ་འཕགས་ནས་མཐར་གྱིས་སྒྲ་སྒྲོག་ཏུ་ཕྱིན་ཏོ། །དེ་ནས་ལམ་གྱིས་དུབ་པའི་ངལ་བསོས་ཏེ་གོས་ཀྱི་སྒྲོམ་དང ། འཕྲིན་ཡིག་དེ་དག་ཁྱེར་ནས་རྒྱལ་པོ་ཨུ་ཏྲ་ཡ་ནའི་གན་དུ་སོང་སྟེ་རྐང་པ་གཉིས་ལ་གཏུགས་ནས་སྒྲོམ་དང ། འཕྲིན་ཡིག་དག་ཕུལ་ཏེ་སྨྲས་པ། ལྷ། རྒྱལ་པོ་གཟུགས་ཅན་སྙིང་པོས་ལྷ་ལ་སྐྱེས་འདི་དང ། འཕྲིན་ཡིག་འདི་བསྐུར་རོ། །རྒྱལ་པོ་ཨུ་ཏྲ་ཡ་ནས་འཕྲིན་ཡིག་བཀླགས་ཏེ་སྨྲས་པ། ཤེས་ལྡན་དག་།རྒྱལ་པོ་དེ་ནི། ཆུ་ཞེང་ཅི་འདྲ། དེ་དག་གིས་སྨྲས་པ། ལྷའི་ཅི་འདྲ་བ་ཁོ་ན་ལྟ་བུའོ། །བློན་པོ་རྣམས་ཀྱིས་སྨྲས་པ། ལྷ། དེ་ལྟ་བུ་ལགས་མོད་ཀྱི། འོན་ཀྱང་རྒྱལ་པོ་དེ་རང་གིས་མཚོན་འདེབས་པ། ཉེ་འཁོར་གྱི་མཁར་གྱི་རྒྱལ་པོ་རྣམས་དང་ལྷན་ཅིག་རང་གིས་གཡུལ་འགྱེད་ཅིང་གཡུལ་འགྱེད་དུ་སྩོལ་བ་ལགས་སོ། །རྒྱལ་པོ་ཨུ་ཏྲ་ཡ་ན་ལ་ནོར་བུའི་
Nya149b
ཁྲབ་ཡན་ལག་ལྔ་པོ་དུས་ཚིགས་སུ་རེག་པ་བདེ་བ་དང ། གཅད་དཀའ་བ་དང ། དབུག་དཀའ་བ་དང ། དུག་འཇིལ་བ་དང ། སྣང་བའི་བདག་ཉིད་དང་ལྡན་པ་ཞིག་ཡོད་ནས་རྒྱལ་པོ་ཨུ་ཏྲ་ཡ་ནས་བློན་པོ་རྣམས་ལ་སྨྲས་པ། ཤེས་ལྡན་དང ། རྒྱལ་པོ་དེ་གལ་ཏེ་རང་གིས་མཚོན་འདེབས་པ། ཉེ་འཁོར་གྱི་མཁར་གྱི་རྒྱལ་པོ་རྣམས་དང་ལྷན་ཅིག་གཡུལ་འགྱེད་ཅིང་གཡུལ་འགྱེད་དུ་འཇུག་པ་ཡིན་ན། དེ་ལ་ནོར་བུའི་ཁྲབ་འདི་བསྐུར་གྱི། ཕོ་ཉ་དག་སྟ་གོན་གྱིས་ཤིག་།དེ་དག་གིས་ཕོ་ཉ་དག་སྟ་གོན་བྱས་ནས་རྒྱལ་པོ་ཨུ་ཏྲ་ཡ་ནས་རིན་པོ་ཆེའི་ཁྲབ་དེ་དང ། འཕྲིན་ཡིག་ཀྱང་འདི་སྐད་ཅེས། ཤེད་མཐུན་དགྱེས་པ། ཁྱོད་ལ་བདག་གིས་ནོར་བུའི་ཁྲབ་འདི་སྐྱེས་སུ་བསྐུར་ཏེ། འདི་ཡང་ཡོན་ཏན་ལྔ་པོ་དུས་ཚིགས་སུ་རེག་པ་བདེ་བ་དང ། གཅད་དཀའ་བ་དང ། དབུག་དཀའ་བ་དང ། དུག་འཇིལ་བ་དང ། སྣང་བའི་བདག་ཉིད་དང་ལྡན་པ་ལགས་ཀྱི། ཁྱོད་འདི་བདག་དང་རྐྱེན་པས་རང་ཉིད་ཀྱིས་བཅང་བར་བགྱི་ཞིང ། སུ་ལ་ཡང་སྩལ་བར་མི་བགྱིའོ། །ཞེས་བྲིས་ཏེ་བསྐུར་རོ། །ཕོ་ཉ་རྣམས་ཀྱིས་སྐྱེས་དེ་དང ། འཕྲིན་ཡིག་ཁྱེར་ཏེ་རྒྱལ་པོའི་ཁབ་ཏུ་འཕགས་ནས་མཐར་གྱིས་རྒྱལ་པོའི་ཁབ་ཏུ་ཕྱིན་ཏོ། །དེ་ནས་ལམ་གྱིས་དུབ་པའི་ངལ་བསོས་ནས་ནོར་བུའི་ཁྲབ་དེ་དང ། འཕྲིན་ཡིག་ཁྱེར་ཏེ་རྒྱལ་པོ་གཟུགས་ཅན་སྙིང་པོའི་གན་དུ་དོང་ནས་རྐང་པ་གཉིས་ལ་གཏུགས་ཏེ་ནོར་བུའི་ཁྲབ་དང ། འཕྲིན་ཡིག་ཕུལ་ནས་སྨྲས་པ། རྒྱལ་པོ་ཨུ་ཏྲ་ཡ་ནས་ལྷ་ལ་སྐྱེས་
Nya150a
༄#། །འདི་དང ། འཕྲིན་ཡིག་འདི་བསྐུར་རོ། །རྒྱལ་པོ་གཟུགས་ཅན་སྙིང་པོས་འཕྲིན་ཡིག་བཀླགས་ཏེ་ནོར་བུའི་ཁྲབ་དེ་མཐོང་ནས་མཆོག་ཏུ་ཡ་མཚན་སྐྱེས་ཏེ། བློན་པོ་རྣམས་ལ་སྨྲས་པ། ཤེས་ལྡན་དག་།རིན་པོ་ཆེ་རྟོག་པ་དག་བོས་ཤིག་།དེ་དག་གིས་རིན་པོ་ཆེ་རྟོག་པ་དག་བོས་ནས་རྒྱལ་པོས་སྨྲས་པ། ཤེས་ལྡན་དག་།རིན་པོ་ཆེ་འདིའི་རིན་ཐང་ཆོད་ཅིག་།རིན་པོ་ཆེ་རྟོག་པ་དག་གིས་ནོར་བུའི་ཁྲབ་དང་ལྡན་པའི་རིན་པོ་ཆེ་རེ་རེ་ནས་བརྟག་པར་བརྩམས་ན། རིན་པོ་ཆེ་རེ་རེ་ཡང་རིན་ཐང་མེད་པར་མཐོང་ནས་དེ་དག་རྒྱལ་པོ་ལ་སྨྲས་པ། ལྷ། འདི་ལ་ནོར་བུ་རིན་པོ་ཆེ་རེ་རེར་ཡང་རིན་ཐང་མ་མཆིས་པ་ལགས་སོ། །ཆོས་ཉིད་ཀྱིས་ན། རིན་པོ་ཆེ་གང་གིས་རིན་ཐང་གདབ་པར་མི་ནུས་པ་དེའི་རིན་ཐང་བྱེ་བར་འདེབས་སོ། །རྒྱལ་པོ་གཟུགས་ཅན་སྙིང་པོས་རིན་པོ་ཆེ་དག་བགྲང་ནས་བདག་གིས་དེ་ལ་སྐྱེས་ལན་ཅི་ཞིག་བསྐུར་བར་བྱ་སྙམ་དུ་ཉམ་ང་བར་གྱུར་ནས་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་ནས་བློན་པོ་རྣམས་ལ་སྨྲས་པ། ཤེས་ལྡན་དག། རྒྱལ་པོ་ཨུ་ཏྲ་ཡ་ནས་ང་ལ་སྐྱེས་འདི་ལྟ་བུ་བསྐུར་ན། ངས་དེ་ལ་སྐྱེས་ལན་ཅི་ཞིག་བསྐུར་བར་བྱ། མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་ཚུལ་གྱིས་སྨྲས་པ། ལྷ། ཁྱོད་ཀྱི་ཡུལ་དུ་ཡང་འཇིག་རྟེན་གསུམ་ལས་ཆེས་ཁྱད་པར་དུ་འཕགས་པའི་རིན་པོ་ཆེ་བྱུང་བ་འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལགས་ཀྱི། ཁྱོད་ཀྱིས་ཀྱང་རས་ལ་སངས་རྒྱས་
Nya150b
ཀྱི་སྐུ་གཟུགས་འབྲིར་སྩོལ་ལ་སྐྱེས་ལན་དུ་བསྐུར་བར་གསོལ། རྒྱལ་པོས་སྨྲས་པ། གལ་ཏེ་དེ་ལྟ་ན། བཅོམ་ལྡན་འདས་ལ་ཞུའོ། །ཞེས་དེ་ནས་རྒྱལ་པོ་གཟུགས་ཅན་སྙིང་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་རྒྱལ་པོ་གཟུགས་ཅན་སྙིང་པོས་འདི་སྐད་ཅེས་གསོལ་ཏོ། །བཙུན་པ། གྲོང་ཁྱེར་སྒྲ་སྒྲོག་ན་རྒྱལ་པོ་ཨུ་ཏྲ་ཡ་ན་ཞེས་བགྱི་བ་བདག་གི་མཐོང་བའི་གྲོགས་ཤིག་མཆིས་པ་དེས། བདག་ལ་ནོར་བུའི་ཁྲབ་ཡན་ལག་ལྔ་དང་ལྡན་པ་ཞིག་སྐྱེས་སུ་བསྐུར་ཏེ། དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་ཀྱང་རས་ལ་བཅོམ་ལྡན་འདས་ཀྱི་སྐུ་གཟུགས་འབྲིར་སྩལ་ཏེ་དེ་ལ་སྐྱེས་ལན་དུ་བསྐུར་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་གནང་གི་།སྐུར་ཅིག་།ཁྱོད་ཀྱིས་སེམས་བསྐྱེད་པ་བཟང་སྟེ། རྒྱལ་པོ་ཨུ་ཏྲ་ཡ་ནས་མཐོང་མ་ཐག་ཁོ་ནར་དད་པ་སྐྱེ་བར་འགྱུར་ཞིང ། བདེན་པ་མཐོང་བར་བྱེད་པར་འགྱུར་རོ། །རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེས་ཡུལ་ཐམས་ཅད་ན་གནས་པའི་རི་མོ་མཁན་དག་བཀུག་སྟེ་སྨྲས་པ། ཤེས་ལྡན་དག་།བཅོམ་ལྡན་འདས་ཀྱི་སྐུ་གཟུགས་རས་ལ་བྲིས་ཤིག་།དེ་དག་གིས་སྨྲས་པ། ལྷ། འབྲི་བར་འཚལ་ལོ། །དེ་དག་གིས་བཅོམ་ལྡན་འདས་ཀྱི་མཚན་མ་གཟུང་བ་
Nya151a
༄#། །བརྩམས་པ་དང ། སངས་རྒྱས་བཅོམ་ལྡན་འདས་རྣམས་ནི། བལྟ་བས་ཆོག་མི་ཤེས་པ་ཡིན་པས། དེ་དག་གིས་བཅོམ་ལྡན་འདས་ཀྱི་མཚན་མ་གཟུང་བར་མ་ནུས་ནས་དེ་དག་ཡི་ཆད་དེ་རྒྱལ་པོའི་གན་དུ་སོང་སྟེ་སྨྲས་པ། ལྷ། བདག་ཅག་གིས་བཅོམ་ལྡན་འདས་ཀྱི་མཚན་མ་གཟུང་བར་རྔོ་མ་ཐོགས་ཏེ། གལ་ཏེ་ལྷས་བཅོམ་ལྡན་འདས་ཕོ་བྲང་གཞན་དུ་སྤྱན་དྲངས་ཏེ་གདུགས་ཚོད་གསོལ་ན། དེ་ལྟ་ན་བདག་ཅག་གིས་བཅོམ་ལྡན་འདས་ཀྱི་མཚན་མ་གཟུང་བར་རྔོ་ཐོགས་སོ། །རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ཕོ་བྲང་གཞན་དུ་སྤྱན་དྲངས་ཀྱང་སངས་རྒྱས་བཅོམ་ལྡན་འདས་རྣམས་ནི། བལྟ་བས་ཆོག་མི་ཤེས་པ་ཡིན་པས། འདི་ལྟར། དེ་དག་གིས་བཅོམ་ལྡན་འདས་ཀྱི་སྐུ་མཐོང་བ་ན། དེ་དང་དེ་ལ་བལྟ་བས་ངོམས་པར་གྱུར་ནས་དེ་ལྟ་ན་ཡང་བཅོམ་ལྡན་འདས་ཀྱི་མཚན་མ་གཟུང་བར་མ་ནུས་ནས་བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། རི་མོ་མཁན་རྣམས་ཀྱིས་དེ་བཞིན་གཤེགས་པའི་མཚན་མ་གཟུང་བར་མི་ནུས་ཀྱི། ཡི་ཆད་པར་མ་བྱེད་པར་རས་དེ་འོན་ཅིག་དང ། ངས་གྲིབ་མ་གཏང་བར་བྱའོ། །རྒྱལ་པོས་རས་ཕུལ་བ་དང ། བཅོམ་ལྡན་འདས་ཀྱིས་དེར་གྲིབ་མ་བཏང་སྟེ་རི་མོ་མཁན་རྣམས་ལ་བཀའ་སྩལ་པ། ཤེས་ལྡན་དག་།གྲིབ་མ་འདིར་ཚོན་སྣ་ཚོགས་ཀྱིས་ཁོངས་ཤིག་།རྒྱལ་པོ་ལ་ཡང་བཀའ་སྩལ་པ། རྒྱལ་པོ་ཆེན་པོ། །སྐུ་གཟུགས་བྱས་ཟིན་ནས་འོག་
Nya151b
ཏུ་སྐྱབས་སུ་འགྲོ་བ་དང ། བསླབ་པའི་གཞི་དག་དང ། རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང ། ལུགས་ལས་ལྡོག་པ་དག་བྲི་བར་བྱའོ། །སྟེང་དུ་ཚིགས་སུ་བཅད་པ་གཉིས་པོ། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་དག་བྲི་བར་བྱའོ། །ཕོ་ཉ་དག་ལ་འཕྲིན་དུ་ཕྱོགས་གོ་སྐབས་ཡངས་པར་བཀུར་སྟི་ཆེན་པོས་སྐུ་གཟུགས་དབྱེ་བར་བྱ་སྟེ། གལ་ཏེ་འདི་ཅི་ཡིན་ཞེས་འདྲི་ན། འདི་ནི། འཇིག་རྟེན་གསུམ་ལས་ཆེས་ཁྱད་པར་འཕགས་པ་སངས་རྒྱས་བཅོམ་ལྡན་འདས་ཀྱི་སྐུ་གཟུགས་ཡིན་ནོ། །ཞེས་བརྗོད་པར་བྱའོ། །གལ་ཏེ་འོག་ཏུ་བྲིས་པ་འདི་ཅི་ཡིན་ཞེས་འདྲི་ན། འདི་ནི། ཁས་ལེན་པའོ། །འདི་ནི། བསླབ་པའི་གཞི་དག་གོ་།འདི་ནི། འཇིག་རྟེན་གྱི་འབྱུང་བ་དང ། ལྡོག་པ་ཞེས་བརྗོད་པར་བྱའོ། །གལ་ཏེ་སྟེང་དུ་བྲིས་པ་འདི་ཅི་ཡིན་ཞེས་འདྲི་ན། འདི་ནི། མངོན་པར་སྤྲོ་བར་བྱ་བའོ། །ཞེས་བརྗོད་པར་བྱའོ། །ཞེས་སྒོས་ཤིག་།རྒྱལ་པོས་ཐམས་ཅད་བྲིས་ཤིང་འབྲིར་བཅུ་ག་ནས་དྲི་སྣ་ཚོགས་ཀྱིས་བསྒོས་ཏེ་ལེགས་པར་དྲིལ་ནས་གསེར་གྱི་དོང་བུར་བཅུག་སྟེ། གསེར་གྱི་དོང་བུ་ཡང་དངུལ་གྱི་དོང་བུ་བཅུག་།དངུལ་གྱི་དོང་བུ་ཡང་ཟངས་ཀྱི་དོང་བུར་བཅུག་།ཟངས་ཀྱི་དོང་བུ་ཡང་དྲི་སྣ་ཚོགས་ཀྱིས་བསྒོས་
Nya152a
༄#། །པའི་གོས་དག་གིས་དཀྲིས་ཏེ་གླང་པོ་ཆེའི་རྒྱབ་ཏུ་བཀལ་ནས་གྲོང་ཁྱེར་མཛེས་པ་དང ། ལམ་མཛེས་པ་ཆེན་པོས་གྲོང་ཁྱེར་ནས་ཕྱུང་སྟེ་རྒྱལ་པོ་ཨུ་ཏྲ་ཡ་ན་ལ་འཕྲིན་ཡིག་འདི་སྐད་ཅེས། ཤེད་མཐུན་དགྱེས་པ། ཁྱོད་ལ་བདག་གིས་འཇིག་རྟེན་གསུམ་ལས་ཆེས་ཁྱད་པར་དུ་འཕགས་པའི་སྐྱེས་འདི་བསྐུར་གྱི། ཁྱེད་ཀྱིས་འདི་དཔག་ཚད་ཕྱེད་དང་གསུམ་དུ་གྲོང་ཁྱེར་མཛེས་པ་དང ། ལམ་མཛེས་པར་བྱ་ཞིང ། བདག་ཉིད་དཔུང་གི་ཚོགས་ཡན་ལག་བཞི་དང་ལྡན་པས་བསུ་བར་བྱ་སྟེ། ས་ཕྱོགས་གོ་སྐབས་ཡངས་པར་མཆོད་པ་དང་བཀུར་སྟི་ཆེན་པོ་བྱས་ཏེ་དབྱེ་བར་བྱའོ། ། དེ་ནས་ཁྱོད་ཀྱིས་བསོད་ནམས་ཆེན་པོ་ཐོབ་པར་འགྱུར་རོ། །ཞེས་བྲིས་ཏེ་བསྐུར་རོ། །ཕོ་ཉ་རྣམས་ལ་ཡང་ཁྱོད་ཀྱིས་འདི་དང་འདི་སྐད་ཅེས་བརྗོད་པར་བྱའོ། །ཞེས་བསྒོས་ནས་དེ་དག་གིས་སྐུ་གཟུགས་དང ། འཕྲིན་ཡིག་དེ་ཁྱེར་ཏེ་སྒྲ་སྒྲོག་ཏུ་འཕགས་སོ། །དེ་དག་མཐར་གྱིས་སྒྲ་སྒྲོག་གི་འདབས་སུ་ཕྱིན་ནས་དེ་དག་གིས་ལམ་གར་བསྡད་དེ་རྒྱལ་པོ་ཨུ་ཏྲ་ཡ་ན་ལ་འཕྲིན་ཡིག་བསྐུར་རོ།། རྒྱལ་པོ་ཨུ་ཏྲ་ཡ་ནས་འཕྲིན་ཡིག་བཀླགས་ནས་ཁྲོ་བས་ཀུན་ནས་དཀྲིས་པར་གྱུར་ཏེ་བློན་པོ་རྣམས་ལ་སྨྲས་པ། ཤེས་ལྡན་དག་།དེས་ང་ལ་འཕྲིན་ཡིག་འདི་སྐད་སྤྲིང་བ་ལ་ཉོན་ཅིག་།དེས་ང་ལ་སྐྱེས་ཇི་ལྟ་བུ་ཞིག་བསྐུར་ན། དེའི་ཕྱིར་ངས་དཔག་ཚད་ཕྱེད་དང་གསུམ་དུ་གྲོང་ཁྱེར་མཛེས་པ་དང ། ལམ་མཛེས་པར་བྱ་ཞིང ། བདག་ཉིད་དཔུང་གི་ཚོགས་ཡན་ལག་བཞི་དང་ལྡན་པས་བསུ་བར་བྱའོ། །
Nya152b
ཞེས་ཟེར། དཔུང་གི་ཚོགས་ཡན་ལག་བཞི་པ་སྟ་གོན་གྱིས་ཤིག་དང ། ང་སོང་ལ་དེའི་ཡུལ་འཁོར་གཞོམ་པར་བྱའོ། །བློན་པོ་རྣམས་ཀྱིས་སྨྲས་པ། ལྷ། རྒྱལ་པོ་དེ་ནི་བདག་ཉིད་ཆེན་པོ་ཞིག་ལགས་ཞེས་གདའ་བས།་དེས་ལྷའི་ཞལ་སྔར་སྐྱེས་ངན་ངོན་ཞིག་བསྐུར་བར་རྔོ་མི་ཐོགས་པས་ཇེ་བརྟག་པར་བགྱིས་ཏེ། གལ་ཏེ་ལྷའི་ཐུགས་མཉེས་ན་དེ་ལྟ་ན་ལགས། གལ་ཏེ་མ་མཉེས་ན་བདག་ཅག་གིས་དེ་ལ་དུས་འཚལ་བར་བགྱིའོ། །དེ་དག་གིས་དཔག་ཚད་ཕྱེད་དང་གསུམ་ཚུན་ཆད་དུ་ལམ་མཛེས་པར་བྱེད་དུ་བཅུག་སྟེ། གྲོང་ཁྱེར་སྒྲ་སྒྲོག་ཀྱང་རྡོ་བ་དང ། གསེག་མ་དང ། གྱོ་མོ་མེད་པར་རྣམ་པར་བཞག་ནས་ཙནྡན་གྱི་ཆུས་ཆག་ཆག་བཏབ་ཅིང་བདུག་སྤོས་ཀྱི་དྲི་ཞིམ་པོའི་སྣོད་དག་དངར་ཏེ་དར་གྱི་ཆུན་པོའི་ཕྲེང་བ་དཔྱངས་ཤིང་གདུགས་དང ། རྒྱལ་མཚན་བསྒྲེངས་ཏེ་མེ་ཏོག་སྣ་ཚོགས་བཀྲམ་ཞིང ། ལྷའི་སྐྱེད་མོས་ཚལ་དགའ་བའི་ཚལ་ཞེས་བྱ་བ་ལྟར་དགའ་བར་འགྱུར་བར་བྱས་ནས་རྒྱལ་པོ་བདག་ཉིད་དཔུང་གི་ཚོགས་ཡན་ལག་བཞི་དང་ལྡན་པས་བསུ་ནས་གྲོང་ཁྱེར་གྱི་ནང་དུ་འཇུག་ཏུ་བཅུག་གོ་།དེ་ནས་སྲོག་ཆགས་བྱེ་བ་འབུམ་ཕྲག་དུ་མ་དག་ཀྱང་དེར་འདུས་པར་གྱུར། ནམ་མཁའི་དཀྱིལ་འཁོར་དུ་ཡང་ལྷ་འབུམ་ཕྲག་དུ་མ་དག་འདུས་པར་གྱུར་ནས་ས་ཕྱོགས་གོ་སྐབས་ཡངས་པར་དེ་དག་གི་ནང་དུ་མཆོད་པ་ཆེན་པོ་བྱས་ཏེ་སྐུ་གཟུགས་དེ་ཕྱེ་བ་དང ། ཡུལ་དབུས་ནས་ཚོང་པ་མང་པོ་ཟོང་ཐོགས་ཏེ་གྲོང་ཁྱེར་སྒྲ་སྒྲོག་ཏུ་ལྷགས་པ་དེ་དག་གིས་སངས་རྒྱས་ཀྱི་སྐུ་གཟུགས་དེ་མཐོང་ནས་སངས་རྒྱས་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཞེས་ཐམས་
Nya153a
༄#། །ཅད་ཀྱིས་སྐད་གཅིག་ཏུ་སྒྲ་བྱུང་ངོ ། །རྒྱལ་པོ་ཨུ་ཏྲ་ཡ་ནས་སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་ནས་སྤུའི་ཁུང་བུ་ཐམས་ཅད་ཟིང་ཞེས་བྱེད་པར་གྱུར་ནས་ཡ་མཚན་སྐྱེས་ཏེ་ཡུན་རིང་མོ་ཞིག་ཏུ་མིག་ཚུགས་སུ་བརྟགས་ནས་སྨྲས་པ། ཤེས་ལྡན་དག་།སངས་རྒྱས་ཞེས་བྱ་བ་དེ། སུ་ཡིན། དེ་དག་གིས་སྨྲས་པ། ལྷ། ཡུལ་དབུས་ན་གངས་ཀྱི་རི་ངོས་དང་ཉེ་བ། ཆུ་ཀླུང་སྐལ་ལྡན་ཤིང་རྟའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེ་ལྟས་པ་དང ། མཚན་མཁན་དག་གིས། གལ་ཏེ་གཞོན་ནུ་དེ་ཕོ་བྲང་གི་ནང་ན་བཞུགས་པར་གྱུར་ན། འཁོར་ལོས་བསྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་ཀྱི་རྒྱལ་པོ། ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་པོ་དེ་དག་ནི། འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། དམག་དཔོན་རིན་པོ་ཆེ་ཉིད་ནི། བདུན་པ་ཡིན་ནོ། །འདི་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་པ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་བསྡོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པས་ལེགས་
Nya153b
པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་ངག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ། །ཞས་ལུང་བསྟན་ཏེ། ལྷ། འདི་ནི། དེའི་སྐུ་གཟུགས་ལགས་སོ། །རྒྱལ་པོ་རྒྱ་ཆེར་ཡིད་དགའ་ནས་སྨྲས་པ། ཤེས་ལྡན་དག་།དེ་ནི། ཤེས་ཀྱི། འདི་འདྲིའོ། །འོག་ཏུ་བྲིས་པ་འདི་ཅི་ཡིན། ལྷ། འདི་ནི། ཁས་ལེན་པ་ལགས་སོ། །འདི་ནི། བསླབ་པའི་གཞི་དག་ལགས་སོ། །འདི་ནི། འཇིག་རྟེན་གྱི་དབྱུང་བ་དང ། ལྡོག་པ་དག་ལགས་སོ། །ཤེས་ལྡན་དག་།དེ་ཡང་ཤེས་ཀྱི། འདི་འདིའོ། །སྟེང་དུ་བྲིས་པ་འདི་ཅི་ཡིན། ལྷ། འདི་ནི། མངོན་པར་སྤྲོ་བ་བགྱི་བ་ལགས་སོ། །རྒྱལ་པོ་ཨུ་ཏྲ་ཡ་ནས་རྟེན་ཅིང་འབྲེལ་པར་འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང ། ལུགས་ལས་ལྡོག་པ་ཡང་བཟླས་ནས་ལེགས་པར་བཟུང་བར་བྱས་ཏེ་དེས་མཚན་མོ་ནམ་མ་ནངས་པའི་ཚེ་དོན་ཐམས་ཅད་དང ། ལས་ཀྱི་མཐའ་ཐམས་ཅད་བག་ཡངས་སུ་བྱས་ཏེ་འདུག་ནས་སྐྱིལ་མོ་ཀྲུང་བཅས་ཏེ་ལུས་དྲང་པོར་བསྲང་ནས་དྲན་པ་ཕྱོགས་པར་བཞག་སྟེ་རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང ། ལུགས་ལས་ལྡོག་པ་ལས་རྣམ་པར་ལྟ་བར་བྱེད་དེ། འདི་ལྟ་སྟེ། འདི་ཡོད་པས་འདི་འབྱུང་ལ། འདི་སྐྱེས་པའི་ཕྱིར་འདི་སྐྱེ་བ་སྟེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་
Nya154a
༄#། །རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་བར་འགྱུར་ཏེ། དེ་ལྟར་ན། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ལྟ་སྟེ། འདི་མེད་པས་འདི་མི་འབྱུང་ལ། འདི་མ་སྐྱེས་པའི་ཕྱིར་འདི་མི་སྐྱེ་བ་སྟེ། འདི་ལྟ་སྟེ། མ་རིག་པ་འགགས་པས་འདུ་བྱེད་རྣམས་འགག་།འདུ་བྱེད་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགགས་པས་མིང་དང་གཟུགས་འགག་།མིང་དང་གཟུགས་འགགས་པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགགས་པས་རེག་པ་འགག་།རེག་པ་འགགས་པས་ཚོར་བ་འགག་།ཚོར་བ་འགགས་པས་སྲེད་པ་འགག་།སྲེད་པ་འགགས་པས་ལེན་པ་འགག་།ལེན་པ་འགགས་པས་སྲིད་པ་འགག་།སྲིད་པ་འགགས་པས་སྐྱེ་བ་འགག་།སྐྱེ་བ་འགགས་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འགག་པར་འགྱུར་ཏེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །ཞེས་
Nya154b
རྣམ་པར་ལྟར་བར་བྱེད་དེ་དེས་རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་ལུགས་སུ་འབྱུང་བ་དང ། ལུགས་ལས་ལྡོག་པ་ལ་རྣམ་པར་ལྟ་བ་ན། འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེས་བདེན་པ་མཐོང་ནས་ཚིགས་སུ་བཅད་པ་སྨྲས་པ། རིང་ན་བཞུགས་པའི་སངས་རྒྱས་ཀྱིས། ཤེས་རབ་མིག་ནི་རྣམ་པར་སྦྱངས།། གང་ལ་དེ་འདྲའི་གསོ་མངའ་བ། །སྨན་པའི་མཆོག་ལ་ཕྱག་འཚལ་ལོ། །དེས་ཤེས་ནས་དད་པ་དང་ལྡན་པས་རྒྱལ་པོ་གཟུགས་ཅན་སྙིང་པོ་ལ་འཕྲིན་ཡིག་འདི་སྐད་ཅེས། ཤེད་མཐུན་དགྱེས་པ། ཁྱོད་ལ་བརྟེན་ནས་བདག་གིས་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བྱས། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཅད། མཐོ་རིས་དང ། ཐར་པའི་སྒོ་དག་ནི། ཕྱེ། ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། མངོན་སུམ་དུ་བྱས་ཏེ། བདག་དགེ་སློང་མཐོང་བར་འདོད་ཀྱི། ཁྱོད་ཀྱིས་དགེ་སློང་འགའ་ཞིག་གཏང་བའི་རིགས་སོ། །ཞེས་བྲིས་ཏེ་སྤྲིང་ངོ ། །རྒྱལ་པོ་གཟུགས་ཅན་སྙིང་པོས་འཕྲིན་ཡིག་དེ་བཀླགས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་
Nya155a
༄#། །ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་རྒྱལ་པོ་གཟུགས་ཅན་སྙིང་པོས་འདི་སྐད་ཅེས་གསོལ་ཏོ། །བཙུན་པ། རྒྱལ་པོ་ཨུ་ཏྲ་ཡ་ནས་བདེན་པ་དག་མཐོང་ནས་དེས་བདག་ལ་འཕྲིན་ཡིག་བསྐུར་ཏེ། དགེ་སློང་མཐོང་བར་འཚལ་གྱི། དགེ་སློང་འགའ་ཞིག་གཏང་བའི་རིགས་སོ། །ཞེས་མཆི་ན། དེའི་སླད་དུ་འདི་ལ་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་དགོངས་པ། རྒྱལ་པོ་ཨུ་ཏྲ་ཡ་ན་འཁོར་དང་བཅས་པ་དང ། གྲོང་ཁྱེར་སྒྲ་སྒྲོག་ན་གནས་པའི་སྐྱེ་བོའི་ཚོགས་དགེ་སློང་གང་གི་གདུལ་བ་ཡིན་སྙམ་དུ་དགོངས་ན། དགེ་སློང་ཀཱ་ཏྱཱ་ཡ་ན་ཆེན་པོའི་གདུལ་བ་ཡིན་པར་གཟིགས་ནས་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀཱ་ཏྱཱ་ན་ཆེན་པོ་ལ་བཀའ་སྩལ་པ། ཀཱ་ཏྱཱ་ཡ་ན། གྲོང་ཁྱེར་སྒྲ་སྒྲོག་ན་རྒྱལ་པོ་ཨུ་ཏྲ་ཡ་ན་འཁོར་དང་བཅས་པ་དང ། སྒྲ་སྒྲོག་ན་གནས་པའི་སྐྱེ་བོའི་ཚོགས་ལ་སེམས་ཤིག་།ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་
Nya155b
སྙོམས་ལ་ཞུགས་སོ། །རྒྱལ་པོའི་ཁབ་ཏུ་བསོད་སྙོམས་རྒྱུས་ནས་ཟས་ཀྱི་བྱ་བ་བྱས་ཏེ། ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་ལོངས་སྤྱོད་པའི་གནས་མལ་མཁོས་སུ་ཕབ་སྟེ། ལྷུང་བཟེད་དང་ཆོས་གོས་ཐོགས་ནས་འཁོར་ལྔ་བརྒྱ་དང་གྲོང་ཁྱེར་སྒྲ་སྒྲོག་ག་ལ་བ་དེར་དོང་ངོ ། །རྒྱལ་པོ་གཟུགས་ཅན་སྙིང་པོས་ཀྱང་རྒྱལ་པོ་ཨུ་ཏྲ་ཡ་ནས་འཕྲིན་ཡིག་།ཤེད་མཐུན་དགྱེས་པ། ཁྱོད་ཀྱི་ཕྱིར་བདག་གི་དགེ་སློང་སྟོན་པ་དང་འདྲ་བ་འདི་འཁོར་ལྔ་བརྒྱ་དང་བཏང་གི་།ཁྱོད་ཀྱིས་དཔག་ཚད་ཕྱེད་དང་གསུམ་དུ་ལམ་མཛེས་པ་དང ། གྲོང་ཁྱེར་མཛེས་པ་བྱ་ཞིང ། བདག་ཉིད་དཔུང་གི་ཚོགས་ཡན་ལག་བཞི་དང་ལྡན་པས་བསུ་བར་བྱ་སྟེ། གྲོང་ཁྱེར་གྱི་ཕྱི་རོལ་ཏུ་གཙུག་ལག་ཁང་ལྔ་བརྒྱ་བྱེད་དུ་གཞུག་ཅིང ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་ལྔ་བརྒྱ་ཡང་སྦྱིན་པར་བྱ། བསོད་སྙོམས་ལྔ་བརྒྱ་ཡང་སྦྱོར་དུ་གཞུག་བར་བྱ་སྟེ། དེས་ན་ཁྱོད་ཀྱིས་བསོད་ནམས་ཆེན་པོ་ཐོབ་པར་འགྱུར་རོ། །ཞེས་བྲིས་ཏེ་བསྐུར་རོ། །རྒྱལ་པོ་ཨུ་ཏྲ་ཡ་ནས་འཕྲིན་ཡིག་བཀླགས་ནས་དགའ་བ་དང ། མཆོག་ཏུ་དགའ་བ་སྐྱེས་ཏེ། དེས་དཔག་ཚད་ཕྱེད་དང་གསུམ་དུ་ལམ་དང ། གྲོང་ཁྱེར་མཛེས་པར་བྱེད་དུ་བཅུག་ནས་བདག་ཉིད་དཔུང་གི་ཚོགས་ཡན་ལག་བཞི་པ་དང ། སྐྱེ་བོ་འབུམ་ཕྲག་དུ་མའི་འཁོར་དང་བཅས་པས་བསུ་ནས་བཀུར་སྟི་ཆེན་པོས་གྲོང་ཁྱེར་སྒྲ་སྒྲོག་ཏུ་འཇུག་ཏུ་བཅུག་ཅིང ། གྲོང་ཁྱེར་གྱི་ཕྱི་རོལ་དུ་གཙུག་ལག་ཁང་ལྔ་བརྒྱ་ཡང་བྱེད་དུ་བཅུག་།ཁྲི་དང ། ཁྲིའུ་
Nya156a
༄#། །དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་ལྔ་བརྒྱ་ཡང་འབུལ་དུ་བཅུག་།བསོད་སྙོམས་ལྔ་བརྒྱ་ཡང་སྦྱོར་དུ་བཅུག་སྟེ། ས་ཕྱོགས་གོ་སྐབས་ཡངས་པར་སྟན་ཤོམ་དུ་བཅུག་གོ་།ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་དགེ་སློང་གི་དགེ་འདུན་གྱི་གོང་དུ་སྟན་བཤམས་པ་ཉིད་ལ་འདུག་གོ་།སྲོག་ཆགས་འབུམ་ཕྲག་དུ་མ་དག་ཀྱང་ཁ་ཅིག་ནི། ལྟད་མོ་སྐྱེས་པ་ན། ཁ་ཅིག་ནི། སྔོན་གྱི་དགེ་བའི་རྩ་བ་དག་གིས་བསྐུལ་བ་ན་དེར་འདུས་པར་གྱུར་ཏོ། །དེ་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་འཁོར་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་སྲོག་ཆགས་འབུམ་ཕྲག་དུ་མ་དག་གིས་གང་ཐོས་ནས་ཁྱད་པར་ཆེན་པོ་རྟོགས་པར་གྱུར་པ་དེ་ལྟ་བུའི་ཆོས་བསྟན་པར་བྱས་ཏེ། ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ཕྱིར་མི་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་སོ། །ཁ་ཅིག་གིས་ནི། ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི། རང་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འཁོར་ཕལ་ཆེར་ནི། སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་བཀོད་དོ། །གྲོང་ཁྱེར་སྒྲ་སྒྲོག་ན། ཁྱིམ་བདག་རྒྱལ་དང ། སྐར་རྒྱལ་ཞེས་བྱ་བ་
Nya156b
གཉིས་ཤིག་འཁོད་པ་དེ་གཉིས་ཆེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་ཁྱིམ་བདག་རྒྱལ་དང ། སྐར་རྒྱལ་གཉིས་ཀྱིས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་ཀཱ་ཏྱཱ་ཡ་ན་ཆེན་པོ། བདག་ཅག་གཉིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། རྫོགས་པར་བསྙེན་པའི་དགེ་སློང་གི་དངོས་པོ་དང ། བདག་ཅག་གཉིས་ཀྱིས་འཕགས་པ་ཀཱ་ཏྱཱ་ཡ་ན་ཆེན་པོའི་དྲུང་དུ་ཚངས་པར་སྤྱོད་པ་སྤྱད་པ་ཐོབ་བམ། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་དེ་གཉིས་རབ་ཏུ་ཕྱུང ། རྫོགས་པར་བསྙེན་པར་བྱས་ཏེ་གདམས་ངག་དང ། རྗེས་སུ་བསྟན་པ་བྱིན་ནས་དེ་གཉིས་ཀྱིས་སྤྲོ་བ་དང ། འབད་པ་དང ། བརྩལ་པ་བྱས་པས་གོང་ནས་གོང་དུ་ཡིད་ལ་བྱེད་པའི་ཁྱད་པར་ཐོབ་ནས་འཁོར་བའི་འཁོར་ལོ་ཆ་ལྔ་པ་གཡོ་བ་དང ། མི་གཡོ་བ་དེ་ཉིད་རིག་སྟེ་འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་པས་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་
Nya157a
༄#། །བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་བཞག་པ་ལྟ་བུ། རིག་པས་སྒོ་ངའི་སྤུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་གཉིས་ཀྱིས་འབར་བ་དང ། གསལ་བ་དང ། ཆར་འབབ་པ་དང ། ཀློག་འབྱིན་པའི་ཚ་འཕྲུལ་དག་བྱས་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་གཉིས་ཀྱི་ཉེ་དུ་དག་གིས་ལུས་ལ་ལུས་ཀྱི་མཆོད་པ་བྱས་ནས་མཆོད་རྟེན་གཉིས་བྱེད་དུ་བཅུག་སྟེ། གཅིག་ནི། རྒྱལ་གྱིའོ། །ཅིག་ཤོས་ནི། སྐར་རྒྱལ་གྱིའོ། །རྒྱལ་པོ་ཨུ་ཏྲ་ཡ་ན་ཉིན་རེ་ཉིན་རེ་ཞིང་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་དྲུང་དུ་སོང་ནས་ཆོས་མཉན་ཏེ་བཙུན་མོའི་འཁོར་ལ། འཕགས་པ་ཀཱ་ཏྱཱ་ཡ་ན་ཆེན་པོས་མངར་བ་དང་མངར་བ་སྟོན་པར་བྱེད་དེ། སྦྲང་བུ་སྦྲང་རྩི་འབྱིན་པ་བཞིན་ནོ། །ཞེས་བརྗོད་པར་བྱེད་དོ། །དེ་དག་གིས་སྨྲས་པ། ལྷ། སངས་རྒྱས་འབྱུང་བ་ནི། འབྲས་བུ་དང་བཅས་པ་ལགས་སོ། །ཇི་ལྟར། གང་གི་སླད་དུ་ཁྱོད་ཆོས་གསན་པས་སོ། །གལ་ཏེ་དེ་ལྟ་ན། ཁྱེད་ཅག་
Nya157b
ཀྱང་ཅིའི་ཕྱིར་ཆོས་མི་ཉན། ལྷ། བདག་ཅག་ནི། ངོ་ཚ་དང་ལྡན་པ་ལགས་པས། ཇི་ལྟར་དེར་མཆིས་ཏེ་ཆོས་མཉན་པར་བགྱི། གལ་ཏེ་འཕགས་པ་ཀཱ་ཏྱཱ་ཡ་ན་ཆེན་པོ་འདི་ཉིད་དུ་མཆིས་ཏེ། ཆོས་སྟོན་པར་བགྱི་ན། དེ་ལྟ་ན། བདག་ཅག་ཀྱང་ཆོས་ཉན་ཏོ། །རྒྱལ་པོ་ཨུ་ཏྲ་ཡ་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་སྨྲས་པ། འཕགས་པ། བཙུན་མོའི་འཁོར་ཆོས་ཉན་པར་འཚལ་ལོ། །དེས་སྨྲས་པ། རྒྱལ་པོ་ཆེན་པོ། དགེ་སློང་དག་ནི། བཙུན་མོའི་འཁོར་གྱི་ནང་དུ་ཞུགས་ཤིང་ཆོས་མི་སྟོན་ཏོ། །བཅོམ་ལྡན་འདས་ཀྱིས་བཙུན་མོའི་འཁོར་གྱི་ནང་དུ་འཇུག་པ་བཀག་གོ། །འཕགས་པ། འོ་ན་སུ་ཞིག་བཙུན་མོའི་འཁོར་ལ་ཆོས་སྟོན་པར་བགྱིད། རྒྱལ་པོ་ཆེན་པོ། དགེ་སློང་མའོ། །རྒྱལ་པོ་ཨུ་ཏྲ་ཡ་ནས་རྒྱལ་པོ་གཟུགས་ཅན་སྙིང་པོ་ལ་ཕྲིན་ཡིག་འདི་སྐད་ཅེས། ཤེད་མཐུན་དགྱེས་པ། བདག་གི་བཙུན་མོའི་འཁོར་ཆོས་ཉན་པར་འཚལ་ན། དེའི་སླད་དུ་དགེ་སློང་མ་འགའ་ཞིག་གཏང་བའི་རིགས་སོ། །ཞེས་བྲིས་ཏེ་བསྐུར་རོ། །རྒྱལ་པོ་གཟུགས་ཅན་སྙིང་པོས་ཕྲིན་ཡིག་དེ་བཀླགས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་རྒྱལ་པོ་གཟུགས་ཅན་སྙིང་པོས་འདི་སྐད་ཅེས་གསོལ་ཏོ། །བཙུན་པ། རྒྱལ་པོ་ཨུ་ཏྲ་ཡ་ནས་ཕྲིན་ཡིག་སྤྲིང་སྟེ་བཙུན་མོའི་འཁོར་ཆོས་ཉན་པར་འཚལ་གྱི། དེའི་སླད་དུ་དགེ་སློང་མ་འགའ་ཞིག་གཏང་བའི་རིགས་སོ། །ཞེས་མཆི་ན། དེའི་སླད་དུ་འདི་ལ་ཇི་ལྟར་བསྒྲུབ་པར།
Nya158a
༄#། །བགྱི། བཅོམ་ལྡན་འདས་ཀྱིས་དགོངས་པ། རྒྱལ་པོ་ཨུ་ཏྲ་ཡ་ནའི་བཙུན་མོའི་འཁོར་གྱི་བུད་མེད་དང ། གྲོང་ཁྱེར་སྒྲ་སྒྲོག་ན་གནས་པའི་བུད་མེད་རྣམས་དགེ་སློང་མ་གང་གི་གདུལ་བ་ཡིན་སྙམ་དུ་དགོངས་ན། དགེ་སློང་མ་རི་མའི་གདུལ་བ་ཡིན་པར་གཟིགས་ནས། དེ་ནས་བཅོམ་ལྡན་འདས་ཀྱིས་དགེ་སློང་མ་རི་མ་ལ་བཀའ་སྩལ་བ། རི་མ། གྲོང་ཁྱེར་སྒྲ་སྒྲོག་ན་རྒྱལ་པོ་ཨུ་ཏྲ་ཡ་ནའི་བཙུན་མོའི་འཁོར་གྱི་བུད་མེད་དང ། སྒྲ་སྒྲོག་ན་གནས་པའི་བུད་མེད་རྣམས་ལ་སོམས་ཤིག་།དགེ་སློང་མ་རི་མས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་དགེ་སློང་མ་རི་མ་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །རྒྱལ་པོའི་ཁབ་ཏུ་བསོད་སྙོམས་རྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་ལོངས་སྤྱོད་པའི་གནས་མལ་མཁོས་སུ་ཕབ་སྟེ་ལྷུང་བཟེད་དང་ཆོས་གོས་ཐོགས་ནས་འཁོར་ལྔ་བརྒྱ་དང་གྲོང་ཁྱེར་སྒྲ་སྒྲོག་ག་ལ་བ་དེར་སོང་ངོ ། །རྒྱལ་པོ་གཟུགས་ཅན་སྙིང་པོས་ཀྱང་རྒྱལ་པོ་ཨུ་ཏྲ་ཡ་ན་ལ་འཕྲིན་ཡིག་འདི་སྐད་ཅེས། ཤེད་མཐུན་དགྱེས་པ། ཁྱོད་ཀྱི་ཕྱིར་བདག་གིས་ཉན་ཐོས་མ་ཆེན་མོ་སྟོན་པས་བསྔགས་པ་འདི་འཁོར་ལྔ་བརྒྱ་དང་བཏང་གི་།ཁྱོད་
Nya158b
ཀྱིས་ཀྱང་དཔག་ཚད་ཕྱེད་དང་གསུམ་དུ་ལམ་དང ། གྲོང་ཁྱེར་མཛེས་པར་བྱ་ཞིང ། བདག་ཉིད་དཔུང་གི་ཚོགས་ཡན་ལག་བཞི་དང་ལྡན་པས་བསུ་བར་བྱ་སྟེ། གྲོང་ཁྱེར་གྱི་ནང་དུ་དབྱར་ཁང་ལྔ་བརྒྱ་ཡང་བྱེད་དུ་གཞུག་པར་བྱ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་ལྔ་བརྒྱ་ཡང་དབུལ་བར་བྱ། བསོད་སྙོམས་ལྔ་བརྒྱ་ཡང་སྦྱོར་དུ་གཞུག་པར་བྱ་སྟེ། དེས་ན་ཁྱོད་ཀྱིས་བསོད་ནམས་ཆེན་པོ་ཐོབ་པར་འགྱུར་རོ། །ཞེས་བྲིས་ཏེ་བསྐུར་རོ། །རྒྱལ་པོ་ཨུ་ཏྲ་ཡ་ནས་འཕྲིན་ཡིག་དེ་བཀླགས་ནས་དགའ་བ་དང ། མཆོག་ཏུ་དགའ་བ་སྐྱེས་ཏེ་དེས་དཔག་ཚད་ཕྱེད་དང་གསུམ་དུ་ལམ་དང ། གྲོང་ཁྱེར་མཛེས་པར་བྱེད་དུ་བཅུག་ནས་བདག་ཉིད་དཔུང་གི་ཚོགས་ཡན་ལག་བཞི་པ་དང ། སྐྱེ་བོ་འབུམ་ཕྲག་དུ་མའི་འཁོར་དང་བཅས་པས་བསུས་ནས་བཀུར་སྟི་ཆེན་པོས་གྲོང་ཁྱེར་དུ་འཇུག་ཏུ་བཅུག་ཅིང ། གྲོང་ཁྱེར་གྱི་ནང་དུ་དབྱར་ཁང་ལྔ་བརྒྱ་བྱེད་དུ་བཅུག་སྟེ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་ལྔ་བརྒྱ་ཡང་འབུལ་དུ་བཅུག་།བསོད་སྙོམས་ལྔ་བརྒྱ་ཡང་སྦྱོར་དུ་བཅུག་གོ་།དགེ་སློང་མ་རི་མ་ཉིན་རེ་ཞིང་རྒྱལ་པོ་ཨུ་ཏྲ་ཡ་ནའི་བཙུན་མོའི་འཁོར་དང ། གྲོང་ཁྱེར་སྒྲ་སྒྲོག་ན་གནས་པའི་བུད་མེད་རྣམས་ཀྱི་ནང་དུ་ཞུགས་ཏེ་ཆོས་སྟོན་པར་བྱེད་དོ། །རྒྱལ་པོ་ཨུ་ཏྲ་ཡ་ན་ནི། པི་ཝང་མཁས་པ་ཡིན་ལ། བཙུན་མོ་ཟླ་འོད་ནི། གར་མཁས་པ་ཡིན་པས། ཇི་ཙམ་དུས་གཞན་ཞིག་ན་རྒྱལ་པོ་ཨུ་ཏྲ་ཡ་ནས་པི་ཝང་སྦྲེངས་ཏེ་བཙུན་མོ་ཟླ་འོད་གར་བྱེད་དོ། །དེས་དེ་
Nya159a
༄#། །གར་བྱེད་པ་ན་ཆུད་ཟ་བའི་མཚན་མ་མཐོང་ནས་དེས་དེ་ལ་མགོ་མཇུག་ཏུ་བརྟགས་ཏེ་བསམ་ན། ཞག་བདུན་འདས་ན་འདི་དུས་བྱེད་པར་འགྱུར་རོ། །སྙམ་ནས་དེའི་ལག་ནས་པི་ཝང་ཤོར་ཏེ་ས་ལ་ལྷུང་བ་དང ། བཙུན་མོ་ཟླ་འོད་ཀྱིས་སྨྲས་པ། ལྷ། བདག་གི་གར་མ་ལེགས་སམ། ཅི་ནོངས། ཟླ་འོད། ཁྱོད་ཀྱིས་གར་མ་ལེགས་པ་མ་ཡིན་ཏེ། འདི་ལྟར། ངས་ཁྱོད་གར་བྱེད་པ་ན་ཆུད་ཟ་བའི་མཚན་མ་མཐོང་བས་ཉི་མ་བདུན་པ་ལ་ཁྱོད་དུས་བྱེད་པར་འགྱུར་རོ། །བཙུན་མོ་ཟླ་འོད་ཀྱིས་རྒྱལ་པོའི་རྐང་པ་གཉིས་ལ་གཏུགས་ཏེ་སྨྲས་པ། ལྷ། གལ་ཏེ་དེ་ལྟ་ན། བདག་གིས་ལྷ་ལ་བསྙེན་བཀུར་ནི། བགྱིས་ལགས་ན། གལ་ཏེ་ལྷས་གནང་ན། བདག་རབ་ཏུ་འབྱུང་ངོ ། །རྒྱལ་པོས་སྨྲས་པ། ཟླ་འོད། དུས་ཡིན་གྱི། གནང་ངོ ། །གལ་ཏེ་ཁྱོད་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱེད་ན་ནི། དེ་ཁྱོད་ཀྱི་སྡུག་བསྔལ་གྱི་མཐའ་ཡིན་ནོ། །གལ་ཏེ་ཀུན་ཏུ་སྦྱོར་བ་ལྷག་མ་དང་བཅས་པས་དུས་བྱས་ཏེ་ལྷ་རྣམས་ཀྱི་ནང་དུ་སྐྱེས་པར་གྱུར་ན་ནི། ཁྱོད་ལྷར་གྱུར་པས་ང་ལ་བལྟ་བར་བྱའོ། །དེས་སྨྲས་པ། ལྷ། བཀའ་བཞིན་འཚལ། རྒྱལ་པོ་ཨུ་ཏྲ་ཡ་ནས་བཙུན་མོ་ཟླ་འོད་དགེ་སློང་མ་རིམ་ལ་གཏད་དེ་སྨྲས་པ། འཕགས་མ། བཙུན་མོ་ཟླ་འོད་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། རྫོགས་པར་བསྙེན་པ་དགེ་སློང་མའི་དངོས་པོ་འཚལ་གྱི། དེའི་སླད་དུ་འཕགས་མས་འདི་རབ་ཏུ་འབྱུང་བ་དང ། རྫོགས་
Nya159b
པར་བསྙེན་པར་མཛད་པའི་རིགས་སོ། །དགེ་སློང་མ་རི་མས་སྨྲས་པ། དེ་ལྟར་བགྱིའོ། །ཞེས་དེས་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་སོ། །དགེ་སློང་མ་རི་མས་བསམ་པས་དེ་ལ་འཆི་བའི་འདུ་ཤེས་སྒོམས་ཤིག་ཅེས་གདམས་ངག་བྱིན་ནོ། །བཙུན་མོ་ཟླ་འོད་ཀྱིས་འཆི་བའི་འདུ་ཤེས་སྒོམ་པར་བརྩམས་ནས་དེ་ཉི་མ་བདུན་པ་ལ་དུས་ལ་བབ་ནས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་སོ། །ལྷའི་བུའམ། ལྷའི་བུ་མོའི་ཆོས་ཉིད་ནི། སྐྱེས་ནས་རིང་པོ་མ་ལོན་པ་ལ་སེམས་གསུམ་སྐྱེ་སྟེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་སྐྱེས་པའོ། །ལྷའི་བུ་མོ་ཟླ་འོད་ཀྱིས་བསམ་པ། བདག་གང་ནས་ཤི་འཕོས་སྙམ་ན། མི་རྣམས་ཀྱི་ནང་ནས་ཤི་འཕོས་པ་དང ། གང་དུ་སྐྱེས་སྙམ་ན། རྒྱལ་ཆེན་བཞི་པའི་ལྷ་རྣམས་ཀྱི་ནང་དུ་སྐྱེས་པ་དང ། ལས་གང་གིས་སྙམ་སྙམ་ན། བཅོམ་ལྡན་འདས་ཀྱི་བསྟན་པ་ལ་ཚངས་པར་སྤྱོད་པ་སྤྱད་པ་ཉིད་ཀྱིས་སྐྱེས་པར་མཐོང་ངོ ། །དེ་ནས་ལྷའི་བུ་མོ་ཟླ་འོད་འདི་སྙམ་དུ་སེམས་ཏེ། གང་གི་ཕྱིར་བདག་ཡོངས་སུ་གནས་པ་བསྟེན་ཏེ་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི། བདག་གི་ཚུལ་དང་མཐུན་པ་མ་ཡིན་གྱི། བདག་ཡོངས་སུ་གནས་པ་མ་བསྟེན་པ་ཁོ་ནར་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོའོ། །སྙམ་མོ། །དེ་ནས་ལྷའི་བུ་མོ་ཟླ་འོད་རྣ་ཆ་གདུབ་ཀོར་གཡོ་ཞིང ། དྲི་མ་མེད་པ་ཐོགས་ཏེ་དོ་ཤལ་དང ། སེ་མོ་དོས་བརྒྱན་པའི་ལུས་ཀྱིས། ལྷའི་ཨུཏྤལ་དང ། པདྨ་དང །
Nya160a
༄#། །ཀུ་མུ་ད་དང ། པདྨ་དཀར་པོ་དག་གིས་ཐུ་བ་བཀང་སྟེ་ཁ་དོག་ཤིན་ཏུ་འདས་པས་མཚན་མོ་ལ་བབ་པ་དང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་མེ་ཏོག་དག་གིས་མངོན་པར་གཏོར་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་མཐའ་གཅིག་ཏུ་འདུག་པ་དང ། འདི་ལྟར། ལྷའི་བུ་མོ་ཟླ་འོད་ཀྱི་ཁ་དོག་གི་མཐུས་འོད་མའི་ཚལ་ཀ་ལནད་ཀའི་གནས་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ལྷའི་བུ་མོ་ཟླ་འོད་ཀྱི་བསམ་པ་དང་བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས། གང་ཐོས་ན་ལྷའི་བུ་མོ་ཟླ་འོད་ཀྱིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་ཏུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པ་མཛད་དོ། །དེས་བདེན་པ་མཐོང་ནས་བཙུན་པ། བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། ཁམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་
Nya160b
རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི་བཞག་གོ་།ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་འགྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་བརྒལ་བར་འགྱུར། ། འགྲོ་བར་ལྷ་མི་ན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་པ་པོ། །སྲིད་བ་སྟོང་དུ་མཐོང་བ་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །དེ་ནས་འདུད་བྱས་དོ་ཤལ་རབ་འཆང་བས། །ཞབས་ལ་ཕྱག་འཚལ་རངས་པ་སྐྱེས་གྱུར་ནས། །དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་མངོན་ཕྱོགས་མཁའ་ལ་སོང ། །དེ་ནས་ལྷའི་བུ་མོ་ཟླ་འོད་ཚོང་པ་ཁེ་སྤོགས་རྙེད་པ་ལྟ་བུ་དང ། ཞིང་བ་ལོ་ཐོག་འབྱོར་བ་ལྟ་བུ་དང ། དཔའ་བོ་གཡུལ་ལས་རྣམ་པར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་པ་ལྟ་བུར་གྱུར་ཏེ། ཆ་ལུགས་གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་ཆ་ལུགས་དེ་ཉིད་ཀྱིས་རང་གི་གནས་སུ་སོང་ངོ ། །དེ་འདི་སྙམ་དུ་སེམས་ཏེ། བདག་གིས་རྒྱལ་པོ་ཨུ་ཏྲ་ཡ་ན་ལ་ཁས་བླངས་པས་ད་དེ་ལྟ་བའི་དུས་ཡིན་ནོ། །སྙམ་ནས། དེ་ནས་ལྷའི་
Nya161a
༄#། །བུ་མོ་ཟླ་འོད། རྒྱལ་པོ་ཨུ་ཏྲ་ཡ་ན་ག་ལ་བ་དེར་སོང་ངོ ། །དེའི་ཚེ་ན་རྒྱལ་པོ་ཨུ་ཏྲ་ཡ་ན་གཅིག་པུ་སྟེང་གི་ཁང་བཟང་གི་གཞིར་གཏོགས་པ་ན་ཉལ་ཞིང་འདུག་ནས་དེས་དེ་སྣང་བ་རྒྱ་ཆེན་པོས་ཁྱབ་པར་བྱས་ཏེ་སེ་གོལ་གྱི་སྒྲས་བསླང་བ་དང ། དེ་གཉིད་ཀྱིས་ནོན་པའི་མིག་དང ། རྣམ་པར་ཤེས་པ་མི་གསལ་བས་སྨྲས་པ། ཁྱོད་སུ། དེས་སྨྲས་པ། བདག་ཟླ་འོད་དོ། །རྒྱལ་པོས་སྨྲས་པ། ཚུར་ཤོག་།དགའ་མགུར་སྤྱད་པར་བྱའོ། །དེས་སྨྲས་པ། ལྷ། བདག་ཤི་ཞིང་དུས་ལ་བབ་ནས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་ཏེ། གལ་ཏེ་བདག་དང་ལྷན་ཅིག་མཇལ་བཞེད་ན། བཅོམ་ལྡན་འདས་ཀྱི་སྤྱན་སྔར་རབ་ཏུ་བྱུང་ཞིག་དང ། གལ་ཏེ་ཚེ་འདི་ཉིད་ལ་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་མཛད་ན་ནི། དེ་ཉིད་ཁྱོད་ཀྱི་སྡུག་བསྔལ་གྱི་མཐའ་ལགས་སོ། །གལ་ཏེ་ཀུན་ཏུ་སྦྱོར་བ་ལྷག་མ་དང་བཅས་པས་དུས་བགྱིས་ཏེ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་པར་གྱུར་ན་ནི། དེར་ཁྱོད་བདག་དང་མཇལ་བར་འགྱུར་རོ། །ཞེས་སྨྲས་ཏེ། དེ་ཉིད་དུ་མི་སྣང་བར་གྱུར་ཏོ།། །།འདུལ་བ་རྣམ་པར་འབྱེད་པ། བམ་པོ་དོན་གཅིག་པ། རྒྱལ་པོ་ཨུ་ཏྲ་ཡ་ནས་མཚན་ཐོག་ཐག་ཏུ་རབ་ཏུ་འབྱུང་བ་རྗེས་སུ་བསམ་ནས་ནང་པར་ལངས་ཏེ་བློན་པོ་རྣམས་ལ་སྨྲས་པ། ཤེས་ལྡན་དག་།བཅུན་མོ་ཟླ་འོད་ག་ལ་འདུག་།ལྟོས་ཤིག་།དེ་དག་གིས་སྨྲས་པ། ལྷ། དུས་ལ་བབ་བོ། །རྒྱལ་པོ་ཨུ་ཏྲ་ཡ་ནས་བསམ་པ། གང་གི་ཕྱིར་བདག་
Nya161b
ལ་ལྷ་མོས་བསྐུལ་ནས་བདག་ཁྱིམ་པ་ཁྱིམ་གྱི་ནང་ན་གནས་ཤིང་གསོག་འཇོག་གི་ལོངས་སྤྱོད་དང ། འདོད་པ་ལ་ཡོངས་སུ་སྤྱོད་པ་ནི། བདག་གི་ཚུལ་དང་མཐུན་པ་མ་ཡིན་གྱི། བདག་གིས་གཞོན་ནུ་གཙུག་ཕུད་ཅན་རྒྱལ་སྲིད་ལ་དབང་བསྐུར་ཏེ་བདག་སྐྲ་དང ། ཁ་སྤུ་བྲེགས་ནས་གོས་ངུར་སྨྲིག་དག་བགོས་ཏེ་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །སྙམ་ནས། དེས་བློན་པོའི་མཆོག་ཧེ་རུ་དང ། བྷི་རུ་ཀ་གཉིས་མངག་པས་བོས་ཏེ་སྨྲས་པ། ཤེས་ལྡན་གཉིས། བུ་གཞོན་ནུ་གཙུག་ཕུད་ཅན་ང་ལ་ཅི་འདྲ་བ་དེ་ཁོ་ན་བཞིན་དུ་ཁྱེད་གཉིས་ལ་ཡང་དེ་འདྲ་བ་ཡིན་གྱི། ཁྱེད་གཉིས་ཀྱིས་དེ་གནོད་པ་ལས་བཟློག་པར་བྱ་ཞིང ། ཕན་པ་ལ་ངེས་པར་སྦྱར་བར་གྱིས་ཤིག་།ང་ནི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ངོ ། །དེ་གཉིས་ཀྱིས་ཐོས་ནས་མཆི་མས་བརྣངས་ཏེ་འཁོད་དོ། །རྒྱལ་པོས་གཞོན་ནུ་གཙུག་ཕུད་ཅན་ལ་སྨྲས་པ། བུ། ཁྱོད་ཇི་ལྟར་ངའི་ཚིག་མཉན་པ་དང ། བྱ་བར་སེམས་པ་དེ་བཞིན་དུ་ཁྱོད་ཀྱིས་བློན་པོའི་མཆོག་ཧེ་རུ་ཀ་དང ། བྷི་རུ་ཀ་འདི་གཉིས་ཀྱི་ཚིག་མཉན་པ་དང ། བྱ་བར་སོམས་ཤིག་ང་ནི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ངོ ། །དེས་ཀྱང་ཐོས་ནས་མཆི་མས་བརྣངས་ཏེ་འདུག་གོ་།དེ་ནས་རྒྱལ་པོ་ཨུ་ཏྲ་ཡ་ན་གྲོང་ཁྱེར་སྒྲ་སྒྲོག་ཏུ་དྲིལ་སྒྲོག་པ་བྱེད་དུ་བཅུག་སྟེ། གྲོང་ཁྱེར་སྒྲ་སྒྲོག་ན་གནས་པ་དག་དང ། ཕོ་བྲང་འཁོར་གྱི་མི་དག་དང ། ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་རྣམས་ལ། ཤེས་ལྡན་དག་ཉོན་ཅིག་།ང་ནི། སྐྲ་དང ། ཁ་སྤུ་བྲེགས་ཏེ་གོས་ངུར་
Nya162a
༄#། །སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་གི་།ངས་རྒྱལ་སྲིད་བྱེད་དུ་བཅུག་པ་ན། གང་ལ་གནོད་པ་ཅུང་ཟད་ཅི་བྱས་པ་དེ་བཟོད་པར་གྱིས་ཤིག་ཅེས་བསྒོའོ། །གྲོང་ཁྱེར་སྒྲ་སྒྲོག་ན་གནས་པ་རྣམས་དང ། ཕོ་བྲང་འཁོར་གྱི་མི་རྣམས་དང ། ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་རྣམས་རྒྱལ་པོ་ལ་རྗེས་སུ་ཆགས་པ་ཡིན་པས་དེ་དག་གིས་ཐོས་ནས་ཐམས་ཅད་མཆི་མས་བརྣངས་ཏེ་འཁོད་དོ། །དེ་ནས་རྒྱལ་པོ་ཨུ་ཏྲ་ཡ་ནས་གཞོན་ནུ་གཙུག་ཕུད་ཅན་རྒྱལ་སྲིད་ལ་བཞག་ནས་རྩ་ལག་གི་སྐྱེ་བོ་རྣམས་ལ་བཟོད་པར་གསོལ་ཏེ། དགེ་སྦྱོང་དང ། བྲམ་ཟེ་དང ། བཀྲེན་པ་དང ། སྡུག་ཕོངས་པ་རྣམས་ལ་སྦྱིན་པ་དག་བྱིན། བསོད་ནམས་དག་བྱས་ཏེ་མི་བསྙེན་བཀུར་བ་གཅིག་དང ། རྒྱལ་པོའི་ཁབ་ལོགས་སུ་ཕྱོགས་དེར་འཕགས་སོ། །དེ་ནས་རྒྱལ་པོ་གཙུག་ཕུད་ཅན་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང་བཅས་པ་དང ། གཞན་ཡང་ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་རྣམས་ཕྱི་བཞིན་ཕྱི་བཞིན་དུ་འབྲངས་ཏེ་སྲོག་ཆགས་འབུམ་ཕྲག་དུ་མ་དག་གིས་བསྐྱལ་བཞིན་དུ་གྲོང་ཁྱེར་སྒྲ་སྒྲོག་ནས་ཕྱིར་བྱུང་སྟེ་སྐྱེད་མོས་ཚལ་ཤིང་ལྗོན་པའི་ཚལ་སྣ་ཚོགས་ཀྱིས་བརྒྱན་པ། མེ་ཏོག་དང ། འབྲས་བུ་དང ། ཆུ་རྒྱུན་སྣ་ཚོགས་དང་ལྡན་པ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་ཏེའུ་སྒྲ་འབྱིན་པ་ཞིག་ཏུ་ཡུད་ཙམ་
Nya162b
ཞིག་བསྡད་ནས་གྲོང་ཁྱེར་སྒྲ་སྒྲོག་ལོགས་སུ་རྣམ་པར་བལྟས་ཏེ་རྒྱལ་པོ་གཙུག་ཕུད་ཅན་ལ་སྨྲས་པ། བུ། ངས་ཆོས་ཀྱི་རྒྱལ་སྲིད་བྱེད་དུ་བཅུག་པས། དེའི་ཕྱིར་སྲོག་ཆགས་འབུམ་ཕྲག་འདི་སྙེད་ངའི་ཕྱི་བཞིན་འབྲང་བར་གྱུར་གྱི། ཁྱོད་ཀྱིས་ཀྱང་ཆོས་ཀྱི་རྒྱལ་སྲིད་བྱེད་དུ་གཞུག་པར་བྱའོ། །སྐྱེ་བོའི་ཚོགས་དེ་ལ་ཡང་བག་ཕབ་སྟེ་སྨྲས་པ། ཤེས་ལྡན་དག་།ངས་ཁྱེད་ཀྱི་རྒྱལ་པོར་འདི་བསྐོས་ཀྱི། ཕྱིར་དེངས་ལ་བདེ་བར་སྒྲུབས་ཤིག་།ཅེས་སྨྲས་ཏེ་སོང་ངོ ། །རྒྱལ་པོ་གཙུག་ཕུད་ཅན་བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང་བཅས་པ་དང ། གཞན་ཡང་ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་རྣམས་མཆི་མས་དཀྲུགས་པའི་མིག་གིས་ཡུད་ཙམ་ཡུད་ཙམ་ཕྱི་བཞིན་རྟོག་ཅིང་གྲོང་ཁྱེར་སྒྲ་སྒྲོག་ཏུ་ཕྱིར་ལོག་གོ་།དེ་ནས་རྒྱལ་པོ་ཨུ་ཏྲ་ཡ་ནས་མཐར་གྱིས་གྲོང་ཁྱེར་རྒྱལ་པོའི་ཁབ་ཏུ་ཕྱིན་ནས་དེས་སྐྱེད་མོས་ཚལ་དུ་བསྡད་དེ། མི་དེ་ལ་སྨྲས་པ། ཀཝའེ་ནང་རྗེ། རྒྱལ་པོ་གཟུགས་ཅན་སྙིང་པོའི་གན་དུ་སོང་ལ་རྒྱལ་པོ་ཨུ་ཏྲ་ཡ་ན་སྐྱེད་མོས་ཚལ་ན་སྡོད་དོ། །ཞེས་སྦྲོན་ཅིག་།མི་དེ་སོང་སྟེ་རྒྱལ་པོ་གཟུགས་ཅན་སྙིང་པོ་ལ། ལྷ། རྒྱལ་པོ་ཨུ་ཏྲ་ཡ་ན་སྐྱེད་མོས་ཚལ་ན་སྡོད་དོ། །ཞེས་སྦྲན་ཏོ། །དེས་ཐོས་ནས་འཕྲལ་ཁོ་ན་ལ་ལངས་ཏེ་ཞོ་ཤས་འཚོ་བ་རྣམས་ལ་སྨྲས་པ། ཤེས་ལྡན་དག་རྒྱལ་པོ་དེ་དཔུང་ཆེན་པོ་ངང་ལྡན་པ་ཡིན། དེས་མ་སྦྲན་པ་ཁོ་ནར་འོངས་པ་ཁྱེད་ཅག་སུས་ཀྱང་མ་ཤེས་སོ། །དེས་སྨྲས་པ། ལྷ། དེ་ལ་དཔུང་ག་ལ་མཆིས་ཏེ། དཔོན་གཡོག་གཉིས་པོ་ཞིག་མཆིས་སོ། །རྒྱལ་
Nya163a
༄#། །པོ་གཟུགས་ཅན་སྙིང་པོས་བསམ་པ། གང་གི་ཕྱིར་བདག་གི་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་བགྱི་ན། དེ་བཞིན་དུ་གྲོང་ཁྱེར་དུ་འཇུག་ཏུ་གཞག་པ་ནི། བདག་གི་ཚུལ་དང་མཐུན་པ་མ་ཡིན་གྱི། བདག་གིས་བཀུར་སྟི་ཆེན་པོས་འཇུག་ཏུ་གཞུག་གོ་།སྙམ་དུ་རིག་ནས་ལམ་མཛེས་པ་དང ། གྲོང་ཁྱེར་མཛེས་པར་བྱེད་དུ་བཅུག་ནས་དཔུང་གི་ཚོགས་ཡན་ལག་བཞི་པས་བསུའོ། ། དེ་ནས་གཉའ་བ་སྤྲད་དེ་གླང་པོ་ཆེའི་རྒྱབ་ཏུ་ཞོན་ནས་གྲོང་ཁྱེར་རྒྱལ་པོའི་ཁབ་ཏུ་འཇུག་ཏུ་བཅུག་སྟེ། སྤོས་སྣ་ཚོགས་དང་སྦྱར་བའི་ཆུས་ཁྲུས་བྱེད་དུ་བཅུག་ནས་རྒྱལ་པོ་ལ་འོས་པའི་གོས་དག་དང ། སྤོས་དང ། ཕྲེང་བ་རྒྱུ་དང་བྱུག་པ་སྣ་ཚོགས་དག་གིས་ལེགས་པར་བརྒྱན་ནས་ཟན་བྱིན་ཏེ་ལམ་གྱིས་དུབ་པའི་ངལ་བསོས་ནས་སྨྲས་པ། ཤེད་མཐུན་དགྱེས་པས་རྒྱལ་སྲིད་རྒྱས་པ་དང ། བཙུན་མོའི་འཁོར་དང ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་རྣམས་སྤངས་ཏེ་འདིར་ཅི་ལ་བྱོན། ས་གཞན་གྱི་རྒྱལ་པོ་འགའ་ཞིག་གིས་ཡུལ་འཁོར་གཞོམ་པར་བགྱིས་པའམ། གཞོན་ནུ་རྒྱལ་སྲིད་ལ་མངོན་པར་དགའ་བ། བློན་པོ་སྐྱོན་ཆགས་པས་བསླུས་པ་འགའ་ཞིག་གིས་བསླུས་པའམ། གཅིག་ཏུ་མ་གྱུར་ཏམ། དེས་སྨྲས་པ། ཤེད་མཐུན་དགྱེས་པ། དེ་ལྟར་མ་གྱུར་ཏེ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། རྫོགས་པར་བསྙེན་པ་དགེ་སློང་གི་དངོས་པོ་འཚལ་ལོ། །རྒྱལ་པོ་གཟུགས་ཅན་སྙིང་པོས་ཐོས་ནས་ཡིད་དགའ་ཞིང ། དགའ་
Nya163b
སྟེ་རོ་སྟོད་བསྲང་ནས་ལག་པ་གཡས་པ་བརྐྱངས་ཏེ། ཀྱེ་མ་སངས་རྒྱས། ཀྱེ་མ་ཆོས། ཀྱེ་མ་དགེ་འདུན། ཀྱེ་མ་ཆོས་ཀྱི་ལེགས་པར་གསུངས་པ་ཉིད། འདི་ལྟར། སྐྱེས་བུ་གཙོ་བོ་འདི་ལྟ་བུ་དག་གིས་རྒྱལ་སྲིད་རྒྱས་པ་དང ། བཙུན་མོའི་འཁོར་རྒྱས་པ་དང ། མཛའ་བཤེས་དང ། རྩ་ལག་གི་ཚོགས་རྒྱ་ཆེན་པོ་དང ། མཛོད་དང ། བང་བ་དང ། ཁྱིམ་རྒྱ་ཆེན་པོ་དག་སྤངས་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། རྫོགས་པར་བསྙེན་པ་དགེ་སློང་གི་དངོས་པོ་འདོད་པ་ངོ་མཚར་ཆེའོ། །ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་པ་སྨྲས་ནས་རྒྱལ་པོ་ཨུ་ཏྲ་ཡ་ན་ཁྲིད་དེ་བཅོམ་ལྡན་འདས་ག་ལ་བ་དེར་སོང་ངོ ། །དེའི་ཚེ་ན་བཅོམ་ལྡན་འདས་འཁོར་འབུམ་ཕྲག་དུ་མའི་གོང་ན་བཞུགས་ཤིང་ཆོས་སྟོན་པར་མཛད་དོ། །བཅོམ་ལྡན་འདས་ཀྱིས་མ་ག་དྷར་བྱུང་བའི་རྒྱལ་པོ་གཟོ་སྦྱངས་གཟུགས་ཅན་སྙིང་པོ་ཐག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་།འདི་ནི། རྒྱལ་པོ་གཟུགས་ཅན་སྙིང་པོ་ཡིན་ཏེ། དེ་སྐྱེས་དང་བཅས་པས་ངའི་གན་དུ་འོང་ངོ ། །དེ་བཞིན་གཤེགས་པའི་སྐྱེས་ནི། འདི་ལྟ་སྟེ། གདུལ་བའི་སྐྱེས་ལྟ་བུ་གཞན་མེད་དོ། །ཞེས་བཀའ་སྩལ་ནས་ཅང་མི་གསུང་བར་བཞུགས་སོ། །རྒྱལ་པོ་གཟུགས་ཅན་སྙིང་པོས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་རྒྱལ་པོ་གཟུགས་ཅན་སྙིང་
Nya164a
༄#། །པོས་འདི་སྐད་ཅེས་གསོལ་ཏོ། །བཙུན་པ། རྒྱལ་པོ་ཨུ་ཏྲ་ཡ་ན་འདི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། རྫོགས་པར་བསྙེན་པ་དགེ་སློང་གི་དངོས་པོ་འཚལ་ན། བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་འདི་རབ་ཏུ་འབྱུང་དུ་གསོལ། རྫོགས་པར་བསྙེན་པར་མཛད་དུ་གསོལ། བཅོམ་ལྡན་འདས་ཀྱིས་དེ་ལ་དགེ་སློང་ཚུར་ཤོག་ཅེས་པས་རབ་ཏུ་ཕྱུང་ཞིང ། དགེ་སློང་ཚུར་ཤོག་།ཚངས་པར་སྤྱད་པ་སྤྱོད་ཅིག་ཅེས་བཀའ་སྩལ་པ་དང ། དེ་བཅོམ་ལྡན་འདས་ཀྱི་བཀའི་མཇུག་ཁོ་ནར་སྐྲ་བྱི་བ་དང ། སྣམ་སྦྱར་གྱོན་པར་གྱུར་ཏེ། སྐྲ་དང ། ཁ་སྤུ་ཞག་བདུན་སྐྱེས་པ་ཙམ་དང ། ལག་པ་ལྷུང་བཟེད་དང ། བྱ་མ་བུམ་གྱིས་འབྲེལ་བ་དང ། དགེ་སློང་རྫོགས་པར་བསྙེན་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །ཡང་སྨྲས་པ་དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་ནས་ཚེ་དང་ལྡན་པ་ཨུ་ཏྲ་ཡ་ན་སྔ་དྲོ་ཤམ་ཐབས་བགོས། ལྷུང་བཟེད་དང ། ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །དེ་སྐྱེ་བོ་ཕལ་པོ་ཆེའི་ཚོགས་ཀྱིས་མཐོང་ནས་གྲོང་ཁྱེར་རྒྱལ་པོའི་ཁབ་ཐམས་ཅད་དུ་བཅོམ་ལྡན་འདས་ཀྱིས་རྒྱལ་པོ་ཨུ་ཏྲ་ཡ་ན་རབ་ཏུ་ཕྱུང ། རྫོགས་པར་བསྙེན་པར་མཛད་ནས་དེ་བསོད་སྙོམས་ལ་རྒྱལ་པོའི་ཁབ་ཏུ་ཞུགས་སོ། །
Nya164b
ཞེས་དེ་ལྟ་བུའི་སྒྲ་སྒྲོག་པར་གྱུར་ཏོ། །དེ་སྐད་ཐོས་ནས་སྲོག་ཆགས་འབུམ་ཕྲག་དུ་མ་དག་འདུས་པར་གྱུར་ཅིང ། ཁྱིམ་གྱི་ནང་ན་གནས་པའི་བུད་མེད་དག་ཀྱང་སྐར་ཁུང་དང ། སྐར་ཁུང་དྲ་བ་ཅན་དང ། ལན་ཀན་དག་གི་དྲུང་དུ་འཁོད་དེ་ལྟ་བར་བྱེད་དོ། །རྒྱལ་པོ་གཟུགས་ཅན་སྙིང་པོ་ལ་བློན་པོ་རྣམས་ཀྱིས་སྨྲས་པ། ལྷ། རྒྱལ་པོ་ཨུ་ཏྲ་ཡ་ན་རྒྱལ་པོའི་ཁབ་ཏུ་བསོད་སྙོམས་ལ་ཞུགས་ཏེ་སྲོག་ཆགས་འབུམ་ཕྲག་དུ་མ་དག་གིས་བསྐོར་ཅིང་མཆིས་སོ། །རྒྱལ་པོ་གཟུགས་ཅན་སྙིང་པོས་དེ་ཐོས་ནས་དགེ་སློང་ཨུ་ཏྲ་ཡ་ན་ག་ལ་བ་དེར་སོང་སྟེ་ཕྱིན་ནས། དགེ་སློང་ཨུ་ཏྲ་ཡ་ན་ལ་ཚིགས་སུ་བཅད་པ་འདི་སྐད་ཅེས་སྨྲས་སོ། །མི་དབང་གྲོང་ཁྱེར་སྟོང་དང་ནི། །སྒྲ་སྒྲོག་ཀྱང་ནི་སྤྱད་བྱས་ནས། །བོར་བའི་བསོད་སྙོམས་ཚོལ་བྱེད་པ། །ཇི་ལྟར་ཡོངས་སུ་མི་གདུང་ངམ། །གསེར་དང་དེ་བཞིན་དངུལ་གྱི་སྣོད། །སྲང་ཚད་བརྒྱ་པ་སྤྱད་བྱས་ནས། །ས་ཡི་ལྷུང་བཟེད་སྤྱོད་བྱེད་པ། །ཇི་ལྟར་ཡོངས་སུ་མི་གདུང་ངམ། །སཱ་ལུའི་འབྲས་ཆན་གཙང་མ་དག་།ཤ་ཡིས་བརླན་པ་སྤྱད་བྱས་ནས། །ཟན་དྲོན་ཁེངས་པ་སྤྱོད་བྱེད་པ། །ཇི་ལྟར་ཡོངས་སུ་མི་གདུང་ངམ། །སྲིན་བལ་རས་བལ་ཟར་མ་དང ། །ཀོ་ཏ་མ་ཀ་ཤིའི་གོས་སྤངས་ནས། །ཕྱག་དར་ཁྲོད་དག་བསྲེལ་བྱེད་པ། །ཇི་ལྟར་ཡོངས་སུ་མི་གདུང་ངམ། །རླུང་མེད་སྒོ་གཏན་བསྡམས་པ་ཡི། །ཁང་པ་བརྩེགས་པར་ཁྱོད་ཉལ་ན། །ཤིང་ལྗོན་དྲུང་དུ་གནས་གྱུར་པ། །ཇི་ལྟར་ཡོངས་སུ་མི་གདུང་ངམ། །འཇམ་ཞིང་རས་བལ་འདྲ་བ་ཡི། །མལ་ཁྲི་དག་ལ་ཁྱོད་ཉལ་ནས། །རྩཝ་ཡི་སྟན་ལ་ཉལ་གྱུར་པ། །ཇི་ལྟར་
Nya165a
༄#། །ཡོངས་སུ་མི་གདུང་ངམ། །བཙུན་མོ་མཚུངས་པ་ཡིད་འོང་བ། །གུས་པར་ཉལ་ཅིང་སྙན་སྨྲ་བ། །དུ་མ་ཁྱོད་ཀྱིས་རྣམ་སྤངས་པ། །ཇི་ལྟར་ཡོངས་སུ་མི་གདུང་ངམ། །གླང་ཆེན་གཉའ་དང་ཤིང་རྟ་དང ། །རྟ་ཡི་བཞོན་པས་ཁྱོད་སོང་ནས། །རྐང་པས་ས་ལ་རྒྱུ་བྱེད་པ། །ཇི་ལྟར་ཡོངས་སུ་མི་གདུང་ངམ། །ནོར་མང་ལྡན་པའི་མཛོད་དང་ནི། །བང་བ་དག་ཀྱང་རྣམ་སྤངས་ཏེ། །ཅི་ཡང་མེད་པ་ཐོབ་གྱུར་པ། །ཇི་ལྟར་ཡོངས་སུ་མི་གདུང་ངམ། །ུ་ཏྲ་ཡ་ནས་སྨྲས་པ། རྒྱལ་པོ་གལ་ཏེ་གདུལ་དཀའ་བ། །གཞན་གྱི་ཟས་ཀྱིས་འཚོ་བྱེད་ན། །མ་གྲུབ་པས་ནི་དེ་འདུལ་ཏེ། ། གཉའ་ཤིང་བ་ལང་འདུལ་བ་བཞིན། །རྒྱལ་པོ་གཟུགས་ཅན་སྙིང་པོས་སྨྲས་པ། །རྒྱལ་པོ་ཁྱོད་ཡིད་མི་བདེའམ། །ཅིའི་ཕྱིར་དམན་པ་བཞིན་དུ་སྨྲ། །རྒྱལ་སྲིད་ཕྱེད་ནི་སྦྱིན་བྱ་ཡི། །ཁྱོད་ནི་སྔོན་བཞིན་ལོངས་སྤྱོད་གྱིས། །རྒྱལ་པོ་ཁྱོད་ཡིད་མི་བདེའམ། །ཅིའི་ཕྱིར་དམན་པ་བཞིན་དུ་སྨྲ། །ཡིད་ཀྱིས་གང་དང་གང་འདོད་པའི། །ལོངས་སྤྱོད་རབ་མཆོག་སྦྱིན་པར་བྱ། །ུ་ཏྲ་ཡ་ནས་སྨྲས་པ། རྒྱལ་པོ་གང་ཞིག་འཇིག་རྟེན་ན། །ལུས་ཀྱི་ཆོས་རེག་བཀྲེན་པ་མིན། །དེ་ནི་ངེས་པར་ལྷ་ཉིད་དང ། །ཡང་ན་མྱ་ངན་འདའ་བར་འགྱུར། །མི་དབང་གང་ཞིག་ཆོས་སྤོང་ཞིང ། །འདི་ལ་ཆོས་མིན་དགའ་བྱེད་པ། །རྒྱལ་པོ་དེ་བཀྲེན་ཤེས་པར་བྱ། །མུན་ནས་མུན་པར་འགྲོ་བར་འགྱུར། །ཁྱོད་ལ་ཆོས་ནི་བསྟན་བྱ་ཡི། །རྒྱལ་པོ་ཆེན་པོ་བདག་ལ་ཉོན། །ཆོས་ཐོས་འོག་ཏུ་རྒྱལ་པོ་ནི། །གང་དུ་འདོད་པར་
Nya165b
འགྲོ་བར་འགྱུར། །ཡོན་ཏན་མེད་པའི་ལུས་ལ་ནི། །གཅིག་ཉིད་ཡོན་ཏན་ཆེན་པོ་སྟེ། །ཇི་ལྟ་ཇི་ལྟར་བཟུང་བྱས་པ། །དེ་ལྟ་དེ་ལྟར་རྗེས་འཇུག་འགྱུར། །རྒྱལ་པོ་བཅུ་པའི་བཅུ་པོ་འདི། །སྐྱེས་བུའི་ཚེར་ནི་བརྗོད་པར་བྱ། །བུ་དང་ཆུང་མ་ནོར་དེ་ལ། །རྩེད་མོ་དགའ་བ་ཅི་ཞིག་ཡོད། །བུ་ཡིས་དགའ་བ་སྟོན་བྱེད་དེ། །ཆུང་མས་ཁེངས་པ་རྗོད་པར་བྱེད། །ཆོམ་རྐུན་ནོར་ནི་སྒྲུབ་བྱེད་དེ། །རྒྱལ་པོ་བདག་ནི་བཅིངས་ལས་གྲོལ། །མཐར་བྱེད་པ་ལས་སྨན་དག་དང ། །ནོར་དང་ཉེ་དུས་སྐྱོ་བ་མི་ནུས། །རིག་སྔགས་ཀུན་དང་དཔུང་དག་དང ། །དཔའ་རྟུལ་གྱིས་ཀྱང་སྐྱོབ་ནུས་མིན། །འདི་ན་མཐུ་ཆེན་གནས་མཐོལ། །གནས་པའི་ལྷ་ཚེ་རིང་པོ་ཡང ། །དེ་ཡང་ཚེ་ཟད་ཉམས་འགྱུར་བས། །འཆི་ལས་དེ་རིང་སུ་ཞིག་མཐར། །མཐུ་ཆེན་ནོར་ལྡན་གྲགས་འབར་བ། །རྒྱལ་སྲིད་བྱས་པ་ཁྱབ་འཇུག་དང ། །མུན་བྱེད་སྒྲ་ངན་སྐྱ་སེང་བུ། །དེས་ཀྱང་འཆི་བ་ཟློག་མ་ནུས། །རྒྱལ་པོ་སྡོམ་བརྩོན་དཀའ་ཐུབ་དང ། །ལས་དང་བརྩོན་འགྲུས་བརྟུལ་བ་དང ། །འཁོར་ཚོགས་རྒྱ་ཆེན་ནོར་དག་གིས། །འཆི་ལས་ཇི་ལྟར་ཐར་མི་ནུས། །བར་སྣང་རྒྱ་མཚོའི་ནང་དང་ནི། ། རི་ཡི་སུལ་དུ་ཞུགས་པའམ། །གང་དུ་གནས་ན་འཆི་བདག་གིས། །མི་ཚུགས་འགྱུར་བའི་ས་ཕྱོགས་མེད། །བར་སྣང་རྒྱ་མཚོའི་ནང་དང་ནི། །རི་ཡི་སུལ་དུ་ཞུགས་པའམ། །གང་དུ་གནས་ན་ལས་རྣམས་ཀྱིས། ། མི་ཚུགས་འགྱུར་བའི་ས་ཕྱོགས་མེད། །རུས་པ་ཐི་བའི་མདོག་འདྲ་བ། །བོར་ཞིང་ཕྱོགས་ཕྱོགས་རྣམ་འཐོར་བ། །གང་དང་གང་ཡིན་དེ་དག་ནི། །མཐོང་ན་འདི་ལ་སུ་ཞིག་དགའ། །ཐོད་པ་དུང་གི་མདོག་འདྲ་བ།།
Nya166a
༄#། །བོར་ཞིང་ཀུ་བ་ལྷུང་ལྟ་བུ། །གང་དང་གང་ཡིན་དེ་དག་ནི། །མཐོང་ན་དེ་ལ་སུ་ཞིག་དགའ། །རྒྱལ་པོ་ཚ་ན་སྒྲིབ་བྱེད་ཅིང ། །གྲང་ལ་གཡོགས་པར་བྱེད་པ་ཡི། །ཁྱོད་ཀྱི་བདག་ཉིད་ཅེས་བྱ་བ། །གང་ཡིན་དེ་ཡང་འཆི་བས་འཇོམས། །མི་ཡིས་ཇི་ཙམ་ཟས་ཟོས་ཤིང ། །གྱོན་ནམ་ཡང་ན་བྱིན་པ་དེ། །དེ་ཡི་རང་གི་ཤེས་བྱ་སྟེ། །གཞན་ནི་བོར་ཏེ་འགྲོ་བར་འགྱུར། །མི་ཡི་རྐུན་པོས་མི་འཕྲོག་དང ། །གཞན་དང་ཐུན་མོང་མ་ཡིན་པའི། །གཏེར་ནི་སྦྱིན་པའམ་ཡང་ན་ནི། །ལེགས་བྱས་གཞན་གྱིས་སྦ་པར་བྱ། །སྟག་གིས་རི་དྭགས་བསད་འདྲེན་ལྟར། །ན་རྒ་འཆི་བས་ཁྱོད་མྱུར་འདྲེན།། མཛའ་བཤེས་བློན་ཚོགས་ཀུན་འདུས་པས། །ཁྱོད་ཀྱི་ནད་ནི་སེལ་མི་ནུས། །དེ་ལ་སྤྱད་ལྷག་ནོར་འབྲུ་དང ། །གསེར་དངུལ་གང་དག་ཡོད་པ་ལ། །བུ་དང་ཆུང་མ་འཁོར་བཅས་དག་།བགོ་སྐལ་ཉིད་དུ་སེམས་པར་བྱེད། །གལ་ཏེ་ཕ་ཤི་བུ་ལོན་ཆགས། །བུ་སྡུག་དེ་ལ་མེ་མི་འཁྱེར། །ཤི་ན་ཕྱི་བཞིན་མི་ངུ་ཞིང ། །བདག་གི་ཕའམ་རྗེར་མི་སྨྲ། །ཕྱུག་ཤེས་བདག་གི་ཕ་ཟེར་ཞིང ། །སྐྲ་བཤིག་མཆི་མའི་བཞིན་གྱིས་དུ། །མེ་ཡང་མདུན་དུ་འཁྱེར་བྱེད་ཅིང ། །ཀྱེ་མ་འདི་ནི་ལྷར་གྱུར་ཟེར། །གོས་ཀྱིས་བཀབ་བཞིན་འཁྱེར་བྱེད་ཅིང ། །མེ་བཏང་དེ་ནས་སྲེག་པར་བྱེད། །ཉེ་དུ་དུ་ཞིང་གོས་གཅིག་གིས། །དེ་བསྲེགས་སྤངས་ཏེ་ལོངས་སྤྱོད་བྱེད། །དེ་གཅིག་སྐྱེ་ཞིང་སྐྱེ་ཚེ་གཅིག་།དེ་བཞིན་གཅིག་འཆི་འཆི་ཚེ་གཅིག་།སྐྱེ་འདིར་གཅིག་པུས་སྡུག་བསྔལ་མྱོང ། །འཁོར་བར་འགྱུར་ལ་གྲོགས་མེད་དོ། །དེ་མཐོང་འདི་ལ་དམ་པ་
Nya166b
རྣམས། །རབ་བྱུང་ཁྱིམ་ན་འདུག་མི་བྱེད། །དེ་དག་ཆགས་པ་ཀུན་བྲལ་ནས། །ཕྱིན་ཅད་མངལ་ན་འཇུག་མི་འགྱུར། །དེ་ནས་རྒྱལ་པོ་གཟུགས་ཅན་སྙིང་པོ། །དགེ་སློང་ཨུ་ཏྲ་ཡ་ནས་གོང་དུ་ནས་གོང་དུ་སྤོབས་པས་ལན་གླན་པས་ཅང་མི་སྨྲ་ཞིང་སྤོབས་པ་མེད་པར་གྱུར་ཏེ་སོང་ངོ ། །དེ་ནས་རྒྱལ་པོ་གཙུག་ཕུད་ཅན་གྱིས་རེ་ཞིག་ཇི་སྲིད་དུ་ཆོས་ཀྱི་རྒྱལ་སྲིད་བྱེད་དུ་བཅུག་ནས་ཆོས་མ་ཡིན་པས་རྒྱལ་སྲིད་བྱེད་དུ་གཞུག་པར་བརྩམས་པ་དང ། དེ་ལ་བློན་པོའི་མཆོག་ཧེ་རུ་ཀ་དང ། བྷེ་རུ་ཀ་གཉིས་ཀྱིས་སྨྲས་པ། ལྷ། ཆོས་ཀྱིས་རྒྱལ་སྲིད་བགྱིད་དུ་སྩོལ་ལ། ཆོས་མ་ལགས་པས་བགྱིད་དུ་མ་སྩལ་ཅིག་།དེ་ཅིའི་སླད་དུ་ཞེ་ན། ལྷ། ཡུལ་གྱི་མི་དག་ནི། མེ་ཏོག་གི་ཤིང་ལྗོན་པ་དང ། འབྲས་བུའི་ཤིང་ལྗོན་པ་དག་དང་འདྲ་བའི་སླད་དུ་སྟེ། ལྷ། འདི་ལྟ་སྟེ། དཔེར་བགྱི་ན། མེ་ཏོག་གི་ཤིང་ལྗོན་པ་དང ། འབྲས་བུའི་ཤིང་ལྗོན་པ་དག་ནི། དུས་དང་དུས་སུ་ལེགས་པར་ཡོངས་སུ་བསྐྱངས་ན། བར་ཆད་མ་མཆིས་པའི་སྦྱོར་བས་དུས་ཇི་ལྟ་བ་བཞིན་དུ་མེ་ཏོག་དང ། འབྲས་བུ་དག་འབྱིན་པར་བགྱིད་དོ། །ལྷ། དེ་བཞིན་དུ་ཡུལ་གྱི་མི་དག་ཀྱང ། དུས་དང་དུས་སུ་ལེགས་པར་ཡོངས་སུ་བསྐྱངས་པ་ན། བར་ཆད་མ་མཆིས་པའི་སྦྱོར་བས་དུས་ཇི་ལྟ་བ་བཞིན་དུ་དཔྱ་དང ། ལོ་ཐང་དག་འབུལ་བར་བགྱིད་དོ། །དེ་དེ་གཉིས་ཀྱིས་བཟློག་པ་ན། རེ་ཞིག་ཇི་སྲིད་དུ་ཆོས་ཀྱིས་རྒྱལ་སྲིད་བྱེད་དུ་བཅུག་ནས་ཡང་ཆོས་མ་ཡིན་པས་རྒྱལ་སྲིད་བྱེད་དུ་གཞུག་པར་བརྩམས་པ་དང ། དེ་ལ་དེ་གཉིས་ཀྱིས་ལན་གསུམ་གྱི་བར་དུ་ཡང་
Nya167a
༄#། །སྨྲས་ན། སྲེད་པ་འཕྲོས་པ་དང་ལྡན་པས་བཟློག་ཀྱང་མི་སྡོད་དེ། དེ་ཁྲོས་ནས་བློན་པོ་གཞན་དག་ལ་སྨྲས་པ། ཤེས་ལྡན་དག་།གང་གི་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་བཀའ་ལན་གསུམ་གྱི་བར་དུ་ཡང་གཅོག་པ་དེའི་ཆད་པ་ཇི་ལྟ་བུ་ཡིན། དེ་ན་བློན་པོ་སྐྱོན་ཆགས་པ་ཁ་ཅིག་གིས་སྨྲས་པ། ལྷ། འདི་ལ་རྨ་ཅི་འཚལ་ཏེ། དེའི་ཆད་པ་ནི། དགུམ་པ་ལགས་སོ། ། ཚིགས་སུ་བཅད་པ་དག་ཀྱང་སྨྲས་པ། བློན་པོ་སྐྱོན་ནི་ཆགས་པ་དང ། །འགུལ་བར་གྱུར་པའི་སོ་དང་ནི། །ཟས་ལ་སྐྱོན་ནི་ཆགས་པ་དག་།ཕྱུང་བ་འབའ་ཞིག་བདེ་བར་འགྱུར། །བློན་པོ་བློ་དང་ལྡན་གྱུར་ཅིང ། ། ཤེས་རབ་དང་ནི་འདུལ་ལ་མཁས། །མཛོད་ནས་གོ་འཕང་གནས་པ་ནི། །གང་གིས་མི་གསོད་དེས་གསོད་འགྱུར། །རྒྱལ་པོ་གཙུག་ཕུད་ཅན་གྱིས་སྨྲས་པ། ཤེས་ལྡན་དག་།འདི་གཉིས་ནི། ངའི་ཡབ་ཀྱིས་བསྐོས་པ་ཡིན་པས། ང་འདི་གཉིས་གསོད་པར་མི་བྱེད་དོ། །འདི་ལྟར་འདི་གཉིས་ཀྱིས་ངའི་མིག་སྔར་འདུག་པར་མི་བྱའོ། །ཞེས་དེ་གཉིས་ཀྱི་གོ་བཟློག་ནས་སྐྱོན་ཆགས་པ་གཞན་གཉིས་ཤིག་བློན་པོར་བསྐོས་པ་དང ། དེ་གཉིས་ཀྱིས་སྨྲས་པ། ལྷ། ཏིལ་མ་བརྡུངས་པ་དང་མ་བརྩལ་པ་དང ། མ་བསྲོས་པ་དང ། མ་བཙིར་བ་དག་གིས་ཏིལ་མར་མི་འབྱིན་ཏེ། མིའི་དབང་པོ། སྐྱེ་བོ་དག་ཀྱང་དེ་དང་འདྲའོ། །རྒྱལ་པོས་སྨྲས་པ། ཁྱེད་གཉིས་ཀྱིས་བྱས་པ་གང་ཡིན་པ་དེ་ནི། མཆོག་ཏུ་བརྩོན་པ་ཡིན་ནོ། །དེ་གཉིས་ཀྱིས་ཡུལ་གྱི་མི་རྣམས་ལ་གནོད་པ་བྱ་བར་བརྩམས་སོ། །ཇི་ཙམ་དུས་གཞན་ཞིག་ན་ཚོང་པ་ཞིག་ཟོང་
Nya167b
ཐོགས་ཏེ་གྲོང་ཁྱེར་སྒྲ་སྒྲོག་ནས་རྒྱལ་པོའི་ཁབ་ཏུ་ཕྱིན་པ་དང ། ཚེ་དང་ལྡན་པ་ཨུ་ཏྲ་ཡ་ནས་དེ་མཐོང་ནས་ངོ་ཤེས་ཏེ་སྨྲས་པ། ཇི་ལྟར་སྒྲ་སྒྲོག་དག་ན་གཙུག་ཕུད་ཅན། །འཁོར་དང་ཚོགས་བཅས་སྟོབས་ལྡན་ནད་མེད་དམ། །དེ་ལ་ཕས་ཀྱི་བསྔོ་བ་འགའ་མེད་ཅིང ། །རང་གི་རྒྱལ་སྲིད་ཆོས་ཀྱིས་བྱེད་འཇུག་གམ། །དེས་སྨྲས་པ། ལྷ། དེ་བཞིན་སྒྲ་སྒྲོག་དག་ན་གཙུག་ཕུད་ཅན། །འཁོར་དང་ཚོགས་བཅས་སྟོབས་ལྡན་བྲོ་མ་འཚལ། །དེ་ལ་ཕས་ཀྱི་བསྡོ་བ་མ་མཆིས་ཏེ། །རྒྱལ་སྲིད་རྟག་ཏུ་ཆོས་མ་ལགས་པས་བགྱིད། །དེ་ནས་ཚེ་དང་ལྡན་པ་ཨུ་ཏྲ་ཡ་ནས་མཐར་གྱིས་དྲི་བར་བརྩམས་པ། དེ་ན་བློན་པོ་གང་ནི། གཙོ་བོ་ཡིན། གང་ནི། གཙོ་བོ་མ་ཡིན། གང་གི་དབང་གིས་གཙུག་ཕུད་ཅན་ཡུལ་གྱི་མི་དག་ལ་གནོད་པར་བྱེད། དེས་སྨྲས་པ། ལྷ། བློན་པོའི་མཆོག་ཧེ་རུ་ཀ་དང ། བྷེ་རུ་ཀ་གཉིས་ཀྱི་གོ་ནི། བཟློག་།སྐྱོན་ཆགས་པ་གཞན་གཉིས་ཤིག་ནི། བློན་པོར་བསྐོས་ཏེ། དེ་གཉིས་ཀྱི་དབང་གིས་གཙུག་ཕུད་ཅན་ཡུལ་གྱི་མི་དག་ལ་གནོད་པར་བགྱིད་དོ། །ུ་ཏྲ་ཡ་ནས་སྨྲས་པ། ཀཝའི་ནང་རྗེ། ཁྱོད་སོང་ལ་སྒྲ་སྒྲོག་ན་གནས་པའི་སྐྱེ་བོའི་ཚོགས་ལེགས་པར་དབུགས་ཕྱུང་ཞིག་དང ། ང་ཡང་དེར་ལྡོག་ཏུ་འོང་སྟེ། ང་ཉིད་ཀྱིས་གཙུག་ཕུད་ཅན་ཅི་ནས་ཀྱང་ཡུལ་གྱི་མི་རྣམས་ལ་གནོད་པར་མི་བྱེད་པ་དེ་ལྟར་གནོད་པ་ལས་ལྡོག་པར་བྱ་ཞིང ། ཕན་པ་ལ་ངེས་པར་སྦྱར་བར་བྱའོ། །ཚོང་པ་དེས་ཟོང་བསྒྱུར་ཏེ་ཟོང་རིན་ཁྱེར་ནས་འཕགས་ཏེ་མཐར་གྱིས་སྒྲ་སྒྲོག་ཏུ་ཕྱིན་ནས་དེས་ཉེད་དུ་རྣམས་ལ་གསང་སྟེ་སྨྲས་པ། ཤེས་ལྡན་དག་།ཁོ་
Nya168a
༄#། །བོ་ཟོང་ཐོགས་ཏེ་རྒྱལ་པོའི་ཁབ་ཏུ་སོན་ནས། ཁོ་བོས་དེར་རྒྱལ་པོ་བགྲེས་པོ་མཐོང་ནས་དེའི་ཞལ་ནས། ཀཝའི་ནང་རྗེ། ཁྱོད་སོང་ལ་སྒྲ་སྒྲོག་ན་གནས་པའི་སྐྱེ་བོའི་ཚོགས་ལེགས་པར་དབུགས་ཕྱུང་ཞིག་དང ། ང་ཡང་དེར་ལྡོག་ཏུ་འོང་སྟེ། ང་ཉིད་ཀྱིས་གཙུག་ཕུད་ཅན་ཅི་ནས་ཀྱང་ཡུལ་གྱི་མི་རྣམས་ལ་གནོད་པར་མི་བྱེད་པ་དེ་ལྟར་གནོད་པ་ལས་ལྡོག་པར་བྱ་ཞིང ། ཕན་པ་ལ་ངེས་པར་སྦྱར་བར་བྱའོ། །ཞེས་བྱུང་ངོ ། །དེ་དག་གིས་ཀྱང་གཞན་དག་ལ་བརྗོད་ཅིང ། དེ་དག་གིས་ཀྱང་གཞན་དག་ལ་བརྗོད་པས། དེ་ལྟར་སྒྲ་དེ་རྣ་བ་གཅིག་ནས་གཅིག་ཏུ་བརྒྱུད་པས་བློན་པོ་སྐྱོན་ཆགས་པ་དེ་གཉིས་ཀྱི་རྣ་བར་སོན་ནས་དེ་གཉིས་ཀྱིས་བསམ་པ། གལ་ཏེ་རྒྱལ་པོ་རྒན་པོ་འོང་བར་གྱུར་ན་དེས་གདོན་མི་ཟ་བར་ཧེ་རུ་ཀ་དང ། བྷི་རུ་ཀ་གཉིས། ཡང་བློན་པོའི་མཆོག་ཏུ་བསྐོ་ཞིང ། བདག་ཅག་གཉིས་ལ་གནོད་པ་བྱེད་པར་འགྱུར་གྱི། དེའི་ཕྱིར་གང་གིས་དེ་ལམ་གར་གསོད་དུ་འཇུག་པར་འགྱུར་བའི་ཐབས་ཀྱི་རྣམ་པ་ཞིག་བྱའོ། །སྙམ་ནས་དེ་གཉིས་ཀྱིས་རྒྱལ་པོ་གཙུག་ཕུད་ཅན་ལ་སྨྲས་པ། ལྷ། རྒྱལ་པོ་བགྲེས་པོ་འབྱོན་པར་འགྱུར་ཞེས་གདའོ། །དེས་སྨྲས་པ། དེ་རབ་ཏུ་བྱུང་བས། དེ་ཅིའི་ཕྱིར་འདིར་འོང་བར་འགྱུར། དེ་གཉིས་ཀྱིས་སྨྲས་པ། ལྷ། གང་གིས་གདུགས་གཅིག་རྒྱལ་སྲིད་བགྱིད་དུ་སྩལ་བ་དེ་ནི། ལྷ། རྒྱལ་སྲིད་མ་མཆིས་པས་དགའ་བར་ག་ལ་འགྱུར་ཏེ། ད་ཡང་རྒྱལ་སྲིད་བགྱིད་དུ་སྩོལ་བར་འཚལ་ལོ། །གཙུག་ཕུད་ཅན་གྱིས་སྨྲས་པ། གལ་
Nya168b
ཏེ་དེ་རྒྱལ་པོར་གྱུར་ན། ང་ཉིད་ཀྱིས་གཞོན་ནུ་བྱ་སྟེ། འདི་ལ་འགལ་བ་ཅི་ཡོད། དེ་གཉིས་ཀྱིས་སྨྲས་པ། ལྷ། དེ་ནི། ཚུལ་དང་མཐུན་པ་མ་ལགས་ཏེ། གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང ། ཡུལ་གྱི་མི་དག་གིས་ཐལ་མོ་སྟོང་དག་གིས་ཕྱག་བགྱིས་པས་རྒྱལ་སྲིད་བགྱིད་དུ་སྩལ་ནས། ཡང་ཇི་ལྟར་གཞོན་ནུའི་གནས་སུ་གནས་པར་མཛད། ཡུལ་ཡོངས་སུ་གཏང་བ་ནི། མི་བསྡོ་ཡི། གཞོན་ནུའི་གནས་སུ་གནས་པ་ནི། མི་རུང་སྟེ། འདི་ལྟ་སྟེ། དཔེར་བགྱི་ན། མི་ཞིག་གླང་པོ་ཆེའི་གཉའ་བར་མཆིས་ནས་རྟའི་རྒྱབ་ཏུ་མཆི་བ་དང ། རྟའི་རྒྱབ་ཏུ་མཆིས་ནས་ཤིང་རྟས་མཆི་བ་དང ། ཤིང་རྟས་མཆིས་ནས་རྐང་པ་གཉིས་ཁོ་ནས་མཆི་བ་བཞིན་དུ། རྒྱལ་སྲིད་བགྱིད་དུ་སྩལ་ནས། ཡང་གཞོན་ནུའི་གནས་ན་གནས་པ་ཡང ། དེ་དང་འདྲའོ། །དེ་གཉིས་ཀྱིས་བསླུས་ནས་དེས་སྨྲས་པ། འོ་ན་འདི་ལ་གང་རིགས ། འདི་ལ་ཇི་ལྟར་བསྒྲུབ་པར་བྱ། དེ་གཉིས་ཀྱིས་སྨྲས་པ། ལྷ། དེ་འགུམ་དུ་སྩལ་བར་བགྱིའོ། །གལ་ཏེ་འགུམ་དུ་མ་སྩལ་ན། གོར་མ་བཀུམ་པར་བློན་པོ་སྐྱོན་ཆགས་པ་དག་དང་བསྡོངས་ཏེ་ལྷ་ཉིད་དགྲོངས་པར་བགྱིད་དོ། །དེ་སྐད་ཅེས་སྨྲས་པ་དང ། དེ་བཞིན་གྱུར་ཅིང་ཉམས་ཏེ་ཡུད་ཙམ་ཞིག་ཅང་མི་སྨྲ་བར་འདུག་ནས་མཆི་མས་བརྣངས་པའི་སྙིང་གིས་སྙིང་རྗེ་ཞིང་ཞུམ་པ་དང་ཐོགས་པའི་ཡིད་དག་གིས་སྨྲས་པ། ཤེས་ལྡན་གཉིས། ཇི་ལྟར་ཡབ་བགྲོངས་སུ་རུང ། དེ་གཉིས་ཀྱིས་སྨྲས་པ། ལྷས། ཕའམ་ཡང་ན་སྤུན་དག་གམ། །རང་ལས་སྐྱེས་པའི་བུ་ཡང་རུང ། །གལ་ཏེ་དགྲ་ཁྲོད་ཞུགས་གྱུར་ན། །ས་ཕུང་
Nya169a
༄#། །འཕེལ་བ་ཉིད་དུ་བྱ། །ཞེས་བགྱི་བ་མ་གསན་ཏམ། ཡང་སྨྲས་པ། ལྷས། གང་ལ་བུ་ཕོ་སྟོང་བདོག་ཅིང ། །ཐམས་ཅད་གྲུ་གཅིག་ཞུགས་གྱུར་ལ། །དེར་ནི་དགྲ་བོ་གཅིག་བྱུང་ན།། དེ་ཡི་དོན་དུ་དེ་ནུབ་བྱ། །ཞེས་བགྱི་བ་ཡང་མ་གསན་ཏམ། །ལྷས་གཞན་དག་ནས། ཁྱིམ་གྱི་ཕྱིར་ནི་གཅིག་གཏང་བྱ། །གྲོང་ཕྱིར་ཁྱིམ་ནི་གཏང་བར་བྱ། །ལྗོངས་ཕྱིར་གྲོང་ནི་གཏང་བྱ་སྟེ། །བདག་ཉིད་ཕྱིར་ནི་ས་གཏང་བྱ། །ཞེས་འབྱུང་བ་ཡང་མ་གསན་ཏམ། །ལྷ། འདི་ལ་དགོངས་པར་བགྱི་བ་ཅི་ཡང་མ་མཆིས་ཏེ། དེ་ནི། དགུམ་པར་བགྱི་ལགས་པས། འགུམ་དུ་སྩལ་བར་བགྱིའོ། །གལ་ཏེ་ལྷ་འདི་ལ་ཕྱི་བཤོལ་མཛད་ནས་ལྷ་ལ་རྗེས་སུ་ཆགས་པའི་གཞོན་ནུ་དང ། བློན་པོ་དང ། ཕོ་བྲང་འཁོར་གྱི་མི་དང ། ཡུལ་གྱི་མི་གང་དག་ལགས་པ་དེ་དག་འཁྲུགས་པར་གྱུར་ན། གོར་མ་བཀུམ་པར་ལྷ་ལ་གནོད་པ་བགྱིད་པར་འགྱུར་རོ། །འདོད་པ་དག་ལ་བརྟེན་པས་ནི། སྡིག་པའི་ལས་མི་བྱ་བ་ཅི་ཡང་མེད་པས་དེས་དེ་ལྟར་གྱིས་ཤིག་ཅེས་ཁས་བླངས་སོ། །དེ་ནས་བློན་པོ་སྐྱོན་ཆགས་པ་དེ་གཉིས་དགའ་བ་དང ། མགུ་བ་དང ། མཆོག་ཏུ་དགའ་བ་སྐྱེས་ནས་མི་གཤེད་མ་པ་དག་ལ་སྨྲས་པ། ཤེས་ལྡན་དག་།དེངས་ལ་རྒྱལ་པོ་རྒན་པོ་སོད་ཅིག་དང ། ཁྱེད་ཅག་ལ་ལོངས་སྤྱོད་དག་གི་བགོ་བཤའ་བྱའོ། །རྒྱལ་པོ་དེ་ལ་ཕོ་བྲང་འཁོར་མི་དང ། ཡུལ་གྱི་མི་ཐམས་ཅད་རྗེས་སུ་ཆགས་པས་དེ་གསོད་པར་སྤྲོ་བ་འགའ་ཡང་མེད་དོ། །དེ་གཉིས་ཀྱིས་དེ་དག་ལ་ལན་གསུམ་གྱི་བར་དུ་ཡང་དབྱིག་དང ། གསེར་དང ། གྲོང་སྦྱིན་པ་ལ་སོགས་པས་
Nya169b
སྤྲོ་བར་བྱས་ན། སྤྲོ་བ་འགའ་ཡང་མ་བྱུང་ནས། དེ་ནས་དེ་གཉིས་ཁྲོ་བོས་ཀུན་ནས་དཀྲིས་པས་ཕྱག་སྦལ་སྲུང་ང་རྣམས་ལ་བསྒོ་བ། ཤེས་ལྡན་དག་།དེངས་ལ་མི་དེ་དག་བུ་དང ། ཆུང་མ་དང ། རྩ་ལག་དང་མཛའ་བཤེས་དང ། ཉེ་དུའི་ཚོགས་དང་བཅས་པ་ཆིངས་ལ་ཕྱག་སྦལ་དུ་ཆུག་ཅིག་།དེ་དག་གིས་ཐོས་ནས་སྐྲག་པར་གྱུར་ཏེ་སྨྲས་པ། ལྷ་ཉག་མི་བཞེས་སུ་གསོལ། བདག་ཅག་ནི། ཕྱག་རྗེད་བཀའ་ཉན་པ་དག་ལགས་ཀྱི་མཆིའོ། །ཞེས་དེ་དག་གིས་རལ་གྲི་རྣོན་པོ་མཆན་དུ་བཅུག་སྟེ་འཕགས་སོ། །ཚེ་དང་ལྡན་པ་ཨུ་ཏྲ་ཡ་ན་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་པས། ལྷུང་བཟེད་དང་ཆོས་གོས་ཐོགས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གྲོང་ཁྱེར་སྒྲ་སྒྲོག་ཏུ་ལྗོངས་རྒྱུ་ཞིང་མཆི་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཨུ་ཏྲ་ཡ་ན། སོང་ལ་ཁྱོད་ཀྱིས་ལས་བདག་གིར་བྱ་བ་ཡིད་ལ་བྱའོ། །དེ་ནས་ཚེ་དང་ལྡན་པ་ཨུ་ཏྲ་ཡ་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་ཨུ་ཏྲ་ཡ་ན་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །རྒྱལ་པོའི་ཁབ་ཏུ་བསོད་སྙོམས་ལ་རྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་
Nya170a
༄#། །བསོད་སྙོམས་ལས་ཕྱིར་ལོག་པས། ཇི་ལྟར་ལོངས་སྤྱོད་པའི་གནས་མལ་མཁོས་སུ་ཕབ་སྟེ་ལྷུང་བཟེད་དང་ཆོས་གོས་ཐོགས་ནས་ལས་ཀྱིས་བདས་ཏེ་སོང་ངོ ། །ལས་ཀྱིས་རིང་དུ་འདྲེན་བྱེད་དེ། །རིང་ནས་ལས་ཀྱིས་འདྲེན་པར་བྱེད། །གང་དུ་ལས་རྣམས་སྨིན་འགྱུར་བ། །དེར་ནི་ལས་ཀྱིས་རབ་ཏུ་འདྲིན། །དེ་གྲོང་ཁྱེར་སྒྲ་སྒྲོག་ག་ལ་བ་དེར་སོང་ནས་མཐར་གྱིས་རྒྱུ་ཞིང་འགྲོ་བ་ན། ལམ་གར་རི་བྲག་ཅིག་ཡོད་པ་དེར་བསོད་སྙོམས་ལ་ཞུགས་ནས་དེ་དེ་ནས་བསོད་སྙོམས་རྒྱུས་ཏེ་སོང་བ་དང ། མི་གཤེད་མ་དེ་དག་དང་ཕྲད་ནས་དེ་དག་གིས་དེ་མཐོང་ངོ ། །དེས་ཀྱང་དེ་དག་ངོ་ཤེས་ནས་དེ་དེ་དག་དང་ལྷན་ཅིག་སྐྱེད་མོས་ཚལ་ཞིག་ཏུ་མཚན་མོ་གནས་པར་ཁས་བླངས་ནས་དེས་དེ་དག་ལ་དྲི་བར་བརྩམས་པ། ཇི་ལྟར་སྒྲ་སྒྲོག་དག་ན་གཙུག་ཕུད་ཅན། །འཁོར་དང་ཚོགས་བཅས་སྟོབས་ལྡན་ནད་མེད་དམ། །དེ་ལ་ཕས་ཀྱི་བསྡོ་བ་འགའ་མེད་ཅིང ། །རང་གི་རྒྱལ་སྲིད་ཆོས་ཀྱིས་བྱེད་འཇུག་གམ། དེ་དག་གིས་སྨྲས་པ། ལྷ། དེ་བཞིན་སྒྲ་སྒྲོག་དག་ན་གཙུག་ཕུད་ཅན། །འཁོར་དང་ཚོགས་བཅས་སྟོབས་ལྡན་བྲོ་མ་འཚལ། །དེ་ལ་ཕས་ཀྱི་བསྔོ་བ་མ་མཆིས་ཏེ། །རྒྱལ་སྲིད་རྟག་ཏུ་ཆོས་མ་ལགས་པས་བགྱིད། །མི་མཆོད་ཁྱོད་ཀྱི་ཚུལ་དང་མཐུན་པ་ཡི། །འཕགས་དངོས་མངོན་རྟོགས་གང་ལགས་ཁྱོད་ཀྱིས་མཛོད། །ཞི་བ་དེ་མི་ཚུལ་མཐུན་གང་ལགས་པ། །དེ་ནི་དེ་རིང་ཉེ་བར་གཟིགས་པར་གྱུར། །ཚེ་དང་ལྡན་པ་ཨུ་ཏྲ་ཡ་ནས་སྨྲས་པ། ཤེས་ལྡན་དག་།ཅི། དེ་ང་དེར་འོངས་པ་ལ་
Nya170b
མངོན་པར་མི་དགའ་འམ། དེ་དག་གིས་སྨྲས་པ། ལྷ། མངོན་པར་མི་དགའོ། །དེས་སྨྲས་པ། ཤེས་ལྡན་དག། གལ་ཏེ་དེ་ལྟ་ན་མི་འགྲོའི། ཕྱིར་ལྡོག་པར་བྱའོ། །དེ་དག་གིས་ཚིགས་སུ་བཅད་པ་སྨྲས་པ། སྐྱེས་བུ་པ་ཁྱོད་སླར་ནི་གང་དུ་གཤེགས། །སྲས་ནི་ཁྱོད་གསོན་མངོན་པར་མི་དགའ་སྟེ། །བདག་ཅག་བྱུར་ངན་རྒྱལ་པོས་བསྒོས་རྣམས་ཀྱིས། །འདིར་ནི་ཁྱོད་བགྲོངས་སླད་དུ་མཆིས་ཀྱིས་འཚལ། །ཚེ་དང་ལྡན་པ་ཨུ་ཏྲ་ཡ་ནས་སྨྲས་པ། ཤེས་ལྡན་དག། ཁྱེད་ཅག་ང་གསོད་པའི་གཤེད་མ་པ་དག་ཡིན་ནམ། ལྷ། བདག་ཅག་ཁྱོད་བགྲོངས་པའི་གཤེད་མ་པ་དག་ལགས་སོ། །ཚེ་དང་ལྡན་པ་ཨུ་ཏྲ་ཡ་ནས་བསམ་པ། བཅོམ་ལྡན་འདས་ཀྱིས་བདག་ལ་ཨུ་ཏྲ་ཡ་ན། སོང་ལ་ཁྱོད་ཀྱིས་ལས་བདག་གིར་བྱ་བ་ཡིད་ལ་བྱའོ། །ཞེས་བཀའ་སྩལ་པ་གང་ཡིན་པ་དེ་ནི། འདི་ཡིན་པ་ལྟ་སྟེ། འཁོར་བ་ནི། རྣམ་པ་ཐམས་ཅད་དུ་ངན་པ། སྙིང་པོ་མེད་པ། འཇིགས་པའི་ཆོས་ཅན་ཡིན་ནོ། །སྙམ་དུ་རིག་ནས་དེ་དག་ལ་སྨྲས་པ། བཞིན་བཟང་དང ། ང་དོན་གང་གི་ཕྱིར་རབ་ཏུ་བྱུང་བའི་དོན་དེ། ངས་ད་དུང་མ་ཐོབ་ཀྱི། རེ་ཞིག་ང་རང་གི་དོན་རྗེས་སུ་སྒྲུབ་ཀྱི་བར་དུ་ཡུད་ཙམ་ཞིག་སྡོད་ཅིག་།དེ་དག་གིས་ཕན་ཚུན་གྲོས་བྱས་ཏེ་སྨྲས་པ། ལྷ། དེ་ལྟར་མཛོད་ཅིག། དེ་ནས་ཚེ་དང་ལྡན་པ་ཨུ་ཏྲ་ཡ་ནས་ཤིང་ལྗོན་པ་ཞིག་གི་དྲུང་དུ་བརྟེན་ནས་བྲང་འགྲོའི་རྒྱལ་པོ་གཉིད་ལོག་པའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས་ཏེ་སྤྱོད་ལམ་ཞི་བས་འདུག་གོ་།བཅོམ་ལྡན་འདས་ཀྱིས་མང་དུ་ཐོས་པ་ལ་ཕན་ཡོན་ལྔ་ཡོད་དེ། ཕུང་པོ་ལ་མཁས་པ་དང །
Nya171a
༄#། །ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་པར་འབྱུང་བ་ལ་མཁས་པ་དང ། དེའི་གདམས་ངག་དང་རྗེས་སུ་བསྟན་པ་གཞན་ལ་རག་མ་ལས་པ་ཡིན་ནོ། །ཞེས་གསུངས་པས། དེས་བརྩོན་འགྲུས་བརྩམས་པས་འཁོར་བའི་འཁོར་ལོ་ཆ་ལྔ་པ་གཡོ་བ་དང ། མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་ཀྱི་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་པས། རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་འདི་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་བཞག་པ་ལྟ་བུ་རིག་པས་སྒོ་ངའི་སྤུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་
Nya171b
མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ཨུ་ཏྲ་ཡ་ནས་དགྲ་བཅོམ་པ་ཉིད་ཐོབ་ནས་རྣམ་པར་གྲོལ་བའི་དགའ་བ་དང ། བདེ་བ་སོ་སོར་ཡང་དག་པར་རིག་པ་ན། དེའི་ཚེ་ཚིགས་སུ་བཅད་པ་སྨྲས་པ། དགེ་སློང་ཨུ་ཏྲ་ཡ་ན་ནི། །མདུད་པའི་སྦྱོར་བ་ཟུག་རྔུ་དང ། །དེ་བཞིན་སྒྲིབ་ལས་ཐར་གྱུར་ཀྱང ། །རྒྱལ་པོའི་ཆོས་ལས་དེང་མཐར། །ཅེས་སྨྲས་ནས་མི་གཤེད་མ་དེ་དག་ལ་སྨྲས་པ། བཞིན་བཟང་དག་།ངས་ཐོབ་པར་བྱ་བ་གང་ཡིན་པ་དེ་ཐོབ་ཟིན་གྱི། ད་ནི། ཁྱེད་ཅག་དོན་གང་གི་ཕྱིར་འོངས་པའི་དོན་དེ་ཐོབ་པར་བྱའོ། །དེ་དག་གིས་སྨྲས་པ། ལྷ། གལ་ཏེ་རྒྱལ་པོ་གཙུག་ཕུད་ཅན་བདག་ཅག་ལ་རྒྱལ་པོ་རྒན་པོས་འཆི་བའི་དུས་ཀྱི་ཚེ་ཅི་ཞིག་སྨྲས་ཞེས་རྨེད་ན། བདག་ཅག་གིས་དེ་ལ་ཇི་སྐད་བརྗོད་པར་བགྱི། བཞིན་བཟང་དག། དེ་ལ་འདི་སྐད་ཅེས། རྒྱལ་སྲིད་ཕྱིར་ནི་ཕ་བསད་པས། །བསོད་ནམས་མ་ཡིན་མང་པོ་བསྐྱེད། །ང་ནི་ཡོངས་སུ་མྱ་ངན་འདའ། །ཁྱོད་ནི་མནར་མེད་འགྲོ་བར་འགྱུར། །ཞེས་བརྗོད་པར་བྱའོ། །གཞན་ཡང་འདི་སྐད་ཅེས། ཁྱོད་ཀྱིས་མཚམས་མེད་པ་གཉིས་བྱས་ཏེ། ཕ་སྲོག་དང་བྲལ་བ་གང་ཡིན་པ་དང ། དགེ་སློང་དགྲ་བཅོམ་པ་ཟག་པ་ཟད་པ་སྲོག་དང་བྲལ་བ་གང་ཡིན་པ་དེ་གཉིས་ཀྱིས་ཁྱོད་ཡུན་རིང་པོར་སེམས་ཅན་དམྱལ་བ་ཆེན་པོ་མནར་མེད་པར་གནས་པར་བྱ་དགོས་ཀྱི། སྡིག་པ་སྣ་ཚོགས་ལས་ཤོགས་ཤིག་དང ། དེ་ལྟར་ན། ལས་བསྲབས་པ་ཉིད་དང ། ཡོངས་སུ་མཐར་ཐུག་པར་འགྱུར་རོ། །ཞེས་བརྗོད་པར་བྱའོ། །
Nya172a
༄#། །ཚེ་དང་ལྡན་པ་ཨུ་ཏྲ་ཡ་ནས་ཡང་བསམ་པ། སེམས་ཅན་དེ་སེམས་ཅན་དམྱལ་བ་ཆེན་པོ་ལ་གཞོལ་བར་གྱུར་ན། མི་རུང་གི་།རྫུ་འཕྲུལ་གྱིས་འགྲོའོ། །སྙམ་ནས་དེས་རྫུ་འཕྲུལ་གྱི་ཐབས་གང་དང་གང་ཡིན་བརྩམས་ན། དེའི་ལས་ཀྱིས་ནོན་པས་རྫུ་ཞེས་བྱ་བ་ཙམ་ཡང་སྣང་བར་མ་གྱུར་ན། རྫུ་འཕྲུལ་ལྟ་སྨོས་ཀྱང་ཅི་དགོས། དེ་ནས་མི་གཤེད་མ་པ་དེ་དག་ལས། མི་སྙིང་རྗེ་མེད་པའི་སེམས་དང་ལྡན་པ། འཇིག་རྟེན་ཕ་རོལ་བཏང་བ་ཞིག་གིས་རལ་གྲི་ཤུབས་ནས་ཕྱུང་སྟེ་དེའི་མགོ་དྲུངས་ནས་བཅད་ནས་ས་ལ་བསྒྱེལ་ཏོ། །དེ་ནས་བཅོམ་ལྡན་འདས་འཛུམ་པ་མཛད་དོ། །ཆོས་ཉིད་ཀྱིས་ན། གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ན་ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་ཁ་དང ། ཤེལ་དང ། དངུལ་གྱི་ཁ་དོག་ལྟ་བུ་དག་བྱུང་ནས། ཁ་ཅིག་ནི། འོག་ལོགས་སུ་འདོང ། ཁ་ཅིག་ནི། སྟེང་ལོགས་སུ་འདོང་བས། གང་དག་འོག་ལོགས་སུ་འདོང་བ་དེ་དག་ནི། སེམས་ཅན་དམྱལ་བ་ཡང་སོས་དང ། ཐིག་ནག་དང ། བསྡུས་གཞོམ་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཆུ་བུར་རྡོལ་བ་དང ། སོ་ཐམས་ཐམས་པ་དང ། ཀྱི་ཧུད་ཟེར་བ་དང ། ་ཆུ་ཟེར་བ་དང ། ུཏྤལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་པོར་དོང་སྟེ། སེམས་ཅན་དམྱལ་བ་
Nya172b
ཚ་བ་གང་དག་ཡིན་པ་དེ་དག་ཏུ་ནི། བསིལ་བར་གྱུར་ཏེ་འབབ་པར་བྱེད་ལ། སེམས་ཅན་དམྱལ་བ་གྲང་བ་གང་དག་ཡིན་པ་དེ་དག་ཏུ་ནི། དྲོ་བར་གྱུར་ཏེ་འབབ་པར་བྱེད་དོ། །དེས་སེམས་ཅན་དེ་དག་གི་གནོད་པའི་བྱེ་བྲག་དག་རྒྱུན་གཅོད་པར་བྱེད་ཅིང ། དེ་དག་འདི་སྙམ་དུ་ཤེས་ལྡན་དག་།ཅི། བདག་ཅག་འདི་ནས་ཤི་འཕོས་སམ། འོན་ཏེ་གཞན་དུ་སྐྱེས་སྙམ་དུ་སེམས་སོ། །དེ་དག་དད་པ་བསྐྱེད་པར་བྱ་བའི་ཕྱིར་བཅོམ་ལྡན་འདས་ཀྱིས་སྤྲུལ་པ་གཏོང་བར་མཛད་དེ། དེ་དག་གིས་སྤྲུལ་པ་མཐོང་ནས་འདི་སྙམ་དུ། ཤེས་ལྡན་དག་།བདག་ཅག་འདི་ནས་ཤི་འཕོས་པ་ཡང་མ་ཡིན་ལ། གཞན་དུ་སྐྱེས་པ་ཡང་མ་ཡིན་ཏེ། འདི་ལྟར། སེམས་ཅན་སྔོན་མ་མཐོང་བ་འདིའི་མཐུས་བདག་ཅག་གིས་གནོད་པའི་བྱེ་བྲག་དག་རྒྱུན་ཆད་པར་གྱུར་ཏོ། །སྙམ་དུ་སེམས་སོ། །དེ་དག་སྤྲུལ་པ་ལ་སེམས་མངོན་པར་དད་པར་གྱུར་ནས་སེམས་ཅན་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས་གང་དུ་བདེན་པ་དག་གི་སྣོད་དུ་གྱུར་པར་འགྱུར་བའི་ལྷ་དང་མི་རྣམས་ཀྱི་ནང་དུ་ཉིད་མཚམས་སྦྱོར་བ་ལེན་པར་བྱེད་དོ། །གང་དག་སྟེང་ལོགས་སུ་འདོང་བ་དེ་དག་ནི། རྒྱལ་ཆེན་བཞི་པ་དང ། སུམ་ཅུ་རྩ་གསུམ་པ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་སྐྱེས་དང ། འབྲས་བུ་ཆེ་བ་དང ། མི་
Nya173a
༄#། །ཆེ་བ་དང ། མི་གདུང་བ་དང ། གྱ་ནོམ་སྣང་དང ། ཤིན་ཏུ་མཐོང་དང ། འོག་མིན་གྱི་ལྷ་རྣམས་ཀྱི་ནང་དུ་དོང་ནས་མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་ཞེས་བྱ་བའི་སྒྲ་སྒྲོག་པར་བྱེད་ཅིང ། ཚིགས་སུ་བཅད་པ་གཉིས་པོ། །བརྩམ་པར་བྱ་ཞིང་དབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། ། འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པས། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་སྨྲས་སོ། །དེ་ནས་འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱུལ་ནས་བཅོམ་ལྡན་འདས་ཉིད་ཀྱི་སླད་བཞིན་སླད་བཞིན་དུ་རྗེས་སུ་འདོང་སྟེ། དེ་ལ་གལ་ཏེ་བཅོམ་ལྡན་འདས་འདས་པའི་ལས་ལུང་སྟོན་པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་སུ་ནུབ་པར་འགྱུར་རོ། །མ་འོངས་པའི་ལས་ལུང་སྟོན་པར་བཞེད་ན་ནི། མདུན་ལོགས་སུ་ནུབ་པར་འགྱུར། སེམས་ཅན་དམྱལ་བར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐིལ་དུ་ནུབ་པར་འགྱུར། དུད་འགྲོར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་ལོང་བུར་ནུབ་པར་འགྱུར། ཡི་དྭགས་སུ་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐེ་བོར་ནུབ་པར་འགྱུར། མིར་སྐྱེ་བར་ལུང་སྟོན་པར་བཞེད་ན་ནི། བུས་མོར་ནུབ་པར་འགྱུར། སྟོབས་ཀྱི་འཁོར་ལོས་བསྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་མཐིལ་
Nya173b
གཡོན་པར་ནུབ་པར་འགྱུར། འཁོར་ལོས་བསྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་མཐིལ་གཡས་པར་ནུབ་པར་འགྱུར། ལྷར་སྐྱེ་བར་ལུང་སྟོན་པར་བཞེད་ན་ནི། ལྟེ་བར་ནུབ་པར་འགྱུར། ཉན་ཐོས་ཀྱི་བྱང་ཆུབ་ལུང་སྟོན་པར་བཞེད་ན་ནི། ཞལ་དུ་ནུབ་པར་འགྱུར། རང་སངས་རྒྱས་ཀྱི་བྱང་ཆུབ་ལུང་སྟོན་པར་བཞེད་ན་ནི། མཛོད་སྤུར་ནུབ་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལུང་སྟོན་པར་བཞེད་ན་ནི། གཙུག་ཏོར་དུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ཀྱི་ཞབས་ཀྱི་མཐིལ་དུ་ནུབ་བོ། ། དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ་བཅོམ་ལྡན་འདས་ལ་ཞུས་པ། ཁ་དོག་སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱི་སྒོ་ནས་བྱུང་གྱུར་ཏེ། །དེ་ཡིས་ཕྱོགས་རྣམས་ཐམས་ཅད་སྣང་བགྱིས་པ། །ཉི་གདུགས་བདལ་བར་གྱུར་པ་ཇི་བཞིན་ནོ། །ཡང་ཚིགས་སུ་བཅད་པ་སྨྲས་པ། རྒོད་བྲལ་ཞུམ་དང་རྒྱགས་པ་རབ་སྤངས་པ། །སངས་རྒྱས་འགྲོ་བ་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བརྟན་པ་རང་བློས་དུས་མཁྱེན་ནས། །ཐུབ་པ་ཁྱུ་མཆོག་དགེ་སྦྱོང་སྐྱེ་དབང་པོ། །ཉན་པའི་སྐྱེ་བོ་སོམ་ཉི་ལྡན་རྣམས་ལ། །ཐེ་ཚོམ་སྐྱེས་པ་གསུང་ཚིག་བརྟན་པ་དང ། །དམ་པ་དགེ་བ་དག་གིས་བསལ་དུ་གསོལ། །ཚ་ཆུ་རི་རྒྱལ་ལྟ་བུ་བརྟན་པ་ཡི། །སངས་རྒྱས་མགོན་རྣམས་གློ་བུར་འཛུམ་མི་སྟོན། །བརྟན་རྣམས་ཅི་
Nya174a
༄#། །སླད་འཛུམ་པ་སྟོན་མཛད་པ། །སྐྱེ་བོའི་ཚོགས་རྣམས་དེ་ནི་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་དེ་བཞིན་ནོ། །དེ་དེ་བཞིན་ཏེ། ཀུན་དགའ་བོ། དེ་བཞིན་གཤེགས་པ་དག་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་དེ། ཀུན་དགའ་བོ། འདི་ལྟར། དགེ་སློང་ཨུ་ཏྲ་ཡན་ནི། །མདུད་པ་སྦྱོར་བ་ཟུག་རྔུ་དང ། །དེ་བཞིན་སྒྲིབ་ལས་ཐར་གྱུར་ཀྱང ། །རྒྱལ་པོའི་ཆོས་ལས་དེང་མ་ཐར། །ཀུན་དགའ་བོ། གྲོང་ཁྱེར་སྒྲ་སྒྲོག་ན་གནས་པའི་རྒྱལ་པོ་གཙུག་ཕུད་ཅན་སྡིག་པའི་གྲོགས་པོས་བསྐོར་བས། དགེ་སློང་ཨུ་ཏྲ་ཡ་ན་དགྲ་བཅོམ་པ་ཉིད་ཐོབ་པ་སྲོག་དང་བྲལ་བར་བྱས་ཏེ། དེས་ཕ་དགྲ་བཅོམ་པ་སྲོག་དང་བྲལ་བར་བྱས་པས། ངེས་པར་སེམས་ཅན་དམྱལ་བ་ཆེན་པོ་མནར་མེད་པར་སྐྱེ་བར་འགྱུར་རོ། །བཙུན་པ། ཚེ་དང་ལྡན་པ་ཨུ་ཏྲ་ཡ་ན་དགྲ་བཅོམ་པ་ཉིད་ཐོབ་ཅིང ། སྲོག་དང་བྲལ་བར་གྱུར་ཏམ། ཀུན་དགའ་བོ། ཨུ་ཏྲ་ཡ་ན་དགྲ་བཅོམ་པ་ཉིད་ཐོབ་ཅིང་སྲོག་དང་བྲལ་བར་གྱུར་ཏོ། །ཚེ་དང་ལྡན་པ་ཀུན་དགའ་བོས་དེ་ཐོས་ནས་མཆིམས་བརྣངས་ཏེ་འདུག་གོ་།དེ་ནས་གཤེད་མ་པ་མི་དེ་དག་གིས་ཚེ་དང་ལྡན་པ་ཨུ་ཏྲ་ཡ་ནའི་ལྷུང་བཟེད་དང ། ཆོས་གོས་དང ། མཁར་གསིལ་ཁྱེར་ཏེ་གྲོང་ཁྱེར་སྒྲ་སྒྲོག་ཏུ་ཕྱིན་ནས་དེ་དག་གིས་བློན་པོ་སྐྱོན་ཆགས་པ་དེ་གཉིས་ལ་སྨྲས་པ། རྒྱལ་པོ་རྒན་པོ་བསད་དོ། །དེ་གཉིས་ཀྱིས་ཐོས་ནས་དགའ་བ་དང ། མཆོག་ཏུ་དགའ་བ་
Nya174b
སྐྱེས་ཏེ་རྒྱལ་པོ་གཙུག་ཕུད་ཅན་ག་ལ་བ་དེར་དོང་ནས་སྨྲས་པ། ལྷ་དགྱེས་པ་སྐྱེད་ཅིག་།ད་ནི། ལྷའི་རྒྱལ་སྲིད་ལ་ཚེར་མ་མཆིས་སོ། །ཇི་ལྟར་གྱུར། ལྷའི་དགྲ་གང་ལགས་པ་དེ་བཀུམ་མོ། །ངའི་དགྲ་གང་ཡིན། ལྷ། རྒྱལ་པོ་རྒན་པོའོ། །དེ་བསད་པ་ཇི་ལྟར་ཤེས། དེ་གཉིས་ཀྱིས་མི་གཤེད་མ་པ་དག་བསྟན་ཏེ་སྨྲས་པ། ལྷ། མི་འདི་དག་ནི། གཤེད་མ་པ་ལགས་ཏེ། འདི་དག་གིས་དེ་བཀུམ་མོ། ། རྒྱལ་པོ་གཙུག་ཕུད་ཅན་གྱིས་དེ་དག་མཐོང་ནས་སྨྲས་པ། ཤེས་ལྡན་དག་།རྒྱལ་པོ་རྒན་པོ་ལ་དཔུང་ཇི་ཙམ་ཡོད། ལྷ། དེ་ལ་དཔུང་ག་ལ་མཆིས་ཏེ། ལྷུང་བཟེད་དང ། ཆོས་གོས་དང ། མཁར་གསིལ་འདི་ལགས་སོ། །རྒྱལ་པོ་གཙུག་ཕུད་ཅན་གྱིས་དེ་མཐོང་ནས་བརྒྱལ་ཏེ་ས་ལ་འགྱེལ་ནས་ཆུས་བཏབ་སྟེ་དབུགས་ཕྱིར་བྱུང་ནས་སྨྲས་པ། ཤེས་ལྡན་དག་།རྒྱལ་པོ་རྒན་པོས་འཆི་བའི་ཚེ་ཅི་སྨྲས། ལྷ།་རྒྱལ་པོ་རྒྱན་པོ་སྲོག་དང་བྲལ་ཁར་འདི་སྐད་ཅེས། རྒྱལ་སྲིད་ཕྱིར་ནི་ཕ་བསད་པས། །བསོད་ནམས་མ་ཡིན་མང་པོ་བསྐྱེད། །ང་ནི་ཡོངས་སུ་མྱ་ངན་འདའ། །ཁྱོད་ནི་མནར་མེད་འགྲོ་བར་འགྱུར། ། ཞེས་མཆིའོ། །གཞན་ཡང་འདི་སྐད་ཅེས། ཁྱོད་ཀྱིས་མཚམས་མེད་པའི་ལས་གཉིས་བྱས་ཏེ། ཕ་སྲོག་དང་བྲལ་བ་གང་ཡིན་པ་དང ། དགེ་སློང་དགྲ་བཅོམ་པ་ཟག་པ་ཟད་པ་སྲོག་དང་བྲལ་བ་གང་ཡིན་པ་དེས། ཁྱོད་ཡུན་རིང་པོར་དམྱལ་བར་གནས་པར་བྱ་དགོས་ཀྱི་སྡིག་པ་སྡིག་པ་ལས་ཤོགས་ཤིག་དང ། དེ་ལྟར་ན། ལས་བསྲབས་པ་ཉིད་དང་ཡོངས་སུ་ཟད་པ་དང ། ཡོངས་སུ་གཏུགས་པར་འགྱུར་རོ། །ཞེས་
Nya175a
༄#། །མཆིའོ། །དེ་མྱ་ངན་གྱི་ཟུག་རྔུས་གཟིར་བས། འདམ་བུ་སྔོན་པོར་བརྔས་པ་བཞིན་དུ་རྙིད་པར་གྱུར་ནས་དེས་བློན་པོའི་མཆོག་ཧེ་རུ་ཀ་དང ། བྷི་རུ་ཀ་གཉིས་པོས་ཏེ་སྨྲས་པ་ཤས་ལྡན་གཉིས། ཁྱེད་གཉིས་ཀྱིས་ང་ལས་དེ་ལྟ་བུ་བྱེད་པ་ལས་མ་བཟློག་གོ་།དེ་གཉིས་ཀྱིས་སྨྲས་པ། ལྷས་བདག་ཅག་གཉིས་སྤྱན་ལམ་དུ་མ་བཞག་ན། ཇི་ལྟར་བཟློག་པར་བགྱི། དེས་བློན་པོ་སྐྱོན་ཆགས་པ་དེ་གཉིས་མིག་ལམ་དུ་མི་སྣང་བར་བཞག་ནས་ཧེ་རུ་ཀ་དང ། བྷེ་རུ་ཀ་གཉིས་ཕྱིར་བློན་པོའི་མཆོག་ཏུ་བསྐོས་པ་དང ། བློན་པོ་སྐྱོན་ཆགས་པ་དེ་གཉིས་ཀྱིས་གསང་སྟེ་ཚེ་དང་ལྡན་པ་རྒྱལ་དང་སྐར་རྒྱལ་གྱི་མཆོད་རྟེན་གཉིས་ལ་ཁུང་བུ་གཉིས་བསྐོས་ནས་དེར་བྱི་ལའི་ཕྲུག་གུ་གཉིས་བཞག་སྟེ། དེ་གཉིས་ཀྱིས་ཉི་མ་རེ་རེ་ཞིང་ཤ་སྲི་རེ་རེ་བྱིན་ནས་འདི་སྐད་ཅེས། རྒྱལ་དང ། སྐར་རྒྱལ་གཉིས་བདེན་པ་དང ། བདེན་པའི་ཚིག་གང་གིས་ཁྱེད་གཉིས་ཀྱི་སྒྱུ་མས་འཇིག་རྟེན་བསླུས་ཏེ་དད་པས་སྦྱིན་པར་བྱ་བ་ཆུད་གཟན་པས་བྱི་ལའི་གནས་ངན་པར་སྐྱེས་པའི་བདེན་པ་དང་བདེན་པའི་ཚིག་དེས། ཤ་སྲི་ལོངས་ལ་རང་རང་གི་མཆོད་རྟེན་ལ་བསྐོར་བ་བགྱིས་ཏེ་རང་རང་གི་ཁུང་དུ་ཞུགས་ཤིག་།ཅེས་སློབ་པར་བྱེད་དོ། །གང་གི་ཚེ་དེ་གཉིས་ལེགས་པར་ལོབས་པར་གྱུར་པ་དེའི་ཚེ། བློན་པོ་སྐྱོན་ཆགས་པ་དེ་གཉིས་ཨུ་ཏྲ་ཡ་ནའི་བཙུན་མོའི་གན་དུ་སོང་སྟེ་སྨྲས་པ། ལྷ་མོ། ཁྱོད་ཀྱིས་སྲས་རིད་པ་དང ། ཉམ་ཆུང་བ་དང ། རྐེ་བ་དང ། ལུས་མ་ཐོབ་པར་གྱུར་ན། ཅིའི་སླད་དུ་ཁྱོད་བཏང་སྙོམས་མཛད། དེས་
Nya175b
སྨྲས་པ། ཁྱེད་གཉིས་ཉིད་ཀྱིས་དེ་ལས་དེ་ལྟ་བུ་བྱེད་དུ་བཅུག་ན། ད་ཁོ་མོས་ཇི་ལྟར་བྱ། དེ་གཉིས་ཀྱིས་སྨྲས་པ། ལྷ་མོ། ཅི། གང་དུ་བུམ་པ་ལྟུང་བ་དེར་དཔྱང་ཐག་ཀྱང་ལྟུང་བར་བགྱིའམ། དེས་སྨྲས་པ། དེས་ཤེས་ཏེ། རེ་ཞིག་དེའི་ཕ་བསད་པ་ནི། ཁོ་མོས་གསང་བར་བྱ་ན། དགྲ་བཅོམ་པ་བསད་པ་སུས་གསང་བར་འགྱུར། དེ་གཉིས་ཀྱིས་སྨྲས་པ། ལྷ་མོ། དགྲ་བཅོམ་པ་བསད་པ་བདག་ཅག་གཉིས་ཀྱིས་གསང་བར་བགྱིའོ། །དེས་སྨྲས་པ། གལ་ཏེ་དེ་ལྟ་ན། ལེགས་སོ། །ཞེས་དེའི་གན་དུ་སོང་སྟེ་སྨྲས་པ། སྲས། ཅིའི་སླད་དུ་ཁྱོད་སྐྱ་བོ་སེང་སེང་པོ་རིད་པ་དང ། ཉམ་ཆུང་བ་དང ། རྐ་བ་དང ། ལུས་མ་ཐོབ་པར་གྱུར། དེས་སྨྲས་པ། ཡུམ། ཁྱོད་ཀྱང་དེ་སྐད་ཅེས། ཅིའི་ཕྱིར་ཁྱོད་སྐྱ་བོ་སེང་སེང་པོ་རིད་པ་དང ། ཉམ་ཆུང་བ་དང ། རྐེ་བ་དང་ལུས་མ་ཐོབ་པར་གྱུར་ཅིས་གསུང་ངམ། གང་གི་སླད་དུ་བདག་བློན་པོ་སྐྱོན་ཆགས་པ་གཉིས་ཀྱིས་བསླུས་པས་མཚམས་མེད་པའི་ལས་གཉིས་བགྱིས་ཏེ། ཡབ་སྲོག་དང་བྲལ་བ་གང་ལགས་པ་དང ། དགེ་སློང་དགྲ་བཅོམ་པ་ཟག་པ་ཟད་པ་སྲོག་དང་བྲལ་བ་གང་ལགས་པ་དེས་བདག་ཡུན་རིང་པོར་སེམས་ཅན་དམྱལ་བ་ཆེན་པོ་མནར་མེད་པར་གནས་པར་བགྱི་འཚལ་ན། བདག་ཇི་ལྟར་སྐྱ་བོ་སེང་སེང་པོ་རིད་པ་དང ། ཉམ་ཆུང་བ་དང ། རྐེ་བ་དང ། ལུས་མ་ཐོབ་པར་མི་འགྱུར་དུ་རུང ། དེས་སྨྲས་པ། སྲས། ཇེ་མི་འཇིགས་པ་སྩོལ་ཅིག་དང ། གང་མད་པ་དེ་བཀའ་མཆིད་བགྱིའོ། །དེས་སྨྲས་པ། ཡུམ། གསོལ་གྱི། ཇི་ལྟར་ལགས་པ་གསུངས་ཤིག་།སྲས། དེ་ནི། ཁྱོད་ཀྱི་ཡབ་མ་ལགས་ཏེ། འདི་ལྟར། བདག་གི་ཟླ་མཚན་
Nya176a
