H212

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H212</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif3.php?id=H212&coll=lhasa">see text in transliteration</a></table>192b<br><font size=+2>


།།རྒྱ་གར་སྐད་དུ། པྲ་ཏཱི་ཏྱ་ས་མུཏྤཱ་དཱ་དི་ཙ་བི་བྷངྒ་ནིརྡེ་ཤ་ནཱ་མ་སཱུ་ཏྲ། བོད་སྐད་དུ། རྟེན་ཅིང་འབྲེལ་པར་འབྱུང་བ་དང་པོ་དང ། རྣམ་པར་དབྱེ་བ་བསྟན་པ་ཞེས་བྱ་བའི་མདོ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ལ་རྟེན་ཅིང་འབྲེལ་པར་འབྱུང་བ་དང་པོ་དང ། རྣམ་པར་དབྱེ་བ་བསྟན་གྱི། དེ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །རྟེན་ཅིང་འབྲེལ་བར་འབྱུང་བ་དང་པོ་གང་ཞེ་ན། འདི་ལྟ་སྟེ། འདི་ཡོད་ན་འདི་འབྱུང ། འདི་སྐྱེས་པས་འདི་སྐྱེ་བ་སྟེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང ། གཟུགས། མིང་དང ། གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་</font><hr>193a<br><font size=+2>


༄#། །བ་དང ། འཁྲུག་པ་རྣམས་འབྱུང་བར་འགྱུར་རོ། །དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ནི་རྟེན་ཅིང་འབྲེལ་པར་འབྱུང་བ་དང་པོ་ཞེས་བྱའོ། །རྟེན་ཅིང་འབྲེལ་བར་འབྱུང་བའི་རྣམ་པར་དབྱེ་བ་གང་ཞེ་ན། མ་རིག་པའི་རྐྱེན་གྱིས་འདུ་བྱེད་ཅེས་བྱ་བའི་མ་རིག་པ་གང་ཞེ་ན། གང་དེ་སྔོན་གྱི་མཐའ་མི་ཤེས་པ་དང ། ཕྱི་མའི་མཐའ་མི་ཤེས་པ་དང ། སྔོན་དང ། ཕྱི་མའི་མཐའ་མི་ཤེས་པ་དང ། ནང་མི་ཤེས་པ་དང ། ཕྱི་མི་ཤེས་པ་དང ། ནང་དང ། ཕྱི་མི་ཤེས་པ་དང ། ལས་མི་ཤེས་པ་དང ། རྣམ་པར་སྨིན་པ་མི་ཤེས་པ་དང ། ལས་དང ། རྣམ་པར་སྨིན་པ་མི་ཤེས་པ་དང ། སངས་རྒྱས་མི་ཤེས་པ་དང ། ཆོས་མི་ཤེས་པ་དང ། དགེ་འདུན་མི་ཤེས་པ་དང ། སྡུག་བསྔལ་མི་ཤེས་པ་དང ། ཀུན་འབྱུང་དང ། འགོག་པ་དང ། ལམ་མི་ཤེས་པ་དང ། རྒྱུ་མི་ཤེས་པ་དང ། རྒྱུ་ལས་ཡང་དག་པར་འབྱུང་བའི་ཆོས་མི་ཤེས་པ་དང ། དགེ་བ་དང ། མི་དགེ་བ་དང ། ཁ་ན་མ་ཐོ་བ་དང་བཅས་པ་དང ། ཁ་ན་མ་ཐོ་བ་མེད་པ་དང ། བསྟེན་པར་བྱ་བ་དང ། བསྟེན་པར་བྱ་བ་མ་ཡིན་པ་དང ། ངན་པ་དང ། གྱ་ནོམ་པ་དང ། ནག་པོ་དང ། དཀར་པོ་དང།་རྣམ་པར་དབྱེ་བ་དང་བཅས་པའི་རྟེན་ཅིང་འབྲེལ་བར་འབྱུང་བ་དང ། རེག་པའི་སྐྱེ་མཆེད་དྲུག་ཡང་དག་པ་ཇི་ལྟ་བ་བཞིན་ཁོང་དུ་མི་ཆུད་པ་དང ། གང་དེ་དང ། དེར་ཡང་དག་</font><hr>193b<br><font size=+2>


