rKTs


H234

(e-text produced by ACIP)

see text in transliteration
337b
རྒྱ་གར་སྐད་དུ། ཨཱརྱ་མ་ཧཱ་མེ་གྷ་སཱུཏྲཱ་ཏ་ད་ཤ་དིག་བོ་དྷི་སཏྭ་ས་མུ་དྲ་སནྣི་པ་ཏི་མ་ཧོ་ཏྭ་བ་བི་ཀྲཱི་ཊི་ཏ་ནཱ་མ་པ་རི་བརྟ། བོད་སྐད་དུ། འཕགས་པ་སྤྲིན་ཆེན་པོའི་མདོ་
338a
༄#། །ལས་ཕྱོགས་བཅུའི་བྱང་ཆུབ་སེམས་དཔའ་རྒྱ་མཚོ་འདུས་པའི་དགའ་སྟོན་ཆེན་པོ་ལ་རྩེ་བ་ཞེས་བྱ་བའི་ལེའུ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་འོད་སྲུང་ཆེན་པོ་ལ་སོགས་པ་དགེ་སློང་གི་དགེ་འདུན་ཆེན་པོ་ས་ཡ་ཕྲག་བརྒྱད་དང ། སྐྱེ་རྒུའི་བདག་མོ་ཆེན་མོ་ལ་སོགས་པ་དགེ་སློང་མ་ས་ཡ་ཕྲག་དྲུག་དང་ལྔ་འབུམ་དང ། བྱང་ཆུབ་སེམས་དཔའ་སྤྲིན་ཆེན་སྙིང་པོ་ལ་སོགས་པ་བྱང་ཆུབ་སེམས་དཔའ་མ་ཡ་ཕྲག་དྲུག་དང་བརྒྱད་འབུམ་དང ། སེངྒེ་ལ་སོགས་པ་ལི་ཙ་བཱི་གཞོན་ནུ་ས་ཡ་ཕྲག་ལྔ་དང་བརྒྱད་འབུམ་དང་ཐབས་ཅིག་ཏུ་བཞུགས་སོ། །དེའི་ཚེ་རྒྱལ་པོ་ཆེན་པོ་འཕགས་སྐྱེས་པོ་ལ་སོགས་པ་རྒྱལ་ཆེན་བཞི་པའི་ལྷའི་བུ་འབུམ་ཕྲག་ཚད་མེད་གྲངས་མེད་པ་དག་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། ། ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང ། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ་།ཡང་དེའི་ཚེ་སུམ་ཅུ་རྩ་གསུམ་གྱི་གནས་ནས་ལྷའི་དབང་པོ་བརྒྱ་བྱིན་ལ་སོགས་པ་སུམ་ཅུ་རྩ་གསུམ་གྱི་རིས་ཀྱི་ལྷའི་བུ་འབུམ་ཕྲག་ཚད་མེད་གྲངས་མེད་པ་དག་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་
338b
བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་ནས། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ་།ཡང་དེའི་ཚེ་འཕྲུལ་དགའི་ལྷའི་རིས་ནས་ལྷའི་རྒྱལ་པོ་རབ་འཕྲུལ་དགའ་ལ་སོགས་པ་ལྷའི་བུ་འབུམ་ཕྲག་ཚད་མེད་གྲངས་མེད་པ་དག་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང ། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ་།ཡང་དེའི་ཚེ་གཞན་འཕྲུལ་དབང་བྱེད་ཀྱི་ལྷའི་རིས་ནས་ལྷའི་རྒྱལ་པོ་དབང་སྒྱུར་ལ་སོགས་པ་ལྷའི་བུ་འབུམ་ཕྲག་ཚད་མེད་གྲངས་མེད་པ་དག་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང ། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ་།ཡང་དེའི་ཚེ་ན་ཀླུའི་རྒྱལ་པོ་པདྨ་ཅན་ལ་སོགས་པ་ཀླུའི་རྒྱལ་པོ་ས་ཡ་ཕྲག་གཉིས་དང་བརྒྱད་འབུམ་ལ་ཀླུའི་རྒྱལ་པོ་རེ་རེ་ལའང་འཁོར་ཀླུ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་
339a
༄#། །ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཀླུའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་ཐོབ་པ་ཤ་སྟག་གོ་།ཡང་དེའི་ཚེ་གནོད་སྦྱིན་གྱི་རྒྱལ་པོ་རྣམ་ཐོས་ཀྱི་བུ་ལ་སོགས་པ་གནོད་སྦྱིན་གྱི་རྒྱལ་པོ་ས་ཡ་ཕྲག་གསུམ་དང་དྲུག་འབུམ་ལ་གནོད་སྦྱིན་གྱི་རྒྱལ་པོ་རེ་རེའང་འཁོར་གནོད་སྦྱིན་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །གནོད་སྦྱིན་གྱི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་དྲི་ཟའི་རྒྱལ་པོ་དགའ་བ་ལ་སོགས་པ་དྲི་ཟའི་རྒྱལ་པོ་ས་ཡ་ཕྲག་གཉིས་དང་བརྒྱད་འབུམ་ལ་དྲི་ཟའི་རྒྱལ་པོ་རེ་རེ་ལའང་འཁོར་དྲི་ཟ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དྲི་ཟའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་ལྷ་མ་ཡིན་གྱི་རྒྱལ་པོ་ཐགས་བཟང་རིས་ལ་སོགས་པ་ལྷ་མ་ཡིན་གྱི་རྒྱལ་པོ་ས་ཡ་ཕྲག་བརྒྱད་དང་
339b
བརྒྱད་འབུམ་ལ་ལྷ་མ་ཡིན་གྱི་རྒྱལ་པོ་རེ་རེའང་འཁོར་ལྷ་མ་ཡིན་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ལྷ་མ་ཡིན་གྱི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་ནམ་མཁའ་ལྡིང་གི་རྒྱལ་པོ་དྲི་ཟའི་གླང་པོ་ལ་སོགས་པ་ནམ་མཁའ་ལྡིང་གི་རྒྱལ་པོ་ས་ཡ་ཕྲག་བཞི་དང་དགུ་འབུམ་ལ་ནམ་མཁའ་ལྡིང་གི་རྒྱལ་པོ་རེ་རེ་ལའང་འཁོར་ནམ་མཁའ་ལྡིང་འབུམ་ཕྲག་གྲངས་མེད་པ་དག་\?\་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ནམ་མཁའ་ལྡིང་གི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་མིའམ་ཅིའི་རྒྱལ་པོ་ལེགས་མཐོང་ལ་སོགས་པ་མི་འམ་ཅིའི་རྒྱལ་པོ་ས་ཡ་ཕྲག་དགུ་དང་བརྒྱད་འབུམ་ལ་མི་འམ་ཅིའི་རྒྱལ་པོ་རེ་རེའང་འཁོར་མིའམ་ཅི་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། ། མིའམ་ཅིའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་ལྟོ་འཕྱེ་ཆེན་པོའི་རྒྱལ་པོ་ཡོན་ཏན་ཟླ་བ་ལ་སོགས་པ་ལྟོ་
340a
༄#། །འཕྱེ་ཆེན་པོའི་རྒྱལ་པོ་འབུམ་ཕྲག་མང་པོ་ལ་ལྟོ་འཕྱེ་ཆེན་པོའི་རྒྱལ་པོ་རེ་རེའང་འཁོར་ལྟོ་འཕྱེ་ཆེན་པོ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ལྟོ་འཕྱེ་ཆེན་པོའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་སྲིན་པོའི་རྒྱལ་པོ་འབྲོག་གནས་ལ་སོགས་པ་སྲིན་པོའི་རྒྱལ་པོས་ཡ་ཕྲག་བརྒྱད་དང་བརྒྱད་འབུམ་ལ་སྲིན་པོའི་རྒྱལ་པོ་རེ་རེའང་འཁོར་སྲིན་པོ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །སྲིན་པོའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་གྲུལ་བུམ་གྱི་རྒྱལ་པོ་དྲོད་ལྡན་ལ་སོགས་པ་གྲུལ་བུམ་གྱི་རྒྱལ་པོ་ས་ཡ་ཕྲག་བདུན་དང་བརྒྱད་འབུམ་ལ་གྲུལ་བུམ་གྱི་རྒྱལ་པོ་རེ་རེའང་འཁོར་གྲུལ་བུམ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོད་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །གྲུལ་བུམ་གྱི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་
340b
ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་གཅོད་བྱེད་ཀྱི་བུའི་རྒྱལ་པོ་གློག་ལེགས་བཙུན་ལ་སོགས་པ་གཅོད་བྱེད་ཀྱི་བུའི་རྒྱལ་པོ་ས་ཡ་ཕྲག་བརྒྱད་ལ་གཅོད་བྱེད་ཀྱི་བུའི་རྒྱལ་པོ་རེ་རེའང་འཁོར་གཅོད་བྱེད་ཀྱི་བུ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །གཅོད་བྱེད་ཀྱི་བུའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ ། ཡང་དེའི་ཚེ་རིག་སྔགས་འཆང་གི་རྒྱལ་པོ་རིན་ཆེན་འཛིན་ལ་སོགས་པ་རིག་སྔགས་འཆང་གི་རྒྱལ་པོ་ས་ཡ་ཕྲག་དྲུག་ལ་རིག་སྔགས་འཆང་གི་རྒྱལ་པོ་རེ་རེའང་འཁོར་རིག་སྔགས་འཆང་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་འབྱུང་པོའི་རྒྱལ་པོ་གླང་པོའི་སྙིང་པོ་ལ་སོགས་པ་འབྱུང་པོའི་རྒྱལ་པོ་ས་ཡ་ཕྲག་གསུམ་དང་བརྒྱད་འབུམ་ལ་འབྱུང་པོའི་རྒྱལ་པོ་རེ་རེའང་འཁོར་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་དྲང་སྲོང་མེས་བྱིན་ལ་སོགས་པ་དྲང་སྲོང་ས་ཡ་ཕྲག་དགུ་ལ་དྲང་སྲོང་དེ་དག་ཐམས་ཅད་ཀྱང་མངོན་པར་ཤེས་པ་ལྔ་དང་ལྡན་པ་ཤ་སྟག་སྟེ། བཅོམ་ལྡན་འདས་ག་ལ་བ་དེར་དོང་ནས་ལྷགས་ཏེ་བཅོམ་ལྡན་
341a
༄#། །འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་མཉན་ཡོད་ཀྱི་གྲོང་ཁྱེར་ཆེན་པོ་ནས་ཀོ་ས་ལའི་རྒྱལ་པོ་གསལ་རྒྱལ་འཁོར་འདུ་ཕྲག་དུ་མ་དང ། དཔུང་གི་ཚོགས་ཡན་ལག་བཞི་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་དེ་བཞིན་གཤེགས་པ་ལ་རྒྱལ་མཚན་དང་བ་དན་རྣམས་དངར་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ཡུལ་ཙམྤ་ནས་ཁྱིམ་བདག་ལེགས་སྦྱིན་ཁྱིམ་བདག་འབུམ་ཕྲག་དུ་མ་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་གྲོང་དང ། གྲོང་ཁྱེར་དང ། གྲོང་རྡལ་དང ། རྒྱལ་པོའི་ཕོ་བྲང་ཐམས་ཅད་ནས་ཡུལ་བཅུ་དྲུག་གི་མི་རྣམས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ་།ཡང་དེའི་ཚེ་མཉན་ཡོད་ཀྱི་གྲོང་ཁྱེར་ཆེན་པོ་ནས་བཙུན་མོ་མ་ལི་ཀ་ལ་སོགས་པ་བཙུན་མོ་ཁྲི་དྲུག་སྟོང་དང ། དགེ་བསྙེན་མ་ས་ག་ལ་སོགས་པ་དགེ་བསྙེན་མ་འབུམ་ཕྲག་དུ་མ་ཐམས་ཅད་ཀྱང་ཐེག་པ་ཆེན་པོ་ལ་ཡང་དག་པར་ཞུགས་པ་ཤ་སྟག་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །ལྷའི་བུ་དབང་ཕྱུག་ཆེན་པོ་ལ་སོགས་པ་གནས་གཙང་མའི་རིས་ཀྱི་ལྷའི་བུ་འབུམ་ཕྲག་དུ་མ་
341b
ལྷའི་བུ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཚངས་པའི་རིན་ཆེན་སྐྱོང་ལ་སོགས་པ་ཚངས་པ་འབུམ་ཕྲག་དུ་མའང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་མོ་ཆུ་ཤིང་ལྟ་བུ་ལ་སོགས་པ་ལྷའི་བུ་མོ་འབུམ་ཕྲག་དུ་མའང་འཁོར་དེ་ཉིད་ཀྱི་ནང་དུ་འདུས་ཏེ་གར་བྱེད་ཅིང་གླུ་ལེན་ལ་ལྷའི་བུ་མོ་རེ་རེས་ཀྱང་དེ་བཞིན་གཤེགས་པ་ལ་གདུགས་དང ། རྒྱལ་མཚན་དང ། བ་དན་དཔེ་མེད་པ་དངར་ཅིང་མངོན་པར་དངར་ཏོ། ། དངར་ཅིང་མངོན་པར་དངར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་མོ་དེ་དག་ཐམས་ཅད་ཀྱང་བུད་མེད་ཀྱི་སྐྱོན་དང་བྲལ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ་།ལྷའི་རིས་རེ་རེ་ནས་ཀྱང་ལྷའི་བུ་མོ་འབུམ་ཕྲག་དུ་མ་གར་བྱེད་ཅིང་གླུ་ལེན་ཏེ་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་དེ་བཞིན་གཤེགས་པ་ལ་ལྷའི་གདུགས་ཀྱི་སྤྲིན་དང ། རྒྱལ་མཚན་གྱི་སྤྲིན་དང ། བ་དན་གྱི་སྤྲིན་དག་དངར་ཅིང་མངོན་པར་དངར་ཏེ་མངོན་པར་རབ་ཏུ་དངར་ཏོ། །དངར་ཅིང་མངོན་པར་དངར་ཏེ་མངོན་པར་རབ་ཏུ་དངར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ལྷའི་བུ་མོ་དེ་དག་ཐམས་ཅད་ཀྱང་བུད་མེད་ཀྱི་སྐྱོན་དང་བྲལ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ་།ཡང་དེའི་ཚེ་ཕྱོགས་དང་ཕྱོགས་མཚམས་
342a
༄#། །དག་ན་དགེ་སློང་གནས་པ་དེ་དག་ཀྱང་འཁོར་དེ་ཉིད་དུ་འདུས་པར་གྱུར་ཏེ་ཚོགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་རླུང་གི་རྒྱལ་པོ་ཆེན་པོ་བཞི་ལ་འདི་ལྟ་སྟེ། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཞེས་བྱ་བ་དང ། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཆེན་པོ་ཞེས་བྱ་བ་དང ། རླུང་གི་རྒྱལ་པོ་ཆེན་པོ་ཤུགས་དྲི་མ་མེད་པ་ཞེས་བྱ་བ་དང ། རླུང་གི་རྒྱལ་པོ་ཆེན་པོ་རྗེས་སུ་ཆེར་ཆགས་ཞེས་བྱ་བ་མེ་ཏོག་དང ། སྤོས་ཐམས་ཅད་དང་ལྷན་ཅིག་ལྡང་ཞིང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱིས་སེངྒེའི་སྒྲའི་ཆོས་སྣང་བའི་སྒོ་ཞུ་བར་བྱེད་དོ། །སྤྲིན་གྱི་རྒྱལ་པོ་ཆེན་པོ་འབུམ་ཕྲག་དུ་མའང་གླུ་དང་རོལ་མོའི་སྒྲ་སྣ་ཚོགས་སྒྲོག་ཅིང་ནོར་བུ་རིན་པོ་ཆེ་སྣ་ཚོགས་ཀྱི་ཆར་འབེབས་ཏེ། བཅོམ་ལྡན་འདས་ག་ལ་བ་དེར་དོང་ནས་ལྷགས་ཏེ་སེངྒེའི་སྒྲའི་ཆོས་ཀྱི་སྣང་བའི་སྒོ་ཞུ་བར་བྱེད་དོ། །ཡང་དེའི་ཚེ་སེངྒེ་དཔའ་བོ་ལ་སོགས་པ་ངང་པའི་རྒྱལ་པོ་འབུམ་ཕྲག་གྲངས་མེད་པ་དག་ལ་ངང་པའི་རྒྱལ་པོ་རེ་རེ་དང་འཁོར་ངང་པ་འབུམ་ཕྲག་སུམ་དག་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ལ་ངང་པའི་སྐད་དཔེ་མེད་པ་དག་གིས་བསྟོད་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ངང་པའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་རྨ་བྱའི་རྒྱལ་པོ་
342b
ལེགས་མཐོང་ལ་སོགས་པ་རྨ་བྱའི་རྒྱལ་པོ་འབུམ་ཕྲག་གྲངས་མེད་པ་ལ་རྨ་བྱའི་རྒྱལ་པོ་རེ་རེའང་འཁོར་རྨ་བྱ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རྨ་བྱའི་སྒྲ་སྐད་སྙན་པས་བཅོམ་ལྡན་འདས་ལ་མངོན་པར་བསྟོད་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །རྨ་བྱའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་ཁུ་བྱུག་གི་རྒྱལ་པོ་སྡེ་ལ་སོགས་པ་ཁུ་བྱུག་གི་རྒྱལ་པོ་འབུམ་ཕྲག་གྲངས་མེད་པ་ལ་ཁུ་བྱུག་གི་རྒྱལ་པོ་རེ་རེའང་འཁོར་ཁུ་བྱུག་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་ཁུ་བྱུག་གི་སྐད་སྙན་པས་བཅོམ་ལྡན་འདས་ལ་བསྟོད་དེ་ཕྱོགས་གཅིག་ཏུ་འཁོད་དོ། །ཁུ་བྱུག་གི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་ཀ་ལ་པིངྐའི་རྒྱལ་པོ་པདྨའི་འདབ་མ་འདྲ་བའི་མིག་ལ་སོགས་པ་ཀ་ལ་པིངྐའི་རྒྱལ་པོ་འབུམ་ཕྲག་གྲངས་མེད་པ་ཀ་ལ་པིངྐའི་རྒྱལ་པོ་རེ་རེའང་འཁོར་ཀ་ལ་པིངྐ་འབུམ་ཕྲག་གྲངས་མེད་པ་དག་ཀ་ལ་པིངྐའི་སྒྲ་སྐད་སྙན་པ་འབྱིན་ཅིང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་སངས་རྒྱས་ཀྱི་བསྟོད་པ་ཡང་དག་པ་དག་གིས་བཅོམ་ལྡན་འདས་ལ་བསྟོད་ནས་ཕྱོགས་གཅིག་ཏུ་འཁོད་དོ། །ཀ་ལ་པིངྐའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་
343a
༄#། །རྣམ་པར་རྩེ་བ་ཤ་སྟག་གོ། ཡང་དེའི་ཚེ་ཤང་ཤང་ཏེའུའི་རྒྱལ་པོ་རྒྱལ་བ་ལ་སོགས་པ་ཤང་ཤང་ཏེའུའི་རྒྱལ་པོ་འབུམ་ཕྲག་གྲངས་མེད་པ་ལ་ཤང་ཤང་ཏེའུའི་རྒྱལ་པོ་རེ་རེའང་འཁོར་ཤང་ཤང་ཏེའུ་འབུམ་ཕྲག་གྲངས་མེད་པ་ངག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་སངས་རྒྱས་བཅོམ་ལྡན་འདས་ལ་ལྷའི་སྒྲ་སྐད་སྙན་པས་བསྟོད་དོ། །བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །ཤང་ཤང་ཏེའུའི་རྒྱལ་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་བྱའི་རིགས་འདྲེས་པ་ལ་སོགས་པ་ཐ་དད་པ་གྲངས་མེད་པ་ལས་བྱའི་རིགས་འདྲེས་པ་རེ་རེ་ལ་བྱའི་རྒྱལ་པོ་འབུམ་ཕྲག་གྲངས་མེད་པ་ཡོད་དེ། བྱའི་རྒྱལ་པོ་རེ་རེའང་འཁོར་བྱ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་སོ་སོའི་བྱ་སྐད་ཀྱི་རོལ་མོའི་སྒྲ་དཔེ་མེད་པའི་གདངས་ཀྱིས་སངས་རྒྱས་ཀྱི་ཡང་དག་པའི་བསྟོད་པ་དག་གིས་བཅོམ་ལྡན་འདས་ལ་མངོན་པར་བསྟོད་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །བྱའི་རིགས་འདྲེས་པ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་སེངྒེའི་རྒྱལ་པོ་རིན་པོ་ཆེ་པདྨ་ལ་སོགས་པ་སེངྒེའི་རྒྱལ་པོ་འབུམ་ཕྲག་གྲངས་མེད་