༄#། །བཀྲུ་བའི་སླད་དུ་སྐྱེས་པ་གཞན་དག་དང་ལྷན་ཅིག་དགའ་མགུར་སྤྱད་པ་དེ་ལས་ཁྱོད་འཁྲུངས་སོ། །དེས་བསམ་པ། དེ་ལྟར་ན་ཕ་བསད་པར་མ་གྱུར་ཏོ། །སྙམ་དུ་རིག་ནས་སྨྲས་པ།་ཡུམ། གལ་ཏེ་དེ་ལྟར་ན། ཕ་བསད་པ་ནི། མ་མཆིས་ན། དགྲ་བཅོམ་པ་བསད་པ་མཆིས་པ་དེ། ཇི་ལྟར་མཐར་ཐུག་པར་བགྱི། དེས་སྨྲས་པ། སྲས། འདི་ལ་ཤེས་པ་ལ་མཁས་པ་དག་རྨ་བར་བགྱི་སྟེ།་དེ་དག་གིས་དེ་མཐར་ཐུག་པར་བགྱིད་པར་འགྱུར་རོ། །ཞེས་སྨྲས་ཏེ་སོང་ནས་དེས་བློན་པོ་སྐྱོན་ཆགས་པ་དེ་གཉིས་པོས་ཏེ་སྨྲས་པ། ཁོ་མོས་དེའི་ཕ་བསད་པ་ནི། བསལ་ཟིན་གྱི། ད་ཁྱེད་གཉིས་ཀྱིས་དགྲ་བཅོམ་པ་བསད་པ་སོལ་ཅིག་།རྒྱལ་པོ་གཙུག་ཕུད་ཅན་གྱིས་བློན་པོ་རྣམས་ལ་བསྒོ་བ། བློན་པོ་གང་དག་།ཤེས་པ་ལ་མཁས་པ་ཐམས་ཅད་སྡུས་ཤིག་།དེ་དག་གིས་བློན་པོ་སྐྱོན་ཆགས་པ་གང་དག་ཤེས་པ་ལ་མཁས་པ་ཐམས་ཅད་བསྡུས་པ་དང ། བློན་པོ་སྐྱོན་ཆགས་པ་དེ་གཉིས་ཀྱང་དེར་འདུས་པར་གྱུར་ཏོ། །དེ་ནས་རྒྱལ་པོ་གཙུག་ཕུད་ཅན་གྱིས་དེ་དག་ལ་སྨྲས་པ། ཤེས་ལྡན་དག་།ངས་དགྲ་བཅོམ་པ་བསད་པ་གང་ཡིན་པ་དེ། ཇི་ལྟར་མཐར་ཐུག་པར་བྱ། དེ་ན་རྒྱལ་པོས་ཉེ་བར་འཚོ་བའི་མི་ཐམས་ཅད་ཀྱིས་ནི། མི་མཐུན་པར་སྨྲ་བར་བརྩམས་ཏེ། དེ་ན་ཁ་ཅིག་གིས་སྨྲས་པ། ལྷ། དེས་དགྲ་བཅོམ་པ་ཉིད་མངོན་སུམ་དུ་བགྱིས་པར་སུས་མཐོང ། ཁ་ཅིག་གིས་སྨྲས་པ། ལྷ། དགྲ་བཅོམ་པ་དག་ནི། ཐམས་ཅད་མཁྱེན་པ་དང་འདྲ་སྟེ། ནམ་མཁའ་ལ་མཆིའོ། །བློན་པོ་སྐྱོན་ཆགས་པ་
Nya176b
དེ་གཉིས་ཀྱིས་སྨྲས་པ། ལྷ། འདི་ལ་ཐུགས་ངན་བགྱིར་ཅི་མཆིས། དེས་སྨྲས་པ། ཁྱེད་གཉིས་ཀྱང་དེ་སྐད་ཅེས། འདི་ལ་མྱ་ངན་བྱར་ཅི་ཡོད་ཅེས་ཟེར་རམ། ཁྱེད་གཉིས་ཉིད་ན་རེ། དགྲ་བཅོམ་པ་གསོད་དུ་བཅུག་གོ་།ཞེས་མི་ཟེར་རམ། དེ་གཉིས་ཀྱིས་སྨྲས་པ། ལྷ། དགྲ་བཅོམ་པ་དག་མ་མཆིས་ན། དགྲ་བཅོམ་པ་དག་བཀུམ་པར་མཆིས་རེ་སྐན། དེས་སྨྲས་པ། ངས་མངོན་སུམ་ཁོ་ནར་དགྲ་བཅོམ་པ་རྒྱལ་དང ། སྐར་རྒྱལ་གཉིས་ཀྱིས་འབར་བ་དང ། གསལ་བ་དང ། ཆར་འབབ་པ་དང ། ཀློག་འབྱིན་པའི་ཆོ་འཕྲུལ་དག་བྱས་ཏེ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་མཐོང་བཞིན་དུ་ཁྱེད་གཉིས་ཀྱིས་དེ་སྐད་ཅེས། དགྲ་བཅོམ་པ་དག་མེད་ན། དགྲ་བཅོམ་པ་བསད་པ་ཡོད་རེ་སྐན་ཞེས་ཟེར་རམ། དེ་གཉིས་ཀྱིས་སྨྲས་པ། ལྷ། ཇི་ལྟར་དེ་གཉིས་ཀྱིས་སྒྱུ་མས་འཇིག་རྟེན་བསླུས་ཏེ་དད་པས་སྦྱིན་པར་བགྱི་བ་ཆུད་གཟན་པས་བྱི་ལའི་སྐྱེ་གནས་ངན་པར་སྐྱེས་ཏེ། དེང་སང་ཉིད་དུ་ཡང་རང་རང་གི་མཆོད་རྟེན་ན་མཆིས་པ། ལྷའི་མངོན་སུམ་དུ་བགྱིའོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།གལ་ཏེ་དེ་ལྟར་ན་ཚུར་ཤོག་དང ། ཅི། ཡང་དག་པའམ། ཡང་དག་པ་མ་ཡིན་པ་བལྟར་འདོང་ངོ ། །གྲོང་ཁྱེར་སྒྲ་སྒྲོག་ཐམས་ཅད་དུ་ཇི་ལྟར་རྒྱལ་དང ། སྐར་རྒྱལ་གཉིས་བྱི་ལའི་སྐྱེ་གནས་སུ་སྐྱེས་ཏེ་རང་རང་གི་མཆོད་རྟེན་ན་འདུག་ནས་རྒྱལ་པོ་བལྟར་སོང་ངོ ། །ཞེས་བྱ་བའི་སྒྲ་དེས་ཁྱབ་པར་གྱུར་ནས་སྲོག་ཆགས་འབུམ་ཕྲག་དུ་མ་དག་ལྟད་མོ་སྐྱེས་ནས་རྒྱལ་པོའི་ཕྱི་བཞིན་དུ་འབྲང་ངོ ། །དེ་ནས་བློན་པོ་
Nya177a
༄#། །སྐྱོན་ཆགས་པ་དེ་གཉིས་ཀྱིས་རྒྱལ་པོ་དང་བཅས་པའི་འཁོར་འབུམ་ཕྲག་དུ་མའི་མདུན་དུ་སྨྲས་པ། རྒྱལ་དང ། སྐར་རྒྱལ་གཉིས་ཉོན་ཅིག་།བདེན་པ་དང་བདེན་པའི་ཚིག་གང་གིས་ཁྱེད་གཉིས་ཀྱིས་སྒྱུ་མས་འཇིག་རྟེན་བསླུས་ཏེ་དད་པས་སྦྱིན་པར་བྱ་བ་ཆུད་གསན་པས་བྱི་ལའི་སྐྱེ་གནས་ངན་པར་སྐྱེས་ཏེ་རང་རང་གི་མཆོད་རྟེན་ན་འདུག་པའི་བདེན་པ་དང ། བདེན་པའི་ཚིག་དེས། ཤ་སྲི་འདི་ལོངས་ལ་རང་རང་གི་མཆོད་རྟེན་ལ་བསྐོར་བ་བགྱིས་ཏེ་རང་རང་གི་ཁུང་དུ་ཞུགས་ཤིག་།དེ་སྐད་སྨྲས་པ་དང ། དེ་གཉིས་ཀྱིས་རང་རང་གི་ཁུངས་ནས་བྱུང་སྟེ་ཤ་སྲི་བླངས་ནས་རང་རང་གི་མཆོད་རྟེན་ལ་བསྐོར་བ་བྱས་ནས་རང་རང་གི་ཁུང་དུ་ཞུགས་པ། སྲོག་ཆགས་འབུམ་ཕྲག་དུ་མ་དག་གིས་མཐོང་ནས་བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ། གཟིགས་སམ། དེས་སྨྲས་པ། མཐོང་ངོ་།། དེ་གཉིས་ཀྱིས་སྨྲས་པ། ལྷ། དེ་ལྟར་ན། འཇིག་རྟེན་ན་དགྲ་བཅོམ་པ་དག་མ་མཆིས་ཏེ། དེ་ནི། སྐྱེ་བོའི་བཀའ་མཆིད་འབའ་ཞིག་ཏུ་བས་སོ། །དེ་ནས་རྒྱལ་པོ་དེ་ལ་འཇིག་རྟེན་ན་དགྲ་བཅོམ་པ་དག་ཡོད་དོ། ། སྙམ་པའི་ལྟ་བ་ཡོད་པ་གང་ཡིན་པ་དེ་མེད་པར་གྱུར་ཏོ། །དེ་ནས་གང་དག་མ་དད་པ་དེ་དག་ལ་ནི། མེད་པར་ལྟ་བ་སྐྱེས་པར་གྱུར་ཏོ། །གང་དག་བར་མར་གནས་པ་དེ་དག་ནི། ཡིད་གཉིས་ཟ་བར་གྱུར་ཏོ། །གང་དག་དད་པ་དེ་དག་ནི། གནོང་ཞིང་མི་དགའ་བ་དང ། མི་འཇིགས་པ་མེད་པར་གྱུར་ཏོ། །དེ་ནས་རྒྱལ་པོ་གཙུག་ཕུད་ཅན་གྱིས་བསམ་པ། གལ་ཏེ་འཇིག་རྟེན་ན་དགྲ་བཅོམ་པ་དག་མེད་ན།
Nya177b
བདག་གིས་ཅིའི་ཕྱིར་འཕགས་པ་ཀཱ་ཏྱཱ་ཡ་ན་ཆེན་པོ་འཁོར་ལྔ་བརྒྱ་དང་ལྡན་པ། དགེ་སློང་མ་རི་མ་འཁོར་ལྔ་བརྒྱ་དང་ལྡན་པ་ལ་བསོད་སྙོམས་དབུལ་སྙམ་ནས། དེས་དགེ་སློང་རྣམས་དང ། དགེ་སློང་མ་རྣམས་ཀྱི་བསོད་སྙོམས་བཅད་ནས་དགེ་སློང་རྣམས་དང ། དགེ་སློང་མ་རྣམས་ཀྱང་གྲོང་ཁྱེར་སྒྲ་སྒྲོག་ནས་དོང་ངོ ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་དང ། དགེ་སློང་མ་རི་མ་ནི། གདུལ་བ་ལ་ལྟོས་པས་དེ་ཉིད་ན་འཁོད་དོ། །ཇི་ཙམ་དུས་གཞན་ཞིག་ན་རྒྱལ་པོ་གཙུག་ཕུད་ཅན་གྲོང་ཁྱེར་སྒྲ་སྒྲོག་ནས་ཕྱིར་བྱུང་བ་ན་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་གྲོང་ཁྱེར་སྒྲ་སྒྲོག་ཏུ་བསོད་སྙོམས་ལ་ཞུགས་པ་དང ། དེས་རྒྱལ་པོ་མཐོང་ནས་འདི་མི་དགའ་བར་སེམས་པར་གྱུར་ན་མི་རུང་ངོ ། །སྙམ་ནས་མཐའ་གཅིག་ཏུ་སོང་སྟེ་སྡོད་དོ། །རྒྱལ་པོ་གཙུག་ཕུད་ཅན་གྱིས་དེ་མཐའ་གཅིག་ན་སྡོད་པ་མཐོང་ངོ ། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་།ཅིའི་ཕྱིར་འཕགས་པ་ཀཱ་ཏྱཱ་ཡ་ན་ཆེན་པོ་འདི། ང་མཐོང་ནས་མཐའ་གཅིག་ཏུ་སོང་ནས་སྡོད། དེའི་ཕྱི་བཞིན་བློན་པོའི་མཆོག་ཧེ་རུ་ཀ་དང ། བྷི་རུ་ཀ་གཉིས་འགྲོ་བ་དེ་གཉིས་ཀྱིས་སྨྲས་པ། ལྷ། འཕགས་པ་ཀཱ་ཏྱཱ་ཡ་ན་ཆན་པོའི་ཐུགས་ལམ་ན་ལྷ་གཤེད་དུ་གཟིགས་མོ་དང་དགེ་མཚན་ལ་གཤེགས་པས་མི་དགྱེས་པར་དགོངས་པར་གྱུར་ན་མི་རུང་ངོ ། །སྙམ་པ་དང ། ཚོན་གྱི་ལས་བགྱི་བ་དཀའ་བས་ཆོས་གོས་དག་རྡུལ་གྱིས་ཕོག་པར་གྱུར་ན་མི་རུང་ངོ ། །སྙམ་དུ་དགོངས་སོ། །རྒྱལ་པོ་ཅང་མི་སྨྲ་བར་སོང་ངོ ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་གྲོང་ཁྱེར་སྒྲ་སྒྲོག་ཏུ་བསོད་སྙོམས་
Nya178a
༄#། །རྒྱུས་ཏེ་ཕྱིར་བྱུང་བ་ན། རྒྱལ་པོ་གཙུག་ཕུད་ཅན་ནང་དུ་འཇུག་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་དེ་བཞིན་དུ་མཐའ་གཅིག་ཏུ་སོང་སྟེ་སྡོད་དོ། །རྒྱལ་པོ་གཙུག་ཕུད་ཅན་གྱིས་དེ་མཐའ་གཅིག་ན་སྡོད་པ་མཐོང་ངོ ། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་།འཕགས་པ་ཀཱ་ཏྱཱ་ན་ཆེན་པོ་འདིས་སྔར་ང་མཐོང་ནས་མཐའ་གཅིག་ཏུ་སྡོད་པའི་རྒྱུ་ནི། དེ་ཡིན་ན། ད་ལྟར་ཡང་མཐའ་གཅིག་ཏུ་སོང་སྟེ་སྡོད་པའི་རྒྱུ་ཅི་ཡིན། དེའི་ཕྱི་བཞིན་བློན་པོ་སྐྱོན་ཆགས་པ་གཉིས་འགྲོ་བ་དེ་གཉིས་ཀྱིས་སྨྲས་པ། ལྷ། འདིའི་མཆིད་ནས་ཁོ་བོ་ཕ་གསོད་པ་འདིའི་རྡུལ་གྱིས་མི་རེག་པར་བྱའོ། ། ཞེས་མཆིའོ། །རྒྱལ་པོ་དེ་ནི། ཡོངས་སུ་མི་རྟོག་པ་ཡིན་པས། དེ་སྐད་ཐོས་ནས་ཁྲོ་བས་ཀུན་ནས་དཀྲིས་པར་གྱུར་ཏེ། འཁོར་ཐམས་ཅད་ལ་སྨྲས་པ། ཤེས་ལྡན་དག་།ཁྱེད་ཅག་ལས། གང་དང་གང་ང་ལ་དགའ་བ་དེ་དང་དེས་དགེ་སྦྱོང་མགོ་རེག་འདིའི་སྟེང་དུ་ས་སྦར་མོ་རེ་རེ་གཏོར་ཅིག་།སྐྱེ་བོའི་ཚོགས་ཐམས་ཅད་ཀྱིས་ས་སྦར་མོ་རེ་རེས་གཏོར་ཏོ། །རྒྱལ་པོ་དེ་དཔུང་ཆེ་བ་ཡིན་པས་རེ་རེས་ས་སྦར་མོ་རེ་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་སྟེང་དུ་གཏོར་བ་དང ། དེའི་སྟེང་དུ་ས་ཕུང་ཆེན་པོ་རྣམ་པར་གནས་པར་གྱུར་ཏོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་ཀྱང་དེའི་དབུས་སུ་ལོ་མ་མ་ཡིན་པའི་སྤྱིལ་བུ་མངོན་པར་སྤྲུལ་ཏེ་འདུག་གོ་།དེ་དག་དེ་ལ་འཐོར་བ་ན། བ་ལང་རྫི་དང ། ཕྱུགས་རྫི་དག་གིས་མཐོང་ནས་དེ་དག་སྨོད་བཞིན་དུ་མཐའ་འཁོར་ཞིང་སྡོད་པ་ན་བློན་པོའི་མཆོག་ཧེ་རུ་ཀ་དང་བྷི་རུ་ཀ་གཉིས་ཕྱི་བཞིན་དུ་
Nya178b
འབྲང་ཞིང་འོང་བ་ཕྱོགས་དེར་ཕྱིན་ནས་དེ་གཉིས་ཀྱིས་དྲིས་པ། ཤེས་ལྡན་དག་།འདི་ཅི་ཡིན། དེ་དག་གིས་སྨྲས་པ། རྒྱལ་པོ་འཐབ་ཀྲོལ་ཅན་ཕ་གསོད་པ་དེས། འཕགས་པ་ཀཱ་ཏྱཱ་ཡ་ན་ཆེན་པོ་ཉེས་པ་མེད་པ། གནོད་པ་མི་བྱེད་པ་སས་བཀབ་བོ། །དེ་གཉིས་མཆི་མས་བརྣངས་ཏེ་ངུ་བའི་བཞིན་གྱིས་བ་ལང་རྫི་དང ། ཕྱུགས་རྫི་དག་དང་ལྷན་ཅིག་ས་ཕྱགས་པར་བརྩམས་པ་དང ། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་བྱུང་ནས་དེ་གཉིས་ཀྱིས་རྐང་གཉིས་ལ་གཏུགས་ཏེ་དྲིས་པ། འཕགས་པ། འདི་ཅི་ལགས། དེས་སྨྲས་པ། ལས་དག་ཡིན་མོད། གཞན་ཅི་ཞིག་འབྱུང་བར་འགྱུར།། །།འདུལ་བ་རྣམ་པར་འབྱེད་པ། བམ་པོ་དོན་གཉིས་པ། དེ་གཉིས་ཀྱིས་སྨྲས་པ། འཕགས་པ། གཙུག་ཕུད་ཅན་སྐྱེ་བོ་ཕལ་པོ་ཆེ་དང་བཅས་པས་ལས་འདི་ལྟ་བུ་བགྱིས་པ་གང་ལགས་པ་དེའི་རྣམ་པར་སྨིན་པ་ཅིར་འགྱུར་དེས་སྨྲས་པ། དེང་ནས་ཉི་མ་བདུན་ན་གྲོང་ཁྱེར་སྒྲ་སྒྲོག་སས་ནོན་པར་འགྱུར་རོ། །འཕགས་པ། རིམ་པ་ཇི་ལྟ་བུར་འགྱུར། ཚེ་དང་ལྡན་པ་གཉིས། རེ་ཞིག་ཉི་མ་དང་པོ་ལ་རླུང་མོ་ཆེ་བྱུང་ནས་གྲོང་ཁྱེར་སྒྲ་སྒྲོག་རྡོ་བ་དང ། གསེག་མ་དང ། གྱོ་མོ་མེད་པར་རྣམ་པར་འཇོག་པར་འགྱུར་རོ། །ཉི་མ་གཉིས་པ་ལ་མེ་ཏོག་གི་ཆར་འབབ་པར་འགྱུར་རོ། །ཉི་མ་གསུམ་པ་ལ་གོས་ཀྱི་ཆར་འབབ་པར་འགྱུར་རོ། །ཉི་མ་བཞི་པ་ལ་དངུལ་གྱི་ཆར་འབབ་པར་འགྱུར་རོ། །ཉི་མ་ལྔ་པ་ལ་གསེར་གྱི་ཆར་འབབ་པར་འགྱུར་རོ། །དེའི་འོག་ཏུ་གྲོང་ཁྱེར་སྒྲ་སྒྲོག་གི་ཉེ་འཁོར་ན་གནས་པ་གང་དག་གིས་ལས་མཐུན་པར་བྱས་པ་དེ་དག་གྲོང་ཁྱེར་སྒྲ་སྒྲོག་ཏུ་འཇུག་པར་
Nya179a
༄#། །འགྱུར་ཞིང ། དེ་དག་ཞུགས་པ་ན་ཉི་མ་དྲུག་པ་ལ་རིན་པོ་ཆེའི་ཆར་འབབ་པར་འགྱུར་རོ། །ཉི་མ་བདུན་པ་ལ་སའི་ཆར་འབབ་པར་འགྱུར་རོ། །དེ་གཉིས་ཀྱིས་སྨྲས་པ་འཕགས་པ།་ཅི་ལགས། བདག་ཅག་གཉིས་ཀྱང་ལས་དེའི་ཆ་ཅན་ལགས་སམ། བཞིན་བཟང་གཉིས། ཁྱེད་གཉིས་ནི། ལས་དེའི་ཆ་ཅན་མ་ཡིན་ནོ། །འཕགས་པ། གལ་ཏེ་དེ་ལྟར་ན། བདག་ཅག་གཉིས་ཀྱིས་གྲོང་ཁྱེར་འདི་ནས་ཇི་ལྟར་འབྱུང་བར་བགྱི། དེས་སྨྲས་པ། བཞིན་བཟང་གཉིས། ཁྱེད་གཉིས་ཀྱིས་རང་གི་ཁྱིམ་ནས་ཆུ་ཀླུང་གི་བར་དུ་ཕུག་རྐོར་ཆུག་ལ་ཁྱིམ་དྲུང་དུ་གྲུ་བཞག་སྟེ་སྡོད་ལ་གང་གི་ཚེ་རིན་པོ་ཆེའི་ཆར་འབབ་པ་དེའི་ཚེ་ན་རིན་པོ་ཆེ་དག་གིས་གྲུ་འགོངས་སུ་ཆུག་ལ་བྲོས་ཤིག་།དེ་གཉིས་དེའི་རྐང་པ་གཉིས་ལ་གཏུགས་ཏེ་གྲོང་ཁྱེར་སྒྲ་སྒྲོག་ཏུ་ཞུགས་ནས་དེ་གཉིས་ཀྱིས་རྒྱལ་པོའི་གན་དུ་སོང་སྟེ་སྨྲས་པ། ལྷས་འཕགས་པ་ཀཱ་ཏྱཱ་ཡ་ན་ཆེན་པོ་ལ་ཅུང་ཞིག་བགྱིས་སམ། ཅི་ན་དོག་སས་བཀབ། དེས་སྨྲས་པ། ཤེས་ལྡན་གཉིས། དེ་གསོན་ནམ། ལྷ། གསོན་ནོ། །ཅི་ཟེར། ལྷ། དེ་འདི་སྐད་ཅེས་དེང་ནས་གདུགས་བདུན་ན་གློང་ཁྱེར་སྒྲ་སྒྲོག་དོག་སས་ནོན་པར་འགྱུར་ཞེས་མཆིའོ། །རིམ་པ་ཇི་ལྟར་འགྱུར། དེ་གཉིས་ཀྱིས་སྨྲས་པ། ལྷ། དེ་འདི་སྐད་ཅེས། རེ་ཞིག་ཉེ་མ་དང་པོ་ལ་རླུང་མོ་ཆེ་བྱུང་ནས་གྲོང་ཁྱེར་སྒྲ་སྒྲོག་རྡོ་བ་དང ། གསེག་མ་དང ། གྱོ་མོ་མེད་པར་རྣམ་པར་འཇོག་པར་འགྱུར་རོ། །ཉི་མ་གཉིས་པ་ལ་མེ་ཏོག་གི་ཆར་འབབ་པར་འགྱུར་རོ། །ཉི་མ་གསུམ་པ་ལ་
Nya179b
གོས་ཀྱི་ཆར་འབབ་པར་འགྱུར་རོ། །ཉི་མ་བཞི་པ་ལ་དངུལ་གྱི་ཆར་འབབ་པར་འགྱུར་རོ། །ཉི་མ་ལྔ་པ་ལ་གསེར་གྱི་ཆར་འབབ་པར་འགྱུར་རོ། །དེའི་འོག་ཏུ་གྲོང་ཁྱེར་སྒྲ་སྒྲོག་གི་ཉེ་འཁོར་ན་གནས་པ་གང་དག་གིས་ལས་མཐུན་པར་བྱས་པ་དེ་དག་གྲོང་ཁྱེར་སྒྲ་སྒྲོག་ཏུ་འཇུག་པར་འགྱུར་ཞིང་དེ་དག་ཞུགས་པ་ན་ཉི་མ་དྲུག་པ་ལ་རིན་པོ་ཆེའི་ཆར་འབབ་པར་འགྱུར་རོ། །ཉི་མ་བདུན་པ་ལ་སའི་ཆར་འབབ་པར་འགྱུར་རོ། །ཞེས་མཆིའོ། །བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ། བྲམ་ཟེ་གང་ལ་སློང་མོ་སྩལ་ནས་ཡང་བཅད་ན། དེ་ལེགས་པ་ཅི་ཞིག་སེམས་ཏེ། ལྷས་དེ་འཁོར་ལྔ་བརྒྱ་དང་ལྡན་པ་ལ་བསོད་སྙོམས་སྩལ་ནས་བཅད་ཅིང ། སས་ཀྱང་གཡོགས་པས་དེ་འདི་སྐད་མཆི་པ་ལས། གཞན་པ་ཆེས་ཤིས་པའི་ཚིག་སྨྲ་བར་ག་ལ་འགྱུར། རྒྱལ་པོ་གཙུག་ཕུད་ཅན་གྱིས་བསམ་པ། དེ་བདེན་ནོ། ། སྙམ་པ་དང ། བློན་པོའི་མཆོག་ཧེ་རུ་ཀ་དང ། བྷི་རུ་ཀ་གཉིས་ཀྱིས་བཞིན་བསྒྱུར་ཅིང་ལག་པ་གཉིས་ཡོངས་སུ་དྲིལ་ཏེ་དོང་ངོ ། །དེ་ན་ཧེ་རུ་ཀ་ལ་བུ་སྔོ་བསངས་ཞེས་བྱ་བ་ཁྱེའུ་ཞིག་ཡོད་ལ། བྷི་རུ་ཀ་ལ་ཡང་བུ་མོ་སྔོ་བསངས་ཅན་ཞེས་བྱ་བ་བུ་མོ་ཞིག་ཡོད་ནས། ཧེ་རུ་ཀས་ཁྱེའུ་སྔོ་བསངས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་ཕུལ་ཏེ་སྨྲས་པ། འཕགས་པ། གལ་ཏེ་འདི་ལ་དགེ་བའི་རྩ་བ་འགའ་ཞིག་མཆིས་ན། རབ་ཏུ་དབྱུང་དུ་གསོལ། གལ་ཏེ་མ་མཆིས་ན། འདི་ཁྱོད་ཉིད་ཀྱི་ཞམ་འབྲིང་བ་ལགས་སོ། །བྷི་རུ་ཀས་ཀྱང་བུ་མོ་སྔོ་བསངས་ཅན་དགེ་སློང་མ་རི་མ་ལ་ཕུལ་ཏེ་སྨྲས་པ། འཕགས་མ། གལ་ཏེ་འདི་ལ་དགེ་
Nya180a
༄#། །བའི་རྩ་བ་འགའ་ཞིག་མཆིས་ན། རབ་ཏུ་དབྱུང་དུ་གསོལ། གལ་ཏེ་མ་མཆིས་ན། ཀོའུ་ཤམྦྷི་ན་ཁྱིམ་བདག་གདངས་ཅན་ཞེས་བགྱི་བ་བདག་གི་ཆུང་པོ་གྲོགས་ཤིག་མཆིས་པ་དེ་ལ་གཏད་དུ་གསོལ། དེས་ཁས་བླངས་སོ། །དེ་ནས་དགེ་སློང་མ་རི་མ་བུ་མོ་སྔོ་བསངས་ཅན་ཁྲིད་དེ་རྫུ་འཕྲུལ་གྱིས་གྲོང་ཁྱེར་སྒྲ་སྒྲོག་ནས་སོང་ནས། དེས་བུ་མོ་དེ་ཀོའུ་ཤམྦྷིར་ཁྱིམ་བདག་གདངས་ཅན་ལ་གཏད་ནས་འཕྲིན་ཇི་སྐད་སྤྲིང་པ་ཡང་བཟླས་སོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ནི། དེ་ཉིད་ན་འདུག་པོ། །བློན་པོའི་མཆོག་ཧེ་རུ་ཀ་དང ། བྷི་རུ་ཀ་གཉིས་ཀྱིས་ཁྱིམ་ནས་ཆུ་ཀླུང་གི་བར་དུ་ཕུག་རྐོར་བཅུག་སྟེ། ཁྱིམ་དྲུང་དུ་གྲུ་བཞག་ནས་བསྡད་དོ། །ཇི་ཙམ་ན་ཉི་མ་དེ་ལ་རླུང་མོ་ཆེ་བྱུང་ནས་དེས་གྲོང་ཁྱེར་སྒྲ་སྒྲོག་དེ་རྡོ་བ་དང ། གསེག་མ་དང ། གྱོ་མོ་མེད་པར་རྣམ་པར་བཞག་གོ་།ཉི་མ་གཉིས་པ་ལ་མེ་ཏོག་གི་ཆར་བབ་པ་དང ། བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ། རྒྱལ་པོ་ང་ལས་ནུ་ལ་དགུང་བདུན་དུ་དབྱིག་གི་ཆར་བབ་ཅེས་གདའ་བས། ལྷ་ལ་ཡང་མེ་ཏོག་གི་ཆར་འདི་བབ་པས། རིང་པོ་མི་ཐོགས་པར་གོས་ཀྱི་ཆར་འབབ་པར་འགྱུར་རོ། །ཉི་མ་གསུམ་པ་ལ་གོས་ཀྱི་ཆར་འབབ་པ་དང ། བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ་ལ་གོས་ཀྱི་ཆར་འདི་བབ་པས། རིང་པོ་མི་ཐོགས་པར་དངུལ་གྱི་ཆར་འབབ་པར་འགྱུར་རོ། །ཉི་མ་བཞི་པ་ལ་དངུལ་གྱི་ཆར་བབ་པ་དང ། བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ་ལ་དངུལ་གྱི་ཆར་བབ་པས། རིང་པོ་མི་ཐོགས་
Nya180b
པར་གསེར་གྱི་ཆར་འབབ་པར་འགྱུར་རོ། །ཉི་མ་ལྔ་པ་ལ་གསེར་གྱི་ཆར་བབ་པ་དང ། བློན་པོ་སྐྱོན་ཆགས་པ་དེ་གཉིས་ཀྱིས་སྨྲས་པ། ལྷ་གསེར་གྱི་ཆར་འདི་བབ་པས། རིང་པོ་མི་ཐོགས་པར་རིན་པོ་ཆེའི་ཆར་འབབ་པར་འགྱུར་རོ། །དེའི་འོག་ཏུ་གྲོང་ཁྱེར་སྒྲ་སྒྲོག་གི་ཉེ་འཁོར་ན་གནས་པ་གང་དག་གིས་ལས་མཐུན་པར་བྱས་པ་དེ་དག་གྲོང་ཁྱེར་སྒྲ་སྒྲོག་ཏུ་ཞུགས་ཤིང་དེ་དག་ཞུགས་པ་ན། ཉི་མ་དྲུག་པ་ལ་རིན་པོ་ཆེའི་ཆར་བབ་པ་དང ། བློན་པོའི་མཆོག་ཧེ་རེ་ཀ་དང ། བྷི་རུ་ཀ་གཉིས་ཀྱིས་རིན་པོ་ཆེ་དེ་དག་གིས་གྲུ་འགེངས་སུ་བཅུག་སྟེ་བྲོས་སོ། །དེ་ན་ཧེ་རེ་ཀས་ནི། ཕྱོགས་གཞན་ཞིག་ཏུ་ཧེ་རུ་ཀའི་ཚལ་ཞེས་བྱ་བའི་གྲོང་ཁྱེར་རྩིག་ཏུ་བཅུག་ནས་དེའི་མིང་ནི། ཧེ་རུ་ཀའི་ཚལ། ཧེ་རུ་ཀའི་ཚལ་ཅེས་བྱ་བར་གྱུར་ཏོ། །བྷི་རུ་ཀས་ཀྱང་ཕྱོགས་གཞན་ཞིག་ཏུ་བྷི་རུ་ཀའི་ཚལ་ཅེས་བྱ་བའི་གྲོང་ཁྱེར་རྩིག་ཏུ་བཅུག་ནས་དེའི་མིང་བྷི་རུ་ཀའི་ཚལ། བྷི་རུ་ཀའི་ཚལ་ཅེས་བྱ་བར་གྱུར་ཏོ། །ཉི་མ་བདུན་པ་ལ་སའི་ཆར་འབབ་པར་བརྩམས་པ་དང ། གྲོང་ཁྱེར་སྒྲ་སྒྲོག་ཏུ་སྒྲ་མཐོན་པོ་དང ། སྒྲ་ཆེན་པོ་བྱུང་ནས་རྒྱལ་པོས་སྨྲས་པ། ཤེས་ལྡན་དག་།སྒྲ་མཐོན་པོ་དང ། སྒྲ་ཆེན་པོ་དེ་ཅི། བློན་པོ་རྣམས་ཀྱིས་སྨྲས་པ། ལྷ་སའི་ཆར་བབ་བོ། །རྒྱལ་པོས་སྨྲས་པ། ཤེས་ལྡན་དག་།གལ་ཏེ་དེ་ལྟར་ན། བློན་པོའི་མཆོག་ཧེ་རུ་ཀ་དང ། བྷི་རུ་ཀ་ག་ལ་འདུག་ཚོལ་ཅིག་།དེ་དག་གིས་བཙལ་བར་བརྩམས་པ་དང ། ཇི་ཙམ་ན་དེ་གཉིས་བྲོས་པར་ཚོར་ནས་དེ་དག་གིས་རྒྱལ་པོ་ལ་སྨྲས་པ། ལྷ། དེ་གཉིས་བྲོས་ཏེ། མ་མཆིས་སོ། །དེ་ནས་རྒྱལ་པོ་གཙུག་
Nya181a
༄#། །ཕུད་ཅན་འབྲོས་པར་བརྩམས་པ་དང ། མི་མ་ཡིན་དག་གིས་སྒོ་བཅད་དོ། །ཁྱེའུ་སྔོ་བསངས་ཀྱིས་སྨྲས་པ། འཕགས་པ། གྲོང་ཁྱེར་དུ་སྒྲ་མཐོན་པོ་དང ། སྒྲ་ཆེན་པོ་བྱུང་བ་འདི་ཅི་ལགས། ཚེ་དང་ལྡན་པ་ཀཱ་ཏྱཱ་ཡན་ཆེན་པོས་སྨྲས་པ། བུ། སྐར་ཁུང་ནས་ཁམ་ཕོར་ཕྱིར་ཕྱུང་ཞིག། དེ་སྐར་ཁུང་ནས་ཁམ་པོར་ཕྱིར་བྱུང་བ་དང ། སས་ཕྱེད་ཙམ་གང་བར་གྱུར་ནས། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་བསམ་པ། ད་དུང་སྤྱོད་ཡུལ་ལྷག་མ་དང་བཅས་པ་ཡིན་སྙམ་མོ། །ཇི་ཙམ་ན་ཡང་ཁམ་ཕོར་ཕྱི་རོལ་ཏུ་ཕྱུང་བ་དང ། བྱུར་བུར་གང་བར་གྱུར་ནས། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་བསམ་པ། ད་ནི། སྤྱོད་ཡུལ་མེད་པར་གྱུར་གྱི། འགྲོའོ། །སྙམ་མོ། །དེ་ནས་གྲོང་ཁྱེར་སྒྲ་སྒྲོག་ན་གཉུག་མར་གནས་པའི་ལྷ་མོ་གང་ཡིན་པ་དེ། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ག་ལ་བ་དེར་སོང་སྟེ་ཕྱིན་ནས་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ། བདག་ཀྱང་མཆི་སྟེ། འཕགས་པའི་བསྙེན་བཀུར་བགྱིའོ། །དེས་དང་དུ་བླངས་སོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་སྔོ་བསངས་ལ་སྨྲས་པ། བུ། ཆོས་གོས་ཀྱི་གྲཝ་ནས་ཟུངས་ཤིག་དང ། འདོང་ངོ ། །དེས་ཆོས་གོས་ཀྱི་གྲཝ་ནས་བཟུང་བ་དང ། དེས་ཁྱེའུ་སྔོ་བསངས་ཁྲིད་དེ་རྫུ་འཕྲུལ་གྱིས་སྟེང་གི་ནམ་མཁའ་ལས་སོང་ངོ ། །སྒྲ་སྒྲོག་ན་གཉུག་མར་གནས་པའི་ལྷ་མོ་ཡང་རང་གི་རྫུ་འཕྲུལ་གྱིས་དེའི་ཕྱི་བཞིན་སོང་བ་དང ། གྲོང་ཁྱེར་སྒྲ་སྒྲོག་ཀྱང་སས་ནོན་པར་གྱུར་ཏོ། །དེ་དག་མཐར་གྱིས་ཁར་པན་ཞེས་བྱ་
Nya181b
བའི་རི་བྲག་ཏུ་ཕྱིན་ནས་དེ་དག་དེ་ན་གཡུལ་གྱི་གཞི་ན་འཁོད་དོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་ཁྱེའུ་སྔོ་བསངས་གཡུལ་གྱི་བཞིར་བཞག་སྟེ་བསོད་སྙོམས་ལ་ཞུགས་པ་དང ། ལྷ་མོ་དེའི་མཐུས་གཡུལ་གྱི་གཞི་དེར་འབྲུ་འཕེལ་བར་གྱུར་ནས། དེ་ན་མི་གང་འདུག་པ་དེས་ཁྱེའུ་དེ་མཐོང་ནས་དེའི་གན་དུ་སོང་སྟེ་སྨྲས་པ། ཀྱེ་ཁྱེའུ། ཁྱོད་ཀྱི་མཐུས་གཡུལ་གྱི་གཞིར་འབྲུ་འཕེལ་བར་གྱུར་ཏོ། །དེས་སྨྲས་པ། ཁོ་བོའི་མཐུས་གཡུལ་གྱི་གཞིར་འབྲུ་འཕེལ་བར་གྱུར་པ་མ་ཡིན་ཏེ། འདི་ལྟར། གྲོང་ཁྱེར་སྒྲ་སྒྲོག་ན་གཉུག་མར་གནས་པའི་ལྷ་མོ་འདིར་འོངས་ཏེ། ཕྱོགས་ག་གེ་མོ་ཞིག་ན་འདུག་པ་དེའི་མཐུས་གཡུལ་གྱི་གཞིར་འབྲུ་འཕེལ་བར་གྱུར་ཏོ། །དེ་དེའི་གན་དུ་སོང་སྟེ་རྐང་པ་གཉིས་ལ་གཏུགས་ནས་སྨྲས་པ། ལྷ་མོ། བདག་གྲོང་དུ་མཆིས་ཏེ་མཆི་བའི་བར་དུ་རེ་ཞིག་ལྡེ་མིག་དང ། ལྡེ་མིག་ཀྱོག་པོ་འདི་བཟུང་ཞིང་ཁྱོད་ཀྱིས་བདག་མ་ལགས་པ་གཞན་སུ་ལ་ཡང་མི་སྩལ་བར་གསོལ། དེས་བླངས་པ་དང ། མི་དེ་ཡང་རི་བྲག་ཏུ་སོང་ནས་རི་བྲག་ན་གནས་པའི་སྐྱེ་བོའི་ཚོགས་བསྡུས་ཏེ་སྨྲས་པ། ཤེས་ལྡན་དག་།གྲོང་ཁྱེར་སྒྲ་སྒྲོག་ན་གཉུག་མར་གནས་པའི་ལྷ་མོ་འདིར་འོངས་ཏེ། གཡུལ་གྱི་གཞི་ན་འདུག་པས་དེའི་མཐུས་གཡུལ་གྱི་གཞིར་འབྲུ་འཕེལ་བར་གྱུར་ནས། བདག་གིས་དེའི་ལག་ཏུ་ལྡེ་མིག་དང ། ལྡེ་མིག་ཀྱོག་པོ་བྱིན་ཏེ་བདག་གི་དེ་ལ་བདག་གྲོང་དུ་མཆིས་ཏེ་སླར་མཆི་བའི་བར་དུ་ལྡེ་མིག་དང ། ལྡེ་མིག་ཀྱོག་པོ་འདི་བཟུང་ཞིང ། ཁྱོད་ཀྱིས་བདག་མ་གཏོགས་པ་གཞན་སུ་ལ་ཡང་སྩལ་བར་མི་བགྱིའོ།།
Nya182a
༄#། །ཞེས་སྨྲས་ཀྱི། དེའི་ཕྱིར་གྲོང་མི་རྣམས་ལ་གལ་ཏེ་བདག་གི་བུ་གཙོ་བོར་དབང་བསྐུར་ན། ཁོ་བོ་བདག་ཉིད་སྲོག་དང་འབྲལ་བར་གསོལ་བ་འདེབས་ཏེ། དེ་ལྟར་ན། ལྷ་མོ་བདག་ཅག་གི་གནས་ནས་གར་ཡང་འགྲོ་བར་མི་འགྱུར་བས། ཁྱེད་ཅག་ལོངས་སྤྱོད་དག་གིས་མངོན་པར་འཕེལ་བར་འགྱུར་ཞིང ། ཡམས་ཀྱི་ནད་ཐམས་ཅད་ཀྱང་ཉེ་བར་ཞི་བར་འགྱུར་རོ། །དེ་དག་གིས་དེའི་བུ་གཙོ་བོར་དབང་བསྐུར་ནས་དེས་ཀྱང་བདག་ཉིད་སྲོག་དང་བྲལ་བར་བྱས་སོ། །དེ་ནས་དེ་དག་གིས་གནས་དེ་ཐམས་ཅད་སྤོས་དང ། མེ་ཏོག་གིས་མཛེས་པར་བྱས་ཤིང ། གདུགས་དང ། རྒྱལ་མཚན་གྱིས་བརྒྱན་ཏེ་གཏོར་མ་ཐོགས་ནས་ལྷ་མོ་དེ་ག་ལ་བ་དེར་དོང་སྟེ་ཕྱིན་ནས་རྐང་པ་གཉིས་ལ་གཏུགས་ཏེ་སྨྲས་པ། ལྷ་མོ། ཁྱོད་འདི་ཉིད་ལ་བཞུགས་པར་གསོལ། དེས་སྨྲས་པ། ཁོ་མོ་ནི། འཕགས་པ་ཀཱ་ཏྱཱ་ཡ་ན་ཆེན་པོ་ལ་བསྙེན་བཀུར་བྱེད་པ་ཡིན་པས། འདི་ན་ཁོ་མོའི་གནས་མེད་དོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་སྨྲས་པ། ལྷ་མོ། ཁྱོད་ཀྱིས་གང་ལས་ལྡེ་མིག་དང ། ལྡེ་མིག་ཀྱོག་པོ་བླངས་པ་སོམས་ཤིག་།དེས་བསམ་པ་ལ་ཞུག་པ་དང ། ཇི་ཙམ་ན་མི་དེ་དུས་ལ་བབ་པར་མཐོང་ནས། དེས་གནས་དེ་ན་གནས་པའི་སྐྱེ་བོའི་ཚོགས་ལ་སྨྲས་པ། ཤེས་ལྡན་དག། ཁོ་མོའི་དམ་ཚིག་གིས་གནས་པར་བྱ་སྟེ། གལ་ཏེ་ཁོ་མོའི་གནས་གཞི་ཇི་ལྟ་བུ་བྱད་དུ་བཅུག་པ་དེ་ལྟ་བུར་འཕགས་པའི་གནས་གཞི་ཡང་བྱེད་དུ་འཇུག་ན། ཁོ་མོ་འདུག་གོ་།དེ་དག་གིས་ཁས་བླངས་ནས་
Nya182b
དེ་དག་གིས་ལྷ་མོ་དེའི་གནས་ཇི་ལྟ་བུ་བྱེད་དུ་བཅུག་པ་དེ་ལྟ་བུར་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་གནས་ཀྱང་བྱེད་དུ་བཅུག་གོ་།ལྷ་མོ་དེའི་གནས་སུ་མར་མེ་བཙུགས་པ་གང་ཡིན་པ་དེ། དེས་ཁྱེར་ཏེ་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་གནས་སུ་འཛུགས་པར་བྱེད་དོ། །དེ་མར་མེ་ཁྱེར་ཏེ་འགྲོ་བ་རྩིག་དྲུང་ན་འདུག་པའི་མི་ཞིག་གིས་མཐོང་ནས་དེས་བསམ་པ། ལྷ་མོ་འདི་འཕགས་པ་ཀཱ་ཏྱཱ་ཡ་ན་ཆེན་པོའི་གན་དུ་འདོད་པས་འགྲོའོ། །སྙམ་པ་དང ། དེས་དེའི་སེམས་ཤེས་ནས་ཁྲོས་ཏེ་རི་བྲག་འདི་ན་གནས་པའི་སྐྱེ་བོའི་ཚོགས་འདི་ནི། སྡིག་པའི་སེམས་ཀུན་ཏུ་སྤྱོད་པ་ཡིན་ཏེ། འཕགས་པ་ཀཱ་ཏྱཱ་ཡ་ན་ཆེན་པོ་འདོད་པའི་དྲི་ང་བ་མེད་པ་ལ་རྫུན་གྱིས་སྐུར་པ་འདེབས་པར་བྱེད་དོ། །སྙམ་ནས་དེས་རི་བྲག་དེར་མི་ངས་ཕྱུང་སྟེ་སྐྱེ་བོ་ཕལ་པོ་ཆེ་ཤི་བར་གྱུར་ནས་སྐྱེ་བོ་ཤི་བའི་རོ་ཕྱིར་འབྱིན་པ་ན། ཁྲི་དང ། ཁྲིའུ་དག་འདོམ་པར་གྱུར་ཏོ། །གནས་དེ་ན་གནས་པའི་སྐྱེ་བོའི་ཚོགས་ཀྱིས་ལྟས་པ་དག་བཅུག་སྟེ་དྲིས་པ། འདི་ཅི་ལས་གྱུར། དེ་དག་གིས་སྨྲས་པ། ལྷ་མོ་འཁྲུགས་སོ། །དེ་དག་གིས་དེ་ལ་བཟོད་པ་གསོལ་བར་བརྩམས་པ་དང ། དེས་སྨྲས་པ ། ཁྱེད་ཅག་འཕགས་པ་ཀཱ་ཏྱཱ་ཡ་ན་ཆེན་པོ་འདོད་པའི་དྲི་ང་བ་མེད་པ་ལ་རྫུན་གྱིས་སྐུར་པ་འདེབས་པར་བྱེད་དོ། །དེ་དག་གིས་ཡང་སྨྲས་པ། ལྷ་མོ། བཟོད་པ་མཛོད་ཅིག་དང ། འགའ་ཡང་བསྙེན་བཀུར་མ་ལགས་བ་བགྱིད་པར་མི་འགྱུར་རོ། །དེས་སྨྲས་པ། དམ་ཚིག་གིས་བཟོད་པར་བྱ་སྟེ། གལ་ཏེ་ཁྱེད་ཅག་ཁོ་མོ་ལ་ཇི་ལྟར་བསྙེན་བཀུར་བྱེད་པ་དེ་ལྟར་འཕགས་པ་ཀཱ་ཏྱཱ་ཡ་ན་ཆེན་པོ་ལ་ཡང་བྱེད་ན། བཟོད་པར་བྱའོ། །དེ་
Nya183a
༄#། །དག་གིས་སྨྲས་པ། ལྷ་མོ། ཆེས་ཁྱད་པར་དུ་འཕགས་པར་བགྱི་ཡི། བཟོད་པར་མཛོད་ཅིག་།དེས་དེ་དག་ལ་བཟོད་པར་བྱས་སོ། །དེ་དག་གིས་ཀྱང་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་ཆེས་ཁྱད་པར་དུ་འཕགས་པའི་བསྙེན་བཀུར་བྱས་སོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་དེ་ཉིད་དུ་དབྱར་གནས་པར་ཁས་བླངས་ནས་ཁྱེའུ་སྔོ་བསངས་ཁྲིད་དེ་ལྷ་མོ་ལ་སྨྲས་ནས་འཕགས་པ་དང ། ལྷ་མོས་སྨྲས་པ། འཕགས་པ། བདག་ལ་མཚན་མ་ཅུང་ཞིག་སྩོལ་ཅིག་དང ། བདག་དེ་ལ་མཆོད་པ་བགྱིད་ཅིང་མཆིས་སོ། །དེས་དེ་ལ་ཁམ་ཕོར་བྱིན་ནས་དེས་དེ་ཁས་ཕུབ་སྟེ་མཆོད་རྟེན་དུ་བྱས་ནས་དུས་སྟོན་བྱེད་དུ་བཅུག་ནས་ཁམ་ཕོར་གྱི་དུས་སྟོན་ཞེས་བྱ་བའི་མིང་དུ་གྱུར་ཏེ། དེང་སང་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་འཚལ་བར་བྱེད་དོ། །ཁྱེའུ་སྔོ་བསངས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོའི་ཆོས་གོས་ཀྱི་གྲཝ་ནས་འཇུས་ཏེ་དེ་འཕྱང་ཞིང་འགྲོ་བ་ན། བ་ལང་རྫི་དང ། ཕྱུགས་རྫི་དག་གིས་མཐོང་ནས་དེ་དག་གིས་འཕྱང་ངོ ། །འཕྱང་ངོ ། །ཞེས་བྱ་བའི་སྒྲ་ཆེན་པོ་བྱུང་བས། ཡུལ་དེའི་མི་རྣམས་ཀྱི་མིང་འཕྱང་བ་པ། འཕྱང་བ་པ་ཞེས་བྱ་བའི་མིང་དུ་གྱུར་ཏོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་རི་བྲག་ཅིག་ཏུ་ཕྱིན་ནས་དེར་ཁྱེའུ་སྔོ་བསངས་ཤིང་ལྗོན་པའི་དྲུང་དུ་བཞག་སྟེ་བསོད་སྙོམས་ལ་ཞུགས་སོ།། རི་བྲག་དེ་ན་རྒྱལ་པོ་བུ་མེད་པར་དུས་ལ་བབ་ནས་ཕོ་བྲང་འཁོར་གྱི་མི་དང ། བློན་པོ་དང ། ཡུལ་མི་དག་འདུས་ཏེ་སྨྲས་པ། ཤེས་ལྡན་དག་།གང་ཞིག་རྒྱལ་པོར་དབང་བསྐུར་བར་བྱ། དེ་ན་ཁ་ཅིག་གིས་
Nya183b
སྨྲས་པ། གང་བསོད་ནམས་དང ། དབང་ཆེ་བར་གྲགས་པའོ། །ཁ་ཅིག་གིས་སྨྲས་པ། དེ་ཇི་ལྟར་ཤེས་པར་བྱ། ཁ་ཅིག་གིས་སྨྲས་པ། རྟོག་པ་དག་བསྒོ་བར་བྱའོ། །དེ་དག་གིས་རྟོག་པ་དག་བསྐོས་ནས། དེ་དག་གིས་ཕན་ཚུན་བཅལ་བར་བརྩམས་པ་དང ། དེ་དག་གིས་ཁྱེའུ་དེ་ཤིང་ལྗོན་པའི་དྲུང་ན་གཉིད་ལོག་པར་མཐོང་ནས་དེ་དག་གིས་དེའི་མཚན་མ་བཟུང་བར་བརྩམས་པ་དང ། ཇི་ཙམ་ན་ཤིང་ལྗོན་པ་གཞན་དག་གི་གྲིབ་མ་ཤར་ཕྱོགས་སུ་གཞོལ་བ་དང ། ཤར་ཕྱོགས་སུ་འབབ་པ་དང ། ཤར་ཕྱོགས་སུ་བབ་པར་གྱུར་ན། ཤིང་ལྗོན་པ་དེའི་གྲིབ་མས་ཁྱེའུ་དེའི་ལུས་མི་གཏོང་བར་མཐོང་ངོ ། །མཐོང་ནས་ཀྱང་གྲོས་བྱ་བར་བརྩམས་པ།་ཤེས་ལྡན་དག་།ཁྱེའུ་འདི་བསོད་ནམས་དང ། དབང་ཆེ་བར་གྲགས་པ་ཡིན་གྱི། འདི་དབང་བསྐུར་བར་བྱའོ། །དེ་དག་གིས་དེ་སད་པར་བྱས་ཏེ་སྨྲས་པ། ཁྱེའུ། རྒྱལ་སྲིད་ལོངས་ཤིག་།ཁྱེའུས་སྨྲས་པ། ཁོ་བོ་རྒྱལ་སྲིད་དོན་དུ་གཉེར་བ་མ་ཡིན་ཏེ། ཁོ་བོ་ནི། འཕགས་པ་ཀཱ་ཏྱཱ་ཡ་ན་ཆེན་པོའི་བསྙེན་བཀུར་བ་ཡིན་ནོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་ཐོས་ནས། ཅི། ཁྱེའུ་འདི་ལ་རྒྱལ་སྲིད་དུ་འགྱུར་བའི་ལས་དག་ཡོད་དམ། མེད་སྙམ་དུ་བསམ་ནས། ཡོད་པར་མཐོང་ནས་དེས་སྨྲས་པ། བུ། རྒྱལ་སྲིད་ལོངས་ལ་འདི་ལྟར་ཁྱོད་ཀྱིས་ཆོས་ཀྱིས་བྱེད་དུ་ཆུག་ཅིག་།དེས་མནོས་ཏེ། དེ་དག་གིས་དེ་དབང་བསྐུར་ནས་ཁྱེའུ་སྔོ་བསངས་ཀྱིས་དེར་རྒྱལ་སྲིད་བྱེད་དུ་བཅུག་པས། སྔོ་བསངས་ཀྱི་རྒྱལ་སྲིད། སྔོ་བསངས་ཀྱི་རྒྱལ་སྲིད་ཅེས་བྱ་བའི་མིང་དུ་གྱུར་ཏོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ཡུལ་བོག་ཀ་ནར་ཕྱིན་ནས། ཚེ་དང་
Nya184a
༄#། །ལྡན་པ་ཀཱ་ཏྱཱ་ཡ་ན་ཆེན་པོའི་མ་བོག་ཀ་ནར་སྐྱེས་པ་དེས། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་མཐོང་ནས་སྨྲས་པ། བུ། ཁྱོད་ཡུན་རིང་ཞིག་ནས་མཐོང་ངོ ། །བུ། ཁྱོད་ཡུན་རིང་ཞིག་ལོན་ནས་མཐོང་ངོ ། །དེའི་ནུ་མ་གཉིས་ལས་ཀྱང་འོ་མའི་རྒྱུན་འཛག་གོ་།ཚེ་དང་ལྡན་པ་ཀ་ཏྱ་ཡ་ན་ཆེན་པོས་དེ་ལ་ཡུམ་ཡུམ་ཞེས་ཁག་ཕབ་པ་དང ། དེས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོར་ཟན་བྱིན་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས་གང་ཐོས་ནས་དེས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པར་བྱས་སོ། །དེས་བདེན་པ་མཐོང་ནས། བཙུན་པས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་གོ་།ཞེས་
Nya184b
ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། དཀའ་བ་བྱེད་པའི་མ་ལ་ནི། །ཕུ་ཕོ་བཟང་པོས་གང་བྱ་བ། །དེ་ནི་ཁྱོད་ཀྱིས་བདག་ལ་བགྱིས། །སེམས་ནི་མཐོ་རིས་གཞོལ་བར་གྱུར། །ངན་སོང་དག་ནས་ལེགས་ཕྱུང་ཞིང ། །ཁྱོད་ཀྱིས་མཐོ་རིས་ཐར་པ་ལ། །རབ་ཏུ་འབད་པས་བདག་བཞག་སྟེ། །ཁྱོད་ཀྱིས་དཀའ་བ་ལེགས་པར་མཇེད། །ཚོང་པས་ཁེ་སྤོགས་རྙེད་པ་ལྟར། །མཐོ་རིས་རྙེད་པ་བདག་གིས་རྙེད། །དགེ་བའི་བཤེས་གཉེན་རྣམས་ལ་ནི། །ཉེ་བར་བརྟེན་པ་བཟང་བ་ལགས། །དེ་ནས་ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་བུ་མོ་བཟང་མོ་དེ་བདེན་པ་དག་ལ་བཞག་ནས་སྨྲས་པ། ཡུམ། བལྟས་ལགས་ཀྱི། བདག་མཆིའོ། །དེས་སྨྲས་པ། བུ། གལ་ཏེ་དེ་ལྟ་ན། བདག་ལ་མཚན་མ་ཅུང་ཞིག་སྩོལ་ཅིག་དང ། བདག་དེ་ལ་མཆོད་པ་བགྱིད་ཅིང་མཆིས་སོ། །དེས་དེ་ལ་འཁར་བ་བྱིན་ནས་དེས་མཆོད་རྟེན་བྱས་ཏེ། དེར་དེ་བཙུགས་ནས་འཁར་བའི་མཆོད་རྟེན། འཁར་བའི་མཆོད་རྟེན་ཞེས་བྱ་བའི་མིང་དུ་གྱུར་ཏེ། དེང་སང་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་འཚལ་བར་བྱེད་དོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ཡུལ་དབུས་སུ་འགྲོ་འདོད་ནས་ཡུལ་སི་ནུར་ཕྱིན་པ་དང ། དེ་ནས་བྱང་ལམ་ན་གནས་པའི་ལྷ་མོ་གང་ཡིན་པ་དེས། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ། བདག་ལ་ཡང་མཚན་མ་ཅུང་ཞིག་སྩོལ་ཅིག་དང ། བདག་དེ་ལ་མཆོད་པ་བགྱིད་ཅིང་མཆིས་སོ། །དེས་བསམ་པ། བཅོམ་ལྡན་འདས་ཀྱིས་ཡུལ་དབུས་སུ་ལྷམ་སྒྲོག་གུ་ཅན་བཅང་བར་མི་བྱའོ། །ཞེས་བཀའ་སྩལ་པས། འདི་དེ་ལ་སྦྱིན་ནོ། །སྙམ་ནས། དེས་ལྷམ་སྒྲོག་གུ་ཅན་དེ་དེ་ལ་བྱིན་པ་དང ། དེས་གནས་
Nya185a
༄#། །གཞི་བྱེད་དུ་བཅུག་སྟེ་དེར་བཞག་པ་དང ། ཁ་ཅིག་གིས་ནི། ལྷམ་གྱི་དབང་ཕྱུག་ཅེས་བྱ་བར་ཤེས་སོ། ཁ་ཅིག་གིས་ནི། ལྷམ་གྱི་གཞི་ཞེས་བྱ་བར་ཤེས་སོ། །ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོ་མཐར་གྱིས་མཉན་ཡོད་དུ་ཕྱིན་ནས་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་འོངས་པ་ལེགས་སོ་།འོངས་པ་ལེགས་སོ། །ཇི་ལྟར་བདེ་བར་རྒྱུས་སམ། དེས་སྨྲས་པ། ཚེ་དང་ལྡན་པ་དག་།ཅུང་ཟད་བདེ་བར་ཡང་རྒྱུས། ཅུང་ཟད་སྡུག་བསྔལ་བར་ཡང་རྒྱུས་སོ། །དགེ་སློང་རྣམས་ཀྱིས་སྨྲས་པ། ཇི་ལྟར་བདེ་བར་རྒྱུས། ཇི་ལྟར་སྡུག་བསྔལ་བར་རྒྱུས། དེས་སྨྲས་པ། སེམས་ཅན་གྱི་བྱ་བ་བྱས་པ་གང་ཡིན་པ་དེ་དག་ནི། བདེ་བར་རྒྱུས་པ་ཡིན་ནོ། །རྒྱལ་པོ་གཙུག་ཕུད་ཅན་དང ། གྲོང་ཁྱེར་སྒྲ་སྒྲོག་ན་གནས་པའི་སྐྱེ་བོའི་ཚོགས་ཀྱིས་བདག་སས་མནན་པ་གང་ཡིན་པ་དང ། བློན་པོའི་མཆོད་ཧེ་རུ་ཀ་དང ། བྷི་རུ་ཀ་གཉིས་ཚེགས་ཆེན་པོས་བྲོས་པ་གང་ཡིན་པ་དེ་ནི། སྡུག་བསྔལ་བར་རྒྱུས་པ་ཡིན་ནོ། །དགེ་སློང་དོན་ཉུང་ངུ་དག་གིས་སྨད་དེ་སྨྲས་པ། དེ་ནི། ཕ་གསོད་པ་ཡིན་ཏེ། དེས་ཚེ་དང་ལྡན་པ་ཨུ་ཏྲ་ཡ་ན་དགྲ་བཅོམ་པ་ཉིད་ཐོབ་པ། ཉེས་པ་མེད་པ། གནོད་པ་མི་བྱེད་པ་བསད་དེ། འདི་ནི། དེའི་མེ་ཏོག་ཙམ་ཡིན་གྱི། འབྲས་བུ་ནི། གཞན་འབྱུང་བར་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་ཨུ་ཏྲ་ཡ་ནས་ལས་ཅི་བགྱིས་ན། དེས་ཕྱུག་པ། ནོར་མང་ལ་ལོངས་སྤྱོད་ཆེ་བའི་ཁྱིམ་དུ་སྐྱེས་ཤིང ། བཅོམ་ལྡན་འདས་ཀྱི་བསྟན་
Nya185b
པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བགྱིས་ནས་མཚོན་གྱིས་པ་བཀུམ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་ཨུ་ཏྲ་ཡ་ན་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། ཨུ་ཏྲ་ཡ་ན་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་འདས་པའི་དུས་ན་སངས་རྒྱས་རྣམས་འབྱུང་བ་མེད་པའི་ཚེ། རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཇི་ཙམ་ན་རི་བྲག་ཅིག་ཏུ་རྔོན་པ་ཞིག་འདུག་སྟེ། རི་བྲག་དེ་དང་ཧ་ཅང་མི་རིང་བ་ཞིག་ན་རི་དྭགས་དང ། བྱ་མང་པོ་དག་གི་རྟེན་དུ་གྱུར་པ། མཚེའུ་ཞིག་ཡོད་པ་དེར་རྔོན་པ་དེ་ཉི་མ་རེ་རེ་ཞིང་རི་དྭགས་དང ། བྱ་མང་པོ་དག་དྲུང་དབྱུང་བའི་ཕྱིར་དང ། ཉམས་པར་
Nya186a
༄#། །བྱ་བའི་ཕྱིར་དང ། ཚུལ་མ་ཡིན་པས་སྡུག་བསྔལ་བར་བྱ་བའི་ཕྱིར་རྔོན་སྤྱད་དང ། རྙི་དང ། རྙོང་མང་པོ་དག་འཛུགས་པར་བྱེད་དོ། །དེའི་རྔོན་སྤྱད་དང ། རྙི་དང ། རྙོང་དེ་དག་ཀྱང་དོན་ཡོད་པ་ཡིན་ནོ། །ཇི་ཙམ་དུས་གཞན་ཞིག་ན་རང་སངས་རྒྱས་ཤིག་ལྗོངས་རྒྱུ་ཞིང་སོང་བ་ན་རི་བྲག་དེར་ཕྱིན་ནས་ལྷའི་གནས་ཤིག་ཏུ་མཚན་མོ་གནས་པར་ཁས་བླངས་ནས་དེ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རི་བྲག་དེར་བསོད་སྙོམས་ལ་ཞུགས་སོ། །དེར་བསོད་སྙོམས་རྒྱུས་ནས་བསམ་པ། ལྷའི་གནས་འདི་ཉིན་མོ་རྒྱུན་ལུགས་མང་བ་ཡིན་གྱི། རི་བྲག་གི་ཕྱི་རོལ་གྱི་གནས་ཞི་བ་ཞིག་ཏུ་བསོད་སྙོམས་བཟའོ། །སྙམ་ནས་དེ་རི་བྲག་ནས་བྱུང་སྟེ། འདི་ནི། ཞི་བའོ། །འདི་ནི། ཞི་བའོ། །ཞེས་མཚེའུ་དེ་ག་ལ་བ་དེར་སོང་སྟེ་ཕྱིན་ནས་ལྷུང་བཟེད་དང་ཆུ་ཚགས་མཐའ་གཅིག་ཏུ་བཞག་སྟེ་རྐང་པ་གཉིས་བཀྲུས་ནས་ལག་པ་གཉིས་བསྙལ་ཏེ་ཆུ་བཙགས་ནས་ལོ་མ་ལྷགས་པ་དག་བླངས་ཏེ་འདུག་ནས་ཟས་ཀྱི་བྱ་བ་བྱས་ཏེ་ལག་པ་གཉིས་བསྙལ་ནས་ཁ་བཀྲུས་ཏེ་ལྷུང་བཟེད་དང ། ཆུ་ཚགས་གནས་ཇི་ལྟ་བ་བཞིན་དུ་བཞག་ནས་རྐང་པ་གཉིས་བཀྲུས་ཏེ་ཤིང་དྲུང་ཞིག་ཏུ་བརྟེན་ནས་བྲང་འགྲོའི་རྒྱལ་པོ་ཉལ་བའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས་ཏེ་སྤྱོད་ལམ་ཞི་བར་འདུག་པ་དང ། དེའི་ཉིན་མོ་མིའི་དྲིས་རི་དྭགས་གཅིག་ཀྱང་མ་ཟིན་ཏོ། །དེ་ནས་རྔོན་པ་དེ་ནང་པར་སྔར་ལངས་ཏེ་མཚེའུ་དེ་ག་ལ་བ་དེར་སོང་ནས། དེ་རྔོན་སྤྱད་དང ། རྙི་དང ། རྙོང་དེ་དག་བྱུལ་བར་བརྩམས་པ་དང ། རི་དྭགས་གཅིག་ཀྱང་མ་མཐོང་ནས། དེ་འདི་སྙམ་
Nya186b
དུ་སེམས་ཏེ། བདག་གི་རྔོན་སྤྱད་དང ། རྙི་དང ། རྙོང་འདི་དག་དོན་ཡོད་པ་ཡིན་ན། གང་གི་ཕྱིར་དེར་རི་དྭགས་གཅིག་ཀྱང་མ་ཟིན་པ་འདིའི་རྒྱུ་གང་ཡིན་སྙམ་ནས། དེས་མཚེའུ་དེའི་ཐན་ཀོར་བྱུལ་བར་བརྩམས་པ་དང ། མིའི་རྗེས་མཐོང་ནས། དེ་རྗེས་དེའི་ཕྱི་བཞིན་དུ་སོང་བ་དང ། རང་སངས་རྒྱས་སྤྱོད་ལམ་ཞི་བར་འདུག་པ་དེ་མཐོང་ནས་དེས་བསམ་པ། རབ་ཏུ་བྱུང་བ་སེམས་ཞི་བ་འདི་དག་།གནས་འདི་ལྟ་བུ་དག་ཏུ་མངོན་པར་དགའ་བར་བྱེད་པས། གལ་ཏེ་བདག་གིས་འདིའི་སྲོག་བཅད་པ་མ་བྱས་ན། འདི་དག་གིས་ངེས་པར་བདག་གི་འཚོ་བ་གཅོད་པར་བྱེད་ཀྱི། རྣམ་པ་ཐམས་ཅད་དུ་འདི་གསད་པར་བྱའོ། །སྙམ་ནས་སྙིང་རྗེ་མེད་པའི་སེམས་དང་ལྡན་པ། འཇིག་རྟེན་ཕ་རོལ་བཏང་བ་དེས་མདའ་དུག་ཅན་གྱིས་གཞུ་རྔའི་དབྱིབས་འདྲ་བ་རྣ་དྲུང་དུ་ཐུག་པར་བཀང་སྟེ། རང་སངས་རྒྱས་དེའི་གནད་དུ་བསྣུན་ཏོ། །རང་སངས་རྒྱས་བདག་ཉིད་ཆེན་པོ་དེས་བསམ་པ། རྔོན་པ་ཉོན་མོངས་པ་འདི། ཧ་ཅང་རྨས་པ་དང ། ཉམས་པར་གྱུར་ན་མི་རུང་གི་།འདི་ལ་ལ་གནས་དྲང་བ་སྦྱིན་ནོ། །སྙམ་ནས་དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི། རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། རྔོན་པ་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ཀྱི་དྲུང་དུ་བསྒྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་
Nya187a
༄#། །གི་སུག་བ་ནས་དྲང་བ་སྩལ་དུ་གསོལ། རང་སངས་རྒྱས་དེ་རྔོན་པ་དེ་ལ་རྗེས་སུ་སྙིང་རྗེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །དེ་ནས་རྔོན་པ་དེས་ཟུག་རྔུ་མེད་པར་བྱས་ཏེ་རྨ་ལྷན་གྱིས་གླན་ནས་སྨྲས་པ། འཕགས་པ། སྡུམ་པར་གཤེགས་སུ་གསོལ། གལ་ཏེ་འདིར་གསེར་གྱི་ལྷན་པས་གླན་པར་མཛད་ནས། དེ་ཡང་བདག་གིས་སྦྱར་བར་བགྱིའོ། །རང་སངས་རྒྱས་ཀྱིས་བསམ་པ། བདག་གིས་རྣག་གི་ལུས་འདིས་ཐོབ་པར་བྱ་བ་གང་ཡིན་པ་ཐོབ་ཟིན་པས། དེའི་ཕྱིར་ད་ནི། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཇུག་པར་བྱའོ། །སྙམ་ནས། དེ་རྔོན་པ་དེ་ཉིད་ཀྱི་མདུན་དུའང་ནམ་མཁའི་དཀྱིལ་དུ་འཕགས་ཏེ། ཆོ་འཕྲུལ་རྣམ་པ་སྣ་ཚོགས་དག་རྣམ་པར་བསྟན་ནས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །རྔོན་པ་དེ། ནོར་དང་ལྡན་པ་ཡིན་པས། དེས་སྤོས་ཀྱི་ཤིང་ཐམས་ཅད་ཀྱིས་ཕུང་པོར་བཅེར་ཏེ་བསྲེགས་ནས་ཕུང་པོ་དེ་འོ་མས་ཞི་བར་བྱས་ཏེ། རུས་པ་དེ་དག་གསེར་གྱི་བུམ་པར་བཅུག་ནས་ལམ་པོ་ཆེའི་བཞི་མདོར་ལུས་ཀྱི་མཆོད་རྟེན་རྩིག་ཏུ་བཅུག་སྟེ། གདུགས་དང ། རྒྱལ་མཚན་དང ། བ་དན་དག་བསྒྲེང་ཞིང ། དྲི་དང ། ཕྲེང་བ་རྒྱུ་དང ། བདུག་སྤོས་དང ། ཕྱེ་མ་དང ། སིལ་སྙན་དག་གིས་མཆོད་པ་བྱས་ནས་རྐང་པ་གཉིས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས། བདག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མི་འགྱུར་བར་
Nya187b
མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས། བདག་ཕྱུག་པ། ནོར་མང་བ། ལོངས་སྤྱོད་ཆེ་བར་སྐྱེ་ཞིང ། འདི་ལས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང ། ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་ཐོབ་པར་གྱུར་ཅིག་།ཅེས་བཏབ་བོ། །དགེ་སློང་དག་།དེ་ལ་དེའི་ཚེ་དེའི་དུས་ན་རྔོན་པ་གང་ཡིན་པ་དེ་ནི། དགེ་སློང་ཨུ་ཏྲ་ཡ་ན་ཡིན་ཏེ། དེས་རང་སངས་རྒྱས་ཀྱི་གནད་དུ་མདའ་དུག་ཅན་གྱིས་བསྣུན་པ་གང་ཡིན་པའི་ལས་དེའི་རྣམ་པར་སྨིན་པས། བསྐལ་པར་སེམས་ཅན་དམྱལ་བ་ཆེན་པོ་མནར་མེད་པར་གདུངས་ནས་ལས་དེ་ཉིད་ཀྱི་ལྷག་མས་ཚེ་རབས་ལྔ་བརྒྱར་མཚེའུ་དེ་ཉིད་དུ་རི་དྭགས་སུ་གྱུར་ནས་མདའ་དུག་ཅན་གྱིས་གནད་དུ་བསྣུན་ཅིང་དུས་ལ་བབ་སྟེ། ད་ལྟར་གྱི་བར་དུའང་དགྲ་བཅོམ་པ་ཐོབ་ཀྱང ། དེ་མཚོན་གྱིས་ཡོངས་སུ་མྱ་ངན་ལས་འདས་སོ། །མཆོད་པ་བྱས་ནས་སྨོན་ལམ་བཏབ་པ་གང་ཡིན་པ་དེས་ནི། ད་ལྟར་ཕྱུག་པ། ནོར་མང་བ། ལོངས་སྤྱོད་ཆེ་བར་སྐྱེས་ཤིང ། ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཤིང ། འདིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཤིང་ཐུགས་བྱུང་བར་མ་བྱས་སོ། །དགེ་སློང་དག་།དེ་ལྟར་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པའང་གཅིག་ཏུ་དཀར་བ་ཡིན་ལ། ལས་འདྲེན་མ་རྣམས་ཀྱི་རྣམ་པར་སྨིན་པའང་འདྲེན་མ་ཡིན་ནོ། །དགེ་
Nya188a
༄#། །སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་དང ། འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། རྒྱལ་པོ་གཙུག་ཕུད་ཅན་དང ། གྲོང་ཁྱེར་སྒྲ་སྒྲོག་ན་གནས་པའི་སྐྱེ་བོའི་ཚོགས་དང ། ཚེ་དང་ལྡན་པ་ཀཱ་ཏྱཱ་ཡ་ན་ཆེན་པོས་ལས་ཅི་བགྱིས་ན། དེས་དོག་སས་ནོན་པར་གྱུར་ནས། བློན་པོའི་མཆོག་ཧེ་རུ་ཀ་དང ། བྷི་རུ་ཀ་གཉིས་ཀྱིས་ལས་ཅི་ཞིག་བགྱིས་ན། བྲོས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་དག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་དག་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག ། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི།།
Nya188b
ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་རི་བྲག་ཅིག་ན། ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེ་ལ་བུ་ཁྱེའུ་ཞིག་བྱུང་ངོ། །ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེ་ལ་བུ་མོ་ཞིག་བྱུང་ནས་དེ་གཉིས་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །བུ་མོ་དེ་དང་ན་མཉམ་པའི་བུ་མོ་དག་སློང་བ་འོངས་ན། བུ་མོ་དེ་ལ་སློང་བ་འགའ་ཡང་མ་འོངས་སོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང ། དཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཇི་ཙམ་ན་རང་སངས་རྒྱས་ཤིག་ལྗོངས་རྒྱུ་ཞིང་སོང་བ་ན། རི་བྲག་དེར་ཕྱིན་ནས་བུ་མོ་དེས་ཁྱིམ་ཕྱགས་ནས་ཕྱག་དར་རིབ་མའི་སྟེང་ནས་བོར་བ་དེ། རང་སངས་རྒྱས་བསོད་སྙོམས་ལ་རྒྱུ་བ་དེའི་མགོར་ཕོག་གོ་།བུ་མོ་དེས་དེར་ཕོག་པ་མཐོང་ནས་འགྱོད་པའི་སེམས་ཀྱང་མ་སྐྱེས་ལ། སྟེས་དབང་གིས་དེ་ཉིད་ཀྱི་ཉིན་མོ་དེ་སློང་བ་འོངས་ནས། མིང་པོས་དེ་ལ་དྲིས་པ། དེང་ཁྱོད་ཀྱིས་ཅི་བྱས་ན། དེས་ན། ཁྱོད་སློང་བ་འོངས་སོ། །དེས་སྨྲས་པ། བདག་གིས་དེང་རབ་ཏུ་བྱུང་བའི་སྟེང་དུ་ཕྱག་དར་བོར་
Nya189a
༄#། །རོ། །དེས་འཛུམ་ཕྱུང་བ་དང ། བུ་མོ་དེས་བུ་མོ་གཞན་དག་ལ་སྦྲན་ཅིང་དེས་ཀྱང་གཞན་དག་ལ་སྦྲན་ནས། འཇིག་རྟེན་ལ་བུ་མོ་གང་དང་གང་སློང་བ་མི་འོང་བ་དེས། རང་སངས་རྒྱས་ཀྱི་སྟེང་དུ་ཕྱག་དར་བོར་ན། དེ་ལ་སློང་བ་འོང་ངོ ། །ཞེས་སྡིག་པ་ཅན་གྱི་ལྟ་བའི་རྣམ་པ་དེ་ལྟ་བུ་བྱུང་ངོ ། །བདག་ཉིད་ཆེན་པོ་རྣམས་ནི། བསྙེན་བཀུར་མ་ཡིན་པས་འཇིགས་པས། རང་སངས་རྒྱས་དེ་རི་བྲག་དེ་ནས་སོང་བ་དང ། དྲང་སྲོང་མངོན་པར་ཤེས་པ་ལྔ་དང་ལྡན་པ་རྣམས་ཀྱི་སྟེང་དུ་དོར་བར་བརྩམས་ནས་དེ་དག་ཀྱང་དོང་བ་དང ། ཕ་མ་དག་གི་སྟེང་དུ་དོར་བར་བརྩམས་སོ། །རི་བྲག་དེ་ན་ཁྱིམ་བདག་དགེ་བའི་ཆོས་ཅན་གཉིས་ཤིག་འཁོད་པ་དེ་གཉིས་ཀྱིས་སྨྲས་པ། ཤེས་ལྡན་དག་།དམ་པ་མ་ཡིན་པའི་ཆོས་འཕེལ་བ་འདི་བཟློག་པར་བྱའོ། །ཞེས་དེ་གཉིས་ཀྱིས་བཟློག་ཅིང་སྤངས་སོ། །དགེ་སློང་དག་།དེའི་ཚེ་དེའི་དུས་ན། བུ་མོ་གང་གིས་རང་སངས་རྒྱས་ཀྱི་སྟེང་དུ་ཕྱག་དར་བོར་བ་དེ་ནི། རྒྱལ་པོ་གཙུག་ཕུད་ཅན་འདི་ཡིན་ནོ། །རི་བྲག་དེ་ན་གནས་པའི་སྐྱེ་བོའི་ཚོགས་གང་ཡིན་པ་དེ་ནི། གྲོང་ཁྱེར་སྒྲ་སྒྲོག་ན་གནས་པའི་སྐྱེ་བོའི་ཚོགས་འདི་དག་ཡིན་ཏེ། འདི་དག་གིས་རང་སངས་རྒྱས་དང ། དྲང་སྲོང་དང ། ཕ་མ་དག་གི་སྟེང་དུ་ཕྱག་དར་བོར་བ་གང་ཡིན་པ་དེའི་ལས་ཀྱི་རྣམ་པར་སྨིན་པས་སས་ནོན་པར་གྱུར་ཏོ། །ཁྱིམ་བདག་གཉིས་ཀྱིས་བཟློག་པ་གང་ཡིན་པ་དེ་ནི། བློན་པོའི་མཆོག་ཧེ་རུ་ཀ་དང ། བྷི་རུ་ཀ་
Nya189b
གཉིས་ཡིན་ཏེ། ལས་དེའི་རྣམ་པར་སྨིན་པས་བྲོས་པར་གྱུར་ཏོ། །བུ་མོའི་མིང་པོ་གང་གིས་འཛུམ་ཕྱུང་བ་དེ་ནི། དགེ་སློང་ཀཱ་ཏྱཱ་ཡ་ན་ཆེན་པོ་ཡིན་ཏེ། དེས་འཛུམ་ཕྱུང་བ་གང་ཡིན་པའི་ལས་དེའི་རྣམ་པར་སྨིན་པས་སས་གཡོགས་ཏེ། གལ་ཏེ་དགེ་སློང་ཀཱ་ཏྱཱ་ཡ་ན་ཆེན་པོས་ཡོན་ཏན་གྱི་ཚོགས་འདི་ལྟ་བུ་རྟོགས་པར་མ་གྱུར་དུ་ཟིན་ན། དགེ་སློང་ཀཱ་ཏྱཱ་ཡ་ན་ཆེན་པོ་སས་ནོན་ཅིང་ཚུལ་མ་ཡིན་པས་སྡུག་བསྔལ་བར་འགྱུར་རོ། །དགེ་སློང་དག་།དེ་ལྟ་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་དང ། འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཀོའུ་ཤམྦྷི་ན་ཁྱིམ་བདག་ནོར་བཟང་ཞེས་བྱ་བ།་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་འདུག་པ་དེའི་ཁྱིམ་རྒྱལ་པོ་ཤར་པའི་དྲུང་ན་འདུག་ཅིང ། དེ་ནང་པར་སྔར་ལངས་ཏེ་ལས་ཀྱི་མཐའ་དག་ལ་རྟོག་ཏུ་འགྲོའོ། །དེ་དབྱིག་གི་གདངས་ཅན་ཡིན་པས། རྒྱལ་པོ་ཤར་པས་སྒྲའི་གདངས་ལས་དེ་ལ་གསེར་བཞག་པ་འབུམ་ཡོད་པར་ཤེས་སོ། །ཇི་ཙམ་དུས་གཞན་ཞིག་ན། རྒྱལ་པོ་ཤར་པ་དོན་གྱི་གནས་ན་འདུག་པས་བློན་པོ་རྣམས་ལ་སྨྲས་པ། ཤེས་ལྡན་དག་
Nya190a
༄#། །ཁྱིམ་བདག་ནོར་བཟང ། ཉི་མ་རེ་རེ་ཞིང་ནང་པར་སྔར་ལངས་ཏེ་རང་ཉིད་ལས་ཀྱི་མཐའ་དག་ལ་རྟོག་ཏུ་འགྲོ་སྟེ། འདི་གསེར་བཞག་པ་འབུམ་ཡོད་ཅེས་གྲག་ན། ཅིའི་ཕྱིར་ན། བདག་ཉིད་ངལ་བར་བྱེད། བློན་པོ་རྣམས་ཀྱིས་སྨྲས་པ། ལྷ། འདི་ལ་གསེར་བཞག་པ་འབུམ་ག་ལ་མཆིས་ཏེ། གལ་ཏེ་འདི་ལ་གསེར་བཞག་པ་འབུམ་མཆིས་ན། ཅིའི་སླད་དུ་བདག་ཉིད་དམ་བར་བགྱིད། རྒྱལ་པོས་སྨྲས་པ། ཤེས་ལྡན་དག་།གལ་ཏེ་ཁྱེད་ཅག་ཡིད་མི་ཆེས་ན། ཁྱིམ་བདག་ནོར་བཟང་པོས་ཤིག་དང་དྲིའོ། །དེ་དག་གིས་ཁྱིམ་བདག་ནོར་བཟང་པོས་ནས། རྒྱལ་པོས་དྲིས་པ། ཁྱིམ་བདག་ཁྱོད་ལ་གསེར་བཞག་པ་འབུམ་ཡོད་དམ། ལྷ། མཆིས་ཏེ། གལ་ཏེ་བཞེས་ན། བཞེས་སུ་གསོལ། ཁྱིམ་བདག། ང་ནི། གསེར་དོན་དུ་གཉེར་བ་མ་ཡིན་གྱི། འདི་ལྟར། ངས་ཁྱོད་ལ་ཅི་ཡོད་དམ་མེད་ཅེས་དྲིས་པར་ཟད་དོ། །ལྷ། མཆིས་ཏེ། ལྷས་ཇི་ལྟར་མཁྱེན་པ་དེ་ཞུའོ། །རྒྱལ་པོས་སྨྲས་པ། ཁྱིམ་བདག་།ཁྱོད་དབྱིག་གི་གདངས་ཅན་ཡིན་པས་ངས་སྒྲའི་གདངས་ལས་ཤེས་སོ། །ཁྱིམ་བདག་ནོར་བཟང་རྒྱལ་པོས་གདངས་ལས་ཤེས་པས། དེའི་མིང་ཁྱིམ་བདག་གདངས་ཅན། ཁྱིམ་བདག་གདངས་ཅན་ཞེས་བྱ་བར་གྱུར་ཏོ། །རྒྱལ་པོས་དེ་ལ་སྨྲས་པ། ཁྱིམ་བདག་།ཁྱོད་ཕྱུག་པོར་གྱུར་པ་ཡིན་ན། ཅིའི་ཕྱིར་ཁྱོད་རང་གིས་ཞལ་ཏ་བྱས་ཏེ་ལས་ཀྱི་མཐའ་དག་བྱེད་དུ་འཇུག་།དེས་སྨྲས་པ། ལྷ། གལ་ཏེ་བདག་གིས་རང་གི་ཞལ་ཏ་བགྱིས་ཏེ་ལས་ཀྱི་མཐའ་དག་བགྱིད་དུ་མ་སྩལ་ན། བདག་གི་ལོངས་སྤྱོད་དག་འཕེལ་ཞིང་རྒྱས་པ་དང ། ཡངས་པར་ཡང་མི་འགྱུར་
Nya190b
ལ་ལྷས་ཀྱང་བདག་དབྱིག་གི་གདངས་ཅན་ལེགས་པར་མཁྱེན་པར་མི་འགྱུར་རོ། །རྒྱལ་པོས་སྨྲས་པ། ཁྱིམ་བདག་།ཁྱོད་ཅིའི་ཕྱིར་གླང་པོ་ཆེ་དང ། རྟ་དག་གིས་མི་འགྲོ། ལྷ། བདག་ཁྱིམ་ཁོལ་ལགས་པས། གླང་པོ་ཆེ་དང ། རྟ་དག་གིས་མཆི་བ་བདག་གི་ཚུལ་དང་མཐུན་པ་མ་ལགས་སོ། །རྒྱལ་པོས་བསམ་པ། གྲོགས་འདི་ལྟ་བུས་རྒྱལ་སྲིད་བྱེད་དུ་གཞུག་པར་ནུས་ཀྱི། འདི་བློན་པོ་ཁོ་ནར་གཞུག་གོ་།སྙམ་དུ་རིག་ནས་སྨྲས་པ། ཁྱིམ་བདག། བློན་པོ་གྱིས་ཤིག་དང ། ལྷན་ཅིག་ཏུ་རྒྱལ་སྲིད་བྱེད་དུ་གཞུག་གོ་།དེས་སྨྲས་པ། ལྷ། དེ་སྐད་ཅེས་བཀའ་སྩལ་པ་མི་རིགས་ཏེ། བདག་ནི། ཁྱིམ་ཁོལ་ལགས་པས་བདག་ཞིང་ལས་ཀྱི་མཐའ་རྗེས་སུ་སྒྲུབ་པར་རིགས་ཀྱི།་བློན་པོར་མི་རིགས་སོ། །རྒྱལ་པོས་དེ་ལྟ་དེ་ལྟར་ནན་གྱིས་མནན་ན། ཅི་ནས་ཀྱང་གདོན་མི་ཟ་བར་ཁས་ལེན་པར་ཤེས་ཏེ། ནན་གྱིས་མནན་ནས་དེས་ཀྱང་ཁས་བླངས་སོ། །དེ་ནས་རྒྱལ་པོས་དེ་བློན་པོར་བཅུག་ནས་ཁྱིམ་བདག་གདངས་ཅན་གྱིས་ཆོས་དང་རིགས་པས། རྒྱལ་པོའི་བྱ་བ་དང ། རྒྱལ་པོའི་བྱེད་པ་དག་བྱ་བར་བརྩམས་ནས་དེས་བློན་པོ་ཐམས་ཅད་ཟིལ་གྱིས་མནན་པ་དང ། དེ་དག་ཕྲག་དོག་སྐྱེས་ཏེ་ཉིད་མི་བདེ་བར་གྱུར་ནས་འདུས་ཏེ་སྨྲས་པ། ཤེས་ལྡན་དག་།བདག་ཅག་འདི་ལྟར་ཁྱིམ་བདག་གདངས་ཅན་གྱིས་ཟིལ་གྱིས་མནན་པར་གྱུར་ན། འདི་ལ་ཇི་ལྟར་བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། འདི་ལ་ཅིའི་ཕྱིར་སྒྲུབ་ཏུ་མེད། འདི་ཇི་སྲིད་དུ་གཏན་དུ་གཏིང་ཚུགས་པར་མ་གྱུར་པ་དེ་སྲིད་དུ་འདི་ལ་རྒྱལ་པོས་ཆང་པས་གཅོད་དུ་གཞུག་པར་བྱའོ། །ཁ་ཅིག་གིས་སྨྲས་པ། མ་ཉེས་ཀྱི། དེ་ལྟར་བྱའོ། །ཞེས་དེ་དག་ཐམས་ཅད་འདུས་ཏེ་རྒྱལ་པོས་གན་དུ་དོང་ནས་
Nya191a
༄#། །སྨྲས་པ། ལྷ། རྒྱལ་པོ་སུ་ལགས། །དེས་སྨྲས་པ། ཁྱེད་ཅག་གི་ལས་ཐེ་ཚོམ་ཟ། རྒྱལ་པོར་ང་ཡིན་མོད། གཞན་སུ་ཞིག་ཡིན། དེ་དག་གིས་སྨྲས་པ། ལྷ། གདངས་ཅན་རྒྱལ་པོ་ལགས་ཀྱི། ཁྱོད་ནི། མ་ལགས་ཏེ། གལ་ཏེ་དེ་འཚལ་པར་གྱུར་ན། ལྷ་བཀྲོངས་ཏེ་རང་ཉིད་ཅོད་པན་བཅིངས་ནས་རྒྱལ་སྲིད་ཀྱི་དབང་ཕྱུག་གི་བདག་པོ་བགྱིད་དུ་སྩོལ་བར་འགྱུར་རོ། །རྒྱལ་པོས་སྨྲས་པ། ཤེས་ལྡན་དག་།ཅིའི་ཕྱིར་དེ་དེ་ལྟར་འགྱུར་ཏེ། དེ་ནི། ཆོས་གཙོ་བོར་བྱེད་པ་ཡིན་པས། ཇི་ལྟར་དེ་ལྟར་བྱེད་པར་འགྱུར། དེ་དག་གིས་སྨྲས་པ། བདག་ཅག་གི་ལྷའི་མངོན་སུམ་དུ་འགྱུར་བར་བགྱིའོ། །ཇི་ཙམ་དུས་གཞན་ཞིག་ན་ཁྱིམ་བདག་གདངས་ཅན་རྒྱལ་པོས་ཉེ་བར་འཚོ་བའི་རྒོལ་བ་དང ། ཕྱིར་རྒོལ་བ་དག་གིས་ཡོངས་སུ་བསྐོར་ཅིང་རྒྱལ་པོའི་ཕོ་བྲང་དུ་ཞུགས་ནས་རྒྱལ་པོའི་ཕོ་བྲང་དུ་ཐམས་ཅད་སྐྱེ་བོའི་ཚོགས་ཀྱིས་གང་བར་དེས་རྒྱལ་པོ་བྱ་བ་དང ། རྒྱལ་པོའི་བྱེད་པ་དག་བྱས་ནས་རྒྱལ་པོའི་ཕོ་བྲང་ནས་ཕྱིར་བྱུང་བ་དང ། རྒྱལ་པོས་ཉེ་བར་འཚོ་བ་སྔོན་འཁོད་པ་དག་ཀྱང་དེ་དང་ལྷན་ཅིག་ཕྱིར་བྱུང་སྟེ། རྒྱལ་པོའི་ཚོགས་མེད་པར་འདུག་པ་དང ། བློན་པོ་དེ་དག་གིས་རྒྱལ་པོ་ལ་སྨྲས་པ། ལྷ་གཟིགས་སམ། བདག་ཅག་གིས་གསོལ་བ་གང་ལགས་པ་དེ་ནི། འདི་ལགས་ཏེ། གལ་ཏེ་འདི་འཚལ་བར་གྱུར་ན། ལྷ་བཀྲོངས་ཏེ་རང་ཉིད་ཅོད་པན་བཅིངས་ནས་རྒྱལ་སྲིད་ཀྱི་དབང་ཕྱུག་གི་བདག་པོ་བགྱིད་དུ་སྩལ་
Nya191b
བར་འགྱུར་རོ། །རྒྱལ་པོས་བསམ་པ། རེ་ཞིག་འདི་བརྟག་པར་བྱའོ། །སྙམ་ནས་དེས་དེ་རྒྱུ་བ་དང ། གནས་པ་ལས་བརྟག་པར་བརྩམས་པ་དང ། ཇི་ཙམ་ན་བྱང་ལམ་ནས་དེད་དཔོན་གྱིས་ཟོང་རྟ་དེད་དེ་ཀོའུ་ཤམྦྷིར་ཕྱིན་ནས་རྒྱལ་པོས་གདངས་ཅན་ལ་བསྒོ་བ། གསེར་འབུམ་གྱིས་རྟ་དག་ཉོས་ཤིག་།དེས་གསེར་འབུམ་གྱིས་རྟ་དག་ཉོས་པ་དང ། རྒྱལ་པོས་གདངས་ཅན་ལ་བསྒོ་བ། འབུམ་གྱི་ཕྱེད་བྱིན་ལ་འདི་སྐད་ཅེས། བདག་གིས་འབུམ་ཚང་བར་བྱིན་ཟིན་ཏོ། །ཞེས་བྱོས་ཤིག། དེས་སྨྲས་པ། ལྷ། དེ་མི་རིགས་ཏེ། གལ་ཏེ་དེ་ལྟར་བགྱིས་ན། སླན་ཆད་འདིར་ཆིབས་རྟ་འཚོང་པ་དང ། གཞན་འགའ་ཡང་མཆི་བར་མི་འགྱུར་གྱི། འདི་ལྟར་ལྷའི་དཀོར་ལས་འབུམ་ཕྱེད་སྩོལ་ཅིག་དང ། བདག་གིས་འབུམ་ཕྱེད་སྩལ་ཏོ། །རྒྱལ་པོས་སྨྲས་པ། ཁྱིམ་བདག། ངའི་ཚིག་དེ་བཞིན་སྨྲས་ན། འདི་ལ་ཅི་འགལ། དེས་སྨྲས་པ། ལྷ། བདག་གིས་ཚེ་གཅིག་གི་སྡུག་བསྔལ་གྱི་དོན་དུ་ཚེ་རབས་མང་པོའི་སྡུག་བསྔལ་སྐྱེད་པར་རྔོ་མི་ཐོགས་སོ། །རྒྱལ་པོས་དེ་ལ་ལན་གསུམ་གྱི་བར་དུ་སྨྲས་ན་ཡང་དེ་མ་བཏུབ་ནས། དེ་ནས་རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག། གང་གིས་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་བཀའ་ལན་གསུམ་གྱི་བར་དུ་བཅག་པ་དེའི་ཆད་པ་ཅི་ཡིན། བློན་པོ་རྣམས་ཀྱིས་སྨྲས་པ། ལྷ།་དེའི་ཆད་པ་ནི། དགུམ་པ་ལགས་སོ། །དེས་སྨྲས་པ། ཤེས་ལྡན་དག་།གལ་ཏེ་དེ་ལྟར་ན། ངས་ཁྱིམ་བདག་གདངས་ཅན་ཡོངས་སུ་བཏང་ངོ ། །བློན་པོ་རྣམས་ཀྱིས་མི་གཤེད་མ་དག་ལ་བསྒོ་བ།
Nya192a
༄#། །ཤེས་ལྡན་དག། ལྷས་བཀའ་སྩལ་པ། ཁྱིམ་བདག་གདངས་ཅན་སོད་ཅིག་ཅེས་བྱུང་ངོ ། །རྒྱལ་པོས་མི་གཤེད་མ་པ་དེ་དག་ལ་གསང་སྟེ་བསྒོ་བ། ཁྱོད་ཀྱིས་ཁྱིམ་བདག་གདངས་ཅན་གསད་པར་མི་བྱ་བར་འདི་ལྟར་བསྡིགས་པར་བྱའོ། །དེ་དག་གིས་དེའི་མགྲིན་པར་ཀཱ་ར་བཱི་རའི་ཕྲེང་བ་བཏགས་ཏེ་གྲོང་ཁྱེར་གྱི་དབུས་ནས་གསོད་སར་ཁྲིད་པ་དང ། དེའི་ཉེ་དུ་དག་དོང་སྟེ་སྨྲས་པ། ཁྱིམ་བདག། འདི་ལ་ལྷས་བཀའ་ཅི་སྩལ་བ་དེ་ལྟར་གྱིས་ལ་བདག་ཉིད་གསོད་དུ་མ་གཞུག་ཅིག། དེས་སྨྲས་པ། ཁོ་བོས་ལྷའི་བཀའ་ཆོས་དང་ལྡན་པ་བཅག་གམ། ཅི། གལ་ཏེ་ལྷས་ཁོ་བོ་ཉེས་པ་མེད་པ། གནོད་པ་མི་བྱེད་པ་གསོད་ན། གསོད་དུ་ཟད། ཁོ་བོས་ཚེ་གཅིག་གི་སྡུག་བསྔལ་གྱི་ཕྱིར་ཚེ་རབས་མང་པོའི་སྡུག་བསྔལ་སྐྱེད་པར་མི་ནུས་སོ། །མི་གཤེད་མ་པ་དེ་དག་གིས་དེ་གསོད་སར་ཁྲིད་དེ་སྨྲས་པ། ཁྱིམ་བདག། ལྷས་བཀའ་ཅི་སྩལ་བ་དེ་ལྟར་གྱིས་ལ་བདག་ཉིད་གསོད་དུ་མ་གཞུག་ཅིག། དེས་སྨྲས་པ། ཁོ་བོས་ལྷའི་བཀའ་ཆོས་དང་ལྡན་པ་བཅག་གམ། ཅི། གལ་ཏེ་ལྷས་ཁོ་བོ་ཉེས་པ་མེད་པ། གནོད་པ་མི་བྱེད་པ་གསོད་ན། གསོད་དུ་ཟད། ཁོ་བོས་ཚེ་གཅིག་གི་སྡུག་བསྔལ་གྱི་ཕྱིར་ཚེ་རབས་མང་པོའི་སྡུག་བསྔལ་སྐྱེད་པར་མི་ནུས་སོ། །མི་གཤེད་མ་པ་དེ་དག་གིས་དེ་རྒྱལ་པོའི་གན་དུ་ཁྲིད་དེ་སྨྲས་པ། ལྷ། ཁྱིམ་བདག་གདངས་ཅན་དེ་འདི་སྐད་ཅེས་མཆིའོ། །རྒྱལ་པོས་སྨྲས་པ། ཁྱིམ་བདག། ང་ཁྱོད་
Nya192b
གསོད་པར་འདོད་པ་མ་ཡིན་ཏེ། འདི་ལྟར་བརྟག་པར་འདོད་དོ། །དེས་སྨྲས་པ། ལྷས་བདག་བརྟག་པའི་དགོངས་པས་གནས་སྐབས་འདི་ལྟ་བུ་སྩལ་ན། གལ་ཏེ་བཀྱོན་ན། ཇི་ལྟར་བགྱིས་པར་འགྱུར། འདི་ལྟར། གལ་ཏེ་ལྷ་བདག་ལ་དགྱེས་ན། བདག་སྦྱིན་པ་དག་སྩོལ་ཅིང ། བསོད་ནམས་དག་བགྱིད་པར་ཅི་གནང ། རྒྱལ་པོས་སྨྲས་པ། ཁྱིམ་བདག། གལ་ཏེ་དེ་ལྟར་ན། གནང་གི། ཅི་དགར་སྦྱིན་པ་དག་བྱིན་ཅིག། བསོད་ནམས་དག་གྱིས་ཤིག། དེ་ནས་ཁྱིམ་བདག་གདངས་ཅན་གྱིས། སྦྱིན་པའི་ཁང་པ་རྩིག་ཏུ་བཅུག་སྟེ་སྦྱིན་པའི་ཞལ་ཏ་པའི་མི་དག་བསྐོས་ནས་སྨྲས་པ། ཤེས་ལྡན་དག། གལ་ཏེ་འདིར་སྔོན་མ་བྱུང་བའི་རྟགས་དང ། ཆ་ལུགས་ཅན་གྱི་དགེ་སྦྱོང་ངམ། བྲམ་ཟེའམ། གཞན་དག་འོངས་པར་གྱུར་ན། ཁོ་བོ་ལ་སྤྲོན་ཅིག། ཇི་ཙམ་ན་ལྷོ་ལམ་ནས་དྲང་སྲོང་ལྔ་བརྒྱ་ཙམ་ཡུལ་དབུས་སུ་འཕགས་པ་དེ་དག་མཐར་གྱིས་ལམ་དུ་འདོང་བ་ན། དགོན་པའི་ལམ་དུ་ཕྱིན་ནས་དེ་དག་དགོན་པའི་ནང་དུ་སོན་པ་ན། ཆུ་ཟད་ནས་དེ་དག་ཆུ་དང་བྲལ་བའི་སྐོམ་གྱིས་གདུངས་ནས། དགོན་པའི་ལམ་དེར་ཕན་ཚུན་བྱུལ་བར་བརྩམས་པ་དང ། དེ་ཕན་ཚུན་ཉུལ་བ་དེ་དག་གིས་ཧ་ཅང་ཐག་མི་རིང་བ་ན་གསིང་མ་སྔོན་མོའི་ཕྱོགས་ན། ཤིང་ལྗོན་པ་ཞིག་མཐོང་ནས། དེ་ན་ཁ་ཅིག་གིས་སྨྲས་པ། ཤེས་ལྡན་དག་གསིང་མ་སྔོན་པོའི་ཕྱོགས་འདི་ན་ཤིང་ལྗོན་པ་ཞིག་སྣང་གི། ཚུར་ཤོག་དང ། འདི་ན་ཆུ་ཡོད་པར་འགྱུར་གྱི། བལྟར་འདོང་ངོ ། །གཞན་དག་གིས་སྨྲས་པ།
Nya193a
༄#། །ལེགས་ཀྱི། དེ་བཞིན་བྱའོ། །ཞེས་དེ་དག་དེར་དོང་བ་དང ། ཇི་ཙམ་ན་ཆུ་མེད་པར་མཐོང་ནས་དེ་དག་གིས་གསོལ་པ་གདབ་པར་བརྩམས་ཏེ། ཤེས་ལྡན་དག་།ས་ཕྱོགས་དང།་ཤིང་ལྗོན་པ་འདི་ལ་ལྷའམ། ཀླུའམ། གནོད་སྦྱིན་ནམ། ནམ་མཁའ་ལྡིང་ངམ། དྲི་ཟའམ། མི་འམ་ཅིའམ། ལྟོ་འཕྱེ་ཆེན་པོ་གང་གནས་པ་དེས། བདག་ཅག་དྲང་སྲོང་ལྔ་བརྒྱ་སྐོམ་གྱིས་གདུངས་པ་རྣམས་ལ་ཆུ་བྱིན་ཅིག། ཅེས་སྨྲས་སོ། །ཇི་ཙམ་ན་ཤིང་ལྗོན་པ་དེ་ལས་ལག་པ་རྒྱན་ཐམས་ཅད་ཀྱིས་བརྒྱན་པ་ཞིག་གསེར་གྱི་རིལ་བ་བྷིང་གར་ཐོགས་ཏེ་བྱུང་ནས་དྲང་སྲོང་རྣམས་ཀྱིས་སྙིམ་པ་བཟེད་དེ་ཆུ་བཏུང་བར་བརྩམས་ནས་ཇི་ཙམ་ན་མྱངས་ན། ཆུ་ཡན་ལག་བརྒྱད་དང་ལྡན་པ་ཡིན་ཏེ། བསིལ་པ་དང ། མངར་བ་དང ། ཡང་བ་དང ། འཇམ་པ་དང ། གསལ་བ་དང ། དྲི་ང་བ་མེད་པ་དང ། འཐུངས་པ་ན་མགུལ་ལ་མི་གནོད་པ་དང ། འཐུངས་པ་ན་ལྟོ་མི་ན་བ་ཡིན་ཏེ། དེ་དག་ཚིམ་པར་གྱུར་ནས་རིལ་བ་བཀང་སྟེ་ཤིས་པ་བརྗོད་ནས་འཕགས་ཏེ་དོང་བ་དང ། དེ་དག་ལ་བློ་སྐྱེས་པ། ཤེས་ལྡན་དག། བདག་ཅག་གིས་དེ་ལྟ་བུའི་ཡ་མཚན་མཐོང་ནས་དེ་ལ་ཁྱོད་སུ་ཡིན། ལས་གང་གིས་འདིར་སྐྱེས་ཞེས་མ་དྲིས་པ་ནི། བདག་ཅག་ཉམས་པ་ཡིན་གྱི། ཚུར་ཤོག ། ཕྱིར་ལོག་ལ་དྲིའོ། །སྙམ་ནས། དེ་དག་ཐམས་ཅད་འདུས་ཏེ་ཕྱིར་ལོག་ནས་ཤིང་ལྗོན་པ་དེའི་དྲུང་དུ་འཁོད་དེ་སྨྲས་པ། ཤིང་ལྗོན་པ་འདི་ལ་ལྷའམ། ཀླུའམ། གནོད་སྦྱིན་ནམ། ནམ་མཁའ་
Nya193b
ལྡིང་ངམ། དྲི་ཟའམ། མིའམ་མ་ཅིའམ། ལྟོ་འཕྱེ་ཆེན་པོ་གང་གནས་པ་གང་གིས། བདག་ཅག་དགོན་པའི་ལམ་དུ་སོང་བ། གནོད་པ་དང ། ཉམ་ང་བ་དང ། མི་བདེ་བར་གྱུར་ཅིང ། འཆི་བའི་དབང་དུ་གྱུར་པ་རྣམས་ལ་ཆུ་ཡན་ལག་བརྒྱད་དང་ལྡན་པས་ཚིམ་པར་བྱས་པ་དེས། བདག་གང་ཡིན་པ་དང ། ལས་གང་གིས་འདིར་སྐྱེས་པ་སྨྲོས་ཤིག། ཇི་ཙམ་ན་ཤིང་ལྗོན་པ་དེ་ལས་ཚིག་བྱུང་བ། ཤེས་ལྡན་དག། ཛམྦུའི་གླིང་པའི་མི་རྣམས་ནི། ཡིད་ཆེས་པར་དཀའ་བ་ཡིན་པས། ཁོ་བོ་སུ་ཡིན་པ་དང ། ལས་གང་གིས་འདིར་སྐྱེས་པ་ཡིད་ཆེས་པར་མི་འགྱུར་བས། ཇི་ལྟར་སྨྲ་བར་བྱ། དྲང་སྲོང་རྣམས་ཀྱིས་སྨྲས་པ། ཀྱེ། བདག་ཅག་གིས་མངོན་སུམ་ཁོ་ནར་མཐོང་ན། ཇི་ལྟར་ཡིད་ཆེས་པར་མི་འགྱུར། ཐེ་ཚོམ་མ་ཟ་བར་སྨྲོས་ཤིག། དེས་སྨྲས་པ། ཤེས་ལྡན་དག། གལ་ཏེ་དེ་ལྟར་ན། ཉོན་ཅིག་དང ། ཁོ་བོ་གང་ཡིན་པ་དང ། ལས་གང་གིས་འདིར་སྐྱེས་པ་སྨྲ་བར་བྱའོ། །ཡུལ་ཀོ་ས་ལ་དག་ན་གྲོང་ཁྱེར་མཉན་ཡོད་ཅེས་བྱ་བ་དེ་ན། ཁྱིམ་བདག་མགོན་མེད་ཟས་སྦྱིན་ཞེས་བྱ་བ་འདུག་པ་དེའི་ཁྱིམ་དྲུང་ན། ཁོ་བོ་བཟང་མཁན་བྱེད་ཅིང་འདུག་འདུག་སྟེ། དེ་མགོན་མེད་པ་རྣམས་ལ་ཟས་སྦྱིན་པར་བྱེད་པས། ཡུལ་ཐ་དད་པ་ན་གནས་པའི་སློང་མོ་པ་དག་ལྷགས་ཤིང་ལྷགས་ཤིང་ཁོ་བོ་ལ་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་གང་ཡིན་པ་ཞེས་འདྲི་ནས་ཁོ་བོས་ལག་པ་གཡས་པ་བརྐྱང་སྟེ་དེ་དག་ལ་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་འདི་ཡིན་ནོ། །ཞེས་སྨྲས་པ་དང ། དེ་དག་གིས་དེ་ནས་ལག་པ་གང་བ་དང ། སྣོད་
Nya194a
༄#། །གང་བ་དང ། འབྱོར་པ་ཐོབ་པ་དང ། རྙེད་པ་ཐོབ་ཅིང་འདོང་བ་དེ་དག་ཁོ་བོས་མཐོང་ནས་མཆོག་ཏུ་དགའ་བ་སྐྱེད་པར་བྱེད་དེ། ཁོ་བོ་ལས་དེས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་ཤིང ། ཤིང་ལྗོན་པ་འདི་ལ་གནས་ཏེ། དེ་ཕྱིར་ཁོ་བོའི་ལག་པ་གཡས་པ་ཤིན་ཏུ་ལྷམ་མེ། ལྷན་ནེ། ལྷང་ངེར་གྱུར་ཏོ། །དེ་དག་གིས་ཤིས་པ་བརྗོད་པས་བསྟོད་དེ་དོང་ངོ། །ཇི་ཙམ་ན་ཕྱོགས་གཞན་ཞིག་ཏུ་ཕྱིན་ནས་བཟའ་བ་དང་བཏུང་བ་ཟད་དེ། དེ་དག་བཀྲེས་པས་གདུངས་ཤིང ། སྐོམ་པས་གདུངས་ནས་ཀུན་ཏུ་བརྟག་པར་བརྩམས་པ་དང ། ཇི་ཙམ་ན་ཧ་ཅང་ཐག་མི་རིང་བ་ཞིག་ན། ཤིང་ལྗོན་པ་ཆེན་པོ་ལོ་མ་སྔོ་ཞིང་སྣུན་པ་ཞིག་སྣང་ནས་དེ་དག་གིས་སྨྲས་པ། ཤེས་ལྡན་དག། ཤིང་ལྗོན་པ་ཆེན་པོ་ལོ་མ་སྔོ་ཞིང་སྣུམ་པ་འདི་ལྟ་བུ་སྣང་སྟེ། སྔར་ཡང་བདག་ཅག་གིས་ཤིང་ལྗོན་པ་འདི་ལྟ་བུ་ཁོ་ན་ལས་ཆུ་གྲུབ་ཀྱི། འདིར་འདོང་དང ། གལ་ཏེ་ན་ཅུང་ཟད་འགྲུབ་པར་འགྱུར་རོ། །ཞེས་དེ་དག་དེར་དོང་སྟེ་གསོལ་བ་གདབ་བར་བརྩམས་པ། ཤེས་ལྡན་དག་།ས་ཕྱོགས་དང ། ཤིང་ལྗོན་པ་འདི་ལ་ལྷའམ། ཀླུའམ། གནོད་སྦྱིན་ནམ། ནམ་མཁའ་ལྡིང་ངམ། དྲི་ཟའམ། མིའམ་ཅིའམ། ལྟོ་འཕྱེ་ཆེན་པོ་གང་གནས་པ་དེས། བདག་ཅག་དྲང་སྲོང་ལྔ་བརྒྱ་བཀྲེས་པས་གདུངས་པ་དང ། སྐོམ་པས་གདུངས་པ་རྣམས་ལ་ཟས་དང་སྐོམ་བྱིན་ཅིག། ཅེས་སྨྲས་སོ། །ཇི་ཙམ་ན་ཤིང་ལྗོན་པ་དེ་ལས་ཚིག་བྱུང་བ། ཤེས་ལྡན་དག། དེངས་
Nya194b
ཤིག་དང་འདི་ནས་ཧ་ཅང་མི་རིང་བ་ན་རྫིང་བུ་ཞིག་ཡོད་པ་དེའི་འགྲམ་ན། ཤིང་ལྗོན་པ་ཞིག་ཡོད་པ་དེའི་དྲུང་ན་འབྲས་ཆན་བྲེ་པོ་གང་ཞིག་འདུག་པ་དེ་ལས་ཟོས་ཤིང་འཐུངས་ནས་བཟའ་བ་དང ། བཏུང་བ་ཅི་འདོད་པ་ཁྱེར་ཅིག། དེ་དག་དོང་བ་དང ། ཇི་ཙམ་ན་རྫིང་བུ་བྱ་ངང་པ་དང ། ཀཱ་རཎྜ་པ་དང ། ངུར་པས་མཛེས་པར་བྱས་པ་ཞིག་འདུག་པ་དེའི་འགྲམ་ན། ཤིང་ལྗོན་པ་ཞིག་འདུག་པ་དེའི་དྲུང་ན་འབྲས་ཆན་ཚོད་མ་སྣ་ཚོགས་དང་བཅས་པས་གང་བ་ཞིག་འདུག་པ་མཐོང་ནས། དེ་དག་གིས་དེར་ཁྲུས་བྱས་ཏེ་ཟོས་ཤིང་ཆུ་འཐུང་ནས་རིལ་བ་ཆུས་བཀང་སྟེ་བཟའ་བ་དང ། བཏུང་བ་ཅི་འདོད་པ་ཁྱེར་ནས་ཤིས་པ་བརྗོད་དེ་དོང་བ་དང ། དེ་དག་ལ་བློ་སྐྱེས་པ། ཤེས་ལྡན་དག། བདག་ཅག་གིས་དེ་ལྟ་བུའི་ཡ་མཚན་མཐོང་ནས་དེ་ལ་ཁྱོད་སུ་ཡིན། ལས་གང་གིས་འདིར་སྐྱེས་ཞེས་མ་དྲིས་པ་ནི། བདག་ཅག་ཉམས་པ་ཡིན་གྱི། ཚུར་ཤོག། ཕྱིར་ལོག་ལ་དྲིའོ། །སྙམ་ནས། དེ་དག་ཐམས་ཅད་འདུས་ཏེ་ཕྱིར་ལོག་ནས་ཤིང་ལྗོན་པ་དེའི་དྲུང་དུ་འཁོད་དེ་སྨྲས་པ། ཤིང་ལྗོན་པ་འདི་ལ་ལྷའམ། ཀླུའམ། གནོད་སྦྱིན་ནམ། ནམ་མཁའ་ལྡིང་ངམ། དྲི་ཟའམ། མིའམ་ཅིའམ། ལྟོ་འཕྱེ་ཆེན་པོ་གང་གནས་པ་གང་གིས། བདག་ཅག་དགོན་པའི་ལམ་དུ་སོང་བ། གནོད་པ་དང ། ཉམ་ང་དང ། མི་བདེ་བར་གྱུར་ཅིང ། འཆི་བའི་དབང་དུ་གྱུར་པ་རྣམས་ལ་ཆུ་ཡན་ལག་བརྒྱད་དང་ལྡན་པ་དང ། ཟས་ཀྱིས་ཚིམ་པར་བྱས་པ་དེས། བདག་གང་ཡིན་པ་དང ། ལས་གང་གིས་འདིར་སྐྱེས་
Nya195a
༄#། །པ་སྨྲོས་ཤིག། ཇི་ཙམ་ན་ཤིང་ལྗོན་པ་དེ་ལས་ཚིག་བྱུང་བ། ཤེས་ལྡན་དག། ཛམྦུའི་གླིང་པའི་མི་རྣམས་ནི། ཡིད་ཆེས་པར་དཀའ་བ་ཡིན་པས། ཁོ་བོ་སུ་ཡིན་པ་དང ། ལས་གང་གིས་འདིར་སྐྱེས་པ་ཡིད་ཆེས་པར་མི་འགྱུར་བས། ཇི་ལྟར་སྨྲ་བར་བྱ། དྲང་སྲོང་རྣམས་ཀྱིས་སྨྲས་པ། ཀྱེ། བདག་ཅག་གིས་མངོན་སུམ་ཁོ་ནར་མཐོང་ན། ཇི་ལྟར་ཡིད་ཆེས་པར་མི་འགྱུར། ཐེ་ཙོམ་མ་ཟ་བར་སྨྲོས་ཤིག། དེས་སྨྲས་པ། ཤེས་ལྡན་དག། གལ་ཏེ་དེ་ལྟར་ན། ཉོན་ཅིག་དང ། ཁོ་བོ་གང་ཡིན་པ་དང ། ལས་གང་གིས་འདིར་སྐྱེས་པ་སྨྲ་བར་བྱའོ། །ཡུལ་ཀོ་ས་ལ་དག་ན་གྲོང་ཁྱེར་མཉན་ཡོད་ཅེས་བྱ་བ་དེ་ན། ཁྱིམ་བདག་མགོན་མེད་ཟས་སྦྱིན་ཞེས་བྱ་བ་ཞིག་འདུག་པ་དེ་མགོན་མེད་པ་རྣམས་ལ་ཟས་སྦྱིན་པར་བྱེད་ནས་རི་བྲག་ཅིག་ན་བྲམ་ཟེ་ཞིག་འདུག་པ་ལོངས་སྤྱོད་བསྲབས་ནས་དེས་བསམ་པ། མཉན་ཡོད་ན་ཁྱིམ་བདག་མགོན་མེད་ཟས་སྦྱིན་འདུག་པ་དེ་མགོན་མེད་པ་རྣམས་ལ་ཟས་སྦྱིན་པར་བྱེད་ཀྱི། དེའི་གན་དུ་སོང་ན། དེ་ལས་ཅུང་ཟད་འགྲུབ་པར་འགྱུར་རོ། ། སྙམ་ནས་དེ་དེའི་གན་དུ་སོང་བ་དང ། ཁྱིམ་བདག་མགོན་མེད་ཟས་སྦྱིན་ཡང ། སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་གསོལ་བར་འདོང་ནས། རྒྱལ་བྱེད་ཀྱི་ཚལ་དུ་འཕགས་པ་ན།་དེས་དེ་མཐོང་ནས་སྨྲས་པ། ཁྱིམ་བདག། བདག་ལ་ཟས་ཀྱི་མགྲོན་གྱིས་ཤིག། དེས་དེ་ལ་སྨྲས་པ། བྲམ་ཟེ། ཚུར་ཤོག། རྒྱལ་བྱེད་ཀྱི་ཚལ་དུ་འདོང་ལ་དེར་ཟོ་ཞིག། ད་དེ་དང་ལྷན་
Nya195b
ཅིག་འཕགས་པ་དང ། ཇི་ཙམ་ན་ཁྱིམ་བདག་མགོན་མེད་ཟས་སྦྱིན་གྱིས་ལམ་གར་ཞོའི་བུམ་པ་ཞིག་རྙེད་ནས་དེས་དེ་བྲམ་ཟེ་དེ་ལ་བྱིན་ནས་སྨྲས་པ། བྲམ་ཟེ། ཞོའི་བུམ་པ་འདི་དགེ་འདུན་ལ་བྲིམས་ཤིག། ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཞལ་ཟས་བསོད་པས་ཚིམ་པར་བྱས་པ་དང ། བྲམ་ཟེ་དེས་ཀྱང་ཞོའི་བུམ་པ་དེ་དགེ་འདུན་ལ་བྲིམས་སོ། །ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ནས་ཁྱིམ་པ་དག་ལ་ཟན་སྦྱིན་པར་བརྩམས་ཏེ། དེས་ཁྱིམ་པ་གཞན་དག་ལ་ནི། ཟས་བསོད་པ་བྱིན། བྲམ་ཟེ་དེ་ལ་ནི། ངན་པ་བྱིན་པ་དང ། དེས་དེ་ལ་སྨྲས་པ། ཁྱིམ་བདག། རབ་ཏུ་བྱུང་བ་རྣམས་ནི། བསླབ་པ་ཡང་དག་པར་བླངས་པ་ཡིན་པས། རེ་ཞིག་འདི་དག་ལ་ནི། བསོད་པ་སྦྱིན་པར་རིག་ན། བདག་ཅག་ཁྱིམ་པ་བསླབ་པ་ཡང་དག་པར་མ་བླངས་པར་འདྲ་ན། ཅིའི་ཕྱིར་ཁྱིམ་པ་གཞན་དག་ལ་ནི། ཟས་བསོད་པ་བྱིན་ལ། བདག་ལ་ནི། ཟས་ངན་པ་སྦྱིན། དེས་དེ་ལ་སྨྲས་པ། བྲམ་ཟེ། ཁྱིམ་པ་འདི་དག་ཀྱང་བསླབ་པ་ཡང་དག་པར་བླངས་པ་ཡིན་ཏེ། འདི་དག་གིས་ཀྱང་ཡན་ལག་བརྒྱད་དང་ལྡན་པའི་གསོ་སྦྱོང་བླངས་སོ། །དེས་དེ་ལ་སྨྲས་པ། ཁྱིམ་བདག། གལ་ཏེ་བདག་གིས་ཀྱང་ཡན་ལག་བརྒྱད་དང་ལྡན་པའི་གསོ་སྦྱོང་ལེན་ན། བདག་ལ་ཡང་ཟས་བསོད་པ་སྦྱིན་ནམ། དེས་དེ་ལ་སྨྲས་པ། སྦྱིན་ནོ། །དེས་ཡན་ལག་བརྒྱད་དང་ལྡན་པའི་གསོ་སྦྱོང་བླངས་པ་དང ། དེ་ནས་ཁྱིམ་བདག་
Nya196a
༄#། །མགོན་མེད་ཟས་སྦྱིན་གྱིས་དེ་ཟས་བསོད་པས་ཚིམ་པར་བྱས་ནས། དེས་ཟོས་ཏེ་འཕགས་པ་དང ། ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། བྲམ་ཟེ། ཡུད་ཙམ་ཞིག་སྡོད་ཅིག་དང ། སྐོམ་འོངས་པར་འགྱུར་རོ། །དེས་སྐོམ་འཐུངས་ཏེ་སོང་བ་དང ། ཉི་མ་ནུབ་པའི་དུས་ལ་བབ་ནས་མཉན་ཡོད་དང་ཧ་ཅང་མི་རིང་བ་ན་རི་བྲག་ཅིག་ཡོད་པ་དེར་བྲམ་ཟེའི་ཁྱིམ་ཞིག་ཏུ་གནས་པ་དང ། བྲམ་ཟེ་དེས་དེ་ལ་སྨྲས་པ། བྲམ་ཟེ། ཟན་ཟོ་ཞིག་།དེས་སྨྲས་པ། ཁོ་བོས་ཟན་མི་ཟའོ། །དེས་སྨྲས་པ། ཅིའི་ཕྱིར། དེས་སྨྲས་པ། ཁོ་བོས་དགེ་སྦྱོང་གོའུ་ཏ་མ་ལ་ཡན་ལག་བརྒྱད་དང་ལྡན་པའི་གསོ་སྦྱོང་བླངས་སོ། །དེས་དེ་ལ་སྨྲས་པ། བྲམ་ཟེ། གལ་ཏེ་རེ་ཞིག་ཟ་ན། དེ་ལྟ་ན་ལེགས། གལ་ཏེ་མི་ཟ་ན། ཁོ་བོའི་ཁྱིམ་དུ་གནས་པར་མི་བྱའོ། །དེས་དུས་མ་ཡིན་པར་ཟོས་ནས་གསོ་སྦྱོང་རལ་ལོ། །རི་བྲག་ན་གནས་པའི་བྲམ་ཟེ་གང་ཡིན་པ་གང་གིས་ཡན་ལག་བརྒྱད་དང་ལྡན་པའི་གསོ་སྦྱོང་བླངས་ནས་དྲལ་བ་དེ་ནི། ཁོ་བོ་ཡིན་ཏེ། ཁོ་བོས་ཡན་ལག་བརྒྱད་དང་ལྡན་པའི་གསོ་སྦྱོང་བླངས་ཏེ་ཐམས་ཅད་མ་དྲལ་ན། ཁོ་བོ་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སྐྱེ་བར་འགྱུར་བ་ཞིག་ན། ཁོ་བོས་ཡན་ལག་བརྒྱད་དང་ལྡན་པའི་གསོ་སྦྱོང་བླངས་ནས་དུས་མ་ཡིན་པར་ཟོས་ཏེ་གསོ་སྦྱོང་དྲལ་བས། ཁོ་བོ་རྒྱལ་ཆེན་བཞིའི་ལྷ་རྣམས་ཀྱི་ནང་དུ་སྐྱེས་ཏེ། ཤིང་ལྗོན་པ་འདི་ལ་གནས་ཤིང ། དེའི་ཕྱིར་ཁོ་བོ་ལ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས། ལྷའི་
Nya196b
བུ་རྫུ་འཕྲུལ་ཆེ་བ། མཐུ་ཆེ་བ། གསོ་སྦྱོང་རལ་ཞེས་བྱ་བར་ཤེས་སོ།། །།འདུལ་བ་རྣམ་པར་འབྱེད་པ། བམ་པོ་དོན་གསུམ་པ། དྲང་སྲོང་དེ་དག་མཆོག་ཏུ་ངོ་མཚར་སྐྱེས་ཏེ་སྨྲས་པ། ཤེས་ལྡན་དག་།བདག་ཅག་དྲང་སྲོང་རྣམས་ཀྱིས་དུས་འདི་སྲིད་དུ་བརྟུལ་ཞུགས་ལ་གནས་པས་ཀྱང ། འདིའི་འབྲས་བུ་ཅིར་འགྱུར་མི་ཤེས་ན། ལྷའི་བུ་གསོ་སྦྱོང་རལ་བ་འདིས། བྲམ་ཟེར་གྱུར་པ་ན་ཡན་ལག་བརྒྱད་དང་ལྡན་པའི་གསོ་སྦྱོང་བླངས་ཤིང ། དེ་བྲལ་ན་ཡང་འདི་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་ཀྱི། བདག་ཅག་ཀྱང་གང་དུ་འདིས་ཡན་ལག་བརྒྱད་དང་ལྡན་པའི་གསོ་སྦྱོང་བླངས་པ་དེར་འདོང་ངོ ། །དེ་ལྟར་བྱའོ། །ཞེས་དེ་དག་གིས་གྲོས་བྱས་ཏེ་མཉན་ཡོད་དུ་འཕགས་ནས་ཇི་ཙམ་ན་མཐར་གྱིས་ཀོའུ་ཤམྦྷིར་ཕྱིན་པ་དང ། ཁྱིམ་བདག་གདངས་ཅན་གྱི་སྦྱིན་པའི་ཞལ་ཏ་བྱེད་པའི་མི་རྣམས་ཀྱིས་དེ་དག་མཐོང་ནས་དེ་དག་གིས་ཁྱིམ་བདག་གདངས་ཅན་ལ་སྦྲན་པ། ཁྱིམ་བདག། ཁྱོད་ཀྱིས་བདག་ཅག་ལ་བསྒོ་བ། སྔོན་མ་བྱུང་བའི་རྟགས་དང ། ཆ་ལུགས་ཅན་དག་མཐོང་ན། ཁོ་བོ་ལ་སྦྲོན་ཅིག་།ཅེས་བྱུང་བ་དེ་དག་ལྷགས་ཏེ་སྒོ་ན་སྡོད་དོ། །དེས་སྨྲས་པ། འཇུག་ཏུ་ཆུག་ཅིག་།དེ་དག་གིས་འཇུག་ཏུ་བཅུག་པ་དང ། ཁྱིམ་བདག་གདངས་ཅན་གྱིས་དེ་དག་མཐོང་ནས་དྲིས་པ། ཤེས་ལྡན་དག་།ཁྱེད་ཅག་གང་ནས་འོངས། དེ་དག་གིས་སྨྲས་པ། ཁྱིམ་བདག་།ལྷོ་ལམ་ནས་སོ། །དེས་སྨྲས་པ། ཤེས་ལྡན་དག་།ཁྱོད་ཀྱིས་ལྷོ་ལམ་དུ་ངོ་མཚར་མཐོང་བ་དང ། ཐོས་པ་ཅི་ཡོད། དེ་
Nya197a
༄#། །དག་གིས་སྨྲས་པ། ཁྱིམ་བདག་།རེ་ཞིག་བདག་ཅག་གིས་སྔར་མཐོང་བ་དང ། ཐོས་པའི་ངོ་མཚར་གཞན་དག་ལྟ་ཞོག་གི་།ཏེ་བོར་མཐོང་བ་དང ། ཐོས་པའི་ངོ་མཚར་གང་ཡིན་པ་དག་སྨྲ་བར་བྱའི། ཉོན་ཅིག་།དེས་སྨྲས་པ། ཤེས་ལྡན་དག་།སྨྲོས་ཤིག་དང་ཁོ་བོ་ངོ་མཚར་དེ་དག་ཉན་ཏོ། །དེ་དག་གིས་ཁྱིམ་བདག་གདངས་ཅན་ལ་ཇི་ལྟར་གྱུར་པ་རྒྱས་པར་བརྗོད་པ་དང ། ཁྱིམ་བདག་གདངས་ཅན་གྱིས་ཐོས་ནས་མཆོག་ཏུ་ངོ་མཚར་སྐྱེས་ཏེ། དེ་དག་ལ་ཟན་བྱིན་ནས་སྨྲས་པ། ཤེས་ལྡན་དག་།གང་དུ་འདོང ། དེ་དག་གིས་སྨྲས་པ། ཁྱིམ་བདག་མཉན་ཡོད་དུ་འདོང་ངོ ། །ཤེས་ལྡན་དག་།དེ་ན་ཅི་ཡོད། ཁྱིམ་བདག་།ལྷའི་བུ་གསོ་སྦྱོང་རལ་གྱིས་གང་ལ་བརྟེན་ཏེ་ཡན་ལག་བརྒྱད་དང་ལྡན་པའི་གསོ་སྦྱོང་བླངས་པའི་ཁྱིམ་བདག་མགོན་མེད་ཟས་སྦྱིན་ཡོད་དོ། །དེས་སྨྲས་པ། ཤེས་ལྡན་དག་།གལ་ཏེ་དེ་ལྟར་ན། དེ་ཁོ་བོའི་ཡང་མ་མཐོང་བའི་གྲོགས་ཡིན་གྱི། འདི་ཉིད་དུ་དབྱར་གྱི་མཚན་མོ་གྱིས་ལ་དབྱར་འདས་ནས་ཁོ་བོ་དང་ལྷན་ཅིག་འདོང་ངོ ། །དེ་དག་དེ་ཉིད་དུ་དབྱར་གྱི་མཚན་མོ་གནས་ཏེ་དབྱར་འདས་ནས་མཉན་ཡོད་དུ་འཕགས་པ་དང ། ཁྱིམ་བདག་གདངས་ཅན་གྱིས་བད་སའི་རྒྱལ་པོ་ཤར་པ་ལ་སྨྲས་པ། ལྷ། བདག་མཉན་ཡོད་དུ་བགྱི་བ་ཅུང་ཞིག་མཆིས་ན། གལ་ཏེ་ལྷས་གནང་ན། དེར་མཆིའོ། །རྒྱལ་པོས་སྨྲས་པ། ཁྱིམ་བདག་།གལ་ཏེ་དེ་ལྟར་ན། སོང་ལ་ཁྱོད་ཀྱིས་དོན་སྒྲུབ་པ་བྱས་ནས་མྱུར་དུ་ཕྱིར་ཤོག་ཅིག་།དེ་
Nya197b
རྒྱལ་པོས་གནང་ནས་དྲང་སྲོང་ལྔ་བརྒྱ་པོ་དེ་དག་དང་ལྷན་ཅིག་འཕགས་ཏེ་མཐར་གྱིས་མཉན་ཡོད་དུ་ཕྱིན་ནས་སྐྱེད་མོས་ཚལ་ན་སྡོད་ཅིང་འདུག་གོ་།ཁྱིམ་བདག་མགོན་མེད་ཟས་སྦྱིན་གྱིས་ཁྱིམ་བདག་གདངས་ཅན་འདིར་འོངས་ཏེ་སྐྱེད་མོས་ཚལ་ན་སྡོད་ཅིང་འདུག་གོ་།ཞེས་ཐོས་སོ། །ཐོས་ནས་ཀྱང་དེས་བསམ་པ། བདག་གིས་ཁྱིམ་བདག་གདངས་ཅན་མ་ཚོར་བ་ཁོ་ནར་གནས་སུ་འཇུག་ཏུ་གཞུག་པ་ནི། བདག་གི་ཚུལ་དང་མཐུན་པ་མ་ཡིན་གྱི། བཀུར་སྟི་ཆེན་པོས་འཇུག་ཏུ་གཞུག་གོ་།སྙམ་ནས། དེས་དེ་བཀུར་སྟི་ཆེན་པོས་འཇུག་ཏུ་བཅུག་སྟེ་ལམ་གྱིས་དུབ་པའི་ངལ་བསོས་ནས་ཟན་བྱིན་ནོ། །དེ་ནས་དྲང་སྲོང་དེ་དག་ལྷགས་ནས་ཁྱིམ་བདག་མགོན་མེད་ཟས་སྦྱིན་གྱིས་འོངས་པ་ལེགས་སོ། །ཞེས་བྱ་བའི་ཚིག་གིས་ཀུན་ཏུ་སྤྱད་དེ་སྨྲས་པ། ཤེས་ལྡན་དག་།ཁྱེད་ཅག་གི་ལས་འོངས། འདིར་ཅི་ལ་འོངས། དེ་དག་གིས་སྨྲས་པ་ཁྱིམ་བདག་།ཁྱོད་ཀྱིས་ལྷའི་བུ་གསོ་སྦྱོང་རལ་ལ་གང་བྱིན་པ་དེ་བདག་ཅག་ལ་ཡང་བྱིན་ཅིག་།དེས་སྨྲས་པ། ཤེས་ལྡན་དག་།མི་དྲན་ནོ། །ཁྱིམ་བདག་།བདག་ཅག་གིས་ཁྱོད་ལ་དྲན་པར་བྱའོ། །ཤེས་ལྡན་དག། ལེགས་སོ། །དེ་དག་གིས་དྲན་པར་བྱས་ནས་དེས་སྨྲས་པ། ཤེས་ལྡན་དག་།ཅི། ཁོ་བོ་ལས་ལེན་ཏམ། འོན་ཏེ་བཅོམ་ལྡན་འདས་ལས་ལེན། ཁྱིམ་བདག་།ཁྱོད་ཀྱིས་སུ་ལས་བླངས། ཤེས་ལྡན་དག་།བཅོམ་ལྡན་འདས་ལས་སོ། །ཁྱིམ་བདག་།གལ་ཏེ་དེ་ལྟར་ན། བདག་ཅག་ཀྱང་དེ་ཁོ་ན་ལས་ལེན་ཏོ། །ཤེས་ལྡན་དག་།ལེགས་ཀྱི། དེ་ལྟར་གྱིས་ཤིག་།ཅེས་དེས་དེ་དག་ཁྲིད་དེ་
Nya198a
༄#། །བཅོམ་ལྡན་འདས་ག་ལ་བ་དེར་སོང་ངོ ། །དེའི་ཚེ་ན་བཅོམ་ལྡན་འདས་དགེ་སློང་གི་འཁོར་བརྒྱ་ཕྲག་དུ་མའི་མདུན་ན་ཆོས་སྟོན་ཅིང་བཞུགས་སོ། །བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ཐག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱིམ་བདག་མགོན་མེད་ཟས་སྦྱིན་ཐག་རིང་པོ་ཁོ་ན་ནས་འོང་བ་མཐོང་ངམ། བཙུན་པ། མཐོང་ངོ ། །དགེ་སློང་དག་།ཁྱིམ་བདག་མགོན་མེད་ཟས་སྦྱིན་འདི་སྐྱེས་དང་བཅས་པས་འོངས་ཏེ། དེ་བཞིན་གཤེགས་པའི་སྐྱེས་ནི། འདི་ལྟར། གདུལ་བའི་སྐྱེས་ལྟ་བུ་གཞན་མེད་དོ། །དེ་ནས་ཁྱིམ་བདག་མགོན་མེད་ཟས་སྦྱིན་དྲང་སྲོང་ལྔ་བརྒྱའི་འཁོར་དང་བཅས་པ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་བདག་མགོན་མེད་ཟས་སྦྱིན་གྱིས་འདི་སྐད་ཅེས་གསོལ་ཏོ། །བཙུན་པ། དྲང་སྲོང་ལྔ་བརྒྱ་པོ་འདི་དག་བཅོམ་ལྡན་འདས་ལས་ཡན་ལག་བརྒྱད་དང་ལྡན་པའི་གསོ་སྦྱོང་ལེན་པར་འཚལ་ན། དེའི་སླད་དུ་བཅོམ་ལྡན་འདས་ཀྱིས་འདི་དག་ཅི་ནས་ཀྱང་སངས་རྒྱས་དང ། ཆོས་དང ། དགེ་འདུན་ལ་སྐྱབས་སུ་མཆི་བ་དང ། དགེ་བསྙེན་ཉིད་དུ་འཚལ་བར་འགྱུར་བ་དེ་ལྟར་ཆོས་བསྟན་དུ་གསོལ། །དེ་ནས་བཅོམ་ལྡན་འདས་ཀྱིས་དྲང་སྲོང་ལྔ་བརྒྱ་པོ་དེ་དག་གིས་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་
Nya198b
གང་ཐོས་ནས་དྲང་སྲོང་ལྔ་བརྒྱ་པོ་དེ་དག་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པར་མཛད་དོ། །དེ་དག་གིས་བདེན་པ་མཐོང་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་གསོལ་བ། བཙུན་པ། བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། རྫོགས་པར་བསྙེན་པ་དགེ་སློང་གི་དངོས་པོ་འཐོབ་ཅིང ། བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་དོ། །བཅོམ་ལྡན་འདས་ཀྱིས་དེ་དག་ལ་དགེ་སློང་ཚུར་ཤོག་ཅེས་པས་རབ་ཏུ་དབྱུང་གི་།དགེ་སློང་དག་།ཚུར་ཤོག་ཚངས་པར་སྤྱད་པ་སྤྱོད་ཅིག་།ཅེས་བཀའ་སྩལ་པ་དང ། དེ་དག་བཅོམ་ལྡན་འདས་ཀྱི་བཀའི་འཇུག་ཁོ་ནར་སྐྲ་བྱི་བ་དང ། སྣམ་སྦྱར་གྱོན་པར་གྱུར་ཏེ། སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང ། ལག་པ་ལྷུང་བཟེད་དང ། བྱ་བ་བུམ་གྱིས་འབྲེལ་བ་དང ། དགེ་སློང་རྫོགས་པར་བསྙེན་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །ཡང་སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །བཅོམ་ལྡན་འདས་ཀྱིས་དེ་དག་ལ་གདམས་ངག་བྱིན་ནས་དེ་དག་གིས་སྤྲོ་བ་དང ། འབད་པ་དང ། བརྩལ་བ་དག་གིས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་སུམ་དུ་བྱས་ཤིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་
Nya199a
༄#། །དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ་དང ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཁྱིམ་བདག་གདངས་ཅན་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ཁྱིམ་བདག་གདངས་ཅན་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་ཅིང ། སངས་རྒྱས་བཅོམ་ལྡན་འདས་རྣམས་ཀྱི་དུས་སྔར་མཛད་པའི་ཆོས་དང་ལྡན་པའི་བཀའ་མཆིད་གང་ཡིན་པ་འདི་ལྟ་སྟེ། སྦྱིན་པའི་བཀའ་མཆིད་དང ། ཚུལ་ཁྲིམས་ཀྱི་བཀའ་ཆིད་དང ། མཐོ་རིས་ཀྱི་བཀའ་མཆིད་དང ། འདོད་པ་རྣམས་ཀྱི་རོ་མྱང་བའི་ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་ཕན་ཡོན་དང ། རྣམ་པར་བྱང་བའི་
Nya199b
ཕྱོགས་དང་མཐུན་པའི་ཆོས་དག་རྒྱ་ཆེར་སྟོན་པར་མཛད་དོ། །གང་གི་ཚེ་བཅོམ་ལྡན་འདས་ཀྱིས་སེམས་རངས་པ་དང ། སེམས་ཉམས་བདེ་བ་དང ། སེམས་དགའ་བ་དང ། སེམས་ལ་སྒྲིབ་པ་མེད་པ་དང ། ཡང་དག་ཕུལ་གྱི་ཆོས་བསྟན་བ་ཀུན་ཤེས་པའི་སྐལ་པ་དང་ལྡན་ཞིང་མཐུ་ཡོད་པར་གཟིགས་པ་དེའི་ཚེ་ན། སངས་རྒྱས་བཅོམ་ལྡན་འདས་རྣམས་ཀྱིས་ཡང་དག་ཕུལ་གྱི་ཆོས་བསྟན་པ་གང་ཡིན་པ་འདི་ལྟ་སྟེ། འཕགས་པའི་བདེན་པ་བཞི་པོ། །སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་དག་རྒྱ་ཆེར་སྟོན་པར་མཛད་དོ། །འདི་ལྟ་སྟེ། དཔེར་ན། གོས་དག་པ། ནག་ནོག་མེད་པ། ཁ་བསྒྱུར་དུ་རུང་བ།་ཚོན་དུ་བཅུག་ན། ཚོན་ལེགས་པར་འཛིན་པར་འགྱུར་བ་དེ་བཞིན་དུ། ཁྱིམ་བདག་གདངས་ཅན་གྱིས་ཀྱང་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་མངོན་པར་རྟོགས་པར་གྱུར་རོ། །དེ་ནས་ཁྱིམ་བདག་གདངས་ཅན་ཆོས་མཐོང་བ་དང ། ཆོས་ཐོས་པ་དང ། ཆོས་རིག་པ་དང ། ཆོས་ཀྱི་གཏིང་སླེབ་པ་དང ། སོམ་ཉི་ལས་བརྒལ་བ་དང ། ཐེ་ཚོམ་ལས་བརྒལ་བ་དང ། སྟོན་པའི་བསྟན་པ་ལ་གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་ཞིང་ཆོས་རྣམས་ལ་མི་འཇིགས་པ་ཐོང་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ནི། མངོན་པར་ཞུགས་པ་ལགས་སོ། །
Nya200a
༄#། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་མངོན་པར་དད་པས་སྐྱབས་སུ་མཆིའོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་གདངས་ཅན་ལ་བཀའ་སྩལ་པ། ཁྱིམ་བདག་།ཁྱོད་ཀྱི་མིང་ཅི། བཙུན་པ། བདག་ནོར་བཟང་ཞེས་བགྱི་བ་ལས། རྒྱལ་པོ་ཤར་པས་བདག་གདངས་ལས་བཙལ་བ་ལས། དེའི་སླད་དུ་བདག་སྐྱེ་བོ་དག་གིས་ཁྱིམ་བདག་གདངས་ཅན་ཞེས་བགྱི་བར་འཚལ་ཏོ། །བཅོམ་ལྡན་འདས་ཀོའུ་ཤམྦྷིར་གཤེགས་པར་གསོལ། བདག་གིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ལ་ཇི་སྲིད་འཚོའི་བར་དུ་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་གིས་བསྙེན་བཀུར་འཚལ་ལོ། །ཁྱིམ་བདག་།ཀོའུ་ཤམྦྷི་ན། གཙུག་ལག་ཁང་ཡོད་དམ། བཙུན་པ། མ་མཆིས་སོ། །ཁྱིམ་བདག་།དགེ་སློང་དག་ནི། གང་ན་གཙུག་ལག་ཁང་ཡོད་པ་དེར་བགྲོད་པ་དང ། འགྲོ་བ་དང ། གནས་པར་སེམས་སོ། །བཅོམ་ལྡན་འདས་གཤེགས་སུ་གསོལ་དང ། བདག་གིས་ཇི་ལྟར་ཀོའུ་ཤམྦྷི་ན།་གཙུག་ལག་ཁང་མཆིས་པར་འགྱུར་བ་དང ། དགེ་སློང་རྣམས་ཀྱང་བགྲོད་པ་དང ། མཆི་བ་དང ། གནས་པར་སེམས་པར་འགྱུར་བ་དེ་ལྟར་བགྱིའོ། །བཅོམ་ལྡན་འདས་ཀྱིས་ཁྱིམ་བདག་གདངས་
Nya200b
ཅན་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་གདངས་ཅན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ནས་དེ་ལ་མཉན་ཡོད་ན་བྱ་བའམ། བྱེད་པ་ཅི་ཡོད་པ་དེ་ཐམས་ཅད་བྱས་ཤིང ། བསྒྲུབས་ནས་ཡང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་ལ་གྲོགས་དགེ་སློང་འགའ་ཞིག་སྩོལ་ཅིག་དང ། བདག་གིས་དེ་དང་ལྷན་ཅིག་བཅོམ་ལྡན་འདས་ཀྱི་སླད་དུ་གཙུག་ལག་ཁང་རྩིག་ཏུ་སྩལ་བར་བགྱིའོ། །བཅོམ་ལྡན་འདས་ཀྱིས་ཁྱིམ་བདག་གདངས་ཅན་འཁོར་དང་བཅས་པ་དང ། ཀོའུ་ཤམྦྷི་ན་གནས་པའི་སྐྱེ་བོའི་ཚོགས་དག་།དགེ་སློང་གང་གི་གདུལ་བ་ཡིན་སྙམ་དུ་དགོངས་ན། དགེ་སློང་སྐུལ་བྱེད་ཆེན་པོའི་གདུལ་བ་ཡིན་པར་གཟིགས་ནས་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་སྐུལ་བྱེད་ཆེན་པོ་ལ་བཀའ་སྩལ་པ། སྐུལ་བྱེད། ཁྱིམ་བདག་གདངས་ཅན་འཁོར་དང་བཅས་པ་དང ། ཀོའུ་ཤམྦྷི་ན་གནས་པའི་སྐྱེ་བོའི་ཚོགས་ལ་སོམས་ཤིག་།ཚེ་དང་ལྡན་པ་སྐུལ་བྱེད་ཆེན་པོས་བཅོམ་ལྡན་འདས་ལས་ཅང་མི་སྨྲ་པས་དང་དུ་བླངས་སོ། །དེ་ནས་ཚེ་དང་ལྡན་པ་སྐུལ་བྱེད་ཆེན་པོ་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་སོ། །མཉན་ཡོད་དུ་བསོད་སྙོམས་ལ་
Nya201a
༄#། །རྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་ལོངས་སྤྱོད་པའི་གནས་མལ་མཁོས་སུ་ཕབ་སྟེ་ལྷུང་བཟེད་དང་ཆོས་གོས་ཐོགས་ནས་ཁྱིམ་བདག་གདངས་ཅན་དང་འགྲོགས་ཏེ་ཀོའུ་ཤམྦྷི་ག་ལ་བ་དེ་ལོགས་སུ་སོང་ནས་མཐར་གྱིས་རྒྱུ་ཞིང་འགྲོ་བ་ན། ཀོའུ་ཤམྦྷིར་ཕྱིན་ཏོ། །དེ་ནས་ཁྱིམ་བདག་གདངས་ཅན་ཀོའུ་ཤམྦྷིར་མ་ཞུགས་པ་ཁོ་ནར་ཀུན་དགའ་ར་བ་ནས་ཀུན་དགའི་ར་བར་དང ། སྐྱེད་མོས་ཚལ་ནས་སྐྱེད་མོས་ཚལ་དུ་དང ། ཚལ་ནས་ཚལ་དུ་དང ། གོལ་བར་སོང་སྟེ། གང་དུ་བདག་གིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་རྩིག་ཏུ་གཞུག་བའི་ས་ཕྱོགས། ཀོའུ་ཤམྦྷི་ནས་ཧ་ཅང་ཡང་མི་རིང ། ཧ་ཅང་ཡང་མི་ཉེ་བ། ཉིན་མོ་རྒྱུན་ལུགས་ཉུང་ཞིང་བླག་ཅོར་ཆུང་བ། མཚན་མོ་སྒྲ་ཆུང་ཞིང་འུར་སྒྲ་ཆུང་བ། ཤ་སྦྲང་དང ། སྦྲང་བུ་དང ། རླུང་དང་ཉི་མ་དང ། སྡིག་སྦྲུལ་གྱི་རེག་པ་ཉུང་བ་དེ་ལྟ་བུ་ཅི་ཡོད་ཅེས་བཙལ་ན། ཁྱིམ་བདག་གདངས་ཅན་གྱིས་རང་གི་ཀུན་དགའ་ར་བ་ཀོའུ་ཤམྦྷི་ནས་ཧ་ཅང་ཡང་མི་རིང ། ཧ་ཅང་ཡང་མི་ཉེ་བ། ཉིན་མོ་རྒྱུན་ལུགས་ཉུང་ཞིང་བླག་ཅོར་ཆུང་བ། མཚན་མོ་སྒྲ་ཆུང་ཞིང་འུར་སྒྲ་ཆུང་བ། ཤ་སྦྲང་དང ། སྦྲང་བུ་དང ། རླུང་དང ། ཉི་མ་དང ། སྡིག་སྦྲུལ་གྱི་རག་པ་ཉུང་བར་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། ས་ཕྱོགས་འདི་བཟང་གི། འདིར་བཅོམ་ལྡན་འདས་ཀྱི་ཕྱིར་གཙུག་ལག་ཁང་རྩིག་ཏུ་གཞུག་གོ་།སྙམ་མོ། །དེ་ནས་ཁྱིམ་བདག་གདངས་ཅན་དང ། ཚེ་དང་ལྡན་པ་སྐུལ་བྱེད་ཆེན་
Nya201b
པོས་སྐྱེད་མོས་ཚལ་དེར། བཅོམ་ལྡན་འདས་ཀྱི་ཕྱིར་གཙུག་ལག་ཁང་རྟ་བབས་མཐོན་པོ་དང་ལྡན་པ། སྐར་ཁུང་དང ། སྐར་ཁུང་ཟླུམ་པོ་དང ། ལན་ཀན་གྱིས་བརྒྱན་པ་ཞིག་རྩིག་ཏུ་བཅུག་གོ་།དེ་ནས་གཙུག་ལག་ཁང་བྱས་ཤིང་ཟིན་ནས་ཁྱིམ་བདག་གདངས་ཅན་གྱིས། ཚེ་དང་ལྡན་པ་སྐུལ་བྱེད་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ། བཅོམ་ལྡན་འདས་ཤུལ་དུ་གཤེགས་པའི་དགོངས་ཀྱི་ཚད་ཇི་ཙམ། ཁྱིམ་བདག་།འདི་ལྟ་སྟེ། དཔེར་ན། འཁོར་ལོས་བསྒྱུར་བའི་རྒྱལ་པོ་དང་འདྲའོ། །འཕགས་པ། འཁོར་ལོས་བསྒྱུར་བའི་རྒྱལ་པོའི་ཇི་ཙམ། ཁྱིམ་བདག་།འཁོར་ལོས་བསྒྱུར་བའི་རྒྱལ་པོ་ལམ་དུ་འགྲོ་བའི་དགོངས་མལ་ནི། རྒྱང་གྲགས་བཅུའོ། །ཁྱིམ་བདག་གདངས་ཅན་གྱིས་རྒྱང་གྲགས་བཅུ་བཅུར་གཤེགས་དགོངས་དག་གཤོམ་དུ་བཅུག་ནས་བཅོམ་ལྡན་འདས་ཀྱི་སྤྱན་སྔར་ཕོ་ཉ་བཏང་སྟེ། བཅོམ་ལྡན་འདས་ཀོའུ་ཤམྦྷིར་གཤེགས་སུ་གསོལ། བདག་གིས་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ཇི་སྲིད་འཚོའི་བར་དུ་ན་བཟའ་དང ། བསོད་སྙོམས་དང ། གནས་མལ་དང ། སྙུང་བའི་རྐྱེན་དང ། སྨན་གྱི་ཡོ་བྱད་དག་གིས་བསྙེན་བཀུར་བགྱིའོ། །ཞེས་གསོལ་ཏོ། །ཕོ་ཉས་ཀྱང་བཅོམ་ལྡན་འདས་ཀྱི་སྤྱན་སྔར་སོང་སྟེ་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ། དགེ་སློང་དག་།བཅོམ་ལྡན་འདས་བད་ས་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་
Nya202a