པ་ཇི་ལྟ་བ་བཞིན་དུ་མི་ཤེས་པ་དང ། མ་མཐོང་བ་དང ། མངོན་པར་མ་རྟོགས་པ་དང ། རྨོངས་པ་དང ། ཀུན་ཏུ་རྨོངས་པ་དང ། མ་རིག་པ་དང ། མུན་པའི་རྣམ་པ་ཞེས་བྱ་བ་འདི་ནི་མ་རིག་པ་ཞེས་བྱའོ། །མ་རིག་པའི་རྐྱེན་གྱིས་འདུ་བྱེད་ཅེས་བྱ་བའི་འདུ་བྱེད་གང་ཞེ་ན། འདུ་བྱེད་ནི་རྣམ་པ་གསུམ་སྟེ། གསུམ་གང་ཞེ་ན། ལུས་ཀྱི་འདུ་བྱེད་དང ། ངག་གི་འདུ་བྱེད་དང།་ཡིད་ཀྱི་འདུ་བྱེད་དོ། །འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་ཞེས་བྱ་བའི་རྣམ་པར་ཤེས་པ་གང་ཞེ་ན། རྣམ་པར་ཤེས་པའི་ཚོགས་དྲུག་སྟེ། མིག་གི་རྣམ་པར་ཤེས་པ་དང།་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་རྣམ་པར་ཤེས་པའོ། །རྣམ་པར་ཤེས་པའི་རྐྱེན་གྱིས་མིང་དང ། གཟུགས་ཞེས་བྱ་བ་ལ་མིང་གང་ཞེ་ན། གཟུགས་ཅན་མ་ཡིན་པའི་ཕུང་པོ་བཞི་སྟེ། ཚོར་བའི་ཕུང་པོ་དང ། འདུ་ཤེས་ཀྱི་ཕུང་པོ་དང ། འདུ་བྱེད་ཀྱི་ཕུང་པོ་དང ། རྣམ་པར་ཤེས་པའི་ཕུང་པོའོ། །གཟུགས་གང་ཞེ་ན། གཟུགས་གང་ཡིན་པ་ཅིའང་རུང ། དེ་དག་ཐམས་ཅད་འབྱུང་བ་ཆེན་པོ་བཞི་དང ། འབྱུང་བ་ཆེན་པོ་བཞི་དག་རྒྱུར་བྱས་པ་སྟེ། གཟུགས་འདི་དང ། སྔ་མའི་མིང་གཉིས་ཀ་གཅིག་ཏུ་མངོན་པར་བསྡུས་ནས་མིང་དང ། གཟུགས་ཞེས་བྱའོ། །མིང་དང ། གཟུགས་ཀྱི་རྐྱེན་གྱིས་སྐྱེ་མཆེད་དྲུག་ཅེས་བྱ་བའི་སྐྱེ་མཆེད་དྲུག་གང་ཞེ་ན། ནང་གི་སྐྱེ་མཆེད་དྲུག་སྟེ། མིག་ནང་གི་སྐྱེ་མཆེད་དང ། </font><hr>194a<br><font size=+2>


༄#། །རྣ་བ་དང ། སྣ་དང ། ལྕེ་དང ། ལུས་དང ། ཡིད་ནང་གི་སྐྱེ་མཆེད་དོ། །སྐྱེ་མཆེད་དྲུག་གི་རྐྱེན་གྱིས་རེག་པ་ཞེས་བྱ་བའི་རེག་པ་གང་ཞེ་ན། རེག་པའི་ཚོགས་དྲུག་སྟེ། མིག་གི་འདུས་ཏེ་རེག་པ་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་འདུས་ཏེ་རེག་པའོ། །རེག་པའི་རྐྱེན་གྱིས་ཚོར་བ་ཞེས་བྱ་བའི་ཚོར་བ་གང་ཞེ་ན། ཚོར་བ་ནི་གསུམ་སྟེ། བདེ་བ་དང ། སྡུག་བསྔལ་བ་དང ། བདེ་བའང་མ་ཡིན། སྡུག་བསྔལ་བའང་མ་ཡིན་པའོ། །ཚོར་བའི་རྐྱེན་གྱིས་སྲེད་པ་ཞེས་བྱ་བའི་སྲེད་པ་གང་ཞེ་ན། སྲེད་པ་ནི་གསུམ་སྟེ།་འདོད་པའི་སྲེད་པ་དང ། གཟུགས་ཀྱི་སྲེད་པ་དང ། གཟུགས་མེད་པའི་སྲེད་པའོ། །སྲེད་པའི་རྐྱེན་གྱིས་ལེན་པ་ཞེས་བྱ་བའི་ལེན་པ་གང་ཞེ་ན། ལེན་པ་ནི་བཞི་སྟེ། འདོད་པ་ཉེ་བར་ལེན་པ་དང ། ལྟ་བ་ཉེ་བར་ལེན་པ་དང ། ཚུལ་ཁྲིམས་དང ། བརྟུལ་ཞུགས་ཉེ་བར་ལེན་པ་དང ། བདག་ཏུ་སྨྲ་བ་ཉེ་བར་ལེན་པའོ། །ལེན་པའི་རྐྱེན་གྱིས་སྲིད་པ་ཞེས་བྱ་བའི་སྲིད་པ་གང་ཞེ་ན།་སྲིད་པ་ནི་གསུམ་སྟེ། འདོད་པའི་སྲིད་པ་དང ། གཟུགས་ཀྱི་སྲིད་པ་དང ། གཟུགས་མེད་པའི་སྲིད་པའོ། །སྲིད་པའི་རྐྱེན་གྱིས་སྐྱེ་བ་ཞེས་བྱ་བའི་སྐྱེ་བ་གང་ཞེ་ན། གང་སེམས་ཅན་དེ་དང ། དེ་དག་གི་སེམས་ཅན་གྱི་རིས་དེ་དང ། དེ་དག་ཏུ་གང་སྐྱེ་བ་དང ། ཤིན་ཏུ་སྐྱེ་བ་དང ། འཕོ་བ་དང ། མངོན་བར་འབྱུང་བ་དང ། རབ་ཏུ་འབྱུང་བ་དང ། ཕུང་པོ་སོ་སོར་ཐོབ་པ་དང ། </font><hr>194b<br><font size=+2>