343b
པ་ལ་སེངྒེའི་རྒྱལ་པོ་རེ་རེའང་འཁོར་སེངྒེ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་སེངྒེའི་སྒྲ་སྐད་ཀྱི་རོལ་མོའི་སྒྲ་སྙན་པས་བཅོམ་ལྡན་འདས་ལ་སངས་རྒྱས་ཀྱི་ཡོན་ཏན་ཡང་དག་པ་དག་གིས་བསྟོད་ནས་བཅོམ་ལྡན་འདས་ཀྱི་ཞབས་ལ་མགོ་པོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །སེངྒེའི་རྒྱལ་པོ་དེ་དག་ཐམས་ཅད་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ། ཡང་དེའི་ཚེ་སྤོས་ཀྱི་གླང་པོའི་རྒྱལ་པོར་གིའི་ན་པུན་ལྟ་བུ་ཞེས་བྱ་བ་ལ་སོགས་པ་སྤོས་ཀྱི་གླང་པོའི་རྒྱལ་པོ་འབུམ་ཕྲག་གྲངས་མེད་པ་ལ་སྤོས་ཀྱི་གླང་པོའི་རྒྱལ་པོ་རེ་རེའང་འཁོར་སྤོས་ཀྱི་གླང་པོ་འབུམ་ཕྲག་གྲངས་མེད་པ་དག་དང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ལ་སངས་རྒྱས་ཀྱིས་ཡོན་ཏན་ཡང་དག་པ་དག་གིས་བསྟོད་དེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ། །སྤོས་ཀྱི་གླང་པོ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་སྤྲུལ་དང ། སྟག་དང ། རི་དྭགས་རིགས་ཐ་དད་པ་འདྲེས་པ་ཐམས་ཅད་བཅོམ་ལྡན་འདས་ག་ལ་བདེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོག་གཅིག་ཏུ་འཁོད་དོ། །སྤྲུལ་དང ། སྟག་དང ། རི་དྭགས་དེ་དག་ཐམས་ཅད་ཀྱང་ཐེག་པ་ཆེན་པོ་ལ་མངོན་དུ་ཕྱོགས་པ་དང ། ཐེག་པ་ཆེན་པོ་ལ་ཡང་དག་
344a
༄#། །པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་ཤ་སྦྲང་དང ། སྦྲང་བུ་མཆུ་རིང་དང ། སྦྲང་མ་དང ། བི་ཤུ་ཀ་དང ། ཉ་དང ། རུས་སྦལ་དང ། ཆུ་སྲིན་བྱིས་འུ་གསོད་དང ། སེས་ར་དང ། འུག་པ་དང ། སྡིག་པ་དང ། སྲིན་བུ་གྲངས་མེད་པའི་ཡང་གྲངས་མེད་པ་དག་དང ། སྡིག་སྦྲུལ་ཐ་དད་པ་འདྲེས་པ་གནས་པ་ཐམས་ཅད་དང ། ཕག་དང ། ཁྱི་དང ། ཝ་དང ། གཞན་ཡང་སྲོག་ཆགས་ཕྲ་མོ་རྣམས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་སངས་རྒྱས་ཀྱི་ཡོན་ཏན་ཡང་དག་པ་དག་གིས་བཅོམ་ལྡན་འདས་ལ་མངོན་པར་བསྟོད་དེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་སྦྲུལ་དང ། མྱུར་དུ་གདུག་པ་དང ། སྦྲུལ་གཟི་གུ་དང ། སྦྲུལ་མི་བཟད་པའི་གདུག་པའི་རིགས་འབུམ་ཕྲག་གྲངས་མེད་པ་དག་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་སངས་རྒྱས་ཀྱི་ཡོན་ཏན་ཡང་དག་པ་དག་གིས་སངས་རྒྱས་བཅོམ་ལྡན་འདས་ལ་བསྟོད་དེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ལྷུན་པོ་དང ། ལྷུན་པོ་ཆེན་པོ་དང ། བཏང་བཟུང་དང ། བཏང་བཟུང་ཆེན་པོ་དང ། ཁོར་ཡུག་དང ། ཁོར་ཡུག་ཆེན་པོ་དག་དང ། རི་གཞན་དག་གི་ལྷ་རྣམས་རང་རང་གི་ཁང་པར་ཞུགས་ནས་
344b
བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ལ་སངས་རྒྱས་ཀྱི་ཡོན་ཏན་ཡང་དག་པ་དག་གིས་མངོན་པར་བསྟོད་དེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །ལྷ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་སྨན་དང་ནགས་ཀྱི་ལྷ་ཐམས་ཅད་རང་རང་གི་ཁང་པར་ཞུགས་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ལ་སངས་རྒྱས་ཀྱི་ཡོན་ཏན་ཡང་དག་པ་དག་གིས་བསྟོང་དེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །ལྷ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་ཐ་དད་པ་དག་ལ་རྣམ་པར་རྩེ་བ་ཤ་སྟག་གོ་།ཡང་དེའི་ཚེ་བྱང་ཆུབ་སེམས་དཔའ་སྤྲིན་ཆེན་སྙིང་པོ་འཁོར་རྣམས་དང ། བྱང་ཆུབ་སེམས་དཔའ་ཁ་ཅིག་འདི་སྙམ་དུ་སེམས་ཏེ། བཅོམ་ལྡན་འདས་ཀྱི་སྐད་ཅིག་གཅིག་ལ་བསྐལ་པ་རྒྱ་མཚོ་དཔག་ཏུ་མེད་པ། གྲངས་མེད་པ། བསམ་གྱིས་མི་ཁྱབ་པ། མཚུངས་པ་མེད་པ། གཞལ་དུ་མེད་པ། ཚད་མེད་པ། བརྗོད་དུ་མེད་པའི་ཡང་བརྗོད་དུ་མེད་པ་ལ་འཇུག་པར་མཛད་པ་དེ་ནི། ཇི་ལྟར་ཤེས་བར་རུང ། བཅོམ་ལྡན་འདས་མངོན་པར་རྫོགས་པར་སངས་རྒྱས་པའི་བསྐལ་པ་བྱེ་བ་ཕྲག་ནི། ཇི་སྙེད། ཕྱོགས་བཅུའི་འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་དག་ཏུ་ནི། ཐབས་རྣམ་པ་སྣ་ཚོགས་ལ་མཁས་པའི་
345a
༄#། །ཚུལ་གྱིས་མཚམས་སྦྱོར་བའི་འཇིག་རྟེན་གྱི་སྤྱོད་པ་རྣམས་དང ། ཡེ་ཤེས་དང ། གཟིགས་པ་དང ། ཁམས་དང ། རྒྱུ་དང ། དམིགས་པ་དང ། ངེས་པའི་ཚིག་དང ། གདགས་པ་དང ། རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་དག་གིས་སེམས་ཅན་རྒྱ་མཚོ་ཇི་སྙེད་ཅིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་མཛད་ཅིག་གུ་སྙམ་མོ། །ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བ་སངས་རྒྱས་ཀྱིས་གནང་སྟེ་མི་འཇིགས་པ་ཐོབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་སེམས་ཀྱི་ཡོངས་སུ་རྟོག་པ་སེམས་ཀྱིས་ཤེས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་ལ་འདི་སྐད་ཅེས་སྨྲས་སོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དགའ་ལྡན་གྱི་གནས་སུ་སྐྱེ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དགའ་ལྡན་གྱི་གནས་ན་བཞུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ།་སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དགའ་ལྡན་གྱི་གནས་ནས་འཆི་འཕོ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་
345b
ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལྷ་མོ་སྒྱུ་འཕྲུལ་གྱི་ལྷུམས་སུ་སྐྱེ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། ། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལྷ་མོ་སྒྱུ་འཕྲུལ་གྱི་ལྷུམས་སུ་ཆ་ཕྲག་བར་སྣང་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལུམྦི་ནིའི་སྐྱེད་མོས་ཚལ་དུ་སྐུ་བལྟམས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལུམྦི་ནིའི་སྐྱེད་མོས་ཚལ་ན་བཞུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལུམྦི་ནིའི་སྐྱེད་མོས་ཚལ་དུ་ཕྱོགས་སུ་གཟིགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལུམྦི་ནིའི་སྐྱེད་མོས་ཚལ་དུ་གསུང་བརྗོད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལུམྦི་ནིའི་སྐྱེད་མོས་ཚལ་ནས་གྲོང་ཁྱེར་ཆེན་པོ་སེར་སྐྱའི་གནས་སུ་
346a
༄#། །གཤེགས་པའི་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དབང་ཕྱུག་ཆེན་པོ་རིམ་གྲོ་བྱེད་དུ་འོང་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་སྟོབས་ཀྱིས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱིས་བྱིས་པའི་རྩེད་མོ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཡི་གེ་སློབ་པའི་གྲཝ་གང་དུ་གཤེགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཡི་གེ་དང ། བསྟན་བཅོས་དང ། ལག་རྩིས་དང ། རྩིས་པ་དང ། ཤོད་དགོད་པ་བསླབ་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་
346b
པ་རྣམས་ཀྱི་ཤཱཀྱའི་བུ་མོ་ས་འཚོ་མ་དམ་བཅས་པ་ཐོབ་པར་བྱ་བའི་བསླབ་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། ། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བཙུན་མོའི་འཁོར་ན་བཞུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་ཆོས་སྣང་བའི་སྒོ་ཡོད་དོ། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་སྐྱེད་མོས་ཚལ་གྱི་སར་གཤེགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་རྒན་པོ་དང ། ནད་པ་དང ། ཤི་བ་དང ། རབ་ཏུ་བྱུང་བ་ལ་གཟིགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་རབ་ཏུ་འབྱུང་བའི་ཕྱིར་གྲོང་ཁྱེར་ཆེན་པོ་སེར་སྐྱའི་གནས་ནས་མངོན་པར་འབྱུང་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ན་བཟའ་དུར་སྨྲིག་བཞེས་པ་རྣམ་པར་གཞག་པའི་བྱིན་གྱི་རླབས་ཀྱི་
347a
༄#། །སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དཀའ་བ་སྤྱོད་ཅིང་བཞུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དཀའ་བ་སྤྱོད་པ་ལས་བཞེངས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཁྲུས་མཛད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཞལ་ཟས་ལ་ལོངས་སྤྱོད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བྱང་ཆུབ་ཀྱི་སྙིང་པོར་གཤེགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བྱང་ཆུབ་ཀྱི་སྙིང་པོ་ལ་ཞུགས་པ་རྣམ་
347b
པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། །སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བདུད་འགུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བདུད་འདུལ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་མངོན་པར་རྫོགས་པར་བྱང་ཆུབ་པ་རྣམ་པར་གཞག་ ་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཆོས་ཀྱི་འཁོར་ལོ་བསྐོར་བར་བསྐུལ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། ། སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལན་གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་མེའི་འོད་དང ། གློག་གི་འོད་དང །
348a
༄#། །ཟླ་བ་དང ། ཉི་མའི་འོད་དང ། ནོར་བུའི་འོད་དང ། བརྒྱ་བྱིན་དང ། ཚངས་པ་དང ། འཇིག་རྟེན་སྐྱོང་གི་འོད་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་རྒྱལ་པོའི་བཀའ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་རིགས་བཞི་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལོང་བ་དང ། འཕྱེ་བོ་དང ། ལྐུགས་པ་དང ། འོན་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དང ། གཤིན་རྗེའི་འཇིག་རྟེན་དུ་སྐྱེ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་མི་ཁོམ་པ་རྣམ་པ་སྣ་ཚོགས་སུ་སྐྱེ་བ་རྣམ་པར་གཞག་
348b
པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དགེ་བ་བཅུའི་ལས་ཀྱི་ལམ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བསོད་ནམས་བྱ་བའི་དངོས་པོ་རྣམ་པ་སྣ་ཚོགས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་སྤྱོད་པ་དང ། ཀུན་ཏུ་རྒྱུ་བ་དང ། གཅེར་བུ་པ་ལ་སོགས་པ་མུ་སྟེགས་བྱེད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་པ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དུག་བརྒྱད་ཅུ་རྩ་བཞི་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། །སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་འཕྲོག་མ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་
349a
༄#། །ཀྱི་སོར་མོའི་ཕྲེང་བའི་ནད་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ།་སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་གནོད་སྦྱིན་འབྲོག་གནས་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཀླུའི་རྒྱལ་པོ་སོག་མ་མེད་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་མུ་གེ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཆོམ་རྐུན་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་མི་ངས་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་
349b
པོ།་སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཀླུའི་གནས་དག་ཏུ་བྱེ་མ་རབ་ཏུ་འབར་བ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། །སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཀླུའི་གནས་དག་ཏུ་ནམ་མཁའ་ལྡིང་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དགེ་འདུན་གྱི་དབྱེན་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བྲག་འཕེན་པ་དང་འཇོག་པ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་གླང་པོ་ཆེ་ནོར་གྱིས་འཇུག་པ་ཀུན་ཏུ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ།་སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བྲམ་ཟེའི་བུ་མོ་སླུ་བྱེད་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་
350a
༄#། །ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཀུན་ཏུ་རྒྱུ་མཛེས་མས་སྒྲོ་བཏགས་ནས་ཀུན་ཏུ་རྒྱུ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཤཱཀྱ་གསོད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཉན་ཐོས་རྣམས་ཀྱི་ལས་སུ་བྱ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་རང་གི་ལུས་ལ་ལུས་སུ་བྱ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཐེག་པ་གསུམ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་འཇིགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་
350b
