rKTs


H13

(e-text produced by ACIP)

see text in transliteration
Ka317a
།།རྒྱ་གར་སྐད་དུ། ཨཱརྱ་ད་ཤ་ས་ཧ་སྲི་ཀ་པྲ་ཛྙཱ་པཱ་ར་མི་ཏཱ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཀྱི་ཕུང་པོའི་རི་ལ་དགེ་སློང་སྟོང་ཕྲག་དུ་མའི་དགེ་སློང་གི་དགེ་
Ka317b
འདུན་ཆེན་པོ་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། ཉོན་མོངས་པ་མེད་པ། དབང་དང་ལྡན་པར་གྱུར་པ། སེམས་ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ། ཅང་ཤེས་པ། གླང་པོ་ཆེན་པོ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ།་སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པ་སེམས་ཤིན་ཏུ་རྣམ་པར་གྲོལ་བ། སེམས་ཀྱི་དབང་ཐམས་ཅད་ཀྱི་དམ་པའི་ཕ་རོལ་ཏུ་སོན་པ་ཤ་སྟག་སྟེ། གང་ཟག་གཅིག་མ་གཏོགས་པ་ནི། འདི་ལྟ་སྟེ། སློབ་པ་རྒྱུན་དུ་ཞུགས་པ་ཚེ་དང་ལྡན་པ་ཀུན་དགའ་བོའོ། །དགེ་སློང་མ་ལྔ་བརྒྱ་ཙམ་དང ། དགེ་བསྙེན་དང ། དགེ་བསྙེན་མ་ཐམས་ཅད་ཀྱང་བདེན་པ་མཐོང་བ་ཤ་སྟག་དང ། བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་ཕྲག་དུ་མ་ཐམས་ཅད་ཀྱང་གཟུངས་ཐོབ་པ། ཏིང་ངེ་འཛིན་ཐོབ་པ། སྟོང་པ་ཉིད་ལ་གནས་པ། མཚན་མ་མེད་པའི་སྤྱོད་ཡུལ་བ། མ་བརྟགས་པའི་སྨོན་ལམ་དང་ལྡན་པ། མཉམ་པ་ཉིད་ཀྱི་བཟོད་པ་ཐོབ་པ། སྤོབས་པ་ཐོགས་པ་མེད་པ་ཐོབ་པ། ཐམས་ཅད་ཀྱང་མངོན་པར་ཤེས་པ་ལྔ་དང་ལྡན་པ། གཟུང་བའི་ཚིག་དང་ལྡན་པ། ཚུལ་འཆོས་པ་མེད་པ། ཤེས་
Ka318a
༄#། །ཀྱི་ཁེ་དང ། རྙེད་པ་དང ། བཀུར་སྟིའི་སེམས་དང་བྲལ་བ། ཟང་ཟིང་མེད་པར་ཆོས་སྟོན་པ། ཆོས་ཟབ་མོ་ལ་བཟོད་པའི་ཕ་རོལ་ཏུ་སོན་པ། མི་འཇིགས་པ་ཐོབ་པ། བདུད་ཀྱི་ལས་ལས་ཡང་དག་པར་འདས་པ། ལས་ཀྱི་སྒྲིབ་པ་ཐམས་ཅད་ལས་རྣམ་པར་གྲོལ་བ། བསྟན་པའི་ཆོས་སྟོན་པས་བསགས་པ། བསྐལ་པ་གྲངས་མེད་པ་ནས་སྨོན་ལམ་ཤིན་ཏུ་བརྩམས་པ། བཞིན་འཛུམ་པ་དང་ལྡན་པ། གསོང་པོར་སྨྲ་བ། བཞིན་ཁྲོ་གཉེར་མེད་པ། འཁོར་མཐའ་ཡས་པ་ཟིལ་གྱིས་གནོན་པའི་མི་འཇིགས་པ་དང་ལྡན་པ། བསྐལ་པ་བྱེ་བ་ཕྲག་དུ་མར་བསྟན་པས་ངེས་པར་འབྱུང་བ་ལ་མཁས་པ། ཆོས་ལ་སྒྱུ་མ་དང ། སྨིག་རྒྱུ་དང ། རྨི་ལམ་དང ། ཆུ་ཟླ་དང ། མིག་ཡོར་དང ། ནམ་མཁའ་དང ། བྲག་ཅ་དང ། དྲི་ཟའི་གྲོང་ཁྱེར་དང ། གཟུགས་བརྙན་དང ། སྤྲུལ་པ་ལྟ་བུར་མོས་པ།་མི་འཇིགས་པ་ཚད་མེད་པ་དང་ལྡན་པ། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་དང ། མོས་པ་དང ། ཕྲ་བ་མཁྱེན་པ། ཁོང་དུ་ཆུད་པར་བྱ་བ་ལ་མཁས་པ།་སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་དང་ལྡན་པ། བཟོད་པ་ཆེན་པོ་དང་ལྡན་པ། ཇི་ལྟ་བ་བཞིན་དུ་འཇུག་པ་ལ་མཁས་པ། སངས་རྒྱས་
Ka318b
ཀྱི་ཞིང་མཐའ་ཡས་པར་སྨོན་པ་ཡོངས་སུ་བཟུང་བ། འཇིག་རྟེན་གྱི་ཁམས་གྲངས་མེད་པའི་སངས་རྒྱས་རྗེས་སུ་དྲན་པའི་ཏིང་ངེ་འཛིན་རྟག་ཏུ་རྒྱུན་མི་ཆད་པར་མངོན་དུ་གྱུར་པ།་སངས་རྒྱས་དཔག་ཏུ་མེད་པ་ལ་གསོལ་བ་འདེབས་པ་ལ་མཁས་པ། ལྟ་བ་སྣ་ཚོགས་ཀྱིས་ཀུན་ནས་བསླང་བའི་ཉོན་མོངས་པ་སྤོང་བ་ལ་མཁས་པ། ཏིང་ངེ་འཛིན་གྱིས་རྣམ་པར་རྩེ་བ་འབུམ་མངོན་པར་བསྒྲུབ་པ་ལ་མཁས་པའི་བྱང་ཆུབ་སེམས་དཔའ་ཤ་སྟག་ལ། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང ། དཀོན་མཆོག་འབྱུང་གནས་དང ། དེད་དཔོན་དང ། ནཱ་ལས་བྱིན་དང ། གཟས་བྱིན་དང ། ཆུ་ལྷས་བྱིན་དང ། དབང་པོས་བྱིན་དང ། བློ་གྲོས་རྒྱ་ཆེན་དང ། བློ་གྲོས་ཁྱད་པར་ཅན་དང ། བློ་གྲོས་འཕེལ་དང ། མཐོང་བ་དོན་ཡོད་དང ། ཤིན་ཏུ་ཡང་དག་ཞུགས་དང ། རབ་ཀྱི་རྩལ་གྱིས་རྣམ་པར་གནོན་པ་དང ། རྟག་ཏུ་བརྩོན་དང ། བརྩོན་པ་མི་གཏོང་དང ། ཉི་མའི་སྙིང་པོ་དང ། ཟླ་བའི་སྙིང་པོ་དང ། བློ་གྲོས་དཔེ་མེད་དང ། སྤྱན་རས་གཟིགས་ཀྱི་དབང་ཕྱུག་དང ། འཇམ་དཔལ་དང ། ལག་ན་ཕྱག་རྒྱ་རིན་པོ་ཆེ་དང ། བྱང་ཆུབ་སེམས་དཔའ་རྟག་ཏུ་ལག་བརྐྱང་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང ། དེ་དག་ལ་སོགས་པ་བྱང་ཆུབ་སེམས་དཔའ་སྟོང་
Ka319a
༄#། །ཕྲག་དུ་མ་ཐམས་ཅད་ཀྱང་གཞོན་ནུར་གྱུར་པ་ཤ་སྟག་དང་ཐབས་ཅིག་གོ། དེའི་ཚེ་བཅོམ་ལྡན་འདས་ཀྱིས་བརྒྱ་བྱིན་དང ། ཚངས་པ་དང ། འཇིག་རྟེན་སྐྱོང་བ་ཐམས་ཅད་ཀྱི་གཟི་བརྗིད་ཟིལ་གྱིས་མནན་ནས། འཁོར་བཞི་པོ་དེ་དག་གི་མདུན་ན་ལྷམ་མེ་ལྷན་ནེ་ལྷང་ངེ་ཞིང ། རྫུ་འཕྲུལ་གྱིས་རྣམ་པར་འཕྲུལ་བའི་ཆོ་འཕྲུལ་རྣམ་པ་དུ་མ་དག་ཡང་དག་པར་བསྟན་ཏོ། །སྤུའི་ཁུང་བུ་རྣམས་ནས་ཀྱང་འོད་ཟེར་བྱེ་བ་ཁྲག་ཁྲིག་འབུམ་ཕྲག་དུ་མ་དག་བྱུང་བར་གྱུར་ཏོ། །ཡང་དེའི་ཚེ་ཚེ་དང་ལྡན་པ་ཤཱ་རདྭ་ཏིའི་བུ་འཁོར་དེར་འདུས་བར་གྱུར་ཏེ། འདུག་པ་དེས་དེ་བཞིན་གཤེགས་པའི་རྫུ་འཕྲུལ་གྱི་རྣམ་པར་འཕྲུལ་པའི་ཆོ་འཕྲུལ་དེ་ལྟ་བུ་མཐོང་ནས་དགའ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་དགའ་བ་དང ། ཡིད་བདེ་བ་སྐྱེས་ནས། སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཙུན་པ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཙུན་པ་བཅོམ་ལྡན་འདས་ལ་བདག་ཕྱོགས་འགའ་ཞིག་ཞུ་
Ka319b
ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ་ཁྱོད་དེ་བཞིན་གཤེགས་པ་ལ་ཞུ་བའི་ཕྱིར་རྟག་ཏུ་སྐབས་ཕྱེ་ཟིན་གྱི། ཁྱོད་དེ་བཞིན་གཤེགས་པ་ལ་ཅི་དང་ཅི་འདོད་པ་དྲིས་ཤིག་དང ། དྲིས་པ་དེ་དང་དེའི་ལན་བཏབ་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང ། ཚེ་དང་ལྡན་པ་ཤཱ་རདྭ་ཏིའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས ། ཤེས་རབ་ཀྱི་ཕ་རོལ་ཏུ་ཕྱིན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་ན། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་དེ་གང་ལགས། ཆོས་གང་གི་ཕ་རོལ་ཏུ་ཕྱིན་པས་བྱང་ཆུབ་སེམས་དཔའ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ལགས་ཤིང ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་འགྱུར་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་ལེགས་སོ་ཞེས་བྱ་བ་བྱིན་ཏེ། ཤཱ་རདྭ་ཏིའི་བུ། ལེགས་སོ། །ལེགས་སོ། །འདི་ལྟར་ཁྱོད་དེ་བཞིན་གཤེགས་པའི་བྱིན་གྱི་རླབས་ཀྱིས་
Ka320a
༄#། །ཞུ་བ་ཞུས་པ་མཛེས་སོ། །ཁྱོད་ཀྱིས་ཡོངས་སུ་རྟོག་པ་བཟང་ངོ ། །དེའི་ཕྱིར་ཁྱོད་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པར་བྱའོ། །བཙུན་པ་དེ་ལྟར་འཚལ་ལོ་ཞེས་གསོལ་ཏེ། ཚེ་དང་ལྡན་པ་ཤཱ་རདྭ་ཏིའི་བུ་བཅོམ་ལྡན་འདས་ཀྱིས་ལྟར་ཉན་པ་དང ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་ནི་འདི་ལྟ་སྟེ། ཆོས་ཐམས་ཅད་ལ་མངོན་པར་ཞེན་པ་མེད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་མངོན་པར་ཞེན་པ་མེད་པ་རྣམས་ནི། ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་འགྱུར་རོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གང་ལ་མངོན་པར་ཞེན་པར་མི་བགྱི་བའི་ཆོས་དེ་དག་ཐམས་ཅད་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཆོས་ཐམས་ཅད་ཅེས་བྱ་བ་ནི་འདི་ལྟ་སྟེ། ཕུང་པོ་ལྔ་དང ། སྐྱེ་མཆེད་བཅུ་གཉིས་དང ། ཁམས་བཅོ་བརྒྱད་དང ། འཕགས་
Ka320b
པའི་བདེན་པ་བཞི་དང ། རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་དང ། དྲན་པ་ཉེ་བར་བཞག་པ་བཞི་དང ། ཡང་དག་པའི་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ལན་ལག་བརྒྱད་པ་དང ། རྣམ་པར་ཐར་པའི་སྒོ་སྟོང་པ་ཉིད་དང ། རྣམ་པར་ཐར་པའི་སྒོ་མཚན་མ་མེད་པ་དང ། རྣམ་པར་ཐར་པའི་སྒོ་སྨོན་པ་མེད་པ་དང ། བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། འདུ་ཤེས་དགུ་དང ། རྗེས་སུ་དྲན་པ་བཅུ་དང།་འདུ་ཤེས་ཀྱི་རྣམ་པ་དྲུག་དང ། ཆོས་ཤེས་པ་དང ། རྗེས་སུ་རྟོགས་པ་ཤེས་པ་དང ། ཕ་རོལ་གྱི་སེམས་ཤེས་པ་དང ། ཀུན་རྫོབ་ཤེས་པ་དང ། སྡུག་བསྔལ་ཤེས་པ་དང ། ཀུན་འབྱུང་ཤེས་པ་དང ། འགོག་པ་ཤེས་པ་དང ། ལམ་ཤེས་པ་དང ། ཟད་པ་ཤེས་པ་དང ། མི་སྐྱེ་བ་ཤེས་པ་དང ། ཇི་ལྟ་བ་བཞིན་དུ་ཤེས་པ་དང ། དེ་བཞིན་དུ་རྟོག་པ་དང་བཅས། དཔྱོད་པ་དང་བཅས་པའི་ཏིང་ངེ་འཛིན་དང ། རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་དང ། མི་རྟོག་མི་དཔྱོད་བའི་ཏིང་ངེ་འཛིན་
Ka321a
༄#། །དང ། མི་ཤེས་པ་ཀུན་ཤེས་པར་བྱེད་པའི་དབང་པོ་དང ། ཀུན་ཤེས་པའི་དབང་པོ་དང ། ཀུན་ཤེས་པ་དང་ལྡན་པའི་དབང་པོ་དང ། ཟིལ་གྱིས་གནོན་པའི་སྐྱེ་མཆེད་བརྒྱད་དང ། ཟད་པར་གྱི་སྐྱེ་མཆེད་བཅུ་དང ། སྟོང་པ་ཉིད་བཅོ་བརྒྱད་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང ། དེ་བཞིན་དུ་ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་དང ། ཕ་རོལ་ཏུ་ཕྱིན་པ་དྲུག་དང ། མངོན་པར་ཤེས་པ་ལྔ་དང ། མིག་ལྔ་དང ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང ། དཔེ་བྱད་བཟང་པོ་བརྒྱད་ཅུ་པོ་དག་སྟེ། གང་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་མངོན་པར་ཞེན་པར་མི་བྱ་བའི་ཆོས་ཐམས་ཅད་ནི་དེ་དག་ཡིན་ནོ། །མངོན་པར་ཞེན་པ་མེད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་
Ka321b
བཅོམ་ལྡན་འདས། ཕུང་པོ་ལྔ་གང་ལགས། ཞེས་བྱ་བ་ནས། རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་པའི་བར་དུ་དེ་བཞིན་དུ་སྦྱར་རོ། །དྲན་པ་ཉེ་བར་བཞག་བ་བཞི་གང་ལགས། ཞེས་བྱ་བ་ནས། འཕགས་པའི་ལམ་ཡན་ལག་བརྒྱད་པའི་བར་དུ་དེ་བཞིན་དུ་སྦྱར་རོ། །རྣམ་པར་ཐར་པའི་སྒོ་སྟོང་པ་ཉིད་གང་ལགས། ཞེས་བྱ་བ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དེ་བཞིན་དུ་སྦྱར་རོ། །ཕ་རོལ་ཏུ་ཕྱིན་པ་དྲུག་གང་ལགས། ཞེས་བྱ་བ་ནས། དཔེ་བྱད་བཟང་པོ་བརྒྱད་ཅུ་པོ་དག་ཅེས་བྱ་བའི་བར་དུ་དེ་བཞིན་དུ་སྦྱར་རོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ཕུང་པོ་ལྔ་ཞེས་བྱ་བ་ནི་འདི་ལྟ་སྟེ། གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའོ། །དེ་ལ་སྐྱེ་མཆེད་བཅུ་གཉིས་གང་ཞེ་ན། ནང་གི་དྲུག་དང ། ཕྱིའི་དྲུག་སྟེ། དེ་དག་ནི་སྐྱེ་མཆེད་བཅུ་གཉིས་ཞེས་བྱའོ། །དེ་ལ་ནང་གི་སྐྱེ་མཆེད་དྲུག་གང་ཞེ་ན། འདི་ལྟ་སྟེ། མིག་གི་སྐྱེ་མཆེད་དང ། རྣ་བའི་སྐྱེ་མཆེད་དང ། སྣའི་སྐྱེ་མཆེད་དང ། ལྕེའི་སྐྱེ་མཆེད་དང ། ལུས་ཀྱི་སྐྱེ་མཆེད་དང ། ཡིད་ཀྱི་སྐྱེ་མཆེད་དེ། དེ་དག་ནི་ནང་གི་སྐྱེ་མཆེད་དྲུག་ཅེས་བྱའོ། །དེ་ལ་ཕྱིའི་སྐྱེ་མཆེད་དུག་གང་ཞེ་ན། འདི་ལྟ་སྟེ། གཟུགས་ཀྱི་
Ka322a
༄#། །སྐྱེ་མཆེད་དང ། སྒྲའི་སྐྱེ་མཆེད་དང ། དྲིའི་སྐྱེ་མཆེད་དང ། རོའི་སྐྱེ་མཆེད་དང ། རེག་བྱའི་སྐྱེ་མཆེད་དང ། ཆོས་ཀྱི་སྐྱེ་མཆེད་དེ། དེ་དག་ནི་ཕྱིའི་སྐྱེ་མཆེད་དྲུག་ཅེས་བྱའོ། །དེ་ལ་ཁམས་བཅོ་བརྒྱད་གང་ཞེ་ན། འདི་ལྟ་སྟེ། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ཏེ། དེ་དག་ནི་ཁམས་བཅོ་བརྒྱད་ཅེས་བྱའོ། །དེ་ལ་འཕགས་པའི་བདེན་པ་བཞི་གང་ཞེ་ན། འདི་ལྟ་སྟེ། སྡུག་བསྔལ་འཕགས་པའི་བདེན་པ་དང ། ཀུན་འབྱུང་བ་འཕགས་པའི་བདེན་པ་དང ། འགོག་པ་འཕགས་པའི་བདེན་པ་དང ། ལམ་འཕགས་པའི་བདེན་པ་སྟེ། དེ་དག་ནི་འཕགས་པའི་བདེན་པ་བཞི་ཞེས་བྱའོ། །དེ་ལ་རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་གང་ཞེ་ན། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་
Ka322b
དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག། སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུགས་པ་རྣམས་འབྱུང་སྟེ།་དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་དག་འབྱུང་བར་འགྱུར་རོ། །མ་རིག་པ་འགགས་པས་འདུ་བྱེད་འགག། འདུ་བྱེད་འགགས་པས་རྣམ་པར་ཤེས་པ་འགག། རྣམ་པར་ཤེས་པ་འགགས་པས་མིང་དང་གཟུགས་འགག། མིང་དང་གཟུགས་འགག་པས་སྐྱེ་མཆེད་དྲུག་འགག། སྐྱེ་མཆེད་དྲུག་འགགས་པས་རེག་པ་འགག ། རེག་པ་འགགས་པས་ཚོར་བ་འགག། ཚོར་བ་འགགས་པས་སྲེད་པ་འགག། སྲེད་པ་འགགས་པས་ལེན་པ་འགག། ལེན་པ་འགགས་པས་སྲིད་པ་འགག། སྲིད་པ་འགགས་པས་སྐྱེ་བ་འགག། སྐྱེ་བ་འགགས་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འགག་པར་འགྱུར་ཏེ། དེ་ལྟར་ན་སྡུག་བསྔལ་གྱི་ཕུང་པོ་འབའ་ཞིག་པོ་འདི་དག་འགག་པར་གྱུར་ཏེ། དེ་ནི་རྟེན་ཅིང་འབྲེལ་པར་འབྱུང་བའི་ཡན་ལག་བཅུ་གཉིས་པ་ལུགས་དང་མཐུན་པ་དང ། ལུགས་དང་མི་མཐུན་པ་ཞེས་བྱའོ། །དེ་ལ་དྲན་པ་ཉེ་བར་བཞག་པ་བཞི་
Ka323a
༄#། །གང་ཞེ་ན། འདི་ལྟ་སྟེ། ལུས་ལ་ལུས་ཀྱི་རྗེས་སུ་ལྟ་བ་དྲན་པ་ཉེ་བར་བཞག་པ་དང ། ཚོར་བ་ལ་ཚོར་བའི་རྗེས་སུ་ལྟ་བ་དྲན་པ་ཉེ་བར་བཞག་པ་དང ། སེམས་ལ་སེམས་ཀྱི་རྗེས་སུ་ལྟ་བ་དྲན་པ་ཉེ་བར་བཞག་པ་དང ། ཆོས་ལ་ཆོས་ཀྱི་རྗེས་སུ་ལྟ་བ་དྲན་པ་ཉེ་བར་བཞག་པ་སྟེ། དེ་དག་ནི་དྲན་པ་ཉེ་བར་བཞག་པ་སྟེ། དེ་དག་ནི་དྲན་པ་ཉེ་བར་བཞག་པ་བཞི་ཞེས་བྱའོ། །དེ་ལ་ཡང་དག་པར་སྤོང་བ་བཞི་གང་ཞེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི་ཕྱིར་འདུན་པ་བསྐྱེད་ཅིང་འབད་ལ་བརྩོན་འགྲུས་རྩོམ་སྟེ།་སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང ། སྡིག་པ་མི་དགེ་བའི་ཆོས་སྐྱེས་པ་རྣམས་སྤང་བའི་ཕྱིར་འདུན་པ་བསྐྱེད་ཅིང་འབད་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང ། དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་འདུན་པ་བསྐྱེད་ཅིང་འབད་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང ། དགེ་བའི་ཆོས་སྐྱེས་པ་རྣམས་གནས་པ་དང ། མི་བརྗེད་པ་དང ། ཤིན་ཏུ་རྒྱས་པ་དང ། ཕྱིར་ཞིང་བསྒོམ་པ་ཡོངས་སུ་རྫོགས་པར་བྱ་བའི་ཕྱིར་འདུན་པ་བསྐྱེད་ཅིང་འབད་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་སྟེ། དེ་དག་ནི་ཡང་དག་པར་སྤོང་བ་བཞི་ཞེས་བྱའོ། །དེ་ལ་རྫུ་འཕྲུལ་གྱི་རྐང་པ་བཞི་གང་ཞེ་
Ka323b
ནི། འདི་ལྟ་སྟེ། འདུན་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང ། བརྩོན་འགྲུས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང ། སེམས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང ། དཔྱོད་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་སྟེ། དེ་དག་ནི་རྫུ་འཕྲུལ་གྱི་རྐང་པ་བཞི་ཞེས་བྱའོ། །དེ་ལ་དབང་པོ་ལྔ་གང་ཞེ་ན། འདི་ལྟ་སྟེ། དད་པའི་དབང་པོ་དང ། བརྩོན་འགྲུས་ཀྱི་དབང་པོ་དང ། དྲན་པའི་དབང་པོ་དང ། ཏིང་ངེ་འཛིན་གྱི་དབང་པོ་དང ། ཤེས་རབ་ཀྱི་དབང་པོ་སྟེ། དེ་དག་ནི་དབང་པོ་ལྔ་ཞེས་བྱའོ། །དེ་ལ་སྟོབས་ལྔ་གང་ཞེ་ན། དེ་བཞིན་དུ་དད་པའི་སྟོབས་དང ། བརྩོན་འགྲུས་ཀྱི་སྟོབས་དང ། དྲན་པའི་སྟོབས་དང ། ཏིང་ངེ་འཛིན་གྱི་སྟོབས་དང ། ཤེས་རབ་ཀྱི་སྟོབས་ཏེ། དེ་དག་ནི་སྟོབས་ལྔ་ཞེས་བྱའོ། །དེ་ལ་བྱང་ཆུབ་ཀྱི་ཡན་ལག་བདུན་གང་ཞེ་ན། འདི་ལྟ་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དང ། ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང ། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དང ། དགའ་བ་ཡང་དག་བྱང་ཆུབ་ཀྱི་ཡན་ལག་དང ། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་དང ། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་དང ། བཏང་སྙོམས་ཡང་དག་བྱང་ཆུབ་ཀྱི་ཡན་ལག་སྟེ། དེ་དག་ནི་བྱང་ཆུབ་ཀྱི་ཡན་ལག་བདུན་ཞེས་བྱའོ། །དེ་ལ་འཕགས་
Ka324a
༄#། །པའི་ལམ་ཡན་ལག་བརྒྱད་པ་གང་ཞེ་ན། འདི་ལྟ་སྟེ། ཡང་དག་པའི་ལྟ་བ་དང ། ཡང་དག་པའི་རྟོག་པ་དང ། ཡང་དག་པའི་ངག་དང ། ཡང་དག་པའི་ལས་ཀྱི་མཐའ་དང ། ཡང་དག་པའི་འཚོ་བ་དང ། ཡང་དག་པའི་རྩོལ་བ་དང ། ཡང་དག་པའི་དྲན་པ་དང ། ཡང་དག་པའི་ཏིང་ངེ་འཛིན་ཏེ། དེ་དག་ནི་འཕགས་པའི་ལམ་ཡན་ལག་བརྒྱད་པ་ཞེས་བྱའོ། །དེ་ལ་རྣམ་པར་ཐར་པའི་སྒོ་སྟོང་པ་ཉིད་གང་ཞེ་ན། འདི་ལྟ་སྟེ། ཆོས་ཐམས་ཅད་རང་གི་མཚན་ཉིད་ཀྱིས་སྟོང་པར་སོ་སོར་རྟོག་པའི་སེམས་གནས་པ། རྣམ་པར་ཐར་པའི་སྒོ་སྟོང་པ་ཉིད་དེ། དེ་ནི་རྣམ་པར་ཐར་པའི་སྒོ་སྟོང་པ་ཉིད་ཅེས་བྱའོ། །དེ་ལ་རྣམ་པར་ཐར་པའི་སྒོ་མཚན་མ་མེད་པ་གང་ཞེ་ན། འདི་ལྟ་སྟེ། ཆོས་ཐམས་ཅད་རང་གི་མཚན་ཉིད་ཀྱིས་མཚན་མ་མེད་པར་སོ་སོར་རྟོག་པའི་སེམས་གནས་པ། རྣམ་པར་ཐར་པའི་སྒོ་མཚན་མ་མེད་པ་སྟེ། དེ་ནི་རྣམ་པར་ཐར་པའི་སྒོ་མཚན་མ་མེད་པ་ཞེས་བྱའོ། །དེ་ལ་རྣམ་པར་ཐར་པའི་སྒོ་སྨོན་པ་མེད་པ་གང་ཞེ་ན། འདི་ལྟ་སྟེ། ཆོས་ཐམས་ཅད་མངོན་པར་འདུ་བྱེད་པ་མེད་པ་ལ། མངོན་པར་འདུ་བྱེད་པ་མེད་པར་སེམས་གནས་པ། སྨོན་པ་མེད་པའི་རྣམ་པར་ཐར་པའི་སྒོ་སྟེ། དེ་ནི་རྣམ་པར་ཐར་པའི་སྒོ་སྨོན་པ་མེད་པ་ཞེས་བྱའོ། །དེ་ལ་བསམ་གཏན་བཞི་གང་ཞེ་ན། འདི་ལྟ་སྟེ། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་
Ka324b
རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་དང ། དེ་རྟོག་པ་དང་དཔྱོད་པ་དང་བྲལ་ཞིང་ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་པས་རྟོག་པ་མེད་པ་དཔྱོད་པ་མེད་པ། ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་གཉིས་པ་བསྒྲུབས་ཏེ་གནས་པ་དང ། དེ་དགའ་བའི་འདོད་ཆགས་དང་བྲལ་བས་བཏང་སྙོམས་ལ་གནས་ཤིང་དྲན་པ་དང་ཤེས་བཞིན་ཅན་ཡིན་ཏེ། བདེ་བ་ལུས་ཀྱིས་མྱོང་ལ། འཕགས་པ་རྣམས་ཀྱིས་གང་དེ་ལ་དྲན་པ་དང་ལྡན་པ། བདེ་བ་དང་ལྡན་པ། བདེ་བ་ལ་གནས་པ་བཏང་སྙོམས་པའོ་ཞེས་བརྗོད་པ་སྟེ། དགའ་བ་མེད་པའི་བསམ་གཏན་གསུམ་པ་བསྒྲུབས་ཏེ་གནས་པ་དང ། དེ་བདེ་བའང་སྤངས་ཏེ།་སྔ་ནས་སྡུག་བསྔལ་ཡང་སྤངས་ཤིང་ཡིད་བདེ་བ་དང ། ཡིད་མི་བདེ་བའང་ནུབ་པས་སྡུག་བསྔལ་ཡང་མ་ཡིན། བདེ་བའང་མ་ཡིན་པ། བཏང་སྙོམས་དང་དྲན་པ་ཡོངས་སུ་དག་པ ། བསམ་གཏན་བཞིན་བསྒྲུབས་ནས་གནས་པ་སྟེ། དེ་དག་ནི་བསམ་གཏན་བཞི་ཞེས་བྱའོ། །དེ་ལ་ཚད་མེད་པ་བཞི་གང་ཞེ་ན། འདི་ལྟ་སྟེ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་ཏེ། དེ་དག་ནི་ཚད་མེད་པ་བཞི་ཞེས་བྱའོ། །དེ་ལ་གཟུགས་མེད་པའི་སྙོམས་པར་འཇུག་པ་བཞི་གང་ཞེ་ན། འདི་ལྟ་སྟེ། ནམ་མཁའ་མཐའ་ཡས་སྐྱེ་མཆེད་དང ། རྣམ་
Ka325a
༄#། །ཤེས་མཐའ་ཡས་སྐྱེ་མཆེད་དང ། ཅིའང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དེ། དེ་དག་ནི་གཟུགས་མེད་པའི་སྙོམས་པར་འཇུག་པ་བཞི་ཞེས་བྱའོ། །དེ་ལ་རྣམ་པར་ཐར་པ་བརྒྱད་གང་ཞེ་ན། འདི་ལྟ་སྟེ། གཟུགས་ཅན་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་དང་པོའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་གཉིས་པའོ། །སྡུག་པ་ཉིད་དུ་མོས་པ་འདི་ནི་རྣམ་པར་ཐར་པ་གསུམ་པའོ། །དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་ཅིང ། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས་ནམ་མཁའ་མཐའ་ཡས་སོ་སྙམ་ནས། ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་བ་བཞི་པའོ། །དེ་རྣམ་པ་ཐམས་ཅད་དུ་ནམ་མཁའ་མཐའ་ཡས་སྐྱེ་མཆད་ལས་ཡང་དག་པར་འདས་ཏེ། རྣམ་པར་ཤེས་པ་མཐའ་ཡས་སོ། སྙམ་ནས་རྣམ་ཤེས་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་ལྔ་པའོ། །དེ་རྣམ་པ་ཐམས་ཅད་དུ་རྣམ་ཤེས་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། ཅིའང་མེད་དོ་སྙམ་ནས་ཅིའང་མེད་པའི་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་དྲུག་པའོ། །དེ་རྣམ་པ་ཐམས་ཅད་དུ་ཅིའང་མེད་པའི་སྐྱེ་མཆེད་ལས་ཡང་དག་པར་འདས་ཏེ། འདུ་
Ka325b
ཤེས་མེད་འདུ་ཤེས་མེད་མིན་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བདུན་པའོ། །དེ་རྣམ་པ་ཐམས་ཅད་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་དང་ཚོར་བ་འགོག་པ་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བརྒྱད་པ་སྟེ། དེ་དག་ནི་རྣམ་པར་ཐར་པ་བརྒྱད་ཅེས་བྱའོ། །དེ་ལ་མཐར་གྱིས་གནས་པའི་སྙོམས་པར་འཇུག་པ་དགུ་གང་ཞེ་ན། འདི་ལྟ་སྟེ། འདོད་པ་དག་ལས་དབེན་པ་སྡིག་པ་མི་དགེ་བའི་ཆོས་རྣམས་ལ་དབེན་པ། རྟོག་པ་དང་བཅས་པ་དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་དང་པོའོ། །དེ་རྟོག་པ་དང ། དཔྱོད་པ་དང་བྲལ་ཞིང་ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་བས་རྟོག་པ་མེད་པ། དཔྱོད་པ་མེད་པ། ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་གཉིས་པ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་གཉིས་པའོ། །དེ་དགའ་བའི་འདོད་ཆགས་དང་བྲལ་བས་བཏང་སྙོམས་ལ་གནས་ཤིང་དྲན་པ་ཤེས་བཞིན་ཅན་ཡིན་ཏེ། བདེ་བ་ལུས་ཀྱིས་མྱོང་ལ། འཕགས་པ་རྣམས་ཀྱི་གང་དྲན་པ་དང་ལྡན་པ་བདེ་བ་ལ་གནས་པ་བཏང་སྙོམས་པའོ་ཞེས་བརྗོད་པ་སྟེ། དགའ་བ་མེད་པའི་བསམ་གཏན་གསུམ་པ་བསྒྲུབས་ཏེ་གནས་པ་འདི་ནི་སྙོམས་པར་
Ka326a
༄#། །འཇུག་པ་གསུམ་པའོ། །དེ་བདེ་བའང་སྤངས་ཏེ། སྔ་ནས་སྡུག་བསྔལ་ཡང་སྤངས་ཤིང་ཡིད་བདེ་བ་དང ། ཡིད་མི་བདེ་བ་ནུབ་པས་སྡུག་བསྔལ་བའང་མ་ཡིན། བདེ་བའང་མ་ཡིན་པ་བཏང་སྙོམས་དང ། དྲན་པ་ཡོངས་སུ་དག་པ་བསམ་གཏན་བཞི་པ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་བཞི་པའོ། །དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་པར་གྱུར་ཅིང ། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས་ནམ་མཁའ་མཐའ་ཡས་སོ་སྙམ་ནས་ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་ལྔ་པའོ། །དེ་རྣམ་པ་ཐམས་ཅད་དུ་ནམ་མཁའ་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། རྣམ་པར་ཤེས་པ་མཐའ་ཡས་སོ་སྙམ་ནས། རྣམ་ཤེས་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་དྲུག་པའོ། །དེ་རྣམ་པ་ཐམས་ཅད་དུ་རྣམ་ཤེས་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། ཅིའང་མེད་དོ་སྙམ་ནས། ཅིའང་མེད་པའི་སྐྱེ་མཆེད་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་བདུན་པའོ། །དེ་རྣམ་པ་ཐམས་ཅད་དུ་ཅིའང་མེད་པའི་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་བརྒྱད་པའོ། །དེ་རྣམ་པ་ཐམས་ཅད་དུ་
Ka326b
འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་དང་ཚོར་བ་འགོག་པ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་དགུ་པ་སྟེ། དེ་དག་ནི་མཐར་གྱིས་གནས་པའི་སྙོམས་པར་འཇུག་པ་དགུ་ཞེས་བྱའོ། །དེ་ལ་འདུ་ཤེས་དགུ་གང་ཞེ་ན། འདི་ལྟ་སྟེ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིགས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་བརྣགས་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང།་རྣམ་པར་ཚིག་པའི་འདུ་ཤེས་ཏེ། དེ་དག་ནི་འདུ་ཤེས་དགུ་ཞེས་བྱའོ། །དེ་ལ་རྗེས་སུ་དྲན་པ་བཅུ་གང་ཞེ་ན། འདི་ལྟ་སྟེ། སངས་རྒྱས་རྗེས་སུ་དྲན་པ་དང ། ཆོས་རྗེས་སུ་དྲན་པ་དང ། དགེ་འདུན་རྗེས་སུ་དྲན་པ་དང ། ཚུལ་ཁྲིམས་རྗེས་སུ་དྲན་པ་དང ། གཏོང་བ་རྗེས་སུ་དྲན་པ་དང ། ལྷ་རྗེས་སུ་དྲན་པ་དང ། ཉེ་བར་ཞི་བ་རྗེས་སུ་དྲན་པ་དང ། དབུགས་འབྱུང་བ་དང་རྔུབ་པ་རྗེས་སུ་དྲན་པ་དང ། ལུས་སུ་གཏོགས་པ་རྗེས་སུ་དྲན་པ་དང ། འཆི་བ་རྗེས་སུ་དྲན་པ་སྟེ། དེ་དག་ནི་རྗེས་སུ་དྲན་པ་བཅུ་ཞེས་བྱའོ། །དེ་ལ་འདུ་ཤེས་ཀྱི་རྣམ་པ་དྲུག་གང་ཞེ་ན། འདི་ལྟ་སྟེ། མི་རྟག་པའི་འདུ་ཤེས་དང ། སྡུག་བསྔལ་བའི་འདུ་ཤེས་དང ། བདག་མེད་པའི་འདུ་ཤེས་དང ། མི་སྡུག་པའི་འདུ་ཤེས་དང ། འཆི་བའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་
Ka327a
༄#། །འདུ་ཤེས་ཏེ། དེ་དག་ནི་འདུ་ཤེས་ཀྱི་རྣམ་པ་དྲུག་ཅེས་བྱའོ། །དེ་ལ་ཆོས་ཤེས་པ་གང་ཞེ་ན། ཕུང་པོ་ལྔ་པོ་རྣམས་ཡོངས་སུ་སྦྱང་བ། བྱ་བ་ལ་ཡོངས་སུ་གཅོད་པའི་ཤེས་པ་གང་ཡིན་པ་སྟེ། དེ་ནི་ཆོས་ཤེས་པ་ཞེས་བྱའོ། །དེ་ལ་རྗེས་སུ་རྟོགས་པར་ཤེས་པ་གང་ཞེ་ན། མིག་མི་རྟག་གོ་ཞེས་ཤེས་པ་གང་ཡིན་པ་དང ། དེ་བཞིན་དུ་རྣ་བ་དང ། སྣ་དང ། ལྕེ་དང།་ལུས་དང ། ཡིད་དང ། གཟུགས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་མི་རྟག་གོ་ཞེས་ཤེས་པ་གང་ཡིན་པ་སྟེ། དེ་ནི་རྗེས་སུ་རྟོགས་པར་ཤེས་པ་ཞེས་བྱའོ།། དེ་ལ་ཕ་རོལ་གྱི་སེམས་ཤེས་པ་གང་ཞེ་ན། སེམས་ཉིད་ཀྱིས་སེམས་ཅན་གཞན་རྣམས་དང ། གང་ཟག་གཞན་རྣམས་ཀྱི་སེམས་དང ། སེམས་ལས་བྱུང་བའི་ཆོས་རྣམས་ལ་ཐེ་ཚོམ་མེད་པར་ཤེས་པ་སྟེ། དེ་ནི་ཕ་རོལ་གྱི་སེམས་ཤེས་པ་ཞེས་བྱའོ། །དེ་ལ་ཀུན་རྫོབ་ཤེས་པ་གང་ཞེ་ན། ལམ་ཤེས་པ་གང་ཡིན་པ་སྟེ། དེ་ནི་ཀུན་རྫོབ་ཤེས་པ་ཞེས་བྱའོ། །དེ་ལ་སྡུག་བསྔལ་ཤེས་པ་གང་ཞེ་ན། སྡུག་བསྔལ་སྐྱེ་བ་དང་གནས་པ་ཤེས་པ་སྟེ། དེ་ནི་སྡུག་བསྔལ་ཤེས་པ་ཞེས་བྱའོ། །དེ་ལ་ཀུན་འབྱུང་བ་ཤེས་པ་གང་ཞེ་ན། ཀུན་འབྱུང་བ་སྤོང་བ་ཤེས་པ་གང་ཡིན་པ་སྟེ། དེ་ནི་ཀུན་འབྱུང་བ་ཤེས་པ་ཞེས་བྱའོ། །དེ་ལ་འགོག་པ་ཤེས་པ་གང་ཞེ་ན། སྡུག་བསྔལ་འགོག་པ་ཤེས་པ་གང་ཡིན་པ་སྟེ། དེ་ནི་འགོག་པ་ཤེས་པ་
Ka327b
ཞེས་བྱའོ། །དེ་ལ་ལམ་ཤེས་པ་གང་ཞེ་ན། འཕགས་པའི་ལམ་ཡན་ལག་བརྒྱད་པ་ཤེས་པ་གང་ཡིན་པ་སྟེ། དེ་ནི་ལམ་ཤེས་པ་ཞེས་བྱའོ། །དེ་ལ་ཟད་པ་ཤེས་པ་གང་ཞེ་ན། འདོད་ཆགས་དང ། ཞེ་སྡང་དང ། གཏི་མུག་རྣམས་ཟད་པར་ཤེས་པ་གང་ཡིན་པ་སྟེ། དེ་ནི་ཟད་པ་ཤེས་པ་ཞེས་བྱའོ། །དེ་ལ་མི་སྐྱེ་བ་ཤེས་པ་གང་ཞེ་ན། སྲིད་པའི་འགྲོ་བ་རྣམས་སུ་མི་སྐྱེ་བ་ཤེས་པ་སྟེ། དེ་ནི་མི་སྐྱེ་བ་ཤེས་པ་ཞེས་བྱའོ། །དེ་ལ་ཇི་ལྟ་བ་བཞིན་ཤེས་པ་གང་ཞེ་ན། དེ་བཞིན་གཤེགས་པའི་ཐམས་ཅད་མཁྱེན་པ་ཉིད་ཀྱི་ཡེ་ཤེས་གང་ཡིན་པ་སྟེ། དེ་ནི་ཇི་ལྟ་བ་བཞིན་ཤེས་པ་ཞེས་བྱའོ། །དེ་ལ་མི་ཤེས་པ་ཀུན་ཤེས་པར་བྱེད་པའི་དབང་པོ་གང་ཞེ་ན། གང་ཟག་སློབ་པ་མངོན་པར་རྟོགས་པར་མ་གྱུར་པ་རྣམས་ཀྱི་དད་པའི་དབང་པོ་དང ། བརྩོན་འགྲུས་ཀྱི་དབང་པོ་དང ། དྲན་པའི་དབང་པོ་དང ། ཏིང་ངེ་འཛིན་གྱི་དབང་པོ་དང ། ཤེས་རབ་ཀྱི་དབང་པོ་གང་ཡིན་པ་སྟེ། དེ་ནི་མི་ཤེས་པ་ཀུན་ཤེས་པར་བྱེད་པའི་དབང་པོ་ཞེས་བྱའོ། །དེ་ལ་ཀུན་ཤེས་པའི་དབང་པོ་གང་ཞེ་ན། གང་ཟག་སློབ་པ་མངོན་པར་རྟོགས་པར་གྱུར་པ་རྣམས་ཀྱི་དད་པའི་དབང་པོ་དང ། བརྩོན་འགྲུས་ཀྱི་དབང་པོ་དང ། དྲན་པའི་དབང་པོ་དང ། ཏིང་ངེ་འཛིན་གྱི་དབང་པོ་གང་ཡིན་པ་སྟེ། དེ་ནི་ཀུན་ཤེས་པའི་དབང་པོ་ཞེས་བྱའོ། །དེ་ལ་ཀུན་ཤེས་པ་དང་ལྡན་པའི་དབང་པོ་གང་ཞེ་ན། གང་ཟག་མི་སློབ་པ། འདི་ལྟ་སྟེ། དགྲ་བཅོམ་པ་རྣམས་དང ། རང་སངས་རྒྱས་རྣམས་དང ། བྱང་ཆུབ་སེམས་དཔའ་ས་བཅུ་ལ་གནས་པ་རྣམས་དང །
Ka328a
༄#། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དད་པའི་དབང་པོ་དང ། བརྩོན་འགྲུས་ཀྱི་དབང་པོ་དང ། དྲན་པའི་དབང་པོ་དང ། ཏིང་ངེ་འཛིན་གྱི་དབང་པོ་དང ། ཤེས་རབ་ཀྱི་དབང་པོ་སྟེ། དེ་ནི་ཀུན་ཤེས་པ་དང་ལྡན་པའི་དབང་པོ་ཞེས་བྱའོ། །དེ་ལ་རྟོག་པ་དང་བཅས་དཔྱོད་པ་དང་བཅས་པའི་ཏིང་ངེ་འཛིན་གང་ཞེ་ན། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། དགའ་བ་དང་བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་སྟེ། དེ་ནི་རྟོག་པ་དང་བཅས་དཔྱོད་པ་དང་བཅས་པའི་ཏིང་ངེ་འཛིན་ཅེས་བྱའོ། །དེ་ལ་རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་གང་ཞེ་ན། བསམ་གཏན་དང་པོ་དང ། བསམ་གཏན་གཉིས་པའི་བར་གང་ཡིན་པ་སྟེ། དེ་ནི་རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་ཅེས་བྱའོ། །དེ་ལ་མི་རྟོག་མི་དཔྱོད་པའི་ཏིང་ངེ་འཛིན་གང་ཞེ་ན། བསམ་གཏན་དང་པོ་ནས་བཟུང་སྟེ། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་བར་དུ་སྙོམས་པར་འཇུག་པ་སྟེ།་དེ་ནི་མི་རྟོག་མི་དཔྱོད་པའི་ཏིང་ངེ་འཛིན་ཅེས་བྱའོ། །དེ་ལ་ཟིལ་གྱིས་གནོན་པའི་སྐྱེ་མཆེད་བརྒྱད་གང་ཞེ་ན། འདི་ལྟ་སྟེ། ནང་གཟུགས་སུ་འདུ་ཤེས་པས་ཕྱི་རོལ་གྱི་གཟུགས་ཆུང་ངུ་ཁ་དོག་བཟང་པོ་དང ། ཁ་དོག་ངན་པ་རྣམས་ལ་ལྟ་ཞིང་གཟུགས་དེ་དག་ཟིལ་གྱིས་མནན་ནས་ཤེས། ཟིལ་གྱིས་མནན་ནས་མཐོང་སྟེ། དེ་ལྟ་བུར་འདུ་ཤེས་པར་འགྱུར་བ་འདི་ནི་ཟིལ་གྱིས་གནོན་
Ka328b
པའི་སྐྱེ་མཆེད་དང་པོའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་ཆེན་པོར་གྱུར་པ་ཁ་དོག་བཟང་པོ་དང ། ཁ་དོག་ངན་པ་རྣམས་ལ་ལྟ་ཞིང་གཟུགས་དེ་དག་ཟིལ་གྱིས་མནན་ནས་ཤེས། ཟིལ་གྱིས་མནན་ནས་མཐོང་སྟེ། དེ་ལྟ་བུར་འདུ་ཤེས་པར་གྱུར་པ་འདི་ནི་ཟིལ་གྱིས་གནོན་པའི་སྐྱེ་མཆེད་གཉིས་པའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་སྔོན་པོ། ཁ་དོག་སྔོན་པོ། སྔོན་པོ་ལྟ་བུར་སྟོན་པ། འོད་སྔོན་པོ་འབྱུང་བ་རྣམས་ལ་འདི་ལྟ་སྟེ། དཔེར་ན་ཟར་མའི་མེ་ཏོག་གམ། ཡུལ་ཝཱ་ར་ཎཱ་སིའི་རས་ཕུན་སུམ་ཚོགས་པ་སྔོན་པོ། ཁ་དོག་སྔོན་པོ། སྔོན་པོ་ལྟ་བུར་སྟོན་པ། འོད་སྔོན་པོ་འབྱུང་བ་དེ་བཞིན་དུ་ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་སྔོན་པོ། ཁ་དོག་སྔོན་པོ། སྔོན་པོ་ལྟ་བུར་སྟོན་པ། འོད་སྔོན་པོ་འབྱུང་བ་རྣམས་ལ་ལྟ་བ་འདི་ནི་ཟིལ་གྱིས་གནོན་པའི་སྐྱེ་མཆེད་གསུམ་པའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་སེར་པོ་ཁ་དོག་སེར་པོ། སེར་པོ་ལྟ་བུར་སྟོན་པ། འོད་ཟེར་པོ་འབྱུང་བ་རྣམས་ལ་འདི་ལྟ་སྟེ། དཔེར་ན་དོང་ཀའི་མེ་ཏོག་གམ། ཡུལ་ཝཱ་ར་ཎཱ་སིའི་རས་ཕུན་སུམ་ཚོགས་པ་སེར་པོ། ཁ་དོག་སེར་པོ། སེར་པོ་ལྟ་བུར་སྟོན་པ། འོད་སེར་པོ་འབྱུང་བ་དེ་བཞིན་དུ་ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་སེར་པོ། ཁ་དོག་སེར་པོ། སེར་པོ་ལྟ་བུར་སྟོན་པ། འོད་སེར་པོ་འབྱུང་བ་རྣམས་ལ་ལྟ་བ་འདི་ནི་ཟིལ་གྱིས་གནོན་པའི་སྐྱེ་མཆེད་བཞི་པའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་
Ka329a
༄#། །གཟུགས་དམར་པོ། ཁ་དོག་དམར་པོ། དམར་པོ་ལྟ་བུར་སྟོན་པ། འོད་དམར་པོ་འབྱུང་བ་རྣམས་ལ་འདི་ལྟ་སྟེ། དཔེར་ན་བནྡྷུ་ཛི་བའི་མེ་ཏོག་གམ། ཡུལ་ཝཱ་ར་ཎཱ་སིའི་རས་ཕུན་སུམ་ཚོགས་པ་དམར་པོ། ཁ་དོག་དམར་པོ། དམར་པོ་ལྟ་བུར་སྟོན་པ། འོད་དམར་པོ་འབྱུང་བ་དེ་བཞིན་དུ་ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་དམར་པོ་ཁ་དོག་དམར་པོ།་དམར་པོ་ལྟ་བུར་སྟོན་པ། འོད་དམར་པོ་འབྱུང་བ་རྣམས་ལ་ལྟ་བ་འདི་ནི་ཟིལ་གྱིས་གནོན་པའི་སྐྱེ་མཆེད་ལྔ་པའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་དཀར་པོ། ཁ་དོག་དཀར་པོ། དཀར་པོ་ལྟ་བུར་སྟོན་པ། འོད་དཀར་པོ་འབྱུང་བ་རྣམས་ལ་འདི་ལྟ་སྟེ། དཔེར་ན། སྐར་མ་བ་བ་སངས་ཀྱི་མདོག་དཀར་པོ་ཁ་དོག་དཀར་པོ། དཀར་པོ་ལྟ་བུར་སྟོན་པ། འོད་དཀར་པོ་འབྱུང་བ་དེ་བཞིན་དུ་ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་དཀར་པོ་ཁ་དོག་དཀར་པོ། དཀར་པོ་ལྟ་བུར་སྟོན་པ། འོད་དཀར་པོ་འབྱུང་བ་རྣམས་ལ་ལྟ་བ་འདི་ནི་ཟིལ་གྱིས་གནོན་པའི་སྐྱེ་མཆེད་དྲུག་པའོ། །དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ་ཐོགས་པའི་འདུ་ཤེས་རྣམས་ནུབ་པར་གྱུར་ཅིང ། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས། ནམ་མཁའ་མཐའ་ཡས་སོ་སྙམ་ནས། ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་ཟིལ་གྱིས་གནོན་
Ka329b
པའི་སྐྱེ་མཆེད་བདུན་པའོ། །དེ་རྣམ་པ་ཐམས་ཅད་དུ་ནམ་མཁའ་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། རྣམ་པར་ཤེས་པ་མཐའ་ཡས་སོ་སྙམ་ནས། རྣམ་ཤེས་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་ཟིལ་གྱིས་གནོན་པའི་སྐྱེ་མཆེད་བརྒྱད་པ་སྟེ། དེ་དག་ནི་ཟིལ་གྱིས་གནོན་པའི་སྐྱེ་མཆེད་བརྒྱད་ཅེས་བྱའོ། །དེ་ལ་ཟད་པར་གྱི་སྐྱེ་མཆེད་བཅུ་གང་ཞེ་ན། འདི་ལྟ་སྟེ།་ཟད་པར་ས་དང ། ཟད་པར་ཆུ་དང ། ཟད་པར་མེ་དང ། ཟད་པར་རླུང་དང ། ཟད་པར་ནམ་མཁའ་དང ། ཟད་པར་སྔོན་པོ་དང ། ཟད་པར་སེར་པོ་དང ། ཟད་པར་དམར་པོ་དང ། ཟད་པར་དཀར་པོ་དང ། ཟད་པར་རྣམ་པར་ཤེས་པ་སྟེ། དེ་དག་ནི་ཟད་པར་གྱི་སྐྱེ་མཆེད་བཅུ་ཞེས་བྱ་སྟེ། ཁམས་ཐམས་ཅད་སའི་ཁམས་སུ་མོས་པར་བྱེད་དེ། ཐམས་ཅད་ཀྱང་སའི་ཁམས་ཁོ་ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་ཆུའི་ཁམས་སུ་མོས་པར་བྱེད་དེ། ཐམས་ཅད་ཀྱང་ཆུའི་ཁམས་ཁོ་ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་མེའི་ཁམས་སུ་མོས་པར་བྱེད་དེ། ཐམས་ཅད་ཀྱང་མེའི་ཁམས་ཁོ་ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་རླུང་གི་ཁམས་སུ་མོས་པར་བྱེད་དེ། ཐམས་ཅད་ཀྱང་རླུང་གི་ཁམས་ཁོ་ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་ནམ་མཁའི་ཁམས་སུ་མོས་པར་བྱེད་དེ། ཐམས་ཅད་ཀྱང་ནམ་མཁའི་ཁམས་ཁོ་ནར་ཁམས་གཅིག་ཏུ་འགྱུར་རོ། །ཁམས་ཐམས་ཅད་སྔོན་པོར་མོས་
Ka330a
༄#། །པར་བྱེད་དེ། ཐམས་ཅད་ཀྱང་སྔོན་པོ་ཉིད་དུ་འགྱུར་རོ། །ཁམས་ཐམས་ཅད་སེར་པོར་མོས་པར་བྱེད་དེ། ཐམས་ཅད་ཀྱང་སེར་པོ་ཁོ་ནར་འགྱུར་རོ། །ཁམས་ཐམས་ཅད་དམར་པོར་མོས་པར་བྱེད་དེ། ཐམས་ཅད་ཀྱང་དམར་པོ་ཁོ་ནར་འགྱུར་རོ། །ཁམས་ཐམས་ཅད་དཀར་པོར་མོས་པར་བྱེད་དེ། ཐམས་ཅད་ཀྱང་དཀར་པོ་ཁོ་ནར་འགྱུར་རོ། །ཁམས་ཐམས་ཅད་རྣམ་པར་ཤེས་པར་མོས་པར་བྱེད་དེ། ཐམས་ཅད་ཀྱང་རྣམ་པར་ཤེས་པ་ཁོ་ནར་ཁམས་གཅིག་ཏུ་འགྱུར་རོ། །ས་དང ། ཆུ་དང ། མེ་དང ། རླུང་དང ། ནམ་མཁའ་དང ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། རྣམ་པར་ཤེས་པ་ཐམས་ཅད་ཀྱང་གཅིག་ཁོ་ནར་འགྱུར་ཏེ། དེ་ནི་ཟད་པར་གྱི་སྐྱེ་མཆེད་རྣམས་ཞེས་བྱའོ། །ཟད་པར་དུ་སྐྱེ་བ་རྒྱས་པར་བྱེད་པས་དེ་ནི་ཟད་པར་གྱི་སྐྱེ་མཆེད་རྣམས་ཞེས་བྱའོ། །རེ་རེའང་སྐྱེ་མཆེད་ཐམས་ཅད་དུ་འགྱུར་ཏེ་དེའི་ཕྱིར་ཟད་པར་གྱི་སྐྱེ་མཆེད་རྣམས་ཞེས་བྱའོ། །དེ་ལ་སྟོང་པ་ཉིད་བཅོ་བརྒྱད་གང་ཞེ་ན། འདི་ལྟ་སྟེ། ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་སྟོང་པ་ཉིད་དང ། ཆོས་ཐམས་
Ka330b
ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་དོ། ། དེ་ལ་ནང་སྟོང་པ་ཉིད་གང་ཞེ་ན། ནང་གི་ཆོས་རྣམས་ཞེས་བྱ་བ་ནི་འདི་ལྟ་སྟེ། མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་དེ། དེ་ལ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་མིག་ནི་མིག་གིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ། །དེ་བཞིན་དུ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་རྣ་བ་དང ། སྣ་དང ། ལྕེ་དང ། ལུས་དང ། ཡིད་ནི་ཡིད་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ནང་སྟོང་པ་ཉིད་ཅེས་བྱའོ། །དེ་ལ་ཕྱི་སྟོང་པ་ཉིད་གང་ཞེ་ན། ཕྱིའི་ཆོས་རྣམས་ཞེས་བྱ་བ་ནི་འདི་ལྟ་སྟེ། གཟུགས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཏེ། དེ་ལ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་གཟུགས་རྣམས་ནི་གཟུགས་རྣམས་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ། །དེ་བཞིན་དུ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ནི་ཆོས་རྣམས་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཕྱི་སྟོང་པ་ཉིད་ཅེས་བྱའོ། །དེ་ལ་ཕྱི་ནང་སྟོང་པ་ཉིད་གང་ཞེ་ན། ཕྱི་དང་ནང་གི་ཆོས་རྣམས་ཞེས་
Ka331a
༄#། །བྱ་བ་ནི་ནང་གི་སྐྱེ་མཆེད་དྲུག་དང ། ཕྱིའི་སྐྱེ་མཆེད་དྲུག་སྟེ། དེ་ལ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་ནང་གི་ཆོས་རྣམས་ནི་ནང་གི་ཆོས་རྣམས་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ། །ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་ཕྱིའི་ཆོས་རྣམས་ཀྱང་ཕྱིའི་ཆོས་རྣམས་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཕྱི་ནང་སྟོང་པ་ཉིད་ཅེས་བྱའོ། །དེ་ལ་སྟོང་པ་ཉིད་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་ཆོས་ཐམས་ཅད་ཀྱི་སྟོང་པ་ཉིད་གང་ཡིན་པའི་སྟོང་པ་ཉིད་དེས་ཀྱང་ཆོས་ཐམས་ཅད་ཀྱི་སྟོང་པ་ཉིད་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་སྟོང་པ་ཉིད་སྟོང་པ་ཉིད་ཅེས་བྱའོ། །དེ་ལ་ཆེན་པོ་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་ཤར་ཕྱོགས་ནི་ཤར་ཕྱོགས་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ། །དེ་བཞིན་དུ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་ལྷོ་དང ། ནུབ་དང ། བྱང་དང ། ཕྱོགས་མཚམས་བཞི་སྟེ། ཕྱོགས་དེ་བརྒྱད་ཀྱང་དེ་བཞིན་ནོ། །སྟེང་གི་ཕྱོགས་ནི་སྟེང་གི་ཕྱོགས་ཀྱིས་སྟོང་ངོ ། །འོག་གི་ཕྱོགས་ཀྱང་འོག་གི་ཕྱོགས་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཆེན་པོ་སྟོང་པ་ཉིད་ཅེས་བྱའོ། །དེ་ལ་
Ka331b
དོན་རྣམ་པ་སྟོང་པ་ཉིད་གང་ཞེ་ན། དོན་དམ་པ་སྟོང་པ་ཉིད་ཅེས་བྱ་བ་ལ། དོན་དམ་པ་ཞེས་བྱ་བ་ནི། མྱ་ངན་ལས་འདས་པ་ཞེས་བྱ་བ་སྟེ། དེ་ལ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་མྱ་ངན་ལས་འདས་པ་ནི་མྱ་ངན་ལས་འདས་པས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་དོན་དམ་པ་སྟོང་པ་ཉིད་ཅེས་བྱའོ། །དེ་ལ་འདུས་བྱས་སྟོང་པ་ཉིད་གང་ཞེ་ན། འདུས་བྱས་ཞེས་བྱ་བ་ནི་འདོད་པའི་ཁམས་དང ། གཟུགས་ཀྱི་ཁམས་དང ། གཟུགས་མེད་པའི་ཁམས་ཏེ། དེ་ལ་ཐེར་ཟུག་ཏུ་གནས་པ་མེད་པ་དང་འཇིག་པ་མེད་པའི་ཕྱིར་འདོད་པའི་ཁམས་ནི་འདོད་པའི་ཁམས་ཀྱིས་སྟོང་ངོ ། །དེ་བཞིན་དུ་གཟུགས་ཀྱི་ཁམས་ནི་གཟུགས་ཀྱི་ཁམས་ཀྱིས་སྟོང་ངོ ། །གཟུགས་མེད་པའི་ཁམས་ནི་གཟུགས་མེད་པའི་ཁམས་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་འདུས་བྱས་སྟོང་པ་ཉིད་ཅེས་བྱའོ། །དེ་ལ་འདུས་མ་བྱས་སྟོང་པ་ཉིད་གང་ཞེ་ན། འདུས་མ་བྱས་ཞེས་བྱ་བ་ནི་ཆོས་གང་ལ་སྐྱེ་བ་མེད་པ་དང ། གནས་པ་མེད་པ་དང ། འཇིག་པ་མེད་པ་དང ། གཞན་དུ་འགྱུར་བ་མེད་པ་སྟེ། དེ་ལ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་འདུས་མ་བྱས་ནི་འདུས་མ་བྱས་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་འདུས་མ་བྱས་སྟོང་པ་ཉིད་ཅེས་བྱའོ། །དེ་ལ་མཐའ་ལས་འདས་པ་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་
Ka332a
༄#། །མེད་པ་དང ། རྣམ་པར་འཇིག་པ་མེད་པའི་ཕྱིར། ཆོས་གང་ལ་སྐྱེ་བ་ཤིན་ཏུ་མི་དམིགས་པའོ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་མཐའ་ལས་འདས་པ་སྟོང་པ་ཉིད་ཅེས་བྱའོ། །དེ་ལ་ཐོག་མ་དང་ཐ་མ་མེད་པ་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་ཆོས་གང་ལ་འོང་བ་མི་དམིགས་པའོ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཐོག་མ་དང་ཐ་མ་མེད་པ་སྟོང་པ་ཉིད་ཅེས་བྱའོ། །དེ་ལ་དོར་བ་མེད་པ་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་གང་ལ་ཆོས་གང་ཡང་དོར་དུ་མེད་པའོ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་དོར་བ་མེད་པ་སྟོང་པ་ཉིད་ཅེས་བྱའོ། །དེ་ལ་རང་བཞིན་གྱིས་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་འདུས་བྱས་སམ། འདུས་མ་བྱས་ཀྱི་ཆོས་ཐམས་ཅད་ཀྱི་རང་བཞིན་གང་ཡིན་པ་དེ་ནི་ཉན་ཐོས་རྣམས་ཀྱིས་མ་བྱས། རང་སངས་རྒྱས་རྣམས་ཀྱིས་མ་བྱས། བྱང་ཆུབ་སེམས་དཔའ་རྣམས་ཀྱིས་མ་བྱས། སངས་རྒྱས་བཅོམ་ལྡན་འདས་རྣམས་ཀྱིས་མ་མཛད་པའོ། །དེ་ཅིའི་ཕྱིར་ཞེ་ན།་དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་རང་བཞིན་གྱིས་སྟོང་པ་ཉིད་ཅེས་བྱའོ། །དེ་ལ་རང་གི་མཚན་ཉིད་སྟོང་པ་ཉིད་གང་ཞེ་ན། རང་གི་མཚན་ཉིད་ཅེས་བྱ་བ་ལ། གཟུགས་ཀྱི་
Ka332b
མཚན་ཉིད་ནི་གཟུགས་སུ་རུང་བ། ཚོར་བའི་མཚན་ཉིད་ནི་མྱོང་བ། འདུ་ཤེས་ཀྱི་མཚན་ཉིད་ནི་ཀུན་ཏུ་ཤེས་པར་བྱེད་པ། འདུ་བྱེད་རྣམས་ཀྱི་མཚན་ཉིད་ནི་མངོན་པར་འདུ་བྱེད་པ། རྣམ་པར་ཤེས་པའི་མཚན་ཉིད་ནི་རྣམ་པར་ཤེས་པར་བྱེད་པ་སྟེ། འདུས་བྱས་ཀྱི་ཆོས་རྣམས་ཀྱི་མཚན་ཉིད་གང་ཡིན་པ་དང ། འདུས་མ་བྱས་ཀྱི་ཆོས་རྣམས་ཀྱི་མཚན་ཉིད་གང་ཡིན་པའི་བར་དུ་དེ་བཞིན་དུ་སྦྱར་ཏེ།་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་མཚན་ཉིད་དེ་དག་ཐམས་ཅད་ནི་རང་གི་མཚན་ཉིད་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་རང་གི་མཚན་ཉིད་སྟོང་པ་ཉིད་ཅེས་བྱའོ། །དེ་ལ་ཆོས་ཐམས་ཅད་སྟོང་པ་ཉིད་གང་ཞེ་ན། ཆོས་ཐམས་ཅད་ཅེས་བྱ་བ་ནི་ཕུང་པོ་ལྔ་དང ། སྐྱེ་མཆེད་བཅུ་གཉིས་དང ། ཁམས་བཅོ་བརྒྱད་དང ། ཆོས་གཟུགས་ཅན་རྣམས་དང ། གཟུགས་མེད་པའི་ཆོས་རྣམས་དང ། འདུས་བྱས་ཀྱི་ཆོས་རྣམས་དང ། འདུས་མ་བྱས་ཀྱི་ཆོས་རྣམས་ཏེ། དེ་ལ་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་ཆོས་ཐམས་ཅད་ནི་ཆོས་ཐམས་ཅད་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཆོས་ཐམས་ཅད་སྟོང་པ་ཉིད་ཅེས་བྱའོ། །དེ་ལ་མི་དམིགས་པ་སྟོང་པ་ཉིད་གང་ཞེ་ན། དེའང་ཐེར་ཟུག་ཏུ་གནས་པ་མེད་པ་དང ། འཇིག་པ་མེད་པའི་ཕྱིར་ཆོས་ཐམས་ཅད་མི་དམིགས་པ་གང་ཡིན་པའོ། །དེ་ཅིའི་ཕྱིར་ཞེ་ན། དེའི་རང་བཞིན་དེ་
Ka333a
༄#། །ཡིན་པའི་ཕྱིར་ཏེ། དེ་ནི་མི་དམིགས་པ་སྟོང་པ་ཉིད་ཅེས་བྱའོ། །དེ་ལ་དངོས་པོ་མེད་པ་སྟོང་པ་ཉིད་གང་ཞེ་ན། གང་ལ་དངོས་པོ་འགའ་ཡང་མི་དམིགས་པ་སྟེ། དེ་ནི་དངོས་པོ་མེད་པ་སྟོང་པ་ཉིད་ཅེས་བྱའོ། །དེ་ལ་ངོ་བོ་ཉིད་སྟོང་པ་ཉིད་གང་ཞེ་ན། འདུས་པ་ལས་བྱུང་བའི་ངོ་བོ་ཉིད་གང་ཡང་མེད་པ་སྟེ། དེ་ནི་ངོ་བོ་ཉིད་སྟོང་པ་ཉིད་ཅེས་བྱའོ། །དེ་ལ་དངོས་པོ་མེད་པའི་ངོ་བོ་ཉིད་སྟོང་པ་ཉིད་གང་ཞེ་ན། འདུས་པ་ལས་བྱུང་བའི་ངོ་བོ་ཉིད་འགའ་ཡང་མེད་པ་སྟེ། དེ་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཅེས་བྱའོ། །ཤཱ་རདྭ་ཏིའི་བུ ། གཞན་ཡང་དངོས་པོ་ནི་དངོས་པོས་སྟོང་ངོ ། །དངོས་པོ་མེད་པ་ནི་དངོས་པོ་མེད་པས་སྟོང་ངོ ། །ངོ་བོ་ཉིད་ནི་ངོ་བོ་ཉིད་ཀྱིས་སྟོང་ངོ ། །གཞན་གྱི་དངོས་པོ་ནི་གཞན་གྱི་དངོས་པོས་སྟོང་ངོ ། །དེ་ལ་དངོས་པོ་གང་ཞེ་ན། དངོས་པོ་ཞེས་བྱ་བ་ནི་ཕུང་པོ་ལྔ་པོ་རྣམས་ཏེ། འདི་ལྟ་སྟེ། གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟེ། དེ་ལ་དངོས་པོ་ནི་དངོས་པོས་སྟོང་ངོ ། །ཇི་ལྟར་ན་དངོས་པོ་མེད་པ་དངོས་པོ་མེད་པས་སྟོང་ཞེ་ན། དངོས་པོ་མེད་པ་ཞེས་བྱ་བ་ནི་འདུས་མ་བྱས་པ་སྟེ། དེ་ལ་འདུས་མ་བྱས་པ་ནི་འདུས་མ་བྱས་ཀྱིས་སྟོང་ངོ ། །དེ་བཞིན་དུ་དངོས་པོ་མེད་པ་ནི་དངོས་པོ་མེད་པས་སྟོང་ངོ ། །ཇི་ལྟར་ན་ངོ་བོ་ཉིད་ངོ་བོ་ཉིད་ཀྱིས་སྟོང་ཞེ་ན། ཆོས་ཐམས་ཅད་ཀྱི་སྟོང་པ་ཉིད་གང་ཡིན་པ་དེ་ནི་ཤེས་པས་ཀྱང་
Ka333b
མ་བྱས། མཐོང་བས་ཀྱང་མ་བྱས། གང་གིས་ཀྱང་མ་བྱས་པ་སྟེ། དེ་ནི་ངོ་བོ་ཉིད་ངོ་བོ་ཉིད་ཀྱིས་སྟོང་པ་ཞེས་བྱའོ། །ཇི་ལྟར་ན་གཞན་གྱི་དངོས་པོ་གཞན་གྱི་དངོས་པོས་སྟོང་ཞེ་ན། གང་དེ་བཞིན་གཤེགས་པ་རྣམས་བྱུང་ཡང་རུང ། དེ་བཞིན་གཤེགས་པ་རྣམས་མ་བྱུང་ཡང་རུང ། ཆོས་རྣམས་ཀྱི་ཆོས་གནས་པ་ཉིད་དང ། ཆོས་ཀྱི་དབྱིངས་དང ། ཆོས་སྐྱོན་མེད་པ་ཉིད་དང ། དེ་བཞིན་ཉིད་དང ། ཕྱིན་ཅི་མ་ལོག་པ་དེ་བཞིན་ཉིད་དང ། གཞན་མ་ཡིན་པ་དེ་བཞིན་ཉིད་དང ། ཡང་དག་པའི་མཐའ་ནི་གནས་པ་ཉིད་དེ། ཆོས་འདི་དག་གི་གཞན་གྱི་སྟོང་པ་གང་ཡིན་པ་དེ་ནི་གཞན་གྱི་དངོས་པོ་གཞན་གྱི་དངོས་པོས་སྟོང་པ་ཞེས་བྱ་སྟེ། ཤཱ་རདྭ་ཏིའི་བུ། གང་ལ་བྱང་ཆུབ་སེམས་དཔའ་སེམས་དཔའ་ཆེན་པོས་མངོན་པར་ཞེན་པར་མི་བྱ་བའི་ཆོས་ཐམས་ཅད་ནི་དེ་དག་ཡིན་ནོ། །མངོན་པར་ཞེན་པ་མེད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། གླེང་གཞིའི་ལེའུ་ཞེས་བྱ་སྟེ་དང་པོའོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་གཉིས་པ། དེ་ནས་ཡང་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་བཀའ་སྩལ་པ། ཤཱ་རདྭ་ཏིའི་བུ། དེ་ལ་དེ་བཞིན་གཤེགས་པའི་སྟོབས་བཅུ་གང་ཞེ་ན། འདི་ལྟ་སྟེ། དེ་བཞིན་གཤེགས་པས་གནས་ལའང་
Ka334a
༄#། །གནས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས། གནས་མ་ཡིན་པ་ལའང་གནས་མ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། འདས་པ་དང ། མ་འོངས་པ་དང ། ད་ལྟར་བྱུང་བའི་ལས་རྣམས་དང ། ལས་ཡང་དག་པར་ལེན་པ་རྣམས་ཀྱི་རྣམ་པར་སྨིན་པ་གནས་ཀྱི་སྒོ་དང ། རྒྱུའི་སྒོ་ནས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། འཇིག་རྟེན་གྱི་ཁམས་དུ་མ་པ། ཁམས་སྣ་ཚོགས་པ། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། དེས་སེམས་ཅན་གཞན་དག་དང ། གང་ཟག་གཞན་རྣམས་ཀྱི་མོས་པ་སྣ་ཚོགས་ཉིད་དང ། མོས་པ་དུ་མ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། དེས་སེམས་ཅན་གཞན་དག་དང་གང་ཟག་གཞན་རྣམས་ཀྱི་དབང་པོ་མཆོག་དང ། མཆོག་མ་ཡིན་པ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། ཐམས་ཅད་དུ་འགྲོ་བའི་ལམ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། རྣམ་པར་ཐར་པ་དང ། བསམ་གཏན་དང ། ཏིང་ངེ་འཛིན་དང ། སྙོམས་པར་འཇུག་པའི་ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ལྡང་བ་ཤེས་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། སྔོན་གྱི་གནས་རྣམ་པ་དུ་མ་རྗེས་སུ་དྲན་པ་དང ། སེམས་ཅན་རྣམས་ཀྱི་འཆི་འཕོ་དང ། སྐྱེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང །
Ka334b
ཟག་པ་རྣམས་ཟད་པས་ཟག་པ་མེད་པར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཚེ་འདི་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ནས་བསྒྲུབས་ཏེ་གནས་ཤིང་བདག་གི་སྐྱེ་བ་ནི་ཟད་དོ། །ཚངས་པར་སྤྱོད་པ་ནི་སྤྱད་དོ། །བདག་གི་བྱ་བ་ནི་བྱས་སོ། །སྲིད་པ་ནི་འདི་ལས་གཞན་མི་ཤེས་སོ་ཞེས་བྱ་བ་སྟེ། ཤཱ་རདྭ་ཏིའི་བུ། དེ་དག་ནི་དེ་བཞིན་གཤེགས་པའི་སྟོབས་བཅུ་ཡིན་ནོ། །ཤཱ་རདྭ་ཏིའི་བུ། དེ་ལ་མི་འཇིགས་པ་བཞི་གང་ཞེ་ན། ང་ཡང་དག་པར་རྫོགས་པའི་སངས་རྒྱས་སོ་ཞེས་དམ་བཅས་ན། འདིར་ཆོས་འདི་དག་མངོན་པར་རྫོགས་པར་སངས་མ་རྒྱས་སོ། ། ཞེས་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུའང་རུང་བ་འགའ་ཞིག་འཇིག་རྟེན་ན་ཆོས་དང་མཐུན་པར་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་སྟེ།་ངས་རྒྱུད་དེ་ཡང་དག་པར་རྗེས་སུ་མ་མཐོང་བས་བདེ་བ་ཐོབ་སྟེ། གནས་ཤིང་བག་ཚ་བ་མེད་པ་ཐོབ་ལ་མི་འཇིགས་པ་ཐིབ་སྟེ། གནས་ཀྱིས་ཁྱུ་མཆོག་རླབས་པོ་ཆེའི་གནས་སུ་དམ་བཅའོ། ། འཁོར་གྱི་ནང་དུ་སེངྒེའི་སྒྲ་ཡང་དག་པར་བསྒྲག་གོ། ཚངས་པའི་འཁོར་ལོ་སྔོན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་ཆོས་དང་མཐུན་པར་མ་བསྐོར་བ་རབ་ཏུ་བསྐོར་རོ་ཞེས་བྱ་བ་དང ། ང་ཟག་པ་ཟད་དོ་ཞེས་དམ་བཅས་ན་འདིར་ཟག་པ་འདི་དག་མ་ཟད་དོ་ཞེས་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུའང་
Ka335a
༄#། །རུང་བ་འགའ་ཞིག་འཇིག་རྟེན་ན་ཆོས་དང་མཐུན་པར་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་སྟེ། ངེས་རྒྱུ་དེ་ཡང་དག་པར་རྗེས་སུ་མ་མཐོང་བས་བདེ་བ་ཐོབ་སྟེ། གནས་ཤིང་བག་ཚ་བ་མེད་པ་ཐོབ་ལ། མི་འཇིགས་པ་ཐོབ་སྟེ། གནས་ཀྱིས་ཁྱུ་མཆོག་རླབས་པོ་ཆེའི་གནས་སུ་དམ་བཅའོ། །འཁོར་གྱི་ནང་དུ་སེངྒེའི་སྒྲ་ཡང་དག་པར་བསྒྲག་གོ། ཚངས་པའི་འཁོར་ལོ་སྔོན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་འཇིག་རྟེན་ན་ཆོས་དང་མཐུན་པར་མ་བསྐོར་བར་བསྐོར་རོ་ཞེས་བྱ་བ་དང ། ངས་བར་དུ་གཅོད་པའི་ཆོས་གང་དག་བཤད་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་ཏེ། དེ་ནི་གནས་མེད་དོ་ཞེས་འདིར་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུའང་རུང་བ་འགའ་ཞིག་འཇིག་རྟེན་ན་ཆོས་དང་མཐུན་པར་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་སྟེ། ངས་རྒྱུ་དེ་ཡང་དག་པར་རྗེས་སུ་མ་མཐོང་བས་བདེ་བ་ཐོབ་སྟེ། གནས་ཤིང་བག་ཚ་བ་མེད་པ་ཐོབ་ལ་མི་འཇིགས་པ་ཐོབ་སྟེ། གནས་ཀྱིས་ཁྱུ་མཆོག་རླབས་པོ་ཆེའི་གནས་སུ་དམ་བཅའོ། །འཁོར་གྱི་ནང་དུ་སེངྒེའི་སྒྲ་ཡང་དག་པར་བསྒྲག་གོ། ཚངས་པའི་འཁོར་ལོ་སྔོན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་འཇིག་རྟེན་དུ་ཆོས་དང་མཐུན་པར་མ་བསྐོར་བ་བསྐོར་རོ་ཞེས་བྱ་བ་
Ka335b
དང ། ངས་ཉན་ཐོས་རྣམས་ལ་འཕགས་པ་ངེས་པར་འབྱིན་པ་ངེས་པར་འབྱེད་པ་དེ་བྱེད་པ་སྡུག་བསྔལ་ཡང་དག་པར་ཟད་པར་འགྱུར་བའི་ལམ་གང་བཤད་པ་དེ་བསྒྲུབས་ན། ངེས་པར་འབྱིན་ནས་མ་ཡིན་ཞིང་སྡུག་བསྔལ་ཡང་དག་པར་ཟད་པར་མི་འགྱུར་ཏེ། དེ་ནི་གནས་མེད་དོ་ཞེས་འདིར་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུའང་རུང་བ་འགའ་ཞིག་འཇིག་རྟེན་ན་ཆོས་དང་མཐུན་པར་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་སྟེ། ངས་རྒྱུ་དེ་ཡང་དག་པར་རྗེས་སུ་མ་མཐོང་བས། བདེ་བ་ཐོབ་སྟེ་གནས་ཤིང་བག་ཚ་བ་མེད་པ་ཐོབ་ལ་མི་འཇིགས་པ་ཐོབ་སྟེ། གནས་ཀྱིས་ཁྱུ་མཆོག་རླབས་པོ་ཆེའི་གནས་སུ་དམ་བཅའོ། །འཁོར་གྱི་ནང་དུ་སེངྒེའི་སྒྲ་ཡང་དག་པར་བསྒྲག་གོ། ཚངས་པའི་འཁོར་ལོ་སྔོན་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་འཇིག་རྟེན་དུ་ཆོས་དང་མཐུན་པར་མ་བསྐོར་བ་རབ་ཏུ་བསྐོར་རོ་ཞེས་བྱ་བ་སྟེ། དེ་དག་ནི་མི་འཇིགས་པ་བཞི་ཞེས་བྱའོ། །དེ་ལ་སོ་སོ་ཡང་དག་པར་རིག་པ་བཞི་གང་ཞེ་ན། འདི་ལྟ་སྟེ། དོན་སོ་སོ་ཡང་དག་པར་རིག་པ་དང ། ཆོས་སོ་སོ་ཡང་དག་པར་རིག་པ་དང ། ངེས་པའི་ཚིག་སོ་སོ་ཡང་དག་པར་རིག་པ་དང ། སྤོབས་པ་སོ་སོ་ཡང་དག་པར་རིག་པ་སྟེ། དེ་དག་ནི་སོ་སོ་ཡང་དག་པར་རིག་པ་བཞི་ཞེས་བྱའོ། །དེ་ལ་བྱམས་པ་ཆེན་པོ་གང་ཞེ་ན། དེ་བཞིན་གཤེགས་པ་སེམས་ཅན་ཐམས་ཅད་ལ་དགྲ་བོ་དང ། མཛའ་བཤེས་ལ་
Ka336a
༄#། །འདྲ་བར་མཛད་པ་གང་ཡིན་པ་སྟེ། དེ་ནི་བྱམས་པ་ཆེན་པོ་ཞེས་བྱའོ། །དེ་ལ་སྙིང་རྗེ་ཆེན་པོ་གང་ཞེ་ན། སེམས་ཅན་ཡོད་པ་མ་ཡིན་པའི་སེམས་ཅན་རྣམས་ལ་བྱམས་པ་མི་གཏོང་བ་གང་ཡིན་པ་སྟེ། དེ་ནི་སྙིང་རྗེ་ཆེན་པོ་ཞེས་བྱའོ། །དེ་ལ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་གང་ཞེ་ན། འདི་ལྟ་སྟེ། དེ་བཞིན་གཤེགས་པ་ལ་འཁྲུལ་པ་མེད་པ་དང ། ཅ་ཅོ་མེད་པ་དང ། བསྙེལ་བ་མེད་པ་དང ། ཐ་དད་པའི་འདུ་ཤེས་མེད་པ་དང ། སེམས་མཉམ་པར་མ་བཞག་པ་མེད་པ་དང ། སོ་སོར་མ་བརྟགས་པའི་བཏང་སྙོམས་མེད་པ་དང ། འདུན་པ་ཉམས་པ་མེད་པ་དང ། བརྩོན་འགྲུས་ཉམས་པ་མེད་པ་དང ། དྲན་པ་ཉམས་པ་མེད་པ་དང ། ཏིང་ངེ་འཛིན་ཉམས་པ་མེད་པ་དང ། ཤེས་རབ་ཉམས་པ་མེད་པ་དང ། རྣམ་པར་གྲོལ་བ་ཉམས་པ་མེད་པ་དང ། རྣམ་པར་གྲོལ་བའི་ཡེ་ཤེས་མཐོང་བ་ཉམས་པ་མེད་པ་དང ། ལུས་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང ། ངག་གི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང ། ཡིད་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང ། འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་འཇུག་པ་དང ། མ་འོངས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་འཇུག་པ་དང ། ད་ལྟར་བྱུང་བའི་དུས་ལ་མ་ཆགས་མ་ཐོགས་པའི་
Ka336b
ཡེ་ཤེས་མཐོང་བ་འཇུག་པ་སྟེ། དེ་དག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཅེས་བྱའོ། །དེ་ལ་ཐམས་ཅད་ཤེས་པ་ཉིད་གང་ཞེ་ན། ཉན་ཐོས་དང ། རང་སངས་རྒྱས་རྣམས་སྐྱེ་མཆེད་བཅུ་གཉིས་པོ་དེ་དག་ལ་གང་ཟག་ལ་བདག་མེད་པར་ཕྱོགས་གཅིག་ཤེས་པ་གང་ཡིན་པ་སྟེ། དེ་ནི་ཐམས་ཅད་ཤེས་པ་ཉིད་ཅེས་བྱའོ། །དེ་ལ་ལམ་གྱི་རྣམ་པ་ཤེས་པ་ཉིད་གང་ཞེ་ན། བྱང་ཆུབ་སེམས་དཔའ་ཐིག་པ་གསུམ་གྱི་ལམ་ཤེས་ཀྱང་ཉན་ཐོས་དང ། རང་སངས་རྒྱས་ཀྱིས་ཐེག་པས་དགའ་བར་མི་སེམས་ཀྱི། བྱང་ཆུབ་སེམས་དཔའི་ལམ་གྱིས་ངེས་པར་འབྱུང་བ་གང་ཡིན་པ་སྟེ། དེ་ནི་ལམ་གྱི་རྣམ་པ་ཤེས་པ་ཉིད་ཅེས་བྱའོ། །དེ་ལ་རྣམ་པ་ཐམས་ཅད་མཁྱེན་པ་ཉིད་གང་ཞེ་ན། དེ་བཞིན་གཤེགས་པས་དུས་གསུམ་པོ་དག་ཏུ་རྣམ་པ་ཐམས་ཅད་དུ་ཆོས་ཐམས་ཅད་ལ་ཐེ་ཚོམ་མེད་པར་མཁྱེན་པ་གང་ཡིན་པ་སྟེ། དེ་ནི་རྣམ་པ་ཐམས་ཅད་མཁྱེན་པ་ཉིད་ཅེས་བྱའོ། །དེ་ལ་ཕ་རོལ་ཏུ་ཕྱིན་པ་དྲུག་གང་ཞེ་ན། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ།་དེ་དག་ནི་ཕ་རོལ་ཏུ་ཕྱིན་པ་དྲུག་ཅེས་བྱའོ། །དེ་ལ་མངོན་པར་ཤེས་པ་དྲུག་གང་ཞེ་ན། འདི་ལྟ་སྟེ། རྫུ་འཕྲུལ་བྱ་བ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། ལྷའི་
Ka337a
༄#། །མིག་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། ལྷའི་རྣ་བ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། ཕ་རོལ་གྱི་སེམས་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། སྔོན་གྱི་གནས་རྗེས་སུ་དྲན་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། ཟག་པ་ཟད་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་སྟེ། དེ་དག་ནི་མངོན་པར་ཤེས་པ་དྲུག་ཅེས་བྱའོ། །དེ་ལ་མིག་ལྔ་གང་ཞེ་ན། འདི་ལྟ་སྟེ། ཤའི་མིག་དང ། ལྷའི་མིག་དང ། ཤེས་རབ་ཀྱི་མིག་དང ། ཆོས་ཀྱི་མིག་དང ། སངས་རྒྱས་ཀྱི་མིག་སྟེ། དེ་དག་ནི་མིག་ལྔ་ཞེས་བྱའོ། །དེ་ལ་དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་གང་ཞེ་ན། འདི་ལྟ་སྟེ། བཅོམ་ལྡན་འདས་ནི་ཞབས་ཤིན་ཏུ་གནས་པ་དང་ལྡན་པ་ཡིན་ནོ། །དེ་ལ་ཞབས་ཤིན་ཏུ་གནས་པ་ནི་འདི་ཡིན་ཏེ། ཞབས་ཀྱི་འོག་གི་མཐིལ་གཉིས་ཐམས་ཅད་ཀྱིས་ས་ལ་ཀུན་ཏུ་རེག་པ་སྟེ། དཔེར་ན། ཟ་མ་ཏོག་གི་ཞབས་མཉམ་ཞིང་ཞབས་ཕྱང་ངེ་བས་གཞི་ཤིན་ཏུ་མཉམ་པ་ལ་བཞག་ན། འོག་གི་ཞབས་ཐམས་ཅད་ཀྱིས་ས་ལ་ཀུན་ཏུ་རེག་པར་འགྱུར་བ་དེ་བཞིན་དུ། བཅོམ་ལྡན་འདས་ནི་ཞབས་ཤིན་ཏུ་གནས་པ་དང་ལྡན་པ་ཡིན་ནོ། །བཅོམ་ལྡན་འདས་ནི་མུ་ཁྱུད་ཁོར་ཡུག་དང་ལྡན་པ་ཡིན་ནོ། །དེ་ལ་མུ་ཁྱུད་ཁོར་ཡུག་དང་ལྡན་པ་ནི་འདི་ཡིན་ཏེ། ཞབས་ཀྱི་འོག་
Ka337b
གི་མཐིལ་གཉིས་ལ་འཁོར་ལོ་རྩིབས་སྟོང་དང་ལྡན་པ། ལྟ་བ་དང་བཅས་པ་མུ་ཁྱུད་དང་བཅས་པ། རྣམ་པ་ཐམས་ཅད་ཡོངས་སུ་རྫོགས་པ་མཛེས་པར་སྐྱེས་པ་གང་དག་ཡིན་པའོ། །བཅོམ་ལྡན་འདས་ནི་ཕྱག་དང་ཞབས་འཇམ་ཞིང་གཞོན་ཤ་ཆགས་པ་ཡིན་ནོ། །དེ་ལ་ཕྱག་དང་ཞབས་འཇམ་ཞིང་གཞོན་ཤ་ཆགས་པ་ཉིད་ནི་འདི་ཡིན་ཏེ། དཔེར་ན། ཤིང་བལ་གྱི་འདའ་བའམ། རས་བལ་གྱི་འདའ་བ་ལྟ་བུ་སྟེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་སོར་མོ་རིང་བ་ཡིན་ནོ། །དེ་ལ་སོར་མོ་རིང་བ་ཉིད་ནི་འདི་ཡིན་ཏེ། དེའི་ཕྱག་དང་ཞབས་ཀྱི་སོར་མོ་དག་ལྷག་པར་རིང་བ་ཡིན་ཏེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་ཕྱག་དང་ཞབས་དྲ་བ་དང་ལྡན་པ་ཡིན་ཏེ། དེའི་ཕྱག་དང་ཞབས་ལ་དྲ་བ་ལྷག་པ་དག་སྐྱེས་ཏེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་རྟིང་པ་ཡངས་པ་དང་ལྡན་པ་ཡིན་ནོ། །དེ་ལ་རྟིང་པ་ཡངས་པ་ནི་འདི་ཡིན་ཏེ། དེའི་ཞབས་ཀྱི་རྟིང་པ་གཉིས་ཀྱི་མཐིལ་ནི་ཡངས་པ་སྟེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་ཞབས་ལོང་མོའི་ཚིགས་མི་མངོན་པ་ཡིན་ནོ། །དེ་ལ་ཞབས་ལོང་མོའི་ཚིགས་མི་མངོན་པ་ཉིད་ནི་འདི་ཡིན་ཏེ། རྟིང་པ་ཡངས་པ་ལ་ཡང་དག་པར་སྦྱོར་ལ། རྟིང་པ་ཡངས་པའང་ཞབས་ལོང་མོའི་ཚིགས་མི་མངོན་པ་ལ་སྦྱོར་བ་སྟེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་
Ka338a
༄#། །བྱིན་པ་རི་དྭགས་ཨེ་ནྱ་ཡའི་ལྟ་བུ་དང་ལྡན་པ་ཡིན་ནོ། །དེ་ལ་བྱིན་པ་རི་དྭགས་ཨེ་ནྱ་ཡའི་ལྟ་བུ་ནི་འདི་ཡིན་ཏེ། དེའི་བྱིན་པ་བྱིན་གྱིས་ཕྲ་བར་སྐྱེས་ཤིང ། བྱིན་གྱིས་ཕྲ་བར་ཡང་དག་པར་བྱུང་བ་སྟེ། དཔེར་ན། རི་དྭགས་ཀྱི་རྒྱལ་པོ་ཨེ་ནྱ་ཡའི་ལྟ་བུ་ཡིན་ནོ། །བཅོམ་ལྡན་འདས་ནི་བཞེངས་བཞིན་དུ་མ་བཏུད་པར་ཕྱག་པུས་མོ་སླེབ་པ་ཡིན་ནོ། །དེ་ལ་བཞེངས་བཞིན་དུ་མ་བཏུད་པར་ཕྱག་པུས་མོ་སླེབ་པ་ནི་འདི་ཡིན་ཏེ། བཅོམ་ལྡན་འདས་ནི་བཞེངས་ན་སྐུ་མ་བཏུད་པར་ཕྱག་གི་མཐིལ་གཉིས་ཀྱིས་རང་གི་པུས་མོའི་ལྷ་ང་ལ་ཡང་དག་པར་རེག་པར་མཛད་ཅིང་ཀུན་ཏུ་ཉུག་པར་མཛད་པ་ཡིན་ནོ། །བཅོམ་ལྡན་འདས་ནི་འདོམས་ཀྱི་སྦ་བ་སྦུབས་སུ་ནུབ་པ་ཡིན་ནོ། །དེ་ལ་འདོམས་ཀྱི་སྦ་བ་སྦུབས་སུ་ནུབ་པ་ཉིད་ནི་འདི་ཡིན་ཏེ། དཔེར་ན་རིགས་བཙུན་པའི་གླང་པོ་ཆེ་ཅང་ཤེས་སམ། རྟ་ཅང་ཤེས་ཀྱི་ལྟ་བུ་ཡིན་ནོ། །བཅོམ་ལྡན་འདས་ནི་སྤུ་རེ་རེ་ནས་མཛེས་པར་སྐྱེས་ཤིང་གཡས་སུ་འཁྱིལ་བ་ཡིན་ནོ། །དེ་ལ་སྤུ་རེ་རེ་ནས་མཛེས་པར་སྐྱེ་ཞིང་གཡས་སུ་འཁྱིལ་བ་ཉིད་ནི་འདི་ཡིན་ཏེ། དེའི་སྤུའི་ཁུང་བུ་རེ་རེ་ནས་སྤུ་རེ་རེ་མཐོན་མཐིང་ལ་ལྕང་ལོར་འཁྱིལ་བ་འཇམ་ཞིང་སྣུམ་ལ་གཡས་སུ་འཁྱིལ་ཅིང་མཛེས་པར་སྐྱེས་པ་ཡིན་ནོ། ། བཅོམ་ལྡན་འདས་ནི་སྐུའི་སྤུ་གྱེན་དུ་ཕྱོགས་པ་དང་ལྡན་པ་ཡིན་ནོ། །དེ་ལ་སྐུའི་སྤུ་གྱེན་དུ་ཕྱོགས་པ་ཉིད་ནི་འདི་ཡིན་ཏེ། དེའི་སྐུ་དང་དབུ་ལས་སྐྱེས་པའི་དབུ་སྐྲ་དང ། སྤུ་རྣམས་ནི་ཁ་གྱེན་དུ་
Ka338b
ལྟས་ཤིང་མཐོན་མཐིང་ལ་ཀུན་ནས་ལྕང་ལོར་འཁྱིལ་བ་འཇམ་ཞིང་སྣུམ་ལ་གཡས་སུ་འཁྱིལ་བ་མཛེས་པར་སྐྱེས་པ་ཡིན་ནོ། །བཅོམ་ལྡན་འདས་ནི་པགས་པ་སྲབ་ཅིང་འཇམ་ལ་སྣུམ་པ་ཡིན་ནོ།། དེ་ལ་པགས་པ་སྲབ་ཅིང་འཇམ་ལ་སྣུམ་པ་ནི་འདི་ཡིན་ཏེ། དེའི་སྐུ་ལ་ཆུའམ་རྡུལ་ཀུན་ཏུ་མི་འཆགས་ཤིང་མི་གནས་པ་ཡིན་ནོ། །བཅོམ་ལྡན་འདས་ནི་མདོག་གསེར་ལྟ་བུ་དང་ལྡན་ཏེ། དཔེར་ན། ཛམྦུ་ཆུ་བོའི་གསེར་གྱི་མཆོད་སྡོང་ལ་རིན་པོ་ཆེ་སྣ་ཚོགས་ཀྱིས་སྤྲས་པ་ལྟར་གཟུགས་བཟང་ཞིང་མཛེས་ལ་ལྟ་ན་སྡུག་པ་ཡིན་ཏེ། དེས་ན་གསེར་གྱི་མདོག་ལྟ་བུ་ཞེས་བྱའོ། །བཅོམ་ལྡན་འདས་ནི་བདུན་མཐོ་བ་ཡིན་ནོ། །དེ་ལ་བདུན་མཐོ་བ་ཉིད་ནི་འདི་ཡིན་ཏེ། དེའི་ཞབས་གཉིས་ཀྱི་གོང་མཐོ་བ་གཉིས་གཟུགས་བཟང་ཞིང་མཛེས་ལ་ལྟ་ན་སྡུག་པ་ཤ་དང་ཁྲག་གིས་ཡོངས་སུ་རྒྱས་པར་གྱུར་པ་དང ། དེ་བཞིན་དུ་ཕྱག་གཉིས་ཀྱི་མཐོ་བ་གཉིས་གཟུགས་བཟང་ཞིང་མཛེས་ལ་ལྟ་ན་སྡུག་པ་ཤ་དང་ཁྲག་གིས་ཡོངས་སུ་རྒྱས་པར་གྱུར་པ་དང ། ཐལ་གོང་གཉིས་སུ་གཉིས་མཐོ་བར་གྱུར་པ་དང ། གཉའ་གོང་དུ་མཐོ་བ་གཅིག་གཟུགས་བཟང་ཞིང་མཛེས་ལ་ལྟ་ན་སྡུག་པ་ཤ་དང་ཁྲག་གིས་ཡོངས་སུ་རྒྱས་པར་གྱུར་པ་ཡིན་ནོ། །བཅོམ་ལྡན་འདས་ནི་དཔུང་མགོ་ཤིན་ཏུ་ཟླུམ་པ་དང་ལྡན་པ་ཡིན་ནོ། །བཅོམ་ལྡན་འདས་ནི་ཐལ་གོང་རྒྱས་པ་དང་ལྡན་པ་ཡིན་ནོ། །བཅོམ་ལྡན་འདས་ནི་སྐུ་ཤིན་ཏུ་དྲང་པོར་འཁྲུངས་པ་ཡིན་ནོ། །བཅོམ་ལྡན་འདས་ནི་
Ka339a
༄#། །སྐུ་ནྱ་གྲོ་དྷ་ལྟར་ཆུ་ཞེང་གབ་པ་ཡིན་ནོ། །དེ་ལ་ནྱ་གྲོ་དྷ་ལྟར་ཆུ་ཞེང་གབ་པ་ཉིད་ནི་འདི་ཡིན་ཏེ། ཆུར་ཇི་སྲིད་པ་ཞེང་དུའང་དེ་སྲིད་ལ། ཞེང་དུ་ཇི་སྲིད་པ་ཆུར་ཡང་དེ་སྲིད་དེ། དེ་ནི་ནྱ་གྲོ་དྷ་ལྟར་ཆུ་ཞེང་གབ་པ་ཞེས་བྱའོ། །བཅོམ་ལྡན་འདས་ནི་འགྲམ་པ་སེངྒེའི་དང་འདྲ་བ་ཡིན་ནོ། །བཅོམ་ལྡན་འདས་ནི་ཚེམས་བཞི་བཅུ་མངའ་བ་ཡིན་ནོ། །བཅོམ་ལྡན་འདས་ནི་ཚེམས་ཐགས་བཟང་བ་ཡིན་ནོ། །བཅོམ་ལྡན་འདས་ནི་ཚེམས་རྩེ་མོ་མཐོ་ཞིང་རྣོ་ལ་དཀར་བ་ཡིན་ནོ། །བཅོམ་ལྡན་འདས་ནི་རོ་བྲོ་བའི་མཆོག་དང་ལྡན་པ་ཡིན་ཏེ། དེ་ནི་མགུར་དྲང་པོར་མིད་པ་དྲང་ཞིང་མ་ཡོ་ལ་ཐོགས་པ་མེད་པར་མིད་དུ་རུང་བར་གྱུར་པ་ཡིན་ནོ། །བཅོམ་ལྡན་འདས་ནི་ལྗགས་རིང་ཞིང་སྲབ་པ་ཡིན་ནོ། །དེ་ལ་ལྗགས་རིང་ཞིང་སྲབ་པ་ཉིད་ནི་འདི་ཡིན་ཏེ། དེ་བཞིན་གཤེགས་པ་བཞེངས་ན་ཞལ་ནས་ལྗགས་ཕྱུང་སྟེ། ཤངས་ཀྱི་བུ་ག་གཉིས་དང ། སྤྱན་གྱི་ཁུང་བུ་གཉིས་དང ། སྙན་གྱི་བུ་ག་གཉིས་སུ་རེག་པར་མཛད་ཅིང་ཡོངས་སུ་ཉུག་པར་མཛད་ལ། དབུའི་མཚམས་སུ་ཐུག་པའི་ཞལ་གྱི་དཀྱིལ་འཁོར་ཐམས་ཅད་ཀྱང་འགེབས་པར་མཛད་པ་ཡིན་ནོ། །བཅོམ་ལྡན་འདས་ནི་ཚངས་པའི་དབྱངས་དང་ལྡན་པ་ཡིན་ནོ། །བཅོམ་ལྡན་འདས་ནི་སྤྱན་ཡངས་ཤིང་བའི་རྫི་མ་ལྟ་བུ་ཡིན་ནོ། །བཅོམ་ལྡན་འདས་ནི་སྤྱན་མཐོན་མཐིང་ལྟ་བུ་དང་ལྡན་པ་ཡིན་ནོ། །བཅོམ་ལྡན་འདས་ནི་སྤྱན་གྱི་
Ka339b
ཚོགས་ཡོངས་སུ་རྫོགས་པ་ཡིན་ནོ། །བཅོམ་ལྡན་འདས་ནི་འོད་འདོམ་གང་བ་ཡིན་ནོ། །བཅོམ་ལྡན་འདས་ནི་ཞལ་ཟླ་བ་ཉ་བ་ལྟ་བུ་ཡིན་ནོ། །བཅོམ་ལྡན་འདས་ནི་མཛོད་སྤུ་སྨིན་མཚམས་སུ་འཁྲུངས་ལ་ཤིང་བལ་ལྟར་འཇམ་ཞིང་མེ་ཏོག་ཀུནད་དང ། ཟླ་བ་དང ། དུང་དང ། པདྨའི་རྩ་ལག་དང ། བའི་འོ་མ་དང ། བ་མོའི་མདོག་ལྟ་བུ་དང་ལྡན་པ་ཡིན་ནོ། །བཅོམ་ལྡན་འདས་ནི་དབུ་གཙུག་ཏོར་དང་ལྡན་པ་ཡིན་ཏེ། དེ་དག་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཞེས་བྱའོ། །དེ་ལ་དཔེ་བྱད་བཟང་པོ་བརྒྱད་ཅུ་གང་ཞེ་ན། འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་ནི་སེན་མོ་ཟངས་ཀྱི་མདོག་ལྟ་བུ་དང་ལྡན་པ་ཡིན་ནོ། །སྲེད་མེད་ཀྱི་བུ་ལྟར་སྐུ་གྲིམས་པ་ཡིན་ནོ། །པུས་མོའི་ལྷ་ང་དག་མཛེས་པར་གྲུབ་པ་ཡིན་ནོ། །སྐུ་གཙང་བ་དག་ཡིན་ནོ། །སྐུ་འཇམ་པ་དག་ཡིན་ནོ།། སྐུ་གཉེན་པ་དག་ཡིན་ནོ། །སྐུ་སྣུམ་བག་ཅན་དག་ཡིན་ནོ། །སྐུ་མ་བཏུད་པ་དག་ཡིན་ནོ། །སོར་མོ་རྣམས་རིང་བ་དང་བྱིན་གྱིས་ཕྲ་བ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་སོར་མོ་རྣམས་ཟླུམ་པ་དག་ཡིན་ནོ། །སོར་མོ་རྣམས་བྱིན་གྱིས་ཕྲ་བ་དག་ཡིན་ནོ། །རྩ་རྣམས་མི་མངོན་པ་དག་ཡིན་ནོ། །ལོང་བུ་རྣམས་མི་མངོན་པ་དག་ཡིན་ནོ། །སྐུ་དབྱིབས་ལེགས་པ་དག་ཡིན་ནོ། །སྐུ་ཤིན་ཏུ་ལེགས་པར་འབྲེལ་བ་དག་ཡིན་ནོ། །སྐྱེ་མཆེད་རྣམས་ཤིན་ཏུ་ཡོངས་སུ་དག་པ་དག་ཡིན་ནོ། །མཁྱེན་པ་ཡོངས་སུ་དག་པ་དག་ཡིན་ནོ། །སྤྱོད་ལམ་
Ka340a
༄#། །ཕུན་སུམ་ཚོགས་པ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་དཔལ་དང་བློ་གྲོས་དང་ལྡན་པ་དག་ཡིན་ནོ། །ལྟ་བར་འོས་པ་དག་ཡིན་ནོ། །ཞལ་ཧ་ཅང་མི་རིང་བ་དག་ཡིན་ནོ། །ཞལ་ཀང་ཀོང་མེད་པ་དག་ཡིན་ནོ། །སྒྲོས་བིམྤ་ལྟར་དམར་བ་དག་ཡིན་ནོ། །ཞལ་ཡོངས་སུ་རྒྱས་པ་དག་ཡིན་ནོ། །དབྱངས་ཟབ་པ་དག་ཡིན་ནོ། ། ལྟེ་བ་ཟབ་པ་དག་ཡིན་ནོ། །ལྟེ་བ་ཤིན་ཏུ་ཟླུམ་པ་དག་ཡིན་ནོ། །ལྟེ་བ་གཡས་སུ་འཁྱིལ་བ་དག་ཡིན་ནོ། །ཕྱག་དང་ཞབས་ཡོངས་སུ་རྒྱས་པ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་ཕྱག་དང་ཞབས་ཇི་ལྟར་དགོངས་པ་བཞིན་དང་ལྡན་པ་དག་ཡིན་ནོ། །ཕྱག་གི་མཐིལ་མཉམ་པ་དག་ཡིན་ནོ། །ཕྱག་གི་རི་མོ་བར་མ་ཆད་པ་དག་ཡིན་ནོ། ། ཕྱག་གི་རི་མོ་མཐོ་བ་དག་ཡིན་ནོ། །སྐུ་ལ་དྲི་མ་མེད་ཅིང་དྲི་མི་ཞིམ་པ་མེད་པ་དག་ཡིན་ནོ། །མདོག་གསལ་བ་དག་ཡིན་ནོ། །སྐྱེ་མཆེད་ཀྱི་སྒོ་བཟང་བ་དག་ཡིན་ནོ། །ཞལ་ཟླ་བ་ལྟ་བུ་དག་ཡིན་ནོ། །གསོང་པོར་གསུང་བ་དག་ཡིན་ནོ། །ཞལ་ལ་ཁྲོ་གཉེར་གྱི་རིམ་པ་མེད་པ་དག་ཡིན་ནོ། །སྤུའི་ཁུང་བུ་ཐམས་ཅད་ནས་དྲི་ཡིད་དུ་འོང་བ་འབྱུང་བ་དག་ཡིན་ནོ། ། དེ་དག་གི་ཞལ་དྲི་ཞིམ་པ་དག་ཡིན་ནོ། །སེངྒེའི་སྟབས་སུ་གཤེགས་པ་དག་ཡིན་ནོ། །གླང་པོ་ཆེའི་དབང་པོའི་སྟབས་སུ་གཤེགས་པ་དག་ཡིན་ནོ། །ངང་པའི་སྟབས་སུ་གཤེགས་
Ka340b
པ་དག་ཡིན་ནོ། །དབུ་གདུགས་འདྲ་བ་དག་ཡིན་ནོ། །གསུང་སྙན་ཅིང་རྣམ་པ་ཐམས་ཅད་ཡོངས་སུ་རྫོགས་པ་དག་ཡིན་ནོ། །ཚེམས་མཆེ་བ་རྣོ་བ་དང་ལྡན་པ་དག་ཡིན་ནོ། །ཤངས་མཐོ་བ་དག་ཡིན་ནོ། །ལྗགས་དམར་བ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་ལྗགས་སྲབ་ཅིང་ཆེ་བ་དག་ཡིན་ནོ། །སྤུ་མཐོན་མཐིང་ཅན་དག་ཡིན་ནོ། །སྤུ་གཙང་བ་དག་ཡིན་ནོ། །སྤྱན་ཡངས་པ་དག་ཡིན་ནོ། །བུ་གའི་སྒོ་རྣམས་ཡོངས་སུ་མ་ཉམས་པ་དག་ཡིན་ནོ། །ཕྱག་དང་ཞབས་ཀྱི་མཐིལ་དམར་བ་དག་ཡིན་ནོ། །ལྟེ་བ་མ་བྱེ་བ་དག་ཡིན་ནོ། །སྐུ་མ་རྙོངས་པ་དག་ཡིན་ནོ། །ཕྱལ་ཕྱང་ངེ་བ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་སྐུ་ལ་གཉེར་མ་མེད་པ་དག་ཡིན་ནོ། །ཚིགས་མཛེས་པ་དག་ཡིན་ནོ། །ཚིགས་རིང་བ་དག་ཡིན་ནོ། །ཕྱག་དང་ཞབས་ཡོངས་སུ་དག་པ་དག་ཡིན་ནོ། །འོད་འདོམ་གང་མཉམ་པ་དག་ཡིན་ནོ། །འོད་ཀྱིས་གསལ་བར་མཛད་ཅིང་གཤེགས་པ་དག་ཡིན་ནོ། །ལྷ་དང་མི་གང་དག་དེ་དག་གི་སྐུ་མཐོང་བ་དེ་དང་ཚིམ་པར་འགྱུར་རོ། །སྲོག་ཆགས་ཐམས་ཅད་ཀྱིས་མཐོང་ཡང་བརྙས་པར་མི་བྱེད་དོ། །སེམས་ཅན་རྣམས་ལ་རྗེས་སུ་སྟོན་པར་མཛད་དོ། །དེ་དག་གི་གསུང་ནི་འཁོར་དང་མཐུན་པར་ཁྱབ་པར་མཛད་ཀྱི་འཁོར་གྱི་ཕྱི་རོལ་ཏུ་གསུང་མི་འགྲོའོ། ། རོ་སྟོད་སེངྒེའི་ལྟ་བུ་དག་ཡིན་ནོ། །སྐུའི་ཚིགས་ལེགས་པར་འབྲེལ་པ་དག་ཡིན་ནོ། །སྤྱི་གཙུག་བལྟར་མི་མངོན་པ་དག་ཡིན་ནོ། །དབུ་སྐྲ་མཐོན་མཐིང་ལ་འཇམ་ཞིང་རིང་བ་དག་ཡིན་ནོ། །དབུ་སྐྲ་མ་
Ka341a
༄#། །འཁྲུགས་པ་དག་ཡིན་ནོ། །དབུ་སྐྲ་གྱེན་དུ་ཕྱོགས་ཤིང་བཟང་ལ་ལྕང་ལོར་འཁྱིལ་བ་དག་ཡིན་ནོ། །དབུ་སྐྲ་མ་འཛིངས་པ་དག་ཡིན་ནོ། །ཐུགས་ཀར་དཔལ་གྱི་བེའུས་ལེགས་པར་བརྒྱན་པ་དང་ལྡན་པ་དག་ཡིན་ནོ། །ཕྱག་དང་ཞབས་ཀྱི་མཚན་དཔལ་གྱིས་འབར་བ་དང་ལྡན་པ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་མཚལ་དང ། ལྡོང་རོས་དང ། ཙི་ན་པིཥྚ་དང ། མཐིང་ཤུན་དང ། ཟངས་གཡའི་ཁ་དོག་གིས་བྲིས་པ་ལྟ་བུའི་མཚན་རྣམས་དང་ལྡན་པ་ཡིན་ཏེ། དེ་དག་ནི་དཔེ་བྱད་བཟང་པོ་བརྒྱད་ཅུ་ཞེས་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཆོས་ཐམས་ཅད་ལ་མངོན་པར་ཞེན་པར་མི་བགྱི་ན། དེས་ན་བྱང་ཆུབ་སེམས་དཔའ་རྣམས་ཀྱིས་ཆོས་ཐམས་ཅད་ཐ་དད་པར་ཡང་དག་པར་རྗེས་སུ་མི་མཐོང་ལགས་ཏེ། འདི་ལྟ་སྟེ། འདི་དག་ནི་དགེ་བའི་ཆོས་རྣམས་སོ། །འདི་དག་ནི་མི་དགེ་བའི་ཆོས་རྣམས་སོ། །འདི་དག་ནི་ལུང་དུ་བསྟན་པའི་ཆོས་རྣམས་སོ། །འདི་དག་ནི་ལུང་དུ་མ་བསྟན་པའི་ཆོས་རྣམས་སོ། །འདི་དག་ནི་འཇིག་རྟེན་པའི་ཆོས་རྣམས་སོ། །འདི་དག་ནི་འཇིག་རྟེན་ལས་འདས་པའི་ཆོས་རྣམས་སོ། །འདི་དག་ནི་ཟག་པ་དང་བཅས་པའི་ཆོས་རྣམས་སོ། །འདི་དག་ནི་ཟག་པ་མ་མཆིས་པའི་ཆོས་
Ka341b
རྣམས་སོ། །འདི་དག་ནི་འདུས་བྱས་ཀྱི་ཆོས་རྣམས་སོ། །འདི་དག་ནི་འདུས་མ་བྱས་ཀྱི་ཆོས་རྣམས་སོ། །འདི་དག་ནི་ཐུན་མོང་གི་ཆོས་རྣམས་སོ། །འདི་དག་ནི་ཐུན་མོང་མ་ལགས་པའི་ཆོས་རྣམས་སོ་ཞེས་བགྱི་བར་ཡང་དག་པར་རྗེས་སུ་མི་མཐོང་ན། བྱང་ཆུབ་ཀྱི་ལམ་ཇི་ལྟར་བསྒྲུབ་པར་བགྱིད་ལགས། མ་བསྒྲུབས་ན་ཇི་ལྟར་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་པར་འགྱུར་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱིས་ཆོས་ཐམས་ཅད་ཐ་དད་པར་མཐོང་མོད་ཀྱི། དེ་ནི་ཀུན་རྫོབ་ཏུ་ཡིན་གྱི། དོན་དམ་པར་ནི་མ་ཡིན་ནོ། །གསོལ་པ། བཅོམ་ལྡན་འདས། ཇི་ལྟར་ན་ཀུན་རྫོབ་ཏུ་ལགས་ཀྱི། དོན་དམ་པར་ནི་མ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་འདི་སྙམ་དུ་དེ་ལ་འཇིག་རྟེན་པའི་ཆོས་དགེ་བ་རྣམས་གང་ཡིན་སྙམ་དུ་སེམས་པ་ལས་དེ་འདི་སྙམ་དུ་འདི་ལྟ་སྟེ། ཕར་འཛིན་པ་དང ། མར་འཛིན་པ་དང ། དགེ་སྦྱོང་དུ་འཛིན་པ་དང ། བྲམ་ཟེར་འཛིན་པ་དང ། རིགས་ཀྱི་གཙོ་བོ་ལ་རིམ་གྲོ་བྱེད་པ་དང ། སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་དང།་ཚུལ་ཁྲིམས་ལས་བྱུང་བ་དང ། བསྒོམ་པ་ལས་བྱུང་བའི་བསོད་ནམས་བྱ་བའི་དངོས་པོ་དང ། ཞལ་ཏ་བྱེད་པ་དང་ལྡན་པའི་བསོད་ནམས་དང ། ཐབས་ལ་མཁས་པ་དང་
Ka342a
༄#། །ལྡན་པའི་བསོད་ནམས་དང ། དགེ་བ་བཅུའི་ལས་ཀྱི་ལམ་རྣམས་དང ། འཇིག་རྟེན་པའི་རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིགས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་བརྣགས་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང ། རྣམ་པར་ཚིག་པའི་འདུ་ཤེས་དང ། དེ་བཞིན་དུ་བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། སངས་རྒྱས་རྗེས་སུ་དྲན་པ་དང ། ཆོས་རྗེས་སུ་དྲན་པ་དང ། དགེ་འདུན་རྗེས་སུ་དྲན་པ་དང ། ཚུལ་ཁྲིམས་རྗེས་སུ་དྲན་པ་དང ། གཏོང་བ་རྗེས་སུ་དྲན་པ་དང ། ལྷ་རྗེས་སུ་དྲན་པ་དང ། ཉེ་བར་ཞི་བ་རྗེས་སུ་དྲན་པ་དང ། དབུགས་རྔུབ་པ་དང ། འབྱུང་བ་རྗེས་སུ་དྲན་པ་དང ། ལུས་སུ་གཏོགས་པ་རྗེས་སུ་དྲན་པ་དང ། འཆི་བ་རྗེས་སུ་དྲན་པ་སྟེ། དེ་དག་ནི་འཇིག་རྟེན་པའི་དགེ་བའི་ཆོས་རྣམས་ཡིན་ནོ་སྙམ་དུ་སེམས་སོ། །དེ་ལ་མི་དགེ་བའི་ཆོས་རྣམས་གང་ཡིན་སྙམ་པ་ལས་དེ་འདི་སྙམ་དུ་འདི་ལྟ་སྟེ། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་འཁྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་
Ka342b
ལྟ་བ་དང ། ཁྲོ་བ་དང ། ཁོན་དུ་འཛིན་པ་དང ། འཆབ་པ་དང ། འཚིག་པ་དང ། རྣམ་པར་འཚེ་བ་དང ། ཕྲག་དོག་དང ། སེར་སྣ་དང ། ང་རྒྱལ་ཏེ། དེ་དག་ནི་མི་དགེ་བའི་ཆོས་རྣམས་ཡིན་ནོ་སྙམ་དུ་སེམས་སོ། །དེ་ལ་ལུང་དུ་མ་བསྟན་པའི་ཆོས་རྣམས་གང་ཡིན་སྙམ་པ་ལས། དེ་འདི་སྙམ་དུ་འདི་ལྟ་སྟེ། ལུས་ཀྱི་ལས་ལུང་དུ་མ་བསྟན་པ་དང ། ངག་གི་ལས་ལུང་དུ་མ་བསྟན་པ་དང ། ཡིད་ཀྱི་ལས་ལུང་དུ་མ་བསྟན་པ་རྣམས་དང ། འབྱུང་བ་ཆེན་པོ་བཞི་ལུང་དུ་མ་བསྟན་པ་དང ། དབང་པོ་ལྔ་ལུང་དུ་མ་བསྟན་པ་དང ། ཕུང་པོ་ལྔ་ལུང་དུ་མ་བསྟན་པ་དང ། སྐྱེ་མཆེད་བཅུ་གཉིས་དང ། ཁམས་བཅོ་བརྒྱད་དང ། རྣམ་པར་སྨིན་པ་སྟེ། དེ་དག་ནི་ལུང་དུ་མ་བསྟན་པའི་ཆོས་རྣམས་ཡིན་ནོ་སྙམ་དུ་སེམས་སོ། །དེ་ལ་འཇིག་རྟེན་ལས་འདས་པའི་ཆོས་རྣམས་གང་ཡིན་སྙམ་པ་ལས། དེ་འདི་སྙམ་དུ་འདི་ལྟ་སྟེ། དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། མི་ཤེས་པ་ཀུན་ཤེས་པར་བྱེད་པའི་དབང་པོ་དང ། ཀུན་ཤེས་པའི་དབང་པོ་དང ། ཀུན་ཤེས་པ་དང་ལྡན་པའི་དབང་པོ་དང ། རྟོག་པ་དང་བཅས། དཔྱོད་པ་དང་བཅས་པའི་ཏིང་ངེ་འཛིན་དང ། རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་
Ka343a
༄#། །དང ། མི་རྟོག་མི་དཔྱོད་པའི་ཏིང་ངེ་འཛིན་དང ། ནང་སྟོང་པ་ཉིད་ནས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དེ། དེ་དག་ནི་འཇིག་རྟེན་ལས་འདས་པའི་ཆོས་རྣམས་ཡིན་ནོ་སྙམ་དུ་སེམས་སོ། །དེ་ལ་ཟག་པ་དང་བཅས་པའི་ཆོས་རྣམས་གང་ཞེ་ན། ཁམས་གསུམ་དུ་གཏོགས་པ། ཕུང་པོ་ལྔ་དང ། སྐྱེ་མཆེད་བཅུ་གཉིས་དང ། ཁམས་བཅོ་བརྒྱད་དང ། བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སེམས་པར་འཇུག་པ་བཞི་སྟེ། དེ་དག་ནི་ཟག་པ་དང་བཅས་པའི་ཆོས་རྣམས་ཞེས་བྱའོ། །དེ་ལ་ཟག་པ་མེད་པའི་ཆོས་རྣམས་གང་ཞེ་ན། དྲན་པ་ཉེ་བར་བཞག་པ་བཞི་དང ། དེ་བཞིན་དུ་བསྡུས་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་སྟེ། དེ་དག་ནི་ཟག་པ་མེད་པའི་ཆོས་རྣམས་ཡིན་ནོ། །དེ་ལ་འདུས་བྱས་ཀྱི་ཆོས་རྣམས་གང་ཞེ་ན། འདི་ལྟ་སྟེ། འདོད་པའི་ཁམས་དང ། གཟུགས་ཀྱི་ཁམས་དང ། གཟུགས་མེད་པའི་ཁམས་དང ། དེ་བཞིན་དུ་ཕུང་པོ་ལྔ་དང ། བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། དྲན་པ་ཉེ་བར་བཞག་པ་བཞི་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་
Ka343b
དེ་བཞིན་དུ་སྦྱར་བར་བྱ་སྟེ། དེ་དག་ནི་འདུས་བྱས་ཀྱི་ཆོས་རྣམས་ཡིན་ནོ། །དེ་ལ་འདུས་མ་བྱས་ཀྱི་ཆོས་རྣམས་གང་ཞེ་ན། ཆོས་གང་དག་ལ་སྐྱེ་བ་མེད་པ་དང ། གནས་པ་མེད་པ་དང ། འཇིག་པ་མེད་པ་དང ། གཞན་དུ་འགྱུར་བ་མེད་པ་དང ། དེ་བཞིན་དུ་འདོད་ཆགས་ཟད་པ་དང ། ཞེ་སྡང་ཟད་པ་དང ། གཏི་མུག་ཟད་པ་དང ། དེ་བཞིན་དུ་ཆོས་གནས་པ་དང ། ཆོས་ཉིད་དང ། ཆོས་ཀྱི་དབྱིངས་དང ། ཆོས་སྐྱོན་མེད་པ་ཉིད་དང ། དེ་བཞིན་ཉིད་དང ། མ་ནོར་བ་དེ་བཞིན་ཉིད་དང ། གཞན་མ་ཡིན་པ་དེ་བཞིན་ཉིད་དང ། ཡང་དག་པའི་མཐའ་སྟེ། དེ་དག་ནི་འདུས་མ་བྱས་ཀྱི་ཆོས་རྣམས་ཞེས་བྱའོ། །དེ་ལ་ཐུན་མོང་བའི་ཆོས་རྣམས་གང་ཞེ་ན། འདི་ལྟ་སྟེ། བསམ་གཏན་བཞི་དང ། ཚད་མད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། མངོན་པར་ཤེས་པ་ལྔ་སྟེ། དེ་དག་ནི་སོ་སོའི་སྐྱེ་བོ་རྣམས་དང་ཐུན་མོང་གི་ཆོས་རྣམས་ཡིན་ནོ། །དེ་ལ་སོ་སོའི་སྐྱེ་བོ་རྣམས་དང་ཐུན་མོང་མ་ཡིན་པའི་ཆོས་རྣམས་གང་ཞེ་ན། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང ། སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། རྣམ་པར་ཐར་པའི་སྒོ་གསུམ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་སྟེ། དེ་དག་ནི་ཐུན་མོང་མ་ཡིན་པའི་ཆོས་རྣམས་ཞེས་བྱ་སྟེ། ཤཱ་རདྭ་ཏིའི་བུ། དེ་ལྟར་ན་ཀུན་རྫོབ་ཏུ་བྱང་ཆུབ་སེམས་དཔའ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི།
Ka344a
༄#། །དོན་དམ་པར་ནི་མངོན་པར་ཞེན་པར་མི་བྱེད་དོ། །ཇི་ལྟར་མངོན་པར་ཞེན་པར་མི་བྱེད་ཅེ་ན། ཤཱ་རདྭ་ཏིའི་བུ། འདི་ལྟ་སྟེ། དཔེར་ན། མི་ལ་ལ་ཞིག་གིས་སྒྱུ་མ་སྤྲུལ་བའི་དཔུང་གི་ཚོགས་ཡན་ལག་བཞི་པ་འདི་ལྟ་སྟེ། གླང་པོ་ཆེའི་ཚོགས་དང ། རྟའི་ཚོགས་དང ། ཤིང་རྟའི་ཚོགས་དང ། དཔུང་བུ་ཆུང་གི་ཚོགས་ཤིག་མཐོང་ན། དེ་ལ་དཔུང་གི་ཚོགས་ཡིན་ནོ། ། སྙམ་དུ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་ནི་མི་བྱེད་དོ། །ཤཱ་རདྭ་ཏིའི་བུ། དཔེར་ན། མི་ལ་ལ་ཚ་བས་གདུངས་པ་ཞིག་གིས་སྨིག་རྒྱུ་རྣམ་པ་སྣ་ཚོགས་དཔའ་རླབས་འདྲ་བར་གཡོ་བ་མཐོང་ན། འདི་ནི་ཆུ་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དཔེར་ན། མི་ལ་ལ་ཞིག་གིས་རྨི་ལམ་ན་གཟུགས་རྣམ་པ་སྣ་ཚོགས་པ་དག་མཐོང་ཡང་སད་ནས་དེ་དག་གི་གཟུགས་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ།་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དཔེར་ན། མི་ལ་ལ་
Ka344b
ཞིག་གིས་ཆུའི་ནང་ན་ཟླ་བ་མཐོང་ན་དེ་དེ་ལ་ཟླ་བ་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དཔེར་ན། མི་ལ་ལ་ཞིག་གིས་མིག་གཡོར་མཐོང་ན་དེ་ལ་དངོས་པོར་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ།་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། ཆོས་ཐམས་ཅད་ལ་དངོས་པོར་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ།་དཔེར་ན། མི་ལ་ལ་ཞིག་གིས་རྫུ་འཕྲུལ་གྱིས་ནམ་མཁའ་ལ་འགྲོའང་དེ་ལ་ནམ་མཁའོ་སྙམ་དུ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་རྣམ་པར་དཔྱད་ན། ཆོས་དེ་དག་ཐམས་ཅད་ཉིད་ལ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དཔེར་ན། མི་ལ་ལ་ཞིག་གིས་བྲག་ཅའི་སྒྲ་ཐོས་ན་སྒྲ་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དཔེར་ན། མི་ལ་ལ་ཞིག་གིས་དྲི་ཟའི་གྲོང་ཁྱེར་མཐོང་ན། དེ་དེ་ལ་གྲོང་ཁྱེར་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་
Ka345a
༄#། །བུ།་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དཔེར་ན། མི་ལ་ལ་ཞིག་གིས་མེ་ལོང་གི་ནང་དུ་བཞིན་གྱི་གཟུགས་བརྙན་མཐོང་ན་འདི་བཞིན་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། ཆོས་དེ་དག་ལ་མངོན་པར་ཞེན་པར་མི་བྱེད་དོ། །ཆོས་རྣམས་ལ་མངོན་པར་མ་ཞེན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཆོས་ཐམས་ཅད་ཀྱི་ལེའུ་ཞེས་བྱ་སྟེ་གཉིས་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའི་མངོན་པར་ཞེན་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་ཆོས་ཐམས་ཅད་ལ་ལྟ་བ་ཡོངས་སུ་
Ka345b
འཛིན་པ་དང ། སེམས་རྣམ་པར་རྨོངས་པ་གང་ཡིན་པ་དེ་ནི་མངོན་པར་ཞེན་པ་ཞེས་བྱའོ། །གསོལ་པ། བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་ལྟ་བ་ཡོངས་སུ་འཛིན་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཕུང་པོ་དང ། སྐྱེ་མཆེད་དང ། ཁམས་དང ། འཕགས་པའི་བདེན་པ་དང ། རྟེན་ཅིང་འབྲེལ་པར་འབྱུང་བར་ལྟ་བ་གང་ཡིན་པ་དང ། དེ་བཞིན་དུ་དྲན་པ་ཉེ་བར་བཞག་པ་དང ། ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པར་ལྟ་བ་དང ། བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པར་ལྟ་བ་དང ། དེ་བཞིན་དུ་འདུ་ཤེས་སུ་ལྟ་བ་དང ། རྗེས་སུ་དྲན་པར་ལྟ་བ་དང ། འདུ་ཤེས་ཀྱི་རྣམ་པར་ལྟ་བ་དང ། ཤེས་པར་ལྟ་བ་དང ། ཏིང་ངེ་འཛིན་དུ་ལྟ་བ་དང།་དབང་པོར་ལྟ་བ་དང ། ཟིལ་གྱིས་གནོན་པའི་སྐྱེ་མཆེད་དུ་ལྟ་བ་དང ། ཟད་པར་གྱི་སྐྱེ་མཆེད་དུ་ལྟ་བ་དང ། སྟོང་པ་ཉིད་དུ་ལྟ་བ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་དང ། སོ་སོ་ཡང་དག་པར་རིག་པ་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང ། ཐམས་ཅད་ཤེས་པ་ཉིད་
Ka346a
༄#། །དང ། ལམ་གྱི་རྣམ་པ་ཤེས་པ་ཉིད་དུ་ལྟ་བ་དང ། དེ་བཞིན་དུ་ཕ་རོལ་ཏུ་ཕྱིན་པར་ལྟ་བ་དང ། མངོན་པར་ཤེས་པར་ལྟ་བ་དང ། མིང་དུ་ལྟ་བ་དང ། མཚན་དུ་ལྟ་བ་དང ། དཔེ་བྱད་བཟང་པོར་ལྟ་བ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་ལྟ་བ་ཡོངས་སུ་འཛིན་པ་ཡིན་ནོ། །གསོལ་པ། བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་སེམས་རྣམ་པར་རྨོངས་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཕུང་པོ་ལྔ་ནས། རྒ་ཤིའི་བར་དུ་དེ་བཞིན་དུ་སྦྱར་བ་དང ། དྲན་པ་ཉེ་བར་བཞག་པ་བཞི་ནས། འཕགས་པའི་ལམ་ཡན་ལག་བརྒྱད་པའི་བར་དུ་དེ་བཞིན་དུ་སྦྱར་བ་དང ། རྣམ་པར་ཐར་པའི་སྒོ་གསུམ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དེ་བཞིན་དུ་སྦྱར་བ་དང ། དེ་བཞིན་གཤེགས་པའི་སྟོབས་བཅུ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དེ་བཞིན་དུ་སྦྱར་བ་དང ། དེ་བཞིན་དུ་སྦྱར་ཏེ། ཕ་རོལ་ཏུ་ཕྱིན་པ་དྲུག་དང ། དཔེ་བྱད་བཟང་པོ་བརྒྱད་ཅུའི་བར་དག་རྟག་པའམ། མི་རྟག་པའམ། བདེ་བའམ། སྡུག་བསྔལ་པའམ། བདག་ཡོད་པའམ། བདག་མེད་པའམ། སྟོང་པའམ། མི་སྟོང་པའམ། མཚན་མ་ཡོད་པའམ། མཚན་མ་
Ka346b
མེད་པའམ། སྨོན་པ་ཡོད་པའམ། སྨོན་པ་མེད་པའམ། ཞི་བའམ། མ་ཞི་བའམ། དབེན་པའམ། མི་དབེན་པའམ། ཀུན་ནས་ཉོན་མོངས་པའམ། རྣམ་པར་བྱང་བའམ། སྐྱེ་བའམ། མི་སྐྱེ་བའམ། འགག་པའམ། མི་འགག་པའམ། དངོས་པོའམ། དངོས་པོ་མེད་པར་ལྟ་ཞིང་དམིགས་ལ་འཛིན་ཅིང་མཚན་མར་བྱེད་པ་དང ། རྟོག་པ་དང་ཡོངས་སུ་དཔྱོད་པར་བྱེད་པ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་སེམས་རྣམ་པར་རྨོངས་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་འདི་དག་ནི་དགེ་བའི་ཆོས་རྣམས་སོ། །འདི་དག་ནི་མི་དགེ་བའི་ཆོས་རྣམས་སོ། །འདི་དག་ནི་ལུང་དུ་བསྟན་པའི་ཆོས་རྣམས་སོ། །འདི་དག་ནི་ལུང་དུ་མ་བསྟན་པའི་ཆོས་རྣམས་སོ། །འདི་དག་ནི་འཇིག་རྟེན་པའི་ཆོས་རྣམས་སོ། །འདི་དག་ནི་འཇིག་རྟེན་ལས་འདས་པའི་ཆོས་རྣམས་སོ། །འདི་དག་ནི་ཟག་པ་དང་བཅས་པའི་ཆོས་རྣམས་སོ། ། འདི་དག་ནི་ཟག་པ་མེད་པའི་ཆོས་རྣམས་སོ། །འདི་དག་ནི་འདུས་བྱས་ཀྱི་ཆོས་རྣམས་སོ། །འདི་དག་ནི་འདུས་མ་བྱས་ཀྱི་ཆོས་རྣམས་སོ། །འདི་དག་ནི་ཐུན་མོང་གི་ཆོས་རྣམས་སོ། །འདི་དག་ནི་ཐུན་མོང་མ་ཡིན་པའི་ཆོས་རྣམས་སོ་ཞེས་བྱ་བར་ལྟ་ཞིང་དམིགས་ལ་འཛིན་ཅིང་མཚན་མར་བྱེད་པ་དང ། རྟོག་པ་དང་ཡོངས་སུ་དཔྱོད་པར་བྱེད་ན། ཤཱ་རདྭ་ཏིའི་བུ། དེ་ནི་བྱང་
Ka347a
༄#། །ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་སེམས་རྣམ་པར་རྨོངས་པ་ཞེས་བྱའོ། །དེ་ཅིའི་ཕྱིར་ཞེ་ན། སེམས་ཅན་མེད་པའི་ཕྱིར་དང ། སེམས་ཅན་མི་དམིགས་པ་ཉིད་ཀྱི་ཕྱིར་དང ། སེམས་ཅན་སྐྱེ་བ་མེད་པའི་ཕྱིར་དང ། སེམས་ཅན་འགག་པ་མེད་པའི་ཕྱིར་དང ། སེམས་ཅན་སྟོང་པ་ཉིད་ཀྱི་ཕྱིར་རོ། །དེ་བཞིན་དུ་སྲོག་དང ། གསོ་བ་དང ། སྐྱེས་བུ་དང ། གང་ཟག་དང ། ཤེད་ལས་སྐྱེས་པ་དང ། ཤེད་བུ་དང ། བྱེད་པ་པོ་དང ། བྱེད་པ་པོ་ཉིད་དང ། སློང་བ་པོ་དང ། ཀུན་ནས་སློང་བ་པོ་དང ། ཚོར་བ་པོ་དང ། ཚོར་བར་བྱེད་པ་པོ་དང ། ཤེས་པ་པོ་དང ། མཐོང་བ་པོ་མེད་པའི་ཕྱིར་དང ། མི་དམིགས་པའི་ཕྱིར་དང ། སྐྱེ་བ་མེད་པའི་ཕྱིར་དང ། འགག་པ་མེད་པའི་ཕྱིར་དང ། སྟོང་པ་ཉིད་ཀྱིས་ཕྱིར་རོ། །ཆོས་རྣམས་ཀྱང་སྐྱེ་བ་མེད་པ་དང ། འགག་པ་མེད་པ་དང ། སྟོང་པ་དང ། གཡོ་བ་མེད་པ་དང ། གསོ་བ་དང ། ཡ་མ་བརླ་དང ། བདག་པོ་མེད་པ་དང ། བྱུང་བ་མེད་པ་དང ། མ་བྱས་པ་དང ། མངོན་པར་འདུས་མ་བྱས་པ་དང ། བྱེད་པ་པོ་དང་བྲལ་བའོ། །དེ་ཅིའི་ཕྱིར་ཞེ་ན། འདི་ལྟར་གཟུགས་དེ་ནི། འདི་ལྟ་སྟེ། མིང་ཙམ་མོ། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་བཞིན་ནོ། །རྒ་བ་དང་འཆི་བའི་བར་དུའང་དེ་བཞིན་དུ་སྦྱར་རོ། །དྲན་པ་ཉེ་བར་བཞག་པ་བཞི་ཞེས་བྱ་བ་འདི་དག་ནི། འདི་ལྟ་སྟེ། མིང་ཙམ་མོ། །འཕགས་
Ka347b
པའི་ལམ་ཡན་ལག་བརྒྱད་པའི་བར་དུའང་དེ་བཞིན་དུ་སྦྱར་རོ། །རྣམ་པར་ཐར་པའི་སྒོ་གསུམ་པོ་འདི་དག་ནི། འདི་ལྟ་སྟེ། མིང་ཙམ་མོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུའང་དེ་བཞིན་དུ་སྦྱར་རོ། །དེ་བཞིན་གཤེགས་པའི་སྟོབས་བཅུ་པོ་འདི་དག་ནི། འདི་ལྟ་སྟེ། མིང་ཙམ་མོ། །རྣམ་པ་ཐམས་ཅད་མཁྱེན་པ་ཉིད་ཀྱི་བར་དུའང་དེ་བཞིན་དུ་སྦྱར་རོ། །ཕ་རོལ་ཏུ་ཕྱིན་པ་དྲུག་པོ་འདི་དག་ནི།་འདི་ལྟ་སྟེ། མིང་ཙམ་མོ། །དཔེ་བྱད་བཟང་པོ་བརྒྱད་ཅུའི་བར་དུའང་དེ་བཞིན་དུ་སྦྱར་རོ། །ཤཱ་རདྭ་ཏིའི་བུ། མིང་ཙམ་པོ་གང་དག་ཡིན་པ་དེ་ལ་ཡང་དག་པར་ཡོངས་སུ་གྲུབ་པ་འགའ་ཞིག་ཡོད་དམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། གལ་ཏེ་ཡོངས་སུ་གྲུབ་པར་ལྟ་ཞིང་དམིགས་ལ་འཛིན་ཅིང་མཚན་མར་བྱེད། རྟོག་པ་དང་དཔྱོད་པར་བྱེད་ན། དེ་ལྟ་བ་ཡོངས་སུ་འཛིན་པ་དང ། སེམས་རྣམ་པར་རྨོངས་པ་ཡིན་ནམ། གསོལ་པ། བཅོམ་ལྡན་འདས། དེ་ལྟ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། རྣམ་གྲངས་དེས་ན་འདི་ལྟར་ལྟ་བ་ཡོངས་སུ་འཛིན་པ་དང ། སེམས་རྣམ་པར་རྨོངས་པ་གཉིས་ནི། འདི་ལྟ་སྟེ། མངོན་པར་ཞེན་པ་ཞེས་བྱ་བ་འདིའི་ཚིག་བླ་དྭགས་ཡིན་པར་རིག་པར་བྱའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་
Ka348a
༄#། །འདས། རྣམ་གྲངས་གང་གིས་ན་ཕུང་པོ་ལྔ་ནས་དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་མིང་ཙམ་དུ་བས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། འདི་ལྟ་སྟེ། ཕུང་པོ་ལྔ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཕུང་པོའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། ནང་གི་སྐྱེ་མཆེད་དྲུག་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གིས་བརྡས་ཐ་སྙད་དུ་འདོགས་པ་ཁོ་ནར་ཟད་ལ་ནང་གི་སྐྱེ་མཆེད་དྲུག་གི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། ཕྱིའི་སྐྱེ་མཆེད་དྲུག་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཕྱིའི་སྐྱེ་མཆེད་དྲུག་གི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ།
Ka348b
ཁམས་བཅོ་བརྒྱད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཁམས་ཀྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། འཕགས་པའི་བདེན་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། འཕགས་པའི་བདེན་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་པ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྟེན་ཅིང་འབྲེལ་བར་འབྱུང་བའི་མིང་དེའང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། དྲན་པ་ཉེ་བར་བཞག་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དྲན་པ་ཉེ་
Ka349a
༄#། །བར་བཞག་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། ཡང་དག་པར་སྤོང་བ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཡང་དག་པར་སྤོང་བའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། རྫུ་འཕྲུལ་གྱི་རྐང་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྫུ་འཕྲུལ་གྱི་རྐང་བའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། དབང་པོ་ལྔ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གིས་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དབང་པོ་ལྔའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། སྟོབས་ལྔ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ།
Ka349b
ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སྟོབས་ཀྱི་མིང་དེ་དག་ཀྱང་ནང་ནའང་མེད་ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། བྱང་ཆུབ་ཀྱི་ཡན་ལག་བདུན་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། བྱང་ཆུབ་ཀྱི་ཡན་ལག་གི་མིང་དེ་དག་ཀྱང་ནང་ནའང་མེད་ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། འཕགས་པའི་ལམ་ཡན་ལག་བརྒྱད་པ་ཞེས་བྱ་བ་གང་དག་ཡིན་པ་དེ་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། འཕགས་པའི་ལམ་ཡན་ལག་བརྒྱད་པའི་མིང་དེའང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། རྣམ་པར་ཐར་པའི་སྒོ་གསུམ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྣམ་པར་ཐར་པའི་མིང་དེ་དག་
Ka350a
༄#། །ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། བསམ་གཏན་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། བསམ་གཏན་གྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། ཚད་མེད་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཚད་མེད་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། གཟུགས་མེད་པའི་སྙོམས་པར་འཇུག་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་དོ། །གཟུགས་མེད་པའི་སྙོམས་པར་འཇུག་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། རྣམ་
Ka350b
པར་ཐར་པ་བརྒྱད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྣམ་པར་ཐར་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། མཐར་གྱིས་གནས་པའི་སྙོམས་པར་འཇུག་པ་དགུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། མཐར་གྱིས་གནས་པའི་སྙོམས་པར་འཇུག་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། འདུ་ཤེས་དགུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། འདུ་ཤེས་ཀྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། རྗེས་སུ་དྲན་པ་བཅུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་
Ka351a
༄#། །མེད།་འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྗེས་སུ་དྲན་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། འདུ་ཤེས་ཀྱི་རྣམ་པ་དྲུག་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། འདུ་ཤེས་ཀྱི་རྣམ་པ་དྲུག་གི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། ཤེས་པ་བཅུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཤེས་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། ཏིང་ངེ་འཛིན་གསུམ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཏིང་ངེ་འཛིན་གྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་
Ka351b
ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། དབང་པོ་གསུམ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད།་འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དབང་པོའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ།་འདི་ལྟ་སྟེ། ཟིལ་གྱི་གནོན་པའི་སྐྱེ་མཆེད་བརྒྱད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཟིལ་གྱིས་གནོན་པའི་སྐྱེ་མཆེད་ཀྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། ཟད་པར་གྱི་སྐྱེ་མཆེད་བཅུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད་འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཟད་པར་གྱི་སྐྱེ་མཆེད་ཀྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་གསུམ་པ། ཤཱ་རདྭ་ཏིའི་བུ། འདི་ལྟ་སྟེ། སྟོང་པ་ཉིད་བཅོ་བརྒྱད་ཅེས་བྱ་བ་གང་དག་
Ka352a
༄#། །ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སྟོང་པ་ཉིད་ཀྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། དེ་བཞིན་གཤེགས་པའི་སྟོབས་བཅུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དེ་བཞིན་གཤེགས་པའི་སྟོབས་བཅུའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། མི་འཇིགས་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། མི་འཇིགས་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་རདྭ་ཏིའི་བུ། འདི་ལྟ་སྟེ། སོ་སོ་ཡང་དག་པར་རིག་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་
Ka352b
ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སོ་སོར་ཡང་དག་པར་རིག་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། བྱམས་པ་ཆེན་པོ་ཞེས་བྱ་བ་གང་དག་ཡིན་པ་དེ་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། བྱམས་པ་ཆེན་པོའི་མིང་དེའང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། སྙིང་རྗེ་ཆེན་པོ་ཞེས་བྱ་བ་གང་དག་ཡིན་པ་དེ་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སྙིང་རྗེ་ཆེན་པོའི་མིང་དེའང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སངས་རྒྱས་ཀྱི་ཆོས་མ་འདྲེས་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །
Ka353a
༄#། །ཤཱ་རདྭ་ཏིའི་བུ། འདི་ལྟ་སྟེ། ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ཀྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། ཕ་རོལ་ཏུ་ཕྱིན་པ་དྲུག་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཕ་རོལ་ཏུ་ཕྱིན་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། མངོན་པར་ཤེས་པ་དྲུག་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། མངོན་པར་ཤེས་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་
Ka353b
བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། མིག་ལྔ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། མིག་གི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། དཔེ་བྱད་བཟང་པོ་བརྒྱད་ཅུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། །ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དཔེ་བྱད་བཟང་པོའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་
Ka354a
༄#། །པ་ལ་སྤྱོད་པས་མིང་གི་བརྡས་བཏགས་པ་དང ། ཆོས་སུ་བཏགས་པ་ལ་དེ་ལྟར་བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་མིང་གི་བརྡར་བཏགས་པའི་ཆོས་དེ་ལྟར་ཁོང་དུ་ཆུད་པར་བྱའོ། །དེས་མིང་གི་བརྡར་བཏགས་པའི་ཆོས་ཁོང་དུ་ཆུད་པས། གཟུགས་ལ་མངོན་པར་ཞེན་པར་མི་བྱེད་དོ། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་སྦྱར་ཏེ། རྒ་ཤིའི་བར་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་དྲན་པ་ཉེ་བར་བཞག་པ་བཞི་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་རྣམ་པར་ཐར་པའི་སྒོ་གསུམ་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་ཕ་རོལ་ཏུ་ཕྱིན་པ་དྲུག་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་ལ་མངོན་པར་ཞེན་པར་མི་བྱེད་དོ། །དེ་སྐད་ཅེས་བཀའ་སྩལ་པ་དང ། བཅོམ་
Ka354b
ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་ཆོས་ཐམས་ཅད་བཏགས་པ་ཙམ་དང ། མིང་ཙམ་དུ་བས་པ་ལགས་ན། འོ་ན་བཙུན་པ་བཅོམ་ལྡན་འདས། ཆོས་ཐམས་ཅད་དངོས་པོ་མ་མཆིས་པའི་ངོ་བོ་ཉིད་ལགས་སམ། བྱང་ཆུབ་སེམས་དཔའི་ཆོས་རྣམས་ཀྱང་དངོས་པོ་མ་མཆིས་པའི་ངོ་བོ་ཉིད་ལགས་སམ། བྱང་ཆུབ་ཀྱི་བར་ཡང་དངོས་པོ་མ་མཆིས་པའི་ངོ་བོ་ཉིད་ལགས་སམ། དེ་ལྟ་ལགས་ན་ནི་ཚངས་པར་སྤྱོད་པའང་དངོས་པོ་མ་མཆིས་པར་འགྱུར་ཞིང ། བྱང་ཆུབ་སེམས་དཔའི་ལམ་ཡང་དངོས་པོ་མ་མཆིས། ཕ་རོལ་ཏུ་ཕྱིན་པ་དྲུག་ཀྱང་དངོས་པོ་མ་མཆིས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་མངོན་པར་རྟོགས་པའང་མ་མཆིས་པར་འགྱུར་ལ། སྡུག་བསྔལ་ལས་རྣམ་པར་གྲོལ་བའང་མ་མཆིས་པར་བདག་སྨྲ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཙུན་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་
Ka355a
༄#། །སྙམ་དུ་སེམས། མིག་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་།མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་
Ka355b
ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དངོས་པོར་མཐོང་བས་རྣམ་པར་གྲོལ་སྙམ་མམ།་གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། འཕགས་པའི་བདེན་པ་རྣམས་དང ། དེ་བཞིན་དུ་སྦྱར་ཏེ། རྒ་ཤིའི་བར་དུ་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ།་འདི་ཇི་སྙམ་དུ་སེམས། དྲན་པ་ཉེ་བར་བཞག་པ་རྣམས་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣམ་པར་ཐར་པའི་སྒོ་རྣམས་དང ། དེ་བཞིན་དུ་སྦྱར་ཏེ། སྟོང་པ་ཉིད་བཅོ་
Ka356a
༄#། །བརྒྱད་ཀྱི་བར་དུ་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཕ་རོལ་ཏུ་ཕྱིན་པ་དྲུག་དང ། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ།་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་དངོས་པོ་མེད་
Ka356b
མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ།་འདི་ཇི་སྙམ་དུ་སེམས། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས་
Ka357a
༄#། །རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། འཕགས་པའི་བདེན་པ་རྣམས་དང ། དེ་བཞིན་དུ་སྦྱར་ཏེ། རྒ་ཤིའི་བར་དུ་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དྲན་པ་ཉེ་བར་བཞག་པ་རྣམས་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣམ་པར་ཐར་པའི་སྒོ་རྣམས་དང ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ།
Ka357b
གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཕ་རོལ་ཏུ་ཕྱིན་པ་དྲུག་དང ། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་བཅུའི་བར་དུ་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་
Ka358a
༄#། །སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ལྕེའི་ཁམས་དང ། རོའི་ཁམས་དང ། ལྕེའི་
Ka358b
རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། འཕགས་པའི་བདེན་པ་རྣམས་དང ། རྒ་ཤིའི་བར་དུ་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དྲན་པ་ཉེ་པར་བཞག་པ་བཞི་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣམ་པར་ཐར་པའི་སྒོ་རྣམས་དང ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་
Ka359a
༄#། །དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས་དེ་བཞིན་གཤེགས་པའི་སྟོབས་རྣམས་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ།་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཕ་རོལ་ཏུ་ཕྱིན་པ་དྲུག་དང ། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས། མ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ཁྱོད་དོན་གྱི་དབང་གང་མཐོང་ན་འདི་སྐད་དུ་གཟུགས་དང་རྣམ་པར་ཤེས་པའི་བར་དུ་དངོས་པོར་མཐོང་བས་ཀྱང་རྣམ་པར་མི་གྲོལ་ལ། དངོས་པོ་མེད་པར་མཐོང་བས་ཀྱང་མ་ཡིན་ཞིང ། དངོས་པོ་དང་དངོས་པོ་མེད་པར་མཐོང་བས་ཀྱང་མ་ཡིན་ནོ། །དེ་བཞིན་དུ་མིག་དང ། དེ་བཞིན་དུ་སྦྱར་ཏེ། ཡིད་ཀྱི་བར་དང ། དེ་བཞིན་དུ་གཟུགས་རྣམས་དང ། དེ་བཞིན་དུ་སྦྱར་ཏེ། ཆོས་རྣམས་ཀྱི་བར་དང ། དེ་བཞིན་དུ་མིག་གི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དང །
Ka359b
དེ་བཞིན་དུ་འཕགས་པའི་བདེན་པ་རྣམས་དང ། དེ་བཞིན་དུ་སྦྱར་ཏེ། རྒ་ཤིའི་བར་དང ། དེ་བཞིན་དུ་དྲན་པ་ཉེ་བར་བཞག་པ་རྣམས་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་རྣམ་པར་ཐར་པའི་སྒོ་རྣམས་དང ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་དང ། དེ་བཞིན་དུ་དེ་བཞིན་གཤེགས་པའི་སྟོབས་རྣམས་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དང ། དེ་བཞིན་དུ་ཕ་རོལ་ཏུ་ཕྱིན་པ་དྲུག་དང ། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དག་དངོས་པོར་མཐོང་བས་ཀྱང་རྣམ་པར་མི་གྲོལ་ལ། དངོས་པོ་མེད་པར་མཐོང་བས་ཀྱང་མ་ཡིན་ཞིང ། དངོས་པོ་དང་དངོས་པོ་མེད་པར་མཐོང་བས་ཀྱང་རྣམ་པར་མི་གྲོལ། དེ་བཞིན་དུ་སྦྱར་ཏེ། ཇི་ལྟར་གཟུགས་ཀྱི་ཕུང་པོར་བསྟན་པ་བཞིན་དུ་ཐམས་ཅད་དུ་རྒྱས་པར་བྱའོ་ཞེས་སྨྲ། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལྟར་གཟུགས་མ་མཆིས་ཤིང་མི་དམིགས་ལགས་ན། གཟུགས་དངོས་པོར་མཐོང་བའམ། དངོས་པོ་མ་མཆིས་པར་མཐོང་བའམ། དངོས་པོ་དང་དངོས་པོ་མ་མཆིས་པར་མཐོང་བས་རྣམ་པར་གྲོལ་བར་ལྟ་ག་ལ་འགྱུར་ལགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང ། དེ་བཞིན་
Ka360a
༄#། །དུ་མིག་དང ། དེ་བཞིན་དུ་སྦྱར་ཏེ། ཡིད་ཀྱི་བར་དང ། དེ་བཞིན་དུ་གཟུགས་རྣམས་དང ། དེ་བཞིན་དུ་སྦྱར་ཏེ། ཆོས་རྣམས་ཀྱི་བར་དང ། དེ་བཞིན་དུ་མིག་གི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དང ། དེ་བཞིན་དུ་འཕགས་པའི་བདེན་པ་རྣམས་དང ། དེ་བཞིན་དུ་སྦྱར་ཏེ། རྒ་ཤིའི་བར་དང ། དེ་བཞིན་དུ་དྲན་པ་ཉེ་བར་བཞག་པ་རྣམས་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་རྣམ་པར་ཐར་པའི་སྒོ་རྣམས་དང ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དང ། དེ་བཞིན་དུ་ཕ་རོལ་ཏུ་ཕྱིན་པ་དྲུག་དང ། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དག་མ་མཆིས་ཤིང་མི་དམིགས་ལགས་ན། དེ་དག་དངོས་པོར་མཐོང་བའམ། དངོས་པོ་མ་མཆིས་པར་མཐོང་བའམ། དངོས་པོ་དང་དངོས་པོ་མ་མཆིས་པར་མཐོང་བས་རྣམ་པར་གྲོལ་བར་ལྟ་ག་ལ་འགྱུར་ལགས། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་ཉོན་མོངས་པ་ནི་མཚན་མ་ལགས་པའི་སླད་དུའོ། །མཚན་མ་གང་ལགས་ཤེ་ན། གཟུགས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ནི་མཚན་མ་ལགས་ཏེ།
Ka360b
བཙུན་པ་བཅོམ་ལྡན་འདས། ཉོན་མོངས་པ་གང་ལགས་པ་དེ་ནི་རྣམ་པར་མི་གྲོལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ལེགས་སོ་ལེགས་སོ། །ཁྱོད་ཀྱིས་ཚིག་དེ་ནི་ལེགས་པར་སྨྲས་སོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་བསླབ་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མངོན་པར་ཞེན་པ་མེད་པའི་ལེའུ་ཞེས་བྱ་སྟེ་གསུམ་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་མངོན་པར་མ་ཞེན་པར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པར་བགྱི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་གཟུགས་ཀྱི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་ཚོར་བའི་སྟོང་པ་ཉིད་དང ། འདུ་ཤེས་ཀྱི་སྟོང་པ་ཉིད་དང ། འདུ་བྱེད་ཀྱི་སྟོང་པ་ཉིད་དང ། རྣམ་པར་ཤེས་པའི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་མིག་གི་སྟོང་པ་ཉིད་ལ་
Ka361a
༄#། །བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་གཟུགས་ཀྱི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་སྒྲ་དང་དྲི་དང ། རོ་དང ། རེག་བྱ་དང ། ཆོས་ཀྱི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་མིག་གི་ཁམས་ཀྱི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང ། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ཀྱི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་སྡུག་བསྔལ་གྱི་སྟོང་
Ka361b
པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་ཀུན་འབྱུང་བའི་སྟོང་པ་ཉིད་དང ། འགོག་པའི་སྟོང་པ་ཉིད་དང ། ལམ་གྱི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་མ་རིག་པའི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །དེ་བཞིན་དུ་འདུ་བྱེད་ཀྱི་སྟོང་པ་ཉིད་དང ། རྣམ་པར་ཤེས་པའི་སྟོང་པ་ཉིད་དང ། མིང་དང་གཟུགས་ཀྱི་སྟོང་པ་ཉིད་དང ། སྐྱེ་མཆེད་དྲུག་གི་སྟོང་པ་ཉིད་དང ། རེག་པའི་སྟོང་པ་ཉིད་དང ། ཚོར་བའི་སྟོང་པ་ཉིད་དང ། སྲེད་པའི་སྟོང་པ་ཉིད་དང ། ལེན་པའི་སྟོང་པ་ཉིད་དང ། སྲིད་པའི་སྟོང་པ་ཉིད་དང ། སྐྱེ་བའི་སྟོང་པ་ཉིད་དང ། རྒ་ཤིའི་སྟོང་པ་ཉིད་ལ་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་ཅིང་སྟོང་པ་ཉིད་དེ་དག་ལ་བརྩོན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །སྟོང་པ་ཉིད་དེ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་དེ་ནི་གཟུགས་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་
Ka362a
༄#། །མིག་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་གཟུགས་རྣམས་ལ་བརྩོན་ཞེས་བྱ་བའམ། མི་བརྩེན་\་BRཊZཱོཎ\་ཞེས་བྱ་བར་ཡང་དག་པར་རྗེས་སུ་མི་མཐོང་ངོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་མིག་གི་ཁམས་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། རྣ་བའི་ཁམས་དང།་སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་སྡུག་བསྔལ་ལ་བརྩོན་ཞེས་བྱ་བའམ། མི་བརྩོན་ཞེས་བྱ་
Ka362b
བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཀུན་འབྱུང་བ་དང ། འགོག་པ་དང ། ལམ་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་མ་རིག་པ་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་འདུ་བྱེད་དང ། རྣམ་པར་ཤེས་པ་དང ། མིང་དང་གཟུགས་དང ། སྐྱེ་མཆེད་དྲུག་དང ། རེག་པ་དང ། ཚོར་བ་དང ། སྲེད་པ་དང ། ལེན་པ་དང ། སྲིད་པ་དང ། སྐྱེ་བ་དང ། རྒ་ཤི་ལ་བརྩོན་ཞེས་བྱ་བའམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བརྩོན་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ནི་གཟུགས་རྟག་ཅེས་བྱ་བའམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྟག་ཅེས་བྱ་བའམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་བདེ་ཞེས་བྱ་བའམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདེ་ཞེས་བྱ་བའམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་བདག་ཅེས་བྱ་
Ka363a
༄#། །བའམ། བདག་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདག་ཅེས་བྱ་བའམ། བདག་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་སྟོང་ཞེས་བྱ་བའམ། མི་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་ཞེས་བྱ་བའམ། མི་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་ཞི་ཞེས་བྱ་བའམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཞི་ཞེས་བྱ་བའམ། མ་ཞི་ཞེས་བྱ་བར་ཡང་དག་
Ka363b
བར་རྗེས་སུ་མི་མཐོང་ངོ ། །གཟུགས་དབེན་ཞེས་བྱ་བའམ། མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དབེན་ཞེས་བྱ་བའམ། མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་ཀུན་ནས་ཉོན་མོངས་ཞེས་བྱ་བའམ། རྣམ་པར་བྱང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཀུན་ནས་ཉོན་མོངས་ཞེས་བྱ་བའམ། རྣམ་པར་བྱང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་སྐྱེ་བའི་ཆོས་ཅན་ནམ། འགག་པའི་ཆོས་ཅན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྐྱེ་བའི་ཆོས་ཅན་ནམ། འགག་པའི་ཆོས་ཅན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་རྟག་ཅེས་བྱ་བའམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་རྟག་
Ka364a
༄#། །ཅེས་བྱ་བའམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་བདེ་ཞེས་བྱ་བའམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་བདེ་ཞེས་བྱ་བའམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་བདག་ཅེས་བྱ་བའམ། བདག་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་བདག་ཅེས་བྱ་བའམ། བདག་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ། །མིག་སྟོང་ཞེས་བྱ་བའམ། མི་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་སྟོང་ཞེས་བྱ་བའམ། མི་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང་ལུས་དང ། ཡིད་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ཅེས་དང ། ལུས་དང ། ཡིད་སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་
Ka364b
ངོ། །མིག་ཞི་ཞེས་བྱ་བའམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཞི་ཞེས་བྱ་བའམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་དབེན་ཞེས་བྱ་བའམ། མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དབེན་ཞེས་བྱ་བའམ་མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་ཀུན་ནས་ཉོན་མོངས་པའམ། རྣམ་པར་བྱང་བ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀུན་ནས་ཉོན་མོངས་པའམ། རྣམ་པར་བྱང་བ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་སྐྱེ་ཞེས་བྱ་བའམ། འགག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་སྐྱེ་ཞེས་བྱ་བའམ། འགག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །མིག་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །གཟུགས་རྣམས་རྟག་ཅེས་བྱ་བའམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་བར་བྱའོ། །གཟུགས་རྣམས་
Ka365a
༄#། །བདེ་ཞེས་བྱ་བའམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་བདག་ཡོད་པའམ། བདག་མེད་པ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་སྟོང་པའམ། མི་སྟོང་པ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་ཞི་ཞེས་བྱ་བའམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་དབེན་ཞེས་བྱ་བའམ། མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་ཀུན་ནས་ཉོན་མོངས་ཞེས་བྱ་བའམ ། རྣམ་པར་བྱང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་སྐྱེ་ཞེས་བྱ་བའམ། འགག་ཅེས་བྱ་བར་ཡང་དག་པར་
Ka365b
རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །གཟུགས་རྣམས་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། །དེ་བཞིན་དུ་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་རྟག་ཅེས་བྱ་བའམ། མི་རྟག་ཅེས་བྱ་བའམ། བདེ་ཞེས་བྱ་བའམ། སྡུག་བསྔལ་ཞེས་བྱ་བའམ། བདག་ཅེས་བྱ་བའམ། བདག་མེད་ཅེས་བྱ་བའམ། སྟོང་ཞེས་བྱ་བའམ། མི་སྟོང་ཞེས་བྱ་བའམ། མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བའམ། སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བའམ། ཞི་ཞེས་བྱ་བའམ། མ་ཞི་ཞེས་བྱ་བའམ། དབེན་ཞེས་བྱ་བའམ། མི་དབེན་ཞེས་བྱ་བའམ། ཀུན་ནས་ཉོན་མོངས་ཞེས་བྱ་བའམ། རྣམ་པར་བྱང་ཞེས་བྱ་བའམ། སྐྱེ་ཞེས་བྱ་བའམ། འགག་ཅེས་བྱ་བའམ། དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་འཕགས་པའི་བདེན་པ་རྣམས་རྟག་ཅེས་བྱ་བའམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་སྟེ། སྔར་ཇི་སྐད་བསྟན་པ་དེ་བཞིན་དུ་སྦྱར་བར་བྱའོ། །དེ་བཞིན་དུ་མ་རིག་པ་རྟག་ཅེས་བྱ་བའམ། མི་རྟག་ཅེས་བྱ་
Ka366a
༄#། །བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་སྦྱར་ཏེ། རྒ་ཤིའི་བར་དུ་སྔ་མ་ཇི་ལྟ་བར་ཐམས་ཅད་དུ་ཇི་ལྟར་ཕུང་པོ་དག་གི་སྐབས་སུ་བསྟན་པ་བཞིན་དུ་རྒྱ་ཆེར་སྦྱར་རོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ཆོས་ཐམས་ཅད་རང་གི་མཚན་ཉིད་ཀྱིས་སྟོང་པ་ལ་འཇུག་ཅིང ། ཞུགས་ནས་ཀྱང་གཟུགས་ལ་མི་སྦྱོར་མི་འབྱེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མི་སྦྱོར་མི་འབྱེད་དོ།། གཟུགས་དང་སྔོན་གྱི་མཐར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང ། སྔོན་གྱི་མཐར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་གཟུགས་དང་ཕྱི་མའི་མཐར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། དེས་ཕྱི་མའི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང་ཕྱི་མའི་མཐར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཕྱི་མའི་མཐའ་ཉིད་ཡང་དག་པར་རྗེས་
Ka366b
སུ་མི་མཐོང་བའི་ཕྱིར་རོ། །གཟུགས་དང་ད་ལྟར་བྱུང་བར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང་ད་ལྟར་བྱུང་བར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་མིག་དང་སྔོན་གྱི་མཐར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་འདི་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དང་སྔོན་གྱི་མཐར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་མིག་དང་ཕྱི་མའི་མཐར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཕྱི་མའི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དང་ཕྱི་མའི་མཐར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཕྱི་མའི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །མིག་དང་ད་ལྟར་བྱུང་བར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ད་ལྟར་
Ka367a
༄#། །བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དང་ད་ལྟར་བྱུང་བར་མི་སྦྱོར་མི་འབྱེད་དོ། ། དེ་ཅིའི་ཕྱིར་ཞེ་ན། འདི་ལྟར་དེས་ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །ཇི་ལྟར་ནང་གི་སྐྱེ་མཆེད་ལ་སྦྱར་བ་དེ་བཞིན་དུ། ཕྱིའི་སྐྱེ་མཆེད་རྣམས་ལའང་སྦྱར་བར་བྱའོ། །དེ་བཞིན་དུ་མིག་གི་ཁམས་དང་སྔོན་གྱི་མཐར་མི་སྦྱོར་མི་འབྱེད་དོ། །དེ་བཞིན་དུ་ཕྱི་མའི་མཐའ་ལའང་མ་ཡིན་ཞིང ། དེ་ལྟར་བྱུང་བ་ལའང་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་དང ། ཕྱི་མའི་མཐའ་དང ། ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་དང་སྔོན་གྱི་མཐའ་དང ། ཕྱི་མའི་མཐའ་དང ། ད་ལྟར་བྱུང་བར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་
Ka367b
ན།་འདི་ལྟར་དེས་སྔོན་གྱི་མཐའ་དང ། ཕྱི་མའི་མཐའ་དང ། ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །སྔ་མ་ཇི་ལྟ་བ་དེ་བཞིན་དུ་འཕགས་པའི་བདེན་པ་རྣམས་ལའང་རྒྱ་ཆེར་སྦྱར་རོ། །དེ་བཞིན་དུ་མ་རིག་པ་ནས། དེ་བཞིན་དུ་སྦྱར་ཏེ། རྒ་ཤིའི་བར་དང་སྔོན་གྱི་མཐའ་དང ། ཕྱི་མའི་མཐའ་དང ། ད་ལྟར་བྱུང་བར་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་དང ། ཕྱི་མའི་མཐའ་དང ། ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བརྩོན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཞི་པ། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ནི་གཟུགས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་གཟུགས་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་རྣམ་པར་ཤེས་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་མིག་དང་ཐམས་ཅད་མཁྱེན་པ་ཉིད་དུ་མི་སྦྱོར་
Ka368a
༄#། །མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་མིག་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང་ཡིད་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཡིད་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་གཟུགས་རྣམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་གཟུགས་རྣམས་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཆོས་རྣམས་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་མིག་གི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་རྣ་བའི་རྣམ་པར་ཤེས་པའི་ཁམས་ཀྱི་བར་དུ་ཡང་
Ka368b
དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་སྣའི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ལྕེའི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ལུས་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་སྡུག་བསྔལ་གྱི་བདེན་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་སྡུག་བསྔལ་གྱི་བདེན་པ་ཉིད་ཡང་དག་
Ka369a
༄#། །པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ཀུན་འབྱུང་བའི་བདེན་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཀུན་འབྱུང་བའི་བདེན་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་འགོག་པའི་བདེན་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་འགོག་པའི་བདེན་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་ལམ་གྱི་བདེན་པ་ཉིད་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ལམ་གྱི་བདེན་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་མ་རིག་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་མ་རིག་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བཞིན་དུ་རྒ་ཤིའི་བར་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། །ཞེས་དེ་བཞིན་དུ་སྦྱར་བར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེས་རྒ་ཤིའི་བར་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བརྩོན་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་
Ka369b
སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ནི། གཟུགས་ནི་ཚོར་བ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །ཚོར་བ་ནི་འདུ་ཤེས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །འདུ་ཤེས་ནི་འདུ་བྱེད་རྣམས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། ། འདུ་བྱེད་རྣམས་ནི་རྣམ་པར་ཤེས་པ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར། ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ། །དེ་བཞིན་དུ་མིག་ནི་རྣ་བ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །རྣ་བ་ནི་སྣ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །སྣ་ནི་ལྕེ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །ལྕེ་ནི་ལུས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །ལུས་ནི་ཡིད་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ། །དེ་བཞིན་དུ་གཟུགས་རྣམས་ནི་སྒྲ་དག་དང་ལྷན་ཅིག་ཏུ་ཡང་དག་པར་འདུ་
Ka370a
༄#། །པར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་སྒྲ་རྣམས་ནི་དྲི་དག་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །དྲི་རྣམས་ནི་རོ་དག་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །རོ་རྣམས་ནི་རེག་པ་དག་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །རེག་པ་རྣམས་ནི་ཆོས་རྣམས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར་ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ། །དེ་བཞིན་དུ་ཇི་ལྟར་ཕུང་པོ་དག་གི་སྐབས་སུ་བསྟན་པ་དེ་བཞིན་དུ་ཁམས་རྣམས་ལའང་རྒྱ་ཆེར་སྦྱར་བར་བྱའོ། །དེ་བཞིན་དུ་སྡུག་བསྔལ་གྱི་བདེན་པ་ནི། ཀུན་འབྱུང་བའི་བདེན་པ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །ཀུན་འབྱུང་བའི་བདེན་པ་ནི། འགོག་པའི་བདེན་པ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །འགོག་པའི་བདེན་པ་ནི། ལམ་གྱི་བདེན་པ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར། ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་
Ka370b
འདུ་བ་མེད་པའི་ཕྱིར་རོ། །དེ་བཞིན་དུ་མ་རིག་པ་ནི་འདུ་བྱེད་རྣམས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་རྒ་ཤིའི་བར་དུའང་སྦྱར་རོ། །དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར། ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ། །ཤཱ་རདྭ་ཏིའི་བུ། གཟུགས་ཀྱི་སྟོང་པ་ཉིད་གང་ཡིན་པ་དེ་ནི་གཟུགས་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྟོང་པ་ཉིད་གང་ཡིན་པ་དེ་ནི་རྣམ་པར་ཤེས་པ་མ་ཡིན་ནོ། །ཤཱ་རདྭ་ཏིའི་བུ། གཟུགས་ཀྱི་སྟོང་པ་ཉིད་གང་ཡིན་པ་དེ་ནི་གཟུགས་སུ་མི་བྱེད་དོ། །དེ་བཞིན་དུ་ཚོར་བའི་སྟོང་པ་ཉིད་གང་ཡིན་པ་དེ་ནི་ཚོར་བར་མི་བྱེད་དོ། །འདུ་ཤེས་ཀྱི་སྟོང་པ་ཉིད་གང་ཡིན་པ་དེ་ནི་འདུ་ཤེས་པར་མི་བྱེད་དོ། །འདུ་བྱེད་ཀྱི་སྟོང་པ་ཉིད་གང་ཡིན་པ་དེ་ནི་མངོན་པར་འདུ་མི་བྱེད་དོ། །རྣམ་པར་ཤེས་པའི་སྟོང་པ་ཉིད་གང་ཡིན་པ་དེ་ནི་རྣམ་པར་ཤེས་པར་མི་བྱེད་དོ། །དེ་བཞིན་དུ་མིག་གི་སྟོང་པ་ཉིད་གང་ཡིན་པ་དེ་ནི་མིག་མ་ཡིན་ནོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་སྟོང་པ་ཉིད་གང་ཡིན་པ་དེ་ནི་ཡིད་མ་ཡིན་ནོ། །དེ་བཞིན་དུ་གཟུགས་རྣམས་ཀྱི་སྟོང་པ་ཉིད་གང་ཡིན་པ་དེ་ནི་གཟུགས་རྣམས་མ་ཡིན་ནོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་
Ka371a
༄#། །ཀྱི་སྟོང་པ་ཉིད་གང་ཡིན་པ་དེ་ནི་ཆོས་རྣམས་མ་ཡིན་ནོ། །དེ་བཞིན་དུ་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་མིག་གི་རྣམ་པར་ཤེས་པའི་ཁམས་མ་ཡིན་ནོ། །དེ་བཞིན་དུ་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་རྣ་བའི་རྣམ་པར་ཤེས་པའི་ཁམས་མ་ཡིན་ནོ། །དེ་བཞིན་དུ་སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་སྣའི་རྣམ་པར་ཤེས་པའི་ཁམས་མ་ཡིན་ནོ། །དེ་བཞིན་དུ་ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་ལྕེའི་རྣམ་པར་ཤེས་པའི་ཁམས་ཀྱི་བར་དུ་མ་ཡིན་ནོ། །དེ་བཞིན་དུ་ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་ལུས་ཀྱི་རྣམ་པར་ཤེས་པའི་ཁམས་ཀྱི་བར་དུ་མ་ཡིན་ནོ། །དེ་བཞིན་དུ་ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་མ་ཡིན་ནོ། །དེ་བཞིན་དུ་སྡུག་བསྔལ་གྱི་བདེན་པའི་སྟོང་པ་ཉིད་གང་ཡིན་པ་དེ་ནི་སྡུག་བསྔལ་མ་ཡིན་ནོ། །དེ་བཞིན་དུ་ཀུན་འབྱུང་བའི་
Ka371b
བདེན་པའི་སྟོང་པ་ཉིད་གང་ཡིན་པ་དེ་ནི་ཀུན་འབྱུང་བ་མ་ཡིན་ནོ། །དེ་བཞིན་དུ་འགོག་པའི་བདེན་པའི་སྟོང་པ་ཉིད་གང་ཡིན་པ་དེ་ནི་འགོག་པ་མ་ཡིན་ནོ། །དེ་བཞིན་དུ་ལམ་གྱི་བདེན་པའི་སྟོང་པ་ཉིད་གང་ཡིན་པ་དེ་ནི་ལམ་མ་ཡིན་ནོ། །དེ་བཞིན་དུ་མ་རིག་པའི་སྟོང་པ་ཉིད་གང་ཡིན་པ་དེ་ནི་མ་རིག་པ་མ་ཡིན་ནོ། །དེ་བཞིན་དུ་སྦྱར་ཏེ། རྒ་ཤིའི་བར་གྱི་སྟོང་པ་ཉིད་གང་ཡིན་པ་དེ་ནི་རྒ་ཤིའི་བར་དུ་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། གཟུགས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། གཟུགས་ཀྱང་གཞན་མ་ཡིན་ཏེ། གཟུགས་ཉིད་སྟོང་པ་ཉིད་དོ། །སྟོང་པ་ཉིད་གཟུགས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་གཞན་ལ།་སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། རྣམ་པར་ཤེས་པའང་གཞན་མ་ཡིན་ཏེ། རྣམ་པར་ཤེས་པ་ཉིད་སྟོང་པ་ཉིད་དོ། །སྟོང་པ་ཉིད་རྣམ་པར་ཤེས་པའོ། །དེ་བཞིན་དུ་མིག་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། མིག་ཀྱང་གཞན་མ་ཡིན་ཏེ། མིག་ཉིད་སྟོང་པ་ཉིད་དོ། །སྟོང་པ་ཉིད་མིག་གོ། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་གཞན་ལ་སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། ཡིད་ཀྱང་གཞན་མ་ཡིན་ཏེ། ཡིད་ཉིད་སྟོང་
Ka372a
༄#། །པ་ཉིད་དོ། །སྟོང་པ་ཉིད་ཡིད་དོ། །དེ་བཞིན་དུ་གཟུགས་རྣམས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། གཟུགས་རྣམས་ཀྱང་གཞན་མ་ཡིན་ཏེ། གཟུགས་རྣམས་ཉིད་སྟོང་པ་ཉིད་དོ། །སྟོང་པ་ཉིད་གཟུགས་རྣམས་སོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། ཆོས་རྣམས་ཀྱང་གཞན་མ་ཡིན་ཏེ། ཆོས་རྣམས་ཉིད་སྟོང་པ་ཉིད་དོ། །སྟོང་པ་ཉིད་ཆོས་རྣམས་སོ། ། དེ་བཞིན་དུ་མིག་གི་ཁམས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། མིག་གི་ཁམས་ཀྱང་གཞན་མ་ཡིན་ཏེ། མིག་གི་ཁམས་ཉིད་སྟོང་པ་ཉིད་དོ། །སྟོང་པ་ཉིད་མིག་གི་ཁམས་སོ། །དེ་བཞིན་དུ་མིག་གི་རྣམ་པར་ཤེས་པའི་ཁམས་ཀྱི་བར་ཡང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ།་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་གཞན་མ་ཡིན་ཏེ། ཡིད་ཀྱི་རྣམ་པར་ཤེས་པའི་ཁམས་ཉིད་སྟོང་པ་ཉིད་དོ། །སྟོང་པ་ཉིད་ཡིད་ཀྱི་རྣམ་པར་ཤེས་པའི་ཁམས་སོ་ཞེས་བྱ་བའི་བར་དུ་དེ་བཞིན་དུ་སྦྱར་རོ། །དེ་བཞིན་དུ་འཕགས་པའི་བདེན་པ་རྣམས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། འཕགས་
Ka372b
པའི་བདེན་པ་རྣམས་ཀྱང་གཞན་མ་ཡིན་ཏེ། འཕགས་པའི་བདེན་པ་རྣམས་ཉིད་སྟོང་པ་ཉིད་དོ། །སྟོང་པ་ཉིད་འཕགས་པའི་བདེན་པ་རྣམས་སོ། །དེ་བཞིན་དུ་མ་རིག་པའང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། མ་རིག་པའང་གཞན་མ་ཡིན་ཏེ། མ་རིག་པ་ཉིད་སྟོང་པ་ཉིད་དོ། །སྟོང་པ་ཉིད་མ་རིག་པའོ། །དེ་བཞིན་དུ་སྦྱར་ཏེ། རྒ་ཤིའི་བར་ཡང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། རྒ་ཤིའི་བར་ཡང་གཞན་མ་ཡིན་ཏེ། རྒ་ཤི་ཉིད་སྟོང་པ་ཉིད་དོ། །སྟོང་པ་ཉིད་རྒ་ཤིའོ། ། ཤཱ་རདྭ་ཏིའི་བུ། སྟོང་པ་ཉིད་གང་ཡིན་པ་དེ་ནི་མི་སྐྱེ་མི་འགག་ཅིང ། ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན་ནོ། །དེ་ལ་ནི་འགྲིབ་པ་མེད་དོ། །འཕེལ་བ་མེད་དོ། ། འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ནོ། །དེ་ལ་ནི་གཟུགས་མེད་དོ། །ཚོར་བ་མེད་དོ། །འདུ་ཤེས་མེད་དོ། །འདུ་བྱེད་རྣམས་མེད་དོ། །རྣམ་པར་ཤེས་པ་མེད་དོ། །དེ་ལ་ནི་མིག་མེད་དོ། །རྣ་བ་མེད་དོ། །སྣ་མེད་དོ། །ལྕེ་མེད་དོ། །ལུས་མེད་དོ། །ཡིད་མེད་དོ། །གཟུགས་རྣམས་མེད་དོ། །སྒྲ་རྣམས་མེད་དོ། །དྲི་རྣམས་མེད་དོ། །རོ་རྣམས་མེད་དོ། །རེག་རྣམས་མེད་དོ། །ཆོས་རྣམས་མེད་དོ། །དེ་ལ་ནི་མིག་གི་ཁམས་མེད་དོ། །གཟུགས་ཀྱི་ཁམས་མེད་དོ། །མིག་གི་རྣམ་པར་ཤེས་པའི་ཁམས་མེད་དོ། །རྣ་བའི་ཁམས་
Ka373a
༄#། །མེད་དོ། །སྒྲའི་ཁམས་མེད་དོ། །རྣ་བའི་རྣམ་པར་ཤེས་པའི་ཁམས་མེད་དོ། །སྣའི་ཁམས་མེད་དོ། །དྲིའི་ཁམས་མེད་དོ། །སྣའི་རྣམ་པར་ཤེས་པའི་ཁམས་མེད་དོ། །ལྕེའི་ཁམས་མེད་དོ། །རོའི་ཁམས་མེད་དོ། །ལྕེའི་རྣམ་པར་ཤེས་པའི་ཁམས་མེད་དོ། །ལུས་ཀྱི་ཁམས་མེད་དོ། །རེག་བྱའི་ཁམས་མེད་དོ། །ལུས་ཀྱི་རྣམ་པར་ཤེས་པའི་ཁམས་མེད་དོ། །ཡིད་ཀྱི་ཁམས་མེད་དོ། །ཆོས་ཀྱི་ཁམས་མེད་དོ། །ཡིད་ཀྱི་རྣམ་པར་ཤེས་པའི་ཁམས་མེད་དོ། །དེ་ལ་ནི་སྡུག་བསྔལ་མེད་དོ། །ཀུན་འབྱུང་བ་མེད་དོ།། འགོག་པ་མེད་དོ། །ལམ་མེད་དོ། །དེ་ལ་ནི་མ་རིག་པ་མེད་དོ། །མ་རིག་པ་འགག་པ་མེད་དོ། །འདུ་བྱེད་རྣམས་མེད་དོ། །འདུ་བྱེད་འགག་པ་མེད་དོ། །རྣམ་པར་ཤེས་པ་མེད་དོ། ། རྣམ་པར་ཤེས་པ་འགག་པ་མེད་དོ། །མིང་དང་གཟུགས་མེད་དོ། །མིང་དང་གཟུགས་འགག་པ་མེད་དོ། །སྐྱེ་མཆེད་དྲུག་མེད་དོ། །སྐྱེ་མཆེད་དྲུག་འགག་པ་མེད་དོ། །རེག་པ་མེད་དོ། །རེག་པ་འགག་པ་མེད་དོ། །ཚོར་བ་མེད་དོ། །ཚོར་བ་འགག་པ་མེད་དོ། །སྲེད་པ་མེད་དོ། །སྲེད་པ་འགག་པ་མེད་དོ། །ལེན་པ་མེད་དོ། །ལེན་པ་འགག་པ་མེད་དོ། ། སྲིད་པ་མེད་དོ། །སྲིད་པ་འགག་པ་མེད་དོ། །སྐྱེ་བ་མེད་དོ། །སྐྱེ་བ་འགག་པ་མེད་དོ། །དེ་ལ་ནི་རྒ་ཤི་མེད་དོ། །རྒ་ཤི་འགག་པ་མེད་དོ། །དེ་ལ་ནི་འཐོབ་པ་མེད་དོ། །མངོན་པར་
Ka373b
རྟོགས་པ་མེད་དོ། །དེ་ལ་ནི་རྒྱུན་དུ་ཞུགས་པ་མེད་དོ། །རྒྱུན་དུ་ཞུགས་པའི་འབྲས་བུ་མེད་དོ། །ལན་གཅིག་ཕྱིར་འོང་བ་མེད་དོ། །ལན་གཅིག་ཕྱིར་འོང་བའི་འབྲས་བུ་མེད་དོ། །ཕྱིར་མི་འོང་བ་མེད་དོ། ། ཕྱིར་མི་འོང་བའི་འབྲས་བུ་མེད་དོ། །དགྲ་བཅོམ་པ་མེད་དོ། །དགྲ་བཅོམ་པའི་འབྲས་བུ་མེད་དོ། །རང་བྱང་ཆུབ་མེད་དོ། །རང་སངས་རྒྱས་མེད་དོ། །དེ་ལ་ནི་ཡང་དག་པར་རྫོགས་པའི་སངས་རྒྱས་མེད་དོ། །ཡང་དག་པར་རྫོགས་པའི་བྱང་ཆུབ་མེད་དོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ་ནི་བརྩོན་པ་ཞེས་བྱའོ། །དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པའམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ ། །སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་ལ་བརྩོན་པའམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་དྲན་པ་ཉེ་བར་བཞག་པ་རྣམས་ལ་བརྩོན་པའམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པ་དང ། དེ་བཞིན་གཤེགས་པའི་སྟོབས་བཅུའི་བར་ལ་བརྩོན་པའམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་སྦྱར་ཏེ།
Ka374a
༄#། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་བརྩོན་པའམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ ། །རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་བརྩོན་པའམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ ། །ཤཱ་རདྭ་ཏིའི་བུ། རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ནི། བརྩོན་ཞེས་བྱའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ནི། རྣམ་པ་ཐམས་ཅད་མཁྱེན་པ་ཉིད་དང་ཉེ་བ་ཡིན་ནོ། །དེ་ཇི་ལྟ་ཇི་ལྟར་རྣམ་པ་ཐམས་ཅད་མཁྱེན་པ་ཉིད་དང་ཉེ་བ་དེ་ལྟ་དེ་ལྟར་ལུས་ཡོངས་སུ་དག་པ་དང ། ངག་ཡོངས་སུ་དག་པ་དང ། སེམས་ཡོངས་སུ་དག་པ་དང ། མཚན་ཡོངས་སུ་དག་པ་ཐོབ་པར་འགྱུར་རོ། །དེ་ཇི་ལྟ་ཇི་ལྟར་ལུས་ཡོངས་སུ་དག་པ་དང ། ངག་ཡོངས་སུ་དག་པ་དང ། སེམས་ཡོངས་སུ་དག་པ་དང ། མཚན་ཡོངས་སུ་དག་པ་ཐོབ་པ་དེ་ལྟ་དེ་ལྟར་འདོད་ཆགས་དང་ལྡན་པའི་སེམས་མི་བསྐྱེད་དོ། །དེ་བཞིན་དུ་ཞེ་སྡང་དང་ལྡན་པ་དང ། གཏི་མུག་དང་ལྡན་པའི་སེམས་མི་བསྐྱེད་དོ། །ང་རྒྱལ་དང་ལྡན་པ་དང ། གཡོ་དང ། སྒྱུ་དང་ལྡན་པ་དང ། ཆགས་པ་དང་ལྡན་པ་དང ། སེར་སྣ་དང ། ཕྲག་དོག་དང་ལྡན་པ་དང ། ལྟ་བ་ཐམས་ཅད་དང་ལྡན་
Ka374b
བའི་སེམས་མི་བསྐྱེད་དོ། །དེས་འདོད་ཆགས་ཀྱི་སེམས་མ་བསྐྱེད་ཅིང ། དེ་བཞིན་དུ་ལྟ་བ་ཐམས་ཅད་དང་ལྡན་པའི་བར་གྱི་སེམས་མ་བསྐྱེད་པས་ནམ་ཡང་མའི་མངལ་དུ་མི་སྐྱེ་སྟེ། རྟག་ཏུ་རྫུས་ཏེ་སྐྱེ་བར་འགྱུར་རོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་མ་གཏོགས་པར་ནམ་ཡང་ངན་སོང་རྣམས་སུ་མི་སྐྱེའོ། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོའོ། ། སེམས་ཅན་རྣམས་ཡོངས་སུ་སྨིན་པར་བྱེད་ལ། སངས་རྒྱས་ཀྱི་ཞིང་ཡོངས་སུ་དག་པར་བྱེད་ཅིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་ནམ་ཡང་སངས་རྒྱས་བཅོམ་ལྡན་འདས་རྣམས་དང་འབྲལ་བར་མི་འགྱུར་རོ། །ཤཱ་རདྭ་ཏིའི་བུ། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་དང་ཕན་ཡོན་དེ་དག་ཐོབ་པར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བརྩོན་པ་མི་འདོར་བར་རྟག་ཏུ་དེ་ལྟར་བརྩོན་པར་བྱའོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་རྣལ་འབྱོར་འདི་ལྟ་སྟེ། སྟོང་པ་ཉིད་ཀྱི་རྣལ་འབྱོར་འདི་ནི་མཆོག་ཡིན་པའི་ཕྱིར་རོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་རྣལ་འབྱོར་འདི་ནི་དེ་ལས་གཞན་པའི་རྣལ་འབྱོར་ཐམས་ཅད་ཟིལ་གྱིས་མནན་ནས་གནས་སོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་
Ka375a
༄#། །པོ་རྣལ་འབྱོར་འདི་ལ་གནས་པ་ནི། དེ་བཞིན་གཤེགས་པའི་སྟོབས་བཅུ་མངོན་པར་སྒྲུབ་བོ། །མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་མངོན་པར་སྒྲུབ་བོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣལ་འབྱོར་འདི་ལ་གནས་པ་ནི། ནམ་ཡང་སེར་སྣའི་སེམས་མི་བསྐྱེད་དོ། །འཆལ་པའི་ཚུལ་ཁྲིམས་ཀྱི་སེམས་དང ། འཁྲུག་པའི་སེམས་དང ། ལེ་ལོའི་སེམས་དང ། རྣམ་པར་གཡེངས་པའི་སེམས་དང ། ཤེས་རབ་འཆལ་བའི་སེམས་མི་བསྐྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུ་དང ། ཚེ་དང་ལྡན་པ་མོའུ་དག་ལ་གྱི་བུ་ཆེན་པོ་དང ། ཚེ་དང་ལྡན་པ་རབ་འབྱོར་དང ། ཚེ་དང་ལྡན་པ་འོད་སྲུང་ཆེན་པོ་དང ། ཚེ་དང་ལྡན་པ་བྱམས་མའི་བུ་གང་པོ་དང ། དེ་དག་དང་གཞན་ཡང་དགེ་སློང་མངོན་པར་གྲགས་པ་རབ་ཏུ་མང་པོ་དག་དང ། བྱང་ཆུབ་སེམས་དཔའ་སེམས་དཔའ་ཆེན་པོ་དག་དང ། དགེ་བསྙེན་དང ། དགེ་བསྙེན་མ་དག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་ནི་ཆེ་བ་ལགས་སོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་
Ka375b
སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་ནི་རྒྱ་ཆེ་བ། ཕ་རོལ་ཏུ་ཕྱིན་པའི་མཆོག་།ཕ་རོལ་ཏུ་ཕྱིན་པ་ཁྱད་པར་དུ་འཕགས་པ། ཕ་རོལ་ཏུ་ཕྱིན་པ་རབ་མཆོག་།ཕ་རོལ་ཏུ་ཕྱིན་པ་བླ་ན་མ་མཆིས་པ། ཕ་རོལ་ཏུ་ཕྱིན་པ་གོང་ན་མ་མཆིས་པ་ལགས་ཏེ། བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་མི་མཉམ་པ་དང་མཉམ་པ། ཕ་རོལ་ཏུ་ཕྱིན་པ་ཞི་བ་དུལ་བ། ཕ་རོལ་ཏུ་ཕྱིན་པའི་རང་གི་མཚན་ཉིད་ཀྱིས་སྟོང་པ། ཕ་རོལ་ཏུ་ཕྱིན་པ་དངོས་པོ་མེད་པའི་ངོ་བོ་ཉིད་སྟོང་པ་ཉིད། ཕ་རོལ་ཏུ་ཕྱིན་པ་ཡོན་ཏན་ཐམས་ཅད་ཡོངས་སུ་རྒྱས་པ། ཕ་རོལ་ཏུ་ཕྱིན་པ་ཡོན་ཏན་ཐམས་ཅད་དང་ལྡན་པ། ཕ་རོལ་ཏུ་ཕྱིན་པ་མི་རྫི་བ་ཉིད་ལགས་སོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་མཆོག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། མི་མཉམ་པ་དང་མཉམ་པའི་སྦྱིན་པ་སྩལ་བ། མི་མཉམ་པ་དང་མཉམ་པའི་སྦྱིན་པ་ཡོངས་སུ་རྫོགས་པ། མི་མཉམ་པ་དང་མཉམ་པའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པ། མི་མཉམ་པ་དང་མཉམ་པའི་ལུས་ཐོབ་པ། མི་མཉམ་པ་དང་མཉམ་པའི་ཆོས་ཐོབ་པ་རྣམས་ཀྱིས་ནི། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་བགྱིད་ལགས་སོ། །དེ་བཞིན་དུ་སྦྱར་ཏེ། སྦྱིན་པའི་ཕ་
Ka376a
༄#། །རོལ་ཏུ་ཕྱིན་པར་ཇི་སྐད་བསྟན་པ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ཡང་དེ་བཞིན་དུ་བགྱིའོ། །བཙུན་པ་བཅོམ་ལྡན་འདས། བཅོམ་ལྡན་འདས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་སྤྱད་ནས་མི་མཉམ་པ་དང་མཉམ་པའི་ཆོས་བརྙེས་པར་གྱུར་ལགས་སོ། །དེ་བཞིན་དུ་མི་མཉམ་པ་དང་མཉམ་པའི་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། མི་མཉམ་པ་དང་མཉམ་པའི་རྣམ་པར་ཤེས་པ་བརྙེས་པར་གྱུར་ལགས་སོ། །དེ་བཞིན་དུ་མི་མཉམ་པ་དང་མཉམ་པའི་ཆོས་ཀྱི་འཁོར་ལོ་བསྐོར་བ་ལགས་སོ། །འདས་པའི་སངས་རྒྱས་བཅོམ་ལྡན་འདས་རྣམས་ཀྱང ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་སྤྱད་ནས་མི་མཉམ་པ་དང་མཉམ་པའི་ཆོས་བརྙེས་པར་གྱུར་ལགས་སོ། །མི་མཉམ་པ་དང་མཉམ་པའི་ཆོས་ཀྱི་འཁོར་ལོ་བསྐོར་བའི་བར་དུ་གྱུར་ལགས་སོ། །དེ་བཞིན་དུ་མ་འོངས་པའི་སངས་རྒྱས་བཅོམ་ལྡན་འདས་ཀྱང ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་སྤྱད་ནས་མི་མཉམ་པ་དང་མཉམ་པའི་ཆོས་བརྙེས་པར་གྱུར་ལགས་སོ། །དེ་བཞིན་དུ་སྦྱར་ཏེ། མི་མཉམ་པ་དང་མཉམ་པའི་ཆོས་ཀྱི་འཁོར་ལོ་བསྐོར་བའི་བར་དུ་གྱུར་ལགས་སོ། །བཙུན་པ་བཅོམ་ལྡན་འདས། དེ་ལྟར་ལགས་པས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཀྱི་ཕ་རོལ་ཏུ་
Ka376b
