རྒྱ་གར་སྐད་དུ། ཨཱརྱ་དྷརྨ་ཎ་ཡ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཆོས་ཀྱི་ཚུལ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ 23b ཐོས་པ་དུས་གཅིག་ན། བཅོམ་ལྡན་འདས་གཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་ན་སྨྱིག་མ་ལས་བྱས་པའི་འཁོར་གྱི་ཁྱམས་ན་བཞུགས་ཏེ། དེའི་ཚེ་སྨྱིག་མ་ལས་བྱས་པའི་འཁོར་གྱི་ཁྱམས་སུ་འདུས་ཤིང་འཁོད་པའི་བྱང་ཆུབ་སེམས་དཔའ་རབ་ཏུ་མང་པོ་དག་འདི་སྙམ་དུ་སེམས་ཏེ། བདག་ཅག་གིས་ཇི་ལྟར་གནས་པར་བྱ། ཇི་ལྟར་བསྒྲུབ་པར་བྱ། ཇི་ལྟར་རྣལ་འབྱོར་དུ་བྱ། ཇི་ལྟར་སེམས་ཅན་རྣམས་ཡོངས་སུ་སྨིན་པར་བྱ་སྙམ་པ་དང ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རབ་ཏུ་མང་པོ་དེ་དག་གི་བསམ་པ་མཁྱེན་ནས་སྨྱིག་མ་ལས་བྱས་པའི་འཁོར་གྱི་ཁྱམས་ག་ལ་བ་དེར་གཤེགས་ཏེ་བྱོན་ནས་གདན་བཏིང་བ་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རབ་ཏུ་མང་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་།ལེགས་སོ་ལེགས་སོ། །ཁྱོད་ཀྱི་རྟོག་པ་ནི། བཟང་ངོ ། །ཡིད་ཀྱི་དྲི་བ་ནི། མཛེས་སོ། །སྤོབས་པ་ནི། དགེའོ། །ཡིད་ལ་བྱ་བ་ནི། ཚུལ་བཞིན་ནོ། །རིགས་ཀྱི་བུ་དག་།དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཚུལ་གང་བྱང་ཆུབ་སེམས་དཔའི་སྤྱོད་པ་ཐམས་ཅད་སྟོན་པར་བྱེད་པ་དང ། སངས་རྒྱས་ཀྱི་ཆོས་ཐམས་ཅད་བརྗོད་པར་བྱེད་པ་ང་\?\་འདོད། །བཅོམ་ལྡན་འདས། ལེགས་སོ། །ཞེས་གསོལ་ནས་བྱང་ཆུབ་སེམས་དཔའ་ 24a ༄#། །དེ་དག་བཅོམ་ལྡན་འདས་ཀྱི་ལྟར་ཉོན་པ་\?\་བཅོམ་ལྡན་འདས་དེ་དག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་།དེ་ལྟ་བས་ན། མྱ་ངན་ལས་འདས་པའི་བསམ་པ་ཅན་དུ་གྱིས་ཤིག་།འཁོར་བར་སྦྱོར་བ་ཅན་དུ་གྱིས་ཤིག་།འཁོར་བ་དང་མྱ་ངན་ལས་འདས་པ་ལའང་གནས་པར་མ་བྱེད་ཅིག་།དེ་དག་གིས་གསོལ་པ།་བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་མྱ་ངན་ལས་འདས་པའི་བསམ་པ་ཅན་དང ། འཁོར་བར་སྦྱོར་བ་ཅན་ལགས། ཇི་ལྟར་ན། འཁོར་བ་དང།་མྱ་ངན་ལས་འདས་པ་ལའང་མི་གནས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཆི་བ་མེད་པའི་བདེ་བ་ལ་རེག་པར་བྱ་བའི་ཕྱིར་མྱ་ངན་ལས་འདས་པའི་བསམ་པ་ཅན་ཡིན། དགེ་བའི་རྩ་བ་བསགས་པའི་ཕྱིར་འཁོར་བར་སྦྱོར་བ་ཅན་ཡིན། འཕགས་པ་དང་སོ་སོའི་སྐྱེ་བོ་དག་བསྟན་པའི་ཕྱིར་འཁོར་བ་དང་མྱ་ངན་ལས་འདས་པ་ལའང་མི་གནས་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། རང་གི་སེམས་ཡོངས་སུ་སྦྱོངས་ཤིག་།ཕ་རོལ་གྱི་སེམས་སྲུངས་ཤིག་།སེམས་དཔའ་བ་ཅན་དུ་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་རང་གི་སེམས་ཡོངས་སུ་སྦྱོང་བར་བགྱིད་པ་ལགས། ཇི་ལྟར་ན། གཞན་གྱི་སེམས་སྲུང་བ་ 24b ལགས།་ཇི་ལྟར་ན། སེམས་དཔའ་བ་ཅན་ལགས། བཀའ་སྩལ་པ། ཉོན་མོངས་པ་སེལ་བས་རང་གི་སེམས་ཡོངས་སུ་སྦྱོང་བར་བྱེད་པ་ཡིན། ཁོང་ཁྲོ་བ་མེད་པས་གཞན་གྱི་སེམས་སྲུང་བ་ཡིན། བྱང་ཆུབ་ཀྱི་སེམས་མི་གཏོང་བས་སེམས་དཔའ་བ་ཡིན་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། བྱ་བ་དང་ཡང་འགལ་བར་མ་བྱེད་ཅིག་།བྱ་བ་མ་ཡིན་པ་ལའང་སྣང་བར་གྱིས་ཤིག་།བྱས་པ་ལ་ལན་རེ་བ་མེད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་བགྱི་བ་དང་མི་འགལ་བར་བགྱིད་པ་ལགས། ཇི་ལྟར་ན། མི་བགྱི་བ་ལའང་གདའ་བ་ལགས། ཇི་ལྟར་ན། བགྱི་བ་ལ་ལན་རེ་བ་མ་མཆིས་པ་ལགས། བཀའ་སྩལ་པ། བྱ་བ་དང་འགལ་བར་མི་བྱ་བ་བ་ནི། རྟེན་ཅིང་འབྲེལ་བར་འབྱུང་བའི་ཆོས་ལ་འཇུག་པས་ལས་ཀྱི་རྣམ་པར་སྨིན་པ་ལ་ཡིད་ཆེས་པར་བྱའོ། །བྱ་བ་མ་ཡིན་པ་ལ་སྣང་བ་ནི། སྙིང་རྗེ་ཆེན་པོ་ལ་འཇུག་པའོ། །བྱས་པ་ལ་ལན་རེ་བ་མེད་པ་ནི། ལན་དུ་ཕན་འདོགས་པ་རེ་བ་མེད་པ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། དུས་མ་ཡིན་པར་ནི། མ་ལྡང་ཞིག་།དུས་ལ་བབ་ན་ནི། མ་ཉལ་ཅིག་ཉལ་བ་རྣམས་ནི། སློངས་ཤིག་།རྟག་ཏུ་ནི། ཉལ་ཅིག་།གསོལ་པ། བཅོམ་ལྡན་འདས་\?\། བྱང་ཆུབ་སེམས་དཔའ་རྣམས་དུས་མ་ལགས་པར་མི་ལྡང་བ་ལགས། ཇི་ 25a ༄#། །ལྟར་ན།་དུས་ལ་བབ་ན་མི་ཉལ་བ་ལགས། ཇི་ལྟར་ན། ཉལ་བ་རྣམས་སློང་བ་ལགས། ཇི་ལྟར་ན། རྟག་ཏུ་ཉལ་བ་ལགས། བཀའ་སྩལ་པ། དུས་མ་ཡིན་པར་མི་ལྡང་བ་ནི། སྣོད་དུ་མ་གྱུར་བ་རྣམས་ལ་ཆོས་མི་བསྟན་པའོ། །དུས་ལ་བབ་ན་མི་ཉལ་བ་ནི། སྣོད་དུ་གྱུར་པ་ལས་འདའ་བར་མི་བྱའོ། །ཉལ་བ་རྣམས་བསླང་བ་ནི། དུས་དང་དུས་མ་ཡིན་པས་བསྐུལ་བའོ། །རྟག་ཏུ་ཉལ་བ་ནི། སྙོམས་པར་འཇུག་པ་ལས་མི་ལྡང་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཡིད་བརྟན་པ་མེད་པར་གྱིས་ཤིག། ཡིད་བརྟན་པ་གཞིག་པར་གྱིས་ཤིག་།ཡིད་མ་བརྟན་པ་རྣམས་ལ་ཡིད་བརྟན་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཡིད་མི་རྟོན་པ་ལགས། ཇི་ལྟར་ན། ཡིད་བརྟན་པ་འཇིག་པར་བགྱིད་པ་ལགས། ཇི་ལྟར་ན། ཡིད་མ་བརྟན་པ་རྣམས་ལ་ཡིད་རྟོན་པ་ལགས། བཀའ་སྩལ་པ། ཡིད་མི་བརྟན་ཞེས་བྱ་བ་ནི། གཟུགས་མེད་པའི་སྙོམས་པར་འཇུག་པ་རྣམས་ལ་ཡིད་མི་བཞག་པའོ། །ཡིད་བརྟན་པ་ཞིག་པར་བྱ་བ་ནི། སྙོམས་པར་འཇུག་པ་བཟློག་པའོ། །ཡིད་མ་བརྟན་པ་རྣམས་ལ་ཡིད་བརྟན་པར་བྱ་བ་ནི། ལོག་པར་ཞུགས་པ་རྣམས་ལ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ནོར་དང་ལྡན་པར་གྱིས་ཤིག་།བྱས་པ་ཤེས་པ་མེད་པར་ 25b སྦྱོར་ཅིག་།ཅི་ལའང་ལན་རེ་བར་མ་བྱེད་ཅིག་།རྙེད་པ་ཆེན་པོས་ཉེ་བར་འཚོ་བར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ནོར་དང་ལྡན་པ་ལགས། ཇི་ལྟར་ན། བྱས་པ་འཚལ་བ་མ་མཆིས་པར་སྦྱོར་བ་ལགས། ཇི་ལྟར་ན། ཅི་ལའང་ལན་མི་རེ་བ་ལགས། ཇི་ལྟར་ན། རྙེད་པ་ཆེན་པོས་ཉེ་བར་འཚོ་བ་ལགས། བཀའ་སྩལ་པ།་ནོར་དང་ལྡན་པ་ཞེས་བྱ་བ་ནི། ནོར་བདུན་དང་ལྡན་པའོ། །བྱས་པ་ཤེས་པ་མེད་པར་སྦྱར་བ་ནི། སེར་སྣ་ཅན་རྣམས་སྦྱིན་པ་ལ་སྦྱར་བ་དང ། ཤེས་རབ་འཆལ་པ་རྣམས་ཤེས་རབ་ལ་སྦྱར་བའོ། །ཅི་ལའང་ལན་རེ་བ་མེད་པ་ནི། རང་གི་དགོས་པ་ལའང་ནན་ཏན་དུ་བྱ་བའོ། །རྙེད་པ་ཆེན་པོས་ཉེ་བར་འཚོ་བ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཆགས་པའང་ཤེས་པར་གྱིས་ཤིག་།ཆགས་པ་རྣམས་ལའང་སྤྱོད་ཅིག་།ཆགས་པ་ལ་ཞེན་པ་རྣམས་ལའང་ལྟོས་ཤིག་།ཆགས་པ་མེད་པ་ལའང་སྲུངས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ལ་ཆགས་པ་འཚལ་བ་ལགས། ཇི་ལྟར་ན། ཆགས་པ་རྣམས་ལ་སྤྱོད་པ་ལགས། ཇི་ལྟར་ན། ཆགས་པར་ཞེན་པ་ལ་ལྟ་བ་ལགས། ཇི་ལྟར་ན། \?