༄#། །པ་དང་ཐབས་ཅིག་ཏུ་བད་ས་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་དག་ལོངས་ཤིག་།ཅེས་སྒོས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས་དགེ་སློང་རྣམས་ལ། ཚེ་དང་ལྡན་པ་དག་།བཅོམ་ལྡན་འདས་བད་ས་དག་ཏུ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་བད་ས་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་དག་ལོངས་ཤིག་།ཅེས་བསྒོའོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ་དང་ལྡན་པ། ཞི་བ་འཁོར་ཞི་བ་དང་ལྡན་པ། གྲོལ་བ་འཁོར་གྲོལ་བ་དང་ལྡན་པ། དབུགས་ཕྱིན་པ་འཁོར་དབུགས་ཕྱིན་པ་དང་ལྡན་པ། ཐུལ་བ་འཁོར་ཐུལ་བ་དང་ལྡན་པ། དགྲ་བཅོམ་པ་འཁོར་དགྲ་བཅོམ་པ་དང་ལྡན་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ་དང་ལྡན་པ། མཛེས་པ་འཁོར་མཛེས་པ་དང་ལྡན་པ། ཁྱུ་མཆོག་ལྟར་བ་ལང་གི་ཚོགས་ཀྱིས་ཡོངས་སུ་བསྐོར་བ། གླང་པོ་ཆེ་ལྟར་གླང་པོ་ཆེའི་ཕྲུ་གུའི་ཚོགས་ཀྱིས་ཡོངས་སུ་བསྐོར་བ། སེངྒེ་ལྟར་མཆེ་བ་ཅན་གྱིས་ཚོགས་ཀྱིས་ཡོངས་སུ་བསྐོར་བ། ངང་པའི་རྒྱལ་པོ་ལྟར་ངང་པའི་ཚོགས་ཀྱིས་ཡོངས་སུ་བསྐོར་བ། ནམ་མཁའ་ལྡིང་ལྟར་བྱའི་ཚོགས་ཀྱིས་ཡོངས་སུ་བསྐོར་བ། བྲམ་ཟེ་ལྟར་སློབ་མའི་ཚོགས་ཀྱིས་ཡོངས་སུ་བསྐོར་བ། སྨན་པ་མཁས་པ་ལྟར་ནད་པའི་ཚོགས་ཀྱིས་ཡོངས་སུ་བསྐོར་བ། དཔའ་བོ་ལྟར་རུ་བའི་ཚོགས་
Nya202b
ཀྱིས་ཡོངས་སུ་བསྐོར་བ། ས་མཁན་ལྟར་ལམ་དུ་ཞུགས་པའི་ཚོགས་ཀྱིས་ཡོངས་སུ་བསྐོར་བ། དེད་དཔོན་ལྟར་ཚོང་པའི་ཚོགས་ཀྱིས་ཡོངས་སུ་བསྐོར་བ། ཚོང་པ་ལྟར་འཁོར་གྱི་ཚོགས་ཀྱིས་ཡོངས་སུ་བསྐོར་བ།་མཁར་གྱི་རྒྱལ་པོ་ལྟར་བློན་པོའི་ཚོགས་ཀྱིས་ཡོངས་སུ་བསྐོར་བ། འཁོར་ལོས་བསྒྱུར་བ་ལྟར་བུ་སྟོང་གི་ཚོགས་ཀྱིས་ཡོངས་སུ་བསྐོར་བ། ཟླ་བ་ལྟར་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ། ཉི་མ་ལྟར་འོད་ཟེར་སྟོང་གི་ཚོགས་ཀྱིས་ཡོངས་སུ་བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། གནོད་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐག་བཟང་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་ཅུ་པའི་ཚོགས་ཀྱིས་ཡོངས་སུ་བསྐོར་བ། ཚངས་པ་ལྟར་ཚངས་རིས་ཀྱི་ཚོགས་ཀྱིས་ཡོངས་སུ་བསྐོར་བ། དབང་པོ་རྣམས་ཤིན་ཏུ་དུལ་བ། སྤྱོད་ལམ་དང་སྤྱོད་པ་མ་འཁྲུགས་པ། ཆུ་གཏེར་ལྟར་ཏིང་ངེ་བ། སྤྲིན་ལྟར་ཆུ་དང་བཅས་པ། གླང་པོ་ཆེའི་རྒྱལ་པོ་ལྟར་དྲེགས་པ་དང་བྲལ་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་སྐུ་རྣམ་པར་མཛེས་པ། འོད་འདོམ་གང་གིས་གཟུགས་ཅན་བརྒྱན་པ། ཉི་མ་སྟོང་བས་ལྷག་པའི་འོད་དང་ལྡན་པ། རིན་པོ་ཆེའི་རི་བོ་འགྲོ་བ་ལྟར་ཀུན་ཏུ་བཟང་བ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་
Nya203a
༄#། །བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ། ཀུན་ཤེས་ཀཽཎྜི་ནྱ་དང ། རླངས་པ་དང ། མིང་ཆེན་དང ། མ་འགག་པ་དང ། ཤཱ་རིའི་བུ་དང ། མོའུ་འགལ་གྱི་བུ་དང ། འོད་སྲུང་དང ། ཀུན་དགའ་བོ་དང ། ནམ་གྲུ་ལ་སོགས་པ་ཉན་ཐོས་ཆེན་པོ་དག་དང ། གཞན་ཡང་དགེ་སློང་གི་དགེ་འདུན་མང་པོས་བསྐོར་ཏེ། ཀོའུ་ཤམྦྷི་ག་ལ་བ་དེར་རྒྱུ་ཞིང་གཤེགས་ནས་མཐར་གྱིས་རྒྱུ་ཞིང་གཤེགས་པ་ན་ཀོའུ་ཤམྦྷིར་བྱོན་ཏོ། །དེ་ནས་ཁྱིམ་པ་དག་གདངས་ཅན་གྱིས། གཙུག་ལག་ཁང་ཡོ་བྱད་ཐམས་ཅད་དང་ལྡན་པ་དེ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ནས། འདི་ལྟར། གནས་བརྟན་དག་གིས་ཀྱང ། བཅོམ་ལྡན་འདས་ཀོའུ་ཤམྦྷི་ན་གདངས་ཅན་གྱི་ཀུན་དགའ་ར་བ་ན་བཞུགས་སོ། །ཞེས་མདོ་སྡེའི་མཐའ་ཉེ་བར་སྦྱར་ཏོ། །དེ་ནས་ཁྱིམ་བདག་གདངས་ཅན་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་གཙུག་ལག་ཁང་ཕུལ་ནས་དགའ་བ་དང ། མཆོག་ཏུ་དགའ་བ་སྐྱེས་ཏེ་རང་གི་ཁྱིམ་དུ་སོང་ངོ ། །དེ་ནས་ཚེ་དང་ལྡན་པ་སྐུལ་བྱེད་ཆེན་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་སྐུལ་བྱེད་ཆེན་པོས་འདི་སྐད་ཅེས་གསོལ་ཏོ། །བཙུན་པ། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་
Nya203b
ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བར་གདགས་སུ་རུང་ངམ། བཅོམ་ལྡན་འདས་ཀྱིས་དེ་ལ་བཀའ་སྩལ་པ། སྐུལ་བྱེད། རུང་སྟེ། སྐུལ་བྱེད། བདུན་པོ་འདི་དག་ནི། གང་དག་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་དག་ཡིན་ཏེ། བདུན་གང་ཞེ་ན། སྐུལ་བྱེད། འདི་ལ་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་འབུལ་བར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། རྒྱས་པ་
Nya204a
༄#། །ཆེ་བ་དང་པོ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། ཀུན་དགའི་ར་བ་དེ་ཉིད་དུ་གཙུག་ལག་ཁང་རྩིག་ཏུ་འཇུག་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་གཉིས་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། གཙུག་ལག་ཁང་དེ་ཉིད་དུ་གནས་མལ་འདི་ལྟ་སྟེ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་དག་འབུལ་བར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་གསུམ་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། གཙུག་ལག་ཁང་དེ་ཉིད་དུ་
Nya204b
གཏན་གྱི་རྐྱེན་རིས་རྗེས་སུ་མཐུན་པའི་མཆོང་སྦྱིན་འབུལ་བར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་བཞི་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། གློ་བུར་དུ་འོངས་པ་དང ། འགྲོ་བར་ཆས་པ། སྦྱིན་པ་སྦྱིན་པར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་ལྔ་པ་ཡིན་ནོ། ། སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། ནད་པ་དང་ནད་གཡོག་ལ་སྦྱིན་པ་སྦྱིན་པར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་
Nya205a
༄#། །སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་དྲུག་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། རླུང་ལངས་པའམ། ཡུལ་ངན་བྱུང་བའམ། ཆར་བབ་པའམ། ལྷགས་པ་བྱུང་བ་གང་དག་ཡིན་པ་དེ་ལྟ་བུའི་རླུང་ལངས་པའམ། ཡུལ་ངན་བྱུང་བའམ། ཆར་བབ་པའམ། ལྷགས་པ་བྱུང་བའི་ཚེ་དགེ་འདུན་ལ་འབྲས་ཅན་དག་གམ། སྐྱོ་མ་དག་གམ། ཐུག་པའི་བཏུང་བ་དག་བསྐྱལ་ཏེ། འདིས་འཕགས་པ་འདི་དག་ལུས་མི་བརླན་པ་དང ། ཆོས་གོས་མི་གཤེར་བ་དང ། ལོངས་སྤྱོད་ན་བདེ་བ་ལ་རེག་པར་འགྱུར་རོ། །སྙམ་པས་འབུལ་བར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་བདུན་པ་ཡིན་ནོ། །སྐུལ་བྱེད། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་འདི་དག་དང་ལྡན་པའི་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ་པར་སྨིན་པ་འདི་ཙམ་མོ། །ཞེས་
Nya205b
བསོད་ནམས་ཀྱི་ཚད་གཟུང་བར་མི་ནུས་ཏེ། འདི་ལྟར། བསོད་ནམས་མང་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། །སྐུལ་བྱེད། འདི་ལྟ་སྟེ། དཔེར་ན། གང་དུ་ཆུ་ཀླུང་ཆེན་པོ་ལྔ་པོ་འདི་ལྟ་སྟེ། གངྒཱ་དང ། ཡ་མུན་དང ། ས་ར་ཡུ་དང ། གནས་ཅན་དང ། མ་ཧི་ཞེས་བྱ་བ་ཐ་མི་དད་པར་འབབ་པར་འགྱུར་བ་དེ་ལ་ནི། ཆུའམ། ཆུའི་བུམ་པའམ། ཆུའི་བུམ་པ་བརྒྱ་ཕྲག་གམ། ཆུའི་བུམ་པ་སྟོང་ཕྲག་གམ། ཆུའི་བུམ་པ་འབུམ་ཕྲག་འདི་སྙེད་ཡོད་དོ། །ཞེས་ཆུའི་ཚད་གཟུང་བར་མི་ནུས་སོ། །སྐུལ་བྱེད། དེ་བཞིན་དུ་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་པོ་འདི་དག་དང་ལྡན་པའི་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ་པར་སྨིན་པ་ཡང་འདི་ཙམ་མོ། །ཞེས་བསོད་ནམས་ཀྱི་ཚད་གཟུང་བར་མི་ནུས་ཏེ། འདི་ལྟར། བསོད་ནམས་མང་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་སྐུལ་བྱེད་ཆེན་པོས་འདི་སྐད་ཅེས་གསོལ་ཏོ། །བཙུན་པ། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ལགས་པའི་བསོད་ནམས་བྱ་བའི་གཞི་ཤིན་
Nya206a
༄#། །ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་གདགས་སུ་རུང་ངམ། བཅོམ་ལྡན་འདས་ཀྱིས་དེ་ལ་བཀའ་སྩལ་པ། སྐུལ་བྱེད། རུང་སྟེ། སྐུལ་བྱེད། བདུན་པོ་འདི་དག་ནི། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་དག་ཡིན་ཏེ། བདུན་གང་ཞེ་ན། སྐུལ་བྱེད། འདི་ལ་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་གྲོང་ཚིགས་ག་གེ་མོ་ཞིག་ན་ཉེ་བར་བརྟེན་ཅིང་བཞུགས་པ་ཐོས་ཤིང ། ཐོས་ནས་ཀྱང་དགའ་བ་དང ། མཆོག་ཏུ་དགའ་བ་རྒྱ་ཆེན་པོ། །དགེ་བ། ངེས་པར་འབྱུང་བ་དང་ལྡན་པ་ཐོབ་པར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་
Nya206b
དང་པོ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་དེ་ཉིད་ཚུར་གཤེགས་པར་རྩོལ་བར་ཐོས་ཤིང ། ཐོས་ནས་ཀྱང་དགའ་བ་དང ། མཆོག་ཏུ་དགའ་བ་རྒྱ་ཆེན་པོ། །དགེ་བ། ངེས་པར་འབྱུང་བ་དང་ལྡན་པ་ཐོབ་པར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་གཉིས་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་དེ་ཉིད་ཤུལ་དུ་ཞུགས་པ་ཐོས་ཤིང ། ཐོས་ནས་ཀྱང་དགའ་བ་དང ། མཆོག་ཏུ་དགའ་བ་རྒྱ་ཆེན་པོ། །དགེ་བ།་ངེས་པར་འབྱུང་བ་དང་ལྡན་པ་ཐོབ་པར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་ཤིན་ཏུ་
Nya207a
༄#། །འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་གསུམ་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་དེ་ཉིད་གྲོང་ཚིགས་དེ་ཉིད་དུ་བྱོན་པར་ཐོས་ཤིང ། ཐོས་ནས་ཀྱང་དགའ་བ་དང ། མཆོག་ཏུ་དགའ་བ་ཆེན་པོ། །དགེ་བ། ངེས་པར་འབྱུང་བ་དང་ལྡན་པ་ཐོབ་པར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་བཞི་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་དེ་ཉིད་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོ་ཞིང ། མཐོང་ནས་ཀྱང་དགའ་བ་དང ། མཆོག་ཏུ་དགའ་བ་རྒྱ་ཆེན་པོ། །དགེ་བ། ངེས་པར་འབྱུང་བ་དང་ལྡན་པ་ཐོབ་པར་བྱེད་པ་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་
Nya207b
ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་ལྔ་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པས། དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་དེ་ཉིད་ཀྱི་དྲུང་ནས་ཆོས་ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཡང་དག་པར་རབ་ཏུ་སྟོན་པ་ཉན་ཅིང་ཐོས་ནས་ཀྱང་དགའ་བ་དང ། མཆོག་ཏུ་དགའ་བ་རྒྱ་ཆེན་པོ། དགེ་བ། ངེས་པར་འབྱུང་བ་དང་ལྡན་པ་ཐོབ་པར་འདི་ནི། སྐུལ་བྱེད། གང་དང་ལྡན་ན། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་དྲུག་པ་ཡིན་ནོ། །སྐུལ་བྱེད། གཞན་ཡང་རིགས་ཀྱི་བུའམ། རིགས་ཀྱང་བུ་མོ་དད་པ་དང་ལྡན་པས། དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་དེ་ཉད་ཀྱི་དྲུང་ནས་ཆོས་ཐོས་ནས་སངས་རྒྱས་ལ་སྐྱབས་སུ་འགྲོ། ཆོས་དང་དགེ་འདུན་ལ་སྐྱབས་སུ་འགྲོ་ཞིང ། བསླབ་བའི་
Nya208a
༄#། །གཞི་དག་ལེན་པར་བྱེད་པ་འདི་ནི། སྐུལ་བྱེད། རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པ་རྒྱུ་བའམ། གནས་པའམ། ཉལ་བའམ། མི་ཉལ་བ་ལས་རྟག་ཏུ་རྒྱུན་མི་འཆད་པར་བསོད་ནམས་འབའ་ཞིག་མངོན་པར་འཕེལ་བ་དང ། བསོད་ནམས་འབའ་ཞིག་ཉེ་བར་སྐྱེ་བ། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་ཤིན་ཏུ་འབྲས་བུ་ཆེ་བ། ཕན་ཡོན་ཆེ་བ། སྣང་བ་ཆེ་བ། རྒྱས་པ་ཆེ་བ་བདུན་པ་ཡིན་ནོ། །སྐུལ་བྱེད། རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་བདུན་པོ་འདི་དག་དང་ལྡན་པའི་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པའི་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ་པར་སྨིན་པ་ནི། འདི་ཙམ་མོ། །ཞེས་བསོད་ནམས་ཀྱི་ཚད་གཟུང་བར་མི་ནུས་ཏེ། འདི་ལྟར། བསོད་ནམས་མང་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། །སྐུལ་བྱེད། འདི་ལྟ་སྟེ། དཔེར་ན། གང་དུ་ཆུ་ཀླུང་ཆེན་པོ་ལྔ་པོ་འདི་ལྟ་སྟེ། གངྒཱ་དང ། ཡ་མུ་ན་དང ། ས་ར་ཡུ་དང ། གནས་ཅན་དང ། མ་ཧི་ཞེས་བྱ་བ་དག་ཐ་མི་དད་པར་འབབ་པར་འགྱུར་བ་དེ་ལ་ནི། ཆུའམ། ཆུའི་བུམ་པའམ། ཆུའི་བུམ་པ་བརྒྱ་ཕྲག་གམ། ཆུའི་བུམ་པ་སྟོང་ཕྲག་གམ། ཆུའི་བུམ་པ་འབུམ་ཕྲག་འདི་སྙེད་ཅིག་ཡོད་དོ། ཞེས་ཆུའི་ཚད་གཟུང་བར་མི་ནུས་ཏེ། འདི་ལྟར། ཆུ་མང་བའི་ཕྱིར་ཆུའི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། །སྐུལ་བྱེད།
Nya208b
དེ་བཞིན་དུ་རྫས་ལས་བྱུང་བ་མ་ཡིན་པའི་བསོད་ནམས་བྱ་བའི་གཞི་བདུན་པོ་འདི་དག་དང་ལྡན་པའི་རིགས་ཀྱི་བུའམ། རིགས་ཀྱི་བུ་མོ་དད་པ་དང་ལྡན་པའི་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ་པར་སྨིན་པ་ཡང་འདི་ཙམ་མོ། །ཞེས་ཚད་གཟུང་བར་མི་ནུས་ཏེ། འདི་ལྟར། བསོད་ནམས་མང་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ་བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །མི་དང་རི་དྭགས་ཚོགས་ཀྱིས་བསྟེན་པ་ཡི། །ཆུ་ཀླུང་ཐ་དད་འབབ་པར་གྱུར་པ་དག་།མཚོ་མཆོག་བཀྲ་ཤིས་གཙང་མ་ངོགས་བདེ་བ། །རིན་ཆེན་འབྱུང་གནས་རྒྱ་མཚོར་འབབ་པ་ལྟར། །དེ་བཞིན་བསོད་ནམས་རྒྱུན་ཀྱང་རྣམ་ཀུན་ཏུ། །སྦྱིན་བདག་གོས་སྦྱིན་ཟས་སྐོམ་སྦྱིན་པ་དང ། །མལ་ཆ་སྟན་དང་གདིང་སྦྱིན་མི་ལ་འབབ། །ཆུ་ཀླུང་ཆུ་འབབ་རྒྱ་མཚོར་ཇི་བཞིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་སྐུལ་བྱེད་ཆེན་པོ་བཅོམ་ལྡན་འདས་ཀྱིས་གསུངས་པ་ལ་ཡི་རང་སྟེ་མངོན་པར་བསྟོད་དོ། །དེ་ནས་ཁྱིམ་བདག་གདངས་ཅན་ནི། དད་པ་དང་ལྡན་ལ། དེའི་འཁོར་ནི། མ་དད་ནས་དེས་བསམ་པ། བདག་གི་འཁོར་འདི་མ་དད་ན། བདག་གི་གཙུག་ལག་ཁང་དུ་ཇི་ལྟར་སྤྱོད་པ་བྱེད་བརྟག་གོ་།སྙམ་ནས། དེས་ཆ་ལུགས་མི་མངོན་པར་བྱས་ཏེ་ཤམ་ཐབས་དམའ་བར་བགོས་ནས་གཙུག་ལག་ཁང་དུ་སོང་སྟེ་ཚིགས་
Nya209a
༄#། །སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་འཚལ་ནས་གཙུག་ལག་ཁང་དུ་འཇུག་པར་བརྩམས་པ་དང ། རྒན་ཞུགས་ཤིག་སྒོ་ཁང་ན་འདུག་ནས་དེས་དེའི་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ། གཙུག་ལག་ཁང་སྙིང་དང ། མིག་འཕྲོག་པར་བགྱིད་པ། མཐོ་རིས་ཀྱི་ཐེམ་སྐས་སུ་གྱུར་པ་འདི་སུའི་ལགས། དེས་སྨྲས་པ། ཁྱིམ་བདག་གདངས་ཅན་གྱིའོ། །འཕགས་པ།་ཅི། འདི་གཙུག་ལག་ཁང་ལགས་སམ། འོན་ཏེ་ཕོངས་པ་ལགས། བཞིན་བཟང ། གཙུག་ལག་ཁང་ནི། ཇི་ལྟ་བུ། ཕོངས་པ་ནི། ཇི་ལྟ་བུ། འཕགས་པ། གང་ན་ཡོ་བྱད་ཕུན་སུམ་ཚོགས་པ་ནི། གཙུག་ལག་ཁང་ལགས་ལ། གང་ན་ཡོ་བྱད་མ་མཆིས་པ་ནི། ཕོངས་པ་ལགས་སོ། །བཞིན་བཟང ། འདི་ཕོངས་པ་ཡིན་ནོ། །ཇི་ལྟར་གྱུར། ཁྱིམ་བདག་དེ་ནི། དད་པ་དང་ལྡན་པ་ཡིན་ན། དེའི་འཁོར་མ་དད་པས་མཁོ་བ་མི་སྟོབ་བོ། །འདི་ལྟར། ཁྱིམ་བདག་དེ་ལ་བུ་མོ་མངག་གཞུག་མ་མགུ་བྱེད་ཅེས་བྱ་བ། དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཞིག་ཡོད་ན། འོན་ཀྱང་དེ་ཁྱིམ་དེ་ན་དབང་མེད་དེ། གལ་ཏེ་དེ་ལ་དབང་ཡོད་པར་གྱུར་ན། དེ་དགེ་སློང་རྣམས་ལ་མཁོ་བ་སྟོབ་པར་བྱེད་པས་འདི་གཙུག་ལག་ཁང་དུ་འགྱུར་རོ། །ཁྱིམ་བདག་གདངས་ཅན་གྱིས་བསམ་པ། ད་ལྟར་བདག་གསོན་པ་ཉིད་ན་ཡང་བདག་གི་གཙུག་ལག་ཁང་ན་དགེ་སློང་རྣམས་ཀྱི་གནས་སྐབས་འདི་འདྲ་ན། བདག་ཤི་ན་ཅི་འདྲ་བར་འགྱུར་སྙམ་དུ་རིག་ནས་དགེ་སློང་དེའི་རྐང་པ་ལ་ཕྱག་
Nya209b
འཚལ་ཏེ་རང་གི་ཁྱིམ་དུ་སོང་ནས་ནང་མི་རྣམས་ལ་སྨྲས་པ། ཁྱེད་ཅག་ལས། གང་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བསྙེན་བཀུར་བྱེད་པར་སྤྲོ་བ་དེས་ཚུལ་བཞིན་ལོངས་ཤིག་།དེའི་ཚེ་ན་མགུ་བྱེད་བུམ་པ་ཐོགས་ཏེ་ཆུ་བཅུ་བའི་ཕྱིར་བྱུང་བ་དང ། དེས་དེར་རས་མ་ཞིག་རྙེད་ནས་བཅོམ་ལྡན་འདས་ཀྱང་དེ་ལ་ཕན་གདགས་པའི་སླད་དུ་ཕྱོགས་དེར་གཤེགས་པ་དང ། དེས་བཅོམ་ལྡན་འདས་ལ་བརྟག་པར་བརྩམས་སོ། །བཅོམ་ལྡན་འདས་ཀྱིས་རྫུ་འཕྲུལ་གྱིས་ན་བཟའ་ཆོས་གོས་ཀྱི་གྲ་རྡོལ་བར་དེ་ལ་བསྟན་པ་དང ། དེས་བསམ་པ། གལ་ཏེ་བཅོམ་ལྡན་འདས་ཀྱིས་བདག་གི་རས་མ་འདི་བཞེས་སུ་གནང་ན། བདག་གིས་འདི་བཅོམ་ལྡན་འདས་ལ་དབུལ་ལོ། །སྙམ་མོ། །བཅོམ་ལྡན་འདས་ཀྱིས་དེའི་སེམས་ཐུགས་ཀྱིས་མཁྱེན་ནས་བཀའ་སྩལ་པ། མགུ་བྱེད། གལ་ཏེ་ཁྱོད་ཀྱིས་ཡོངས་སུ་བཏང་ན། ཕུལ་ཅིག་།དེས་བཅོམ་ལྡན་འདས་ལ་སེམས་མངོན་པར་དད་པར་བྱས་ནས་གུས་པ་བསྐྱེད་དེ་ཕུལ་ལོ། །བཅོམ་ལྡན་འདས་ཀྱིས་དེ་དེ་ཉིད་ཀྱི་མདུན་དུ་ན་བཟའ་ཆོས་གོས་ཀྱི་གྲ་གླན་ཏེ་བཙེམས་པ་དང་ཁ་དོག་མཐུན་པར་གྱུར་ཏོ། །དེ་དད་པ་སྐྱེས་ནས་ཞབས་གཉིས་ལ་གཏུགས་ཏེ་སྨོན་ལམ་བཏབ་པ། དགེ་བའི་རྩ་བ་འདིས་བདག་བྲན་མོར་མ་གྱུར་ཅིག་།དབུལ་བར་མ་གྱུར་ཅིག ། ཅེས་སྨྲས་ནས་བུམ་བ་ཆུས་བཀང་སྟེ་ཁྱིམ་དུ་སོང་ངོ ། །ཁྱིམ་བདག་གདངས་ཅན་གྱིས་ནང་མི་ལ་ཚུལ་བཞིན་བྲིམས་པ་དང ། མགུ་བྱེད་ཀྱིས་སྨྲས་པ། ཁྱིམ་བདག་།འདི་ཅི་ལགས། གདངས་
Nya210a
༄#། །ཅན་གྱིས་སྨྲས་པ། མགུ་བྱེད། ཁྱེད་ཅག་ལས། གང་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བསྙེན་བཀུར་བྱེད་པར་སྤྲོ་བ་དེས་ཚུལ་ཤིང་ལོངས་ཤིག་དང ། ཁོ་བོ་ལ་ལོངས་སྤྱོད་རྒྱ་ཆེན་པོ་དག་ཡོད་དོ། །དེས་མྱུར་བ་མྱུར་བར་ཆུའི་བུམ་པ་བཞག་སྟེ་ཚུལ་ཤིང་བླངས་ནས་སྨྲས་པ། བདག་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བསྙེན་བཀུར་བགྱིད་པར་སྤྲོ་སྟེ། བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཡོ་བྱད་ཐམས་ཅད་ཀྱིས་བསྙེན་བཀུར་བགྱི་ཡི། ཁྱོད་ཐུགས་ལས་ཆུང་ངུར་མཛོད་ཅིག་།ཅེས་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཡོ་བྱད་ཐམས་ཅད་ཀྱིས་བསྟབས་ཏེ་གུས་པར་བསྙེན་བཀུར་བྱ་བར་བརྩམས་སོ། །ཁྱིམ་བདག་གདངས་ཅན་གྱིས་ཡང་ཆ་ལུགས་མི་མངོན་པར་བྱས་ཏེ་ཤམ་ཐབས་དམའ་བར་བགོས་ནས་གཙུག་ལག་ཁང་དུ་སོང་སྟེ་ཚིགས་སུ་བཅད་པའི་དབྱངས་ཀྱིས་མཆོད་རྟེན་ལ་ཕྱག་འཚལ་ནས་གཙུག་ལག་ཁང་དུ་འཇུག་པར་བརྩམས་པ་དང ། ཡང་རྒན་ཞུགས་གཞན་ཞིག་སྒོ་ཁང་ན་འདུག་ནས་དེས་དེའི་རྐང་པ་ལ་ཕྱག་འཚལ་ཏེ་སྨྲས་པ། འཕགས་པ། གཙུག་ལག་ཁང་སྙིང་དང ། མིག་འཕྲོག་པར་བགྱིད་པ། མཐོ་རིས་ཀྱི་ཐེམ་སྐས་སུ་གྱུར་པ་འདི་སུའི་ལགས། དེས་སྨྲས་པ། ཁྱིམ་བདག་གདངས་ཅན་གྱིའོ། །འཕགས་པ། ཅི། འདི་གཙུག་ལག་ཁང་ལགས་སམ། འོན་ཏེ་ཕོངས་པ་ལགས། བཞིན་བཟང ། གཙུག་ལག་
Nya210b
ཁང་ནི། ཇི་ལྟ་བུ། ཕོངས་པ་ནི། ཇི་ལྟ་བུ། འཕགས་པ། གང་ན་ཡོ་བྱད་ཕུན་སུམ་ཚོགས་པ་ནི། གཙུག་ལག་ཁང་ལགས་ལ། གང་ན་ཡོ་བྱད་མ་མཆིས་པ་ནི། ཕོངས་པ་ལགས་སོ། །བཞིན་བཟང ། འདི་སྔོན་ནི། ཕོངས་པར་གྱུར་པ་ལས། ད་ནི། གཙུག་ལག་ཁང་དུ་གྱུར་ཏོ། །ཇི་ལྟར་གྱུར། བཞིན་བཟང ། ཁྱིམ་བདག་གདངས་ཅན་ལ་བུ་མོ་མངག་གཞུག་མ་མགུ་བྱེད་ཅེས་བྱ་བ། དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཞིག་ཡོད་པ་དེ་ཁྱིམ་བདག་དེས་འདིར་ལས་སུ་བསྐོས་ཏེ། སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཡོ་བྱད་ཐམས་ཅད་ཀྱིས་སྟོབས་ཤིག་ཅེས་བསྒོ་ནས། ད་ལྟར་དེ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཡོ་བྱད་ཐམས་ཅད་ཀྱིས་བསྙེན་བཀུར་བྱེད་པས། དེས་ན། འདི་གཙུག་ལག་ཁང་ཡིན་ཏེ། ཕོངས་པ་མ་ཡིན་ནོ། །ཁྱིམ་བདག་གདངས་ཅན་གྱིས་ཐོས་ནས་ཤིན་ཏུ་དགའ་སྟེ་ཁྱིམ་དུ་སོང་ནས། དེས་བུ་མོ་མགུ་བྱེད་ཀྱི་ལག་ཏུ་ལྡེ་མིག་དང ། ལྡེ་མིག་ཀྱོག་པོ་གཏད་ནས་ནང་མི་རྣམས་ལ་སྨྲས་པ། ཁྱེད་ཅག་མགུ་བྱེད་ཀྱིས་ཅི་བྱིན་པ་དེས་གནས་པར་གྱིས་ཤིག་།ཀོའུ་ཤམྦྷི་ན་གནས་པའི་སྐྱེ་བོའི་ཚོགས་རྣམས་ཀྱང་བསྡུས་ཏེ་སྨྲས་པ། ཤེས་ལྡན་དག་།ཁོ་བོས་བུ་མོ་མགུ་བྱེད་འདི། བྲན་མོ་ལས་ཕྱུང་སྟེ་ཁྱིམ་གྱི་བདག་མོར་བཅུག་གོ།་ཞེས་བསྒྲགས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཁྱིམ་བདག་གདངས་ཅན་རྒྱལ་པོ་ཤར་བས་གདངས་
Nya211a
༄#། །ལས་འཚལ་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་དུ་མ་ཟད་དེ། འདི་ལྟར། འདས་པའི་དུས་ན་ཡང་ཁྱིམ་བདག་གདངས་ཅན་འདི་རྒྱལ་པོ་ཤར་པས་གདངས་ལས་ཤེས་པར་གྱུར་ཏེ། ཉོན་ཅིག་།དགེ་སློང་དག་།སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན། རྒྱལ་པོ་ཚངས་བྱིན་ཞེས་བྱ་བས་རྒྱལ་སྲིད་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང ། མི་མང་པོས་གང་བ། འཐབ་མོ་དང ། འཐབ་པ་དང ། ཕྱི་དགྲ་དང ། ནང་འཁྲུག་རབ་ཏུ་ཞི་བ། ཆོམ་རྐུན་དང ། མུ་གེ་དང ། ནད་དང་བྲལ་བ། སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ། ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།ཇི་ཙམ་དུས་གཞན་ཞིག་ན་ལྟས་པ་དག་གིས་ལོ་བཅུ་གཉིས་སུ་ཆར་མི་འབབ་པར་ལུང་བསྟན་ནས་རྒྱལ་པོ་ཚངས་བྱིན་གྱིས་རང་གི་ཡུལ་དུ་དྲིལ་སྒྲོག་པ་བྱེད་དུ་བཅུག་སྟེ་ཕྱོགས་སུ་བསྒོ་བ། ངའི་ཡུལ་ན་གནས་པ་དང ། ཕོ་བྲང་འཁོར་གྱི་མི་དག་ཉོན་ཅིག་།ལྟས་པ་དག་གིས་ལོ་བཅུ་གཉིས་སུ་ཆར་མི་འབབ་པར་ལུང་བསྟན་གྱི། དེའི་ཕྱིར་ཁྱེད་ཅག་ལས། གང་དག་ལ་ལོ་བཅུ་གཉིས་ཀྱི་ཟན་བདོག་པ་དེ་དག་གིས་ནི། འཁོད་པར་བྱའོ། །གང་དག་ལ་མི་བདོག་པ་དེ་དག་གིས་ནི། གཞན་དུ་འདོང་བར་བྱ་ཞིང ། ལོ་བཅུ་གཉིས་འདས་ནས་ཕྱིར་འོང་བར་བྱའོ། །དེའི་ཚེ་ན་ཝཱ་ན་ཎཱ་སི་ན་ཁྱིམ་བདག་གཟུངས་བྱེད་ཅེས་བྱ་བ་ཕྱུག་པ། ནོར་
Nya211b
མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ་ཞིག་འདུག་པ་དེས་མཛོད་པ་བོས་ཏེ་སྨྲས་པ། ཀཝའི་ནང་རྗེ་མཛོད་པ། ཁོ་བོ་འཁོར་དང་བཅས་པའི་ལོ་བཅུ་གཉིས་ཀྱི་ཟན་ཡོད་དམ། དེས་སྨྲས་པ། ཇོ་བོ། མཆིས་སོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་ཏན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཇི་ཙམ་ན་རང་སངས་རྒྱས་ལྔ་བརྒྱ་ལྗོངས་རྒྱུ་ཞིང་འདོང་བ་ན། ཝཱ་ར་ཎཱ་སིར་ཕྱིན་ནས་དེ་དག་ཁྱིམ་བདག་གཟུངས་བྱེད་ཀྱི་གན་དུ་དོང་དུ་ཕྱིན་ནས་སྨྲས་པ། ཁྱིམ་བདག་།ཁྱོད་ཀྱིས་ཁོ་བོ་ཅག་རབ་ཏུ་བྱུང་བ་ལྔ་བརྒྱ་ལ་ལོ་བཅུ་གཉིས་སུ་མཁོ་བ་སྟོབ་པར་ནུས་སམ། དེས་སྨྲས་པ། འཕགས་པ་དག་།ཇེ་མཛོད་པ་ལ་རྨས་ཏེ་སླད་ཀྱིས་གསོལ་ལོ། །ཞེས་དེས་མཛོད་པ་པོས་ཏེ་སྨྲས་པ། ཀཝའི་ནང་རྗེ་མཛོད་པ། ཁོ་བོ་འཁོར་དང་བཅས་པ་དང ། རབ་ཏུ་བྱུང་བ་ལྔ་བརྒྱ་པོ་འདི་དག་གི་ལོ་བཅུ་གཉིས་ཀྱི་ཟན་ཡོད་དམ། དེས་སྨྲས་པ། ཇོ་བོ། མཆིས་སོ། །ཁྱིམ་བདག་གཟུངས་བྱེད་ཀྱིས་རང་སངས་རྒྱས་ལྔ་བརྒྱ་པོ་དེ་དག་ལ་སྨྲས་པ། འཕགས་པ་དག་།མཆིས་ཀྱི། བཞུགས་ཤིག་དང་གསོལ་ལོ། །དེ་དག་དེར་འཁོད་དོ། །ཇི་ཙམ་ན་རང་སངས་རྒྱས་གཞན་ལྔ་བརྒྱ་ལྗོངས་རྒྱུ་ཞིང་འདོང་བ་ན། ཝཱ་ར་ཎཱ་སིར་ཕྱིན་ནས་དེ་དག་ཀྱང་ཁྱིམ་བདག་གཟུངས་བྱེད་ཀྱི་གན་དུ་དོང་སྟེ་ཕྱིན་ནས་སྨྲས་པ། ཁྱིམ་བདག་།ཁྱོད་ཀྱིས་ཁོ་བོ་ཅག་རབ་ཏུ་བྱུང་བ་ལྔ་བརྒྱ་ལ་ལོ་བཅུ་
Nya212a
༄#། །གཉིས་སུ་མཁོ་བ་སྟོབ་པར་ནུས་སམ། དེས་སྨྲས་པ། འཕགས་པ་དག། ཁྱེད་ལ་གསོལ་ལགས་ན། ཅིའི་སླད་དུ་ཡང་སྒྲུབ་པར་མཛད། ཁྱིམ་བདག། དེ་དག་ཀྱང་གཞན་ལ། ཁོ་བོ་ཅག་ཀྱང་གཞན་ནོ། །འཕགས་པ་དག། ཇེ་མཛོད་པ་ལ་རྨས་ཏེ་སླད་ཀྱིས་གསོལ་ལོ། །ཞེས་དེས་མཛོད་པ་བོས་ཏེ་སྨྲས་པ། ཀཝའི་ནང་རྗེ་མཛོད་པ། ཁོ་བོ་འཁོར་དང་བཅས་པ་དང ། རབ་ཏུ་བྱུང་བ་སྟོང་གི་ལོ་བཅུ་གཉིས་ཀྱི་ཟན་ཡོད་དམ། དེས་སྨྲས་པ། ཇོ་བོ། མཆིས་སོ། །ཁྱིམ་བདག་གཟུངས་བྱེད་ཀྱིས་རང་སངས་རྒྱས་ལྔ་བརྒྱ་པོ་དེ་དག་ལ་སྨྲས་པ། འཕགས་པ་དག། མཆིས་ཀྱི། བཞུགས་ཤིག་དང་གསོལ་ལོ། །དེ་དག་ཀྱང་དེང་འཁོད་དོ། །ཁྱིམ་བདག་གཟུངས་བྱེད་ཀྱིས་སྦྱིན་པའི་ཁང་པ་རྩིག་ཏུ་བཅུག་སྟེ། སྦྱིན་པའི་ཞལ་ཏ་བའི་མི་དག་དང་སྤྱན་འདྲེན་བསྐོས་ནས། སྤྱན་འདྲེན་དེས་ཉི་མ་རེ་རེ་ཞིང་སོང་སྟེ་གདུགས་ཚོད་ལ་འབོད་པར་བྱེད་དོ། །སྤྱན་འདྲེན་དེས་ཁྱི་ཞིག་གསོས་པ་དེ། ཉི་མ་རེ་རེ་ཞིང་སྤྱན་འདྲེན་དེ་དང་ལྷན་ཅིག་འགྲོ་བར་བྱེད་དོ། །ཇི་ཙམ་དུས་གཞན་ཞིག་ན་སྤྱན་འདྲེན་དེ་ལ་བྲེལ་བ་ཞིག་བྱུང་ནས། དེ་ཇེ་འདི་བསྒྲུབས་ཏེ་ཕྱིས་སྤྱན་དྲང་བར་བྱའོ། །སྙམ་ནས་དེ་གཞན་དུ་སོང་བ་དང་ཁྱི་དེས་དེ་མ་རྙེད་ནས་སྔོན་གོམས་པས་རང་སངས་རྒྱས་རྣམས་ཀྱི་གན་དུ་སོང་བ་དང ། དེར་ཡང་དེ་མ་མཐོང་ནས་དེས་སྐད་ཕྱུང་ངོ ། །རང་སངས་རྒྱས་དེ་དག་གི་དགེ་འདུན་གྱི་གནས་བརྟན་གང་ཡིན་པ་དེས་སྨྲས་པ། ཚེ་དང་ལྡན་པ་དག་།སྤྱན་འདྲེན་དུས་ལས་
Nya212b
ཡོལ་ནས་ཁྱི་འདིས་སྤྱན་དྲངས་ཀྱི། ཚུར་སྤྱོན། བཞུད་དོ། །དེ་ལྟར་བགྱིའོ། །ཞེས་དེ་དག་འཕགས་པ་དང ། སྤྱན་འདྲེན་འོངས་ཏེ་ཁྱི་དེས་དེ་མཐོང་ནས་སྐད་དེ་བྱུང་བར་བརྩམས་པ་དང ། སྤྱན་འདྲེན་གྱིས་བསམ་པ། འདིས་འདི་དག་སྤྱན་དྲངས་པས། དེས་ན་བདག་ཉིད་ཆེན་པོ་འདི་དག་བྱོན་གོར་མ་ཆག་སྙམ་དུ་རིག་ནས་སྨྲས་པ། འཕགས་བདག། ཁྱེད་སུས་སྤྱན་དྲངས། དེ་དག་གིས་སྨྲས་པ། བཞིན་བཟང ། ཁྱི་འདིས་སོ། །དེས་སྨྲས་པ། འཕགས་པ་དག་།མ་ནོངས་ཀྱི། སླད་ཀྱིས་ཀྱང་གང་གི་ཚེ་བདག་ལ་བྲེལ་བ་འགའ་ཞིག་བྱུང་བ་དེའི་ཚེ་ན་འདི་ཉིད་ཁྱེད་སྤྱན་འདྲེན་པར་འགྱུར་གྱི། ཁྱེད་ཅག་གཤེགས་སུ་གསོལ། དགེ་སློང་དག། དེའི་ཚེ་དེའི་དུས་ན་ཁྱིམ་བདག་གཟུངས་བྱེད་གང་ཡིན་པ་དེ་ནི། ང་ཉིད་ཡིན་ནོ། །དེའི་ཚེ་དེའི་དུས་ན་མཛོད་པ་གང་ཡིན་པ་དེ་ནི། ཁྱིམ་བདག་མགོན་མེད་ཟས་སྦྱིན་ཡིན་ནོ། །དེའི་ཚེ་དེའི་དུས་ན་སྤྱན་འདྲེན་པ་གང་ཡིན་པ་དེ་ནི། བད་སའི་རྒྱལ་པོ་ཤར་པ་ཡིན་ནོ། །དེའི་ཚེ་དེའི་དུས་ན། ཁྱི་གང་ཡིན་པ་དེ་ནི། ཁྱིམ་བདག་གདངས་ཅན་ཡིན་ཏེ། ཁྱིམ་བདག་གདངས་ཅན་འདི། དེའི་ཚེ་ཡང་རྒྱལ་པོ་ཤར་པས་གདངས་ལས་ཤེས་པར་གྱུར་ལ། ད་ལྟར་ཡང་འདི་དེས་གདངས་ལས་ཤེས་སོ། །རྒྱལ་པོ་གཟུགས་ཅན་སྙིང་པོའི་གན་དུ་མི་སྟོང་ཐུབ་ཅིག་འོངས་ནས། རྒྱལ་པོས་དེ་ལ་སྨྲས་པ། ཀཝའི་ནང་རྗེ། ཁྱོད་སུ་ཡིན། དེས་སྨྲས་པ། ལྷ། བདག་སྟོང་ཐུབ་ལགས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།སྟོང་ཐུབ་ལ་འཚོ་བ་བྱིན་ཅིག། དེ་དག་གིས་དེ་ལ་འཚོ་བ་བྱིན་
Nya213a
༄#། །ནོ། །གང་གི་ཚེ་བཅོམ་ལྡན་འདས་ཀྱིས་མ་ག་དྷར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལྷ་བརྒྱད་ཁྲི་དང ། མ་ག་དྷ་བའི་བྲམ་ཟེ་དང ། ཁྱིམ་བདག་འབུམ་ཕྲག་དུ་མ་དང་ལྷན་ཅིག་བདེན་པ་དག་ལ་བཞག་པ་དེའི་ཚེ་ན། དེས་རྒྱལ་པོའི་ཁབ་ཏུ་དྲིལ་སྒྲོག་པ་བྱེད་དུ་བཅུག་སྟེ་བསྒོ་བ། རྒྱལ་པོའི་ཁབ་ན་གནས་པ་དང ། ཕོ་བྲང་འཁོར་གྱི་མི་དང ། ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་ཤེས་ལྡན་དག་ཉོན་ཅིག་།ངའི་ཡུལ་དུ་སུས་ཀྱང་རྐུན་པོ་མི་བྱའོ། །ངའི་ཡུལ་དུ་གང་རྐུན་པོ་བྱེད་པ་དེ། ངས་ཡུལ་མེད་པར་བྱ་ཞིང ། བརྐུས་པ་རྣམས་ཀྱི་ནོར་ནི། ང་རང་གི་མཛོད་དང ། བང་བ་ནས་སྦྱིན་ནོ། །ཞེས་བསྒོའོ། །གང་གི་ཚེ་བཅོམ་ལྡན་འདས་ཀྱིས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གཞོན་ནུའི་དཔེའི་མདོས་བཏུལ་བ་དེའི་ཚེ་ན། དེས་ཀྱང་མཉན་ཡོད་དུ་དྲིལ་སྒྲོག་པ་བྱེད་དུ་བཅུག་སྟེ་བསྒོ་བ། ངའི་ཡུལ་དུ་སུས་ཀྱང་རྐུན་པོ་མི་བྱའོ། །ངའི་ཡུལ་དུ་རྐུན་པོ་བྱེད་པ་དེ་ངས་གསད་པར་བྱ་ཞིང ། བརྐུས་པ་རྣམས་ཀྱི་ནོར་ནི། ང་རང་གི་མཛོད་དང ། བང་བ་ནས་སྦྱིན་ནོ། །ཞེས་བསྒོའོ། །བར་དུ་ཡུལ་མ་ག་དྷ་ན་གནས་པའི་ཆོམ་རྐུན་པ་གང་དག་ཡིན་པ་དང ། ཡུལ་ཀོ་ས་ལ་ན་གནས་པའི་ཆོམ་རྐུན་པ་གང་དག་ཡིན་པ་དེ་དག་མཚམས་ཀྱི་བར་དུ་དོང་སྟེ་འཁོད་ཅིང ། ཡུལ་མ་ག་དྷ་ནས་དོན་མཐུན་པ་གང་དག་འོང་བ་དེ་དག་ཀྱང་འཇོམས་པར་བྱེད། ཡུལ་ཀོ་ས་ལ་ནས་དོན་མཐུན་པ་གང་དག་འོང་བ་དེ་དག་ཀྱང་འཇོམས་པར་བྱེད་ནས། ཐམས་
Nya213b
ཅད་དུ་ཡུལ་མ་ག་དྷ་ན་འཁོད་པའི་ཆོམ་རྐུན་པ་གང་དག་ཡིན་པ་དང ། ཡུལ་ཀོ་ས་ལ་ན་འཁོད་པའི་ཆོམ་རྐུན་པ་གང་དག་ཡིན་པ་དེ་དག་མཚམས་ཀྱི་བར་དུ་དོང་སྟེ་འཁོད་ཅིང ། དོན་མཐུན་འཇོམས་པར་བྱེད་པས། དོན་མཐུན་འགྲོ་བ་དང་འོང་བ་རྒྱུན་ཆད་དེ་རྒྱལ་པོའི་དཔྱ་དང ། ལོ་ཐང་མི་འདུའོ། །ཞེས་བྱ་བ་དེ་ལྟ་བུའི་སྒྲ་གྲགས་པར་གྱུར་ཏོ། །རྒྱལ་པོ་གཟུགས་ཅན་སྙིང་པོས་དེ་ཐོས་ནས། རུ་གཅིག་བཏང་ན།་དེ་བཅོམ་ཞིང་རབ་ཏུ་བཅོམ་ཏེ་ཕྱིར་འོངས་སོ། །དེ་བཞིན་དུ་རུ་གཉིས་པ་དང ། རུ་གསུམ་པ་བཏང་ན། དེ་ཡང་བཅོམ་ཞིང་རབ་ཏུ་བཅོམ་སྟེ་ཕྱིར་འོངས་སོ། །ཇི་ཙམ་ན་ཡུལ་མ་ག་དྷ་ནས་དོན་མཐུན་ཡུལ་ཀོ་ས་ལར་འཕགས་པ་དེ། ཆོམ་རྐུན་པས་འཇིགས་པས་རྒྱལ་པོའི་ཁབ་ཏུ་ཞུགས་ཏེ་སེལ་བ་ཚོལ་པར་བྱེད་ནས་བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ། སྟོང་ཐུབ་འདི་ལྷའི་འཚོ་བས་འཚོ་ན། ཅིའི་སླད་དུ་དོན་མཐུན་གྱི་སེལ་མི་བགྱིད། རྒྱལ་པོས་སྨྲས་པ། དེ་འགྲོ་ལ་རག་གི། ཐོངས་ཤིག། བློན་པོ་རྣམས་ཀྱིས་དེ་བོས་ཏེ་སྨྲས་པ། ཀཝའི་ནང་རྗེ། ཁྱོད་རྒྱལ་པོའི་འཚོ་བས་འཚོ་ན། ཅིའི་ཕྱིར་རྒྱལ་པོའི་བཀའ་བཞིན་མི་བྱེད། དེས་སྨྲས་པ། ཁྱེད་ཀྱིས་བསྒོ་བ་གང་ཞིག་ཁོ་བོས་མ་བྱས་ནས་དེ་སྐད་དུ་སྤྱོ་བར་བྱེད། དེ་དག་གིས་སྨྲས་པ། དོན་མཐུན་འདི་ཡུལ་ཀོ་ས་ལར་འགྲོའོ། །འདིའི་སེལ་གྱིས་ཤིག། དེས་སྨྲས་པ། མ་ཉེས་ཀྱི། དེ་ལྟར་བྱའོ། །ཞེས་དེས་མདའ་ལྔ་བརྒྱ་པའི་དོང་པ་གཉིས་ཐོགས་ཏེ་ཤིང་རྟར་ཞུགས་ནས་དོན་མཐུན་གྱི་མདུན་དུ་འཕགས་སོ། །ཆོམ་རྐུན་པ་རྣམས་ཀྱིས།
Nya214a
༄#། །དེ་དོན་མཐུན་གྱི་མདུན་ནས་འོང་བ་ཐག་རིང་པོ་ཁོ་ན་ནས་མཐོང་ནས་དེ་ལ་ཕོ་ཉ་བཏང་སྟེ་བསྒོ་བ། ཆོམ་རྐུན་པའི་དམག་དཔོན་ན་རེ། ཤིང་རྟ་ཕྱིར་ཟློག་ཅིག་།གནོད་པ་ཐོབ་པར་གྱུར་ཏ་རེ་ཞེས་ཟེར་རོ། །དེས་སྨྲས་པ། དཔའ་བོ་ལ་དཔའ་བོས་ཡོངས་སུ་སྤང་བ་བྱིན་ཅིག་།ཆོམ་རྐུན་པའི་ཕོ་ཉས་སྨྲས་པ། ཅི། ཁྱོད་གཅིག་པུ་དཔའ་བོ་ཡིན་ནམ། ཁོ་བོ་ཅག་ཀྱང་དཔའ་བོ་ཡིན་གྱི། ཕྱིར་ལོག་ཅིག། དེ་ནས་ཕན་ཚུན་མདའ་ཁར་དགྱེ་བར་བརྩམས་ནས་དེས་ཆོམ་རྐུན་པའི་ཕོ་ཉའི་གནད་དུ་བསྣུན་ནས་དེ་ཕྱིར་ལོག་གོ། དེ་བཞིན་དུ་ཆོམ་རྐུན་པ་གཉིས་དང ། བཞི་དང ། བརྒྱད་དང ། བཅུ་དྲུག་དང ། སུམ་ཅུ་རྩ་གཉིས་དང ། དྲུག་ཅུ་རྩ་བཞི་ནས་ཆོམ་རྐུན་པ་ལྔ་བརྒྱའི་བར་དག་ལྷགས་ནས། དེས་དེ་དག་གི་གནད་དུ་བསྣུན་ནས་དེ་དག་ཕྱིར་ལོག་གོ། དེ་བཞིན་དུ་ཆོམ་རྐུན་པ་གཞན་ལྔ་བརྒྱ་ལྷགས་ནས་དེས་དེ་དག་ལ་སྨྲས་པ། ངས་ཁྱོད་ཀྱི་ཆོམ་རྐུན་པ་ལྔ་བརྒྱ་བསད་ན། ཁྱེད་ཅག་ཀྱང་སྲོག་གིས་འགེབས་པར་མི་འདོད་དམ། ཕྱིར་ལོག་ཅིག་།ཆོམ་རྐུན་པ་རྣམས་ཀྱིས་སྨྲས་པ།་ངེད་ཀྱིས་གཅིག་ཀྱང་མ་སོད་ན། ཅིའི་ཕྱིར་ངེད་ཕྱིར་ལྡོག་།ཁྱོད་ཀྱང་རུང ། ངེད་ཀྱང་རུང་ངོ ། །དེས་སྨྲས་པ། གལ་ཏེ་ཁྱེད་ཅག་ཡིད་མི་ཆེས་ན། གང་དག་ངས་བསྣུན་པ་དེ་དག་གི་གོ་ཕུད་ཅིག་།དེ་དག་གིས་གོ་འབུད་པར་བརྩམས་པ་དང ། གང་གིས་ཇི་ལྟར་གོ་ཕུད་པ་དེ། དེ་ལྟར་དུས་ལ་བབ་ནས། ཆོམ་རྐུན་པ་དེ་དག། མི་འདི་ནི། གནོད་སྦྱིན་ཞིག་གོ། ཞེས་བྱེར་ཏེ་དོང་
Nya214b
ངོ། །སྟོང་ཐུབ་མཚམས་ཀྱི་བར་ན་འདུག་ཅིང ། དེ་དོན་མཐུན་ཡུལ་ཀོ་ས་ལ་ནས་འོང་བ་གང་ཡིན་པ་དེའི་སེལ་ཡང་བྱེད། ཡུམ་མ་ག་དྷ་ནས་འོང་བ་གང་ཡིན་པ་དེའི་སེལ་ཡང་བྱེད་དོ། །དེས་བསམ་པ།་བདག་གིས་ཅིའི་ཕྱིར་ཕར་འགྲོ་ཚུར་འགྲོ་བྱ། འདི་ཉིད་དུ་འདུག་པར་བྱའོ། །སྙམ་ནས་དེས་ཁྱིམ་བརྩིགས་ཏེ་འདུག་ནས་དོན་མཐུན་གཉི་གའི་བསྟི་གནས་སུའང་གྱུར་ཏེ། འབྲོག་ན་གནས་པ་ཡིན་པས། འབྲོག་གནས། འབྲོག་གནས་ཞེས་བྱ་བའི་མིང་དུ་གྱུར་ཏོ།། །།འདུལ་བ་རྣམ་པར་འབྱེད་པ། བམ་པོ་དོན་བཞི་པ། འབྲོག་གནས་སུ་དོན་མཐུན་དག་ལྷགས་ནས་ཁ་ཅིག་གིས་ནི། འབྲས་བཙོང་བར་བརྩམས་སོ། །ཁ་ཅིག་གིས་ནི། ཕྱེ་བཙོང་བར་བརྩམས། ཁ་ཅིག་གིས་ནི། བེ་རེག་།ཁ་ཅིག་གིས་ནི། ཁུ་བ། ཁ་ཅིག་གིས་ནི། རི་ལུ་བཙོང་བར་བརྩམས་སོ། །ཆང་ཚོང་དག་གིས་ཀྱང་ཆང་བཙོང་བར་བརྩམས་ཏེ། དེ་ཉིད་དུ་འཁོད་ནས་དེར་ཚོང་འདུས་ཆགས་པར་གྱུར་ཏོ། །འབྲོག་གནས་ཀྱིས་རྒྱལ་པོ་གཟུགས་ཅན་སྙིང་པོ་ལ་འཕྲིན་ཡིག། ལྷ། བདག་གིས་འདིར་ཚོང་འདུས་བཙུགས་ཀྱི།་ལྷས་འདིར་ཞལ་ལྟ་བ་གཏང་བའི་རིགས་སོ། །ཞེས་སྤྲིང་ངོ ། །རྒྱལ་པོས་བསམ་པ། གང་དུ་བདག་གི་རུ་གསུམ་བཅོམ་ཞིང་རབ་ཏུ་བཅོམ་ཞིང་འོངས་པ་དེར་དེས་ཚོང་འདུས་བཙུགས་པས། དེ་ནི། དེ་ཉིད་ཀྱིར་གྱུར་ཅིག། སྙམ་ནས། དེས་དེ་ལ་འཕྲིན་ཡིག། ངས་ཚོང་འདུས་དེ་ཁྱོད་ལ་བྱིན་གྱི། དེར་དཔྱ་དང་ལོ་ཐང་ཅི་འདུ་བ་དེ་དག་ཁྱོད་ཉིད་ཅི་དགར་སྤྱོད་ཅིག་།ཅེས་སྤྲིང་ངོ ། །འབྲོག་གནས་སུ་ཚོང་འདུས་
Nya215a
༄#། །བཙུགས་ནས་འབྲོག་གནས། འབྲོག་གནས་ཞེས་བྱ་བའི་མིང་དུ་གྱུར་ཏོ། །འབྲོག་གནས་ན་གནས་པའི་སྐྱེ་བོའི་ཚོགས་རྣམས་ཀྱིས་བསམ་པ། ཤེས་ལྡན་དག ། བདག་ཅག་གང་ཅུང་ཟད་བདེ་བར་གནས་པ་གང་ཡིན་པ་དེ་ཐམས་ཅད་འབྲོག་གནས་ཀྱི་མཐུ་ཡིན་པས། བདག་ཅག་གིས་འདི་ལ་ཕན་པ་ཅུང་ཟད་བྱ་གོར་མ་ཆག་གོ། སྙམ་མོ། །དེ་ན་ཁ་ཅིག་གིས་སྨྲས་པ། མ་ཉེས་ཀྱི། དེ་བཞིན་བྱའོ། །ཅི་ཞིག་བྱ། དེ་ན་ཁ་ཅིག་གིས་སྨྲས་པ། བདག་ཅག་ལས། གང་སུ་ཡང་རུང་བ་བག་མ་གཏོང་བའམ། བག་མ་ལེན་པ་དེས། དེ་འཁོར་དང་བཅས་པ་ལ་ཟན་སྦྱིན་ཞིང ། གོས་ཕྲུགས་རེ་ཡང་བསྐོན་པར་བྱའོ། །མ་ཉེས་ཀྱི། དེ་ལྟར་བྱའོ། །ཞེས་དེ་དག་ལས། གང་བག་མ་གཏོང་བའམ། བག་མ་ལེན་པ་དེས། འབྲོག་གནས་འཁོར་དང་བཅས་པ་ལ་ཟན་སྦྱིན་ཞིང ། གོས་ཕྲུགས་རེ་སྐོན་པར་བྱེད་དོ། །ཇི་ཙམ་ན་མི་དབུལ་པོ་ཞིག་བག་མ་ལེན་དུ་ཉེ་ནས་དེ་འདི་སྙམ་དུ་སེམས་ཏེ། བདག་ལ་འབྲོག་གནས་འཁོར་དང་བཅས་པ་ལ་ཟན་སྦྱིན་ཞིང ། གོས་ཕྲུགས་རེ་བསྐོན་པའི་འབྱོར་པ་ག་ལ་ཡོད་ཀྱི། འདི་ལྟར། བདག་གིས་བག་མ་དེ་བླངས་ནས་དང་པོ་ཁོ་ནར་འབྲོག་གནས་ལ་དགའ་མགུར་སྤྱོད་དུ་ཕུལ་ལ། དེས་དགའ་མགུར་སྤྱད་ནས་དེའི་འོག་ཏུ་བདག་གིས་སྤྱད་པར་བྱའོ། །སྙམ་དུ་རིག་ནས། དེ་འབྲོག་གནས་ཀྱི་གན་དུ་སོང་སྟེ་མགོ་བོས་ཕྱག་འཚལ་ནས་སྨྲས་པ། གྲོང་དཔོན། བདག་བག་མ་ལེན་དུ་ཉེ་ན། བདག་ལ་ཁྱོད་འཁོར་དང་བཅས་པ་
Nya215b
ལ་བཤོས་གསོལ་ཞིང ། ན་བཟའ་ཕྲུགས་རེ་གསོལ་བའི་འབྱོར་པ་མ་མཆིས་ཀྱི། འདི་ལྟར། བདག་གིས་བག་མ་དེ་བླངས་ནས་དང་པོ་ཁོ་ནར་ཁྱོད་ལ་དགའ་མགུར་སྤྱོད་དུ་འབུལ་གྱི། ཁྱོད་ཀྱིས་དགའ་མགུར་སྤྱད་ནས་དེའི་འོག་ཏུ་བདག་གིས་སྤྱད་པར་བགྱིའོ། །འབྲོག་གནས་ཀྱིས་སྨྲས་པ། ཀཝའི་ནང་རྗེ། གང་ཡང་རུང་བ་བག་མ་ལེན་པའམ། བག་མ་གཏོང་བ་དེ་ཐམས་ཅད་ཀྱིས་ཁོ་བོ་འཁོར་དང་བཅས་པ་ལ་ཟན་སྦྱིན་ཞིང་གོས་ཕྲུགས་རེ་སྐོན་མི་དགོས་ཀྱི། ཁྱོད་སོང་ལ་བག་ཡངས་སུ་བག་མ་ལོངས་ཤིག། གྲོང་དཔོན། དེ་ལྟ་ལགས་མོད་ཀྱི། འོན་ཀྱང་བདག་འདི་ལྟར་དགའི། དང་དུ་བཞེས་ཤིག་།བུད་མེད་ཀྱི་ཡུལ་ནི།་དབང་པོ་རྣམས་འཕྲོག་ཅིང་དོན་དུ་གཉེར་བར་འགྱུར་བ་ཡིན་པས། འབྲོག་གནས་ཀྱིས་དང་དུ་བླངས་སོ། །དེས་ཀྱང་བག་མ་བླངས་ནས་དང་པོ་ཁོ་ནར་འབྲོག་གནས་ལ་ཕུལ་ནས་དེས་ཀྱང་དགའ་མགུར་སྤྱད་དོ། །འབྲོག་གནས་འདོད་པ་ལ་འདོད་ཆགས་ཀྱིས་ལྷག་པར་ཆགས་པས། མི་དེ་ལ་བྱམས་པར་བྱ་བར་བརྩམས་སོ། །གཞན་ཞིག་གིས་དེ་ལ་སྨྲས་པ། ཀཝའི་ནང་རྗེ། ཁྱོད་ལ་འབྲོག་གནས་ཏེ་བོར་བྱམས་པར་གྱུར་པ་འདི་ལ་རྒྱུ་ཅི་ཡོད། དེས་ཇི་ལྟར་གྱུར་པ་སྨྲས་པ་དང ། དེས་ཀྱང་དེ་བཞིན་བྱ་བར་བརྩམས་སོ། །གཞན་ཞིག་གིས་དེ་ལ་དྲིས་པ་དང ། དེས་ཀྱང་དེ་ལ་ཇི་ལྟར་གྱུར་པ་བརྗོད་པ་དང ། དེས་ཀྱང་དེ་བཞིན་བྱ་བར་བརྩམས་སོ། །གཞན་ཞིག་གིས་ཀྱང་དེ་ལ་དྲིས་པ་དང ། དེས་ཀྱང་དེ་ལ་ཇི་ལྟར་གྱུར་པ་བརྗོད་པ་ནས་དེས་ཀྱང་དེ་བཞིན་བྱ་བར་བརྩམས་ཏེ། དེ་ལྟ་བུའི་ཚུལ་གྱིས་དོན་དམ་པ་མ་ཡིན་པའི་ཆོས་
Nya216a
༄#། །འཕེལ་བར་གྱུར་ཏོ། །འབྲོག་གནས་ཀྱིས་ཚོང་འདུས་དེར་ལྷ་ཁང་རྩིག་ཏུ་བཅུག་ནས་དེ་ན་གང་ཡང་རུང་བས་བག་མ་བླངས་པ་དེས་བུ་མོ་དེ་ལྷ་ཁང་དེ་བསྐོར་དུ་བཅུག་ནས་འབྲོག་གནས་ཀྱི་གན་དུ་གཏོང་ཞིང ། འབྲོག་གནས་ཀྱིས་དེ་དང་པོར་དགའ་མགུར་སྤྱོད་པར་བྱེད་དོ། །ཇི་ཙམ་དུས་གཞན་ཞིག་ན་གཞོན་ནུ་མ་ཆེན་པོ་ཞིག་བག་མར་འགྲོར་ཉེ་ནས་དེས་བསམ་པ། བདག་ལ་ཡང་དང་པོར་འབྲོག་གནས་དགའ་མགུར་སྤྱོད་པར་འགྱུར་ཞིང ། ཕྱིས་ཁྱིམ་ཐབ་སྤྱོད་པར་འགྱུར་ན་མི་རུང་གི་།ཅི་ནས་ཀྱང་འབྲོག་གནས་འདི་གསད་པར་འགྱུར་བ་དེ་ལྟ་བུའི་ཐབས་ཀྱི་རྣམ་པ་ཞིག་བྱའོ། །སྙམ་ནས།་དེས་ཇི་ཙམ་ན་ཕྱོགས་ཤིག་ཏུ་སྐྱེ་བོ་ཕལ་པོ་ཆེའི་ཚོགས་འདུག་ཅིང་མཐུན་པར་གྱུར་པ་དེ་ལོགས་སུ་ཁ་བལྟས་ཏེ་སྒྲོན་མོར་བྱུང་ནས་གཅིན་རྒྱང་བྱས་པ་དང ། སྐྱེ་བོ་ཕལ་པོ་ཆེའི་ཚོགས་ཀྱིས་དེ་མཐོང་ནས་དེ་དག་མི་དགའ་བར་སེམས་པར་གྱུར་ཏེ་སྨྲས་པ། བུ་མོ་ངོ་ཚ་དང་ཁྲེལ་མེད་པ། སྐྱེ་བོ་ཕལ་པོ་ཆེའི་ཚོགས་ལ་མདུན་གྱིས་ཕྱོགས་ཏེ་སྒྲོན་མོར་བྱུང་ནས་གཅིག་རྒྱང་བྱེད་པ་འདི། སུའི་ཡིན། བུ་མོ་དེས་དེ་ཐོས་ནས་སྨྲས་པ། ཁྱེད་ཅག་ཀྱང་ཕོ་ཡིན་ནམ། འོ་ན། ངེད་ཅག་ཅི་ཡིན། ཁྱེད་ཅག་ཕོ་མ་ཡིན་གྱི། འབྲོག་གནས་འབའ་ཞིག་ཕོ་ཡིན་པས། དེས་ཁྱེད་ཀྱིས་ཆུང་མ་བླངས་སོ་ཅོག་དང་པོར་དགའ་མགུར་སྤྱད་དེ། ཁྱེད་ཅག་ཕྱིས་དེའི་མི་གཙང་བ་འཁྲུ་བར་བྱེད་དོ། །དེ་དག་གིས་སྨྲས་པ། ཤེས་ལྡན་དག་།འདིས་བདག་ཅག་གནས་སུ་སྤྱོད་ན། འདི་ལ་བདག་ཅག་གིས་ཇི་ལྟར་བསྒྲུབ་པར་
Nya216b
བྱ།་དེ་ན་ཁ་ཅིག་གིས་སྨྲས་པ། འདི་ལ་གཞན་སྒྲུབ་ཏུ་ཅི་ཡོད། འབྲོག་གནས་གསད་པར་བྱའོ། །གཞན་དག་གིས་སྨྲས་པ། དེ་ཇི་ལྟར་གསད་པར་བྱ་བ་དཔྱད་པར་བྱའོ། །ཞེས་དེ་དག་དེ་ལྟར་གྲོས་བྱེད་པ་ན། ཁྱིམ་བདག་གཞན་ཞིག་གིས་རྫིང་བུ་འབུལ་བ་ཉེ་བར་གྱུར་ནས་དེ་དག་གིས་སྨྲས་པ། ཤེས་ལྡན་དག་།ཁྱིམ་བདག་ཆེ་གེ་མོ་ཞིག་གིས་རྫིང་བུ་འབུལ་བར་ཉེ་བར་གྱུར་པས། དེར་དེ་མགྲོན་དུ་བོས་པའི་ཚེ་གསད་པར་བྱའོ། །ཇི་ཙམ་ན་ཁྱིམ་བདག་དེས་རྫིང་བུ་འབུལ་བའི་ཚེ་མགྲོན་དུ་བོས་པ་དང ། དེས་ཀྱང་དང་དུ་བླངས་སོ། །རྒྱལ་པོ་གཟུགས་ཅན་སྙིང་པོས་དྲིལ་སྒྲོག་པ་བྱེད་དུ་བཅུག་སྟེ་ཕྱོགས་སུ་བསྒོ་བ། ངའི་ཡུལ་དུ་དགེ་སློང་གང་ལ་ལ་ཞིག་འོང་བར་གྱུར་ན། དེ་གལ་ཏེ་ངའི་མཛོད་དང ། ཁྱིམ་ན་བཟའ་བ་དང ། བཏུང་བ་ཡོད་ན། ཟན་སྦྱིན་པར་བྱའོ། །གལ་ཏེ་མེད་ན། སུས་མཐོང་བ་རང་གིས་བྱིན་ཅིག་དང ། ཕྱིས་སྐྱིན་པ་ཉིས་འགྱུར་དུ་སྦྱིན་ནོ། །ཞེས་རྩིག་ཡིག་ཏུ་ཡང་བྲིས་ཏེ་བཞག་གོ་།བར་དུ་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་གཉིས་མ་ག་དྷ་དག་ཏུ་ལྗོངས་རྒྱུ་ཞིང་འདོང་བ་ན། འབྲོག་གནས་སུ་ཕྱིན་ཏེ། ཚོང་དཔོན་འབྲོག་གནས་ཀྱིས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་གཉིས་མ་ག་དྷ་དག་ཏུ་རྒྱུ་ཞིང་འདོང་བ་ན། འབྲོག་གནས་སུ་ཕྱིན་ཅེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། རྒྱལ་པོ་གཟུགས་ཅན་སྙིང་པོ་དེ་བསོད་ནམས་དག་གིས་ངོམས་མི་མྱོང་བས་སྦྱིན་པ་དག་སྦྱིན། བསོད་ནམས་དག་བྱེད་ན། བདག་གིས་ཀྱང་ཅིའི་ཕྱིར་སྦྱིན་པ་དག་མི་སྦྱིན། བསོད་ནམས་དག་
Nya217a
༄#། །མི་བྱ་སྙམ་དུ་རིག་ནས། ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་གཉིས་ག་ལ་བ་དེར་སོང་སྟེ་ཕྱིན་ནས་རྐང་པ་གཉིས་ལ་མགོ་བོས་ཕྱག་འཚལ་ཏེ་ཆོས་མཉན་པའི་ཕྱིར་མདུན་དུ་འདུག་གོ་།དེ་གཉིས་ཀྱིས་དེ་ལ་ཆོས་བསྟན་ནས། དེས་དེ་གཉིས་བསོད་སྙོམས་ལ་བོས་ཏེ་ཟན་བྱིན་ནོ། །ཁྱིམ་བདག་དེས། འབྲོག་གནས་གཡར་འདྲེན་གྱིས་བོས་པ་དང ། དེས་ཡོན་བཤད་པ་མ་མཉན་པ་ཁོ་ནར་རྫིང་བུ་འབུལ་བར་སོང་ངོ ། །འབྲོག་གནས་ན་གནས་པའི་སྐྱེ་བོའི་ཚོགས་ཀྱིས་ཀྱང་བརྡ་བྱས་ཏེ་མཚོན་ཐོགས་ནས་དེར་དོང་སྟེ་དེ་དག་གིས་འབྲོག་གནས་རྫིང་བུར་ཞུགས་པ་དང ། སྐྲ་བཀྲུའོ། །ཞེས་འགྱུར་བྱེད་ཚ་བ་མགོར་བླུགས་ནས་མིག་ཆུ་འཛག་པར་གྱུར་ཏེ་ཅུང་ཟད་ཀྱང་མི་མཐོང་བ་དང ། དེ་ནས་དེའི་སྟེང་དུ་འཁོར་ལོ་དང ། རྡོ་རྗེ་རྩེ་གཅིག་དང ། མདའ་བོ་དང ། མཚོན་རྩེ་གཅིག་པ་ལ་སོགས་པའི་མཚོན་དག་འཕང་བར་བརྩམས་ཏེ། དེ་གསོད་པར་བཤམས་པ་ན། དེས་སྨྲས་པ། ཤེས་ལྡན་དག་།ཁོ་བོས་ཁྱེད་ལ་ཉེས་པ་ཅི་བྱས། དེ་དག་གིས་སྨྲས་པ། ཁྱོད་ཀྱིས་ཁོ་བོ་ཅག་གི་བག་མ་དང་པོར་དགའ་དགུར་སྤྱད་ཅིང ། ཕྱིས་ཁོ་བོ་ཅག་གིས་སྤྱད་དོ། །དེས་སྨྲས་པ། ཁྱེད་ཅག་ཉིད་ཀྱིས་དམ་པ་མ་ཡིན་པའི་ཆོས་འདི་ཕྱུང་བས་འདི་ལ་ཁོ་བོས་ཅི་ཉེས། མ་གསད་པར་ཐོང་ཞིག། དེ་དག་གིས་དེ་ལྟར་ཤགས་འདེབས་བཞིན་དུ་གསད་པར་བརྩམས་པ་དང ། དེས་སྲོག་དང་འབྲལ་ཁར་གནད་འཆད་ཀ་དང ། ཚིགས་འགྲོལ་ཀར་སེམས་བསྐྱེད་དེ་སྨོན་ལམ་བཏབ་པ། བདག་གིས་
Nya217b
འཕགས་པ་ཤཱ་རིའི་བུ་དང ། མོའུ་འགལ་གྱི་བུ་ཆེན་པོ་ལྷ་དང་མིས་མཆོད་པ་གཉིས་ལ་བསོད་སྙོམས་ཕུལ་བའི་དགེ་བའི་རྩ་བ་དེས། བདག་གང་དུ་འདི་དག་གསོད་པར་འགྱུར་པ་དེར་སྐྱེ་བར་གྱུར་ཅིག། ཅེས་བཏབ་བོ། །ཆོས་ཉིད་ཀྱིས་ན་མར་འབྲི་བའི་དུས་ཀྱི་ཚེ་ན། སྨོན་ལམ་ལོག་པ་བཏབ་པ་དེ་ནི། མྱུར་དུ་འགྲུབ་པ་ཡིན་པས་དེས་སྨོན་ལམ་ལོག་པ་བཏབ་སྟེ་ཤི་ཞིང་དུས་ལ་བབ་ནས་གནོད་སྦྱིན་གདུག་པ་རྣམས་ཀྱི་ནང་དུ་སྐྱེས་སོ། །དེ་ནས་དེ་གནས་འདོད་པས་རྒྱལ་པོ་ཆེན་པོ་རྣམ་ཐོས་ཀྱི་བུའི་གན་དུ་སོང་སྟེ་སྨྲས་པ། བཟོད་ལྡན། བདག་ལ་གནས་སྩོལ་ཅིག་།དེས་སྨྲས་པ། འབྲོག་གནས། ཁྱོད་ཀྱི་གནས་འབྲོག་གནས་དེ་ཉིད་ཡིན་གྱི། སོང་ཞིག་།དེ་འབྲོག་གནས་སུ་འོངས་ནས་མི་ངས་ཕྱུང་སྟེ། སྐྱེ་བོ་མང་པོ་ཤི་བར་གྱུར་ནས་ཁྲི་དང ། ཁྲིར་འདོམ་པར་བྱས་སོ། །འབྲོག་གནས་ན་གནས་པའི་སྐྱེ་བོའི་ཚོགས་ཀྱིས་ལྟས་པ་དག་བཀུག་སྟེ་བྲིས་པ། ཤེས་ལྡན་དག་།གང་གི་ཕྱིར་འདི་ལྟ་བུའི་ཡམས་བྱུང་བར་གྱུར་པ་འདི་ལ་རྒྱུ་ཅི་ཡོད། དེ་དག་གིས་སྨྲས་པ། ཤེས་ལྡན་དག་།ཁྱེད་ཀྱིས་འབྲོག་གནས་བསད་པ་གང་ཡིན་པ་དེས་སྨོན་ལམ་བཏབ་པས། གནོད་སྦྱིན་གདུག་པ་རྣམས་ཀྱི་ནང་དུ་སྐྱེས་ཏེ། དེས་འདི་ལྟ་བུའི་ཡམས་ཕྱུང་ངོ ། །དེ་དག་གིས་ཤིང་རྟ་དང་བཅས་ཏེ་འབྲོས་པར་བརྩམས་པ་དང ། དེས་ཀྱང་འཇིགས་པ་དང ། འཇིགས་སུ་རུང་བ་ཆེན་པོར་བདག་ཉིད་མངོན་པར་སྤྲུལ་ནས་འབྲོག་གནས་ན་གནས་པའི་སྐྱེ་བོའི་ཚོགས་འབྲོས་པའི་མདུན་དུ་འདུག་སྟེ་སྨྲས་པ། གར་འདོང ། དེང་ཁྱེད་ཐམས་ཅད་བཟའོ། །དེ་དག་ཀུན་ཏུ་སྐྲག་
Nya218a
༄#། །པར་གྱུར་ཏེ་སྨྲས་པ། གྲོང་དཔོན། བདག་ཅག་སྡིག་པ་བྱེད་པ་རྣམས་ལ་བཟོད་པ་མཛོད་ཅིག་།དེས་སྨྲས་པ། དམ་ཚིག་གིས་བཟོད་པར་བྱ་སྟེ། གལ་ཏེ་ང་ལ་ཉི་མ་རེ་རེ་ཞིང་མི་སྟོང་སྟོང་འབུལ་ན། བཟོད་དོ། །དེ་དག་གིས་སྨྲས་པ། གྲོང་དཔོན། གལ་ཏེ་ཁྱོད་ལ་ཉི་མ་རེ་རེ་བཞིན་མི་སྟོང་སྟོང་ཕུལ་ན། རིང་པོར་མི་ཐོགས་པར་འབྲོག་གནས་འདི་མི་སྣང་བར་འགྱུར་གྱི། དངན་དུས་འདི་ཐོང་ལ་བདག་ཅག་ཕྱག་འཚལ་བ་རྣམས་ལ་བཟོད་པ་མཛོད་ཅིག་།དེས་སྨྲས་པ། ཤེས་ལྡན་དག་།ཁོ་བོ་ཡུན་རིང་པོ་ནས་སྨོན་པ། ཀྱེ་མ། འབྲོག་གནས་འདི་མི་སྣང་བར་གྱུར་ཅིག་སྙམ་མོད་ཀྱི། འོན་ཀྱང་ཁོ་བོ་ལ་ཉི་མ་རེ་རེ་ཞིང་མི་ལྔ་བརྒྱ་ལྔ་བརྒྱ་ཕུལ་ཅིག་དང ། བཟོད་པར་བྱའོ། །དེ་དག་གིས་ཡང་དེ་བཞིན་གསོལ་ནས་དེས་ཀྱང་མི་ཉིས་བརྒྱ་ལྔ་བཅུ་དང་བརྒྱའི་བར་དུ་ཕུལ་ཅིག་ཅེས་སྨྲས། །དེ་དག་གིས་སྨྲས་པ། གྲོང་དཔོན། དེ་ལྟ་ན་ཡང་བདག་ཅག་ཉམས་པར་འགྱུར་གྱི། མང་པོས་ཅི་བྱ། བདག་ཅག་གིས་ཁྱོད་ལ་ཉི་མ་རེ་རེ་ཞིང་བ་ལང་དྲུག་དང་ལྡན་པའི་ཤིང་རྟ་ཟས་ཀྱིས་བཀང་བ་དང ། དེ་ཁྲིད་པའི་མི་གཅིག་དབུལ་གྱི། བཟོད་པར་མཛོད་ཅིག་།དེས་སྨྲས་པ། དེ་རུང་གི། འདི་ལྟར། ཁྱེད་ཀྱིས་དུ་བ་དག་གིས་དབུལ་བར་མི་བྱ་བར་བྲོ་དང ། གླུ་དང ། སིལ་སྙན་གྱི་སྒྲས་དབུལ་བར་བྱའོ། །དེ་དག་གིས་ཀྱང་ཁས་བླངས་སོ། །དེ་ནས་འབྲོག་ན་གནས་པའི་སྐྱེ་བོའི་ཚོགས་ཐམས་ཅད་འདུས་ཏེ་གྲོས་བྱས་པར་བརྩམས་པ། ཤེས་ལྡན་དག་།གནོད་སྦྱིན་གྱི་བདག་
Nya218b
ཅག་གནས་སྐབས་དེ་ལྟར་བྱས་ན། འདི་ལ་ཇི་ལྟར་བསྒྲུབ་པར་བྱ། དེ་ན་ཁ་ཅིག་གིས་སྨྲས་པ། རེས་ཀྱིས་རེས་ཀྱིས་དབུལ་བར་བྱའོ། །ཁ་ཅིག་གིས་སྨྲས་པ། གང་ལ་རེས་བབ་པར་གྱུར་པ་དེ་ལ་བརྗོད་པ་ན། འཁྲུག་པ་སྐྱེ་བར་འགྱུར་གྱི། འདི་ལྟར། ཁྱིམ་བྱང་བྲིས་ཏེ་རྫ་མར་བཅུག་ལ། གང་གི་ཁྱིམ་བྱང་བྱུང་བ་ད་འགྲོ་བར་བྱ་སྟེ། དེས་ཀྱང་མི་ཚབ་མ་དག་མི་གཏང་བར་བདག་ཉིད་འགྲོ་བར་བྱ་བའམ། བུ་གཏང་བར་བྱའོ། །གང་ལ་བྲེལ་བ་བྱུང་སྟེ་མ་འདུས་པ་དེ་ལ་བབ་ན། དེའི་ཁྱིམ་དུ་ཁྱིམ་བྱང་དཔྱང་སྟེ་གཞག་གོ་།དེའི་ཚེ་ན་འབྲོག་གནས་ན་ཁྱིམ་བདག་ཅིག་འདུག་པ་དེ་ལ་བུ་མེད་ནས་ཡུན་རིང་པོ་ནས་ཀྱེ་མ། བདག་ལ་བུ་ཡོད་པར་གྱུར་ཅིག་ཅེས་སྨོན་ནས། སྟེས་དབང་གིས་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །ཆུང་མ་དེ་བཙའ་བའི་དུས་ཀྱི་ཚེ་ཁྱིམ་བདག་དེ་བྱ་བ་ཞིག་ལ་ཕྱི་རོལ་ཏུ་བྱུང་བ་དང ། དེའི་ཉིན་མོ་དེ་ལ་གནོད་སྦྱིན་ལ་གཏོར་མ་སྦྱིན་པའི་ཁྱིམ་བྱང་བྱུང་ནས། དེས་རེས་སྦྲོན་པར་བསྐོས་པའི་མི་དག་གིས་དེའི་ཁྱིམ་སྒོར་དབྱངས་ཏེ་བཞག་གོ་།སྐབས་དེར་ཆུང་མ་དེ་བཙས་པ་ལས་ཁྱེའུ་ཞིག་བྱུང་ངོ ། །ཇི་ཙམ་ན་ཁྱིམ་བདག་དེ་ཕྱིར་འོངས་པ་དང ། དེས་ཁྱིམ་དུ་འཇུག་ཁར་ཁྱིམ་བྱང་དེས་དེ་མཐོང་ནས་དེ་སྡུག་བསྔལ་ཞིང་ཡིད་མི་བདེ་བར་གྱུར་ཏེ་ཁྱིམ་དུ་ཞུགས་ནས་ཅང་མི་སྨྲ་བར་འདུག་གོ་།ཆུང་མས་དེ་ལ་སྨྲས་པ། རྗེའི་སྲས། དགྱེས་པ་སྐྱད་ཅིག་།ཁྱོད་ཀྱི་སྲས་བལྟམས་སོ། །དེ་ལྟ་ན་ཡང་ཅང་མི་སྨྲ་བ་ཁོ་ནར་འདུག་གོ་།ཆུང་མས་དེ་ལ་ལན་གསུམ་གྱི་བར་དུ་དེ་སྐད་སྨྲས་ཀྱང་ཅང་མི་སྨྲ་བ་ཁོ་ནར་འདུག་ནས། ཡང་ཆུང་
Nya219a
༄#། །མས་སྨྲས་པ། རྗེའི་སྲས། ཁྱོད་ཡུན་རིང་པོ་ནས་ཀྱེ་མ། བདག་ལ་བུ་ཡོད་པར་གྱུར་ཅིག་ཅེས་སྨོན་པ་གང་ལགས་པ་དེ། ད་བཙས་ན། ཅིའི་སླད་དུ་ཅང་མི་གསུང་བར་བཞུགས། མཆོག་ཏུ་དགྱེས་པ་སྐྱེད་ཅིག་།དེས་སྨྲས་པ། བཟང་མོ། འདི་ནི། སྐྱེས་ན། ཁོ་བོ་ནི། མ་སྐྱེས་སོ། །རྗེའི་སྲས། ཅི་ནོངས། བཟང་མོ། གནོད་སྦྱིན་ལ་གཏོར་མ་དབུལ་བའི་ཕྱིར་ཁྱིམ་བྱང་འོངས་སོ། ། རྗེའི་སྲས། གལ་ཏེ་དེ་ལྟ་ན། ཁྱོད་ཀྱི་སྲས་འཆི་བར་བས་མོད། སྐོལ་ཅག་ཡང་མཇལ་ན། ཁྱོད་ལ་སྲས་མཆིས་པར་འགྱུར་རོ། །བཟང་མོ། འདི་ནི། ཁྲག་གི་ཐིགས་པ་ཡིན་པས་འདི་ཇི་ལྟར་གཏང་བར་བྱ། རྗེའི་སྲས། ཚོགས་པས་ཁྲིམས་སུ་བགྱི་བ་རྣམ་པར་བཞག་པ་ལས་བདག་ཉིད་འགྲོ་བར་བྱ་བའམ། བུ་གཏང་བར་བྱའོ། །ཞེས་མི་འབྱུང་ངམ། འདི་ཁྱོད་ཀྱི་སྲས་ལགས་པས། བདག་ཉིད་དང་མཉམ་པའི་སྡུག་པ་གཞན་མ་མཆིས་ཀྱི། སྲས་འདི་ཐོང་ཞིག་།དེས་གལ་ཏེ་ཁྱོད་དགའ་ན། སོང་ཞིག་ཅེས་དང་དུ་བླངས་སོ། །དེ་ནས་ཁྱིམ་བདག་གི་ཆུང་མ་དེས་མཚན་མོ་མིག་ལམ་ཆད་པ་དང ། མར་མེ་དང ། བདུག་སྤོས་དང ། ཕྲེང་བ་རྒྱུ་དང ། མེ་ཏོག་དག་གིས་མཆོད་པ་བྱས་ནས་ཁ་ཤར་ཕྱོགས་སུ་བལྟས་ཏེ་གསོལ་བ་གདབ་པར་བརྩམས་པ། འཇིག་རྟེན་དགེ་དུལ་ཞི་བ་དང ། །དབང་ཐུལ་རྣམས་ཀྱིས་མི་སྟོང་པས། །བུ་ཡི་དོན་དུ་དེར་འདུད་ཀྱི། །བདག་གི་བྱིས་པ་བསྐྱབ་ཏུ་གསོལ། །དེའི་སྐབས་སུ་སངས་རྒྱས་བཅོམ་ལྡན་འདས་རྣམས་ལ་ནི། མི་མཁྱེན་པ་དང །
Nya219b
མ་གཟིགས་པ་དང ། མ་རིག་པ་དང ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་བས། ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་བཞུགས་པ། སྲུང་པ་གཅིག་པུ་པ། ཉག་ཅིག་དཔའ་བ། གཉིས་པ་མེད་པ། གཉིས་སུ་མི་གསུང་པ། ཞི་གནས་དང་ལྷག་མཐོང་གིས་བཞུགས་པ། རིག་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་པར་བསླབ་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་བརྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་བསྒྱུར་བ་ལས་ཁྱད་པར་དུ་འཕགས་པ་རྣམས་ཀྱི་ཆོས་ཉིད་ནི། ཉིན་ལན་གསུམ། མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ནས་གང་ནི། ཉམས་པར་གྱུར། གང་ནི། འཕེལ་བར་གྱུར། །གང་ནི། གནོད་པར་གྱུར། གང་ནི། ཉམ་ང་བར་གྱུར། གང་ནི། མི་བདེ་བར་གྱུར། གང་ནི། གནོད་པ་དང ། ཉམ་
Nya220a
༄#། །ང་བ་དང ། མི་བདེ་བར་གྱུར། གང་ནི། ངན་སོང་ལ་གཞོལ། གང་ནི། ངན་སོང་ལ་འབབ། གང་ནི། ངན་སོང་ལ་བབ། གང་ནི། ངན་སོང་གི་ལམ་ནས་བསླང་སྟེ་མཐོ་རིས་དང ། ཐར་པ་དང ། འབྲས་བུ་ལ་གཞག་པར་བྱ། འདོད་པའི་འདམ་དུ་བྱིང་བ་གང་གི་ལག་ནས་ནི། དྲང་བར་བྱ། འཕགས་པའི་ནོར་གྱི་དབྱིག་དང་བྲལ་བ་གང་ནི། འཕགས་པའི་ནོར་གྱི་དབང་ཕྱུག་ལ་གཞག་པར་བྱ། གང་གི་སངས་རྒྱས་འབྱུང་བས་བརྒྱན་པའི་འཇིག་རྟེན་ནི། འབྲས་བུ་དང་བཅས་པར་བྱ། གང་གི་དགེ་བའི་རྩ་བ་དག་མ་བསྐྱེད་པ་ནི། བསྐྱེད་པར་བྱ། གང་གི་དགེ་བའི་རྩ་བ་དག་བསྐྱེད་པ་ནི། ཡོངས་སུ་སྨིན་པར་བྱ། ཡོངས་སུ་སྨིན་པ་གང་ནི། རྣམ་པར་གྲོལ་བར་བྱ་ཞེས་མཁྱེན་པ་དང ། གཟིགས་པ་འཇུག་གོ་།སྨྲས་པ། ཆུ་སྲིན་གནས་ཀྱི་དུག་ཅན་པ། །དུས་ལས་འདའ་བར་འགྱུར་སྲིད་ཀྱི། །སངས་རྒྱས་གདུལ་ལ་བྱམས་པ་ནི། །དུས་ལས་འདའ་བར་མི་འགྱུར་རོ། །ཇི་ལྟར་མ་ནི་བུ་སྡུག་གཅིག་པུ་ལ། །རྟོག་ཅིང་དེ་སྲོག་སྲུང་བར་བྱེད་པ་ལྟར། །དེ་བཞིན་གཤེགས་པའང་འདུལ་བའི་སྐྱེ་བོ་ལ། །རྟོག་པར་མཛད་ཅིང་དེ་སྲོག་སྲུང་བར་མཛད། །ཀུན་མཁྱེན་རྒྱུད་ལ་ལྔ་བའི་ཐུགས་རྗེ་ཡི། །བཞོན་མ་འདུལ་བའི་བེའུ་ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་ལ་བྱམས་པ་ནི། །རབ་ཉམས་བེའུ་ལ་བྱམས་པའི་བ་བཞིན་ནོ། །བཅོམ་ལྡན་འདས་ཀྱིས་དགོངས་པ། ཁྱེའུ་དེ་ནི། སྔོན་གྱི་སངས་རྒྱས་རྣམས་ལ་བྱ་བ་ལྷག་པར་བྱས་པ་ཡིན་པས། དེ་ལ་
Nya220b
ཕན་གདགས་པར་བྱ་ཞིང ། གནོད་སྦྱིན་འབྲོག་གནས་ཀྱང་གདུལ་བར་བྱའོ། །སྙམ་དུ་རིག་ནས་མ་ག་དྷ་དག་ཏུ་ལྗོངས་རྒྱུ་ཞིང་གཤེགས་ནས་འབྲོག་གནས་སུ་བྱོན་ཏེ་འབྲོག་གནས་ན་གནོད་སྦྱིན་འབྲོག་གནས་ཀྱི་གནས་སུ་མཚན་མོ་གནས་པར་ཞལ་གྱིས་བཞེས་སོ། །དེའི་ཚེ་ན་གནོད་སྦྱིན་འབྲོག་གནས་གནོད་སྦྱིན་རྣམས་ཀྱི་གནོད་སྦྱིན་འདུ་བར་སོང་བར་གྱུར་ཏོ། །གནོད་སྦྱིན་བོང་བུ་པས། བཅོམ་ལྡན་འདས་གནོད་སྦྱིན་འབྲོག་གནས་ཀྱི་གནས་སུ་མཚན་མོ་གནས་པར་ཞལ་གྱིས་བཞེས་པར་མཐོང་ངོ ། །མཐོང་ནས་ཀྱང་གནོད་སྦྱིན་འབྲོག་གནས་ག་ལ་བ་དེར་སོང་སྟེ་ཕྱིན་ནས་གནོད་སྦྱིན་འབྲོག་གནས་ལ་འདི་སྐད་ཅེས་སྨྲས་སོ། །གྲོང་དཔོན། ཁྱེད་ཀྱི་གནས་སུ་བཅོམ་ལྡན་འདས་མཚན་མོ་གནས་པར་ཞལ་གྱིས་བཞེས་པ་གང་ཡིན་པ་དེ་ནི། ཁྱོད་ཀྱིས་རྙེད་པ་ལེགས་པར་རྙེད་དོ། །གྲོང་དཔོན། མི་གྱུར་པ་ཡང་བདག་གི་གནས་སུ་མཚན་མོ་གནས་པར་ཁས་ལེན་ཏམ། གྲོང་དཔོན། དེ་དེ་བཞིན་ནོ། །དེ་དེ་བཞིན་ཏེ། འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སོ། །གྲོང་དཔོན། དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིན་ནམ། འོན་ཏེ་མ་ཡིན་པ་ཤེས་པར་བྱའོ། །དེ་ནས་གནོད་སྦྱིན་འབྲོག་གནས་ཀྱིས་གནོད་སྦྱིན་རྣམས་ཀྱི་གནོད་སྦྱིན་འདུ་བ་ཟིལ་གྱིས་མནན་ནས། རང་གི་གནས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་སོལ་ཏོ། །དགེ་སྦྱོང ། ཕྱིར་ཕྱུང་ཞིག་།བཅོམ་ལྡན་འདས་ཀྱིས་འདི་ནི།
Nya221a
༄#། །གཞན་གྱིས་ཡོངས་སུ་བཟུང་བའོ། །སྙམ་དུ་དགོངས་ནས་སླར་བྱུང་ངོ ། །དགེ་སྦྱོང ། ཞུགས་ཤིག་།བཅོམ་ལྡན་འདས་རྒྱགས་པ་དང ། ང་རྒྱལ་ངེས་པར་བཅོམ་པའི་ཕྱིར་ཞུགས་སོ། །གནོད་སྦྱིན་འབྲོག་གནས་ཀྱིས་ལན་གཉིས་སུ་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང ། ཕྱིར་ཕྱུང་ཞིག། བཅོམ་ལྡན་འདས་ཀྱིས་འདི་ནི། གཞན་གྱིས་ཡོངས་སུ་བཟུང་བའོ། །སྙམ་དུ་དགོངས་ནས་སླར་བྱུང་ངོ ། །དགེ་སྦྱོང ། ཞུགས་ཤིག་།བཅོམ་ལྡན་འདས་རྒྱགས་པ་དང ། ང་རྒྱལ་ངེས་པར་བཅོམ་པའི་ཕྱིར་ཞུགས་སོ། །གནོད་སྦྱིན་འབྲོག་གནས་ཀྱིས་ལན་གསུམ་དུ་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང ། ཕྱིར་ཕྱུང་ཞིག་།བཅོམ་ལྡན་འདས་ཀྱིས་འདི་ནི། གཞན་གྱིས་ཡོངས་སུ་བཟུང་བའོ། །སྙམ་དུ་དགོངས་ནས་སླར་བྱུང ། ། དགེ་སྦྱོང ། །ཞུགས་ཤིག་།བཅོམ་ལྡན་འདས་རྒྱགས་པ་དང ། ང་རྒྱལ་ངེས་པར་བཅོམ་པའི་ཕྱིར་ཞུགས་སོ། །གནོད་སྦྱིན་འབྲོག་གནས་ཀྱིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། དགེ་སྦྱོང ། ཕྱིར་ཕྱུང་ཞིག་།དེ་ནས་བཅོམ་ལྡན་འདས་ཀྱིས་གནོད་སྦྱིན་འབྲོག་གནས་ལ་འདི་སྐད་ཅེས་བཀའ་སྩལ་ཏོ། །གྲོང་དཔོན། ཁྱོད་ཀྱིས་ང་ལན་གསུམ་གྱི་བར་དུ་གནས་སུ་སྤྱན་དྲངས་པས། ད་ནི། མི་འབྱུང་ངོ ། །དགེ་སྦྱོང ། །དེའི་ཕྱིར་ཁྱོད་ལ་དྲི་བ་དྲིའོ། །དྲི་བ་ལན་གདབ་པ་དེས་གལ་ཏེ་ཁོ་བོའི་སེམས་རངས་པར་བྱེད་ན། དེ་ལྟ་ན་ལེགས། གལ་ཏེ་སེམས་རངས་པར་མི་བྱེད་ན། ཁྱོད་ཀྱི་
Nya221b
སེམས་གཡེང་བའམ། སྙིང་དགས་པའམ། ཁ་ནས་ཁྲག་ཚ་བ་སྐྱུག་པའམ། ལག་པ་གཉིས་ནས་བཟུང་སྟེ་ཆུ་ཀླུང་སྐལ་ལྡན་ཤིང་རྟ་པའི་ཕ་རོལ་གྱི་འགྲམ་དུ་འཕང་བར་བྱའོ། །བཅོམ་ལྡན་འདས་ཀྱིས་བཀའ་སྩལ་པ། གྲོང་དཔོན། ངས་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང ། བྲམ་ཟེའི་སྐྱེ་རྒུ་དང་བཅས་པ། ལྷ་དང ། མི་དང་བཅས་པའི་ནང་ན། གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སེམས་གཡེང་བའམ། ཐུགས་དགས་པའམ། ཞལ་ནས་ཁྲག་ཚ་བ་སྐྱུག་པའམ། ཕྱག་གཉིས་ནས་བཟུང་སྟེ་ཆུ་ཀླུང་སྐལ་ལྡན་ཤིང་རྟ་པའི་ཕ་རོལ་གྱི་འགྲམ་དུ་འཕེན་པ་ཡང་དག་པར་རྗེས་སུ་མ་མཐོང་གི། གྲོང་དཔོན། འདི་ལྟར། ཅི་དང་ཅི་འདོད་པ་ཞུས་ཤིག་།དེ་ནས་གནོད་སྦྱིན་འབྲོག་གནས་ཀྱིས་དེའི་ཚེ་ཚིགས་སུ་བཅད་པ་གསོལ་བ། བར་སྡོམ་ལ། གང་དང་ཇི་ལྟར་དུ་དང་ནི། གང་ཞིག་རྒལ་དང་ཅི་ཡིས་རྒལ། །འདི་ནི་སྐྱེས་པའི་ནོར་མཆོག་གང ། །ཅི་ཞིག་ལེགས་སྤྱོད་བདེ་སྤྱོད་འགྱུར། །རོ་རྣམས་ནང་ན་མངར་མཆོག་ཅི། ། ཇི་ལྟར་འཚོ་ན་འཚོ་མཆོག་བསྟན། །བཅོམ་ལྡན་འདས་ཀྱིས་བཀའ་སྩལ་པ། དད་པ་སྐྱེས་བུའི་ནོར་མཆོག་ཡིན། །ཆོས་ལ་ལེགས་སྤྱོད་པ་དེ་སྤྱོད་འགྱུར། །བདེན་པའི་རོ་རྣམས་མངར་མཆོག་ཡིན། ཤེས་པས་འཚོ་ན་མཚོ་མཆོག་བསྟན། །གནོད་སྦྱིན་གྱིས་གསོལ་པ། ཇི་ལྟར་གྲགས་དང་ལྡན་པར་འགྱུར། །ལོངས་སྤྱོད་ལྡན་པར་ཇི་ལྟར་འགྱུར། །ཇི་ལྟར་སྙན་པ་ཐོབ་འགྱུར་ཞིང ། །མཛའ་བཤེས་ཇི་ལྟར་རྙེད་
Nya222a
༄#། །པར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། ཚུལ་ཁྲིམས་ཀྱིས་ནི་གྲགས་ལྡན་འགྱུར། །སྦྱིན་པས་ལོངས་སྤྱོད་ལྡན་པར་འགྱུར། །བདེན་པས་སྙན་པ་ཐོབ་པར་འགྱུར།། སྙིང་རྗེས་མཛའ་བཤེས་རྙེད་པར་འགྱུར། །གནོད་སྦྱིན་གྱིས་གསོལ་པ། དུ་ཞིག་གིས་ནི་འཇིག་རྟེན་འབྱུང ། །དུ་ཡིས་འདྲིས་པ་ཐོབ་པར་འགྱུར། །དུ་ཞིག་གིས་ནི་འཇིག་རྟེན་བཀུར། །དུ་ཡིས་འཇིག་རྟེན་ཟིལ་གནོན་འགྱུར། །བཅོམ་ལྡན་འདས་ཀྱིས་བཀའ་སྩལ་པ། དྲུག་གིས་འཇིག་རྟེན་འབྱུང་འགྱུར་ཏེ། །དྲུག་གིས་འདྲིས་པ་འཐོབ་པར་འགྱུར། །དྲུག་གིས་འཇིག་རྟེན་བཀུར་འགྱུར་ཏེ། །དྲུག་གིས་འཇིག་རྟེན་ཟིལ་ནོན་འགྱུར། །གནོད་སྦྱིན་གྱིས་གསོལ་པ། གདུགས་མཚན་གཡེལ་བ་མ་མཆིས་པ། །གང་ཞིག་འདོད་པ་འདི་ལས་བརྒལ། །དམིགས་མེད་རྟེན་པ་མ་མཆིས་པ། །ཟབ་མོ་གང་ཞིག་འབྱིང་མི་འགྱུར། །བཅོམ་ལྡན་འདས་ཀྱིས་བཀའ་སྩལ་པ། རྣམ་ཀུན་ཚུལ་ཁྲིམས་ལྡན་པ་དང ། །ལེགས་མཉམ་བཞག་ཅིང་ཤེས་རབ་ལྡན། །ནང་དུ་སེམས་ཤིང་དྲན་ལྡན་པ། །ཤིན་ཏུ་བརྒལ་དཀའ་འདི་ལས་བརྒལ། །འདོད་པའི་འདུ་ཤེས་ཆགས་བྲལ་ཞིང ། །གཟུགས་ཀྱི་ཀུན་སྦྱོར་མཐར་གྱུར་པ། །དེ་ནི་དམིགས་མེད་རྟེན་མེད་པའི། །ཟབ་མོར་འབྱིང་བར་མི་འགྱུར་རོ།། གནོད་སྦྱིན་གྱིས་གསོལ་པ། ཅི་ཡིས་འོད་པ་རྒལ་བར་འགྱུར། །ཅི་ཞིག་གིས་ནི་རྒྱ་མཚོ་རྒལ། །ཅི་ཡིས་སྡུག་བསྔལ་སྤོང་བར་འགྱུར། །ཅི་ཞིག་གིས་ནི་ཡོངས་དག་འགྱུར། །བཅོམ་ལྡན་འདས་ཀྱིས་
Nya222b
བཀའ་སྩལ་པ། དད་པས་འོད་པ་རྒལ་བར་འགྱུར། །བག་ཡོད་པས་ནི་རྒྱ་མཚོ་རྒལ། །བརྩོན་པས་སྡུག་བསྔལ་སྤོང་འགྱུར་ཏེ། །ཤེས་རབ་ཀྱིས་ནི་ཡོངས་དག་འགྱུར། །བདེན་དུལ་གཏོང་བ་མ་གཏོགས་པའི། །ཆོས་གཞན་འགའ་ཞིག་ཡོད་དམ་ཞེས། །དགེ་སྦྱོང་བྲམ་ཟེ་སོ་སོ་ལ། །གཞན་དང་གཞན་དུ་ཁྱོད་དྲིས་ཤིག་།གནོད་སྦྱིན་གྱིས་གསོལ་པ། དགེ་སྦྱོང་བྲམ་ཟེ་སོ་སོ་ལ། །ཅི་སླད་གཞན་དུ་བདག་འདྲི་བགྱིད། །འདི་ལྟར་དཔའ་ཆེན་ཁྱོད་ཀྱིས་ནི། །ཆོས་འདི་ལེགས་པར་རབ་ཏུ་བཤད། །ཀྱེ་མ་གནོད་སྦྱིན་བོང་བུ་པ། །གང་གིས་དེད་དཔོན་བླ་ན་མེད། །སངས་རྒྱས་བདག་ལ་བསྟན་གྱུར་པ། །ཁྱོད་ལ་ཁོ་བོས་བྱས་པ་གཟོ། །འདི་ནས་ཁོ་བོ་གྲོང་ནས་གྲོང ། །ཁྱིམ་ནས་ཁྱིམ་དུ་རྫོགས་སངས་དང ། །ཆོས་ཀྱི་ཆོས་ཉིད་བཟང་པོ་ལ། །འདུད་བཞིན་དུ་ནི་སྤྱད་པར་བྱ། །དེ་ནས་བཅོམ་ལྡན་འདས་ཀྱིས་གནོད་སྦྱིན་འབྲོག་གནས་ལ་འདི་སྐད་ཅེས་བཀའ་སྩལ་ཏོ། །བཞིན་བཟང ། ཁྱོད་ཀྱིས་དགེ་སློང་ཤཱ་རིའི་བུ་དང ། མོའུ་འགལ་གྱི་བུ་གཉིས་ལ་ཟན་བྱིན་པས། སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སྐྱེ་བར་བྱ་བ་ལས། ཁྱོད་ཀྱིས་སྨོན་ལམ་ལོག་པར་བཏབ་པས། གནོད་སྦྱིན་གདུག་པ་རྣམས་ཀྱི་ནང་དུ་སྐྱེས་ཏེ། ད་ལྟར་དྲག་ཤུལ་ཅན། ལག་པ་ཁྲག་གིས་གོས་པ། ཉམས་པ་དང་རབ་ཏུ་ཉམས་པ་ལ་ཞེན་པ། གཞན་གྱི་སྲོག་འཕྲོག་པ། གཞན་གྱི་སྲོག་སྤྱོད་པས་འཚོ་བར་བྱེད་དེ། འདི་ནས་ཤི་འཕོས་ན། ཁྱོད་ཀྱི་འགྲོ་བ་ནི། ཅིར་འགྱུར། སྐྱེ་བ་ནི། ཅིར་འགྱུར། ཚེ་ཕྱི་མ་ནི།
Nya223a
༄#། །ཅིར་འགྱུར། དེས་གསོལ་པ། བཅོམ་ལྡན་འདས། བདག་གིས་ཅི་བགྱི་བ་བཀའ་སྩལ་དུ་གསོལ། བཞིན་བཟང ། ཚུར་ཤོག་།ཁྱོད་ངའི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་དག་ལོངས་ལ་འབྲོག་གནས་ན་གནས་པའི་སྐྱེ་བོའི་ཚོགས་ལ་མི་འཇིགས་པ་བྱིན་ཅིག་།བཙུན་པ། བདག་བཅོམ་ལྡན་འདས་ཀྱི་སྤྱན་སྔར་སྐྱབས་སུ་མཆི་བ་དང ། བསླབ་པའི་གཞི་དག་ལེན་ཅིང ། དེང་སླན་ཆད་འབྲོག་གནས་ན་གནས་པའི་སྐྱེ་བོའི་ཚོགས་ལ་མི་འཇིགས་པ་སྩོལ་ཏོ། །དེས་བཅོམ་ལྡན་འདས་ཀྱི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་དག་བླངས་ཏེ། དེས་བསླབ་པའི་གཞི་དག་བླངས་ནས་ཚིགས་སུ་བཅད་པ་སྨྲས་པ། ཀྱེ་མ་སྟོན་པ་བདག་དོན་དུ། །སྡུམ་པར་ཡང་དག་གཤེགས་གྱུར་ཏེ། །བདག་གིས་དེ་རིང་ཕྱི་མ་ཡི། །དོན་ནི་རབ་ཏུ་ཤེས་པར་གྱུར། །དེ་ནས་ཁྱིམ་བདག་དེས་བ་ལང་དྲུག་དང་ལྡན་པའི་ཤིང་རྟ་ཟས་ཀྱིས་བཀང་སྟེ། ཁྱེའུ་དེ་ཡང་ཤིང་རྟར་བཅུག་ནས་བྲོ་དང ། གླུ་དང ། རོལ་མོའི་སྒྲས་གནོད་སྦྱིན་གྱི་དྲུང་དུ་འཕགས་པ་དང ། བྲམ་ཟེ་དང ། ཁྱིམ་བདག་ཁ་ཅིག་གིས་ཐོས་ནས་སྨྲས་པ། ཤེས་ལྡན་དག། བྲོ་དང ། གླུ་དང ། རོལ་མོའི་སྒྲ་འདི་ཅི་ཡིན། ཁ་ཅིག་གིས་སྨྲས་པ། ཁྱོད་ཀྱིས་མི་ཤེས་སམ། འདི་ནི། ཁྲག་གི་ཐིགས་པ་དེ་གནོད་སྦྱིན་གྱི་གན་དུ་ཁྱེར་བ་ཡིན་ནོ། །སྐྱེ་བོ་ཕལ་པོ་ཆེའི་ཚོགས་འདུས་ཏེ་སྨྲས་པ། ཤེས་ལྡན་དག། ཁྲག་གི་ཐིགས་པ་འདིས་གནོད་སྦྱིན་མི་མགུ་བས། གལ་ཏེ་འདི་མ་ལྡོག་ན། གདོན་མི་ཟ་བར་
Nya223b
གནོད་སྦྱིན་འཁྲུགས་པར་འགྱུར་ཞིང ། བདག་ཅག་ཐམས་ཅད་ལ་གནོད་པ་བྱེད་པར་འགྱུར་གྱི། འདི་ལྡོག་པར་བྱའོ། །ཞེས་དེ་དག་གིས་དེ་ལྡོག་པར་བརྩམས་པ་དང ། དེས་སྨྲས་པ། ཤེས་ལྡན་དག་།ཚོགས་ཀྱིས་ཁྲིམས་སུ་བྱ་བ་བཅས་པ་ལས། བདག་ཉིད་འགྲོ་བར་བྱ་བའམ། བུ་གཏང་བར་བྱའི་ཞེས་བྱུང་བས། འདི་ཁོ་བོའི་བུ་ཡིན་ན། ཅིའི་ཕྱིར་ལྡོག་པར་བྱེད། མི་ལྡོག་པར་འགྲོའོ། །དེ་དག་ཅང་མི་སྨྲ་བར་འཁོད་དོ། །བཅོམ་ལྡན་འདས་ཀྱིས་གྲོ་དང ། གླུ་དང ། རོལ་མོའི་སྒྲ་དེ་གསན་ཏོ། །གསན་ནས་ཀྱང་གནོད་སྦྱིན་འབྲོག་གནས་ལ་བཀའ་སྩལ་པ། གྲོང་དཔོན། གྲོ་དང ། གླུ་དང ། རོལ་མོའི་སྒྲ་འདི་ཅི་ཡིན། བཙུན་པ། བདག་དམ་པ་མ་ལགས་པའི་ཆོས་སྡིག་པ་དེ་ལས་སླར་ལོག་ཀྱང ། སྐྱེ་བོ་དག་གིས་ད་དུང་དེ་བཞིན་དུ་འཛིན་པར་བགྱིད་ན། ཇི་ལྟར་བསྒྲུབ་པར་བགྱི་མ་འཚལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། གྲོང་དཔོན། འདི་ཅི་ཡིན། དེས་ཇི་ལྟར་གྱུར་པ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གྲོང་དཔོན། དེང་ཟས་དང ། སྐོམ་ལོངས་ལ་མི་ཡང་མ་ལེན། གླང་ཡང་མ་ལེན་ཅིག་།དེས་བསམ་པ། འོངས་ཀྱང་རུང་གི། བདག་གི་ཟན་ཐ་མ་འདི་བཅོམ་ལྡན་འདས་ལ་བསོད་སྙོམས་དབུལ་ལོ། །སྙམ་མོ། །ཁྱིམ་བདག་དེས་ཁྱེའུ་དེ་ཤིང་རྟ་ནས་ཕྱུང་སྟེ་གནོད་སྦྱིན་ལ་བྱིན་ནོ། །གནོད་སྦྱིན་གྱིས་ཀྱང་བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་ཀྱང་ཕ་ལ་སྩལ་ཏོ། །དེ་ནས་ཕས་གསོལ་པ། བཅོམ་ལྡན་འདས། ཁྱེའུ་འདིའི་མིང་ཅིར་གདགས། བཅོམ་ལྡན་འདས་ཀྱིས་ཚིགས་སུ་བཅད་པའི་
Nya224a
༄#། །དབྱངས་ཀྱིས་བཀའ་སྩལ་པ། བྱིས་པ་གང་ཚེ་གནོད་སྦྱིན་གྱི། ལག་ནས་ང་ཡི་ལག་ཏུ་ཐོབ། །ང་ཡི་ལག་ནས་ཕ་ཡི་ལག། དེ་ཡི་ཕྱིར་ན་ལག་བརྒྱུད་ཡིན། །དེའི་མིང་ལག་བརྒྱུད་ཅེས་བྱ་བར་བཏགས་སོ། །ཁྱིམ་བདག་དེས་དེ་ཁྱེར་ཏེ་འབྲོག་གནས་སུ་སོང་བ་དང ། སྐྱེ་བོའི་ཚོགས་ཀྱིས་མཐོང་ནས་སྨྲས་པ། ཤེས་ལྡན་དག་།འདི་འདི་ལྟར་གྱུར་ཅིང ། ཁྲག་གི་ཐིགས་པ་དེ་ཁྱེར་ཏེ་འོངས་པ་ལས་ན། གོར་མ་ཆག་པར་འདིས་གནོད་སྦྱིན་འཁྲུགས་པར་བྱས་སོ། །དེས་སྨྲས་པ། ཤེས་ལྡན་དག་།གནོད་སྦྱིན་ག་ལ་འཁྲུགས་ཏེ། བཅོམ་ལྡན་འདས་ཁྱེའུ་འདི་ལ་ཐུགས་བརྩེ་བའི་སླད་དུ་དེའི་གནས་སུ་མཚན་མོ་གནས་པར་ཞལ་གྱིས་བཞེས་ནས། བཅོམ་ལྡན་འདས་ཀྱིས་དེ་བཏུལ་ཏེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་ནས་དེས་འབྲོག་གནས་ན་གནས་པའི་སྐྱེ་བོའི་ཚོགས་ལ་མི་འཇིགས་པ་བྱིན་གྱི། འཚེར་འགྲིབ་མེད་པར་གྱིས་ཤིག་།དེ་དག་ཤིན་ཏུ་དགའ་སྟེ་སྨྲས་པ། ཁྱེའུ་འདི་སྐྱེས་མ་ཐག་ཏུ་གནོད་སྦྱིན་འབྲོག་གནས་བཏུལ་བས། ཁྱེའུ་འདིའི་མིང་ལག་བརྒྱུད་འབྲོག་གནས་ཞེས་བྱའོ། །ཞེས་དེའི་མིང་ལག་བརྒྱུད་འབྲོག་གནས་ཞེས་བྱ་བར་བཏགས་སོ། །དེ་ཆེན་པོར་གྱུར་ནས་ཡི་གེ་དང ། ཡིག་འབྲུ་དག་དང ། སྒྱུ་རྩལ་གཞན་དག་ལ་ཡང་ཤིན་ཏུ་མཁས་པར་གྱུར་ཏོ། །གང་གི་ཚེ་སྔོ་སངས་ཅན་མགོ་བསྒྱུར་རན་པར་གྱུར་པ་དེའི་ཚེ་ན་དེ་སློང་བ་རྒྱལ་པོ་དག་དང ། ནོར་ཅན་དག་དང ། ཚོང་དཔོན་དག་
Nya224b
དང ། དེད་དཔོན་དག་དང ། ཤཱཀྱ་དག་དང ། ཀོའུ་དྱ་དག་དང ། ལི་ཙ་བྱི་དག་དང ། གཞན་ཡང་མང་པོ་དག་ལྷགས་པར་གྱུར་ནས་ཁྱིམ་བདག་གདངས་ཅན་འདི་སྙམ་དུ་མང་པོ་དག་སྔོ་བསངས་ཅན་སློང་སྟེ། གང་དག་ལ་མ་བྱིན་པ་དེ་དག་བདག་གི་དགྲ་བོར་འགྱུར་རོ། །སྙམ་ནས་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་གོ། སྔོ་བསངས་ཅན་གྱིས་དེ་མཐོང་ནས་སྨྲས་པ། ཡབ། ཁྱོད་ཅིའི་སླད་དུ་ཕྱག་ལ་ཞལ་གཏད་དེ་སེམས་ཁོང་དུ་ཆུད་ཅིང་བཞུགས། དེས་སྨྲས་པ། བུ་མོ། ཁྱོད་སློང་བ་རྒྱལ་པོ་དག་དང ། ནོར་ཅན་དག་དང ། ཚོང་དཔོན་དག་དང ། དེད་དཔོན་དག་དང ། ཤཱཀྱ་དག་དང ། ཀོའུ་དྱ་དག་དང ། ལི་ཙ་བྱི་དག་དང ། གཞན་ཡང་མང་པོ་དག་ལྷགས་པས། གང་དག་ལ་ཁྱོད་མ་བྱིན་པ་དེ་དག་ངའི་དགྲར་འགྱུར་ན། ཁོ་བོ་ཇི་ལྟར་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་མི་འདུག་ཏུ་རུང ། དེས་སྨྲས་པ། ཡབ། གལ་ཏེ་དེ་ལྟ་ན་མི་དགྱེས་པར་མ་མཛད་ཅིག་དང ། དེང་ནས་གདུགས་བདུན་ན་ངན་བུ་རང་གིས་གནས་བཙལ་བར་བགྱིའོ། །དེས་སྨྲས་པ། བུ་མོ། དེ་ལྟར་གྱིས་ཤིག་།འོན་ཀྱང་རེ་ཞིག་ལྷ་ལ་ཞུ་བར་བྱའོ། །ཞེས་དེ་བད་སའི་རྒྱལ་པོ་ཤར་པའི་གན་དུ་སོང་སྟེ་སྨྲས་པ། ལྷ། དེང་ནས་གདུགས་བདུན་ན་སྔོ་བསངས་ཅན་རང་གིས་གནས་ཚོལ་བར་འགྱུར་གྱི། ལྷས་གནང་བར་མཛོད་ཅིག་།རྒྱལ་པོས་བསམ་པ། དེས་ང་མ་གཏོགས་པ་གཞན་སུ་ཞིག་ལ་གནས་ཚོལ་བར་འགྱུར་སྙམ་ནས་གནང་ངོ ། །དེས་གནང་ནས་
Nya225a
༄#། །བློན་པོ་རྣམས་ལ་བསྒོ་བ། ཤེས་ལྡན་དག་།གྲོང་ཁྱེར་མཛེས་པར་བྱེད་དུ་ཆུག་ལ་འདི་སྐད་ཅེས། དེང་ནས་ཉི་མ་བདུན་ན་སྔོ་སངས་ཅན་རང་གིས་གནས་ཚོལ་བར་འགྱུར་རོ། །ཞེས་དྲིལ་སྒྲོགས་ཤིག། བློན་པོ་རྣམས་ཀྱིས་གྲོང་ཁྱེར་དེ་རྡོ་བ་དང ། གསེག་མ་དང ། གྱོ་མོ་མེད་པར་རྣམ་པར་བཞག་ནས་ཙནྡན་གྱི་ཆུས་ཆག་ཆག་བཏབ་སྟེ་བདུག་སྤོས་དྲི་ཞིམ་པོའི་སྣོད་ཉེ་བར་བཞག་ནས་དར་གྱི་ཆུན་པོ་དཔྱངས་ཏེ་རྒྱལ་མཚན་དང ། བ་དན་བསྒྲེངས་ནས་མེ་ཏོག་སྣ་ཚོགས་བཀྲམ་སྟེ་ལྷའི་སྐྱེད་མོས་ཚལ་དགའ་བའི་ཚལ་ལྟར་དགའ་བར་འགྱུར་བར་བྱས་ནས་དྲིལ་སྒྲོག་པ་བྱེད་དུ་བཅུག་སྟེ་འདི་སྐད་ཅེས། ཀོའུ་ཤམྦྷི་ན་གནས་པ་དང ། ཕོ་བྲང་འཁོར་གྱི་མི་དང་ཡུལ་ཐ་དད་པ་དག་གནས་ལྷགས་པའི་སྐྱེ་བོའི་ཚོགས་ཤེས་ལྡན་དག་ཉོན་ཅིག་།དེང་ནས་ཉི་མ་བདུན་ན་སྔོ་བསངས་ཅན་རང་གིས་གནས་འཚོལ་བར་འགྱུར་གྱི། དེའི་ཕྱིར་ཁྱེད་ཅག་གིས་འབྱོར་པ་ཇི་ལྟ་བ་བཞིན་འདུ་བར་བྱའོ། །ཞེས་བསྒོའོ། །དེ་ནས་སྲོག་ཆགས་འབུམ་ཕྲག་དུ་མ་དག་འདུས་པར་གྱུར་པ་ན། ཉི་མ་བདུན་པ་ལ་སྔོ་བསངས་ཅན་རྒྱན་ཐམས་ཅད་ཀྱིས་ཀླུབས་ཏེ་ཤིང་རྟ་ལ་ཞོན་ནས་མེ་ཏོག་ཕྲེང་གི་ཆུན་པོ་ཐོགས་ཏེ་ཕྱིར་བྱུང་ནས་སྐྱེ་བོ་ཕལ་པོ་ཆེའི་ཚོགས་ལ་བརྟགས་པར་བརྩམས་པ་དང ། བད་སའི་རྒྱལ་པོ་ཤར་བ་འདི་སྙམ་དུ་འདིས་གོར་མ་ཆག་པར་བདག་གི་སྟེང་དུ་མེ་ཏོག་ཕྲེང་གི་ཆུན་པོ་འཕེན་པར་འགྱུར་རོ། །སྙམ་
Nya225b
ནས་སེམས་བསྡུས་ཏེ་བག་ཡོད་པར་རྟོག་ཅིང་འདུག་གོ་།སྔོ་བསངས་ཅན་གྱིས་ཀུན་ཏུ་སྐྱེ་བོའི་ཚོགས་ལ་རྣམ་པར་བལྟས་ནས་དྲིས་པ། ཤེས་ལྡན་དག་།གླང་པོ་ཆེའི་རྒྱབ་ཏུ་ཞོན་པ་འདི་དག་གང་གང་ཡིན། དེ་དག་གིས་སྨྲས་པ། འདི་ནི། རྒྱལ་པོ་གཟུགས་ཅན་སྙིང་པོའོ། །འདི་ནི། རྒྱལ་པོ་གསལ་རྒྱལ་ལོ། །འདི་ནི། རྒྱལ་པོ་ཚངས་བྱིན་ནོ། །འདི་ནི། བད་སའི་རྒྱལ་པོ་ཤར་པའོ། །དེ་བཞིན་དུ་ནོར་ཅན་དག་དང ། ཚོང་དཔོན་དག་དང ། དེད་དཔོན་དག་དང ། ཀོའུ་དྱ་དག་དང ། ཤཱཀྱ་དག་དང ། ལི་ཙ་བྱི་དག་དང ། གཞན་ཡང་མང་པོ་ཐམས་ཅད་སོ་སོར་དྲིས་ནས་དེའི་འོག་ཏུ་སྨྲས་པ། ཤེས་ལྡན་དག། ལག་བརྒྱུད་འབྲོག་གནས་ཞེས་བྱ་བ་གང་ཡིན་པ། བཅོམ་ལྡན་འདས་ཀྱིས་གནོད་སྦྱིན་ལས་ཐར་པར་བྱས་པ་དེ་འདིར་ཤོག་ཅིག། སྐྱེ་བོའི་ཚོགས་ཀྱིས་སྨྲས་པ། དེ་མ་འོངས་སོ། །དེ་ཕྱོགས་གང་ན་འདུག་།ག་གེ་མོ་ཞིག་ནའོ། །དེས་དེའི་ཕྱོགས་སུ་ཁ་བལྟས་ཏེ། དེ་བདག་གི་ཁྱིམ་ཐབ་ཡིན་ནོ། །ཞེས་མེ་ཏོག་ཕྲེང་གི་ཆུན་པོ་འཕངས་པ་དང ། རྒྱལ་པོ་དག་དང ། ནོར་ཅན་དག་དང ། ཚོང་དཔོན་དག་དང ། དེད་དཔོན་དག་དང ། ཀོའུ་དྱ་དག་དང ། ཤཱཀྱ་དག་དང ། ལི་ཙ་བྱི་དག་དང ། གཞན་ཡང་མང་པོ་འདུས་པ་དག་ཕྱིར་ཕྱོགས་ཏེ་རང་རང་གི་ཡུལ་དུ་དོང་ངོ། །ཁྱིམ་བདག་གདངས་ཅན་བག་ཚ་ཞིང་ཡིད་མི་བདེ་ནས་སྔོ་བསངས་ཅན་ལ་སྨྲས་པ། བུ་མོ། གལ་ཏེ་ཁྱོད་ཀྱིས་ལག་བརྒྱུད་འདམ་པས་ཁོ་བོ་ལ་རྒྱལ་པོ་དག་གནོད་པ་བྱེད་པར་གྱུར་
Nya226a
༄#། །ན་མི་རུང་གི་།མྱུར་དུ་སོང་ཞིག་།དེས་སྨྲས་པ། ཡབ། མ་ནོངས་ཀྱི། དེ་བཞིན་བགྱིའོ། །ཁྱིམ་བདག་གདངས་ཅན་གྱིས་དེ་བཞིན་པ་བཟང་པོ་སྦྱར་ཏེ་རྒྱན་རྣམ་པ་སྣ་ཚོགས་ཀྱིས་བརྒྱན་ནས་འཁོར་དང་བཅས་ཏེ་འབྲོག་གནས་སུ་བཏང་ངོ ། །དེའི་སྐབས་སུ་སངས་རྒྱས་བཅོམ་ལྡན་འདས་རྣམས་ལ་མི་མཁྱེན་པ་དང ། མ་གཟིགས་པ་དང ། མ་རིག་པ་དང ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་བས་ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་བུ་པ། ཉག་གཅིག་དཔའ་བ། གཉིས་པ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། རིག་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་པར་བསླབ་པ། དུལ་བའི་གནས་གསུམ་གྱི་གཞི་ལ་མཁས་པ།་ཆུ་བོ་བཞི་ལས་བརྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ་ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། རྟག་ཏུ་གནས་པ་དྲུག་གིས་གནས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་
Nya226b
པ།་སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་བསྒྱུར་བ་ལས་ཁྱད་པར་དུ་འཕགས་པ་རྣམས་ཀྱི་ཆོས་ཉིད་ནི། ཉིན་ལན་གསུམ། མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ནས་གང་ནི། ཉམས་པར་གྱུར། གང་ནི། འཕེལ་བར་གྱུར། གང་ནི། གནོད་པར་གྱུར། གང་ནི། ཉམ་ང་བར་འགྱུར། གང་ནི། མི་བདེ་བར་གྱུར། གང་ནི། གནོད་པ་དང ། ཉམ་ང་བ་དང ། མི་བདེ་བར་གྱུར། གང་ནི། ངན་སོང་ལ་གཞོལ། གང་ནི། ངན་སོང་ལ་འབབ། གང་ནི། ངན་སོང་ལ་བབ། ངས་གང་ནི། ངན་སོང་གི་ལམ་ནས་བསླང་སྟེ་མཐོ་རིས་དང་ཐར་པ་དང ། འབྲས་བུ་ལ་གཞག་པར་བྱ། འདོད་པའི་འདམ་དུ་བྱིང་བ་གང་གི་ལག་ནས་ནི། དྲང་བར་བྱ། འཕགས་པའི་ནོར་གྱི་དབྱིག་དང་བྲལ་བ་གང་ནི། འཕགས་པའི་ནོར་གྱི་དབང་ཕྱུག་ལ་གཞག་པར་བྱ། གང་གིས་སངས་རྒྱས་འབྱུང་བས་བརྒྱན་པའི་འཇིག་རྟེན་ནི། འབྲས་བུ་དང་བཅས་པར་བྱ། གང་གི་དགེ་བའི་རྩ་བ་དག་མ་བསྐྱེད་པ་ནི། བསྐྱེད་པར་བྱ། གང་གི་དགེ་བའི་རྩ་བ་དག་བསྐྱེད་པ་ནི། ཡོངས་སུ་སྨིན་པར་བྱ། ཡོངས་སུ་སྨིན་པ་གང་ནི། རྣམ་པར་གྲོལ་བར་བྱ་ཞེས་མཁྱེན་པ་དང ། གཟིགས་པ་འཇུག་གོ་།སྨྲས་པ། ཆུ་སྲིན་གནས་ཀྱི་དུག་ཅན་པ། །དུས་ལས་འདའ་བར་འགྱུར་སྲིད་ཀྱི། །སངས་རྒྱས་གདུལ་ལ་བྱམས་པ་ནི། །དུས་ལས་འདའ་བར་མི་འགྱུར་རོ། །ཇི་ལྟར་མ་ནི་བུ་སྡུག་གཅིག་པུ་ལ། །རྟོག་ཅིང་དེ་སྲོག་སྲུང་བར་བྱེད་པ་ལྟར། །
Nya227a
༄#། །དེ་བཞིན་གཤེགས་པའང་གདུལ་བའི་སྐྱེ་བོ་ལ། །རྟོག་པར་མཛད་ཅིང་དེ་སྲོག་སྲུང་བར་མཛད། །ཀུན་མཁྱེན་རྒྱུད་ལ་མངའ་བའི་ཐུགས་རྗེ་ཡི། བཞོན་མ་འདུལ་བའི་བེའུ་ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་ལ་བྱམས་པ་ནི། །རབ་ཉམས་བེའུ་ལ་བྱམས་པའི་བ་བཞིན་ནོ། །བཅོམ་ལྡན་འདས་ཀྱིས་དགོངས་པ། གལ་ཏེ་ལག་བརྒྱུད་འབྲོག་གནས་ཀྱིས་བདེན་པ་མ་མཐོང་བར་སྔོ་བསངས་ཅན་མཐོང་བར་གྱུར་ན། བདེན་པ་དག་གི་གནོད་དུ་མི་འགྱུར་གྱི། དེ་ལ་ཕན་གདགས་པའི་ཕྱིར་འབྲོག་གནས་སུ་འགྲོའོ། །སྙམ་དུ་རིག་ནས། མ་ག་དྷ་དག་ཏུ་ལྗོངས་རྒྱུ་ཞིང་གཤེགས་པ་ན། འབྲོག་གནས་སུ་བྱོན་ནས་འབྲོག་གནས་སུ་མཚན་མོ་བ་ལང་གི་ལམ་དུ་རྩཝ་བཏིང་བ་ལ་གནས་པར་ཞལ་གྱིས་བཞེས་སོ། །བ་ལང་རྫི་དག་དང ། ཕྱུགས་རྫི་དག་དང ། རྩཝ་འཐུན་དག་དང ། ཤིང་འཐུན་དག་དང ། ལམ་གྱིས་འཚོ་བ་དག་དང ། ལམ་གོལ་བས་འཚོ་བའི་མི་དག་གིས། བཅོམ་ལྡན་འདས་མཚན་མོ་བ་ལང་གི་ལམ་ན་རྩཝ་བཏིང་བ་ལ་གནས་པར་ཞལ་གྱིས་བཞེས་པ་མཐོང་ངོ ། །མཐོང་ནས་ཀྱང་མྱུར་བ་མྱུར་བར་ལག་བརྒྱུད་འབྲོག་གནས་གྱི་གན་དུ་དོང་སྟེ་སྨྲས་པ། ཁྱིམ་བདག་།གང་གིས་ཁྱོད་གནོད་སྦྱིན་ལས་ཐར་པར་མཛད་པའི་བཅོམ་ལྡན་འདས་དེ་འབྲོག་གནས་སུ་བྱོན་ནས་མཚན་མོ་བ་ལང་གི་ལམ་ན་རྩཝ་བཏིང་བ་ལ་གནས་པར་ཞལ་གྱིས་བཞེས་སོ། །ལག་བརྒྱུད་འབྲོག་གནས་ཀྱིས་བསམ་པ། གལ་ཏེ་སངས་འགྲོ་བར་བྱ་
Nya227b
ན།་བཅོམ་ལྡན་འདས་གཞན་དུ་གཤེགས་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱི། དེང་ཉིད་དུ་འགྲོའོ། །སྙམ་དུ་རིག་ནས་མྱུར་བ་མྱུར་བར་འཕགས་པ་དང ། ཇི་ཙམ་ན་སྒོ་ཆོད་དོ། །དེའི་སྐབས་སུ་སྔོ་བསངས་ཅན་ཡང་སྒོ་དྲུང་དུ་ཕྱིན་པ་དང ། དེས་ཀྱང་ནང་དུ་མ་ཆུད་དེ་སྒོ་དྲུང་དུ་མཚན་མོ་གནས་པར་ཁས་བླངས་སོ། །ནམ་ནངས་ནས་ལག་བརྒྱུད་འབྲོག་གནས་མྱུར་བ་མྱུར་བར་ཁོ་ནར་ཤིང་རྟ་ལ་ཞོན་ཏེ་འབྲོག་གནས་ནས་ཕྱིར་བྱུང་བ་དང ། སྔོ་བསངས་ཅན་ཡང་ཤིང་རྟ་ལ་ཞོན་ཏེ། ནང་དུ་འཇུག་པ་ན་ལག་བརྒྱུད་འབྲོག་གནས་ཀྱིས་སྨྲས་པ། ཤིང་རྟ་ཟུར་ཅིག་།སྔོ་བསངས་ཅན་གྱིས་ཀྱང་སྨྲས་པ། ཁྱོད་ཀྱི་ཤིང་རྟ་ཟུར་ཅིག་།དེས་ཀྱང་མ་བཟུར། གཅིག་ཤོས་ཀྱིས་ཀྱང་མ་བཟུར་ནས། སྔོ་བསངས་ཅན་གྱིས་བརྟགས་ཏེ་སྨྲས་པ། ཁྱོད་ལག་བརྒྱུད་འབྲོག་གནས་ཡིན་ནམ། དེས་སྨྲས་པ། ཁོ་བོ་སྐྱེ་བོ་དག་གིས་དེ་ལྟར་ཤེས་སོ། །ལག་བརྒྱུད་འབྲོག་གནས་ཀྱིས་ཀྱང་སྨྲས་པ། ཁྱོད་ཀྱང་སྔོ་བསངས་ཅན་ཡིན་ནམ། དེས་ཀྱང་སྨྲས་པ། བདག་སྐྱེ་བོ་དག་གིས་དེ་ལྟར་ཤེས་སོ། ། ལག་བརྒྱུད་འབྲོག་གནས་ཀྱིས་སྨྲས་པ། ཁོ་བོ་བཅོམ་ལྡན་འདས་ཀྱི་སྤྱན་སྔར་འགྲོའི། །ཤིང་རྟ་ཟུར་ཅིག་།ཁྱོད་ཀྱང་རེ་ཞིག་ཁྱིམ་དུ་སོང་ཞིག་།སྔོ་བསངས་ཅན་གྱིས་སྨྲས་པ། སྐྱེས་བུ་དམ་པའི་གན་དུ་སོང་ཞིག་།ཅེས་སྔོ་བསངས་ཅན་གྱི་ཤིང་རྟ་མཐའ་གཅིག་ཏུ་བཟུར་ཏོ། །ལག་བརྒྱུད་འབྲོག་གནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་ཁྱིམ་བདག་
Nya228a
༄#། །གིས་སོ་སོར་ཀུན་དགའ་བར་བྱ་བས། བཅོམ་ལྡན་འདས་ཇི་ལྟར་བདེ་བར་གཟིམས་སམ་ཞེས་སོ་སོར་ཀུན་དགའ་བར་བྱས་སོ། །དེ་ནས་བཅོམ་ལྡན་འདས་ཀྱིས་ལག་བརྒྱུད་འབྲོག་གནས་ལ་འདི་སྐད་ཅེས་བཀའ་སྩལ་ཏོ། །ལག་བརྒྱུད། འཇིག་རྟེན་ན་གང་དག་བདེ་བར་ཉལ་བར་བྱེད་པ་དེ་དག་གི་ནང་ན་ང་ཡང་འགའ་ཞིག་ཡིན་ནོ། །བཙུན་པ། དོག་ས་སྲ་ཞིང་བ་ལང་གི་རྩིད་པའི་གཞི་ཅན་དུ་རས་སྲབ་མོའི་གདན་བཤམས་ཤིང་དགུན་སྨད་ཀྱི་དུས་ཀྱི་ཚེ་ཚེས་བརྒྱད་ཀྱི་བར་ལ་འོད་མ་འགས་པའི་བསེར་མ་དག་ལྡང་ལ། ཁྱོད་ཀྱི་ན་བཟའ་ངུར་སྨིག་འདི་དག་ནི། སྲབ་པས་སྐུ་ཡོངས་སུ་གདུང་བར་བགྱིད་ཀྱང་བཅོམ་ལྡན་འདས། དེ་སྐད་ཅེས། འཇིག་རྟེན་ན། གང་དག་བདེ་བར་ཉལ་བར་བྱེད་པ་དེ་དག་གི་ནང་ན་ང་ཡང་འགའ་ཞིག་ཡིན་ནོ། །ཞེས་གསུངས་སམ། ལག་བརྒྱུད། དེའི་ཕྱིར་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་པ་དེ་ལྟར་ལན་ཐོབ་ཅིག་།ལག་བརྒྱུད། འདི་ལྟ་སྟེ། དཔེར་ན། འདི་ན་ཁྱིམ་བདག་གམ། ཁྱིམ་བདག་གི་བུ་ཕྱུག་པ།་ནོར་མང་བ། ལོངས་སྤྱོད་ཆེ་བ་འགའ་ཞིག་ཡོད་པར་གྱུར་ལ། དེའི་དོན་དུ་ཁང་བཟང་རྩིག་ཏུ་བཅུག་ཅིང ། ཁང་བཟང་དེར་ཁང་པ་བརྩེགས་པ་དེ་རྩིག་ཏུ་བཅུག་ལ། ཁང་པ་བརྩེགས་པ་དེར་ཁྲི་ཤུར་བུས་བླས་པ། སྟན་སྦྱར་བ་བཏིང་བ། སྟན་ནང་ཚངས་ཅན་བཏིང་བ། སྟན་ཁྲ་བོ་བཏིང་བ། སྟན་ཆེན་པོ་བཏིང་བ། སྟན་བཟང་པོ་བཏིང་བ། སུ་མཚན་གྱི་གོས་ཀྱི་སྟེང་གཡོགས་བཏིང་བ།
Nya228b
སྟེང་ནས་བགོ་བའི་གོས་དང་བཅས་པ། གཉིས་སུ་རྒྱབ་རྟེན་དམར་པོར་བཞག་པ་བཤམས་ཤིང ། ཏིལ་མར་གྱི་མར་མེ་མཚན་ཐུབ་བཙུགས་ནས་ཆུང་མ་ཡིད་དུ་འོང་བ་ཞིག་འདི་ལྟ་སྟེ། དགའ་མགུར་སྤྱད་པར་བྱ་པའི་ཕྱིར་ཉེ་བར་བཞག་ན། ལག་བརྒྱུད། འདི་ཇི་སྙམ་དུ་སེམས། མི་དེའི་མལ་བཅས་པ་བདེ་བའམ། སྡུག་བསྔལ་བ་ཡིན་སྙམ། བཙུན་པ། བདག་འདི་སྙམ་བགྱིད་དེ། འཇིག་རྟེན་ན་གང་དག་བདེ་བར་མཆིས་ཉལ་བ་དེ་དག་གི་ནང་ན་མི་དེ་འགའ་ཞིག་ལགས་སྙམ་བགྱིད་དོ། །ལག་བརྒྱུད། འདི་ཇི་སྙམ་དུ་སེམས། འདི་ལྟར། མི་དེ་ལྟ་བུའི་བདེ་བ་དང ། དེ་ལྟ་བུའི་ཡིད་དུ་འོང་བ་དང་ལྡན་པ་དེ་ལ་འདོད་པ་ལས་སྐྱེས་པའི་ཡོངས་སུ་གདུང་བ་དང ། ཞེ་སྡང་ལས་སྐྱེས་པ་དང ། གཏི་མུག་ལས་སྐྱེས་པའི་ཡོངས་སུ་གདུང་བ་དག་སྐྱེ་ཞིང ། ཡོངས་སུ་གདུང་བ་དེ་དག་གིས་ཡོངས་སུ་གདུངས་པ་ན། མི་དེ་སྡུག་བསྔལ་བར་ཉམ་ཞིང་བདེ་བར་མི་ཉལ་བའི་འདོད་པ་ལས་སྐྱེས་པའི་ཡོངས་སུ་གདུང་བ་དང ། ཞེ་སྡང་དང ། གཏི་མུག་ལས་སྐྱེས་པའི་ཡོངས་སུ་གདུང་བ་དེ་དག་དེ་བཞིན་གཤེགས་པས་ཡོངས་སུ་མཁྱེན་ཅིང་རྩ་བ་ནས་བཅད་དེ་ཏ་ལའི་མགོ་བཞིན་དུ་མི་སྣང་བ་དང ། གཞི་མེད་པ་དང ། ཕྱིས་ཀྱང་མི་སྐྱེ་བའི་ཆོས་ཉིད་དུ་མཛད་པས་དེའི་ཕྱིར་ང་དེ་སྐད་ཅེས་འཇིག་རྟེན་ན། གང་དག་བདེ་བར་ཉལ་བ་དེ་དག་གི་ནང་ན་ང་ཡང་འགའ་ཞིག་ཡིན་ནོ། །ཞེས་ཟེར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་དག་བཀའ་སྩལ་པ། བྲམ་ཟེ་མྱ་ངན་ཡོངས་འདས་པ། །གང་ཞིག་འདོད་པས་མ་གོས་ཤིང ། །ཕུང་པོ་དག་ལས་རྣམ་
Nya229a
༄#། །གྲོལ་བ། །རྣམ་ཀུན་བདེ་བར་ཉལ་བ་ཡིན། །འདི་ལ་འདོད་པ་ཀུན་བཅད་ཅིང ། །སྙིང་གི་རིམ་ནད་བསལ་གྱུར་བ། །ཉེར་ཞི་ཞི་བ་ཐོབ་པ་ཡི། །སེམས་ཀྱིས་བདེ་བར་ཉལ་བ་ཡིན། །དེ་ནས་བཅོམ་ལྡན་འདས་ལག་བརྒྱུད་འབྲོག་གནས་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། །ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་ཅིང ། སངས་རྒྱས་བཅོམ་ལྡན་འདས་རྣམས་ཀྱི་དུས་སྔར་མཛད་པའི་ཆོས་དང་ལྡན་པའི་བཀའ་མཆིད་གང་ཡིན་པ་འདི་ལྟ་སྟེ། སྦྱིན་པའི་བཀའ་མཆིད་དང ། ཚུལ་ཁྲིམས་ཀྱི་བཀའ་མཆིད་དང ། མཐོ་རིས་ཀྱི་བཀའ་མཆིད་དང ། འདོད་པ་རྣམས་ཀྱི་རོ་མྱང་བའི་ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་ཕན་ཡོན་དང ། རྣམ་པར་བྱང་བའི་ཕྱོགས་དང་མཐུན་པའི་ཆོས་དག་རྒྱ་ཆེར་སྟོན་པར་མཛད་དོ། །གང་གི་ཚེ་བཅོམ་ལྡན་འདས་ཀྱིས་དེ་སེམས་རངས་པ་དང ། སེམས་ཉམས་བདེ་བ་དང ། སེམས་དགའ་བ་དང ། སེམས་ལ་སྒྲིབ་པ་མེད་པ་དང ། ཡང་དག་ཕུལ་གྱི་ཆོས་བསྟན་པ་ཀུན་ཤེས་པའི་སྐལ་བ་དང་ལྡན་ཞིང་མཐུ་ཡོད་པར་གཟིགས་པ་དེའི་ཚེ་ན། སངས་རྒྱས་བཅོམ་ལྡན་འདས་ཀྱིས་ཡང་དག་ཕུལ་གྱི་ཆོས་བསྟན་པ་གང་ཡིན་པ་འདི་ལྟ་སྟེ། འཕགས་པའི་བདེན་པ་བཞི་པོ་སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་དག་རྒྱ་ཆེར་སྟོན་པ་མཛད་དོ། །འདི་ལྟ་སྟེ། དཔེར་ན། གོས་དག་པ། ནག་ནོག་མེད་པ། བསྒྱུར་དུ་རུང་བ་ཚོན་དུ་བཅུག་ན།
Nya229b
ཚོན་ལེགས་པར་འཛིན་པར་འགྱུར་བ་དེ་བཞིན་དུ་ལག་བརྒྱུད་འབྲོག་གནས་ཀྱིས་ཀྱང་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་མངོན་པར་རྟོགས་པར་གྱུར་ཏོ། །དེ་ནས་ལག་བརྒྱུད་འབྲོག་གནས་ཆོས་མཐོང་བ་དང ། ཆོས་ཐོས་པ་དང ། ཆོས་རིག་པ་དང ། ཆོས་ཀྱི་གཏིང་སླེབ་པ་དང ། སོ་མ་ཉི་ལས་བརྒལ་བ་དང ། ཐེ་ཙོམ་ལས་བརྒལ་བ་དང ། སྟོན་པའི་བསྟན་པ་ལ་གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་ཞིང་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ཡི། །བདག་དགེ་བསྙེན་དུ་གཟུང་དུ་གསོལ། །དེང་སླན་ཆད་ཇི་སྲིད་འཚོའི་བར་དུ་གློ་བ་ཐག་པ་ནས་མངོན་པར་དད་པས་སྐྱབས་སུ་མཆིའོ། །དེ་ནས་ལག་བརྒྱུད་འབྲོག་གནས་ཀྱིས། བཅོམ་ལྡན་འདས་ཀྱི་སྤྱན་སྔ་ནས་སྐྱབས་སུ་འགྲོ་བ་དང ། བསླབ་པའི་གཞི་དག་བླངས་ནས་ཕྱིར་མི་འོང་བའི་འབྲས་བུ་ཐོབ་སྟེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་དེང་ཁོ་ན་སྔོ་བསངས་ཅན་གྱིས་བཙལ་ཅིང ། བདག་གིས་དེང་ཁོ་ན་ཕྱིར་མི་འོང་བའི་འབྲས་བུ་མངོན་སུམ་དུ་བགྱིས་ན། འདི་ལ་ཇི་ལྟར་བསྒྲུབ་པར་གྱི། བཅོམ་ལྡན་འདས་ཀྱིས་བཀའ་སྩལ་པ། ལག་བརྒྱུད་སོང་ཞིག་།ཁྱོད་ཀྱི་བསླབ་པ་ནི། འདི་ཡིན་ནོ། །སྡོ་བསངས་ཅན་ཡང་ཇི་ལྟར་
Nya230a