མཆི་བར་འཚལ་བས་ཤེས་རབ་ཀྱི་ཕ་རོལ་ཏུ་ཕྱིན་པའི་རྣལ་འབྱོར་གྱིས་གནས་པར་བགྱིའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཉན་ཐོས་ཆེན་པོ་དེ་དག་དང ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །ཤེས་ལྡན་དག་།རིགས་ཀྱི་བུ་དག་དེ་དེ་བཞིན་ཏེ། དེ་དེ་བཞིན་ནོ། །ཤེས་ལྡན་དག་།རིགས་ཀྱི་བུ་དག་ཇི་སྐད་སྨྲས་པ་དེ་བཞིན་ཏེ། ཤེས་ལྡན་དག་།རིགས་ཀྱི་བུ་དག་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པའི་རྣལ་འབྱོར་འདིས་གནས་པ་དེ་དག་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱིས་ཕྱག་བྱ་བར་འོས་པ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། རྣལ་འབྱོར་གྱི་ལེའུ་ཞེས་བྱ་སྟེ་བཞི་པའོ།། །། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པའི་རྣལ་འབྱོར་འདིས་གནས་པ་དེ་དག་ནི་ཕྱག་བྱ་བར་འོས་པ་ཡིན་ནོ་ཞེས་དེ་སྐད་ཅེས་བཀའ་སྩལ་ན། བཙུན་པ་བཅོམ་ལྡན་འདས། གང་ཤེས་རབ་ཀྱི་ཕ་རོལ་ཏུ་ཕྱིན་པའི་རྣལ་འབྱོར་དེ་དག་དང་རྟག་ཏུ་མ་བྲལ་བར་གནས་པ། འདི་ལྟ་སྟེ། བྱང་ཆུབ་སེམས་དཔའ་ཞེས་བགྱི་བའི་ཆོས་དེ་གང་ལགས། དེ་ཅིའི་སླད་དུ་ཞེ་ན། འདི་ལྟ་སྟེ། བྱང་ཆུབ་སེམས་དཔའ་ཞེས་
Ka377a
༄#། །བགྱི་བའི་ཆོས་དེ་བདག་གིས་ཡང་དག་པར་རྗེས་སུ་མ་མཐོང་བའི་སླད་དུའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་
Ka377b
ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ།་བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སའི་ཁམས་བྱང་ཆུབ་སེམས་དཔའ་ཡིན་
Ka378a
༄#། །སྙམ་མམ། དེ་བཞིན་དུ་ཆུའི་ཁམས་དང ། མེའི་ཁམས་དང ། རླུང་གི་ཁམས་དང ། ནམ་མཁའི་ཁམས་དང ། རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་སྦྱར་ཏེ། རྒ་ཤིའི་བར་དུ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་དག་ལས་གཞན་ཞིག་བྱང་ཆུབ་སེམས་
Ka378b
དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་སྦྱར་ཏེ། ཡིད་ཀྱི་ཁམས་ཀྱི་བར་དག་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སའི་ཁམས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་ཆུའི་ཁམས་དང ། མེའི་ཁམས་དང ། རླུང་གི་ཁམས་དང ། ནམ་མཁའི་ཁམས་དང ། རྣམ་པར་ཤེས་པའི་ཁམས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་དུ་སྦྱར་ཏེ། རྒ་ཤིའི་བར་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་
Ka379a
༄#། །སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་ཀྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་ཀྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས།
Ka379b
མ་རིག་པའི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་ཀྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་ཀྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་
Ka380a
༄#། །དུ་སེམས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པའི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཁྱོད་ཀྱིས་དོན་གྱི་དབང་གང་ཞིག་མཐོང་ན། འདི་སྐད་དུ་གཟུགས་བྱང་ཆུབ་སེམས་དཔའ་མ་ཡིན་ཞིང ། དེ་བཞིན་དུ་སྦྱར་ཏེ། རྒ་ཤིའི་བར་དུ་བྱང་ཆུབ་སེམས་དཔའ་མ་ཡིན་ལ། གཟུགས་ལས་གཞན་ཡང་བྱང་ཆུབ་སེམས་དཔའ་མ་ཡིན། གཟུགས་ཀྱི་དེ་བཞིན་ཉིད་ཀྱང་བྱང་ཆུབ་སེམས་དཔའ་མ་ཡིན་ཞིང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་ཀྱང་བྱང་ཆུབ་སེམས་དཔའ་མ་ཡིན་ལ། གཟུགས་ཀྱི་དེ་བཞིན་ཉིད་ལས་གཞན་ཡང་བྱང་ཆུབ་སེམས་དཔའ་མ་ཡིན་ཏེ། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་ལས་བྱང་ཆུབ་སེམས་དཔའ་
Ka380b
གཞན་མ་ཡིན་ཞེས་ཟེར། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། སེམས་ཅན་གཏན་མི་དམིགས་ན། དེ་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ལས་བྱང་ཆུབ་སེམས་དཔའ་གཞན་དུ་འགྱུར་བ་ལྟ་ག་ལ་མཆིས། དེ་བཞིན་དུ་སྦྱར་ཏེ། རྒ་ཤིའི་བར་དུ་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤི་ལས་བྱང་ཆུབ་སེམས་དཔའ་གཞན་དུ་འགྱུར་བ་ལྟ་ག་ལ་མཆིས། གཟུགས་ཀྱི་དེ་བཞིན་ཉིད་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་དེ་བཞིན་ཉིད་ལས་བྱང་ཆུབ་སེམས་དཔའ་གཞན་དུ་འགྱུར་བ་ལྟ་ག་ལ་མཆིས། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་གྱི་དེ་བཞིན་ཉིད་ལས་བྱང་ཆུབ་སེམས་དཔའ་གཞན་དུ་འགྱུར་བ་ལྟ་ག་ལ་མཆིས་ཏེ། དེ་དག་ནི་གནས་མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ལེགས་སོ་ལེགས་སོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་མི་དམིགས་པའི་ཕྱིར། མི་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་ཀྱི་ཚིག་བླ་དྭགས་
Ka381a
༄#། །བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྟག་པའམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྟག་པའི་ཚིག་བླ་དྭགས་སམ ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་བདེ་བའི་ཚིག་བླ་དྭགས་སམ། སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདེ་བའི་ཚིག་བླ་དྭགས་སམ། སྡུག་བསྔལ་བའི་ཚིག་བླ་
Ka381b
དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་བདག་ཡོད་པའི་ཚིག་བླ་དྭགས་སམ། བདག་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདག་ཡོད་པའི་ཚིག་བླ་དྭགས་སམ། བདག་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་སྟོང་པའི་ཚིག་བླ་དྭགས་སམ། མི་སྟོང་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་པའི་ཚིག་བླ་དྭགས་སམ། མི་སྟོང་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་མཚན་མ་ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ་
Ka382a
༄#། །བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མཚན་མ་ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་སྨོན་པ་ཡོད་པའི་ཚིག་བླ་དྭགས་སམ། སྨོན་པ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྨོན་པ་ཡོད་པའི་ཚིག་བླ་དྭགས་སམ། སྨོན་པ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་ཞི་བའི་ཚིག་བླ་དྭགས་སམ། མ་ཞི་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཞི་བའི་ཚིག་བླ་དྭགས་
Ka382b
སམ། མ་ཞི་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་དབེན་པའི་ཚིག་བླ་དྭགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དབེན་པའི་ཚིག་བླ་དྭགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཅུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་ཀུན་ནས་ཉོན་མོངས་པའི་ཚིག་བླ་དྭགས་སམ། རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཀུན་ནས་ཉོན་མོངས་པའི་ཚིག་བླ་དྭགས་སམ། རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ།་བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་སྐྱེ་བའི་ཚིག་བླ་དྭགས་སམ། འགག་པའི་ཚིག་བླ་དྭགས་བྱང་ཆུབ་སེམས་
Ka383a
༄#། །དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང་འདུ་བྱེད་རྣམས་དང ། རྣམ་པར་ཤེས་པ་སྐྱེ་བའི་ཚིག་བླ་དྭགས་སམ། འགག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་
Ka383b
ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་བདེ་བའི་ཚིག་བླ་དྭགས་སམ། སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་བདེ་བའི་ཚིག་བླ་དྭགས་སམ། སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་བདག་ཡོད་པའི་ཚིག་བླ་དྭགས་སམ། བདག་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་བདག་ཡོད་པའི་ཚིག་བླ་དྭགས་
Ka384a
༄#། །སམ། བདག་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་སྟོང་པའི་ཚིག་བླ་དྭགས་སམ། མི་སྟོང་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་སྟོང་པའི་ཚིག་བླ་དྭགས་སམ། མི་སྟོང་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་མཚན་མ་ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་མཚན་མ་ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་སྨོན་པ་ཡོད་པའི་ཚིག་བླ་དྭགས་སམ། སྨོན་པ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ།
Ka384b
གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་སྨོན་པ་ཡོད་པའི་ཚིག་བླ་དྭགས་སམ། སྨོན་པ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་ཞི་བའི་ཚིག་བླ་དྭགས་སམ། མ་ཞི་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཞི་བའི་ཚིག་བླ་དྭགས་སམ། མ་ཞི་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་དབེན་པའི་ཚིག་བླ་དྭགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་དབེན་པའི་ཚིག་བླ་དྭགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་ཀུན་ནས་ཉོན་
Ka385a
༄#། །མོངས་པའི་ཚིག་བླ་དྭགས་སམ། རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀུན་ནས་ཉོན་མོངས་པའི་ཚིག་བླ་དྭགས་སམ། རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་སྐྱེ་བའི་ཚིག་བླ་དྭགས་སམ། འགག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་སྐྱེ་བའི་ཚིག་བླ་དྭགས་སམ། འགག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྣ་བ་དང ། སྣ་དང ། ལྕེ་དང ། ལུས་དང ། ཡིད་དངོས་པོ་ཡོད་པའི་
Ka385b
ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་ཀྱི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་བདེ་བའི་ཚིག་བླ་དྭགས་སམ། སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང །
Ka386a
༄#། །རེག་པ་དང ། ཆོས་རྣམས་བདེ་བའི་ཚིག་བླ་དྭགས་སམ། སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་བདག་ཡོད་པའི་ཚིག་བླ་དྭགས་སམ། བདག་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་བདག་ཡོད་པའི་ཚིག་བླ་དྭགས་སམ། བདག་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་སྟོང་པའི་ཚིག་བླ་དྭགས་སམ། མི་སྟོང་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་སྟོང་པའི་ཚིག་བླ་དྭགས་སམ། མི་སྟོང་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་མཚན་མ་
Ka386b
ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་མཚན་མ་ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་སྨོན་པ་ཡོད་པའི་ཚིག་བླ་དྭགས་སམ། སྨོན་པ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་སྨོན་པ་ཡོད་པའི་ཚིག་བླ་དྭགས་སམ། སྨོན་པ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ལྔ་པ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་ཞི་བའི་ཚིག་བླ་དྭགས་སམ། མ་ཞི་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་དུ་སྒྲ་
Ka387a
༄#། །དང ། དྲི་དང ། རོ་དང ། རེག་པ་དང ། ཆོས་རྣམས་ཞི་བའི་ཚིག་བླ་དྭགས་སམ། མ་ཞི་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ།་བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་དབེན་པའི་ཚིག་བླ་དྭགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་དུ་སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་དབེན་པའི་ཚིག་བླ་དྭགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་ཀུན་ནས་ཉོན་མོངས་པའི་ཚིག་བླ་དྭགས་སམ། རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་དུ་སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀུན་ནས་ཉོན་མོངས་པའི་ཚིག་བླ་དྭགས་སམ། རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་
Ka387b
ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་སྐྱེ་བའི་ཚིག་བླ་དྭགས་སམ། འགག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་སྐྱེ་བའི་ཚིག་བླ་དྭགས་སམ། འགག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་རྣམས་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་ཀྱི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་
Ka388a
༄#། །པའི་ཁམས་ཀྱི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས།་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་བདེ་བའི་ཚིག་བླ་དྭགས་སམ། སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་
Ka388b
གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་བདག་ཡོད་པའི་ཚིག་བླ་དྭགས་སམ། བདག་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་སྟོང་པའི་ཚིག་བླ་དྭགས་སམ། མི་སྟོང་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་མཚན་མ་ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་སྨོན་པ་ཡོད་པའི་ཚིག་བླ་
Ka389a
༄#། །དྭགས་སམ། སྨོན་པ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་ཞི་བའི་ཚིག་བླ་དྭགས་སམ། མ་ཞི་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་དབེན་པའི་ཚིག་བླ་དྭགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ།་འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་ཀུན་ནས་ཉོན་མོངས་པའི་ཚིག་བླ་དྭགས་སམ། རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས།
Ka389b
མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་སྐྱེ་བའི་ཚིག་བླ་དྭགས་སམ། མི་སྐྱེ་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་བདེ་
Ka390a
༄#། །པའི་ཚིག་བླ་དྭགས་སམ། སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་བདག་ཡོད་པའི་ཚིག་བླ་དྭགས་སམ། བདག་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་སྟོང་པའི་ཚིག་བླ་དྭགས་སམ། མི་སྟོང་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་མཚན་མ་ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་སྨོན་པ་ཡོད་པའི་ཚིག་བླ་དྭགས་སམ། སྨོན་པ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་
Ka390b
སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཞི་བའི་ཚིག་བླ་དྭགས་སམ། མ་ཞི་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་དབེན་པའི་ཚིག་བླ་དྭགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཀུན་ནས་ཉོན་མོངས་པའི་ཚིག་བླ་དྭགས་སམ། རྣམ་བར་བྱང་བའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་སྐྱེ་བའི་ཚིག་བླ་དྭགས་སམ། འགག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། མ་རིག་པ་དང ། དེ་བཞིན་དུ་སྦྱར་ཏེ། རྒ་ཤིའི་བར་གྱི་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་
Ka391a
༄#། །ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ཁྱོད་དོན་གྱི་དབང་ཅི་ཞིག་མཐོང་ན། འདི་སྐད་དུ་གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། གཟུགས་རྟག་པའི་ཚིག་བླ་དྭགས་དང ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྟག་པའི་ཚིག་བླ་དྭགས་དང ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་གཟུགས་བདེ་བའི་ཚིག་བླ་དྭགས་མ་ཡིན། སྡུག་བསྔལ་བའི་ཚིག་བླ་དྭགས་མ་ཡིན། བདག་ཡོད་པའི་ཚིག་བླ་དྭགས་མ་ཡིན། བདག་མེད་པའི་ཚིག་བླ་དྭགས་མ་ཡིན། སྟོང་པའི་ཚིག་བླ་དྭགས་མ་ཡིན། མི་སྟོང་པའི་ཚིག་བླ་དྭགས་མ་ཡིན། མཚན་མ་ཡོད་པའི་ཚིག་བླ་དྭགས་མ་ཡིན། མཚན་མ་མེད་པའི་ཚིག་བླ་དྭགས་མ་ཡིན། སྨོན་པ་ཡོད་པའི་ཚིག་བླ་དྭགས་མ་ཡིན། སྨོན་པ་མེད་པའི་ཚིག་བླ་དྭགས་མ་ཡིན། ཞི་བའི་ཚིག་བླ་དྭགས་མ་ཡིན། མ་ཞི་བའི་ཚིག་བླ་དྭགས་མ་ཡིན། དབེན་པའི་ཚིག་བླ་དྭགས་མ་ཡིན། མི་དབེན་པའི་ཚིག་བླ་དྭགས་མ་ཡིན། ཀུན་ནས་ཉོན་མོངས་པའི་ཚིག་བླ་དྭགས་མ་ཡིན། རྣམ་པར་བྱང་བའི་ཚིག་བླ་དྭགས་མ་ཡིན།
Ka391b
སྐྱེ་བའི་ཚིག་བླ་དྭགས་མ་ཡིན། འགག་པའི་ཚིག་བླ་དྭགས་མ་ཡིན། དངོས་པོ་ཡོད་པའི་ཚིག་བླ་དྭགས་མ་ཡིན། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའི་མ་ཡིན། དེ་བཞིན་དུ་སྦྱར་ཏེ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་མོད་པའི་ཚིག་བླ་དྭགས་དང ། དངོས་པོ་མེད་པའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་མིག་གི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་མིག་རྟག་པའི་ཚིག་བླ་དྭགས་དང ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། མིག་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དངོས་པོ་ཡོད་པའི་ཚིག་བླ་དྭགས་སམ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། གཟུགས་རྣམས་ཀྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། གཟུགས་
Ka392a
༄#། །རྣམས་རྟག་པའི་ཚིག་བླ་དྭགས་དང ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་རྟག་པའི་ཚིག་བླ་དྭགས་དང ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། གཟུགས་རྣམས་དངོས་པོ་ཡོད་པའི་ཚིག་བླ་དྭགས་དང ། དངོས་པོ་མེད་པའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་དངོས་པོ་ཡོད་པའི་ཚིག་བླ་དྭགས་དང ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ཀྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་རྟག་པའི་ཚིག་བླ་དྭགས་དང ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དངོས་པོ་ཡོད་པའི་ཚིག་བླ་དྭགས་
Ka392b
དང ། དངོས་པོ་མེད་པའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་ཡིད་ཀྱི་རྣམ་པར་ཤེས་པའི་ཁམས་དངོས་པོ་ཡོད་པའི་ཚིག་བླ་དྭགས་དང ། དངོས་པོ་མེད་པའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། མ་རིག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་མ་རིག་པ་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། མ་རིག་པ་མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་མ་རིག་པ་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་དུ་རྟག་པའི་ཚིག་བླ་དྭགས་སམ། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། མ་རིག་པ་དངོས་པོ་ཡོད་པའི་ཚིག་བླ་དྭགས་དང ། དངོས་པོ་མེད་པའི་ཚིག་བླ་དྭགས་ཀྱི་བར་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་དུ་དངོས་པོ་ཡོད་པའི་ཚིག་བླ་དྭགས་དང ། དངོས་པོ་མེད་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན་ཞེས་ཟེར། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས།
Ka393.1a
༄#། །གཟུགས་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔའ་པར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྟག་པའམ། མི་རྟག་པ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་བདེ་ཞེས་བགྱི་བའམ། སྡུག་བསྔལ་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་བདག་ཅེས་བགྱི་བའམ། བདག་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་སྟོང་ཞེས་བགྱི་བའམ། མི་སྟོང་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་
Ka393.1b
བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་མཚན་མ་མཆིས་ཞེས་བགྱི་བའམ། མཚན་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་སྨོན་པ་མཆིས་ཞེས་བགྱི་བའམ། སྨོན་པ་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་ཞི་ཞེས་བགྱི་བའམ། མ་ཞི་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་དབེན་ཞེས་བགྱི་བའམ། མི་དབེན་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་
Ka393.2a
༄#། །དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་ཀུན་ནས་ཉོན་མོངས་ཞེས་བགྱི་བའམ། རྣམ་པར་བྱང་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་སྐྱེ་ཞེས་བགྱི་བའམ། འགག་ཅེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང།་འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་དངོས་པོ་མཆིས་ཞེས་བགྱི་བའམ། དངོས་པོ་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་གཏན་མི་དམིགས་ལགས་ན། མིག་གི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང།་ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་རྟག་ཅེས་བགྱི་བའམ། མིག་རྟག་ཅེས་བགྱི་བ་གཏན་མི་དམིགས་ལགས་ན། མིག་གི་ཚིག་བླ་དྭགས་བྱང་ཆུབ་
Ka393.2b
སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་བདེ་ཞེས་བགྱི་བ་གཏན་མི་དམིགས་ལགས་ན།་མིག་སྡུག་བསྔལ་ཞེས་བགྱི་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་བདག་མཆིས་ཞེས་བགྱི་བ་གཏན་མི་དམིགས་ལགས་ན། མིག་བདག་མ་མཆིས་ཞེས་བགྱི་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་སྟོང་ཞེས་བགྱི་བ་གཏན་མི་དམིགས་ལགས་ན། མིག་མི་སྟོང་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་མཚན་མ་མཆིས་ཞེས་བྱ་བ་གཏན་མི་དམིགས་ལགས་ན། མིག་མཚན་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་སྨོན་པ་མཆིས་ཞེས་བགྱི་བ་གཏན་མི་དམིགས་ལགས་ན། མིག་སྨོན་པ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་
Ka394a
༄#། །བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་ཞི་ཞེས་བགྱི་བ་གཏན་མི་དམིགས་ལགས་ན། མིག་མ་ཞི་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་དབེན་ཞེས་བགྱི་བ་གཏན་མི་དམིགས་ལགས་ན། མིག་མི་དབེན་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་ཀུན་ནས་ཉོན་མོངས་ཞེས་བགྱི་བ་གཏན་མི་དམིགས་ལགས་ན། མིག་རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་སྐྱེ་ཞེས་བགྱི་བ་གཏན་མི་དམིགས་ལགས་ན།་མིག་འགག་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། མིག་དངོས་པོ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང ། སྣ་དང །
Ka394b
ལྕེ་དང ། ལུས་དང ། ཡིད་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་གཏན་མི་དམིགས་ལགས་ན། གཟུགས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་རྟག་ཅེས་བགྱི་བ་གཏན་མི་དམིགས་ལགས་ན། གཟུགས་རྣམས་མི་རྟག་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་བདེ་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་བདག་ཅེས་བགྱི་བ་གཏན་མི་དམིགས་ལགས་ན། གཟུགས་རྣམས་བདག་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་སྟོང་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མི་སྟོང་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས།
Ka395a
༄#། །སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་མཚན་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མཚན་མ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་སྨོན་པ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་སྨོན་པ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་ཞི་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མ་ཞི་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་དབེན་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མི་དབེན་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་
Ka395b
ཀུན་ནས་ཉོན་མོངས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་སྐྱེ་བའི་ཚིག་བླ་དྭགས་གཏན་མི་དམིགས་ལགས་ན། གཟུགས་རྣམས་འགག་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། གཟུགས་རྣམས་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་དངོས་པོ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཀྱང་དེ་ལྟ་ལགས་སོ། །བཙུན་པ་བཅོམ་ལྡན་འདས། མིག་གི་ཁམས་གཏན་མི་དམིགས་ལགས་ན། མིག་གི་ཁམས་ཀྱི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་རྟག་ཅེས་བགྱི་བ་གཏན་མི་དམིགས་ལགས་ན། མིག་གི་ཁམས་མི་རྟག་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་
Ka396a
༄#། །ཁམས་དང ། མིག་གི་རྣམ་པར་ཤེས་པའི་ཁམས་ནས།་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་བདེ་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་བདག་མཆིས་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་བདག་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས་མིག་གི་ཁམས་སྟོང་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་མི་སྟོང་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་
Ka396b
ཁམས་མཚན་མ་མཆིས་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་མཚན་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་སྨོན་པ་མཆིས་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་སྨོན་པ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་ཞི་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་མ་ཞི་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་དབེན་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་མི་དབེན་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་
Ka397a
༄#། །ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་ཀུན་ནས་ཉོན་མོངས་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་སྐྱེ་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་འགག་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས།་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མིག་གི་ཁམས་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་དངོས་པོ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནས།་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་གཏན་མི་དམིགས་ལགས་ན། མ་རིག་པའི་ཚིག་བླ་
Ka397b
དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་རྟག་ཅེས་བགྱི་བ་གཏན་མི་དམིགས་ལགས་ན། མ་རིག་པ་མི་རྟག་པའི་ཆིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་བདེ་ཞེས་བགྱི་བ་གཏན་མི་དམིགས་ལགས་ན། མ་རིག་པ་སྡུག་བསྔལ་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་བདག་ཅེས་བགྱི་བ་གཏན་མི་དམིགས་ལགས་ན། མ་རིག་པ་བདག་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་སྟོང་ཞེས་བགྱི་བ་གཏན་མི་དམིགས་ལགས་ན། མ་རིག་པ་མི་སྟོང་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་མཚན་མ་མཆིས་ཞེས་བགྱི་བ་གཏན་མི་དམིགས་ལགས་ན། མ་རིག་པ་མཚན་མ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་
Ka398a
༄#། །བཅོམ་ལྡན་འདས། མ་རིག་པ་སྨོན་པ་མཆིས་ཞེས་བགྱི་བ་གཏན་མི་དམིགས་ལགས་ན། མ་རིག་པ་སྨོན་པ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་ཞི་ཞེས་བགྱི་བ་གཏན་མི་དམིགས་ལགས་ན། མ་རིག་པ་མ་ཞི་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་དབེན་ཞེས་བགྱི་བ་གཏན་མི་དམིགས་ལགས་ན། མ་རིག་པ་མི་དབེན་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་ཀུན་ནས་ཉོན་མོངས་ཞེས་བགྱི་བ་གཏན་མི་དམིགས་ལགས་ན། མ་རིག་པ་རྣམ་པར་བྱང་བའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། མ་རིག་པ་སྐྱེ་ཞེས་བགྱི་བ་གཏན་མི་དམིགས་ལགས་ན། མ་རིག་པ་འགག་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་
Ka398b
འདས། མ་རིག་པ་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། མ་རིག་པ་དངོས་པོ་མ་མཆིས་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱི་སྟེ། ཕུང་པོའི་སྐབས་སུ་ཇི་སྐད་བསྟན་པ་བཞིན་དུ་ཐམས་ཅད་རྒྱ་ཆེར་སྦྱར་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ལེགས་སོ་ལེགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པས་གཟུགས་ཀྱི་ཚིག་བླ་དྭགས་མི་དམིགས། དེ་བཞིན་དུ་སྦྱར་ཏེ། གཟུགས་དངོས་པོ་མེད་པའི་བར་གྱི་ཚིག་བླ་དྭགས་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་ཚིག་བླ་དྭགས་མི་དམིགས་པ་ནས། དེ་བཞིན་དུ་སྦྱར་ཏེ། རྣམ་པར་ཤེས་པའི་དངོས་པོ་མེད་པའི་བར་གྱི་ཚིག་བླ་དྭགས་མི་དམིགས། དེ་བཞིན་དུ་སྦྱར་ཏེ། མ་རིག་པའི་བར་གྱི་ཚིག་བླ་དྭགས་མི་དམིགས་ཤིང ། རྒ་ཤིའི་བར་གྱི་ཚིག་བླ་དྭགས་མི་དམིགས་པ་ནས། དངོས་པོ་མེད་པའི་བར་གྱི་ཚིག་བླ་དྭགས་མི་དམིགས་པར་ཕུང་པོའི་སྐབས་སུ་ཇི་སྐད་བསྟན་པ་དེ་བཞིན་དུ་སྦྱར་བར་བྱ་སྟེ། དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། བྱང་ཆུབ་སེམས་དཔའི་ཚིག་བླ་དྭགས་ཀྱི་ལེའུ་ཞེས་བྱ་སྟེ་ལྔ་པའོ།། །།ཤཱ་རདྭ་ཏིའི་བུ། འདི་ལྟ་སྟེ། བྱང་ཆུབ་
Ka399a
༄#། །སེམས་དཔའ་ཞེས་བགྱི་བའི་ཆོས་དེ་བདག་གིས་ཡང་དག་པར་རྗེས་སུ་མི་མཐོང་ངོ་ཞེས་དེ་སྐད་ཟེར་བའང ། ཤཱ་རདྭ་ཏིའི་བུ། ཆོས་ཀྱིས་ཆོས་ཡང་དག་པར་རྗེས་སུ་མི་མཐོང་ངོ ། །ཤཱ་རདྭ་ཏིའི་བུ། ཆོས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ ། །གཟུགས་ཀྱི་ཁམས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ ། །ཆོས་ཀྱི་དབྱིངས་ཀྱིས་ཀྱང་གཟུགས་ཀྱི་ཁམས་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་ཀྱི་དབྱིངས་ཀྱིས་ཀྱང་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་ངོ། །རྣམ་པར་ཤེས་པའི་ཁམས་ཀྱི་བར་གྱིས་ཀྱང་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ ། །ཤཱ་རདྭ་ཏིའི་བུ། མིག་གི་ཁམས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ ། །ཆོས་ཀྱི་དབྱིངས་ཀྱིས་ཀྱང་མིག་གི་ཁམས་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་སྦྱར་ཏེ། ཡིད་ཀྱི་ཁམས་ཀྱི་བར་གྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ། །ཆོས་ཀྱི་དབྱིངས་ཀྱིས་ཀྱང་ཡིད་ཀྱི་ཁམས་ཡང་དག་པར་རྗེས་སུ་མི་མཐོང་ངོ ། །མིག་གི་རྣམ་པར་ཤེས་པའི་ཁམས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ ། ། ཆོས་ཀྱི་དབྱིངས་ཀྱིས་ཀྱང་མིག་གི་རྣམ་པར་ཤེས་པའི་ཁམས་ཡང་དག་པར་རྗེས་སུ་མི་མཐོང་ངོ ། །ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱིས་ཆོས་ཀྱི་དབྱིངས་ཡང་དག་པར་
Ka399b
རྗེས་སུ་མི་མཐོང་ངོ ། །ཆོས་ཀྱི་དབྱིངས་ཀྱིས་ཀྱང་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་ངོ ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། འདུས་བྱས་ཀྱི་ཁམས་ཀྱིས་འདུས་མ་བྱས་ཀྱི་ཁམས་ཡང་དག་པར་རྗེས་སུ་མི་མཐོང་ལ། འདུས་མ་བྱས་ཀྱི་ཁམས་ཀྱིས་ཀྱང་འདུས་བྱས་ཀྱི་ཁམས་ཡང་དག་པར་རྗེས་སུ་མི་མཐོང་བའི་ཕྱིར་རོ། །ཤཱ་རདྭ་ཏིའི་བུ། འདུས་བྱས་ལ་མ་གཏོགས་པར་འདུས་མ་བྱས་ཀྱི་ཁམས་གདགས་པར་མི་ནུས་ལ། འདུས་མ་བྱས་ཀྱི་ཁམས་ལ་མ་གཏོགས་པར་ཡང་འདུས་བྱས་ཀྱི་ཁམས་གདགས་པར་མི་ནུས་སོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་ཆོས་ཀྱིས་ཆོས་ཡང་དག་པར་རྗེས་སུ་མི་མཐོང་ལ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ལགས་མོད་ཀྱི། འོན་ཀྱང་བཙུན་པ་བཅོམ་ལྡན་འདས། བྱང་ཆུབ་སེམས་དཔའ་བྱང་ཆུབ་སེམས་དཔའ་ཞེས་བགྱི་བ་དེའི་གཞིའི་དོན་གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་རདྭ་ཏིའི་བུ། བྱང་ཆུབ་སེམས་དཔའི་གཞིའི་དོན་ནི་གཞི་མེད་པའི་དོན་ཏོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བྱང་ཆུབ་སེམས་དཔའི་གཞིའི་དོན་གྱི་བདག་ཉིད་མེད་པའི་ཕྱིར་ཏེ།
Ka400a
༄#། །དེ་ལྟ་བས་ན་བྱང་ཆུབ་སེམས་དཔའི་གཞིའི་དོན་ནི་གཞི་མེད་པའི་དོན་ཏོ། །ཤཱ་རདྭ་ཏིའི་བུ། དཔེར་ན། ནམ་མཁའ་ལ་བྱ་རྣམས་ཀྱི་རྗེས་མེད་དོ། །དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། རྨི་ལམ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། སྒྱུ་མ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། སྨིག་རྒྱུ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །དེ་བཞིན་དུ་བྲག་ཅ་དང ། མིག་ཡོར་དང ། ཆུ་ཟླ་དང ། དེ་བཞིན་གཤེགས་པའི་སྤྲུལ་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། དེ་བཞིན་ཉིད་ལ་གཞི་མེད་དོ། །དེ་བཞིན་དུ་མ་ནོར་བ་དེ་བཞིན་ཉིད་དང ། ཆོས་ཉིད་དང ། ཆོས་ཀྱི་དབྱིངས་དང ། ཆོས་སྐྱོན་མེད་པ་ཉིད་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། ཡང་དག་པའི་མཐའ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། སྒྱུ་མའི་སྐྱེས་བུའི་གཟུགས་ཀྱི་ཕུང་པོ་ལ་
Ka400b
གཞི་མེད་དོ། །དེ་བཞིན་དུ་ཚོར་བའི་ཕུང་པོ་དང ། འདུ་ཤེས་ཀྱི་ཕུང་པོ་དང ། འདུ་བྱེད་ཀྱི་ཕུང་པོ་དང ། རྣམ་པར་ཤེས་པའི་ཕུང་པོ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། སྒྱུ་མའི་སྐྱེས་བུའི་མིག་ལ་གཞི་མེད་དོ། །དེ་བཞིན་དུ་ཡིད་ཀྱི་བར་ལ་གཞི་མེད་དོ། །དེ་བཞིན་དུ་སྦྱར་ཏེ། གཟུགས་ཀྱི་སྐྱེ་མཆེད་ལ་གཞི་མེད་པ་ནས། ཆོས་ཀྱི་སྐྱེ་མཆེད་ཀྱི་བར་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། སྒྱུ་མའི་སྐྱེས་བུ་ནང་སྟོང་པ་ཉིད་ལ་སྤྱོད་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །དེ་བཞིན་དུ་སྦྱར་ཏེ། སྒྱུ་མའི་སྐྱེས་བུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སྤྱོད་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། སྒྱུ་མའི་སྐྱེས་བུ་དེ་བཞིན་གཤེགས་པའི་སྟོབས་བཅུ་ལ་སྤྱོད་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའི་གཞིའི་དོན་མེད་
Ka401a
༄#། །དོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྤྱོད་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གཟུགས་ལ་གཞིའི་དོན་མེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་མིག་ལ་གཞིའི་དོན་མེད་དོ། །དེ་བཞིན་དུ་ཡིད་ཀྱི་བར་ལ་གཞིའི་དོན་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ནང་སྟོང་པ་ཉིད་ལ་སྤྱོད་པ་ལ་གཞིའི་དོན་མེད་དོ། །དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སྤྱོད་པ་ལ་
Ka401b
གཞིའི་དོན་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ།་དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་དྲན་པ་ཉེ་བར་བཞག་པ་རྣམས་ལ་གཞི་མེད་དོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། འདུས་བྱས་ཀྱི་ཁམས་ལ། འདུས་མ་བྱས་ཀྱི་ཁམས་ཀྱི་གཞི་མེད་དོ། །འདུས་མ་བྱས་ཀྱི་ཁམས་ལ། འདུས་བྱས་ཀྱི་ཁམས་ཀྱི་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། སྐྱེ་བ་མེད་པ་ལ་གཞི་མེད་དོ། །དེ་བཞིན་དུ་འགག་པ་མེད་པ་དང ། མངོན་པར་འདུ་བྱེད་པ་མེད་པ་དང ། འབྱུང་བ་མེད་པ་དང ། དམིགས་སུ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་
Ka402a
༄#། །དོན་མེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གང་གི་སྐྱེ་བ་མ་མཆིས་པ་ལ་གཞི་མ་མཆིས་པ་ལགས། གང་གི་ཀུན་ནས་ཉོན་མོངས་པ་མ་མཆིས་པའི་བར་ལ་གཞི་མ་མཆིས་པ་ལགས། གང་གི་རྣམ་པར་བྱང་བ་མ་མཆིས་པའི་བར་ལ་གཞི་མ་མཆིས་པ་ལགས་བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གཟུགས་ཀྱི་སྐྱེ་བ་མེད་པ་ལ་གཞི་མེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྐྱེ་བ་མེད་པ་ལ་གཞི་མེད་དོ། །དེ་བཞིན་དུ་སྦྱར་ཏེ། གཟུགས་ཀྱི་ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པའི་བར་ལ་གཞི་མེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །ཤཱ་རདྭ་ཏིའི་བུ། མིག་གི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་ཀྱི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །དེ་བཞིན་དུ་སྦྱར་ཏེ། ཡིད་ཀྱི་བར་གྱི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །དེ་བཞིན་
Ka402b
དུ་མིག་གི་ཁམས་ཀྱི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཀྱི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །ཤཱ་རདྭ་ཏིའི་བུ། དཔེར་ན། དེ་བཞིན་གཤེགས་པའི་སྟོབས་བཅུའི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་སྐྱེ་བ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་པ་ཡིན་ནོ། །ཤཱ་རདྭ་ཏིའི་བུ། དཔེར་ན། དྲན་པ་ཉེ་བར་བཞག་པ་རྣམས་ཤིན་ཏུ་རྣམ་པར་དག་པ་ལ་གཞི་མེད་དོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ཤིན་ཏུ་རྣམ་པར་དག་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་
Ka403a
༄#། །བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་དྲུག་པ། ཤཱ་རདྭ་ཏིའི་བུ། དཔེར་ན། དེ་བཞིན་གཤེགས་པའི་སྟོབས་བཅུ་ཤིན་ཏུ་རྣམ་པར་དག་པ་ལ་གཞི་མེད་དོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཤིན་ཏུ་རྣམ་པར་དག་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། བདག་མེད་པ་ཉིད་ཀྱི་ཕྱིར་བདག་ཤིན་ཏུ་རྣམ་པར་དག་པ་ལ་གཞི་མེད་དོ། །དེ་བཞིན་དུ་སྦྱར་ཏེ། ཤེས་པ་པོ་དང ། མཐོང་བ་པོའི་བར་དུ་མེད་པའི་ཕྱིར་སེམས་ཅན་དང ། སྲོག་དང ། གསོ་བ་དང ། གང་ཟག་དང ། ཤེད་ལས་སྐྱེས་དང ། ཤེད་བུ་དང ། བྱེད་དུ་འཇུག་པ་པོ་དང ། བྱེད་པ་པོ་དང ། སློང་བ་པོ་དང ། ཀུན་ནས་སློང་བ་པོ་དང ། ཚོར་བ་པོ་དང ། ཚོར་བར་བྱེད་པ་པོ་དང ། ཤེས་པ་པོ་དང ། མཐོང་བ་པོ་རྣམས་ཤིན་ཏུ་རྣམ་པར་དག་པ་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་
Ka403b
བུ།་དཔེར་ན། ཉི་མའི་དཀྱིལ་འཁོར་འཆར་བ་ལ་མུན་པའི་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དེ་བཞིན་དུ་བསྲེག་པའི་བསྐལ་པ་འབྱུང་བ་ན་འདུ་བྱེད་དུ་གཏོགས་པ་ཐམས་ཅད་ཀྱི་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཚུལ་ཁྲིམས་ཀྱི་ཕུང་པོ་ལ་འཆལ་བའི་ཚུལ་ཁྲིམས་ཀྱི་གཞི་མེད་དོ། །དེ་བཞིན་དུ་ཏིང་ངེ་འཛིན་གྱི་ཕུང་པོ་ལ་སེམས་རྣམ་པར་གཡེང་བའི་གཞི་མེད་དོ། །དེ་བཞིན་དུ་ཤེས་རབ་ཀྱི་ཕུང་པོ་ལ་འཆལ་པའི་ཤེས་རབ་ཀྱི་གཞི་མེད་དོ། །དེ་བཞིན་དུ་རྣམ་པར་གྲོལ་བའི་ཕུང་པོ་ལའང་རྣམ་པར་མ་གྲོལ་བའི་གཞི་མེད་དོ། །དེ་བཞིན་དུ་རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ལའང་རྣམ་པར་གྲོལ་བའི་ཡེ་ཤེས་མཐོང་བ་མ་ཡིན་པའི་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །ཤཱ་རདྭ་ཏིའི་བུ། དཔེར་ན། དེ་བཞིན་གཤེགས་པའི་འོད་དང ། ཟླ་བ་དང ། ཉི་མའི་འོད་ལ་གཞི་མེད་དོ། །དེ་བཞིན་དུ་སྦྱར་ཏེ། སུམ་
Ka404a
༄#། །ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷ་རྣམས་དང ། དེ་བཞིན་དུ་ཚངས་རིས་ནས་གནས་གཙང་མའི་བར་གྱི་ལྷ་རྣམས་ཀྱི་འོད་ལ་གཞི་མེད་དོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བྱང་ཆུབ་གང་ཡིན་པ་དང ། བྱང་ཆུབ་སེམས་དཔའི་གཞིའི་དོན་གང་ཡིན་པའི་ཆོས་དེ་དག་ཐམས་ཅད་ནི་ལྡན་པའང་མ་ཡིན། མི་ལྡན་པའང་མ་ཡིན། གཟུགས་མེད་པ། བསྟན་དུ་མེད་པ། ཐོགས་པ་མེད་པ་སྟེ། འདི་ལྟ་སྟེ། མཚན་ཉིད་མེད་པར་མཚན་ཉིད་གཅིག་པ་ཡིན་པས། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ལ་མ་ཆགས་པར་བསླབ་པར་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས། གལ་ཏེ་བྱང་ཆུབ་གང་ལགས་པ་དང ། བྱང་ཆུབ་སེམས་དཔའི་གཞིའི་དོན་གང་ལགས་པའི་ཆོས་དེ་དག་ཐམས་ཅད་ནི་ལྡན་པའང་མ་ལགས། མི་ལྡན་པའང་མ་ལགས། གཟུགས་མ་མཆིས་པ། བསྟན་དུ་མ་མཆིས་པ། ཐོགས་པ་མ་མཆིས་པ། འདི་ལྟ་སྟེ། མཚན་ཉིད་མ་མཆིས་པར་མཚན་ཉིད་གཅིག་པ་ལགས་ན། འོ་ན་ལ་ལ་ཞིག་འདི་སྐད་དུ་
Ka404b
འདྲི་སྟེ། གལ་ཏེ་ཆོས་ཐམས་ཅད་ནི་ལྡན་པའང་མ་ཡིན། མི་ལྡན་པའང་མ་ཡིན། གཟུགས་མེད་པ། བསྟན་དུ་མེད་པ། ཐོགས་པ་མེད་པ། འདི་ལྟ་སྟེ། མཚན་ཉིད་མེད་པར་མཚན་ཉིད་གཅིག་པ་ཡིན་ན། ཅི་སྒྱུ་མའི་སྐྱེས་བུ་འདི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ་ཞེས་དེ་སྐད་དུ་དྲིས་ན། དེ་ལ་བདག་གིས་ལན་ཇི་སྐད་དུ་གདབ་པར་བགྱི། དེ་བཞིན་དུ་ཅི་སྒྱུ་མའི་སྐྱེས་བུ་འདི་བསམ་གཏན་གཏན་གྱི་ཕ་རོལ་ཏུ་ཕྱིན་པ་ལ་བསླབས། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་བསླབས། བཟོད་པའི་ཕ་རོལ་ཏུ་ཕྱིན་པ་ལ་བསླབས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བསླབས། སྦྱིན་པའི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ། དེ་བཞིན་དུ་ཅི་སྒྱུ་མའི་སྐྱེས་བུ་འདི་དྲན་པ་ཉེ་བར་བཞག་པ་རྣམས་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ། དེ་བཞིན་དུ་སྦྱར་ཏེ། ཅི་སྒྱུ་མའི་སྐྱེས་བུ་འདི་འཕགས་པའི་ལམ་ཡན་ལག་བརྒྱད་པའི་བར་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འབྱུང་འམ། དེ་བཞིན་དུ་ཅི་སྒྱུ་མའི་སྐྱེས་བུ་འདི་དེ་བཞིན་གཤེགས་པའི་སྟོབས་བཅུ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ། དེ་བཞིན་དུ་སྦྱར་ཏེ། ཅི་སྒྱུ་མའི་སྐྱེས་བུ་འདི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་
Ka405a
༄#། །བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ་ཞེས་བགྱི་བ་ནས། ཅི་སྒྱུ་མའི་སྐྱེས་བུ་འདི་ཐམས་ཅད་མཁྱེན་པའི་ཡེ་ཤེས་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ་ཞེས་དྲིས་ན། བཙུན་པ་བཅོམ་ལྡན་འདས། དེ་ལ་བདག་གིས་ལན་ཇི་སྐད་གདབ་པར་བགྱི། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། དེའི་ཕྱིར་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་པ་དེ་ལྟར་ལན་ཐོབ་ཅིག། ཤཱ་རདྭ་ཏིའི་བུ། འདི་ཇི་སྙམ་དུ་སེམས། གཟུགས་ཀྱང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། དྲན་པ་ཉེ་བར་བཞག་པ་རྣམས་ཀྱང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ཡང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་གཤེགས་པའི་སྟོབས་བཅུའང་གཞན་ལ། སྒྱུ་མ་འང་གཞན་ཞིག་ཡིན་སྙམ་མམ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་གཞན་
Ka405b
ལ།་སྒྱུ་མའང་གཞན། སྟོང་པ་ཉིད་ཀྱང་གཞན་ལ། སྒྱུ་མའང་གཞན། མཚན་མ་མེད་པའང་གཞན་ལ། སྒྱུ་མའང་གཞན། སྨོན་པ་མེད་པའང་གཞན་ལ། སྒྱུ་མའང་གཞན་ཞིག་ཡིན་སྙམ་མམ།་གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། བྱང་ཆུབ་ཀྱང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། གསོལ་པ།་བཙུན་པ་བཅོམ་ལྡན་འདས། མ་ལགས་སོ། །དེ་ལྟར་ན་གཟུགས་ཀྱང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་གཟུགས་ཡིན་ལ། གཟུགས་ཉིད་སྒྱུ་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་གཞན་ལ། སྒྱུ་མའང་གཞན་མ་ཡིན་ཏེ། རྣམ་པར་ཤེས་པ་ཉིད་སྒྱུ་མ་ཡིན་ལ། སྒྱུ་མ་ཉིད་རྣམ་པར་ཤེས་པ་ཡིན་ནོ། །དེ་བཞིན་དུ་མིག་ཀྱང་གཞན་ལ། སྒྱུ་མའང་གཞན་མ་ཡིན་ཏེ། མིག་ཉིད་སྒྱུ་མ་ཡིན་ལ། སྒྱུ་མ་ཉིད་མིག་ཡིན་ནོ། །དེ་བཞིན་དུ་ཡིད་ཀྱི་བར་དང ། དེ་བཞིན་དུ་སྦྱར་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་ཡང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ཡིན་ལ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ཉིད་སྒྱུ་མ་ཡིན་ནོ། །ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ཡང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་
Ka406a
༄#། །བ་ཡིན་ལ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ཉིད་སྒྱུ་མ་ཡིན་ནོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཀྱང་གཞན་ལ། སྒྱུ་མའང་གཞན་མ་ཡིན་ཏེ།་སྒྱུ་མ་ཉིད་དྲན་པ་ཉེ་བར་བཞག་པ་རྣམས་ཡིན་ལ། དྲན་པ་ཉེ་བར་བཞག་པ་རྣམས་ཉིད་སྒྱུ་མ་ཡིན་ནོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུའང་གཞན་ལ།་སྒྱུ་མའང་གཞན་མ་ཡིན་ཏེ། སྒྱུ་མ་ཉིད་འཕགས་པའི་ལམ་ཡན་ལག་བརྒྱད་པ་ཡིན་ལ། འཕགས་པའི་ལམ་ཡན་ལག་བརྒྱད་པ་ཉིད་སྒྱུ་མ་ཡིན་ནོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུའང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་དེ་བཞིན་གཤེགས་པའི་སྟོབས་བཅུ་ཡིན་ལ། དེ་བཞིན་གཤེགས་པའི་སྟོབས་བཅུ་ཉིད་སྒྱུ་མ་ཡིན་ནོ། །དེ་བཞིན་དུ་རྣམ་པར་ཐར་པའི་སྒོ་རྣམས་ཀྱང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་རྣམ་པར་ཐ་རང་གི་སྒོ་རྣམས་ཡིན་ལ། རྣམ་པར་ཐར་པའི་སྒོ་རྣམས་ཉིད་སྒྱུ་མ་ཡིན་ནོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡིན་ལ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཉིད་སྒྱུ་མ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། འོ་ན་སྒྱུ་མ་དེ་ལ་ཀུན་ནས་ཉོན་མོངས་པའམ།
Ka406b
རྣམ་པར་བྱང་བ་དམིགས་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། འོ་ན་སྒྱུ་མ་ལ་སྐྱེ་བའམ། འགག་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གང་ལ་ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། སྐྱེ་བ་མེད་པ་དང ། འགག་པ་མི་སྣང་བ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྗེས་སུ་འཐོབ་པར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། འདི་ལྟ་སྟེ། བྱང་ཆུབ་སེམས་དཔའ་ཞེས་བྱ་བའི་མིང་དང ། བརྡ་དང ། གདགས་པ་དང ། ཐ་སྙད་འདི་ཉེ་བར་ལེན་པའི་ཕུང་པོ་ལྔ་པོ་རྣམས་ལ་འདོགས་སམ། གསོལ་པ། བཙུན་པ་བཅོམ་ལྡན་འདས། དེ་དེ་ལྟར་ལགས་སོ། །ཤཱ་རདྭ་ཏིའི་བུ།་འདི་ཇི་སྙམ་དུ་སེམས། གང་ལ་མིང་མེད་པ་དང ། བརྡ་མེད་པ་དང ། བཏགས་པ་མེད་པ་དང ། ཐ་སྙད་མེད་པ་དང ། མིང་དུ་གདགས་པ་མེད་པ་དང ། ལུས་མེད་པ་དང ། ལུས་ཀྱི་ལས་མེད་པ་དང ། ངག་མེད་པ་དང ། ངག་གི་ལས་མེད་པ་དང ། ཡིད་མེད་པ་དང ། ཡིད་ཀྱི་ལས་མེད་པ་དང ། སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་
Ka407a
༄#། །མེད་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་མི་དམིགས་པའི་ཚུལ་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འཚལ་བས། རྟག་ཏུ་སྒྱུ་མའི་སྐྱེས་བུ་ལྟར་བསླབ་པར་བགྱི་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་འདི་ལྟ་སྟེ། ཉེ་བར་ལེན་པའི་ཕུང་པོ་ལྔ་པོ་དག་།སྒྱུ་མའི་སྐྱེས་བུ་ལྟ་བུར་རིག་པར་བགྱི་བའི་སླད་དུའོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། འོ་ན་ཉེ་བར་ལེན་པའི་ཕུང་པོ་ལྔ་པོ་འདི་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་ཅིའི་སླད་དུ་ཞེ་ན། བཙུན་
Ka407b
བ་བཅོམ་ལྡན་འདས། འདི་ལྟར་ཕུང་པོ་ལྔ་པོ་དག་ནི་དངོས་པོ་མ་མཆིས་པའི་ངོ་བོ་ཉིད་ལགས་ལ། དངོས་པོ་མ་མཆིས་པའི་ངོ་བོ་ཉིད་དེའང་དམིགས་སུ་མ་མཆིས་པའི་སླད་དུའོ། །བཀའ་སྩལ་པ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་རྨི་ལམ་ནི་དངོས་པོ་མ་མཆིས་པའི་ངོ་བོ་ཉིད་ལགས་ལ། དངོས་པོ་མ་མཆིས་པའི་ངོ་བོ་ཉིད་དེའང་དམིགས་སུ་མ་མཆིས་པའི་སླད་དུའོ། །བཀའ་སྩལ་པ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཕུང་པོ་ལྔ་པོ་དག་བྲག་ཅ་ལྟ་བུ་ཡིན་སྙམ་མམ། དེ་བཞིན་དུ་མིག་ཡོར་ལྟ་བུ་དང ། སྨིག་རྒྱུ་ལྟ་བུ་དང ། སྤྲུལ་པ་ལྟ་བུ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། དེ་ལྟར་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཅི་ཕུང་པོ་ལྔ་པོ་འདི་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་གཟུགས་ནི་སྒྱུ་མ་ལྟ་བུ་ལགས་ཤིང ། དེ་བཞིན་
Ka408a
༄#། །དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་སྒྱུ་མ་ལྟ་བུ་ལགས་ལ། རྣམ་པར་ཤེས་པ་གང་ལགས་པ་དེ་ནི་དབང་པོ་དྲུག་ལགས་ལ།་དབང་པོ་དྲུག་གང་ལགས་པ་དེ་ནི་ཉེ་བར་ལེན་པའི་ཕུང་པོ་ལྔ་པོ་རྣམས་ལགས་པའི་སླད་དུའོ། །བཙུན་པ་བཅོམ་ལྡན་འདས། གཟུགས་ནི་རྨི་ལམ་ལྟ་བུ་ལགས་ལ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྨི་ལམ་ལྟ་བུ་ལགས་ཏེ། རྣམ་པར་ཤེས་པ་གང་ལགས་པ་དེ་ནི་དབང་པོ་དྲུག་ལགས་ལ། དབང་པོ་དྲུག་གང་ལགས་པ་དེ་ནི་ཉེ་བར་ལེན་པའི་ཕུང་པོ་ལྔ་པོ་དག་ལགས་ཏེ། དེ་དག་ཀྱང་ནང་སྟོང་པ་ཉིད་ལ་མི་དམིགས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་མི་དམིགས་ལགས་སོ། །བཙུན་པ་བཅོམ་ལྡན་འདས། འོ་ན་བྱང་ཆུབ་སེམས་དཔའ་ཐེག་པ་ལ་གསར་དུ་ཞུགས་པས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ན་སྐྲག་ཅིང་དངང་ལ། དངང་བར་མི་འགྱུར་ལགས་སམ།་དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ལ་གསར་དུ་ཡང་དག་པར་ཞུགས་པས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐབས་ལ་མཁས་པའང་མ་ཡིན། དགེ་བའི་བཤེས་གཉེན་གྱི་ལག་ཏུ་སོང་བའང་མ་ཡིན། སྐྲག་
Ka408b
ཅིང་དངང་ལ་དངང་བར་འགྱུར་རོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། གང་ལ་སྤྱོད་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ནས། མི་སྐྲག་མི་དངང་ཞིང་དངང་བར་མི་འགྱུར་བའི་ཐབས་ལ་མཁས་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་གཟུགས་མི་རྟག་ཅེས་བྱ་བའི་རྣམ་པར་སོ་སོར་རྟོག་སྟེ། དེའང་མི་དམིགས་ལ། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མི་རྟག་ཅེས་བྱ་བའི་རྣམ་པར་སོ་སོར་རྟོག་ཅིང་དེའང་མི་དམིགས་ཏེ། ཤཱ་རདྭ་ཏིའི་བུ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་གཟུགས་སྡུག་བསྔལ་བའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང །
Ka409a
༄#། །འདུ་བྱེད་རྣམས་དང ། རྣམ་པར་ཤེས་པ་སྡུག་བསྔལ་བའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་སྦྱར་ཏེ། གཟུགས་བདག་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདག་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་གཟུགས་སྟོང་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་མཚན་མ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མཚན་མ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་སྨོན་པ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྨོན་པ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་ཞི་བའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཞི་བའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་དབེན་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་
Ka409b
ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དབེན་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་རྣམ་པར་བྱང་བའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྣམ་པར་བྱང་བའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་སྐྱེ་བ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྐྱེ་བ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་འགག་པ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་འགག་པ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་ཡིན་ནོ། །ཤཱ་རདྭ་ཏིའི་བུ།་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དེ་ལྟར་སོ་སོར་རྟོག་ཅིང ། གང་གི་ཚེ་སེམས་ཅན་ཐམས་ཅད་ལ་གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་མི་རྟག་ཅེས་བྱ་
Ka410a
༄#། །བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་སྡུག་བསྔལ་ཞེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་བདག་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་སྟོང་ཞེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་མཚན་མ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་སྨོན་པ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་ཞི་ཞེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་དབེན་ཞེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་སྐྱེ་བ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་འགག་པ་མེད་ཅེས་བྱ་
Ka410b
བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་དངོས་པོ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དེ་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ཉན་ཐོས་དང ། རང་སངས་རྒྱས་དང་ལྡན་པའི་ཡིད་ལ་བྱེད་པ་དག་གིས་གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་མི་རྟག་ཅེས་བྱ་བར་ཡིད་ལ་མི་བྱེད་དེ། དེའང་མི་དམིགས་པའི་ཚུལ་གྱིས་སོ། །གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་སྡུག་བསྔལ་ཞེས་བྱ་བར་ཡིད་ལ་མི་བྱེད་དེ ། དེའང་མི་དམིགས་པའི་ཚུལ་གྱིས་སོ། །དེ་བཞིན་དུ་སྦྱར་ཏེ། ཉན་ཐོས་དང ། རང་སངས་རྒྱས་དང་ལྡན་པའི་ཡིད་ལ་བྱེད་པ་དག་གིས་གཟུགས་བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བའི་བར་དུ་ཡིད་ལ་མི་བྱེད་དེ། དེའང་མི་དམིགས་པའི་ཚུལ་གྱིས་སོ། །དེ་བཞིན་དུ་ཉན་ཐོས་དང ། རང་སངས་རྒྱས་ཀྱི་ཡིད་ལ་བྱེད་པ་དང་ལྡན་པ་དག་གིས་ཚོར་བ་དང ། འདུ་ཤེས་དང །
Ka411a
༄#། །འདུ་བྱེད་རྣམས་དང ། རྣམ་པར་ཤེས་པ་བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་ཡིད་ལ་མི་བྱེད་ཅིང ། དེའང་མི་དམིགས་པའི་ཚུལ་གྱིས་ཏེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མཆོག་ཏུ་འཛིན་པ་མེད་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མི་རྟག་པའི་རྣམ་པ་དང ། སྡུག་བསྔལ་བའི་རྣམ་པ་དང ། བདག་མེད་པའི་རྣམ་པ་དང ། སྟོང་པའི་རྣམ་པ་དང ། མཚན་མ་མེད་པའི་རྣམ་པ་དང ། སྨོན་པ་མེད་པའི་རྣམ་པ་དང ། ཞི་བའི་རྣམ་པ་དང ། དབེན་པའི་རྣམ་པ་དང ། རྣམ་པར་བྱང་བའི་རྣམ་པ་དང ། སྐྱེ་བ་མེད་པའི་རྣམ་པ་དང ། འགག་པ་མེད་པའི་རྣམ་པ་དང ། དངོས་པོ་མེད་པའི་རྣམ་པར་སོ་སོར་རྟོག་ཅིང་བཟོད་ལ་འདོད་པ་གང་ཡིན་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་མི་འཁྲུག་པའི་བཟོད་པའི་ཕ་རོལ་ཏུ་
Ka411b
ཕྱིན་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་གིས་གཟུགས་ལ་མི་རྟག་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་སོ། །དེ་བཞིན་དུ་སྡུག་བསྔལ་བའི་རྣམ་པ་དང ། བདག་མེད་པའི་རྣམ་པ་དང ། སྟོང་པའི་རྣམ་པ་དང ། མཚན་མ་མེད་པའི་རྣམ་པ་དང ། སྨོན་པ་མེད་པའི་རྣམ་པ་དང ། ཞི་བའི་རྣམ་པ་དང ། དབེན་པའི་རྣམ་པ་དང ། རྣམ་པར་བྱང་བའི་རྣམ་པ་དང ། སྐྱེ་བ་མེད་པའི་རྣམ་པ་དང ། འགག་པ་མེད་པའི་རྣམ་པ་དང ། དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མི་རྟག་པའི་རྣམ་པ་དང ། སྡུག་བསྔལ་བའི་རྣམ་པ་དང ། བདག་མེད་པའི་རྣམ་པ་དང ། སྟོང་པའི་རྣམ་པ་དང ། མཚན་མ་མེད་པའི་རྣམ་པ་དང ། སྨོན་པ་མེད་པའི་རྣམ་པ་དང ། ཞི་བའི་རྣམ་པ་དང ། དབེན་པའི་རྣམ་པ་དང ། རྣམ་པར་བྱང་བའི་རྣམ་པ་དང ། སྐྱེ་བ་མེད་པའི་རྣམ་པ་དང ། འགག་པ་མེད་པའི་རྣམ་པ་དང ། དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་རྟོག་ལ། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པའི་བརྩོན་པ་མི་འདོར་བ་གང་ཡིན་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་
Ka412a
༄#། །རོལ་ཏུ་ཕྱིན་པ་ལ་སྤྱོད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་གཟུགས་ལ་མི་རྟག་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་སོ། །དེ་བཞིན་དུ་སྡུག་བསྔལ་བའི་རྣམ་པ་དང ། བདག་མེད་པའི་རྣམ་པ་དང ། སྟོང་པའི་རྣམ་པ་དང ། མཚན་མ་མེད་པའི་རྣམ་པ་དང ། སྨོན་པ་མེད་པའི་རྣམ་པ་དང ། ཞི་བའི་རྣམ་པ་དང ། དབེན་པའི་རྣམ་པ་དང ། རྣམ་པར་བྱང་བའི་རྣམ་པ་དང ། སྐྱེ་བ་མེད་པའི་རྣམ་པ་དང ། འགག་པ་མེད་པའི་རྣམ་པ་དང ། དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མི་རྟག་པའི་རྣམ་པ་དང ། སྡུག་བསྔལ་བའི་རྣམ་པ་དང ། བདག་མེད་པའི་རྣམ་པ་དང ། སྟོང་པའི་རྣམ་པ་དང ། མཚན་མ་མེད་པའི་རྣམ་པ་དང ། སྨོན་པ་མེད་པའི་རྣམ་པ་དང ། ཞི་བའི་རྣམ་པ་དང ། དབེན་པའི་རྣམ་པ་དང ། རྣམ་པར་བྱང་བའི་རྣམ་པ་དང ། སྐྱེ་བ་མེད་པའི་རྣམ་པ་དང ། འགག་པ་མེད་པའི་རྣམ་པ་དང ། དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་རྟོག་པ་དང ། ཉན་ཐོས་དང ། རང་སངས་རྒྱས་དང་ལྡན་པའི་ཡིད་ལ་བྱེད་པ་དག་དང ། མི་དགེ་བའི་རྩ་བ་གང་དག་བླ་ན་མེད་པ་
Ka412b
ཡང་དག་པར་རྫོགས་པའི་བྱང་ཆུབ་ཀྱི་བར་ཆད་བྱེད་པ་དག་གི་སྐབས་མི་འབྱེད་པ་དེ་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བསམ་གཏན་གྱི་ཕ་རོལ་ཏུ་ཕྱིན་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། འདི་ལྟར་སོ་སོར་རྟོག་སྟེ། གཟུགས་ཀྱི་སྟོང་པ་ཉིད་ཀྱིས་གཟུགས་སྟོང་སྟེ། གཟུགས་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་གཟུགས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྟོང་པ་ཉིད་ཀྱིས་རྣམ་པར་ཤེས་པ་སྟོང་སྟེ། རྣམ་པར་ཤེས་པ་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་རྣམ་པར་ཤེས་པའོ། །དེ་བཞིན་དུ་མིག་གི་སྟོང་པ་ཉིད་ཀྱིས་མིག་སྟོང་སྟེ། མིག་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་མིག་གོ། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་སྟོང་པ་ཉིད་ཀྱིས་ཡིད་སྟོང་སྟེ། ཡིད་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་ཡིད་དོ། །དེ་བཞིན་དུ་སྦྱར་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་གྱི་སྟོང་པ་ཉིད་ཀྱིས་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་སྟོང་སྟེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་མིག་གི་འདུས་ཏེ་རེག་པའི་རྐྱེན་གྱིས་ཚོར་བའོ། །དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་གྱི་སྟོང་པ་ཉིད་ཀྱིས་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་སྟོང་སྟེ། ཡིད་
Ka413a
༄#། །ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའོ། །དེ་བཞིན་དུ་དྲན་པ་ཉེ་བར་བཞག་པའི་སྟོང་པ་ཉིད་ཀྱིས་དྲན་པ་ཉེ་བར་བཞག་པ་རྣམས་སྟོང་སྟེ། དྲན་པ་ཉེ་བར་བཞག་པ་རྣམས་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་དྲན་པ་ཉེ་བར་བཞག་པ་རྣམས་སོ། །འཕགས་པའི་ལམ་ཡན་ལག་བརྒྱད་པའི་བར་གྱི་སྟོང་པ་ཉིད་ཀྱིས་འཕགས་པའི་ལམ་ཡན་ལག་བརྒྱད་པ་སྟོང་སྟེ། འཕགས་པའི་ལམ་ཡན་ལག་བརྒྱད་པ་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་འཕགས་པའི་ལམ་ཡན་ལག་བརྒྱད་པའོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུའི་སྟོང་པ་ཉིད་ཀྱིས་དེ་བཞིན་གཤེགས་པའི་སྟོབས་བཅུ་སྟོང་སྟེ། དེ་བཞིན་གཤེགས་པའི་སྟོབས་བཅུ་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་དེ་བཞིན་གཤེགས་པའི་སྟོབས་བཅུའོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་སྟོང་པ་ཉིད་ཀྱིས་སངས་རྒྱས་ཀྱི་ཆོས་རྣམས་སྟོང་སྟེ། སངས་རྒྱས་ཀྱི་ཆོས་རྣམས་ཉིད་ཀྱང་སྟོང་པ་ཉིད་དོ། །སྟོང་པ་ཉིད་ཀྱང་སངས་རྒྱས་ཀྱི་ཆོས་རྣམས་སོ་ཞེས་སོ་སོར་རྟོག་གོ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས།་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་པ་ལགས་ཏེ། ཐེག་པ་ལ་གསར་དུ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་
Ka413b
འདི་ཐོས་ནས་སྐྲག་ཅིང ། དངང་ལ་དངང་བར་མི་འགྱུར་ལགས་གྲང ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དག་བསྐྱེད་པའང་མ་ཡིན། སངས་རྒྱས་འབུམ་ཕྲག་མང་པོ་ལ་བསྙེན་བཀུར་བྱས་པའང་མ་ཡིན། དགེ་བའི་རྩ་བ་མང་པོའི་ཉེ་བར་སྟོན་པས་ཉེ་བར་བསྟན་པའང་མ་ཡིན། དགེ་བའི་བཤེས་གཉེན་གྱིས་ཡོངས་སུ་ཟིན་པའང་མ་ཡིན། རྒྱ་ཆེན་པོ་ལ་མོས་པའང་མ་ཡིན། ལུས་དང་ཡིད་ཀྱི་གནས་ངན་ལེན་དང་བྲལ་བའང་མ་ཡིན། དགེ་བའི་རྩ་བ་འབར་བ་དང་ལྡན་པའང་མ་ཡིན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ན་སྐྲག་ཅིང་དངང་ལ་དངང་བར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ནི། དགེ་བའི་རྩ་བ་མ་བསྐྱེད་པ་རྣམས་དང ། སངས་རྒྱས་འབུམ་ཕྲག་མང་པོ་ལ་བསྙེན་བཀུར་མ་བྱས་པ་རྣམས་དང ། དགེ་བའི་བཤེས་གཉེན་གྱིས་ཡོངས་སུ་མ་ཟིན་པ་རྣམས་དང ། མོས་པ་མེད་པ་རྣམས་དང ། ཉན་ཐོས་དང ། རང་སངས་རྒྱས་ཀྱི་ཐེག་པར་ལྷུང་བའི་བསམ་པ་ཅན་རྣམས་དང ། བརྩོན་འགྲུས་ཞན་པ་རྣམས་དང ། ལེ་ལོ་ཅན་རྣམས་དང ། སྲིད་པའི་བདེ་བ་མངོན་པར་འདོད་པ་རྣམས་ཀྱི་རྣ་ལམ་དུ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་གྲགས་པར་མི་འགྱུར་བའི་ཕྱིར་རོ། །ཤཱ་རདྭ་ཏིའི་བུ། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་
Ka414a
༄#། །བྱེད་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ལ་བསླབ་པར་བྱའོ། །དེ་བཞིན་དུ་གཟུགས་ཡོངས་སུ་ཤེས་པར་འདོད་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་ཤེས་པར་འདོད་པ་དང ། དེ་བཞིན་དུ་མིག་ཡོངས་སུ་ཤེས་པར་འདོད་པ་དང ། དེ་བཞིན་དུ་ཡིད་ཀྱི་བར་དུ་ཡོངས་སུ་ཤེས་པར་འདོད་པ་དང ། དེ་བཞིན་དུ་གཟུགས་རྣམས་ཡོངས་སུ་ཤེས་པར་འདོད་པ་དང ། དེ་བཞིན་དུ་ཆོས་ཀྱི་བར་དུ་ཡོངས་སུ་ཤེས་པར་འདོད་པ་དང ། དེ་བཞིན་དུ་མིག་གི་ཁམས་ཡོངས་སུ་ཤེས་པར་འདོད་པ་དང ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡོངས་སུ་ཤེས་པར་འདོད་པ་དང ། དེ་བཞིན་དུ་མིག་གི་འདུས་ཏེ་རེག་པ་ཡོངས་སུ་ཤེས་པར་འདོད་པ་དང ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ཡོངས་སུ་ཤེས་པར་འདོད་པ་དང ། དེ་བཞིན་དུ་སྦྱར་ཏེ། ཡིད་ཀྱི་འདུས་ཏེ་རེག་པ་ཡོངས་སུ་ཤེས་པར་འདོད་པ་དང ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་དུ་ཡོངས་སུ་ཤེས་པར་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ། །དེ་བཞིན་དུ་འདོད་ཆགས་དང ། ཞེ་སྡང་དང ། གཏི་མུག་སྤང་བར་འདོད་པ་དང ། འཇིག་ཚོགས་ལ་ལྟ་བ་སྤང་བར་འདོད་པ་དང ། དེ་བཞིན་དུ་ཐེ་ཚོམ་དང ། ཚུལ་ཁྲིམས་དང ། བརྟུལ་ཞུགས་མཆོག་ཏུ་འཛིན་པ་དང ། འདོད་པ་ལ་འདོད་ཆགས་
Ka414b
དང ། གནོད་སེམས་སྤང་བར་འདོད་པ་དང ། གཟུགས་ཀྱི་འདོད་ཆགས་དང ། གཟུགས་མེད་པའི་འདོད་ཆགས་དང ། མ་རིག་པ་དང ། ང་རྒྱལ་དང ། རྒོད་པ་སྤོང་བར་འདོད་པ་དང ། ཀུན་ཏུ་སྦྱོར་བ་དང ། བག་ལ་ཉལ་དང ། ཀུན་ནས་ལྡང་བ་ཐམས་ཅད་སྤང་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ། །དེ་བཞིན་དུ་ཟས་བཞི་ཡོངས་སུ་ཤེས་པར་འདོད་པ་དང ། དེ་བཞིན་དུ་སྦྱོར་བ་བཞི་དང ། ཆུ་བོ་བཞི་དང ། མདུད་པ་བཞི་དང ། ཕྱིན་ཅི་ལོག་བཞི་སྤང་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །དེ་བཞིན་དུ་མི་དགེ་བ་བཅུའི་ལས་ཀྱི་ལམ་དག་སྤང་བར་འདོད་པ་དང ། དགེ་བ་བཅུའི་ལས་ཀྱི་ལམ་ཡང་དག་པར་བསྒྲུབ་པར་འདོད་པ་དང ། རྫོགས་པར་བྱེད་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ། །དེ་བཞིན་དུ་བསམ་གཏན་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། དྲན་པ་ཉེ་བར་བཞག་པ་བཞི་དང ། འཕགས་པའི་ལམ་ཡན་ལག་བརྒྱད་པའི་བར་ལ་བསྒོམ་པར་འདོད་པ་དང ། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྒོམ་པར་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་
Ka415a
༄#། །བསམ་པ་ཡོངས་སུ་རྫོགས་པར་བྱེད་པར་འདོད་པ་དང ། དགེ་བའི་རྩ་བ་གང་དག་ཡོངས་སུ་རྫོགས་པས་ནམ་ཡང་ངན་སོང་གསུམ་པོ་དག་ཏུ་མི་ལྟུང་བ་དང ། རིགས་དམའ་བ་དག་ཏུའང་མི་སྐྱེ་བ་དང ། ཉན་ཐོས་དང ། རང་སངས་རྒྱས་ཀྱི་སར་ཡང་ལྟུང་བར་མི་འགྱུར་བའི་དགེ་བའི་རྩ་བ་དེ་དག་ཡོངས་སུ་རྫོགས་པར་བྱེད་པར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་ལས། བསླབ་པའི་ལེའུ་ཞེས་བྱ་སྟེ་དྲུག་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དགེ་བའི་བཤེས་གཉེན་གང་གིས་ཡོངས་སུ་ཟིན་ན། དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བསྟན་པ་འདི་ཐོས་ནས། མི་སྐྲག་མི་དངང་ཞིང་དངང་བར་མི་འགྱུར་ལ། ཉན་ཐོས་དང ། རང་སངས་རྒྱས་ཀྱི་སར་ཡང་མི་ལྟུང་བར་མྱུར་དུ་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་བའི་དགེ་བའི་བཤེས་གཉེན་གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི་གང་
Ka415b
གཟུགས་མི་རྟག་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མི་རྟག་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི་གང་གཟུགས་སྡུག་བསྔལ་ཞེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྡུག་བསྔལ་ཞེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་གཟུགས་བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་
Ka416a
༄#། །མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི་གང་མིག་མི་རྟག་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། དེ་བཞིན་དུ་ཡིད་ཀྱི་བར་དུ་མི་རྟག་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་
Ka416b
རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མི་བསྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི་གང་མིག་སྡུག་བསྔལ་ཞེས་བྱ་བ་དང ། བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། ཡིད་ཀྱི་བར་དུའང་སྡུག་བསྔལ་ཞེས་བྱ་བ་དང ། བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། །ཤཱ་རདྭ་
Ka417a
༄#། །ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་མི་རྟག་ཅེས་བྱ་བར་ཆོས་སྟོན་པ་དང ། དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་དུ་མི་རྟག་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ་དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། །དེ་བཞིན་དུ་སྡུག་བསྔལ་ཞེས་བྱ་བ་དང ། བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་
Ka417b
སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་དྲན་པ་ཉེ་བར་བཞག་པ་བསྒོམ་པའི་ཕྱིར་ཆོས་སྟོན་པར་བྱེད་པ་ནས། དྲན་པ་ཉེ་བར་བཞག་པ་དབེན་པ་ཉིད་ཀྱི་ཕྱིར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། དེ་བཞིན་དུ་ཡང་དག་པར་སྤོང་བ་བསྒོམ་པའི་ཕྱིར་དང ། རྫུ་འཕྲུལ་གྱི་རྐང་པ་བསྒོམ་པའི་ཕྱིར་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། ལམ་བསྒོམ་པའི་ཕྱིར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། དེ་བཞིན་དུ་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་བསྒོམ་པའི་ཕྱིར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་པ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་བསྒོམ་པའི་ཕྱིར་ཆོས་སྟོན་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྒོམ་པའི་ཕྱིར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། ། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་རྣམ་པ་ཐམས་ཅད་མཁྱེན་པ་ཉིད་བསྒོམ་པའི་ཕྱིར་ཆོས་སྟོན་པ་དང ། གང་བྱང་ཆུབ་
Ka418a
༄#། །བསྒོམ་པའི་ཕྱིར་ཆོས་སྟོན་ཅིང ། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ནས་སྐྲག་ཅིང ། དངང་ལ་དངང་བར་འགྱུར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐབས་ལ་མི་མཁས་པ་ལགས་ཤིང ། སྡིག་པའི་གྲོགས་པོའི་སུག་པར་མཆིས་པ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་དང་བྲལ་བས་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་ཞིང ། ཤེས་རབ་ཀྱི་ཕ་རོལ་ཏུ་ཕྱིན་པ་དེའང་དམིགས་ལ། དེས་ཀྱང་རློམ་སེམས་སུ་བྱེད་པ་དང ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་བསྒོམ་པ་དང ། བརྩོན་
Ka418b
འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་བསྒོམ་ཞིང ། སྦྱིན་པའི་ཕ་རོལ་ཏུ་ཕྱིན་པའི་བར་དེ་དག་ཀྱང་དམིགས་ལ། སྦྱིན་པའི་ཕ་རོལ་ཏུ་ཕྱིན་པའི་བར་དེས་ཀྱང་རློམ་སེམས་སུ་བྱེད་པ་སྟེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐབས་ལ་མི་མཁས་པ་ཡིན་ཞིང ། སྡིག་པའི་གྲོགས་པོའི་ལག་ཏུ་སོང་བ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་དང་བྲལ་བས་དམིགས་པའི་ཚུལ་གྱིས་ནང་གཟུགས་སྟོང་ཞེས་བྱ་བར་ཡིད་ལ་བྱེད་པ་ནས། ནང་གི་གཟུགས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ཡིན་ཞེས་ཡིད་ལ་བྱེད་པ་དང ། དེ་བཞིན་དུ་དམིགས་པའི་ཚུལ་གྱིས་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནང་སྟོང་ཞེས་བྱ་བར་ཡིད་ལ་བྱེད་པ་དང ། ནང་གི་གཟུགས་དེའང་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དམིགས་པར་བྱེད་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དེའང་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དམིགས་པར་བྱེད་ཅིང ། དེ་དག་གིས་ཀྱང་རློམ་སེམས་སུ་བྱེད་པ་དང ། དེ་བཞིན་དུ་མིག་ནང་སྟོང་པ་ཉིད་
Ka419a
༄#། །ཅེས་བྱ་བར་ཡིད་ལ་བྱེད་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཅེས་བྱ་བའི་བར་དུ་ཡིད་ལ་བྱེད་ཅིང ། སྟོང་པ་དེ་དག་ཀྱང་དམིགས་ལ། དེ་དག་གིས་ཀྱང་རློམ་སེམས་སུ་བྱེད་པ་དང ། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དམིགས་པའི་ཚུལ་གྱིས་ནང་སྟོང་པ་ཉིད་ཅེས་བྱ་བར་ཡིད་ལ་བྱེད་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཅེས་བྱ་བའི་བར་དུ་ཡིད་ལ་བྱེད་ལ། སྟོང་པ་དེ་དག་གིས་ཀྱང་རློམ་སེམས་སུ་བྱེད་པ་སྟེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐབས་ལ་མི་མཁས་པ་ཡིན་ཞིང ། སྡིག་པའི་གྲོགས་པོའི་ལག་ཏུ་སོང་བ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་ཐབས་ལ་མི་མཁས་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དྲན་པ་ཉེ་བར་བཞག་པ་རྣམས་བསྒོམ་ཞིང ། དྲན་པ་ཉེ་བར་བཞག་པ་དེ་དག་ཀྱང་དམིགས་ལ། དེ་དག་གིས་ཀྱང་རློམ་སེམས་སུ་བྱེད་པ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྒོམ་ཞིང ། དེ་དག་ཀྱང་དམིགས་ལ། དེ་དག་གིས་ཀྱང་རློམ་སེམས་སུ་བྱེད་པ་སྟེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཐབས་མི་མཁས་པས་ཐབས་ལ་མི་མཁས་པ་ཡིན་ཞིང ། སྡིག་པའི་གྲོགས་པོའི་
Ka419b
ལག་ཏུ་སོང་ལ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ནས་ཡང་སྐྲག་ཅིང ། དངང་ལ་དངང་བར་འགྱུར་རོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ།་བམ་པོ་བདུན་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སྡིག་པའི་གྲོགས་པོས་ཡོངས་སུ་ཟིན་པ་ལགས་ཤིང ། སྡིག་པའི་གྲོགས་པོ་གང་གིས་ཡོངས་སུ་བཟུང་བས། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ནས། སྐྲག་ཅིང་དངང་ལས་དངང་བར་འགྱུར་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་འབྲལ་བར་བྱེད། འདུན་པ་ཟློག་པར་བྱེད་ཅིང ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་དང་འབྲལ་བར་བྱེད། འདུན་པ་ཟློག་པར་བྱེད་དེ།་ཀྱེ། རིགས་ཀྱི་བུ་འདི་ལ་བསླབ་པར་མི་བྱའོ། །དེ་ཅིའི་ཕྱིར་ཞེ་ན། ཀྱེ། ཕ་རོལ་ཏུ་ཕྱིན་པ་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
Ka420a
༄#། །རྣམས་ཀྱིས་གསུངས་ཤིང་བཤད་པ་མ་ཡིན་གྱི། འདི་དག་ནི་སྙན་དངགས་མཁན་གྱིས་རང་བཟོར་བྱས་པ་ཡིན་ཏེ། ཀྱེ། འདི་དག་ནི་མཉན་པར་མི་བྱ། གཟུང་བར་མི་བྱ། ཀུན་ཆུབ་པར་མི་བྱ། བཀླག་པར་མི་བྱ། ཡིད་ལ་མི་བྱ། གཞན་དག་ལའང་བསྟན་པར་མི་བྱའོ་ཞེས་ཟེར་བ་གང་ཡིན་པ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོ་ནི་འདི་ལ་བདུད་སྡིག་ཅན་སངས་རྒྱས་ཀྱི་ཆ་བྱད་དུ་བསྒྱུར་ཅིང ། བྱང་ཆུབ་སེམས་དཔའི་དྲུང་དུ་འོངས་ནས། ཀྱེ། རིགས་ཀྱི་བུ་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ཁྱོད་ལ་ཅི་ཞིག་བྱ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པས་ཅི་ཞིག་བྱ། བརྩོན་འགྲུས་ཀྱི་ཕ་རོལ་ཏུ་ཕྱིན་པས་ཅི་ཞིག་བྱ། བཟོད་པའི་ཕ་རོལ་ཏུ་ཕྱིན་པས་ཅི་ཞིག་བྱ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་ཅི་ཞིག་བྱ། སྦྱིན་པའི་ཕ་རོལ་ཏུ་ཕྱིན་པས་ཅི་ཞིག་བྱ་ཞེས་ཕ་རོལ་ཏུ་ཕྱིན་པ་དྲུག་དང་འབྲལ་བར་བྱེད་པའི་བདུད་ཀྱི་ལས་དག་མི་སྟོན་ཅིང ། བདུད་ཀྱི་ཉེས་པ་དག་མི་བརྗོད་པ་གང་ཡིན་པ་སྟེ།་ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བདུད་སྡིག་ཅན་སངས་རྒྱས་ཀྱི་ཆ་
Ka420b
བྱད་དུ་བསྒྱུར་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། དེ་ལ་ཉན་ཐོས་དང ། རང་སངས་རྒྱས་དང་ལྡན་པའི་མདོའི་སྡེ་དང ། རྟོགས་པ་བརྗོད་པའི་སྡེ་དང ། གཏན་ལ་ཕབ་པར་བསྟན་པའི་སྡེའི་བར་དུ་སྟོན་པར་བྱེད། རབ་ཏུ་སྟོན་པར་བྱེད། རྣམ་པར་འབྱེད་པར་བྱེད། གསལ་བར་བྱེད། ཡང་དག་པར་རབ་ཏུ་སྟོན་པར་བྱེད་པའི་བདུད་ཀྱི་ལས་དེ་ལྟ་བུ་དེ་དག་མི་བརྗོད་མི་སྟོན་ཅིང ། ཡང་དག་པར་རྟོགས་པར་མི་བྱེད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བདུད་སྡིག་ཅན་སངས་རྒྱས་ཀྱི་ཆ་བྱད་དུ་བསྒྱུར་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། འདི་སྐད་དུ། ཀྱེ། རིགས་ཀྱི་བུ་ཁྱོད་ནི་བྱང་ཆུབ་སེམས་དཔའ་མ་ཡིན་ནོ། ། ཁྱོད་ལ་ནི་བྱང་ཆུབ་ཀྱི་སེམས་ཀྱང་མེད་དོ། །ཁྱོད་ནི་ཕྱིར་མི་ལྡོག་པའང་མ་ཡིན་ནོ། །ཁྱོད་ཀྱིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ཡང་མི་ནུས་སོ་ཞེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་མི་བརྗོད་མི་སྟོན་ཅིང ། ཡང་དག་པར་རྟོགས་པར་མི་བྱེད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བདུད་སྡིག་ཅན་སངས་རྒྱས་ཀྱི་ཆ་བྱད་དུ་བསྒྱུར་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། འདི་སྐད་
Ka421a
༄#། །དུ་རིགས་ཀྱི་བུ་མིག་ནི་བདག་དང་བདག་གིས་སྟོང་ངོ ། །རིགས་ཀྱི་བུ་དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ནི་བདག་དང་བདག་གིས་སྟོང་ངོ ། །རིགས་ཀྱི་བུ། དེ་བཞིན་དུ་སྦྱར་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི་བདག་དང་བདག་གིས་སྟོང་པ་ནས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི་བདག་དང་བདག་གིས་སྟོང་ངོ ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་སྟོང་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ནི་བདག་དང་བདག་གིས་སྟོང་ངོ ། །དེ་བཞིན་དུ་དྲན་པ་ཉེ་བར་བཞག་པ་རྣམས་སྟོང་པ་ནས། འཕགས་པའི་ལམ་ཡན་ལག་བརྒྱད་པའི་བར་དང ། རྣམ་པར་ཐར་པའི་སྒོ་གསུམ་གྱི་བར་ནི་བདག་དང་བདག་གིས་སྟོང་ངོ ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ནི་བདག་དང་བདག་གིས་སྟོང་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པས་ཁྱོད་ལ་ཅི་ཞིག་བྱ་ཞེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་དེ་ལ་མི་བརྗོད་མི་སྟོན་ཅིང ། ཡང་དག་པར་རྟོགས་པར་མི་བྱེད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བདུད་སྡིག་ཅན་རང་སངས་རྒྱས་ཀྱི་ཆ་བྱད་
Ka421b
དུ་བསྒྱུར་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། འདི་སྐད་དུ། ཀྱེ། རིགས་ཀྱི་བུ་ཤར་ཕྱོགས་ནི་སངས་རྒྱས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། ཉན་ཐོས་རྣམས་ཀྱིས་སྟོང་སྟེ། འདི་ལ་སངས་རྒྱས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་རྣམས་མེད། ཉན་ཐོས་རྣམས་མེད་དེ།་ཤར་ཕྱོགས་ལ་ཇི་ལྟ་བ་བཞིན་དུ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱང་དེ་བཞིན་ནོ་ཞེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་དེ་ལ་མི་བརྗོད་མི་སྟོན་ཅིང ། ཡང་དག་པར་རྟོགས་པར་མི་བྱེད་པ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བདུད་སྡིག་ཅན་ཉན་ཐོས་ཀྱི་ཆ་བྱད་དུ་བསྒྱུར་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་ཟློག་ཅིང ། ཉན་ཐོས་དང ། རང་སངས་རྒྱས་དང་ལྡན་པའི་ཡིད་ལ་བྱེད་པ་དག་སྟོན་ཏེ། དེ་དག་རྗེས་སུ་སྟོན་པར་བྱེད་པའི་བདུད་ཀྱི་ལས་དེ་ལྟ་བུ་དེ་དག་དེ་ལ་མི་བརྗོད་མི་སྟོན་ཅིང ། ཡང་དག་པར་རྟོགས་པར་མི་བྱེད་པ་གང་ཡིན་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བདུད་སྡིག་ཅན་མཁན་པོ་དང ། སློབ་དཔོན་གྱི་
Ka422a
༄#། །ཆ་བྱད་དུ་བསྒྱུར་ཅིང་འོངས་ནས། བྱང་ཆུབ་སེམས་དཔའི་སྤྱོད་པ་དང་འབྲལ་བར་བྱེད། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་དང་འབྲལ་བར་བྱེད། དྲན་པ་ཉེ་བར་བཞག་པ་དག་དང་འབྲལ་བར་བྱེད་པ་ནས་དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དག་དང་འབྲལ་བར་བྱེད་ལ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་དག་དང་སྦྱོར་བར་བྱེད། ཡང་དག་པར་འཛིན་དུ་འཇུག་ཅིང ། འདི་སྐད་དུ། ཀྱེ། རིགས་ཀྱི་བུ་ཁྱོད་ཀྱིས་ཆོས་འདི་དག་བསྒོམས་ལ།་ཉན་ཐོས་ཀྱི་ས་མངོན་དུ་གྱིས་ཤིག་།བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པས་ཁྱོད་ལ་ཅི་ཞིག་བྱ་ཞེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་མི་བརྗོད་མི་སྟོན་ཅིང ། ཡང་དག་པར་རྟོགས་པར་མི་བྱེད་པ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བདུད་སྡིག་ཅན་མི་སྣང་བའི་ཆ་བྱད་དུ་བསྒྱུར་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། འདི་སྐད་དུ་རིགས་ཀྱི་བུ་ཚུར་ཤོག ། གང་གི་དོན་དུ་བསྐལ་པ་ཚད་མེད་གྲངས་མེད་པར་འཁོར་བ་ན་འཁོར་ཞིང་ལག་པ་བཅད་པ་དང ། རྐང་པ་བཅད་པ་དང ། མགོ་བཅད་པ་དཔག་ཏུ་མེད་པ་དག་ཉམས་སུ་མྱོང་བར་འགྱུར་
Ka422b
ཞིང།་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པས་ཁྱོད་ལ་ཅི་ཞིག་བྱ། གང་ལ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བར་ཡོད་པ་དེ་ལ་བརྩོན་པར་གྱིས་ཤིག་།གང་ལ་དགྲ་བཅོམ་པ་ཉིད་ཀྱི་འབྲས་བུ་མངོན་སུམ་དུ་བྱ་བར་ཡོད་པ་དེ་ལ་བརྩོན་པར་གྱིས་ཤིག་ཅེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་དེ་ལ་མི་བརྗོད་མི་སྟོན་ཅིང ། ཡང་དག་པར་རྟོགས་པར་མི་བྱེད་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་བདུད་སྡིག་ཅན་དགེ་སློང་གི་ཆ་བྱད་དུ་བསྒྱུར་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། དེ་ལ་མིག་མི་རྟག་ཅེས་བྱ་བར་དམིགས་པའི་ཚུལ་གྱི་ཆོས་སྟོན། དེ་བཞིན་དུ་སྡུག་བསྔལ་ཞེས་བྱ་བ་དང ། བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་དམིགས་པའི་ཚུལ་གྱིས་ཆོས་སྟོན། དེ་བཞིན་དུ་ཇི་ལྟར་མིག་ལ་སྦྱར་བ་དེ་བཞིན་དུ་ཡིད་ཀྱི་བར་ལའང་རྒྱ་ཆེར་སྦྱར་བར་བྱ་སྟེ། དེ་བཞིན་དུ་དྲན་པ་ཉེ་བར་བཞག་པ་རྣམས་མི་རྟག་ཅེས་བྱ་བར་དམིགས་པའི་ཚུལ་གྱིས་ཆོས་སྟོན་ཅིང ། དེ་བཞིན་དུ་སྡུག་བསྔལ་ཞེས་བྱ་བ་དང ། བདག་མེད་
Ka423a
༄#། །ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་དམིགས་པའི་ཚུལ་གྱིས་ཆོས་སྟོན་པ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་དམིགས་པའི་ཚུལ་གྱིས་ཆོས་སྟོན་པ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་མི་རྟག་ཅེས་བྱ་བར་དམིགས་པའི་ཚུལ་གྱིས་ཆོས་སྟོན་པ་དང ། དེ་བཞིན་དུ་སྡུག་བསྔལ་ཞེས་བྱ་བ་དང ། བདག་མེད་ཅེས་བྱ་བ་དང ། སྟོང་ཞེས་བྱ་བ་དང ། མཚན་མ་མེད་ཅེས་བྱ་བ་དང ། སྨོན་པ་མེད་ཅེས་བྱ་བ་དང ། ཞི་ཞེས་བྱ་བ་དང ། དབེན་ཞེས་བྱ་བ་དང ། རྣམ་པར་བྱང་ཞེས་བྱ་བ་དང ། སྐྱེ་བ་མེད་ཅེས་བྱ་བ་དང ། འགག་པ་མེད་ཅེས་བྱ་བ་དང ། དངོས་པོ་མེད་ཅེས་བྱ་བར་དམིགས་པའི་ཚུལ་གྱིས་ཆོས་སྟོན་པའི་བདུད་ཀྱི་ལས་དེ་ལྟ་བུ་དེ་དག་མི་བརྗོད་མི་སྟོན་ཅིང ། ཡང་དག་པར་རྟོགས་པར་མི་བྱེད་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱ་སྟེ། རིག་ནས་ཀྱང་ཡོངས་སུ་སྤོང་བར་བྱའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་
Ka423b
བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་གང་དང་ལྡན་ན། དགེ་བའི་བཤེས་གཉེན་གྱིས་ཡོངས་སུ་ཟིན་པ་ལགས་ཤིང་སྡིག་པའི་གྲོགས་པོ་རྣམ་པར་སྤངས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བདག་ཏུ་ལྟ་བ་སྤོང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང ། དེ་བཞིན་དུ་སེམས་ཅན་དུ་ལྟ་བ་སྤང་བའི་ཕྱིར་དང ། སྐྱེ་བ་པོར་ལྟ་བ་དང ། སྲོག་ཏུ་ལྟ་བ་དང ། གསོ་བར་ལྟ་བ་དང ། གང་ཟག་ཏུ་ལྟ་བ་དང ། ཤེད་ལས་སྐྱེས་དང ། ཤེད་བུ་དང ། བྱེད་དུ་འཇུག་པ་པོ་དང ། བྱེད་པ་པོ་དང ། སློང་བ་པོ་དང ། ཀུན་ནས་སློང་བ་པོ་དང ། ཚོར་བ་པོ་དང ། ཚོར་བར་བྱེད་པ་པོ་དང ། ཤེས་པ་པོ་དང ། མཐོང་བ་པོར་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང ། དེ་བཞིན་དུ་ཆད་པ་དང ། རྟག་པར་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང ། དེ་བཞིན་དུ་ཡོད་པར་ལྟ་བ་དང ། མེད་པར་ལྟ་བ་དང ། ཕུང་པོར་ལྟ་བ་དང ། ཁམས་སུ་ལྟ་བ་དང ། སྐྱེ་མཆེད་དུ་ལྟ་བ་དང ། བདེན་པར་ལྟ་བ་དང ། རྟེན་ཅིང་འབྲེལ་པར་འབྱུང་བར་ལྟ་བ་སྤང་བའི་ཕྱིར། སེམས་ཅན་རྣམས་ལ་ཆོས་སྟོན་པ་དང ། དེ་བཞིན་དུ་དྲན་པ་ཉེ་བར་བཞག་པ་རྣམས་སུ་ལྟ་བ་ནས། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་ལྟ་བ་སྤང་
Ka424a
༄#། །བའི་ཕྱིར་སེམས་ཅན་རྣམས་ལ་ཆོས་སྟོན་པ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུར་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང ། དེ་བཞིན་དུ་སེམས་ཅན་ཡོངས་སུ་སྨིན་པར་བྱ་བར་ལྟ་བ་དང ། སངས་རྒྱས་ཀྱི་ཞིང་ཡོངས་སུ་དག་པར་བྱ་བར་ལྟ་བ་དང ། བྱང་ཆུབ་ཏུ་ལྟ་བ་དང ། སངས་རྒྱས་སུ་ལྟ་བ་དང ། ཆོས་ཀྱི་འཁོར་ལོ་བསྐོར་བར་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་སྟེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་བཤེས་གཉེན་གྱིས་ཡོངས་སུ་ཟིན་པ་དང ། སྡིག་པའི་གྲོགས་པོ་རྣམ་པར་སྤངས་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་བདག་ཏུ་ལྟ་བ་སྤོང་བའི་ཕྱིར་སེམས་ཅན་རྣམས་ལ་ཆོས་སྟོན་པ་ནས་དེ་བཞིན་དུ་སྦྱར་ཏེ། ཆོས་ཀྱི་འཁོར་ལོ་བསྐོར་བའི་བར་དུ་ལྟ་བ་སྤང་བའི་ཕྱིར། སེམས་ཅན་རྣམས་ལ་ཆོས་སྟོན་པ་དེ་ཐམས་ཅད་མི་དམིགས་པའི་ཚུལ་གྱིས་ཆོས་སྟོན་ན། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པས་ཡོངས་སུ་ཟིན་པ་དང ། སྡིག་པའི་གྲོགས་པོ་རྣམ་པར་སྤངས་པའི་
Ka424b
བར་དུ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ལྟ་བའི་རྣམ་པ་ཐམས་ཅད་སྤང་བའི་སླད་དུ་སེམས་ཅན་རྣམས་ལ་ཆོས་སྟོན་ལགས་ན། བཅོམ་ལྡན་འདས། དེ་ཅིའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་གཟུགས་སུ་ལྟ་བར་འགྱུར་ལགས། དེ་བཞིན་དུ་ཚོར་བར་ལྟ་བ་དང ། འདུ་ཤེས་སུ་ལྟ་བ་དང ། འདུ་བྱེད་དུ་ལྟ་བ་དང ། རྣམ་པར་ཤེས་པར་ལྟ་བ་ལགས། དེ་བཞིན་དུ་མིག་ཏུ་ལྟ་བ་ལགས་ཤིང ། དེ་བཞིན་དུ་སྦྱར་ཏེ། ཡིད་ཀྱི་བར་དུ་ལྟ་བ་ལགས། དེ་བཞིན་དུ་གཟུགས་སུ་ལྟ་བ་ལགས་ཤིང ། དེ་བཞིན་དུ་སྦྱར་ཏེ། ཆོས་ཀྱི་བར་དུ་ལྟ་བ་ལགས། དེ་བཞིན་དུ་མིག་གི་ཁམས་སུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ལྟ་བ་ལགས། དེ་བཞིན་དུ་གཟུགས་ཀྱི་ཁམས་སུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་དུ་ལྟ་བ་ལགས། དེ་བཞིན་དུ་དྲན་པ་ཉེ་བར་བཞག་པར་ལྟ་བ་ནས། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་ལྟ་བ་ལགས། དེ་བཞིན་དུ་དེ་བཞིན་གཤེགས་པའི་སྟོབས་བཅུར་ལྟ་བ་ལགས་ཤིང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ལྟ་བ་
Ka425a
༄#། །ལགས།་དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ།་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མི་མཁས་པས་གཟུགས་དམིགས་ཤིང་དམིགས་པའི་ཚུལ་གྱིས་གཟུགས་སུ་ལྟ་བ་བསྐྱེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དམིགས་ཤིང་དམིགས་པའི་ཚུལ་གྱིས་རྣམ་པར་ཤེས་པར་ལྟ་བ་བསྐྱེད་དོ། །དེ་བཞིན་དུ་མིག་ཏུ་དམིགས་ཤིང་དམིགས་པའི་ཚུལ་གྱིས་མིག་ཏུ་ལྟ་བ་བསྐྱེད་དོ། །དེ་བཞིན་དུ་སྦྱར་ཏེ། ཡིད་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་ཡིད་དུ་ལྟ་བ་བསྐྱེད་དོ། །དེ་བཞིན་དུ་གཟུགས་རྣམས་དམིགས་ཤིང་དམིགས་པའི་ཚུལ་གྱིས་གཟུགས་རྣམས་སུ་ལྟ་བ་བསྐྱེད་དོ། །དེ་བཞིན་དུ་སྦྱར་ཏེ། ཆོས་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་ཆོས་རྣམས་སུ་ལྟ་བ་བསྐྱེད་དོ། །དེ་བཞིན་དུ་མིག་གི་ཁམས་དམིགས་ཤིང་དམིགས་པའི་ཚུལ་གྱིས་མིག་གི་ཁམས་སུ་ལྟ་བ་བསྐྱེད་དོ། །དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་བར་དུ་དམིགས་ཤིང་དམིགས་པའི་ཚུལ་གྱིས་ཡིད་ཀྱི་རྣམ་པར་ཤེས་པའི་ཁམས་སུ་ལྟ་བ་བསྐྱེད་དོ། །
Ka425b
དེ་བཞིན་དུ་གཟུགས་ཀྱི་ཁམས་དམིགས་ཤིང་དམིགས་པའི་ཚུལ་གྱིས་གཟུགས་ཀྱི་ཁམས་སུ་ལྟ་བ་བསྐྱེད་དོ། །དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་ཆོས་ཀྱི་ཁམས་སུ་ལྟ་བ་བསྐྱེད་དོ། །དེ་བཞིན་དུ་དྲན་པ་ཉེ་བར་བཞག་པ་རྣམས་དམིགས་ཤིང་དམིགས་པའི་ཚུལ་གྱིས་དྲན་པ་ཉེ་བར་བཞག་པར་ལྟ་བ་བསྐྱེད་དོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་དམིགས་ཤིང་དམིགས་པའི་ཚུལ་གྱིས་འཕགས་པའི་ལམ་ཡན་ལག་བརྒྱད་པར་ལྟ་བ་བསྐྱེད་དོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་དམིགས་ཤིང་དམིགས་པའི་ཚུལ་གྱིས་དེ་དག་ལ་ལྟ་བ་བསྐྱེད་དོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་དེ་དག་ལ་ལྟ་བ་བསྐྱེད་དོ། །ཚེ་དང་ལྡན་པ་ཤཱ་རདྭ་ཏིའི་བུ། རྒྱུ་དེས་ན་བྱང་ཆུབ་སེམས་དཔའ་ཐབས་ལ་མི་མཁས་པ་གཟུགས་སུ་ལྟ་བར་འགྱུར་རོ། །དེ་བཞིན་དུ་ཚོར་བར་ལྟ་བ་དང ། འདུ་ཤེས་སུ་ལྟ་བ་དང ། འདུ་བྱེད་དུ་ལྟ་བ་དང ། རྣམ་པར་ཤེས་པར་ལྟ་བར་འགྱུར་རོ། །དེ་བཞིན་དུ་མིག་ཏུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཡིད་ཀྱི་བར་དུ་ལྟ་བར་འགྱུར་རོ། །དེ་བཞིན་དུ་གཟུགས་སུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཆོས་ཀྱི་བར་དུ་ལྟ་བར་འགྱུར་རོ། །དེ་བཞིན་དུ་མིག་གི་ཁམས་
Ka426a
༄#། །སུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ལྟ་བར་འགྱུར་རོ། །དེ་བཞིན་དུ་གཟུགས་ཀྱི་ཁམས་སུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་དུ་ལྟ་བར་འགྱུར་རོ། །དེ་བཞིན་དུ་དྲན་པ་ཉེ་བར་བཞག་པར་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ།་འཕགས་པའི་ལམ་ཡན་ལགས་བརྒྱད་པའི་བར་དུ་ལྟ་བར་འགྱུར་རོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུར་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ལྟ་བར་འགྱུར་ཏེ། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་མཁས་པས་ལྟ་བ་དེ་དག་སྤང་བའི་ཕྱིར། དམིགས་པའི་ཚུལ་གྱིས་སེམས་ཅན་རྣམས་ལ་ཆོས་སྟོན་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། དོན་གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བགྱི་བ་ལ་བདག་ཀྱང་སྤོབས་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཁྱོད་སྤོབས་སམ། བཙུན་པ་བཅོམ་ལྡན་འདས། སྤོབས་ལགས་སོ། །འོ་ན་ཇི་ལྟ་བུ་ཡིན། གསོལ་པ། བཙུན་པ་
Ka426b
བཅོམ་ལྡན་འདས་འདི་ལ་བྱང་ཆུབ་སེམས་དཔའི་བྱང་ཆུབ་ཀྱི་སེམས་ནི་མི་མཉམ་པ་དང་མཉམ་པ། ཉན་ཐོས་དང ། རང་སངས་རྒྱས་ཐམས་ཅད་དང་ཐུན་མོང་མ་ལགས་ཏེ། དོན་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བགྱིའོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་ཟག་པ་མ་མཆིས་པ། ཁམས་གསུམ་དུ་མ་གཏོགས་པ་དེ་ནི། དེའི་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་ཟག་པ་མ་མཆིས་པ། ཁམས་གསུམ་དུ་མ་གཏོགས་པ་གང་ལགས་པ་དེ་ལའང་དེ་ཆགས་པ་མ་མཆིས་པས། དེའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བགྱིའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་མི་མཉམ་པ་དང་མཉམ་པའི་སེམས་ཉན་ཐོས་དང ། རང་སངས་རྒྱས་ཐམས་ཅད་དང་ཐུན་མོང་མ་ཡིན་པའི་སེམས་དེ་གང་ཡིན། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། ཆོས་གང་ཡང་སྐྱེ་བའམ། འགག་པར་ཡང་དག་པར་རྗེས་སུ་མི་མཐོང་
Ka427a
༄#། །སྟེ།་ཆོས་གང་ཡང་འགྲིབ་པའམ། འཕེལ་བར་ཡང་མི་འགྱུར། ཆོས་གང་ཡང་ཀུན་ནས་ཉོན་མོངས་པའམ། རྣམ་པར་བྱང་བའང་མ་མཆིས་ལགས་སོ། །བཙུན་པ་བཅོམ་ལྡན་འདས། གང་ལ་མི་སྐྱེ་མི་འགག་ཅིང ། འགྲིབ་པ་མ་མཆིས། འཕེལ་བ་མ་མཆིས། ཀུན་ནས་ཉོན་མོངས་པ་མ་མཆིས། རྣམ་པར་བྱང་བ་མ་མཆིས། ཉན་ཐོས་ཀྱི་སེམས་དང ། རང་སངས་རྒྱས་ཀྱི་སེམས་དང ། ཡང་དག་པར་རྫོགས་པའི་སངས་རྒྱས་ཀྱི་སེམས་མ་མཆིས་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མི་མཉམ་པ་དང་མཉམ་པའི་སེམས་ཉན་ཐོས་དང ། རང་སངས་རྒྱས་ཐམས་ཅད་དང་ཐུང་མོང་མ་ལགས་པའི་སེམས་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུས་གང་སྨྲས་པ་དེ་བཞིན་ཏེ། ཉན་ཐོས་དང ། རང་སངས་རྒྱས་ཀྱི་ས་དེ་ལའང་སེམས་དེ་ཆགས་པ་མེད་དོ། ། བཙུན་པ་བཅོམ་ལྡན་འདས། འོ་ན་སེམས་དེ་གཟུགས་ལའང་ཆགས་པ་མ་མཆིས་ལགས་སམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་མིག་ལའང་སེམས་དེ་ཆགས་པ་མ་མཆིས་ལགས་སམ། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་
Ka427b
བར་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་གཟུགས་རྣམས་ལའང་སེམས་དེ་ཆགས་པ་མ་མཆིས་ལགས་སམ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་མིག་གི་ཁམས་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་གཟུགས་ཀྱི་ཁམས་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ།་ཆོས་ཀྱི་ཁམས་ཀྱི་བར་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་དྲན་པ་ཉེ་བར་བཞག་པ་རྣམས་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལའང་སེམས་དེ་ཆགས་པ་མ་མཆིས་ལགས་སམ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་སེམས་དེ་ཆགས་པ་མ་མཆིས་ལགས་སམ། ཚེ་དང་ལྡན་པ་ཤཱ་རདྭ་ཏིའི་བུ། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། གཟུགས་ལའང་སེམས་དེ་ཆགས་པ་མེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་
Ka428a
༄#། །ལའང་སེམས་དེ་ཆགས་པ་མེད་དོ། །དེ་བཞིན་དུ་མིག་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། ཡིད་ཀྱི་པར་ལ་སེམས་དེ་ཆགས་པ་མེད་དོ། །དེ་བཞིན་དུ་གཟུགས་རྣམས་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། ཆོས་རྣམས་ཀྱི་བར་ལ་སེམས་དེ་ཆགས་པ་མེད་དོ། །དེ་བཞིན་དུ་མིག་གི་ཁམས་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་ལ་སེམས་དེ་ཆགས་པ་མེད་དོ། །དེ་བཞིན་དུ་གཟུགས་ཀྱི་ཁམས་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་ལ་སེམས་དེ་ཆགས་པ་མེད་དོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ལ་སེམས་དེ་ཆགས་པ་མེད་པ་ནས། དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་ལ་སེམས་དེ་ཆགས་པ་མེད་པའང་དེ་བཞིན་དུ་སྦྱར་རོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སེམས་དེ་ཆགས་པ་མེད་པ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་འདི་སྐད་ཅེས་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་གང་ཡིན་པ་དེའང་
Ka428b
ཟག་པ་མེད་ཅིང་ཁམས་གསུམ་ཐམས་ཅད་དུ་གཏོགས་པ་མ་ཡིན་ནོ་ཞེས་བཀའ་སྩལ་ནས། བཙུན་པ་བཅོམ་ལྡན་འདས། བྱིས་པ་སོ་སོའི་སྐྱེ་བོ་ཐམས་ཅད་ཀྱི་སེམས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་ཉན་ཐོས་དང ། རང་སངས་རྒྱས་ཐམས་ཅད་དང ། བཅོམ་ལྡན་འདས་དེ་བཞིན་གཤེགས་པ་རྣམས་ཀྱིས་ཐུགས་དེའང་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །གསོལ་པ།་བཙུན་པ་བཅོམ་ལྡན་འདས། གཟུགས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་སུམ་དུ་མ་གཏོགས་པ་ལགས་སམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །གསོལ་པ། བཙུན་པ་བཅོམ་ལྡན་འདས། མིག་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་སྦྱར་ཏེ། ཡིད་ཀྱི་བར་དུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་
Ka429a
༄#། །སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །གསོལ་པ། བཙུན་པ་བཅོམ་ལྡན་འདས། གཟུགས་རྣམས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །གསོལ་པ། བཙུན་པ་བཅོམ་ལྡན་འདས། ཆོས་རྣམས་ཀྱི་བར་ཡང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །གསོལ་པ། བཙུན་པ་བཅོམ་ལྡན་འདས། མིག་གི་ཁམས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་ཡང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །གསོལ་པ། བཙུན་པ་བཅོམ་ལྡན་འདས། གཟུགས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་དུའང་
Ka429b
རང་བཞིན་གྱི་ས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །གསོལ་པ། བཙུན་པ་བཅོམ་ལྡན་འདས། དྲན་པ་ཉེ་བར་བཞག་པ་རྣམས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ།་བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །གསོལ་པ། བཙུན་པ་བཅོམ་ལྡན་འདས། དེ་བཞིན་གཤེགས་པའི་སྟོབས་བཅུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང ། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། བྱིས་པ་སོ་སོའི་སྐྱེ་བོ་ཐམས་ཅད་ཀྱི་སེམས་ཀྱང་རང་བཞིན་གྱིས་སྟོང་པ་ཉིད་ཀྱི་ཕྱིར་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་ནོ། །དེ་བཞིན་དུ་ཉན་ཐོས་དང ། རང་སངས་རྒྱས་
Ka430a
༄#། །ཐམས་ཅད་ཀྱི་སེམས་ཀྱང་རང་བཞིན་གྱིས་སྟོང་པ་ཉིད་ཀྱི་ཕྱིར་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་ནོ། །དེ་བཞིན་དུ་གཟུགས་ཀྱང་རང་བཞིན་གྱིས་སྟོང་པ་ཉིད་ཀྱི་ཕྱིར་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་རང་བཞིན་གྱིས་སྟོང་པ་ཉིད་ཀྱི་ཕྱིར་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་ནོ། །དེ་བཞིན་དུ་མིག་ཀྱང་རང་བཞིན་གྱིས་སྟོང་པ་ཉིད་ཀྱི་ཕྱིར་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་པ་ནས། ཡིད་ཀྱི་བར་དུའང་དེ་བཞིན་དུ་སྦྱར་རོ། །དེ་བཞིན་དུ་མིག་གི་ཁམས་ཀྱང་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་པ་ནས།་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་རོ། །དེ་བཞིན་དུ་གཟུགས་ཀྱི་ཁམས་ཀྱང་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་པ་ནས།་ཆོས་ཀྱི་ཁམས་ཀྱི་བར་དུའང་དེ་བཞིན་དུ་སྦྱར་རོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཀྱང་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་པ་ནས། འཕགས་པའི་ལམ་ཡན་ལག་བརྒྱད་པའི་བར་དུའང་དེ་བཞིན་དུ་སྦྱར་རོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུའང་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་པ་ནས་
Ka430b
དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་རང་བཞིན་གྱིས་སྟོང་པ་ཉིད་ཀྱི་ཕྱིར་ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་འདི་སྐད་ཅེས་སེམས་མ་ཡིན་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་སེམས་དེ་ལ་ཆགས་པ་མེད་དོ་ཞེས་བཀའ་སྩལ་ན། བཙུན་པ་བཅོམ་ལྡན་འདས། གཟུགས་མ་མཆིས་པའང་གཟུགས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། རྣམ་པར་ཤེས་པའི་བར་དུ་མ་མཆིས་པའང་རྣམ་པར་ཤེས་པ་མ་མཆིས་པ་ལ་ཆགས་པ་མ་མཆིས་པ་ལགས་སམ། བཙུན་པ་བཅོམ་ལྡན་འདས།་མིག་མ་མཆིས་པའང་མིག་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། ཡིད་ཀྱི་བར་དུ་མ་མཆིས་པའང་ཡིད་མ་མཆིས་པ་ལ་ཆགས་པ་མ་མཆིས་ལགས་སམ། བཙུན་པ་བཅོམ་ལྡན་འདས། གཟུགས་རྣམས་མ་མཆིས་པ་གཟུགས་རྣམས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་ཆོས་རྣམས་མ་མཆིས་པའི་བར་དག་ཆོས་རྣམས་མ་མཆིས་པ་ལ་ཆགས་པ་མ་མཆིས་ལགས་སམ། བཙུན་པ་བཅོམ་ལྡན་འདས། མིག་གི་ཁམས་མ་མཆིས་པ་མིག་གི་ཁམས་མ་མཆིས་པ་ལ་ཆགས་པ་མ་
Ka431a
༄#། །མཆིས་ལགས་སམ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་མ་མཆིས་པ་ཡིད་ཀྱི་རྣམ་པར་ཤེས་པའི་ཁམས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་དྲན་པ་ཉེ་བར་བཞག་པ་རྣམས་མ་མཆིས་པའང་དྲན་པ་ཉེ་བར་བཞག་པ་རྣམས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་མ་མཆིས་པའང་འཕགས་པའི་ལམ་ཡན་ལག་བརྒྱད་པ་མ་མཆིས་པ་ལ་ཆགས་པ་མ་མཆིས་ལགས་སམ། བཙུན་པ་བཅོམ་ལྡན་འདས། དེ་བཞིན་གཤེགས་པའི་སྟོབས་བཅུ་མ་མཆིས་པ། དེ་བཞིན་གཤེགས་པའི་སྟོབས་བཅུ་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མ་མཆིས་པ། སངས་རྒྱས་ཀྱི་ཆོས་མ་འདྲེས་པ་མ་མཆིས་པ་རྣམས་ལ་ཆགས་པ་མ་མཆིས་ལགས་སམ། བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། གཟུགས་མེད་པའང་གཟུགས་མེད་པ་ལ་ཆགས་པ་མེད་དོ། །རྣམ་པར་ཤེས་པའི་བར་དུའང་དེ་བཞིན་དུ་སྦྱར་བ་ནས། དེ་བཞིན་དུ་མིག་ནས། ཡིད་ཀྱི་བར་དུའང་དེ་བཞིན་དུ་སྦྱར་རོ། །དེ་བཞིན་དུ་གཟུགས་རྣམས་ནས། ཆོས་རྣམས་ཀྱི་བར་དུའང་དེ་བཞིན་
Ka431b
དུ་སྦྱར་རོ། །དེ་བཞིན་དུ་མིག་གི་ཁམས་ནས་ཡིད་ཀྱི་རྣམ་པར་ཤེས་པའི་ཁམས་མེད་པའི་བར་དུའང་དེ་བཞིན་དུ་སྦྱར་རོ། །དེ་བཞིན་དུ་གཟུགས་ཀྱི་ཁམས་ནས་ཆོས་ཀྱི་ཁམས་ཀྱི་བར་དུའང་དེ་བཞིན་དུ་སྦྱར་རོ། །དེ་བཞིན་དུ་དྲན་པ་ཉེ་བར་བཞག་པ་རྣམས་མེད་པའང་དྲན་པ་ཉེ་བར་བཞག་པ་རྣམས་མེད་པ་ལ་ཆགས་པ་མེད་དོ། །འཕགས་པའི་ལམ་ཡན་ལག་བརྒྱད་པའི་བར་དུའང་དེ་བཞིན་དུ་སྦྱར་རོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་མེད་པའང ། དེ་བཞིན་གཤེགས་པའི་སྟོབས་བཅུ་མེད་པ་ལ་ཆགས་པ་མེད་དོ། །དེ་བཞིན་དུ་སྦྱར་ཏེ།་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་ཆགས་པ་མེད་དོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པ་ནི། མི་མཉམ་པ་དང་མཉམ་པའི་སེམས་ཉན་ཐོས་དང ། རང་སངས་རྒྱས་ཐམས་ཅད་དང་ཐུན་མོང་མ་ཡིན་པའི་སེམས་དེས་ཀྱང་མི་དམིགས་པའི་ཚུལ་གྱིས་རློམ་སེམས་སུ་མི་བྱེད། མངོན་པར་ཞེན་པར་མི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མི་དམིགས་པའི་ལེའུ་ཞེས་བྱ་སྟེ་བདུན་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་ཉན་ཐོས་
Ka432a
༄#། །ཀྱི་སའམ། རང་སངས་རྒྱས་ཀྱི་སར་རབ་ཏུ་ལྟུང་ཞིང་བྱང་ཆུབ་སེམས་དཔའི་སྐྱོན་མ་མཆིས་པ་ལ་མི་འཇུག་པ་ལགས། བྱང་ཆུབ་སེམས་དཔའི་སྐྱོན་ནི་གང་ལགས། སྐྱོན་མ་མཆིས་པ་ནི་གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྔར་ངེས་པར་ལྟུང་བར་གྱུར་ལ། ཉན་ཐོས་ཀྱི་སའམ། རང་སངས་རྒྱས་ཀྱི་སར་རབ་ཏུ་ལྟུང་ཞིང་བྱང་ཆུབ་སེམས་དཔའི་སྐྱོན་མེད་པར་མི་འཇུག་པ་སྟེ། དེ་ནི་བྱང་ཆུབ་སེམས་དཔའི་སྐྱོན་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་སྔར་ངེས་པར་ལྟུང་བའི་སྐྱོན་གང་ལགས། བཅོམ་ལྡན་འདས་ཀྱིས་བཀའ་སྩལ་པ།་ཤཱ་རདྭ་ཏིའི་བུ་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ན། ཐབས་ལ་མི་མཁས་པ་ཉིད་ཀྱི་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་རྣམ་པར་ཐར་པའི་སྒོ་ལ་བརྟེན་ནས། ཉན་ཐོས་ཀྱི་སའམ། རང་སངས་རྒྱས་ཀྱི་ས་མངོན་སུམ་དུ་བྱེད་ཅིང ། བྱང་ཆུབ་སེམས་དཔའི་
Ka432b
སྐྱོན་མེད་པ་ལ་མི་འཇུག་པ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྔར་ངེས་པར་ལྟུང་བའི་སྐྱོན་ཡིན་ནོ། །བཙུན་པ་བཅོམ་ལྡན་འདས། ཅིའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། སྐྱོན་ཞེས་བྱ་བ་ནི། འདི་ལྟ་སྟེ། ཆོས་ལ་སྲེད་པ་སྟེ་སྐྱོན་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཆོས་ལ་སྲེད་པའི་སྐྱོན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་ལ་མི་རྟག་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མི་རྟག་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རྗེས་སུ་མཐུན་པའི་ཆོས་ལ་སྲེད་པ་སྟེ་སྐྱོན་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་ནས་རྣམ་པར་ཤེས་པའི་བར་ལ་སྡུག་བསྔལ་ཞེས་བྱ་བར་གནས་པར་བྱེད་ཅིང ། ཀུན་ཏུ་ཤེས་ལ་མངོན་པར་ཞེན་པ་དང ། གཟུགས་ནས་རྣམ་པར་ཤེས་པའི་བར་ལ་བདག་
Ka433a
༄#། །མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ནས་རྣམ་པར་ཤེས་པའི་བར་ལ་སྟོང་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ནས་རྣམ་པར་ཤེས་པའི་བར་ལ་མཚན་མ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ནས་རྣམ་པར་ཤེས་པའི་བར་ལ་སྨོན་པ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ནས་རྣམ་པར་ཤེས་པའི་བར་ལ་ཞི་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ནས་རྣམ་པར་ཤེས་པའི་བར་ལ་དབེན་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ནས་རྣམ་པར་ཤེས་པའི་བར་ལ་རྣམ་པར་བྱང་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ནས་རྣམ་པར་ཤེས་པའི་བར་ལ་སྐྱེ་བ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ནས་རྣམ་པར་ཤེས་པའི་བར་ལ་འགག་པ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་གཟུགས་ལ་དངོས་པོ་མེད་ཅེས་བྱ་བར་གནས་པར་བྱེད་ཅིང་ཀུན་
Ka433b
ཏུ་ཤེས་ལ་མངོན་པར་ཞེན་པ་དང ། རྣམ་པར་ཤེས་པའི་བར་ལ་དངོས་པོ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རྗེས་སུ་མཐུན་པའི་ཆོས་ལ་སྲེད་པ་སྟེ་སྐྱོན་ཡིན་ནོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་སྔར་ངེས་པར་ལྟུང་བ་ཡིན་ཞིང ། ཉན་ཐོས་དང ། རང་སངས་རྒྱས་ཀྱི་སར་ལྟུང་ལ། བྱང་ཆུབ་སེམས་དཔའི་སྐྱོན་མེད་པ་ལའང་མི་འཇུག་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཐབས་ལ་མི་མཁས་པས་མིག་ནས་ཆོས་རྣམས་ཀྱི་བར་ལ་མི་རྟག་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་སྡུག་བསྔལ་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་བདག་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་སྟོང་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་མཚན་མ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་
Ka434a
༄#། །བཞིན་དུ་མིག་ནས་ཆོས་རྣམས་ཀྱི་བར་ལ་སྨོན་པ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་ཞི་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་དབེན་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་རྣམ་པར་བྱང་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་སྐྱེ་བ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ནས་ཆོས་རྣམས་ཀྱི་བར་ལ་འགག་པ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། དེ་བཞིན་དུ་མིག་ལ་དངོས་པོ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང ། ཆོས་རྣམས་ཀྱི་བར་ལ་དངོས་པོ་མེད་ཅེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རྗེས་སུ་མཐུན་པའི་ཆོས་ལ་སྲེད་པ་སྟེ་སྐྱོན་ཞེས་བྱའོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་སྔར་ངེས་པར་ལྟུང་བ་ཡིན་ཞིང །
Ka434b
ཉན་ཐོས་དང ། རང་སངས་རྒྱས་ཀྱི་སར་རབ་ཏུ་ལྟུང་བ་དང ། བྱང་ཆུབ་སེམས་དཔའི་སྐྱོན་མེད་པ་ལ་མི་འཇུག་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཐབས་ལ་མི་མཁས་པས་ཁམས་རྣམས་དང ། དྲན་པ་ཉེ་བར་བཞག་པ་དག་ནས། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང ། དེ་བཞིན་དུ་སྦྱར་ཏེ། ཇི་ལྟར་ཕུང་པོ་དག་གི་སྐབས་སུ་སྦྱར་བ་བཞིན་ཐམས་ཅད་དུ་རྒྱ་ཆེར་སྦྱར་བར་བྱ་སྟེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་སྔར་ངེས་པར་ལྟུང་བ་ཡིན་ཞིང ། ཉན་ཐོས་དང ། རང་སངས་རྒྱས་ཀྱི་སར་རབ་ཏུ་ལྟུང་བ་ལ་བྱང་ཆུབ་སེམས་དཔའི་སྐྱོན་མེད་པ་ལའང་མི་འཇུག་པ་ཡིན་ནོ། །ཤཱ་རདྭ་ཏིའི་བུ། འདི་སྐད་ཅེས་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མ་མཆིས་པ་གང་ལགས་ཞེས་གང་སྨྲས་པའང ། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་འདི་ལྟར་བསླབ་པར་བྱ་སྟེ།་ཅི་ནས་གཟུགས་ཀྱིས་རློམ་སེམས་སུ་མི་བྱའོ། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པས་རློམ་སེམས་སུ་མི་བྱ། མིག་གིས་རློམ་སེམས་སུ་མི་བྱ། དེ་
Ka435a
༄#། །བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱིས་རློམ་སེམས་སུ་མི་བྱ། གཟུགས་རྣམས་ཀྱིས་རློམ་སེམས་སུ་མི་བྱ། དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཀྱིས་རློམ་སེམས་སུ་མི་བྱ། མིག་གི་ཁམས་ཀྱིས་རློམ་སེམས་སུ་མི་བྱ། གཟུགས་ཀྱི་ཁམས་ཀྱིས་རློམ་སེམས་སུ་མི་བྱ། མིག་གི་རྣམ་པར་ཤེས་པའི་ཁམས་ཀྱིས་རློམ་སེམས་སུ་མི་བྱ། དེ་བཞིན་དུ་སྦྱར་ཏེ། ཡིད་ཀྱི་ཁམས་ཀྱི་བར་གྱིས་རློམ་སེམས་སུ་མི་བྱ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱིས་རློམ་སེམས་སུ་མི་བྱ། སྦྱིན་པའི་ཕ་རོལ་ཏུ་ཕྱིན་པས་རློམ་སེམས་སུ་མི་བྱ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པས་རློམ་སེམས་སུ་མི་བྱ། དེ་བཞིན་དུ་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་རྣམས་ཀྱིས་རློམ་སེམས་སུ་མི་བྱ། དྲན་པ་ཉེ་བར་བཞག་པ་རྣམས་ཀྱིས་རློམ་སེམས་སུ་མི་བྱ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱིས་རློམ་སེམས་སུ་མི་བྱ། དེ་བཞིན་དུ་དེ་བཞིན་གཤེགས་པའི་སྟོབས་བཅུས་རློམ་སེམས་སུ་མི་བྱ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་
Ka435b
གྱིས་རློམ་སེམས་སུ་མི་བྱའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པས། བྱང་ཆུབ་ཀྱི་སེམས། མི་མཉམ་པ་དང་མཉམ་པའི་སེམས། ཐུན་མོང་མ་ཡིན་པའི་སེམས། རྒྱ་ཆེན་པོའི་སེམས་དེ་ཉིད་ཀྱིས་ཀྱང་རློམ་སེམས་སུ་མི་བྱའོ། །དེ་ཅིའི་ཕྱིར་ཞེ་ན། འདི་ལྟར་སེམས་ཀྱི་རང་བཞིན་འོད་གསལ་བ་ཉིད་ཀྱི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། སེམས་ཀྱི་རང་བཞིན་འོད་གསལ་བ་ཉིད་གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། སེམས་གང་འདོད་ཆགས་དང་ལྡན་པའང་མ་ཡིན། མི་ལྡན་པའང་མ་ཡིན། ཞེ་སྡང་དང་ལྡན་པའང་མ་ཡིན། མི་ལྡན་པའང་མ་ཡིན། གཏི་མུག་དང་ལྡན་པའང་མ་ཡིན། མི་ལྡན་པའང་མ་ཡིན་ཞིང ། དེ་བཞིན་དུ་ཀུན་ནས་ལྡང་བ་རྣམས་དང ། ཀུན་ཏུ་སྦྱོར་བ་རྣམས་དང ། བག་ལ་ཉལ་རྣམས་དང་ལྡན་པའང་མ་ཡིན། མི་ལྡན་པའང་མ་ཡིན་པ་དང ། དེ་བཞིན་དུ་ལྟ་བའི་ཀུན་ཏུ་སྦྱོར་བ་ཐམས་ཅད་དང་ལྡན་པའང་མ་ཡིན། མི་ལྡན་པའང་མ་ཡིན་པ་དང ། ཉན་ཐོས་དང ། རང་སངས་རྒྱས་ཀྱི་སེམས་དག་དང་ལྡན་པའང་མ་ཡིན། མི་ལྡན་པའང་མ་ཡིན་པ་འདི་ནི།
Ka436a
༄#། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་རང་བཞིན་གྱིས་འོད་གསལ་བ་ཉིད་ཡིན་ནོ། །དེ་སྐད་ཅེས་བཀའ་སྩལ་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། ཅི་སེམས་མ་ལགས་པའི་སེམས་གང་ལགས་པ་དེ་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། སེམས་ཀྱི་སེམས་ཉིད་གང་ཡིན་པ་དེ་ལ་ཅི་ཡོད་པ་ཉིད་དམ། མེད་པ་ཉིད་དམ། བདོག་པའམ། མི་བདོག་པའམ། དམིགས་པ་ཉིད་དམིགས་སུ་ཡོད་དམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། གལ་ཏེ་སེམས་ཀྱི་སེམས་ཉིད་གང་ལ་ཡོད་པ་ཉིད་དམ། མེད་པ་ཉིད་མེད་ཅིང་མི་དམིགས་ན། ཤཱ་རདྭ་ཏིའི་བུས་གང་འདི་སྐད་ཅེས་སྨྲས་ཏེ། སེམས་མ་ལགས་པའི་སེམས་དེ་མཆིས་ལགས་སམ་ཞེས་བརྒལ་ཞིང་བརྟག་པ་འདི་ཅིག་རིགས་སམ། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། སེམས་ཀྱི་སེམས་ཉིད་དེ་གང་ལགས། བཀའ་སྩལ་པ། ཤཱ་རདྭ་ཏིའི་བུ། ཆོས་ཐམས་ཅད་ལ་འགྱུར་བ་མེད་ཅིང་རྣམ་པར་རྟོག་པ་མེད་པ་གང་ཡིན་པ་དེ་ནི་སེམས་ཀྱི་སེམས་ཉིད་ཅེས་བྱའོ། །དེ་སྐད་ཅེས་
Ka436b
བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། སེམས་དེ་ཁོ་ན་འགྱུར་བ་མ་མཆིས་ཤིང་རྣམ་པར་རྟོག་པ་མ་མཆིས་ལ། གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དེ་ཁོ་ན་འགྱུར་བ་མ་མཆིས་ཤིང་རྣམ་པར་རྟོག་པ་མ་མཆིས་པ་ལགས་སམ། དེ་བཞིན་དུ་སྦྱར་ཏེ། འདུ་བྱེད་ཐམས་ཅད་ཀྱི་བར་དག་ཀྱང་འགྱུར་བ་མ་མཆིས་ཤིང་རྣམ་པར་རྟོག་པ་མ་མཆིས་པ་ལགས་སམ། དེ་ལྟར་གྱུར་ན་ནི་བྱང་ཆུབ་ཀྱི་བར་དུའང་འགྱུར་བ་མ་མཆིས་ཤིང་རྣམ་པར་རྟོག་པ་མ་མཆིས་པར་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ཏེ། གང་གི་སེམས་དེ་ལྟར་འགྱུར་བ་མེད་ཅིང་རྣམ་པར་རྟོག་པ་མེད་པ་ནས། འདུ་བྱེད་ཐམས་ཅད་ཀྱི་བར་དག་དང ། དེ་བཞིན་དུ་བྱང་ཆུབ་ཀྱི་བར་དུའང་དེ་ལ་འགྱུར་བ་མེད་ཅིང་རྣམ་པར་རྟོག་པ་མེད་པ་ཡིན་ཏེ། ཤཱ་རདྭ་ཏིའི་བུ། ཆོས་ཐམས་ཅད་ལ་འགྱུར་བ་མེད་ཅིང་རྣམ་པར་རྟོག་པ་མེད་པ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྐྱོན་མེད་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། ཐབས་ཀྱིས་ཡང་དག་པར་ཟིན་པའི་དྲན་པ་ཉེ་བར་བཞག་པ་བཞི་ཡིན་ནོ། །བཞི་གང་
Ka437a
༄#། །ཞེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་པས་མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ལ། ལུས་ལ་བརྟེན་པའི་རྣམ་པར་རིག་པའང་མི་བསྐྱེད་པ་དང ། དེ་བཞིན་དུ་རྟུན་པ་ཤེས་བཞིན་ཅན་དྲན་པ་དང་ལྡན་པས་མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས། ཕྱིའི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ལ། ལུས་ལ་བརྟེན་པའི་རྣམ་པར་རིག་པའང་མི་བསྐྱེད་པ་དང ། དེ་བཞིན་དུ་རྟུན་པ་ཤེས་བཞིན་ཅན་དྲན་པ་དང་ལྡན་པས་མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས། ནང་དང་ཕྱིའི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ལ། ལུས་ལ་བརྟེན་པའི་རྣམ་པར་རིག་པའང་མི་བསྐྱེད་པ་དང ། དེ་བཞིན་དུ་རྟུན་པ་ཤེས་བཞིན་ཅན་དྲན་པ་དང་ལྡན་པས་མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས། ནང་གི་ཚོར་བ་རྣམས་དང ། ཕྱིའི་ཚོར་བ་རྣམས་དང ། ཕྱི་ནང་གི་ཚོར་བ་རྣམས་ལ་ཚོར་བའི་རྗེས་སུ་ལྟ་ཞིང་གནས་ལ། ཚོར་བ་ལ་བརྟེན་པའི་རྣམ་པར་རིག་པའང་མི་བསྐྱེད་པ་དང ། དེ་བཞིན་དུ་རྟུན་པ་
Ka437b
ཤེས་བཞིན་ཅན་དྲན་པ་དང་ལྡན་པས་མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས། ནང་གི་སེམས་རྣམས་དང ། ཕྱིའི་སེམས་རྣམས་དང ། ཕྱི་ནང་གི་སེམས་རྣམས་ལ་སེམས་ཀྱི་རྗེས་སུ་ལྟ་ཞིང་གནས་ལ། སེམས་ལ་བརྟེན་པའི་རྣམ་པར་རིག་པའང་མི་བསྐྱེད་པ་དང ། དེ་བཞིན་དུ་རྟུན་པ་ཤེས་བཞིན་ཅན་དྲན་པ་དང་ལྡན་པས་མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས། ནང་གི་ཆོས་རྣམས་དང ། ཕྱིའི་ཆོས་རྣམས་དང ། ཕྱི་ནང་གི་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་གནས་ལ། ཆོས་ལ་བརྟེན་པའི་རྣམ་པར་རིག་པའང་མི་བསྐྱེད་པའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བརྒྱད་པ། ཤཱ་རདྭ་ཏིའི་བུ།་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་ན་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཤེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་ནའང་སྤྱོད་པར་རབ་ཏུ་ཤེས་སོ། །འགྲེང་ནའང་བདག་འགྲེང་བར་རབ་ཏུ་ཤེས་སོ། །འདུག་ནའང་བདག་འདུག་པར་རབ་ཏུ་ཤེས་སོ། །ཉལ་ནའང་བདག་ཉལ་བར་རབ་ཏུ་ཤེས་སོ། །དེའི་ལུས་ཇི་ལྟ་ཇི་ལྟ་བུར་གནས་པར་གྱུར་པ་དེ་ལྟ་དེ་ལྟ་བུར་རབ་ཏུ་ཤེས་ཏེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་པས་འཇིག་རྟེན་ལ་
Ka438a
༄#། །བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་སོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འགྲོའམ། ལྡོག་ཀྱང་ཤེས་བཞིན་དུ་སྤྱོད་པ་ཡིན། ཀུན་ཏུ་ལྟའམ། རྣམ་པར་ལྟའང་ཤེས་བཞིན་དུ་སྤྱོད་པ་ཡིན། བསྐུམ་པ་དང ། བརྐྱང་བ་དང ། སྣམ་སྦྱར་དང ། རས་ཡུག་ཆེན་དང ། ལྷུང་བཟེད་ཐོགས་པ་དང ། ཟ་བ་དང ། འཐུང་བ་དང ། འཆའ་བ་དང ། མྱང་བ་དང ། གཉིད་བསད་པ་དང ། ངལ་བསོ་བ་དང ། འོང་བ་དང ། འགྲོ་བའམ། འདུག་པ་དང ། ཉལ་བ་དང ། མི་ཉལ་བ་དང ། སྨྲ་བ་དང ། མི་སྨྲ་བ་ནའང་ཤེས་བཞིན་དུ་སྤྱོད་པ་ཡིན། ནང་དུ་ཡང་དག་འཇོག་དང་ལྡང་ནའང་ཤེས་བཞིན་དུ་སྤྱོད་པ་ཡིན་ཏེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། དེའང་མི་དམིགས་པའི་ཚུལ་གྱིས་གནས་སོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ན་དྲིན་བཞིན་དུ་དབུགས་རྔུབ་ཅིང ། དྲན་བཞིན་དུ་དབུགས་འབྱིན་ཏེ། དེས་དབུགས་རིང་དུ་བརྔུབས་ནའང་དབུགས་རིང་དུ་བརྔུབས་པ་དང ། དབུགས་རིང་དུ་ཕྱུང་ནའང་དབུགས་རིང་དུ་ཕྱུང་བར་རབ་ཏུ་ཤེས་སོ། །དབུགས་ཐུང་དུ་བརྔུབས་
Ka438b
ནའང་དབུགས་ཐུང་དུ་བརྔུབས་པར་རབ་ཏུ་ཤེས་སོ། །དབུགས་ཐུང་དུ་ཕྱུང་ནའང་དབུགས་ཐུང་དུ་ཕྱུང་བར་རབ་ཏུ་ཤེས་སོ། །ཤཱ་རདྭ་ཏིའི་བུ། དཔེར་ན། རྫ་མཁན་ནམ། རྫ་མཁན་གྱི་སློབ་མ་མཁས་པས་འཕང་ལོ་བསྐོར་བ་ནི། རིང་དུ་སྲུབ་ནའང་རིང་དུ་སྲུབ་པར་རབ་ཏུ་ཤེས་སོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོའང་དྲན་བཞིན་དུ་དབུགས་རྔུབ་ཅིང ། དྲན་བཞིན་དུ་དབུགས་འབྱིན་ཏེ། དེས་དབུགས་རིང་དུ་བརྔུབས་ནའང་དབུགས་རིང་དུ་བརྔུབས་པར་རབ་ཏུ་ཤེས་སོ། །དབུགས་རིང་དུ་ཕྱུང་ནའང་དབུགས་རིང་དུ་ཕྱུང་བར་རབ་ཏུ་ཤེས་སོ། །དབུགས་ཐུང་དུ་བརྔུབས་ནའང་དབུགས་ཐུང་དུ་བརྔུབས་པར་རབ་ཏུ་ཤེས་སོ། །དབུགས་ཐུང་དུ་ཕྱུང་ནའང་དབུགས་ཐུང་དུ་ཕྱུང་བར་རབ་ཏུ་ཤེས་སོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་པས་མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་སོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་འདི་ཉིད་ལ་ཁམས་ཀྱིས་སོ་སོར་རྟོག་པར་བྱེད་དེ། ལུས་འདི་ལ་ནི་སའི་ཁམས་དང ། ཆུའི་ཁམས་དང ། མེའི་ཁམས་དང ། རླུང་གི་ཁམས་ཡོད་དོ་སྙམ་དུ་རྟོག་གོ་།ཤཱ་རདྭ་ཏིའི་བུ། དཔེར་ན། བ་ལང་གསོད་པ་ལ་
Ka439a
༄#། །མཁས་པའམ། བ་ལང་གསོད་པའི་སློབ་མ་མཁས་པས་མཚོན་རྣོན་པོས་བ་ལང་བསད་ནས། བག་བཞིར་བཤགས་ཏེ་གཟུག་བཞིར་ཕྱེ་ནས་འགྲེང་ངམ་འདུག་སྟེ། སོ་སོར་རྟོག་པ་དེ་བཞིན་དུ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའང་ལུས་འདི་ཉིད་ལ་ཁམས་ཀྱིས་སོ་སོར་རྟོག་པར་བྱེད་དེ། ལུས་འདི་ལ་ནི་སའི་ཁམས་དང ། ཆུའི་ཁམས་དང ། མེའི་ཁམས་དང ། རླུང་གི་ཁམས་ཡོད་དོ་སྙམ་དུ་རྟོག་སྟེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་ཡིན་ཏེ། དེའང་མི་དམིགས་པའི་ཚུལ་གྱིས་གནས་སོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་འདི་ཉིད་རྐང་པའི་མཐིལ་ཡན་ཆད། སྐྲ་དང་མགོ་བོ་མན་ཆད་མི་གཙང་བ་རྣམ་པ་སྣ་ཚོགས་ཀྱིས་གང་སྟེ།་ལུས་འདི་ལ་ནི་སྐྲ་དང ། སྤུ་དང ། སེན་མོ་དང ། པགས་པ་དང ། པགས་ཤུན་དང ། ཤ་དང ། རྒྱུས་པ་དང ། རུས་པ་དང ། རྐང་དང ། མཁལ་མ་དང ། སྙིང་དང ། མཚེར་བ་དང ། གློ་བ་དང ། མཆིན་པ་དང ། སུལ་མངས་དང ། རྒྱུ་མ་དང ། གཉེ་མ་དང ། གཞང་དང ། ལྒང་པ་དང ། ཕྱི་ས་དང ། མཆི་མ་དང ། རྔུལ་དང ། ཚིལ་དང ། མཆིལ་མ་དང ། སྣབས་
Ka439b
དང ། རྣག་དང ། ཁྲག་དང ། མཁྲིས་པ་དང ། བད་ཀན་དང ། ཞག་དང ། ཆུ་སེར་དང ། དྲི་མ་དང ། གཅིན་དང ། ཀླད་པ་དང ། ཀླད་རྒྱས་དག་ཡོད་དོ་སྙམ་དུ་སོ་སོར་རྟོག་སྟེ། ཤཱ་རདྭ་ཏིའི་བུ། དཔེར་ན། ཁྱིམ་བདག་ཞིང་པའི་སྦྱང་འབྲུའི་རྣམ་པ་སྣ་ཚོགས། འདི་ལྟ་སྟེ། ཏིལ་དང ། འབྲས་ཐུག་པོ་ཆེ་དང ། མོན་སྲན་སྡེའུ་དང ། མོན་སྲན་ན་གུ་དང ། ནས་དང ། གྲོ་དང ། སྲན་ཆུང་དང ། འབྲས་སཱ་ལུ་དང ། འབྲུ་དང ། ཡུངས་འབྲུ་དག་གིས་གང་བ་སྒོ་དྲུང་གཉིས་སུ་བཞག་པ་ལ་སྐྱེས་བུ་མིག་དང་ལྡན་པས་མཐོང་ན། འདི་དག་ནི་ཏིལ་ཡིན་ནོ། ། འདི་དག་ནི་འབྲས་ཐུག་པོ་ཆེ་ཡིན་ནོ། །འདི་དག་ནི་མོན་སྲན་སྡེའུ་ཡིན་ནོ། །འདི་དག་ནི་མོན་སྲན་ན་གུ་ཡིན་ནོ། །འདི་དག་ནི་ནས་ཡིན་ནོ། །འདི་དག་ནི་གྲོ་ཡིན་ནོ། །འདི་དག་ནི་སྲན་ཆུང་ཡིན་ནོ། །འདི་དག་ནི་འབྲས་སཱ་ལུ་ཡིན་ནོ། །འདི་དག་ནི་འབྲུ་ཡིན་ནོ། །འདི་དག་ནི་ཡུངས་ཀར་ཡིན་ནོ་སྙམ་དུ་ཤེས་སོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོའང་ལུས་འདི་ཉིད་ལ་རྐང་པའི་མཐིལ་ཡན་ཆད། སྐྲ་དང་མགོ་མན་ཆད་མི་གཙང་བ་རྣམ་པ་སྣ་ཚོགས་ཀྱིས་གང་སྟེ། ལུས་འདི་ལ་ནི་སྐྲ་དང ། སྤུ་དང ། དེ་བཞིན་དུ་སྦྱར་ཏེ། ཀླད་པ་དང ། ཀླད་རྒྱས་ཀྱི་བར་དག་ཡོད་དོ་སྙམ་དུ་སོ་སོར་རྟོག་གོ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་
Ka440a
༄#། །པས་འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། དེའང་མི་དམིགས་པའི་ཚུལ་དུ་སྟེ།་ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྐྱོན་མེད་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྐྱོན་མེད་པ་ནི། འདི་ལྟ་སྟེ། ཡང་དག་པར་སྤོང་བ་བཞིའོ། །བཞི་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྡིག་པ་མི་དག་བའི་ཆོས་མ་སྐྱེས་པ་རྣམས་མི་བསྐྱེད་པའི་ཕྱིར་འདུན་པ་བསྐྱེད་ཅིང་རྩོལ་ལ། བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང ། སྡིག་པ་མི་དགེ་བའི་ཆོས་སྐྱེས་པ་རྣམས་སྤོང་བའི་ཕྱིར་འདུན་པ་བསྐྱེད་ཅིང་རྩོལ་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང ། དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་འདུན་པ་བསྐྱེད་ཅིང་འབད་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང ། དགེ་བའི་ཆོས་སྐྱེས་པ་རྣམས་གནས་པ་དང ། མི་བརྗེད་པ་དང ། རྒྱས་པ་དང ། ཕྱིར་ཞིང་བསྒོམ་པ་ཡོངས་སུ་རྫོགས་པར་བྱ་བའི་ཕྱིར་འདུན་པ་བསྐྱེད་ཅིང་འབད་ལ་བརྩོན་འགྲུས་
Ka440b
རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་ལ། དེའང་མི་དམིགས་པའི་ཚུལ་དུ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། རྫུ་འཕྲུལ་གྱི་རྐང་པ་བཞིའོ། །བཞི་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འདུན་པའི་ཏིང་ངེ་འཛིན་སྤང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ་བསྒོམ་པ་དང ། དེ་བཞིན་དུ་སེམས་ཀྱི་ཏིང་ངེ་འཛིན་སྤང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་བསྒོམ་པ་དང ། བརྩོན་འགྲུས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་བསྒོམ་པ་དང ། དཔྱོད་པའི་ཏིང་ངེ་འཛིན་སྤང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པར་རྣམ་པ་སྤོང་བས། ཡོངས་སུ་བསྒྱུར་བ་བསྒོམ་སྟེ་དེའང་མི་དམིགས་པའི་ཚུལ་དུ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་
Ka441a
༄#། །སྐྱོན་མེད་པ་ནི། འདི་ལྟ་སྟེ། དབང་པོ་ལྔའོ། །ལྔ་གང་ཞེ་ན། འདི་ལྟ་སྟེ། དད་པའི་དབང་པོ་དང ། བརྩོན་འགྲུས་ཀྱི་དབང་པོ་དང ། དྲན་པའི་དབང་པོ་དང ། ཏིང་ངེ་འཛིན་གྱི་དབང་པོ་དང ། ཤེས་རབ་ཀྱི་དབང་པོ་སྟེ། དེའང་མི་དམིགས་པའི་ཚུལ་དུ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། སྟོབས་ལྔའོ། །ལྔ་གང་ཞེ་ན། འདི་ལྟ་སྟེ། དད་པའི་སྟོབས་དང ། བརྩོན་འགྲུས་ཀྱི་སྟོབས་དང ། དྲན་པའི་སྟོབས་དང ། ཏིང་ངེ་འཛིན་གྱི་སྟོབས་དང ། ཤེས་རབ་ཀྱི་སྟོབས་སོ། །དེའང་མི་དམིགས་པའི་ཚུལ་དུ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། བྱང་ཆུབ་ཀྱི་ཡན་ལག་བདུན་ནོ། །བདུན་གང་ཞེ་ན། འདི་ལྟ་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དང ། ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང ། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དང ། དགའ་བ་ཡང་དག་བྱང་ཆུབ་ཀྱི་ཡན་ལག་དང ། ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་དང ། ཏིང་
Ka441b
ངེ་འཛིན་ཡང་དག་བྱང་ཆུབ་ཀྱི་ཡན་ལག་དང ། བཏང་སྙོམས་ཡང་དག་བྱང་ཆུབ་ཀྱི་ཡན་ལག་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དེའང་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤང་བས་ཡོངས་སུ་བསྒྱུར་བ་བསྒོམ་པ་དང ། དེ་བཞིན་དུ་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང ། བརྩོན་འགྲུས་དང ། དགའ་བ་དང ། ཤིན་ཏུ་སྦྱངས་པ་དང ། ཏིང་ངེ་འཛིན་དང ། བཏང་སྙོམས་ཡང་དག་བྱང་ཆུབ་ཀྱི་ཡན་ལག་བདེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ་བསྒོམ་སྟེ། དེའང་མི་དམིགས་པའི་ཚུལ་གྱིས་བསྒོམ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། འཕགས་པའི་ལམ་ཡན་ལག་བརྒྱད་པ་སྟེ། བརྒྱད་གང་ཞེ་ན། འདི་ལྟ་སྟེ། ཡང་དག་པའི་ལྟ་བ་དང ། ཡང་དག་པའི་རྟོག་པ་དང ། ཡང་དག་པའི་ངག་དང ། ཡང་དག་པའི་ལས་ཀྱི་མཐའ་དང ། ཡང་དག་པའི་འཚོ་བ་དང ། ཡང་དག་པའི་རྩོལ་བ་དང ། ཡང་དག་པའི་དྲན་པ་དང ། ཡང་དག་པའི་ཏིང་ངེ་འཛིན་ཉིད་ནི་བརྒྱད་པ་ཡིན་ཏེ། དེའང་མི་དམིགས་པའི་ཚུལ་དུ་སྟེ། ཤཱ་རདྭ་ཏིའི་བུ། དེ་ནི་
Ka442a
༄#། །བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། ཆོས་ཐམས་ཅད་གཉིས་སུ་མེད་པར་ཤེས་པ་ལ་འཇུག་པས་རྣམ་པར་ཐར་པའི་སྒོ་གསུམ་ལ་སྙོམས་པར་འཇུག་པ་དང ། ཆོས་ཐམས་ཅད་ལ་རྣམ་པར་མི་རྟོག་ཅིང་བསམ་གཏན་གྱི་བདེ་བ་ལ་རོ་མྱང་བ་མེད་པར་བསམ་གཏན་བཞི་ལ་སྙོམས་པར་འཇུག་པ་དང ། ཆོས་ཐམས་ཅད་མི་སྐྱེ་བར་བཟོད་པ་ལ་འཇུག་པས་ཚད་མེད་པ་བཞི་ལ་སྙོམས་པར་འཇུག་པ་དང ། ཁམས་གསུམ་དམིགས་སུ་མེད་པར་ཤེས་པས་གཟུགས་མེད་པའི་སྙོམས་པར་འཇུག་པ་བཞི་ལ་སྙོམས་པར་འཇུག་པ་དང ། སེམས་དང ། ཡིད་དང ། ཡིད་ཀྱི་རྣམ་པར་ཤེས་པ་དང་བྲལ་བས་རྣམ་པར་ཐར་བ་བརྒྱད་ལ་སྙོམས་པར་འཇུག་པ་དང ། འཁོར་བ་དང་མྱ་ངན་ལས་འདས་པ་ལ་གཉིས་སུ་མེད་པར་མཐོང་བས་མཐར་གྱིས་གནས་པའི་སྙོམས་པར་འཇུག་པ་དགུ་ལ་སྙོམས་པར་འཇུག་པ་དང ། ཆོས་ཐམས་ཅད་སྨིག་རྒྱུ་ལྟ་བུ་ལ་འཇུག་པས་འདུ་ཤེས་དགུ་ལ་སྙོམས་པར་འཇུག་པ་དང ། དྲན་པ་མེད་ཅིང་ཡིད་པ་བྱེད་པ་མེད་པར་རྗེས་སུ་དྲན་པ་བཅུ་ལ་སྙོམས་པར་འཇུག་པ་དང ། ཆོས་ཐམས་ཅད་སྒྱུ་མ་ལྟ་བུ་ལ་འཇུག་པས་འདུ་ཤེས་དྲུག་ལ་སྙོམས་པར་འཇུག་པ་དང །
Ka442b
ཤེས་པ་དང་མི་ཤེས་པའི་ཆོས་མཉམ་པས་ཤེས་པ་བཅུ་ལ་འཇུག་པ་དང ། ཆོས་ཐམས་ཅད་རང་བཞིན་གྱིས་མཉམ་པར་བཞག་པར་རྟོགས་ནས་གསུམ་ལ་སྙོམས་པར་འཇུག་པ་དང ། དུས་གསུམ་དང་བྲལ་བའི་ཤེས་པས་དབང་པོ་གསུམ་བསྒོམ་པ་དང ། ཚུལ་གཅིག་ཅིང་ཐ་དད་པར་མི་བྱེད་པའི་ཤེས་པ་ལ་འཇུག་པས་ཟིལ་གྱིས་གནོན་པའི་སྐྱེ་མཆེད་རྣམས་བསྒོམ་པ་དང ། ཆོས་ཟབ་མོ་ལ་བཟོད་པ་ལ་འཇུག་པས་ཟད་པར་གྱི་སྐྱེ་མཆེད་རྣམས་ལ་སྙོམས་པར་འཇུག་སྟེ། དེའང་མི་དམིགས་པའི་ཚུལ་གྱིས་སྙོམས་པར་འཇུག་པ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི་གང་གི་ཚེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ནང་སྟོང་པ་ཉིད་ལ་ཕྱི་སྟོང་པ་ཉིད་མི་མཐོང ། ཕྱི་སྟོང་པ་ཉིད་ལ་ནང་སྟོང་པ་ཉིད་མི་མཐོང ། ནང་སྟོང་པ་ཉིད་དང་ཕྱི་སྟོང་པ་ཉིད་ལ་སྟོང་པ་ཉིད་སྟོང་པ་ཉིད་མི་མཐོང ། སྟོང་པ་ཉིད་སྟོང་པ་ཉིད་ལ་ནང་དང་ཕྱི་སྟོང་པ་ཉིད་མི་མཐོང ། སྟོང་པ་ཉིད་སྟོང་པ་ཉིད་ལ་ཆེན་པོ་སྟོང་པ་ཉིད་མི་མཐོང ། ཆེན་པོ་སྟོང་པ་ཉིད་ལ་དོན་དམ་པ་སྟོང་པ་ཉིད་མི་མཐོང ། དོན་དམ་པ་སྟོང་པ་ཉིད་ལ་འདུས་བྱས་སྟོང་པ་ཉིད་མི་མཐོང ། འདུས་བྱས་སྟོང་པ་ཉིད་ལ་འདུས་མ་བྱས་སྟོང་པ་ཉིད་མི་མཐོང ། འདུས་
Ka443a
༄#། །མ་བྱས་སྟོང་པ་ཉིད་ལ་མཐའ་ལས་འདས་པ་སྟོང་པ་ཉིད་མི་མཐོང ། མཐའ་ལས་འདས་པ་སྟོང་པ་ཉིད་ལ་ཐོག་མ་དང་ཐ་མ་མེད་པ་སྟོང་པ་ཉིད་མི་མཐོང ། ཐོག་མ་དང་ཐ་མ་མེད་པ་སྟོང་པ་ཉིད་ལ་དོར་བ་མེད་པ་སྟོང་པ་ཉིད་མི་མཐོང ། དོར་བ་མེད་པ་སྟོང་པ་ཉིད་ལ་རང་བཞིན་གྱིས་སྟོང་པ་ཉིད་མི་མཐོང ། རང་བཞིན་གྱིས་སྟོང་པ་ཉིད་ལ་རང་གི་མཚན་ཉིད་སྟོང་པ་ཉིད་མི་མཐོང ། རང་གི་མཚན་ཉིད་སྟོང་པ་ཉིད་ལ་ཆོས་ཐམས་ཅད་སྟོང་པ་ཉིད་མི་མཐོང ། ཆོས་ཐམས་ཅད་སྟོང་པ་ཉིད་ལ་དངོས་པོ་མེད་པ་སྟོང་པ་ཉིད་མི་མཐོང ། དངོས་པོ་མེད་པ་སྟོང་པ་ཉིད་ལ་ངོ་བོ་ཉིད་སྟོང་པ་ཉིད་མི་མཐོང ། ངོ་བོ་ཉིད་སྟོང་པ་ཉིད་ལ་དངོས་པོ་མེད་པའི་ངོ་བོ་ཉིད་སྟོང་པ་ཉིད་མི་མཐོང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ལ་ངོ་བོ་ཉིད་སྟོང་པ་ཉིད་མི་མཐོང་བ་སྟེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ་ནི་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་འགྱུར་རོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། གཞན་གྱི་དྲིང་ལ་མི་འཇོག་ཅིང་གཞན་ལ་བསྟན་པ་ཤེས་པ་ལ་འཇུག་པས་དེ་བཞིན་གཤེགས་པའི་སྟོབས་བཅུ་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ།།
Ka443b
བདག་དང་གཞན་ལ་རློམ་སེམས་མེད་པ་ལ་ལྷག་པར་འཇུག་པས་མི་འཇིགས་པ་བཞི་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །ཉན་ཐོས་དང་རང་སངས་རྒྱས་ཀྱི་ཐེག་པ་ཡོངས་སུ་སྤངས་པའི་ཤེས་པས་དེ་ལའང་རློམ་སེམས་སུ་མི་བྱེད་པས་སོ་སོ་ཡང་དག་པར་རིག་པ་བཞི་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །སེམས་ཅན་དང་སེམས་ཅན་མེད་པས་བྱམས་པ་ཆེན་པོ་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །བདག་མེད་པས་སྙིང་རྗེ་ཆེན་པོ་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །རིག་པ་གཉིས་ཀྱི་བསམ་པ་དང་བྲལ་བས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ལ་འཇུག་པས་ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །སེར་སྣ་དང ། འཆལ་བའི་ཚུལ་ཁྲིམས་དང ། ཁྲོ་བ་དང ། ལེ་ལོ་དང ། རྣམ་པར་གཡེང་བའི་སེམས་དང ། འཆལ་བའི་ཤེས་རབ་ཀྱི་སེམས་རྣམས་དངོས་པོ་མེད་པར་མཐོང་བས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དེ། དེའང་མི་
Ka444a
༄#། །དམིགས་པའི་ཚུལ་གྱིས་བྱེད་པའོ། །ཆོས་ཐམས་ཅད་འོང་བ་དང་འགྲོ་བ་མེད་ཅེས་བྱ་བར་མོས་ནས་མངོན་པར་ཤེས་པ་དྲུག་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །ཆོས་ཐམས་ཅད་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་དང ། སྐྱེ་བ་མེད་པ་དང ། འགག་པ་མེད་པ་དང ། མངོན་པར་འདུ་བྱ་བ་མེད་པ་དང ། འབྱུང་བ་མེད་ཅེས་བྱ་བར་མཐོང་ནས། མིག་ལྔ་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །ཆོས་ཐམས་ཅད་མི་གནས་པའོ་ཞེས་བྱ་བར་མོས་ནས་མཚན་དང་དཔེ་བྱད་བཟང་པོ་རྣམས་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཇི་ལྟར་ན་བྱང་ཆུབ་ཀྱི་ལམ་དུ་མཆི་ཞིང་བྱང་ཆུབ་སེམས་དཔའི་སྐྱོན་མ་མཆིས་པ་ལའང་འཇུག་ལ། སུས་ཀྱང་ཐུལ་བར་རྔོ་མི་ཐོགས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་
Ka444b
པ།་གཟུགས་ཀྱི་ཕུང་པོར་རློམ་སེམས་སུ་མི་བྱེད་ཅིང ། དེ་བཞིན་དུ་རྣམ་པར་ཤེས་པའི་ཕུང་པོའི་བར་དུ་རློམ་སེམས་སུ་མི་བྱེད། མིག་གི་སྐྱེ་མཆེད་དུ་རློམ་སེམས་སུ་མི་བྱེད་ཅིང ། དེ་བཞིན་དུ་ཡིད་ཀྱི་སྐྱེ་མཆེད་ཀྱི་བར་དུ་རློམ་སེམས་སུ་མི་བྱེད། གཟུགས་ཀྱི་སྐྱེ་མཆེད་དུ་རློམ་སེམས་སུ་མི་བྱེད་པ་ནས། ཆོས་ཀྱི་སྐྱེ་མཆེད་ཀྱི་བར་དུ་རློམ་སེམས་སུ་མི་བྱེད། དེ་བཞིན་དུ་མིག་གི་ཁམས་སུ་རློམ་སེམས་སུ་མི་བྱེད། གཟུགས་ཀྱི་ཁམས་སུ་རློམ་སེམས་སུ་མི་བྱེད། མིག་གི་རྣམ་པར་ཤེས་པའི་ཁམས་སུ་རློམ་སེམས་སུ་མི་བྱེད་པ་ནས། དེ་བཞིན་དུ་སྦྱར་ཏེ། ཡིད་ཀྱི་ཁམས་སུ་རློམ་སེམས་སུ་མི་བྱེད། ཆོས་ཀྱི་ཁམས་ཀྱི་བར་དུ་རློམ་སེམས་སུ་མི་བྱེད། དྲན་པ་ཉེ་བར་བཞག་པ་རྣམས་སུ་རློམ་སེམས་སུ་མི་བྱེད་པ་ནས། འཕགས་པའི་ལམ་ཡན་ལག་བརྒྱད་པའི་བར་དུ་རློམ་སེམས་སུ་མི་བྱེད། སྦྱིན་པའི་ཕ་རོལ་ཏུ་ཕྱིན་པར་རློམ་སེམས་སུ་མི་བྱེད་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་རློམ་སེམས་སུ་མི་བྱེད། དེ་བཞིན་གཤེགས་པའི་སྟོབས་བཅུར་རློམ་སེམས་སུ་མི་བྱེད། དེ་བཞིན་དུ་མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དུ་རློམ་སེམས་སུ་མི་བྱེད། དེ་བཞིན་དུ་རྒྱུན་དུ་ཞུགས་པའི་འབྲས་བུའི་བར་དུ་རློམ་སེམས་སུ་མི་བྱེད་པ་ནས། དགྲ་
Ka445a
༄#། །བཅོམ་པའི་བར་དུ་རློམ་སེམས་སུ་མི་བྱེད། དེ་བཞིན་དུ་རང་བྱང་ཆུབ་ཏུ་རློམ་སེམས་སུ་མི་བྱེད། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རློམ་སེམས་སུ་མི་བྱེད་པ་སྟེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པས་རྣམ་པར་འཕེལ་བ་ན། བྱང་ཆུབ་ཀྱི་ལམ་དུ་འགྲོ་ཞིང་བྱང་ཆུབ་སེམས་དཔའི་སྐྱོན་མེད་པ་ལའང་འཇུག་ལ། སུས་ཀྱང་ཐུལ་བར་མི་ནུས་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་བྱེད་དེ། ཤེས་པ་གང་དང་ལྡན་ན་ནམ་ཡང་ངན་སོང་རྣམས་སུ་རབ་ཏུ་མི་ལྟུང་ཞིང་མི་རྣམས་ཀྱི་ནང་དུ་ཉམས་པར་མི་འགྱུར་ལ། དབུལ་པོར་མ་ཡིན་པ་དང ། ལུས་གང་དང་ལྡན་ན་ལྷ་དང་མི་དང་ལྷ་མ་ཡིན་གྱི་འཇིག་རྟེན་གྱིས་སྨད་པར་འགྱུར་བའི་ལུས་དེ་ལྟ་བུ་ཡོངས་སུ་མི་འཛིན་ཏོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་པ་གང་དང་ལྡན་ན། ནམ་ཡང་ངན་སོང་རྣམས་སུ་མི་ལྟུང་བ་དང ། ལྷ་དང་མི་དང་ལྷ་མ་ཡིན་གྱི་འཇིག་རྟེན་གྱིས་སྨད་པར་མི་
Ka445b
འགྱུར་བའི་ཤེས་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་པ་གང་དང་ལྡན་ན། ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་དག་མཐོང་ཞིང་དེ་དག་ལས་ཆོས་ཀྱང་ཉན་ལ། སངས་རྒྱས་བཅོམ་ལྡན་འདས་དེ་དག་གི་ཉན་ཐོས་ཀྱི་དགེ་འདུན་དང ། བྱང་ཆུབ་སེམས་དཔའི་དགེ་འདུན་ཡང་མཐོང ། སངས་རྒྱས་ཀྱི་ཞིང་གི་ཡོན་ཏན་བཀོད་པ་དག་ཀྱང་མཐོང་བ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་པ་གང་དང་ལྡན་ན། སངས་རྒྱས་སུ་འདུ་ཤེས་མི་འཇུག་།བྱང་ཆུབ་སེམས་དཔར་འདུ་ཤེས་མི་འཇུག་།ཉན་ཐོས་སུ་འདུ་ཤེས་མི་འཇུག་།རང་སངས་རྒྱས་སུ་འདུ་ཤེས་པ་མ་ཡིན། བདག་ཏུ་འདུ་ཤེས་པ་མ་ཡིན། བདག་མེད་པར་འདུ་ཤེས་པ་མ་ཡིན། སངས་རྒྱས་ཀྱི་ཞིང་དུ་འདུ་ཤེས་པ་མ་ཡིན་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་པ་གང་དང་ལྡན་ན། སྦྱིན་པའི་ཕ་རོལ་ཏུ་ཕྱིན་པ་ལའང་སྤྱོད་ལ། སྦྱིན་པ་དེའང་མི་དམིགས་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ལའང་སྤྱོད་ལ། ཤེས་རབ་ཀྱི་ཕ་རོལ་ཏུ་ཕྱིན་པ་དེའང་མི་དམིགས་པ་དང ། ཤེས་པ་གང་དང་ལྡན་ན། དྲན་པ་ཉེ་བར་