པོའི་མདོ་ལ་དེ་བཞིན་གཤེགས་པ་རྣམས་ཀྱི་ལྟ་བར་གྱུར་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་སྒྲོ་བཏགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལུས་སུ་བསྒོ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བླང་བ་དང་དོར་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་འདེག་པ་དང་འཇོག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་འདུས་བྱས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དངོས་པོ་བཞི་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་
351a
༄#། །ལ་དེ་བཞིན་གཤེགས་པ་རྣམས་ཀྱི་གནས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ།་སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དངོས་པོ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ།་སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་གཉིས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་མཚན་ཉིད་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་དམིགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ།་སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་མཐའ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ལུས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་
351b
ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་འཁོར་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་བརྗོད་དུ་མེད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཀུན་ནས་ཉོན་མོངས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཆགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་རློམ་སེམས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཡོད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་མིང་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་
352a
༄#། །པ་རྣམས་ཀྱི་བདག་ཏུ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་རྒྱུ་དང་རྐྱེན་གྱི་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་འདྲེས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཡི་གེ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ང་རྒྱལ་མེད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །སྤྲིན་ཆེན་སྙིང་པོ། སྤྲིན་ཆེན་པོའི་མདོ་ལ་དེ་བཞིན་གཤེགས་པ་རྣམས་ཀྱི་ཡུལ་བསམ་གྱིས་མི་ཁྱབ་པའི་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་ཞེས་བྱ་བའི་ཆོས་སྣང་བའི་སྒོ་ཡོད་དོ། །དེ་དག་ལ་སོགས་པར་དེ་བཞིན་གཤེགས་པ་རྣམས་ཀྱི་ཆོས་སྣང་བའི་སྒོ་བྱེ་བ་ཁྲག་ཁྲིག་བརྒྱ་སྟོང་ཕྲག་གངྒཱའི་ཀླུང་གི་བྱེ་མ་སྙེད་ཡོད་དོ། །དེའི་ཚེ་བཅོམ་ལྡན་འདས་ཀྱི་མཛོད་སྤུ་ནས་འོད་ཟེར་ཆགས་
352b
པ་མེད་པ་འཇིགས་པ་མེད་པའི་རིགས་ཞེས་བྱ་བ་འོད་ཟེར་གྱི་འཁོར་གྲངས་མེད་པ་དག་བྱུང་སྟེ། དེས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་སྣང་བ་ཆེན་པོས་ཁྱབ་པར་བྱས་ཏེ་བདུད་ཀྱི་གནས་ཐམས་ཅད་མོག་མོག་པོར་བྱས་ནས་སངས་རྒྱས་ཀྱི་ཁྱུ་མཆོག་ཏུ་གྱུར་པ་བསྟན་ཏེ། སེམས་ཅན་གྱི་ཁམས་མཐའ་ཡས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་ནས་ཕྱིར་ལོག་སྟེ་དེ་བཞིན་གཤེགས་པ་ལ་ལན་གྲངས་མེད་པར་བསྐོར་བ་བྱས་ནས་བྱང་ཆུབ་སེམས་དཔའ་ཀུན་ཏུ་བཟང་པོའི་ལུས་ལ་ཕོག་པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དགའ་ལྡན་གྱི་གནས་སུ་སྐྱེ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་དགའ་ལྡན་གྱི་གནས་ན་བཞུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་
353a
༄#། །གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་འཆི་འཕོ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ལྷ་མོ་སྒྱུ་འཕྲུལ་གྱི་ལྷུམས་སུ་སྐྱེ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ལྷ་མོ་སྒྱུ་འཕྲུལ་གྱི་ལྷུམས་སུ་ཆ་ཕྲ་བར་སྣང་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ལུམྦི་ནིའི་སྐྱེད་མོས་ཚལ་དུ་སྐུ་བལྟམས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་
353b
གསོལ།་བཅོམ་ལྡན་འདས་ཀྱིས་ལུམྦི་ནིའི་སྐྱེད་མོས་ཚལ་དུ་གོམ་པ་འདོར་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ལུམྦི་ནིའི་སྐྱེད་མོས་ཚལ་དུ་ཕྱོགས་སུ་གཟིགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ལུམྦི་ནིའི་སྐྱེད་མོས་ཚལ་དུ་གསུང་བརྗོད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ལུམྦི་ནིའི་སྐྱེད་མོས་ཚལ་ནས་གྲོང་ཁྱེར་ཆེན་པོ་སེར་སྐྱའི་གནས་སུ་བཤེགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་དབང་ཕྱུག་ཆེན་པོ་རིམ་གྲོ་བགྱིད་དུ་མཆི་བ་
354a
༄#། །རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱི་སྟོབས་ཀྱིས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་བྱིས་པའི་རྩེད་མོ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཡི་གེ་སློབ་པའི་གྲཝ་གང་དུ་གཤེགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཡི་གེ་དང ། བསྟན་བཅོས་དང ། ལག་རྩིས་དང ། རྩི་བ་དང ། ཤོད་དགོད་པ་བསླབ་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
354b
ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཤཱཀྱའི་བུ་མོས་འཚོམ་དམ་བཅས་པ་ཐོབ་པར་བགྱི་བའི་བསླབ་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ།་བཅོམ་ལྡན་འདས་ཀྱིས་བཙུན་མོའི་འཁོར་ན་བཞུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་གྲོང་ཁྱེར་ཆེན་པོས་སེར་སྐྱའི་གནས་ནས་སྐྱེད་མོས་ཚལ་གྱི་སར་གཤེགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་རྒན་པོ་དང ། ནད་པ་དང ། ཤི་བ་དང ། རབ་ཏུ་བྱུང་བ་གཟིགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་
355a
༄#། །ལྡན་འདས་ཀྱིས་རབ་ཏུ་འབྱུང་བར་མངོན་པར་ཕྱོགས་ཏེ་གྲོང་ཁྱེར་ཆེན་པོ་སེར་སྐྱའི་གནས་ནས་མངོན་པར་འབྱུང་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ན་བཟའ་ངུར་སྨྲིག་བཞེས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་དཀའ་ཐུབ་སྤྱོད་ཅིང་བཞུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་དཀའ་ཐུབ་སྤྱོད་པ་ལས་བཞེངས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཁྲུས་མཛད་པ་རྣམ་པར་གཞག་པའི་
355b
བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ།་བཅོམ་ལྡན་འདས་ཀྱིས་ཞལ་ཟས་ལ་ལོངས་སྤྱོད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་བྱང་ཆུབ་ཀྱི་སྙིང་པོར་གཤེགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་བྱང་ཆུབ་ཀྱི་སྙིང་པོ་ལ་བཞུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་བདུད་འགུགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་
356a
༄#། །བདུད་འདུལ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་མངོན་པར་རྫོགས་པར་བྱང་ཆུབ་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་བར་བསྐུལ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ལན་གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པར་བཅུ་གཉིས་སུ་བསྐོར་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཞུགས་ཀྱི་འོད་དང ། གློག་གི་འོད་དང ། ཟླ་བ་དང་ཉི་མའི་འོད་དང ། ནོར་བུའི་འོད་དང ། བརྒྱ་བྱིན་དང ། ཚངས་པ་དང ། འཇིག་
356b
རྟེན་སྐྱོང་བའི་འོད་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་རྒྱལ་པོའི་བཀའ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་རིགས་བཞི་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ལོང་བ་དང ། འཕྱེ་བོ་དང ། ལྐུགས་པ་དང ། འོན་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དང ། གཤིན་རྗེའི་འཇིག་རྟེན་དུ་སྐྱེ་བ་རྣམ་པར་གཞག་པའི་བྱིན་གྱིས་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
357a
༄#། །བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཕྱོགས་བཅུའི་འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་དག་ཏུ་མི་ཁོམ་པ་རྣམ་པ་སྣ་ཚོགས་སུ་སྐྱེ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་དགེ་བ་བཅུའི་ལས་ཀྱི་ལམ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་བསོད་ནམས་བགྱི་བའི་དངོས་པོ་རྣམ་པ་སྣ་ཚོགས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་སྤྱོད་པ་དང ། ཀུན་ཏུ་རྒྱུ་བ་དང ། གཅེར་བུ་པ་ལ་སོགས་པ་མུ་སྟེགས་ཅན་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་
357b
དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་དུག་བརྒྱད་ཅུ་རྩ་བཞི་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་འཕྲོག་མ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་སོར་མོའི་ཕྲེང་བ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་གནོད་སྦྱིན་འབྲོག་གནས་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཀླུའི་རྒྱལ་པོ་སོག་མ་མེད་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་
358a
༄#། །སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ།་བཅོམ་ལྡན་འདས་ཀྱིས་མུ་གེ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཆོམ་རྐུན་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་བ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་མི་ངས་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཕྱོགས་བཅུའི་འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་དག་གིས་ཀླུའི་གནས་དག་ཏུ་བྱེ་མ་རབ་ཏུ་འབར་བ་ཀུན་ཏུ་འཁྲུག་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་
358b
དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཀླུའི་གནས་དག་ཏུ་ནམ་མཁའ་ལྡིང་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་དགེ་འདུན་གྱི་དབྱེན་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་བྲག་འཕེན་པ་དང་འཇོག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་གླང་པོ་ཆེ་ནོར་གྱིས་འཇུག་པ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་
359a
༄#། །ཀྱིས་བྲམ་ཟེའི་བུ་མོ་སླུ་བྱེད་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཀུན་ཏུ་རྒྱུ་མ་མཛེས་མས་སྒྲོ་བཏགས་ནས་ཀུན་ཏུ་རྒྱུ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཤཱཀྱ་གསོད་པ་ཀུན་ཏུ་འཁྲུག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་ཉན་ཐོས་རྣམས་ཀྱི་ལས་སུ་བྱ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས་ཀྱིས་རང་གི་ལུས་ལ་ལས་སུ་བྱ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་
359b
བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། བགྲོད་པ་ནི།་གཅིག་པུར་བས་ཏེ། གཉིས་སམ། གསུམ་མ་མཆིས་ལ། ཕྱོགས་བཅུའི་འཇིག་རྟེན་ཐམས་ཅད་ནའང་བགྲོད་པ་གཅིག་པུར་བས་ཏེ། གཉིས་དང ། གསུམ་དུ་མ་མཆིས་པ་འདི་ནི། ཆོས་ཉིད་ལགས་ན། བཅོམ་ལྡན་འདས་ཀྱིས་ཕྱོགས་བཅུའི་འཇིག་རྟེན་གྱི་ཁམས་ཀྱང་ནས་ཉོན་མོངས་པ་ཅན་དག་ཏུ་ཐེག་པ་གསུམ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི།་འཇིག་པ་མ་མཆིས་པ་ལགས་ཏེ། འཇིག་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། འཇིག་པའི་རང་བཞིན་ལས་གཞན་མ་ལགས་པའི་སླད་དུ་སྟེ། འཇིག་པའི་རང་བཞིན་ལས་འཇིག་པ་མ་མཆིས་པ་གཞན་མ་ལགས་ཏེ། འཇིག་པའི་རང་བཞིན་ཉིད་འཇིག་པ་མ་མཆིས་པ་ལགས་ཏེ། འཇིག་པའི་རང་བཞིན་གྱིས་འཇིག་པ་མ་མཆིས་པ་ཤེས་པ་དེས་ཆོས་ཐམས་ཅད་འཇིག་པ་མ་མཆིས་པ་ལགས་ན། བཅོམ་ལྡན་འདས་ཀྱིས་འཇིག་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་
360a
༄#། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། སྟོང་པ་སྟེ། ལྟ་བར་གྱུར་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ལྟ་བར་གྱུར་པའི་རང་བཞིན་ལས་གཞན་མ་ལགས་པའི་སླད་དུ་སྟེ། ལྟ་བར་གྱུར་པའི་རང་བཞིན་ལས་སྟོང་པ་ཉིད་གཞན་མ་ལགས་ཀྱི། ལྟ་བར་གྱུར་པའི་རང་བཞིན་ཉིད་སྟོང་པ་ཉིད་ལགས་ཏེ། ལྟ་བར་གྱུར་པའི་རང་བཞིན་གྱིས་སྟོང་པ་ཉིད་ཤེས་པ་དེས་ཆོས་ཐམས་ཅད་སྟོང་པ་ལགས་ན། བཅོམ་ལྡན་འདས་ཀྱིས་ལྟ་བར་གྱུར་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། སྒྲོ་བཏགས་པ་མ་མཆིས་པ་སྟེ། སྒྲོ་བཏགས་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། སྒྲོ་བཏགས་པའི་རང་བཞིན་ལས་གཞན་མ་ལགས་པའི་སླད་དུ་སྟེ། སྒྲོ་བཏགས་པའི་རང་བཞིན་ལས་སྒྲོ་བཏགས་པ་མ་མཆིས་པ་གཞན་མ་ལགས་ཀྱི། སྒྲོ་བཏགས་པའི་རང་བཞིན་ཉིད་སྒྲོ་བཏགས་པ་མ་མཆིས་པ་ལགས་ཏེ། སྒྲོ་བཏགས་པའི་རང་བཞིན་གྱིས་