༄#། །ཁས་བླངས་པ་བཞིན་ཟས་དང ། གོས་ཀྱིས་མཁོ་བ་སྟོབས་ཤིག་།དེ་ནི། འཇིག་རྟེན་གྱི་ཆོས་ཉིད་ཡིན་ནོ། །དེ་ནས་ལག་བརྒྱུད་འབྲོག་གནས་ཀྱིས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་རང་གི་ཁྱིམ་དུ་སོང་ནས་དེས་སྔོ་བསངས་ཅན་ལ་སྨྲས་པ། ཁོ་བོ་དེང་ཁོ་ན་ཁྱོད་ཀྱིས་བཙལ་ན། ཁོ་བོས་ཀྱང་དེང་ཁོ་ན་བཅོམ་ལྡན་འདས་ཀྱིས་སྤྱན་སྔ་ནས་སྐྱབས་སུ་འགྲོ་བ་དང ། བསླབ་པའི་གཞི་དག་བླངས་ཤིང ། ཕྱིར་མི་འོང་བའི་འབྲས་བུ་ཐོབ་པར་གྱུར་གྱི། དེའི་ཕྱིར་གལ་ཏེ་ཁྱོད་འདོད་ན། ཕའི་ཁྱིམ་དུ་སོང་ཞིག་།གལ་ཏེ་མི་འདོད་ན། འདི་ཉིད་དུ་འདུག་ཅིག་དང ། ཟས་དང་གོས་ཀྱི་མཁོ་བ་བསྟབ་པར་བྱའོ། །དེས་བསམ་པ། གལ་ཏེ་སོང་བར་གྱུར་ན། སྐྱེ་བོ་དག་ལག་བརྒྱུད་ཀྱིས་འདི་བཀྲ་མི་ཤིས་པར་རིག་ནས་མ་བླངས་སོ། །ཞེས་ཟེར་གྱི། འདི་ནི། སངས་རྒྱས་ཀྱི་སྲས་ཡིན་པས། འདི་ཉིད་ལ་བསྙེན་བཀུར་བྱེད་ཅིང་འདིར་འདུག་གོ། སྙམ་ནས་དེ་དེ་ཉིད་དུ་འདུག་གོ། ལག་བརྒྱུད་འབྲོག་ནས་ཀྱིས་ཀྱང་ཡོ་བྱད་ཐམས་ཅད་དང་ལྡན་པའི་གཙུག་ལག་ཁང་རྩིག་ཏུ་བཅུག་སྟེ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ནས་འདི་ལྟར་གནས་བརྟན་དག་གིས་ཀྱང ། བཅོམ་ལྡན་འདས་འབྲོག་གནས་ན་འབྲོག་གི་ནགས་མཆོག་ན་བཞུགས་སོ། །ཞེས་མདོ་སྡེའི་མཐའ་ཉེ་བར་སྦྱར་བར་བྱས་སོ།། །།འདུལ་བ་རྣམ་པར་འབྱེད་པ། བམ་པོ་དོན་ལྔ་པ། དེ་ནས་དུས་གཞན་ཞིག་ན་ལག་བརྒྱུད་འབྲོག་གནས་ནད་ཀྱིས་བཏབ་སྟེ་སྡུག་བསྔལ་ཞིང ། ནད་ཚབས་ཆེ་བར་གྱུར་ནས། དེ་ནས་ལག་བརྒྱུད་འབྲོག་གནས་ནད་དེ་ཉིད་ཀྱིས་དུས་ལ་བབ་
Nya230b
བོ། །དེ་དུས་ལ་བབ་མ་ཐག་ཏུ་མི་གདུང་བའི་ལྷའི་རིས་སུ་སྐྱེས་སོ། །དེ་ནས་ལྷའི་བུ་ལག་བརྒྱུད་འབྲོག་གནས་འདི་སྙམ་སེམས་ཏེ། གང་གི་ཕྱིར་བདག་ཡོངས་སུ་གནས་པ་བསྟེན་ཏེ་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི། བདག་གི་ཚུལ་དང་མཐུན་པ་མ་ཡིན་གྱི། བདག་ཡོངས་སུ་གནས་པ་མ་བསྟེན་པ་ཁོ་ནར་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོའོ། །སྙམ་མོ། །དེ་ནས་ལྷའི་བུ་ལག་བརྒྱུད་འབྲོག་གནས་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པའི་ལག་པ་བསྐུམས་པ་ལས་བརྐྱངས་པ་དང ། བརྐྱངས་པ་ལས་བསྐུམ་པ་ཙམ་གྱིས་མི་གདུང་བའི་ལྷའི་རིས་ནས་མི་སྣང་བར་གྱུར་ཏེ། བཅོམ་ལྡན་འདས་ཀྱི་སྤྱན་སྔར་འདུག་པ་དང ། འདི་ལྟར། ལྷའི་བུ་ལག་བརྒྱུད་འབྲོག་གནས་ཀྱི་ལུས་ས་ལ་མི་ཐོགས་ཤིང་ཐིམ་པར་གྱུར་ཏེ།་འདི་ལྟ་སྟེ། དཔེར་ན། ཞུན་མར་རམ། འབྲུ་མར་ཕྱེ་མ་འམ། ཐལ་བའི་སྟེང་དུ་བླུགས་པ་མི་ཐོགས་ཤིང་ཐིམ་པར་འགྱུར་བ་བཞིན་ནོ། །དེ་ནས་བཅོམ་ལྡན་འདས་ཀྱིས་ལྷའི་བུ་ལག་བརྒྱུད་འབྲོག་གནས་ལ་བཀའ་སྩལ་པ། ལག་བརྒྱུད། རེ་ཞིག་ལུས་རགས་པར་མངོན་པར་སྤྲུལ་ལ། སའི་འདུ་ཤེས་བསྐྱེད་དེ་འདུག་པའི་མཚན་མ་ཡིད་ལ་གྱིས་ཤིག་།དེ་ནས་ལྷའི་བུ་ལག་བརྒྱུད་འབྲོག་གནས་ཀྱིས་ལུས་རགས་པར་མངོན་པར་སྤྲུལ་ཏེ། སའི་འདུ་ཤེས་བསྐྱེད་ཅིང་འདུག་པའི་མཚན་མ་ཡིད་ལ་བྱས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་
Nya231a
༄#། །གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་པ་དང ། འདི་ལྟར། ལྷའི་བུ་ལག་བརྒྱུད་འབྲོག་གནས་ཀྱི་ཁ་དོག་གི་མཐུས། འབྲོག་གི་ནགས་མཆོག་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །མཐའ་གཅིག་ཏུ་འདུག་ནས་བཅོམ་ལྡན་འདས་ཀྱིས་ལྷའི་བུ་ལག་བརྒྱུད་འབྲོག་གནས་ལ་འདི་སྐད་ཅེས་བཀའ་སྩལ་ཏོ། །ལྷའི་བུ། ཇི་ལྟར་ཁྱོད་སྔོན་མིར་གྱུར་པ་ན་ཆོས་གང་དག་སྟོན་ཅིང་ལོབས་པ་དེ་དག་།ད་ལྟར་ལོབས་སམ། བཙུན་པ། བདག་སྔོན་མིར་གྱུར་པ་ན་ཆོས་གང་དག་སྟོན་ཅིང་ལོབས་པ་དེ་དག་།ད་ལྟར་ཏེ་པོར་ལོབས་ཏེ། བཙུན་པ། བདག་སྔོན་མིར་གྱུར་པ་ན་ཆོས་གང་དག་བཏོན་ཅིང་མ་ལོབས་པ་དེ་དག་ཀྱང་ད་ལྟར་ལོབས་པར་གྱུར་ཏེ། འདི་ལྟར། བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་ནི། བདེ་བར་གྱུར་པས་མངོན་པར་བརྗོད་པར་བགྱིད་དོ། །ཇི་ལྟར་བཅོམ་ལྡན་འདས་འྫམྦུའི་གླིང་ན་འཁོར་བཞི་པོ་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་རྣམས་ཀྱིས་བསྐོར་ཅིང་བཞུགས་པ་ན། བཅོམ་ལྡན་འདས་བདག་ཅག་ལ་ཆོས་གང་དང་གང་སྟོན་པར་འགྱུར་བའི་ཆོས་དེ་དང་དེ་བདག་ཅག་གིས་མཉན་ནས་དེ་ལྟ་དེ་ལྟར་བསྒྲུབ་པར་བྱ་སྟེ། དེ་ནི། བདག་ཅག་ལ་ཡུན་རིང་པོའི་དོན་དང ། ཕན་པ་དང ། བདེ་བར་འགྱུར་རོ། །སྙམ་པ་དེ་བཞིན་དུ། བཙུན་པ། བདག་ཀྱང་མི་གདུང་བའི་ལྷའི་རིས་ན་མི་གདུང་བའི་ལྷའི་རིས་ཀྱི་ལྷ་རྣམས་ཀྱིས་ཡོངས་སུ་
Nya231b
བསྐོར་ཅིང་མཆིས་པ་ན། ལྷའི་བུ་ལག་བརྒྱུད་འབྲོག་གནས་བདག་ཅག་ལ་ཆོས་གང་དང་གང་སྟོན་པར་འགྱུར་བའི་ཆོས་དེ་དང་དེ་བདག་ཅག་གིས་མཉན་ནས་དེ་ལྟ་དེ་ལྟར་བསྒྲུབ་པར་བྱ་སྟེ། དེ་ནི། བདག་ཅག་ལ་ཡུན་རིང་པོའི་དོན་དང ། ཕན་པ་དང ། བདེ་བར་འགྱུར་སྙམ་དུ་སེམས་སོ། །ལག་བརྒྱུད། ཁྱོད་ཆོས་དུ་དག་གིས་མ་ངོམས་ཤིང་ཕྱིར་མ་སྤངས་པས། ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་པར་གྱུར། བཙུན་པ། བདག་ཆོས་གསུམ་གྱིས་མ་ངོམས་ཤིང་སླར་མ་སྤངས་པས། ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་ཏེ། གསུམ་གང་ལགས་ཤེ་ན། བཙུན་པ། བདག་བཅོམ་ལྡན་འདས་ལ་བལྟ་བས་མ་ངོམས་ཤིང་སླར་མ་སྤངས་པས། ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་སོ། །བཙུན་པ། བདག་ཆོས་མཉན་པས་མ་ངོམས་ཤིང་སླར་མ་སྤངས་པས། ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་སོ། །བཙུན་པ། བདག་དགེ་འདུན་ལ་བསྙེན་བཀུར་བགྱི་བས་མ་ངོམས་ཤིང་སླར་མ་སྤངས་པས། ལུས་ཞིག་ནས་མི་གདུང་བའི་ལྷའི་རིས་སུ་སྐྱེས་སོ། །དེ་ནས་ལྷའི་བུ་ལག་བརྒྱུད་འབྲོག་གནས་ཀྱིས་དེའི་ཚེ་ཚིགས་སུ་བཅད་པ་དག་སྨྲས་པ། བདག་ནི་བཅོམ་ལྡན་བལྟ་བ་དང ། །དམ་ཆོས་ཉན་དང་དགེ་འདུན་ལ། །བསྙེན་བཀུར་བགྱིད་པས་ལན་འགའ་ཡང ། ངོམས་ཤིང་ཕྱིར་སྤོང་མ་མྱོང་ངོ ། །འཕགས་པའི་ཆོས་རྣམས་ཡང་དག་བླངས། །སེར་སྣ་འདུལ་ལ་བརྩོན་གྱུར་ཅིང ། །ཆོས་གསུམ་ཆོག་མི་ཤེས་པ་ཡིས། །ལག་བརྒྱུད་མི་གདུང་སྐྱེས་པར་གྱུར། །
Nya232a
༄#། །དེ་ནས་ལྷའི་བུ་ལག་བརྒྱུད་འབྲོག་གནས་ཀྱིས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཆལ་ཏེ་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་དེ་ཉིད་དུ་མི་སྣང་བར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཀྱིས་གནོད་སྦྱིན་འབྲོག་གནས་ལས་དྲི་མ་ཅན་དང་ཕྲལ་ཏེ་སྐྱབས་སུ་མཆི་བ་དང ། བསླབ་པའི་གཞི་དག་ལ་བཀོད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་ང་འདོད་ཆགས་དང་བྲལ་བ། ཞེ་སྡང་དང་བྲལ་བ། གཏི་མུག་དང་བྲལ་བ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་དག་ལས་ཡོངས་སུ་གྲོལ་ཞིང ། ཐམས་ཅད་མཁྱེན་པ། ཐམས་ཅད་གཟིགས་པ། མཁྱེན་པ་དང་ཤེས་བྱ་ཐམས་ཅད་ལ་མངའ་བརྙེས་པས་གནོད་སྦྱིན་འབྲོག་གནས་ལས་དྲི་མ་ཅན་དང་ཕྲལ་ཏེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་པ་འདི་ལ་ངོ་མཚར་ཅི་ཆེ། ང་འདས་པའི་དུས་ན་འདོད་ཆགས་དང་བཅས་པ། ཞེ་སྡང་དང་བཅས་པ། གཏི་མུག་དང་བཅས་པ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་དག་
Nya232b
དག་ལས་ཡོངས་སུ་མ་གྲོལ་བས་ཀྱང་གནོད་སྦྱིན་འབྲོག་གནས་ལས་དྲི་མ་ཅན་དང་ཕྲལ་ཏེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་སྟེ། དེ་ཉོན་ཅིག་།དགེ་སློང་དག་།སྔོན་བྱུང་བ་གྲོང་ཁྱེར་ཝཱ་ར་ཎཱི་སི་ན་དེད་དཔོན་དཔའ་ཆེན་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་བྱུང་བར་གྱུར་ཏེ། དེ་དུས་གཞན་ཞིག་ན་ཚོང་པ་ལྔ་བརྒྱ་དང་ལྷན་ཅིག་དགོན་པའི་ལམ་དུ་ཞུགས་པ་དང ། ལམ་དེ་སྲིན་པོ་སྤུ་རལ་ཅན་གྱིས་བསྡིགས་ཤིང་བགགས་པར་གྱུར་ནས་དེད་དཔོན་དཔའ་ཆེན་དོན་མཐུན་གྱི་མདུན་དུ་འགྲོ་བར་བརྩམས་པ་དང ། ཇི་ཙམ་ན་སྲིན་པོ་སྤུ་རལ་ཅན་དེ་བྲམ་ཟེའི་ཆ་ལུགས་སུ་མངོན་པར་སྤྲུལ་ནས་ལམ་ཀར་འདུག་སྟེ་དེད་དཔོན་དཔའ་ཆེན་ལ་སྨྲས་པ། དེད་དཔོན། ལམ་འདི་སྲིན་པོ་སྤུ་རལ་ཅན་གྱིས་བསྡིགས་ཤིང་བགགས་ནས་ཁོ་བོ་ཡང་ཚོགས་ཆེན་པོས་འོངས་ཀྱི། ལམ་གཞན་དུ་སོང་ཞིག་།དེས་སྨྲས་པ། བྲམ་ཟེ། སྙིང་ལས་ཆུང་ངུར་གྱིས་ཤིག་།དེས་ཁོ་བོ་ལ་བྱར་ཅི་ཡོད། འགྲོའོ། །དེ་སྐད་ཅེས་སྨྲས་པ་དང ། སྲིན་པོ་སྤུ་རལ་ཅན་དེ་འཁྲུགས་ནས་བཞིན་བསྒྱུར་ཏེ་ལག་པ་གཉིས་བརྐྱང་ནས་རལ་པ་ས་ལ་བླགས་ཏེ་མིག་དམར་པོར་བྱས་ནས་མིག་གཉིས་བགྲད་དེ་སྨྲས་པ། དེད་དཔོན། ཇེ་ཁོ་བོ་ལ་རྒོལ་ལ་ཕྱིས་སོང་ཞིག་།དེ་ནས་དེད་དཔོན་དཔའ་ཆེན་གྱིས་ཤིན་ཏུ་འཇིགས་སུ་རུང་བ་དེ་མཐོང་ནས་གཞུ་རྣ་དྲུང་དུ་ཐུག་པར་བཀང་སྟེ་མདའ་དག་འཕང་བར་བརྩམས་པ་དང ། དེ་དག་ཐམས་ཅད་རལ་
Nya233a
༄#། །པ་དག་ལ་ཐོགས་སོ། །གཞུ་འཕངས་པ་དང ། དེ་ཡང་ཐོགས་སོ། །དེ་བཞིན་དུ་ཤིང་དང ། བོང་བ་ལ་སོགས་པ་དག་འཕངས་ན། དེ་དག་ཀྱང་རལ་པ་དག་ལ་ཐོགས་སོ། ། དེ་ནས་ཚམ་ཚོམ་མེད་པར་མཐུས་པ་བརྒལ་བ་དང་ལུས་ཐམས་ཅད་རལ་པ་དག་ལ་ཐོགས་ནས་སྲིན་པོས་ཚིགས་སུ་བཅད་པ་སྨྲས་པ། ཁྱོད་ཀྱི་ལག་གཉིས་རྐང་གཉིས་དང ། ལྔ་པ་མགོ་ཡང་ཐོགས་གྱུར་ཅིང ། །ལུས་ཀྱང་ང་ཡི་ལུས་ལ་ཐོགས། །ཕྱིན་མ་ཐོགས་ཅི་ཞིག་ཡོད། །དེད་དཔོན་གྱིས་ཀྱང་ཚིགས་སུ་བཅད་པ་དག་སྨྲས་པ། ང་ཡི་ལག་གཉིས་རྐང་གཉིས་དང ། ལྔ་པ་མགོ་ཡང་ཐོགས་གྱུར་ཅིང ། །ལུས་ཀྱང་ཁྱོད་ཀྱི་ལུས་ལ་ཐོགས། །ཕྱིན་མ་ཐོགས་སེམས་ཡོད་དོ། །གསང་བ་ཇི་སྲིད་ཁོ་བོ་ཡི། །སེམས་དང་བརྩོན་འགྲུས་མ་ཉམས་པ། །དེ་སྲིད་ཁྱོད་ཀྱང་དགྱེས་བྱ་སྟེ། །བརྟན་བྱས་ང་ལ་མི་གནོད་དོ། །སྲིན་པོས་ཀྱང་ཚིགས་སུ་བཅད་པ་དག་སྨྲས་པ། གང་གི་བརྩོན་པ་འདི་འདྲ་བ། །དཔའ་ཆེན་ཁྱོད་ལ་ཕྱག་འཚལ་ལོ། །ཁྱོད་ཀྱི་བརྩོན་འགྲུས་འདི་འདྲ་བས། །སྡུག་བསྔལ་ཀུན་ལས་འབྲོས་པར་ནུས། །དཔའ་ཆེན་ཁྱོད་དང་འདྲ་བ་ཡི། །གང་ཟག་མེད་པར་བདག་གིས་ཤེས། །ཁྱོད་ཀྱི་མཐུ་ཡིས་ཚོང་བ་དག། བདེ་ལེགས་སུ་ནི་འདོང་ལ་རག། འབྱུང་པོ་ཀུན་ལ་སྙིང་བརྩེ་བ། །དེད་དཔོན་ཁྱོད་ལ་ཕྱག་འཚལ་ལོ། །ཁྱོད་ཀྱི་མཐུ་ཡིས་ཚོང་པ་དག་།ཞི་བ་ཉིད་དུ་འདོང་ལ་རག་།དེ་ལྟར་དེ་ན་དེད་དཔོན་དཔའ་ཆེན་གྱིས། སྲིན་པོ་སྤུ་རལ་ཅན་ལ་གང་ཐོས་ནས་སྲིན་
Nya233b
པོ་སྤུ་རལ་ཅན་ལས་དྲི་མ་ཅན་དང་ཕྲལ་ཏེ་བརྟུལ་ཞུགས་ལྔ་པོ་དག་ལ་བཞག་པ་དེ་འདྲ་བའི་ཆོས་བསྟན་པར་བྱས་སོ། །དགེ་སློང་དག་།དེའི་ཚེ་དེའི་དུས་ན། དེད་དཔོན་དཔའ་ཆེན་གང་ཡིན་པ་དེ་ནི། ང་ཉིད་ཡིན་ནོ། ། དེའི་ཚེ་དེའི་དུས་ན་སྲིན་པོ་སྤུ་རལ་ཅན་གང་ཡིན་པ་དེ་ནི། གནོད་སྦྱིན་འབྲོག་གནས་ཡིན་ཏེ། དེའི་ཚེ་ཡང་ངས་འདི་ལས་དྲི་མ་ཅན་དང་ཕྲལ་ཏེ་བརྟུལ་ཞུགས་ལྔ་ལ་བཞག་ལ། ད་ལྟར་ཡང་ངས་འདི་ལས་དྲི་མ་ཅན་དང་ཕྲལ་ཏེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་གོ་།ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ལག་བརྒྱུད་འབྲོག་གནས་ཀྱིས་ལས་ཅི་བགྱིས་ན། དེས་སྐྱེས་མ་ཐག་ཏུ་གནོད་སྦྱིན་གྱི་གཏོར་མར་སྩལ་ཅིང ། བཅོམ་ལྡན་འདས་དེ་ཐར་པར་བགྱི་བའི་སླད་དུ་བརྩོན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ལག་བརྒྱུད་འབྲོག་གནས་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། ལག་བརྒྱུད་འབྲོག་གནས་ཀྱིས་ལས་བྱས་ཤིང་བསགས་པ་དག་།གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་ཏེ། འདི་ལྟར། ལས་
Nya234a
༄#། །དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་རོ། །ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་བསྐལ་བ་ཆེན་པོ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་བསྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །དེའི་བསྟན་པ་ལ་འདི་དགེ་བསྙེན་དུ་གྱུར་ཏོ། །རི་བྲག་ཅིག་ན་རྒྱལ་པོ་ཞིག་འདུག་པ་དེ། ཤིན་ཏུ་བྱ་གག་ལ་དགའ་ནས་གང་ཡང་རུང་བ་ལ་རྒྱལ་པོའི་ཕོ་བྲང་དུ་བྱ་བ་ཅུང་ཟད་བྱུང་ན། དེ་གསུག་ཏུ་བྱ་གག་ཐོགས་ཏེ་རྒྱལ་པོའི་གན་དུ་འགྲོའོ། །ཇི་ཙམ་དུས་གཞན་ཞིག་ན་དགེ་བསྙེན་དག་རྒྱལ་པོའི་ཕོ་བྲང་དུ་བྱ་བ་ཅུང་ཞིག་བྱུང་ནས་དེ་དེ་བཞིན་སོང་བ་དང ། རྒྱལ་པོ་དེས་དེའི་དགོས་པ་མ་བསྒྲུབས་ནས་གཞན་དག་གིས་དེ་ལ་སྨྲས་པ། རྒྱལ་པོ་འདི་བྱ་གག་ལ་དགའ་བས། གལ་ཏེ་ཁྱོད་ལ་དགོས་པ་འགྲུབ་དགོས་ན། དེ་ལ་
Nya234b
བྱ་གག་ཕུལ་ཅིག་།དེས་རྒྱལ་པོ་ལ་བྱ་གག་ཅིག་ཕུལ་བ་དང ། རྒྱལ་པོས་དེ་ཕྱག་ཚང་གི་ཚང་བང་དུ་གཏད་ནས་དགེ་བསྙེན་དེའི་དགོས་པ་ཡང་བསྒྲུབས་སོ། །དགེ་བསྙེན་དེས་བསམ་པ། བདག་གིས་བྱ་གག་ཕུལ་བ་མ་ལེགས་པ་བྱས་ཀྱི། སོང་ལ་རིན་གྱིས་བླུའོ། །སྙམ་ནས། དེས་ཕྱག་ཚང་གི་ལག་པར་རིན་བྱིན་ཏེ་བྱ་གག་ཐར་བར་བྱས་ནས་སྨོན་ལམ་བཏབ་པ། བདག་གིས་རྙེད་པ་འདོད་པའི་ཕྱིར་རྒྱལ་པོ་ལ་བྱ་གག་ཕུལ་བ་གང་ཡིན་པའི་ལས་དེའི་ཆ་དང་མཐུན་པར་མི་འགྱུར་བར་བདག་གིས་བྱ་གག་ཕོངས་པར་གྱུར་པ་ཐར་པར་བྱས་པའི་དགེ་བའི་རྩ་བ་འདིས། བདག་ཕོངས་པར་གྱུར་པ་ཐར་པར་བྱ་བའི་ཕྱིར་བཅོམ་ལྡན་འདས་བརྩོན་པར་གྱུར་ཅིག་།ཅེས་བཏབ་བོ། །དགེ་སློང་དག་།དེའི་ཚེ་དེའི་དུས་ན་དགེ་བསྙེན་གང་ཡིན་པ་དེ་ནི། ལག་བརྒྱུད་འབྲོག་གནས་འདི་ཡིན་ཏེ། དེས་རྙེད་པ་འདོད་པའི་ཕྱིར་རྒྱལ་པོ་ལ་བྱ་གག་ཕུལ་བ་གང་ཡིན་པའི་ལས་དེའི་རྣམ་པར་སྨིན་པས་གནོད་སྦྱིན་གྱི་གཏོར་མར་བྱིན་ནོ། །ཕྱིས་འགྱོད་པ་སྐྱེས་ནས་ཐར་པར་བྱས་ཤིང་སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས། ང་འདི་ཐར་པར་བྱ་བའི་ཕྱིར་བརྩོན་པར་གྱུར་ཅིང ། ངས་འདི་གནོད་སྦྱིན་ལས་ཐར་པར་བྱས་སོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཀྱིས་ལག་བརྒྱུད་འབྲོག་གནས། སྔོ་བསངས་ཅན་ལས་ཐར་པ་མཛད་
Nya235a
༄#། །ནས་ཕྱིར་མི་འོང་བའི་འབྲས་བུ་ལ་བཞག་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་དུ་མ་ཟད་དེ། འདི་ལྟར་འདས་པའི་དུས་ན་ཡང་ངས་འདི་གཟུགས་ཅན་མ་ལས་ཐར་བར་བྱས་ནས། མངོན་པར་ཤེས་པ་ལྔ་ལ་བཞག་སྟེ། དེ་ཉོན་ཅིག་།དགེ་སློང་དག་།སྔོན་བྱུང་བ་ཝཱ་ར་ཎཱ་སི་ན་རྒྱལ་པོ་ཚངས་བྱིན་ཞེས་བྱ་བས་རྒྱལ་སྲིད་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང ། མི་མང་པོས་གང་བ། འཐབ་མོ་དང ། འཐབ་པ་དང ། ཕྱི་དགྲ་དང ། ནང་འཁྲུག་རབ་ཏུ་ཞི་བ། ཆོམ་རྐུན་དང ། མུ་གེ་དང ། ནད་དང་བྲལ་བ། སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ་ཆོས་དང་ལྡན་པའི་ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།དེའི་མདུན་ན་འདོན་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས། ཁྱེའུ་རྐང་ལག་དྲ་བས་འབྲེལ་བ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུ་མིང་ཅིར་གདགས་ཞེས་དེས་མིང་འདོགས་པར་བྱེད་དོ། །དེ་དག་འདི་སྙམ་དུ་སེམས་ཏེ། གང་གི་
Nya235b
ཕྱིར་ཁྱེའུ་འདི་རྐང་ལག་དྲ་བས་འབྲེལ་བ་དེའི་ཕྱིར་ཁྱེའུའི་མིང་རྐང་ལག་དྲ་བ་ཅན་ཞེས་བྱའོ། །ཞེས་དེའི་མིང་རྐང་ལག་དྲ་བ་ཅན་ཞེས་བྱ་བར་བཏགས་སོ། །ཡང་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས། དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་རྐང་ལག་དྲ་བས་མ་འབྲེལ་བ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱས་པར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །དེ་དག་འདི་སྙམ་དུ་སེམས་ཏེ། གང་གི་ཕྱིར་ཁྱེའུ་འདི་རྐང་ལག་དྲ་བས་འབྲེལ་པ་མེད་པ་དེའི་ཕྱིར་ཁྱེའུའི་མིང་རྐང་ལག་དྲ་བ་མེད་ཅེས་བྱའོ། །ཞེས་དེའི་མིང་རྐང་ལག་དྲ་བ་མེད་ཅེས་བྱ་བར་བཏགས་སོ། །དེ་གཉིས་བསྲིངས་ཤིང་བསྲིང་བསྐྱེད་དེ་ཆེན་པོར་གྱུར་ཏོ། །ཇི་ཙམ་ན་བུ་ཐུ་བོ་རྐང་ལག་དྲ་བ་ཅན་གྱིས་ཕ་ཆོས་དང་ཆོས་མ་ཡིན་པས་མདུན་ན་འདོན་བྱེད་དུ་འཇུག་པ་མཐོང་ནས་དེས་བསམ་པ། བདག་འདི་འདས་ནས་མདུན་ན་འདོན་དུ་གྱུར་ན། བདག་ཀྱང་ཆོས་དང་ཆོས་མ་ཡིན་པས་མདུན་ན་འདོན་བྱེད་དུ་འཇུག་པར་འགྱུར་ན། བདག་ཆོས་དང་ཆོས་མ་ཡིན་པས་མདུན་ན་འདོན་བྱེད་དུ་བཅུག་ནས་སེམས་ཅན་དམྱལ་བ་ལ་གཞོལ་བར་གྱུར་ན་མི་རུང་གི་།རྣམ་པ་ཐམས་ཅད་དུ་རབ་ཏུ་འབྱུང་ངོ ། །སྙམ་ནས། དེ་ཕའི་གན་དུ་སོང་སྟེ་སྨྲས་པ། ཡབ་།བདག་རབ་ཏུ་འབྱུང་བར་ཅི་གནང ། ཕས་སྨྲས་པ། བུ། གང་གི་ཕྱིར་མཆོད་སྦྱིན་
Nya236a
༄#། །སྦྱིན་པར་བྱེད། སྦྱིན་སྲེག་སྲེག་པར་བྱེད། དཀའ་ཐུབ་ཀྱིས་གདུང་བར་བྱེད་པའི་མདུན་ན་འདོན་དེ་ཁྱོད་ཀྱི་ལག་མཐིལ་དུ་འོངས་ན། ཅིའི་ཕྱིར་རབ་ཏུ་འབྱུང་བར་བྱེད། དེས་ཚིགས་སུ་བཅད་དེ་སྨྲས་པ། ནགས་ན་ཤིང་ཤུན་ཤུན་པའི་གོས་གྱོན་འབྲས་བུ་ཟ། །རི་དྭགས་སྡུག་པ་རྣམས་དང་ལྷན་ཅིག་གནས་པ་བླའི། །མཁས་པ་འཇིག་རྟེན་ཕ་རོལ་འཇིགས་པས་རྒྱལ་སྲིད་ཕྱིར། །གསད་དང་བཅིང་དང་བརྡེག་པའི་ལས་དག་བྱར་མི་རུང ། །ཕས་དེ་དུས་ཀྱིས་འཆུ་བར་ཤེས་ནས་གནང་བ་དང ། དེ་དྲང་སྲོང་རྣམས་ཀྱི་གན་དུ་སོང་སྟེ་རབ་ཏུ་བྱུང་ནས་དེས་སྤྲོ་བ་དང ། འབད་པ་དང ། བརྩལ་བར་བྱས་པས་མངོན་པར་ཤེས་པ་ལྔ་བསྐྱེད་པར་གྱུར་ཏོ། །བུ་གཉིས་པ་རྐང་ལག་དྲ་བ་མེད་ནི། གསང་ཚིག་གི་ཕྱིར་གསང་ཚིག་ཚོལ་དུ་ཡུལ་གཞན་དུ་སོང་ངོ ། །ལྷོ་ལམ་ན་རི་བྲག་ཅིག་ན། བྲམ་ཟེ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད། རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལས་བུ་མོ་ཞིག་བཙས་ནས་དེས་བསམ་པ། བདག་གི་བུ་མོ་འདི་རིགས་ཀྱི་ཕྱིར་ཡང་མི་སྦྱིན། ནོར་གྱི་ཕྱིར་ཡང་མི་སྦྱིན་གྱི། རིག་བྱེད་བཞི་ཀློག་པ་ལ་སྦྱིན་པར་བྱ་སྟེ། གང་གིས་བདག་གི་དྲུང་ནས་རིག་བྱེད་བཞི་བཀླགས་པ་དེ་ལ་བདག་གིས་བུ་མོ་ཞིག་སྦྱིན་ནོ། །སྙམ་མོ། །ཇི་ཙམ་ན་བྲམ་ཟེའི་ཁྱེའུ་རྐང་ལག་དྲ་བ་མེད་དེ་ཕན་
Nya236b
ཚུན་འཁོར་བ་ན། ལྷོ་ལམ་དུ་ཕྱིན་ནས་དེས་ཕྱོགས་གཞན་ཞིག་ཏུ་ལམ་གྱིས་དུབ་པ་ངལ་བསོས་ཏེ་ཐོས་པ་གཅིག་ནས་གཅིག་ཏུ་བརྒྱུད་པས་བྲམ་ཟེ་དེ་ཐོས་ནས་དེའི་གན་དུ་སོང་སྟེ་མངོན་དུ་སྨྲ་བ་བྱས་ནས་སྨྲས་པ། བདག་མཁན་པོའི་ཞབས་ལ་བསྙེན་བཀུར་བགྱིད་པར་འཚལ་ལོ། །ཅིའི་ཕྱིར། རིག་བྱེད་བཀླག་པའི་སླད་དུའོ། །བུ། དེ་བཞིན་གྱིས་ཤིག་།དེས་དེའི་གན་དུ་རིག་བྱེད་ཀློག་པར་བརྩམས་པ་དང ། དེ་སྤྱོད་པ་གསལ་བས་དེའི་དྲུང་ནས་དུས་ཅུང་ཟད་ཅིག་གིས་རིག་བྱེད་བཞི་ལྷོགས་སོ། །ལྷོགས་ནས་བྲམ་ཟེ་དེས་དེ་ལ་བུ་མོ་བྱིན་ནོ། །བྲམ་ཟེའི་ཁྱེའུ་དེ་དེ་དང་ལྷན་ཅིག་ཁང་ཐོག་ན་ཉལ་བའི་ཚེ་ཇི་ཙམ་ན་བུ་མོ་དེའི་བསིལ་ཡབ་ཤོད་དུ་ལྷུང་བ་དང ། དེས་ལག་པ་གླང་པོ་ཆེའི་སྣ་ལྟ་བུ་བརྐྱང་སྟེ་དེ་བླངས་པ་དང ། དེས་དེ་མཐོང་ནས་སྡངས་པར་གྱུར་ཏོ། །ཡང་མར་མེ་ཤི་ལ་ཐུག་པ་དང ། དེས་ལག་པ་གླང་པོ་ཆེའི་སྣ་ལྟ་བུ་བརྐྱང་སྟེ་དེ་གསོས་སོ། །དེ་ཡང་དེས་མཐོང་ནས་ཡང་རྒྱ་ཆེར་སྡངས་པར་གྱུར་ཏེ། དེ་དང་ལྷན་ཅིག་བག་ཡངས་སུ་དགའ་མགུར་སྤྱོད་པར་མི་བྱེད་དོ། །བུ་མོས་སྨྲས་པ། རྗེའི་སྲས། ཁྱོད་ཅིའི་ཕྱིར་བདག་མཐོང་ན། དབང་པོ་རྣམས་སྡུད་ཅིང་བདག་དང་ལྷན་ཅིག་བག་ཡངས་སུ་གཅུགས་པར་མི་བྱེད། ཁྱེའུས་སྨྲས་པ། ཁྱོད་ཀྱིས་འཆི་བདག་དང་ལྷན་ཅིག་གཅུགས་པར་བྱེད་པ་འགའ་མཐོང་ངམ། བུ་མོས་སྨྲས་པ། རྗེའི་སྲས། མ་འཇིགས་ཤིག་།ཁོ་མོ་ཁྱིམ་ཐབ་ལ་འཁུ་བའི་སེམས་མི་བསྐྱེད་དོ། །ཁྱེའུས་སྨྲས་པ། འདི་ལ་ཁོ་བོས་དུས་
Nya237a
༄#། །ཤེས་པར་བྱའོ། །བུ་མོ་དེ་སྐྱེངས་ནས་དེ་གཉིད་ལོག་པ་ལ་སྡོད་ཅིང་འདུག་གོ་།ཁྱེའུ་དེས་གཉིད་མ་ལོག་བཞིན་དུ་གཉིད་ལོག་པའི་ཆ་ལུགས་སུ་བྱས་ཏེ་འདུག་པ་དང ། བུ་མོ་དེས་དེ་གཉིད་ལོག་པར་རིག་ནས་གཟུགས་ཅན་མ་རྣམས་ཀྱི་ནང་དུ་སོང་ངོ ། །ཁྱེའུ་དེ་ཡང་དལ་བུས་ལངས་ཏེ་དེའི་རྗེས་བཞིན་དུ་སོང་བ་དང ། ཇི་ཙམ་གཟུགས་ཅན་མ་དེ་དག་ཐམས་ཅད་སྒྲེན་མོར་བྱུང་ཞིང་སྐྲ་བཤིག་སྟེ་འཇིགས་འཇིགས་ལྟར་འདུག་པ་དག་མཐོང་ནས་དེ་ཤིན་ཏུ་སྡངས་ཤིང་སྐྲག་ནས་ཕྱིར་ལོག་གོ་།དེ་ཡང་དེའི་རྗེས་བཞིན་དུ་འོངས་པ་དང ། དེས་སྨྲས་པ། བཟང་མོ། ཁོ་བོ་འདུག་མི་ཕོད་ཀྱི། འགྲོའོ། །དེས་དེ་གདོན་མི་ཟ་བར་དུས་ཀྱིས་འཆུ་བར་ཤེས་ནས་སྨྲས་པ། རྗེའི་སྲས། གལ་ཏེ་ངེས་པ་ཁོ་ནར་འགྲོ་འདོད་ན། སོང་ལ་སུ་ལ་ཡང་མ་ཟེར་ཅིག་།དེ་ཡང་མ་ཟེར་བར་བྲམ་ཟེ་དེའི་གན་དུ་སོང་སྟེ་སྨྲས་པ། མཁན་པོ། ཁྱོད་བལྟས་ཀྱིས་མཆིའོ། །དེས་སྨྲས་པ། གལ་ཏེ་དེ་ལྟར་ན། བུ་མོ་ཡང་ཁྲིད་ལ་སོང་ཞིག་།མཁན་པོ། བདག་དེ་ཉིད་ཀྱིས་འཇིགས་པས་མཆིའོ། །བུ། ཅིའི་ཕྱིར་ཁྱོད་དེས་འཇིགས། མཁན་པོ། དེ་གཟུགས་ཅན་མ་ལགས་སོ། །བུ། ཅིའི་ཕྱིར་དེ་དེ་ལྟར་འགྱུར། དེ་ཅང་མི་སྨྲ་བར་སོང་ངོ ། །བྲམ་ཟེ་དེས་བུ་མོ་ལ་སྨྲས་པ། བུ་མོ། ཁྱོད་ཁྱིམ་ཐབ་ཀྱང་རྗེས་སུ་མི་སྲུང་ངམ། ཡབ། དེ་ཇི་སྐད་མཆི། བུ་དེ་ན་རེ། ཁྱོད་གཟུགས་
Nya237b
ཅན་མ་ཡིན་ཞེས་ཟེར་རོ། །ཡབ། བདག་གཟུགས་ཅན་མ་མ་ལགས་ཏེ། དེས་བདག་ལ་ཤོ་བེས་སྐུར་བ་བཏབ་སྟེ་མཆིས་སོ། །དེ་ཅང་མི་སྨྲ་བར་འདུག་གོ་།གཟུགས་ཅན་མ་དེ་ཡང་ཀུན་ནས་དཀྲིས་པ་དྲག་པོས་ཀུན་ནས་དཀྲིས་པར་གྱུར་ནས་རྐང་ལག་དང་མིག་བསྒྱུར་ཏེ་ལམ་གར་སོང་ནས་དེའི་མདུན་དུ་འདུག་སྟེ་སྨྲས་པ། བུ་ཟན་མའི་བུ། ཁྱོད་ལ་ཁོ་མོས་སུ་ལ་ཡང་མ་ཟེར་ཅིག་།ཅེས་བྱས་ན། ཁྱོད་ཀྱིས་ཁོ་མོའི་ཕ་ཉིད་ལ་བྱས་ཀྱི། ད་ནི། ཁྱོད་ལ་མཚམས་ཆེན་པོ་གཅད་པར་བྱའོ། །ཞེས་དེས་དེ་ལ་གནོད་པ་བྱ་བར་བརྩམས་པ་དང ། དེ་སྐྲག་པས་སྒྲ་ཆེན་པོ་བྱུང་སྟེ། འཕགས་པ་རྐང་ལག་དྲ་བ་ཅན་ལ་ཕྱག་འཚལ་ལོ། །འཕགས་པ་རྐང་ལག་དྲ་བ་ཅན་ལ་ཕྱག་འཚལ་ལོ། །ཕྱག་འཚལ་ལོ། །ཞེས་བརྗོད་པ་དང ། དེ་ནས་རྐང་ལག་དྲ་བ་ཅན་ལ་མངོན་པར་དགའ་བའི་ལྷ་མོ་གང་ཡིན་པ་དེ་མྱུར་བ་མྱུར་བར་སོང་སྟེ་རྐང་ལག་དྲ་བ་ཅན་ལ་སྨྲས་པ། འཕགས་པ། ཁྱོད་ཀྱི་གཅུང་པོ་གནོད་པ་དང ། ཉམ་ང་བ་དང ། མི་བདེ་བར་གྱུར་གྱི། དེ་ལ་དགོངས་སུ་གསོལ། དེ་རྫུ་འཕྲུལ་གྱིས་དེའི་གན་དུ་སོང་སྟེ་སྨྲས་པ། བུ་མོ། འདི་ལ་གནོད་པར་མ་བྱེད་ཅིག་།འདིས་ཁྱོད་ལ་ཅི་ཉེས། བདག་གིས་འདི་བཟློག་ན། འདིས་བདག་གི་ཕ་ལ་བདག་གཟུགས་ཅན་མ་ལགས་སོ། །ཞེས་བགྱིས་ཀྱི། བདག་གིས་འདི་བཟའི། ཁྱོད་བཞུད་ཅིག་།དེས་སྨྲས་པ། སྲིང་མོ། འདི་ནི། བཀྲེན་པ་ཡིན་པས་འཁྲུག་པས་ཆོག་གི་།ཐོང་ཞིག་།དེས་སྨྲས་པ། འཕགས་པ། དམ་ཚིག་གིས་གཏང་བར་བགྱི་སྟེ། གལ་ཏེ་རབ་ཏུ་འབྱུང་ནའོ། །
Nya238a
༄#། །དེས་སྨྲས་པ། སྲིང་མོ། ཐོང་ཞིག་དང་རབ་ཏུ་འབྱུང་ངོ ། །དེས་དེ་བཏང་ནས་དེས་ཀྱང་དེ་རབ་ཏུ་ཕྱུང་སྟེ། གདམས་ངག་བྱིན་ནས་དེས་སྤྲོ་བ་དང ། འབད་པ་དང ། བརྩལ་བ་བྱས་པས་མངོན་པར་ཤེས་པ་ལྔ་བསྒྲུབས་པར་གྱུར་ཏོ། །དགེ་སློང་དག་།དེའི་ཚེ་དེའི་དུས་ན་མདུན་ན་འདོན་གྱི་བུ་ཐུ་བོ་རྐང་ལག་དྲ་བ་ཅན་གང་ཡིན་པ་དེ་ནི། ང་ཉིད་ཡིན་ནོ། །དེའི་ཚེ་དེའི་དུས་ན་དེའི་ནུ་བོ་རྐང་ལག་དྲ་བ་མེད་པ་གང་ཡིན་པ་དེ་ནི། ལག་བརྒྱུད་འབྲོག་གནས་འདི་ཡིན་ནོ། །དེའི་ཚེ་དེའི་དུས་ན་གཟུགས་ཅན་མ་གང་ཡིན་པ་དེ་ནི། སྔོ་བསངས་ཅན་འདི་ཡིན་ཏེ། ངས་དེའི་ཚེ་ཡང་ལག་བརྒྱུད་འབྲོག་གནས་འདི། གཟུགས་ཅན་མ་ལས་ཐར་པར་བྱས་ཏེ་མངོན་པར་ཤེས་པ་ལྔ་ལ་བཞག་ལ། ད་ལྟར་ཡང་ངས་འདི་སྔོ་བསངས་ཅན་ལས་ཐར་པར་བྱས་ཏེ་ཕྱིར་མི་ལྡོག་པའི་འབྲས་བུ་ལ་བཞག་གོ་།གང་གི་ཚེ་ལག་བརྒྱུད་འབྲོག་གནས་དུས་ལ་བབ་པ་དེའི་ཚེ་ན་སྔོ་བསངས་ཅན་ཀོའུ་ཤམྦྷིར་སོང་ནས་ཀོའུ་ཤམྦྷིའི་ཚོགས་ཀྱིས། གང་གི་ཉིན་མོ་སྔོ་བསངས་ཅན་གྱིས་ལག་བརྒྱུད་འབྲོག་གནས་བཙལ་བ་དེའི་ཉིན་མོ་ལག་བརྒྱུད་འབྲོག་གནས་ཀྱིས་ཕྱིར་མི་འོང་བའི་འབྲས་བུ་ཐོབ་པས། བུ་མོ་དེས་མ་རྨས་པ་ཁོ་ནར་འདིར་འོངས་སོ། །ཞེས་ཐོས་ནས། ཐོས་པ་གཅིག་ནས་གཅིག་ཏུ་བརྒྱུད་པས་བད་སའི་རྒྱལ་པོ་ཤར་པས་ཐོས་པ་དང ། དེས་ཁྱིམ་བདག་གདངས་ཅན་པོས་ཏེ་སྨྲས་པ། ཁྱིམ་བདག་།གང་གི་ཉིན་མོ་སྔོ་བསངས་ཅན་གྱིས་ལག་
Nya238b
བརྒྱུད་འབྲོག་གནས་བཙལ་བ་དེའི་ཉིན་མོ། ལག་བརྒྱུད་འབྲོག་གནས་ཀྱིས་ཕྱིར་མི་འོང་བའི་འབྲས་བུ་ཐོབ་ནས་བུ་མོ་དེ་མ་རྨས་པ་ཁོ་ནར་འདིར་འོངས་ཞེས་གྲག་ན། ཅི། དེ་བདེན་ནམ། འོན་ཏེ་རྫུན། དེས་སྨྲས་པ། ལྷ། མད་དོ། །གལ་ཏེ་དེ་ལྟ་ན། ཅིའི་ཕྱིར་ང་ལ་མི་སྦྱིན། ལྷ། གསོལ་ལོ། །རྒྱལ་པོས་བཙུན་མོའི་འཁོར་གྱི་ནང་དུ་བཅུག་སྟེ་བསྙེན་བཀུར་མ་ལྔ་བརྒྱ་ཡང་བྱིན། ཉི་མ་རེ་རེ་ཞིང་དྲི་དང་ཕྲེང་བ་རྒྱུའི་རིན་ཀཪྴ་པ་ཎ་སྟོང་སྟོང་ཡང་བྱིན། ཁང་བཟང་མེ་ཏོག་གི་སོ་ཞེས་བྱ་བ་ཡང་བྱིན་ནོ། །དེ་ལ་བུ་མོ་མངག་གཞུག་མ་སྒུར་མཆོག་ཅེས་བྱ་བ་ཞིག་ཡོད་པ་དེ་ཉི་མ་རེ་རེ་ཞིང་ཀཪྴ་པ་ཎ་སྟོང་སྟོང་གིས་དྲི་དང་ཕྲེང་བ་རྒྱུ་དག་ཉོ་བར་བྱེད་དོ། །དེ་དུས་གཞན་ཞིག་ན་སྤོས་ཚོང་གི་ཁྱེའུ་ཞིག་དང་ལྷན་ཅིག་བསྟན་པར་གྱུར་ནས་དེས་ཀཪྴ་པ་ཎ་ལྔ་བརྒྱས་ནི། དྲི་དང ། མེ་ཏོག་ཕྲེང་དག་ཉོ་བར་བྱེད། ལྔ་བརྒྱ་ནི། དེ་དང་ལྷན་ཅིག་ཟ་བར་བྱེད་དོ། །སྤོས་ཚོང་གི་ཁྱེའུ་དེ་དད་པ་ཅན་ཡིན་པས་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེས་སྒུར་མཆོག་ལ་སྨྲས་པ། ཁོ་བོ་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ཀྱི། ཁྱོད་ཀྱང་ཤོག་ལ་བྲིམས་ཤིག་།དེས་དེའི་མཚན་མོ་བཅའ་བ་དང ། །བཟའ་བ་གཙང་ཞིང་བསོད་པ་སྟ་གོན་བྱས་ནས་ནང་པར་སྔར་ལངས་ཏེ་གདན་བཤམས་ནས་ཆུ་ར་བཞག་སྟེ་སྤྱན་འདྲེན་བཏང་ནས་བཅོམ་ལྡན་འདས་ལ། བཙུན་པ། གདུགས་ཚོད་གཡར་དགོངས་འཚལ་ན།
Nya239a
༄#། །བཅོམ་ལྡན་འདས་ཀྱིས་དེ་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་སོ། །དེ་ནས་བཅོམ་ལྡན་འདས་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱི་མདུན་དུ་བདར་ཏེ་སྤོས་ཚོང་གི་ཁྱེའུའི་བཀད་ས་ག་ལ་བ་དེར་གཤེགས་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །དེ་ནས་སྤོས་ཚོང་གི་ཁྱེའུ་སྒུར་མཆོག་དང་བཅས་པས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་རང་གི་ལག་ནས་བཅའ་བ་དང ། བཟའ་བ་གཙང་ཞིང་བསོད་པས་ཚིམ་པར་བྱེད། སྟོབ་པར་བྱེད་དོ། །རྣམ་གྲངས་དུ་མར་བཅའ་བ་དང ། བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱས་ཤིང་བསྟབས་ནས། སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ཞིང་ཕྱག་བཅབས། ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། བཅོམ་ལྡན་འདས་ཀྱིས་སྒུར་མཆོག་གི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་གང་ཐོས་ནས་སྒུར་མཆོག་གིས་སྟན་དེ་ཉིད་ལ་འདུག་བཞིན་དུ་འཇིགས་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་
Nya239b
མངོན་སུམ་དུ་བྱས་པ་དེ་ལྟར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པ་མཛད་དོ། །དེས་བདེན་པ་མཐོང་ནས་གསོལ་པ། བཙུན་པ། བདག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང ། བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང ། མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱིས་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་ནི། མངོན་པར་ཞུགས་པ་ལགས་ཏེ། བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་མར་གཟུང་དུ་གསོལ། དེང་སླན་ཆད་
Nya240a
༄#། །ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །དེ་ནས་བཅོམ་ལྡན་འདས་ཀྱིས་དེ་གཉིས་ལ་ཆོས་བསྟན་པ་མཛད་ནས་གཤེགས་སོ།། སྒུར་མཆོག་གིས་སྤོས་ཚོང་གི་ཁྱེའུ་དེ་ལ་སྨྲས་པ། རྗེའི་སྲས། ད་ནི། བདག་གིས་གཞན་གྱི་ཏིལ་གྱི་ཕུབ་མ་ཡང་མ་བྱིན་པར་ལེན་པའི་རྡོ་མི་ཐོགས་ཀྱི། ཀཪྴ་པ་ཎ་སྟོང་གི་ཡོ་བྱད་དག་སྩོལ་ཅིག་།དེས་སྨྲས་པ། མ་ཉེས་ཀྱི་ཞེས་དེས་དེ་ལ་ཀཪྴ་པ་ཎ་སྟོང་གི་ཡོ་བྱད་དག་བྱིན་ནོ། །དེས་དེ་ཁྱེར་ཏེ་སྔོ་བསངས་ཅན་གྱི་གན་དུ་སོང་བ་དང ། དེས་སྨྲས་པ། སྒུར་མཆོག། ཁྱོད་ཀྱིས་དེང་འདིར་མགོ་ཕྱིར་བསྟན་ཏེ་ཉལ་བ་གང་ལས་ཐོབ། དེས་སྨྲས་པ། ཇོ་མོ། །སྔོན་ནི། བདག་གིས་བརྐུས་ཀྱི། ད་ནི། བདག་གིས་སླན་ཆད་ཉོན་མོངས་པ་དེ་ལྟ་བུ་དག་ཀུན་ཏུ་སྤྱོད་པར་མི་འགྱུར་བའི་ཡོན་ཏན་གྱི་རྣམ་པ་དེ་ལྟ་བུ་རྟོགས་སོ། །ཁྱོད་ཀྱིས་དེང་ཅི་བྱས། དེ་ཐོས་པ་འཛིན་པ་ཡིན་པས། སྐབས་དེ་རྒྱས་པར་སྨྲས་པ་དང ། དེས་སྨྲས་པ། སྒུར་མཆོག་།ཁྱོད་ཀྱིས་བཅོམ་ལྡན་འདས་ཀྱི་སྤྱན་སྔ་ནས་ཆོས་མཉན་ནས་ཁོ་མོ་ལ་སྨོས་ཤིག་།ཁྱོད་ཀྱི་ལས་ནི། དེ་ཡིན་ནོ། །དེས་སྨྲས་པ། མ་ནོངས་ཀྱི། དེ་ལྟར་བགྱིའོ། །དེ་ནས་སྒུར་མཆོག་གིས། བཅོམ་ལྡན་འདས་ཀྱི་སྤྱན་སྔ་ནས་ཆོས་མཉན་ནས་དེ་ལ་བརྗོད་དོ། །བཅོམ་ལྡན་འདས་ཀྱིས་སྒུར་མཆོག་ལ་རྨས་པ། སྒུར་མཆོག། ཁྱོད་བཙུན་མོའི་འཁོར་ལ་ཆོས་སྟོན་ཏམ། བཅོམ་ལྡན་འདས། སྟོན་ཏོ། ཇི་ལྟར་སྟོན། བཅོམ་
Nya240b
ལྡན་འདས། བདག་ནི། འགྲེང་སྟེ་སྟོན་ལ། དེ་དག་ནི། མཆིས་ཏེ་ཉན་ཏོ། །བཀའ་སྩལ་པ། གལ་ཏེ་དེ་དག་སྒུར་མཆོག་།ཆོས་སྟོན་ཅིག་ཅེས་ཟེར་ན། མི་སྟོན་ཏོ། །ཞེས་བརྗོད་པར་བྱའོ། །ཅིའི་ཕྱིར་ཞེས་ཟེར་ན། འདི་ལྟར། བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱོད་པ་འབུམ་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་མཁྱེན་པ་ཐུགས་སུ་ཆུད་པ་ཡིན། བདག་ཁྱེད་ཅག་གུས་པ་མེད་པ། རྗེས་མེད་པ། སྟན་ཆོས་མཐོན་པོ་ལ་འཁོད་པ་རྣམས་ལ་ག་ལ་སྟོན་ཅེས་བརྗོད་པར་བྱའོ། །ཇི་ཙམ་དུས་གཞན་ཞིག་ན་སྒུར་མཆོག་གིས་བཅོམ་ལྡན་འདས་ཀྱི་སྤྱན་སྔ་ནས་ཆོས་མཉན་ནས་བཙུན་མོའི་འཁོར་གྱི་ནང་དུ་སོང་བ་དང ། དེ་དག་གིས་དེ་ལ་སྨྲས་པ། སྒུར་མཆོག། ཆོས་སྟོན་ཅིག་།དེས་སྨྲས་པ། མི་སྟོན་ཏོ། །ཅིའི་ཕྱིར། འདི་ལྟར་བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་འབུམ་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་མཁྱེན་པ་ཐུགས་སུ་ཆུད་ན། བདག་ཁྱེད་ཅག་གུས་པ་མེད་པ་དང ། རྗེ་ས་མེད་པ། སྟན་ཆེས་མཐོན་པོ་ལ་འཁོད་པ་རྣམས་ལ་ག་ལ་སྟོན། སྔོ་བསངས་ཅན་གྱིས་ཐོས་ནས་སེངྒེའི་ཁྲི་བཙུགས་སོ། །གཞན་དག་གིས་ཀྱང་སྟན་ནང་ཚངས་ཅན་བཏིང་ངོ ། །གཞན་དག་གིས་ཀྱང་བཏེག་སྟེ་དེར་བཞག་ནས་སྒུར་མཆོག་སེངྒེའི་ཁྲི་ལ་འདུག་སྟེ། དེ་དག་ལ་གང་
Nya241a
༄#། །གང་ཐོས་ནས་སྔོ་བསངས་ཅན་ལ་སོགས་པ་བུད་མེད་ལྔ་བརྒྱས་ཁྱད་པར་ཆེན་པོ་རྟོགས་ཏེ། ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི། ཕྱིར་མི་འོང་བའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པར་བྱས་སོ། །དེ་དག་སྒུར་མཆོག་ལ་ཆོས་ཀྱི་རྒྱུ་ལས་བྱུང་བའི་དད་པ་སྐྱེས་ནས་དེ་དག་གིས་བད་སའི་རྒྱལ་པོ་ཤར་པ་ལ་སྨྲས་པ། ལྷ། བདག་ཅག་སངས་རྒྱས་མཐོང་བར་འཚལ་ལོ། །དེས་སྨྲས་པ། དེ་ལྟར་བྱ་སྟེ། བཅོམ་ལྡན་འདས་ཀྱི་སྤྱན་སྔར་ཇེ་འགྲོའོ། །ཞེས་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་བད་སའི་རྒྱལ་པོ་ཤར་པས་འདི་སྐད་ཅེས་གསོལ་ཏོ། །བཅོམ་ལྡན་འདས། མཆིས་བྲང་གི་འཁོར་བཅོམ་ལྡན་འདས་མཐོང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། བཙུན་མོའི་འཁོར་གྱི་ནང་དུ་མི་འཇུག་གོ་།དེས་སོང་སྟེ་དེ་དག་ལ་སྨྲས་པ་དང ། སྔོ་བསངས་ཅན་གྱིས་སྨྲས་པ། ལྷ། གལ་ཏེ་བཅོམ་ལྡན་འདས་བཙུན་མོའི་འཁོར་གྱི་ནང་དུ་མི་གཤེགས་ན། ཁང་བཟང་མེ་ཏོག་གི་སོ་ལ་སྐར་ཁུང་མང་པོ་དག་གདོད་
Nya241b
ཅིང ། བདག་ཅག་སྐར་ཁུང་དག་ནས་བཅོམ་ལྡན་འདས་ལ་ལྟ་བར་ཅི་གནང ། རྒྱལ་པོས་ཁང་བཟང་མེ་ཏོག་གི་སོ་ལ་སྐར་ཁུང་ལྔ་བརྒྱ་བཏོད་དོ། །གང་གི་ཚེ་བཅོམ་ལྡན་འདས་ཕྱོགས་དེར་གཤེགས་པ་དེའི་ཚེ་ན། བཙུན་མོའི་འཁོར་དེ་དག་གིས་བཅོམ་ལྡན་འདས་སྐར་ཁུང་ནས་མཐོང་ནས་མཆོད་པ་དང ། བསྙེན་བཀུར་བྱེད་ཅིང ། མེ་ཏོག་དག་དང ། སྤོས་དག་དང ། ན་བཟའ་དག་དང ། མེ་ཏོག་ཕྲེང་གི་ཆུན་པོ་དག་ཀྱང་འཐོང་བར་བྱེད་དོ། །སྣ་ཚོགས་གདུལ་ན་ཀུན་ཏུ་རྒྱུ་མ་དུ་ཞེས་བྱ་བ་དེ་ལ། ཆུང་མ་བུར་མ་ཞེས་བྱ་བ་ཞིག་ཡོད་པ་དེ་ལས། བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། ཡན་ལག་དང ། ཉིང་ལག་ཐམས་ཅད་དང་ལྡན་པ་ཞིག་བཙས་ནས་དེའི་རུས་པ་དག་ཕྲ་ཞིང་ཤིན་ཏུ་ཕྲ་ལ་དཔེ་བྱ་བར་མི་ནུས་སོ། །དེའི་ཉེ་དུ་དག་འདུས་ཤིང་ལྷགས་ནས་ཞག་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་བུ་མོའི་མིང་ཅིར་ཡང་གདགས་ཞེས་དེའི་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ། བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། ཡན་ལག་དང ། ཉིང་ལག་ཐམས་ཅད་དང་ལྡན་ཞིང ། འདིའི་རུས་པ་དག་ཕྲ་ཞིང་ཤིན་ཏུ་ཕྲ་ལ་དཔེ་བྱ་བར་མི་ནུས་པས། བུ་མོ་འདི་ལ་དཔེ་མེད་པས་འདིའི་མིང་དཔེ་མེད་མ་ཞེས་བྱ་བར་གདགས་སོ། །ཞེས་དེའི་མིང་དཔེ་མེད་མ་ཞེས་བྱ་བར་བཏགས་སོ། །དེ་བསྲིངས་བསྐྱེད་ནས་ཆེན་པོར་གྱུར་ཏོ། །མ་དུས་བསམ་པ། བདག་གི་བུ་མོ་འདི་སུ་ལ་ཡང་རིགས་ཀྱི་ཕྱིར་ཡང་མི་སྦྱིན། ནོར་གྱི་ཕྱིར་ཡང་མི་སྦྱིན །
Nya242a
༄#། །ཐོས་པའི་ཕྱིར་ཡང་མི་སྦྱིན་གྱི། བདག་གིས་གང་འདི་དང་གཟུགས་མཉམ་པའམ། ལྷག་པ་དེ་ལ་སྦྱིན་ནོ། །སྙམ་མོ། །དེའི་སྐབས་སུ་བཅོམ་ལྡན་འདས་སྒྲ་མི་སྙན་དག་ཏུ་ལྗོངས་རྒྱུ་ཞིང་གཤེགས་པ་ན་སྣ་ཚོགས་གདུལ་དུ་བྱོན་ནས་སྣ་ཚོགས་གདུལ་ན་སྒྲ་མི་སྙན་གྱི་གྲོང་རྡལ་ན་བཞུགས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ་སྣ་ཚོགས་གདུལ་དུ་བསོད་སྙོམས་ལ་ཞུགས་སོ། །སྣ་ཚོགས་གདུལ་དུ་བསོད་སྙོམས་རྒྱུས་ནས་ཟས་ཀྱི་བྱ་བ་མཛད་དེ། ཕྱི་མའི་ཟས་ཀྱི་བསོད་སྙོམས་ལས་སླར་ལོག་པས་ཇི་ལྟར་ལོངས་སྤྱད་པའི་གནས་མལ་མཁོས་སུ་ཕབ་སྟེ། ཤིང་ལྗོན་པ་ཞིག་གི་དྲུང་དུ་བརྟེན་ནས་བྲང་འགྲོའི་རྒྱལ་པོ་ཉལ་བའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས་ཏེ་བཞུགས་སོ། །དེའི་ཚེ་ན་ཀུན་ཏུ་རྒྱུ་མ་དུ་མེ་ཏོག་དང ། ཡམ་བསྲེག་ཤིང་གི་ཕྱིར་ཕྱི་རོལ་ཏུ་བྱུང་བ་དང ། ཀུན་ཏུ་རྒྱུ་མ་དུས་ཐག་རིང་པོ་ཁོ་ན་ནས་བཅོམ་ལྡན་འདས་ཤིང་ལྗོན་པ་ཞིག་གི་དྲུང་ན་བརྟེན་ཅིང་བྲང་འགྲོའི་རྒྱལ་པོ་ཉལ་བའི་ལུས་བསྐྱིལ་བ་ལྟར་སྐྱིལ་མོ་ཀླུང་བཅས་ཏེ་བཞུགས་པ། མཛེས་པ། དད་པར་འགྱུར་བ། དབང་པོ་ཞི་བ། ཐུགས་ཞི་བ། མཆོག་ཏུ་སེམས་དུལ་བ། ཉེ་བར་ཞི་བ་དང་ལྡན་པ། གསེར་གྱི་མཆོག་སྡོང་ལྟར་འབར་བ་མཐོང་ངོ ། །མཐོང་ནས་དགའ་བ་དང ། མཆོག་ཏུ་དགའ་ཕ་སྐྱེས་ཏེ་བསམ་པ། དགེ་སྦྱོང་མཛེས་པ། དད་པར་བྱ་བ་འདི་ལྟ་བུ་འདི་ནི། ཛམྦུའི་གླིང་མཐའ་དག་གི་
Nya242b
བདག་པོར་འོས་པ་ཡིན་ན། དཔེ་མེད་མའི་བདག་པོར་ལྟ་སྨོས་ཀྱང་ཅི་དགོས་ཏེ། བདག་གིས་མག་པ་རྙེད་དོ། །སྙམ་དུ་རིག་ནས། རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས་ཆུང་མ་ལ་སྨྲས་པ། བཟང་མོ། ཤེས་པར་གྱིས་ཤིག་།ངས་བུ་མོའི་མག་པ་རྙེད་ཀྱི། རྒྱན་བྱོས་ཤིག་དང ། དཔེ་མེད་པ་སྦྱིན་ནོ། །དེས་སྨྲས་པ། སུ་ལ་སྦྱིན། དེས་སྨྲས་པ། དགེ་སྦྱོང་གོའུ་ཏ་མ་ལའོ། དེས་སྨྲས་པ། །ཇེ་བལྟར་འདོང་ངོ། །ཞེས་དེ་མ་དུ་དང་ལྷན་ཅིག་འཕགས་པ་དང ། ལམ་གར་དེ་ལ་དྲན་པ་སྐྱེས་ནས་དེས་ཚིགས་སུ་བཅད་པ་སྨྲས་པ། བྲམ་ཟེ་བདག་གིས་དྲང་སྲོང་ཆེན་པོ་དེ། སྣ་ཚོགས་གདུལ་དུ་བསོད་སྙོམས་ཞུགས་མཐོང་ནས། །དེས་མནན་ས་ཕྱོགས་མཐོན་པོ་དམར་འགྱུར་ཞིང ། བཏེག་ན་དམའ་བའང་མཐོན་པོ་ཉིད་དུ་འགྱུར། །ཁྱིམ་ཐབ་དེ་ནི་གཞོན་ནུ་མི་སྟེན་གྱི། །ཕྱིར་ལོག་རང་གི་སྡུམ་པ་ཉིད་དུ་འདོང ། །དེས་ཀྱང་ཚིགས་སུ་བཅད་པ་སྨྲས་པ། ཀྱེ་མ་བུར་མ་བཀྲ་མི་ཤིས་པ་ཁྱོད། །བཀྲ་ཤིས་དུས་སུ་བཀྲ་ཤིས་མ་ཡིན་སྨྲ། །གལ་ཏེ་བརྟུལ་ཞུགས་ཐབས་ཀྱིས་བླངས་གྱུར་ན། །དེ་ནི་ཕྱིར་ཡང་འདོད་ཡོན་བསྟེན་པར་འགྱུར། །དེས་དཔེ་མེད་མ་གོས་དང ། རྒྱན་དག་གིས་བརྒྱན་ཏེ་འཕགས་པ་དང ། བཅོམ་ལྡན་འདས་ཀྱང་ནགས་ཁྲོད་དེ་ནས་ནགས་ཁྲོད་གཞན་དུ་གཤེགས་སོ། །ཀུན་ཏུ་རྒྱུ་མ་དུས་བཅོམ་ལྡན་འདས་ཀྱིས་གདན་རན་བཏིང་བ་མཐོང་ངོ ། །མཐོང་ནས་ཀྱང་ཆུང་མ་ལ་སྨྲས་པ། བཟང་མོ། ཤེས་པར་གྱིས་ཤིག། འདི་ནི། བུ་མོའི་མག་པའི་སྟན་རྩཝ་བཏིང་བ་ཡིན་ནོ། །དེས་ཚིགས་སུ་བཅད་པ་སྨྲས་
Nya243a
༄#། །པ།་ཆགས་པར་གྱུར་པའི་མལ་ནི་འཁྲུགས་པར་འགྱུར། །སྡང་བའི་མལ་ནི་གྱ་ཚོམ་བུར་མར་འགྱུར། །རྨོངས་པའི་མལ་ནི་རྐང་པའི་མཐར་འགྲོར་འགྱུར། །འདི་ནི་ཤིན་ཏུ་ཆགས་བྲལ་གནས་ཡིན་ཏེ། ཁྱིམ་ཐབ་དེ་ནི་གཞོན་ནུ་མི་སྟེན་གྱི། །ཕྱིར་ལོག་རང་གི་སྡུམ་པ་ཉིད་དུ་འདོང ། །དེས་ཀྱང་ཚིགས་སུ་བཅད་པ་སྨྲས་པ། ཀྱེ་མ་བུར་མ་བཀྲ་མི་ཤིས་པ་ཁྱོད། །བཀྲ་ཤིས་དུས་སུ་བཀྲ་ཤིས་མ་ཡིན་སྨྲ། །གལ་ཏེ་བརྟུལ་ཞུགས་ཐབས་ཀྱིས་བླངས་གྱུར་ན། །དེ་ནི་ཕྱིར་ཡང་འདོད་ཡོན་བསྟེན་པར་འགྱུར། །ཀུན་ཏུ་རྒྱུ་མ་དུས་བཅོམ་ལྡན་འདས་ཀྱི་ཞབས་ཀྱི་རྗེས་དག་མཐོང་ངོ ། །མཐོང་ནས་ཀྱང་ཆུང་མ་ལ་སྨྲས་པ། བཟང་མོ། འདི་ནི། བུ་མོ་འདིའི་མག་པའི་རྗེས་དག་ཡིན་ནོ། །དེས་ཚིགས་སུ་བཅད་དེ་སྨྲས་པ། སྐྱེས་བུ་ཆགས་པའི་རྗེས་ནི་གསལ་མི་འགྱུར། ཞེ་སྡང་ལྡན་པའི་རྗེས་ནི་ཟབ་པ་ཡིན། །རྨོངས་པར་གྱུར་པའི་རྗེས་ནི་ནོག་པར་འགྱུར། །ཤིན་ཏུ་ཆགས་བྲལ་རྗེས་ནི་འདི་འདྲ་སྟེ། །ཁྱིམ་ཐབ་དེ་ནི་གཞོན་ནུ་མི་སྟེན་གྱི། །ཕྱིར་ལོག་རང་གི་སྡུམ་པ་ཉིད་དུ་འདོང ། །དེས་ཀྱང་ཚིགས་སུ་བཅད་དེ་སྨྲས་པ། ཀྱེ་མ་བུར་མ་བཀྲ་མི་ཤེས་པ་ཁྱོད། །བཀྲ་ཤིས་དུས་སུ་བཀྲ་ཤིས་མ་ཡིན་སྨྲ། །གལ་ཏེ་བརྟུལ་ཞུགས་ཐབས་ཀྱིས་བླངས་གྱུར་ན། །དེ་ནི་ཕྱིར་ཡང་འདོད་ཡོན་བསྟེན་པར་འགྱུར། །བཅོམ་ལྡན་འདས་ཀྱིས་གསུང་བསལ་བའི་སྒྲ་མཛད་པ་དང་ཀུན་ཏུ་རྒྱུ་མ་དུས། བཅོམ་ལྡན་འདས་ཀྱིས་གསུང་བསལ་བའི་སྒྲ་
Nya243b
ཐོས་སོ། །ཐོས་ནས་ཀྱང་ཆུང་མ་ལ་སྨྲས་པ། བཟང་མོ། འདི་ནི། བུ་མོའི་མག་པའི་སྐད་བསལ་བའི་སྒྲ་གྲག་པ་ཡིན་ནོ། །དེས་ཚིགས་སུ་བཅད་པ་སྨྲས་པ། ཆགས་པའི་མི་ཡི་སྐད་ནི་འདར་འདར་པོ། །སྡང་བའི་མི་ཡི་སྐད་ནི་རྩུབ་པ་ཡིན། །རྨོངས་པའི་མི་ཡི་སྐད་ནི་འཁྲུགས་པར་འགྱུར། །ཚངས་པའི་རྔ་སྒྲ་འདི་ནི་སངས་རྒྱས་ཏེ། །ཁྱིམ་ཐབ་དེ་ནི་གཞོན་ནུ་མི་སྟེན་གྱི། །ཕྱིར་ལོག་རང་གི་སྡུམ་པ་ཉིད་དུ་འདོང ། ། དེས་ཀྱང་ཚིགས་སུ་བཅད་པ་སྨྲས་པ། ཀྱེ་མ་བུར་མ་བཀྲ་མི་ཤིས་པ་ཁྱོད། །བཀྲ་ཤིས་དུས་སུ་བཀྲ་ཤིས་མ་ཡིན་སྨྲ་།གལ་ཏེ་བརྟུལ་ཞུགས་ཐབས་ཀྱིས་བླངས་གྱུར་ན། །དེ་ནི་ཕྱིར་ཡང་འདོད་ཡོན་བསྟེན་པར་འགྱུར། །བཅོམ་ལྡན་འདས་ཀྱིས་ཐག་རིང་པོ་ཁོ་ན་ནས་ཀུན་ཏུ་རྒྱུ་མ་དུ་ལ་གཟིགས་པ་དང ། ཀུན་ཏུ་རྒྱུ་མ་དུས་བཅོམ་ལྡན་འདས་གཟིགས་པ་མཐོང་ངོ ། །མཐོང་ནས་ཀྱང་ཆུང་མ་ལ་སྨྲས་པ། བཟང་མོ། འདི་ནི། བུ་མོའི་མག་པ་ལྟ་བ་ཡིན་ནོ། །དེས་ཀྱང་ཚིགས་སུ་བཅད་དེ་སྨྲས་པ། ཆགས་པའི་མི་ནི་རིག་རིག་ལྟ་བར་བྱེད། །སྡང་བའི་མི་ནི་དུག་དྲག་སྦྲུལ་བཞིན་ལྟ། །རྨོངས་པའི་མི་ནི་མུན་ཁྲོད་རྟོག་བཞིན་ལྟ། །ཤིན་ཏུ་ཆགས་བྲལ་གཉའ་ཤིང་ཙམ་དུ་ལྟ། ཁྱིམ་ཐབ་དེ་ནི་གཞོན་ནུ་མི་སྟེན་གྱི། ཕྱིར་ལོག་རང་གི་སྡུམ་པ་ཉིད་དུ་འདོང ། །དེས་ཀྱང་ཚིགས་སུ་བཅད་པ་སྨྲས་པ། ཀྱེ་མ་བུར་མ་བཀྲ་མི་ཤིས་པ་ཁྱོད། །བཀྲ་ཤིས་དུས་སུ་བཀྲ་ཤིས་མ་ཡིན་སྨྲ། །གལ་ཏེ་བརྟུལ་ཞུགས་ཐབས་ཀྱིས་བླངས་གྱུར་ན། །དེ་ནི་ཕྱིར་ཡང་འདོད་ཡོན་བསྟེན་པར་འགྱུར། །བཅོམ་ལྡན་འདས་འཆག་པར་མཛད་པ་དང་ཀུན་
Nya244a
༄#། །ཏུ་རྒྱུ་མ་དུས། བཅོམ་ལྡན་འདས་འཆག་པ་མཐོང་ངོ ། །མཐོང་ནས་ཀྱང་ཆུང་མ་ལ་སྨྲས། །བཟང་མོ། འདི་ནི། བུ་མོའི་མག་པ་འཆག་པ་ཡིན་ནོ། །དེས་ཚིགས་སུ་བཅད་པ་སྨྲས་པ། ཇི་ལྟར་འདི་སྤྱན་ཇི་ལྟར་གཟིགས་པ་དང ། །ཇི་ལྟར་འདི་སྐུ་བརྟན་པར་གཤེགས་པ་དང ། ཇི་ལྟར་འདི་ཡི་སྒྲོས་དང་ཞལ་དག་ནི། །རྡུལ་དང་བྲལ་བ་ཉིད་དུ་སྣང་བ་ལས། །ཁྱིམ་ཐབ་དེ་ནི་གཞོན་ནུ་མི་སྟེན་གྱི། །ཕྱིར་ལོག་རང་གི་སྡུམ་པ་ཉིད་དུ་འདོང ། །དེས་ཀྱང་ཚིགས་སུ་བཅད་པ་དག་སྨྲས་པ། ཀྱེ་མ་བུར་མ་བཀྲ་མི་ཤིས་པ་ཁྱོད། །བཀྲ་ཤིས་དུས་སུ་བཀྲ་ཤིས་མ་ཡིན་སྨྲ། ། གལ་ཏེ་བརྟུལ་ཞུགས་ཐབས་ཀྱིས་བླངས་གྱུར་ན། །དེ་ནི་ཕྱིར་ཡང་འདོད་ཡོན་བསྟེན་པར་འགྱུར། །གནས་འཇོག་གསེར་མདོག་ཨོ་ཏ་ལ་དག་ཀྱང ། །བུ་ཡི་དོན་དུ་འདོད་པས་རྨོངས་གྱུར་ཏེ། །འདི་ནི་ཆོས་བཞིན་ཕུལ་བས་ཐུབ་རྣམས་ཀྱིས། །རྟག་པར་རྒྱུན་ཏུ་བུ་དག་བསྐྱེད་པར་འགྱུར། །དེ་ནས་ཀུན་ཏུ་རྒྱུ་མ་དུས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གི་བུ་མོ་དམ་པ་གཟུགས་ལྡན་ཞིང ། །དར་བབ་བརྒྱན་པ་འདོད་པ་དོན་གཉེར་བ། །ཁྱོད་ལ་འབུལ་བ་འདི་ལ་ཁྱོད་གཟིགས་ཤིང ། །མཁའ་ལ་དགུང་ཟླ་སྨིན་དྲུག་མཇལ་བ་ལྟར། །འདི་དང་ལྷན་ཅིག་ལེགས་པར་ཁྱོད་དགྱེས་མཛོད། །བཅོམ་ལྡན་འདས་ཀྱིས་དགོངས་པ། །གལ་ཏེ་ངས་དཔེ་མེད་མ་ལ་རྗེས་སུ་ཆགས་པའི་ཚིག་བརྗོད་ན། དཔེ་མེད་མ་འདོད་ཆགས་ཀྱིས་
Nya244b
གདུངས་ཏེ་དུས་བྱེད་པར་འགྱུར་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱི། བདག་གིས་འདི་ལ་ཁོང་ཁྲོ་བའི་ཚིག་བརྗོད་པར་བྱའོ། །སྙམ་དུ་རིག་ནས་ཚིགས་སུ་བཅད་པ་བཀའ་སྩལ་པ། བྲམ་ཟེ་ང་ཡི་བདུད་ཀྱི་བུ་མོ་ནི། །སྲེད་མ་དགའ་བྱེད་དེ་བཞིན་དགའ་མོ་དག། ཕམ་བྱས་འདོད་པ་དག་ལ་ལན་འགའ་ཡང ། །ང་ཡིས་འདུན་པའི་སེམས་བསྐྱེད་མ་གྱུར་པས། །བཤང་དང་གཅི་བས་གང་བ་འདི་ལ་ནི། །རྐང་པས་རེག་པར་སྤྲོ་བའང་མི་བསྐྱེད་དོ། །མ་དུས་ཚིགས་སུ་བཅད་པ་གསོལ་པ། བདག་གི་བུ་མོ་ཡན་ལག་ཉམས་གྱུར་ཅིང ། །འདོད་ལྡན་ཡོན་ཏན་བྲལ་བར་གཟིགས་སམ་ཅི། །ཇི་སླད་འདོད་སྤྱོད་ཡིད་འོང་གཟུགས་དག་ལ། །འདུན་དྲག་བགྱིད་ལྟར་འདི་ལ་ཁྱོད་མི་མཛད། །བཅོམ་ལྡན་འདས་ཀྱིས་ཀྱང་ཚིགས་སུ་བཅད་པ་དག་བཀའ་སྩལ་པ། བྲམ་ཟེ་རྨོངས་པ་གང་ཞིག་ཡུལ་འདོད་པ། །དེ་ནི་ཁྱོད་ཀྱི་བུ་མོ་འདི་སྒྲུབ་ཅིང ། །ཡུལ་ལ་ཆགས་ཤིང་ཁྲོ་བར་ཞུགས་གྱུར་པ། །འདི་ལ་རབ་རྨོངས་སྐྱེ་བོ་ཆགས་བྲལ་མིན། །ང་ནི་སངས་རྒྱས་ཐུབ་གཙོ་མངའ་བདག་སྟེ། །ང་ཡིས་བྱང་ཆུབ་བླ་མེད་ཞི་བ་རྙེད། །ཇི་ལྟར་པདྨ་ཆུས་མི་ཆགས་པ་ལྟར། །ཆགས་པ་མེད་པ་ཉིད་དུ་འཇིག་རྟེན་རྒྱུ། །ུཏྤ་ལ་སྔོན་པོ་རྫབ་དང་ཆུ་ནང་ན། །རྫབ་དང་ཆུ་ཡིས་གོས་པ་མེད་པ་ལྟར། །བྲམ་ཟེ་དེ་བཞིན་ང་ཡང་འཇིག་རྟེན་ན། །འདོད་པ་དག་ལ་རྣམ་གྲོལ་སེམས་ཀྱིས་སྤྱོད། །དེ་ནས་དཔེ་མེད་མ། བཅོམ་ལྡན་འདས་ཀྱི་བཤང་པ་དང ། གཅི་བ་ཞེས་བྱ་བའི་ཚིག་གིས་ཀུན་ཏུ་སྤྱད་པས་འདུས་པ་
Nya245a
༄#། །དང་བྲལ་ཏེ་ཡིད་མི་བདེ་བར་གྱུར་ནས་དེའི་འདོད་ཆགས་ཀྱི་ཀུན་ནས་དཀྲིས་པ་གང་ཡིན་པ་དེ་མེད་པར་གྱུར་ཅིང ། ཞེ་སྡང་གི་ཀུན་ནས་དཀྲིས་པ་སྐྱེས་པས། རུས་པ་དག་སྦོམ་པོར་གྱུར་ཅིང ། མིག་གཉིས་ཀྱང་མཆིང་བུ་ལྟ་བུར་གྱུར་ཏོ། །དེའི་ཚེ་ན་རྒན་ཞུགས་ཤིག་།བཅོམ་ལྡན་འདས་ཀྱི་སྣམ་ལོགས་ན་འདུག་པར་གྱུར་ཏོ། །དེ་ནས་བཅོམ་ལྡན་འདས་ལ་རྒན་ཞུགས་དེས་འདི་སྐད་ཅེས་གསོལ་ཏོ། །ཀུན་ཏུ་གཟིགས་པ་བུད་མེད་བླང་མཛད་དེ། །བཅོམ་ལྡན་འདས་དེ་ནི་བདག་ལ་སྩལ་དུ་གསོལ། །དཔའ་བོ་བདག་གིས་དྲེགས་པས་བརྒྱན་པ་འདི། ཅི་ནས་རྗེས་སུ་མཐུན་པར་སྤྱད་པར་བགྱི། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་རྒན་ཞུགས་དེ་ལ་འདི་སྐད་ཅེས་བཀའ་སྩལ་ཏོ། །མི་གཏི་མུག་ཅན་ངའི་མདུན་ན་མ་འདུག་པར་ཕར་སོང་ཞིག་།དེས་ཁྲོས་ཏེ་ཚིགས་སུ་བཅད་པ་སྨྲས་པ། ཁྱོད་ཀྱི་ལྷུང་བཟེད་འདི་དང་ཆོས་གོས་འདི། །འཁར་བ་རིལ་བ་འདི་ཡང་ཟད་གྱུར་ཅིག། བསླབ་པ་འདི་ཡང་ཇི་ལྟར་མ་མ་ཡི། །ཕང་པར་གཞོན་ནུ་འཛིན་ལྟར་རང་སྲེལ་ཅིག་།རྒན་ཞུགས་དེས། དེ་སྐད་ཅེས་སྨྲས་ནས་བསླབ་པ་ཕུལ་ཏེ་ཉམས་པའི་ཕྱིར་ཞུགས་ནས་ཀུན་ཏུ་རྒྱུ་མ་དུ་ག་ལ་བ་དེར་སོང་སྟེ་ཕྱིན་ནས་ཀུན་ཏུ་རྒྱུ་མ་དུ་ལ་འདི་སྐད་ཅེས་སྨྲས་སོ། །མ་དུ། དཔེ་མེད་མ་ཁོ་བོ་ལ་བྱིན་ཅིག་།དེ་ཁྲོས་ཏེ་སྨྲས་པ། རྒན་ཞུགས། ཁྱོད་ལ་བལྟ་བ་ཡང་མི་སྦྱིན་ན། རེག་པ་ལྟ་སྨོས་ཀྱང་ཅི་དགོས། དེ་སྐད་ཅེས་སྨྲས་པ་དང ། རྒན་ཞུགས་དེ་ཀུན་ཏུ་
Nya245b
རྒྱུ་མ་དུ་ལ་འདི་ལྟ་བུའི་ཀུན་ནས་དཀྲིས་པ་སྐྱེས་ཏེ། དེས་ཁྲག་ཚ་བ་སྐྱུགས་ནས་དུས་ལ་བབ་སྟེ་སེམས་ཅན་དམྱལ་བ་རྣམས་སུ་སྐྱེས་སོ།། །།འདུལ་བ་རྣམ་པར་འབྱེད་པ། བམ་པོ་དོན་དྲུག་པ།་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཅོམ་ལྡན་འདས་ཀྱིས་དཔེ་མེད་མ་རྙེད་པ་ན། མ་བཞེས་པ་ལ་གཟིགས། ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ད་ལྟར་དུ་མ་ཟད་དེ། འདི་ལྟར། འདས་པའི་དུས་ན་ཡང་ངས་འདི་རྙེད་པ་ན། མ་བླངས་ཏེ། དེ་ཉོན་ཅིག་།དགེ་སློང་དག། སྔོན་བྱུང་བ་རི་བྲག་ཅིག་ན། ལྕགས་མགར་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས་དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས། བུ་མོ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བྱུང་ནས་དེས་བསྲིངས་ཤིང་བསྐྱེད་དེ་ཆེན་མོར་གྱུར་ཏོ། །ལྕགས་མགར་དེས་བསམ་པ། བདག་གིས་བུ་མོ་འདི་སུ་ལ་ཡང་རིགས་ཀྱི་ཕྱིར་ཡང་མི་སྦྱིན། གཟུགས་ཀྱི་ཕྱིར་ཡང་མི་སྦྱིན་ནོར་གྱི་ཕྱིར་ཡང་མི་སྦྱིན་གྱི། འདི་ལྟར། གང་བདག་དང་བཟོ་མཉམ་པའམ། ལྷག་པ་དེ་ལ་བདག་གིས་འདི་སྦྱིན་པར་བྱའོ། །སྙམ་མོ། །ཇི་ཙམ་ན་བྲམ་ཟེའི་ཁྱེའུ་ཞིག་སློང་མོའི་དོན་དུ་དེའི་ཁྱིམ་དུ་ཞུགས་
Nya246a
༄#། །པ་དང ། བུ་མོ་དེས་ཟས་ཁྱེར་ཏེ་ཕྱིར་བྱུང་བ་ན། བྲམ་ཟེའི་ཁྱེའུ་དེས་མཐོང་ནས་སྨྲས་པ། བུ་མོ། ཁྱོད་འགའ་ཞིག་ལ་བྱིན་ནམ། འོན་ཏེ་མ་བྱིན། དེས་སྨྲས་པ། བདག་གིས་ཕ་ཇི་སྐད་ཟེར་བ་དང་སྦྱར་ན། དེས་བདག་སུ་ལ་ཡང་སྦྱིན་པར་དཀའོ། །ཁྱོད་ཀྱི་ཕ་ཇི་སྐད་ཟེར། བདག་གི་བུ་མོ་འདི་སུ་ལ་ཡང་རིགས་ཀྱི་ཕྱིར་ཡང་མི་སྦྱིན། གཟུགས་ཀྱི་ཕྱིར་ཡང་མི་སྦྱིན། ནོར་གྱི་ཕྱིར་ཡང་མི་སྦྱིན་གྱི། འདི་ལྟར་གང་བདག་དང་བཟོ་མཉམ་པའམ། ལྷག་པ་དེ་ལ་བདག་གིས་འདི་སྦྱིན་པར་བྱའོ། །ཞེས་ཟེར་རོ། །ཁྱོད་ཀྱི་ཕས་བཟོ་ཇི་ལྟ་བུ་ཤེས། ཁབ་གང་ཆུའི་སྟེང་ན་འཕྱོ་བ་དེ་ལྟ་བུ་ཤེས་སོ། །བྲམ་ཟེའི་ཁྱེའུ་དེས་བསམ་པ། འདི་ལྟར། བདག་འདི་དོན་དུ་མི་གཉེར་མོད་ཀྱི། འདིའི་ང་རྒྱལ་བཅག་པར་བྱའོ། །སྙམ་ནས་དེ་མཁས་པ་ཡིན་པས། དེས་བཟོའི་གནས་དང ། ལས་ཀྱི་གནས་དེ་དག་ནས་ལྕགས་མགར་གྱི་མགར་སྤྱད་དག་བརྙེས་ཏེ། ཁབ་གང་དག་ཆུའི་སྟེང་ན་འཕྱོ་བ་དེ་ལྟ་བུ་དག་བརྡུངས་ཤིང་ཁབ་སྦོམ་པོ་གཅིག་བརྡུངས་ནས་དེའི་མིག་ཏུ་ཁབ་ཕྲ་མོ་བདུན་བཅུག་ན་དེ་དང་ལྷན་ཅིག་ཆུའི་སྟེང་ན་འཕྱོ་བ་བརྡུངས་སོ། །དེ་དེ་དག་བརྡུངས་ནས་ལྕགས་མགར་དེའི་ཁྱིམ་དུ་འོངས་ཏེ་སྨྲས་པ། ཁབ་སུ་ཉོ། ཁབ་སུ་ཉོ་ཞེས་བྱས་པ་དང ། བུ་མོ་དེས་མཐོང་ནས་དེས་ཚིགས་སུ་བཅད་དེ་སྨྲས་པ། གྲོགས་པོ་ཁྱོད་ནི་སྨྱོས་པའམ། །འོན་ཏེ་སེམས་མེད་གྱུར་པ་ཡིན། །གང་ཕྱིར་ལྕགས་མགར་ཁྱིམ་དུ་ཁྱོད། །ཁབ་དག་ཚོང་དུ་འོངས་པར་གྱུར། །དེས་ཀྱང་ཚིགས་སུ་བཅད་པ་དག་
Nya246b
སྨྲས་པ། བཟང་མོ་ཁོ་བོ་སྨྱོས་པ་མིན། །སེམས་མེད་གྱུར་པའང་མ་ཡིན་ཏེ། །ང་རྒྱལ་བཅག་པར་བྱ་བའི་ཕྱིར། །ཁོ་བོས་བཟོ་དག་ཉེ་བར་བསྒྲུབས། །གལ་ཏེ་ཁོ་བོའི་བཟོ་འདྲ་བ། །ཁྱོད་ཀྱི་ཕ་ཡིས་ཤེས་གྱུར་ན། །ཁྱོད་དང་ནོར་གྱི་རྣམ་པ་ནི། །མང་པོ་གཞན་ཡང་སྦྱིན་པར་གྱིས། །དེས་སྨྲས་པ། ཁྱོད་ཀྱིས་བཟོ་ཇི་ལྟ་བུ་ཤེས། ཁབ་གང་དག་ཆུའི་སྟེང་ན་འཕྱོ་བ་དེ་ལྟ་བུ་དག་ཤེས་སོ། ། དེས་མ་ལ་སྦྲན་པ། ཡུམ། བཟོ་བོའི་བུ་ཞིག་མཆིས་སོ། །དེས་སྨྲས་པ། འཇུག་ཏུ་ཆུག་ཅིག་།དེས་འཇུག་ཏུ་བཅུག་པ་དང ། ལྕགས་མགར་གྱི་ཆུང་མས་སྨྲས་པ། ཁྱོད་བཟོ་བོ་ཇི་ལྟ་བུ་ཤེས། དེས་སྨྲས་པ་དང ། ཁྱིམ་ཐབ་ལ་སྦྲན་པ། རྗེའི་སྲས། བཟོ་བོའི་ཁྱེའུ་འདི་བཟོ་འདི་ལྟ་བུ་འཚལ་ཏོ། །དེས་སྨྲས་པ། གལ་ཏེ་དེ་ལྟར་ན། ཆུ་འོན་ཅིག་དང་བལྟའོ། །དེས་ཆུས་སྣོད་བཀང་སྟེ་ཕུལ་བ་དང ། དེས་ཁབ་ཅིག་བཅུག་ན། དེ་འཕྱོ་བར་བརྩམས་སོ། །དེ་བཞིན་དུ་ཁབ་གཉིས་པ་དང ། གསུམ་པ་ནས་བདུན་པའི་བར་དུ་བཅུག་ན། དེ་ཡང་འཕྱོ་བར་བརྩམས་སོ། །དེས་ཁབ་སྦོམ་པོ་དེ་བཅུག་ན།་དེ་ཡང་འཕྱོ་བར་བརྩམས་སོ། །ཡང་དེར་ཁབ་གཅིག་བཅུག་སྟེ་བཅུག་ན། དེ་ལྟ་ན་ཡང་འཕྱོ་བར་བརྩམས་སོ། །དེ་བཞིན་དུ་ཁབ་གཉིས་པ་དང ། གསུམ་པ་ནས་བདུན་པའི་བར་དག་བཅུག་སྟེ་བཅུག་ན།་དེ་ལྟ་ན་ཡང་འཕྱོ་བར་བརྩམས་སོ། །ལྕགས་མགར་གྱིས་བསམ་པ། འདི་བདག་པས་བཟོ་ཆེས་ལྷག་པ་ཡིན་གྱི། འདི་ལ་བུ་མོ་སྦྱིན་ནོ། །སྙམ་དུ་རིག་ནས་བུ་མོ་དེ་རྒྱན་ཐམས་ཅད་ཀྱིས་ཀླུབས་ཏེ་
Nya247a
༄#། །ལག་པ་གཡོན་པས་བཟུང་ནས་ལག་པ་གཡས་པས་རིལ་བ་བྷིང་གར་ཐོགས་ཏེ་བྲམ་ཟེའི་ཁྱེའུ་དེའི་མདུན་དུ་འདུག་ནས་སྨྲས་པ། བྲམ་ཟེའི་ཁྱེའུ། ཁྱོད་ལ་ཁོ་བོས་བུ་མོ་འདི་ཆུང་མར་སྦྱིན་ནོ། །དེས་སྨྲས་པ། ཁོ་བོ་འདི་དོན་དུ་མི་གཉེར་ཏེ། འདི་ལྟར་རོ། །ཁོ་བོ་ཁྱོད་ཀྱི་ང་རྒྱལ་བཅག་པར་བྱ་བའི་ཕྱིར་བཟོ་ཉེ་བར་བསྟན་ཏོ། །དགེ་སློང་དག་།དེའི་ཚེ་དེའི་དུས་ན་བྲམ་ཟེའི་ཁྱེའུ་གང་ཡིན་པ་དེ་ནི། ང་ཉིད་ཡིན་ནོ། །དེའི་ཚེ་དེའི་དུས་ན་ལྕགས་མགར་གང་ཡིན་པ་དེ་ནི། ཀུན་ཏུ་རྒྱུ་མ་དུ་འདི་ཡིན་ནོ། །དེའི་ཚེ་དེའི་དུས་ན་ལྕགས་མགར་གྱི་ཆུང་མ་གང་ཡིན་པ་དེ་ནི། བུར་མ་འདི་ཡིན་ནོ། །དེའི་ཚེ་དེའི་དུས་ན་ལྕགས་མགར་གྱི་བུ་མོ་གང་ཡིན་པ་དེ་ནི། དཔེ་མེད་མ་འདི་ཡིན་ཏེ། དེའི་ཚེ་ཡང་ངས་དཔེ་མེད་མ་འདི་རྙེད་པ་ན། མ་བླངས་ལ། ད་ལྟར་ཡང་ངས་འདི་རྙེད་པ་ན། མ་བླངས་སོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། རྒན་ཞུགས་འདི་དཔེ་མེད་མ་ལ་བརྟེན་ནས་ཚུལ་མ་ལགས་པས་སྡུག་བསྔལ་པར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་དུ་མ་ཟད་དེ། འདི་ལྟར་འདས་པའི་དུས་ན་ཡང་འདི་དཔེ་མེད་མ་ལ་བརྟེན་ནས་བཙུན་མོའི་འཁོར་དང་བཅས་པ་ཚུལ་མ་ཡིན་པས་སྡུག་བསྔལ་བར་གྱུར་ཏེ། དེ་ཉོན་ཅིག་།དགེ་སློང་དག་།སྔོན་བྱུང་བ་རྒྱལ་པོའི་ཕོ་བྲང་སེངྒེ་ལྟ་བུ་ན་རྒྱལ་པོ་སེངྒེའི་རལ་པ་ཅན་གྱིས། རྒྱལ་སྲིད་འབྱོར་
Nya247b
པ་རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་མོ་དང ། འཐབ་པ་དང ། ཕྱི་དགྲ་དང ། ནང་འཁྲུག་རབ་ཏུ་ཞི་བ། ཆོམ་རྐུན་དང ། མུ་གེ་དང ། ནད་དང་བྲལ་བ། སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ་ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།དེའི་ཚེ་ན་རྒྱལ་པོའི་ཕོ་བྲང་སེངྒེ་ལྟ་བུ་ན། དེད་དཔོན་སེངྒེ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །བུད་མེད་ཀྱི་ཡུལ་མཁས་པའི་རང་བཞིན་ཅན་ལ་ལ་མ་འདྲེས་པའི་ཆོས་ལྔ་ཡོད་དོ། །ལྔ་གང་ཞེ་ན། སྐྱེས་པ་ཆགས་པར་གྱུར་པ་ཤེས་ཤིང་ཆགས་པ་དང་བྲལ་བ་ཤེས་པ་དང ། དུས་ཤེས་ཤིང་ཟླ་མཚན་ཤེས་པ་དང ། མངལ་ན་གནས་པ་ཞུགས་པ་ཤེས་པ་དང ། གང་ལས་མངལ་ན་གནས་པ་དེ་ཞུགས་པ་ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན། དཀུ་གཡས་པར་བརྟེན་ཅིང་འདུག་ལ། གལ་ཏེ་བུ་མོ་ཡིན་ན། དཀུ་གཡོན་པར་བརྟེན་ཅིང་འདུག་པའོ། །དེ་ཡིད་དགའ་ཞིང་ཡིད་དགའ་ནས།
Nya248a
༄#། །ཁྱིམ་ཐབ་ལ་སྨྲས་པ། རྗེའི་སྲས། མཁྱེན་པར་མཛོད་ཅིག་།བདག་ལ་སེམས་ཅན་ཞུགས་པར་གྱུར་པ་ནི། འདི་ལྟར། བདག་གི་དཀུ་གཡས་པར་བརྟེན་ཅིང་མཆིས་པས། ངེས་པར་ཁྱེའུར་འགྱུར་རོ། །དེ་ཡང་ཡིད་དགའ་ཞིང་ཡིད་དགའ་ནས་འདི་སྐད་ཅེས། ཁོ་བོ་ཡུན་རིང་ནས་མངོན་པར་འདོད་པ། བུའི་ངོ་མཐོང་བ་དང ། ཁོ་བོ་དང་མཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང ། ཁོ་བོའི་བྱ་བ་དག་བྱེད་པ་དང ། གསོས་པས་ཕྱིར་གསོ་བ་དང ། བགོ་སྐལ་ལ་སྤྱོད་པ་དང ། ཁོ་བོའི་རིགས་རྒྱུད་ཡུན་རིང་དུ་གནས་པར་འགྱུར་བ་དང ། བདག་ཅག་ཤི་ཞིང་དུས་ལ་བབ་པ་དག་ལ་ཉུང་ངུའམ། མང་པོ་ཡང་རུང་བའི་སྦྱིན་པ་དག་བྱིན་ཞིང ། བསོད་ནམས་དག་བྱས་ནས་འདི་དེ་གཉིས་གང་དུ་སྐྱེས་བར་འགྲོ་ཞིང་རྗེས་སུ་འགྲོ་བར་གྱུར་ཅིག་།ཅེས་མིང་གི་ཡོན་བཤད་པ་བྱེད་པར་གྱུར་ཅིག་།ཅེས་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས་འདི་ལྟ་སྟེ། མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར་སྟེང་གི་ཁང་བཟང་གི་གཞིར་གཏོགས་པར་གྲང་པ་ན་གྲང་བའི་ཡོ་བྱད་དག་དང ། དྲོ་བ་ན་དྲོ་བའི་ཡོ་བྱད་དག་དང ། སྨན་པས་བཅས་པའི་ཟས་ཧ་ཅང་མི་ཁ་བ་དང ། ཧ་ཅང་མི་སྐྱུར་བ་དང ། ཧ་ཅང་ལན་ཚཝ་མི་ཆེ་བ་དང ། ཧ་ཅང་མི་མངར་བ་དང ། ཧ་ཅང་མི་ཚ་བ་དང ། ཧ་ཅང་མི་བསྐ་བ་དང ། ཁ་བ་དང ། སྐྱུར་བ་དང ། ལན་ཚཝ་དང ། མངར་བ་དང ། ཚ་བ་དང ། བསྐ་བ་རྣམ་པར་སྤངས་པའི་ཟས་དག་
Nya248b
དང ། དོ་ཤལ་དང ། སེ་མོ་དོ་དང ། རྒྱན་གྱིས་ཀླུབས་པའི་ལུས་ལྷའི་བུ་མོ་དགའ་བའི་ཚལ་ན་རྣམ་པར་སྤྱོད་པ་ལྟ་བུ་དང ། ཁྲི་ནས་ཁྲིར་དང ། ཁྲིའུ་ནས་ཁྲིའུར་དང ། ཤོད་ཀྱིས་གཞིར་མ་འབབ་པ་དང་དེ་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་གནོད་པ་མེད་པ་ཉིད་དུ་རིམ་གྲོ་བྱེད་དུ་འཇུག་གོ་།དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། གསལ་བ། གསེར་གྱི་མདོག་འདྲ་བ། མགོ་གདུགས་ལྟ་བུ་དང་ལྡན་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །དེའི་ཉེ་དུ་དག་གིས་སྨྲས་པ། གང་གི་ཕྱིར་ཁྱེའུ་འདི། དེད་དཔོན་སེངྒེའི་བུ་ཡིན་པ་དེའི་ཕྱིར་ཁྱེའུའི་མིང་སིངྒ་ལ་ཞེས་བྱའོ། །ཞེས་དེའི་མིང་སིངྒ་ལ་ཞེས་བྱ་བར་བཏགས་སོ། །ཁྱེའུ་སིངྒ་ལ་མ་མ་བརྒྱད་པོ་བང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །གང་གི་ཚེ་ཆེན་པོར་གྱུར་པ་
Nya249a
༄#། །དེའི་ཚེ་ཡི་གེ་དང ། གྲངས་དང ། རྩིས་དང ། ལག་རྩིས་དང ། དབྱུང་བ་དང ། གཞུག་པ་དང ། གཞག་པ་ལ་ཉེ་བར་ཞུགས་ནས་དེ་ཡི་གེའི་མཐར་ཕྱིན་ཅིང ། འབྱེད་པ་དང ། ཀློག་པ་དང ། མཁས་པ་དང ། སྤྱོད་པ་གསལ་བ་དང ། བརྟག་པ་བརྒྱད་པོ་འདི་ལྟ་སྟེ། རིན་པོ་ཆེ་བརྟག་པ་དང ། གཞི་བརྟག་པ་དང ། གོས་བརྟག་པ་དང ། ཤིང་རྟ་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་ལ་མཁས་པར་གྱུར་ཏོ། །ཕས་དེའི་ཆུང་མའི་འཁོར་གསུམ་པོ་རབ་དང ། འབྲིང་དང ། ཐ་མ་དག་རྣམ་པར་བཞག་གོ། འདུག་པའི་གནས་གསུམ་པོ་དགུན་གྱི་དང ། དཔྱིད་ཀྱི་དང།་དབྱར་ཀྱི་དག་བྱེད་དུ་བཅུག་གོ་།སྐྱེད་མོས་ཚལ་གསུམ་པོ་དགུན་གྱི་དང ། དཔྱིད་ཀྱི་དང ། དབྱར་གྱི་དག་བྱེད་དུ་བཅུག་གོ་།དེ་སྟེང་གི་ཁང་བཟང་གི་གཞིར་གཏོགས་པ་ན། སྐྱེས་པ་མེད་པར་སིལ་སྙན་གྱིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེས་དུས་གཞན་ཞིག་ན་ཕ་ལ་སྨྲས་པ། ཡབ། བདག་རྒྱ་མཚོ་ཆེན་པོར་འཇུག་པར་ཅི་གནང ། དེས་སྨྲས་པ། བུ། རེ་ཞིག་ཁོ་བོ་ལ་ནོར་གྱི་རྣམ་པ་མང་དུ་ཡོད་དེ། གལ་ཏེ་ཁྱོད་ཏིལ་དང ། འབྲས་དང ། རྒྱ་ཤུག་དང ། རྒྱ་སྲན་ལ་སོགས་པ་ལ་སྤྱོད་པ་བཞིན་དུ་རིན་པོ་ཆེ་དག་ལ་སྤྱོད་པར་བྱེད་ཀྱང་དེ་ལྟར་ན་ཡང་ཁོ་བོའི་ལོངས་སྤྱོད་སྲབ་པ་ཉིད་དང ། ཡོངས་སུ་ཟད་པ་དང ། ཡོངས་སུ་གཏུགས་པར་མི་འགྱུར་གྱི། དེའི་ཕྱིར་ཇི་སྲིད་དུ་ཁོ་བོ་གསོན་པ་དེ་སྲིད་དུ་ཁྱོད་རྩེ་བར་གྱིས། དགའ་བར་གྱིས། དགའ་མགུར་སྤྱོད་པར་གྱིས་ལ་ཁོ་བོ་འདས་པ་
Nya249b
པ་དང ། ནོར་སྒྲུབ་པར་གྱིས་ཤིག་།དེ་ཡང་དང་ཡང་དུ་སྨྲས་པ། ཡབ། བདག་རྒྱ་མཚོ་ཆེན་པོར་འཇུག་པར་ཅི་གནང ། དེས་གདོན་མི་ཟ་བར་དུས་ཀྱིས་འཆུ་བར་ཤེས་ནས་སྨྲས་པ། བུ། དེ་ལྟར་གྱིས་ཤིག་།ཇི་ལྟར་ཁྱོད་ཀྱིས་འཇིགས་པ་དང ། འཇིགས་སུ་རུང་བ་དག་བཟོད་པར་བྱའོ། །དེས་རྒྱལ་པོའི་ཕོ་བྲང་སེངྒེ་ལྟ་བུར་དྲིལ་སྒྲོག་པ་བྱེད་དུ་བཅུག་སྟེ། རྒྱལ་པོའི་ཕོ་བྲང་སེངྒེ་ལྟ་བུ་ན་གནས་པ་དང ། ཡུལ་ཐ་དད་པ་ནས་ལྷགས་པའི་ཚོང་པ་ཤེས་ལྡན་དག་ཉོན་ཅིག་།དེད་དཔོན་སིངྒ་ལ་རྒྱ་མཚོ་ཆེན་པོར་འཇུག་པར་འགྱུར་གྱི། ཁྱེད་ཅག་ལས་གང་དེད་དཔོན་སིངྒ་ལ་དང་ལྷན་ཅིག་ཤོ་གམ་མེད་པ་དང ། ལ་གཅན་མེད་པ་དང ། གྲུ་བཙས་མེད་པར་རྒྱ་མཚོ་ཆེན་པོར་འཇུག་པར་འདོད་པ་དེས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་གྱིས་ཤིག་།ཅེས་བསྒོའོ། །ཚོང་པ་ལྔ་བརྒྱས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་བྱས་སོ། །དེ་ནས་དེད་དཔོན་སིངྒ་ལས་ཕ་མ་དང ། གཞན་ཡང་སྙིང་དུ་སྡུག་ཅིང་འབྲེལ་བའི་རྩ་ལག་དག་ལ་བལྟས་ནས་ཉི་མ་དང ། ཚེས་གྲངས་དང ། ཡུད་ཙམ་དང་སྦྱོར་བས། དགེ་མཚན་དང ། བཀྲ་ཤིས་དང ། བདེ་ལེགས་སུ་འགྱུར་བ་བྱས་ནས་ཤིང་རྟ་དག་དང ། ཁུར་དག་དང ། གླེ་བ་དག་དང ། སྤྱད་དག་དང ། རྔ་མོ་དག་དང ། བ་ལང་དག་དང ། བོང་བུ་མང་པོ་དག་གིས་རྒྱ་མཚོ་ཆེན་པོར་འགྲོ་བའི་ཟོང་ཁྱེར་ཏེ་ཚོང་པ་ལྔ་བརྒྱའི་འཁོར་དང་ལྷན་ཅིག་འཕགས་སོ། །དེ་མཐར་གྱིས་གྲོང་དང ། གྲོང་ཁྱེར་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་དག་ཏུ་ཚོང་རྡལ་དག་ལ་རྣམ་པར་ལྟ་ཞིང་འགྲོ་བ་ན། རྒྱ་མཚོ་ཆེན་པོའི་འགྲམ་དུ་ཕྱིན་ཏོ། །དེས་སྙིང་
Nya250a
༄#། །པ་ལྔ་བརྒྱས་གྲུ་སྦྱར་ནས་ཞོ་ཤས་འཚོ་བ་ལྔ་པོ་སྟོབ་པར་བྱེད་པ་དང ། སེལ་བར་བྱེད་པ་དང ། གྲུ་བ་དང ། རྒྱལ་ཆེན་པོ་དང ། རླུང་ཡོར་ཐོགས་པ་དག་ཁྲིད་དེ། ལན་གསུམ་དྲིལ་སྒྲོག་པ་བྱས་ཏེ་རྒྱ་མཚོ་ཆེན་པོར་འཇུག་པར་བརྩམས་སོ། །དེ་ནས་ཚོང་པ་དེ་དག་འདི་སྙམ་དུ་སེམས་ཏེ། ཤེས་ལྡན་དག་།བདག་ཅག་རྒྱ་མཚོ་ཆེན་པོའི་ནང་དུ་དོང་བ་རྣམས་ལ་འདི་ལྟ་སྟེ། ཕན་ཚུན་བདེ་བ་ཉིད་ཀྱིས་ངེས་པར་རྒལ་བ་ཤེས་པར་དཀའི། བདག་ཅག་ནོར་སྒྲུབ་པ་དག་གིས་སོ་སོ་སོ་སོ་དག་ནས་ཕོངས་པའི་དོན་དུ་ཆུར་རྐྱལ་བ་དག་ཐོགས་ཏེ་རྒྱ་མཚོ་ཆེན་པོར་འཇུག་པར་བྱའི། །བདག་ཅག་ལས། ཁ་ཅིག་གིས་ནི། ཤལ་མ་ལའི་སྤང་ལེབ་དག་བཀུར། ཁ་ཅིག་གིས་ནི། སྔས་ཤིང་བལ་ཅན་དག་བཀུར། ཁ་ཅིག་གིས་ནི། ཀུ་བའི་གཟིངས་དག་བཀུར། ཁ་ཅིག་གིས་ནི། ར་རྐྱལ་དག་བཀུར་རོ། །སྙམ་ནས། དེ་ནས་ནོར་སྒྲུབ་པ་དེ་དག་གིས་དེ་ལྟར་སོ་སོར་བརྟགས་ནས། སོ་སོ་སོ་སོ་དག་ནས་ཕོངས་པའི་དོན་དུ་ཆུར་རྐྱལ་པ་ཁ་ཅིག་གིས་ནི། ཤལ་མ་ལའི་སྤང་ལེབ་དག་།ཁ་ཅིག་གིས་ནི། སྔས་ཤིང་བལ་ཅན་དག་ཁ་ཅིག་གིས་ནི། ཀུ་བའི་གཟིངས་དག་།ཁ་ཅིག་གིས་ནི། ར་རྐྱལ་དག་ཁྱེར་ཏེ་རྒྱ་མཚོ་ཆེན་པོར་ཞུགས་སོ། །དེ་དག་རྒྱ་མཚོ་ཆེན་པོའི་ནང་དུ་དོང་བ་ན་ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བཅག་གོ། དེ་དག་རྒྱ་མཚོའི་གྲུ་བཅག་པ་ན། སོ་སོ་སོ་སོ་དག་ནས་ཕོངས་པའི་དོན་དུ་ཆུར་རྐྱལ་བ་ཁྱེར་ཏེ་འོངས་པ་དག་ལ་ཞོན་ཏེ་འདི་ལྟ་སྟེ། ཁ་ཅིག་གིས་ནི། ཤལ་མའི་སྤང་ལེབ་དག་ལ་ཞོན། །ཁ་ཅིག་གིས་ནི།
Nya250b
སྔས་ཤིང་བལ་ཅན་དག་ལ་ཞོན། ཁ་ཅིག་གིས་ནི། ཀུ་བའི་གཟིངས་དག་ལ་ཞོན། ཁ་ཅིག་གིས་ནི། ར་རྐྱལ་དག་ལ་ཞོན་ཏེ་ཆུའི་སྟེང་ན་འཕྱོའོ། །དེ་དག་གི་ལས་ཀྱི་རྣམ་པར་སྨིན་པས་བྱང་ཕྱོགས་ནས་རླུང་ལངས་ནས། དེས་དེ་དག་ལྷོ་ཕྱོགས་ཀྱི་ལམ་དུ་བདས་པ་དང ། ཟངས་གླིང་ན་སྲིན་མོ་ཁྲུང་ཁྲུང་གཞོན་ནུ་མ་ཞེས་བྱ་བ་དག་འཁོད་པ་དེ་དག་ཚོང་པ་གྲུ་ཆག་པ་རྣམས་ལ་གཏམ་སྙན་པ་དང ། ། དགའ་བའི་ཚུལ་གྱིས་སླུ་བར་བྱེད་དོ། །དེ་དག་ལ་རྒྱལ་མཚན་དགའ་བའི་གནས་དང་མཐུན་པ་དང ། ཕོངས་པའི་གནས་དང་མཐུན་པ་གཉིས་ཡོད་དེ། ཇི་ཙམ་ན་དགའ་བའི་གནས་དང་མཐུན་པའི་རྒྱལ་མཚན་གཡོ་བར་བརྩམས་པ་དང ། དེ་དག་གིས་སྨྲས་པ། ཕུ་ནུ་མོ་དག་།དགའ་བའི་གནས་དང་མཐུན་པའི་རྒྱལ་མཚན་གཡོས་པས། ཛམྦུའི་གླིང་པའི་ཚོང་པ་དག་གིས་རྒྱ་མཚོའི་གྲུ་ཆུ་སྲིན་ཉའི་རིགས་ཀྱིས་གྲུ་བཅག་སྟེ་འོང་གོར་མ་བཅག་གི། བཙལ་ལོ། །ཞེས་དེ་དག་གིས་རྒྱ་མཚོའི་འགྲམ་དུ་བཙལ་བར་བརྩམས་པ་དང ། ཇི་ཙམ་ན་སྐྱེ་བོ་ཕལ་པོ་ཆེའི་ཚོགས་ཆུར་རྐྱལ་བ་སྣ་ཚོགས་དག་གིས་རྐྱལ་ཞིང་འོང་བ་མཐོང་ངོ ། །མཐོང་ནས་ཀྱང་བདག་ཉིད་གཟུགས་བཟང་མོར་མངོན་པར་སྤྲུལ་ནས་རྒྱན་སྣ་ཚོགས་ཀྱིས་བརྒྱན་ཏེ་ལྷའི་གོས་དང ། ཕྲེང་བ་རྒྱུས་ཀླུབས་ནས་རྒྱ་མཚོའི་འགྲམ་ནས་འབོད་པར་བརྩབས་པ། ཇོ་བོ་དག་ཚུར་སྤྱོན། བཞིན་བཟང་དག་ཚུར་སྤྱོན། བདག་ཅག་ཁྱིམ་ཐབ་མ་མཆིས་པ་རྣམས་ཀྱི་ཁྱིམ་ཐབ་མཛོད་ཅིག་།བདག་པོ་མ་མཆིས་པ་རྣམས་ཀྱི་བདག་པོ་མཛོད་ཅིག་།གནས་མ་མཆིས་པ་རྣམས་
Nya251a
༄#། །ཀྱི་གནས་མཛོད་ཅིག། གླིང་མ་མཆིས་པ་རྣམས་ཀྱི་གླིང་མཛོད་ཅིག་།སྐྱོབ་པ་མ་མཆིས་པ་རྣམས་ཀྱི་སྐྱོབ་པ་མཛོད་ཅི་།སྐྱབས་མ་མཆིས་པ་རྣམས་ཀྱི་སྐྱབས་མཛོད་ཅིག ། དཔུང་གཉེན་མ་མཆིས་པ་རྣམས་ཀྱི་དཔུང་གཉེན་མཛོད་ཅིག་།འདི་དག་ནི། ཁྱེད་ཀྱི་ཟས་ཀྱི་གནས་དག་དང ། སྐོམ་གྱི་གནས་དག་དང ། གོས་ཀྱི་གནས་དག་དང ། གནས་མལ་གྱི་གནས་དག་དང ། ཀུན་དགའ་ར་བ་དགའ་བར་འགྱུར་བ་དག་དང ། ནགས་ཚལ་དགའ་བར་འགྱུར་པ་དག་དང ། རྫིང་བུ་དགའ་བར་འགྱུར་བ་དག་དང ། ཛམྦུའི་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། དངུལ་དག་དང ། གསེར་དག་དང ། རྡོའི་སྙིང་པོ་དག་དང ། སྤུག་དག་དང ། དམར་པོ་དག་དང ། གཡས་སུ་འཁྱིལ་བ་དག་ལགས་ཀྱི། ཁྱེད་ཅག་ཚུར་སྤྱོན། བདག་ཅག་དང་ལྷན་ཅིག་རྩེ་བ་དང ། དགའ་བ་དང ། དགའ་མགུར་སྤྱོད་པར་མཛོད་ཅིག་།ཁྱེད་ཅག་ལས་འགའ་ཡང་ཤིན་ཏུ་མྱོས་པར་གྱུར་ཀྱང ། ལྷོ་ལམ་དུ་འགྲོ་བར་མི་བྱའོ། །ཞེས་ཟེར་རོ། །བཅོམ་ལྡན་འདས་ཀྱིས་དགེ་སློང་དག་།ངས་འདི་ལྟ་སྟེ། སྐྱེས་པ་ལ་བུད་མེད་ཀྱི་གཟུགས་ཇི་ལྟར་ཆགས་པར་འགྱུར་བ་དང ། རྒྱགས་པར་འགྱུར་བ་དང་འདོད་པར་འགྱུར་བ་དང ། སྡུག་པར་འགྱུར་བ་དང ། བྱམས་པར་འགྱུར་བ་དང ། རྔོན་པར་འགྱུར་བ་དང ། རྒྱལ་བར་འགྱུར་བ་དང ། འཆིང་བར་འགྱུར་བ་དང ། སྒྲུབ་པར་འགྱུར་བ་དང ། ཀུན་
Nya251b
ཏུ་སྦྱོར་བར་འགྱུར་བ་དེ་ལྟ་བུའི་གཟུགས་གཞན་གཅིག་ཀྱང་ཡང་དག་པར་རྗེས་སུ་མ་མཐོང་ངོ ། །ཞེས་གསུངས་པས། དེ་དག་སྲིན་མོ་དེ་དག་གིས་བརྗོད་པ་ན། རྒྱ་མཚོ་ཆེན་པོ་ལས་བརྒལ་ཏེ་དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དག་དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དག་ལ་བརྟེན་པའི་རྒྱུ་ལས་བུ་དང་བུ་མོ་དག་ཀྱང་བྱུང་ངོ ། །དེ་ནས་དེད་དཔོན་སིངྒ་ལ་འདི་སྙམ་དུ་སེམས་ཏེ། ཅིའི་ཕྱིར་བུད་མེད་འདི་དག་ལྷོ་ལམ་ཤིན་ཏུ་སྲུང་བར་སེམས། བདག་བུད་མེད་འདི་དང་ལྷན་ཅིག་ཉལ་ཞིང ། དེ་གཉིད་ལོག་པ་དང་ལམ་དུ་ཞུགས་པར་རིག་ནས་ཁད་ཀྱིས་དལ་བུ་དལ་བུས་མལ་ཆེན་པོ་ལས་བབས་ཏེ། རལ་གྲི་རྣོན་པོ་མཆན་དུ་བཅུག་ནས་ལྷོ་ལམ་དུ་འགྲོའོ། །སྙམ་མོ། །དེ་ནས་དེད་དཔོན་སིངྒ་ལ་བུད་མེད་གང་དང་ལྷན་ཅིག་ཉལ་བ་དེ་གཉིད་ལོག་ཅིང་མལ་དུ་ཞུགས་པར་རིག་ནས་ཁད་ཀྱིས་དལ་བུ་དལ་བུས་མལ་ཆེན་པོ་ནས་བབས་ཏེ། རལ་གྲི་རྣོན་པོ་མཆན་དུ་བཅུག་ནས་ལྷོ་ལམ་དུ་སོང་བ་དང ། དེས་དེ་ན་སྐྱེ་བོ་ཕལ་པོ་ཆེ་སྨྲེ་སྔགས་འདོན་པའི་སྒྲ། ཀྱི་ཧུད་ཕ། ཀྱི་ཧུད་མ། ཀྱི་ཧུད་ཕུ་ནུ། ཀྱི་ཧུད་བུ་སྲིང ། ཀྱི་ཧུད་ཛམྦུའི་གླིང་དགའ་བར་འགྱུར་བ་སྣ་ཚོགས། ཛམྦུའི་གླིང་དགའ་བར་འགྱུར་བ་ཁྱོད་ཀྱིས་བདག་ཅག་སྤངས་སམ་ཞེས་ཟེར་བ་ཐོས་སོ། །ཐོས་ནས་ཀྱང་དེ་འཇིགས་པ་དང ། སྐྲག་པ་དང ། སྡངས་པ་དང ། སྤུ་ཟིང་ཞེས་བྱེད་པར་གྱུར་ཏོ། །དེ་ནས་དེད་དཔོན་སིངྒ་ལ་ཡུད་ཙམ་ཞིག་ཅང་མི་སྨྲ་བར་འདུག་སྟེ། འཇིགས་པ་དང ། སྐྲག་པ་དང ། སྡངས་པ་དང ། སྤུ་
Nya252a
༄#། །ཟིང་ཞེས་བྱེད་པ་དེ་དག་བསལ་ནས་ལྷོ་ལམ་དེ་ཉིད་དུ་སོང་བ་དང ། དེས་དེ་ན་ལྕགས་ཀྱི་གྲོང་ཁྱེར་ཆེན་པོ་འཕང་མཐོ་བ། ཐ་གྲུ་ཆེ་བ་ཞིག་མཐོང་ནས། དེ་གྲོང་ཁྱེར་དེ་ལ་སྒེའུ་ཆུང་འགའ་ཞིག་ཡོད་དམ་སྙམ་ནས། ཁོ་ར་ཁོར་ཡུག་ཏུ་བྱུལ་ན། དེས་གྲོང་ཁྱེར་དེའི་ཁོར་ཁོར་ཡུག་ཏུ་བྱུལ་བ་ན་གྲོང་ཁྱེར་དེ་ལ་ཐ་ན་བྱི་ལ་འཛུལ་བ་ཙམ་གྱི་སྒེའུ་ཆུང་ཡང་མ་རྙེད་དོ། །དེའི་བྱང་ཕྱོགས་ཀྱི་ངོས་ན་ཤིང་ལྗོན་པ་ཤི་རི་ཤ་ཆེན་པོ་འཕང་མཐོ་བ། ཐ་གྲུ་ཆེ་བ་དག་ཡོད་ནས་དེ་ཤིང་ལྗོན་པ་ཤི་རི་ཤ་ཆེན་པོ་འཕང་མཐོ་བ། ཐ་གྲུ་ཆེ་བ་དེ་ལ་འཛེགས་ཏེ་སྐྱེ་བོ་ཕལ་པོ་ཆེའི་ཚོགས་དེ་ལ་འདི་སྐད་ཅེས་སྨྲས་སོ། །ཤེས་ལྡན་དག། ཁྱེད་ཅིའི་ཕྱིར་ཀྱི་ཧུད་ཕ། ཀྱི་ཧུད་མ། ཀྱི་ཧུད་ཕུ་ནུ། ཀྱི་ཧུད་བུ་སྲིང ། ཀྱི་ཧུད་ཛམྦུའི་གླིང་དགའ་བར་འགྱུར་པ་སྣ་ཚོགས། ཛམྦུའི་གླིང་དགའ་བར་འགྱུར་བ་ཁྱོད་ཀྱིས་བདག་ཅག་སྤངས་སམ་ཞེས་ཤིན་ཏུ་སྨྲེ་སྔགས་འདོན་པར་བྱེད། དེ་དག་གིས་སྨྲས་པ། བཟོད་ལྡན། ཁོ་བོ་ཅག་ནི། ཛམྦུའི་གླིང་པའི་ཚོང་པ་ནོར་སྒྲུབ་པ་རྒྱ་མཚོའི་གྲུ་བསྒྲུབས་ཏེ་རྒྱ་མཚོ་ཆེན་པོར་འཇུག་འདོད་ནས་ཁོ་བོ་ཅག་འདི་སྙམ་དུ་སེམས་ཏེ། ཤེས་ལྡན་དག། བདག་ཅག་རྒྱ་མཚོ་ཆེན་པོའི་ནང་དུ་དོང་བ་རྣམས་ལ་འདི་ལྟ་སྟེ། ཕན་ཚུན་བདེ་བ་ཉིད་ཀྱིས་ངེས་པར་རྒལ་བར་ཤེས་པར་དཀའི། བདག་ཅག་ནོར་སྒྲུབ་པ་དག་གིས་སོ་སོ་སོ་སོ་དག་ནས་ཕོངས་པའི་དོན་དུ་ཆུར་རྐྱལ་པ་ཐོགས་ཏེ་རྒྱ་མཚོ་ཆེན་པོར་འཇུག་པར་བྱའི། བདག་ཅག་ལས། ཁ་ཅིག་གིས་ནི། ཤལ་མ་ལའི་སྤང་ལེབ་དག་བཀུར། ཁ་ཅིག་
Nya252b
གིས་ནི། སྔས་ཤིང་བལ་ཅན་དག་བཀུར། ཁ་ཅིག་གིས་ནི། ཀུ་བའི་གཟིངས་དག་བཀུར། ཁ་ཅིག་གིས་ནི། ར་རྐྱལ་དག་བཀུར་རོ། །སྙམ་ནས། དེ་ནས་ནོར་སྒྲུབ་པ་བདག་ཅག་གིས་དེ་ལྟར་སོ་སོར་བརྟགས་ནས་སོ་སོ་དག་ནས་ཕོངས་པའི་དོན་དུ་ཆུ་རྐྱལ་པ་ཁ་ཅིག་གིས་ནི། ཤལ་མ་ལའི་སྤང་ལེབ་དག་།ཁ་ཅིག་གིས་ནི། སྔས་ཤིང་བལ་ཅན་དག་།ཁ་ཅིག་གིས་ནི། ཀུ་བའི་གཟིངས་དག། ཁ་ཅིག་གིས་ནི། ར་རྐྱལ་དག་ཁྱེར་ནས་རྒྱ་མཚོ་ཆེན་པོར་ཞུགས་སོ། །བདག་ཅག་རྒྱ་མཚོ་ཆེན་པོའི་ནང་དུ་དོང་བ་ན་ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བཅག་གོ་།བདག་ཅག་རྒྱ་མཚོའི་གྲུ་བཅག་པ་ན་སོ་སོ་སོ་སོ་དག་ནས་ཕོངས་པའི་དོན་དུ་ཆུར་རྐྱལ་པ་ཁྱེར་ཏེ་འོངས་པ་དག་ལ་ཞོན་ཏེ་འདི་ལྟ་སྟེ། ཁ་ཅིག་གིས་ནི། ཤལ་མ་ལའི་སྤང་ལེབ་དག་ལ་ཞོན། ཁ་ཅིག་གིས་ནི། སྔས་ཤིང་བལ་ཅན་དག་ལ་ཞོན། ཁ་ཅིག་གིས་ནི། ཀུ་བའི་གཟིངས་དག་ལ་ཞོན། ཁ་ཅིག་གིས་ནི། ར་རྐྱལ་དག་ལ་ཞོན་ཏེ་ཆུའི་སྟེང་ན་འཕྱོའོ། །བདག་ཅག་གི་ལས་ཀྱི་རྣམ་པར་སྨིན་པས་བྱང་ཕྱོགས་ནས་རླུང་ལངས་ནས། དེས་བདག་ཅག་ལྷོ་ཕྱོགས་ཀྱི་འགྲམ་དུ་བདས་པ་དང ། ཟངས་གླིང་འདི་ན་སྲིན་མོ་ཁྲུང་ཁྲུང་གཞོན་ནུ་མ་ཞེས་བྱ་བ་འཁོད་པ་དེ་དག་བདག་ཅག་ཚོང་པ་གྲུ་ཆག་པ་རྣམས་ལ་གཏམ་སྙན་པ་དང ། དགའ་བའི་ཚུལ་གྱིས་སླུ་བར་བྱེད་དོ། ། དེ་དག་ལ་རྒྱལ་མཚན་དགའ་བའི་གནས་དང་མཐུན་པ་དང ། ཕོངས་པའི་གནས་དང་མཐུན་པ་གཉིས་ཡོད་དེ། ཇི་ཙམ་ན་དགའ་བའི་གནས་དང་མཐུན་པའི་རྒྱལ་མཚན་གཡོ་བར་བརྩམས་པ་དང ། དེ་དག་
Nya253a
༄#། །གིས་སྨྲས་པ། ཕུ་ནུ་མོ་དག། དགའ་བའི་གནས་དང་མཐུན་པའི་རྒྱན་མཚན་གཡོས་པས། ཛམྦུའི་གླིང་པའི་ཚོང་པ་དག་གིས་རྒྱ་མཚོའི་གྲུ་ཆུ་སྲིན་ཉའི་རིགས་ཀྱིས་བཅག་ཏེ་འོང་གོར་མ་ཆག་གི། བཙལ་ལོ། །ཞེས་དེ་དག་གིས་རྒྱ་མཚོའི་འགྲམ་དུ་བཙལ་བར་བརྩམས་པ་དང ། ཇི་ཙམ་ན་བདག་ཅག་ཚོང་པ་ཕལ་པོ་ཆེའི་ཚོགས་ཆུར་རྐྱལ་པ་སྣ་ཚོགས་དག་གིས་རྐྱལ་ཞིང་འོང་བ་མཐོང་ངོ ། །མཐོང་ནས་ཀྱང་བདག་ཉིད་གཟུགས་བཟང་མོར་མངོན་པར་སྤྲུལ་ནས་རྒྱན་སྣ་ཚོགས་ཀྱིས་བརྒྱན་ཏེ་ལྷའི་གོས་དང ། ཕྲེང་བ་རྒྱུས་ཀླུབས་ནས་རྒྱ་མཚོའི་འགྲམ་ནས་འབོད་པར་བརྩམས་པ། ཇོ་བོ་དག་ཚུར་སྤྱོན། བཞིན་བཟང་དག་ཚུར་སྤྱོན། བདག་ཅག་ཁྱིམ་ཐབ་མ་མཆིས་པ་རྣམས་ཀྱི་ཁྱིམ་ཐབ་མཛོད་ཅིག་།བདག་པོ་མ་མཆིས་པ་རྣམས་ཀྱི་བདག་པོ་མཛོད་ཅིག ། གནས་མ་མཆིས་པ་རྣམས་ཀྱི་གནས་མཛོད་ཅིག་།གླིང་མ་མཆིས་པ་རྣམས་ཀྱི་གླིང་མཛོད་ཅིག་།སྐྱོབ་པ་མ་མཆིས་པ་རྣམས་ཀྱི་སྐྱོབ་པ་མཛོད་ཅིག་།སྐྱབས་མ་མཆིས་པ་རྣམས་ཀྱི་སྐྱབས་མཛོད་ཅིག་།དཔུང་གཉེན་མ་མཆིས་པ་རྣམས་ཀྱི་དཔུང་གཉེན་མཛོད་ཅིག་།འདི་དག་ནི། ཁྱེད་ཀྱི་ཟས་ཀྱི་གནས་དག་དང ། སྐོམ་གྱི་གནས་དག་དང ། གོས་ཀྱི་གནས་དག་དང ། གནས་མལ་གྱི་གནས་དག་དང ། ཀུན་དགའ་ར་བ་དགའ་བར་འགྱུར་བ་དག་དང ། ནགས་ཚལ་དགའ་བར་འགྱུར་བ་དག་དང ། རྫིང་བུ་དགའ་བར་འགྱུར་བ་དག་དང ། ཛམྦུའི་གླིང་པའི་རིན་པོ་
Nya253b
ཆེ་མང་པོ་འདི་ལྟ་སྟེ། ནོར་བུ་དག་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། དངུལ་དག་དང ། གསེར་དག་དང ། རྡོའི་སྙིང་པོ་དག་དང ། སྦུག་དག་དང་དམར་པོ་དག་དང ། གཡས་སུ་འཁྱིལ་བ་དག་ལགས་ཀྱི། ཁྱེད་ཅག་ཚུར་སྤྱོན། བདག་ཅག་དང་ལྷན་ཅིག་རྩེ་བ་དང ། དགའ་བ་དང ། དགའ་མགུར་སྤྱོད་པར་མཛོད་ཅིག་།ཁྱེད་ཅག་ལས། འགའ་ཡང་ཤིན་ཏུ་མྱོས་པར་གྱུར་ཀྱང་ལྷོ་ལམ་དུ་འགྲོ་བར་མི་བྱའོ། །ཞེས་ཟེར་རོ། །བདག་ཅག་སྲིན་མོ་དེ་དག་གིས་བརྗོད་པ་ན། རྒྱ་མཚོ་ཆེན་པོ་ལས་བརྒལ་ཏེ་དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །བདག་ཅག་དེ་དག་དང ། ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དག་ལ་བརྟེན་པའི་རྒྱུ་ལས་བུ་དང་བུ་མོ་དག་ཀྱང་བྱུང་ངོ ། ། བུད་མེད་དེ་དག་བདག་ཅག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ན། ཇི་སྲིད་དུ་ཛམྦུའི་གླིང་པའི་ཚོང་པ་མང་པོ་གཞན་དག་ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བཅག་སྟེ་འོང་བར་མ་ཐོས་ཀྱི་བར་དུ་དེ་དག་བདག་ཅག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །གང་གི་ཚེ་དེ་དག་གིས་ཛམྦུའི་གླིང་པའི་ཚོང་པ་མང་པོ་གཞན་དག་ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བཅག་སྟེ་འོང་བར་ཐོས་པ་དེའི་ཚེ་ན། དེ་དག་བདག་ཅག་གི་གན་དུ་འོངས་ཤིང་བདག་ལས་གཞན་དག་ཟོས་ནས་འདི་ལྟས་སྐྱེས་བུ་ཟ་བ་ན། སྐྲ་དང །
Nya254a
༄#། །སྦུ་དང ། སེན་མོ་དང ། སོའི་ལྷག་མ་གང་དག་ཡིན་པ་དེ་དག་ཀྱང་མ་ལུས་པར་ཟ་བར་བྱེད་ཅིང ། དེ་དག་སྐྱེས་བུ་ཟ་བ་ན་ཁྲག་དྲོན་མོའི་ཐིགས་པ་ས་ལ་ལྷུང་བ་གང་དག་ཡིན་པ་དེ་དག་ཀྱང་སོར་མོའི་རྩེ་མོས་བྱོགས་ཤིང་བྱོགས་ཤིང་དང་བཅས་བཞིན་དུ་ཁར་འཛུད་པར་བྱེད་དོ། །མ་ཟོས་པ་དེ་དག་གི་ལྷག་མ་ནི། ཁོ་བོ་ཅག་ཡིན་ཏེ། ལྕགས་ཀྱི་མཁར་ཆེན་པོ་འདིར་བཅུག་སྟེ། བཟོད་ལྡན། བུད་མེད་དེ་དག་ནི། སྲིན་མོ་ཡིན་གྱི། བཟོད་ལྡན། ཁྱོད་ཀྱང་བདག་ཉིད་སྲུངས་ཤིག། སིངྒ་ལས་སྨྲས་པ། ཤེས་ལྡན་དག། གང་གིས་ཁྱེད་ཅག་དང ། ཁོ་བོ་ཅག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་འགྱུར་བའི་ཐབས་འགའ་ཡོད་དམ། དེ་དག་གིས་སྨྲས་པ། བཟོད་ལྡན། ཁོ་བོ་ཅག་ལ་ནི། གང་གིས་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་འགྱུར་བའི་ཐབས་འགའ་ཡང་མེད་དོ། །དེ་ཅིའི་ཕྱིར་ཞེ་ན། བདག་ཅག་གིས་གལ་ཏེ་འདི་སྙམ་དུ། ཀྱེ་མ། བདག་ཅག་ལྕགས་ཀྱི་གྲོང་ཁྱེར་འདིའི་འོག་བརྟོལ་ཏེ་འབྲོས་སོ། ། སྙམ་ན་དེ་འོག་ཉིས་འགྱུར་སུམ་འགྱུར་དུ་སྐྱེ་ལ། གལ་ཏེ་འདི་སྙམ་དུ། ཀྱེ་མ། བདག་ཅག་ལྕགས་ཀྱི་གྲོང་ཁྱེར་འདིའི་སྟེང་ནས་བརྒལ་ཏེ་འབྲོས་སོ། །སྙམ་ནས། དེའི་སྟེང་ཉིས་འགྱུར་སུམ་འགྱུར་དུ་སྐྱེ་བའི་ཕྱིར་ཏེ། བཟོད་ལྡན། དེའི་ཕྱིར་ཁོ་བོ་ཅག་ལ་གང་གིས་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་འགྱུར་བའི་ཐབས་འགའ་ཡང་མེད་དོ། །ཁྱེད་ཅག་ལ་ནི། གང་གིས་
Nya254b
བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་འགྱུར་བའི་ཐབས་ཡོད་དོ། །ཤེས་ལྡན་དག། གང་གིས་ཁོ་བོ་ཅག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་འགྱུར་བའི་ཐབས་དེ་གང་ཡིན། བཟོད་ལྡན། འདི་ན་བདག་ཅག་གི་སྟེང་ན་ལྷ་དག་རྣམ་པར་རྒྱུ་བའི་སྒྲ་ཐོས་པས། ཀྱེ་ཛམྦུ་གླིང་པའི་ཚོང་པ་བྱིས་པ་དང ། འདི་ཉིད་ཀྱི་གསོ་སྦྱོང་བཅོ་ལྔ་པ་ལ་བྱང་ལམ་དུ་དེངས་ཤིག་དང ། དེ་ན་རྟའི་རྒྱལ་པོ་སྤྲིན་གྱི་ཤུགས་ཅན་ཞེས་བྱ་བ། མ་རྨོས་མ་བཏབ་པའི་འབྲས་སཱ་ལུའི་འབྲུ་ཟོས་ནས་བདེ་བ་དང ། ནད་མེད་པ་དང ། སྟོབས་དང་ལྡན་པ་དང ། དབང་པོ་ཚིམ་པས་ངོ་སྟོད་བསྲང་སྟེ་ཕ་རོལ་ཏུ་སུ་འགྲོ། ཕ་རོལ་ཏུ་སུ་འགྲོ། སུ་ཞིག་ཕ་རོལ་ཏུ་བཀུར་བར་བྱ། སུ་ཞིག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་བྱ་ཞེས་ལན་གསུམ་ཆེད་དུ་བརྗོད་པ་ཆེད་དུ་རྗོད་པར་བྱེད་ཀྱི།་ཁྱེད་ཅག་དེའི་གན་དུ་སོང་ལ་འདི་སྐད་ཅེས། བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་ཏུ་ཁྱེར་ཅིག་།བདག་ཅག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་གྱིས་ཤིག། ཅེས་བརྗོད་པར་བྱའོ། །ཞེས་ཟེར་བ་ཐོས་ཀྱི། བཟོད་ལྡན། གང་གིས་ཁྱེད་ཅག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་གྱུར་པའི་ཐབས་ནི།་དེ་ཡིན་ནོ། །དེ་ནས་དེད་དཔོན་སིངྒ་ལ་སྐྱེ་བོ་ཕལ་པོ་ཆེའི་ཚོགས་ཀྱིས་སྨྲས་པའི་ཚིག་དེ་ལེགས་པར་ཤིན་ཏུ་བཟུང་སྟེ་ཀུན་ཆུབ་པར་བྱས་ནས་ཁད་ཀྱིས་དལ་བུ་དལ་བུས་ཤིང་ལྗོན་པ་ཤི་རི་
Nya255a
༄#། །ཤ་ཆེན་པོ་དེ་ལས་བབས་ནས་ཡང་མལ་དེ་ཉིད་དུ་སོང་ངོ ། །དེ་ནས་དེད་དཔོན་སིངྒ་ལས་བུད་མེད་གང་དང་ལྷན་ཅིག་ཉལ་བ་དེ་གཉིད་ལོག་ཅིང་མལ་དུ་ཞུགས་པར་རིག་ནས་ཁད་ཀྱིས་དལ་བུ་དལ་བུས་ཉལ་ལོ། །དེ་ནས་དེད་དཔོན་སིངྒ་ལ་ནང་པར་སྔར་ལངས་ཏེ་ཛམྦུའི་གླིང་པའི་ཚོང་པ་རབ་ཏུ་མང་པོ་ག་ལ་བ་དེར་སོང་སྟེ་ཕྱིན་ནས་ཛམྦུའི་གླིང་པའི་ཚོང་པ་རབ་ཏུ་མང་པོ་ལ་འདི་སྐད་ཅེས་སྨྲས་སོ། །ཤེས་ལྡན་དག་།ཚུར་ཤོག་།སྐྱེད་མོས་ཚལ་དབེན་པ་ཞིག་ཡོད་པ་དེར་ཁོ་བོ་ཁྱེད་ཅག་དང་ཕག་ཏུ་གསང་སྟེ་སྨྲ་བ་ཅུང་ཞིག་ཡོད་ཀྱི། ཁྱེད་ཅག་ལས་གང་གིས་ཀྱང་ཤིན་ཏུ་མྱོས་པར་གྱུར་ན་ཡང་ཁྱེའུ་དང་བུ་མོ་དག་ཁྲིད་དེ་མ་འོངས་ཤིག། དེ་ནས་ཛམྦུའི་གླིང་པའི་ཚོང་པ་རབ་ཏུ་མང་པོ་ནང་པར་སྔར་ལངས་ནས་སྐྱེད་མོས་ཚལ་དབེན་པ་ག་ལ་བ་དེར་སོང་ངོ ། །དེ་ནས་དེད་དཔོན་སིངྒ་ལས་ཛམྦུའི་གླིང་པའི་ཚོང་པ་རབ་ཏུ་མང་པོ་ལ་སྐྱེ་བོ་ཕལ་པོ་ཆེའི་ཚོགས་དེ་དང་བར་སྐབས་སུ་གཏམ་ཅི་བྱས་པ་དེ་དག་ཐམས་ཅད་རྒྱས་པར་བརྗོད་ནས་སྨྲས་པ། ཤེས་ལྡན་དག ། འདི་དག་ནི། བུད་མེད་མ་ཡིན་གྱི། འདི་དག་ནི། སྲིན་མོ་ཡིན་པས་བདག་ཉིད་སྲུང་ཤིག་།དེ་ནས་ཛམྦུའི་གླིང་པའི་ཚོང་པ་རབ་ཏུ་མང་པོ་དག་དེ་ཉིད་ཀྱི་གསོ་སྦྱོང་བཅོ་ལྔ་པ་ལ་བྱང་ལམ་དུ་དོང་ངོ ། །དེའི་ཚེ་ན་རྟའི་རྒྱལ་པོ་སྤྲིན་གྱི་ཤུགས་ཅན་མ་རྨོས་མ་བཏབ་པའི་འབྲས་སཱ་ལུའི་འབྲུ་ཟ་ཞིང་འདུག་གོ། ཚོང་པ་བརྟག་པའི་རང་བཞིན་ཅན་ཞིག་གིས། རྟའི་རྒྱལ་པོ་སྤྲིན་གྱི་ཤུགས་ཅན་མ་རྨོས་མ་
Nya255b
བཏབ་པའི་འབྲས་སཱ་ལུའི་འབྲུ་ཟ་ཞིང་འདུག་པ་མཐོང་ངོ ། །མཐོང་ནས་ཀྱང་ཛམྦུའི་གླིང་པའི་ཚོང་པ་རབ་ཏུ་མང་པོ་ལ་འདི་སྐད་ཅེས་སྨྲས་སོ། །ཤེས་ལྡན་དག། རྟའི་རྒྱལ་པོ་སྤྲིན་གྱི་ཤུགས་ཅན་འདི་མ་རྨོས་མ་བཏབ་པའི་འབྲས་སཱ་ལུའི་འབྲུ་ཟ་ཞིང་འདུག་གི། འདིའི་གན་དུ་སོང་ལ་འདི་སྐད་ཅེས། བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་ཏུ་ཁྱེར་ཅིག། བདག་ཅག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་གྱིས་ཤིག། ཅེས་བརྗོད་པར་བྱའོ། །དེ་ནས་དེད་དཔོན་སིངྒ་ལས་ཛམྦུའི་གླིང་པའི་ཚོང་པ་རབ་ཏུ་མང་པོ་ལ་འདི་སྐད་ཅེས་སྨྲས་སོ། །ཤེས་ལྡན་དག། ཁོ་བོས་སྐྱེ་བོ་ཕལ་པོ་ཆེའི་ཚོགས་དེས་སྨྲས་པའི་དོན་ཤེས་པས། ད་དུང་བདག་ཅག་རྟའི་རྒྱལ་པོ་སྤྲིན་གྱི་ཤུགས་ཅན་གྱི་གན་དུ་སོང་སྟེ་འདི་སྐད་ཅེས། བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་དུ་འགྲོའོ། །བདག་ཅག་ཕ་རོལ་ཏུ་ཁྱེར་ཅིག། བདག་ཅག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་གྱིས་ཤིག་།ཅེས་བརྗོད་པར་བྱ་བའི་དུས་ལ་མ་བབ་བོ། །འདི་ལྟར་ཁོ་བོ་ཕལ་པོ་ཆེའི་ཚོགས་དེས་སྨྲས་པའི་དོན་ཤེས་ཏེ། གང་གི་ཚེ་རྟའི་རྒྱལ་པོ་སྤྲིན་གྱི་ཤུགས་ཅན་མ་རྨོས་མ་བཏབ་པའི་འབྲས་སཱ་ལུའི་འབྲུ་ཟོས་ནས་བདེ་བ་དང ། ནད་མེད་པ་དང ། སྟོབས་དང་ལྡན་པ་དང ། དབང་པོ་ཚིམ་པས་རོ་སྟོད་བསྲང་སྟེ། ཕ་རོལ་ཏུ་སུ་འགྲོ། ཕ་རོལ་ཏུ་སུ་འགྲོ། སུ་ཞིག་ཕ་རོལ་དུ་བཀུར་བར་བྱ། སུ་ཞིག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་བྱ་ཞེས་ལན་གསུམ་ཆེད་
Nya256a
༄#། །དུ་བརྗོད་པ་ཆེད་དུ་རྗོད་པར་བྱེད་པ་དེའི་ཚེ་ན། བདག་ཅག་རྟའི་རྒྱལ་པོ་སྤྲིན་གྱི་ཤུགས་ཅན་གྱི་གན་དུ་སོང་སྟེ་འདི་སྐད་ཅེས། བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་ཏུ་ཁྱེར་ཅིག་།བདག་ཅག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་གྱིས་ཤིག་།ཅེས་བརྗོད་པར་བྱའོ། །དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས་མ་རྨོས་མ་བཏབ་པའི་འབྲས་སཱ་ལུའི་འབྲུ་ཟོས་ནས་བདེ་བ་དང ། ནད་མེད་པ་དང ། སྟོབས་དང་ལྡན་པ་དང ། དབང་པོ་ཚིམ་པས་རོ་སྟོད་བསྲང་སྟེ། ཕ་རོལ་ཏུ་སུ་འགྲོ། ཕ་རོལ་ཏུ་སུ་འགྲོ། སུ་ཞིག་ཕ་རོལ་ཏུ་བཀུར་བར་བྱ། སུ་ཞིག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་བྱ་ཞེས་ལན་གསུམ་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་ནས་ཛམྦུའི་གླིང་པའི་ཚོང་པ་རབ་ཏུ་མང་པོ་རྟའི་རྒྱལ་པོ་སྤྲིན་གྱི་ཤུགས་ཅན་ག་ལ་བ་དེར་དོང་སྟེ་ཕྱིན་ནས་བླ་གོས་ཕྲག་པ་གཅིག་ཏུ་བྱས་ཏེ་པུས་མོ་གཡས་པའི་ལྷ་ང་ས་ལ་བཙུགས་ཏེ་རྟའི་རྒྱལ་པོ་སྤྲིན་གྱི་ཤུགས་ཅན་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་རྟའི་རྒྱལ་པོ་སྤྲིན་གྱི་ཤུགས་ཅན་ལ་འདི་སྐད་ཅེས་སྨྲས་སོ། །བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་ཏུ་འགྲོའོ། །བདག་ཅག་ཕ་རོལ་ཏུ་ཁྱེར་ཅིག་།བདག་ཅག་བདེ་ལེགས་དང ། བདེ་བ་དག་ཏུ་འྫམྦུའི་གླིང་དུ་ཕྱིན་པར་གྱིས་ཤིག་།དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས་ཛམྦུའི་གླིང་པའི་ཚོང་པ་རབ་ཏུ་མང་པོ་ལ་ཤེས་ལྡན་དག་།བུད་མེད་དེ་དག་ཆེས་གཟུགས་
Nya256b
བཟང་བ་དང ། ཆེས་བལྟ་ན་སྡུག་པ་དང ། ཆེས་མཛེས་པར་བསྒྱུར་པ་ན་ཁྱེའུ་དང་བུ་མོ་དག་ཐོགས་ཏེ་འདི་སྐད་ཅེས། ཇོ་བོ་དག་ཚུར་སྤྱོན། བཞིན་བཟང་དག་ཚུར་སྤྱོན། བདག་ཅག་ཁྱིམ་ཐབ་མ་མཆིས་པ་རྣམས་ཀྱི་ཁྱིམ་ཐབ་མཛོད་ཅིག་།བདག་པོ་མ་མཆིས་པ་རྣམས་ཀྱི་བདག་པོ་མཛོད་ཅིག་།གནས་མ་མཆིས་པ་རྣམས་ཀྱི་གནས་མཛོད་ཅིག་།གླིང་མ་མཆིས་པ་རྣམས་ཀྱི་གླིང་མཛོད་ཅིག་།སྐྱོབ་པ་མ་མཆིས་པ་རྣམས་ཀྱི་སྐྱོབ་པ་མཛོད་ཅིག་།སྐྱབས་མ་མཆིས་པ་རྣམས་ཀྱི་སྐྱབས་མཛོད་ཅིག་།དཔུང་གཉེན་མ་མཆིས་པ་རྣམས་ཀྱི་དཔུང་གཉེན་མཛོད་ཅིག་།འདི་དག་ནི། ཁྱེད་ཀྱི་ཟས་ཀྱི་གནས་དག་དང ། སྐོམ་གྱི་གནས་དག་དང ། གོས་ཀྱི་གནས་དག་དང ། གནས་མལ་གྱི་གནས་དག་དང ། ཀུན་དགའ་ར་བ་དགའ་བར་འགྱུར་བ་དག་དང ། ནགས་ཚལ་དགའ་བར་འགྱུར་བ་དག་དང ། རྫིང་བུ་དགའ་བར་འགྱུར་བ་དག་དང ། ཛམྦུའི་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དག་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། དངུལ་དག་དང ། གསེར་དག་དང ། རྡོའི་སྙིང་པོ་དག་དང ། སྤུག་དག་དང ། དམར་པོ་དག་དང ། གཡས་སུ་འཁྱིལ་བ་དག་ལགས་ཀྱི། ཚུར་སྤྱོན། ཁྱེད་ཅག་བདག་ཅག་དང་ལྷན་ཅིག་རྩེ་བ་དང ། དགའ་བ་དང ། དགའ་མགུར་སྤྱོད་པར་མཛོད་ཅིག་།གལ་ཏེ་ཁྱེ་གཅག་ལས་སུ་ཡང་བདག་ཅག་དོན་དུ་མི་གཉེར་ན། རེ་ཞིག་རང་རང་གི་ཁྱེའུ་དང ། བུ་མོ་འདི་དག་བསྣམས་ཏེ་བཞུད་ཅིག། ཅེས་ཟེར་བར་འགྱུར་གྱི། དེ་ལ་ཁྱེད་ཅག་ལས་གང་དག་འདི་སྙམ་དུ་
Nya257a