Ka446a
༄#། །བཞག་པ་རྣམས་མི་དམིགས་པར་དྲན་པ་ཉེ་བར་བཞག་པ་རྣམས་ལ་སྤྱོད་པ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་རྣམས་མི་དམིགས་པར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་སྤྱོད་པ་སྟེ། ཤཱ་རདྭ་ཏིའི་བུ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་པ་གང་དང་ལྡན་ན། ཆོས་ཐམས་ཅད་ཀྱང་ཡོངས་སུ་རྫོགས་པར་བྱེད་ལ། ཆོས་དེ་དག་ཏུའང་རློམ་སེམས་སུ་མི་བྱེད་པའི་ཤེས་པ་ཡིན་ཏེ། ཤཱ་རདྭ་ཏིའི་བུ། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་བྱང་ཆུབ་ཀྱི་ལམ་རྣམ་པར་སྤྱོད་པར་འདོད་པ། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་འདོད་པས་ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་ཁ་ན་མ་ཐོ་བ་དང་བཅས་པ་དག་གི་སྐབས་དབྱེ་བར་མི་བྱའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཆེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་ལས་ཁ་ན་མ་ཐོ་བ་དང་བཅས་པ་གང་ལགས། ངག་གི་ལས་གང་ལགས། ཡིད་ཀྱི་ལས་གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་
Ka446b
འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་གང་འདི་སྙམ་དུ་སེམས་ཏེ། ལུས་གང་གིས་བདག་ལུས་ལ་དམིགས་པར་བྱའོ་སྙམ་པའི་ལུས་དེ་འདི་ཡིན་ནོ་སྙམ་པ་དང ། དེ་བཞིན་དུ་ངག་དེ་འདི་ཡིན་ནོ་སྙམ་པ་དང ། དེ་བཞིན་དུ་ཡིད་དེ་འདི་ཡིན་ནོ་སྙམ་པ་དང ། ཡིད་གང་གིས་བདག་ཡིད་ལ་དམིགས་པར་བྱའོ་སྙམ་པའི་ཡིད་དེ་འདི་ཡིན་ནོ་སྙམ་པ་སྟེ། ཤཱ་རདྭ་ཏིའི་བུ། དེ་ནི་ལུས་ཀྱི་ལས་དང ། ངག་གི་ལས་དང ། ཡིད་ཀྱི་ལས་ཁ་ན་མ་ཐོ་བ་དང་བཅས་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ལུས་ཀྱང་མི་དམིགས་པ་ཡིན་ན། ཤཱ་རདྭ་ཏིའི་བུ། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ལུས་དམིགས་ལ་ལུས་སམ། ངག་གམ། ཡིད་གང་གིས་སེར་སྣའི་སེམས་བསྐྱེད་པར་བྱེད་ཅིང ། འཆལ་བའི་ཚུལ་ཁྲིམས་ཀྱི་སེམས་སམ། འཁྲུག་པའི་སེམས་སམ། ལེ་ལོའི་སེམས་སམ། རྣམ་པར་གཡེངས་པའི་སེམས་སམ། འཆལ་བའི་ཤེས་རབ་ཀྱི་སེམས་བསྐྱེད་ན། ཤཱ་རདྭ་ཏིའི་བུ།་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཡིན་པར་རིག་པར་བྱའོ། །ཤཱ་རདྭ་ཏིའི་བུ། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་
Ka447a
༄#། །ཏུ་ཕྱིན་པ་ལ་སྤྱོད་པ་ན། ལུས་ཀྱི་གནས་ངན་ལེན་སྦྱོང་བར་བྱེད། ངག་གི་གནས་ངན་ལེན་སྦྱོང་བར་བྱེད། ཡིད་ཀྱི་གནས་ངན་ལེན་སྦྱོང་བར་བྱེད་ན། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། བྱང་ཆུབ་ཀྱི་ལམ་རྣམ་པར་སྦྱོང་ཞིང ། བྱང་ཆུབ་སེམས་དཔའི་སྐྱོན་མེད་པ་ལ་ཡང་དག་པར་འཇུག་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཀྱི་གནས་ངན་ལེན་སྦྱོང་བ་ལགས། དེ་བཞིན་དུ་ཇི་ལྟར་ན་ངག་དང་ཡིད་ཀྱི་གནས་ངན་ལེན་སྦྱོང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་མི་དམིགས། ངག་དང་ཡིད་མི་དམིགས་ཤིང ། ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་ནས་གནས་ལ། ནམ་ཡང་ཉན་ཐོས་ཀྱི་སེམས་སམ། རང་སངས་རྒྱས་ཀྱི་སེམས་མི་བསྐྱེད་ཅིང ། སེམས་ཅན་ཐམས་ཅད་ལའང་རྟག་པ་ཁོ་ནར་སྙིང་རྗེ་ཆེན་པོ་སྐྱེད་
Ka447b
པར་བྱེད་པ་སྟེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་གནས་ངན་ལེན་ཡོངས་སུ་དག་པར་ང་སྨྲའོ། །དེ་བཞིན་དུ་ངག་དང་ཡིད་ཀྱི་གནས་ངན་ལེན་ཡོངས་སུ་དག་པར་ང་སྨྲའོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། བྱང་ཆུབ་ཀྱི་ལམ་སྦྱོང་བར་བྱེད་ཅིང ། བྱང་ཆུབ་སེམས་དཔའི་སྐྱོན་མེད་པ་ལའང་འཇུག་པ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། སྐྱོན་མེད་པའི་ལེའུ་ཞེས་བྱ་སྟེ་བརྒྱད་པའོ།། །། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་གནས་ན་བྱང་ཆུབ་སེམས་དཔའི་སྐྱོན་མ་མཆིས་པ་ལ་འཇུག་ཅིང ། ཉི་ཚེ་བའི་ཐེག་པས་ངེས་པར་འབྱུང་བར་མི་འགྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་དེ་གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཉི་ཚེ་བའི་སེམས་ཅན་རྣམས་ཀྱི་ཆེད་དུ་སྦྱིན་པ་སྦྱིན་པར་མི་བྱེད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཉི་ཚེ་བའི་སེམས་
Ka448a
༄#། །ཅན་རྣམས་ཀྱི་ཆེད་དུ་ཚུལ་ཁྲིམས་མི་སྲུང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་ལའང་དེ་བཞིན་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཉི་ཚེ་བའི་སེམས་ཅན་རྣམས་ཀྱི་ཆེད་དུ་ཤེས་རབ་མི་བསྒོམ་གྱི། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། སེམས་ཅན་ཐམས་ཅད་ཀྱི་ཆེད་དུ་སྦྱིན་པ་སྦྱིན་པར་བྱེད་པ་ནས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྤྱོད་པ་ན། སེམས་ཅན་ཐམས་ཅད་ཀྱི་ཆེད་དུ་ཤེས་རབ་སྒོམ་པར་བྱེད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་འདི་སྙེད་ཅིག་ནི་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་བྱའོ། །སེམས་ཅན་འདི་སྙེད་ཅིག་ནི་ཡོངས་སུ་མྱ་ངན་ལས་འདའ་བར་མི་བྱའོ། །སེམས་ཅན་འདི་སྙེད་ཅིག་ནི་སངས་རྒྱས་ཀྱི་བྱང་ཆུབ་ལ་དགོད་པར་བྱའོ། །སེམས་ཅན་འདི་སྙེད་ཅིག་ནི་དགོད་པར་མི་བྱའོ་སྙམ་དུ་སེམས་ཅན་རིས་སུ་ཆད་པ་རྣམས་ཀྱི་དོན་གྱི་ཕྱིར། །གོ་ཆ་ཆེན་པོ་གྱོན་པར་མི་བྱེད་ཀྱི། སེམས་ཅན་ཐམས་ཅད་ཀྱི་ཆེད་དུ་གོ་ཆ་ཆེན་པོ་གྱོན་པར་བྱེད་ཅིང ། དེ་འདི་སྙམ་དུའང་སེམས་ཏེ། བདག་ཉིད་ཀྱིས་ཀྱང་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ། །སེམས་
Ka448b
ཅན་ཐམས་ཅད་ཀྱང་སྦྱིན་པའི་ཕ་རོལ་ཏུ་ཕྱིན་པ་ལ་སྦྱར་བར་བྱའོ། །དེ་བཞིན་དུ་སྦྱར་ཏེ། བདག་ཉིད་ཀྱིས་ཀྱང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ། །དེ་བཞིན་དུ་བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། བདག་ཉིད་ཀྱིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ། །སེམས་ཅན་ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྦྱར་བར་བྱའོ་སྙམ་པ་སྟེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཙམ་གྱིས་ན་གོ་ཆ་ཆེན་པོ་བགོས་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་སྦྱིན་པ་གང་སྦྱིན་པ་དེ་ཐམས་ཅད། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་སྦྱིན་ཞིང ། དེའང་སེམས་ཅན་ཐམས་ཅད་དང་ལྷན་ཅིག་ཐུན་མོང་དུ་བྱས་ནས། མི་དམིགས་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་འདི་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པའི་ཕ་རོལ་ཏུ་ཕྱིན་པའི་གོ་ཆའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་སྦྱིན་པ་
Ka449a
༄#། །སྦྱིན་ཞིང ། དེ་དག་ཉན་ཐོས་དང ། རང་སངས་རྒྱས་ཀྱི་ས་ཡིད་ལ་མི་བྱེད་པར་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། ཡོངས་སུ་བསྔོ་བ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པ་སྦྱིན་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་གོ་ཆ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་སྦྱིན་ཞིང ། སེམས་ཅན་ཐམས་ཅད་དང་ཐུན་མོང་དུ་བྱེད་ལ། ཆོས་དེ་དག་ལ་བཟོད་པ་དང ། འདོད་པ་དང ། ཡིད་ཆེས་པ་འདི་དག་ནི་བཟོད་པའི་ཕ་རོལ་ཏུ་ཕྱིན་པའི་གོ་ཆ་ཞེས་བྱའོ་ཞེས་བྱ་བའི་བར་དུ་དེ་བཞིན་དུ་སྦྱར་རོ། །དེ་བཞིན་དུ་སྦྱིན་པ་སྦྱིན་པའི་བར་གྱི་བརྩོན་འགྲུས་ཀྱི་བརྩོན་པ་མི་གཏོང་ཞིང་མི་འདོར་ལ། རབ་ཏུ་འཛིན་པ་འདི་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་གོ་ཆའོ། །དེ་བཞིན་དུ་སྦྱིན་པ་གང་སྦྱིན་པ་ན། སེམས་ཅན་ཐམས་ཅད་ཡིད་ལ་བྱས་ནས། ཉན་ཐོས་དང ། རང་སངས་རྒྱས་ཀྱི་སེམས་ཀྱི་གོ་སྐབས་མི་འབྱེད་པར་འདི་ལྟ་སྟེ། ཐམས་ཅད་མཁྱེན་པ་ཉིད་དུ་སེམས་རྩེ་གཅིག་པ་ཉིད་འདི་ནི། བསམ་གཏན་གྱི་ཕ་རོལ་ཏུ་ཕྱིན་པའི་གོ་ཆའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། སྒྱུ་མའི་རྣམ་པའི་
Ka449b
འདུ་ཤེས་ཉེ་བར་གནས་ཤིང ། དེས་སྦྱིན་པར་བྱེད་པར་ཡང་མི་དམིགས། སྦྱིན་པའང་མ་ཡིན། ལེན་པར་བྱེད་པའང་མ་ཡིན་ལ། སྦྱིན་པའང་སྦྱིན་པར་བྱེད་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་སྦྱིན་པ་སྦྱིན་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་གོ་ཆའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་ཕ་རོལ་ཏུ་ཕྱིན་པ་དྲུག་པོ་དེ་དག་ལ་མཚན་མར་མི་བྱེད་ཅིང་དམིགས་པར་ཡང་མི་བྱེད་པ་དེའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་སྦྱིན་པ་སྦྱིན་པར་བྱེད་ཅིང ། དེའང་སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པའི་ཕ་རོལ་ཏུ་ཕྱིན་པའོ།། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཉན་ཐོས་དང ། རང་སངས་རྒྱས་ཀྱི་ས་ལའང་འདོད་པ་
Ka450a
༄#། །མེད་པ་ཉིད་ཡིན་ན། སོ་སོའི་སྐྱེ་བོའི་ས་ལ་ལྟ་སྨོས་ཀྱང་ཅི་དགོས་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཆོས་དེ་དག་ལ་བཟོད་པ་དང ། འདོད་པ་དང ། མངོན་པར་ཡིད་ཆེས་པ་གང་ཡིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བཟོད་པའི་ཕ་རོལ་ཏུ་ཕྱིན་པའོ། །ཤཱ་རདྭ་ཏིའི་བུ།་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཆོས་དེ་དག་ལ་བརྩོན་པ་མི་གཏོང་ཞིང་མི་འདོར་བ་དང ། རབ་ཏུ་འཛིན་པ་གང་ཡིན་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་སྙིང་རྗེ་ཆེན་པོ་སྔོན་དུ་འགྲོ་བའི་སེམས་དང་མ་བྲལ་བར་ཉན་ཐོས་དང ། རང་སངས་རྒྱས་ཐམས་ཅད་ཀྱི་སེམས་ཀྱི་གོ་སྐབས་ཀྱང་མི་འབྱེད་ན། སོ་སོའི་སྐྱེ་བོའི་སེམས་དག་གིས་ལྟ་སྨོས་ཀྱང་ཅི་དགོས་
Ka450b
པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་གང་ཆོས་ཐམས་ཅད་ལ་སྒྱུ་མའི་རྣམ་པའི་འདུ་ཤེས་ཉེ་བར་གནས་ཤིང ། རང་བཞིན་གྱིས་སྟོང་པ་ཉིད་ཀྱི་ཕྱིར། ཚུལ་ཁྲིམས་དེ་ལའང་རློམ་སེམས་སུ་མི་བྱེད་ཅིང་མི་དམིགས་པ་འདི་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཕ་རོལ་ཏུ་ཕྱིན་པ་དྲུག་གིས་ཡོངས་སུ་ཟིན་པའི་གོ་ཆ་ཆེན་པོ་བགོས་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་སྦྱིན་པ་སྦྱིན་ཞིང ། དེའང་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་སྟེ། སྔ་མ་ཇི་ལྟ་བ་དེ་བཞིན་དུ་སྦྱར་རོ། །སྤྱིན་པའི་ཕ་རོལ་ཏུ་ཕྱིན་པར་ཇི་ལྟར་བསྟན་པ་བཞིན་དུ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལའང་
Ka451a
༄#། །དེ་བཞིན་དུ་སྦྱར་རོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པ་ན། བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་ལའང་སྙོམས་པར་འཇུག་ལ། དེ་དག་གི་དབང་གིས་ཀྱང་མི་སྐྱེ་ཞིང་མི་འཕྲོགས་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་དང་ལྡན་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པ་ན། བསམ་གཏན་རྣམས་དང ། ཚད་མེད་པ་རྣམས་དང ། གཟུགས་མེད་པའི་སྙོམས་པར་འཇུག་པ་རྣམས་ལའང་སྙོམས་པར་འཇུག་ཅིང་དབེན་པར་མཐོང་བ་དང ། སྟོང་པ་དང ། མཚན་མ་མེད་པ་དང ། སྨོན་པ་མེད་པར་མཐོང་བས་ཉན་ཐོས་ཀྱིས་འམ་རང་སངས་རྒྱས་ཀྱི་སར་ཡང་འཇུག་ལ། ཉན་ཐོས་དང་རང་སངས་རྒྱས་ཐམས་ཅད་ཀྱང་ཟིལ་གྱིས་གནོན་པ་འདིའང ། ཤཱ་རདྭ་ཏིའི་བུ། བྱང་ཆུབ་སེམས་དཔའ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་དང་ལྡན་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་
Ka451b
ཆ་ཆེན་པོ་བགོས་པ་ཞེས་བྱའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་གོ་ཆ་ཆེན་པོ་བགོས་པ་ལ་ནི། ཤར་ཕྱོགས་ནས་ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་གང་སུ་དག་བཞུགས་པ་དེ་དག་ཐམས་ཅད་འཇིག་རྟེན་གྱི་ཁམས་ག་གེ་མོ་ཞིག་ན།་བྱང་ཆུབ་སེམས་དཔའ་སེམས་དཔའ་ཆེན་པོ་འདི་གོ་ཆ་ཆེན་པོ་བགོས་ཏེ། སེམས་ཅན་རྣམས་ཡོངས་སུ་སྨིན་པར་བྱེད། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད། རྫུ་འཕྲུལ་གྱིས་ཀྱང་རྣམ་པར་འཕྲུལ་ལོ་ཞེས་ཆེད་དུ་བརྗོད་པ་ཆེད་དུ་བརྗོད་པར་མཛད་ཅིང ། སྙན་པ་སྒྲོགས་ལ་དབྱངས་བརྗོད་པར་མཛད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་གང་གིས་དེ་ཐེག་པ་ཆེན་པོ་ལ་ཡང་དག་པར་ཞོན་པ་ཞེས་བགྱི་བ་དེ་གང་ལགས། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ན། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་
Ka452a
༄#། །པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་དང ། དེ་རྟོག་པ་དང ། དཔྱོད་པ་དང་བྲལ་ཞིང་ནང་ཡོངས་སུ་དང་སྟེ། སེམས་ཀྱི་རྒྱུན་གཅིག་ཏུ་གྱུར་པས་རྟོག་པ་མེད་པ། དཔྱོད་པ་མེད་པ་ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་གཉིས་པ་བསྒྲུབས་ཏེ་གནས་པ་དང ། དེ་དགའ་བའི་འདོད་ཆགས་དང་བྲལ་བས་འཕགས་པ་རྣམས་ཀྱིས་གང་དེ་བཏང་སྙོམས་པ་དྲན་པ་ཡོངས་སུ་དག་པའོ་ཞེས་བརྗོད་པ་དག་སྟེ། དགའ་བ་མེད་པ་བདེ་བ་ལ་གནས་པ་བསམ་གཏན་གསུམ་པ་བསྒྲུབས་ཏེ་གནས་པ་དང ། བདེ་བའང་སྤངས་ཏེ་སྔ་ནས་ཡིད་བདེ་བ་དང ། ཡིད་མི་བདེ་བའང་ནུབ་པས་སྡུག་བསྔལ་ཡང་མ་ཡིན། བདེ་བའང་མ་ཡིན་པ་བཏང་སྙོམས་དང་དྲན་པ་ཡོངས་སུ་དག་པ་བསམ་གཏན་བཞི་པ་བསྒྲུབས་ཏེ་གནས་པ་དང ། དེ་བཞིན་དུ་བྱམས་པ་དང་ལྡན་པའི་སེམས་ཡངས་པ་རྒྱ་ཆེན་པོར་གྱུར་པ། མི་གཉིས་པ། ཚད་མེད་པ། ཁོ་ན་མེད་པ། གནོད་པ་མེད་པ། འགྲན་ཟླ་མེད་པ། ཡོངས་སུ་རྫོགས་པ། ཤིན་ཏུ་བསྒོམས་པས་ཕྱོགས་གཅིག་ཁྱབ་པར་བྱས་ཏེ། མོས་ནས་བསྒྲུབས་ཏེ་གནས་པ་དང ། དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་ཕྱོགས་བཞི་པ་དང ། དེ་
Ka452b
བཞིན་དུ་འོག་དང ། སྟེང་དང ། ཐད་ཀར་ཐམས་ཅད་ཀྱི་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་ལ་བྱམས་པ་དང་ལྡན་པའི་སེམས་ཀྱིས་ཁྱབ་པར་བྱས་ཏེ། མོས་ནས་བསྒྲུབས་ཏེ་གནས་པ་དང ། དེ་བཞིན་དུ་སྙིང་རྗེ་དང་ལྡན་པ་དང ། དགའ་བ་དང་ལྡན་པ་དང ། བཏང་སྙོམས་དང་ལྡན་པའི་སེམས་ཀྱིས་ཐམས་ཅད་ཀྱི་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་ལ་ཁྱབ་པར་བྱས་ཏེ། མོས་པའི་བར་དུ་བསྒྲུབས་ནས་གནས་པ་སྟེ། ཚད་མེད་པ་བཞི་བསམ་གཏན་དང་ལྡན་པ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་རབ་མཆོག་ཡིན་ནོ། །གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དེ་དག་ཉིད་ཚད་མེད་པའི་རྣམ་པ་དང ། རྟགས་དང ། མཚན་མ་དག་གིས་སྙོམས་པར་འཇུག་ཅིང་ལྡང་བ་དེ་དག་སྙོམས་པར་འཇིག་ཅིང་ལྡང་བ་ན། སེམས་ཅན་ཐམས་ཅད་དང་ཐུན་མོང་དུ་བྱས་ནས། རྣམ་པ་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱེད་པ་འདིའང ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ཡིན་ནོ། །གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་སྙིང་རྗེ་ཆེན་པོ་སྔོན་དུ་འགྲོ་བས་ཉོན་མོངས་པ་སྤང་བའི་ཕྱིར་བསམ་གཏན་དང ། ཚད་མེད་པ་དང ། གཟུགས་མེད་པའི་
Ka453a
༄#། །སྙོམས་པར་འཇུག་པ་དེ་དག་གཞན་དག་ལ་ཚུལ་བཞིན་དུ་བརྗོད་ཅིང་སྟོན་ཏེ། རབ་ཏུ་འཆད་ལ། རྣམ་པར་འབྱེད་དེ། གསལ་བར་བྱེད་ཅིང་དེ་དག་གི་རོ་མྱང་པའི་ཉེས་དམིགས་དང་ངེས་པར་འབྱུང་བའང་སྟོན་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པའོ། །གང་ཡང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དེ་དག་གིས་བསམ་གཏན་དང་པོ་དེ་དང ། བསམ་གཏན་བཞི་པའི་བར་དུ་གནོན་ཅིང་བསྒོམ་སྟེ། བསམ་གཏན་དེ་དག་ལ་གནས་ཤིང་སེམས་བསྐྱེད་པ་གཞན་འདི་ལྟ་སྟེ། ཉན་ཐོས་དང ། རང་སངས་རྒྱས་ཀྱི་སེམས་དག་གི་སྐབས་མི་འབྱེད་པ་འདི་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནག་ནོག་མེད་པའོ། །ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དེ་དག་དང་མ་བྲལ་བར་འདི་སྙམ་དུ་སེམས་ཏེ། བདག་གིས་སེམས་ཅན་ཐམས་ཅད་ཀྱི་ཉོན་མོངས་པ་ཐམས་ཅད་སྤང་བའི་ཕྱིར། སེམས་ཅན་ཐམས་ཅད་ལ་ཆོས་བསྟན་པར་བྱའོ་སྙམ་ནས། དེ་ཡིད་ལ་བྱེད་པ་དེ་དག་ལ་བཟོད་པ་དང ། འདོད་པ་དང ། ཉེ་བར་རྟོག་པ་དང ། ངེས་པར་སེམས་པ་གང་ཡིན་པ་དེ་ནི། ཤཱ་རདྭ་ཏིའི་བུ། བྱང་ཆུབ་
Ka453b
སེམས་དཔའ་སེམས་དཔའ་ཆེན་པོའི་བཟོད་པའི་ཕ་རོལ་ཏུ་ཕྱིན་པའོ། །ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་གིས་རང་གིས་བྱས་པའི་དགེ་བའི་རྩ་བ་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་བྱས་ནས་རྟག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་ལ། དེ་བརྩོན་པ་མི་གཏོང་ཞིང་མི་འདོར་བ་གང་ཡིན་པ་འདི་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་གིས་བསམ་གཏན་དང ། ཏིང་ངེ་འཛིན་དང ། སྙོམས་པར་འཇུག་པ་དང ། རྣམ་པར་ཐར་པ་དག་ལ་སྙོམས་པར་འཇུག་ཅིང་ལྡང་ཡང་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡང་མི་ལྟུང་བ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་གིས་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་ན། བསམ་གཏན་གྱི་ཡན་ལག་ཐམས་ཅད་མི་རྟག་པའི་རྣམ་པ་དང །
Ka454a
༄#། །སྡུག་བསྔལ་བའི་རྣམ་པ་དང ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་རྣམ་པར་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་ཀྱང་སྙིང་རྗེ་ཆེན་པོས་ཡོངས་སུ་ཟིན་པས་ཉན་ཐོས་ཀྱི་སྐྱོན་མེད་པའམ། རང་སངས་རྒྱས་ཀྱི་སྐྱོན་མེད་པ་ལའང་མི་འཇུག་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། ཤཱ་རདྭ་ཏིའི་བུ། དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་དུ་དྲན་པ་ཉེ་བར་བཞག་པ་བཞི་ཡང་དག་པ་ཇི་ལྟ་བ་བཞིན་དུ་བསྒོམ་སྟེ། འཕགས་པའི་ལམ་ཡན་ལག་བརྒྱད་པའི་བར་དུའང་དེ་བཞིན་ནོ། །རྣམ་པ་ཐམས་ཅད་དུ་སྟོང་པ་ཉིད་ཀྱི་ཏིང་ངེ་འཛིན་དང ། མཚན་མ་མེད་པའི་ཏིང་ངེ་འཛིན་དང ། སྨོན་པ་མེད་པའི་ཏིང་ངེ་འཛིན་བསྒོམ་པ་དང ། རྣམ་པ་ཐམས་ཅད་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བསྒོམ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སྙོམས་པར་འཇུག་ཅིང ། བདག་གིས་
Ka454b
སེམས་ཅན་ཐམས་ཅད་ཡོངས་སུ་བསྐྱབ་པར་བྱའོ་ཞེས་དེ་དག་ལ་ཕན་པའི་སེམས་ཉིད་དུ་གཏོད་པར་བྱེད་དོ། །སྙིང་རྗེ་ལའང་སྙོམས་པར་འཇུག་ཅིང་དེ་དག་ལ་སྙིང་བརྩེ་བའི་སེམས་ཉིད་དུ་གཏོད་པར་བྱེད་དོ། །དགའ་བ་ལའང་སྙོམས་པར་འཇུག་ཅིང་བདག་གིས་སེམས་ཅན་ཐམས་ཅད་ཡོངས་སུ་འགྲོལ་བར་བྱའོ་ཞེས་དེའང་སེམས་ཅན་ཐམས་ཅད་ལ་གཏོད་པར་བྱེད་དོ། །བཏང་སྙོམས་ལའང་སྙོམས་པར་འཇུག་ཅིང ། སེམས་ཅན་ཐམས་ཅད་ཟག་པ་ཟད་པར་གྱུར་ཅིག་ཅེས་བསྒོམ་ཞིང་དེའང་དེ་དག་ལ་གཏོད་པར་བྱེད་པ་འདི་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་པ་རྣམས་ལ་སྤྱོད་པའི་སྦྱིན་པའི་ཕ་རོལ་ཏུ་ཕྱིན་པའོ། །ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་བསམ་གཏན་དང ། ཚད་མེད་པ་དང ། གཟུགས་མེད་པ་དེ་དག་ཉིད་ཀྱི་རྣམ་པ་དང ། རྟགས་དང ། མཚན་མ་དག་གིས་སྙོམས་པར་འཇུག་ཅིང་ལྡང་ཡང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་མི་བསྔོ་བ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང ། ཚད་མེད་པ་དང ། གཟུགས་མེད་པ་དག་ལ་སྤྱོད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། །གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་མཁྱེན་པ་ཉིད་དང་ལྡན་
Ka455a
༄#། །པའི་ཡིད་ལ་བྱ་བ་དག་གིས་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་དེ་དག་དང་མ་འདྲེས་པར་གནས་ཏེ། ས་གཉིས་པོ་དེ་དག་དང ། ཉན་ཐོས་ཀྱི་སའམ། རང་སངས་རྒྱས་ཀྱི་ས་ལ་འདོད་པ་མི་བསྐྱེད་ཀྱི། དེ་ཐམས་ཅད་མཁྱེན་པ་ཉིད་ལ་བཟོད་པ་དང ། འདོད་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང ། ཚད་མེད་པ་དང ། གཟུགས་མེད་པ་དག་ལ་སྤྱོད་པའི་བཟོད་པའི་ཕ་རོལ་ཏུ་ཕྱིན་པའོ། །ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་མི་དགེ་བའི་ཆོས་སྤང་བ་དང ། དགེ་བའི་ཆོས་བསྒྲུབ་པའི་ཕྱིར་བརྩོན་པ་མི་གཏོང་བར་གནས་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང ། ཚད་མེད་པ་དང ། གཟུགས་མེད་པ་དག་ལ་གནས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། ། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་བསམ་གཏན་དེ་དག་ཉིད་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་དེ་དག་ཉིད་ལ་སྙོམས་པར་འཇུག་ཅིང་ལྡང་ཡང་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་དེ་དག་གིས་མི་འཕྲོགས་ལ། དེ་དག་གི་དབང་གིས་ཀྱང་མི་སྐྱེ་བ་འདི་ནི། བྱང་
Ka455b
ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་དག་ལ་གནས་པའི་ཐབས་ལ་མཁས་པ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པའོ། །ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་བསམ་གཏན་དང ། ཚད་མེད་པ་དང ། གཟུགས་མེད་པའི་ཏིང་ངེ་འཛིན་གྱི་སྙོམས་པར་འཇུག་པ་དེ་དག་ལ་སྙོམས་པར་ཡང་འཇུག་ཅིང་ལྡང་ཡང་དེ་དག་ཀྱང་མི་རྟག་པའི་རྣམ་པ་དང ། སྡུག་བསྔལ་བའི་རྣམ་པ་དང ། བདག་མེད་པའི་རྣམ་པ་དང ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་རྣམ་པར་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་ཀྱང་དེ་དག་གིས་ཉན་ཐོས་ཀྱི་སྐྱོན་མེད་པའམ། རང་སངས་རྒྱས་ཀྱི་སྐྱོན་མེད་པར་ཡང་མི་འཇུག་པ་འདི་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་དག་ལ་སྤྱོད་པའི་ཐབས་ལ་མཁས་པ་ལས་བྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། ཤཱ་རདྭ་ཏིའི་བུ། དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕ་རོལ་ཏུ་ཕྱིན་པ་དྲུག་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་ལས་བྱུང་བའི་ཐབས་ལ་མཁས་པས་ཡོངས་སུ་ཟིན་པའི་ཐེག་པ་ཆེན་
Ka456a
༄#། །པོ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། མི་དམིགས་པའི་ཚུལ་གྱིས་ནང་སྟོང་པ་ཉིད་ཤེས་པའོ། །དེ་བཞིན་དུ་སྦྱར་ཏེ། མི་དམིགས་པའི་ཚུལ་གྱིས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཤེས་པའང་དེ་བཞིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི་ཆོས་ཐམས་ཅད་ལ་རྣམ་པར་གཡེངས་སོ་སྙམ་པ་དང ། མཉམ་པར་བཞག་པའོ་སྙམ་དུ་ཤེས་པ་མི་འཇུག་པ་གང་ཡིན་པའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི་རྟག་གོ་སྙམ་པ་དང ། མི་རྟག་གོ་སྙམ་དུ་ཤེས་པ་མི་འཇུག་པ་གང་ཡིན་པ་དང ། དེ་བཞིན་དུ་སྦྱར་ཏེ། བདེའོ་སྙམ་པ་དང ། སྡུག་བསྔལ་ལོ་སྙམ་པ་དང ། བདག་ཡོད་དོ་སྙམ་པ་དང ། བདག་མེད་དོ་སྙམ་དུ་ཤེས་པ་མི་འཇུག་པ་སྟེ། དེའང་མི་དམིགས་པའི་ཚུལ་གྱིས་སོ།། །།
Kha1b
༄##། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་དགུ་པ། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི་འདས་པའི་དུས་ལ་ཤེས་པ་མི་འཇུག། མ་འོངས་པ་དང ། ད་ལྟར་བྱུང་བའི་དུས་ལ་ཤེས་པ་མི་འཇུག་ལ། དུས་གསུམ་པོ་དག་མི་
Kha2a
༄#། །ཤེས་པའང་མ་ཡིན་པ་སྟེ། དེའང་མི་དམིགས་པའི་ཚུལ་གྱིས་སོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདོད་པའི་ཁམས་སུ་ཤེས་པ་མི་འཇུག་།གཟུགས་ཀྱི་ཁམས་དང ། གཟུགས་མེད་པའི་ཁམས་སུ་ཤེས་པ་མི་འཇུག་ལ། ཁམས་གསུམ་ལ་མི་ཤེས་པའང་མི་འཇུག་པ་གང་ཡིན་པ་སྟེ། དེའང་མི་དམིགས་པའི་ཚུལ་གྱིས་སོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་
Kha2b
དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི་འཇིག་རྟེན་པའི་ཆོས་རྣམས་ལ་ཤེས་པ་མི་འཇུག་།འཇིག་རྟེན་ལས་འདས་པ་རྣམས་དང ། འདུས་བྱས་རྣམས་དང ། འདུས་མ་བྱས་རྣམས་དང ། ཟག་པ་དང་བཅས་པ་རྣམས་དང ། ཟག་པ་མེད་པའི་ཆོས་རྣམས་ལ་མི་ཤེས་པ་མི་འཇུག་ལ། འཇིག་རྟེན་པའི་ཆོས་རྣམས་ལ་མི་ཤེས་པའང་མི་འཇུག། འཇིག་རྟེན་ལས་འདས་པའི་ཆོས་རྣམས་དང ། འདུས་བྱས་རྣམས་དང ། འདུས་མ་བྱས་རྣམས་དང ། ཟག་པ་དང་བཅས་པ་རྣམས་དང ། ཟག་པ་མེད་པའི་ཆོས་རྣམས་ལ་མི་ཤེས་པའང་མི་འཇུག་ཅིང ། དེའང་མི་དམིགས་པའི་ཚུལ་གྱིས་མི་འཇུག་པ་སྟེ། ཤཱ་རདྭ་ཏིའི་བུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་
Kha3a
༄#། །གང་ལ་གནས་ན། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པའི་ཐེག་པ་ཡིན་ཏེ ། ཉི་ཚེ་བའི་ཐེག་པ་འདི་ལྟ་སྟེ། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པས་ངེས་པར་འབྱུང་བ་མ་ཡིན་པ་ཡིན་ནོ། །དེ་ཅིའི་ཕྱིར་ཞེ་ན། ཐེག་པ་ཆེན་པོའང་གཞན་ལ། གོ་ཆ་ཆེན་པོའང་གཞན་མ་ཡིན་ཏེ། གོ་ཆ་ཆེན་པོ་ཉིད་ཐེག་པ་ཆེན་པོ་ཡིན་ལ། ཐེག་པ་ཆེན་པོ་ཉིད་ཀྱང་གོ་ཆ་ཆེན་པོ་ཡིན་པའི་ཕྱིར་ཏེ། ཐེག་པ་ཆེན་པོ་གང་ཡིན་པ་དང ། གོ་ཆ་ཆེན་པོ་གང་ཡིན་པ་དེ་ནི་བྱང་ཆུབ་སེམས་དཔའི་སྐྱོན་མེད་པ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ཙམ་གྱིས་ན་བྱང་ཆུབ་སེམས་དཔའ་སེམས་
Kha3b
དཔའ་ཆེན་པོ་ཐེག་པ་ཆེན་པོ་ལ་ཡང་དག་པར་གནས་པ་ཞེས་བརྗོད་པར་བགྱི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་གནས་ནས་མི་དམིགས་པའི་ཚུལ་གྱིས་སྦྱིན་པའང་མི་དམིགས། སྦྱིན་པའི་ཕ་རོལ་ཏུ་ཕྱིན་པ་དང ། ལེན་པའང་མི་དམིགས་པ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་གནས་ནས་མི་དམིགས་པའི་ཚུལ་གྱིས་དགེ་བའི་ཆོས་མི་དམིགས། མི་དགེ་བའི་ཆོས་དང ། ལུང་དུ་མ་བསྟན་པ་དང ། འཇིག་རྟེན་པ་དང ། འཇིག་རྟེན་ལས་འདས་པ་དང ། འདུས་བྱས་དང ། འདུས་མ་བྱས་དང ། ཟག་པ་དང་བཅས་པ་དང ། ཟག་པ་མེད་པའི་ཆོས་རྣམས་མི་དམིགས་ཤིང ། ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་པོ་མི་དམིགས་པ་སྟེ། ཤཱ་
Kha4a
༄#། །རདྭ་ཏིའི་བུ། དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་ཡང་དག་པར་གནས་པ་ཞེས་བྱའོ། །ཤཱ་རདྭ་ཏིའི་བུ ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་མ་འདྲེས་པས་སྒོམ་པ་རྣམ་པར་གཞིག་པའི་ཆེད་དུ་དྲན་པ་ཉེ་བར་བཞག་པ་བཞི་བསྒོམ་སྟེ། དེའང་མི་དམིགས་པའི་ཚུལ་གྱིས་བསྒོམ་མོ། །དེ་བཞིན་དུ་སྒོམ་པ་རྣམ་པར་གཞིག་པའི་ཆེད་དུ་ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བསྒོམ་སྟེ། དེའང་མི་དམིགས་པའི་ཚུལ་གྱིས་བསྒོམ་མོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྒོམ་པ་ནི་ཐེག་པ་ཆེན་པོ་ལ་ཡང་དག་པར་གནས་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་སེམས་པ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། བྱང་ཆུབ་སེམས་དཔའ་ཞེས་བྱ་བ་འདི་ནི་མིང་དང་ཐ་སྙད་ཙམ་དུ་ཟད་དོ་ཞེས་བྱ་བར་
Kha4b
ཤེས་སོ། །དེ་བཞིན་དུ་འདི་ལྟ་སྟེ། གཟུགས་ཞེས་བྱ་བ་འདི་ནི་མིང་ཙམ་དུ་ཟད་དོ། །ཚོར་བ་དང ། འདུ་ཤེས་དང ། འདུ་བྱེད་རྣམས་ཀྱང་དམིགས་སུ་མེད་པ་ཉིད་ཀྱི་ཕྱིར་དེ་བཞིན་ནོ། །རྣམ་པར་ཤེས་པ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། རྣམ་པར་ཤེས་པ་འདི་ནི་མིང་དང་ཐ་སྙད་ཙམ་དུ་ཟད་དོ། །མིག་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། མིག་འདི་ནི་མིང་དང་ཐ་སྙད་ཙམ་དུ་ཟད་དོ། །དེ་བཞིན་དུ་ཡིད་ཀྱི་བར་དུ་དམིགས་སུ་མེད་པ་ཉིད་ཀྱི་ཕྱིར། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཅེས་བྱ་བ་འདི་ནི་མིང་དང་ཐ་སྙད་ཙམ་དུ་ཟད་དོ། །དེ་བཞིན་དུ་གཟུགས་རྣམས་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། གཟུགས་རྣམས་ཞེས་བྱ་བ་འདི་དག་ནི་མིང་དང་ཐ་སྙད་ཙམ་དུ་ཟད་དོ། །དེ་བཞིན་དུ་སྒྲ་དང།་དྲི་དང ། རོ་དང ། རེག་བྱ་དང ། ཆོས་རྣམས་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཞེས་བྱ་བ་འདི་དག་ནི་མིང་དང་ཐ་སྙད་ཙམ་དུ་ཟད་དོ། །དྲན་པ་ཉེ་བར་བཞག་པ་རྣམས་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། དྲན་པ་ཉེ་བར་བཞག་པ་བཞི་ཞེས་བྱ་བ་འདི་དག་ནི་མིང་དང་ཐ་སྙད་ཙམ་དུ་ཟད་དོ། །དེ་བཞིན་དུ་སྦྱར་ཏེ། ལམ་གྱི་བར་དུ་དམིགས་སུ་མེད་པ་ཉིད་ཀྱི་ཕྱིར། ཡང་དག་པར་སྤོང་བ་རྣམས་
Kha5a
༄#། །དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པའང་དེ་བཞིན་ནོ། །འདི་ལྟ་སྟེ། ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དེ་ནི་དམིགས་སུ་མེད་པ་ཉིད་ཀྱི་ཕྱིར། མིང་དང་ཐ་སྙད་ཙམ་དུ་ཟད་དོ། །འདི་ལྟ་སྟེ། དེ་བཞིན་གཤེགས་པའི་སྟོབས་བཅུ་དེ་དག་ནི་མིང་དང་ཐ་སྙད་ཙམ་དུ་ཟད་པ་ནས། སངས་རྒྱས་ཀྱི་ཆོས་རྣམས་ཀྱི་བར་དུ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། སངས་རྒྱས་ཀྱི་ཆོས་རྣམས་ཞེས་བྱ་བའི་བར་དེ་དག་ནི་མིང་དང་ཐ་སྙད་ཙམ་དུ་ཟད་དོ། །ཡང་དག་པའི་མཐའི་བར་དུ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། དེ་བཞིན་ཉིད་དང ། ཆོས་ཀྱི་དབྱིངས་དང ། ཆོས་སྐྱོན་མེད་པ་ཉིད་དང ། ཡང་དག་པའི་མཐའ་ཞེས་བྱ་བ་དེ་ནི་མིང་དང་ཐ་སྙད་ཙམ་དུ་ཟད་དོ། །བྱང་ཆུབ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། བྱང་ཆུབ་ཅེས་བྱ་བ་འདི་ནི་མིང་དང་ཐ་སྙད་ཙམ་དུ་ཟད་དོ། །འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཞེས་བྱ་བ་འདི་ནི་དམིགས་སུ་མེད་པ་ཉིད་ཀྱི་ཕྱིར། མིང་དང་ཐ་སྙད་ཙམ་དུ་ཟད་དོ་སྙམ་པ་སྟེ། ཤཱ་རདྭ་ཏིའི་བུ། དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་ཡང་
Kha5b
དག་པར་གནས་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། ཉམས་པ་མེད་པའི་མངོན་པར་ཤེས་པ་ལྔ་ཡོངས་སུ་རྫོགས་པར་བྱེད། སེམས་ཅན་རྣམས་ཡོངས་སུ་སྨིན་པར་བྱེད། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ཞིང ། སངས་རྒྱས་བཅོམ་ལྡན་འདས་རྣམས་ལ་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པ་བྱེད་ཅིང་སངས་རྒྱས་བཅོམ་ལྡན་འདས་དེ་དག་ལས་ཡང་དང་ཡང་དུ་འདི་ལྟ་སྟེ། བྱང་ཆུབ་སེམས་དཔའི་ཐེག་པ་རབ་མཆོག་གི་ཐེག་པ་འདི་ཉིད་ཀྱི་ཆོས་ཀྱང་ཉན་ཏོ། །ཐེག་པ་འདི་ལ་ཞོན་ཏེ། སེམས་ཅན་ལ་ཕན་གདགས་པའི་ཕྱིར་དང ། སངས་རྒྱས་ལ་བལྟ་བའི་ཕྱིར་སངས་རྒྱས་ཀྱི་ཞིང་དུ་འགྲོའང་དེ་ཕྱིར་སངས་རྒྱས་ཀྱི་ཞིང་གི་འདུ་ཤེས་ཀྱང་མི་འབྱུང ། སེམས་ཅན་གྱི་འདུ་ཤེས་དང ། སངས་རྒྱས་ཀྱི་འདུ་ཤེས་ཀྱང་མི་འབྱུང་ངོ ། །ཡང་དེ་གཉིས་སུ་མེད་པའི་ས་ལ་གནས་ནས། ལུས་ཇི་སྙེད་ཀྱིས་སེམས་ཅན་རྣམས་ཀྱི་དོན་བྱ་བའི་སྐལ་བ་དང་ལྡན་པ་དེ་སྙེད་ཀྱི་ལུས་ཡོངས་སུ་འཛིན་ཏོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་མ་རྒྱས་ཀྱི་བར་དུ་ནམ་ཡང་ཐེག་པ་དེ་དང་བྲལ་བར་མི་འགྱུར་རོ། །དེ་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ནས་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། གཞན་སུས་ཀྱང་མ་བསྐོར་བའི་ཆོས་ཀྱི་འཁོར་ལོ་བསྐོར་བར་འགྱུར་རོ། །ཤར་ཕྱོགས་ཀྱི་
Kha6a
༄#། །འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་གང་དག་འཚོ་ཞིང་བཞུགས་པ་དང ། དེ་བཞིན་དུ་ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་འཚོ་ཞིང་བཞུགས་པ་དེ་དག་ཀྱང་འཇིག་རྟེན་གྱི་ཁམས་ཆེ་གེ་མོ་ཞིག་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཆེ་གེ་མོ་ཞིག་ཐེག་པ་ཆེན་པོ་ལ་ཡང་དག་པར་ཞོན་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་སྟེ། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ནས། དེ་ལྟར་ན་གཞན་དགེ་སྦྱོང་ངམ། བྲམ་ཟེ་ནས་གཞན་སུས་ཀྱང་མ་བསྐོར་བའི་ཆོས་ཀྱི་འཁོར་ལོ་འཇིག་རྟེན་དུ་བསྐོར་རོ་ཞེས་དེའི་བསྔགས་པ་བརྗོད་ཅིང་སྙན་པ་སྒྲོགས་ལ་དབྱངས་བརྗོད་པར་མཛད་དེ། ཤཱ་རདྭ་ཏིའི་བུ། དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་ཡང་དག་པར་གནས་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི་ཕ་རོལ་ཏུ་ཕྱིན་པ་དྲུག་གོ་།དྲུག་གང་ཞེ་ན།་འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དྲུག་པོ་དེ་དག་གོ་།དེ་ལ་སྦྱིན་པའི་ཕ་རོལ་ཏུ་ཕྱིན་པ་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་
Kha6b
པ་ཉིད་དང་ལྡན་པའི་སེམས་བསྐྱེད་པས་འདི་ལྟ་སྟེ། ནང་ངམ་ཕྱིའི་དངོས་པོ་དག་གི་སྦྱིན་པ་དེ་འདོད་པ་རྣམས་ལ་སྦྱིན་པར་བྱེད་ཅིང ། བྱིན་ནས་ཀྱང་སྦྱིན་པ་དེ་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་དེ་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པའོ། །དེ་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། བདག་ཀྱང་དགེ་བ་བཅུའི་ལས་ཀྱི་ལམ་ཡང་དག་པར་བླངས་ནས་ལེགས་པར་སྤྱོད་ལ། གཞན་དག་ཀྱང་དགེ་བ་བཅུའི་ལས་ཀྱི་ལམ་ཡང་དག་པར་འཛིན་དུ་འཇུག་ཅིང་འཛུད་དེ། རབ་ཏུ་འགོད་ལ་དེའང་མི་དམིགས་པའི་ཚུལ་གྱིས་བྱེད་པ་འདི་ནི། ཤཱ་རདྭ་ཏིའི་བུ།་བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནག་ནོག་མེད་པའོ། །དེ་ལ་བཟོད་པའི་ཕ་རོལ་ཏུ་ཕྱིན་པ་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བདག་ཀྱང་བཟོད་པ་ཕུན་སུམ་ཚོགས་པ་ཡིན་ལ། གཞན་དག་ཀྱང་བཟོད་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་དེ་ནི།་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པའི་ཕ་རོལ་ཏུ་ཕྱིན་པའོ། །དེ་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་
Kha7a
༄#། །སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། ཕ་རོལ་ཏུ་ཕྱིན་པ་དྲུག་ལ་བརྩོན་པ་མི་གཏོང་བ་ཡིན། སེམས་ཅན་རྣམས་ཀྱང་ཕ་རོལ་ཏུ་ཕྱིན་པ་དྲུག་པོ་དག་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་དེ་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། །དེ་ལ་བསམ་གཏན་གྱི་ཕ་རོལ་ཏུ་ཕྱིན་པ་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། བདག་ཀྱང་ཐབས་ལ་མཁས་པས་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་དག་ལ་སྙོམས་པར་འཇུག་ཅིང ། དེ་དག་གི་དབང་གིས་ཀྱང་མི་སྐྱེ་ལ། གཞན་དག་ཀྱང་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་དེ་དག་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་དེ་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་བསམ་གཏན་གྱི་ཕ་རོལ་ཏུ་ཕྱིན་པའི། །དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། ཆོས་ཐམས་
Kha7b
ཅད་ཀྱི་རང་བཞིན་ལ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་ཅིང ། ཆོས་ཐམས་ཅད་ལའང་མངོན་པར་ཞེན་པ་མེད་ལ། དེའང་མི་དམིགས་པའི་ཚུལ་གྱིས་བྱེད་དེ། ཆོས་ཐམས་ཅད་ལ་མངོན་པར་ཞེན་པ་མེད་ནས་ཀྱང་གཞན་དག་ཀྱང་ཆོས་ཐམས་ཅད་ཀྱི་རང་བཞིན་ལ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་དེ་ནི། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། ཤཱ་རདྭ་ཏིའི་བུ། དེའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅི་སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་པ་ལགས་སམ། འོན་ཏེ་འཇིག་རྟེན་ལས་འདས་པ་ལགས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུའང་དེ་ལྟ་ལགས་སམ། བཙུན་པ་བཅོམ་ལྡན་འདས། གལ་ཏེ་སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་པ་ལགས་ཤིང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུའང་དེ་ལྟ་ལགས་ན་ནི། བཙུན་པ་བཅོམ་ལྡན་འདས། ཇི་ལྟར་ན་འཇིག་རྟེན་པའི་སྦྱིན་པའི་ཕ་རོལ་ཏུ་ཕྱིན་པ་དང ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་ལགས། དེ་ཅིའི་སླད་དུ་ཞེ་ན། འཇིག་རྟེན་པ་ནི་འདུས་བྱས་ལགས་ལ། འདུས་བྱས་གང་ལགས་པ་དེ་ནི་མི་རྟག་པ་
Kha8a
༄#། །ལགས་ན། མི་རྟག་པ་གང་ལགས་པ་དེ་ཇི་ལྟར་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་ལགས། ཅི་སྟེ་སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་ལས་འདས་པ་ལགས་ཤིང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུའང་དེ་ལྟ་ལགས་ན་ནི། དེ་ནི་བྱེད་པ་མ་མཆིས་པ་ལགས་ལ། བྱེད་པ་མ་མཆིས་པ་གང་ལགས་པ་དེ་ཇི་ལྟར་ཡོངས་སུ་རྫོགས་པར་འགྱུར་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ཤཱ་རདྭ་ཏིའི་བུ། སྦྱིན་པའི་ཕ་རོལ་ཏུ་ཕྱིན་པ་ནི་འཇིག་རྟེན་པའང་ཡོད། འཇིག་རྟེན་ལས་འདས་པའང་ཡོད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པའང་དེ་བཞིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པའང་འཇིག་རྟེན་པའང་ཡོད། འཇིག་རྟེན་ལས་འདས་པའང་ཡོད་དོ། །ཤཱ་རདྭ་ཏིའི་བུས་གསོལ་པ། སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་པ་ནི་གང་ལགས། སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་ལས་འདས་པ་ནི་གང་ལགས། བཀའ་སྩལ་པ། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་ཕོང་པ་སྦྱིན་བདག་ཏུ་གྱུར་པ་དེ་དགེ་སྦྱོང་དང ། བྲམ་ཟེ་དང ། བཀྲེན་པ་དང ། འདྲོན་པ་དང ། སྡུག་འཕོངས་པ་དང ། སློང་བ་རྣམས་
Kha8b
ལ་ཟས་འདོད་པ་དག་ལ་ཟས་སྦྱིན་པར་བྱེད། སྐོམ་འདོད་པ་དག་ལ་སྐོམ་སྦྱིན་པར་བྱེད་པ་ནས། དེ་བཞིན་དུ་སྦྱར་ཏེ། གོས་དང ། སྤོས་དང ། ཕྲེང་བ་དང ། བྱུག་པ་དང ། མལ་ཆ་དང ། སྟན་དང ། ཁྱིམ་འདོད་པའི་བར་དག་ལ་སྦྱིན་པར་བྱེད་པ་དང ། གནས་འདོད་པ་དག་ལ། གནས་སྦྱིན་པར་བྱེད་ཅིང ། སྨན་འདོད་པ་རྣམས་ལ་སྨན། ཡོ་བྱད་འདོད་པ་རྣམས་ལ་ཡོ་བྱད་སྦྱིན་པར་བྱེད་པ་དང ། དེ་བཞིན་དུ་སློང་བ་རྣམས་ལ་མིའི་ཡོ་བྱད་གང་ཡང་རུང་བདག་སྦྱིན་པར་བྱེད་པ་དང ། དེ་བཞིན་དུ་བུ་ཕོ་སྦྱིན་པར་བྱེད་པ་དང ། བུ་མོ་སྦྱིན་པར་བྱེད་པ་དང ། ཆུང་མ་དང ། སླས་ཀྱི་འཁོར་དག་སྦྱིན་པར་བྱེད་པ་དང ། དེ་བཞིན་དུ་མགོ་དང ། མིག་དང ། རྣ་བ་དང ། སྣ་དང ། རྐང་པ་དང ། ལག་པ་དང ། ཡན་ལག་དང ། ཉིང་ལག་དག་སྦྱིན་པར་བྱེད་ཅིང ། དེ་དག་ཀྱང་དངོས་པོའི་བདག་ཉིད་དུ་གནས་ནས་ཡོངས་སུ་གཏོང་བར་བྱེད་ལ། དེ་འདི་སྙམ་དུའང་སེམས་ཏེ། བདག་ནི་སྦྱིན་པར་བྱེད་པའོ། །འདི་དག་ནི་ལེན་པར་བྱེད་པ་དག་གོ་།ཀྱེ་བདག་ནི་སེར་སྣ་མེད་པའོ། །བདག་ནི་སྦྱིན་བདག་ཡིན་ནོ། །བདག་ནི་སློང་མོ་སྟེར་བའོ། །ཀྱེ་བདག་ནི་ཐམས་ཅད་ཡོངས་སུ་གཏོང་བའོ། །བདག་ནི་སངས་རྒྱས་བཅོམ་ལྡན་འདས་རྣམས་ལ་བཀུར་སྟི་བྱེད་པའོ། །བདག་ནི་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་དོ། །སྦྱིན་པ་དེ་བྱིན་ནས་ཀྱང་མི་དམིགས་པའི་ཚུལ་གྱིས་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་
Kha9a
༄#། །བསྔོ་བར་བྱེད་ཅིང ། བདག་གི་སྦྱིན་པ་འདིས་སེམས་ཅན་ཐམས་ཅད་ཚེ་འདི་ཉིད་ལ་བདེ་བར་གྱུར་ཅིག་།ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པར་གྱུར་ཅིག་སྙམ་མོ། །དེ་ནི་ཆགས་པ་གསུམ་ལ་ཆགས་ཤིང་སྦྱིན་པ་དེ་སྦྱིན་པར་བྱེད་དེ། གསུམ་པོ་གང་ཞེ་ན། འདི་ལྟ་སྟེ།་བདག་ཏུ་འདུ་ཤེས་པ་དང ། གཞན་དུ་འདུ་ཤེས་པ་དང ། སྦྱིན་པར་འདུ་ཤེས་པ་སྟེ། ཆགས་པ་གསུམ་པོ་དེ་དག་ལ་ཆགས་ནས། སྦྱིན་པ་དེ་སྦྱིན་པར་བྱེད་པ་དེ་ནི། ཤཱ་རདྭ་ཏིའི་བུ། འཇིག་རྟེན་པའི་སྦྱིན་པའི་ཕ་རོལ་ཏུ་ཕྱིན་པ་ཞེས་བྱའོ། །ཅིའི་ཕྱིར་འཇིག་རྟེན་པའི་སྦྱིན་པའི་ཕ་རོལ་ཏུ་ཕྱིན་པ་ཞེས་བྱ་ཞེ་ན། འདི་ལྟར་འཇིག་རྟེན་དང་ལྷན་ཅིག་ཏུ་སྤྱོད་ཅིང ། འཇིག་རྟེན་ལས་མི་གཡོ་ལ། ཡང་དག་པར་མི་འདའ་སྟེ། རྒྱུ་དེས་ན་འཇིག་རྟེན་པ་ཞེས་བྱའོ། །དེ་ལ་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་གང་ཞེ་ན། འདི་ལྟ་སྟེ། འཁོར་གསུམ་ཡོངས་སུ་དག་པ་སྟེ། དེ་ལ་ཀྱེ་བྱང་ཆུབ་སེམས་དཔའ་སེམས་དཔའ་ཆེན་པོའི་སྙིང་རྗེ་ཆེན་པོ་སྔོན་དུ་འགྲོ་བའི་སེམས་ཀྱིས་སྦྱིན་པ་སྦྱིན་པའང་མི་དམིགས། སྦྱིན་པ་པོའང་མི་དམིགས། ལེན་པ་པོའང་མི་དམིགས། སྦྱིན་པའང་མ་ཡིན་ལ། སྦྱིན་པ་དེའི་རྣམ་པར་སྨིན་པའང་མངོན་པར་དགའ་བ་མེད་པ་དེ་ནི། ཤཱ་
Kha9b
རདྭ་ཏིའི་བུ། འཁོར་གསུམ་ཡོངས་སུ་དག་པ་ཞེས་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ལ་སྦྱིན་པ་སྦྱིན་ཞིང ། བྱིན་ནས་ཀྱང་སེམས་ཅན་དེ་དག་ཉིད་ལ་གཏོང་ཡང་སེམས་ཅན་དེ་དག་ཀྱང་མི་དམིགས། ལེན་པ་པོའང་ཡང་དག་པར་རྗེས་སུ་མི་མཐོང ། སྦྱིན་པ་དེའི་རྣམ་པར་སྨིན་པ་ལའང་མངོན་པར་དགའ་བ་མེད་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུའང་ཡོངས་སུ་བསྔོ་མོད་ཀྱི། མཚན་མ་ཕྲ་རབ་ཙམ་ཡང་ཡང་དག་པར་རྗེས་སུ་མི་མཐོང་བ་དེ་ནི། ཤཱ་རདྭ་ཏིའི་བུ།་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་ཞེས་བྱའོ། །དེ་ཅིའི་ཕྱིར་འཇིག་རྟེན་ལས་འདས་པ་ཞེས་བྱ་ཞེ་ན། འདི་ལྟར་འཇིག་རྟེན་ལས་བརྒལ་ཞིང ། འཇིག་རྟེན་ལས་འཕགས་ལ། འཇིག་རྟེན་ལས་ཡང་དག་པར་འདས་ཏེ། དེ་ནི་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་ཞེས་བྱའོ། །དེ་བཞིན་དུ་སྦྱར་ཏེ། གནས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་འཇིག་རྟེན་པ་ཡིན་ལ། མི་གནས་པ་ནི་འཇིག་རྟེན་ལས་འདས་པ་སྟེ། སྦྱིན་པའི་ཕ་རོལ་ཏུ་ཕྱིན་པར་ཇི་སྐད་བསྟན་པ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱའོ། །བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་ལའང་དེ་བཞིན་དུ་སྦྱར་རོ། །གནས་པའི་ཤེས་རབ་ཀྱི་ཕ་རོལ་
Kha10a
༄#། །ཏུ་ཕྱིན་པ་ནི་འཇིག་རྟེན་པ་ཡིན་ལ། མི་གནས་པ་ནི་འཇིག་རྟེན་ལས་འདས་པའོ། །ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་པ་དང ། འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་པར་བྱེད་དེ། དེའང ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་དང ། གོ་ཆ་ཆེན་པོ་དང ། བྱང་ཆུབ་སེམས་དཔའི་སྐྱོན་མེད་པ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་ལས། ཕ་རོལ་ཏུ་ཕྱིན་པ་བསྟན་པའི་ལེའུ་ཞེས་བྱ་སྟེ་དགུ་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། ཇི་ཙམ་གྱིས་ན་གོ་ཆ་ཆེན་པོ་བགོས་པ། གོ་ཆ་ཆེན་པོ་བགོས་པ་ཞེས་བགྱི་བ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་སྦྱིན་པའི་ཕ་རོལ་ཏུ་ཕྱིན་པའི་གོ་ཆ་བགོས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱི་གོ་ཆ་བགོས། དྲན་པ་ཉེ་བར་བཞག་པའི་གོ་ཆ་བགོས། འཕགས་པའི་ལམ་ཡན་ལག་བརྒྱད་པའི་
Kha10b
བར་གྱི་གོ་ཆ་བགོས། ནང་སྟོང་པ་ཉིད་ཀྱི་གོ་ཆ་བགོས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་གོ་ཆ་བགོས། དེ་བཞིན་གཤེགས་པའི་སྟོབས་བཅུའི་གོ་ཆ་བགོས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་གོ་ཆ་བགོས། རྣམ་པ་ཐམས་ཅད་མཁྱེན་པ་ཉིད་ཀྱི་གོ་ཆ་བགོས། སངས་རྒྱས་ཀྱི་སྐུའི་གོ་ཆ་བགོས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བས་ཁྱབ་པར་བྱེད་དོ། །དེ་བཞིན་དུ་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་སྣང་བས་ཁྱབ་པར་བྱེད་དོ། །དེ་བཞིན་དུ་ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་སྣང་བས་ཁྱབ་པར་བྱེད་དོ། །ཁྱབ་པར་བྱས་ནས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོ་བར་བྱེད། རབ་ཏུ་གཡོ་བར་བྱེད། ཀུན་ཏུ་རབ་ཏུ་གཡོ་བར་བྱེད་དོ། །དེ་བཞིན་དུ་ཤར་ཕྱོགས་ནས་ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་རྣམ་པ་དྲུག་ཏུ་གཡོ་བར་བྱེད། རབ་ཏུ་གཡོ་བར་བྱེད། ཀུན་ཏུ་རབ་ཏུ་གཡོ་བར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྣང་བ་དེས་ཀྱང་སྦྱིན་པའི་ཕ་རོལ་ཏུ་ཕྱིན་པའི་གོ་ཆ་བགོས་པ་ནས། སངས་རྒྱས་ཀྱི་སྐུའི་བར་གྱི་གོ་ཆ་བགོས་པ་ཡིན་ནོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བཻ་ཌཱུརྱའི་རང་བཞིན་དུ་མངོན་པར་སྤྲུལ་པར་བྱེད་དོ། །མངོན་པར་
Kha11a
༄#། །སྤྲུལ་ནས་ཀྱང་འཁོར་ལོས་སྒྱུར་བའི་རྒྱལ་པོའི་བཀོད་པ་མངོན་པར་སྤྲུལ་པར་བྱེད་ཅིང ། དེས་འཁོར་ལོས་སྒྱུར་བའི་རྒྱལ་པོའི་བཀོད་པ་མངོན་པར་སྤྲུལ་ནས་ཀྱང་ཟས་འདོད་པ་རྣམས་ལ་ཟས་སྦྱིན་པར་བྱེད། དེ་བཞིན་དུ་བཏུང་བ་ནས། གོས་དང ། ཕྲེང་བ་དང ། སྤོས་དང ། བྱུག་པ་དང ། ཁང་པ་དང ། གནས་དང ། མར་མེ་དང ། སྨན་དུ་སྦྱར་བ་དང ། སྨན་གྱི་བར་དུ་སྦྱིན་པར་བྱེད་པ་དང ། དེ་བཞིན་དུ་སྦྱར་ཏེ། མིའི་ཡོ་བྱད་གང་ཡང་རུང་བའི་བར་དག་སེམས་ཅན་དག་ལ་སྦྱིན་པར་བྱེད་ཅིང ། དེས་སྦྱིན་པ་དེ་ལྟ་བུ་བྱིན་ནས། སེམས་ཅན་དེ་དག་ཉིད་ལ་འདི་ལྟ་སྟེ། ཕ་རོལ་ཏུ་ཕྱིན་པ་དྲུག་དང་ལྡན་པའི་ཆོས་འདི་དག་ཉིད་ཀྱི་ཆོས་སྟོན་ཏོ། །སེམས་ཅན་དེ་དག་ཀྱང་ཆོས་དེ་ཐོས་ནས། ནམ་ཡང་ལོག་པར་ལྟུང་བར་མི་ལྟུང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་ནམ་ཡང་ཕ་རོལ་ཏུ་ཕྱིན་པ་དྲུག་དང་འབྲལ་བར་མི་འགྱུར་ཏེ། རབ་འབྱོར། དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་ལམ་པོ་ཆེའི་བཞི་མདོར་འདུག་སྟེ། སྐྱེ་བོ་ཕལ་པོ་ཆེའི་མདུན་དུ་ཟས་འདོད་པ་དག་ལ་ཟས་སྦྱིན་པ་ནས། མིའི་ཡོ་བྱད་གང་ཡང་རུང་བའི་
Kha11b
བར་དུ་བྱིན་ན། རབ་འབྱོར། འདི་ཇི་སྙམ་དུ་སེམས། ཅི་སྒྱུ་མའི་སྐྱེས་བུའམ། སྒྱུ་མ་མཁན་གྱི་སློབ་མས་སེམས་ཅན་གང་ལའང་སྦྱིན་པ་བྱིན་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་འཁོར་ལོས་སྒྱུར་བའི་རྒྱལ་པོའི་བཀོད་པ་མངོན་པར་སྤྲུལ་ནས། ཟས་འདོད་པ་དག་ལ་ཟས་སྦྱིན་པར་བྱེད་པ་ནས། དེ་བཞིན་དུ་སྦྱར་ཏེ། མིའི་ཡོ་བྱད་གང་ཡང་རུང་བའི་བར་དག་སྦྱིན་པར་བྱེད་ཀྱང་སེམས་ཅན་གང་ལའང་སྦྱིན་པ་ཅིའང་བྱིན་པ་མེད་དོ། །དེ་ཅིའི་ཕྱིར་ཞེ་ན། སྒྱུ་མའི་ཆོས་ཉིད་ཉེ་བར་བཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ཏེ། བསམ་བཞིན་དུ་སྐྱེ་བ་ཡོངས་སུ་བཟུང་བས་འཁོར་ལོས་སྒྱུར་བའི་རྒྱལ་པོའི་རིགས་སུ་སྐྱེ་སྟེ། འཁོར་ལོས་སྒྱུར་བའི་རིགས་ཀྱི་དབང་ཕྱུག་དེ་ལ་གནས་ནས། སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་དགེ་བ་བཅུའི་ལས་ཀྱི་ལམ་ལ་འགོད་པར་བྱེད། དེ་བཞིན་དུ་བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་དག་ལ་འགོད་པར་བྱེད། དེ་བཞིན་དུ་དྲན་པ་ཉེ་བར་བཞག་པ་བཞི་དང ། དེ་བཞིན་དུ་སྦྱར་ཏེ། འཕགས་པའི་
Kha12a
༄#། །ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་འགོད་པར་བྱེད་དེ། སེམས་ཅན་དེ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་ནམ་ཡང་ཆོས་བསྟན་པ་དེ་དག་དང་བྲལ་བར་མི་འགྱུར་རོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས། དགེ་བ་བཅུའི་ལས་ཀྱི་ལམ་ལ་བཀོད། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་བཀོད་ན། རབ་འབྱོར། འདི་ཇི་སྙམ་དུ་སེམས། ཅི་སྒྱུ་མའི་སྐྱེས་བུའམ། སྒྱུ་མ་མཁན་གྱི་སློབ་མ་དེས་དེ་ལ་སེམས་ཅན་འགའ་ཡང་དགེ་བ་བཅུའི་ལས་ཀྱི་ལམ་ལ་བཀོད་པ་ཡོད་སྙམ་མམ། དེ་བཞིན་དུ་སྦྱར་ཏེ།་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་བཀོད་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་བ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་དགེ་བ་བཅུའི་ལས་
Kha12b
ཀྱི་ལམ་ལ་བཀོད་པ་དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་བཀོད་ཀྱང་སེམས་ཅན་འགའ་ཡང་བཀོད་པ་མེད་དོ། །དེ་ཅིའི་ཕྱིར་ཞེ་ན། རབ་འབྱོར། སྒྱུ་མའི་ཆོས་ཉིད་ཉེ་བར་བཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བཟོད་པ་ལ་འགོད་པར་བྱེད་དོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་པ་ཁྲག་ཁྲིག་ཕྲག་འབུམ་དག་བཟོད་པ་ལ་འགོད་པར་བྱེད་ཅེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། གོ་ཆ་འདི་ལྟར་གྱོན་པར་བྱེད་དེ། གལ་ཏེ་སེམས་ཅན་ཐམས་ཅད་འོངས་ནས། བདག་ལ་དབྱུག་པ་དང ། མཚོན་ཆ་དང ། བོང་བ་དག་གིས་བསྣུན་ཀྱང་དེ་ལ་བདག་གིས་སེམས་ཅན་གང་ལའང་འཁྲུག་པ་དང་ལྡན་པའི་སེམས་བསྐྱེད་པ་འགའ་ཡང་སྐྱེད་པར་མི་བྱའི། བདག་གིས་སེམས་ཅན་ཐམས་ཅད་ཀྱང་བཟོད་པ་དེ་ལྟ་བུ་ལ་དགོད་པར་བྱའོ་སྙམ་མོ། །དེས་གོ་ཆ་དེ་ལྟ་བུ་བགོས་ནས་དགྲ་བོ་དང་ཕྱིར་རྒོལ་བ་དག་གིས་
Kha13a
༄#། །བོང་བ་དང ། དབྱུག་པ་དང ། མཚོན་གྱིས་གདབ་པ་དག་གིས་ཉོན་མོངས་ནའང་ནམ་ཡང་སེམས་ཅན་གང་ལའང་འཁྲུག་པ་དང་ལྡན་པའི་སེམས་མི་སྐྱེད་ཀྱི། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བཟོད་པ་དེ་ལྟ་བུ་ལ་འགོད་པར་བྱེད་དོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས་སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བཟོད་པའི་ཕ་རོལ་ཏུ་ཕྱིན་པ་ལ་བཀོད་ན། རབ་འབྱོར། འདི་ཇི་སྙམ་དུ་སེམས། ཅི་སྒྱུ་མའི་སྐྱེས་བུའམ། སྒྱུ་མ་མཁན་གྱི་སློབ་མ་དེས་དེ་ལ་སེམས་ཅན་འགའ་ཡང་བཟོད་པ་ལ་བཀོད་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་བཟོད་པ་ལ་བཀོད་ཀྱང་སེམས་ཅན་འགའ་ཡང་བཀོད་པ་མེད་དོ། །དེ་ཅིའི་ཕྱིར་ཞེ་ན། རབ་འབྱོར། སྒྱུ་མའི་ཆོས་ཉིད་དེ་ཉེ་བར་བཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །རབ་འབྱོར། གཞན་ཡང་བྱང་ཆུབ་
Kha13b
སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་མི་དགེ་བའི་ཆོས་སྤང་བའི་ཕྱིར་དང ། དགེ་བའི་ཆོས་ཕུན་སུམ་ཚོགས་པར་བྱ་བའི་ཕྱིར་སེམས་ཅན་དེ་དག་ལུས་དང་སེམས་ཀྱི་བརྩོན་འགྲུས་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ན། རབ་འབྱོར། འདི་ཇི་སྙམ་དུ་སེམས། ཅི་སྒྱུ་མའི་སྐྱེས་བུའམ། སྒྱུ་མ་མཁན་གྱི་སློབ་མ་དེས་དེ་ལ་སེམས་ཅན་འགའ་ཡང་བརྩོན་འགྲུས་ལ་བཀོད་པ་ཡོད་དམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་བཀོད་ཀྱང་སེམས་ཅན་འགའ་ཡང་བཀོད་པ་མེད་དོ། །དེ་ཅིའི་ཕྱིར་
Kha14a
༄#། །ཞེ་ན། རབ་འབྱོར། སྒྱུ་མའི་ཆོས་ཉིད་ཉེ་བར་བཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བསམ་གཏན་གྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བསམ་གཏན་གྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ཅེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་མཉམ་པ་ཉིད་ཀྱི་ཏིང་ངེ་འཛིན་ལ་གནས་ནས། ཆོས་གང་ཡང་མཉམ་པར་བཞག་པའམ། རྣམ་པར་གཡེང་བར་ཡང་དག་པར་རྗེས་སུ་མི་མཐོང་སྟེ། དེ་དེ་ཁོ་ན་བཞིན་དུ་སེམས་ཅན་དེ་དག་བསམ་གཏན་དེ་ཡང་དག་པར་འཛིན་ཏུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ལ། ཅི་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་
Kha14b
དུ་ནམ་ཡང་བསམ་གཏན་གྱི་ཕ་རོལ་ཏུ་ཕྱིན་པ་དང་བྲལ་བར་མི་འགྱུར་བ་དེ་ལྟར་ཡང་དག་པར་འཛིན་དུ་འཇུག་ཅིང་འཛུད་དེ། རབ་ཏུ་འགོད་པར་བྱེད་དོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བསམ་གཏན་གྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་རབ་ཏུ་བཀོད་ན། རབ་འབྱོར། འདི་ཇི་སྙམ་དུ་སེམས། ཅི་སྒྱུ་མའི་སྐྱེས་བུའམ། སྒྱུ་མ་མཁན་གྱི་སློབ་མ་དེས་དེ་ལ་སེམས་ཅན་འགའ་ཡང་བསམ་གཏན་གྱི་ཕ་རོལ་ཏུ་ཕྱིན་པ་ལ་བཀོད་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་བསམ་གཏན་གྱི་ཕ་རོལ་ཏུ་ཕྱིན་པ་ལ་བཀོད་ཀྱང་སེམས་ཅན་འགའ་ཡང་བཀོད་པ་མེད་དོ། །དེ་ཅིའི་ཕྱིར་ཞེ་ན། རབ་འབྱོར། སྒྱུ་མའི་ཆོས་ཉིད་ཉེ་བར་བཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་
Kha15a
༄#། །བ་ཁྲག་ཁྲིག་ཕྲག་འབུམ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ཅེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་བརྗོད་དུ་མེད་པ་ལ་གནས་ཏེ། ཆོས་གང་ཡང་སྐྱེ་བའམ། འགག་པའམ། ཀུན་ནས་ཉོན་མོངས་པའམ། རྣམ་པར་བྱང་བའམ། ཕ་རོལ་མི་དམིགས་ན། རབ་འབྱོར། དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་ཡིན་ཞིང ། དེ་དེ་ཁོ་ན་བཞིན་དུ་སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ན། རབ་
Kha15b
འབྱོར།་འདི་ཇི་སྙམ་དུ་སེམས། ཅི་སྒྱུ་མའི་སྐྱེས་བུའམ། སྒྱུ་མ་མཁན་གྱི་སློབ་མ་དེས་དེ་ལ་སེམས་ཅན་འགའ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བཀོད་པ་ཡོད་སྙམ་མམ། གསོལ་པ།་བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བཀོད་ཀྱང་སེམས་ཅན་འགའ་ཡང་བཀོད་པ་མེད་དོ། །དེ་ཅིའི་ཕྱིར་ཞེ་ན། རབ་འབྱོར། སྒྱུ་མའི་ཆོས་ཉིད་ཉེ་བར་བཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་ནས། ཤར་ཕྱོགས་ཀྱི་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་དག་ན་སེམས་ཅན་གང་དག་སྡིག་པའི་ལས་ཀུན་ཏུ་སྤྱོད་ཅིང་ལོག་པའི་ཆོས་ལ་གཞོལ་བ་དེ་དག་ཇི་ལྟར་འཚམ་པའི་ལུས་དག་ལ་གནས། སྦྱིན་པའི་ཕ་རོལ་ཏུ་ཕྱིན་པ་ལ་གནས་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་པར་ལ་གནས་ཏེ། སྦྱིན་པའི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་
Kha16a
༄#། །རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ཅིང ། སེམས་ཅན་དེ་དག་ལ་རྟག་ཏུ་འདི་ལྟ་སྟེ། ཕ་རོལ་ཏུ་ཕྱིན་པ་དྲུག་པོ་འདི་དག་ཉིད་ཀྱི་ཆོས་སྟོན་ཏོ། །སེམས་ཅན་དེ་དག་ཀྱང་ཆོས་དེ་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་ནམ་ཡང་ཕ་རོལ་ཏུ་ཕྱིན་པ་དྲུག་དང་བྲལ་བར་མི་འགྱུར་རོ། །ཤར་ཕྱོགས་སུ་ཇི་སྐད་བསྟན་པ་བཞིན་དུ་ཕྱོགས་བཅུ་ཀུན་དུ་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་དག་ཏུའང་དེ་བཞིན་དུ་སྦྱར་བར་བྱའོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞེས་བྱ་བ་ནས་དེ་བཞིན་དུ་ཇི་ལྟར་ལེའུ་དང་པོར་དཔེ་དང་བཅས་པར་བསྟན་པ་དེ་ཁོ་ན་བཞིན་དུ་འདིར་ཡང་སྔ་མ་བཞིན་དུ་སྦྱར་བར་བྱ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་འདི་བགོས་ནས། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་གནས་པ་ན། སེམས་བསྐྱེད་པ་གཞན་ཉན་
Kha16b
ཐོས་དང ། རང་སངས་རྒྱས་ཀྱི་སེམས་བསྐྱེད་པ་དག་གི་སྐབས་མི་འབྱེད་ལ། དེ་འདི་སྙམ་དུ་བདག་གིས་སེམས་ཅན་འདི་སྙེད་ཅིག་ནི་སྦྱིན་པའི་ཕ་རོལ་ཏུ་ཕྱིན་པ་ལ་དགོད་པར་བྱའོ། །སེམས་ཅན་འདི་སྙེད་ཅིག་ནི་དགོད་པར་མི་བྱའོ་ཞེས་བྱ་བ་ནས། དེ་བཞིན་དུ་བདག་གིས་སེམས་ཅན་འདི་སྙེད་ཅིག་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་དགོད་པར་བྱའོ། ། འདི་སྙེད་ཅིག་ནི་དགོད་པར་མི་བྱའོ་ཞེས་བྱ་བ་སྔ་མ་ཁོ་ན་བཞིན་ནོ། །དེ་བཞིན་དུ་བདག་གིས་སེམས་ཅན་འདི་སྙེད་ཅིག་དྲན་པ་ཉེ་བར་བཞག་པ་རྣམས་དང ། ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་པོ་དག་ལ་དགོད་པར་བྱའོ། །སེམས་ཅན་འདི་སྙེད་ཅིག་ནི་རྣམ་པར་ཐར་པའི་སྒོ་གསུམ་གྱི་བར་དག་ལ་དགོད་པར་མི་བྱའོ། །དེ་བཞིན་དུ་བདག་གིས་སེམས་ཅན་འདི་སྙེད་ཅིག་ནི་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་དགོད་པར་བྱའོ། །འདི་སྙེད་ཅིག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་དགོད་པར་མི་བྱའོ། །དེ་བཞིན་དུ་བདག་གིས་སེམས་ཅན་འདི་སྙེད་ཅིག་ནི་རྒྱུན་དུ་ཞུགས་པའི་འབྲས་བུ་ལ་དགོད་པར་བྱའོ། །ལན་གཅིག་ཕྱིར་འོང་
Kha17a
༄#། །བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་ལ་དགོད་པར་བྱའོ། །དེ་བཞིན་དུ་བདག་གིས་སེམས་ཅན་འདི་སྙེད་ཅིག་ནི་རང་བྱང་ཆུབ་ཀྱི་བར་ལ་དགོད་པར་མི་བྱའོ། །དེ་བཞིན་དུ་བདག་གིས་སེམས་ཅན་འདི་སྙེད་ཅིག་ནི་རྣམ་པ་ཐམས་ཅད་མཁྱེན་པ་ཉིད་ལ་དགོད་པར་བྱའོ། །འདི་སྙེད་ཅིག་ནི་དགོད་པར་མི་བྱའོ་སྙམ་དུ་མི་སེམས་ཀྱི། རབ་འབྱོར། དེ་འདི་སྙམ་དུ་སེམས་ཏེ། བདག་གིས་སེམས་ཅན་དཔག་ཏུ་མེད་ཅིང་གྲངས་མེད་པ་དག་སྦྱིན་པའི་ཕ་རོལ་ཏུ་ཕྱིན་པ་ལ་དགོད་པར་བྱའོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང ། དྲན་པ་ཉེ་བར་བཞག་པ་རྣམས་དང ། དེ་བཞིན་དུ་སྦྱར་ཏེ། བདག་གིས་སེམས་ཅན་དཔག་ཏུ་མེད། གྲངས་མེད་པའི་བར་དག་རྣམ་པ་ཐམས་ཅད་མཁྱེན་པ་ཉིད་ལ་དགོད་པར་བྱའོ་སྙམ་མོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞེས་བྱ་བ་ནས། དེ་བཞིན་དུ་སྦྱར་ཏེ། ཇི་ལྟར་སྔར་དཔེས་བསྟན་པ་དེ་ཁོ་ན་བཞིན་དུ་སྦྱར་བར་བྱ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་གསུངས་པའི་དོན་
Kha17b
བདག་གིས་འཚལ་བ་ལྟར་ན། རང་གི་མཚན་ཉིད་སྟོང་པ་ཉིད་ཀྱི་སླད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་གོ་ཆ་མ་མཆིས་པའི་གོ་ཆ་འཚལ་བར་རིག་པར་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་གཟུགས་ནི་གཟུགས་ཀྱིས་སྟོང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པས་སྟོང ། དེ་བཞིན་དུ་མིག་ནི་མིག་གིས་སྟོང ། ཡིད་ཀྱི་བར་ནི་ཡིད་ཀྱིས་སྟོང ། དེ་བཞིན་དུ་མིག་གི་རྣམ་པར་ཤེས་པ་ནི་མིག་གི་རྣམ་པར་ཤེས་པས་སྟོང ། ཡིད་ཀྱི་རྣམ་པར་ཤེས་པའི་བར་ནི་ཡིད་ཀྱི་རྣམ་པར་ཤེས་པས་སྟོང ། མིག་གི་འདུས་ཏེ་རེག་པ་ནི་མིག་གི་འདུས་ཏེ་རེག་པས་སྟོང ། ཡིད་ཀྱི་འདུས་ཏེ་རེག་པའི་བར་ནི་ཡིད་ཀྱི་འདུས་ཏེ་རེག་པས་སྟོང ། དེ་བཞིན་དུ་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ནི། མིག་གི་འདུས་ཏེ་རེག་པའི་རྐྱེན་གྱིས་ཚོར་བས་སྟོང ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བས་སྟོང ། བཙུན་པ་བཅོམ་ལྡན་འདས། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ནི། སྦྱིན་པའི་ཕ་རོལ་ཏུ་ཕྱིན་པས་སྟོང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ནི། ཤེས་རབ་ཀྱི་ཕ་རོལ་ཏུ་ཕྱིན་པས་སྟོང ། དྲན་པ་ཉེ་བར་བཞག་པ་རྣམས་ནི། དྲན་པ་ཉེ་བར་བཞག་པ་རྣམས་ཀྱིས་སྟོང ། འཕགས་པའི་ལམ་ཡན་ལག་བརྒྱད་པའི་བར་ནི། འཕགས་པའི་ལམ་ཡན་
Kha18a
༄#། །ལག་བརྒྱད་པས་སྟོང ། ནང་སྟོང་པ་ཉིད་ནི་ནང་སྟོང་པ་ཉིད་ཀྱིས་སྟོང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱིས་སྟོང ། དེ་བཞིན་གཤེགས་པའི་སྟོབས་བཅུ་ནི་དེ་བཞིན་གཤེགས་པའི་སྟོབས་བཅུས་སྟོང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱིས་སྟོང ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་ཡང་བྱང་ཆུབ་སེམས་དཔས་སྟོང ། གོ་ཆ་ཆེན་པོའང་གོ་ཆ་ཆེན་པོས་སྟོང་པའི་སླད་དུ་སྟེ། བཙུན་པ་བཅོམ་ལྡན་འདས། རྣམ་གྲངས་དེས་ན། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་གོ་ཆ་མ་མཆིས་པའི་གོ་ཆ་འཚལ་བར་རིག་པར་བགྱི་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། རབ་འབྱོར། རྣམ་པ་ཐམས་ཅད་མཁྱེན་པ་ཉིད་ནི་མ་བྱས་མངོན་པར་འདུས་མ་བྱས་པའོ། །བྱང་ཆུབ་སེམས་དཔའ་སེམས་དཔའ་ཆེན་པོས་གང་དག་གི་ཆེད་དུ་གོ་ཆ་ཆེན་པོ་བགོས་པའི་སེམས་ཅན་དེ་དག་ཀྱང་མ་བྱས། མངོན་པར་འདུས་མ་བྱས་པ་དག་ཡིན་ནོ། །དེ་སྐད་ཅེས་བཀའ་སྩལ་པ་
Kha18b
དང ། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅིའི་སླད་དུ་རྣམ་པ་ཐམས་ཅད་མཁྱེན་པ་ཉིད་མ་བགྱིས་ཤིང་མངོན་པར་འདུས་མ་བགྱིས་ལ། བྱང་ཆུབ་སེམས་དཔའ་སེམས་དཔའ་ཆེན་པོས་གང་དག་གི་ཆེད་དུ་གོ་ཆ་ཆེན་པོ་འཚལ་བའི་སེམས་ཅན་དེ་དག་ཀྱང་མ་བགྱིས་ཤིང་མངོན་པར་འདུས་མ་བགྱིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱེད་པ་པོ་དམིགས་སུ་མེད་པའི་ཕྱིར། རྣམ་པ་ཐམས་ཅད་མཁྱེན་པ་ཉིད་དེ་མ་བྱས། མངོན་པར་འདུས་མ་བྱས་པའོ། །སེམས་ཅན་དེ་དག་ཀྱང་མ་བྱས་མངོན་པར་འདུས་མ་བྱས་པའོ། །དེ་ཅིའི་ཕྱིར་ཞེ་ན། རབ་འབྱོར། གཟུགས་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མི་བྱེད་མི་འཇིག་མངོན་པར་འདུ་མི་བྱེད་དེ། རབ་འབྱོར། དེ་བཞིན་དུ་བདག་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །རབ་འབྱོར། དེ་བཞིན་དུ་ཤེས་པ་པོ་དང ། མཐོང་བ་པོའི་བར་དུ་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། བདག་ལ་སོགས་པ་གཏན་དམིགས་སུ་མེད་པའི་ཕྱིར་རོ། །རབ་འབྱོར། རྨི་ལམ་ཡང་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། རྨི་ལམ་ནི་གཏན་
Kha19a
༄#། །དམིགས་སུ་མེད་པའི་ཕྱིར། དེ་བཞིན་དུ་བྲག་ཅ་དང ། མི་གཡོར་དང ། སྒྱུ་མ་དང ། སྨིག་རྒྱུ་དང ། སྤྲུལ་པ་ནི་མི་བྱེད་མི་འཇིག་མངོན་པར་འདུ་མི་བྱེད་དོ། ། དེ་ཅིའི་ཕྱིར་ཞེ་ན། རབ་འབྱོར། འདི་ལྟར་སྤྲུལ་པ་དེ་གཏན་དམིགས་སུ་མེད་པའི་ཕྱིར་རོ། །རབ་འབྱོར། ནང་སྟོང་པ་ཉིད་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་ནང་སྟོང་པ་ཉིད་དེ་གཏན་དམིགས་སུ་མེད་པའི་ཕྱིར་རོ། །དེ་བཞིན་དུ་སྦྱར་ཏེ། རབ་འབྱོར། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དེ་གཏན་དམིགས་སུ་མེད་པའི་ཕྱིར་རོ། །དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་གཏན་དམིགས་སུ་མེད་པའི་ཕྱིར་རོ། ། རབ་འབྱོར། དེ་བཞིན་ཉིད་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །རབ་འབྱོར། དེ་བཞིན་དུ་མ་ནོར་བ་དེ་བཞིན་ཉིད་དང ། གཞན་མ་ཡིན་པ་དེ་བཞིན་ཉིད་དང ། ཆོས་ཉིད་དང།་ཆོས་ཀྱི་དབྱིངས་དང ། ཆོས་གནས་པ་ཉིད་དང ། ཆོས་སྐྱོན་མེད་པ་ཉིད་དང ། ཡང་དག་པའི་མཐའ་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་ཅིའི་ཕྱིར་ཞེ་ན། འདི་
Kha19b
ལྟར་ཡང་དག་པའི་མཐའི་བར་དེ་གཏན་དམིགས་སུ་མེད་པའི་ཕྱིར་རོ། །རབ་འབྱོར། བྱང་ཆུབ་སེམས་དཔའ་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་བཞིན་དུ་ཐམས་ཅད་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ནི་མི་བྱེད་མི་འཇིག་མངོན་པར་འདུ་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་རྣམ་པ་ཐམས་ཅད་མཁྱེན་པ་ཉིད་ཀྱི་བར་དེ་གཏན་དམིགས་སུ་མེད་པའི་ཕྱིར་ཏེ། རབ་འབྱོར། རྣམ་གྲངས་དེས་ན་རྣམ་པ་ཐམས་ཅད་མཁྱེན་པ་ཉིད་ནི་མ་བྱས་མངོན་པར་འདུས་མ་བྱས་པ་ཡིན། བྱང་ཆུབ་སེམས་དཔའ་སེམས་དཔའ་ཆེན་པོས་གང་དག་གི་ཆེད་དུ་གོ་ཆ་ཆེན་པོ་བགོས་པའི་སེམས་ཅན་དེ་དག་ཀྱང་མ་བྱས་མངོན་པར་འདུས་མ་བྱས་པ་ཡིན་ཏེ། རབ་འབྱོར། རྣམ་གྲངས་དེས་ཀྱང ། བྱང་ཆུབ་སེམས་དཔའ་སེམས་དཔའ་ཆེན་པོས་གོ་ཆ་ཆེན་པོ་བགོས་པར་རིག་པར་བྱའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ། བམ་པོ་བཅུ་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་གིས་བཅོམ་ལྡན་འདས་ཀྱིས་གསུངས་པའི་དོན་འཆལ་བ་ལྟར་ན། བཙུན་པ་བཅོམ་ལྡན་འདས། གཟུགས་ནི་མ་བཅིངས་མ་གྲོལ་བ་ལགས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་བཅིངས་མ་གྲོལ་བ་ལགས་སོ། །དེ་ནས་ཚེ་དང་ལྡན་པ་བྱམས་མའི་
Kha20a
༄#། །བུ་གང་པོས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། གཟུགས་མ་བཅིངས་མ་གྲོལ་བ་ཡིན་ནམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མ་བཅིངས་མ་གྲོལ་བ་ཡིན་ནམ། སྨྲས་པ། ཚེ་དང་ལྡན་པ་གང་པོ། དེ་བཞིན་ཏེ། གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་བཅིངས་མ་གྲོལ་བའོ། །དེ་ནས་ཚེ་དང་ལྡན་པ་གང་པོས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། གཟུགས་མ་བཅིངས་མ་གྲོལ་བ་གང་ཡིན། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མ་བཅིངས་མ་གྲོལ་བ་གང་ཡིན། སྨྲས་པ། ཚེ་དང་ལྡན་པ་གང་པོ། རྨི་ལམ་ལྟ་བུའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་རྨི་ལམ་ལྟ་བུའི་ཚོར་བ་དང ། རྨི་ལམ་ལྟ་བུའི་འདུ་ཤེས་དང ། རྨི་ལམ་ལྟ་བུའི་འདུ་བྱེད་རྣམས་དང ། རྨི་ལམ་ལྟ་བུའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །དེ་བཞིན་དུ་སྦྱར་ཏེ། བྲག་ཅ་ལྟ་བུའི་གཟུགས་དང ། རྣམ་པར་ཤེས་པའི་བར་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་བཞིན་དུ་མིག་ཡོར་ལྟ་བུ་དང ། སྒྱུ་མ་ལྟ་བུ་དང ། སྨིག་རྒྱུ་ལྟ་བུ་དང ། སྤྲུལ་པ་ལྟ་
Kha20b
བུའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་སྤྲུལ་པ་ལྟ་བུའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། འདས་པའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་འདས་པའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་བཞིན་དུ་མ་འོངས་པའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་མ་འོངས་པའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་བཞིན་དུ་ད་ལྟར་བྱུང་བའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་ད་ལྟར་བྱུང་བའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། མེད་པའི་ཕྱིར་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མེད་པའི་ཕྱིར། རྣམ་པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་གཟུགས་དབེན་པའི་ཕྱིར།་གཟུགས་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དབེན་པའི་ཕྱིར་དང ། རྣམ་པར་ཤེས་པ་དབེན་པའི་ཕྱིར། རྣམ་
Kha21a
༄#། །པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་གཟུགས་སྐྱེ་བ་མེད་པའི་ཕྱིར། གཟུགས་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་སྐྱེ་བ་མེད་པའི་ཕྱིར་དང ། རྣམ་པར་ཤེས་པ་སྐྱེ་བ་མེད་པའི་ཕྱིར། རྣམ་པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་གཟུགས་འགག་པ་མེད་པའི་ཕྱིར། གཟུགས་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་འགག་པ་མེད་པའི་ཕྱིར་དང ། རྣམ་པར་ཤེས་པ་འགག་པ་མེད་པའི་ཕྱིར། རྣམ་པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་བཞིན་དུ་གཟུགས་དགེ་བ་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དགེ་བ་དང ། འདུ་ཤེས་དགེ་བ་དང ། འདུ་བྱེད་དགེ་བ་རྣམས་དང ། རྣམ་པར་ཤེས་པ་དགེ་བ་ནི་མ་བཅིངས་མ་གྲོལ་བའོ། །དེ་བཞིན་དུ་གཟུགས་མི་དགེ་བ་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་མི་དགེ་བ་རྣམས་དང ། རྣམ་པར་ཤེས་པ་མི་དགེ་བ་ནི་མ་བཅིངས་མ་གྲོལ་བའོ།། དེ་བཞིན་དུ་གཟུགས་ལུང་དུ་མ་བསྟན་པ་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་ལུང་དུ་མ་བསྟན་པ་རྣམས་དང ། རྣམ་པར་ཤེས་པ་ལུང་དུ་
Kha21b
མ་བསྟན་པ་ནི་མ་བཅིངས་མ་གྲོལ་བའོ། །དེ་བཞིན་དུ་སྦྱར་ཏེ། འཇིག་རྟེན་པའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་འཇིག་རྟེན་པའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། འཇིག་རྟེན་པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །འཇིག་རྟེན་ལས་འདས་པའི་གཟུགས་ནི་མ་བཅིངས་མ་གྲོལ་བའོ། །དེ་བཞིན་དུ་འཇིག་རྟེན་ལས་འདས་པའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། འཇིག་རྟེན་ལས་འདས་པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། །གཟུགས་ཟག་པ་དང་བཅས་པ་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་ཟག་པ་དང་བཅས་པ་རྣམས་དང ། རྣམ་པར་ཤེས་པ་ཟག་པ་དང་བཅས་པ་ནི་མ་བཅིངས་མ་གྲོལ་བའོ།། གཟུགས་ཟག་པ་མེད་པ་ནི་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་ཟག་པ་མེད་པ་རྣམས་དང ། རྣམ་པར་ཤེས་པ་ཟག་པ་མེད་པ་ནི་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། གཟུགས་མེད་པའི་ཕྱིར་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་མེད་པའི་ཕྱིར་དང ། རྣམ་པར་ཤེས་པ་མེད་པའི་ཕྱིར་གཟུགས་མ་བཅིངས་མ་གྲོལ་བའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་བཅིངས་མ་གྲོལ་བའོ། །དེ་བཞིན་དུ་གཟུགས་དང་
Kha22a
༄#། །རྣམ་པར་ཤེས་པའི་བར་དུ་དབེན་པའི་ཕྱིར་དང ། གཟུགས་དང་རྣམ་པར་ཤེས་པའི་བར་དུ་སྐྱེ་བ་མེད་པའི་ཕྱིར་དང ། གཟུགས་དང་རྣམ་པར་ཤེས་པའི་བར་དུ་འགག་པ་མེད་པའི་ཕྱིར་དང ། གཟུགས་དང་རྣམ་པར་ཤེས་པའི་བར་དུ་མ་བཅིངས་མ་གྲོལ་བའི་ཕྱིར་གཟུགས་དང ། དེ་བཞིན་དུ་རྣམ་པར་ཤེས་པའི་བར་དུ་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། ཆོས་ཐམས་ཅད་ཀྱང་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། ཆོས་ཐམས་ཅད་མེད་པའི་ཕྱིར་ཆོས་ཐམས་ཅད་ནི་མ་བཅིངས་མ་གྲོལ་བའོ། །དེ་བཞིན་དུ་ཆོས་ཐམས་ཅད་དབེན་པའི་ཕྱིར་དང ། སྐྱེ་བ་མེད་པའི་ཕྱིར་དང ། འགག་པ་མེད་པའི་ཕྱིར་དང ། མ་བཅིངས་པའི་ཕྱིར་དང ། མ་གྲོལ་པའི་ཕྱིར་ཆོས་ཐམས་ཅད་ནི་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། སྦྱིན་པའི་ཕ་རོལ་ཏུ་ཕྱིན་པའང་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པའང་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། སྦྱིན་པའི་ཕ་རོལ་ཏུ་ཕྱིན་པ་མེད་པའི་ཕྱིར། མ་བཅིངས་མ་གྲོལ་བའོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་
Kha22b
པའི་བར་དུ་མེད་པ་ཉིད་ཀྱི་ཕྱིར་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། ནང་སྟོང་པ་ཉིད་ཀྱང་མ་བཅིངས་མ་གྲོལ་བའོ། །དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུའང་མ་བཅིངས་མ་གྲོལ་བའོ། །དེ་བཞིན་དུ་དྲན་པ་ཉེ་བར་བཞག་པ་རྣམས་དང ། ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཀྱང་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། མེད་པ་ཉིད་ཀྱི་ཕྱིར་དང ། དབེན་པ་ཉིད་ཀྱི་ཕྱིར་དང ། མ་བཅིངས་པ་ཉིད་ཀྱི་ཕྱིར་དང ། མ་གྲོལ་བ་ཉིད་ཀྱི་ཕྱིར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། བྱང་ཆུབ་ཀྱང་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་བཞིན་དུ་ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་དང ། བྱང་ཆུབ་སེམས་དཔའ་ཡང་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། མེད་པ་ཉིད་ཀྱི་ཕྱིར་དང ། དབེན་པ་ཉིད་ཀྱི་ཕྱིར་དང ། སྐྱེ་བ་མེད་པ་ཉིད་ཀྱི་ཕྱིར་དང ། འགག་པ་མེད་པ་ཉིད་ཀྱི་ཕྱིར་དེ་
Kha23a
༄#། །བཞིན་དུ་སྦྱར་ཏེ། སངས་རྒྱས་ཀྱི་བར་དུའང་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་བཞིན་ཉིད་ཀྱང་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་བཞིན་དུ་མ་ནོར་བ་དེ་བཞིན་ཉིད་དང ། གཞན་མ་ཡིན་པ་དེ་བཞིན་ཉིད་དང ། ཆོས་ཉིད་དང ། ཆོས་ཀྱི་དབྱིངས་དང ། ཆོས་གནས་པ་ཉིད་དང ། ཆོས་སྐྱོན་མེད་པ་ཉིད་དང།་ཡང་དག་པའི་མཐའ་དང ། འདུས་མ་བྱས་ཀྱང་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། འདུས་མ་བྱས་ཀྱི་བར་དུ་མེད་པ་ཉིད་ཀྱི་ཕྱིར་དང ། དབེན་པ་ཉིད་ཀྱི་ཕྱིར་དང ། སྐྱེ་བ་མེད་པ་ཉིད་ཀྱི་ཕྱིར་དང ། འགག་པ་མེད་པ་ཉིད་ཀྱི་ཕྱིར་དང ། མ་བཅིངས་པ་ཉིད་ཀྱི་ཕྱིར་དང ། མ་གྲོལ་བ་ཉིད་ཀྱི་ཕྱིར་འདུས་མ་བྱས་ཀྱི་བར་དུ་མ་བཅིངས་མ་གྲོལ་བའོ། །ཚེ་དང་ལྡན་པ་གང་པོ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མ་བཅིངས་མ་གྲོལ་བ་སྟེ། ལེའུ་གོང་མར་ཇི་སྐད་བསྟན་པ་དེ་ཁོ་ན་བཞིན་དུ་སྦྱར་བར་བྱའོ། །དེ་མ་བཅིངས་མ་གྲོལ་བའི་སྦྱིན་པའི་ཕ་རོལ་ཏུ་ཕྱིན་པ་ལ་གནས་ཤིང ། མ་བཅིངས་མ་གྲོལ་བའི་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་གནས། དེ་བཞིན་དུ་སྦྱར་ཏེ། མ་བཅིངས་མ་གྲོལ་བའི་རྣམ་པ་ཐམས་ཅད་མཁྱེན་པ་ཉིད་
Kha23b
ཀྱི་བར་ལ་གནས་ཏེ། མ་བཅིངས་མ་གྲོལ་བའི་སེམས་ཅན་རྣམས་ཡོངས་སུ་སྨིན་པར་བྱེད་དོ། །མ་བཅིངས་མ་གྲོལ་བ་ཁོ་ནའི་སངས་རྒྱས་ཀྱི་ཞིང་ཡོངས་སུ་དག་པར་བྱེད་དོ། །དེ་མ་བཅིངས་མ་གྲོལ་བ་ཁོ་ནའི་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བྱེད་དོ། །དེ་སངས་རྒྱས་བཅོམ་ལྡན་འདས་དེ་དག་ལས་མ་བཅིངས་མ་གྲོལ་བ་ཁོ་ནའི་ཆོས་ཀྱང་ཉན་ཏོ། །མ་བཅིངས་མ་གྲོལ་བའི་སངས་རྒྱས་བཅོམ་ལྡན་འདས་དེ་དག་དང་ནམ་ཡང་བྲལ་བར་མི་འགྱུར་རོ། །མ་བཅིངས་མ་གྲོལ་བའི་མངོན་པར་ཤེས་པ་རྣམས་དང་ནམ་ཡང་བྲལ་བར་མི་འགྱུར་རོ། །མ་བཅིངས་མ་གྲོལ་བའི་མིག་ལྔ་དང་ནམ་ཡང་བྲལ་བར་མི་འགྱུར་རོ། །མ་བཅིངས་མ་གྲོལ་བའི་གཟུངས་རྣམས་དང་ནམ་ཡང་བྲལ་བར་མི་འགྱུར་རོ། །མ་བཅིངས་མ་གྲོལ་བའི་ཏིང་ངེ་འཛིན་རྣམས་དང་ནམ་ཡང་བྲལ་བར་མི་འགྱུར་རོ། །མ་བཅིངས་མ་གྲོལ་བའི་ཐམས་ཅད་མཁྱེན་པ་ཉིད་ཀྱང་མངོན་པར་སྒྲུབ་བོ། །མ་བཅིངས་མ་གྲོལ་བའི་ལམ་གྱི་རྣམ་པ་ཤེས་པ་ཉིད་ཀྱང་སྐྱེད་པར་བྱེད་དོ། །མ་བཅིངས་མ་གྲོལ་བའི་རྣམ་པ་ཐམས་ཅད་མཁྱེན་པ་ཉིད་ཀྱང་མངོན་པར་རྫོགས་པར་འཚང་རྒྱའོ། །མ་བཅིངས་མ་གྲོལ་བའི་ཆོས་ཀྱི་འཁོར་ལོའང་བསྐོར་བར་འགྱུར་རོ། །དེ་མ་བཅིངས་མ་གྲོལ་བའི་སེམས་ཅན་རྣམས་ཐེག་པ་གསུམ་པོ་དག་ལ་སྦྱོར་བར་བྱེད་དེ། ཚེ་དང་ལྡན་པ་གང་པོ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་མ་བཅིངས་མ་གྲོལ་
Kha24a
༄#། །པའི་ཕ་རོལ་ཏུ་ཕྱིན་པ་དྲུག་པོ་དག་གིས་མ་བཅིངས་མ་གྲོལ་བའི་ཆོས་ཐམས་ཅད་མངོན་པར་རྫོགས་པར་འཚང་རྒྱ་སྟེ། ཆོས་ཐམས་ཅད་མེད་པ་ཉིད་ཀྱི་ཕྱིར་དང ། ཞི་བ་ཉིད་ཀྱི་ཕྱིར་དང ། དབེན་པ་ཉིད་ཀྱི་ཕྱིར་དང ། སྐྱེ་བ་མེད་པ་ཉིད་ཀྱི་ཕྱིར་དང ། འགག་པ་མེད་པ་ཉིད་ཀྱི་ཕྱིར་རོ། །ཚེ་དང་ལྡན་པ་གང་པོ། དེ་ལྟ་བུ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མ་བཅིངས་མ་གྲོལ་བའི་གོ་ཆ་ཆེན་པོ་ཡིན་པར་རིག་པར་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་གོ་ཆ་ཆེན་པོ་ནི། འདི་ལྟ་སྟེ། མངོན་པར་ཤེས་པ་དྲུག་པོ་དག་ཡོངས་སུ་དག་པར་བྱེད་པ་ཉིད་ཡིན་ནོ། །དྲུག་གང་ཞེ་ན། འདི་ལྟ་སྟེ། རྫུ་འཕྲུལ་གྱི་བྱ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། ལྷའི་མིག་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། ལྷའི་རྣ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། ཕ་རོལ་གྱི་སེམས་ཀྱི་རྣམ་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། སྔོན་གྱི་གནས་རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང ། ཟག་པ་ཟད་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་དེ། རབ་འབྱོར། དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མངོན་པར་ཤེས་པ་དྲུག་པོ་
Kha24b
དག་ཡིན་ནོ། །རབ་འབྱོར། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་རྫུ་འཕྲུལ་གྱི་བྱ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། རྫུ་འཕྲུལ་གྱི་བྱ་བ་རྣམ་པ་དུ་མ་མྱོང་བར་བྱེད་དེ། དེས་འདིའང་གཡོ་བར་བྱེད་དོ། །དེ་བཞིན་དུ་གཅིག་ཏུ་གྱུར་ནས་མང་པོར་འགྱུར་བ་དང ། མང་པོར་གྱུར་ནས་ཀྱང་གཅིག་ཏུ་འགྱུར་བ་དང ། དེ་བཞིན་དུ་སྣང་བར་འགྱུར་ཞིང ། མི་སྣང་བར་འགྱུར་བའང་མྱོང་བར་བྱེད་དོ། །རྩིག་པ་ལའང་ཐད་ཀར་འགྲོའོ། །རབ་ལའང་ཐད་ཀར་འགྲོའོ། །རི་ལའང་མི་ཐོགས་པར་ཐད་ཀར་འགྲོ་སྟེ། དཔེར་ན། ནམ་མཁའ་ལ་བྱ་བ་བཞིན་ནོ། །ནམ་མཁའ་ལའང་སྐྱིལ་མོ་ཀྲུང་བཅས་ནས་འགྲོ་སྟེ། དཔེར་ན། འདབ་ཆགས་བྱ་བཞིན་ནོ། །ས་ལའང་སྟེང་དུ་འབྱུང་བ་དང ། བྱིའུ་ཟུལ་བྱེད་དེ། དཔེར་ན། ཆུ་ལ་བྱ་བ་བཞིན་ནོ། །ཆུ་ལའང་མི་ནུབ་པར་འགྲོ་སྟེ། དཔེར་ན། ས་ལ་བྱ་བ་བཞིན་ནོ། །དུ་བ་འཐུལ་བར་ཡང་བྱེད། འབར་བར་ཡང་བྱེད་དེ། དཔེར་ན། མེའི་ཕུང་པོ་ཆེན་པོ་བཞིན་ནོ། །ཉི་མ་དང་ཟླ་བ་འདི་གཉིས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་དབང་ཆེ་བར་གྲགས་པ་འདི་དག་ལའང་ལག་པས་ཉུག་པར་བྱེད་དོ། །ཚངས་པའི་འཇིག་རྟེན་གྱི་བར་དུའང་ལུས་ཀྱིས་དབང་
Kha25a
༄#། །སྒྱུར་རོ། །གང་གིས་རློམ་སེམས་སུ་བྱེད་པ་དང ། གང་ལ་རློམ་སེམས་སུ་བྱེད་པ་དང ། གང་ཞིག་རློམ་སེམས་སུ་བྱེད་པ་ངོ་བོ་ཉིད་ཀྱིས་སྟོང་པ་ཉིད་ཀྱི་ཕྱིར་དང ། ངོ་བོ་ཉིད་ཀྱིས་དབེན་པ་ཉིད་དང ། ངོ་བོ་ཉིད་ཀྱིས་དམིགས་སུ་མེད་པ་ཉིད་ཀྱི་ཕྱིར་རྫུ་འཕྲུལ་དེས་ཀྱང་རློམ་སེམས་སུ་མི་བྱེད། རྫུ་འཕྲུལ་དེ་ལའང་རློམ་སེམས་སུ་མི་བྱེད། དམིགས་པར་ཡང་མི་བྱེད་ཅིང ། དེ་རྣམ་པ་ཐམས་ཅད་མཁྱེན་པ་ཉིད་ཡིད་ལ་བྱེད་པ་མ་གཏོགས་པར་རྫུ་འཕྲུལ་མངོན་པར་སྒྲུབ་པའི་སེམས་པའང་མི་བསྐྱེད་དོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྫུ་འཕྲུལ་གྱི་བྱ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ། །རབ་འབྱོར། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་མིག་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། ལྷའི་མིག་རྣམ་པར་དག་པ་མིའི་ལས་འདས་པས་སེམས་ཅན་འཆི་འཕོ་བ་རྣམས་དང ། སྐྱེ་བ་རྣམས་དང ། ཁ་དོག་བཟང་པོ་རྣམས་དང ། ཁ་དོག་ངན་པ་རྣམས་དང ། བདེ་འགྲོ་དང ། ངན་འགྲོ་དང ། ངན་པ་དང ། བར་མ་དང ། གྱ་ནོམ་པའི་
Kha25b
སེམས་ཅན་རྣམས་ལས་ཇི་ལྟར་བསགས་པ་བཞིན་དུ་རབ་ཏུ་ཤེས་ཏེ། ཀྱེ་མ་སེམས་ཅན་འདི་དག་ནི་ལུས་ཀྱི་ཉེས་པར་སྤྱོད་པ་དང་ལྡན་པ། ངག་གི་ཉེས་པར་སྤྱོད་པ་དང་ལྡན་པ། ཡིད་ཀྱི་ཉེས་པར་སྤྱོད་པ་དང་ལྡན་པ། འཕགས་པ་རྣམས་ལ་སྐུར་པ་འདེབས་པ། ལོག་པར་ལྟ་བ་དང་ལྡན་པ་དག་སྟེ། ཀྱེ་མ་དེ་དག་ནི་ལོག་པར་ལྟ་བ་ཡང་དག་པར་བླངས་པའི་རྒྱུ་དང་རྐྱེན་དེས་ལུས་ཞིག་སྟེ་ཤི་ནས། ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་སོ། །ཀྱེ་མ་སེམས་ཅན་འདི་དག་ནི་ལུས་ཀྱི་ལེགས་པར་སྤྱོད་པ་དང་ལྡན་པ།་ངག་གི་ལེགས་པར་སྤྱོད་པ་དང་ལྡན་པ། ཡིད་ཀྱི་ལེགས་པར་སྤྱོད་པ་དང་ལྡན་པ་དག་ཡིན་ཏེ། རྒྱུ་དེ་དང་རྐྱེན་དེས་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་ཀྱི་ནང་དུ་སྐྱེས་པའི་བར་དང ། དེ་བཞིན་དུ་སྦྱར་ཏེ། ཕྱོགས་བཅུ་ཀུན་གྱི་འཇིག་རྟེན་གྱི་ཁམས་དག་ན་སེམས་ཅན་ལས་ཇི་ལྟར་བསགས་པ་རྣམས་མཐོང་བའི་བར་དང ། བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་ཀྱི་ནང་དུ་སྐྱེས་སོ་ཞེས་བྱ་བའི་བར་དུ་སྟེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་མངོན་སུམ་དུ་བྱ། བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ། །རབ་འབྱོར། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་རྣ་བ་མངོན་སུམ་དུ་བྱ་བ་ཤེས་པའི་མངོན་
Kha26a
༄#། །པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། ལྷའི་རྣ་བ་མིའི་ལས་འདས་པས་དེ་འདི་ལྟ་སྟེ། ལྷ་དང་མིའི་སྒྲ་ཉན་ཀྱང་ངོ་བོ་ཉིད་ཀྱིས་སྟོང་པ་ཉིད་ཀྱི་ཕྱིར་དང ། ངོ་བོ་ཉིད་ཀྱིས་དབེན་པ་ཉིད་དང ། ངོ་བོ་ཉིད་ཀྱིས་དམིགས་སུ་མེད་པ་ཉིད་ཀྱི་ཕྱིར་བདག་ནི་སྒྲ་ཉན་ཏོ་ཞེས་ལྷའི་རྣ་བ་དེས་ཀྱང་རློམ་སེམས་སུ་མི་བྱེད་ཅིང ། རྣ་བས་ཤེས་པར་བྱ་བའི་སྒྲ་དེའང་མི་དམིགས་ལ། དེ་རྣམ་པ་ཐམས་ཅད་མཁྱེན་པ་ཉིད་ཡིད་ལ་བྱེད་པ་མ་གཏོགས་པར་ལྷའི་རྣ་བ་མངོན་པར་བསྒྲུབ་པའི་ཕྱིར་སེམས་ཀྱང་སྐྱེད་པར་མི་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། ལྷའི་རྣ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ། །རབ་འབྱོར། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཕ་རོལ་གྱི་སེམས་ཀྱི་རྣམ་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། དེ་སེམས་ཅན་གཞན་དག་དང ། གང་ཟག་གཞན་
Kha26b
རྣམས་ཀྱི་སེམས་སེམས་ཀྱིས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། འདི་ལྟ་སྟེ། འདོད་ཆགས་དང་བཅས་པའི་སེམས་ལ་འདོད་ཆགས་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདོད་ཆགས་དང་བྲལ་བའི་སེམས་ལ་འདོད་ཆགས་དང་བྲལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཞེ་སྡང་དང་བཅས་པའི་སེམས་ལ་ཞེ་སྡང་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཞེ་སྡང་དང་བྲལ་བའི་སེམས་ལ་ཞེ་སྡང་དང་བྲལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །གཏི་མུག་དང་བཅས་པའི་སེམས་ལ་གཏི་མུག་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །གཏི་མུག་དང་བྲལ་བའི་སེམས་ལ་གཏི་མུག་དང་བྲལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་བཞིན་དུ་སྲེད་པ་དང་བཅས་པའི་སེམས་ལ་སྲེད་པ་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །སྲེད་པ་དང་བྲལ་བའི་སེམས་ལ་སྲེད་པ་དང་བྲལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་བཞིན་དུ་ཉེ་བར་ལེན་པ་དང་བཅས་པའི་སེམས་དང ། ཉེ་བར་ལེན་པ་མེད་པའི་སེམས་དང ། སེམས་བསྡུས་པ་དང ། སེམས་རྣམ་པར་གཡེངས་པ་དང ། སེམས་ཆུང་ངུ་དང ། སེམས་རྒྱ་ཆེན་པོར་གྱུར་པ་དང ། མཉམ་པར་བཞག་པའི་
Kha27a
༄#། །སེམས་དང ། མཉམ་པར་མ་བཞག་པའི་སེམས་དང ། སེམས་རྣམ་པར་གྲོལ་བ་དང ། སེམས་རྣམ་པར་མ་གྲོལ་བ་དང ། བླ་ན་ཡོད་པའི་སེམས་ལ་བླ་ན་ཡོད་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །བླ་ན་མེད་པའི་སེམས་ལ། བླ་ན་མེད་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ལ། དེ་དག་གིས་རློམ་སེམས་སུའང་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་ངོ་བོ་ཉིད་ཀྱིས་སྟོང་པ་ཉིད་ཀྱི་ཕྱིར་སེམས་དེ་དག་ནི་སེམས་མ་ཡིན་པའི་ཕྱིར་རོ། །དེ་བཞིན་དུ་སྦྱར་ཏེ། ཇི་ལྟར་གོང་དུ་བསྟན་པ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱ་སྟེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕ་རོལ་གྱི་སེམས་ཀྱི་རྣམ་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ། །རབ་འབྱོར། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་སྔོན་གྱི་གནས་རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སྔོན་གྱི་གནས་རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་མངོན་པར་སྒྲུབ་ཅིང ། དེས་སེམས་གཅིག་རྗེས་སུ་དྲན་པ་ནས། སེམས་བརྒྱའི་
Kha27b
པར་དང ། སེམས་སྟོང་གི་བར་དུའང་རྗེས་སུ་དྲན་ནོ། །ཉི་མ་གཅིག་ཀྱང་རྗེས་སུ་དྲན་པ་ནས་ཉི་མ་བརྒྱའི་བར་དང ། ཉི་མ་སྟོང་གི་བར་དང ། ཉི་མ་འབུམ་གྱི་བར་དུའང་རྗེས་སུ་དྲན་ནོ། །ཟླ་བ་གཅིག་ཀྱང་རྗེས་སུ་དྲན་པ་ནས། ཟླ་བ་བརྒྱའི་བར་དང ། ཟླ་བ་སྟོང་གི་བར་དང ། ཟླ་བ་འབུམ་གྱི་བར་དུའང་རྗེས་སུ་དྲན་ནོ།།ལོ་གཅིག་ཀྱང་རྗེས་སུ་དྲན་པ་ནས། ལོ་འབུམ་གྱི་བར་དུའང་རྗེས་སུ་དྲན་ནོ། །བསྐལ་པ་གཅིག་ཀྱང་རྗེས་སུ་དྲན་པ་ནས། བསྐལ་པ་བརྒྱ་ཕྲག་དུ་མའི་བར་དང ། བསྐལ་པ་སྟོང་ཕྲག་དུ་མ་དང ། བསྐལ་པ་འབུམ་ཕྲག་དུ་མ་དང ། བསྐལ་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་ཀྱང་རྗེས་སུ་དྲན་ནོ། །དེ་ན་བདག་གི་མིང་ནི་འདི་ཞེས་བྱ་བར་གྱུར། རུས་ནི་འདི་ཞེས་བྱ། རིགས་ནི་འདི་ཞེས་བྱ། ཟས་ནི་འདི་ལྟ་བུ་ཞིག་ཟ་ཟ། ཡུན་ནི་འདི་སྲིད་ཅིག་གནས་གནས། ཚེ་ནི་འདི་ཙམ་ཞིག་ཐུབ། ཚེ་རིང་ཁྱད་ནི་འདི་ཙམ་ཞིག་ལོན། བདེ་བ་དང་སྡུག་བསྔལ་ནི་འདི་ལྟ་བུ་ཞིག་མྱོང ། དེ་དེ་ནས་ཤི་འཕོས་ནས་ཆེ་གེ་མོ་ཞིག་ཏུ་སྐྱེས་སོ། །དེ་ནས་ཤི་འཕོས་ནས་འདིར་སྐྱེས་སོ་ཞེས་དེ་ལྟར་རྣམ་པ་དང་བཅས། ཡུལ་ཕྱོགས་དང་བཅས་པར་བདག་དང ། སེམས་ཅན་གཞན་དག་དང ། གང་ཟག་གཞན་རྣམས་ཀྱི་སྔོན་གྱི་གནས་རྣམ་པ་དུ་མ་དག་རྗེས་སུ་དྲན་ལ། མངོན་པར་ཤེས་པ་དེས་ཀྱང་རློམ་སེམས་སུ་མི་བྱེད་པའི་བར་དུ་སྟེ། རབ་འབྱོར། དེ་ནི་བྱང་ཆུབ་སེམས་དཔའ་
Kha28a
༄#། །སེམས་དཔའ་ཆེན་པོའི་སྔོན་གྱི་གནས་རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཅེས་བྱའོ།། རབ་འབྱོར། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཟག་པ་ཟད་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། ཟག་པ་ཟད་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་མངོན་པར་བསྒྲུབ་ཀྱང་ཉན་ཐོས་ཀྱི་སའམ། རང་སངས་རྒྱས་ཀྱི་སའང་རྗེས་སུ་ཐོབ་པར་མི་བྱེད་ལ། གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་ཆོས་གང་ལའང་འདོད་པར་མི་བྱེད་ཅིང ། དེ་མངོན་པར་ཤེས་པ་དེས་རྡོ་རྗེ་ལྟ་བུའི་ཏིང་ངེ་འཛིན་ལ་བརྟེན་ནས། བག་ཆགས་དང་མཚམས་སྦྱོར་བ་ཐམས་ཅད་སྤོང་བར་བྱེད་མོད་ཀྱི། ངོ་བོ་ཉིད་ཀྱིས་སྟོང་པ་ཉིད་ཀྱི་ཕྱིར་དང ། ངོ་བོ་ཉིད་ཀྱིས་དབེན་པ་ཉིད་ཀྱི་ཕྱིར་དང ། ངོ་བོ་ཉིད་ཀྱིས་དམིགས་སུ་མེད་པ་ཉིད་ཀྱི་ཕྱིར་ཟག་པ་ཟད་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དེས་ཀྱང་རློམ་སེམས་སུ་མི་བྱེད་ལ། ཐམས་ཅད་མཁྱེན་པ་ཉིད་ཡིད་ལ་བྱེད་པ་མ་གཏོགས་པར་སེམས་ཀྱང་སྐྱེད་པར་
Kha28b
མི་བྱེད་དེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཟག་པ་ཟད་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ། ། འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་མངོན་པར་ཤེས་པ་དྲུག་པོ་དག་ཡོངས་སུ་དག་པར་བྱེད་པ་ཉིད་ཅེས་བྱ་སྟེ། དེའང་གོ་ཆ་ཆེན་པོ་ཡིན་པར་རིག་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མངོན་པར་ཤེས་པའི་ལེའུ་ཞེས་བྱ་སྟེ་བཅུ་པའོ།། །།རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་གོ་ཆ་ཆེན་པོ་ནི། འདི་ལྟ་སྟེ། ཡོངས་སུ་དག་པའི་མིག་ལྔ་སྟེ། ལྔ་པོ་དག་གང་ཞེ་ན། འདི་ལྟ་སྟེ། ཤའི་མིག་དང ། ལྷའི་མིག་དང ། ཤེས་རབ་ཀྱི་མིག་དང ། ཆོས་ཀྱི་མིག་དང ། སངས་རྒྱས་ཀྱི་མིག་གོ་།དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་ཤའི་མིག་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་དཔག་ཚད་བརྒྱར་མཐོང་བའང་ཡོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་དཔག་ཚད་
Kha29a
༄#། །ཉིས་བརྒྱར་མཐོང་བའང་ཡོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་དཔག་ཚད་སུམ་བརྒྱར་མཐོང་བའང་ཡོད་དོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་དཔག་ཚད་བཞི་བརྒྱ་དང ། ལྔ་བརྒྱ་དང ། དྲུག་བརྒྱར་མཐོང་བའང་ཡོད་དོ། །ཡང་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་ཛམྦུ་གླིང་གཅིག་མཐོང་བའང་ཡོད་དོ། །ཡང་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་ཛམྦུ་གླིང་གཉིས་མཐོང་བ་ནས། དེ་བཞིན་དུ་སྦྱར་ཏེ། ཤའི་མིག་གིས་གླིང་བཞི་པའི་འཇིག་རྟེན་གྱི་ཁམས་གྱི་བར་དུ་མཐོང་བའང་ཡོད་དོ། །ཡང་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་སྟོང་གི་འཇིག་རྟེན་གྱི་ཁམས་མཐོང་བའང་ཡོད་དོ། །ཡང་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་སྟོང་གཉིས་པ་བར་མའི་འཇིག་རྟེན་གྱི་ཁམས་མཐོང་བའང་ཡོད་དོ། །ཡང་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐོང་བའང་ཡོད་དོ། །རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤའི་མིག་ཡོངས་སུ་དག་པ་ཡིན་ནོ། །གསོལ་པ།
Kha29b
བཅོམ་ལྡན་འདས། ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་།རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ལྷའི་མིག་གང་ཡིན་པ་དེ་ཐམས་ཅད་ནི་བྱང་ཆུབ་སེམས་དཔའ་སེམས་དཔའ་ཆེན་པོས་རབ་ཏུ་ཤེས་སོ། །དེ་བཞིན་དུ་སུམ་ཅུ་རྩ་གསུམ་རྣམས་དང ། འཐབ་བྲལ་རྣམས་དང ། དགའ་ལྡན་རྣམས་དང ། འཕྲུལ་དགའ་རྣམས་དང ། གཞན་འཕྲུལ་དབང་བྱེད་ཀྱི་ལྷ་རྣམས་ནས། འོག་མིན་གྱི་བར་གྱི་ལྷ་རྣམས་ཀྱི་ལྷའི་མིག་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་རབ་ཏུ་ཤེས་ལ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་གང་ཡིན་པ་དེ་ནི། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་རབ་ཏུ་མི་ཤེས་པ་ནས། འོག་མིན་གྱི་བར་གྱི་ལྷ་རྣམས་ཀྱིས་རབ་ཏུ་མི་ཤེས་སོ། །ཡང་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་དེས་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་སེམས་ཅན་ལས་ཇི་ལྟར་བསགས་པ་རྣམས་འཆི་འཕོ་བ་དང ། སྐྱེ་བ་དག་ཀྱང་མཐོང ། ཁ་དོག་བཟང་པོ་རྣམས་དང ། ཁ་དོག་ངན་པ་རྣམས་དང ། བདེ་འགྲོ་དང ། ངན་འགྲོ་དང ། ངན་པ་དང ། བར་མ་དང ། གྱ་ནོམ་པ་དག་ཀྱང་རབ་ཏུ་ཤེས་ཏེ། ཀྱེ་མ་སེམས་
Kha30a
༄#། །ཅན་འདི་དག་ནི་ལུས་ཀྱི་ཉེས་པར་སྤྱོད་པ་དང་ལྡན་པ། ངག་གི་ཉེས་པར་སྤྱོད་པ་དང་ལྡན་པ། ཡིད་ཀྱི་ཉེས་པར་སྤྱོད་པ་དང་ལྡན་པ། འཕགས་པ་རྣམས་ལ་སྐུར་པ་འདེབས་པ། ལོག་པར་ལྟ་བ་དང་ལྡན་པ་དག་ཡིན་ཏེ། ཀྱེ་མ་དེ་དག་ནི་ལོག་པར་ལྟ་བ་ཡང་དག་པར་བླངས་པའི་རྒྱུ་དང་རྐྱེན་དེས་ལུས་ཞིག་སྟེ། ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་སོ། །ཀྱེ་མ་སེམས་ཅན་འདི་དག་ནི་ལུས་ཀྱི་ལེགས་པར་སྤྱོད་པ་དང་ལྡན་པ། ངག་གི་ལེགས་པར་སྤྱོད་པ་དང་ལྡན་པ། ཡིད་ཀྱི་ལེགས་པར་སྤྱོད་པ་དང་ལྡན་པ་དག་སྟེ་ཞེས་བྱ་བ་ནས། རྒྱུ་དེ་དང་རྐྱེན་དེའི་བར་དུ་སྟེ། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་ཀྱི་ནང་དུ་སྐྱེས་པ་དང ། དེ་བཞིན་དུ་ཕྱོགས་བཅུ་ཀུན་གྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་བར་དག་ན་སེམས་ཅན་དག་ལས་ཇི་ལྟར་བསགས་པ་བཞིན་ཞེས་བྱ་བ་ནས། བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་ཀྱི་ནང་དུ་སྐྱེས་སོ་ཞེས་བྱ་བའི་བར་དུ་མཐོང་སྟེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་ཡོངས་སུ་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་ཡོངས་
Kha30b
སུ་དག་པ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་གང་གིས་འདི་སྙམ་དུ་གང་འདུས་བྱས་སམ། འདུས་མ་བྱས་སམ། འཇིག་རྟེན་པའམ། འཇིག་རྟེན་ལས་འདས་པའམ། ཟག་པ་དང་བཅས་པའམ། ཟག་པ་མེད་པའི་ཆོས་གང་ཡང་ཡོད་དོ་སྙམ་དུ་མི་སེམས་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་གང་གིས་གང་མ་མཐོང་བའམ། མཐོས་པའམ། མི་དྲན་པའམ། རྣམ་པར་མ་ཤེས་པའི་ཆོས་གང་ཡང་མེད་དེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་ཡོངས་སུ་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་གིས་འདི་ལྟར་ཤེས་ཏེ། གང་ཟག་འདི་ནི་དད་པས་རྗེས་སུ་འབྲང་བའོ། །འདི་ནི་ཆོས་ཀྱི་རྗེས་སུ་འབྲང་བའོ། །འདི་ནི་སྟོང་པ་ཉིད་ལ་གནས་པའོ། །འདི་ནི་མཚན་མ་མེད་པ་ལ་གནས་པའོ། །འདི་ནི་སྨོན་པ་མེད་པ་ལ་གནས་པའོ། །གང་ཟག་འདི་ནི་སྟོང་པ་ཉིད་ཀྱི་རྣམ་པར་ཐར་པའི་སྒོས་དབང་པོ་ལྔ་པོ་དག་བསྐྱེད་པར་འགྱུར་རོ། །དེའི་
Kha31a
༄#། །འོག་ཏུ་དབང་པོ་ལྔ་པོ་དག་གིས་བར་ཆད་མེད་པའི་ཏིང་ངེ་འཛིན་ལ་རེག་པར་འགྱུར་རོ། །བར་ཆད་མེད་པའི་ཏིང་ངེ་འཛིན་ལས་རྣམ་པར་གྲོལ་བའི་ཤེས་པ་སྐྱེ་བར་འགྱུར་རོ། །དེ་ནས་རྣམ་པར་གྲོལ་བའི་ཤེས་པས་ཀུན་ཏུ་སྦྱོར་པ་གསུམ་པོ་དག་སྤོང་བར་འགྱུར་ཏེ། གསུམ་གང་ཞེ་ན། འདི་ལྟ་སྟེ། འཇིག་ཚོགས་ལ་ལྟ་བ་དང།་ཐེ་ཚོམ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་སྟེ། ཀུན་ཏུ་སྦྱོར་བ་གསུམ་པོ་དེ་དག་སྤངས་པས་རྒྱུན་དུ་ཞུགས་པ་ཞེས་བྱའོ། །དེས་བསྒོམ་པའི་ལམ་ཐོབ་ནས་འདོད་པ་ལ་འདོད་ཆགས་དང ། གནོད་སེམས་གཉིས་སྲབ་མོར་བྱེད་པར་འགྱུར་ཏེ། དེ་ནི་ལན་གཅིག་ཕྱིར་འོང་བ་ཡིན་ནོ། །དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་འདོད་པ་ལ་འདོད་ཆགས་དང ། གནོད་སེམས་གཉིས་མ་ལུས་པར་སྤོང་བར་འགྱུར་རོ། །དེས་དེ་གཉིས་སྤངས་པས་ཕྱིར་མི་འོང་བ་ཡིན་ནོ། །དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་གོང་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་སྤོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། གཟུགས་ཀྱི་འདོད་ཆགས་དང ། གཟུགས་མེད་པའི་འདོད་ཆགས་དང ། མ་རིག་པ་དང ། ང་རྒྱལ་དང ། རྒོད་པ་སྟེ། དེས་དེ་དག་སྤངས་པས་དགྲ་བཅོམ་པར་འགྱུར་རོ་ཞེས་བྱ་བ་དང ། གང་ཟག་འདི་ནི་མཚན་མ་མེད་པའི་
Kha31b
རྣམ་པར་ཐར་པའི་སྒོས་དབང་པོ་ལྔ་པོ་དག་བསྐྱེད་པར་འགྱུར་རོ། །དེ་ནས་དངང་པོ་ལྔ་པོ་དག་གིས་བར་ཆད་མེད་པའི་ཏིང་ངེ་འཛིན་ལ་རེག་པར་འགྱུར་རོ། །བར་ཆད་མེད་པའི་ཏིང་ངེ་འཛིན་ལས་རྣམ་པར་གྲོལ་བའི་ཤེས་པ་སྐྱེ་བར་འགྱུར་རོ། །དེ་ནས་རྣམ་པར་གྲོལ་བའི་ཤེས་པས་ཀུན་ཏུ་སྦྱོར་བ་གསུམ་པོ་དག་སྤོང་བར་འགྱུར་ཏེ། གསུམ་གང་ཞེ་ན། འདི་ལྟ་སྟེ། འཇིག་ཚོགས་ལ་ལྟ་བ་དང ། ཐེ་ཚོམ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་སྟེ། ཀུན་ཏུ་སྦྱོར་བ་གསུམ་པོ་དེ་དག་སྤངས་པས་རྒྱུན་དུ་ཞུགས་པ་ཞེས་བྱའོ། །དེས་བསྒོམ་པའི་ལམ་ཐོབ་ནས་འདོད་པ་ལ་འདོད་ཆགས་དང ། གནོད་སེམས་གཉིས་སྲབ་མོར་བྱེད་པར་འགྱུར་ཏེ། དེ་ནི་ལན་གཅིག་ཕྱིར་འོང་བ་ཡིན་ནོ། །དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་འདོད་པ་ལ་འདོད་ཆགས་དང ། གནོད་སེམས་གཉིས་མ་ལུས་པར་སྤོང་བར་འགྱུར་རོ། །དེ་གཉིས་སྤངས་པས་ཕྱིར་མི་འོང་བ་ཡིན་ནོ། །དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་གོང་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་པོ་དག་སྤོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། གཟུགས་ཀྱི་འདོད་ཆགས་དང ། གཟུགས་མེད་པའི་འདོད་ཆགས་དང ། མ་རིག་པ་དང ། ང་རྒྱལ་དང ། རྒོད་པ་སྟེ། དེས་དེ་དག་སྤངས་པས་དགྲ་བཅོམ་པར་འགྱུར་རོ་ཞེས་བྱ་བ་དང ། གང་ཟག་འདི་ནི་སྨོན་པ་མེད་པའི་རྣམ་པར་ཐར་པའི་སྒོས་དབང་པོ་ལྔ་
Kha32a
༄#། །པོ་དག་བསྐྱེད་པར་འགྱུར་རོ། །དེ་ནས་དབང་པོ་ལྔ་པོ་དག་གིས་བར་ཆད་མེད་པའི་ཏིང་ངེ་འཛིན་ལ་རེག་པར་འགྱུར་རོ། །བར་ཆད་མེད་པའི་ཏིང་ངེ་འཛིན་ལས་རྣམ་པར་གྲོལ་བའི་ཤེས་པ་སྐྱེ་བར་འགྱུར་རོ། །དེ་ནས་རྣམ་པར་གྲོལ་བའི་ཤེས་པས་ཀུན་ཏུ་སྦྱོར་བ་གསུམ་པོ་དག་སྤོང་བར་འགྱུར་ཏེ། གསུམ་གང་ཞེ་ན། འདི་ལྟ་སྟེ། འཇིག་ཚོགས་ལ་ལྟ་བ་དང ། ཐེ་ཚོམ་དང ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པ་སྟེ། ཀུན་ཏུ་སྦྱོར་བ་གསུམ་པོ་དེ་དག་སྤངས་པས་རྒྱུན་དུ་ཞུགས་པ་ཞེས་བྱའོ། །དེས་བསྒོམ་པའི་ལམ་ཐོབ་ནས་འདོད་པ་ལ་འདོད་ཆགས་དང ། གནོད་སེམས་གཉིས་སྲབ་མོར་བྱེད་པར་འགྱུར་ཏེ། དེ་ནི་ལན་གཅིག་ཕྱིར་འོང་བ་ཡིན་ནོ། །དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་འདོད་པ་ལ་འདོད་ཆགས་དང ། གནོད་སེམས་དེ་གཉིས་མ་ལུས་པར་སྤོང་བར་འགྱུར་རོ། །དེ་གཉིས་ཀ་སྤངས་པས་ཕྱིར་མི་འོང་བ་ཡིན་ནོ། །དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་གོང་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་པོ་དག་སྤོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། གཟུགས་ཀྱི་འདོད་ཆགས་དང ། གཟུགས་མེད་པའི་འདོད་ཆགས་དང ། མ་རིག་པ་དང ། ང་རྒྱལ་དང ། རྒོད་པ་སྟེ། དེས་དེ་དག་སྤངས་པས་དགྲ་བཅོམ་པར་འགྱུར་རོ་ཞེས་བྱ་བ་སྟེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་
Kha32b
དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ་འདི་ལྟར་ཤེས་ཏེ། ཀུན་འབྱུང་བའི་ཆོས་གང་ཅིའང་རུང་བ་དེ་ཐམས་ཅད་ནི་འགོག་པའི་ཆོས་ཅན་ཡིན་པར་རིག་ནས། དད་པ་ལ་སོགས་པ་དབང་པོ་ལྔ་འཐོབ་སྟེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ་འདི་ལྟར་ཤེས་ཏེ། འདི་ནི་སེམས་དང་པོ་བསྐྱེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་ཏེ། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པའོ་ཞེས་བྱ་བ་ནས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྤྱོད་པའོ་ཞེས་བྱ་བ་དང ། དེ་ནས་དད་པའི་དབང་པོ་དང ། བརྩོན་འགྲུས་ཀྱི་དབང་པོ་ཐབས་ལ་མཁས་པ་དང་ལྡན་པས་རྟག་ཏུ་ལུས་བཟང་པོ་ཡོངས་སུ་འཛིན་པར་འགྱུར་རོ། །བྱང་ཆུབ་སེམས་དཔའ་འདི་ནི་དགེ་བའི་རྩ་བའི་ཉེ་བར་རྟོན་པས་བརྟན་པ་སྟེ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་དག་གི་ནང་དུ་སྐྱེ་བར་འགྱུར་བའམ། བྲམ་ཟའི་རིགས་ཤིང་སཱ་ལ་ཆེན་པོ་ལྟ་བུ་དག་གམ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་དག་གི་ནང་དུ་སྐྱེ་བར་འགྱུར། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེ་བར་འགྱུར་བ་ནས། དེ་བཞིན་དུ་སྦྱར་ཏེ། གཞན་འཕྲུལ་དབང་བྱེད་ཀྱི་ལྷ་རྣམས་
Kha33a
༄#། །ཀྱི་ནང་དུ་སྐྱེ་བར་འགྱུར་རོ་ཞེས་བྱ་བར་ཤེས་སོ། །དེར་གནས་ནས་ཀྱང་སེམས་ཅན་རྣམས་ཡོངས་སུ་སྨིན་པར་བྱེད་ཅིང ། བདེ་བ་ཉེ་བར་སྒྲུབ་པ་ཐམས་ཅད་ཀྱིས་སེམས་ཅན་རྣམས་ལ་བསྙེན་བཀུར་བྱེད། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱང་མཉེས་པར་བྱེད། བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པ་བྱེད་དེ། ཉན་ཐོས་ཀྱི་སའམ། རང་སངས་རྒྱས་ཀྱི་སར་ལྟུང་བར་མི་འགྱུར་རོ། །བྱང་ཆུབ་སེམས་དཔའ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་ཕྱིར་ལྡོག་པར་མི་འགྱུར་ཞེས་བྱ་བར་ཤེས་ཏེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་འདི་ལྟར་ཤེས་ཏེ། བྱང་ཆུབ་སེམས་དཔའ་འདི་ནི་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །འདི་ནི་ལུང་མ་བསྟན་ཏོ། །བྱང་ཆུབ་སེམས་དཔའ་འདི་དག་ནི་རང་གི་དོན་བྱེད་པར་འགྱུར་རོ། །འདི་དག་ནི་བྱེད་པར་མི་འགྱུར་རོ། །བྱང་ཆུབ་སེམས་དཔའ་འདི་དག་ནི་ཕྱིར་ལྡོག་པའོ། །འདི་དག་ནི་ཕྱིར་མི་ལྡོག་པའོ། །བྱང་ཆུབ་སེམས་དཔའ་འདིའི་མངོན་པར་ཤེས་པ་ནི་ཡོངས་སུ་རྫོགས་
Kha33b
སོ། །འདིའི་ནི་ཡོངས་སུ་མ་རྫོགས་སོ། །བྱང་ཆུབ་སེམས་དཔའ་འདི་ནི་མངོན་པར་ཤེས་པ་ཡོངས་སུ་རྫོགས་པ་དག་གིས་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་བསྙེན་བཀུར་བྱ་བའི་ཕྱིར་དང ། བཀུར་སྟེར་བྱ་བའི་ཕྱིར་དང ། བླ་མར་བྱ་བའི་ཕྱིར་དང ། རི་མོར་བྱ་བའི་ཕྱིར་དང ། མཆོད་པར་བྱ་བའི་ཕྱིར་འགྲོའོ། །བྱང་ཆུབ་སེམས་དཔའ་འདི་ནི་མངོན་པར་ཤེས་པ་ཐོབ་བོ། །འདི་ནི་འཐོབ་པར་མི་འགྱུར་རོ། །བྱང་ཆུབ་སེམས་དཔའ་འདི་བྱང་ཆུབ་ཐོབ་པའི་སངས་རྒྱས་ཀྱི་ཞིང་ནི་ཡོངས་སུ་དག་པར་འགྱུར་རོ། །འདིའི་སངས་རྒྱས་ཀྱི་ཞིང་ནི་ཡོངས་སུ་དག་པར་མི་འགྱུར་རོ། །བྱང་ཆུབ་སེམས་དཔའ་འདིས་ནི་སེམས་ཅན་རྣམས་ཡོངས་སུ་སྨིན་པར་བྱས་སོ། །འདིས་ནི་ཡོངས་སུ་སྨིན་པར་མ་བྱས་སོ། །བྱང་ཆུབ་སེམས་དཔའ་འདི་ལ་ནི་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་སངས་རྒྱས་བཅོམ་ལྡན་འདས་རྣམས་བསྔགས་པ་བརྗོད་པར་མཛད་དོ། །འདི་ལ་ནི་བརྗོད་པར་མི་མཛད་དོ། །བྱང་ཆུབ་སེམས་དཔའ་འདི་དག་ནི་སངས་རྒྱས་བཅོམ་ལྡན་འདས་རྣམས་དང་ཉེ་བར་གནས་སོ། །གནས་པར་འགྱུར་རོ། །འདི་དག་ནི་ཉེ་བར་མི་གནས་སོ། །ཉེ་བར་གནས་པར་མི་འགྱུར་རོ། །བྱང་ཆུབ་སེམས་དཔའ་འདི་བྱང་ཆུབ་ཐོབ་པའི་ཚེ་ནི་དཔག་ཏུ་ཡོད་
Kha34a
༄#། །པར་འགྱུར་རོ། །བྱང་ཆུབ་སེམས་དཔའ་འདི་བྱང་ཆུབ་ཐོབ་པའི་ཚེ་ནི་དཔག་ཏུ་མེད་པར་འགྱུར་རོ། །བྱང་ཆུབ་སེམས་དཔའ་འདི་བྱང་ཆུབ་ཐོབ་པའི་དགེ་སློང་གི་དགེ་འདུན་ནི་དཔག་ཏུ་ཡོད་པར་འགྱུར་རོ། །འདི་ནི་དཔག་ཏུ་མེད་པར་འགྱུར་རོ། །བྱང་ཆུབ་སེམས་དཔའ་འདི་བྱང་ཆུབ་ཐོབ་པའི་བྱང་ཆུབ་སེམས་དཔའི་དགེ་འདུན་ནི་དཔག་ཏུ་ཡོད་པར་འགྱུར་རོ། །འདི་ནི་དཔག་ཏུ་མེད་པར་འགྱུར་རོ། །བྱང་ཆུབ་སེམས་དཔའ་འདི་ནི་དཀའ་བ་སྤྱད་པ་སྤྱོད་པར་འགྱུར་རོ། །འདི་ནི་སྤྱོད་པར་མི་འགྱུར་རོ། །བྱང་ཆུབ་སེམས་དཔའ་འདི་ནི་སྲིད་པ་ཐ་མ་པ་ཡིན་ནོ། །འདི་སྲིད་པ་ཐ་མ་པ་མ་ཡིན་ནོ། །བྱང་ཆུབ་སེམས་དཔའ་འདི་ནི་བྱང་ཆུབ་ཀྱི་སྙིང་པོ་ལ་འདུག་པར་འགྱུར་རོ། །འདི་ནི་འདུག་པར་མི་འགྱུར་རོ། ། བྱང་ཆུབ་སེམས་དཔའ་འདི་ལ་ནི་བདུད་འབྱུང་བར་འགྱུར་རོ། །འདི་ལ་ནི་བདུད་འབྱུང་བར་མི་འགྱུར་བར་ཤེས་པ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་སངས་རྒྱས་ཀྱི་མིག་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་
Kha34b
དཔའ་སེམས་དཔའ་ཆེན་པོ་གང་གིས་བྱང་ཆུབ་ཀྱི་སེམས་ཀྱི་མཇུག་ཐོགས་སུ་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ལ། དེའང་དེ་བཞིན་གཤེགས་པའི་སྟོབས་བཅུ་དང་ལྡན། མི་འཇིགས་པ་བཞི་དང་ལྡན། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་ལྡན་ཞིང ། བྱང་ཆུབ་སེམས་དཔའ་སེམས་དཔའ་ཆེན་པོའི་སངས་རྒྱས་ཀྱི་མིག་གང་གིས་ཀྱང་རྣམ་པ་ཐམས་ཅད་དུ་ཆོས་ཐམས་ཅད་ལམ་མཐོང་བའམ། མ་ཐོས་པའམ། མི་དྲན་པའམ། མངོན་པར་མི་ཤེས་པ་གང་ཡང་མེད་པ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་མིག་ཡོངས་སུ་དག་པ་ནི་དེ་ལྟ་བུ་སྟེ། རབ་འབྱོར། དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤིན་ཏུ་ཡོངས་སུ་དག་པའི་མིག་ལྔ་པོ་དག་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་མིག་ལྔ་པོ་དེ་དག་ཡོངས་སུ་དག་པར་བྱེད་པ་ནི་གོ་ཆ་ཆེན་པོ་བགོས་པར་རིག་པར་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་
Kha35a
༄#། །ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཆོས་གང་དག་ལ་གནས་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཆོས་གང་ལའང་གནས་པར་མི་བྱའོ། །དེ་ཅིའི་ཕྱིར་ཞེ་ན། གནས་དང ། གནས་པ་པོ་དང ། གནས་པར་བྱ་བ་དམིགས་སུ་མེད་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་ལ་གནས་པར་མི་བགྱི་ལགས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དག་ལ་གནས་པར་མི་བགྱི་ལགས་སོ། །མིག་ལ་གནས་པར་མི་བགྱི་ལགས་སོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ལ་གནས་པར་མི་བགྱི་ལགས་སོ། །དེ་བཞིན་དུ་གཟུགས་རྣམས་ལ་གནས་པར་མི་བགྱི་ལགས་སོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ལ་གནས་པར་མི་བགྱི་ལགས་སོ། །
Kha35b
མིག་གི་རྣམ་པར་ཤེས་པ་ལ་གནས་པར་མི་བགྱི་བ་ནས། ཡིད་ཀྱི་རྣམ་པར་ཤེས་པའི་བར་ལ་གནས་པར་མི་བགྱི་ལགས་སོ། །དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་ལ་གནས་པར་མི་བགྱི་ལགས་སོ། །མིག་གི་འདུས་ཏེ་རེག་པ་ལ་གནས་པར་མི་བགྱི་ལགས་སོ། །མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ལ་གནས་པར་མི་བགྱི་བ་ནས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལ་གནས་པར་མི་བགྱི་ཞིང ། སའི་ཁམས་ལ་གནས་པར་མི་བགྱི། ཆུའི་ཁམས་དང ། མེའི་ཁམས་དང ། རླུང་གི་ཁམས་ལ་གནས་པར་མི་བགྱི། ནམ་མཁའི་ཁམས་ལ་གནས་པར་མི་བགྱི། རྣམ་པར་ཤེས་པའི་ཁམས་ལ་གནས་པར་མི་བགྱི། མ་རིག་པ་ལ་གནས་པར་མི་བགྱི་བ་ནས། རྒ་ཤིའི་པར་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར། བཙུན་པ་བཅོམ་ལྡན་འདས། གཟུགས་ནི་གཟུགས་ཀྱིས་སྟོང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པས་སྟོང་སྟེ། བཙུན་པ་བཅོམ་ལྡན་འདས། གཟུགས་ཀྱི་སྟོང་པ་ཉིད་གང་ལགས་པ་དེ་གཟུགས་མ་ལགས་ལ། གཟུགས་ཀྱི་སྟོང་པ་ཉིད་ལས་གུད་ནའང་གཟུགས་མ་མཆིས་ཏེ། གཟུགས་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་གཟུགས་ལགས་པའི་སླད་དུ་སྟེ། བཙུན་པ་བཅོམ་ལྡན་འདས། རྣམ་གྲངས་དེས་ན་
Kha36a
༄#། །བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་ལ་གནས་པར་མི་བགྱི་ལགས་སོ། །དེ་བཞིན་དུ་ཚོར་བའི་སྟོང་པ་ཉིད་གང་ལགས་པ་དང ། འདུ་ཤེས་ཀྱི་སྟོང་པ་ཉིད་གང་ལགས་པ་དང ། འདུ་བྱེད་ཀྱི་སྟོང་པ་ཉིད་གང་ལགས་པ་དང ། རྣམ་པར་ཤེས་པའི་སྟོང་པ་ཉིད་གང་ལགས་པ་དེ་རྣམ་པར་ཤེས་པ་མ་ལགས་ལ། རྣམ་པར་ཤེས་པའི་སྟོང་པ་ཉིད་ལས་གུད་ནའང་རྣམ་པར་ཤེས་པ་མ་མཆིས་ཏེ། རྣམ་པར་ཤེས་པ་ཉིད་ཀྱང་སྟོང་པ་ཉིད་ལགས་ལ།་སྟོང་པ་ཉིད་ཀྱང་རྣམ་པར་ཤེས་པ་ལགས་སོ། །བཙུན་པ་བཅོམ་ལྡན་འདས། རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཚོར་བ་ལ་གནས་པར་མི་བགྱི་བ་ནས། རྣམ་པར་ཤེས་པའི་བར་ལ་གནས་པར་མི་བགྱི་ལགས་སོ། །དེ་བཞིན་དུ་སྦྱར་ཏེ། མ་རིག་པ་ལ་གནས་པར་མི་བགྱི་བ་ནས། རྒ་ཤིའི་བར་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་རྒ་ཤིའི་བར་གྱི་སྟོང་པ་ཉིད་གང་ལགས་པ་དེ་རྒ་ཤི་མ་ལགས་ལ། རྒ་ཤིའི་སྟོང་པ་ཉིད་ལས་གུད་ནའང་རྒ་ཤི་མ་མཆིས་ཏེ། རྒ་ཤི་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་རྒ་ཤི་ལགས་པའི་སླད་དུ་སྟེ། བཙུན་པ་བཅོམ་ལྡན་འདས། རྣམ་གྲངས་དེས་
Kha36b
ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། རྒ་ཤིའི་བར་ལ་གནས་པར་མི་བགྱི་ལགས་སོ། །བཙུན་པ་བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དྲན་པ་ཉེ་བར་བཞག་པ་བཞི་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་དྲན་པ་ཉེ་བར་བཞག་པ་རྣམས་ནི་དྲན་པ་ཉེ་བར་བཞག་པ་རྣམས་ཀྱིས་སྟོང་སྟེ། དྲན་པ་ཉེ་བར་བཞག་པ་རྣམས་ལས་གུད་ནའང་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་དྲན་པ་ཉེ་བར་བཞག་པ་རྣམས་མ་མཆིས་ཏེ། དྲན་པ་ཉེ་བར་བཞག་པ་རྣམས་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་དྲན་པ་ཉེ་བར་བཞག་པ་རྣམས་ལགས་པའི་སླད་དུའོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱིས་སྟོང་སྟེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལས་གུད་ནའང་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་མ་མཆིས་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་སངས་རྒྱས་ཀྱི་ཆོས་མ་
Kha37a
༄#། །འདྲེས་པ་བཅོ་བརྒྱད་ལགས་པའི་སླད་དུའོ། །བཙུན་པ་བཅོམ་ལྡན་འདས། རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་གནས་པར་མི་བགྱི་ལགས་སོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཅུ་གཅིག་པ། བཙུན་པ་བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། སྦྱིན་པའི་ཕ་རོལ་ཏུ་ཕྱིན་པ་ལ་གནས་པར་མི་བགྱི་ལགས། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ནི། ཤེས་རབ་ཀྱི་ཕ་རོལ་ཏུ་ཕྱིན་པས་སྟོང་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་གུད་ན་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཀྱང་སྟེང་པ་ཉིད་ལགས་ལ། སྟོང་པ་ཉིད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ལགས་པའི་སླད་དུ་སྟེ། བཙུན་པ་བཅོམ་ལྡན་འདས། རྣམ་གྲངས་དེས་
Kha37b
ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། སྦྱིན་པའི་ཕ་རོལ་ཏུ་ཕྱིན་པ་ལ་གནས་པར་མི་བགྱི་བ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་གནས་པར་མི་བགྱི་ལགས་སོ། །བཙུན་པ་བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཡིག་འབྲུ་རྣམས་ལ་གནས་པར་མི་བགྱི། ཡི་གེ་བསྒྲུབ་པ་རྣམས་ལ་གནས་པར་མི་བགྱི། གཅིག་བརྗོད་པ་དང ། གཉིས་བརྗོད་པ་དང ། མང་པོ་བརྗོད་པའི་བར་དག་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་ཡིག་འབྲུ་རྣམས་ནི་ཡིག་འབྲུ་རྣམས་ཀྱིས་སྟོང་པའི་སླད་དུའོ། །དེ་བཞིན་དུ་སྦྱར་ཏེ། ལེའུ་གོང་མར་ཇི་སྐད་བསྟན་པ་དེ་ཁོ་ན་བཞིན་དུ་སྦྱར་བར་བགྱིའོ། །བཙུན་པ་བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་མངོན་པར་ཤེས་པ་རྣམས་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་མངོན་པར་ཤེས་པ་རྣམས་ནི་མངོན་པར་ཤེས་པ་རྣམས་ཀྱིས་སྟོང་སྟེ། མངོན་པར་ཤེས་པ་གང་ལགས་པ་དེ་ནི་སྟོང་པ་ཉིད་མ་ལགས། སྟོང་པ་ཉིད་གང་ལགས་པ་དེའང་མངོན་པར་ཤེས་པ་རྣམས་མ་ལགས་ཤིང ། མངོན་པར་ཤེས་པ་རྣམས་ལས་གུད་ནའང་སྟོང་པ་ཉིད་མ་མཆིས་ལ།
Kha38a
༄#། །སྟོང་པ་ཉིད་ལས་གུད་ནའང་མངོན་པར་ཤེས་པ་རྣམས་མ་མཆིས་ཏེ། མངོན་པར་ཤེས་པ་རྣམས་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་མངོན་པར་ཤེས་པ་རྣམས་ལགས་པའི་སླད་དུ་སྟེ། བཙུན་པ་བཅོམ་ལྡན་འདས། རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། མངོན་པར་ཤེས་པ་རྣམས་ལ་གནས་པར་མི་བགྱི་ལགས་སོ། །བཙུན་པ་བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་མི་རྟག་ཅེས་བགྱི་བར་གནས་པར་མི་བགྱི་ལགས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མི་རྟག་ཅེས་བགྱི་བར་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་གཟུགས་མི་རྟག་པ་ཉིད་གཟུགས་མི་རྟག་པ་ཉིད་ཀྱིས་སྟོང་སྟེ། གཟུགས་མི་རྟག་པ་ཉིད་གང་ལགས་པ་དེ་སྟོང་པ་ཉིད་མ་ལགས། སྟོང་པ་ཉིད་གང་ལགས་པ་དེའང་གཟུགས་མི་རྟག་པ་ཉིད་མ་ལགས། གཟུགས་མི་རྟག་པ་ཉིད་ལས་གུད་ནའང་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་གཟུགས་མི་རྟག་པ་ཉིད་མ་མཆིས་ཏེ། གཟུགས་མི་རྟག་པ་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་གཟུགས་མི་རྟག་པ་ཉིད་ལགས་པའི་སླད་དུའོ། །དེ་
Kha38b
བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དག་ལའང་རྒྱ་ཆེར་སྦྱར་བར་བགྱི་སྟེ། བཙུན་པ་བཅོམ་ལྡན་འདས། རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་མི་རྟག་པ་ཉིད་ནས། རྣམ་པར་ཤེས་པ་མི་རྟག་པ་ཉིད་ཀྱི་བར་ལ་གནས་པར་མི་བགྱི་ལགས་སོ། །དེ་བཞིན་དུ་སྦྱར་ཏེ་གཟུགས་ནས་རྣམ་པར་ཤེས་པའི་བར་ལ་བདེ་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་སྡུག་བསྔལ་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་སྟོང་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་མཚན་མ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་སྨོན་པ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་ཞི་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་དབེན་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་ཀུན་ནས་ཉོན་མོངས་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་
Kha39a
༄#། །བར་ལ་སྐྱེ་བ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་འགག་པ་མ་མཆིས་ཞེས་བགྱི་པར་གནས་པར་མི་བགྱི་ལགས་སོ། །གཟུགས་ནས་རྣམ་པར་ཤེས་པའི་བར་ལ་དངོས་པོ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། གཟུགས་ཀྱི་ཕུང་པོར་ཇི་སྐད་བསྟན་པ་དེ་བཞིན་དུ་སྦྱར་བར་བགྱི་བའི་སླད་དུའོ། །བཙུན་པ་བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཆོས་ཀྱི་དེ་བཞིན་ཉིད་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་ཆོས་ཀྱི་དེ་བཞིན་ཉིད་ནི་ཆོས་ཀྱི་དེ་བཞིན་ཉིད་ཀྱིས་སྟོང་སྟེ།་ཆོས་ཀྱི་དེ་བཞིན་ཉིད་ལས་གུད་ནའང་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་ཆོས་ཀྱི་དེ་བཞིན་ཉིད་མ་མཆིས་ཏེ། ཆོས་ཀྱི་དེ་བཞིན་ཉིད་ཀྱང་སྟོང་པ་ཉིད་ལགས། སྟོང་པ་ཉིད་ཀྱང་ཆོས་ཀྱི་དེ་བཞིན་ཉིད་ལགས་པའི་སླད་དུའོ། །བཙུན་པ་བཅོམ་ལྡན་འདས། རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཆོས་ཀྱི་དེ་བཞིན་ཉིད་ལ་གནས་པར་མི་བགྱི་བ་ནས། དེ་བཞིན་དུ་སྦྱར་ཏེ། ཆོས་ཉིད་དང ། ཆོས་ཀྱི་དབྱིངས་དང ། ཆོས་སྐྱོན་མེད་པ་ཉིད་དང ། ཡང་དག་པའི་
Kha39b
མཐའ་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། སྔ་མ་ཇི་ལྟ་བ་དེ་བཞིན་དུ་སྦྱར་བར་བགྱི་བའི་སླད་དུའོ། །བཙུན་པ་བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་གཟུངས་ཀྱི་སྒོ་ཐམས་ཅད་དང ། ཏིང་ངེ་འཛིན་གྱི་སྒོ་ཐམས་ཅད་ལ་གནས་པར་མི་བགྱི་ལགས་སོ། །དེ་ཅིའི་སླད་དུ་ཞེ་ན། འདི་ལྟར་གཟུངས་ཀྱི་སྒོ་རྣམས་དང ། ཏིང་ངེ་འཛིན་གྱི་སྒོ་རྣམས་ནི་གཟུངས་ཀྱི་སྒོ་རྣམས་དང ། ཏིང་ངེ་འཛིན་གྱི་སྒོ་རྣམས་ཀྱིས་སྟོང་སྟེ། སྔ་མ་བཞིན་དུ་རྒྱ་ཆེར་སྦྱར་བར་བགྱིའོ། །བཙུན་པ་བཅོམ་ལྡན་འདས། འདི་ལྟ་སྟེ། བྱང་ཆུབ་སེམས་དཔའ་ཐབས་ལ་མི་མཁས་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་བདག་ཏུ་འཛིན་པ་དང ། བདག་གིར་འཛིན་པར་གྱུར་པའི་ཡིད་ཀྱིས་གཟུགས་ལ་སྤྱོད་ཅིང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་སྤྱོད་ན། དེ་ལྟ་ན་གཟུགས་མངོན་པར་འདུ་བགྱིད་པ་ལ་སྤྱོད་པ་ལགས་ཤིང ། དེ་བཞིན་དུ་ཚོར་བ་མངོན་པར་འདུ་བགྱིད་པ་དང ། འདུ་ཤེས་མངོན་པར་འདུ་བགྱིད་པ་དང ། འདུ་བྱེད་མངོན་པར་འདུ་བགྱིད་པ་དང ། རྣམ་པར་ཤེས་པ་མངོན་པར་འདུ་བགྱིད་པ་ལ་སྤྱོད་པ་ལགས་ཏེ། མངོན་པར་འདུ་བགྱིད་པ་ལ་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མི་འཛིན་ཅིང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་
Kha40a
༄#། །རྣལ་འབྱོར་དུ་བགྱིད་པ་མ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་རྫོགས་པར་ནི་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་མི་འགྱུར་ལགས་སོ། །བཙུན་པ་བཅོམ་ལྡན་འདས། འདི་ལྟ་སྟེ། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་མི་མཁས་པས་བདག་ཏུ་འཛིན་པ་དང ། བདག་གིར་འཛིན་པར་གྱུར་པའི་ཡིད་ཀྱིས་དེ་གཟུགས་ལ་སྤྱོད་ཅིང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་སྤྱོད་ན། དེ་ལྟར་ན་གཟུགས་མངོན་པར་འདུ་བགྱིད་པ་ལ་སྤྱོད་པ་ལགས་ཤིང ། དེ་བཞིན་དུ་ཚོར་བ་མངོན་པར་འདུ་བགྱིད་པ་དང ། འདུ་ཤེས་མངོན་པར་འདུ་བགྱིད་པ་དང ། འདུ་བྱེད་མངོན་པར་འདུ་བགྱིད་པ་དང ། རྣམ་པར་ཤེས་པ་མངོན་པར་འདུ་བགྱིད་པ་ལ་སྤྱོད་པ་ལགས་ལ། མངོན་པར་འདུ་བགྱིད་པ་ལ་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་མ་ལགས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་བགྱིད་པ་མ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་རྫོགས་པར་ནི་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་མི་འགྱུར་ལགས་སོ། །བཙུན་པ་བཅོམ་ལྡན་འདས། འདི་ལྟ་སྟེ། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མི་མཁས་པས་བདག་ཏུ་འཛིན་པ་
Kha40b
དང ། བདག་གིར་འཛིན་པའི་ཡིད་ཀྱིས་དེ་བཞིན་དུ་སྦྱར་ཏེ། གཟུངས་ཀྱི་སྒོ་རྣམས་དང ། ཏིང་ངེ་འཛིན་གྱི་སྒོ་རྣམས་ཀྱི་བར་ལ་སྤྱོད་ན་གཟུངས་ཀྱི་སྒོ་དང ། ཏིང་ངེ་འཛིན་གྱི་སྒོ་མངོན་པར་འདུ་བགྱིད་པ་ལ་སྤྱོད་པ་ལགས་ཏེ། མངོན་པར་འདུ་བགྱིད་པ་ལ་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་མ་ལགས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་བགྱིད་པ་མ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་རྫོགས་པར་ནི། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་མི་འགྱུར་ལགས་སོ། །དེ་ཅིའི་སླད་དུ་ཞེ་ན། འདི་ལྟར་གཟུགས་ནི་ཡོངས་སུ་གཟུང་བ་མ་མཆིས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་ཡོངས་སུ་གཟུང་བ་མ་མཆིས་པའི་སླད་དུའོ། །གཟུགས་ཀྱི་གཟུང་བ་མ་མཆིས་པ་དེ་ནི་རང་བཞིན་གྱིས་སྟོང་པ་ཉིད་ཀྱི་སླད་དུ་གཟུགས་མ་ལགས་སོ། །དེ་བཞིན་དུ་ཚོར་བ་གང་ལགས་པ་དང ། འདུ་ཤེས་གང་ལགས་པ་དང ། འདུ་བྱེད་རྣམས་གང་ལགས་པ་དང ། རྣམ་པར་ཤེས་པའི་ཡོངས་སུ་གཟུང་བ་མ་མཆིས་པ་གང་ལགས་པ་དེ་ནི་རང་བཞིན་གྱིས་སྟོང་པ་ཉིད་ཀྱི་སླད་དུ་རྣམ་པར་ཤེས་པ་མ་ལགས་སོ། །དེ་བཞིན་དུ་སྦྱར་ཏེ། གཟུངས་ཀྱི་སྒོ་རྣམས་དང ། ཏིང་ངེ་འཛིན་སྒོ་རྣམས་ནི་ཡོངས་སུ་གཟུང་བ་མ་མཆིས་པ་ལགས་སོ། །གཟུངས་
Kha41a
༄#། །ཀྱི་སྒོ་རྣམས་དང ། ཏིང་ངེ་འཛིན་གྱི་སྒོ་རྣམས་ཀྱི་ཡོངས་སུ་གཟུང་བ་མ་མཆིས་པ་གང་ལགས་པ་དེ་ནི་རང་བཞིན་གྱིས་སྟོང་པ་ཉིད་ཀྱི་སླད་དུ། གཟུངས་ཀྱི་སྒོ་རྣམས་དང ། ཏིང་ངེ་འཛིན་གྱི་སྒོ་རྣམས་མ་ལགས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་དེའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཡོངས་སུ་གཟུང་བ་མ་མཆིས་པ་ལགས་སོ། ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པས། ཆོས་ཐམས་ཅད་རང་བཞིན་གྱིས་སྟོང་པར་ཉེ་བར་བརྟག་པར་བགྱི་སྟེ། ཅི་ནས་ཀྱང་ཆོས་གང་ལའང་ཡིད་རྣམ་པར་རྒྱུ་བར་མི་འགྱུར་བ་དེ་ལྟར་ཉེ་བར་བརྟག་པར་བགྱི་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཡོངས་སུ་གཟུང་བ་མ་མཆིས་པའི་ཏིང་ངེ་འཛིན་གྱི་དཀྱིལ་འཁོར་གྱི་ཡོ་བྱད་ཡངས་པ། ཚད་མ་མཆིས་པ། ཚད་མ་ངེས་པ། ཉན་ཐོས་དང ། རང་སངས་རྒྱས་ཐམས་ཅད་དང་ཐུན་མོང་མ་ལགས་པའོ། །རྣམ་པ་ཐམས་ཅད་མཁྱེན་པ་ཉིད་དེའང་ནང་སྟོང་པ་ཉིད་ཀྱི་སླད་དུ་དང ། ཕྱི་སྟོང་པ་ཉིད་ཀྱི་སླད་དུ་དང ། དེ་བཞིན་དུ་ཕྱི་ནང་སྟོང་པ་ཉིད་ཀྱི་སླད་དུ་དང ། སྟོང་པ་ཉིད་སྟོང་པ་ཉིད་ཀྱི་སླད་དུ་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང །
Kha41b
དོར་བ་མེད་པ་སྟོང་པ་ཉིད་དང ། རང་བཞིན་གྱིས་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་སླད་དུ་ཡོངས་སུ་གཟུང་བ་མ་མཆིས་པ་ལགས་སོ། །དེ་ཅིའི་སླད་དུ་ཞེ་ན། དེ་ནི་མཚན་མས་བསྒྲུབ་པར་བགྱི་བ་མ་ལགས་པའི་སླད་དུའོ། །དེ་ཅིའི་སླད་དུ་ཞེ་ན། མཚན་མ་ནི་ཉོན་མོངས་པ་ལགས་པའི་སླད་དུའོ། །མཚན་མའང་གང་ལགས་ཤེ་ན། འདི་ལྟ་སྟེ། གཟུགས་ནི་མཚན་མ་ལགས་སོ། །སྒྲ་དང ། དྲི་དང ། རོ་དང ། རེག་བྱ་དང ། ཆོས་ནི་མཚན་མ་ལགས་སོ། །དེ་བཞིན་དུ་སྦྱར་ཏེ། གཟུངས་ཀྱི་སྒོ་རྣམས་ནི་མཚན་མ་ལགས་སོ། །ཏིང་ངེ་འཛིན་གྱི་སྒོ་རྣམས་ཀྱི་བར་དུ་ནི་མཚན་མ་ལགས་ཏེ། དེ་ནི་མཚན་མ་ཞེས་བགྱིའོ། །ཉོན་མོངས་པའང་དེ་ལགས་ཏེ། དེ་ནི་གཟུང་བར་མི་བགྱི། གོམས་པར་མི་བགྱི་ལགས་སོ། །དེ་ལྟ་མ་ལགས་ན་ནི། ཀུན་ཏུ་རྒྱུ་བཟོ་སྦྱངས་ཀྱང་ཐམས་ཅད་མཁྱེན་པའི་ཡེ་ཤེས་འདི་ལ་དད་པར་མི་འགྱུར་ལགས་སོ། །དད་པ་དེའང་གང་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡིད་ཆེས་པ་དང ། རྟོག་པ་དང ། མོས་པ་དང ། བརྟེན་པ་དང ། སེམས་པ་དང ། འཇལ་བ་དང ། དཔྱོད་པ་སྟེ། དེའང་མཚན་མའི་ཚུལ་དུ་མ་ལགས་ཏེ། དེ་ལྟར་ན་མཚན་མ་དེ་གཟུང་བར་མི་
Kha42a
༄#། །བགྱི་ལགས་སོ། །ཀུན་ཏུ་རྒྱུ་བཟོ་སྦྱངས་ཀྱང་མོས་ནས་དད་པས་རྗེས་སུ་འབྲང་ཞིང་རང་བཞིན་གྱིས་སྟོང་པ་ཉིད་དུ་ཤེས་པས་ཞུགས་ནས། གཟུགས་ཡོངས་སུ་མ་བཟུང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མཚན་མར་ཡོངས་སུ་མ་བཟུང་བ་ལགས་སོ། །དེ་ཅིའི་སླད་དུ་ཞེ་ན། འདི་ལྟར་དེ་ལ་རང་གི་མཚན་ཉིད་ཀྱིས་སྟོང་པའི་ཆོས་རྣམས་ལ་ཡོངས་སུ་གཟུང་བ་མི་སྐྱེ་བའི་སླད་དུའོ། །དེ་ཅིའི་སླད་དུ་ཞེ་ན། འདི་ལྟར་དེས་ཤེས་པ་དེ་ནང་གི་མངོན་པར་རྟོགས་པ་ཐོབ་པས་ཡང་དག་པར་རྗེས་སུ་མ་མཐོང ། ཕྱིའི་མངོན་པར་རྟོགས་པ་ཐོབ་པ་དང ། ཕྱི་ནང་གི་མངོན་པར་རྟོགས་པ་ཐོབ་པས་ཤེས་པ་དེ་ཡང་དག་པར་རྗེས་སུ་མ་མཐོང་ལ། ནང་སྟོང་པ་ཉིད་ཀྱི་སླད་དུ་ཤེས་པ་དེ་ཤེས་པ་དང ། མངོན་པར་རྟོགས་པ་ལས་གཞན་དུ་ཡང་དག་པར་རྗེས་སུ་མ་མཐོང་བའི་སླད་དུའོ། །དེ་ཅིའི་སླད་དུ་ཞེ་ན། འདི་ལྟར་དེས་གང་གིས་ཤེས་པར་བགྱིད་པ་དང ། གང་ཤེས་པར་བགྱིད་པ་དང ། གང་ལས་ཤེས་པར་བགྱི་བའི་ཆོས་དེ་ཡང་དག་པར་རྗེས་སུ་མ་མཐོང་སྟེ། ཤེས་པ་དེ་གཟུགས་ནས་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་བར་གྱི་ནང་དུ་ཡང་དག་པར་རྗེས་སུ་མ་མཐོང ། ཤེས་པ་དེ་གཟུགས་ནས་རྣམ་པར་ཤེས་པའི་བར་གྱི་ཕྱི་རོལ་
Kha42b
ཏུ་ཡང་དག་པར་རྗེས་སུ་མ་མཐོང ། ཤེས་པ་དེ་གཟུགས་ནས་རྣམ་པར་ཤེས་པའི་བར་གྱི་ནང་དང ། ཕྱི་རོལ་ཏུ་ཡང་དག་པར་རྗེས་སུ་མ་མཐོང ། གཟུགས་ལས་གཞན་དུ་ཤེས་པ་དེ་ཡང་དག་པར་རྗེས་སུ་མ་མཐོང ། ཚོར་བ་དང ། འདུ་ཤེས་དང ། འདུ་བྱེད་རྣམས་ལས་གཞན་དུ་ཡང་དག་པར་རྗེས་སུ་མ་མཐོང ། ཤེས་པ་དེ་རྣམ་པར་ཤེས་པ་ལས་གཞན་དུ་ཡང་དག་པར་རྗེས་སུ་མ་མཐོང་བའི་སླད་དུའོ། །རྣམ་གྲངས་འདི་ལ་ཀུན་ཏུ་རྒྱུ་བཟོ་སྦྱངས་མོས་པར་གྱུར་ཏེ། དེ་ཆོས་འདི་ལ་མོས་ནས་ཐམས་ཅད་མཁྱེན་པ་ཉིད་ལ་དད་པས་རྗེས་སུ་འབྲང་བར་གྱུར་ཏོ། །དེ་ལྟ་བས་ན་ཆོས་ཐམས་ཅད་མི་དམིགས་པའི་སླད་དུ་ཆོས་ཉིད་ཚད་མར་བགྱིས་ནས། མཚན་མ་ཡིད་ལ་མི་བགྱིད་པས་ཅི་ནས་ཀྱང་དེས་ཆོས་གང་ཡང་ཡོངས་སུ་གཟུང་བ་མ་མཆིས་པ་དེ་ལྟར་མོས་ལགས་སོ། །ཆོས་ཐམས་ཅད་ཡོངས་སུ་གཟུང་བ་མ་མཆིས་པའི་སླད་དུ་དེས་གང་གཟུང་བར་བགྱི་བའམ། གཏང་བར་བགྱི་བའི་ཆོས་གང་ཡང་མ་དམིགས་ཏེ། ཆོས་ཐམས་ཅད་རློམ་སེམས་མ་མཆིས་པའི་སླད་དུ། དེ་མྱ་ངན་ལས་འདས་པས་ཀྱང་རློམ་སེམས་སུ་མི་བགྱིད་ལགས་སོ། །བཙུན་པ་བཅོམ་ལྡན་འདས། ཆོས་ཐམས་ཅད་ཡོངས་སུ་གཟུང་བ་མ་མཆིས་པའི་སླད་དུ། གང་གཟུགས་ཡོངས་སུ་མི་འཛིན་ཅིང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་མི་འཛིན་པ་དང །
Kha43a
༄#། །དེ་བཞིན་དུ་སྦྱར་ཏེ། ཆོས་ཐམས་ཅད་ཡོངས་སུ་གཟུང་བ་མ་མཆིས་པའི་སླད་དུ་གཟུངས་ཀྱི་སྒོ་ཐམས་ཅད་དང ། ཏིང་ངེ་འཛིན་གྱི་སྒོ་ཐམས་ཅད་ཀྱི་བར་དུ་ཡོངས་སུ་མི་འཛིན་པ་ནི། ཕ་རོལ་ནས་ཕ་རོལ་ཏུ་མཆི་བ་མ་མཆིས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ཀྱང་རློམ་སེམས་སུ་མི་བགྱིད་ལགས་སོ། །དེ་ནི་དྲན་པ་ཉེ་བར་བཞག་པ་བཞི་ནས། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡོངས་སུ་མ་རྫོགས་པར་བར་མ་དོར་ཡོངས་སུ་མྱ་ངན་ལས་མི་འདའ་ལགས་སོ། །དེ་ཅིའི་སླད་དུ་ཞེ་ན། འདི་ལྟར་དྲན་པ་ཉེ་བར་བཞག་པ་དེ་དག་དྲན་པ་ཉེ་བར་བཞག་པ་མ་ལགས་པར་ཡང་དག་པར་རྗེས་སུ་མཐོང་བ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་སངས་རྒྱས་ཀྱི་ཆོས་རྣམས་མ་ལགས་པར་ཡང་དག་པར་རྗེས་སུ་མཐོང་བའི་སླད་དུ་སྟེ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་གང་གཟུགས་ཡོངས་སུ་མི་འཛིན་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་མི་འཛིན་པ་ནས་དེ་བཞིན་དུ་སྦྱར་ཏེ། གཟུངས་ཀྱི་སྒོ་ཐམས་ཅད་དང ། ཏིང་ངེ་འཛིན་གྱི་སྒོ་ཐམས་ཅད་ཀྱི་བར་
Kha43b
དུ་ཡོངས་སུ་མི་འཛིན་པ་དང ། དྲན་པ་ཉེ་བར་བཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡོངས་སུ་མི་འཛིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལགས་སོ། །བཙུན་པ་བཅོམ་ལྡན་འདས། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་འདི་ལྟར་ཉེ་བར་བརྟག་པར་བགྱི་སྟེ། ཀྱེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་གང ། གང་གིས་ན་འདི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། འདི་གང་གི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། འདི་ཅིའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བརྟག་པར་བགྱི་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནའང་འདི་སྙམ་དུ་ཆོས་གང་ཡང་མེད་ཅིང་མི་དམིགས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པའོ་སྙམ་དུ་ངེས་པར་སེམས་པར་བགྱིད་དོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཆོས་མེད་ཅིང་མི་དམིགས་པ་གང་ཡིན།་སྨྲས་པ། ནང་སྟོང་པ་ཉིད་ཀྱི་ཕྱིར་དང ། ཕྱི་སྟོང་པ་ཉིད་ཀྱི་ཕྱིར་དང ། ཕྱི་ནང་སྟོང་པ་ཉིད་ཀྱི་ཕྱིར་དང ། སྟོང་པ་ཉིད་སྟོང་པ་ཉིད་ཀྱི་ཕྱིར་དང ། ཆེན་པོ་སྟོང་པ་ཉིད་ཀྱི་ཕྱིར་དང ། དོན་དམ་པ་
Kha44a
༄#། །སྟོང་པ་ཉིད་ཀྱི་ཕྱིར་དང ། འདུས་བྱས་སྟོང་པ་ཉིད་ཀྱི་ཕྱིར་དང ། འདུས་མ་བྱས་སྟོང་པ་ཉིད་ཀྱི་ཕྱིར་དང ། མཐའ་ལས་འདས་པ་སྟོང་པ་ཉིད་ཀྱི་ཕྱིར་དང ། ཐོག་མ་དང་ཐ་མ་མེད་པ་སྟོང་པ་ཉིད་ཀྱི་ཕྱིར་དང ། དོར་བ་མེད་པ་སྟོང་པ་ཉིད་ཀྱི་ཕྱིར་དང ། རང་བཞིན་གྱིས་སྟོང་པ་ཉིད་ཀྱི་ཕྱིར་དང ། རང་གི་མཚན་ཉིད་སྟོང་པ་ཉིད་ཀྱི་ཕྱིར་དང ། ཆོས་ཐམས་ཅད་སྟོང་པ་ཉིད་ཀྱི་ཕྱིར་དང ། མི་དམིགས་པ་སྟོང་པ་ཉིད་ཀྱི་ཕྱིར་དང ། དངོས་པོ་མེད་པ་སྟོང་པ་ཉིད་ཀྱི་ཕྱིར་དང ། ངོ་བོ་ཉིད་སྟོང་པ་ཉིད་ཀྱི་ཕྱིར་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་ཕྱིར། ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པའི་ཆོས་ནི་མེད་ཅིང་མི་དམིགས་སོ། །དེ་བཞིན་དུ་སྦྱར་ཏེ། བསམ་གཏན་གྱི་ཕ་རོལ་ཏུ་ཕྱིན་པའི་ཆོས་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་ཆོས་དང ། ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པའི་ཆོས་ནི་མེད་ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། གཞན་ཡང་ནང་སྟོང་པ་ཉིད་ཀྱི་ཕྱིར་དང ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་གཟུགས་མེད་ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མེད་
Kha44b
ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ནང་སྟོང་པ་ཉིད་ཀྱང་མེད་ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་མེད་ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། དྲན་པ་ཉེ་བར་བཞག་པ་རྣམས་མེད་ཅིང་མི་དམིགས་སོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མེད་ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། མངོན་པར་ཤེས་པ་དྲུག་མེད་ཅིང་མི་དམིགས་སོ། །དེ་བཞིན་ཉིད་མེད་ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ཆོས་རྣམས་ཀྱི་ཆོས་ཉིད་དང ། ཆོས་གནས་པ་ཉིད་དང ། ཆོས་སྐྱོན་མེད་པ་ཉིད་དང ། ཡང་དག་པའི་མཐའི་བར་དུ་མེད་ཅིང་མི་དམིགས་སོ། །རྒྱུན་དུ་ཞུགས་པ་མེད་ཅིང་མི་དམིགས་པ་ནས། དགྲ་བཅོམ་པའི་བར་དུ་མེད་ཅིང་མི་དམིགས་སོ། །རང་སངས་རྒྱས་མེད་ཅིང་མི་དམིགས་སོ། །བྱང་ཆུབ་སེམས་དཔའ་མེད་ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། སངས་རྒྱས་ཞེས་བྱ་བ་མེད་ཅིང་མི་དམིགས་སོ། །ཚེ་དང་ལྡན་པ་ཤཱ་རདྭ་ཏིའི་བུ། རྣམ་པ་ཐམས་ཅད་མཁྱེན་པ་ཉིད་ཀྱང་མེད་ཅིང་མི་དམིགས་སོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན །
Kha45a
༄#། །དེ་ལྟར་ཉེ་བར་རྟོག་པར་བྱེད་ཅིང ། ངེས་པར་སེམས་པར་བྱེད་ལ། དེ་ལྟར་ཉེ་བར་རྟོག་པར་བྱེད་ཅིང ། དེ་ལྟར་ངེས་པར་སེམས་པ་ན། གལ་ཏེ་སེམས་མི་ཞུམ་མི་འགོང་ལ། མི་སྐྲག་མི་དངང་ཞིང་དངང་བར་མི་འགྱུར་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་རིག་པར་བྱའོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅིའི་ཕྱིར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་རིག་པར་བྱ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། གཟུགས་ནི་གཟུགས་ཀྱི་རང་བཞིན་དང་བྲལ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པའི་རང་བཞིན་དང་བྲལ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚེ་
Kha45b
དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་དང་བྲལ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང ། ཡང་དག་པའི་མཐའི་བར་ནི་ཡང་དག་པའི་མཐའི་རང་བཞིན་དང་བྲལ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚེ་དང་ལྡན་པ་ཤཱ་རདྭ་ཏིའི་བུ། རྒྱུ་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་རིག་པར་བྱའོ། །དེ་སྐད་ཅེས་སྨྲས་པ་དང།་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། གཟུགས་ཀྱི་རང་བཞིན་གང་ཡིན། ཚོར་བ་དང ། འདུ་ཤེས་དང ། འདུ་བྱེད་རྣམས་ཀྱི་རང་བཞིན་གང་ཡིན། རྣམ་པར་ཤེས་པའི་རང་བཞིན་གང་ཡིན། ཚེ་དང་ལྡན་པ་རབ་འབྱོར། དེ་བཞིན་དུ་སྦྱར་ཏེ། ཡང་དག་པའི་མཐའི་བར་གྱི་རང་
Kha46a
༄#། །བཞིན་གང་ཡིན། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། གཟུགས་ཀྱི་རང་བཞིན་ནི་དངོས་པོ་མེད་པའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་རང་བཞིན་ནི་དངོས་པོ་མེད་པའོ། །དེ་བཞིན་དུ་སྦྱར་ཏེ། ཡང་དག་པའི་མཐའི་བར་གྱི་རང་བཞིན་ནི་དངོས་པོ་མེད་པའོ། །ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་འདི་ལྟར་རིག་པར་བྱ་སྟེ། ཇི་ལྟར་གཟུགས་གཟུགས་ཀྱི་རང་བཞིན་དང་བྲལ་བ་དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པའི་རང་བཞིན་དང་བྲལ་བ་ནས། དེ་བཞིན་དུ་སྦྱར་ཏེ། ཡང་དག་པའི་མཐའི་བར་ནི་ཡང་དག་པའི་མཐའི་མཚན་ཉིད་དང་བྲལ་བ། མཚན་ཉིད་ཀྱང་རང་བཞིན་དང་བྲལ་བ་ཡིན་ལ། རང་བཞིན་ཡང་མཚན་ཉིད་དང་བྲལ་བར་རིག་པར་བྱའོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་བསླབ་པ་འདི་ལ་སློབ་པ་དེ་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ། སྨྲས་པ། ཚེ་དང་ལྡན་
Kha46b
པ་ཤཱ་རདྭ་ཏིའི་བུ། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་བསླབ་པ་འདི་ལ་སློབ་པ་དེ་ནི་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། ཆོས་ཐམས་ཅད་ནི་མ་སྐྱེས་ཤིང་ངེས་པར་འབྱུང་བ་མེད་པའི་ཕྱིར་རོ། །སྨྲས་པ། ཚེ་དང་ལྡན་པ་རབ་འབྱོར། ཅིའི་ཕྱིར་ཆོས་ཐམས་ཅད་མ་སྐྱེས་ཤིང་ངེས་པར་འབྱུང་བ་མེད་པ་ཡིན། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། གཟུགས་ནི་གཟུགས་ཀྱིས་སྟོང་སྟེ། དེ་ལ་ནི་སྐྱེས་པའང་མེད་ཅིང་བྱུང་བའང་དམིགས་སུ་མེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པའི་རང་བཞིན་གྱིས་སྟོང་སྟེ། དེ་ལ་ནི་སྐྱེས་པའང་མེད་ཅིང་བྱུང་བའང་དམིགས་སུ་མེད་དོ། །དེ་བཞིན་དུ་སྦྱར་ཏེ། ཡང་དག་པའི་མཐའི་བར་ནི་ཡང་དག་པའི་མཐའི་རང་བཞིན་གྱིས་སྟོང་སྟེ། དེ་ལ་ནི་སྐྱེས་པའང་མེད་ཅིང་བྱུང་བའང་དམིགས་སུ་མེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མི་གནས་པའི་ལེའུ་ཞེས་བྱ་སྟེ་བཅུ་གཅིག་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་མི་མཁས་པས་གཟུགས་
Kha47a
༄#། །ལ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །ཡང་གལ་ཏེ་གཟུགས་ལ་རྟག་ཅེས་བགྱི་བའམ། མི་རྟག་ཅེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང།་འདུ་བྱེད་རྣམས་དང ། རྣམ་པར་ཤེས་པ་ལ་རྟག་ཅེས་བགྱི་བའམ། མི་རྟག་ཅེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་གཟུགས་ལ་བདེ་ཞེས་བགྱི་བའམ། སྡུག་བསྔལ་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་བདེ་ཞེས་བགྱི་བའམ། སྡུག་བསྔལ་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་བདག་མཆིས་ཞེས་བགྱི་བའམ། བདག་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་བདག་མཆིས་ཞེས་བགྱི་བའམ། བདག་མ་མཆིས་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་སྟོང་ཞེས་བགྱི་བའམ། མི་སྟོང་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་
Kha47b
དང།་འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་སྟོང་ཞེས་བགྱི་བའམ། མི་སྟོང་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་མཚན་མ་མཆིས་ཞེས་བགྱི་བའམ། མཚན་མ་མཆིས་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མཚན་མ་མཆིས་ཞེས་བགྱི་བའམ། མཚན་མ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་སྨོན་པ་མཆིས་ཞེས་བགྱི་བའམ། སྨོན་པ་མ་མཆིས་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་སྨོན་པ་མཆིས་ཞེས་བགྱི་བའམ། སྨོན་པ་མ་མཆིས་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་ཞི་ཞེས་བགྱི་བའམ། མ་ཞི་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་ཞི་ཞེས་བགྱི་བའམ། མ་ཞི་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་དབེན་ཞེས་བགྱི་བའམ། མི་དབེན་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་
Kha48a