360b
སྒྲོ་བཏགས་པ་མ་མཆིས་པ་ཤེས་པ་དེས་ཆོས་ཐམས་ཅད་སྒྲོ་བཏགས་པ་མ་མཆིས་པ་ལགས་ན། བཅོམ་ལྡན་འདས་གྱིས་སྒྲོ་བཏགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོངས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་གང་ལགས་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། ལས་སུ་བསྐོ་བ་མ་མཆིས་པ་སྟེ། ལས་སུ་བསྐོ་བ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ལས་སུ་བསྐོ་བའི་རང་བཞིན་ལས་གཞན་མ་ལགས་པའི་སླད་དུ་སྟེ། ལས་སུ་བསྐོ་བའི་རང་བཞིན་ལས་ལས་སུ་བསྐོ་བ་མ་མཆིས་པ་གཞན་མ་ལགས་ཀྱི། ལས་སུ་བསྐོ་བའི་རང་བཞིན་ཉིད་ལས་སུ་བསྐོ་བ་མ་མཆིས་པ་ལགས་ཏེ།་ལས་སུ་བསྒོ་བའི་རང་བཞིན་གྱིས་ལས་སུ་བསྐོ་བ་མ་མཆིས་པ་ཤེས་པ་དེས་ཆོས་ཐམས་ཅད་ལས་སུ་བསྐོ་བ་མ་མཆིས་པ་ལགས་ན། བཅོམ་ལྡན་འདས་ཀྱིས་ལས་སུ་བསྐོ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། བླང་བ་དང་དོར་བ་མ་མཆིས་པ་སྟེ། བླང་བ་དང་ངོར་བ་རྣམ་པར་དག་པ་ལགས་སོ། །དེ་\?\་ཅིའི་སླད་དུ་ཞེ་ན།
361a
༄#། །བླང་བ་དང་དོར་བའི་རང་བཞིན་ལས་གཞན་མ་ལགས་པའི་སླད་དུ་སྟེ། བླང་བ་དང་དོར་བའི་རང་བཞིན་ལས་བླང་བ་དང་དོར་བ་མ་མཆིས་པ་གཞན་མ་ལགས་ཀྱི། བླང་བ་དང་དོར་བའི་རང་བཞིན་ཉིད་བླང་བ་དང་དོར་བ་མ་མཆིས་པ་ལགས་ཏེ། བླང་བ་དང་དོར་བའི་རང་བཞིན་གྱིས་བླང་པ་དང་དོར་བ་མ་མཆིས་པ་ཤེས་པ་དེས་ཆོས་ཐམས་ཅད་བླང་བ་དང་དོར་བ་མ་མཆིས་པ་ལགས་ན། བཅོམ་ལྡན་འདས་ཀྱིས་བླང་བ་དང་དོར་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། འདེག་པ་དང་འཇོག་པ་མ་མཆིས་པ་སྟེ། འདེག་པ་དང་འཇོག་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། འདེག་པ་དང་འཇོག་པའི་རང་བཞིན་ལས་གཞན་མ་ལགས་པའི་སླད་དུ་སྟེ། འདེག་པ་དང་འཇོག་པའི་རང་བཞིན་ལས་འདེག་པ་དང་འཇོག་པ་མ་མཆིས་པ་གཞན་མ་ལགས་ཀྱི། འདེག་པ་དང་འཇོག་པའི་རང་བཞིན་ཉིད་འདེག་པ་དང་འཇོག་པ་མ་མཆིས་པ་ལགས་ཏེ། འདེག་པ་དང་འཇོག་པའི་རང་བཞིན་གྱིས་འདེག་པ་དང་འཇོག་པ་མ་མཆིས་པ་ཤེས་པ་དེས་ཆོས་ཐམས་ཅད་འདེག་པ་དང་འཇོག་པ་མ་མཆིས་པ་ལགས་ན། བཅོམ་ལྡན་འདས་ཀྱིས་འདེག་པ་དང་འཇོག་པ་
361b
རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། འདུས་མ་བྱས་པ་སྟེ། འདུས་བྱས་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། འདུས་བྱས་ཀྱི་རང་བཞིན་ལས་གཞན་མ་ལགས་པའི་སླད་དུ་སྟེ། འདུས་བྱས་ཀྱི་རང་བཞིན་ལས་འདུས་མ་བྱས་གཞན་མ་ལགས་ཀྱི། འདུས་བྱས་ཀྱི་རང་བཞིན་ཉིད་འདུས་མ་བྱས་ལགས་ཏེ། འདུས་བྱས་ཀྱི་རང་བཞིན་གྱིས་འདུས་མ་བྱས་ཤེས་པ་དེས་ཆོས་ཐམས་ཅད་འདུས་མ་བྱས་པ་ལགས་ན། བཅོམ་ལྡན་འདས་ཀྱིས་འདུས་བྱས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། དངོས་གཞི་མ་མཆིས་པ་ལགས་ཏེ། དངོས་གཞི་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། དངོས་གཞིའི་རང་བཞིན་ལས་གཞན་མ་ལགས་པའི་སླད་དུ་སྟེ། དངོས་གཞིའི་རང་བཞིན་ལས་དངོས་གཞིམ་མཆིས་པ་གཞན་མ་ལགས་ཀྱི། དངོས་གཞིའི་རང་བཞིན་ཉིད་དངོས་གཞི་མ་མཆིས་པ་ལགས་ཏེ། དངོས་གཞིའི་རང་བཞིན་གྱིས་དངོས་གཞི་མ་མཆིས་པར་ཤེས་པ་དེས་ཆོས་ཐམས་ཅད་
362a
༄#། །དངོས་གཞི་མ་མཆིས་པ་ལགས་ན། བཅོམ་ལྡན་འདས་ཀྱིས་དངོས་གཞི་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། གནས་མ་མཆིས་པ་སྟེ། གནས་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། གནས་ཀྱི་རང་བཞིན་ལས་གཞན་མ་ལགས་པའི་སླད་དུ་སྟེ། གནས་ཀྱི་རང་བཞིན་ལས་གནས་མ་མཆིས་པ་གཞན་མ་ལགས་ཀྱི། གནས་ཀྱི་རང་བཞིན་ཉིད་གནས་མ་མཆིས་པ་ལགས་ཏེ། གནས་ཀྱི་རང་བཞིན་གྱིས་གནས་མ་མཆིས་པ་ཤེས་པ་དེས་ཆོས་ཐམས་ཅད་གནས་མ་མཆིས་པ་ལགས་ན། བཅོམ་ལྡན་འདས་ཀྱིས་གནས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། དངོས་པོ་མ་མཆིས་པ་ལགས་ཏེ། དངོས་པོ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། དངོས་པོའི་རང་བཞིན་ལས་གཞན་མ་ལགས་པའི་སླད་དུ་སྟེ། དངོས་པོའི་རང་བཞིན་ལས་དངོས་བོ་མ་མཆིས་པ་གཞན་མ་ལགས་ཀྱི།
362b
དངོས་པོའི་རང་བཞིན་ཉིད་དངོས་པོ་མ་མཆིས་པ་ལགས་ཏེ། དངོས་པོའི་རང་བཞིན་གྱིས་དངོས་པོ་མ་མཆིས་པ་ཤེས་པ་དེས་ཆོས་ཐམས་ཅད་དངོས་པོ་མ་མཆིས་པ་ལགས་ན། བཅོམ་ལྡན་འདས་ཀྱིས་དངོས་པོ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། གཉིས་སུ་མ་མཆིས་པ་ལགས་ཏེ། གཉིས་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། གཉིས་ཀྱི་རང་བཞིན་ལས་གཞན་མ་ལགས་པའི་སླད་དུ་སྟེ། གཉིས་ཀྱི་རང་བཞིན་ལས་གཉིས་སུ་མ་མཆིས་པ་གཞན་མ་ལགས་ཀྱི། གཉིས་ཀྱི་རང་བཞིན་ཉིད་གཉིས་སུ་མ་མཆིས་པ་ལགས་ཏེ། གཉིས་ཀྱི་རང་བཞིན་གྱིས་གཉིས་སུ་མ་མཆིས་པ་ཤེས་པ་དེས་ཆོས་ཐམས་ཅད་གཉིས་སུ་མ་མཆིས་པ་ལགས་ན། བཅོམ་ལྡན་འདས་ཀྱིས་གཉིས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། མཚན་ཉིད་མ་མཆིས་པ་ལགས་ཏེ། མཚན་ཉིད་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། མཚན་ཉིད་ཀྱི་
363a
༄#། །རང་བཞིན་ལས་གཞན་མ་ལགས་པའི་སླད་དུ་སྟེ། མཚན་ཉིད་ཀྱི་རང་བཞིན་ལས་མཚན་ཉིད་མ་མཆིས་པ་གཞན་མ་ལགས་ཀྱི། མཚན་ཉིད་ཀྱི་རང་བཞིན་ཉིད་མཚན་ཉིད་མ་མཆིས་པ་ལགས་ཏེ། མཚན་ཉིད་ཀྱི་རང་བཞིན་གྱིས་མཚན་ཉིད་མ་མཆིས་པ་ཤེས་པ་དེས་ཆོས་ཐམས་ཅད་མཚན་ཉིད་མ་མཆིས་པ་ལགས་ན། བཅོམ་ལྡན་འདས་ཀྱིས་མཚན་ཉིད་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། དམིགས་པ་མ་མཆིས་པ་ལགས་ཏེ། དམིགས་པ་རྣམ་པར་དག་པ་ལགས་སོ། ། དེ་ཅིའི་སླད་དུ་ཞེ་ན། དམིགས་པའི་རང་བཞིན་ལས་གཞན་མ་ལགས་པའི་སླད་དུ་སྟེ། དམིགས་པའི་རང་བཞིན་ལས་དམིགས་པ་མ་མཆིས་པ་གཞན་མ་ལགས་ཀྱི། དམིགས་པའི་རང་བཞིན་ཉིད་དམིགས་པ་མ་མཆིས་པ་ལགས་ཏེ། དམིགས་པའི་རང་བཞིན་གྱིས་དམིགས་པ་མ་མཆིས་པ་ཤེས་པ་དེས་ཆོས་ཐམས་ཅད་དམིགས་པ་མ་མཆིས་པ་ལགས་ན། བཅོམ་ལྡན་འདས་ཀྱིས་དམིགས་པ་རྣམ་པར་གཞན་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་
363b
ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། དབུ་མའི་ལམ་ལགས་ཏེ། མཐའ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། མཐའི་རང་བཞིན་ལས་གཞན་མ་ལགས་པའི་སླད་དུ་སྟེ། མཐའི་རང་བཞིན་ལས་དབུ་མའི་ལམ་གཞན་མ་ལགས་ཀྱི། མཐའི་རང་བཞིན་ཉིད་དབུ་མའི་ལར་ལགས་ཏེ། མཐའི་རང་བཞིན་གྱིས་དབུ་མའི་ལམ་ཤེས་པ་དེས་ཆོས་ཐམས་ཅད་དབུ་མའི་ལམ་ལགས་ན། བཅོམ་ལྡན་འདས་ཀྱིས་མཐའ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱི་ས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། ལུས་མ་མཆིས་པ་ལགས་ཏེ། ལུས་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ལུས་ཀྱི་རང་བཞིན་ལས་གཞན་མ་ལགས་པའི་སླད་དུ་སྟེ། ལུས་ཀྱི་རང་བཞིན་ལས་ལུས་མ་མཆིས་པ་ཉིད་གཞན་མ་ལགས་ཀྱི། ལུས་ཀྱི་རང་བཞིན་ཉིད་ལུས་མ་མཆིས་པ་ཉིད་ལགས་ཏེ། ལུས་ཀྱི་རང་བཞིན་གྱིས་ལུས་མ་མཆིས་པ་ཤེས་པ་དེ་ཆོས་ཐམས་ཅད་ལུས་མ་མཆིས་པ་ལགས་ན། བཅོམ་ལྡན་འདས་ཀྱིས་ལུས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་
364a
༄#། །རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། འཁོར་བ་མ་མཆིས་པ་ལགས་ཏེ། འཁོར་བ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། འཁོར་བའི་རང་བཞིན་ལས་གཞན་མ་ལགས་པའི་སླད་དུ་སྟེ། འཁོར་བའི་རང་བཞིན་ལས་འཁོར་བ་མ་མཆིས་པ་གཞན་མ་ལགས་ཀྱི། འཁོར་བའི་རང་བཞིན་ཉིད་འཁོར་བ་མ་མཆིས་པ་ལགས་ཏེ། འཁོར་བའི་རང་བཞིན་གྱིས་འཁོར་བ་མ་མཆིས་པ་ཤེས་པ་དེས་ཆོས་ཐམས་ཅད་འཁོར་བ་མ་མཆིས་པ་ལགས་ན། བཅོམ་ལྡན་འདས་ཀྱིས་འཁོར་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། བརྗོད་དུ་མེད་པ་མ་མཆིས་པ་ལགས་ཏེ། བརྗོད་དུ་མེད་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། བརྗོད་དུ་མེད་པའི་རང་བཞིན་ལས་གཞན་མ་ལགས་པའི་སླད་དུ་སྟེ། བརྗོད་དུ་མེད་པའི་རང་བཞིན་ལས་བརྗོད་དུ་མེད་པ་མ་མཆིས་པ་གཞན་མ་ལགས་ཀྱི། བརྗོད་དུ་མེད་པའི་རང་བཞིན་ཉིད་བརྗོད་དུ་མེད་པ་མ་མཆིས་པ་ལགས་ཏེ། བརྗོད་དུ་མེད་པའི་རང་བཞིན་
364b
གྱིས་བརྗོད་དུ་མེད་པ་མ་མཆིས་པ་ཤེས་པ་དེས་ཆོས་ཐམས་ཅད་བརྗོད་དུ་མེད་པ་མ་མཆིས་པ་ལགས་ན། བཅོམ་ལྡན་འདས་ཀྱིས་བརྗོད་དུ་མེད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། ཀུན་ནས་ཉོན་མོངས་པ་མ་མཆིས་པ་ལགས་ཏེ། ཀུན་ནས་ཉོན་མོངས་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ཀུན་ནས་ཉོན་མོངས་པའི་རང་བཞིན་ལས་གཞན་མ་ལགས་པའི་སླད་དུ་སྟེ། ཀུན་ནས་ཉོན་མོངས་པའི་རང་བཞིན་ལས་ཀུན་ནས་ཉོན་མོངས་པ་མ་མཆིས་པ་གཞན་མ་ལགས་ཀྱི། ཀུན་ནས་ཉོན་མོངས་པའི་རང་བཞིན་ཉིད་ཀུན་ནས་ཉོན་མོངས་པ་མི་མཆིས་པ་ལགས་ཏེ། ཀུན་ནས་ཉོན་མོངས་པའི་རང་བཞིན་གྱིས་ཀུན་ནས་ཉོན་མོངས་པ་མ་མཆིས་པ་ཤེས་པ་དེས་ཆོས་ཐམས་ཅད་ཀུན་ནས་ཉོན་མོངས་པ་མ་མཆིས་པ་ལགས་ན། བཅོམ་ལྡན་འདས་ཀྱིས་ཀུན་ནས་ཉོན་མོངས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། ཆགས་པ་མ་མཆིས་པ་ལགས་ཏེ། ཆགས་
365a
༄#། །པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ཆགས་པའི་རང་བཞིན་ལས་གཞན་མ་ལགས་པའི་སླད་དུ་སྟེ། ཆགས་པའི་རང་བཞིན་ལས་ཆགས་བ་མ་མཆིས་པ་གཞན་མ་ལགས་ཀྱི། ཆགས་པའི་རང་བཞིན་ཉིད་ཆགས་པ་མ་མཆིས་པ་ལགས་ཏེ། ཆགས་པའི་རང་བཞིན་གྱིས་ཆགས་པ་མ་མཆིས་པ་ཤེས་པ་དེས་ཆོས་ཐམས་ཅད་ཆགས་པ་མ་མཆིས་པ་ལགས་ན། བཅོམ་ལྡན་འདས་ཀྱིས་ཆགས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། རློམ་སེམས་མ་མཆིས་པ་ལགས་ཏེ། རློམ་སེམས་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། རློམ་སེམས་ཀྱི་རང་བཞིན་ལས་གཞན་མ་ལགས་པའི་སླད་དུ་སྟེ། རློམ་སེམས་ཀྱི་རང་བཞིན་ལས་རློམ་སེམས་མ་མཆིས་པ་གཞན་མ་ལགས་ཀྱི། རློམ་སེམས་ཀྱི་རང་བཞིན་ཉིད་རློམ་སེམས་མ་མཆིས་པ་ལགས་ཏེ། རློམ་སེམས་ཀྱི་རང་བཞིན་གྱིས་རློམ་སེམས་མ་མཆིས་པ་ཤེས་པ་དེས་ཆོས་ཐམས་ཅད་རློམ་སེམས་མ་མཆིས་པ་ལགས་ན། བཅོམ་ལྡན་འདས་ཀྱིས་རློམ་སེམས་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་
365b
སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། ཡོད་པ་མ་མཆིས་པ་ལགས་ཏེ། ཡོད་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ཡོད་པའི་རང་བཞིན་ལས་གཞན་མ་ལགས་པའི་སླད་དུ་སྟེ། ཡོད་པའི་རང་བཞིན་ལས་ཡོད་པ་མ་མཆིས་པ་གཞན་མ་ལགས་ཀྱི། ཡོད་པའི་རང་བཞིན་ཉིད་ཡོད་པ་མ་མཆིས་པ་ལགས་ཏེ། ཡོད་པའི་རང་བཞིན་གྱིས་ཡོད་པ་མ་མཆིས་པ་ཤེས་པ་དེས་ཆོས་ཐམས་ཅད་ཡོད་པ་མ་མཆིས་པ་ལགས་ན། བཅོམ་ལྡན་འདས་ཀྱིས་ཡོད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། མིང་མ་མཆིས་པ་ལགས་ཏེ། མིང་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། མིང་གི་རང་བཞིན་ལས་གཞན་མ་ལགས་པའི་སླད་དུ་སྟེ། མིང་གི་རང་བཞིན་ལས་མིང་མ་མཆིས་པ་གཞན་མ་ལགས་ཀྱི། མིང་གི་རང་བཞིན་ཉིད་མིང་མ་མཆིས་པ་ལགས་ཏེ། མིང་གི་རང་བཞིན་གྱིས་མིང་མ་མཆིས་པ་ཤེས་པ་དེས་ཆོས་ཐམས་ཅད་མིང་མ་མཆིས་པ་ལགས་ན། བཅོམ་ལྡན་འདས་ཀྱིས་མིང་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་
366a
༄#། །བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། བདག་མ་མཆིས་པ་ལགས་ཏེ། བདག་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། བདག་གི་རང་བཞིན་ལས་གཞན་མ་ལགས་པའི་སླད་དུ་སྟེ། བདག་གི་རང་བཞིན་ལས་བདག་མ་མཆིས་པའི་རང་བཞིན་གཞན་མ་ལགས་ཀྱི། བདག་གི་རང་བཞིན་ཉིད་བདག་མ་མཆིས་པ་ལགས་ཏེ། བདག་གི་རང་བཞིན་གྱིས་བདག་མ་མཆིས་པ་ཤེས་པ་དེས་ཆོས་ཐམས་ཅད་བདག་མ་མཆིས་པ་ལགས་ན། བཅོམ་ལྡན་འདས་ཀྱིས་བདག་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། རྒྱུ་དང་རྐྱེན་གྱི་བྱ་བ་མ་མཆིས་པ་ལགས་ཏེ། རྒྱུ་དང་རྐྱེན་གྱི་བྱ་བ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། རྒྱུ་དང་རྐྱེན་གྱི་བྱ་བའི་རང་བཞིན་ལས་གཞན་མ་ལགས་པའི་སླད་དུ་སྟེ།་རྒྱུ་དང་རྐྱེན་གྱི་བྱ་བའི་རང་བཞིན་ལས་རྒྱུ་དང་རྐྱེན་གྱི་བྱ་བ་མ་མཆིས་པ་གཞན་མ་ལགས་ཀྱི། རྒྱུ་དང་རྐྱེན་གྱི་བྱ་བའི་རང་བཞིན་ཉིད་རྒྱུ་དང་རྐྱེན་གྱི་བྱ་བ་མ་མཆིས་པ་ལགས་ཏེ།
366b
རྒྱུ་དང་རྐྱེན་གྱི་བྱ་བའི་རང་བཞིན་གྱིས་རྒྱུ་དང་རྐྱེན་གྱི་བྱ་བ་མ་མཆིས་པ་ཤེས་པ་དེས་ཆོས་ཐམས་ཅད་རྒྱུ་དང་རྐྱེན་གྱི་བྱ་བ་མ་མཆིས་པ་ལགས་ན། བཅོམ་ལྡན་འདས་ཀྱིས་རྒྱུ་དང་རྐྱེན་གྱི་བྱ་བ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། འདྲེས་པ་མ་མཆིས་པ་ལགས་ཏེ། འདྲེས་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། འདྲེས་པའི་རང་བཞིན་ལས་གཞན་མ་ལགས་པའི་སླད་དུ་སྟེ། འདྲེས་པའི་རང་བཞིན་ལས་འདྲེས་པ་མ་མཆིས་པ་གཞན་མ་ལགས་ཀྱི། འདྲེས་བའི་རང་བཞིན་ཉིད་འདྲེས་པ་མ་མཆིས་པ་ལགས་ཏེ། འདྲེས་པའི་རང་བཞིན་གྱིས་འདྲེས་པ་མ་མཆིས་པ་ཤེས་པ་དེས་ཆོས་ཐམས་ཅད་འདྲེས་པ་མ་མཆིས་པ་ལགས་ན། བཅོམ་ལྡན་འདས་ཀྱིས་འདྲེས་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས།་ཆོས་ཐམས་ཅད་ནི། ཡི་གེ་མ་མཆིས་པ་ལགས་ཏེ། ཡི་གེ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ཡི་གེའི་རང་བཞིན་ལས་གཞན་མ་ལགས་པའི་སླད་དུ་སྟེ། ཡི་གེའི་