ཁམས་སོ་སོར་ཐོབ་པ་དང ། སྐྱེ་མཆེད་སོ་སོར་ཐོབ་པ་དང ། ཕུང་པོ་རྣམས་མངོན་པར་གྲུབ་པ་དང ། སྲོག་གི་དབང་པོ་རབ་ཏུ་སྐྱེས་པ་འདི་ནི་སྐྱེ་བ་ཞེས་བྱའོ། །སྐྱེ་བའི་རྐྱེན་གྱིས་རྒ་ཤི་ཞེས་བྱ་བའི་རྒ་ཤི་གང་ཞེ་ན། གང་དེའི་སྤྱི་ཐེར་དང ། སྐྲ་དཀར་དང ། གཉེར་མའི་ཚོགས་པ་དང ། རྙིས་པ་དང ། ཞུམ་པ་དང ། བ་ལང་ཆུ་འཐུང་བ་ལྟར་གུག་པ་དང ། ལུས་ནག་པོའི་ཐིག་ལེས་གང་བ་དང ། ལུད་པ་ལུ་ཞིང་དབུགས་རྒོད་པ་དང ། མདུན་དུ་ལུས་འབུབ་པ་ལྟར་བྱེད་པ་དང ། འཁར་བ་ལ་བརྟེན་པ་དང ། བླུན་པས་མོང་རྟུལ་བ་ཉིད་དང ། ཞན་པ་ཉིད་དང ། ཉམས་པ་དང ། ཡོངས་སུ་ཉམས་པ་དང ། དབང་པོ་རྒུད་པ་དང ། ཉམས་པ་དང ། འདུ་བྱེད་རྣམས་རྙིངས་པ་དང ། ཤིན་ཏུ་རྙིངས་པར་གྱུར་པ་འདི་ནི་རྒ་བ་ཞེས་བྱའོ། །འཆི་བ་གང་ཞེ་ན། སེམས་ཅན་གང་ཡིན་པ་དེ་དང ། དེ་དག་སེམས་ཅན་གྱི་རིས་དེ་དང ། དེ་དག་ནས་འཕོས་པ་དང ། འཕོ་བ་ཉིད་དང ། ཞིག་པ་དང ། ནང་ཉམས་པ་དང ། ཚེ་ཉམས་པ་དང ། དྲོད་ཡལ་བ་དང ། སྲོག་གི་དབང་པོ་འགགས་པ་དང ། ཕུང་པོ་རྣམས་འདོར་བ་དང ། ཤི་བ་དང ། དུས་བྱེད་པ་འདི་ནི་ཤི་བ་ཞེས་བྱ་སྟེ། ཤི་བ་འདི་དང ། སྔ་མ་རྒ་བ་གཉིས་གཅིག་ཏུ་བསྡུས་ནས་རྒ་ཤི་ཞེས་བྱ་སྟེ། འདི་ནི་རྟེན་ཅིང་འབྲེལ་བར་འབྱུང་བ་རྣམ་པར་དབྱེ་བ་ཡིན་ནོ། །དགེ་སློང་དག་།ཁྱེད་ལ་རྟེན་ཅིང་འབྲེལ་བར་འབྱུང་བ་དང་པོ་དང ། རྣམ་པར་དབྱེ་བ་བཤད་པར་བྱའོ།། </font><hr>195a<br><font size=+2>


༄#། །ཞེས་ངས་སྨྲས་པ་གང་ཡིན་པ་དེའི་ཆེད་དུ་ངས་སྨྲས་པ་འདི་དག་ཡིན་ནོ། །རྟེན་ཅིང་འབྲེལ་བར་འབྱུང་བའི་དང་པོ་དང ། རྣམ་པར་དབྱེ་བ་བསྟན་པ་ཞེས་བྱ་བའི་མདོ་རྫོགས་སོ།། </font><hr>

</table>