\་བསམ་མ་མཆིས་པ་སྲུང་བ་ལགས། བཀའ་སྩལ་པ། ཆགས་པ་ཤེས་པར་བྱ་བ་ 26a ༄#། །ནི། གཟུགས་མེད་པའི་སྙོམས་པར་འཇུག་པ་རྣམས་སོ། །ཆགས་རྣམས་ལ་སྤྱད་པ་ནི། སྐྱེ་མཆེད་དྲུག་བཅད་པའོ། །ཆགས་པར་ཞེན་པ་ལ་ལྟ་བ་ནི། སོ་སོའི་སྐྱེ་བོ་ཡོངས་སུ་སྨིན་པར་བྱའོ། །ཆགས་པ་མེད་པ་སྲུང་བ་ནི། སྐྱོན་མེད་པར་མི་འཇུག་པ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། འཇིགས་པར་གྱིས་ཤིག། མངོན་པར་དགའ་བ་མེད་པར་གྱིས་ཤིག། སྙིང་བརྩེ་བ་མེད་པར་གྱིས་ཤིག་།སྙིང་རྗེ་བ་མེད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་འཇིགས་པར་བགྱིད་པ་ལགས། ཇི་ལྟར་ན། མངོན་པར་དགའ་བ་མ་མཆིས་པ་ལགས། ཇི་ལྟར་ན། སྙིང་བརྩེ་བ་མ་མཆིས་པ་ལགས། ཇི་ལྟར་ན། སྙིང་རྗེ་བ་མ་མཆིས་པ་ལགས། བཀའ་སྩལ་པ། འཇིགས་ཞེས་བྱ་བ་ནི། ཉན་ཐོས་དང་རང་སངས་རྒྱས་ཀྱི་སས་འཇིགས་པའོ། །མངོན་པར་དགའ་བ་མེད་ཅེས་བྱ་བ་ནི། གཟུགས་མེད་པའི་སྙོམས་པར་འཇུག་པ་རྣམས་ལ་དགའ་བ་མེད་པའོ། །སྙིང་བརྩེ་བ་མེད་པ་ནི། ཕྱི་རོལ་གྱི་དངོས་པོ་རྣམས་ཡོངས་སུ་བཏང་བ་ལའོ། །སྙིང་རྗེ་བ་མེད་པ་ནི། ནང་གི་དངོས་པོ་མགོ་ལ་སོགས་པ་ཡོངས་སུ་བཏང་བ་ལ་སྟེ། དེ་ནི། ཚུལ་ལོ། །རིགས་ཀྱི་བུ་དག། དེ་ལྟ་བས་ན། བདེན་པའང་ཁོང་དུ་ཆུད་པར་གྱིས་ཤིག་།བརྫུན་དུ་སྨྲ་བའང་མ་སྤོངས་ཤིག་།གསོལ་པ། བཅོམ་ལྡན་ 26b འདས།་ཇི་ལྟར་ན། བྱང་ཆུབ་སེམས་དཔའ་རྣམས་བདེན་པ་ཁོང་དུ་ཆུད་པར་བགྱི་བ་ལགས། ཇི་ལྟར་ན། བརྫུན་དུ་སྨྲ་བ་ནི། མི་སྤོང་བ་ལགས། བཀའ་སྩལ་པ། བདེན་པ་ཁོང་དུ་ཆུད་པར་བྱ་བ་ནི། ཉན་ཐོས་དང་རང་སངས་རྒྱས་འདུལ་བའི་ཕྱིར་རོ། །བརྫུན་དུ་སྨྲ་བ་མི་སྤོང་བ་ནི། འདུས་བྱས་ལ་ཉེ་བར་སྤྱོད་པའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཕ་རོལ་ཏུ་ཕྱིན་པར་བགྱིས་ཏེ། ཚུ་རོལ་གྱི་ངོགས་ལ་བལྟ་བར་གྱིས་ཤིག་།ཕ་རོལ་ཏུ་ཕྱིན་པར་མ་བྱེད་པར་ཕ་རོལ་གྱི་ངོགས་ལ་བལྟ་བར་གྱིས་ཤིག་།གསོལ་པ ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཕ་རོལ་ཏུ་ཕྱིན་ཅིང་ཚུ་རོལ་གྱི་ངོགས་ལ་བལྟ་བ་ལགས། ཇི་ལྟར་ན། ཕ་རོལ་ཏུ་ཕྱིན་པར་མི་བགྱིད་ཅིང་ཕ་རོལ་གྱི་ངོགས་ལ་བལྟ་བ་ལགས། བཀའ་སྩལ་པ། ཕ་རོལ་ཏུ་ཕྱིན་པ་ནི། སེམས་ཅན་ཐམས་ཅད་ཀྱི་སེམས་དང ། སྤྱོད་པ་དང ། བསམ་པ་ལའོ། །ཚུ་རོལ་གྱི་ངོགས་ལ་ལྟ་བ་ནི། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་རོ། །ཕ་རོལ་ཏུ་ཕྱིན་པར་མི་བྱ་བ་ནི། ཕ་རོལ་རྒལ་བའི་ཕྱིར་རོ། །ཕ་རོལ་གྱི་ངོགས་ལ་ལྟ་བ་ནི། རྟག་ཏུ་མྱ་ངན་ལས་འདའ་བ་ལ་གཞོལ་བར་བྱ་སྟེ། དེ་ནི།་ཚུལ་ལོ། །རིགས་ཀྱི་བུ་དག་།དེ་ལྟ་བས་ན། རྟག་ཏུ་ནི་མཐུན་པར་ཡང་གྱིས་ལ་རྩོད་པ་མེད་པ་མཆོག་ཏུའང་གྱིས་ཤིག་།བྱམས་པ་ལའང་གནས་ལ་སྐྱོན་ཡང་མཐོང་བར་གྱིས་ཤིག་ 27a ༄#། །གསོལ་པ། བཅོམ་ལྡན་འདས། ཇི་ལྟར་ན། \?\་རྣམས་རྟག་ཏུ་མི་མཐུན་པར་བགྱིད་པ་དང ། རྩོད་པ་མ་མཆིས་པ་མཆོག་ཏུ་བགྱིད་པ་ལགས། ཇི་ལྟར་ན། བྱམས་པ་ལ་གནས་ཤིང་སྐྱོན་ཡང་མཐོང་བ་ལགས། བཀའ་སྩལ་པ། རྟག་ཏུ་མི་མཐུན་པར་བྱེད་པ་ནི། དམ་པའི་ཆོས་ཡོངས་སུ་གཟུང་བའི་ཕྱིར་རོ། །རྩོད་པ་མེད་པ་མཆོག་ཏུ་བྱེད་པ་ནི། བསམ་པ་དག་པའི་ཕྱིར་རོ། །བྱམས་པ་ལ་གནས་པ་ནི། སེམས་ཅན་ཡོངས་སུ་བསྐྱབ་པའི་ཕྱིར་རོ། །ཉེས་པ་མཐོང་བ་ནི། འདུས་བྱས་ཀྱི་དངོས་པོ་ཐམས་ཅད་དེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཟད་པའང་ཟད་པར་མ་བྱེད་ཅིག་།མི་ཟད་པར་ཡང་ལྟུང་བར་མ་བྱེད་ཅིག། ཟད་པའི་ཆོས་ཉིད་ཀྱང་ཁོང་དུ་ཆུད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཟད་པ་ཟད་པར་མི་བགྱིད་པ་ལགས། ཇི་ལྟར་ན། མི་ཟད་པར་མི་ལྟུང་བ་ལགས་ཇི་ལྟར་ན། ཟད་པའི་ཆོས་ཉིད་ཀྱང་ཁོང་དུ་ཆུད་པ་ལགས། བཀའ་སྩལ་པ། ཟད་པ་ཞེས་བྱ་བ་ནི། འདུས་བྱས་སོ། །མི་ཟད་པ་ཞེས་བྱ་བ་ནི། འདུས་མ་བྱས་སོ། །དེ་ལ་བྱང་ཆུབ་སེམས་དཔས་དགེ་བའི་རྩ་བ་བསགས་པའི་ཕྱིར་འདུས་བྱས་ཀྱང་ཟད་པར་མི་བྱའོ། །ཐབས་ལ་མཁས་པས་འདུས་མ་བྱས་སུའང་ལྟུང་བར་མི་བྱའོ། །ཟད་པའི་ཆོས་ཉིད་ཁོང་དུ་ཆུད་པར་ 27b བྱ་བ་ནི།་མི་རྟག་པའི་མཐར་འགྱུར་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། མུན་པའི་ནང་ནའང་གནས་པར་གྱིས་ཤིག་།སྣང་བའང་ཟིན་པར་གྱིས་ཤིག་།མི་བྱ་བ་ནི། གྱིས་ཤིག་།བྱ་བ་ནི། ཡལ་བར་ཞོག་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་མུན་པའི་ནང་ན་གནས་པ་ལགས། ཇི་ལྟར་ན། སྣང་བ་ཟིན་པ་ལགས། ཇི་ལྟར་ན། མི་བགྱི་བ་བགྱིད་པ་ལགས། ཇི་ལྟར་ན། བགྱི་བ་ཡལ་བར་གཞོག་པ་ལགས། བཀའ་སྩལ་པ། མུན་པ་ཞེས་བྱ་བ་ནི། མི་ཤེས་པ་སྟེ། དེ་ལ་བྱང་ཆུབ་སེམས་དཔའ་རྣམས་ཀྱིས་སེམས་ཅན་མི་ཤེས་པ་རྣམས་ཀྱི་དོན་དུ་བདེན་པ་ཐོབ་པར་བྱའོ། །སྣང་བ་ཞེས་བྱ་བ་ནི། ཤེས་རབ་སྟེ། ཤེས་རབ་དེས་ཀྱང་མུན་པ་བསལ་བར་བྱའོ། །མི་བྱ་བ་ཞེས་བྱ་བ་ནི། མྱ་ངན་ལས་འདས་པའོ། །བྱ་བ་ཞེས་བྱ་བ་ནི། མངོན་པར་འདུ་བྱ་བ་མེད་པའོ། །དེ་བྱང་ཆུབ་སེམས་དཔའ་རྣམས་ཀྱིས་ཡལ་བར་གཞག་པར་བྱ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན།་ཟབ་མོའི་ཆོས་ཀྱི་སྣང་བ་ལའང་གནས་པར་གྱིས་ཤིག་།སྣང་བའི་ཆོས་རྣམས་ལའང་བརྙས་པར་མ་བྱེད་ཅིག་།སྣང་བ་དང་མི་སྣང་བ་ལའང་མ་གནས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཟབ་མོའི་ཆོས་ཀྱི་སྣང་བ་ལ་གནས་པ་ལགས། ཇི་ལྟར་ན། སྣང་བར་གྱུར་པའི་ཆོས་རྣམས་ལ་བརྙས་པ་མ་མཆིས་པ་ལགས། ཇི་ 28a ༄#། །ལྟར་ན། སྣང་བ་དང་མི་སྣང་བ་ལ་མི་གནས་ལ་ལགས། བཀའ་སྩལ་པ། ཟབ་ཅེས་བྱ་བ་ནི། རྟེན་ཅིང་འབྲེལ་པར་འབྱུང་བ་སྟེ། དེ་ལ་བྱང་ཆུབ་སེམས་དཔའ་རྣམས་ཀྱིས་ལྟ་བ་ཐམས་ཅད་དང་བྲལ་བས་ཆོས་ཐམས་ཅད་རྟེན་ཅིང་འབྲེལ་པར་འབྱུང་བ་ཡིན་པར་རིག་པར་བྱའོ། །ཆོས་གང་དག་རྟེན་ཅིང་འབྲེལ་པར་འབྱུང་བས་སྣང་བར་གྱུར་པ་དེ་དག་ལའང་སེམས་ཅན་ཡོངས་སུ་སྨིན་པར་བྱ་བའི་ཕྱིར་བརྙས་པར་མི་བྱའོ། །སྣང་བ་དང་མི་སྣང་བ་ལ་གནས་པར་མི་བྱ་བ་ནི། གཉིས་དང་བྲལ་བའི་ཕྱིར་ཏེ།་དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གང་ཡང་དག་པར་བསྡུ་བར་བྱ་བ་དེ་ལ་འདོད་པ་མེད་པར་གྱིས་ཤིག་།ཡང་དག་པར་བསྡུ་བའི་ཕྱིར་ཡང་བརྩོན་འགྲུས་མ་གློད་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་གང་ཡང་དག་པར་བསྡུ་བར་བགྱི་བ་དེ་ལ་འདོད་པ་མ་མཆིས་པ་ལགས། ཇི་ལྟར་ན། ཡང་དག་པར་བསྡུ་བར་བགྱི་བའི་སླད་དུ་བརྩོན་འགྲུས་ལྷོད་པར་མི་བགྱིད་པ་ལགས། བཀའ་སྩལ་པ། ཡང་དག་པར་བསྡུ་བ་ཞེས་བྱ་བ་ནི། དགེ་བའི་རྩ་བ་རྣམས་སོ། །དེ་ལ་འདོད་པ་མེད་པ་ནི། མི་ལྟ་བར་སེམས་ཅན་རྣམས་ལ་བཏང་བའོ། །ཡང་དག་པར་བསྡུ་བ་ལ་བརྩོན་འགྲུས་མ་སློང་བར་དགེ་བའི་རྩ་བ་ལ་ངོམས་མི་ཤེས་པར་བརྩོན་ 28b པར་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གཏིང་དཔག་དཀའ་བར་ཡང་གྱིས་ཤིག་།སྤྱོད་པ་གསལ་བ་ལའང་སྣང་བར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན།་བྱང་ཆུབ་སེམས་དཔའ་རྣམས་གཏིང་དཔག་དཀའ་བ་ལགས། ཇི་ལྟར་ན། སྤྱོད་པ་གསལ་བ་ལའང་གདའ་བ་ལགས། བཀའ་སྩལ་པ། གཏིང་དཔག་དཀའ་བ་ཞེས་བྱ་བ་ནི། ཟབ་པ་ལ་སྙོམས་པར་འཇུག་པ་སྟེ། གང་ལ་ཉན་ཐོས་དང་རང་སངས་རྒྱས་རྣམས་ཀྱིས་ཀྱང་གཏིང་མི་རྙེད་པའོ། །སྤྱོད་པ་གསལ་བ་ལའང་སྣང་བར་ཞེས་བྱ་བ་ནི། བྱིས་པ་སོ་སོའི་སྐྱེ་བོའི་ཆོས་རྣམས་དང་འདྲེ་བར་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ལམ་ལས་གཟུར་བར་གྱིས་ཤིག་།ལམ་གོལ་བ་ནའང་སྣང་བར་གྱིས་ཤིག་།ཡང་དག་པའི་ལམ་ཡང་མ་དོར་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ལ་མ་ལས་འཛུར་བ་ལགས། ཇི་ལྟར་ན། ལམ་གོལ་བ་ནའང་གདའ་བ་ལགས་ཇི་ལྟར་ན། ཡང་དག་པའི་ལམ་མི་འདོར་བ་ལགས། བཀའ་སྩལ་པ། ལམ་ལས་འཛུར་བ་ཞེས་བྱ་བ་ནི། ཉན་ཐོས་དང་རང་སངས་རྒྱས་ཀྱི་ལམ་ལས་འབྱོལ་བའོ། །ལམ་གོལ་བ་ན་སྣང་བ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར་རོ། །ཡང་དག་པ་མ་མི་འདོང་པར་\?\་འདི་ལྟ་སྟེ། ཕ་རོལ་ཏུ་ཕྱིན་པ་དྲུག་གི་ལམ་སྟེ། དེ་ནི། ཚུལ་ལོ། །རིགས་ཀྱི་བུ་ 29a ༄#། །དག། དེ་ལྟ་བས་ན། ཕྱིར་མི་ལྡོག་པའི་གག་\?\། ཐམས་ཅད་ལས་ཀྱང་ཕྱིར་ལྡོག་པར་གྱིས་ཤིག་།ཕྱིར་ལོག་ནས་ཀྱང་སྒྲོལ་ཅིག། གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཕྱིར་མི་ལྡོག་པའི་གོ་ཆ་བགོས་པ་ལགས། ཇི་ལྟར་ན། ཐམས་ཅད་ལས་ཕྱིར་ལྡོག་པ་ལགས། ཇི་ལྟར་ན།་ཕྱིར་ལོག་ནས་སྒྲོལ་བ་ལགས། བཀའ་སྩལ་པ། ཕྱིར་མི་ལྡོག་པའི་གོ་ཆ་བགོས་ཞེས་བྱ་བ་ནི། ཆོས་དང་མཐུན་པའི་དམ་བཅས་པ་ལ་གནས་པའོ། །ཐམས་ཅད་ལས་ཕྱིར་ལྡོག་པ་ནི། ཆོས་དང་མི་ལྡན་པའི་དམ་བཅས་པ་ལས་ལྡོག་པའོ། །ཕྱིར་ལོག་པ་ནས་སྒྲོལ་པ་ནི། མི་དགེ་བའི་ཆོས་ཐམས་ཅད་ཀྱི་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། འདུམ་པར་གྱིས་ཤིག་།རྟག་ཏུ་དབྱེ་བར་གྱིས་ཤིག་།བརྟན་པར་གྱིས་ཤིག་།བློ་རྒོད་ཅིང་མི་རྒོད་པར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་འདུམ་པ་ལགས། ཇི་ལྟར་ན། རྟག་ཏུ་དབྱེ་བ་ལགས། ཇི་ལྟར་ན། བརྟན་པ་ལགས། ཇི་ལྟར་ན། བློ་རྒོད་ཅིང་མི་རྒོད་པ་ལགས། བཀའ་སྩལ་པ། འདུམ་ཞེས་བྱ་བ་ནི། བདུད་ཟིལ་གྱིས་མནན་པའི་ཕྱིར་རོ། །རྟག་ཏུ་དབྱེ་བ་ནི། གཅིག་ནས་གཅིག་ཏུ་བརྒྱུད་ཅིང་མི་གནས་པའི་སེམས་གཞན་དང་གཞན་ཤེས་པའོ། །བརྟན་པ་ནི། སྒྲུབ་པ་ལའོ། །བློ་རྒོད་ཅིང་མི་རྒོད་པ་ནི། དགེ་ 29b བའི་ཆོས་གཞན་དང་གཞན་ལ་དམིགས་པའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། རྗེས་སུ་ཆགས་པར་ཡང་གྱིས་ཤིག་།རྟག་ཏུ་ཞེ་འགྲས་པར་ཡང་གྱིས་ཤིག ། ཡུན་རིང་པོར་ལྟ་བར་ཡང་གྱིས་ཤིག་།བྱས་པ་མི་གཟོ་བར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་རྗེས་སུ་ཆགས་པ་ལགས། ཇི་ལྟར་ན།་རྟག་ཏུ་ཞེ་འགྲས་པ་ལགས། ཇི་ལྟར་ན། ཡུན་རིང་པོར་ལྟ་བ་ལགས། ཇི་ལྟར་ན། བྱས་པ་མི་གཟོ་བ་ལགས། བཀའ་སྩལ་པ། རྗེས་སུ་ཆགས་པ་ཞེས་བྱ་བ་ནི། ཐེག་པ་ཆེན་པོ་ལའོ། །ཞེ་འགྲས་པ་ཞེས་བྱ་བ་ནི། ཐེག་པ་དམན་པ་ལའོ། །ཡུན་རིང་པོར་ལྟ་བ་ནི། འཁོར་བ་ཡོངས་སུ་བཟུང་བའི་ཕྱིར་རོ། །བྱས་པ་མི་གཟོ་བ་ནི། སྡིག་པ་བྱས་པ་རྣམས་ལ་ཕྱིར་ལན་མི་གློན་པ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གཏོང་བའང་ཤིན་ཏུ་ཐོང་ཞིག་།སེར་སྣ་ཅན་དུའང་གྱིས་ཤིག་།འཛིན་པའི་སེམས་ཀྱང་མེད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་གཏོང་བ་ཤིན་ཏུ་གཏོང་བ་ལགས། ཇི་ལྟར་ན། སེར་སྣ་ཅན་ལགས། ཇི་ལྟར་ན། འཛིན་པའི་སེམས་མ་མཆིས་པ་ལགས། བཀའ་སྩལ་པ། གཏོང་པ་ཤིན་ཏུ་བཏང་པ་ནི། སེམས་ཅན་ཐམས་ཅད་ཡོངས་སུ་མི་གཏོང་བའི་ཕྱིར་\?\་ཡིན་པ་བཏང་པའོ། །སེར་སྣ་ཅན་དུ་བྱ་བ་ནི། སྣོད་དུ་མ་གྱུར་པ་རྣམས་ལའོ། །འཛིན་པ་ 30a ༄#། །མེད་པའི་སེམས་སུ་བྱ་བ་ནི། ཆོས་ལ་སླས་\?\་བཀའ་\?\་གྱི་དང་འཁྲུད་དཔའ་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གང་དག་སྤངས་པ་དེ་དག་ནི། ཡོངས་སུ་ཟུངས་ཤིག་།གང་དག་ཡོངས་སུ་བཟུང་བ་དེ་དག་ནི། ཡལ་བར་ཞོག་ཅིག་།ནད་པ་ལྟར་ཡང་གྱིས་ཤིག་།ན་བ་རྣམས་ཀྱང་གསོས་ཤིག་།གསོལ་པ། བཅོམ་ལྡན་འདས།་ཇི་ལྟར་ན། བྱང་ཆུབ་སེམས་དཔའ་རྣམས་གང་དག་སྤངས་པ་དེ་དག་ཡོངས་སུ་འཛིན་པ་ལགས། ཇི་ལྟར་ན། གང་དག་ཡོངས་སུ་བཟུང་བ་དེ་དག་ཡལ་བར་འཇོག་པ་ལགས།་ཇི་ལྟར་ན། ནད་པ་ལྟ་བུར་གྱུར་པ་ལགས། ཇི་ལྟར་ན། ན་བ་རྣམས་ཀྱང་གསོ་བ་ལགས། བཀའ་སྩལ་པ། གང་དག་སྤངས་པ་དེ་དག་ཡོངས་སུ་གཟུང་བ་ནི། ལོག་པ་ཉིད་དུ་ངེས་པའི་སེམས་ཅན་སངས་རྒྱས་ཐམས་ཅད་ཀྱིས་སྤངས་པ་དེ་དག་བྱང་ཆུབ་སེམས་དཔས་ཡོངས་སུ་གཟུང་བར་བྱའོ། །གང་དག་ཡོངས་སུ་བཟུང་བ་དེ་དག་ཡལ་བར་གཞག་པ་ནི།་སློབ་པ་དང ། མི་སློབ་པ་ཐམས་ཅད་དོ། །ནད་པ་ལྟར་ཡང་བྱ་ཞིང་ན་བ་རྣམས་ཀྱང་གསོ་བར་བྱ་བ་ནི། བསམ་བཞིན་དུ་རྒབ་དང་ན་བ་བསྟན་ནས་སོ་སོའི་སྐྱེ་བོ་རྣམས་ལ་ཆོས་བསྟན་པ་སྟེ།་དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། བདུད་ཀྱི་ལས་རྣམས་ནི། འབར་བར་གྱིས་ཤིག་།སངས་རྒྱས་ཀྱི་ཆོས་རྣམས་ནི། ཞི་བར་གྱིས་ཤིག་།གསོལ་པ། བཅོམ་ལྡན་ 