༄#། །རྣམས་དང ། རྣམ་པར་ཤེས་པ་ལ་དབེན་ཞེས་བགྱི་པའམ། མི་དབེན་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་ཀུན་ནས་ཉོན་མོངས་ཞེས་བགྱི་བའམ། རྣམ་པར་བྱང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་ཀུན་ནས་ཉོན་མོངས་ཞེས་བགྱི་བའམ། རྣམ་པར་བྱང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་སྐྱེ་ཞེས་བགྱི་བའམ། མི་སྐྱེ་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་སྐྱེ་ཞེས་བགྱི་བའམ། མི་སྐྱེ་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་འགག་ཅེས་བགྱི་བའམ། མི་འགག་ཅེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་འགག་ཅེས་བགྱི་བའམ། མི་འགག་ཅེས་བགྱི་བར་སྤྱོད་ན།་དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་དངོས་པོ་མཆིས་ཞེས་བགྱི་བའམ། དངོས་པོ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་
Kha48b
སོ། །དེ་བཞིན་དུ་གལ་ཏེ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་དངོས་པོ་མཆིས་ཞེས་བགྱི་བའམ། དངོས་པོ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །བཙུན་པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་མི་མཁས་པས་དྲན་པ་ཉེ་བར་བཞག་པ་རྣམས་ལ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ལ་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་དེ་བཞིན་གཤེགས་པའི་སྟོབས་བཅུ་ལ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྤྱོད་ན།་དེ་ནི་མཚན་མ་ལ་སྤྱོད་པ་ལགས་སོ། །བཙུན་པ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་སྙམ་དུ་སེམས་ཏེ།་བདག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་སྟེ། དེ་བསྒོམ་པར་བྱའོ་སྙམ་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་འདི་སྙམ་དུ་སེམས་ཏེ། བདག་ནི་བྱང་ཆུབ་སེམས་དཔའོ། །འདི་ནི་བྱང་ཆུབ་སེམས་དཔའོ་སྙམ་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། གང་དེ་ལྟར་སྤྱོད་པ་དེ་ནི་ཤེས་རབ་
Kha49a
༄#། །ཀྱི་ཕ་རོལ་ཏུ་ཕྱིན་པ་སྒོམ་པའོ་སྙམ་ན། དེ་ནི་མཚན་མ་ལ་སྤྱོད་པ་ལགས་ཏེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐབས་ལ་མི་མཁས་པ་ལགས་པར་རིག་པར་བགྱི་ལགས་སོ། །དེ་ནས་ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གལ་ཏེ་གཟུགས་ལ་གནས་ཤིང་ཀུན་ཏུ་ཤེས་ཏེ་མོས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་གནས་ཤིང་ཀུན་ཏུ་ཤེས་ཏེ་མོས་ལ། དེ་གཟུགས་ལ་གནས་ཤིང་ཀུན་ཏུ་ཤེས་ཏེ་མོས་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་པ་ན། གཟུགས་ཀྱི་མངོན་པར་འདུ་བྱེད་པ་ལ་སྤྱོད་པ་ཡིན། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་མངོན་པར་འདུ་བྱེད་པ་ལ་སྤྱོད་པ་ཡིན་ནོ། །གཟུགས་ཀྱི་མངོན་པར་འདུ་བྱེད་པ་ལ་སྤྱོད་པ་ནས་རྣམ་པར་ཤེས་པའི་མངོན་པར་འདུ་བྱེད་པའི་བར་ལ་སྤྱོད་ན་དེ་ནི་ཚེ་རབས་ཕྱི་མ་ལ་སྐྱེ་བ་ལས་ཡོངས་སུ་མི་ཐར་ཞིང ། དེ་ནི་རྒ་བ་ནས་འཁྲུག་པ་དང ། སྡུག་བསྔལ་གྱི་བར་ལས་ཡོངས་སུ་མི་ཐར་བར་ཁོ་བོ་སྨྲའོ། །ཤཱ་རདྭ་ཏིའི་བུ། གཞན་ཡང་བྱང་
Kha49b
ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཐབས་ལ་མི་མཁས་པས་མིག་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་པ་ནས། དེ་བཞིན་དུ་སྦྱར་ཏེ། ཡིད་ཀྱི་བར་ལ་གནས་ཤིང་ཀུན་ཏུ་ཤེས་ཏེ་མངོན་པར་ཞེན་ལ་མོས་པར་བྱེད་ན། དེ་ནི་ཚེ་རབས་ཕྱི་མ་ལ་སྡུག་བསྔལ་གྱི་བར་ལས་ཡོངས་སུ་མི་ཐར་བར་ཁོ་བོ་སྨྲའོ། །དེ་བཞིན་དུ་གལ་ཏེ་གཟུགས་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་པ་ནས་དེ་བཞིན་དུ་སྦྱར་ཏེ། གལ་ཏེ་ཆོས་ཀྱི་བར་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་ན། དེ་ནི་ཚེ་རབས་ཕྱི་མ་ལ་སྡུག་བསྔལ་གྱི་བར་ལས་ཡོངས་སུ་མི་ཐར་བར་ཁོ་བོ་སྨྲའོ། །གལ་ཏེ་མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་དང ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་ན། དེ་ནི་ཚེ་རབས་ཕྱི་མ་ལ་སྡུག་བསྔལ་གྱི་བར་ལས་ཡོངས་སུ་མི་ཐར་བར་ཁོ་བོ་སྨྲའོ། །གལ་ཏེ་དྲན་པ་ཉེ་བར་བཞག་པ་རྣམས་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་པ་ནས། དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་གཤེགས་པའི་སྟོབས་བཅུ་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་ན། དེ་ནི་ཚེ་རབས་ཕྱི་མ་ལ་སྡུག་བསྔལ་གྱི་བར་ལས་ཡོངས་སུ་མི་ཐར་བར་ཁོ་བོ་སྨྲའོ། །དེ་ནི་ཉན་ཐོས་ཀྱི་སའམ། རང་སངས་རྒྱས་ཀྱི་སའང་མངོན་སུམ་དུ་བྱ་བའི་སྐལ་པའང་མེད་ན །
Kha50a
༄#། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ལྟ་སྨོས་ཀྱང་ཅི་དགོས་ཏེ། དེ་ནི་གནས་མེད་དོ། །ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་ན། ཐབས་ལ་མི་མཁས་པ་དང་ལྡན་ཞིང ། ཐབས་ལ་མི་མཁས་པར་རིག་པར་བྱའོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་མཁས་པར་རིག་པར་བྱ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གཟུགས་ལ་མི་སྤྱོད ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མི་སྤྱོད། གཟུགས་ཀྱི་མཚན་མ་ལ་མི་སྤྱོད། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་མཚན་མ་ལ་མི་སྤྱོད། གཟུགས་རྟག་ཅེས་བྱ་བའམ། མི་རྟག་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྟག་ཅེས་བྱ་
Kha50b
བའམ། མི་རྟག་ཅེས་བྱ་བར་མི་སྤྱོད། གཟུགས་བདེ་ཞེས་བྱ་བའམ། སྡུག་བསྔལ་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདེ་ཞེས་བྱ་བའམ། སྡུག་བསྔལ་ཞེས་བྱ་བར་མི་སྤྱོད། གཟུགས་བདག་ཡོད་ཅེས་བྱ་བའམ། བདག་མེད་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང།་རྣམ་པར་ཤེས་པ་བདག་ཡོད་ཅེས་བྱ་བའམ། བདག་མེད་ཅེས་བྱ་བར་མི་སྤྱོད། གཟུགས་སྟོང་ཞེས་བྱ་བའམ། མི་སྟོང་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་ཞེས་བྱ་བའམ། མི་སྟོང་ཞེས་བྱ་བར་མི་སྤྱོད། གཟུགས་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་མི་སྤྱོད། གཟུགས་སྨོན་པ་ཡོད་ཅེས་བྱ་བའམ ། སྨོན་པ་མེད་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བར་མི་སྤྱོད། གཟུགས་ཞི་ཞེས་བྱ་བའམ། མ་ཞི་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཞི་ཞེས་བྱ་བའམ། མ་ཞི་ཞེས་བྱ་བར་མི་སྤྱོད། གཟུགས་
Kha51a
༄#། །དབེན་ཞེས་བྱ་བའམ། མི་དབེན་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དབེན་ཞེས་བྱ་བའམ། མི་དབེན་ཞེས་བྱ་བར་མི་སྤྱོད། གཟུགས་ཀུན་ནས་ཉོན་མོངས་ཞེས་བྱ་བའམ། རྣམ་པར་བྱང་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཀུན་ནས་ཉོན་མོངས་ཞེས་བྱ་བའམ། རྣམ་པར་བྱང་ཞེས་བྱ་བར་མི་སྤྱོད། གཟུགས་སྐྱེ་ཞེས་བྱ་བའམ། མི་སྐྱེ་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྐྱེ་ཞེས་བྱ་བའམ། མི་སྐྱེ་ཞེས་བྱ་བར་མི་སྤྱོད། གཟུགས་འགག་ཅེས་བྱ་བའམ། མི་འགག་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་འགག་ཅེས་བྱ་བའམ། མི་འགག་ཅེས་བྱ་བར་མི་སྤྱོད། གཟུགས་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་མི་སྤྱོད་པ་སྟེ། ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་ན། ཐབས་ལ་མཁས་པར་རིག་པར་བྱའོ། །དེ་
Kha51b
ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། འདི་ལྟར་གཟུགས་ཀྱི་སྟོང་པ་ཉིད་གང་ཡིན་པ་དེ་གཟུགས་མ་ཡིན། གཟུགས་ལས་གུད་ནའང་སྟོང་པ་ཉིད་མེད། སྟོང་པ་ཉིད་ལས་གུད་ནའང་གཟུགས་མེད་དེ། གཟུགས་ཉིད་ཀྱང་སྟོང་པ་ཉིད་ཡིན་ལ། སྟོང་པ་ཉིད་ཀྱང་གཟུགས་ཡིན་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང།་རྣམ་པར་ཤེས་པའི་སྟོང་པ་ཉིད་གང་ཡིན་པ་དེའང་རྣམ་པར་ཤེས་པ་མ་ཡིན། རྣམ་པར་ཤེས་པ་ལས་གུད་ནའང་སྟོང་པ་ཉིད་མེད། སྟོང་པ་ཉིད་ལས་གུད་ནའང་རྣམ་པར་ཤེས་པ་མེད་དེ། སྟོང་པ་ཉིད་ཀྱང་རྣམ་པར་ཤེས་པ་ཡིན་ལ། རྣམ་པར་ཤེས་པ་ཉིད་ཀྱང་སྟོང་པ་ཉིད་ཡིན་པའི་ཕྱིར་རོ། །དེ་བཞིན་དུ་སྦྱར་ཏེ། དྲན་པ་ཉེ་བར་བཞག་པ་རྣམས་ཀྱི་བར་གྱི་སྟོང་པ་ཉིད་གང་ཡིན་པ་དེ་དག་ནི་དྲན་པ་ཉེ་བར་བཞག་པ་རྣམས་མ་ཡིན། དྲན་པ་ཉེ་བར་བཞག་པ་རྣམས་ལས་གུད་ནའང་སྟོང་པ་ཉིད་མེད་།སྟོང་པ་ཉིད་ལས་གུད་ནའང་དྲན་པ་ཉེ་བར་བཞག་པ་རྣམས་མེད་དེ། དྲན་པ་ཉེ་བར་བཞག་པ་རྣམས་སྟོང་པ་ཉིད་ཡིན་ལ། སྟོང་པ་ཉིད་ཀྱང་དྲན་པ་ཉེ་བར་བཞག་པ་རྣམས་ཡིན་ནོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱི་སྟོང་པ་ཉིད་གང་ཡིན་པ་དེ། འཕགས་པའི་ལམ་ཡན་ལག་བརྒྱད་པ་མ་ཡིན། འཕགས་པའི་ལམ་ཡན་ལག་བརྒྱད་པ་ལས་གུད་ནའང་སྟོང་པ་ཉིད་མེད།
Kha52a
༄#། །སྟོང་པ་ཉིད་ལས་གུད་ནའང་འཕགས་པའི་ལམ་ཡན་ལག་བརྒྱད་པ་མེད་དེ། འཕགས་པའི་ལམ་ཡན་ལག་བརྒྱད་པ་ཉིད་ཀྱང་སྟོང་པ་ཉིད་ཡིན་ལ། སྟོང་པ་ཉིད་ཀྱང་འཕགས་པའི་ལམ་ཡན་ལག་བརྒྱད་པ་ཡིན་ནོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུའི་བར་ཡང་གཞན་མ་ཡིན། སྟོང་པ་ཉིད་ཀྱང་གཞན་མ་ཡིན་།དེ་བཞིན་གཤེགས་པའི་སྟོབས་བཅུ་ལས་གུད་ནའང་སྟོང་པ་ཉིད་མེད། སྟོང་པ་ཉིད་ལས་གུད་ནའང་དེ་བཞིན་གཤེགས་པའི་སྟོབས་བཅུ་མེད་དེ། དེ་བཞིན་གཤེགས་པའི་སྟོབས་བཅུ་ཉིད་སྟོང་པ་ཉིད་ཡིན་ལ། སྟོང་པ་ཉིད་དེ་བཞིན་གཤེགས་པའི་སྟོབས་བཅུ་ཡིན་ནོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་སྟོང་པ་ཉིད་གང་ཡིན་པ་དེ་དག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་མ་ཡིན། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལས་གུད་ནའང་སྟོང་པ་ཉིད་མེད། སྟོང་པ་ཉིད་ལས་གུད་ནའང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་མེད་དེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཉིད་ཀྱང་སྟོང་པ་ཉིད་ཡིན་ལ། སྟོང་པ་ཉིད་ཀྱང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡིན་ནོ། །ཚེ་དང་ལྡན་པ་ཤཱ་རདྭ་ཏིའི་བུ། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་སྤྱོད་དོ་
Kha52b
ཞེས་བྱ་བར་ཁས་མི་ལེན། མི་སྤྱོད་དོ་ཞེས་བྱ་བར་ཁས་མི་ལེན། སྤྱོད་ཀྱང་སྤྱོད་ལ། མི་སྤྱོད་ཀྱང་མི་སྤྱོད་ཅེས་བྱ་བར་ཁས་མི་ལེན། སྤྱོད་པའང་མ་ཡིན། མི་སྤྱོད་པའང་མ་ཡིན་ཞེས་བྱ་བར་ཁས་མི་ལེན་ན། བྱང་ཆུབ་སེམས་དཔའ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་སྐལ་པ་དང་ལྡན་པ་ཡིན་ནོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅིའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཐམས་ཅད་དུ་ཁས་མི་ལེན། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་དེའི་ངོ་བོ་ཉིད་དམིགས་སུ་མེད་དོ། །དེ་ཅིའི་ཕྱིར་ཞེ་ན། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དངོས་པོ་མེད་པའི་ངོ་བོ་ཉིད་ཡིན་པའི་ཕྱིར་ཏེ། ཤཱ་རདྭ་ཏིའི་བུ། རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཁས་མི་ལེན་ཏོ། །དེ་བཞིན་དུ་སྦྱར་ཏེ། སྤྱོད་པའང་མ་ཡིན། མི་སྤྱོད་པའང་མ་ཡིན་ཞེས་བྱ་བ་དེ་ལྟ་བུར་ཡང་ཁས་མི་ལེན་ཏོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་དངོས་པོ་མེད་པའི་ངོ་བོ་ཉིད་ཀྱི་རྗེས་སུ་ཞུགས་པ་དང ། གཟུང་བ་མེད་པའི་ཕྱིར་ཏེ། འདི་ནི་བྱང་ཆུབ་སེམས་
Kha53a
༄#། །དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན། ཆོས་ཐམས་ཅད་ཉེ་བར་ལེན་པ་མེད་པ་རྒྱ་ཆེ་བའི་ཡོ་བྱད་ཚད་མེད་པར་གཏོགས་པ་ཉན་ཐོས་དང ། རང་སངས་རྒྱས་ཐམས་ཅད་དང་ཐུན་མོང་མ་ཡིན་པ་སྟེ། ཏིང་ངེ་འཛིན་འདི་ཉིད་དང་མ་བྲལ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཅུ་གཉིས་པ། དེ་ནས་ཚེ་དང་ལྡན་པ་ཤཱ་རདྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་འདི་ཁོ་ན་དང་མ་བྲལ་ཞིང་ལྡན་པ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའམ། འོན་ཏེ་ཏིང་ངེ་འཛིན་གཞན་དག་གིས་ཀྱང་འཚང་རྒྱ། ཚེ་དང་ལྡན་པ་རབ་འབྱོར་གྱིས་དེ་ལ་སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། ཏིང་ངེ་འཛིན་གཞན་དག་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོའང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །སྨྲས་པ། ཚེ་དང་ལྡན་པ་རབ་འབྱོར། ཏིང་ངེ་འཛིན་གང་དག་ལ་གནས་ན། བྱང་ཆུབ་སེམས་དཔའ་སེམས་དཔའ་ཆེན་པོ་
Kha53b
མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་དཔའ་བར་འགྲོ་བ་ཞེས་བྱ་བ་ཡོད་དེ། དེ་ལ་གནས་ན་བྱང་ཆུབ་སེམས་དཔའ་སེམས་དཔའ་ཆེན་པོ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །དེ་བཞིན་དུ་སྦྱར་ཏེ། རིན་ཆེན་ཕྱག་རྒྱ་ཞེས་བྱ་བའི་ཏིང་ངེ་འཛིན་ཡོད་དོ། །སེང་གེ་རྣམ་པར་རྩེ་བ་ཞེས་བྱ་བའི་ཏིང་ངེ་འཛིན་ཡོད་དོ། །ཟླ་བ་བཟང་པོ་ཞེས་བྱ་བའི་ཏིང་ངེ་འཛིན་ཡོད་དོ། །ཟླ་བའི་རྒྱལ་མཚན་ཏོག་ཅེས་བྱ་བའི་ཏིང་ངེ་འཛིན་ཡོད་དོ། །ཆོས་ཐམས་ཅད་ལས་ཤིན་ཏུ་འཕགས་པ་ཞེས་བྱ་བའི་ཏིང་ངེ་འཛིན་དང ། སྤྱི་གཙུག་བལྟར་མི་མཐོང་བ་ཞེས་བྱ་བའི་ཏིང་ངེ་འཛིན་དང ། ཆོས་ཀྱི་དབྱིངས་སུ་ངེས་པ་ཞེས་བྱ་བའི་ཏིང་ངེ་འཛིན་དང ། ངེས་པའི་རྒྱལ་མཚན་ཏོག་ཅེས་བྱ་བའི་ཏིང་ངེ་འཛིན་དང ། ངེས་པའི་ཏོག་ཅེས་བྱ་བའི་ཏིང་ངེ་འཛིན་དང ། རྡོ་རྗེ་ལྟ་བུ་ཞེས་བྱ་བའི་ཏིང་ངེ་འཛིན་དང ། ཆོས་ལ་འཇུག་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང ། ཏིང་ངེ་འཛིན་གྱི་རྒྱལ་པོ་ལྟར་རབ་ཏུ་གནས་པ་ཞེས་བྱ་བའི་ཏིང་ངེ་འཛིན་དང ། རྒྱལ་པོའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང ། བརྩོན་འགྲུས་ཀྱི་སྟོབས་ཞེས་བྱ་བའི་ཏིང་ངེ་འཛིན་དང ། ཡང་དག་པར་འཕགས་པ་ཞེས་བྱ་བའི་ཏིང་ངེ་འཛིན་དང ། ངེས་པའི་
Kha54a
༄#། །ཚིག་ལ་གདོན་མི་ཟ་བར་འཇུག་པ་ཞེས་བྱ་བའི་ཏིང་ངེ་འཛིན་དང ། ཚིག་བླ་དྭགས་ལ་འཇུག་ཅིང་ཕྱོགས་ལ་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་དང ། གཟུངས་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང ། བརྗེད་པ་མེད་པ་ཞེས་བྱ་བའི་ཏིང་ངེ་འཛིན་དང ། ཆོས་ཐམས་ཅད་ཡང་དག་པར་འདུ་བ་རྒྱ་མཚོའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང ། ནམ་མཁའ་ཁྱབ་པར་བྱེད་པ་ཞེས་བྱ་བའི་ཏིང་ངེ་འཛིན་དང ། རྡོ་རྗེའི་དཀྱིལ་འཁོར་ཞེས་བྱ་བའི་ཏིང་ངེ་འཛིན་དང ། རྒྱལ་མཚན་གྱི་རྩེ་མོའི་ཏོག་ཅེས་བྱ་བའི་ཏིང་ངེ་འཛིན་དང ། དབང་པོའི་ཏོག་ཅེས་བྱ་བའི་ཏིང་ངེ་འཛིན་དང ། རྒྱུན་གྱི་རྗེས་སུ་སོང་བ་ཞེས་བྱ་བའི་ཏིང་ངེ་འཛིན་དང ། སེང་གེ་རྣམ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་དང ། བཀོད་པ་བསྒྲུབ་པ་ཞེས་བྱ་བའི་ཏིང་ངེ་འཛིན་དང ། རིན་ཆེན་འབྱུང་གནས་ཞེས་བྱ་བའི་ཏིང་ངེ་འཛིན་དང ། རྣམ་པར་སྣང་བ་ཞེས་བྱ་བའི་ཏིང་ངེ་འཛིན་དང ། འཚོལ་བ་མེད་པ་ཞེས་བྱ་བའི་ཏིང་ངེ་འཛིན་དང ། གནས་ལ་བརྟེན་པ་མེད་པ་ཞེས་བྱ་བའི་ཏིང་ངེ་འཛིན་དང ། སེམས་པ་མེད་པ་ཞེས་བྱ་བའི་ཏིང་ངེ་འཛིན་དང ། དྲི་མ་མེད་པའི་སྒྲོན་མ་ཞེས་བྱ་བའི་ཏིང་ངེ་འཛིན་དང ། སྣང་བ་མཐའ་ཡས་པ་ཞེས་བྱ་བའི་ཏིང་ངེ་འཛིན་དང ། སྣང་བ་བྱེད་པ་ཞེས་བྱ་བའི་ཏིང་ངེ་འཛིན་དང ། དག་པ་དམ་པ་ཞེས་བྱ་བའི་ཏིང་ངེ་འཛིན་དང ། འོད་དྲི་མ་མེད་པ་
Kha54b
ཞེས་བྱ་བའི་ཏིང་ངེ་འཛིན་དང ། དགའ་བ་བྱེད་པ་ཞེས་བྱ་བའི་ཏིང་ངེ་འཛིན་དང ། གློག་གི་སྒྲོན་མ་ཞེས་བྱ་བའི་ཏིང་ངེ་འཛིན་དང ། ཟད་མི་ཤེས་པ་ཞེས་བྱ་བའི་ཏིང་ངེ་འཛིན་དང ། གཟི་བརྗིད་ཡོད་པ་ཞེས་བྱ་བའི་ཏིང་ངེ་འཛིན་དང ། ཟད་པ་དང་བྲལ་བ་ཞེས་བྱ་བའི་ཏིང་ངེ་འཛིན་དང ། ངེས་པར་རྒྱལ་བ་ཞེས་བྱ་བའི་ཏིང་ངེ་འཛིན་དང ། རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་དང ། ཉི་མའི་སྒྲོན་མ་ཞེས་བྱ་བའི་ཏིང་ངེ་འཛིན་དང ། ཟླ་བའི་སྒྲོན་མ་ཞེས་བྱ་བའི་ཏིང་ངེ་འཛིན་དང ། སྣང་བ་དག་པ་ཞེས་བྱ་བའི་ཏིང་ངེ་འཛིན་དང ། སྣང་བ་བྱེད་པ་ཞེས་བྱ་བའི་ཏིང་ངེ་འཛིན་དང ། མཆོག་གི་འབྱུང་གནས་ཞེས་བྱ་བའི་ཏིང་ངེ་འཛིན་དང ། ཡེ་ཤེས་ཏོག་ཅེས་བྱ་བའི་ཏིང་ངེ་འཛིན་དང ། སེམས་གནས་པ་ཞེས་བྱ་བའི་ཏིང་ངེ་འཛིན་དང ། ཀུན་ཏུ་སྣང་བ་ཞེས་བྱ་བའི་ཏིང་ངེ་འཛིན་དང ། རབ་ཏུ་གནས་པ་ཞེས་བྱ་བའི་ཏིང་ངེ་འཛིན་དང ། རིན་ཆེན་མཐའ་ཡས་ཞེས་བྱ་བའི་ཏིང་ངེ་འཛིན་དང ། ཆོས་དམ་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང ། ཆོས་ཐམས་ཅད་མཉམ་པ་ཉིད་ཅེས་བྱ་བའི་ཏིང་ངེ་འཛིན་དང ། དགའ་བ་སྤོང་བ་ཞེས་བྱ་བའི་ཏིང་ངེ་འཛིན་དང ། ཆོས་ཀྱིས་གནོན་པའི་སྤྱི་གཙུག་ཅེས་བྱ་བའི་ཏིང་ངེ་འཛིན་དང ། རྣམ་པར་འཐོར་བ་ཞེས་བྱ་བའི་ཏིང་ངེ་འཛིན་དང ། ཚིག་ཐམས་ཅད་རབ་ཏུ་འབྱེད་པ་ཞེས་བྱ་བའི་ཏིང་ངེ་འཛིན་དང ། ཡི་གེ་མཉམ་པར་འགོད་པ་ཞེས་བྱ་བའི་ཏིང་ངེ་འཛིན་དང ། ཡི་གེ་དང་བྲལ་བ་ཞེས་བྱ་བའི་ཏིང་ངེ་འཛིན་
Kha55a
༄#། །དང ། དམིགས་པ་གཅོད་པ་ཞེས་བྱ་བའི་ཏིང་ངེ་འཛིན་དང ། རྣམ་པ་མེད་པ་ཞེས་བྱ་བའི་ཏིང་ངེ་འཛིན་དང ། མིང་ངེས་པར་འཇུག་པ་ཞེས་བྱ་བའི་ཏིང་ངེ་འཛིན་དང ། གནས་མེད་པར་སྤྱོད་པ་ཞེས་བྱ་བའི་ཏིང་ངེ་འཛིན་དང ། རབ་རིབ་མེད་པ་ཞེས་བྱ་བའི་ཏིང་ངེ་འཛིན་དང ། སྤྱོད་པ་དང་ལྡན་པ་ཞེས་བྱ་བའི་ཏིང་ངེ་འཛིན་དང ། གཡོ་བ་མེད་པ་ཞེས་བྱ་བའི་ཏིང་ངེ་འཛིན་དང ། ཡུལ་ལས་རྒལ་བ་ཞེས་བྱ་བའི་ཏིང་ངེ་འཛིན་དང ། ཡོན་ཏན་ཐམས་ཅད་ཀྱི་ཚོགས་སུ་གྱུར་པ་ཞེས་བྱ་བའི་ཏིང་ངེ་འཛིན་དང ། སེམས་མེད་པར་གནས་པ་ཞེས་བྱ་བའི་ཏིང་ངེ་འཛིན་དང ། དགེ་བའི་མེ་ཏོག་རྒྱས་ཤིང་དག་པ་ཞེས་བྱ་བའི་ཏིང་ངེ་འཛིན་དང ། བྱང་ཆུབ་ཀྱི་ཡན་ལག་ཡོད་པ་ཞེས་བྱ་བའི་ཏིང་ངེ་འཛིན་དང ། སྤོབས་པ་མཐའ་ཡས་པ་ཞེས་བྱ་བའི་ཏིང་ངེ་འཛིན་དང ། མི་མཉམ་པ་དང་མཉམ་པ་ཞེས་བྱ་བའི་ཏིང་ངེ་འཛིན་དང ། ཐམས་ཅད་ལས་འདའ་བ་ཞེས་བྱ་བའི་ཏིང་ངེ་འཛིན་དང ། ཤིན་ཏུ་བརྟགས་པ་མེད་པ་ཞེས་བྱ་བའི་ཏིང་ངེ་འཛིན་དང ། ནེམ་ནུར་རྣམ་པར་སེལ་བ་ཞེས་བྱ་བའི་ཏིང་ངེ་འཛིན་དང ། གནས་སུ་བྱ་བ་མེད་པ་ཞེས་བྱ་བའི་ཏིང་ངེ་འཛིན་དང ། བཀོད་པ་གཅིག་པ་ཞེས་བྱ་བའི་ཏིང་ངེ་འཛིན་དང ། རྣམ་པ་མངོན་པར་བསྒྲུབ་པ་ཞེས་བྱ་བའི་ཏིང་ངེ་འཛིན་དང ། རྣམ་པ་གཅིག་ཏུ་གྱུར་པ་ཞེས་བྱ་བའི་ཏིང་ངེ་འཛིན་དང ། རྣམ་པར་དོར་བ་མེད་པ་ཞེས་བྱ་བའི་
Kha55b
ཏིང་ངེ་འཛིན་དང ། སྲིད་པའི་འདམ་བུ་ཐམས་ཅད་ཕུང་པོ་མེད་པར་རྣམ་པར་འཐོར་བ་ཞེས་བྱ་བའི་ཏིང་ངེ་འཛིན་དང ། བརྡ་དང་སྒྲ་ལ་འཇུག་པ་ཞེས་བྱ་བའི་ཏིང་ངེ་འཛིན་དང ། སྒྲ་དབྱངས་ཀྱི་ཡི་གེ་དང་བྲལ་བ་ཞེས་བྱ་བའི་ཏིང་ངེ་འཛིན་དང ། སྒོན་མ་འབར་བ་ཞེས་བྱ་བའི་ཏིང་ངེ་འཛིན་དང ། མཚན་ཉིད་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་དང ། མངོན་པར་མི་དམིགས་པ་ཞེས་བྱ་བའི་ཏིང་ངེ་འཛིན་དང ། རྣམ་པ་ཐམས་ཅད་ཀྱི་མཆོག་དང་ལྡན་པ་ཞེས་བྱ་བའི་ཏིང་ངེ་འཛིན་དང ། བདེ་བ་དང་སྡུག་བསྔལ་ཐམས་ཅད་ལ་མངོན་པར་དགའ་བ་མེད་པ་ཞེས་བྱ་བའི་ཏིང་ངེ་འཛིན་དང ། རྣམ་པ་ཟད་མི་ཤེས་པ་ཞེས་བྱ་བའི་ཏིང་ངེ་འཛིན་དང ། གཟུངས་ཀྱི་བློ་གྲོས་ཞེས་བྱ་བའི་ཏིང་ངེ་འཛིན་དང ། ཡང་དག་པ་དང་ལོག་པ་ཐམས་ཅད་ཡང་དག་པར་སེལ་བ་ཞེས་བྱ་བའི་ཏིང་ངེ་འཛིན་དང ། སྒྲ་བསྒྲགས་པ་ལ་འཇུག་པ་ཞེས་བྱ་བའི་ཏིང་ངེ་འཛིན་དང ། འགལ་བ་དང་འགོག་པ་མེད་པ་ཞེས་བྱ་བའི་ཏིང་ངེ་འཛིན་དང ། འོད་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང ། སྙིང་པོ་དང་ལྡན་པ་ཞེས་བྱ་བའི་ཏིང་ངེ་འཛིན་དང ། ཟླ་བ་ཉ་བའི་འོད་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང ། བཀོད་པ་ཆེན་པོ་ཞེས་བྱ་བའི་ཏིང་ངེ་འཛིན་དང ། འཇིག་རྟེན་ཐམས་ཅད་ལ་འོད་བྱེད་པ་ཞེས་བྱ་བའི་ཏིང་ངེ་འཛིན་དང ། ཏིང་ངེ་འཛིན་མཉམ་པ་ཉིད་ཅེས་བྱ་བའི་ཏིང་ངེ་འཛིན་དང ། རྡུལ་མེད་ཅིང་རྡུལ་དང་བྲལ་བ་དང་ལྡན་པ་ཞེས་
Kha56a
༄#། །བྱ་བའི་ཏིང་ངེ་འཛིན་དང ། ཉོན་མོངས་པ་མེད་པ་དང ། ཉོན་མོངས་པ་དང་བཅས་པ་ཐམས་ཅད་ཡང་དག་པར་འདུ་བ་ཞེས་བྱ་བའི་ཏིང་ངེ་འཛིན་དང ། གཡོ་བ་མེད་ཅིང་གནས་པ་མེད་ལ་དགའ་བ་ཞེས་བྱ་བའི་ཏིང་ངེ་འཛིན་དང ། དེ་བཞིན་ཉིད་ལ་གནས་ཤིང་སེམས་མེད་པ་ཞེས་བྱ་བའི་ཏིང་ངེ་འཛིན་དང ། ལུས་ཀྱི་སྐྱོན་ཡང་དག་པར་སེལ་བ་ཞེས་བྱ་བའི་ཏིང་ངེ་འཛིན་དང ། ངག་གི་སྐྱོན་རྣམ་པར་འཇིག་པས་ནམ་མཁའ་ལྟར་གྱུར་པ་ཞེས་བྱ་བའི་ཏིང་ངེ་འཛིན་དང ། ནམ་མཁའ་ལྟར་ཆགས་པ་མེད་ལ་འགྲོ་བ་ལས་རྣམ་པར་གྲོལ་ཞིང་གོས་པ་མེད་པ་ཞེས་བྱ་བའི་ཏིང་ངེ་འཛིན་ཡོད་དེ། ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་གང་དག་ལ་གནས་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་ནི་དེ་དག་ཡིན་ནོ། །དེ་ནས་ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། ། ལ་ལ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཏིང་ངེ་འཛིན་འདི་དག་ལ་གནས་པ་དེ་ནི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བླ་ན་མེད་པ་ཡང་དག་
Kha56b
པར་རྫོགས་པའི་བྱང་ཆུབ་ཏུ་ལུང་བསྟན་པ་ཡིན་ལ། ད་ལྟར་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་འཚོ་ཞིང་བཞུགས་པའི་དེ་བཞིན་གཤེགས་པ་དེ་དག་ཀྱང ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་ལུང་སྟོན་པར་རིག་པར་བྱ་སྟེ། ཏིང་ངེ་འཛིན་གང་ཡང་ཡང་དག་པར་རྗེས་སུ་མི་མཐོང་ཞིང ། བྱང་ཆུབ་སེམས་དཔའ་འདི་དག་ནི་སྙོམས་པར་མ་ཞུགས་པ་དག་གོ་།བདག་ནི་སྙོམས་པར་ཞུགས་པའོ། །སྙོམས་པར་འཇུག་གོ་།སྙོམས་པར་འཇུག་པར་འགྱུར་རོ་སྙམ་དུ་ཏིང་ངེ་འཛིན་དེ་དག་གིས་རློམ་སེམས་སུའང་མི་བྱེད་ལ། རྣམ་པར་རྟོག་པ་དེ་དག་ཐམས་ཅད་དེ་ལ་མེད་ཅིང་མི་འབྱུང་ངོ ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྔོན་གྱི་དེ་བཞིན་གཤེགས་པ་རྣམས་དང ། ད་ལྟར་ན་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། དེ་བཞིན་གཤེགས་པ་གང་དག་འཚོ་ཞིང་བཞུགས་པ་དག་གིས་ལུང་བསྟན་པར་རིག་པར་བྱའམ། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། མ་ཡིན་ནོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པའང་གཞན་ཞིག་
Kha57a
༄#། །ཏིང་ངེ་འཛིན་རྣམས་ཀྱང་གཞན་ལ། བྱང་ཆུབ་སེམས་དཔའ་སེམས་དཔའ་ཆེན་པོའང་གཞན་མ་ཡིན་གྱི། བྱང་ཆུབ་སེམས་དཔའ་ཉིད་ཀྱང་ཏིང་ངེ་འཛིན་ཡིན་ལ། ཏིང་ངེ་འཛིན་ཉིད་ཀྱང་བྱང་ཆུབ་སེམས་དཔའ་ཡིན་ཏེ། བྱང་ཆུབ་སེམས་དཔའ་དང ། ཏིང་ངེ་འཛིན་དང ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་པའི་ཕྱིར་རོ། །སྨྲས་པ། ཚེ་དང་ལྡན་པ་རབ་འབྱོར། གལ་ཏེ་ཏིང་ངེ་འཛིན་ཀྱང་གཞན་ལ། བྱང་ཆུབ་སེམས་དཔའ་ཡང་གཞན་མ་ཡིན་ཏེ། ཏིང་ངེ་འཛིན་ཉིད་ཀྱང་བྱང་ཆུབ་སེམས་དཔའ་ཡིན། བྱང་ཆུབ་སེམས་དཔའ་ཉིད་ཀྱང་ཏིང་ངེ་འཛིན་ཡིན་ལ། ཏིང་ངེ་འཛིན་དང ། བྱང་ཆུབ་སེམས་དཔའ་གང་ཡིན་པ་དེ་གཉིས་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ན་ནི། དེ་ལྟར་ན་ཏིང་ངེ་འཛིན་གྱིས་ཆོས་ཐམས་ཅད་མཉམ་པ་ཉིད་དུ་མི་ཤེས་ཤིང ། ཀུན་ཏུ་ཤེས་པ་མེད་པར་ཡང་འགྱུར་རོ། །ཚེ་དང་ལྡན་པ་ཤཱ་རདྭ་ཏིའི་བུ།་རྣམ་གྲངས་འདི་ཉིད་ཀྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཏིང་ངེ་འཛིན་དེས་ཆོས་ཐམས་ཅད་མཉམ་པ་ཉིད་དེ་མི་ཤེས་ཤིང ། ཀུན་ཏུ་ཤེས་པའང་མེད་དོ། །དེ་ཅིའི་ཕྱིར་ཞེ་ན། སྨྲས་པ། བྱང་ཆུབ་སེམས་དཔའ་དེ་དང ། ཏིང་ངེ་འཛིན་དེ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་དེ་མེད་པ་ཉིད་ཀྱི་ཕྱིར་མི་ཤེས་ཤིང ། ཀུན་ཏུ་ཤེས་པའང་མེད་དོ། །དེ་ནས་
Kha57b
བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་ལེགས་སོ། །ཞེས་བྱ་བ་བྱིན་ཏེ། རབ་འབྱོར། ལེགས་སོ་ལེགས་སོ། །ཁྱོད་ཀྱི་ཚིག་འདི་ནི་ལེགས་པར་སྨྲས་སོ། །འདི་ལྟར་ཁྱོད་ངས་ཉན་ཐོས་ཉོན་མོངས་པ་མེད་པར་གནས་པ་རྣམས་ཀྱི་མཆོག་ཏུ་བསྟན་པ་དེ་ལ་ལུང་ཕོག་པ་འདི་ནི་ཁྱོད་ཀྱི་ཚུལ་དང་མཐུན་པ་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱ། བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ལ་དེ་ལྟར་བསླབ་པར་བྱའོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ལ་དེ་ལྟར་བསླབ་པར་བྱ་བ་ནས་།འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་དེ་ལྟར་བསླབ་པར་བྱའོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ལེགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་ན་
Kha58a
༄#། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ཡིན་ཏེ། དེའང་མི་དམིགས་པའི་ཚུལ་གྱིས་སློབ་བོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པའི་བར་ལ་སློབ་པ་ཡིན་ཞིང ། དེ་བཞིན་དུ་སྦྱར་ཏེ། དེ་ལྟར་སློབ་ན་དྲན་པ་ཉེ་བར་བཞག་པ་རྣམས་ཀྱི་བར་ལ་སློབ་པ་ཡིན་པ་ནས། དེ་ལྟར་སློབ་ན་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་སློབ་པ་ཡིན་ཏེ། དེའང་མི་དམིགས་པའི་ཚུལ་གྱིས་སློབ་བོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ལགས་ཤིང ། དེའང་མི་དམིགས་པའི་ཚུལ་གྱིས་སློབ་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མི་དམིགས་པའི་ཚུལ་གྱིས་སློབ་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཅི་ཞིག་མི་དམིགས་ལགས། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་རྣམ་པར་དག་པའི་ཕྱིར་བདག་མི་དམིགས། སེམས་ཅན་མི་དམིགས་པ་ནས། ཤེས་པ་པོ་དང ། མཐོང་བ་པོའི་བར་དུ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ཕུང་པོ་རྣམས་མི་དམིགས།
Kha58b
ཁམས་རྣམས་མི་དམིགས། སྐྱེ་མཆེད་རྣམས་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་མ་རིག་པ་མི་དམིགས་པ་ནས། རྒ་ཤིའི་བར་དུ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་སྡུག་བསྔལ་མི་དམིགས། ཀུན་འབྱུང་བ་དང ། འགོག་པ་དང ། ལམ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་འདོད་པའི་ཁམས་མི་དམིགས།་གཟུགས་ཀྱི་ཁམས་མི་དམིགས། གཟུགས་མེད་པའི་ཁམས་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་དྲན་པ་ཉེ་བར་བཞག་པ་རྣམས་མི་དམིགས་པ་ནས། འཕགས་པའི་ལམ་ཡན་ལག་བརྒྱད་པའི་བར་དུ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་དེ་བཞིན་གཤེགས་པའི་སྟོབས་བཅུ་མི་དམིགས་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་ཕ་རོལ་ཏུ་ཕྱིན་པ་དྲུག་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་རྒྱུན་དུ་ཞུགས་པ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་རང་སངས་རྒྱས་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་བྱང་ཆུབ་སེམས་དཔའ་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་དེ་བཞིན་གཤེགས་པ་མི་དམིགས་སོ། །
Kha59a
༄#། །དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རྣམ་པར་དག་པ་དེ་གང་ལགས་བཅོམ་ལྡན་འདས་ཀྱིས་བཀའ་སྩལ་པ། ཆོས་ཐམས་ཅད་སྐྱེ་བ་མེད་པ་དང ། དེ་བཞིན་དུ་འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། འབྱུང་བ་མེད་པ་དང ། དམིགས་སུ་མེད་པ་དང ། ཆོས་ཐམས་ཅད་མངོན་པར་འདུ་བྱེད་པ་མེད་པ་དེ་ནི་རྣམ་པར་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་ཆོས་གང་དག་ལ་བསླབས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ན་ཆོས་གང་དག་ལའང་བསླབས་པ་མེད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། ཇི་ལྟར་བྱིས་པ་སོ་སོའི་སྐྱེ་བོ་འདི་དག་མངོན་པར་ཞེན་པ་དེ་ལྟར་ཆོས་འདི་དག་མེད་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཆོས་འདི་དག་ཇི་ལྟར་བྱིས་པ་སོ་སོའི་སྐྱེ་བོ་འདི་དག་མངོན་པར་ཞེན་པ་དེ་ལྟར་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་མེད་པ་དེ་ལྟར་ཡོད་ལ། དེ་ལྟར་མེད་པས་མ་རིག་པ་ཞེས་བྱའོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ་དེ་དག་མཆིས་པ་
Kha59b
མ་ལགས་པ་ལ་མ་རིག་པ་ཞེས་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ནང་སྟོང་པ་ཉིད་ཀྱི་ཕྱིར་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་གཟུགས་མེད་དོ། །དེ་བཞིན་དུ་ནང་སྟོང་པ་ཉིད་ཀྱི་ཕྱིར་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མེད་དོ། །དེ་བཞིན་དུ་ནང་སྟོང་པ་ཉིད་ཀྱི་ཕྱིར་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་དྲན་པ་ཉེ་བར་བཞག་པ་རྣམས་མེད་ཅིང་མི་དམིགས་སོ། །དེ་བཞིན་དུ་སྦྱར་ཏེ། ནང་སྟོང་པ་ཉིད་ཀྱི་ཕྱིར་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མེད་ན། དེ་ལ་བྱིས་པ་སོ་སོའི་སྐྱེ་བོ་མ་རིག་པ་དང་སྲེད་བའི་དབང་གིས་མངོན་པར་ཞེན་པ་དེ་དག་གིས་མངོན་པར་ཞེན་ནས་ཡོད་པ་མ་ཡིན་པ་ལ་ཡོད་པར་བརྟགས་སོ། །དེ་དག་ནི། འདི་ལྟ་སྟེ། རྟག་པ་དང་ཆད་པའི་མཐའ་གཉིས་ལ་ཆགས་པས། དེ་དག་ནི་མི་ཤེས་མི་མཐོང་བ་སྟེ། ཆོས་གང་དག་མེད་པ་དེ་དག་ལ་ཀུན་ཏུ་རྟོག་པར་བྱེད་དོ། །བརྟགས་ནས་ཀྱང་མིང་དང་གཟུགས་ལ་མངོན་པར་ཞེན་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་མངོན་པར་ཞེན་ཏོ། །དེ་དག་མངོན་པར་ཞེན་པ་ཉིད་ཡིན་པས་ན། ཡོད་པ་མ་ཡིན་པའི་ཆོས་རྣམས་ལ་ཡོངས་སུ་རྟོག་པར་བྱེད་པའི་ཕྱིར་དེ་
Kha60a
༄#། །དག་ནི་མི་ཤེས་མི་མཐོང་བ་དག་ཡིན་ནོ། །དེ་དག་ཅི་ཞིག་མི་ཤེས་མི་མཐོང་ཞེ་ན། གཟུགས་མི་ཤེས་མི་མཐོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མི་ཤེས་མི་མཐོང་ངོ ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མི་ཤེས་མི་མཐོང་ངོ ། ། གང་གི་ཕྱིར་མི་ཤེས་ཤིང་མི་མཐོང་བ་དེའི་ཕྱིར་ཕྱིས་པ་སོ་སོའི་སྐྱེ་བོ་རྣམས་ཞེས་བྱ་བའི་གྲངས་སུ་འགྲོའོ། །དེ་དག་ནི་ངེས་པར་འབྱུང་བ་མ་ཡིན་ཏེ། གང་ནས་ངེས་པར་འབྱུང་བ་མ་ཡིན་ཞེ་ན། འདོད་པའི་ཁམས་ནས་ངེས་པར་འབྱུང་བ་མ་ཡིན་ནོ། །དེ་བཞིན་དུ་གཟུགས་ཀྱི་ཁམས་དང ། གཟུགས་མེད་པའི་ཁམས་ནས་ངེས་པར་འབྱུང་བ་མ་ཡིན་ནོ། ། ཉན་ཐོས་དང ། རང་སངས་རྒྱས་ཀྱི་ཆོས་རྣམས་སུ་ངེས་པར་འབྱུང་བ་མ་ཡིན་ནོ། །བྱང་ཆུབ་སེམས་དཔའི་ཆོས་རྣམས་སུ་ངེས་པར་འབྱུང་བ་མ་ཡིན་ནོ། །ཡང་དག་པར་རྫོགས་པའི་སངས་རྒྱས་ཀྱི་ཆོས་རྣམས་སུ་ངེས་པར་འབྱུང་བ་མ་ཡིན་ནོ། །དེ་དག་ནི་ཡིད་མི་ཆེས་པ་དག་ཡིན་ཏེ། གཟུགས་སྟོང་པ་ཉིད་དུ་ཡིད་མི་ཆེས་སོ། །དེ་བཞིན་དུ་ཚོར་བ་སྟོང་པ་ཉིད་དང ། འདུ་ཤེས་སྟོང་པ་ཉིད་དང ། འདུ་བྱེད་རྣམས་སྟོང་པ་ཉིད་དང ། རྣམ་པར་ཤེས་པ་སྟོང་པ་ཉིད་དུ་ཡིད་མི་ཆེས་པ་ནས། སངས་རྒྱས་ཀྱི་ཆོས་རྣམས་ཀྱི་བར་ལའང་
Kha60b
ཡིད་མི་ཆེས་སོ། །ཡང་དེ་དག་ནི་མི་གནས་པ་དག་ཡིན་ཏེ། གང་ལ་མི་གནས་ཤེ་ན། སྦྱིན་པའི་ཕ་རོལ་ཏུ་ཕྱིན་པ་ལ་མི་གནས་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་མི་གནས་སོ། །ཕྱིར་མི་ལྡོག་པའི་ས་ལ་མི་གནས་ཤིང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་མི་གནས་ཏེ། རྒྱུ་དེས་ན་བྱིས་པ་སོ་སོའི་སྐྱེ་བོ་ཞེས་བྱ། མངོན་པར་ཞེན་པ་ཞེས་བྱའོ། །ཅི་ཞིག་ལ་མངོན་པར་ཞེན་པ་ཡིན་ཞིང་དེ་དག་གང་ལ་མངོན་པར་ཞེན་པ་ཡིན་ཞེ་ན། གཟུགས་ལ་མངོན་པར་ཞེན་པ་ནས། རྣམ་པར་ཤེས་པའི་བར་ལ་མངོན་པར་ཞེན་ཏོ། །དེ་བཞིན་དུ་མིག་ལ་མངོན་པར་ཞེན་པ་ནས། དེ་བཞིན་དུ་ཡིད་ཀྱི་བར་ལ་མངོན་པར་ཞེན་ཏོ། །གཟུགས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ལ་མངོན་པར་ཞེན་ཏོ། །དེ་བཞིན་དུ་ཁམས་རྣམས་ལ་མངོན་པར་ཞེན་ཏོ། །འདོད་ཆགས་དང ། ཞེ་སྡང་དང ། གཏི་མུག་རྣམས་ལ་མངོན་པར་ཞེན་ཏོ། །ལྟ་བར་གྱུར་པ་རྣམས་ལ་མངོན་པར་ཞེན་ཏོ། །དྲན་པ་ཉེ་བར་བཞག་པ་རྣམས་ལ་མངོན་པར་ཞེན་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་མངོན་པར་ཞེན་ཏོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་དེ་ལྟར་སློབ་ན་ཤེས་རབ་ཀྱི་
Kha61a
༄#། །ཕ་རོལ་ཏུ་ཕྱིན་པ་ལ་སློབ་པ་མ་ལགས་ཤིང ། ཐམས་ཅད་མཁྱེན་པ་ཉིད་དུ་ངེས་པར་མི་འབྱུང་བ་ལགས་མོད། བཅོམ་ལྡན་འདས་ཀྱིས་བཀའ་སྩལ་པ།་ཤཱ་རདྭ་ཏིའི་བུ། བྱང་ཆུབ་སེམས་དཔའ་དེ་ལྟར་སློབ་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ཡིན་ཞིང ། ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་མ་ཡིན་ནོ། །གསོལ་པ།་བཙུན་པ་བཅོམ་ལྡན་འདས། འོ་ན་ཇི་ལྟ་བུ་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་ཤེས་རབ་ཀྱི་ཕ་རོལ་ཏུ་ཕྱིན་པར་རྟོག་པར་བྱེད་ཅིང་མངོན་པར་ཞེན་ཏོ། །དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པར་རྟོག་པར་བྱེད་ཅིང་མངོན་པར་ཞེན་ཏོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཏུ་རྟོག་པར་བྱེད་ཅིང་མངོན་པར་ཞེན་ཏོ། །མངོན་པར་ཞེན་ནས་ཀྱང་ཐམས་ཅད་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་དུ་རྟོག་པར་བྱེད་དོ། །ཡོངས་སུ་བརྟགས་ནས་ཀྱང་ཐམས་ཅད་མཁྱེན་པ་ཉིད་ལ་མངོན་པར་ཞེན་པར་བྱེད་དེ། ཤཱ་རདྭ་ཏིའི་བུ། རྣམ་གྲངས་དེས་ན་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ཡིན་
Kha61b
ཞིང ། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་མ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་དེ་ལྟར་སློབ་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ལགས་ཤིང ། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་མ་ལགས་མོད། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། དེ་ལྟར་སློབ་པའི་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་མ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བགྱི་ཞིང ། བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་སློབ་ན་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཡང་དག་པར་རྗེས་སུ་མི་མཐོང་ན། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། མི་དམིགས་པའི་ཚུལ་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་ཅིང ། རྣམ་པ་ཐམས་ཅད་
Kha62a
༄#། །མཁྱེན་པ་ཉིད་དུ་ངེས་པར་འབྱུང་བ་ཡིན་ནོ། །མི་དམིགས་པ་གང་ཞེ་ན། གང་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། སྦྱིན་པའི་ཕ་རོལ་ཏུ་ཕྱིན་པ་དེ་ཉིད་མི་དམིགས་པ་ནས། དེ་བཞིན་དུ་སྦྱར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྤྱོད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དེ་ཉིད་མི་དམིགས་པ་དང ། བྱང་ཆུབ་ཀྱི་བར་དུ་མི་དམིགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་དམིགས་པ་སྟེ། ཤཱ་རདྭ་ཏིའི་བུ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། མི་དམིགས་པའི་ཚུལ་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཅི་ཞིག་མི་དམིགས་པའི་ཚུལ་གྱིས་ངེས་པར་འབྱུང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ནར་སྟོང་པ་ཉིད་མི་དམིགས་པའི་ཚུལ་དང ། དེ་བཞིན་དུ་སྦྱར་ཏེ། ཆོས་ཐམས་ཅད་སྟོང་པ་ཉིད་ཀྱི་བར་དུ་མི་དམིགས་པའི་ཚུལ་གྱིས་ངེས་པར་འབྱུང་ངོ ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཐེག་པ་དེས་གང་ནས་ངེས་པར་འབྱུང་བར་འགྱུར་ཞིང་ཐེག་པ་དེ་གང་དུ་གནས་པར་འགྱུར་ལགས། བཅོམ་ལྡན་འདས་
Kha62b
ཀྱིས་བཀའ་སྩལ་པ། རབ་འབྱོར། ཐེག་པ་དེས་ནི་ཁམས་གསུམ་ནས་ངེས་པར་འབྱུང་བར་འགྱུར་ཞིང་རྣམ་པ་ཐམས་ཅད་མཁྱེན་པ་ཉིད་ག་ལ་བ་དེར་ངེས་པར་འབྱུང་བར་འགྱུར་ཏེ། དེ་ཉིད་དུ་གནས་པར་འགྱུར་ལ། དེའང་གཉིས་སུ་མེད་པའི་ཚུལ་གྱིས་སོ། །དེ་ཅིའི་ཕྱིར་ཞེ་ན། འདི་ལྟར་ཐེག་པ་ཆེན་པོ་གང་ཡིན་པ་དང ། རྣམ་པ་ཐམས་ཅད་མཁྱེན་པ་ཉིད་གང་ཡིན་པའི་ཆོས་དེ་གཉིས་ཀ་ལྡན་པའང་མ་ཡིན། མི་ལྡན་པའང་མ་ཡིན་ཞིང ། གཟུགས་མེད་པ། བསྟན་དུ་མེད་པ། ཐོགས་པ་མེད་པ་སྟེ། འདི་ལྟར་མཚན་ཉིད་མེད་པར་མཚན་ཉིད་གཅིག་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། མཚན་ཉིད་མེད་པའི་ཆོས་རྣམས་ནི་ངེས་པར་མི་འབྱུང ། ངེས་པར་འབྱུང་བར་མི་འགྱུར། ངེས་པར་མ་བྱུང་བའི་ཕྱིར་རོ། །དེ་ཅིའི་ཕྱིར་ཞེ་ན། གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི་ཆོས་ཀྱི་དབྱིངས་ལ་ངེས་པར་འབྱུང་བར་འདོད་དུ་ཟད་དོ། །དེ་བཞིན་དུ་གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི་དེ་བཞིན་ཉིད་ལ་ངེས་པར་འབྱུང་བར་འདོད་དུ་ཟད་ཅིང ། དེ་ནི་ཡང་དག་པའི་མཐའ་ལ་ངེས་པར་འབྱུང་བར་འདོད་དུ་ཟད་དོ། །དེ་བཞིན་དུ་གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི་བསམ་གྱིས་མི་ཁྱབ་པའི་དབྱིངས་ལ་ངེས་པར་འབྱུང་བར་འདོད་དུ་ཟད་དོ། །གང་མཚན་ཉིད་མེད་པའི་ཆོས་རྣམས་ལ་
Kha63a
༄#། །ངེས་པར་འབྱུང་བར་འདོད་པ་དེ་ནི། གྲུབ་པ་དང་བདེ་བ་ལ་ངེས་པར་འབྱུང་བར་འདོད་དུ་ཟད་དོ། །གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི་སྤོང་བའི་ཁམས་ལ་ངེས་པར་འབྱུང་བར་འདོད་དུ་ཟད་དོ། །དེ་བཞིན་དུ་སྦྱར་ཏེ། གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི་འདོད་ཆགས་དང་བྲལ་བའི་དབྱིངས་དང ། འགོག་པའི་དབྱིངས་དང ། གཟུགས་ཀྱི་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་པ་དང ། དེ་བཞིན་དུ་དེ་ནི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གཟུགས་ཀྱི་སྟོང་པ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལ་གནས་པ་མ་ཡིན་པའི་ཕྱིར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྟོང་པ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལ་གནས་པར་མི་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་རབ་འབྱོར། གཟུགས་ནི་གཟུགས་ཀྱིས་སྟོང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པས་སྟོང་པའི་ཕྱིར་རོ། །རབ་འབྱོར།
Kha63b
གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི། མིག་གི་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དོ། །དེ་བཞིན་དུ་སྦྱར་ཏེ། གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ནས། དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་གྱི་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་མིག་གི་སྟོང་པ་ཉིད་ནི་ཁམས་གསུམ་ནས་ངེས་པར་འབྱུང་བར་མི་འགྱུར་ཞིང ། རྣམ་པ་ཐམས་ཅད་མཁྱེན་པ་ཉིད་ལ་གནས་པ་མ་ཡིན་པའི་ཕྱིར་རོ། །དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་གྱི་སྟོང་པ་ཉིད་ནི་ཁམས་གསུམ་ནས་ངེས་པར་འབྱུང་བར་མི་འགྱུར་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་མིག་ནི་མིག་གིས་སྟོང་པ་ནས་དེ་བཞིན་དུ་སྦྱར་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་དུ་སྟོང་པ་དང ། དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བས་སྟོང་པའི་ཕྱིར་རོ། །རབ་འབྱོར། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་རྨི་ལམ་ལ་ངེས་པར་འབྱུང་བར་འདོད་དུ་ཟད་དོ། །དེ་བཞིན་དུ་མཚན་ཉིད་མེད་པའི་ཆོས་རྣམས་ལ་
Kha64a
༄#། །ངེས་པར་འབྱུང་བར་འདོད་པ་གང་ཡིན་པ་དེ་ནི་སྒྱུ་མ་དང ། སྨིག་རྒྱུ་དང ། བྲག་ཅ་དང ། མིག་ཡོར་དང ། དེ་བཞིན་གཤེགས་པའི་སྤྲུལ་པ་ལ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་རྨི་ལམ་གྱི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །དེ་བཞིན་དུ་སྒྱུ་མའི་ངོ་བོ་ཉིད་དང ། སྨིག་རྒྱུ་དང ། བྲག་ཅ་དང ། མིག་ཡོར་དང ། དེ་བཞིན་གཤེགས་པའི་སྤྲུལ་པའི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་རྨི་ལམ་གྱི་ངོ་བོ་ཉིད་ནི་རྨི་ལམ་གྱི་ངོ་བོ་ཉིད་ཀྱིས་སྟོང་ཞིང ། དེ་བཞིན་དུ་སྦྱར་ཏེ། སྒྱུ་མའི་ངོ་བོ་ཉིད་དང ། སྨིག་རྒྱུ་དང ། བྲག་ཅ་དང ། མིག་ཡོར་དང ། དེ་བཞིན་གཤེགས་པའི་སྤྲུལ་པའི་ངོ་བོ་ཉིད་ཀྱི་བར་ནི། དེ་བཞིན་གཤེགས་པའི་སྤྲུལ་པའི་ངོ་བོ་ཉིད་ཀྱི་བར་གྱིས་སྟོང་པའི་ཕྱིར་རོ། །རབ་འབྱོར། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་པར་འདོད་པ་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པ་ལ་ངེས་པར་འབྱུང་བར་འདོད་དུ་ཟད་དོ། །རབ་འབྱོར། དེ་བཞིན་དུ་གང་མཚན་ཉིད་མེད་པའི་ཆོས་རྣམས་ལ་ངེས་པར་
Kha64b
འབྱུང་བར་འདོད་པ་གང་ཡིན་པ་དེ་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །རབ་འབྱོར། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ནི་སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ཀྱིས་སྟོང་ཞིང ། རབ་འབྱོར། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ཀྱིས་སྟོང་པའི་ཕྱིར་རོ། །རབ་འབྱོར།
Kha65a
༄#། །དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་ནང་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དོ། །དེ་བཞིན་དུ་སྦྱར་ཏེ། མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་ལ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ནང་སྟོང་པ་ཉིད་ཀྱི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ནང་སྟོང་པ་ཉིད་ནི་ནང་སྟོང་པ་ཉིད་ཀྱི་ངོ་བོ་ཉིད་ཀྱིས་སྟོང་ཞིང ། དེ་ལྟར་དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱིས་སྟོང་པའི་ཕྱིར་རོ། །དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། དྲན་པ་ཉེ་བར་བཞག་པ་རྣམས་ལ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དྲན་པ་ཉེ་བར་བཞག་པ་རྣམས་ཀྱི་ངོ་བོ་ཉིད་ནི་
Kha65b
ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དྲན་པ་ཉེ་བར་བཞག་པ་རྣམས་ཀྱི་ངོ་བོ་ཉིད་ནི་དྲན་པ་ཉེ་བར་བཞག་པའི་ངོ་བོ་ཉིད་ཀྱིས་སྟོང་པའི་ཕྱིར་རོ། །དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པ་ལ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། འདི་ལྟར་དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱི་ངོ་བོ་ཉིད་གང་ཡིན་པ་དེ་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱི་ངོ་བོ་ཉིད་ནི། འཕགས་པའི་ལམ་ཡན་ལག་བརྒྱད་པའི་ངོ་བོ་ཉིད་ཀྱིས་སྟོང་པའི་ཕྱིར་རོ། །དེ་བཞིན་དུ་སྦྱར་ཏེ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞིའི་བར་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་འཕགས་པའི་ལམ་ཡན་ལག་བརྒྱད་པར་བསྟན་པ་ཁོ་ན་བཞིན་དུ་རྒྱ་ཆེར་སྦྱར་བར་བྱའོ།།
Kha66a
༄#། །རབ་འབྱོར། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། དགྲ་བཅོམ་པ་ཟག་པ་ཟད་པ་སྐྱེ་བར་འདོད་དུ་ཟད་དོ། །དེ་བཞིན་དུ་སྦྱར་ཏེ། རབ་འབྱོར། མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་རང་སངས་རྒྱས་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐྱེ་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དེ་བཞིན་དུ་སྦྱར་ཏེ། དེ་བཞིན་གཤེགས་པའི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དགྲ་བཅོམ་པ་ཟག་པ་ཟད་པའི་ངོ་བོ་ཉིད་ནི་དགྲ་བཅོམ་པའི་ངོ་བོ་ཉིད་ཀྱིས་སྟོང་།། དེ་བཞིན་དུ་རང་སངས་རྒྱས་ཀྱི་ངོ་བོ་ཉིད་ནི་རང་སངས་རྒྱས་ཀྱི་ངོ་བོ་ཉིད་ཀྱིས་སྟོང ། དེ་བཞིན་གཤེགས་པའི་ངོ་བོ་ཉིད་ནི་དེ་བཞིན་གཤེགས་པའི་ངོ་བོ་ཉིད་ཀྱིས་སྟོང་པའི་ཕྱིར་རོ། །རབ་འབྱོར། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་རྒྱུན་དུ་ཞུགས་པའི་འབྲས་བུ་ལ་ངེས་པར་འབྱུང་བར་འདོད་དུ་ཟད་དོ། །རབ་འབྱོར། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་
Kha66b
བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པར་ཇི་སྐད་དུ་བསྟན་པ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱའོ། །རབ་འབྱོར། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་མིང་ལ་ངེས་པར་འབྱུང་བར་འདོད་དུ་ཟད་དོ། །དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་བརྡ་དང ། ཐ་སྙད་དང ། བཏགས་པ་ལ་ངེས་པར་འབྱུང་བར་འདོད་དུ་ཟད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་མིང་གི་སྟོང་པ་ཉིད་གང་ཡིན་པ་དེ་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང ། རྣམ་པ་ཐམས་ཅད་མཁྱེན་པ་ཉིད་ལ་གནས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་མིང་གི་སྟོང་པ་ཉིད་ནི་མིང་གི་སྟོང་པ་ཉིད་ཀྱིས་སྟོང་པ་ནས། དེ་བཞིན་དུ་སྦྱར་ཏེ། བཏགས་པའི་ཆོས་ཀྱི་སྟོང་པ་ཉིད་ཀྱི་བར་ནི་བཏགས་པའི་ཆོས་ཀྱི་སྟོང་པ་ཉིད་ཀྱིས་སྟོང་པའི་ཕྱིར་རོ། །རབ་འབྱོར། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི་སྐྱེ་བ་མེད་པ་ལ་ངེས་པར་འབྱུང་བར་འདོད་དུ་ཟད་དོ། །དེ་ལྟར་དེ་བཞིན་དུ་སྦྱར་ཏེ། རབ་འབྱོར། མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་
Kha67a
༄#། །ཡིན་པ་དེ་ནི་འགག་པ་མེད་པ་དང ། མཚན་མ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། མངོན་པར་འདུ་བྱ་བ་མེད་པ་ལ་ངེས་པར་འབྱུང་བར་འདོད་དུ་ཟད་དོ། །དེ་བཞིན་དུ་སྦྱར་ཏེ། མིང་གི་སྐབས་སུ་ཇི་སྐད་དུ་བསྟན་པ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱ་སྟེ། རབ་འབྱོར། རྣམ་གྲངས་དེས་ན་ཐེག་པ་ཆེན་པོ་ནི་ཁམས་གསུམ་ནས་རྣམ་པ་ཐམས་ཅད་མཁྱེན་པ་ཉིད་ག་ལ་བ་དེར་ངེས་པར་འབྱུང་བར་འགྱུར་ཞིང་དེར་ཡང་མི་གཡོ་བའི་ཚུལ་གྱིས་གནས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་ལས། ཏིང་ངེ་འཛིན་གྱི་ལེའུ་ཞེས་བྱ་སྟེ་བཅུ་གཉིས་པའོ།། །།དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ཁྱོད་འདི་སྐད་དུ་ཐེག་པ་དེ་གང་དུ་གནས་པར་འགྱུར་ཞེས་ཟེར་བ་ནི། རབ་འབྱོར། ཐེག་པ་དེ་ནི་གང་དུའང་གནས་པར་འགྱུར་བ་མེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གནས་པ་དམིགས་སུ་མེད་པའི་ཕྱིར་ཆོས་ཐམས་ཅད་ནི་མི་གནས་པ་སྟེ། འོན་ཀྱང་ཐེག་པ་དེ་ནི་མི་གནས་པའི་ཚུལ་གྱིས་གནས་པར་འགྱུར་རོ། །རབ་འབྱོར། དཔེར་ན།་ཆོས་ཀྱི་དབྱིངས་ནི་གནས་པའང་མ་ཡིན། མི་གནས་པའང་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་དེའང་གནས་པའང་མ་ཡིན། མི་གནས་པའང་མ་ཡིན་ཏེ། ལེའུ་
Kha67b
གོང་མར་ཇི་སྐད་བསྟན་པ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱའོ། །རབ་འབྱོར། དཔེར་ན། སྐྱེ་བ་མེད་པ་ནི་གནས་པའང་མ་ཡིན། མི་གནས་པའང་མ་ཡིན་ནོ། །དེ་བཞིན་དུ་ཐེག་པ་དེ་ནི་གནས་པའང་མ་ཡིན། མི་གནས་པའང་མ་ཡིན་ནོ། །དེ་བཞིན་དུ་སྦྱར་ཏེ། འགག་པ་མེད་པ་དང ། མཚན་མ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། མངོན་པར་འདུ་བྱེད་པ་མེད་པ་ནི་གནས་པའང་མ་ཡིན། མི་གནས་པའང་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་དེའང་གནས་པའང་མ་ཡིན། མི་གནས་པའང་མ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། ཆོས་ཀྱི་དབྱིངས་ཀྱི་ངོ་བོ་ཉིད་ནི་གནས་པའང་མ་ཡིན། མི་གནས་པའང་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཆོས་ཀྱི་དབྱིངས་ཀྱི་ངོ་བོ་ཉིད་ནི་ཆོས་ཀྱི་དབྱིངས་ཀྱི་ངོ་བོ་ཉིད་ཀྱིས་སྟོང་པ་ནས། དེ་བཞིན་དུ་སྦྱར་ཏེ། མངོན་པར་འདུ་བྱེད་པ་མེད་པའི་བར་གྱི་ངོ་བོ་ཉིད་ནི་མངོན་པར་འདུ་བྱེད་པ་མེད་པའི་ངོ་བོ་ཉིད་ཀྱིས་སྟོང་སྟེ། རབ་འབྱོར། རྣམ་གྲངས་དེས་ན་ཐེག་པ་དེ་ནི་གང་དུའང་གནས་པར་འགྱུར་བ་མེད་དེ། དེའང་མི་གནས་པར་གནས་པ་མེད་པའི་ཚུལ་གྱིས་སོ། །ཡང་རབ་འབྱོར། གང་འདི་སྐད་དུ་ཐེག་པ་དེས་སུ་ཞིག་ངེས་པར་འབྱུང་བར་འགྱུར་ཞེས་ཟེར་བ་ནི། རབ་འབྱོར། ཐེག་པ་དེས་སུའང་ངེས་པར་འབྱུང་བར་འགྱུར་བ་མེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཐེག་པ་གང་ཡིན་པ་དེ་དང ། གང་ངེས་པར་འབྱུང་
Kha68a
༄#། །བར་འགྱུར་བ་དང ། གང་དུ་ངེས་པར་འབྱུང་བར་འགྱུར་བའི་ཆོས་དེ་དག་ཐམས་ཅད་མེད་ཅིང་མི་དམིགས་པའི་ཕྱིར་རོ། །དེ་ལྟར་ཆོས་ཐམས་ཅད་མེད་ཅིང་མི་དམིགས་ན། ཆོས་གང་ཞིག་གིས་སུ་ཞིག་ངེས་པར་འབྱུང་བར་འགྱུར། གང་དུ་ངེས་པར་འབྱུང་བར་འགྱུར། དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བདག་དང་དེ་བཞིན་དུ་སྦྱར་ཏེ། ཤེས་པ་པོ་དང ། མཐོང་བ་པོའི་བར་དུ་དམིགས་སུ་མེད་པའི་ཕྱིར་བདག་གཏན་མི་དམིགས་སོ། །དེ་བཞིན་དུ་སེམས་ཅན་དང ། སྐྱེ་བ་པོ་ནས་དེ་བཞིན་དུ་སྦྱར་ཏེ། ཤེས་པ་པོ་དང་མཐོང་བ་པོའི་བར་དུ་གཏན་མི་དམིགས་པའི་ཕྱིར་རོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ཆོས་ཀྱི་དབྱིངས་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་དེ་བཞིན་ཉིད་མི་དམིགས་སོ། །ཡང་དག་པའི་མཐའ་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་བསམ་གྱིས་མི་ཁྱབ་པའི་དབྱིངས་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་ཕུང་པོ་དང་ཁམས་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་ཁམས་དང་སྐྱེ་མཆེད་རྣམས་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་སྦྱིན་པའི་ཕ་རོལ་ཏུ་ཕྱིན་པ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་
Kha68b
པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ནང་སྟོང་པ་ཉིད་མི་དམིགས་སོ། །དེ་བཞིན་དུ་སྦྱར་ཏེ། ཤིན་ཏུ་རྣམ་པར་དག་པའི་ཕྱིར། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་དྲན་པ་ཉེ་བར་བཞག་པ་རྣམས་མི་དམིགས་སོ། །དེ་བཞིན་དུ་སྦྱར་ཏེ། ཤིན་ཏུ་རྣམ་པར་དག་པའི་ཕྱིར་འཕགས་པའི་ལམ་ཡན་ལག་བརྒྱད་པའི་བར་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར། རྒྱུན་དུ་ཞུགས་པ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དང ། རང་སངས་རྒྱས་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། རྒྱུན་དུ་ཞུགས་པའི་འབྲས་བུ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར། རྣམ་པ་ཐམས་ཅད་མཁྱེན་པ་ཉིད་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་
Kha69a
༄#། །ཕྱིར། སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། མངོན་པར་འདུ་བྱེད་པ་མེད་པ་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་སྔོན་གྱི་མཐའ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ཕྱི་མའི་མཐའ་དང ། ད་ལྟར་མི་དམིགས་སོ། ། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་འགྲོ་བ་དང ། མི་འགྲོ་བ་དང ། གནས་པ་དང ། སྐྱེ་བ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། འགྲིབ་པ་དང ། འཕེལ་བ་མི་དམིགས་པའི་ཕྱིར་རོ། །ཅི་ཞིག་དམིགས་སུ་མེད་པས་མི་དམིགས་ཤེ་ན། ཆོས་ཀྱི་དབྱིངས་དམིགས་སུ་མེད་པས་མི་དམིགས་སོ། །དེ་ཅིའི་ཕྱིར་ཞེ་ན། རབ་འབྱོར། ཤིན་ཏུ་རྣམ་པར་དག་པའི་ཕྱིར། ཆོས་ཀྱི་དབྱིངས་ནི་སུས་ཀྱང་མ་དམིགས། མི་དམིགས། གང་གིས་ཀྱང་དམིགས་པར་མི་འགྱུར་བའི་ཕྱིར་རོ། །དེ་བཞིན་དུ་སྦྱར་ཏེ། ཆོས་ཀྱི་དབྱིངས་དམིགས་སུ་མེད་པའི་ཕྱིར་དང ། དེ་བཞིན་ཉིད་དམིགས་སུ་མེད་པའི་ཕྱིར་དང ། ཡང་དག་པའི་མཐའ་དམིགས་སུ་མེད་པའི་ཕྱིར་དང ། སྟོང་པ་ཉིད་དམིགས་སུ་མེད་པའི་ཕྱིར་དང ། ཤེས་རབ་ཀྱི་ཕ་རོལ་ཏུ་ཕྱིན་པ་དམིགས་སུ་མེད་པའི་ཕྱིར་མི་དམིགས་སོ། །ནང་སྟོང་པ་ཉིད་དམིགས་སུ་མེད་པའི་ཕྱིར་མི་དམིགས་སོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དམིགས་
Kha69b
སུ་མེད་པས་མི་དམིགས་སོ། །དེ་བཞིན་དུ་དྲན་པ་ཉེ་བར་བཞག་པ་རྣམས་དམིགས་སུ་མེད་པས་མི་དམིགས་སོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་དམིགས་སུ་མེད་པས་མི་དམིགས་སོ། །དེ་བཞིན་དུ་རྒྱུན་དུ་ཞུགས་པ་དམིགས་སུ་མེད་པས་མི་དམིགས་སོ། །དེ་བཞིན་དུ་སྦྱར་ཏེ། ཡང་དག་པར་རྫོགས་པའི་སངས་རྒྱས་ཀྱི་བར་དུ་དམིགས་སུ་མེད་པས་མི་དམིགས་སོ། །དེ་བཞིན་དུ་རྒྱུན་དུ་ཞུགས་པའི་འབྲས་བུ་དམིགས་སུ་མེད་པས་མི་དམིགས་སོ། །དེ་བཞིན་དུ་སྦྱར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་དམིགས་སུ་མེད་པས་མི་དམིགས་སོ། །དེ་བཞིན་དུ་སྐྱེ་བ་མེད་པ་དམིགས་སུ་མེད་པས་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་མངོན་པར་འདུ་བྱེད་པ་མེད་པའི་བར་དུ་དམིགས་སུ་མེད་པའི་བར་དུ་དམིགས་སུ་མེད་པས་མི་དམིགས་སོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཤིན་ཏུ་རྣམ་པར་དག་པའི་ཕྱིར་མངོན་པར་འདུ་བྱེད་པ་མེད་པ་དམིགས་སུ་མེད་པས་མི་དམིགས་སོ། །དེ་བཞིན་དུ་ས་དང་པོ་དམིགས་སུ་མེད་པས་མི་དམིགས་སོ། །ཤིན་ཏུ་རྣམ་པར་དག་པའི་ཕྱིར་ས་བཅུ་པའི་བར་དུ་དམིགས་སུ་མི་དམིགས་སོ། །དེ་ལས་བཅུ་པོ་དག་གང་ཞེ་ན། འདི་ལྟ་སྟེ། དཀར་པོ་རྣམ་པར་མཐོང་བའི་ས་དང ། རིགས་ཀྱི་ས་དང ། བརྒྱད་པའི་ས་དང ། མཐོང་བའི་ས་དང ། བསྲབས་པའི་ས་དང ། འདོད་ཆགས་དང་བྲལ་བའི་ས་དང ། བྱ་བ་བྱས་པའི་ས་དང ། རང་སངས་རྒྱས་ཀྱི་ས་དང ། བྱང་
Kha70a
༄#། །ཆུབ་སེམས་དཔའི་ས་དང ། ཡང་དག་པར་རྫོགས་པའི་སངས་རྒྱས་ཀྱི་ས་ཉིད་ནི་བཅུ་པའོ། །དེ་ལ་ནང་སྟོང་པ་ཉིད་ལས་དང་པོ་དམིགས་སུ་མེད་དོ། །དེ་བཞིན་དུ་གཉིས་པ་དང ། གསུམ་པ་དང ། བཞི་པ་དང ། ལྔ་པ་དང ། དྲུག་པ་དང ། བདུན་པ་དང ། བརྒྱད་པ་དང ། དགུ་པ་དང ། བཅུ་པ་དམིགས་སུ་མེད་དོ། །དེ་བཞིན་དུ་སྦྱར་ཏེ།་ཤིན་ཏུ་རྣམ་པར་དག་པའི་ཕྱིར་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལས་དང་པོ་དམིགས་སུ་མེད་པ་ནས། ཤིན་ཏུ་རྣམ་པར་དག་པའི་ཕྱིར་ས་བཅུ་པའི་བར་དུ་དམིགས་སུ་མེད་དོ། །དེ་ཅིའི་ཕྱིར་ཞེ་ན། རབ་འབྱོར། ས་དང་པོ་ནི་སུས་ཀྱང་མ་དམིགས། མི་དམིགས་ཏེ། གང་གིས་ཀྱང་དམིགས་པར་མི་འགྱུར་བ་དང ། ཤིན་ཏུ་རྣམ་པར་དག་པའི་ཕྱིར་ས་བཅུ་པའི་བར་དུ་སུས་ཀྱང་མ་དམིགས། མི་དམིགས་ལ། གང་གིས་ཀྱང་དམིགས་པར་མི་འགྱུར་བའི་ཕྱིར་རོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ནང་སྟོང་པ་ཉིད་ལ་སེམས་ཅན་ཡོངས་སུ་སྨིན་པར་བྱ་བ་མི་དམིགས་པ་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སེམས་ཅན་ཡོངས་སུ་སྨིན་པར་བྱ་བ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ནང་སྟོང་པ་ཉིད་ལ་སངས་རྒྱས་ཀྱི་ཞིང་ཡོངས་སུ་དག་པར་བྱ་བ་མི་དམིགས་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སངས་རྒྱས་ཀྱི་ཞིང་ཡོངས་
Kha70b
སུ་དག་པར་བྱ་བ་མི་དམིགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་ནང་སྟོང་པ་ཉིད་ལ་མིག་ལྔ་མི་དམིགས་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་མིག་ལྔ་མི་དམིགས་སོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཆོས་ཐམས་ཅད་མི་དམིགས་པའི་ཚུལ་གྱིས་ཐེག་པ་ཆེན་པོས་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས། ཐེག་པ་ཆེན་པོ། ཐེག་པ་ཆེན་པོ་ཞེས་བགྱི་བ་འདི་ནི་ལྷ་དང ། མི་དང ། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་ལགས་སོ། །བཙུན་པ་བཅོམ་ལྡན་འདས། བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། ཐེག་པ་ཆེན་པོ་དེ་ནི་ནམ་མཁའ་དང་མཉམ་པ་སྟེ། དཔེར་ན། ནམ་མཁའ་ལ་ནི་འོང་བ་དང ། འགྲོ་བ་དང ། གནས་པ་མི་མངོན་ལགས་སོ། །དེ་བཞིན་དུ་ཐེག་པ་ཆེན་པོ་དེ་ལའང་འོང་བ་དང ། འགྲོ་བ་དང ། གནས་པ་མི་མངོན་ལགས་སོ། །དཔེར་ན། ནམ་མཁའ་ལ་ནི་སྔོན་གྱི་མཐའ་མི་དམིགས་ཤིང ། ཕྱི་མའི་མཐའ་དང ། དབུས་མི་དམིགས་ལགས་སོ། །དེ་བཞིན་དུ་ཐེག་པ་དེ་ལའང་སྔོན་གྱི་མཐའ་མི་དམིགས། ཕྱི་མའི་མཐའ་དང ། །
Kha71a
༄#། །དབུས་མི་དམིགས་ཏེ། དུས་གསུམ་ལས་ཡང་དག་པར་འདས་པས་དེའི་སླད་དུ་ཐེག་པ་དེ་ནི་ཐེག་པ་ཆེན་པོ་ཞེས་བགྱིའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། ཐེག་པ་དེ་ནི་ནམ་མཁའ་དང་མཉམ་པ་སྟེ།་དེས་ན་ཐེག་པ་ཆེན་པོས་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། བྱང་ཆུབ་སེམས་དཔའ་རྣམས་ཀྱི་ཐེག་པ་དེ་ནི། འདི་ལྟ་སྟེ། ཕ་རོལ་ཏུ་ཕྱིན་པ་དྲུག་གོ་།དྲུག་གང་ཞེ་ན། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོ་ཞེས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོ་ནི། འདི་ལྟ་སྟེ། ནང་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདི་ལྟ་སྟེ།
Kha71b
གཟུངས་ཀྱི་སྒོ་ཐམས་ཅད་དང ། ཏིང་ངེ་འཛིན་གྱི་སྒོ་ཐམས་ཅད་དང ། ཏིང་ངེ་འཛིན་ཐམས་ཅད་དེ། འདི་ལྟ་སྟེ། དཔའ་བར་འགྲོ་བའི་ཏིང་ངེ་འཛིན་དང ། དེ་བཞིན་དུ་སྦྱར་ཏེ། ནམ་མཁའ་ལྟར་ཆགས་པ་མེད་ཅིང་རྣམ་པར་གྲོལ་ལ་གོས་པ་མེད་པའི་ཏིང་ངེ་འཛིན་གྱི་བར་དག་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདི་ལྟ་སྟེ། དྲན་པ་ཉེ་བར་བཞག་པ་བཞི་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡིན་ནོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཅུ་གསུམ་པ། ཡང་རབ་འབྱོར། འདི་སྐད་དུ་ཐེག་པ་དེ་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས། ངེས་པར་འབྱུང་བར་འགྱུར་ཞེས་སྨྲས་པ་ལ། ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་དེ་གང་ཞེ་ན། འདི་ལྟ་སྟེ། འདོད་པའི་ཁམས་དང ། གཟུགས་ཀྱི་ཁམས་དང ། གཟུགས་མེད་པའི་ཁམས་སོ། །རབ་འབྱོར། གལ་ཏེ་འདོད་པའི་ཁམས་དེ་བཞིན་དུ་འགྱུར་ཏེ། མ་ནོར་བ་དང ། གཞན་མ་ཡིན་པ་དང ། ཕྱིན་ཅི་མ་ལོག་པ་དང ། ཡང་དག་པ་དང ། བདེན་པ་དང ། ཇི་ལྟ་བ་བཞིན་དང ། རྟག་པ་དང ། བརྟན་པ་དང ། ཐེར་ཟུག་དང ། མི་འགྱུར་བའི་ཆོས་ཅན་ཡིན་ལ།
Kha72a
༄#། །དངོས་པོ་མེད་པ་མ་ཡིན་ན་ནི་ཐེག་པ་ཆེན་པོ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་འདོད་པའི་ཁམས་ནི་བརྟགས་པ། རྣམ་པར་བསྒྲུབས་པ། ཚིག་གིས་བསྟན་པ་སྟེ། མི་རྟག་མི་བརྟན་ཞིང་ཐེར་ཟུག་མ་ཡིན་ལ་འགྱུར་བའི་ཆོས་ཅན་ཡིན་ཏེ། དངོས་པོ་མེད་པའི་བར་དུ་ཡིན་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་ངོ ། །རབ་འབྱོར། དེ་བཞིན་དུ་གཟུགས་ཀྱི་ཁམས་དང ། གཟུགས་མེད་པའི་ཁམས་ནས་དེ་བཞིན་དུ་འགྱུར་ཏེ། མ་ནོར་བ་དང ། གཞན་མ་ཡིན་པ་དང ། ཕྱིན་ཅི་མ་ལོག་པ་དང ། ཡང་དག་པ་དང ། བདེན་པ་དང ། ཇི་ལྟ་བ་བཞིན་དང ། རྟག་པ་དང ། བརྟན་པ་དང ། ཐེར་ཟུག་དང ། མི་འགྱུར་བའི་ཆོས་ཅན་ཡིན་ལ། དངོས་པོ་མེད་པ་མ་ཡིན་ན་ནི།་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་གཟུགས་ཀྱི་ཁམས་དང ། གཟུགས་མེད་པའི་ཁམས་ནི་བརྟགས་པ། རྣམ་པར་བསྒྲུབས་པ། ཚིག་གིས་བསྟན་པ་སྟེ། དེ་ཐམས་ཅད་མི་རྟག་།མི་བརྟན་ཞིང ། ཐེར་ཟུག་མ་
Kha72b
ཡིན་ལ། འགྱུར་བའི་ཆོས་ཅན་ཏེ། དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་ངོ ། །རབ་འབྱོར། གལ་ཏེ་གཟུགས་དེ་བཞིན་དུ་འགྱུར་ཏེ། མ་ནོར་བ་དང ། གཞན་མ་ཡིན་པ་དང ། ཕྱིན་ཅི་མ་ལོག་པ་དང ། ཡང་དག་པ་དང ། བདེན་པ་དང ། ཇི་ལྟ་བ་བཞིན་དང ། ཐམས་ཅད་རྟག་པ་དང ། བརྟན་པ་དང ། ཐེར་ཟུག་དང ། མི་འགྱུར་བའི་ཆོས་ཅན་ཡིན་ལ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་གཟུགས་ནི་བརྟགས་པ། རྣམ་པར་བསྒྲུབས་པ། ཚིག་གིས་བསྟན་པ་སྟེ། དེ་ཐམས་ཅད་མི་རྟག་།མི་བརྟན་ཞིང ། ཐེར་ཟུག་མ་ཡིན་ལ། འགྱུར་བའི་ཆོས་ཅན་ཏེ། དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལའང་གཟུགས་ལ་ཇི་ལྟར་སྦྱར་བ་བཞིན་དུ་བྱའོ། །དེ་བཞིན་དུ་མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། དེ་བཞིན་དུ་གཟུགས་ཀྱི་སྐྱེ་མཆེད་དང ། སྒྲའི་སྐྱེ་མཆེད་དང །
Kha73a
༄#། །དྲིའི་སྐྱེ་མཆེད་དང ། རོའི་སྐྱེ་མཆེད་དང ། རེག་བྱའི་སྐྱེ་མཆེད་དང ། ཆོས་ཀྱི་སྐྱེ་མཆེད་དང ། དེ་བཞིན་དུ་མིག་གི་རྣམ་པར་ཤེས་པ་དང ། དེ་བཞིན་དུ་མིག་གི་འདུས་ཏེ་རེག་པ་ནས་ཡིད་ཀྱི་བར་དང ། དེ་བཞིན་དུ་མིག་གི་འདུས་ཏེ་རེག་པ་ལས་བྱུང་བའི་ཚོར་བ་ནས། ཡིད་ཀྱི་འདུས་ཏེ་རེག་པ་ལས་བྱུང་བའི་ཚོར་བའི་བར་དུ་མ་ནོར་བ་དང ། གཞན་མ་ཡིན་པ་དང ། ཕྱིན་ཅི་མ་ལོག་པ་དང ། ཡང་དག་པ་དང ། བདེན་པ་དང ། ཇི་ལྟ་བ་བཞིན་དང ། རྟག་པ་དང ། བརྟན་པ་དང ། ཐེར་ཟུག་དང ། མི་འགྱུར་བའི་ཆོས་ཅན་ཡིན་ལ།་དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི་བརྟགས་པ། རྣམ་པར་བསྒྲུབས་པ། ཚིག་གིས་བསྟན་པ་སྟེ། དེ་ཐམས་ཅད་མི་རྟག། མི་བརྟན་ཞིང ། ཐེར་ཟུག་མ་ཡིན་ལ། འགྱུར་བའི་ཆོས་ཅན་གྱི་བར་དུ་ཡིན་ཏེ། དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་ཆོས་ཀྱི་དབྱིངས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་
Kha73b
པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་ཆོས་ཀྱི་དབྱིངས་ནི་དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །དེ་བཞིན་དུ་སྦྱར་ཏེ། རབ་འབྱོར། དེ་བཞིན་ཉིད་དངོས་པོ་ཞིག་ཡིན་ཏེ། དངོས་པོ་མེད་པ་མ་ཡིན་ལ། དེ་བཞིན་དུ་ཡང་དག་པའི་མཐའ་དང ། བསམ་གྱིས་མི་ཁྱབ་པའི་དབྱིངས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་དེ་བཞིན་ཉིད་དང ། ཡང་དག་པའི་མཐའ་དང ། བསམ་གྱིས་མི་ཁྱབ་པའི་དབྱིངས་ནི་དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་སྦྱིན་པའི་ཕ་རོལ་ཏུ་ཕྱིན་པ་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་
Kha74a
༄#། །སྦྱིན་པའི་ཕ་རོལ་ཏུ་ཕྱིན་པ་ནི་དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། དེ་བཞིན་དུ་གལ་ཏེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་
Kha74b
གི་ཕྱིར་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་དྲན་པ་ཉེ་བར་བཞག་པ་རྣམས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ།་ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་དྲན་པ་ཉེ་བར་བཞག་པ་རྣམས་དངོས་པོ་མེད་པས། དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པ་དང ། དེ་བཞིན་དུ་སྦྱར་ཏེ། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་
Kha75a
༄#། །འབྱོར། གང་གི་ཕྱིར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་དངོས་པོ་མེད་པས་དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་རིགས་ཀྱི་ཆོས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་རིགས་ཀྱི་ཆོས་དངོས་པོ་མེད་པས། དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། དེ་བཞིན་དུ་གལ་ཏེ་བརྒྱད་པའི་ཆོས་རྣམས་དང ། རྒྱུན་དུ་ཞུགས་པའི་ཆོས་རྣམས་དང ། ལན་གཅིག་ཕྱིར་འོང་བའི་ཆོས་རྣམས་དང ། ཕྱིར་མི་འོང་བའི་ཆོས་རྣམས་དང ། དགྲ་བཅོམ་པའི་ཆོས་རྣམས་དང ། རང་སངས་རྒྱས་ཀྱི་ཆོས་རྣམས་དང ། བྱང་ཆུབ་སེམས་དཔའི་ཆོས་རྣམས་དང ། ཡང་དག་པར་རྫོགས་པའི་སངས་རྒྱས་ཀྱི་ཆོས་རྣམས་དངོས་པོ་ཡིན་ཏེ་དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་
Kha75b
འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་བར་དུ་དངོས་པོ་མེད་པས། དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་རིགས་ཀྱི་སའི་གང་ཟག་རྣམས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་རིགས་ཀྱི་སའི་གང་ཟག་རྣམས་དངོས་པོ་མེད་པས། དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས། ངེས་པར་འབྱུང་བར་འགྱུར་རོ། །དེ་བཞིན་དུ་བརྒྱད་པའི་གང་ཟག་དང ། རྒྱུན་དུ་ཞུགས་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དང ། རང་སངས་རྒྱས་དང ། བྱང་ཆུབ་སེམས་དཔའ་དང ། ཡང་དག་པར་རྫོགས་པའི་སངས་རྒྱས་ཀྱི་གང་ཟག་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་བརྒྱད་པའི་གང་ཟག་དང ། དེ་བཞིན་གཤེགས་
Kha76a
༄#། །པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གང་ཟག་གི་བར་དུ་དངོས་པོ་མེད་པས། དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མེ་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་དངོས་པོ་མེད་པས། དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་བར་སྐབས་དེར་སེམས་གང་དང་གང་དག་བསྐྱེད་པ་དེ་དག་ཐམས་ཅད་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་བྱང་
Kha76b
ཆུབ་སེམས་དཔའ་སེམས་དཔའ་ཆེན་པོའི་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་བར་སྐབས་དེར་སེམས་གང་དང་གང་དག་བསྐྱེད་པ་དེ་དག་ཐམས་ཅད་དངོས་པོ་མེད་པས། དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོའི་རྡོ་རྗེ་ལྟ་བུའི་ཡེ་ཤེས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་བྱང་ཆུབ་སེམས་དཔའི་རྡོ་རྗེ་ལྟ་བུའི་ཡེ་ཤེས་དངོས་པོ་མེད་པས། དེའི་ཕྱིར་ཐེག་པ་ཆེན་པོ། ཐེག་པ་རབ་མཆོག་འདི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོའི་རྡོ་རྗེ་ལྟ་བུའི་ཡེ་ཤེས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོས་བག་ཆགས་དང་མཚམས་སྦྱོར་བ་ཐམས་ཅད་དང ། ཉོན་མོངས་པ་ཐམས་ཅད་དངོས་པོ་མེད་པར་རྟོགས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་པར་མི་འགྱུར་བ་ཞིག་ན།
Kha77a
༄#། །རབ་འབྱོར། གང་གི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོའི་རྡོ་རྗེ་ལྟ་བུའི་ཡེ་ཤེས་དངོས་པོ་མེད་པས་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོས་བག་ཆགས་དང་མཚམས་སྦྱོར་བ་ཐམས་ཅད་དང ། ཉོན་མོངས་པ་ཐམས་ཅད་དངོས་པོ་མེད་པར་རྟོགས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་ཅིང་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། །རབ་འབྱོར། གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་གཟི་བརྗིད་དང ། དཔལ་གྱིས་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་སྤ་ཞིང་མཛེས་པར་མི་འགྱུར་བ་ཞིག་ན། རབ་འབྱོར། གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དངོས་པོ་མེད་པས། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་གཟི་བརྗིད་དང ། དཔལ་གྱིས་ལྷ་དང་མི་དང་ལྷ་མ་ཡིན་དུ་
Kha77b
བཅས་པའི་འཇིག་རྟེན་ཟིལ་གྱིས་མནན་ནས་ལྷམ་མེ་ལྷན་ནེ་ལྷང་ངེའོ། །རབ་འབྱོར། གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་འོད་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་འོད་ཀྱིས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་ཁྱབ་པར་མི་འགྱུར་བ་ཞིག་ན། རབ་འབྱོར། གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་འོད་དངོས་པོ་མེད་པས། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་འོད་ཀྱིས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་ཁྱབ་བོ། །རབ་འབྱོར། གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གསུང་ཡན་ལག་དྲུག་ཅུ་དང་ལྡན་པ་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གསུང་ཡན་ལག་དྲུག་ཅུ་དང་ལྡན་པའི་གསུང་གིས་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་གྲངས་མེད་པ་དག་ཏུ་གོ་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གསུང་ཡན་ལག་དྲུག་ཅུ་དང་ལྡན་པ་དངོས་པོ་མེད་པས་དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་
Kha78a
༄#། །དག་པར་རྫོགས་པའི་སངས་རྒྱས་ཀྱི་གསུང་ཡན་ལག་དྲུག་ཅུ་དང་ལྡན་པའི་གསུང་གིས་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་གྲངས་མེད་པ་དག་ཏུ་གོ་བར་འགྱུར་རོ། །རབ་འབྱོར། གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་འཁོར་ལོ་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི ། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྔོན་དགེ་སྦྱོང་ངམ། བྲམ་ཟེའམ། ཚངས་པའམ། སུས་ཀྱང་ཞེས་བྱ་བའི་བར་གྱིས་འཇིག་རྟེན་དུ་ཆོས་དང་མཐུན་པར་མ་བསྐོར་བསྐོར་བར་མི་འགྱུར་བཞིག་ན། རབ་འབྱོར། གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་འཁོར་ལོ་དངོས་པོ་མེད་པས། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྔོན་དགེ་སྦྱོང་ངམ། བྲམ་ཟའམ། ཚངས་པའམ། སུས་ཀྱང་ཞེས་བྱ་བའི་བར་གྱིས་མ་བསྐོར་བའི་ཆོས་ཀྱི་འཁོར་ལོ་བསྐོར་རོ། །རབ་འབྱོར། གལ་ཏེ་དེ་བཞིན་གཤེགས་པས་གང་དག་གི་ཆེད་དུ་ཆོས་ཀྱི་འཁོར་ལོ་བསྐོར་བའི་སེམས་ཅན་ཐམས་ཅད་དངོས་པོ་ཡིན་ཏེ།་དངོས་པོ་མེད་པ་མ་ཡིན་ན་ནི། དེ་བཞིན་གཤེགས་པས་སེམས་ཅན་དེ་དག་ཐམས་ཅད་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་
Kha78b
པར་མི་འགྱུར་བ་ཞིག་ན། རབ་འབྱོར། གང་གི་ཕྱིར་དེ་བཞིན་གཤེགས་པས་གང་དག་གི་ཆེད་དུ་ཆོས་ཀྱི་འཁོར་ལོ་བསྐོར་བའི་སེམས་ཅན་དེ་དག་ཐམས་ཅད་དངོས་པོ་མེད་པས། དེའི་ཕྱིར་སེམས་ཅན་དེ་དག་ཐམས་ཅད་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །ཡོངས་སུ་མྱ་ངན་ལས་འདའོ། །ཡོངས་སུ་མྱ་ངན་ལས་འདའ་བར་འགྱུར་རོ། །རབ་འབྱོར། གང་ཡང་འདི་སྐད་དུ་ཐེག་པ་དེ་ནི་ནམ་མཁའ་དང་མཉམ་པ་ལགས་སོ་ཞེས་སྨྲས་པ་ནི། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཐེག་པ་དེ་ནི་ནམ་མཁའ་དང་མཉམ་པ་ཡིན་ཏེ། རབ་འབྱོར། དཔེར་ན། ནམ་མཁའ་ལ་ནི་ཤར་ཕྱོགས་མངོན་པ་མེད་དོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་མངོན་པ་མེད། སྟེང་གི་ཕྱོགས་དང ། འོག་གི་ཕྱོགས་དང ། ཕྱོགས་མཚམས་བཞིའང་མངོན་པ་མེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེ་ལའང་ཤར་ཕྱོགས་མངོན་པར་མེད་དོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་མངོན་པ་མེད། སྟེང་གི་ཕྱོགས་དང ། འོག་གི་ཕྱོགས་མངོན་པ་མེད་དོ། །ཕྱོགས་མཚམས་མངོན་པ་མེད་དོ། །རབ་འབྱོར། དཔེར་ན། ནམ་མཁའ་ནི་རིང་པོ་མ་ཡིན། ཐུང་ངུ་མ་ཡིན། ལྷམ་པ་མ་ཡིན། ཟླུམ་པ་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་ཀྱང་རིང་པོ་མ་ཡིན། ཐུང་ངུ་མ་ཡིན། ལྷམ་
Kha79a
༄#། །པ་མ་ཡིན། ཟླུམ་པོ་མ་ཡིན་ནོ། །རབ་འབྱོར། དཔེར་ན། ནམ་མཁའ་ནི་སྔོན་པོ་མ་ཡིན། སེར་པོ་མ་ཡིན། དམར་པོ་མ་ཡིན། དཀར་པོ་མ་ཡིན ། བཙོད་ཀ་མ་ཡིན། སེར་སྐྱ་མ་ཡིན། གསེར་ལྟ་བུ་མ་ཡིན། སྲེའོ་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེའང་སྔོན་པོ་མ་ཡིན། སེར་པོ་མ་ཡིན ། དམར་པོ་མ་ཡིན། དཀར་པོ་མ་ཡིན། བཙོད་ཀ་མ་ཡིན། སེར་སྐྱ་མ་ཡིན། གསེར་ལྟ་བུ་མ་ཡིན། སྲེའོ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། ། རབ་འབྱོར། དཔེར་ན། ནམ་མཁའ་ནི་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེའང་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ལ་ནི་འགྲིབ་པ་མེད། འཕེལ་བ་མེད། ཡོངས་སུ་འབྲི་བ་དམིགས་སུ་མེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེ་ལའང་འགྲིབ་པ་མེད། འཕེལ་བ་མེད ། ཡོངས་སུ་འབྲི་བ་དམིགས་སུ་མེད་དེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ལ་ནི་སྐྱེ་བ་མེད། འགག་པ་མེད། གནས་པ་
Kha79b
མེད། གཞན་དུ་འགྱུར་བ་དམིགས་སུ་མེད་དོ། །རབ་འབྱོར། དེ་བཞིན་དུ་ཐེག་པ་དེ་ལའང་སྐྱེ་བ་མེད། འགག་པ་མེད། གནས་པ་མེད། གཞན་དུ་འགྱུར་བ་དམིགས་སུ་མེད་དོ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་དགེ་བ་མ་ཡིན། མི་དགེ་བ་མ་ཡིན། ལུང་བསྟན་དུ་ཡོད་པ་མ་ཡིན། ལུང་དུ་མ་བསྟན་པ་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་དེའང་དགེ་བ་མ་ཡིན། མི་དགེ་བ་མ་ཡིན། ལུང་བསྟན་དུ་ཡོད་པ་མ་ཡིན། ལུང་དུ་མ་བསྟན་པ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་མཐོང་བ་མ་ཡིན། ཐོས་པ་མ་ཡིན། དྲན་པ་མ་ཡིན། རྣམ་པར་ཤེས་པ་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་མཐོང་བ་མ་ཡིན། ཐོས་པ་མ་ཡིན། དྲན་པ་མ་ཡིན། རྣམ་པར་ཤེས་པ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་ཤེས་པར་བྱ་བ་མ་ཡིན། མངོན་པར་ཤེས་པར་བྱ་བ་མ་ཡིན། ཡོངས་སུ་ཤེས་པར་བྱ་བ་མ་ཡིན། སྤང་བར་བྱ་བ་མ་ཡིན། མངོན་སུམ་དུ་བྱ་བ་མ་ཡིན། བསྒོམ་པར་བྱ་བ་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་ཤེས་པར་བྱ་བ་མ་ཡིན། མངོན་པར་ཤེས་པར་བྱ་བ་མ་ཡིན། ཡོངས་སུ་ཤེས་པར་བྱ་བ་མ་ཡིན། སྤང་བར་བྱ་བ་མ་ཡིན།
Kha80a
༄#། །མངོན་སུམ་དུ་བྱ་བ་མ་ཡིན། བསྒོམ་པར་བྱ་བ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་རྣམ་པར་སྨིན་པ་མ་ཡིན། རྣམ་པར་སྨིན་པའི་ཆོས་ཅན་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་རྣམ་པར་སྨིན་པ་མ་ཡིན། རྣམ་པར་སྨིན་པའི་ཆོས་ཅན་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། འདི་ལྟ་སྟེ། དཔེར་ན། ནམ་མཁའ་ནི་འདོད་པའི་ཁམས་སུ་གཏོགས་པ་མ་ཡིན། གཟུགས་ཀྱི་ཁམས་སུ་གཏོགས་པ་མ་ཡིན། གཟུགས་མེད་པའི་ཁམས་སུ་གཏོགས་པ་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་འདོད་པའི་ཁམས་སུ་གཏོགས་པ་མ་ཡིན ། གཟུགས་ཀྱི་ཁམས་སུ་གཏོགས་པ་མ་ཡིན། གཟུགས་མེད་པའི་ཁམས་སུ་གཏོགས་པ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། འདི་ལྟ་སྟེ།་དཔེར་ན། ནམ་མཁའ་ནི་འདོད་ཆགས་ཀྱི་ཆོས་ཅན་མ་ཡིན། འདོད་ཆགས་དང་བྲལ་བའི་ཆོས་ཅན་མ་ཡིན། དེ་བཞིན་དུ་སྦྱར་ཏེ། གཏི་མུག་དང་བྲལ་བའི་བར་གྱི་ཆོས་ཅན་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་འདོད་ཆགས་ཀྱི་ཆོས་ཅན་མ་ཡིན། འདོད་ཆགས་དང་བྲལ་བའི་ཆོས་ཅན་མ་ཡིན། དེ་བཞིན་དུ་སྦྱར་ཏེ། གཏི་མུག་དང་བྲལ་
Kha80b
བའི་བར་གྱི་ཆོས་ཅན་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ལ་ནི་སེམས་དང་པོ་བསྐྱེད་པ་དམིགས་སུ་མེད། གཉིས་པ་མེད། གསུམ་པ་མེད། བཞི་པ་མེད། ལྔ་པ་མེད། དྲུག་པ་མེད། བདུན་པ་མེད། བརྒྱད་པ་མེད། དགུ་པ་མེད། སེམས་བསྐྱེད་པ་བཅུ་པ་དམིགས་སུ་མེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེའང་སེམས་བསྐྱེད་པ་དང་པོ་དང་བཅུ་པའི་བར་དུ་དམིགས་སུ་མེད་དོ། །དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ལ་ནི་དཀར་པོ་རྣམ་པར་མཐོང་བའི་ས་མེད། རིགས་ཀྱི་ས་མེད། བརྒྱད་པའི་ས་མེད། མཐོང་བའི་ས་མེད། བསྲབས་པའི་ས་མེད། འདོད་ཆགས་དང་བྲལ་བའི་ས་མེད། བྱས་པ་རྟོགས་པ་ཅན་གྱི་ས་མེད། རང་སངས་རྒྱས་ཀྱི་ས་མེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེ་ལའང་དཀར་པོ་རྣམ་པར་མཐོང་བའི་ས་མེད། རང་སངས་རྒྱས་ཀྱི་སའི་བར་དུ་མེད་དེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ལ་ནི་རྒྱུན་དུ་ཞུགས་པའི་འབྲས་བུ་མེད་པ་ནས། རང་བྱང་ཆུབ་ཀྱི་བར་དུ་མེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེ་ལའང་རྒྱུན་དུ་ཞུགས་པའི་འབྲས་བུ་མེད་པ་ནས། རང་བྱང་ཆུབ་ཀྱི་བར་དུ་
Kha81a
༄#། །མེད་དེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ལ་ནི་ཉན་ཐོས་ཀྱི་ས་མེད། རང་སངས་རྒྱས་ཀྱི་ས་མེད། ཡང་དག་པར་རྫོགས་པའི་སངས་རྒྱས་ཀྱི་ས་མེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེ་ལའང་ཉན་ཐོས་ཀྱི་ས་མེད། རང་སངས་རྒྱས་ཀྱི་ས་མེད། ཡང་དག་པར་རྫོགས་པའི་སངས་རྒྱས་ཀྱི་ས་མེད་དེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་གཟུགས་ཅན་མ་ཡིན། གཟུགས་ཅན་མ་ཡིན་པའང་མ་ཡིན། བསྟན་དུ་ཡོད་པ་མ་ཡིན། བསྟན་དུ་མེད་པའང་མ་ཡིན། ཐོགས་པ་དང་བཅས་པ་མ་ཡིན། ཐོགས་པ་མེད་པའང་མ་ཡིན་ཞིང ། ཆོས་གང་དང་ཡང་ལྷན་ཅིག་ལྡན་པའང་མ་ཡིན། མི་ལྡན་པའང་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་གཟུགས་ཅན་མ་ཡིན། གཟུགས་ཅན་མ་ཡིན་པའང་མ་ཡིན། བསྟན་དུ་ཡོད་པ་མ་ཡིན། བསྟན་དུ་མེད་པའང་མ་ཡིན། ཐོགས་པ་དང་བཅས་པ་མ་ཡིན། ཐོགས་པ་མེད་པའང་མ་ཡིན་ཞིང ། ཆོས་གང་དང་ཡང་ལྷན་ཅིག་ལྡན་པའང་མ་ཡིན། མི་ལྡན་པའང་མ་ཡིན་ཏེ།་དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་རྟག་པ་མ་ཡིན། མི་རྟག་པ་མ་ཡིན། བདེ་བ་མ་ཡིན། སྡུག་བསྔལ་བ་མ་ཡིན །
Kha81b
བདག་ཡོད་པ་མ་ཡིན། བདག་མེད་པའང་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་རྟག་པ་མ་ཡིན། མི་རྟག་པ་མ་ཡིན། བདེ་བ་མ་ཡིན། སྡུག་བསྔལ་བ་མ་ཡིན། བདག་ཡོད་པ་མ་ཡིན། བདག་མེད་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་སྟོང་པ་མ་ཡིན། མི་སྟོང་པ་མ་ཡིན། མཚན་མ་ཡོད་པ་མ་ཡིན། མཚན་མ་མེད་པ་མ་ཡིན། སྨོན་པ་ཡོད་པ་མ་ཡིན། སྨོན་པ་མེད་པའང་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་སྟོང་པ་མ་ཡིན། མི་སྟོང་པ་མ་ཡིན། མཚན་མ་ཡོད་པ་མ་ཡིན། མཚན་མ་མེད་པ་མ་ཡིན། སྨོན་པ་ཡོད་པ་མ་ཡིན། སྨོན་པ་མེད་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་ཞི་བ་མ་ཡིན། མ་ཞི་བའང་མ་ཡིན། དབེན་པ་མ་ཡིན། མི་དབེན་པའང་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་ཞི་བ་མ་ཡིན། མ་ཞི་བའང་མ་ཡིན། དབེན་པ་མ་ཡིན། མི་དཔེན་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་མུན་པ་མ་ཡིན། སྣང་བའང་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་མུན་པ་མ་ཡིན། སྣང་བའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་
Kha82a
༄#། །ན།་ནམ་མཁའ་ནི་དམིགས་སུ་མེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་དམིགས་སུ་མེད་ཅིང ། དམིགས་སུ་མེད་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། དཔེར་ན། ནམ་མཁའ་ནི་བརྗོད་དུ་ཡོད་པ་མ་ཡིན། བརྗོད་དུ་མེད་པའང་མ་ཡིན་ནོ། །རབ་འབྱོར། དེ་བཞིན་དུ་ཐེག་པ་ཆེན་པོ་དེའང་བརྗོད་དུ་ཡོད་པ་མ་ཡིན། བརྗོད་དུ་མེད་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱ་སྟེ། རབ་འབྱོར། རྣམ་གྲངས་དེས་ན་འདི་ལྟ་སྟེ། ཐེག་པ་ཆེན་པོ་ཞེས་བྱ་བའི་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། །རབ་འབྱོར། ཡང་འདི་སྐད་ཅེས་ཇི་ལྟར་ནམ་མཁའ་ནི་སེམས་ཅན་དཔག་ཏུ་མ་མཆིས་གྲངས་མ་མཆིས་པ་དག་གི་གོ་འབྱེད་ལགས་སོ། །དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེའང་སེམས་ཅན་དཔག་ཏུ་མ་མཆིས་གྲངས་མ་མཆིས་པའི་གོ་འབྱེད་ལགས་སོ་ཞེས་སྨྲས་པ་ནི། རབ་འབྱོར། དེ་དེ་བཞིན་ནོ། །དེ་དེ་བཞིན་ཏེ། ཡང་དག་པར་སྨྲས་སོ། །རབ་འབྱོར། དཔེར་ན། ནམ་མཁའ་ནི་སེམས་ཅན་དཔག་ཏུ་མེད་གྲངས་མེད་པ་དག་གི་གོ་འབྱེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེའང་སེམས་ཅན་དཔག་ཏུ་མེད་གྲངས་མེད་པ་དག་གི་གོ་འབྱེད་དོ། །རབ་འབྱོར། སེམས་ཅན་མེད་པའི་ཕྱིར་ནམ་མཁའ་མེད་པར་རིག་པར་བྱའོ། །ནམ་
Kha82b
མཁའ་མེད་པའི་ཕྱིར་ཐེག་པ་ཆེན་པོ་མེད་པར་རིག་པར་བྱའོ། །རབ་འབྱོར། རྣམ་གྲངས་དེས་ན་ཐེག་པ་ཆེན་པོ། ཐེག་པ་རབ་མཆོག་དེའང་སེམས་ཅན་དཔག་ཏུ་མེད་གྲངས་མེད་པའི་གོ་འབྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་སེམས་ཅན་གང་དག་ཡིན་པ་དང ། ཐེག་པ་ཆེན་པོ་གང་ཡིན་པ་དང ། ནམ་མཁའ་གང་ཡིན་པ་དེ་དག་ཐམས་ཅད་དམིགས་སུ་མེད་པའི་ཕྱིར་རོ། །རབ་འབྱོར། གཞན་ཡང་སེམས་ཅན་ཚད་མེད་པའི་ཕྱིར། ནམ་མཁའ་ཚད་མེད་པར་རིག་པར་བྱའོ། །ནམ་མཁའ་ཚད་མེད་པའི་ཕྱིར་ཡང་ཐེག་པ་ཆེན་པོ་ཚད་མེད་པར་རིག་པར་བྱའོ། །རབ་འབྱོར། རྣམ་གྲངས་དེས་ན་ཐེག་པ་ཆེན་པོ། ཐེག་པ་རབ་མཆོག་དེའང་སེམས་ཅན་དཔག་ཏུ་མེད་གྲངས་མེད་པ་དག་གི་གོ་འབྱེད་དོ། །དེ་ཅིའི་ཕྱིར་ཞེ་ན། རབ་འབྱོར། སེམས་ཅན་གང་དག་ཕན་པ་དང ། ཐེག་པ་ཆེན་པོ་གང་ཡིན་པ་དང ། ནམ་མཁའ་གང་ཡིན་པ་དེ་དག་ཐམས་ཅད་དམིགས་སུ་མེད་པའི་ཕྱིར་རོ། །དེ་བཞིན་དུ་སྦྱར་ཏེ། རབ་འབྱོར། དཔེར་ན། མྱ་ངན་ལས་འདས་པའི་དབྱིངས་ཀྱི་བར་ནི། སེམས་ཅན་དཔག་ཏུ་མེད་གྲངས་མེད་ཚད་མེད་པ་དག་གི་གོ་འབྱེད་དོ། །རབ་འབྱོར། དེ་བཞིན་དུ་ཐེག་པ་ཆེན་པོ། ཐེག་པ་རབ་མཆོག་དེའང་སེམས་ཅན་དཔག་ཏུ་མེད་གྲངས་མེད་ཚད་མེད་པ་དག་གི་གོ་འབྱེད་དོ། །རབ་འབྱོར། རྣམ་གྲངས་དེས་ན་ཐེག་པ་ཆེན་པོ། ཐེག་པ་རབ་མཆོག་དེ་ནི་སེམས་ཅན་དཔག་ཏུ་མེད་གྲངས་མེད་
Kha83a
༄#། །ཚད་མེད་པ་དག་གི་གོ་འབྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ནམ་མཁའ་ལྟ་བུ་ཞེས་བྱ་བའི་ལེའུ་སྟེ་བཅུ་གསུམ་པའོ།། །། ཡང་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་བཀའ་སྩལ་པ། རབ་འབྱོར། གང་ཡང་འདི་སྐད་ཅེས་ཐེག་པ་ཆེན་པོ་དེ་ལ་ནི་འོང་བའང་མི་གདའ། འགྲོ་བའང་མི་གདའ། གནས་པའང་མི་གདའ་ལགས་སོ་ཞེས་སྨྲས་པ་ནི། རབ་འབྱོར། དེ་དེ་བཞིན་ཏེ། ཡང་དག་པར་སྨྲས་སོ། །རབ་འབྱོར། ཐེག་པ་ཆེན་པོ། ཐེག་པ་རབ་མཆོག་དེ་ལ་ནི་འོང་བའང་མི་སྣང ། འགྲོ་བ་དང་གནས་པའང་མེད་དོ། །དེ་ཅིའི་ཕྱིར་ཞེ་ན། རབ་འབྱོར། ཆོས་ཐམས་ཅད་ནི་གཡོ་བ་མེད་པ་སྟེ། དེའི་ཕྱིར་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གཟུགས་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་ཅིང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། གཟུགས་ཀྱི་རང་བཞིན་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། དེ་བཞིན་དུ་གཟུགས་ཀྱི་དེ་བཞིན་ཉིད་དང །
Kha83b
གཟུགས་ཀྱི་ངོ་བོ་ཉིད་དང ། གཟུགས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་རང་བཞིན་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། ཚོར་བའི་དེ་བཞིན་ཉིད་དང ། ཚོར་བའི་ངོ་བོ་ཉིད་དང ། ཚོར་བའི་ངོ་བོ་ཉིད་ཀྱི་མཚན་ཉིད་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་དེ་བཞིན་ཉིད་དང ། རྣམ་པར་ཤེས་པའི་ངོ་བོ་ཉིད་དང ། རྣམ་པར་ཤེས་པའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། མིག་དང ། མིག་གི་རང་བཞིན་དང ། མིག་གི་དེ་བཞིན་ཉིད་དང ། མིག་གི་ངོ་བོ་ཉིད་དང ། མིག་གི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། ཡིད་ཀྱི་རང་བཞིན་དང ། ཡིད་ཀྱི་དེ་བཞིན་ཉིད་དང ། ཡིད་ཀྱི་ངོ་བོ་ཉིད་དང ། ཡིད་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། སའི་ཁམས་དང ། སའི་ཁམས་ཀྱི་རང་བཞིན་དང ། སའི་ཁམས་
Kha84a
༄#། །ཀྱི་དེ་བཞིན་ཉིད་དང ། སའི་ཁམས་ཀྱི་ངོ་བོ་ཉིད་དང ། སའི་ཁམས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། དེ་བཞིན་དུ་ཆུའི་ཁམས་དང ། མེའི་ཁམས་དང ། རླུང་གི་ཁམས་དང ། ནམ་མཁའི་ཁམས་དང ། རྣམ་པར་ཤེས་པའི་ཁམས་དང ། རྣམ་པར་ཤེས་པའི་ཁམས་ཀྱི་རང་བཞིན་དང ། རྣམ་པར་ཤེས་པའི་ཁམས་ཀྱི་དེ་བཞིན་ཉིད་དང ། རྣམ་པར་ཤེས་པའི་ཁམས་ཀྱི་ངོ་བོ་ཉིད་དང ། རྣམ་པར་ཤེས་པའི་ཁམས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། དེ་བཞིན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། དེ་བཞིན་ཉིད་ཀྱི་རང་བཞིན་དང ། དེ་བཞིན་ཉིད་ཀྱི་དེ་བཞིན་ཉིད་དང ། དེ་བཞིན་ཉིད་ཀྱི་ངོ་བོ་ཉིད་དང ། དེ་བཞིན་ཉིད་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། ཡང་དག་པའི་མཐའ་དང ། ཡང་དག་པའི་མཐའི་རང་བཞིན་དང ། ཡང་དག་པའི་མཐའི་དེ་བཞིན་ཉིད་དང ། ཡང་དག་པའི་མཐའི་ངོ་བོ་ཉིད་དང ། ཡང་དག་པའི་མཐའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་
Kha84b
འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། བསམ་གྱིས་མི་ཁྱབ་པའི་དབྱིངས་དང ། བསམ་གྱིས་མི་ཁྱབ་པའི་དབྱིངས་ཀྱི་རང་བཞིན་དང ། བསམ་གྱིས་མི་ཁྱབ་པའི་དབྱིངས་ཀྱི་དེ་བཞིན་ཉིད་དང ། བསམ་གྱིས་མི་ཁྱབ་པའི་དབྱིངས་ཀྱི་ངོ་བོ་ཉིད་དང ། བསམ་གྱིས་མི་ཁྱབ་པའི་དབྱིངས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། སྦྱིན་པའི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པའི་རང་བཞིན་དང ། སྦྱིན་པའི་ཕ་རོལ་ཏུ་ཕྱིན་པའི་དེ་བཞིན་ཉིད་དང ། སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་དང ། སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་དེ་བཞིན་ཉིད་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། དེ་བཞིན་དུ་སྦྱར་ཏེ། དྲན་པ་ཉེ་བར་བཞག་པ་
Kha85a
༄#། །རྣམས་དང ། དྲན་པ་ཉེ་བར་བཞག་པའི་རང་བཞིན་དང ། དྲན་པ་ཉེ་བར་བཞག་པའི་དེ་བཞིན་ཉིད་དང ། དྲན་པ་ཉེ་བར་བཞག་པའི་ངོ་བོ་ཉིད་དང ། དྲན་པ་ཉེ་བར་བཞག་པའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་གོང་མ་བཞིན་དུ་རྒྱ་ཆེར་སྦྱར་བར་བྱའོ། །རབ་འབྱོར། བྱང་ཆུབ་དང ། བྱང་ཆུབ་ཀྱི་རང་བཞིན་དང ། བྱང་ཆུབ་ཀྱི་དེ་བཞིན་ཉིད་དང ། བྱང་ཆུབ་ཀྱི་ངོ་བོ་ཉིད་དང ། བྱང་ཆུབ་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། སངས་རྒྱས་དང ། སངས་རྒྱས་ཀྱི་རང་བཞིན་དང ། སངས་རྒྱས་ཀྱི་དེ་བཞིན་ཉིད་དང ། སངས་རྒྱས་ཀྱི་ངོ་བོ་ཉིད་དང ། སངས་རྒྱས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང ། རབ་འབྱོར། འདུས་བྱས་ཀྱི་ཁམས་དང ། འདུས་བྱས་ཀྱི་ཁམས་ཀྱི་རང་བཞིན་དང ། འདུས་བྱས་ཀྱི་ཁམས་ཀྱི་དེ་བཞིན་ཉིད་དང ། འདུས་བྱས་ཀྱི་ཁམས་ཀྱི་ངོ་བོ་ཉིད་དང ། འདུས་བྱས་ཀྱི་ཁམས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་
Kha85b
གནས་པ་མེད་པའི་ཕྱིར་རོ། །རབ་འབྱོར། གང་ཡང་འདི་སྐད་དུ་ཐེག་པ་དེ་ལ་ནི་སྔོན་གྱི་མཐའ་ཡང་མི་དམིགས། ཕྱི་མའི་མཐའ་ཡང་མི་དམིགས། དབུས་ཀྱང་མི་དམིགས་ཏེ། ཐེག་པ་དེ་ནི་དུས་གསུམ་མཉམ་པ་ཉིད་དུ་ཡང་དག་པར་གནས་པས། དེའི་ཕྱིར་ཐེག་པ་དེ་ནི་ཐེག་པ་ཆེན་པོ་ཞེས་བགྱིའོ་ཞེས་སྨྲས་པ་ནི། རབ་འབྱོར། དེ་དེ་བཞིན་ནོ། །དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ། །ཐེག་པ་ཆེན་པོ་དེ་ལ་ནི་སྔོན་གྱི་མཐའ་ཡང་མི་དམིགས། ཕྱི་མའི་མཐའ་ཡང་མི་དམིགས། དབུས་ཀྱང་མི་དམིགས་ཏེ། ཐེག་པ་དེ་ནི་དུས་གསུམ་མཉམ་པ་ཉིད་དུ་རྣམ་པར་གནས་པས་དེའི་ཕྱིར་ཐེག་པ་དེ་ནི་ཐེག་པ་ཆེན་པོ་ཞེས་བྱའོ། །དེ་ཅིའི་ཕྱིར་ཞེ་ན། འདི་ལྟར་འདས་པའི་དུས་ནི་འདས་པའི་དུས་ཀྱིས་སྟོང ། མ་འོངས་པའི་དུས་ནི་མ་འོངས་པའི་དུས་ཀྱིས་སྟོང ། ད་ལྟར་བྱུང་བའི་དུས་ནི་ད་ལྟར་བྱུང་བའི་དུས་ཀྱིས་སྟོང ། དུས་གསུམ་མཉམ་པ་ཉིད་ནི་དུས་གསུམ་མཉམ་པ་ཉིད་ཀྱིས་སྟོང ། ཐེག་པ་ཆེན་པོ་ནི་ཐེག་པ་ཆེན་པོས་སྟོང ། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་པའི་ཕྱིར་རོ། །རབ་འབྱོར། སྟོང་པ་ཉིད་ནི་གཅིག་མ་ཡིན། གཉིས་མ་ཡིན། གསུམ་མ་ཡིན། བཞི་མ་ཡིན། ལྔ་མ་ཡིན་ཞིང ། ཐ་དད་པའང་མེད་དོ། །རབ་འབྱོར། དེ་ནི་བྱང་ཆུབ་སེམས་དཔའ་རྣམས་ཀྱི་དུས་གསུམ་མཉམ་པ་ཉིད་ཀྱི་ཐེག་པ་ཡིན་ཏེ། དེ་ལ་ནི་མཉམ་པ་དང་མི་མཉམ་པ་མི་དམིགས་སོ། །འདོད་ཆགས་
Kha86a
༄#། །དང་འདོད་ཆགས་དང་བྲལ་བ་མི་དམིགས་སོ། །ཞེ་སྡང་དང་ཞེ་སྡང་དང་བྲལ་བ་མི་དམིགས་སོ། །གཏི་མུག་དང་གཏི་མུག་དང་བྲལ་བ་དང ། ང་རྒྱལ་ཡང་མི་དམིགས་སོ། །དེ་བཞིན་དུ་སྦྱར་ཏེ། དགེ་བའི་ཆོས་རྣམས་དང ། མི་དགེ་བ་རྣམས་དང ། ལུང་དུ་བསྟན་པ་རྣམས་དང ། ལུང་དུ་མ་བསྟན་པ་རྣམས་ཀྱང་མི་དམིགས་སོ། །རྟག་པ་དང ། མི་རྟག་པའང་མི་དམིགས་སོ། །བདེ་བ་དང ། སྡུག་བསྔལ་དང ། སྡུག་བསྔལ་བའང་མ་ཡིན། བདེ་བའང་མ་ཡིན་པའང་མི་དམིགས་སོ། །དེ་ལ་ནི་བདག་དང་བདག་མེད་པའང་མི་དམིགས་སོ། །དེ་ལ་ནི་འདོད་པའི་ཁམས་མི་དམིགས་སོ། །གཟུགས་ཀྱི་ཁམས་དང ། གཟུགས་མེད་པའི་ཁམས་མི་དམིགས་སོ། །འདོད་པའི་ཁམས་ལས་ཡང་དག་པར་འདའ་བ་མི་དམིགས་སོ། །གཟུགས་ཀྱི་ཁམས་ལས་ཡང་དག་པར་འདའ་བ་དང ། གཟུགས་མེད་པའི་ཁམས་ལས་ཡང་དག་པར་འདའ་བ་མི་དམིགས་སོ། །དེ་ཅིའི་ཕྱིར་ཞེ་ན། འདི་ལྟར་དངོས་པོ་མེད་པ་ནི་དམིགས་སུ་མེད་པའི་ཕྱིར་ཏེ། རབ་འབྱོར། འདས་པའི་གཟུགས་ནི་འདས་པའི་གཟུགས་ཀྱིས་སྟོང ། མ་འོངས་པའི་གཟུགས་ནི་མ་འོངས་པའི་གཟུགས་ཀྱིས་སྟོང ། ད་ལྟར་བྱུང་བའི་གཟུགས་ནི་ད་ལྟར་བྱུང་བའི་གཟུགས་ཀྱིས་སྟོང་ངོ ། །དེ་བཞིན་དུ་འདས་པའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། འདས་པའི་རྣམ་པར་
Kha86b
ཤེས་པ་ནི་འདས་པའི་རྣམ་པར་ཤེས་པས་སྟོང ། མ་འོངས་པའི་རྣམ་པར་ཤེས་པ་ནི་མ་འོངས་པའི་རྣམ་པར་ཤེས་པས་སྟོང ། ད་ལྟར་བྱུང་བའི་རྣམ་པར་ཤེས་པ་ནི་ད་ལྟར་བྱུང་བའི་རྣམ་པར་ཤེས་པས་སྟོང་པའི་ཕྱིར་ཏེ། རབ་འབྱོར། སྟོང་པ་ཉིད་ལ་ནི་འདས་པའི་གཟུགས་དམིགས་སུ་མེད་དེ། འདས་པ་ཉིད་སྟོང་པ་ཉིད་ཡིན་ལ། སྟོང་པ་ཉིད་ཀྱང་སྟོང་པ་ཉིད་ཡིན་པས་དམིགས་སུ་མེད་ན། སྟོང་པ་ཉིད་ལ་འདས་པའི་གཟུགས་དམིགས་པར་ལྟ་ག་ལ་འགྱུར། སྟོང་པ་ཉིད་ལ་ནི་མ་འོངས་པ་དང ། ད་ལྟར་བྱུང་བའི་གཟུགས་དམིགས་སུ་མེད་དེ། སྟོང་པ་ཉིད་ཀྱང་སྟོང་པ་ཉིད་ཡིན་པས་དམིགས་སུ་མེད་ན། སྟོང་པ་ཉིད་ལ་མ་འོངས་པ་དང ། ད་ལྟར་བྱུང་བའི་གཟུགས་དམིགས་པར་ལྟ་ག་ལ་འགྱུར། སྟོང་པ་ཉིད་ལ་ནི་འདས་པའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དམིགས་སུ་མེད་དེ། སྟོང་པ་ཉིད་ཀྱང་སྟོང་པ་ཉིད་ཡིན་པས་དམིགས་སུ་མེད་ན། སྟོང་པ་ཉིད་ལ་འདས་པའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དམིགས་པར་ལྟ་ག་ལ་འགྱུར། སྟོང་པ་ཉིད་ལ་ནི་མ་འོངས་པ་དང ། ད་ལྟར་བྱུང་བའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དམིགས་སུ་མེད་དེ། སྟོང་པ་ཉིད་ཀྱང་སྟོང་པ་ཉིད་ཡིན་པས་དམིགས་སུ་མེད་ན། སྟོང་པ་ཉིད་ལ་མ་འོངས་པ་དང ། ད་
Kha87a
༄#། །ལྟར་བྱུང་བའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དམིགས་པར་ལྟ་ག་ལ་འགྱུར། རབ་འབྱོར། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ནི་སྔོན་གྱི་མཐར་མི་དམིགས་སོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ནི་ཕྱི་མའི་མཐའ་དང ། ད་ལྟར་བྱུང་བར་མི་དམིགས་སོ། །རབ་འབྱོར། སྦྱིན་པའི་ཕ་རོལ་ཏུ་ཕྱིན་པ་ནི་དུས་གསུམ་མཉམ་པ་ཉིད་ལ་མི་དམིགས་ཏེ། རབ་འབྱོར། ཆོས་མཉམ་པ་ཉིད་ལ་ནི་འདས་པའི་དུས་མི་དམིགས་སོ། །མ་འོངས་པ་དང ། ད་ལྟར་བྱུང་བའི་དུས་མི་དམིགས་སོ། །རབ་འབྱོར། རེ་ཞིག་མཉམ་པ་ཉིད་ལ་ནི་མཉམ་པ་ཉིད་ཀྱང་དམིགས་སུ་མེད་ན། མཉམ་པ་ཉིད་ལ་འདས་པའི་དུས་དམིགས་པར་ལྟ་ག་ལ་འགྱུར། དེ་བཞིན་དུ་མ་འོངས་པ་དང ། ད་ལྟར་བྱུང་བའི་དུས་དམིགས་པར་ལྟ་ག་ལ་འགྱུར། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལའང་སྦྱིན་པའི་ཕ་རོལ་ཏུ་ཕྱིན་པར་ཇི་སྐད་བསྟན་པ་དེ་བཞིན་དུ་རྒྱ་ཆེར་སྦྱར་བར་བྱའོ། རབ་འབྱོར། གཞན་ཡང་དྲན་པ་ཉེ་བར་བཞག་པ་རྣམས་ནི་སྔོན་གྱི་མཐར་མི་དམིགས་སོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ནི་ཕྱི་མའི་མཐའ་དང ། ད་ལྟར་བྱུང་བར་མི་དམིགས་
Kha87b
སོ། །དྲན་པ་ཉེ་བར་བཞག་པ་རྣམས་ནི་དུས་གསུམ་མཉམ་པ་ཉིད་ལ་མི་དམིགས་སོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ནི་སྔོན་གྱི་མཐར་མི་དམིགས་སོ། ། དེ་བཞིན་དུ་འཕགས་པའི་ལམ་ཡན་ལག་བརྒྱད་པ་ནི་ཕྱི་མའི་མཐའ་དང ། ད་ལྟར་བྱུང་བར་མི་དམིགས་སོ། །འཕགས་པའི་ལམ་ཡན་ལག་བརྒྱད་པ་ནི་དུས་གསུམ་མཉམ་པ་ཉིད་ལ་མི་དམིགས་སོ། །རབ་འབྱོར། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནི་སྔོན་གྱི་མཐར་མི་དམིགས་སོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནི་ཕྱི་མའི་མཐའ་དང ། ད་ལྟར་བྱུང་བར་མི་དམིགས་སོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་སྔོན་གྱི་མཐར་མི་དམིགས་སོ། །དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ནི་ཕྱི་མའི་མཐའ་དང ། ད་ལྟར་བྱུང་བར་མི་དམིགས་སོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ནི་དུས་གསུམ་མཉམ་པ་ཉིད་ལ་མི་དམིགས་སོ། །རབ་འབྱོར། གཞན་ཡང་སོ་སོའི་སྐྱེ་བོ་ནི་སྔོན་གྱི་མཐར་མི་དམིགས་སོ། །དེ་བཞིན་དུ་སོ་སོའི་སྐྱེ་བོ་ནི་ཕྱི་མའི་མཐའ་དང ། ད་ལྟར་བྱུང་བར་མི་དམིགས་སོ། །སོ་སོའི་སྐྱེ་བོ་ནི་དུས་གསུམ་མཉམ་པ་ཉིད་ལ་མི་དམིགས་སོ། །དེ་ཅིའི་ཕྱིར་ཞེ་ན། སེམས་ཅན་དམིགས་སུ་མེད་པ་ཉིད་ཀྱི་ཕྱིར་རོ། །དེ་བཞིན་དུ་སྦྱར་ཏེ། ཉན་ཐོས་ནི་སྔོན་གྱི་མཐར་མི་དམིགས་སོ། །ཉན་ཐོས་ནི་ཕྱི་མའི་མཐར་མི་དམིགས་སོ། །ཉན་ཐོས་ནི་ད་ལྟར་བྱུང་
Kha88a
༄#། །བར་མི་དམིགས་སོ། །དེ་བཞིན་དུ་ཉན་ཐོས་ནི་དུས་གསུམ་མཉམ་པ་ཉིད་ལ་མི་དམིགས་སོ། །དེ་ཅིའི་ཕྱིར་ཞེ་ན། སེམས་ཅན་དམིགས་སུ་མེད་པ་ཉིད་ཀྱི་ཕྱིར་རོ། །དེ་བཞིན་དུ་ཉན་ཐོས་དང ། རང་སངས་རྒྱས་དང ། དེ་བཞིན་དུ་བྱང་ཆུབ་སེམས་དཔའ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་སྔོན་གྱི་མཐར་མི་དམིགས་སོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་བར་དག་ནི་ཕྱི་མའི་མཐའ་དང ། ད་ལྟར་བྱུང་བར་མི་དམིགས་སོ། །དེ་བཞིན་དུ་དེ་བཞིན་གཤེགས་པའི་བར་ནི་དུས་གསུམ་མཉམ་པ་ཉིད་ལ་མི་དམིགས་སོ། །དེ་ཅིའི་ཕྱིར་ཞེ་ན། སེམས་ཅན་དམིགས་སུ་མེད་པ་ཉིད་ཀྱི་ཕྱིར་རོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དུས་གསུམ་པོ་དག་ལ་བསླབས་ལ། རྣམ་པ་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱ་སྟེ། རབ་འབྱོར། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དུས་གསུམ་མཉམ་པ་ཉིད་ཅེས་བྱ་བའི་ཐེག་པ་ཆེན་པོ་ཡིན་ཏེ། དེ་ལ་གནས་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་ངོ་།། །།འཕགས་པ་ཤེས་རབ་ཀྱི་ཕ་
Kha88b
རོལ་ཏུ་ཕྱིན་པ་ཁྲི་པ། བམ་པོ་བཅུ་བཞི་པ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོ་ཡང་དག་པར་བཀའ་སྩལ་པ་ནི་ལེགས་སོ། །ལེགས་སོ། །བཙུན་པ་བཅོམ་ལྡན་འདས། འདས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ། ཐེག་པ་རབ་མཆོག་འདི་ཉིད་ལ་བསླབས་པ་རྣམས་ཀྱིས་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ལགས་སོ། །བཙུན་པ་བཅོམ་ལྡན་འདས། མ་འོངས་པའི་བྱང་ཆུབ་སེམས་དཔའ་རྣམས་ཀྱིས་ཀྱང་ཐེག་པ་ཆེན་པོ། ཐེག་པ་རབ་མཆོག་འདི་ཉིད་ལ་བསླབས་ནས་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་པར་འགྱུར་ལགས་སོ། །བཙུན་པ་བཅོམ་ལྡན་འདས། ད་ལྟར་བྱུང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མ་མཆིས་པ་གང་དག་ད་ལྟར་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མ་མཆིས། གྲངས་མ་མཆིས། ཆད་མ་མཆིས་པ་དག་ན་མཆིས་པ་དེ་དག་ཀྱང་ཐེག་པ་ཆེན་པོ། ཐེག་པ་རབ་མཆོག་འདི་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་ལགས་ཏེ། བཙུན་པ་བཅོམ་ལྡན་འདས། དེའི་སླད་དུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་
Kha89a
༄#། །ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ཏེ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་འདས་པ་རྣམས་ཀྱིས་ཐེག་པ་ཆེན་པོ་འདི་ཉིད་ལ་བསླབས་ནས་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་བོ། །གང་དག་མ་འོངས་པའི་དུས་ན་འབྱུང་བར་འགྱུར་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཀྱང་ཐེག་པ་ཆེན་པོ་འདི་ཉིད་ལ་བསླབས་ནས་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་པར་འགྱུར་རོ། །ད་ལྟར་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་གྲངས་མེད་ཚད་མེད་པ་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔག་ཏུ་མེད་པ་གང་དག་འཚོ་ཞིང་བཞུགས་པ་དེ་དག་ཀྱང ། ཐེག་པ་ཆེན་པོ་འདི་ཉིད་ལ་བསླབས་ནས་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་བོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཆོས་འདི་དག་ལ་ནི་ཇི་ལྟར་ཉེ་བར་རྟོག་པར་བྱེད། ཚེ་དང་ལྡན་པ་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ནི་གང་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ནི་གང་ཡིན།
Kha89b
ཉེ་བར་རྟོག་པ་ནི་གང་ཡིན། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། གང་ཡང་འདི་སྐད་དུ་བྱང་ཆུབ་སེམས་དཔའ་ནི་གང་ཡིན་ཞེས་ཟེར་བ་ནི་བྱང་ཆུབ་སེམས་དཔའ་གང་ཡིན་པ་དེ་བྱང་ཆུབ་སེམས་དཔའ་ཞེས་བྱའོ། །བྱང་ཆུབ་དེས་ཀྱང་ཆོས་ཐམས་ཅད་ཀྱི་རྣམ་པ་ཤེས་ཏེ། ཆོས་དེ་དག་ལ་མངོན་པར་ཞེན་པའང་མེད་དོ། །སྨྲས་པ། ཆོས་ཐམས་ཅད་ཀྱི་རྣམ་པ་ཤེས་ཏེ། ཆོས་དེ་དག་ལའང་མངོན་པར་ཞེན་པ་མེད་པ་དེ་གང་དག་ཡིན། སྨྲས་པ། གཟུགས་ཀྱི་རྣམ་པ་ཤེས་ཏེ། དེ་ལའང་མངོན་པར་ཞེན་པ་མེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་རྣམ་པ་ཤེས་ཏེ། དེ་ལའང་མངོན་པར་ཞེན་པ་མེད་དོ། །དེ་ལྟར་གོང་མ་བཞིན་དུ་སྦྱར་ཏེ། སྐྱེ་མཆེད་ཀྱི་བར་གྱི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ། །དེ་བཞིན་དུ་ཁམས་རྣམས་ཀྱི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཀྱི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ། །སྨྲས་པ། ཚེ་དང་
Kha90a
༄#། །ལྡན་པ་རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ཀྱི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་པ་གང་ཡིན། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་ཆོས་རྣམས་འཛིན་པ་སྟེ། འདི་ལྟ་སྟེ། གཟུགས་རྣམས་སམ། སྒྲ་རྣམས་སམ། དྲི་རྣམས་སམ། རོ་རྣམས་སམ། རེག་རྣམས་སམ། ཆོས་རྣམས་སམ། ཕྱི་དང་ནང་གི་ཆོས་རྣམས་ཀྱི་བར་དག་གིས་འདུས་བྱས་དང ། འདུས་མ་བྱས་ཀྱི་ཆོས་འཛིན་པ་སྟེ། རྣམ་པ་དེ་དག་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚེ་དང་ལྡན་པ་ཤཱ་རདྭ་ཏིའི་བུ། གང་ཡང་འདི་སྐད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ནི་གང་ཡིན་ཞེས་ཟེར་བ་ནི། བློ་གྲོས་དེ་རིང་དུ་སོང་བ་ཡིན་ཏེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ཞེས་བྱའོ། །སྨྲས་པ། གང་ལས་རིང་དུ་སོང་བ་ཡིན། སྨྲས་པ། ཤཱ་རདྭ་ཏིའི་བུ། འདི་ལྟ་སྟེ། ཕུང་པོ་རྣམས་དང ། ཁམས་རྣམས་དང ། སྐྱེ་མཆེད་རྣམས་ལས་རིང་དུ་སོང ། ཉོན་མོངས་པ་ཐམས་ཅད་དང ། ལྟ་བར་གྱུར་པ་རྣམས་ལས་རིང་དུ་སོང ། འགྲོ་བ་དྲུག་པོ་དག་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་གྱི་ཕ་རོལ་ཏུ་ཕྱིན་
Kha90b
པ་ལས་རིང་དུ་སོང ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །དེ་བཞིན་དུ་ནང་སྟོང་པ་ཉིད་ལས་རིང་དུ་སོང་ཞིང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །དྲན་པ་ཉེ་བར་བཞག་པ་རྣམས་དང ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན། དེ་ནི་རིང་དུ་སོང་བ་ཡིན་ཏེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། །ཚེ་དང་ལྡན་པ་ཤཱ་རདྭ་ཏིའི་བུ། གང་ཡང་འདི་སྐད་དུ་ཉེ་བར་རྟོག་པ་དེ་ནི་གང་ཡིན་ཞེས་ཟེར་བ་ནི། ཚེ་དང་ལྡན་པ་ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གཟུགས་བདེ་ཞེས་བྱ་བར་ཉེ་བར་མི་རྟོག་གོ ། གཟུགས་སྡུག་བསྔལ་བ་དང ། སྡུག་བསྔལ་བའང་མ་ཡིན། བདེ་བའང་མ་ཡིན་པ་དང ། རྟག་པ་དང ། མི་རྟག་པ་ཞེས་བྱ་བར་ཉེ་བར་མི་རྟོག་གོ་།དེ་ལྟར་གོང་མ་བཞིན་དུ་སྦྱར་ཏེ།
Kha91a
༄#། །གཟུགས་བདག་དང ། བདག་མེད་པ་དང ། སྟོང་པ་དང ། མི་སྟོང་པ་དང ། མཚན་མ་ཡོད་པ་དང ། མཚན་མ་མེད་པ་དང ། སྨོན་པ་ཡོད་པ་དང ། སྨོན་པ་མེད་པ་དང ། ཞི་བ་དང ། མ་ཞི་བ་དང ། དབེན་པ་དང ། མི་དབེན་ཞེས་བྱ་བའི་བར་དུ་ཉེ་བར་མི་རྟོག་གོ་།དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདག་ཏུ་ཉེ་བར་མི་རྟོག་པ་ནས་དེ་བཞིན་དུ་སྦྱར་ཏེ། དབེན་པ་དང ། མི་དབེན་ཞེས་བྱ་བའི་བར་དུ་ཉེ་བར་མི་རྟོག་གོ་།དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལའང་སྦྱར་བར་བྱ་བ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་སྦྱར་བར་བྱའོ། །དེ་བཞིན་དུ་ནང་སྟོང་པ་ཉིད་ནས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་སྦྱར་བར་བྱའོ། །དེ་བཞིན་དུ་དྲན་པ་ཉེ་བར་བཞག་པ་རྣམས་དང ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལའང་སྦྱར་བར་བྱའོ། །དེ་བཞིན་དུ་ཆོས་ཐམས་ཅད་ལའང་སྦྱར་བར་བྱ་བ་ནས། དེ་བཞིན་དུ་ཏིང་ངེ་འཛིན་གྱི་སྒོ་ཐམས་ཅད་དང ། གཟུངས་ཀྱི་སྒོ་ཐམས་ཅད་ལའང་སྦྱར་བར་བྱའོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་རྟག་པ་དང ། མི་རྟག་པ་དང ། དེ་བཞིན་དུ་བདེ་བ་དང ། སྡུག་བསྔལ་བ་དང ། སྡུག་བསྔལ་བའང་
Kha91b
མ་ཡིན། བདེ་བའང་མ་ཡིན་པ་དང ། བདག་དང ། བདག་མེད་པ་དང ། སྟོང་པ་དང ། མི་སྟོང་པ་དང ། མཚན་མ་ཡོད་པ་དང ། མཚན་མ་མེད་པ་དང ། སྨོན་པ་ཡོད་པ་དང ། སྨོན་པ་མེད་པ་དང ། ཞི་བ་དང ། མ་ཞི་བ་དང ། དབེན་པ་དང ། མི་དབེན་པ་ཞེས་བྱ་བའི་བར་དུ་མི་རྟོག་སྟེ། ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དེ་ལྟར་ཆོས་ཐམས་ཅད་ལ་ཉེ་བར་རྟོག་པར་བྱེད་དོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅིའི་ཕྱིར་འདི་སྐད་དུ་གཟུགས་ཀྱི་སྐྱེ་བ་མ་མཆིས་པ་གང་ལགས་པ་དེ་གཟུགས་མ་ལགས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྐྱེ་བ་མ་མཆིས་པ་གང་ལགས་པ་དེ་ནི་རྣམ་པར་ཤེས་པ་མ་ལགས་སོ། །དེ་བཞིན་དུ་ཅིའི་ཕྱིར་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་སྐྱེ་བ་མ་མཆིས་པ་གང་ལགས་པ་དེ་ནི། རྣམ་པ་ཐམས་ཅད་མཁྱེན་པ་ཉིད་མ་ལགས་ཞེས་སྨྲ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། གཟུགས་ནི་གཟུགས་ཀྱིས་སྟོང་ངོ ། །ཚེ་དང་ལྡན་པ་ཤཱ་རདྭ་ཏིའི་བུ། གཟུགས་ཀྱི་སྟོང་པ་ཉིད་གང་ཡིན་པ་དེ་ནི་གཟུགས་མ་ཡིན་ཏེ། གཟུགས་ནི་སྐྱེ་བ་མེད་དོ། །ཚེ་དང་ལྡན་པ་ཤཱ་རདྭ་
Kha92a
༄#། །ཏིའི་བུ། རྣམ་གྲངས་དེས་ན། གཟུགས་ཀྱི་སྐྱེ་བ་མེད་པ་གང་ཡིན་པ་དེ་ནི་གཟུགས་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པས་སྟོང་ངོ ། །ཚེ་དང་ལྡན་པ་ཤཱ་རདྭ་ཏིའི་བུ། སྟོང་པ་ཉིད་གང་ཡིན་པ་དེ་ནི་རྣམ་པར་ཤེས་པ་མ་ཡིན་ཏེ། རྣམ་པར་ཤེས་པ་ནི་སྐྱེ་བ་མེད་དོ། ། ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྐྱེ་བ་མེད་པ་གང་ཡིན་པ་དེ་ནི་རྣམ་པར་ཤེས་པ་མ་ཡིན་ནོ། ། ཚེ་དང་ལྡན་པ་ཤཱ་རདྭ་ཏིའི་བུ། སྦྱིན་པའི་ཕ་རོལ་ཏུ་ཕྱིན་པ་ནི། སྦྱིན་པའི་ཕ་རོལ་ཏུ་ཕྱིན་པས་སྟོང་ངོ ། །སྟོང་པ་ཉིད་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པ་མ་ཡིན་ཏེ་སྐྱེ་བ་མེད་དོ།། དེ་ལྟར་གོང་མ་བཞིན་དུ་སྦྱར་ཏེ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པས་སྟོང་ངོ ། །སྟོང་པ་ཉིད་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་མ་ཡིན་ཏེ་སྐྱེ་བ་མེད་དོ། །ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན། ཤེས་རབ་ཀྱི་ཕ་རོལ་ཏུ་ཕྱིན་པའི་སྐྱེ་བ་མེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་ནོ། །དེ་ལྟར་གོང་མ་བཞིན་དུ་སྦྱར་ཏེ། ནང་སྟོང་པ་ཉིད་ལའང་རྒྱ་ཆེར་སྦྱར་བར་
Kha92b
བྱའོ། །ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་གཟུགས་ཀྱི་སྐྱེ་བ་མེད་པ་གང་ཡིན་པ་དེ་ནི་གཟུགས་མ་ཡིན་ཏེ། སྐྱེ་བའང་མེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྐྱེ་བ་མེད་པ་གང་ཡིན་པ་དེ་ནི་རྣམ་པར་ཤེས་པ་མ་ཡིན་ཏེ། སྐྱེ་བའང་མེད་དོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་སྐྱེ་བ་མེད་པ་གང་ཡིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་མ་ཡིན་ཏེ། སྐྱེ་བའང་མེད་དོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅིའི་ཕྱིར་འདི་སྐད་དུ་གཟུགས་ཀྱི་འགྲིབ་པ་མེད་པ་གང་ཡིན་པ་དེ་ནི་གཟུགས་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་འགྲིབ་པ་མེད་པ་གང་ཡིན་པ་དེ་ནི། རྣམ་པར་ཤེས་པ་མ་ཡིན་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འགྲིབ་པ་མེད་པ་གང་ཡིན་པ་དེ་ནི། རྣམ་པ་ཐམས་ཅད་མཁྱེན་པ་ཉིད་མ་ཡིན་ཞེས་སྨྲ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤ་རདྭ་ཏིའི་བུ།་དེ་བཞིན་དུ་འགྲིབ་པ་མེད་པ་གང་ཡིན་པ་དང ། གཟུགས་གང་ཡིན་པ་དང ། གཉིས་སུ་དབྱེར་མེད་པ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པའང་མ་ཡིན། མི་ལྡན་པའང་མ་ཡིན་
Kha93a
༄#། །ཞིང ། གཟུགས་མེད་པ། བསྟན་དུ་མེད་པ། ཐོགས་པ་མེད་པ་སྟེ། འདི་ལྟར་མཆན་ཉིད་མེད་པར་མཆན་ཉིད་གཅིག་པ་ཡིན་ནོ། །དེ་བཞིན་དུ་འགྲིབ་པ་མེད་པ་གང་ཡིན་པ་དང ། ཚོར་བ་གང་ཡིན་པ་དང ། འདུ་ཤེས་གང་ཡིན་པ་དང ། འདུ་བྱེད་རྣམས་གང་ཡིན་པ་དང ། རྣམ་པར་ཤེས་པ་གང་ཡིན་པ་དང ། གཉིས་སུ་དབྱེར་མེད་པ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པའང་མ་ཡིན། མི་ལྡན་པའང་མ་ཡིན་ཞིང ། གཟུགས་མེད་པ། བསྟན་དུ་མེད་པ། ཐོགས་པ་མེད་པ་སྟེ། འདི་ལྟར་མཚན་ཉིད་མེད་པར་མཚན་ཉིད་གཅིག་པ་ཡིན་ནོ། །དེ་བཞིན་དུ་སྦྱར་ཏེ། ཕུང་པོ་རྣམས་ཀྱི་སྐབས་སུ་ཇི་སྐད་བསྟན་པ་དེ་ཁོ་ན་བཞིན་དུ་ཁམས་དང ། སྐྱེ་མཆེད་དག་ལའང་སྦྱར་བར་བྱའོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལའང་རྒྱ་ཆེར་སྦྱར་བར་བྱའོ། །ཆེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་གཟུགས་ཀྱི་འགྲིབ་པ་མེད་པ་གང་ཡིན་པ་དེ་ནི་གཟུགས་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་འགྲིབ་པ་མེད་པ་གང་ཡིན་པ་དེ་ནི། རྣམ་པར་ཤེས་པ་མ་ཡིན་ནོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འགྲིབ་པ་མེད་པ་གང་ཡིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་མ་ཡིན་ནོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་
Kha93b
དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅིའི་ཕྱིར་འདི་སྐད་དུ་གཟུགས་ཞེས་བགྱི་བ་གང་ལགས་པ་དེ་ནི། འགྲིབ་པ་མ་མཆིས་པའི་གྲངས་སུ་བགྱིས་པ་ལགས་སོ། །དེ་བཞིན་དུ་ཚོར་བ་ཞེས་བགྱི་བ་གང་ལགས་པ་དེ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཞེས་བགྱི་བ་གང་ལགས་པ་དེ་ནི་འགྲིབ་པ་མ་མཆིས་པའི་གྲངས་སུ་བགྱིས་པ་ལགས་སོ། །དེ་ལྟར་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཅེས་བགྱི་བའི་བར་གང་ལགས་པ་དེ་ནི་འགྲིབ་པ་མ་མཆིས་པའི་གྲངས་སུ་བགྱིས་པ་ལགས་སོ་ཞེས་སྨྲ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །གཟུགས་ཀྱང་གཞན་མ་ཡིན་ལ། སྐྱེ་བ་མེད་པའང་གཞན་མ་ཡིན་ཏེ། སྐྱེ་བ་མེད་པ་ཉིད་ཀྱང་གཟུགས་སོ། །གཟུགས་ཉིད་ཀྱང་སྐྱེ་བ་མེད་པའོ། །དེ་བཞིན་དུ་ཚོར་བའང་གཞན་མ་ཡིན། འདུ་ཤེས་ཀྱང་གཞན་མ་ཡིན། འདུ་བྱེད་རྣམས་ཀྱང་གཞན་མ་ཡིན། རྣམ་པར་ཤེས་པའང་གཞན་མ་ཡིན་ལ། སྐྱེ་བ་མེད་པའང་གཞན་མ་ཡིན་ཏེ། རྣམ་པར་ཤེས་པ་ཉིད་ཀྱང་སྐྱེ་བ་མེད་པའོ། །སྐྱེ་བ་མེད་པ་ཉིད་ཀྱང་རྣམ་པར་ཤེས་པའོ། ། ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་གང་གཟུགས་ཞེས་བྱ་བ་དེ་ནི་འགྲིབ་པ་མེད་པའི་གྲངས་སུ་བྱས་པ་ཡིན་ནོ། །དེ་བཞིན་དུ་གང་ཚོར་བ་དང ། འདུ་ཤེས་དང ། འདུ་བྱེད་རྣམས་ཞེས་
Kha94a
༄#། །བྱ་བ་དེ་དང ། གང་རྣམ་པར་ཤེས་པ་ཞེས་བྱ་བ་དེ་ནི་འགྲིབ་པ་མེད་པའི་གྲངས་སུ་བྱས་པ་ཡིན་ནོ། །དེ་ལྟར་གོང་མ་བཞིན་དུ་སྦྱར་ཏེ། ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱང་གཞན་མ་ཡིན་ལ། སྐྱེ་བ་མེད་པའང་གཞན་མ་ཡིན་ཏེ། སྐྱེ་བ་མེད་པ་ཉིད་ཀྱང་རྣམ་པ་ཐམས་ཅད་མཁྱེན་པ་ཉིད་ཡིན་ལ། རྣམ་པ་ཐམས་ཅད་མཁྱེན་པ་ཉིད་ཀྱང་སྐྱེ་བ་མེད་པ་ཉིད་ཡིན་ནོ། །ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་གང་རྣམ་པ་ཐམས་ཅད་མཁྱེན་པ་ཉིད་ཅེས་བྱ་བ་དེ་ནི། འགྲིབ་པ་མེད་པའི་གྲངས་སུ་བྱས་པ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་བ་བཅོམ་ལྡན་འདས། གཞན་ཡང་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཆོས་འདི་དག་ལ་ཉེ་བར་རྟོག་པར་བགྱིད་པ་དེའི་ཚེ། ཤིན་ཏུ་རྣམ་པར་དག་པའི་སླད་དུ་གཟུགས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་བདག་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་སྦྱར་ཏེ།
Kha94b
ཤིན་ཏུ་རྣམ་པར་དག་པའི་སླད་དུ་ཤེས་པ་པོ་དང ། མཐོང་བ་པོའི་བང་དུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་སྤྱིན་པའི་ཕ་རོལ་ཏུ་ཕྱིན་པ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་དྲན་པ་ཉེ་བར་བཞག་པ་རྣམས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་འཕགས་པའི་ལམ་ཡན་ལག་བརྒྱད་པའི་བར་དུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་དེ་བཞིན་གཤེགས་པའི་སྟོབས་བཅུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །ཤིན་ཏུ་རྣམ་པར་དག་པའི་སླད་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་ཏིང་ངེ་འཛིན་ཐམས་ཅད་དང ། གཟུངས་ཀྱི་སྒོ་ཐམས་ཅད་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །ཤིན་ཏུ་རྣམ་པར་དག་པའི་སླད་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་སོ་སོའི་སྐྱེ་བོའི་ཆོས་རྣམས་སྐྱེ་བ་མ་
Kha95a
༄#། །མཆིས་པར་ཡང་དག་པར་རྗེས་སུ་མཐོང་ལགས་སོ། །ཤིན་ཏུ་རྣམ་པར་དག་པའི་སླད་དུ་སོ་སོའི་སྐྱེ་བོ་རྣམས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་བཞིན་དུ་ཤིན་ཏུ་རྣམ་པར་དག་པའི་སླད་དུ་རྒྱུན་དུ་ཞུགས་པའི་ཆོས་རྣམས་དང ། རྒྱུན་དུ་ཞུགས་པ་རྣམས་དང ། ལན་གཅིག་ཕྱིར་འོང་བའི་ཆོས་རྣམས་དང ། ལན་གཅིག་ཕྱིར་འོང་བ་རྣམས་དང ། ཕྱིར་མི་འོང་བའི་ཆོས་རྣམས་དང ། ཕྱིར་མི་འོང་བ་རྣམས་དང ། དགྲ་བཅོམ་པའི་ཆོས་རྣམས་དང ། དགྲ་བཅོམ་པ་རྣམས་དང ། རང་སངས་རྒྱས་ཀྱི་ཆོས་རྣམས་དང ། རང་སངས་རྒྱས་རྣམས་དང ། བྱང་ཆུབ་སེམས་དཔའི་ཆོས་རྣམས་དང ། བྱང་ཆུབ་སེམས་དཔའ་རྣམས་དང ། སངས་རྒྱས་ཀྱི་ཆོས་རྣམས་དང ། སངས་རྒྱས་རྣམས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །ཤིན་ཏུ་རྣམ་པར་དག་པའི་སླད་དུ་ཡང་དག་པར་རྫོགས་པའི་སངས་རྒྱས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཆེ་དང་ལྡན་པ་རབ་འབྱོར་གྱིས་སྨྲས་པའི་དོན་བདག་གིས་ཤེས་པ་ལྟར་ན། གཟུགས་ནི་མ་སྐྱེས་པ་ཡིན། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་སྐྱེས་པ་ཡིན། དེ་བཞིན་དུ་སྦྱར་ཏེ་བྱང་ཆུབ་ཀྱི་བར་དུ་མ་སྐྱེས་པ་ཡིན། སངས་
Kha95b
རྒྱས་ཀྱི་ཆོས་རྣམས་ཀྱང་མ་སྐྱེས་པ་ཡིན་ནོ། །དེ་ལྟར་གྱུར་ན་ནི་རྒྱུན་དུ་ཞུགས་པ་རྣམས་ཀྱིས་རྒྱུན་དུ་ཞུགས་པའི་འབྲས་བུ་དང ། དེ་བཞིན་དུ་དགྲ་བཅོམ་པའི་བར་དག་གིས་ཀྱང་དགྲ་བཅོམ་པ་ཉིད་ཕྱིས་འཐོབ་པར་འགྱུར། དེ་བཞིན་དུ་རང་སངས་རྒྱས་ཀྱི་ཐེག་པ་པ་རྣམས་ཀྱིས་རང་བྱང་ཆུབ་ཐོབ་ཟིན་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱང་རྣམ་པ་ཐམས་ཅད་མཁྱེན་པ་ཉིད་ཐོབ་ཟིན་པ་ཁོ་ནར་འགྱུར། འགྲོ་བ་ལྔ་པོའང་བྱེ་བྲག་མེད་པར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོས་མཐོང་བ་མེད་པར་ཡང་བྱང་ཆུབ་རྣམ་པ་ལྔ་ཐོབ་ཟིན་པ་ཁོ་ནར་འགྱུར་རོ། །ཚེ་དང་ལྡན་པ་རབ་འབྱོར། གལ་ཏེ་ཆོས་ཐམས་ཅད་སྐྱེ་བ་མེད་པ་ཡིན་ན་ནི། ཅིའི་ཕྱིར་རྒྱུན་དུ་ཞུགས་པའི་འབྲས་བུ་འདོད་པ་རྣམས་ཀྱིས་ཀུན་ཏུ་སྦྱོར་བ་གསུམ་སྤང་བའི་ཕྱིར་ལམ་བསྒོམ་པར་བྱ། ལན་གཅིག་ཕྱིར་འོང་བའི་འབྲས་བུ་འདོད་པ་རྣམས་ཀྱིས་འདོད་ཆགས་དང ། ཞེ་སྡང་དང ། གཏི་མུག་རྣམས་སྤང་བའི་ཕྱིར་ལམ་བསྒོམ་པར་བྱ། ཕྱིར་མི་འོང་བའི་འབྲས་བུ་འདོད་པ་རྣམས་ཀྱིས་འོག་མའི་ཆ་དང་མཐུན་པའི་ཀུན་ཏུ་སྦྱོར་བ་རྣམས་སྤང་བའི་ཕྱིར་ལམ་བསྒོམ་པར་བྱ། དགྲ་བཅོམ་པའི་འབྲས་བུ་འདོད་པ་རྣམས་ཀྱིས་གོང་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་སྤང་པའི་ཕྱིར་ལམ་བསྒོམ་པར་བྱ། འདི་ལྟ་སྟེ། འདུ་བྱེད་ཐམས་ཅད་ནི་རྟེན་ཅིང་འབྲེལ་བར་འབྱུང་བའོ་ཞེས་རང་
Kha96a
༄#། །སངས་རྒྱས་ཀྱི་ལམ་བསྒོམ་པར་བྱ། ཡང་ཅིའི་ཕྱིར་ན། བྱང་ཆུབ་སེམས་དཔའ་སེམས་དཔའ་ཆེན་པོ་དཀའ་བ་སྤྱད་པ་སྤྱོད་ཅིང ། སེམས་ཅན་རྣམས་ཀྱི་ཆེད་དུ་སྡུག་བསྔལ་འབུམ་དག་ཀྱང་ཉམས་སུ་མྱོང ། ཅིའི་ཕྱིར་ན། དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཅིའི་ཕྱིར་ན། དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ཁོ་བོ་ནི་མ་སྐྱེས་པའི་ཆོས་ལ་བཏགས་པ་མི་འདོད་དོ། །སྐྱེ་བ་མེད་པ་ལ་རྒྱུན་དུ་ཞུགས་པ་དང ། རྒྱུན་དུ་ཞུགས་པའི་འབྲས་བུ་ཡོད་པར་མི་འདོད་དོ། །དེ་བཞིན་དུ་སྐྱེ་བ་མེད་པ་ལ་དགྲ་བཅོམ་པ་དང ། དགྲ་བཅོམ་པའི་འབྲས་བུ་ཡོད་པར་མི་འདོད་དོ། །སྐྱེ་བ་མེད་པ་ལ་རང་སངས་རྒྱས་དང ། རང་བྱང་ཆུབ་ཡོད་པར་མི་འདོད་དོ། །ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་ནི་གང་དཀའ་བའི་འདུ་ཤེས་ཀྱིས་དཀའ་བ་སྤྱད་པ་སྤྱོད་པར་མི་བྱེད་དོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། དཀའ་བའི་འདུ་ཤེས་བསྐྱེད་ན་ནི་སེམས་ཅན་དཔག་ཏུ་མེད་གྲངས་མེད་པ་རྣམས་ཀྱི་དོན་བྱེད་པར་མི་ནུས་པའི་ཕྱིར་རོ། །ཚེ་དང་ལྡན་པ་ཤཱ་རདྭ་ཏིའི་བུ། འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་
Kha96b
པོས་སེམས་ཅན་རྣམས་ལ་མི་དམིགས་པའི་ཚུལ་གྱིས་ཕའི་འདུ་ཤེས་དང ། མའི་འདུ་ཤེས་དང ། བུའི་འདུ་ཤེས་དང ། བདག་གི་འདུ་ཤེས་བསྐྱེད་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བྱའོ། །དཔེར་ན། བདག་བདག་ཅེས་བྱ་བ་ནི་ཐམས་ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་མེད་ཅིང་མི་དམིགས་སོ། །དེ་བཞིན་དུ་ནང་དང་ཕྱིའི་ཆོས་རྣམས་ལའང་འདུ་ཤེས་བསྐྱེད་པར་བྱ་སྟེ། གལ་ཏེ་དེ་ལྟར་འདུ་ཤེས་བསྐྱེད་ན། དཀའ་བའི་འདུ་ཤེས་སྐྱེད་པར་མི་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཐམས་ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་ཆོས་དེ་དག་ཉེ་བར་མི་ལེན་ཅིང་མི་དམིགས་པའི་ཕྱིར་རོ། །ཚེ་དང་ལྡན་པ་ཤཱ་རདྭ་ཏིའི་བུ། ཁོ་བོ་ནི་སྐྱེ་བ་མེད་པ་ལ་དེ་བཞིན་གཤེགས་པ་ཡོད་པར་མི་འདོད་དོ། །བླ་ན་མེད་པ་ཡང་དག་པར་རྫོགས་པའི་སངས་རྒྱས་ཡོད་པར་མི་འདོད་དོ། །དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་བར་མི་འདོད་དོ། །མ་སྐྱེས་པའི་ཆོས་ཀྱིས་ཀྱང་ཆོས་གང་ཡང་འཐོབ་པ་མེད་དོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅི་ཁྱོད་མ་སྐྱེས་པའི་ཆོས་ཀྱིས་འཐོབ་པར་འདོད་དམ། འོན་ཏེ་སྐྱེས་པའི་ཆོས་ཀྱིས་ཆོས་འགའ་ཞིག་འཐོབ་པར་འདོད། །སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། ཁོ་བོ་ནི་མ་སྐྱེས་པའི་ཆོས་ཀྱིས་ཀྱང་འཐོབ་པར་མི་འདོད་
Kha97a
༄#། །ལ།་སྐྱེས་པའི་ཆོས་ཀྱིས་ཀྱང་ཆོས་གང་ཡང་འཐོབ་པར་མི་འདོད་དོ། །སྨྲས་པ། ཚེ་དང་ལྡན་པ་རབ་འབྱོར། ཅི་འཐོབ་པའང་མེད། མངོན་པར་རྟོག་པའང་མེད་དམ། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། འཐོབ་པའང་ཡོད། མངོན་པར་རྟོགས་པའང་ཡོད་མོད་ཀྱི། གཉིས་ཀྱིས་ནི་མ་ཡིན་ནོ། །འོན་ཀྱང་ཚེ་དང་ལྡན་པ་ཤཱ་རདྭ་ཏིའི་བུ། འཐོབ་པ་དང ། མངོན་པར་རྟོགས་པ་ནི་འཇིག་རྟེན་གྱི་ཐ་སྙད་དུ་དམིགས་སོ། །དེ་བཞིན་དུ་རྒྱུན་དུ་ཞུགས་པའང་འཇིག་རྟེན་གྱི་ཐ་སྙད་ཀྱིས་ཐ་སྙད་དུ་འདོགས་སོ། །དེ་བཞིན་དུ་དགྲ་བཅོམ་པའི་བར་དང ། རང་སངས་རྒྱས་ཀྱི་བར་དང ། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱང་འཇིག་རྟེན་གྱི་ཐ་སྙད་དུ་འདོགས་པ་ཡིན་གྱི། དོན་དམ་པར་ནི་འཐོབ་པའང་མེད། མངོན་པར་རྟོགས་པའང་མེད་པ་ནས། ཡང་དག་པར་རྫོགས་པའི་སངས་རྒྱས་པའི་བར་དུ་མེད་དོ། །སྨྲས་པ། ཅི་ཚེ་དང་ལྡན་པ་རབ་འབྱོར། ཇི་ལྟར་འཐོབ་པ་དང ། མངོན་པར་རྟོགས་པ་འཇིག་རྟེན་གྱི་ཐ་སྙད་དུ་འདོགས་པ་དེ་ཁོ་ན་བཞིན་དུ་འགྲོ་བ་ལྔ་པོ་དག་ཀྱང་འཇིག་རྟེན་གྱི་ཐ་སྙད་ཀྱིས་ཐ་དད་ཀྱི་དོན་དམ་པར་ནི་མ་ཡིན་ནམ། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། དེ་དེ་བཞིན་ཏེ། དེ་ལྟར་འཐོབ་པ་དང ། མངོན་པར་རྟོགས་པ་འཇིག་རྟེན་གྱི་ཐ་སྙད་དུ་འདོགས་པ་དེ་ཁོ་ན་བཞིན་དུ་འགྲོ་བ་ལྔ་པོ་དག་ཀྱང་འཇིག་རྟེན་གྱི་ཐ་སྙད་དུ་ཐ་དད་ཀྱི། དོན་དམ་པར་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཚེ་
Kha97b
དང་ལྡན་པ་ཤཱ་རདྭ་ཏིའི་བུ། དོན་དམ་པ་ལ་ནི་ལས་མེད། རྣམ་པར་སྨིན་པ་མེད། ཀུན་ནས་ཉོན་མོངས་པ་མེད། རྣམ་པར་བྱང་བ་མེད་པའི་ཕྱིར་རོ། །དེ་སྐད་ཅེས་སྨྲས་པ་དང ། ཚེ་དང་ལྡན་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅི་ཆོས་མ་སྐྱེས་པ་སྐྱེའམ། འོན་ཏེ་སྐྱེས་པ་ཉིད་སྐྱེ། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། ཁོ་བོ་ནི་མ་སྐྱེས་པའི་ཆོས་ལ་སྐྱེ་བར་མི་འདོད་དོ། །སྨྲས་པ། ཚེ་དང་ལྡན་པ་རབ་འབྱོར། ཆོས་གང་གི་མ་སྐྱེས་པ་ལ་སྐྱེ་བར་མི་འདོད། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ།་གཟུགས་མ་སྐྱེས་པའི་ངོ་བོ་ཉིད་སྟོང་པ་ཉིད་ལ་སྐྱེ་བར་མི་འདོད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མ་སྐྱེས་པའི་ངོ་བོ་ཉིད་སྟོང་པ་ཉིད་ལ་སྐྱེ་བར་མི་འདོད་དོ། །ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་སྦྱར་ཏེ། ཁོ་བོ་ནི་བྱང་ཆུབ་ཀྱི་བར་དུ་མ་སྐྱེས་པའི་སྟོང་པ་ཉིད་ཀྱི་ངོ་བོ་ཉིད་ལ་སྐྱེ་བར་མི་འདོད་དོ། །སྨྲས་པ། ཚེ་དང་ལྡན་པ་རབ་འབྱོར། ཅི་སྐྱེ་བ་སྐྱེའམ། འོན་ཏེ་སྐྱེ་བ་མེད་པ་སྐྱེ། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། སྐྱེ་བའང་མི་སྐྱེ་ལ། སྐྱེ་བ་མེད་པའང་མི་སྐྱེའོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། འདི་ལྟར་སྐྱེ་བ་གང་ཡིན་པ་དང ། སྐྱེ་བ་མེད་པ་གང་ཡིན་པའི་ཆོས་དེ་གཉིས་ཀ་ལྡན་པའང་མ་ཡིན། མི་ལྡན་པའང་མ་ཡིན་ཞིང ། གཟུགས་མེད་པ། བསྟན་དུ་
Kha98a
༄#། །མེད་པ། ཐོགས་པ་མེད་པ་སྟེ། འདི་ལྟར་མཚན་ཉིད་མེད་པར་མཚན་ཉིད་གཅིག་པའི་ཕྱིར་རོ། །ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན། སྐྱེ་བ་ཡོད་པའང་མི་སྐྱེ་ལ། སྐྱེ་བ་མེད་པའང་མི་སྐྱེའོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཁྱོད་ཆོས་མ་སྐྱེས་སོ། །ཆོས་མ་སྐྱེས་སོ། །ཞེས་བྱ་བར་བརྗོད་པར་སྤོབས་སམ། ཚེ་དང་ལྡན་པ་རབ་འབྱོར། ཁྱོད་ཆོས་མ་སྐྱེས་སོ། །ཆོས་མ་སྐྱེས་སོ། །ཞེས་བྱ་བའི་སྐྱེ་བ་མེད་པ་བརྗོད་པར་སྤོབས་སམ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ཁོ་བོ་ནི་ཆོས་མ་སྐྱེས་སོ། །ཆོས་མ་སྐྱེས་སོ། །ཞེས་བྱ་བར་བརྗོད་པར་སྤོབས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ཆོས་མ་སྐྱེས་སོ། །ཆོས་མ་སྐྱེས་སོ། །ཞེས་བྱ་བའི་སྐྱེ་བ་མེད་པའང་བརྗོད་པར་སྤོབས་སོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། སྐྱེ་བ་མེད་པ་གང་ཡིན་པ་དང ། སྤོབས་པ་གང་ཡིན་པ་དང ། བརྗོད་པ་གང་དག་ཡིན་པ་དང ། མི་སྐྱེ་བ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པའང་མ་ཡིན། མི་ལྡན་པའང་མ་ཡིན་ཞིང ། གཟུགས་མེད་པ། བསྟན་དུ་མེད་པ། ཐོགས་པ་མེད་པ་སྟེ། འདི་ལྟར་མཚན་ཉིད་མེད་པར་མཚན་ཉིད་
Kha98b
གཅིག་པའི་ཕྱིར་རོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཆོས་དེ་དག་ཀྱང་མ་སྐྱེས། སྤོབས་པའང་མ་སྐྱེས། བརྗོད་པའང་མ་སྐྱེས་པ་ཡིན་ལ། གང་དག་ལས་བརྩམས་ཏེ། ཁྱོད་བརྗོད་པ་དེ་དག་ཀྱང་མ་སྐྱེས་པ་ཡིན་ནམ། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། ཆོས་དེ་དག་ཀྱང་མ་སྐྱེས་པའོ། །སྤོབས་པའང་མ་སྐྱེས་པའོ། །བརྗོད་པའང་མ་སྐྱེས་པའོ། །གང་དག་ལས་བརྩམས་ནས། ཁོ་བོ་བརྗོད་པར་སྤོབས་པའི་ཆོས་དེ་དག་ཀྱང་མ་སྐྱེས་པའོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། འདི་ལྟར་གཟུགས་ནི་མ་སྐྱེས་པ་ཡིན། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་སྐྱེས་པ་ཡིན། དེ་བཞིན་དུ་མིག་མ་སྐྱེས་པ་ནས། ཡིད་ཀྱི་བར་དུ་མ་སྐྱེས་པ་ཡིན། དེ་བཞིན་དུ་སའི་ཁམས་མ་སྐྱེས་པ་ནས། རྣམ་པར་ཤེས་པའི་ཁམས་ཀྱི་བར་དུ་མ་སྐྱེས་པ་ཡིན། ལུས་ཀྱི་འདུ་བྱེད་དག་ནི་མ་སྐྱེས་པ་ཡིན། དེ་བཞིན་དུ་ངག་གི་འདུ་བྱེད་དག་དང ། ཡིད་ཀྱི་འདུ་བྱེད་དག་ནི་མ་སྐྱེས་པ་ཡིན་ལ། དེ་བཞིན་དུ་སྦྱར་ཏེ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མ་སྐྱེས་པ་ཡིན་པའི་ཕྱིར་ཏེ། ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་བརྗོད་པ་དེ་དག་ཀྱང་མ་སྐྱེས་པའོ། །སྤོབས་པའང་མ་སྐྱེས་པའོ། །གང་དག་ལས་བརྩམས་ཏེ། ཁོ་བོ་
Kha99a
༄#། །བརྗོད་པར་སྤོབས་པའི་ཆོས་དེ་དག་ཀྱང་མ་སྐྱེས་པའོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར་ནི། ཆོས་སྨྲ་བ་རྣམས་ཀྱི་མཆོག་ཏུ་གཞག་པར་བྱ་བའོ། །དེ་ཅིའི་ཕྱིར་ཞེ་ན། འདི་ལྟར་ཚེ་དང་ལྡན་པ་རབ་འབྱོར་ནི། གང་དང་གང་ཁོ་ན་དྲིས་པ་དེ་དང་དེ་ཁོ་ན་ཚུལ་བཞིན་དུ་རྒྱས་པར་བྱེད་པའི་ཕྱིར་རོ། །སྨྲས་པ། དེ་དེ་བཞིན་ཏེ། འདི་ལྟ་སྟེ། ཆོས་ཐམས་ཅད་ནི་མི་བརྟེན་པའི་ཕྱིར་རོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཡང་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཆོས་ཐམས་ཅད་མི་བརྟེན་པ་གང་ཡིན། ཚེ་དང་ལྡན་པ་རབ་འབྱོར་གྱིས་སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། གཟུགས་རང་བཞིན་ཉིད་ཀྱིས་སྟོང་པ་ནི་ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་བར་ལ་མི་བརྟེན་ཏོ། །ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རང་བཞིན་ཉིད་ཀྱིས་སྟོང་པ་ནི། ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་བར་ལ་མི་བརྟེན་ཏོ། །གོང་མ་བཞིན་དུ་སྦྱར་ཏེ། དེ་བཞིན་དུ་མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་རང་བཞིན་ཉིད་ཀྱིས་སྟོང་པ་ཉིད་ནི་ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་
Kha99b
བར་ལ་མི་བརྟེན་ཏོ། །དེ་བཞིན་དུ་གཟུགས་རྣམས་དང ། སྒྲ་རྣམས་དང ། དྲི་རྣམས་དང ། རོ་རྣམས་དང ། རེག་རྣམས་དང ། ཆོས་རྣམས་རང་བཞིན་ཉིད་ཀྱིས་སྟོང་པ་ཉིད་ནི་ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་བར་ལ་མི་བརྟེན་ཏོ། །ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་རང་བཞིན་ཉིད་ཀྱིས་སྟོང་པ་དེ་ནི་ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་བར་ལ་མི་བརྟེན་ཏོ། །དེ་བཞིན་དུ་ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་ཉིད་ཀྱིས་སྟོང་པ་དེ་ནི་ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་བར་ལ་མི་བརྟེན་ཏོ། །དེ་བཞིན་དུ་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་རང་བཞིན་ཉིད་ཀྱིས་སྟོང་པ་དེ་ནི་ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་བར་ལ་མི་བརྟེན་ཏོ། །དེ་བཞིན་དུ་དྲན་པ་ཉེ་བར་བཞག་པ་རྣམས་རང་བཞིན་ཉིད་ཀྱིས་སྟོང་པ་དེ་དག་ནི་ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་བར་ལ་མི་བརྟེན་ཏོ། །དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རང་བཞིན་ཉིད་ཀྱིས་སྟོང་པ་དེ་དག་ནི་ནང་ལ་མི་བརྟེན། ཕྱི་རོལ་ལ་མི་བརྟེན། གཉིས་ཀའི་བར་ལ་མི་བརྟེན་ཏོ། །ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་ཆོས་ཐམས་ཅད་ནི་མི་བརྟེན་པ་སྟེ། རང་བཞིན་གྱིས་སྟོང་པ་ཉིད་ཀྱི་ཕྱིར་རོ། །ཚེ་དང་ལྡན་
Kha100a
༄#། །པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་དེ་ལྟར་གཟུགས་ཡོངས་སུ་སྦྱང་བར་བྱའོ། ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་སྦྱང་བར་བྱའོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཡོངས་སུ་སྦྱང་བར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། འོང་བ་དང་འགྲོ་བ་མེད་པའི་ལེའུ་ཞེས་བྱ་སྟེ་བཅུ་བཞི་པའོ།། །།དེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལྷའི་དབང་པོ་བརྒྱ་བྱིན་དང ། རྒྱལ་པོ་ཆེན་པོ་བཞི་ཇི་སྙེད་ཡོད་པ་དེ་དག་ཐམས་ཅད་ཀྱང་ལྷའི་བུ་བྱེ་བ་ཁྲག་ཁྲིག་འབུམ་ཕྲག་དུ་མ་དག་དང་ལྷན་ཅིག་ཏུ་འཁོར་དེ་ཉིད་དུ་འདུས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལྷའི་བུ་རབ་འཐབ་བྲལ་རྣམས་དང ། ལྷའི་བུ་ཡོངས་སུ་དགའ་ལྡན་རྣམས་དང ། ལྷའི་བུ་རབ་འཕྲུལ་དགའ་རྣམས་དང ། ལྷའི་བུ་དབང་སྒྱུར་རྣམས་དང ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཚངས་པ་ཇི་སྙེད་ཡོད་པ་དེ་དག་ཐམས་ཅད་ཀྱང་ཚངས་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་དང་ལྷན་ཅིག་ཏུ་འཁོར་དེ་ཉིད་དུ་འདུས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གནས་གཙང་མའི་ལྷ་ཇི་སྙེད་པ་དེ་དག་ཐམས་ཅད་ཀྱང་
Kha100b
གནས་གཙང་མའི་རིས་ཀྱི་ལྷ་བྱེ་བ་ཁྲག་ཁྲིག་འབུམ་ཕྲག་དུ་མ་དག་དང་ལྷན་ཅིག་ཏུ་འཁོར་དེ་ཉིད་དུ་འདུས་པར་གྱུར་ཏོ། །རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ལས་ཀྱི་རྣམ་པར་སྨིན་པ་ལས་བྱུང་བའི་ལུས་ཀྱི་འོད་དང ། དེ་བཞིན་དུ་སུམ་ཅུ་རྩ་གསུམ་པ་རྣམས་དང ། འཐབ་བྲལ་བ་རྣམས་དང ། དགའ་ལྡན་པ་རྣམས་དང ། འཕྲུལ་དགའ་བ་རྣམས་དང ། གཞན་འཕྲུལ་དབང་བྱེད་ཀྱི་ལྷ་རྣམས་དང ། དེ་བཞིན་དུ་ཚངས་རིས་ནས་གནས་གཙང་མའི་རིས་ཀྱི་བར་གྱི་ལྷ་རྣམས་ཀྱི་ལས་ཀྱི་རྣམ་པར་སྨིན་པ་ལས་བྱུང་བའི་ལུས་ཀྱི་འོད་གང་ཡིན་པ་དེ་ནི་དེ་བཞིན་གཤེགས་པའི་རང་བཞིན་གྱི་འོད་ཀྱི་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆར་ཡང་ཉེ་བར་མི་འགྲོའོ། །འབུམ་གྱི་ཆ་དང ། བྱེ་བ་ཕྲག་འབུམ་གྱི་ཆ་དང ། གྲངས་དང ། ཆ་དང ། བགྲང་བ་དང ། དཔེ་དང ། རྒྱུར་ཡང་ཉེ་བར་མི་འགྲོའོ། །དེ་བཞིན་གཤེགས་པ་ཉིད་ཀྱི་སྐུའི་འོད་ནི་འོད་དེ་དག་གི་གན་ན་མཆོག་ཏུ་སྣང་ངོ ། །ཕུལ་དང ། རབ་མཆོག་དང ། གྱ་ནོམ་པ་དང ། བླ་ན་མེད་པ་དང ། གོང་ན་མེད་པར་སྣང་སྟེ།་དཔེར་ན། ཛམྦུ་ཆུ་བོའི་གསེར་གྱི་གན་ན་སྡོང་དུམ་ཚིག་པ་ནི་ལྷམ་མེ་མ་ཡིན། ལྷན་ནེམ་ཡིན། ལྷང་ངེ་མ་ཡིན་ནོ། །དེ་བཞིན་དུ་དེ་བཞིན་གཤེགས་པ་ཉིད་ཀྱི་རང་བཞིན་གྱི་སྐུའི་འོད་ཀྱི་གན་ན་ལྷ་ཐམས་ཅད་ཀྱི་ལས་ཀྱི་རྣམ་པར་སྨིན་པ་ལས་བྱུང་བའི་འོད་ནི་ལྷམ་མེ་མ་ཡིན། ལྷན་ནེ་མ་ཡིན། ལྷང་ངེ་མ་ཡིན་གྱི། དེ་བཞིན་གཤེགས་པ་ཉིད་ཀྱི་རང་བཞིན་གྱི་སྐུའི་འོད་ནི་འོད་དེ་
Kha101a
༄#། །དག་གི་གན་ན་མཆོག་ཏུ་སྣང་ངོ ། །ཕུལ་དང ། རབ་མཆོག་དང ། གྱ་ནོམ་པ་དང ། བླ་ན་མེད་པ་དང ། གོང་ན་མེད་པར་སྣང་ངོ ། །དེ་ནས་ལྷའི་དབང་པོ་བརྒྱ་བྱིན་གྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན། རྒྱལ་ཆེན་བཞིའི་རིས་ཀྱི་ལྷ་རྣམས་ནས། གནས་གཙང་མའི་བར་གྱི་ལྷ་ཇི་སྙེད་འཁོད་པ་དེ་དག་ཚེ་དང་ལྡན་པ་རབ་འབྱོར་ལ་ཆོས་མཉན་པའི་ཕྱིར་འཁོར་འདིར་འདུས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་དེའང་ཉན་པར་འདོད་ན། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱ། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གང་ཡིན། བྱང་ཆུབ་སེམས་དཔའ་སེམས་དཔའ་ཆེན་པོས་ནི་ཇི་ལྟར་བསླབ་པར་བྱ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་།དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང ། སངས་རྒྱས་ཀྱི་མཐུ་དང ། སངས་རྒྱས་ཀྱི་བྱིན་གྱི་རླབས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱ་བ་དང ། ཇི་ལྟར་བསྒྲུབ་པར་བྱ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་
Kha101b
ཕྱིན་པ་ཁྱོད་ལ་བཤད་པར་བྱའི། ལྷའི་བུ་གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མ་བསྐྱེད་པ་དེ་དག་གིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱིས་ཤིག་།གང་དག་ཡང་དག་པའི་སྐྱོན་མེད་པ་ལ་ཞུགས་པ་དེ་དག་ནི། ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མི་ནུས་སོ། །དེ་ཅིའི་ཕྱིར་ཞེ་ན། དེ་དག་གིས་འཁོར་བའི་མཚམས་བཅད་པའི་ཕྱིར་རོ། །འོན་ཀྱང་གལ་ཏེ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན། ཁོ་བོ་ནི་དེ་དག་གི་དགེ་བའི་ཕྱོགས་ཀྱི་བར་ཆད་མི་བྱེད་པས་དེ་དག་ལའང་རྗེས་སུ་ཡི་རང་སྟེ། འོན་ཀྱང་ཁྱད་པར་དུ་འཕགས་པའི་ཆོས་རྣམས་ལས་ཆེས་ཁྱད་པར་དུ་འཕགས་པའི་ཆོས་རྣམས་ལ་དམིགས་པར་བྱའོ། །ཀཽ་ཤི་ཀ་།དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་དེ་གང་ཡིན་ཞེ་ན། ཀཽ་ཤི་ཀ་།འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དག་གིས་གཟུགས་མི་རྟག་པར་ཡིད་ལ་བྱེད་དོ། །དེ་བཞིན་དུ་སྡུག་བསྔལ་བ་དང ། བདག་མེད་པ་དང ། ནད་དང ། འབྲས་དང ། ཟུག་རྔུ་དང ། གནོད་པ་དང ། འཇིག་པ་དང ། འགྱེས་པ་དང ། གཡོ་བ་དང ། རབ་ཏུ་འཇིག་པ་དང ། འཇིགས་པ་དང ། འགོ་བའི་ནད་དང ། སྟོང་བ་དང ། ཡིད་བརྟན་དུ་མི་རུང་བ་དང ། རྣམ་པར་གནོད་པ་བྱེད་པར་ཡིད་ལ་བྱེད་
Kha102a
༄#། །དེ།་དེའང་མི་དམིགས་པའི་ཚུལ་གྱིས་ཡིད་ལ་བྱེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མི་རྟག་པར་ཡིད་ལ་བྱེད་པ་ནས། རྣམ་པར་གནོད་པ་བྱེད་པའི་བར་དུ་ཡིད་ལ་བྱེད་དོ། །དེ་བཞིན་དུ་མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་མི་རྟག་པར་ཡིད་ལ་བྱེད་པ་ནས། ལྷག་པར་གནོད་པ་བྱེད་པའི་བར་དུ་ཡིད་ལ་བྱེད་དོ། །དེ་བཞིན་དུ་སའི་ཁམས་དང ། ཆུའི་ཁམས་དང ། མེའི་ཁམས་དང ། རླུང་གི་ཁམས་དང ། ནམ་མཁའི་ཁམས་དང ། རྣམ་པར་ཤེས་པའི་ཁམས་མི་རྟག་པར་ཡིད་ལ་བྱེད་པ་ནས། ལྷག་པར་གནོད་པ་བྱེད་པའི་བར་དུ་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་དོ། །དེ་བཞིན་དུ་གཟུགས་ཞི་བ་དང ། དབེན་པར་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཞི་བ་དང ། དབེན་པར་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་དོ། །དེ་བཞིན་དུ་མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། དེ་བཞིན་དུ་སའི་ཁམས་དང ། ཆུའི་ཁམས་དང ། མེའི་ཁམས་དང ། རླུང་གི་ཁམས་དང ། ནམ་མཁའི་ཁམས་དང ། རྣམ་པར་ཤེས་པའི་ཁམས་ཞི་བ་དང ། དབེན་པར་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་དོ། །དེ་བཞིན་དུ་རྣམ་པ་ཐམས་
Kha102b
ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དག་གིས་མ་རིག་པའི་རྐྱེན་གྱིས་འདུ་བྱེད་རྣམས་སུ་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་པ་ནས། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པ་འབྱུང་བར་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་པ་ནས། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པ་འགག་པར་འགྱུར་བའི་བར་དུ་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་དོ། །ཀཽ་ཤི་ཀ་།གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དག་གིས་དྲན་པ་ཉེ་བར་བཞག་པ་རྣམས་སྒོམ་སྟེ། དེའང་མི་དམིགས་པའི་ཚུལ་གྱིས་སྒོམ་པ་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་སྒོམ་སྟེ། དེའང་མི་དམིགས་པའི་ཚུལ་གྱིས་སྒོམ་མོ། །ཀཽ་ཤི་ཀ་།གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དག་གིས་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་དེ། དེའང་མི་དམིགས་པའི་ཚུལ་གྱིས་སྤྱོད་དོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང །
Kha103a