367a
༄#། །རང་བཞིན་ལས་ཡི་གེ་མ་མཆིས་པ་གཞན་མ་ལགས་ཀྱི། ཡི་གེའི་རང་བཞིན་ཉིད་ཡི་གེ་མ་མཆིས་པ་ལགས་ཏེ། ཡི་གེའི་རང་བཞིན་གྱིས་ཡི་གེ་མ་མཆིས་པ་ཤེས་པ་དེས་ཆོས་ཐམས་ཅད་ཡི་གེ་མ་མཆིས་པ་ལགས་ན། བཅོམ་ལྡན་འདས་ཀྱིས་ཡི་གེ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་ཐམས་ཅད་ནི། ང་རྒྱལ་མེད་པ་མ་མཆིས་པ་ལགས་ཏེ། ང་རྒྱལ་མེད་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ང་རྒྱལ་མེད་པའི་རང་བཞིན་ལས་གཞན་མ་ལགས་པའི་སླད་དུ་སྟེ། ང་རྒྱལ་མེད་པའི་རང་བཞིན་ལས་ང་རྒྱལ་མེད་པ་མ་མཆིས་པ་གཞན་མ་ལགས་ཀྱི། ང་རྒྱལ་མེད་པའི་རང་བཞིན་ཉིད་ང་རྒྱལ་མ་མཆིས་པ་ལགས་ཏེ། ང་རྒྱལ་མེད་པའི་རང་བཞིན་གྱིས་ང་རྒྱལ་མེད་པ་མ་མཆིས་པ་ཤེས་པ་དེས་ཆོས་ཐམས་ཅད་ང་རྒྱལ་མེད་པ་མ་མཆིས་པ་ལགས་ན། བཅོམ་ལྡན་འདས་ཀྱིས་ང་རྒྱལ་མེད་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ། བཅོམ་ལྡན་འདས། ཆོས་
367b
ཐམས་ཅད་ནི། ཡུལ་བསམ་གྱིས་མི་ཁྱབ་པ་ལགས་ཏེ། ཡུལ་བསམ་གྱིས་མི་ཁྱབ་པ་རྣམ་པར་དག་པ་ལགས་སོ། །དེ་ཅིའི་སླད་དུ་ཞེ་ན། ཡུལ་བསམ་གྱིས་མི་ཁྱབ་པའི་རང་བཞིན་ལས་གཞན་མ་ལགས་པའི་སླད་དུ་སྟེ།་ཡུལ་བསམ་གྱིས་མི་ཁྱབ་པའི་རང་བཞིན་ལས་ཡུལ་བསམ་གྱིས་མི་ཁྱབ་པ་མ་མཆིས་པ་གཞན་མ་ལགས་ཀྱི། ཡུལ་བསམ་གྱིས་མི་ཁྱབ་པའི་རང་བཞིན་ཉིད་ཡུལ་བསམ་གྱིས་མི་ཁྱབ་པ་མ་མཆིས་པ་ལགས་ཏེ། ཡུལ་བསམ་གྱིས་མི་ཁྱབ་པའི་རང་བཞིན་གྱིས་ཡུལ་བསམ་གྱིས་མི་ཁྱབ་པ་མ་མཆིས་པ་ཤེས་པ་དེས་ཆོས་ཐམས་ཅད་ཡུལ་བསམ་གྱིས་མི་ཁྱབ་པ་མ་མཆིས་པ་ལགས་ན། བཅོམ་ལྡན་འདས་ཀྱིས་ཕྱོགས་བཅུའི་འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་དག་ཏུ་ཡུལ་བསམ་གྱིས་མི་ཁྱབ་པ་རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཀོད་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་བར་གསོལ།་དེ་བཞིན་དུ་སྟོང་པ་ཉིད་ཀྱི་སྒོར་འཇུག་པ་གྲངས་མེད་པ་དག་ལ་ཕན་ཚུན་གཉེན་པོར་གྱུར་པ་འདྲེས་པའི་ཚུལ་དག་གིས་འཇུག་པར་བྱའོ། །བཅོམ་ལྡན་འདས་ཀྱིས་ཕྱོགས་བཅུའི་འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་དག་ཏུ་ཐབས་རྣམ་བ་སྣ་ཚོགས་ལ་མཁས་པའི་ཚུལ་གྱིས་མཚམས་སྦྱོར་བའི་འཇིག་རྟེན་གྱི་སྤྱོད་པ་རྣམས་དང ། ཡེ་ཤེས་དང ། གཟིགས་པ་དང །
368a
༄#། །ཁམས་དང ། རྒྱུ་དང ། དམིགས་པ་དང ། ངེས་པའི་ཚིག་དང ། གདགས་པ་དང ། རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བས་སེམས་ཅན་རྒྱ་མཚོ་ཇི་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་མཛད་པའི་བྱང་ཆུབ་སེམས་དཔའ་གང་ལགས་པ་དེ་དག་བཅོམ་ལྡན་འདས་ཀྱིས་འཁོར་འདིར་བསྡུ་པར་གསོལ།་དེ་སྐད་ཅེས་གསོལ་ནས་བཅོམ་ལྡན་འདས་ཀྱིས་འཁོར་དེ་དག་གི་ལྷག་པའི་བསམ་པ་ཐུགས་སུ་ཆུད་དེ། ཕྱོགས་བཅུའི་བྱང་ཆུབ་སེམས་དཔའ་རྣམས་ཀྱི་མཐོང་བར་འདོད་པ་མཁྱེན་ནས་བསམ་པ་ཡོངས་སུ་རྫོགས་པར་མཛད་པ་དང ། བྱང་ཆུབ་སེམས་དཔའ་དེ་དག་བསྡུ་བར་བྱ་བའི་ཕྱིར་ཞབས་གཉིས་ཀྱི་མཐིལ་ནས་འོད་ཟེར་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཕྱུང་ངོ ། །དེ་བཞིན་དུ་ཞབས་གཉིས་ཀྱི་སོར་མོའི་ཚིགས་རེ་རེ་དང ། དེ་བཞིན་དུ་རྗེ་ངར་གཉིས་དང ། དེ་བཞིན་དུ་པུས་མོའི་ལྷ་ང་གཉིས་དང ། དེ་བཞིན་དུ་བརླ་གཉིས་དང ། དེ་བཞིན་དུ་ལྟ་ཟུར་གཉིས་དང ། དེ་བཞིན་དུ་རྩིབ་ལོགས་གཉིས་དང ། དེ་བཞིན་དུ་ལྟེ་བ་ཁུང་དང ། དེ་བཞིན་དུ་ཕྲག་པ་གཉིས་དང ། དེ་བཞིན་དུ་དཔུང་མགོ་གཉིས་དང ། དེ་བཞིན་དུ་དཔུང་ལ་གཉིས་དང ། དེ་བཞིན་དུ་ལག་མཐིལ་གཉིས་དང ། དེ་བཞིན་དུ་ཕྱག་སོར་གྱི་ཚིགས་
368b
རེ་རེ་དང ། དེ་བཞིན་དུ་གཙུག་ཏོར་དང ། དེ་བཞིན་དུ་མཛོད་སྤུ་དང ། དེ་བཞིན་དུ་དབུའི་སྐྲ་ཉག་མ་རེ་རེ་དང ། དེ་བཞིན་དུ་མཚན་རེ་རེ་དང ། དེ་བཞིན་དུ་དཔེ་བྱད་བཟང་པོ་རེ་རེ་དང ། དེ་བཞིན་དུ་སྤུའི་ཁུང་བུ་རེ་རེ་ནས་ཀྱང་འོད་ཟེར་རྒྱ་མཚོའི་སྤྲིན་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་བྱུང་སྟེ་ཤར་ཕྱོགས་སུ་འཕྲོས་སོ། །དེ་ལས་འོད་ཟེར་གཅིག་གིས་ཀྱང་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་སྣང་བ་ཆེན་པོས་ཁྱབ་པར་གྱུར་ཏེ། འཇིག་རྟེན་གྱི་ཁམས་རྒྱ་མཚོ་གང་འོད་ཟེར་གཅིག་གིས་ཁྱབ་བ་དེ་གཉིས་ཀྱིས་ཁྱབ་པར་མི་བྱེད་དོ། །ཤར་ཕྱོགས་ཇི་ལྟ་བ་དེ་བཞིན་དུ་ལྷོ་དང ། ནུབ་དང ། བྱང་དང ། དེ་བཞིན་དུ་བྱང་ཤར་གྱི་མཚམས་དང ། དེ་བཞིན་དུ་ཤར་ལྷོའི་མཚམས་དང ། དེ་བཞིན་དུ་ལྷོ་ནུབ་ཀྱི་མཚམས་དང ། དེ་བཞིན་དུ་ནུབ་བྱང་གི་མཚམས་དང ། དེ་བཞིན་དུ་སྟེང་དང་འོག་གི་ཕྱོགས་སུའང་འོད་ཟེར་རྒྱ་མཚོ་དེ་དག་ཐམས་ཅད་འཕྲོས་སོ། །དེ་ལས་འོད་ཟེར་གཅིག་གིས་ཀྱང་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་སྣང་བ་ཆེན་པོས་ཁྱབ་པར་གྱུར་ཏེ། གང་གཅིག་གིས་ཁྱབ་པ་དེ་གཉིས་ཀྱིས་ཁྱབ་
369a
༄#། །པར་མི་བྱེད་དོ། །ཡང་དེའི་ཚེ་ཤར་ཕྱོགས་ཀྱི་འཇིག་རྟེན་གྱི་ཁམས་རྒྱ་མཚོ་འོད་ཟེར་དེ་དག་གིས་སྣང་བར་བྱས་པ་གང་ཡིན་པ་དེ་དག་ལས་འཇིག་རྟེན་གྱི་ཁམས་རེ་རེ་ནས་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྷགས་སོ། །བྱང་ཆུབ་སེམས་དཔའ་རེ་རེའི་འཁོར་ཀྱང་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྷགས་ན། འཁོར་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་གྱི་ཁམས་རྒྱ་མཚོ་ཉི་ཤུ་རྩ་ལྔའི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྟ་ཅི་སྨོས། འཁོར་བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྟ་ཅི་སྨོས། འཁོར་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་བརྗོད་དུ་མེད་པ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་འབུམ་གྱི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་སྟོང་གི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་ལྔ་བཅུའི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་ཉི་ཤུ་རྩ་ལྔའི་རྡུལ་
369b
ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་བཅུའི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་ལྔའི་རྡུལ་ཕྲ་རབ་གྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་གཅིག་གི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་གངྒཱའི་ཀླུང་བརྒྱའི་བྱེ་མ་སྙེད་ལྟ་ཅི་སྨོས། འཁོར་གངྒཱའི་ཀླུང་ལྔ་བཅུའི་བྱེ་མ་སྙེད་ལྟ་ཅི་སྨོས། འཁོར་གངྒཱའི་ཀླུང་ཉི་ཤུ་རྩ་ལྔའི་བྱེ་མ་སྙེད་ལྟ་ཅི་སྨོས།་འཁོར་གངྒཱའི་ཀླུང་བཅུའི་བྱེ་མ་སྙེད་ལྟ་ཅི་སྨོས། འཁོར་གངྒཱའི་ཀླུང་ལྔའི་བྱེ་མ་སྙེད་ལྟ་ཅི་སྨོས། འཁོར་གངྒཱའི་ཀླུང་གཅིག་གི་བྱེ་མ་སྙེད་ལྟ་ཅི་སྨོས། འཁོར་གངྒཱའི་ཀླུང་གི་བྱེ་མའི་བཞི་ཆ་སྙེད་ལྟ་ཅི་སྨོས། འཁོར་གངྒཱའི་ཀླུང་གི་བྱེ་མའི་བརྒྱད་ཆ་སྙེད་ལྟ་ཅི་སྨོས། འཁོར་གངྒཱའི་ཀླུང་གི་བྱེ་མའི་བཅུ་དྲུག་ཆ་སྙེད་ལྟ་ཅི་སྨོས། འཁོར་གངྒཱའི་ཀླུང་གི་བྱེ་མའི་ཆ་ཉི་ཤུ་སྙེད་ལྟ་ཅི་སྨོས།་འཁོར་བྱེ་བ་ཕྲག་བརྒྱ་ལྟ་ཅི་སྨོས། འཁོར་བྱེ་བ་ཕྲག་ལྔ་བཅུ་ལྟ་ཅི་སྨོས། འཁོར་བྱེ་བ་ཕྲག་ཉི་ཤུ་རྩ་ལྔ་ལྟ་ཅི་སྨོས། འཁོར་བྱེ་བ་ཕྲག་བཅུ་ལྟ་ཅི་སྨོས། འཁོར་བྱེ་བ་ཕྲག་ལྔ་ལྟ་ཅི་སྨོས།་འཁོར་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་གཅིག་ལྟ་ཅི་སྨོས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱང་བཅོམ་ལྡན་འདས་ག་ལ་བ་དེར་དོང་སྟེ་བྱང་ཆུབ་སེམས་དཔའ་སེམས་དཔའ་ཆེན་པོ་རེ་རེས་ཀྱང་ནོར་བུ་རིན་པོ་ཆེའི་རྒྱལ་པོའི་སྤྲིན་བསོད་ནམས་གྱི་ཚོགས་རྒྱ་མཚོ་གྲངས་མེད་པ་བརྗོད་པ། སྟོང་གསུམ་གྱི་སྟོང་ཆེན་པོ་བཅུའི་
370a
༄#། །ཚད་ཙམ་གྱི་ཆར་གྱིས་ཆགས་པ་མེད་ཅིང་སྒྲིབ་པ་མེད་ལ་མ་འདྲེས་པའི་ནམ་མཁའ་ཁྱབ་པར་ཕབ་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རེ་རེས་ཀྱང་ནོར་བུ་རིན་པོ་ཆེའི་རྒྱལ་པོའི་སྤྲིན་ཡེ་ཤེས་ཀྱི་ཚོགས་རྒྱ་མཚོ་གྲངས་མེད་པ་བརྗོད་པ། སྟོང་གསུམ་གྱི་སྟོང་ཆེན་པོ་བཅུའི་ཚད་ཙམ་གྱིས་དེ་བཞིན་གཤེགས་པ་ལ་གཏོར་ཅིང་མངོན་པར་གཏོར་ཏོ། །གཏོར་ཅིང་མངོན་པར་གཏོར་ནས་བཅོམ་ལྡན་འདས་ལ་ལན་གྲངས་མེད་པར་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ། ། ཤར་ཕྱོགས་ཇི་ལྟ་བ་དེ་བཞིན་དུ། ལྷོ་དང ། ནུབ་དང ། བྱང་གི་ཕྱོགས་སུའང་དེ་དང་འདྲའོ། །ཤར་ལྷོའི་མཚམས་སུའང་དེ་དང་འདྲའོ། །ལྷོ་ནུབ་ཀྱི་མཚམས་སུའང་དེ་དང་འདྲའོ། །ནུབ་བྱང་གི་མཚམས་སུའང་དེ་དང་འདྲའོ། །བྱང་ཤར་གྱི་མཚམས་སུའང་དེ་དང་འདྲའོ། །སྟེང་དུའང་དེ་དང་འདྲའོ། །འོག་གི་ཕྱོགས་སུའང་དེ་དང་འདྲ་སྟེ། འཇིག་རྟེན་གྱི་ཁམས་རྒྱ་མཚོ་གང་དག་འོད་ཟེར་དེ་དག་གིས་སྣང་བར་བྱས་པ་དེ་དག་ལས་འཇིག་རྟེན་གྱི་ཁམས་གཅིག་ནས་ཀྱང་བྱང་ཆུབ་སེམས་དཔའི་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྷགས་སོ། །བྱང་ཆུབ་སེམས་དཔའ་རེ་རེའང་འཁོར་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་
370b
ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱིས་བསྐོར་ནས་འཁོར་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་བརྗོད་དུ་མེད་པ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་བརྒྱའི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་ལྔ་བཅུའི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་ཉི་ཤུ་རྩ་ལྔའི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་བཅུའི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་ལྔའི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་འཇིག་རྟེན་གྱི་ཁམས་གཅིག་གི་རྡུལ་ཕྲ་རབ་ཀྱི་རྡུལ་སྙེད་ལྟ་ཅི་སྨོས། འཁོར་གངྒཱའི་ཀླུང་གཅིག་གི་བྱེ་མ་སྙེད་ཀྱི་བར་དུ་ལྟ་ཅི་སྨོས། འཁོར་བྱེ་བ་ཕྲག་བརྒྱ་ལྟ་ཅི་སྨོས། འཁོར་བྱེ་བ་ཕྲག་ལྔ་བཅུ་ལྟ་ཅི་སྨོས། འཁོར་བྱེ་བ་ཕྲག་ཉི་ཤུ་རྩ་ལྔ་ལྟ་ཅི་སྨོས། འཁོར་བྱེ་བ་ཕྲག་བཅུ་ལྟ་ཅི་སྨོས། འཁོར་བྱེ་བ་ཕྲག་ལྔ་ལྟ་ཅི་སྨོས། འཁོར་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་གཅིག་ལྟ་ཅི་སྨོས་ཏེ། བྱང་ཆུབ་སེམས་དཔའ་རེ་རེས་ཀྱང་ནོར་བུ་རིན་པོ་ཆེའི་རྒྱལ་པོའི་སྤྲིན་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པ་བརྗོད་པ། སྟོང་གསུམ་གྱི་སྟོང་ཆེན་པོ་བཅུའི་ཚད་ཙམ་གྱི་ཆར་གྱིས་ཆགས་པ་མེད་ཅིང་སྒྲིབ་པ་མེད་ལ་མ་འདྲེས་པའི་ནམ་མཁའ་ཁྱབ་པར་ཕབ་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བྱང་
371a
༄#། །ཆུབ་སེམས་དཔའ་རེ་རེས་ཀྱང་ནོར་བུ་རིན་པོ་ཆེའི་རྒྱལ་པོའི་སྤྲིན་རྒྱ་མཚོ་གྲངས་མེད་པ་བརྗོད་པ། སྟོང་གསུམ་གྱི་སྟོང་ཆེན་པོ་བཅུའི་ཚད་ཙམ་གྱིས་དེ་བཞིན་གཤེགས་པ་ལ་གཏོར་ཅིང་མངོན་པར་གཏོར་ཏོ། །གཏོར་ཅིང་མངོན་པར་གཏོར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ལན་གྲངས་མེད་པར་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ཕྱོགས་བཅུ་ཀུན་གྱི་ཕྱོགས་རེ་རེར་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་ལས་འཇིག་རྟེན་གྱི་ཁམས་རེ་རེའི་རྡུལ་ཕྲ་རབ་ཀྱི་རྡུལ་རེ་རེ་ལ་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་གནས་པར་གྱུར་ཏེ། འོན་ཀྱང་སེམས་ཅན་སུ་ལའང་གནོད་པའམ་སྒྲིབ་པ་མེད་དོ།། འཇིག་རྟེན་གྱི་ཁམས་རྣམས་དང ། གླིང་རྣམས་དང ། ལྷུན་པོ་དང ། ལྷུན་པོ་ཆེན་པོ་དང ། བཏང་བཟུང་དང ། བཏང་བཟུང་ཆེན་པོ་དང ། གངས་དང ། གངས་ཆེན་པོ་དང ། ཁོར་ཡུག་དང ། ཁོར་ཡུག་ཆེན་པོ་རྣམས་དང ། རྒྱ་མཚོ་དང ། རྒྱ་མཚོ་ཆེན་པོ་རྣམས་དང ། ལྷའི་གནས་རྣམས་དང ། ཀླུ་དང ། མཚོ་བྲན་དང ། མཚེའུ་རྣམས་དང ། གྲོང་དང ། གྲོང་ཁྱེར་དང ། གྲོང་རྡལ་
371b
དང ། ལྗོངས་དང ། ཡུལ་འཁོར་དང ། རྒྱལ་པོའི་ཕོ་བྲང་རྣམས་ལའང་གནོད་པའམ་སྒྲིབ་པ་མེད་དོ། །སྔོན་ཇི་ལྟ་བ་དེ་བཞིན་དུ་ཕྱིས་ཀྱང་བྱ་བ་ལ་འཇུག་པར་གྱུར་ཏོ། །བྱང་ཆུབ་སེམས་དཔའ་རྣམས་ཀྱིས་ཀྱང་བསམ་པ་ཇི་ལྟ་བ་དང ། འདུལ་བ་ཇི་ལྟ་བ་དེ་བཞིན་དུ་དེ་བཞིན་གཤེགས་པ་མངོན་སུམ་དུ་བཞུགས་པར་མཐོང་ངོ ། །དེ་ཅིའི་ཕྱིར་ཞེ་ན། མ་འདྲེས་པའི་ཆོས་དང་ལྡན་པའི་ཕྱིར་རོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོའི་འཁོར་དང ། བྱང་ཆུབ་སེམས་དཔའ་ཁ་ཅིག་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཕྱོགས་བཅུའི་འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་དག་ཏུ་ཐབས་རྣམ་པ་སྣ་ཚོགས་ལ་མཁས་པའི་ཚུལ་གྱིས་མཚམས་སྦྱོར་བའི་འཇིག་རྟེན་གྱི་སྤྱོད་པ་རྣམས་དང ། ཡེ་ཤེས་དང ། གཟིགས་པ་དང ། ཁམས་དང ། རྒྱུ་དང ། དམིགས་པ་དང ། ངེས་པའི་ཚིག་དང ། གདགས་པ་དང ། རྣམ་པར་གཞག་པའི་བྱིན་གྱི་རླབས་ཀྱི་སྟོབས་ལ་སྦྱོར་བ་དག་གིས་སེམས་ཅན་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་མཛད་པ་དག་ཅི་ཐམས་ཅད་འཁོར་འདིར་འདུས་སམ། འོན་ཏེ་གཞན་ཡང་གང་དག་མ་འདུས་པ་དག་ཀྱང་ཡོད་དམ་ཞིག་གུ་སྙམ་མོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་བཀའ་སྩལ་པ། ཀྱེ་རྒྱལ་བའི་སྲས། དཔེར་ན།