30b འདས།་ཇི་ལྟར་ན། བྱང་ཆུབ་སེམས་དཔའ་རྣམས་བདུད་ཀྱི་ལས་རྣམས་ནི། འབར་བར་བགྱིད་པ་ལགས། ཇི་ལྟར་ན། སངས་རྒྱས་ཀྱི་ཆོས་རྣམས་ནི། ཞི་བར་བགྱིད་པ་ལགས། བཀའ་སྩལ་པ། བདུད་ཀྱི་ལས་འབར་བར་བྱེད་པ་ནི། དགེ་བའི་ཆོས་ལ་བརྩོན་པ་རྣམས་ལའོ། །སངས་རྒྱས་ཀྱི་ཆོས་རྣམས་ཞི་བར་བྱེད་པ་ནི། ཆོས་ཐམས་ཅད་ཉོན་མོངས་པ་དང ། ཉེ་བའི་ཉོན་མོངས་བ་མེད་པར་སྦྱོར་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། བདུད་རྣམས་དང་ནི། འཐབ་པར་གྱིས་ཤིག་།སྟོན་པ་ནི། མ་ཚོལ་ཅིག་།གསོལ་པ། བཅོམ་ལྡན་འདས། ཇི་ལྟར་ན།་བྱང་ཆུབ་སེམས་དཔའ་རྣམས་བདུད་དང་འཐབ་པ་ལགས། ཇི་ལྟར་ན། སྟོན་པ་མི་ཚོལ་བ་ལགས། བཀའ་སྩལ་པ། བདུད་དང་འཐབ་པར་བྱ་བ་ནི། བྱང་ཆུབ་སེམས་དཔའ་དག་གང་གི་ཚེས་སེམས་ཅན་རྣམས་ཡོངས་སུ་སྨིན་པར་བྱེད་པ་དེའི་ཚེ་བར་ཆད་བྱ་བའི་ཕྱིར་བདུད་བརྩོན་པར་བྱེད་པ་ནའོ། །སྟོན་པ་མི་ཚོལ་བ་ནི། དགེ་བའི་ཆོས་ཐམས་ཅད་དང་ལྡན་པ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟར་བས་ན། གང་དག་ཉན་ཐོས་ཀྱིས་སྨད་པར་བྱ་བ་དེ་ཁྱེད་ཀྱིས་མ་སྨད་ཅིག་།གང་ལ་ཉན་ཐོས་མངོན་པར་དགའ་བ་དེ་ལ་ཁྱེད་དགའ་བར་མ་བྱེད་ཅིག ། གསོལ་བ། བཅོམ་ལྡན་འདས་\?\་བགྱི་བ་དེ་དག་ལ་མི་སྨོད་པ་ལགས། ཇི་ལྟར་ན། གང་ལ་ཉན་ཐོས་དགའ་བ་ 31a ༄#། །དེ་ལ་མི་དགའ་བ་ལགས། །བཀའ་སྩལ་བ། ཉན་ཐོས་ན། \?\གནས་རྣམས་ལ་སྨེད་དེ། དེ་དག་ཁྱེད་ཀྱིས་སྨད་པར་མི་བྱའོ། །ཉན་ཐོས་ནི། རང་ཡོངས་སུ་མྱ་ངན་ལས་འདས་པ་ལ་མངོན་པར་དགའ་ན། དེ་ལ་ཁྱེད་ཀྱིས་མངོན་པར་དགའ་བར་མི་བྱ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། འཇིག་རྟེན་ན་གནས་པར་གྱིས་ཤིག་།འཇིག་རྟེན་གྱི་ཆོས་རྣམས་མྱོང་བར་གྱིས་ཤིག་།འཇིག་རྟེན་གྱིས་ཀྱང་མ་གོས་པར་གྱིས་ཤིག་།འཇིག་རྟེན་ན་ཐོགས་པ་རྣམས་ཀྱང་སྒྲོལ་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་འཇིག་རྟེན་ན་གནས་པ་ལགས། ཇི་ལྟར་ན། འཇིག་རྟེན་གྱི་ཆོས་རྣམས་མྱོང་བ་ལགས། ཇི་ལྟར་ན། འཇིག་རྟེན་གྱིས་མི་གོས་པ་ལགས། ཇི་ལྟར་ན།་འཇིག་རྟེན་དུ་ཐོགས་པ་སྒྲོལ་བ་ལགས། བཀའ་སྩལ་པ། འཇིག་རྟེན་ན་གནས་པར་བྱ་བ་ནི། འདོད་པ་དང ། གཟུགས་དང ། གཟུགས་མེད་པ་རྣམས་སུའོ། །འཇིག་རྟེན་གྱི་ཆོས་རྣམས་མྱོང་བར་བྱ་བ་ནི། འཇིག་རྟེན་གྱི་ཆོས་བརྒྱད་པོ་དག་གོ་།འཇིག་རྟེན་གྱིས་མི་གོས་པར་བྱ་བ་ནི། བདེ་བ་དང་སྡུག་བསྔལ་གྱིས་མི་བསྐྱོད་པའི་ཕྱིར་རོ། །འཇིག་རྟེན་དུ་ཐོགས་པ་སྒྲོལ་བ་ནི། ཁམས་གསུམ་གྱི་བཙོམ་ར་ནས་འདོན་པ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཡང་བར་གྱིས་ཤིག་།ལྕི་བར་གྱིས་ཤིག་།སྡུག་བསྔལ་བར་གྱིས་ཤིག་།བདེ་ 31b བར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཡང་བ་ལགས། ཇི་ལྟར་ན། ལྕི་བ་ལགས། ཇི་ལྟར་ན། སྡུག་བསྔལ་བ་ལགས། ཇི་ལྟར་ན། བདེ་བ་ལགས། བཀའ་སྩལ་པ། ཡང་བ་ནི། སེམས་ཅན་ཐམས་ཅད་ཀྱི་བྱ་བ་ཅི་ཡོད་པ་ལ་སྙིང་ལས་སུ་བྱེད་པའོ། །ལྕི་བ་ནི། ཡིད་མ་ལ་བརྟན་པའོ། །སྡུག་བསྔལ་བར་བྱ་བ་ནི། མི་མཐུན་པའི་གཉེན་པོ་རྣམས་ལའོ། །བདེ་བར་བྱ་བ་ནི། བསོད་ནམས་བྱས་པའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག། དེ་ལྟ་བས་ན། མི་སྣང་བར་ཡང་གྱིས་ཤིག་།ཐམས་ཅད་དུ་སྣང་བར་ཡང་གྱིས་ཤིག་།བྱོལ་བར་བྱ་བ་རྣམས་ལ་ནི། བྱོལ་ཅིག་།བསྡད་པར་བྱ་བ་རྣམས་ལ་ནི། སྡོད་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་མི་གདའ་བའང་ལགས། ཇི་ལྟར་ན། ཐམས་ཅད་དུ་གདའ་བའང་ལགས། ཇི་ལྟར་ན། བྱོལ་བར་བགྱི་བ་རྣམས་ལ་བྱོལ་བ་ལགས། ཇི་ལྟར་ན། བསྡད་པར་བགྱི་བ་རྣམས་ལ་སྡོད་པར་བགྱིད་བ་ལགས། །བཀའ་སྩལ་པ། མི་སྣང་བར་བྱ་བ་ནི། ལྟང་བ་དང་འཁྲུལ་བ་ཐམས་ཅད་ལས་ཡང་དག་པར་འདས་པར་བྱ་བའོ། །ཐམས་ཅད་དུ་སྣང་བར་ཡང་བྱ་བ་ནི། བྱང་ཆུབ་ཀྱི་ཕྱོགས་ཀྱི་ཆོས་ཡང་དག་པར་བསམ་པ་ཆར་ན། ཕྱོལ་བར་བྱ་བ་རྣམ་ལས་\?\་རྩོད་པ་རྣམས་ལགས་སོ། །བསྡད་པར་བྱ་བ་རྣམས་ལ་སྡོད་པ་ནི། སེམས་ཅན་ཚོགས་ 32a ༄#། །པར་བྱ་པར་ཕྱིར་ཏེ། འདི་\?\་ནམས་ལའང་གནས་པར་གྱིས་ཤིག་།བྱས་པ་རྣམས་ལའང་གནས་པར་གྱིས་ཤིག་།བྱས་པ་དང་མ་བྱས་པ་རྣམས་ལའང་སེམས་མཉམ་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་མ་བགྱིས་པ་རྣམས་ལའང་གནས་པ་ལགས། ཇི་ལྟར་ན། བགྱིས་པ་རྣམས་ལའང་གནས་པ་ལགས། ཇི་ལྟར་ན། བགྱིས་པ་དང་མ་བགྱིས་པ་རྣམས་ལའང་སེམས་མཉམ་པ་ལགས། བཀའ་སྩལ་པ། མ་བྱས་པ་རྣམས་ལ་གནས་པ་ནི། དགེ་བའི་རྩ་བ་ཡང་དག་པར་བསྒྲུབ་པའི་ཕྱིར་རོ། །བྱས་པ་རྣམས་ལ་གནས་པ་ནི། དགེ་བའི་རྩ་བ་བྱས་པ་དེའི་གོང་མའི་ཆོས་དང་སྦྱར་བར་བྱ་བའི་ཕྱིར་རོ། ། བྱས་པ་དང་མ་བྱས་པ་རྣམས་ལ་སེམས་མཉམ་པར་བྱ་བ་ནི། ཚུལ་ཁྲིམས་དང་ལྡན་པ་དང ། ཚུལ་ཁྲིམས་འཆལ་བ་རྣམས་ལ་བྱེ་བག་མེད་པའི་འདུ་ཤེས་སུ་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། སྙིང་པོ་མེད་པ་ལས་ཀྱང་སྙིང་པོ་ཚོལ་ཅིག་།སྙིང་པོ་ལའང་སྙིང་པོ་མེད་པའི་འདུ་ཤེས་སྐྱོད་ཅིག་།སྙིང་པོ་དང་སྙིང་པོ་མེད་པ་ལའང་སྤྱོད་ཅིག་།གསོལ་པ།་བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་སྙིང་པོ་མ་མཆིས་པ་ལ་སྙིང་པོ་ཚོལ་བ་ལགས། ཇི་ལྟར་ན། སྙིང་པོ་ལ་སྙིང་པོ་མ་མཆིས་པར་འདུ་ཤེས་བསྐྱེད་པ་ 32b ལགས། ཇི་ལྟར་ན། སྙིང་པོ་དང་སྙིང་པོ་མ་མཆིས་པ་ལ་སྤྱོད་པ་ལགས། བཀའ་སྩལ་པ། སྙིང་པོ་མེད་ཅེས་བྱ་བ་ནི། ལུས་དང ། སྲོག་དང ། ལོངས་སྤྱོད་རྣམས་ཏེ། དེ་ལས་དམ་པའི་ཆོས་ཡོངས་སུ་རྫོགས་པར་བྱ་བས་སྙིང་པོ་བཙལ་བའོ། །སྙིང་པོ་ཞེས་བྱ་བ་ནི། འདུས་མ་བྱས་ཏེ། སངས་རྒྱས་ཀྱི་ཆོས་ལ་གཟུང་བའི་ཕྱིར་དེ་ལ་སྙིང་པོ་མ་ཡིན་པའི་འདུ་ཤེས་བསྐྱེད་པར་བྱའོ། །སྙིང་པོ་དང་སྙིང་པོ་མ་ཡིན་པ་ལ་སྤྱོད་པ་ནི། འདུས་བྱས་དང་འདུས་མ་བྱས་ཀྱི་ཆོས་རྣམས་ལ་བློ་བཏང་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། དམ་བཅས་པ་ནི། ཉམས་པར་གྱིས་ཤིག ། ཚུལ་ཁྲིམས་ནི། མ་ཉམས་པར་གྱིས་ཤིག་།ཚུལ་ཁྲིམས་འཆལ་བ་རྣམས་ལ་ནི། ལྟོས་ཤིག་།ཚུལ་ཁྲིམས་དང་ལྡན་པ་རྣམས་ལ་ནི། ཡལ་བར་ཞོག་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་དམ་བཅས་པ་ཉམས་པར་བགྱིད་པ་ལགས། ཇི་ལྟར་ན། ཚུལ་ཁྲིམས་མ་ཉམས་པ་ལགས། ཇི་ལྟར་ན། ཚུལ་ཁྲིམས་འཆལ་བ་རྣམས་ལ་ལྟ་བ་ལགས།་ཇི་ལྟར་ན། ཚུལ་ཁྲིམས་དང་ལྡན་པ་རྣམས་ལ་ཡལ་བར་གཞོག་པ་ལགས། བཀའ་སྩལ་པ། དམ་བཅས་པ་ཉམས་པར་བྱ་བ་ནི། དགེ་བའི་རྩ་བ་གསོང་མ་དང་གོང་མ་ལ་ལྷག་པར་པ་ཕྱིར་རོ། །ཚུལ་ཁྲིམས་\?