༄#། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དེ། དེའང་མི་དམིགས་པའི་ཚུལ་གྱིས་སྤྱོད་དོ། །ཀཽ་ཤི་ཀ་།གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། འདི་ལྟར་ཆོས་རྣམས་ཁོ་ནས་ཆོས་རྣམས་སྦྱོང་བར་བྱེད་ཅིང ། ཡོངས་སུ་སྦྱོང་བར་བྱེད། ཡོངས་སུ་རྫོགས་པར་བྱེད། ཡོངས་སུ་ཁྱབ་པར་བྱེད། ཡོངས་སུ་རྟོག་པར་བྱེད་དེ། འདི་ལ་བདག་གམ་བདག་གི་ཞེས་བྱ་བ་འགའ་ཡང་མེད་དོ་ཞེས་སོ་སོར་རྟོག་པར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོའི་ཡོངས་སུ་བསྔོ་བའི་སེམས་གང་ཡིན་པ་དེ་ནི་བྱང་ཆུབ་ཀྱི་སེམས་དང་འགྲོགས་པ་མ་ཡིན་ཞིང ། བྱང་ཆུབ་ཀྱི་སེམས་གང་ཡིན་པ་དེ་ནི་ཡོངས་སུ་བསྔོ་བའི་སེམས་དང་འགྲོགས་པ་མ་ཡིན་ལ། ཀཽ་ཤི་ཀ། ཡོངས་སུ་བསྔོ་བའི་སེམས་གང་ཡིན་པ་དེ་ནི་བྱང་ཆུབ་ཀྱི་སེམས་ལ་མེད་ཅིང་མི་དམིགས། བྱང་ཆུབ་ཀྱི་སེམས་གང་ཡིན་པ་དེ་ནི་ཡོངས་སུ་བསྔོ་བའི་སེམས་ལ་མེད་ཅིང་མི་དམིགས་ཏེ། ཀཽ་ཤི་ཀ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་ཐམས་ཅད་ལའང་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པར་བྱེད་ལ། ཆོས་འགའ་ཡང་མི་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ནོ། །དེ་སྐད་ཅེས་སྨྲས་པ་དང ། ལྷའི་དབང་པོ་བརྒྱ་བྱིན་གྱིས་
Kha103b
ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར། ཇི་ལྟར་ན་ཡོངས་སུ་བསྔོ་བའི་སེམས་བྱང་ཆུབ་ཀྱི་སེམས་དང་འགྲོགས་པ་མ་ཡིན། ཇི་ལྟར་ན་བྱང་ཆུབ་ཀྱི་སེམས་ཡོངས་སུ་བསྔོ་བའི་སེམས་དང་འགྲོགས་པ་མ་ཡིན། ཇི་ལྟར་ན་ཡོངས་སུ་བསྔོ་བའི་སེམས་བྱང་ཆུབ་ཀྱི་སེམས་ལ་མེད་ཅིང་མི་དམིགས་པ་ཡིན། ཇི་ལྟར་ན་བྱང་ཆུབ་ཀྱི་སེམས་ཡོངས་སུ་བསྔོ་བའི་སེམས་ལ་མེད་ཅིང་མི་དམིགས་པ་ཡིན། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་།ཡོངས་སུ་བསྔོ་བའི་སེམས་གང་ཡིན་པ་དེ་ནི་སེམས་མ་ཡིན་ཞིང ། བྱང་ཆུབ་ཀྱི་སེམས་གང་ཡིན་པ་དེའང་སེམས་མ་ཡིན་ཏེ། སེམས་མ་ཡིན་པ་ནི་སེམས་མ་ཡིན་པ་ལ་ཡོངས་སུ་བསྔོ་བར་མི་བྱེད་ལ། བསམ་གྱིས་མི་ཁྱབ་པ་ཉིད་ཀྱང་བསམ་གྱིས་མི་ཁྱབ་པ་ལ་ཡོངས་སུ་བསྔོ་བར་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་སེམས་ཉིད་གང་ཡིན་པ་དེ་སེམས་མ་ཡིན་པ་ཉིད་ཡིན་ཞིང ། བསམ་གྱིས་མི་ཁྱབ་པ་དེ་ཉིད་སེམས་མ་ཡིན་པའི་ཕྱིར་ཏེ། ཀཽ་ཤི་ཀ་།དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་ལེགས་སོ། །ཞེས་བྱ་བ་བྱིན་ཏེ། རབ་འབྱོར། ཁྱོད་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་
Kha104a
༄#། །སྟོན་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་སྤྲོ་བ་བསྐྱེད་པ་ནི་ལེགས་སོ། །ལེགས་སོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་གིས་ནི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་དང ། དེ་དག་གི་ཉན་ཐོས་གང་དག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྔོན་བྱང་ཆུབ་སེམས་དཔར་གྱུར་པ་ཕ་རོལ་ཏུ་ཕྱིན་པ་དྲུག་ལ་ཡང་དག་པར་དགའ་བར་བགྱིས། ཡང་དག་པར་འཛིན་དུ་སྩལ། ཡང་དག་པར་གཟེངས་བསྟོད་ཅིང་བཙུད་དེ། རབ་ཏུ་བཀོད་པ་དག་ལ་བྱས་པ་གཟོ་བ་དང ། བྱས་པ་ཚོར་བར་བགྱི་ལགས་ཏེ། དེ་ལ་བཙུན་པ་བཅོམ་ལྡན་འདས། བཅོམ་ལྡན་འདས་སྔོན་བྱང་ཆུབ་སེམས་དཔར་གྱུར་པས་ཕ་རོལ་ཏུ་ཕྱིན་པ་དྲུག་ལ་བསླབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལགས་སོ། །བཙུན་པ་བཅོམ་ལྡན་འདས། དེ་བཞིན་དུ་བདག་ཅག་གིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཕ་རོལ་ཏུ་ཕྱིན་པ་དྲུག་པོ་དག་ལ་ཡང་དག་པར་དགའ་བར་བགྱི། ཡང་དག་པར་གཟེངས་བསྟོད་པར་བགྱི། བཙུད་ནས་རབ་ཏུ་དགོད་པར་བགྱི་ལགས་སོ། །བདག་
Kha104b
ཅག་གིས་ཕ་རོལ་ཏུ་ཕྱིན་པ་དྲུག་ལ་ཡང་དག་པར་དགའ་བར་བགྱིས། ཡང་དག་པར་འཛིན་དུ་སྩལ། ཡང་དག་པར་གཟེངས་བསྟོད་ནས་བཙུད་དེ། རབ་ཏུ་བཀོད་པ་དེ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ལགས་སོ། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཅོ་ལྔ་པ། དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་།དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང ། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བྱ་བ་དང ། ཇི་ལྟར་སྤྱད་པར་བྱ་བ་བཤད་པར་བྱའོ། །ཀཽ་ཤི་ཀ་།གཟུགས་ནི་གཟུགས་ཀྱིས་སྟོང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པས་སྟོང ། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་སྟེ། ཀཽ་ཤི་ཀ་།འདི་ལ་གཟུགས་ཀྱི་སྟོང་པ་ཉིད་དང ། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་ཚོར་བའི་སྟོང་པ་ཉིད་དང ། འདུ་ཤེས་ཀྱི་སྟོང་པ་ཉིད་དང ། འདུ་བྱེད་ཀྱི་སྟོང་པ་ཉིད་དང ། རྣམ་པར་ཤེས་པའི་སྟོང་པ་ཉིད་དང ། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། ཀཽ་ཤི་ཀ་།བྱང་ཆུབ་སེམས་དཔའ་
Kha105a
༄#། །སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཀཽ་ཤི་ཀ་།གཞན་ཡང་མིག་ནི་མིག་གིས་སྟོང ། དེ་བཞིན་དུ་སྦྱར་ཏེ། ཡིད་ཀྱི་བར་ནི་ཡིད་ཀྱིས་སྟོང ། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་སྟེ། དེ་ལྟར་ན་མིག་གི་སྟོང་པ་ཉིད་དང ། ཡིད་ཀྱི་བར་གྱི་སྟོང་པ་ཉིད་དང ། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་ལྟར་གོང་མ་བཞིན་དུ་སྦྱར་ཏེ། སའི་ཁམས་ནི་སའི་ཁམས་ཀྱིས་སྟོང ། དེ་བཞིན་དུ་ཆུའི་ཁམས་དང ། མེའི་ཁམས་དང ། རླུང་གི་ཁམས་དང ། ནམ་མཁའི་ཁམས་དང ། རྣམ་པར་ཤེས་པའི་ཁམས་ནི་རྣམ་པར་ཤེས་པའི་ཁམས་ཀྱིས་སྟོང་སྟེ། དེ་ལྟར་ན་སའི་ཁམས་ཀྱི་སྟོང་པ་ཉིད་དང ། རྣམ་པར་ཤེས་པའི་ཁམས་ཀྱི་བར་གྱི་སྟོང་པ་ཉིད་དང ། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། ཀཽ་ཤི་ཀ། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཀཽ་ཤི་ཀ་།གཞན་ཡང་མ་རིག་པ་ནི་མ་རིག་པས་སྟོང ། དེ་བཞིན་དུ་རྒ་ཤིའི་བར་ནི་རྒ་ཤིས་སྟོང ། དེ་བཞིན་དུ་མ་རིག་པ་འགག་པ་ནི་མ་རིག་པ་འགག་པས་སྟོང་པ་ནས། རྒ་ཤིའི་བར་དུ་འགག་པ་ནི་རྒ་ཤི་འགག་པས་སྟོང་སྟེ། དེ་ལྟར་མ་རིག་པ་འགག་པའི་སྟོང་པ་ཉིད་དང ། རྒ་ཤིའི་
Kha105b
བར་དུ་འགག་པའི་སྟོང་པ་ཉིད་དང ། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། ཀཽ་ཤི་ཀ་།བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །གོང་མ་བཞིན་དུ་སྦྱར་ཏེ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལའང་སྦྱར་བར་བྱ་བ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་སྦྱར་བར་བྱ། དེ་བཞིན་དུ་ནང་སྟོང་པ་ཉིད་ནས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་སྦྱར་བར་བྱ། དེ་བཞིན་དུ་དྲན་པ་ཉེ་བར་བཞག་པ་རྣམས་ནས་འཕགས་པའི་ལམ་ཡན་ལག་བརྒྱད་པའི་བར་ལའང་སྦྱར་བར་བྱ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང ། དེ་བཞིན་དུ་ཏིང་ངེ་འཛིན་ཐམས་ཅད་དང ། གཟུངས་ཀྱི་སྒོ་ཐམས་ཅད་ལའང་སྦྱར་བར་བྱ། དེ་བཞིན་དུ་ཉན་ཐོས་ཀྱི་ཐེག་པ་ལའང་སྦྱར་བར་བྱ། རང་སངས་རྒྱས་ཀྱི་ཐེག་པ་ལའང་སྦྱར་བར་བྱ། དེ་བཞིན་དུ་ཉན་ཐོས་ལའང་སྦྱར་བར་བྱ། དེ་བཞིན་དུ་རང་སངས་རྒྱས་དང ། བྱང་ཆུབ་སེམས་དཔའ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལའང་སྦྱར་བར་བྱའོ། །ཀཽ་ཤི་ཀ་།གཞན་ཡང་རྣམ་པ་ཐམས་ཅད་མཁྱེན་པ་ཉིད་ནི་རྣམ་པ་ཐམས་ཅད་མཁྱེན་པ་ཉིད་ཀྱིས་སྟོང ། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་སྟེ། དེ་ལྟར་ན་རྣམ་པ་
Kha106a
༄#། །ཐམས་ཅད་མཁྱེན་པ་ཉིད་ཀྱི་སྟོང་པ་ཉིད་དང ། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། ཀཽ་ཤི་ཀ ། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བྱའོ། །དེ་ནས་ལྷའི་དབང་པོ་བརྒྱ་བྱིན་གྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བྱ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་གཟུགས་ལ་གནས་པར་མི་བྱའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་གནས་པར་མི་བྱའོ། །དེ་བཞིན་དུ་མིག་ལ་གནས་པར་མི་བྱ་བ་ནས་ཡིད་ཀྱི་བར་ལ་གནས་པར་མི་བྱའོ། །མིག་གི་འདས་ཏེ་རེག་པའི་རྐྱེན་གྱིས་ཚོར་བ་ལ་གནས་པར་མི་བྱ་བ་ནས་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལ་གནས་པར་མི་བྱའོ། །དེ་བཞིན་དུ་སའི་ཁམས་ལ་གནས་པར་མི་བྱ་བ་ནས་རྣམ་པར་ཤེས་པའི་ཁམས་ཀྱི་བར་ལ་གནས་པར་མི་བྱའོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ལ་གནས་པར་མི་
Kha106b
བྱ་བ་ནས་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་གནས་པར་མི་བྱའོ། །དེ་བཞིན་དུ་རྒྱུན་དུ་ཞུགས་པའི་འབྲས་བུ་ལ་གནས་པར་མི་བྱ་བ་ནས་དགྲ་བཅོམ་པ་ཉིད་ཀྱི་བར་ལ་གནས་པར་མི་བྱའོ། །རང་བྱང་ཆུབ་ལ་གནས་པར་མི་བྱ་བ་ནས་ཡང་དག་པར་རྫོགས་པའི་བྱང་ཆུབ་ཀྱི་བར་ལ་གནས་པར་མི་བྱའོ། །དེ་བཞིན་དུ་གཟུགས་ལ་གནས་པར་མི་བྱ་བ་ནས་ཡང་དག་པར་རྫོགས་པའི་སངས་རྒྱས་ཉིད་ཀྱི་བར་ལ་གནས་པར་མི་བྱའོ། །ཀཽ་ཤི་ཀ་།གཞན་ཡང་གཟུགས་རྟག་ཅེས་བྱ་བར་གནས་པར་མི་བྱའོ། །གཟུགས་མི་རྟག་ཅེས་བྱ་བར་གནས་པར་མི་བྱའོ། །དེ་བཞིན་དུ་སྦྱར་ཏེ། གཟུགས་བདེ་ཞེས་བྱ་བར་གནས་པར་མི་བྱའོ། །གཟུགས་སྡུག་བསྔལ་ཞེས་བྱ་བར་གནས་པར་མི་བྱའོ། །གཟུགས་བདག་ཡོད་ཅེས་བྱ་བར་གནས་པར་མི་བྱའོ། །བདག་མེད་ཅེས་བྱ་བར་གནས་པར་མི་བྱའོ། །གཟུགས་སྟོང་ཞེས་བྱ་བར་གནས་པར་མི་བྱའོ། །མི་སྟོང་ཞེས་བྱ་བར་གནས་པར་མི་བྱའོ། །གཟུགས་མཚན་མ་ཡོད་ཅེས་བྱ་བར་གནས་པར་མི་བྱའོ། །མཚན་མ་མེད་ཅེས་བྱ་བར་གནས་པར་མི་བྱའོ། །གཟུགས་སྨོན་པ་ཡོད་ཅེས་བྱ་བར་གནས་པར་མི་བྱའོ། །སྨོན་པ་མེད་ཅེས་བྱ་བར་གནས་པར་མི་བྱའོ། །གཟུགས་ཞི་ཞེས་བྱ་བར་གནས་པར་མི་བྱའོ། །མ་ཞི་ཞེས་བྱ་བར་གནས་པར་མི་བྱའོ། །གཟུགས་དབེན་ཞེས་བྱ་བར་གནས་པར་མི་བྱའོ། །མི་དབེན་ཞེས་བྱ་བར་གནས་པར་མི་བྱའོ། །གཟུགས་ཀུན་ནས་ཉོན་མོངས་ཞེས་བྱ་བར་གནས་པར་མི་བྱའོ། །
Kha107a
༄#། །རྣམ་པར་བྱང་ཞེས་བྱ་བར་གནས་པར་མི་བྱའོ། །གཟུགས་ཀུན་ཏུ་སྐྱེ་ཞེས་བྱ་བར་གནས་པར་མི་བྱའོ། །གཟུགས་འགག་ཅེས་བྱ་བར་གནས་པར་མི་བྱའོ། ། གཟུགས་དངོས་པོ་ཡོད་ཅེས་བྱ་བར་གནས་པར་མི་བྱའོ། །དངོས་པོ་མེད་ཅེས་བྱ་བར་གནས་པར་མི་བྱའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྟག་ཅེས་བྱ་བར་གནས་པར་མི་བྱའོ། །མི་རྟག་ཅེས་བྱ་བར་གནས་པར་མི་བྱའོ། །དེ་བཞིན་དུ་སྦྱར་ཏེ། རྣམ་པར་ཤེས་པ་དངོས་པོ་ཡོད་ཅེས་བྱ་བར་གནས་པར་མི་བྱའོ། །དངོས་པོ་མེད་ཅེས་བྱ་བའི་བར་དུ་གནས་པར་མི་བྱའོ། །དེ་བཞིན་དུ་རྒྱུན་དུ་ཞུགས་པའི་འབྲས་བུ་འདུས་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ། །འདུས་མ་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ། །དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་ཀྱི་འབྲས་བུ་འདུས་བྱས་ཀྱིས་རབ་ཏུ་ཕྱེ་བའོ། ། ཞེས་བྱ་བར་གནས་པར་མི་བྱའོ། །འདུས་མ་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ། །དེ་བཞིན་དུ་རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདུས་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ། །འདུས་མ་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ། །ཀཽ་ཤི་ཀ་།གཞན་ཡང་རྒྱུན་དུ་ཞུགས་པ་ནི་སྦྱིན་གནས་སོ་
Kha107b
ཞེས་བྱ་བར་གནས་པར་མི་བྱའོ། །དེ་བཞིན་དུ་ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དང ། རང་སངས་རྒྱས་དང ། བྱང་ཆུབ་སེམས་དཔའ་དང ། དེ་བཞིན་གཤེགས་པ་ནི་སྦྱིན་གནས་སོ་ཞེས་བྱ་བར་གནས་པར་མི་བྱ་སྟེ། ཀཽ་ཤི་ཀ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་དེ་ལྟར་གནས་པར་མི་བྱའོ། །ཀཽ་ཤི་ཀ་།གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་བྱང་ཆུབ་སེམས་དཔའི་ས་དང་པོ་ལ་གནས་པར་མི་བྱའོ། །དེ་བཞིན་དུ་སྦྱར་ཏེ།་ས་བཅུ་པའི་བར་ལ་དམིགས་པའི་ཚུལ་གྱིས་གནས་པར་མི་བྱའོ། །དེ་ཅིའི་ཕྱིར་ཞེ་ན། གནས་པ་ཡོད་ན་གཡོ་བར་འགྱུར་བའི་ཕྱིར་རོ། །གཞན་ཡང་བདག་གིས་སེམས་དང་པོ་བསྐྱེད་པ་ལ་གནས་ཏེ་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ་སྙམ་དུ་གནས་པར་མི་བྱའོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ་སྙམ་དུ་གནས་པར་མི་བྱའོ། །དེ་བཞིན་དུ་སེམས་དང་པོ་བསྐྱེད་པ་ལ་གནས་ཏེ་དྲན་པ་ཉེ་བར་བཞག་པ་རྣམས་བསྒོམ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་
Kha108a
༄#། །པའི་བར་དུ་བསྒོམ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་བསྒོམ་པར་བྱའོ། ། སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བསྒོམ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་དེའི་འོག་ཏུ་ཕྱིར་མི་ལྡོག་པའི་ས་ལ་གནས་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་བྱང་ཆུབ་སེམས་དཔའི་མངོན་པར་ཤེས་པ་ལྔ་ཡོངས་སུ་རྫོགས་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་བྱང་ཆུབ་སེམས་དཔའི་མངོན་པར་ཤེས་པ་ལྔ་པོ་དེ་དག་ལ་གནས་ནས་སངས་རྒྱས་བཅོམ་ལྡན་འདས་རྣམས་ལ་ཕྱག་བྱ་བའི་ཕྱིར་དང ། མཆོད་པ་བྱ་བའི་ཕྱིར་དང ། བསྙེན་བཀུར་བྱ་བའི་ཕྱིར་དང ། ཆོས་མཉན་པའི་ཕྱིར་སངས་རྒྱས་ཀྱི་ཞིང་དཔག་ཏུ་མེད་གྲངས་མེད་པ་རྣམས་སུ་འགྲོ་བར་བྱ་ཞིང ། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་དེ་ཐོས་ནས་ཀྱང་སངས་རྒྱས་དེ་དག་གི་སངས་རྒྱས་ཀྱི་ཞིང་དེ་འདྲ་བ་དག་
Kha108b
མངོན་པར་སྤྲུལ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དམིགས་པའི་ཚུལ་གྱིས་གནས་པར་མི་བྱའོ། །དེ་བཞིན་དུ་འཇིག་རྟེན་གྱི་ཁམས་དཔག་ཏུ་མེད་གྲངས་མེད་པ་རྣམས་སུ་སོང་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་འདི་ལྟ་སྟེ། མེ་ཏོག་དང ། ཕྲེང་བ་དང ། དྲི་དང ། བྱུག་པ་དང ། གདུགས་དང ། རྒྱལ་མཚན་དང ། རས་བཅོས་བུ་བྱེ་བ་ཕྲག་འབུམ་དག་གིས་བཀུར་སྟི་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ་སྙམ་དུ་དེ་ལྟར་ཡང་གནས་པར་མི་བྱའོ། །དེར་སོང་ནས་སེམས་ཅན་དཔག་ཏུ་མེད། གྲངས་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་བྱའོ། སྙམ་དུ་གནས་པར་མི་བྱའོ། །དེ་བཞིན་དུ་མིག་ལྔ་སྟེ། ལྔ་གང་ཞེ་ན། འདི་ལྟ་སྟེ། ཤའི་མིག་དང ། ལྷའི་མིག་དང ། ཆོས་ཀྱི་མིག་དང ། ཤེས་རབ་ཀྱི་མིག་དང ། སངས་རྒྱས་ཀྱི་མིག་བསྐྱེད་པར་བྱའོ་སྙམ་དུ་གནས་པར་མི་བྱའོ། །དེ་བཞིན་དུ་ཏིང་ངེ་འཛིན་ཐམས་ཅད་བསྐྱེད་པར་བྱའོ་སྙམ་དུ་གནས་པར་མི་བྱའོ། །ཏིང་ངེ་འཛིན་གང་འདོད་པ་དེས་བརྩོན་པར་བྱའོ་སྙམ་དུ་གནས་པར་མི་བྱའོ། །གཟུངས་ཀྱི་སྒོ་ཐམས་ཅད་བསྒྲུབ་པར་བྱའོ་སྙམ་དུ་གནས་པར་མི་བྱའོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་བསྒྲུབ་པར་བྱའོ་སྙམ་དུ་གནས་པར་མི་
Kha109a
༄#། །བྱའོ། །དེ་བཞིན་དུ་མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་བསྒྲུབ་པར་བྱའོ་སྙམ་དུ་གནས་པར་མི་བྱའོ། །དེ་བཞིན་དུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ལུས་ལ་ཡོངས་སུ་བསྒྲུབ་པར་བྱའོ་སྙམ་དུ་གནས་པར་མི་བྱའོ། །དཔེ་བྱད་བཟང་པོ་བརྒྱད་ཅུ་ལུས་ལ་ཡོངས་སུ་བསྒྲུབ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །དེ་བཞིན་དུ་གང་ཟག་བརྒྱད་པ་ལ་གནས་པར་མི་བྱ་སྟེ། དད་པས་རྗེས་སུ་འབྲང་བ་དང ། ཆོས་ཀྱི་རྗེས་སུ་འབྲང་བའོ་སྙམ་དུ་གནས་པར་མི་བྱའོ། །རྒྱུན་དུ་ཞུགས་པ་ནི་དེ་ལྟར་ཐོགས་ན་སྲིད་པ་ལན་བདུན་པའོ་ཞེས་བྱ་བར་དམིགས་པའི་ཚུལ་གྱིས་གནས་པར་མི་བྱའོ། །རིགས་ནས་རིགས་སུ་སྐྱེ་བ་དང ། བར་ཆད་གཅིག་པ་ཞེས་བྱ་བར་གནས་པར་མི་བྱའོ། །ཚེ་ཟད་པ་དང ། ཉོན་མོངས་པ་མགོ་མཉམ་དུ་ཟད་པའི་གང་ཟག་ཅེས་བྱ་བར་གནས་པར་མི་བྱའོ། །རྒྱུན་དུ་ཞུགས་པ་ནི་ལོག་པར་མི་ལྟུང་བའི་ཆོས་ཅན་ཞེས་བྱ་བར་གནས་པར་མི་བྱའོ། །ལན་གཅིག་ཕྱིར་འོང་བ་ལ་ལན་གཅིག་འཇིག་རྟེན་འདིར་འོངས་ནས་སྡུག་བསྔལ་མཐར་འབྱིན་པར་འགྱུར་རོ་སྙམ་དུ་གནས་པར་མི་བྱའོ། །ཕྱིར་མི་འོང་བ་ནི་དེར་ཡོངས་སུ་མྱ་ངན་ལས་འདའ་འོ་སྙམ་དུ་གནས་པར་མི་བྱའོ། །
Kha109b
དགྲ་བཅོམ་པ་ཟག་པ་ཟད་པ་ནི་ཡང་སྲིད་པ་མེད་དོ་ཞེས་བྱ་བ་དང ། འདི་ཉིད་དུ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ་སྙམ་དུ་གནས་པར་མི་བྱའོ། །རང་སངས་རྒྱས་ཞེས་བྱ་བར་གནས་པར་མི་བྱའོ། །ཡང་དག་པར་རྫོགས་པའི་སངས་རྒྱས་ཞེས་བྱ་བར་གནས་པར་མི་བྱའོ། །ཉན་ཐོས་ཀྱི་ས་དང ། རང་སངས་རྒྱས་ཀྱི་ས་ལས་ཡང་དག་པར་འདས་ནས་བྱང་ཆུབ་སེམས་དཔའི་ས་ལ་གནས་པར་བྱའོ་སྙམ་དུ་གནས་པར་མི་བྱའོ། །དེ་བཞིན་དུ་ལམ་གྱི་རྣམ་པ་ཤེས་པའི་ཡེ་ཤེས་ལ་གནས་པར་མི་བྱའོ།། རྣམ་པ་ཐམས་ཅད་དུ་ཆོས་ཐམས་ཅད་མངོན་པར་རྫོགས་པར་སངས་རྒྱས་ནས་ཉོན་མོངས་པ་དང ། བག་ཆགས་དང ། མཚམས་སྦྱོར་བ་ཐམས་ཅད་སྤང་བར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་ནས་ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་གནས་པར་མི་བྱའོ། །དེ་བཞིན་དུ་སངས་རྒྱས་ཀྱི་མཛད་པ་རྣམས་བྱས་ནས། སེམས་ཅན་དཔག་ཏུ་མེད་གྲངས་མེད་པ་དག་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །དེ་བཞིན་དུ་རྫུ་འཕྲུལ་གྱི་རྐང་པ་
Kha110a
༄#། །བཞི་ཤིན་ཏུ་བསྒོམས་པ་ལ་གནས་ནས། ཏིང་ངེ་འཛིན་ཇི་ལྟ་བུ་ལ་སྙོམས་པར་ཞུགས་ན་བསྐལ་པ་གངྒཱའི་ཀླུང་གི་བྱེ་མ་སྙེད་དུ་གནས་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་འཇུག་པར་བྱའོ་སྙམ་དུ་གནས་པར་མི་བྱའོ། །བདག་གི་ཚེའི་ཚད་ནི་དཔག་ཏུ་མེད་པར་འགྱུར་རོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །དེ་བཞིན་དུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པར་འགྱུར་བར་བྱ་སྟེ། སྐྱེས་བུ་ཆེན་པོའི་མཚན་རེ་རེའང་བསོད་ནམས་བརྒྱས་ཡོངས་སུ་འགྲུབ་པར་འགྱུར་རོ། །སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །ཤར་དང ། ལྷོ་དང ། ནུབ་དང ། བྱང་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་ཇི་སྙེད་པ་དེ་སྙེད་ཀྱི་འཇིག་རྟེན་གྱི་ཁམས་དག་བདག་གི་སངས་རྒྱས་ཀྱི་ཞིང་གཅིག་ཏུ་གྱུར་ཅིག་སྙམ་དུ་གནས་པར་མི་བྱའོ། །བདག་གི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྡོ་རྗེ་ལས་བྱས་པར་གྱུར་ཅིག་སྙམ་དུ་གནས་པར་མི་བྱའོ། །བདག་གི་བྱང་ཆུབ་ཀྱི་ཤིང་ལས་སེམས་ཅན་གང་དག་དྲི་སྣོམ་པ་དེ་དག་གི་འདོད་ཆགས་དང ། ཞེ་སྡང་དང ། གཏི་མུག་མེད་པར་འགྱུར་ཞིང ། ཉན་ཐོས་དང ། རང་སངས་རྒྱས་ཀྱི་སེམས་དག་མི་བསྐྱེད་པར་སེམས་ཅན་དེ་དག་གིས་དྲི་དེ་མནམས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ཁོ་ནར་གྱུར་ལ། དེ་དག་ལ་ལུས་ཀྱི་ནད་དམ། རླུང་
Kha110b
ནད་དག་འབྱུང་བར་མི་འགྱུར་བའི་དྲི་དེ་ལྟ་བུ་དག་འབྱུང་བར་གྱུར་ཅིག་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། །བདག་གི་སངས་རྒྱས་ཀྱི་ཞིང་དེར་གཟུགས་ཀྱི་སྒྲ་འབྱུང་བར་མ་གྱུར་ཅིག་།དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྒྲ་འབྱུང་བར་མ་གྱུར་ཅིག་སྙམ་དུ་དེ་ལྟར་ཡང་གནས་པར་མི་བྱའོ། །སྦྱིན་པའི་ཕ་རོལ་ཏུ་ཕྱིན་པའི་སྒྲ་འབྱུང་བར་གྱུར་ཅིག་ཅེས་བྱ་བ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱི་སྒྲ་འབའ་ཞིག་འབྱུང་བར་གྱུར་ཅིག་ཅེས་བྱ་བ་དེ་ལྟར་ཡང་གནས་པར་མི་བྱའོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཀྱི་སྒྲ་འབྱུང་བར་གྱུར་ཅིག་ཅེས་བྱ་བ་དེ་ལྟར་ཡང་གནས་པར་མི་བྱའོ། །དེ་བཞིན་དུ་རྟག་ཏུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་སྒྲ་འབྱུང་བར་གྱུར་ཅིག་སྙམ་དུ་གནས་པར་མི་བྱའོ། །བདག་གི་སངས་རྒྱས་ཀྱི་ཞིང་དེར་རྒྱུན་དུ་ཞུགས་པ་རྣམས་ཀྱི་སྒྲ་འབྱུང་བར་མ་གྱུར་ཅིག་ཅེས་བྱ་བ་ནས། དགྲ་བཅོམ་པ་དང ། རང་སངས་རྒྱས་རྣམས་ཀྱི་སྒྲ་འབྱུང་བར་མ་གྱུར་ཅིག་སྙམ་དུ་གནས་པར་མི་བྱའོ། །བྱང་ཆུབ་སེམས་དཔའི་སྒྲ་དང ། སངས་རྒྱས་ཀྱི་སྒྲ་འབའ་ཞིག་འབྱུང་བར་གྱུར་ཅིག་སྙམ་དུ་དེ་ལྟར་ཡང་གནས་པར་མི་བྱའོ། །དེ་བཞིན་དུ་སྦྱར་ཏེ། ལེའུ་བར་མར་ཇི་སྙེད་བསྟན་པ་ཁོ་ན་བཞིན་དུ་འདིར་ཡང་དེ་བཞིན་དུ་རྒྱ་ཆེར་སྦྱར་བར་བྱའོ། །དེ་ཅིའི་ཕྱིར་ཞེ་ན། འདི་
Kha111a
༄#། །ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཆོས་ཐམས་ཅད་མི་དམིགས་པའི་ཕྱིར་རོ། །ཀཽ་ཤི་ཀ་།དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཆོས་ཐམས་ཅད་ལ་གནས་པར་མི་བྱའོ། །དེ་ནས་ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུའི་སེམས་སེམས་ཀྱིས་ཤེས་ནས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ་འདི་ཇི་སྙམ་དུ་སེམས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཅི་ལ་གནས་སྙམ། དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། དེ་བཞིན་གཤེགས་པ་ནི་ཅི་ལའང་མི་གནས་པ་ཡིན་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཐུགས་ཀྱང་ཅི་ལའང་གནས་པ་མ་ཡིན་ཏེ། དེ་ནི་གཟུགས་ལ་མི་གནས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མི་གནས། འདུས་བྱས་ཀྱི་ཁམས་ལ་མི་གནས། དྲན་པ་ཉེ་བར་བཞག་པ་རྣམས་ལ་མི་གནས་པ་ནས། སངས་རྒྱས་ཀྱི་ཆོས་
Kha111b
མ་འདྲེས་པ་བཅོ་བརྒྱད་ཀྱི་བར་ལ་མི་གནས། རྣམ་པ་ཐམས་ཅད་མཁྱེན་པ་ཉིད་ལ་མི་གནས་སོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཤཱ་རདྭ་ཏིའི་བུ། ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་སྟོན་པ་ནི་གནས་པའང་མ་ཡིན། མི་གནས་པའང་མ་ཡིན་པ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དེ་ལྟར་ཆོས་རྣམས་ལ་གནས་པར་བྱ་སྟེ། ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དེ་ལྟར་ཆོས་རྣམས་ལ་གནས་པར་བྱའོ། །དེ་ནས་འཁོར་དེ་ལས་ལྷའི་བུ་ཁ་ཅིག་འདི་སྙམ་དུ་སེམས་ཏེ། གནོད་སྦྱིན་རྣམས་ཀྱིས་གནོད་སྦྱིན་གྱི་ཚིག་དང ། ངག་རྣམས་དང ། གནོད་སྦྱིན་གྱིས་བརྗོད་པ་དང ། གནོད་སྦྱིན་གྱི་སྐད་དང ། གནོད་སྦྱིན་གྱིས་བརྗོད་པར་བྱ་བ་གང་དག་ཡིན་པ་དེ་དག་ནི་བདག་ཅག་གིས་ཤེས་པར་རུང་གི་།ད་ལྟར་ཚེ་དང་ལྡན་པ་རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་འཆད་པ་དང ། བརྗོད་པ་དང ། སྟོན་པ་དང ། རྣམ་པར་འགྲེལ་བ་དང ། གསལ་བར་བྱེད་པ་དང ། ལུང་འབོག་ཅིང་ཚིག་བརྗོད་པ་གང་དག་ཡིན་པ་དེ་དག་ནི་བདག་ཅག་གིས་མི་ཤེས་སོ་སྙམ་མོ། །དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་བུ་དེ་དག་གི་
Kha112a
༄#། །སེམས་སེམས་ཀྱིས་ཤེས་ནས་ལྷའི་བུ་དེ་དག་ལ་འདི་སྐད་ཅེས་སྨྲས་སོ། །ལྷའི་བུ་དག། ཤེས་རབ་ཀྱི་ཕ་རོལ་ཏུ་ཕྱིན་པ་ཤེས་པར་མི་རུང་ངམ། དེ་དག་གིས་སྨྲས་པ། བཙུན་པ་རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་བདག་ཅག་གིས་ཤེས་པར་མི་རུང་ངོ ། །དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་བུ་དེ་དག་ལ་འདི་སྐད་ཅེས་སྨྲས་སོ། །ཀྱེ་ལྷའི་བུ་དག་།ཁྱེད་རྣམས་ཀྱིས་ཐོས་པར་འགྱུར་དུ་ཡི་གེ་གཅིག་ཀྱང་མ་བརྗོད་མ་བསྟན་ཏོ། །དེ་ཅིའི་ཕྱིར་ཞེ་ན། ལྷའི་བུ་དག། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཡི་གེ་རྣམས་མ་ཡིན་ལ། འདི་ལ་གང་གིས་ཐོས་པར་འགྱུར་བའི་ཉན་པ་པོ་འགའ་ཡང་མེད་པའི་ཕྱིར་རོ། །དེ་ཅིའི་ཕྱིར་ཞེ་ན། ལྷའི་བུ་དག་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་བྱང་ཆུབ་ལ་ནི་ཡི་གེ་མེད་པའི་ཕྱིར་རོ། །ལྷའི་བུ་དག་།དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སངས་རྒྱས་ཤིག་སྤྲུལ་ལ་དེས་ཀྱང་སྤྲུལ་པ་མཛད་དེ། འདི་ལྟ་སྟེ། དགེ་སློང་གི་འཁོར་དང ། དགེ་སློང་མའི་འཁོར་དང ། དགེ་བསྙེན་གྱི་འཁོར་དང ། དགེ་བསྙེན་མའི་འཁོར་དག་ཅིག་སྤྲུལ་ལ། དེས་མངོན་པར་སྤྲུལ་ནས་ཀྱང་འཁོར་བཞི་པོ་དེ་དག་ལ་ཆོས་བསྟན་པར་གྱུར་ན། ལྷའི་བུ་དག། འདི་ཇི་སྙམ་དུ་སེམས། ཅི་འཁོར་དེར་སེམས་ཅན་འགས་ཀྱང་ཆོས་
Kha112b
ཅིའང་བསྟན་པའམ། སེམས་ཅན་འགས་ཀྱང་ཆོས་ཅིའང་ཐོས་པའམ། རྣམ་པར་ཤེས་པ་ཡོད་སྙམ་མམ། སྨྲས་པ། བཙུན་པ་རབ་འབྱོར། མ་མཆིས་སོ། །རབ་འབྱོར་གྱིས་སྨྲས་པ། ལྷའི་བུ་དག་།དེ་དེ་བཞིན་ཏེ། ཆོས་ཐམས་ཅད་ནི་སྤྲུལ་པ་ལྟ་བུ་སྟེ། དེ་དག་ནི་སུས་ཀྱང་བཤད་པ་མེད་ཅིང ། སེམས་ཅན་གང་གིས་ཀྱང་ཐོས་པ་མེད་ལ་སུས་ཀྱང་ཤེས་པའང་མེད་དོ། །ལྷའི་བུ་དག ། དཔེར་ན། རྨི་ལམ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་སྟོན་པ་ཞིག་མཐོང་ན། ལྷའི་བུ་དག ། འདི་ཇི་སྙམ་དུ་སེམས། ཅི་དེ་ནི་སུས་ཀྱང་བཤད་པའམ། ཐོས་པའམ། ཀུན་ཤེས་པ་ཡོད་སྙམ་མམ། དེ་དག་གིས་སྨྲས་པ། བཙུན་པ་རབ་འབྱོར། མ་མཆིས་སོ། །སྨྲས་པ། ལྷའི་བུ་དག་།དེ་དེ་བཞིན་ཏེ། ཆོས་ཐམས་ཅད་ནི་རྨི་ལམ་ལྟ་བུ་སྟ། དེ་དག་ནི་སུས་ཀྱང་བཤད་པ་མེད་ལ། ཐོས་པའང་མེད། ཀུན་ཤེས་པའང་མེད་དོ། །ལྷའི་བུ་དག། དཔེར་ན། མི་གཉིས་ཤིག་གཡང་སའི་བྱ་སྐྱིབས་ཤིག་ཏུ་འཁོད་ནས་སངས་རྒྱས་ཀྱི་བསྔགས་པ་བརྗོད་ཅིང ། དེ་བཞིན་དུ་ཆོས་དང ། དགེ་འདུན་གྱི་བསྔགས་པ་བརྗོད་ལ། མི་དེ་གཉིས་ཀྱི་ཚིག་གི་སྒྲ་ལས་བྲག་ཅ་གཉིས་ཤིག་བྱུང་ན། ལྷའི་བུ་དག། འདི་ཇི་སྙམ་དུ་སེམས་ཅི་བྲག་ཅའི་སྒྲ་གཅིག་ཤོས་པོ་དེས་བྲག་ཅའི་སྒྲ་གཉིས་པ་ཐོས་པའམ། རྣམ་པར་ཤེས་པ་ཡོད་སྙམ་མམ། དེ་དག་གིས་སྨྲས་པ། བཙུན་པ་རབ་འབྱོར། མ་མཆིས་སོ། །སྔ་མ་ཇི་ལྟ་བ་དེ་ཁོ་
Kha113a
༄#། །ན་བཞིན་དུ་རྒྱ་ཆེར་སྦྱར་བར་བྱའོ། །ལྷའི་བུ་དག་།དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་ལམ་པོ་ཆེའི་བཞི་མདོར་འདུག་ནས། དེ་བཞིན་གཤེགས་ཕ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤིག་སྤྲུལ་ལ། དེ་བཞིན་གཤེགས་པའི་སྤྲུལ་པ་དེས་ཀྱང་སྤྲུལ་པའི་འཁོར་བཞི་པོ་དེ་དག་ལ་ཆོས་བསྟན་པར་གྱུར་ན། ལྷའི་བུ་དག་།འདི་ཇི་སྙམ་དུ་སེམས། ཅི་དེ་ལ་སེམས་ཅན་གང་གིས་ཀྱང་ཆོས་ཅིའང་བསྟན་པའམ། སེམས་ཅན་གང་གིས་ཀྱང་ཐོས་པའམ། རྣམ་པར་ཤེས་པ་ཡོད་སྙམ་མམ། དེ་དག་གིས་སྨྲས་པ། བཙུན་པ་རབ་འབྱོར། མ་མཆིས་སོ། །སྔར་ཇི་སྐད་བསྟན་པ་དེ་ཁོ་ན་བཞིན་དུ་སྦྱར་བར་བྱའོ། །དེ་ནས་ལྷའི་བུ་དེ་དག་འདི་སྙམ་དུ་སེམས་ཏེ། གནས་བརྟན་རབ་འབྱོར་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གསལ་བར་བྱེད་དེ། དེ་ནི་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཆེས་ཟབ་པར་འཆད་ཅིང ། ཆེས་ཕྲ་བར་སྟོན་ཏོ་སྙམ་མོ། །དེ་ནས་ཚེ་དང་ལྡན་པ་རབ་འབྱོར་གྱི་སེམས་ཀྱིས་ལྷའི་བུ་དེ་དག་གི་སེམས་ལ་བརྟགས་ནས། ལྷའི་བུ་དེ་དག་ལ་འདི་སྐད་ཅེས་སྨྲས་སོ། ། ལྷའི་བུ་དག་།གཟུགས་ནི་ཟབ་པ་མ་ཡིན་ཕྲ་བ་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་ཟབ་པ་མ་ཡིན་ཕྲ་བ་མ་ཡིན་ནོ། །
Kha113b
གཟུགས་ཀྱི་ངོ་བོ་ཉིད་ནི་ཟབ་པ་མ་ཡིན་ཕྲ་བ་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་ངོ་བོ་ཉིད་ནི་ཟབ་པ་མ་ཡིན་ཕྲ་བ་མ་ཡིན་ནོ། །དེ་བཞིན་དུ་གོང་མ་བཞིན་དུ་སྦྱར་ཏེ། ཕུང་པོ་དག་ཏུ་ཇི་སྐད་བསྟན་པ་དེ་བཞིན་དུ་མིག་ལ་སྦྱར་བར་བྱ་བ་ནས་ཡིད་ཀྱི་བར་ལའང་སྦྱར་བར་བྱའོ། །དེ་བཞིན་དུ་མིག་གི་རྣམ་པར་ཤེས་པ་ནས་ཡིད་ཀྱི་རྣམ་པར་ཤེས་པའི་བར་ལའང་སྦྱར་བར་བྱའོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལ་སྦྱར་བར་བྱ་བ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་སྦྱར་བར་བྱའོ། ། དེ་བཞིན་དུ་ནང་སྟོང་པ་ཉིད་ལ་སྦྱར་བར་བྱ་བ་ནས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་སྦྱར་བར་བྱའོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ལ་སྦྱར་བར་བྱ་བ་ནས་འཕགས་པའི་ལམ་ཡན་ལག་བརྒྱད་པའི་བར་ལའང་སྦྱར་བར་བྱའོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལ་སྦྱར་བར་བྱ་བ་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་སྦྱར་བར་བྱའོ། །དེ་བཞིན་དུ་ཏིང་ངེ་འཛིན་ཐམས་ཅད་དང ། གཟུངས་ཀྱི་སྒོ་ཐམས་ཅད་ལའང་སྦྱར་བར་བྱའོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ནི་ཟབ་པ་མ་ཡིན་ཕྲ་བ་མ་ཡིན་ནོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་ངོ་བོ་ཉིད་ནི་ཟབ་པ་མ་ཡིན་ཕྲ་བ་མ་ཡིན་ནོ། །དེ་ནས་ལྷའི་བུ་དེ་དག་འདི་སྙམ་དུ་སེམས་ཏེ། ཆོས་བསྟན་པ་འདི་
Kha114a
༄#། །ལ་གཟུགས་སུ་བཏགས་པའང་མེད་དམ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པར་བཏགས་པའང་མེད་དམ། སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་བཏགས་པའང་མེད་དམ། ནང་སྟོང་པ་ཉིད་དུ་བཏགས་པའང་མེད་ཅིང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་བཏགས་པའང་མེད་དམ། ཆོས་བསྟན་པ་འདི་ལ་དྲན་པ་ཉེ་བར་བཞག་པ་རྣམས་ནས་འཕགས་པའི་ལམ་ཡན་ལག་བརྒྱད་པའི་བར་དུ་བཏགས་པའང་མེད་དམ། དེ་བཞིན་གཤེགས་པའི་སྟོབས་བཅུར་བཏགས་པའང་མེད་ཅིང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བཏགས་པའང་མེད་དམ། ཆོས་བསྟན་པ་འདི་ལ་རྒྱུན་དུ་ཞུགས་པར་བཏགས་པའང་མེད་དམ། རྒྱུན་དུ་ཞུགས་པའི་འབྲས་བུར་བཏགས་པའང་མེད་དམ། ལན་གཅིག་ཕྱིར་འོང་བ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། དགྲ་བཅོམ་པའི་འབྲས་བུ་དང ། རང་སངས་རྒྱས་དང ། རང་བྱང་ཆུབ་དང ། བྱང་ཆུབ་སེམས་དཔའ་དང ། བྱང་ཆུབ་སེམས་དཔའི་ས་རྣམས་དང ། ཡང་དག་པར་རྫོགས་པའི་བྱང་ཆུབ་དང ། ཡང་དག་པར་རྫོགས་པའི་སངས་རྒྱས་སུ་བཏགས་པའང་མེད་དམ། ཡི་གེ་རྣམས་སུ་བཏགས་པའང་མེད་
Kha114b
དམ། ཅི་ཞིག་གུ་སྙམ་མོ། །དེ་ནས་ཆེ་དང་ལྡན་པ་རབ་འབྱོར་གྱིས་ལྷའི་བུ་དེ་དག་ལ་འདི་སྐད་ཅེས་སྨྲས་སོ། །ལྷའི་བུ་དག་།དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ལྷའི་བུ་དག་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་བྱང་ཆུབ་ནི་བརྗོད་དུ་མེད་ཅིང་བསྙད་དུ་མེད་པ་ཡིན་ཏེ། དེ་ནི་སུས་ཀྱང་ཐོས་པ་མེད་ཅིང་རྣམ་པར་ཤེས་པའང་མེད་དོ། །ལྷའི་བུ་དག་།དེའི་ཕྱིར་གང་སུ་དག་རྒྱུན་དུ་ཞུགས་པའི་འབྲས་བུ་ལ་གནས་པར་འདོད་པའམ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱེད་པར་འདོད་པ་དེ་དག་གིས་བཟོད་པ་འདི་ལ་མ་བརྟེན་པར་གནས་པའམ། མངོན་སུམ་དུ་བྱ་བར་མི་ནུས་སོ། །དེ་བཞིན་དུ་གང་སུ་དག་དགྲ་བཅོམ་པ་ཉིད་ལ་གནས་པར་འདོད་པའམ། དགྲ་བཅོམ་པ་ཉིད་ལ་མངོན་སུམ་དུ་བྱེད་པར་འདོད་པ་དག་དང ། དེ་བཞིན་དུ་རང་བྱང་ཆུབ་ལ་གནས་པར་འདོད་པའམ། རང་བྱང་ཆུབ་མངོན་སུམ་དུ་བྱེད་པར་འདོད་པ་དང ། ཡང་དག་པར་རྫོགས་པའི་བྱང་ཆུབ་ལ་གནས་པར་འདོད་པའམ། ཡང་དག་པར་རྫོགས་པའི་བྱང་ཆུབ་མངོན་སུམ་དུ་བྱེད་པར་འདོད་པ་དེ་དག་གིས་ཀྱང་བཟོད་པ་འདི་ལམ་བརྟེན་པར་གནས་པའམ། མངོན་སུམ་དུ་བྱ་བར་མི་ནུས་སོ། །ལྷའི་བུ་དག་།བྱང་ཆུབ་སེམས་དཔའ་སེམས་དཔའ་ཆེན་པོས་སེམས་དང་པོ་བསྐྱེད་ཕྱིན་ཆད་ཐོས་པ་མེད་པ་དང ། བརྗོད་དུ་མེད་པའི་ཕྱིར་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་
Kha115a
༄#། །ལ་གནས་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། བཟོད་པའི་ཕ་རོལ་ཏུ་ཕྱིན་པའི་ལེའུ་ཞེས་བྱ་སྟེ་བཅོ་ལྔ་པའོ།། །། དེ་ནས་ལྷའི་བུ་དེ་དག་འདི་སྙམ་དུ་སེམས་ཏེ། གནས་བརྟན་རབ་འབྱོར་གྱིས་ཆོས་བསྟན་པ་ཅི་འདྲ་བ་ཞིག་ཏུ་འདོད་པར་བྱ་བ་ཡིན་ཞིག་གུ་སྙམ་མོ། །དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་བུ་དེ་དག་གི་སེམས་སེམས་ཀྱིས་ཤེས་ནས། ལྷའི་བུ་དེ་དག་ལ་འདི་སྐད་ཅེས་སྨྲས་སོ། །ལྷའི་བུ་དག། ཁོ་བོའི་ཆོས་བསྟན་པ་ནི་སྒྱུ་མ་ལྟ་བུ་དག་ཡིན་ཞིང ། ཁོ་བོ་ལ་ཆོས་ཉན་པ་དག་ཀྱང་རྒྱུ་མ་ལྟ་བུར་འདོད་པར་བྱ་སྟེ། ཆོས་བསྟན་པ་དེ་ནི་ཐོས་པར་ཡང་མི་འགྱུར་ལ། མངོན་སུམ་དུ་བྱེད་པར་ཡང་མི་འགྱུར་རོ། །དེ་ནས་ལྷའི་བུ་དེ་དག་གིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར། ཅི་སེམས་ཅན་དེ་དག་ཀྱང་སྒྱུ་མ་ལྟ་བུ་དག་ཡིན་ལ། དེ་དག་ལ་ཆོས་བསྟན་པའང་སྒྱུ་མ་ལྟ་བུ་དག་ཡིན་ནམ། དེ་བཞིན་དུ་སེམས་ཅན་རྣམས་ཀྱང་སྤྲུལ་པ་ལྟ་བུ་དག་ཡིན་ལ། དེ་དག་ལ་ཆོས་བསྟན་པའང་སྤྲུལ་པ་ལྟ་བུ་དག་ཡིན་ནམ། ཚེ་དང་ལྡན་པ་རབ་འབྱོར་གྱིས་སྨྲས་པ། ལྷའི་བུ་དག་།དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། སེམས་ཅན་རྣམས་ནི་སྒྱུ་མ་ལྟ་བུ་དག་ཡིན་ལ། དེ་དག་ལ་ཆོས་བསྟན་པའང་སྒྱུ་མ་ལྟ་བུ་དག་ཡིན་ནོ། །སེམས་ཅན་རྣམས་ནི་སྤྲུལ་པ་ལྟ་བུ་དག་ཡིན་ལ།
Kha115b
དེ་དག་ཆོས་བསྟན་པའང་སྤྲུལ་པ་ལྟ་བུ་དག་ཡིན་ནོ། །ལྷའི་བུ་དག་།བདག་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ལ། ལྷའི་བུ་དག་།གཟུགས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ། ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ། །དེ་བཞིན་མིག་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ། །ལྷའི་བུ་དག་།དེ་བཞིན་དུ་གཟུགས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །ལྷའི་བུ་དག་།མིག་གི་ཁམས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །དེ་བཞིན་དུ་གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །དེ་བཞིན་དུ་མིག་གི་འདུས་ཏེ་རེག་
Kha116a
༄#། །ཕ་ནས། ཡིད་ཀྱི་འདུས་ཏེ་རེག་པའི་བར་དང ། དེ་བཞིན་དུ་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ནས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་དག་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །ལྷའི་བུ་དག་།དེ་བཞིན་དུ་ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །ལྷའི་བུ་དག་།དྲན་པ་ཉེ་བར་བཞག་པ་རྣམས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །དེ་བཞིན་དུ་ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པའང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ། །ལྷའི་བུ་དག་།དེ་བཞིན་གཤེགས་པའི་སྟོབས་བཅུའང་རྨི་ལམ་ལྟ་བུ་
Kha116b
སྒྱུ་མ་ལྟ་བུ་དག་ཡིན་ནོ། །དེ་བཞིན་དུ་མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །ལྷའི་བུ་དག་།སྦྱིན་པའི་ཕ་རོལ་ཏུ་ཕྱིན་པའང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །ལྷའི་བུ་དག་།དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པའང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །དེ་བཞིན་དུ་རྒྱུན་དུ་ཞུགས་པའི་འབྲས་བུའང་རྨི་ལམ་ལྟ་བུ་སྒྱུ་མ་ལྟ་བུ་ཡིན་པ་ནས། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་ཀྱི་བར་ཡང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །ལྷའི་བུ་དག་།དེ་བཞིན་དུ་རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་རྨི་ལམ་ལྟ་བུ་སྒྱུ་མ་ལྟ་བུ་དག་ཡིན་ནོ། །དེ་ནས་ལྷའི་བུ་དེ་དག་གིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར། ཡང་དག་པར་རྫོགས་པའི་བྱང་ཆུབ་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཞེས་སྨྲའམ། བཙུན་པ་རབ་འབྱོར། མྱ་ངན་ལས་འདས་པའང་རྨི་ལམ་ལྟ་བུ་སྒྱུ་མ་ལྟ་བུ་ཞེས་སྨྲའམ། ཚེ་དང་ལྡན་པ་རབ་འབྱོར་གྱིས་སྨྲས་པ། ལྷའི་བུ་དག། ཁོ་བོ་ནི་མྱ་ངན་ལས་འདས་
Kha117a
༄#། །པའང་རྨི་ལམ་ལྟ་བུ་སྒྱུ་མ་ལྟ་བུ་ཞེས་སྨྲ་སྟེ། ལྷའི་བུ་དག་།གལ་ཏེ་མྱ་ངན་ལས་འདས་པ་དེ་བས་ཆེས་ཁྱད་པར་དུ་འཕགས་པའི་ཆོས་གཞན་འགའ་ཞིག་ཡོད་ནའང་ཁོ་བོ་ནི་ཆོས་དེའང་རྨི་ལམ་ལྟ་བུ་སྒྱུ་མ་ལྟ་བུ་ཞེས་སྨྲའོ། །དེ་ཅིའི་ཕྱིར་ཞེ་ན། ལྷའི་བུ་དག། འདི་ལྟར་རྨི་ལམ་དང ། སྒྱུ་མ་དང ། མྱ་ངན་ལས་འདས་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་པའི་ཕྱིར་རོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུ་དང ། ཚེ་དང་ལྡན་པ་མཽངྒལ་གྱི་བུ་ཆེན་པོ་དང ། ཚེ་དང་ལྡན་པ་གསུམ་པོ་ཆེ་དང ། ཚེ་དང་ལྡན་པ་ཀཱ་ཏྱཱའི་བུ་ཆེན་པོ་དང ། ཚེ་དང་ལྡན་པ་བྱམས་མའི་བུ་གང་པོ་དང ། ཚེ་དང་ལྡན་པ་འོད་སྲུང་ཆེན་པོ་དང ། བྱང་ཆུབ་སེམས་དཔའ་འབུམ་ཕྲག་དུ་མ་དག་གིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་པ། འདི་ལྟར་མཐོང་བར་དཀའ་བ། འདི་ལྟར་རྟོགས་པར་དཀའ་བ། འདི་ལྟར་ཕྲ་བ། འདི་ལྟར་ཞིབ་པ། འདི་ལྟར་ཞི་བ། འདི་ལྟར་གྱ་ནོམ་པ་འདི་སུ་ཞིག་ལེན་པར་འགྱུར། དེ་ནས་ཚེ་དང་ལྡན་པ་རབ་འབྱོར་གྱིས་ཀུན་དགའ་བོ་དང ། ཉན་ཐོས་ཆེན་པོ་དེ་དག་དང ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་།ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་པ། བརྟག་པར་མི་ནུས་པ། རྟོག་
Kha117b
གེའི་སྤྱོད་ཡུལ་མ་ཡིན་པ། ཕྲ་བ་ཞིབ་པ་མཐོང་བར་དཀའ་བ། རྟོགས་པར་དཀའ་བ། འདི་ལྟར་ཞི་བ། འདི་ལྟར་གྱ་ནོམ་པ་དྲི་མ་མེད་པ། འཕགས་པ་མཁས་པ་དང ། མཛངས་པས་རིག་པར་བྱ་བ་འདི་ཕྱིར་མི་ལྡོག་པའི་བྱང་ཆུབ་སེམས་དཔའ་དག་ལེན་པར་འགྱུར་རོ། །བདེན་པ་མཐོང་བའམ། དགྲ་བཅོམ་པ་ཆོས་ཀྱི་གཏིང་རྟོགས་པ། བརྣག་པ་ཡོངས་སུ་རྫོགས་པ་དག་གམ། བྱང་ཆུབ་སེམས་དཔའ་སེམས་དཔའ་ཆེན་པོ་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། སངས་རྒྱས་བྱེ་བ་ཕྲག་མང་པོ་ལ་དགེ་བའི་རྩ་བ་བསྐྱེད་པ་དག་གམ། རིགས་ཀྱི་བུའམ། རིགས་ཀྱི་བུ་མོ་དགེ་བའི་བཤེས་གཉེན་གྱིས་ཡོངས་སུ་ཟིན་པ་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་པ་ནས། དེ་བཞིན་དུ་སྦྱར་ཏེ། དྲི་མ་མེད་པ། འཕགས་པ་མཁས་པ་དང ། མཛངས་པས་རིག་པར་བྱ་བའི་བར་འདི་སྟོན་པའི་ཚེ་ལེན་པར་འགྱུར་ཏེ། དེ་དག་ནི་གཟུགས་སྟོང་ཞེས་བྱ་བ་དང ། སྟོང་པ་ཉིད་གཟུགས་སོ་སྙམ་དུ་རྣམ་པར་རྟོག་པར་མི་འགྱུར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་ཞེས་བྱ་བ་དང ། སྟོང་པ་ཉིད་རྣམ་པར་ཤེས་པའོ་སྙམ་དུ་རྣམ་པར་རྟོགས་པར་མི་འགྱུར་རོ། །གཟུགས་མཚན་མ་མེད་ཅེས་བྱ་བ་དང ། མཚན་མ་མེད་པ་གཟུགས་སོ་སྙམ་དུ་རྣམ་པར་རྟོག་པར་མི་འགྱུར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་
Kha118a
༄#། །མཚན་མ་མེད་ཅེས་བྱ་བ་དང ། མཚན་མ་མེད་པ་རྣམ་པར་ཤེས་པའོ་སྙམ་དུ་རྣམ་པར་རྟོག་པར་མི་འགྱུར་རོ། །གཟུགས་སྨོན་པ་མེད་ཅེས་བྱ་བ་དང ། སྨོན་པ་མེད་པ་གཟུགས་སོ་སྙམ་དུ་རྣམ་པར་རྟོག་པར་མི་འགྱུར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྨོན་པ་མེད་ཅེས་བྱ་བ་དང ། སྨོན་པ་མེད་པ་རྣམ་པར་ཤེས་པའོ་སྙམ་དུ་རྣམ་པར་རྟོག་པར་མི་འགྱུར་རོ། །དེ་ལྟར་གོང་མ་བཞིན་དུ་སྦྱར་ཏེ། གཟུགས་སྐྱེ་བ་མེད་དོ་སྙམ་དུ་རྣམ་པར་རྟོག་པར་མི་འགྱུར་ཞིང ། འགག་པ་མེད་དོ་སྙམ་པ་དང ། དབེན་པའོ་སྙམ་པའི་བར་དུ་རྣམ་པར་རྟོག་པར་མི་འགྱུར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྐྱེ་བ་མེད་དོ་སྙམ་དུ་རྣམ་པར་རྟོག་པར་མི་འགྱུར་ཞིང ། འགག་པ་མེད་དོ་སྙམ་པ་དང ། དབེན་པའོ་སྙམ་དུ་རྣམ་པར་རྟོག་པར་མི་འགྱུར་རོ། །གཟུགས་ཞི་བའོ་སྙམ་དུ་རྣམ་པར་རྟོག་པར་མི་འགྱུར་རོ། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཞི་བའོ་སྙམ་དུ་རྣམ་པར་རྟོག་པར་མི་འགྱུར་རོ། །དེ་བཞིན་དུ་སྦྱར་ཏེ། མིག་གི་བར་དང ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལའང་དེ་བཞིན་དུ་སྦྱར་བར་བྱའོ། །ཡིད་དང ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལའང་དེ་
Kha118b
བཞིན་དུ་སྦྱར་བར་བྱའོ། །སྦྱིན་པའི་ཕ་རོལ་ཏུ་ཕྱིན་པ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་དེ་བཞིན་དུ་སྦྱར་བར་བྱའོ། །ནང་སྟོང་པ་ཉིད་ནས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་སྦྱར་བར་བྱའོ། །དྲན་པ་ཉེ་བར་བཞག་པ་རྣམས་ནས་འཕགས་པའི་ལམ་ཡན་ལག་བརྒྱད་པའི་བར་ལའང་དེ་བཞིན་དུ་སྦྱར་བར་བྱའོ། །དེ་བཞིན་གཤེགས་པའི་སྟོབས་བཅུ་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་དེ་བཞིན་དུ་སྦྱར་བར་བྱའོ། །དེ་བཞིན་དུ་ཏིང་ངེ་འཛིན་གྱི་སྒོ་ཐམས་ཅད་དང ། གཟུངས་ཀྱི་སྒོ་ཐམས་ཅད་ལའང་སྦྱར་བར་བྱའོ།། དེ་བཞིན་དུ་རྒྱུན་དུ་ཞུགས་པའི་འབྲས་བུ་ནས་དགྲ་བཅོམ་པ་ཉིད་ཀྱི་བར་དང ། རང་བྱང་ཆུབ་ཀྱི་བར་ལའང་སྦྱར་བར་བྱའོ། །དེ་ལྟར་ན་དེ་དག་ནི་རྣམ་པ་ཐམས་ཅད་མཁྱེན་པ་ཉིད་སྟོང་པ་ཉིད་དོ། ། ཞེས་བྱ་བ་དང ། སྟོང་པ་ཉིད་རྣམ་པ་ཐམས་ཅད་མཁྱེན་པ་ཉིད་དོ་སྙམ་དུ་རྣམ་པར་རྟོག་པར་མི་འགྱུར་རོ། །རྣམ་པ་ཐམས་ཅད་མཁྱེན་པ་ཉིད་མཚན་མ་མེད་དོ་ཞེས་བྱ་བ་དང ། མཚན་མ་མེད་པ་རྣམ་པ་ཐམས་ཅད་མཁྱེན་པ་ཉིད་དོ་སྙམ་དུ་རྣམ་པར་རྟོག་པར་མི་འགྱུར་རོ། །རྣམ་པ་ཐམས་ཅད་མཁྱེན་པ་ཉིད་སྨོན་པ་མེད་དོ་ཞེས་བྱ་བ་དང ། སྨོན་པ་མེད་པ་རྣམ་པ་ཐམས་ཅད་མཁྱེན་པ་ཉིད་དོ། ། སྙམ་དུ་རྣམ་པར་རྟོག་པར་མི་འགྱུར་རོ། །འདུས་བྱས་ཀྱི་ཁམས་སྟོང་པ་ཉིད་དོ་ཞེས་བྱ་བ་དང ། སྟོང་པ་ཉིད་འདུས་བྱས་ཀྱི་ཁམས་སོ་སྙམ་དུ་རྣམ་པར་རྟོག་པར་མི་འགྱུར་རོ། །དེ་བཞིན་དུ་འདུས་
Kha119a
༄#། །བྱས་ཀྱི་ཁམས་མཚན་མ་མེད་དོ་ཞེས་བྱ་བ་དང ། མཚན་མ་མེད་པ་འདུས་བྱས་ཀྱི་ཁམས་སོ་སྙམ་དུ་རྣམ་པར་རྟོག་པར་མི་འགྱུར་རོ། །འདུས་བྱས་ཀྱི་ཁམས་སྨོན་པ་མེད་དོ་ཞེས་བྱ་བ་དང ། སྨོན་པ་མེད་པ་འདུས་བྱས་ཀྱི་ཁམས་སོ་སྙམ་དུ་རྣམ་པར་རྟོག་པར་མི་འགྱུར་རོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དང ། དེ་བཞིན་དུ་འདུས་བྱས་དང ། འདུས་མ་བྱས་ཀྱི་བར་དུ་སྐྱེ་བ་མེད་པ་དང ། འགག་པ་མེད་པ་དང ། ཞི་བ་དང ། དབེན་པར་རྣམ་པར་རྟོག་པར་མི་འགྱུར་རོ། །དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་བུ་དེ་དག་ལ་འདི་སྐད་ཅེས་སྨྲས་སོ། །ལྷའི་བུ་དག་།ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་པ་ནས། དྲི་མ་མེད་པ་འཕགས་པ་མཁས་པ་དང ། མཛངས་པས་རིག་པར་བྱ་བ་འདི་ལ་ནི་ལེན་པར་བྱེད་པར་འགྱུར་བ་འགའ་ཡང་མེད་དོ། །དེ་ཅིའི་ཕྱིར་ཞེ་ན། འདི་ལྟར་འདིར་ཆོས་འགའ་ཡང་མ་བརྗོད་ཅིང་ཡོངས་སུ་མ་བསྟན་པའི་ཕྱིར་ཏེ། ཇི་ལྟར་འདིར་ཆོས་འགའ་ཡང་ཡོངས་སུ་མ་བརྗོད་ཅིང ། ཡོངས་སུ་མ་བསྟན་པ་དེ་ལྟར་འདི་སེམས་ཅན་འགའ་ཡང་ལེན་པར་འགྱུར་བ་མེད་དོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཐེག་པ་གསུམ་པོ་བསྟན་པ། འདི་ལྟ་སྟེ། ཉན་ཐོས་
Kha119b
ཀྱི་ཐེག་པ་དང ། རང་སངས་རྒྱས་ཀྱི་ཐེག་པ་དང ། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་དག་རྒྱ་ཆེར་བསྟན་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡོངས་སུ་གཟུང་བའང་བསྟན་ལ། སེམས་དང་པོ་བསྐྱེད་པ་ནས་བཟུང་སྟེ། ས་བཅུ་པའི་སེམས་བསྐྱེད་པའི་བར་དང ། བྱང་ཆུབ་སེམས་དཔའི་ལམ། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང ། དེ་བཞིན་དུ་དྲན་པ་ཉེ་བར་བཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྟན་ཅིང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་རྫུ་འཕྲུལ་གྱི་མངོན་པར་ཤེས་པས་རྣམ་པར་རྩེ་བ་དག་ཀྱང་བསྟན་ལ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམས་བརྫུས་ཏེ་སྐྱེ་བར་འགྱུར་བ་དང ། དེ་བཞིན་དུ་མངོན་པར་ཤེས་པ་ཡོངས་སུ་མི་ཉམས་པའི་ཆོས་ཅན་དུ་འགྱུར་ཞིང ། དགེ་བའི་རྩ་བ་གང་དག་གིས་འདོད་ན་སངས་རྒྱས་ཀྱི་ཞིང་རྣམས་སུ་འགྲོ་བ་དང ། སངས་རྒྱས་བཅོམ་ལྡན་འདས་དེ་དག་ལ་བསྟི་སྟང་དུ་བྱ་བ་དང ། རི་མོར་བྱ་བ་དང ། མཆོད་པར་བྱེད་པར་འགྱུར་བའི་དགེ་བའི་རྩ་བ་དེ་དག་ཀྱང་འགྲུབ་པར་འགྱུར་བ་དང ། སངས་རྒྱས་བཅོམ་ལྡན་འདས་དེ་དག་ལས་ཆོས་གང་
Kha120a
༄#། །ཐོས་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་ནམ་ཡང་ཆུད་ཟ་བར་མི་འགྱུར་བ་དང ། མཉམ་པར་མ་བཞག་པའི་ཚུལ་གྱིས་རྟག་ཏུ་མཉམ་པར་བཞག་པར་འགྱུར་བ་དང ། ཐོགས་པ་མེད་པའི་སྤོབས་པ་དང ། རྒྱུན་མི་འཆད་པའི་སྤོབས་པ་དང ། རིགས་པའི་སྤོབས་པ་དང ། འབྲེལ་པའི་སྤོབས་པ་དང ། དོན་བཟང་པོ་དང་ལྡན་པའི་སྤོབས་པ་དང ། འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པ་རབ་མཆོག་ཅན་དུ་འགྱུར་བ་དག་ཀྱང་བསྟན་པ་ཡིན་ནམ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཐེག་པ་གསུམ་པོ། འདི་ལྟ་སྟེ། ཉན་ཐོས་ཀྱི་ཐེག་པ་དང ། རང་སངས་རྒྱས་ཀྱི་ཐེག་པ་དང ། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་དག་རྒྱ་ཆེར་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡོངས་སུ་གཟུང་བའང་བསྟན་པ་ནས། དེ་བཞིན་དུ་སྦྱར་ཏེ། ཅི་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པ་རབ་མཆོག་ཅན་གྱི་བར་དུ་འགྱུར་ཞིང ། དེའང་མི་དམིགས་པའི་ཚུལ་གྱིས་
Kha120b
བསྟན་པ་ནས། ཤེས་པ་པོ་དང ། མཐོང་བ་པོའི་བར་དུ་མི་དམིགས་པའི་ཚུལ་དང ། དེ་བཞིན་དུ་གཟུགས་མི་དམིགས་པའི་ཚུལ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མི་དམིགས་པའི་ཚུལ་དང ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་མི་དམིགས་པའི་ཚུལ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་མི་དམིགས་པའི་ཚུལ་དང ། ནང་སྟོང་པ་ཉིད་མི་དམིགས་པའི་ཚུལ་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་མི་དམིགས་པའི་ཚུལ་དང ། དྲན་པ་ཉེ་བར་བཞག་པ་རྣམས་ཀྱི་བར་དུ་མི་དམིགས་པའི་ཚུལ་དང ། འཕགས་པའི་ལམ་ཡན་ལག་བརྒྱད་པའི་བར་དུ་མི་དམིགས་པའི་ཚུལ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་མི་དམིགས་པའི་ཚུལ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མི་དམིགས་པའི་ཚུལ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་དམིགས་པའི་ཚུལ་གྱིས་བསྟན་ཏོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅིའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཐེག་པ་གསུམ་པོ་དག་མི་དམིགས་པའི་ཚུལ་གྱིས་བསྟན་ཅིང ། དེ་བཞིན་དུ་ཅིའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡོངས་སུ་གཟུང་བ་བསྟན་པ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡོངས་སུ་གཟུང་བ་བསྟན་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་
Kha121a
༄#། །རྣམས་འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པར་བ་མཆོག་ཅན་གྱི་བར་དུ་འགྱུར་ལ། དེའང་མི་དམིགས་པའི་ཚུལ་གྱིས་བསྟན་དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། ནང་སྟོང་པ་ཉིད་ཀྱི་ཕྱིར་ཐེག་པ་གསུམ་པོ་དག་རྒྱ་ཆེར་བསྟན་ཏེ། དེའང་མི་དམིགས་པའི་ཚུལ་གྱིས་བསྟན་ཏོ། །དེ་བཞིན་དུ་ནང་སྟོང་པ་ཉིད་ཀྱི་ཕྱིར་དང ། ཕྱི་སྟོང་པ་ཉིད་ཀྱི་ཕྱིར་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར། ཐེག་པ་གསུམ་པོ་དག་རྒྱ་ཆེར་བསྟན་ཏེ། དེའང་མི་དམིགས་པའི་ཚུལ་གྱིས་བསྟན་ཏོ། །དེ་བཞིན་དུ་ནང་སྟོང་པ་ཉིད་ཀྱི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་གཟུང་བ་བསྟན་ཅིང ། དེ་བཞིན་དུ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པ་རབ་མཆོག་ཅན་གྱི་བར་དུ་འགྱུར་ཞིང ། དེའང་མི་དམིགས་པའི་ཚུལ་གྱིས་བསྟན་པ་དང ། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་གཟུང་བ་བསྟན་པ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པ་རབ་མཆོག་
Kha121b
ཅན་གྱི་བར་དུ་འགྱུར་ཞིང ། དེའང་མི་དམིགས་པའི་ཚུལ་གྱིས་བསྟན་ཏོ། །དེ་ནས་འཁོར་དེ་ན་དབང་པོ་དང་བཅས་པའི་ལྷ་རྣམས་དང ། ལྷ་མོའི་ཚོགས་དང་བཅས་པ་རྣམས་དང ། ཚངས་པ་དང་བཅས་པ་རྣམས་དང ། སྐྱེ་དགུའི་བདག་པོ་དང་བཅས་པ་རྣམས་དང ། སུམ་ཅུ་རྩ་གསུམ་པ་རྣམས་ཀྱིས། འདི་ལྟ་སྟེ། དེ་བཞིན་གཤེགས་པའི་སྟོབས་དང ། དེ་བཞིན་གཤེགས་པའི་བྱིན་གྱི་རླབས་དང ། དེ་བཞིན་གཤེགས་པའི་མཐུས་གནས་བརྟན་རབ་འབྱོར་གྱིས་གང་བཤད་པ་དང ། བརྗོད་པ་དང ། བསྟན་པའི་ཆོས་འདི་ནི་ཨ་ལ་ལ་ལེགས་པར་བཤད་པའོ། ། ་ལ་ལ་ཆོས་འདི་ནི་ལེགས་པར་བཤད་པའོ། ། ལ་ལ་ཆོས་འདི་ནི་ལེགས་པར་བཤད་པའོ། །ཞེས་ཆེད་དུ་བརྗོད་པ་ལན་གསུམ་ཆེད་དུ་བརྗོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མི་འབྲལ་བ་འདི་ནི་བདག་ཅག་གིས་དེ་བཞིན་གཤེགས་པ་ཉིད་དུ་གཟུང་བར་བགྱིའོ། །འདི་ལྟ་སྟེ། གཟུགས་སམ། ཚོར་བའམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་པའམ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཆོས་གང་ཡང་དམིགས་སུ་མ་མཆིས་ཀྱང་ཐེག་པ་གསུམ་རྣམ་པར་དགོད་པའང་མཛད་དོ། །ཐེག་པ་གསུམ་པོ། འདི་ལྟ་སྟེ། ཉན་ཐོས་ཀྱི་ཐེག་པ་དང ། རང་སངས་རྒྱས་ཀྱི་ཐེག་པ་དང ། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་ལ་འདོགས་པའང་
Kha122a
༄#། །མཛད་དོ། །དེ་ནས་བཅོམ་ལྡན་འདས་ཀྱིས་དབང་པོ་དང་བཅས་པའི་ལྷ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷའི་བུ་དག་།དེ་དེ་བཞིན་ནོ། །ཁྱེད་ཇི་སྐད་ཟེར་བ་བཞིན་ཏེ། ལྷའི་བུ་དག་།འདི་ལྟ་སྟེ། གཟུགས་སམ། ཚོར་བའམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་པའམ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཆོས་གང་ཡང་དམིགས་སུ་མེད་ཀྱང་ཐེག་པ་གསུམ་རྣམ་པར་དགོད་པའང་མཛད་དེ། ཐེག་པ་གསུམ་པོ། འདི་ལྟ་སྟེ། ཉན་ཐོས་ཀྱི་ཐེག་པ་དང ། རང་སངས་རྒྱས་ཀྱི་ཐེག་པ་དང ། ཡང་དག་པར་རྫོགས་པའི་སངས་རྒྱས་ཀྱི་ཐེག་པའང་འདོགས་པར་མཛད་དོ། །ལྷའི་བུ་དག་།བྱང་ཆུབ་སེམས་དཔའ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མ་བྲལ་ལ། དེའང་མི་དམིགས་པའི་ཚུལ་གྱིས་ཡིན་པ་དེ་ནི། ཁྱེད་ཀྱིས་དེ་བཞིན་གཤེགས་པ་ཉིད་དུ་ཟུང་ཞིག་།དེ་ཅིའི་ཕྱིར་ཞེ་ན། ལྷའི་བུ་དག་།ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཐེག་པ་གསུམ་པོ། འདི་ལྟ་སྟེ། ཉན་ཐོས་ཀྱི་ཐེག་པ་དང ། རང་སངས་རྒྱས་ཀྱི་ཐེག་པ་དང ། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་དག་རྒྱ་ཆེར་བསྟན་ཅིང ། ལྷའི་བུ་དག་།སྦྱིན་པའི་ཕ་རོལ་ཏུ་ཕྱིན་པ་ལས་གུད་ནའང་དེ་བཞིན་གཤེགས་པ་དམིགས་སུ་མེད་ལ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལས་གུད་ནའང་དེ་བཞིན་གཤེགས་
Kha122b
པ་དམིགས་སུ་མེད། དེ་བཞིན་དུ་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལས་གུད་ནའང་དེ་བཞིན་གཤེགས་པ་དམིགས་སུ་མེད། དྲན་པ་ཉེ་བར་བཞག་པ་རྣམས་དང ། འཕགས་པའི་ལམ་ཡན་ལག་བརྒྱད་པའི་བར་དག་ལས་གུད་ནའང་དེ་བཞིན་གཤེགས་པ་དམིགས་སུ་མེད། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལས་གུད་ནའང་དེ་བཞིན་གཤེགས་པ་དམིགས་སུ་མེད། རྣམ་པ་ཐམས་ཅད་མཁྱེན་པ་ཉིད་ལས་གུད་ནའང་དེ་བཞིན་གཤེགས་པ་དམིགས་སུ་མེད་ལ། ལྷའི་བུ་དག་།བྱང་ཆུབ་སེམས་དཔའ་ཡང་དེ་དག་ཐམས་ཅད་ལ་སློབ་སྟེ། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སློབ་པའི་ཕྱིར་ཏེ། ལྷའི་བུ་དག། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མ་བྲལ་བར་སྤྱོད་པ་ནི་དེ་བཞིན་གཤེགས་པ་ཉིད་དུ་རིག་པར་བྱའོ། །ལྷའི་བུ་དང ། ང་གང་གི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ལ།་རྒྱལ་པོའི་ཕོ་བྲང་འཁོར་པདྨ་ཅན་དུ་པདྨ་ལྔ་གཏོར་ཏེ་ཚོང་འདུས་ཀྱི་དབུས་ན་འདུག་པའི་ཚེ། མི་དམིགས་པའི་ཚུལ་གྱིས་སྦྱིན་པའི་ཕ་རོལ་ཏུ་ཕྱིན་པ་དང་བྲལ་བར་མ་གྱུར། དེ་བཞིན་
Kha123a
༄#། །དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བར་མ་གྱུར། དེ་བཞིན་དུ་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང ། དེ་བཞིན་དུ་དྲན་པ་ཉེ་བར་བཞག་པ་རྣམས་དང ། འཕགས་པའི་ལམ་ཡན་ལག་བརྒྱད་པའི་བར་དང་བྲལ་བར་མ་གྱུར། དེ་བཞིན་དུ་ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། བྱང་ཆུབ་སེམས་དཔའི་ཏིང་ངེ་འཛིན་ཐམས་ཅད་དང ། གཟུངས་ཀྱི་སྒོ་ཐམས་ཅད་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་བྲལ་བར་མ་གྱུར་པ་དེའི་ཚེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ཀྱིས། ང་ལ་ཀྱེ་རིགས་ཀྱི་བུ། ཁྱོད་མ་འོངས་པའི་དུས་ན་བསྐལ་པ་བཟང་པོ་ལ་འཇིག་རྟེན་གྱི་ཁམས་འདི་ཉིད་དུ་བསྐལ་པ་གྲངས་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་
Kha123b
རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བཅོམ་ལྡན་འདས་ལ་ལྷའི་བུ་དེ་དག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ཙམ་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་རྣམ་པ་ཐམས་ཅད་མཁྱེན་པ་ཉིད་མི་གཏོང་བའི་ཚུལ་གྱིས་ཕན་འདོགས་པ་ནི་ངོ་མཚར་ལགས་སོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཅུ་དྲུག་པ། དེ་ནས་བཅོམ་ལྡན་འདས་ཀྱིས་འཁོར་བཞི་པོ། འདི་ལྟ་སྟེ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་ནས། དེ་བཞིན་དུ་སྦྱར་ཏེ། འོག་མིན་གྱི་བར་གྱི་ལྷ་རྣམས་འདུས་པར་གྱུར་ཏེ། འཁོད་པར་ཐུགས་སུ་ཆུང་ནས་ཐམས་ཅད་དབང་དུ་བཙུགས་ཏེ། ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ་།བྱང་ཆུབ་སེམས་དཔའ་སེམས་དཔའ་ཆེན་པོའམ། དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། ལྷ་འམ། ལྷའི་བུའམ། ལྷའི་བུ་མོ་གང་ལ་ལ་ཞིག་གིས་བཅོམ་ལྡན་འདས་
Kha124a
༄#། །མ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཐོས་ནས། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བར་གྱུར་པ་དེ་ལ་བདུད་སྡིག་ཅན་ནམ། བདུད་ཀྱི་རིས་ཀྱི་ལྷ་གླགས་ཚོལ་བ་རྣམས་ཀྱིས་གླགས་དང་སྐབས་རྙེད་པར་མི་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་རིགས་ཀྱི་བུའམ། རིགས་ཀྱི་བུ་མོ་དེས་གཟུགས་སྟོང་པ་ཉིད་དུ་ཤིན་ཏུ་བྱིན་གྱིས་བརླབས་ཤིང ། དེ་བཞིན་དུ་ཚོར་བ་སྟོང་པ་ཉིད་དང ། འདུ་ཤེས་སྟོང་པ་ཉིད་དང ། འདུ་བྱེད་རྣམས་སྟོང་པ་ཉིད་དང ། རྣམ་པར་ཤེས་པ་སྟོང་པ་ཉིད་དུ་ཤིན་ཏུ་བྱིན་གྱིས་བརླབས་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མི་རྙེད། མཚན་མ་མེད་པས་མཚན་མ་མེད་པ་ལ་གླགས་མི་རྙེད། སྨོན་པ་མེད་པས་སྨོན་པ་མེད་པ་ལ་གླགས་མི་རྙེད་པའི་ཕྱིར་རོ། །དེ་ལྟར་གོང་མ་བཞིན་དུ་སྦྱར་ཏེ། རིགས་ཀྱི་བུའམ། རིགས་ཀྱི་བུ་མོ་དེས་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྟོང་པ་ཉིད་དུ་ཤིན་ཏུ་བྱིན་གྱིས་བརླབས་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མི་རྙེད། མཚན་མ་མེད་པ་མཚན་མ་མེད་པ་ལ་གླགས་མི་རྙེད། སྨོན་པ་མེད་པས་སྨོན་པ་མེད་པ་ལ་གླགས་མི་རྙེད་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་གང་གིས་དེ་དག་ལ་གླགས་རྙེད་པར་འགྱུར་བ་དང ། གང་དག་ལ་གླགས་རྙེད་པར་འགྱུར་བའི་ཆོས་དེ་དག་ལ་ངོ་བོ་
Kha124b
ཉིད་མེད་པའི་ཕྱིར་ཏེ། ཀཽ་ཤི་ཀ་།རིགས་ཀྱི་བུའམ། རིགས་ཀྱི་བུ་མོ་དེ་ལ་མིའམ། མི་མ་ཡིན་པ་གླགས་ཚོལ་བ་རྣམས་ཀྱི་ས་གླགས་མི་རྙེད་དོ། །དེ་ཅིའི་ཕྱིར་ཞེ་ན། ཀཽ་ཤི་ཀ་།འདི་ལྟར་རིགས་ཀྱི་བུའམ། རིགས་ཀྱི་བུ་མོ་དེས་སེམས་ཅན་ཐམས་ཅད་ལ་བྱམས་པའི་སེམས་ཤིན་ཏུ་བསྒོམས་ཤིང ། དེ་བཞིན་དུ་སྙིང་རྗེའི་སེམས་དང ། དགའ་བའི་སེམས་དང ། བཏང་སྙོམས་ཀྱི་སེམས་ཤིན་ཏུ་བསྒོམས་ཏེ། དེའང་མི་དམིགས་པའི་ཚུལ་གྱིས་བསྒོམས་པའི་ཕྱིར་རོ། །ཀཽ་ཤི་ཀ་།རིགས་ཀྱི་བུའམ། རིགས་ཀྱི་བུ་མོ་དེ་དག་གཤིས་ངན་དུ་འཆི་བར་ཡང་མི་འགྱུར་རོ། ། དེ་ཅིའི་ཕྱིར་ཞེ་ན། འདི་ལྟར་རིགས་ཀྱི་བུའམ། རིགས་ཀྱི་བུ་མོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་དེས། སེམས་ཅན་ཐམས་ཅད་ལ་ཡང་དག་པའི་བདེ་བ་ཉེ་བར་བསྒྲུབས་པས་བསྙེན་བཀུར་བྱས་པའི་ཕྱིར་རོ། །གང་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་འཁོད་པའི་རྒྱལ་ཆེན་བཞིའི་རིས་ཀྱི་ལྷ་རྣམས་དང ། སུམ་ཅུ་རྩ་གསུམ་པ་རྣམས་དང ། འཐབ་བྲལ་རྣམས་དང ། དགའ་ལྡན་རྣམས་དང ། འཕྲུལ་དགའ་རྣམས་དང ། གཞན་འཕྲུལ་དབང་བྱེད་རྣམས་དང ། ཚངས་པ་རྣམས་དང ། འོད་གསལ་རྣམས་དང ། དགེ་རྒྱས་རྣམས་དང ། འབྲས་བུ་ཆེ་བ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དག་དང ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་མ་ཐོས་ནས་མ་བཟུང་བ་དང ། མ་བཅངས་པ་དང །
Kha125a
༄#། །ཀུན་ཆུབ་པར་མ་བྱས་པའི་ལྷ་རྣམས་ཀྱིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་རྟག་ཏུ་མཉན་པར་བྱ། གཟུང་བར་བྱ། བཅད་པར་བྱ། ཀུན་ཆུབ་བར་བྱ།་ཚུལ་བཞིན་དུ་ཡིད་ལ་བྱ་ཞིང ། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་ཡང་མ་བྲལ་བར་བྱའོ། །ཀཽ་ཤི་ཀ་།གཞན་ཡང་རིགས་ཀྱི་བུའམ། རིགས་ཀྱི་བུ་མོ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པ་དང ། ཐམས་ཅད་མཁྱེན་པ་ཉིད་ཀྱི་སེམས་དང་ཡང་འབྲལ་བར་མི་འགྱུར་ན། རིགས་ཀྱི་བུའམ། རིགས་ཀྱི་བུ་མོ་དེ་དག་ཁང་སྟོང་ན་འདུག་ཀྱང་རུང ། བླ་གབ་མེད་པ་ན་འདུག་ཀྱང་རུང ། འདུན་ཁང་ན་འདུག་ཀྱང་རུང་སྟེ། འཇིགས་པའམ། བག་ཚ་བའམ། སྤུ་ཟིང་ཞེས་བྱེད་པ་དག་འབྱུང་བར་མི་འགྱུར་རོ། །དེ་ཅིའི་ཕྱིར་ཞེ་ན། ཀཽ་ཤི་ཀ་།འདི་ལྟར་རིགས་ཀྱི་བུའམ། རིགས་ཀྱི་བུ་མོ་དེ་དག་གིས་རྟག་ཏུ་མི་དམིགས་པའི་ཚུལ་གྱིས་ནང་སྟོང་པ་ཉིད་ཤིན་ཏུ་བསྒོམས་ཤིང ། དེ་བཞིན་དུ་རྟག་ཏུ་མི་དམིགས་པའི་ཚུལ་གྱིས་ཕྱི་སྟོང་པ་ཉིད་ཤིན་ཏུ་བསྒོམས། དེ་བཞིན་ཏུ་རྟག་ཏུ་མི་དམིགས་པའི་ཚུལ་གྱིས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཤིན་ཏུ་བསྒོམས་པའི་ཕྱིར་རོ། །དེ་ནས་བཅོམ་ལྡན་འདས་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན། འདི་
Kha125b
ལྟ་སྟེ། རྒྱལ་ཆེན་བཞིའི་རིས་ཀྱི་ལྷ་རྣམས་དང ། སུམ་ཅུ་རྩ་གསུམ་པ་རྣམས་དང ། འཐབ་བྲལ་རྣམས་དང ། དགའ་ལྡན་རྣམས་དང ། འཕྲུལ་དགའ་རྣམས་དང ། གཞན་འཕྲུལ་དབང་བྱེད་རྣམས་ནས། གནས་གཙང་མའི་བར་གྱི་ལྷ་འཁོད་པ་དེ་དག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རིགས་ཀྱི་བུའམ་རིགས་ཀྱི་བུ་མོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཛིན་པ་དང ། ལུང་འབོག་པ་དང ། འཆང་བ་དང ། ཀློག་པ་དང ། འཆད་པ་དང ། གཞན་དག་ལའང་རྒྱ་ཆེར་ཡང་དག་པར་རབ་ཏུ་སྟོན་པ་དང ། ཚུལ་བཞིན་དུ་ཡིད་ལ་བགྱིད་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་ཡང་བྲལ་བར་མི་འགྱུར་བ་དེ་དག་ལ་བདག་ཅག་གིས་རྟག་པར་རྒྱུན་དུ་བསྲུང་བ་དང ། བསྐྱབ་པར་བགྱི་ལགས་སོ། །དེ་ཅིའི་ཕྱིར་ཞེ་ན། བཙུན་པ་བཅོམ་ལྡན་འདས། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས་སེམས་ཅན་དམྱལ་བ་རྣམས་རྒྱུན་ཆད་པར་འགྱུར། དུད་འགྲོའི་སྐྱེ་གནས་རྣམས་རྒྱུན་ཆད་པར་འགྱུར། ལྷ་དབུལ་པོ་རྣམས་དང ། ཀླུ་དབུལ་པ་རྣམས་དང ། གནོད་སྦྱིན་དབུལ་པོ་རྣམས་དང ། མི་དབུལ་པོ་རྣམས་དང ། ཡམས་ཀྱི་བྲོན་ད་ཐམས་ཅད་དང ། གནོད་པ་དང ། བྲོ་ནད་འགོ་བ་དང ། འཁྲུག་པ་རྣམས་མི་སྐྱེ་མི་འབྱུང་ཞིང་སེལ་བར་འགྱུར་ལ། དེ་བཞིན་དུ་མུ་གེ་དང ། འཁྲུག་པ་དང ། ནང་འཁྲུག་ཐམས་
Kha126a
༄#། །ཅད་རྒྱུན་ཆད་པར་འགྱུར། སེལ་བར་འགྱུར་ཞིང་མ་མཆིས་པར་འགྱུར་བ་དང ། བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས་དགེ་བ་བཅུའི་ལས་ཀྱི་ལམ་རྣམས་འཇིག་རྟེན་དུ་འབྱུང་ཞིང ། དེ་བཞིན་དུ་བསམ་གཏན་གཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དག་འཇིག་རྟེན་དུ་འབྱུང་བར་འགྱུར་རོ། །ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར་བ་དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་ནང་སྟོང་པ་ཉིད་འཇིག་རྟེན་དུ་འབྱུང་བར་འགྱུར། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་དྲན་པ་ཉེ་བར་བཞག་པ་བཞི་འཇིག་རྟེན་དུ་འབྱུང་བར་འགྱུར། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དག་འཇིག་རྟེན་དུ་འབྱུང་བར་འགྱུར་བའི་སླད་དུའོ། །བཙུན་པ་བཅོམ་ལྡན་འདས། གཞན་ཡང་བྱང་ཆུབ་
Kha126b
སེམས་དཔའ་སེམས་དཔའ་ཆེན་པོ་ལ་བརྟེན་ནས་རྒྱལ་རིགས་ཤིང་སཱ་ཆེན་པོ་ལྟ་བུ་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་འཇིག་རྟེན་དུ་འབྱུང་བར་འགྱུར། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བ་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་འཁོར་ལོས་སྒྱུར་བའི་རྒྱལ་པོ་རྣམས་འཇིག་རྟེན་དུ་འབྱུང་བར་འགྱུར་ལགས་སོ། །བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས་རྒྱལ་ཆེན་བཞིའི་རིས་ཀྱི་ལྷ་རྣམས་མཆིས་ལགས་སོ། ། དེ་བཞིན་དུ་འོག་མིན་གྱི་བར་གྱི་ལྷ་རྣམས་མཆིས་ལགས་སོ། །བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས། རྒྱུན་དུ་ཞུགས་པའི་འབྲས་བུ་མཆིས་ལགས་སོ། །རྒྱུན་དུ་ཞུགས་པ་མཆིས་ལགས་སོ། །དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བའི་འབྲས་བུ་དང ། ཕྱིར་མི་འོང་བ་དང ། དེ་བཞིན་དུ་དགྲ་བཅོམ་པའི་འབྲས་བུ་དང ། དགྲ་བཅོམ་པ་ཉིད་མཆིས་ལགས་སོ། །རང་བྱང་ཆུབ་མཆིས་ལགས་སོ། །རང་སངས་རྒྱས་མཆིས་ལགས་སོ། །བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས། སེམས་ཅན་ཐམས་ཅད་ཡོངས་སུ་སྨིན་པར་བགྱི་བ་མཆིས་ལགས་སོ། །སངས་རྒྱས་ཀྱི་ཞིང་ཡོངས་
Kha127a
༄#། །སུ་དག་པར་བགྱི་བ་མ་ཆིས་ལགས་སོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞུགས་ལགས་སོ། །ཆོས་ཀྱི་འཁོར་ལོ་བསྐོར་བ་དག་ཀྱང་འཇིག་རྟེན་ན་མཆིས་ལགས་སོ། །དེ་བཞིན་དུ་སངས་རྒྱས་དཀོན་མཆོག་བཞུགས་ལགས་སོ། །ཆོས་དཀོན་མཆོག་བཞུགས་ལགས་སོ། །དགེ་འདུན་དཀོན་མཆོག་བཞུགས་ལགས་ཏེ། བཙུན་པ་བཅོམ་ལྡན་འདས། རྣམ་གྲངས་དེས་ན། བྱང་ཆུབ་སེམས་དཔའ་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱིས་བསྲུང་བ་དང ། བསྐྱབ་པ་དང ། སྤ་བར་བགྱི་བ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ་།དེ་དེ་བཞིན་ནོ། །ཁྱོད་ཀྱིས་ཇི་སྐད་སྨྲས་པ་བཞིན་ཏེ། ཀཽ་ཤི་ཀ་།བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས་སེམས་ཅན་དམྱལ་བ་ཐམས་ཅད་རྒྱུན་ཆད་པར་འགྱུར། གཤིན་རྗེའི་འཇིག་རྟེན་རྣམས་རྒྱུན་ཆད་པར་འགྱུར། བྱོལ་སོང་གི་སྐྱེ་གནས་ཐམས་ཅད་རྒྱུན་ཆད་པར་འགྱུར། ད་བཞིན་དུ་སྦྱར་ཏེ། སངས་རྒྱས་དཀོན་མཆོག་གི་བར་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་ཆོས་དཀོན་མཆོག་དང ། དགེ་འདུན་དཀོན་མཆོག་འཇིག་རྟེན་དུ་འབྱུང་བར་འགྱུར་ཏེ། ཀཽ་ཤི་ཀ། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ལྷ་དང་མི་དང་ལྷ་
Kha127b
མ་ཡིན་དུ་བཅས་པའི་འཇིག་རྟེན་གྱིས་བསྟི་སྟང་དུ་བྱ། བླ་མར་བྱ། རི་མོར་བྱ། མཆོད་པར་བྱ་ཞིང ། དེ་དག་ལ་རྟག་ཏུ་རྒྱུན་མི་འཆད་པར་བསྲུང་བ་དང ། བསྐྱབ་པ་དང ། སྦ་བར་བྱའོ། ། ཀཽ་ཤི་ཀ་།གང་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བསྟི་སྟང་དུ་བྱ་བ་དང ། བླ་མར་བྱ་བ་དང ། རི་མོ་བྱ་བ་དང ། མཆོད་པ་བྱ་བར་སེམས་པ་དེ་ནི། ང་ལ་བསྟི་སྟང་དུ་བྱ་བ་དང ། བླ་མར་བྱ་བ་དང ། རི་མེ་བྱ་བ་དང ། མཆོད་པར་བྱ་བར་སེམས་པ་ཡིན་ནོ། །ཀཽ་ཤི་ཀ་།དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱིས་རྟག་ཏུ་བསྟི་སྟང་དུ་བྱ། བླ་མར་བྱ། རི་མོ་བྱ། མཆོད་པ་བྱ་ཞིང ། དེ་དག་ལ་རྟག་ཏུ་རྒྱུན་མི་འཆད་པར་བསྲུང་བ་དང ། བསྐྱབ་པ་དང ། སྦ་བར་བྱའོ། །ཀཽ་ཤི་ཀ་།སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཉན་ཐོས་སམ། རང་སངས་རྒྱས་ཤ་སྟག་གིས། འདི་ལྟ་སྟེ། འདམ་བུའི་ཚལ་ལམ། སྨྱིག་མའི་ཚལ་ལམ། བུ་རམ་ཤིང་གི་ཚལ་ལམ། འབྲས་ཀྱི་ཞིང་ངམ། ཏིལ་གྱི་ཞིང་ལྟར་ཡོངས་སུ་གང་ལ། དེ་དག་ལ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཇི་སྲིད་འཚོའི་བར་དུ་ཡོ་བྱད་ཐམས་ཅད་ཀྱིས་བསྟི་སྟང་དུ་བྱས། བླ་མར་བྱས། རི་མོ་བྱས། མཆོད་པ་བྱས་པ་བས་གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ཕ་རོལ་ཏུ་ཕྱིན་པ་དྲུག་དང་མ་བྲལ་
Kha128a
༄#། །པ་གཅིག་ལ་བསྟི་སྟང་བྱས། བླ་མར་བྱས། རི་མོ་བྱས། མཆོད་པ་བྱས་ན། དེ་ཉིད་རིགས་ཀྱི་བུའམ། རིགས་ཀྱི་བུ་མོ་དེ་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། ཀཽ་ཤི་ཀ། ཉན་ཐོས་དང ། རང་སངས་རྒྱས་ལ་བརྟེན་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་ན་ཡོད་པ་མ་ཡིན་གྱི། ཀཽ་ཤི་ཀ། བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས་ནི་ཉན་ཐོས་དང ། རང་སངས་རྒྱས་ཐམས་ཅད་དང ། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་ན་ཡོད་པ་ཡིན་པའི་ཕྱིར་རོ། །ཀཽ་ཤི་ཀ་།དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱིས་རྟག་ཏུ་བསྟི་སྟང་དུ་བྱ། བླ་མར་བྱ། རི་མོ་བྱ། མཆོད་པ་བྱ་ཞིང ། དེ་དག་ལ་རྟག་ཏུ་རྒྱུན་མི་འཆད་པར་བསྲུང་བ་དང ། བསྐྱབ་པ་དང ། སྤ་བར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། རྣམ་པར་རྟོག་པའི་ལེའུ་ཞེས་བྱ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཤིན་ཏུ་རྣམ་པར་དག་པའི་སླད་
Kha128b
དུ་སྣང་བ་བགྱིད་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བདག་ཕྱག་འཚལ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཁམས་གསུམ་གྱིས་མི་གོས་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཉོན་མོངས་པ་དང ། ལྟ་བར་གྱུར་པ་ཐམས་ཅད་ཀྱི་རབ་རིབ་སེལ་བར་བགྱིད་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་བྱང་ཆུབ་ཀྱི་ཕྱོགས་ཐམས་ཅད་ཀྱི་སྡོན་དུ་མཆི་པ་ལགས་སོ། །བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་འཇིགས་པ་དང ། འཁོན་དུ་འཛིན་པ་དང ། གནོད་པ་ཐམས་ཅད་ལས་བདེ་བར་བགྱིད་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མིག་ཡོངས་སུ་གཟུང་བའི་སླད་དུ་སེམས་ཅན་ཐམས་ཅད་ལ་སྣང་བ་བགྱིད་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མཐའ་གཉིས་རྣམ་པར་སྤངས་པའི་སླད་དུ་ལམ་གོལ་བར་ཞུགས་པ་རྣམས་ལ་ལམ་སྟོན་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཉོན་མོངས་པ་དང ། བག་ཆགས་དང་མཚམས་སྦྱོར་བ་ཐམས་ཅད་སྤངས་པའི་སླད་དུ་རྣམ་པ་ཐམས་ཅད་མཁྱེན་པ་ཉིད་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་སངས་རྒྱས་ཀྱི་ཆོས་
Kha129a
༄#། །ཐམས་ཅད་སྐྱེད་པའི་སླད་དུ་བྱང་ཆུབ་སེམས་དཔའ་རྣམས་ཀྱི་མ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་རང་གི་མཚན་ཉིད་ཀྱིས་སྟོང་པའི་སླད་དུ་སྐྱེ་བ་མ་མཆིས་པ་དང ། འཇིག་པ་མ་མཆིས་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཐེར་ཟུག་ཏུ་གནས་པ་དང ། འཇིག་པ་མ་མཆིས་པའི་སླད་དུ་འཁོར་བ་རྣམ་པར་སྤོང་བར་བགྱིད་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་རིན་པོ་ཆེ་ཐམས་ཅད་སྩོལ་བའི་སླད་དུ་མགོན་མ་མཆིས་པ་རྣམས་ཀྱི་མགོན་བགྱིད་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཕས་ཀྱི་རྒོལ་བ་ཐམས་ཅད་ཀྱིས་མི་བརྫི་བའི་སླད་དུ་སྟོབས་ཡོངས་སུ་རྫོགས་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་བསྐོར་བ་དང་ལྡོག་པ་མ་མཆིས་པའི་སླད་དུ་ལན་གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་བར་བགྱིད་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་དངོས་པོ་མ་མཆིས་པའི་ངོ་བོ་ཉིད་སྟོང་པ་ཉིད་ཀྱི་སླད་དུ་ཆོས་ཐམས་ཅད་ཀྱི་ངོ་བོ་ཉིད་ཡང་དག་པར་སྟོན་པ་ལགས་སོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་མ། བྱང་ཆུབ་སེམས་དཔའི་ཐེག་པའམ། ཉན་ཐོས་
Kha129b
ཀྱི་ཐེག་པའམ། རང་སངས་རྒྱས་ཀྱི་ཐེག་པ་པས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཇི་ལྟར་སྟོན་པ་ལ་གནས་པར་བྱ་བ་དང ། ཇི་ལྟར་སྟོན་པ་ལ་ཕྱག་བྱ་བ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལའང་དེ་ལྟར་བྱའོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་སྟོན་པ་ཡིན་ཏེ། སྟོན་པའང་གཞན་ལ། ཤེས་རབ་ཀྱི་ཕ་རོལ་ཏུ་ཕྱིན་པའང་གཞན་མ་ཡིན་གྱི། སྟོན་པ་ཉིད་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་སྟོན་པ་ཡིན་པའི་ཕྱིར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་རབ་ཏུ་ཕྱེ་བ་ཡིན་ཞིང ། དེ་བཞིན་དུ་བྱང་ཆུབ་སེམས་དཔའ་རྣམས་དང ། རང་སངས་རྒྱས་རྣམས་དང ། དགྲ་བཅོམ་པ་རྣམས་དང ། དེ་བཞིན་དུ་སྦྱར་ཏེ། རྒྱུན་དུ་ཞུགས་པའི་བར་དུ་རབ་ཏུ་ཕྱེ་བ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ནི་དགེ་བ་བཅུའི་ལས་ཀྱི་ལམ་རྣམས་འཇིག་རྟེན་ལ་རབ་ཏུ་ཕྱེ་བ་དང ། དེ་བཞིན་དུ་བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། མངོན་པར་ཤེས་པ་ལྔ་དང ། སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང ། ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་
Kha130a
༄#། །པ་ཉིད་ཀྱི་བར་དག་འཇིག་རྟེན་ལ་རབ་ཏུ་ཕྱེ་བ་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ནི་དེ་བཞིན་གཤེགས་པའི་སྟོབས་བཅུ་རབ་ཏུ་ཕྱེ་བ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་རབ་ཏུ་ཕྱེ་ཞིང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རབ་ཏུ་ཕྱེ་བའོ། །དེ་ནས་ལྷའི་དབང་པོ་བརྒྱ་བྱིན་འདི་སྙམ་དུ་སེམས་ཏེ། ཚེ་དང་ལྡན་པ་ཤཱ་རདྭ་ཏིའི་བུའི་ཞུ་བ་འདི་ག་ལས་བྱུང ། གླེང་གཞི་ནི་གང་ཞིག་ཡིན་སྙམ་མོ། །དེ་ནས་ལྷའི་དབང་པོ་བརྒྱ་བྱིན་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རདྭ་ཏིའི་བུ། ཞུ་བ་འདི་ག་ལས་བྱུང ། གླེང་གཞི་ནི་གང་ཡིན། དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུས་ལའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་།བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་ཟིན་པ་རྣམས་ནི་ཐབས་ལ་མཁས་པས། སངས་རྒྱས་བཅོམ་ལྡན་འདས་འདས་པ་དང ། མ་བྱོན་པ་དང ། ད་ལྟར་བྱུང་བ་དེ་དག་གི་ཐུགས་དང་པོ་བསྐྱེད་པ་ནས་བཟུང་སྟེ། ཇི་སྲིད་དུ་དམ་པའི་ཆོས་གནས་པའི་བར་སྐབས་དེར་དགེ་བའི་རྩ་བ་གང་དག་ཡིན་པ་དང ། སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དེ་དག་དང ། རང་སངས་རྒྱས་རྣམས་ཀྱི་དགེ་བའི་རྩ་བ་དག་དང ། ད་ལས་གཞན་པའི་སེམས་ཅན་ཐམས་ཅད་ཀྱི་ཐེག་པ་ཆེན་པོ་ལ་དགེ་བའི་རྩ་བ་གང་དག་ཡིན་པ་དེ་དག་ཐམས་ཅད་
Kha130b
བཟླུམས་ཤིང་མངོན་པར་བསྡུས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་པས་ཁོ་བོའི་ཞུ་བ་འདི་བྱུང་ངོ ། །ཀཽ་ཤི་ཀ། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ནི། སྦྱིན་པའི་ཕ་རོལ་ཏུ་ཕྱིན་པ་ཟིལ་གྱིས་གནོན་པར་བྱེད་པ་ཡིན་ནོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་ཟིལ་གྱིས་གནོན་པར་བྱེད་པ་ཡིན་ནོ། །ཀཽ་ཤི་ཀ། དཔེར་ན། དམུས་ལོང་རྣམས་ནི་བརྒྱའམ། སྟོང་ངམ། འབུམ་ཡང་རུང་སྟེ། དམིགས་བུ་མེད་ན་ལམ་དུ་འགྲོའམ། གྲོང་ངམ། གྲོང་རྡལ་ལམ། གྲོང་ཁྱེར་རམ། ཡུལ་འཁོར་དུ་འཇུག་པར་མི་ནུས་ཏེ།་ཇི་ལྟར་དེ་དག་ཐམས་ཅད་ནི་འགྲོ་བ་དང ། འོང་བ་ལ་སྐལ་བ་མེད་ཅིང་འོས་པ་མ་ཡིན་པ་དེ་བཞིན་དུ། ཀཽ་ཤི་ཀ་།ཕ་རོལ་ཏུ་ཕྱིན་པ་ལྔ་པོ་དམུས་ལོང་ལྟ་བུར་གྱུར་པ། ཤེས་རབ་ཀྱི་ཕ་རོལ་ཏུ་ཕྱིན་པའི་དམིགས་བུ་མེད་པ་དེ་དག་ཐམས་ཅད་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་ན་དེ་ནི། འདི་ལྟ་སྟེ། རྫོགས་པའི་བྱང་ཆུབ་ཀྱི་ལམ་ནས་ལམ་དུ་འཇུག་པའམ། རྣམ་པ་ཐམས་ཅད་མཁྱེན་པ་ཉིད་ཀྱི་གྲོང་ཁྱེར་དུ་འཇུག་པའི་སྐལ་བ་མེད་དོ། །ཀཽ་ཤི་ཀ་།གང་གི་ཚེ་སྦྱིན་པའི་ཕ་རོལ་ཏུ་ཕྱིན་པ་ལ་སོགས་པ་ཕ་རོལ་ཏུ་ཕྱིན་པ་ལྔ་པོ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་
Kha131a
༄#། །སུ་ཟིན་པར་གྱུར་ན། ཕ་རོལ་ཏུ་ཕྱིན་པ་ལྔ་པོ་འདི་དག་མིག་དང་ལྡན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་ཡིན་ཏེ། ལྔ་པོ་འདི་དག་ཀྱང་ཕ་རོལ་ཏུ་ཕྱིན་པའི་མིང་འཐོབ་བོ། །དེ་ནས་ལྷའི་དབང་པོ་བརྒྱ་བྱིན་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རདྭ་ཏིའི་བུ། འདི་སྐད་དུ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་ན། ལྔ་པོ་འདི་དག་ཀྱང་ཕ་རོལ་ཏུ་ཕྱིན་པའི་མིང་འཐོབ་བོ་ཞེས་སྨྲས་ན། བཙུན་པ་ཤཱ་རདྭ་ཏིའི་བུ། འོ་ན་ཕ་རོལ་ཏུ་ཕྱིན་པ་ལྔ་པོ་དག་སྦྱིན་པའི་ཕ་རོལ་ཏུ་ཕྱིན་པས་ཡོངས་སུ་བཟུང་ན། ཕ་རོལ་ཏུ་ཕྱིན་པའི་མིང་མི་འཐོབ་བམ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང ། བཟོད་པའི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང ། བསམ་གཏན་གྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་ལྔ་པོ་འདི་དག་ཀྱང་ཕ་རོལ་ཏུ་ཕྱིན་པའི་མིང་མི་འཐོབ་བམ། སྨྲས་པ། ཀཽ་ཤི་ཀ་།དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་
Kha131b
ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ཀཽ་ཤི་ཀ་།དེ་ལྟ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་ལྔ་པོ་འདི་དག་གི་ནང་ན་མཆོག་ཅེས་བྱ། གཙོ་བོ་དང ། རབ་མཆོག་དང ། གྱ་ནོམ་པ་དང ། བླ་ན་མེད་པ་དང ། གོང་ན་མེད་བ་ཞེས་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ཇི་ལྟར་མངོན་པར་བསྒྲུབ་པར་བགྱི། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། གཟུགས་མངོན་པར་བསྒྲུབ་ཏུ་མེད་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མངོན་པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་མངོན་པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ། །དེ་བཞིན་དུ་ནང་སྟོང་པ་ཉིད་ནས། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང ། དྲན་པ་ཉེ་བར་བཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་མངོན་
Kha132a
༄#། །པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ། །དེ་བཞིན་དུ་ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་མངོན་པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་གཟུགས་མངོན་པར་བསྒྲུབ་ཏུ་མ་མཆིས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བགྱི། ཇི་ལྟར་ན་རྣམ་པ་ཐམས་ཅད་མཁྱེན་བ་ཉིད་ཀྱི་བར་དུ་མངོན་པར་བསྒྲུབ་ཏུ་མ་མཆིས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གཟུགས་མངོན་པར་འདུ་བྱེད་པ་མེད་པའི་ཕྱིར་དང ། སྐྱེ་བ་མེད་པའི་ཕྱིར་དང ། དམིགས་སུ་མེད་པའི་ཕྱིར་དང ། འཇིག་པ་མེད་པའི་ཕྱིར་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མངོན་པར་འདུ་བྱེད་པ་མེད་པའི་ཕྱིར་དང ། སྐྱེ་བ་མེད་པའི་ཕྱིར་དང ། དམིགས་སུ་མེད་པའི་ཕྱིར་དང ། འཇིག་པ་མེད་པའི་ཕྱིར་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་
Kha132b
བསྒྲུབ་པར་བྱའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལྟར་མངོན་པར་བསྒྲུབས་ན་ཆོས་གང་ཞིག་ཐོབ་པར་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་གང་ཡང་ཐོབ་པར་མི་བྱེད་དེ། དེས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོའོ། །གསོལ་པ། བཙུན་པ་བཅོམ་ལྡན་འདས། ཆོས་ཅི་ཡང་ཐོབ་པར་མི་བགྱིད་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་བའི་ཆོས་རྣམས་དང ། མི་དགེ་བའི་ཆོས་རྣམས་ཐོབ་པར་མི་བྱེད་དོ། །དེ་བཞིན་དུ་འཇིག་རྟེན་པའི་ཆོས་རྣམས་དང ། འཇིག་རྟེན་ལས་འདས་པའི་ཆོས་རྣམས་དང ། ཟག་པ་དང་བཅས་པའི་ཆོས་རྣམས་དང ། ཟག་པ་མེད་པའི་ཆོས་རྣམས་དང ། ཁ་ན་མ་ཐོ་བ་དང་བཅས་པའི་ཆོས་རྣམས་དང ། ཁ་ན་མ་ཐོ་བ་མེད་པའི་ཆོས་རྣམས་དང ། འདུས་བྱས་ཀྱི་ཆོས་རྣམས་དང ། འདུས་མ་བྱས་ཀྱི་ཆོས་རྣམས་ཐོབ་པར་མི་བྱེད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཆོས་གང་དག་ལའང་དམིགས་པའི་ཚུལ་གྱིས་ཉེ་བར་གནས་པ་མ་ཡིན་ཏེ། དེས་ན་དེ་ནི་ཆོས་གང་ཡང་ཐོབ་པར་མི་བྱེད་དོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས།
Kha133a
༄#། །ཅི་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པ་ཐམས་ཅད་མཁྱེན་པ་ཉིད་ཀྱང་ཐོབ་པར་མི་བགྱིད་ཅིང་དམིགས་པར་མི་བགྱིད་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ། དེ་དེ་བཞིན་ནོ། །ཇི་སྐད་སྨྲས་པ་བཞིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་ཀྱང་ཐོབ་པར་མི་བྱེད་ཅིང་དམིགས་པར་མི་བྱེད་དོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་དེ་རྣམ་པ་ཐམས་ཅད་མཁྱེན་པ་ཉིད་ཀྱང་ཐོབ་པར་མི་བགྱིད་ཅིང ། དམིགས་པར་མི་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མིང་ཇི་ལྟ་བ་བཞིན་དང ། མཚན་མ་ཇི་ལྟ་བ་བཞིན་དང ། མངོན་པར་འདུ་བྱེད་པ་ཇི་ལྟ་བ་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཐོབ་པར་མི་བྱེད་དོ། །གསོལ་བ། བཙུན་པ་བཅོམ་ལྡན་འདས། འོ་ན་ཇི་ལྟར་ཐོབ་པར་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་ཁས་མི་ལེན་པ་དང ། གནས་པར་མི་བྱེད་པ་དང ། སྤོང་བར་མི་བྱེད་པ་དང ། མངོན་པར་ཞེན་པར་མི་བྱེད་ཅིང ། ཅིའང་ཐོབ་པར་མི་བྱེད་པ་དེ་ལྟར་ཐོབ་པར་བྱེད་དོ། །ཀཽ་ཤི་ཀ་།དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཆོས་ཅི་ཡང་ཐོབ་པར་མི་བྱེད་པར་ཆོས་ཐམས་ཅད་ཐོབ་པར་བྱེད་དོ། །དེ་ནས་བཅོམ་ལྡན་
Kha133b
འདས་ལ། ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཆོས་ཐམས་ཅད་སྐྱེ་བ་མ་མཆིས་པ་དང ། འགག་པ་མ་མཆིས་པ་དང ། མངོན་པར་འདུ་བགྱིད་པ་མ་མཆིས་པ་དང ། དམིགས་སུ་མ་མཆིས་པ་དང ། མངོན་པར་ཞེན་པ་མ་མཆིས་པར་བགྱི་བའི་སླད་དུ་ཉེ་བར་གནས་པ་ནི་ངོ་མཚར་ལགས་སོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། འདི་སྙམ་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཆོས་ཐམས་ཅད་ཐོབ་པར་བྱེད་དམ། འོན་ཏེ་ཐོབ་པར་མི་བྱེད་སྙམ་དུ་འདུ་ཤེས་ན།་བཙུན་པ་བཅོམ་ལྡན་འདས། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་སྤོང་ཞིང་དེ་བཞིན་དུ་རྒྱང་རིང་དུ་བགྱིད་པ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། གང་གིས་ན་བྱང་ཆུབ་སེམས་དཔའ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་སྤོང་ཞིང་དེ་བཞིན་དུ་རྒྱང་རིང་དུ་བྱེད་པའི་རྣམ་གྲངས་ཡོད་དེ། རབ་འབྱོར། གལ་ཏེ་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། འདི་སྙམ་དུ་ཀྱེ་མ་ཤེས་རབ་ཀྱི་ཕ་རོལ་ཏུ་ཕྱིན་པ་ནི་
Kha134a
༄#། །གསོབ་བོ། །གསོག་གོ་།སྙིང་པོ་མེད་པའོ། །ཀྱེ་མ་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཡ་མ་བརླའོ་སྙམ་དུ་འདུ་ཤེས་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྤོང་ཞིང་རྒྱང་རིང་དུ་བྱེད་པ་ཡིན་ཏེ། རབ་འབྱོར། གང་གིས་བྱང་ཆུབ་སེམས་དཔའ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་སྤོང་ཞིང ། ཤེས་རབ་ཀྱི་ཕ་རོལ་ཏུ་ཕྱིན་པ་རྒྱང་རིང་དུ་བྱེད་པའི་རྣམ་གྲངས་ནི་དེ་ཡིན་ནོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གློ་བ་ཆེས་ན་ཆོས་གང་ལ་གློ་བ་མི་ཆེས་པ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་ཆེས་ན་གཟུགས་ལ་ཡིད་མི་ཆེས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་ཡིད་མི་ཆེས་སོ། །མིག་ལ་ཡིད་མི་ཆེས་པ་ནས་ཡིད་གྱི་བར་ལ་ཡིད་མི་ཆེས་སོ། །གཟུགས་ཀྱི་སྐྱེ་མཆེད་ལ་ཡིད་མི་ཆེས་པ་ནས་ཆོས་ཀྱི་སྐྱེ་མཆེད་ཀྱི་བར་ལ་ཡིད་མི་ཆེས་སོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལ་ཡིད་མི་ཆེས་པ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་\?\་ཡིད་མི་ཆེས་སོ། །ནང་སྟོང་པ་ཉིད་ལ་ཡིད་མི་ཆེས་པ་ནས་དངོས་པོ་མེད་
Kha134b
པའི་ངོ་བོ་ཉིད་སྟོང་པ་ཉིད་ཀྱི་བར་ལ་ཡིད་མི་ཆེས་སོ། །དྲན་པ་ཉེ་བར་བཞག་པ་རྣམས་ལ་ཡིད་མི་ཆེས་པ་ནས་འཕགས་པའི་ལམ་ཡན་ལག་བརྒྱད་པའི་བར་ལ་ཡིད་མི་ཆེས་སོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལ་ཡིད་མི་ཆེས་པ་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་ཡིད་མི་ཆེས་སོ། །རྒྱུན་དུ་ཞུགས་པའི་འབྲས་བུ་ལ་ཡིད་མི་ཆེས་སོ། །དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་ཀྱི་འབྲས་བུ་ལ་ཡིད་མི་ཆེས་སོ། །རང་བྱང་ཆུབ་ལ་ཡིད་མི་ཆེས་སོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡིད་མི་ཆེས་སོ། །ཐམས་ཅད་ཤེས་པ་ཉིད་ལ་ཡིད་མི་ཆེས་སོ། །ལམ་གྱི་རྣམ་པ་ཤེས་པ་ཉིད་ལ་ཡིད་མི་ཆེས་སོ། ། རྣམ་པ་ཐམས་ཅད་མཁྱེན་པ་ཉིད་ལ་ཡིད་མི་ཆེས་ཏེ། རབ་འབྱོར། འོན་ཀྱང་གཟུགས་དམིགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་ཆེས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དམིགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་ཆེས་སོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དམིགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་ཆེས་སོ། །རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་
Kha135a
༄#། །ཆེས་པས། གཟུགས་ལ་ཡིད་ཆེས་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་ཡིད་ཆེས་པ་ཡིན་ནོ། །དེ་བཞིན་དུ་སྦྱར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་ཆེས་ན། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་ཡིད་ཆེས་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་ཆེན་པོ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ཇི་སྙམ་དུ་སེམས། རྣམ་གྲངས་གང་གིས་ན། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཕ་རོལ་ཏུ་ཕྱིན་པ་ཆེན་པོ་ཡིན་སྙམ་མམ། གསོལ་པ། གཟུགས་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཆེན་པོར་མི་བགྱིད། ཆུང་ངུར་མི་བགྱིད། སྦྱིན་པའི་ཕ་རོལ་ཏུ་ཕྱིན་པ་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་ཆེན་པོར་མི་བགྱིད། ཆུང་ངུར་མི་བགྱིད། དེ་
Kha135b
བཞིན་དུ་ནང་སྟོང་པ་ཉིད་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་དྲན་པ་ཉེ་བར་བཞག་པ་རྣམས་ཆེན་པོར་མི་བགྱིད། ཆུང་ངུར་མི་བགྱིད་པ་ནས། དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དུ་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་གཤེགས་པའི་སྟོབས་བཅུ་ཆེན་པོར་མི་བགྱིད། ཆུང་ངུར་མི་བགྱིད་པ་ནས། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཆེན་པོར་མི་བགྱིད། ཆུང་ངུར་མི་བགྱིད། བྱང་ཆུབ་ཆེན་པོར་མི་བགྱིད། ཆུང་ངུར་མི་བགྱིད། སངས་རྒྱས་ཆེན་པོར་མི་བགྱིད། ཆུང་ངུར་མི་བགྱིད་ལགས་སོ། །གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་སྡུད་པར་མི་བགྱིད། འཕྲོ་བར་མི་བགྱིད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྡུད་པར་མི་བགྱིད། འཕྲོ་བར་མི་བགྱིད་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྡུད་པར་མི་བགྱིད། འཕྲོ་བར་མི་བགྱིད་ལགས་སོ། །གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་ཚད་མཆིས་པར་མི་བགྱིད། ཚད་མ་མཆིས་པར་མི་བགྱིད་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ཚད་མཆིས་པར་མི་བགྱིད། ཚད་མ་མཆིས་པར་མི་བགྱིད་ལགས་སོ། །གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་ཡངས་པར་མི་
Kha136a
༄#། །བགྱིད། དོག་པར་མི་བགྱིད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡངས་པར་མི་བགྱིད། དོག་པར་མི་བགྱིད། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ཡངས་པར་མི་བགྱིད། དོག་པར་མི་བགྱིད་ལགས་སོ། །གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་སྟོབས་དང་ལྡན་པར་མི་བགྱིད། སྟོབས་ཆུང་བར་མི་བགྱིད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོབས་དང་ལྡན་པར་མི་བགྱིད། སྟོབས་ཆུང་བར་མི་བགྱིད་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོབས་དང་ལྡན་པར་མི་བགྱིད། སྟོབས་ཆུང་བར་མི་བགྱིད་ལགས་སོ། །བཙུན་པ་བཅོམ་ལྡན་འདས། རྣམ་གྲངས་དེས་ན།་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་ཆེན་པོ་ལགས་སོ། །བཙུན་པ་བཅོམ་ལྡན་འདས། གལ་ཏེ་ཐེག་པ་ལ་གསར་དུ་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ལ་བརྟེན་ནས། འདི་སྙམ་དུ་འདུ་ཤེས་ཏེ། ཤེས་
Kha136b
རབ་ཀྱི་ཕ་རོལ་ཏུ་ཕྱིན་པ་ནི་གཟུགས་ཆེན་པོར་བགྱིད་པའམ། ཆུང་ངུར་བགྱིས་པའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཆེན་པོར་བགྱིད་པའམ། ཆུང་ངུར་བགྱིད་པའོ། །དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ཆེན་པོར་བགྱིད་པའམ། ཆུང་ངུར་བགྱིད་པའོ། །དེ་བཞིན་དུ་སྦྱར་ཏེ། གཟུགས་སྟོབས་དང་ལྡན་པར་བགྱིད་པའམ། སྟོབས་ཆུང་བའི་བར་དུ་བགྱིད་པའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོབས་དང་ལྡན་པར་བགྱིད་པའམ། སྟོབས་ཆུང་བར་བགྱིད་པའོ་སྙམ་དུ་དེ་ལྟ་བུའི་འདུ་ཤེས་སུ་གྱུར་ན། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ལགས་སོ། །དེ་ཅིའི་སླད་དུ་ཞེ་ན།་གང་གཟུགས་ཆེ་བར་བགྱིད་པའམ། ཆུང་བར་བགྱིད་པའམ། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ཆེ་བར་བགྱིད་པའམ། ཆུང་བར་བགྱིད་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྒྱུ་མཐུན་པ་མ་ལགས། གང་གཟུགས་སྟོབས་དང་ལྡན་པར་བགྱིད་པའམ། སྟོབས་ཆུང་བར་བགྱིད་པའམ། དེ་བཞིན་དུ་གང་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོབས་དང་ལྡན་པར་བགྱིད་པའམ། སྟོབས་ཆུང་བར་བགྱིད་པ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོབས་དང་ལྡན་པར་བགྱིད་པའམ། སྟོབས་ཆུང་བར་བགྱིད་པ་འདི་ནི།
Kha137a
༄#། །ཤེས་རབ་ཀྱི་ཕ་རོལ་ཏུ་ཕྱིན་པའི་རྒྱུ་མཐུན་པ་མ་ལགས། གང་གཟུགས་ཆེན་པོར་བགྱིད་པའམ། ཆུང་ངུར་བགྱིད་པའམ། དེ་བཞིན་དུ་གང་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཆེན་པོར་བགྱིད་པའམ། ཆུང་ངུར་བགྱིད་པའམ། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོབས་དང་ལྡན་པར་བགྱིད་པའམ། སྟོབས་ཆུབ་པར་བགྱིད་པ་འདི་ནི། དེའི་དམིགས་པ་ཆེན་པོ་ལགས་པའི་སླད་དུའོ། །དེ་ཅིའི་སླད་དུ་ཞེ་ན། དམིགས་པའི་འདུ་ཤེས་ཅན་རྣམས་ལ་ནི་བྱང་ཆུབ་གང་ཡང་མ་མཆིས་པའི་སླད་དུའོ། །དེ་ཅིའི་སླད་དུ་ཞེ་ན། འདི་ལྟར་སེམས་ཅན་མ་སྐྱེས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་མ་སྐྱེས་པར་བལྟ་བར་བགྱི། དེ་བཞིན་དུ་གཟུགས་མ་སྐྱེས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་མ་སྐྱེས་པར་བལྟ་བར་བགྱི། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མ་སྐྱེས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་མ་སྐྱེས་པར་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་མ་སྐྱེས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་མ་སྐྱེས་པར་བལྟ་བར་བགྱི། སེམས་ཅན་ངོ་བོ་ཉིད་མ་མཆིས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ངོ་བོ་ཉིད་མ་མཆིས་པར་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ངོ་བོ་ཉིད་མ་མཆིས་པའི་སླད་དུ་ཤེས་རབ་ཀྱི་ཕ་རོལ་ཏུ་
Kha137b
ཕྱིན་པ་ངོ་བོ་ཉིད་མ་མཆིས་པར་བལྟ་བར་བགྱི། སེམས་ཅན་སྟོང་པ་ཉིད་ཀྱི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་དུ་བལྟ་བར་བགྱི། དེ་བཞིན་དུ་གཟུགས་སྟོང་པ་ཉིད་ཀྱི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་དུ་བལྟ་བར་བགྱི། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་པ་ཉིད་ཀྱི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་དུ་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོང་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་དུ་བལྟ་བར་བགྱི། སེམས་ཅན་དབེན་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་དབེན་པ་ཉིད་དུ་བལྟ་བར་བགྱི། དེ་བཞིན་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དབེན་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་དབེན་པ་ཉིད་དུ་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་དབེན་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་དབེན་པ་ཉིད་དུ་བལྟ་བར་བགྱི། སེམས་ཅན་མ་མཆིས་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་པ་ཉིད་དུ་བལྟ་བར་བགྱི། དེ་བཞིན་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་པ་ཉིད་དུ་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་
Kha138a
༄#། །དུ་མ་མཆིས་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་པ་ཉིད་དུ་བལྟ་བར་བགྱི། སེམས་ཅན་བསམ་གྱིས་མི་ཁྱབ་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་བསམ་གྱིས་མི་ཁྱབ་ཉིད་དུ་བལྟ་བར་བགྱི། དེ་བཞིན་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བསམ་གྱིས་མི་ཁྱབ་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་བསམ་གྱིས་མི་ཁྱབ་པ་ཉིད་དུ་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་བསམ་གྱིས་མི་ཁྱབ་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་བསམ་གྱིས་མི་ཁྱབ་པ་ཉིད་དུ་བལྟ་བར་བགྱི། སེམས་ཅན་འཇིག་པ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་འཇིག་པ་མ་མཆིས་པར་བལྟ་བར་བགྱི། དེ་བཞིན་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་འཇིག་པ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་འཇིག་པ་མ་མཆིས་པར་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་འཇིག་པ་མ་མཆིས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འཇིག་པ་མ་མཆིས་པར་བལྟ་བར་བགྱི། སེམས་ཅན་མངོན་པར་རྫོགས་པར་འཚང་རྒྱ་བ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་རྫོགས་པར་འཚང་རྒྱ་བ་མ་མཆིས་པར་བལྟ་བར་བགྱི། དེ་བཞིན་
Kha138b
དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མངོན་པར་རྫོགས་པར་འཚང་རྒྱ་བ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་རྫོགས་པར་འཚང་རྒྱ་བ་མ་མཆིས་པར་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་མངོན་པར་རྫོགས་པར་འཚང་རྒྱ་བ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་རྫོགས་པར་འཚང་རྒྱ་བ་མ་མཆིས་པར་བལྟ་བར་བགྱི། སེམས་ཅན་སྟོབས་དང་མི་ལྡན་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོབས་དང་མི་ལྡན་པར་བལྟ་བར་བགྱི། དེ་བཞིན་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོབས་དང་མི་ལྡན་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོབས་དང་མི་ལྡན་པར་བལྟ་བར་བགྱི་དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོབས་དང་མི་ལྡན་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོབས་དང་མི་ལྡན་པར་བལྟ་བར་བགྱི་བའི་སླད་དུ་སྟེ། བཙུན་པ་བཅོམ་ལྡན་འདས་རྣམ་གྲངས་དེས་ན། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་ཆེན་པོ་ལགས་སོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་མིང་ཡོངས་སུ་བསྒྲགས་པ་དེ་ལྟར་སྦྱིན་པའི་ཕ་རོལ་ཏུ་ཕྱིན་པའི་མིང་
Kha139a
༄#། །ཡོངས་སུ་བསྒྲགས་པ་མ་མཛད་ལ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པའི་མིང་ཡོངས་སུ་བསྒྲགས་པ་མ་མཛད་ལགས་སོ། །བཙུན་པ་བཅོམ་ལྡན་འདས། དེ་བཞིན་དུ་སྦྱར་ཏེ། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་མིང་ཡོངས་སུ་བསྒྲགས་པ་མཛད་པ་དེ་ལྟར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་མིང་ཡོངས་སུ་བསྒྲགས་པ་མ་མཛད་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་ལྔ་པོ་དག་གིས་ངོན་དུ་འགྲོ་བ་ཡིན་ཞིང ། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་སྔོན་དུ་འགྲོ་བ་ཡིན་པའི་ཕྱིར་རོ། །ཀུན་དགའ་བོ། འདི་ཇི་སྙམ་དུ་སེམས། རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་མ་བསྔོས་པའི་སྦྱིན་པ་སྦྱིན་པའི་ཕ་རོལ་ཏུ་ཕྱིན་པའི་གྲངས་སུ་འགྲོ་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །ཀུན་དགའ་བོ། །འདི་ཇི་སྙམ་དུ་སེམས། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་མ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོ་སྙམ་མམ། གསོལ་པ། བཙུན་
Kha139b
པ་བཅོམ་ལྡན་འདས། མ་ལགས་སོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ལྟར་ན་སྦྱིན་པ་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། སྦྱིན་པའི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་མཆི་བ་ནས། ཤེས་རབ་ཀྱི་བར་དུ་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་བའི་གྲངས་སུ་མཆི་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། སྦྱིན་པ་གཉིས་སུ་མེད་པའི་ཚུལ་གྱིས་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། སྦྱིན་པའི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོའོ། །དེ་བཞིན་དུ་སྦྱར་ཏེ། ཤེས་རབ་ཀྱི་བར་དུ་གཉིས་སུ་མེད་པའི་ཚུལ་གྱིས། རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོའོ། །དེ་བཞིན་དུ་སྐྱེ་བ་མེད་པའི་ཚུལ་དང ། དམིགས་སུ་མེད་པའི་ཚུལ་གྱིས་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཅུ་བདུན་པ། གསོལ་པ། བཙུན་པ་བཅོམ་ལྡན་འདས། ཇི་ལྟར་སྦྱིན་པ་གཉིས་སུ་མ་མཆིས་པའི་ཚུལ་དང ། དེ་བཞིན་དུ་སྐྱེ་བ་མ་མཆིས་པའི་ཚུལ་དང ། དམིགས་སུ་མ་མཆིས་པའི་ཚུལ་གྱིས་རྣམ་པ་ཐམས་ཅད་
Kha140a
༄#། །མཁྱེན་པ་ཉིད་དུ་ཡོངས་སུ་བསྔོས་ན། སྦྱིན་པའི་ཕ་རོལ་ཏུ་ཕྱིན་པ་ཞེས་བགྱི་བའི་གྲངས་སུ་མཆི་ལགས། དེ་བཞིན་དུ་ཇི་ལྟར་ཤེས་རབ་ཀྱི་བར་དུ་གཉིས་སུ་མ་མཆིས་པའི་ཚུལ་དང ། དེ་བཞིན་དུ་སྐྱེ་བ་མ་མཆིས་པའི་ཚུལ་དང ། དམིགས་སུ་མ་མཆིས་པའི་ཚུལ་གྱིས་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་བའི་གྲངས་སུ་མཆི་ལགས། བཅོམ་ལྡན་འདས་ཀྱིས་བཀའ་སྩལ་པ། གཟུགས་གཉིས་སུ་མེད་པའི་ཚུལ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང ། བྱང་ཆུབ་ཀྱི་བར་དུ་གཉིས་སུ་མེད་པའི་ཚུལ་གྱིས་སོ། །གསོལ་པ། ཇི་ལྟར་གཟུགས་གཉིས་སུ་མ་མཆིས་པའི་ཚུལ་དང ། བྱང་ཆུབ་ཀྱི་བར་དུ་གཉིས་སུ་མ་མཆིས་པའི་ཚུལ་གྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། འདི་ལྟར་གཟུགས་ནི་གཟུགས་ཀྱིས་སྟོང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རྣམ་པར་ཤེས་པས་སྟོང་པ་ནས། དེ་བཞིན་དུ་སྦྱར་ཏེ། བྱང་ཆུབ་ཀྱི་བར་ནི་བྱང་ཆུབ་ཀྱིས་སྟོང་ངོ ། །དེ་ཅིའི་ཕྱིར་ཞེ་ན། འདི་ལྟར་ཕ་རོལ་ཏུ་ཕྱིན་པ་དང ། གཟུགས་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་ལ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་དང ། བྱང་ཆུབ་ཀྱི་བར་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་པའི་ཕྱིར་རོ། །ཀུན་དགའ་བོ། དེ་ལྟ་བས་
Kha140b
ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་ལྔ་པོ་འདི་དག་གི་སྔོན་དུ་འདྲེན་པ་ཡིན་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་སྔོན་དུ་འདྲེན་པ་ཡིན་ནོ། །དཔེར་ན།་ས་ཆེན་པོ་ལ་ས་བོན་གང་དག་བཏབ་པ་དག་ནི་ཚོགས་པ་རྙེད་ནས་སྐྱེ་སྟེ། ས་ཆེན་པོ་ནི་དེ་དག་གི་རྟེན་ཡིན་ནོ། །ཀུན་དགའ་བོ། དེ་བཞིན་དུ་ཕ་རོལ་ཏུ་ཕྱིན་པ་ལྔ་པོ་འདི་དག་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས་འབྱུང་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་དག་གི་རྟེན་ཡིན་ནོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས། དྲན་པ་ཉེ་བར་བཞག་པ་བཞི་འབྱུང་བ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་འབྱུང་ཞིང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་འབྱུང་ངོ ། །ཀུན་དགའ་བོ། རྣམ་པ་ཐམས་ཅད་མཁྱེན་པ་ཉིད་ལ་བརྟེན་པ་ནི་ཕ་རོལ་ཏུ་ཕྱིན་པ་ལྔ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡིན་ཏེ། ཀུན་དགའ་བོ། དེ་ལྟ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་ལྔ་པོ་དེ་དག་གི་ཡོངས་སུ་འདྲེན་པ་ཡིན་ཞིང ། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་ཡོངས་སུ་འདྲེན་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རིགས་ཀྱི་བུའམ། རིགས་ཀྱི་བུ་མོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་
Kha141a
༄#། །དང ། འཆང་བ་དང ། ཀློག་པ་དང ། ཀུན་ཆུབ་པར་བགྱིད་པ་དང ། ཚུལ་བཞིན་དུ་ཡིད་ལ་བགྱིད་པ་ནི། ཡོན་ཏན་གང་དག་ཡོངས་སུ་འཛིན་པའི་ཡོན་ཏན་དེ་དག་ཐམས་ཅད་ནི་བཀའ་མ་སྩལ་ལགས་ཏེ། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་བཟུང་བ་དང ། ཚུལ་བཞིན་དུ་ཡིད་ལ་བགྱིད་པའི་བར་དུ་བགྱིས་ན། དགེ་བ་བཅུའི་ལས་ཀྱི་ལམ་རྣམས་འཇིག་རྟེན་དུ་འབྱུང་ལགས་སོ། །དེ་བཞིན་དུ་བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་འཇིག་རྟེན་དུ་འབྱུང་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་བཟུང་བ་དང ། ཚུལ་བཞིན་དུ་ཡིད་ལ་བགྱིད་པའི་བར་དུ་བགྱིས་ན། རྒྱུན་དུ་ཞུགས་པ་འཇིག་རྟེན་ན་མཆིས་ལགས་སོ། །དེ་བཞིན་དུ་ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དང ། རང་སངས་རྒྱས་འཇིག་རྟེན་ན་མཆིས་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་བཟུང་བ་དང ། ཚུལ་བཞིན་དུ་ཡིད་ལ་བགྱིད་པའི་བར་དུ་བགྱིས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། རིགས་ཀྱི་བུའམ། རིགས་ཀྱི་བུ་
Kha141b
མོ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཐོས་པ་ནས། ཚུལ་བཞིན་ཡིད་ལ་བྱེད་པའི་བར་དུ་བྱས་པ་དེ་ལ་ནི་ཡོན་ཏན་དེ་དག་འབའ་ཞིག་ཏུ་ཟད་པར་ང་མི་སྨྲའོ། །དེ་ཅིའི་ཕྱིར་ཞེ་ན། ཀུན་དགའ་བོ།་རིགས་ཀྱི་བུའམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པ་དང ། ཐམས་ཅད་མཁྱེན་པ་ཉིད་ཀྱི་སེམས་དང་ཡང་བྲལ་བར་མི་འགྱུར་བ་དེ་ནི་ཚུལ་ཁྲིམས་ཀྱི་ཕུང་པོ་ཚད་མེད་པ་དང་ལྡན་པར་འགྱུར། དེ་བཞིན་དུ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། གློག་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པ་དང ། ཏིང་ངེ་འཛིན་གྱི་ཕུང་པོ་དང ། ཤེས་རབ་ཀྱི་ཕུང་པོ་དང ། རྣམ་པར་གྲོལ་བའི་ཕུང་པོ་དང ། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ཚད་མེད་པ་དང་ལྡན་པར་འགྱུར་རོ། །ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་ཡང་བྲལ་བར་མི་འགྱུར་བ་དེ་ནི། དེ་བཞིན་གཤེགས་པར་ཞུགས་པར་རིག་པར་བྱའོ། །ཀུན་དགའ་བོ། ཉན་ཐོས་དང ། རང་སངས་རྒྱས་ཐམས་ཅད་ཀྱི་ཚུལ་ཁྲིམས་ཀྱི་ཕུང་པོ་དང ། ཏིང་ངེ་འཛིན་གྱི་ཕུང་པོ་དང ། ཤེས་རབ་ཀྱི་ཕུང་པོ་དང ། རྣམ་པར་གྲོལ་བའི་ཕུང་པོ་དང ། རྣམ་པར་གྲོལ་བའི་ཡེ་
Kha142a
༄#། །ཤེས་མཐོང་བའི་ཕུང་པོ་གང་ཡིན་པ་ཉན་ཐོས་དང ། རང་སངས་རྒྱས་ཐམས་ཅད་ཀྱི་ཚུལ་ཁྲིམས་ཀྱི་ཕུང་པོ་ནས། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོའི་བར་དེ་ནི། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་དེའི་ཚུལ་ཁྲིམས་ཀྱི་ཕུང་པོ་དང ། ཏིང་ངེ་འཛིན་གྱི་ཕུང་པོ་དང ། ཤེས་རབ་ཀྱི་ཕུང་པོ་དང ། རྣམ་པར་གྲོལ་བའི་ཕུང་པོ་དང ། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་གང་ཡིན་པའི་ཚུལ་ཁྲིམས་ཀྱི་ཕུང་པོ་ནས། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོའི་བརྒྱའི་ཆར་ཡང་ཉེ་བར་མི་འགྲོ་བ་ནས། རྒྱུའི་བར་དུའང་ཉེ་བར་མི་འགྲོའོ། །དེ་ཅིའི་ཕྱིར་ཞེ་ན། ཀུན་དགའ་བོ། འདི་ལྟར་རིགས་ཀྱི་བུའམ། རིགས་ཀྱི་བུ་མོ་དེ་ནི་ཉན་ཐོས་དང ། རང་སངས་རྒྱས་ཐམས་ཅད་ཀྱི་ས་ལས་སེམས་རྣམ་པར་གྲོལ་ཞིང ། དེ་ནི་ཉན་ཐོས་དང ། རང་སངས་རྒྱས་དེ་དག་གི་ཆོས་ལ་འདོད་པ་མེད་པའི་ཕྱིར་རོ། །ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་ནས་འཆང་ཞིང ། དེ་ལའང་མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། ཕྱེ་མ་དང ། ཆོས་གོས་དང ། ན་བཟའ་དང ། གདུགས་དང ། རྒྱལ་མཚན་སྣ་ཚོགས་དག་གིས་བསྟི་སྟང་དུ་བྱེད། བླ་མར་བྱེད། རི་མོ་བྱེད་ན། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་དེའི་ཚེ་འདི་དང ། ཚེ་ཕྱི་མའི་ཡོན་ཏན་དང ། ཕན་ཡོན་ནི་དེ་དག་ཡིན་
Kha142b
པར་སྨྲའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཆེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རིགས་ཀྱི་བུའམ། རིགས་ཀྱི་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བགྱིད་པ་དང ། ཚུལ་བཞིན་དུ་ཡིད་ལ་བགྱིད་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་ཡང་བྲལ་བར་མི་འགྱུར་བ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་འདིའང་ཡི་གེར་བྲིས་སམ། ཡི་གེར་འདྲིར་སྩལ་ནས། མེ་ཏོག་དང ། བ་དན་སྣ་ཚོགས་པ་དག་གི་བར་དག་དང ། རོལ་མོའི་སྒྲ་དག་གིས་བསྟི་སྟང་དུ་བགྱིད་པ་དང ། བླ་མར་བགྱིད་པ་དང ། རི་མོར་བགྱིད་པ་དེ་དག་ལ་བདག་གིས་ཀྱང་རྟག་ཏུ་རྒྱུན་མི་འཆད་པར་བསྲུང་བ་དང ། བསྐྱབ་པ་དང ། སྦ་བར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་དེ་ནི་ནང་སྟོང་པ་ཉིད་ལ་ཤིན་ཏུ་གནས་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་ཤིན་ཏུ་རྣམ་པར་གནས་པ་ཡིན་ཏེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཀླན་ཀ་འཚོལ་བར་བྱེད་པ་འགའ་ཡང་ཡང་དག་པར་རྗེས་སུ་མ་མཐོང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གང་ཀླན་ཀ་བཙལ་བ་དེའང་ཡང་དག་པར་རྗེས་སུ་མི་མཐོང་སྟེ། ཀུན་དགའ་བོ། དེ་ལྟར་ན་རིགས་ཀྱི་བུའམ། རིགས་ཀྱི་བུ་མོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་
Kha143a
༄#། །པའི་གཟི་བརྗིད་ཀྱིས་ཡོངས་སུ་ཟིན་པས་སུས་ཀྱང་གླགས་མི་རྙེད་དོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་དེའི་སེམས་ཞུམ་པར་མི་འགྱུར། འགོང་བར་མི་འགྱུར། དངང་བར་མི་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ། འདི་ལྟར་གང་ཞུམ་པར་འགྱུར་བའམ། འགོང་བར་འགྱུར་བའམ། དངང་བར་འགྱུར་བའི་དངོས་པོ་དེ་ཡང་དག་པར་རྗེས་སུ་མི་མཐོང་བའི་ཕྱིར་རོ། །རིགས་ཀྱི་བུའམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་ནས་ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་དང ། དེ་ཉིད་ཡི་གེར་བྲིས་སམ། ཡི་གེར་འདྲིར་བཅུག་ནས་བསྟི་སྟང་དུ་བྱེད་པ་དང ། བླ་མར་བྱེད་པ་དང ། རི་མོ་བྱེད་པ་དང ། མཆོད་པ་བྱེད་པ་དེ་ཆེ་འདི་དང ། ཕྱི་མའི་ཡོན་ཏན་དང ། ཕན་ཡོན་འདིའང་ཡོངས་སུ་འཛིན་པར་འགྱུར་ཏེ། མཛའ་བཤེས་དང ། ཉེ་དུ་དང ། སྣག་གི་གཉེན་མཚམས་དང ། རྒྱལ་པོ་དང ། བློན་པོ་ཆེན་པོ་རྣམས་དང ། བྱང་ཆུབ་སེམས་དཔའ་རྣམས་དང ། ལྷ་རྣམས་དང ། དགེ་སྦྱོང་དང ། བྲམ་ཟེ་དང ། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་གང་དག་བཞུགས་ཤིང་གཞེས་ལ་ཆོས་ཀྱང་སྟོན་པ་དེ་དག་དང ། བྱང་ཆུབ་སེམས་དཔའ་སེམས་
Kha143b
དཔའ་ཆེན་པོ་རྣམས་དང ། རང་སངས་རྒྱས་རྣམས་དང ། དགྲ་བཅོམ་པ་རྣམས་དང ། ཕྱིར་མི་འོང་བ་རྣམས་དང ། ལན་གཅིག་ཕྱིར་འོང་བ་རྣམས་དང ། རྒྱུན་དུ་ཞུགས་པ་དེ་དག་ཀྱང་དེ་ལ་དགའ་བར་འགྱུར་རོ། །དེ་བཞིན་དུ་ལྷ་དང་བཅས་པའི་འཇིག་རྟེན་དགའ་བར་འགྱུར་རོ། །བདུད་དང་བཅས། དགེ་སྦྱོང་དང ། བྲམ་ཟེར་བཅས་པའི་སྐྱེ་དགུ་དང ། ལྷ་དང་མི་དང་ལྷ་མ་ཡིན་དུ་དུ་བཅས་པ་དག་གི་ཡིད་དུ་འོང་བ་དང ། དགའ་བར་ཡང་འགྱུར་རོ། །སྦྱིན་པའི་ཕ་རོལ་ཏུ་ཕྱིན་པ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེའི་སྤོབས་པ་མི་ཆོད་པར་འགྱུར། དེ་བཞིན་དུ་དེའི་ནང་སྟོང་པ་ཉིད་བསྒོམ་པ་མི་ཆོད་པར་འགྱུར། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་བསྒོམ་པ་མི་ཆོད་པར་འགྱུར། དེ་བཞིན་དུ་དེའི་དྲན་པ་ཉེ་བར་བཞག་པ་རྣམས་བསྒོམ་པ་མི་ཆོད་པར་འགྱུར་བ་ནས། དེ་བཞིན་དུ་སྦྱར་ཏེ། དེའི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བསྒོམ་པ་མི་ཆོད་པར་འགྱུར་རོ། །དེ་བཞིན་དུ་དེའི་ཏིང་ངེ་འཛིན་བསྒོམ་པ་མི་ཆོད་པར་འགྱུར། དེ་བཞིན་དུ་དེའི་གཟུངས་ཀྱི་སྒོ་སྒོམ་པ་མི་ཆོད་པར་འགྱུར། དེ་བཞིན་དུ་དེའི་བྱང་ཆུབ་སེམས་དཔའི་མངོན་པར་ཤེས་པ་མི་ཆོད་པར་འགྱུར། དེའི་སེམས་ཅན་ཡོངས་སུ་
Kha144a
༄#། །སྨིན་པར་བྱ་བ་མི་ཆོད་པར་འགྱུར། དེའི་སངས་རྒྱས་ཀྱི་ཞིང་ཡོངས་སུ་དག་པར་བྱ་བ་མི་ཆོད་པར་འགྱུར། དེའི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་ཆོད་པར་འགྱུར་རོ། །གཞན་ལས་བརྒལ་ཞིང་བརྟག་པ་བྱུང་ངོ་ཅོག་ལས་ངེས་པར་འབྱུང་ནུས་པར་གྱུར་ཏེ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་ཐམས་ཅད་མཁྱེན་པའི་སེམས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བྱེད་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ཡི་གེར་བྲིས་ནས། གླེགས་བམ་དུ་ཆུད་པར་བྱས་ཏེ་འཆང་ཞིང ། མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། ཕྱེ་མ་དང ། ཆོས་གོས་དང ། ན་བཟའ་དང ། གདུགས་དང ། རྒྱལ་མཚན་དང ། བ་དན་སྣ་ཚོགས་དག་དང ། རོལ་མོའི་སྒྲ་དག་གིས་བསྟི་སྟང་དུ་བྱེད། བླ་མར་བྱེད། རི་མོ་བྱེད། མཆོད་པ་བྱེད་པ་དེ་ཚེ་འདི་དང ། ཚེ་ཕྱི་མའི་ཡོན་ཏན་གྱི་ཕན་ཡོན་དེ་དག་ཡོངས་སུ་འཛིན་པར་འགྱུར་རོ། །ཀུན་དགའ་བོ། གཞན་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རྒྱལ་ཆེན་བཞིའི་རིས་ཀྱི་ལྷ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་དག་དེར་ལྷགས་ནས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་ཤིང་ཀུན་ཆུབ་པར་བྱས། ཕྱག་བྱས། འདུད་པ་བྱས་ནས། སླར་འགྲོ་བར་སེམས་པར་
Kha144b
འགྱུར་རོ། །དེ་བཞིན་དུ་སུམ་ཅུ་རྩ་གསུམ་པའི་ལྷ་རྣམས་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷ་རྣམས་དང ། དེ་བཞིན་དུ་ཚངས་རིས་དང ། ཚངས་འཁོར་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། མི་ཆེ་བ་དང ། ཆུང་ཆེ་དང ། ཚད་མེད་ཆེ་དང ། འབྲས་བུ་ཆེ་བའི་ལྷ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་དག་ཀྱང་དེར་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་ཤིང་བཟུང་ལ། ཀུན་ཆུབ་པར་བྱས། ཕྱག་བྱས། འདུད་པ་བྱས་ནས་སླར་འདོད་བར་སེམས་པར་འགྱུར་རོ། །གནས་གཙང་མ་གང་ཡིན་པ། འདི་ལྟ་སྟེ། མི་ཆེ་བ་དང ། མི་གདུང་བ་དང ། གྱ་ནོམ་སྣང་བ་དང ། ཤིན་ཏུ་མཐོང་དང ། འོག་མིན་གྱི་ལྷ་དེ་དག་ཀྱང་དེ་ཉིད་དུ་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་ཤིང་ཕྱག་འཚལ་བའི་བར་དུ་བྱས་ནས་སླར་འདོང་བར་སེམས་པར་འགྱུར་རོ། །ཀུན་དགའ་བོ། དེ་ལ་རིགས་ཀྱི་བུའམ། རིགས་ཀྱི་བུ་མོ་དེས་འདི་ལྟར་སེམས་བསྐྱེད་པར་བྱ་སྟེ། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་རྒྱལ་ཆེན་བཞིའི་རིས་ཀྱི་ལྷ་རྣམས་ནས། འབྲས་བུ་ཆེ་བའི་བར་གྱི་ལྷ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་
Kha145a
༄#། །དག་པར་ཞུགས་པ་དག་དང ། གནས་གཙང་མ་གང་དག་ཡིན་པ་དག་དང ། གཞན་ཡང་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྟོ་འཕྱེ་ཆེན་པོ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་གང་ཡིན་པ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་བལྟ་བ་དང ། གཟུང་བ་དང ། བཅང་བ་དང ། བསྙེན་བཀུར་བྱ་བ་དང ། ཕྱག་བྱ་བ་དང ། མཆོད་པ་བྱ་བའི་ཕྱིར་ལྷགས་པ་དེ་དག་ལ་བདག་གིས་དེ་ལྟར་ཆོས་ཀྱི་སྦྱིན་པ་བྱིན་པར་གྱུར་ཅིག་སྙམ་དུ་སེམས་བསྐྱེད་པར་བྱའོ། །ཀུན་དགའ་བོ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རྒྱལ་ཆེན་བཞིའི་རིས་ཀྱི་ལྷ་རྣམས་ནས། འོག་མིན་གྱི་བར་གྱི་ལྷ་འཁོད་པ་གང་དག་ཡིན་པ་དེ་དག་ཀྱང་དེ་ཉིད་དུ་ལྷགས་ནས།་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་ཤིང་བཟུང ། བཅངས། བཀླགས། ཀུན་ཆུབ་པར་བྱས། ཕྱག་འཚལ་འདུད་པ་བྱས་ནས། སླར་འདོང་བར་སེམས་པར་འགྱུར་ལ ། རིགས་ཀྱི་བུའམ། རིགས་ཀྱི་བུ་མོ་དེ་ལའང་རྟག་ཏུ་བསྲུང་བ་དང ། བསྐྱབ་པ་དང ། སྦེད་པ་བྱེད་པར་འགྱུར་རོ། །དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། རྒྱལ་ཆེན་བཞིའི་རིས་ཀྱི་ལྷ་རྣམས་ནས། འོག་མིན་གྱི་བར་གྱི་ལྷ་རྣམས་འཁོད་པ་དག་དེར་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བལྟས་པ་ནས་ཕྱག་བྱ་བའི་བར་དུ་
Kha145b
བྱས་ནས། སླར་འདོང་བར་སེམས་པར་འགྱུར་ལ། རིགས་ཀྱི་བུའམ། རིགས་ཀྱི་བུ་མོ་དེ་ལའང་བསྲུང་བ་དང ། བསྐྱབ་པ་དང ། སྦེད་པ་བྱེད་པར་འགྱུར་རོ། །ཀུན་དགའ་བོ། ལས་ཀྱི་རྣམ་པར་སྨིན་པ་མ་གཏོགས་པ་དེ་ལ་གླགས་བལྟ་བ་སུས་ཀྱང་གླགས་རྙེད་པར་མི་འགྱུར་ཏེ། ཀུན་དགའ་བོ། དེའང་རིགས་ཀྱི་བུའམ། རིགས་ཀྱི་བུ་མོ་དེའི་ཚེ་འདིའི་ཡོན་ཏན་དང ། ཕན་ཡོན་ཡོངས་སུ་འཛིན་པར་འགྱུར་བ་ཡིན་ནོ། །ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་འཁོད་པའི་ལྷ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་མཆོད་པའི་ལས་ཀྱི་ཕྱིར་དང ། རིགས་ཀྱི་བུའམ། རིགས་ཀྱི་བུ་མོ་དེ་ལའང་བསྲུང་བ་དང ། བསྐྱབ་པ་དང ། སྦ་བའི་ཕྱིར་འོང་བར་སེམས་པར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ། འདི་ལྟར་ལྷ་དེ་དག་ནི་བླ་ན་མེད་པ་ཡང་དག་པར་རྫོགས་\?\་པའི་བྱང་ཆུབ་ཏུ་ཞུགས་པ་ཡིན་ཞིང ། སེམས་ཅན་ཐམས་ཅད་ཀྱི་གནས་དང ། སྐྱོབ་པ་དང ། སེམས་ཅན་རྣམས་ཡོངས་སུ་མི་གཏོང་བ་དང ། སེམས་ཅན་ཐམས་ཅད་ལ་ཕན་པ་དང ། བདེ་བར་བྱ་བར་གནས་པ་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོས་ཕྱོགས་བཅུའི་འཇིག་རྟེན་གྱི་ཁམས་ཀུན་ནས་རྒྱལ་ཆེན་བཞིའི་རིས་ཀྱི་ལྷ་རྣམས་འདིར་མཆིས་པ་ནས། འོག་མིན་གྱི་བར་
Kha146a
༄#། །གྱི་ལྷ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡང་དག་པར་བལྟ་བ་དང ། གཟུང་བ་དང ། བཅང་བ་དང ། བསྙེན་བཀུར་བགྱི་བ་དང ། མཆོད་པ་བགྱི་བ་དང ། བཀུར་སྟི་བགྱི་བའི་སླད་དུ་མཆིས་པར་ཇི་ལྟར་འཚལ་བར་འགྱུར་ལགས། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། གལ་ཏེ་རིགས་ཀྱི་བུའམ། རིགས་ཀྱི་བུ་མོས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གང་དུ་བཞག་པའི་ཕྱོགས་དེར་སྣང་བ་རྒྱ་ཆེན་པོ་མཐོང་ན། ངེས་པར་དེར་ལྷ་དབང་ཆེ་བར་གྲགས་པ། མཐུ་ཆེ་བ། རྫུ་འཕྲུལ་ཆེ་བ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡང་དག་པར་བལྟ་བ་དང ། གཟུང་བ་དང ། བཅང་བ་དང ། བསྙེན་བཀུར་བྱ་བ་དང ། མཆོད་པ་བྱ་བ་དང ། བཀུར་སྟི་བྱ་བའི་ཕྱིར་ལྷགས་པར་ཤེས་པར་བྱའོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དེ་ལ་མི་མ་ཡིན་པའི་དྲི་རྒྱ་ཆེན་པོ་མནམ་ན།་ངེས་པར་ངེར་ལྷ་མཐུ་ཆེ་བ། རྫུ་འཕྲུལ་ཆེ་བ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བལྟ་བ་དང ། གཟུང་བ་དང ། བཅང་བ་དང ། ཀུན་ཆུབ་པར་བྱ་བ་དང ། ཕྱག་བྱ་བ་དང ། མཆོད་པ་བྱ་བ་དང ། བཀུར་སྟི་བྱ་བའི་ཕྱིར་འདིར་ལྷགས་པར་ཤེས་པར་བྱའོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དེ་རྟག་ཏུ་ཀུན་ཏུ་སྤྱོད་པ་གཙང་མར་བྱས་ནས།
Kha146b
ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཆོ་ག་བཞིན་དུ་མཆོད་པ་བྱེད་ན། དེའི་ཀུན་ཏུ་སྤྱོད་པ་གཙང་མ་དེས་ལྷ་མང་པོ་དག་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡང་དག་པར་བལྟས་ཤིང་བཟུང ། ཀུན་ཆུབ་པར་བྱས། བཅངས། བཀུར་སྟི་བྱས། བླ་མར་བྱས། རི་མོ་བྱས། མཆོད་པ་བྱས་པས་ཡི་རངས་པར་འགྱུར་རོ། །ལྷ་དབང་ཆུང་བར་གྲགས་པ་གང་དག་ཕྱོགས་དེ་ན་འཁོད་པ་དེ་དག་ཀྱང་ལྷ་མཐུ་ཆེ་བ། རྫུ་འཕྲུལ་ཆེ་བ་དེ་དག་གི་གཟི་བརྗིད་དང་དཔལ་དང ། བླ་མར་གྱུར་པ་ཉིད་མི་བཟོད་པས། ཕྱོགས་དེ་ནས་འདོང་བར་སེམས་པར་འགྱུར་རོ། །ཇི་ལྟ་ཇི་ལྟར་ལྷ་དབང་ཆེ་བར་གྲགས་པ། རྫུ་འཕྲུལ་ཆེ་བ། མཐུ་ཆེ་བ་འོང་བར་བྱ་བར་སེམས་པ་དེ་ལྟ་དེ་ལྟར་རིགས་ཀྱི་བུའམ། རིགས་ཀྱི་བུ་མོ་དེའི་མོས་པ་རྒྱ་ཆེན་པོར་འགྱུར་རོ། །དེའི་ཉེན་ཀོར་དུ་གཙང་སྦྲ་མི་བྱེད་པའི་བག་སྤྱད་པར་མི་བྱའོ། །རིགས་ཀྱི་བུའམ། རིགས་ཀྱི་བུ་མོ་དེས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་མཆོད་པའི་དོན་དུས་ཕྱོགས་དེ་བདུག་པ་སྣ་ཚོགས་ཀྱིས་བདུག་པར་བྱ། མེ་ཏོག་སྣ་ཚོགས་དགྲམ་པར་བྱ། པོག་ཕོར་རྣམས་ནས་བདུག་པར་བྱ། དར་གྱི་ལྡ་ལྡི་གཙང་མ་བྲེ་བར་བྱ། བླ་རེ་སྣ་ཚོགས་བཟང་པོ་བྲེ་བར་བྱ། ས་ཕྱོགས་དེ་རྣམ་པ་དུ་མས་ལེགས་པར་བརྒྱན་པར་བྱའོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བཀུར་སྟི་བྱེད་ཅིང ། མཆོད་པ་བྱེད་པའི་ལུས་
Kha147a
༄#། །ངལ་བར་མི་འགྱུར། ལུས་བདེ་བ་དང ། སེམས་བདེ་བ་དང ། ལུས་ཡང་བ་ཉིད་དང ། ལུས་གཟི་བརྗིད་དང་ལྡན་པ་དང ། སེམས་གསལ་བར་འགྱུར་རོ། །ཡང་དེ་འདི་ལྟར་འདུ་ཤེས་པར་འགྱུར་ཏེ། ཉལ་བ་ན་རྨི་ལམ་སྡིག་པ་ཅན་དག་མཐོང་བར་མི་འགྱུར་རོ། །དེས་རྨི་ལམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། སྐུ་དཔེ་བྱད་བཟང་པོ་བརྒྱད་ཅུས་གསལ་བར་བྱས་པ། སྐུ་གསེར་གྱི་མདོག་ཅན་དགེ་སློང་གི་དགེ་འདུན་གྱིས་ཡོངས་སུ་བསྐོར་ཅིང ། མདུན་གྱིས་བལྟས་ནས་ཆོས་སྟོན་པ་མཐོང་བར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལས་ཀྱང ། འདི་ལྟ་སྟེ། ཕ་རོལ་ཏུ་ཕྱིན་པ་དྲུག་དང ། དྲན་པ་ཉེ་བར་བཞག་པ་བཞི་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་ཆོས་ཐོས་པར་འགྱུར་རོ། །ཕ་རོལ་ཏུ་ཕྱིན་པ་དེ་དག་གི་དོན་རྣམ་པར་དབྱེ་བ་ཐོས་པར་འགྱུར་རོ། །དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་དོན་རྣམ་པར་དབྱེ་བ་ཐོས་པར་འགྱུར་རོ། །བྱང་ཆུབ་ཀྱི་ཤིང་ཡང་མཐོང་བར་འགྱུར་རོ། །བྱང་ཆུབ་སེམས་དཔའ་བྱང་ཆུབ་ཀྱི་ཤིང་དྲུང་དུ་འགྲོ་བ་མཐོང་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་མཐོང་བར་འགྱུར་རོ། །དེ་
Kha147b
བཞིན་དུ་མངོན་པར་རྫོགས་པར་སངས་རྒྱས་ནས་ཀྱང་ཆོས་ཀྱི་འཁོར་ལོ་བསྐོར་བ་མཐོང་བར་འགྱུར་རོ། །བྱང་ཆུབ་སེམས་དཔའ་འབུམ་ཕྲག་མང་པོ་དག་རྣམ་པ་ཐམས་ཅད་མཁྱེན་པ་ཉིད་ནི་འདི་ལྟར་ཡོངས་སུ་ཐོབ་པར་བྱའོ། །སེམས་ཅན་རྣམས་ནི་འདི་ལྟར་ཡོངས་སུ་སྨིན་པར་བྱའོ། །སངས་རྒྱས་ཀྱི་ཞིང་ནི་འདི་ལྟར་ཡོངས་སུ་དག་པར་བྱའོ། །བདུད་འཁོར་དང་བཅས་པ་ནི་འདི་ལྟར་ཡོངས་སུ་གདུལ་བར་བྱའོ་ཞེས་འབྲེལ་བའི་གཏམ་རྣམ་པར་གཏན་ལ་དབབ་པ་བྱེད་པའང་ཤེས་ཤིང་མཐོང་བར་འགྱུར་རོ། །ཤར་ཕྱོགས་ནས་སངས་རྒྱས་བྱེ་བ་ཁྲག་ཁྲིག་འབུམ་ཕྲག་མང་པོ་དག་གི་སྒྲ་ཐོས་པར་འགྱུར་རོ། །དེ་བཞིན་དུ་ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་དང ། ཕྱོགས་མཚམས་ཀྱི་བར་དག་ནས། སངས་རྒྱས་བྱེ་བ་ཁྲག་ཁྲིག་འབུམ་ཕྲག་མང་པོ་དག་གི་སྒྲ་ཐོས་པར་འགྱུར་ཏེ། ཀྱེ་འཇིག་རྟེན་གྱི་ཁམས་ཆེ་གེ་མོ་ཞིག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆེ་གེ་མོ་ཞེས་བྱ་བ་ཞིག་བྱང་ཆུབ་སེམས་དཔའ་སྟོང་ཕྲག་འདི་སྙེད་ཅིག་དང ། ཉན་ཐོས་བྱེ་བ་ཁྲག་ཁྲིག་འབུམ་ཕྲག་འདི་སྙེད་ཅིག་གིས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏོ་ཞེས་ཐོས་པར་འགྱུར་རོ། །དེ་བཞིན་དུ་ཤར་ཕྱོགས་ན་སངས་རྒྱས་བྱེ་བ་ཁྲག་ཁྲིག་འབུམ་ཕྲག་མང་པོ་དག་ཡོངས་སུ་མྱ་ངན་ལས་འདའ་བ་དག་མཐོང་བར་འགྱུར་རོ། །ཡོངས་སུ་མྱ་ངན་ལས་འདས་པ་དེ་དག་གི་མཆོད་རྟེན་རིན་པོ་ཆེ་སྣ་བདུན་ལས་
Kha148a
༄#། །བྱས་པ་བྱེ་བ་ཕྲག་འབུམ་དག་མཐོང་བར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་དང ། དེ་བཞིན་གཤེགས་པའི་མཆོད་རྟེན་དེ་དག་ལ་མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། ཕྱེ་མ་དང ། ཆོས་གོས་དང ། ན་བཟའ་དང ། གདུགས་དང ། རྒྱལ་མཚན་དང ། བ་དན་དང།་རོལ་མོའི་སྒྲ་སྣ་ཚོགས་པ་དག་གིས་བཀུར་སྟི་བྱེད་པ་དང ། རི་མོ་བྱེད་པ་དང ། མཆོད་པ་བྱེད་པ་མཐོང་བར་འགྱུར་རོ། །དེ་བཞིན་དུ་སྟེང་གི་ཕྱོགས་ཀྱི་བར་དུའང་དེ་བཞིན་དུ་སྦྱར་བར་བྱ་སྟེ། རིགས་ཀྱི་བུའམ། རིགས་ཀྱི་བུ་མོ་དེས་རྨི་ལམ་བཟང་པོ་དེ་ལྟ་བུ་དག་མཐོང་བར་འགྱུར་རོ། །དེ་བདེ་བ་ཁོ་ནར་སད་པར་འགྱུར། དེའི་ལུས་ལ་གཟི་བྱིན་འཇུག་པར་འགྱུར། དེའི་ལུས་ཡང་བ་ཉིད་དུ་ཤེས་པར་འགྱུར། དེ་ཟས་ལ་བརྐམ་པ་ཉིད་དུ་མི་འགྱུར། ཆོས་གོས་ལ་བརྐམ་པ་ཉིད་དུ་མ་ཡིན། ན་བའི་གསོ་སྨན་དང ། ཡོ་བྱད་ལ་བརྐམ་པ་ཉིད་དུ་མི་འགྱུར། དེ་ཟས་ཀྱི་འདུ་ཤེས་ཆུང་བ་ཉིད་དུ་འགྱུར་རོ། །དེ་བཞིན་དུ་སྦྱར་ཏེ། དེ་ཡོ་བྱད་ཀྱི་འདུ་ཤེས་ཆུང་བ་ཉིད་དུ་འགྱུར་ཏེ། དཔེར་ན། དགེ་སློང་རྣལ་འབྱོར་སྤྱོད་པ་འདོད་པ་ནས། ཏིང་ངེ་འཛིན་ལས་ལངས་པ་ཟས་ལ་བརྐམ་པའི་ཤས་ཆེ་བ་མ་ཡིན་པ་དེ་བཞིན་དུ་ཟས་ཀྱི་འདུ་ཤེས་ཆུང་བར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ། གང་ལ་ལ་ཞིག་གིས་ལུས་ལ་མི་མ་ཡིན་
Kha148b
པ་རྣམས་གཟི་བྱིན་འཇུག་པར་བྱེད་ན། དེ་ནི་དེ་བཞིན་དུ་འགྱུར་ཏེ། དེས་ན་དེ་ལ་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་བཞུགས་པའི་དེ་བཞིན་གཤེགས་པ་རྣམས་དང ། བྱང་ཆུབ་སེམས་དཔའ་རྣམས་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དག་ལུས་ལ་གཟི་བྱིན་ཉེ་བར་བསྒྲུབ་པར་འགྱུར་བས། ཇི་སྲིད་འཚོའི་བར་དུ་བ་དན་གྱི་བར་དག་དང ། རོལ་མོའི་སྒྲ་སྣ་ཚོགས་དག་གིས་བཀུར་སྟི་བྱ། བླ་མར་བྱ། རི་མོ་བྱ། མཆོད་པ་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཕན་ཡོན་གྱི་ལེའུ་ཞེས་བྱ་སྟེ་བཅུ་བདུན་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མོས་པར་འགྱུར་བ་དེ་གང་ནས་ཤི་འཕོས་ནས་འདིར་མཆིས་པ་ལགས། དེ་ཡུན་ཇི་སྲིད་ཅིག་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ལགས། དེས་དེ་བཞིན་གཤེགས་པ་ཇི་སྙེད་ཅིག་ལ་བསྙེན་བཀུར་བགྱིས་པ་ལགས། དེས་སྦྱིན་པའི་ཕ་རོལ་ཏུ་ཕྱིན་པ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་
Kha149a
༄#། །རབ་ཀྱི་ཕ་རོལ་ཏུ་ཕྱིན་པ་ལ་ཡུན་ཇི་སྲིད་ཅིག་ནས་སྤྱད་པ་ལགས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉིད་ལ་དོན་དང་ཚུལ་ལས་མོས་པར་འགྱུར་ལགས་སམ།་དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔག་ཏུ་མེད་གྲངས་མེད་ཚད་མེད་པ་དག་ལ་བསྙེན་བཀུར་བྱས་ནས་འདིར་འོང་བ་དག་ཡིན། འདིར་སྐྱེས་ཤིང་བྱུང་བ་དག་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་བསྐལ་པ་བྱེ་བ་ཁྲག་ཁྲིག་འབུམ་ཕྲག་གཞལ་དུ་མེད་ཅིང ། གྲངས་མེད་ཚད་མེད་པ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ཡིན་ནོ། །དེས་སེམས་དང་པོ་བསྐྱེད་ཕྱིན་ཆད་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་ཅིང་འོངས་པ་ཡིན། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་འོངས་པ་ཡིན་ནོ། །ཤཱ་རདྭ་ཏིའི་བུ། དེ་ནི་ཕྱིན་ཆད་དེ་བཞིན་གཤེགས་པ་
Kha149b
དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གྲངས་མེད་ཚད་མེད་པ་དག་ལ་བསྙེན་བཀུར་བྱེད་ཅིང་འདིར་འོངས་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་མཐོང་ངམ་ཐོས་ན་བདག་གིས་ནི་སྟོན་པ་མཐོང་ངོ་ཞེས་སེམས་བསྐྱེད་པར་འགྱུར་རོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལའང་དོན་དང་ཚིག་ལས་མཚན་མ་མེད་པ་དང ། གཉིས་སུ་མེད་པ་དང ། དམིགས་སུ་མེད་པའི་ཚུལ་གྱིས་རྗེས་སུ་རྟོགས་པར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཉན་པ་པོ་དང ། ལྟ་བ་པོ་རྣམས་ཀྱི་སྟོན་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། མ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ནི་ཉན་པ་པོ་དང ། ལྟ་བ་པོ་མེད་དོ། །རབ་འབྱོར།་ཆོས་བེམས་པོ་ཉིད་ཀྱི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་མི་ཐོས་མི་མཐོང་ངོ ། །དེ་བཞིན་དུ་ཆོས་བེམས་པོ་ཉིད་ཀྱི་ཕྱིར་བསམ་གཏན་གྱི་ཕ་རོལ་ཏུ་ཕྱིན་པ་མི་ཐོས་མི་མཐོང་ངོ ། ། དེ་བཞིན་དུ་ཆོས་བེམས་པོ་ཉིད་ཀྱི་ཕྱིར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་མི་
Kha150a
༄#། །ཐོས་མི་མཐོང་ངོ ། །དེ་བཞིན་དུ་ཆོས་བེམས་པོ་ཉིད་ཀྱི་ཕྱིར། ནང་སྟོང་པ་ཉིད་མི་ཐོས་མི་མཐོང་ངོ ། །དེ་བཞིན་དུ་སྦྱར་ཏེ། ཆོས་བེམས་པོ་ཉིད་ཀྱི་ཕྱིར་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་མི་ཐོས་མི་མཐོང་ངོ ། །དེ་བཞིན་དུ་ཆོས་བེམས་པོ་ཉིད་ཀྱི་ཕྱིར་དྲན་པ་ཉེ་བར་བཞག་པ་རྣམས་མི་ཐོས་མི་མཐོང་ངོ ། །དེ་བཞིན་དུ་ཆོས་བེམས་པོ་ཉིད་ཀྱི་ཕྱིར་འཕགས་པའི་ལམ་ཡན་ལག་བརྒྱད་པའི་བར་དུ་མི་ཐོས་མི་མཐོང་ངོ ། །དེ་བཞིན་དུ་ཆོས་བེམས་པོ་ཉིད་ཀྱི་ཕྱིར་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མི་ཐོས་མི་མཐོང་ངོ ། །རབ་འབྱོར། ཆོས་བེམས་པོ་ཉིད་ཀྱི་ཕྱིར་བྱང་ཆུབ་དང་སངས་རྒྱས་ཀྱང་མི་ཐོས་མི་མཐོང་ངོ ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་པ་མོས་པར་དཀའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་བོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གཟུགས་ནི་མ་བཅིངས་མ་གྲོལ་བ་ཡིན་ལ། རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་མ་བཅིངས་མ་གྲོལ་བ་ཡིན་པའི་ཕྱིར་
Kha150b
རོ། །དེ་ཅིའི་ཕྱིར་ཞེ་ན། གཟུགས་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ། །རབ་འབྱོར། སྦྱིན་པའི་ཕ་རོལ་ཏུ་ཕྱིན་པའང་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། སྦྱིན་པའི་ཕ་རོལ་ཏུ་ཕྱིན་པ་དངོས་པོ་མེད་པའི་རང་བཞིན་ནི་སྦྱིན་པའི་ཕ་རོལ་ཏུ་ཕྱིན་པ་ཡིན་པའི་ཕྱིར་རོ། །རབ་འབྱོར། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་དངོས་པོ་མེད་པའི་རང་བཞིན་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་པའི་ཕྱིར་རོ། །རབ་འབྱོར། ནང་སྟོང་པ་ཉིད་ནི་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར།་ནང་སྟོང་པ་ཉིད་དངོས་པོ་མེད་པའི་རང་བཞིན་ནི་ནང་སྟོང་པ་ཉིད་ཡིན་པའི་ཕྱིར་རོ། །དེ་བཞིན་དུ་སྦྱར་ཏེ། རབ་འབྱོར། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུའང་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། དངོས་པོ་མེད་པའི་ངོ་བོ་ཉིད་སྟོང་པ་ཉིད་དངོས་པོ་མེད་པའི་རང་བཞིན་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཡིན་པའི་
Kha151a
༄#། །ཕྱིར་རོ། །རབ་འབྱོར། དྲན་པ་ཉེ་བར་བཞག་པ་བཞི་ནི་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། དྲན་པ་ཉེ་བར་བཞག་པ་དངོས་པོ་མེད་པའི་རང་བཞིན་ནི། དྲན་པ་ཉེ་བར་བཞག་པ་བཞི་ཡིན་པའི་ཕྱིར་རོ། །དེ་བཞིན་དུ་སྦྱར་ཏེ། རབ་འབྱོར། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང ། ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ནི་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། རྣམ་པ་ཐམས་ཅད་མཁྱེན་པ་ཉིད་དངོས་པོ་མེད་པའི་རང་བཞིན་ནི། རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། །རབ་འབྱོར། གཞན་ཡང་གཟུགས་ཀྱི་སྔོན་གྱི་མཐའ་ནི་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། སྔོན་གྱི་མཐའ་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྔོན་གྱི་མཐའ་ནི་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། སྔོན་གྱི་མཐའ་དངོས་བོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་སྔོན་གྱི་
Kha151b
མཐའ་ནི་མ་བཅིངས་མ་གྲོལ་བ་སྟེ། སྔོན་གྱི་མཐའ་དངོས་པོ་མེད་པའི་རང་བཞིན་ནི་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། །རབ་འབྱོར། གཞན་ཡང་གཟུགས་ནི་སྔོན་གྱི་མཐའ་ལས་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། སྔོན་གྱི་མཐའ་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་སྔོན་གྱི་མཐའ་ལས་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། སྔོན་གྱི་མཐའ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ། །རབ་འབྱོར། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ནི་སྔོན་གྱི་མཐའ་ལས་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། སྔོན་གྱི་མཐའ་དངོས་པོ་མེད་པའི་རང་བཞིན་ནི་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། །རབ་འབྱོར། གཟུགས་ནི་ཕྱི་མའི་མཐའ་ལས་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། ཕྱི་མའི་མཐའ་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་ཕྱི་མའི་མཐའ་ལས་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། ཕྱི་མའི་མཐའ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་
Kha152a
༄#། །པའི་ཕྱིར་རོ། །རབ་འབྱོར། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ནི་ཕྱི་མའི་མཐའ་ལས་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། ཕྱི་མའི་མཐའ་དངོས་པོ་མེད་པའི་རང་བཞིན་ནི་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། །རབ་འབྱོར། གཟུགས་ནི་ད་ལྟར་བྱུང་བ་ལས་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། རབ་འབྱོར། ད་ལྟར་བྱུང་བ་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་ད་ལྟར་བྱུང་བ་ལས་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། ད་ལྟར་བྱུང་བ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ། ། རབ་འབྱོར། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ད་ལྟར་བྱུང་བ་ལས་མ་བཅིངས་མ་གྲོལ་བའོ། །དེ་ཅིའི་ཕྱིར་ཞེ་ན། རབ་འབྱོར། ད་ལྟར་བྱུང་བ་དངོས་པོ་མེད་པའི་རང་བཞིན་ནི་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་བ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མི་བརྩོན་པ་རྣམས་དང ། དགེ་བའི་རྩ་བ་མ་བསྐྲུན་པ་རྣམས་དང ། སྡིག་པའི་གྲོགས་པོའི་སུག་པར་མཆིས་པ་རྣམས་
Kha152b
དང།་བདུད་ཀྱི་དབང་དུ་མཆིས་པ་རྣམས་དང ། ལེ་ལོ་ཅན་རྣམས་དང ། བརྩོན་འགྲུས་ཆུང་བ་རྣམས་དང ། བསྐྱུད་ངས་པ་རྣམས་དང ། ཤེས་བཞིན་མ་མཆིས་པར་སྤྱོད་པ་རྣམས་ཀྱིས་མོས་པར་དཀའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མི་བརྩོན་པ་དང ། ཤེས་བཞིན་མེད་པར་སྤྱོད་པ་རྣམས་ཀྱི་བར་དག་གིས་མོས་པར་དཀའ་བ་ཡིན་ནོ། །རབ་འབྱོར། གཟུགས་རྣམ་པར་དག་པ་གང་ཡིན་པ། འབྲས་བུ་རྣམ་པར་དག་པའང་དེ་ཡིན། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྣམ་པར་དག་པའང་དེ་ཡིན། དེ་བཞིན་དུ་སྦྱར་ཏེ། བྱང་ཆུབ་ཀྱི་བར་དུ་རྣམ་པར་དག་པ་གང་ཡིན་པ།་འབྲས་བུ་རྣམ་པར་དག་པའང་དེ་ཡིན་ནོ། །རབ་འབྱོར། གཞན་ཡང་གཟུགས་རྣམ་པར་དག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་གང་ཡིན་པ་དེ་ནི། གཟུགས་རྣམ་པར་དག་པ་སྟེ། དེ་ལྟར་ན་གཟུགས་རྣམ་པར་དག་པ་གང་ཡིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །དེ་བཞིན་དུ་སྦྱར་ཏེ། གཟུགས་རྣམ་པར་དག་པ་གང་ཡིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་ཀྱི་
Kha153a
༄#། །བར་དུ་རྣམ་པར་དག་པའོ། །རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་གང་ཡིན་པ་དེ་ནི་གཟུགས་རྣམ་པར་དག་པ་སྟེ། དེ་ལྟར་ན་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ། གཅད་དུ་མེད་དོ། །རབ་འབྱོར། གཞན་ཡང་གཉིས་སུ་མེད་པ་རྣམ་པར་དག་པ་གང་ཡིན་པ་དང ། གཟུགས་རྣམ་པར་དག་པ་གང་ཡིན་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་གང་ཡིན་པ་འདི་ནི། གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །རབ་འབྱོར། གཞན་ཡང་སེམས་ཅན་དང ། སྲོག་དང ། སྐྱེ་བ་བོ་དང ། ཤེས་པ་པོ་དང ། མཐོང་བ་པོའི་བར་དུ་རྣམ་པར་དག་པས་གཟུགས་རྣམ་པར་དག་པའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྣམ་པར་དག་པའོ། །དེ་བཞིན་དུ་སྦྱར་ཏེ། ཤེས་པ་པོ་དང ། མཐོང་བ་པོའི་བར་དུ་རྣམ་པར་དག་པས་རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་སྟེ། དེ་ལྟར་ན་ཤེས་པ་པོ་དང ། མཐོང་བ་པོ་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །རབ་འབྱོར། གཞན་ཡང་འདོད་ཆགས་དང ། ཞེ་སྡང་དང ། གཏི་
Kha153b
མུག་རྣམ་པར་དག་པས་གཟུགས་རྣམ་པར་དག་པ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྣམ་པར་དག་པ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་སྟེ། དེ་ལྟར་ན་འདོད་ཆགས་དང ། ཞེ་སྡང་དང ། གཏི་མུག་རྣམ་པར་དག་པ་དང ། གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང།་རྣམ་པར་ཤེས་པ་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །རབ་འབྱོར།་གཞན་ཡང་མ་རིག་པ་རྣམ་པར་དག་པས་འདུ་བྱེད་རྣམ་པར་དག་པའོ། །འདུ་བྱེད་རྣམ་པར་དག་པས་རྣམ་པར་ཤེས་པ་རྣམ་པར་དག་པའོ། །རྣམ་པར་ཤེས་པ་རྣམ་པར་དག་པས་མིང་དང་གཟུགས་རྣམ་པར་དག་པའོ། །མིང་དང་གཟུགས་རྣམ་པར་དག་པས་སྐྱེ་མཆེད་དྲུག་རྣམ་པར་དག་པའོ། །སྐྱེ་མཆེད་དྲུག་རྣམ་པར་དག་པས་རེག་པ་རྣམ་པར་དག་པའོ། །རེག་པ་རྣམ་པར་དག་པས་ཚོར་བ་རྣམ་པར་དག་པའོ། །ཚོར་བ་རྣམ་པར་དག་པས་སྲེད་པ་རྣམ་པར་དག་པའོ། །སྲེད་པ་རྣམ་པར་དག་པས་ལེན་པ་རྣམ་པར་དག་པའོ། །ལེན་པ་རྣམ་པར་དག་པས་སྲིད་པ་རྣམ་པར་དག་པའོ། །སྲིད་པ་རྣམ་པར་དག་པས་སྐྱེ་བ་རྣམ་པར་དག་པའོ། །སྐྱེ་བ་རྣམ་པར་དག་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་
Kha154a
༄#། །བ་དང ། འཁྲུག་པ་རྣམ་པར་དག་པའོ། །རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམ་པར་དག་པས་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པས་བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་པའོ། །བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་པས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་དག་པས་བཟོད་པའི་ཕ་རོལ་ཏུ་ཕྱིན་པ་རྣམ་པར་དག་པའོ། །བཟོད་པའི་ཕ་རོལ་ཏུ་ཕྱིན་པ་རྣམ་པར་དག་པས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྣམ་པར་དག་པས་སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པའོ། །སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པས་ནང་སྟོང་པ་ཉིད་རྣམ་པར་དག་པ་ནས། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་རྣམ་པར་དག་པའོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་རྣམ་པར་དག་པས་དྲན་པ་ཉེ་བར་བཞག་པ་རྣམ་པར་དག་པའོ། །དྲན་པ་ཉེ་བར་བཞག་པ་རྣམ་པར་དག་པས་ཐམས་ཅད་ཤེས་པ་ཉིད་ཀྱི་བར་དུ་རྣམ་པར་དག་པའོ། །ཐམས་ཅད་ཤེས་པ་ཉིད་རྣམ་པར་དག་པས་ལམ་གྱི་རྣམ་པ་ཤེས་པ་ཉིད་རྣམ་པར་དག་པའོ། །ལམ་གྱི་རྣམ་པ་