372a
༄#། །ཉན་ཐོས་ཆེན་པོ་རྒྱ་མཚོ་རྫུ་འཕྲུལ་དང་ལྡན་པ། མངོན་པར་ཤེས་པ་ལ་རྣམ་པར་རྩེ་བ། འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཡོད་པར་གྱུར་ལ། ཉན་ཐོས་ཆེན་པོ་དེ་དག་རེ་རེས་ཀྱང་སེ་གོལ་གཏོགས་པ་རེ་རེ་ལ་སེམས་བསྐྱེད་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་བསྐྱེད་དེ། ཉན་ཐོས་ཆེན་པོ་རེ་རེས་ཀྱང་སེམས་བསྐྱེད་པ་རེ་རེས་གོམ་པ་འདོར་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་སོང་ལ། གོམ་པ་རེ་རེ་བོར་ནས་ཀྱང་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་འདའ་བར་བྱེད་དེ། འཇིག་རྟེན་གྱི་ཁམས་རྒྱ་མཚོ་གང་དུ་ཉན་ཐོས་ཆེན་པོ་གཅིག་འགྲོ་བ་དེར་གཉིས་མི་འགྲོ་བ་དེ་ལྟ་བུའི་ཚུལ་གྱིས་བསྐལ་པ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་དུ་འགྲོ་བར་བྱེད་དོ། །ཤར་ཕྱོགས་ཇི་ལྟ་བ་དེ་བཞིན་དུ་ལྷོ་དང ། ནུབ་དང ། བྱང་དང ། དེ་བཞིན་དུ་ཤར་ལྷོའི་
372b
མཚམས་དང ། དེ་བཞིན་དུ་ལྷོ་ནུབ་ཀྱི་མཚམས་དང ། དེ་བཞིན་དུ་ནུབ་བྱང་གི་མཚམས་དང ། དེ་བཞིན་དུ་བྱང་ཤར་གྱི་མཚམས་ཕྱོགས་སུ་སོང་ཞིང ། ཉན་ཐོས་ཆེན་པོ་གཅིག་གང་དུ་སོང་བ་དེར་གཉིས་མི་འགྲོ་ལ་དེ་ནས་མི་ལ་ལ་ཞིག་གིས་འཇིག་རྟེན་གྱི་ཁམས་རྒྱ་མཚོ་དེ་དག་ཐམས་ཅད་གྲོང་ཁྱེར་གཅིག་ཏུ་བྱས་ལ། སྲིད་པའི་རྩེ་མོར་ཐུག་པར་ར་བས་ཀུན་ནས་བསྐོར་ཏེ་ལག་མཐིལ་བཞིན་དུ་མཉམ་པར་གྱུར་ཅིང ། རྡོ་དང ། གསེག་མ་དང ། གྱོ་མོ་མེད་པར་བྱས་ནས་བྱེ་མས་བཀང་སྟེ་བྱུར་བུར་བྱས་ལ་དེ་ནས་མི་དེས་བྱེ་མའི་གྲོང་ཁྱེར་དེ་ནས་བྱེ་མ་འབྲུ་རེ་རེ་ནས་བླངས་ལ། གྲོང་ཁྱེར་དེའི་ནང་གི་བྱེ་མའི་འབྲུ་ཇི་སྙེད་ཡོད་པ་དེ་སྙེད་ཀྱི་ཆར་གསེས་ཏེ་རྩི་བའི་ཐབས་འདིས་བྱེ་མའི་འབྲུ་དེ་དག་ཐམས་ཅད་ཆར་གསེས་ལ། དེ་ནས་མི་དེ་བྱེ་མའི་འབྲུ་ཆར་གསེས་པ་དེ་དག་ཐམས་ཅད་ཤར་ཕྱོགས་སུ་ཁྱེར་ཏེ་བྱེ་མའི་འབྲུ་ཆར་གསེས་པ་དེ་དག་ཇི་སྙེད་པ་དེ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་འདས་ཤིང ། བྱེ་མའི་འབྲུ་ཆར་གསེས་པ་གཅིག་བོར་ཏེ། རྩིས་པའི་ཐབས་འདིས་བྱེ་མའི་འབྲུ་ཆར་གསེས་པ་དེ་དག་ཐམས་ཅད་བོར་ཏེ་ཤར་ཕྱོགས་སུ་ཇི་ལྟ་བ་དེ་བཞིན་དུ་ལྷོ་དང ། དེ་བཞིན་དུ་ནུབ་དང ། དེ་བཞིན་དུ་བྱང་དང ། དེ་བཞིན་དུ་ཤར་ལྷོའི་མཚམས་དང ། དེ་བཞིན་དུ་ལྷོ་ནུབ་ཀྱི་མཚམས་དང ། དེ་བཞིན་དུ་ནུབ་བྱང་གི་མཚམས་དང ། དེ་བཞིན་དུ་བྱང་ཤར་གྱི་མཚམས་སུ་བོར་ལ། དེ་ནས་མི་དེས་འཇིག་རྟེན་གྱི་ཁམས་རྒྱ་མཚོ་གང་དག་ཏུ་བྱེ་མའི་འབྲུ་ཆར་གསེས་
373a
༄#། །པ་དེ་དག་བོར་བ་དང ། གང་དག་ཏུ་མ་བོར་བའི་འཇིག་རྟེན་གྱི་ཁམས་རྒྱ་མཚོ་དེ་དག་ཐམས་ཅད་གྲོང་ཁྱེར་གཅིག་ཏུ་བྱས་ལ། སྲིད་པའི་རྩེ་མོར་ཐུག་པར་རབས་ཀུན་ནས་བསྐོར་ཏེ་ལག་མཐིལ་བཞིན་དུ་མཉམ་པར་གྱུར་ཅིང ། རྡོ་དང ། གསེག་མ་དང ། གྱོ་མོ་མེད་པར་བྱས་ནས་བྱེ་མས་བཀང་སྟེ་བྱུར་བུར་བྱས་ལ། ངའི་བྱང་ཆུབ་སེམས་དཔའ་འཁོར་འདིར་འདུས་པ་འདི་དག་ནི། བྱེ་མའི་གྲོང་ཁྱེར་དེ་ལས་བྱེ་མའི་འབྲུ་གཅིག་ཙམ་དུ་ཟད་དོ། །ངའི་བྱང་ཆུབ་སེམས་དཔའ་འདིར་མ་འདུས་པ་ནི། གྲོང་ཁྱེར་དེའི་ནང་གི་བྱེ་མ་ལྷག་མ་ཇི་སྙེད་པ་ཙམ་མོ། །དའི་ལྷག་མའི་བྱེ་མ་སྙེད་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་མིང་མཐུན་ལ་རུས་གཅིག་པ་ཤ་སྟག་ཡིན་ལ། མིང་ཐ་དད་པ་དང ། རུས་ཐ་དད་པ་ལྟ་ཅི་སྨོས།་བྱང་ཆུབ་སེམས་དཔའ་དེ་དག་ཀྱང་དཔའ་བར་འགྲོ་བའི་ཏིང་ངེ་འཛིན་ཐོབ་པ་དང ། སངས་རྒྱས་ཀྱི་སྐུའི་ཁ་དོག་ཡོངས་སུ་གྲུབ་པ་མཐའ་ཡས་པ་ལ་སྒྲུབ་པའི་གཟུངས་ཐོབ་པ་དང ། འཇིག་རྟེན་གྱི་ཁམས་ཡོངས་སུ་དག་པ་དུ་མར་སངས་རྒྱས་འབྱུང་བ་སྟོན་པ་དང ། འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་ཡོངས་སུ་སྦྱོང་བ་དང ། སེམས་ཅན་གྱི་ཁམས་བསམ་གྱིས་མི་ཁྱབ་པ་ཡོངས་སུ་སྨིན་པར་བྱེད་པའི་ཁྱུ་མཆོག་ཏུ་གྱུར་པ་དང་ལྡན་པ་ཤ་སྟག་གོ་།དེ་ནས་བྱང་ཆུབ་སེམས་དཔའི་འཁོར་དེ་དག་འདི་སྙམ་དུ་སེམས་ཏེ། བདག་ཅག་གིས་
373b
བྱང་ཆུབ་སེམས་དཔའ་དེ་དག་གི་ནང་ནས་ཁ་ཅིག་གི་སེམས་ཅན་ཡོངས་སུ་སྨིན་པར་བྱེད་པའི་ཁྱུ་མཆོག་ཏུ་གྱུར་པ་མཐོང་ན་ཅི་མ་རུང་སྙམ་མོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་འཁོར་དེའི་ནང་དུ་བསྡུ་བ་དང ། དེ་དག་གི་སེམས་ཅན་ཡོངས་སུ་སྨིན་པར་བྱེད་པའི་ཁྱུ་མཆོག་ཏུ་གྱུར་པ་བསྟན་པའི་སེ་གོལ་གྱི་སྒྲ་མཛད་དོ། །དེའི་ཚེ་ཤར་ཕྱོགས་ཀྱི་འཇིག་རྟེན་གྱི་ཁམས་རྒྱ་མཚོ་གང་དག་ནས་བྱང་ཆུབ་སེམས་དཔའ་དེ་དག་འཁོར་དེར་འདུས་པའི་འཇིག་རྟེན་གྱི་ཁམས་རྒྱ་མཚོ་དེ་དག་གི་འདབ་ཀྱི་འཇིག་རྟེན་གྱི་ཁམས་རྒྱ་མཚོ་གང་ཡིན་པ་དེ་དག་གི་ཆེས་ཕ་རོལ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་རྣམས་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། གཡོ། རབ་ཏུ་གཡོ། ཀུན་ཏུ་རབ་ཏུ་གཡོ། ལྡེག་།རབ་ཏུ་ལྡེག་།ཀུན་ཏུ་རབ་ཏུ་ལྡེག་།ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། འཁྲུག་།རབ་ཏུ་འཁྲུག་།ཀུན་ཏུ་རབ་ཏུ་འཁྲུག་།འུར་འུར། རབ་ཏུ་འུར་འུར། ཀུན་ཏུ་རབ་ཏུ་འུར་འུར་ཏེ། འཇིག་རྟེན་གྱི་ཁམས་རྒྱ་མཚོའི་འཇིག་རྟེན་གྱི་ཁམས་རེ་རེ་ན་ཤར་ཕྱོགས་དམའ་ན་ནུབ་ཕྱོགས་མཐོ། ནུབ་ཕྱོགས་དམའ་ན་ཤར་ཕྱོགས་མཐོ། ལྷོ་ཕྱོགས་དམའ་ན་བྱང་ཕྱོགས་མཐོ། བྱང་ཕྱོགས་དམའ་ན་ལྷོ་ཕྱོགས་མཐོ། བྱང་ཤར་མཚམས་ཀྱི་ཕྱོགས་དམའ་ན་ལྷོ་ནུབ་མཚམས་ཀྱི་ཕྱོགས་
374a
༄#། །མཐོ།་ལྷོ་ནུབ་མཚམས་ཀྱི་ཕྱོགས་དམའ་ན་བྱང་ཤར་མཚམས་ཀྱི་ཕྱོགས་མཐོ། ཤར་ལྷོ་མཚམས་ཀྱི་ཕྱོགས་དམའ་ན་ནུབ་བྱང་མཚམས་ཀྱི་ཕྱོགས་མཐོ། ནུབ་བྱང་མཚམས་ཀྱི་ཕྱོགས་དམའ་ན་ཤར་ལྷོ་མཚམས་ཀྱི་ཕྱོགས་མཐོ། མཐའ་དམའ་ན་དབུས་མཐོ། དབུས་དམའ་ན་མཐའ་མཐོ་སྟེ། ཤར་ཕྱོགས་ཇི་ལྟ་བ་དེ་བཞིན་དུ་ལྷོ་ཕྱོགས་ཀྱང་དེ་དང་འདྲའོ། །ནུབ་ཕྱོགས་ཀྱང་དེ་དང་འདྲའོ། །བྱང་ཕྱོགས་ཀྱང་དེ་དང་འདྲའོ། །ཤར་ལྷོའི་མཚམས་དང ། ལྷོ་ནུབ་ཀྱི་མཚམས་དང ། ནུབ་བྱང་གི་མཚམས་དང ། བྱང་ཤར་གྱི་མཚམས་ཀྱང་དེ་དང་འདྲའོ། །སྟེང་དང་འོག་གི་ཕྱོགས་ཀྱང་དེ་དང་འདྲའོ། །འཇིག་རྟེན་གྱི་ཁམས་རྒྱ་མཚོའི་འཇིག་རྟེན་གྱི་ཁམས་གང་དག་ནས་བྱང་ཆུབ་སེམས་དཔའ་དེ་དག་འཁོར་དེར་འདུས་པའི་འཇིག་རྟེན་གྱི་ཁམས་རྒྱ་མཚོ་དེ་དག་གི་འདབ་ཀྱི་འཇིག་རྟེན་གྱི་ཁམས་རྒྱ་མཚོ་གང་ཡིན་པ་དེ་དག་གི་ཕ་རོལ་གྱིའང་ཆེས་ཕ་རོལ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་ཕྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། གཡོ། རབ་ཏུ་གཡོ། ཀུན་ཏུ་རབ་ཏུ་གཡོ། །ལྡེག་།རབ་ཏུ་ལྡེག་།ཀུན་ཏུ་རབ་ཏུ་ལྡེག་།ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། འཁྲུག་།རབ་ཏུ་འཁྲུག་།ཀུན་ཏུ་རབ་ཏུ་འཁྲུག་།འུར་འུར། རབ་
374b
ཏུ་འུར་འུར། ཀུན་ཏུ་རབ་ཏུ་འུར་འུར་ཏེ། འཇིག་རྟེན་གྱི་ཁམས་རྒྱ་མཚོའི་འཇིག་རྟེན་གྱི་ཁམས་རེ་རེའང་ཤར་ཕྱོགས་དམའ་ན་ནུབ་ཕྱོགས་མཐོ། ནུབ་ཕྱོགས་དམའ་ན་ཤར་ཕྱོགས་མཐོ། ལྷོ་ཕྱོགས་དམའ་ན་བྱང་ཕྱོགས་མཐོ། བྱང་ཕྱོགས་དམའ་ན་ལྷོ་ཕྱོགས་མཐོ། བྱང་ཤར་མཚམས་ཀྱི་ཕྱོགས་དམའ་ན་ལྷོ་ནུར་མཚམས་ཀྱི་ཕྱོགས་མཐོ། ལྷོ་ནུབ་མཚམས་ཀྱི་ཕྱོགས་དམའ་ན་བྱང་ཤར་མཚམས་ཀྱི་ཕྱོགས་མཐོ། ཤར་ལྷོ་མཚམས་ཀྱི་ཕྱོགས་དམའ་ན་ནུབ་བྱང་མཚམས་ཀྱི་ཕྱོགས་མཐོ། ནུབ་བྱང་མཚམས་ཀྱི་ཕྱོགས་དམའ་ན་ཤར་ལྷོ་མཚམས་ཀྱི་ཕྱོགས་མཐོ། མཐའ་དམའ་ན་དབུས་མཐོ། དབུས་དམའ་ན་མཐའ་མཐོ་བར་གྱུར་ཏོ། །ཡང་དེའི་ཚེ་དེ་བཞིན་གཤེགས་པའི་འཁོར་གྱི་དཀྱིལ་འཁོར་གྱི་ཀུན་ནས་ཕྱོགས་བཅུར་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་དག་གི་འཇིག་རྟེན་གྱི་ཁམས་རེ་རེ་ན་རྡུལ་ཕྲ་རབ་ཀྱི་རྡུལ་རེ་རེ་ན་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་གནས་པར་གྱུར་ཏེ། ཛམྦུ་ཆུ་བོའི་གསེར་གྱི་སྟེགས་བུ་རིན་པོ་ཆེས་སྤྲས་པས་ནི། བསྐོར། རིན་པོ་ཆེའི་ཙོང་ཙོང་གིས་ནི། མཛེས་པར་བྱས། གདུགས་དང ། རྒྱལ་མཚན་དང ། བ་དན་ནི། བསྒྲེངས། དྲིལ་བུ་གཡེར་ཀའི་དྲ་བའི་བླ་བྲེས་ནི། བྲེས།
375a
༄#། །ཙནྡན་སྤྲུལ་གྱི་སྙིང་པོས་ནི། བྱུགས། ནོར་བུ་རིན་པོ་ཆེ་དབང་གི་རྒྱལ་པོའི་དྲ་བས་ནིས། བཀབ། རིན་པོ་ཆེ་མཐོན་ཀ་ཆེན་པོ་ནི། མིག་མང་རིས་སུ་བྲེས་ཏེ། ནོར་བུ་རིན་པོ་ཆེའི་དྲ་བའི་ཕྱོགས་རེ་རེ་ནས་ཀྱང་མུ་ཏིག་གི་རྒྱན་ཕྲེང་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ ། །རིན་པོ་ཆེའི་རྒྱན་ཕྲེང་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ ། །དར་གྱི་ལྡ་ལྡི་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ ། །དར་གྱི་ཆུན་ཀོར་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་གྲངས་མེད་དཔག་ཏུ་མེད་པ་དག་འཕྱང་ངོ ། །དྲིལ་བུ་གཡེར་ཀའི་དྲ་བ་ཁ་དོག་སྣ་ཚོགས་པ་ཁ་དོག་དུ་མ་དང་ལྡན་པ་འབུམ་ཕྲག་བྱེ་བ་ཁྲག་ཁྲིག་དཔག་ཏུ་མེད་གྲངས་མེད་པ་དག་འཕྱང་ངོ ། །རིན་པོ་ཆེའི་རྒྱན་ཕྲེང་དང ། མུ་ཏིག་གི་རྒྱན་ཕྲེང་དེ་དག་ལ་རླུང་གིས་ཕོག་ནའང་ལྷའི་སྒྲ་ཡིད་དུ་འོང་བ་དག་འབྱུང་སྟེ། རིན་པོ་ཆེའི་རྒྱན་ཕྲེང་དང ། མུ་ཏིག་གི་རྒྱན་ཕྲེང་རླུང་གིས་ཕོག་པ་དེ་དག་ལས་ལྷའི་སྒྲ་ཡིད་དུ་འོང་བ་འབྱུང་བ་དེ་ལྟ་བུ་ནི། སིལ་སྙན་གྱི་ཡན་ལག་དཔེ་མེད་པ་འབུམ་ཕྲག་བྱེ་བ་བརྡུངས་པའི་སློབ་དཔོན་གྱིས་བརྡུངས་པ་ལས་ཀྱང་དེ་ལྟ་བུའི་སྒྲ་སྙན་པ་མི་འབྱུང་ངོ ། །དྲིལ་བུ་གཡེར་ཀའི་ཕྲེང་བ་རླུང་གིས་ཕོག་པ་དེ་དག་
375b
ལས་ཀྱང་ལྷ་ཡུལ་བའི་སྒྲ་ཡིད་དུ་འོང་ཞིང་ཟབ་པ་འབྱུང་བ་དེ་ལྟ་བུ་ནི། གསེར་གྱི་སྣོད་ཛམྦུའི་གླིང་གི་ཚད་ཙམ་བརྡུངས་པ་ལས་ཀྱང་དེ་ལྟ་བུའི་སྒྲ་ཟད་ཅིང་ཡིད་དུ་འོང་བ་མི་འབྱུང་ངོ ། །མིག་མར་རིས་རེ་རེ་ལས་ཀྱང་རིན་པོ་ཆེའི་ཤིང་ལྗོན་པ་རེ་རེ་ཡོད་དེ། རིན་པོ་ཆེའི་སྟེགས་བུས་ནི། བསྐོར། ནོར་བུ་དང ། མུ་ཏིག་དང ། རིན་པོ་ཆེའི་ཕྲེང་བས་ནི། མཛེས་པར་བྱས། གདུགས་དང ། རྒྱལ་མཚན་དང ། བ་དན་ནི། བསྒྲེངས། རིན་པོ་ཆེའི་རྒྱན་ཕྲེང་གི་རྒྱན་དཔག་ཏུ་མེད་གྲངས་མེད་པས་ནི། བརྒྱན། མུ་ཏིག་གི་རྒྱན་ཕྲེང་གི་རྒྱན་དཔག་ཏུ་མེད་གྲངས་མེད་པས་ཀྱང་བརྒྱན་ཏོ། །རས་ཀྱི་ལྔ་ལྡིའི་རྒྱན་དཔག་ཏུ་མེད་གྲངས་མེད་པ་དང ། མེ་ཏོག་གི་ལྡ་ལྡིའི་རྒྱན་དཔག་ཏུ་མེད་པ་དང ། དྲིལ་བུ་གཡེར་ཀའི་དྲ་བའི་རྒྱན་དཔག་ཏུ་མེད་པས་ཀྱང་བརྒྱན་ཏོ། །རིན་པོ་ཆེའི་ཤིང་ལྗོན་པ་རེ་རེའི་དྲུང་ནའང་རིན་པོ་ཆེའི་སེངྒེའི་ཁྲི་འཕང་དུ་དཔག་ཚད་ལྔ་བརྒྱ་པ་ཡོད་དེ། རིན་པོ་ཆེའི་སྟེགས་བུས་ནི། བསྐོར། ནོར་བུ་དང ། མུ་ཏིག་དང ། རིན་པོ་ཆེའི་ཕྲེང་བས་ནི། མཛེས་པར་བྱས། གདུགས་དང ། རྒྱལ་མཚན་དང ། བ་དན་ནི། བསྒྲེངས། དྲིལ་བུ་གཡེར་ཀའི་དྲ་བའི་བླ་བྲེས་ནི། བྲེས། ཙནྡན་སྤྲུལ་གྱི་སྙིང་པོས་ནི། བྱུགས། མེ་ཏོག་མནྡཱ་ར་བ་དང ། མནྡཱ་ར་བ་ཆེན་པོ་དང ། མཉྫུ་ཤ་ཥ་དང ། མཉྫུ་ཤ་ཥ་ཆེན་པོ་དང ། མདོག་མཛེས་དང ། མདོག་མཛེས་ཆེན་པོ་དང ། འཁོར་ལོ་དང ། འཁོར་ལོ་ཆེན་པོ་དང ། སྣ་མ་དང ། བར་ཤི་ཀ་དང ། ཏ་རུ་ནི་དང ། བལ་ལི་དང ། གོ་ཏ་ར་ནི་དང ། རབ་ཏུ་དྲི་
376a
༄#། །ཞི་མ་དང ། ད་ནུ་སྐ་རི་དང ། ལྷའི་སྣ་མ་དང ། ུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མེ་ཏོག་ཆེན་པོ་རྣམས་ནི། བཀྲམ། ནོར་བུ་རིན་པོ་ཆེ་གློག་གི་སྒྲོན་མའི་རྒྱན་ཕྲེང་གི་རྒྱན་དཔག་ཏུ་མེད་གྲངས་མེད་པ་དང ། ནོར་བུ་རིན་པོ་ཆེ་ཉི་ཟླའི་སྒྲོན་མའི་རྒྱན་ཕྲེང་རྒྱན་དཔག་ཏུ་མེད་གྲངས་མེད་པ་དང ། ནོར་བུ་རིན་པོ་ཆེ་སྣང་བ་ཐམས་ཅད་འདུས་པའི་རྒྱན་ཕྲེང་གི་རྒྱན་དཔག་ཏུ་མེད་གྲངས་མེད་པ་དང ། ནོར་བུ་རིན་པོ་ཆེ་དབང་གི་རྒྱལ་པོའི་རྒྱན་ཕྲེང་གི་རྒྱན་དཔག་ཏུ་མེད་གྲངས་མེད་པ་དང ། ནོར་བུ་རིན་པོ་ཆེ་ཟེ་བ་ཅན་གྱི་རྒྱན་ཕྲེང་གི་རྒྱན་དང ། ནོར་བུ་རིན་པོ་ཆེ་སེངྒེའི་ཟེ་བ་ཅན་གྱི་རྒྱན་ཕྲེང་གྱི་རྒྱན་དང ། ནོར་བུ་རིན་པོ་ཆེ་སེངྒེ་རྒྱལ་མཚན་གྱི་རྒྱན་ཕྲེང་གི་རྒྱན་དང ། ནོར་བུ་རིན་པོ་ཆེ་བརྒྱ་བྱིན་ཐོགས་པའི་རྒྱན་ཕྲེང་གི་རྒྱན་དང ། ནོར་བུ་རིན་པོ་ཆེ་ལྷ་ཐམས་ཅད་ཀྱི་འོད་ཀྱི་རྒྱན་ཕྲེང་གི་རྒྱན་དང ། ནོར་བུ་རིན་པོ་ཆེ་རྡོ་རྗེའི་འོད་ཀྱི་རྒྱན་ཕྲེང་གི་རྒྱན་དང ། ནོར་བུ་རིན་པོ་ཆེ་པདྨ་རལ་གྲིའི་རྒྱན་ཕྲེང་གི་རྒྱན་དང ། ནོར་བུ་རིན་པོ་ཆེ་ཆུ་འདང་གི་རྒྱན་ཕྲེང་གི་རྒྱན་དང ། ནོར་བུ་རིན་པོ་ཆེ་བཻ་ཌཱུརྱའི་རྒྱན་ཕྲེང་གི་རྒྱན་དང ། ནོར་བུ་རིན་པོ་ཆེ་ཨནད་རྙིལ་གྱི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །ནོར་བུ་རིན་པོ་ཆེ་རྡོའི་སྙིང་པོའི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །ནོར་བུ་རིན་པོ་ཆེ་དཔལ་གྱི་སྙིང་པོའི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །ནོར་བུ་རིན་པོ་ཆེ་མཛེས་བཀོད་ཀྱི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །མུ་
376b