༄#། །བདག་གི་ཆུང་མའམ། བུའམ། བུ་མོའམ། ཟས་ཀྱི་གནས་དག་གམ། སྐོམ་གྱི་གནས་དག་གམ། གོས་ཀྱི་གནས་དག་གམ། གནས་མལ་གྱི་གནས་དག་གམ། ཀུན་དགའ་ར་བ་དགའ་བར་འགྱུར་བ་དག་གམ། ནགས་ཚལ་དགའ་བར་འགྱུར་བ་དག་གམ། རྫིང་བུ་དགའ་བར་འགྱུར་བ་དག་གམ། ཛམྦུའི་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དག་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། དངུལ་དག་དང ། གསེར་དག་དང ། རྡོའི་རྙིང་པོ་དག་དང ། སྤུག་དག་དང ། དམར་པོ་དག་དང ། གཡས་སུ་འཁྱིལ་བ་དག་ཡིན་ནོ། །སྙམ་དུ་སེམས་པ་དེ་དག་ནི། ངའི་ཤུལ་ལམ། རྒྱབ་ཏུ་ཞོན་པར་གྱུར་ཏུ་ཟིན་ཀྱང་དེ་དག་ཤིང་ཐོག་སྨིན་པ་རྩ་བ་དག་ལས་འབྲུལ་བ་བཞིན་དུ་ལྟུང་བར་འགྱུར་ཞིང ། བུད་མེད་དེ་དག་འོངས་ཤིང་འོངས་ཤིང་ཟ་བར་འགྱུར་ཏེ། འདི་ལྟར་སྐྱེས་བུ་ཟ་བ་ན། སྐྲ་དང ། སྤུ་དང ། སེན་མོ་དང ། སོའི་ལྷག་མ་གང་དག་ཡིན་པ་དེ་དག་ཀྱང་མ་ལུས་པར་ཟ་བར་འགྱུར་ལ། དེ་དག་སྐྱེས་བུ་ཟ་བ་ན་ཁྲག་དྲོན་མོའི་ཐིགས་པ་ས་ལ་ལྟུང་བ་གང་དག་ཡིན་པ་དེ་དག་ཀྱང་སོར་མོའི་རྩེ་མོས་བྱོགས་ཤིང་བྱོགས་ཤིང་ས་དང་བཅས་པར་ཁར་འཇུག་པར་འགྱུར་རོ། །དེ་ལ་ཁྱེད་ཅག་ལས་གང་དག་འདི་སྙམ་དུ། བདག་གི་ཆུང་མའམ། བུའམ། བུ་མོའམ། ཟས་ཀྱི་གནས་དག་གམ། སྐོམ་གྱི་གནས་དག་གམ། གོས་ཀྱི་གནས་དག་གམ། གནས་མལ་གྱི་གནས་དག་གམ། ཀུན་དགའ་ར་
Nya257b
བ་དགའ་བར་འགྱུར་བ་དག་གམ། ནགས་ཚལ་དགའ་བར་འགྱུར་བ་དག་གམ། རྫིང་བུ་དགའ་བར་འགྱུར་བ་དག་གམ། ཛམྦུའི་གླིང་བའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། དངུལ་དག་དང ། གསེར་དག་དང ། རྡོའི་སྙིང་པོ་དག་དང ། སྦུག་དང ། དམར་པོ་དག་དང ། གཡས་སུ་འཁྱིལ་བ་དག་ཡིན་ནོ། ། སྙམ་དུ་མི་སེམས་པ་དེ་དག་ནི། ངའི་སྦུ་དག་ལ་འཇུས་པར་གྱུར་ཏུ་ཟིན་ཀྱང་དེ་དག་།བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་འགྱུར་རོ། །ཞེས་ལེགས་པར་ཤིན་ཏུ་ཡང་དག་པར་བསྒོ། ཡང་དག་པར་བསྟན་ཏོ། །དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས་ཛམྦུའི་གླིང་པའི་ཚོང་པ་རབ་ཏུ་མང་པོ་ལ་ལེགས་པར་ཤིན་ཏུ་ཡང་དག་པར་བསྒོ། ཡང་དག་པར་བསྟན་ནས་རྒྱབ་བཟེད་པ་དང ། དེ་ནས་ཛམྦུའི་གླིང་པའི་ཚོང་པ་རབ་ཏུ་མང་པོ་དག་ལས། ཁ་ཅིག་ནི། རྟའི་རྒྱལ་པོ་སྤྲིན་གྱི་ཤུགས་ཅན་གྱི་རྒྱབ་ཏུ་ཞོན། ཁ་ཅིག་ནི། ཤུལ་དུ་ཞོན། ཁ་ཅིག་ནི། སྤུ་དག་ལ་འཇུས་སོ། །དེ་ནས་རྟའི་རྒྱལ་པོའི་སྤྲིན་གྱི་ཤུགས་ཅན་གྱིས་མཐར་གྱིས་ལུས་མཐུ་དང་སྟོབས་བསྐྱེད་ནས་དེའི་འོག་ཏུ་སྟེང་གི་ནམ་མཁའ་ལ་སོང་ངོ ། །སྲིན་མོ་དེ་དག་ཕོངས་པའི་གནས་དང་མཐུན་པའི་རྒྱལ་མཚན་གཡོ་བར་བརྩམས་པ་དང ། དེ་དག་གིས་བསམ་པ། འདི་ལྟར། བདག་ཅག་གི་ཕོངས་པའི་གནས་དང་མཐུན་པའི་རྒྱལ་མཚན་གཡོས་པ་ལས་ན། ཛམྦུའི་གླིང་པའི་ཚོང་པ་རབ་ཏུ་མང་པོ་
Nya258a
༄#། །དག་བྱེར་བར་གྱུར་གོར་མ་ཆག་སྙམ་ནས་དེ་དག་དེ་ནས་ཆེས་གཟུགས་བཟང་བ་དང ། ཆེས་བལྟ་ན་སྡུག་པ་དང ། ཆེས་མཛེས་པར་བསྒྱུར་ནས་ཁྱེའུ་དང་བུ་མོ་དག་ཐོགས་ཏེ་འདི་སྐད་ཅེས། ཇོ་བོ་དག་ཚུར་སྤྱོན། བཞིན་བཟང་དག་ཚུར་སྤྱོན། བདག་ཅག་ཁྱིམ་ཐབ་མ་མཆིས་པ་རྣམས་ཀྱི་ཁྱིམ་ཐབ་མཛོད་ཅིག་།བདག་པོ་མ་ཡིན་པས་རྣམས་ཀྱི་བདག་པོ་མཛོད་ཅིག་།གནས་མ་མཆིས་པ་རྣམས་ཀྱི་གནས་མཛོད་ཅིག་།གླིང་མ་མཆིས་པ་རྣམས་ཀྱི་གླིང་མཛོད་ཅིག་།སྐྱོབ་པ་མ་མཆིས་པ་རྣམས་ཀྱི་སྐྱོབ་པ་མཛོད་ཅིག་།སྐྱབས་མ་མཆིས་པ་རྣམས་ཀྱི་སྐྱབས་མཛོད་ཅིག་།དཔུང་གཉེན་མ་མཆིས་པ་རྣམས་ཀྱི་དཔུང་གཉེན་མཛོད་ཅིག་།འདི་དག་ནི། ཁྱོད་ཀྱི་ཟས་ཀྱི་གནས་དག་དང ། སྐོམ་གྱི་གནས་དག་དང ། གོས་ཀྱི་གནས་དག་དང ། གནས་མལ་གྱི་གནས་དག་དང ། ཀུན་དགའ་ར་བ་དགའ་བར་འགྱུར་བ་དག་དང ། ནགས་ཚལ་དགའ་བར་འགྱུར་བ་དག་དང ། རྫིང་བུ་དགའ་བར་འགྱུར་བ་དག་དང ། ཛམྦུའི་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དག་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། དངུལ་དག་དང ། གསེར་དག་དང ། རྡོའི་སྙིང་པོ་དག་དང ། སྤུག་དག་དང ། དམར་པོ་དག་དང ། གཡས་སུ་འཁྱིལ་བ་དག་ལགས་ཀྱི། ཚུར་སྤྱོན། ཁྱེད་ཅག་བདག་ཅག་དང་ལྷན་ཅིག་རྩེ་བ་དང ། དགའ་བ་དང ། དགའ་མགུར་སྤྱད་པ་མཛོད་ཅིག །
Nya258b
གལ་ཏེ་ཁྱེད་ཅག་ལས་སུ་ཡང་བདག་དོན་དུ་མི་གཉེར་ན། རེ་ཞིག་རང་རང་གི་ཁྱེའུ་དང་བུ་མོ་འདི་དག་བསྣམས་ཏེ་བཞུད་ཅིག་།ཅེས་ཟེར་རོ། །དེ་ལ་དེ་དག་ལས། གང་དག་འདི་སྙམ་དུ། བདག་གི་ཆུང་མའམ། བུའམ། བུ་མོའམ། གོས་ཀྱི་གནས་དག་གམ། གནས་མལ་གྱི་གནས་དག་གམ། ཀུན་དགའ་ར་བ་དགའ་བར་འགྱུར་བ་དག་གམ། ནགས་ཚལ་དགའ་བར་འགྱུར་བ་དག་གམ། རྫིང་བུ་དགའ་བར་འགྱུར་པ་དག་གམ། ཛམྦུའི་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དག་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། དངུལ་དག་དང ། གསེར་དག་དང ། རྡོའི་སྙིང་པོ་དག་དང ། སྤུག་དག་དང ། དམར་པོ་དག་དང ། གཡས་སུ་འཁྱིལ་བ་དག་ཡིན་ནོ། །སྙམ་དུ་སེམས་པ་དེ་དག་ནི། དེའི་ཤུལ་ལམ། རྒྱབ་ཏུ་ཞོན་པར་གྱུར་ཏུ་ཟིན་ཀྱང་དེ་དག་ཤིང་ཐོག་སྨིན་པ་རྩ་བ་དག་ལས་འབྲུལ་བ་བཞིན་དུ་ལྟུང་བར་གྱུར་ཅིང ། བུད་མེད་དེ་དག་འོངས་ཤིང་འོངས་ཤིང་ཟོས་པར་གྱུར་ཏེ། འདི་ལྟར། སྐྱེས་བུ་ཟ་བ་ན་སྐྲ་དང ། སྤུ་དང ། སེན་མོ་དང ། སོའི་ལྷག་མ་གང་དག་ཡིན་པ་དེ་དག་ཀྱང་མ་ལུས་པར་ཟོས་པར་གྱུར་ལ། དེ་དག་སྐྱེས་བུ་ཟ་བ་ན། ཁྲག་དྲོན་མོའི་ཐིགས་པ་ས་ལ་ལྟུང་བ་གང་དག་ཡིན་པ་དེ་དག་ཀྱང་སོར་མོའི་རྩེ་མོས་བྱོགས་ཤིང་བྱོགས་ཤིང་ས་དང་བཅས་པར་ཁར་འཇུག་པར་གྱུར་ཏོ། །དེ་ལ་དེ་དག་ལས། གང་དག་འདི་སྙམ་དུ། བདག་གི་ཆུང་མའམ། བུའམ། བུ་མོའམ། ཟས་ཀྱི་
Nya259a
༄#། །གནས་དག་གམ། སྐོམ་གྱི་གནས་དག་གམ། གོས་ཀྱི་གནས་དག་གམ། གནས་མལ་གྱི་གནས་དག་གམ། ཀུན་དགའ་ར་བ་དགའ་བར་འགྱུར་བ་དག་གམ། ནགས་ཚལ་དགའ་བར་འགྱུར་བ་དག་གམ། རྫིང་བུ་དགའ་བར་འགྱུར་པ་དག་གམ། །ཛམྦུ་གླིང་པའི་རིན་པོ་ཆེ་མང་པོ་འདི་ལྟ་སྟེ། ནོར་བུ་དག་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། དངུལ་དག་དང ། གསེར་དག་དང ། རྡོའི་སྙིང་པོ་དག་དང ། སྤུག་དག་དང ། དམར་པོ་དག་དང ། གཡས་སུ་འཁྱིལ་བ་དག་ཡིན་ནོ། །སྙམ་དུ་མི་སེམས་པ་དེ་དག་ནི། དེའི་སྤུ་དག་ལ་འཇུས་པར་གྱུར་ཏུ་ཟིན་ཀྱང་དེ་དག་བདེ་ལེགས་དང ། བདེ་བ་དག་ཏུ་ཛམྦུའི་གླིང་དུ་ཕྱིན་པར་གྱུར་ཏོ། །དགེ་སློང་དེ་དག་།དེ་བཞིན་དུ་ཁྱེད་ཅག་ལས། གང་དག་བདག་མིག་གོ་།བདག་གི་མིག་གོ་།བདག་རྣ་བའི། །སྣའོ། །ལྕེའོ། །ལུསོ། ཡིད་དོ། བདག་གི་ཡིད་དོ། །བདག་གཟུགས་སོ། །བདག་གི་གཟུགས་སོ། །བདག་སྒྲའོ། །དྲིའོ། རོའོ། རེག་བྱའོ། ཆོས་སོ། །བདག་གིས་ཆོས་སོ། ། བདག་སའི་ཁམས་སོ། །བདག་གི་སའི་ཁམས་སོ། །བདག་ཆུའི་ཁམས་སོ། །མེའི་ཁམས་སོ། །རླུང་གི་ཁམས་སོ། །ནམ་མཁའི་ཁམས་སོ། །རྣམ་པར་ཤེས་པའི་ཁམས་སོ། །བདག་གི་རྣམ་པར་ཤེས་པའི་ཁམས་སོ། །བདག་གཟུགས་ཀྱི་ཕུང་པོའོ། །བདག་གི་གཟུགས་ཀྱི་ཕུང་པོའོ། །བདག་ཚོར་བའི་ཕུང་པོའོ། །འདུ་ཤེས་ཀྱི་ཕུང་པོའོ། །འདུ་བྱེད་ཀྱི་ཕུང་པོའོ། །རྣམ་པར་ཤེས་པའི་ཕུང་པོའོ་
Nya259b
པོའོ། །བདག་གི་རྣམ་པར་ཤེས་པའི་ཕུང་པོའོ། །སྙམ་དུ་སེམས་པ་དེ་དག་ནི། སྲིན་མོ་རྣམས་ཀྱི་ཚོང་པ་དག་སྡུག་བསྔལ་བར་འགྱུར་བ་ཇི་བཞིན་ནོ། །དགེ་སློང་དག་།ཁྱེད་ཅག་ལས། གང་དག་བདག་མིག་གོ་།བདག་གི་མིག་གོ་།བདག་རྣ་བའོ། །སྣའོ། །ལྕེའོ། ལུས་སོ། ཡིད་དོ། །བདག་གི་ཡིད་དོ། །བདག་གཟུགས་སོ། །བདག་གི་གཟུགས་སོ། །བདག་སྒྲའོ། དྲིའོ། །རོའོ། རེག་བྱའོ། ཆོས་སོ། །བདག་གི་ཆོས་སོ། །བདག་སའི་ཁམས་སོ། །བདག་གི་སའི་ཁམས་སོ། །བདག་ཆུའི་ཁམས་སོ། །མེའི་ཁམས་སོ། །རླུང་གི་ཁམས་སོ། །ནམ་མཁའི་ཁམས་སོ། །རྣམ་པར་ཤེས་པའི་ཁམས་སོ། །བདག་གི་རྣམ་པར་ཤེས་པའི་ཁམས་སོ། །བདག་གཟུགས་ཀྱི་ཕུང་པོའོ། །བདག་གི་གཟུགས་ཀྱི་ཕུང་པོའོ། །བདག་ཚོར་བའི་ཕུང་པོའོ། འདུ་ཤེས་ཀྱི་ཕུང་པོའོ། །འདུ་བྱེད་ཀྱི་ཕུང་པོའོ། །རྣམ་པར་ཤེས་པའི་ཕུང་པོའོ། ། བདག་གི་རྣམ་པར་ཤེས་པའི་ཕུང་པོའོ། །སྙམ་དུ་མི་སེམས་པ་དེ་དག་ནི། སྤྲིན་ཤུགས་ཅན་གྱི་ཚོང་པ་དག་།བདེ་ལེགས་ཕ་རོལ་འགྲོ་བ་བཞིན། །མི་གང་བྱིས་པ་འདྲ་བ་དག། སངས་རྒྱས་བསྟན་ལ་མ་དད་པ། །སྲིན་མོ་རྣམས་ཀྱི་ཚོང་པ་དག་།སྡུག་བསྔལ་འགྱུར་བ་ཇི་བཞིན་ནོ། །མི་གང་ཤེས་རབ་ལྡན་པ་དག་།སངས་རྒྱས་བསྟན་ལ་དད་བྱེད་པ། །སྤྲིན་ཤུགས་ཅན་གྱི་ཚོང་བ་དག་།བདེ་ལེགས་ཕ་རོལ་འགྲོ་བ་བཞིན། ཚོང་པ་དེ་དག་ཐམས་ཅད་རྟའི་རྒྱལ་པོ་སྤྲིན་གྱི་ཤུགས་ཅན་ལས་ལྷུང་ནས་སྲིན་མོ་དེ་དག་གིས་ཟོས་སོ། །དེད་དཔོན་སིངྒ་ལ་འབའ་ཞིག་བདེ་ལེགས་དང ། བདེ་བ་དག་ཏུ་
Nya260a
༄#། །ཛམྦུའི་གླིང་དུ་ཕྱིན་ཏོ།། །།འདུལ་བ་རྣམ་པར་འབྱེད་པ། བམ་པོ་དོན་བདུན་པ། དེད་དཔོན་སིངྒ་ལའི་ཆུང་མ་སྲིན་མོ་དེ་ལ་སྲིན་མོ་གཞན་དག་གིས་སྨྲས་པ། ཁོ་མོ་ཅག་གིས་ནི། །རང་རང་གི་ཁྱིམ་ཐབ་དག་ཟོས་ན། ཁྱོད་ཀྱིས་རང་གི་ཁྱིམ་ཐབ་བཏང་གི། གལ་ཏེ་ཇེ་ཁྲིད་དེ་འོངས་ན། དེ་ལྟ་ན་ལེགས། གལ་ཏེ་མི་འོང་ན། ཁྱོད་ཉིད་བཟའ་བར་བྱའོ། །དེ་སྐྲག་ནས་སྨྲས་པ། གལ་ཏེ་ཁྱེད་ཅག་དེ་ལྟར་དང་ན་དུས་བྱེད་ན། མི་རིངས་པར་སྡོད་ཅིག་དང ། ཁྲིད་དེ་འོང་ངོ ། །དེ་དག་གིས་སྨྲས་པ། མཉེས་ཀྱི། དེ་བཞིན་གྱིས་ཤིག་།དེ་མཆོག་ཏུ་འཇིགས་སུ་རུང་བའི་གཟུགས་སུ་སྤྲུལ་ནས་མྱུར་བ་མྱུར་བ་ཁོ་ནར་སོང་སྟེ་དེད་དཔོན་སིངྒ་ལའི་མདུན་དུ་འདུག་པ་དང ། དེད་དཔོན་སིངྒ་ལས་རལ་གྲི་ཤུབས་ནས་ཕྱུང་སྟེ་བསྡིགས་པ་དང ། དེ་སྐྲག་སྟེ་བྲོས་སོ། །ཇི་ཙམ་ན་ཡུལ་དབུས་ནས་དོན་མཐུན་འོངས་པ་དང།་སྲིན་མོ་དེ་དེད་དཔོན་གྱི་རྐང་པ་གཉིས་ལ་གཏུགས་ཏེ་སྨྲས་པ། དེད་དཔོན། བདག་ནི། ཟངས་གླིང་གི་རྒྱལ་པོའི་བུ་མོ་དེད་དཔོན་སིངྒ་ལའི་མཆིས་བྲང་དུ་སྩལ་བ་ལགས་ན། དེ་རྒྱ་མཚོ་ཆེན་པོའི་ནང་དུ་མཆིས་པའི་གྲུ་ཆུ་སྲིན་ཉའི་རིགས་ཀྱིས་བཅག་ནས་དེས་བདག་བཀྲ་མི་ཤིས་སོ། །ཞེས་བོར་ན། དེའི་སླད་དུ་བདག་ལ་ཐུགས་བརྩེ་བས་བཟོད་པ་བགྱིད་དུ་སྩལ་བར་ཅིག་གནང ། དེས་བཟོད་པ་བྱེད་དུ་གཞུག་གོ་།ཞེས་དང་དུ་གླངས་སོ། །དེ་དེའི་གན་དུ་སོང་ནས་བག་དབབ་པའི་གཏམ་བརྗོད་པས་ཡུད་ཙམ་ཞིག་བསྡད་དེ་སྨྲས་པ། ཤེད་མཐུན། ཁྱོད་ཀྱིས་ཟངས་གླིང་གི་རྒྱལ་པོའི་བུ་མོ་བླངས་པ་དེ་
Nya260b
གནས་མ་ཡིན་པར་ཡོངས་སུ་མ་དོར་བར་བཟོད་པ་གྱིས་ཤིག་།དེས་སྨྲས་པ། ཤེད་མཐུན། དེ་ནི། རྒྱལ་པོའི་བུ་མོ་མ་ཡིན་ཏེ། ཟངས་གླིང་ནས་འོངས་པའི་སྲིན་མོ་ཡིན་ནོ། །འོ་ན་འདིར་ཇི་ལྟར་འོངས། དེས་ཇི་ལྟར་གྱུར་པ་བརྗོད་པ་དང ། དེ་ཅང་མི་སྨྲ་བར་འདུག་གོ་།དེད་དཔོན་སིངྒ་ལ་མཐར་གྱིས་རང་གི་ཁྱིམ་དུ་ཕྱིན་པ་དང ། སྲིན་མོ་དེ་ཡང་བུ་ཐོགས་ཏེ་རྒྱལ་པོའི་ཕོ་བྲང་སེངྒེ་ལྟ་བུར་ཕྱིན་ནས་དེད་དཔོན་སིངྒ་ལའི་ཁྱིམ་གྱི་སྒོ་དྲུང་ན་སྡོད་དོ། །སྐྱེ་བོའི་ཚོགས་ཀྱིས་ཁྱེའུ་དེ་མཐོང་ནས་བཞིན་གཟུགས་ལས་ངོ་ཤེས་ནས་དེ་དག་གིས་སྨྲས་པ། ཤེས་ལྡན་དག། ཁྱེའུ་འདི་ནི། དེད་དཔོན་སིངྒ་ལའི་བུ་ཡིན་པར་ཤེས་སོ། །སྲིན་མོས་སྨྲས་པ། ཤེས་ལྡན་དག། ཁྱོད་ཀྱིས་ཤེས་ཏེ། འདི་ནི། དེའི་བུ་ཡིན་ནོ། །དེ་དག་གིས་སྨྲས་པ། སྲིན་མོ། ཁྱོད་ག་ལས་འོངས། ཁྱོད་སུའི་ཡིན། དེས་སྨྲས་པ། ཤེས་ལྡན་དག། བདག་ནི། ཟངས་གླིང་གི་རྒྱལ་པོའི་བུ་མོ་དེད་དཔོན་སིངྒ་ལའི་ཆུང་མར་བྱིན་པ་ཡིན་ན། དེ་རྒྱ་མཚོ་ཆེན་པོར་སོང་བའི་གྲུ་ཆུ་སྲིན་ཉའི་རིགས་ཀྱིས་བཅག་ནས་དེས་བདག་བཀྲ་མི་ཤིས་སོ། །ཞེས་གནས་མ་ཡིན་པར་བོར་ནས་འདིར་ཇི་ལྟ་ཞིག་ཏུ་ཕྱིན་ཏེ། བུ་ཆུང་ངུ་དང ། བདག་ལ་དེད་དཔོན་སིངྒ་བཟོད་པ་བགྱིད་དུ་སྩལ་པའི་རིགས་སོ། །དེ་དག་གིས་དེའི་ཕ་མ་གཉིས་ལ་སྦྲན་པ་དང ། །དེ་གཉིས་ཀྱིས་དེ་ལ་སྨྲས་པ། བུ། རྒྱལ་པོའི་བུ་མོ་དེ་མ་དོར་བར་བུ་ཆུང་ངུ་དང ། ཉོན་མོངས་མ་འདི་ལ་བཟོད་པ་གྱིས་ཤིག་།ཡབ་ཡུམ་གཉིས། འདི་ནི། རྒྱལ་པོའི་བུ་མོ་མ་ལགས་ཏེ། འདི་ནི། ཟངས་གླིང་ནས་མཆིས་པའི་སྲིན་མོ་ལགས་སོ། །དེ་གཉིས་ཀྱིས་སྨྲས་པ། བུ། བུད་མེད་ལྟ་ཞིག་
Nya261a
༄#། །ཐམས་ཅད་ཀྱང་སྲིན་མོ་ཡིན་གྱི། བཟོད་པ་གྱིས་ཤིག་།དེས་སྨྲས་པ། ཡབ་ཡུམ་གཉིས། གལ་ཏེ་ཁྱེད་ཅག་འདི་ལ་དགྱེས་ན། འདི་ཁྱིམ་དུ་སྲེལ་ཅིག་།བདག་ནི། གཞན་དུ་མཆིའོ། །དེ་གཉིས་ཀྱིས་སྨྲས་པ། བུ། ངེད་ཀྱིས་ཁྱོད་ཀྱི་དོན་དུ་འདི་ཤིན་ཏུ་བསྲེལ་བ་ཡིན་ན། གལ་ཏེ་ཁྱོད་འདི་མི་འདོད་ན། ངེད་ཀྱིས་འདི་ཅིའི་ཕྱིར་མི་བསྐྲད་ཅེས་དེ་གཉིས་ཀྱིས་དེ་བསྐྲད་དོ། །དེ་ནས་སྲིན་མོ་དེ་རྒྱལ་པོ་སེངྒེ་རལ་པ་ཅན་གྱི་གན་དུ་སོང་བ་དང ། བློན་པོ་རྣམས་ཀྱིས་རྒྱལ་པོ་ལ་སྦྲན་པ། ལྷ། བུད་མེད་གཟུགས་འདི་ལྟ་བུ་ལང་ཚོ་ལ་བབ་པ་ཞིག་རྒྱལ་པོའི་ཆབ་སྒོ་ན་སྡོད་དོ། །རྒྱལ་པོས་སྨྲས་པ། བལྟའི། འཇུག་ཏུ་ཆུག་ཅིག་།དེ་དག་གིས་དེ་འཇུག་ཏུ་བཅུག་གོ་།བུད་མེད་ཀྱི་གཟུགས་ནི། དབང་པོ་རྣམས་འཕྲོག་པ་ཡིན་པས། རྒྱལ་པོས་དེ་མཐོང་ནས་འདོད་ཆགས་ཀྱིས་གཟིར་བས་འོངས་པ་ལེགས་སོ། །ཞེས་བྱ་བའི་ཀུན་ཏུ་སྤྱད་པས་དེ་ལ་ཀུན་ཏུ་སྤྱད་ནས་སྨྲས་པ། བཟང་མོ། ཁྱོད་ག་ལས་འདིར་འོངས། ཁྱོད་སུའི་ཡིན། དེས་རྐང་པ་གཉིས་ལ་གཏུགས་ཏེ་སྨྲས་པ། ལྷ། བདག་ནི།་ཟངས་གླིང་གི་རྒྱལ་པོའི་བུ་མོ་དེད་དཔོན་སིངྒ་ལའི་མཆིས་བྲང་དུ་སྩལ་པ་ལགས་ན། དེ་རྒྱ་མཚོ་ཆེན་པོའི་ནང་དུ་མཆིས་པའི་གྲུ་ཆུ་སྲིན་ཉའི་རིགས་ཀྱིས་བཅག་ནས་དེས་བདག་བཀྲ་མི་ཤེས་སོ། །ཞེས་གནས་མ་ལགས་པར་པོར་ཏེ་ཇི་ལྟ་ཞིག་ཏུ་འདིར་མཆིས་ན། ལྷས་བུ་ཆུང་ངུ་དང ། བདག་ལ་དེད་དཔོན་སིངྒ་ལ་བཟོད་པ་བགྱིད་དུ་སྩལ་པར་ཅི་གནང ། རྒྱལ་པོས་དེའི་བག་ཕབ་ནས་བློན་པོ་རྣམས་ལ་བསྒོ་བ།
Nya261b
ཤེས་ལྡན་དག་།དེངས་ལ་དེད་དཔོན་སིངྒ་ལ་བོས་ཤིག་།དེ་དག་གིས་དེ་བོས་པ་དང ། རྒྱལ་པོས་དེ་ལ་སྨྲས་པ། སིངྒ་ལ། རྒྱལ་པོའི་བུ་མོ་འདི་མ་དོར་བར་བུ་ཆུང་དུ་དང ། འདི་ལ་བཟོད་པ་གྱིས་ཤིག་།དེས་སྨྲས་པ། ལྷ། འདི་ནི། རྒྱལ་པོའི་བུ་མོ་མ་ལགས་ཏེ། འདི་ནི། ཟངས་གླིང་ནས་མཆིས་པའི་སྲིན་མོ་ལགས་སོ། །རྒྱལ་པོས་སྨྲས་པ། དེད་དཔོན། བུད་མེད་ལྟ་ཞིག་ཐམས་ཅད་ཀྱང་སྲིན་མོ་ཡིན་གྱི། འདི་ལ་བཟོད་པ་གྱིས་ཤིག་།འོན་ཏེ་ཁྱོད་མི་འདོད་ན་ནི། ང་ལ་བྱིན་ཅིག་།དེས་སྨྲས་པ། ལྷ། འདི་ནི། སྲིན་མོ་ལགས་པས་བདག་མི་དབུལ། མི་བཟློག་གོ་།རྒྱལ་པོས་དེ་བཙུན་མོའི་འཁོར་གྱི་ནང་དུ་བཅུག་ནས་དེས་རྒྱལ་པོ་དབང་དུ་བྱས་སོ། །ཇི་ཙམ་དུས་གཞན་ཞིག་ན་དེས་རྒྱལ་པོའི་བཙུན་མོའི་འཁོར་དང་བཅས་པ་ཉིད་ལོག་པར་བྱས་ནས་ཟངས་གླིང་དུ་སྲིན་མོ་དེ་དག་གི་གན་དུ་སོང་སྟེ་སྨྲས་པ། ཕུ་ནུ་མོ་དག་།ཁྱེད་ལ་དེད་དཔོན་སིངྒ་ལས་ཅི་བྱ། ཁོ་མོས་རྒྱལ་པོ་སེངྒ་རལ་པ་ཅན་བཙུན་མོའི་འཁོར་དང་བཅས་པ་གཉིད་ལོག་པར་བྱས་ཀྱི། ཚུར་ཤོག་།དེ་བཟའ་བར་བྱའོ། །དེ་དག་གི་རྐང་ལག་དང ། མིག་བསྒྱུར་ཏེ་བདག་ཉིད་འཇིགས་པ་དང ། འཇིགས་སུ་རུང་བ་ཆེན་མོར་མངོན་པར་སྤྲུལ་ནས་མཚན་མོ་རྒྱལ་པོའི་ཕོ་བྲང་སེངྒེ་ལྟ་བུར་ལྷགས་ཏེ། དེ་དག་གི་རྒྱལ་པོ་སེངྒེ་རལ་པ་ཅན་འཁོར་དང་བཅས་པ་ཟོས་སོ། །མཚན་མོ་ནམ་ནངས་པ་ན་རྒྱལ་པོའི་ཕོ་བྲང་གི་སྒོ་འབྱེད་པ་མེད་དེ་མ་ཕྱེད་པ་ན། རྒྱལ་པོའི་ཕོ་བྲང་གི་སྟེང་ནས་མི་རོ་ཟ་བའི་བྱ་མང་པོ་དག་རྒྱུ་བར་བརྩམས་སོ། །བློན་པོ་དང ། ཁྲོམ་གྱི་རུ་
Nya262a
༄#། །སྣ་དང ། གྲོང་རྡལ་གྱི་མི་དག་ཀྱང་རྒྱལ་པོའི་ཕོ་བྲང་གི་སྒོ་ན་སྡོད་དོ། །རྒྱལ་པོའི་ཕོ་བྲང་སེངྒེ་ལྟ་བུ་ཀུན་ཏུ་སྒྲ་འདི་སྐད་ཅེས། རྒྱལ་པོའི་ཕོ་བྲང་གི་སྒོ་འབྱེད་པ་མེད་དེ་མ་ཕྱེད་པ་ན། རྒྱལ་པོའི་ཕོ་བྲང་གི་སྟེང་ནས་མི་རོ་ཟ་བའི་བྱ་མང་པོ་དག་རྒྱུ་ཞིང ། བློན་པོ་དང ། ཁྲོམ་གྱི་རུ་སྣ་དང ། གྲོང་རྡལ་གྱི་མི་དང ། ཡུལ་གྱི་མི་དག་ཀྱང་རྒྱལ་པོའི་ཕོ་བྲང་གི་སྒོ་ན་སྡོད་ཅིང་འཁོད་དོ།། ཞེས་བྱ་བ་དེ་ལྟ་བུ་གྲགས་པར་གྱུར་ཏོ། །དེད་དཔོན་སིངྒ་ལས་དེ་ཐོས་ནས་དེ་མྱུར་བ་མྱུར་བ་ཁོ་ནར་རལ་གྲི་མཚན་དུ་བཅུག་སྟེ་སོང་ནས་སྨྲས་པ། ཤེས་ལྡན་དག་།སྲིན་མོ་དེས་རྒྱལ་པོ་ཟོས་ཀྱི། ཐབས་སོམས་ཤིག་།བློན་པོ་རྣམས་ཀྱིས་སྨྲས་པ། འདི་ལ་ཇི་ལྟར་བསྒྲུབ་པར་བྱ། ཡ་གད་འོན་ཅིག་དང ། འཛེགས་ཏེ་བལྟ་བར་བྱའོ། །ཞེས་དེ་དག་གིས་ཁྱེར་ཏེ་འོངས་པ་དང ། དེད་དཔོན་སིངྒ་ལ་རལ་གྲི་ཐོགས་ཏེ་འཛེགས་ནས་དེས་དེ་དག་བསྡིགས་པ་དང ། སྲིན་མོ་དེ་དག་ཁ་ཅིག་ནི། མིའི་རྐང་ལག་དག་ཐོགས་ཏེ་བྱེར། ཁ་ཅིག་ནི། མགོ་དག་ཐོགས་ཏེ་བྱེར་རོ། །དེ་ནས་དེད་དཔོན་སིངྒ་ལས་རྒྱལ་པོའི་ཕོ་བྲང་གི་སྒོ་དག་ཕྱེ་ནས། བློན་པོ་རྣམས་ཀྱིས་རྒྱལ་པོའི་ཕོ་བྲང་བྱི་དོར་བྱས་ནས་ཕོ་བྲང་འཁོར་གྱི་མི་དང ། བློན་པོ་དང ། ཡུལ་མི་དག་བསྡུས་ཏེ་སྨྲས་པ། ཤེས་ལྡན་དག་།རྒྱལ་པོ་བཙུན་མོའི་འཁོར་དང་བཅས་པ་སྲིན་མོས་ཟོས་ཏེ་གཞོན་ནུ་ཡང་མེད་ན། སུ་ཞིག་རྒྱལ་པོར་དབང་བསྐུར་བར་བྱ། དེ་ནས་ཁ་ཅིག་གིས་སྨྲས་པ། གང་སྟོབས་ཅན་ཤེས་རབ་དང་ལྡན་པའོ། །ཁ་ཅིག་
Nya262b
གིས་སྨྲས་པ། དེད་དཔོན་སིངྒ་ལ་ལས་སྙིང་སྟོབས་ཅན་ཤེས་རབ་དང་ལྡན་པ་སུ་ཞིག་ཡོད་ཀྱི། དེད་དཔོན་སིངྒ་ལ་རྒྱལ་པོར་བསྐུར་བར་བྱའོ། །དེ་ལྟར་བྱའོ། །ཞེས་དེ་དག་གིས་དེད་དཔོན་སིངྒ་ལ་ལ་སྨྲས་པ། དེད་དཔོན། རྒྱལ་སྲིད་ལོངས་ཤིག་།དེས་སྨྲས་པ། ཁོ་བོ་ནི། ཚོང་པའི་ཐ་སྙད་ཀྱིས་འཚོ་བ་ཡིན་པས། ཁོ་བོ་ལ་རྒྱལ་སྲིད་ཀྱིས་ཅི་བྱ། དེ་དག་གིས་སྨྲས་པ། དེད་དཔོན་གཞན་གྱིས་རྒྱལ་སྲིད་བྱེད་དུ་འཇུག་མི་ནུས་ཀྱི་ལོངས་ཤིག་།དེས་སྨྲས་པ། དམ་ཚིག་གིས་བླང་བར་བྱ་སྟེ། གལ་ཏེ་ཁྱེད་ཅག་ཁོ་བོའི་ཚིག་བཞིན་བྱེད་ནའོ། །དེ་དག་གིས་སྨྲས་པ། བྱེད་ཀྱི། ལོངས་ཤིག། མ་ཉེས་སོ། །དེ་དག་གིས་གྲོང་ཁྱེར་མཛེས་པར་བྱས་ནས་དེད་དཔོན་སིངྒ་ལ་བཀུར་སྟི་ཆེན་པོས་རྒྱལ་སྲིད་ལ་དབང་བསྐུར་ཏོ། རྒྱལ་པོ་སིངྒ་ལས་ཡུལ་ཐ་དད་པ་ན་གནས་པའི་རིག་སྔགས་སྨྲ་བ་དག་བོས་ཏེ་རིག་སྔགས་རྒྱ་ཆེར་སློབ་ཏུ་བཅུག་གོ། དེ་བཞིན་དུ་ཡུལ་ཐ་དད་པ་ན་གནས་པའི་འཕོང་གི་སློབ་དཔོན་དག་ཀྱང་པོས་ཏེ་རྒྱ་ཆེར་འཕོང་སློབ་ཏུ་བཅུག་ནས་བློན་པོ་རྣམས་ལ་བསྒོ་བ། ཤེས་ལྡན་དག་།དཔུང་གི་ཚོགས་ཡན་ལག་བཞི་པ་གོ་སྐོན་ཅིག་།སྲིན་མོ་དེ་དག་ཟངས་གླིང་ནས་སྐྲོད་དུ་འདོང་ངོ ། །བློན་པོ་རྣམས་ཀྱིས་དཔུང་གི་ཚོགས་ཡན་ལག་བཞི་པ་གོ་བསྐོན་ནས་རྒྱལ་པོ་སིངྒ་ལས་དཔུང་གི་ཚོགས་ཡན་ལག་བཞི་པ་གླང་པོ་ཆེ་བའི་ཚོགས་དང ། རྟ་བའི་ཚོགས་དང ། ཤིང་རྟ་བའི་ཚོགས་དང ། དཔུང་བུ་ཆུང་གི་ཚོགས་གྲུར་བཙུད་དེ་ཟངས་གླིང་དུ་འཕགས་སོ། །མཐར་གྱིས་རྒྱ་མཚོའི་འགྲམ་དུ་ཕྱིན་པ་དང ། སྲིན་མོ་དེ་དག་གིས་ཕོངས་པའི་གནས་དང་མཐུན་པའི་རྒྱལ་མཚན་གཡོ་བར་བརྩམས་
Nya263a
༄#། །ནས་དེ་དག་གིས་གྲོས་བྱ་བར་བརྩམས་པ། ཕུ་ནུ་མོ་དག་།ཕོངས་པའི་གནས་དང་མཐུན་པའི་རྒྱལ་མཚན་གཡོས་པ་ལས་ན། ཛམྦུའི་གླིང་པའི་མི་གཡུལ་འགྱེད་པར་འདོད་པ་དག་ལྷགས་གོར་མ་ཆག་གི། བལྟའོ། །ཞེས་དེ་དག་རྒྱ་མཚོའི་འགྲམ་དུ་དོང་བ་དང ། ཇི་ཙམ་ན་གྲུ་བོ་ཆེ་བ་དུ་མ་དག་རྒྱ་མཚོའི་འགྲམ་དུ་ཕྱིན་པ་མཐོང་ངོ ། །མཐོང་ནས་སྲིན་མོ་དེ་དག་གིས་ཀྱང་གཡུལ་བཤམས་པ་དང ། དེ་ནས་རིག་སྔགས་སྨྲ་བ་དག་གིས་རིག་སྔགས་དག་གིས་ཕབ་ནས་འཕོང་གི་སློབ་དཔོན་དག་གིས་ཕལ་ཆེར་བསད་དོ། །ལྷག་མ་རྣམས་ཀྱིས་རྒྱལ་པོ་སིངྒ་ལའི་རྐང་པ་གཉིས་ལ་གཏུགས་ཏེ་སྨྲས་པ། ལྷ། བཟོད་པར་གསོལ། དེས་སྨྲས་པ། དམ་ཚིག་གིས་བཟོད་པར་བྱ་སྟེ། གལ་ཏེ་ཁྱེད་ཅག་གི་གྲོང་ཁྱེར་འདི་ཕྱུང་སྟེ་གཞན་དུ་འདོང་ཞིང ། ངའི་ཡུལ་དུ་གནོད་པ་འགའ་ཡང་མི་བྱེད་ན། བཟོད་དོ། །དེ་དག་གིས་སྨྲས་པ། དེ་ལྟར་བགྱིའོ། །མཉེས་སོ། །དེ་དག་གིས་གྲོང་ཁྱེར་དེ་དག་ཕྱུང་ནས་གཞན་དུ་དོང་སྟེ་འཁོད་དོ། །རྒྱལ་པོ་སིངྒ་ལས་ཀྱང་དེར་གྲོང་ཁྱེར་བརྩིགས་ནས་རྒྱལ་པོ་སིངྒ་ལས་གནས་བཅས་པས། སིངྒ་ལའི་གླིང ། སིངྒ་ལའི་གླིང་ཞེས་བྱ་བའི་མིང་དུ་གྱུར་ཏོ། །དགེ་སློང་དག། དེའི་ཚེ་དེའི་དུས་ན་དེད་དཔོན་སིངྒ་ལ་གང་ཡིན་པ་དེ་ནི། ང་ཉིད་ཡིན་ནོ། །དེའི་ཚེ་དེའི་དུས་ན་རྒྱལ་པོ་སེངྒེ་རལ་པ་ཅན་གང་ཡིན་པ་དེ་ནི། རྒན་ཞུགས་འདི་ཉིད་ཡིན་ནོ། །དེའི་ཚེ་དེའི་དུས་ན་སྲིན་མོ་གང་ཡིན་པ་དེ་ནི། དཔེ་མེད་མ་འདི་ཡིན་ཏེ། དེའི་ཚེ་ཡང་དཔེ་མེད་མ་འདིས་འདིའི་བཙུན་མོ་འཁོར་དང་
Nya263b
བཅས་པ་ཚུལ་མ་ཡིན་པས་སྡུག་བསྔལ་བར་བྱས་ལ། ད་ལྟར་ཡང་འདིས་འདི་ཚུལ་མ་ཡིན་པས་སྡུག་བསྔལ་བར་བྱས་སོ། །ཀུན་ཏུ་རྒྱུ་མ་དུས་དཔེ་མེད་མ་ཁྲིད་དེ་ཀོའུ་ཤམྦྷིར་འོངས་ནས་སྐྱེད་མོས་ཚལ་ཞིག་ན་འདུག་གོ། །སྐྱེད་མོས་ཚལ་སྲུང་བའི་མིས་རྒྱལ་པོ་ཤར་པ་ལ་སྦྲན་པ། ལྷ། བུད་མེད་གཟུགས་བཟང་བ། བལྟ་ན་སྡུག་པ། མཛེས་པ་ཞིག་སྐྱེད་མོས་ཚལ་ན་མཆིས་ཏེ། དེ་ནི། ལྷ་ལ་འོས་པ་ལགས་སོ། །རྒྱལ་པོས་ཐོས་ནས་སྐྱེད་མོས་ཚལ་དུ་སོང་བ་དང ། དེས་མཐོང་ངོ ། །བུད་མེད་ཀྱི་ཡུལ་ནི། དབང་པོ་རྣམས་འཕྲོག་པ་ཡིན་པས། མཐོང་མ་ཐག་ཏུ་ཆགས་པར་གྱུར་ནས་དེས་ཀུན་ཏུ་རྒྱུ་མ་དུ་ལ་སྨྲས་པ། མ་དུ། འདི་སུའི་བུ་མོ་ཡིན། ལྷ། བདག་གི་བུ་མོ་ལགས་སོ། །སུ་ལ་བྱིན། ལྷ། སུ་ལ་ཡང་མ་སྩལ་ཏོ། །ང་ལ་ཅིའི་ཕྱིར་མི་སྦྱིན། ལྷ། གསོལ་ལོ། །རྒྱལ་པོས་བག་མར་བླངས་ཏེ་བཙུན་མོའི་འཁོར་གྱི་ནང་དུ་བཅུག་ནས་དེ་ལ་ཁང་བཟང་མེ་ཏོག་གི་སོའི་ཕྱེད་ཀྱང་བྱིན། བསྙེན་བཀུར་མ་ལྔ་བརྒྱ་ཡང་བྱིན། ཉི་མ་རེ་རེ་ཞིང་དྲི་དང་ཕྲེང་བ་རྒྱུའི་རིན་ཀཪྴ་པ་ཎི་ལྔ་བརྒྱ་ལྔ་བརྒྱ་ཡང་བྱིན་ནོ། །ཀུན་ཏུ་རྒྱུ་མ་དུ་ཡང་བློན་པོའི་མཆོག་ཏུ་བཅུག་གོ་།དེའི་ཚེ་ན་བད་སའི་རྒྱལ་པོ་ཤར་པ་ལ་བློན་པོའི་མཆོག་གསུམ་ཡོད་དེ། སྦྱོར་བ་འཛིན་དང ། གདངས་ཅན་དང ། མ་དུའོ། །ཇི་ཙམ་དུས་གཞན་ཞིག་ན་བད་སའི་རྒྱལ་པོ་ཤར་བའི་གན་དུ་མི་ཞིག་འོངས་ནས་རྒྱལ་པོས་དྲིས་པ། ཁྱོད་སུ་ཡིན། དེས་སྨྲས་པ། ལྷ། བདག་སྙན་སྨྲ་ལགས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།སྙན་སྨྲ་ལ་འཚོ་བ་བྱིན་ཅིག་།དེ་དག་གིས་དེ་ལ་འཚོ་བ་བྱིན་ནོ། །ཇི་ཙམ་
Nya264a
༄#། །ན་ཡང་རྒྱལ་པོའི་གན་དུ་མི་ཞིག་འོངས་ནས། རྒྱལ་པོས་དེ་ལ་དྲིས་པ། ཁྱོད་སུ་ཡིན། དེས་སྨྲས་པ། ལྷ། བདག་མི་སྙན་སྨྲ་ལགས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།མི་སྙན་སྨྲ་ལ་འཚོ་བ་བྱིན་ཅིག་།དེ་དག་གིས་སྨྲས་པ། ལྷ། གལ་ཏེ་ན་ལྷས་མི་སྙན་པ་གསན་པར་འགྱུར་ཡང་དག་པས་འདི་ལ་འཚོ་བ་མི་སྩལ་ལོ། །རྒྱལ་པོས་སྨྲས་པ། ཤེས་ལྡན་དག། རྒྱལ་པོའི་བྱ་བ་དག་ནི། རྒྱ་ཆེའི། བྱིན་ཅིག་།དེ་དག་གིས་དེ་ལ་ཡང་འཚོ་བ་བྱིན་ནོ། །ཇི་ཙམ་དུས་གཞན་ཞིག་ན། བད་སའི་རྒྱལ་པོ་ཤར་བ་བཙུན་མོ་སྔོ་བསངས་ཅན་དང ། དཔེ་མེད་མ་དང་ལྷན་ཅིག་འདུག་པ་ན། དེ་ན་རྒྱལ་པོ་སྦྲིད་པ་བྱུང་བ་དང ། སྔོ་བསངས་ཅན་གྱིས་སངས་རྒྱས་ལ་ཕྱག་འཚལ་ལོ། །ཞེས་སྨྲས་པ་དང ། དཔེ་མེད་མས་ལྷ་ལ་ཕྱག་འཚལ་ལོ། །ཞེས་བྱས་ཏེ་སྨྲས་པ། ལྷ། སྔོ་བསངས་ཅན། ལྷའི་འཚལ་མ་འཚལ་ཞིང ། དགེ་སྦྱོང་གོའུ་ཏ་མ་ལ་ཕྱག་འཚལ་བ་ལ་གཟིགས། རྒྱལ་པོས་སྨྲས་པ། དཔེ་མེད་མ། འདི་ལ་ཉེས་པ་མེད་དེ། སྔོ་བསངས་ཅན་དགེ་བསྙེན་མ་ཡིན་པས། ལོས་ཀྱང་དགེ་སྦྱོང་གོའུ་ཏ་མ་ལ་ཕྱག་འཚལ། དེ་ཅང་མི་སྨྲ་བར་འདུག་གོ། དེས་བུ་མོ་མངག་གཞུག་མ་ལ་སྨྲས་པ། བུ་མོ། གང་གི་ཚེ་ལྷ་སྔོ་བསངས་ཅན་དང ། ཁོ་མོ་དང་ལྷན་ཅིག་དབེན་པ་ན་ཞུགས་པ་དེའི་ཚེ་ན། ཁྱོད་ཀྱིས་ཐེམ་སྐས་ནས་ཁར་ཕོར་རྦབ་ཏུ་ཐོང་ཞིག་།དེས་ཇོ་མོ། བཀའ་བཞིན་འཚལ་ཞེས་གང་གི་ཚེ་དེ་དག་ལྷན་ཅིག་འདུག་པ་དེའི་ཚེ་ན། ཐེམ་སྐས་ནས་ཁར་ཕོར་རྦབ་ཏུ་བཏབ་པ་ན།
Nya264b
སྔོ་བསངས་ཅན་གྱིས་སངས་རྒྱས་ལ་ཕྱག་འཚལ་ལོ། །ཞེས་སྨྲས་པ་དང ། དཔེ་མེད་མས་ལྷ་ལ་ཕྱག་འཚལ་ལོ། །ཞེས་བྱས་ཏེ་སྨྲས་པ། ལྷ། སྔོ་བསངས་ཅན། ལྷའི་འཚལ་མ་འཚལ་ཞིང ། དགེ་སྦྱོང་གོའུ་ཏ་མ་ལ་ཕྱག་འཚལ་བ་ལ་གཟིགས། རྒྱལ་པོས་སྨྲས་པ། དཔེ་མེད་མ། ཐོང་ཞིག་།ཉེས་རྩོམ་མ་བྱེད་ཅིག་།འདི་ལ་ཉེས་པ་མེད་དེ། སྔོ་བསངས་ཅན་དགེ་བསྙེན་མ་ཡིན་པས། ལོས་ཀྱང་དགེ་སྦྱོང་གོའུ་ཏ་མ་ལ་ཕྱག་འཚལ། དེ་ཅང་མི་སྨྲ་བར་འདུག་གོ་།རྒྱལ་པོ་ཤར་པ་ཉི་མ་གཅིག་ན། སྔོ་བསངས་ཅན་གྱི་གན་དུ་ཟན་ཟ་ལ། ཉི་མ་གཉིས་པ་ལ་ནི། དཔེ་མེད་མའི་གན་དུ་ཟན་ཟའོ། །དཔེ་མེད་མས་བྱ་བ་ལ་བསྒོ་བ། གང་གི་ཉིན་མོ་ལྷ་སྔོ་བསངས་ཅན་གྱི་གན་དུ་བཤོས་གསོལ་བའི་རེས་བབ་པ་དེའི་ཉིན་མོ་གོང་མ་སྲེག་གསོན་པོ་དབུལ་བར་བྱའོ། །བྱ་བས་གང་གི་ཉིན་མོ་རྒྱལ་པོ་སྔོ་བསངས་ཅན་གྱི་གན་དུ་ཟན་ཟ་བ་དེའི་ཉིན་མོ་རྒྱལ་པོ་ལ་གོང་མ་སྲེག་གསོན་པོ་ཕུལ་བ་དང ། རྒྱལ་པོས་སྨྲས་པ། དཔེ་མེད་མ་ལ་གཏོད་ཅིག་།དཔེ་མེད་མས་ཐོས་ནས་དེས་སྨྲས་པ། ལྷ། བདག་གི་རེས་མ་ལགས་ཏེ། སྔོ་བསངས་ཅན་གྱི་རེས་ལགས་སོ། །རྒྱལ་པོས་སྨྲས་པ། ཀཝའི་བྱ་བ། སོང་ལ་སྔོ་བསངས་ཅན་ལ་གཏོད་ཅིག་།དེས་སྔོ་བསངས་ཅན་ལ་ཕུལ་ཏེ་སྨྲས་པ། ལྷའི་དོན་དུ་གཡོས་མཛོད་ཅིག་།དེས་སྨྲས་པ། ཅི། ཁོ་མོ་བྱ་བ་མོའམ། ཁོ་མོ་སྲོག་གཅོད་པར་མི་བྱེད་ཀྱི། སོང་ཞིག་།དེས་རྒྱལ་པོའི་གན་དུ་སོང་སྟེ་སྨྲས་པ། ལྷ། སྔོ་བསངས་ཅན་གྱི་མཆིད་ནས་ཅི། ཁོ་མོ་བྱ་པ་མོའམ། ཁོ་མོ་སྲོག་གཅོད་པར་མི་བྱེད་ཀྱི། སོང་ཞིག་
Nya265a
༄#། །ཅེས་མཆིའོ། །དཔེ་མེད་མས་མཐོང་ནས་སྨྲས་པ། ལྷ། གལ་ཏེ་དེ་ལ་དགེ་སྦྱོང་གོའུ་ཏ་མའི་སླད་དུ་གཡོས་གྱིས་ཤིག་།ཅེས་བགྱིས་ན་ནི། ད་ཙམ་འཁོར་དང་བཅས་ཏེ་གཡོས་བགྱིད་པར་འགྱུར་རོ། །རྒྱལ་པོས་བསམ་པ། དེ་ལྟར་འགྱུར་བ་སྙམ་ཞེས་མི་དེ་ལ་སྨྲས་པ། ཀཝའི་བྱ་བ། སོང་ལ་འདི་སྐད་ཅེས། བཅོམ་ལྡན་འདས་ཀྱི་ཕྱིར་གཡོས་གྱིས་ཤིག་།ཅེས་བྱོས་ཤིག་།དེ་འཕགས་པ་དང ། དཔེ་མེད་མས་ལྐོག་ཏུ་སོད་ལ་ཕུལ་ཅིག་ཅེས་བསྒོ་ནས། དེས་བསད་དེ་སྔོ་བསངས་ཅན་ལ་ཕུལ་ནས་སྨྲས་པ། ལྷའི་ཞལ་ནས་བཅོམ་ལྡན་འདས་ཀྱི་ཕྱིར་གཡོས་གྱིས་ཤིག་ཅེས་བྱུང་ངོ ། །སྔོ་བསངས་ཅན་འཁོར་དང་བཅས་པས་གཡོས་བྱ་བར་བརྩམས་སོ། །བྱ་བས་སོང་སྟེ་རྒྱལ་པོ་ལ་སྨྲས་པ། ལྷ། སྔོ་བསངས་ཅན་འཁོར་དང་བཅས་པས་གཡོས་བགྱི་བར་བརྩམས་སོ། །དཔེ་མེད་མས་སྨྲས་པ།་ལྷས་གསན་ཏམ། གལ་ཏེ་སྲོག་གཅོད་པར་མི་བགྱིད་ན་ནི། དགེ་སྦྱོང་གོའུ་ཏ་མའི་སླད་དུ་ཡང་མི་བགྱིད་ལ། ལྷའི་སླད་དུ་ཡང་མི་བགྱིད་པའི་རིགས་ན། དགེ་སྦྱོང་གོའུ་ཏ་མའི་སླད་དུ་ནི། བགྱིད་ལ་ལྷའི་སླད་དུ་ནི། མི་བགྱིད་པ་དེ་ཇི་ལྟ་བུ་ཞིག་།རྒྱལ་པོ་ཁྲོས་པར་གྱུར་ནས་གཞུ་བཀང་སྟེ་འཕགས་སོ། །འཇིག་རྟེན་ནི། མཛའ་བཤེས་དང ། དགྲ་བོ་དང ། ཐ་མལ་པ་ཡིན་པས། ཁ་ཅིག་གིས་ནི། སྔོ་སངས་ཅན་ལ་སྨྲས་པ། ལྷ་ཤིན་ཏུ་ཁྲོས་ནས་གཞུ་བཀང་སྟེ་འོང་གི། ཐབས་སོམས་ཤིག་།དེས་རང་གི་འཁོར་ལ་སྨྲས་པ། ནུ་མོ་དག་།ཁྱེད་ཅག་ཐམས་ཅད་བྱམས་པ་ལ་སྙོམས་པར་ཞུགས་ཤིག་།དེ་དག་ཐམས་
Nya265b
ཅད་བྱམས་པ་ལ་སྙོམས་པར་ཞུགས་སོ། །རྒྱལ་པོས་གཞུ་རྣ་དྲུང་དུ་ཐུག་པར་བཀང་སྟེ་མདའ་འཕངས་པ་དང ། དེ་ལ་མ་ཕྱེད་དུ་ལྟུང་ངོ ། །མདའ་གཉིས་པ་འཕངས་པ་དང ། དེ་ཕྱིར་ལོག་སྟེ་རྒྱལ་པོའི་དྲུང་དུ་ལྟུང་ངོ ། ། མདའ་གསུམ་པ་འཕང་བར་བརྩམས་པ་དང ། སྔོ་བསངས་ཅན་གྱིས་སྨྲས་པ། ལྷ། མ་འཕེན་ཅིག་།ཁྱོད་ཐམས་ཅད་ཀྱི་ཐམས་ཅད་དུ་མ་མཆིས་པར་འགྱུར་བ་མ་མཛད་ཅིག་།རྒྱལ་པོ་སྐྲག་སྟེ་སྨྲས་པ། ཁྱོད་ལྷ་མོའམ། ཀླུ་མོའམ། གནོད་སྦྱིན་མོའམ། དྲི་ཟ་མོའམ། ནམ་མཁའ་ལྡིང་མོའམ། མིའམ་ཅི་མོའམ། ལྟོ་འཕྱེ་ཆེན་མོའམ། སུ་ཡིན། དེས་སྨྲས་པ། ལྷ། བདག་ནི། ལྷ་མོ་ཡང་མ་ལགས། ཀླུ་མོ་ཡང་མ་ལགས་གནོད་སྦྱིན་མོ་ཡང་མ་ལགས། དྲི་ཟ་མོ་ཡང་མ་ལགས། མིའམ་ཅི་མོ་ཡང་མ་ལགས། ལྟོ་འཕྱེ་ཆེན་མོ་ཡང་མ་ལགས་སོ། །འོ་ན་ཁྱོད་སུ་ཡིན། ལྷ། བདག་ནི། བཅོམ་ལྡན་འདས་ཀྱི་ཉན་ཐོས་མ་ཕྱིར་མི་འོང་བ་སྟེ། བདག་གིས་བཅོམ་ལྡན་འདས་ཀྱི་དྲུང་ནས་ཕྱིར་མི་འོང་བའི་འབྲས་བུ་མངོན་སུམ་དུ་བགྱིས་སོ། །བུད་མེད་ལྔ་བརྒྱ་པོ་འདི་དག་གིས་ཀྱང་བདེན་པ་དག་མཐོང་ངོ ། །རྒྱལ་པོ་མངོན་པར་དད་པར་གྱུར་ནས་སྨྲས་པ། ཁྱོད་ལ་དམ་པ་ཅི་ཞིག་སྦྱིན་པར་བྱ་བ་སྨྲོས་ཤིག་།དེས་སྨྲས་པ། གལ་ཏེ་ལྷ་བདག་ལ་མངོན་པར་དད་ན། གང་གི་ཚེ་ལྟ་བཙུན་མོའི་འཁོར་གྱི་ནང་དུ་གཤེགས་པ་དེའི་ཚེ་ན། བདག་ལ་སྲིང་མོའི་འདུ་ཤེས་ཉེ་བར་ཞོག་ཅིག་།རྒྱལ་པོས་སྨྲས་པ། མ་ཉེས་ཀྱི། དེ་བཞིན་བྱའོ། །རྒྱལ་པོ་དེ་དཔེ་མེད་མ་དང་ལྷན་ཅིག་རྩེ་བ་དང ། དགའ་བ་དང ། དགའ་མགུར་སྤྱོད་པར་བྱེད་པ་ཉམས་སུ་མྱོང་བར་བྱེད་དོ། །སྔོ་བསངས་
Nya266a
༄#། །ཅན་ལ་ཆོས་ཀྱི་རྒྱུ་ལས་བྱུང་བའི་དད་པ་སྐྱེད་པར་བྱེད་ཅིང ། དེ་ལ་ལོ་ཐོག་གསར་པ་དང ། འབྲས་བུ་གསར་པ་དང ། དུས་ཚིགས་གསར་པ་གང་དག་འགྲུབ་པ་དེ་དག་ནི། དང་པོ་ཁོ་ནར་སྔོ་བསངས་ཅན་ལ་འབུལ་བར་བྱེད་དོ། བུད་མེད་ཀྱི་ཡུལ་ནི། ཕྲག་དོག་གི་རང་བཞིན་ཅན་ཡིན་པས། དཔེ་མེད་མས་བསམ་པ། རྒྱལ་པོ་འདི། བདག་དང་ལྷན་ཅིག་རྩེ་བ་དང ། དགའ་བ་དང ། དགའ་མགུར་སྤྱོད་པར་བྱེད་པ་ཉམས་སུ་མྱོང་བར་བྱེད་ལ། འདི་ལ་ལོ་ཐོག་གསར་པ་དང ། འབྲས་བུ་གསར་པ་དང ། དུས་ཚིགས་གསར་པ་གང་དག་འགྲུབ་པ་དེ་དག་ནི། དང་པོ་ཁོ་ནར་སྔོ་བསངས་ཅན་ལ་འབུལ་བར་བྱེད་པས། གང་གིས་སྔོ་བསངས་ཅན་འདི་གསོད་པར་འགྱུར་བ་དེ་ལྟ་བུའི་ཐབས་ཀྱི་རྣམ་པ་ཞིག་བྱའོ། །སྙམ་ནས་དེ་གསད་པའི་ཕྱིར་ཀླན་ཀ་ཚོལ་ཞིང་དེ་ལྷུར་ལེན་ཞིང་འདུག་གོ་།ཇི་ཙམ་ན་དུས་གཞན་ཞིག་ན་བད་སའི་རྒྱལ་པོ་ཤར་པའི་རི་བྲག་པ་ཞིག་ལོག་ནས། དེས་དེར་རུ་གཅིག་བཏང་ན། དེ་བཅོམ་ཞིང་རབ་ཏུ་བཅོམ་སྟེ་འོངས་སོ། །དེ་བཞིན་དུ་རུ་གཉིས་པ་དང ། གསུམ་པ་བཏང་ན། དེ་ཡང་བཅོམ་ཞིང་རབ་ཏུ་བཅོམ་སྟེ་འོངས་ནས་བློན་པོ་རྣམས་ཀྱིས་སྨྲས་པ། ལྷའི་དཔུང་ནི། ཉམས་ཤིང་རི་བྲག་པའི་དཔུང་ནི། སྐྱེས་ཏེ། གལ་ཏེ་ལྷ་རང་ཉིད་མ་གཤེགས་ན། དེ་ཕེབས་དཀའ་བར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ། །དེས་ཀོའུ་ཤམྦྷིར་དྲིལ་སྒྲོག་པ་བྱེད་དུ་བཅུག་སྟེ། ངའི་ཡུལ་ན་གང་དག་མཚོན་ཆས་འཚོ་བ་ཇི་སྙེད་འཁོད་པ་དེ་དག་ཐམས་ཅད་ཀྱིས་འདོང་བར་བྱའོ། །ཞེས་བསྒོས་ཏེ་དེ་ནས་
Nya266b
འཕགས་སོ། །རྒྱལ་པོས་སྦྱོར་བ་འཛིན་ལ་སྨྲས་པ། ཁྱོད་སྔོ་བསངས་ཅན་ལ་མཁོ་བ་སྟོབ་ཅིང་འདི་ཉིད་ན་འདུག་ཅིག་།དེས་སྨྲས་པ། ལྷ། དེ་ལྟར་མི་རུང་སྟེ། བདག་ཀྱང་ལྷ་ཉིད་དང་ཐབས་ཅིག་མཆིའོ། །རྒྱལ་པོས་གདངས་ཅན་ལ་སྨྲས་པ། ཁྱོད་སྔོ་བསངས་ཅན་ལ་མཁོ་བ་སྟོབ་ཅིང་འདི་ཉིད་ན་འདུག་ཅིག་།དེས་ཀྱང་སྨྲས་པ། ལྷ། དེ་ལྟར་མི་རུང་སྟེ། བདག་ཀྱང་ལྷ་ཉིད་དང་ཐབས་ཅིག་མཆིའོ། །རྒྱལ་པོས་མ་དུ་བཞག་སྟེ་སྨྲས་པ། ཁྱོད་སྔོ་བསངས་ཅན་ལ་མཁོ་བ་སྟོབ་ཅིང་འདི་ཉིད་ན་འདུག་ཅིག་།ཅེས་བསྒོས་ཏེ་འཕགས་པ་དང ། དེས་ཀྱང་ཕྱི་བཞིན་སྐྱེལ་བཞིན་དུ་ལྷ། དེ་ལྟར་མི་རུང་སྟེ། བདག་ཀྱང་ལྷ་ཉིད་དང་ཐབས་ཅིག་མཆིའོ། །ཞེས་ལན་གསུམ་གྱི་བར་དུ་གསོལ་ཀྱང་རྒྱལ་པོས་མ་གནང་ནས་དེས་ཁས་བླངས་སོ། །མ་དུ་དཔེ་མེད་མའི་གན་དུ་སོང་བ་དང ། དེས་དྲིས་པ། ཡབ། ལྷས་འདིར་སུ་བཞག་།བདག་བཞག་གོ་།དེས་བསམ་པ། མ་ཉེས་ཀྱི། གྲོགས་འདིས་འཁོན་གྱི་ཤ་གླན་པར་ནུས་སོ། །སྙམ་དུ་རིག་ནས་སྨྲས་པ། ཡབ། སྔོ་བསངས་ཅན་བདག་གི་ཅིར་འོང་མཁྱེན་ཏམ། བུ་མོ། འཚལ་ཏེ། ཆེན་མའོ། །ཡབ། བུད་མེད་ཀྱི་ཡུལ་ལ་ཆོས་གང་ཤིན་ཏུ་གནོད་པ་མཁྱེན་ཏམ། བུ་མོ། །འཚལ་ཏེ། ཕྲག་དོག་དང ། སེར་སྣའོ། །ཡབ། གལ་ཏེ་དེ་ལྟ་ན། སྔོ་བསངས་ཅན་ཁུམ་ཞིག་།བུ་མོ། ཅི། བདག་ལ་མགོ་གཉིས་མཆིས་སམ། རྒྱལ་པོས་ལན་གསུམ་གྱི་བར་དུ་སྔོ་བསངས་ཅན་ལ་མཁོ་བ་སྟོབས་ཤིག་ཅེས་བཀའ་སྩལ་གྱི། ཁྱོད་ཀྱི་མིང་ཡང་མ་སྨྲོས་སོ། །དེས་སྨྲས་པ། ཡབ། ཁྱོད་འདི་ལྟར་གླན་ནམ། བུ་མོའི་དོན་དུ་ཕ་ལ་ཅུང་ཟད་འཚོལ་བ་སུ་ཡོད་དེ། རྒྱུ་མེད་པར་ཡང་དེ་ལ་བྱམས་
Nya267a
༄#། །པར་བྱེད་དོ། །དེའི་ཕྱིར་གལ་ཏེ་ཇེ་དེ་གསོད་ན། དེ་ལྟ་ན་ལེགས། གལ་ཏེ་མི་གསོད་ན། ཁོ་མོས་ཁྱོད་སྔོན་གྱི་གནས་ཉིད་དུ་གཞག་པར་བྱའོ། །དེ་སྐྲག་སྟེ་བསམ་པ། རྒྱལ་པོ་དེ་བུད་མེད་ཀྱི་དབང་དུ་སོང་བ་ཡིན་པས་དེ་ལྟར་འགྱུར་རོ། །སྙམ་དུ་རིག་ནས་སྨྲས་པ། བུ་མོ། །གྱི་ན་དེ་བཞིན་དུ་གསད་པར་མི་ནུས་ཏེ། འདི་ལྟར། ཐབས་ཀྱི་རྣམ་པ་ཞིག་བྱའོ། །དེས་སྨྲས་པ། མ་ཉེས་ཀྱི། དེ་བཞིན་གྱིས་ཤིག ། དེས་སྔོ་བསངས་ཅན་ལ་སྨྲས་པ། ལྷ་མོ། ཅི་བགྱི་བ་བཀའ་སྩལ་ཅིག་།དེས་སྨྲས་པ། མ་དུ། བྱ་བ་ཅུང་ཟད་ཀྱང་མེད་དེ། འདི་ལྟར། བུ་མོ་འདི་དག་མཚན་མོ་མེ་མར་ལ་སངས་རྒྱས་ཀྱི་བཀའ་ཀློག་པས་དེར་གྲོ་བ་དང ། འབྲུ་མར་དང ། སྣག་ཚ་དང ། སྙུག་གུ་དང ། ཤིང་བལ་དགོས་སོ། །དེས་སྨྲས་པ། ལྷ་མོ། མ་ནོངས་ཀྱི། སྦྱོར་དུ་སྩལ་ཏོ། །ཞེས་དེས་མང་པོ་སྦྱོར་དུ་བཅུག་སྟེ་ནང་དུ་བསྐྱལ་ནས་སྒོ་ཁང་དུ་ཕུང་པོར་བཅེར་ཏེ་བཞག་གོ་།སྔོ་བསངས་ཅན་གྱིས་སྨྲས་པ། མ་དུ། ཆོག་གི་ཐོང་ཞིག་།མ་དུས་སྨྲས་པ། ལྷ་མོ། འཇུག་ཏུ་སྩལ་ཏེ། སླན་ཆད་ཡང་དང་ཡང་དུ་འཇུག་ཏུ་མི་སྩལ་བར་བགྱིའོ། །ཞེས་དེས་འཇུག་ཏུ་བཅུག་ནས་གྲོ་བའི་ཁུར་ཕྱི་མར་མེ་བཅུག་སྟེ་འཇུག་ཏུ་བཅུག་པ་དང ། མེ་འབར་བ་དེས་སྒོ་ཁང་ལ་མཆེད་ནས་ཀོའུ་ཤམྦྷི་ན་གནས་པའི་སྐྱེ་བོའི་ཚོགས་ཀྱིས་མེ་གསོད་དུ་རྒྱུགས་པ་དང ། མ་དུས། རལ་གྲི་ཤུབས་ནས་ཕྱུང་སྟེ་ཁྱེད་ཅག་ཅིའི་ཕྱིར་རྒྱལ་པོའི་བཙུན་མོའི་འཁོར་གྱི་ནང་དུ་འཇུག་པར་འདོད། སྡོད་ཅིག་།ཅེས་སྐྱེ་བོའི་ཚོགས་ཕྱིར་བཟློག་པར་བརྩམས་སོ། །འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་གྱིས་སྨྲས་
Nya267b
པ།་ཁོ་བོས་སྒོ་ཁང་ལ་མེ་མཆེད་པ་འདི་འཁྲུལ་འཁོར་གྱིས་གནས་གཞན་དུ་སྤོ་བར་བྱའོ། །མ་དུས་དེ་ཡང་དེ་ཇི་བཞིན་དུ་ཕྱིར་བཟློག་གོ། །སྔོ་བསངས་ཅན་རྫུ་འཕྲུལ་གྱིས་ནམ་མཁའ་ལ་གྱེན་དུ་འཕགས་ཏེ་སྨྲས་པ། ནུ་མོ་དག་།བདག་ཅག་གིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། བདག་ཅག་གིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། བཅོམ་ལྡན་འདས་ཀྱིས་ཀྱང ། བར་སྣང་རྒྱ་མཚོའི་ནང་དང་ནི། །རི་ཡི་སུལ་དུ་ཞུགས་གྱུར་ཏམ། །གང་དུ་གནས་ན་ལས་རྣམས་ཀྱིས། །མི་ཚུགས་འགྱུར་བའི་ས་ཕྱོགས་མེད། །ཅེས་གསུངས་པས་བདག་ཅག་ལ་ལས་དེ་གཞོལ་བར་འགྱུར་རོ། །ཞེས་སྨྲས་ནས། ཚིགས་སུ་བཅད་པ་སྨྲས་པ། བདག་གིས་རྩིག་དོས་དཀར་ཁུང་ནས། །བཅོམ་ལྡན་འདས་ནི་མཐོང་གྱུར་ཏེ། །སངས་རྒྱས་ཀྱི་ནི་བསྟན་པ་ལ། །བདེན་པ་དག་ན་ཀུན་ཤེས་བྱས། །དེ་དག་ཕྱེ་མ་ལེབ་བཞིན་དུ་གྱེན་དུ་མཆོང་ཞིང་མཆོང་ཞིང་མེར་ལྷུང་བར་གྱུར་ཏོ། །དེ་ན་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་ནི། ཚིག་གོ་།སྒུར་མཆོག་ནི། ཆུའི་སྟོར་ཁུང་ནས་བྲོས་སོ། །མ་དུས་བུད་མེད་ལྔ་བརྒྱ་པོ་དེ་དག་གི་རོ་དུར་ཁྲོད་དུ་བོར་ནས་རྒྱལ་པོའི་ཕོ་བྲང་ནང་དང་ཕྱི་རོལ་དང་བཅས་པའི་ཕྱིར་དོར་བྱས་ཏེ་ཀོའུ་ཤམྦྷི་ན་གནས་པ་དང ། ཡུལ་ཐ་དད་པ་ནས་ལྷགས་པའི་སྐྱེ་བོའི་ཚོགས་དུ་མ་དག་བཟློག་གོ་།དེ་ནས་དགེ་སློང་རབ་ཏུ་མང་པོ་དག་།སྔ་དྲོ་ཤམ་ཐབས་
Nya268a
༄#། །བགོས། ལྷུང་བཟེད་དང་ཆོས་གོས་ཐོགས་ཏེ་ཀོའུ་ཤམྦྷི་ར་བསོད་སྙོམས་ལ་ཞུགས་པ་དང ། དགེ་སློང་རབ་ཏུ་མང་པོ་དག་ཀོའུ་ཤམྦྷིར་བསོད་སྙོམས་ལ་རྒྱུ་བས། བད་སའི་རྒྱལ་པོ་ཤར་པ་ལྗོངས་སུ་སོང་བའི་བཙུན་མོའི་འཁོར་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་ཙམ་མེས་ཚིག་ཅེས་ཐོས་སོ། །ཐོས་ནས་ཀྱང་ཀོའུ་ཤམྦྷིར་བསོད་སྙོམས་རྒྱུས་ནས་ཟས་ཀྱི་བྱ་བ་བྱས་ཏེ་ཕྱི་མའི་ཟས་ཀྱི་བསོད་སྙོམས་ལས་ཕྱིར་ལོག་པས་ཇི་ལྟར་ལོངས་སྤྱོད་པའི་གནས་མཁོས་སུ་ཕབ་སྟེ་རྐང་པ་གཉིས་བཀྲུས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འཁོད་དོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་འདི་སྐད་ཅེས་གསོལ་ཏོ། །བཙུན་པ། འདི་ན་བདག་ཅག་དགེ་སློང་རབ་ཏུ་མང་པོ་དག་།སྔ་དྲོ་ཤམ་ཐབས་འཚལ། ལྷུང་བཟེད་དང་ཆོས་གོས་ཐོགས་ཏེ་ཀོའུ་ཤམྦྷིར་བསོད་སྙོམས་ལ་ཞུགས་ན། བཙུན་པ། བདག་ཅག་དགེ་སློང་རབ་ཏུ་མང་པོ་ཀོའུ་ཤམྦྷིར་བསོད་སྙོམས་ལ་རྒྱུ་བ་དག་གིས་བད་སའི་རྒྱལ་པོ་ཤར་པ་ལྗོངས་སུ་མཆིས་པའི་མཆིས་བྲང་གི་འཁོར་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་ཙམ་ཞུགས་ཀྱིས་དྲལ་ཅེས་ཐོས་སོ། །དགེ་སློང་དག་།གང་གིས་བད་སའི་རྒྱལ་པོ་ཤར་པ་ལྗོངས་སུ་སོང་བའི་བཙུན་མོའི་འཁོར་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་ཙམ་མེས་བསྲེགས་པའི་མི་
Nya268b
གཏི་མུག་ཅན་དེས་བསོད་ནམས་མ་ཡིན་པ་མང་པོ་བསྐྱེད་དོ། །དགེ་སློང་དག་།འདི་ལྟར། མི་གཏི་མུག་ཅན་དེས་བསོད་ནམས་མ་ཡིན་པ་མང་པོ་བསྐྱེད་མོད་ཀྱི། བུད་མེད་དེ་དག་ནི། འབྲས་བུ་མེད་པར་དུས་ལ་བབ་པ་མ་ཡིན་ནོ། དེ་ཅིའི་ཕྱིར་ཞེ་ན། བཙུན་མོའི་འཁོར་དེ་ན་བུད་མེད་གང་དག་གིས་ཐ་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་སྤངས་པས་རྫུས་ཏེ་སྐྱེས་ཤིང་དེར་ཡོངས་སུ་མྱ་ངན་ལས་འདའ་བ། ཕྱིར་མི་འོང་བ། ཡང་འཇིག་རྟེན་འདིར་ཕྱིར་མི་ལྡོག་པའི་ཆོས་ཅན་དེ་ལྟ་བུའི་བུད་མེད་དག་བཙུན་མོའི་འཁོར་དེ་ན་ཡོད་པ་དང ། བཙུན་མོའི་འཁོར་དེ་ན་བུད་མེད་གང་དག་གིས་ཀུན་ཏུ་སྦྱོར་བ་གསུམ་སྤངས་པས། འདོད་ཆགས་དང ། ཞེ་སྡང་དང་གཏི་མུག་བསྲབས་པའི་ཕྱིར་ལན་གཅིག་ཕྱིར་འོང་བ། ལན་གཅིག་འཇིག་རྟེན་འདིར་འོངས་ནས་སྡུག་བསྔལ་མཐར་བྱེད་པར་འགྱུར་བ་དེ་ལྟ་བུའི་བུད་མེད་དག་ཀྱང་བཙུན་མོའི་འཁོར་དེ་ན་ཡོད་པ་དང ། བཙུན་མོའི་འཁོར་དེ་ན་བུད་མེད་གང་དག་གིས་ཀུན་ཏུ་སྦྱོར་བ་གསུམ་སྤངས་པས་རྒྱུན་ཏུ་ཞུགས་པ་ལོག་པར་མི་ལྟུང་བའི་ཆོས་ཅན། རྫོགས་པའི་བྱང་ཆུབ་ལ་ངེས་པར་གཞོལ་བ། རེ་ལྟར་ཐོགས་ན་སྲིད་པ་ལན་བདུན་པ་ལན་བདུན་ལྷ་དང་མི་རྣམས་སུ་མཚམས་སྦྱར་ནས་སྡུག་བསྔལ་མཐར་བྱེད་པར་འགྱུར་བ་དེ་ལྟ་བུའི་བུད་མེད་དག་ཀྱང་བཙུན་མོའི་འཁོར་དེ་ན་ཡོད་པ་དང ། བཙུན་མོའི་འཁོར་དེ་ན་བུད་མེད་གང་དག་རང་གི་སྲོག་གི་ཕྱིར་ཡང་བསླབ་པ་དག་ལས་འདའ་བར་མི་བྱེད་པ་དེ་ལྟ་བུའི་བུད་མེད་དག་ཀྱང་བཙུན་མོའི་འཁོར་དེ་ན་ཡོད་པ་དང ། བཙུན་མོའི་འཁོར་དེ་ན་བུད་མེད་གང་དག་ང་ལ་སེམས་དད་པས་དུས་
Nya269a
༄#། །བྱས་ཤིང་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བ་དེ་ལྟ་བུའི་བུད་མེད་དག་ཀྱང་བཙུན་མོའི་འཁོར་དེ་ལ་ཡོད་པའི་ཕྱིར་རོ། །དགེ་སློང་དག་།ཚུར་ཤོག་།སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་པོ་དག་གིས་རོ་ག་ལ་བ་དེར་འདོང་ངོ ། །དགེ་སློང་རྣམས་ཀྱིས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ཏོ། །དེ་ནས་བཅོམ་ལྡན་འདས་དགེ་སློང་རབ་ཏུ་མང་པོ་དག་དང་ཐབས་ཅིག་བུད་མེད་ལྔ་བརྒྱ་པོ་དེ་དག་གི་རོ་ག་ལ་བ་དེར་གཤེགས་ཏེ་བྱོན་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།བུད་མེད་ལྔ་བརྒྱའི་རོ་འདི་དག་ནི། གང་ལ་བད་སའི་རྒྱལ་པོ་ཤར་པ་ཆགས་པ་དང ། ཞེན་པ་དང ། འཆུམས་པ་དང ། མདུད་པ་བོར་བ་དང ། བརྒྱལ་པ་དང ། ལྷག་པར་ཆགས་པ་དང ། ལྷག་པར་ཆགས་ཤིང་འདུག་པ་དག་ཡིན་ན། ད་ནི། འདི་དག་ལ་རྐང་པ་དག་གིས་རེག་པར་ཡང་སུ་ཞིག་བྱེད། ཚིགས་སུ་བཅད་པ་ཡང་བཀའ་སྩལ་པ། འཇིག་རྟེན་སྙིང་པོ་མེད་བྲེལ་ལ། །སྐལ་ལྡན་གཟུགས་བཞིན་ལྟ་བར་བྱེད། །བྱིས་པ་ཉོན་མོངས་བཅིངས་གྱུར་ཅིང ། །མུན་པས་ཡོངས་སུ་བསྐོར་བ་དག་།དམ་པ་མིན་ལ་དམ་པར་ལྟ། །མཐོང་བ་རྣམས་ལ་ཅི་ཡང་མེད། །དགེ་སློང་དག། དེ་ལྟ་བས་ན། ཁྱེད་ཀྱིས་འདི་ལྟར་བསླབ་པར་བྱ་སྟེ། ཀ་བ་ཚིག་པ་གང་ཡིན་པ་ལ་ཡང་སེམས་རབ་ཏུ་སྡང་བར་མི་བྱ་ན། རྣམ་པར་ཤེས་པ་དང་བཅས་པའི་ལུས་ལ་ལྟ་སྨོས་ཀྱང་ཅི་དགོས་ཏེ། དགེ་
Nya269b
སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །ཀོའུ་ཤམྦྷི་ན་གནས་པ། ཕོ་བྲང་འཁོར་གྱི་མི་དག་འདུས་ཏེ་གྲོས་བྱ་བར་བཙམས་པ། ཤེས་ལྡན་དག་།རྒྱལ་པོ་ལ་གནོད་པ་འདི་ལྟ་བུ་བྱུང་ན། བདག་ཅག་ལས་གང་གིས་རྒྱལ་པོ་ལ་བརྗོད་པར་བྱ། དེ་ན་ཁ་ཅིག་གིས་སྨྲས་པ། མི་སྙན་སྨྲ་གང་ཡིན་པ་དེ་བརྗོད་དུ་གཞུག་གི་།འབོད་དོ། །གཞན་དག་གིས་སྨྲས་པ། མ་ཉེས་ཀྱི། དེ་ལྟར་བྱའོ། །ཞེས་དེ་དག་གིས་དེ་བོས་ཏེ་སྨྲས་པ། ལྷ་ལ་མི་སྙན་པ་འདི་གོ་རིམ་བཞིན་དུ་གསོལ་ཅིག་།དེས་སྨྲས་པ། དེའི་ཚེ་ཁྱེད་ཅག་ན་རེ། ཅི་ཕྱིར་མི་སྙན་སྨྲ་ལ་འཚོ་བ་སྦྱིན་པར་བྱ་ཞེས་ཟེར་ན། ང་དེའི་དུས་འདི་ཡིན་གྱི། ཁྱེད་ཅག་ཉིད་ཀྱིས་གསོལ་ཅིག་།དེ་དག་གིས་སྨྲས་པ། དེའི་དོན་ཉིད་དུ་ཁྱོད་ལ་འཚོ་བ་བྱིན་པ་ཡིན་ན། གཞན་སུ་ཞིག་གསོལ་བར་བྱེད། ཁྱོད་ཀྱིས་གསོལ་ཅིག་།དེས་སྨྲས་པ། དམ་ཚིག་གིས་གསོལ་བར་བྱ་སྟེ། ཁོ་བོ་ཅི་ཟེར་བ་དེ་བཞིན་གྱིས་ཤིག་དང ། གསོལ་བར་བྱའོ། །སྨྲོས་ཤིག་དང ། དེ་བཞིན་བྱའོ། །གོ་རིམ་འདི་ལྟར་གསོལ་བར་བྱ་སྟེ། ཁོ་བོ་ལ་གླང་པོ་ཆེ་ལྔ་བརྒྱ་དང ། བལ་གླང་མོ་ལྔ་བརྒྱ་དང ། རྟ་ལྔ་བརྒྱ་དང ། རྒོད་མ་ལྔ་བརྒྱ་དང ། གཞོན་ནུ་ལྔ་བརྒྱ་དང ། གཞོན་ནུ་མ་ལྔ་བརྒྱ་དང ། གསེར་འབུམ་དང ། རས་ལ་ཀོའུ་ཤམྦྷིའི་གནས་དང ། ཁང་བཟང་མེ་ཏོག་སོ་དང ། ཇི་ལྟར་མ་དུས་གྲོ་བ་དང ། འབྲུ་མར་དང ། སྣག་ཆེ་དང ། སྨྱུ་གུ་དང ། ཤིང་བལ་བསྐྱས་ཤིང ། གྲོ་བའི་ཁུར་ཕྱི་མའི་ནང་དུ་མེ་བཅུག་པར་དང ། ཇི་ལྟར་སྒོ་ཁང་ལ་མེ་མཆེད་པ་དང ། ཇི་ལྟར་ཀོའུ་ཤམྦྷི་ན་གནས་པའི་སྐྱེ་པོའི་ཚོགས་ཀྱིས་མེ་གསོད་དུ་རྒྱུགས་པ་དང ། མ་
Nya270a
༄#། །དུས་རལ་གྲི་ཤུབས་ནས་ཕྱུང་སྟེ་ཕྱིར་བཟློག་པ་དང ། ཇི་ལྟར་འཁྲུལ་འཁོར་གྱི་སྒྱུ་རྩལ་གྱིས་སློབ་དཔོན་གྱིས་སྒོ་ཁང་ལ་མེ་མཆེད་པ་འཁྲུལ་འཁོར་གྱིས་གནས་གཞན་དུ་སྤོའོ།། ཞེས་ཟེར་བ་ན། མ་དུས་དེ་བཞིན་དུ་ཕྱིར་བཟློག་པ་དང ། ཇི་ལྟར་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་ཕྱེ་མ་ལེབ་བཞིན་དུ་གྱེན་དུ་མཆོང་ཞིང་མཆོང་ཞིང་མེར་ལྟུང་བ་དག་རི་མོར་བྲིས་ཏེ་བྱིན་ཅིག་།དེ་དག་གིས་སྨྲས་པ། དེ་ལྟར་བྱའོ། །ཞེས་དེ་དག་གིས་དེ་ལ་གླང་པོ་ཆེ་ལྔ་བརྒྱ་དང ། བལ་གླང་པོ་ལྔ་བརྒྱ་དང ། རྟ་ལྔ་བརྒྱ་དང ། རྒོད་མ་ལྔ་བརྒྱ་དང ། གཞོན་ནུ་ལྔ་བརྒྱ་དང ། གཞོན་ནུ་མ་ལྔ་བརྒྱ་དང ། གསེར་འབུམ་དང ། རས་ལ་ཀོའུ་ཤམྦྷིའི་གནས་དང ། ཁང་བཟང་མེ་ཏོག་གི་སོ་དང ། ཇི་ལྟར་མ་དུས་གྲོ་བ་དང ། འབྲུ་མར་དང ། སྣག་ཚ་དང ། སྨྱུ་གུ་དང ། ཤིང་བལ་བསྐྱས་ཤིང ། གྲོ་བའི་ཁུར་ཕྱི་མའི་ནང་དུ་མེ་བཅུག་པ་དང ། ཇི་ལྟར་སྒོ་ཁང་ལ་མེ་མཆེད་པ་དང ། ཇི་ལྟར་ཀོའུ་ཤམྦྷི་ན་གནས་པའི་སྐྱེ་བོའི་ཚོགས་ཀྱིས་མེ་གསོད་དུ་རྒྱུགས་པན། མ་དུས་རལ་གྲི་ཤུབས་ནས་ཕྱུང་སྟེ་ཕྱིར་བཟློག་པ་དང ། ཇི་ལྟར་འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་གྱི་སྒོ་ཁང་ལ་མེ་མཆེད་པ་འཁྲུལ་འཁོར་གྱིས་གནས་གཞན་དུ་སྤོའོ། །ཞེས་ཟེར་བ་ན། མ་དུས་དེ་བཞིན་དུ་ཕྱིར་བཟློག་པ་དང ། ཇི་ལྟར་སྡོ་བསངས་ཅན་ལ་སོགས་པ་བུད་མེད་ལྔ་བརྒྱ་ཕྱེ་མ་ལེབ་བཞིན་གྱེན་དུ་མཆོང་ཞིང་མཆོང་ཞིང་མེར་ལྟུང་བ་དག་རི་མོར་བྲིས་ཏེ་བྱིན་ནོ། །དེ་ནས་མི་སྙན་སྨྲས་བློན་པོ་རྣམས་ལ་ཡི་གེ་སྤྲིང་
Nya270b
སྟེ།་རྒྱལ་པོ་ལ་གནོད་པ་འདི་ལྟ་བུ་བྱུང་བ། ཁོ་བོས་ཐབས་འདིས་བརྗོད་པར་བྱའོ། །ཁྱོད་ཀྱིས་གྲོགས་ཀྱི་ཤིག་།ཅེས་བྱས་སོ། །དེས་དེ་དག་ལ་ཡི་གེ་སྤྲིང་ནས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ་ཕྱོགས་གཞན་ཞིག་ཏུ་སོང་ནས་དེར་བསྡད་དེ། རྒྱལ་པོ་ཤར་པ་ལ་འཕྲིན་ཡིག་འདི་སྐད་ཅེས། ལྷ། བདག་ནི། ཡུལ་ག་གེ་མོ་ཞིག་གི་རྒྱལ་པོ་སྟེ། བདག་གི་བུ་འཆི་བདག་གིས་འཕྲོག་ནས་དེའི་ཕྱིར་བདག་དེ་དང་ལྷན་ཅིག་གཡུལ་སྤྲོད་པར་བྱེད་དེ། གལ་ཏེ་རེ་ཞིག་གཡུལ་སྤྲད་པས་དེ་ཕམ་པར་ནུས་ན། དེ་ལྟ་ན་ལེགས། གལ་ཏེ་མ་ནུས་ན། གླང་པོ་ཆེ་ལྔ་བརྒྱ་དང ། བལ་གླང་མོ་ལྔ་བརྒྱ་དང ། རྟ་ལྔ་བརྒྱ་དང ། རྒོད་མ་ལྔ་བརྒྱ་དང ། གཞོན་ནུ་ལྔ་བརྒྱ་དང ། གཞོན་ནུ་མ་ལྔ་བརྒྱ་དང ། གསེར་འབུམ་ཕུལ་ནས་བ་བླངས་ཏེ་འོང་ངོ ། །ཞེས་བྲིས་ཏེ་བསྐུར་རོ། །རྒྱལ་པོ་ཤར་པའི་རི་བྲག་པ་དེ་དཔུང་དང་ལྡན་པས་མ་ཕེབས་ནས། དེས་བློན་པོ་རྣམས་ལ་སྨྲས་པ། ཤེས་ལྡན་དག་།རྒྱལ་པོ་དེ་འདི་ལྟར་བླུན་པ་ལ་ལྟོས། འཆི་བདག་གི་བུ་འཕྲོག་པ་ཕྱིར་ཁུགས་པར་ནུས་པ་འགའ་ཡང་ཡོད་རེ་སྐན། དེ་ནི། འཇལ་གྱི།་དེ་ལ་འཕྲིན་ཡིག་འདི་སྐད་ཅེས། ཁོ་བོའི་རི་བྲག་པ་ཞིག་ལོག་པ་མ་ཕེབས་ཀྱི། ཁྱོད་ཀྱིས་ཇེ་ཁོ་བོའི་གྲོགས་གྱིས་ཤིག་དང ། ཁོ་བོས་ཀྱང་ཕྱིས་ཁྱོད་ཀྱི་གྲོགས་བྱའོ། །ཞེས་བྲིས་ཏེ་སྐུར་ཅིག། བློན་པོ་རྣམས་ཀྱིས་དེ་ལ་འཕྲིན་ཡིག་དེ་སྐད་ཅེས་བྲིས་ཏེ་བསྐུར་བ་དང ། དེས་འཕྲིན་ཡིག་བཀླགས་ནས་བཀླགས་མ་ཐག་ཏུ་རི་བྲག་དེར་འོངས་ཏེ་དེ་དག་ཐག་མི་རིང་བ་ཞིག་ན་འདུག་པ་དང ། རི་བྲག་པ་དག་གིས་
Nya271a
༄#། །ཐོས་ནས་བསམ་པ། བདག་ཅག་རྒྱལ་པོ་དག་གིས་ཕྱོགས་བཅུ་དག་ནས་བསྐོར་བར་ཆད་དེ། རྒྱལ་པོ་གཉིས་པ་འདི་ཡང་ཉེ་བར་འོངས་ཀྱི། ཡུལ་ནི། རྣམ་པ་ཐམས་ཅད་དུ་ཕྱིར་ཐོབ་པར་ཡང་རུང་གི། སྲོག་ནི། ཕྱིར་ཐོབ་པར་མི་རུང་གི། ཕྱིར་འབྱུང་ངོ ། །སྙམ་ནས་དེ་དག་རལ་གྲི་མགུལ་ནས་ཕོག་སྟེ་ཕྱིར་བྱུང་ནས་རྒྱལ་པོ་ཤར་པའི་རྐང་པ་གཉིས་ལ་གཏུགས་པ་དང ། རྒྱལ་པོ་ཤར་པས་དེ་དག་ལོ་ཐང་དང ། དཔྱ་འཇལ་དུ་བཅུག་གོ་།དེ་ནས་མི་སྙན་སྨྲ་རྒྱལ་པོའི་ཡོ་ལང་གིས་རྒྱལ་པོ་ཤར་བའི་གན་དུ་སོང་སྟེ་སྨྲས་པ། ལྷ་།བདག་གི་བུ་འཆི་བདག་གིས་འཕྲོག་སྟེ། ལྷས་བདག་གི་གྲོགས་གྱིས་ཤིག་དང ། བདག་དེ་དང་ལྷན་ཅིག་གཡུལ་སྤྲོད་པར་བྱེད་དོ། །གལ་ཏེ་རེ་ཞིག་གཡུལ་སྤྲད་པས་དེ་ཕམ་པར་ནུས་ན། དེ་ལྟ་ན་ལེགས། གལ་ཏེ་མ་ནུས་ན། དེ་ལ་གླང་པོ་ཆེ་ལྔ་བརྒྱ་དང ། བལ་གླང་མོ་ལྔ་བརྒྱ་དང ། རྟ་ལྔ་བརྒྱ་དང ། རྒོད་མ་ལྔ་བརྒྱ་དང ། གཞོན་ནུ་ལྔ་བརྒྱ་དང ། གཞོན་ནུ་མ་ལྔ་བརྒྱ་དང ། གསེར་འབུམ་ཕུལ་ཏེ་བུ་བླང་བར་བྱའོ། །རྒྱལ་པོ་ཤར་པས་སྨྲས་པ། ཤེད་མཐུན། ཁྱོད་གླེན་པ་ཞིག་སྟེ། འཆི་བདག་ལས་ཕྱིར་ལེན་པར་ནུས་པ་འགའ་ཡང་ཡོད་རེ་སྐན། དེས་སྨྲས་པ། ལྷ། མི་ནུས་སམ། མི་ནུས་སོ། །གལ་ཏེ་དེ་ལྟ་ན། རི་མོ་འདི་ལྟོས་ཤིག་།དེས་རི་མོ་བརྐྱང་སྟེ་རྒྱལ་པོས་རི་མོ་བརྟགས་ནས་གནད་དུ་བསྣུན་པ་དང་འདྲ་བར་གདུང་བཞིན་དུ་སྨྲས་པ། ཀྱེ། ཇི་སྐད་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་མེས་ཚིག་ཅེས་ཟེར་རམ། དེས་
Nya271b
ཅོད་པན་དང ། ཐོར་ཚུགས་ཕོག་སྟེ་ཚིགས་སུ་བཅད་པ་སྨྲས་པ། བདག་ནི་རྒྱལ་པོ་མ་ལགས་རྒྱལ་སྲིད་མིན། །ལྷ་ཁྱོད་ཞམ་འབྲིང་ཞབས་ཀྱིས་འཚོ་བ་སྟེ། །མི་སྙན་དོན་འདི་ཁྱོད་ལ་གསོལ་སླད་དུ། །བདག་འདིར་ཁྱོད་ཀྱི་ཞབས་ཀྱི་དྲུང་དུ་མཆིས། །རྒྱལ་པོས་ཤིན་ཏུ་བརྟགས་ནས་འདི་ནི། ཀོའུ་ཤམྦྷིའོ། །འདི་ནི། རྒྱལ་པོའི་ཕོ་བྲང་ངོ ། །འདི་ནི། ཁང་བཟང་མེ་ཏོག་གི་སོའོ། །འདི་ནི། མ་དུའོ། །འདི་ནི། གྲོ། བ་ལ་སོགས་པའི་སྦྱོར་བས་སྲེག་པའོ། །འདི་དག་ནི། སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་ཕྱེ་མ་ལེབ་བཞིན་གྱེན་དུ་མཆོང་ཞིང་མཆོང་ཞིང་མེར་ལྟུང་བ་དག་གོ་།ཞེས་རྣམ་པར་དཔྱོད་པར་བྱེད་དོ། །རྣམ་པར་དཔྱད་ནས་སྨྲས་པ། ཀཝའི་ནང་རྗེ། ཇི་སྐད་སྔོ་བསངས་ཅན་ལ་སོགས་པ་བུད་མེད་ལྔ་བརྒྱ་མེས་ཚིག་ཅེས་ཟེར་རམ། ལྷ། བདག་དེ་སྐད་མི་མཆིའི། །འདི་ལྟར། ལྷ་ཉིད་དེ་སྐད་གསུང་ངོ། །ཀཝའི་ནང་རྗེ། ཁྱོད་ཀྱིས་ངལ་ཐབས་ཀྱི་ས་གསོལ་བར་ཟད་ཀྱི། གཞན་དུ་ན། ངས་ཁྱོད་ཀྱི་མགོ་དྲུངས་ནས་བཅད་དེ་ས་ལ་བསྒྱེལ་བར་འགྱུར་རོ། །ཞེས་སྨྲས་ནས་རྒྱལ་པོ་ས་ལ་བསྒྱེལ་ཏོ། །དེ་ནས་ཆུས་བཏབ་པས་དབུགས་ཕྱིར་བྱུང་ནས་སྨྲས་པ། ཤེས་ལྡན་དག་།དཔུང་གི་ཚོགས་ཡན་ལག་བཞི་པ་གོ་སྐོན་ཅིག་།ཀོའུ་ཤམྦྷི་ར་འདོང་ངོ ། །བློན་པོ་རྣམས་ཀྱིས་དཔུང་གི་ཚོགས་ཡན་ལག་བཞི་པ་གོ་བསྐོན་ནས་རྒྱལ་པོ་ཀོའུ་ཤམྦྷིར་འཕགས་ཏེ་མཐར་གྱིས་ཀོའུ་ཤམྦྷིར་ཕྱིན་པ་དང ། དེས་ཕོ་བྲང་འཁོར་གྱི་མི་རྣམས་ཀྱི་ནང་ན། ཆེས་རྒྱུས་མཁས་པ་ཐམས་ཅད་ལ་རྨས་སོ། །དེ་ནས་བློན་པོའི་མཆོག་
Nya272a
༄#། །སྦྱོར་བ་འཛིན་ལ་བསྒོ་བ། སྦྱོར་བ་འཛིན། སོང་ལ་མ་དུ་རྒྱ་སྐྱེགས་ཀྱི་ཁང་པར་ཆུག་ལ་སྲེགས་ཤིག་།དཔེ་མེད་མ་ཡང་རྟེའུ་མ་ཐུལ་བའི་རྐང་པ་ལ་ཐོགས་ལ་འོར་ཅིག་།སྦྱོར་བ་འཛིན་གྱིས་མ་དུ་རྒྱ་སྐྱེགས་ཀྱི་ཁང་པར་བཅུག་སྟེ་བསྲེགས་སོ། །དེ་ནས་བསམ་པ། དཔེ་མེད་མ་ནི། གལ་ཏེ་རྒྱལ་པོས་བསམ་ནས་དཔེ་མེད་མ་འོན་ཅིག་།ཅེས་ཟེར་ན། བདག་གིས་ཇི་ལྟར་བྱའི། རེ་ཞིག་སྡོད་ཅིག་སྙམ་ནས། དེས་དཔེ་མེད་མ་ས་ཁང་དུ་བཅུག་སྟེ་བཞག་གོ་།རྒྱལ་པོ་ཉི་མ་བདུན་པ་ལ་མྱ་ངན་སངས་ནས། དེས་མྱ་ངན་སངས་པས་སྨྲས་པ། སྦྱོར་བ་འཛིན། དཔེ་མེད་མ་ག་རེ། དེས། ལྷ། བདག་གིས་རྟེའུ་མ་ཐུལ་བའི་རྐང་པ་ལ་བཏགས་ཏེ་བོར་རོ། །རྒྱལ་པོས་སྨྲས་པ། མ་ཉེས་སོ། །མ་དུས་ནི། སྔོ་བསངས་ཅན་བསད་ན། ཁྱོད་ཀྱིས་ཀྱང་དཔེ་མེད་མ་བསད་ཀྱི། ད་ང་རབ་ཏུ་དབྱུང་བར་བྱའོ། །སྦྱོར་བ་འཛིན་གྱིས་སྨྲས་པ། ལྷ། དེ་ཉིད་ཀྱི་སླད་དུ་བདག་གིས་དཔེ་མེད་མས་ཁང་དུ་སྩལ་ཏེ་བཞག་གོ་།གལ་ཏེ་གསོན་ན། བལྟའོ། །དེས་དེ་ས་ཁང་ནས་ཕྱུང་བ་དང ། གནས་སྐབས་དེ་ཁོ་ན་བཞིན་དུ་ཉོན་མོངས་པ་ཅན་མ་ཡིན་པ་དང ། ལུས་མ་རྙིང་པར་འདུག་གོ་།རྒྱལ་པོས་མཐོང་ནས་བསམ་པ། ཇི་ལྟར་འདི་གནས་སྐབས་དེ་ཁོ་ན་བཞིན་དུ་ཉོན་མོངས་པ་ཅན་མ་ཡིན་པ་དང ། ལུས་མ་རྙིང་པར་འདུག་ལ། ན་ཡང་མིན། ཟས་ཀྱང་མི་ཟ་བ་ལས་ན། གོར་མ་ཆག་པར་སྐྱེས་པ་གཞན་དང་ལྷན་ཅིག་དགའ་མགུར་སྤྱད་དོ། །སྙམ་དུ་རིག་ནས་སྨྲས་པ། དཔེ་
Nya272b
མེད་མ། ཁྱོད་ཀྱིས་འཁྲུལ་པ་བྱས་སོ། །དེས་སྨྲས་པ། ལྷ། སྡིག་པ་ཅི་ཞིག། བདག་དེ་ལྟ་མི་བགྱིད་དོ། །ཅི་མངོན། ལྷ། ཁྱོད་བཅོམ་ལྡན་འདས་ལ་མངོན་པར་དད་དམ། རྒྱལ་པོས་སྨྲས་པ། དེ་ནི། འཇལ་ཏེ། ཁྱོད་དེའི་ཚེ་ན་ནི། དགེ་སྦྱོང་གོའུ་ཏ་མ་ཞེས་ཟེར་ལ། ད་ནི། བཅོམ་ལྡན་འདས་ཞེས་ཟེར་མོད། འདི་ལྟར་ང ། རོ་དང་འདྲ་བ་ཁྱོད་ཀྱི་ཕྱིར་བཅོམ་ལྡན་འདས་ལ་མི་ཞུའི། སྔོ་བསངས་ཅན་གྱི་དོན་དུ་བཅོམ་ལྡན་འདས་ལ་ཞུའོ། །ཞེས་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་བད་སའི་རྒྱལ་པོ་ཤར་པས་འདི་སྐད་ཅེས་གསོལ་ཏོ། །བཙུན་པ། སྔོ་བསངས་ཅན་ལ་སོགས་པ་བུད་མེད་ལྔ་བརྒྱས་ལས་ཅི་བགྱིས་ན། དེས་ཞུགས་ཀྱིས་དྲལ་ཅིང ། སྒུར་མཆོག་ནི། ཆབ་ཀྱི་གཏོར་ཁུང་ནས་བྲོས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། དེ་དག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་པ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་དག་ཉིད་ཀྱིས་ལས་བྱས་ཤིང་བསགས་པ་དེ་དག་གཞན་སུ་ཞིག་གིས་སོ་སོར་མྱོང་བར་འགྱུར། རྒྱལ་པོ་ཆེན་པོ། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་
Nya273a
༄#། །ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །རྒྱལ་པོ་ཆེན་པོ། སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན། རྒྱལ་པོ་ཚངས་བྱིན་ཞེས་བྱ་བས་རྒྱལ་སྲིད་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང ། མི་མང་པོས་གང་བ། འཐབ་མོ་དང ། འཐབ་པ་དང ། ཕྱི་དགྲ་དང ། ནང་འཁྲུག་རབ་ཏུ་ཞི་བ། ཆོམ་རྐུན་དང ། མུ་གེ་དང།་ནད་དང་བྲལ་བ། སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ། ཆོས་ཀྱི་རྒྱལ་པོ། ཆོས་ཀྱི་རྒྱལ་སྲིད་བྱེད་དུ་བཅུག་གོ་།སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཇི་ཙམ་ན་རང་སངས་རྒྱས་ཤིག་ལྗོངས་རྒྱུ་ཞིང་འགྲོ་བ་ན་ཝཱ་ར་ཎཱ་སིར་ཕྱིན་ནས་སྐྱེད་མོས་ཚལ་ཞིག་ན་སྤྱིལ་བུ་ན་གནས་སོ། །རྒྱལ་པོ་ཚངས་བྱིན་གྱི་བཙུན་མོའི་འཁོར་ལྔ་བརྒྱ་སྐྱེད་མོས་ཚལ་དེར་བྱུང་ནས། བཙུན་མོའི་འཁོར་དེ་དག་རྩེ་མོའི་རྫིང་དུ་ཁྲུས་བྱས་ནས་གྲང་བས་སྤྲེབས་ནས། དེ་ན་བཙུན་མོ་དམ་པས་བུ་མོ་མངག་གཞུག་མ་
Nya273b
ལ་སྨྲས་པ། བུ་མོ། ཤིན་ཏུ་གྲང་བས་སྦྲེབས་ཀྱི། སོང་ལ་སྤྱིལ་བུ་འདི་ལ་མེ་ཐོང་ཞིག་།དེས་སྒྲོན་མེ་སྦར་ཏེ་སོང་བ་དང ། རང་སངས་རྒྱས་དེ་མཐོང་ནས་དེས་བཙུན་མོའི་མཆོག་ལ་སྨྲས་པ། ལྷ་མོ། འདི་ན་རབ་ཏུ་བྱུང་བ་ཞིག་མཆིས་སོ། །དེས་སྨྲས་པ། རབ་ཏུ་བྱུང་བ་འདུག་ཀྱང་རུང ། གཞན་འདུག་ཀྱང་རུང་གི། མེ་ཐོང་ཞིག། དེས་མ་བཏང་བར་བྲོས་པ་དང ། དེ་ནས་བཙུན་མོའི་མཆོག་དེ་འཁྲུགས་ནས་དེ་རང་གིས་མེ་བཏང་བ་དང།་རང་སངས་རྒྱས་དེ་ཕྱིར་བྱུང་ངོ ། །བཙུན་མོའི་འཁོར་གཞན་དག་གིས་ཀྱང ། ལྷ་མོ། ཁྱོད་ཀྱིས་ཞུགས་བཏང་བ་ལེགས་པ་བགྱིས་ཏེ། བདག་ཅག་ཐམས་ཅད་ཞུགས་བདེའོ། །ཞེས་རྗེས་སུ་ཡི་རང་བ་བྱས་སོ། །རང་སངས་རྒྱས་བདག་ཉིད་ཆེན་པོ་དེས་བསམ་པ། བཙུན་མོའི་འཁོར་ཉོན་མོངས་མ་འདི་དག་ཧ་ཅང་རྨས་པ་དང ། ཉམས་པར་གྱུར་ན་མི་རུང་གི། འདི་དག་ལ་ལག་ནས་དྲང་བ་སྦྱིན་ནོ། །སྙམ་ནས་དེས་དང་པའི་རྒྱལ་པོ་འདབ་མ་བརྐྱང་པ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་པ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི། རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། བཙུན་མོའི་འཁོར་དེ་དག་ཤིང་ལྗོན་པ་རྩ་བ་ནས་བཅད་པ་བཞིན་རང་སངས་རྒྱས་དེའི་རྐང་པའི་དྲུང་དུ་འགྱེལ་ནས་སྨྲས་པ། ཡོན་གནས་ཡང་དག་པར་གྱུར་པ་མར་གཤེགས་སུ་གསོལ། མར་གཤེགས་སུ་གསོལ། ཉོན་མོངས་པའི་འདམ་དུ་བྱིང་བ་བདག་ཅག་གི་སུག་པ་ནས་དྲང་བ་སྩལ་དུ་གསོལ། རང་སངས་རྒྱས་དེ་བཙུན་
Nya274a
༄#། །མོའི་འཁོར་དེ་དག་ལ་རྗེས་སུ་སྙིང་བརྩེ་བའི་ཕྱིར་སྟེང་གི་ནམ་མཁའ་ལས་ཤོད་དུ་བབས་སོ། །དེ་དག་གིས་དེ་ལ་མཆོད་པ་བྱས་ནས་རྐང་པ་གཉིས་ལ་ཕྱག་འཚལ་ཏེ་སྨོན་ལམ་འདི་སྐད་ཅེས། བདག་ཅག་ཡོན་གནས་ཡང་དག་པར་གྱུར་པ་འདི་ལྟ་བུ་ལ་གནོད་པ་བྱས་པ་གང་ཡིན་པའི་ལས་དེའི་ཆ་དང་མཐུན་པར་མ་གྱུར་པར་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས་བདག་ཅག་འདི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང ། ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་ཐོབ་པར་གྱུར་ཅིག་།ཅེས་བཏབ་བོ། །རྒྱལ་པོ་ཆེན་པོ། དེའི་ཚེ་དེའི་དུས་ན་རྒྱལ་པོ་ཚངས་བྱིན་གྱི་བཙུན་མོ་དམ་པ་གང་ཡིན་པ་དེ་ནི། སྔོ་བསངས་ཅན་འདི་ཡིན་ནོ། །དེའི་ཚེ་དེའི་དུས་ན་བུད་མེད་གཞན་བཞི་བརྒྱ་དགུ་བཅུ་རྩ་དགུ་པོ་གང་དག་ཡིན་པ་དེ་དག་ནི། བུད་མེད་གཞན་བཞི་བརྒྱ་དགུ་བཅུ་རྩ་དགུ་པོ་འདི་དག་ཡིན་ནོ། །དེའི་ཚེ་དེའི་དུས་ན་བུ་མོ་མངག་གཞུག་མ་གང་ཡིན་པ་དེ་ནི། སྒུར་མཆོག་འདི་ཡིན་ནོ། །དེ་དག་གིས་རང་སངས་རྒྱས་ཀྱི་སྤྱིལ་བུ་བསྲེགས་ཤིང ། རྗེས་སུ་ཡི་རང་བ་བྱས་པ་གང་ཡིན་པའི་ལས་དེའི་རྣམ་པར་སྨིན་པས་ལོ་མང་པོ་དག་ཏུ་སེམས་ཅན་དམྱལ་བ་ཆེན་པོ་རྣམས་སུ་བསྲེགས་ནས་ད་ལྟར་བདེན་པ་མཐོང་གི་བར་དུ་ཡང་མེས་ཚིག་པར་གྱུར་ཏོ། །སྒུར་མཆོག་མེ་གཏོང་དུ་མ་བཏུབ་པས་ནི། ད་ལྟར་ཆུའི་སྟོར་ཁུང་ནས་བྲོས་པར་གྱུར་ཏོ། །དེ་དག་གིས་རང་སངས་རྒྱས་ལ་མཆོད་པ་བྱས་ནས་སྨོན་ལམ་བཏབ་པ་གང་ཡིན་པ་དེས་ནི། ད་
Nya274b
ལྟར་ངའི་དྲུང་དུ་བདེན་པ་མཐོང་བར་བྱས་ཤིང ། དེ་དག་གིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཤིང་ཐུགས་བྱུང་བར་མ་བྱས་སོ། །རྒྱལ་པོ་ཆེན་པོ། དེ་ལྟར་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨྲིན་པ་ཡང་འདྲེན་མ་ཡིན་ནོ། །རྒྱལ་པོ་ཆེན་པོ། དེ་ལྟ་བས་ན། ལས་གཅིག་ཏུ་ནག་པ་རྣམས་དང ། འདྲེན་མ་རྣམས་སྤངས་ནས་ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ།་རྒྱལ་པོ་ཆེན་པོ། ཁྱོད་ཀྱིས་དེ་ལྟར་བསླབ་པར་བྱའོ། །དེ་ནས་བད་སའི་རྒྱལ་པོ་ཤར་པས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང་རྗེས་སུ་ཡི་རང་བ་བྱས་ནས་བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་།། །།འདུལ་བ་རྣམ་པར་འབྱེད་པ། བམ་པོ་དོན་བརྒྱད་པ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། སྒུར་མཆོག་གིས་ལས་ཅི་བགྱིས་ན། དེས་ན་སྒུར་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།སྒུར་མཆོག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་ཉིད་ཀྱིས་
Nya275a
༄#། །ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན། རྒྱལ་པོ་ཚངས་བྱིན་ཞེས་བྱ་བས། རྒྱལ་སྲིད་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་དང ། མི་མང་པོས་གང་བ། འཐབ་མོ་དང ། འཐབ་པ་དང ། ཕྱི་དགྲ་དང ། ནང་འཁྲུག་རབ་ཏུ་ཞི་བ། ཆོམ་རྐུན་དང ། མུ་གེ་དང ། ནད་དང་བྲལ་བ། སཱ་ལུ་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ། ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།ཇི་ཙམ་དུས་གཞན་ཞིག་ན་ལྟས་པ་དག་གིས་ལོ་བཅུ་གཉིས་སུ་ཆར་མི་འབབ་པར་ལུང་བསྟན་ནས། རྒྱལ་པོ་ཚངས་བྱིན་གྱིས་ཝཱ་ར་ཎཱ་སིར་དྲིལ་སྒྲོག་པར་བྱེད་དུ་བཅུག་སྟེ་འདི་སྐད་ཅེས། གང་ལ་ལོ་བཅུ་གཉིས་ཀྱི་ཟན་ཡོད་པ་དེ་ནི་གནས་པར་བྱའོ། །གང་ལ་མེད་པ་དེ་
Nya275b
ནི།་གཞན་དུ་འགྲོ་བར་བྱ་ཞིང ། ལོ་བཅུ་གཉིས་འདས་ནས་ཕྱིར་ཡང་འོང་བར་བྱའོ། །ཞེས་བསྒོའོ། །དེའི་ཚེ་ཝཱ་ར་ཎཱ་སི་ན་ཁྱིམ་བདག་གཟུངས་བྱེད་ཅེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་པ་དེས་མཛོད་པ་བོས་ཏེ་སྨྲས་པ། ཀཝའི་ནང་རྗེ་མཛོད་པ། ཁོ་བོ་འཁོར་དང་བཅས་པའི་ལོ་བཅུ་གཉིས་ཀྱི་ཟན་ཡོད་དམ། དེས་སྨྲས་པ། ཇོ་བོ། །མཆིས་སོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང ། བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ་འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཇི་ཙམ་ན་རང་སངས་རྒྱས་ལྔ་བརྒྱ་ལྗོངས་རྒྱུ་ཞིང་འདོང་བ་ན་ཝཱ་ར་ཎཱ་སིར་ཕྱིན་ནས་དེ་དག་ཁྱིམ་བདག་གཟུངས་བྱེད་ཀྱི་གན་དུ་དོང་སྟེ་ཕྱིན་ནས་སྨྲས་པ། ཁྱིམ་བདག་།ཁྱོད་ཀྱིས་ཁོ་བོ་ཅག་རབ་ཏུ་བྱུང་བ་ལྔ་བརྒྱ་ལ་ལོ་བཅུ་གཉིས་སུ་མཁོ་བ་སྟོབ་པར་ནུས་སམ། དེས་སྨྲས་པ། འཕགས་པ་དག་།ཇེ་མཛོད་པ་ལ་རྨས་ཏེ་སླད་ཀྱིས་གསོལ་ལོ། །ཞེས་དེས་མཛོད་པ་བོས་ཏེ་སྨྲས་པ། ཀཝའི་ནང་རྗེ་མཛོད་པ། ཁོ་བོ་འཁོར་དང་བཅས་པ་དང ། རབ་ཏུ་བྱུང་བ་ལྔ་བརྒྱ་པོ་འདི་དག་གི་ལོ་བཅུ་གཉིས་ཀྱི་ཟན་ཡོད་དམ། དེས་སྨྲས་པ། ཇོ་བོ། མཆིས་སོ། །ཁྱིམ་བདག་གཟུངས་བྱེད་ཀྱིས་རང་སངས་རྒྱས་ལྔ་བརྒྱ་པོ་དེ་དག་ལ་སྨྲས་པ། འཕགས་པ་དག་།མཆིས་ཀྱི་
Nya276a
༄#། །བཞུགས་ཤིག་དང་གསོལ་ལོ། །དེ་དག་དེ་ཉིད་དུ་འཁོད་དོ། །ཇི་ཙམ་ན་རང་སངས་རྒྱས་གཞན་ལྔ་བརྒྱ་ལྗོངས་རྒྱུ་ཞིང་འདོང་བ་ན་ཝཱ་ར་ཎཱ་སིར་ཕྱིན་ནས་དེ་དག་ཀྱང་ཁྱིམ་བདག་གཟུངས་བྱེད་ཀྱི་གན་དུ་དོང་སྟེ་ཕྱིན་ནས་སྨྲས་པ། ཁྱིམ་བདག། ཁྱོད་ཀྱིས་ཁོ་བོ་ཅག་རབ་ཏུ་བྱུང་བ་ལྔ་བརྒྱ་ལ་ལོ་བཅུ་གཉིས་སུ་མཁོ་བ་སྟོབ་པར་ནུས་སམ། དེས་སྨྲས་པ། འཕགས་པ་དག། ཁྱེད་ཅག་ལ་གསོལ་ལགས་ན། ཅིའི་སླད་དུ་ཡང་སྒྲུབ་པར་མཛད། ཁྱིམ་བདག་།དེ་དག་ཀྱང་གཞན་ལ། ཁོ་བོ་ཅག་ཀྱང་གཞན་ནོ། །འཕགས་པ་དག། ཇེ་མཛོད་པ་ལ་རྨས་ཏེ་སླད་ཀྱིས་གསོལ་ལོ། །ཞེས་དེས་མཛོད་པ་བོས་ཏེ་སྨྲས་པ། ཀཝའི་ནང་རྗེ་མཛོད་པ། ཁོ་བོ་འཁོར་དང་བཅས་པ་དང ། རབ་ཏུ་བྱུང་བ་སྟོང་པོ་འདི་དག་གི་ལོ་བཅུ་གཉིས་ཀྱི་ཟན་ཡོད་དམ། དེས་སྨྲས་པ།་ཇོ་བོ། །མཆིས་སོ། །དེས་རབ་ཏུ་བྱུང་བ་གཞན་ལྔ་བརྒྱ་པོ་དེ་དག་ལ་སྨྲས་པ། འཕགས་པ་དག་།མཆིས་ཀྱི། བཞུགས་ཤིག་དང་གསོལ་ལོ། །དེ་དག་ཀྱང་དེ་ན་འཁོད་དོ། །དེས་སྦྱིན་པའི་ཁང་པ་རྩིག་ཏུ་བཅུག་སྟེ་དེས་སྦྱིན་པའི་ཞལ་ཏ་པའི་མི་དང ། སྤྱན་འདྲེན་ཡང་བསྐོས་སོ། །དེར་ཉི་མ་རེ་རེ་ཞིང་རང་སངས་རྒྱས་སྟོང་སྟོང་ཟན་ཟའོ། །དེ་ནས་རང་སངས་རྒྱས་གཅིག་ན་བར་གྱུར་ནས་དེ་དེའི་ཉིན་མོ་མ་འོངས་པ་དང ། ཁྱིམ་བདག་གཟུངས་བྱེད་ལ་བུ་མོས་སྨྲས་པ། ཡབ། དེང་རབ་ཏུ་བྱུང་བ་གཅིག་མ་མཆིས་སོ། །དེས་སྨྲས་པ། བུ་མོ། ཇི་ལྟ་བུ་ཞིག། དེས་རྒྱབ་བཏུད་
Nya276b
དེ་སྨྲས་པ། ཡབ། འདི་ལྟ་བུ་ཞིག་གོ་།དགེ་སློང་དག་།དེའི་ཚེ་དེའི་དུས་ན། ཁྱིམ་བདག་གཟུངས་བྱེད་ཀྱི་བུ་མོ་གང་ཡིན་པ་དེ་ནི། སྒུར་མཆོག་འདི་ཡིན་ཏེ། འདིས་རང་སངས་རྒྱས་ལ་མཐོ་བརྩམས་པ་གང་ཡིན་པའི་ལས་དེའི་རྣམ་པར་སྨིན་པས་སྒུར་པོར་གྱུར་ཏོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། སྒུར་མཆོག་གིས་ལས་ཅི་བགྱིས་ན། དེས་ན་ཐོས་པ་འཛིན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།སྒུར་མཆོག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམ་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།ཁྱིམ་བདག་གཟུངས་བྱེད་ཀྱིས་སྦྱིན་གནས་རང་སངས་རྒྱས་སྟོང་པོ་དེ་དག་
Nya277a
༄#། །ཉིད་ཀྱི་དགེ་འདུན་གྱི་གནས་བརྟན་གང་ཡིན་པ་དེ། རླུང་ནད་ཅན་ཡིན་པས། དེ་ལག་པ་འདར་པས་ཟན་ཟ་བ་ན། ལྷུང་བཟེད་མགུལ་ནས་གཟུངས་བྱེད་ཀྱི་བུ་མོ་དེས། རང་གི་ལག་པ་ལས་གདུ་བུ་རྒྱན་ཅན་ཕུད་དེ། རང་སངས་རྒྱས་དེ་ལ་ཕུལ་ཏེ་སྨྲས་པ། འཕགས་པ། འདིའི་སྟེང་དུ་ལྷུང་བཟེད་གཞག་ཏུ་གསོལ། དེས་དེའི་སྟེང་དུ་ལྷུང་བཟེད་བཞག་པ་དང་མི་གཡོ་བ་ཉིད་དུ་འདུག་ནས། དེས་དེའི་རྐང་པ་གཉིས་ལ་གཏུགས་ཏེ་སྨོན་ལམ་བཏབ་པ། ཇི་ལྟར་ལྷུང་བཟེད་འདི་མི་གཡོ་བར་འདུག་པ་དེ་བཞིན་དུ་བདག་གི་རྒྱུད་ལ་ཆོས་གང་དག་ཞུགས་པ་དེ་དག་ཀྱང་མི་གཡོ་བ་ཉིད་དུ་གྱུར་ཅིག་།ཅེས་བཏབ་བོ། །ལས་དེའི་རྣམ་པར་སྨིན་པས་འདི་ད་ལྟར་ཐོས་པ་འཛིན་པར་གྱུར་ཏོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། སྒུར་མཆོག་གིས་ལས་ཅི་བགྱིས་ན། དེས་བྲན་མོར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། སྒུར་མཆོག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར།
Nya277b
ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།དེ་ཉིད་ན་འདི་དབང་ཕྱུག་གི་དྲེགས་པས་རྒྱགས་པས། འཁོར་གྱི་མི་རྣམས་ལ་བྲན་གྱི་ཚིག་གིས་ཀུན་ཏུ་སྤྱད་པས་ལས་དེའི་རྣམ་པར་སྨིན་པས་ད་ལྟར་བྲན་མོར་གྱུར་ཏོ། ། ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། དཔེ་མེད་མས་ལས་ཅི་བགྱིས་ན། དེས་གདུགས་བདུན་དུ་ཟན་མ་མཆིས་པར་ས་ཁང་དུ་སྩལ་ཅིང་ཉོན་མོངས་པ་ཅན་མ་ལགས་པ་དང ། ལུས་མ་རྙིང་པར་ཕྱུང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དཔེ་མེད་མ་ཉིད་ཀྱིས་ལས་ཚོགས་རྙེད་པ།་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་
Nya278a
༄#། །འགྱུར། རླུང་གི་ཁམས་ལ་མི་འགྱུར། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ཁོ་ན་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་རི་བྲག་ཅིག་ན། རྒྱལ་རིགས་ཀྱི་བུ་མོ་ཞིག་དང ། བྲམ་ཟེའི་བུ་མོ་ཕན་ཚུན་བཤེས་པ་གཉིས་ཤིག་འཁོད་དོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང ། བཀྲེས་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ། འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཇི་ཙམ་ན་རང་སངས་རྒྱས་ཤིག་ས་ཕྱོགས་ཞི་བ་ཞིག་ཏུ་མཚན་མོ་གནས་པར་ཁས་བླངས་ནས་ཕྱི་དེ་ཉིན་པར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། རི་བྲག་དེར་བསོད་སྙོམས་ལ་ཞུགས་པ་དང ། རྒྱལ་རིགས་ཀྱི་བུ་མོ་དེས་དེའི་ཉིན་མོ་དེ་ལ་བསོད་སྙོམས་བྱིན་ནོ། །དེ་བཞིན་དུ་ཉི་མ་གཉིས་པ་དང ། གསུམ་པ་དང ། ཉིན་གཅིག་མི་འཆད་པར་ཡང་དེ་ལ་བསོད་སྙོམས་སྦྱིན་པར་བརྩམས་སོ། །རྒྱལ་རིགས་ཀྱི་བུ་མོ་དེ་དུས་གཞན་ཞིག་ན། བྲམ་ཟེའི་བུ་མོ་དེས་མགྲོན་དུ་བོས་ནས་དེའི་ཁྱིམ་དུ་སོང་བ་དང ། རང་སངས་རྒྱས་དེ་ཡང་བསོད་
Nya278b
སྙོམས། ལ་རྒྱུ་ཞིང་རྒྱལ་རིགས་ཀྱི་བུ་མོ་དེའི་ཁྱིམ་དུ་ཞུགས་པ་ན། དེ་མེད་ནས་མཐར་གྱིས་བྲམ་ཟེའི་བུ་མོ་དེའི་ཁྱིམ་དུ་ཞུགས་པ་དང ། རྒྱལ་རིགས་ཀྱི་བུ་མོ་དེས་མཐོང་ནས། དེས་བྲམ་ཟེའི་བུ་མོ་དེ་ལ་སྨྲས་པ། བུ་མོ། འཕགས་པ་འདི་ལ་བསོད་སྙོམས་ཕུལ་ཅིག་།དེས་སྨྲས་པ། ཇི་སྲིད་དུ་ལྷ་དང ། བྲམ་ཟེ་དང ། སྙིང་དུ་སྡུག་ཅིང་འབྲེལ་བའི་རྩ་ལག་དག་ལ་མ་ཕུལ་གྱི་བར་དུ་དགེ་སྦྱོང་མགོ་རེག་འདི་ལ་ག་ལ་སྦྱིན། དེས་སྨྲས་པ། བུ་མོ། གལ་ཏེ་དེ་ལྟ་ན། ཁོ་མོ་རེ་ཞིག་འདི་ལ་བསོད་སྙོམས་འབུལ་དུ་འགྲོའི། །ཕུལ་ནས་ཕྱིས་འོང་ངོ ། །དེས་སྨྲས་པ། ཆེ་ཞེ། གལ་ཏེ་དེ་ལྟ་ན། འདུག་ཅིག་དང ། བདག་གིས་འདི་ལ་བསོད་སྙོམས་དབུལ་ལོ། །དེས་དེ་ལ་བསོད་སྙོམས་ཕུལ་ནས་སྨོན་ལམ་ལོག་པ་བཏབ་སྟེ། བདག་གིས་དགེ་སྦྱོང་མགོ་རེག་འདི་ལ་བསོད་སྙོམས་ཕུལ་བ་གང་ཡིན་པ་འདི་བདག་ལ་འཇིག་རྟེན་འདིར་ཡང་རྣམ་པར་སྨིན་པར་མ་གྱུར་ལ། འཇིག་རྟེན་ཕ་རོལ་ཡང་རྣམ་པར་སྨིན་པར་མ་གྱུར་ཅིག། ཅེས་བཏབ་བོ། །དགེ་སློང་དག། དེའི་ཚེ་དེའི་དུས་ན་བྲམ་ཟེའི་བུ་མོ་གང་ཡིན་པ་དེ་ནི། དཔེ་མེད་མ་འདི་ཡིན་ཏེ། འདིས་རང་སངས་རྒྱས་ལ་བསོད་སྙོམས་ཕུལ་ནས་སྨོན་ལམ་ལོག་པ་འདི་སྐད་ཅེས། བདག་གིས་དགེ་སྦྱོང་མགོ་རེག་འདི་ལ་བསོད་སྙོམས་ཕུལ་བ་གང་ཡིན་པ་འདི་འཇིག་རྟེན་འདིར་ཡང་རྣམ་པར་སྨིན་པར་མ་གྱུར་ལ། འཇིག་རྟེན་ཕ་རོལ་ཏུ་ཡང་རྣམ་པར་སྨིན་པར་མ་གྱུར་ཅིག་།ཅེས་བཏབ་པ་གང་ཡིན་པའི་
Nya279a
༄#། །ལས་དེའི་རྣམ་པར་སྨིན་པས་འདི་ཉི་མ་བདུན་དུ་ཟན་མེད་པར་ས་ཁང་དུ་བཅུག་ཅིང ། ཉོན་མོངས་པ་ཅན་མ་ཡིན་པ་དང ། ལུས་མ་རྙིང་པར་ཕྱུང་ངོ ། །དུས་གཞན་ཞིག་ན་མགུ་བྱེད་རྒྱས་པར་གྱུར་ནས་དེས་འཆི་བའི་དུས་ཀྱི་ཚེ་སྨོན་ལམ་བཏབ་པ། བདག་གིས་དགེ་སློང་གི་དགེ་འདུན་ལ་ཇི་སྲིད་འཚོའི་བར་དུ་བསྙེན་བཀུར་བྱས་པའི་དགེ་བའི་རྩ་བ་འདིས་བདག་ཁྱིམ་བདག་གདངས་ཅན་གྱི་ཆུང་མའི་མཆོག་གི་མངལ་དུ་སྐྱེ་ཞིང་སྔོ་བསངས་ཅན་གྱི་ཆུ་ཞེང་ཅི་འདྲ་བ་དེ་ལྟ་བུར་བདག་ཀྱང་གྱུར་ཏེ། བད་སའི་རྒྱལ་པོ་ཤར་པ་བདག་གི་ཁྱིམ་ཐབ་ཏུ་གྱུར་ཅིག་ཅེས་བཏབ་བོ། །དེ་ཤི་ཞིང་དུས་ལ་བབ་ནས་ཁྱིམ་བདག་གདངས་ཅན་གྱི་ཆུང་མའི་མཆོག་གི་མངལ་དུ་སྐྱེས་སོ། །གང་གི་ཉིན་མོ་སྐྱེས་པ་དེ་ཉིད་ཀྱི་ཉིན་མོ་ཁྱིམ་དེ་དཔལ་དག་གིས་སྣང་བར་གྱུར་ཏོ། །དེ་ཟླ་བ་བརྒྱད་དམ། དགུ་འདས་ཏེ་བཙས་པ་ལས་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བྱུང་ངོ ། །བྱུང་མ་ཐག་ཏུ་ཡང་དེས་ཕའི་ཁྱིམ་རྒྱ་ཆེར་དཔལ་དག་གིས་སྣང་བར་གྱུར་ཏོ། །དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་བུ་མོ་འདིའི་མིང་ཅིར་གདགས་ཞེས་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ། གང་གི་ཕྱིར་བུ་མོ་འདི་གང་གི་ཉིན་མོ་མའི་མངལ་དུ་ཞུགས་པ་དེ་ཉིད་ཀྱི་ཉིན་མོ་ཁྱིམ་དེ་དཔལ་དག་
Nya279b
གིས་སྣང་བར་གྱུར་ལ། བཙས་པ་ན་ཡང་འདིས་ཕའི་ཁྱིམ་རྒྱ་ཆེར་དཔལ་དག་གིས་སྣང་བར་གྱུར་པ་དེའི་ཕྱིར་བུ་མོ་འདིའི་མིང་དཔལ་ལྡན་དུ་གདགས་སོ། །ཞེས་དེའི་མིང་དཔལ་ལྡན་ཞེས་བྱ་བར་བཏགས་སོ། །གང་གི་ཚེ་དེ་སྨྲ་ཤེས་པར་གྱུར་པ་དེའི་ཚེ་ན། དགེ་སློང་གང་དག་ཁྱིམ་དེར་བསོད་སྙོམས་ལ་ཞུགས་པ་དེ་དག་གི་གན་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་སྙུན་གསོལ་བར་བྱེད་དོ། །ཇི་ཙམ་ན་ཚེ་དང་ལྡན་པ་ཀུན་དགའ་བོ་དེར་བསོད་སྙོམས་ལ་ཞུགས་པ་དང ། དེ་དེའི་གན་དུ་སོང་སྟེ་རྐང་པ་གཉིས་ལ་ཕྱག་འཚལ་ནས་སྨྲས་པ། བཙུན་པ་ཀུན་དགའ་བོ། །ཇི་ལྟར་བཅོམ་ལྡན་འདས་པ་དང ། དགེ་སློང་གནས་བརྟན་གནས་བརྟན་ཆེ་གེ་མོ་དག་གནོད་པ་ཆུང་ངམ། ཉམ་ང་བ་ཆུང་ངམ། བསྐྱོད་པ་ཡང་ངམ། འཚོའམ། སྟོབས་དང་ལྡན་ནམ། བདེའམ། ཁ་ན་མ་ཐོ་བ་མེ་མཆིས་སམ། བདེ་བ་ལ་རེག་པར་གནས་སམ། དེས་སྨྲས་པ། སྲིང་མོ། བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་ཆེ་གེ་མོ་དག་གནོད་པ་ཆུང ། ཉམ་ང་བ་ཉུང ། བསྐྱོད་པ་ཡང ། འཚོ། སྟོབས་དང་ལྡན། བདེ། ཁ་ན་མ་ཐོ་བ་མེད། བདེ་བ་ལ་རེག་པར་གནས་སོ། ། དེས་སྨྲ་བའི་ཚིག་ཐོས་ནས་ཁྱིམ་བདག་གདངས་ཅན་གྱི་ནང་མི་དག་མཆོག་ཏུ་ངོ་མཚར་སྐྱེས་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས། ཨ་རོག་ཁྱ་ཞེས་བྱས་ཏེ་སོང་ནས་བཅོམ་
Nya280a
༄#། །ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་གསོལ་པ། བཅོམ་ལྡན་འདས། ཁྱིམ་བདག་གདངས་ཅན་གྱི་བྱིས་པ་ཞིག། བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་དག་ལ་སྙུན་གསོལ་ཞིང ། ཁྱིམ་བདག་གདངས་ཅན་གྱི་ནང་མི་དག་གིས་དེ་ཐོས་ནས་མཆོག་ཏུ་ངོ་མཚར་སྐྱེས་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཁྱོད་ཀྱིས་བུ་མོ་དེ་མི་ཤེས་སམ། བཅོམ་ལྡན་འདས། མ་འཚལ་ཏོ། །ཀུན་དགའ་བོ། དེ་ནི། མགུ་བྱེད་ཡིན་ཏེ ། སྨོན་ལམ་གྱི་དབང་གིས་ཁྱིམ་བདག་གདངས་ཅན་གྱི་ཆུང་མའི་མཆོག་གི་མངལ་དུ་སྐྱེས་ཏེ། ད་ལྟར་བུ་མོ་དཔལ་ལྡན་ཞེས་བྱའོ། །གང་གི་ཚེ་དཔལ་ལྡན་པ་ཆེན་མོར་གྱུར་པ་དེའི་ཚེ་ན་དེ་སློང་བ།་རྒྱལ་པོ་དག་དང ། ནོར་ཅན་དག་དང ། ཚོང་དཔོན་དག་དང ། དེད་དཔོན་དག་དང ། ཀོའུ་དྱ་དག་དང ། ཤཱཀྱ་དག་དང ། ལི་ཙ་བྱི་དག་དང ། གཞན་ཡང་མང་པོ་དག་འོང་བར་བརྩམས་སོ། །ཁྱིམ་བདག་གདངས་ཅན་འདི་སྙམ་དུ། དཔལ་ལྡན་སློང་བ་མང་པོ་དག་འོང་སྟེ། གང་དག་ལ་མ་བྱིན་པ་དེ་དག་བདག་གི་དགྲར་འགྱུར་རོ། །སྙམ་ནས་དེ་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་གོ་།དཔལ་ལྡན་གྱིས་དེ་མཐོང་ནས་སྨྲས་པ། ཡབ། ཁྱོད་ཅིའི་སླད་དུ་ཕྱག་ལ་ཞལ་གཏད་དེ་སེམས་ཁོང་དུ་ཆུད་ཅིང་བཞུགས། དེས་སྨྲས་པ། བུ་མོ། ཁྱོད་སློང་
Nya280b
བ་རྒྱལ་པོ་དག་དང ། ནོར་ཅན་དག་དང ། ཚོང་དཔོན་དག་དང ། ཀོའུ་དྱ་དག་དང ། ཤཱཀྱ་དག་དང ། ལི་ཙ་བྱི་དག་དང ། གཞན་ཡང་མང་པོ་དག་འོང་སྟེ། གང་དག་ལ་མ་བྱིན་པ་དེ་དག་བདག་གི་དགྲར་འགྱུར་ན།་ཇི་ལྟར་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་མི་འདུག་ཏུ་རུང ། དེས་སྨྲས་པ། ཡབ། ཐུགས་ངན་མ་མཛད་ཅིག། བདག་གིས་ཁྱིམ་ཐབ་འཚལ་ལགས་སོ། །བུ་མོ། གང ། ཡབ་བད་སའི་རྒྱལ་པོ་ཤར་པའོ། །བུ་མོ། གལ་ཏེ་དེ་ལྟར་ན། ཇེ་གོ་རིམ་བྱའོ། །ཡབ། གོ་རིམ་ཇི་ལྟ་བུ་ལགས། བུ་མོ། ཁོ་བོས་བད་སའི་རྒྱལ་པོ་ཤར་པ་འདི་ཉིད་དུ་སྤྱན་དྲང་གི། གང་གི་ཚེ་དེས་བཤོས་གསོལ་བ་དེའི་ཚེ་ན་ཁྱོད་སྟེང་གི་ཁང་བཟང་གི་གཞི་ན་འདུག་པས་ཕོ་ལོང་འཕང་པར་བྱའོ། །ཡབ། མ་ནོངས་ཀྱི། དེ་བཞིན་བགྱིའོ། །དེས་བད་སའི་རྒྱལ་པོ་ཤར་པ་ཁྱིམ་གཞན་དུ་མགྲོན་དུ་བོས་ཏེ་ཟན་ཟོས་པ་དང ། དཔལ་ལྡན་སྟེང་གི་ཁང་བཟང་གི་གཞི་ན་འདུག་པས་ཕོ་ལོང་འཕངས་སོ། །རྒྱལ་པོས་སྟེང་དུ་བརྟག་པར་བརྩམས་པ་དང ། རྒྱལ་པོས་དེ་མཐོང་ནས་སྨྲས་པ། གདངས་ཅན་ཁྱོད་ན་རེ་སྔོ་བསངས་ཅན་དུས་ལ་བབ་ཟེར་ན། འདི་ན་འདུག་པ་ནི། མ་ཡིན་ནམ། ལྷ། འདི་ནི། སྔོ་བསངས་ཅན་མ་ལགས་སོ། །འོ་ན་འདི་ཅིའི་མིང ། ལྷ། འདི་ནི། སྔོ་བསངས་ཅན་གྱི་ནུ་མོ་དཔལ་ལྡན་ཞེས་བགྱིའོ། །ཅི། འགའ་ཞིག་ལ་བྱིན་ནམ། ལྷ། སུ་ལ་ཡང་མ་སྩལ་ཏོ། །གལ་ཏེ་དེ་ལྟ་ན། ང་ལ་ཅིའི་ཕྱིར་མི་སྦྱིན། ལྷ་གསོལ་ལོ། །ཁྱིམ་བདག་གདངས་ཅན་གྱིས་བྱིན་ནས་པད་སའི་རྒྱལ་པོ་
Nya281a
༄#། །ཤར་པས་དཔལ་གྱི་འབྱོར་པས་བག་མར་བླངས་ཏེ་བཙུན་མོའི་འཁོར་གྱི་ནང་དུ་བཅུག་གོ་།དུས་གཞན་ཞིག་ན་དེས་རྒྱལ་པོ་ལ་སྨྲས་པ། ལྷ། བདག་དགེ་སློང་མཐོང་བར་འཚལ་ལོ། །རྒྱལ་པོས་སྨྲས་པ། ཁྱོད་འདོད་མོད་ཀྱི། དགེ་སློང་དག་རྒྱལ་པོའི་ཕོ་བྲང་དུ་མི་འཇུག་གོ། ལྷ། དེ་ལྟར་ན། བདག་རྣམ་པ་ཐམས་ཅད་དུ་བཙོན་རར་སྩལ་དུ་བས་མོད། གལ་ཏེ་དགེ་སློང་མཐོང་བར་མ་གནང་ན། དེང་སླན་ཆད་འཚལ་མ་ཡང་མི་འཚལ། ཕྱག་ཀྱང་མི་འཚལ་ལོ། །དེས་ཟན་གཅད་པ་ལ་ཞུགས་པ་དང ། རྒྱལ་པོས་ཁྱིམ་བདག་གདངས་ཅན་ལ་སྨྲས་པ། ཁྱིམ་བདག། ཁྱོད་སོ་སོར་མི་རྟོག་གམ། ལྷ། ཅི་ལགས། དཔལ་ལྡན་ཟན་གཅད་པ་ལ་ཞུགས་སོ། །ལྷ། ཅིའི་སླད་དུ། དགེ་སློང་མཐོང་བར་འདོད་ན། དགེ་སློང་དག་རྒྱལ་པོའི་ཕོ་བྲང་དུ་མི་འཇུག་གོ།་ལྷ། འོ་ན་འདི་ལ་ཇི་ལྟར་བསྒྲུབ་པར་བགྱི། ཁྱིམ་བདག། དེའི་ཕྱིར་ཁྱོད་ཀྱིས་བདག་ཉིད་ཀྱི་མིང་གིས་ར་བར་དགེ་སློང་གི་དགེ་འདུན་སྤྱན་དྲངས་ཏེ་བར་དུ་སྒོ་ཐོད་ལ་བཤོས་གསོལ་ཅིག ། ཁྱིམ་བདག་གདངས་ཅན་གྱི་ཁྱིམ་རྒྱལ་པོ་དང་འདབ་ཆགས་སུ་འདུག་པས་དེས་ར་བའི་བར་དུ་སྒོ་བཏོད་ནས་སའི་བྱི་དོར་བྱེད་དུ་བཅུག་གོ། དེ་ནས་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས་བཅོམ་ལྡན་འདས་ཁྱིམ་བདག་གདངས་ཅན་ལ་ཆོས་དང་ལྡན་པའི་
Nya281b
བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ། །དེ་ནས་ཁྱིམ་བདག་གདངས་ཅན་གྱིས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས། སང་བདག་གི་སྡུམ་པར་གདུགས་ཚོད་གསོལ་བར་ཅི་གནང ། བཅོམ་ལྡན་འདས་ཀྱིས་ཁྱིམ་བདག་གདངས་ཅན་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་གདངས་ཅན་གྱིས། བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ། །དེ་ནས་ཁྱིམ་བདག་གདངས་ཅན་གྱིས་དེ་ཉིད་ཀྱི་མཚན་མོ་བཟའ་བ་དང ། བཅའ་བ་གཙང་ཞིང་བསོད་པ་དག་སྟ་གོན་བྱས་ནས་ནང་པར་སྔར་ལངས་ཏེ་གདན་བཤམས་ནས་ཆུ་ར་བཞག་སྟེ་བཅོམ་ལྡན་འདས་ལ་སྤྱན་འདྲེན་གྱིས། བཙུན་པ། གདུགས་ཚོད་གཡར་དགོངས་འཚལ་ན། བཅོམ་ལྡན་འདས། ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་པ་དང །
Nya282a
༄#། །ཚེ་དང་ལྡན་པ་ཤཱ་རིའི་བུ་ལ་སོགས་པ་དགེ་སློང་གི་དགེ་འདུན་ནི། ཞུགས་སོ། །བཅོམ་ལྡན་འདས་ནི། རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབས་སོ། །སངས་རྒྱས་བཅོམ་ལྡན་འདས་རྣམས་ནི། རྒྱུ་ལྔས་རྫས་ལས་བྱུང་བ་ན་བཞུགས་ཤིང ། བསོད་སྙོམས་མངོན་པར་སྒྲུབ་པར་མཛད་དེ། ལྔ་གང་ཞེ་ན། ནང་དུ་ཡང་དག་འཇོག་བཞེད་པ་དང ། ལྷ་རྣམས་ལ་ཆོས་སྟོན་པར་བཞེད་པ་དང ། ནད་པ་ལ་ལྟ་བར་བཞེད་པ་དང ། གནས་མལ་ལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པའོ། །དོན་འདིར་ནི། བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པས། རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་སྒྲུབ་པར་མཛད་དོ། །ཚེ་དང་ལྡན་པ་ཤཱ་རིའི་བུ་འཇུག་པ་ན། རྒྱལ་པོ་བཙུན་མོའི་འཁོར་དང་བཅས་པ་འདུག་ནས་དེའི་ཕྱིར་ལྡོག་པར་བརྩམས་པ་དང ། རྒྱལ་པོས་མཐོང་ནས་སྨྲས་པ། འཕགས་པ་ཤཱ་རིའི་བུ། གཤེགས་སུ་གསོལ། དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བཞི་པོ་དག་གི་ཚིག་ནི། མི་བཅག་པ་ཡིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་བཀའ་དང ། དགེ་སློང་དགྲ་བཅོམ་པ་ཟག་པ་ཟད་པའི་ཚིག་དང ། དགེ་བསྐོས་
Nya282b
ཀྱི་ཚིག་དང ། རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་ཚིག་ཡིན་གྱི། ཚེ་དང་ལྡན་པ་དག་།དྲན་པ་ཉེ་བར་ཞོག་ཅིག་དང་འཇུག་པར་བྱའོ། །ཞེས་དེ་ཞུགས་ནས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་འདུག་གོ་།དེ་ནས་བཙུན་མོ་དཔལ་ལྡན་གྱིས། ཚེ་དང་ལྡན་པ་ཤཱ་རིའི་བུ་ལ་སོགས་པ་དགེ་སློང་གི་དགེ་འདུན་བདེ་བར་འཁོད་པར་རིག་ནས་རང་གི་ལག་ནས་བཅའ་བ་དང ། བཟའ་བ་གཙང་ཞིང་བསོད་པས་ཚིམ་པ་སྟོབ་པར་བྱེད་དོ། །རྣམ་གྲངས་དུ་མར་རང་གི་ལག་ནས་བཟའ་བ་དང ། བཅའ་བ་གཙང་ཞིང་བསོད་པས་ཚིམ་པར་བྱས་ཤིང་བསྟབས་ནས་ཚེ་དང་ལྡན་པ་ཤཱ་རིའི་བུ་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ཅིང་ཕྱག་བཅབས། ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་ཚེ་དང་ལྡན་པ་ཤཱ་རིའི་བུ་མདུན་དུ་འདུག་གོ་།དེ་ནས་ཚེ་དང་ལྡན་པ་ཤཱ་རིའི་བུ་བཙུན་མོ་དཔལ་ལྡན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག ། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་དེས་བདེན་པ་དག་མ་མཐོང་ངོ ། ཚེ་དང་ལྡན་པ་ཤཱ་རིའི་བུས་བསམ་པ། ཅི། འདི་ལ་དགེ་བའི་རྩ་བ་དག་ཡོད་དམ། འོན་
Nya283a
༄#། །ཏེ་མེད་སྙམ་ན། ཡོད་པར་མཐོང་ངོ ། །སུ་ལ་རག་ལས་སྙམ་ན། བདག་ཉིད་ལ་རག་ལས་པར་མཐོང་ནས། དེ་དེ་ལ་ཆོས་སྟོན་ཅིང་རྣམ་པར་སྤྱོད་པ་ན། ཉི་མ་ནུབ་པའི་དུས་ལ་བབ་ནས་དགེ་སློང་རྣམས་སྟན་ལས་ལངས་ཏེ་དོང་ངོ ། །ཚེ་དང་ལྡན་པ་ཤཱ་རིའི་བུས་བསམ་པ། འདི་ལྟར། བཅོམ་ལྡན་འདས་ཀྱིས་མ་གནང་མོད་ཀྱི། འདི་ཉིད་རྐྱེན་དུ་མཛད་ནས་གནང་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །སྙམ་ནས་དེ་གདུལ་བ་ལ་ལྟོས་པས་དེ་ཉིད་དུ་འདུག་གོ་།ཚེ་དང་ལྡན་པ་ཤཱ་རིའི་བུས་བཙུན་མོ་དཔལ་ལྡན་གྱི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས། གང་ཐོས་ནས་བཙུན་མོ་དཔལ་ལྡན་གྱིས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་ཆོས་བསྟན་པར་བྱས་སོ། །དེས་བདེན་པ་མཐོང་ནས་སྨྲས་པ། འཕགས་པ། བདག་གིས་དགེ་བའི་བཤེས་གཉེན་འཕགས་པ་ཤཱ་རིའི་བུ་ལ་བརྟེན་ནས་འཕགས་པས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་དག་གིས་ཀྱང་མ་བགྱིས་ཏེ་
Nya283b
ཁྲག་དང ། མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང ། ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང།་ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་།འཁོར་བ་ནི། མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། བཙུན་པ། བདག་ནི། མངོན་པར་ཞུགས་པ་ལགས་སོ། །བཙུན་པ། བདག་མངོན་པར་ཞུགས་པ་ལགས་ཏེ་བཙུན་པ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆིའི། བདག་དགེ་བསྙེན་མར་གཟུང་དུ་གསོལ། དེང་སླན་ཆད་ནས་ཇི་སྲིད་འཚོའི་བར་དུ་གློ་བ་ཐག་པ་ནས་རབ་ཏུ་དད་པས་སྐྱབས་སུ་མཆིའོ། །དེ་ནས་ཚེ་དང་ལྡན་པ་ཤཱ་རིའི་བུས་བཙུན་མོ་དཔལ་ལྡན་བདེན་པ་དག་ལ་བཞག་སྟེ་སོང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་ཚེ་དང་ལྡན་པ་ཤཱ་རིའི་བུས་སྐབས་དེ། བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ། ལེགས་སོ། །ལེགས་སོ། །བདུན་པོ་དག་གི་ཚིག་ནི། མི་བཅག་པ་ཡིན་ཏེ། དེ་བཞིན་གཤེགས་པ་དགྲ་
Nya284a