Kha154b
ཤེས་པ་ཉིད་རྣམ་པར་དག་པས་རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་སྟེ། དེ་ལྟར་ན་ཐམས་ཅད་ཤེས་པ་ཉིད་རྣམ་པར་དག་པ་དང ། ལམ་གྱི་རྣམ་པ་ཤེས་པ་ཉིད་རྣམ་པར་དང་པ་དང ། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །རབ་འབྱོར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པས་གཟུགས་རྣམ་པར་དག་པའོ། །དེ་བཞིན་དུ་སྦྱར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པས་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་སྟེ། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །དེ་ལྟར་གོང་མ་བཞིན་དུ་སྦྱར་ཏེ། བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །དེ་བཞིན་དུ་བཟོད་པའི་ཕ་རོལ་ཏུ་ཕྱིན་པ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །དེ་བཞིན་དུ་སྦྱར་ཏེ། ཚུལ་ཁྲིམས་ཀྱི་ཕ་རོལ་
Kha155a
༄#། །ཕྱིན་པ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །རབ་འབྱོར། གཞན་ཡང་ནང་སྟོང་པ་ཉིད་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །དེ་ལྟར་གོང་མ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །དེ་བཞིན་དུ་དྲན་པ་ཉེ་བར་བཞག་པ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །དེ་བཞིན་དུ་སྦྱར་ཏེ། ལམ་གྱི་བར་དུ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། །དེ་ལྟར་གོང་མ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་དག་པས་གཟུགས་རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་སྟེ། དེ་ལྟར་ན་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་དག་པ་དང ། གཟུགས་
Kha155b
རྣམ་པར་དག་པ་དང ། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །ཚིག་རེ་རེ་ལའང་དེ་བཞིན་དུ་སྦྱར་བར་བྱ་སྟེ། །རྒྱ་ཆེར་ཚིག་རེ་རེ་ལས་ཀྱང་དེ་བཞིན་དུ་སྦྱར་བར་བྱ་ཞིང་རྗེས་སུ་འཇུག་པར་བྱའོ། །རབ་འབྱོར། གཞན་ཡང་འདུས་བྱས་རྣམ་པར་དག་པས་འདུས་མ་བྱས་རྣམ་པར་དག་པའོ། །འདུས་མ་བྱས་རྣམ་པར་དག་པས་འདུས་བྱས་རྣམ་པར་དག་པ་སྟེ། དེ་ལྟར་ན་འདུས་བྱས་རྣམ་པར་དག་པ་དང ། འདུས་མ་བྱས་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །རབ་འབྱོར། གཞན་ཡང་འདས་པ་རྣམ་པར་དག་པས། མ་འོངས་པ་དང ། ད་ལྟར་བྱུང་བ་རྣམ་པར་དག་པའོ། །མ་འོངས་པ་རྣམ་པར་དག་པས། འདས་པ་དང ། ད་ལྟར་བྱུང་བ་རྣམ་པར་དག་པའོ། །ད་ལྟར་བྱུང་བ་རྣམ་པར་དག་པས། འདས་པ་དང ། མ་འོངས་པ་རྣམ་པར་དག་པ་སྟེ། དེ་ལྟར་ན་འདས་པ་རྣམ་པར་དག་པ་དང ། མ་འོངས་པ་རྣམ་པར་དག་པ་དང ། ད་ལྟར་བྱུང་བ་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་བྱར་མེད་ཅིང་ཐ་མི་དད་དེ་གཅད་དུ་མེད་དོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཆོས་རྣམ་པར་དག་པ་འདི་ནི་ཟབ་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཆོས་རྣམ་པར་
Kha156a
༄#། །དག་པ་ནི་ཤིན་ཏུ་རྣམ་པར་དག་པའི་ཕྱིར་རོ། །གསོལ་པ། གང་ཤིན་ཏུ་རྣམ་པར་དག་པའི་སླད་དུ་ལགས། བཀའ་སྩལ་པ། གཟུགས་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཤིན་ཏུ་རྣམ་པར་དག་པའི་ཕྱིར་དང ། འཕགས་པའི་ལམ་ཡན་ལག་བརྒྱད་པའི་བར་དུ་ཤིན་ཏུ་རྣམ་པར་དག་པའི་ཕྱིར་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་འདི་ཟབ་བོ། །དེ་བཞིན་དུ་བྱང་ཆུབ་རྣམ་པར་དག་པའི་ཕྱིར་དང ། རྣམ་པ་ཐམས་ཅད་མཁྱེན་པ་ཉིད་དང ། ཡང་དག་པར་རྫོགས་པའི་སངས་རྒྱས་ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་འདི་ཟབ་བོ། །གསོལ་པ། བཙུན་པ་བཅོམ་ལྡན་འདས།
Kha156b
ཆོས་རྣམ་པར་དག་པ་ནི་སྣང་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་འདི་སྣང་བ་ཡིན་ནོ། །གསོལ་པ། གང་ཤིན་ཏུ་རྣམ་པར་དག་པའི་སླད་དུ་ཆོས་རྣམ་པར་དག་པ་འདི་སྣང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤེས་རབ་ཀྱི་ཕ་རོལ་ཏུ་ཕྱིན་པ་ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་འདི་སྣང་བ་ཡིན་ནོ། །ཤཱ་རདྭ་ཏིའི་བུ། སྦྱིན་པའི་ཕ་རོལ་ཏུ་ཕྱིན་པའི་བར་དུ་ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་འདི་སྣང་བ་ཡིན་ནོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་འདི་སྣང་བ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཆོས་རྣམ་པར་དག་པ་ནི་ཉིང་མཚམས་སྦྱོར་བ་མ་མཆིས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་ཉིང་མཚམས་སྦྱོར་བ་མེད་པ་ཡིན་ནོ། །གསོལ་པ། གང་ཤིན་ཏུ་རྣམ་པར་དག་པའི་སླད་དུ་ཆོས་རྣམ་པར་དག་པ་ཉིང་མཚམས་སྦྱོར་བ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གཟུགས་འཕོ་བ་མེད་པ་དང ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་ཉིང་མཚམས་སྦྱོར་བ་མེད་པ་ཡིན་ནོ། །དེ་ལྟར་གོང་མ་བཞིན་དུ་སྦྱར་ཏེ།
Kha157a
༄#། །རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་འཕོ་བ་མེད་པ་དང ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་ཉིང་མཚམས་སྦྱོར་བ་མེད་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཆོས་རྣམ་པར་དག་པ་ནི་ཀུན་ནས་ཉོན་མོངས་པ་ཅན་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་ཀུན་ནས་ཉོན་མོངས་པ་ཅན་མ་ཡིན་ནོ། །གསོལ་པ། གང་ཤིན་ཏུ་རྣམ་པར་དག་པའི་སླད་དུ་ཆོས་རྣམ་པར་དག་པ་ནི་ཀུན་ནས་ཉོན་མོངས་པ་ཅན་མ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གཟུགས་རང་བཞིན་གྱིས་འོད་གསལ་བའི་ཕྱིར་ཆོས་རྣམ་པར་དག་པ་ནི་ཀུན་ནས་ཉོན་མོངས་པ་མ་ཡིན་ནོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རང་བཞིན་གྱིས་འོད་གསལ་བའི་ཕྱིར་ཆོས་རྣམ་པར་དག་པ་ནི་ཀུན་ནས་ཉོན་མོངས་པ་ཅན་མ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཆོས་རྣམ་པར་དག་པ་ནི་ཐོབ་པ་མ་མཆིས་ཤིང་མངོན་པར་རྟོགས་པ་མ་མཆིས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་ཐོབ་པ་མེད་ཅིང་མངོན་པར་རྟོགས་པ་མེད་པ་ཡིན་ནོ། །གསོལ་པ། གང་ཤིན་ཏུ་རྣམ་
Kha157b
པར་དག་པའི་སླད་དུ་ཆོས་རྣམ་པར་དག་པ་ནི་ཐོབ་པ་མ་མཆིས་ཤིང་མངོན་པར་རྟོགས་པ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གཟུགས་སྟོང་པ་ཉིད་ཀྱི་ཕྱིར་ཆོས་རྣམ་པར་དག་པ་ནི་ཐོབ་པ་མེད་ཅིང་མངོན་པར་རྟོགས་པ་མེད་པ་ཡིན་ནོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྟོང་པ་ཉིད་ཀྱི་ཕྱིར་ཆོས་རྣམ་པར་དག་པ་ལ་ནི་ཐོབ་པ་མེད་ཅིང་མངོན་པར་རྟོགས་པ་མེད་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཆོས་རྣམ་པར་དག་པ་ནི་མངོན་པར་མ་གྲུབ་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་མངོན་པར་མ་གྲུབ་པ་ཡིན་ནོ། །གསོལ་པ། གང་ཤིན་ཏུ་རྣམ་པར་དག་པའི་སླད་དུ་ཆོས་རྣམ་པར་དག་པ་མངོན་པར་མ་གྲུབ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། གཟུགས་མངོན་པར་མ་གྲུབ་པ་ནི་ཆོས་རྣམ་པར་དག་པ་ཡིན་ནོ། །དེ་ལྟར་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མངོན་པར་མ་གྲུབ་པ་ནི་ཆོས་རྣམ་པར་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཆོས་རྣམ་པར་དག་པ་ནི་འདོད་པའི་ཁམས་སུ་མི་སྐྱེ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་འདོད་པའི་ཁམས་སུ་མི་
Kha158a
༄#། །སྐྱེའོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཆོས་རྣམ་པར་དག་པ་འདོད་པའི་ཁམས་སུ་མི་སྐྱེ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། འདོད་པའི་ཁམས་ཀྱི་ངོ་བོ་ཉིད་དམིགས་སུ་མེད་པའི་ཕྱིར་ཆོས་རྣམ་པར་དག་པ་ནི་འདོད་པའི་ཁམས་སུ་མི་སྐྱེའོ། །གསོལ་པ། བཙུན་པ་བཅོམ་ལྡན་འདས། ཆོས་རྣམ་པར་དག་པ་ནི་གཟུགས་ཀྱི་ཁམས་སུ་མི་སྐྱེ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་གཟུགས་ཀྱི་ཁམས་སུ་མི་སྐྱེའོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཆོས་རྣམ་པར་དག་པ་གཟུགས་ཀྱི་ཁམས་སུ་མི་སྐྱེ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། གཟུགས་ཀྱི་ཁམས་ཀྱི་ངོ་བོ་ཉིད་དམིགས་སུ་མེད་པའི་ཕྱིར་ཆོས་རྣམ་པར་དག་པ་གཟུགས་ཀྱི་ཁམས་སུ་མི་སྐྱེའོ། །གཟུགས་མེད་པའི་ཁམས་ལའང་དེ་བཞིན་དུ་སྦྱར་བར་བྱའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཅོ་བརྒྱད་པ། གསོལ་པ། བཙུན་པ་བཅོམ་ལྡན་འདས། ཆོས་རྣམ་པར་དག་པ་ནི་འཚལ་བ་མ་མཆིས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ནི་ཤེས་པ་མེད་པ་ཡིན་
Kha158b
ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཆོས་རྣམ་པར་དག་པ་འཚལ་བ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཆོས་བེམས་པོ་ཉིད་ཀྱི་ཕྱིར་ཆོས་རྣམ་པར་དག་པ་ནི་ཤེས་པ་མེད་པ་ཡིན་ནོ། །གསོལ་པ། ཅི་ཞིག་འཚལ་བ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། གཟུགས་རང་བཞིན་གྱིས་སྟོང་པ་ཉིད་ཀྱི་ཕྱིར་ཤེས་པ་མེད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རང་བཞིན་གྱིས་སྟོང་པ་ཉིད་ཀྱི་ཕྱིར་ཤེས་པ་མེད་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཆོས་ཐམས་ཅད་རྣམ་པར་དག་པའི་སླད་དུ་ཆོས་རྣམ་པར་དག་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཆོས་ཐམས་ཅད་ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཆོས་ཐམས་ཅད་རྣམ་པར་དག་པའི་སླད་དུ་ཆོས་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཆོས་ཐམས་ཅད་དམིགས་སུ་མེད་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་རྣམ་པ་ཐམས་ཅད་མཁྱེན་པ་ཉིད་ལ་སྨན་པར་བགྱིད་པའང་མ་ལགས། གནོད་པར་བགྱིད་པའང་མ་ལགས་སོ། །བཅོམ་ལྡན་འདས་ཀྱིས་བཀའ་
Kha159a
༄#། །སྩལ་པ། ཤཱ་རདྭ་ཏིའི་བུ། ཤིན་ཏུ་རྣམ་པར་དག་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་རྣམ་པ་ཐམས་ཅད་མཁྱེན་པ་ཉིད་ལ་དག་པར་བྱེད་པའང་མ་ཡིན། གནོད་པ་བྱེད་པའང་མ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པ་ཐམས་ཅད་མཁྱེན་པ་ཉིད་ལ་སྨན་པར་ཡང་མི་བགྱིད། གནོད་པར་མི་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་གནས་པ་ཉིད་ཀྱི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ནི་ཆོས་ཅིའང་ཡོངས་སུ་མི་འཛིན་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཆོས་ཐམས་ཅད་ཤིན་ཏུ་རྣམ་པར་དག་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ནི་ཆོས་ཅིའང་ཡོངས་སུ་མི་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ཆོས་ཅིའང་ཡོངས་སུ་མི་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་ཀྱི་དབྱིངས་དམིགས་སུ་མེད་པའི་ཕྱིར་རོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་རྣམ་པར་དག་པས་གཟུགས་རྣམ་པར་དག་པ་ལགས་སོ། །བཅོམ་ལྡན་འདས་ཀྱིས་བཀའ་
Kha159b
སྩལ་པ། རབ་འབྱོར། བདག་ཤིན་ཏུ་རྣམ་པར་དག་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ། བདག་རྣམ་པར་དག་པས་གཟུགས་རྣམ་པར་དག་པ་ལགས ། བཅོམ་ལྡན་འདས་ཀྱིས་བཀའ་སྩལ་པ། བདག་མེད་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། བདག་རྣམ་པར་དག་པས་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྣམ་པར་དག་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བདག་ཤིན་ཏུ་རྣམ་པར་དག་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ། བདག་རྣམ་པར་དག་པས་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ།་བདག་མེད་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། བདག་རྣམ་པར་དག་པས་སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པ་ལགས་སོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་ཅིང ། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ལགས་སོ། །བཙུན་པ་བཅོམ་ལྡན་འདས། བདག་རྣམ་པར་དག་པས་དྲན་པ་ཉེ་བར་བཞག་པ་དང ། ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་
Kha160a
༄#། །དང།་སྟོབས་དང ། བྱང་ཆུབ་ཀྱི་ཡན་ལག་དང ། ལམ་རྣམ་པར་དག་པ་ལགས་སོ། །བཙུན་པ་བཅོམ་ལྡན་འདས། བདག་རྣམ་པར་དག་པས་དེ་བཞིན་གཤེགས་པའི་སྟོབས་བཅུ་རྣམ་པར་དག་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་དག་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར ། བདག་ཤིན་ཏུ་རྣམ་པར་དག་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ། བདག་རྣམ་པར་དག་པས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། བདག་མེད་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། བདག་རྣམ་པར་དག་པས་རྒྱུན་དུ་ཞུགས་པའི་འབྲས་བུ་རྣམ་པར་དག་པ་ལགས་སོ། །དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་ཀྱི་འབྲས་བུ་དང ། རང་བྱང་ཆུབ་དང ། ཡང་དག་པར་རྫོགས་པའི་བྱང་ཆུབ་རྣམ་པར་དག་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བདག་ཤིན་ཏུ་རྣམ་པར་དག་པའི་ཕྱིར་རོ། ། གསོལ་པ། བཙུན་པ་བཅོམ་ལྡན་འདས། ཅིའི་སླད་དུ། བདག་རྣམ་པར་དག་པས་ཡང་དག་པར་རྫོགས་པའི་བྱང་ཆུབ་ཀྱི་བར་དུ་རྣམ་པར་དག་པ་ལགས། བཅོམ་ལྡན་འདས་
Kha160b
ཀྱིས་བཀའ་སྩལ་པ། རབ་འབྱོར། རང་གི་མཚན་ཉིད་སྟོང་པ་ཉིད་ཀྱི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། བདག་རྣམ་པར་དག་པས་རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བདག་ཤིན་ཏུ་རྣམ་པར་དག་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ། བདག་རྣམ་པར་དག་པས་རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། བདག་མེད་པའི་ཕྱིར་དང ། མཚན་ཉིད་མེད་པའི་ཕྱིར་དང ། ཤེས་པ་པོ་མེད་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། གཉིས་རྣམ་པར་དག་པས་ཐོབ་པ་མ་མཆིས་ཤིང་མངོན་པར་རྟོགས་པ་མ་མཆིས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཤིན་ཏུ་རྣམ་པར་དག་པའི་ཕྱིར་ཐོབ་པ་དང་མངོན་པར་རྟོགས་པ་མེད་དོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ། གཉིས་རྣམ་པར་དག་པས་ཐོབ་པ་མ་མཆིས་ཤིང་མངོན་པར་རྟོགས་པ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཕྱིན་ཅི་ལོག་ལས་བྱུང་བའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། བདག་མུ་མ་མཆིས་པའི་སླད་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མུ་མ་མཆིས་པ་ལགས་སོ། །བཅོམ་ལྡན་
Kha161a
༄#། །འདས་ཀྱིས་བཀའ་སྩལ་པ། རབ་འབྱོར། བདག་ཤིན་ཏུ་རྣམ་པར་དག་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ། བདག་མུ་མ་མཆིས་པའི་སླད་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མུ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་ཀྱི་ཕྱིར་བདག་མེད་པའི་ཕྱིར་རོ། །གསོལ་པ། དེ་ལྟར་རྟོགས་པ་གང་ལགས་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཆོས་ཐམས་ཅད་ཤིན་ཏུ་རྣམ་པར་དག་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ། དེ་ལྟར་རྟོགས་པ་གང་ལགས་པ་དེ་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ལམ་གྱི་རྣམ་པ་ཤེས་པ་ཉིད་ཀྱི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པ་འདི་སྙམ་དུ་གཟུགས་ཀྱིས་གཟུགས་མི་ཤེས་སོ། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་བས་རྣམ་
Kha161b
པར་ཤེས་པ་མི་ཤེས་སོ། །འདས་པའི་ཆོས་རྣམས་ཀྱིས་འདས་པའི་ཆོས་རྣམས་མི་ཤེས་སོ། །མ་འོངས་པའི་ཆོས་རྣམས་ཀྱིས་མ་འོངས་པའི་ཆོས་རྣམས་མི་ཤེས་སོ། །ད་ལྟར་བྱུང་བའི་ཆོས་རྣམས་ཀྱིས་ད་ལྟར་བྱུང་བའི་ཆོས་རྣམས་མི་ཤེས་སོ། །སྦྱིན་པའི་ཕ་རོལ་ཏུ་ཕྱིན་པས་སྦྱིན་པའི་ཕ་རོལ་ཏུ་ཕྱིན་པ་མི་ཤེས་སོ། །ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་མི་ཤེས་སོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱིས་རྣམ་པ་ཐམས་ཅད་མཁྱེན་པ་ཉིད་མི་ཤེས་སོ་སྙམ་དུ་སེམས་ན། བྱང་ཆུབ་སེམས་དཔའ་དེ་ནི་ཡང་དག་པ་ཉིད་དུ་ངེས་པའི་ཕུང་པོ། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་གནས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། ཅི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པ་ལ་གཉིས་ཀྱི་འདུ་ཤེས་འབྱུང་ངམ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་ཤེས་རབ་
Kha162a
༄#། །ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ནང་སྟོང་པ་ཉིད་ཀྱི་ཕྱིར་དང ། ཕྱི་སྟོང་པ་ཉིད་ཀྱི་ཕྱིར་དང ། དེ་བཞིན་དུ་ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་ཀྱི་ཕྱིར་འདི་སྙམ་དུ་བདག་གིས་སྦྱིན་པ་སྦྱིན་པར་བྱའོ། །འདི་ལ་སྦྱིན་པ་སྦྱིན་པར་བྱའོ། །སྦྱིན་པ་འདི་འདྲ་བ་ཞིག་སྦྱིན་པར་བྱའོ། །བདག་གིས་ཚུལ་ཁྲིམས་བསྲུང་བར་བྱའོ། །ཚུལ་ཁྲིམས་འདི་ལྟར་བསྲུང་བར་བྱའོ། །བདག་གིས་བཟོད་པ་བསྒོམ་པར་བྱའོ། །བཟོད་པ་འདི་ལྟར་བསྒོམ་པར་བྱའོ། །བདག་གིས་བརྩོན་འགྲུས་བརྩམ་པར་བྱའོ། །བརྩོན་འགྲུས་འདི་ལྟར་བརྩམ་པར་བྱའོ། །བདག་གིས་བསམ་གཏན་ལ་སྙོམས་པར་འཇུག་པར་བྱའོ། །བསམ་གཏན་ལ་འདི་ལྟར་སྙོམས་པར་འཇུག་པར་བྱའོ། །བདག་གིས་ཤེས་རབ་བསྒོམ་པར་བྱའོ། །ཤེས་རབ་འདི་ལྟར་བསྒོམ་པར་བྱའོ། །བདག་གིས་བསོད་ནམས་བསྐྱེད་པར་བྱའོ། །བསོད་ནམས་འདི་ལྟར་བསྐྱེད་པར་བྱའོ། །བདག་གིས་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱའོ། །བྱང་ཆུབ་སེམས་དཔའི་སྐྱོན་
Kha162b
མེད་པ་ལ་འདི་ལྟར་འཇུག་པར་བྱའོ། །བདག་གིས་སངས་རྒྱས་ཀྱི་ཞིང་ཡོངས་སུ་དག་པར་བྱའོ། །སངས་རྒྱས་ཀྱི་ཞིང་འདི་ལྟར་ཡོངས་སུ་དག་པར་བྱའོ། །བདག་གིས་སེམས་ཅན་རྣམས་ཡོངས་སུ་སྨིན་པར་བྱའོ། །སེམས་ཅན་རྣམས་འདི་ལྟར་ཡོངས་སུ་སྨིན་པར་བྱའོ། །བདག་གིས་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་པར་བྱའོ། །རྣམ་པ་ཐམས་ཅད་མཁྱེན་པ་ཉིད་འདི་ལྟར་རྗེས་སུ་ཐོབ་པར་བྱའོ་སྙམ་པའི་རྣམ་པར་རྟོག་པ་དེ་དག་ཐམས་ཅད་ན། ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པ་མེད་དེ། ཚེ་དང་ལྡན་པ་ཤཱ་རདྭ་ཏིའི་བུ། དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པའི་ཆགས་པ་མེད་པ་ཡིན་ནོ། །དེ་ནས་ལྷའི་དབང་པོ་བརྒྱ་བྱིན་གྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། རྣམ་གྲངས་གང་གིས་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དེ་དག་གི་ཆགས་པ་གང་དག་ཡིན་པར་རིག་པར་བྱ། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ ། འདི་ལ་བྱང་ཆུབ་སེམས་དཔའི་ཐེག་པ་བའི་རིགས་ཀྱི་བུའམ། རིགས་ཀྱི་བུ་མོ་ནི་རང་གི་སེམས་སུ་ཀུན་དུ་ཤེས། སྦྱིན་པར་
Kha163a
༄#། །ཀུན་དུ་ཤེས། སྦྱིན་པའི་ཕ་རོལ་ཏུ་ཕྱིན་པར་ཀུན་དུ་ཤེས། ཚུལ་ཁྲིམས་སུ་ཀུན་དུ་ཤེས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པར་ཀུན་དུ་ཤེས། བཟོད་པར་ཀུན་དུ་ཤེས། བཟོད་པའི་ཕ་རོལ་ཏུ་ཕྱིན་པར་ཀུན་དུ་ཤེས། བརྩོན་འགྲུས་སུ་ཀུན་དུ་ཤེས། བརྩོན་འགྲུས་ཀྱི་ཕ་རོལ་ཏུ་ཕྱིན་པར་ཀུན་དུ་ཤེས། བསམ་གཏན་དུ་ཀུན་དུ་ཤེས ། བསམ་གཏན་གྱི་ཕ་རོལ་ཏུ་ཕྱིན་པར་ཀུན་དུ་ཤེས། ཤེས་རབ་ཏུ་ཀུན་དུ་ཤེས། ཤེས་རབ་ཀྱི་ཕ་རོལ་ཏུ་ཕྱིན་པར་ཀུན་དུ་ཤེས། དེ་བཞིན་དུ་ནང་སྟོང་པ་ཉིད་དུ་ཀུན་དུ་ཤེས། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དུ་ཀུན་དུ་ཤེས་པ་དང ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཀུན་དུ་ཤེས་པ་དང ། དྲན་པ་ཉེ་བར་བཞག་པ་བཞིར་ཀུན་དུ་ཤེས་པ་ནས། འཕགས་པའི་ལམ་ཡན་ལག་བརྒྱད་པའི་བར་དུ་ཀུན་དུ་ཤེས་པ་དང ། དེ་བཞིན་གཤེགས་པའི་སྟོབས་བཅུར་ཀུན་དུ་ཤེས་པ་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ཀུན་དུ་ཤེས། སངས་རྒྱས་སུ་ཀུན་དུ་ཤེས། སངས་རྒྱས་ལ་བསྐྱེད་པའི་དགེ་བའི་རྩ་བ་རྣམས་སུ་ཀུན་དུ་ཤེས་ཤིང ། ཆོས་དེ་དག་ཐམས་ཅད་ཀྱང་བརྟུལ་ཅིང་བསྡུས་ཏེ་སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ལ། དེའང་ཡོངས་སུ་བསྔོ་
Kha163b
བར་ཀུན་དུ་ཤེས་པ་སྟེ། ཀཽ་ཤི་ཀ། དེ་དག་ནི་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དེ་དག་གི་ཆགས་པ་ཡིན་པར་རིག་པར་བྱ་སྟེ། ཆགས་པ་དེ་དག་དང་ཀུན་དུ་འབྲེལ་ན་ཆགས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་མི་ནུས་སོ། །དེ་ཅིའི་ཕྱིར་ཞེ་ན། ཀཽ་ཤི་ཀ། གཟུགས་ཀྱི་རང་བཞིན་ནི་ཡོངས་སུ་བསྔོ་བར་མི་ནུས་ལ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་རང་བཞིན་ནི་ཡོངས་སུ་བསྔོ་བར་མི་ནུས་ཤིང ། དེ་བཞིན་དུ་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་རང་བཞིན་ནི་ཡོངས་སུ་བསྔོ་བར་མི་ནུས་པའི་ཕྱིར་རོ། །ཀཽ་ཤི་ཀ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་གཞན་དག་ཀུན་དུ་མགུ་བ་དང ། ཆོས་ཐམས་ཅད་མཉམ་པ་ཉིད་དུ་མཐོང་བ་དང ། རྣམ་པ་ཐམས་ཅད་དུ་འབྱུང་བ་ཐམས་ཅད་ཀྱི་རྗེས་སུ་སོང་བའི་ཡིད་ཀྱིས་གཞན་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་དགའ་བར་བྱ། ཡང་དག་པར་འཛིན་དུ་གཞུག་པར་བྱ། ཡང་དག་པར་གཟེངས་བསྟོད་པར་བྱ། ཡང་དག་པར་བསྟན་པར་བྱའོ། །སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་ན། བདག་ནི་སྦྱིན་པ་སྦྱིན་པར་བྱེད་པའོ། །བདག་ནི་ཚུལ་ཁྲིམས་བསྲུང་བའོ། །བདག་ནི་བཟོད་པ་བསྒོམ་པའོ། །བདག་ནི་བརྩོན་འགྲུས་རྩོམ་མོ། །བདག་ནི་བསམ་གཏན་ལ་སྙོམས་པར་འཇུག་པའོ། །བདག་ནི་
Kha164a
༄#། །ཤེས་རབ་བསྒོམ་པའོ། །བདག་ནི་ནང་སྟོང་པ་ཉིད་ལ་སྤྱོད་པའོ། །བདག་ནི་ཕྱི་སྟོང་པ་ཉིད་ལ་སྤྱོད་པའོ། །བདག་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སྤྱོད་པའོ། །བདག་ནི་དྲན་པ་ཉེ་བར་བཞག་པ་རྣམས་བསྒོམ་པའོ། །བདེ་བཞིན་དུ་སྦྱར་ཏེ། བདག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་བསྒོམ་པའོ། ། བདག་ནི་རྫོགས་པའི་བྱང་ཆུབ་ཏུ་སྤྱོད་པའོ་སྙམ་དུ་མཚན་མ་ལས་རྣམ་པར་རྟོག་པ་དག་ཡིད་ལ་མི་བྱའོ། །དེ་ལྟར་སྤྱོད་པའི་རིགས་ཀྱི་བུའམ། རིགས་ཀྱི་བུ་མོ་གཞན་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་དགའ་བར་བྱ། ཡང་དག་པར་འཛིན་དུ་གཞུག་པར་བྱ། ཡང་དག་པར་གཟེངས་བསྟོད་པར་བྱ། ཡང་དག་པར་བསྟན་པར་བྱའོ། །དེ་ཡང་དག་པར་དགའ་བར་བྱ་བ་དང ། ཡང་དག་པར་འཛིན་དུ་གཞུག་པ་དང ། ཡང་དག་པར་གཟེངས་བསྟོད་པ་དང ། ཡང་དག་པར་བསྟན་པ་དེས་གཞན་དག་ཡང་དག་པར་དགའ་བར་བྱེད་ཅིང་ཡང་དག་པར་འཛིན་དུ་གཞུག་པ་དང ། ཡང་དག་པར་གཟེངས་བསྟོད་པ་དང ། ཡང་དག་པར་སྟོན་པར་བྱེད་པ་ན་བདག་ཀྱང་ཉམས་པར་མི་འགྱུར་ཞིང ། སངས་རྒྱས་ཀྱིས་གནང་བ་དང ། སངས་རྒྱས་ཀྱིས་བསྔགས་པ་ལ་ཡང་དག་པར་འཛིན་དུ་བཅུག་པར་འགྱུར་རོ། །དེ་ལྟར་བྱེད་པའི་རིགས་ཀྱི་བུའམ། རིགས་ཀྱི་བུ་མོ་
Kha164b
དེས་ནི་ཆགས་པའི་མཐའ་ཐམས་ཅད་ཡོངས་སུ་སྤངས་པར་འགྱུར་རོ། །དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ཁྱོད་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆགས་པའི་མཐའ་ཡོངས་སུ་སྤྱོད་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱང་ཆགས་པའི་མཐའ་རྣམས་ཡོངས་སུ་སྤྱོད་པར་བྱེད་པ་ནི་ལེགས་སོ། །ལེགས་སོ། །རབ་འབྱོར་དེའི་ཕྱིར་ཆགས་པའི་མཐའ་ཆེས་ཕྲ་བ་གཞན་དག་ཀྱང་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་པར་བྱའོ། །བཙུན་པ། དེ་ལྟར་འཚལ་ལོ། །ཞེས་གསོལ་ནས། ཚེ་དང་ལྡན་པ་རབ་འབྱོར་བཅོམ་ལྡན་འདས་ཀྱི་ལྟར་ཉན་པ་དང ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ལ་རིགས་ཀྱི་བུའམ། རིགས་ཀྱི་བུ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ལ་ལ་ཞིག་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་མར་ཡིད་ལ་བྱེད་ན། རབ་འབྱོར། ཇི་ཙམ་དུ་མཚན་མར་ཡིད་ལ་བྱེད་པ་དེ་ཙམ་དུ་ཆགས་པ་ཡིན་ནོ། །རབ་འབྱོར ། གཞན་ཡང་དེ་བཞིན་གཤེགས་པ་འདས་པ་དང ། མ་འོངས་པ་དང ། ད་ལྟར་བྱུང་བ་དེ་དག་གིས་ཐུགས་དང་པོ་བསྐྱེད་པ་ནས་བཟུང་སྟེ། ཇི་སྲིད་དུ་དམ་པའི་ཆོས་གནས་པའི་བར་
Kha165a
༄#། །སྐབས་དེའི་དགེ་བའི་རྩ་བ་གང་ཡིན་པ་དེ་དག་ཐམས་ཅད་མཚན་མར་ཡིད་ལ་བྱེད་ཅིང་མཚན་མར་ཡིད་ལ་བྱས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ན། རབ་འབྱོར། ཇི་ཙམ་དུ་མཚན་མར་ཡིད་ལ་བྱེད་པ་དེ་ཙམ་དུ་ཆགས་པ་ཡིན་ནོ། ། རབ་འབྱོར། དེ་བཞིན་དུ་དེ་བཞིན་གཤེགས་པ་དེ་དག་གི་ཉན་ཐོས་རྣམས་ཀྱི་དགེ་བའི་རྩ་བ་རྣམས་དང ། དེ་ལས་གཞན་པའི་སེམས་ཅན་རྣམས་ཀྱི་དགེ་བའི་རྩ་བ་གང་དག་ཡིན་པ་དེ་དག་ཐམས་ཅད་མཚན་མར་ཡིད་ལ་བྱས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ན། ཇི་ཙམ་དུ་སེམས་ཅན་རྣམས་མཚན་མར་ཡིད་ལ་བྱེད་པ་ནི་དེ་དག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་མ་ཡིན་ཏེ། དེ་ཙམ་དུ་ཆགས་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། དེ་བཞིན་གཤེགས་པ་དང ། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་དང་བཅས་པ་དེ་དག་གི་དགེ་བའི་རྩ་བ་རྣམས་ཀྱང་མཚན་མར་ཡིད་ལ་བྱ་བ་མ་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་
Kha165b
རབ་ཀྱི་ཕ་རོལ་ཏུ་ཕྱིན་པ་ནི་ཟབ་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཆོས་ཐམས་ཅད་རང་བཞིན་གྱིས་དབེན་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལྟར་མ་བྱས་ཤིང་མངོན་པར་འདུས་མ་བྱས་པ་དེ་ནི་སུས་ཀྱང་མངོན་པར་རྫོགས་པར་འཚང་རྒྱ་བར་མི་ནུས་སོ། །གསོལ་པ། བཙུན་པ་བཅོམ་ལྡན་འདས། ཆོས་ཐམས་ཅད་མངོན་པར་རྫོགས་པར་སངས་མ་རྒྱས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལྟར་ཆོས་ཀྱི་རང་བཞིན་ལ་ནི་གཉིས་སུ་མེད་དེ། རབ་འབྱོར། ཆོས་ཀྱི་རང་བཞིན་ནི་གཅིག་ཁོ་ནར་ཟད་དོ། །རབ་འབྱོར། ཆོས་ཀྱི་རང་བཞིན་གཅིག་པོ་གང་ཡིན་པ་དེ་ནི་རང་བཞིན་མེད་པ་ཡིན་ནོ། །རབ་འབྱོར། རང་བཞིན་གང་ཡིན་པ་དེ་ནི་ཡང་དག་པའི་རང་བཞིན་ཡིན་ནོ། །ཡང་དག་པའི་རང་བཞིན་གང་ཡིན་པ་དེ་ནི་མངོན་པར་འདུས་མ་བྱས་པ་ཡིན་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ཀྱི་རང་བཞིན་མེད་པ་མངོན་པར་འདུས་མ་བྱས་པར་ཤེས་ན། ཆགས་པའི་མཐའ་ཐམས་ཅད་རྣམ་པར་སྤངས་པ་ཡིན་ནོ། ། དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་རྟོགས་པར་དཀའ་བ་ལགས་སོ། །
Kha166a
༄#། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་སུས་ཀྱང་མ་མཐོང ། མ་ཐོས། རྣམ་པར་མ་ཤེས་སོ། ། གསོལ་པ། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་བསམ་གྱིས་མི་ཁྱབ་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་སེམས་ཀྱིས་མ་བསྐྱེད། གཟུགས་ཀྱིས་མ་ཡིན། ཚོར་བས་མ་ཡིན། འདུ་ཤེས་ཀྱིས་མ་ཡིན། འདུ་བྱེད་རྣམས་ཀྱིས་མ་ཡིན། རྣམ་པར་ཤེས་པས་མ་བསྐྱེད་དོ། །དེ་བཞིན་དུ་གོང་མ་བཞིན་དུ་སྦྱར་ཏེ། དྲན་པ་ཉེ་བར་བཞག་པ་རྣམས་ཀྱིས་མ་བསྐྱེད། འཕགས་པའི་ལམ་ཡན་ལག་བརྒྱད་པའི་བར་གྱིས་མ་བསྐྱེད་དོ། ། དེ་བཞིན་གཤེགས་པའི་སྟོབས་བཅུས་མ་བསྐྱེད། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གིས་མ་བསྐྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། རྣམ་པར་དག་པའི་ལེའུ་ཞེས་བྱ་སྟེ་བཅོ་བརྒྱད་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་བགྱི་བ་མ་མཆིས་པའི་བྱེད་པ་པོ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བྱེད་པ་པོ་དམིགས་སུ་མེད་པའི་ཕྱིར་དང །
Kha166b
ཆོས་ཐམས་ཅད་ཀྱི་བར་དུ་དམིགས་སུ་མེད་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཇི་ལྟར་སྤྱད་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གང་གི་ཚེ་གཟུགས་ལ་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། ། གཟུགས་རྟག་ཅེས་བྱ་བའམ། མི་རྟག་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྟག་ཅེས་བྱ་བའམ། མི་རྟག་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་བདེ་ཞེས་བྱ་བའམ། སྡུག་བསྔལ་ཞེས་བྱ་བར་མི་སྤྱོད་ན།་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདེ་ཞེས་བྱ་བའམ། སྡུག་བསྔལ་ཞེས་
Kha167a
༄#། །བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་བདག་ཅེས་བྱ་བའམ། བདག་མེད་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བདག་ཅེས་བྱ་བའམ། བདག་མེད་ཅེས་བྱ་བར་མི་སྤྱོད་ན།་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་སྟོང་ཞེས་བྱ་བའམ། མི་སྟོང་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་ཞེས་བྱ་བའམ། མི་སྟོང་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་
Kha167b
བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་ཞི་ཞེས་བྱ་བའམ། མ་ཞི་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཞི་ཞེས་བྱ་བའམ། མ་ཞི་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་དབེན་ཞེས་བྱ་བའམ། མི་དབེན་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དབེན་ཞེས་བྱ་བའམ། མི་དབེན་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་ཀུན་ནས་ཉོན་མོངས་ཞེས་བྱ་བའམ། རྣམ་པར་བྱང་བ་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཀུན་ནས་ཉོན་མོངས་ཞེས་བྱ་བའམ། རྣམ་པར་བྱང་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་སྐྱེ་ཞེས་བྱ་བའམ། མི་སྐྱེ་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་
Kha168a
༄#། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྐྱེ་ཞེས་བྱ་བའམ། མི་སྐྱེ་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་འགག་ཅེས་བྱ་བའམ། མི་འགག་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་འགག་ཅེས་བྱ་བའམ། མི་འགག་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། ། གཟུགས་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གཟུགས་གཙང་ཞེས་བྱ་བའམ། མི་གཙང་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་གཙང་ཞེས་བྱ་བའམ། མི་གཙང་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་
Kha168b
མཁྱེན་པ་ཉིད་ཀྱི་བར་དུ་རྟག་ཅེས་བྱ་བའམ། མི་རྟག་ཅེས་བྱ་བ་ནས། དེ་བཞིན་དུ་མིག་གི་བར་ལ་གཙང་ཞེས་བྱ་བའམ། མི་གཙང་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གཟུགས་རྟག་ཅེས་བྱ་བའམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང ། དེ་བཞིན་དུ་བདེ་ཞེས་བྱ་བའམ། སྡུག་བསྔལ་ཞེས་བྱ་བའམ། བདག་ཅེས་བྱ་བའམ། བདག་མེད་ཅེས་བྱ་བའམ། སྟོང་ཞེས་བྱ་བའམ། མི་སྟོང་ཞེས་བྱ་བའམ། མཚན་མ་ཡོད་ཅེས་བྱ་བའམ། མཚན་མ་མེད་ཅེས་བྱ་བའམ། སྨོན་པ་ཡོད་ཅེས་བྱ་བའམ། སྨོན་པ་མེད་ཅེས་བྱ་བའམ། ཞི་ཞེས་བྱ་བའམ། མ་ཞི་ཞེས་བྱ་བའམ། དབེན་ཞེས་བྱ་བའམ། མི་དབེན་ཞེས་བྱ་བའམ། ཀུན་ནས་ཉོན་མོངས་ཞེས་བྱ་བའམ། རྣམ་པར་བྱང་ཞེས་བྱ་བའམ། སྐྱེ་ཞེས་བྱ་བའམ། འགག་ཅེས་བྱ་བའམ། དངོས་པོ་ཡོད་ཅེས་བྱ་བའམ། དངོས་པོ་མེད་ཅེས་བྱ་བའམ། གཙང་ཞེས་བྱ་བའམ། མི་གཙང་ཞེས་བྱ་བར་ཡང་དག་པར་རྗེས་སུ་མི་མཐོང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང ། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྟག་ཅེས་བྱ་བའམ། མི་རྟག་\?\་ཅེས་བྱ་བའམ། བདེ་ཞེས་བྱ་བའམ། སྡུག་བསྔལ་ཞེས་བྱ་བའམ། བདག་ཅེས་བྱ་
Kha169a
༄#། །བའམ། བདག་མེད་ཅེས་བྱ་བའམ། དེ་བཞིན་དུ་སྦྱར་ཏེ། གཙང་ཞེས་བྱ་བའམ། མི་གཙང་ཞེས་བྱ་བའི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། ། རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གཟུགས་ཡོངས་སུ་རྫོགས་ཞེས་བྱ་བའམ། ཡོངས་སུ་མ་རྫོགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་རྫོགས་ཞེས་བྱ་བའམ། ཡོངས་སུ་མ་རྫོགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དག་ཡོངས་སུ་རྫོགས་ཞེས་བྱ་བའམ། ཡོངས་སུ་མ་རྫོགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གཟུགས་ཡང་དག་པར་རྗེས་སུ་མི་མཐོང་མི་དམིགས་ལ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡང་དག་པར་རྗེས་སུ་མི་མཐོང་མི་དམིགས་ཤིང ། དེ་བཞིན་དུ་སྦྱར་ཏེ། རྣམ་པར་ཐམས་ཅད་མཁྱེན་པ་ཉིད་ཀྱི་
Kha169b
བར་དུ་ཡང་དག་པར་རྗེས་སུ་མི་མཐོང་མི་དམིགས་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ཙམ་དུ་བཅོམ་ལྡན་འདས་ཀྱིས་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་རྣམས་ཀྱི་ཆགས་པ་མ་མཆིས་པ་དེ་དག་ལེགས་པར་བཤད་པ་ནི་ངོ་མཚར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་རྣམས་ཀྱི་ཆགས་པ་མེད་པ་དག་ལེགས་པར་བཤད་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གཟུགས་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་མིག་དང ། རྣ་བ་དང ། སྣ་དང ། ལྕེ་དང ། ལས་དང ། ཡིད་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན།
Kha170a
༄#། །དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་གཟུགས་དང ། སྒྲ་དང ། དྲི་དང ། རོ་དང ། རེག་པ་དང ། ཆོས་རྣམས་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་སྦྱར་ཏེ། དྲན་པ་ཉེ་བར་བཞག་པ་རྣམས་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དུ་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་གཤེགས་པའི་སྟོབས་བཅུ་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ཆགས་ཞེས་བྱ་བའམ། མ་ཆགས་
Kha170b
ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཆགས་ཞེས་བྱ་བའམ། མ་ཆགས་ཞེས་བྱ་བར་མི་སྤྱོད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་ན་གཟུགས་ཆགས་ཞེས་བྱ་བར་ཡང་དག་པར་ཤེས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཆགས་ཞེས་བྱ་བར་ཡང་དག་པར་ཤེས་སོ། །དེ་བཞིན་དུ་སྦྱར་ཏེ། རྒྱུན་དུ་ཞུགས་བའི་འབྲས་བུ་ཆགས་ཞེས་བྱ་བར་ཡང་དག་པར་ཤེས་སོ། །དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་ཆགས་ཞེས་བྱ་བར་ཡང་དག་པར་ཤེས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ཙམ་དུ་ཆོས་ཟབ་མོ་འདི་མ་བཤད་ཀྱང་འགྲིབ་པ་མ་མཆིས་ལ། བཤད་ཀྱང་འཕེལ་བ་མ་མཆིས་པ་ནི་ངོ་མཚར་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཆོས་ཟབ་མོ་འདི་མ་བཤད་ཀྱང་འགྲིབ་པ་མེད་
Kha171a
༄#། །ལ། བཤད་ཀྱང་འཕེལ་བ་མེད་དོ། །རབ་འབྱོར། དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཇི་སྲིད་འཚོའི་བར་དུ་ནམ་མཁའི་བསྔགས་པ་བརྗོད་ན། ནམ་མཁའ་ལ་ནི་བསྔགས་པ་བརྗོད་ཀྱང་འཕེལ་བ་མེད་ལ། བསྔགས་པ་མ་ཡིན་པ་བརྗོད་ཀྱང་ཡོངས་སུ་འགྲིབ་པ་མེད་དོ། །རབ་འབྱོར། དེ་བཞིན་དུ་སྒྱུ་མའི་སྐྱེས་བུ་ལ་ནི་བསྔགས་པ་བརྗོད་པས་འཕེལ་བ་མེད་ལ། བསྔགས་པ་མ་ཡིན་པ་བརྗོད་ཀྱང་ཡོངས་སུ་འགྲིབ་པ་མེད་དོ། །རབ་འབྱོར། དེ་བཞིན་དུ་ཆོས་དེ་ནི་བཤད་ཀྱང་འཕེལ་བ་མེད་ལ། མ་བཤད་ཀྱང་འགྲིབ་པ་མེད་དེ། བཤད་ཀྱང་དེ་ཁོ་ནར་ཟད་ལ། མ་བཤད་ཀྱང་དེ་ཁོ་ནར་ཟད་དོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ན། མི་ཞུམ་མི་འགོང་སྟེ། ཞུམ་པར་འགྱུར་བ་མ་མཆིས་ལ་ཞུམ་པ་མ་མཆིས་ཤིང ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལའང་སྙོམས་པར་འཇུག་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པ་ནི་དཀའ་བ་བགྱིད་པ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་
Kha171b
རོལ་ཏུ་ཕྱིན་པ་བསྒོམ་པ་འདི་ནི་ནམ་མཁའ་བསྒོམ་པ་ལ་གནས་ཤིང ། སྦྱིན་པའི་ཕ་རོལ་ཏུ་ཕྱིན་པའི་བར་དུའང་དེ་བཞིན་ཏེ། ནམ་མཁའ་ལ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་པ་ནས། སྦྱིན་པའི་ཕ་རོལ་ཏུ་ཕྱིན་པའི་བར་དུ་མ་མཆིས། ནམ་མཁའ་ལ་ནི་གཟུགས་མ་མཆིས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མ་མཆིས་ནམ་མཁའ་ལ་ནི་ནང་སྟོང་པ་ཉིད་མ་མཆིས་པ་ནས། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་མ་མཆིས། ནམ་མཁའ་ལ་ནི་དྲན་པ་ཉེ་བར་བཞག་པ་རྣམས་མ་མཆིས་པ་ནས། འཕགས་པའི་ལམ་ཡན་ལག་བརྒྱད་པའི་བར་དུ་མ་མཆིས། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མ་མཆིས། ནམ་མཁའ་ལ་ནི་རྒྱུན་དུ་ཞུགས་པའི་འབྲས་བུ་མ་མཆིས། ལན་གཅིག་ཕྱིར་འོང་བའི་འབྲས་བུ་མ་མཆིས། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མ་མཆིས་པའི་སླད་དུའོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་གོ་ཆ་ཆེན་པོ་འདི་འཚལ་བ་དེ་དག་ནི་ཕྱག་བགྱི་བའི་གནས་ལགས་སོ། །བཙུན་པ་བཅོམ་ལྡན་འདས། གང་དག་སེམས་ཅན་རྣམས་ཀྱི་སླད་དུ་གོ་ཆ་འཚལ་བ་
Kha172a
༄#། །དེ་དག་ནི་ནམ་མཁའི་སླད་དུ་བརྩོན་པར་འཚལ་བ་དང ། འབད་པར་འཚལ་བ་དང ། རྩོལ་བར་འཚལ་བ་དག་ལགས་སོ། །བཙུན་པ་བཅོམ་ལྡན་འདས། གང་དག་སེམས་ཅན་རྣམས་འཁོར་བ་ལས་ཐར་པར་བགྱི་བར་འཚལ་ཞིང ། གོ་ཆ་ཆེན་པོ་འཚལ་བ་དེ་དག་ནི་ནམ་མཁའ་ཡོངས་སུ་ཐར་པར་བགྱི་བར་འཚལ་བ་ལགས་སོ། །བཙུན་པ་བཅོམ་ལྡན་འདས། གང་དག་སེམས་ཅན་རྣམས་ཀྱི་སླད་དུ་གོ་ཆ་འཚལ་བ་དེ་དག་ནི་བར་སྣང་འདེག་པར་འཚལ་བ་ལགས་སོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སེམས་ཅན་རྣམས་ཀྱི་སླད་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེ་དག་ནི་བརྩོན་འགྲུས་ཀྱི་སྟོབས་ཆེན་པོ་ཐོབ་པ་ལགས་སོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སེམས་ཅན་ཐམས་ཅད་ཀྱི་སླད་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དེ་དག་ནི་དཔའ་བ་དང ། བརྟུལ་ཕོད་པ་ལགས་སོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ནམ་མཁའ་དང་འདྲ་བའི་སེམས་ཅན་རྣམས་ཀྱི་སླད་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འཚལ་བ་དེ་དག་ནི་གོ་ཆ་ཆེན་པོ་
Kha172b
འཚལ་བ་ལགས་ཤིང ། བསམ་གྱིས་མི་ཁྱབ་པ་དང ། མཚུངས་པ་མ་མཆིས་པའི་གོ་ཆ་འཚལ་བ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤ་སྟག་གིས་དཔེར་བགྱི་ན། འདམ་བུའི་ཚལ་ལམ། འོད་མའི་ཚལ་ལམ་བུ་རམ་ཤིང་གི་ཚལ་ལམ། འབྲས་སཱ་ལུའི་ཞིང་ངམ། མདའ་རྒྱུའི་ཚལ་ལྟར་ཡོངས་སུ་གཏམས་པར་གྱུར་ཅིང ། དེ་བཞིན་གཤེགས་པ་དེ་དག་ཀྱང་བསྐལ་པའམ། བསྐལ་བ་ལས་ལྷག་པར་བཞུགས་ཏེ། ཆོས་བཤད་པར་གྱུར་ལ། དེ་བཞིན་གཤེགས་པ་རེ་རེས་ཀྱང་སེམས་ཅན་དཔག་ཏུ་མ་མཆིས། གྲངས་མ་མཆིས། ཚད་མ་མཆིས་པ་དག་ཡོངས་སུ་མྱ་ངན་ལས་འདས་པར་གྱུར་ཀྱང ། བཙུན་པ་བཅོམ་ལྡན་འདས། སེམས་ཅན་གྱི་ཁམས་ལ་ནི་བྲི་བའམ། གང་བར་མི་མངོན་ལགས་སོ། །དེ་ཅིའི་སླད་དུ་ཞེ་ན། སེམས་ཅན་མ་མཆིས་པའི་སླད་དུ་དང ། སེམས་ཅན་དབེན་པའི་སླད་དུའོ། །དེ་བཞིན་དུ་གོང་མ་བཞིན་དུ་སྦྱར་ཏེ། ཕྱོགས་བཅུའི་འཇིག་རྟེན་གྱི་ཁམས་ཀྱི་བར་དུ་རྒྱས་པར་སྦྱར་བར་བགྱི་སྟེ། བཙུན་པ་བཅོམ་ལྡན་འདས། རྣམ་གྲངས་དེས་ན་བདག་འདི་སྐད་དུ་གང་དག་སེམས་ཅན་རྣམས་ཀྱི་སླད་དུ་གོ་ཆ་ཆེན་པོ་འཚལ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་
Kha173a
༄#། །པར་རྫོགས་པར་འཚང་རྒྱ་བར་འཚལ་བ་དེ་དག་ནི་ནམ་མཁའ་ཡོངས་སུ་ཐར་བར་བགྱི་བར་འཚལ་བ་ལགས་སོ། །ཞེས་མཆི་ལགས་སོ། །དེ་ནས་འཁོར་དེ་ཉིད་ན་དགེ་སློང་ཞིག་འདི་སྙམ་དུ། ཀྱེ་མ་བཙུན་པ་བཅོམ་ལྡན་འདས། ཆོས་འགའ་ཡང་མི་སྐྱེ་མི་འགག་ཀྱང་ཚུལ་ཁྲིམས་ཀྱི་ཕུང་པོའང་མཆིས། ཏིང་ངེ་འཛིན་གྱི་ཕུང་པོའང་མཆིས། ཤེས་རབ་ཀྱི་ཕུང་པོའང་མཆིས། རྣམ་པར་གྲོལ་བའི་ཕུང་པོའང་མཆིས། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོའང་མཆིས་ཤིང ། དེ་བཞིན་དུ་རྒྱུན་དུ་ཞུགས་པའང་མཆིས། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དང ། རང་སངས་རྒྱས་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མཆིས། བྱང་ཆུབ་སེམས་དཔའ་སེམས་དཔའ་ཆེན་པོའང་མཆིས། སངས་རྒྱས་དཀོན་མཆོག་ཀྱང་མཆིས། ཆོས་དཀོན་མཆོག་ཀྱང་མཆིས། དགེ་འདུན་དཀོན་མཆོག་ཀྱང་མཆིས། ཆོས་ཀྱི་འཁོར་ལོ་བསྐོར་བའང་མཆིས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ། །སྙམ་མོ། །དེ་ནས་ལྷའི་དབང་པོ་བརྒྱ་བྱིན་གྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་སྙོམས་པར་འཇུག་པ་དེ།
Kha173b
གང་ལ་རྣལ་འབྱོར་དུ་སྙོམས་པར་འཇུག་པ་ཡིན། ཚེ་དང་ལྡན་པ་རབ་འབྱོར་གྱིས་སྨྲས་པ། གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་སྙོམས་པར་འཇུག་པར་བྱ་བར་སེམས་པ་དེ་ནི་ནམ་མཁའ་ལ་རྣལ་འབྱོར་དུ་སྙོམས་པར་འཇུག་པ་ཡིན་ནོ། །དེ་ནས་བཅོམ་ལྡན་འདས་ལ། ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀུན་ཆུབ་པར་བགྱིད་པ་དང ། ཀློག་པ་དང ། ཚུལ་བཞིན་དུ་ཡིད་ལ་བགྱིད་པ་དེ་ལ་བདག་གིས་བསྲུང་བ་དང ། བསྐྱབ་པ་དང ། སྦ་བ་ཇི་ལྟ་བུ་ཞིག་བགྱི་ལགས། དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ། ཁྱོད་ཀྱིས་གང་ལ་བསྲུང་བ་དང ། བསྐྱབ་པ་དང ། སྦ་བར་བྱ་བ་གང་ཡང་དག་པར་རྗེས་སུ་མཐོང་ངམ། སྨྲས་པ། བཙུན་པ་རབ་འབྱོར། མ་ཡིན་ནོ། །སྨྲས་པ། ཀཽ་ཤི་ཀ། གལ་ཏེ་རིགས་ཀྱི་བུའམ། རིགས་ཀྱི་བུ་མོ་དེ་དག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་གནས་ན། དེ་ཉིད་དེ་དག་གི་བསྲུང་བ་དང ། བསྐྱབ་པ་དང ། སྦ་བ་བྱ་བར་འགྱུར་ཏེ། དེ་དག་ལ་ནི་མི་དང ། མི་མ་ཡིན་པ་གླགས་འཚོལ་བ་རྣམས་ཀྱིས་གླགས་རྙེད་པར་མི་འགྱུར་རོ། །རིགས་ཀྱི་བུའམ། རིགས་ཀྱི་བུ་མོ་གང་དག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་
Kha174a
༄#། །པ་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་རིག་པར་བྱའོ། །ཀཽ་ཤི་ཀ་།གང་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དག་ལ་བསྲུང་བ་དང ། བསྐྱབ་པ་དང ། སྦ་བ་བྱ་བར་སེམས་པ་དེ་ནི་ནམ་མཁའ་ལ་བསྲུང་བ་དང ། བསྐྱབ་པ་དང ། སྦ་བ་བྱ་བར་སེམས་པ་ཡིན་ནོ། །ཀཽ་ཤི་ཀ་།ཁྱོད་ཀྱིས་རྨི་ལམ་དང ། སྨིག་རྒྱུ་དང ། མིག་ཡོར་དང ། སྒྱུ་མ་དང ། སྤྲུལ་བ་ལ་བསྲུང་བ་དང ། བསྐྱབ་པ་དང ། སྦ་བར་ནུས་སམ། སྨྲས་པ། བཙུན་པ་རབ་འབྱོར། མ་ཡིན་ནོ། །ཀཽ་ཤི་ཀ་།དེ་བཞིན་དུ་གང་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དག་ལ་བསྲུང་བ་དང ། བསྐྱབ་པ་དང ། སྦ་བར་བྱ་བར་སེམས་པ་ནི། འདི་ལྟ་སྟེ། མི་འགྲུབ་པ་དང ། ངལ་བའི་སྐལ་པ་ཅན་དུ་འགྱུར་རོ། །ཀཽ་ཤི་ཀ་།འདི་ཇི་སྙམ་དུ་སེམས། ཁྱོད་ཀྱིས་དེ་བཞིན་གཤེགས་པའམ། དེ་བཞིན་གཤེགས་པའི་སྤྲུལ་པ་ལ་བསྲུང་བ་དང ། བསྐྱབ་པ་དང ། སྦ་བར་ནུས་སམ། སྨྲས་པ། བཙུན་པ་རབ་འབྱོར། མ་ཡིན་ནོ། །ཀཽ་ཤི་ཀ་།དེ་བཞིན་དུ་གང་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དག་ལ་བསྲུང་བ་དང ། བསྐྱབ་པ་དང ། སྦ་བ་བྱ་བར་སེམས་པ་དེ་ནི། འདི་ལྟ་སྟེ། མི་འགྲུབ་པ་དང ། ངལ་བའི་
Kha174b
སྐལ་པ་ཅན་དུ་འགྱུར་བར་ཟད་དོ། །ཀཽ་ཤི་ཀ་།འདི་ཇི་སྙམ་དུ་སེམས། ཁྱོད་ཀྱིས་ཆོས་ཀྱི་དབྱིངས་དང ། ཡང་དག་པའི་མཐའ་དང ། དེ་བཞིན་ཉིད་དང ། བསམ་གྱིས་མི་ཁྱབ་པའི་དབྱིངས་ལ་བསྲུང་བ་དང ། བསྐྱབ་པ་དང ། སྦ་བར་ནུས་སམ། སྨྲས་པ། བཙུན་པ་རབ་འབྱོར། མ་ཡིན་ནོ། །སྨྲས་པ། ཀཽ་ཤི་ཀ་།དེ་བཞིན་དུ་གོང་མ་བཞིན་དུ་སྦྱར་ཏེ། འདི་ལྟ་སྟེ། མི་འགྲུབ་པ་དང ། ངལ་བའི་སྐལ་པ་ཅན་དུ་འགྱུར་བར་ཟད་དོ། །དེ་ནས་ལྷའི་དབང་པོ་བརྒྱ་བྱིན་གྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར། འདི་ཇི་སྙམ་དུ་སེམས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་རེ་ཞིག་རྨི་ལམ་ལྟ་བུ་དང ། སྨིག་རྒྱུ་ལྟ་བུ་དང ། བྲག་ཅ་ལྟ་བུ་དང ། སྒྱུ་མ་ལྟ་བུ་དང ། སྤྲུལ་པ་ལྟ་བུར་ཆོས་རྣམས་དེ་ལྟར་ཡོངས་སུ་ཤེས་པ་ཡིན། དེ་ཤེས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྨི་ལམ་རློམ་སེམས་སུ་མི་བྱེད། རྨི་ལམ་གྱིས་རློམ་སེམས་སུ་མི་བྱེད་པ་ཡིན་ནོ། །དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གཟུགས་སུ་རློམ་སེམས་སུ་མི་བྱེད། གཟུགས་ཀྱིས་རློམ་སེམས་སུ་མི་བྱེད། གཟུགས་ཀྱི་རློམ་སེམས་སུ་མི་བྱེད། གཟུགས་ལ་རློམ་སེམས་སུ་མི་བྱེད་ཅིང ། དེ་བཞིན་
Kha175a
༄#། །དུ་ཚེར་\?\་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པར་རློམ་སེམས་སུ་མི་བྱེད། རྣམ་པར་ཤེས་པས་རློམ་སེམས་སུ་མི་བྱེད། རྣམ་པར་ཤེས་པའི་རློམ་སེམས་སུ་མི་བྱེད། རྣམ་པར་ཤེས་པ་ལ་རློམ་སེམས་སུ་མི་བྱེད་ལ། དེ་བཞིན་དུ་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རློམ་སེམས་སུ་མི་བྱེད། རྣམ་པ་ཐམས་ཅད་མཁྱེན་པ་ཉིད་ཀྱིས་རློམ་སེམས་སུ་མི་བྱེད། རྣམ་པ་ཐམས་ཅད་མཁྱེན་པ་ཉིད་ཀྱི་རློམ་སེམས་སུ་མི་བྱེད། རྣམ་པ་ཐམས་ཅད་མཁྱེན་པ་ཉིད་ལ་རློམ་སེམས་སུ་མི་བྱེད་པ་དེའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཆོས་རྣམས་རྨི་ལམ་ལྟ་བུ་ནས། ཆོས་རྣམས་སྤྲུལ་པ་ལྟ་བུའི་བར་དུ་ཡོངས་སུ་ཤེས་པ་ཡིན་ཏེ། དེ་ཤེས་ནས་རྨི་ལམ་རློམ་སེམས་སུ་མི་བྱེད། རྨི་ལམ་གྱིས་རློམ་སེམས་སུ་མི་བྱེད། རྨི་ལམ་གྱི་རློམ་སེམས་སུ་མི་བྱེད། རྨི་ལམ་ལ་རློམ་སེམས་སུ་མི་བྱེད་པ་ནས། སྤྲུལ་པའི་བར་དུ་རློམ་སེམས་སུ་མི་བྱེད། སྤྲུལ་པས་རློམ་སེམས་སུ་མི་བྱེད། སྤྲུལ་པའི་རློམ་སེམས་སུ་མི་བྱེད། སྤྲུལ་པ་ལའང་རློམ་སེམས་སུ་མི་བྱེད་པ་ཡིན་ནོ། ། དེ་ནས་སངས་རྒྱས་ཀྱི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་རྒྱལ་ཆེན་བཞིའི་རིས་ཀྱི་ལྷ་རྣམས་དང ། སུམ་ཅུ་རྩ་གསུམ་པ་རྣམས་དང ། འཐབ་བྲལ་དང ། དགའ་
Kha175b
ལྡན་དང ། འཕྲུལ་དགའ་དང ། གཞན་འཕྲུལ་དབལ་བྱེད་ཀྱི་ལྷ་རྣམས་དང ། ཚངས་རིས་རྣམས་དང ། ཚངས་པའི་མདུན་ན་འདོན་རྣམས་དང ། ཚངས་འཁོར་རྣམས་དང ། ཚངས་པ་ཆེན་པོ་རྣམས་དང ། འོད་གསལ་གྱི་ལྷ་རྣམས་ནས། གནས་གཙང་མའི་བར་གྱི་ལྷ་གང་དག་ཡོད་པ་དེ་དག་ཐམས་ཅད་ཀྱིས་ལྷའི་མེ་ཏོག་དག་དང ། ལྷའི་ཙནྡན་གྱི་ཕྱེ་མ་དག་དང ། སྤོས་ཀྱི་ཕྱེ་མ་དག་བཅོམ་ལྡན་འདས་ཤཱཀྱ་ཐུབ་པ་ལ་གཏོར་ནས། བཅོམ་ལྡན་འདས་ཤཱཀྱ་ཐུབ་པ་ག་ལ་བ་དེར་ལོགས་སུ་དོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །དེ་ནས་རྒྱལ་ཆེན་བཞིའི་རིས་ཀྱི་ལྷ་དེ་དག་དང ། གནས་གཙང་མའི་བར་གྱི་ལྷ་དེ་དག་གིས་སངས་རྒྱས་ཀྱི་མཐུས་ཤར་ཕྱོགས་ན་སངས་རྒྱས་སྟོང་རྣམ་པ་འདི་དག་ཉིད་ཀྱིས་ཆོས་སྟོན་ཅིང ། མིང་འདི་ཞེས་བྱ་བ། འདི་ལྟ་སྟེ། དགེ་སློང་རབ་འབྱོར་ཅེས་བྱ་བ་ཤ་སྟག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ཡོངས་སུ་ཞུ་བར་བྱེད་ལ། དེ་ནས་ལྷའི་དབང་པོ་བརྒྱ་བྱིན་ཤ་སྟག་ཤེས་རབ་ཀྱི་ཕ་རོལ་ཏུ་ཕྱིན་པའི་ལེའུ་འདི་ཉིད་ཡོངས་སུ་ཞུ་བར་བྱེད་པ་དག་མཐོང་བར་གྱུར་ཏོ། །དེ་བཞིན་དུ་ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་དང ། འོག་གི་ཕྱོགས་དང ། སྟེང་གི་ཕྱོགས་དང ། དེ་བཞིན་དུ་ཕྱོགས་མཚམས་བཞི་པོའི་འཇིག་རྟེན་གྱི་ཁམས་ཐམས་ཅད་དུ་སངས་རྒྱས་སྟོང་སྟོང་མཐོང་བར་གྱུར་ཏེ། གོང་མ་བཞིན་དུ་སྦྱར་
Kha176a
༄#། །ཏེ། རྒྱ་ཆེར་ཐམས་ཅད་དུ་སྦྱར་བར་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། ས་ཕྱོགས་འདི་ཉིད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་སྟོན་པར་འགྱུར་རོ། །བསྐལ་པ་བཟང་པོའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱང་སོ་ཕྱོགས་འདི་ཉིད་དུ་འབྱུང་བར་འགྱུར་ཞིང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་སྟོན་པར་འགྱུར་རོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་བཅུ་དགུ་པ།་དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་སྟོན་པར་འགྱུར་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར།
Kha176b
འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། གཟུགས་རྟག་ཅེས་བྱ་བ་དང ། མི་རྟག་ཅེས་བྱ་བར་ཆོས་སྟོན་པར་མི་འགྱུར་རོ། །གཟུགས་བདེ་ཞེས་བྱ་བ་དང ། སྡུག་བསྔལ་ཞེས་བྱ་བར་ཆོས་སྟོན་པར་མི་འགྱུར་རོ། །གཟུགས་བདག་ཅེས་བྱ་བ་དང ། བདག་མེད་ཅེས་བྱ་བར་ཆོས་སྟོན་པར་མི་འགྱུར་རོ། །གཟུགས་སྟོང་ཞེས་བྱ་བ་དང ། མི་སྟོང་ཞེས་བྱ་བར་ཆོས་སྟོན་པར་མི་འགྱུར་རོ། །གཟུགས་མཚན་མ་ཡོད་ཅེས་བྱ་བ་དང ། མཚན་མ་མེད་ཅེས་བྱ་བར་ཆོས་སྟོན་པར་མི་འགྱུར་རོ། །གཟུགས་སྨོན་པ་ཡོད་ཅེས་བྱ་བ་དང ། སྨོན་པ་མེད་ཅེས་བྱ་བར་ཆོས་སྟོན་པར་མི་འགྱུར་རོ། །གཟུགས་ཞི་ཞེས་བྱ་བ་དང ། མ་ཞི་ཞེས་བྱ་བར་ཆོས་སྟོན་པར་མི་འགྱུར་རོ། །གཟུགས་དབེན་ཞེས་བྱ་བ་དང ། མི་དབེན་ཞེས་བྱ་བར་ཆོས་སྟོན་པར་མི་འགྱུར་རོ། །གཟུགས་ཀུན་ནས་ཉོན་མོངས་ཞེས་བྱ་བ་དང ། རྣམ་པར་བྱང་ཞེས་བྱ་བར་ཆོས་སྟོན་པར་མི་འགྱུར་རོ། །གཟུགས་སྐྱེ་ཞེས་བྱ་བ་དང ། འགག་ཅེས་བྱ་བར་ཆོས་སྟོན་པར་མི་འགྱུར་རོ། །གཟུགས་དངོས་པོ་ཡོད་ཅེས་བྱ་བ་དང ། དངོས་པོ་མེད་ཅེས་བྱ་བར་ཆོས་སྟོན་པར་མི་འགྱུར་རོ། ། གཟུགས་གཙང་ཞེས་བྱ་བ་དང ། མི་གཙང་ཞེས་བྱ་བར་ཆོས་སྟོན་པར་མི་འགྱུར་རོ། །གཟུགས་བཅིངས་ཞེས་བྱ་བ་དང ། གྲོལ་ཞེས་བྱ་བར་ཆོས་སྟོན་པར་མི་འགྱུར་རོ། །གཟུགས་ཇི་ལྟ་བ་
Kha177a
༄#། །བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བཅིངས་ཞེས་བྱ་བ་དང ། གྲོལ་ཞེས་བྱ་བའི་བར་དུ་ཆོས་སྟོན་པར་མི་འགྱུར་རོ། །གཟུགས་འདས་ཞེས་བྱ་བ་དང ། མ་འོངས་ཞེས་བྱ་བ་དང ། ད་ལྟར་བྱུང་ཞེས་བྱ་བར་ཆོས་སྟོན་པར་མི་འགྱུར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་འདས་ཞེས་བྱ་བ་དང ། མ་འོངས་ཞེས་བྱ་བ་དང ། ད་ལྟར་བྱུང་ཞེས་བྱ་བར་ཆོས་སྟོན་པར་མི་འགྱུར་རོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་པར་དུ་འདས་ཞེས་བྱ་བ་དང ། མ་འོངས་ཞེས་བྱ་བ་དང ། ད་ལྟར་བྱུང་ཞེས་བྱ་བར་ཆོས་སྟོན་པར་མི་འགྱུར་རོ། །དེ་བཞིན་དུ་སྦྱར་ཏེ། གཟུགས་ཤིན་ཏུ་རྣམ་པར་དག་ཅེས་བྱ་བ་དང ། ཤིན་ཏུ་རྣམ་པར་མ་དག་ཅེས་བྱ་བར་ཆོས་སྟོན་པར་མི་འགྱུར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཤིན་ཏུ་རྣམ་པར་དག་ཅེས་བྱ་བ་དང ། ཤིན་ཏུ་རྣམ་པར་མ་དག་ཅེས་བྱ་བར་ཆོས་སྟོན་པར་མི་འགྱུར་རོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཤིན་ཏུ་རྣམ་བར་དག་ཅེས་བྱ་བ་དང ། ཤིན་ཏུ་རྣམ་པར་མ་དག་ཅེས་བྱ་བར་ཆོས་སྟོན་པར་མི་འགྱུར་རོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་
Kha177b
གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཡོངས་སུ་དག་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གཟུགས་ཡོངས་སུ་དག་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་དག་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་གཟུགས་ཡོངས་སུ་དག་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ལགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་དག་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གཟུགས་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པའི་ཕྱིར། གཟུགས་ཡོངས་སུ་དག་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པའི་ཕྱིར། རྣམ་པར་ཤེས་པ་ཡོངས་སུ་དག་པ་ཡིན་ནོ། །རབ་འབྱོར། གཞན་ཡང་ནམ་མཁའ་ཡོངས་སུ་
Kha178a
༄#། །དག་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ནམ་མཁའ་ཡོངས་སུ་དག་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ནམ་མཁའ་ལ་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པའི་ཕྱིར། ནམ་མཁའ་ཡོངས་སུ་དག་པ་ཡིན་ནོ། །རབ་འབྱོར། གཞན་ཡང་གཟུགས་གོས་པ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་གོས་པ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ནམ་མཁའ་གོས་པ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ནམ་མཁའ་གཟུང་དུ་མེད་པའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །དེ་བཞིན་དུ་ནམ་མཁའ་ལ་ཐ་སྙད་གདགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །རབ་འབྱོར། དཔེར་ན། ནམ་མཁའ་
Kha178b
ལ་བྲག་ཅ་གཉིས་ཀྱི་སྒྲ་གྲག་པ་དེ་བཞིན་དུ། རབ་འབྱོར། ནམ་མཁའ་ལ་ཐ་སྙད་གདགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ནམ་མཁའ་དམིགས་སུ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ནམ་མཁའ་ལ་ཅིའང་དམིགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །རབ་འབྱོར། གཞན་ཡང་ཆོས་ཐམས་ཅད་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཆོས་ཐམས་ཅད་སྐྱེ་བ་མ་མཆིས་པ་དང ། འགག་པ་མ་མཆིས་པ་དང ། ཀུན་ནས་ཉོན་མོངས་པ་མ་མཆིས་པ་དང ། རྣམ་པར་བྱང་བ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཆོས་ཐམས་ཅད་ཤིན་ཏུ་རྣམ་པར་དག་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཡིན་ནོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རིགས་ཀྱི་བུའམ་རིགས་ཀྱི་བུ་མོ་
Kha179a
༄#། །གང་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀུན་ཆུབ་པར་བགྱིད་པ་དང ། ཀློག་པ་དང ། ཚུལ་བཞིན་དུ་ཡིད་ལ་བགྱིད་པ་དེ་ལ་ནི། བཙུན་པ་བཅོམ་ལྡན་འདས། མིག་ནད་འབྱུང་བར་མི་འགྱུར། རྣ་བའི་ནད་འབྱུང་བར་མི་འགྱུར། སྣ་ནད་འབྱུང་བར་མི་འགྱུར། ལྕེ་ནད་འབྱུང་བར་མི་འགྱུར། ཡན་ལག་མ་ཚང་བར་མི་འགྱུར། ལུས་ཧ་ཅང་འཁོགས་པར་མི་འགྱུར། གཤིས་ངན་དུ་འགུམ་པར་མི་འགྱུར་ལགས་སོ། །འདི་ལྟ་སྟེ། རྒྱལ་ཆེན་བཞིའི་རིས་ཀྱི་ལྷ་རྣམས་ནས། གནས་གཙང་མའི་བར་གྱི་ལྷ་དག་དང ། ལྷ་སྟོང་ཕྲག་མང་པོ་དག་ཀྱང་དེའི་སླད་བཞིན་དུ་འབྲང་བར་འགྱུར་ལགས་སོ། །ཚེས་བརྒྱད་དང ། ཚེས་བཅུ་བཞི་དང ། ཚེས་བཅོ་ལྔ་ལ་གང་ན་རིགས་ཀྱི་བུའམ། རིགས་ཀྱི་བུ་མོ་ཆོས་སྟོན་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཁ་ཏོན་བགྱིད་པ་དང ། འཆད་པར་ལྷའི་ཚོགས་མང་པོ་མཆི་བར་འགྱུར་ཞིང ། བསོད་ནམས་དཔག་ཏུ་མ་མཆིས་གྲངས་མ་མཆིས་ཚད་མ་མཆིས། བསམ་གྱིས་མི་ཁྱབ། གཞལ་དུ་མ་མཆིས་པ་མང་པོ་དག་ཀྱང་བསྐྱེད་པར་འགྱུར་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། རིགས་ཀྱི་བུའམ། རིགས་
Kha179b
ཀྱི་བུ་མོ་དེ་ཚེས་བརྒྱད་དང ། ཚེས་བཅུ་བཞི་དང ། ཚེས་བཅོ་ལྔ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཁ་ཏོན་དུ་བྱེད་པ་དང ། འཆད་པར་བྱེད་པ་ན་བསོད་ནམས་ཀྱི་ཕུང་པོ་དཔག་ཏུ་མེད། གྲངས་མེད། ཚད་མེད། བསམ་གྱིས་མི་ཁྱབ། གཞལ་དུ་མེད་པ་མང་པོ་དག་བསྐྱེད་པར་འགྱུར་ཞིང ། དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཁ་ཏོན་དུ་བྱེད་པ་དང ། འཆད་པར་བྱད་པ་ན་ལྷའི་འཁོར་མདུན་དུ་གནས་པར་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་རིན་པོ་ཆེ་ཡིན་པའི་ཕྱིར་ཏེ། རབ་འབྱོར། དེ་ལ་རིན་པོ་ཆེ་ནི་འདི་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་སེམས་ཅན་དམྱལ་བར་འགྲོ་བ་ལས་ཡོངས་སུ་ཐར་བར་བྱེད་པ་དང ། དུད་འགྲོའི་སྐྱེ་གནས་དང ། གཤིན་རྗེའི་འཇིག་རྟེན་ དང ། མི་དབུལ་པོ་དང ། གནོད་སྦྱིན་དབུལ་པོ་དང ། ཀླུ་དབུལ་པོ་ལས་ཡོངས་སུ་ཐར་བར་བྱེད་པ་ཡིན་ནོ། །གཞན་ཡང་རྒྱལ་རིགས་ཤིང་སཱ་ལ་ཆེན་པོ་ལྟ་བུ་རྣམས་སུ་སྦྱིན་པར་བྱེད་པ་དང ། དེ་བཞིན་དུ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་རྣམས་དང ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་རྣམས་དང ། ཚོང་དཔོན་གྱི་རིགས་ཤིང་སཱ་ལ་ཆེན་ པོ་ལྟ་བུ་རྣམས་སྦྱིན་པར་བྱེད་པ་དང ། དེ་བཞིན་དུ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེ་བ་སྦྱིན་པར་བྱེད་པ་དང ། དེ་བཞིན་དུ་སྦྱར་ཏེ། འདུ་ཤེས་མེད་འདུ་ཤེས་མེད་མིན་
Kha180a
༄#། །སྐྱེ་མ་ཆེད་ཀྱི་ལྷ་རྣམས་ཀྱི་ནང་དུ་སྐྱེ་བ་སྦྱིན་པར་བྱེད་པ་དང ། དེ་བཞིན་དུ་རྒྱུན་དུ་ཞུགས་པའི་འབྲས་བུ་སྦྱིན་པར་བྱེད་པ་དང ། དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྦྱིན་པར་བྱེད་པ་ཡིན་ནོ། ། དེ་ཅིའི་ཕྱིར་ཞེ་ན། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་འདིར་དགེ་བ་བཅུའི་ལས་ཀྱི་ལམ་རྣམས་རྒྱ་ཆེར་བསྟན་ཏེ། དེ་ལ་བསླབས་ནས་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དག་འཇིག་རྟེན་ན་ཡོད་པ་དང ། དེ་བཞིན་དུ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་དང ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་དག་དང ། ཚོང་དཔོན་གྱི་རིགས་ཤིང་སཱ་ལ་ཆེན་པོ་ལྟ་བུ་དག་དང ། དེ་བཞིན་དུ་རྒྱལ་ཆེན་བཞིའི་རིས་ཀྱི་ལྷ་རྣམས་ཡོད་པ་ནས། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་བར་དག་འཇིག་རྟེན་ན་ཡོད་པ་དང ། དེ་བཞིན་དུ་ཚངས་རིས་ཀྱི་ལྷ་རྣམས་དང ། ཚངས་པའི་མདུན་ན་འདོན་རྣམས་དང ། ཚངས་འཁོར་རྣམས་དང ། ཚངས་པ་ཆེན་པོ་རྣམས་དང ། འོད་ཆེན་རྣམས་དང ། །འོད་ཆུང་རྣམས་དང ། ཚད་མེད་འོད་རྣམས་དང ། འོད་གསལ་རྣམས་དང ། དགེ་བ་རྣམས་དང ། དགེ་ཆུང་རྣམས་དང ། ཚད་མེད་དགེ་རྣམས་དང ། དགེ་རྒྱས་རྣམས་དང ། འདུ་ཤེས་
Kha180b
མེད་འདུ་ཤེས་མེད་མིན་སྐྱེ་མཆེད་ཀྱི་བར་གྱི་ལྷ་རྣམས་འཇིག་རྟེན་ན་ཡོད་པ་དང ། དེ་བཞིན་དུ་རྒྱུན་དུ་ཞུགས་པའི་འབྲས་བུ་ཡོད་པ་དང ། དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཇིག་རྟེན་ན་ཡོད་པར་འགྱུར་བ་དང ། རབ་འབྱོར། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལ་ནི་བསམ་གཏན་བཞི་བསྟན་པ་ཡོད་པ་དང ། དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དུ་བསྟན་པ་ཡོད་པ་དང ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་བསྟན་པ་ཡོད་པ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་ཡོད་པས་དེ་བཞིན་དུ་ནང་སྟོང་པ་ཉིད་བསྟན་པ་ཡོད་པ་དང ། ཕྱི་སྟོང་པ་ཉིད་བསྟན་པ་ཡོད་པ་དང ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་བསྟན་པ་ཡོད་པ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་བསྟན་པ་ཡོད་པ་དང ། གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་བསྟན་པ་ཡོད་དེ། དེ་ལ་བསླབས་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་ན་
Kha181a
༄#། །ཡོད་པའི་ཕྱིར་ཏེ། དེས་ན། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་རིན་པོ་ཆེའི་ཕ་རོལ་ཏུ་ཕྱིན་པ་ཞེས་བྱའོ། །རིན་པོ་ཆེའི་ཕ་རོལ་ཏུ་ཕྱིན་པ་འདི་ལ་ནི་སྐྱེ་བའམ། འགག་པའམ། ཀུན་ནས་ཉོན་མོངས་པའམ། རྣམ་པར་བྱང་བའམ། ཡོངས་སུ་གཟུང་བར་བྱ་བའམ། གཏང་བར་བྱ་བའི་ཆོས་གང་ཡང་མེད་དོ། །དེ་ཅིའི་ཕྱིར་ཞེ་ན། འདི་ལྟར་ཆོས་གང་ཡང་སྐྱེ་བའམ། འགག་པའམ། ཀུན་ནས་ཉོན་མོངས་པའམ། རྣམ་པར་བྱང་བའམ། ཡོངས་སུ་གཟུང་བར་བྱ་བའམ། གཏང་བར་བྱ་བ་དེ་མེད་པའི་ཕྱིར་རོ། །རབ་འབྱོར། རིན་པོ་ཆེའི་ཕ་རོལ་ཏུ་ཕྱིན་པ་འདི་ལ་ནི་དགེ་བའམ། མི་དགེ་བའམ། ལུང་བསྟན་དུ་ཡོད་པའམ། ལུང་བསྟན་དུ་མེད་པའམ། འཇིག་རྟེན་པའམ། འཇིག་རྟེན་ལས་འདས་པའམ། ཟག་པ་དང་བཅས་པའམ། ཟག་པ་མེད་པའམ། འདུས་བྱས་སམ། འདུས་མ་བྱས་ཀྱི་ཆོས་གང་ཡང་དམིགས་སུ་མེད་དེ། རབ་འབྱོར། རྣམ་གྲངས་དེས་ན་རིན་པོ་ཆེའི་ཕ་རོལ་ཏུ་ཕྱིན་པ་འདི་ནི་དམིགས་སུ་མེད་པ་ཡིན་ནོ། །རབ་འབྱོར། རིན་པོ་ཆེའི་ཕ་རོལ་ཏུ་ཕྱིན་པ་འདི་ནི་ཆོས་གང་གིས་ཀྱང་གོས་པ་མེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གང་དག་གིས་རིན་པོ་ཆེའི་ཕ་རོལ་ཏུ་ཕྱིན་པ་གོས་པར་འགྱུར་བའི་ཆོས་དམིགས་སུ་མེད་པའི་ཕྱིར་རོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་
Kha181b
ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དེ་ལྟར་ཡང་ཀུན་ཏུ་མི་འཛིན་ཅིང ། དེ་ལྟར་ཡང་རྣམ་པར་རྟོག་པར་མི་བྱེད་ལ། དེ་ལྟར་ཡང་སྤྲོས་པར་མི་བྱེད་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ཏེ། སངས་རྒྱས་བཅོམ་ལྡན་འདས་རྣམས་ལ་བཀུར་སྟི་དང ། རི་མོ་དང ། མཆོད་པ་བྱེད་དུ་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་ཞིང ། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བ་ན། སེམས་ཅན་འབུམ་དག་ཀྱང་ཡོངས་སུ་སྨིན་པར་བྱེད་ལ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་པར་འགྱུར་རོ། །རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཆོས་གང་ཡང་སྟོན་པར་བྱེད་པའམ། མི་སྟོན་པར་བྱེད་པའམ། འཛིན་པར་བྱེད་པའམ། སྦྱིན་པར་བྱེད་པའམ། སྐྱེ་བར་བྱེད་པའམ། འགག་པར་བྱེད་པའམ། ཀུན་ནས་ཉོན་མོངས་པར་བྱེད་པའམ། རྣམ་པར་བྱང་བར་བྱེད་པའམ། འགྲིབ་པའམ། འཕེལ་བར་བྱེད་པར་འགྱུར་བ་མ་ཡིན་ནོ། །འདས་པའང་མ་ཡིན། མ་འོངས་པ་དང ། ད་ལྟར་བྱུང་བའང་མ་ཡིན་ནོ། །རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་དེ་ནི། འདོད་པའི་ཁམས་ནས་འགྲོ་བར་བྱེད་པ་མ་ཡིན། འདོད་པའི་ཁམས་སུ་འཇོག་པར་བྱེད་པ་མ་ཡིན་ནོ། །གཟུགས་ཀྱི་ཁམས་ནས་འགྲོ་བར་བྱེད་པ་མ་ཡིན། གཟུགས་ཀྱི་ཁམས་སུ་འཇོག་པར་བྱེད་པ་མ་ཡིན་ནོ། །གཟུགས་མེད་པའི་ཁམས་ནས་འགྲོ་བར་བྱེད་པ་མ་ཡིན།
Kha182a
༄#། །གཟུགས་མེད་པའི་ཁམས་སུ་འཇོག་པར་བྱེད་པ་མ་ཡིན་ནོ། །སྦྱིན་པའི་ཕ་རོལ་ཏུ་ཕྱིན་པ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། བཟོད་པའི་ཕ་རོལ་ཏུ་ཕྱིན་པ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། བསམ་གཏན་གྱི་ཕ་རོལ་ཏུ་ཕྱིན་པ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན་ནོ།། ནང་སྟོང་པ་ཉིད་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན་ནོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། རྒྱུན་དུ་ཞུགས་པའི་འབྲས་བུ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན་ནོ། །དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། རང་བྱང་ཆུབ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། བྱང་ཆུབ་སེམས་དཔའི་སྐྱོན་མེད་པ་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། རྣམ་པ་ཐམས་ཅད་མཁྱེན་པ་ཉིད་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན་ནོ། །རབ་
Kha182b
འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་དེ་ནི་སོ་སོའི་སྐྱེ་བོའི་ཆོས་རྣམས་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན་ནོ། །རྒྱུན་དུ་ཞུགས་པའི་ཆོས་རྣམས་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། དགྲ་བཅོམ་པའི་བར་གྱི་ཆོས་རྣམས་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། བྱང་ཆུབ་སེམས་དཔའི་ཆོས་རྣམས་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན། ཡང་དག་པར་རྫོགས་པའི་སངས་རྒྱས་ཀྱི་ཆོས་རྣམས་སྦྱིན་པར་བྱེད་པ་མ་ཡིན། འདོར་བར་བྱེད་པ་མ་ཡིན་ནོ། །རབ་འབྱོར། ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་འདུས་བྱས་ཀྱི་ཁམས་འདོར་བར་བྱེད་པ་མ་ཡིན། འདུས་མ་བྱས་ཀྱི་ཁམས་སྦྱིན་པར་བྱེད་པ་མ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དེ་བཞིན་གཤེགས་པ་རྣམས་བྱུང་ཡང་རུང ། དེ་བཞིན་གཤེགས་པ་རྣམས་མ་བྱུང་ཡང་རུང་སྟེ། ཆོས་རྣམས་ཀྱི་ཆོས་གནས་པ་ཉིད་དང ། ཆོས་ཀྱི་དབྱིངས་ནི་གནས་པ་ཉིད་ཡིན་པའི་ཕྱིར་རོ། ། ཡང་ཆོས་ཀྱི་དབྱིངས་དེ་ནི་བརྗེད་ངས་པ་མེད་པ་དང ། ཡོངས་སུ་མི་ཉམས་པར་འགྱུར་བར་བྱེད་པ་ཡིན་ནོ། །དེ་ནས་ལྷའི་བུ་སྟོང་ཕྲག་མང་པོ་དག་ནམ་མཁའི་དཀྱིལ་ན་འཁོད་ཅིང་ག་ཞའི་སྒྲ་རིང་ཞེས་བཏོན་ནས། ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དག་གཏོར་ཏེ། ཚིག་འདི་སྐད་ཅེས་ཨ་ལ་ལ་ཛམྦུ་གླིང་དུ་ཆོས་ཀྱི་འཁོར་
Kha183a
༄#། །ལོ་ལན་གཉིས་པ་བསྐོར་བ་མཐོང་ངོ ། །ཞེས་འཇེར་ཏོ། །དེར་ལྷའི་བུ་སྟོང་ཕྲག་དུ་མ་དག་གིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་བཀའ་སྩལ་པ། རབ་འབྱོར། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་ཕྱིར་ཛམྦུའི་གླིང་དུ་ཆོས་ཀྱི་འཁོར་ལོ་བསྐོར་བ་འདི་ནི་དང་པོ་མ་ཡིན་ནོ། །གཉིས་པ་མ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཆོས་གང་ཡང་བསྐོར་བར་བྱ་བའི་ཕྱིར་རམ། ལྡོག་པར་བྱ་བའི་ཕྱིར་ཉེ་བར་གནས་པ་མ་ཡིན་ནོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཆོས་གང་ཡང་བསྐོར་བར་བགྱི་བའམ། ལྡོག་པར་བགྱི་བའི་སླད་དུ་ཉེ་བར་གནས་པ་མ་ལགས་པའི་དངོས་པོ་མ་མཆིས་པའི་ངོ་བོ་ཉིད་སྟོང་པ་ཉིད་དེ་དག་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པས་སྟོང་ངོ ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པའི་བར་ནི། སྦྱིན་པའི་ཕ་རོལ་ཏུ་ཕྱིན་པས་སྟོང ། དེ་བཞིན་དུ་ནང་སྟོང་པ་ཉིད་ནི་ནང་སྟོང་པ་ཉིད་ཀྱིས་སྟོང ། ཕྱི་སྟོང་པ་ཉིད་ནི་ཕྱི་སྟོང་པ་ཉིད་ཀྱིས་སྟོང ། ཕྱི་ནང་སྟོང་པ་ཉིད་ནི་ཕྱི་ནང་སྟོང་པ་
Kha183b
ཉིད་ཀྱིས་སྟོང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱིས་སྟོང ། དྲན་པ་ཉེ་བར་བཞག་པ་རྣམས་ནི་དྲན་པ་ཉེ་བར་བཞག་པ་རྣམས་ཀྱིས་སྟོང ། འཕགས་པའི་ལམ་ཡན་ལག་བརྒྱད་པའི་བར་ནི་འཕགས་པའི་ལམ་ཡན་ལག་བརྒྱད་པས་སྟོང ། དེ་བཞིན་གཤེགས་པའི་སྟོབས་བཅུ་ནི་དེ་བཞིན་གཤེགས་པའི་སྟོབས་བཅུས་སྟོང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱིས་སྟོང ། སོ་སོའི་སྐྱེ་བོ་ནི་སོ་སོའི་སྐྱེ་བོས་སྟོང ། རྒྱུན་དུ་ཞུགས་པའི་འབྲས་བུ་ནི་རྒྱུན་དུ་ཞུགས་པའི་འབྲས་བུས་སྟོང ། ལན་གཅིག་ཕྱིར་འོང་བའི་འབྲས་བུ་ནི་ལན་གཅིག་ཕྱིར་འོང་བའི་འབྲས་བུས་སྟོང ། ཕྱིར་མི་འོང་བའི་འབྲས་བུ་ནི་ཕྱིར་མི་འོང་བའི་འབྲས་བུས་སྟོང ། དགྲ་བཅོམ་པ་ཉིད་ནི་དགྲ་བཅོམ་པ་ཉིད་ཀྱིས་སྟོང ། རང་བྱང་ཆུབ་ནི་རང་བྱང་ཆུབ་ཀྱིས་སྟོང ། བྱང་ཆུབ་སེམས་དཔའི་ངོ་བོ་ཉིད་ནི་བྱང་ཆུབ་སེམས་དཔའི་ངོ་བོ་ཉིད་ཀྱིས་སྟོང ། རྣམ་པ་ཐམས་ཅད་མཁྱེན་པ་ཉིད་ནི་རྣམ་པ་ཐམས་ཅད་མཁྱེན་པ་ཉིད་ཀྱིས་སྟོང་ངོ ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལྟ་སྟེ། བྱང་ཆུབ་སེམས་དཔའ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་ཆེན་པོ་ལགས་ཏེ། ཆོས་ཐམས་ཅད་
Kha184a
༄#། །ངོ་བོ་ཉིད་ཀྱིས་སྟོང་པའང་ཆོས་ཐམས་ཅད་ཀྱིས་སྟོང་ལ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བརྟེན་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ཞིང ། ཆོས་ཀྱི་འཁོར་ལོ་བསྐོར་བར་བགྱིད་ཀྱང་སྐོར་བར་བགྱིད་པའམ། ལྡོག་པར་བགྱིད་པའི་ཆོས་གང་ཡང་མ་མཆིས་ཏེ། ཆོས་གང་གིས་ཀྱང་ཆོས་ཡང་དག་པར་རྗེས་སུ་མཐོང་བའམ། སྐོར་བར་བགྱིད་པ་མ་མཆིས་ལགས་སོ། །དེ་ཅིའི་སླད་དུ་ཞེ་ན། འདི་ལྟར་སྟོང་པ་ཉིད་ལ་ཆོས་གང་ཡང་སྐོར་བར་བགྱིད་པའམ། ལྡོག་པར་བགྱིད་པའི་ཆོས་ནི་འགའ་ཡང་དམིགས་སུ་མ་མཆིས་པའི་སླད་དུའོ། །དེ་ཅིའི་སླད་དུ་ཞེ་ན། འདི་ལྟར་ཆོས་ཐམས་ཅད་གཏན་མངོན་པར་མ་གྲུབ་པའི་སླད་དུའོ། །དེ་ཅིའི་སླད་དུ་ཞེ་ན། འདི་ལྟར་སྟོང་པ་ཉིད་ནི་ཆོས་གང་ཡང་སྐོར་བར་བགྱིད་པའམ། ལྡོག་པར་བགྱིད་པ་མ་ལགས། མཚན་མ་མ་མཆིས་པ་ནི་ཆོས་གང་ཡང་སྐོར་བར་བགྱིད་པའམ། ལྡོག་པར་བགྱིད་པ་མ་ལགས། སྨོན་པ་མ་མཆིས་པ་ནི་ཆོས་གང་ཡང་སྐོར་བར་བགྱིད་པའམ། ལྡོག་པར་བགྱིད་པ་མ་ལགས་པའི་སླད་དུ་སྟེ། གང་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་བརྗོད་པ་དང ། འཆད་པ་དང ། འདོགས་པ་དང ། འཇོག་པ་དང ། རྣམ་པར་འབྱེད་པ་དང ། རྣམ་པར་
Kha184b
འགྲེལ་བ་དང ། གསལ་བར་བགྱིད་པ་དང ། འཇུག་པར་བགྱིད་པ་དང ། འཆད་པར་བགྱིད་པ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་བཤད་པ་ཡོངས་སུ་དག་པ་ལགས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་བཤད་པ་འདི་ནི་སུས་ཀྱང་བཤད་པ་མ་མཆིས་ལ་བསྟན་པའང་མ་མཆིས་ཏེ། སུས་ཀྱང་དྲིས་པའང་མ་མཆིས། སུས་ཀྱང་མངོན་སུམ་དུ་བགྱིད་པའང་མ་མཆིས་ལགས་སོ། །དེ་ལ་ནི་གང་ཡང་མྱ་ངན་ལས་འདས་པ་མ་མཆིས་ཏེ། ཆོས་བསྟན་པ་འདི་ལ་ནི་ཡོན་གནས་སུ་བགྱི་བ་གང་ཡང་མ་མཆིས་ལགས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། བྱེད་པ་པོ་དང ། བྱེད་པ་པོ་མེད་པའི་ལེའུ་ཞེས་བྱ་སྟེ་བཅུ་དགུ་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་མཐའ་ཡས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ནམ་མཁའ་མཐའ་ཡས་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མཉམ་པ་ཉིད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་ཐམས་ཅད་མཉམ་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་དབེན་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མཐའ་
Kha185a
༄#། །ལས་འདས་པ་སྟོང་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རྫི་བ་མ་མཆིས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་ཐམས་ཅད་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མ་མཆིས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མིང་མེད་པ་དང ། ལུས་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ནམ་མཁའ་ལྟ་བུ་ལགས་སོ། །བཀའ་སྩལ་པ། དབུགས་དབྱུང་བ་དང ། རྡུབ་པ་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་བརྗོད་དུ་མ་མཆིས་པ་ལགས་སོ། །བཀའ་སྩལ་པ། རྟོག་པ་དང ། དཔྱོད་པ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མིང་མ་མཆིས་པ་ལགས་སོ། །བཀའ་སྩལ་པ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་ཕུང་པོ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མཆི་བ་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་ནི་འོང་བ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མི་འཕྲོགས་པ་ལགས་སོ། །བཀའ་སྩལ་པ། ཆོས་ཐམས་
Kha185b
ཅད་ནི་གཟུང་དུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མི་པས་པ་ལགས་སོ། །བཀའ་སྩལ་པ། ཆོས་ཐམས་ཅད་གཏན་ཟད་ཅིང་བྱང་བའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྐྱེ་བ་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་འགག་པ་མེད་པ་དང ། སྐྱེ་བ་མེད་པའི་ཕྱིར་རོ། ། བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་བྱེད་པ་པོ་མ་མཆིས་པ་ལགས་སོ། །བཀའ་སྩལ་པ། བྱེད་པ་པོ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཤེས་པ་པོ་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་བེམས་པོ་ཉིད་ཡིན་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་འཕོ་བ་མ་མཆིས་པ་ལགས་སོ། །བཀའ་སྩལ་པ། འཆི་འཕོ་བ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་འཇིག་པ་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་འཇིག་པ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རྨི་ལམ་ལྟ་བུ་ལགས་སོ། །བཀའ་སྩལ་པ། རྨི་ལམ་མཐོང་བ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་བྲག་ཅ་ལྟ་བུ་ལགས་སོ། །བཀའ་སྩལ་པ། སྒྲ་དང་རྣ་བ་དམིགས་སུ་མེད་
Kha186a
༄#། །པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མིག་ཡོར་ལྟ་བུ་ལགས་སོ། །བཀའ་སྩལ་པ། མི་ལོང་དང་བཞིན་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྨིག་རྒྱུ་ལྟ་བུ་ལགས་སོ། །བཀའ་སྩལ་པ། ཆུ་འབབ་པ་དམིགས་སུ་མེད་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྒྱུ་མ་ལྟ་བུ་ལགས་སོ། །བཀའ་སྩལ་པ། དངོས་པོ་མེད་པ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཀུན་ནས་ཉོན་མོངས་པ་མ་མཆིས་པ་ལགས་སོ། །བཀའ་སྩལ་པ། ཉོན་མོངས་པ་ཐམས་ཅད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རྣམ་པར་བྱང་བ་མ་མཆིས་པ་ལགས་སོ། །བཀའ་སྩལ་པ། ཉོན་མོངས་པ་ཐམས་ཅད་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་གོས་པ་མ་མཆིས་པ་ལགས་སོ། །བཀའ་སྩལ་པ། གོས་པ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྤྲོས་པ་མ་མཆིས་པ་ལགས་སོ། །བཀའ་སྩལ་པ། སྤྲོས་པ་ཐམས་ཅད་ཡང་དག་པར་བཅོམ་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རློམ་སེམས་མ་
Kha186b
མཆིས་པ་ལགས་སོ། །བཀའ་སྩལ་པ། རློམ་སེམས་ཐམས་ཅད་ཡང་དག་པར་བཅོམ་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་གཡོ་བ་མ་མཆིས་པ་ལགས་སོ། །བཀའ་སྩལ་པ། ཆོས་ཀྱི་དབྱིངས་གནས་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་འདོད་ཆགས་དང་བྲལ་བ་ལགས་སོ། །བཀའ་སྩལ་པ།་ཆོས་ཐམས་ཅད་ཕྱིན་ཅི་མ་ལོག་པར་རྟོགས་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཀུན་ནས་ལྡང་བ་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་རྣམ་པར་རྟོག་པ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཞི་བ་ལགས་སོ། །བཀའ་སྩལ་པ། ཆོས་ཐམས་ཅད་ཀྱི་མཚན་མ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་འདོད་ཆགས་མ་མཆིས་པ་ལགས་སོ། །བཀའ་སྩལ་པ། འདོད་ཆགས་དམིགས་སུ་མེད་པའི་ཕྱིར་རོ། ། བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཞེ་སྡང་མ་མཆིས་པ་ལགས་སོ། །བཀའ་སྩལ་པ། ཞེ་སྡང་ཡོད་པ་མ་ཡིན་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་གཏི་མུག་མ་མཆིས་པ་ལགས་སོ། །བཀའ་སྩལ་པ། མི་ཤེས་པའི་མུན་པ་ཐམས་ཅད་རྣམ་པར་སེལ་བའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་
Kha187a
༄#། །ཏུ་ཕྱིན་པ་འདི་ནི་ཉོན་མོངས་པ་མ་མཆིས་པ་ལགས་སོ། །བཀའ་སྩལ་པ། ཀུན་ཏུ་རྟོག་པ་ཡོད་པ་མ་ཡིན་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སེམས་ཅན་མ་མཆིས་པ་ལགས་སོ། །བཀའ་སྩལ་པ། སེམས་ཅན་ཡོད་པ་མ་ཡིན་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྤང་དུ་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་ཀུན་ནས་ལྡང་བ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མཐའ་གཉིས་དམིགས་སུ་མ་མཆིས་པ་ལགས་སོ། །བཀའ་སྩལ་པ། མཐའ་གཉིས་རྣམ་པར་སྤངས་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཐ་མི་དད་པ་ལགས་སོ། །བཀའ་སྩལ་པ། ཆོས་ཐམས་ཅད་འབྲེལ་བ་མེད་པའི་ཕྱིར་ཏེ། བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ནག་ནོག་མ་མཆིས་པ་ལགས་སོ། ། བཀའ་སྩལ་པ། ཉན་ཐོས་དང ། རང་སངས་རྒྱས་ཀྱིས་ཐམས་ཅད་ལས་ཡང་དག་པར་འདས་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རྣམ་པར་མི་རྟོག་པ་ལགས་སོ། །བཀའ་སྩལ་པ། རྣམ་པར་རྟོག་པ་ཐམས་ཅད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཚད་མ་
Kha187b
མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་ཀྱི་ཚད་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཆགས་པ་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་ཆགས་པ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མི་རྟག་པ་ལགས་སོ། །བཀའ་སྩལ་པ། ཆོས་ཐམས་ཅད་འཇིག་པ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྡུག་བསྔལ་བ་ལགས་སོ། །བཀའ་སྩལ་པ། ཆོས་ཐམས་ཅད་སྐྱོ་བ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་བདག་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་ལ་མངོན་པར་ཞེན་པ་མེད་པའི་ཕྱིར་རོ། ། བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྟོང་པ་ཉིད་ལགས་སོ། །བཀའ་སྩལ་པ། ཆོས་ཐམས་ཅད་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མཚན་ཉིད་མ་མཆིས་པ་ལགས་སོ། །བཀའ་སྩལ་པ། ཆོས་ཐམས་ཅད་ལྡོག་པ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ནང་སྟོང་པ་ཉིད་ལགས་སོ། །བཀའ་སྩལ་པ། ནང་གི་ཆོས་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཕྱི་སྟོང་པ་ཉིད་ལགས་སོ། །བཀའ་
Kha188a
༄#། །སྩལ་པ། ཕྱིའི་ཆོས་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཕྱི་ནང་སྟོང་པ་ཉིད་ལགས་སོ། །བཀའ་སྩལ་པ། ཕྱི་ནང་གི་ཆོས་རྣམས་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྟོང་པ་ཉིད་སྟོང་པ་ཉིད་ལགས་སོ། །བཀའ་སྩལ་པ།་སྟོང་པ་ཉིད་སྟོང་པ་ཉིད་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཆེན་པོ་སྟོང་པ་ཉིད་ལགས་སོ། །བཀའ་སྩལ་པ། ཆོས་ཐམས་ཅད་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་དོན་དམ་པ་སྟོང་པ་ཉིད་ལགས་སོ། །བཀའ་སྩལ་པ། དོན་དམ་པ་སྟོང་པ་ཉིད་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་འདུས་མ་བྱས་སྟོང་པ་ཉིད་ལགས་སོ། །བཀའ་སྩལ་པ། འདུས་མ་བྱས་སྟོང་པ་ཉིད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་འདུས་མ་བྱས་སྟོང་པ་ཉིད་ལགས་སོ། །བཀའ་སྩལ་པ། འདུས་མ་བྱས་སྟོང་པ་ཉིད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མཐའ་ལས་འདས་པ་སྟོང་པ་ཉིད་ལགས་སོ། །བཀའ་སྩལ་པ། མཐའ་
Kha188b
ལས་འདས་པ་སྟོང་པ་ཉིད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཐོག་མ་དང་ཐ་མ་མེད་པ་སྟོང་པ་ཉིད་ལགས་སོ། །བཀའ་སྩལ་པ ། ཐོག་མ་དང་ཐ་མ་མེད་པ་སྟོང་པ་ཉིད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་དོར་བ་མ་མཆིས་པ་སྟོང་པ་ཉིད་ལགས་སོ། །བཀའ་སྩལ་པ། དོར་བ་མེད་པ་སྟོང་པ་ཉིད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རང་བཞིན་སྟོང་པ་ཉིད་ལགས་སོ། །བཀའ་སྩལ་པ། འདུས་མ་བྱས་ཀྱི་ཆོས་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཆོས་ཐམས་ཅད་སྟོང་པ་ཉིད་ལགས་སོ། །བཀའ་སྩལ་པ། ནང་དང་ཕྱིའི་ཆོས་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རང་གི་མཚན་ཉིད་སྟོང་པ་ཉིད་ལགས་སོ། །བཀའ་སྩལ་པ། རང་གི་མཚན་ཉིད་སྟོང་པ་ཉིད་ཀྱི་ཆོས་རྣམས་དབེན་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ལགས་སོ། །བཀའ་སྩལ་པ། དངོས་པོ་མེད་པའི་ངོ་བོ་ཉིད་སྟོང་པ་ཉིད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་དྲན་པ་ཉེ་བར་བཞག་པ་ལགས་སོ། །བཀའ་སྩལ་པ། ལུས་
Kha189a
༄#། །དང ། ཚོར་བ་དང ། སེམས་དང ། ཆོས་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཡང་དག་པའི་སྤོང་བ་ལགས་སོ། ། བཀའ་སྩལ་པ། དགེ་བ་དང་མི་དགེ་བའི་ཆོས་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རྫུ་འཕྲུལ་གྱི་རྐང་པ་ལགས་སོ། །བཀའ་སྩལ་པ། རྫུ་འཕྲུལ་གྱི་རྐང་པ་བཞི་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་དབང་པོ་ལགས་སོ། །བཀའ་སྩལ་པ། དབང་པོ་ལྔ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྟོབས་ལགས་སོ། །བཀའ་སྩལ་པ། སྟོབས་ལྔ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་བྱང་ཆུབ་ཀྱི་ཡན་ལག་ལགས་སོ། །བཀའ་སྩལ་པ། བྱང་ཆུབ་ཀྱི་ཡན་ལག་བདུན་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་འཕགས་པའི་ལམ་ལགས་སོ། །བཀའ་སྩལ་པ། འཕགས་པའི་ལམ་ཡན་ལག་བརྒྱད་པ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྟོང་པ་ལགས་སོ། །བཀའ་སྩལ་པ། སྟོང་པའི་རྣམ་པ་དང ། དབེན་པའི་རྣམ་པ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་
Kha189b
འདི་ནི་མཚན་མ་མ་མཆིས་པ་ལགས་སོ། །བཀའ་སྩལ་པ། ཞི་བའི་རྣམ་པ་ཉིད་ཡིན་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྨོན་པ་མ་མཆིས་པ་ལགས་སོ། ། བཀའ་སྩལ་པ། སྨོན་ལམ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རྣམ་པར་ཐར་པ་ལགས་སོ། །བཀའ་སྩལ་པ། རྣམ་པར་ཐར་པ་བརྒྱད་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྙོམས་པར་འཇུག་པ་ལགས་སོ། །བཀའ་སྩལ་པ། མཐར་གྱིས་གནས་པའི་སྙོམས་པར་འཇུག་པ་དགུ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྦྱིན་པ་ལགས་སོ། །བཀའ་སྩལ་པ། སེར་སྣ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཚུལ་ཁྲིམས་ལགས་སོ། །བཀའ་སྩལ་པ། འཆལ་པའི་ཚུལ་ཁྲིམས་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་བཟོད་པ་ལགས་སོ། །བཀའ་སྩལ་པ། གནོད་སེམས་དང ། བཟོད་པ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་བརྩོན་འགྲུས་ལགས་སོ། །བཀའ་སྩལ་པ། ལེ་ལོ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་བསམ་གཏན་ལགས་སོ། །
Kha190a
༄#། །བཀའ་སྩལ་པ། རྣམ་པར་གཡེངས་པའི་སེམས་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཤེས་རབ་ལགས་སོ། བཀའ་སྩལ་པ། འཆལ་པའི་ཤེས་རབ་དམིགས་སུ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྟོབས་བཅུ་ལགས་སོ། །བཀའ་སྩལ་པ། ཆོས་ཐམས་ཅད་ཀྱིས་མི་བརྫི་བའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་མི་འཇིགས་པ་བཞི་ལགས་སོ། །བཀའ་སྩལ་པ། ཆོས་ཐམས་ཅད་ཀྱིས་རྫི་བ་མེད་པའི་ཕྱིར་དང ། ལམ་གྱི་རྣམ་པ་ཤེས་པ་དེ་ལ་ཞུམ་པ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སོ་སོ་ཡང་དག་པར་རིག་པ་ལགས་སོ། །བཀའ་སྩལ་པ། ཤེས་པ་ཐམས་ཅད་ལ་ཆགས་པ་མེད་ཅིང་ཐོགས་པ་མེད་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སྙིང་རྗེ་ཆེན་པོ་ལགས་སོ། །བཀའ་སྩལ་པ།་སེམས་ཅན་ཐམས་ཅད་ཡོངས་སུ་མ་བཏང་བ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལགས་སོ། །བཀའ་སྩལ་པ། ཉན་ཐོས་དང ། རང་སངས་རྒྱས་ཀྱི་ཆོས་ཐམས་ཅད་ལས་ཡང་དག་པར་འདས་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་
Kha190b
དེ་བཞིན་གཤེགས་པ་ལགས་སོ། །བཀའ་སྩལ་པ། སྐད་ཐམས་ཅད་དུ་དེ་བཞིན་དུ་གསུང་བའི་ཆོས་ཉིད་ཡིན་པའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་རང་བྱུང་ལགས་སོ། །བཀའ་སྩལ་པ། ཆོས་ཐམས་ཅད་ལ་དབང་སྒྱུར་བའི་ཕྱིར་རོ། །བཙུན་པ་བཅོམ་ལྡན་འདས། ཕ་རོལ་ཏུ་ཕྱིན་པ་འདི་ནི་ཡང་དག་པར་རྫོགས་པའི་སངས་རྒྱས་ལགས་སོ། །བཀའ་སྩལ་པ། ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་སངས་རྒྱས་པའི་ཕྱིར་རོ། །དེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་འདོད་པ་ན་སྤྱོད་པའི་ལྷ་རྣམས་དང ། གཟུགས་ན་སྤྱོད་པའི་ལྷ་གང་དག་ཇི་སྙེད་ཡོད་པ་དེ་དག་ཐམས་ཅད་ལྷའི་མེ་ཏོག་དང ། སྤོས་དང ། རྒྱ་སྤོས་དང ། སྤྲི་ཀ་དང ། ་ཀ་རུ་ནག་པོའི་ཕྱེ་མ་དག་འཐོར་ཞིང ། བཅོམ་ལྡན་འདས་ག་ལ་བ་དེ་ལོགས་སུ་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བཙལ་ནས། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་ཀྱང་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བཤད་པ་ལགས་ན། བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིའི་མཚན་ཉིད་ཇི་ལྟ་བུ་ལགས། དེ་སྐད་
Kha191a
༄#། །སྐད་དུ་ནམ་མཁའི་མཚན་ཉིད་ཇི་ལྟ་བུ་ཡིན་ཞེས་ཟེར་ན། ཅི་ཁྱེད་དེ་ལ་ཡང་དག་པར་སྨྲ་བས་ཡང་དག་པར་སྨྲ་སྙམ་མམ། གསོལ་པ། བཅོམ་ལྡན་འདས། ནམ་མཁའ་མཚན་ཉིད་ལགས་སོ་ཞེས་ཡང་དག་པར་མི་སྨྲ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། ནམ་མཁའ་ནི་འདུས་མ་བགྱིས་ལགས་པའི་སླད་དུ་མཚན་ཉིད་གང་དང་ཡང་ལྡན་པའང་མ་ལགས། མི་ལྡན་པའང་མ་ལགས་ཏེ། མ་མཆིས་ཤིང་དམིགས་སུ་མ་མཆིས་པའི་སླད་དུའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷ་དག་།དེ་བཞིན་གཤེགས་པ་རྣམས་བྱུང་ཡང་རུང ། དེ་བཞིན་གཤེགས་པ་རྣམས་མ་བྱུང་ཡང་རུང་སྟེ། ཆོས་ཀྱི་མཚན་ཉིད་ཀྱི་དབྱིངས་ནི་གནས་པ་ཉིད་ཡིན་ཏེ། དེའང་དེ་བཞིན་གཤེགས་པས་ཡང་དག་པ་ཇི་ལྟ་བ་བཞིན་དུ་མངོན་པར་རྫོགས་པར་སངས་རྒྱས་པས་དེའི་ཕྱིར་དེ་བཞིན་གཤེགས་པ་ཞེས་བྱའོ། །དེ་སྐད་ཅེས་བཀའ་སྩལ་པ་དང ། ལྷ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། མཚན་ཉིད་གང་དག་མངོན་པར་རྫོགས་པར་སངས་རྒྱས་པས། ཆོས་རྣམས་ལ་དེ་བཞིན་གཤེགས་པའི་ཡེ་ཤེས་ཆགས་
Kha191b
པ་མ་མཆིས་པ་གཟིགས་པ་འཇུག་པ་དང ། དེ་བཞིན་གཤེགས་པས་མཚན་ཉིད་གང་ལ་གནས་ནས། ཆགས་པ་ཐམས་ཅད་ལས་འདས་པའི་མཚན་ཉིད་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་མངོན་པར་རྫོགས་པར་སངས་རྒྱས་ཤིང ། དེ་བཞིན་གཤེགས་པས་མངོན་པར་རྫོགས་པར་སངས་རྒྱས་པའི་མཚན་ཉིད་འདི་དག་ནི་ཟབ་ལགས་སོ། །བཙུན་པ་བཅོམ་ལྡན་འདས། འདི་ལྟ་སྟེ། གང་ལ་སྤྱད་པས་དེ་བཞིན་གཤེགས་པ་སྔོན་གྱི་སྐུ་ཚེ་རབས་དག་ཏུ་བྱང་ཆུབ་སེམས་དཔར་གྱུར་པས་བྱང་ཆུབ་སེམས་དཔའི་མངོན་པར་ཤེས་པ་ལྔ་བརྙེས་ཤིང ། སྐུ་ཚེ་འདི་ལ་ནི་རྣམ་པ་ཐམས་ཅད་མཁྱེན་པ་ཉིད་དུ་མངོན་པར་རྫོགས་པར་སངས་རྒྱས་ལ། རྣམ་པ་ཐམས་ཅད་མཁྱེན་པ་ཉིད་དུ་མངོན་པར་རྫོགས་པར་སངས་རྒྱས་ནས་ཀྱང་མཚན་ཉིད་ཐམས་ཅད་ཐུགས་སུ་ཆུད་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྤྱོད་ཡུལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ངོ་མཚར་ལགས་སོ། །ཆོས་ཐམས་ཅད་ཀྱི་མཚན་ཉིད་ཐུགས་སུ་ཆུད་པ་ནི་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་མཚན་ཉིད་ཐུགས་སུ་ཆུད་པ་དང ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པའི་མཚན་ཉིད་ཐུགས་སུ་ཆུད་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་
Kha192a
༄#། །ཅེས་གསོལ་པ་དང ། བཅོམ་ལྡན་འདས་ཀྱིས་ལྷ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷ་དག། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་སྟོང་པ་ཉིད་ཀྱི་མཚན་ཉིད་ཡིན་ནོ། །ལྷ་དག་།ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་མཚན་མ་མེད་པའི་མཚན་ཉིད་དང ། སྨོན་པ་མེད་པའི་མཚན་ཉིད་ཡིན་ནོ། །ལྷ་དག་།དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་མངོན་པར་འདུ་བྱེད་པ་མེད་པའི་མཚན་ཉིད་དང ། སྐྱེ་བ་མེད་པའི་མཚན་ཉིད་དང ། འགག་པ་མེད་པའི་མཚན་ཉིད་དང ། ཀུན་ནས་ཉོན་མོངས་པ་མེད་པའི་མཚན་ཉིད་དང ། རྣམ་པར་བྱང་བ་མེད་པའི་མཚན་ཉིད་དང ། དངོས་པོ་མེད་པའི་མཚན་ཉིད་ཡིན་ནོ། །ལྷ་དག་།ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་མཚན་ཉིད་དེ་ལྟ་བུ་ཡིན་ཡང་དེ་བཞིན་གཤེགས་པ་འཇིག་རྟེན་གྱི་དོན་དུ་མིང་དང ། བརྡ་དང ། གདགས་པ་དང ། ཐ་སྙད་ཀྱིས་ཐ་སྙད་དུ་འདོགས་པར་མཛད་དེ།་ལྷ་དག་།དེ་དག་དོན་དམ་པར་ནི་མ་ཡིན་ཏེ། ལྷ་དང ། མི་དང ། ལྷ་མ་ཡིན་དུ་བཅས་པའི་འཇིག་རྟེན་གྱིས་དཀྲུག་པར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཡང་དེའི་མཚན་ཉིད་ཁོ་ན་ཡིན་པའི་ཕྱིར་རོ། །ལྷ་དག་།དེ་བཞིན་དུ་མཚན་ཉིད་ཀྱིས་མཚན་ཉིད་རབ་ཏུ་མི་ཤེས། མཚན་ཉིད་ཀྱིས་
Kha192b
མཚན་ཉིད་མེད་པའང་རབ་ཏུ་མི་ཤེས། མཚན་ཉིད་མེད་པས་མཚན་ཉིད་རབ་ཏུ་མི་ཤེས། མཚན་ཉིད་མེད་པས་མཚན་ཉིད་མེད་པའང་རབ་ཏུ་མི་ཤེས་ཏེ། ལྷ་དག་།དེ་ལྟར་ན་མཚན་ཉིད་དང ། མཚན་ཉིད་མེད་པ་དང ། མཚན་ཉིད་ཀྱི་མཚན་ཉིད་དང ། དེ་དག་གཉིས་ཀ་གང་གིས་ཤེས་པར་འགྱུར་བ་དང ། གང་ཤེས་པར་འགྱུར་བ་མི་སྲིད་པའི་ཕྱིར་རོ། །ལྷ་དག་།མཚན་ཉིད་དེ་དག་ནི་གཟུགས་ཀྱིས་མངོན་པར་འདུས་བྱས་པ་མ་ཡིན། ཚོར་བ་དང ། འདུ་ཤེས་དང ། འདུ་བྱེད་རྣམས་ཀྱིས་མངོན་པར་འདུས་བྱས་པ་མ་ཡིན། རྣམ་པར་ཤེས་པས་མངོན་པར་འདུས་བྱས་པ་མ་ཡིན། ནང་སྟོང་པ་ཉིད་ཀྱིས་མངོན་པར་འདུས་བྱས་པ་མ་ཡིན། ཕྱི་སྟོང་པ་ཉིད་ཀྱིས་མངོན་པར་འདུས་བྱས་པ་མ་ཡིན། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱིས་མངོན་པར་འདུས་བྱས་པ་མ་ཡིན། དྲན་པ་ཉེ་བར་བཞག་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱིས་མངོན་པར་འདུས་བྱས་པ་མ་ཡིན་ནོ། །ལྷའི་བུ་དག་།མཚན་ཉིད་དེ་དག་ནི་མི་རྣམས་སམ། མི་མ་ཡིན་པ་རྣམས་སམ། ཟག་པ་དང་བཅས་པ་རྣམས་སམ། ཟག་པ་མེད་པ་རྣམས་སམ། འཇིག་རྟེན་པ་རྣམས་སམ། འཇིག་རྟེན་ལས་འདས་པ་རྣམས་སམ། འདུས་བྱས་རྣམས་སམ། འདུས་མ་བྱས་རྣམས་ཀྱང་མ་ཡིན་ནོ། །ཡང་ལྷ་དག་།གང་ལ་ལ་ཞིག་འདི་
Kha193a
༄#། །ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་མཚན་ཉིད་ཐུགས་སུ་ཆུད་པ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་མཚན་ཉིད་ཐུགས་སུ་ཆུད་པ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷ་དག་།གཟུགས་ཀྱི་མཚན་ཉིད་ནི་གཟུགས་སུ་རུང་བ་སྟེ། དེ་ནི་དེ་བཞིན་གཤེགས་པས་མཚན་ཉིད་མེད་པར་མངོན་པར་རྫོགས་པར་སངས་རྒྱས་སོ། །དེ་བཞིན་དུ་ཚོར་བ་ནི་མྱོང་བའི་མཚན་ཉིད། འདུ་ཤེས་ནི་འཛིན་པའི་མཚན་ཉིད། འདུ་བྱེད་རྣམས་ནི་མངོན་པར་འདུ་བྱེད་པའི་མཚན་ཉིད། རྣམ་པར་ཤེས་པ་ནི་སོ་སོར་རྣམ་པར་རིག་པའི་མཚན་ཉིད་དེ། དེ་ནི་དེ་བཞིན་གཤེགས་པས་མཚན་ཉིད་མེད་པར་མངོན་པར་རྫོགས་པར་སངས་རྒྱས་སོ། །སྦྱིན་པའི་ཕ་རོལ་ཏུ་ཕྱིན་པ་ནི་ཡོངས་སུ་གཏོང་བའི་མཚན་ཉིད་དེ། དེ་ནི་དེ་བཞིན་གཤེགས་པར་མཚན་ཉིད་མེད་པར་མངོན་པར་རྫོགས་པར་སངས་རྒྱས་སོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་ཡོངས་སུ་གདུང་བ་མེད་པའི་མཚན་ཉིད། བཟོད་པའི་ཕ་རོལ་ཏུ་ཕྱིན་པ་ནི་འཁྲུག་པ་མེད་པའི་མཚན་ཉིད། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་རྫི་བ་མེད་པའི་མཚན་ཉིད། བསམ་གཏན་གྱི་ཕ་རོལ་
Kha193b
ཏུ་ཕྱིན་པ་ནི་རྣམ་པར་མི་གཡེང་བའི་མཚན་ཉིད། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཆོས་ཐམས་ཅད་ལ་མངོན་པར་ཞེན་པ་མེད་པའི་མཚན་ཉིད་དེ། དེ་ནི་དེ་བཞིན་གཤེགས་པས་མཚན་ཉིད་མེད་པར་མངོན་པར་རྫོགས་པར་སངས་རྒྱས་སོ། །བསམ་གཏན་བཞི་དང ། དེ་བཞིན་དུ་ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་ནི་ཉེ་བར་ཞི་བའི་མཚན་ཉིད་དེ། དེ་ནི་དེ་བཞིན་གཤེགས་པས་མཚན་ཉིད་མེད་པར་མངོན་པར་རྫོགས་པར་སངས་རྒྱས་སོ། །བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ནི་ངེས་པར་འབྱིན་པའི་མཚན་ཉིད་དེ། དེ་དག་ནི་དེ་བཞིན་གཤེགས་པས་མཚན་ཉིད་མེད་པར་མངོན་པར་རྫོགས་པར་སངས་རྒྱས་སོ། །རྣམ་པར་ཐར་པའི་སྒོ་སྟོང་པ་ཉིད་ནི་རྣམ་པར་གྲོལ་བའི་མཚན་ཉིད། རྣམ་པར་ཐར་པའི་སྒོ་མཚན་མ་མེད་པ་ནི་འཛིན་པ་མེད་པའི་མཚན་ཉིད། རྣམ་པར་ཐར་པའི་སྒོ་སྨོན་པ་མེད་པ་ནི་དོན་དུ་གཉེར་བ་མེད་པའི་མཚན་ཉིད། བཏང་སྙོམས་ནི་འདུ་བྱེད་པ་མེད་པའི་མཚན་ཉིད། རྣམ་པར་ཐར་པ་བརྒྱད་ནི་མི་འཕྲོགས་པའི་མཚན་ཉིད། དེ་བཞིན་གཤེགས་པའི་སྟོབས་བཅུ་ནི་ཐུབ་པ་མེད་པའི་མཚན་ཉིད། མི་འཇིགས་པ་བཞི་ནི་ཞུམ་པ་མེད་པའི་མཚན་ཉིད། བྱམས་པ་ཆེན་པོ་ནི་སྐྱོབ་པའི་མཚན་ཉིད། སྙིང་རྗེ་ཆེན་པོ་ནི་སྙིང་བརྩེ་བའི་མཚན་ཉིད། སངས་རྒྱས་ཀྱི་ཆོས་མ་འདྲེས་པ་
Kha194a
༄#། །བཅོ་བརྒྱད་ནི་ཟིལ་གྱིས་མི་ནོན་པའི་མཚན་ཉིད་དེ། དེ་དག་ནི་དེ་བཞིན་གཤེགས་པས་མཚན་ཉིད་མེད་པར་མངོན་པར་རྫོགས་པར་སངས་རྒྱས་སོ། །རྣམ་པ་ཐམས་ཅད་མཁྱེན་པ་ཉིད་ནི་ཆོས་ཐམས་ཅད་ཇི་ལྟ་བ་བཞིན་ལ་སྒྲིབ་པ་མེད་པའི་མཚན་ཉིད་དེ། དེ་བཞིན་གཤེགས་པས་མཚན་ཉིད་མེད་པར་མངོན་པར་རྫོགས་པར་སངས་རྒྱས་སོ། །ལྷ་དག་།དེ་ལྟར་ན་དེ་བཞིན་གཤེགས་པས་ཆོས་ཐམས་ཅད་མཚན་ཉིད་མེད་པར་མངོན་པར་རྫོགས་པར་སངས་རྒྱས་པས་དེས་ན་དེ་བཞིན་གཤེགས་པ་ཡེ་ཤེས་ཆགས་པ་མེད་པར་གཟིགས་པ་ཞེས་བྱའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་པ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་བཀའ་སྩལ་པ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་བསྐྱེད་པ་དང ། སྟོན་པར་བྱེད་པ་ཡིན་ཏེ། དེའི་ཕྱིར་དེ་བཞིན་གཤེགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཉེ་བར་བརྟེན་ནས་གནས་སོ། །ཉེ་བར་བརྟེན་ནས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་ཆོས་དེ་ལ་བཀུར་སྟི་མཛད། བླ་མར་མཛད། རི་མོར་མཛད། མཆོད་པ་མཛད་དེ། རབ་འབྱོར། དེ་ལྟར་ན་དམ་པའི་ཆོས་ཤེས་རབ་ཀྱི་ཕ་རོལ་
Kha194b
ཏུ་ཕྱིན་པ་འདི་ཉིད་ལ་དེ་བཞིན་གཤེགས་པ་བཀུར་སྟི་མཛད། བླ་མར་མཛད། རི་མོར་མཛད། མཆོད་པ་མཛད་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས་འབྱུང་ལ། དེ་བཞིན་གཤེགས་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བྱས་པ་གཟོ་བ་དང ། བྱས་པ་ཚོར་བ་ཡིན་པའི་ཕྱིར་རོ། །རབ་འབྱོར། གང་ཞིག་དེ་བཞིན་གཤེགས་པ་ནི་བྱས་པ་གཟོ་བ་དང ། བྱས་པ་ཚོར་བའོ་ཞེས་ཡང་དག་པར་སྨྲ་བས་སྨྲས་ན། དེ་ནི་བྱས་པ་གཟོ་བ་དང ། བྱས་པ་ཚོར་བར་ཡང་དག་པར་སྨྲ་བས་སྨྲས་པ་ཡིན་ནོ། །རབ་འབྱོར། ཇི་ལྟར་ན་དེ་བཞིན་གཤེགས་པ་བྱས་པ་གཟོ་བ་དང ། བྱས་པ་ཚོར་བ་ཡིན་ཞེ་ན། རབ་འབྱོར། འདི་ལ་དེ་བཞིན་གཤེགས་པ་ཐེག་པ་གང་གིས་བྱོན་པ་དང ། དེ་བཞིན་གཤེགས་པ་ལམ་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་ཐེག་པ་དེ་དང ། ལམ་དེ་ལ་དེ་བཞིན་གཤེགས་པ་རྒྱུན་ཁོ་ནར་བཀུར་སྟི་མཛད། བླ་མར་མཛད། རི་མོར་མཛད། མཆོད་པ་མཛད་ཅིང ། དེ་བཞིན་དུ་རྗེས་སུ་འཛིན་ཅིང ། རྗེས་སུ་སྐོར་བར་མཛད་པ་སྟེ། རབ་འབྱོར། དེ་ནི་དེ་བཞིན་གཤེགས་པའི་བྱས་པ་གཟོ་བ་དང ། བྱས་པ་ཚོར་བ་ཡིན་པར་བལྟ་
Kha195a
༄#། །བར་བྱའོ། །རབ་འབྱོར། གཞན་ཡང་བྱེད་པ་པོ་མེད་པའི་ཕྱིར་དེ་བཞིན་གཤེགས་པས་དམ་པའི་ཆོས་བྱས་པ་མེད་པར་མངོན་པར་རྫོགས་པར་སངས་རྒྱས་སོ། །དེ་བཞིན་དུ་ལུས་མེད་པའི་ཕྱིར་ཆོས་ཐམས་ཅད་བྱས་པ་མེད་པར་མངོན་པར་རྫོགས་པར་སངས་རྒྱས་ཏེ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་བརྟེན་ནས་མངོན་པར་རྫོགས་པར་སངས་རྒྱས་པ་འདིའང་དེ་བཞིན་གཤེགས་པའི་བྱས་པ་གཟོ་བ་དང ། བྱས་པ་ཚོར་བ་ཡིན་ནོ། །རབ་འབྱོར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ལ་བྱས་པ་མེད་པར་མཁྱེན་པ་འཇུག་ཅིང་རང་བཞིན་དང་བརྡས་ནི་མ་ཡིན་ཏེ། རབ་འབྱོར། རྣམ་གྲངས་དེས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་བསྐྱེད་པ་དང ། འཇིག་རྟེན་རྣམས་སྟོན་པར་བྱེད་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། དེ་བཞིན་གཤེགས་པས་འདི་སྐད་དུ་ཆོས་ཐམས་ཅད་ནི་ཤེས་པ་མེད་པ་དང ། མིག་མེད་པའོ་ཞེས་བཀའ་སྩལ་ལགས་ན། འོ་ན་ཇི་ལྟར་ན་ཤེས་རབ་ཀྱི་ཕ་
Kha195b
རོལ་ཏུ་ཕྱིན་པ་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་སྟོན་པར་བགྱིད་པ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ཏེ། ཆོས་ཐམས་ཅད་ཤེས་པ་མེད་པ་དང་མིག་མེད་པའོ་ཞེས་ཇི་སྐད་སྨྲས་པ་བཞིན་ནོ། །རབ་འབྱོར། ཇི་ལྟར་ན་ཆོས་ཐམས་ཅད་ཤེས་པ་མེད་པ་དང ། མིག་མེད་པ་ཡིན་ཞེ་ན། རབ་འབྱོར། ཆོས་ཐམས་ཅད་ནི་བརྟེན་པ་མེད་ཅིང་ཁོངས་སུ་གཏོགས་པ་མ་ཡིན་ནོ། །རབ་འབྱོར། རྣམ་གྲངས་དེས་ན་ཆོས་ཐམས་ཅད་ཤེས་པ་མེད་པ་དང ། མིག་མེད་པ་ཡིན་ཏེ། རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་སྟོན་པར་བྱེད་པ་ཡིན་ནོ། །དེའང་གཟུགས་མ་མཐོང་བའི་ཕྱིར་སྟོན་པར་བྱེད་པ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མ་མཐོང་བའི་ཕྱིར་སྟོན་པར་བྱེད་པ་ཡིན་ནོ། །དེ་བཞིན་དུ་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མ་མཐོང་བའི་ཕྱིར་སྟོན་པར་བྱེད་པ་ཡིན་ཏེ། རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་སྟོན་པར་བྱེད་པ་ཡིན་ནོ། །གསོལ་པ། བཙུན་
Kha196a
༄#། །པ་བཅོམ་ལྡན་འདས། ཇི་ལྟར་ན་གཟུགས་མ་མཐོང་བའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་པར་བགྱིད་པ་ལགས། དེ་བཞིན་དུ་ཇི་ལྟར་ན་ཚོར་བ་དང ། ཇི་ལྟར་ན་འདུ་ཤེས་དང ། ཇི་ལྟར་ན་འདུ་བྱེད་རྣམས་དང ། ཇི་ལྟར་ན་རྣམ་པར་ཤེས་པ་མ་མཐོང་བའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་པར་བགྱིད་པ་ལགས། དེ་བཞིན་དུ་གོང་མ་བཞིན་དུ་སྦྱར་ཏེ། ཇི་ལྟར་ན་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མ་མཐོང་བའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་པར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལྟར་གཟུགས་ལ་དམིགས་པའི་རྣམ་པར་ཤེས་པ་མི་འབྱུང་ན། དེ་ལྟར་ན་གཟུགས་མ་མཐོང་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་པར་བྱེད་པ་ཡིན་ནོ། །དེ་བཞིན་དུ་འདི་ལྟར་ཚོར་བ་ལ་དམིགས་པ་དང ། འདུ་ཤེས་ལ་དམིགས་པ་དང ། འདུ་བྱེད་རྣམས་ལ་དམིགས་པ་དང ། རྣམ་པར་ཤེས་པ་ལ་དམིགས་པའི་རྣམ་པར་ཤེས་པ་མི་འབྱུང་ན། དེ་ལྟར་ན་རྣམ་པར་ཤེས་པ་མ་མཐོང་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་པར་བྱེད་པ་ཡིན་ནོ། །དེ་བཞིན་དུ་གོང་མ་བཞིན་དུ་སྦྱར་ཏེ། འདི་ལྟར་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་དམིགས་པའི་རྣམ་པར་ཤེས་པ་མི་འབྱུང་ན། དེ་ལྟར་ན་
Kha196b
རྣམ་པ་ཐམས་ཅད་མཁྱེན་པ་ཉིད་མ་མཐོང་བའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་པར་བྱེད་པ་ཡིན་ཏེ། རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་སྟོན་པར་བྱེད་པ་ཡིན་ནོ། །རབ་འབྱོར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཇིག་རྟེན་རྣམས་ལ་ཕུང་པོ་ལྔ་པོ་སྟོང་ངོ་ཞེས་རྗོད་པར་བྱེད་དོ། །དེ་བཞིན་དུ་འཇིག་རྟེན་རྣམས་ལ་སྐྱེ་མཆེད་བཅུ་གཉིས་དང ། ཁམས་བཅོ་བརྒྱད་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་དགེ་བ་བཅུའི་ལས་ཀྱི་ལམ་རྣམས་དང ། བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་དང ། ལྟ་བའི་རྣམ་པ་དྲུག་ཅུ་རྩ་གཉིས་ཀྱི་རྩ་བ་འཇིག་ཚོགས་ལ་ལྟ་བ་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་ནང་སྟོང་པ་ཉིད་སྟོང་ངོ་ཞེས་རྗོད་དོ།། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་སྟོང་ངོ་ཞེས་རྗོད་དོ། །དེ་བཞིན་དུ་འཇིག་རྟེན་རྣམས་ལ་དྲན་པ་ཉེ་བར་བཞག་པ་བཞི་སྟོང་ངོ་ཞེས་རྗོད་དོ།
Kha197a
༄#། །དེ་བཞིན་དུ་གོང་མ་བཞིན་དུ་སྦྱར་ཏེ། འཇིག་རྟེན་རྣམས་ལ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་སྟོང་ངོ་ཞེས་རྗོད་དོ། །འཇིག་རྟེན་རྣམས་ལ་རྣམ་པ་ཐམས་ཅད་མཁྱེན་པ་ཉིད་སྟོང་ངོ་ཞེས་རྗོད་དེ། རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་ལ་སྟོན་པ་བྱེད་པ་ཡིན་ནོ། །རབ་འབྱོར། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས་འཇིག་རྟེན་རྣམས་ལ་ཕུང་པོ་ལྔ་སྟོང་ངོ་ཞེས་སྟོན་ཏེ། འཇིག་རྟེན་ཡང་སྟོང་ངོ་ཁོང་དུ་ཆུད་ཅིང་རིག་ལ། ཀུན་དུ་ཤེས་ཤིང་འཇིག་རྟེན་དག་ལའང་དེ་ཁོ་ན་བཞིན་དུ་རྗོད་པར་བྱེད་དེ། རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་ལ་སྟོན་པར་བྱེད་པ་ཡིན་ནོ། །རབ་འབྱོར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་འཇིག་རྟེན་སྟོང་ངོ་ཞེས་སྟོན་པར་བྱེད་དོ། །འཇིག་རྟེན་སྟོང་པར་སྟོན་པ་དེ་གང་ཞེ་ན། ཕུང་པོ་ལྔའི་འཇིག་རྟེན་དེ་སྟོང་པར་སྟོན་ཏོ། །དེ་བཞིན་དུ་སྐྱེ་མཆེད་བཅུ་གཉིས་ཀྱི་
Kha197b
འཇིག་རྟེན་དེ་སྟོང་པར་སྟོན་ཏོ། །དེ་བཞིན་དུ་ཁམས་བཅོ་བརྒྱད་ཀྱི་འཇིག་རྟེན་དེ་སྟོང་པར་སྟོན་ཏོ། །དེ་བཞིན་དུ་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འཇིག་རྟེན་དེ་སྟོང་པར་སྟོན་པར་བྱེད་དེ། རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་སྟོན་པར་བྱོད་པ་ཡིན་ནོ། །རབ་འབྱོར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་འཇིག་རྟེན་བསམ་གྱིས་མི་ཁྱབ་པར་སྟོན་པར་བྱེད་དོ། །འཇིག་རྟེན་གང་ཞིག་བསམ་གྱིས་མི་ཁྱབ་པ་ཡིན་ཞེ་ན། འདི་ལྟ་སྟེ། ཕུང་པོ་ལྔ་དང ། སྐྱེ་མཆེད་བཅུ་གཉིས་དང ། ཁམས་བཅོ་བརྒྱད་ཀྱི་འཇིག་རྟེན་བསམ་གྱིས་མི་ཁྱབ་པར་སྟོན་ཏོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འཇིག་རྟེན་བསམ་གྱིས་མི་ཁྱབ་པར་སྟོན་ཏེ། རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་སྟོན་པར་བྱེད་པ་ཡིན་ནོ། །རབ་འབྱོར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་འཇིག་རྟེན་ཞི་ཞེས་བྱ་བ་དང ། ངོ་བོ་ཉིད་ཀྱིས་སྟོང་ཞེས་
Kha198a
༄#། །བྱ་བར་སྟོན་ཏོ། །འཇིག་རྟེན་ཞི་ཞེས་བྱ་བ་ནས། སྟོང་ཞེས་བྱ་བའི་བར་དུ་སྟོན་པ་དེ་གང་ཞེ་ན། འདི་ལྟ་སྟེ། ཕུང་པོ་ལྔ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཞི་ཞེས་བྱ་བར་སྟོན་ཏོ། །དེ་བཞིན་དུ་ཕུང་པོ་ལྔ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ངོ་བོ་ཉིད་ཀྱིས་སྟོང་ཞེས་བྱ་བར་སྟོན་ཏེ། རབ་འབྱོར། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་རྣམས་བསྐྱེད་པ་དང ། འཇིག་རྟེན་རྣམས་སྟོན་པར་བྱེད་པ་ཡིན་ནོ། །རབ་འབྱོར། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་འཇིག་རྟེན་འདི་ལ་འཇིག་རྟེན་དུ་འདུ་ཤེས་པ་མེད་པ་དང ། འཇིག་རྟེན་ཕ་རོལ་ལ་འཇིག་རྟེན་དུ་འདུ་ཤེས་པ་མེད་པར་འཇིག་རྟེན་གྱི་འདུ་ཤེས་སྟོན་པར་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཆོས་གང་དག་གིས་འཇིག་རྟེན་འདིར་འདུ་ཤེས་པའམ། འཇིག་རྟེན་ཕ་རོལ་ཏུ་འདུ་ཤེས་པར་འགྱུར་བའི་ཆོས་རྣམས་མེད་ཅིང་དམིགས་སུ་མེད་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཛད་
Kha198b
པ་ཆེན་པོས་ཉེ་བར་གནས་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཛད་པ་བསམ་གྱིས་མི་ཁྱབ་པ་དང ། མཛད་པ་དཔག་ཏུ་མ་མཆིས་པས་ཉེ་བར་གནས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཛད་པ་ཆེན་པོས་ཉེ་བར་གནས་པ་ཡིན་ཞིང ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མཛད་པ་བསམ་གྱིས་མི་ཁྱབ་པ་དང ། མཛད་པ་གཞལ་དུ་མེད་པ་དང ། མཛད་པ་མི་མཉམ་པ་དང་མཉམ་པས་ཉེ་བར་གནས་པ་ཡིན་ནོ། །རབ་འབྱོར། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མཛད་པ་ཆེན་པོ་དང ། མཛད་པ་མི་མཉམ་པ་དང ། མཉམ་པའི་བར་གྱིས་ཉེ་བར་གནས་པ་ཡིན་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མཛད་པ་ཆེན་པོ་ནི་འདི་ཡིན་ཏེ། འདི་ལྟ་སྟེ། སེམས་ཅན་ཐམས་ཅད་བསྐྱེས་པར་བྱ་བའི་དོན་དང ། ཡོངས་སུ་མི་གཏང་བར་བྱ་བའི་དོན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉེ་བར་གནས་པ་ཡིན་ནོ། །རབ་འབྱོར། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མཛད་པ་བསམ་གྱིས་མི་ཁྱབ་པས་ཉེ་བར་གནས་པ་ཡིན་ཞེ་ན། རབ་འབྱོར། བསམ་གྱིས་
Kha199a
༄#། །མི་ཁྱབ་པ་ནི། འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དང ། དེ་བཞིན་གཤེགས་པ་ཉིད་དང ། རང་བྱུང་ཉིད་དང ། ཐམས་ཅད་མཁྱེན་པ་ཉིད་ཡིན་ཏེ། རབ་འབྱོར། རྣམ་གྲངས་འདིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མཛད་པ་བསམ་གྱིས་མི་ཁྱབ་པས་ཉེ་བར་གནས་པ་ཡིན་ནོ། །རབ་འབྱོར། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མཛད་པ་གཞལ་དུ་མེད་པས་ཉེ་བར་གནས་པ་ཡིན་ཞེ་ན། རབ་འབྱོར། འགྲོ་བ་ལྔ་པོ་དག་ན། སེམས་ཅན་དུ་བསྡུ་བར་བསྡུས་པ་ལ་གང་ཡང་དག་པར་རྫོགས་པའི་སངས་རྒྱས་ཉིད་དམ། དེ་བཞིན་གཤེགས་པ་ཉིད་དམ། རང་བྱུང་ཉིད་དམ། ཐམས་ཅད་མཁྱེན་པ་ཉིད་བསམ་པའམ། གཞལ་བར་ནུས་པའི་སེམས་ཅན་ནི་འགའ་ཡང་མེད་ལ། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་མཐུ་ཡིན་ཏེ། རབ་འབྱོར། རྣམ་གྲངས་དེས་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མཛད་པ་གཞལ་དུ་མེད་པས་ཉེ་བར་གནས་པ་ཡིན་ནོ། །རབ་འབྱོར། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་མཛད་པ་དཔག་ཏུ་མེད་པས་ཉེ་བར་གནས་པ་ཡིན་ཞེ་ན།
Kha199b
རབ་འབྱོར། དཔག་ཏུ་མེད་པ་ནི། འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དང ། དེ་བཞིན་གཤེགས་པ་ཉིད་དང ། རང་བྱུང་ཉིད་དང ། ཐམས་ཅད་མཁྱེན་པ་ཉིད་ཡིན་ཏེ། རབ་འབྱོར། འགྲོ་བ་ལྔ་པོ་དག་ན་སེམས་ཅན་དུ་བསྡུ་བར་བསྡུས་པ་ལ། གང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང་མཉམ་པའི་སེམས་ཅན་ནི་འགའ་ཡང་མེད་ན། ལྷག་པ་ལྟ་ག་ལ་ཡོད་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པས་རབ་ཏུ་ཕྱེ་བ་ཡིན་ཏེ། རབ་འབྱོར། རྣམ་གྲངས་དེས་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མཛད་པ་དཔག་ཏུ་མེད་པ་ནས། མཛད་པ་མི་མཉམ་པ་དང ། མཉམ་པའི་བར་གྱིས་ཉེ་བར་གནས་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅི་ཡང་དག་པར་རྫོགས་པའི་སངས་རྒྱས་ཉིད་དང ། དེ་བཞིན་གཤེགས་པ་ཉིད་དང ། རང་བྱུང་ཉིད་དང ། ཐམས་ཅད་མཁྱེན་པ་ཉིད་བསམ་གྱིས་མི་ཁྱབ་པ་དང ། གཞལ་དུ་མ་མཆིས་པ་དང ། དཔག་ཏུ་
Kha200a
༄#། །མ་མཆིས་པ་དང ། མི་མཉམ་པ་དང་མཉམ་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། ། ཇི་སྐད་སྨྲས་པ་བཞིན་ཏེ། རབ་འབྱོར། འདི་ནི་བསམ་གྱིས་མི་ཁྱབ་པ་ཡིན་ཏེ། འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དང ། དེ་བཞིན་གཤེགས་པ་ཉིད་དང ། རང་བྱུང་ཉིད་དང ། ཐམས་ཅད་མཁྱེན་པ་ཉིད་དོ། །རབ་འབྱོར། འདི་ནི་གཞལ་དུ་མེད་པ་ཡིན་ཏེ། འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དང ། དེ་བཞིན་གཤེགས་པ་ཉིད་དང ། རང་བྱུང་ཉིད་དང ། ཐམས་ཅད་མཁྱེན་པ་ཉིད་ཡིན་ནོ། །རབ་འབྱོར། འདི་ནི་དཔག་ཏུ་མེད་པ་ཡིན་ཏེ། འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དང ། དེ་བཞིན་གཤེགས་པ་ཉིད་དང ། རང་བྱུང་ཉིད་དང ། ཐམས་ཅད་མཁྱེན་པ་ཉིད་ཡིན་ནོ། །རབ་འབྱོར། འདི་ནི་མི་མཉམ་པ་དང་མཉམ་པ་ཡིན་ཏེ། འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དང ། དེ་བཞིན་གཤེགས་པ་ཉིད་དང ། རང་བྱུང་ཉིད་དང ། ཐམས་ཅད་མཁྱེན་པ་ཉིད་ཡིན་ནོ། །རབ་འབྱོར། དེ་བཞིན་དུ་གཟུགས་ཀྱང་བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། དཔག་ཏུ་མེད་པ་དང ། མི་མཉམ་པ་དང་མཉམ་པ་ཡིན་
Kha200b
ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། དཔག་ཏུ་མེད་པ་དང ། མི་མཉམ་པ་དང་མཉམ་པ་ཡིན་ནོ། །རབ་འབྱོར། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུའང་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་བའི་བར་དུ་ཡིན་ནོ། །རབ་འབྱོར། ཆོས་ཐམས་ཅད་ཀྱང་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ། དེ་དག་ལ་ནི་སེམས་དང་སེམས་ལས་བྱུང་བའི་ཆོས་རྣམས་མེད་ཅིང་མི་དམིགས་སོ། །རབ་འབྱོར། གཟུགས་ཀྱང་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། ། རབ་འབྱོར། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུའང་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅིའི་སླད་དུ། གཟུགས་བསམ་
Kha201a
༄#། །གྱིས་མི་ཁྱབ་པ་དང ། གཞལ་དུ་མ་མཆིས་པ་དང ། དཔག་ཏུ་མ་མཆིས་པ་དང ། མི་མཉམ་པ་དང་མཉམ་པའི་བར་དུ་ལགས་ཏེ་མ་མཆིས་པ་ལགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་བསམ་གྱིས་མི་ཁྱབ་པ་དང ། གཞལ་དུ་མ་མཆིས་པ་དང ། དཔག་ཏུ་མ་མཆིས་པ་དང ། མི་མཉམ་པ་དང་མཉམ་པའི་བར་དུ་ལགས་ཏེ་མ་མཆིས་པ་ལགས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ལགས་ཏེ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གཟུགས་ལའང་ཚད་མེད་དེ། དེའི་ཕྱིར་གཟུགས་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་ཚད་མེད་དེ། དེའི་ཕྱིར་རྣམ་པར་ཤེས་པའང་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། །རབ་འབྱོར། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུའང་ཚད་མེད་དེ། དེའི་ཕྱིར་རྣམ་པ་ཐམས་ཅད་མཁྱེན་པ་ཉིད་ཀྱང་བསམ་
Kha201b
གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ་མེད་དོ། །གསོལ་པ། ཅིའི་སླད་དུ་གཟུགས་ཚད་མ་མཆིས་པ་ལགས། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཚད་མ་མཆིས་པ་ལགས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཚད་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གཟུགས་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ། དེའི་ཕྱིར་གཟུགས་ལ་ཚད་མེད་དོ། །རབ་འབྱོར། དེ་བཞིན་དུ་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ཏེ། དེའི་ཕྱིར་རྣམ་པ་ཐམས་ཅད་མཁྱེན་པ་ཉིད་ལ་ཚད་མེད་དོ། །རབ་འབྱོར། འདི་ཇི་སྙམ་དུ་སེམས། བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་གང་ཡིན་པ་དེ་ལ་གཟུགས་དམིགས་སུ་ཡོད་སྙམ་མམ། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དམིགས་སུ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །རབ་འབྱོར། རྣམ་གྲངས་དེས་ན། ཆོས་ཐམས་ཅད་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་
Kha202a
༄#། །ནོ། །རབ་འབྱོར། འདི་དག་ནི་དེ་བཞིན་གཤེགས་པའི་དེ་བཞིན་གཤེགས་པའི་ཆོས་རྣམས་ཡིན་ཏེ། འདི་ལྟ་སྟེ། བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། དཔག་ཏུ་མེད་པ་དང ། མི་མཉམ་པ་དང་མཉམ་པ་སྟེ། དེའི་ཕྱིར་དེ་བཞིན་གཤེགས་པའི་ཆོས་རྣམས་ནི་བསམ་གྱིས་མི་ཁྱབ་པ། བསམ་པ་དང་བྲལ་བ། གཞལ་དུ་མེད་པ། གཞལ་བ་དང་བྲལ་བ། དཔག་ཏུ་མེད་པ། དཔག་པ་དང་བྲལ་བ། མི་མཉམ་པ་དང་མཉམ་པ། མི་མཉམ་པ་དང་མཉམ་པ་དང་བྲལ་བ་ཡིན་ནོ། །རབ་འབྱོར། བསམ་གྱིས་མི་ཁྱབ་པ་ཞེས་བྱ་བ་དེ་ནི་བསམ་གྱིས་མི་ཁྱབ་པའི་ཚིག་བླ་དྭགས་ཡིན་ནོ། །གཞལ་དུ་མེད་པ་ཞེས་བྱ་བ་དེ་ནི་གཞལ་དུ་མེད་པའི་ཚིག་བླ་དྭགས་ཡིན་ནོ། །དཔག་ཏུ་མེད་པ་ཞེས་བྱ་བ་དེ་ནི་དཔག་ཏུ་མེད་པའི་ཚིག་བླ་དྭགས་ཡིན་ཏེ། རབ་འབྱོར། རྣམ་གྲངས་དེས་ཀྱང་དེ་བཞིན་གཤེགས་པའི་དེ་བཞིན་གཤེགས་པའི་ཆོས་རྣམས་ནི་བསམ་གྱིས་མི་ཁྱབ་པ་ནས། མི་མཉམ་པ་དང་མཉམ་པའི་བར་དུ་ཡིན་ནོ། །རབ་འབྱོར། དཔེར་ན། ནམ་མཁའ་ནི་བསམ་གྱིས་མི་ཁྱབ་པ་དང ། མི་མཉམ་པ་དང་མཉམ་པ་ཡིན་ནོ། །རབ་འབྱོར། དེ་བཞིན་དུ་དེ་བཞིན་གཤེགས་པའི་ཆོས་རྣམས་ནི་བསམ་གྱིས་མི་ཁྱབ་པ་དང ། མི་མཉམ་པ་དང་མཉམ་པ་དག་ཡིན་ཏེ། དེ་དག་ཀྱང་ལྷ་དང་མི་དང་ལྷ་མ་
Kha202b
ཡིན་དུ་བཅས་པའི་འཇིག་རྟེན་གྱིས་བསམ་པའམ། གཞལ་བའམ། བགྲང་བར་མི་ནུས་སོ། །དེ་བཞིན་དུ་དཔག་ཏུ་མེད་པ་ནི་དེ་བཞིན་གཤེགས་པའི་དེ་བཞིན་གཤེགས་པའི་ཆོས་རྣམས་ཡིན་ནོ། །དེ་བཞིན་གཤེགས་པའི་ཆོས་རྣམས་བསམ་གྱིས་མི་ཁྱབ་པ་དང ། གཞལ་དུ་མེད་པ་དང ། དཔག་ཏུ་མེད་པ་དང ། མི་མཉམ་པ་དང་མཉམ་པའི་ལེའུ་འདི་བཤད་པ་ན་དགེ་སློང་ལྔ་བརྒྱ་ནི། ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དགེ་སློང་མ་ཉིས་བརྒྱ་ནི། ལེན་པ་མེད་པར་ཟག་པ་རྣམས་ལས་སེམས་རྣམ་གྲོལ་ལོ། །དགེ་བསྙེན་དྲུག་བརྒྱ་དང ། དགེ་བསྙེན་མ་སུམ་བརྒྱ་ནི། ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །བྱང་ཆུབ་སེམས་དཔའ་ཉིས་སྟོང་གིས་ནི། མི་སྐྱེ་བའི་ཆོས་ལ་བཟོད་པ་ཐོབ་སྟེ། དེ་དག་ཀྱང་བསྐལ་པ་བཟང་པོ་འདི་ཉིད་ལ་ལུང་བསྟན་ཏོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཡོན་ཏན་གྱི་ལེའུ་ཞེས་བྱ་སྟེ་ཉི་ཤུ་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་པ་ལགས་ཤིང ། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བགྱི་བ་ཆེན་པོས་ཉེ་བར་གནས་པ་ལགས་སོ། །བཙུན་པ་བཅོམ་ལྡན་འདས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བགྱི་བ་གཞལ་དུ་མ་མཆིས་པ་དང ། བགྱི་བ་དཔག་ཏུ་
Kha203a
༄#། །མ་མཆིས་པ་དང ། མི་མཉམ་པ་དང་མཉམ་པའི་བགྱི་བས་ཉེ་བར་གནས་པ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བྱ་བ་ཆེན་པོས་ཉེ་བར་གནས་པ་ནས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མི་མཉམ་པ་དང་མཉམ་པའི་བར་གྱི་བྱ་བས་ཉེ་བར་གནས་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཕ་རོལ་ཏུ་ཕྱིན་པ་ལྔ་འདུས་པ་དང ། ནང་སྟོང་པ་ཉིད་འདུས་པ་ནས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་འདུས་པ་དང ། དྲན་པ་ཉེ་བར་བཞག་པ་བཞི་འདུས་པ་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་འདུས་པ་དང ། དེ་བཞིན་གཤེགས་པའི་སྟོབས་བཅུ་འདུས་པ་དང ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་འདིར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་འདུས་པའི་ཕྱིར་རོ། །རབ་འབྱོར། དཔེར་ན། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཡུལ་གྱི་མི་ལ་སྤྱོད་པ་ཐོབ་པའི་རྒྱལ་པོའི་དགོས་པ་དང།་རྒྱལ་པོའི་བྱ་བ་གང་དག་ཡིན་པ་དེ་དག་ཐམས་ཅད་ནི་བཀའ་ལ་གཏོགས་པའི་མི་ལ་ཡོད་ཅིང ། བློན་པོ་ཆེན་པོའི་མི་ལ་ཡོད་པ་ཡིན་ཏེ། རྒྱལ་པོ་ནི་བྱ་བ་དེ་དག་ལ་སྙིང་ལས་ཆུང་བ་
Kha203b
དང ། ཁུར་པོར་བ་ཡིན་ནོ། །རབ་འབྱོར། དེ་བཞིན་དུ་ཉན་ཐོས་ཀྱི་ཆོས་རྣམས་སམ། རང་སངས་རྒྱས་ཀྱི་ཆོས་རྣམས་སམ། བྱང་ཆུབ་སེམས་དཔའི་ཆོས་རྣམས་སམ། ཡང་དག་པར་རྫོགས་པའི་སངས་རྒྱས་ཀྱི་ཆོས་གང་དག་ཇི་སྙེད་ཡོད་པ་དེ་དག་ཐམས་ཅད་ནི་ཤེས་རབ་ཀྱི་ཕ་རོལ་ཏུ་ཕྱིན་པར་འདུས་ཤིང ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་དག་གི་བྱ་བ་བྱེད་པ་ཡིན་ནོ། ། རབ་འབྱོར། དེ་ལྟ་བས་ན་རྣམ་གྲངས་དེས་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བྱ་བ་ཆེན་པོས་ཉེ་བར་གནས་པ་ཡིན་ཞིང ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མི་མཉམ་པ་དང་མཉམ་པར་བྱ་བའི་བར་དང ། གཟུགས་ལ་ཡོངས་སུ་འཛིན་པ་མེད་ཅིང་མངོན་པར་ཞེན་པ་མེད་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་ཡོངས་སུ་འཛིན་པ་མེད་ཅིང་མངོན་པར་ཞེན་པ་མེད་པ་དང ། དེ་བཞིན་དུ་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་ཡོངས་སུ་འཛིན་པ་མེད་ཅིང ། མངོན་པར་ཞེན་པ་མེད་པར་ཉེ་བར་གནས་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གཟུགས་ལ་ཡོངས་སུ་འཛིན་པ་མ་མཆིས་ཤིང ། མངོན་པར་ཞེན་པ་མ་མཆིས་པར་
Kha204a
༄#། །ཉེ་བར་གནས་པ་ལགས། ཇི་ལྟར་ན་ཚོར་བ་དང ། ཇི་ལྟར་ན་འདུ་ཤེས་དང ། ཇི་ལྟར་ན་འདུ་བྱེད་རྣམས་དང ། ཇི་ལྟར་ན་རྣམ་པར་ཤེས་པ་ཡོངས་སུ་འཛིན་པ་མ་མཆིས་ཤིང ། མངོན་པར་ཞེན་པ་མ་མཆིས་པར་ཉེ་བར་གནས་པ་ལགས། ཇི་ལྟར་ན་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་ཡོངས་སུ་འཛིན་པ་མ་མཆིས་ཤིང ། མངོན་པར་ཞེན་པ་མ་མཆིས་པར་ཉེ་བར་གནས་པ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ཅི་ཁྱོད་ཀྱིས་གང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གཟུང་བའམ། མངོན་པར་ཞེན་པར་བྱ་བའི་གཟུགས་དེ་ཡང་དག་པར་རྗེས་སུ་མཐོང་ངམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཅི་ཁྱོད་ཀྱིས་གང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གཟུང་བའམ། མངོན་པར་ཞེན་པར་བྱ་བའི་ཚོར་བ་དེ་དང ། འདུ་ཤེས་དང ། འདུ་བྱེད་དེ་དག་དང ། རྣམ་པར་ཤེས་པ་དེ་ཡང་དག་པར་རྗེས་སུ་མཐོང་ངམ། གསོལ་པ། བཙུན་པ་བཅོམ་ལྡན་འདས། མ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཅི་ཁྱོད་ཀྱིས་གང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གཟུང་བའམ། མངོན་པར་ཞེན་པར་བྱ་བའི་རྣམ་པ་ཐམས་ཅད་
Kha204b
མཁྱེན་པ་ཉིད་ཀྱི་བར་དེའང་ཡང་དག་པར་རྗེས་སུ་མཐོང་ངམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ལེགས་སོ། ། ལེགས་སོ། །ཇི་སྐད་སྨྲས་པ་དེ་བཞིན་ཏེ། རབ་འབྱོར། ངས་ཀྱང་གང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གཟུང་བའམ། མངོན་པར་ཞེན་པར་བྱ་བ་དེ་ཡང་དག་པར་རྗེས་སུ་མ་མཐོང་ངོ ། ། དེ་བཞིན་དུ་ངས་ཀྱང་གང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གཟུང་བའམ། མངོན་པར་ཞེན་པར་བྱ་བའི་ཚོར་བ་དེ་དང ། འདུ་ཤེས་དེ་དང ། འདུ་བྱེད་དེ་དག་དང ། རྣམ་པར་ཤེས་པ་དེ་ཡང་དག་པར་རྗེས་སུ་མ་མཐོང་ངོ ། །རབ་འབྱོར། དེ་བཞིན་དུ་ངས་ཀྱང་གང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་གཟུང་བའམ། མངོན་པར་ཞེན་པར་བྱ་བའི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཡང་དག་པར་རྗེས་སུ་མ་མཐོང་སྟེ། རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་ལ་ཡོངས་སུ་གཟུང་བར་མི་བྱ། མངོན་པར་ཞེན་པར་མི་བྱའོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་ཡོངས་སུ་གཟུང་བར་མི་བྱ། མངོན་པར་ཞེན་པར་མི་བྱའོ། །དེ་ནས་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་ཅིང་མཐོང་བར་དཀའ་ལ་རྟོགས་པར་དཀའ་
Kha205a
༄#། །སྟེ།་བརྟག་པར་མི་ནུས་ཤིང་རྟོག་གེའི་སྤྱོད་པ་མ་ལགས་ལ། ཞི་བ་ཞི་བ་མོ་བརྟགས་པའི་མཁས་པ་དང ། མཛངས་པས་རིག་པར་བགྱི་བ་ལགས་སོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས་མོས་པར་གྱུར་པ་དེ་དག་ནི་སྔོན་གྱི་རྒྱལ་བ་ལ་ལྷག་པར་བགྱི་བ་བགྱིས་པ་དང ། དགེ་བའི་རྩ་བ་དག་བསྐྲུན་པ་དང ། དགེ་བའི་བཤེས་གཉེན་གྱིས་ཡོངས་སུ་ཟིན་པ་དག་ལགས་སོ། །བཙུན་པ་བཅོམ་ལྡན་འདས། གང་གི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་ཇི་སྙེད་མཆིས་པ་དེ་དག་ཐམས་ཅད་དད་པས་རྗེས་སུ་འབྲང་བར་གྱུར་ཅིང ། དེ་བཞིན་དུ་ཆོས་ཀྱི་རྗེས་སུ་འབྲང་བ་དང ། བརྒྱད་པ་དང ། རྒྱུན་དུ་ཞུགས་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་དང ། རང་སངས་རྒྱས་དག་ཏུ་གྱུར་ཀྱང་དེ་དག་གི་ཤེས་པ་གང་ལགས་པ་དང ། སྤོང་བ་གང་ལགས་པ་བས་ནི་གང་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཉིན་གཅིག་ཙམ་ཞིག་བཟོད་པའམ། འདོད་པའམ། འཇལ་བའམ། ཉེ་བར་རྟོག་པར་བགྱིད་ན། དེའི་ཤེས་པ་དང ། སྤོང་བ་དེ་ཉིད་ཆེས་མང་བ་ལགས་ཀྱི། སྔ་མ་དད་པས་རྗེས་སུ་འབྲང་བ་ནས། རང་སངས་རྒྱས་ཀྱི་བར་དེ་དག་གི་ཤེས་པ་དང ། སྤོང་བ་ནི་མ་ལགས་སོ། །དེ་ཅིའི་སླད་དུ་ཞེ་ན། འདི་ལྟར་དད་
Kha205b
པས་རྗེས་སུ་འབྲང་བ་རྣམས་ཀྱི་ཤེས་པ་དང ། སྤོང་བ་གང་ལགས་པ་དང ། དེ་བཞིན་དུ་རང་སངས་རྒྱས་ཀྱི་བར་གྱི་ཤེས་པ་དང་སྤོང་བ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་མི་སྐྱེ་བའི་ཆོས་ལ་བཟོད་པ་ཐོབ་པ་ལགས་པའི་སླད་དུའོ། །དེ་ནས་བཅོམ་ལྡན་འདས་ཀྱིས་འདོད་པ་ན་སྤྱོད་པའི་ལྷ་དེ་དག་དང ། གཟུགས་ན་སྤྱོད་པའི་ལྷ་དེ་དག་ལ་བཀའ་སྩལ་པ། ལྷ་དག་།ལེགས་སོ། །ལེགས་སོ། །དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ལྷ་དག་།རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ཤིང་ཐོས་ནས་ཀྱང་མོས་པར་འགྱུར་ལ། མོས་ནས་ཀྱང་ཡི་གེར་འདྲིའམ། ཡི་གེར་འདྲིར་འཇུག་པའམ། དེ་བཞིན་དུ་འཆང་ཞིང་སྟོན་པ་ནས། ཡང་དག་པར་རྫོགས་པའི་སངས་རྒྱས་ཀྱི་ཡེ་ཤེས་སུ་ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་ན། རིགས་ཀྱི་བུའམ། རིགས་ཀྱི་བུ་མོ་དེ་ནི་ཡང་དག་པར་རྫོགས་པའི་སངས་རྒྱས་ཀྱི་ཡེ་ཤེས་ཀྱིས་ཆོས་མྱུར་དུ་ཡོངས་སུ་མྱ་ངན་ལས་འདའ་བར་ང་སྨྲའི། ཉན་ཐོས་ཀྱི་ཐེག་པ་པའི་རིགས་ཀྱི་བུ་རྣམས་སམ། རིགས་ཀྱི་བུ་མོ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བའི་མདོ་སྡེ་གཞན་དག་ལ་བསྐལ་པའམ། བསྐལ་པ་ལས་ལྷག་པར་སྤྱོད་པས་ནི་མ་ཡིན་ནོ། །དེ་ཅིའི་ཕྱིར་ཞེ་ན། ལྷ་དག། འདི་ལྟར་དད་པས་རྗེས་སུ་འབྲང་བ་རྣམས་ནས། དགྲ་བཅོམ་པའི་བར་དག་དང ། རང་སངས་རྒྱས་རྣམས་ཀྱི་ཆོས་གང་ལ་བསླབ་པར་བྱ་བ་དང ། བྱང་
Kha206a
༄#། །ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་གང་ལ་བསླབས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་ཡང་དག་ཕུལ་གྱི་ཆོས་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་རྒྱ་ཆེར་བསྟན་པའི་ཕྱིར་རོ། །དེ་ནས་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་དེ་དག་གིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་ཆེན་པོ་ལགས་སོ། །བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་གཞལ་དུ་མ་མཆིས་པ་དང ། ཕ་རོལ་ཏུ་ཕྱིན་པ་དཔག་ཏུ་མ་མཆིས་པ་དང ། ཕ་རོལ་ཏུ་ཕྱིན་པ་མི་མཉམ་པ་དང་མཉམ་པ་ལགས་ཏེ། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་བསླབས་ནས། དད་པས་རྗེས་སུ་འབྲང་བ་རྣམས་དང ། བརྒྱད་པ་རྣམས་དང ། རྒྱུན་དུ་ཞུགས་པ་རྣམས་དང ། ལན་གཅིག་ཕྱིར་འོང་བ་རྣམས་དང།་ཕྱིར་མི་འོང་བ་རྣམས་དང ། དགྲ་བཅོམ་པ་རྣམས་དང ། རང་སངས་རྒྱས་རྣམས་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ངེས་པར་འབྱུང་ལགས་སོ། །འདི་ལ་བསླབས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། ཕུང་པོའི་ལྷག་མ་མེད་
Kha206b
བའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ནི་བྲི་བའམ། གང་བར་མངོན་པ་མ་མཆིས་ལགས་སོ། །ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་ལྷ་དེ་དག་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་ཐད་ནས་དོང་ངོ ། །དེ་དག་ཧ་ཅང་ཡང་མི་རིང་བ་ཞིག་ཏུ་རྫུ་འཕྲུལ་གྱིས་དོང་ནས་མི་སྣང་བར་གྱུར་ཏོ། །དེ་ལ་འདོད་པ་ན་སྤྱོད་པའི་ལྷ་དེ་དག་ནི་འདོད་པའི་ཁམས་སུ་འཁོད་དོ། །གཟུགས་ན་སྤྱོད་པའི་ལྷ་གང་དག་ཡིན་པ་དེ་དག་ནི་གཟུགས་ཀྱི་ཁམས་སུ་འཁོད་དོ། །དེ་ནས་བཅོམ་ལྡན་འདས་ལ།་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའི་ཐེག་པ་པའི་གང་ཟག་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཐོས་ནས།་ཐོས་མ་ཐག་ཏུ་མོས་པར་འགྱུར་ཞིང་གོང་དུའང་ཡི་གེར་འདྲི་བ་དང ། འཛིན་པ་དང ། འཆང་བ་དང ། ཀུན་ཆུབ་པར་བགྱིད་པ་ནས། རྟག་ཏུ་ཚུལ་བཞིན་དུ་ཡིད་ལ་བགྱིད་པའི་བར་དུ་བགྱིད་པ་ཞིག་ལགས་ན། དེ་གང་ནས་ཤི་འཕོས་ནས་འདིར་སྐྱེས་པ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་
Kha207a
༄#། །ཏོ། །རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས། ཐོས་མ་ཐག་ཏུ་མོས་པར་འགྱུར་ཞིང ། གོང་དུའང་ཡི་གེར་འདྲི་བ་དང ། འཛིན་པ་དང ། འཆང་བ་དང ། ཀུན་ཆུབ་པར་བྱེད་པ་དང ། རྟག་ཏུ་ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་དང ། གང་ལས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་པའི་ཕྱི་བཞིན་དུ་རྟག་ཏུ་རྗེས་སུ་འབྲང་བར་འགྱུར་ཏེ། རབ་འབྱོར། དཔེར་ན། བ་དྲུས་མ་བེའུ་སར་པའི་རྗེས་སུ་འབྲང་བར་བྱེད་པ་དེ་བཞིན་དུ། བྱང་ཆུབ་སེམས་དཔའི་ཐེག་པ་པ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས། ཐོས་མ་ཐག་ཏུ་མོས་པར་འགྱུར་ཞིང ། གོང་དུའང་ཡི་གེར་འདྲི་བ་དང ། འཛིན་པ་དང ། འཆང་བ་དང ། ཀུན་ཆུབ་པར་བྱེད་པ་དང ། རྟག་ཏུ་ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པའི་བྱང་ཆུབ་སེམས་དཔའི་ཐེག་པ་པའི་གང་ཟག་དེ་ནི་མི་རྣམས་ཀྱི་ནང་ཁོ་ན་ནས་ཤི་འཕོས་ནས་མི་རྣམས་ཀྱི་ནང་དུ་སྐྱེས་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའི་ཐེག་པ་པའི་གང་ཟག་དེས་སྔོན་གྱི་ཚེ་རབས་དག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས། བཟུང་ཞིང་བཅངས་ལ། ཀུན་ཆུབ་པར་བྱས་པ་ནས། ཚུལ་བཞིན་དུ་ཡིད་ལ་བྱེད་པའི་བར་དུ་བྱས་པ་ཡིན་ཞིང ། གོང་དུའང་ཡི་གེར་བྲིས་ཏེ། གླེགས་བམ་དུ་ཆུད་པར་བྱས་ནས།
Kha207b
མེ་ཏོག་དང ། ཕྲེང་བ་དང ། བྱུག་པ་དང ། ཕྱེ་མ་དང ། མར་མེ་དང ། བདུག་པ་དང ། གོས་དང ། གདུགས་དང ། རྒྱལ་མཚན་དང ། བ་དན་དག་གིས་བཀུར་སྟིར་བྱས་ཤིང ། དེ་བཞིན་དུ་བཙུན་པར་བྱས།་རི་མོར་བྱས་ཏེ། དེ་དགེ་བའི་རྩ་བ་དེས་མི་ཁོམ་པ་བརྒྱད་རྣམ་པར་སྤངས་ནས། མི་རྣམས་ཀྱི་ནང་དུ་སྐྱེས་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའི་ཐེག་པ་པའི་གང་ཟག་གང་ཡོན་ཏན་དེ་དག་ཉིད་དང་ལྡན་ལ། སངས་རྒྱས་ཀྱི་ཞིང་གཞན་དག་ཏུ་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བགྱིས་ནས། དེ་ནས་ཤི་འཕོས་ཏེ་འདིར་སྐྱེས་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས། ཐོས་མ་ཐག་ཏུ་མོས་པར་བགྱིད་ལ། མོས་ནས་ཀྱང་ཡི་གེར་འདྲི་བ་དང ། ཡི་གེར་འདྲིར་སྩོལ་བ་དང ། དེ་བཞིན་དུ་འཛིན་པ་དང ། འཆང་བ་དང ། ཚུལ་བཞིན་དུ་ཡིད་ལ་བགྱིད་པར་འགྱུར་བ་ལྟ་མཆིས་ལགས་སམ།་དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་གང་སངས་རྒྱས་ཀྱི་ཞིང་གཞན་དག་ཏུ་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བྱས་ནས། དེ་དེ་ནས་ཤི་འཕོས་ནས་འདིར་སྐྱེས་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་
Kha208a
༄#། །ནས་ཐོས་མ་ཐག་ཏུ་མོས་པར་བྱེད་ལ། མོས་ནས་ཀྱང་ཡི་གེར་འདྲི་བ་དང ། ཡི་གེར་འདྲིར་འཇུག་པ་དང ། དེ་བཞིན་དུ་འཛིན་པ་དང ། འཆང་བ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པའང་ཡོད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའི་ཐེག་པ་པའི་གང་ཟག་དེས་སངས་རྒྱས་ཀྱི་ཞིང་དེ་དག་ཏུ་སངས་རྒྱས་བཅོམ་ལྡན་འདས་དེ་དག་ལས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ལ། དེ་བཞིན་དུ་བཟུང་ཞིང་བཅངས་ཏེ། ཀུན་ཆུབ་པར་བྱས་པ་ནས། ཚུལ་བཞིན་དུ་ཡིད་ལ་བྱེད་པའི་བར་དུ་བྱས་པ་ཡིན་ཏེ། དེ་དགེ་བའི་རྩ་བ་དེས་དེ་ནས་ཤི་འཕོས་ནས་འདིར་སྐྱེས་པ་ཡིན་པའི་ཕྱིར་རོ། །རབ་འབྱོར། གཞན་ཡང་བྱང་ཆུབ་སེམས་དཔའི་ཐེག་པ་པའི་གང་ཟག་གང་གིས་དགའ་ལྡན་གྱི་ལྷའི་རིས་དག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ཤིང ། ཚུལ་བཞིན་དུ་ཡིད་ལས་བྱེད་པའི་བར་དུ་བྱས་པ་དེ། དེ་ཚུན་ཆད་ལས་མི་དགེ་བ་བསགས་པ་ཟད་པར་བྱས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ཐོས་པའི་དགེ་བའི་རྩ་བ་དེ་ཉིད་དང ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམས་པའི་རྒྱུས་མི་རྣམས་དང་སྐལ་བ་མཉམ་པར་སྐྱེས་པ་དེའང་ཡོན་ཏན་དེ་དག་ཉིད་དང་ལྡན་པར་རིག་པར་བྱའོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའི་ཐེག་པ་པའི་གང་ཟག་དགའ་ལྡན་གྱི་གནས་སུ་
Kha208b
སྐྱེས་པ་དེས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉིད་དྲིས་ཤིང་ཡོངས་སུ་ཞུས་པའི་ཕྱིར་རོ། །རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་གང་གིས་སྔོན་གྱི་ཚེ་རབས་དག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ལ། ཆོས་གསལ་བར་སྟོན་པ་དེ་ལ་མ་དྲིས་ཤིང་ཡོངས་སུ་མ་ཞུས་པ་འདིར་སྐྱེས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉིད་ལ་སོམ་ཉི་ཉིད་དུ་གྱུར་ཅིང ། ཐེ་ཚོམ་ཉིད་དུ་གྱུར་ཏེ། སེམས་ཞུམ་པ་ཉིད་དུ་འགྱུར་རོ། །དེ་བཞིན་དུ་བྱང་ཆུབ་སེམས་དཔའི་ཐེག་པ་པས་སྔོན་གྱི་ཚེ་རབས་དག་ཏུ་བསམ་གཏན་གྱི་ཕ་རོལ་ཏུ་ཕྱིན་པ་དང ། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པའི་བར་གྱི་ཟབ་མོ་འདི་ཐོས་ལ། ཆོས་གསལ་བར་སྟོན་པ་དེ་ལ་མ་དྲིས་ཤིང་ཡོངས་སུ་མ་ཞུས་པ་འདིར་སྐྱེས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ན། སོམ་ཉི་ཉིད་དུ་གྱུར་ཅིང ། ཐེ་ཚོམ་ཉིད་དུ་གྱུར་ཏེ། སེམས་ཞུམ་པ་ཉིད་དུ་འགྱུར་རོ། །རབ་འབྱོར། གཞན་ཡང་བྱང་ཆུབ་སེམས་དཔའི་ཐེག་པ་པའི་གང་ཟག་གང་གིས་སྔོན་གྱི་ཚེ་རབས་དག་ཏུ་ནང་སྟོང་པ་ཉིད་དང ། དེ་བཞིན་དུ་ཕྱི་སྟོང་པ་ཉིད་དང ། དེ་བཞིན་དུ་ཕྱི་ནང་སྟོང་པ་ཉིད་དང ། དེ་བཞིན་དུ་དངོས་པོ་མེད་པའི་
Kha209a
༄#། །ངོ་བོ་ཉིད་སྟོང་པ་ཉིད་ཀྱི་བར་འདི་ཐོས་ལ། ཆོས་གསལ་བར་སྟོན་པ་དེ་ལ་མ་དྲིས་ཤིང་ཡོངས་སུ་མ་ཞུས་པ་འདིར་སྐྱེས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉིད་ལ་སོམ་ཉི་ཉིད་དུ་གྱུར་ཅིང ། ཐེ་ཚོམ་ཉིད་དུ་གྱུར་ཏེ། སེམས་ཞུམ་པ་ཉིད་དུ་འགྱུར་རོ། །རབ་འབྱོར། གཞན་ཡང་བྱང་ཆུབ་སེམས་དཔའི་ཐེག་པ་པའི་གང་ཟག་གང་གིས་སྔོན་གྱི་ཚེ་རབས་དག་ཏུ་དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ཐོས་ལ། ཆོས་གསལ་བར་སྟོན་པ་དེ་ལ་མ་དྲིས་ཤིང་ཡོངས་སུ་མ་ཞུས་པ་འདིར་སྐྱེས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉིད་ལ་སོམ་ཉི་ཉིད་དུ་གྱུར་ཅིང ། ཡིད་རྟུལ་བ་ཉིད་དང ། ཐེ་ཚོམ་ཉིད་དུ་གྱུར་ཏེ། སེམས་ཞུམ་པ་ཉིད་དུ་འགྱུར་རོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་
Kha209b
གཅིག་པ། རབ་འབྱོར། གཞན་ཡང་བྱང་ཆུབ་སེམས་དཔའི་ཐེག་པ་པའི་གང་ཟག་གང་གིས་སྔོན་གྱི་ཚེ་རབས་དག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ལ། འདི་ལྟ་སྟེ། ཉི་མ་གཅིག་གམ། གཉིས་སམ། གསུམ་མམ། བཞིའམ། ཉི་མ་ལྔར་ཡང་ཉམས་སུ་མ་བླངས་ཤིང་མ་བསྒོམས་པ་ནི། འདི་ལྟ་སྟེ། ཉི་མ་གཅིག་གམ། གཉིས་སམ། གསུམ་མམ། བཞིའམ། ཉི་མ་ལྔར་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལས་འཕྲོགས་བར་མི་འགྱུར་གྱི། དེའི་འོག་ཏུ་ནི་ཐེ་ཚོམ་གྱིས་འཕྲོགས་པར་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར། ནན་ཏན་སྙིང་པོར་མི་བྱེད་པའི་གང་ཟག་ནི་ཆོས་དེ་དག་མ་བསྒོམས་ཤིང་ནན་ཏན་མ་བྱས་པས་དེ་ལྟར་འགྱུར་བའི་ཕྱིར་རོ། །རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་དེ་ནི་ཐེག་པ་ལ་ཞུགས་ནས་རིང་པོ་མ་ལོན་པ་དང ། དགེ་བའི་བཤེས་གཉེན་གྱིས་ཡོངས་སུ་ཟིན་པ་མ་ཡིན་པ་དང ། སངས་རྒྱས་མང་པོ་ལ་བསྙེན་བཀུར་བྱས་པ་མ་ཡིན་པ་དེས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་མ་བྲིས་ཤིང་མ་བཟུང་ལ། མ་བཅངས་ཏེ། ཀུན་ཏུ་ཆུབ་བར་མ་བྱས་པ་དང ། མ་བཀླགས་པ་དང ། ཁ་ཏོན་དུ་མ་བྱས་པ་དང ། ལུང་མ་མནོས་པ་དང ། ཚུལ་བཞིན་དུ་ཡིད་ལ་མ་བྱས་ཤིང ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལའང་མ་བསླབས་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་
Kha210a
༄#། །ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ལ་མ་བསླབས་པ་ཡིན་པ་དང ། དེ་བཞིན་དུ་ནང་སྟོང་པ་ཉིད་ལ་མ་བསླབས་པ་ནས།་ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་མ་བསླབས་པ་དང ། དེ་བཞིན་དུ་དྲན་པ་ཉེ་བར་བཞག་པ་རྣམས་ལ་མ་བསླབས་པ་དང ། ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་རྣམས་དང།་རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་མ་བསླབས་པར་རིག་པར་བྱའོ། །རབ་འབྱོར། གལ་ཏེ་བྱང་ཆུབ་སེམས་དཔའི་ཐེག་པ་པའི་གང་ཟག་དེ་ཤེས་རབ་ཀྱི་ཕ་རོལ་ཕྱིན་པ་ཟབ་མོ་འདི་ཡི་གེར་མི་འདྲི་ཞིང ། ཡི་གེར་འདྲིར་མི་འཇུག་པ་དང ། མི་འཛིན་པ་དང ། མི་འཆད་བ་དང ། ཀུན་ཆུབ་པར་མི་བྱེད་པ་དང ། མི་ཀློག་པ་དང ། ཁ་ཏོན་དུ་མི་བྱེད་པ་དང ། ལུང་མི་ནོད་པ་དང ། ཚུལ་བཞིན་དུ་ཡིད་ལ་མི་བྱེད་པ་དེ།་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདིའང་ཉམས་སུ་མི་ལེན་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིས་སེམས་ཅན་ལའང་ཕན་མི་འདོགས་ཏེ། རྣམ་པ་ཐམས་