\་བྱ་བ་ནི། བྱང་ཆུབ་ཀྱི་སེམས་ལ་ཚུལ་ཁྲིམས་འཆལ་པ་རྣམས་ལ་ལྟ་བ་ནི། ཚུལ་ཁྲིམས་ལ་སྦྱར་བའི་ཕྱིར་ 33a ༄#། །ངོ ། ཚུལ་ཁྲིམས་དང་པ་རྣམས་ལ་ཡལ་བར་གཞག་བཞན་བྱ་བ་བྱས་པའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གཞན་གྱི་ནོར་ལ་དགའ་བར་གྱིས་ཤིག་།རང་གི་ནོར་ནི། ཡོངས་སུ་ཐོང་ཞིག་།ཉེ་བར་གནས་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་གཞན་གྱི་ནོར་ལ་དགའ་བ་ལགས། ཇི་ལྟར་ན། རང་གི་ནོར་ཡོངས་སུ་གཏོང་བ་ལགས། ཇི་ལྟར་ན། ཉེ་བར་གནས་པ་ལགས། བཀའ་སྩལ་པ། གཞན་གྱི་ནོར་ལ་མངོན་པར་དགའ་བ་ཞེས་བྱ་བ་ནི། བྱང་ཆུབ་སེམས་དཔའ་དང ། ཉན་ཐོས་དང ། རང་སངས་རྒྱས་ཐམས་ཅད་དང ། སེམས་ཅན་ཐམས་ཅད་ཀྱི་བསོད་ནམས་ལ་རྗེས་སུ་ཡི་རང་བར་བྱའོ། །རང་གི་ནོར་ཡོངས་སུ་གཏང་བ་ནི། རང་གི་དགེ་བའི་རྩ་བ་རྣམས་སེམས་ཅན་ཐམས་ཅད་ལ་ཡོངས་སུ་གཏང་བར་བྱའོ། །ཉེ་བར་གནས་པར་བྱ་བ་ནི། བྱང་ཆུབ་ཏུ་ཡོངས་སུ་བསྔོ་བའི་ཕྱིར་ཏེ།་དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། མཆོག་ཏུ་ཕྱིན་པར་ཡང་གྱིས་ཤིག་།སེམས་དམའ་བར་ཡང་གྱིས་ཤིག་།ལེ་ལོ་ཅན་དུའང་གྱིས་ཤིག། རྟག་ཏུ་བརྩོན་པར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་མཆོག་ཏུ་ཕྱིན་པ་ལགས། ཇི་ལྟར་ན། སེམས་དམའ་བ་ལགས། ཇི་ལྟར་ན། ལེ་ལོ་ཅན་ལགས། ཇི་ལྟར་ན། རྟག་ཏུ་བརྩོན་པ་ལགས། བཀའ་ 33b སྩལ་པ།་མཆོག་ཏུ་ཕྱིན་པ་ནི། ཤེས་རབ་དང་ཡེ་ཤེས་ཀྱིས་སོ། །སེམས་དམའ་བ་ནི། ང་རྒྱལ་མེད་པའི་ཕྱིར་རོ། །ལེ་ལོ་ཅན་ནི། ཉན་ཐོས་དང་རང་སངས་རྒྱས་ཀྱིས་འཐོབ་པར་བྱ་བ་ལའོ། ། རྟག་ཏུ་བརྩོན་པ་ནི། ཕ་རོལ་ཏུ་ཕྱིན་པ་རྣམས་ལ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། མི་སྲུན་པར་ཡང་གྱིས་ཤིག་།དུལ་བའི་ས་ལ་གནས་པར་ཡང་གྱིས་ཤིག་།འཇིགས་པར་ཡང་གྱིས་ཤིག་།སེངྒེའི་རྩལ་གྱིས་རྣམ་པར་གནོན་པར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་མི་སྲུན་པ་ལགས། ཇི་ལྟར་ན། དུལ་བའི་ས་ལ་གནས་པ་ལགས། ཇི་ལྟར་ན། འཇིགས་པ་ལགས། ཇི་ལྟར་ན། སེངྒེའི་རྩལ་གྱིས་རྣམ་པར་གནོན་པ་ལགས། བཀའ་སྩལ་པ། མི་སྲུན་པར་བྱ་བ་ནི། བདུད་ཐམས་ཅད་གདུལ་བའི་ཕྱིར་རོ། །དུལ་བའི་ས་ལ་གནས་པ་ནི། སེམས་ཅན་ཅང་ཤེས་གདུལ་བའི་ཕྱིར་རོ། །འཇིགས་པར་བྱ་བ་ནི། སྡིག་པ་ཐམས་ཅད་ལས་སོ། །སེངྒེའི་རྩལ་གྱིས་རྣམ་པར་གནོན་པར་བྱ་བ་ནི། ཕས་ཀྱི་རྒོལ་བ་ཐམས་ཅད་དམའ་དབབ་པའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཡིད་དུ་འོང་བར་ཡང་གྱིས་ཤིག་།ཡིད་དུ་མི་འོང་བར་ཡང་གྱིས་ཤིག་།སྨད་དུ་མེད་པར་ཡང་གྱིས་ཤིག་།སྨད་དུ་ཡོད་པར་ཡང་གྱིས་ཤིག་།གསོལ་ཕུ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཡིད་དུ་འོང་བ་ལགས། ཇི་ལྟར་ན། ཡིད་དུ་མི་འོང་བ་ལགས། 34a ༄#། །ཇི་ལྟར་ན། སྨད་དུ་མ་ཆིས་པ་ལགས། \?\་བཀའ་སྩལ་པ། ཡིད་དུ་འོང་བ་ཞེས་བྱ་བ་ནི། ཡོན་ཏན་གྱིས་ཕྱུག་པའི་ཕྱིར་སངས་རྒྱས་ཐམས་ཅད་ཀྱི་ཐུགས་སུ་བྱིན་པའོ། །ཡིད་དུ་མི་འོང་བ་ན། མངོན་པར་ཤེས་པ་ཐམས་ཅད་ཀྱིས་རྣམ་པར་འཕྲུལ་པའི་ཕྱིར་བདུད་ཐམས་ཅད་ཀྱི་ཡིད་དུ་མི་འོང་བའོ། །སྨད་དུ་མེད་པ་ནི།་ལུས་དང ། ངག་དང ། ཡིད་ཡོངས་སུ་དག་པའི་ཕྱིར་རོ། །སྨད་དུ་ཡོད་པ་ནི། མི་དགེ་བའི་ཆོས་ཐམས་ཅད་ལ་སྨོད་པའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། རྨ་བྱུང་བ་རྣམས་ལ་རྨ་མ་འབྱིན་ཅིག་།རྨ་མ་བྱུང་བ་རྣམས་ལ་རྨ་བྱུང་ཞིག་།ཡེ་ཤེས་ཚོལ་ཅིག། ཡེ་ཤེས་ཀྱི་བྱ་བ་རྣམས་ལ་དགའ་བར་མ་བྱེད་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་རྨ་བྱུང་བ་རྣམས་ལ་རྨ་མི་འབྱིན་པ་ལགས། ཇི་ལྟར་ན། རྨ་མ་བྱུང་བ་རྣམས་ལ་རྨ་འབྱིན་པ་ལགས། ཇི་ལྟར་ན། ཡེ་ཤེས་ཚོལ་བ་ལགས། ཇི་ལྟར་ན།་ཡེ་ཤེས་ཀྱི་བགྱི་བ་རྣམས་ལ་མི་དགའ་བ་ལགས། བཀའ་སྩལ་པ། རྨ་བྱུང་བ་རྣམས་ཞེས་བྱ་བ་ནི། ཉན་ཐོས་དང་རང་སངས་རྒྱས་ཀྱི་ས་སྟེ། དེ་ལ་རྨ་དབྱུང་བར་མི་བྱའོ། །རྨ་མ་བྱུང་བ་རྣམས་ཞེས་བྱ་བ་ནི། སོ་སོའི་སྐྱེ་བོ་ཐམས་ཅད་དེ། དེ་དག་ནི། རྨ་དབྱུང་བར་བྱའོ། །ཡེ་ཤེས་བཙལ་བར་བྱ་བ་ནི། ཟད་པ་དང་མི་སྐྱེ་བ་ཤེས་པའོ། །ཡེ་ཤེས་ཀྱི་བྱ་བ་ལ་ 34b དགའ་བར་མི་བྱ་བ་ནི། འདུས་མ་བྱས་སུ་ལྟུང་བར་མི་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག། དེ་ལྟ་བས་ན། མཉམ་པར་གཞག་པར་ཡང་གྱིས་ཤིག་།སེམས་རྣམ་པར་གཡེང་བར་ཡང་གྱིས་ཤིག་།སེམས་མི་གནས་པར་ཡང་གྱིས་ཤིག་།རྟག་ཏུ་སྙོམས་པར་ཞུགས་པར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་མཉམ་པར་བཞག་པ་ལགས། ཇི་ལྟར་ན། སེམས་རྣམ་པར་གཡེང་བར་བགྱིད་པ་ལགས། ཇི་ལྟར་ན། སེམས་མི་གནས་པ་ལགས། ཇི་ལྟར་ན། རྟག་ཏུ་སྙོམས་པར་ཞུགས་པ་ལགས། བཀའ་སྩལ་པ། མཉམ་པར་གཞག་པ་ནི། བྱང་ཆུབ་ཀྱི་སེམས་ཀྱིས་སོ། །སེམས་རྣམ་པར་གཡེང་བར་བྱ་བ་ནི། ཉན་ཐོས་ཀྱི་སེམས་ལས་སོ། །མི་གནས་པ་ནི། དེ་ལ་མ་ཆགས་པའི་ཕྱིར་རོ། །རྟག་ཏུ་སྙོམས་པར་ཞུགས་པ་ནི། སེམས་ཅན་ཐམས་ཅད་སེམས་མཉམ་པའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། བསྲེག་པར་བྱ་བ་ནི། སྲེགས་ཤིང ། ཚིག་པ་ནི།་སྐྱེད་ཅིག་།སྐྱེད་པ་ནི། ཐོད་ཞིག་།རྣམ་པར་ཕྱེ་བ་ནི། སོས་ཤིག། གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་བསྲེག་པར་བགྱི་བ་སྲེག་པ་ལགས། ཇི་ལྟར་ན། ཚིག་པ་རྣམས་སྐྱེད་པ་ལགས། ཇི་ལྟར་ན། སྐྱེ་པ་རྣམས་གཏོང་པ་ལགས། ཇི་ལྟར་ན། རྣམ་པར་ཕྱེ་ན་རྣམས་སྡུད་པ་ལགས། བཀའ་སྩལ་པ། བསྲེག་པར་བྱ་བ་སྲེག་པ་ནི། ཉོན་ 35a ༄#། །མོངས་པ་ཐམས་ཅད་ཤེས་རབ་ཀྱི་མེས་སྲེག་པའོ། །ཚིག་བསྐྱེད་པ་ན། སྲབས་ཀྱིས་ཕུང་པོ་དང ། ཁམས་དང ། སྐྱེ་མཆེད་རྣམས་གཟུང་བའོ། །སྐྱེས་ནས་གཏོང་བ་ནི། སེམས་ཅན་ཐམས་ཅད་ཀྱི་བྱ་བ་ཅི་ཡོད་པ་ལ་སྙིང་ལས་སུ་བྱ་བའོ། །རྣམ་པར་ཕྱེ་བས་བསྡུ་བ་ཞེས་བྱ་བ་དེ་ནི། ཡོངས་སུ་བསྔོ་བའི་ཚིག་བླ་དྭགས་ཏེ། དེ་ནི། ཚུལ་ལོ། ། རིགས་ཀྱི་བུ་དག་།དེ་ལྟ་བས་ན། དུས་མ་ཡིན་པ་ནི། དུས་སུ་ཤེས་པར་གྱིས་ཤིག་།དུས་ནི། དུས་མ་ཡིན་པར་ཤེས་པར་གྱིས་ཤིག་།དུས་དང་དུས་མ་ཡིན་པ་ལ་མཁས་པར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་དུས་མ་ལགས་པ་ལ་དུས་འཚལ་བ་ལགས། ཇི་ལྟར་ན། དུས་ལ་དུས་མ་ལགས་པར་འཚལ་བ་ལགས།་ཇི་ལྟར་ན། དུས་དང་དུས་མ་ལགས་པ་ལ་མཁས་པ་ལགས། བཀའ་སྩལ་པ། གང་ཉན་ཐོས་ཀྱིས་ཐོབ་པར་བྱ་བའི་དུས་དེ་ནི། བྱང་ཆུབ་སེམས་དཔའི་དུས་མ་ཡིན་ནོ། །ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པར་བྱས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་ནི། བྱང་ཆུབ་སེམས་དཔའ་དུས་སོ། །དུས་དང་དུས་མ་ཡིན་པ་ལ་མཁས་པར་བྱ་བ་ནི། དུས་བཞིན་དུ་དགེ་བའི་རྩ་བ་ཡང་དག་པར་བསྒྲུབ་པའི་ཕྱིར་ཏེ། དེ་ནི། ཚུལ་ལོ། རིགས་ཀྱི་བུ་དག་།དེ་ལྟ་བས་ན། འབྱོར་བ་ནི། ཕྱེ་ཤིག་།མ་འབྱོར་པ་ནི། 35b སྦྱོར་ཅིག་།འབྱོར་པ་དང ། མ་འབྱོར་པ་ལ་ཆགས་པར་ཡང་མ་བྱེད་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་འབྱོར་པ་འབྱེད་པ་ལགས། ཇི་ལྟར་ན།་མ་འབྱོར་པ་ནི། སྦྱོར་བ་ལགས། ཇི་ལྟར་ན། སྦྱོར་བ་དང ། མི་སྦྱོར་བ་ལ་མ་ཆགས་པ་ལགས། བཀའ་སྩལ་པ། འབྱོར་པ་ནི། ཕྱིན་ཅི་ལོག་བཞི་འཁོར་བའི་འདམ་དང་འབྱོར་པ་སྟེ། དེ་ནི། བྱང་ཆུབ་སེམས་དཔའ་དབྱེ་བར་བྱའོ། །མ་འབྱོར་པ་ནི། མྱ་ངན་ལས་འདས་པའི་ཚུལ་བཞིན་ཡིད་ལ་བྱ་བ་སྟེ། དེ་ནི། བྱང་ཆུབ་སེམས་དཔས་སྦྱར་བའོ། །འབྱོར་པ་དང་མ་འབྱོར་པ་ལ་ཆགས་པར་མི་བྱ་བ་ནི། ཉན་ཐོས་དང་རང་སངས་རྒྱས་ཀྱི་སྤྱོད་པ་དང ། སོ་སོའི་སྐྱེ་བོའི་སྤྱོད་པ་ལ་མ་ཆགས་པར་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག། དེ་ལྟ་བས་ན།་དབུགས་ཕྱིན་པ་རྣམས་ནི། དབུགས་མ་ཕྱུང་ཞིག་།དབུགས་མ་ཕྱིན་པ་རྣམས་ནི། དབུགས་ཕྱུང་ཞིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་དབུགས་ཕྱིན་པ་རྣམས་དབུགས་མི་འབྱིན་པ་ལགས། ཇི་ལྟར་ན། དབུགས་མ་ཕྱིན་པ་རྣམས་དབུགས་འབྱིན་པ་ལགས། བཀའ་སྩལ་པ། དབུགས་ཕྱིན་པ་རྣམས་དབུགས་མི་དབྱུང་བ་ནི། ཡོངས་སུ་སྨིན་པའི་སེམས་ཅན་རྣམས་ཡོངས་སུ་སྨིན་པར་མི་པའོ། །ད་བུགས་མ་ཕྱིན་པ་རྣམས་ད་བུགས་བྱད་བ་ནི། ཡོངས་སུ་མ་སྨིན་པའི་སེམས་ཅན་རྣམས་ཡོངས་སུ་སྨིན་པར་བྱ་བ་སྟེ། དེ་ནི། 36a ༄#། །ཚུལ་ལོ། །རིགས་ཀྱི་བུ་དག་།དེ་ལྟ་བས་ན། མ་\?\་བྱུང་བར་ཡང་བྱེད་ཤིག་།མ་རྨས་པར་ཡང་གྱིས་ཤིག་།རྨ་བྱུང་བ་རྣམས་ནི། སོས་པར་ཡང་གྱིས་ཤིག ། རྨ་མ་བྱུང་བ་རྣམས་ནི། མ་དབྱུང་ཞིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་རྨ་འབྱིན་པ་ལགས། ཇི་ལྟར་ན། མ་རྨས་པ་ལགས། ཇི་ལྟར་ན། རྨ་བྱུང་བ་རྣམས་གསོ་བ་ལགས། ཇི་ལྟར་ན། རྨ་མ་བྱུང་བ་རྨ་མི་འབྱིན་པ་ལགས། བཀའ་སྩལ་པ། རྨ་བྱུང་བ་ནི། ཡན་ལག་དང་ཉིང་ལག་ཡོངས་སུ་བཏང་བའི་ཕྱིར་རོ། །མ་རྨས་པར་བྱ་བ་ནི།་སེམས་ཀྱིས་སོ། །རྨ་བྱུང་བ་རྣམས་གསོ་བ་ནི། ལྟུང་བ་བྱུང་བ་རྣམས་ཆོས་བཞིན་དུ་བཅོས་པའོ། རྨ་མ་བྱུང་བ་རྨ་མི་དབྱུང་བ་ནི། སྲོག་གི་ཕྱིར་ཡང་བསླབ་པ་ལས་འགལ་བར་མི་བྱ་བ་སྟེ།་དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཉེ་བར་འཚོར་མེད་པར་ཡང་གྱིས་ཤིག་།སེམས་ཅན་ཐམས་ཅད་ཉེ་བར་འཚོ་བར་ཡང་གྱིས་ཤིག་།མ་བསགས་པ་རྣམས་ཀྱང་སོགས་ཤིག་།བསགས་པ་རྣམས་ཀྱང་ཆུད་མ་གཟན་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཉེ་བར་འཚོ་བ་མ་མཆིས་པ་ལགས། ཇི་ལྟར་ན། སེམས་ཅན་ཐམས་ཅད་ཉེ་བར་འཚོ་བ་ལགས། ཇི་ལྟར་ན། མ་བསགས་པ་གསོག་པ་ལགས། ཇི་ལྟར་ན། བསགས་པ་ཆུད་མི་གཟོན་པ་ལགས། བཀའ་སྩལ་པ། ཉེ་བར་འཚོ་བ་མེད་ 36b པ་ནི།་བདུད་དང་མུ་སྟེགས་ཅན་ཐམས་ཅད་ཀྱིས་གླགས་མི་རྙེད་པའོ། །སེམས་ཅན་ཐམས་ཅད་ཉེ་བར་འཚོ་བ་ནི། དཔག་བསམ་གྱི་ཤིང་ལྟ་བུའོ། །མ་བསགས་པ་གསོག་པ་ནི། དགེ་བའི་རྩ་བ་བསྐྱེད་པའི་ཕྱིར་རོ། །བསགས་པ་ཆུད་མི་གཟོན་པ་ནི། དགེ་བའི་སེམས་སྐྱེས་སོ་ཅོག་བྱང་ཆུབ་ཏུ་ཡོངས་སུ་བསྔོ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན།་སྟོབས་ཆུང་བར་ཡང་གྱིས་ཤིག་།སྟོབས་དང་ལྡན་པར་ཡང་གྱིས་ཤིག་།རྟེན་མེད་པར་ཡང་གྱིས་ཤིག་།དཔུང་གཉེན་མེད་པར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་སྟོབས་ཆུང་བ་ལགས། ཇི་ལྟར་ན། སྟོབས་དང་ལྡན་པ་ལགས། ཇི་ལྟར་ན། རྟེན་མ་མཆིས་པ་ལགས། ཇི་ལྟར་ན། དཔུང་གཉེན་མ་མཆིས་པ་ལགས། བཀའ་སྩལ་པ།་སྟོབས་ཆུང་དུ་བྱ་བ་ནི། གནོད་པར་བྱེད་པ་རྣམས་ལ་ལན་མི་བྱའོ། །སྟོབས་དང་ལྡན་པར་བྱ་བ་ནི། ཕན་པ་མི་བྱེད་པ་རྣམས་ལ་བཟོད་པས་ཕན་གདགས་པའོ། །རྟེན་མེད་པར་བྱ་བ་ནི།་སོ་སོ་རང་གིས་ཤེས་པས་སོ། །དཔུང་གཉེན་མེད་པར་བྱ་བ་ནི། གཞན་གྱི་དྲིང་མི་འཇོག་པ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། དང་བ་དག་ནི། རྙོག་པ་ཅན་དུ་གྱིས་ཤིག་།རྙོག་པ་ཅན་དག་ནི། དང་བར་གྱིས་ཤིག་།རྙོག་པ་མེད་པར་ཡང་གྱིས་ཤིག་།རྟག་ཏུ་དང་བར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་ 37a ༄#། །དཔའ་རྣམས་དང་བ་དག་ནི། རྙོག་པ་ཅན་དུ་བགྱི་བ་ལགས། ཇི་ལྟར་ན། རྙོག་པ་ཅན་དག་ནི། དང་བར་བགྱིད་པ་ལགས། ཇི་ལྟར་ན། རྙོག་པ་མ་མཆིས་པ་ལགས། ཇི་ལྟར་ན། རྟག་ཏུ་དང་བ་ལགས། བཀའ་སྩལ་པ། དང་བ་དག་རྙོག་པ་ཅན་དུ་བྱ་བ་ནི། མཉམ་པར་བཞག་པའི་སེམས་ལ་དགེ་བའི་རྩ་བ་དག་གིས་བསྒོ་བའོ། །རྙོག་པ་ཅན་དག་དང་བར་བྱ་བ་ནི། ཉོན་མོངས་པ་ལ་རྙོག་པའི་སེམས་བྱང་ཆུབ་ཀྱི་སེམས་སུ་དང་བར་བྱ་བའོ། །རྙོག་པ་མེད་པར་བྱ་བ་ནི། ཉོན་མོངས་པ་ཐམས་ཅད་བསལ་བའོ། ། རྟག་ཏུ་དང་བར་བྱ་བ་ནི། སེམས་ཅན་ཐམས་ཅད་ལ་སེམས་དང་བ་སྟེ། དེ་ནི། ཚུལ་ལོ། །རིགས་ཀྱི་བུ་དག།་དེ་ལྟ་བས་ན། ལུགས་ལས་ལྡོག་པར་འཇུག་པར་ཡང་གྱིས་ཤིག་།ལུགས་བཞིན་དུའང་སློབས་ཤིག་།སྤྱིའུ་ཚུགས་ཀྱི་རྒྱུད་ཀྱང་ཤེས་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ལུགས་ལས་ལྡོག་པར་འཇུག་པ་ལགས། ཇི་ལྟར་ན། ལུགས་བཞིན་དུ་སློབ་པ་ལགས། ཇི་ལྟར་ན། སྤྱིའུ་ཚུགས་ཀྱི་རྒྱུད་འཚལ་བ་ལགས། བཀའ་སྩལ་པ། ལུགས་ལས་ལྡོག་པར་འཇུག་པར་བྱ་བ་ནི། བྱིས་པ་སོ་སོའི་སྐྱེ་བོ་ཐམས་ཅད་ཀྱི་སྤྱོད་པ་ལས་ཕྱིར་ལོག་པའོ། །ལུགས་བཞིན་དུ་བསླབ་པ་ན། བྱང་ཆུབ་སེམས་དཔའི་བསླབ་པ་ཐམས་ཅད་ལའོ། །སྤྱིའུ་ཚུགས་ཀྱི་རྒྱུད་ཤེས་པར་བྱ་བ་ནི། 