༄#། །བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་བཀའ་དང ། དགེ་སློང་དགྲ་བཅོམ་པ་ཟག་པ་ཟད་པའི་ཚིག་དང ། དགེ་འདུན་གྱི་གནས་བརྟན་གྱི་ཚིག་དང ། དགེ་བ་སྐོས་ཀྱི་ཚིག་དང ། མཁན་པོའི་ཚིག་དང ། སློབ་དཔོན་གྱི་ཚིག་དང ། རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་ཚིག་གོ་།དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང།་བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། རྗེས་སུ་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་དག། ནམ་མ་ལངས། སྐྱ་རེངས་མ་ཤར། རིན་པོ་ཆེ་དག་གམ། རིན་པོ་ཆེར་སྨོས་པ་དག་མ་བསྡུས་པར་རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་སྒོ་གཏན་ནམ། སྒོ་གཏན་གྱི་ཉེ་ཀོར་ལས་འདའ་ན། དེ་འདྲ་བའི་རྐྱེན་མ་གཏོགས་ཏེ། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། འཆར་ཀའམ། གཞན་ཡང་དེ་ལྟ་བུ་གང་ཡིན་པའོ། །ནམ་མ་ལངས་ཞེས་བྱ་བ་ནི། ནམ་ནངས་པར་མ་གྱུར་པའོ། །སྐྱ་རེངས་གསུམ་པོ་སྐྱ་རེངས་དང་པོ་དང ། སྐྱ་རེངས་
Nya284b
བར་མ་དང ། སྐྱ་རེངས་ཐ་མའོ། །སྐྱ་རེངས་དང་པོ་ནི། སྔོན་པོར་སྣང་བའོ། །སྐྱ་རེངས་བར་མ་ནི། སེར་པོར་སྣང་བའོ། །སྐྱ་རེངས་ཐ་མ་ནི། དམར་པོར་སྣང་བ་སྟེ། འདིར་ནི། སྐྱ་རེངས་ཐ་མ་ཡིན་པར་དགོངས་སོ། །མ་ཤར་ཞེས་བྱ་བ་ནི། མ་བྱུང་བའོ། །རིན་པོ་ཆེ་དག་ཅེས་བྱ་བ་ལ། རིན་པོ་ཆེ་དག་ཅེས་བྱ་བ་ནི། ནོར་བུ་དག་དང ། མུ་ཏིག་དག་དང ། བཻ་ཌཱུརྱ་དག་དང ། མན་ཤེལ་དཀར་པོ་དག་དང ། བྱི་རུ་དག་དང ། གསེར་དག་དང ། དངུལ་དག་དང ། རྡོའི་སྙིང་པོ་དག་དང ། སྤུག་དག་དང ། དམར་པོ་དག་དང ། གཡས་སུ་འཁྱིལ་བདག་གོ་།རིན་པོ་ཆེར་སྨོས་པ་དག་ཅེས་བྱ་བ་ལ། རིན་པོ་ཆེར་སྨོས་པ་དག་ཅེས་བྱ་བ་ནི། གཡུལ་ངོར་སྤྱད་པའི་མཚོན་ཆ་ཐམས་ཅད་དང ། རོལ་མོར་སྤྱད་པའི་ཆ་སྤྱད་ཐམས་ཅད་དོ། །མ་བསྡུས་པར་ཞེས་བྱ་ནི། མ་བརྟུལ་བར་རོ། །རྒྱལ་པོ་རྒྱལ་རིགས་སྤྱི་བོར་དབང་བསྐུར་བའི་ཞེས་བྱ་བ་ནི། འདི་ལྟ་སྟེ། བུད་མེད་རྒྱལ་སྲིད་ལ་དབང་བསྐུར་བར་གྱུར་ན། དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ལ། རྒྱལ་རིགས་དང ། བྲམ་ཟེ་དང ། རྗེའུ་རིགས་དང ། དམངས་རིགས་རྒྱལ་པོ་དེ་ལ་དབང་བསྐུར་བས་དབང་བསྐུར་བར་གྱུར་ན། དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ནོ། །སྒོ་གཏན་ནམ་ཞེས་བྱ་བ་ནི། སྒོ་གཏན་རྣམ་པ་གསུམ་སྟེ། གྲོང་ཁྱེར་གྱི་སྒོ་གཏན་དང ། རྒྱལ་པོའི་ཕོ་བྲང་གི་སྒོ་གཏན་དང ། བཙུན་མོའི་འཁོར་གྱི་སྒོ་གཏན་ནོ། །སྒོ་གཏན་གྱི་ཉེན་ཀོར་ལས་ཞེས་བྱ་བ་ནི། དེའི་དྲུང་ལས་སོ། །
Nya285a
༄#། །འདའ་ན་ཞེས་བྱ་བ་ནི་འགྲོ་ནའོ། །དེ་འདྲ་བའི་རྐྱེན་མ་གཏོགས་ཏེ་ཞེས་བྱ་བ་ནི་དེ་འདྲ་བའི་རྐྱེན་བཞག་སྟེའོ། །ལྟུང་བྱེད་དོ། །ཞེས་བྱ་བ་ནི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ནམ་མ་ལངས་པ་ལ་ནམ་མ་ལངས་པར་འདུ་ཤེས་པས་གྲོང་ཁྱེར་གྱི་སྒོ་གཏན་ལས་འདའ་ན། ཉེས་བྱས་སུ་འགྱུར་རོ། །ནམ་མ་ནངས་པ་ལ་ཡིད་གཉིས་ཟ་བས་གྲོང་ཁྱེར་གྱི་སྒོ་གཏན་ལས་འདའ་ན། ཉེས་བྱས་སུ་འགྱུར་རོ། །ནམ་མ་ལངས་པ་ལ་ནམ་མ་ནངས་པར་འདུ་ཤེས་པས་གྲོང་ཁྱེར་གྱི་སྒོ་གཏན་ལས་འདའ་ན། ཉེས་བྱས་སུ་འགྱུར་རོ། །ནམ་ལངས་པ་ལ་ཡིད་གཉིས་ཟ་བས་གྲོང་ཁྱེར་གྱི་སྒོ་གཏན་ལས་འདའ་ན། ཉེས་བྱས་སུ་འགྱུར་རོ། །དགེ་སློང་གིས་ནམ་མ་ནངས་པ་ལ་ནམ་མ་ནངས་པར་འདུ་ཤེས་པས་རྒྱལ་པོའི་ཕོ་བྲང་གི་སྒོ་གཏན་ལས་འདའ་ན། ལྟུང་བྱེད་དུ་འགྱུར་རོ། །ནམ་མ་ནངས་པ་ལ་ཡིད་གཉིས་ཟ་བས་རྒྱལ་པོའི་ཕོ་བྲང་གི་སྒོ་གཏན་ལས་འདའ་ན། ལྟུང་བྱེད་དུ་འགྱུར་རོ། །ནམ་ནངས་པ་ལ་ནམ་མ་ནངས་པར་འདུ་ཤེས་པས།
Nya285b
རྒྱལ་པོའི་ཕོ་བྲང་གི་སྒོ་གཏན་ལས་འདའ་ན། ཉེས་བྱས་སུ་འགྱུར་རོ། །ནམ་ནངས་པ་ལ་ཡིད་གཉིས་ཟ་བས་རྒྱལ་པོའི་སྒོ་གཏན་ལས་འདའ་ན། ཉེས་བྱས་སུ་འགྱུར་རོ། །དགེ་སློང་གིས་ནམ་མ་ནངས་པ་ལ་ནམ་མ་ནངས་པར་འདུ་ཤེས་པས་བཙུན་མོའི་འཁོར་གྱི་སྒོ་གཏན་ལས་འདའ་ན། ལྟུང་བྱེད་དུ་འགྱུར་རོ། །ནམ་མ་ནངས་པ་ལ་ཡིད་གཉིས་པས་བཙུན་མོའི་འཁོར་གྱི་སྒོ་གཏན་ལས་འདའ་ན། ལྟུང་བྱེད་དུ་འགྱུར་རོ། །ནམ་ནངས་པ་ལ་མ་ནངས་པར་འདུ་ཤེས་པས་བཙུན་མོའི་འཁོར་གྱི་སྒོ་གཏན་ལས་འདའ་ན། ཉེས་བྱས་སུ་འགྱུར་རོ། །ནམ་ལངས་པ་ལ་ཡིད་གཉིས་ཟ་བས་བཙུན་མོའི་འཁོར་གྱི་སྒོ་གཏན་ལས་འདའ་ན། ཉེས་བྱས་སུ་འགྱུར་རོ། །རྒྱལ་པོ་དང ། བཙུན་མོ་དང ། གཞོན་ནུ་དང ། བློན་པོ་དག་གིས་བོས་པ་དང ། བར་ཆད་བརྒྱད་པོ་རྒྱལ་པོ་དང ། ཆོམ་རྐུན་དང ། མི་དང ། མི་མ་ཡིན་པ་དང ། གདུག་པ་དང ། མེ་དང ། ཆུ་དང ། རླུང་དག་ཉེ་བར་གནས་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །རྒྱལ་པོའི་ཕོ་བྲང་དུ་ནུབ་མོ་འགྲོ་བའི་ལྟུང་བྱེད་དེ། བརྒྱད་ཅུ་གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་འདོན་པ་གདོན་པར་བྱའོ། །ཞེས་
Nya286a
༄#། །བཀའ་སྩལ་ནས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་བཏོན་པའི་ཚེ་དྲུག་སྡེ་དག་གུས་པར་བྱས་ཏེ་ཆོས་ཉན་པར་མི་བྱེད། བླ་མར་བྱས་ཏེ་མི་བྱེད། རུ་ཤིང་ལྟར་བྱས་ཏེ་མི་བྱེད། ཡིད་ལ་བྱས་ཏེ་མི་བྱེད། སེམས་རྩེ་གཅིག་ཏུ་མི་བྱེད། རྣ་བླགས་ཏེ་མི་བྱེད། སེམས་ཐམས་ཅད་ཀྱིས་བསམ་སྟེ་ཆོས་ཉན་པར་མི་བྱེད་ཅིང ། དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག་།འདི་ལྟར་ཆོས་འདི་ཡང་མདོའི་ནང་དུ་གཏོགས། མདོའི་ནང་དུ་འདུས་པར་བདག་ཅག་གིས་ད་གདོད་ཤེས་སོ། །ཞེས་ཟེར་ནས། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་གིས་སོ་སོར་ཐར་པའི་མདོ་གདོན་པ་འདོན་པ་གདོན་ཐོས་སམ། ཅི་ན་གང་གི་ཕྱིར་དེ་སྐད་ཟེར། དེ་དག་གིས་སྨྲས་པ། ཚེ་དང་ལྡན་པ་དག་།ཅི། ཁོ་བོ་ཅག་ལ་ལས་དེ་ཙམ་འབའ་ཞིག་ཏུ་ཟད་དམ། འདོད་པའི་རྣམ་པར་རྟོག་པ་ལ་ཡང་རྣམ་པར་བརྟག་དགོས་སོ། །གནོད་སེམས་ཀྱི་རྣམ་པར་རྟོག་པ་དང ། རྣམ་པར་འཚེ་བའི་རྣམ་པར་རྟོག་པ་ལ་ཡང་རྣམ་པར་བརྟག་དགོས་སོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པའི་ཚེ་གུས་པར་བྱས་ཏེ་ཆོས་ཉན་པར་མི་བྱེད། བླ་མར་བྱས་ཏེ་མི་བྱེད། རུ་ཤིང་ལྟར་བྱས་ཏེ་མི་བྱེད། ཡིད་ལ་བྱས་ཏེ་མི་བྱེད། སེམས་རྩེ་གཅིག་ཏུ་མི་བྱེད། རྣ་བླགས་ཏེ་མི་བྱེད། སེམས་ཐམས་ཅད་
Nya286b
ཀྱིས་བསམ་སྟེ་ཆོས་ཉན་པར་མི་བྱེད་ཅིང ། དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག་།འདི་ལྟར་ཆོས་འདི་ཡང་མདོའི་ནང་དུ་གཏོགས། མདོའི་ནང་དུ་འདུས་པར་བདག་ཅག་གིས་ད་གཟོད་ཤེས་སོ། །ཞེས་ཟེར་ནས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ། དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་།ཁྱེད་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པའི་ཚེ་གུས་པར་བྱས་ཏེ་ཆོས་ཉན་པར་མི་བྱེད། བླ་མར་བྱས་ཏེ་མི་བྱེད། རུ་ཤིང་ལྟར་བྱས་ཏེ་མི་བྱེད། ཡིད་ལ་བྱས་ཏེ་མི་བྱེད། སེམས་རྩེ་གཅིག་ཏུ་མི་བྱེད། རྣ་བླགས་ཏེ་མི་བྱེད། སེམས་ཐམས་ཅད་ཀྱིས་བསམ་སྟེ་ཆོས་ཉན་པར་མི་བྱེད་ཅིང ། དགེ་སློང་རྣམས་ལ་ཡང་འདི་སྐད་ཅེས། ཚེ་དང་ལྡན་པ་དག་།འདི་ལྟར་ཆོས་འདི་ཡང་མདོའི་ནང་དུ་གཏོགས་མདོའི་ནང་དུ་འདུས་པར་བདག་ཅག་གིས་ད་གདོད་ཤེས་སོ། །ཞེས་ཟེར་བ་བདེན་ནམ། བཅུན་པ། མད་དོ། །སངས་རྒྱས་བཅོམ་ལྡན་འདས་ཀྱིས། དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་
Nya287a
༄#། །པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ན། ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པའི་ཚེ་འདི་སྐད་ཅེས། ཚེ་དང་ལྡན་པ་དག་།འདི་ལྟར་ཆོས་འདི་ཡང་མདོའི་ནང་དུ་གཏོགས། མདོའི་ནང་དུ་འདུས་པར་བདག་གིས་ད་གདོད་ཤེས་སོ། །ཞེ་ཟེར་ལ། དེ་ལ་གལ་ཏེ་དགེ་སློང་རྣམས་ཀྱིས་ཀྱང ། ཚེ་དང་ལྡན་པ་འདི་སྔོན་གསོ་སྦྱོང་གི་ལས་གཉིས་སམ་གསུམ་གྱི་ཚེ་འདུག་པར་ཤེས་ཤིང་ལ་མང་དུ་ལྟ་ཅི་སྨོས་ན། ཚེ་དང་ལྡན་པ་དེ་མི་ཤེས་པས་མི་འགྲོལ་བས། དེ་ལྟུང་བ་གང་བྱུང་བ་དེ་ཆོས་བཞིན་དུ་བྱེད་དུ་གཞུག་གི་།སྟེང་དུ་ཁྱོད་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པའི་ཚེ། གུས་པར་བྱས་ཏེ་ཆོས་ཉན་པར་མི་བྱེད། བླ་མར་བྱས་ཏེ་མི་བྱེད། རུ་ཤིང་ལྟར་བྱས་ཏེ་མི་བྱེད། ཡིད་ལ་བྱས་ཏེ་མི་བྱེད། སེམས་རྩེ་གཅིག་ཏུ་མི་བྱེད། རྣ་བླགས་ཏེ་མི་བྱེད། སེམས་ཐམས་
Nya287b
ཅད་ཀྱིས་བསམ་སྟེ་ཆོས་མཉན་པར་མི་བྱེད་པས། ཚེ་དང་ལྡན་པ། ཁྱོད་ཀྱིས་མ་རྙེད་དེ། རྙེད་པ་མ་ཡིན་ཞིང་ཉེས་པ་རྙེད་དེ། ལེགས་པ་རྙེད་པ་མ་ཡིན་ནོ། །ཞེས་འགྱོད་པར་བྱའོ། །ཚེ་དང་ལྡན་པ། དེ་ལ་འགྱོད་པར་བྱ་བ་ནི། དེ་ཡིན་ཏེ། ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །ཟླ་བ་ཕྱེད་ཕྱེད་ཅིང་ཞེས་བྱ་བ་ནི། ཟླ་བ་ཕྱེད་ཕྱེད་ཅིང་ངོ ། །སོ་སོར་ཐར་པའི་ཞེས་བྱ་བ་ལ། སོ་སོར་ཐར་པ་ཞེས་བྱ་བ་ནི། ཕམ་པར་འགྱུར་བའི་ཆོས་བཞི་དང ། དགེ་འདུན་ལྷག་མའི་ཆོས་བཅུ་གསུམ་དང ། མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པར་བྱ་བའི་ཆོས་བཞི་དང ། བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་དག་གོ་།མདོ་གདོན་པ་ཞེས་བྱ་བ་ལ། མདོ་གདོན་པ་ཞེས་བྱ་བ་ནི། ཡང་དག་པར་སྦྱོར་བའོ། །འདོན་པའི་ཚེ་ཞེས་བྱ་བ་ནི། རབ་ཏུ་སྟོན་པའི་ཚེའོ། །འདི་སྐད་ཅེས་བྱ་བ་ནི། འདི་སྐད་ཅེས་ཟེར་ནའོ། །ཚེ་དང་ལྡན་པ་དག ། འདི་ལྟར་ཆོས་འདི་ཡང་མདོའི་ནང་དུ་གཏོགས། མདོའི་ནང་དུ་འདུས་པར་བདག་གིས་ད་གདོད་ཤེས་སོ། །ཞེས་ཟེར་ལ་ཞེས་བྱ་བ་ནི། བཅོམ་ལྡན་འདས་ཀྱིས་གསུངས་པའི་ཆོས་འདི་ཡང་ངོ ། དེ་ལ་གལ་ཏེ་དགེ་སློང་རྣམས་ཀྱིས་ཀྱང་ཞེས་བྱ་བ་ནི། དེ་ན་དགེ་སློང་གང་དག་འཁོད་པ་རྣམས་ཀྱིས་ཀྱང་ངོ ། །ཚེ་དང་ལྡན་པ་འདི་ཞེས་བྱ་བ་ནི། དགེ་སློང་གང་ཡིན་པ་འདིའོ། །སྔོན་གསོ་
Nya288a
༄#། །སྦྱོང་གི་ལས་གཉིས་སམ་གསུམ་གྱི་ཚེ་འདུག་པར་ཤེས་ཤིང་ཞེས་བྱ་བ་ནི། འདིས་སོ་སོར་ཐར་པ་ལན་གཉིས་སམ་གསུམ་ཐས་པར་ཤེས་ཤིང་ངོ ། །ལན་མང་དུ་ལྟ་ཅི་སྨོས་ན་ཞེས་བྱ་བ་ནི། ལན་མང་དུ་འདུག་པར་ཤེས་པ་ལྟ་ཅི་སྨོས་ནའོ། །ཚེ་དང་ལྡན་པ་དེ་མི་ཤེས་པས་མི་འགྲོལ་བས་ཞེས་བྱ་བ་ནི། དེ་དེས་ལྟུང་བ་ལས་མི་འགྲོལ་བས། དེ་ལྟུང་བ་དང་བཅས་པ་ཉིད་ཡིན་པའོ། །དེ་ལྟུང་བ་གང་བྱུང་བ་ཞེས་བྱ་བ་ནི། ལྟུང་བྱེད་དོ། །དེས་ཆོས་བཞིན་དུ་བྱེད་དུ་གཞུག་ཅེས་བྱ་བ་ནི། འཆགས་སུ་གཞུག་པའོ། །སྟེང་དུ་ཁྱོད་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་གདོན་པའི་ཚེ་གུས་པར་བྱས་ཏེ་ཆོས་ཉན་པར་མི་བྱེད། བླ་མར་བྱས་ཏེ་མི་བྱེད། རུ་ཤིང་ལྟར་བྱས་ཏེ་མི་བྱེད། ཡིད་ལ་བྱས་ཏེ་མི་བྱེད། སེམས་རྩེ་གཅིག་ཏུ་མི་བྱེད། རྣ་བླགས་ཏེ་མི་བྱེད། སེམས་ཐམས་ཅད་ཀྱི་བསམ་སྟེ་ཆོས་ཉན་པར་མི་བྱེད་པས། ཚེ་དང་ལྡན་པ། ཁྱོད་ཀྱིས་མ་རྙེད་དེ། རྙེད་པ་མ་ཡིན་ཞིང ། ཉེས་པ་རྙེད་དེ། ལེགས་པ་རྙེད་པ་མ་ཡིན་ནོ། །ཞེས་འགྱོད་པར་བྱའོ་ཞེས་བྱ་བ་ནི། འགྱོད་དུ་གཞུག་པར་བྱ་བའོ། །ཚེ་དང་ལྡན་པ། དེ་ལ་འགྱོད་པར་བྱ་བ་ནི། དེ་ཡིན་ཏེ་ཞེས་བྱ་བ་ནི། དེ་ལྟར་འགྱོད་པར་བྱ་བའོ། ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་
Nya288b
ལྟུང་བ་དེ་མ་བཤགས་ཤིང ། སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་ཕམ་པར་འགྱུར་བའི་ཆོས་བཞི་དང ། དགེ་འདུན་ལྷག་མའི་ཆོས་བཅུ་གསུམ་དང ། མ་ངེས་པའི་ཆོས་གཉིས་དང ། སྤང་བའི་ལྟུང་བྱེད་ཀྱི་ཆོས་སུམ་ཅུ་དང ། ལྟུང་བྱེད་ཀྱི་ཆོས་དགུ་བཅུ་དང ། སོ་སོར་བཤགས་པའི་ཆོས་བཞི་དང ། བསླབ་པའི་ཆོས་མང་པོ་དང ། རྩོད་པ་ཞི་བར་བྱ་བའི་ཆོས་བདུན་པོ་དག་གདོན་པ་དག་འདོན་པའི་ཚེ། གུས་པར་བྱས་ཏེ་ཆོས་ཉན་པར་མི་བྱེད། བླ་མར་བྱས་ཏེ་མི་བྱེད། རུ་ཤིང་ལྟར་བྱས་ཏེ་མི་བྱེད། ཡིད་ལ་བྱས་ཏེ་མི་བྱེད། སེམས་རྩེ་གཅིག་ཏུ་མི་བྱེད། རྣ་བླགས་ཏེ་མི་བྱེད། སེམས་ཐམས་ཅད་ཀྱིས་བསམ་སྟེ་ཆོས་ཉན་པར་མི་བྱེད་ཅིང ། འདི་སྐད་ཅེས། ཚེ་དང་ལྡན་པ་དག་།འདི་ལྟར་ཆོས་འདི་ཡང་མདོའི་ནང་དུ་གཏོགས། མདོའི་ནང་དུ་འདུས་པར་བདག་གིས་ད་གདོད་ཤེས་སོ། །ཞེས་ཟེར་ན། ཐམས་ཅད་དུ་ལྟུང་བྱེད་དུ་འགྱུར་རོ། །ལམ་གོལ་བར་རྒས་པར་གྱུར་ཅིང་ཡང་དག་པ་ཁོ་ནར་མི་ཤེས་ན། ལྟུང་བ་མེད་པའོ། ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། བསླབ་པའི་གཞིའི་དངོས་པོ་ལ་ཁྱད་དུ་གསོད་པའི་ལྟུང་བྱེད་དེ། བརྒྱད་ཅུ་གསུམ་པ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་དོན་དགུ་པ། སངས་རྒྱས་བཅོམ་ལྡན་འདས་མཉན་ཡོད་ན་
Nya289a
༄#། །རྒྱལ་བྱེད་ཀྱི་ཆལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་གཅེར་བུ་བའི་ཉན་ཐོས་ཆོས་ཞེས་བྱ་བ། བ་སོ་མཁན་ཞིག་འདུག་པ་དེ། གཅིར་བུ་པ་དག་ལ་ཤིན་ཏུ་མངོན་པར་དད་དོ། །དེ་དུས་གཞན་ཞིག་ན་དགེ་སློང་བསོད་སྙོམས་པ་ཞིག་གིས་ཆོས་བསྟན་པས་བཏུལ་ནས། དེས་ཀྱང་དེ་ལས་སྐྱབས་སུ་འགྲོ་བ་དང ། བསླབ་པའི་གཞི་དག་བླངས་སོ། །ཡང་བསོད་སྙོམས་པ་དེས། དེ་ལ་རྫས་ལས་བྱུང་བའི་བསོད་ནམས་བྱ་བའི་གཞི་བདུན་གྱི་བསྔགས་པ་རྒྱ་ཆེར་བརྗོད་པ་དང ། དེ་མངོན་པར་དད་པར་གྱུར་ནས་སྨྲས་བ། འཕགས་བ།་བདག་གིས་ཀྱང་རྫས་ལས་བྱུང་བའི་བསོད་ནམས་བྱ་བའི་གཞི་ཅུང་ཟད་ཅིག་ཡང་དག་པར་བླངས་ཏེ་འཇུག་པར་བགྱིའོ། །བཞིན་བཟང ། ཅི་ཞིག་བྱེད། འཕགས་པ། དགེ་སློང་གི་དགེ་འདུན་ལ་རང་གི་བཟོས་བསྙེན་བཀུར་བགྱིའོ། །མ་ཉེས་ཀྱི། དེ་བཞིན་གྱིས་ཤིག་།བསོད་སྙོམས་པས་གཙུག་ལག་ཁང་དུ་སོང་སྟེ་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་གིས་གཅེར་བུ་བའི་ཉན་ཐོས་ཆོས་ཞེས་བྱ་བ། བ་སོ་མཁན་དེ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་ནས། དེས་དགེ་སློང་གི་དགེ་འདུན་ལ་རང་གི་བཟོས་བསྙེན་བཀུར་བྱེད་ཀྱི། སུ་ཅི་འདོད་པ་དེས་དེ་བྱེད་དུ་ཆུག་ཅིག་།ཇི་ཙམ་ན་ཁབ་རལ་མེད་པས། དེ་དེའི་གན་དུ་སོང་སྟེ་སྨྲས་པ། བཞིན་བཟང ། ཁོ་བོ་ཁབ་རལ་མེད་ཀྱི། དེ་གྱིས་ཤིག་།འཕགས་པ་
Nya289b
ཇི་ལྟ་བུ་ཞིག་བགྱི། །གང་བཟང་བའོ། །འཕགས་པ། བ་སོ་ལས་བགྱིས་པ་བཟང་ངོ ། །བཞིན་བཟང ། བ་སོ་ལས་བྱས་བགྱིས་ཤིག་།དེ་དེའི་ཁབ་རལ་བ་སོ་ལས་བྱས་པ་བྱས་ཏེ་བྱིན་ནོ། །དགེ་སློང་དེས་དེ་དགེ་སློང་རྣམས་ལ་བསྟན་པ་དང ། དགེ་སློང་གཞན་གྱིས་ཀྱང་དེ་ལྟ་བུ་བྱེད་དུ་བཅུག་ཅིང ། གཞན་གྱིས་ཀྱང་བྱེད་དུ་བཅུག་།གཞན་གྱིས་ཀྱང་བྱེད་དུ་བཅུག་པས། དེའི་བ་སོ་ཟད་པར་གྱུར་ཏོ། །དགེ་སློང་གཞན་ཞིག་ཀྱང་འོངས་ཏེ་སྨྲས་པ། བཞིན་བཟང ། ཁོ་བོའི་ཁབ་རལ་གྱིས་ཤིག་།འཕགས་པ། ཇི་ལྟ་བུ་ཞིག་བགྱི། གང་བཟང་བའོ། །འཕགས་པ། བ་སོ་ལས་བགྱིས་པ་བཟང་ན། བ་སོ་དེ་ནི། བས་སོ། །གལ་ཏེ་བཞེད་ན། རུས་པ་ལས་བགྱིས་པ་བགྱིའོ། །བཞིན་བཟང ། མ་ཉེས་ཀྱི། གྱིས་ཤིག་།དེས་དེའི་ཁབ་རལ་རུས་པ་ལས་བྱས་པ་བྱས་ཏེ་བྱིན་ནོ། །དགེ་སློང་དེས་དེ་དགེ་སློང་རྣམས་ལ་བསྟན་པ་དང ། དགེ་སློང་གཞན་གྱིས་ཀྱང་དེ་ལྟ་བུ་བྱེད་དུ་བཅུག་ཅིང ། གཞན་གྱིས་ཀྱང་བྱེད་དུ་བཅུག་།གཞན་གྱིས་ཀྱང་བྱེད་དུ་བཅུག་པས་དེའི་རུས་པ་ཡང་ཟད་པར་གྱུར་ཏོ། །དགེ་སློང་གཞན་ཞིག་ཀྱང་འོངས་ཏེ་སྨྲས་པ། བཞིན་བཟང ། ཁོ་བོའི་ཁབ་རལ་གྱིས་ཤིག་།འཕགས་པ། ཇི་ལྟ་བུ་ཞིག་བགྱི། གང་བཟང་བའོ། །འཕགས་པ། བ་སོ་ལས་བགྱིས་པ་བཟང་ན། བ་སོ་དེ་ནི། བས་སོ། བཞིན་བཟང ། གལ་ཏེ་དེ་ལྟ་ན། རུས་པ་ལས་བྱས་པ་གྱིས་ཤིག་།འཕགས་པ། རུས་པ་ཡང་བས་སོ། །གལ་ཏེ་བཞེད་ན། རཝ་ལས་བགྱིས་པ་
Nya290a
༄#། །བགྱིའོ། །བཞིན་བཟང ། མ་ཉེས་ཀྱི། གྱིས་ཤིག་།དེ་དེའི་ཁབ་རལ་རཝ་ལས་བྱས་པ་བྱས་ཏེ་བྱིན་ནོ། །དགེ་སློང་དེས་དེ་དགེ་སློང་རྣམས་ལ་བསྟན་པ་དང ། དགེ་སློང་གཞན་གྱིས་ཀྱང་དེ་ལྟ་བུ་བྱེད་དུ་བཅུག་ཅིང ། གཞན་གྱིས་ཀྱང་དེ་ལྟ་བུ་བྱེད་དུ་བཅུག་།གཞན་གྱིས་ཀྱང་དེ་ལྟ་བུ་བྱེད་དུ་བཅུག་པས་དེའི་རཝ་ཡང་ཟད་པར་གྱུར་ཏོ། །དེ་རང་གི་ཟན་དང ། རང་གི་ཡོ་བྱད་དག་གིས་དགེ་སློང་རྣམས་ཀྱི་ལས་བྱེད་པ་ན་དབུལ་པོར་གྱུར་ཏོ། །གཅེར་པུ་པ་དག་།ཆོས་འདི་གང་གིས་ཚེ་ཁོ་བོ་ཅག་ལ་མངོན་པར་དད་པར་གྱུར་པ་དེ་ཚེ་ན། འདི་ཐམས་ཅད་ཕུན་སུམ་ཚོགས་པར་གྱུར་ན། འདི་ད་ལྟར་ཤཱཀྱའི་བུའི་དགེ་སྦྱོང་རྣམས་ལ་མངོན་པར་དད་པས། ཟན་ཡང་སློང་བར་བྱེད་དོ། །ཞེས་འཕྱ་བ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། ཞེས་བྱ་བ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་།ཁྱེད་བ་སོ་ལས་བྱས་པ་དང ། རུས་པ་ལས་བྱས་པ་དང ། རཝ་ལས་བྱས་པའི་ཁབ་རལ་བྱེད་དུ་བཅུག་པ་བདེན་ནམ། བཅུག་
Nya290b
པ།་མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང ། ཆོག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པ་ཉིད་ཀྱི་བསྔགས་པ་བརྗོད་པ་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བ་སོའམ། རུས་པའམ། རཝའི་ཁབ་རལ་བྱེད་དུ་བཅུག་ན། བཅག་ནས་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཆོས་འདི་པའོ། །བ་སོའམ་ཞེས་བྱ་བ་ནི། བ་སོ་ཉིད་དོ། །རུས་པའམ་ཞེས་བྱ་བ་ཡང་རུས་པ་ཉིད་དོ། །རཝའི་ཞེས་བྱ་བ་ཡང་རཝ་ཉིད་ཀྱིའོ། ། ཁབ་རལ་ཞེས་བྱ་བ་ནི། ཁབ་རལ་གཉིས་ཏེ། སྦུབ་བུ་ཅན་དང ། ཆང་བ་ལྟ་བུའོ། །དོན་འདིར་ནི། གཉིས་གང་ཡིན་པར་དགོངས་སོ། །བྱེད་དུ་འཇུག་ན་ཞེས་བྱ་བ་ནི། རང་གིས་སམ་གཞན་ནོ། ། བཅག་ནས་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་བཅག་ནས་ལྟུང་བྱེད་ཀྱི་ལྟུང་བ་བཤགས་པར་བྱའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་
Nya291a
༄#། །ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་པ་སོའམ། རུས་པའམ། རཝའི་ཁབ་རལ་བྱེད་དམ། བྱེད་དུ་འཇུག་ན། ཐམས་ཅད་དུ་ལྟུང་བྱེད་དུ་འགྱུར་རོ། །གང་གི་མདུན་དུ་འཆགས་པར་བྱེད་པ་དེས། ཁྱོད་ཀྱིས་དངོས་པོ་དེ་བཅག་གམ་ཞེས་དྲི་བར་བྱའོ། །མ་དྲིས་པར་འཆགས་པ་དང་དུ་ལེན་ན། ཉེས་བྱས་སུ་འགྱུར་རོ། །ལྟུང་བ་དེ་ཡང་བཤགས་པ་མ་ཡིན་པས་ཡང་བཤགས་པར་བྱའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཁབ་རལ་འཆོས་པའི་ལྟུང་བྱེད་དེ། བརྒྱད་ཅུ་རྩ་བཞི་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་ཞིག་ལྗོངས་རྒྱུ་ཞིང་འགྲོ་བ་ན། མཉན་ཡོད་དུ་ཕྱིན་ནས་མཉན་ཡོད་དུ་ལམ་གྱིས་དུབ་པའི་ངལ་བསོས་ཏེ་རྒྱལ་བྱེད་ཀྱི་ཚལ་དུ་སོང་ནས། དེ་སྒོ་ཁང་དུ་འདུག་གོ་།དེས་ཁྲིད་དམའ་བ་ཞིག་རྙེད་ནས། དེས་དེ་ཉིད་ཀྱི་མདུན་དུ་རྐང་པ་གཉིས་བཀྲུས་ནས་
Nya291b
སྐྱིལ་མོ་ཀྲུང་བཅས་ཏེ་འདུག་གོ་།སོས་ཀའི་ཚ་བའི་དུས་ལ་བབ་པས་སྦྲུལ་དུག་མྱུར་དུ་ཁྱབ་པར་བྱེད་པ་ཚ་བས་གདུངས་པས་བསིལ་པ་འདོད་པ་ཞིག་ཕྱོགས་དེར་བསྐྱིལ་ཏེ་ཉལ་བ་དང ། །ཇི་ཙམ་ན་དགེ་སློང་དེ་ལམ་གྱིས་དུབ་པས་ཡུར་བར་བརྩམས་ནས། དེའི་ལུས་ཡུད་ཙམ་ཡུད་ཙམ་ཞིང་འཆོག་པས་ཁྲི་ཡང་སྒྲ་རྩེག་རྩེག་ཟེར་རོ། །སྦྲུལ་དུག་མྱུར་དུ་ཁྱབ་པར་བྱེད་པ་དེས་བསམ་པ། འདི་བདག་ལ་འཚེའོ་སྙམ་ནས། དེས་གདེངས་ཀ་བྱས་ཏེ་འདུག་གོ་།ཇི་ཙམ་ན་ཡང་དེ་ལུས་འཆོག་ཅིང་ཁྲི་སྒྲ་རྩེག་རྩེག་ཟེར་ནས། དེས་དེའི་དཔྲལ་བར་བཟུང་སྟེ་སྤྱོད་ལམ་དེ་ཉིད་ཀྱིས་ཤི་ཞིང་དུས་ལ་བབ་ནས་སུམ་ཅུ་རྩ་གསུམ་པའི་ལྷའི་རིས་བཟང་པོ་རྣམས་ཀྱི་ནང་དུ་སྐྱེས་སོ། །དེའི་གན་དུ་ལྷའི་བུ་མོ་དག་ལྷགས་པ་དང ། དེས་སེ་གོལ་གྱི་སྒྲས་དེ་དག་ཕྱིར་བཟློག་ནས་དེ་དག་ལྷའི་དབང་པོ་བརྒྱ་བྱིན་གྱི་གན་དུ་དོང་སྟེ་སྨྲས་པ། ལྷ། འདི་ན་ལྷའི་བུ་སྐྱེས་ནས་རིང་པོ་མ་ལགས་པ་ཞིག་སྐྱིལ་མོ་ཀྲུང་བཅས་ཏེ་མཆིས་ནས་བདག་ཅག་དེའི་དྲུང་དུ་མཆིས་པ་དང ། དེས་སེ་གོལ་གྱི་སྒྲས་བདག་ཅག་སླར་བཟློག་གོ་།བརྒྱ་བྱིན་གྱིས་སྨྲས་པ། ལྷ་མོ་དག་།དེ་ནི། སྔོན་དགེ་སློང་ཡིན་གྱི། དེའི་མདུན་དུ་མེ་ལོང་ཟུངས་ཤིག་དང་དྲན་པ་རྙེད་པར་འགྱུར་རོ། །དེ་དག་གིས་དེའི་མདུན་དུ་མེ་ལོང་བཟུང་བ་དང ། དེས་བདག་ཉིད་དཔུང་རྒྱན་དང ། རྣ་ཆ་གདུབ་ཀོར་དང ། ཕྲེང་བ་རྒྱུ་དང ། རྒྱན་སྣ་ཚོགས་ཀྱིས་བརྒྱན་པར་མཐོང་ནས། དེས་དྲན་པ་རྙེད་དོ། །དེ་ནས་དེས་དེ་དག་འདོད་པར་
Nya292a
༄#། །བརྩམས་པ་དང ། དེ་དག་གིས་སྨྲས་པ། བཟོད་ལྡན། བདག་ཅག་དེ་བཞིན་དུ་བསྙེན་བཀུར་མི་བྱེད་དེ། གང་ལྷའི་དབང་པོ་བརྒྱ་བྱིན་ལ་ཕྱག་འཚལ་བ་དེ་ལ་བདག་ཅག་བསྙེན་བཀུར་བྱེད་དོ། །དེས་བསམ་པ། བདག་གིས་བཅོམ་ལྡན་འདས་འདོད་པའི་དྲི་ང་བ་མེད་པ་ལ་ཕྱག་བྱས་ནས། ད་ཇི་ལྟར་ལྷའི་དབང་པོ་བརྒྱ་བྱིན་འདོད་པའི་ལོངས་སྤྱོད་ཅན་ལ་ཕྱག་འཚལ་སྙམ་དུ་རིག་ནས་སྨྲས་པ། སྲིང་མོ་དག་།གང་གིས་ལྷའི་དབང་པོ་བརྒྱ་བྱིན་ལ་ཕྱག་འཚལ་བར་མི་བྱེད་པ་དེ་ལྟ་བུའི་ཐབས་འགའ་ཡོད་དམ། བཟོད་ལྡན། ཡོད་དེ། གང་ན་ལྷའི་དྲང་སྲོང་དག་ཚངས་པར་སྤྱད་པ་སྤྱོད་ཅིང་འཁོད་པ་དེ་དག་གི་ནང་དུ་གང་ཚངས་པར་སྤྱད་པ་སྤྱོད་པར་བྱེད་པ་ནི། ལྷའི་དབང་པོ་བརྒྱ་བྱིན་ལ་ཕྱག་མི་འཚལ་ཏེ། ལྷའི་དབང་པོ་བརྒྱ་བྱིན་ཉིད་དེ་ལ་ཕྱག་འཚལ་ལོ། །དེ་དག་གི་ནང་དུ་ཞུགས་པ་དང ། ལྷའི་དབང་པོ་བརྒྱ་བྱིན་གྱིས། ཇི་ལྟར་དེ་ལྷའི་དྲང་སྲོང་གི་ནང་དུ་ཞུགས་ཏེ་ཚངས་པར་སྤྱད་པ་སྤྱོད་པ་ཐོས་ནས་ལྷའི་དབང་པོ་བརྒྱ་བྱིན་དེའི་གན་དུ་སོང་སྟེ་ཕྱིན་ནས་རྐང་པ་ལ་ཕྱག་འཚལ་དེ་སོང་ངོ ། །དེ་ནས་སྔོན་དགེ་སློང་ལྷའི་བུ་དེ་འདི་སྙམ་དུ་སེམས་ཏེ། གང་གི་ཕྱིར་བདག་ཡོངས་སུ་གནས་པ་བསྟེན་ཏེ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི། བདག་གི་ཚུལ་དང་མཐུན་པ་མ་ཡིན་གྱི། བདག་ཡོངས་སུ་གནས་པ་མ་བསྟེན་པ་ཁོ་ནར་བཅོམ་ལྡན་འདས་ལ་བལྟ་བ་དང །
Nya292b
བསྙེན་བཀུར་བྱ་བའི་ཕྱིར་ཉེ་བར་འགྲོའོ། །སྙམ་མོ། །དེ་ནས་སྔོན་དགེ་སློང་ལྷའི་བུ་རྣ་ཆ་གདུབ་ཀོར་གཡོ་ཞིང་དྲི་མ་མེད་པ་ཐོགས་ཏེ་དོ་ཤལ་དང ། སེན་མོ་དོས་བརྒྱན་པའི་ལུས་ཀྱིས་ལྷའི་ཨུཏྤ་ལ་དང།་པདྨ་དང ། ཀུ་མུད་དང ། པདྨ་དཀར་པོ་དག་གིས་ཐུབ་བཀང་སྟེ་ཁ་དོག་ཤིན་ཏུ་འདས་པས། མཚན་མོ་ལ་བབ་པ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་མེ་ཏོག་དག་གིས་མངོན་པར་གཏོར་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་མཐའ་གཅིག་ཏུ་འདུག་པ་དང ། འདི་ལྟར་སྔོན་དགེ་སློང་ལྷའི་བུའི་ཁ་དོག་གི་མཐུས་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །དེ་ནས་སྔོན་དགེ་སློང་ལྷའི་བུས་བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ། རྨོངས་པ་ཞེས་བགྱི་ཚལ་དེ་ནི། །ལྷ་མོའི་ཚོགས་ཀྱིས་ཀུན་བསྒྲགས་ཤིང ། །ཤ་ཟ་མོ་བཞིན་ཡོངས་བསྐོར་བ། །ཇི་ལྟར་འཆི་བ་འབྱུང་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། དྲང་པོ་ཞེས་བྱའི་ལམ་དེ་ནས། །འཇིགས་མེད་ཕྱོགས་ཞེས་བྱ་བ་དེར། །སྒྲ་མེད་ཅེས་བྱའི་ཤིང་རྟ་ནི། །ཆོས་ཀྱི་རྟོགས་པས་བསྐྱོད་གྱུར་པ། །དེ་ཡི་དམིགས་པ་ངོ་ཚ་ཤེས། །དྲན་པ་དེ་ཡི་འཁོར་ཡིན་ཏེ། །ཁ་ལོ་སྒྱུར་བ་ཤེས་རབ་ཡིན། །སྣ་འདྲེན་ཡང་དག་ལྟ་ཞེས་བྱ། །སྐྱེས་པའམ་བུད་མེད་གང་ལའང་རུང ། །བཞོན་པ་འདི་འདྲ་ཡོད་གྱུར་ཅིང ། །དེ་འདྲའི་བཞོན་པ་ཞོན་གྱུར་ན། །དེ་ནི་འཇིགས་མེད་ཕྱོགས་སུ་
Nya293a
༄#། །འགྲོ་།དེ་ནས་བཅོམ་ལྡན་འདས་ཀྱིས་སྔོན་དགེ་སློང་ལྷའི་བུའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་གང་ཐོས་ནས་དགེ་སློང་ལྷའི་བུས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་ཏུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོག་པར་བྱེད་པའི་ཆོས་བསྟན་པ་མཛད་དོ། །དེས་བདེན་པ་མཐོང་ནས་བཙུན་པ། བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། །སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་གོ་།ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་
Nya293b
ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་བརྒལ་བར་གྱུར། །འགྲོ་བ་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བ་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །དེ་ནས་འདུད་བྱས་དོ་ཤལ་རབ་འཕྱང་བས། །ཞབས་ལ་ཕྱག་འཚལ་རངས་པ་སྐྱེས་གྱུར་ནས། །དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང ། །དེ་ནས་སྔོན་དགེ་སློང་ལྷའི་བུ། ཚོང་པ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཐོག་འབྱོར་པ་ལྟ་བུ་དང ། དཔའ་བོ་གཡུལ་ལས་རྣམ་པར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་པ་ལྟ་བུར་གྱུར་ཏེ། ཆ་ལུགས་གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་ཆ་ལུགས་དེ་ཉིད་ཀྱིས་རང་གི་གནས་སུ་སོང་ངོ ། །ཇི་ཙམ་ན་མཚན་མོ་ནམ་ནངས་ནས་ཁང་སྐྱོང་གིས་སྒོ་ཕྱེ་སྟེ་ཕྱགས་མ་ཐོགས་ནས་སྒོ་ཁང་ཕྱག་པར་བརྩམས་པ་དང ། སྐྱིལ་མོ་ཀྲུང་གིས་འདུག་པ་མཐོང་ནས། དེས་སྨྲས་པ། ཚེ་དང་ལྡན་པ། ལོངས་ཤིག་།ཅི། ཁྱོད་ཀྱང་སྔར་བསམ་གཏན་བྱེད་པ་ཡིན་ནམ། དེ་ཚིག་མི་སྨྲ་ནས། དེས་དེའི་ལག་པ་གཉིས་ནས་བཟུང་སྟེ་བསྒུལ་བར་བརྩམས་པ་དང ། ཇི་ཙམ་ན་དུས་ལ་བབ་པར་མཐོང་ངོ ། །དེས་འདི་ཅི་ཞིག་གིས་དུས་ལ་བབ་ཅེས་བརྟག་པར་བརྩམས་པ་དང ། ཇི་ཙམ་
Nya294a
༄#། །ན་ཁྲི་འོག་ན་སྦྲུལ་དུག་མྱུར་དུ་ཁྱབ་པར་བྱེད་པ་འདུག་པ་མཐོང་ནས་དེས་སྡངས་ཏེ་དགེ་སློང་རྣམས་ཀྱི་གན་དུ་སོང་སྟེ་སྨྲས་པ། ཚེ་དང་ལྡན་པ་དག་།དགེ་སློང་སྒོ་ཁང་དུ་ཉལ་པ་གང་ཡིན་པ་དེ། སྦྲུལ་དུག་མྱུར་དུ་ཁྱབ་པར་བྱེད་པས་བཟུང་སྟེ་དུས་ལ་བབ་པོ། །དགེ་སློང་རྣམས་ཀྱིས་དེ་དུར་ཁྲོད་དུ་བསྐྱལ་ཏེ་བསྲེགས་ནས་ཕྱིར་ལྷགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་དེ་ཐམས་ཅད་དགེ་སློང་དག་ཁྲི་དམའ་བ་ལ་མལ་འཆའ་ཞིང་དེའི་མདུན་དུ་རྐང་པ་གཉིས་འཁྲུ་བ་ལས་གྱུར་པ་ཡིན་ནོ། །སྙམ་དུ་དགོངས་ནས་བཀའ་སྩལ་པ། དེ་ལྟ་བས་ན། དགེ་སློང་གིས་ཁྲི་དམའ་བ་ལ་མལ་བཅའ་བར་མི་བྱ་ཞིང ། ཁྲིའི་མདུན་དུ་རྐང་པ་གཉིས་བཀྲུ་བར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་ཁྲི་དམའ་བ་ལ་མལ་བཅའ་བར་མི་བྱ་ཞིང་ཁྲིའི་མདུན་དུ་རྐང་པ་གཉིས་བཀྲུ་བར་མི་བྱའོ། །ཞེས་བཀའ་སྩལ་ནས་དགེ་སློང་གཞན་དག་ལ་མཆིལ་ལྷམ་མི་བདོག་པ་དེ་དག་ལ་གནོད་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། གང་དག་མཆིལ་ལྷམ་མི་བདོག་པ་དེ་དག་གིས་མགོ་ལོགས་དང་རྐང་པའི་ལོགས་སུ་རྐང་པ་གཉིས་བཀྲུ་བར་བྱ་སྟེ། འདི་ལ་འགྱོད་པར་མི་བྱའོ། །དྲུག་སྡེ་དག་གིས་དགེ་སློང་ཁྲི་དམའ་བ་ལ་ཉལ་བ་སྦྲུལ་དུག་མྱུར་དུ་ཁྱབ་པར་བྱེད་པས་ཟིན་ཏེ་
Nya294b
དུས་ལ་བབ་ནས་བཅོམ་ལྡན་འདས་ཀྱིས་དགེ་སློང་གིས་ཁྲི་དམའ་བ་ལ་མལ་བཅའ་བར་མི་བྱའོ། །ཞེས་བཀག་པ་ཐོས་ནས་དེ་དག་གིས་ཁྲི་རྐང་པ་ཁྲུ་བཅུ་གཉིས་པ་བཅས་ཏེ་ཡ་ག་ད་མཐོན་པོར་བཙུགས་པ་དང ། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་།ཅི། ཁྱེད་ཅག་བྱ་ར་བྱེད་དམ། དེ་དག་གིས་སྨྲས་པ། སུ་ཞིག་བྱ་ར་བྱེད། ཁྱེད་ཀྱིས་དགེ་སློང་སྦྲུལ་དུག་མྱུར་དུ་ཁྱབ་བར་བྱེད་པས་ཟིན་ཏེ་དུས་ལ་བབ་པ་མ་མཐོང་ངམ། ཅི། ཁྱོད་དྲུག་སྡེ་དག་ཀྱང་སྦྲུལ་དུག་མྱུར་དུ་ཁྱབ་པར་བྱེད་པས་བཟུང་སྟེ་དུས་ལ་བབ་ཅིང ། ཁོ་བོ་ཅག་ཤི་བའི་ཡོ་བྱད་དག་འགེད་པར་འདོད་དམ། དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་རྣམས་ཀྱིས་བཟློག་པ་ན་དེ་དང་དེ་སྐད་ཟེར་ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་བ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་།ཁྱོད་དགེ་སློང་རྣམས་ཀྱིས་བཟློག་པ་ན། དེ་དང་དེ་སྐད་ཟེར་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ།
Nya295a
༄#། །རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་དགེ་འདུན་གྱི་ཁྲིའམ་ཁྲིའུ་བྱེད་དུ་འཇུག་ན། རྩ་བ་བདེ་བར་གཤེགས་པའི་སོར་བརྒྱད་ཀྱི་ཚད་དུ་གཞུག་པར་བྱའོ། །དེ་ལས་ལྷག་པ་བྱེད་དུ་འཇུག་ན། བཅད་ནས་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །ཚེ་དང་ལྡན་པ་འཆར་ཀ་ཚད་ལས་ཤིན་ཏུ་འདས་པ་ཡིན་པས། དེའི་པུས་མོ་གཉིས་ཀོས་ཀོ་ལ་རེག་པའི་སྐབས་དེ། དགེ་སྦྱོང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། བུ་གར་གཞུག་པ་མ་གཏོགས་སོ། །དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་
Nya295b
བུའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། རྗེས་སུ་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་དགེ་འདུན་གྱི་ཁྲིའམ་ཁྲིའུ་བྱེད་དུ་འཇུག་ན། རྩ་བ་བུ་གར་གཞུག་པ་མ་གཏོགས་པར་བདེ་བར་གཤེགས་པའི་སོར་བརྒྱད་ཀྱི་ཚད་དུ་བྱེད་དུ་གཞུག་པར་བྱའོ། །དེ་ལས་ལྷག་པ་བྱེད་དུ་འཇུག་ན། བཅད་ནས་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །དགེ་འདུན་གྱི་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །ཁྲིའམ་ཞེས་བྱ་བ་ནི། ཁྲི་ཉིད་ཀྱིའོ། །ཁྲིའུ་ཞེས་བྱ་བ་ཡང་ཁྲིའུ་ཉིད་དོ། །བྱེད་དུ་འཇུག་ན་ཞེས་བྱ་བ་ནི། བདག་ཉིད་ཀྱིས་སམ། གཞན་ནོ། །རྩེ་བ་བུ་གར་གཞུག་པ་མ་གཏོགས་པར་ཞེས་བྱ་བ་ནི། རྩ་བ་བུ་གར་གཞུག་པ་བཞག་སྟེའོ། །བདེ་བར་གཤེགས་པའི་སོར་བརྒྱད་ཀྱི་ཚད་དུ་བྱེད་དུ་གཞུག་པར་བྱའོ། །ཞེས་བྱ་བ་ལ། བདེ་བར་གཤེགས་པ་ཞེས་བྱ་བ་ནི། སྟོན་པའོ། །དེའི་སོར་བརྒྱད་གང་དག་ཡིན་པ་དེ་ལ་ནི། ཚད་དང་ལྡན་པའི་ཁྲུ་གང་ངོ ། །དེ་ལས་ལྷག་པར་བྱེད་དུ་འཇུག་ན་ཞེས་བྱ་བ་ནི། དེ་ལས་གོང་མའོ།། བཅད་ནས་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་བཅད་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་
Nya296a
༄#། །དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན། ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་འདུན་གྱི་ཁྲིའུ་རྩ་བ་བུ་གར་གཞུག་པ་མ་གཏོགས་པར་བདེ་བར་གཤེགས་པའི་སོར་བརྒྱད་ཀྱི་ཚད་ལས་ལྷག་པ་བྱེད་དུ་འཇུག་ན། ཐམས་ཅད་དུ་ལྟུང་བྱེད་དུ་འགྱུར་རོ། །གང་གི་མདུན་དུ་འཆགས་པར་བྱེད་པ་དེས། ཁྱོད་ཀྱིས་དངོས་པོ་དེ་བཅད་དམ་ཞེས་དྲི་བར་བྱའོ། །མ་དྲིས་པར་འཆགས་པ་དང་དུ་ལེན་པར་བྱེད་ན། ཉེས་བྱས་སུ་འགྱུར་རོ། །ལྟུང་བ་དེ་ཡང་མ་བཤགས་པ་ཡིན་པས་ཡང་བཤགས་པར་བྱའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཁྲི་རྐང་པ་འཆོས་པའི་ལྟུང་བྱེད་དེ།་བརྒྱད་ཅུ་རྩ་ལྔ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཉེ་དགའ་གསར་བུ་ཡིན་པས་དེའི་ཁྲི་ཐོབ་བོ་ཅོག་ཆེས་རྒན་པས་འཕྲོག་ཅིང་གནས་མལ་བསྒོ་བའི་དུས་ལ་ཡང་བབ་ནས་དེས་བསམ་པ། གང་གིས་བདག་གི་ཁྲི་མི་འཕྲོག་པའི་ཐབས་དེ་ལྟ་བུ་
Nya296b
ཅི་ཡོད་སྙམ་པ་དང ། དེས་བྱ་བ་འགའ་ཞིག་གི་ཕྱིར་ཤིང་བལ་དག་ཀྱང་བླངས་ནས་དེ་ལ་བློ་སྐྱེས་པ། ཤིང་བལ་གྱིས་བདལ་ཏེ་གཞག་གོ་།སྙམ་ནས་དེས་ཁྲིའི་སྟེང་དུ་ཤིང་བལ་བདལ་ཏེ་བཞག་གོ་།ཇི་ཙམ་ན་དགེ་སློང་ཆེས་རྒན་པ་ཞིག་འོངས་ནས་དེས་སྨྲས་པ། ཚེ་དང་ལྡན་པ། འདི་སུའི། ཉེ་དགས་སྨྲས་པ། ཁོ་བོའི་ཤིང་བལ་ལོ། །དེ་ན་དགེ་སློང་ཞིག་འདུག་པ་དེས་སྨྲས་པ། ཉེ་དགའ་ཇི་སྐད་ཟེར་བ་དེ་བཞིན་ཏེ། ཤིང་བལ་ནི། ཉེ་དགའི་ཡིན་ནོ། །འདི་ལྟར་ཁྲི་ནི། དགེ་འདུན་གྱི་ཡིན་ནོ། །དེ་སྐད་ཅེས་སྨྲས་པ་དང ། ཉེ་དགའ་ཁྲོས་ནས་དེས་ཤིང་བལ་ཁྱེར་ཏེ། ཁྲི་དའི་སྟེང་དུ་ཤིང་བལ་ཅུང་ཟད་བདལ་ཏེ་བཞག་གོ་།དགེ་སློང་དེས་སོ་སོར་མ་བརྟགས་པ་ཉིད་དུ་དེར་ཉལ་ནས། མཚན་མོ་ནམ་ནངས་ཏེ་ལངས་པ་དང་གོས་ཐམས་ཅད་ཤིང་བལ་གྱིས་སྐྱ་བོར་གྱུར་ནས་དགེ་སློང་རྣམས་ཀྱིས་དེ་ལ་སྨྲས་པ།་ཅི། ཁྱོད་གཡུལ་གྱི་གཞིར་ཉལ་ལམ། དེས་ཇི་ལྟར་གྱུར་པ་བརྗོད་པ་དང ། དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག། དགེ་འདུན་གྱི་ཁྲིའམ། ཁྲིའུ་ལ་ཤིང་བལ་བདལ་ཏེ་འཇོག་པར་བྱེད་ཅེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་
Nya297a
༄#། །བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཉེ་དགའ་ལ་རྨས་པ། ཉེ་དགའ། ཁྱོད་དགེ་འདུན་གྱི་ཁྲི་ལ་ཤིང་བལ་བདལ་ཏེ་འཇོག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་པ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་འདུན་གྱི་ཁྲིའམ། ཁྲིའུ་ལ་ཤིང་བལ་བདལ་ལམ། བདལ་དུ་འཇུག་ན། བསྡུས་ནས་ལྟུང་བྱེད་དོ། །ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །དགེ་འདུན་གྱི་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །ཁྲི་འམ་ཞེས་བྱ་བ་ནི། ཁྲི་ཉིད་དོ། །ཁྲིའུ་ལ་ཞེས་བྱ་བ་ནི། ཡང་ཁྲིའུ་ཉིད་ལའོ། །ཤིང་བལ་ཞེས་བྱ་བ་ནི། ལྔ་པོ། ཤལ་མ་ལིའི་དང ། རྐའི་དང ། ཀ་ཤའི་དང ། བུ་
Nya297b
ཀའི་དང ། ེ་ར་ཀའི་ཤིང་བལ་དག་ལས་གང་ཡང་རུང་བའོ། །བདལ་ལམ་ཞེས་བྱ་བ་ནི། བདག་ཉིད་ཀྱིས་སོ། །བདལ་དུ་འཇུག་ན་ཞེས་བྱ་བ་ནི། གཞན་ནོ། །བསྡུས་ནས་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་བསྡུས་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ།་དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དགེ་འདུན་གྱི་ཁྲིའམ། ཁྲིའུ་ལ་ཤིང་བལ་བདལ་ལམ། བདལ་དུ་འཇུག་ན། ཐམས་ཅད་དུ་ལྟུང་བྱེད་དུ་འགྱུར་རོ། །གང་གི་མདུན་དུ་འཆགས་པར་བྱེད་པ་དེས། ཁྱོད་ཀྱིས་དངོས་པོ་དེ་བསྡུས་སམ་ཞེས་དྲི་བར་བྱའོ། །མ་དྲིས་པར་འཆགས་པ་དང་དུ་ལེན་པར་བྱེད་ན། ཉེས་བྱས་སུ་འགྱུར་རོ། །ལྟུང་བ་དེ་ཡང་བཤགས་པ་མ་ཡིན་པས། ཡང་བཤགས་པར་བྱའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ཤིང་བལ་གྱིས་གོས་བར་བྱེད་པའི་ལྟུང་བྱེད་དེ། བརྒྱད་ཅུ་རྩ་དྲུག་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་
Nya298a
༄#། །ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་གདིང་བ་བྱེད་དུ་གཞུག་གོ་།ཞེས་བཀའ་སྩལ་ནས། དགེ་སློང་དག་ཚད་ལས་ཧ་ཅང་ལྷག་པར་བྱེད་དུ་འཇུག་ནས། དགེ་སློང་དོན་ཉུང་ངུ་དག། བཅོམ་ལྡན་འདས་ཀྱིས་དགེ་སློང་གིས་གདིང་བ་བྱེད་དུ་གཞུག་གོ་།ཞེས་བཀའ་སྩལ་ན། ཅིའི་ཕྱིར་དགེ་སློང་དག་།ཚད་ལས་ཧ་ཅང་ལྷག་པར་བྱེད་དུ་འཇུག་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་།ངས་དགེ་སློང་གིས་གདིང་བ་བྱེད་དུ་གཞུག་གོ་།ཞེས་བཀའ་སྩལ་ན། ཁྱེད་ཅག་ཚད་ལས་ཧ་ཅང་ལྷག་པ་བྱེད་དུ་འཇུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང ། ཆོག་ཤེས་པ་དང ། གསོ་སླ་བ་དང ། དགང་སླ་
Nya298b
བ་དང ། ཕྲི་པ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག ། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་གདིང་བ་བྱེད་དུ་འཇུག་ན། ཚད་བཞིན་དུ་བྱེད་དུ་ཆུག་ཅིག་།དེ་ལ་གདིང་བའི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་དོ། །ཞེང་དུ་མཐོ་ཕྱེད་དང་དོའོ། །དེ་ལས་ལྷག་པ་བྱེད་དུ་འཇུག་ན། བཅད་ནས་ལྟུང་བྱེད་དོ། །ཞེས་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་དེ་ལྟར་བཅའ་བ་མཛད་དོ། །ཚེ་དང་ལྡན་པ་འཆར་ཀ་ལུས་ཧ་ཅང་ལྷག་པས་དེའི་གདིང་བ་དེས་མི་ཆོག་ནས། དེས་གནས་མལ་བསྲུང་བའི་ཕྱིར་རྐང་པའི་མཐའ་ལོགས་སུ་ལོ་མའི་ཆུན་པོ་དག་བཞག་གོ་།སངས་རྒྱས་བཅོམ་ལྡན་འདས་འཚོ་ཞིང་བཞུགས་ལ། གསོན་ཞིང་བཞེས་པ་རྣམས་ཀྱི་ཆོས་ཉིད་ནི། གདུལ་བར་གྱུར་པའི་སྐྱེ་བོ་ལ་རྗེས་སུ་བརྩེ་བས། དུས་དང་དུས་སུ་སེམས་ཅན་དམྱལ་བ་རྒྱུར་གཤེགས་པ་དང ། དུད་འགྲོ་རྒྱུ་བ་དང ། ཡི་དྭགས་རྒྱུ་བ་དང ། ལྷ་རྒྱུ་བ་དང ། ལྗོངས་རྒྱུ་བ་དང ། ཆུ་ཀླུང་རྒྱུ་བ་དང ། རི་རྒྱུ་བ་དང ། དུར་ཁྲོད་
Nya299a
༄#། །རྒྱུ་བ་དང ། གཙུག་ལག་ཁང་རྒྱུར་གཤེགས་པས། དོན་འདིར་ནི། སངས་རྒྱས་བཅོམ་ལྡན་འདས་གཙུག་ལག་ཁང་རྒྱུར་གཤེགས་པར་བཞེད་ནས་བཅོམ་ལྡན་འདས་ཚེ་དང་ལྡན་པ་འཆར་ཀའི་གཙུག་ལག་ཁང་ག་ལ་དེར་གཤེགས་སོ། །བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀའི་རྐང་པའི་མཐའ་ལོགས་ན་ལོ་མའི་ཆུན་པོ་དག་བཞག་པ་གཟིགས་སོ།། གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། འདི་སུའི་མལ། བཙུན་པ། ཚེ་དང་ལྡན་པ་འཆར་ཀའི་འོ། འོ་ན། ཅིའི་ཕྱིར་རྐང་པའི་མཐའ་ལོགས་སུ་ལོ་མའི་ཆུན་པོ་དག་བཞག་།བཙུན་པ། བཅོམ་ལྡན་འདས་ཀྱིས་དགེ་སློང་གིས་གདིང་བ་བྱེད་དུ་འཇུག་ན། ཚད་བཞིན་དུ་བྱེད་དུ་ཆུག་ཅིག་།དེ་ལ་གདིང་བའི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་དོ། །ཞེང་དུ་མཐོ་ཕྱེད་དང་དོའོ། །དེ་ལས་ལྷག་པ་བྱེད་དུ་འཇུག་ན། བཅད་ནས་ལྟུང་བྱེད་དོ། །ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བར་མཛད་ནས་ཚེ་དང་ལྡན་པ་འཆར་ཀ་ཚད་ལས་ཧ་ཅང་ལྷག་པས་དེའི་གདིང་བ་དེས་མི་འཚལ་ནས། དེས་གནས་མལ་བསྲུང་བའི་སླད་དུ་སུག་པའི་མཐའ་ལོགས་སུ་ལོ་མའི་ཆུན་པོ་དག་བཞག་གོ་།ཀུན་དགའ་བོ། དེ་ལྟ་བས་ན། སྲིད་དུ་མཐོ་གང་གིས་སྲིངས་ཤིག་།དེ་ནས་བཅོམ་ལྡན་འདས་ཀྱིས་བསླབ་པ་འདོད་པ་དང ། བསླབ་པ་ལ་གུས་པ་དང ། བསླབ་པ་ལ་ཡོ་བྱད་
Nya299b
བསྙུངས་པའི་བ་སྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང ། དེའི་ཤས་ཆེ་བ་དང ། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ།་དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། རྗེས་སུ་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་གདིང་བ་བྱེད་དུ་འཇུག་ན། ཚད་བཞིན་དུ་བྱེད་དུ་ཆུག་ཅིག་།དེ་ལ་གདིང་བའི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་དོ། །ཞེང་དུ་མཐོ་ཕྱེད་དང་དོའོ། །སྲིད་དུ་མཐོ་གང་སྲིངས་ཤིག།་དེ་ལས་ལྷག་པ་བྱེད་དུ་འཇུག་ན། བཅད་ནས་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །གདིང་བ་ཞེས་བྱ་བ་ནི། སྟེང་རིམ་དུ་གདིང་བའོ། །བྱེད་དུ་འཇུག་ན་ཞེས་བྱ་བ་ནི། བདག་ཉིད་ཀྱིས་སམ། གཞན་ནོ། །ཚད་བཞིན་དུ་བྱེད་དུ་ཆུག་ཅིག་ཅེས་བྱ་བ་ནི། གདིང་བའི་ཚད་གང་ཡིན་པ་དེ་བཞིན་དུའོ། །དེ་ལ་གདིང་བའི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་དོ། །ཞེང་དུ་མཐོ་ཕྱེད་དང་དོ་ཞེས་བྱ་བ་ལ། སྲིད་དུ་ཞེས་བྱ་བ་ནི། ཆུའོ། །བདེ་བར་གཤེགས་པ་ཞེས་བྱ་བ་ནི། སྟོན་པའོ། །དེའི་མཐོའི་མཐོ་དོ་གང་ཡིན་པ་དེ་ནི། ཚེ་དང་ལྡན་པའི་ཁྲུ་གསུམ་མོ། །ཞེང་དུ་ཞེས་བྱ་བ་ནི། རྒྱར་རོ། །མཐོ་ཕྱེད་དང་དོ་ཞེས་བྱ་བ་ལ། བདེ་བར་གཤེགས་པའི་མཐོ་ཕྱེད་དང་དོ་གང་ཡིན་པ་དེ་ལ་ནི། ཚད་དང་ལྡན་པའི་ཁྲུ་དོ་དང ། སོར་དྲུག་གོ་།སྲིད་དུ་
Nya300a
༄#། །མཐོ་གང་གིས་སྲིངས་ཤིག་།ཅེས་བྱ་བ་ནི། མི་ཆོག་ན། སྲིད་དུ་བདེ་བར་གཤེགས་པའི་མཐོ་གང་གིས་བསྲིངས་སྟེ་བདེ་བར་གཤེགས་པའི་མཐོ་གང་གང་ཡིན་པ་དེ་ལ་ནི། ཚད་དང་ལྡན་པའི་ཁྲུ་ཕྱེད་དང་དོ་སྟེ། དེས་ན་གདིང་བའི་སྲིད་ཀྱི་ཚད་ནི། ཚད་དང་ལྡན་པའི་ཁྲུ་ཕྱེད་དང་ལྔའོ། །དེ་ལས་ལྷག་པ་བྱེད་དུ་འཇུག་ན་ཞེས་བྱ་བ་ནི། དེ་ལས་གོང་མའོ། །བཅད་ནས་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་བཅད་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ལྟུང་བ་དེ་མ་བཤགས་ཤིང ། སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་གདིང་བ་སྲིད་དུ་ཁྲུ་ཕྱེད་དང་ལྔ། ཞེང་དུ་ཁྲུ་དོ་དང་སོར་དྲུག་ལས་ལྷག་པ་བྱེད་དུ་འཇུག་ན། ཐམས་ཅད་དུ་ལྟུང་བྱེད་དུ་འགྱུར་རོ། །གང་གི་མདུན་དུ་འཆགས་པར་བྱེད་པ་དེས་ཁྱོད་ཀྱི་དངོས་པོ་དེ་བཅད་དམ་ཞེས་དྲི་བར་བྱའོ། །མ་དྲིས་པར་འཆགས་པ་དང་དུ་ལེན་པར་བྱེད་ན། ཉེས་བྱས་སུ་འགྱུར་རོ། །ལྟུང་བ་དེ་ཡང་མ་བཤགས་པ་ཡིན་པས། །ཡང་བཤགས་པ་བྱའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་
Nya300b
བ་དག་གིས་ཉེན་པ་ལ་ལྟུང་བ་མེད་དོ། །གདིང་བ་ལས་གྱུར་པའི་ལྟུང་བྱེད་དེ། བརྒྱད་ཅུ་རྩ་བདུན་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་གཡན་པ་དགབ་པ་བྱེད་དུ་གཞུག་གོ་།ཞེས་བཀའ་སྩལ་པ། དགེ་སློང་དག་ཚད་ལས་ཧ་ཅང་ལྷག་པར་བྱེད་དུ་འཇུག་ནས། དགེ་སློང་དོན་ཉུང་ངུ་དག་།བཅོམ་ལྡན་འདས་ཀྱིས་དགེ་སློང་གིས་གཡན་པ་དགབ་པ་བྱེད་དུ་གཞུག་གོ་།ཞེས་བཀའ་སྩལ་ནས། དགེ་སློང་དག། །ཅིའི་ཕྱིར་ཚད་ལས་ཧ་ཅང་ལྷག་པ་བྱེད་དུ་འཇུག་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་།ངས་དགེ་སློང་གིས་གཡོན་པ་དགབ་པ་བྱེད་དུ་གཞུག་གོ་།ཞེས་བཀའ་སྩལ་ན། ཁྱེད་ཅག་ཚད་ལས་ཧ་ཅང་ལྷག་པ་བྱེད་དུ་འཇུག་པ་བདེན་ནམ། བཙུན་པ་མད་དོ། །སངས་རྒྱས་བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་
Nya301a
༄#། །པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང ། ཆོག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་གཡན་པ་དགབ་པ་བྱེད་དུ་འཇུག་ན། ཚད་བཞིན་དུ་བྱེད་དུ་ཆུག་ཅིག་།དེ་ལ་གཡན་པ་དག་པའི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་བཞི། ཞེང་དུ་མཐོ་དོའོ། །དེ་ལས་ལྷག་པ་བྱེད་དུ་འཇུག་ན། བཅད་ནས་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ།། གཡན་པ་དགབ་པ་ཞེས་བྱ་བ་ནི། ན་བའི་གོས་སོ། །བྱེད་དུ་འཇུག་ན་ཞེས་བྱ་བ་ནི། བདག་ཉིད་ཀྱིས་བསམ་བཞིན་ནོ། །ཚད་བཞིན་དུ་བྱེད་དུ་ཆུག་ཅིག་།ཅེས་བྱ་བ་ནི། གཡན་པ་དག་པ་པའི་ཚད་གང་ཡིན་པ་དེ་བཞིན་དུའོ། །དེ་ལ་གཡན་པ་དགབ་པའི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་བཞི། ཞེང་དུ་མཐོ་དོའོ་ཞེས་བྱ་བ་ལ་སྲིད་དུ་ཞེས་བྱ་བ་ལ།
Nya301b
སྲིད་དུ་ཞེས་བྱ་བ་ནི། ཆུར་རོ། །བདེ་བར་གཤེགས་པ་ཞེས་བྱ་བ་ནི། སྟོན་པའོ། །དེའི་མཐོའི་མཐོ་བཞི་གང་ཡིན་པ་དེ་ནི། ཚད་དང་ལྡན་པའི་ཁྲུ་དྲུག་གོ། ཞེང་དུ་ཞེས་བྱ་བ་ནི། རྒྱར་རོ། །མཐོ་དོའི་ཞེས་བྱ་བ་ལ། བདེ་བར་གཤེགས་པའི་མཐོ་དོ་གང་ཡིན་པ་དེ་ལ་ནི། ཚད་དང་ལྡན་པའི་ཁྲུ་གསུམ་མོ། །དེ་ལས་ལྷག་པ་བྱེད་དུ་འཇུག་ན་ཞེས་བྱ་བ་ནི། དེ་ལས་གོང་མའོ། །བཅད་ནས་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་བཅད་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ།་དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་གཡན་པ་དགབ་པ་སྲིད་དུ་ཁྲུ་དྲུག། ཞེང་དུ་ཁྲུ་གསུམ་ལས་ལྷག་པ་བྱེད་དུ་འཇུག་ན།་ཐམས་ཅད་དུ་ལྟུང་བྱེད་དུ་འགྱུར་རོ། །གང་གི་མདུན་དུ་འཆགས་པར་བྱེད་པ་དེས་ཁྱོད་ཀྱིས་དངོས་པོ་དེ་བཅད་དམ་ཞེས་དྲི་བར་བྱའོ། །མ་དྲིས་པར་འཆགས་པ་དང་དུ་ལེན་པར་བྱེད་ན། ཉེས་བྱས་སུ་འགྱུར་རོ། །ལྟུང་བ་དེ་ཡང་བཤགས་པ་མ་ཡིན་པས། ཡང་བཤགས་པར་བྱའོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་
Nya302a
༄#། །མེད་དོ། །གཡན་པ་དགབ་པ་ལས་གྱུར་པའི་ལྟུང་བྱེད་དེ། བརྒྱད་ཅུ་རྩ་བརྒྱད་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གིས་དབྱར་གྱི་གོས་རས་ཆེན་བྱེད་དུ་གཞུག་གོ་།ཞེས་བཀའ་སྩལ་ནས། དགེ་སློང་དག་ཧ་ཅང་ཚད་ལས་ལྷག་པ་བྱེད་དུ་བཅུག་ནས་དགེ་སློང་དོན་ཉུང་ངུ་དག་།བཅོམ་ལྡན་འདས་ཀྱིས་དགེ་སློང་གི་དབྱར་གྱི་གོས་རས་ཆེན་བྱེད་དུ་གཞུག་གོ་།ཞེས་བཀའ་སྩལ་ན། ཅིའི་ཕྱིར་དགེ་སློང་དག་ཧ་ཅང་ཚད་ལས་ལྷག་པ་བྱེད་དུ་འཇུག་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་རྨས་པ། དགེ་སློང་དག་།ངས་དགེ་སློང་གིས་དབྱར་གྱི་གོས་རས་ཆེན་བྱེད་དུ་གཞུག་གོ། ཞེས་བཀའ་སྩལ་ན། ཁྱེད་ཚད་ལས་ཧ་ཅང་ལྷག་པ་བྱེད་དུ་འཇུག་པ་བདེན་ནམ། བཙུན་པ། མད་དོ། །སངས་རྒྱས་
Nya302b
བཅོམ་ལྡན་འདས་ཀྱིས་འདོད་པ་ཆེ་བ་དང ། ཆོག་མི་ཤེས་པ་དང ། གསོ་དཀའ་བ་དང ། དགང་དཀའ་བ་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་འདོད་པ་ཆུང་བ་དང ། ཆོག་ཤེས་པ་དང ། གསོ་སླ་བ་དང ། དགང་སླ་བ་དང ། ཕྲི་བ་དང ། ཡོ་བྱད་བསྙུངས་པ་དང ། སྦྱངས་པའི་ཡོན་ཏན་དང ། མཛེས་པ་དང ། དྲོད་རིག་པ་ཉིད་ཀྱི་བསྔགས་པ་བརྗོད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་གིས་དབྱར་གྱི་གོས་རས་ཆེན་བྱེད་དུ་འཇུག་ན། ཚད་བཞིན་དུ་བྱེད་དུ་ཆུག་ཅིག་།དེ་ལ་དབྱར་གྱི་གོས་རས་ཆེན་གྱི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་དྲུག། ཞེང་དུ་མཐོ་ཕྱེད་དང་གསུམ་མོ། །དེ་ལས་ལྷག་པ་བྱེད་དུ་འཇུག་ན། བཅད་ནས་ལྟུང་བྱེད་དོ། །དགེ་སློང་གིས་ཞེས་བྱ་བ་ནི། ཆོས་འདི་པས་སོ། །དབྱར་གྱི་གོས་རས་ཆེན་ཞེས་བྱ་བ་ནི། ཆར་པ་སྐྱོབ་པའི་གོས་སོ། །བྱེད་དུ་འཇུག་ན་ཞེས་བྱ་བ་ནི། བདག་ཉིད་ཀྱིས་སམ། གཞན་ནོ། །ཚད་བཞིན་དུ་བྱེད་དུ་ཆུག་ཅིག་ཅེས་བྱ་བ་ནི། དབྱར་གྱི་གོས་རས་ཆེན་གྱི་ཚད་གང་ཡིན་པ་དེ་བཞིན་དུའོ། །དེ་ལ་དབྱར་གྱི་གོས་རས་ཆེན་གྱི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོའི་མཐོ་དྲུག་
Nya303a
༄#། །ཞེང་དུ་མཐོ་ཕྱེད་དང་གསུམ་མོ་ཞེས་བྱ་བ་ལ། སྲིད་དུ་ཞེས་པ་ནི། ཆུར་རོ། །བདེ་བར་གཤེགས་པ་ཞེས་བྱ་བ་ནི། སྟོན་པའོ། །དེའི་མཐོའི་མཐོ་དྲུག་གང་ཡིན་པ་དེ་ལ་ནི། ཚད་དང་ལྡན་པའི་ཁྲུ་དགུའོ། །ཞེང་དུ་ཞེས་བྱ་བ་ནི། རྒྱར་རོ། །མཐོ་ཕྱེད་དང་གསུམ་མོ། །ཞེས་བྱ་བ་ལ། བདེ་བར་གཤེགས་པའི་མཐོ་ཕྱེད་དང་གསུམ་གང་ཡིན་པ་དེ་ལ་ནི། ཚད་དང་ལྡན་པའི་ཁྲུ་གསུམ་དང ། སོར་བཅོ་བརྒྱད་དོ། །དེ་ལས་ལྷག་པ་བྱེད་དུ་འཇུག་ན་ཞེས་བྱ་བ་ནི། དེ་ལས་གོང་མའོ། །བཅད་ནས་ལྟུང་བྱེད་དོ། །ཞེས་བྱ་བ་ནི། དངོས་པོ་དེ་བཅད་ནས་ལྟུང་བྱེད་ཀྱི་ལྟུང་བ་བཤགས་པར་བྱ་བའོ།། ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ།། གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་དབྱར་གྱི་གོས་རས་ཆེན་གྱི་སྲིད་དུ་ཁྲུ་དགུ་དང ། ཞེང་དུ་ཁྲུ་གསུམ་དང་སོར་བཅོ་བརྒྱད་ལས་ལྷག་པ་བྱེད་དུ་འཇུག་ན། ཐམས་ཅད་དུ་ལྟུང་བྱེད་དུ་འགྱུར་རོ། །གང་གི་མདུན་དུ་འཆགས་པར་བྱེད་པ་དེས། ཁྱོད་ཀྱིས་དངོས་པོ་དེ་བཅད་དམ། དྲི་བར་བྱའོ། །མ་དྲིས་པར་འཆགས་པ་དང་དུ་ལེན་པར་བྱེད་ན། ཉེས་བྱས་སུ་འགྱུར་རོ། །ལྟུང་བ་དེ་
Nya303b
ཡང་མ་བཤགས་པ་ཡིན་པས། ཡང་བཤགས་པར་བྱའོ། །ལས་དང་པོ་པ་དང ། སྤྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དབྱར་གྱི་རས་ཆེན་ལས་གྱུར་པའི་ལྟུང་བྱེད་དེ། བརྒྱད་ཅུ་རྩ་དགུ་པ་རྫོགས་སོ།། །།སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཆལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་དགའ་བཟོ་མཁན་གྱི་གན་དུ་སོང་སྟེ་ཡུད་ཙམ་ཞིག་གཏམ་འདྲི་བས་འདུག་ནས་སྨྲས་པ། བཞིན་བཟང ། བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཆོས་གོས་འཚེམ་ནུས་སམ། དེས་སྨྲས་པ། འཕགས་པ། ཁྱོད་ལ་བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཆོས་གོས་ཀྱིས་ཅི་བྱ། དེས་སྨྲས་པ། བཀྲན་པ། ཁྱོད་ལ་འདིར་ཅི་གོད། གལ་ཏེ་གླ་འདོད་ན། འཚེམས་ཤིག་།དེས་བསམ་པ། འདི་ཟེར་བ་མཉེས་ཏེ། བདག་ལ་འདིར་ཅི་གོད། བདག་ལ་གླ་དགོས་ཀྱི། བཙེམ་མོ། །སྙམ་དུ་རིག་ནས་སྨྲས་པ། འཕགས་པ། བཙེམ་མོ། །དེས་དེ་ལ་རས་དང་གླ་བྱིན་པ་དང ། དེས་དེ་བཙེམས་སོ། །ཉེ་དགས་ཅུང་ཞིག་གྱོན་ཏེ། ལྷག་མ་ཕྲག་པས་ཁྱེར་ཏེ་འཕགས་པ་དང ། དེ་དགེ་སློང་ཞིག་གིས་མཐོང་ནས་དེས་སྨྲས་པ། གནས་བརྟན། གཏུར་བུ་གཟིགས་ཤིག་དང ། ངལ་གསོར་གཞུག་གོ་།ཉེ་དགས་སྨྲས་པ།་ཚེ་དང་ལྡན་པ། འདི་གཏུར་བུ་མ་ཡིན་ནོ། །འོན་ཅི་ལགས། བདེ་བར་གཤེགས་པའི་ཆོས་གོས་སོ། །གནས་བརྟན། ཁྱོད་བདེ་བར་གཤེགས་པའི་ཆོས་གོས་གྱོན་དུ་རུང་ངམ། དགྲ་བོ་དག་
Nya304a
༄#། །གི་གཉའ་བ་རྡོག་པས་མནན་ནས་རུང་ངོ ། །གནས་བརྟན་ལ་ཡང་དགྲ་བོ་དག་ཡོད་དམ། ཇེ་དང་པོར་ཁྱོད་ཁོ་བོའི་དགྲ་བོ་ཡིན་ཏེ། དེས་ན། ཁོ་བོ་བདེ་བར་གཤེགས་པའི་ཆོས་གོས་གྱོན་པ་མི་བཟོད་དོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་དག་བདེ་བར་གཤེགས་པའི་ཆོས་གོས་ཀྱི་ཚད་ཀྱིས་ཆོས་གོས་འཆང་བར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཆོས་གོས་བྱེད་དུ་འཇུག་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་
Nya304b
དག་པར་གཟིགས་པས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཆོས་གོས་བྱེད་དུ་འཇུག་ན། ལྟུང་བྱེད་དོ། །ཞེས་བཅོམ་ལྡན་འདས་ཀྱིས། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་དོ། །བཅོམ་ལྡན་འདས་ཀྱིས་ཡང་དགེ་སློང་གང་བདེ་བར་གཤེགས་པའི་ཆོས་གོས་བྱེད་དུ་འཇུག་ན། ལྟུང་བྱེད་དོ། །ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་པ་དང ། ཚེ་དང་ལྡན་པ་ཉེ་དགས་ལྷག་པ་བྱེད་དུ་བཅུག་ནས། དགེ་སློང་དོན་ཉུང་ངུ་དག་།བཅོམ་ལྡན་འདས་ཀྱིས་ཡང་དགེ་སློང་གང་བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཆོས་གོས་བྱེད་དུ་འཇུག་ན། ལྟུང་བྱེད་དོ། །ཞེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་དེ་ལྟར་བཅའ་བ་མཛད་ན། ཅིའི་ཕྱིར་དགེ་སློང་དག་།དེ་བས་ལྷག་པ་བྱེད་དུ་འཇུག་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག་།དེ་ལྟ་བས་ན། སྔ་མ་ནི། བཅས་པ་ཡིན་ལ། འདི་ནི། རྗེས་སུ་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་
Nya305a
༄#། །སློང་གང་བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཆོས་གོས་བྱེད་དུ་འཇུག་གམ། བདེ་བར་གཤེགས་པའི་ཆོས་གོས་ལས་ལྷག་པར་བྱེད་དུ་འཇུག་ན། ལྟུང་བྱེད་དོ།། དེ་ལ་བདེ་བར་གཤེགས་པའི་ཆོས་གོས་ཀྱི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོ་བཅུ། ཞེང་དུ་མཐོ་དྲུག་སྟེ། ད་ལ་འདི་ནི། བདེ་བར་གཤེགས་པའི་ཆོས་གོས་ཀྱི་ཚད་དོ། །ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་ཉེ་དགའམ། །གཞན་ཡང་དེ་ལྟ་བུ་གང་ཡིན་པའོ། །བདེ་བར་གཤེགས་པ་ཞེས་བྱ་བ་ནི། སྟོན་པའོ། །དེའི་ཆོས་གོས་ཀྱི་ཚད་ཀྱི་ཞེས་བྱ་བ་ནི། བདེ་བར་གཤེགས་པའི་ཆོས་གོས་ཀྱི་ཚད་གང་ཡིན་པ་དེའིའོ། །ཆོས་གོས་ཞེས་བྱ་བ་ནི། བདུན་པོ་བལ་གོས་དང ། ཤ་ནའི་གོས་དང ། ཟར་མའི་གོས་དང ། ཀོའུ་ཏམ་པའི་གོས་དང ། དུ་གུ་ལའི་གོས་དང ། རས་བལ་གྱི་གོས་དང ། ཉི་འོག་གི་གོས་དག་ལས་གང་ཡང་རུང་བའོ། །བྱེད་དུ་འཇུག་ན་ཞེས་བྱ་བ་ནི། བདག་ཉིད་ཀྱིས་སམ། གཞན་ནོ། །བདེ་བར་གཤེགས་པའི་ཆོས་གོས་ལས་ལྷག་པ་བྱེད་དུ་འཇུག་ན་ཞེས་བྱ་བ་ནི། དེའི་གོང་མའོ། །ལྟུང་བྱེད་དོ། །ཞེས་བྱ་བ་ནི། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ངན་སོང་དང ། ངན་འགྲོ་དང ། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན། དགེ་བའི་ཆོས་རྣམས་
Nya305b
ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ། །ཞེས་གསུངས་སོ། །དེ་ལ་བདེ་བར་གཤེགས་པའི་ཆོས་གོས་ཀྱི་ཚད་ནི། འདི་ཡིན་ཏེ། སྲིད་དུ་བདེ་བར་གཤེགས་པའི་མཐོ་བཅུ། ཞེང་དུ་མཐོ་དྲུག་སྟེ།་དེ་ལ་འདི་ནི། བདེ་བར་གཤེགས་པའི་ཆོས་གྲོས་ཀྱི་ཚད་དོ། །ཞེས་བྱ་བ་ལ། བདེ་བར་གཤེགས་པའི་མཐོ་བཅུ་གང་ཡིན་པ་དེ་ལ་ནི། ཚད་དང་ལྡན་པའི་ཁྲུ་བཅོ་ལྔའོ། །བདེ་བར་གཤེགས་པའི་མཐོ་དྲུག་གང་ཡིན་པ་དེ་ལ་ནི། ཆད་དང་ལྡན་པའི་ཁྲུ་དགུའོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་བདེ་བར་གཤེགས་པའི་ཆོས་གོས་ཀྱི་ཚད་ཀྱི་ཆོས་གོས་སམ།་བདེ་བར་གཤེགས་པའི་ཆོས་གོས་ལས་ལྷག་པའི་ཆོས་གོས་བྱེད་དུ་འཇུག་ན། ཐམས་ཅད་དུ་ལྟུང་བྱེད་དུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བདེ་བར་གཤེགས་པའི་ཆོས་གོས་ཀྱི་ཚད་ལས་གྱུར་པའི་ལྟུང་བྱེད་དེ། དགུ་བཅུ་པ་རྫོགས་སོ། །ལྟུང་བྱེད་འབའ་ཞིག་ཏུ་གྱུར་པ་རྣམས་རྫོགས་སོ།། །། འདུལ་བ་རྣལ་པར་འབྱེད་པ། བམ་པོ་བརྒྱད་ཅུ་པ། སྡོམ་ལ། གྲོང་དང་ཁྱིམ་གཞན་ཉིད་དང་ནི། །བསླབ་པ་རྣམས་དང་དགོན་པ་ནི། །སངས་རྒྱས་ཕན་པ་གསུངས་པ་ཡིས། །སོ་སོར་བཤགས་པར་བྱ་བར་གསུངས། །སངས་རྒྱས་བཅོམ་ལྡན་འདས་འོད་མའི་ཚལ། ཀ་ལནད་ཀའི་གནས་ན་བཞུགས་སོ། །རྡོ་འཇོག་ན་ཁྱིམ་བདག་ཕྱུག་པ་ནོར་མང་བ། ལངས་སྤྱོད་ཆེ་བ། ཡོངས་སུ་
Nya306a
༄#། །བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས་དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས། བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། མིག་ཨུཏྤ་ལ་འདྲ་བ། ཨུཏྤ་ལའི་དྲི་དང་ལྡན་པ། ཨུཏྤ་ལའི་ཟེ་འབྲུའི་མདོག་འདྲ་བ་ཞིག་བྱུང་ངོ ། །དེའི་ཉེ་དུ་དག་འདུས་ཤིང་ལྷགས་ནས་ཞག་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་བུ་མོ་འདིའི་མིང་ཅིར་གདགས་ཞེས་དེའི་མིང་འདོགས་པར་བྱེད་དོ། །ཉེ་དུ་དག་གིས་སྨྲས་པ། གང་གི་ཕྱིར་བུ་མོ་འདི་མིག་ཨུཏྤ་ལ་འདྲ་ལ། ཨུཏྤ་ལའི་དྲི་དང་ལྡན་པ། ཨུཏྤ་ལའི་ཟེ་འབྲུའི་མདོག་འདྲ་བ་དེའི་ཕྱིར་བུ་མོ་འདིའི་མིང ། ུཏྤ་ལའི་མདོག་ཅེས་བྱ་བར་གདགས་སོ། །ཞེས་དེའི་མིང་ཨུཏྤ་ལའི་མདོག་ཅེས་བྱ་བར་བཏགས་སོ། །དེ་བསྲིངས་ཤིང་བསྐྱེད་ནས་ཆེན་མོར་གྱུར་ཏོ། །དེའི་ཕ་ལ་བུ་མེད་ནས་དེས་བསམ་པ། བདག་གི་བུ་མོ་འདི་སུ་ལ་ཡང་རིགས་ཀྱི་ཕྱིར་ཡང་མི་སྦྱིན། ནོར་གྱི་ཕྱིར་ཡང་མི་སྦྱིན། གཟུགས་ཀྱི་ཕྱིར་ཡང་མི་སྦྱིན་གྱི། འདི་ལྟར་གང་བདག་གི་ཁྱིམ་ན་
Nya306b
འདུག་པའི་མག་པར་འདུག་པ་དེ་ལ་བདག་གིས་སྦྱིན་པར་བྱའོ། །སྙམ་མོ། །རྡོ་འཇོག་ན་ཁྱིམ་བདག་གཞན་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་དུས་གཞན་ཞིག་ན་སེམས་ཅན་ཞུགས་པར་གྱུར་ནས་དེ་ཟླ་བ་བརྒྱད་དམ།་དགུ་འདས་ཏེ་བཙས་པ་ལས་ཁྱེའུ་ཞིག་བྱུང་ནས་དེ་ཡང་རིགས་དང་མཐུན་པའི་མིང་བཏགས་ནས་དེ་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །དུས་གཞན་ཞིག་ན། དེའི་ཕ་མ་གཉིས་དུས་ལ་བབ་ནས། དེ་ཕན་ཚུན་འཁྱམས་པ་ན་སྟེས་དབང་གིས་ཁྱིམ་བདག་དེའི་ཁྱིམ་དུ་ཕྱིན་པ་དང ། ཁྱིམ་བདག་དེས་སྨྲས་པ། བུ། ཁྱོད་སུའི། །ཁྱིམ་བདག་ཆེ་གེ་མོ་ཞིག་གིའོ། །བུ། ཁྱོད་ཀྱི་ཕ་ག་རེ། དུས་ལ་བབ་བོ། །བུ། ཁྱོད་ཀྱི་མ་ག་རེ། དེ་ཡང་དུས་ལ་བབ་བོ། །བུ། གལ་ཏེ་དེ་ལྟ་ན། ཁོ་བོས་ཁྱོད་ལ་བུ་མོ་སྦྱིན་གྱི། ཁྱོད་ཁོ་བོའི་ཁྱིམ་ན་འདུག་པའི་མག་པ་གྱིས་ཤིག་།ཡབ། མ་ནོངས་ཏེ། བདག་ཀྱང་ཕ་མ་གཉིས་དང་བྲལ་ནས་ཕན་ཚུན་འཁྱམས་ཤིང་ཡིད་ཆད་པར་གྱུར་ན། ཁྱོད་དེ་སྐད་གསུངས་པ་མ་ནོངས་ཀྱི། དེ་བཞིན་བགྱིའོ། །ཁྱིམ་བདག་དེས་དེ་ལ་ཨུཏྤ་ལའི་མདོག་བྱིན་ནས་ཉི་མ་དང ། ཚེས་གྲངས་དང ། ཡུད་ཙམ་གྱི་སྦྱོར་བས་བག་མར་བཏང་ནས་ཁྱེའུ་དེས་ཀྱང་ཁྱིམ་དེར་འདུག་པར་བརྩམས་སོ། །ཇི་ཙམ་དུས་གཞན་ཞིག་ན་ཨུཏྤ་ལའི་ཕ་དུས་ལ་བབ་ནས་དེའི་མ་ཅི་དགའ་མགུར་
Nya307a
༄#། །གནས་པ་དང ། རྒྱུ་བའི་སྦྱོར་བས་ཟས་དང ། གོས་བཟང་པོ་དག་གིས་བརྟས་པས་ཉོན་མོངས་པ་དག་གིས་གནོད་པར་བརྩམས་པ་དང ། དེས་བསམ་པ། གལ་ཏེ་བདག་གིས་འདིར་སྐྱེས་པ་གཞན་བཀུག་ན། བདག་གི་མག་པ་འདིས་ཤེས་པར་འགྱུར་གྱི། བདག་འདི་ཉིད་དང་ལྷན་ཅིག་རྩེ་བ་དང ། དགའ་བ་དང ། དགའ་མགུར་སྤྱད་བ་ཉམས་སུ་མྱོང་བར་བྱའོ། །སྙམ་ནས་དེས་དེ་ལ་མཚན་མ་བསྟན་ཏོ། །བུད་མེད་ཀྱི་ཡུལ་ནི། དབང་པོ་དག་འཕྲོག་ཅིང ། དོན་དུ་གཉེར་འདོད་པར་འགྱུར་བ་ཡིན་པས། དེས་དེ་ལ་བརྟགས་པར་གྱུར་ཏོ། །ཡང་དེས་དེ་ལ་མཚན་མ་བསྟན་པ་དང ། དེ་དེ་དང་ལྷན་ཅིག་བསྟེན་པར་གྱུར་ཏོ། །དེའི་ཚེ་ན་ཨུཏྤ་ལའི་མདོག་ལ་སེམས་ཅན་ཞུགས་པར་གྱུར་ཅིང་དེ་བཙའ་བའི་དུས་ལ་བབ་ནས། དེས་བུ་མོ་མངག་གཞུག་མ་ལ་སྨྲས་པ། བུ་མོ། །སོང་ལ་ཡུམ་བོས་ཤིག་།དེ་སོང་བ་དང་ཇི་ཙམ་ན་དེ་མག་པ་དང་ལྷན་ཅིག་དབེན་པ་ན་འདུག་པ་མཐོང་ནས་དེས་ཡུད་ཙམ་ཞིག་རྟོག་ཅིང་དེར་བསྡད་པ་དང ། ཇི་ཙམ་ན་དེ་ཕྱིར་བྱུང་ནས་དེས་སྨྲས་པ། ཨུཏྤ་ལའི་མདོག་ཁྱོད་ལ་འབོད་ཀྱི། བཞུད་དོ། །དེ་དེར་སོང་བ་དང ། ཇི་ཙམ་ན་བུ་མོ་ཞིག་བཙས་ནས་ཨུཏྤ་ལའི་མདོག་གིས་བུ་མོ་མངག་གཞུག་མ་ལ་སྨྲས་པ། བུ་མོ། ཁྱོད་ཅི་ཐོགས། དེས་སྨྲས་པ། ཁྱོད་ཀྱི་ཡུམ་དང་ཁྱིམ་ཐབ་ནད་མེད་པར་གྱུར་ཅིག་།དེས་སྨྲས་པ། དེས་
Nya307b
ཅི་ཉེས། དེ་ཇི་ལྟར་གྱུར་པ་བརྗོད་པ་དང ། དེས་སྨྲས་པ། བུ་མོ། ཁྱོད་ཁོ་མོའི་མ་དང ། ཁྱིམ་ཐབ་ལ་སྐུར་པ་འདེབས་སམ། དེས་སྨྲས་པ། ཇོ་མོ། ཁྱོད་ཐུགས་མི་ཆེས་ན། བདག་གིས་ཁྱོད་ཀྱི་མངོན་སུམ་དུ་འགྱུར་བར་བགྱིའོ། །ཞེས་དེ་དེ་གཉིས་ཀྱི་སྐབས་བཙལ་བ་དེ་ལྷུར་ལེན་ཅིང་འདུག་པ་དང ། ཇི་ཙམ་ན་དེ་གཉིས་དབེན་པར་འདུག་པར་གྱུར་ནས་དེས་མྱུར་བ་མྱུར་བར་སོང་སྟེ་ཨུཏྤ་ལའི་མདོག་ལ་སྨྲས་པ། ཚུར་སྤྱོན། ད་གཟིགས་ཤིག་།དེ་ཡང་མྱུར་བ་མྱུར་བར་སོང་སྟེ་བལྟས་པ་དང ། དེ་གཉིས་བསྟེན་པ་མཐོང་ནས་ཨུཏྤ་ལའི་མདོག་གིས་བསམ་པ། སྐལ་ཆད་མ་འདིས། རྡོ་འཇོག་ན་སྐྱེས་པ་གཞན་མ་མཐོང་ངམ། ཅི་ན། གང་གི་ཕྱིར་མག་པ་དང་ལྷན་ཅིག་སྟེན་པར་བྱེད། སྐལ་ཆད་པ་འདིས་ཀྱང་རྡོ་འཇོག་ན་བུད་མེད་གཞན་མ་མཐོང་ངམ། ཅི་ན། གང་གི་ཕྱིར་སྒྱུག་མོ་དང་ལྷན་ཅིག་སྟེན་པར་བྱེད། སྙམ་དུ་རིག་ནས་མི་བཟོད་པ་སྐྱེས་ནས་དེས་ཁྱིམ་བདག་ལ། སྐལ་ཆད་པ། ཁྱོད་ད་ཕྱིན་ཆད་འདི་དང་ལྷན་ཅིག་དགའ་མགུར་སྤྱོད་ཅིག་ཅེས་བུ་མོ་དེ་ཕའི་གན་དུ་འཕངས་པ་དང ། དེ་ཕའི་ལུས་ལས་འདྲིལ་ནས་སྒོའི་ཐེམ་པར་ལྷུང་སྟེ་ཀླད་པ་ཞོམ་མོ། །ུཏྤ་ལའི་མདོག་མགོ་གཡོགས་ཏེ་ཁྱིམ་ནས་བྱུང་བ་དང ། ཇི་ཙམ་ན་དོན་མཐུན་བཅོམ་བརླག་ཏུ་འཕགས་པ་མཐོང་ནས་དེ་དང་ལྷན་ཅིག་འཕགས་པ་དང ། དེད་དཔོན་གྱིས་མཐོང་ནས། དེ་དེའི་གཟུགས་
Nya308a
༄#། །དང་ལང་ཚོ་མཛེས་པ་ལ་ཆགས་ནས་དེས་སྨྲས་པ། སྲུ། ཁྱོད་སུའི། དེད་དཔོན། ཁོ་མོ་ལ་ཟས་དང ། གོས་སྦྱིན་པ་དེའི་འོ། །དེད་དཔོན་དེས་དེ་ཆུང་མར་བྱས་ནས་དོན་མཐུན་མཐར་གྱིས་བཅོམ་བརླག་ཏུ་ཕྱིན་པ་དང ། དེས་དེ་དེ་ཉིད་དུ་བཞག་གོ་།དེ་ནས་དེད་དཔོན་དེས་ཟོང་བསྒྱུར་ནས་ཟོང་གི་རིན་ཁྱེར་ཏེ་ཕྱིར་རྡོ་འཇོག་ཏུ་འོངས་པ་དང ། དེ་ན་ཚོང་པ་དེ་དག་ཕན་ཚུན་ཁྱིམ་གཞན་དུ་མགྲོན་དུ་བོས་ཏེ་སྟོན་མོ་བྱེད་པ་ན། དེད་དཔོན་དེས་འགའ་ཡང་ཟན་མ་བྱིན་ནས་ཚོང་པ་དག་གིས་སྨྲས་པ། དེད་དཔོན། ཁྱོད་ཀྱིས་འགའ་ཡང་གཡར་དྲངས་ཏེ་འཚལ་མ་མ་སྩལ་ཏོ། །དེས་སྨྲས་པ། ཁྱོད་ཅག་ནི། ཁྱིམ་མི་མོ་དག་བདོག་པས། དེས་ན་སྟོན་མོ་བྱེད་མོད། ཁོ་བོ་ལ་ནི། གང་བསྙེན་བཀུར་བྱེད་པ་འགའ་ཡང་མེད་པས་ཁོ་བོས་ཇི་ལྟར་ཟན་སྦྱིན། དེ་དག་གིས་སྨྲས་པ། གལ་ཏེ་དེ་ལྟར་ན། ཅིའི་སླད་དུ་བུ་མོ་མི་ཚོལ། དེས་སྨྲས་པ། ཁོ་བོའི་ཆུང་མ་དང་འདྲ་བའི་བུ་མོ་འགའ་ཞིག་ཡོད་ན། དེ་བག་མར་བླང་ངོ ། །དེ་དག་གིས་སྨྲས་པ། ཇེ་ཁྱེད་ཀྱི་བཙུན་མོ་ཅི་འདྲ་བ་བལྟའི། གསུངས་ཤིག་།དེས་ཨུཏྤ་ལའི་མདོག་གི་གཟུགས་དང་ལང་ཚོ་མཛེས་པ་བརྗོད་པ་དང ། དེ་དག་གིས་སྨྲས་པ། དེད་དཔོན། དེ་ནི། བུད་མེད་རིན་པོ་ཆེ་ཞིག་སྟེ། འོན་ཀྱང་དེ་ལྟ་བུ་གཞན་འགའ་མཆིས་ཀྱང་གནས་
Nya308b
བཙལ་ལོ། །ཞེས་དེ་དག་གིས་བཙལ་བར་བརྩམས་པ་དང ། ཇི་ཙམ་ན་ཨུཏྤ་ལའི་མདོག་ཉིད་ཀྱི་བུ་མོ་དེ་དེ་དང་འདྲ་བར་མཐོང་ནས་དེ་དག་གིས་བུ་མོ་སློང་ངོ ། །ཞེས་དེ་བསླངས་པ་དང ། དེ་དག་གིས་སྨྲས་པ། སུའི་ཕྱིར། དེད་དཔོན་ཆེ་གེ་མོ་ཞིག་ཡོད་པ་དེའི་ཕྱིར་རོ། །ཤེས་ལྡན་དག་།བདག་ཅག་གིས་ནི། སྦྱིན་པ་ལ་རག་ན། འདི་ལྟར་ཁྱེད་ལ་སྐྱོན་ཡོད་དེ། ཁྱེད་ཀྱིས་བག་མ་བླངས་ནས་བོར་ཏེ་འདོང་ངོ ། །མི་འདོར་རོ། །གལ་ཏེ་དེ་ལྟ་ན། སྦྱིན་ནོ། །དེ་དག་གིས་དེ་བསླངས་ནས་དེད་དཔོན་གྱི་བག་མར་བླངས་སོ། །དེ་ནས་ཚོང་པ་དེ་དག་གི་ཟོང་བསྒྱུར་ཏེ་ཟོང་རིན་ཁྱེར་ནས་ཡང་བཅོམ་བརླག་ཏུ་འཕགས་པ་དང ། ཇི་ཙམ་ན་མཐར་གྱིས་བཅོམ་བརླག་དང་ཧ་ཅང་མི་རིང་བ་ན་རི་བྲག་ཅིག་ཡོད་པ། དེར་ཕྱིན་ཏོ། །དེད་དཔོན་དེས་ཟོང་དེ་དང་བུ་མོ་དེ་རི་བྲག་དེར་བཞག་ནས་ཉུང་ཤས་ཤིག་དང་བཅོམ་བརླག་ཏུ་སོང་བ་དང ། ུཏྤ་ལའི་མདོག་གིས་བྱོན་པ་ལེགས་སོ། །ཞེས་བྱ་བའི་ཚིག་གིས་ཀུན་ཏུ་སྤྱད་དེ་སྨྲས་པ། དེད་དཔོན། བདེ་བར་བྱོན་ཏམ། དེས་སྨྲས་པ། བཟང་མོ། ག་ལ་བདེ་བར་འོངས། ཁོ་བོ་བཅོམ་མོ། །རྗེའི་སྲས། ཁྱོད་གསོན་པོར་བྱོན་པ་དགྱེས་མོད། ནོར་ལྟ་སླད་ཀྱིས་ཀྱང་མཆིས་པར་འགྱུར་རོ། །དེ་དུས་ཅུང་ཟད་ཅིག་འདུག་ནས་སྨྲས་པ། བཟང་མོ། ཁོ་བོ་བཅོམ་པའི་རྫས་ཚོལ་དུ་འགྲོའོ། །དེས་སྨྲས་པ། མ་ནོངས་ཀྱི། བཞུད་ཅིག་།དེ་སོང་མ་ཐག་ཁོ་ནར་དེའི་ཤེད་མཐུན་འོངས་ཏེ། ཨུཏྤ་ལའི་མདོག་ལ་དྲིས་པ།
Nya309a
༄#། །ཤད་མཐུན་མོ། །དེད་དཔོན་གར་སོང ། དེས་སྨྲས་པ། བཅོམ་པའི་རྫས་ཚོལ་དུ་སོང་ངོ ། །དེ་གང་དུ་སུས་བཅོམ། བདག་ཀྱང་མི་ཤེས་ཏེ། དེ་ན་རེ། ཁོ་བོ་བཅོམ་གྱི། བཅོམ་པའི་རྫས་ཚོལ་དུ་འགྲོའོ། །ཞེས་ཟེར་རོ། །དེས་སྨྲས་པ། དེ་ད་ལྟར་ཕུན་སུམ་ཚོགས་ཤིང་འོངས་པ་དེ་ལྟར་སྔོན་འགའ་ཡང་ཕུན་སུམ་ཚོགས་ཤིང་མ་འོངས་པས་དེས་ཁྱོད་བྲིད་དོ། །ཤེད་མཐུན། གཏམ་བྱོས་ཤིག་།གཏམ་གཞན་ཅི་ཞིག་བྱ། དེས་རྡོ་འཇོག་ནས་ས་འཛིན་མ་འདི་ལྟ་བུ་ཞིག་ཁྲིད་དེ་འོངས་པས། ཁྱོད་དེའི་རྐང་པ་གཉིས་འཁྲུ་བར་ཡང་མི་རུང་ངོ ། །ཤེད་མཐུན། དེ་བདེན་ནམ། བདེན་ནོ། །དེས་སྡོད་ཅིག་ཅེས་བྱས་ཏེ་ཅང་མི་སྨྲ་བར་འདུག་གོ་།ཇི་ཙམ་ན་དེད་དཔོན་དེ་འོངས་ནས། དེས་བརྙས་ཐབས་སྔོན་དུ་བཏང་སྟེ་སྨྲས་པ། རྗེའི་སྲས། ཁྱོད་ཀྱིས་བཅོམ་པའི་རྫས་བཙལ་ཏམ། བཟང་མོ། །བཙལ་ཏོ། །རྗེའི་སྲས། ཁྱོད་ཀྱིས་ཁོ་མོ་བྲིད་དེ། ཁྱོད་གང་དུ་སུས་ཀྱང་མ་བཅོམ་གྱི། ཁོ་མོས་ཇི་ལྟར་ཁྱོད་ཀྱིས་རྡོ་འཇོག་ནས་ས་འཛིན་མ་ཞིག་ཁྲིད་དེ་འོངས་ཞེས་ཐོས་ཀྱི། དེ་འདི་ཉིད་དུ་ཁྲིད་དེ་སྤྱོན་ཅིག་།གང་གི་གནས་གཉིས་སུ་འགོད་པར་འགྱུར་བ་དེའི་ལོངས་སྤྱོད་དག་ནི། བསྲབ་པས་ཉིད་དང ། ཡོངས་སུ་ཟད་པ་དང ། ཡོངས་སུ་མཐར་ཐུག་པར་འགྱུར་རོ། །བཟང་མོ། །གལ་ཏེ་དེ་ལྟ་ཡིན་དུ་ཟིན་ཀྱང་ཁྱོད་ཀྱིས་གང་གི་ཁྱིམ་ན་ཆུང་མ་གཉིས་ཡོད་པ་དེས་ལན་འགའ་ཡང་སྐྱོ་མ་གྲང་མོ་མི་འཐུང་ཞིང ། འཐབ་མོ་དང ། མཚང་འདྲུ་བ་དང ། རྩོད་པ་
Nya309b
དང ། འགྱེད་པར་འགྱུར་རོ། །ཞེས་བྱ་བ་མ་ཐོས་སམ། །རྗེའི་སྲས། དེ་ཞི་བར་གྱུར་ཅིག་།དེ་ལྟར་མི་འགྱུར་གྱི། དེ་ཁྲིད་དེ་སྤྱོན་ཅིག་།གལ་ཏེ་ནུ་མོ་ཙམ་ཞིག་ན། ནུ་མོའི་འདུ་ཤེས་ཉེ་བར་བཞག་པར་བགྱིའོ། ། གལ་ཏེ་བུ་མོ་ཙམ་ཞིག་ན། བུ་མོའི་འདུ་ཤེས་ཉེ་བར་གཞག་པར་བགྱིའོ། །དེས་སྨྲས་པ། བཟང་མོ། གལ་ཏེ་དེ་ལྟར་ན། མ་ཉེས་ཀྱི། ཁྲིད་དེ་འོང་ངོ ། །ཞེས་དེས་དེ་ཁྲིད་དེ་འོངས་པ་དང ། དེས་དེ་མཐོང་ནས་རྗེས་སུ་ཆགས་པ་སྐྱེས་སོ། །དུས་གཞན་ཞིག་ན་ཨུཏྤ་ལའི་མདོག་གིས། བུ་མོ་དེའི་སྐྲ་བླ་བར་བརྩམས་པ་དང ། མགོ་ལ་སྒྲོས་ཡོད་པར་མཐོང་ངོ ། །མཐོང་ནས་ཀྱང་དྲིས་པ། བུ་མོ། འདི་ཅི་ཉེས།་དེས་སྨྲས་པ། བདག་གིས་ཀྱང་མ་འཚལ་ཏེ། བདག་གི་ཕྱི་མོའི་མཆིད་ནས། ཁྱོད་ཀྱི་མ་ཕ་ལ་ཁྲོས་པས་ཁྱོད་འཕངས་པས་སྒོའི་ཐེམ་པར་ལྷུང་སྟེ། དེར་སྒྲོས་འདི་བྱུང་ངོ ། །ཞེས་མཆིའོ། །ཁྱོད་ཀྱི་ཕྱི་མོ་ཅི། མིང་ཆེ་གེ་མོ་ཞིག་གོ་།ཁྱོད་ཀྱི་མ་ཅི་མིང ། ུཏྤ་ལའི་མདོག་གོ་།དེས་བསམ་པ། བདག་དེར་ནི། མ་དང་ཆེན་ཆུན་དུ་གྱུར་ལ། འདིར་ནི། བུ་མོ་དང་ཆེན་ཆུན་དུ་གྱུར་གྱི། རྣམ་པ་ཐམས་ཅད་དུ་འགྲོ་བར་བྱའོ། །སྙམ་ནས་དེ་མགོ་གཡོགས་ཏེ་ཁྱིམ་ནས་བྱུང་བ་དང ། ཇི་ཙམ་ན་དོན་མཐུན་ཡུལ་ཡངས་པ་ཅན་དུ་འཕགས་པ་མཐོང་ནས་དེ་ཡང་དེ་དང་ལྷན་ཅིག་འཕགས་པ་དང ། དེ་ཚོང་པ་དག་དང་ལྷན་ཅིག་དགའ་མགུར་སྤྱོད་ཅིང་ཡངས་པ་ཅན་དུ་སོང་ངོ ། །ཡངས་པ་ཅན་ན་གནས་པའི་ཚོགས་ཅན་མ་དག་གིས་སྨྲས་པ། བཅོམ་བརླག་པའི་ཚོང་པ་འདི་
Nya310a
༄#། །དག་བག་ཅག་དང་ལྷན་ཅིག་རྩེད་མོ་དང ། དགའ་མགུར་སྤྱོད་པ་ཉམས་སུ་མྱོང་བར་མི་བྱེད་དོ། །དེ་ན་ཚོགས་ཅན་མ་གཅིག་གིས་སྨྲས་པ། དེ་དག་གིས་ས་འཛིན་མ་འདི་ལྟ་བུ་ཞིག་ཁྲིད་དེ་འོངས་པས་བདག་ཅག་དེའི་རྐང་པ་གཉིས་འཁྲུ་བར་ཡང་མི་ནུས་པས། ཅིའི་ཕྱིར་དེ་དག་བདག་ཅག་དང་ལྷན་ཅིག་རྩེ་བ་དང ། དགའ་བ་དང ། དགའ་མགུར་སྤྱོད་པ་ཉམས་སུ་མྱོང་པར་བྱེད། ཚོགས་ཅན་མ་དེ་དག་འདུས་ཏེ། ཨུཏྤ་ལའི་མདོག་གི་གན་དུ་དོང་ནས་སྨྲས་པ། ས་འཛིན་མ། ཁྱོད་ཁོ་མོ་ཅག་གི་འཚོ་བས་འཚོ་བར་བྱེད་ན་ཅིའི་ཕྱིར་ཁོ་མོ་ཅག་གི་ནང་དུ་མི་འཇུག་།དེས་མགོ་གཡོགས་པ་བཤུས་ཏེ་སྨྲས་པ། བདག་དེང་ཕྱིན་ཆད་ཁྱེད་ཅག་གི་ནང་དུ་འཇུག་གོ། །ཞེས་དེ་དེ་དག་གི་གན་དུ་ཞུགས་སོ། །ཇི་ཙམ་དུས་གཞན་ཞིག་ན། ཚོགས་ཅན་མ་དེ་དག་ཆང་གྲལ་དུ་ཚོགས་ཤིང་གཏམ་ཟེར་བ་ན། སྨྲས་པ། བདག་ཅག་ལས་གང་གིས་ཚོང་པ་གང་ནོར་ཇི་ཙམ་དང་བྲལ་བར་བྱས། དེ་ན་གཅིག་གིས་སྨྲས་པ། ཁོ་མོས་ནི། ཚོང་པ་ཆེ་གེ་མོ་ཞིག་ནོར་འདི་ཙམ་དང་བྲལ་བར་བྱས་སོ། །གཞན་དག་གིས་སྨྲས་པ། ཁོ་མོ་ཅག་གིས་ནི། ཚོང་པ་ཆེ་གེ་མོ་དག་ནོར་འདི་ཙམ་དང་བྲལ་བར་བྱས་སོ། །ཡང་གཞན་དག་གིས་སྨྲས་པ། ཁོ་མོ་ཅག་གིས་ཀྱང་ཚོང་པ་ཆེ་གེ་མོ་དག་ནོར་འདི་ཙམ་དང་བྲལ་བར་བྱས་སོ། །ཡངས་པ་ཅན་ན་སྤོས་ཚོང་གི་ཁྱེའུ་མི་སྡུག་པ་ཐོབ་པ་ཞིག་འདུག་པ་དེ། ཚོགས་ཅན་མ་འགས་
Nya310b
ཀྱང་རྗེས་སུ་འཇུག་པར་མ་བྱས་ནས་ཚོགས་ཅན་མ་དེ་དག་གིས་སྨྲས་པ། བདག་ཅག་ལས་གང་གིས་སྤོས་ཚོང་གི་ཁྱེའུ་ཆེ་གེ་མོ་ཞིག་རྗེས་སུ་འཇུག་པར་བྱེད་ནུས་པའི་བུད་མེད་དེ་ནི། བུད་མེད་ཀྱི་ཡོན་ཏན་དང་ལྡན་པར་བདག་ཅག་སྨྲའོ། །ུཏྤ་ལའི་མདོག་གིས་སྨྲས་པ། ཅི། དེ་སྐྱེས་པ་སྐྱེས་པའི་དབང་པོ་དང་ལྡན་པ་ཡིན་ནམ། འོན་ཏེ་མ་ཡིན། དེ་དག་གིས་སྨྲས་པ། དེ་སྐྱེས་པ་སྐྱེས་པའི་དབང་པོ་དང་ལྡན་པ་ཡིན་ནོ། །གལ་ཏེ་ཁོ་མོས་དེ་རྗེས་སུ་འཇུག་པར་བྱས་ན། ཁྱོད་ཀྱིས་ཁོ་མོ་ཐུ་མོའི་གནས་སུ་གཞག་གམ། གཞག་གོ་།གལ་ཏེ་ཁྱེད་ཀྱིས་དེ་རྗེས་སུ་འཇུག་པར་མི་ནུས་ན། ཁྱོད་ཇི་ལྟར་བྱ། ཁོ་མོས་ཁྱེད་ལ་ཀཪྴ་པ་ཎ་དྲུག་ཅུ་གཞལ་ལོ། །མ་ཉེས་ཀྱི། དེ་ལྟར་གྱིས་ཤིག་།ུཏྤ་ལའི་མདོག་གི་ཁྱིམ་སྤོས་ཚོང་གི་ཁྱེའུ་དེའི་དྲུང་དུ་གླས་བླངས་པས། དེས་བུ་མོ་མངག་གཞུག་མ་ལ་སློབ་ཏུ་བཅུག་སྟེ། བུ་མོ། ཁྱོད་ཀྱིས་སྤོས་ཚོང་གི་ཁྱེའུ་ཆེ་གེ་མོ་ཞིག་ལས། ཉི་མ་རེ་རེ་ཞིང་སྤོས་ཉོ་བར་བྱའོ། །གལ་ཏེ་སུའི་གན་དུ་འཁྱེར་ཞེས་ཟེར་ན། ཨུཏྤ་ལའི་མདོག་གི་གན་དུ་རིགས་ཀྱི་བུ་ཞིག་འོངས་པ་དེའི་གན་དུ་འཁྱེར་རོ། །ཞེས་བརྗོད་པར་བྱའོ། །བུ་མོ་མངག་གཞུག་མ་དེ་སྤོས་ཚོང་གི་ཁྱེའུ་དེ་ལས་ཉི་མ་རེ་རེ་ཞིང་སྤོས་ཉོ་བར་བྱེད་དོ། །དེས་དེ་ལ་སྨྲས་པ། བུ་མོ། ཁྱོད་ཉི་མ་རེ་རེ་ཞིང་སུའི་གན་དུ་སྤོས་འཁྱེར་བར་བྱེད། དེས་སྨྲས་པ། ཨུཏྤ་ལའི་མདོག་གི་གན་དུ་རིགས་ཀྱི་བུ་ཞིག་འོངས་པ་དེའི་གན་དུ་འཁྱེར་རོ། །ཡང་ཨུཏྤ་ལའི་མདོག་གིས་བུ་མོ་མངག་
Nya311a
༄#། །གཞུག་མ་དེ་ལ་སྨྲས་པ། བུ་མོ། སྤོས་ཚོང་གི་ཁྱེའུ་དེ་ལས་སྨན་བསྐ་བ་དང ། ཁ་བ་དང ། ཚ་བ་དག་ཉོ་བར་བྱའོ། །གལ་ཏེ་སུའི་གན་དུ་འཁྱེར་ཞེས་ཟེར་ན། རིགས་ཀྱི་བུ་དེ་ན་བས་དེའི་སྨན་གྱི་ཕྱིར་འཁྱེར་རོ། །ཞེས་བརྗོད་པར་བྱའོ། །གལ་ཏེ་དབྱིག་སུའི་ཡིན་ཞེས་ཟེར་ན། ཨུཏྤ་ལའི་མདོག་གི་ཡིན་ནོ། །ཞེས་བརྗོད་པར་བྱའོ། །བུ་མོ་མངག་གཞུག་མ་དེ་ཀཪྴ་པ་ཎ་དག་ཁྱེར་ཏེ་སྤོས་ཚོང་གི་ཁྱེའུ་དེའི་གན་དུ་སོང་ནས་སྨྲས་པ། སྨན་བསྐ་བ་དང ། ཁ་བ་དང ། ཚ་བ་དག་བྱིན་ཅིག་།དེས་སྨྲས་པ། སུའི་གན་དུ་འཁྱེར། དེས་སྨྲས་པ། རིགས་ཀྱི་བུ་དེ་ན་བས་ན། དེའི་སྨན་གྱི་ཕྱིར་འཁྱེར་རོ། །དེས་སྨྲས་པ། དབྱིག་སུའི་ཡིན། །དེས་སྨྲས་པ། ཨུཏྤ་ལའི་མདོག་གིའོ། །དེས་བསམ་པ། དེ་ནི། ན་ཆུང་ཆེན་མོ་ཞིག་སྟེ། རང་གི་སྨན་གྱིས་བསྙེན་བཀུར་བྱེད་དོ། །སྙམ་ནས་དེ་དེ་ལ་རྗེས་སུ་ཆགས་པ་སྐྱེས་ནས་དེས་བུ་མོ་དེ་ལ་སྨྲས་པ། བུ་མོ། ཨུཏྤ་ལའི་མདོག་ལ་སྤོས་ཚོང་གི་ཁྱེའུ་དེ་ཁྱོད་ལྟ་བར་འདོད་དོ། །ཞེས་གྱིས་ཤིག། བུ་མོ་དེས་ཨུཏྤ་ལའི་མདོག་ལ་བརྗོད་པ་དང ། དེས་སྨྲས་པ། བུ་མོ། སོང་ལ་འདི་སྐད་ཅེས། ད་དུང་རིགས་ཀྱི་བུ་དེ་མ་སོས་སོ། །ཞེས་གྱིས་ཤིག་།དེ་སོང་སྟེ་དེ་ལ་དེ་སྐད་བརྗོད་པ་དང ། དེ་ཡང་དང་ཡང་དུ་བུ་མོ་དེ་ལ་ཉི་མ་གང་ལ་འོང་བར་བྱ་ཞེས་འདྲིའོ། །དེས་ཨུཏྤ་ལའི་མདོག་ལ་བརྗོད་པ་དང ། དེས་བསམ་པ། དེ་ལྷག་པར་ཆགས་པར་གྱུར་གྱི། ཐབས་ཀྱི་རྣམ་
Nya311b
པ་ལགས་པ་ཞིག་བྱའོ། །སྙམ་ནས་དེས་རྩཝ་མི་ཞིག་བྱས་ཏེ་ཁྲིའི་སྟེང་དུ་བཞག་ནས་དུར་ཁྲོད་དུ་འཁྱེར་ཏེ་བསྲེགས་ནས་དེའི་འོག་ཏུ་སྐྲ་བཤིག་ཅིང་དུ་བའི་བཞིན་གྱིས་སྤོས་ཚོང་གི་ཁྱེའུ་དེའི་ཚོང་ཁང་དང་ཧ་ཅང་ཐག་མི་རིང་བ་ནས་འགྲོ་བར་བརྩམས་པ་དང ། སྤོས་ཚོང་གི་ཁྱེའུ་དེས་དེ་མཐོང་ངོ ། །བཅོམ་ལྡན་འདས་ཀྱིས། བུད་མེད་ཀྱིས་སྐྱེས་པ་རྣམ་པ་བརྒྱད་ཀྱིས་འཆིང་བར་བྱེད་དེ། གར་དང ། གླུ་དང ། རོལ་མོ་དང ། གད་མོ་དང ། ངུ་བ་དང ། ལྟ་བ་དང ། རེག་པ་དང ། རྨ་འབྱེད་པས་སོ། །ཞེས་གསུངས་པས། སྤོས་ཚོང་གི་ཁྱེའུ་དེ་དེ་ལ་ཤིན་ཏུ་ཆགས་པར་གྱུར་ནས་བུ་མོ་དེ་ལ་ཡང་སྨྲས་པ། བུ་མོ། ད་འོང་ངོ ། །དེས་ཨུཏྤ་ལའི་མདོག་ལ་བརྗོད་པ་དང ། དེས་སྨྲས་པ། བུ་མོ་སོང་ལ་འདི་སྐད་ཅེས། རིགས་ཀྱི་བུ་དེ་དེར་དུས་ལ་བབ་སྟེ། ད་དུང་མྱ་ངན་མ་སངས་པས་མཐོང་བར་ག་ལ་འགྱུར་ཞེས་བྱོས་ཤིག་།ུཏྤ་ལའི་མདོག་གིས་ཇི་ལྟ་ཇི་ལྟར་བསྒྱངས་པ་དེ་ལྟ་དེ་ལྟར་སྤོས་ཚོང་གི་ཁྱེའུ་དེ་ཆགས་པ་དང་བཅས་པས་མཐོང་འདོད་པར་གྱུར་ནས་ཨུཏྤ་ལའི་མདོག་གིས་དེ་ལ་སྡུམ་པར་མ་བྱོན་པར་སྐྱེད་མོས་ཚལ་ག་གེ་མོ་ཞིག་ཏུ་སྤྱོན་ཅིག་ཅེས་ཕྲིན་སྤྲིང་པ་དང ། སྤོས་ཚོང་གི་ཁྱེའུ་དེ་བཟའ་བ་དང ། བཏུང་བ་དང ། གོས་དང ། ཕྲེང་བ་རྒྱུ་མང་པོ་ཐོགས་ཏེ་སྐྱེད་མོས་ཚལ་དེར་འོངས་ནས་དེས་ཨུཏྤ་ལའི་མདོག་དང་ལྷན་ཅིག་རེ་ཞིག་ཟོས་ཤིང་འཐུངས་པ་དང ། ཇི་ཙམ་ན་དེར་རོ་ཞིང་ཆང་གི་དབང་གིས་བདག་ཉིད་མི་
Nya312a
༄#། །དྲན་པར་གྱུར་ནས་ཨུཏྤ་ལའི་མདོག་གིས་བསམ་པ། ད་ནི། འདི་སྐྱེ་བོ་མང་པོས་ཚོར་བར་བྱའོ། །སྙམ་ནས་དེས་དེའི་མགོ་ལ་ཕྲེང་བ་བཏགས་ཏེ་གཉའ་བ་བསྒྲིལ་ནས་ཁྱིམ་དུ་ཁྲིད་པ་དང ། ཚོགས་ཅན་མ་དེ་དག་གིས་དེ་མཐོང་ནས་དེ་དག་མཆོག་ཏུ་ངོ་མཚར་སྐྱེས་ཏེ་སྨྲས་པ། ས་འཛིན་མ་འདིས་སྤོས་ཚོང་གི་ཁྱེའུ་མི་སྡུག་པ་ཐོབ་པ། རྗེས་སུ་འཇུག་པར་བྱས་པ་ལེགས་སོ། །ཞེས་དེ་དག་གིས་དེ་ཐུ་མོའི་གནས་སུ་བཞག་གོ་།དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཇི་ཙམ་དུས་གཞན་ཞིག་ན།་དེ་ལ་སེམས་ཅན་ཞུགས་པར་གྱུར་ཏོ། །ཡངས་པ་ཅན་ན་སྒོ་བ་གཉིས་ཡོད་དེ། ཤར་ཀྱི་དང ། ནུབ་ཀྱིའོ། །དེ་གཉིས་ཕན་ཚུན་བཤེས་པར་གྱུར་ནས་དེ་ན་གཅིག་གིས་སྨྲས་པ། ཤེད་མཐུན། གང་གིས་བདག་ཅག་གཉིས་ཤི་ཞིང་དུས་ལ་བབ་ཀྱང་བཤེས་པའི་རྒྱུན་མི་འཆད་པར་འགྱུར་བ་དེ་ལྟ་བུའི་ཐབས་ཅི་ཡོད། གཅིག་ཤོས་ཀྱིས་སྨྲས་པ། ཤེད་མཐུན་བདག་ཅག་གཉིས་ཀྱི་བུ་མོ་ཕན་ཚུན་ཤ་ཀླག་བྱ་སྟེ། གལ་ཏེ་ཁོ་བོ་ལ་བུ་ཡོད་ལ་ཁྱོད་ལ་བུ་མོ་ཡོད་ན། ཁྱོད་ཀྱི་བུ་མོ་ཁོ་བོའི་བུ་ལ་སྦྱིན་པར་བྱའོ། །གལ་ཏེ་ཁྱོད་ལ་བུ་ཡོད་ལ་ཁོ་བོ་ལ་བུ་མོ་ཡོད་ན་ཁོ་བོའི་བུ་མོ་ཁྱོད་ཀྱི་བུ་ལ་སྦྱིན་པར་བྱ་སྟེ། དེས་ན་བདག་ཅག་གཉིས་ཤི་ཞིང་དུས་ལ་བབ་ན་ཡང་བཤེས་རྒྱུན་མི་འཆད་པར་འགྱུར་རོ། །མ་ཉེས་ཀྱི། དེ་ལྟར་བྱའོ། །
Nya312b
ུཏྤ་ལའི་མདོག་ཟླ་བ་དགུ་འདས་ཏེ་བཙས་པ་ལས། ཁྱེའུ་ཞིག་བྱུང་ནས་དེས་བསམ་པ། བུད་མེད་གང་ལ་བུ་ཆུང་ངུ་ཡོད་པ་དེ་སྐྱེས་པ་དག་གིས་འདི་ཡོངས་སུ་སྤང་ངོ ། །ཞེས་ཡོངས་སུ་སྤོང་བར་རིག་ནས་དེས་བུ་མོ་མངག་གཞུག་མ་ལ་སྨྲས་པ། བུ་མོ། ཁྱེའུ་འདི་དང་མར་མེ་ཁྱེར་ལ་ལམ་པོ་ཆེར་སོང་སྟེ། དེར་གནས་གཅིག་ཏུ་ཁྱེའུ་བཞག་སྟེ་མར་མེ་ཚུགས་ལ་འགའ་ཞིག་གིས་བླངས་ཀྱི་བར་དུ་མཐའ་གཅིག་ཏུ་སྡོད་ཅིག་།དེས་དེ་ཁྱེར་ཏེ་ཤར་གྱི་སྒོ་བ་དང་ཧ་ཅང་ཐག་མི་རིང་བའི་གནས་ཤིག་ཏུ་བཞག་སྟེ་མར་མེ་བཙུགས་ནས་མཐའ་གཅིག་ཏུ་བསྡད་པ་དང ། ཤར་གྱི་སྒོ་བ་དེས་མར་མེ་མཐོང་ནས་ཐེ་ཚོམ་ཟ་ཞིང་དེར་སོང་བ་དང ། ཇི་ཙམ་ན་ཁྱེའུ་དེ་མཐོང་ནས་དེས་དེ་བླངས་ཏེ་ཆུང་མའི་གན་དུ་སོང་ནས་སྨྲས་པ། བཟང་མོ། ཁྱོད་ཀྱི་བུ་འདི་རེ། དེ་རབ་ཏུ་དགའ་བས་བླངས་སོ། །དེ་ནས་མཚན་མོ་ནམ་ནངས་པ་དང ། ཀུན་དགའ་བར་འགྱུར་བ་བྱས་སོ། །ཁྱིམ་ཚེས་ཀྱི་སྐྱེ་བོ་དག་གིས་ཕན་ཚུན་སྨྲས་པ། ཤེས་ལྡན་དག་།ཤར་གྱི་སྒོ་བ་འདིའི་ཁྱིམ་ན་ཅི་ཞིག་གིས་ཀུན་དགའ་བར་འགྱུར་བ་བྱུང ། དེ་ན་ཁ་ཅིག་གིས་སྨྲས་པ། འདིའི་བུ་བྱུང་ངོ ། །ཁ་ཅིག་གིས་སྨྲས་པ། འདིའི་ཆུང་མ་མི་སྦྲུམ་ན། འདིའི་བུ་ག་ལ་ས་བྱུང ། ཁ་ཅིག་གིས་སྨྲས་པ། ཤེས་ལྡན་དག་།བུད་མེད་ཁ་ཅིག་གི་མངལ་ན་གནས་པ་མི་མངོན་པ་ཡང་ཡོད་དོ། །
Nya313a
༄#། །ནུབ་ཀྱི་སྒོ་བས་ཐོས་ནས་དེས་བསམ་པ། དེའི་བུ་བྱུང་བས་གལ་ཏེ་བདག་ལ་བུ་མོ་ཡོང་བར་གྱུར་ན། དེ་བདག་གི་མག་པར་འགྱུར་རོ། །སྙམ་ནས། དེ་དེ་ལ་གོས་དང ། རྒྱན་དག་བསྐུར་རོ། །དེ་བསྲིངས་ཤིང་བསྐྱེད་དེ་ཆེན་པོར་གྱུར་ནས་ཇི་ཙམ་ན་དེ་དགའ་འདུན་གྱི་ནང་དུ་ཞུགས་སོ། །ཇི་ཙམ་དུས་གཞན་ཞིག་ན་ཡང ། ུཏྤ་ལའི་མདོག་ལ་སེམས་ཅན་ཞུགས་པར་གྱུར་ནས་དེ་ཟླ་བ་དགུ་འདས་ཏེ་བཅས་པ་ལས། བུ་མོ་ཞིག་བྱུང་ནས་དེས་ཡང་བསམ་པ། བུད་མེད་གང་ལ་བུ་མོ་ཆུང་ངུ་ཡོད་པ་དེ་སྐྱེས་པ་དག་གིས་འདི་ཡོངས་སུ་སྤང་ངོ ། །ཞེས་ཡོངས་སུ་སྤོང་བར་རིག་ནས་བུ་མོ་མངག་གཞུག་མ་ལ་སྨྲས་པ། བུ་མོ། བུ་མོ་འདི་དང་མར་མེ་ཁྱེར་ལ་ལམ་པོ་ཆེར་སོང་སྟེ་དེར་གནས་གཅིག་ཏུ་བུ་མོ་བཞག་སྟེ་མར་མེ་ཚུགས་ལ་འགའ་ཞིག་གིས་བླངས་ཀྱི་བར་དུ་མཐའ་གཅིག་ན་སྡོད་ཅིག་།དེས་དེ་ཁྱེར་ཏེ་ནུབ་ཀྱི་སྒོ་བ་དང་ཧ་ཅང་ཐག་མི་རིང་བའི་གནས་ཤིག་ཏུ་བཞག་སྟེ། མར་མེ་བཙུགས་ནས་མཐའ་གཅིག་ཏུ་བསྡད་པ་དང ། ནུབ་ཀྱི་སྒོ་བ་དེས་མར་མེ་མཐོང་ནས་ཐེ་ཚོམ་ཟ་ཞིང་དེར་སོང་བ་དང ། ཇི་ཙམ་ན་བུ་མོ་དེ་མཐོང་ནས། དེས་དེ་བླངས་ཏེ་ཆུང་མའི་གན་དུ་སོང་ནས་སྨྲས་པ། བཟང་མོ། ཁྱོད་ཀྱི་བུ་མོ་འདི་རེ། དེ་རབ་ཏུ་དགའ་བས་བླངས་སོ། །དེ་ནས་མཚན་མོ་ནམ་ནངས་པ་དང་ཀུན་དགའ་བར་འགྱུར་པ་བྱས་སོ། །ཁྱིམ་ཚེས་ཀྱི་སྐྱེ་བོ་དག་གིས་ཕན་ཚུན་སྨྲས་པ། ཤེས་ལྡན་དག་།ནུབ་ཀྱི་སྒོ་བ་འདིའི་ཁྱིམ་ན། ཅི་ཞིག་གིས་ཀུན་དགའ་བར་འགྱུར་བ་
Nya313b
བྱུང། །དེ་ན་ཁ་ཅིག་གིས་སྨྲས་པ། འདིའི་བུ་མོ་བྱུང་ངོ ། །ཁ་ཅིག་གིས་སྨྲས་པ། འདིའི་ཆུང་མ་མི་སྦྲུམ་ན། འདིའི་བུ་མོ་ག་ལས་བྱུང ། །ཁ་ཅིག་གིས་སྨྲས་པ། ཤེས་ལྡན་དག་།བུད་མེད་ཁ་ཅིག་གི་མངལ་ན་གནས་པ་མི་མངོན་པ་ཡང་ཡོད་དོ། །ཤར་གྱི་སྒོ་བས་ཐོས་ནས་དེས་བསམ་པ། དེའི་བུ་མོ་བྱུང་བས། དེ་བདག་གིས་མནའ་མར་འགྱུར་རོ། །སྙམ་ནས། དེས་དེ་ལ་གོས་དང་རྒྱན་དག་བསྐུར་རོ། །དེ་བསྲིངས་ཤིང་བསྐྱེད་དེ་ཆེན་པོར་གྱུར་ནས་ཇི་ཙམ་ན་དེ་ཡང་དགའ་འདུན་མའི་ནང་དུ་ཞུགས་སོ། །ཇི་ཙམ་དུས་གཞན་ཞིག་ན། དགའ་འདུན་ལྔ་བརྒྱ་སྐྱེད་མོས་ཚལ་དུ་འཕགས་པ་དང ། དེ་དག་གིས་གྲོས་བྱ་བར་བརྩམས་པ།་བདག་ཅག་གྱི་ན་དེ་བཞིན་དུ་སྐྱེད་མོས་ཚལ་དུ་དོང་སྟེ་ཅི་རུང ། འཇུད་མཐུན་མ་འགའ་ཞིག་བཀྲིའི། དེ་ལྟར་བྱའོ། །གང་བཀྲི། ས་འཛིན་མའོ། །མ་ཉེས་ཀྱི། འདི་ལྟར་ཁྲིམས་སུ་བྱ་བ་བཅའ་སྟེ། བདག་ཅག་ལས་གང་དེ་དང་ལྷན་ཅིག་དགའ་མགུར་སྤྱོད་པར་མི་བྱེད་པ་དེ་ལ་དགའ་འདུན་དག་གིས་ཀཪྴ་པ་ཎ་དྲུག་ཅུ་དབབ་བོ། །དེ་དག་གིས་ས་འཛིན་མ་ཨུཏྤ་ལའི་མདོག་ཀཪྴ་པ་ཎ་ལྔ་བརྒྱས་གླས་ཏེ་སྐྱེད་མོས་ཚལ་དུ་ཁྲོད་ནས་དགའ་འདུན་དེ་དག་ཐམས་ཅད་ཀྱིས་རེས་ཀྱིས་དེ་དང་ལྷན་ཅིག་དགའ་མགུར་སྤྱོད་དོ། །ཤར་གྱི་སྒོ་བའི་བུ་དེ་དགའ་མགུར་སྤྱོད་པར་མི་འདོད་ནས་ཨུཏྤ་ལའི་མདོག་གིས་དེ་ལ་སྨྲས་པ། རྗེའི་སྲས། དགའ་མགུར་སྤྱོད་ཅིག་།གཞན་དུ་ན་འདི་དག་གིས་ཁྱོད་ལ་ཀཪྴ་པ་ཎ་དྲུག་ཅུ་ཕབ་པར་འགྱུར་རོ། །དེས་ཆད་པས་འཇིགས་པས་དགའ་མགུར་སྤྱད་པ་དང ། དེ་ཨུཏྤ་ལའི་མདོག་ལ་རྗེས་སུ་ཆགས་པ་སྐྱེས་ནས་དེས་
Nya314a
༄#། །དེ་གཅིག་པུས་ཆུང་མ་ཁུད་པར་བྱས་སོ། །ལི་ཙ་བྱི་དག་ཁྲོས་ནས་ཤར་གྱི་སྒོ་བའི་བུ་དེས། ཚོགས་ཀྱིས་སྤྱད་པར་བྱ་བའི་བུད་མེད་དེ་གཅིག་པུས་ཆུང་མ་ཁུད་པར་བྱས་ཀྱི། དེ་གསོད་དུ་འདོང་ངོ ། །ཞེས་ཟེར་རོ། །འཇིག་རྟེན་ན། མཛའ་བཤེས་དང ། དགྲ་བོ་དང ། ཐ་མལ་པ་ཡིན་པས་གཞན་ཞིག་ཤར་གྱི་སྒོ་བ་དེའི་གན་དུ་སོང་སྟེ། ཇི་ལྟར་གྱུར་པ་སྨྲས་པ་དང ། ཤར་གྱི་སྒོ་བ་དེ་སྐྲག་ནས་ལི་ཙ་བྱི་རྣམས་ཀྱི་གན་དུ་སོང་སྟེ། རྐང་པ་གཉིས་ལ་གཏུགས་ནས་སྨྲས་པ། བུའི་སློང་མོ་སྩོལ་ཅིག་།དེ་དག་གིས་སྨྲས་པ། ཀའི་ནང་རྗེ། དེས་ཅི་ཉེས། དེས་དེ་དག་ལ་རྒྱས་པར་བརྗོད་པ་དང ། དེ་ན་ཁ་ཅིག་གིས་སྨྲས་པ། ཤེས་ལྡན་དག་།ཤར་གྱི་སྒོ་བ་འདི་བདག་ལ་ཡུན་རིང་པོ་ནས་ཕན་པ་བྱེད་བྱེད་པ་ཡིན་གྱི། གལ་ཏེ་འདིའི་བུ་ཚོགས་ཅན་མ་འདོད་ན། སྦྱིན་ནོ། ། གཞན་དག་གིས་སྨྲས་པ། མ་ཉེས་ཀྱི། དེ་བཞིན་བྱའོ། །ཞེས་དེ་དག་གིས་དེ་ལ་ཨུཏྤ་ལའི་མདོག་བྱིན་ནོ། །ཤར་གྱི་སྒོ་བའི་བུ་དེས་ཚོགས་ལས་ཐོབ་པས། བག་ཚ་བ་མེད་པར་ཨུཏྤ་ལའི་མདོག་ཆུང་མར་བླངས་སོ། །དེ་ནས་དེའི་ཕས་ནུབ་ཀྱི་སྒོ་བ་ལ་སྨྲས་པ། ཤེད་མཐུན་ཁྱེའུ་ལ་བུ་མོ་བག་མར་ཐོང་ཞིག་།དེས་སྨྲས་པ། ཤེད་མཐུན། ཁྱོད་ཀྱི་བུས་ཆུང་མ་བླངས་ཟིན་ན། བག་མ་གཞན་གྱིས་ཅི་བྱ། དེས་སྨྲས་པ། ཤེད་མཐུན། སྔར་འཐམས་ཟིན་གྱི། དེ་བྱིན་ཅིག་དང ། གལ་ཏེ་ཁོ་བོ་ལ་འབྱོར་པ་ཡོད་པར་གྱུར་ན། ཁོ་བོ་བུའི་ཆུང་མའི་འཁོར་རྣམ་པར་འཇོག་པར་བྱེད་
Nya314b
དོ། །ནུབ་ཀྱི་སྒོ་བས་སྔར་འཐམས་པའི་ཕྱིར་ཤར་གྱི་སྒོ་བའི་བུ་ལ་བུ་མོ་བྱིན་ནོ། །ཤར་གྱི་སྒོ་བའི་བུ་དེས་ཀྱང ། ཉི་མ་དང ། ཚེས་གྲངས་དང ། ཡུད་ཙམ་གྱི་སྦྱོར་བས་དེ་བག་མར་བླངས་སོ། །དེའི་ཚེ་ན་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ཤར་གྱི་སྒོ་བ་དེའི་ཁྱིམ་དུ་འགྲོ་བ་དེས་བུ་མོ་དེ་ལ་སྨྲས་པ། བུ་མོ། ཁྱོད་ཀྱི་ཆེན་མ་གང་ཡིན་པ་འདི་ནི། ཁྱོད་ཀྱི་མའོ། །ཁྱོད་ཀྱི་ཁྱིམ་ཐབ་གང་ཡིན་པ་འདི་ནི། ཁྱོད་ཀྱི་མིང་པོ་ཡིན་གྱི། མ་ལ་རབ་ཏུ་སྡང་བའི་སེམས་མ་སྐྱེད་ཅིག་།སེམས་ཅན་དམྱལ་བ་ལ་གཞོལ་བར་འགྱུར་བར་མ་བྱེད་ཅིག་།ུཏྤ་ལའི་མདོག་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་བྱུང་ནས་བུ་མོ་དེས་ཁྱེའུ་དེ་སྒོ་ཁང་གི་ཕྱི་རོལ་དུ་རྩེར་གཞུག་པར་བརྩམས་པ་དང ། ཇི་ཙམ་ན་བྲམ་ཟེ་ཞིག་ལམ་དེ་ནས་འགྲོ་བ་དེས་མཐོང་ནས་དེས་ཚིགས་སུ་བཅད་པ་སྨྲས་པ། མི་རྣམས་ནང་ན་མཆོག་གི་རབ་ཀྱི་མཆོག ། མཚུངས་མེད་རྒྱལ་བ་སྐྱོབ་པའི་ཉན་ཐོས་མ། མེ་ཏོག་མན་དཱ་ར་ཀ་རབ་འདྲ་བ། །སྲིང་མོ་ཁྱེའུ་འདི་ཁྱོད་ཀྱི་ཅི་ཞིག་ཡིན། །དེས་ཀྱང་ཚིགས་སུ་བཅད་པ་སྨྲས་པ། བྲམ་ཟེ་འདི་ནི་བདག་གི་མིང་པོ་དང ། མིང་པོའི་བུ་དང་བུ་དང་སྐུད་པོ་ཡིན། །འདི་ཡི་ཕ་དེ་བདག་གི་ཕ་ཡིན་ཏེ། །མིང་པོར་གྱུར་ནས་ད་ལྟར་ཁྱོ་འདི་ཡིན། ཨུཏྤ་ལའི་མདོག་གིས་ཐོས་ནས་དེས་བུ་མོ་མངག་གཞུག་མ་ལ་སྨྲས་པ། བུ་མོ། འདི་གཉིས་ཅི་ཟེར། དེས་སྨྲས་པ། འདི་གཉིས་མང་པོ་མཆིའོ། །ཤོ་བེ་མི་མཆིའོ། །འདི་ལ་ཅི་བདེན། ཁྱོད་ཀྱི་བུ་བདག་གིས་ཤར་སྒོར་བོར་བ་གང་ལགས་པ་དེ་ནི། ད་ལྟར་ཁྱོད་ཀྱི་ཁྱིམ་ཐབ་འདི་ལགས་སོ། །ཁྱོད་ཀྱི་བུ་མོ་བདག་གིས་ནུབ་