ཏིག་དཀར་པོའི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །མུ་ཏིག་མཐོན་ཀའི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །མུ་ཏིག་གསེར་པོའི་རྒྱན་ཕྲེང་གིས་ཀྱང་བརྒྱན་ཏོ། །མུ་ཏིག་དམར་པོའི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །མུ་ཏིག་གསེར་མདོག་གི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །མུ་ཏིག་ནམ་མཁའི་མདོག་གི་རྒྱན་ཕྲེང་གི་རྒྱན་གྱིས་ཀྱང་བརྒྱན་ཏོ། །མུ་ཏིག་གི་འབྲུའི་ངོས་རེ་རེ་དང ། རིན་པོ་ཆེའི་འབྲུའི་ངོས་རེ་རེ་ནས་ཀྱང་སེམས་ཀྱི་སྐད་ཅིག་རེ་རེ་ལ་འོད་ཟེར་རྒྱ་མཚོའི་སྤྲིན་དཔག་ཏུ་མེད་པ་དང ། གྲངས་མེད་པ་དང ། མཚུངས་པ་མེད་པ་དང ། གཞལ་དུ་མེད་པ་དང ། ཚད་མེད་པ་དག་བྱུང་ངོ ། །དེ་ལ་འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི། བསོད་ནམས་ཀྱི་ཚོགས་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི། ཡེ་ཤེས་ཀྱི་ཚོགས་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་བརྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་དོག་གཅིག་ལས་ནི། ཕ་རོལ་ཏུ་ཕྱིན་པ་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་བརྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི། ས་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་རྗོད་པར་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི། གཟུངས་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་བརྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི། རྣམ་པར་ཐར་པ་ཐ་དད་པ་རྒྱ་
377a
༄#། །མཚོ་གྲངས་མེད་པའི་ཁྱད་པར་བསྟན་པ་རྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི་སོ་སོ་ཡང་དག་པར་རིག་པ་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་རྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི་མངོན་པར་ཤེས་པ་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་བརྗོད་པ་བྱུང་ངོ ། འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི་སྨོན་ལམ་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་རྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ན་བརྩོན་འགྲུས་རྣམས་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་རྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི་དབུགས་འབྱིན་པ་ཐོབ་པ་ཐ་དད་པ་རྒྱ་མཚོ་གྲངས་མེད་པའི་ཁྱད་ཀྱི་པར་བསྟན་བརྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི་བྱང་ཆུབ་སེམས་དཔའ་ལ་འཇུག་པ་ཐ་དད་པ་རྒྱ་མཚོ་གླངས་མེད་པའི་ཁྱད་པར་བསྟན་པ་རྗོད་པ་དག་བྱུང་ངོ ། ། འོད་ཟེར་རྒྱ་མཚོའི་སྤྲིན་ཁ་སྡིག་ལས་ནི་དེ་བཞིན་གཤེགས་པ་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་རྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི་སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་བརྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི་འཇིག་རྟེན་
377b
གྱི་ཁམས་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་རྗོད་པ་དག་བྱུང་ངོ ། །འོད་ཟེར་རྒྱ་མཚོའི་སྤྲིན་ཁ་ཅིག་ལས་ནི་བསྐལ་པ་ལ་འཇུག་པ་ཐ་དད་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་རྗོད་པ་དག་བྱུང་ངོ ། །ཡང་དེའི་ཚེ་ཤར་ཕྱོགས་ཀྱི་འཇིག་རྟེན་གྱི་ཁམས་རྒྱ་མཚོ་གང་ཡིན་པ་དེ་དག་ནི་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། གཡོན་རབ་ཏུ་གུལ། ཀུན་ཏུ་རབ་ཏུ་གཡོ། ལྡེག་།རབ་ཏུ་ལྡེག་།ཀུན་ཏུ་རབ་ཏུ་ལྡེག་།ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། འཁྲུག་།རབ་ཏུ་འཁྲུག་།ཀུན་ཏུ་རབ་ཏུ་འཁྲུག་།འུར་འུར། རབ་ཏུ་འུར་འུར། ཀུན་ཏུ་རབ་ཏུ་འུར་འུར་རོ། །དེ་ནས་འཇིག་རྟེན་གྱི་ཁམས་རྒྱ་མཚོ་དེ་དག་ལས་འཇིག་རྟེན་གྱི་ཁམས་རེ་རེ་ནས་ཀྱང་བྱང་ཆུབ་སེམས་དཔའ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྷགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་རེ་རེའི་འཁོར་ཡང་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྷགས་སོ། །བྱང་ཆུབ་སེམས་དཔའ་རེ་རེས་ཀྱང་ནོར་བུ་རིན་པོ་ཆེའི་རྒྱལ་པོའི་སྤྲིན་གཟུངས་རྒྱ་མཚོ་གྲངས་མེད་པ་བརྗོད་པ། སྟོང་གསུམ་གྱི་སྟོང་ཆེན་པོ་བཅུའི་ཚད་ཙམ་གྱི་ཆར་གྱིས་ཆགས་པ་མེད་ཅིང་སྒྲིབ་པ་མེད་ལ་མ་འདྲེས་པའི་ནམ་མཁའ་ཁྱབ་པར་བྱས་ནས་བཅོམ་ལྡན་འདས་ག་ལ་བ་དེར་དོང་སྟེ་
378a
༄#། །ལྷགས་ནས་བྱང་ཆུབ་སེམས་དཔའ་རེ་རེས་ཀྱང་ལྷའི་ནོར་བུ་རིན་པོ་ཆེའི་རྒྱལ་པོའི་སྤྲིན་ཏིང་ངེ་འཛིན་རྒྱ་མཚོ་གྲངས་མེད་པ་བརྗོད་པ། སྟོང་གསུམ་གྱི་སྟོང་ཆེན་པོ་བཅུའི་ཚད་ཙམ་གྱིས་ཆགས་པ་མེད་ཅིང་སྒྲིབ་པ་མེད་ལ་མ་འདྲེས་པའི་ནམ་མཁའ་ཁྱབ་པར་བྱས་ཏེ། དེ་བཞིན་གཤེགས་པ་ལ་གཏོར་ཅིང་མངོན་པར་གཏོར་ལ་མངོན་པར་རབ་ཏུ་གཏོར་ཏོ།། གཏོར་ཅིང་མངོན་པར་གཏོར་ལ་མངོན་པར་རབ་ཏུ་གཏོར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ལན་གྲངས་མེད་པར་བསྐོར་བ་བྱས། རང་རང་གི་སྨོན་ལམ་ལས་བྱུང་བའི་སེངྒེའི་ཁྲི་ལ་འཁོད་དོ། །ཤར་ཕྱོགས་ཇི་ལྟ་བ་དེ་བཞིན་དུ་ལྷོ་དང ། ནུབ་དང ། བྱང་དང ། ཤར་ལྷོའི་མཚམས་དང ། ལྷོ་ནུབ་ཀྱི་མཚམས་དང ། ནུབ་བྱང་གི་མཚམས་དང ། བྱང་ཤར་གྱི་མཚམས་དང ། སྟེང་དང་འོག་གི་ཕྱོགས་ཀྱི་འཇིག་རྟེན་གྱི་ཁམས་རྒྱ་མཚོ་གང་ཡིན་པ་དེ་དག་ཀྱང་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། གཡོ། རབ་ཏུ་གཡོ། ཀུན་ཏུ་རབ་ཏུ་གཡོ། །ལྡེག་།རབ་ཏུ་ལྡེག་།ཀུན་ཏུ་རབ་ཏུ་ལྡེག་།ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། འཁྲུག་།རབ་ཏུ་འཁྲུག་།ཀུན་ཏུ་རབ་ཏུ་འཁྲུག་།འུར་འུར། རབ་ཏུ་འུར་འུར། ཀུན་ཏུ་རབ་ཏུ་འུར་འུར་རོ། །འཇིག་རྟེན་གྱི་ཁམས་དེ་དག་རེ་རེ་ནས་ཀྱང་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་
378b
རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྷགས་སོ། །བྱང་ཆུབ་སེམས་དཔའ་རེ་རེའི་འཁོར་ཡང་བྱང་ཆུབ་སེམས་དཔའ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ལྷགས་སོ། །བྱང་ཆུབ་སེམས་དཔའ་རེ་རེས་ཀྱང་ནོར་བུ་རིན་པོ་ཆེའི་རྒྱལ་པོའི་སྤྲིན་རྣམ་པ་ཐ་དད་པ་རྒྱ་མཚོ་གྲངས་མེད་པ་བརྗོད་པ། སྟོང་གསུམ་གྱི་སྟོང་ཆེན་པོ་བཅུའི་ཚད་ཙམ་གྱི་ཆར་གྱིས་ཆགས་པ་མེད་ཅིང་སྒྲིབ་པ་མེད་ལ་མ་འདྲེས་པའི་ནམ་མཁའ་ཁྱབ་པར་བྱས་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བྱང་ཆུབ་སེམས་དཔའ་རེ་རེས་ཀྱང་ནོར་བུ་རིན་པོ་ཆེའི་རྒྱལ་པོའི་སྤྲིན་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པ་བརྗོད་པ། སྟོང་གསུམ་གྱི་སྟོང་ཆེན་པོ་བཅུའི་ཚད་ཙམ་གྱིས་དེ་བཞིན་གཤེགས་པ་ལ་གཏོར་ཅིང་མངོན་པར་གཏོར་ལ་མངོན་པར་རབ་ཏུ་གཏོར་ཏོ། །གཏོར་ཅིང་མངོན་པར་གཏོར་ལ་མངོན་པར་རབ་ཏུ་གཏོར་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ལན་གྲངས་མེད་པར་བསྐོར་བ་བྱས་ནས་རང་རང་གི་སྨོན་ལམ་ལས་བྱུང་བའི་སེངྒེའི་ཁྲི་ལ་འཁོད་དོ། །ཡང་དེའི་ཚེ་བཅོམ་ལྡན་འདས་ཀྱི་གཙུག་ཏོར་དང ། མཛོད་སྤུ་དང ། མཚན་དང ། དཔེ་བྱད་བཟང་པོ་རེ་རེ་དང ། བ་སྤུའི་ཁུང་བུ་རེ་རེ་ནས་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་
379a
༄#། །མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་རབ་ཀྱི་རྡུལ་ལྟ་ཤིན་ཏུ་ཉུང་གི་།དེ་བས་ཆེས་མང་བའི་བྱང་ཆུབ་སེམས་དཔའ་རྒྱ་མཚོ་དག་བྱུང་སྟེ། དེ་དག་ཐམས་ཅད་ཀྱང་ལུས་ཛམྦུའི་ཆུ་བོའི་གསེར་གྱི་མདོག་ཅན། གཟི་བརྗིད་ཉི་མ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་བས་ལྷག་པ། དཔའ་བར་འགྲོ་བའི་ཏིང་ངེ་འཛིན་ལ་རྣམ་པར་རྩེ་བ། སངས་རྒྱས་ཀྱི་སྐུ་མདོག་ཡོངས་སུ་གྲུབ་པ་མཐའ་ཡས་པ་སྒྲུབ་པའི་གཟུངས་ཐོབ་པ། འཇིག་རྟེན་གྱི་ཁམས་སངས་རྒྱས་མི་བཞུགས་པ་དག་ཏུ་སངས་རྒྱས་འབྱུང་བ་སྟོན་པ། འཇིག་རྟེན་གྱི་ཁམས་ཀུན་ནས་ཉོན་མོངས་པ་ཅན་ཡོངས་སུ་སྦྱོང་བ་པདྨའི་སྟན་ལ་འཁོད་པ་ཤ་སྟག་གོ་།པདྨ་རེ་རེའང་རིན་པོ་ཆེ་ཐམས་ཅད་ཀྱིས་སྤྲས་པ། སྡོང་བུ་རྣམ་པ་སྣ་ཚོགས་པ། ནོར་བུ་རིན་པོ་ཆེའི་ཟེ་བ་ཅན། གསེར་གྱི་འདབ་མ་བཀོད་པ། ཤིན་ཏུ་རྒྱས་པའི་གཟུགས་ཅན། ཛམྦུ་ཆུ་བོའི་གསེར་གྱི་སྙིང་པོ་དང་ལྡན་པ། འོད་ཀྱི་དཀྱིལ་འཁོར་སྣ་ཚོགས་ཀྱི་ས་ཕྱོགས་ཐམས་ཅད་ཀྱི་སྤྲིན་སྣང་བར་བྱེད་པ། ཀུན་ནས་འོད་ཟེར་བཀོད་པ། སངས་རྒྱས་ཀྱི་ཡུལ་མཐའ་ཡས་པའི་གསུང་བརྗོད་པའི་འོད་ཟེར་ནོར་བུ་དང ། མུ་ཏིག་དང ། རིན་པོ་ཆེའི་ཕྲེང་བ་རབ་ཏུ་འགྱེད་པས་མཛེས་པར་བྱས་ཤིང་གདུགས་དང ། རྒྱལ་མཚན་དང ། བ་དན་བསྒྲེང་བ་ཤ་སྟག་གོ་།དེ་ནས་བྱང་ཆུབ་སེམས་དཔའ་དེ་དག་གིས་འོད་ཟེར་རྒྱ་མཚོ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་བཏང་ནས་
379b
པདྨ་དེ་དག་ལས་བབས་ཏེ་ལྷའི་གདུགས་ཀྱི་སྤྲིན་དང ། རྒྱལ་མཚན་གྱི་སྤྲིན་དང ། བ་དན་གྱི་སྤྲིན་དང ། མེ་ཏོག་གི་སྤྲིན་དང ། སྤོས་ཀྱི་སྤྲིན་དང ། རིན་པོ་ཆེའི་སྤྲིན་དང ། རོལ་མོའི་སྒྲའི་སྤྲིན་དང ། རྒྱན་གྱི་སྤྲིན་དང ། སེངྒེའི་རྒྱལ་མཚན་གྱི་རྩེ་མོའི་སྤྲིན་དང ། ལྷའི་སིལ་སྙན་དང ། ཕེག་རྡོབ་པ་དང ། གླུའི་དབྱངས་ཀྱི་སྒྲའི་སྤྲིན་ཆགས་པ་མེད་ཅིང་སྒྲིབ་པ་མེད་ལ་མ་འདྲེས་པ་སྟོང་གསུམ་གྱི་སྟོང་ཆེན་པོ་བཅུའི་ཚད་ཙམ་གྱིས་བྱང་ཆུབ་སེམས་དཔའ་དེ་དག་ལ་གཏོར་ཅིང་མངོན་པར་གཏོར་ལ་མངོན་པར་རབ་ཏུ་གཏོར་ཏོ། །གཏོར་ཅིང་མངོན་པར་གཏོར་ལ་མངོན་པར་རབ་ཏུ་གཏོར་ནས་ལན་གྲངས་མེད་པར་བསྐོར་བ་བྱས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ལན་གྲངས་མེད་པར་བསྐོར་བ་བྱས་ཏེ་རང་རང་གི་པདྨའི་སྟན་ལ་འཁོད་དོ། །བྱང་ཆུབ་སེམས་དཔའ་གང་དག་དེ་བཞིན་གཤེགས་པའི་སྐུའི་ནང་དུ་ཆུད་པའི་འཇིག་རྟེན་གྱི་ཁམས་རྒྱ་མཚོའི་འཇིག་རྟེན་གྱི་ཁམས་དག་ནས་བྱུང་བ་དེ་དག་ཐམས་ཅད་ཀྱང་བྱང་ཆུབ་སེམས་དཔའ་དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་པ་ཤ་སྟག་གོ་།དེ་ནས་འཁོར་དེ་དག་འདི་སྙམ་དུ་སེམས་ཏེ། དེ་བཞིན་གཤེགས་པའི་སྐུའི་ནང་དུ་ཆུད་པའི་འཇིག་རྟེན་གྱི་ཁམས་རྣམས་སངས་རྒྱས་ཀྱི་མཐུས་བདག་ཅག་གིས་མཐོང་ན་ཅི་མ་རུང་སྙམ་མོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྟོག་པ་ཐུགས་ཀྱིས་
380a
༄#། །མཁྱེན་ནས་གཙུག་ཏོར་ནས་དེ་བཞིན་གཤེགས་པའི་སྐུའི་ནང་དུ་ཆུད་པའི་འཇིག་རྟེན་གྱི་ཁམས་སྟོན་པ་ཞེས་བྱ་བའི་འོད་ཟེར་འཁོར་འོད་ཟེར་གྲངས་མེད་པ་དག་བྱུང་སྟེ། དེས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་སྣང་བ་ཆེན་པོས་ཁྱབ་པར་བྱས་ནས་བདུད་ཀྱི་གནས་ཐམས་ཅད་མོག་མོག་པོར་བྱས་སོ། །སངས་རྒྱས་ཀྱི་རྣམ་པར་འཕྲུལ་པ་ཐམས་ཅད་ཀྱང་བསྟན་ཏེ། སེམས་ཅན་གྱི་ཁམས་མཐའ་ཡས་པ་ཡོངས་སུ་སྨིན་པར་བྱས་ནས་ཡང་ཕྱིར་ལོག་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ལན་གྲངས་མེད་པར་བསྐོར་བ་བྱས་ནས་བྱང་ཆུབ་སེམས་དཔའ་དེ་དག་གི་ལུས་ལ་ཕོག་པར་གྱུར་ཏོ། །བྱང་ཆུབ་སེམས་དཔའ་དེ་དག་གི་ལུས་ལ་འོད་ཟེར་དེས་པོག་མ་ཐག་ཏུའང་དེའི་ཚེ་བྱང་ཆུབ་སེམས་དཔའ་དེ་དག་ཐམས་ཅད་ཀྱིས་བཅོམ་ལྡན་འདས་ཀྱི་མཛོད་སྤུ་དང ། གཙུག་ཏོར་དང ། མཚན་དང ། དཔེ་བྱད་བཟང་པོ་རེ་རེ་དང ། སྤུའི་ཁུང་བུ་རེ་རེ་ལ་འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་རབ་ཀྱི་རྡུལ་ལྟ་ཤིན་ཏུ་ཉུང་གི་།དེ་བས་ཆེས་མང་བའི་འཇིག་རྟེན་གྱི་ཁམས་རྒྱ་མཚོ་དག་ན་མེས་འཇིག་པ་དང ། ཆུས་འཇིག་པ་དང ། རླུང་གིས་འཇིག་པ་དག་མཐོང་སྟེ། དཔེར་ན། འཇིག་རྟེན་གྱི་ཁམས་རྒྱ་
380b
མཚོ་གངྒཱའི་ཀླུང་གི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོ་སྲིད་པའི་རྩེ་མོར་ཐུག་པར་ར་བས་བསྐོར་ཏེ། རྡོ་དང ། གསེག་མ་དང ། གྱོ་མོ་མེད་ཅིང ། ལག་མཐིལ་ལྟར་མཉམ་པར་གྱུར་ནས་རྡུལ་ཕྲ་རབ་ཀྱི་རྡུལ་གྱིས་གང་བ་ལ་འཇིག་རྟེན་གྱི་ཁམས་གང་དུ་མེའི་འཇིགས་པ་དང ། ཆུའི་འཇིགས་པ་དང ། རླུང་གི་འཇིགས་པར་མཐོང་བར་དེ་དག་ནི། ར་བ་དེའི་ནང་གི་རྡུལ་ཕྲ་རབ་ཀྱི་རྡུལ་གཅིག་ལྟ་བུར་བལྟ་བར་བྱའོ། །འཇིག་རྟེན་གྱི་ཁམས་རྒྱ་མཚོ་དེ་དག་ལས་འཇིག་རྟེན་གྱི་ཁམས་རྒྱ་མཚོ་གནས་པ་ནི། རྡུལ་ཕྲ་རབ་ཀྱི་རྡུལ་ལྷག་མ་ཇི་སྙེད་ཡོད་པ་ཙམ་དུ་བལྟ་བར་བྱའོ། །དེ་ལ་འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སྐར་འོད་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་གློག་གི་སྒྲོན་མ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་ཉི་ཟླའི་སྒྲོན་མ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སྣང་བ་ཐམས་ཅད་འདུས་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་དབང་གི་རྒྱལ་པོ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་ཟེ་བ་ཅན་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སེངྒེའི་ཟེ་བ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སེངྒེ་རྡོལ་
381a