37b འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པ་ལས་ལོག་སྟེ་འདོད་པའི་ཁམས་སུ་སྣང་བར་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། བདུད་རྩི་དང་དུག་ཏུ་མ་འདྲེས་པར་གྱིས་ཤིག་།དུག་མེད་པ་རྣམས་དང་མ་སྟེན་ཅིག་།དུག་དང་ལྡན་པ་རྣམས་ལ་བདུད་རྩིའི་སྦྱིན་པ་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་བདུད་རྩི་དང་དུག་ཏུ་མ་འདྲེས་པ་ལགས། ཇི་ལྟར་ན། དུག་མ་མཆིས་པ་རྣམས་དང་མི་སྟེན་པ་ལགས། ཇི་ལྟར་ན། དུག་དང་ལྡན་པ་རྣམས་ལ་བདུད་རྩིའི་སྦྱིན་པ་བགྱིད་པ་ལགས། བཀའ་སྩལ་པ། བདུད་རྩི་ཞེས་བྱ་བ་ནི། བག་ཡོད་པའོ། །དུག་ཅེས་བྱ་བ་ནི། བག་མེད་པ་སྟེ། དེ་ལ་བྱང་ཆུབ་སེམས་དཔས་བག་ཡོད་པར་བྱ་ཞིང་བག་མེད་པའི་སེམས་དང་མ་འདྲེས་པར་བྱའོ། །དུག་མེད་པ་རྣམས་ཞེས་བྱ་བ་ནི། ཉན་ཐོས་རྣམས་ཏེ། དེ་དག་དང་བསྟེན་པར་མི་བྱའོ། །དུག་དང་ལྡན་པ་ཞེས་བྱ་བ་ནི། སོ་སོའི་སྐྱེ་བོ་རྣམས་ཏེ། དེ་དག་ལ་བདུད་རྩི་བསྟན་པར་བྱ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། མངོན་པར་དགའ་བར་བྱ་བ་ལ་ནི། མངོན་པར་དགའ་བར་མ་བྱེད་ཅིག་།མངོན་པར་དགའ་བར་མི་བྱ་བ་ལ་ནི།་མངོན་པར་དགའ་བར་གྱིས་ཤིག་།དགའ་བ་དང་འདོད་ཆགས་དང་ལྡན་པར་ཡང་གྱིས་ཤིག་།དགའ་བ་དང་འདོད་ཆགས་ཡོངས་སུ་བཅད་པར་ཡང་གྱིས་ཤིག། །གསོལ་པ། བཅོམ་ལྡན་འདས། 38a ༄#། །ཇི་ལྟར་ན། བྱང་ཆུབ་སེམས་དཔའ་རྣམས་\?\་མངོན་པར་དགའ་བར་མི་བགྱིད་པ་ལགས།་ཇི་ལྟར་ན། མངོན་པར་དགའ་བར་མི་བགྱི་བ་ལ་མངོན་པར་དགའ་བར་བགྱིད་པ་ལགས། ཇི་ལྟར་ན། དགའ་བ་དང་འདོད་ཆགས་དང་ལྡན་པ་ལགས། ཇི་ལྟར་ན། དགའ་བ་དང་འདོད་ཆགས་ཡོངས་སུ་གཅོད་པ་ལགས། བཀའ་སྩལ་པ། མངོན་པར་དགའ་བ་ཞེས་བྱ་བ་ནི། ངར་འཛིན་པ་དང ། ང་ཡིར་འཛིན་པ་སྟེ། དེ་དག་ལ་མངོན་པར་དགའ་བར་མི་བྱའོ། །མངོན་པར་མི་དགའ་བ་ནི། བདུད་རྣམས་ཀྱིས་སངས་རྒྱས་ཀྱི་ཡེ་ཤེས་ལ་སྟེ། དེ་ལ་མངོན་པར་དགའ་བར་བྱའོ། །དགའ་བ་དང ། འདོད་ཆགས་དང་ལྡན་པར་བྱ་བ་ནི། འཁོར་བ་ན་སྲེད་པ་ནི། ཟླ་ཡིན་ནོ། །དགའ་བ་དང ། འདོད་ཆགས་ཡོངས་སུ་བཅད་པ་ནི། འགོག་པ་ཡོངས་སུ་ཤེས་པར་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། བཅིང་བས་བཅིངས་པར་ཡང་གྱིས་ཤིག་།བཅིང་བས་བཅིངས་པ་རྣམས་ཀྱང་ཁྲོལ་ཅིག་།གྲོལ་བ་རྣམས་ལའང་བསྙེན་བཀུར་གྱིས་ཤིག་།མ་གྲོལ་བ་རྣམས་ཀྱི་རྗེས་སུ་འབྲང་བར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་བཅིང་བས་བཅིངས་པ་ལགས། ཇི་ལྟར་ན། བཅིངས་པ་རྣམས་དགྲོལ་བ་ལགས། ཇི་ལྟར་ན། གྲོལ་བ་རྣམས་ལ་བསྙེན་བཀུར་བགྱིད་པ་ལགས། ཇི་ལྟར་ན། མ་ 38b གྲོལ་བ་རྣམས་ཀྱི་རྗེས་སུ་འབྲང་བ་ལགས། བཀའ་སྩལ་པ། བཅིང་བས་བཅིངས་བར་བྱ་བ་ནི། བསླབ་པའི་བཅིངས་པས་སོ། །བཅིངས་པ་འགྲོལ་བ་ནི། སྲེད་པའི་བཅིངས་པ་ལས་སོ། ། གྲོལ་བ་རྣམས་ལ་བསྙེན་བཀུར་བྱ་བ་ནི། ཉན་ཐོས་དང་རང་སངས་རྒྱས་རྣམས་ལའོ། །མ་གྲོལ་བ་རྣམས་ཀྱི་རྗེས་སུ་འབྲང་བར་བྱ་བ་ནི། བྱིས་པ་སོ་སོའི་སྐྱེ་བོ་རྣམས་ཡོངས་སུ་སྨིན་པར་བྱ་བ་སྟེ། དེ་ནི།་ཚུལ་ལོ། །རིགས་ཀྱི་བུ་དག་།དེ་ལྟ་བས་ན། འདོད་པར་བྱ་བ་རྣམས་ལ་ནི། འདོད་པར་གྱིས་ཤིག་།འདོད་པར་མི་བྱ་བ་རྣམས་ལ་ནི། འདོད་པར་མ་བྱེད་ཅིག་།འདོད་པ་དང་བྲལ་བར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་འཚལ་བར་བགྱི་བ་རྣམས་འཚལ་བ་ལགས། ཇི་ལྟར་ན།་འཚལ་བར་མི་བགྱི་བ་རྣམས་མི་འཚལ་བ་ལགས། ཇི་ལྟར་ན། འཚལ་པ་དང་བྲལ་བ་ལགས། བཀའ་སྩལ་པ། བྱང་ཆུབ་སེམས་དཔའི་འདོད་པར་མི་བྱ་བ་ནི། ཉན་ཐོས་དང་རང་སངས་རྒྱས་ཐམས་ཅད་དེ། དེ་དག་ལ་འདོད་པར་མི་བྱའོ། །ལྷ་དང་བཅས་པའི་འཇིག་རྟེན་གྱི་འདོད་པར་བྱ་བ་ནི། སངས་རྒྱས་བཅོམ་ལྡན་འདས་རྣམས་ཏེ། དེ་དག་ལ་འདོད་པར་བྱའོ། །འདོད་པ་དང་བྲལ་བར་བྱ་བ་ནི། བརྒྱ་བྱིན་དང་ཚངས་པར་སྐྱེ་བ་ལ་བལྟ་སྟེ། །དེ་ནི། ཚུལ་ལོ། རིགས་ཀྱི་བུ་དག་།དྲེ་ལྷ་བས་ན། ཇི་ཙམ་དུ་ཚང་བའི་ས་བོན་ལའང་མ་བརྙས་ཤིག་།ཞིང་ཚད་མེད་པ་ལའང་མོས་པར་གྱིས་ཤིག་།ཐོབ་ 39a ༄#། །\?\་པ་ཆེན་པོ་ནི། མ་སྒྲུབས་ཤིག། གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཇི་ཙམ་དུ་ཆུང་བའི་ས་བོན་ལའང་བརྙས་པར་མི་བགྱིད་པ་ལགས། ཇི་ལྟར་ན། ཞིང་ཚད་མ་མཆིས་པ་ལ་མོས་པ་ལགས། ཇི་ལྟར་ན། ཐོབ་པ་ཆེན་པོ་མི་སྒྲུབ་པ་ལགས། བཀའ་སྩལ་པ། ཇི་ཙམ་དུ་ཆུང་བའི་ས་བོན་ཞེས་བྱ་བ་ནི། ཇི་ཙམ་དུ་ཆུང་བའི་དགེ་བའི་རྩ་བ་སྟེ། དེ་ལ་བརྙས་པར་མི་བྱའོ། །ཞིང་ཚད་མེད་པ་ལའང་མོས་པར་བྱ་བ་ནི། སངས་རྒྱས་ལ་ཕུལ་བའི་སྦྱིན་པ་ཚད་མེད་པ་ལ་མོས་པར་བྱའོ། །ཐོབ་པ་ཆེན་པོ་མི་སྒྲུབ་པ་ནི། སེམས་ཅན་ཐམས་ཅད་ལ་སྦྱིན་པའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཆགས་པ་རྣམས་ནི། ཁོང་དུ་ཆུད་པར་གྱིས་ཤིག་།ཆགས་པ་རྣམས་ལ་ནི། སྤྱོད་ཅིག་།ཆགས་པ་ལ་ཞེན་པ་རྣམས་ལ་ནི། ལྟོས་ཤིག་།ཆགས་པ་མེད་པར་ནི། མ་ལྟུང་ཞིག་།གསོལ་པ། བཅོམ་ལྡན་འདས།་ཇི་ལྟར་ན། བྱང་ཆུབ་སེམས་དཔའ་རྣམས་ཆགས་པ་རྣམས་འཚལ་བ་ལགས། ཇི་ལྟར་ན། ཆགས་པ་རྣམས་ལ་སྤྱོད་པ་ལགས། ཇི་ལྟར་ན། ཆགས་པ་ལ་ཞེན་པ་རྣམས་ལ་ལྟ་བ་ལགས། ཇི་ལྟར་ན། ཆགས་པ་མ་མཆིས་པ་ཉིད་དུ་མི་ལྟུང་བ་ལགས། བཀའ་སྩལ་པ། ཆགས་པ་ཞེས་བྱ་བ་ནི། ཐེག་པ་དམན་པ་ལ་འདོད་པ་དང ། ཁོང་ཁྲོ་ 39b བའི་སེམས་ཏེ། དེ་གཉིས་ནི། བྱང་ཆུབ་སེམས་དཔས་བསྲུང་བར་བྱའོ། །ཆགས་པ་རྣམས་ལ་སྤྱད་པ་ནི། འདོད་པ་དང ། གཟུགས་དང ། གཟུགས་མེད་པ་རྣམས་སུའོ། །ཆགས་པ་མེད་པ་ཉིད་དུ་མི་ལྟུང་བ་ནི། མངོན་པར་འདུ་བྱ་བ་མེད་པར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཡང་བར་ཡང་གྱིས་ཤིག་།ཁུར་ཆེན་པོའང་ཁྱེར་ཅིག་།མ་བླངས་པ་ནི། མ་ལེན་ཅིག་།བླངས་པ་ནི། ཉམས་འོག་ཏུ་ཆུད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཡང་བ་ལགས། ཇི་ལྟར་ན། ཁུར་ཆེན་པོ་ཁྱེར་བ་ལགས།་ཇི་ལྟར་ན། མ་བླངས་པ་མི་ལེན་པ་ལགས། ཇི་ལྟར་ན། བླངས་པ་ཉམས་འོག་ཏུ་ཆུད་པར་བགྱིད་པ་ལགས། བཀའ་སྩལ་པ། ཡང་བར་བྱ་བ་ནི། ཉོན་མོངས་པ་ཐམས་ཅད་བཅད་དོ། །ཁུར་ཆེན་པོ་སྐུར་བ་ནི། སེམས་ཅན་ཐམས་ཅད་དོ། །མ་བླངས་པ་མི་བླང་པ་ནི། ཉན་ཐོས་དང་རང་སངས་རྒྱས་ཀྱི་ཐེག་པའོ། །བླངས་པ་ཉམས་འོག་ཏུ་ཆུད་པར་བྱ་བ་ནི། ཐེག་པ་ཆེན་པོ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། སྨད་པར་ཡང་གྱིས་ཤིག་།བསྟོད་པར་ཡང་གྱིས་ཤིག་།ཉེ་བར་བསྙེན་པར་ཡང་གྱིས་ཤིག་།སྤང་པར་ཡང་གྱིས་ཤིག་།གསོལ་བ།་བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་སྨོད་པ་ལགས། ཇི་ལྟར་ན། \?\་སློབ་པ་ལགས། ཇི་ལྟར་ན། ཉེ་བར་བསྙེན་པ་ལགས། ཇི་ལྟར་ན། སྤང་བ་ལགས ། 40a ༄#། །བཀའ་སྩལ་པ། སྨད་པ་ནི། མི་དགེ་བའི་ཆོས་ཐམས་ཅད་སྨད་པའོ། །བསྟོད་པ་ནི། དགེ་བའི་ཆོས་ཐམས་ཅད་བསྟོད་པའོ། །བསྙེན་པ་ནི། འཕགས་པའི་ལམ་མོ། །སྤང་པ་ནི། མི་དགེ་བའི་ཕྱོགས་ཀྱི་ལམ་ཐམས་ཅད་དེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གྲོང་དང ། གྲོང་ཁྱེར་དང ། ཡུལ་འཁོར་དང ། ཕོ་བྲང་འཁོར་དག་ཏུ་ནི། བསམ་གཏན་གྱི་སྟོབས་སྟོན་ཅིག་།དགོན་པ་དང ། བས་མཐའ་རྣམས་སུ་ནི། ཉོན་མོངས་པ་ཆུང་བར་སྟོན་ཅིག་།གསོལ་པ། བཅོམ་ལྡན་འདས། ཇི་ལྟར་ན ། བྱང་ཆུབ་སེམས་དཔའ་རྣམས་གྲོང་དང ། གྲོང་ཁྱེར་དང ། ཡུལ་འཁོར་དང ། ཕོ་བྲང་འཁོར་རྣམས་སུ་བསམ་གཏན་གྱི་སྟོབས་སྟོན་པ་ལགས། ཇི་ལྟར་ན། དགོན་པ་དང ། བས་མཐའ་རྣམས་སུ་ཉོན་མོངས་པ་ཆུང་བར་སྟོན་པ་ལགས། བཀའ་སྩལ་པ། གྲོང་དང ། གྲོང་ཁྱེར་དང ། ཡུལ་འཁོར་དང ། ཕོ་བྲང་འཁོར་དག་ཏུ་ཕྱིན་པ་ན་གཟུགས་དང ། སྒྲ་དང ། དྲི་དང ། རོ་དང ། རེག་བྱ་རགས་པ་དག་སྣང་བར་འགྱུར་ཏེ། དེ་དག་ནི། བསམ་གཏན་གྱི་སྟོབས་ཀྱིས་མནན་པར་བྱའོ། །དགོན་པ་དང ། བས་མཐའ་རྣམས་ན་འདུག་པའི་ཚེ་ཉོན་མོངས་པ་གང་དག་སྐྱེ་བར་འགྱུར་བ་དེ་དག་ནི། དབེན་པའི་ཡོན་ཏན་གྱིས་མནན་པར་བྱ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཆུའི་ནང་ནའང་འདུག་པར་གྱིས་ཤིག་།རྟག་པར་ 40b སྐོམ་པར་ཡང་གྱིས་ཤིག་།སྐོམ་པའང་སོལ་ཅིག་།སྐོམ་པ་མེད་པར་མ་བྱེད་ཅིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཆབ་ཀྱི་ནང་ནམ་མཆིས་པ་ལགས།་ཇི་ལྟར་ན། རྟག་ཏུ་སྐོམ་པ་ལགས། ཇི་ལྟར་ན། སྐོམ་པ་བསལ་བ་ལགས། ཇི་ལྟར་ན། སྐོམ་པ་མ་མཆིས་པར་མི་བགྱིད་པ་ལགས། བཀའ་སྩལ་པ། ཆུའི་ནང་ན་འདུག་པར་བྱ་བ་ནི།་ཆོས་ཀྱི་ཚུལ་གནས་པར་བྱ་བའོ། །རྟག་པར་སྐོམ་པར་བྱ་བ་ནི། ཆོས་ཀྱིས་སྐོམ་པར་བྱས་པའོ། །སྐོམ་པ་བསལ་བ་ནི། ཆོས་ཀྱིས་ཆོས་ཀྱི་བྱ་བ་བསྒྲུབ་པའོ། །སྐོམ་པ་མེད་པར་མི་བྱ་བ་ནི།་འདུས་མ་བྱས་སུ་ལྟུང་བར་མི་བྱ་བ་སྟེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། གཅིག་པུ་གྲོགས་མེད་པར་ཡང་གྱིས་ཤིག་།གཡོག་མང་པོ་དང ། འཁོར་མང་པོ་དང་ལྡན་པར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་གཅིག་པུ་གྲོགས་མ་མཆིས་པར་ཡང་བགྱིད་པ་ལགས། ཇི་ལྟར་ན། གཡོག་མང་པོ་དང ། འཁོར་མང་པོ་དང་ལྡན་པ་ལགས། བཀའ་སྩལ་པ། གཅིག་པུ་གྲོགས་མེད་པར་བྱ་བ་ནི། དགེ་བའི་རྩ་བ་ཐམས་ཅད་ཡང་དག་པར་སྒྲུབ་པ་ལའོ། །གཡོག་མང་པོ་དང་ལྡན་པར་བྱ་བ་ནི། དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱི་ཉེ་བར་འཚོ་བར་བྱ་བའོ། །འཁོར་མང་པོ་དང་ལྡན་པར་པ་བ་ལ། འཁོར་མང་པོ་ཞེས་བྱ་བ་ནི། བྱང་ཆུབ་ཀྱི་ཕྱོགས་ཀྱི་ཆོས་ཏེ། དེ་ནི། ཚུལ་ལོ། །རིགས་ 41a ༄#། །ཀྱི་བུ་དག་།དེ་ལྟ་བས་ན། གྲོལ་\?\་ང་གྱིས་ཤིག་།ཕ་རོལ་ཏུ་ཕྱིན་པར་ཡང་གྱིས་ཤིག་།ཆུ་བོ་ཆེན་པོའི་ནང་དུ་འདུག་པར་ཡང་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་གྲོལ་བ་ལགས། ཇི་ལྟར་ན། བཙོན་རར་ཆུད་པ་ལགས། ཇི་ལྟར་ན ། ཕ་རོལ་ཏུ་ཕྱིན་པ་ལགས། ཇི་ལྟར་ན། ཆུ་བོ་ཆེན་པོའི་ནང་ན་གནས་པ་ལགས། བཀའ་སྩལ་པ། གྲོལ་བར་བྱ་བ་ནི། ཉོན་མོངས་པ་དང ། བདུད་ཀྱི་བཅིང་བ་ཐམས་ཅད་ལས་སོ། ། བཙོན་རར་ཆུད་པར་ཡང་བྱ་བ་ནི། བསམ་བཞིན་དུ་སྐྱེ་བ་རྣམས་སུའོ། །ཕ་རོལ་ཏུ་ཕྱིན་པར་ཡང་བྱ་བ་ནི། སེམས་ཅན་ཐམས་ཅད་ཀྱི་སྐད་ཤེས་པ་ལའོ། །ཆུ་བོ་ཆེན་པོའི་ནང་ན་གནས་པར་ཡང་བྱ་བ་ནི། ཆུ་བོ་བཞིས་ཁྱེར་བའི་སེམས་ཅན་སྒྲོལ་བའི་ཕྱིར་ཏེ། དེ་ནི། ཚུལ་ལོ། །རིགས་ཀྱི་བུ་དག་།དེ་ལྟ་བས་ན། ཚད་ཡོད་པ་ལའང་སོ་སོར་རྟོག་པར་གྱིས་ཤིག་།ཚད་མེད་པར་ཡང་མཉམ་པ་ཉིད་དུ་ཁོང་དུ་ཆུད་པར་གྱིས་ཤིག་།གསོལ་པ། བཅོམ་ལྡན་འདས། ཇི་ལྟར་ན། བྱང་ཆུབ་སེམས་དཔའ་རྣམས་ཚད་མཆིས་པ་ལའང་སོ་སོར་རྟོག་པ་ལགས ། ཇི་ལྟར་ན། ཚད་མ་མཆིས་པ་ལའང་མཉམ་པ་ཉིད་དུ་ཁོང་དུ་ཆུད་པར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་།ཚད་ཡོད་པ་ཞེས་བྱ་བ་ནི། འདུས་ 41b བྱས་སོ། །ཚད་མེད་པ་ཞེས་བྱ་བ་ནི། འདུས་མ་བྱས་ཏེ། དེ་ལ་བྱང་ཆུབ་སེམས་དཔས་འདུས་བྱས་ཀྱང་སྤང་བར་མི་བྱ་སྟེ། འདུས་བྱས་སུ་གཏོགས་པའི་ཉོན་མོངས་པ་རྣམས་དང་ཡང་འགྲོགས་པར་མི་བྱའོ། །འདུས་མ་བྱས་ལའང་བརྟག་པར་བྱ་སྟེ། སྐྱོན་མེད་པར་ཡང་འཇུག་པར་མི་བྱའོ། །འདུས་བྱས་དང་འདུས་མ་བྱས་གཅིག་པའི་མཚན་ཉིད་དང་ལྡན་པའི་ཤེས་རབ་ཀྱིས་བྱང་ཆུབ་ཀྱི་སྙིང་པོར་མཉམ་པ་ཉིད་དུ་མངོན་པར་རྫོགས་པར་སངས་རྒྱས་པར་བྱ་སྟེ། དེ་ནི། ཚུལ་ལོ། །ཚུལ་གྱི་ཚིག་འདི་དག་བསྟན་པའི་ཚེ་ལྷའི་བུ་བརྒྱད་སྟོང་ནི། བྱང་ཆུབ་ཏུ་སེམས་བསྐྱེད་པར་གྱུར་ཏོ། །བྱང་ཆུབ་སེམས་དཔའ་ལྔ་བརྒྱ་ནི། མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དེ་དག་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཆོས་ཀྱི་ཚུལ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་བྲ་ཛྙཱ་ཝརྨ་དང ། ཞུ་ཆེན་གྱི་ལོ་ཙཱ་བ་བནྡྷེ་ཡེ་ཤེས་སྡེ་ལ་སོགས་པས་སྒྱུར་ཅིང ། ཞུས་ཏེ་གཏན་ལ་ཕབ་པ། |