Nya315a
༄#། །སྒོར་བོར་བ་གང་ལགས་པ་དེ་ནི། ད་ལྟར་ཁྱོད་ཀྱི་ཆུན་མ་འདི་ལགས་སོ། །ུཏྤ་ལའི་མདོག་གིས་བསམ་པ། སྔོན་ནི། བདག་མ་དང་ཆེན་ཆུན་དུ་གྱུར་ནས། ཡང་བུ་མོ་དང་ཆེན་ཆུན་དུ་གྱུར། ད་ཡང་བདག་བུ་མོ་དེང་ཆེན་ཆུན་དུ་གྱུར་ཅིང ། བུ་ཁྱིམ་ཐབ་ཏུ་གྱུར་གྱི། རྣམ་པ་ཐམས་ཅད་དུ་འགྲོ་བར་བྱའོ། །སྙམ་ནས་དེ་མགོ་གཡོགས་ཏེ་ཁྱིམ་ནས་བྱུང་བ་དང ། ཇི་ཙམ་ན་དོན་མཐུན་རྒྱལ་པོའི་ཁབ་ཏུ་འཕགས་པ་མཐོང་ནས་དེ་དེ་དང་ལྷན་ཅིག་རྒྱལ་པོའི་ཁབ་ཏུ་སོང་ངོ ། །དེ་ཡང་འཇུད་མཐུན་མའི་འཚོ་བས་འཚོ་བར་བྱེད་དོ། །ཇི་ཙམ་ན་དགའ་འདུན་ལྔ་བརྒྱ་སྐྱེད་མོས་ཚལ་དུ་འཕགས་ནས་དེ་དག་གིས་གྲོས་བྱ་བར་བརྩམས་པ། ཤེས་ལྡན་དག་།བདག་ཅག་གྱི་ན་དེ་བཞིན་དུ་སྐྱེད་མོས་ཚལ་དུ་དོང་སྟེ་ཅི་རུང ། འཇུད་མཐུན་མ་འགའ་ཞིག་བཀྲིའོ། །དེ་ལྟར་བྱའོ། །གང་བཀྲི། ས་འཛིན་མའོ། །མ་ཉེས་སོ། །ཞེས་དེ་དག་གིས་ས་འཛིན་མ་ཨུཏྤ་ལའི་མདོག་།ཀཪྴ་པ་ཎ་ལྔ་བརྒྱས་གླས་ཏེ་སྐྱེད་མོས་ཚལ་དུ་ཁྲིད་དོ། །དེ་དག་ཟོས་ཤིང་འཐུངས་ནས་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོ་ཨུཏྤ་ལའི་མདོག་གདུལ་བའི་དུས་ཤེས་ནས་དེ་དག་དང་ཧ་ཅང་ཐག་མི་རིང་བ་ན་ཤིང་ལྗོན་པ་ཞིག་གི་དྲུང་ན་འཆག་ཅིང་འདུག་གོ་།དེ་ན་དགའ་འདུན་གཅིག་གིས་སྨྲས་པ། འཕགས་པ་མོའུ་འགལ་གྱི་བུ་ཆེན་པོ་འདི་ནི། ཉོན་མོངས་པའི་འཆིང་བ་འདི་ལྟ་བུ་ལས་གྲོལ་བ་ཡིན་གྱི། བདག་ཅག་ནི། འདོད་
Nya315b
པའི་དམ་དུ་བྱིང་བ་ཡིན་ནོ། །ུཏྤ་ལའི་མདོག་གིས་སྨྲས་པ། བདག་གིས་ཡངས་པ་ཅན་དུ་སྤོས་ཚོང་གི་ཁྱེའུ་མི་སྡུག་པ་ཐོབ་པ་རྗེས་སུ་འཇུག་པར་བྱས་སོ། །དགའ་འདུན་དེས་སྨྲས་པ། དེའི་དོན་ཅི། འདི་ཡང་རྗེས་སུ་འཇུག་པར་བྱེད་འདོད་དམ། དེས་སྨྲས་པ། ཅི། འདི་སྐྱེས་པ་སྐྱེས་པའི་དབང་པོ་དང་སྟན་པ་ཡིན་ནམ། འདི་སྐྱེས་པ་སྐྱེས་པའི་དབང་པོ་དང་ལྡན་པ་ཡིན་ནོ། །ཁོ་མོས་གལ་ཏེ་འདི་རྗེས་སུ་འཇུག་པར་བྱ་ན། ཁྱོད་ལ་ཅི་དབབ། ཀཪྴ་པ་ཎ་ལྔ་བརྒྱའོ། །གལ་ཏེ་ཁྱོད་ཀྱིས་འདི་རྗེས་སུ་འཇུག་པར་མ་ནུས་ན། ཁྱོད་ལ་ཅི་དབབ། ཁྱོད་གཅིག་པུའི་ཆུང་མ་ཁུད་པའོ། །མ་ཉེས་ཀྱི། དེ་ལྟར་གྱིས་ཤིག་།ུཏྤ་ལའི་མདོག་གིས་ཁས་བླངས་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ག་ལ་བ་དེར་སོང་སྟེ་ཕྱིན་ནས་བུད་མེད་ཀྱི་གཡོ་དག་དང ། བུད་མེད་ཀྱི་གྱ་གྱུ་དག་དང ། བུད་མེད་ཀྱི་ཡ་ཡོ་དག་དང ། བུད་མེད་ཀྱི་སྒྱུ་གང་དག་ཡིན་པ་དེ་དག་ཉེ་བར་བསྟན་པར་བརྩམས་པ་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་དབང་པོ་བག་ཕབ་སྟེ་འདུག་གོ་།དེས་བསམ་པ། བུད་མེད་ཀྱི་ཡུལ་གྱི་རེག་པ་ནི། དུག་ཡིན་པས། བདག་གིས་འཁྱུད་ན། འདི་དག་གི་དབང་དུ་འགྱུར་རོ། །སྙམ་ནས་དེས་འཁྱུད་པར་བརྩམས་པ་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་ཚིགས་སུ་བཅད་པ་དགྲ་སྨྲས་པ། རུས་པའི་འཁྲུལ་འཁོར་སྤྱིལ་བུ་ལ། །ཆུ་བས་ཡོངས་སུ་དཀྲིས་གྱུར་ཅིང ། །མི་གཙང་རུལ་བ་དྲི་ང་བ། །གཞན་ལ་སྟེན་ཅིང་
Nya316a
༄#། །བདག་གིར་བྱེད། །རྩོག་པས་གང་བའི་རྐྱལ་པ་ཁྱོད། །གསོང་ལྡོང་ཕོལ་མིག་ངལ་སྐྱེན་ལྡན། །རྒྱུན་ལམ་དགུ་ནས་རྟག་ཏུ་ནི། །མི་གཙང་རབ་ཏུ་འཛག་པ་ཡིན། །ཇི་ལྟར་ཁོ་བོས་ཁྱོད་ཤེས་ལྟར། །སྐྱེ་བོས་ཁྱོད་ནི་ཤེས་གྱུར་ན། །དབྱར་དུས་ཕྱི་སའི་གནས་བཞིན་དུ། །ཐག་རིང་རྣམ་པར་སྤོང་བར་འགྱུར། །གང་ཕྱིར་བྱིས་པ་གཏི་མུག་གི་།མུན་པས་བསྒྲིབས་པ་མི་ཤེས་པ། །དེ་ཕྱིར་རྫབ་ལ་གླང་རྒན་བཞིན། །དེ་དག་ཁྱོད་ལ་ཆགས་པར་བྱེད། །ུཏྤ་ལའི་མདོག་གིས་ཀྱང་ཚིགས་སུ་བཅད་པ་དག་སྨྲས་པ། སྐལ་པ་ཆེན་པོ་དེ་ལྟ་ལགས། །འཕགས་པས་ཇི་སྐད་གསུངས་པ་བཞིན། །རུས་པའི་འཁྲུལ་འཁོར་སྤྱིལ་བུ་ལ། །ཆུ་བས་ཡོངས་སུ་དཀྲིས་གྱུར་ཅིང ། །མི་གཙང་རུས་པ་དྲི་ང་བ། །གཞན་ལ་སྟེན་ཅིང་བདག་གིར་བགྱིད། །རྩོག་པས་གཏམས་པའི་རྐྱལ་པ་བདག་།གསོང་ལྡོང་ཕོལ་མིག་ངལ་སྐྱེན་ལྡན། །རྒྱུན་ལམ་དགུ་ནས་རྟག་ཏུ་ནི། །མི་གཙང་རབ་ཏུ་འཛག་པ་ལགས། །ཇི་ལྟར་འཕགས་པས་བདག་མཁྱེན་ལྟར། །སྐྱེ་བོས་བདག་ནི་འཚལ་གྱུར་ན། །དབྱར་དུས་སླད་སའི་གནས་བཞིན་དུ། །ཐག་རིང་རྣམ་པར་སྤོང་བར་འགྱུར། །གང་ཕྱིར་བྱིས་པ་གཏི་མུག་གི་།མུན་པས་བསྒྲིབས་པས་མ་འཚལ་བ། །དེ་ཕྱིར་རྫབ་ལ་གླང་རྒན་བཞིན། །དེ་དག་བདག་ལ་ཆགས་པར་བགྱིད། །སྐལ་པ་ཆེན་པོ་མར་གཤེགས་ཏེ། འཕགས་པ་ཆོས་ནི་བསྟན་དུ་གསོལ། །ཤེས་རབ་མཆོག་གི་བསྟན་པ་ལ། །བདག་གིས་ཁྱོད་ཀྱི་
Nya316b
ཉན་ཐོས་བགྱི། །དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་སྟེང་གི་ནམ་མཁའི་དཀྱིལ་ནས་བབས་ནས་དེས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཁོང་དུ་ཆུད་ནས། འདི་ལྟར་ཨུཏྤ་ལའི་མདོག་གིས་སྟན་དེ་ཉིད་ལ་འདུག་བཞིན་དུ་འཇིགས་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པར་བྱས་སོ། །དེས་བདེན་པ་མཐོང་ནས་སྨྲས་པ། འཕགས་པ། བདག་གིས་དགེ་བའི་བཤེས་གཉེན་འཕགས་པ་ལ་བརྟེན་ནས་འཕགས་པས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང ། མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་དག་ལས་ནི། བསྒྲལ། ངན་སོང་གི་སྒོ་དག་ནི། བཀུམ། མཐོ་རིས་དང་ཐར་པའི་སྒོ་དག་ནི། ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི། རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི། བཞག་།ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་
Nya317a
༄#། །རྒྱུན་དུ་ཞུགས་པའི་འབྲས་བུ་ནི། ཐོབ་སྟེ། འཕགས་པ། བདག་ནི། མངོན་པར་ཞུགས་པ་ལགས་སོ། །འཕགས་པ། བདག་ནི། མངོན་པར་ཞུགས་པ་ལགས་ཏེ། འཕགས་པ། བདག་ནི། བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། བདག་དགེ་བསྙེན་མར་གཟུང་དུ་གསོལ། །དེང་སླན་ཆད་ནས་ཇི་སྲིད་འཚོའི་བར་གློ་བ་ཐག་པ་ནས་རབ་ཏུ་དང་བས་སྐྱབས་སུ་མཆིའོ། །དེ་ནས་རིགས་ཀྱི་བུ་མོ་ཨུཏྤ་ལའི་མདོག་གིས་ཚེ་དང་ལྡན་པ་མོའུ་འགལ་གྱི་བུ་ཆེན་པོའི་རྐང་པ་གཉིས་ལ་གཏུགས་ཏེ་སྨྲས་པ།་བཙུན་པ། མོའུ་འགལ་གྱི་བུ་ཆེན་པོ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། རྫོགས་པར་བསྙེན་པ་དགེ་སློང་མའི་དངོས་པོ་འཐོབ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་དོ། །དེས་སྨྲས་པ། སྲིང་མོ། སོང་ལ་ཁྱིམ་ཐབ་དག་ལ་གསོལ་ཅིག་།དེ་དེ་དག་གིས་གན་དུ་སོང་སྟེ་སྨྲས་པ། རྗེའི་སྲས་དག་།བདག་རབ་ཏུ་འབྱུང་བར་ཅི་གནང ། དེ་དག་གིས་སྨྲས་པ། ས་འཛིན་མ། ཅིའི་ཕྱིར་ཁོ་བོ་ཅག་ལ་ཅོ་འདྲི་བར་བྱེད། དེས་སྨྲས་པ། མད་པར་རབ་ཏུ་འབྱུང་སྟེ། ཅོ་འདྲི་བར་མི་བགྱིད་དོ། །དེ་དག་གིས་སྨྲས་པ། གལ་ཏེ་དེ་ལྟར་ན། རབ་ཏུ་བྱུང་ཞིག་།དེ་དེ་དག་གི་གནང་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ག་ལ་བ་དེར་སོང་བ་དང ། དེས་དེ་ཁྲིད་ནས་བཅོམ་ལྡན་འདས་
Nya317b
ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་མོའུ་འགལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཙུན་པ། ཨུཏྤ་ལའི་མདོག་འདི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། རྫོགས་པར་བསྙེན་པ་དགེ་སློང་མའི་དངོས་པོ་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། མ་ཉེས་ཀྱི། རབ་ཏུ་འབྱུང་བ་ལེགས་སོ། །ཞེས་བཀའ་སྩལ་ནས་རང་ཉིད་ཀྱིས་སྐྱེ་རྒུའི་བདག་མོ་ཆེན་མོ་ལ་འཕྲིན་ཡིག་བྲི་བར་བརྩམས་སོ། །བཅོམ་ལྡན་འདས་འཕྲིན་ཡིག་མཛད་པ་ན། རྒྱལ་པོ་གཟུགས་ཅན་སྙིང་པོས་འོངས་ཏེ་གསོལ་བ། བཅོམ་ལྡན་འདས། འཇུད་མཐུན་མ་འདི་ཅིའི་སླད་དུ་འདིར་མཆིས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། དེ་སྐད་མ་ཟེར་ཅིག་།ཁྱོད་ཀྱི་ཆོས་ཀྱི་སྲིང་མོ་འདི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། རྫོགས་པར་བསྙེན་པ་དགེ་སློང་མའི་དངོས་པོ་འདོད་དོ། །བཅོམ་ལྡན་འདས། གང་དུ་འཕྲིན་ཡིག་མཛད། རྒྱལ་པོ་ཆེན་པོ། མཉན་ཡོད་དུ་སྐྱེ་རྒུའི་བདག་མོ་ཆེན་མོ་ལའོ། །བཅོམ་ལྡན་འདས། བདག་གིས་ཀྱང་འདི་ལ་སེལ་བ་སྩལ་བར་བགྱིའོ། །རྒྱལ་པོ་ཆེན་པོ། མ་ཉེས་སོ། །རྒྱལ་པོས་དེའི་སེལ་བ་བསྐོས་སོ། །ུཏྤ་ལའི་མདོག་གིས་འཕྲིན་ཡིག་མ་ནོས་ཏེ་མཉན་ཡོད་དུ་སོང་བ་དང ། སྐྱེ་རྒུའི་བདག་
Nya318a
༄#། །མོ་ཆེན་མོ་གོའུ་ཏ་མིས་དེ་རབ་ཏུ་ཕྱུང ། རྫོགས་པར་བསྙེན་པར་བྱས་ཏེ་གདམས་ངག་བྱིན་ནས་དེ་གཅིག་ཏུ་དབེན་པ། བག་ཡོད་པ། རྟུན་པ་དང་ལྡན་པ། བདག་ཉིད་བཏང་བར་གནས་པ་ན། འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ་འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་པས་རིགས་ཀྱི་བུ་མོ་དག་གང་གི་ཕྱིར་སྐྲ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་ཅིང ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་བཞག་པ་ལྟ་བུ་རིག་པས་སྒོ་ངའི་སྦུབས་དྲལ་བར་གྱུར་ཅིང་རིག་པ་དང ། མངོན་པར་ཤེས་པ་དང ། སོ་སོར་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱི་མཆོད་པར་བྱ་བ་དང ། རྗེད་པར་བྱ་བ་
Nya318b
དང།་མངོན་དུ་སྨྲ་བར་བྱ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་ཉན་ཐོས་མ་རྫུ་འཕྲུལ་ཆེ་བ་རྣམས་ཀྱི་ནང་ན་འདི་ལྟ་སྟེ། དགེ་སློང་མ་ཨུཏྤ་ལའི་མདོག་འདི་མཆོག་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཨུཏྤ་ལའི་མདོག་གིས་ལས་ཅི་ཞིག་བགྱིས་ན། དེས་མིག་ཨུཏྤ་ལ་འདྲ་བ། ཨུཏྤ་ལའི་དྲི་དང་ལྡན་པ། ཨུཏྤ་ལའི་ཟེ་འབྲུའི་མདོག་འདྲ་བར་གྱུར། ལས་ཅི་ཞིག་བགྱིས་ན། དེས་སྐྱེས་པ་དག་གིས་ཕོངས་པ་མ་མཆིས་པར་གྱུར་ཅིང ། བཅོམ་ལྡན་འདས་ཀྱིས་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བགྱིས། ལས་ཅི་ཞིག་བགྱིས་ན། དེས་ཉན་ཐོས་མ་རྫུ་འཕྲུལ་ཆེ་བ། མཐུ་ཆེ་བ་རྣམས་ཀྱི་མཆོག་ཏུ་བསྟན། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ུཏྤ་ལའི་མདོག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་པ་དག་བྱས་ཤིང་བསགས་པས། ཨུཏྤ་ལའི་མདོག་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པ་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་
Nya319a
༄#། །གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ།་ལས་རྣམས་སྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། དགེ་སློང་དག་།སྔོན་བྱུང་བ་རི་བྲག་ཅིག་ན།་ཁྱིམ་བདག་ཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དུས་གཞན་ཞིག་ན། ཟོང་ཐོགས་ཏེ་ཡུལ་གཞན་ཞིག་ཏུ་སོང་ངོ ། །དེའི་ཆུང་མ་གོས་དང་ཟས་བཟང་བས་ཉོན་མོངས་པ་དག་གིས་གནོད་པར་གྱུར་ནས་དེ་དང་ཧ་ཅང་ཐག་མི་རིང་བ་དང ། འཇུད་མཐུན་མའི་ཁྱིམ་ཞིག་འདུག་པ་དེར་སྐྱེས་པ་གཞན་དག་འཇུག་ཅིང་གཞན་དག་འབྱུང་བ་མཐོང་ནས་དེས་བསམ་པས། བུད་མེད་འདིའི་བསོད་ནམས་བྱས་པ་ཡིན་པས། འདི་སྐྱེས་པ་དག་གིས་ཕོངས་པ་མེད་པ་ཡིན་ན། བདག་ཀྱང་གང་གིས་སྐྱེས་པ་དག་གིས་ཕོངས་པ་མེད་པར་འགྱུར་བ་དེ་ལྟ་བུའི་ཐབས་ཅི་ཡོད་སྙམ་ནས། དེ་དེ་ལྟར་སེམས་པ་ན། དེར་གཅེར་བུ་པའི་ཉན་ཐོས་མ་ཞིག་འོངས་ནས་དེས་དེ་ལ་སྨྲས་པ། ཕུ་ནུ་མོ། གང་གིས་གང་སེམས་པ་དང ། གང་སྒྲུབ་པ་དེ་ཐམས་ཅད་འགྲུབ་པར་འགྱུར་བ་དེ་ལྟ་བུའི་ཐབས་ཅི་ཡོད། དེས་སྨྲས་པ། ནུ་མོ། ཁོ་མོའི་མིང་པོ་རབ་ཏུ་བྱུང་བ་བརྟུལ་
Nya319b
ཞུགས་གྲུབ་པ་བདག་ཉིད་ཆེན་པོ་ཞིག་ཡོད་པ་དེ་ཟན་བྱིན་ལ་སྨོན་ལམ་ཐོབ་ཅིག་དང ། ཁྱོད་གང་སེམས་པ་དང ། སྒྲུབ་པ་དེ་ཐམས་ཅད་འགྲུབ་པར་འགྱུར་རོ། །དེས་སྨྲས་པ། ཕུ་ནུ་མོ། གལ་ཏེ་དེ་ལྟ་ན། སོང་ལ་བདག་ཉིད་ཆེན་པོ་དེ་ཁོ་མོའི་ཁྱིམ་དུ་ཟན་ལ་བོས་ཤིག་།དེས་དེ་ཟན་ལ་བོས་སོ། །ཁྱིམ་བདག་གི་ཆུང་མ་དེས་ཀྱང་ཟན་སྦྱར་ཅིང ། ུཏྤ་ལ་དག་གིས་ལག་པ་སྟ་གོན་བྱས་སོ། ། གཅེར་བུ་པ་དག་ནི། དུས་སུ་ཡང་ཟན་ཟ་ལ། དུས་མ་ཡིན་པར་ཡང་ཟ་བས་དེ་ཡུན་རིང་ཞིག་ཐོགས་སོ། །སངས་རྒྱས་རྣམས་འབྱུང་བ་མེད་པའི་ཚེ་རང་སངས་རྒྱས་དམན་པ་དང་བཀྲེན་པ་ལ་རྗེས་སུ་སྙིང་བརྩེ་བ། བས་མཐའི་གནས་མལ་ལ་དགའ་བ། བསེ་རུ་ལྟ་བུ་གཅིག་པུ། འཇིག་རྟེན་གྱི་ཡོན་གནས་སུ་གྱུར་པ་དག་འཇིག་རྟེན་དུ་བྱུང་ངོ ། །ཇི་ཙམ་ན་རང་སངས་རྒྱས་ཤིག་ལྗོངས་རྒྱུ་བ་ན་རི་བྲག་དེར་ཕྱིན་ནས་དེར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་བསོད་སྙོམས་ལ་རྒྱུ་བ་ན། ཁྱིམ་དེར་ཞུགས་པ་དང ། ཁྱིམ་བདག་གི་ཆུང་མ་དེས་ལུས་མཛེས་པ། སེམས་མཛེས་པ་དེ་མཐོང་ནས་དེས་བསམ་པ། འདི་ནི། བརྟུལ་ཞུགས་གྲུབ་པ། བདག་ཉིད་ཆེན་པོ་དེ་ཡིན་གྱི། ཟན་སྦྱིན་ནོ། །སྙམ་ནས། དེས་དེ་ཟན་བསོད་པས་ཚིམ་པར་བྱས་ཤིང་དེ་ལ་ཨུཏྤ་ལ་དག་གིས་ཀྱང་མཆོད་པ་བྱས་སོ། །བདག་ཉིད་ཆེན་པོ་དེ་དག་ནི། ལུས་ཀྱིས་ཆོས་སྟོན་གྱི། ཚིག་གིས་ཆོས་མི་སྟོན་པས་རང་སངས་རྒྱས་དེ་ཟས་ཀྱི་བྱ་བ་བྱས་ནས་དེ་ལ་སྙིང་བརྩེ་བའི་ཕྱིར་ངང་
Nya320a
༄#། །པའི་རྒྱལ་པོ་འདབ་མ་བརྐྱང་པ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི། རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། ཁྱིམ་བདག་གི་ཆུང་མ་དེས་གུས་པར་སྒྲིམ་པ་དང་བཅས་པས་དེའི་རྐང་པ་གཉིས་ལ་ཕྱག་འཚལ་ཏེ་སྨོན་ལམ་བཏབ་པ། བདག་གིས་ཡོན་གནས་ཡང་དག་པར་གྱུར་པ་འདི་ལྟ་བུ་ལ་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས་བདག་སྐྱེས་པ་དག་གིས་ཕོངས་པ་མེད་པར་འགྱུར་ཞིང་འདི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང ། ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་དག་ཀྱང་ཐོབ་པར་གྱུར་ཅིག་།ཅེས་བཏབ་བོ། །དགེ་སློང་དག་།དེ་ཚེ་དེའི་དུས་ན་ཁྱིམ་བདག་གི་ཆུང་མ་གང་ཡིན་པ་དེ་ནི། ཨུཏྤ་ལའི་མདོག་འདི་ཡིན་ཏེ། འདིས་རང་སངས་རྒྱས་ལ་ཟན་བྱིན་ཏེ།་ཨུཏྤ་ལ་དག་གིས་མཆོད་པ་བྱས་པ་གང་ཡིན་པའི་ལས་དེའི་རྣམ་པར་སྨིན་པས་ནི། དེ་ལྟར་མིག་ཨུཏྤ་ལ་འདྲ་བ། ཨུཏྤ་ལའི་དྲི་དང་ལྡན་པ། ཨུཏྤ་ལའི་ཟེ་འབྲུའི་མདོག་འདྲ་བར་གྱུར་ཏོ། །བདག་གིས་ཡོན་གནས་ཡང་དག་པར་གྱུར་པ་འདི་ལྟ་བུ་ལ་མཆོད་པ་བྱས་པ་གང་ཡིན་པའི་དགེ་བའི་རྩ་བ་འདིས་བདག་སྐྱེས་པ་དག་གིས་ཕོངས་པ་མེད་པར་འགྱུར་
Nya320b
ཞིང་འདི་བས་ཆེས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཅིང་ཐུགས་བྱུང་བར་མི་བྱེད་པའི་ཡོན་ཏན་གྱི་རྣམ་པ་དེ་ལྟ་བུ་དག་ཀྱང་ཐོབ་པར་གྱུར་ཅིག་།ཅེས་སྨོན་ལམ་བཏབ་པ་དེས་ནི། སྐྱེས་པ་དག་གིས་ཕོངས་པ་མེད་པར་གྱུར་ཅིང ། ངའི་བསྟན་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཤིང ། འདིས་རང་སངས་རྒྱས་བྱེ་བ་ཕྲག་འབུམ་པས་ཆེས་ཁྱད་པར་དུ་འཕགས་པའི་སྟོན་པ་ང་ལ་མཉེས་པར་ལྷག་པར་བྱས་ཤིང་ཐུགས་བྱུང་བར་མ་བྱས་སོ། །ཉན་ཐོས་མ་རྫུ་འཕྲུ་ཆེ་བ། མཐུ་ཆེ་བ་རྣམས་ཀྱི་མཆོག་ཏུ་བསྟན་པ་གང་ཡིན་པ་དེ་ནི། སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན། དགེ་སློང་དག། སྔོན་བྱུང་བ་བསྐལ་པ་ཆེན་པོ་བཟང་པོ་འདི་ཉིད་ལ་སྐྱེ་རྒྱུའི་ཆེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །དེའི་བསྟན་ས་ལ་འདི་རབ་ཏུ་བྱུང་ནས་དགེ་སློང་མ་གང་གིས་དེ་རབ་ཏུ་ཕྱུང་བའི་དགེ་སློང་མ་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གི་
Nya321a
༄#། །ཉན་ཐོས་མ་རྫུ་འཕྲུལ་ཆེ་བ། མཐུ་ཆེ་བ་རྣམས་ཀྱི་མཆོག་ཏུ་བསྟན་ཏོ། །དེ་ན་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་ནས་དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས། བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པར་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་རྒུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པ་དེའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱེད་ཅིང ། ཇི་ལྟར་མཁན་མོ་འདི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་
Nya321b
ཉན་ཐོས་མ་རྫུ་འཕྲུལ་ཆེ་བ། མཐུ་ཆེ་བ་རྣམས་ཀྱི་མཆོག་ཏུ་བསྟན་པ་དེ་བཞིན་དུ། བདག་ཀྱང་བཅོམ་ལྡན་འདས་ཤཱཀྱ་ཐུབ་པ། ཤཱཀྱ་སེངྒེ། ཤཱཀྱའི་རྒྱལ་པོའི་གཙོ་བོ་དེས་ཉན་ཐོས་མ་རྫུ་འཕྲུལ་ཆེ་བ། མཐུ་ཆེ་བ་རྣམས་ཀྱི་མཆོག་ཏུ་བསྟན་པར་གྱུར་ཅིག་།ཅེས་གདབ་པར་བརྩམས་པས། སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་ཉན་ཐོས་མ་རྫུ་འཕྲུལ་ཆེ་བ། མཐུ་ཆེ་བ་རྣམས་ཀྱི་མཆོག་ཏུ་བསྟན་ཏོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཨུཏྤ་ལའི་མདོག་གིས་ལས་ཅི་བྱས་ན། དེ་འཆོལ་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ུཏྤ་ལའི་མདོག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་པ་དག་བྱས་ཤིང་བསགས་པས། ཨུཏྤ་ལའི་མདོག་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག ། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །
Nya322a
༄#། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་རི་བྲག་ཅིག་ན། འདི་བུད་མེད་སྨྱན་བྱེད་པ་ཞིག་ཏུ་གྱུར་ནས་དེ་ན་འདིས་བུ་མང་པོ་དག་མ་ལྟ་བུ་དག་དང་ལྷན་ཅིག་བསྡུས་ཤིང ། མིང་པོ་ལྟ་བུ་མང་པོ་དག་ཀྱང་སྲིང་མོ་ལྟ་བུ་དག་དང་ལྷན་ཅིག་བསྡུས་པས་ལས་དེའི་རྣམ་པར་སྨིན་པས་དེ་ལྟར་འཆོལ་བར་གྱུར་ཏེ། དགེ་སློང་དག་།དེ་ལྟར་ན། ལས་གཅིག་ཏུ་ན་ག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ། ལས་གཅིག་ཏུ་དཀར་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན་ལ། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་དང ། འདྲེན་མ་རྣམས་སྤངས་ནས་ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟར་བསླབ་པར་བྱའོ། །ུཏྤ་ལའི་མདོག་གི་ཀུན་ཏུ་སྤྱད་པ་ནི། བསོད་སྙོམས་རྒྱས་ནས་བསོད་སྙོམས་ཀྱི་ཕུད་དང་པོར་དགེ་འདུན་ལ་འབུལ་ཞིང ། ཕྱིས་གཞན་དུ་རྒྱུས་ཏེ་བདག་ཉིད་ཟ་བར་བྱེད་དོ། །ཇི་ཙམ་དུས་གཞན་ཞིག་ན་དེ་བསོད་སྙོམས་ལ་ཞུགས་ནས་དེས་བསོད་སྙོམས་ཀྱི་ཕུད་དགེ་འདུན་ལ་ཕུལ་ནས་དེའི་འོག་ཏུ་བདག་ཉིད་ཀྱི་དོན་དུ་རྒྱུས་པ་དང ། དགེ་སློང་གློ་བུར་དུ་འོངས་པ་ཞིག་བསོད་སྙོམས་ལ་ཞུགས་པ་ན། དེ་སྤྱོད་
Nya322b
ཡུལ་ལ་མི་མཁས་པས་ཅི་ཡང་མ་རྙེད་པ་དེ། ཨུཏྤ་ལའི་མདོག་གིས་མཐོང་ནས་སྨྲས་པ། འཕགས་པ། ཅི་ཡང་མ་རྙེད་དམ། འཕགས་མ། ཅི་ཡང་མ་རྙེད་དོ། །དེས་བདག་ཉིད་ཀྱིས་བསོད་སྙོམས་དེ། བསོད་སྙོམས་པ་དེ་ལ་ཕུལ་ནས་དེའི་ཟན་ཆད་པར་གྱུར་ཏོ། །ཉེ་དགས་དེ་མཐོང་ནས་དེས་བསམ་པ། སྲིང་མོ་འདི་ནི། དགེ་འདུན་ལ་མངོན་པར་དད་པ་འབའ་ཞིག་ཏུ་མ་ཟད་ཀྱི། གང་ཟག་ལ་ཡང་མངོན་པར་དད་པ་འདྲ་ན། འདི་བགམ་པར་བྱའོ། །སྙམ་ནས་ཕྱི་དེ་ཉིན་པར་ཨུཏྤ་ལའི་མདོག་བསོད་སྙོམས་ལ་ཞུགས་ནས་དེས་བསོད་སྙོམས་ཀྱི་ཕུད་དགེ་འདུན་ལ་ཕུལ་ནས་བདག་ཉིད་ཀྱི་དོན་དུ་གཉིས་པ་བསྒྲུབས་པ་དང ། ཉེ་དགའ་ཡང་འོངས་ནས་སྨྲས་པ། འཕགས་མ། རྙེད་པ་ཅུང་ཟད་ཡོད་དམ། དེས་སྨྲས་པ། འཕགས་པ། མཆིས་ན། གསོལ་ན་བཞེད་དམ། ལྷའི་གནས་ཀྱི་ལྷ་ཇི་ལྟ་བ་བཞིན་ནོ། །འཕགས་པ། གལ་ཏེ་དེ་ལྟ་ན། ལྷུང་བཟེད་བཟེད་དུ་གསོལ། དེས་ལྷུང་བཟེད་བཟེད་པ་དང ། དེས་བསོད་སྙོམས་དེ་དེའི་ལྷུང་བཟེད་དུ་ཕུལ་ལོ། །ུཏྤ་ལའི་མདོག་ཉི་མ་གཉིས་སུ་ཟན་ཆད་པས་ཉམ་ཆུང་བའི་སྦྱོར་བས་བརྒྱལ་ཏེ་ས་ལ་བསྒྱེལ་བ་དང་མ་དད་པ་དག་གི་གླགས་རྙེད་ནས་ཤེས་ལྡན་དག་ཨུཏྤ་ལའི་མདོག་འདི་འདོད་ཆགས་དང་བྲལ་ལོ། །ཞེས་གྲག་ན། ཤཱཀྱ་གཞོན་ནུ་གཟུགས་བཟང་བ་འདི་མཐོང་ནས་འདོད་ཆགས་ཀྱིས་བརྒྱལ་ཏེ་ས་ལ་བསྐྱེལ་བར་གྱུར་པ་དེ་ཇི་ལྟ་བུ་ཞེས་སྨོད་པ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་
Nya323a
༄#། །ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་དང ། སྐབས་འདི་ལ་དགེ་སློང་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་ཉེ་དགའ་ལ་རྨས་པ། ཉེ་དགའ། ཁྱོད་དགེ་སློང་མ་ཉེ་དུ་མ་ཡིན་པ་ལམ་པོ་ཆེ་ན་འདུག་པ་བསོད་སྙོམས་ཀྱི་ཕྱིར་གྲོང་དུ་འགྲོ་བ་ལས་བཅའ་བ་དང ། བཟའ་བ་རང་གི་ལག་གིས་བླངས་ཏེ་འཆའ་ཞིང་ཟ་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལམ་པོ་
Nya323b
ཆེ་ན་འདུག་པས་བསོད་སྙོམས་ཀྱི་ཕྱིར་གྲོང་དུ་འགྲོ་བ་ལས་བཅའ་བ་དང ། བཟའ་བ་རང་གི་ལག་གིས་བླངས་ཏེ་འཆའ་འམ་ཟ་ན། དགེ་སློང་དེས་ཕྱི་རོལ་ཀུན་དགའ་ར་བར་སོང་སྟེ། དགེ་སློང་རྣམས་ལ་ཚེ་དང་ལྡན་པ་དག་།བདག་ལ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་བྱུང་གི་།ཆོས་དེ་སོ་སོར་འཆགས་སོ། །ཞེས་སོ་སོར་བཤགས་པར་བྱ་སྟེ། ཆོས་འདི་ནི། སོ་སོར་བཤགས་པར་བྱ་བའོ། །ཡང་དགེ་སློང་གང་ཞེས་བྱ་བ་ནི། ཤཱཀྱའི་བུ་ཉེ་དགའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་ཞེས་བྱ་བ་ནི། ཆོས་འདི་པའོ། །ཉེ་དུ་མ་ཡིན་པ་ཞེས་བྱ་བ་ནི། ཕྱི་མོ་དང ། མེས་པོ་དང ། ཕྲུགས་ལ་བརྟེན་པའི་བདུན་པ་ཚུན་ཆད་ནི། ཉེ་དུ་ཡིན་ལ། དེ་ཕན་ཆད་ནི། ཉེ་དུ་མ་ཡིན་ནོ། །ལམ་པོ་ཆེ་ན་འདུག་པ་ཞེས་བྱ་བ་ནི། སྲང་དུ་སོང་བའོ། །བསོད་སྙོམས་ཀྱི་ཕྱིར་གྲོང་དུ་འགྲོ་བ་ཞེས་བྱ་བ་ལ། གྲོང་ཞེས་བྱ་བ་ནི། གང་ན་ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་དག་ཡོད་པའོ། །ལས་ཞེས་བྱ་བ་ནི། གན་ནས་སོ། །བཅའ་བ་དང ། བཟའ་བ་ཞེས་བྱ་བ་ནི། བཅའ་བ་ལྔ་དང ། བཟའ་བ་ལྔའོ། །རང་གི་ལག་གིས་ཞེས་བྱ་བ་ནི། ལག་གིས་ལག་ཏུའོ། །བླངས་ཏེ་ཞེས་བྱ་བ་ནི། བྱིན་ལེན་སྟོབས་སུ་བཅུག་སྟེའོ། །འཆའ་འམ་ཟ་ན་ཞེས་བྱ་བ་ནི། མགུལ་དུ་མིད་ནའོ། །དགེ་སློང་དེས་ཞེས་བྱ་བ་ནི། དགེ་སློང་གང་ཡིན་པ་དེས་སོ། །ཕྱི་རོལ་ཀུན་དགའ་ར་བར་སོང་སྟེ་ཞེས་བྱ་བ་ནི། གྲོང་གི་
Nya324a
༄#། །ཕྱི་རོལ་གཙུག་ལག་ཁང་དུ་སོང་སྟེའོ། །དགེ་སློང་རྣམས་ལ་ཞེས་བྱ་བ་ནི། དེ་ན་དགེ་སློང་གང་དག་འཁོད་པ་ལའོ། །ཚེ་དང་ལྡན་པ། བདག་ལ་སྨད་པའི་གནས་ཞེས་བྱ་བ་ནི། སྨད་པར་བྱ་བའོ། །མི་རིགས་པ་ཞེས་བྱ་བ་ནི། ཚུལ་དང་མི་མཐུན་པའོ། །སོ་སོར་བཤགས་པར་བྱ་བ་ཞེས་བྱ་བ་ནི། མཐོལ་བར་བྱ་བའོ། །བྱུང་གི་ཞེས་བྱ་བ་ནི། ལྟུང་བ་བྱུང་གིའོ། །ཆོས་དེ་ཞེས་བྱ་བ་ནི། ཆོས་མ་ཡིན་པ་ཆོས་ཀྱི་སྒྲར་གསུངས་པ་དེའོ། །སོ་སོར་འཆགས་སོ། །ཞེས་བྱ་བ་ནི། མཐོལ་ལོ་ཞེས་སོ། །སོ་སོར་བཤགས་པར་བྱ་སྟེ་ཞེས་བྱ་བ་ནི། མཐོལ་བར་བྱ་སྟེའོ། །ཆོས་འདི་ནི། སོ་སོར་བཤགས་པར་བྱའོ་ཞེས་བྱ་བ་ནི། ཆོས་འདི་ནི། མཐོལ་བར་བྱ་བ་སྟེ། དེས་ན་སོ་སོར་བཤགས་པར་བྱ་བའོ། །ཞེས་གསུངས་སོ།། །།དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་དགེ་སློང་མ་ཉེ་དུ་མ་ཡིན་པ་ལམ་པོ་ཆེ་ན་འདུག་པ་བསོད་སྙོམས་ཀྱི་ཕྱིར་གྲོང་དུ་འགྲོ་བ་ལས་ཉེ་དུ་མ་ཡིན་པར་འདུ་ཤེས་པས་བཅའ་བ་དང ། བཟའ་བ་རང་གི་ལག་གིས་བླངས་ཏེ་འཆའ་འམ་ཟ་ན། སོ་སོར་བཤགས་པར་བྱ་བར་འགྱུར་རོ། །ཉེ་དུ་མ་ཡིན་པ་ལ་ཡིད་གཉིས་ཟ་བས་བཅའ་བ་དང ། བཟའ་བ་རང་གི་ལག་གིས་བླངས་ཏེ་འཆའ་འམ་ཟ་ན། སོ་སོར་བཤགས་པར་བྱ་བར་འགྱུར་རོ། །དགེ་སློང་གིས་དགེ་སློང་མ་ཉེ་དུ་ལམ་པོ་ཆེ་ན་འདུག་པ་བསོད་སྙོམས་ཀྱི་ཕྱིར་གྲོང་དུ་འགྲོ་བ་
Nya324b
ལས་ཉེ་དུ་མ་ཡིན་པར་འདུ་ཤེས་པར་བཅའ་བ་དང ། བཟའ་བ་རང་གི་ལག་གིས་བླངས་ཏེ་འཆའ་འམ་ཟ་ན། ཉེས་བྱས་སུ་འགྱུར་རོ། །ཉེ་དུ་ལ་ཡིད་གཉིས་ཟ་བས་བཅའ་བ་དང ། བཟའ་བ་རང་གི་ལག་གིས་བླངས་ཏེ་འཆའ་འམ་ཟ་ན། ཉེས་བྱས་སུ་འགྱུར་རོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །དགེ་སློང་མ་ལས་ཟས་ལེན་པའི་སོ་སོར་བཤགས་པར་བྱ་བ་སྟེ། དང་པོ་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་གྱ་གཅིག་པ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་མུ་གེ་ཉམ་ང་བ་དགོན་པ་སློང་མོ་པས་ཟས་རྙེད་པར་དཀའ་ཞིང ། ཕ་མ་དག་ཀྱང་རང་གི་བུ་དག་ལ་ཟས་སྦྱིན་པ་དང་བྱ་བར་སེམས་པ་དཀའ་ན། སློང་མོ་པ་དག་ལ་ལྟ་སྨོས་ཀྱང་ཅི་དགོས་པ་བྱུང་ངོ ། །དྲུག་སྡེ་དག་།སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་པ་དང ། ལ་ལ་ནས་ཐོབ། ལ་ལ་ནས་མ་ཐོབ་ནས་དེ་དག་བཀྲེས་པས་ཉེན་ནས་བཅུ་གཉིས་སྡེ་དག་གིས་གན་དུ་དོང་བ་དད་དེ་དག་གིས། འཕགས་པ་དག་།བཞུགས་སུ་གསོལ་ཞེས་སྟན་དག་བཤམས་སོ། །དེ་དག་འཁོད་པ་དང ། བཅུ་གཉིས་སྡེ་དག་གིས་རྐང་པ་ལ་ཕྱག་འཚལ་ཏེ། མདུན་དུ་འཁོང་ནས་སྨྲས་པ། འཕགས་པ་དག་
Nya325a
༄#། །འཚོ་འམ། སྲིང་མོ་དག་།འདི་ན་ཇི་ལྟར་འཚོ། ཁོ་བོ་ཅག་བཀྲེས་པས་ཉེན་ཏོ། །འཕགས་པ་དག་།གལ་ཏེ་དེ་ལྟ་ནས་སང་སྤྱོན་ཅིག་དང ། ཞལ་ཚུས་གསོལ་ལོ། །སྲིང་མོ་དག་།སང་ཁྱེད་ཀྱིས་སྦྱིན་ན། གནངས་སུ་སྦྱིན། འཕགས་པ་དག་།བདག་ཅག་ཉིད་ཀྱིས་གསོལ་ལོ། །སྲིང་མོ་དག་།དེ་ལྟར་འཚོ་བར་མི་ནུས་ཀྱི། འདི་ལྟར་སངས་རྒྱས་ལ་སོགས་པ་དགེ་སློང་གི་དགེ་འདུན་གང་དུ་སྤྱན་དྲངས་པ་དེར་ཁྱེད་ཅག་གི་ཞལ་ཏ་གྱིས་ལ་ཁོ་བོ་ཅག་ལ་ཡང་དང་ཡང་དུ་བྱིན་ཅིག་དང ། དེ་ལྟ་ན་ཁོ་བོ་ཅག་འཚོ་བར་འགྱུར་རོ། །སྦོམ་དགའ་མོས་སྨྲས་པ། འཕགས་པ་དག་།དེ་ལྟར་བགྱིར་རུང་ངམ། སྲིང་མོ་དག་།ལེགས་པར་རུང་ངོ ། །ཤིན་ཏུ་རུང་ངོ ། །སུས་བཀང ། གང་དུ་བཀག་།དེས་སྨྲས་པ། འཕགས་པ་དག་།གལ་ཏེ་རུང་ན། མ་ནོངས་ཀྱི། དེ་བཞིན་བགྱིའོ། །དེ་དག་གིས་ཨ་རོག་གྱ་ཞེས་བྱས་ཏེ་དོང་ངོ ། །ཇི་ཙམ་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང ། དགེ་སློང་གི་དགེ་འདུན་ནི། ཞུགས་སོ། །བཅོམ་ལྡན་འདས་ནི། རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབས་སོ། །སངས་རྒྱས་བཅོམ་ལྡན་འདས་རྣམས་ནི། རྒྱུ་ལྔས་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་སྒྲུབ་པར་མཛད་དེ། ལྔ་གང་ཞེ་ན། ནང་དུ་ཡང་དག་
Nya325b
འཇོག་བཞེད་པ་དང ། ལྷ་རྣམས་ལ་ཆོས་སྟོན་པར་བཞེད་པ་དང ། ནད་པ་ལ་ལྟ་བར་བཞེད་པ་དང ། གནས་མལ་ལ་རྟོག་པར་བཞེད་པ་དང ། འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་པར་བཞེད་པའོ། །དོན་འདིར་ནི། སངས་རྒྱས་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བཞེད་པས། རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་སྒྲུབ་པར་མཛད་དོ། །ཁྱིམ་བདག་དེ་ནང་མི་དང་བཅས་པས་དགེ་སློང་གི་དགེ་འདུན་ལ་བྲིམ་པར་བརྩམས་པ་དང ། སྦོམ་དགའ་མོ་རྒན་པའི་མཐའ་ལོགས་སུ་འདུག་སྟེ་སྨྲས་པ། ཁྱིམ་བདག། འདི་ནི། འཕགས་པ་དགའ་བོ་སྟེ། ཤཱཀྱ་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་ཡིན་གྱི། འདི་ལ་ཡང་ཡང་གསོལ་ཅིག་།འདི་ནི། འཕགས་པ་ཉེ་དགའ་བོ། འདི་ནི། འགྲོ་མགྱོགས་སོ། །འདི་ནི། ནབ་སོའོ། །འདི་ནི། འདུན་པ་སྟེ། འདི་དག་ཀྱང ། ཤཱཀྱ་ལས་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་ཡིན་གྱི། འདི་དག་ལ་ཡང་ཡང་གསོལ་ཅིག་།འདི་ནི། འཕགས་པ་འཆར་ཀ་སྟེ། བྲམ་ཟེའི་འདུན་ན་འདོན་གྱི་བུ་རབ་ཏུ་བྱུང་བ། སྡེ་སྣོད་གསུམ་དང་ལྡན་པ། ཆོས་སྒྲོག་པ། རིག་པ་དང་གྲོལ་བའི་སྤོབས་པ་ཅན་ཡིན་གྱི། འདི་ལ་ཡང་ཡང་གསོལ་ཅིག་།ཁྱིམ་བདག་དེས་དེ་བཞིན་དུ་དེ་དག་ལ་ཡང་དང་ཡང་དུ་བྱིན་ནོ། །དེ་བཞིན་དུ་སྦོམ་དགའ་མོ་འབྲིམ་
Nya326a
༄#། །མཁན་དག་ལ་ཡང་སྨྲས་ནས། དེ་དག་གིས་ཀྱང་དེ་བཞིན་དུ་དེ་དག་ལ་ཡང་དང་ཡང་དུ་བྱིན་ནོ། །དེ་ན་དགེ་སློང་ཁ་ཅིག་ལ་ནི། འབྲས་ཆན་ཆད། ཁ་ཅིག་ལ་ནི། ཚོད་མ་ཆད། ཁ་ཅིག་ལ་ནི། བཅའ་བ་ཆད། ཁ་ཅིག་ལ་ནི། བཟའ་བ་ཆད། ཁ་ཅིག་གིས་ནི། ཟན་ཅུང་ཟད་ཐོབ་ནས་ཟན་ཆད་པར་གྱུར། ཁ་ཅིག་གིས་ནི། ཟན་མ་ཐོབ་པར་ཟན་ཆད་པར་གྱུར་ཏོ། །དེ་ན་དགེ་སློང་གང་དག་འཆིང་བ་མཐའ་དག་ཡོད་པ་དེ་དག་གིས་ཁྱིམ་བདག་དེ་ལ་མཐོ་བརྩམས་པ། ཁྱིམ་བདག་།གལ་ཏེ་ཁྱོད་ལ་འབྱོར་པ་མེད་ན། ཅིའི་ཕྱིར་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་འདྲེན་པར་བྱེད། དེས་སྨྲས་པ། འཕགས་པ་དག་།བདག་གིས་ཞལ་ཟས་མང་པོ་སྟ་གོན་བགྱིས་ན། སྦོམ་དགའ་མོ་བགྲེས་པའི་མཐའ་ལོགས་སུ་མཆིས་པས། བགྲེས་པའི་མཐའ་ལོགས་འབའ་ཞིག་ཏུ་ཡང་དང་ཡང་དུ་སྟོབ་ཏུ་སྩལ་པས། དེ་ལ་བདག་གིས་ཇི་ལྟར་བགྱི་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་
Nya326b
ལ་རྨས་པ། དགེ་སློང་དག། ཁྱེད་ཀྱིས་མི་མཛེས་པ་དེ་ལྟ་བུ་དེ་བྱས་པ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། ངའི་ཉན་ཐོས་རྣམས་ཀྱི་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་སློང་རབ་ཏུ་མང་པོ་ཁྱིམ་རྣམས་སུ་མགྲོན་དུ་བོས་ནས་ཟན་ཟ་བའི་ཚེ། དེ་ན་གལ་ཏེ་དགེ་སློང་མ་ཞིག་འདི་ལ་ནི། བཅའ་བ་བྱིན་ཅིག་།འདི་ལ་ནི། འབྲས་ཆན་བྱིན་ཅིག་།འདི་ལ་ནི། སྲན་ཚོད་བྱིན་ཅིག་།འདི་ལ་ནི། ཡང་བྱིན་ཅིག་ཅེས་བསྒོ་ཞིང་འདུག་ན། དགེ་སློང་མ་དེ་ལ་དགེ་སློང་དེ་རྣམས་ཀྱིས་འདི་སྐད་ཅེས། སྲིང་མོ། །ཁྱོད་དགེ་སློང་རྣམས་ཟན་ཟ་བའི་བར་དུ་རེ་ཞིག་སྡོད་ཅིག་།ཅེས་བསྒོ་བར་བྱའོ། །གལ་ཏེ་དགེ་སློང་གཅིག་གིས་ཀྱང་དགེ་སློང་མ་དེ་ལ་དེ་སྐད་སྨྲ་མ་སྤོབས་ན། དགེ་སློང་དེ་དག་ཐམས་ཅད་ཀྱིས་ཕྱི་རོལ་ཀུན་དགའ་ར་བར་དོང་སྟེ། དགེ་སློང་རྣམས་ལ་ཚེ་དང་ལྡན་པ་དག་།བདག་ཅག་ལ་སྨད་པའི་གནས་མི་རིགས་པ་
Nya327a
༄#། །སོ་སོར་བཤགས་པར་བྱ་བ་བྱུང་གི་།ཆོས་དེ་སོ་སོར་འཆགས་སོ། །ཞེས་སོ་སོར་བཤགས་པར་བྱ་སྟེ། ཆོས་འདི་ཡང་སོ་སོར་བཤགས་པར་བྱ་བའོ། །དགེ་སློང་རབ་ཏུ་མང་པོ་ཞེས་བྱ་བ་ནི། །གཉིས་ལས་ལྷག་པ་ནི། རབ་ཏུ་མང་པོའོ། །ཁྱིམ་རྣམས་སུ་ཞེས་བྱ་བ་ནི། བྲམ་ཟེ་དང ། ཁྱིམ་བདག་གི་ཁྱིམ་རྣམས་སུའོ། །མགྲོན་དུ་བོས་ནས་ཞེས་བྱ་བ་ནི། ཟན་གྱི་ཕྱིར་རོ། །ཟན་ཟ་བའི་ཚེ་ཞེས་བྱ་བ་ནི། བཅའ་བ་ལྔ་དང ། བཟའ་བ་ལྔ་དག་གོ་།དེ་ན་གལ་ཏེ་དགེ་སློང་མ་ཞིག་ཅེས་བྱ་བ་ནི། སྦོམ་དགའ་མོའམ། གཞན་ཡང་དེ་ལྟ་བུ་གང་ཡིན་པའོ། །དགེ་སློང་མ་དེ་ལ་ཞེས་བྱ་བ་ནི། སྦོམ་དགའ་མོའམ། གཞན་ཡང་དེ་ལྟ་བུ་གང་ཡིན་པ་ལའོ། །དགེ་སློང་དེ་རྣམས་ཀྱིས་ཞེས་བྱ་བ་ནི། དེ་ན་དགེ་སློང་གང་དག་འཁོད་པ་རྣམས་ཀྱིས་སོ། །འདི་སྐད་ཅེས་ཞེས་བྱ་བ་ནི། འདི་སྐད་བསྒོ་བར་བྱ་བའོ། །སྲིང་མོ། ཁྱོད་དགེ་སློང་རྣམས་ཟན་ཟ་བའི་བར་དུ་རེ་ཞིག་སྡོད་ཅེས་བསྒོ་བར་བྱའོ། །ཞེས་བྱ་བ་ནི། སྲིང་མོ། ཁྱོད་དགེ་སློང་རྣམས་ཟན་ཟ་བའི་བར་དུ་རེ་ཞིག་ཡུད་ཙམ་ཞིག་ཁ་རོག་པར་སྡོད་ཅིག་ཅེས་བརྗོད་པར་བྱ་བའོ། །གལ་ཏེ་དགེ་སློང་གཅིག་གིས་ཀྱང་དགེ་སློང་མ་དེ་ལ་དེ་སྐད་སྨྲ་མ་སྤོབས་ན་ཞེས་བྱ་བ་ནི། གལ་ཏེ་དགེ་སློང་གཅིག་གིས་ཀྱང་དགེ་སློང་མ་དེ་ལ་དེ་སྐད་མ་སྨྲས་ནའོ། །དགེ་སློང་དེ་དག་ཐམས་ཅད་ཀྱིས་ཞེས་བྱ་བ་ནི། དེ་ན་དགེ་སློང་གང་དག་འཁོད་པ་དེ་དག་ཐམས་ཅད་ཀྱིས་
Nya327b
སོ། །ཕྱི་རོལ་ཀུན་དགའ་ར་བར་དོང་སྟེ་ཞེས་བྱ་བ་ནི། གྲོང་གི་ཕྱི་རོལ་ཏུ་གཙུག་ལག་ཁང་དུ་དོང་སྟེའོ། །དགེ་སློང་རྣམས་ལ་ཚེ་དང་ལྡན་པ་དག་།བདག་ཅག་ལ་སྨད་པའི་གནས་ཞེས་བྱ་བ་ནི། སྨད་པར་བྱ་བའོ། །མི་རིགས་པ་ཞེས་བྱ་བ་ནི། ཚུལ་དང་མི་མཐུན་པའོ། །སོ་སོར་བཤགས་པར་བྱ་བ་ནི། མཐོལ་བར་བྱ་བའོ། །བྱུང་གི་ཞེས་བྱ་བ་ནི། ལྟུང་བ་བྱུང་གིའོ། །ཆོས་དེ་ཞེས་བྱ་བ་ནི། ཆོས་མ་ཡིན་པ་ཆོས་ཀྱི་སྒྲར་གསུངས་པ་དེའོ། །སོ་སོར་འཆགས་སོ། །ཞེས་བྱ་བ་ནི། མཐོལ་ལོ། །ཞེས་བྱ་བའོ། །སོ་སོར་བཤགས་པར་བྱ་སྟེ་ཞེས་བྱ་བ་ནི། མཐོལ་བར་བྱ་སྟེའོ། །ཆོས་འདི་ཡང་སོ་སོར་བཤགས་པར་བྱ་བའོ། །ཞེས་བྱ་བ་ནི། ཆོས་འདི་ཡང་མཐོལ་བར་བྱ་བ་སྟེ། དེས་ན་སོ་སོར་བཤགས་པར་བྱ་བའོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་རྣམས་ཁང་ཐོག་ན་ཟན་ཟ་ཞིང་གཞན་དག་པར་ཁང་ན་ཟན་ཟ་བའི་ཚེ། དེ་ན་གལ་ཏེ་དགེ་སློང་མ་ཞིག་བསྒོ་ཞིང་འདུག་ན། དགེ་སློང་དེ་དག་གིས་དགེ་སློང་མ་ལ་བསྒོ་བར་བྱའོ། །མ་བསྒོ་བར་ཟ་ན། སོ་སོར་བཤགས་པར་བྱ་བར་འགྱུར་རོ། །གང་དག་པར་ཁང་ན་ཟ་བ་དེ་དག་གིས་དགེ་སློང་མ་དེ་ལ་བསྒོའམ་ཞེས་དྲི་བར་བྱའོ། །མ་དྲིས་པར་ཟ་ན། ཉེས་བྱས་སུ་འགྱུར་རོ། །དགེ་སློང་རྣམས་འོག་ཁང་ན་ཟན་ཟ་ཞིང་གཞན་དག་སྒོ་ཁང་ན་ཟན་ཟ་བའི་ཚེ། དེ་ན་གལ་ཏེ་དགེ་སློང་མ་ཞིག་བསྒོ་ཞིང་འདུག་ན། དགེ་སློང་དེ་དག་གིས་དགེ་སློང་མ་དེ་ལ་བསྒོ་བར་བྱའོ། །མ་བསྒོ་བར་ཟ་
Nya328a
༄#། །ན།་སོ་སོར་བཤགས་པར་བྱ་བར་འགྱུར་རོ། །གང་དག་སྒོ་ཁང་ན་ཟ་བ་དེ་དག་གིས་དགེ་སློང་མ་དེ་ལ་བསྒོའམ་ཞེས་དྲི་བར་བྱའོ། །མ་དྲིས་པར་ཟོས་ན། ཉེས་བྱས་སུ་འགྱུར་རོ། །དགེ་སློང་ཁ་ཅིག་ཟོས་ཏེ་ཕྱིར་ཕྱུང་ཞིང་གཞན་དག་ནང་དུ་འཇུག་ན། དེ་ན་གང་དག་ནང་དུ་འཇུག་པ་དེ་དག་གིས་དགེ་སློང་མ་དེ་ལ་བསྒོའམ་ཞེས་དྲི་བར་བྱའོ། མ་དྲིས་པར་ཟ་ན། ཉེས་བྱས་སུ་འགྱུར་རོ། །དེའི་ངོར་མགྲོན་དུ་བོས་པ་དང ། ཡང་དག་པར་འཛིན་དུ་འཇུག་པ་ལ་ལྟུང་བ་མེད་དོ། །བྱུག་རིས་སྟོན་པ་དང་མ་བྱིན་པ་ལ་སྦྱིན་དུ་འཇུག་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གྲལ་རིམ་དུ་མ་ཕེབས་པར་འབྲིམ་དུ་འཇུག་པ་མ་བཟློག་པར་ཟ་བའི་སོ་སོར་བཤགས་པར་བྱ་བ་སྟེ། གཉིས་པ་རྫོགས་སོ།། །།སངས་རྒྱས་བཅོམ་ལྡན་འདས་ཡངས་པ་ཅན་ན་སྤྲེའུ་རྫིང་གི་འགྲམ་ཁང་པ་བརྩེགས་པའི་ཁང་བཟང་ན་བཞུགས་སོ། །གང་གི་ཚེ་དམག་དཔོན་སེང་གེས་བཅོམ་ལྡན་འདས་ཀྱིས་སྤྱན་སྔ་ནས་བདེན་པ་དག་མཐོང་བ་དེའི་ཚེ་དེས་ཆ་གཅིག་བཟུང་ནས་འདི་ལྟར་ཁྱུ་མཆོག་རླབས་པོ་ཆེའི་ཚིག་སྨྲས་ཤིང ། འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་ཏེ་དེང་ཕྱིན་ཆད་གཅེར་བུ་པ་དག་དང ། གཅེར་བུ་མ་དག་དང ། གཅེར་བུ་པའི་ཉན་ཐོས་དག་དང ། གཅེར་བུ་པའི་
Nya328b
ཉན་ཐོས་མ་དག་གི་སྒོ་ནི། བཅད་དོ། །བཅོམ་ལྡན་འདས་ཀྱི་ཉན་ཐོས་དགེ་སློང་དག་དང ། དགེ་སློང་མ་དག་དང ། དགེ་བསྙེན་དག་དང ། དགེ་བསྙེན་མ་དག་གི་སྒོ་ནི། ཕྱེའོ། །ཞེས་བསྒྲགས་ཤིང ། ཞིང་ལས་ཀྱི་མཐའ་དག་ཀྱང་ཁ་ན་མ་ཐོ་བ་དང་བཅས་པ་ཡིན་ནོ་ཞེས་ཡོངས་སུ་བཏང་ངོ ། །དེ་དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཏེ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མེད་དེ། དེས་དེ་ལྟར་ཕུལ་ཞིང་ཡོངས་སུ་བཏང་བས། ལོངས་སྤྱོད་བསྲབས་ཤིང་ཡོངས་སུ་ཟད་དེ། ཡོངས་སུ་མཐར་ཐུག་པར་གྱུར་ཏོ། དེའི་སྐབས་སུ་ཚེ་དང་ལྡན་པ་ཤཱ་རིའི་བུ་དང ། མོའུ་འགལ་གྱི་བུ་ཆེན་པོ་གཉིས་ལྗོངས་རྒྱུ་ཞིང་འདོང་བ་ན་ཡངས་པ་ཅན་དུ་ཕྱིན་ནས་དམག་དཔོན་སེང་གེས་དེ་གཉིས་ཁྱིམ་གཞན་དུ་ཟན་ལ་མགྲོན་དུ་བོས་ནས་དེ་དེ་གཉིས་ཀྱི་ཟན་སྦྱར་བའི་ཕྱིར་བདག་ཉིད་སྲང་དུ་སོང་བ་དང ། གཅེར་བུ་བདག་གིས་མཐོང་ནས། དེ་དག་ཤེས་ལྡན་དག་།གང་གི་ཚེ་དམག་དཔོན་སེང་གེས་བདག་ཅག་ལ་མངོན་པར་དད་པ་དེའི་ཚེ་ན། འདིའི་ཐམས་ཅད་ཕུན་སུམ་ཚོགས་པར་གྱུར་ན། དེ་ལྟར་ཤཱཀྱའི་བུའི་དགེ་སྦྱོང་དག་ལ་མངོན་པར་དད་པས་འདི་ལ་བཅར་མེད།་བཟར་ཡང་མེད་དེ། བདག་ཉིད་ཁྱིམ་གྱི་ལས་བྱེད་དོ། །ཞེས་སྨོད་པ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་
Nya329a
༄#། །འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དམག་དཔོན་སེང་གེ་དང ། གཞན་ཡང་དེ་ལྟ་བུ་གང་ཡིན་པ་ལ་བསླབ་པའི་སྡོམ་པ་བྱིན་ཅིག་།འདི་ལྟར་སྦྱིན་པར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་འབའ་ཞིག་གི་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དམག་དཔོན་སེངྒེ་ནི། དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཏེ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མ་མཆིས་ཏེ། དེས་དེ་ལྟར་ཕུལ་ཞིང་ཡོངས་སུ་བཏང་བས། ལོངས་སྤྱོད་བསྲབས་ཤིང་ཡོངས་སུ་བས་ཏེ་ཡོངས་སུ་མཐར་ཐུག་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དམག་དཔོན་སེང་གེ་ལ་བསླབ་པའི་སྡོམ་པ་སྩལ་ཏོ། །འདི་ནི། གསོལ་བའོ། །དགེ་འདུན་གྱིས་གང་ལ་བསླབ་པའི་སྡོམ་པ་བྱིན་པ་དེར། དགེ་སློང་གིས་ཁྱིམ་དུ་འགྲོ་བར་མི་བྱ། སྟན་ལ་ལོངས་སྤྱོད་པར་མི་བྱ། བསོད་སྙོམས་བཟའ་བར་མི་བྱ། ཆོས་བསྟན་པར་མི་བྱའོ། །བཅོམ་ལྡན་འདས་ཀྱིས་གང་ལ་དགེ་འདུན་གྱིས་བསླབ་པའི་སྡོམ་པ་བྱིན་
Nya329b
པ་དེར་དགེ་སློང་གིས་ཁྱིམ་དུ་འགྲོ་བར་མི་བྱ། སྟན་ལ་ལོངས་སྤྱད་པར་མི་བྱ། བསོད་སྙོམས་བཟའ་བར་མི་བྱ། ཆོས་བསྟན་པར་མི་བྱའོ། །ཞེས་བཀའ་སྩལ་ནས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་སྔར་མགྲོན་དུ་བོས་པ་ཡང་དེའི་ཁྱིམ་དུ་མ་དོང་ངོ ། །དེ་ན་དམག་དཔོན་སེངྒེས་ཁ་ཟས་སྟ་གོན་བྱས་ནས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་གཉིས་ག་ལ་བ་དེར་སོང་སྟེ་ཕྱིན་ནས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ཀྱི་རྐང་པ་ལ་མགོ་བོས་ཕྱག་འཚལ་ཏེ་འདི་སྐད་ཅེས་སྨྲས་སོ། །འཕགས་པ་གཉིས། གདུགས་ཚོད་གཡར་དགོངས་འཚལ་ན།་ད་དེའི་དུས་ལ་བབ་པར་དགོངས་སུ་གསོལ། དེ་གཉིས་ཀྱིས་སྨྲས་པ། ཁྱིམ་བདག་།ཁྱོད་ལ་དགེ་འདུན་གྱིས་བསླབ་པའི་སྡོམ་པ་བྱིན་གྱི། མི་འགྲོའོ། །དེས་སྨྲས་པ། འཕགས་པ་གཉིས། བདག་གིས་ཁྱེད་གཉིས་སྔར་སྤྱན་དྲངས་ཀྱི། གཤེགས་སུ་གསོལ། དེ་གཉིས་ཀྱིས་སྨྲས་པ། ཁྱིམ་བདག་།འོ་ན་བཅོམ་ལྡན་འདས་ལ་ཞུའོ། །ཞེས་དེ་གཉིས་ཀྱིས་སྐབས་དེ། བཅོམ་ལྡན་འདས་ལ་རྒྱས་པར་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྔར་མགྲོན་དུ་བོས་པ་གང་ཡིན་པ་དེས་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །དེ་གཉིས་དམག་དཔོན་སེངྒེའི་ཁྱིམ་དུ་འཕགས་པ་དང་དྲུག་སྡེ་དག་གིས་དེ་གཉིས་མཐོང་ནས་དེ་དག་གིས་སྨྲས་པ། ཁྱེད་གཉིས་གར་བཞུད། དམག་དཔོན་སེངྒེའི་ཁྱིམ་དུའོ། །དེ་ལ་དགེ་འདུན་གྱིས་བསླབ་པའི་སྡོམ་པ་
Nya330a
༄#། །མ་བྱིན་ནམ། གང་ལ་བྱིན་པ་དེ་ལ་བྱིན་གྱི། ཁོ་བོ་ཅག་གཉིས་སྔར་མགྲོན་དུ་བོས་སོ། །གལ་ཏེ་དེ་ལྟ་ན་ཁོ་བོ་ཅག་ཆེས་སྔར་མགྲོན་དུ་བོས་ཏེ། གང་གི་ཚེ་དམག་དཔོན་སེངྒེའི་བཅོམ་ལྡན་འདས་ཀྱི་སྤྱན་སྔ་ནས་བདེན་པ་དག་མཐོང་བ་དེའི་ཚེ་ན། དེས་ཆ་གཅིག་བཟུང་ནས་འདི་ལྟར་ཁྱུ་མཆོག་རླབས་པོ་ཆེའི་ཚིག་སྨྲས་ཤིང ། འཁོར་གྱི་ནང་དུ་སེངྒེའི་སྒྲ་ཡང་དག་པར་བསྒྲགས་ཏེ། དེང་ཕྱིན་ཆད་གཅེར་པུ་པ་དག་དང ། གཅེར་བུ་མ་དག་དང ། གཅེར་བུ་པའི་ཉན་ཐོས་དག་དང ། གཅེར་བུ་མའི་ཉན་ཐོས་མ་དག་གི་སྒོ་ནི། བཅད་དོ། །བཅོམ་ལྡན་འདས་ཀྱི་ཉན་ཐོས་དགེ་སློང་དག་དང ། དགེ་སློང་མ་དག་དང ། དགེ་བསྙེན་དག་དང ། དགེ་བསྙེན་མ་དག་གི་སྒོ་ནི། ཕྱེའོ། །ཞེས་བསྒྲགས་པས་དེའི་ཕྱིར་ཁོ་པོ་ཅག་ཆེས་སྔར་མགྲོན་དུ་བོས་སོ། །དེ་གཉིས་ཅང་མི་སྨྲ་བར་དོང་བ་དང ། དེ་དག་ཀྱང་དེ་གཉིས་ཀྱི་ཕྱི་བཞིན་དུ་འབྲང་བ་ན། དམག་དཔོན་སེང་གེས་དགེ་སློང་རབ་ཏུ་མང་པོ་དག་འོང་བ་མཐོང་ནས་མཆོག་ཏུ་དགའ་བ་བསྐྱེད་དེ་ཁྱིམ་མི་ལ་དགོས་པ་གང་དག་ཡིན་པ་དེ་དག་ཀྱང་དགེ་སློང་རྣམས་ལ་བྲིམས་སོ། །དེ་དག་གིས་ཟོས་ཏེ་དོང་བ་དང ། དེའི་བུ་དག་གིས་ཟས་བསླང་བར་བརྩམས་པ་ན། དེས་སྨྲས་པ། བུ། བདག་གིས་ཁྱིམ་མི་ལ་དགོས་པ་གང་ཡིན་པ་དེ་དག་ཀྱང་དགེ་སློང་རྣམས་ལ་བྲིམས་ཀྱི། གཞན་སྒྲུབ་ཀྱི་བར་དུ་རེ་ཞིག་སྡོད་ཅིག་།དེ་
Nya330b
དག་གིས་དུ་བར་བརྩམས་པ་ཐོས་ནས་དགེ་སློང་དོན་ཉུང་བ་དག་།ཅིའི་ཕྱིར་དགེ་སློང་དག་སློབ་པ་དག་གི་ཁྱིམ་གང་དག་དགེ་འདུན་གྱི་བསླབ་པའི་སྡོམ་པས་བསྡམས་པ་དག་ཏུ་སྔར་མགྲོན་དུ་མ་བོས་པར་དོང་སྟེ་རང་གིས་ལག་གིས་བཅའ་བ་དང ། བཟའ་བ་བླངས་ནས་འཆའ་བར་བྱེད། ཟ་བར་བྱེད་ཅེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་བཞི་འདི་དང ། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ནི། ཁྱིམ་བཞིན་དུ་རྨེད་པར་མཛད་པ་སྟེ། ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་།ཁྱེད་སློབ་པ་དག་གི་ཁྱིམ་གང་དག་དགེ་འདུན་གྱི་བསླབ་པའི་སྡོམ་པས་བསྡམས་པ་དེ་དག་ཏུ་སྔར་མགྲོན་དུ་མ་བོས་པར་དོང་སྟེ་རང་གི་ལག་གིས་བཅའ་བ་དང ། བཟའ་བ་བླངས་ནས་འཆའ་ཞིང་ཟ་བ་བདེན་ནམ། བཙུན་པ། མེད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་
Nya331a
༄#། །སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ། ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། སློབ་པ་དག་གི་ཁྱིམ་གང་དག་དགེ་འདུན་གྱི་བསླབ་པའི་སྡོམ་པས་བསྡམས་པར་གྱུར་ལ། ཡང་དགེ་སློང་གང་སློབ་པ་དག་གི་ཁྱིམ་གང་དག་དགེ་འདུན་གྱི་བསླབ་པའི་སྡོམ་པས་བསྡམས་པ་དེ་ལྟ་བུ་དག་ཏུ་སྔར་མགྲོན་དུ་མ་བོས་པར་སོང་སྟེ་རང་གི་ལག་གིས་བཅའ་བ་དང ། བཟའ་བ་བླངས་ནས་འཆའ་འམ་ཟ་ན། དགེ་སློང་དེ་ཕྱི་རོལ་ཀུན་དགའ་ར་བར་སོང་སྟེ་དགེ་སློང་རྣམས་ལ་ཚེ་དང་ལྡན་པ་དག་།བདག་ལ་སྨད་པའི་གནས། མི་རིགས་པ། སོ་སོར་བཤགས་པར་བྱ་བ་བྱུང་གི་།ཆོས་དེ་སོ་སོར་འཆགས་སོ། །ཞེས་སོ་སོར་བཤགས་པར་བྱ་སྟེ། ཆོས་འདི་ཡང་སོ་སོར་བཤགས་པར་བྱ་བའོ། །གང་གི་ཚེ་བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འདི་ལྟར་བཅའ་བ་མཛད་པ་དེའི་ཚེ་ན། དགེ་སློང་འགའ་ཡང་དམག་དཔོན་སེངྒེའི་ཁྱིམ་དུ་མི་འགྲོའོ། །དེ་ནས་དམག་དཔོན་སེངྒེའི་ཆུང་མས་དམག་དཔོན་སེངྒེ་ལ་འདི་སྐད་ཅེས་སྨྲས་སོ། །རྗེའི་སྲས། མཁྱེན་པར་མཛོད་ཅིག་།དགེ་འདུན་གྱིས་སྐོལ་ཅག་ལ་བསླབ་པའི་སྡོམ་པ་སྩལ་ནས་དགེ་སློང་འགའ་ཡང་མི་མཆི་བས། དོན་གྱིས་དགེ་འདུན་
Nya331b
གྱིས་ཚུལ་ཤིང་གིས་བཀོལ་གྱི། དགེ་སློང་རྣམས་ཀྱི་བཤོས་ཤིན་ཏུ་བཀག་ཀྱང་གདན་གྱི་ལོངས་སྤྱོད་དང ། ཆོས་སྟོན་པ་ལ་ནོངས་པ་ཅི་མཆིས་ཞེས་ཟེར་བའི་སྐབས་དེ། དགེ་སློང་རྣམས་ཀྱི་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དག་གིས་དམག་དཔོན་སེང་གེའི་ཁྱིམ་དུ་འགྲོ་བར་བྱ། སྟན་ལ་ལོངས་སྤྱོད་པར་བྱ། ཆོས་སྟོན་པར་བྱ་ཞིང ། བསོད་སྙོམས་བླང་པ་ནི། མི་བྱའོ། །དགེ་སློང་དག་།ལྷུང་བཟེད་སྟོང་པ་ཁོ་ནས་དང་པོར་དེའི་ཁྱིམ་དུ་འཇུག་ཅིང་བྱུང་ནས་དམག་དཔོན་སེང་གེའི་ཆུང་མས་དེ་མཐོང་བ་དང ། སྔོན་ནི། འཕགས་པ་འདི་དག་ལྷུང་བཟེད་སྟོང་པ་ཁོ་ནས་དང་པོར་བདག་གི་ཁྱིམ་དུ་ཞུགས་ནས་ལྷུང་བཟེད་གང་བ་དང ། ལག་པ་གང་བ་དག་གིས་འབྱུང་ན། ད་ནི། ལྷུང་བཟེད་སྟོང་པ་དང ། ལག་པ་སྟོང་པ་དག་གིས་འབྱུང་ངོ ། །ཞེས་ངུ་བར་བརྩམས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དག་གིས་ལྷུང་བཟེད་སྟོང་པ་ཁོ་ནས་དང་པོར་དེའི་ཁྱིམ་དུ་འཇུག་པར་མི་བྱའོ། །དགེ་སློང་དག་གིས་བསོད་སྙོམས་རྒྱུས་ནས་ལྷུང་བཟེད་གང་བས་དེའི་ཁྱིམ་དུ་འཇུག་པར་བརྩམས་པ་དང ། དེའི་བུ་བྱིས་པ་ཁྱེའུ་དག་བཅའ་བ་དག་སློང་བ་ན། དགེ་སློང་རྣམས་ཀྱིས་མ་བྱིན་ནས་བཅོམ་ལྡན་འདས་ཀྱིས་བཀའ་སྩལ་པ། སྦྱིན་པར་བྱའོ། །དགེ་སློང་དག་གིས་རིལ་པོ་སྦྱིན་
Nya332a
༄#། །པར་བརྩམས་པ་དང ། བྱིས་པ་ཁྱེའུ་དག་གིས་བླངས་ནས་འཆའ་ཞིང་ཕྱིར་བྱུང་བ་གཅེར་བུ་པ་དག་གིས་མཐོང་ནས་དྲིས་པ། ཁྱེའུ་དག་།ཁྱེད་ཅག་གིས་བཅའ་བ་ག་ལས་རྙེད། འཕགས་པ་དག་གིས་བྱིན་ནོ། །མ་ཉེས་སོ། །བུམ་པས་བུམ་པ་འགེངས་ཏེ། ཁྱོད་ཀྱང་དེ་དག་ལ་སྦྱིན་ལ་དེ་དག་ཀྱང་ཁྱོད་ལ་སྦྱིན་ནོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དག་གིས་བཅའ་བ་རིལ་པོར་མི་སྦྱིན་པར་དུམ་བུར་བྱས་ཏེ་སྦྱིན་པར་བྱའོ། །ཇི་ཙམ་དུས་གཞན་ཞིག་ན་དམག་དཔོན་སེང་གེའི་ཆུང་མས་དགེ་སློང་འོངས་པ་རྣམས་ལ་ག་གོན་དང་ལ་ཕུག་ལ་སོགས་པ་འབྲས་བུ་དང ། རྩ་བ་དག་དང ། ལྡམ་ལྡུམ་ལ་སོགས་པས་ཚོད་མ་དག་ཕུལ་བ་དང ། དགེ་སློང་དག་མི་ལེན་ནས་དེས་སྨྲས་པ། འཕགས་པ་དག་།འདི་དག་གིས་བདག་ཅག་གིས་མཛོད་དང ། བང་བ་དག་བས་པར་འགྱུར་རམ་ཅི། བཞེས་ཤིག་།ཅེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་དག་གིས་ག་གོན་དང་ལ་ཕུག་ལ་སོགས་པ་འབྲས་བུ་དང ། རྩ་བ་དང ། ལྡམ་ལྡུམ་ལ་སོགས་པ་ཚོད་མ་ཁྱིམ་ནས་འབྱུང་བ་བླང་བར་བྱའོ། །དེའི་ཚེ་ན་ཡངས་པ་ཅན་གྱི་ལི་ཙ་བྱི་དག་དཔོང་སའི་ཁང་
Nya332b
པ་ན་གཏམ་འདྲེ་ཞིང་འཁོད་པ་དེ་དག་གིས་དགེ་སློང་དེ་དག་དམག་དཔོན་སེང་གེའི་ཁྱིམ་ནས་འབྱུང་བ་མཐོང་ནས་དེ་ན་གང་དག་མ་དད་པ་དེ་དག་གིས་སྨྲས་པ། ཤེས་ལྡན་དག་།གང་གི་ཚེ་དམག་དཔོན་སེང་གེ་དགེ་སྦྱོང་གོའུ་ཏ་མ་ལ་མངོན་པར་དད་པར་གྱུར་པ་དེ་ཚུན་ཆད་ནས་དེའི་ལོངས་སྤྱོད་དག་བསྲབས་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་ཏོ། །དད་པ་ཅན་དག་གིས་སྨྲས་པ། ཤེས་ལྡན་དག་།གང་བཅོམ་ལྡན་འདས་ལ་མངོན་པར་དད་པ་དེའི་ལོངས་སྤྱོད་དག་བསྲབས་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་ག་ལ་འགྱུར། འདི་ལྟར་དམག་དཔོན་སེང་གེས་ནི། བཅོམ་ལྡན་འདས་ཀྱི་སྤྱན་སྔ་ནས་བདེན་པ་དག་མཐོང་ནས་དེས་ཞིང་ལས་ཀྱི་མཐའ་དག་ཁ་ན་མ་ཐོ་བ་དང་བཅས་པ་ཡིན་ནོ། །ཞེས་རྒྱུན་བཅད་པས་དེས་ན། དེའི་ལོངས་སྤྱོད་བསྲབས་པ་དང ། ཡོངས་སུ་ཟད་པ་དང ། ཡོངས་སུ་གཏུགས་པར་གྱུར་ཏོ། །ཡངས་པ་ཅན་གྱི་ལི་ཙ་བྱི་དག་གིས་གྲོས་བྱས་ནས་དམག་དཔོན་སེང་གེའི་ཞིང་པ་དག་ལ་སྨྲས་པ། ཤེས་ལྡན་དག་།ཁྱེད་ཅིའི་ཕྱིར་དམག་དཔོན་སེང་གེའི་ཞིང་ལས་ཀྱི་མཐའ་དག་མི་བྱེད། གླ་མ་ཐོབ་བམ་ཅི། དེ་དག་གིས་སྨྲས་པ། ཤེས་ལྡན་དག་།གླ་མ་ཐོབ་པ་མ་ཡིན་ཏེ། དམག་དཔོན་གྱིས་བདག་ཅག་བཀག་ན། ཇི་ལྟར་བྱ། ཁྱེད་ཅག་ལ་ཚོགས་ཀྱིས་བསྐོའི། དེངས་ལ་དམག་དཔོན་གྱི་ཞིང་ལས་ཀྱི་མཐའ་དག་གྱིས་ཤིག་།དེ་དག་གིས་ཡངས་པ་ཅན་གྱི་ལི་ཙ་བྱི་
Nya333a
༄#། །དག་གི་ཚོགས་ཀྱིས་དམག་དཔོན་སེང་གེའི་ཞིང་ལས་ཀྱི་མཐའ་དག་བྱ་བར་བརྩམས་པ་དང ། ལྷས་དུས་སུ་ཆར་གྱི་རྒྱུན་ལེགས་པར་ཕབ་ནས་ལོ་ཏོག་གི་འབྱོར་པ་ཆེན་པོ་སྐྱེས་པར་གྱུར་ཏོ། །དམག་དཔོན་སེང་གེ་ཡང་ལོངས་སྤྱོད་དག་གིས་མཐོ་བར་གྱུར་ནས་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ་།མཐའ་གཅིག་ཏུ་འདུག་ནས་བཅོམ་ལྡན་འདས་ལ་དམག་དཔོན་སེང་གེས་འདི་སྐད་ཅེས་གསོལ་ཏོ། །བཙུན་པ། སྔོན་བདག་གིས་ལོངས་སྤྱོད་དག་བསྲབས་པ་དང ། ཡོངས་སུ་བས་པ་དང ། ཡོངས་སུ་གཏུགས་པར་གྱུར་པས་དགེ་འདུན་དོན་བཞེད་པ། ཕན་པ་བཞེད་པས་བདག་ལ་བསླབ་པའི་སྡོམ་པ་སྩལ་ན། ད་ནི། ཡངས་པ་ཅན་གྱི་ལི་ཙ་བྱིའི་ཚོགས་ཀྱིས་བདག་གི་ལོངས་སྤྱོད་བསྒྲུབས་ནས་ལོངས་སྤྱོད་དག་འཕེལ་བར་གྱུར་ན། བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་བདག་ལ་བསླབ་པའི་སྡོམ་པ་གཞིག་པ་མཛད་ན་ལེགས་སོ། །བཅོམ་ལྡན་འདས་ཀྱིས་དམག་དཔོན་སེང་གེ་ལ་ཅང་མི་གསུང་བས་གནང་ངོ ། །དེ་ནས་དམག་དཔོན་སེང་གེས། བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་
Nya333b
བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དམག་དཔོན་སེང་གེ་དང ། གཞན་ཡང་དེ་ལྟ་བུ་གང་ཡིན་པའི་བསླབ་པའི་སྡོམ་པ་གཞིག་པར་བྱའོ། ། འདི་ལྟར་གཞིག་པར་བྱ་སྟེ། གནས་མལ་བཤམས་པ་བྱས་ནས་གནྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། དམག་དཔོན་སེང་གེས་ཕྱག་བྱས་ཏེ་རྒན་པའི་མཐའ་ལོགས་སུ་ཙོག་ཙོག་པོར་འདུག་ནས་ཐལ་མོ་སྦྱར་ཏེ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དམག་དཔོན་སེང་གེ་དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཏེ། བདག་གིས་འདི་ལྟ་སྟེ། སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མ་མཆིས་ཏེ། བདག་གིས་དེ་ལྟར་ཡོངས་སུ་བཏང་བས་ལོངས་སྤྱོད་བསྲབས་ཤིང་ཡོངས་སུ་བས་ཏེ། ཡོངས་སུ་མཐར་ཐུག་ནས་དགེ་འདུན་དོན་བཞེད་པ། ཕན་པ་བཞེད་པས་བདག་ལ་བསླབ་པའི་སྡོམ་པ་སྩལ་བ་ལས། བདག་དམག་དཔོན་སེང་གེས་ཡང་ལོངས་སྤྱོད་འཕེལ་ནས་དམག་དཔོན་སེང་གེས་བསླབ་པའི་སྡོམ་པ་སྩལ་པ། བསླབ་པའི་སྡོམ་པ་གཞིག་པར་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་ལ་བསླབ་པའི་སྡོམ་པ་གཞིག་
Nya334a
༄#། །བསྩལ་དུ་གསོལ། དེ་སྐད་ལན་གཉིས་ལན་གསུམ་དུ་བཟླས་སོ། །དེ་ནས་དམག་དཔོན་སེང་གེ་ཐོས་པའི་ཉེ་འཁོར་ནས་བཀར་ཏེ་མཐོང་བའི་ཉེ་འཁོར་དུ་བཞག་ནས། དགེ་སློང་གཅིག་གིས་གསོལ་བ་འབའ་ཞིག་གི་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དམག་དཔོན་སེང་གེ་དེ་ནི། དད་པ་དང་ལྡན་ཞིང་བཟང་ལ་དགེ་བའི་བསམ་པ་ཅན་ཏེ། དེས་སངས་རྒྱས་སམ། ཆོས་སམ། དགེ་འདུན་ནམ། ཡིད་དུ་འཐད་པའི་དགེ་སློང་རྣམས་ལ་མ་ཕུལ་བའམ། ཡོངས་སུ་མ་བཏང་བ་ཅི་ཡང་མ་མཆིས་ཏེ། དེས་དེ་ལྟར་ཕུལ་ཞིང་ཡོངས་སུ་བཏང་བས་ལོངས་སྤྱོད་བསྲབས་ཤིང་ཡོངས་སུ་བས་ཏེ། ཡོངས་སུ་མཐར་ཐུག་ནས་དེ་ལ་དགེ་འདུན་དོན་བཞེད་པ། ཕན་པ་བཞེད་པས་བསླབ་པའི་སྡོམ་པ་སྩལ་པ་ལས། དམག་དཔོན་སེང་གེ་དེ་ཡང་ལོངས་སྤྱོད་འཕེལ་ཏེ། དམག་དཔོན་སེངྒེས་བསླབ་པའི་སྡོམ་པ་སྩལ་པ། དགེ་འདུན་ལས་སྡོམ་པ་གཞིག་པ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་དམག་དཔོན་སེང་གེ་ལ་བསླབ་པའི་སྡོམ་པ་གཞིག་པར་མཛད་དོ། །འདི་ནི། གསོལ་བའོ། །དགེ་འདུན་གྱིས་གང་ལ་བསླབ་པའི་སྡོམ་པ་གཞིག་པ་དེར་དགེ་སློང་རྣམས་ཀྱིས་འགྲོ་བར་བྱ། སྟན་ལ་ལོངས་སྤྱོད་པར་བྱ། བསོད་སྙོམས་
Nya334b
བླང་བར་བྱ། ཆོས་བསྟན་པར་བྱའོ། །སློབ་པ་དག་གི་ཞེས་བྱ་བ་ལ། སློབ་པ་དག་ཅེས་བྱ་བ་ནི། རྒྱུན་ཏུ་ཞུགས་པ་དག་དང ། ལན་གཅིག་ཕྱིར་འོང་བ་དག་དང ། ཕྱིར་མི་འོང་བ་དག་གོ་།ཁྱིམ་གང་དག་ཅེས་བྱ་བ་ནི། བྲམ་ཟེ་དང ། ཁྱིམ་བདག་གི་ཁྱིམ་དག་གོ་།དགེ་འདུན་གྱི་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །བསླབ་པའི་སྡོམ་པས་བསྡམས་པར་གྱུར་ལ་ཞེས་བྱ་བ་ནི། གསོལ་བའི་ལས་ཀྱིས་སོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཡིན་པའོ། །སློབ་པ་དག་གི་ཁྱིམ་གང་དག་དགེ་འདུན་གྱིས་བསླབ་པའི་སྡོམ་པས་བསྡམས་པ་དེ་ལྟ་བུ་དག་ཏུ་ཞེས་བྱ་བ་ནི། ཇི་སྐད་བསྟན་པ་ལྟ་བུ་དག་ཏུའོ། །སྔར་མགྲོན་དུ་མ་བོས་པར་ཞེས་བྱ་བ་ནི། སྔར་མ་བསྡམས་པར་རོ། །སོང་སྟེ་ཞེས་བྱ་བ་ནི། སོང་ནས་སོ། །རང་གི་ལག་གིས་ཞེས་བྱ་བ་ནི། ལག་པས་ལག་པར་རོ། །བཅའ་བ་དང ། བཟའ་བ་ཞེས་བྱ་བ་ནི། བཅའ་བ་ལྔ་དང ། བཟའ་བ་ལྔའོ། །བླང་ཞེས་བྱ་བ་ནི། བྱིན་ལེན་སྟོབ་ཏུ་བཅུག་ནས་སོ། །འཆའ་འམ་ཟ་ན་ཞེས་བྱ་བ་ནི། མགུལ་དུ་མིད་ནའོ། །དགེ་སློང་དེས་ཞེས་བྱ་བ་ནི། དགེ་སློང་གང་ཡིན་པ་དེས་སོ། །ཕྱི་རོལ་ཀུན་དགའ་ར་བར་སོང་སྟེ་ཞེས་བྱ་བ་ནི། གོང་གི་ཕྱི་རོལ་གཙུག་ལག་ཁང་དུ་སོང་སྟེའོ། །དགེ་སློང་རྣམས་ལ་ཞེས་བྱ་བ་ནི། དེ་ན་དགེ་སློང་གང་དག་འཁོད་པ་རྣམས་སོ། །ཚེ་དང་ལྡན་པ་དག་།བདག་ལ་སྨད་པའི་གནས་ཞེས་བྱ་བ་
Nya335a
༄#། །ནི་སྨད་པར་བྱ་བའོ། །མི་རིགས་པ་ཞེས་བྱ་བ་ནི་ཚུལ་དང་མི་མཐུན་པའོ། །སོ་སོར་བཤགས་པར་བྱ་བ་ཞེས་བྱ་བ་ནི་མཐོལ་བར་བྱ་བའོ། །བྱུང་གི་ཞེས་བྱ་བ་ནི་ལྟུང་བ་བྱུང་གིའོ། །ཆོས་དེ་ཞེས་བྱ་བ་ནི་ཆོས་མ་ཡིན་པ་ཆོས་ཀྱི་སྒྲར་གསུངས་པ་དེའོ། །སོ་སོར་འཆགས་སོ། །ཞེས་བྱ་བ་ནི་མཐོལ་ལོ། །ཞེས་སོ། །སོ་སོར་བཤགས་པར་བྱ་བ་སྟེ་ཞེས་བྱ་བ་ནི་མཐོལ་བར་བྱ་སྟེའོ། །ཆོས་འདི་ཡང་སོ་སོར་བཤགས་པར་བྱ་བའོ། །ཞེས་བྱ་བ་ནི་ཆོས་འདི་ཡང་མཐོལ་བར་བྱ་བ་སྟེ། དེས་ན་སོ་སོར་བཤགས་པར་བྱ་བའོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ཇི་ཙམ་ཅུང་ཟད་སློབ་པ་དག་གི་ཁྱིམ་གང་དག་དགེ་འདུན་གྱིས་བསླབ་པའི་སྡོམ་པས་བསྡམས་པ་དེ་ལྟ་བུ་དག་ཏུ་སྔར་མགྲོན་དུ་མ་བོས་པར་སོང་སྟེ་རང་གི་ལག་གིས་བཅའ་བ་དང ། བཟའ་བ་བླངས་ནས་འཆའམ་ཟ་ན། ཐམས་ཅད་དུ་སོ་སོར་བཤགས་པར་བྱ་བར་འགྱུར་རོ། །སྔར་མགྲོན་དུ་བོས་པ་ལ་ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །བསླབ་པ་དྲལ་ཏེ་ཁྱིམ་དུ་འཇུག་པའི་སོ་སོར་བཤགས་པར་བྱ་བ་སྟེ། གསུམ་པ་རྫོགས་སོ།། །།སངས་རྒྱས་བཅོམ་ལྡན་འདས་སེར་སྐྱའི་གནས་ན། སེར་སྐྱའི་གནས་ཀྱི་ནགས་སུ་དབྱར་གནས་
Nya335b
པར་ཞལ་གྱིས་བཞེས་སོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཞག་བདུན་ནམ་བརྒྱད་ན་དགག་དབྱེ་འབྱུང་བར་འགྱུར་ན་སྤྱོད་ཡུལ་གྱི་གྲོང་དུ་ཞག་འདི་སྙེད་ན་དགག་དབྱེ་འབྱུང་བར་འགྱུར་ཞེས་བརྗོད་པར་བྱའོ། །ཞེས་བཀའ་སྩལ་ནས་དགེ་སློང་རྣམས་ཀྱིས་དོང་སྟེ་བརྗོད་དོ། །དེ་ནས་སེར་སྐྱའི་གནས་ན་གནས་པའི་ཤཱཀྱ་དག་།དེ་ཉིད་ཀྱི་དགག་དབྱེ་བཅོ་ལྔ་པ་ལ་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་བཅོམ་ལྡན་འདས་སེར་སྐྱའི་གནས་ན་གནས་པའི་ཤཱཀྱ་རྣམས་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། །རྣམ་གྲངས་དུ་མར་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་སེར་སྐྱའི་གནས་ན་གནས་པའི་ཤཱཀྱ་རྣམས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་བ་དང ། རྗེས་སུ་ཡི་རང་བ་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་བཅས་པས་སང་འདི་ཉིད་དུ་བདག་ཅག་གི་གདུགས་ཚོད་གསོལ་བར་ཅི་གནང ། སང་དགེ་སློང་འགས་ཀྱང་བསོད་སྙོམས་ལ་འཇུག་པར་མི་བགྱི་སྟེ། བདག་ཅག་
Nya336a
༄#། །བསོད་སྙོམས་འཚལ་ཏེ་མཆི་ཞིང ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ལ་རང་གི་སུག་པ་ནས་ཚིམ་ཞིང་སྟོབ་པར་བགྱིད་དོ། །བཅོམ་ལྡན་འདས་ཀྱིས་སེར་སྐྱའི་གནས་ན་གནས་པའི་ཤཱཀྱ་རྣམས་ལ་ཅང་མི་གསུང་བས་གནང་ངོ ། །དེ་ནས་སེར་སྐྱའི་གནས་ན་གནས་པའི་ཤཱཀྱ་རྣམས་ཀྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེ་དག་གིས་སེར་སྐྱའི་གནས་སུ་དོང་སྟེ་དེ་ཉིད་ཀྱི་མཚན་མོ་བཅའ་བ་དང ། བཟའ་བ་གཙང་ཞིང་བསོད་པ་དག་སྟ་གོན་བྱས་ནས། དེ་ནས་ནང་པར་སྔར་ལངས་ཏེ་བཅའ་བ་དང ། བཟའ་བ་དག་གིས་ཤིང་རྟ་དག་བཀང་ནས་ཤཱཀྱ་མོ་རྣམས་ལ་སྨྲས་པ།་ཁྱེད་ཅག་ཇེ་ཤིང་རྟ་དག་ཞོན་ལ་དེངས་ཤིག་དང ། ཁོ་བོ་དག་ཀྱང་ཕྱི་བཞིན་འོང་ངོ ། །དེ་དག་རྒྱན་ཐམས་ཅད་ཀྱིས་བརྒྱན་ཏེ་ཤིང་རྟ་དག་ལ་ཞོན་ནས་འཕགས་སོ། །སེར་སྐྱའི་གནས་ཀྱི་ཉེ་འཁོར་ཐིབས་པོ་ཡིན་པས། དེ་དག་ལམ་ཀར་ཆོམ་རྐུན་པ་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་།ཤཱཀྱ་མོ་དག་རྒྱན་ཐམས་ཅད་ཀྱིས་བརྒྱན་པ་འདི་དག་འདོང་གི། ཚུར་ཤོག་།གཞོམ་མོ། །ཆོམ་རྐུན་པའི་དམག་དཔོན་གྱིས་སྨྲས་པ། ཤེས་ལྡན་དག་།འདོང་དུ་ཟད་མོད། ཁྱེད་ཅག་ལ་འདི་དག་བཅོམ་པས་ཅི་བྱ། ཤཱཀྱ་གདུག་པ་ཕ་རོལ་གནོན་པ་
Nya336b
དག་གནོད་པར་བྱེད་པར་འགྱུར་གྱི། ཐོང་ཞིག་།དེ་དག་གིས་སྨྲས་པ། དམག་དཔོན། ཟླ་བའི་རྒྱབ་སུས་མཐོང ། གཞོམ་མོ། །ཞེས་དེ་དག་གིས་དེའི་ཚིག་ཚིག་མ་ཡིན་པར་བྱས་ཏེ་དེ་དག་བཅོམ་ནས་གོས་དང ། རྒྱན་ཐམས་ཅད་འཕྲོག་སྟེ་དོང་ངོ ། །ཤཱཀྱ་མོ་དེ་དག་ཀྱང་འཇིགས་ཤིང་སྐྲག་ནས་སྒྲེན་མོར་ཚང་ཚིང་དང ། ནགས་མ་དག་གི་ནང་དུ་ཡིབ་སྟེ་འཁོད་དོ། །ཤིང་རྟ་འདེད་པ་དག་ཀྱང་སྐྲག་ནས་བྱེར་རོ། །གླང་དག་ཀྱང་ཆུ་ཐག་བཅད་ནས་ཅི་དགར་ཡན་ཅིང་འཁོད་དོ། །ཤིང་རྟ་དག་ཀྱང་ཤིང་རྟའི་མངའ་དང་བྲལ་ཏེ་འདུག་གོ་།དྲུག་སྡེ་དག་གིས་ཕན་ཚུན་གྲོས་བྱ་བར་བརྩམས་པ། དགའ་བོ་ཉེ་དགའ། ཤཱཀྱ་བག་མེད་པ་དག་ཡུན་རིང་དུ་ཐོགས་པས་བདག་ཅག་གིས་ཟན་གཅད་པར་བྱའམ་ཅི། བསོད་སྙོམས་ལ་འདོང་ངོ ། །དེ་ལྟར་བྱའོ། །ཞེས་དེ་དག་ལྷུང་བཟེད་དང་ཆོས་གོས་ཐོགས་ཏེ། འཕགས་པ་དང ། ཇི་ཙམ་ན་ལམ་ག་ན་ཤིང་རྟ་བཅའ་བ་དང ། བཟའ་བས་གང་བ་ཤིང་རྟའི་མདའ་དང་བྲལ་བ་དག་འདུག་པ་དང ། གླང་དག་ཆུ་ཐག་བཅད་དེ། ཅི་དགར་ཡན་ཅིང་འཁོད་པ་དག་མཐོང་ནས་དེ་དག་གིས་ཕན་ཚུན་རྣམ་པར་བལྟས་ནས་འབོད་པར་བརྩམས་པ། ཤེས་ལྡན་དག་།འདི་ན་སུ་འཁོད། དེ་དག་གིས་སྐད་ཕྱུང་བ་དང ། དྲུག་སྡེ་དག་གིས་སྨྲས་པ། ཁྱེད་ཅག་སུ་ཡིན། འཕགས་པ་དག་།བདག་ཅག་ཤཱཀྱ་མོ་དག་གོ་།ཚུར་ཤོག་།ཁོ་བོ་ཅག་ལ་བྲིམས་ཤིག་།འཕགས་པ་དག་།བདག་ཅག་
Nya337a
༄#། །ཆོམ་རྐུན་པ་དག་གིས་བཅོམ་སྟེ་སྒྲེན་མོར་མཆིས་སོ། །ཁོ་བོ་ཅག་གདུགས་ཚོད་ཡོལ་གྱི། ཚུར་ཤེག་།ཁྱེད་ཅག་གི་ཡན་ལག་དང ། ཉིང་ལག་དག་ལས་ཁོ་བོ་ཅག་གི་སྔོན་མ་མཐོང་བ་གང་ཡོད་ཚུར་ཤེག་།དེ་དག་ལོ་མ་དག་གིས་གཡོགས་ཏེ་བྱུང་ནས་བྲིམ་པར་བརྩམས་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ། ལྟོས་ཤིག་།ལྟོས་ཤིག་།ཤཱཀྱ་མོ་འདི་དག་མིག་ཅི་འདྲ། སྣ་ཅི་འདྲ། མཆུ་ཅི་འདྲ། ནུ་མ་ཅི་འདྲ། ལག་པ་ཅི་འདྲ། རྐེད་པ་ཅི་འདྲ། རྐང་པ་ཅི་འདྲ་ལྟོས་ཤིག་།དེ་དག་དེ་ལྟར་གཙེས་པ་ན་ངོ་ཚ་ནས་ཚང་ཚིང་དང ། ནགས་མ་དེ་དག་ཉིད་ཀྱི་ནང་དུ་ཡིབ་སྟེ་འཁོད་དོ། །སེལ་བ་དག་གིས་ཀྱང་ཤཱཀྱ་རྣམས་ལ་ཤཱཀྱ་མོ་རྣམས་བཅོམ་མོ། །ཞེས་སྦྲན་པ་དང ། དེ་ནས་ཤཱཀྱ་དག་མདའ་གཞུ་ལག་ན་ཐོགས་ཤིང་མཚོན་བཟས་པ་དག་གིས་ལམ་ཀར་དོང་སྟེ་ལམ་བགགས་ནས་དེ་དག་གིས་ཆོམ་རྐུན་པ་དེ་དག་བཟུང་ངོ ། །དེ་ནས་ཁ་ཅིག་གིས་སྨྲས་པ། འདི་དག་ལ་བཏང་སྙོམས་བྱར་ཅི་ཡོད། གསད་དོ། །ཁ་ཅིག་གིས་སྨྲས་པ། རེ་ཞིག་དེར་ཁྲིད་ལ་ཤཱཀྱ་མོ་རྣམས་ལ་དྲིས་ཏེ། གང་ལ་ཡན་ལག་གང་གིས་ཉེས་པ་བྱས་པ་དེའི་དེ་གཅད་པར་བྱའོ། །དེ་དག་གིས་དེ་དག་ཁྲིད་ནས་ཤཱཀྱ་མོ་རྣམས་ཀྱི་གན་དུ་དོང་སྟེ་སྨྲས་པ། ཚུར་ཤེག་།ཆོམ་རྐུན་པ་འདི་དག་ལས་གང་གིས་ཁྱེད་ཅག་ལ་ཡན་ལག་གང་གིས་ཉེས་པ་བྱས་
Nya337b
པ་སྨྲོས་ཤིག་།དེ་དག་གིས་སྨྲས་པ། ཆོམ་རྐུན་པའི་དམག་དཔོན་འདི་ནི། ཉེས་པ་མེད་པ། གནོད་པ་མི་བྱེད་པ་ཡིན་ཏེ། འདིས་དེ་དག་བཟློག་ན། དེ་དག་མ་བཏུབ་པས་འདི་ནི། ཐོང་ཞིག་།དེ་དག་གིས་དེ་བཏང་ངོ ། །དེ་སྲོག་དེའུ་ཆད་པ་ལས་ཕྱིར་ཐོབ་ནས་དེས་དེ་དག་གི་རྐང་པ་ལ་གཏུགས་ཏེ་སྨྲས་པ། ཤེས་ལྡན་དག་།ཁྱེད་ཅག་དད་པ་སྐྱེས་ཏེ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་གདུགས་ཚོད་གསོལ་དུ་འགྲོ་བ་ཡིན་ན། འདི་དག་བསད་པས་ཁྱོད་ལ་ཅི་བྱ། ཉེས་པ་འདི་དག་ཀྱང་གཏང་བར་གསོལ། དེ་དག་ལས་བཅོམ་པའི་རྫས་དག་ཕྱིར་བཀུག་སྟེ་བཏང་ངོ ། །དེ་ནས་ཤཱཀྱ་དེ་དག་གིས་ཤཱཀྱ་མོ་དེ་དག་གོས་བསྐོན་ཅིང་རྒྱན་ཐོགས་སུ་བཅུག་ནས་ཤིང་རྟ་དག་ཀྱང་ཆུ་ཐག་བཏགས་ཏེ། ཤིང་རྟ་ལ་ཞོན་ནས་བཅོམ་ལྡན་འདས་ཀྱི་སྤྱན་སྔར་དོང་ངོ ། །བཅོམ་ལྡན་འདས་དགེ་སློང་གི་དགེ་འདུན་གྱི་གོང་དུ་གདན་བཤམས་པ་ཉིད་ལ་བཞུགས་པ་དང ། ཤཱཀྱ་དང ། ཤཱཀྱ་མོ་རྣམས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བྲིམ་པར་བརྩམས་སོ། །ཤཱཀྱ་མོ་རྣམས་དྲུག་སྡེ་དག་ལ་ཟས་མི་སྦྱིན་ནས་ཤཱཀྱ་རྣམས་ཀྱིས་སྨྲས་པ། ཅིའི་ཕྱིར་འཕགས་པ་དག་ལ་ཞལ་ཟས་མི་གསོལ། དེ་དག་གིས་སྨྲས་པ། འདི་དག་གིས་ཟོས་ཟིན་ཏོ། །གང་དུ་གསོལ། དེ་ཉིད་དུའོ། །སུས་བྲིམས། ཁོ་མོ་ཅག་གིས་སོ། །ཁྱེད་ཅག་སྒྲེན་མོ་དག་གིས་ཇི་ལྟར་བྲིམས། དེའི་ཕྱིར་འདི་དག་གིས་ཁོ་མོ་ཅག་མཐོ་བཙམས་ཏེ་ཇི་ལྟར་ཁོ་མོ་ཅག་ལོ་མ་དག་གིས་གཡོགས་ཏེ་
Nya338a
༄#། །ཚང་ཚིང་དང ། ནགས་མ་དག་གི་ནང་ནས་བྱུང་སྟེ་བྲིམ་པར་བརྩམས་པ་དང ། འདི་དག་གིས་མཐོ་བཙམས་ཏེ་འདི་ལྟར་བརྗོད་པར་བྱ་བ་མང་དུ་ཡོད་དོ། །དེ་ནི། འཇལ་གྱི། འདི་དག་ནི། གནས་ངན་ལེན་ཀུན་ཏུ་སྤྱོད་པ་ཡིན་གྱི། འདི་དག་ལ་ཟས་མི་སྦྱིན་ནོ། །དེ་དག་ཅང་མི་སྨྲ་བར་འཁོད་དོ། །དེ་ནས་དེ་དག་གིས་དགེ་སློང་གི་དགེ་འདུན་ལ་བྲིམས་ནས་སྨྲས་པ། འཕགས་པ་དག་།ཀྱེ་མ་ཁྱོད་ཀྱིས་ལམ་འདི་འཇིགས་པ་དང་བཅས་པ་ཡིན་ནོ། །ཞེས་བཀའ་སྩལ་ན། བདག་ཅག་བག་བགྱིད་ཅིང་མཆིའོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་ནགས་ཉུལ་བ་བསྐོ་བར་བྱ་སྟེ། དགེ་སློང་ནགས་ཉུལ་བ་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། ནགས་བྱུལ་བ་དང་མ་བྱུལ་བ་མི་ཤེས་པའོ། །ནགས་ཉུལ་བ་ཆོས་ལྔ་དང་ལྡན་པ་ནི། མ་བསྐོས་པ་ཡང་བསྐོ་བར་བྱ་བ་ལ། བསྐོས་པ་ཡང་དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་
Nya338b
འགྲོ་བ་དང ། ནགས་བྱུལ་བ་དང་མ་བྱུལ་བ་ཤེས་པའོ། །འདི་ལྟར་བསྐོ་བར་བྱ་སྟེ། གནས་མལ་བཤམས་པ་བྱས་ནས་གནྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པས་དེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དགེ་འདུན་གྱི་ནགས་ཉུལ་བར་སྤྲོའམ། གལ་ཏེ་སྤྲོ་ན་།དེས་སྤྲོའོ། །ཞེས་བརྗོད་པར་བྱའོ། ། དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་ནགས་ཉུལ་བར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་འདུན་གྱིས་ནགས་ཉུལ་བར་བསྐོ་སྟེ། དགེ་སློང་ནགས་ཉུལ་བ་མིང་འདི་ཞེས་བགྱི་བ་འདི། དགེ་འདུན་གྱི་ནགས་ཉུལ་ལོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་ནགས་ཉུལ་བར་སྤྲོ་ན། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་ནགས་ཉུལ་བར་བསྐོས་ཏེ། མིང་འདི་ཞེས་བགྱི་བ་འདི། དགེ་འདུན་གྱི་ནགས་ཉུལ་ན། ཚེ་དང་ལྡན་པ་གང་དག་མིང་འདི་ཞེས་བགྱི་བ་ནགས་ཉུལ་བར་བསྐོ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་
Nya339a
༄#། །ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་ནགས་ཉུལ་བར་བསྐོས་ལགས། མིང་འདི་ཞེས་བགྱི་བ་འདི། དགེ་འདུན་གྱི་ནགས་ཉུལ་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་དགེ་སློང་ནགས་ཉུལ་བའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་ནགས་ཉུལ་བས་དཔག་ཚད་ཕྱེད་ནས་བཟུང་སྟེ། ཁོར་ཁོར་ཡུག་ཏུ་ནགས་བྱུལ་བར་བྱའོ། །བཅོམ་ལྡན་འདས་ཀྱིས་དགེ་སློང་ནགས་ཉུལ་བས་དཔག་ཚད་ཕྱེད་ནས་བཟུང་སྟེ་ཁོར་ཁོར་ཡུག་ཏུ་ནགས་བྱུལ་བར་བྱའོ། །ཞེས་བཀའ་སྩལ་ནས། དེ་ལམ་གྱིས་དུབ་ཅིང་གཅིག་པུ་འཇིགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་གལ་ཏེ་འདོད་ན། ཁྱེའུ་སུས་སྦྱིན་པར་བྱ་ཞིང ། གྲོགས་ཀྱང་སྦྱིན་པར་བྱའོ། །གལ་ཏེ་ནགས་འཇིགས་པ་དང་བཅས་པ་ཉིད་ཡིན་ན། དེས་དུང་བརྡ་གཏུལ་བར་བྱའོ། །བ་དན་སྔོན་པོ་བསྒྲེང་བར་བྱའོ། །འདབ་མའི་ཆང་བུ་དག་ལམ་གར་གཞག་པར་བྱའོ། །གལ་ཏེ་ནགས་འཇིགས་པ་མེད་པ་ཉིད་ཡིན་ན། བ་དན་དཀར་པོ་བསྒྲེང་བར་བྱའོ། །དགེ་སློང་ནགས་ཉུལ་བས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་དོན་ཉུང་ངུ་དག་།ཅིའི་ཕྱིར་དགེ་སློང་ནགས་སྔར་མ་བྱུལ་བར་ཀུན་དགའ་ར་བའི་ཕྱི་རོལ་དུ་བཅའ་བ་དང ། བཟའ་བ་བླངས་ཏེ་འཆའ་ཞིང་ཟ་ཞེས་སྨོད་
Nya339b
པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང ། གླེང་གཞི་འདི་དང ། སྐབས་འདི་ལ་དགེ་སློང་གེ་དགེ་འདུན་བསྡུ་བ་མཛད་དོ། །ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ནི། མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་ཡང་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་སློང་དག་།ཁྱེད་སྔར་ནགས་མ་བྱུལ་བར་ཀུན་དགའ་ར་བའི་ཕྱི་རོལ་དུ་བཅའ་བ་དང ། བཟའ་བ་བླངས་ཏེ་འཆའ་ཞིང་ཟ་བ་བདེན་ནམ། བཙུན་པ། མད་དོ། །སངས་རྒྱས་བཅོམ་ལྡན་འདས་ཀྱིས་དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི། རབ་ཏུ་བྱུང་བས་བྱ་བ་མ་ཡིན་ནོ། །ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ངའི་ཉན་ཐོས་རྣམས་ཀྱི་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དགེ་འདུན་གྱི་གནས་མལ་དགོན་པ་གང་དག་དོགས་པ་དང་བཅས་པར་གྲགས་པ། འཇིགས་པ་ཐ་དད་པས་འཇིགས་སུ་རུང་བ་དང་
Nya340a
༄#། །བཅས་པར་གྲགས་པར་གྱུར་ལ། ཡང་དགེ་སློང་གང་དགེ་འདུན་གྱི་གནས་མལ་དགོན་པ་གང་དག་དོགས་པ་དང་བཅས་པར་གྲགས་པ། འཇིགས་པ་དང་བཅས་པར་གྲགས་པ། འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དེ་ལྟ་བུ་དག་ཏུ་སྔར་མ་བྱུལ་བར་ཀུན་དགའ་ར་བའི་ཕྱི་རོལ་ཏུ་བཅའ་བ་དང ། བཟའ་བ་བླངས་ཏེ་འཆའམ་ཟ་ན། དགེ་སློང་དེས་ཕྱི་རོལ་ཀུན་དགའ་ར་བར་སོང་སྟེ། དགེ་སློང་རྣམས་ལ་ཚེ་དང་ལྡན་པ་དག་།བདག་ལ་སྨད་པའི་གནས། མི་རིགས་པ། སོ་སོར་བཤགས་པར་བྱ་བ་བྱུང་གི་།ཆོས་དེ་སོ་སོར་འཆགས་སོ། །ཞེས་སོ་སོར་བཤགས་པར་བྱ་སྟེ། ཆོས་འདི་ཡང་སོ་སོར་བཤགས་པར་བྱ་བའོ། །དགེ་འདུན་གྱི་ཞེས་བྱ་བ་ནི། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་གྱིའོ། །གནས་མལ་དགོན་པ་གང་དག་ཅེས་བྱ་བ་ལ། དགོན་པ་ཞེས་བྱ་བ་ནི། རྡུལ་ཕྲ་རབ་དྲུག་ལ་རྡུལ་ཕྲ་མོ་གཅིག་གོ་།རྡུལ་ཕྲ་མོ་དྲུག་ལ་ཆུ་རྡུལ་གཅིག་གོ་།ཆུ་རྡུལ་དྲུག་ལ་ལྕགས་རྡུལ་གཅིག་གོ་།ལྕགས་རྡུལ་དྲུག་ལ་རི་བོང་རྡུལ་གཅིག་གོ་།རི་བོང་རྡུལ་དྲུག་ལ་ལུག་རྡུལ་གཅིག་གོ། །ལུག་རྡུལ་དྲུག་ལ་གླང་རྡུལ་གཅིག་གོ་།གླང་རྡུལ་དྲུག་ལ་ཉི་ཟེར་གྱི་རྡུལ་གཅིག་གོ་།ཉི་ཟེར་གྱི་རྡུལ་དྲུག་ལ་སྲོ་མ་གཅིག་གོ་།སྲོ་མ་དྲུག་ལ་ཤིག་གཅིག་གོ་།ཤིག་དྲུག་ལ་ནས་གཅིག་གོ་།ནས་དྲུག་ལ་སོར་གཅིག་གོ་།སོར་དྲུག་ལ་ཁྲུ་གང་ངོ ། །ཁྲུ་ཕྱེད་དང་བཞི་ལ་མི་སྲིད་དོ། །ཁྲུ་བཞི་ལ་
Nya340b
གཞུའོ། །གཞུ་ལྔ་བརྒྱ་ལ་རྒྱང་གྲགས་གཅིག་སྟེ། གྲོང་ནས་རྒྱང་གྲགས་གཅིག་ནི། དགོན་པ་སྟེ། དེ་ན་གཙུག་ལག་ཁང་གང་ཡོད་པ་འདི་ནི། གནས་མལ་དགོན་པ་ཡིན་ནོ། །དོགས་པ་དང་བཅས་པར་གྲགས་པ་ཞེས་བྱ་བ་ནི། ཆོམ་རྐུན་པ་དང ། གཡོན་ཅན་གྱིས་འཇིགས་པར་གྲགས་པའོ། །འཇིགས་པ་དང་བཅས་པར་གྲགས་པ་ཞེས་བྱ་བ་ནི། སེང་གེ་དང ། སྟག་དང ། གུང་གིས་འཇིགས་པར་གྲགས་པའོ། །འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པར་གྱུར་ལ་ཞེས་བྱ་བ་ནི། ཤ་སྦྲང་དང ། སྦྲང་བུ་མཆུ་རིང་དང ། རླུང་དང ། ཉི་མ་དང ། སྡིག་སྦྲུལ་གྱིས་འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པར་གྱུར་པའོ། །ཡང་དགེ་སློང་གང་ཞེས་བྱ་བ་ནི། དྲུག་སྡེའམ། གཞན་ཡང་དེ་ལྟ་བུ་གང་ཞེས་པའོ། །དགེ་འདུན་གྱི་གནས་མལ་དགོན་པ་གང་དག་དོགས་པ་དང་བཅས་པར་གྲགས་པ། འཇིགས་པ་དང་བཅས་པར་གྲགས་པ། འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དེ་ལྟ་བུ་དག་ཏུ་ཞེས་བྱ་བ་ནི། ཇི་སྐད་བསྟན་པ་ལྟ་བུ་དག་ཏུའོ། །སྔར་མ་བྱུལ་བར་ཞེས་བྱ་བ་ནི། ནགས་ཉུལ་བས་སྔར་མ་བྱུལ་བར་རོ། །ཀུན་དགའ་ར་བའི་ཕྱི་རོལ་དུ་ཞེས་བྱ་བ་ནི། གཙུག་ལག་ཁང་གི་ཕྱི་རོལ་དུའོ། །བཅའ་བ་དང ། བཟའ་བ་ཞེས་བྱ་བ་ནི། བཅའ་བ་ལྔ་དང ། བཟའ་བ་ལྔའོ། །བླངས་ཏེ་ཞེས་བྱ་བ་ནི། བྱིན་ལེན་སྟོབ་ཏུ་བཅུག་སྟེའོ། །འཆའམ་ཟན་ཞེས་བྱ་བ་ནི།
Nya341a
༄#། །མགུལ་དུ་མིད་ནའོ། །དགེ་སློང་དེས་ཞེས་བྱ་བ་ནི། དགེ་སློང་གང་ཡིན་པ་དེས་སོ། །ཕྱི་རོལ་ཀུན་དགའ་ར་བར་སོང་སྟེ་ཞེས་བྱ་བ་ནི། གྲོང་གི་ཕྱི་རོལ་གཙུག་ལག་ཁང་དུ་སོང་སྟེའོ། །དགེ་སློང་རྣམས་ལ་ཞེས་བྱ་བ་ནི། དེ་ན་དགེ་སློང་གང་དག་ཡོད་པ་རྣམས་ལའོ། །ཚེ་དང་ལྡན་པ་དག་།བདག་ལ་སྨད་པའི་གནས་ཞེས་བྱ་བ་ནི། སྨད་པར་བྱ་བའོ། །མི་རིགས་པ་ཞེས་བྱ་བ་ནི། ཚུལ་དང་མི་མཐུན་པའོ། །སོ་སོར་བཤགས་པར་བྱ་བ་ཞེས་བྱ་བ་ནི། མཐོལ་བར་བྱ་བའོ། །བྱུང་གི་ཞེས་བྱ་བ་ནི། ལྟུང་བ་བྱུང་གིའོ། ། ཆོས་དེ་ཞེས་བྱ་བ་ནི། ཆོས་མ་ཡིན་པ་ཆོས་ཀྱི་སྒྲར་གསུངས་པ་དེའོ། །སོ་སོར་འཆགས་ཞེས་བྱ་བ་ནི། མཐོལ་ལོ། །ཞེས་པའོ། །སོ་སོར་བཤགས་པར་བྱ་བ་སྟེ་ཞེས་བྱ་བ་ནི། མཐོལ་བར་བྱ་སྟེའོ། །ཆོས་འདི་ཡང་སོ་སོར་བཤགས་པར་བྱའོ། །ཞེས་བྱ་བ་ནི། ཆོས་འདི་ཡང་མཐོལ་བར་བྱ་བ་སྟེ། དེས་ན་སོ་སོར་བཤགས་པར་བྱ་བའོ། །ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་ནགས་མ་བྱུལ་བ་ལ་མ་བྱུལ་བར་འདུ་ཤེས་པས་ཀུན་དགའ་ར་བའི་ཕྱི་རོལ་དུ་བཅའ་བ་དང ། བཟའ་བ་བླངས་ཏེ་འཆའ་འམ་ཟ་ན། སོ་སོར་བཤགས་པར་བྱ་བར་འགྱུར་རོ། །ནགས་མ་བྱུལ་བ་ལ་ཡིད་གཉིས་ཟ་བས་ཀུན་དགའ་ར་བའི་ཕྱི་རོལ་དུ་བཅའ་བ་དང ། བཟའ་བ་བླངས་ཏེ་འཆའ་འམ་ཟ་ན། སོ་སོར་བཤགས་པར་
Nya341b
བྱ་བར་འགྱུར་རོ། །དགེ་སློང་གིས་ནགས་བྱུལ་བ་ལ་མ་བྱུལ་བར་འདུ་ཤེས་པས་ཀུན་དགའ་ར་བའི་ཕྱི་རོལ་དུ་བཅའ་བ་དང ། བཟའ་བ་བླངས་ཏེ་འཆའ་འམ་ཟ་ན། ཉེས་བྱས་སུ་འགྱུར་རོ། །ནགས་བྱུལ་བ་ལ་ཡིད་གཉིས་ཟ་བས་ཀུན་དགའ་ར་བའི་ཕྱི་རོལ་དུ་བཅའ་བ་དང ། བཟའ་བ་བླངས་ཏེ་འཆའ་འམ་ཟ་ན། ཉེས་བྱས་སུ་འགྱུར་རོ། །ནགས་ཉུལ་བ་ཤིའམ་བྲོས་ན། ལྟུང་བ་མེད་དོ། །ལས་དང་པོ་པ་དང ། སྨྱོས་པ་དང ། སེམས་འཁྲུགས་པ་དང ། ཚོར་བ་དག་གིས་ཉེན་པ་ལ་ལྟུང་བ་མེད་དོ། །ནགས་བརྟགས་པ་ལས་གྱུར་བའི་སོ་སོར་བཤགས་པར་བྱ་བ་སྟེ། བཞི་པ་རྫོགས་སོ། །སོ་སོར་བཤགས་པ་རྣམས་རྫོགས་སོ།། །།འདུལ་བ་རྣམ་པར་འབྱེད་པ། བམ་པོ་གྱ་གཉིས་པ། སྤྱི་སྡོམ་ལ། ཤམ་ཐབས་ཟླུམ་དང་ཆོས་གོས་ཟླུམ། །མགོ་མི་གཡོགས་དང་མི་མཆོང་དང ། །མིག་མི་བསྒྱུར་དང་མ་བསྒོ་དང ། །ལེགས་བླངས་ལེགས་བཟའ་ཙུག་ཙུག་དང ། །འབྲུ་ནས་ཐ་དད་ལག་མི་ལྡག་།འཕྱ་དང་ལྷུང་བཟེད་འདུག་པ་དང ། །མགོ་གཡོགས་དོ་ཀེར་གླང་ཆེན་ཞོན། །འཁར་བ་དང་ནི་འགྲེང་བ་དང ། །ཤིང་ལ་འཛེག་པར་མི་བྱ་བ། །བསླབ་པ་བརྒྱ་པོ་བསྡུས་པ་ཡིན། །སངས་རྒྱས་བཅོམ་ལྡན་འདས་ཝཱ་ར་ཎཱ་སི་ན། དྲང་སྲོང་སྨྲ་བ་རི་དྭགས་ཀྱི་ནགས་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་ལྔ་པོ་དག་སྐྱོན་མེད་པ་ལ་འཇུག་པས་དགེ་སློང་ཉིད་ལ་བཀོད་པ་དེའི་ཚེ་ན། དེ་དག་སྔོན་གོམས་པའི་སྦྱོར་བས་ཤམ་ཐབས་ཁྱིམ་པ་བཞིན་
Nya342a
༄#། །དུ་གྱོན་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་གིས་མཐོང་ནས་སྨྲས་པ། འཕགས་པ་དག་།ཇི་ལྟར་ཁྱེད་ཤམ་ཐབས་གསོལ་བ་འདི་ལྟར་ནོར་ཅན་དག་དང ། ཚོང་དཔོན་དག་དང ། དེད་དཔོན་དག་འཚལ་བར་བགྱིད་དོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་བདག་ཟེར་བ་བདེན་གྱི། སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱི་ཉན་ཐོས་དག་ཤམ་ཐབས་ཇི་ལྟར་གྱོན་པར་གྱུར་པ་བསམ་མོ། །སྙམ་དུ་དགོངས་པ་དང ། ལྷ་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ། འདི་ལྟ་སྟེ། གནས་གཙང་མའི་རིས་ཀྱི་ལྷ་རྣམས་ཇི་ལྟ་བ་བཞིན་ནོ། །བཅོམ་ལྡན་འདས་ཉིད་ལ་ཡང་འདི་ལྟ་སྟེ། གནས་གཙང་མའི་རིས་ཀྱི་ལྷ་རྣམས་ལྟ་བུ་མཁྱེན་པ་དང ། གཟིགས་པ་བྱུང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤམ་ཐབས་ཟླུམ་པོར་བགོ་བར་བསླབ་པར་བྱའོ། །བཅོམ་ལྡན་འདས་ཀྱིས་ཤམ་ཐབས་ཟླུམ་པོར་བགོ་བར་བསླབ་པར་བྱའོ། །ཞེས་བཀའ་སྩལ་ནས། དགེ་སློང་ལྔ་པོ་དག་གིས་ཤམ་ཐབས་ཟླུམ་པོར་བགོ་བར་བརྩམས་སོ། །དེ་བཞིན་དུ་ཉེ་སྡེ་ལྔ་དག་དང ། མངོན་པར་མཐོ་བ་ལྔ་བཅུ་དང ། བཟང་སྡེའི་ཚོགས་
Nya342b
དྲུག་ཅུ་དང ། གཞན་ཡང་བཅོམ་ལྡན་འདས་ཀྱིས་བརྒྱུད་པའི་དགེ་སློང་དག་གིས་རབ་ཏུ་བྱུང་བ་གང་དག་ཡིན་པ་དེ་དག་གིས་ཀྱང་ཤམ་ཐབས་ཟླུམ་པོར་བགོ་བར་བརྩམས་སོ། །གང་གི་ཚེ་དྲུག་སྡེ་དག་རབ་ཏུ་བྱུང་བ་དེའི་ཚེ་ན་དེ་དག་གིས་ཤམ་ཐབས་ཧ་ཅང་རྩེངས་པར་བགོ་བར་བརྩམས་པ་དང ། བྲམ་ཟེ་དང ། ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དེ། འཕགས་པ་དག་།དྭ་དག་དང ། རྒྱན་པོ་དག་དང ། ནལ་གྱི་བུ་དག་ཤམ་ཐབས་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཤམ་ཐབས་ཧ་ཅང་རྩེངས་པར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤམ་ཐབས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱའོ། །བཅོམ་ལྡན་འདས་ཀྱིས་ཤམ་ཐབས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱའོ། །ཞེས་བཀའ་སྩལ་ནས་དྲུག་སྡེ་དག་གིས་ཧ་ཅང་འཇོལ་བར་བགོ་བར་བརྩམས་
Nya343a
༄#། །པ་དང ། བྲམ་ཟེ་དང ། ཁྱིམ་བདག་དད་པ་ཅན་དག་གིས་མཐོང་ནས་སྨོད་པར་བྱེད་དོ། །འཕགས་པ་དག་།ཏག་ཀའི་ཡུལ་ན་གནས་པའི་བུད་མེད་དག་དང ། རིགས་ཀྱི་མནའ་མ་དག་།ཤམ་ཐབས་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཤམ་ཐབས་ཧ་ཅང་འཇོལ་བར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་བའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤམ་ཐབས་ཧ་ཅང་འཇོལ་བ་མ་ཡིན་པར་བགོ་བར་བསླབ་པར་བྱའོ། །དྲུག་སྡེ་དག་ཤམ་ཐབས་གྱོན་པ་ན་མདུན་འཕྱང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང།་ཆང་གིས་ར་རོ་བ་དག་དང ། འབྱུང་པོ་དང ། ཤ་ཟས་བརླམས་པ་དག་ཤམ་ཐབས་འདི་ལྟར་འཆལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཤམ་ཐབས་འདི་ལྟར་མ་
Nya343b
གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་བ་དག་།དགོས་པ་གང་ལགས། ཇེ་དང་པོར་ཁྱེད་ཅག་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤམ་ཐབས་གླང་པོ་ཆེའི་སྣ་ལྟར་མ་ཡིན་པར་བགོ་བར་བསླབ་པར་བྱའོ། །དྲུག་སྡེ་དག་ཤམ་ཐབས་གྱོན་པ་ན། གློ་དག་ཏུ་ལྟེབ་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག ། གར་མཁན་དག་ཚོགས་ཀྱི་ནང་དུ་ཤམ་ཐབས་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཤམ་ཐབས་འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག ། འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་བའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག །
Nya344a
༄#། །དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤམ་ཐབས་ཏ་ལའི་ལོ་མ་ལྟར་བལྟབ་པར་མ་ཡིན་པར་བསླབ་པར་བྱའོ། །དྲུག་སྡེ་དག་ཤམ་ཐབས་གྱོན་པ་ན་གློར་བལྟ་བ་སྟེ་ཕུར་མ་ལྟར་འཇོག་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།ནོར་ཅན་དག་དང ། ཚོང་དཔོན་དག་དང ། དེད་དཔོན་དག་དང ། བུད་མེད་དག་ཤམ་ཐབས་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཤམ་ཐབས་འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་བདག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤམ་ཐབས་འབྲུའི་ཕུར་མ་ལྟ་བུ་མ་ཡིན་པར་བགོ་བར་བསླབ་པར་བྱའོ། །དྲུག་སྡེ་དག་ཤམ་ཐབས་གྱོན་པ་ན་ལྟེ་བའི་འོག་ཏུ་སྦྲུལ་མགོའི་གདེངས་ཀ་ལྟར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་
Nya344b
པ་དག་།རྒྱན་པོ་བགྱིད་པ་དག་ཤམ་ཐབས་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཤམ་ཐབས་འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤམ་ཐབས་སྦྲུལ་མགོའི་གདེངས་ཀ་ལྟར་མ་ཡིན་པར་བགོ་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། ཤམ་ཐབས་ཟླུམ་པོར་བགོ་བར་བསླབ་པར་བྱ། ཤམ་ཐབས་ཧ་ཅང་རྩངས་པ་མ་ཡིན་པ་དང ། ཧ་ཅང་འཇོལ་བ་མ་ཡིན་པ་དང ། གླང་པོ་ཆེའི་སྣ་ལྟར་མ་ཡིན་པ་དང ། ཏ་ལའི་ལོ་མ་ལྟར་བལྟབ་པ་མ་པ་དང།་འབྲུའི་ཕུར་མ་ལྟར་མ་ཡིན་པ་དང ། སྦྲུལ་མགོའི་གདེངས་ཀ་ལྟར་མ་ཡིན་པར་བགོ་བར་བསླབ་པར་བྱའོ། །བཅོམ་ལྡན་འདས་ཀྱིས་དགེ་སློང་གིས་ཤམ་ཐབས་ཟླུམ་པོར་བགོ་བར་བསླབ་པར་བྱ། ཤམ་ཐབས་ཧ་ཅང་རྩེངས་པ་མ་ཡིན་པ་དང ། ཧ་ཅང་འཇོལ་བ་མ་ཡིན་པ་དང ། གླང་པོ་ཆེའི་སྣ་ལྟར་མ་ཡིན་པ་དང ། ཏ་ལའི་ལོ་མ་ལྟར་བལྟབ་པ་མ་ཡིན་པ་དང ། འབྲུའི་ཕུར་
Nya345a
༄#། །མ་ལྟར་མ་ཡིན་པ་དང ། སྦྲུལ་མགོའི་གདེངས་ཀ་ལྟར་མ་ཡིན་པར་བགོ་བར་བསླབ་པར་བྱའོ། །ཞེས་བཀའ་སྩལ་ནས་དགེ་སློང་དག་ཆོས་གོས་གྱོན་པ་ན། ཇི་ལྟར་བགོ་བ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་རྣམས་ཀྱིས་ཆོས་གོས་ཟླུམ་པོར་བགོ་བར་བསླབ་པར་བྱའོ། །བཅོམ་ལྡན་འདས་ཀྱིས་ཆོས་གོས་ཟླུམ་པོར་བགོ་བར་བསླབ་བར་བྱའོ། །ཞེས་བཀའ་སྩལ་ནས་དྲུག་སྡེ་དག་ཆོས་གོས་ཧ་ཅང་རྩེངས་པར་གྱོན་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ།་འཕགས་པ་དག་།དྭ་དག་དང ། རྒྱན་པོ་པ་དག་དང ། ནལ་གྱི་བུ་དག་སྟོད་གཡོགས་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཆོས་གོས་འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཆོས་གོས་
Nya345b
ཧ་ཅང་རྩེངས་བ་མ་ཡིན་པར་བགོ་བར་བསླབ་པར་བྱའོ། །བཅོམ་ལྡན་འདས་ཀྱིས་ཆོས་གོས་ཧ་ཅང་རྩེངས་པ་མ་ཡིན་པར་བགོ་བར་བསླབ་པར་བྱའོ། །ཞེས་བཀའ་སྩལ་ནས་དྲུག་སྡེ་དག་ཧ་ཅང་འཇོལ་བར་གྱོན་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།ཏག་ཀའི་ཡུལ་ན་གནས་པའི་མི་དག་དང ། རིགས་ཀྱི་མནའ་མ་དག་སྟོད་གཡོགས་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཆོས་གོས་འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། ། འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉི་མི་ཤེས་པ་དང་བྲལ་བ་དང ། བསླབ་པ་གྱུར་པའོ། དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་།། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། སྙམ་ནས་བཀའ་སྩལ་པ། དགེ་སློང་དག། དེ་ལྟ་བས་བ། ངའི་ཉན་ཐོས་རྣམས། ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཆོས་གོས་ཧ་ཅང་འཇོལ་བ་མ་ཡིན་པར་བགོ་བར་བསླབ་པར་བྱའོ། །དྲུག་སྡེ་དག་།ལག་པ་དང ། རྐང་པ་རྐྱོང་བར་བྱེད་ཅིང་ཁྱིམ་གཞན་དུ་འདོང་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། ཆང་གིས་ར་རོ་བ་དག་དང ། འབྱུང་པོ་དང ། ཤ་ཟས་བརླམས་པ་
Nya346a
༄#། །དག་ལག་པ་དང ། རྐང་པ་འདི་ལྟར་རྐྱོང་བར་བགྱིད་ཅིང་མཆི་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། ། སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཤིན་ཏུ་བསྡམས་ཤིང་ཁྱིམ་གཞན་དུ་འགྲོ་བ་བསླབ་པར་བྱའོ། །དྲུག་སྡེ་དག་ཆོས་གོས་བསྡུས་ཤིང་ཕྲག་པ་ལ་གཟར་སྟེ་ཁྱིམ་གཞན་དུ་འགྲོ་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།གྱད་འགྱེད་པར་མཆི་བ་དག་སྟོད་གཡོགས་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། ཆོས་གོས་འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་བའོ། །དེ་དག་རྒྱ་ཆེར་སྨོད་པ་