༄#། །རྗེའི་རྩེ་མོ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་བརྒྱ་བྱིན་ཐོགས་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི།་ནོར་བུ་རིན་པོ་ཆེ་ལྷ་ཐམས་ཅད་ཀྱི་འོད་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་རྡོ་རྗེའི་འོད་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི།་ནོར་བུ་རིན་པོ་ཆེ་པདྨ་རཱ་ག་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་ཆུ་འདང་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ཡིད་བཞིན་གྱི་ནོར་བུ་རིན་པོ་ཆེ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་བཻ་ཌཱུརྱ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་ཨནད་རྙིལ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་མཐོན་ཀ་ཆེན་པོ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་རྡོའི་སྙིང་པོ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་དཔལ་གྱི་སྙིང་པོ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་མཛོད་བཀོད་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི།་མུ་ཏིག་དཀར་བོ་ལས་\?\་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། མུ་ཏིག་གསེར་
381b
མདོག་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། མུ་ཏིག་ནམ་མཁའ་མདོག་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་བསོད་ནམས་ཀྱི་ཚོགས་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་ཡེ་ཤེས་ཀྱི་ཚོགས་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་ཕ་རོལ་ཏུ་ཕྱིན་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེས་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་གཟུངས་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་རྣམ་པར་ཐར་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སོ་སོ་ཡང་དག་པར་རིག་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་མངོན་པར་ཤེས་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སྨོན་
382a
༄#། །ལམ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་བརྩོན་འགྲུས་རྩོམ་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་དབུགས་འབྱིན་ཐོབ་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་བྱང་ཆུབ་སེམས་དཔའ་ལ་འཇུག་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་དེ་བཞིན་གཤེགས་པ་ལ་འཇུག་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་སེམས་ཅན་གྱི་བསམ་པ་དང ། སྤྱོད་པ་ལ་འཇུག་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། ནོར་བུ་རིན་པོ་ཆེ་འཇིག་རྟེན་གྱི་ཁམས་ལ་འཇུག་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི།་ནོར་བུ་རིན་པོ་ཆེ་བསྐལ་པ་ལ་འཇུག་པ་རྒྱ་མཚོ་གྲངས་མེད་པའི་ཁྱད་པར་བསྟན་པ་བརྗོད་པ་ལས་གྲུབ་པ་ཡིན་ནོ། །འཇིག་རྟེན་གྱི་ཁམས་རྒྱ་མཚོ་ལ་ལ་ནི། འཇིག་རྟེན་གྱི་ཁམས་ཀྱི་རྡུལ་
382b
ཕྲ་མོ་རེ་རེ་ལ་ཞིང་བསམ་གྱིས་མི་ཁྱབ་པ་ཞིང་ཐམས་ཅད་ཀྱི་རྡུལ་སྙེད་དུ་སྣ་ཚོགས་སུ་གནས་པ་\?\་སྣང་ངོ ། །ཞིང་རེ་རེ་ནའང་སངས་རྒྱས་བཅོམ་ལྡན་འདས་བསམ་གྱིས་མི་ཁྱབ་པ་དག་སྣང་བར་གྱུར་ཏེ། ཞིང་ཐམས་ཅད་ཀྱི་རྡུལ་སྙེད་ཀྱི་ཁ་དོག་ཏུ་གནས་པ་དག་སྣང་ངོ ། །སངས་རྒྱས་བཅོམ་ལྡན་འདས་དེ་དག་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་སངས་རྒྱས་བཅོམ་ལྡན་འདས་གང་དག་གིས་བྱང་ཆུབ་ཏུ་སེམས་བསྐྱེད་དུ་བཅུག་པ་དང ། བྱང་ཆུབ་སེམས་དཔའི་སྤྱོད་པ་སློབ་ཏུ་བཅུག་པའི་སངས་རྒྱས་བཅོམ་ལྡན་འདས་དེ་དག་ཀྱང་སྣང་བར་གྱུར་ཏོ། །སངས་རྒྱས་བཅོམ་ལྡན་འདས་དེ་དག་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་བྱང་ཆུབ་ཏུ་སེམས་བསྐྱེད་དུ་བཅུག་པའི་སངས་རྒྱས་བཅོམ་ལྡན་འདས་གང་ཡིན་པ་དེ་དག་ཀྱང་སྣང་ངོ ། །དེ་བཞིན་དུ་སངས་རྒྱས་གཅིག་ནས་གཅིག་ཏུ་བརྒྱུད་པ་ཕྱི་མའི་མཐར་ཐུག་པའི་བར་དུ་བསྟན་ཀྱང་སངས་རྒྱས་གཅིག་ནས་གཅིག་ཏུ་བརྒྱུད་པ་དེ་དག་གི་མཐའ་བསྟན་པར་མི་ནུས་སོ། །སངས་རྒྱས་བཅོམ་ལྡན་འདས་རེ་རེ་ལའང་འཁོར་གྱི་དཀྱིལ་འཁོར་རྒྱ་མཚོ་དཔག་ཏུ་མེད་གྲངས་མེད་པ་དག་སྣང་ངོ ། །བྱང་ཆུབ་སེམས་དཔའི་དེ་དག་གི་བྱང་ཆུབ་སེམས་དཔའི་སྤྱོད་པ་རྒྱ་མཚོ་རྣམ་པ་སྣ་ཚོགས་བསྟན་པ་གང་ཡིན་པ་དེ་དག་ཀྱང་ཐོས་སོ། །བྱང་ཆུབ་སེམས་དཔའ་དེ་དག་གི་མངོན་པར་རྫོགས་པར་བྱང་ཆུབ་པའང་སྣང་ངོ ། །དེ་དག་གི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་རྒྱ་མཚོ་དག་ཀྱང་སྣང་ངོ ། །བྱང་ཆུབ་
383a
༄#། །སེམས་དཔའ་དེ་དག་གི་བྱང་ཆུབ་ཀྱི་སྤྱོད་པ་རྒྱ་མཚོ་རྣམ་པ་སྣ་ཚོགས་བསྟན་པ་གང་ཡིན་པ་དེ་དག་ཀྱང་ཐོས་སོ། །བྱང་ཆུབ་སེམས་དཔའ་དེ་དག་གིས་མངོན་པར་རྫོགས་པར་བྱང་ཆུབ་པ་དག་ཀྱང་སྣང་ངོ ། །སངས་རྒྱས་བཅོམ་ལྡན་འདས་རེ་རེའི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དཔག་ཏུ་མེད་པ་གྲངས་མེད་པ་དག་ཀྱང་སྣང་ངོ ། །དེ་དག་གི་བྱང་ཆུབ་སེམས་དཔའི་སྤྱོད་པ་རྣམ་པ་སྣ་ཚོགས་གང་ཡིན་པ་དེ་དག་ཀྱང་སྣང་ཞིང་ཐོས་སོ། །དེ་བཞིན་དུ་མ་འོངས་པའི་སངས་རྒྱས་བཅོམ་ལྡན་འདས་དེ་དག་གི་སངས་རྒྱས་གཅིག་ནས་གཅིག་ཏུ་བརྒྱུད་པའང་བསྐལ་པ་རྒྱ་མཚོ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་བར་དུ་བསྟན་ཀྱང་མཐར་ཕྱིན་པར་མི་འགྱུར་རོ། །དེ་ཅིའི་ཕྱིར་ཞེ་ན། སྐུ་དང་ཡེ་ཤེས་ཆགས་པ་མེད་པ་བརྙེས་པའི་ཕྱིར་རོ། །དེ་ནས་བྱང་ཆུབ་སེམས་དཔའི་འཁོར་དེ་དག་འདི་སྙམ་དུ་སེམས་ཏེ། བྱང་ཆུབ་སེམས་དཔའ་གང་དག་ཆོས་ཀྱི་རྣམ་གྲངས་འདི་ཐོས་ནས་མོས་པར་བྱེད་ཅིང་འཆང་བ་དང ། ཀློག་པ་དང ། འདོན་པ་དང ། འདོན་དུ་འཇུག་པ་དང ། མར་མེ་དང ། བདུག་པ་དང ། སྤོས་དང ། མེ་ཏོག་ཕྲེང་དང ། བྱུག་པ་དང ། ཕྱེ་མ་དང ། ཆོས་གོས་དང ། གདུགས་དང ། རྒྱལ་མཚན་དང ། བ་དན་ལ་སོགས་པས་མཆོད་པ་དེ་དག་གི་བསོད་ནམས་ཇི་སྙེད་ཅིག་འཕེལ་བར་འགྱུར་ཞིག་གུ་སྙམ་མོ། །དེ་ནས་བཅོམ་ལྡན་འདས་ཀྱིས་
383b
བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ། འཇིག་རྟེན་གྱི་ཁམས་རྒྱ་མཚོ་གངྒཱའི་ཀླུང་ལྔ་བཅུའི་བྱེ་མ་སྙེད་ཀྱི་རྡུལ་ཕྲ་རབ་ཀྱི་རྡུལ་འབུམ་ཕྲག་བྱེ་བ་ཁྲག་ཁྲིག་གྲངས་མེད་པ་སྙེད་ཀྱི་འཇིག་རྟེན་གྱི་ཁམས་རྒྱ་མཚོའི་རྡུལ་ཕྲ་རབ་ཀྱི་རྡུལ་ལྟ་ཤིན་ཏུ་ཉུང་གི་།དེ་བས་ཆེས་མང་བའི་བྱང་ཆུབ་སེམས་དཔའ་རྒྱ་མཚོ་དག་གི་དགེ་བའི་རྩ་བ་ཕ་རོལ་ཏུ་ཕྱིན་པ་ལྔ་ལས་བྱུང་བ་བསྐལ་པ་དཔག་ཏུ་མེད་གྲངས་མེད་པའི་བར་དུ་བསྐྱེད་པའང་ཆོས་ཀྱི་རྣམ་གྲངས་འདི་ལ་མོས་པའི་བྱང་ཆུབ་སེམས་དཔའ་ཐ་ན་དུད་འགྲོའི་སྐྱེ་གནས་སུ་གྱུར་པ་ལ་ཟན་ཆང་གཅིག་ཙམ་ཡོངས་སུ་བཏང་བས་བྱང་ཆུབ་སེམས་དཔའ་དེ་དག་གི་དགེ་བའི་རྩ་བ་ཕ་རོལ་ཏུ་ཕྱིན་པ་ལྔ་ལས་བྱུང་བ་དེ་ཟིལ་གྱིས་གནོན་པར་འགྱུར་རོ། །འཇམ་དཔལ། དཔེར་ན། ཟླ་བ་ཡར་གྱི་ངོ་ཚེས་བཅོ་ལྔའི་ནམ་ཕྱེད་ཀྱི་དུས་ན་ཟླ་བའི་དཀྱིལ་འཁོར་གྱིས་འདི་ལྟར་མཐོ་བ་དང ། མཚུངས་པ་མེད་པ་དང ། ཆེ་བས་སྐར་མའི་འཁོར་ཐམས་ཅད་ཟིལ་གྱིས་གནོན་ཏེ། ལྷམ་མེ། ལྷན་ནེ། ལྷང་ངེར་འདུག་གོ་།འཇམ་དཔལ། དེ་བཞིན་དུ་ཆོས་ཀྱི་རྣམ་གྲངས་འདི་ལ་མོས་པའི་བྱང་ཆུབ་སེམས་དཔའ་འདི་ལྟར་དགེ་བའི་རྩ་བ་མཐོ་བ་དང ། མཚུངས་པ་མེད་པ་དང ། ཆེ་བས་བྱང་ཆུབ་སེམས་དཔའ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་དགེ་བའི་རྩ་བ་ཕ་རོལ་ཏུ་ཕྱིན་པ་ལྔ་ལས་བྱུང་བ་རྣམས་
384a
༄#། །ཟིལ་གྱིས་གནོན་ཏེ། ལྷམ་མེ། ལྷན་ནེ། ལྷང་ངེར་འདུག་གོ་།འཇམ་དཔལ། བྱང་ཆུབ་སེམས་དཔའ་གང་ལ་ལས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་གཏོགས་པའི་སེམས་ཅན་ཐམས་ཅད་དབྱུག་པས་བསྣུན་ཏམ། མཚོན་གྱིས་བཏབ་སྐྱེ་བདོག་པ་ཐམས་ཅད་འཕྲོག་པ་པས། འཇམ་དཔལ། བྱང་ཆུབ་སེམས་དཔའ་གཞན་ཞིག་གིས་བྱང་ཆུབ་སེམས་དཔའ་ལ་གནོད་སེམས་དང ། ཐ་བ་དང ། ཁྲོ་བའི་སེམས་བསྐྱེད་དེ་བརྙས་པའི་སེམས་ཀྱང་བསྐྱེད་ན། འདི་ནི། དེ་བས་ཆེས་སྡིག་པ་མང་པོ་འཕེལ་བར་འགྱུར་རོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔས་བྱང་ཆུབ་སེམས་དཔའ་ལ་གནོད་སེམས་དང ། ཐ་བ་དང ། ཁྲོ་བའི་སེམས་བསྐྱེད་པ་དང ། བརྙས་པའི་སེམས་བསྐྱེད་པས་ནི། ཆོས་ཀྱིས་ཕོངས་པར་འགྱུར་བའི་ལས་བྱས་པར་འགྱུར་ཏེ། ཆོས་མ་ཡིན་པ་ཡོངས་སུ་བཟུང་བར་འགྱུར་རོ། ཆོས་མ་ཡིན་པ་ཡོངས་སུ་འཛིན་པ་ནི། སངས་རྒྱས་ཀྱི་གདུང་གཅོད་པར་བྱེད་པ་ཡིན་ནོ། །སངས་རྒྱས་རྣམས་མ་བྱུང་ན་རྒྱལ་ཆེན་བཞིའི་ལྷའི་རིས་རྣམས་འབྱུང་བར་མི་འགྱུར་རོ། །སུམ་ཅུ་རྩ་གསུམ་པ་རྣམས་དང ། འཐབ་བྲལ་བ་རྣམས་དང ། དགའ་ལྡན་པ་རྣམས་དང ། འཕྲུལ་དགའ་བ་རྣམས་དང ། གཞན་འཕྲུལ་དབང་བྱེད་པ་རྣམས་དང ། བདུད་ཀྱི་རིས་རྣམས་ཀྱང་འབྱུང་བར་མི་འགྱུར་རོ། །བརྒྱ་བྱིན་དང ། ཚངས་པ་དང ། འཇིག་རྟེན་སྐྱོང་བ་ཐམས་ཅད་ཀྱང་འབྱུང་བར་མི་འགྱུར་རོ། །ཟླ་བ་དང་ཉི་མ་ཐམས་ཅད་ཀྱང་
384b
འབྱུང་བར་མི་འགྱུར་རོ། །འཁོར་ལོས་བསྒྱུར་བ་དང ། སྟོབས་ཀྱི་འཁོར་ལོས་བསྒྱུར་བ་རྣམས་ཀྱང་འབྱུང་བར་མི་འགྱུར་རོ། །མིའི་འཇིག་རྟེན་ཡང་འབྱུང་བར་མི་འགྱུར་རོ། །དེ་ཅིའི་ཕྱིར་ཞེ་ན། དེ་དག་ཐམས་ཅད་ནི། རྫོགས་པའི་སངས་རྒྱས་དང་ཕྲད་པ་ལས་འབྱུང་ལ། སངས་རྒྱས་བཅོམ་ལྡན་འདས་རྣམས་ནི། བྱང་ཆུབ་སེམས་དཔའ་ལས་འབྱུང་བའི་ཕྱིར་རོ། །དེ་བས་ན། སངས་རྒྱས་ཐམས་ཅད་ལ་མཆོད་པར་འདོད་པས་ནི། བྱང་ཆུབ་སེམས་དཔའ་རྣམས་ལ་མཆོད་པར་བྱའོ། །བྱང་ཆུབ་སེམས་དཔའ་རྣམས་ལ་མཆོད་པ་བྱས་ན། སངས་རྒྱས་ཐམས་ཅད་ལ་མཆོད་པར་འགྱུར་རོ། །བྱང་ཆུབ་སེམས་དཔའ་རྣམས་ལ་བཀུར་སྟི་བྱས་ན། སངས་རྒྱས་ཐམས་ཅད་ལ་བཀུར་སྟི་བྱས་པར་འགྱུར་རོ། །འཇམ་དཔལ། བྱང་ཆུབ་སེམས་དཔའ་གང་ལ་ལས་སངས་རྒྱས་བཅོམ་ལྡན་འདས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ལ་ལྷའི་ཞལ་ཟས་རོ་བརྒྱ་དང་ལྡན་པ་དང ། ལྷའི་ན་བཟའ་ཕུལ་ཏེ། སྦྱིན་པ་དེ་ལྟ་བུ་བསྐལ་པ་རྒྱ་མཚོ་གངྒཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་ཀྱི་རྡུལ་སྙེད་ཀྱི་བར་དུ་ཕུལ་ལ། བྱང་ཆུབ་སེམས་དཔའ་གཞན་ཞིག་གིས་ནི། བྱང་ཆུབ་སེམས་དཔའ་ལ་དམིགས་པ་གང་ཡང་རུང་བ་ཞིག་གིས་བྱང་ཆུབ་ཏུ་སེམས་བསྐྱེད་དེ། བདུག་པ་ལས་དམིགས་པའམ།་མར་མེ་ལས་དམིགས་པའམ། མེ་ཏོག་ལས་དམིགས་པའམ། སྤོས་ལས་དམིགས་པའམ། གཞན་གང་ཡང་རུང་བ་ཞིག་ལས་དམིགས་ཏེ་བྱང་ཆུབ་ཏུ་སེམས་བསྐྱེད་ན། འདི་ནི། དེ་
385a
༄#། །བས་ཆེས་གྲངས་མེད་པར་བསོད་ནམས་འཕེལ་བར་འགྱུར་ན། གཞན་སྐྱེད་དུ་འཇུག་པ་གང་ཡིན་པ་དག་ལྟ་ཅི་སྨོས་ཏེ། འདི་ནི། དེ་བས་བསོད་ནམས་ཆེས་གྲངས་མེད་པ་སྐྱེད་པར་འགྱུར་རོ། །སྔ་མ་དེ་ནི། བསོད་ནམས་མངོན་པར་འདུ་བྱེད་པ་འདིའི་བརྒྱའི་ཆར་ཡང་མི་ཕོད། སྟོང་གི་ཆར་ཡང་མི་ཕོད། འབུམ་གྱི་ཆར་ཡང་མི་ཕོད། བྱེ་བའི་ཆར་ཡང་མི་ཕོད། བྱེ་བ་བརྒྱའི་ཆར་ཡང་མི་ཕོད། བྱེ་བ་སྟོང་གི་ཆར་ཡང་མི་ཕོད། བྱེ་བ་འབུམ་གྱི་ཆར་ཡང་མི་ཕོད་དེ། དཔེ་དང་རྒྱུར་ཡང་མི་བཟོད་དོ། །འཇམ་དཔལ། བྱང་ཆུབ་སེམས་དཔའ་གང་ལ་ལས་སེམས་ཅན་ཐམས་ཅད་བྱང་ཆུབ་ཀྱི་སེམས་ལ་བཀོད་ལ། བྱང་ཆུབ་སེམས་དཔའ་གཞན་ཞིག་ནི། སྟོང་པ་ཉིད་ལ་མོས་པར་གྱུར་ན། འདི་ནི། དེ་བས་ཆེས་གྲངས་མེད་པར་བསོད་ནམས་འཕེལ་བར་འགྱུར་ན། གཞན་མོས་པ་སྐྱེད་དུ་འཇུག་པ་གང་ཡིན་པ་དག་ལྟ་ཅི་སྨོས་ཏེ། འདི་ནི། དེ་བས་བསོད་ནམས་ཆེས་གྲངས་མེད་པར་སྐྱེད་པར་འགྱུར་རོ། །བསོད་ནམས་མངོན་པར་འདུ་བྱེད་པ་སྔ་མ་དེ་ནི།་བསོད་ནམས་མངོན་པར་འདུ་བྱེད་པ་འདིའི་བརྒྱའི་ཆར་ཡང་མི་ཕོད། སྟོང་གི་ཆར་ཡང་མི་ཕོད། འབུམ་གྱི་ཆར་ཡང་མི་ཕོད། བྱེ་བའི་ཆར་ཡང་མི་ཕོད། བྱེ་བ་བརྒྱའི་ཆར་ཡང་མི་ཕོད།་བྱེ་བ་སྟོང་གི་ཆར་ཡང་མི་ཕོད། བྱེ་བ་འབུམ་གྱི་ཆར་ཡང་མི་ཕོད་དེ། དཔེ་དང་རྒྱུར་ཡང་མི་བཟོད་དོ། །འཇམ་དཔལ། བྱང་ཆུབ་སེམས་དཔའ་གང་ལ་ལས་བྱང་ཆུབ་སེམས་དཔའི་ཟན་
385b
བཅད་དམ། ཁྲོས་ཏེ་ཐ་ན་བྱང་ཆུབ་སེམས་དཔའ་གླང་པོ་ཆེར་སྐྱེས་པ་དེའི་དགེ་བའི་རྩ་བ་སངས་རྒྱས་ལ་བསྐྱེད་པ་གཅིག་བཅད་ལ། འཇམ་དཔལ། བྱང་ཆུབ་སེམས་དཔའ་གཞན་ཞིག་གིས་ནི། ཆོས་ཀྱི་རྗེས་སུ་འབྲང་བ་དང ། དོན་གྱི་རྗེས་སུ་འབྲང་བ་དང ། བརྒྱད་པ་དང ། རྒྱུན་དུ་ཞུགས་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དང ། རང་སངས་རྒྱས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་ཟན་བཅད་དེ། ཁྲོས་ནས་ལྷུང་བཟེད་དང ། ཆོས་གོས་མེད་པར་བྱས་ལ། སེམས་ཅན་ཐམས་ཅད་ལོང་བར་བྱས་ན། མི་དགེ་བའི་ལས་འདི་ནི། སྔ་མའི་མི་དགེ་བ་དེའི་བརྒྱའི་ཆར་ཡང་མི་ཕོད་པ་ནས་དཔེའི་བར་དུའང་མི་བཟོད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དེ་དག་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། བརྒྱ་བྱིན་དང ། ཚངས་པ་དང ། འཇིག་རྟེན་སྐྱོང་བ་དང ། མི་དང ། མི་མ་ཡིན་པ་རྣམས་དང ། ཕྱོགས་ཐ་དད་པ་ནས་ལྷགས་པའི་བྱང་ཆུབ་སེམས་དཔའ་རྒྱ་མཚོ་གྲངས་མེད། ཚད་མེད་པ་རྣམས་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །མདོའི་རྒྱལ་པོ་ཆེན་པོ་སྤྲིན་ཆེན་པོའི་ལེའུ་རེ་རེ་ལ་ཆོས་སྣང་བའི་སྒོ་སྟོང་ཕྲག་གངྒཱའི་ཀླུང་གྲངས་མེད་པའི་བྱེ་མ་སྙེད་ཡང་དག་པར་འདུ་བྱ་བ་སྣང་བའི་དཀྱིལ་འཁོར་གྱི་དཔལ་གྱི་གློག་གིས་
386a
༄#། །གསལ་བར་བྱས་པའི་ལེའུ་ཆེན་པོའི་ཚོགས་མཐའ་ཡས་པ་གངྒཱའི་ཀླུང་གི་བྱེ་མ་སྙེད་ལས། དགའ་ལྡན་གནས་པ་ལ་སོགས་པ་འཇིག་རྟེན་གྲངས་མེད་པ་དང་མཐུན་པར་འཇུག་པའི་སྟོབས་ལ་སྦྱོར་བའི་མཐུ་ལས་བྱུང་བས་དབང་བྱེད་ཅིང ། ཕྱོགས་བཅུའི་བྱང་ཆུབ་སེམས་དཔའ་རྒྱ་མཚོ་འདུས་པའི་དགའ་སྟོན་ཆེན་པོ་ལ་རྩེ་བ་ཞེས་བྱ་བའི་ལེའུ་སྟེ་སུམ་ཅུ་རྩ་བདུན་པ་རྫོགས་སོ།། །།རྒྱ་གར་གྱི་མཁན་པོ་སུ་རེནྡྲ་བོ་དྷི་དང ། ཞུ་ཆེན་གྱི་ལོ་ཙཱ་བ་བནྡྷེ་ཡེ་ཤེས་སྡེས་ཞུས་ཏེ་གཏན་ལ་བབ་པ།