Kha210b
ཅད་མཁྱེན་པ་ཉིད་ཀྱི་བར་ལ་སེམས་ཅན་རྣམས་ཡང་དག་པར་འཛིན་དུ་མི་འཇུག་ན། དེ་ནི་ས་གཉིས་པོ་འདི་ལྟ་སྟེ། ཉན་ཐོས་ཀྱི་སའམ། རང་སངས་རྒྱས་ཀྱི་སར་ཤེས་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་མ་བྲིས་ཤིང ། ཡི་གེར་འདྲིར་མ་བཅུག་།མ་བཟུང་མ་བཅངས། ཀུན་ཆུབ་པར་མ་བྱས། མ་བཀླགས། ཁ་ཏོན་དུ་མ་བྱས། ལུང་མ་མནོས། ཚུལ་བཞིན་དུ་ཡིད་ལ་མ་བྱས་ལ། དེས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཇི་སྐད་བསྟན་པ་ལ་ནན་ཏན་དུ་མ་བྱས་པའི་ཕྱིར་རོ། །རབ་འབྱོར། དཔེར་ན། རྒྱ་མཚོའི་གྲུའམ། གྲུ་བོ་ཆེ་ཆག་ཅིང་ཞིག་ན། དེ་ན་མི་གང་དག་འཚོ་བར་འདོད་པ་དག་ཤིང་ལེབ་དག་གམ། ཤིང་དག་གམ། རྐྱལ་པ་དག་གམ། མི་རོ་དག་ལ་མི་འཇུ་ཞིང ། འཛིན་པར་མི་བྱེད་པ་དེ་དག་ནི།་རྒྱ་མཚོའི་ཕ་རོལ་གྱི་འགྲམ་དུ་མ་ཕྱིན་པ་ཁོ་ནར་འཆི་བའི་དུས་བྱེད་པར་འགྱུར་རོ། །རབ་འབྱོར། དཔེར་ན་རྒྱ་མཚོའི་གྲུའམ། གྲུ་བོ་ཆེ་ཆག་ཅིང་ཞིག་ན། དེ་ན་མི་གང་དག་འཚོ་བར་འདོད་པ་དག་ཤིང་ལེབ་དག་གམ། ཤིང་དག་གམ། རྒྱལ་བ་དག་གམ། མི་རོ་དག་ལ་འཇུ་ཞིང་འཛིན་པར་བྱེད་པ་དེ་དག་ནི་བདེ་བ་དང ། བདེ་ལེགས་སུ་མ་སྨས་མ་ཉམས་པར་རྒྱ་མཚོའི་འགྲམ་དུ་གནས་པར་རིག་པར་བྱའོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་དད་པ་ཙམ་དང ། དགའ་བ་ཙམ་
Kha211a
༄#། །དང་ལྡན་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་མི་འདྲི་ཞིང ། ཡི་གེར་འདྲིར་མི་འཇུག་པ་དང ། མི་འཛིན་པ་དང ། མི་འཆང་བ་དང ། ཀུན་ཆུབ་པར་མི་བྱེད་པ་དང ། མི་ཀློག་པ་དང ། ཁ་ཏོན་དུ་མི་བྱེད་པ་དང ། ལུང་ནོད་པར་མི་བྱེད་པ་དང ། ཚུལ་བཞིན་དུ་ཡིད་ལ་མི་བྱེད་ཅིང ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་ཇི་སྐད་བསྟན་པ་ལ་ནན་ཏན་དུ་མི་བྱེད་པ་དེ་དག་ནི། བྱང་ཆུབ་སེམས་དཔའི་སྐྱོན་མེད་པར་མ་ཕྱིན་པར་ཉན་ཐོས་ཀྱི་སའམ། རང་སངས་རྒྱས་ཀྱི་ས་མངོན་སུམ་དུ་བྱེད་པར་འགྱུར་རོ། །རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་དད་པ་དང ། བཟོད་པ་དང ། རབ་ཏུ་དགའ་བ་དང ། དང་བ་དང ། ལྷག་པའི་བསམ་པ་དང ། འདོད་པ་དང ། མོས་པ་དང ། གཏོང་པ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུའང་བརྩོན་པ་མི་གཏོང་བ་ཡོད་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིའང་ཡི་གེར་འདྲི་ཞིང ། དེ་བཞིན་དུ་འཛིན་པ་དང ། འཆང་བ་དང ། ཀུན་ཆུབ་པར་བྱེད་པ་དང ། ཀློག་པ་དང ། ཁ་ཏོན་དུ་བྱེད་པ་དང ། ལུང་ནོད་པ་དང ། ཚུལ་བཞིན་དུ་ཡིད་ལ་བྱེད་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་ཇི་སྐད་བསྟན་པ་ལ་ནན་ཏན་དུ་བྱེད་ན། དེ་ལྟར་ན་བྱང་ཆུབ་སེམས་དཔའི་ཐེག་པ་པ་དེ་དག་གི་དད་པ་དེ་དང ། བཟོད་པ་དེ་དང ། དང་བ་དེ་དང ། ལྷག་པའི་བསམ་པ་དེ་
Kha211b
དང།་འདོད་པ་དེ་དང ། མོས་པ་དེ་དང ། གཏོང་བ་དེ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་བ་དེ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་དེ་ནི་འཕེལ་ཞིང་ཤིན་ཏུ་རྒྱས་པར་འགྱུར་ལ། དེ་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང ། རྣམ་པ་ཐམས་ཅད་མཁྱེན་པ་ཉིད་ལས་ཉམས་པར་མི་འགྱུར་རོ། །དེ་དག་ནི་སེམས་ཅན་རྣམས་ཡོངས་སུ་སྨིན་པར་བྱས། སངས་རྒྱས་ཀྱི་ཞིང་དག་ཀྱང་ཡོངས་སུ་དག་པར་བྱས་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །རབ་འབྱོར། གཞན་ཡང་དཔེར་ན། སྐྱེས་པའམ། བུད་མེད་གཅིག་བུམ་པ་སོམ་བཏང་བས་ཆུ་བཅུ་བར་སེམས་ན། སྐྱེས་པའམ། བུད་མེད་དེ་ནི་མི་མཁས་པའི་རང་བཞིན་ཅན་དུ་རིག་པར་བྱ་སྟེ ། བུམ་པ་སོ་མ་བཏང་བ་དེ་ནི་རིང་པོ་མི་ཐུབ་པར་འགྱུར་ཏེ། མྱུར་དུ་ས་ཐ་མལ་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་བུམ་པ་དེ་སོ་མ་བཏང་བ་ཉིད་ཀྱི་ཕྱིར་དང ། སྙི་བའི་ཕྱིར་རོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའི་ཐེག་པ་པའི་གང་ཟག་གཞན་དག་ཀྱང་དད་པ་དང ། བཟོད་པ་དང ། དང་བ་དང ། ལྷག་པའི་བསམ་པ་དང ། འདོད་པ་དང ། མོས་པ་དང ། གཏོང་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་བ་ཡོད་དུ་ཟིན་ཀྱང ། འོན་ཀྱང་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་ཞིང ། ཐབས་ལ་མཁས་པ་དང་བྲལ་ན། དེ་
Kha212a
༄#། །དག་དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་དང ། ཐབས་ལ་མཁས་པ་དང་བྲལ་བ་དང ། དེ་བཞིན་དུ་ནང་སྟོང་པ་ཉིད་དང ། ཕྱི་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང་བྲལ་ཞིང ། ཐབས་ལ་མཁས་པ་དང་བྲལ་བ་དང ། དེ་བཞིན་དུ་དེ་དག་དྲན་པ་ཉེ་བར་བཞག་པ་དང ། ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། འཕགས་པའི་ལམ་ཡན་ལག་བརྒྱད་པ་དང་བྲལ་བ་དང ། ཐབས་ལ་མཁས་པ་དང་བྲལ་བ་དང ། དེ་བཞིན་དུ་སྦྱར་ཏེ། དེ་དག་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བསྒོམ་པ་དང་བྲལ་ཞིང ། ཐབས་ལ་མཁས་པ་དང་བྲལ་བར་འགྱུར་ཏེ། དེ་ལྟར་དེ་དག་རྣམ་པ་ཐམས་ཅད་མཁྱེན་པ་ཉིད་བསྒོམ་པ་དང་བྲལ་བ་དང ། ཐབས་ལ་མཁས་པ་དང་བྲལ་ན། དེ་དག་ནི་བར་མདོ་ཁོ་ནར་ཚུལ་མ་ཡིན་པས་ཆོས་དེ་དག་ལས་ཉམས་པར་འགྱུར་རོ། །རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་དེ་དག་གི་བར་མ་དོ་ཁོ་ནར་ཚུལ་མ་ཡིན་པས་ཆོས་དེ་དག་ལས་ཉམས་པར་འགྱུར་བ་གང་ཡིན་ཞེ་ན། འདི་ལྟ་སྟེ། ཉན་ཐོས་སམ། རང་སངས་རྒྱས་ཀྱི་སའོ། །རབ་
Kha212b
འབྱོར། དཔེར་ན། སྐྱེས་པའམ། བུད་མེད་ཅིག་གིས་བུམ་པ་སོ་བཏང་བས་འདི་ལྟ་སྟེ། ཆུ་ཀླུང་ངམ། འབབ་ཆུའམ། མཚོའམ། མཚེའུ་འམ། ལྟེང་ཀའམ། ཁྲོན་པ་ནས་ཆུ་ཆུ་ན། སྐྱེས་པའམ། བུད་མེད་དེར་ཆུ་ཆུ་བ་དེ་ནི་མཁས་པའི་རང་བཞིན་ཅན་དུ་རིག་པར་བྱ་སྟེ། བུམ་པ་དེ་ནི་ཤིན་ཏུ་ཆུར་བཅུག་ཀྱང་ཞིག་པར་མི་འགྱུར་ཏེ། སྐྱེས་པའམ། བུད་མེད་དེས་ནི་གར་དགའ་བར་བུམ་པ་དེས་ཆུ་བཅུ་བར་ནུས་སོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའི་ཐེག་པ་པ་གང་དག་ལ་དད་པ་དང ། བཟོད་པ་དང ། དང་བ་དང ། ལྷག་པའི་བསམ་པ་དང ། འདོད་པ་དང ། མོས་པ་དང ། གཏོང་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་བའང་ཡོད་ལ། དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དང་ཡང་མ་བྲལ་བ་དང ། ཐབས་ལ་མཁས་པ་དང་ཡང་མ་བྲལ་བར་བྱང་ཆུབ་སེམས་དཔའི་སྤྱད་པ་སྤྱོད་པ་ན། རབ་འབྱོར། དེ་ལས་གཞན་པའི་བྱང་ཆུབ་སེམས་དཔའ་རྣམས་ཀྱིས་རིགས་ཀྱི་བུའམ། རིགས་ཀྱི་བུ་མོ་དེ་དག་ནི་བསམ་གཏན་གྱི་ཕ་རོལ་ཏུ་ཕྱིན་པས་ཡོངས་སུ་ཟིན་པར་རིག་པར་བྱ་ཞིང ། དེ་བཞིན་དུ་རིགས་ཀྱི་བུའམ། རིགས་ཀྱི་བུ་མོ་དེ་དག་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་
Kha213a
༄#། །ཅད་མཁྱེན་པ་ཉིད་ཀྱི་བར་གྱིས་ཡོངས་སུ་ཟིན་པར་རིག་པར་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི། འདི་ལྟ་སྟེ། བར་མ་དོ་ཁོ་ནར་ཚུལ་མ་ཡིན་པས་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཆོས་དེ་དག་ལས་ཉམས་པར་མི་འགྱུར་ཏེ། མ་སྨས་མ་ཉམས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །རབ་འབྱོར། དཔེར་ན། རྒྱ་མཚོའི་གྲུ་བཅོས་ལེགས་མ་བྱས་པར་རྫས་ཀྱིས་ཀུན་ཏུ་བཀང་ནས། རྒྱ་མཚོ་རྒལ་བར་བྱེད་ན། རབ་འབྱོར། དེའི་ཕྱིར་རྒྱ་མཚོའི་ཚོང་པ་དེ་ལས་གཞན་པ་མཁས་པའི་རང་བཞིན་ཅན་རྣམས་ཀྱིས་གྲུ་འདི་བདེ་བ་དང ། བདེ་ལེགས་སུ་རྒྱ་མཚོའི་ཕ་རོལ་ཏུ་ཕྱིན་པར་མི་འགྱུར་ཏེ། གྲུ་འདི་ནི་བར་མ་དོ་ཁོ་ནར་རྒྱ་མཚོར་འཇིག་པར་འགྱུར་ལ། གྲུའང་གཞན་དུ། སྣོད་དང་རྫས་ཀྱང་གཞན་དུ། ཐབས་ལ་མི་མཁས་པའི་ཚོང་པའང་གཞན་དུ་འགྱུར་ཏེ། ཚུལ་མ་ཡིན་པས་ཉམ་ཉེས་སུ་འགྱུར་བར་རིག་པར་བྱའོ། །རབ་འབྱོར། དེ་ལྟར་བྱེད་པའི་ཚོང་པ་ཐབས་ལ་མི་མཁས་པ་དེ་དག་ནི་གནོད་པ་ཆེན་པོ་དང་ལྡན་པར་འགྱུར་ཞིང ། རིན་པོ་ཆེ་ཆེན་པོ་ལས་ཀྱང་ཡོངས་སུ་ཉམས་པར་འགྱུར་རོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ལ་དད་པ་དང ། བཟོད་པ་དང ། དང་བ་དང ། ལྷག་པའི་
Kha213b
བསམ་པ་དང ། འདོད་པ་དང ། མོས་པ་དང ། གཏོང་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་བ་ཡོད་ཀྱང་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་དང ། ཐབས་ལ་མཁས་པ་དང་བྲལ་ན། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་གིས་རིགས་ཀྱི་བུ་དེ་དག་ནི་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང ། དེ་བཞིན་དུ་སྦྱར་ཏེ། རིགས་ཀྱི་བུ་དེ་དག་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དག་གིས་ཡོངས་སུ་མ་ཟིན་པར་རིག་པར་བྱ་སྟེ། བྱང་ཆུབ་སེམས་དཔའི་ཐེག་པ་པའི་གང་ཟག་དེ་དག་ནི་བར་མ་དོ་ཁོ་ནར་ཚུལ་མ་ཡིན་པས་ཆོས་དེ་དག་ལས་ཉམས་པར་འགྱུར་ཞིང་གནོད་པ་ཆེན་པོ་དང་ལྡན་པ་དང ། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་དཀོན་མཆོག་རིན་པོ་ཆེ་ཆེན་པོ་དག་ལས་ཡོངས་སུ་ཉམས་པར་འགྱུར་རོ། །རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་རྣམས་ཀྱི་བར་མ་དོར་ཚུལ་མ་ཡིན་པས་ཆོས་དེ་དག་ལས་ཉམས་པར་འགྱུར་བ་གང་ཞེ་ན། འདི་ལྟ་སྟེ། ཉན་ཐོས་ཀྱི་སའམ། རང་སངས་རྒྱས་ཀྱི་ས་ཡིན་ནོ། །རབ་འབྱོར། དཔེར་ན། རྒྱ་མཚོའི་ཚོང་པ་མཁས་པའི་རང་བཞིན་ཅན་ཞིག་
Kha214a
༄#། །རྒྱ་མཚོའི་གྲུ་དེ་ལེགས་པར་བཙེམས་ཞིང ། ལེགས་པར་བཅོས་ལེགས་པར་བྱས་ལ། ལེགས་པར་བྱི་དོར་བྱ་བ་བྱས་ནས། རྒྱ་མཚོར་འཇུག་པར་བྱེད་ལ། བཅུག་ནས་ཀྱང་སྣོད་རྫས་སྣ་ཚོགས་བརྫངས་པར་གྱུར་ན། རབ་འབྱོར། དེའི་ཕྱིར་རྒྱ་མཚོའི་ཚོང་པ་དེ་ལས་གཞན་པ་མཁས་པའི་རང་བཞིན་ཅན་རྣམས་ཀྱིས་གྲུ་འདི་ནི་རྒྱ་མཚོར་འཇིག་པར་མི་འགྱུར་ཏེ། ཚོང་པ་མཁས་པའི་རང་བཞིན་ཅན་དེ་དག་གླིང་གང་དུ་འདོད་པར་གྲུ་འདི་བདེ་བ་དང ། བདེ་ལེགས་སུ་ཕྱིན་པར་འགྱུར་བར་རིག་པར་བྱའོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའི་ཐེག་པ་པའི་གང་ཟག་དེ་དག་ལ་དད་པ་དང ། བཟོད་པ་དང ། དང་བ་དང ། ལྷག་པའི་བསམ་པ་དང ། འདོད་པ་དང ། མོས་པ་དང ། གཏོང་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་བའང་ཡོད་ལ། དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་དང་ཡང་མ་བྲལ་བ་དང ། ཐབས་ལ་མཁས་པ་དང་མ་བྲལ་བར་བྱང་ཆུབ་སེམས་དཔའི་སྤྱད་པ་སྤྱོད་པར་གྱུར་ན། རབ་འབྱོར། དེ་ལས་གཞན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་རིགས་ཀྱི་བུ་དེ་དག་ནི་བསམ་གཏན་གྱི་ཕ་རོལ་ཏུ་ཕྱིན་པ་དང ། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པས་
Kha214b
ཡོངས་སུ་ཟིན་པ་དང ། དེ་བཞིན་དུ་སྦྱར་ཏེ། རིགས་ཀྱི་བུ་དེ་དག་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱིས་ཡོངས་སུ་ཟིན་པར་རིག་པར་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི། འདི་ལྟ་སྟེ། ཉན་ཐོས་ཀྱི་སའམ། རང་སངས་རྒྱས་ཀྱི་སར་ཚུལ་མ་ཡིན་པས་ཆོས་དེ་དག་ལས་ཉམས་པར་མི་འགྱུར་ཏེ། མ་སྨས་མ་ཉམས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་རིག་པར་བྱའོ། །རབ་འབྱོར། དཔེར་ན། སྐྱེས་བུ་ལ་ལ་ཞིག་སྐྱེས་ནས་ལོ་ཉིས་སྟོང་ལོན་ཏེ། རྒས་ཤིང་འཁོགས་ལ་གཏུགས་པ་ཞིག་དེའི་ལུས་ལའང་འདི་ལྟ་སྟེ། རླུང་ལས་གྱུར་པའམ། མཁྲིས་པ་ལས་གྱུར་པའམ། བད་ཀན་ལས་གྱུར་པའམ། འདུས་པ་ལས་གྱུར་པའམ། ནད་གང་ཡང་རུང་བ་ཞིག་བྱུང་ན། རབ་འབྱོར། དེ་ཇི་སྙམ་དུ་སེམས། ཅི་མི་དེ་གཅིག་པུ་ཁྲི་དེ་ལས་ལྡང་བར་ནུས་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། །བཙུན་པ་བཅོམ་ལྡན་འདས། ཅི་སྟེ་མི་དེ་ལྡང་རྔོ་ཐོག་ཏུ་ལགས་ཀྱང་དེས་ནི་རྒྱང་གྲགས་གཅིག་གམ། གཉིས་སམ། གསུམ་མམ། དེ་ལས་ལྷག་པའི་ཤུལ་དུ་མཆི་བའི་རྔོ་མི་ཐོགས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་མི་དེ་ནི་རྒས་པ་དང ། བྲོ་ནད་ཀྱིས་ཉམ་སྨད་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་ཅི་སྟེ། བྱང་ཆུབ་སེམས་དཔའི་
Kha215a
༄#། །ཐེག་པ་པའི་གང་ཟག་དེ་དག་ལ་དད་པ་དང ། བཟོད་པ་དང ། དང་བ་དང ། ལྷག་པའི་བསམ་པ་དང ། འདོད་པ་དང ། མོས་པ་དང ། གཏོང་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྩོན་པ་མི་གཏོང་བ་ཡོད་དུ་ཟིན་ཀྱང་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་ཞིང ། ཐབས་ལ་མཁས་པ་དང་བྲལ་ན། དེའི་ཕྱིར་བྱང་ཆུབ་སེམས་དཔའ་གཞན་དག་གིས་ཀྱེ་མ་རིགས་ཀྱི་བུའམ། རིགས་ཀྱི་བུ་མོ་དེ་དག་ནི་བསམ་གཏན་གྱི་ཕ་རོལ་ཏུ་ཕྱིན་པ་དང ། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང ། དེ་བཞིན་དུ་སྦྱར་ཏེ། རིགས་ཀྱི་བུའམ། རིགས་ཀྱི་བུ་མོ་དེ་དག་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱིས་ཡོངས་སུ་མ་ཟིན་པར་རིག་པར་བྱ་སྟེ། བྱང་ཆུབ་སེམས་དཔའི་ཐེག་པ་པའི་གང་ཟག་དེ་དག་ནི། འདི་ལྟ་སྟེ། ཚུལ་མ་ཡིན་པས་བར་མ་དོ་ཁོ་ནར་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཆོས་དེ་དག་ལས་ཉམས་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་ཐབས་ལ་མཁས་པ་དང་བྲལ་བའི་ཕྱིར་རོ། །རབ་འབྱོར། དཔེར་ན། མི་ལ་ལ་ཞིག་སྐྱེས་ནས་ལོ་ཉིས་སྟོང་ལོན་ཏེ། རྒས་ཤིང་འཁོགས་ལ་གཏུགས་པ་དེ་ཉིད་དེའི་ལུས་ལའང་འདི་ལྟ་སྟེ། རླུང་
Kha215b
ལས་གྱུར་པའམ། མཁྲིས་པ་ལས་གྱུར་པའམ། བད་ཀན་ལས་གྱུར་པའམ། འདུས་པ་ལས་གྱུར་པའི་ནད་གང་ཡང་རུང་བ་ཞིག་བྱུང་ལ། དེའང་ཁྲི་དེ་ལས་ལྡང་བར་འདོད་པ་དང ། མི་སྟོབས་དང་ལྡན་པ་གཉིས་ཤིག་ལྷགས་ནས། གློ་གཡས་གཡོན་ནས་བརྟེན་ཏེ། དེ་ལ་འདི་སྐད་དུ་ཀྱེ་སྐྱེས་བུ་ཚུར་ཤོག་།ཁྱོད་གར་དགའ་བ་དང ། སེམས་གར་འདོད་པ་དང ། གར་དགའ་བར་ཁོ་བོ་ཅག་གིས་བརྟེན་པས་ཇི་སྲིད་དུ་གནས་སུ་མ་ཕྱིན་གྱི་བར་དུ་ཁྱོད་འགྱེལ་དུ་དོགས་པ་ཅུང་ཟད་ཀྱང་མི་འབྱུང་ངོ་ཞེས་ཟེར་བ་དེ་བཞིན་དུ། རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ལ་དད་པ་དང ། བཟོད་པ་དང ། དང་བ་དང ། ལྷག་པའི་བསམ་པ་དང ། འདོད་པ་དང ། མོས་པ་དང ། གཏོང་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུའང་བརྩོན་པ་མི་གཏོང་བ་ཡོད་ལ།་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བ་དང ། ཐབས་ལ་མཁས་པ་དང་མ་བྲལ་བ་ཡིན་ན། དེའི་ཕྱིར་དེ་ལས་གཞན་པའི་བྱང་ཆུབ་སེམས་དཔའ་རྣམས་ཀྱིས་རིགས་ཀྱི་བུ་དེ་དག་ནི་བསམ་གཏན་གྱི་ཕ་རོལ་ཏུ་ཕྱིན་པ་དང ། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པས་ཡོངས་སུ་ཟིན་པ་ནས། དེ་བཞིན་དུ་སྦྱར་ཏེ། རིགས་ཀྱི་བུ་དེ་དག་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱིས་ཡོངས་སུ་ཟིན་པར་རིག་པར་བྱ་སྟེ། བྱང་ཆུབ་སེམས་དཔའ་སེམས་
Kha216a
༄#། །དཔའ་ཆེན་པོ་དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་བར་མ་དོ་ཁོ་ནར་ཆོས་དེ་དག་ལས་ཉམས་པར་མི་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེ་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཐབས་ལ་མཁས་པ་དང་མ་བྲལ་བའི་ཕྱིར་རོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའི་ཐེག་པ་པའི་གང་ཟག་ཐབས་ལ་མི་མཁས་པ་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའི་ཐེག་པ་པའི་གང་ཟག་ཁ་ཅིག་དང་པོ་ཉིད་དུ་ཐབས་ལ་མི་མཁས་པས་སྦྱིན་པ་དག་སྦྱིན་པར་བྱེད་དོ། །དེ་བཞིན་དུ་ཐབས་ལ་མི་མཁས་པས་ཚུལ་ཁྲིམས་སྲུང་བར་བྱེད། བཟོད་པ་སྒོམ་པར་བྱེད། བརྩོན་འགྲུས་རྩོམ་པར་བྱེད། བསམ་གཏན་ལ་མཉམ་པར་འཇོག་པར་བྱེད། ཐབས་ལ་མི་མཁས་པས་ཤེས་རབ་སྒོམ་པར་བྱེད་ཅིང ། དེ་ནས་དེ་དག་འདི་སྙམ་དུ་སེམས་ཏེ། བདག་ཅག་ནི་སྦྱིན་པ་དག་སྦྱིན་པར་བྱེད་པའོ། །སྦྱིན་པ་ནི་འདི་དག་སྦྱིན་པར་བྱའོ། །འདི་དག་ལ་ནི་སྦྱིན་པ་དག་སྦྱིན་པར་བྱའོ། །དེ་བཞིན་དུ་བདག་ཅག་ནི་ཚུལ་ཁྲིམས་སྲུང་བའོ། །བདག་ཅག་ནི་ཚུལ་ཁྲིམས་དང་ལྡན་པའོ། །བདག་ཅག་ནི་བཟོད་པ་སྒྲུབ་པར་བྱེད་པའོ། །བདག་ཅག་ནི་བཟོད་པ་དང་ལྡན་པའོ། །བདག་ཅག་ནི་བརྩོན་འགྲུས་རྩོམ་པའོ། །བདག་ཅག་ནི་བརྩོན་འགྲུས་དང་ལྡན་པའོ། །བདག་ཅག་ནི་བསམ་གཏན་ལ་སྙོམས་
Kha216b
པར་འཇུག་པར་བྱེད་པའོ། །བདག་ཅག་ནི་བསམ་གཏན་དང་ལྡན་པའོ། །བདག་ཅག་ནི་ཤེས་རབ་སྒོམ་པའོ། །བདག་ཅག་ནི་ཤེས་རབ་དང་ལྡན་པའོ་སྙམ་དུ་སེམས་ཤིང ། དེ་དག་སྦྱིན་པ་རློམ་སེམས་སུ་བྱེད། སྦྱིན་པ་དེས་རློམ་སེམས་སུ་བྱེད། སྦྱིན་པ་ལ་རློམ་སེམས་སུ་བྱེད་དོ། །དེ་བཞིན་དུ་ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་དེ་རློམ་སེམས་སུ་བྱེད། ཤེས་རབ་དེས་རློམ་སེམས་སུ་བྱེད། ཤེས་རབ་ལ་རློམ་སེམས་སུ་བྱེད་དོ། །དེ་དག་ནི་བདག་ཏུ་འཛིན་པ་དང ། བདག་གིར་འཛིན་པར་ལྟུང་བའི་སྦྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་རྣམས་ཀྱིས་འཁོར་བ་ཉིད་རྣམ་པར་འཕེལ་བར་བྱེད་དོ། །དེ་དག་ནི་སྐྱེ་བ་ལ་སོགས་པའི་སྡུག་བསྔལ་དག་ལས་ཡོངས་སུ་མི་འགྲོལ་ལོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་སྦྱིན་པའི་ཕ་རོལ་ཏུ་ཕྱིན་པ་ལ་ནི་རྣམ་པར་རྟོག་པ་དེ་དག་མེད་པའི་ཕྱིར་རོ། །དེ་ཅིའི་ཕྱིར་ཞེ་ན། སྦྱིན་པའི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་མ་ཡིན་པའི་ཕྱིར་རོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣམ་པར་རྟོག་པ་དེ་དག་མེད་དོ། །དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་མ་ཡིན་པའི་ཕྱིར་
Kha217a
༄#། །རོ། །རབ་འབྱོར། གང་གི་ཚེ་བྱང་ཆུབ་སེམས་དཔའི་ཐེག་པ་པའི་གང་ཟག་དག་སྦྱིན་པ་སྦྱིན་པར་བྱེད་པ་ན། དམིགས་པའི་ཕ་མཐའ་མི་ཤེས་ན་དེ་དག་སྦྱིན་པའི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་ཡིན་ནོ། །དེ་བཞིན་དུ་ཚུལ་ཁྲིམས་སྲུང་བ་དང ། བཟོད་པ་སྒོམ་པ་དང ། བརྩོན་འགྲུས་རྩོམ་པ་དང ། བསམ་གཏན་ལ་སྙོམས་པར་འཇུག་པ་དང ། ཤེས་རབ་སྒོམ་པ་ན་དམིགས་པའི་ཕ་མཐའ་མི་ཤེས་ན། དེ་དག་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་ཡིན་ནོ། །ཕ་རོལ་ཏུ་ཕྱིན་པ་དྲུག་པོ་དེ་དག་གིས་ཡོངས་སུ་མ་ཟིན་ན། རྣམ་པ་ཐམས་ཅད་མཁྱེན་པ་ཉིད་ཀྱིས་ཡོངས་སུ་མ་ཟིན་པ་ཡིན་ཏེ། དེ་དག་ནི་ཉན་ཐོས་ཀྱི་སའམ། རང་སངས་རྒྱས་ཀྱི་སར་ལྟུང་བར་འགྱུར་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའི་ཐེག་པ་པའི་གང་ཟག་དག་ཐབས་ལ་མི་མཁས་པ་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའི་ཐེག་པ་པའི་གང་ཟག་ཐབས་ལ་མཁས་པ་དག་ཡིན་ཏེ། ཉན་ཐོས་ཀྱི་སའམ། རང་སངས་རྒྱས་ཀྱི་སར་མི་ལྟུང་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀུན་ཏུ་འཛིན་པ་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའི་ཐེག་པ་པའི་གང་ཟག་དག་དང་པོ་ཉིད་དུ་ཐབས་ལ་མཁས་པས་བདག་ཏུ་འཛིན་པ་དང ། བདག་གིར་འཛིན་པར་མ་ལྷུང་བའི་སེམས་ཀྱིས་སྦྱིན་པ་དག་སྦྱིན་པར་བྱེད་དོ། །དེ་བཞིན་དུ་ཐབས་ལ་
Kha217b
མཁས་པས་བདག་ཏུ་འཛིན་པ་དང ། བདག་གིར་འཛིན་པར་མ་ལྷུང་བའི་སེམས་ཀྱིས་ཤེས་རབ་ཀྱི་བར་དུ་སྒོམ་པར་བྱེད་དོ། །སྦྱིན་པ་དེ་དག་སྦྱིན་པ་ན་འདི་སྙམ་དུ་བདག་ཅག་ནི་སྦྱིན་པ་དག་སྦྱིན་པར་བྱེད་པའོ། །སྦྱིན་པ་ནི་འདི་དག་སྦྱིན་པར་བྱའོ། །སློང་བ་འདི་དག་ལ་ནི་སྦྱིན་པར་བྱའོ། །དེ་བཞིན་དུ་བདག་ཅག་ནི་ཚུལ་ཁྲིམས་སྲུང་བར་བྱེད་པའོ། །བདག་ཅག་ནི་ཚུལ་ཁྲིམས་དང་ལྡན་པའོ། །བདག་ཅག་ནི་བཟོད་པ་སྒྲུབ་པར་བྱེད་པའོ། །བདག་ཅག་ནི་བཟོད་པ་དང་ལྡན་པའོ། །བདག་ཅག་ནི་བརྩོན་འགྲུས་རྩོམ་པར་བྱེད་པའོ། །བདག་ཅག་ནི་བརྩོན་འགྲུས་དང་ལྡན་པའོ། །བདག་ཅག་ནི་བསམ་གཏན་ལ་མཉམ་པར་འཇོག་པར་བྱེད་པའོ། །བདག་ཅག་ནི་བསམ་གཏན་དང་ལྡན་པའོ། །བདག་ཅག་ནི་ཤེས་རབ་སྒོམ་པར་བྱེད་པའོ། །བདག་ཅག་ནི་ཤེས་རབ་དང་ལྡན་པའོ་སྙམ་དུ་མི་སེམས་ཏེ། དེ་དག་ནི་སྦྱིན་པ་དེ་ལ་རློམ་སེམས་སུ་མི་བྱེད། སྦྱིན་པ་དེས་རློམ་སེམས་སུ་མི་བྱེད། སྦྱིན་པས་རློམ་སེམས་སུ་མི་བྱེད། སྦྱིན་པ་ལ་རློམ་སེམས་སུ་མི་བྱེད་དོ། །དེ་བཞིན་དུ་ཚུལ་ཁྲིམས་དེ་དང ། བཟོད་པ་དེ་དང ། བརྩོན་འགྲུས་དེ་དང ། བསམ་གཏན་དེ་དག་དང ། ཤེས་རབ་དེ་ལ་རློམ་སེམས་སུ་མི་བྱེད། ཤེས་རབ་དེས་རློམ་སེམས་སུ་མི་བྱེད། ཤེས་རབ་ཀྱིས་རློམ་སེམས་སུ་མི་བྱེད། ཤེས་རབ་ལ་རློམ་སེམས་སུ་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། སྦྱིན་པའི་ཕ་རོལ་ཏུ་ཕྱིན་པ་ལ་རྣམ་པར་རྟོག་པ་དེ་
Kha218a
༄#། །དག་མེད་དེ། དེས་ན་རློམ་སེམས་སུ་མི་བྱེད་པའི་ཕྱིར་རོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་རྣམ་པར་རྟོག་པ་དེ་དག་མེད་དེ། དེས་ན་རློམ་སེམས་སུ་མི་བྱེད་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་མ་ཡིན་པའི་ཕྱིར་རོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་འདི་ནི་ཕ་རོལ་ཏུ་ཕྱིན་པ་མ་ཡིན་པའི་ཕྱིར་རོ། །དེ་ལྟར་ན་དེ་དག་གིས་ཕ་རོལ་ཏུ་ཕྱིན་པ་མ་ཡིན་པ་མངོན་པར་ཤེས་པ་དང ། དེ་དག་སྦྱིན་པའི་ཕ་རོལ་ཏུ་ཕྱིན་པས་ཡོངས་སུ་ཟིན་པ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུའང་དེ་བཞིན་ཏེ། ཕ་རོལ་ཏུ་ཕྱིན་པ་དྲུག་པོ་དེ་དག་གིས་ལེགས་པར་ཡོངས་སུ་ཟིན་པའི་ཕྱིར་རྣམ་པ་ཐམས་ཅད་མཁྱེན་པ་ཉིད་ལེགས་པར་ཡོངས་སུ་ཟིན་པ་ཡིན་ནོ། །ལེགས་པར་ཡོངས་སུ་ཟིན་པའི་ཕྱིར་ཉན་ཐོས་ཀྱི་སའམ། རང་སངས་རྒྱས་ཀྱི་སར་མི་ལྟུང་བར་རྣམ་པ་ཐམས་ཅད་མཁྱེན་པ་ཉིད་ཀྱང་ཐོབ་པར་འགྱུར་རོ། །རབ་འབྱོར། དེ་ལྟར་ན་བྱང་ཆུབ་སེམས་དཔའི་ཐེག་པ་བའི་གང་ཟག་ཐབས་ལ་མཁས་པ་ཡིན་ཏེ། ཉན་ཐོས་ཀྱི་སའམ། རང་སངས་རྒྱས་ཀྱི་སར་མི་ལྟུང་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་ཀུན་ཏུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ལས་དང་པོ་པས་ཇི་ལྟར་
Kha218b
ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བགྱི་ལགས། ཇི་ལྟར་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ལ་ཇི་ལྟར་བསླབ་པར་བགྱི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ལ་བྱང་ཆུབ་སེམས་དཔའ་ལས་དང་པོ་བ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པར་འདོད་པ་དང ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང།་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ལ་སློབ་པར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་པར་བྱེད་པ་དང ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་སྟོན་པར་བྱེད་པའི་དགེ་བའི་བཤེས་གཉེན་དག་བསྟེན་པར་བྱ་ཞིང་བསྙེན་བཀུར་བྱའོ། །དེ་དག་ནི་བྱང་ཆུབ་སེམས་དཔའ་དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་སྟོན་པར་འགྱུར་ཏེ། རིགས་ཀྱི་བུ་ཚུར་ཤོག་།སེམས་ཅན་རྣམས་ལ་སྦྱིན་པ་གང་ཅི་གཏོང་ཡང་རུང ། དེ་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་བྱོས་ལ་
Kha219a
༄#། །དེའང་མི་དམིགས་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྔོས་ཤིག་།ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་གཟུགས་སུ་མ་རྟོག་ཅིག་།དེ་བཞིན་དུ་ཚོར་བའམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་པར་མ་རྟོག་ཅིག་།དེ་བཞིན་དུ་ཚུལ་ཁྲིམས་གང་ཅི་སྲུང་ཡང་རུང ། བཟོད་པ་གང་ཅི་སྒོམ་ཡང་རུང ། བརྩོན་འགྲུས་གང་ཅི་རྩོམ་ཡང་རུང ། བསམ་གཏན་གང་ཅི་ལ་སྙོམས་པར་འཇུག་ཀྱང་རུང ། ཤེས་རབ་གང་ཅི་སྒོམ་ཡང་རུང ། དེ་དག་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་བྱོས་ལ། །དེའང་མི་དམིགས་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྔོས་ཤིག་།དེ་བཞིན་དུ་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་གཟུགས་སུ་མ་རྟོག་ཅིག་།དེ་བཞིན་དུ་ཚོར་བའམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་པར་མ་རྟོག་ཅིག་།ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་སྦྱིན་པའི་ཕ་རོལ་ཏུ་ཕྱིན་པར་མ་རྟོག་ཅིག་།ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པར་མ་རྟོག་ཅིག་།དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་
Kha219b
ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་ཏུ་མ་རྟོག་ཅིག་།དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་དྲན་པ་ཉེ་བར་བཞག་པ་རྣམས་དང ། ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་བ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། ལམ་དག་ཏུ་མ་རྟོག་ཅིག་།མངོན་པར་ཤེས་པ་ལྔ་དང ། དེ་ལྟར་གོང་མ་བཞིན་དུ་སྦྱར་ཏེ། ཁྱོད་བླ་ན་མེད་པ་ཡང་དག་པར་རྫོགས་པའི་སངས་རྒྱས་རྣམ་པ་ཐམས་ཅད་མཁྱེན་པ་ཉིད་དུ་མ་རྟོག་ཅིག་ཅེས་སྟོན་ཏེ། རབ་འབྱོར། བྱང་ཆུབ་སེམས་དཔའ་ལས་དང་པོ་པ་ཉིད་ཀྱིས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། སྔ་ལྟས་ཀྱི་ལེའུ་ཞེས་བྱ་བ་སྟེ་ཉི་ཤུ་གཅིག་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅིའི་སླད་དུ། བྱང་ཆུབ་སེམས་དཔའ་ལས་དང་པོ་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པར་འཚལ་བ་དང ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་བ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ལ་སློབ་པར་འཚལ་བས། གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡང་དག་པར་སྟོན་པར་བགྱིད་པ་དག་
Kha220a
༄#། །དང།་དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་སྟོན་པ་དག་འདི་སྐད་དུ་།ཀྱེ་རིགས་ཀྱི་བུ་ཁྱོད་ཚུར་ཤོག་།ཁྱོད་སེམས་ཅན་རྣམས་ལ་སྦྱིན་པ་གང་ཅི་གཏོང་ཡང་རུང ། དེ་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་བྱོས་ལ། དེའང་མི་དམིགས་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོས་ཤིག་།ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་སྦྱིན་པའི་ཕ་རོལ་ཏུ་ཕྱིན་པ་ལས་རྟོག་པར་མ་བྱེད་ཅིག་།ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་རྟོག་པར་མ་བྱེད་ཅིག་།དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་ནང་སྟོང་བ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་བ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལས་རྟོག་པར་མ་བྱེད་ཅིག་།དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་དྲན་པ་ཉེ་བར་བཞག་པ་རྣམས་དང ། ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་བ་རྣམས་དང །
Kha220b
དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། ལམ་ལས་རྟོག་པར་མ་བྱེད་ཅིག་།དེ་ལྟར་གོང་མ་བཞིན་དུ་སྦྱར་ཏེ། ཁྱོད་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མ་རྟོག་ཅིག་ཅེས་སྟོན་པའི་དགེ་བའི་བཤེས་གཉེན་དག་བསྟེན་པར་བགྱི་ཞིང་བསྙེན་པར་བགྱི་བ་དང ། བསྙེན་བཀུར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལྟར་གཟུགས་ལས་མི་རྟོག་ན། རྣམ་པ་ཐམས་ཅད་མཁྱེན་པ་ཉིད་དེ་རྗེས་སུ་ཐོབ་པར་འགྱུར་རོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་ལས་མི་རྟོག་ཅིང ། རྣམ་པར་ཤེས་པ་ལས་མི་རྟོག་ན། རྣམ་པ་ཐམས་ཅད་མཁྱེན་པ་ཉིད་དེ་རྗེས་སུ་ཐོབ་པར་འགྱུར་རོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལས་མི་རྟོག་ཅིང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་མི་རྟོག་ན། རྣམ་པ་ཐམས་ཅད་མཁྱེན་པ་ཉིད་དེ་རྗེས་སུ་ཐོབ་པར་འགྱུར་རོ། །དེ་བཞིན་དུ་ནང་སྟོང་པ་ཉིད་དང ། ཕྱི་སྟོང་བ་ཉིད་དང ། ཕྱི་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་བ་ཉིད་ཀྱི་བར་ལས་མི་རྟོག་ན། རྣམ་པ་ཐམས་ཅད་མཁྱེན་པ་ཉིད་དེ་རྗེས་སུ་ཐོབ་པར་འགྱུར་རོ། །དེ་བཞིན་དུ་དྲན་པ་ཉེ་བར་བཞག་པ་རྣམས་དང ། ཡང་
Kha221a
༄#། །དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པ་ལས་མི་རྟོག་ན། རྣམ་པ་ཐམས་ཅད་མཁྱེན་པ་ཉིད་དེ་རྗེས་སུ་ཐོབ་པར་འགྱུར་རོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལས་མི་རྟོག་ན། རྣམ་པ་ཐམས་ཅད་མཁྱེན་པ་ཉིད་དེ་རྗེས་སུ་ཐོབ་པར་འགྱུར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཡང་དག་པར་བསྟན་པ་ལ་སློབ་པར་འདོད་པའི་བྱང་ཆུབ་སེམས་དཔའ་དེ་ལ། བྱང་ཆུབ་སེམས་དཔའ་འདི་སྐད་ཅེས་འདོམས་ཤིང་རྗེས་སུ་སྟོན་ཏེ། ཀྱེ་རིགས་ཀྱི་བུ། ཁྱོད་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ན། གཟུགས་ལ་འདོད་པ་མ་སྐྱེད་ཅིག ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་འདོད་པ་མ་སྐྱེད་ཅིག་།དེ་ཅིའི་ཕྱིར་ཞེ་ན ། ཀྱེ་རིགས་ཀྱི་བུ། གཟུགས་ནི་འདོད་པ་མེད་ཅིང ། འདོད་པར་བྱ་བ་མ་ཡིན་པའི་ཕྱིར་རོ། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་དེ་བཞིན་ནོ། །དེ་བཞིན་དུ། ཀྱེ་རིགས་ཀྱི་བུ། ཁྱོད་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ན། སྦྱིན་པའི་ཕ་རོལ་ཏུ་ཕྱིན་པ་ལ་འདོད་པ་མ་སྐྱེད་ཅིག་།ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང །
Kha221b
བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་འདོད་པ་མ་སྐྱེད་ཅིག་།ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་འདོད་པ་མ་སྐྱེད་ཅིག་།དྲན་པ་ཉེ་བར་བཞག་པ་རྣམས་དང ། ཡང་ད་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པ་དང ། མངོན་པར་ཤེས་པ་ལྔ་ལ་འདོད་པ་མ་སྐྱེད་ཅིག། དེ་བཞིན་གཤེགས་པའི་སྟོབས་བཅུ་ལ་འདོད་པ་མ་སྐྱེད་ཅིག་།དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་འདོད་པ་མ་སྐྱེད་ཅིག་།དེ་བཞིན་དུ་སྦྱར་ཏེ། རིགས་ཀྱི་བུ། ཁྱོད་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་འདོད་པ་མ་སྐྱེད་ཅིག་དེ་ཅིའི་ཕྱིར་ཞེ་ན། ཀྱེ་རིགས་ཀྱི་བུ། རྣམ་པ་ཐམས་ཅད་མཁྱེན་པ་ཉིད་ནི་འདོད་པ་མེད་པ་དང ། འདོད་པར་བྱ་བ་མ་ཡིན་པའི་ཕྱིར་རོ། །རིགས་ཀྱི་བུ། རྒྱུན་དུ་ཞུགས་པའི་འབྲས་བུ་ལ་འདོད་པ་མ་སྐྱེད་ཅིག་།དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་ལ་འདོད་པ་མ་སྐྱེད་ཅིག་།ཀྱེ་རིགས་ཀྱི་བུ། ཁྱོད་བྱང་ཆུབ་སེམས་དཔའི་སྐྱོན་མེད་པ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་འདོད་པ་མ་སྐྱེད་ཅིག་།དེ་ཅིའི་ཕྱིར་ཞེ་ན། ཀྱེ་
Kha222a
༄#། །རིགས་ཀྱི་བུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་འདོད་པ་མེད་པ་དང ། འདོད་པར་བྱ་བ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། ཀྱེ་རིགས་ཀྱི་བུ། ཆོས་ཐམས་ཅད་ནི་ངོ་བོ་ཉིད་ཀྱིས་སྟོང་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་རང་གི་མཚན་ཉིད་ཀྱིས་སྟོང་པའི་ཆོས་རྣམས་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་ཞིང ། དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འཚལ་བདག་ནི་དཀའ་བ་བགྱིད་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་རང་གི་མཚན་ཉིད་ཀྱིས་སྟོང་པའི་ཆོས་རྣམས་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་ཞིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པ་དེ་དག་ནི་དཀའ་བ་བྱེད་པ་ཡིན་ནོ། །རབ་འབྱོར། འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་སྒྱུ་མ་ལྟ་བུ་དང ། རྨི་ལམ་ལྟ་བུར་ཤེས་ནས། འཇིག་རྟེན་རྣམས་ཀྱི་དོན་དང ། ཕན་པ་དང ། བདེ་
Kha222b
བའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ཡིན་ཏེ། བདག་ཅག་ནི་འཇིག་རྟེན་རྣམས་ཀྱི་གནས་དང ། སྐྱོབ་པ་དང ། སྐྱབས་དང ། དཔུང་གཉེན་དང ། གླིང་དང ། སྒྲོན་མ་འཛིན་པ་དང ། འོད་བྱེད་པ་དང ། དེད་དཔོན་དང ། ཡོངས་སུ་འདྲེན་པ་དང ། རྟེན་དུ་འགྱུར་བར་བྱའོ། །ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་དག་འཇིག་རྟེན་རྣམས་ཀྱི་དོན་དུ་ཡང་དག་པར་ཞུགས་པ་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་དག་སྦྱིན་པ་གང་གཏོང་བ་དེ་ཐམས་ཅད་སེམས་ཅན་རྣམས་ལ་སྡུག་བསྔལ་ལས་ཡོངས་སུ་ཐར་བར་བྱ་བའི་ཕྱིར་གཏོང་ངོ ། །དེ་བཞིན་དུ་ཚུལ་ཁྲིམས་གང་སྲུང་བ་དང ། བཟོད་པ་གང་སྒྲུབ་པ་དང ། བརྩོན་འགྲུས་གང་རྩོམ་པ་དང ། བསམ་གཏན་གང་དག་ལ་སྙོམས་པར་འཇུག་པ་དང ། ཤེས་རབ་གང་སྒོམ་པ་དེ་དག་ཐམས་ཅད་སེམས་ཅན་ཐམས་ཅད་སྡུག་བསྔལ་ལས་ཡོངས་སུ་ཐར་བར་བྱ་བའི་ཕྱིར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་དོན་དུ་ཡང་དག་པར་ཞུགས་པ་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ལ་ཕན་པར་ཡང་དག་པར་ཞུགས་པ་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་
Kha223a
༄#། །བདག་ཀྱང་ཕ་རོལ་ཏུ་ཕྱིན་པ་དྲུག་ལ་སྤྱོད་ལ། སེམས་ཅན་ཐམས་ཅད་ཀྱང་ཕ་རོལ་ཏུ་ཕྱིན་པ་དྲུག་ལ་ཡང་དག་པར་འཛིན་དུ་འཇུག་ཅིང་འགོད་པར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ལ་ཕན་པར་ཡང་དག་པར་ཞུགས་པ་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ལ་བདེ་བའི་ཕྱིར་ཡང་དག་པར་ཞུགས་པ་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བདག་ཀྱང་དགེ་བ་བཅུའི་ལས་ཀྱི་ལམ་དག་ལ་གནས་ལ། དེའི་འོག་ཏུ་སེམས་ཅན་གཞན་རྣམས་ཀྱང་དགེ་བ་བཅུའི་ལས་ཀྱི་ལམ་དག་ལ་འགོད་པར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ལ་བདེ་བའི་ཕྱིར་ཡང་དག་པར་ཞུགས་པ་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་གནས་སུ་གྱུར་པ་ཡིན་ཞེ་ན། གནས་པར་འོས་པའི་ཕྱིར་དང ། འཇིགས་པ་མེད་པའི་གྲོང་ཁྱེར་དུ་ཕྱིན་པར་བྱེད་པའི་ཕྱིར་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་གནས་སུ་གྱུར་པ་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་སྐྱོབ་པ་ཡིན་ཞེ་ན། རབ་
Kha223b
འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ངན་སོང་གསུམ་དུ་སྐྱེས་པ་དག་མཐོང་ནས་ངན་སོང་དེ་དག་ནས་སྐྱོབ་པར་བྱེད་ཅིང ། ཞི་བའི་གནས་ཀྱང་ཡང་དག་པར་འཛིན་དུ་འཇུག་ལ་འགོད་པར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་སྐྱོབ་པ་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་སྐྱབས་སུ་འོས་པ་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་རྟེན་མེད་པའི་ཆོས་སྟོན་ཏེ།་འདི་ལྟ་སྟེ། གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་བརྟེན་པར་མི་བྱེད་ལ། སེམས་ཅན་དེ་དག་ཆོས་དེ་ཐོས་ནས་སྐྱེ་བ་དང ། རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་དག་ལས་ཡོངས་སུ་ཐར་པར་འགྱུར་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་སྐྱབས་སུ་འོས་པ་ཡིན་ནོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་གཉིས་པ། རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་དཔུང་གཉེན་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ལམ་གྱི་རྣམ་པ་ལ་
Kha224a
༄#། །མཁས་པ་དག་དང ། ལམ་ངན་པར་ཞུགས་པའི་སེམས་ཅན་རྣམས་ལ་འདི་སྐད་དུ་ཆོས་སྟོན་ཏེ། གཟུགས་ཀྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་མིག་གི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་གཟུགས་རྣམས་ཀྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་སྒྲ་དང ། དྲི་དང།་རོ་དང ། རེག་བྱ་དང ། ཆོས་རྣམས་ཀྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ཀྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ཀྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་མ་རིག་པའི་ཕ་རོལ་ནི་རྟག་ཏུ་འཇིགས་པ་
Kha224b
མེད་པའོ། །དེ་བཞིན་དུ་སྦྱར་ཏེ། རྒ་ཤིའི་བར་གྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཀྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་གྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུའི་བར་གྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་ཕ་རོལ་ནི་རྟག་ཏུ་འཇིགས་པ་མེད་པའོ། །དེ་བཞིན་དུ་ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ཀྱི་ཕ་རོལ་ནི་རྟག་ཏུ་འཇིགས་པ་མེད་པའོ། །གཟུགས་ཀྱི་ཕ་རོལ་གང་ཡིན་པ་དེ་ནི་གཟུགས་མ་ཡིན་ནོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང།་རྣམ་པར་ཤེས་པའི་ཕ་རོལ་གང་ཡིན་པ་དེ་ནི་རྣམ་པར་ཤེས་པ་མ་ཡིན་ནོ། །དེ་བཞིན་དུ་མིག་གི་ཕ་རོལ་གང་ཡིན་པ་དེ་ནི་མིག་མ་ཡིན་ནོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་ཕ་རོལ་གང་ཡིན་པ་དེ་ནི་ཡིད་མ་ཡིན་ནོ། །དེ་བཞིན་དུ་གཟུགས་རྣམས་ཀྱི་ཕ་རོལ་གང་ཡིན་པ་དེ་དག་ནི་གཟུགས་རྣམས་མ་ཡིན་ནོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཀྱི་ཕ་རོལ་གང་ཡིན་པ་དེ་ནི་ཆོས་རྣམས་མ་ཡིན་ནོ། །དེ་བཞིན་དུ་མིག་གི་ཁམས་ཀྱི་ཕ་རོལ་གང་ཡིན་པ་དེ་ནི་མིག་གི་ཁམས་མ་ཡིན་ནོ། །དེ་བཞིན་དུ་གཟུགས་
Kha225a
༄#། །ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ཀྱི་ཕ་རོལ་གང་ཡིན་པ་དེ་ནི་མིག་གི་རྣམ་པར་ཤེས་པའི་ཁམས་མ་ཡིན་ནོ། །དེ་བཞིན་དུ་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་ཀྱི་ཕ་རོལ་གང་ཡིན་པ་དེ་ནི་རྣ་བའི་རྣམ་པར་ཤེས་པའི་ཁམས་མ་ཡིན་ནོ། །དེ་བཞིན་དུ་སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ཀྱི་ཕ་རོལ་གང་ཡིན་པ་དེ་ནི། ཡིད་ཀྱི་རྣམ་པར་ཤེས་པའི་ཁམས་མ་ཡིན་ནོ། །དེ་བཞིན་དུ་མ་རིག་པའི་ཕ་རོལ་གང་ཡིན་པ་དེ་ནི། མ་རིག་པ་མ་ཡིན་ནོ། །དེ་བཞིན་དུ་སྦྱར་ཏེ། རྒ་ཤིའི་བར་གྱི་ཕ་རོལ་གང་ཡིན་པ་དེ་ནི་རྒ་ཤི་མ་ཡིན་ནོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཀྱི་ཕ་རོལ་གང་ཡིན་པ་དེ་ནི་དྲན་པ་ཉེ་བར་བཞག་པ་རྣམས་མ་ཡིན་ནོ། །དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱི་ཕ་རོལ་གང་ཡིན་པ་དེ་ནི་འཕགས་པའི་ལམ་ཡན་ལག་བརྒྱད་པ་མ་ཡིན་ནོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུའི་ཕ་རོལ་གང་ཡིན་པ་དེ་ནི་དེ་བཞིན་གཤེགས་པའི་སྟོབས་བཅུ་མ་ཡིན་ནོ། །དེ་བཞིན་དུ་སྦྱར་ཏེ། སངས་རྒྱས་
Kha225b
ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་ཕ་རོལ་གང་ཡིན་པ་དེ་དག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་མ་ཡིན་ནོ། །དེ་བཞིན་དུ་ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ཀྱི་ཕ་རོལ་གང་ཡིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་མ་ཡིན་ནོ། །རབ་འབྱོར། ཆོས་འདི་དག་གི་ཕ་རོལ་ཇི་ལྟ་བར་ཆོས་ཐམས་ཅད་ཀྱང་དེ་ལྟ་བུ་ཡིན་ནོ། །གསོལ་པ། བཙུན་པ་བཅོམ་ལྡན་འདས། གལ་ཏེ་ཆོས་འདི་དག་གི་ཕ་རོལ་ཇི་ལྟ་བར་ཆོས་ཐམས་ཅད་ཀྱང་དེ་ལྟ་བུ་ལགས་ན། བཙུན་པ་བཅོམ་ལྡན་འདས། དེ་ལྟ་ན་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་མངོན་པར་རྫོགས་པར་སངས་རྒྱས་པར་མི་འགྱུར་མ་ལགས་སམ། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ནི་གཟུགས་སོ། །འདི་ནི་ཚོར་བའོ། །འདི་ནི་འདུ་ཤེས་སོ། །འདི་དག་ནི་འདུ་བྱེད་རྣམས་སོ། །འདི་ནི་རྣམ་པར་ཤེས་པའོ། །དེ་བཞིན་དུ་སྦྱར་ཏེ། འདི་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཡིན་ནོ་སྙམ་དུ་གཟུགས་ཀྱི་ཕ་རོལ་ན་རྣམ་པར་རྟོག་པ་ཅིའང་མ་མཆིས། དེ་བཞིན་དུ་ཚོར་བའི་ཕ་རོལ་དང ། འདུ་ཤེས་ཀྱི་ཕ་རོལ་དང ། འདུ་བྱེད་རྣམས་ཀྱི་ཕ་རོལ་དང ། རྣམ་པར་ཤེས་པའི་ཕ་རོལ་ན་རྣམ་པར་རྟོག་པ་ཅིའང་མ་མཆིས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་ཕ་རོལ་ན། རྣམ་པར་རྟོག་པ་ཅིའང་མ་མཆིས་པའི་སླད་དུའོ། །བཅོམ་ལྡན་
Kha226a
༄#། །འདས་ཀྱིས་བཀའ་སྩལ་པ། རབ་འབྱོར། རང་བཞིན་གྱིས་སྟོང་པ་ཉིད་ཀྱི་ཕྱིར། ཇི་སྐད་སྨྲས་པ་དེ་བཞིན་ནོ། །རབ་འབྱོར། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མཆོག་ཏུ་དཀའ་བ་བྱེད་པ་ཡིན་ཏེ། ཆོས་འདི་དག་འདི་ལྟར་ཞི་བ། འདི་ལྟར་ཟབ་པ་ལ་ངེས་པར་སེམས་ཀྱང་ཞུམ་པར་མི་འགྱུར་ཏེ། དེ་དག་འདི་སྙམ་དུ་བདག་ཅག་གིས་ཆོས་འདི་དག་མངོན་པར་རྫོགས་པར་འཚང་རྒྱ་བར་བྱ་སྟེ། དེ་ལྟར་བདག་ཅག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། འདི་ལྟར་ཟབ་པའི་ཆོས་འདི་དག་སེམས་ཅན་རྣམས་ལ་བསྟན་པར་བྱའོ་སྙམ་དུ་སེམས་པ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་དཔུང་གཉེན་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་གླིང་ཡིན་ཞེ་ན། རབ་འབྱོར། འདི་ལྟ་སྟེ། དཔེར་ན། ཆུ་ཀླུང་དག་གམ། མཚོའམ། མཚོ་ཆེན་པོ་དག་གམ། རྒྱ་མཚོ་དག་གིས་ཕྱོགས་འདི་དག་ཆུས་ཀུན་དུ་ཆོད་པ་གང་དག་ཡིན་པ་དེ་དག་ནི་གླིང་ཞེས་བྱའོ། །རབ་འབྱོར། དེ་བཞིན་དུ་གཟུགས་སྔོན་གྱི་མཐའ་དང ། ཕྱི་མའི་མཐའ་ཡོངས་སུ་ཆད་པ་དེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་དེ་ཁོ་ན་བཞིན་དུ་མངོན་པར་རྫོགས་པར་ཁོང་དུ་ཆུད་ནས་
Kha226b
སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྔོན་གྱི་མཐའ་དང ། ཕྱི་མའི་མཐའ་ཡོངས་སུ་ཆད་པ་དེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་དེ་ཁོ་ན་བཞིན་དུ་མངོན་པར་རྫོགས་པར་ཁོང་དུ་ཆུད་ནས་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་སྔོན་གྱི་མཐའ་དང ། ཕྱི་མའི་མཐའ་ཡོངས་སུ་ཆད་པ་དེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་དེ་ཁོ་ན་བཞིན་དུ་མངོན་པར་རྫོགས་པར་ཁོང་དུ་ཆུད་ནས་སེམས་ཅན་རྣམས་ལ་ཆོས་སྟོན་ཏོ། །རབ་འབྱོར། སྔོན་གྱི་མཐའ་དང ། ཕྱི་མའི་མཐའི་ཆོས་ཡོངས་སུ་ཆད་པ་འདིས་ཆོས་ཐམས་ཅད་ཡོངས་སུ་ཆད་པ་ཡིན་ནོ། །རབ་འབྱོར། ཆོས་ཐམས་ཅད་སྔོན་གྱི་མཐའ་དང ། ཕྱི་མའི་མཐའ་ཡོངས་སུ་ཆད་པ་གང་ཡིན་པ་དེ་ནི་ཞི་བ་གྱ་ནོམ་པ་ཇི་ལྟ་བ་བཞིན་ཡིན་ཏེ། འདི་ལྟ་སྟེ། སྟོང་པ་ཉིད་དང ། དམིགས་སུ་མེད་པ་དང ། ལམ་ཡོངས་སུ་ཆད་པ་དང ། སྲེད་པ་ཟད་པ་དང ། ལྷག་མ་མ་ལུས་པ་དང ། འདོང་ཆགས་དང་བྲལ་བ་དང ། འགོག་པ་དང ། མྱ་ངན་ལས་འདས་པ་ཞེས་བྱ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་གླིང་ཡིན་ནོ། །རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་སྒྲོན་མ་འཛིན་པ་དང ། འོད་བྱེད་པ་ཡིན་ཞེ་ན། བཅོམ་ལྡན་འདས་དག་
Kha227a
༄#། །གིས་དེ་དག་གི་དོན་དེ་ཁོ་ན་ལ་དེ་ཁོ་ནར་རྟོགས་ནས་དེ་ཁོ་ན་བཞིན་དུ་འཛིན་ཅིང ། སེམས་ཅན་རྣམས་ལ་འང་སྟོན་ལ། སེམས་ཅན་རྣམས་ཀྱང་དེ་ཡང་དག་པར་འཛིན་དུ་འཇུག་ཅིང་འཛུད་ལ་རབ་ཏུ་འགོད་པར་བྱེད་པ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་སྒྲོན་མ་འཛིན་པ་དང ། འོད་བྱེད་པ་ཡིན་ནོ། ། རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་དེད་དཔོན་དང ། ཡོངས་སུ་འདྲེན་པ་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་སེམས་ཅན་ལམ་ངན་པར་ཞུགས་པ་འགྲོ་བ་ངན་པའི་འགྲོ་བར་འགྲོ་བ་དག་ལ། སེམས་ཅན་རྣམས་རྣམ་པར་དག་པར་བྱ་བ་དང ། མྱ་ངན་དང ། གནོད་པ་དག་ལས་ཡང་དག་པར་འདའ་བར་བྱ་བ་དང ། སྡུག་བསྔལ་བ་དང ། ཡིད་མི་བདེ་བ་དག་ནུབ་པར་བྱ་བ་དང ། རིགས་པའི་ཆོས་རྟོགས་པར་བྱ་བ་དང ། མྱ་ངན་ལས་འདའ་བ་མངོན་སུམ་དུ་བྱ་བའི་ཕྱིར་བགྲོད་པ་གཅིག་པའི་ལམ་སྟོན་པར་བྱེད་དོ། །དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་གཟུགས་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པར་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་
Kha227b
རྣམས་དང ། རྣམ་པར་ཤེས་པ་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པར་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་རྒྱུན་དུ་ཞུགས་པའི་འབྲས་བུ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། རྣམ་པ་ཐམས་ཅད་མཁྱེན་པ་ཉིད་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པར་སེམས་ཅན་རྣམས་ལ་ཆོས་སྟོན་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་དེད་དཔོན་དང ། ཡོངས་སུ་འདྲེན་པ་ཡིན་ནོ་།རབ་འབྱོར། ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་རྟེན་ཡིན་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་བྱང་ཆུབ་སེམས་དཔའི་སྤྱད་པ་སྤྱོད་པ་ན་བསྡུ་བའི་དངོས་པོ་བཞི་པོ་འདི་ལྟ་སྟེ། སྦྱིན་པ་དང ། སྙན་པར་སྨྲ་བ་དང ། དོན་སྤྱོད་པ་དང ། དོན་མཐུན་པས་སེམས་ཅན་རྣམས་བསྡུས་ནས་སེམས་ཅན་དེ་དག་ཉིད་ལ་གཟུགས་ནམ་མཁའི་ཚུལ་ཅན་དུ་ཆོས་སྟོན་ཏོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནམ་མཁའི་ཚུལ་ཅན་དུ་ཆོས་སྟོན་ཏོ། །དེ་ལྟར་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ནམ་མཁའི་ཚུལ་ཅན་དུ་ཆོས་སྟོན་ཏོ། །གཞན་
Kha228a
༄#། །ཡང་མ་འོངས་པའི་གཟུགས་ནི་སྟོང་པ་ཉིད་དེ། དེ་ནི་གང་ནས་ཀྱང་འོང་བ་མེད་ལ། གང་དུའང་འགྲོ་བ་མེད་པར་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་མ་འོངས་པའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། མ་འོངས་པའི་རྣམ་པར་ཤེས་པ་ནི་སྟོང་པ་ཉིད་དེ། དེ་ནི་གང་ནས་ཀྱང་འོང་བ་མེད་ལ། གང་དུའང་འགྲོ་བ་མེད་པར་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་སྦྱར་ཏེ། མ་འོངས་པའི་རྣམ་པ་ཐམས་ཅད་མཁྱེན་པ་ཉིད་ཀྱི་བར་ནི་སྟོང་པ་ཉིད་དེ། དེ་ནི་གང་ནས་ཀྱང་འོང་བ་མེད་ལ། གང་དུའང་འགྲོ་བ་མེད་པར་སེམས་ཅན་རྣམས་ལ་ཆོས་སྟོན་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་རྟེན་ཡིན་ནོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའ་བའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་དག་ལ་ནི་འགྲོ་བའམ། འོང་བ་ཅིའང་མི་དམིགས་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་མངོན་པར་འདུ་བྱེད་པ་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །རབ་འབྱོར། སྐྱེ་བ་མེད་པ་དང ། འགག་པ་མེད་པ་དང །
Kha228b
ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དག་ལ་ནི་འགྲོ་བའམ། འོང་བ་ཅིའང་མི་དམིགས་སོ། །རབ་འབྱོར། དེ་ལྟར་གོང་མ་བཞིན་དུ་སྦྱར་ཏེ། ཆོས་ཐམས་ཅད་ནི་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །རབ་འབྱོར། སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དག་ལ་ནི་འགྲོ་བའམ། འོང་བ་ཅིའང་མི་དམིགས་སོ། །རབ་འབྱོར། ཆོས་ཐམས་ཅད་ནི་སྒྱུ་མ་དང ། སྨིག་རྒྱུ་དང ། ཆུ་ཟླ་དང ། རྨི་ལམ་དང ། མིག་ཡོར་དང ། བྲག་ཅ་དང ། སྤྲུལ་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། སྒྱུ་མ་དང ། སྨིག་རྒྱུ་དང ། ཆུ་ཟླ་དང ། རྨི་ལམ་དང ། མིག་ཡོར་དང ། བྲག་ཅ་དང ། སྤྲུལ་པ་དག་ལ་ནི་འགྲོ་བའམ། འོང་བ་ཅིའང་མི་དམིགས་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་དབྲི་བ་མེད་པ་དང ། བསྣན་པ་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། དབྲི་བ་མེད་པ་དང ། བསྣན་པ་མེད་པའི་ཚུལ་ཅན་ལ་ནི་འགྲོའམ། འོང་བ་ཅིའང་མི་དམིགས་པའི་ཕྱིར་རོ། །རབ་
Kha229a
༄#། །འབྱོར། ཆོས་ཐམས་ཅད་ནི་མ་འོངས་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། མ་འོངས་པའི་ཚུལ་ཅན་ལ་ནི་འགྲོ་བའམ། འོང་བ་ཅིའང་མི་དམིགས་པའི་ཕྱིར་རོ། །རབ་འབྱོར། དེ་བཞིན་དུ་སྦྱར་ཏེ། ཆོས་ཐམས་ཅད་ནི་བླང་དུ་མེད་པ་དང ། དོར་དུ་མེད་པའི་བར་གྱི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། བླང་དུ་མེད་པ་དང ། དོར་དུ་མེད་པ་ལ་ནི་འགྲོ་བའམ། འོང་བ་ཅིའང་མི་དམིགས་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་འདྲེ་བ་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། འདྲེ་བ་མེད་པ་ལ་འགྲོ་བའམ། འོང་བ་ཅིའང་དམིགས་སུ་མེད་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་བདག་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། བདག་ལ་ནི་འགྲོ་བའམ། འོང་བ་ཅིའང་མི་དམིགས་པའི་ཕྱིར་རོ། །རབ་འབྱོར། དེ་ལྟར་ན་གོང་མ་བཞིན་དུ་སྦྱར་ཏེ། ཆོས་ཐམས་ཅད་ནི་སེམས་ཅན་མེད་པ་དང ། སྐྱེ་བ་པོ་མེད་པ་དང ། སྲོག་མེད་པ་དང ། གསོ་བ་
Kha229b
མེད་པ་དང ། གང་ཟག་མེད་པ་དང ། ཤེད་ལས་སྐྱེས་པ་མེད་པ་དང ། ཤེད་བུ་མེད་པ་དང ། སློང་བ་པོ་མེད་པ་དང ། ཀུན་ནས་སློང་བ་པོ་མེད་པ་དང ། བྱེད་པ་པོ་མེད་པ་དང ། བྱེད་དུ་འཇུག་པ་པོ་དང ། ཤེས་པ་པོ་དང ། མཐོང་བ་པོ་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། བདག་གཏན་མེད་ཅིང་མི་དམིགས་པ་དང ། དེ་བཞིན་དུ་སེམས་ཅན་དང ། སྲོག་དང ། གསོ་བ་དང ། གང་ཟག་དང ། ཤེད་ལས་སྐྱེས་པ་དང ། ཤེད་བུ་དང ། སློང་བ་པོ་དང ། ཀུན་ནས་སློང་པ་པོ་དང ། བྱེད་པ་པོ་དང ། བྱེད་དུ་འཇུག་པ་པོ་དང ། ཤེས་པ་པོ་དང ། མཐོང་བ་པོ་མེད་ཅིང་མི་དམིགས་པའི་ཕྱིར་རོ། །རབ་འབྱོར། གཞན་ཡང་ཆོས་ཐམས་ཅད་ནི་རྟག་པ་དང ། མི་རྟག་པའི་ཚུལ་ཅན་ནོ། །རབ་འབྱོར། དེ་བཞིན་དུ་ཆོས་ཐམས་ཅད་ནི་བདེ་བའི་ཚུལ་ཅན་དང ། སྡུག་བསྔལ་བའི་ཚུལ་ཅན་དང ། བདག་གི་ཚུལ་ཅན་དང ། བདག་མེད་པའི་ཚུལ་ཅན་དང ། སྟོང་པའི་ཚུལ་ཅན་དང ། མི་སྟོང་པའི་ཚུལ་ཅན་དང ། མཚན་མའི་ཚུལ་ཅན་དང ། མཚན་མ་མེད་པའི་ཚུལ་ཅན་དང ། སྨོན་པའི་ཚུལ་ཅན་དང ། སྨོན་པ་མེད་པའི་ཚུལ་ཅན་དང ། ཞི་བའི་ཚུལ་ཅན་དང ། དབེན་པའི་ཚུལ་ཅན་དང ། ཀུན་ནས་ཉོན་མོངས་པའི་ཚུལ་ཅན་དང ། རྣམ་བྱང་བའི་ཚུལ་ཅན་དང ། སྐྱེ་བའི་ཚུལ་ཅན་དང ། སྐྱེ་བ་མེད་པའི་ཚུལ་ཅན་དང ། འགག་པའི་ཚུལ་ཅན་དང ། འགག་པ་མེད་པའི་ཚུལ་ཅན་དང ། དངོས་པོའི་ཚུལ་ཅན་དང ། དངོས་པོ་མེད་པའི་
Kha230a
༄#། །ཚུལ་ཅན་དང ། སྡུག་པའི་ཚུལ་ཅན་དང ། མི་སྡུག་པའི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། རྟག་པ་དང ། བདེ་བ་དང ། བདག་དང ། སྡུག་པའི་བར་དུ་གཏན་མེད་ཅིང་མི་དམིགས་ཏེ། དེའི་ཕྱིར་དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་འདོད་ཆགས་ཀྱི་གཞི་ཅན་དང ། ཞེ་སྡང་གི་གཞི་ཅན་དང ། གཏི་མུག་གི་གཞི་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། འདོད་ཆགས་ཀྱི་གཞི་དང ། ཞེ་སྡང་གི་གཞི་དང ། གཏི་མུག་གི་གཞི་གཏན་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་ལྟ་བའི་རྣམ་པའི་གཞི་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། ལྟ་བའི་རྣམ་པའི་གཞི་གཏན་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། དེ་བཞིན་དུ་ཆོས་ཐམས་ཅད་ནི་དེ་བཞིན་ཉིད་ཀྱི་ཚུལ་ཅན་དང ། ཆོས་ཀྱི་དབྱིངས་ཀྱི་ཚུལ་ཅན་དང ། ཡང་དག་པའི་མཐའི་ཚུལ་ཅན་དང ། མཉམ་པ་ཉིད་ཀྱི་ཚུལ་ཅན་དང ། བསམ་ཀྱིས་མི་ཁྱབ་པའི་དབྱིངས་ཀྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། དེ་བཞིན་ཉིད་དང ། ཆོས་ཀྱི་དབྱིངས་དང ། ཡང་དག་པའི་མཐའ་དང ། ཆོས་མཉམ་པ་ཉིད་དང །
Kha230b
བསམ་གྱིས་མི་ཁྱབ་པའི་དབྱིངས་གཏན་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་གཡོ་བ་མེད་པའི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། གང་འགྲོ་བའམ། འོང་བར་འགྱུར་བའི་གཡོ་བ་ཉིད་གང་ཡང་མེད་ཅིང་མི་དམིགས་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་གཟུགས་ཀྱི་ཚུལ་ཅན་ནོ། །རབ་འབྱོར། དེ་བཞིན་དུ་ཆོས་ཐམས་ཅད་ནི་ཚོར་བའི་ཚུལ་ཅན་དང ། འདུ་ཤེས་ཀྱི་ཚུལ་ཅན་དང ། འདུ་བྱེད་རྣམས་ཀྱི་ཚུལ་ཅན་དང ། རྣམ་པར་ཤེས་པའི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། གཟུགས་མེད་ཅིང་མི་དམིགས་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་མེད་ཅིང་མི་དམིགས་ན། དེ་དག་གི་འགྲོ་བའམ། འོང་པ་ལྟ་ག་ལ་ཡོད་པའི་ཕྱིར་རོ། །རབ་འབྱོར། དེ་བཞིན་དུ་ཆོས་ཐམས་ཅད་ནི་སྦྱིན་པའི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། སྦྱིན་པ་གཏན་མེད་ཅིང་མི་དམིགས་ན། དེའི་སྦྱིན་པའི་ཕ་རོལ་ཏུ་ཕྱིན་པ་ལྟ་ག་ལ་ཡོད། རབ་འབྱོར། དེ་བཞིན་དུ་ཆོས་ཐམས་ཅད་ནི་ཚུལ་ཁྲིམས་ཀྱི་ཚུལ་ཅན་དང ། བཟོད་པའི་ཚུལ་ཅན་དང ། བརྩོན་འགྲུས་ཀྱི་ཚུལ་ཅན་དང ། བསམ་གཏན་གྱི་ཚུལ་ཅན་དང ། ཤེས་རབ་ཀྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། ཚུལ་ཁྲིམས་དང །
Kha231a
༄#། །བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་གཏན་མེད་ཅིང་མི་དམིགས་ན། དེ་དག་གི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལྟ་ག་ལ་ཡོད་པའི་ཕྱིར་རོ། །རབ་འབྱོར། དེ་བཞིན་དུ་ཆོས་ཐམས་ཅད་ནི་ནང་སྟོང་པ་ཉིད་ཀྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། ནང་སྟོང་པ་ཉིད་གཏན་མེད་ཅིང་མི་དམིགས་ན། དེ་དག་གི་འགྲོ་པའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། དེ་བཞིན་དུ་ཆོས་ཐམས་ཅད་ནི་ཕྱི་སྟོང་པ་ཉིད་ཀྱི་ཚུལ་ཅན་དང ། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། དངོས་པོ་མེད་པའི་ངོ་བོ་ཉིད་སྟོང་པ་ཉིད་ནི་གཏན་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་དྲན་པ་ཉེ་བར་བཞག་པའི་ཚུལ་ཅན་ནོ། །རབ་འབྱོར། དེ་བཞིན་དུ་སྦྱར་ཏེ། ཆོས་ཐམས་ཅད་ནི་འཕགས་པའི་ལམ་ཡན་ལག་བརྒྱད་པའི་བར་གྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། འཕགས་པའི་ལམ་ཡན་ལག་བརྒྱད་པ་གཏན་མེད་ཅིང་མི་དམིགས་ན་དེ་དག་
Kha231b
གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། དེ་བཞིན་དུ་ཆོས་ཐམས་ཅད་ནི་དེ་བཞིན་གཤེགས་པའི་སྟོབས་བཅུའི་ཚུལ་ཅན་ནོ། །རབ་འབྱོར། དེ་བཞིན་དུ་སྦྱར་ཏེ། ཆོས་ཐམས་ཅད་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་གཏན་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། ཆོས་ཐམས་ཅད་ནི་རྒྱུན་དུ་ཞུགས་པའི་འབྲས་བུའི་ཚུལ་ཅན་ནོ། །རབ་འབྱོར། དེ་བཞིན་དུ་ཆོས་ཐམས་ཅད་ནི་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་སངས་རྒྱས་ཀྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། རྒྱུན་དུ་ཞུགས་པའི་འབྲས་བུ་གཏན་མེད་ཅིང་མི་དམིགས་པ་དང ། དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་སངས་རྒྱས་ཉིད་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར། སངས་རྒྱས་ཀྱི་ཆོས་ཐམས་ཅད་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་གཏན་མེད་ཅིང་མི་དམིགས་ན། དེ་དག་གི་འགྲོ་བའམ །
Kha232a
༄#། །འོང་བ་ལྟ་ག་ལ་ཡོད་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་མོ་འདི་ལ་སུ་དག་མངོན་པར་ཡིད་ཆེས་ཤིང་མོས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར།་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྤྱོད་པ་སྤྱད་པ་དག་དང ། སྔོན་གྱི་ཡང་དག་པར་རྫོགས་པའི་སངས་རྒྱས་དག་གི་དྲུང་དུ་ཚངས་པར་སྤྱོད་པ་སྤྱད་པ་དག་དང ། དགེ་བའི་རྩ་བ་དག་བསྐྱེད་པ་དང ། དགེ་བའི་བཤེས་གཉེན་གྱིས་ཡོངས་སུ་ཟིན་པ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མངོན་པར་ཡིད་ཆེས་ཤིང་མོས་པར་འགྱུར་རོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མངོན་པར་ཡིད་ཆེས་ཤིང་མོས་པར་འགྱུར་བ་དེ་དག་གི་སེམས་ཀྱི་ངོ་བོ་ཉིད་དེ་ཅི་འདྲ་བ་ཞིག་ཏུ་འགྱུར་ལགས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་རྟགས་ནི་ཅི་འདྲ་བ་ཞིག་ལགས། མཚན་མ་ནི་ཅི་འདྲ་བ་ཞིག་།དབྱིབས་ནི་ཅི་འདྲ་བ་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་
Kha232b
དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མངོན་པར་ཡིད་ཆེས་ཤིང་མོས་པར་འགྱུར་བ་དེ་དག་གི་སེམས་ཀྱི་ངོ་བོ་ཉིད་ནི་འདོད་ཆགས་དང ། ཞེ་སྡང་དང ། གཏི་མུག་དུལ་བ་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མངོན་པར་ཡིད་ཆེས་ཤིང་མོས་པར་འགྱུར་བ་དེ་དག་ནི་འདོད་ཆགས་དང ། ཞེ་སྡང་དང ། གཏི་མུག་གི་རྟགས་དང ། མཚན་མ་དང ། དབྱིབས་ཀྱི་དབེན་པ་དག་ཏུ་འགྱུར་རོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མངོན་པར་ཡིད་ཆེས་ཤིང་མོས་པར་འགྱུར་བ་དེ་དག་ཇི་ལྟ་བུའི་ཚུལ་ཅན་དུ་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ངག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མངོན་པར་ཡིད་ཆེས་ཤིང་མོས་པར་འགྱུར་བ་དེ་དག་ནི་ཐམས་ཅད་མཁྱེན་པ་ཉིད་ཀྱི་ཚུལ་ཅན་དུ་འགྱུར་རོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་འཛིན་པ་མ་མཆིས་པ་བསྒོམ་པ་དག་ནི། ཐམས་ཅད་མཁྱེན་པ་ཉིད་ཀྱི་ཚུལ་ཅན་དུ་འགྱུར་ལགས་སོ། །བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། ཆོས་ཐམས་
Kha233a
༄#། །ཅད་རྣམ་པར་འཇིག་པ་ལགས་ལ། བཙུན་པ་བཅོམ་ལྡན་འདས། ཆོས་ཐམས་ཅད་རྣམ་པར་འཇིག་པའང ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་འདི་ལགས་སོ། །བཀའ་སྩལ་པ། རབ་འབྱོར། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་ཆོས་ཐམས་ཅད་གང་དག་རྣམ་པར་འཇིག་པ་ཡིན། གསོལ་པ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང ། ནང་གི་སྐྱེ་མཆེད་དྲུག་དང ། ཕྱིའི་སྐྱེ་མཆེད་དྲུག་དང་ཁམས་བཅོ་བརྒྱད་རྣམ་པར་འཇིག་པ་ལགས་སོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་བདག་དང ། སེམས་ཅན་དང ། སྐྱེ་བ་པོ་དང ། སྲོག་དང ། གསོ་བ་དང ། གང་ཟག་དང ། ཤེད་ལས་སྐྱེས་དང ། ཤེད་བུ་དང ། བྱེད་པ་པོ་དང ། བྱེད་དུ་འཇུག་པ་པོ་དང ། སློང་པ་པོ་དང ། ཀུན་ནས་སློང་བ་པོ་དང ། ཚོར་བ་པོ་དང ། ཚོར་བར་བྱེད་པ་པོ་དང ། ཤེས་པ་པོ་དང ། མཐོང་བ་པོ་རྣམ་པར་འཇིག་པ་ལགས་སོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་འཇིག་པ་
Kha233b
ལགས་སོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། ནང་སྟོང་པ་ཉིད་དང ། ཕྱི་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་རྣམ་པར་འཇིག་པ་ལགས་སོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། དྲན་པ་ཉེ་བར་བཞག་པ་རྣམས་དང ། ཡང་དག་པར་སྤོང་པ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། ལམ་རྣམས་རྣམ་པར་འཇིག་པ་ལགས་སོ། །དེ་བཞིན་དུ་སྦྱར་ཏེ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་འཇིག་པ་ལགས་སོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་རྒྱུན་དུ་ཞུགས་པའི་འབྲས་བུ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་རྣམ་པར་འཇིག་པ་ལགས་སོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྣམ་པར་འཇིག་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། འདི་ལྟ་སྟེ།་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་གཟུགས་རྣམ་པར་འཇིག་པའོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། ཚོར་པ་དང ། འདུ་ཤེས་དང ། འདུ་
Kha234a
༄#། །བྱེད་རྣམས་དང ། རྣམ་པར་ཤེས་པ་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་མིག་རྣམ་པར་འཇིག་པ་ཡིན་ནོ། ། དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་རྣ་བ་དང ། སྣ་དང ། ལྕེ་དང ། ལུས་དང ། ཡིད་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། གཟུགས་རྣམས་རྣམ་པར་འཇིག་པ་ཡིན་ནོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་མིག་གི་ཁམས་རྣམ་པར་འཇིག་པ་ཡིན་ནོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། ལྕེའི་ཁམས་དང ། རོའི་ཁམས་དང ། ལྕེའི་
Kha234b
རྣམ་པར་ཤེས་པའི་ཁམས་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་དྲན་པ་ཉེ་བར་བཞག་པ་རྣམ་པར་འཇིག་པ་ཡིན་ནོ། །དེ་བཞིན་དུ་སྦྱར་ཏེ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི། འཕགས་པའི་ལམ་ཡན་ལག་བརྒྱད་པའི་བར་དུ་རྣམ་པར་འཇིག་པ་ཡིན་ནོ། །འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་དེ་བཞིན་གཤེགས་པའི་སྟོབས་བཅུ་རྣམ་པར་འཇིག་པ་ཡིན་ནོ། །དེ་བཞིན་དུ་སྦྱར་ཏེ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་འཇིག་པ་ཡིན་ནོ། །དེ་བཞིན་དུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དེ་ནི་ཆོས་ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་རྣམ་པར་འཇིག་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་
Kha235a
༄#། །པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལས་ཕྱིར་མི་ལྡོག་པའི་བྱང་ཆུབ་སེམས་དཔས་ཉེ་བར་བརྟག་པར་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ལ་མངོན་པར་ཞེན་པར་མི་བྱེད་དོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་མངོན་པར་ཞེན་པར་མི་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ན། གཞན་གྱིས་སྨྲས་པའི་ཚིག་དག་ལ་སྙིང་པོ་མེད་པ་དང ། དེ་ཁོ་ན་མ་ཡིན་པར་ཁོང་དུ་ཆུད་བར་བྱེད་དེ། གཞན་གྱི་དད་པས་མི་འགྲོའོ། །འདོད་ཆགས་དང ། ཞེ་སྡང་དང ། གཏི་མུག་དང་མཚུངས་པར་ལྡན་པའི་སེམས་དང ། སེམས་ལས་བྱུང་བའི་ཉེ་བར་ཉོན་མོངས་པ་རྣམས་ཀྱིས་འཕྲོགས་པར་མི་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ན་སྦྱིན་པའི་ཕ་རོལ་ཏུ་ཕྱིན་པ་དང་
Kha235b
བྲལ་བར་མི་འགྱུར། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བར་མི་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ན་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉིད་ཐོས་ནས་མི་སྐྲག་མི་དངང་ཞིང་དངང་བར་མི་འགྱུར་ལ། མི་ཞུམ་མི་འགོང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཡིད་ཕྱིར་ལྡོག་པར་མི་འགྱུར་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་ཉན་པར་མངོན་པར་དགའ་ཞིང ། ཐོས་ནས་ཀྱང་འཛིན་པར་བྱེད། འཆང་བར་བྱེད། ཀུན་ཆུབ་པར་བྱེད་པ་ནས། ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་དང ། དེ་བཞིན་དུ་སྒྲུབ་པར་བྱེད་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཕྱིར་མི་ལྡོག་པ་ཡིན་པར་རིག་པར་བྱ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དེས་ནི་སྔོན་གྱི་མཐར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ཤིང་ཡོངས་སུ་དྲི་བ་བྱས་པ་དང ། བཟུང་བ་དང ། ཀུན་ཆུབ་པར་བྱས་པ་ནས་ཚུལ་བཞིན་དུ་ཡིད་ལ་བྱེད་པའི་བར་དུ་བྱས་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཆད་པ་ན། མི་སྐྲག་མི་དངང་ཞིང་དངང་བར་མི་འགྱུར་ལ། མི་ཞུམ་མི་
Kha236a
༄#། །འགོང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་དེའི་ཡིད་ཕྱིར་ལྡོག་བར་མི་འགྱུར་བའི་སྟེང་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཛིན་པར་བྱེད། འཆང་བར་བྱེད། ཀུན་ཆུབ་པར་བྱེད་པ་ནས་ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཆད་པ་ན་མི་སྐྲག་མི་དངང་ཞིང་དངང་བར་མི་འགྱུར་ལ། མི་ཞུམ་མི་འགོང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཡིད་ཕྱིར་ལྡོག་པར་མི་འགྱུར་བའི་སྟེང་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཛིན་པར་བགྱིད་པ་ནས། ཚུལ་བཞིན་དུ་ཡིད་ལ་བགྱིད་པའི་བར་དུ་བགྱིད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཇི་ལྟར་སྤྱད་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རྣམ་པ་ཐམས་ཅད་མཁྱེན་པ་ཉིད་ལ་གཞོལ་བའི་སེམས་ཀྱི་རྒྱུད་ཀྱིས་སྤྱད་པར་བྱའོ། །གསོལ་པ། ཇི་ལྟར་རྣམ་པ་ཐམས་ཅད་མཁྱེན་པ་ཉིད་ལ་གཞོལ་བའི་སེམས་ཀྱི་རྒྱུད་ཀྱིས་སྤྱད་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། སྟོང་པ་ཉིད་ལ་གཞོལ་བའི་སེམས་ཀྱི་རྒྱུད་དང ། དེ་བཞིན་དུ་
Kha236b
མཚན་མ་མེད་པ་དང ། སྨོན་པ་མེད་པ་ལ་གཞོལ་བའི་སེམས་ཀྱི་རྒྱུད་ཀྱིས་སྤྱད་པར་བྱའོ། །དེ་བཞིན་དུ་ནམ་མཁའ་ལ་གཞོལ་བའི་སེམས་ཀྱི་རྒྱུད་དང ། དེ་བཞིན་དུ་སྦྱར་ཏེ། སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ལ་གཞོལ་བའི་སེམས་ཀྱི་རྒྱུད་དང ། དེ་བཞིན་དུ་དེ་བཞིན་ཉིད་ལ་གཞོལ་བའི་སེམས་ཀྱི་རྒྱུད་དང ། དེ་བཞིན་དུ་དེ་བཞིན་ཉིད་ལ་གཞོལ་བ་དང ། ཆོས་ཀྱི་དབྱིངས་ལ་གཞོལ་བ་དང ། ཡང་དག་པའི་མཐའ་ལ་གཞོལ་བ་དང ། ཆོས་མཉམ་པ་ཉིད་ལ་གཞོལ་བའི་སེམས་ཀྱི་རྒྱུད་དང ། བསམ་གྱིས་མི་ཁྱབ་པའི་དབྱིངས་ལ་གཞོལ་བའི་སེམས་ཀྱི་རྒྱུད་དང ། དེ་བཞིན་དུ་སྒྱུ་མ་དང ། སྨིག་རྒྱུ་དང ། ཆུ་ཟླ་དང ། རྨི་ལམ་དང ། མིག་ཡོར་དང ། བྲག་ཅ་དང ། སྤྲུལ་པ་ལ་གཞོལ་བའི་སེམས་ཀྱི་རྒྱུད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱད་པར་བྱའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་ལ་བཞོལ་བའི་སེམས་ཀྱི་རྒྱུད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་དང ། དེ་བཞིན་དུ་སྦྱར་ཏེ། སྒྱུ་མ་དང ། སྨིག་རྒྱུ་དང ། ཆུ་ཟླ་དང ། རྨི་ལམ་དང ། མིག་ཡོར་དང ། བྲག་ཅ་དང ། སྤྲུལ་པ་ལ་གཞོལ་པའི་སེམས་ཀྱི་རྒྱུད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་
Kha237a
༄#། །འདི་ལ་སྤྱོད་ན། བཙུན་པ་བཅོམ་ལྡན་འདས། ཅི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་གཟུགས་ལ་སྤྱོད་པ་ལགས་སམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་སྤྱོད་པ་ལགས་སམ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྤྱོད་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ནི་གཟུགས་ལ་སྤྱོད་པ་མ་ཡིན་ནོ། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་སྤྱོད་པ་མ་ཡིན་ནོ། །རབ་འབྱོར། དེ་བཞིན་དུ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ། འདི་ལ་སྤྱོད་པ་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྤྱོད་པ་མ་ཡིན་ནོ། །རབ་འབྱོར། རྣམ་པ་ཐམས་ཅད་མཁྱེན་པ་ཉིད་དེ་ནི་སུས་ཀྱང་མ་བྱས། འགྱུར་བར་ཡང་མ་བྱས། གང་ནས་ཀྱང་མ་འོངས། གང་དུའང་མ་སོང ། གང་ལའང་མི་གནས། ཡུལ་ནའང་མི་གནས། ཕྱོགས་ནའང་མི་གནས་ཏེ། དེ་ལ་ནི་གྲངས་དང ། རྩིས་ཀྱང་མི་གནས་མི་དམིགས་སོ། ། གང་ལ་གྲངས་དང ། རྩིས་མི་དམིགས་པ་དེ་ནི་སུས་ཀྱང་མངོན་པར་རྫོགས་པར་འཚང་རྒྱ་བར་མི་ནུས་ཏེ། གཟུགས་སམ། ཚོར་བའམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་
Kha237b
པའམ། སྦྱིན་པའམ། ཚུལ་ཁྲིམས་སམ། བཟོད་པའམ། བརྩོན་འགྲུས་སམ། བསམ་གཏན་དག་གམ། ཤེས་རབ་བམ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་བར་གྱིས་ཀྱང་མངོན་པར་རྫོགས་པར་འཚང་རྒྱ་བར་མི་ནུས་སོ། །དེ་ཅིའི་ཕྱིར་ཞེ་ན། གཟུགས་ཉིད་རྣམ་པ་ཐམས་ཅད་མཁྱེན་པ་ཉིད་ཡིན་ལ། དེ་བཞིན་དུ་ཚོར་བ་དང ། དེ་བཞིན་དུ་འདུ་ཤེས་དང ། དེ་བཞིན་དུ་འདུ་བྱེད་རྣམས་དང ། དེ་བཞིན་དུ་རྣམ་པར་ཤེས་པ་ཉིད་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གཟུགས་ཀྱི་དེ་བཞིན་ཉིད་གང་ཡིན་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ཡིན་པའི་དེ་བཞིན་ཉིད་དེ་ནི་གཅིག་པ་ཉིད་ཡིན། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་དེ་བཞིན་ཉིད་གང་ཡིན་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ཡིན་པའི་དེ་བཞིན་ཉིད་དེ་ནི་གཅིག་པ་ཉིད་ཡིན། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་དེ་བཞིན་ཉིད་གང་ཡིན་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་དེ་བཞིན་ཉིད་གང་ཡིན་པའི་དེ་བཞིན་ཉིད་དེ་ནི་གཅིག་པ་ཉིད་ཡིན། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ཡིན་པ་དང ། ལམ་གྱི་རྣམ་པ་ཤེས་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ཡིན་པའི་དེ་བཞིན་ཉིད་
Kha238a
༄#། །དེ་ནི་གཅིག་པ་ཉིད་ཡིན་པའི་ཕྱིར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། བསྒོམ་པའི་ལེའུ་ཞེས་བྱ་སྟེ་ཉི་ཤུ་གཉིས་པའོ།། །།དེ་ནས་འདོད་པ་ནི་སྤྱོད་པ་དང ། གཟུགས་ན་སྤྱོད་པའི་ལྷ་དག་གིས་ལྷའི་ཙནྡན་གྱི་ཕྱེ་མ་དག་ཀྱང ། རྒྱ་སྤོས་དང ། ཏ་ལའི་ལོ་མའི་ཕྱེ་མ་དག་དང ། ལྷའི་ཨུཏྤལ་དང ། པདྨ་དང ། ཀུ་མུ་ཏ་དང ། པདྨ་དཀར་པོ་དག་སངས་རྒྱས་བཅོམ་ལྡན་འདས་ལ་གཏོར་ནས། བཅོམ་ལྡན་འདས་ག་ལ་བ་དེ་ལོགས་སུ་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་\?\་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་ཀྱང་ལྷ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་རྟོགས་པར་དཀའ་བ། བརྟག་པར་མི་ནུས་པ། རྟོག་གི་སྤྱོད་པ་མ་ལགས་པ། ཞི་བ་ཞིབ་མོ་བརྟགས་པའི་མཁས་པ་དང ། མཛངས་པས་རིག་པར་བགྱི་བ་ལགས་པ་དང ། བཙུན་པ་བཅོམ་ལྡན་འདས། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་བསྟན་པ་འདི་ནི་འཇིག་རྟེན་ཐམས་ཅད་དང་མི་མཐུན་པ་ལགས་ཏེ། འདི་ལྟར་གཟུགས་ཉིད་རྣམ་པ་ཐམས་ཅད་མཁྱེན་པ་ཉིད་དེ། རྣམ་པ་ཐམས་ཅད་མཁྱེན་པ་ཉིད་གཟུགས་སོ། །དེ་བཞིན་དུ་ཚོར་བ་དང ། དེ་བཞིན་དུ་འདུ་ཤེས་དང ། དེ་བཞིན་དུ་འདུ་བྱེད་
Kha238b
རྣམས་དང ། དེ་བཞིན་དུ་རྣམ་པར་ཤེས་པ་ཉིད་རྣམ་པ་ཐམས་ཅད་མཁྱེན་པ་ཉིད་དོ། །རྣམ་པ་ཐམས་ཅད་མཁྱེན་པ་ཉིད་རྣམ་པར་ཤེས་པ་སྟེ། གཟུགས་ཀྱི་དེ་བཞིན་ཉིད་གང་ལགས་\?\་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་དེ་བཞིན་ཉིད་གང་ལགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མ་མཆིས་ཤིང་གཉིས་སུ་དབྱེར་མ་མཆིས་སོ། །འདི་ལྟར་མིག་ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་པ་ཐམས་ཅད་མཁྱེན་པ་ཉིད་མིག་ལགས་སོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་པ་ཐམས་ཅད་མཁྱེན་པ་ཉིད་ཡིད་ལགས་ཏེ། མིག་གི་དེ་བཞིན་ཉིད་གང་ལགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མ་མཆིས་ཤིང་གཉིས་སུ་དབྱེར་མ་མཆིས་སོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་དེ་བཞིན་ཉིད་གང་ལགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མ་མཆིས་ཤིང་གཉིས་སུ་དབྱེར་མ་མཆིས་སོ། །འདི་ལྟར་གཟུགས་རྣམས་ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་
Kha239a
༄#། །པ་ཐམས་ཅད་མཁྱེན་པ་ཉིད་གཟུགས་རྣམས་ལགས་སོ། །དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་པ་ཐམས་ཅད་མཁྱེན་པ་ཉིད་ཆོས་རྣམས་ལགས་སོ། །འདི་ལྟར་གཟུགས་ཀྱི་དེ་བཞིན་ཉིད་གང་ལགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མ་མཆིས་ཤིང་གཉིས་སུ་དབྱེར་མ་མཆིས་སོ། །དེ་བཞིན་དུ་མིག་གི་ཁམས་ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་པ་ཐམས་ཅད་མཁྱེན་པ་ཉིད་མིག་གི་ཁམས་ལགས་ཏེ། མིག་གི་དེ་བཞིན་ཉིད་གང་ལགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མ་མཆིས་ཤིང་གཉིས་སུ་དབྱེར་མ་མཆིས་སོ། །འདི་ལྟར་གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་
Kha239b
ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་པ་ཐམས་ཅད་མཁྱེན་པ་ཉིད་ཡིད་ཀྱི་རྣམ་པར་ཤེས་པའི་ཁམས་ལགས་ཏེ། དེ་ལྟར་ན་ཡིད་ཀྱི་རྣམ་པར་ཤེས་པའི་ཁམས་ཀྱི་དེ་བཞིན་ཉིད་གང་ལགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མ་མཆིས་ཤིང་གཉིས་སུ་དབྱེར་མ་མཆིས་སོ། །དེ་བཞིན་དུ་འདི་ལྟར་དྲན་པ་ཉེ་བར་བཞག་པ་རྣམས་ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་པ་ཐམས་ཅད་མཁྱེན་པ་ཉིད་དྲན་པ་ཉེ་བར་བཞག་པ་རྣམས་ལགས་སོ། །དེ་བཞིན་དུ་ཡང་དག་པར་སྤོང་བ་གང་ལགས་པ་དག་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། དེ་བཞིན་དུ་སྦྱར་ཏེ། འདི་ལྟར་འཕགས་པའི་ལམ་ཡན་ལག་བརྒྱད་པ་ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་པ་ཐམས་ཅད་མཁྱེན་པ་ཉིད་འཕགས་པའི་ལམ་ཡན་ལག་བརྒྱད་པ་ལགས་ཏེ། དེ་ལྟར་ན་འཕགས་པའི་ལམ་ཡན་ལག་བརྒྱད་པའི་དེ་བཞིན་ཉིད་གང་ལགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མ་མཆིས་ཤིང་གཉིས་སུ་དབྱེར་མ་མཆིས་སོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་གང་དག་ལགས་པ་ཉིད་རྣམ་པ་ཐམས་ཅད་མཁྱེན་པ་ཉིད་ལགས་ལ། རྣམ་པ་ཐམས་ཅད་མཁྱེན་
Kha240a
༄#། །པ་ཉིད་གང་ལགས་པ་ཉིད་དེ་བཞིན་གཤེགས་པའི་སྟོབས་བཅུ་ལགས་སོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་དེ་བཞིན་ཉིད་གང་ལགས་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ལགས་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མ་མཆིས་ཤིང་གཉིས་སུ་དབྱེར་མ་མཆིས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ལྷ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷ་དག་།དེ་དེ་བཞིན་ནོ། །ཇི་སྐད་སྨྲས་པ་དེ་དེ་བཞིན་ཏེ། གཟུགས་ཉིད་རྣམ་པ་ཐམས་ཅད་མཁྱེན་པ་ཉིད་ཡིན་ལ། རྣམ་པ་ཐམས་ཅད་མཁྱེན་པ་ཉིད་གཟུགས་ཡིན་ནོ། །དེ་བཞིན་དུ་ཚོར་བ་དང ། དེ་བཞིན་དུ་འདུ་ཤེས་དང ། དེ་བཞིན་དུ་འདུ་བྱེད་རྣམས་དང ། དེ་བཞིན་དུ་རྣམ་པར་ཤེས་པ་ཉིད་རྣམ་པ་ཐམས་ཅད་མཁྱེན་པ་ཉིད་ཡིན་ལ། རྣམ་པ་ཐམས་ཅད་མཁྱེན་པ་ཉིད་རྣམ་པར་ཤེས་པ་ཡིན་ཏེ། གཟུགས་ཀྱི་དེ་བཞིན་ཉིད་གང་ཡིན་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ཡིན་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་དེ་བཞིན་ཉིད་གང་ཡིན་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ཡིན་པའི་དེ་བཞིན་ཉིད་དེ་ནི་གཅིག་པ་ཉིད་དེ།
Kha240b
གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་དེ་བཞིན་ཉིད་གང་ཡིན་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་གང་ཡིན་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མེད་ཅིང་གཉིས་སུ་དབྱེར་མེད་དོ། །ལྷ་དག་།དོན་གྱི་དབང་འདི་ཡང་དག་པར་གཟིགས་པའི་དེ་བཞིན་གཤེགས་པའི་ཐུགས་ནི་ཐུགས་ཀྱི་འཕྲིན་ལས་ཆུང་བ་ལ་གཞོལ་བར་མཛད་ཀྱི་ཆོས་སྟོན་པ་ལ་ནི་མ་ཡིན་ནོ། །དེ་ཅིའི་ཕྱིར་ཞེ་ན། ལྷ་དག་།ཀྱེ་མ་ཆོས་འདི་ནི་ཟབ་སྟེ། མཐོང་བར་དཀའ་བ། རྟོགས་པར་དཀའ་བ། བརྟག་པར་མི་ནུས་པ། ཞིབ་མོ་བརྟགས་པའི་མཁས་པ་དང ། མཛངས་པས་རིག་པར་བྱ་བ་ཡིན་ཏེ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་བསྟན་པ་དེ་ནི་འཇིག་རྟེན་ཐམས་ཅད་དང་མི་མཐུན་པ་ཡིན་ཏེ། དེ་ནི་སུས་ཀྱང་མངོན་པར་རྫོགས་པར་སངས་མ་རྒྱས། གང་ལས་ཀྱང་མངོན་པར་རྫོགས་པར་སངས་མ་རྒྱས། གང་དུའང་མངོན་པར་རྫོགས་པར་སངས་མ་རྒྱས་ཏེ། ལྷ་དག་།འདི་ནི་གང་ལ་གཉིས་ཀུན་ཏུ་རྒྱུ་བའང་མེད་པའི་ཆོས་རྣམས་ཀྱི་ཟབ་པ་ཉིད་ཡིན་པའི་ཕྱིར་རོ། །ལྷ་དག། ནམ་མཁའ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་དུ་དེ་བཞིན་ཉིད་ཟབ་པ་ཉིད་ཀྱི་ཕྱིར་དང ། ཆོས་ཀྱི་དབྱིངས་ཟབ་པ་ཉིད་ཀྱི་ཕྱིར་དང ། ཡང་དག་པའི་མཐའ་ཟབ་པ་ཉིད་ཀྱི་ཕྱིར་དང ། བསམ་གྱིས་མི་ཁྱབ་པའི་
Kha241a
༄#། །དབྱིངས་ཟབ་པ་ཉིད་ཀྱི་ཕྱིར་དང ། མཐའ་ཡས་ཤིང་མཐར་ཐུག་པ་མེད་པ་ཟབ་པ་ཉིད་ཀྱི་ཕྱིར་དང ། འོང་བ་མེད་པ་དང ། འགྲོ་བ་མེད་པ་ཟབ་པ་ཉིད་ཀྱི་ཕྱིར་དང ། སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་དུ་བདག་ཟབ་པ་ཉིད་ཀྱི་ཕྱིར་དང ། ཤེས་པ་པོ་དང ། མཐོང་བ་པོའི་བར་དུ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་དུ་གཟུགས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཟབ་པ་ཉིད་ཀྱི་ཕྱིར་ཆོས་འདི་ཟབ་པོ། །ལྷ་དག། དེ་བཞིན་དུ་མིག་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། གཟུགས་རྣམས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་དུ་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་
Kha241b
དུ་སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་དུ་ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག་།དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ཟབ་པ་ཉིད་ཀྱི་ཕྱིར་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་དུ་ནང་སྟོང་པ་ཉིད་ཟབ་པ་ཉིད་ཀྱི་ཕྱིར་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་
Kha242a
༄#། །མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག་།དེ་བཞིན་དུ་དྲན་པ་ཉེ་བར་བཞག་པ་ཟབ་པ་ཉིད་ཀྱི་ཕྱིར་དང ། དེ་བཞིན་དུ་ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། འཕགས་པའི་ལམ་ཡན་ལག་བརྒྱད་པ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག། དེ་བཞིན་གཤེགས་པའི་སྟོབས་བཅུ་ཟབ་པ་ཉིད་ཀྱི་ཕྱིར་ཆོས་འདི་ཟབ་པོ། །ལྷ་དག། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ཟབ་པ་ཉིད་ཀྱི་ཕྱིར་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །དེ་སྐད་ཅེས་བཀའ་སྩལ་པ་དང ། ལྷ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་ཀྱིས་འཇིག་རྟེན་ཐམས་ཅད་དང་མི་མཐུན་པའི་ཆོས་འདི་བསྟན་ཏོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། ཆོས་འདི་ནི་གཟུགས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་མིག་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་རྣ་བ་དང ། སྣ་
Kha242b
དང ། ལྕེ་དང ། ལུས་དང ། ཡིད་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། གཟུགས་རྣམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་གཟུང་བའམ། མི་གཟུང་བར་བའི་སླད་དུ་བསྟན་པ་མ་ལགས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང །
Kha243a
༄#། །ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་ནང་སྟོང་པ་ཉིད་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་དྲན་པ་ཉེ་བར་བཞག་པ་རྣམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། འཕགས་པའི་ལམ་ཡན་ལག་བརྒྱད་པ་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་དེ་བཞིན་གཤེགས་པའི་སྟོབས་བཅུ་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་སྦྱར་ཏེ། སངས་རྒྱས་
Kha243b
ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས་པའི་སླད་དུའོ། །བཙུན་པ་བཅོམ་ལྡན་འདས། དེ་བཞིན་དུ་ཆོས་འདི་ནི་རྒྱུན་དུ་ཞུགས་པའི་འབྲས་བུ་གཟུང་བའམ། མེ་གཟུང་བར་བགྱི་བའི་སླད་དུ་བསྟན་པ་མ་ལགས། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། རྣམ་པ་ཐམས་ཅད་མཁྱེན་པ་ཉིད་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས་སོ། །བཙུན་པ་བཅོམ་ལྡན་འདས། འཇིག་རྟེན་ནི་བདག་གཟུགས་སོ། །དེ་བཞིན་དུ་བདག་ཚོར་བའོ། །བདག་འདུ་ཤེས་སོ། །བདག་འདུ་བྱེད་རྣམས་སོ། །བདག་གི་འདུ་བྱེད་རྣམས་སོ། །བདག་རྣམ་པར་ཤེས་པའོ། །དེ་བཞིན་དུ་བདག་མིག་གོ། བདག་གི་མིག་གོ། བདག་རྣ་བའོ། །བདག་གི་རྣ་བའོ། །སྣ་དང ། ལྕེ་དང ། ལུས་དང ། ཡིད་ཀྱང་དེ་བཞིན་ནོ། །དེ་བཞིན་དུ་བདག་ཅག་ནི་གཟུགས་རྣམས་སོ། །སྒྲ་དང ། དྲི་དང།་རོ་དང ། རེག་བྱ་རྣམས་ཀྱང་དེ་བཞིན་ནོ། །བདག་ཅག་ཆོས་རྣམས་སོ། །བདག་ཅག་གི་ཆོས་རྣམས་སོ། །མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ཀྱང་དེ་བཞིན་ནོ། །དེ་བཞིན་དུ་བདག་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་
Kha244a
༄#། །པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་སོ། །བདག་གི་ཡིད་ཀྱི་རྣམ་པར་ཤེས་པའོ། །དེ་བཞིན་དུ་བདག་སྦྱིན་པའི་ཕ་རོལ་ཏུ་ཕྱིན་པའོ། །བདག་གི་སྦྱིན་པའི་ཕ་རོལ་ཏུ་ཕྱིན་པའོ། །དེ་བཞིན་དུ་བདག་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པའོ། །བདག་གི་ཤེས་རབ་ཀྱི་ཕ་རོལ་ཏུ་ཕྱིན་པའོ། །དེ་བཞིན་དུ་བདག་གི་ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་གྱིས་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། བདག་དངོས་པོ་མེད་པའི་ངོ་བོ་ཉིད་སྟོང་པ་ཉིད་དོ། །བདག་གི་དངོས་པོ་མེད་པའི་ངོ་བོ་ཉིད་སྟོང་པ་
Kha244b
ཉིད་དོ། །དེ་བཞིན་དུ་བདག་ཅག་དྲན་པ་ཉེ་བར་བཞག་པ་རྣམས་སོ། །བདག་ཅག་གི་དྲན་པ་ཉེ་བར་བཞག་པ་རྣམས་སོ། །དེ་བཞིན་དུ་བདག་ཅག་ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་སོ། །བདག་ཅག་འཕགས་པའི་ལམ་ཡན་ལག་བརྒྱད་པའོ། །དེ་བཞིན་དུ་བདག་ཅག་དེ་བཞིན་གཤེགས་པའི་སྟོབས་བཅུའོ། །དེ་བཞིན་དུ་སྦྱར་ཏེ། བདག་ཅག་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གོ་།དེ་བཞིན་དུ་བདག་རྒྱུན་དུ་ཞུགས་པའི་འབྲས་བུའོ། །བདག་གི་རྒྱུན་དུ་ཞུགས་པའི་འབྲས་བུ་ནས། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པའི་བར་དག་གོ་།བདག་རང་བྱང་ཆུབ་བོ། །བདག་རྣམ་པ་ཐམས་ཅད་མཁྱེན་པ་ཉིད་དོ། །བདག་གི་རྣམ་པ་ཐམས་ཅད་མཁྱེན་པ་ཉིད་དོ་ཞེས་བདག་ཏུ་འཛིན་པ་དང ། བདག་གིར་འཛིན་པ་ལ་སྤྱོད་པ་ལགས་སོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་གསུམ་པ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ལྷ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷ་དག། དེ་དེ་བཞིན་ཏེ། ལྷ་དག་།དེ་དེ་བཞིན་ནོ། ། ཇི་སྐད་སྨྲས་པ་དེ་བཞིན་ཏེ། ལྷ་དག་།ཆོས་འདི་ནི་གཟུགས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་
Kha245a
༄#། །པ་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་མིག་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། གཟུགས་རྣམས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་
Kha245b
གཟུང་བའམ། མེ་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོད་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་དྲན་པ་ཉེ་བར་བཞག་པ་རྣམས་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པ་གཟུང་བའམ། མི་གཟུང་
Kha246a
༄#། །བར་བྱ་བའི་ཕྱིར་བསྟན་པ་མ་ཡིན། དེ་བཞིན་གཤེགས་པའི་སྟོབས་བཅུ་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན་ཞིང ། ལྷ་དག། ཆོས་འདི་ནི་རྒྱུན་དུ་ཞུགས་པའི་འབྲས་བུ་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོད་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་གཟུང་བའམ། མི་གཟུང་བར་བྱ་བའི་ཕྱིར་བསྟན་པ་མ་ཡིན་ན། ལྷ་དག་།གང་ཟག་གང་དག་གཟུགས་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་གཟུང་བའམ། སྤང་བར་བྱ་བའི་ཕྱིར་སྤྱོད་པ་དེ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པར་མི་ནུས་སོ། །དེ་དག་གིས་ནི་སྦྱིན་པའི་ཕ་རོལ་ཏུ་ཕྱིན་པ་བསྒོམ་པ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པར་མི་
Kha246b
ནུས་སོ། །དེ་བཞིན་དུ་མིག་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་གཟུགས་རྣམས་དང ། སྒྲ་རྣམས་དང ། དྲི་རྣམས་དང ། རོ་རྣམས་དང ། རེག་བྱ་རྣམས་དང ། ཆོས་རྣམས་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་མིག་གི་ཁམས་དང ། གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རིའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་
Kha247a
༄#། །ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ཡས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་གྱིས་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་དྲན་པ་ཉེ་བར་བཞག་པ་རྣམས་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། འཕགས་པའི་ལམ་ཡན་ལག་བརྒྱད་པའི་བར་དུ་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་གཟུང་བའམ། སྤང་བར་བྱ་བའི་ཕྱིར་སྤྱོད་པ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་གཟུང་བའམ། སྤང་བར་བྱ་བའི་ཕྱིར་སྤྱོད་པ་དེ་དག་གིས་ནི་དྲན་པ་ཉེ་བར་བཞག་པ་བཞི་བསྒོམ་པར་མི་ནུས། དེ་བཞིན་དུ་ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་
Kha247b
ཀྱི་ཡན་ལག་རྣམས་བསྒོམ་པར་མི་ནུས་ལ། དེ་དག་གིས་ནི་འཕགས་པའི་ལམ་ཡན་ལག་བརྒྱད་པ་བསྒོམ་པར་མི་ནུས། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། དེ་བཞིན་དུ་སྦྱར་ཏེ། དེ་དག་གིས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བསྒོམ་པར་མི་ནུས། དེ་དག་གིས་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་བསྒོམ་པར་མི་ནུས་སོ། །དེ་ནས་ཚེ་དང་ལྡན་པ་རབ་འབྱོར་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅུན་པ་བཅོམ་ལྡན་འདས། ཆོས་འདི་ནི་ཆོས་ཐམས་ཅད་དང་མཐུན་པ་ལགས་སོ། །ཇི་ལྟར་ན་ཆོས་འདི་ཆོས་ཐམས་ཅད་དང་མཐུན་པ་ལགས་ཤེ་ན། འདི་ལྟ་སྟེ། ཆོས་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་མཐུན་པ་ལགས་སོ། །ཆོས་འདི་ནི་བསམ་གཏན་གྱི་ཕ་རོལ་ཏུ་ཕྱིན་པ་དང་མཐུན་པ་ལགས་སོ། །དེ་བཞིན་དུ་ཆོས་འདི་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་མཐུན་པ་ལགས་སོ། །ཆོས་འདི་ནི་བཟོད་པའི་ཕ་རོལ་ཏུ་ཕྱིན་པ་དང་མཐུན་པ་ལགས་སོ། །ཆོས་འདི་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་མཐུན་པ་ལགས་སོ། །ཆོས་འདི་ནི་སྦྱིན་པའི་ཕ་རོལ་ཏུ་ཕྱིན་པ་དང་མཐུན་པ་ལགས་སོ། །ཆོས་འདི་ནི་ནང་སྟོང་པ་ཉིད་དང་མཐུན་པ་ནས། ཆོས་འདི་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང་མཐུན་ལགས་སོ། །ཆོས་འདི་ནི་དྲན་པ་ཉེ་བར་བཞག་པ་རྣམས་དང་མཐུན་པ་ནས། ཆོས་འདི་ནི་འཕགས་པའི་ལམ་ཡན་ལག་བརྒྱད་པའི་བར་དང་མཐུན་པ་ལགས་སོ། །དེ་བཞིན་དུ་ཆོས་འདི་ནི་དེ་
Kha248a
༄#། །བཞིན་གཤེགས་པའི་སྟོབས་བཅུ་དང་མཐུན་པ་ནས་དེ་བཞིན་དུ་སྦྱར་ཏེ། ཆོས་འདི་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང་མཐུན་པ་ལགས་སོ། །དེ་བཞིན་དུ་ཆོས་འདི་ནི་རྒྱུན་དུ་ཞུགས་པའི་འབྲས་བུ་དང་མཐུན་པ་ལགས་སོ། །དེ་བཞིན་དུ་ཆོས་འདི་ནི་ལན་གཅིག་ཕྱིར་འོང་བའི་འབྲས་བུ་དང་མཐུན་པ་ལགས་སོ། །ཆོས་འདི་ནི་ཕྱིར་མི་འོང་པའི་འབྲས་བུ་དང་མཐུན་པ་ལགས་སོ། །ཆོས་འདི་ནི་དགྲ་བཅོམ་པ་ཉིད་ཀྱི་འབྲས་བུ་དང་མཐུན་པ་ལགས་སོ། །ཆོས་འདི་ནི་རང་སངས་རྒྱས་ཀྱི་འབྲས་བུ་དང་མཐུན་པ་ལགས་སོ། །ཆོས་འདི་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དང་མཐུན་པ་ལགས་ཏེ། ཆོས་འདི་ནི་གང་དུའང་ཐོགས་པ་མ་མཆིས་པ་ལགས་སོ། །ཇི་ལྟར་ན་ཐོགས་པ་མ་མཆིས་པ་ལགས་ཤེ་ན། འདི་ལྟ་སྟེ། གཟུགས་ལ་ཐོགས་པ་མ་མཆིས་པ་ལགས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་ཐོགས་པ་མ་མཆིས་པ་ལགས་སོ། །དེ་བཞིན་དུ་སྦྱར་ཏེ། བཙུན་པ་བཅོམ་ལྡན་འདས། ནམ་མཁའ་མཉམ་པ་ཉིད་ཀྱི་སླད་དུ་དང ། དེ་བཞིན་དུ་ཆོས་གནས་པ་ཉིད་དང ། ཡང་དག་པའི་མཐའ་དང།་བསམ་གྱིས་མི་ཁྱབ་པའི་དབྱིངས་ཀྱི་སླད་དུ་དང ། དེ་བཞིན་དུ་སྟོང་པ་ཉིད་ཀྱི་སླད་དུ་དང ། མཚན་མ་མེད་པ་དང ། སྨོན་པ་མེད་པ་མཉམ་པ་ཉིད་ཀྱི་སླད་དུ་དང ། སྐྱེ་བ་མེད་པ་དང །
Kha248b
འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་མཉམ་པ་ཉིད་ཀྱི་སླད་དུ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་ཐོགས་པ་མ་མཆིས་པའི་མཚན་ཉིད་ལགས་སོ། །བཙུན་པ་བཅོམ་ལྡན་འདས། གཟུགས་ཀྱི་སྐྱེ་བ་དམིགས་སུ་མ་མཆིས་པ་ཉིད་ཀྱི་སླད་དུ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྐྱེ་བ་དམིགས་སུ་མ་མཆིས་པའི་སླད་དུ་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་སྐྱེ་བ་དམིགས་སུ་མ་མཆིས་པའི་སླད་དུ། ཆོས་འདི་སྐྱེ་བ་མ་མཆིས་པ་ལགས་སོ། ། བཙུན་པ་བཅོམ་ལྡན་འདས། གཟུགས་ཀྱི་གཞི་དམིགས་སུ་མ་མཆིས་པའི་སླད་དུ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་གཞི་དམིགས་སུ་མ་མཆིས་པའི་སླད་དུ་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་གཞི་དམིགས་སུ་མ་མཆིས་པའི་སླད་དུ། ཆོས་འདི་ནི་དམིགས་སུ་མ་མཆིས་པ་ལགས་སོ། ། དེ་ནས་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅུན་པ་བཅོམ་ལྡན་འདས། ཉན་ཐོས་གནས་བརྟན་རབ་འབྱོར་ནི་བཅོམ་ལྡན་འདས་ཀྱིས་རྗེས་སུ་སྐྱེས་པ་ལགས་སོ། །དེ་ཅིའི་སླད་དུ་ཞེ་ན། བཅུན་པ་བཅོམ་ལྡན་འདས། འདི་ལྟར་གནས་བརྟན་རབ་འབྱོར་ནི་གང་ཅི་སྟོན་པ་དེ་ཐམས་ཅད་སྟོང་པ་ཉིད་དང་ལྡན་པ་དང །
Kha249a
༄#། །སྟོང་པ་ཉིད་དང་རྗེས་སུ་འབྲེལ་བར་སྟོན་པའི་སླད་དུའོ། །དེ་ནས་ཚེ་དང་ལྡན་པ་རབ་འབྱོར་གྱིས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་དག་།གང་འདི་སྐད་དུ་ཉན་ཐོས་གནས་བརྟན་རབ་འབྱོར་ནི་བཅོམ་ལྡན་འདས་ཀྱི་རྗེས་སུ་སྐྱེས་པ་ལགས་སོ། །ཞེས་ཟེར་བ་ལ། གནས་བརྟན་རབ་འབྱོར་གང་གི་རྗེས་སུ་སྐྱེས་པའི་ཕྱིར། དེ་བཞིན་གཤེགས་པའི་རྗེས་སུ་སྐྱེས་པ་ཡིན། ཅི་རེ་ཞིག་གནས་བརྟན་རབ་འབྱོར་དེ་བཞིན་ཉིད་ཀྱི་རྗེས་སུ་སྐྱེས་པའི་ཕྱིར། དེ་བཞིན་གཤེགས་པའི་རྗེས་སུ་སྐྱེས་པ་ཡིན་ན་ནི། དེ་བཞིན་ཉིད་དེ་ནི་གང་ནས་ཀྱང་མ་འོངས། གང་དུའང་མ་སོང་ལ། དེ་བཞིན་དུ་གནས་བརྟན་རབ་འབྱོར་གྱི་དེ་བཞིན་ཉིད་ཀྱང་གང་ནས་ཀྱང་མ་འོངས། གང་དུའང་མ་སོང་སྟེ། དེ་ལྟར་ན་ནི་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །དེ་བཞིན་གཤེགས་པའི་དེ་བཞིན་ཉིད་གང་ཡིན་པ་དེ་ཆོས་ཐམས་ཅད་ཀྱི་དེ་བཞིན་ཉིད་ཀྱང་དེ་ཡིན་ཞིང ། ཆོས་ཐམས་ཅད་ཀྱི་དེ་བཞིན་ཉིད་གང་ཡིན་པ། དེ་བཞིན་གཤེགས་པའི་དེ་བཞིན་ཉིད་ཀྱང་དེ་ཡིན་ལ། དེ་བཞིན་གཤེགས་པའི་དེ་བཞིན་ཉིད་གང་ཡིན་པ་དེ་ནི་དེ་བཞིན་ཉིད་མེད་པ་ཡིན་ཏེ། དེ་ལྟར་ན་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །དེ་བཞིན་གཤེགས་པའི་དེ་བཞིན་ཉིད་གང་ཡིན་པ་དེ་གནས་བརྟན་རབ་འབྱོར་གྱི་དེ་བཞིན་ཉིད་ཀྱང་དེ་ཡིན་ནོ། དེ་ལྟར་ན་གནས་བརྟན་རབ་
Kha249b
འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །ཇི་ལྟར་དེ་བཞིན་གཤེགས་པའི་དེ་བཞིན་ཉིད་གང་ལའང་ཐོགས་པ་མེད་པ་དེ་བཞིན་དུ་ཆོས་ཐམས་ཅད་ཀྱི་དེ་བཞིན་ཉིད་ཀྱང་གང་ལའང་ཐོགས་པ་མེད་དེ། དེ་བཞིན་གཤེགས་པའི་དེ་བཞིན་ཉིད་གང་ཡིན་པ་དང ། ཆོས་ཐམས་ཅད་ཀྱི་དེ་བཞིན་ཉིད་གང་ཡིན་པའི་དེ་བཞིན་ཉིད་དེ་ནི་གཅིག་པ་ཉིད་དེ། གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་ཉིད་དེ་ནི་མ་བྱས་པ་སྟེ། དེ་ནི་ནམ་ཡང་དེ་བཞིན་ཉིད་མ་ཡིན་པ་མ་ཡིན་ནོ། །གང་གི་ཕྱིར་དེ་རྟག་ཏུ་དེ་བཞིན་ཉིད་གང་ཡིན་པ་དེའི་ཕྱིར་དེ་གཉིས་སུ་མེད་ཅིང ། གཉིས་སུ་དབྱེར་མེད་དོ། །དེ་ལྟར་ན་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །ཇི་ལྟར་དེ་བཞིན་གཤེགས་པའི་དེ་བཞིན་ཉིད་ཐ་མི་དད་ཅིང་བྱེ་བྲག་མེད་ལ། གཉིས་སུ་མེད་པ་དེ་ལྟར་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །དེ་བཞིན་གཤེགས་པའི་དེ་བཞིན་ཉིད་གང་ཡིན་པ་དེ་ནི་ཆོས་ཐམས་ཅད་ཀྱི་དེ་བཞིན་ཉིད་ལས་གུད་ན་མེད་ལ། དེ་ནི་ནམ་ཡང་དེ་བཞིན་ཉིད་མ་ཡིན་པ་མ་ཡིན་ཏེ། དེ་ལྟར་ན་གནས་བརྟན་རབ་འབྱོར་དང་ཐ་མི་དད་པའི་ཕྱིར་རྗེས་སུ་སྐྱེས་པ་ཡིན་ནོ། །དེ་བཞིན་གཤེགས་པའི་དེ་བཞིན་ཉིད་གང་ཡིན་པ་དེ་ནི་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ལ། དེ་དེ་བཞིན་དུ་ཆོས་ཐམས་ཅད་ཀྱི་དེ་བཞིན་ཉིད་ཀྱང་འདས་པ་མ་ཡིན། མ་འོངས་པ་མ་
Kha250a
༄#། །ཡིན། ད་ལྟར་བྱུང་བ་མ་ཡིན་ཏེ། དེ་ལྟར་ན་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཞེས་བྱའོ། །འདས་པའི་དེ་བཞིན་ཉིད་ནི་དེ་བཞིན་གཤེགས་པའི་དེ་བཞིན་ཉིད་ཡིན་ལ། དེ་བཞིན་གཤེགས་པའི་དེ་བཞིན་ཉིད་ནི་འདས་པའི་དེ་བཞིན་ཉིད་ཡིན་ནོ། །མ་འོངས་པའི་དེ་བཞིན་ཉིད་ནི་དེ་བཞིན་གཤེགས་པའི་དེ་བཞིན་ཉིད་ཡིན་ལ། དེ་བཞིན་གཤེགས་པའི་དེ་བཞིན་ཉིད་ནི་མ་འོངས་པའི་དེ་བཞིན་ཉིད་ཡིན་ནོ། །ད་ལྟར་བྱུང་བའི་དེ་བཞིན་ཉིད་ནི་དེ་བཞིན་གཤེགས་པའི་དེ་བཞིན་ཉིད་ཡིན་ལ། དེ་བཞིན་གཤེགས་པའི་དེ་བཞིན་ཉིད་ནི་ད་ལྟར་བྱུང་བའི་དེ་བཞིན་ཉིད་ཡིན་ཏེ། དེ་ལྟར་ན་འདས་པ་དང ། མ་འོངས་པ་དང ། ད་ལྟར་བྱུང་བའི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དེ་བཞིན་ཉིད་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་གཟུགས་ཀྱི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དེ་བཞིན་ཉིད་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་བདག་གི་དེ་བཞིན་ཉིད་ནས། ཤེས་པ་པོ་དང ། མཐོང་བ་པོའི་བར་གྱི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དེ་བཞིན་ཉིད་དེ་ནི་གཉིས་སུ་
Kha250b
མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པའི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དེ་བཞིན་ཉིད་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་ནང་སྟོང་པ་ཉིད་ཀྱི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དེ་བཞིན་ཉིད་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་དྲན་པ་ཉེ་བར་བཞག་པའི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དེ་བཞིན་ཉིད་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་དུ་རྒྱུན་དུ་ཞུགས་པའི་འབྲས་བུའི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་དེ་བཞིན་ཉིད་དང ། དེ་བཞིན་གཤེགས་པའི་དེ་བཞིན་ཉིད་དང ། དེ་བཞིན་ཉིད་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་དེ། ལྷ་དག་།བྱང་ཆུབ་སེམས་དཔའ་སེམས་དཔའ་ཆེན་པོ་དག་གིས་དེ་བཞིན་ཉིད་གང་མངོན་པར་རྫོགས་པར་སངས་རྒྱས་ནས། དེ་བཞིན་གཤེགས་པ་དགྲ་བཅོམ་
Kha251a
༄#། །པ་ཡང་དག་པར་རྫོགས་པའི་སངས་རྒྱས་ཞེས་བྱ་བའི་མཚན་ཐོབ་པའི་ཆོས་ཐམས་ཅད་ཀྱི་དེ་བཞིན་ཉིད་དེ་ནི་འདི་ཡིན་ནོ། །དེ་བཞིན་ཉིད་ཀྱི་ལེའུ་འདི་བཤད་པ་ན།་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ས་ཆེན་པོ་འདི་རྣམ་པ་དྲུག་ཏུ་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ་ལོ། །ལྡེག། རབ་ཏུ་ལྡེག། ཀུན་ཏུ་རབ་ཏུ་ལྡེག་གོ་།གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ། །ཤར་ཕྱོགས་མཐོ་ན། ནུབ་ཕྱོགས་དམའོ། །ནུབ་ཕྱོགས་མཐོ་ན། ཤར་ཕྱོགས་དམའོ། །བྱང་ཕྱོགས་མཐོ་ན། ལྷོ་ཕྱོགས་དམའོ། །ལྷོ་ཕྱོགས་མཐོ་ན། བྱང་ཕྱོགས་དམའོ། །མཐའ་མཐོ་ན། དབུས་དམའོ། །དབུས་མཐོ་ན། མཐའ་དམའོ། །དེ་ནས་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་རྣམས་ཀྱིས་དེའི་ཚེ་ལྷའི་ཙནྡན་གྱི་ཕྱེ་མ་དག་དང ། ལྷའི་རྒྱ་སྤོས་དང ། ཤིང་ཏ་མ་ལའི་ལོ་མའི་ཕྱེ་མ་དག་དང ། ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ཏ་དང ། པདྨ་དཀར་པོ་དག་གིས་བཅོམ་ལྡན་འདས་ཤཱཀྱ་ཐུབ་པ་དང ། གནས་བརྟན་རབ་འབྱོར་ལ་གཏོར། མངོན་པར་གཏོར། མངོན་པར་རབ་ཏུ་གཏོར་ནས། ཚིག་འདི་སྐད་ཅེས་གནས་བརྟན་རབ་འབྱོར་འདི་དེ་བཞིན་གཤེགས་པའི་དེ་བཞིན་ཉིད་ཀྱི་དེ་བཞིན་གཤེགས་པའི་རྗེས་སུ་སྐྱེས་པ་ནི་ངོ་མཚར་ལགས་སོ་ཞེས་སྨྲས་སོ། །དེ་ནས་ཚེ་དང་ལྡན་པ་རབ་འབྱོར་གྱིས་གཏམ་དེ་ཉིད་ཀྱི་རྒྱུད་ནས་བཟུང་སྟེ། ལྷ་དེ་དག་ལ་
Kha251b
འདི་སྐད་ཅེས་སྨྲས་སོ། །ལྷ་དག་།དེ་ལྟར་ན་གནས་བརྟན་རབ་འབྱོར་ནི་གཟུགས་ཀྱི་རྗེས་སུ་མ་སྐྱེས། གཟུགས་ཀྱི་དེ་བཞིན་ཉིད་ཀྱི་རྗེས་སུ་མ་སྐྱེས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་རྗེས་སུ་མ་སྐྱེས། རྣམ་པར་ཤེས་པའི་དེ་བཞིན་ཉིད་ཀྱི་རྗེས་སུ་མ་སྐྱེས། རྣམ་པར་ཤེས་པ་ལས་གཞན་གྱིས་རྗེས་སུ་མ་སྐྱེས། རྣམ་པར་ཤེས་པའི་དེ་བཞིན་ཉིད་ལས་གཞན་གྱི་རྗེས་སུ་མ་སྐྱེས་སོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་རྗེས་སུ་མ་སྐྱེས། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་ཀྱི་རྗེས་སུ་མ་སྐྱེས། རྣམ་པ་ཐམས་ཅད་མཁྱེན་པ་ཉིད་ལས་གཞན་གྱི་རྗེས་སུ་མ་སྐྱེས། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་ལས་གཞན་གྱི་རྗེས་སུ་མ་སྐྱེས་སོ། །འདུས་མ་བྱས་ཀྱི་དེ་བཞིན་ཉིད་ཀྱི་རྗེས་སུ་མ་སྐྱེས། འདུས་མ་བྱས་ལས་གཞན་གྱི་རྗེས་སུ་མ་སྐྱེས། འདུས་མ་བྱས་ཀྱི་དེ་བཞིན་ཉིད་ལས་གཞན་གྱིས་རྗེས་སུ་མ་སྐྱེས་སོ། །དེ་ཅིའི་ཕྱིར་ཞེ་ན། ལྷ་དག། འདི་ལྟར་གང་ཞིག་རྗེས་སུ་སྐྱེ་བར་འགྱུར་བ་དང ། གང་ལས་སྐྱེ་བར་འགྱུར་བ་དང ། གང་དུ་སྐྱེ་བར་འགྱུར་བའི་ཆོས་དེ་དག་ཐམས་ཅད་མེད་ཅིང་མི་དམིགས་པའི་ཕྱིར་རོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཆོས་ཐམས་ཅད་ཀྱི་དེ་བཞིན་ཉིད་དང ། མ་ནོར་བ་དེ་བཞིན་ཉིད་དང ། ཆོས་གནས་པ་ཉིད་དང ། ཆོས་སྐྱོན་མེད་པ་ཉིད་འདི་ནི་ཟབ་ལགས་ཏེ། དེ་ལ་ནི་གཟུགས་དང ། རྣམ་པ་ཐམས་ཅད་མཁྱེན་པ་
Kha252a
༄#། །ཉིད་དང ། དེ་བཞིན་ཉིད་མི་དམིགས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཆོས་ཐམས་ཅད་ཀྱི་དེ་བཞིན་ཉིད་དང ། མ་ནོར་བ་དེ་བཞིན་ཉིད་དང ། ཆོས་གནས་པ་ཉིད་དང ། ཆོས་སྐྱོན་མེད་པ་ཉིད་འདི་ནི་ཟབ་སྟེ། དེ་ལ་ནི་གཟུགས་དང ། གཟུགས་ཀྱི་དེ་བཞིན་ཉིད་མི་དམིགས་སོ། །དེ་ལ་ནི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང ། རྣམ་པར་ཤེས་པའི་དེ་བཞིན་ཉིད་མི་དམིགས་སོ། །དེ་བཞིན་དུ་སྦྱར་ཏེ། དེ་ལ་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དང ། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་མི་དམིགས་སོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། འདི་ལྟར་དེ་བཞིན་ཉིད་ལ་ནི་རེ་ཞིག་གཟུགས་ཉིད་ཀྱང་མི་དམིགས་ན། གཟུགས་ཀྱི་དེ་བཞིན་ཉིད་ལྟ་ག་ལ་དམིགས། དེ་བཞིན་དུ་འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཉིད་ཀྱང་མི་དམིགས་ན། རྣམ་པར་ཤེས་པའི་དེ་བཞིན་ཉིད་ལྟ་ག་ལ་དམིགས། དེ་བཞིན་དུ་སྦྱར་ཏེ། རེ་ཞིག་རྣམ་པ་ཐམས་ཅད་མཁྱེན་པ་ཉིད་ཀྱི་བར་ཡང་མི་དམིགས་ན། རྣམ་པ་ཐམས་ཅད་མཁྱེན་པ་ཉིད་ཀྱི་དེ་བཞིན་ཉིད་ལྟ་ག་ལ་དམིགས་པའི་ཕྱིར་རོ། །དེ་བཞིན་ཉིད་འདི་བཤད་པ་ན། དགེ་སློང་ཁྲི་ཉིས་སྟོང་ནི། ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དགེ་སློང་མ་ལྔ་བརྒྱ་ནི། ཆོས་རྣམས་ལ་ཆོས་ཀྱི་
Kha252b
མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །ལྷ་དང་མི་ལྔ་སྟོང་གིས་ནི། མི་སྐྱེ་བའི་ཆོས་ལ་བཟོད་པ་ཐོབ་བོ། །བྱང་ཆུབ་སེམས་དཔའ་སེམས་དཔའ་ཆེན་པོ་དྲུག་ཅུ་ནི། ལེན་པ་མེད་པ་ཟག་པ་རྣམས་ལས་སེམས་རྣམ་པར་གྲོལ་ལོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་ནི་སངས་རྒྱས་ལྔ་བརྒྱ་ལ་བསྙེན་བཀུར་བྱས་ཤིང ། དེ་བཞིན་གཤེགས་པ་དེ་དག་ཐམས་ཅད་ལ་དབུལ་བ་དག་ཕུལ་ཏེ། དེ་དག་ལས་རབ་ཏུ་བྱུང་ནས། ཚུལ་ཁྲིམས་བསྲུངས། བཟོད་པ་བསྐྱེད། བརྩོན་འགྲུས་བརྩམས། བསམ་གཏན་དག་བསྒྲུབས་མོད་ཀྱི། ཤཱ་རདྭ་ཏིའི་བུ། འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་ཅིང ། ཐབས་ལ་མཁས་པ་དང་བྲལ་བའི་ཕྱིར། འདུ་ཤེས་སྣ་ཚོགས་པ་ཉིད་དང ། སྤྱོད་པ་ཐ་དད་པ་ཉིད་དུ་གྱུར་ཏེ། དེ་དག་ནི། འདི་ལྟ་སྟེ། འདི་ནི་སྦྱིན་པའོ།། དེ་བཞིན་དུ་སྦྱིན་བདག་དང ། འདི་ནི་སློང་བའོ། །འདི་ལྟར་སྦྱིན་པར་བྱའོ། །འདི་ལ་ནི་སྦྱིན་པར་བྱའོ། །དེ་བཞིན་དུ་འདི་ནི་ཚུལ་ཁྲིམས་སོ། །བདག་ཅག་ནི་འདི་ལྟར་ཚུལ་ཁྲིམས་དང་ལྡན་པའོ། ། ཚུལ་ཁྲིམས་ནི་འདི་ལྟར་བསྲུང་བར་བྱའོ། །དེ་བཞིན་དུ་འདི་ནི་བཟོད་པའོ། །བདག་ཅག་ནི་འདི་ལྟར་བཟོད་པ་དང་ལྡན་པའོ། །འདི་ལྟར་བཟོད་པ་འདི་བསྐྱེད་པར་བྱའོ། །དེ་བཞིན་དུ་འདི་ནི་
Kha253a
༄#། །བརྩོན་འགྲུས་སོ། །བདག་ཅག་ནི་འདི་ལྟར་བརྩོན་འགྲུས་དང་ལྡན་པའོ། །འདི་ལྟར་བརྩོན་འགྲུས་འདི་བརྩམ་པར་བྱའོ། །དེ་བཞིན་དུ་འདི་དག་ནི་བསམ་གཏན་ནོ། ། བདག་ཅག་ནི་འདི་ལྟར་བསམ་གཏན་པའོ། །འདི་ལྟར་བསམ་གཏན་འདི་དག་ལ་སྙོམས་པར་འཇུག་པར་བྱའོ་སྙམ་དུ་དེ་ལྟ་བུའི་འདུ་ཤེས་ཅན་དག་ཏུ་གྱུར་ཏོ། །དེ་དག་གིས་ནི་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང ། ཐབས་ལ་མཁས་པས་ཡོངས་སུ་མ་ཟིན་པར་སྦྱིན་བདག་བྱིན། ཚུལ་ཁྲིམས་དག་བསྲུངས། བཟོད་པ་དག་བསྐྱེད། བརྩོན་འགྲུས་དག་བརྩམས། བསམ་གཏན་དག་ལ་སྙོམས་པར་ཞུགས་ཏེ། དེ་དག་གིས་ནི་འདུ་ཤེས་ཐ་དད་པ་ཉིད་མེད་པ་གང་གིས་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་འགྱུར་བའི་འདུ་ཤེས་ཐ་དད་པ་ཉིད་མེད་པ་མ་ཐོབ་པས། དེ་དག་ནི་བྱང་ཆུབ་སེམས་དཔའི་སྐྱོན་མེད་པ་ལ་མ་ཞུགས་ཀྱི། རྒྱུན་དུ་ཞུགས་པའི་འབྲས་བུ་རྗེས་སུ་ཐོབ་ནས། དེ་བཞིན་དུ་དགྲ་བཅོམ་པ་ཉིད་ཀྱི་བར་དུ་ཐོབ་པར་གྱུར་ཏོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་བྱང་ཆུབ་ཀྱི་ལམ་རྣམ་པར་ཐར་པའི་སྒོ་སྟོང་པ་ཉིད་དེའང་ཡོད། མཚན་མ་མེད་པའང་ཡོད། རྣམ་པར་ཐར་པའི་སྒོ་སྨོན་པ་མེད་པའང་ཡོད་མོད་ཀྱི། འོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང ། ཐབས་ལ་མཁས་པ་དང་བྲལ་བའི་ཕྱིར། ཡང་དག་པའི་མཐའ་མངོན་སུམ་
Kha253b
དུ་བྱས་ནས། ཉན་ཐོས་སམ། རང་སངས་རྒྱས་སུ་འགྱུར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅིའི་སླད་དུ་ཉན་ཐོས་སམ། རང་སངས་རྒྱས་ཀྱི་ཐེག་པ་པའི་གང་ཟག་དག་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཆོས་དེ་དག་ཉིད་སྒོམ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་ཅིང ། ཐབས་ལ་མཁས་པ་དང་བྲལ་ཏེ། ཡང་དག་པའི་མཐའ་མངོན་སུམ་དུ་བགྱིས་ནས། ཉན་ཐོས་སམ། རང་སངས་རྒྱས་སུ་འགྱུར་ལ།་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཆོས་དེ་དག་ཉིད་སྒོམ་དུ་བས་ཀྱང ། ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་ཅིང ། ཐབས་ལ་མཁས་པ་ལ་བརྟེན་ཏེ། ཡང་དག་པའི་མཐའ་མངོན་སུམ་དུ་བགྱིས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ལ་གང་ཟག་ཁ་ཅིག་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་བྲལ་བ་དང ། ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང ། ཐབས་ལ་མཁས་པ་དང་བྲལ་བར་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཆོས་དེ་དག་སྒོམ་ན། ཉན་ཐོས་སམ། རང་
Kha254a
༄#། །སངས་རྒྱས་སུ་འགྱུར་རོ། །ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བ་དང ། ཤེས་རབ་ཀྱི་ཕ་རོལ་ཏུ་ཕྱིན་པས་ལེགས་པར་ཟིན་པ་དང ། ཐབས་ལ་མཁས་པ་ལ་བརྟེན་ཏེ། སྙིང་རྗེ་ཆེན་པོ་མངོན་སུམ་དུ་བྱས་ནས། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཆོས་རྣམས་སྒོམ་ན། དེ་ནི་བྱང་ཆུབ་སེམས་དཔའི་སྐྱོན་མེད་པར་ཞུགས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །ཤཱ་རདྭ་ཏིའི་བུ ། དཔེར་ན། སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་ན་འདབ་ཆགས་བྱ་འདབ་མ་མེད་པ་ལུས་དཔག་ཚད་བརྒྱ་པའམ། དཔག་ཚད་སུམ་བརྒྱ་པ་ཞིག་ཡོད་པར་གྱུར་ལ། དེའང་དེ་ནས་ཛམྦུ་གླིང་འདིར་འོང་བར་སེམས་ཏེ། ཛམྦུ་གླིང་དུ་གནས་པར་བྱའོ་སྙམ་ནས། དེས་བདག་ཉིད་མཆོངས་ལ་བདག་ཉིད་མཆོངས་པའི་འོག་ཏུ་བར་སྐབས་ན། དེ་འདི་སྙམ་དུ་ད་ནི་བདག་ཛམྦུ་གླིང་དུ་མ་ལྷུང་བར་སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་དུ་གནས་པར་བྱའོ་སྙམ་དུ་སེམས་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཅི་བྱ་འདབ་མ་མེད་པ་དེས་སླར་བདག་ཉིད་སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་དུ་གཞག་པར་ནུས་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་
Kha254b
བུ།་ཡང་གལ་ཏེ་བྱ་འདབ་མ་མེད་པ་དེ། དེ་ནས་ལྷུང་བཞིན་དུ་འདི་སྙམ་དུ་སེམས་ཏེ། ཀྱེ་མ་མ་ལ་བདག་མ་སྨས་མ་སྣད་པར་ཛམྦུ་གླིང་དུ་གནས་པར་བྱའོ་སྙམ་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཅི་བྱ་འདབ་མ་མེད་པ་དེ་མ་སྨས་མ་སྣད་པར་ཛམྦུའི་གླིང་དུ་གནས་པར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་ཏེ། དེ་ནི་སྨས་པ་དང ། སྣད་པ་ཁོ་ནར་ཛམྦུའི་གླིང་དུ་ལྷུང་ཞིང་འགུམ་པའམ། འགུམ་པ་ལ་ཐུག་པའི་སྡུག་བསྔལ་ཅན་དུ་འགྱུར་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། བྱ་གང་ཡང་རུང་བ་ཞིག་ལུས་ཆེ་ཞིང་འདབ་མ་མཆིས་པར་གྱུར་ལ། མཐོན་པོ་ཞིག་ནས་ལྷུང་བ་དེ་ནི་དེ་བཞིན་དུ་འགྱུར་བའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། དེ་དེ་བཞིན་ནོ། ། ཇི་སྐད་སྨྲས་པ་དེ་བཞིན་ཏེ། ཤཱ་རདྭ་ཏིའི་བུ། བྱང་ཆུབ་སེམས་དཔའི་ཐེག་པ་པའི་གང་ཟག་གང་གིས་བསྐལ་པ་མང་པོ་ཞིག་ཏུ་སྦྱིན་པ་བྱིན་ཞིང ། དེ་བཞིན་དུ་ཚུལ་ཁྲིམས་བསྲུངས་བཟོད་པ་བསྒོམས། བརྩོན་འགྲུས་བརྩམས། བསམ་གཏན་དག་བསྒྲུབས། ཤེས་རབ་བསྒོམས་སུ་ཟིན་ཀྱང ། དེ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་ཞིང ། ཐབས་ལ་མཁས་པ་དང་བྲལ་བར་དེ་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཆེས་རྣམས་སྒོམ་ན། ཡང་དག་པའི་མཐའ་མངོན་སུམ་དུ་བྱས་ནས་ཉན་ཐོས་ཀྱི་སའམ། རང་སངས་རྒྱས་
Kha255a
༄#། །ཀྱི་སར་ལྟུང་ངོ ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའི་ཐེག་པ་པའི་གང་ཟག་དེས་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་བྲལ་བས ། ཆོས་དེ་དག་བསྐལ་པ་མང་པོ་ཞིག་ཏུ་བསྒོམས་ཤིང་སྦྱིན་པ་བྱིན། དེ་བཞིན་དུ་ཚུལ་ཁྲིམས་བསྲུངས། བཟོད་པ་བསྒོམས། བརྩོན་འགྲུས་བརྩམས། བསམ་གཏན་དག་བསྒྲུབས། ཤེས་རབ་བསྒོམས་པར་གྱུར་པ་དེའི་ཚེ། ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང ། ཐབས་ལ་མཁས་པ་དང་བྲལ་བ་དང ། དེའི་ཕྱིར་དེ་ནི་ཉན་ཐོས་ཀྱི་སའམ། རང་སངས་རྒྱས་ཀྱི་སར་ལྟུང་ངོ ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའི་ཐེག་པ་པའི་གང་ཟག་དེ་འདས་པ་དང ། མ་བྱོན་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་དེ་དག་གི་ཏིང་ངེ་འཛིན་དང ། ཚུལ་ཁྲིམས་དང ། ཤེས་རབ་དང ། རྣམ་པར་གྲོལ་བ་དང ། རྣམ་པར་གྲོལ་བའི་ཡེ་ཤེས་གཟིགས་པ་དེ་དག་སེམས་ཤིང་མཚན་མར་འཛིན་ལ། ཀུན་ཏུ་འཛིན་ཏེ། སྒོམ་མོད་ཀྱི། འོན་ཀྱང་དེས་ནི་དེ་བཞིན་གཤེགས་པའི་ཚུལ་ཁྲིམས་ཀྱི་ཕྱོགས་ཙམ་ཡང་མི་ཤེས་སོ། །དེ་བཞིན་དུ་དེས་ནི་དེ་བཞིན་གཤེགས་པའི་རྣམ་པར་གྲོལ་བ་དང ། རྣམ་པར་གྲོལ་བའི་ཡེ་ཤེས་གཟིགས་པའི་ཕྱོགས་ཙམ་ཡང་མི་ཤེས་ལ། དེའང་མི་ཤེས་མི་མཐོང་བཞིན་དུ་བྱང་ཆུབ་ཀྱི་ལམ་སྟོང་པ་ཉིད་དེ་དང ། མཚན་མ་མེད་པ་དང ། སྨོན་པ་མེད་པའི་ཆོས་དེ་དག།
Kha255b
གི་སྒྲ་ཉན་པར་བྱེད་དོ། །དེས་སྒྲ་དེ་ཡིད་ལ་བྱས་ནས། མཚན་མར་འཛིན་ཏོ། །མཚན་མར་བཟུང་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། དེ་ལྟར་ཡོངས་སུ་བསྔོ་བར་བྱེད་པའི་བྱང་ཆུབ་སེམས་དཔའི་ཐེག་པ་པའི་གང་ཟག་དེ་ནི་ཉན་ཐོས་ཀྱི་སའམ། རང་སངས་རྒྱས་ཀྱི་ས་ལ་གནས་པར་འགྱུར་རོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། གང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང ། ཐབས་ལ་མཁས་པ་དང་བྲལ་བ་དེ་ནི་དེ་བཞིན་དུ་འགྱུར་བའི་ཕྱིར་རོ། །ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་ཕྱིན་ཆད་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་བསྐྱེད་པ་དང་མ་བྲལ་བར་སྦྱིན་པ་སྦྱིན་པར་བྱེད། ཚུལ་ཁྲིམས་སྲུང ། བཟོད་པ་སྐྱེད། བརྩོན་འགྲུས་རྩོམ། བསམ་གཏན་དག་ལ་སྙོམས་པར་འཇུག་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཐབས་ལ་མཁས་པ་དང་མ་བྲལ་བས་འདས་པ་དང ། མ་བྱོན་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཚུལ་ཁྲིམས་དང ། ཏིང་ངེ་འཛིན་དང ། ཤེས་རབ་དང ། རྣམ་པར་གྲོལ་བ་དང ། རྣམ་པར་གྲོལ་བའི་ཡེ་ཤེས་གཟིགས་པ་གང་ཡིན་པ་དེ་མཚན་མར་མི་འཛིན་ལ། དེ་སྟོང་པ་ཉིད་ཀྱི་ཏིང་ངེ་འཛིན་མཚན་མར་མི་འཛིན། མཚན་མ་མེད་པའི་ཏིང་ངེ་འཛིན་དང ། སྨོན་པ་མེད་པའི་ཏིང་ངེ་འཛིན་མཚན་མར་མི་འཛིན་ཏེ། དེ་ནི་བླ་ན་མེད་པ་ཡང་དག་པར་རྫོགས་པའི་
Kha256a
༄#། །བྱང་ཆུབ་དང་ཉེ་བ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སེམས་དང་པོ་བསྐྱེད་ཕྱིན་ཆད་སྦྱིན་པ་བྱིན་ཡང་མཚན་མར་མ་བཟུང ། ཚུལ་ཁྲིམས་བསྲུངས་ཀྱང་མཚན་མར་མ་བཟུང ། བཟོད་པ་བསྐྱེད་ཀྱང་མཚན་མར་མ་བཟུང ། བརྩོན་འགྲུས་བརྩམས་ཀྱང་མཚན་མར་མ་བཟུང་བསམ་གཏན་དག་ལ་སྙོམས་པར་ཞུགས་ཀྱང་མཚན་མར་མ་བཟུང ། ཤེས་རབ་བསྒོམས་ཀྱང་མཚན་མར་མ་བཟུང་ལ། འདས་པ་དང ། མ་བྱོན་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱང་ཚུལ་ཁྲིམས་དང ། ཏིང་ངེ་འཛིན་དང ། ཤེས་རབ་དང ། རྣམ་པར་གྲོལ་བ་དང ། རྣམ་པར་གྲོལ་བའི་ཡེ་ཤེས་གཟིགས་པ་མཚན་མར་མ་བཟུང་བའི་ཕྱིར་ཏེ། ཤཱ་རདྭ་ཏིའི་བུ། གང་མཚན་མ་དང་བྲལ་བའི་སེམས་ཀྱིས་སྦྱིན་པ་གཏོང ། ཚུལ་ཁྲིམས་སྲུང ། བཟོད་པ་སྐྱེད། བརྩོན་འགྲུས་རྩོམ། བསམ་གཏན་དག་ལ་སྙོམས་པར་འཇུག་པ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྤྱོད་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐབས་ལ་མཁས་པ་ཡིན་ནོ། །གསོལ་པ། བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་པ་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་སེམས་དང་པོ་བསྐྱེད་ཕྱིན་ཆད་ཤེས་རབ་ཀྱི་ཕ་རོལ་ཏུ་ཕྱིན་པ་དང །
Kha256b
ཐབས་ལ་མཁས་པ་དང་མ་བྲལ་བ་དེའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཐེ་ཚོམ་མ་མཆིས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སེམས་དང་པོ་བསྐྱེད་སླན་ཆད་འདི་ལྟ་སྟེ། གཟུགས་སམ། ཚོར་བའམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་པ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་གང་ཞིག་མངོན་པར་རྫོགས་པར་འཚང་རྒྱ་བར་བགྱིད་པ་དང ། གང་གིས་མངོན་པར་རྫོགས་པར་འཚང་རྒྱ་བ་དང ། གང་དུ་མངོན་པར་རྫོགས་པར་འཚང་རྒྱ་བའི་ཆོས་ནི་ནམ་ཡང་མ་དམིགས་པའི་སླད་དུའོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཐབས་ལ་མཁས་པ་དང་མ་བྲལ་བ་དེ་དག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཐེ་ཚོམ་མ་མཆིས་པར་འཚལ་བར་བགྱི་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཐབས་ལ་མཁས་པ་དང་མ་བྲལ་བ་དེ་དག་གིས་སྦྱིན་པ་གང་དང་གང་བཏང་བ་མཚན་མར་མ་བཟུང ། དེ་བཞིན་དུ་ཚུལ་ཁྲིམས་གང་དང་གང་བསྲུངས་པ་དེ་མཚན་མར་མ་བཟུང་བཟོད་པ་གང་དང་གང་བསྒྲུབས་པ་དང ། བརྩོན་འགྲུས་གང་དང་གང་བརྩམས་པ་དང ། བསམ་གཏན་གང་དང་གང་དག་ལ་སྙོམས་པར་ཞུགས་པ་དང ། ཤེས་རབ་གང་དང་གང་བསྒོམས་པ་དེ་
Kha257a
༄#། །མཚན་མར་མ་བཟུང་བའི་སླད་དུ་སྟེ། དེ་ལྟ་ལགས་པས་རྒྱུ་དེས་ན། བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དེ་དག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཐེ་ཚོམ་མ་མཆིས་པར་འཚལ་བར་བགྱི་ལགས་སོ། །བཙུན་པ་བཅོམ་ལྡན་འདས། དེ་ལྟ་ལགས་པས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་བསམ་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འཚལ་བས། ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་དང ། ཐབས་ལ་མཁས་པ་དང་མ་བྲལ་བར་བགྱིའོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་ཐབས་ལ་མཁས་པ་ལ་གནས་ནས་མི་དམིགས་པ་དང ། མཚན་མ་མ་མཆིས་པ་དང་ལྡན་པའི་སེམས་ཀྱིས་སྦྱིན་པ་གཏང་བར་བགྱི། དེ་བཞིན་དུ་ཚུལ་ཁྲིམས་བསྲུང་བར་བགྱི། བཟོད་བ་བསྒྲུབ་པར་བགྱི། བརྩོན་འགྲུས་བརྩམ་པར་བགྱི། བསམ་གཏན་དག་ལ་སྙོམས་པར་འཇུག་པར་བགྱི། ཤེས་རབ་བསྒོམ་པར་བགྱི་ཞིང ། དེ་ལྟར་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྤྱད་པར་བགྱི་ལགས་སོ། །དེ་ནས་འདོད་པ་ན་སྤྱོད་པའི་ལྷ་རྣམས་དང ། གཟུགས་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་མངོན་པར་
Kha257b
འབྱུང་དགའ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་མ་ལུས་པར་མངོན་པར་རྫོགས་པར་འཚང་རྒྱ་བར་ཡང་བགྱི་འཚལ་ལ། བཙུན་པ་བཅོམ་ལྡན་འདས། ཆོས་དེ་དག་ཐམས་ཅད་ཀྱང་མ་མཆིས་ཤིང་མི་དམིགས་པ་ནི་ངོ་མཚར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷ་དག་།དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་མངོན་པར་འབྱུང་དཀའ་སྟེ། ལྷ་དག་།ངས་ཀྱང་ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་སངས་རྒྱས་ཏེ། ངས་ཀྱང་དོན་དམ་པར་གང་ཞིག་མངོན་པར་རྫོགས་པར་འཚང་རྒྱ་བའམ། གང་དུ་མངོན་པར་རྫོགས་པར་འཚང་རྒྱ་བར་བྱ་བའི་ཆོས་འགའ་ཡང་མ་དམིགས་སོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་འདུས་བྱས་དང ། འདུས་མ་བྱས་སྟོང་པ་ཉིད་ཀྱི་ཕྱིར། ཤིན་ཏུ་རྣམ་པར་དག་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས། བཅོམ་ལྡན་འདས་ཀྱིས་གང་འདི་སྐད་དུ། ལྷ་དག། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་མངོན་པར་འབྱུང་དཀའོ་ཞེས་བཀའ་སྩལ་ན། བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་བ་དང ། བདག་སེམས་པ་ལྟར་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་མངོན་པར་འབྱུང་སླ་ཞིང ། མངོན་པར་རྫོགས་
Kha258a
༄#། །པར་བྱང་ཆུབ་པར་སླ་བ་སྙམ་བགྱིད་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་ཆོས་ཐམས་ཅད་ནི་ཆོས་ཐམས་ཅད་ཀྱིས་སྟོང་ལ། ཆོས་གང་གིས་ཀྱང་ཆོས་གང་ཡང་མངོན་པར་རྫོགས་པར་འཚང་མི་རྒྱ་སྟེ། ཆོས་ཐམས་ཅད་སྟོང་པ་ལ་གང་ཞིག་མངོན་པར་རྫོགས་པར་འཚང་རྒྱ་བའམ། གང་གིས་མངོན་པར་རྫོགས་པར་འཚང་རྒྱ་བའམ། གང་དུ་མངོན་པར་རྫོགས་པར་འཚང་རྒྱ་བར་འགྱུར་བའི་ཆོས་དེ་མ་མཆིས་ཤིང་མི་དམིགས་པའི་སླད་དུའོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་ཆོས་ཐམས་ཅད་ནི་ཆོས་ཐམས་ཅད་ཀྱིས་སྟོང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གང་ཞིག་འགྲིབ་པའམ། འཕེལ་བར་བགྱི་བའི་སླད་དུ་སྦྱིན་པ་སྩོལ་བ་དང ། དེ་བཞིན་དུ་ཚུལ་ཁྲིམས་སྲུང་བ་དང ། བཟོད་པ་སྒོམ་པ་དང ། བརྩོན་འགྲུས་རྩོམ་པ་དང ། བསམ་གཏན་དག་ལ་སྙོམས་པར་འཇུག་པ་དང ། ཤེས་རབ་སྒོམ་པ་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྤྱོད་པའི་ཆོས་དེ་དག་ཀྱང་མ་མཆིས་ཤིང་མི་དམིགས་པའི་སླད་དུ་སྟེ། བཙུན་པ་བཅོམ་ལྡན་འདས། རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་འབྱུང་བ་སླ་བ་དང ། མངོན་པར་རྫོགས་པར་སངས་རྒྱས་པར་སླ་ལགས་སོ། །དེ་ཅིའི་སླད་དུ་ཞེ་
Kha258b
ན།་བཙུན་པ་བཅོམ་ལྡན་འདས། འདི་ལྟར་གཟུགས་ནི་ངོ་བོ་ཉིད་ཀྱིས་སྟོང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་ངོ་བོ་ཉིད་ཀྱིས་སྟོང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ནི་ངོ་བོ་ཉིད་ཀྱིས་སྟོང་པའི་སླད་དུའོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། རྣམ་གྲངས་དེ་ཉིད་ཀྱིས་ན། བྱང་ཆུབ་སེམས་དཔའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཤིན་ཏུ་འབྱུང་བར་དཀའ་བ་དང ། མངོན་པར་རྫོགས་པར་བྱང་ཆུབ་པར་ཤིན་ཏུ་དཀའ་སྟེ། དཔེར་ན། ནམ་མཁའ་ནི་འདི་སྙམ་དུ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་སྙམ་དུ་མི་སེམས་སོ། །ཚེ་དང་ལྡན་པ་རབ་འབྱོར། དེ་བཞིན་དུ་བྱང་ཆུབ་སེམས་དཔའ་ཡང་འདི་སྙམ་དུ་བདག་གིས་བླ་ན་མེད་པ་ཡང་དག་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་སྙམ་དུ་མི་སེམས་སོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་རབ་འབྱོར། འདི་ལྟར་ཆོས་ཐམས་ཅད་ནི་ནམ་མཁའ་དང་མཉམ་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ནམ་མཁའ་ལྟ་བུར་མོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་ཕྱིར་རོ། །ཚེ་དང་ལྡན་པ་རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་
Kha259a
༄#། །ཆེན་པོས་ཆོས་ཐམས་ཅད་ནམ་མཁའ་ལྟ་བུར་མོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་འབྱུང་བར་སླ་ཞིང་མངོན་པར་རྫོགས་པར་བྱང་ཆུབ་པར་སླ་སྟེ། འབྱུང་བར་དཀའ་བ་མ་ཡིན། མངོན་པར་རྫོགས་པར་བྱང་ཆུབ་པར་དཀའ་བ་མ་ཡིན་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་བགོས་པ་གངྒཱའི་ཀླུང་གི་བྱེ་མ་སྙེད་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལྡོག་པར་མི་འགྱུར་ཏེ། ཚེ་དང་ལྡན་པ་རབ་འབྱོར། རྣམ་གྲངས་དེས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཤིན་ཏུ་འབྱུང་བར་དཀའ་ཞིང ། མངོན་པར་རྫོགས་པར་བྱང་ཆུབ་པར་དཀའ་བར་མངོན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཡོངས་སུ་གཟུང་བ་མེད་པ་དང ། སྤང་བ་མེད་པའི་ལེའུ་ཞེས་བྱ་སྟེ་ཉི་ཤུ་རྩ་གསུམ་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འཚལ་བས་གང་ལ་གནས་པར་བགྱི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་
Kha259b
པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འདོད་པས། སེམས་ཅན་ཐམས་ཅད་ལ་སེམས་སྙོམས་པ་ཉིད་ལ་གནས་པར་བྱ། སེམས་ཅན་ཐམས་ཅད་ལ་སྙོམས་པའི་སེམས་བསྐྱེད་པར་བྱའོ། །སྙོམས་པའི་སེམས་ཉེ་བར་བཞག་ནས། སེམས་ཅན་ཐམས་ཅད་ལ་ཕན་པའི་སེམས་ཀྱིས་གཏམ་འདྲེ་བར་བྱ། ཕེབས་པར་སྨྲ་བར་བྱའོ། །སེམས་ཅན་ཐམས་ཅད་ལ་བྱམས་པ་ཆེན་པོ་བསྐྱེད་པར་བྱའོ། །སེམས་ཅན་ཐམས་ཅད་ལ་ང་རྒྱལ་བསྐྱུང་བར་བྱའོ། །སེམས་ཅན་ཐམས་ཅད་ལ་སྟོན་པར་འདུ་ཤེས་བསྐྱེད་པར་བྱའོ། །སེམས་ཅན་ཐམས་ཅད་ལ་སྙན་ཅིང་འཇམ་པའི་ཚིག་གིས་གཏམ་འདྲེ་བར་བྱ། ཕེབས་པར་སྨྲ་བར་བྱའོ། །སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་བསྐྱེད་པར་བྱའོ། །སེམས་ཅན་ཐམས་ཅད་ལ་རྣམ་པར་མཐོ་འཚམ་པ་མེད་པའི་སེམས་བསྐྱེད་པར་བྱའོ། །སེམས་ཅན་ཐམས་ཅད་ལ་ཕ་མ་དང ། མིང་སྲིང་གི་སེམས་བསྐྱེད་པར་བྱའོ། །སེམས་ཅན་ཐམས་ཅད་ལ་མཛའ་བཤེས་དང ། ནེའུ་ཟླ་དང ། ཉེ་དུའི་སེམས་བསྐྱེད་པར་བྱའོ། །སེམས་ཅན་ཐམས་ཅད་ལ་ཕ་མ་དང ། མིང་སྲིང་དང ། མཛའ་བཤེས་དང ། ནེའུ་ཟླ་དང ། ཉེ་དུའི་སེམས་ཀྱིས་གཏམ་འདྲེ་བར་བྱ། ཕེབས་པར་སྨྲ་བར་བྱའོ། །དེས་ཀྱང་སྲོག་གཅོད་པ་སྤང་བར་བྱ། གཞན་དག་ཀྱང་སྲོག་གཅོད་པ་སྤོང་བ་ཉིད་ཀྱི་ལམ་ཡང་དག་པར་འཛིན་དུ་གཞུག་པར་བྱ། རྟག་ཏུ་སྲོག་གཅོད་པ་སྤོང་བ་ཉིད་ཀྱི་བསྔགས་པ་བརྗོད་པར་བྱ།
Kha260a
༄#། །གཞན་གང་དག་སྲོག་གཅོད་པ་སྤོང་བ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །དེ་ལྟར་གོང་མ་བཞིན་དུ་སྦྱར་ཏེ། བདག་གིས་ཀྱང་ལོག་པར་ལྟ་བའི་བར་དུ་སྤོང་བར་བྱ། གཞན་དག་ཀྱང་ལོག་པར་ལྟ་བ་སྤོང་བ་ཉིད་ཀྱིས་ལམ་ཡང་དག་པར་འཛིན་དུ་གཞུག་པར་བྱ། ལོག་པར་ལྟ་བ་སྤོང་བ་ཉིད་ཀྱི་བསྔགས་པ་བརྗོད་པར་བྱ།་གཞན་གང་དག་ལོག་པར་ལྟ་བ་སྤོང་བ་དེ་དག་གི་བསྔགས་པ་བརྗོད་པར་བྱ། རྗེས་སུ་དགའ་བར་བྱ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འདོད་པས་ཆོས་དེ་དག་ལ་དེ་ལྟར་གནས་པར་བྱ་སྟེ། དེའང་མི་དམིགས་པའི་ཚུལ་གྱིས་བྱའོ། །དེ་བཞིན་དུ་བདག་ཀྱང་བསམ་གཏན་དང་པོ་ལ་སྙོམས་པར་འཇུག་པར་བྱ་ཞིང ། བསམ་གཏན་བཞི་པའི་བར་ལ་སྙོམས་པར་འཇུག་པར་བྱའོ། །གཞན་དག་ཀྱང་བསམ་གཏན་བཞི་པའི་བར་ལ་ཡང་དག་པར་འཛིན་དུ་གཞུག་པར་བྱ་ཞིང ། བསམ་གཏན་བཞི་པའི་བར་གྱི་བསྔགས་པ་བརྗོད་པར་བྱ། གཞན་གང་དག་བསམ་གཏན་བཞི་བའི་བར་ལ་སྙོམས་པར་འཇུག་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་
Kha260b
ཆུབ་ལ་གནས་པར་འདོད་པས། ཆོས་དེ་དག་ལ་དེ་ལྟར་གནས་པར་བྱ་སྟེ། དེའང་མི་དམིགས་པའི་ཚུལ་གྱིས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་བྱམས་པའི་སེམས་ལ་སྙོམས་པར་འཇུག་པར་བྱ་བ་ནས། གཞན་གང་དག་བྱམས་པའི་སེམས་ལ་སྙོམས་པར་འཇུག་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །དེ་བཞིན་དུ་བདག་ཀྱང་སྙིང་རྗེ་དང ། དགའ་བ་དང ། བཏང་སྙོམས་ཀྱི་སེམས་ལ་སྙོམས་པར་འཇུག་པར་བྱ་ཞིང ། གཞན་གང་དག་སྙིང་རྗེ་དང ། དགའ་བ་དང ། བཏང་སྙོམས་ཀྱི་སེམས་ཀྱི་ཏིང་ངེ་འཛིན་གྱི་བར་ལ་སྙོམས་པར་འཇུག་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་ཀྱང་ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་དང ། རྣམ་ཤེས་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་དང ། ཅིའང་མེད་པའི་སྐྱེ་མཆེད་ཀྱི་སྙོམས་པར་འཇུག་པ་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པ་ལ་སྙོམས་པར་འཇུག་པར་བྱ་ཞིང ། གཞན་གང་དག་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་གྱི་སྙོམས་པར་འཇུག་པ་ལ་སྙོམས་པར་འཇུག་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ། གཞན་དག་ཀྱང་སྦྱིན་པའི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་གཞུག་པར་བྱ། སྦྱིན་པའི་ཕ་རོལ་ཏུ་ཕྱིན་
Kha261a
༄#། །པའི་བསྔགས་པ་བརྗོད་པར་བྱ་ཞིང ། གཞན་གང་དག་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །དེ་བཞིན་དུ་ཇི་ལྟར་སྦྱིན་པའི་ཕ་རོལ་ཏུ་ཕྱིན་པར་སྦྱར་བ་བཞིན་དུ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་སྦྱར་བར་བྱའོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་བདག་གིས་ཀྱང་ནང་སྟོང་པ་ཉིད་བསྒོམ་པར་བྱ། གཞན་དག་ཀྱང་ནང་སྟོང་པ་ཉིད་བསྒོམ་པ་ཡང་དག་པར་འཛིན་དུ་གཞུག་པར་བྱ། ནང་སྟོང་པ་ཉིད་བསྒོམ་པའི་བསྔགས་པའང་བརྗོད་པར་བྱ། གཞན་གང་དག་ནང་སྟོང་པ་ཉིད་བསྒོམ་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །གོང་མ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་དེ་བཞིན་དུ་སྦྱར་བར་བྱའོ། །དེ་བཞིན་དུ་བདག་གིས་ཀྱང་དྲན་པ་ཉེ་བར་བཞག་པ་བཞི་བསྒོམ་པར་བྱ། གཞན་ཡང་དྲན་པ་ཉེ་བར་བཞག་པ་བཞི་བསྒོམ་པ་ཡང་དག་པར་འཛིན་དུ་འཇུག་པར་བྱ། དྲན་པ་ཉེ་བར་བཞག་པ་བསྒོམ་པའི་བསྔགས་པའང་བརྗོད་པར་བྱ། གཞན་གང་དག་དྲན་པ་ཉེ་བར་བཞག་པ་བཞི་བསྒོམ་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །དེ་བཞིན་དུ་སྦྱར་ཏེ། བདག་ཀྱང་འཕགས་པའི་ལམ་ཡན་ལག་བརྒྱད་པའི་བར་དུ་བསྒོམ་པར་བྱ། གཞན་ཡང་འཕགས་པའི་ལམ་
Kha261b
ཡན་ལག་བརྒྱད་པ་བསྒོམ་པ་ཡང་དག་པར་འཛིན་དུ་གཞུག་པར་བྱ། འཕགས་པའི་ལམ་ཡན་ལག་བརྒྱད་པ་བསྒོམ་པའི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །དེ་བཞིན་དུ་བདག་གིས་ཀྱང་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་ལ་སྙོམས་པར་འཇུག་པར་བྱ། གཞན་ཡང་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་དག་ཡང་དག་པར་འཛིན་དུ་གཞུག་པར་བྱ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་དེ་དག་གི་བསྔགས་པ་བརྗོད་པར་བྱ། གཞན་གང་དག་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་དག་གི་ཏིང་ངེ་འཛིན་ལ་སྙོམས་པར་འཇུག་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་ཀྱང་རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་ལ་སྙོམས་པར་འཇུག་པར་བྱ། གཞན་ཡང་རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་པོ་དག་ཡང་དག་པར་འཛིན་དུ་གཞུག་པར་བྱ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་པོ་དག་གི་བསྔགས་པ་བརྗོད་པར་བྱ། གཞན་གང་དག་རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་ལ་སྙོམས་པར་འཇུག་པ་དེ་དག་གི་བསྔགས་པ་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་དེ་བཞིན་
Kha262a
༄#། །གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་རྫོགས་པར་བྱ། གཞན་ཡང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱིས་བར་དག་ཡང་དག་པར་འཛིན་དུ་གཞུག་པར་བྱ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་བསྔགས་པ་བརྗོད་པར་བྱ། གཞན་གང་དག་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡོངས་སུ་རྫོགས་པར་བྱེད་པ་དེ་དག་གི་བསྔགས་པ་བརྗོད་ཅིང་རྗེས་སུ་དགའ་བར་བྱའོ། །བདག་ཀྱང་རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་པ་ལུགས་དང་མཐུན་པ་དང ། ལུགས་དང་མི་མཐུན་པ་ལ་ཉེ་བར་བརྟག་པར་བྱའོ། །གཞན་ཡང་རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་པ་ལུགས་དང་མཐུན་པ་དང ། ལུགས་དང་མི་མཐུན་པ་ལ་ཉེ་བར་རྟོག་པའི་བསྔགས་པ་བརྗོད་པར་བྱ། ཡང་དག་པར་འཛིན་དུ་གཞུག་པར་བྱ། གཞན་གང་དག་རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་པ་ལུགས་དང་མཐུན་པ་དང ། ལུགས་དང་མི་མཐུན་པ་དག་ལ་ཉེ་བར་རྟོག་པར་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་
Kha262b
འདོད་པས། ཆོས་འདི་དག་ལ་དེ་ལྟར་བསྒོམ་པར་བྱ་སྟེ། དེའང་མི་དམིགས་པའི་ཚུལ་གྱིས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་བདག་གིས་ཀྱང་སྡུག་བསྔལ་འཕགས་པའི་བདེན་པ་ཡོངས་སུ་ཤེས་པར་བྱ། སྡུག་བསྔལ་ཀུན་འབྱུང་བ་འཕགས་པའི་བདེན་པ་སྤང་བར་བྱ། སྡུག་བསྔལ་འགོག་པ་འཕགས་པའི་བདེན་པ་མངོན་སུམ་དུ་བྱ ། སྡུག་བསྔལ་འགོག་པར་འགྱུར་བའི་ལམ་འཕགས་པའི་བདེན་པ་དེ་བསྒོམ་པར་བྱའོ། །གཞན་ཡང་སྡུག་བསྔལ་ཡོངས་སུ་ཤེས་པར་བྱ་བ་དང ། ཀུན་འབྱུང་བ་སྤང་བར་བྱ་བ་དང ། འགོག་པ་མངོན་སུམ་དུ་བྱ་བ་དང ། ལམ་བསྒོམ་པ་ཡང་དག་པར་འཛིན་དུ་གཞུག་པར་བྱ། འཕགས་པའི་བདེན་པ་བཞིའི་བསྔགས་པ་བརྗོད་པར་བྱ། གཞན་གང་དག་སྡུག་བསྔལ་འཕགས་པའི་བདེན་པ་ཡོངས་སུ་ཤེས་པ་དང ། སྡུག་བསྔལ་ཀུན་འབྱུང་བ་འཕགས་པའི་བདེན་པ་སྤོང་བ་དང ། སྡུག་བསྔལ་འགོག་པ་འཕགས་པའི་བདེན་པ་མངོན་སུམ་དུ་བྱེད་པ་དང ། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་སྒོམ་པར་བྱེད་པ་དེ་དག་གི་བསྔགས་པ་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཤེས་པ་བསྐྱེད་པར་བྱ་སྟེ། ཡང་དག་པའི་མཐའ་ནི་མངོན་སུམ་དུ་མི་བྱའོ། །གཞན་ཡང་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བ་ཡང་དག་པར་འཛིན་དུ་གཞུག་པར་བྱ། རྒྱུན་དུ་
Kha263a
༄#། །ཞུགས་པའི་འབྲས་བུ་མངོན་སུམ་དུ་བྱ་བའི་བསྔགས་པ་བརྗོད་པར་བྱ། གཞན་གང་དག་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཤེས་པ་སྐྱེད་པར་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །ཇི་ལྟར་རྒྱུན་དུ་ཞུགས་པའི་འབྲས་བུའི་སྐབས་སུ་སྦྱར་བ་དེ་བཞིན་དུ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་ཀྱི་བར་ལའང་སྦྱར་བར་བྱའོ། །བདག་གིས་ཀྱང་རང་བྱང་ཆུབ་མངོན་སུམ་དུ་བྱ་བའི་ཤེས་པ་བསྐྱེད་པར་བྱ་སྟེ། ཡང་དག་པའི་མཐའ་ནི་མངོན་སུམ་དུ་མི་བྱའོ། །གཞན་ཡང་རང་བྱང་ཆུབ་མངོན་སུམ་དུ་བྱ་བ་ཡང་དག་པར་འཛིན་དུ་གཞུག་པར་བྱ། རང་བྱང་ཆུབ་མངོན་སུམ་དུ་བྱ་བའི་བསྔགས་པ་བརྗོད་པར་བྱ། གཞན་གང་དག་རང་བྱང་ཆུབ་མངོན་སུམ་དུ་བྱ་བའི་ཤེས་པ་སྐྱེད་པར་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་ཀྱང་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱ། གཞན་ཡང་བྱང་ཆུབ་སེམས་དཔའི་སྐྱོན་མེད་པ་ལ་ཡང་དག་པར་འཛིན་དུ་གཞུག་པར་བྱ། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པའི་བསྔགས་པའང་བརྗོད་པར་བྱ། གཞན་གང་དག་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །རབ་འབྱོར། དེ་ལྟར་ན་བྱང་ཆུབ་སེམས་
Kha263b
དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འདོད་པས། ཆོས་འདི་དག་ལ་དེ་ལྟར་གནས་པར་བྱ་སྟེ། དེའང་མི་དམིགས་པའི་ཚུལ་གྱིས་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་བདག་གིས་ཀྱང་སེམས་ཅན་རྣམས་ཡོངས་སུ་སྨིན་པར་བྱ་ཞིང ། གཞན་གང་དག་སེམས་ཅན་རྣམས་ཡོངས་སུ་སྨིན་པར་བྱེད་པའི་བར་དུ་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་སངས་རྒྱས་ཀྱི་ཞིང་རྣམས་ཡོངས་སུ་དག་པར་བྱ་ཞིང ། གཞན་གང་དག་སངས་རྒྱས་ཀྱི་ཞིང་རྣམས་ཡོངས་སུ་དག་པར་བྱེད་པའི་བར་དུ་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་བྱང་ཆུབ་སེམས་དཔའི་མངོན་པར་ཤེས་པ་བསྐྱེད་པར་བྱ་ཞིང ། གཞན་གང་དག་བྱང་ཆུབ་སེམས་དཔའི་མངོན་པར་ཤེས་བསྐྱེད་པའི་བར་དུ་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་རྣམ་པ་ཐམས་ཅད་མཁྱེན་པ་ཉིད་མངོན་པར་རྫོགས་པར་བྱང་ཆུབ་བར་བྱ་ཞིང ། གཞན་གང་དག་རྣམ་པ་ཐམས་ཅད་མཁྱེན་པ་ཉིད་མངོན་པར་རྫོགས་པར་འཚང་རྒྱ་བར་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་བག་ཆགས་ཀྱི་མཚམས་སྦྱོར་བ་དང ། ཉོན་མོངས་པ་ཐམས་ཅད་སྤང་བར་བྱ། གཞན་ཡང་བག་ཆགས་ཀྱི་མཚམས་སྦྱོར་བ་དང ། ཉོན་མོངས་པ་ཐམས་ཅད་
Kha264a
༄#། །སྤོང་བ་ཡང་དག་པར་འཛིན་དུ་གཞུག་པར་བྱ། བག་ཆགས་ཀྱི་མཚམས་སྦྱོར་བ་དང ། ཉོན་མོངས་པ་ཐམས་ཅད་སྤོང་བའི་བསྔགས་པའང་བརྗོད་པར་བྱ། གཞན་ཡང་བག་ཆགས་ཀྱི་མཚམས་སྦྱོར་བ་དང ། ཉོན་མོངས་པ་ཐམས་ཅད་སྤོང་བར་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འདོད་པས་ཆོས་འདི་དག་ལ་དེ་ལྟར་གནས་པར་བྱ་སྟེ། དེའང་མི་དམིགས་པའི་ཚུལ་གྱིས་བྱའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་བཞི་པ། རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་བདག་གིས་ཀྱང་ཚེ་ཕུན་སུམ་ཚོགས་པ་ཡོངས་སུ་གཟུང་བར་བྱ། གཞན་ཡང་ཚེ་ཕུན་སུམ་ཚོགས་པ་ཡང་དག་པར་འཛིན་དུ་གཞུག་པར་བྱ། ཚེ་ཕུན་སུམ་ཚོགས་པའི་བསྔགས་པ་བརྗོད་པར་བྱ། གཞན་གང་དག་ཚེ་ཕུན་སུམ་ཚོགས་པ་ཡོངས་སུ་འཛིན་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱའོ། །བདག་གིས་ཀྱང་ཆོས་ཀྱི་འཁོར་ལོ་བསྐོར་བར་བྱ། གཞན་གང་དག་ཆོས་ཀྱི་འཁོར་ལོ་བསྐོར་བའམ། བསྐོར་བར་འགྱུར་བའི་བར་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱ་སྟེ། རབ་འབྱོར། དེ་ལྟར་ན་བྱང་
Kha264b
ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འདོད་པས། ཆོས་འདི་དག་ལ་དེ་ལྟར་གནས་པར་བྱ་སྟེ། དེའང་མི་དམིགས་པའི་ཚུལ་གྱིས་བྱའོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱ་ཞིང ། དེ་ལྟར་ཐབས་ལ་མཁས་པ་ལ་གནས་པར་བྱའོ། །དེ་ལྟར་སློབ་པ་དང ། དེ་ལྟར་གནས་པ་དེའི་གཟུགས་སྒྲིབ་པ་མེད་པར་འགྱུར། ཚོར་བ་སྒྲིབ་པ་མེད་པ་དང ། འདུ་ཤེས་སྒྲིབ་པ་མེད་པ་དང ། འདུ་བྱེད་རྣམས་སྒྲིབ་པ་མེད་པ་དང ། རྣམ་པར་ཤེས་པ་སྒྲིབ་པ་མེད་པར་འགྱུར་རོ། །དེ་བཞིན་དུ་སྦྱར་ཏེ། དམ་པའི་ཆོས་གནས་པའི་བར་དུ་སྒྲིབ་པ་མེད་པར་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སྔོན་གྱི་མཐའ་ཉིད་ནས་གཟུགས་ཡོངས་སུ་མ་བཟུང་བ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོངས་སུ་མ་བཟུང་བ་ནས། དེ་བཞིན་དུ་སྦྱར་ཏེ། སྔོན་གྱི་མཐའ་ནས་ཐམས་ཅད་མཁྱེན་པ་ཉིད་ཀྱི་བར་དུ་ཡོངས་སུ་མ་བཟུང་བའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གཟུགས་ཡོངས་སུ་གཟུང་དུ་མེད་པ་དེ་ནི་གཟུགས་མ་ཡིན། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་གཟུང་དུ་མེད་པ་གང་ཡིན་པ་དེ་ནི། རྣམ་པར་ཤེས་པ་མ་ཡིན།