Nya346b
ལ་ཞུགས་པ་ཐོས་ནས་སྐད་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལེགས་པར་བགོས་ཤིང་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་བྱུང་རྒྱལ་སྨྲ་བས་སྒྲ་འབྱིན་ཅིང་ཁྱིམ་གཞན་དུ་འདོང་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། ཆང་གིས་ར་རོ་བ་དག་དང ། འབྱུང་པོ་དང ། ཤ་ཟས་བརླམས་པ་དག་འདི་ལྟར་བྱུང་རྒྱལ་སྨྲ་བས་སྒྲ་འབྱིན་ཅིང་མཆི་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་སྒྲ་འབྱིན་ཅིང་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། སྒྲ་བསྐྱུང་ཞིང་ཚིག་ཉུང་
Nya347a
༄#། །ངུས་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་མིག་ཡེངས་ཤིང་ཁྱིམ་གཞན་དུ་འགྲོ་བ་ན། དེ་དག་གླང་པོ་ཆེ་འཁྲུལ་པ་དང་ལྷན་ཅིག་འདོམ་པ་དང ། རྟ་འཁྲུལ་པ་དང ། ཤིང་རྟ་འཁྲུལ་པ་དང ། རྐང་ཐང་འཁྲུལ་པ་དང་འདོམ་ཞིང ། དེ་དག་གིས་བརྡོས་ཤིང་ཕུལ་བ་ན། མི་གཙང་བ་དང ། རྫབ་ཀྱི་ཁུང་དང ། ཕྱག་དར་གྱི་ཁྲོད་དུ་བསྒྱེལ་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།སྐར་མ་ལ་རྟོག་པ་དག་དང ། མིག་བཙུམས་པ་དག་བཞིན་ཅིའི་ཕྱིར་གཟིགས། ས་ལ་གཟིགས་ན། ཅི་ནོངས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་ཡེངས་ཤིང་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། ། འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མིག་གཡེང་བར་མི་བྱ་ཞིང་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་
Nya347b
མིག་རྒྱང་རིང་པོར་ལྟ་ཞིང་ཁྱིམ་གཞན་དུ་འདོང་བ་ན། དེ་དག་སྤྱོད་ལམ་ཉམས་ཤིང་ལམ་ཤོར་བ་ལ་སོགས་པར་གྱུར་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།སྐར་མ་ལ་རྟོག་པ་དང ། བྱ་ར་བ་དག་འདི་ལྟར་ལྟ་བར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་གཟིགས་ཤིང་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། གཉའ་ཤིང་གང་ཙམ་དུ་བལྟ་ཞིང་ཁྱིམ་གཞན་དུ་འགྲོ་བར་བསླབ་བར་བྱའོ། །བསླབ་པའི་བསྡུ་བའི་མདོ་ནི། ཆོས་གོས་ཟླུམ་པོར་བགོ་བར་བསླབ་པར་བྱའོ། །ཆོས་གོས་ཧ་ཅང་རྩེངས་པ་མ་ཡིན་པ་དང ། ཧ་ཅང་འཇོལ་བ་མ་ཡིན་པ་བགོ་བར་བསླབ་པར་བྱའོ། ། ཤིན་ཏུ་བསྡམས་པ་དང ། ལེགས་པར་བགོས་པ་དང ། སྒྲ་བསྐྱུང་བ་དང ། མིག་གཡེང་བར་མི་བྱ་བ་དང ། གཉའ་ཤིང་གང་ཙམ་དུ་བལྟ་ཞིང་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་
Nya348a
༄#། །སྡེ་དག་མགོ་གཡོགས་ཤིང་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།རིགས་ཀྱི་མནའ་མ་དག་དང ། མིག་ན་བ་དག་དང ། སྦྲང་རྩིའི་སྦྲང་བུས་འཇིགས་པ་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གཡོགས་ཤིག་།དེ་དག་གིས་སྨྲས་པ།་ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མགོ་མི་གཡོགས་པར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ཤམ་ཐབས་བརྫེས་ཏེ་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བཤང་བ་དང་གཅི་བ་བགྱིད་པའི་མི་དག་འདི་ལྟར་བགྱིད་པ་དང ། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བརྫེ་ཞིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་
Nya348b
ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་བརྫེ་བར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ཆོས་གོས་ཕྲག་པ་ལ་གཟར་ཏེ་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།དྭ་དག་དང ། རྒྱན་པོ་པ་དག་དང ། ནལ་གྱི་བུ་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གཟར་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ།
Nya349a
༄#། །མི་གཟར་བར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ལག་པ་གཉའ་གོང་དུ་བསྣོལ་ཏེ་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།དྭ་དག་དང ། རྒྱན་པོ་པ་དག་དང ། ནལ་གྱི་བུ་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་གཉའ་གོང་དུ་མ་སྣོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ།་གཉའ་གོང་དུ་མི་བསྣོལ་བར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ལག་པ་ལྟག་པར་བསྣོལ་ཏེ། དེ་དག་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།གཡོག་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་ལྟག་པར་མ་སྣོལ་ཅིག་།དེ་
Nya349b
དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། ། དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། ། སྙམ་ནས་བཀའ་སྩལ་པ། དགེ་སློང་དག་།དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལྟག་པར་མི་བསྣོལ་བར་ཁྱིམ་གཞན་དུ་འགྲོ་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། མགོ་མི་གཡོགས་པ་དང ། མི་བརྫེ་བ་དང ། མི་གཟར་བ་དང ། གཉའ་གོང་དུ་མི་བསྣོལ་བ་དང ། ལྟག་པར་མི་བསྣོལ་བར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་རིབ་མ་ལ་མཆོང་ཞིང་ཁྱིམ་གཞན་དུ་འདོང་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།འཇིགས་པས་སྐྲག་ཅིང་འབྲོས་པ་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་མཆོང་ཞིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། ། འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་
Nya350a
༄#། །རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་མཆོད་པར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་གོམ་པ་ཧ་ཅང་ཆེན་པོ་དག་གིས་ཁྱིམ་གཞན་དུ་འདོང་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།ཆང་གིས་ར་རོ་བ་དག་དང ། འབྱུང་པོ་དང ། ཤ་ཟས་བརླམས་པ་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་བརྐྱང་བར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ཙོག་པུས་ཁྱིམ་གཞན་དུ་འདོང་ནས་བྲམ་ཟེ་
Nya350b
དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།འགྲོས་ཉམས་པ་དག་དང ། རྐང་བམ་ཅན་དག་དང ། བྱིས་པ་ཁྱེའུ་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་མཛད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཙོག་བུས་མ་ཡིན་པར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་རྐང་པའི་བྲང་བ་དག་གིས་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་སྨིག་མ་བཞིན་དུ་རྩེ་བ་དག་དང ། རྐང་མཐིལ་རྨས་པ་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་
Nya351a
༄#། །བར་གྱུར་བའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བྲང་བས་མ་ཡིན་པར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ལག་པ་གཉིས་དཀུར་བརྟེན་ཏེ་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།ནོར་ཅན་དག་དང ། ཚོང་དཔོན་དག་འདི་ལྟར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། ། དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དཀུར་མི་བརྟེན་པར་ཁྱིམ་གཞན་དུ་འགྲོ་
Nya351b
པར་བསླབ་པར་བྱའོ། །བསླབ་པ་བསྡུ་བའི་མདོ་ནི། མི་མཆོང་བ་དང ། མི་བརྐྱང་བ་དང ། ཙོག་པུས་མ་ཡིན་པ་དང ། བྲང་བས་མ་ཡིན་པ་དང ། དཀུར་མི་བརྟེན་པར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ལུས་སྒྱུར་ཞིང་ཁྱིམ་གཞན་དུ་འདོང་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།གཟུགས་འཚོ་བ་དག་དང།་གླང་པོ་ཆེ་དག་དང ། བལ་གླང་མོ་དག་འདི་ལྟར་མཆི་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག། འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་བའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལུས་མི་སྒྱུར་བར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ལག་པ་དཀྱོག་ཅིང་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དོ། །འཕགས་པ་དག་།དྭ་དག་དང ། རྒྱན་པོ་པ་དག་དང ། ནལ་གྱི་བུ་དག་འདི་ལྟར་མཆི་བས། འདི་ནི། ཚུལ་དང་
Nya352a
༄#། །མཐུན་པ་མ་ལགས་ཀྱི། འདི་ལྟར་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས་ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་བའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང།་བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལག་པ་མི་དཀྱོག་པར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་མགོ་སྒྱུར་ཞིང་ཁྱིམ་གཞན་དུ་འདོང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།གླང་པོ་ཆེ་དག་དང ། སྲོག་ཆགས་རྩེངས་པ་དག་འདི་ལྟར་མཆི་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བཞུད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། དེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་
Nya352b
ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མགོ་མི་སྒྱུར་བར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ཕྲག་པ་སྤྲོད་ཅིག་ཁྱིམ་གཞན་དུ་འདོང་བ་དང ། ཇི་ཙམ་ན་མི་ཞིག་སྤོས་དང་མེ་ཏོག་གིས་བརྒྱན་ཏེ་འཇིག་རྟེན་ལ་བུ་ཙམ་དུ་སེམས་ཤིང་འགྲོ་ནས་དྲུག་སྡེ་དག་གིས་སྨྲས་པ། དགའ་བོ་ཉེ་དགའ། བཀྲེན་པ་འདི་འཇིག་རྟེན་ལ་བུ་ཙམ་དུ་སེམས་ཤིང་འགྲོ་ན། ཅི། འདིའི་སྙིང་ལམ་ན་དྲུག་སྡེ་དག་གིས་སྔོན་ལན་འགའ་ཡང་དྲི་དང ། མེ་ཏོག་ཐོགས་མ་མྱོང་སྙམ་པ་འདྲའི། ཚུར་ཤོག་།འདི་མི་དགའ་བར་བྱའོ། །དེ་ལྟར་བྱའོ། །ཞེས་དེ་ན་དེ་དག་གཅིག་དང་གཅིག་ཕྲག་པ་སྤྲད་ཅིང ། གཞན་དང་གཞན་ཡང་ཕྲག་པ་སྤྲད་དེ། དེ་ཕུལ་བ་དང་ས་ལ་བསྒྱེལ་ནས་དེས་སྨྲས་པ། བདག་གིས་ཁྱེད་ཅག་ལ་ནོངས་པ་ཅི་ཞིག་བགྱིས། བཀྲེན་པ། ཁྱོད་ཀྱི་སྙིང་ལམ་ན། དྲུག་སྡེ་དག་གིས་སྔོན་ལན་འགའ་ཡང་སྤོས་དང ། མེ་ཏོག་ཐོགས་མ་མྱོང་སྙམ་པས། ཁྱོད་དེ་ལྟར་མི་དགའ་བར་བྱས་སོ། །དེ་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དེ་དག་གནས་སུ་སྨོད་པར་བྱེད་དོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་
Nya353a
༄#། །བསླབ་པའི་གཞི་འདི་ལྟར་གདོན་པར་བྱ་སྟེ། ཕྲག་པ་མི་སྤྲད་པར་ཁྱིམ་གཞན་དུ་འགྲོ་བར་བསླབ་པར་བྱའོ། །དྲུག་སྡེ་དག་ལག་པ་སྦྲེལ་ཅིང་ཁྱིམ་གཞན་དུ་འདོང་བ་ན། ཇི་ཙམ་ན་མི་ཞིག་སྤོས་དང ། མེ་ཏོག་གིས་བརྒྱན་ཏེ་འཇིག་རྟེན་ལ་བུ་ཙམ་དུ་སེམས་ཤིང་འགྲོ་ནས། དྲུག་སྡེ་དག་གིས་སྨྲས་པ། དགའ་བོ་ཉེ་དགའ། བཀྲེན་པ་འདི་འཇིག་རྟེན་ལ་བུ་ཙམ་དུ་སེམས་ཤིང་འགྲོ་ན། ཅི། འདིའི་སྙིང་ལམ་ན་དྲུག་སྡེ་དག་གིས་སྔོན་ལན་འགའ་ཡང་དྲི་དང ། མེ་ཏོག་ཐོགས་མ་མྱོང་སྙམ་པ་འདྲའི། ཚུར་ཤོག་།འདི་མི་དགའ་བར་བྱའོ། ། དེ་ལྟར་བྱའོ། །ཞེས་དེ་ན་དེ་དག་གཅིག་དང་གཅིག་ལག་པ་སྦྲེལ་ཅིང ། གཞན་དང་གཞན་ཡང་ལག་པ་སྦྲེལ་ཏེ་ཕུལ་བ་དང ། ས་ལ་བསྒྱེལ་ནས་དེས་སྨྲས་པ། བདག་གིས་ཁྱེད་ཅག་ལ་ནོངས་པ་ཅི་བགྱིས། བཀྲེན་པ། ཁྱོད་ཀྱི་སྙིང་ལམ་ན་དྲུག་སྡེ་དག་གིས་སྔོན་ལན་འགའ་ཡང་སྤོས་དང ། མེ་ཏོག་ཐོགས་མ་མྱོང་སྙམ་པས། ཁྱོད་དེ་ལྟར་མི་དགའ་བར་བྱས་སོ། །དེ་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་དེ་གནས་སུ་སྨོད་པར་བྱེད་དོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལག་པ་མི་སྦྲེལ་
Nya353b
བར་ཁྱིམ་གཞན་དུ་འགྲོ་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། ལུས་མི་བསྒྱུར་བ་དང ། ལག་པ་མི་དཀྱོག་པ་དང ། མགོ་མི་བསྒྱུར་བ་དང ། ཕྲག་པ་མི་སྤྲད་པ་དང ། ལག་པ་མི་སྤྲེལ་བས་ཁྱིམ་གཞན་དུ་འགྲོ་བར་བསླབ་པར་བའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། མཉན་ཡོད་ན་བྲམ་ཟེ་གཙང་སྦྲ་འདོད་པ་ཞིག་འདུག་པ་དེས་སྒོ་ཁང་དུ་མལ་བཤམས་ནས་དེ་ན་བུ་མོ་ཞིག་བསིལ་ཡབ་ཐོགས་ཏེ་སྦྲང་མ་སྐྱོབ་ཅིང་འདུག་གོ་།ཚེ་དང་ལྡན་པ་ཉེ་དགའ་དེའི་ཁྱིམ་དུ་བསོད་སྙོམས་ལ་བཞུགས་ནས་དེས་སྨྲས་པ། བུ་མོ། བྲམ་ཟེའི་གན་དུ་སོང་ལ་ཉེ་དགའ་སྒོ་ན་སྡོད་དོ། །ཞེས་གྱིས་ཤིག་།དེས་སྨྲས་པ། འཕགས་པ། བདག་འདི་ན་སྦྲང་མ་སྐྱོབ་ཅིང་མཆིས་པས་མི་མཆིའོ། །དེས་སྨྲས་པ། བུ་མོ། གལ་ཏེ་དེ་ལྟ་ན། ཁོ་བོས་རེ་ཞིག་སྲུང་གི་།ཁྱོད་སོང་ལ་སྨྲོས་ཤིག་།དེ་སོང་བ་དང་ཉེ་དགའ་རྐང་པ་དང་བཅས་པར་འཛེགས་ཏེ་མལ་དེའི་སྟེང་དུ་འདུག་གོ། །བྲམ་ཟེ་དེ་ཕྱིར་བྱུང་བ་དང ། ཉེ་དགའ་རྐང་པ་དང་བཅས་པར་མལ་གྱི་སྟེང་དུ་འཛེགས་ཏེ་འདུག་པར་མཐོང་ངོ ། །མཐོང་ནས་ཀྱང་སྨྲས་པ། འཇིག་རྟེན་གྱི་གཙང་སྦྲ་ནི། ཐ་དད་པ་ཡིན། ཅིའི་ཕྱིར་ཁྱོད་འདིར་རྐང་པ་དང་བཅས་པས་འཛེགས་ཏེ་འདུག་།དེས་སྨྲས་པ། བྲམ་ཟེ། དགེ་སློང་གིས་མལ་ལ་ལོངས་སྤྱོད་པ་གང་ཡིན་པ་ནི། ཁྱོད་ཀྱི་ཁྱིམ་བདུན་བ་ཚུན་ཆད་ལ་ཕན་བཏགས་པ་ཡིན་ནོ། །དེ་སྨོད་པར་
Nya354a
༄#། །བྱེད།་འཕྱར་ཁ་གཏོང་བར་བྱེད། ཁ་ཟེར་བར་བྱེད་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། བྲམ་ཟེ་དེ་གནས་སུ་སྨོད་དོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མ་བསྒོ་བར་ཁྱིམ་གཞན་དུ་སྟན་ལ་མི་འདུག་པར་བསླབ་པར་བྱའོ། །གང་གི་ཚེ་ཚེ་དང་ལྡན་པ་འཆར་ཀས་གཏུམ་མོ་བཏུལ་བ་དེའི་ཚེ་ན། དེས་དྲང་སྲོང་གི་སྟན་བཤམས་ནས་ཚེ་དང་ལྡན་པ་འཆར་ཀས་ལོངས་སྤྱོད་ཅིང་སྤྱད་ཅིང་འགྲོའོ། །ཇི་ཙམ་དུས་གཞན་ཞིག་ན། དེས་གཏུམ་མོ་ལ་སྨྲས་པ། སྲིང་མོ། ཁྱོད་བལྟས་ཀྱི། ལྗོངས་རྒྱུར་འགྲོའོ། །དེས་སྨྲས་པ། འཕགས་པ། མྱུར་དུ་སླར་སྤྱོན་ཅིག་།གདོད་སྐྱོ་བ་སྐྱེད་པར་མ་མཛད་ཅིག་།དེས་སྨྲས་པ། སྲིང་མོ། མ་ཉེས་ཀྱི། དེ་བཞིན་བྱའོ། །དེས་དེ་བལྟས་ཏེ་རྒྱལ་བྱེད་ཚལ་དུ་སོང་བ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ་བཅོམ་ལྡན་འདས་ཉི་མ་བདུན་པ་ལ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་བར་སྤྲོ་བ་དེས་ཆོས་གོས་ཀྱི་ལས་གྱིས་ཤིག་ཅེས་སྒོས་ཤིག་།ཚེ་དང་ལྡན་པ་ཀུན་དགའ་བོས། བཙུན་པ། བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་
Nya354b
ནས་དགེ་སློང་རྣམས་ལ་ཚེ་དང་ལྡན་པ་དག་།བཅོམ་ལྡན་འདས་ཉི་མ་བདུན་པ་ལ་ལྗོངས་རྒྱུར་གཤེགས་ཀྱི། ཁྱེད་ཅག་ལས་གང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་བར་སྤྲོ་བ་དེས།་ཆོས་གོས་ཀྱི་ལས་གྱིས་ཤིག་ཅེས་བསྒོའོ། །ཚེ་དང་ལྡན་པ་འཆར་ཀས་བསམ་པ། སངས་རྒྱས་ལྗོངས་རྒྱུར་གཤེགས་པ་ལ་ཕན་ཡོན་བཅོ་བརྒྱད་ཡོད་ཀྱི། བཅོམ་ལྡན་འདས་ཉིད་དང་ཐབས་ཅིག་འགྲོའོ། །སྙམ་ནས་དེས་འཕགས་སོ། །དེའི་ཚེ་ན་གཏུམ་མོའི་ཁྱིམ་ན་ཁྱེའུ་བཙས་ནས་རིང་པོ་མ་ལོན་པ་ཞིག་ཡོད་ནས། དེས་བུ་མོ་ལ་སྨྲས་པ། བུ་མོ། ཁྱེའུ་འདི་དྲང་སྲོང་གི་གདན་ལ་སྙོལ་ཅིག་དང ། ཡུན་རིང་དུ་འཚོ་ཞིང་ཚེ་རིང་དུ་སྐྱོང་བར་འགྱུར་རོ། །དེས་དེ་གོས་དཀར་པོ་བསྐོན་ཏེ་བསྙལ་བ་དང ། ཚེ་དང་ལྡན་པ་འཆར་ཀ་མཉན་ཡོད་དུ་བསོད་སྙོམས་ལ་ཞུགས་ནས་དེས་བསམ་པ། ཇེ་གཏུམ་མོའི་ཁྱིམ་དུ་སྟན་ལ་ལོངས་སྤྱོད་དུ་འགྲོ་ཞིང ། ཕྱིས་བསོད་སྙོམས་རྒྱུས་ཏེ་འགྲོའོ། །སྙམ་ནས། དེར་སོང་ངོ ། །དགྲ་བཅོམ་པ་དག་ནི། མ་བསམ་པར་ཤེས་པ་དང ། མཐོང་བ་མི་འཇུག་པས་དེ་སྟན་དེ་ཉིད་ལ་གྱ་ཚོམ་དུ་འདུག་པ་དང ། ནང་མི་བརྟད་པ་དང་བཅས་པས། འཕགས་པ། ཁྱེའུ་ཁྱེའུ་ཞེས་སྨྲས་པ་དང ། དེ་མྱུར་བ་མྱུར་བར་ལངས་ནས་ཇི་ཙམ་ན།་དེ་དག་གིས་དུས་ལ་བབ་པར་མཐོང་ནས་དེ་དག་ངུ་བར་བརྩམས་པ་དང ། དེས་སྨྲས་པ། སྲིང་མོ་དག་།འདི་ལ་ཅི་ངུ ། འདུ་བྱེད་ཐམས་ཅད་ཀྱི་ཆོས་ཉིད་འདི་ལྟ་བུ་ཡིན་ནོ། །འོན་ཀྱང་ཁོ་
Nya355a
༄#། །བོ་ལ་བརྟེན་ཏེ་བཅོམ་ལྡན་འདས་འདུལ་བ་ལ་ཉན་ཐོས་རྣམས་ཀྱིས་བསླབ་པའི་གཞི་འཆའ་བར་འགྱུར་བས། འདི་ལ་ཁོ་བོས་མདུད་པར་བྱ་བ་ཡིན་ནོ། ། འཁོར་བ་ན་སེམས་ཅན་རྣམས་ཉེ་དུ་ལ་བྱམས་པ་ནི། ཐོག་མ་མེད་པའི་དུས་ནས་གོམས་པ་ཡིན་པས་དེ་དག་དེ་བཞིན་དུ་ངུ་ཞིང་མི་སྡོད་པ་ཐོས་ནས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། སྟན་ལ་མ་བརྟགས་པར་ཁྱིམ་གཞན་དུ་སྟན་ལ་འདུག་པར་མི་བྱ་བར་བསླབ་པར་བྱའོ། །གང་གི་ཚེ་བཅོམ་ལྡན་འདས་མངོན་པར་བྱུང་ནས་ལོ་བཅུ་གཉིས་ལོན་ཞིང ། རྫོགས་པར་སངས་རྒྱས་ནས་ལོ་དྲུག་ལོན་ནས་སེར་སྐྱའི་གནས་སུ་བྱོན་པ་དེའི་ཚེ་ན། ཉི་མ་གཅིག་ནི། ཡབ་ཀྱི་གན་དུ་གདུགས་ཚོད་གསོལ། ཉི་མ་གཉིས་པ་ལ་ནི། རང་གི་བཙུན་མོའི་འཁོར་དུ་གདུགས་ཚོད་གསོལ་བ་ན། ཚེ་དང་ལྡན་པ་འཆར་ཀས་བཙུན་མོ་གྲགས་འཛིན་བཤོས་འབྲིམ་པ་ལ། རྐང་པས་རྐང་པ་ལ་ཕུལ་བ་དང ། དེ་སྟོབས་དང་ལྡན་པས་འགྱེལ་ནས་དེས་བཙུན་མོ་ས་འཚོ་མ་ལ་སྨྲས་པ། ས་འཚོ་མ ། འཕགས་པ་འཆར་ཀས་བདག་སངས་རྒྱས་ལ་སོགས་པ་དགེ་སློང་གི་དགེ་འདུན་གྱི་སྤྱན་སྔར་མཐོ་བཙམས་སོ། །ཅི་བྱས། དེས་ཇི་ལྟར་གྱུར་པ་བརྗོད་པ་
Nya355b
དང ། དེས་སྨྲས་པ། དེ་ཅི་ནས་ཀྱང་ཕྱིན་ཆད་དེ་ལྟར་བྱེད་པར་མི་འགྱུར་བ་དེ་ལྟར་མི་དགའ་བར་བྱའོ། །ཇི་ཙམ་ཉི་མ་གཞན་ཞིག་ལ་བཙུན་མོ་གྲགས་འཛིན་གྱིས་ཁྲིའུ་མ་བརྒྱུས་པ་ཞིག་རས་ཀྱིས་གཡོགས་ནས་བུ་མོ་མངག་གཞུག་མ་ལ་སྨྲས་པ། བུ་མོ། སོང་ལ་རེ་ཞིག་རྒྱལ་པོའི་ཕོ་གྲང་གི་སྒོར་སྡོད་ལ། གང་གི་ཚེ་འཕགས་པ་འཆར་ཀ་འོང་བ་དེའི་ཚེ་ན། ཁྱོད་ཀྱིས་འདི་སྐད་ཅེས།་བྲམ་ཟེ་བྲམ་ཟེ་ཞེས་བརྗོད་པར་བྱའོ། །གལ་ཏེ་བྲམ་ཟེས་ཅི་བྱ་ཞེས་ཟེར་བ་དེ་ལ་བཙུན་མོའི་འཁོར་དུ་འབོད་དོ། །ཞེས་བརྗོད་པར་བྱའོ། །བུ་མོ་དེ་བྱུང་བ་དང་ཚེ་དག་ལྡན་པ་འཆར་ཀ་ཡང་འོངས་ནས། དེར་བྲམ་ཟེར་བྲམ་ཟེ་ཞེས་འབོད་པར་བརྩམས་པ་དང ། དེས་སྨྲས་པ། བུ་མོ། བྲམ་ཟེས་ཅི་བྱ། འཕགས་པ། བཙུན་མོའི་འཁོར་དུ་འབོད་དོ། །དེས་བསམ་པ། དེར་གོར་མ་ཆག་པར་སྦྱིན་པར་བྱེད་ཀྱི། འགྲོའོ། །སྙམ་ནས་དེར་མྱུར་བ་མྱུར་བར་སོང་བ་དང ། བཙུན་མོ་གྲགས་འཛིན་གྱིས་བུ་མོ་ལ་སྨྲས་པ། བུ་མོ། ཁོ་མོས་ཁྱོད་ལ་བྲམ་ཟེ་བོས་ཤིག་ཅེས་བསྒོས་ན། ཁྱོད་ཀྱིས་ཅིའི་ཕྱིར་དགེ་སྦྱོང་མགོ་རེག་བོས། དེ་ཅང་མི་སྨྲ་བར་འདུག་གོ་།ཚེ་དང་ལྡན་པ་འཆར་ཀས་སྨྲས་པ། གལ་ཏེ་ཁོ་བོ་ཁྱོད་ཀྱི་ཁྱིམ་ཐབ་ཀྱི་གན་དུ་རབ་ཏུ་བྱུང་ཞེས་ཏེ། ཁོ་བོའི་བྲམ་ཟེ་ཡང་ཉམས་སྙམ་མམ། ཅི། གལ་ཏེ་བྲམ་ཟེ་ན་ནི། ཨོཾ་བྷུ་ར་བྷུ་བ་སཝ་ཞེས་ཟེར་ལ། འོན་ཏེ་རབ་ཏུ་བྱུང་ན་ནི། །སྡིག་པ་ཐམས་ཅད་མི་བྱ་སྟེ། །དགེ་བ་ཕུན་སུམ་ཚོགས་པར་
Nya356a
༄#། །བྱ། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ཞེས་ཟེར་རོ། །དེས་སྨྲས་པ། ཁྱོད་བྲམ་ཟེ་ཡང་རུང ། དགེ་སྦྱོང་ཡང་རུང་སྟེ། ཁོ་མོས་ནི། བཅོམ་ལྡན་འདས་དཀའ་བ་སྤྱོད་པ་ན། གལ་ཏེ་བཅོམ་ལྡན་འདས་སེར་སྐྱའི་གནས་སུ་གཤེགས་ན། དེའི་ཕྱིར་བདག་གིས་བྲམ་ཟེ་ལ་འདི་དང་འདི་སྦྱིན་པར་བྱའོ། །ཞེས་གསོལ་བ་བྱས་སོ། ། དེས་སྨྲས་པ། བཅོམ་ལྡན་འདས་ཀྱིས་སྲོག་ཆགས་འབུམ་ཕྲག་དུ་མ་དག་ལྟ་བའི་རྣམ་པ་དང་བྲལ་བར་མཛད་ན། ཁྱོད་ནི། འདི་ལྟ་བའི་རྣམ་པ་དང་བྲལ་བར་མ་མཛད་དོ། །དེས་སྨྲས་པ། འཕགས་པ།་བུད་མེད་ཀྱི་ཡུལ་ནི། དབྲལ་དཀའ་བ་ལགས་པས། ཇི་ལྟར་བགྱི། དེས་སྨྲས་པ། དེ་ནི། འཇལ་གྱི། དེ་སློང་མོ་པ་དག་ལ་ཅི་ཞིག་སྦྱིན་པ་དེ་བལྟའོ། །འཕགས་པ། ཞོའི་ཁམ་ཕོར་འདི་དང།་ཕྱེའི་ཁམ་ཕོར་འདི་འགྲེང་སྟེ་ལོངས་ལ་ཁྲིའུ་འདི་ལ་བཞུགས་ཤིག་།ཅི། ཁྲིའུ་འདི་ཡང་ཁོ་བོ་ལ་སྦྱིན་ནམ། འཕགས་པ། ཁྲིའུ་འདི་ནི། མི་གསོལ་ལོ། །དེས་བསམ་པ། གལ་ཏེ་ཁྲིའུ་མི་སྟེར་ན། ཁྲིའུ་འདི་བཅག་པར་བྱའོ། །སྙམ་དུ་རིག་ནས། དེས་ཁྲིའུ་དེ་ཉིད་ལ་ལུས་ཐམས་ཅད་ཀྱིས་ལྗིད་ཀྱིས་ཕབ་སྟེ་འདུག་པ་དང་བསྒྱེལ་ནས་ཞོའི་ཁམ་ཕོར་དང ། ཕྱེའི་ཁམ་ཕོར་དེ་དེའི་མགོར་བོ་བ་དང ། དེ་དག་གིས་རྟ་གད་ཀྱིས་བཏབ་སྟེ། ལག་པ་དང་རྐང་པ་དག་ནས་བཟུང་ནས་བྱང་ཆུབ་སེམས་དཔའ་རོལ་པའི་རྫིང་དུ་འཕངས་སོ། །དེ་ལངས་ཏེ་གོས་དག་འཚིར་བ་དེ། དགེ་
Nya356b
སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་འཆར་ཀ། འདི་ཅི་ཉེས། དེས་སྨྲས་པ། ཁོ་བོས་ཀུ་རེ་ཆུང་ཞིག་བྱས་ནས་ཉེས་དམིགས་འདི་ལྟ་བུ་འདི་བྱུང་ངོ ། །དེ་དག་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། དེ་དག་གནས་སུ་སྨོད་དོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལུས་ཐམས་ཅད་ལྗིད་ཀྱིས་མི་དབབ་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དྲུག་སྡེ་དག་གནས་སུ་ཁྱིམ་གཞན་དུ་རྐང་པ་བསྣོལ་ཏེ་འདུག་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དང ། དྭ་དག་དང ། རྒྱན་པོ་པ་དག་དང ། ནལ་གྱི་བུ་དག་འདི་ལྟར་མཆིས་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བཞུགས་ཤིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། ། འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་
Nya357a
༄#། །ལ་བསླབ་པའི་གཞི་འདི་ལྟར་གདོན་པར་བྱ་སྟེ། རྐང་པ་མི་བསྣོལ་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་བརླ་བསྣོལ་ཏེ་འདུག་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།དྭ་དག་དང ། རྒྱན་པོ་པ་དག་དང ། ནལ་གྱི་བུ་དག་འདི་ལྟར་མཆིས་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་བཞུགས་ཤིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས་ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བརླ་མི་བསྣོལ་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དྲུག་སྡེ་དག་ལོང་བུའི་སྟེང་དུ་ལོང་བུ་བཞག་སྟེ་ཁྱིམ་གཞན་དུ་འདུག་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།དྭ་དག་དང ། རྒྱན་པོ་པ་དག་དང ། ནལ་གྱི་བུ་དག་འདི་ལྟར་མཆིས་པར་བགྱིད་པས། འདི་ནི། ཚུལ་
Nya357b
དང་མཐུན་པ་མ་ལགས་ཀྱི། འདི་ལྟར་མ་བཞུགས་ཤིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལོང་བུའི་སྟེང་དུ་ལོང་བུ་མི་བཞག་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དྲུག་སྡེ་དག་རྐང་པ་བཀུག་སྟེ་ཁྱིམ་གཞན་དུ་འདུག་པར་བྱེད་ནས་དགེ་བསྙེན་མ་དག་ལྷགས་ཏེ་ཕྱག་འཚལ་བ་ན།་དེ་དེ་དག་ཨ་རོག་གྱ་མི་ཟེར་ནས་དེ་དག་གིས་སྨྲས་པ། འཕགས་པ་དག་།ཅིའི་སླད་དུ་ཨ་རོག་གྱ་མི་གསུང ། དེ་དག་གིས་སྨྲས་པ། ཁྱེད་ཅག་གིས་ཁོ་བོ་ཅག་གི་རྐང་པ་ལ་ཕྱག་མ་བྱས་སོ། ། དེ་དག་དེ་དག་གི་རྐང་པ་ལ་ཕྱག་འཚལ་བ་ན། རྐུབ་ཚོས་འཇལ་བར་བྱེད་ཅིང ། དགའ་བོ་ཉེ་དགའ། འདི་དག་གི་རྐུབ་ཚོས་ཆེ་ཁྱད་ལ་ལྟོས་ཤིག་སྨྲས་པ་དང ། དེ་དག་ངོ་ཚ་ནས་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་
Nya358a
༄#། །པའི་གཞི་འདི་ལྟར་གདོན་པར་བྱ་སྟེ། རྐང་པ་མི་དགུག་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དྲུག་སྡེ་དག་རྐང་པ་གདངས་ཏེ་ཁྱིམ་གཞན་དུ་འདུག་པར་བྱེད་ནས་དགེ་བསྙེན་མ་དག་ལྷགས་ཏེ་ཕྱག་འཚལ་བ་ན། དེ་དག་ཨ་རོག་གྱ་ལྷག་མ་དང་བཅས་པར་ཟེར་ནས་དེ་དག་གིས་སྨྲས་པ། འཕགས་པ་དག་།ཅིའི་སླད་དུ་ཨ་རོག་གྱ་ལྷག་མ་དང་བཅས་པར་གསུང ། དེ་དག་གིས་སྨྲས་པ། ཁྱེད་ཅག་གིས་ཁོ་བོ་ཅག་གི་རྐང་པ་ལ་ཕྱག་མ་བྱས་སོ། །དེ་དག་གིས་དེ་དག་གི་རྐང་པ་ལ་ཕྱག་འཚལ་བ་ན། རྐུབ་ཚོས་འཇལ་བར་བྱེད་ཅིང ། དགའ་བོ་ཉེ་དགའ། འདི་དག་གིས་རྐུབ་ཚོས་ཆེ་ཁྱད་ལ་ལྟོས་ཤིག་སྨྲས་པ་དང ། དེ་དག་ངོ་ཚ་ནས་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། རྐང་པ་མི་གདངས་པར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །དྲུག་སྡེ་དག་མདོམས་སྣང་བར་སྟན་ལ་འཁོད་ཅིང་སྒྲེན་མོར་སྣང་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། ཆང་གིས་ར་རོ་བ་དག་དང ། འབྱུང་པོ་དང ། ཤ་ཟས་བརླམས་པ་དག་འདི་ལྟར་མཆིས་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་
Nya358b
བཞུགས་ཤིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མདོམས་མི་སྣང་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །བསླབ་པ་བསྡུ་བའི་མདོ་ནི། མ་བསྒོ་བར་ཁྱིམ་གཞན་དུ་སྟན་ལ་མི་འདུག་པར་བསླབ་པར་བྱ། སྟན་ལ་མ་བརྟགས་པ་དང ། ལུས་ཐམས་ཅད་ཀྱི་ལྗིད་ཀྱིས་མི་དབབ་པ་དང ། རྐང་པ་མི་བསྣོལ་བ་དང ། བརླ་མི་བསྣོལ་བ་དང ། ལོང་བུའི་སྟེང་དུ་ལོང་བུ་མི་གཞག་པ་དང ། རྐང་པ་མི་དགུག་པ་དང ། རྐང་པ་མི་གདང་བ་དང ། མདོམས་མི་སྣང་བར་ཁྱིམ་གཞན་དུ་སྟན་ལ་འདུག་པར་བསླབ་པར་བྱའོ། །སངས་རྒྱས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་འཇིགས་རུང་གི་ཚལ་རི་དྭགས་ཀྱི་ནགས་ན་བཞུགས་སོ། །རྒྱལ་བུ་རྟོག་ལྡན་གྱིས་ཁང་བཟང་པདྨ་ཅན་ཚོན་བརྒྱ་རྩ་གཅིག་གིས་བྲེས་པ་དེར། དགེ་སློང་གི་དགེ་འདུན་སྤྱན་དྲངས་ཏེ་བཤོས་གསོལ་བ་ན། རྒྱལ་བུ་རྟོག་ལྡན་ནི། དད་པ་དང་ལྡན་པ་ཡིན་ལ། འཁོར་ནི། མ་དད་པས། འབྲིམ་མཁན་
Nya359a
༄#། །རྣམས་ཀྱིས་ལ་དུ་དག་གིས་དགེ་སློང་རྣམས་ཀྱིས་ལྷུང་བཟེད་དག་གཅོག་པར་བྱེད་ནས་དྲུག་སྡེ་དག་གིས་གྲོས་བྱས་པ། འདི་དག་མི་དགའ་བར་བྱའོ། །ཞེས་དེ་དག་འབྲས་ཆན་དང ། ཚོད་མ་འབྲིམ་པ་དང ། དྲུག་སྡེ་དག་གིས་ལྷུང་བཟེད་ཕྱིར་བསྐྱེད་པ་དང ། དེ་དག་གིས་ས་ལ་བོ་ནས་དེ་དག་གིས་སྨྲས་པ། འཕགས་པ་དག་།རྒྱལ་བུ་རྟོག་ལྡན་གྱི་ཁང་བཟང་པདྨ་ཅན་ཚོན་བརྒྱ་རྩ་གཅིག་གིས་བྲིས་པའི་ས་གཞི་ཁྱེད་ཀྱིས་མ་རུངས་པར་བྱས་སོ། །དེ་དག་གིས་སྨྲས་པ། བཀྲེན་པ་དག་།ཁྱེད་ཅག་ས་གཞི་མ་རུངས་པ་ན་མི་དགའ་བར་བྱེད་ན། དགེ་སློང་གང་དག་གིས་ལྷུང་བཟེད་དག་ཆག་པ་དེ་དག་ཇི་ལྟར་བྱེད་ཅེས་ཟེར་བ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལེགས་པར་ཟས་བླང་བར་བསླབ་པར་བྱའོ། །དྲུག་སྡེ་དག་རྒྱལ་བུ་རྟོག་ལྡན་གྱི་ཁྱིམ་དུ་བསོད་སྙོམས་ལ་ཞུགས་ནས་དེ་དག་དང་པོར་འབྲས་ཆན་ཇི་ཙམ་གྱིས་ལྷུང་བཟེད་གང་བ་དེ་ཙམ་ལེན་པར་བྱེད་པ་ན། བསོད་སྙོམས་འབུལ་བ་དག་གིས་སྨྲས་པ། འཕགས་པ་དག་།སྐྱུ་རུམ་གང་དུ་སྩལ། དེ་དག་གིས་སྨྲས་པ། འདི་ཉིད་དུ་ལུགས་ཤིག་།དེ་དག་གིས་དེར་བླུགས་པ་དང ། དེ་སྟེང་དུ་ལུད་དེ་ས་ལ་བོ་ནས་དེ་
Nya359b
དག་གིས་སྨྲས་པ། འཕགས་པ་དག་།རྒྱལ་བུ་རྟོག་ལྡན་གྱི་ཁང་བཟང་པདྨ་ཅན་ཚོན་བརྒྱ་རྩ་གཅིག་གིས་བྲིས་པའི་ས་གཞི་ཁྱོད་ཀྱིས་མ་རུངས་པར་བྱས་སོ། །དེ་དག་གིས་སྨྲས་པ། བཀྲེན་པ་དག་།རེ་ཞིག་རྒྱལ་བུ་རྟོག་ལྡན་གྱིས་འདི་ལ་ལྷག་པར་ཆགས་པར་བྱས་ནས་གང་དུ་སྐྱེ་བར་འགྱུར་བ་ནི། མི་ཤེས་ཀྱི། ཁྱེད་ཅག་ནི། འདི་ལ་ལྷག་པར་ཆགས་པར་བྱས་ནས་ཡི་དྭགས་ཝ་བ་ཅན་རྣམས་ཀྱི་ནང་དུ་སྐྱེ་བར་འགྱུར་རོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མུ་དང་ཁ་ད་ཆད་དུ་མ་ཡིན་པར་ཟས་བླང་བར་བསླབ་པར་བྱའོ། །དྲུག་སྡེ་དག་རྒྱལ་བུ་རྟོག་ལྡན་གྱི་ཁྱིམ་དུ་བསོད་སྙོམས་ལ་ཞུགས་ནས་དེ་དག་དང་པོར་ཚོད་མ་ཇི་ཙམ་གྱིས་ལྷུང་བཟེད་གང་བ་དེ་ཙམ་ལེན་པར་བྱེད་པ་ན། བསོད་སྙོམས་འབུལ་བ་དག་གིས་སྨྲས་པ། འཕགས་པ་དག་།འབྲས་ཆན་གང་དུ་སྩལ།་དེ་དག་གིས་སྨྲས་པ། འདི་ཉིད་དུ་ལུགས་ཤིག་།དེ་དག་གིས་དེར་བླུགས་པ་དང ། དེ་སྟེང་དུ་ལུད་དེ་བོ་ནས་དེ་དག་གིས་སྨྲས་པ། འཕགས་པ་དག་།རྒྱལ་བུ་རྟོག་ལྡན་གྱི་ཁང་བཟང་པདྨ་ཅན་ཚོན་བརྒྱ་རྩ་གཅིག་གིས་བྲིས་པའི་ས་གཞི་ཁྱེད་ཀྱིས་མ་རུངས་པར་བྱས་སོ། །དེ་དག་གིས་སྨྲས་པ། བཀྲེན་པ་དག་།རེ་ཞིག་རྒྱལ་བུ་རྟོག་ལྡན་གྱིས་འདི་ལ་ལྷག་པར་ཆགས་
Nya360a
༄#། །པར་བྱས་ནས་གང་དུ་སྐྱེ་བར་འགྱུར་བ་ནི། མ་ཤེས་ཀྱི། ཁྱེད་ཅག་ནི། འདི་ལ་ལྷག་པར་ཆགས་པར་བྱས་ནས་ཡི་དྭགས་ཝ་བ་ཅན་རྣམས་ཀྱི་ནང་དུ་སྐྱེ་བར་འགྱུར་རོ། ། ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཚོད་མ་དང་མཉམ་པར་མ་ཡིན་པར་ཟས་བླང་བར་བསླབ་པར་བྱའོ། །དྲུག་སྡེ་དག་།ཟན་ཟ་བ་ན། ཚོད་མ་མི་ལེན་པར་ཕྱིས་ཐག་རིང་དུ་སོང་བ་དང་འབོད་པར་བྱེད་ནས་འབྲིམ་མཁན་དག་བྲེལ་བར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མཐར་ཆགས་སུ་ཟས་བླང་བ་ལ་བསླབ་པར་བྱའོ། །མཉན་ཡོད་ན་ཁྱིམ་བདག་ཅིག་འདུག་པ་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེས་ཞལ་ཟས་བསོད་པ་སྟ་གོན་བྱས་ནས་དེ་དང་པོར་ཟན་བྲིམ་པར་བརྩམས་པ་དང ། དགེ་སློང་རྣམས་ཀྱིས་མང་དུ་བླང་བར་བརྩམས་པ་ན། དེས་སྨྲས་པ། འཕགས་པ་དག་།བདག་གིས་ཞལ་ཟས་བསོད་པ་སྟ་གྱོན་བགྱིས་ཀྱི། མང་དུ་མ་བཞེས་ཤིག་།དྲུག་སྡེ་དག་གིས་སྨྲས་པ། དགའ་བོ་ཉེ་
Nya360b
དགའ། ཁྱིམ་བདག་བཀྲེན་པ་འདིས་ཟན་ཡང་འགོག་པར་བྱེད་ཀྱི། མང་དུ་བླང་ངོ ། །ཞེས་དེ་དག་གིས་མང་དུ་བླངས་སོ། །ཇི་ཙམ་ན་རྒན་པའི་མཐའ་ལོགས་སུ་བཅའ་བ་བསོད་པ་དག་འབྲིམ་པ་དྲུག་སྡེ་དག་གིས་མཐོང་ནས་དེ་དག་གི་འོག་ན་དགེ་སློང་རྒན་ཞུགས་ཤིག་འདུག་པ་དེ་རྒན་པའི་མཐའ་ལོགས་སུ་རྣམ་པར་བལྟ་བའི་ཚེ་དྲུག་སྡེ་དག་གིས་དེའི་ལྷུང་བཟེད་ཟན་གྱི་ཆང་བུས་བཀང་ངོ ། །ཁྱིམ་བདག་དེས་བཅའ་བ་བྲིམས་པ་ན། རྒན་ཞུགས་དེ་ལ་བཅའ་བ་བྱིན་པ་དང ། དེ་ལྷུང་བཟེད་ཀྱི་གཞིར་ལྷུང་ནས། དེས་ཁྱིམ་བདག་གི་གདོང་དུ་ལྟ་བར་བརྩམས་པ་དང ། དེས་སྨྲས་པ། འཕགས་པ་དག་།ཅིའི་སླད་དུ་ཁྱོད་ཀྱིས་ཟན་མང་པོ་དག་བླངས། ཁྱིམ་བདག་།བདག་གིས་མ་བླངས་སོ། །འོ་ན་འདི་དག་ག་ལས་མཆིས། མ་ཤེས་སོ། །དྲུག་སྡེ་དག་གིས་སྨྲས་པ། ཁྱིམ་བདག་།རྒྱལ་པོ་ང་ལས་ནུ་ལ་ཉི་མ་བདུན་དུ་དབྱིག་གི་ཆར་བབ་ཅེས་གྲགས་པ། རྒན་ཞུགས་འདི་ལ་ཡང་དེ་དང་འདྲ་བར་ཟན་གྱི་ཆང་བུའི་ཆར་བབ་བོ། །དེ་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལྷུང་བཟེད་ལ་བལྟ་ཞིང་ཟླས་བླང་བར་བསླབ་པར་བྱའོ། །དྲུག་སྡེ་དག་བསོད་སྙོམས་ལ་ཞུགས་པ་ན། ཇི་སྲིད་དུ་བསོད་སྙོམས་མི་སྦྱིན་པ་དེ་སྲིད་དུ་ལྷུང་བཟེད་བཟེད་དེ་སྡོད་ནས་བྲམ་ཟེ་དང ། ཁྱིམ་
Nya361a
༄#། །བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།ཅིའི་སླད་དུ་བཅའ་བ་དང ། བཟའ་བ་མ་མཆིས་པར་ལྷུང་བཟེད་བཟེད་དེ་གཞེས་བར་མཛད། འདི་ནི།་ཚུལ་དང་མཐུན་པ་མ་ལགས་ཀྱི། འདི་ལྟར་མ་མཛད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །དེ་དག་གིས་སྨྲས་པ། འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བཅའ་བ་དང ། བཟའ་བ་མ་འོངས་པར་ལྷུང་བཟེད་མི་བཟེད་པར་བསླབ་པར་བྱའོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་ཁྱིམ་བདག་དེ་ལ་འབྲས་ཆན་ནི། མང ། ཚོད་མ་ནི། ཉུང་ནས་དྲུག་སྡེ་དག་གིས་འབྲས་ཆན་གྱིས་ཚོད་མ་བཀབ་པ་དང ། ཁྱིམ་བདག་དེས་འབྲས་ཆན་མཐོང་ནས་སྨྲས་པ། འཕགས་པ་དག་།སྐྱུ་རུམ་མ་མཆིས་སམ་ཅི། དེ་དག་གིས་སྨྲས་པ། ཁྱིམ་བདག་།འདིར་ལྟོས་ཤིག་།དེས་
Nya361b
ཚོད་མ་གཞན་ཡང་བྱིན་ནོ། །དགེ་སློང་རྣམས་གཙུག་ལག་ཁང་དུ་སོང་སྟེ་སྨྲས་པ། ཚེ་དང་ལྡན་པ་དག་།ཁྱིམ་བདག་དེ་འབྲས་ཆན་བཟང་པོ་བྱས་ནས་འདི་ལྟར་ཚོད་མ་ཉུང་ངོ ། །དྲུག་སྡེ་དག་གིས་སྨྲས་པ། ཁོ་བོ་ཅག་གིས་ནི། ཚོད་མ་མང་དུ་ཐོབ་བོ། །ཇི་ལྟར། དེ་དག་གིས་ཇི་ལྟར་གྱུར་པ་བརྗོད་པ་དང ། དགེ་སློང་རྣམས་ཀྱིས་སྨྲས་པ། ཁྱེད་ཅག་དེ་ལྟར་བྱར་རུང་ངམ། རུང་ཡང་སྲིད།་མི་རུང་ཡང་སྲིད་དེ། ཁོ་བོ་ཅག་གིས་ནི། དེ་ལྟར་བྱས་སོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་འབྲས་ཆན་གྱིས་ཚོད་མ་མི་དགབ་པར་བསླབ་པར་བྱའོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་ཁྱིམ་བདག་དེ་ལ་ཚོད་མ་ནི། མང ། འབྲས་ཆན་ནི། ཉུང་ནས་དྲུག་སྡེ་དག་གིས་ཚོད་མས་འབྲས་ཆན་བཀབ་པ་དང ། ཁྱིམ་བདག་དེས་འབྲས་ཆན་མ་མཐོང་ནས་སྨྲས་པ། འཕགས་པ་དག་།འབྲས་ཆན་མ་མཆིས་སམ་ཅི། དེ་དག་གིས་སྨྲས་པ། ཁྱིམ་བདག་།འདིར་ལྟོས་ཤིག་།དེས་འབྲས་ཆན་གཞན་ཡང་བྱིན་ནོ། ། དགེ་སློང་རྣམས་གཙུག་ལག་ཁང་དུ་དོང་སྟེ་སྨྲས་པ། ཚེ་དང་ལྡན་པ་དག་།ཁྱིམ་བདག་དེས་ཚོད་མ་བཟང་པོ་བྱས་ནས་འདི་ལྟར་འབྲས་ཆན་ཉུང་ངོ ། །དྲུག་སྡེ་དག་གིས་སྨྲས་པ། ཁོ་བོ་
Nya362a
༄#། །ཅག་གིས་ནི། འབྲས་ཆན་མང་དུ་ཐོབ་བོ། །ཇི་ལྟར། དེ་དག་གིས་ཇི་ལྟར་གྱུར་པ་བརྗོད་པ་དང ། དགེ་སློང་རྣམས་ཀྱིས་སྨྲས་པ། ཁྱེད་ཅག་དེ་ལྟར་བྱར་རུང་ངམ། རུང་ཡང་སྲིད། མི་རུང་ཡང་སྲིད་དེ། ཁོ་བོ་ཅག་གིས་ནི། དེ་ལྟར་བྱས་སོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་ཚོད་མས་འབྲས་ཆན་མི་དགབ་པར་བསླབ་པར་བྱའོ། །མཉན་ཡོད་ན་དགེ་སློང་བསོད་སྙོམས་བ་ཞིག་བསོད་སྙོམས་ལ་རྒྱུ་བ་ན། དེས་འབྲས་ཆན་དང་ཚོད་མ་ཐོབ་ནས་ཡང་ཚོད་མ་དང་འབྲས་ཆན་ཐོབ་པ་དང ། དེ་བདག་གིས་འབྲས་ཆན་གྱིས་ཚོད་མ་བཀབ་ཅིང ། ཚོད་མས་འབྲས་ཆན་བཀབ་པར་མ་གྱུར་ཏམ་སྙམ་དུ་འགྱོད་པ་སྐྱེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་ལ་ནི། ཉེས་པ་མེད་དེ། །དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་འདོད་པའི་ཕྱིར་འབྲས་ཆན་གྱིས་ཚོད་མ་མི་དགབ། ཚོད་མས་འབྲས་ཆན་མི་དགབ་པར་བསླབ་པར་བྱའོ། །དྲུག་སྡེ་དག་བཅའ་བ་དང ། བཟའ་བའི་སྟེང་དུ་ལྷུང་བཟེད་འཛིན་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།གཙང་སྦྲ་
Nya362b
ནི།་ཐ་དད་པ་ལགས་ན། ཅིའི་སླད་དུ་བཅའ་བ་དང ། བཟའ་བའི་སྟེང་དུ་ལྷུང་བཟེད་འཛིན་པར་མཛད། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་མཛད་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །དེ་དག་གིས་སྨྲས་པ། འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། བཅའ་བ་དང ། བཟའ་བའི་སྟེང་དུ་ལྷུང་བཟེད་མི་གཟུང་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། ལེགས་པར་ཁ་ཟས་བླང་བར་བསླབ་པར་བྱ། མུ་དང་ཁ་ད་ཆད་དུ་མ་ཡིན་པ་དང ། ཚོད་མ་དང་མཉམ་པར་མ་ཡིན་པ་དང ། མཐར་ཆགས་སུ་དང ། ལྷུང་བཟེད་ལ་ལྟ་བ་དང ། བཅའ་བ་དང་བཟའ་བ་མ་འོངས་པར་ལྷུང་བཟེད་མི་བཟེད་པ་དང ། ཡང་འདོད་པའི་ཕྱིར་འབྲས་ཆན་གྱིས་ཚོད་མ་མི་དགབ། ཚོད་མས་འབྲས་ཆན་མི་དགབ་པ་དང ། བཅའ་བ་དང་བཅའ་བའི་སྟེང་དུ་ལྷུང་བཟེད་མི་གཟུང་བར་བསླབ་པར་བྱའོ།། །།འདུལ་བ་རྣམ་པར་འབྱེད་པ། བམ་པོ་གྱ་གསུམ་པ། དྲུག་སྡེ་
Nya363a
༄#། །དག་རྣམ་པར་འགྱུར་པ་དག་གིས་ཟས་ཟ་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། གཟུགས་འཚོ་མ་དག་འདི་ལྟར་འཚལ་བར་བགྱིད་པས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལེགས་པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་ཁམ་ཧ་ཅང་ཆུང་ངུར་ཟ་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། རིགས་ཀྱི་མནའ་མ་དག་དང ། གཟུགས་འཚོ་མ་དག་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་
Nya363b
པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཁམ་ཧ་ཅང་ཆུང་བ་མ་ཡིན་པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་བཟའ་བ་ན་ཁམ་ཧ་ཅང་ཆེན་པོར་ཟན་ཟ་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།མུ་ལྟོ་བ་དག་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང།་བསླབ་པར་གྱུར་བའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ།་ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར། དོན་པར་བྱ་སྟེ། ཁ་ཧ་ཅང་
Nya364a
༄#། །ཆེན་པོ་མ་ཡིན་པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་ཁམས་རན་པ་མ་ཡིན་པར་ཟ་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། མུ་ལྟོ་བ་དག་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གསོལ་ཅིག ། དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཁམ་རན་པར་ཟས་བཟའ་བར་བསླབ་པར་བྱའོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་དང ། ཇི་ཙམ་ན་དྲུག་སྡེ་དག་གིས་འོག་ན་དགེ་སློང་རྒན་ཞུགས་ཤིག་འདུག་པ་དེ་ཁ་གདངས་ཏེ་རྒན་པའི་མཐའ་ལོགས་སུ་ལྟ་བར་བྱེད་པ་དང ། ཉེ་དགས་དེའི་ཁར་བོང་བ་བཅུག་སྟེ་ཇེ་འདི་ཟོ་ཞིག་ཅེས་སྨྲས་པ་ཐོས་ནས་
Nya364b
སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཁམ་མ་བཟས་པར་ཁ་མི་གདངས་པར་བསླབ་པར་བྱའོ། །དྲུག་སྡེ་དག་ཁ་ཁམ་གྱིས་བཀང་སྟེ་སྨྲ་བར་བྱེད་པ་ན་སྐད་ཉམས་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ།་ཁ་ཁམ་གྱིས་བཀང་སྟེ་མི་སྨྲ་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། ལེགས་པར་ཟས་བཟའ་བར་བསླབ་པར་བྱ། །ཁམ་ཧ་ཅང་ཆུང་བར་མ་ཡིན་པ་དང ། ཁམ་ཧ་ཅང་ཆེན་པོ་མ་ཡིན་པ་དང ། ཁམ་རན་པ་དང ། ཁམ་མ་བཟས་པར་ཁ་མི་གདངས་པ་དང ། ཁ་ཁམ་གྱིས་བཀང་སྟེ་མི་སྨྲ་བར་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། དེས་ཚོད་མ་ཏེ་པོར་མངར་བ་དག་སྟ་གོན་བྱས་པ་དང ། དྲུག་སྡེ་དག་གིས་ཁས་སྒྲ་ཕྱུང་སྟེ་སྨྲས་པ། དགའ་བོ་ཉེ་དགའ། ཚོད་མ་དག་ཏེ་པོར་སྐྱུར་རོ། །ཁྱིམ་བདག་དེས་ཐོས་
Nya365a
༄#། །ནས་སྐྱེངས་ཏེ་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཙུག་ཙུག་མི་བྱ་བར་ཟས་བཟའ་བར་བསླབ་པར་བྱའོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། དེས་ཚོད་མ་ཏེ་པོར་སྐྱུར་བ་དག་སྟ་གོན་བྱས་པ་དང ། དྲུག་སྡེ་དག་གིས་ཁས་སྒྲ་ཕྱུང་སྟེ་སྨྲས་པ། དགའ་བོ་ཉེ་དགའ། ཚོད་མ་ཏེ་པོར་མངར་རོ། །ཁྱིམ་བདག་དེས་ཐོས་ནས་དེ་སྐྱེངས་ཏེ་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱི་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱི་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཅག་ཅག་མི་བྱ་བར་ཟས་བཟའ་བར་བསླབ་པར་བྱའོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་ཁྱིམ་བདག་དེ་ལ་སྣོད་སྤྱད་མེད་པས་དེས་འབྲས་ཆན་བཙོས་ཏེ་སྒྲོམ་དུ་བླུགས་པ་དང་དེ་ཚ་ནས་དྲུག་སྡེ་དག་གིས་ཁས་སྒྲ་ཕྱུང་སྟེ་སྨྲས་པ། དགའ་བོ་ཉེ་དགའ། འབྲས་ཆན་འདི་ཏེ་པོར་གྲང་
Nya365b
གི་།ཁའི་དབུགས་ཀྱིས་བསྲོས་ཏེ་བཟའོ། །ཁྱིམ་བདག་དེས་ཐོས་ནས་དེ་སྐྱེངས་ཏེ་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཧུ་ཧུ་མི་བྱ་བར་ཟས་བཟའ་བར་བསླབ་པར་བྱའོ། ། མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེས་འབྲས་ཆན་བཙོས་ཏེ་རེ་ལྡེར་བདལ་བ་དང ། དེ་གྲང་བར་གྱུར་ནས་དྲུག་སྡེ་དག་གིས་ཁས་སྒྲ་ཕྱུང་སྟེ་སྨྲས་པ། དགའ་བོ་ཉེ་དགའ། འབྲས་ཆན་འདི་ཏེ་པོར་ཚ་བས་ཁའི་དབུགས་ཀྱིས་བསྒྲངས་ཏེ་བཟའོ། །ཁྱིམ་བདག་དེས་ཐོས་ནས་དེ་སྐྱེངས་ཏེ་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཕུ་ཕུ་མི་བྱ་བར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་ལྕེ་ཕྱུང་སྟེ་བལྟ་ཞིང་མཆུ་གཉིས་ལ་ལྡག་པར་བྱེད་ནས་དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་།ཅིའི་ཕྱིར་ལྕེ་ཕྱུང་སྟེ་བལྟ། དེ་དག་གིས་སྨྲས་པ། ཚེ་དང་ལྡན་པ་དག་།མ་བཟས་པར་མིད་ན། མི་རུང་བས་དེ་ལྟར་རོ། །དེ་
Nya366a
༄#། །དག་སྨོད་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལྕེ་ཕྱུང་སྟེ་ཟས་མི་བཟའ་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། ཙུག་ཙུག་མི་བྱ་བ་དང ། ཅག་ཅག་མི་བྱ་བ་དང ། ཧུ་ཧུ་མི་བྱ་བ་དང ། ཕུ་ཕུ་མི་བྱ་བ་དང ། ལྕེ་ཕྱུང་སྟེ་ཟས་མི་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་འབྲས་ཆན་འབྲུ་རེ་རེ་ནས་འཐུ་ཞིང་ཟ་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། དྭ་དག་དང ། རྒྱན་པོ་པ་དག་དང ། ནལ་གྱི་བུ་དག་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དེ། འཕགས་པ། དགོས་པ་གང་ལགས་ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་
Nya366b
པའི་གཞི་འདི་ལྟར་གདོན་པར་བྱ་སྟེ། འབྲུ་ནས་ཐ་དད་དུ་མི་བྱ་བར་ཟས་བཟའ་བར་བསླབ་པ་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན། དགའ་བོ་ཉེ་དགའ། ཚོད་མ་འདི་དག་ཧ་ཅང་ཁའོ།། ཧ་ཅང་སྐུར་རོ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ་དང ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འཕྱས་མི་གདགས་པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟས་ཟ་བ་ན་འཁུར་བ་ནས་འཁུར་བར་ཁམ་སྤོ་ཞིང་ཟ་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། མུ་ལྟོ་བ་དག་འདི་ལྟར་འཚལ་བས། འདི་ནི།་ཚུལ་དང་མཐུན་པ་མ་ལགས་ཀྱི། འདི་ལྟར་མ་གསོལ་ཅིག་།དེ་དག་གིས་སྨྲས་པ། ཤེས་ལྡན་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང།་བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་
Nya367a
༄#། །གདོན་པར་བྱ་སྟེ། མཁུར་བ་མི་སྤོ་བར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་རྐན་སྒྲ་གཏོག་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། མུ་ལྟོ་བ་དག་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གསོལ་ཅིག་།དེ་དག་གིས་སྨྲས་པ། བཞིན་བཟང་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་བ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། རྐན་མི་གཏོག་པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟས་ཟ་བ་ན། ཁམ་བླངས་ནས་ཕྱེད་ཁར་འཇུག་ཅིང ། ཕྱེད་ལྷུང་བཟེད་དུ་ལྷུང་བར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།བྱིས་པ་ཁྱེའུ་དག་དང ། མུ་ལྟོ་བ་དག་འདི་ལྟར་འཚལ་བས། འདི་ནི། ཚུལ་དང་མཐུན་པ་མ་ལགས་ཀྱི། འདི་ལྟར་མ་གསོལ་
Nya367b
ཅིག་།དེ་དག་གིས་སྨྲས་པ། བཞིན་བཟང་དག་།འདི་ལ་དགོས་པ་ཡོད་དོ། །འཕགས་པ་དག་།དགོས་པ་གང་ལགས། ཇེ་དང་པོར་ཁྱེད་ཅག་ཉིད་མི་ཤེས་པ་དང་བྲལ་བ་དང ། བསླབ་པར་གྱུར་པའོ། །དེ་དག་རྒྱ་ཆེར་སྨོད་པ་ལ་ཞུགས་པ་ཐོས་ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཁྱིམ་པ་དག་ཟེར་པ་བདེན་ནོ། །སྙམ་ནས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཁམ་འཕྲོར་མི་གཅད་པར་ཟས་བཟའ་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། འབྲུ་ནས་ཐ་དད་དུ་མི་བྱ་བ་དང ། འཕྱས་མི་གདགས་པ་དང ། མཁུར་བ་མི་སྤོ་བ་དང ། རྐན་མི་གཏོག་པ་དང ། ཁམ་འཕྲོར་མི་གཅད་པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་ལག་པ་ལྡག་པར་བྱེད་ནས་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་།ཅིའི་ཕྱིར་མི་མཛེས་པ་འདི་ལྟ་བུ་བྱེད། དེ་དག་གིས་སྨྲས་པ། ཚེ་དང་ལྡན་པ་དག་།སྙིང་པོ་གང་ཡིན་པ་དེ་འདི་ལ་ཆགས་སོ། །དེ་དག་སྨོད་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལག་པ་མི་ལྡག་
Nya368a
༄#། །པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་ལྷུང་བཟེད་འབྱོག་པར་བྱེད་ནས་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་།ཅིའི་ཕྱིར་མི་མཛེས་པ་འདི་ལྟ་བུ་བྱེད། དེ་དག་གིས་སྨྲས་པ། ཚེ་དང་ལྡན་པ་དག་།སྙིང་པོ་གང་ཡིན་པ་དག་འདི་ལ་ཆགས་སོ། །དེ་དག་སྨོད་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལྷུང་བཟེད་མི་འབྱོག་པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་ལག་པ་སྤྲུག་པར་བྱེད་པས་དགེ་སློང་རྣམས་ལ་ལག་པའི་ཆུས་ཕོག་ནས་དེ་དག་སྨོད་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལག་པ་མི་སྤྲུག་པར་ཟས་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་དེ་དག་གི་འོག་ན་དགེ་སློང་རྣམ་སྦྱར་དམར་སེར་ཅན་ཞིག་འདུག་ནས་དྲུག་སྡེ་དག་གིས་སྨྲས་པ། དགའ་བོ་ཉེ་དགའ། བཀྲེན་པ་འདིའི་སྙིང་ལམ་
Nya368b
ན་ཡུ་བུ་ཅག་གིས་སྔོན་ལན་འགའ་ཡང་སྣམ་སྦྱར་འདི་ལྟ་བུ་གྱོན་མ་མྱོང་སྙམ་གྱི། འདི་མི་དགའ་བར་བྱའོ། །ཞེས་དེ་དག་གིས་ལྷུང་བཟེད་བསྐྱམས་པ་དང ། དགེ་སློང་དེའི་སྣམ་སྦྱར་ལྷུང་བཟེད་ཀྱི་ཆུས་མ་རུངས་པར་གྱུར་ནས་དེ་སྨོད་པ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།་དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལྷུང་བཟེད་མི་བསྐྱམ་པར་ཟས་བཟའ་བར་བསླབ་པར་བྱའོ། །མཉན་ཡོད་ན་ཁྱིམ་བདག་ཅིག་འདུག་པ་དེ་གཅེར་བུ་པ་དག་ལ་མངོན་པར་དད་དོ། །དེ་དུས་གཞན་ཞིག་ན་བཅོམ་ལྡན་འདས་ལ་མངོན་པར་དད་པར་གྱུར་ནས་དེས་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེར་ཕྱེ་དག་བྲིམས་པ་དང ། དྲུག་སྡེ་དག་གིས་དེ་དག་སྤུས་ཏེ་མཆོད་རྟེན་འདྲ་བར་རྣམ་པར་བཞག་གོ་།ལ་ཕུག་གི་ཕྱེད་ཚལ་དག་བྲིམས་པ་དང ། དེ་ཡང་དེ་ཉིད་ལ་བཙུགས་ཏེ་སྲོག་ཤིང་འདྲ་བར་རྣམ་པར་བཞག་གོ་།འཁུར་བ་དག་བྲིམས་པ་དང ། དེ་ཡང་ལ་ཕུག་དེ་ཉིད་ཀྱི་སྟེང་དུ་གདུགས་འདྲ་བར་རྣམ་པར་བཞག་གོ ། དེ་ནས་སྨྲས་པ། དགའ་བོ་ཉེ་དགའ་དག་།མཆོད་རྟེན་འདི་ནི། ངན་འགྲོ་རྫོགས་པར་བྱེད་པ་རྫོགས་བྱེད་ཀྱི་ཡིན་ནོ། །ཞེས་ཟེར་རོ། །ཡང་བཅོམ་སྟེ་ཟ་ཞིང་སྨྲས་པ། དགའ་བོ་ཉེ་དགའ།
Nya369a
༄#། །ངན་འགྲོ་རྫོགས་པར་བྱེད་པ་རྫོགས་བྱེད་ཀྱི་མཆོད་རྟེན་རྡིབ་བོ། །ཞེས་ཟེར་རོ། །ཁྱིམ་བདག་དེས་མཐོང་ནས་དེས་སྨྲས་པ། འཕགས་པ་དག་།བདག་ནི།་སྡིག་པ་ཅན་གྱི་ལྟ་བའི་རྣམ་པ་དེ་ལྟ་བུ་བྲལ་བ་ལགས་ན། ཁྱེད་ཅག་ད་དུང་ཡང་ཞེ་སྡང་དང་མ་བྲལ་ལོ། །དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མཆོད་རྟེན་འདྲ་བ་བཅོམ་སྟེ་ཟས་མི་བཟའ་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། ལག་པ་མི་ལྡག་པ་དང ། ལྷུང་བཟེད་མི་འབྱོག་པ་དང ། ལག་པ་མི་སྤྲུག་པ་དང ། ལྷུང་བཟེད་མི་བསྐྱམས་པ་དང ། མཆོད་རྟེན་འདྲ་བ་བཅོམ་སྟེ་ཟས་མི་བཟའ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན། དེ་དག་གི་དྲུང་ན་འདུག་པའི་དགེ་སློང་མང་དུ་ཟ་བ་དང ། དྲུག་སྡེ་དག་འཕྱས་འདོགས་ཤིང ། དགའ་བོ་ཉེ་དགའ། རྒན་ཞུགས་འདི། མང་པོ་འདི་སྙེད་ཟ་བ་ལ་ལྟོས་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དྲུང་ན་
Nya369b
འདུག་པའི་དགེ་སློང་གི་ལྷུང་བཟེད་ལ་འཕྱས་གདགས་པའི་ཕྱིར་མི་བལྟ་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན། ལག་པ་ཟས་དང་འབགས་པས་ཆུ་སྣོད་ལ་འཛིན་པར་བྱེད་ནས་མ་དད་པ་དག་།ཤཱཀྱའི་དགེ་སྦྱོང་དག་ནི། ལག་པ་ཟས་དང་འབགས་པས་ཆུ་སྣོད་ལ་འཛིན་པས་གཙང་སྦྲ་མེད་པ་ཡིན་ནོ། །ཞེས་ཅོ་འདྲི་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ།་ལག་པ་ཟས་དང་འབགས་པས་ཆུ་སྣོད་ལ་མི་གཟུང་བར་བསླབ་པར་བྱའོ། །དྲུག་སྡེ་དག་ཁྱིམ་གཞན་དུ་ཟན་ཟ་བ་ན་དེ་དག་གི་འོག་ན་དགེ་སློང་སྣམ་སྦྱར་དམར་སེར་ཅན་ཞིག་འདུག་ནས་དྲུག་སྡེ་དག་གིས་སྨྲས་པ། དགའ་བོ་ཉེ་དགའ། བཀྲེན་པ་འདིའི་སྙིང་ལམ་ན་ཡུ་བུ་ཅག་གིས་སྔོན་ལན་འགའ་ཡང་སྣམ་སྦྱར་འདི་ལྟ་བུ་གྱོན་མ་མྱོང་སྙམ་གྱི། འདི་མི་དགའ་བར་བྱའོ། །ཞེས་དེ་དག་གིས་ཟས་དང་འབགས་པའི་ཆུས་གཏོར་བ་དང ། དགེ་སློང་དེའི་སྣམ་སྦྱར་ཟས་དང་འབགས་པའི་ཆུས་མ་རུངས་པར་གྱུར་ནས་དེ་སྨོད་པ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་
Nya370a
༄#། །པར་བྱ་སྟེ། དྲུང་ན་འདུག་པའི་དགེ་སློང་ལ་ཟས་དང་འབགས་པའི་ཆུས་མི་གཏོར་བར་བྱའོ། །སངས་རྒྱས་བཅོམ་ལྡན་འདས་ཆུ་སྲིན་བྱིས་པ་གསོད་ཀྱི་རི་ལ་འཇིགས་རུང་གི་ནགས་རི་དྭགས་ཀྱི་ཚལ་ན་བཞུགས་སོ། །རྒྱལ་བུ་རྟོག་ལྡན་གྱིས་ཁང་བཟང་པདྨ་ཅན་ཚོན་བརྒྱ་རྩ་གཅིག་གིས་བྲིས་པ་དེར་དགེ་སློང་གི་དགེ་འདུན་སྤྱན་དྲངས་ཏེ་བཤོས་གསོལ་པ་ན། དྲུག་སྡེ་དག་གིས་ལྷུང་བཟེད་ཀྱི་ཆུ་དེ་ཉིད་དུ་ཕོ་བ་དང ། འབྲིམ་མཁན། འཕགས་པ་དག་།རྒྱལ་བུ་རྟོག་ལྡན་གྱི་ཁང་བཟང་པདྨ་ཅན་ཚོན་བརྒྱ་རྩ་གཅིག་གིས་བྲིས་པའི་ས་གཞི་ཁྱེད་ཀྱིས་མ་རུངས་པར་བྱས་སོ། །ཞེས་སྨོད་པར་བྱེད་པ་དང ། དྲུག་སྡེ་དག་གིས་སྨྲས་པ། རྒྱལ་བུ་རྟོག་ལྡན་གྱིས་རེ་ཞིག་འདི་ལ་ཆགས་པར་བྱས་ནས་གང་དུ་སྐྱེ་བར་འགྱུར་བ་ནི། མ་ཤེས་ཀྱི། ཁྱེད་ཅག་ནི། འདི་ལ་ཆགས་པར་བྱས་ནས་ཡི་དྭགས་ལྔ་པ་ཅན་རྣམས་ཀྱི་ནང་དུ་སྐྱེ་བར་འགྱུར་རོ། །དེ་དག་སྨོད་པ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཆུ་ཟས་དང་འབགས་པ་ཁྱིམ་གཞན་དུ་མི་དབོ་པར་བསླབ་པར་བྱའོ། །མཉན་ཡོད་ན་ཁྱིམ་བདག་ཅིག་གིས་ཁྱིམ་རྩིག་ཏུ་བཅུག་ནས་དགེ་སློང་གི་དགེ་འདུན་གདུགས་ཚོད་ལ་སྤྱན་དྲངས་ཏེ་བཤོས་གསོལ་པ་ན། དགེ་སློང་
Nya370b
རྣམས་ཆུ་ཟས་དང་འབགས་པ་ཁྱིམ་གྱི་ཕྱི་རོལ་ཏུ་འབོ་བར་བྱེད་ནས་ཁྱིམ་བདག་དེས་སྨྲས་པ། འཕགས་པ་དག་།འདི་ཉིད་དུ་ཕོ་ཞིག་དང ། བདག་གི་ཁྱིམ་གྱི་སྤྱད་པར་འགྱུར་རོ། ། ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཁྱིམ་པ་ན་རེ་ཕོ་ཞིག་ཅེས་ཟེར་ན། དབོ་བར་བྱའོ། །གཞན་དུ་དབོ་བར་མི་བྱའོ། །དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཁྱིམ་པ་འདུག་པ་ལ་མ་དྲིས་པར་ཆུ་ཟས་དང ། འབགས་པ་ཁྱིམ་གཞན་དུ་མི་དབོ་བར་བསླབ་པར་བྱའོ། །བསླབ་པ་བསྡུ་བའི་མདོ་ནི། དྲུང་ན་འདུག་པའི་དགེ་སློང་གི་ལྷུང་བཟེད་ལ་འཕྱས་གདགས་པའི་ཕྱིར་མི་བལྟ་བར་བསླབ་པར་བྱ།་ལག་པ་ཟས་དང་འབགས་པས་ཆུ་སྣོད་ལ་མི་གཟུང་བར་བསླབ་པར་བྱ། དྲུང་ན་འདུག་པའི་དགེ་སློང་ལ་ཟས་དང་འབགས་པའི་ཆུས་མི་གཏོར་བསླབ་པར་བྱ། ཁྱིམ་པ་འདུག་པ་ལ་མ་དྲིས་བར་ཆུ་ཟས་དང་འབགས་པ་ཁྱིམ་གཞན་དུ་མི་དབོ་བར་བསླབ་པར་བྱའོ། །མཉན་ཡོད་ན་བྲམ་ཟེ་ཞིག་འདུག་པ་དེའི་བུ་ན་བར་གྱུར་ནས་དེ་སྨན་པའི་གན་དུ་སོང་སྟེ་སྨྲས་པ། བཞིན་བཟང ། ཁོ་བོའི་བུ་ན་བས་སྨན་སྟོན་ཅིག་།སྨན་པ་དེ་དད་ཅན་ཞིག་ཡིན་པས་དེས་སྨྲས་པ། བྲམ་ཟེ། འཕགས་པ་རྣམས་ཀྱི་ལྷུང་བཟེད་ཀྱི་ཆུས་ཁྲུས་
Nya371a
༄#། །གྱིས་ཤིག་།དེ་རྒྱལ་བྱེད་ཀྱི་ཚལ་དུ་སོང་བ་དང ། དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་སྒོ་སྟོང་བར་མི་འཇོག་པས། ཚེ་དང་ལྡན་པ་ཉེ་དགའ་རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་ནས་བྲམ་ཟེ་དེས་དེའི་རྐང་པ་ལ་ཕྱག་འཚལ་ཏེ། དེས་སྨྲས་པ། འཕགས་པ། བདག་གི་བུ་སྤྲོ་འཚལ་ཏེ། དེ་ལ་འབགས་པ་དག་གི་ལྷུང་བཟེད་ཀྱི་ཆབ་ཅིག་འཚལ་ན། སྩལ་དུ་གསོལ། དེས་སྨྲས་པ། བྲམ་ཟེ། འདི་ཉིད་དུ་རེ་ཞིག་སྡོད་ཅིག་དང ། ལྷུང་བཟེད་ཀྱི་ཆུ་ཁྱེར་ཏེ་འོང་ངོ ། །དེས་གཙུག་ལག་ཁང་དུ་སོང་སྟེ་ལྷུང་བཟེད་དུ་ཕྱེ་ཉུང་ཤས་ཤིག་དང ། འབྲས་ཆན་ཉུང་ཤས་ཤིག་དང ། འཁུར་བ་ཉུང་ཤས་ཤིག་དང ། ཤ་ཉུང་ཤས་ཤིག་དང ། རུས་པ་ཉུང་ཤས་ཤིག་བླུགས་ཏེ་ཆུས་བླུགས་ནས་ཕྱིར་ཕྱུང་སྟེ་སྨྲས་པ། བྲམ་ཟེ། ལོངས་ཤིག་།བྲམ་ཟེ་དེས་མཐོང་ནས་སྨྲས་པ། འཕགས་པ། ཁྱེད་ཀྱི་ལྷུང་བཟེད་ཀྱི་ཆབ་འདི་ལྟ་བུའམ། བྲམ་ཟེ། འདི་ལྟ་བུའོ། །འཕགས་པ། བདག་གི་བུ་གུམ་པ་ནི། ལེགས་ཀྱི། འདི་ལྟ་བུའི་མི་གཙང་བས་བཀྲུ་བ་ནི། མི་རུང་ངོ ། །ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལྷུང་བཟེད་ཀྱི་ནང་དུ་ཟས་ཀྱི་ལྷག་མ་བླུགས་ཏེ་མི་དོར་བར་བསླབ་པར་བྱའོ། །འདི་ལྟར་
Nya371b
གང་ལྷུང་བཟེད་ཀྱི་ཆུ་སློང་བ་དེ་ལ། ལྷུང་བཟེད་ལན་གསུམ་བཀྲུས་ཏེ་གཙུག་ལག་ཁང་གི་ཚིགས་སུ་བཅད་པ་དག་གིས་བཟླས་བརྗོད་བྱས་པའི་ལྷུང་བཟེད་ཀྱི་ཆུ་སྦྱིན་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་།འོག་གཞི་མེད་པའི་ས་ཕྱོགས་སུ་ལྷུང་བཟེད་འཇོག་པར་བྱེད་ནས་དེ་བཙས་ཟོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འོག་གཞི་མེད་པའི་ས་ཕྱོགས་སུ་ལྷུང་བཟེད་མི་གཞག་པར་བསླབ་པར་བྱའོ། །དགེ་སློང་དག་།ལྷུང་བཟེད་གད་ཁར་འཇོག་པར་བྱེད་ནས་དེ་འདྲིལ་ཏེ་ཆག་པའི་སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། གད་ཁ་མ་ཡིན་པར་ལྷུང་བཟེད་གཞག་པར་བྱའོ། །དགེ་སློང་དག་།ལྷུང་བཟེད་གཡང་སར་འཇོག་པར་བྱེད་ནས་དེ་འདྲིལ་ཏེ་ཆག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། གཡང་ས་
Nya372a
༄#། །མ་ཡིན་པར་ལྷུང་བཟེད་གཞག་པར་བསླབ་པར་བྱའོ། །དགེ་སློང་དག་།ལྷུང་བཟེད་དཀན་གཟར་པོར་འཇོག་པར་བྱེད་ནས་དེ་འདྲིལ་ཏེ་ཆག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དཀན་གཟར་པོ་མ་ཡིན་པར་ལྷུང་བཟེད་གཞག་པར་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་འགྲེང་སྟེ་ལྷུང་བཟེད་འཁྲུ་ནས་དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་དག་།འགྲེང་ཞིང་ལྷུང་བཟེད་མ་འཁྲུ་ཞིག་།དེས་སྨྲས་པ། ཅི་འགྱུར། ཤོར་ཏེ་ཆག་པར་འགྱུར་རོ། །གཞན་ཅི་ཞིག་ཏུ་འགྱུར། དེ་དག་གིས་བཟློག་པ་ན་མ་བཏུབ་ནས་ལྷུང་བཟེད་དེ་ཤོར་ཏེ་ཆག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འགྲེང་སྟེ་ལྷུང་བཟེད་མི་བཀྲུ་བར་བསླབ་པར་བྱའོ། །དགེ་སློང་དག་།ལྷུང་བཟེད་གད་ཁར་འཁྲུ་བར་བྱེད་ནས་དེ་ཤོར་ཏེ་འདྲིལ་ནས་ཆག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་
Nya372b
འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། གང་ཁ་མ་ཡིན་པར་ལྷུང་བཟེད་བཀྲུ་བར་བསླབ་པར་བྱའོ། ། དགེ་སློང་དག་།ལྷུང་བཟེད་གཡང་སར་འཁྲུ་བར་བྱེད་ནས་དེ་ཤོར་ཏེ་འདྲིལ་ནས་ཆག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། གཡང་ས་མ་ཡིན་པར་ལྷུང་བཟེད་བཀྲུ་བར་བསླབ་པར་བྱའོ། །དགེ་སློང་དག་།ལྷུང་བཟེད་དཀན་གཟར་པོར་འཁྲུ་བར་བྱེད་ནས་དེ་ཤོར་ཏེ་འདྲིལ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། དཀན་གཟར་པོ་མ་ཡིན་པར་ལྷུང་བཟེད་བཀྲུ་བར་བསླབ་པར་བྱའོ། །དགེ་སློང་དག ། འབབ་ཆུ་དྲག་པོའི་རྒྱུན་ལས་ལྡོག་སྟེ་ལྷུང་བཟེད་ཀྱིས་ཆུ་འཆུ་བར་བྱེད་ནས་དེ་ཤོར་ཏེ་ཆུས་ཁྱེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། འབབ་ཆུ་དྲག་པོའི་རྒྱུན་ལས་ལྡོག་སྟེ་ལྷུང་བཟེད་ཀྱིས་ཆུ་མི་བཅུ་བར་
Nya373a
༄#། །བསླབ་པར་བྱའོ། །བསླབ་པ་བསྡུ་བའི་མདོ་ནི། ལྷུང་བཟེད་ཀྱི་ནང་དུ་ལྷག་མ་བླུགས་ཏེ་མི་དོར་བར་བསླབ་པར་བྱའོ། །འོག་གཞི་མེད་པའི་ས་ཕྱོགས་སུ་ལྷུང་བཟེད་མི་གཞག་པར་བསླབ་པར་བྱ། གད་ཁ་མ་ཡིན་པ་དང ། གཡང་ས་མ་ཡིན་པ་དང ། དཀན་གཟར་པོ་མ་ཡིན་པར་ལྷུང་བཟེད་གཞག་པར་བསླབ་པར་བྱ། འགྲེང་སྟེ་ལྷུང་བཟེད་མི་བཀྲུ་བར་བསླབ་པར་བྱ། གད་ཁ་མ་ཡིན་པ་དང ། གཡང་ས་མ་ཡིན་པ་དང ། དཀན་གཟར་པོ་མ་ཡིན་པར་ལྷུང་བཟེད་བཀྲུ་བར་བསླབ་པར་བྱ། འབབ་ཆུ་དྲག་པོའི་རྒྱུན་ལས་ལྡོག་སྟེ་ལྷུང་བཟེད་ཀྱིས་ཆུ་མི་བཅུ་པར་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་མི་ན་བར་འདུག་པ་ལ་འགྲེང་སྟེ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པས་འདུག་པ་ལ་འགྲེང་སྟེ་ཆོས་འཆད་པར་བྱེད་དམ། ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་
Nya373b
ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་འདུག་པ་ལ་འགྲེང་སྟེ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ཉལ་བ་ལ་འདུག་སྟེ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེས་མེད་པ་དང ། གུས་པ་མེད་པས་ཉལ་བ་རྣམས་ལ་འདུག་སྟེ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ཉལ་བ་ལ་འདུག་སྟེ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་སྟན་མཐོན་པོ་ལ་འདུག་པ་ལ་སྟན་དམའ་བ་ལ་འདུག་སྟེ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེས་མེད་པ་དང ། གུས་པ་མེད་པ་སྟན་མཐོན་པོ་ལ་འདུག་
Nya374a
༄#། །པ་རྣམས་ལ་སྟན་དམའ་བ་ལ་འདུག་སྟེ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་པར་སྟན་མཐོན་པོ་ལ་འདུག་པ་ལ་སྟན་དམའ་བ་ལ་འདུག་སྟེ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་མདུན་དུ་འགྲོ་བ་ལ་ཕྱི་ནས་འགྲོ་ཞིང་ཆོས་འཆད་པར་བྱེད་ནས་བྲམ་ཟེ་དང།་ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་མདུན་དུ་འགྲོ་བ་རྣམས་ལ་ཕྱི་ནས་འགྲོ་ཞིང་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་མདུན་དུ་འགྲོ་བ་ལ་ཕྱི་ནས་འགྲོ་ཞིང་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་
Nya374b
ལམ་ནས་འགྲོ་བ་ལ་ལམ་གྱི་འགྲམ་ནས་འགྲོ་ཞིང་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་ལམ་ནས་འགྲོ་བ་རྣམས་ལ་ལམ་གྱི་འགྲམ་ནས་འགྲོ་ཞིང་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ལམ་ནས་འགྲོ་བ་ལ་ལམ་གྱི་འགྲམ་ནས་འགྲོ་ཞིང་ཆོས་མི་བཤད་པར་བསླབ་པར་བྱའོ། །བསླབ་པ་བསྡུ་བའི་མདོ་ནི། མི་ན་བར་འདུག་པ་ལ་འགྲེང་སྟེ་ཆོས་མི་བཤད་པར་བསླབ་པར་བྱ། མི་ན་བར་ཉལ་བ་ལ་འདུག་སྟེ་ཆོས་མི་བཤད་པར་བསླབ་པར་བྱ། མི་ན་བར་སྟན་མཐོན་པོ་ལ་འདུག་པ་ལ་སྟན་དམའ་བ་ལ་འདུག་སྟེ་ཆོས་མི་བཤད་པར་བསླབ་པར་བྱ། མི་ན་བར་མདུན་དུ་འགྲོ་བ་ལ་ཕྱི་ནས་འགྲོ་ཞིང་ཆོས་མི་བཤད་པར་བསླབ་པར་བྱ། མི་ན་བར་ལམ་ནས་འགྲོ་བ་ལ་ལམ་གྱི་འགྲམ་ནས་འགྲོ་ཞིང་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་མགོ་
Nya375a
༄#། །གཡོགས་པ་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་མགོ་གཡོགས་པ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་མགོ་གཡོགས་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་བརྫེས་པ་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་བརྫེས་པ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་
Nya375b
བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་བརྫེས་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་གཟར་བ་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་གཟར་བ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་གཟར་བ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་གཉའ་གོང་དུ་བསྣོལ་བ་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་
Nya376a
༄#། །ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་གཉའ་གོང་དུ་བསྣོལ་བ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་གཉའ་གོང་དུ་བསྣོལ་བ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ལྟག་པར་བསྣོལ་བ་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེས་མེད་པ་དང ། གུས་པ་མེད་པ་ལྟག་པར་བསྣོལ་བ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ལྟག་བར་བསྣོལ་བ་ལ་ཆོས་མི་བཤད་པར་བསླབ་པར་བྱའོ། །
Nya376b
བསླབ་པ་བསྡུ་བའི་མདོ་ནི། མི་ན་བར་མགོ་གཡོགས་པ་དང ། བརྫེས་པ་དང ། གཟར་བ་དང ། གཉའ་གོང་དུ་བསྣོལ་བ་དང ། ལྟག་པར་བསྣོལ་བ་ལ་ཆོས་མི་བཤད་པར་བསླབ་པར་བྱའོ། ། དྲུག་སྡེ་དག་མི་ན་བར་སྐྲ་དོ་ཀེར་ཅན་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེས་མེད་པ་དང ། གུས་པ་མེད་པ་སྐྲ་དོ་ཀེར་ཅན་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་སྐྲ་དོ་ཀེར་ཅན་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ཞཝ་གྱོན་པ་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་ཞཝ་
Nya377a
༄#། །གྱོན་པ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ཞཝ་གྱོན་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་མགོ་ཅོད་པན་ཅན་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་མགོ་ཅོད་པན་ཅན་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་མགོ་ཅོད་པན་ཅན་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་མགོ་ཕྲེང་བ་ཅན་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་
Nya377b
པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་མགོ་ཕྲེང་བ་ཅན་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱས་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་མགོ་ཕྲེང་བ་ཅན་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་མགོ་དཀྲིས་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་མགོ་དཀྲིས་པ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་
Nya378a
༄#། །འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་མགོ་དཀྲིས་པ་ལ་ཆོས་མི་བཤད་པར་བསླབ་པར་བྱའོ། །བསླབ་པ་བསྡུ་བའི་མདོ་ནི། མི་ན་བར་སྐྲ་དོ་ཀེར་ཅན་དང ། ཞཝ་གྱོན་པ་དང ། མགོ་ཅོད་པན་ཅན་དང ། མགོ་ཕྲེང་བ་ཅན་དང ། མགོ་དཀྲིས་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་གླང་པོ་ཆེ་ཞོན་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་གླང་པོ་ཆེ་ཞོན་པ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས། དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་གླང་པོ་ཆེ་ཞོན་པ་རྣམས་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་རྟ་ཞོན་པ་རྣམས་ལ་ཆོས་འཆད་པར་བྱེད་
Nya378b
ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་རྟ་ཞོན་པ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་རྟ་ཞོན་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ཁྱོགས་ན་འདུག་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་ཁྱོགས་ན་འདུག་པ་རྣམས་ལ་ཆོས་འཆད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ།
Nya379a
༄#། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ཁྱོགས་ན་འདུག་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་བཞོན་པའི་སྟེང་ན་འདུག་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་བཞོན་པའི་སྟེང་ན་འདུག་པ་རྣམས་ལ་ཆོས་འཆད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་བཞོན་པའི་སྟེང་ན་འདུག་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་མཆིལ་ལྷམ་གྱོན་པ་རྣམས་ལ་ཆོས་
Nya379b
འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེས་མེད་པ་དང ། གུས་པ་མེད་པ་མཆིལ་ལྷམ་གྱོན་པ་རྣམས་ལ་ཆོས་འཆད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་མཆིལ་ལྷམ་གྱོན་པ་ལ་ཆོས་མི་བཤད་པར་བསླབ་པར་བྱའོ། །བསླབ་པ་བསྡུ་བའི་མདོ་ནི། མི་ན་བར་གླང་པོ་ཆེ་ཞོན་པ་དང ། རྟ་ཞོན་པ་དང ། ཁྱོགས་ལ་འདུག་པ་དང ། བཞོན་པའི་སྟེང་ན་འདུག་པ་དང ། མཆིལ་ལྷམ་གྱོན་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ལག་ན་འཁར་བ་ཐོགས་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དགའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་
Nya380a
༄#། །མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་ལག་ན་འཁར་བ་ཐོགས་པ་ལ་ཆོས་འཆད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ལག་ན་འཁར་བ་ཐོགས་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ལག་ན་གདུགས་ཐོགས་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་ལག་ན་གདུགས་ཐོགས་པ་རྣམས་ལ་ཆོས་འཆད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་
Nya380b
ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ལག་ན་གདུགས་ཐོགས་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ལག་ན་མཚོན་ཐོགས་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་ལག་ན་མཚོན་ཐོགས་པ་རྣམས་ལ་ཆོས་འཆད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ལག་ན་མཚོན་ཐོགས་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ལག་ན་རལ་གྲི་ཐོགས་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་
Nya381a
༄#། །རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེས་མེད་པ་དང ། གུས་པ་མེད་པ་ལག་ན་རལ་གྲི་ཐོགས་པ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ལག་ན་རལ་གྲི་ཐོགས་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་ལག་ན་དགྲ་ཆ་ཐོགས་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེས་མེད་པ་དང ། གུས་པ་མེད་པ་ལག་ན་དགྲ་ཆ་ཐོགས་པ་རྣམས་ལ་ཆོས་འཆད་པར་བྱེད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་
Nya381b
བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ལག་ན་དགྲ་ཆ་ཐོགས་པ་ལ་ཆོས་མི་བཤད་པར་བསླབ་པར་བྱའོ། །དྲུག་སྡེ་དག་མི་ན་བར་གོ་ཆ་གྱོན་པ་རྣམས་ལ་ཆོས་འཆད་པར་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་།འཕགས་པ་དག་།བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་གྱིས་དཀའ་བ་སྤྱད་པ་བརྒྱ་སྟོང་ཕྲག་དུ་མ་དག་གིས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་ནས་བླ་ན་མེད་པའི་ཡེ་ཤེས་བརྙེས་ན། ཁྱེད་ཅག་རྗེ་ས་མེད་པ་དང ། གུས་པ་མེད་པ་གོ་ཆ་གྱོན་པ་རྣམས་ལ་ཆོས་འཆད་དམ་ཞེས་སྨོད་པར་བྱེད་ནས་དེ་དག་ཅང་མི་སྨྲ་བར་འཁོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་གོ་ཆ་གྱོན་པ་ལ་ཆོས་མི་བཤད་པར་བསླབ་པར་བྱའོ། །བསླབ་པ་བསྡུ་བའི་མདོ་ནི། མི་ན་བར་ལག་ན་འཁར་བ་ཐོགས་པ་དང ། ལག་ན་གདུགས་ཐོགས་པ་དང ། ལག་ན་མཚོན་ཐོགས་པ་དང ། ལག་ན་རལ་གྲི་ཐོགས་པ་དང ། ལག་ན་དགྲ་ཆ་ཐོགས་པ་དང ། གོ་ཆ་གྱོན་པ་ལ་ཆོས་མི་བཤད་པར་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་
Nya382a
༄#། །ལྡན་པ་ཉེ་དགའ་འགྲེང་བཞིན་དུ་བཤང་གཅི་བྱེད་ནས་བྲམ་ཟེ་དང ། ཁྱིམ་བདག་དད་པ་ཅན་དག་སྨོད་པར་བྱེད་དེ། འཕགས་པ་དག་།སྟོན་པའི་ཉན་ཐོས་ནི། ངོ་ཚ་དང་ལྡན་པ་ལགས་ན། ངོ་ཚ་དང ། ཁེལ་མེད་པ་འདི་འགྲེང་བཞིན་དུ་བཤང་གཅི་བགྱིད་པ་ག་ལ་གདའ་ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ།་མི་ན་བར་འགྲེང་སྟེ་བཤང་གཅི་མི་བྱ་བར་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་དགའ་བཙོ་བླག་མཁན་གྱི་གན་དུ་སོང་སྟེ་སྨྲས་པ། བཞིན་བཟང ། གོས་འདི་ཁྲུས་ཏེ་བྱིན་ཅིག་།དེས་སྨྲས་པ། འཕགས་པ། ཁྱོད་ཀྱིས་སྔོན་ནི། བདག་ཅག་སྲུང་བ་བྱས་པར་གྱུར་ན། དེང་སང་མི་བྱེད་པས་ཅིའི་ཕྱིར་ཁྱོད་ཀྱི་གོས་བཀྲུས་ཏེ་སྦྱིན། དེས་སྡོད་ཅིག་ཅེས་བྱས་ཏེ་སོང་ནས་དེས་བསམ་པ། བཀྲེན་པ་དེ་མི་དགའ་བར་བྱའོ། །སྙམ་ནས་དེ་བཀྲུ་སྨན་ཟོས་ཏེ་མི་གཙང་བས་གྱོ་མོ་བཀང་ནས་བཙོ་བླག་མཁན་དེའི་བཀྲུ་བཤལ་སར་བླུགས་སོ། །དེ་ནས་བཙོ་བླག་མཁན་དེ་ནང་
Nya382b
པར་སྔར་ལངས་ཏེ་གོས་དག་བཀྲུ་བར་བརྩམས་པ་དང ། ཇི་ཙམ་ན་མི་གཙང་བའི་དྲི་དྲོ་ནས་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་པ་དང ། ཉེ་དགས་ཆེད་དུ་བསམ་སྟེ་ཕྱོགས་དེར་སོང་ནས་དེས་སྨྲས་པ། བཞིན་བཟང ། ཁྱོད་ཅིའི་ཕྱིར་སེམས་ཁོང་དུ་ཆུད་ཅིང་འདུག་།དེས་སྨྲས་པ། འཕགས་པ། བཀྲུ་བཤལ་ས་འདིར་གཅིག་གིས་མི་གཙང་བ་བླུགས་ཏེ་ལས་བགྱིར་མ་མཆིས་པས། ད་ཇི་ལྟར་འཚོ་བ་སྦྱར་བར་བགྱི་བ་མ་འཚལ་ཏོ། །ཉེ་དགས་སྨྲས་པ། བཀྲེན་པ། ཁྱོད་དེ་ལྟར་མི་དགའ་བར་བྱའོ། །དེ་སྨོད་པ་ལ་ཞུགས་པའི་སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མི་ན་བར་ཆུའི་ནང་དུ་བཤང་གཅི་མི་བྱ་བར་བསླབ་པར་བྱའོ། །ཐམས་ཅད་ཆུས་གང་སྟེ་གོ་སྐབས་མེད་པ་ནི། མ་གཏོགས་སོ། །བཤང་གཅི་ཇི་ལྟ་བ་བཞིན་དུ་ཆུའི་ནང་དུ་མཆིལ་མ་དང ། སྣབས་དང ། སྐྱུག་པ་དང ། རླུག་པ་མ་དོར་བར་བསླབ་པར་བྱ་བ་ཡང་དེ་བཞིན་ནོ། །སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་དགས་ལྡུམ་པའི་གན་དུ་སོང་སྟེ་སྨྲས་པ། བཞིན་བཟང ། ལྡུམ་ཆུང་ཞིག་བྱིན་ཅིག་།དེས་སྨྲས་པ། འཕགས་པ། ཁྱོད་ཀྱིས་སྔོན་ནི། བདག་ཅག་སྲུང་
Nya383a
༄#། །བ་བྱས་པར་གྱུར་ན། དེང་སང་མི་བྱེད་པས་ཅིའི་ཕྱིར་ཁྱོད་ལ་ལྡུམ་སྦྱིན། དེས་སྡོད་ཅིག་བྱས་ཏེ་སོང་ནས་དེས་བསམ་པ། བཀྲེན་པ་དེ་མི་དགའ་བར་བྱའོ། །སྙམ་ནས་དེས་བཀྲུ་སྨན་ཟོས་ཏེ་མི་གཙང་བས་གྱོ་མོ་བཀང་ནས་ཕྱགས་མ་ཐོགས་ཏེ་ལྡུམ་ཞིང་གི་སྟེང་ཐམས་ཅད་དུ་མི་གཙང་བས་གཏོར་ནས་ལྡུམ་ཐམས་ཅད་མ་རུངས་པར་བྱས་སོ། །མི་གཙང་བའི་དྲིས་དེར་ཝ་དག་འདུས་ནས་དེ་དག་གིས་ཀྱང་ལྡུམ་ཐམས་ཅད་མ་རུངས་པར་བྱས་སོ། །དེ་ནས་ལྡུམ་པ་དེ་ལྡུམ་བཙོང་པའི་ཕྱིར་ནང་པར་སྔར་ལངས་ཏེ་ལྡུམ་རར་སོང་བ་དང ། ཇི་ཙམ་ན་ལྡུམ་ཐམས་ཅད་མི་གཙང་བས་གཏོར་ཅིང་ཝས་ཀྱང་ཟོས་ཏེ་ཟོང་དུ་མ་རུངས་པར་མཐོང་ནས་དེ་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་།དེས་སྨྲས་པ། འཕགས་པ། ལྡུམ་ཞིང་འདིར་གཅིག་གིས་མི་གཙང་བས་གཏོར་ཏེ་ཟོང་དུ་མ་རུངས་པས་དེ་ཇི་ལྟར་འཚོ་བ་སྦྱར་བར་བགྱི་བ་མ་འཚལ་ཏོ། །ཉེ་དགས་སྨྲས་པ། བཀྲེན་པ། ཁྱོད་དེ་ལྟར་མི་དགའ་བར་བྱའོ། །དེ་སྨོད་པ་ལ་ཞུགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། མིན་པར་རྩཝ་སྔོན་པོ་ཡོད་པའི་ས་ཕྱོགས་སུ་བཤང་གཅི་མི་བྱ་བར་བསླབ་པར་བྱའོ། །ཐམས་ཅད་སྔོས་གང་སྟེ་གོ་སྐབས་
Nya383b
མེད་པ་ནི། མ་གཏོགས་སོ། །བཤང་གཅི་ཇི་ལྟ་བ་བཞིན་རྩཝ་སྔོན་པོ་ཡོད་པའི་ས་ཕྱོགས་སུ་མཆིལ་མ་དང ། སྣབས་དང ། སྐྱུག་པ་དང ། རླུག་པ་མི་དོར་བར་བསླབ་པར་བྱ་བ་ཡང་དེ་བཞིན་ནོ། །བསླབ་པ་བསྡུ་བའི་མདོ་ནི། མི་ན་བར་འགྲེང་སྟེ་བཤང་གཅི་མི་བྱ་བར་བསླབ་པར་བྱ། མི་ན་བར་ཆུའི་ནང་དུ་བཤང་གཅི་དང ། མཆིལ་མ་དང ། སྣབས་དང ། སྐྱུག་པ་དང ། རླུག་པ་མི་དོར་བར་བསླབ་པར་བྱ། མི་ན་བར་རྩཝ་སྔོན་པོ་ཡོད་པའི་ས་ཕྱོགས་སུ་བཤང་གཅི་དང ། མཆིལ་མ་དང ། སྣབས་དང ། སྐྱུག་པ་དང ། རླུག་པ་མི་དོར་བར་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཅིག་གིས་སངས་རྒྱས་ལ་སོགས་པའི་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་པ་ན། ཚེ་དང་ལྡན་པ་ཉེ་དགའ་ལ་དགེ་བསྐོས་ཀྱི་བསོད་སྙོམས་ནོད་པའི་རེས་བབ་ནས་དེས་བསམ་པ། གང་གིས་དགེ་བསྐོས་འདི་ཟན་གཅད་པར་བྱ་བ་དེ་ལྟ་བུའི་ཐབས་ཅི་ཡོད་སྙམ་ནས་དེ་འདི་སྙམ་དུ་སེམས་ཏེ་གལ་ཏེ་བདག་ལ་འགའ་ཞིག་མཉན་ཡོད་ནས་རྒྱལ་བྱེད་ཀྱི་ཚལ་ཐག་ཇི་སྲིད་ཅིག་ཡོད་ཅེས་འདྲི་ན། བདག་གིས་དེ་ལ་ཇི་སྐད་བརྗོད་པར་བྱའི། །རྣམ་པ་ཐམས་ཅད་དུ་གོམ་པ་དག་གིས་ས་གཞི་གཞལ་བར་བྱའོ། །སྙམ་ནས་དེ་གོམ་པ་དག་གིས་ས་གཞི་འཇལ་ཞིང་དལ་བུས་འོངས་པ་ན། དགེ་བསྐོས་ཀྱིས་བསམ་པ། དེ་ཡུན་
Nya384a
༄#། །རིང་དུ་ཐོགས་པས་བདག་ཟན་ཆད་ན་མི་རུང་གི་།བལྟའོ། །སྙམ་ནས་ཤིང་ལྗོན་པ་ཞིག་ལ་འཛེག་སྟེ་བལྟ་བར་བརྩམས་པ་དང ། ཇི་ཙམ་ན་ཚེ་དང་ལྡན་པ་ཉེ་དགའ་དལ་བུ་དལ་བུས་འོང་བ་མཐོང་ནས་དེས་བསམ་པ། འདི་ཇི་ལྟར་འོང་བའི་སྟངས་ལས་ན། འདིས་བདག་ཟན་གཅོད་པར་བྱེད་དོ། །སྙམ་དུ་རིག་ནས་དེ་ཤིང་ལྗོན་པ་དེ་ལས་བབ་སྟེ་འདུག་གོ་།ཚེ་དང་ལྡན་པ་ཉེ་དགའ་ཡང་འོངས་པ་དང ། དེ་ཙམ་ན་གདུགས་ཚོད་ཡོལ་ནས་དེས་སྨྲས་པ། ཚེ་དང་ལྡན་པ། ཁྱོད་འགྲོས་དེ་ལྟར་འོང་བ་ལས་ན། དོན་གྱིས་ན། ཁྱོད་ཀྱིས་ཆེད་དུ་བསམ་སྟེ་ཁོ་བོའི་ཟན་གཅོད་དུ་བཅུག་གོ་།ཁྱོད་ཀྱིས་ཁོ་བོ་ཇི་ལྟར་མཐོང ། ཁོ་བོས་ཤིང་ལྗོན་པ་ལ་འཛེག་སྟེ་བལྟས་སོ། །ཁྱོད་ཤིང་ལྗོན་པ་ལ་འཛེག་ཏུ་རུང་ངམ། །རུང་ཡང་སྲིད། །མི་རུང་ཡང་སྲིད། །ཁོ་བོས་ནི། འཛེག་གོ་།ཞེས་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་གིས་ཤིང་ལ་མི་འཛེག་པར་བསླབ་པར་བྱའོ། །བཅོམ་ལྡན་འདས་ཀྱིས་དགེ་སློང་གིས་ཤིང་ལ་མི་འཛེག་པར་བྱའོ། །ཞེས་བཀའ་སྩལ་ནས་དགེ་སློང་དག་ཚོན་རྩིའི་ལས་བྱེད་པར་འདོད་པས། གཟར་ཐག་གར་དུ་གདགས་པ་མི་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཤིང་ལ་མི་གང་ཙམ་དུ་འཛེག་པར་བྱ་སྟེ། དེ་ལྟ་བས་ན། དགེ་སློང་གིས་ཤིང་ལ་མི་གང་ཙམ་ལས་མཐོར་མི་
Nya384b
འཛེག་པར་བསླབ་པར་བྱའོ། །བཅོམ་ལྡན་འདས་ཀྱིས། དགེ་སློང་གིས་ཤིང་ལ་མི་གང་ཙམ་ལས་མཐོར་མི་འཛེག་པར་བསླབ་པར་བྱའོ། །ཞེས་བཀའ་སྩལ་པས། དགེ་སློང་ཞིག་དོན་མཐུན་དང་ལྷན་ཅིག་ལྗོངས་རྒྱུར་འཕགས་པ་དང ། དོན་མཐུན་དགོན་པའི་ལམ་དུ་མཚན་མོ་བཏབ་པ་ན། དེར་སྟག་གི་འཇིགས་པ་བྱུང་ནས་དོན་མཐུན་པ་དག་ནི། ཤིང་ལྗོན་པ་ལ་མཐོར་འཛེག་སྟེ་འཁོད་དོ། །དགེ་སློང་དེ་ཤིང་ལྗོན་པ་ལ་མི་གང་ཙམ་དུ་འཛེག་སྟེ་འདུག་པ་དང ། ཇི་ཙམ་ན་སྟག་འོངས་ནས་དོན་མཐུན་རྣམས་ཀྱིས་སྨྲས་པ། འཕགས་པ། སྟག་མཆིས་ཀྱི། མྱུར་དུ་མཐོར་འཛེག་ཅིག་།དེས་བསམ་པ། བཅོམ་ལྡན་འདས་ཀྱིས་ཤིང་ལ་མི་གང་ཙམ་ལས་མཐོར་འཛེག་པར་མ་གནང་བས། ཇི་ལྟར་མཐོར་འཛེག་སྙམ་ནས་དེ་དེ་ཉིད་དུ་འདུག་པ་དང ། སྟག་གིས་མཆོང་པ་བྱས་ཏེ་བསད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། གནོད་པ་བྱུང་བ་མ་གཏོགས་པར་ཤིང་ལ་མི་གང་ཙམ་ལས་མཐོར་མི་འཛེག་པར་བསླབ་པར་བྱའོ། །བསླབ་པའི་ཆོས་མང་པོ་རྣམས་རྫོགས་སོ།། །།སྡོམ་ལ། མངོན་སུམ་དྲན་པ་མ་མྱོས་པ། །དེ་བཞིན་གང་མང་ངོ་བོ་ཉིད། །རྩཝ་རྣམས་བཀྲམ་པ་ལྟ་བུ་དང ། ཁས་བླངས་པར་ཡང་བ་བའོ། །མངོན་སུམ་དུ་འདུལ་བར་འོས་པ་ལ། མངོན་སུམ་དུ་འདུལ་བ་སྦྱིན་
Nya385a
༄#། །ནོ། །དྲན་པས་འདུལ་བར་འོས་པ་ལ་དྲན་པས་འདུལ་བ་སྦྱིན་ནོ། །མ་སྨྱོས་པས་འདུལ་བར་འོས་པ་ལ་མ་སྨྱོས་པས་འདུལ་བ་སྦྱིན་ནོ། །གང་ཚུལ་ཤིང་མང་པོ་སྦྱིན་པར་འོས་པ་ལ་ཚུལ་ཤིང་མང་པོ་སྦྱིན་ནོ། །དེའི་ངོ་བོ་ཉིད་ཚོལ་དུ་གཞུག་པར་འོས་པ་ལ་དེའི་ངོ་བོ་ཉིད་བཙལ་བ་སྦྱིན་ནོ། །རྩཝ་བཀྲམ་པ་ལྟ་བུར་འོས་པ་ལ་རྩཝ་བཀྲམ་པ་ལྟ་བུ་སྦྱིན་ནོ། །གང་ཁས་བླང་པར་འོས་པ་ལ་ཁས་བླང་པར་བྱའོ། །རྩོད་པ་བྱུང་བར་གྱུར་པ་རྣམས་རྩོད་པ་ཞི་བར་བྱ་བའི་ཆོས་བདུན་པོ་འདི་དག་གིས་ཆོས་དང ། འདུལ་བ་དང ། སྟོན་པའི་བསྟན་པ་བཞིན་དུ་དུལ་བར་བྱ། ཞི་བར་བྱ། རྣམ་པར་ཞི་བར་བྱའོ། །རྩོད་པ་ཞི་བར་བྱ་བའི་ཆོས་བདུན་རྫོགས་སོ།། །།བཟོད་པ་དཀའ་ཐུབ་དམ་པ་བཟོད་པ་ནི། །མྱ་ངན་འདས་པ་མཆོག་ཅེས་སངས་རྒྱས་གསུང ། །རབ་ཏུ་བྱུང་བ་གཞན་ལ་གནོད་པ་དང ། །གཞན་ལ་འཚེ་བ་དགེ་སྦྱོང་མ་ཡིན་ནོ། །མིག་ལྡན་འགྲོ་བ་ཡོད་པ་ཡི། །ཉམ་ང་བ་དག་ཇི་བཞིན་དུ། །མཁས་པ་འཚོ་བའི་འཇིག་རྟེན་འདིར། །སྡིག་པ་དག་ནི་ཡོངས་སུ་སྤོང ། །སྐུར་པ་མི་གདབ་གནོད་མི་བྱ། །སོ་སོར་ཐར་པའང་བསྡམ་པར་བྱ། །ཟས་ཀྱི་ཚོད་ཀྱང་རིག་པར་བྱ། །བས་མཐའི་གནས་སུ་གནས་པར་བྱ། །ལྷག་པའི་སེམས་ལ་ཡང་དག་སྦྱོར། །འདི་ནི་སངས་རྒྱས་བསྟན་པ་ཡིན། །ཇི་ལྟར་བུང་བ་མེ་ཏོག་ལས། །ཁ་དོག་དྲི་ལ་མི་གནོད་པར། །ཁུ་བ་བཞིབས་ནས་འཕུར་བ་ལྟར། །དེ་བཞིན་ཐུབ་པ་གྲོང་དུ་
Nya385b
རྒྱུ། །བདག་གི་རིགས་དང་མི་རིགས་ལ། །བརྟག་པར་བྱ་སྟེ་གཞན་རྣམས་ཀྱི། །མི་མཐུན་པ་དང་གཞན་དག་གི། བྱས་དང་མ་བྱས་རྣམས་ལ་མིན། །ལྷག་པའི་སེམས་ལ་བག་བྱ་སྟེ། །ཐུབ་པའི་ཐུབ་གཞི་རྣམས་ལ་བསླབ། །ཉེར་ཞི་རྟག་ཏུ་དྲན་ལྡན་པའི། །སྐྱོབ་པ་མྱ་ངན་མེད་པ་ཡིན། །སྦྱིན་པས་བསོད་ནམས་རབ་ཏུ་འཕེལ། །ལེགས་བསྡམས་དགྲ་སོགས་མི་འགྱུར་རོ། །དགེ་དང་ལྡན་པས་སྡིག་པ་སྤོངས། །ཉོན་མོངས་ཟད་པས་མྱ་ངན་འདའ། །སྡིག་པ་ཐམས་ཅད་མི་བྱ་སྟེ། །དགེ་བ་ཕུན་སུམ་ཚོགས་པར་བྱ། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། ། ལུས་ཀྱི་སྡོམ་པ་ལེགས་པ་སྟེ། །ངག་གི་སྡོམ་པའང་ལེགས་པ་ཡིན། །ཡིད་ཀྱི་སྡོམ་པའང་ལེགས་པ་སྟེ། །ཐམས་ཅད་དུ་ནི་སྡོམ་པ་ལེགས། །ཀུན་ཏུ་བསྡམས་པའི་དགེ་སྦྱོང་ནི། །སྡུག་བསྔལ་ཀུན་ལས་རབ་ཏུ་གྲོལ། །ངག་རྣམས་བསྲུངས་ཤིང་ཡིད་ཀྱིས་རབ་བསྡམས་ཏེ། །ལུས་ཀྱིས་མི་དགེ་བ་དག་མི་བྱེད་ཅིང ། །ལས་ལམ་གསུམ་པོ་འདི་དག་རབ་སྦྱངས་ན། །དྲང་སྲོང་གསུངས་པའི་ལམ་ནི་ཐོབ་པར་འགྱུར། །སངས་རྒྱས་རྣམ་གཟིགས་གཙུག་ཏོར་ཐམས་ཅད་སྐྱོབ། །འཁོར་བ་འཇིག་དང་གསེར་ཐུབ་འོད་སྲུང་དང ། །ཤཱཀྱ་ཐུབ་པ་གོའུ་ཏ་མ་ལྷ་ཡི་ལྷ། །མི་འདུལ་ཁ་ལོ་སྒྱུར་བ་བླ་ན་མེད། །འཇིག་རྟེན་མགོན་པོ་སྐྱོབ་པ་མཆོག་།སངས་རྒྱས་དཔའ་བོ་བདུན་པོ་དག་།གྲགས་ལྡན་རྣམས་ཀྱིས་སོ་སོར་ཐར། །འདི་ནི་རབ་ཏུ་རྒྱས་པར་བསྟན། །འདི་ལ་སངས་རྒྱས་
Nya386a
༄#། །རྣམས་དང་གང ། །སངས་རྒྱས་ཉན་ཐོས་རྣམས་ཀྱང་གུས། །འདི་ལ་གུས་དང་བཅས་གྱུར་པས། །འདུས་མ་བྱས་པ་ཐོབ་པར་གྱིས། །བརྩམ་པར་བྱ་ཞིང་དབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་དུ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱེད། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །འདུལ་བ་རྣམ་པར་འབྱེད་པ་རྫོགས་སོ།། །།དབང་ཕྱུག་དམ་པའི་མངའ་བདག་དཔལ་ལྷ་བཙན་པོའི་བཀའ་ལུང་གིས། འཕགས་པ་གཞི་ཐམས་ཅད་ཡོད་པར་སྨྲ་བའི་འདུལ་བ་འཛིན་པ་ཁ་ཆེའི་བྱེ་བྲག་ཏུ་སྨྲ་བའི་སློབ་དཔོན་ཛི་ན་མི་ཏྲ་དང ། ཞུ་ཆེན་གྱི་ལོ་ཙྪ་བ་བནྡྷེ་ཀླུའི་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། འདི་ལ་ཤོ་ལོ་ཀ་ནི། ཉི་ཁྲི་ལྔ་སྟོང་ཡོད། བམ་པོ་ནི། བརྒྱད་ཅུ་རྩ་གསུམ་དུ་བྱས་སོ།། །།མང་ག་ལཾ།། །།