Kha265a
༄#། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་གཟུང་དུ་མེད་པ་དེ་ནི། རྣམ་པ་ཐམས་ཅད་མཁྱེན་པ་ཉིད་མ་ཡིན་པའི་ཕྱིར་རོ། །བྱང་ཆུབ་སེམས་དཔའ་གནས་པ་འདི་བཤད་པ་ན། བྱང་ཆུབ་སེམས་དཔའ་ཁྲི་ཉིས་སྟོང་གིས་མི་སྐྱེ་བའི་ཆོས་ལ་བཟོད་པ་ཐོབ་བོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པས་བཀྲེས་པ་དང ། སྐོམ་པ་དང ། བཟའ་བ་དང ། བཏུང་བ་དང ། མལ་ཆ་མི་བདོག་པའི་སེམས་ཅན་དག་མཐོང་ན། འདི་སྙམ་དུ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན་སེམས་ཅན་དེ་དག་གི་སེར་སྣ་ལས་བྱུང་བའི་སྐྱོན་འདི་འདྲ་བ་འདི་དག་མི་འབྱུང་ཞིང་མེད་ལ། རྒྱལ་ཆེན་བཞིའི་རིས་ཀྱི་ལྷ་རྣམས་དང ། སུམ་ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ལོངས་སྤྱོད་དང ། ཡོངས་སུ་སྤྱོད་པ་ཅི་འདྲ་བ་དེ་འདྲ་བར་འགྱུར་བར་བདག་གིས་འབད་པར་བྱ་སྟེ། ཅི་ནས་སངས་རྒྱས་ཀྱི་ཞིང་དེ་ན་སེམས་ཅན་དེ་དག་གི་ལོངས་སྤྱོད་དང ། ཡོངས་སུ་སྤྱོད་པ་དག་དེ་ལྟ་བུར་འགྱུར་བ་དེ་ལྟར་དེ་སྲིད་དུ། བདག་གིས་སྦྱིན་པའི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་
Kha265b
ཆེན་པོ་དེ་ལྟར་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ནི། མྱུར་དུ་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་སྲོག་གཅོད་པ་ནས། ལོག་པར་ལྟ་བའི་བར་རྣམས་དང ། ཚེ་ཐུང་བ་རྣམས་དང ། གནོད་པ་མང་བ་དག་དང ། མདོག་ངན་པ་དག་དང ། མཐུ་ཆུང་བ་དག་དང ། ལོངས་སྤྱོད་ཆུང་བ་དག་དང ། རིགས་ངན་དུ་སྐྱེས་པ་དང ། ཡན་ལག་དང་ཉིད་ལག་མཚང་བ་དག་དང ། སྐྱེ་བོ་ཁོང་དགེ་བས་སྨད་པ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན་ཅི་ནས་ཀྱང་སེམས་ཅན་དེ་དག་གི་འཆལ་པའི་ཚུལ་ཁྲིམས་ལས་བྱུང་བའི་སྐྱོན་འདི་འདྲ་བ་འདི་དག་མི་འབྱུང་ཞིང་མེད་པར་འགྱུར་བ་དེའི་བར་དུ་བདག་གིས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། མྱུར་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་སྤྱོད་པས། སེམས་ཅན་ཕན་ཚུན་གནོད་སེམས་སུ་གྱུར་བདག་དང ། ལན་མང་
Kha266a
༄#། །དུ་ཁྲོས་པ་དག་དང ། འཁྲུག་པའི་སེམས་དང་ལྡན་པ་དག་དང ། བོང་བ་དང ། དབྱུག་པ་དང ། མཚོན་ཆས་སྣུན་པས་ཕན་ཚུན་གནོད་སེམས་བྱེད་པ་དག་དང ། སྲོག་དང་འབྲལ་བར་བྱེད་པའི་སེམས་ཅན་དག་མཐོང་ན་འདི་སྙམ་དུ། ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་གནོད་སེམས་ལས་བྱུང་བའི་སྐྱོན་དེ་ལྟ་བུ་འདི་དག་མི་འབྱུང་ཞིང་མེད་པ་དང ། སེམས་ཅན་ཐམས་ཅད་ཀྱང ། དཔེར་ན། འོད་གསལ་གྱི་ལྷ་རྣམས་ལྟར་རྟག་ཏུ་ཕ་མ་དང ། མིང་སྲིང་ལྟ་བུའི་སེམས་སུ་བྱམས་པའི་སེམས་དང་ལྡན་པར་འགྱུར་བ་དེ་སྲིད་དུ་བདག་གིས་བཟོད་པའི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བཟོད་པའི་ཕ་རོལ་ཏུ་ཕྱིན་པ་ལ་སྤྱོད་པ་ནི། མྱུར་དུ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ལེ་ལོ་ཅན་དག་དང ། མཐོ་རིས་དང ། བྱང་གྲོལ་ལ་རྒྱབ་ཀྱིས་ཕྱོགས་པ་དག་དང ། ཐེག་པ་གསུམ་ལས་ལྷུང་བའི་སེམས་ཅན་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་
Kha266b
པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་ལེ་ལོ་ལས་བྱུང་བའི་སྐྱོན་འདི་ལྟ་བུ་འདི་དག་མི་འབྱུང་ཞིང་མེད་ལ། སེམས་ཅན་ཐམས་ཅད་ཀྱང་དགེ་བ་དག་ལ་བརྟེན་ཅིང ། ངེས་པར་ལེགས་པའི་ཕྱིར་བརྩོན་འགྲུས་བརྩམས་ནས། ཐེག་པ་གསུམ་པོ་གང་ཡང་རུང་བས་ཡོངས་སུ་མྱ་ངན་ལས་འདའ་བར་འགྱུར་བ་དེ་སྲིད་དུ་བདག་གིས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། མྱུར་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པས་སྒྲིབ་པ་ལྔས་བསྒྲིབས་པ་དག་དང ། བསམ་གཏན་བཞི་དང་བྲལ་བ་དག་དང ། གཟུགས་མེད་པའི་སྙོམས་པར་འཇུག་པ་བཞི་དང་བྲལ་བའི་སེམས་ཅན་དག་མཐོང་ན། འདི་སྙམ་དུ་ཀྱི་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་སྒྲིབ་པ་ལྔའི་སྐྱོན་འདི་ལྟ་བུ་འདི་དག་མི་འབྱུང་ཞིང་མེད་ལ། སེམས་ཅན་ཐམས་ཅད་ཀྱང་རྣམ་པར་ཐར་པ་བརྒྱད་ལ་བསམ་གཏན་པར་འགྱུར་བ་དེ་སྲིད་དུ་བདག་གིས་བསམ་
Kha267a
༄#། །གཏན་གྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། མྱུར་དུ་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། སེམས་ཅན་ཤེས་རབ་འཆལ་བ་དག་དང ། འཇིག་རྟེན་པ་དང ། འཇིག་རྟེན་ལས་འདས་པའི་ཡང་དག་པའི་ལྟ་བ་དང་བྲལ་བ་དག་དང ། སྡིག་པའི་ལས་ཀུན་ཏུ་སྤྱོད་པ་དག་དང ། བྱ་བ་མ་ཡིན་པ་སྨྲ་བ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་གཏི་མུག་ལས་བྱུང་བའི་སྐྱོན་འདི་ལྟ་བུ་འདི་དག་མི་འབྱུང་ཞིང་མེད་ལ། སེམས་ཅན་ཐམས་ཅད་ཀྱང་རིག་པ་གསུམ་དང་ལྡན་པར་འགྱུར་བ་དེ་སྲིད་དུ་བདག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། མྱུར་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་ཡིན་ནོ། །རབ་འབྱོར། གཞན་ཡང་
Kha267b
བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། ཚོགས་གསུམ་པོ་འདི་ལྟ་སྟེ། ཡང་དག་པ་ཉིད་དུ་ངེས་པའི་ཚོགས་དང ། ལོག་པ་ཉིད་དུ་ངེས་པའི་ཚོགས་དང ། མ་ངེས་པའི་ཚོགས་ལ་གནས་པ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་ཚོགས་གཅིག་པོ་འདི་ལྟ་སྟེ། ཡང་དག་པ་ཉིད་དུ་ངེས་པའི་ཚོགས་སུ་འགྱུར་ཞིང ། ཚོགས་གཞན་གཉིས་པོ་འདི་ལྟ་སྟེ། ལོག་པ་ཉིད་དུ་ངེས་པའི་ཚོགས་དང ། མ་ངེས་པའི་ཚོགས་ཀྱི་སྒྲའང་གྲག་པར་མི་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་འགྱུར་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས་སེམས་ཅན་དམྱལ་བ་དང ། དུད་འགྲོའི་སྐྱེ་གནས་དང ། གཤིན་རྗེའི་འཇིག་རྟེན་དུ་སྐྱེས་པའི་སེམས་ཅན་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་
Kha268a
༄#། །དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་ངན་སོང་གསུམ་པོ་དག་གི་སྒྲའང་མི་གྲག་ན། འབྱུང་བ་ལྟ་སྨོས་ཀྱང་ཅི་དགོས་པར་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་ནས། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། ས་འདི་སྡོང་དུ་མ་དང ། ཚེར་མ་དང ། ངམ་གྲོག་དང ། གཡང་ས་དང ། གཏོར་ཁུང་ནས་འབབ་པ་དང ། ཕྱིས་ཁུང་གང་དག་ཡོད་པ་དེ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། སེམས་ཅན་དེ་དག་གི་བདུད་ཀྱི་ལས་དེ་ལྟ་བུ་དེ་དག་མི་འབྱུང་ཞིང ། སངས་རྒྱས་ཀྱི་ཞིང་དེའང་རིན་པོ་ཆེ་སྣ་བདུན་ལས་བྱས་པ། ལག་མཐིལ་ལྟར་མཉམ་པར་གྱུར་པ། ཤིང་ལྗོན་པ་སྣ་ཚོགས་དང ། མེ་ཏོག་སྣ་
Kha268b
ཚོགས་དང ། འབྲས་བུ་སྣ་ཚོགས་དང་ལྡན་པ། བྱ་མང་པོ་སྣ་ཚོགས་པ་དག་གདངས་ཉན་པ་སྒྲོགས་པ་དང ། ཆུ་ཀླུང་དང ། ཁྲོན་པ་དང ། འབབ་ཆུ་དང ། མཚེའུ་དང ། ལྟེང་ག་དང ། རྫིང་བུ་སྣ་ཚོགས་ཕུན་སུམ་ཚོགས་པ་ཅན་དུ་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། ས་ཆེན་པོ་ས་ལས་བྱས་ཤིང་རྡོ་དང ། བྱེ་མས་ཀུན་ཏུ་ཁེབས་ལ་རྡུལ་དང ། གསེག་མ་དང ། གྲམ་པ་དང ། རྡོ་བས་གང་བ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་ས་ཆེན་པོ་དེ་བཻ་ཌཱུརྱ་སྔོན་པོ་ལས་བྱས་པ་དང ། གསེར་གྱི་བྱེ་མའི་གཅལ་བཀྲམ་པར་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་
Kha269a
༄#། །པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས་ཡོངས་སུ་འཛིན་པ་ལ་གནས་ཤིང ། དེའི་རྒྱུ་ལས་བྱུང་བ་སྡིག་པའི་ལས་ལྔ་བྱས་པ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་ཡོངས་སུ་འཛིན་པ་འདི་ལྟ་སྟེ།་གཟུགས་ཡོངས་སུ་འཛིན་པ་ནས། རྣམ་པར་ཤེས་པའི་བར་དུ་ཡོངས་སུ་འཛིན་པའི་མིང་ཡང་གྲག་པར་མི་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་
Kha269b
དང་ཡང་ཉེ་བར་གྱུར་བ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། རིགས་བཞི་པོ་འདི་ལྟ་སྟེ། རྒྱལ་རིགས་དང ། བྲམ་ཟེ་དང ། རྗེའུ་རིགས་དང ། དམངས་རིགས་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་རིགས་བཞི་པོ་དག་གི་སྒྲའང་གྲག་པར་མི་འགྱུར་ཞིང ། གཞན་དུ་ན་མི་ཞེས་བྱ་བ་འགའ་ཞིག་གི་གྲངས་སུ་འགྲོ་བར་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་རྣམས་ཀྱི་ཁ་དོག་ཐ་དད་པ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་
Kha270a
༄#། །གི་ཁ་དོག་ཐ་དད་པ་ཉིད་མེད་ཅིང ། གཞན་དུ་ན་གསེར་གྱི་མདོག་ཅན་དག་དང ། ལྟ་ན་སྡུག་ཅིང་གཟུགས་བཟང་ཞིང་མཛེས་ཏེ། ཁ་དོག་བཟང་པོ་རྒྱས་པ་མཆོག་དང་ལྡན་པར་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། བདག་པོ་མཐོང་ན་འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཀྱི་རྒྱལ་པོ་མ་གཏོགས་པར་སེམས་ཅན་དེ་དག་གི་བདག་པོ་ཟླ་མེད་པར་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་
Kha270b
པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་རྣམས་ཀྱི་འགྲོ་བ་ཐ་དད་པ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་འགྲོ་བ་ཐ་དད་པ་འདི་ལྟ་སྟེ། སེམས་ཅན་དམྱལ་བའམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་ནམ། ལྷའི་འཇིག་རྟེན་ནམ། མིའི་འཇིག་རྟེན་མེད་པར་འགྱུར་ཞིང ། གཞན་དུ་ན་འདི་ལྟ་སྟེ། སེམས་ཅན་ཐམས་ཅད་དྲན་པ་ཉེ་བར་བཞག་པ་བཞི་དང ། འཕགས་པའི་ལམ་ཡན་ལག་བརྒྱད་པའི་བར་ལ་ལས་གཅིག་པར་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་
Kha271a
༄#། །ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་རྣམས་ཀྱི་སྐྱེ་གནས་བཞི་པོ་འདི་ལྟ་སྟེ། སྒོ་ང་ལས་སྐྱེ་བ་དང ། མངལ་ལས་སྐྱེ་བ་དང ། དྲོད་གཤེར་ལས་སྐྱེ་བ་དང ། རྫུས་ཏེ་སྐྱེ་བ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་སྐྱེ་གནས་གསུམ་པོ་འདི་ལྟ་སྟེ། སྒོ་ང་ལས་སྐྱེ་བའི་སྐྱེ་གནས་དང ། མངལ་ནས་སྐྱེ་བའི་སྐྱེ་གནས་དང ། དྲོད་གཤེར་ལས་སྐྱེ་བའི་སྐྱེ་གནས་དག་མེད་ཅིང ། སེམས་ཅན་ཐམས་ཅད་སྐྱེ་གནས་གཞན་དུ་རྫུས་ཏེ་སྐྱེ་བ་འབའ་ཞིག་ཏུ་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་
Kha271b
ཅན་མངོན་པར་ཤེས་པ་ལྔ་དང་བྲལ་བ་དག་དང ། དམན་པ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་ཐམས་ཅད་མངོན་པར་ཤེས་པ་ལྔ་དང་ལྡན་པར་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་རྣམས་ཀྱི་བཤང་གཅི་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། སེམས་ཅན་དེ་དག་གི་བཤང་གཅི་དག་ཡེ་མེད་ཅིང ། སེམས་ཅན་ཐམས་ཅད་ཀྱང ། དཔེར་ན། འོད་གསལ་གྱི་ལྷ་རྣམས་ལྟར་དགའ་བའི་ཟས་དང་ལྡན་པར་འགྱུར་པ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་
Kha272a
༄#། །སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་འོད་དང་བྲལ་བ་རྣམས་མཐོང་ན། འདི་སྙམ་དུ་ཉེ་བར་བརྟག་པར་བྱ་ཞེས་བྱ་བ་ནས། རང་ལས་འོད་འབྱུང་བར་འགྱུར་བ་ཞེས་བྱ་བའི་བར་དང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་རྣམས་ཀྱི་ཟླ་བ་དང ། ཟླ་བ་ཕྱེད་པ་དང ། དུས་དང ། ལོ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། སེམས་ཅན་དེ་དག་གི་ཟླ་བ་དང ། ཟླ་བ་ཕྱེད་དང ། དུས་དང ། ལོ་རྣམས་ཀྱི་སྒྲའང་གྲག་པར་མི་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་
Kha272b
དུ་ཉེ་བར་བརྟག་པར་བྱ་སྟེ་ཞེས་བྱ་བ་ནས། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་ཚེ་ཕུན་སུམ་ཚོགས་པ་དང་བྲལ་བ་དག་མཐོང་ན། འདི་སྙམ་དུ་ཉེ་བར་བརྟག་པར་བྱ་ཞེས་བྱ་བ་ནས། ཚེ་དཔག་ཏུ་མེད་པར་འགྱུར་བ་ཞེས་བྱ་བའི་བར་དུ་གོང་མ་བཞིན་དུ་སྦྱར་བ་དང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་མཚན་དང་བྲལ་བ་དག་མཐོང་ན། འདི་སྙམ་དུ་ཉེ་བར་བརྟག་པར་བྱ་ཞེས་བྱ་བ་ནས། སེམས་ཅན་ཐམས་ཅད་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པར་གྱུར་བ་ཞེས་བྱ་བའི་བར་དུ་གོང་མ་བཞིན་དུ་སྦྱར་བ་དང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་བ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་དགེ་བའི་རྩ་བ་དང་བྲལ་བ་དག་མཐོང་ན། འདི་སྙམ་དུ་ཉེ་བར་བརྟག་པར་བྱ་ཞེས་བྱ་བ་ནས། སངས་རྒྱས་ཀྱི་ཞིང་དེ་ན་སེམས་ཅན་རྣམས་དགེ་བའི་རྩ་
Kha273a
༄#། །བ་ཐམས་ཅད་དང་ལྡན་ཞིང ། དགེ་བའི་རྩ་བ་དེ་དག་གིས་སངས་རྒྱས་བཅོམ་ལྡན་འདས་རྣམས་ལ་རིམ་གྲོར་བྱེད་པར་འགྱུར་བ་ཞེས་བྱ་བའི་བར་དུ་གོང་མ་བཞིན་དུ་སྦྱར་བ་དང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་ནད་ཀྱིས་བཏབ་པ་རྣམས་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། སེམས་ཅན་དེ་དག་གི་ནད་བཞི་པོ་འདི་ལྟ་སྟེ། རླུང་ལས་གྱུར་པ་དང ། མཁྲིས་པ་ལས་གྱུར་པ་དང ། བད་ཀན་ལས་གྱུར་པ་དང ། འདུས་པ་ལས་གྱུར་པ་དག་མི་འབྱུང་ཞིང ། གཞན་ཡང་ཉོན་མོངས་པའི་ནད་གསུམ་པོ་འདི་ལྟ་སྟེ། འདོད་ཆགས་དང ། ཞེ་སྡང་དང ། གཏི་མུག་རྣམས་མི་འབྱུང་བར་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་ཞེས་བྱ་བ་ནས། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་
Kha273b
ཏུ་ཕྱིན་པ་དྲུག་ལ་སྤྱོད་པས། ཉན་ཐོས་ཀྱི་ཐེག་པ་དང ། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པའི་སེམས་ཅན་རྣམས་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་ཐེག་པ་གཉིས་པོ་འདི་ལྟ་སྟེ། ཉན་ཐོས་ཀྱི་ཐེག་པ་དང ། རང་སངས་རྒྱས་ཀྱི་ཐེག་པའི་སྒྲའང་གྲག་པར་མི་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱའོ་ཞེས་བྱ་བ་ནས། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། སེམས་ཅན་ལྷག་པའི་ང་རྒྱལ་ཅན་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། ཅི་ནས་ཀྱང་སེམས་ཅན་དེ་དག་གི་ང་རྒྱལ་གྱི་སྒྲའང་གྲག་པར་མི་འགྱུར་བ་དེ་སྲིད་དུ། བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་ཞེས་བྱ་བ་ནས། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་
Kha274a
༄#། །གྱུར་པ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས།་སེམས་ཅན་རྣམས་ཀྱི་ཚེ་དཔག་ཏུ་ཡོད་པ་དང ། འོད་ཆུང་བ་དང ། སངས་རྒྱས་བཅོམ་ལྡན་འདས་རྣམས་ཀྱི་ཉན་ཐོས་ཀྱི་དགེ་འདུན་དཔག་ཏུ་ཡོད་པ་དག་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན། སེམས་ཅན་དེ་དག་གི་ཚེ་དཔག་ཏུ་མེད་པ་དང ། འོད་དཔག་ཏུ་མེད་པར་འགྱུར་བ་དང ། ཉན་ཐོས་ཀྱི་དགེ་འདུན་དཔག་ཏུ་མེད་པར་འགྱུར་བ་དེ་སྲིད་དུ་བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱའོ་ཞེས་བྱ་བ་ནས། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ་ཞེས་བྱ་བའི་བར་དུ་གོང་མ་བཞིན་དུ་སྦྱར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས་སངས་རྒྱས་ཀྱི་ཞིང་དཔག་ཏུ་ཡོད་པ་མཐོང་ན། འདི་སྙམ་དུ་ཀྱེ་མ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་ཀྱི་ཞིང་ཇི་སྙེད་ཡོད་པ་དེ་སྙེད་བདག་གི་སངས་རྒྱས་ཀྱི་ཞིང་གཅིག་ཏུ་
Kha274b
འགྱུར་བ་དེ་སྲིད་དུ་བདག་གིས་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱ། སེམས་ཅན་རྣམས་ཀྱང་ཡོངས་སུ་སྨིན་པར་བྱའོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། མྱུར་དུ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པས། འདི་སྙམ་དུ་ཀྱེ་མ་འཁོར་བ་འདི་ནི་ཡུན་རིང་བའོ། །ཀྱེ་མ་འཇིག་རྟེན་གྱི་ཁམས་འདི་ནི་ཡུན་རིང་བའོ་སྙམ་དུ་ཉེ་བར་བརྟག་པར་བྱ་ཞིང ། ཡང་འདི་སྙམ་དུ་ཀྱེ་མ་འཁོར་བ་འདི་ནི་ནམ་མཁའ་ལྟ་བུར་མུ་མེད་པའོ། །ཀྱེ་མ་སེམས་ཅན་གྱི་ཁམས་འདི་ནི་ནམ་མཁའ་ལྟར་མུ་མེད་པ་ཡིན་མོད་ཀྱི། འདི་ལ་ཆོས་ཀྱི་བརྡས་སེམས་ཅན་ཞེའམ། འཁོར་བ་ཞེའམ། རྣམ་པར་ཐར་པ་ཞེས་ཐ་སྙད་དུ་འདོགས་པ་མ་གཏོགས་པར་སེམས་ཅན་འགའ་ཡང་འཁོར་བ་མེད་ཅིང ། མྱ་ངན་ལས་འདས་པ་མེད་ལ། སེམས་ཅན་འགའ་ཡང་ཡོངས་སུ་གྲོལ་བ་མེད་དོ་སྙམ་དུ་ཚུལ་བཞིན་དུ་ཡིད་ལ་བྱ་སྟེ། རབ་འབྱོར། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ནི། མྱུར་དུ་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ནོ། །རབ་འབྱོར།
Kha275a
༄#། །བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་གང་ལ་ལ་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་དཀོན་མཆོག་གསུམ་པོ་འདི་ལྟ་སྟེ། སངས་རྒྱས་དང ། ཆོས་དང ། དགེ་འདུན་དཀོན་མཆོག་ལ་དབུལ་བ་དག་ཕུལ་ཞིང ། དེ་ལས་གཞན་པའི་སེམས་ཅན་དག་ལའང་སྦྱིན་པ་དག་བྱིན་ན། རབ་འབྱོར། འདི་ཇི་སྙམ་དུ་སེམས། ཅི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། ཚད་མ་མཆིས་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། དེ་བས་ཀྱང་གང་ཞིག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་རྣལ་འབྱོར་དུ་བྱེད་ན། འདི་ཉིད་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པའི་ཐེག་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་སྟེ། ཐེག་པ་འདིས་དེ་དག་རྣམ་པ་ཐམས་ཅད་མཁྱེན་པ་ཉིད་དུ་རྗེས་སུ་འགྲོ་བའི་ཕྱིར་རོ། །རབ་འབྱོར། འདི་ཇི་སྙམ་དུ་སེམས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་གང་ཞིག་བསྐལ་བ་གངྒཱའི་ཀླུང་གི་བྱེ་མ་སྙེད་དུ་རྒྱུན་དུ་ཞུགས་པ་དག་ལ་ཡོན་དག་འབུལ་བར་བྱེད་ཅིང ། དེ་བཞིན་དུ་ལན་གཅིག་ཕྱིར་འོང་བ་རྣམས་དང ། ཕྱིར་མི་འོང་བ་རྣམས་དང ། དགྲ་བཅོམ་པ་རྣམས་དང ། རང་སངས་རྒྱས་རྣམས་ལ་ཡོན་དག་
Kha275b
འབུལ་ན། ཅི་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། ཚད་མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་བས་ཀྱང་གང་ཞིག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་རྣལ་འབྱོར་དུ་བྱེད་ན། འདི་ཉིད་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར།་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སྤྱོད་པ་ནི། ཉན་ཐོས་དང ། རང་སངས་ཀྱིས་ལས་འདས་ཤིང་བྱང་ཆུབ་སེམས་དཔའི་སྐྱོན་མེད་པ་ལས་འདས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་ཕྱིར་རོ། །རབ་འབྱོར། འདི་ཇི་སྙམ་དུ་སེམས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་གང་ཞིག་བསྐལ་པ་གངྒཱའི་ཀླུང་གི་བྱེ་མ་སྙེད་དུ་སྦྱིན་པ་དག་སྦྱིན་པར་བྱེད། ཚུལ་ཁྲིམས་སྲུང ། བཟོད་པ་སྒྲུབ། བརྩོན་འགྲུས་རྩོམ། བསམ་གཏན་དག་ལ་སྙོམས་པར་འཇུག་།ཤེས་རབ་སྒོམ་ན། ཅི་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ།་ཚད་མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་བས་ཀྱང་གང་ཞིག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཉི་མ་འགའ་ཙམ་ཡང་རྣལ་
Kha276a
༄#། །འབྱོར་དུ་བྱེད་ཅིང ། སྦྱིན་པ་དག་སྦྱིན་པར་བྱེད། ཚུལ་ཁྲིམས་སྲུང ། བཟོད་པ་སྒྲུབ། བརྩོན་འགྲུས་རྩོམ། བསམ་གཏན་དག་ལ་སྙོམས་པར་འཇུག། ཤེས་རབ་བསྒོམ་ན།་འདི་ཉིད་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དེ་ནི་ཡོངས་སུ་རྫོགས་པར་བྱེད་པ་ཡིན་པའི་ཕྱིར་རོ། །རབ་འབྱོར། འདི་ཇི་སྙམ་དུ་སེམས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་གང་ཞིག་བསྐལ་པ་གངྒཱའི་ཀླུང་གི་བྱེ་མ་སྙེད་དུ་སེམས་ཅན་ཐམས་ཅད་ལ་ཆོས་ཀྱི་སྦྱིན་པ་སྦྱིན་པར་བྱེད་ན།་ཅི་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། ཚད་མ་མཆིས་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། དེ་བས་ཀྱང་གང་ཞིག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་གནས་ཏེ། ཉི་མ་གཅིག་ཙམ་ཆོས་ཀྱི་སྦྱིན་པ་བྱིན་ན། འདི་ཉིད་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་དེ་ནི། རྣམ་པ་ཐམས་ཅད་མཁྱེན་པ་ཉིད་དང་བྲལ་བ་ཡིན་ལ། གང་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བ་དེ་ནི། རྣམ་པ་ཐམས་ཅད་མཁྱེན་པ་ཉིད་དང་མ་བྲལ་བ་ཡིན་པའི་ཕྱིར་ཏེ། རབ་
Kha276b
འབྱོར།་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་བྱའོ། །རབ་འབྱོར། འདི་ཇི་སྙམ་དུ་སེམས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་གང་ཞིག་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འདི་ལྟ་སྟེ། དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་ལ་རྣལ་འབྱོར་དུ་བྱེད་ན། ཅི་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། ཚད་མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་བས་ཀྱང་གང་ཞིག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་གནས་ཏེ། དྲན་པ་ཉེ་བར་བཞག་པ་བཞི་ནས། རྣམ་པར་ཐར་པའི་སྒོ་གསུམ་གྱི་བར་ལ་རྣལ་འབྱོར་དུ་བྱེད་ན། འདི་ཉིད་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ནི་གནས་མ་ཡིན་ཞིང་སྐབས་མེད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བ་དེ་རྣམ་པ་ཐམས་ཅད་མཁྱེན་པ་ཉིད་ལས་ལྡོག་པ་དེ་ནི་གནས་མེད་པའི་ཕྱིར་རོ། །གནས་ཡིན་ཞིང་སྐབས་ཡོད་པ་ནི་བྱང་ཆུབ་སེམས་དཔའ་
Kha277a
༄#། །སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་དེ་རྣམ་པ་ཐམས་ཅད་མཁྱེན་པ་ཉིད་ལས་ལྡོག་པ་དེ་ནི་གནས་ཡོད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོས་རྟག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་བྱའོ། །རབ་འབྱོར། འདི་ཇི་སྙམ་དུ་སེམས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་གང་ཞིག་བསྐལ་པ་གངྒཱའི་ཀླུང་གི་བྱེ་མ་སྙེད་དུ་ཟང་ཟིང་གི་སྦྱིན་པ་དང ། ཆོས་ཀྱི་སྦྱིན་པ་བྱིན་ནས། སོ་སོར་བརྟགས་པ་དང་ལྡན་པ་མ་ཡིན་པའི་ཡིད་ལ་བྱེད་པ་དག་གིས་སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ན། དེ་ཅི་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། ཚད་མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་བས་ཀྱང་གང་ཞིག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་གནས་ཏེ། ཉི་མ་གཅིག་ཙམ་ཡང་ཆོས་ཀྱི་སྦྱིན་པ་དང ། ཟང་ཟིང་གི་སྦྱིན་པ་བྱིན་ན། སོ་སོར་བརྟགས་པ་དང་ལྡན་པའི་ཡིད་ལ་བྱེད་པས་སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ན། འདི་ཉིད་
Kha277b
ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པའི་ཡོངས་སུ་བསྔོ་བ་འདི་ནི་ཡོངས་སུ་བསྔོ་བ་ཡིན་ཏེ། རབ་འབྱོར། གང་ཤེས་རབ་ཀྱི་ཕ་རོལ་ཏུ་ཕྱིན་པའི་བསྔོ་བ་དང་བྲལ་བ་དེ་ནི་ཡོངས་སུ་བསྔོ་བ་མ་ཡིན་པར་རྟོགས་པར་བྱ་བའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ནི། བྱང་ཆུབ་ཀྱི་ཕྱོགས་ཀྱི་ཆོས་དེ་རྣམས་ཀྱི་སྔོན་དུ་འདྲེན་པ་ཡིན་པའི་ཕྱིར་ཏེ། རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་རྟག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་བྱ། ཤེས་རབ་ཀྱི་ཕ་རོལ་ཏུ་ཕྱིན་པའི་བསྔོ་བ་ལ་མཁས་པར་བྱའོ། །རབ་འབྱོར། འདི་ཇི་སྙམ་དུ་སེམས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་གང་ཞིག་གིས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་འདས་པ་དང ། མ་འོངས་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་རྣམས་ཀྱི་དགེ་བའི་རྩ་བ་དེ་དག་ཐམས་ཅད་ལ་རྗེས་སུ་ཡི་རང་བར་བྱས་ནས་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ན།་ཅི་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། ཚད་མ་མཆིས་ལགས་
Kha278a
༄#། །སོ། །བཅོམ་ལྡན་འདས་ཀྱིས་བཀའ་སྩལ་པ། དེ་བས་ཀྱང་གང་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་ཇི་སྐད་བསྟན་པ་འདི་ལ་གནས་ཏེ། ཉི་མ་གཅིག་ཙམ་ཡང་དགེ་བའི་རྩ་བ་དེ་དག་ཐམས་ཅད་ལ་རྗེས་སུ་ཡི་རང་ནས་སེམས་ཅན་ཐམས་ཅད་དང་ཐུན་མོང་དུ་བྱས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ན། འདི་ཉིད་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཡོངས་སུ་བསྔོ་བ་ཐམས་ཅད་ཀྱི་སྔོན་དུ་འགྲོ་བ་ཡིན་པའི་ཕྱིར་ཏེ། རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པའི་ཡོངས་སུ་བསྔོ་བ་ལ་མཁས་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། དང་པོ་འཇུག་པའི་ལེའུ་ཞེས་བྱ་སྟེ་ཉི་ཤུ་རྩ་བཞི་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཇི་ལྟར་སྟོང་པ་ཉིད་ཀྱི་ཏིང་ངེ་འཛིན་ལ་ཡོངས་སུ་འདྲིས་པར་བགྱི། ཇི་ལྟར་སྟོང་པ་ཉིད་ཀྱི་ཏིང་ངེ་འཛིན་ལ་སྙོམས་པར་འཇུག་པར་བགྱི། ཇི་ལྟར་མཚན་མ་མཆིས་པའི་ཏིང་ངེ་འཛིན་ལ་ཡོངས་སུ་འདྲིས་པར་བགྱི། ཇི་ལྟར་མཚན་མ་མ་མཆིས་པའི་ཏིང་ངེ་འཛིན་ལ་སྙོམས་པར་འཇུག་པར་བགྱི། ཇི་ལྟར་
Kha278b
སྨོན་པ་མ་མཆིས་པའི་ཏིང་ངེ་འཛིན་ལ་ཡོངས་སུ་འདྲིས་པར་བགྱི། ཇི་ལྟར་སྨོན་པ་མ་མཆིས་པའི་ཏིང་ངེ་འཛིན་ལ་སྙོམས་པར་འཇུག་པར་བགྱི། ཇི་ལྟར་དྲན་པ་ཉེ་བར་བཞག་པ་བཞི་ལ་ཡོངས་སུ་འདྲིས་པར་བགྱི། ཇི་ལྟར་དྲན་པ་ཉེ་བར་བཞག་པ་བཞི་ལ་བསྒོམ་པར་བགྱི། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ལ་ཇི་ལྟར་ཡོངས་སུ་འདྲིས་པར་བགྱི། ཇི་ལྟར་འཕགས་པའི་ལམ་ཡན་ལག་བརྒྱད་པའི་བར་ལ་བསྒོམ་པར་བགྱི། ཇི་ལྟར་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་ཡོངས་སུ་འདྲིས་པར་བགྱི། ཇི་ལྟར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྒོམ་པར་བགྱི་ལགས།་དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་སྟོང་ཞེས་བྱ་བར་སོ་སོར་བརྟག་པར་བྱའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་ཞེས་བྱ་བར་སོ་སོར་བརྟག་པར་བྱའོ། །དེ་བཞིན་དུ་སྦྱར་ཏེ། འདོད་པའི་ཁམས་དང ། གཟུགས་ཀྱི་ཁམས་དང ། གཟུགས་མེད་པའི་ཁམས་སྟོང་ཞེས་བྱ་བར་སོ་སོར་བརྟག་པར་བྱ་སྟེ།
Kha279a
༄#། །ཅི་ནས་ཀྱང་སོ་སོར་རྟོག་པ་ན། སེམས་རྣམ་པར་མི་གཡེང་བ་དེ་ལྟར་སོ་སོར་བརྟག་པར་བྱའོ། །སེམས་རྣམ་པར་མ་གཡེངས་ན། དེས་ཆོས་དེ་དག་ཡང་དག་པ་ཇི་ལྟ་བ་བཞིན་དུ་མཐོང་བར་འགྱུར་རོ། །དེས་ཆོས་དེ་དག་ཡང་དག་པར་རྗེས་སུ་མཐོང་ཡང་མངོན་སུམ་དུ་ནི་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔས་རང་གི་མཚན་ཉིད་ཀྱིས་སྟོང་པའི་ཆོས་ཐམས་ཅད་ལ་ལེགས་པར་བསླབས་པ་ཡིན་ཞིང་ཆོས་གང་ཡང་འཕེལ་བའམ། རྣམ་པར་གཅོད་པར་མི་བྱེད་ལ། མངོན་སུམ་དུ་མི་བྱེད་པའི་བར་གྱི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་དེས་དོན་དམ་པར་གང་ཞིག་མངོན་སུམ་དུ་བྱེད་པ་དང ། གང་གིས་མངོན་སུམ་དུ་བྱེད་པ་དང ། གང་མངོན་སུམ་དུ་བྱ་བའི་ཆོས་ཐམས་ཅད་ཡང་དག་པར་རྗེས་སུ་མ་མཐོང་བའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གང་བཅོམ་ལྡན་འདས་ཀྱིས་འདི་སྐད་དུ། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་སྟོང་པ་མངོན་སུམ་དུ་མི་བྱའོ་ཞེས་བཀའ་སྩལ་ན། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་པ་ཉིད་ལ་གནས་ནས། སྟོང་པ་ཉིད་ཇི་ལྟར་མངོན་སུམ་དུ་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་
Kha279b
པ།་རབ་འབྱོར། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ལ་སོ་སོར་རྟོག་ཅིང ། མངོན་སུམ་དུ་བྱའོ་སྙམ་དུ་ནི་མི་རྟོག་གི ། ཡོངས་སུ་འདྲིས་པར་བྱའོ་སྙམ་དུ་སོ་སོར་རྟོག་ལ། འདི་ནི་མངོན་སུམ་དུ་བྱ་བའི་དུས་མ་ཡིན་ནོ་ཞེས་སོ་སོར་རྟོག་སྟེ། འདི་ནི་ཡོངས་སུ་འདྲིས་པར་བྱ་བའི་དུས་ཡིན་ནོ་ཞེས་སོ་སོར་རྟོག་པར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་སེམས་མཉམ་པར་མ་བཞག་ནའང་དམིགས་པ་དག་ལ་སེམས་ཉེ་བར་གཏོད་དེ། བར་མ་དོར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་ཀྱི་ཕྱོགས་ཀྱི་ཆོས་རྣམས་ལས་ཡོངས་སུ་མི་ཉམས་སོ། །དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལས་ཀྱང་ཡོངས་སུ་མི་ཉམས་ལ། ཟག་པ་མེད་པའང་མངོན་སུམ་དུ་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ནི་དེ་ལྟ་བུའི་ཆོས་རྒྱ་ཆེན་པོ་རྣམས་དང་ལྡན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། བྱང་ཆུབ་ཀྱི་ཕྱོགས་ཀྱི་ཆོས་རྣམས་ལ་ཤིན་ཏུ་གནས་པའི་ཕྱིར་རོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། འདི་ནི་ཡོངས་སུ་འདྲིས་པར་བྱ་བའི་དུས་ཡིན་གྱི། འདི་ནི་མངོན་སུམ་དུ་བྱ་བའི་དུས་མ་ཡིན་ནོ་ཞེས་བྱ་བར་རབ་ཏུ་
Kha280a
༄#། །ཤེས་སོ། །རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཀྱང་འདི་སྙམ་དུ། འདི་ནི་སྦྱིན་པའི་ཕ་རོལ་ཏུ་ཕྱིན་པའི་དུས་ཡིན་ནོ། །འདི་ནི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། འདི་ནི་བཟོད་པའི་ཕ་རོལ་ཏུ་ཕྱིན་པ་དང ། འདི་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། འདི་ནི་བསམ་གཏན་གྱི་ཕ་རོལ་ཏུ་ཕྱིན་པ་དང ། འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་དུས་ཡིན་ནོ། །འདི་ནི་དྲན་པ་ཉེ་བར་བཞག་པ་བཞི་བསྒོམ་པའི་དུས་ཡིན་ནོ། །འདི་ནི་འཕགས་པའི་ལམ་ཡན་ལག་བརྒྱད་པའི་བར་དུ་བསྒོམ་པའི་དུས་ཡིན་ནོ། །འདི་ནི་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་དག་བསྒོམ་པའི་དུས་ཡིན་ནོ། །འདི་ནི་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་བསྒོམ་པའི་དུས་ཡིན་ནོ། །འདི་ནི་རྣམ་པ་ཐམས་ཅད་མཁྱེན་པ་ཉིད་བསྒོམ་པའི་དུས་ཡིན་གྱི། འདི་ནི་རྒྱུན་དུ་ཞུགས་པའི་འབྲས་བུ་བསྒོམ་པའི་དུས་མ་ཡིན། འདི་ནི་ལན་གཅིག་ཕྱིར་འོང་བའི་འབྲས་བུ་བསྒོམ་པ་དང ། ཕྱིར་མི་འོང་བའི་འབྲས་བུ་བསྒོམ་པའི་དུས་དང ། དགྲ་བཅོམ་པ་ཉིད་ཀྱི་འབྲས་བུ་བསྒོམ་པ་དང ། རང་བྱང་ཆུབ་བསྒོམ་པའི་དུས་མ་ཡིན་ནོ་སྙམ་དུ་ཉེ་བར་བརྟག་པར་བྱ་སྟེ། རབ་འབྱོར། བྱང་ཆུབ་སེམས་དཔའ་
Kha280b
སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་དག་ལ་ཡོངས་སུ་འདྲིས་པར་བྱེད་མོད་ཀྱི། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཆོས་རྣམས་ལ་ཡང་དག་པའི་མཐའ་ནི་མངོན་སུམ་དུ་མི་བྱེད་དོ། །དེ་བཞིན་དུ་སྦྱར་ཏེ། དྲན་པ་ཉེ་བར་བཞག་པ་རྣམས་དང ། ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་བ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པའི་བར་ལ་འདྲིས་པར་བྱེད་མོད་ཀྱི།་ཡང་དག་པའི་མཐའ་ནི་མངོན་སུམ་དུ་མི་བྱེད་དོ། །རབ་འབྱོར། དཔེར་ན་སྐྱེས་བུ་ལ་ལ་ཞིག་དཔའ་བ་དང ། དམ་བཅས་པ་ལ་བརྟན་པ་དང ། གཟུགས་བཟང་བ་དང ། མཛེས་པ་དང ། ལྟ་ན་སྡུག་པ་དང ། འཕོང་རྩལ་གྱི་ལས་ལེགས་པར་བསླབས་པ་ཞིག་ཏུ་གྱུར་ལ། དེས་ཀྱང་མཚོན་ཆ་སྲ་བ་དག་བཅངས་ཤིང ། སྒྱུ་རྩལ་དྲུག་ཅུ་རྩ་བཞི་ཚར་ཕྱིན་པ། བཟོའི་གནས་ཐམས་ཅད་རྟོགས་པར་ཁོང་དུ་ཆུད་པར་གྱུར་པ། རིག་པའི་གནས་བཅོ་བརྒྱད་ལ་ལེགས་པར་བསླབས་པ། སྐྱེ་བོ་མང་པོ་ལ་དབེན་པ་དང ། དགའ་བ་དང ། ཡིད་དུ་འོང་བར་གྱུར་ན། ཐམས་ཅད་ལ་ལེགས་པར་བསླབས་པའི་ཕྱིར་དགོས་པ་གང་དང་གང་ལ་རྩམས་པ་ཐམས་ཅད་ལས་རྙེད་པ་ཆེན་པོ་དང་ལྡན་པར་འགྱུར་ཏེ། དེའི་ཚེའང་སྐྱེ་བོ་མང་པོས་བླ་མར་བྱེད། རི་མོར་བྱེད། མཆོད་པ་
Kha281a
༄#། །བྱེད་ལ་ཕྱིར་ཞིང་ཡི་རང་སྟེ། དགའ་བ་དང ། མཆོག་ཏུ་དགའ་བ་དང ། ཡིད་བདེ་བ་སྐྱེས་པར་གྱུར་པ་དེ། དགོས་པ་ཞིག་གི་ཕྱིར་ཕ་མ་དང ། སྤུན་དང ། སྲིང་མོ་དང ། ཆུང་མ་དང ། བུ་དང ། བུ་མོ་དང ། བུ་སྨད་རྣམས་ཁྲིད་དེ་འབྲོག་དགོན་པ་བྱིས་པ་རྣམས་འཇིགས་པར་བྱེད་པ་སྤུ་ཟིང་ཞེས་བྱེད་པ་ཞིག་ཏུ་སོང་ལ། དེར་སོང་ནས་ཀྱང་ཕ་མ་དང ། སྤུན་དང ། སྲིང་མོ་དང ། ཆུང་མ་དང ། བུ་དང ། བུ་མོ་དང ། བུ་སྨད་དེ་དག་ལ་མ་འཇིགས་ཤིག། ཁོ་བོས་ཁྱེད་འཇིགས་ཤིང་སྐྲག་པ་ཆེན་པོ་འདི་ལས་བདེ་ལེགས་དང ། བདེ་བར་འབྲོས་སུ་གཞུག་ཅིང་མྱུར་དུ་ཐར་བར་བྱའོ་ཞེས་བསྒོ་ལ། འབྲོག་དགོན་པ་དེར་ཡང་དེ་དག་གི་དགྲ་བོ་དང ། གསོད་པ་དང ། ཕྱིར་རྒོལ་བ་མང་པོ་དག་ཅིག་བྱུང་བར་གྱུར་ལ། དེའང་ཤེས་རབ་ཀྱི་སྟོབས་མཆོག་དང་ལྡན་པ་ཡིན་པས། དེས་ཕ་མ་དང ། སྤུན་དང ། སྲིང་མོ་དང ། ཆུང་མ་དང ། བུ་དང ། བུ་མོ་དང ། བུ་སྨད་རྣམས་འབྲོག་དགོན་པ་དེ་ནས་བདེ་ལེགས་དང ། བདེ་བར་བཏོན་ནས།་སླར་གྲོང་དང ། གྲོང་ཁྱེར་དང ། གྲོང་རྡལ་དུ་ཞུགས་ནས་དགའ་བ་དང ། ཡིད་བདེ་བ་སྐྱེས་ལ། མ་སྣད་མ་སྨས་པར་བྱེད་ཅིང ། སེམས་ཅན་དེ་དག་ལ་ཕྱིར་རྒོལ་བའི་སེམས་སམ།་སེམས་འཁྲུག་པར་ཡང་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་སྐྱེས་བུ་དེས་འཕོང་གི་ལས་དང ། དེ་ལས་གཞན་པའི་དགོས་པ་ཐམས་ཅད་ལ་ཤིན་ཏུ་བྱང་
Kha281b
བར་བྱས་པའི་ཕྱིར་རོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ་བྱམས་པ་དང་ལྡན་པ་དང ། སྙིང་རྗེ་དང་ལྡན་པ་དང ། དགའ་བ་དང་ལྡན་པ་དང ། བཏང་སྙོམས་དང་ལྡན་པའི་སེམས་ཀྱིས་ཁྱབ་པར་བྱས་ཏེ། བསྒྲུབས་ནས་གནས་ཤིང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བར་སྐབས་དེ་ན། ཚད་མེད་པ་བཞི་ལ་གནས་ནས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དོ། །ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་ནས། ཟག་པ་ཟད་པར་མ་གྱུར་པ་ཁོ་ནར་རྣམ་པ་ཐམས་ཅད་མཁྱེན་པ་ཉིད་ལ་ཡོངས་སུ་འདྲིས་པར་བྱེད་ལ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་ལ་གནས་ནས་ཀྱང་དེ་དག་གི་དབང་དུ་མི་འགྲོ། དེ་དག་གིས་འཕྲོགས་པར་མི་འགྱུར་ཏེ། གང་མངོན་སུམ་དུ་བྱས་པས་ཉན་ཐོས་སམ། རང་སངས་རྒྱས་ཀྱི་སར་ལྟུང་བར་འགྱུར་བའི་རྣམ་པར་ཐར་པའི་སྒོ་དེ་དག་མངོན་སུམ་དུའང་མི་བྱེད་དོ། །རབ་འབྱོར། དཔེར་ན། འདབ་ཆགས་བྱ་ནི་བར་སྣང་ལ་རྒྱུའང་ས་ལ་མི་ལྟུང་ཞིང ། ནམ་མཁའ་ལ་རྒྱུ་སྟེ། དེར་ཡང་མི་གནས་ལ། གོས་པར་འགྱུར་བའང་མེད་དོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོའང་རྣམ་པར་ཐར་པའི་སྒོ་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་ལ་འདྲིས་པར་བྱེད་ཅིང ། དེ་དག་ལའང་གནས་ལ། དེ་བཞིན་གཤེགས་པའི་སྟོབས་བཅུ་དང ། མི་
Kha282a
༄#། །འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གིས་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་པར་འགྱུར་བ་མ་རྫོགས་པར་གང་མངོན་སུམ་དུ་བྱས་ན་ཉན་ཐོས་ཀྱི་སའམ། རང་སངས་རྒྱས་ཀྱི་སར་ལྟུང་བར་འགྱུར་བའི་རྣམ་པར་ཐར་པའི་སྒོ་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་མངོན་སུམ་དུ་མི་བྱེད་དོ། །རབ་འབྱོར། དཔེར་ན། སྐྱེས་བུ་སྟོབས་དང་ལྡན་པ་འཕོང་གི་བསླབ་པ་ལ་ལེགས་པར་བསླབས་པ་ལ་དེས་མདའ་གནམ་རྒྱང་དུ་འཕངས་ལ། གནམ་རྒྱང་དུ་འཕངས་ནས། མདའ་དེ་ལས་གཞན་དག་གིས་མདའ་སྔ་མ་དེའི་ཕྱི་བཞིན་དུ་བརྒྱུད་དེ། དེ་ཇི་སྲིད་དུ་འདོད་པ་དེ་སྲིད་དུ་མདའ་དེ་ས་ལ་ལྟུང་དུ་མི་སྟེར་ལ། ཀྱེ་མ་མདའ་འདི་ས་ལ་ལྟུང་ཡང་ཅི་མ་རུང་སྙམ་ནས། དེས་མདའ་ཕྱི་མའང་གནམ་རྒྱང་དུ་མ་འཕངས་ན། མདའ་གཅིག་ནས་གཅིག་ཏུ་བརྒྱུད་པ་དེ་ས་ལ་ལྟུང་བར་འགྱུར་རོ། ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཐབས་ལ་མཁས་པས་ཡོངས་སུ་ཟིན་པའང་ཇི་སྲིད་དུ་དགེ་བའི་རྩ་བ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་མ་གྱུར་པ་དེ་སྲིད་དུ་ཡང་དག་པའི་མཐའ་དམ་པ་དེ་མངོན་སུམ་དུ་མི་བྱེད་ཀྱི། གང་གི་ཚེ་དགེ་བའི་རྩ་བ་དེ་
Kha282b
དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་གྱུར་པ་དེའི་ཚེ་ནི་ཡང་དག་པའི་མཐའ་དམ་པ་མངོན་སུམ་དུ་བྱེད་དེ། རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཆོས་འདི་དག་གི་ཆོས་ཉིད་ལ་དེ་ལྟར་ངེས་པར་བརྟག་པར་བྱའོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་ལྔ་པ། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཉིད་འདི་ལ་སློབ་པ་དང ། ཡང་དག་པའི་མཐའ་ལ་སློབ་པ་དང ། དེ་བཞིན་ཉིད་ལ་སློབ་པ་དང ། ཆོས་ཀྱི་དབྱིངས་ལ་སློབ་པ་དང ། མཐའ་ལས་འདས་པ་སྟོང་པ་ཉིད་ལ་སློབ་པ་དང ། རང་གི་མཚན་ཉིད་སྟོང་པ་ཉིད་ཀྱི་བར་ལ་སློབ་པ་དང ། རྣམ་པར་ཐར་པའི་སྒོ་གསུམ་པོ་དག་གི་བར་ལ་སློབ་པར་བགྱིད་ཀྱང་བར་མ་དོར་ལྟུང་བར་ཡང་མི་འགྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དཀའ་བ་བགྱིད་པ་དེ་ནི། བཙུན་པ་བཅོམ་ལྡན་འདས། ངོ་མཚར་ལགས་སོ། །དེ་ནི་མཆོག་ཏུ་ངོ་མཚར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ།་རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ཅན་ཐམས་ཅད་ཡོངས་སུ་མི་གཏོང་བ་ཡིན་ཞིང ། དེ་དག་ནི་འདི་ལྟ་བུའི་སྨོན་ལམ་གྱི་ཁྱད་པར་ཅན་
Kha283a
༄#། །ཡིན་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་འདི་ལྟ་བུའི་སེམས་རླབས་པོ་ཆེ་མངོན་པར་བསྒྲུབས་ཏེ། བདག་ནི་སེམས་ཅན་ཐམས་ཅད་ཡོངས་སུ་མི་གཏོང་བ་ཡིན་ཞིང ། བདག་ཁོ་ནས་ཡོད་པ་མ་ཡིན་པའི་ཆོས་རྣམས་ལ་གནས་པའི་སེམས་ཅན་དེ་དག་ཐམས་ཅད་ཡོངས་སུ་ཐར་བར་བྱའོ་སྙམ་ནས། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་དེ་དག་ལ་རྣམ་པར་ཐར་པའི་སྒོ་སྟོང་པ་ཉིད་མངོན་པར་སྒྲུབ་པར་བྱེད། དེ་བཞིན་དུ་རྣམ་པར་ཐར་པའི་སྒོ་མཚན་མ་མེད་པ་དང ། སྨོན་པ་མེད་པ་མངོན་པར་སྒྲུབ་པར་བྱེད་ལ། བྱང་ཆུབ་སེམས་དཔའ་སེམས་དཔའ་ཆེན་པོ་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་བར་མ་དོར་ཡང་དག་པའི་མཐའ་མངོན་སུམ་དུ་མི་བྱེད་པ་ནི། རྣམ་པར་ཐར་པའི་སྒོ་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་དག་ལ་ཐབས་ལ་མཁས་པ་ཡིན་པར་རིག་པར་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཟབ་མོའི་གནས་གང་དག་ཡིན་པ། འདི་ལྟ་སྟེ། ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང ། དེ་བཞིན་དུ་དྲན་པ་ཉེ་བར་བཞག་པ་བཞི་དང ། འཕགས་པའི་ལམ་ཡན་ལག་བརྒྱད་པའི་བར་དེ་དག་ལ་རྟག་ཏུ་སོ་སོར་རྟོག་པར་བྱེད་ཅིང །
Kha283b
རྣམ་པར་ཐར་པའི་སྒོ་གསུམ་ལ་རྟག་ཏུ་སོ་སོར་རྟོག་པར་བྱེད་ལ་འདི་ལྟར་ཡང་སེམས་མངོན་པར་སྒྲུབ་སྟེ། སེམས་ཅན་འདི་དག་ནི་ཡུན་རིང་པོ་ནས་སྡིག་པའི་གྲོགས་པོའི་དབང་དུ་སོང་བ། བདག་ཏུ་ལྟ་བའི་དམིགས་པ་ལ་སྤྱོད་པ། དེ་བཞིན་དུ་སེམས་ཅན་ལྟ་བུའི་དམིགས་པ་ནས། ཚོར་བ་པོ་དང ། ཚོར་བར་བྱེད་པ་པོའི་བར་དུ་ལྟ་བ་སྤང་བའི་ཕྱིར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱེད་ལ། དེ་དག་དེ་ལྟར་དམིགས་པར་སྤྱོད་པའི་སེམས་ཅན་དག་ལ་ཆོས་སྟོན་པར་བྱེད་དེ། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་ཐར་པའི་སྒོ་སྟོང་པ་ཉིད་ཀྱི་ཏིང་ངེ་འཛིན་ལ་སྙོམས་པར་འཇུག་ཀྱང་ཡང་དག་པའི་མཐའ་གང་མངོན་སུམ་དུ་བྱས་ནས། རྒྱུན་དུ་ཞུགས་པའི་འབྲས་བུའམ། ལན་གཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་དམ། རང་བྱང་ཆུབ་མངོན་སུམ་དུ་བྱེད་པར་འགྱུར་བའི་ཡང་དག་པའི་མཐའ་མངོན་སུམ་དུ་མི་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ། རྣམ་པར་ཐར་པའི་སྒོ་མཚན་མ་མེད་པའི་ཏིང་ངེ་འཛིན་ཏམ། སྨོན་པ་མེད་པའི་ཏིང་ངེ་འཛིན་ལ་སྙོམས་པར་འཇུག་པ་དེ་ཉིད་ཀྱི་ཚེ་ན། དེ་ལ་ཟག་པ་མེད་པའི་ཆོས་ཐམས་ཅད་མངོན་སུམ་དུ་འགྱུར་མོད་ཀྱི། ཡང་དག་པའི་མཐའ་གང་མངོན་སུམ་དུ་བྱས་ནས། རྒྱུན་དུ་ཞུགས་པའི་འབྲས་བུ་ནས། རང་བྱང་ཆུབ་ཀྱི་བར་དུ་མངོན་སུམ་དུ་བྱེད་པར་
Kha284a
༄#། །འགྱུར་བའི་ཡང་དག་པའི་མཐའ་རེ་ཞིག་མངོན་སུམ་དུ་མི་བྱེད་དོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་སེམས་བསྐྱེད་པ་འདི་དག་དགེ་བའི་རྩ་བ་དེ་དག་དང་ལྡན་པ་ནི་བར་མ་དོར་ཡང་དག་པའི་མཐའ་མངོན་སུམ་དུའང་མི་བྱེད་ལ། བསམ་གཏན་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། དྲན་པ་ཉེ་བར་བཞག་པ་བཞི་ལས་ཡོངས་སུ་ཉམས་པར་མི་འགྱུར་བ་ནས། འཕགས་པའི་ལམ་ཡན་ལག་བརྒྱད་པའི་བར་ལས་ཡོངས་སུ་ཉམས་པར་ཡང་མི་འགྱུར་རོ། །རྣམ་པར་ཐར་པའི་སྒོ་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་དག་ལས་ཡོངས་སུ་ཉམས་པར་མི་འགྱུར་རོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང།་མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལས་ཡོངས་སུ་ཉམས་པར་མི་འགྱུར་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེའི་ཚེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་དང ། སངས་རྒྱས་ཀྱི་ཆོས་ཐམས་ཅད་ལས་ཡོངས་སུ་ཉམས་པར་མི་འགྱུར་རོ། །དེ་ནི་རྟག་ཏུ་ཐབས་
Kha284b
ལ་མཁས་པས་ཡོངས་སུ་ཟིན་པ་དང ། ཆོས་དཀར་པོ་དག་གིས་རྣམ་པར་འཕེལ་བ་དང ། དེའི་དབང་པོ་དག་ཀྱང་ཇི་ལྟར་ཉན་ཐོས་དང ། རང་སངས་རྒྱས་དག་གི་དབང་པོ་ལྟ་བུ་མ་ཡིན་གྱི། ཆོས་རྣོ་བར་འགྱུར་རོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་མཐོང་ན། འདི་སྙམ་དུ་སེམས་ཅན་འདི་དག་ནི་ཡུན་རིང་པོ་ནས་ཕྱིན་ཅི་ལོག་བཞི་པོ། འདི་ལྟ་སྟེ། རྟག་པའི་འདུ་ཤེས་དང ། བདེ་བའི་འདུ་ཤེས་དང ། བདག་ཏུ་འདུ་ཤེས་དང ། སྡུག་པར་འདུ་ཤེས་པ་ལ་སྤྱོད་པ་དག་སྟེ། སེམས་ཅན་དེ་དག་གི་དོན་དུ་བྱང་ཆུབ་ཏུ་སྤྱད་པར་བྱ་སྟེ། ཅི་ནས་ཀྱང་མྱུར་དུ་བླ་ན་མེད་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལ། དེ་དག་ལ་འདི་ལྟ་སྟེ། མི་རྟག་པ་དང ། སྡུག་བསྔལ་བ་དང ། བདག་མེད་པ་དང ། མི་སྡུག་པ་ཞེས་བྱ་བ་དང ། མྱ་ངན་ལས་འདས་པ་ནི་ཞི་བའོ། །ཞེས་བྱ་བར་ཆོས་སྟོན་པ་དེ་ལྟར་སྤྱད་པར་བྱའོ་སྙམ་དུ་སེམས་ཏེ། དེ་སེམས་བསྐྱེད་པ་དེ་དང་ལྡན་ཞིང་ཐབས་ལ་མཁས་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་མོད་ཀྱི། སངས་རྒྱས་ཀྱི་ཏིང་ངེ་འཛིན་ལ་ནི་སྙོམས་པར་འཇུག་པར་མི་བྱེད་དོ། །དེ་དེའི་ཚེ་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་རྫོགས་པ་དང་ལྡན་པ་ཡིན་ཏེ། དེའང་ཆོས་དེ་དག་ལ་སྙོམས་པར་
Kha285a
༄#། །འཇུག་པ་དང་ལྡན་པའང་བྱེད་མོད་ཀྱི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་ཡང་དག་པའི་མཐའ་མངོན་སུམ་དུ་ནི་མི་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་མཐོང་ན་འདི་སྙམ་དུ་ཀྱེ་མ་སེམས་ཅན་འདི་དག་ནི་ཡུན་རིང་པོ་ནས།་སྡིག་པའི་གྲོགས་པོའི་དབང་དུ་སོང་བ། དམིགས་པར་ལྟ་བ། འདི་ལྟ་སྟེ། བདག་ཅེས་བྱ་བའམ། སེམས་ཅན་ཞེས་བྱ་བའམ། དེ་བཞིན་དུ་སྦྱར་ཏེ། ཤེས་པ་པོའི་བར་ཞེས་བྱ་བའམ། དེ་བཞིན་དུ་གཟུགས་ཞེས་བྱ་བའམ། ཚོར་བ་ཞེས་བྱ་བའམ། འདུ་ཤེས་ཞེས་བྱ་བའམ། འདུ་བྱེད་རྣམས་ཞེས་བྱ་བའམ། རྣམ་པར་ཤེས་པ་ཞེས་བྱ་བའམ། ཕུང་པོ་རྣམས་ཞེས་བྱ་བའམ། ཁམས་རྣམས་ཞེས་བྱ་བའམ། སྐྱེ་མཆེད་རྣམས་ཞེས་བྱ་བ་ལ་སྤྱོད་པ་དག་སྟེ། བདག་གིས་ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། བསྡུ་བའི་དངོས་པོ་བཞི་པོ་དག་གིས་སེམས་ཅན་དེ་དག་ལ་ཅི་ནས་ཀྱང་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན། སེམས་ཅན་དེ་དག་གི་དམིགས་པར་ལྟ་བའི་སྐྱོན་འདི་དག་མི་འབྱུང་བར་སེམས་ཅན་དེ་དག་བདག་གིས་དེ་ལྟར་བྱའོ་སྙམ་དུ་སེམས་ཏེ། དེ་སེམས་བསྐྱེད་པ་དེ་དག་དང་ལྡན་ཞིང་ཐབས་ལ་
Kha285b
མཁས་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་རྫོགས་པ་དང་ལྡན་ཡང་སེམས་ཅན་རྣམས་ལ་ལྟ་བས་ནི་ཡང་དག་པའི་མཐའ་མངོན་སུམ་དུ་མི་བྱེད་ལ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་བསྒོམ་པའི་དེ་ཡོངས་སུ་རྫོགས་པར་འགྱུར་རོ།། རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། སེམས་ཅན་སྡིག་པའི་གྲོགས་པོའི་དབང་དུ་སོང་བ་དག་མཐོང་ན། འདི་སྙམ་དུ་ཀྱེ་མ་སེམས་ཅན་འདི་དག་ནི་ཡུན་རིང་པོ་ནས་མཚན་མ་དག་ལ་སྤྱོད་པ་དག་སྟེ། འདི་ལྟ་སྟེ། བུད་མེད་ཀྱི་མཚན་མ་དང ། སྐྱེས་པའི་མཚན་མ་དང ། གཟུགས་ཀྱི་མཚན་མ་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ཀྱི་མཚན་མ་ལ་སྤྱོད་པ་དག་ཡིན་ཏེ། ཅི་ནས་ཀྱང་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན། སེམས་ཅན་དེ་དག་གི་སྐྱོན་དེ་དག་མི་འབྱུང་བར་བདག་གིས་དེ་དག་དེ་ལྟར་བྱའོ་སྙམ་དུ་སེམས་སོ། །དེ་སེམས་བསྐྱེད་པ་དེ་དང་ལྡན་ཏེ། ཐབས་ལ་མཁས་པས་དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་རྫོགས་པ་དག་དང་ལྡན་ཡང་སེམས་ཅན་རྣམས་ལ་ལྟ་བས་ནི་ཡང་དག་པའི་མཐའ་མངོན་སུམ་དུ་མི་བྱེད་ལ །
Kha286a
༄#། །དེའི་ཚེ་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་བསྒོམ་པའང་ཡོངས་སུ་རྫོགས་པར་འགྱུར་རོ། །རབ་འབྱོར། འདི་ནི་གནས་མ་ཡིན་ཞིང་སྐབས་མེད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཕ་རོལ་ཏུ་ཕྱིན་པ་དྲུག་ལ་སྤྱོད་པ། ནང་སྟོང་པ་ཉིད་ལ་ཡོངས་སུ་འདྲིས་པར་བྱེད་པ། ཡེ་ཤེས་ཀྱི་ཆོས་དེ་ལྟ་བུ་དང་ལྡན་པ་ནི་འདུ་བྱེད་རྣམས་ལ་བདེ་བར་འདུ་ཤེས་བསྐྱེད་པའམ། འདུ་བྱེད་རྣམས་ལ་བདེ་བར་བརྗོད་པའམ། ཁམས་གསུམ་པ་དང་ལྷན་ཅིག་ཏུ་གནས་པ་དེ་ནི་གནས་མེད་དོ། ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་པ་ལ། བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས་ཆོས་འདི་དག་ལ་ཡོངས་སུ་འདྲིས་པར་བྱས་ནས། སྟོང་པ་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་ལ། ཡང་དག་པའི་མཐའ་གང་གིས་རྒྱུན་དུ་ཞུགས་པའི་འབྲས་བུའམ། ལན་གཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་དམ། རང་བྱང་ཆུབ་འཐོབ་པར་འགྱུར་ཞིང་སྐྱེ་བ་མེད་པ་དང ། འགག་པ་མེད་པ་དང ། མངོན་པར་འདུ་བྱེད་པ་མེད་པ་དང ། དངོས་པོ་མེད་པ་མངོན་སུམ་དུ་བྱེད་པར་མི་འགྱུར་བའི་ཡང་དག་པའི་མཐའ་ཇི་ལྟར་མངོན་སུམ་དུ་མི་བྱ་ཞེས་ཡོངས་སུ་དྲི་བར་
Kha286b
བྱའོ། །དེ་བཞིན་དུ་མཚན་མ་མེད་པ་དང ། སྨོན་པ་མེད་པ་ལའང་རྒྱ་ཆེར་སྦྱར་བར་བྱའོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ།་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་གིས་ཡོངས་སུ་དྲིས་པ་ན། འདི་སྐད་ཅེས་བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་སྒོམ་པ་ནི་དེས་སྟོང་པ་ཉིད་ཡིད་ལ་བྱའོ། །དེས་མཚན་མ་མེད་པ་ཉིད་དང ། སྨོན་པ་མེད་པ་ཉིད་ཡིད་ལ་བྱའོ། །དེས་མངོན་པར་འདུ་བྱ་བ་མེད་པ་ཉིད་དང ། འགག་པ་མེད་པ་ཉིད་ཡིད་ལ་བྱའོ་ཞེས་ལན་འདེབས་ཤིང ། གལ་ཏེ་སེམས་ཅན་ཐམས་ཅད་ཡོངས་སུ་མི་གཏོང་བར་སེམས་བསྐྱེད་པ་ཉེ་བར་མི་སྟོན་ཏམ། ཐབས་ལ་མཁས་པས་ལན་མི་འདེབས་ན། དེའི་ཚེ་དེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་རིགས་ཀྱི་བུ་འདི་ནི།་སངས་རྒྱས་བཅོམ་ལྡན་འདས་དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་མ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པའི་ས་ཡོངས་སུ་དྲིས་པ་གང་ཡིན་པ་དེ་མི་བརྗོད་མི་སྟོན་རབ་ཏུ་མི་འབྱེད་པའི་ཕྱིར་རོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པའི་ས་ལ་ཇི་ལྟ་བ་བཞིན་དུ་ཕ་རོལ་ཏུ་ཕྱིན་པ་དྲུག་ལ་ཡོངས་སུ་འདྲིས་པར་བྱས་ནས། བསྲབས་པའི་ས་ལ་འཇུག་པར་བྱ་
Kha287a
༄#། །བ་མ་ཡིན་པར་རིག་པར་བྱའོ། །གསོལ་པ། བཙུན་པ་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཕྱིར་མི་ལྡོག་པ་ཕྱིར་མི་ལྡོག་པ་ཞེས་བགྱི་བའི་རྣམ་གྲངས་དེ་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཡོད་དེ། རབ་འབྱོར། གལ་ཏེ་ཕྱིར་མི་ལྡོག་པའི་བྱང་ཆུབ་སེམས་དཔའ་དེ་ཕ་རོལ་ཏུ་ཕྱིན་པ་དྲུག་ཐོབ་ཀྱང་རུང ། མ་ཐོབ་ཀྱང་རུང ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ་ཇི་ལྟ་བ་དེ་ལྟར་ལན་འདེབས་པའོ། །གསོལ་པ། ཀྱེ་མ་བཙུན་པ་བཅོམ་ལྡན་འདས། བྱང་ཆུབ་སེམས་དཔའ་གང་དག་བྱང་ཆུབ་ཏུ་སྤྱོད་པ་ནི་མང་ལགས་ན། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ་ཡོངས་སུ་སྦྱང་བའི་སའམ། ཡོངས་སུ་སྦྱང་བ་མ་ལགས་པའི་ས་ལ་གནས་པ་ལྟར་གང་དེ་སྐད་དུ་ལན་འདེབས་པ་ནི་ཉུང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །དེ་དེ་བཞིན་ཏེ། དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཕྱིར་མི་ལྡོག་པའི་ཡེ་ཤེས་ཀྱིས་ལ་དེ་ལྟར་ལུང་བསྟན་པ་དེ་དག་ནི་ཉུང་ངོ ། །གང་དག་ལུང་བསྟན་པ་དེ་དག་ནི་དེ་སྐད་དུ་ལན་འདེབས་ཏེ། དེ་དག་ནི་དགེ་བའི་རྩ་བ་དག་བསྐྱེད་པ་ཡིན་པར་རིག་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི་ལྷ་དང ། མི་དང ། ལྷ་མ་ཡིན་དུ་བཅས་པའི་
Kha287b
འཇིག་རྟེན་གྱིས་མི་འཕྲོགས་པ་ཡིན་ནོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོས་མཉམ་པ་ཉིད་གང་ལ་བསླབ་པར་བགྱི་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མཉམ་པ་ཉིད་དེ་གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ནང་སྟོང་པ་ཉིད་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མཉམ་པ་ཉིད་དོ། །དེ་བཞིན་དུ་ཕྱི་སྟོང་པ་ཉིད་དང ། རབ་འབྱོར། དེ་བཞིན་དུ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མཉམ་པ་ཉིད་དེ་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ཡིན་ཏེ། རབ་འབྱོར། སྟོང་པ་ཉིད་དེ་དག་ཐམས་ཅད་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གང་ལ་བསླབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མཉམ་པ་ཉིད་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཅི་བྱང་ཆུབ་སེམས་དཔའ་སེམས་དཔའ་ཆེན་པོ་གང་གཟུགས་ཀྱི་བས་པ་དང ། འདོད་ཆགས་དང་བྲལ་བ་དང ། འགོག་པ་དང ། མི་སྐྱེ་བ་ལ་སློབ་ན། དེ་རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ལགས་སམ། དེ་བཞིན་དུ་གང་ཚོར་
Kha288a
༄#། །བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་བས་པ་དང ། འདོད་ཆགས་དང་བྲལ་བ་དང ། འགོག་པ་དང ། མི་སྐྱེ་བ་ལ་སློབ་ན། དེ་རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ལགས་སམ། བཙུན་པ་བཅོམ་ལྡན་འདས། ཅི་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཕ་རོལ་ཏུ་ཕྱིན་པ་དྲུག་གི་བས་པ་དང ། འདོད་ཆགས་དང་བྲལ་བ་དང ། འགོག་པ་དང ། མི་སྐྱེ་བ་ལ་སློབ་ན། དེ་རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ལགས་སམ། དེ་བཞིན་དུ་དྲན་པ་ཉེ་བར་བཞག་པ་རྣམས་ལའང་སྦྱར་བར་བགྱིའོ། །དེ་བཞིན་དུ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་བས་པ་དང ། འདོད་ཆགས་དང་བྲལ་བ་དང ། འགོག་པ་དང ། མི་སྐྱེ་བ་ལ་སློབ་ན། དེ་རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ལགས་སམ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ཇི་སྙམ་དུ་སེམས། གཟུགས་ཀྱི་དེ་བཞིན་ཉིད་གང་ཡིན་པ་དེ་ཟད་པའམ། སྤོང་བའམ། འགག་པར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །རབ་འབྱོར། འདི་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་དེ་བཞིན་ཉིད་གང་ཡིན་པ་དེ་ཟད་པའམ། སྤོང་བའམ་
Kha288b
འགག་པར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །རབ་འབྱོར། འདི་ཇི་སྙམ་དུ་སེམས། ཕ་རོལ་ཏུ་ཕྱིན་པ་དྲུག་གི་དེ་བཞིན་ཉིད་གང་ཡིན་པ་དེ་ཟད་པའམ། སྤོང་བའམ། འགག་པར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །རབ་འབྱོར། འདི་ཇི་སྙམ་དུ་སེམས། དྲན་པ་ཉེ་བར་བཞག་པ་བཞི་པོ་དེ་དག་གི་དེ་བཞིན་ཉིད་གང་ཡིན་པ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་དེ་བཞིན་ཉིད་གང་ཡིན་པ་དེ་ཟད་པའམ། སྤོང་བའམ། འགག་པར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཆོས་ཀྱི་དེ་བཞིན་ཉིད་འདི་ལ་སློབ་ན། རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ཡིན། ཕ་རོལ་ཏུ་ཕྱིན་པ་དྲུག་ལ་སློབ་པ་ཡིན། དྲན་པ་ཉེ་བར་བཞག་པ་བཞི་ལ་སློབ་པ་ཡིན། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སློབ་པ་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་བསླབ་པ་ཐམས་ཅད་ཀྱི་ཕ་རོལ་ཏུ་ཕྱིན་པ་མངོན་པར་འཐོབ་བོ། །བདུད་དམ་བདུད་ཀྱི་རས་ཀྱི་ལྷ་རྣམས་ཀྱིས་ཐུབ་པར་མི་ནུས་ཤིང ། མྱུར་དུ་ཕྱིར་མི་ལྡོག་པའི་བྱང་ཆུབ་སེམས་དཔའི་ས་རྗེས་སུ་འཐོབ་བོ། །
Kha289a
༄#། །རང་གིས་དེ་བཞིན་གཤེགས་པའི་སྤྱོད་ཡུལ་ལ་གནས་པ་ཡིན། མགོན་མེད་པའི་ཆོས་རྣམས་ལའང་གནས་པ་ཡིན། རང་གི་སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་པ་ཡིན། སེམས་ཅན་རྣམས་ཀྱང་ཡོངས་སུ་སྨིན་པར་བྱེད་པ་ཡིན། བྱམས་པ་ཆེན་པོ་དང ། སྙིང་རྗེ་ཆེན་པོ་ལའང་སློབ་པ་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་ལན་གསུམ་དུ་བཟླས་ཏེ། ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་བར་འགྱུར་རོ། །སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་ཟློ་བར་འགྱུར་རོ། །དེ་བཞིན་གཤེགས་པའི་གདུང་རྒྱུན་མི་འཆད་པར་བྱ་བའི་ཕྱིར་ཞུགས་པ་ཡིན། འཆི་བ་མེད་པའི་སྒོའང་འབྱེད་པ་ཡིན། སེམས་ཅན་དཔག་ཏུ་མེད་པ་གྲངས་མེད་པ་ཚད་མེད་པ་དག་ཐེག་པ་གསུམ་པོ་དག་ལ་འགོད་པར་བྱེད་པ་ཡིན་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་རྣམ་པ་ཐམས་ཅད་མཁྱེན་པ་ཉིད་ལ་སློབ་པ་ཡིན་ནོ། །རབ་འབྱོར། སེམས་ཅན་དམན་པ་ལ་མོས་པ་རྣམས་ཀྱིས་ནི་བསླབ་པ་འདི་ལ་སློབ་པར་མི་ནུས་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་གང་སེམས་ཅན་ཐམས་ཅད་འཁོར་བ་ལས་བསྒྲལ་བར་འདོད་པ་དེ་བསླབ་པ་འདི་ལ་སློབ་བོ། །རབ་འབྱོར། བྱང་ཆུབ་སེམས་
Kha289b
དཔའ་སེམས་དཔའ་ཆེན་པོ་དེ་ལྟར་སློབ་པ་ནི་ནམ་ཡང་སེམས་ཅན་དམྱལ་བ་རྣམས་སུ་མི་སྐྱེ། དུད་འགྲོ་རྣམས་དང ། གཤིན་རྗེའི་འཇིག་རྟེན་དང ། ཡི་དྭགས་ཀྱི་ཡུལ་དུ་མི་སྐྱེ། མཐའ་འཁོབ་ཀྱི་མི་རྣམས་ཀྱི་ནང་དུ་མི་སྐྱེ། རིགས་དམན་པ་རྣམས་དང ། དབུལ་པོའི་རིགས་དང ། གཞན་གྱི་མངག་གཞུག་བྱ་བའི་རིགས་སུ་མི་སྐྱེ། ནམ་ཡང་ཞར་བ་དང ། སྒུར་པོ་དང ། ཐེང་པོ་དང ། ཡན་ལག་མ་ཚང་བར་མི་འགྱུར། མིག་གི་དབང་པོ་མ་ཚང་བར་མི་འགྱུར་རོ། །ཧ་ཅང་རིང་པོར་མ་ཡིན། ཧ་ཅང་ཐུང་ངུར་མ་ཡིན། ནག་པོར་མི་འགྱུར། སྲོག་གཅོད་པར་མི་འགྱུར་བ་ནས། ལོག་པར་ལྟ་བའི་བར་དུ་མི་འགྱུར་རོ། །ནམ་ཡང་ལོག་པས་འཚོ་བས་འཚོ་བར་མི་བྱེད་དོ། །ཡང་དག་པ་མ་ཡིན་པ་ཡོངས་སུ་མི་འཛིན། དམ་པའི་ཆོས་མ་ཡིན་པ་ཡོངས་སུ་མི་འཛིན། འཆལ་བའི་ཚུལ་ཁྲིམས་ཡོངས་སུ་འཛིན་པར་མི་བྱེད་དོ། །རབ་འབྱོར། དེ་ལྟར་སློབ་པའི་བྱང་ཆུབ་སེམས་དཔའ་ནི་ནམ་ཡང་ལྷ་ཚེ་རིང་པོ་རྣམས་ཀྱི་ནང་དུ་མི་སྐྱེའོ། །དེའང་ཐབས་ལ་མཁས་པ་འདི་ཡིན་ཏེ། ཐབས་ལ་མཁས་པ་གང་དང་ལྡན་ན། བསམ་གཏན་དང ། ཚད་མེད་པ་དང ། ཏིང་ངེ་འཛིན་དང ། སྙོམས་པར་འཇུག་པ་དག་ལ་སྙོམས་པར་འཇུག་ཀྱང་དེའི་དབང་གིས་ཀྱང་མི་སྐྱེ་སྟེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་གང་དང་ལྡན་ན། བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་ཐམས་ཅད་ལ་སྙོམས་པར་འཇུག་ཅིང་ལྡང་ཡང་དེ་
Kha290a
༄#། །དག་གི་དབང་གིས་ཀྱང་མི་སྐྱེ་ལ། ལྷ་ཚེ་རིང་པོ་རྣམས་ཀྱི་ནང་དུའང་མི་སྐྱེ་བའི་ཐབས་ལ་མཁས་པ་དེའང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་བསྟན་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་སངས་རྒྱས་ཀྱི་ཆོས་ཐམས་ཅད་དང ། སྟོབས་དང ། མི་འཇིགས་པ་རྣམས་ཡོངས་སུ་དག་པར་འགྱུར་ཏེ། ཉན་ཐོས་ཀྱི་སའམ། རང་སངས་རྒྱས་ཀྱི་སར་ལྟུང་བར་མི་འགྱུར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གང་གི་ཚེ་ཆོས་ཐམས་ཅད་རང་བཞིན་གྱིས་ཡོངས་སུ་དག་པ་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་གང་ཞིག་ཡོངས་སུ་དག་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། རབ་འབྱོར། ཆོས་ཐམས་ཅད་ནི་རང་བཞིན་གྱིས་ཡོངས་སུ་དག་པ་སྟེ། རབ་འབྱོར་དེ་ལྟར་ཆོས་ཐམས་ཅད་རང་བཞིན་གྱིས་ཡོངས་སུ་དག་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སློབ་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེའི་ཆོས་ཐམས་ཅད་ལ་མི་ཞུམ་མི་འགོང་བ་གང་ཡིན་པ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ན། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་དེ་མི་ཤེས་པས། བྱིས་པ་སོ་སོའི་སྐྱེ་བོ་དེ་དག་གི་དོན་དུ་བྱང་ཆུབ་སེམས་དཔའ་སེམས་
Kha290b
དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྤྱོད་དོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ནི་ཆོས་ཐམས་ཅད་ལ་སངས་རྒྱས་ཀྱི་སྟོབས་དང ། མི་འཇིགས་པ་ཉིད་རྗེས་སུ་འཐོབ་ཅིང ། ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡང་མི་ལྟུང་ལ། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་དང ། སྤྲོས་པ་དང ། རྣམ་པར་གཡེངས་པའི་ཕ་རོལ་ཏུ་འགྲོ་བར་འགྱུར་རོ། །རབ་འབྱོར། དཔེར་ན། སའི་ཕྱོགས་གང་ན་གསེར་རམ། དངུལ་འབྱུང་བ་དེ་དག་ནི་ཉུང་ངོ ། །རབ་འབྱོར། དེ་བཞིན་དུ་འདི་ལྟ་སྟེ། གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་ཅིང་སྦྱང་བ་འདི་ལ་སློབ་པ་དེ་དག་ནི་ཉུང་གི། དེ་བས་ནི་སེམས་ཅན་གང་དག་ཉན་ཐོས་དང ། རང་སངས་རྒྱས་ཀྱི་ས་ལ་སློབ་པ་དེ་དག་ནི་ཆེས་མང་ངོ ། །རབ་འབྱོར། དཔེར་ན། འཁོར་ལོས་སྒྱུར་བར་འགྱུར་བའི་ལས་ཡང་དག་པར་བླངས་ཏེ་གནས་པ་དེ་དག་ནི་ཉུང་གི། དེ་བས་ནི་གང་དག་ཁམས་ཀྱི་རྒྱལ་པོར་འགྱུར་བའི་ལས་ཡང་དག་པར་བླངས་ཏེ་གནས་པ་དག་ནི་ཆེས་མང་ངོ ། །རབ་འབྱོར། དེ་བཞིན་དུ་སེམས་ཅན་གང་དག་རྣམ་པ་ཐམས་ཅད་མཁྱེན་པ་ཉིད་ཀྱི་ལམ་དུ་ཡང་དག་པར་མངོན་དུ་ཞུགས་པ་དེ་དག་ནི་ཉུང་གི། དེ་བས་ནི་སེམས་ཅན་གང་དག་ཉན་ཐོས་དང ། རང་སངས་རྒྱས་ཀྱི་ལམ་དུ་ཡང་དག་པར་མངོན་དུ་ཞུགས་པ་དེ་དག་ནི་ཆེས་མང་ངོ ། །རབ་འབྱོར། བྱང་ཆུབ་སེམས་
Kha291a
༄#། །དཔའི་ཐེག་པ་པའི་གང་ཟག་གང་དག་ཡིན་པ་དེ་དག་ལས་ཀྱང་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དང ། གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ནི་ཆེས་ཉུང་གི། དེ་བས་ནི་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ཉན་ཐོས་དང ། རང་སངས་རྒྱས་ཀྱི་སར་ལྟུང་བར་འགྱུར་བ་དག་ནི་ཆེས་མང་ངོ ། །རབ་འབྱོར། བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ཐེ་ཚོམ་མེད་པར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པར་འགྱུར་བ་དེ་དག་ནི་ཕྱིར་མི་ལྡོག་པའི་ས་ལ་འཇུག་པར་འགྱུར་རོ། །གང་དག་ཐེ་ཚོམ་མེད་པ་དེས་སྤྱོད་པར་མི་འགྱུར་བ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་མི་འགྱུར་རོ། །རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པའི་ས་ལ་འཇུག་པར་འདོད་པ་དང ། ཕྱིར་མི་ལྡོག་པའི་སའི་གྲངས་སུ་ཆུད་པར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་བསླབ་པར་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ནི་ནམ་ཡང་སེར་སྣའི་སེམས་མི་བསྐྱེད་དོ། །ནམ་ཡང་འཆལ་པའི་ཚུལ་ཁྲིམས་ཀྱི་སེམས་དང ། ལེ་ལོའི་
Kha291b
སེམས་དང ། རྣམ་པར་གཡེང་བའི་སེམས་དང ། འཆལ་བའི་ཤེས་རབ་ཀྱི་སེམས་མི་བསྐྱེད་དོ། །ནམ་ཡང་འདོད་པ་འདོད་ཆགས་ཀྱི་སེམས་དང ། ཞེ་སྡང་གི་སེམས་དང ། གཏི་མུག་དང་ལྡན་པའི་སེམས་མི་བསྐྱེད་དོ། །ནམ་ཡང་འཁྲུལ་པའི་སེམས་དང ། བག་མེད་པའི་སེམས་མི་བསྐྱེད་དོ། །ནམ་ཡང་གཟུགས་དང་ལྡན་པའི་སེམས་མི་བསྐྱེད་དོ། །ནམ་ཡང་ཚོར་བ་དང་ལྡན་པ་དང ། འདུ་ཤེས་དང་ལྡན་པ་དང ། འདུ་བྱེད་རྣམས་དང་ལྡན་པ་དང ། རྣམ་པར་ཤེས་པ་དང་ལྡན་པའི་སེམས་མི་བསྐྱེད་དོ། །དེ་བཞིན་དུ་སྦྱར་ཏེ། ནམ་ཡང་སྦྱིན་པའི་ཕ་རོལ་ཏུ་ཕྱིན་པའི་བར་དང་ལྡན་པའི་སེམས་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང་ལྡན་པ་དང ། དྲན་པ་ཉེ་བར་བཞག་པ་དང་ལྡན་པའི་སེམས་མི་བསྐྱེད་དོ། །ནམ་ཡང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་ལྡན་པ་དང ། བྱང་ཆུབ་དང་ལྡན་པའི་སེམས་མི་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ན། ཆོས་གང་ཡང་ཡང་དག་པར་རྗེས་སུ་མི་མཐོང་ཞིང་མི་དམིགས་པའི་ཕྱིར་ཏེ། མི་དམིགས་པས་ཆོས་གང་ལའང་སེམས་བསྐྱེད་པར་མི་བྱེད་དོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པས་ཕ་རོལ་ཏུ་ཕྱིན་པ་ཐམས་ཅད་ཡང་དག་
Kha292a
༄#། །པར་བཟུང་བ་ཡིན། ཕ་རོལ་ཏུ་ཕྱིན་པ་ཐམས་ཅད་གསལ་བར་བྱས་པ་ཡིན། ཕ་རོལ་ཏུ་ཕྱིན་པ་ཐམས་ཅད་ཀྱང་དེ་དང་ལྡན་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་ཕ་རོལ་ཏུ་ཕྱིན་པ་ཐམས་ཅད་འདུས་པའི་ཕྱིར་རོ། །རབ་འབྱོར། དཔེར་ན། འཇིག་ཚོགས་ལ་ལྟ་བའི་ནང་དུ་ལྟ་བར་གྱུར་པ་དྲུག་ཅུ་རྩ་གཉིས་འདུས་པ་དེ་བཞིན་དུ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་ཕ་རོལ་ཏུ་ཕྱིན་པ་ཐམས་ཅད་འདུས་སོ། །རབ་འབྱོར། དཔེར་ན། མི་འཆི་བའི་དུས་བྱས་པའི་སྲོག་གི་དབང་པོ་འགགས་པ་ན། དབང་པོ་ཐམས་ཅད་འགག་པར་འགྱུར་རོ། །རབ་འབྱོར། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདིར་ཕ་རོལ་ཏུ་ཕྱིན་པ་ལྔ་པོ་ཐམས་ཅད་འདུས་ཏེ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་མེད་ན། འདི་ཐམས་ཅད་ཕ་རོལ་ཏུ་ཕྱིན་པར་མི་འགྱུར་རོ། །རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་ཐམས་ཅད་ཀྱི་ཕ་རོལ་ཏུ་འགྲོ་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་བསླབ་པར་བྱའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ནི་སེམས་ཅན་ཐམས་ཅད་ཀྱི་མཆོག་ཏུ་སློབ་པ་ཡིན་ནོ། །དེ་ཅིའི་ཕྱིར་ཞེ་ན། བླ་ན་མེད་པའི་
Kha292b
གནས་ཐོབ་པའི་ཕྱིར་རོ། །རབ་འབྱོར། འདི་ཇི་སྙམ་དུ་སེམས། ཅི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་སེམས་ཅན་འཁོད་པ་གང་དག་ཡིན་པ་དེ་དག་མང་བ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། ཛམྦུ་གླིང་གི་སེམས་ཅན་རྣམས་ཀྱང་མང་བ་ལགས་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་སེམས་ཅན་གང་དག་མཆིས་པ་ལྟ་སྨོས་ཀྱང་ཅི་འཚལ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་ཇི་སྙེད་ཡོད་པ་དེ་དག་ཐམས་ཅད་སྔ་ཕྱི་མེད་པར་མིའི་ལུས་ཐོབ་སྟེ། ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལ། དེ་ལ་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་ཞིག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལ་ན་བཟའ་དང ། བཤོས་དང ། གཟིམས་ཆ་དང ། གདན་དང ། སྙུན་གྱི་གསོས་སྨན་དང ། ཡོ་བྱད་ཀྱིས་ཇི་སྲིད་འཚོ་ཞིང་འདུག་གི་བར་དུ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཤིང ། རིམ་གྲོ་ཐམས་ཅད་ཀྱང་བྱས་ན། རབ་འབྱོར། འདི་ཇི་སྙམ་དུ་སེམས། ཅི་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་བསྐྱེད་པར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། མང་
Kha293a
༄#། །ལགས་སོ། །བཙུན་པ་བདེ་བར་གཤེགས་པ། ཚད་མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་གང་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ནས་འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པ་དང ། དེ་བཞིན་ཉིད་དུའང་སྒྲུབ་པར་བྱེད་ན། བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་དེ་སྔ་མའི་བསོད་ནམས་དེ་བས་འདི་ཉིད་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྒྲུབ་པའི་དོན་ཆེན་པོ་བྱེད་པའི་ཕྱིར་རོ། །རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ཀྱི་བླ་ན་མེད་པར་འགྱུར་བར་འདོད་པ་དང ། སེམས་ཅན་མགོན་མེད་པ་དང ། སྐྱབས་མེད་པ་ཐམས་ཅད་ཀྱི་མགོན་དང་སྐྱབས་སུ་འགྱུར་བར་འདོད་པ་དང ། དཔུང་གཉེན་མེད་པ་རྣམས་ཀྱི་དཔུང་གཉེན་དུ་འགྱུར་བར་འདོད་པ་དང ། ལོང་བ་རྣམས་ཀྱི་མིག་ཏུ་འགྱུར་བར་འདོད་པ་དང ། མ་རིག་པའི་མུན་ནག་ཏུ་ཞུགས་པའི་སེམས་ཅན་རྣམས་ཀྱི་སྒྲོན་མར་འགྱུར་
Kha293b
བར་འདོད་པ་དང ། ཡང་དག་པར་རྫོགས་པའི་སངས་རྒྱས་ཉིད་རྗེས་སུ་ཐོབ་པར་འདོད་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་ཡུལ་དུ་རྗེས་སུ་འགྲོ་བར་འདོད་པ་དང ། སངས་རྒྱས་ཀྱི་རྣམ་པར་རོལ་པས་རྣམ་པར་རྩེ་བར་འདོད་པ་དང ། ཡང་དག་པར་རྫོགས་པའི་སངས་རྒྱས་ཀྱི་སེངྒེའི་སྒྲ་སྒྲོགས་པར་འདོད་པ་དང ། དམ་པའི་ཆོས་ཀྱི་རྔམ་བོ་ཆེ་བརྡུང་བར་འདོད་པ་དང ། དམ་པའི་ཆོས་ཀྱི་དུང་འབུད་པར་འདོད་པ་དང ། དམ་པའི་ཆོས་ཀྱི་གཏམ་ཟེར་བར་འདོད་པ་དང ། འཆི་བ་མེད་པའི་དབྱིངས་སུ་རྗེས་སུ་འཇུག་པར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བསླབ་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ནི་ནམ་ཡང་ཡོངས་སུ་གཟུང་བ་ཆེན་པོ་མི་འཛིན་ཏོ། །ནམ་ཡང་ཕུན་སུམ་ཚོགས་པ་གང་ཡང་མི་འཐོབ་པ་མེད་དོ། །གསོལ་པ། བཙུན་པ་བཅོམ་ལྡན་འདས། ཉན་ཐོས་ཀྱི་ཕུན་སུམ་ཚོགས་པའང་དེས་ཐོབ་པར་བགྱི་ལགས་སམ། རང་སངས་རྒྱས་ཀྱི་ཕུན་སུམ་ཚོགས་པའང་དེས་ཐོབ་པར་བགྱི་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཉན་ཐོས་ཀྱི་ཕུན་སུམ་ཚོགས་པའང་དེས་ཐོབ་པར་བྱ། རང་སངས་རྒྱས་ཀྱི་ཕུན་སུམ་ཚོགས་པའང་དེས་ཐོབ་པར་བྱ་མོད་ཀྱི། ཕུན་སུམ་ཚོགས་པ་དེ་གཉིས་ལ་གནས་པར་མི་བྱ། དེ་ལ་བརྟེན་པར་ནི་མི་བྱ་སྟེ། རབ་འབྱོར། དེ་དག་ཤེས་པ་དང ། ལྟ་བས་མཐོང་ནས། ས་
Kha294a
༄#། །དེ་ལས་འདས་ཏེ། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱེད་དེ། རབ་འབྱོར། བྱང་ཆུབ་སེམས་དཔའ་དེ་ལྟར་སློབ་པ་ནི་རྣམ་པ་ཐམས་ཅད་མཁྱེན་པ་ཉིད་དང་ཡང་ཉེ་བར་གྱུར་པ་ཡིན་ཏེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱལ། ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་སྦྱིན་པའི་གནས་སུ་གྱུར་པ་ཡིན་ཏེ། འཇིག་རྟེན་གྱི་སྦྱིན་པའི་གནས་གཞན་དགེ་སྦྱོང་ངམ། བྲམ་ཟེའམ། ཉན་ཐོས་སམ། རང་སངས་རྒྱས་གང་དག་ཡིན་པ་དེ་དག་ཐམས་ཅད་ཟིལ་གྱིས་མནན་ནས་ཡོན་གནས་ཉིད་དུ་འགྱུར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་མི་གཏོང་ཞིང ། ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བ་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ནི། རྣམ་པ་ཐམས་ཅད་མཁྱེན་པ་ཉིད་ལས་ཡོངས་སུ་མི་ཉམས་པའི་ཆོས་ཅན་དུ་རིག་པར་བྱ་སྟེ། ཉན་ཐོས་དང ། རང་སངས་རྒྱས་ཀྱིས་རྒྱང་རིང་དུ་བྱེད་ཅིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་གྱུར་པ་ཡིན་ནོ། །གལ་ཏེ་འདི་སྙམ་དུ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་འདིའི་ནང་དུ་འདུས་སོ། །འདིས་རྣམ་པ་ཐམས་ཅད་མཁྱེན་པ་ཉིད་ཐོབ་པར་བྱའོ་སྙམ་དུ་གལ་ཏེ་དེ་ལྟར་ཤེས་
Kha294b
པར་བྱེད་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མ་ཡིན་ནོ། །ཅི་སྟེ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི་འདི་ལ་ཡོད་དོ་ཞེས་བྱ་བར་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་དུ་ཤེས་པ་མེད་དོ། །གང་གི་ཤེས་རབ་ཀྱི་ཕ་རོལ་ཏུ་ཕྱིན་པར་འགྱུར་བ་དང ། གང་གིས་ཤེས་རབ་ཀྱི་ཕ་རོལ་ཏུ་ཕྱིན་པར་འགྱུར་བའམ། གང་ཞིག་ཤེས་རབ་ཀྱི་ཕ་རོལ་ཏུ་ཕྱིན་པས་ངེས་པར་བྱུང་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཆོས་དེའང་མི་ཤེས་ཤིང་མི་ཐོས་ན་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །གལ་ཏེ་དེ་འདི་སྙམ་དུ་ཆོས་ཀྱི་དབྱིངས་དང ། དེ་བཞིན་ཉིད་དང ། ཡང་དག་པའི་མཐའ་གནས་པའི་ཕྱིར་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་ནོ། །འདི་ལ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོད་པ་མ་ཡིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདིས་སུའང་ངེས་པར་འབྱུང་བ་མེད་དོ་སྙམ་དུ་སེམས་ན། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཐབས་ལ་མཁས་པའི་ལེའུ་ཞེས་བྱ་སྟེ་ཉི་ཤུ་ལྔ་པའོ།། །།དེ་ནས་ལྷའི་དབང་པོ་བརྒྱ་བྱིན་འདི་སྙམ་དུ་སེམས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་
Kha295a
༄#། །རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པས་ཀྱང་སེམས་ཅན་རྣམས་ཟིལ་གྱིས་གནོན་ན། ནམ་ཞིག་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ནི་ལྟ་སྨོས་ཀྱང་ཅི་དགོས་ཏེ། གང་དག་རྣམ་པ་ཐམས་ཅད་མཁྱེན་པ་ཉིད་ལ་སེམས་འཇུག་པའི་སེམས་ཅན་དེ་དག་གིས་ཀྱང་རྙེད་པ་ལེགས་པར་རྙེད་ཅིང ། སེམས་ཅན་དེ་དག་ཀྱང་འཚོ་བ་བཟང་པོས་འཚོ་བ་ཡིན་ན། གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ལྟ་སྨོས་ཀྱང་ཅི་དགོས་ཏེ། གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པའི་སེམས་ཅན་དེ་དག་དང ། གང་དག་སེམས་མི་བསྐྱེད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་རྟག་ཏུ་ཉན་པ་ནི་འདོད་པར་བྱ་བ་དག་ཡིན་ནོ་སྙམ་མོ། །དེ་ནས་ལྷའི་དབང་པོ་བརྒྱ་བྱིན་གྱིས་མེ་ཏོག་མནད་ར་བ་དག་བླངས་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གཏོར། མངོན་པར་གཏོར། མངོན་པར་རབ་ཏུ་གཏོར་ཏེ། ཚིག་འདི་སྐད་ཅེས་བསོད་རྣམས་འདིས་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ལྷག་པར་དམིགས་པ་བདག་གི་སངས་རྒྱས་ཀྱི་ཆོས་རྣམས་ཡོངས་སུ་རྫོགས་པར་གྱུར་ཅིག། རྣམ་པ་ཐམས་ཅད་
Kha295b
མཁྱེན་པ་ཉིད་ཀྱང་ཡོངས་སུ་རྫོགས་པར་གྱུར་ཅིག། རང་བྱུང་གི་ཆོས་རྣམས་ཀྱང་ཡོངས་སུ་རྫོགས་པར་གྱུར་ཅིག། དེའི་ཕྱིར་ཟག་པ་མེད་པའི་ཆོས་རྣམས་ཀྱང་ཡོངས་སུ་རྫོགས་པར་གྱུར་ཅིག་ཅེས་སྨྲས་སོ། །བཙུན་པ་བཅོམ་ལྡན་འདས། བདག་ནི་ནམ་དུའང་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལོག་ནས། ཉན་ཐོས་སམ། རང་སངས་རྒྱས་སུ་འགྱུར་བར་སེམས་སྐྱེ་བ་འགའ་ཙམ་ཡང་སྐྱེ་བ་མ་མཆིས་ལགས་སོ། །བདག་ནི་འདི་སྙམ་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འདུན་པ་བསྐྱེད་པར་བགྱིད་ལ། དེ་ནི་ཕྱིར་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་འདེབས་པར་བགྱིད་དེ། འཁོར་བ་ན་སྤྱོད་པའི་སྡུག་བསྔལ་འདི་དག་མཐོང་ནས། དེ་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱི་དོན་དུ་འཚལ་བ་དང་སྨན་པར་འཚལ་བ་ལགས་པ་སྙམ་བགྱིད་ལགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་པ་དེ་དག་དང་ལྡན་པ་ནི། རྟག་ཏུ་འདི་སྙམ་དུ་ཅི་བདག་འཁོར་བ་ལས་བརྒལ་ནས། མ་བརྒལ་བའི་སེམས་ཅན་རྣམས་བསྒྲལ་བར་བྱའམ། ཅི་བདག་འཁོར་བ་ལས་གྲོལ་ནས། མ་གྲོལ་བའི་སེམས་ཅན་རྣམས་དགྲོལ་བར་བྱའམ། ཅི་བདག་དབུགས་ཕྱིན་ནས་སེམས་ཅན་དབུགས་མ་ཕྱིན་པ་རྣམས་དབུགས་དབྱུང་བར་བྱའམ། ཅི་བདག་ཡོངས་སུ་མྱ་
Kha296a
༄#། །ངན་ལས་འདས་ནས། ཡོངས་སུ་མྱ་ངན་ལས་མ་འདས་པའི་སེམས་ཅན་རྣམས་ཡོངས་སུ་མྱ་ངན་ལས་འདའ་བར་བྱའམ་སྙམ་དུ་སེམས་ལགས་སོ། །བཙུན་པ་བཅོམ་ལྡན་འདས། གང་དང་པོ་ཐེག་པ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པ་ལ་རྗེས་སུ་ཡི་རང་བར་བགྱིད་པ་དང ། དེ་བཞིན་དུ་ཡུན་རིང་པོ་ནས་སྤྱད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པ་ལ་རྗེས་སུ་ཡི་རང་བར་བགྱིད་པ་དང ། དེ་བཞིན་དུ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པ་ལ་རྗེས་སུ་ཡི་རང་བར་བགྱིད་པ་དང ། དེ་བཞིན་དུ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པ་ལའང་རྗེས་སུ་ཡི་རང་བར་བགྱིད་པའི་རིགས་ཀྱི་བུའམ། རིགས་ཀྱི་བུ་མོ་དེའི་བསོད་ནམས་ཇི་ཙམ་ཞིག་བསྐྱེད་པར་འགྱུར་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། །ཀཽ་ཤི་ཀ། གླིང་ཆེན་པོ་བཞི་པའི་འཇིག་རྟེན་གྱི་ཁམས་འདི་སྲང་ལ་གཅལ་བའི་ཚད་ཀྱིས་ཚད་གཟུང་བར་རུང་གི། རིགས་ཀྱི་བུའམ། རིགས་ཀྱི་བུ་མོ་དེ་དག་གི་རྗེས་སུ་ཡི་རང་བའི་མོད་ལས་བྱུང་བའི་སེམས་བསྐྱེད་པ་རྣམས་ཀྱི་བསོད་ནམས་ཀྱི་ཚད་ནི་དེ་ལྟ་མ་ཡིན་
Kha296b
ནོ། །ཀཽ་ཤི་ཀ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་རྒྱ་མཚོ་ཆེན་པོ་ཡོད་པའི་ཆུའི་ཐིགས་པ་རྣམས་ནི་སྐྲའི་རྩེ་མོ་ཚལ་པ་བརྒྱར་བཤགས་པའི་རྩེ་མོས་ཚད་གཟུང་བར་རུང་གི། རིགས་ཀྱི་བུའམ། རིགས་ཀྱི་བུ་མོ་དེ་དག་གི་རྗེས་སུ་ཡི་རང་བའི་མོད་ལས་བྱུང་བའི་སེམས་བསྐྱེད་པ་རྣམས་ཀྱི་བསོད་ནམས་ཀྱི་ཚད་ནི་དེ་ལྟ་མ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། སེམས་ཅན་གང་དག་སེམས་བསྐྱེད་པ་དེ་དག་ལ་རྗེས་སུ་ཡི་རང་བར་བགྱིད་པར་མི་འགྱུར་བ་དེ་དག་ནི་བདུད་ཀྱིས་བྱིན་གྱིས་བརླབས་པ་ལགས་སོ། །བཙུན་པ་བཅོམ་ལྡན་འདས། སེམས་ཅན་གང་དག་སེམས་བསྐྱེད་པ་དེ་དག་ལ་རྗེས་སུ་ཡི་རང་བར་བགྱིད་པར་མི་འགྱུར་བ་དེ་དག་ནི་བདུད་ཀྱི་ཕྱོགས་ལགས་སོ། །བཙུན་པ་བཅོམ་ལྡན་འདས། སེམས་ཅན་གང་དག་སེམས་བསྐྱེད་པ་དེ་དག་ལ་རྗེས་སུ་ཡི་རང་བར་བགྱིད་པར་མི་འགྱུར་བ་དེ་དག་ནི་བདུད་ཀྱི་གནས་ནས་ཤི་འཕོས་ནས་འདིར་སྐྱེས་པ་ལགས་སོ། །དེ་ཅིའི་སླད་དུ་ཞེ་ན། གང་དག་གིས་སེམས་བསྐྱེད་པ་འདི་བསྒྲུབས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིད་པ་དེ་དག་ནི། བདུད་ཀྱི་གནས་རྣམ་པར་འཇིག་པར་བགྱིད་པ་ལགས་པའི་སླད་དུའོ། །གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་
Kha297a
༄#། །དེ་དག་ལ་ནི་རྗེས་སུ་ཡི་རང་བར་བགྱི་བ་ལགས་སོ། །གང་དག་གིས་སངས་རྒྱས་ཡོངས་སུ་མ་བཏང་བ་དང ། ཆོས་ཡོངས་སུ་མ་བཏང་བ་དང ། དགེ་འདུན་ཡོངས་སུ་མ་བཏང་བ་དེ་དག་གི་སེམས་བསྐྱེད་པ་འདི་དག་ལ་རྗེས་སུ་ཡི་རང་བར་བགྱི་ཞིང ། སེམས་བསྐྱེད་པ་དེ་དག་ལ་རྗེས་སུ་ཡི་རང་བར་བགྱིས་ནས། སེམས་བསྐྱེད་པ་དེ་གཅིག་ཏུ་འདུ་ཤེས་པ་དང ། གཉིས་སུ་འདུ་ཤེས་པ་དང ། མང་པོར་འདུ་ཤེས་པའང་མི་འཇུག་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། གང་ཞིག་སེམས་བསྐྱེད་པ་འདི་དག་ལ་རྗེས་སུ་ཡི་རང་བར་བྱེད་པར་འགྱུར་བ་དེ་དག་ནི་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ལ། བྱང་ཆུབ་སེམས་དཔའི་སྤྱད་པ་སྤྱོད་པ་ནའང་མྱུར་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་མཉེས་པར་བྱེད་པར་འགྱུར་རོ། །ནམ་དུའང་གཟུགས་ཡིད་དུ་མི་འོང་བ་རྣམས་མཐོང་བར་མི་འགྱུར། སྒྲ་ཡིད་དུ་མི་འོང་བ་རྣམས་ཐོས་པར་མི་འགྱུར། དྲི་ཡིད་དུ་མི་འོང་བ་རྣམས་སྣོམ་པར་མི་འགྱུར། རོ་ཡིད་དུ་མི་འོང་བ་རྣམས་མྱོང་བར་མི་འགྱུར། རེག་པ་ཡིད་དུ་མི་འོང་བ་རྣམས་རེག་པར་
Kha297b
མི་འགྱུར། ཆོས་ཡིད་དུ་མི་འོང་བ་རྣམས་ཡིད་ཀྱིས་རྣམ་པར་ཤེས་པར་མི་འགྱུར་རོ། །ནམ་དུའང་སངས་རྒྱས་མཐོང་བ་དང་འབྲལ་བར་མི་འགྱུར་རོ། །སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ཞིང ། སངས་རྒྱས་བཅོམ་ལྡན་འདས་དེ་དག་ལ་བསྙེན་བཀུར་བྱེད་པར་འགྱུར་རོ། །དགེ་བའི་རྩ་བ་དེ་དག་ཀྱང་སེམས་ཅན་ཐམས་ཅད་ལ་ཕན་པའི་ཕྱིར་བསྐྱེད་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་རིགས་ཀྱི་བུའམ། རིགས་ཀྱི་བུ་མོ་དེ་དག་གིས་དང་པོ་ཐེག་པ་ལ་ཡང་དག་པར་ཞུགས་པ་དཔག་ཏུ་མེད་ཅིང ། ཚད་མེད་པ་དག་གི་དགེ་བའི་རྩ་བ་དེ་དག་ལ་རྗེས་སུ་ཡི་རང་བར་བྱས་ཤིང ། དེ་བཞིན་དུ་ས་དང་པོ་ལ་གནས་པའི་བྱང་ཆུབ་སེམས་དཔའ་རྣམས་དང ། ས་བཅུ་པའི་བར་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། དེ་བཞིན་དུ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དགེ་བའི་རྩ་བ་དེ་དག་ལ་རྗེས་སུ་ཡི་རང་བར་བྱས་པའི་ཕྱིར་རོ། །དེ་དག་དགེ་བའི་རྩ་བ་མངོན་པར་བསྒྲུབས་པ་དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཀྱང་སེམས་ཅན་དཔག་ཏུ་མེད་གྲངས་མེད། ཚད་མེད་པ་དག་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་ཟློ་བར་འགྱུར་ཏེ། ཀཽ་ཤི་ཀ། རྣམ་གྲངས་དེས་ན་རིགས་
Kha298a
༄#། །ཀྱི་བུ་རྣམས་སམ། རིགས་ཀྱི་བུ་མོ་རྣམས་ཀྱིས་སེམས་དང་པོ་བསྐྱེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དགེ་བའི་རྩ་བ་དེ་དག་ལ་རྗེས་སུ་ཡི་རང་བར་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱས་ཏེ། ཅི་ནས་སེམས་སུ་མི་འགྱུར་ཞིང ། སེམས་ལས་གཞན་དུ་སྤྱོད་པར་ཡང་མི་འགྱུར་བ་དེ་ལྟར་ཡོངས་སུ་བསྔོ་བར་བྱའོ། །དེ་བཞིན་དུ་ས་བཅུ་པའི་བར་ལ་གནས་པའི་བྱང་ཆུབ་སེམས་དཔའ་རྣམས་དང ། དེ་བཞིན་དུ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དགེ་བའི་རྩ་བ་དེ་དག་ལ་རྗེས་སུ་ཡི་རང་བར་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱ་སྟེ། ཅི་ནས་ཀྱང་སེམས་སུའང་མི་འགྱུར་ཞིང ། སེམས་ལས་གཞན་དུའང་མི་འགྱུར་བ་དེ་ལྟར་ཡོངས་སུ་བསྔོ་བར་བྱའོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། སྒྱུ་མ་ལྟ་བུའི་སེམས་ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ཇི་སྙམ་དུ་སེམས་ཁྱོད་ཀྱིས་སྒྱུ་མ་ལྟ་བུའི་སེམས་དེ་ཡང་དག་པར་རྗེས་སུ་མཐོང་སྙམ་
Kha298b
མམ།་གསོལ་པ། བཙུན་པ་བཅོམ་ལྡན་འདས། བདག་གིས་སྒྱུ་མ་དང ། སྒྱུ་མ་ལྟ་བུའི་སེམས་ཡང་དག་པར་རྗེས་སུ་མ་མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ཇི་སྙམ་དུ་སེམས། གང་ལ་སྒྱུ་མ་མེད་ཅིང་སྒྱུ་མ་ལྟ་བུའི་སེམས་ཀྱང་མེད་པ་ལ། སེམས་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པའི་འཚང་རྒྱ་བའི་སེམས་དེ་ཡང་དག་པར་རྗེས་སུ་མཐོང་སྙམ་མམ། གསོལ་བ། བཙུན་པ་བཅོམ་ལྡན་འདས། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཅི་ཁྱོད་ཀྱིས་སྒྱུ་མའམ། སྒྱུ་མ་ལྟ་བུའི་སེམས་ལས་གཞན་པའི་ཆོས་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་ཆོས་དེ་ཡང་དག་པར་རྗེས་སུ་མཐོང་སྙམ་མམ། གསོལ་པ ། བཙུན་པ་བཅོམ་ལྡན་འདས། བདག་གིས་སྒྱུ་མའམ། སྒྱུ་མ་ལྟ་བུའི་སེམས་ལས་གཞན་པའི་ཆོས་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་ཆོས་དེ་ཡང་དག་པར་རྗེས་སུ་མ་མཐོང་ལགས་སོ། །བཙུན་པ་བཅོམ་ལྡན་འདས། བདག་གིས་ཆོས་གཞན་ཡང་དག་པར་རྗེས་སུ་མ་མཐོང་ན། གང་མཆིས་པའམ། མ་མཆིས་པའི་ཆོས་གང་ཞིག་བསྐྱེད་པར་བགྱི་ལགས། ཆོས་གང་ཤིན་ཏུ་དབེན་པ་དེ་ནི་མཆིས་པའམ། མ་མཆིས་པའི་གྲངས་སུ་མི་མཆི་ཞིང ། ཁས་མི་ལེན་ལགས་སོ། །ཆོས་གང་མཆིས་པའམ།
Kha299a
༄#། །མ་མཆིས་པར་ཁས་མི་ལེན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱལ། མཆིས་པ་མ་ལགས་པའང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་མི་རྒྱ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་གང་དག་ཀུན་ནས་ཉོན་མོངས་པའམ། རྣམ་པར་བྱང་བར་འགྱུར་བའི་ཆོས་ཐམས་ཅད་མ་མཆིས་པའི་སླད་དུའོ། །བཙུན་པ་བཅོམ་ལྡན་འདས། དེ་ལྟ་ལགས་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཤིན་ཏུ་དབེན་པ་ལགས་ཤིང ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ཉིད་ཤིན་ཏུ་དབེན་པ་ལགས་ཏེ། དེ་བཞིན་དུ་སྦྱར་ཏེ། བྱང་ཆུབ་ཀྱི་བར་དུའང་ཤིན་ཏུ་དབེན་པ་ལགས་སོ། །ཆོས་གང་ཤིན་ཏུ་དབེན་པ་དེ་ནི་བསྒོམ་པར་བགྱི་བའང་མ་ལགས། རྣམ་པར་གཤིག་པར་བགྱི་བའང་མ་ལགས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་ཤིན་ཏུ་དབེན་པའི་སླད་དུ་ཆོས་གང་ཡང་བསྒྲུབ་པར་མི་བགྱིད་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཤིན་ཏུ་དབེན་པ་ལགས་ན། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས། བླ་ན་མེད་པ་
Kha299b
ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ལགས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེའང་ཤིན་ཏུ་དབེན་པ་ལགས་ན། ཇི་ལྟར་ན་དབེན་པས་དབེན་པ་རྗེས་སུ་རྟོགས་པར་འགྱུར་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ལེགས་སོ། །ལེགས་སོ། ། ཇི་སྐད་སྨྲས་པ་དེ་བཞིན་ཏེ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་དང ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ནི་ཤིན་ཏུ་དབེན་པའོ། །དེ་བཞིན་དུ་སྦྱར་ཏེ། བྱང་ཆུབ་ཀྱི་བར་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཤིན་ཏུ་དབེན་པ་ཡིན་ཏེ། རབ་འབྱོར། གང་གི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཤིན་ཏུ་དབེན་པ་དེའི་ཕྱིར། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་དབེན་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །རབ་འབྱོར། གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་དབེན་པ་མ་ཡིན་ཞིང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དབེན་པ་མ་ཡིན་པ་ཞིག་ཏུ་གྱུར་ན་ནི། དེ་ཤེས་རབ་ཀྱི་ཕ་རོལ་ཏུ་ཕྱིན་པར་མི་འགྱུར་ཞིང ། དེ་རྣམ་པ་ཐམས་
Kha300a
༄#། །ཅད་མཁྱེན་པ་ཉིད་ཀྱི་བར་དུ་ཡིན་པར་མི་འགྱུར་བ་ཞིག་ན། རབ་འབྱོར། གང་གི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་དབེན་ཞིང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དབེན་པ་དེའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དབེན་པས་དབེན་པ་མངོན་པར་རྫོགས་པར་འཚང་མི་རྒྱ་ལགས་མོད་ཀྱི། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་དང་དོན་ཟབ་མོ་རྣམས་ལ་སྤྱོད་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་ཡང་རྒྱ་ལགས་སོ།། །། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་དྲུག་པ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་དང་དོན་ཟབ་མོ་རྣམས་ལ་སྤྱོད་པ་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཆོས་དང་དོན་ཟབ་མོ་རྣམས་ལའང་སྤྱོད་ལ། འདི་ལྟ་སྟེ། ཉན་ཐོས་ཀྱི་སའམ། རང་སངས་རྒྱས་ཀྱི་སའི་དོན་དེ་འང་མངོན་སུམ་དུ་མི་བྱེད་པ་དེ་ནི། དཀའ་བ་བྱེད་པ་ཡིན་ནོ། །གསོལ་པ། བཙུན་པ་བཅོམ་ལྡན་
Kha300b
འདས། བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། བྱང་ཆུབ་སེམས་དཔའ་སེམས་དཔའ་ཆེན་པོ་ནི་དཀའ་བ་ཅུང་ཟད་ཀྱང་བགྱིད་པ་མ་ལགས་སོ། །དེ་ཅིའི་སླད་དུ་ཞེ་ན། འདི་ལྟར་དེས་གང་མངོན་སུམ་དུ་བགྱི་བའི་ཆོས་དེ་དང ། དོན་དེའང་དམིགས་སུ་མ་མཆིས་ལ། གང་གིས་མངོན་སུམ་དུ་བགྱིད་པའི་ཤེས་རབ་ཀྱི་ཕ་རོལ་ཏུ་ཕྱིན་པའང་དམིགས་སུ་མ་མཆིས་ཤིང ། གང་ཞིག་མངོན་སུམ་དུ་བགྱིད་པའི་ཆོས་དེའང་དམིགས་སུ་མ་མཆིས་པའི་སླད་དུའོ། །དེས་ཆོས་ཐམས་ཅད་མི་དམིགས་ན། ཆོས་གང་ཞིག་གམ། དོན་གང་ཞིག་གམ། ཤེས་རབ་ཀྱི་ཕ་རོལ་ཏུ་ཕྱིན་པ་གང་ཞིག་གིས་མངོན་སུམ་དུ་བགྱིད་པར་འགྱུར་ཏེ། ཆོས་འདི་དག་མངོན་སུམ་དུ་བགྱིས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཆོས་གང་མངོན་སུམ་དུ་བགྱིད་པར་འགྱུར་བ་དེ་དག་ཞིག་ལགས་ཏེ། བཙུན་པ་བཅོམ་ལྡན་འདས། མི་དམིགས་པར་སྤྱོད་པ་འདི་ནི། བྱང་ཆུབ་སེམས་དཔའི་སྤྱོད་པ་ལགས་ཏེ། དེ་ལ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་ཐམས་ཅད་ལ་སྒྲིབ་པ་མ་མཆིས་པ་དང ། མུན་པ་མ་མཆིས་པ་ཉིད་རྗེས་སུ་འཐོབ་པ་ལགས་སོ། །བཙུན་པ་བཅོམ་ལྡན་འདས། གལ་ཏེ་དེ་སྐད་བསྟན་པ་ན། བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་མི་ཞུམ་མི་འགོང་ཞིང ། མི་སྐྲག་མི་དངང་ལ་དངང་བར་མི་
Kha301a
༄#། །འགྱུར་ན་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལགས་ཏེ། དེས་ནི་སྤྱོད་དོ་ཞེས་བགྱི་བར་ཡང་དག་པར་རྗེས་སུ་མི་མཐོང་ངོ ། །མི་སྤྱོད་དོ་ཞེས་བགྱི་བར་ཡང་དག་པར་རྗེས་སུ་མི་མཐོང་ངོ ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་རྗེས་སུ་མི་མཐོང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་སྙམ་དུ་ཡང་དག་པར་རྗེས་སུ་མི་མཐོང་ལགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་དེ་ལྟར་སྤྱོད་པ་ནི། འདི་སྙམ་དུ་བདག་གིས་ཉན་ཐོས་ཀྱི་སའམ། རང་སངས་རྒྱས་ཀྱི་ས་ནི་རྒྱང་རིང་དུ་བྱའོ་སྙམ་དུ་མི་སེམས་ལ། འདི་སྙམ་དུ་རྣམ་པ་ཐམས་ཅད་མཁྱེན་པ་ཉིད་ནི་བདག་དང་ཉེ་བར་གནས་སོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། དཔེར་བགྱི་ན། ནམ་མཁའ་ནི་འདི་སྙམ་དུ་བདག་ནི་ཆོས་གང་དང་ཡང་ཉེ་བའམ། རིང་པོར་གནས་སོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། ནམ་མཁའ་ལ་ནི་བྱེ་བྲག་མ་མཆིས་པའི་སླད་དུ་དང ། མི་གཡོ་བའི་སླད་དུ་དང ། རྣམ་པར་རྟོག་པ་མ་མཆིས་པའི་སླད་དུའོ། །བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའང་འདི་
Kha301b
སྙམ་དུ་བདག་ནི་ཉན་ཐོས་ཀྱི་ས་དང ། རང་སངས་རྒྱས་ཀྱི་ས་དང་ཉེ་བའམ། རིང་བར་གནས་སོ་སྙམ་པའམ། བདག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་གྱུར་ཏོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ནི་རྣམ་པར་རྟོག་པ་མ་མཆིས་པའི་སླད་དུའོ། །བཙུན་པ་བཅོམ་ལྡན་འདས། དཔེར་བགྱི་ན། སྒྱུ་མའི་སྐྱེས་བུ་ནི་འདི་སྙམ་དུ་སྒྱུ་མ་ནི་བདག་དང་རིང་བའམ། ཉེ་བའམ། བདག་ནི་སྒྱུ་མ་དང ། ཉེ་བའམ། རིང་བའམ་སྐྱེ་བོའི་ཚོགས་འདུས་པ་གང་ཡིན་པ་འདིའང་བདག་དང་ཉེ་བའམ། རིང་བའོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། སྒྱུ་མའི་སྐྱེས་བུ་དེ་ལ་ནི་རྣམ་པར་རྟོག་པ་མ་མཆིས་པའི་སླད་དུའོ།། བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའང་འདི་སྙམ་དུ་བདག་ནི་ཉན་ཐོས་ཀྱི་སའམ། རང་སངས་རྒྱས་ཀྱི་ས་དང་ནི་རིང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཉེའོ་སྙམ་དུ་མི་སེམས་ལགས་སོ། །བཙུན་པ་བཅོམ་ལྡན་འདས། དཔེར་བགྱི་ན། མིག་ཡོར་ནི་འདི་སྙམ་དུ་མེ་ལོང་ངམ། ཆབ་ཀྱི་དམིགས་པ་གང་གིས་བསྐྱེད་པའི་དམིགས་པ་ནི་བདག་དང་རིང་བའམ། ཉེ་བའོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་
Kha302a
༄#། །འདས། མིག་ཡོར་དེ་ལ་རྣམ་པར་རྟོག་པ་མ་མཆིས་པའི་སླད་དུའོ། །བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའང་འདི་སྙམ་དུ་བདག་དང ། ཉན་ཐོས་ཀྱི་སའམ། རང་སངས་རྒྱས་ཀྱི་ས་ནི་རིང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཉེའོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ལ་རྣམ་པར་རྟོག་པ་མ་མཆིས་པའི་སླད་དུ་སྟེ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ་ནི་སྡུག་པའམ་མི་སྡུག་པ་མ་མཆིས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་གང་གིས་སྡུག་པའམ། མི་སྡུག་པར་རྣམ་པར་ཤེས་པར་འགྱུར་བ་དེའི་ངོ་བོ་ཉིད་དམིགས་སུ་མ་མཆིས་པའི་སླད་དུའོ། །བཙུན་པ་བཅོམ་ལྡན་འདས། དཔེར་བགྱི་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ནི་སྡུག་པའམ། མི་སྡུག་པ་གང་ཡང་མི་མངའ་བ་ལགས་སོ། །བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་
Kha302b
ཕྱིན་པ་ལ་སྤྱོད་པ་ལའང་སྡུག་པའམ། མི་སྡུག་པ་གང་ཡང་མ་མཆིས་ལགས་སོ། །བཙུན་པ་བཅོམ་ལྡན་འདས། དཔེར་བགྱི་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ནི་ཆོས་ཐམས་ཅད་རྣམ་པར་མི་རྟོག་པ་ཉིད་ཀྱི་སླད་དུ་རྟོག་པ་དང ། རྣམ་པར་རྟོག་པ་དང ། ཀུན་ཏུ་རྟོག་པ་ཐམས་ཅད་གཏན་དུ་སྤངས་ལགས་སོ། །བཙུན་པ་བཅོམ་ལྡན་འདས། དཔེར་བགྱི་ན། དེ་བཞིན་གཤེགས་པའི་སྤྲུལ་པ་ནི་འདི་སྙམ་དུ་ཉན་ཐོས་ཀྱི་སའམ། རང་སངས་རྒྱས་ཀྱི་ས་ནི་བདག་དང་རིང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཉེའོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། དེ་བཞིན་གཤེགས་པ་དང ། དེ་བཞིན་གཤེགས་པའི་སྤྲུལ་པ་ལ་ནི་རྣམ་པར་རྟོག་པ་མི་མངའ་བའི་སླད་དུའོ། །བཙུན་པ་བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལའང་འདི་སྙམ་དུ་ཉན་ཐོས་ཀྱི་སའམ། རང་སངས་རྒྱས་ཀྱི་ས་ནི་བདག་དང་རིང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཉེའོ་སྙམ་དུ་མི་སེམས་ལགས་སོ། །བཙུན་པ་བཅོམ་ལྡན་འདས། དཔེར་བགྱི་ན། དེ་བཞིན་གཤེགས་པས་གང་གི་དོན་དུ་སྤྲུལ་པ་མཛད་པ་དེ་ནི་དོན་དེ་བགྱིད་མོད་ཀྱི། དེ་འདི་སྙམ་དུ་བདག་ནི་དོན་འདི་བྱེད་དོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་
Kha303a
༄#། །ཞེ་ན། བཙུན་པ་བཅོམ་ལྡན་འདས། དེ་བཞིན་གཤེགས་པ་དང ། དེ་བཞིན་གཤེགས་པའི་སྤྲུལ་པ་ལ་ནི་རྣམ་པར་རྟོག་པ་མི་མངའ་བའི་སླད་དུའོ། །བཙུན་པ་བཅོམ་ལྡན་འདས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་གང་གི་དོན་དུ་མངོན་པར་སྤྲུལ་པའི་དོན་དེའང་བགྱིད་མོད་ཀྱི། དེ་འདི་སྙམ་དུ་བདག་ནི་དོན་འགའ་ཞིག་བྱེད་དོ་སྙམ་དུ་མི་སེམས་ལགས་སོ། །བཙུན་པ་བཅོམ་ལྡན་འདས། དཔེར་བགྱི་ན། ཤིང་མཁན་ནམ། ཤིང་མཁན་གྱི་སློབ་མ་མཁས་པ་ཞིག་གིས་ཡང་ན་བུད་མེད་ཀྱི་གཟུགས་སམ། ཡང་ན་སྐྱེས་པའི་གཟུགས་སམ། ཡང་ན་གླང་པོའི་ཆེའི་གཟུགས་སམ། ཡང་ན་གླང་གི་གཟུགས་ཀྱི་འཁྲུལ་འཁོར་འགའ་ཞིག་བགྱིས་ན་དེ་ནི་གང་གི་དོན་དུ་བགྱི་བ་དེ་དོན་དེ་བགྱིད་མོད་ཀྱི། དེ་འདི་སྙམ་དུ་བདག་ནི་བྱེད་དོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། འདི་ལྟར་འཁྲུལ་འཁོར་དེ་ལ་རྣམ་པར་རྟོག་པ་མ་མཆིས་པའི་སླད་དུའོ། །བཙུན་པ་བཅོམ་ལྡན་འདས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་གང་གི་དོན་དུ་བཤད་པ་དེའི་དོན་དེ་བགྱིད་ཀྱང ། དེ་འདི་སྙམ་དུ་བདག་ནི་དགོས་པ་ཞིག་བྱེད་དོ་སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣམ་པར་རྟོག་པ་མ་མཆིས་པའི་སླད་དུའོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་
Kha303b
ལྡན་པ་རབ་འབྱོར། ཅི་ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་རྣམ་པར་མི་རྟོག་པར་ཟད་དམ། འོན་ཏེ་བསམ་གཏན་གྱི་ཕ་རོལ་ཏུ་ཕྱིན་པ་ནས། དེ་བཞིན་དུ་སྦྱར་ཏེ། སྦྱིན་པའི་ཕ་རོལ་ཏུ་ཕྱིན་པའི་བར་དུའང་རྣམ་པར་མི་རྟོག་པ་ཡིན། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། བསམ་གཏན་གྱི་ཕ་རོལ་ཏུ་ཕྱིན་པ་ནས། དེ་བཞིན་དུ་སྦྱར་ཏེ། སྦྱིན་པའི་ཕ་རོལ་ཏུ་ཕྱིན་པའི་བར་དུའང་རྣམ་པར་མི་རྟོག་པ་ཡིན་ནོ། །སྨྲས་པ། ཚེ་དང་ལྡན་པ་རབ་འབྱོར། ཅི་གཟུགས་ཀྱི་སྐྱེ་མཆེད་ནས། ཡིད་ཀྱི་སྐྱེ་མཆེད་ཀྱི་བར་དུའང་རྣམ་པར་མི་རྟོག་པ་ཡིན་ནམ། དེ་བཞིན་དུ་མིག་གི་རྣམ་པར་ཤེས་པ་ནས། ཡིད་ཀྱི་རྣམ་པར་ཤེས་པའི་བར་དུའང་རྣམ་པར་མི་རྟོག་པ་ཡིན་ནམ། དེ་བཞིན་དུ་མིག་གི་འདུས་ཏེ་རེག་པའི་རྐྱེན་གྱིས་ཚོར་བའང་རྣམ་པར་མི་རྟོག་པ་ཡིན་ལ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་དུའང་རྣམ་པར་མི་རྟོག་པ་ཡིན་ནམ། ཚེ་དང་ལྡན་པ་རབ་འབྱོར། ཅི་བསམ་གཏན་རྣམས་ཀྱང་རྣམ་པར་མི་རྟོག་པ་ཡིན་ལ། དེ་བཞིན་དུ་ཚད་མེད་པ་རྣམས་དང ། གཟུགས་མེད་པའི་སྙོམས་པར་འཇུག་པ་རྣམས་ཀྱང་རྣམ་པར་མི་རྟོག་པ་ཡིན་ནམ། དྲན་པ་ཉེ་བར་བཞག་པ་རྣམས་ཀྱང་རྣམ་པར་མི་རྟོག་པ་ཡིན་ལ། འཕགས་པའི་ལམ་ཡན་ལག་བརྒྱད་པའི་བར་དུའང་རྣམ་པར་མི་རྟོག་པ་ཡིན་ནམ། རྣམ་པར་ཐར་པའི་སྒོ་གསུམ་པོ་གང་དག་ཡིན་པ་དག་ཀྱང་རྣམ་པར་མི་རྟོག་པ་ཡིན་ནམ། དེ་བཞིན་དུ་དེ་བཞིན་
Kha304a
༄#། །གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་རྣམ་པར་མི་རྟོག་པ་ཡིན་ལ། ཚེ་དང་ལྡན་པ་རབ་འབྱོར། བྱང་ཆུབ་ཀྱང་རྣམ་པར་མི་རྟོག་པ་ཡིན་ནམ། ཚེ་དང་ལྡན་པ་རབ་འབྱོར། འདུས་མ་བྱས་ཀྱི་ཁམས་ཀྱང་རྣམ་པར་མི་རྟོག་པ་ཡིན་ནམ། སྨྲས་པ། ཚེ་དང་ལྡན་པ་ཤཱ་རདྭ་ཏིའི་བུ། མདོར་བསྡུ་ན། ཆོས་ཐམས་ཅད་རྣམ་པར་མི་རྟོག་པ་ཡིན་ནོ། །སྨྲས་པ། ཚེ་དང་ལྡན་པ་རབ་འབྱོར། གལ་ཏེ་ཆོས་ཐམས་ཅད་རྣམ་པར་མི་རྟོག་པ་ཡིན་ན། འགྲོ་བ་ལྔའི་འཁོར་བའི་འཁོར་ལོ་འདི་ལྟ་སྟེ། སེམས་ཅན་དམྱལ་བ་དང ། དུད་འགྲོའི་སྐྱེ་གནས་དང ། ཡི་དྭགས་ཀྱི་འཇིག་རྟེན་དང ། ལྷའི་འཇིག་རྟེན་དང ། མིའི་འཇིག་རྟེན་དུ་བཅས་པ་ཐ་དད་པ་འདི་ཅི་ལས་གྱུར། རྒྱུན་དུ་ཞུགས་པ་རྣམས་དང ། ལན་གཅིག་ཕྱིར་འོང་བ་རྣམས་དང ། ཕྱིར་མི་འོང་བ་རྣམས་དང ། དགྲ་བཅོམ་པ་རྣམས་དང ། རང་སངས་རྒྱས་རྣམས་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་སུ་རྣམ་པར་དབྱེ་བ་འདི་ཅི་ལས་གྱུར། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། སེམས་
Kha304b
ཅན་གང་དག་ཕྱིན་ཅི་ལོག་གིས་ཀུན་ནས་བསླང་བའི་ལུས་སམ། ངག་གམ། ཡིད་ཀྱིས་ལས་མངོན་པར་འདུ་བྱེད་པ་དེ་དག་ནི་འདུན་པའི་རྩ་བ་ཅན་གྱི་ལས་ཀྱི་རྣམ་པར་སྨིན་པ་ཡོངས་སུ་བཟུང་བས་འདི་ལྟ་སྟེ། སེམས་ཅན་དམྱལ་བ་དང ། དུད་འགྲོའི་སྐྱེ་གནས་དང ། གཤིན་རྗེའི་འཇིག་རྟེན་དང ། ལྷ་དང་མིའི་གཟུགས་ཀྱི་སྐྱེ་མཆེད་དེ་ལྟ་བུ་དེ་དག་མངོན་པར་འགྲུབ་པར་བྱེད་དོ། ། ཚེ་དང་ལྡན་པ་ཤཱ་རདྭ་ཏིའི་བུ། གང་འདི་སྐད་དུ་རྒྱུན་དུ་ཞུགས་པ་རྣམས་སུ་རྣམ་པར་དབྱེ་བ་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་བར་དུ་རྣམ་པར་དབྱེ་བ་འདི་དག་ཅི་ལས་གྱུར་ཅེས་སྨྲས་པ་ནི། ཚེ་དང་ལྡན་པ་ཤཱ་རདྭ་ཏིའི་བུ། རྒྱུན་དུ་ཞུགས་པ་ནི་རྣམ་པར་མི་རྟོག་པ་ཡིན་ཞིང ། རྒྱུན་དུ་ཞུགས་པའི་འབྲས་བུའང་རྣམ་པར་མི་རྟོག་པ་ཡིན་ནོ། །དེ་བཞིན་དུ་ལན་གཅིག་ཕྱིར་འོང་བ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་དང ། དགྲ་བཅོམ་པ་ཉིད་དང ། རང་སངས་རྒྱས་དང ། རང་བྱང་ཆུབ་དང ། ཡང་དག་པར་རྫོགས་པའི་སངས་རྒྱས་རྣམས་ཀྱང་རྣམ་པར་མི་རྟོག་པ་ཡིན་ནོ། །ཡང་དག་པར་རྫོགས་པའི་བྱང་ཆུབ་ཀྱང་རྣམ་པར་མི་རྟོག་པ་ཡིན་ནོ། །ཚེ་དང་ལྡན་པ་ཤཱ་རདྭ་ཏིའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་འདས་པའི་
Kha305a
༄#། །དུས་ན་བྱུང་བར་གྱུར་པ་དེ་དག་ཀྱང་རྣམ་པར་རྟོག་པ་མི་མངའ་བར་འགྱུར་ཞིང ། རྟོག་པ་དང་རྣམ་པར་རྟོག་པ་ཐམས་ཅད་སྤངས་པ་དག་ཡིན་ནོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་མ་འོངས་པའི་དུས་ན་འབྱུང་བར་འགྱུར་བ་དེ་དག་ཀྱང་རྣམ་པར་རྟོག་པ་མི་མངའ་བར་འགྱུར་ཞིང ། རྟོག་པ་དང་རྣམ་པར་རྟོག་པ་ཐམས་ཅད་སྤངས་པ་དག་ཡིན་ནོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་ད་ལྟ་ན་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་བཞུགས་ཤིང་གཞེས་ལ། ཆོས་སྟོན་པ་དེ་དག་ཀྱང་རྣམ་པར་རྟོག་པ་མི་མངའ་བར་བཞུགས་ཤིང་རྣམ་པར་རྟོག་པ་ཐམས་ཅད་སྤངས་པ་ཡིན་ཏེ། ཚེ་དང་ལྡན་པ་ཤཱ་རདྭ་ཏིའི་བུ། རྣམ་གྲངས་དེས་ན་འདི་ལྟར་རྣམ་པར་མི་རྟོག་པའི་དེ་བཞིན་ཉིད་ཚད་མར་བྱས་ཤིང ། དེ་བཞིན་དུ་རྣམ་པར་མི་རྟོག་པའི་ཡང་དག་པའི་མཐའ་དང ། རྣམ་པར་མི་རྟོག་པའི་ཆོས་ཀྱི་དབྱིངས་ཚད་མར་བྱས་ནས། ཆོས་ཐམས་ཅད་རྣམ་པར་རྟོག་པ་མེད་པ་དེ་ལྟར་རིག་པར་བྱའོ། །ཚེ་དང་ལྡན་པ་ཤཱ་རདྭ་ཏིའི་བུ།་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་རྣམ་པར་མི་རྟོག་པས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་བྱ་སྟེ། དེ་རྣམ་པར་མི་རྟོག་པའི་ཤེས་རབ་
Kha305b
ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། རྣམ་པར་མི་རྟོག་པའི་ཆོས་ཐམས་ཅད་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རབ་འབྱོར། འོ་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ཅི་སྙིང་པོའི་ཆོས་ལ་སྤྱོད་དམ། འོན་ཏེ་སྙིང་པོ་མེད་པའི་ཆོས་ལ་སྤྱོད་པ་ཡིན། དེ་སྐད་ཅེས་སྨྲས་པ་དང ། ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ནི་སྙིང་པོ་མེད་པའི་ཆོས་ལ་སྤྱོད་པ་ཡིན་ནོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ།་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་སྙིང་པོ་མེད་པ་ཡིན། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། སྦྱིན་པའི་ཕ་རོལ་ཏུ་ཕྱིན་པ་ནི་སྙིང་པོ་མེད་པ་ཡིན། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྙིང་པོ་མེད་པའི་ཕྱིར་རོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་རདྭ་ཏིའི་བུ། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་སྙིང་པོ་མེད་པ་ཉིད་ཀྱང་
Kha306a
༄#། །མི་དམིགས་ཤིང་ཡང་དག་པར་རྗེས་སུ་མི་མཐོང་ན། སྙིང་པོ་དམིགས་པའམ། མཐོང་བར་ལྟ་ག་ལ་འགྱུར། སྙིང་པོ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཀྱི་བར་དུ་མི་དམིགས་ཤིང ། ཡང་དག་པར་རྗེས་སུ་མི་མཐོང་བ་ནས། སྙིང་པོ་མེད་པའི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་དམིགས་ཤིང་ཡང་དག་པར་རྗེས་སུ་མི་མཐོང་ན། ཤེས་རབ་ཀྱི་ཕ་རོལ་ཏུ་ཕྱིན་པ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དམིགས་པའམ། མཐོང་བར་ལྟ་ག་ལ་འགྱུར་བའི་ཕྱིར་རོ། །དེ་ནས་འདོད་པ་ན་སྤྱོད་པའི་ལྷའི་བུ་རབ་ཏུ་མང་པོ་དག་འདི་སྙམ་དུ་སེམས་ཏེ། རིགས་ཀྱི་བུའམ། རིགས་ཀྱི་བུ་མོ་གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་པ་དང ། ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལའང་སྤྱོད་ལ་དོན་དེ་ལ་སྤྱོད་པ་ནའང་ཡང་དག་པའི་མཐའ་མངོན་སུམ་དུ་མ་བྱས་པས། ཉན་ཐོས་ཀྱི་སའམ། རང་སངས་རྒྱས་ཀྱི་ས་ལ་གནས་པར་མི་འགྱུར་བ་དེ་དག་ནི་ཕྱག་བྱ་བར་འོས་པ་ཡིན་ཏེ། རྣམ་གྲངས་དེས་ན་རིགས་ཀྱི་བུའམ། རིགས་ཀྱི་བུ་མོ་གང་དག་ཆོས་ཐམས་ཅད་མཉམ་པ་ཉིད་འདི་དག་མངོན་སུམ་དུ་མི་བྱེད་པ་དེ་དག་ནི་ཕྱག་བྱ་བར་འོས་པ་ཡིན་ནོ་སྙམ་མོ། །དེ་ནས་ཚེ་དང་ལྡན་པ་རབ་འབྱོར་གྱིས་ལྷ་དེ་དག་ལ་འདི་སྐད་ཅེས་སྨྲས་སོ། །ཀྱེ་ལྷའི་བུ་དག། གང་དགེ་བའི་ཆོས་མཉམ་པ་ཉིད་
Kha306b
གང་མངོན་སུམ་དུ་བྱས་པས་ཉན་ཐོས་ཀྱི་སའམ། རང་སངས་རྒྱས་ཀྱི་ས་ལ་གནས་པར་འགྱུར་བའི་ཆོས་མཉམ་པ་ཉིད་འདི་དག་མངོན་སུམ་དུ་མི་བྱེད་པ་འདི་ནི་བྱང་ཆུབ་སེམས་དཔའ་དེ་དག་གི་ངོ་མཚར་གཅིག་དཀའ་བ་བྱེད་པ་མ་ཡིན་གྱི། ལྷའི་བུ་དག། གང་སེམས་ཅན་འབུམ་ཕྲག་དཔག་ཏུ་མེད་གྲངས་མེད་ཚད་མེད་པ་དག་ཡོངས་སུ་མྱ་ངན་ལས་འདའ་བར་བྱའོ་ཞེས་གོ་ཆ་གྱོན་པར་བྱེད་ལ། གང་དག་ཡོངས་སུ་མྱ་ངན་ལས་འདའ་བར་བྱ་བའི་སེམས་ཅན་དེ་དག་ཀྱང་ཤིན་ཏུ་མི་དམིགས་པ་ནི་དེ་དག་གི་མཆོག་ཏུ་དཀའ་བ་བྱེད་པ་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སེམས་ཅན་ཐམས་ཅད་གདུལ་བར་འདོད་པར་སེམས་ཏེ་དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་ནས། སེམས་ཅན་ཐམས་ཅད་གདུལ་བར་བྱའོ་སྙམ་ནས་གོ་ཆ་བགོས་པ་དེ་དག་ནི་ནམ་མཁའ་གདུལ་བར་འདོད་པར་སེམས་པ་ཡིན་ནོ། །དེ་ཅིའི་ཕྱིར་ཞེ་ན། ནམ་མཁའ་དབེན་པའི་ཕྱིར་སེམས་ཅན་དབེན་པར་བལྟ་བར་བྱ་བ་དང ། དེ་བཞིན་དུ་ནམ་མཁའ་སྟོང་པ་ཉིད་ཀྱི་ཕྱིར་སེམས་ཅན་སྟོང་པ་ཉིད་དུ་བལྟ་བར་བྱ་བ་དང ། ནམ་མཁའ་སྙིང་པོ་མེད་པའི་ཕྱིར་སེམས་ཅན་སྙིང་པོ་མེད་པ་ཉིད་དུ་བལྟ་བར་བྱ་བའི་ཕྱིར་ཏེ། ལྷའི་བུ་དག། རྣམ་གྲངས་དེས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཡོད་པ་མ་ཡིན་པའི་སེམས་ཅན་རྣམས་ཀྱི་ཆེད་དུ་སྙིང་རྗེ་ཆེན་པོའི་གོ་ཆ་གྱོན་
Kha307a
༄#། །པ་རྣམས་ནི་དཀའ་བ་བྱེད་པ་ཡིན་ནོ། །གང་ཞིག་སེམས་ཅན་རྣམས་ཀྱི་ཆེད་དུ་སྙིང་རྗེ་ཆེན་པོའི་གོ་ཆ་བགོ་བར་སེམས་པ་དེ་ནི་ནམ་མཁའ་དང་འཐབ་པར་འདོད་དུ་ཟད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་བགོས་པ་དེས་ནི་གང་དག་གི་དོན་དུ་གོ་ཆ་བགོས་པའི་སེམས་ཅན་དེ་དག་ཀྱང་མི་དམིགས་སོ། །དེ་ཅིའི་ཕྱིར་ཞེ་ན། འདི་ལྟར་སེམས་ཅན་དབེན་པའི་ཕྱིར་གོ་ཆ་དབེན་པར་བལྟ་བར་བྱ་བའི་ཕྱིར་རོ། །གལ་ཏེ་དེ་སྐད་བཤད་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་མི་ཞུམ་ཞིང་ཀུན་ཏུ་མི་ཞུམ་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་གཟུགས་དབེན་པ་གང་ཡིན་པ་དེ་སེམས་ཅན་དབེན་པ་ཉིད་ཡིན་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དབེན་པ་གང་ཡིན་པ་དེ་སེམས་ཅན་དབེན་པ་ཉིད་ཡིན་པ་དང ། དེ་བཞིན་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དབེན་པ་གང་ཡིན་པ་དེ་ཕ་རོལ་ཏུ་ཕྱིན་པ་དྲུག་དབེན་པ་ཉིད་ཡིན་པ་དང ། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུའང་གོང་མ་བཞིན་དུ་སྦྱར་བར་བྱ་བའི་ཕྱིར་རོ། །གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་དབེན་པ་ཉིད་དུ་བསྟན་པ་ན། སེམས་མི་ཞུམ་མི་འགོང་ཞིང་མི་སྐྲག་མི་དངང་ལ་དངང་བར་མི་འགྱུར་
Kha307b
ན།་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་བཀའ་སྩལ་པ། རབ་འབྱོར། ཅིའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཞུམ་པར་མི་འགྱུར་བ་ཡིན། གསོལ་པ། བཙུན་པ་བཅོམ་ལྡན་འདས། ཆོས་ཐམས་ཅད་མ་མཆིས་པའི་སླད་དུ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཞུམ་པར་མི་འགྱུར་བ་ལགས་སོ། །དེ་བཞིན་དུ་ཆོས་ཐམས་ཅད་དབེན་པའི་སླད་དུ་དང ། ཞི་བའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཞུམ་པར་མི་འགྱུར་ཏེ། བཙུན་པ་བཅོམ་ལྡན་འདས། རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཞུམ་པར་མི་འགྱུར་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་གང་དག་གིས་ཞུམ་པར་འགྱུར་བའམ། གང་ཞིག་ཞུམ་པར་འགྱུར་བ་དང ། གང་དུ་ཞུམ་པར་འགྱུར་བའི་ཆོས་ཐམས་ཅད་དམིགས་སུ་མ་མཆིས་པའི་སླད་དུའོ། །བཙུན་པ་བཅོམ་ལྡན་འདས། གལ་ཏེ་དེ་སྐད་བཤད་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་སྒྱིད་ལུག་པ་མ་མཆིས་ཤིང ། མི་ཞུམ་མི་འགོང་ཀུན་ཏུ་མི་འགོང་སྟེ། མི་སྐྲག་མི་དངང་ལ་དངང་བར་མི་འགྱུར་
Kha308a
༄#། །ན།་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལགས་སོ། །དེ་ཅིའི་སླད་དུ་ཞེ་ན། འདི་ལྟར་གང་ཞིག་ཞུམ་པར་འགྱུར་བ་དང ། གང་གིས་ཞུམ་པར་འགྱུར་བ་དང ། གང་དུ་ཞུམ་པར་འགྱུར་བའི་ཆོས་དེ་དག་ཐམས་ཅད་དམིགས་སུ་མ་མཆིས་པའི་སླད་དུའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་པ་ལ་ནི་དབང་པོ་དང་བཅས་པའི་ལྷ་རྣམས་དང ། ཚངས་པ་དང་བཅས་པ་དང ། སྐྱེ་དགུའི་བདག་པོ་དང་བཅས་པའི་ལྷ་རྣམས་རྟག་ཏུ་ཕྱག་བགྱིད་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ལ་ནི། དབང་པོ་དང་བཅས་པའི་ལྷ་རྣམས་དང ། ཚངས་པ་དང་བཅས་པའི་ལྷ་རྣམས་དང ། སྐྱེ་དགུའི་བདག་པོ་དང་བཅས་པའི་ལྷ་རྣམས་ཉི་ཚེས་རྟག་ཏུ་ཕྱག་བྱེད་པར་འགྱུར་བར་མ་ཟད་ཀྱི། རབ་འབྱོར། མངོན་པར་འཕགས་པའི་ལྷ་འདི་ལྟ་སྟེ། དགེ་རྒྱས་པ་རྣམས་དང ། འབྲས་བུ་ཆེ་བ་རྣམས་དང ། གནས་གཙང་མའི་ལྷ་གང་དག་ཡིན་བ་དེ་དག་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ལ་རྟག་ཏུ་ཕྱག་འཚལ་བར་བྱེད་དོ། །རབ་འབྱོར། ཕྱོགས་བཅུའི་འཇིག་
Kha308b
རྟེན་གྱི་ཁམས་དཔག་ཏུ་མེད་གྲངས་མེད་ཚད་མེད་པ་དག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞུགས་ཤིང་གཞེས་ལ་ཆོས་སྟོན་པ་གང་དག་ཡིན་པ་དེ་དག་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་ནི། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པར་འགྱུར་རོ། །དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་པར་བྱེད་པར་འགྱུར་བ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཡོངས་སུ་རྫོགས་པར་བྱེད་པར་འགྱུར་རོ་ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་རྟག་ཏུ་དགོངས་པར་མཛད་དོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ། སངས་རྒྱས་བཅོམ་ལྡན་འདས་རྣམས་ཀྱིས་དགོངས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་སངས་རྒྱས་ཉིད་དུ་ཞུགས་པར་གཟུང་བར་བྱའོ། །རབ་འབྱོར། གལ་ཏེ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སེམས་ཅན་ཇི་སྙེད་ཡོད་པ་དེ་སྙེད་བདུད་སྡིག་ཅན་དུ་གྱུར་ལ། བདུད་རེ་རེས་ཀྱང་བདུད་སྡིག་ཅན་དེ་སྙེད་མངོན་པར་སྤྲུལ་ཏེ། དེ་དག་ཐམས་ཅད་བྱུང་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ཆད་བྱ་བར་མི་ནུས་སོ། །ཡང་རབ་འབྱོར།
Kha309a
༄#། །བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གཉིས་དང་ལྡན་ན་བདུད་ཐམས་ཅད་ཀྱིས་མི་ཐུལ་བ་ཡིན་ཏེ། གཉིས་གང་ཞེ་ན། འདི་ལྟ་སྟེ། ཆོས་ཐམས་ཅད་ལ་སྟོང་པ་ཉིད་དུ་རྣམ་པར་བལྟ་བ་དང ། སེམས་ཅན་ཐམས་ཅད་ཡོངས་སུ་མི་གཏོང་བའོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གཉིས་དང་ལྡན་ན། བདུད་ཐམས་ཅད་ཀྱིས་མི་ཐུལ་བ་ཡིན་ནོ། །གཉིས་གང་ཞེ་ན། འདི་ལྟ་སྟེ། ཇི་སྐད་སྨྲས་པ་དེ་བཞིན་བྱེད་པ་དང ། སངས་རྒྱས་བཅོམ་ལྡན་འདས་རྣམས་ཀྱིས་དགོངས་པ་ཡིན་ཏེ། དེ་ལྟར་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་ལྷ་དེ་དག་འོང་བར་སེམས་ཏེ། ཉེ་བར་འོངས་ནས་ཀྱང་བསྙེན་བཀུར་བྱེད་པར་འགྱུར། ཡོངས་སུ་ཞུ་བ་དང ། ཡོངས་སུ་འདྲི་བ་བྱེད་པར་འགྱུར་ལ། ཀྱེ་རིགས་ཀྱི་བུ་ཁྱོད། འདི་ལྟ་སྟེ། སྟོང་པ་ཉིད་ཀྱི་གནས་པ་དང ། མཚན་མ་མེད་པའི་གནས་པ་དང ། སྨོན་པ་མེད་པའི་གནས་པ་འདི་དག་ཉིད་ཀྱིས་གནས་པར་གྱིས་ཤིག་དང ། རིགས་ཀྱི་བུ། ཁྱོད་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ། འདི་ལྟར་ཁྱོད་གནས་པ་འདིས་གནས་ན། གནས་མེད་པ་རྣམས་ཀྱི་གནས་དང ། གླིང་མེད་པ་རྣམས་ཀྱི་གླིང་དང ། མུན་པ་ན་འདུག་པའི་སེམས་ཅན་རྣམས་ཀྱི་སྣང་བ་བྱེད་པར་འགྱུར་
Kha309b
བའི་ཕྱིར་རོ་ཞེས་སྤྲོ་བ་བསྐྱེད་པར་འགྱུར་རོ། །དེ་ཅིའི་ཕྱིར་ཞེ་ན། ཀྱེ་རིགས་ཀྱི་བུ། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པའི་གནས་པ་འདིས་གནས་པའི་བྱང་ཆུབ་སེམས་དཔའ་སེམས་དཔའ་པོ་ལ་ནི་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད། གྲངས་མེད་ཚད་མེད་པ་དག་ན། སངས་རྒྱས་བཅོམ་ལྡན་འདས་བཞུགས་ཤིང་གཞེས་ལ་ཆོས་སྟོན་པ་དགེ་སློང་གི་དགེ་འདུན་གྱིས་ཡོངས་སུ་བསྐོར་བ་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་མིང་དང་རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པ་མཛད་པའི་ཕྱིར་རོ། །རབ་འབྱོར། དཔེར་ན། ང་ད་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་ཏོག་གི་མིང་དང ། རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པ་མཛད་པ་དང ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་གཙུག་ཏོར་ཅན་གྱི་མིང་དང ། རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པ་ཆེད་དུ་བརྗོད་པ་དང ། ང་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་འཁྲུགས་པའི་སངས་རྒྱས་ཀྱི་ཞིང་ན། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས་ཚངས་པར་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་མིང་དང ། རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པ་
Kha310a
༄#། །ཆེད་དུ་བརྗོད་པར་བྱེད་པ་བཞིན་ནོ། །རབ་འབྱོར། ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་བཞུགས་ཤིང་གཞེས་ལ་ཆོས་སྟོན་པའི་སངས་རྒྱས་བཅོམ་ལྡན་འདས་གང་དག་ཡིན་པ་དེ་དག་ཀྱང་སངས་རྒྱས་ཀྱི་ཞིང་དེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལས་བརྩམས་ཏེ། ཚངས་པར་སྤྱད་པ་སྤྱོད་པ་དེ་དག་གི་མིང་དང ། རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པར་མཛད་དོ། །དེ་བཞིན་དུ་སྦྱར་ཏེ། ལྷོ་ཕྱོགས་ན་གང་དག་ཡིན་པ་དང ། ནུབ་ཕྱོགས་ན་གང་དག་ཡིན་པ་དང ། བྱང་ཕྱོགས་ན་གང་དག་ཡིན་པ་དང ། ཕྱོགས་མཚམས་གཞན་གང་དག་ཡིན་པ་དང ། འོག་གི་ཕྱོགས་ན་གང་དག་ཡིན་པ་དང ། སྟེང་གི་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་བཞུགས་ཤིང་གཞེས་ལ་ཆོས་སྟོན་པའི་སངས་རྒྱས་བཅོམ་ལྡན་འདས་གང་དག་ཡིན་པ་དེ་དག་ཀྱང་སངས་རྒྱས་ཀྱི་ཞིང་དེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལས་བརྩམས་ཏེ། ཚངས་པར་སྤྱད་པ་སྤྱོད་པའི་བྱང་ཆུབ་སེམས་དཔའ་དེ་དག་གི་མིང་དང་རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་
Kha310b
པའང་ཆེད་དུ་བརྗོད་པར་མཛད་དོ། །ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་བཞུགས་པ་གང་དག་ཡིན་པ་དེ་དག་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་ཉེ་བར་བཟུང་སྟེ། རྫོགས་པའི་བྱང་ཆུབ་ཀྱི་ལམ་ཡོངས་སུ་རྫོགས་པར་བྱེད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་ཀྱང་རྗེས་སུ་འཐོབ་པར་འགྱུར་བ་དེ་དག་གི་མིང་དང་རུས་ཀྱང་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པར་མཛད་དོ། །དེ་ཅིའི་ཕྱིར་ཞེ་ན། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་དེ་ལྟར་དཀའ་བ་བྱེད་པ་ཡིན་ཏེ། འདི་ལྟར་སངས་རྒྱས་ཀྱི་གདུང་རྒྱུན་མི་གཅད་པར་བྱ་བར་ཞུགས་པ་ཡིན་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། སངས་རྒྱས་བཅོམ་ལྡན་འདས་དེ་དག་ཅི་རེ་ཞིག་ཕྱིར་ལྡོག་པའི་བྱང་ཆུབ་སེམས་དཔའ་རྣམས་ཀྱི་ལགས་སམ། འོན་ཏེ་ཕྱིར་མི་ལྡོག་པ་རྣམས་ཀྱི་ལགས་སམ། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་གི་མིང་དང་རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པར་མཛད་དོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས།
Kha311a
༄#། །ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པའང་ཡོད་དོ། །ཕྱིར་མི་ལྡོག་པའང་ཡོད་དོ། །རབ་འབྱོར། ལུང་བསྟན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པའང་ཡོད་དེ། སངས་རྒྱས་བཅོམ་ལྡན་འདས་རྣམས་ནི་དེ་དག་གི་མིང་དང་རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པར་མཛད་དོ། །གསོལ་པ། བཙུན་པ་བཅོམ་ལྡན་འདས། དེ་དག་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་གཤེགས་པ་མི་འཁྲུགས་པའི་སངས་རྒྱས་ཀྱི་ཞིང་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་ཅིང་དེ་བཞིན་གཤེགས་པ་དེའི་རྗེས་སུ་སློབ་པའི་ཚུལ་གྱིས་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཡིན་ཏེ། སངས་རྒྱས་བཅོམ་ལྡན་འདས་རྣམས་ནི་དེ་དག་གི་མིང་དང ། རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པར་མཛད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་
Kha311b
རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཤིན་ཏུ་མོས་ཀྱང་མི་སྐྱེ་བའི་ཆོས་ལ་བཟོད་པ་མ་ཐོབ་པ་རྣམས་དང ། ཆོས་ཐམས་ཅད་སྟོང་པ་ཉིད་དུ་མོས་ཀྱང་མི་སྐྱེ་བའི་ཆོས་ལ་བཟོད་པ་མ་ཐོབ་པ་རྣམས་དང ། ཆོས་ཐམས་ཅད་གསོག་དང ། གསོབ་དང ། ཡ་མ་བརླ་དང ། སྙིང་པོ་མེད་པ་དག་ཡིན་ནོ་ཞེས་མོས་ལ། མི་སྐྱེ་བའི་ཆོས་ལ་བཟོད་པ་ནི་མ་ཐོབ་པ་དག་སྟེ། རབ་འབྱོར། སངས་རྒྱས་བཅོམ་ལྡན་འདས་དེ་དག་ནི། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་མིང་དང་རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པར་མཛད་དོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཉན་ཐོས་དང ། རང་སངས་རྒྱས་ཀྱི་ས་ལས་འདས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ཡིན་ཏེ། རབ་འབྱོར། སངས་རྒྱས་བཅོམ་ལྡན་འདས་རྣམས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་གང་གི་མིང་དང་རུས་ཡོངས་སུ་བརྗོད་ཅིང་ཆོས་སྟོན་ལ། ཆེད་དུ་བརྗོད་པའང་ཆེད་དུ་བརྗོད་པར་མཛད་པ་དེ་ནི་ཕྱིར་མི་ལྡོག་པའི་ས་ལ་གནས་པ་ཡིན་ཏེ། དེ་ལ་གནས་ནས་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་པར་འགྱུར་རོ། །རབ་འབྱོར། གཞན་ཡང་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་
Kha312a
༄#། །མོ་འདི་བཤད་པ་ན་དོན་ཐོས་ནས་ནེམ་ནུར་མེད་ལ། ཐེ་ཚོམ་མི་ཟ་སྟེ། རྨོངས་པར་མི་འགྱུར་ལ། འདི་ནི་དེ་བཞིན་གཤེགས་པས་ཇི་སྐད་གསུངས་པ་དེ་བཞིན་ནོ་སྙམ་དུ་དེ་ལྟར་ཡིད་རྣམས་ཀྱིས་སེམས་པར་གྱུར་ན། དེ་དག་ནི་དམ་པའི་ཆོས་ཐོས་པའི་སེམས་དང་བ་དེས་ཡང་རིམ་གྱིས་དེ་བཞིན་གཤེགས་པ་མི་འཁྲུགས་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་རྒྱ་ཆེར་ཐོས་པར་འགྱུར་རོ། །ཐོས་ནས་ཀྱང་ཕྱིར་མི་ལྡོག་པའི་ས་ལ་གནས་པར་འགྱུར་ལ། དེར་གནས་ནས་ཀྱང་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་པར་འགྱུར་ཏེ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་པའང་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ ། རིགས་ཀྱི་བུ་མོ་དེ་དག་ལ་དེ་ལྟར་གཅེས་སྤྲས་བྱེད་པ་ཡིན་ན། གང་དག་ཀློག་པ་དང ། འཆང་བ་དང ། དེ་བཞིན་ཉིད་དུ་སྒྲུབ་པར་བྱེད་པ་ལྟ་སྨོས་ཀྱང་ཅི་དགོས་ཏེ། བྱང་ཆུབ་སེམས་དཔའ་དེ་དག་ནི་མྱུར་དུ་ཕྱིར་མི་ལྡོག་པའི་ས་ལ་གནས་པར་འགྱུར་ཞིང ། མྱུར་བ་ཁོ་ནར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །གསོལ་པ། བཙུན་པ་བཅོམ་ལྡན་འདས། འདི་ལྟར་དེ་བཞིན་ཉིད་ལ་གནས་ནས་ཆོས་གང་ཡང་མི་དམིགས་ཤིང་མ་མཆིས་ན། དེ་ཇི་ལྟར་བྱང་ཆུབ་སེམས་དཔའ་སེམས་དཔའ་
Kha312b
ཆེན་པོ་དེ་ལ་གནས་ནས་མྱུར་དུ་ཕྱིར་མི་ལྡོག་པའི་ས་ལ་གནས་པར་འགྱུར་ཞིང ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ལགས། བཙུན་པ་བཅོམ་ལྡན་འདས། གང་གི་ཚེ་དེ་བཞིན་ཉིད་མ་གཏོགས་པར་ཆོས་གང་ཡང་དམིགས་སུ་མ་མཆིས་པ་དེའི་ཚེ། སུ་ཞིག་དེ་བཞིན་ཉིད་འདི་ལ་གནས་པར་འགྱུར་བའམ། སུ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའམ། སུ་ཞིག་དེ་བཞིན་ཉིད་ལ་གནས་ནས། སེམས་ཅན་རྣམས་ལ་ཆོས་སྟོན་པར་འགྱུར་ཏེ། བཙུན་པ་བཅོམ་ལྡན་འདས། དེ་བཞིན་ཉིད་ཀྱང་དམིགས་སུ་མ་མཆིས་པ་ལགས་ན། སུ་ཞིག་དེ་བཞིན་ཉིད་ལ་གནས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཞིང ། དེ་བཞིན་ཉིད་ཁོ་ན་ལ་གནས་ནས་ཆོས་སྟོན་པ་ལྟ་སྨོས་ཀྱང་ཅི་འཚལ་ཏེ། དེ་ནི་གནས་མ་མཆིས་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། གང་ཡང་འདི་སྐད་དུ་དེ་བཞིན་ཉིད་མ་གཏོགས་པར་ཆོས་གང་ལའང་དམིགས་སུ་མ་མཆིས་ན། སུ་ཞིག་དེ་བཞིན་ཉིད་ལ་གནས་པར་འགྱུར་བའམ། སུ་ཞིག་དེ་བཞིན་ཉིད་ལ་གནས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
Kha313a
༄#། །པར་འཚང་རྒྱ་བར་འགྱུར་བའམ། སུ་ཞིག་དེ་བཞིན་ཉིད་ལ་གནས་ནས་སེམས་ཅན་རྣམས་ལ་ཆོས་སྟོན་པར་འགྱུར་ཏེ། དེ་བཞིན་ཉིད་ཀྱང་དམིགས་སུ་མ་མཆིས་ན།་སུ་ཞིག་དེ་བཞིན་ཉིད་ལ་གནས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཞིང ། དེ་བཞིན་ཉིད་ལ་གནས་ནས་སེམས་ཅན་རྣམས་ལ་ཆོས་སྟོན་པ་ལྟ་སྨོས་ཀྱང་ཅི་འཚལ་ཏེ། དེ་ནི་གནས་མ་མཆིས་ལགས་སོ་ཞེས་ཟེར་བ་ནི། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། རབ་འབྱོར། དེ་བཞིན་ཉིད་མ་གཏོགས་པར་གང་ཞིག་དེ་བཞིན་ཉིད་ལ་གནས་པར་འགྱུར་བའམ། གང་ཞིག་དེ་བཞིན་ཉིད་ལ་གནས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའམ། གང་ཞིག་དེ་བཞིན་ཉིད་ལ་གནས་ནས་སེམས་ཅན་རྣམས་ལ་ཆོས་སྟོན་པར་བྱེད་པའི་ཆོས་གང་ཡང་མེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དེ་བཞིན་ཉིད་ལ་ནི་སྐྱེ་བ་མེད། འགག་པ་མེད། གཞན་དུ་འགྱུར་བ་དམིགས་སུ་མེད་དེ། རབ་འབྱོར། ཆོས་གང་ལ་སྐྱེ་བ་མེད། འགག་པ་མེད། གཞན་དུ་འགྱུར་བ་དམིགས་སུ་མེད་པའི་ཆོས་དེ་ལ་སུ་ཞིག་གནས་པར་འགྱུར། སུ་ཞིག་ཆོས་དེ་ལ་གནས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་
Kha313b
འགྱུར། སུ་ཞིག་ཆོས་དེ་ལ་གནས་ནས་སེམས་ཅན་རྣམས་ལ་ཆོས་སྟོན་པར་འགྱུར་ཏེ། དེ་ནི་གནས་མེད་དོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་ལགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་རྣམས་ནི་དཀའ་བ་བགྱིད་པ་ལགས་སོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་དེ་བཞིན་ཉིད་ཅེས་བགྱི་བའི་ཆོས་ནི་གང་ཡང་དམིགས་སུ་མ་མཆིས་ལ། ཆོས་གང་དེ་བཞིན་ཉིད་ལ་གནས་པའང་གང་ཡང་མ་མཆིས། གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཆོས་ཀྱང་གང་ཡང་མ་མཆིས། གང་སེམས་ཅན་རྣམས་ལ་ཆོས་སྟོན་པར་འགྱུར་བའི་ཆོས་ཀྱང་གང་ཡང་མ་མཆིས་ཏེ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དེ་ལྟར་ཉེ་བར་རྟོག་ཅིང་བསྒོམ་པར་བགྱིད་ཀྱང་ཆོས་འདི་ལ་ཞུམ་པར་ཡང་མི་འགྱུར་ལ། དེ་དག་ཆོས་འདི་དག་ལ་ནེ་མ་ནུར་རམ། རྨོངས་པར་ཡང་མི་འགྱུར་བའི་སླད་དུའོ། །དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ། ཁྱོད་འདི་སྐད་དུ་བྱང་ཆུབ་སེམས་དཔའ་སེམས་
Kha314a
༄#། །དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་དག་ཆོས་འདི་དག་ལ་ཉེ་བར་རྟོག་པར་བགྱིད་ཀྱང་ཆོས་འདི་དག་ལ་ནེམ་ནུར་རམ། རྨོངས་པར་ཡང་མི་འགྱུར་བ་ནི་དཀའ་བ་བགྱིད་པ་ལགས་སོ་ཞེས་སྨྲས་པ་ནི། ཀཽ་ཤི་ཀ། ཆོས་ཐམས་ཅད་སྟོང་པ་ལ་སུ་ཞིག་འདིར་ནེམ་ནུར་རམ། རྨོངས་པར་འགྱུར། དེ་སྐད་ཅེས་སྨྲས་པ་དང ། ལྷའི་དབང་པོ་བརྒྱ་བྱིན་གྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར་ནི། ཆོས་གང་དང་གང་ཁོ་ན་སྟོན་པ་དེ་དང་དེ་ཐམས་ཅད་སྟོང་པ་ཉིད་ཁོ་ན་ལས་བརྩམས་ནས་སྟོན་ལ། ཆོས་གང་ལའང་ཐོགས་པ་མེད་དེ། དཔེར་ན། བར་སྣང་ལ་མདའ་འཕངས་པ་ནི་གང་དུའང་ཐོགས་པ་མེད་དོ། །དེ་བཞིན་དུ་བཙུན་པ་རབ་འབྱོར་ཡང་ཆོས་གང་ལའང་ཐོགས་པ་མེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། རྗེས་སུ་ཡི་རང་བའི་ལེའུ་ཞེས་བྱ་སྟེ་ཉི་ཤུ་རྩ་དྲུག་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་
Kha314b
སེམས་དཔའ་ཆེན་པོ་སྦྱིན་པ་སྦྱིན་པ་ན། ཀུན་ཏུ་འཛིན་པའི་སེམས་མི་སྐྱེ། སྦྱིན་པ་དེ་སྦྱིན་པ་ན་སེར་སྣའི་སེམས་མི་སྐྱེ་ལ། སྦྱིན་པ་དེའང་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོ་ཞིང ། སེམས་ཅན་ཐམས་ཅད་ལ་བྱམས་པའི་ལུས་ཀྱི་ལས་ཉེ་བར་གནས་པ་ཡིན། དེ་བཞིན་དུ་བྱམས་པའི་ངག་གི་ལས་དང ། བྱམས་པའི་ཡིད་ཀྱི་ལས་ཉེ་བར་གནས་པ་ཡིན་ཏེ། དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་པ། ཇི་ལྟར་བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། ལེན་པ་པོ་དག་གིས་ཡང་དག་པ་མ་ཡིན་པའི་བརྒྱད་བཀག་པ་དག་དང ། ཡང་དག་པ་མ་ཡིན་པའི་ཚིག་རྣམས་ཀྱིས་སྤྱོས་བརྒྱད་ཀྱང ། སེམས་ཞུམ་པ་ཉིད་དུ་མི་འགྱུར་ལ། ལེན་པ་པོ་བསམ་པ་ངན་པ་ཅན་མཚང་འབྲུ་བ་དེ་དག་ལ་སེམས་སྡང་བར་ཡང་མི་བྱེད་ཀྱི། དེ་དག་ཉིད་ལ་བྱམས་པའི་སེམས་དང ། སྙིང་རྗེའི་སེམས་བསྐྱེད་པར་བྱེད་ཅིང ། སྙན་པར་སྨྲ་བར་བྱེད་པ་ཡིན་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། བཟོད་པའི་ཕ་
Kha315a
༄#། །རོལ་ཏུ་ཕྱིན་པ་ལའང་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་དག་སྦྱིན་པ་ན། ལེན་པ་པོ་རྣམས་ཀྱིས་ཡང་དག་པ་མ་ཡིན་པའི་བརྒྱད་བཀག་པ་དག་དང ། ཡང་དག་པ་མ་ཡིན་པའི་ཚིག་རྣམས་ཀྱིས་སྤྱོས་བརྒྱད་ནའང་སྦྱིན་པ་དེ་ལ་བཟོད་པ་ཁོ་ན་ཡིན་ཏེ། གང་ཞིག་ལས་ཅི་འདྲ་བར་བྱེད་པར་འགྱུར་བ་དེ། དེ་འདྲ་བའི་འབྲས་བུ་ཐོབ་པར་འགྱུར་བ་ལས་བདག་གིར་བྱ་བ་ཉིད་ཤེས་པས་དེ་དེ་ལྟར་སྟོང་པའི་བློ་ཁོ་ན་དང ། ཡོངས་སུ་གཏོང་བའི་བློར་འགྱུར་ལ། དེ་འདི་སྙམ་དུ་སེམས་ཏེ། བདག་གིས་སེམས་ཅན་ཐམས་ཅད་ལ་སྦྱིན་པ་རྒྱ་ཆེར་སྦྱིན་པ་ཁོ་ནར་བྱའོ་སྙམ་ནས། དེས་ལུས་དང་སེམས་ཀྱི་བརྩོན་འགྲུས་ཡང་དག་པར་བསྐྱེད་ནས་རྟག་ཏུ་སྦྱིན་པ་སྦྱིན་པ་ཁོ་ནར་བྱེད་པ་ཡིན་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་
Kha315b
སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཞེ་འགྲས་པ་མེད་པའི་སེམས་ཀྱིས་ལེན་པ་དག་ལ་སྦྱིན་པ་སྦྱིན་པ་ན། ཡུལ་རྣམས་སུ་ཡོངས་སུ་བསྔོ་བར་མི་བྱེད། འདོད་པའི་ཁམས་སུ་ཡོངས་སུ་བསྔོ་བར་མི་བྱེད། གཟུགས་ཀྱི་ཁམས་དང ། གཟུགས་མེད་པའི་ཁམས་སུ་ཡོངས་སུ་བསྔོ་བར་མི་བྱེད། ཉན་ཐོས་ཀྱི་སར་ཡོངས་སུ་བསྔོ་བར་མི་བྱེད། རང་སངས་རྒྱས་ཀྱི་སར་ཡོངས་སུ་བསྔོ་བར་མི་བྱེད་ཀྱི། སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འབའ་ཞིག་ཏུ་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། དེ་དག་ལ་རྟག་ཏུ་སྒྱུ་མའི་བློ་ཁོ་ན་ཉེ་བར་གནས་ཏེ། དོན་དམ་པ་སྟོང་པ་ཉིད་
Kha316a
༄#། །ཀྱི་ཕྱིར་དེས་སེམས་ཅན་གང་ལའང་ཕན་པའམ། གནོད་པར་ཡང་དག་པར་རྗེས་སུ་མི་མཐོང་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་གནས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་དང ། དེ་བཞིན་དུ་བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་ཅིང ། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། དེའི་ལུས་སམ། ངག་གམ། སེམས་ཀྱི་བསོད་ནམས་མངོན་པར་འདུ་བྱེད་པ་གང་ཡིན་པའི་མངོན་པར་འདུ་བྱེད་པ་དེས་ཉན་ཐོས་ཀྱི་སའམ། རང་སངས་རྒྱས་ཀྱི་སར་མཆོག་ཏུ་འཛིན་པར་མི་བྱེད་ཅིང ། སྲོག་གི་ཕྱིར་
Kha316b
ཡང་སེམས་ཅན་རྣམས་སྲོག་དང་བྲལ་བར་མི་བྱེད་དོ། །མ་བྱིན་པར་ལེན་པར་ཡང་མི་བྱེད་དོ། །མི་ཚངས་པར་སྤྱོད་པར་མི་བྱེད་དོ། །རྫུན་གྱི་ཚིག་མི་སྨྲའོ། །ཕྲ་མ་མི་ཟེར་རོ། །ཚིག་རྩུབ་པོ་མི་སྨྲའོ། །ཚིག་ཁྱལ་པ་ཅན་དུ་མི་འགྱུར་རོ། །བརྣབ་སེམས་ཅན་དུ་མི་འགྱུར་རོ། །གནོད་སེམས་ཅན་དུ་མི་འགྱུར་རོ། །ལོག་པར་ལྟ་བར་མི་འགྱུར་རོ། །དེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དེ་ལ་གནས་ནས། སྦྱིན་པ་གང་སྦྱིན་པར་བྱེད་པ། འདི་ལྟ་སྟེ། ཟས་འདོད་པ་རྣམས་ལ་ནི་ཟས། སྐོམ་འདོད་པ་རྣམས་ལ་ནི་སྐོམ། བཞོན་པ་འདོད་པ་རྣམས་ལ་ནི་བཞོན་པ། གོས་འདོད་པ་རྣམས་ལ་ནི་གོས། ཕྲེང་བ་འདོད་པ་རྣམས་ལ་ནི་ཕྲེང་བ། བྱུག་པ་འདོད་པ་རྣམས་ལ་ནི་བྱུག་པ། མལ་ཆ་འདོད་པ་རྣམས་ལ་ནི་མལ་ཆ། སྟན་འདོད་པ་རྣམས་ལ་ནི་རྟན། མར་མེ་འདོད་པ་རྣམས་ལ་ནི་མར་མེ། དེ་བཞིན་དུ་སྦྱར་ཏེ། འདོད་པ་རྣམས་ལ་ཡོ་བྱད་ཐམས་ཅད་སྦྱིན་པར་བྱེད་པ་དང ། དེ་བཞིན་དུ་འདོད་པ་རྣམས་ལ་མིའི་ཡོ་བྱད་གང་ཡང་རུང་བ་དག་སྦྱིན་པར་བྱེད་ཅིང ། སྦྱིན་པ་དེའང་སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ཅིང ། ཅི་ནས་ཀྱང་ཡོངས་སུ་བསྔོ་བ་དེས་ཉན་ཐོས་ཀྱི་སའམ། རང་སངས་རྒྱས་ཀྱི་སར་མི་ལྟུང་བ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་
Kha317a
༄#། །ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་པའི་དྲུང་དུ་གལ་ཏེ་སེམས་ཅན་ཐམས་ཅད་ལྷགས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་པའི་ཡན་ལག་དང་ཉིང་ལག་རྣམས་བཅད་དེ་ཕྱོགས་དང་ཕྱོགས་མཚམས་སུ་དོང་ནའང་བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་བསྐྱེད་པ་གཅིག་ཙམ་ཡང་འཁྲུག་པར་མི་འགྱུར་ཞིང ། གནོད་སེམས་སུ་བྱེད་པར་མི་འགྱུར་ཏེ། དེ་འདི་སྙམ་དུ་འདི་ལྟར་སེམས་ཅན་ཐམས་ཅད་ཀྱིས་བདག་གི་ཡན་ལག་དང་ཉིང་ལག་རྣམས་བཅད་ནས། ཕྱོགས་དང་ཕྱོགས་མཚམས་རྣམས་སུ་དོང་བ་ནི་བདག་གིས་རྙེད་པ་ལེགས་པར་རྙེད་པ་ཡིན་ཏེ། ལུས་རྣག་ཅན་ཡོངས་སུ་གཏང་བ་འདིས་སངས་རྒྱས་ཀྱི་སྐུ་རྡོ་རྗེའི་རང་བཞིན་བཟང་པོ་བདག་གིས་ཐོབ་པར་བྱའོ་སྙམ་དུ་སེམས་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་
Kha317b
གནས་ནས། འདི་ལྟར་སྙིང་རྗེ་ཆེན་པོའི་གོ་ཆ་གྱོན་པར་བྱེད་དེ། བདག་གིས་སེམས་ཅན་ཐམས་ཅད་འཁོར་བའི་རྒྱ་མཚོ་འཇིགས་པ་མི་བཟད་པ་ལས་བསྒྲལ་བར་བྱ། འཆི་བ་མེད་པའི་དབྱིངས་ལ་དགོད་པར་བྱའོ་སྙམ་ནས། ནམ་དུའང་ལུས་དང་སེམས་ཀྱི་བརྩོན་འགྲུས་མི་གཏོང་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། བསམ་གཏན་དང་པོ་ལ་སྙོམས་པར་འཇུག་པར་བྱེད། དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བསམ་གཏན་བཞི་པ་ལ་སྙོམས་པར་འཇུག་པར་བྱེད་ཅིང ། དེ་བཞིན་དུ་ནམ་མཁའ་མཐའ་ཡས་སྐྱེ་མཆེད་དང ། འགོག་པའི་སྙོམས་པར་འཇུག་པའི་བར་ལ་སྙོམས་པར་འཇུག་པར་བྱེད་མོད་ཀྱི། སྔོན་གྱི་སྨོན་ལམ་རྗེས་སུ་དྲན་པའི་ཕྱིར། རེ་ཞིག་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡང་མི་ལྟུང་ལ། ཡང་དག་པའི་མཐའ་ཡང་མངོན་སུམ་དུ་མི་བྱེད་ཀྱི། དེ་འདི་སྙམ་དུ་སེམས་ཏེ། ཀྱེ་འདི་ལ་བདག་གིས་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། སེམས་ཅན་ཐམས་ཅད་འཁོར་བའི་རྒྱ་མཚོ་འཇིགས་པ་མི་བཟད་པ་ལས་བསྒྲལ་བར་བྱ། འཆི་བ་མེད་པའི་དབྱིངས་ལའང་དགོད་པར་བྱའོ་
Kha318a
༄#། །སྙམ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཆོས་ཐམས་ཅད་ཆོས་ཐམས་ཅད་ཀྱི་དེ་བཞིན་ཉིད་ལས་མི་འདའ་བ་མ་གཏོགས་པར་ཆོས་དགེ་བའམ། མི་དགེ་བའམ། ལུང་དུ་བསྟན་པའམ། ལུང་དུ་མ་བསྟན་པའམ། ཟག་པ་དང་བཅས་པའམ། ཟག་པ་མེད་པའམ། འཇིག་རྟེན་པའམ། འཇིག་རྟེན་ལས་འདས་པའམ། འདུས་བྱས་སམ། འདུས་མ་བྱས་གང་ཡང་ཡང་དག་པར་རྗེས་སུ་མི་མཐོང ། དངོས་པོའི་གྲངས་སུ་ཆུད་པའམ། དངོས་པོ་མེད་པའི་གྲངས་སུ་ཆུད་པའི་ཆོས་གང་ཡང་ཡང་དག་པར་རྗེས་སུ་མི་མཐོང ། ཆོས་གང་ཡང་ཡོད་པའམ། མེད་པ་ཉིད་དུའང་ཡང་དག་པར་རྗེས་སུ་མི་མཐོང་ལ། ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཐབས་ལ་མཁས་པ་དེས་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡང་མི་ལྟུང་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་
Kha318b
ཁྲི་པ། བམ་པོ་ཉི་ཤུ་བདུན་པ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་པའི་དྲུང་དུ་སེམས་ཅན་ཐམས་ཅད་ལྷགས་ནས། སྡིག་པ་ཅན་གྱི་ཚིག་ཡང་དག་པ་མ་ཡིན་པ་དག་གིས་བརྒྱད་བཀག་སྟེ། ཡན་ལག་དང་ཉིང་ལག་རྣམས་བཅད་པར་གྱུར་ནའང་དེ་འདི་སྙམ་དུ་སེམས་ཏེ། ཀྱེ་མ་སེམས་ཅན་འདི་དག་ནི་སྡུག་བསྔལ་བར་གྱུར་པ། ནད་ཀྱིས་ཐེབས་པ ། མགོན་མེད་པ་དག་སྟེ། བདག་གིས་སེམས་ཅན་དེ་དག་ཐམས་ཅད་ལ་རྟག་ཏུ་སྦྱིན་པ་སྦྱིན་པ་ཁོ་ནར་བྱའོ་སྙམ་ནས། ཟས་འདོད་པ་རྣམས་ལ་ནི་ཟས་སྦྱིན་པར་བྱེད། སྐོམ་འདོད་པ་རྣམས་ལ་ནི་སྐོམ་སྦྱིན་པར་བྱེད་པ་ནས། དེ་བཞིན་དུ་སྦྱར་ཏེ། མིའི་ཡོ་བྱད་འདོད་པ་རྣམས་ལ་ནི་མིའི་ཡོ་བྱད་གང་ཡང་རུང་བའི་བར་དག་སྦྱིན་པར་བྱེད་ཅིང ། དགེ་བའི་རྩ་བ་དེ་དག་ཐམས་ཅད་ཡོངས་སུ་བསྡོམས་ནས་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། མི་དམིགས་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་སྟེ། དེའང་ཇི་
Kha319a
༄#། །ལྟར་ཡོངས་སུ་བསྔོ་ཞེ་ན། འདི་ལ་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བར་བྱེད་པའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་སྲོག་གི་ཕྱིར་ཡང་སེམས་ཅན་འགའ་ཡང་སྲོག་དང་འབྲལ་བར་མི་བྱེད་དོ། །དེ་བཞིན་དུ་སྦྱར་ཏེ།་ལོག་པར་ལྟ་བའི་བར་དུ་མི་འགྱུར་རོ། །ནམ་དུའང་ཉན་ཐོས་ཀྱི་སའམ། རང་སངས་རྒྱས་ཀྱི་ས་ལ་དེའི་སེམས་མི་འཇུག་གོ། དགེ་བའི་རྩ་བ་དེའང་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་
Kha319b
བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས།་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། འདི་ལྟར་བདག་རེ་ཞིག་དཔག་ཚད་དམ། དཔག་ཚད་བརྒྱའམ། དཔག་ཚད་སྟོང་དུ་སོང་ངམ། དེ་བཞིན་དུ་འཇིག་རྟེན་གྱི་ཁམས་གཅིག་ཏུའང་སོང་བ་ནས། འཇིག་རྟེན་གྱི་ཁམས་འབུམ་དུའང་སོང་ནས། ཐ་ན་སེམས་ཅན་འགའ་ཙམ་ཡང་བསླབ་པའི་གཞི་བརྒྱད་པོ་དག་ལ་གཞག་པར་བྱའོ། །དེ་བཞིན་དུ་རིགས་ཀྱི་སའི་ཆོས་དང ། བརྒྱད་པའི་ཆོས་དང ། རྒྱུན་དུ་ཞུགས་པའི་འབྲས་བུ་དང ། དགྲ་བཅོམ་པ་ཉིད་ཀྱི་བར་དང ། རང་སངས་རྒྱས་ཉིད་ཀྱི་བར་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ལ་བཀོད་ནས། དགེ་བའི་རྩ་བ་དེ་ཐམས་ཅད་ཡོངས་སུ་བསྔོམས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་
Kha320a
༄#། །བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། འདོད་པ་དག་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་དང ། དེ་བཞིན་དུ་སྦྱར་ཏེ། བསམ་གཏན་བཞི་པའི་བར་དུ་བསྒྲུབས་ཏེ་གནས་པ་དང ། དེ་བཞིན་དུ་ནམ་མཁའ་མཐའ་ཡས་སྐྱེ་མཆེད་ཀྱི་བར་དང ། ཚོར་བ་དང་འདུ་ཤེས་འགོག་པའི་བར་ལ་སྙོམས་པར་འཇུག་ཅིང ། སེམས་དང་སེམས་ལས་བྱུང་བའི་ཆོས་དགེ་བའི་རྩ་བ་བྱུང་ངོ་ཅོག་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་
Kha320b
དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ནས། གང་གི་ཚེ་ཆོས་རྣམས་ལ། འདི་ལྟ་སྟེ། དབེན་པའི་རྣམ་པའམ། ཞི་བའི་རྣམ་པའམ། ཟད་པའི་རྣམ་པའམ། འགོག་པའི་རྣམ་པར་རྗེས་སུ་ལྟ་ཞིང་གནས་ལ་བྱང་ཆུབ་ཀྱི་སྙིང་པོ་ལ་འདུག་སྟེ། རྣམ་པ་ཐམས་ཅད་མཁྱེན་པ་ཉིད་རྗེས་སུ་མ་ཐོབ་ཀྱི་བར་དུ་ཆོས་ཐམས་ཅད་ཞི་བར་མངོན་སུམ་དུ་མི་བྱེད་དོ། །དེ་ནས་བྱང་ཆུབ་ཀྱི་སྙིང་པོ་ལ་འདུག་པ་ལས་ལངས་ནས། སེམས་ཅན་ཐམས་ཅད་ལ་ཕན་པ་དང ། སེམས་ཅན་ཐམས་ཅད་ལ་བདེ་བའི་ཕྱིར་ཆོས་ཀྱི་འཁོར་ལོ་སྐོར་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་
Kha321a
༄#། །པ་ལ་གནས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། དེ་འདི་སྙམ་དུ་སེམས་ཏེ། བདག་གིས་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚད་རྒྱ་བར་བྱའོ་སྙམ་ནས་ནམ་དུའང་དགེ་བའི་ཆོས་བཙལ་བའི་བརྩོན་འགྲུས་མི་འདོར་ཞིང ། རྣམ་པ་ཐམས་ཅད་མཁྱེན་པའི་ཡེ་ཤེས་ལ་བརྩོན་པ་མི་གཏོང་སྟེ། དེ་སེམས་ཅན་རྣམས་ཀྱི་ཆེད་དུ་དཔག་ཚད་བརྒྱའམ། དཔག་ཚད་སྟོང་ངམ། དཔག་ཚད་འབུམ་མམ། དཔག་ཚད་བྱེ་བ་ཕྲག་འབུམ་དུ་སོང ། དེ་བཞིན་དུ་འཇིག་རྟེན་གྱི་ཁམས་གཅིག་ཏུའང་སོང ། །འཇིག་རྟེན་གྱི་ཁམས་བྱེ་བ་ཁྲག་ཁྲིག་འབུམ་དུའང་སོང་ནས། སེམས་ཅན་གཅིག་ཙམ་ཡང་ཐེག་པ་གསུམ་པོ་ལས་ཐེག་པ་གང་ཡང་རུང་བ་ལ་འཇོག་པར་བྱེད་དོ། །དགེ་བའི་རྩ་བ་དེའང་ཐམས་ཅད་བསྡོམས་ཏེ། སེམས་ཅན་ཐམས་ཅད་དང་
Kha321b
ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་སེམས་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས།་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་བདག་ཀྱང་སྲོག་གཅོད་པ་སྤོང་བར་བྱེད་ལ། གཞན་དག་ཀྱང་སྲོག་གཅོད་པ་སྤོང་བ་ཡང་དག་པར་འཛིན་དུ་འཇུག་ཅིང ། སྲོག་གཅོད་པ་སྤོང་བའི་བསྔགས་པའང་བརྗོད་པར་བྱེད་ལ། གཞན་གང་དག་སྲོག་གཅོད་པ་སྤོང་བ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱེད་དོ། །དེ་བཞིན་དུ་སྦྱར་ཏེ། བདག་ཀྱང་ལོག་པར་ལྟ་བའི་བར་དུ་སྤོང་བར་བྱེད་ལ། གཞན་དག་ཀྱང་ལོག་པར་ལྟ་བ་སྤོང་བ་ཡང་དག་
Kha322a
༄#། །པར་འཛིན་དུ་འཇུག་ཅིང ། ལོག་པར་ལྟ་བ་སྤོང་བའི་བསྔགས་པའང་བརྗོད་པར་བྱེད་ལ། གཞན་གང་དག་ལོག་པར་ལྟ་བ་སྤོང་བ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱེད་དོ། །དེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དེས་འདོད་པའི་ཁམས་དོན་དུ་མི་གཉེར། གཟུགས་ཀྱི་ཁམས་དང ། གཟུགས་མེད་པའི་ཁམས་དོན་དུ་མི་གཉེར། ཉན་ཐོས་ཀྱི་ས་དོན་དུ་མི་གཉེར། རང་སངས་རྒྱས་ཀྱི་ས་དོན་དུ་མི་གཉེར་གྱི། དགེ་བའི་རྩ་བ་དེ་དག་ཐམས་ཅད་བསྡོམས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་གལ་ཏེ་བྱང་ཆུབ་
Kha322b
སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་པ། སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་མིའམ་མི་མ་ཡིན་པ་དག་ལྷགས་ནས། ཡན་ལག་དང་ཉིད་ལག་ཐམས་ཅད་བཅད་དེ། ཕྱོགས་དང་ཕྱོགས་མཚམས་རྣམས་སུ་དེང་ནའང ། དེ་འདི་སྙམ་དུ་བདག་གིས་ཡན་ལག་དང་ཉིད་ལག་རྣམས་གཅོད་པར་བྱེད་པའམ། འབིགས་པར་བྱེད་བ་སུ་ཞིག་ཡིན་སྙམ་དུ་མི་སེམས་ཀྱི། འདི་སྙམ་དུ་འདི་ལྟར་བདག་གིས་དེ་དག་གི་ཆེད་དུ་ལུས་འདི་བཟུང་བ་ཡིན་ན་བདག་གི་དྲུང་དུ་ལྷགས་ཏེ། ཡན་ལག་དང་ཉིང་ལག་ཐམས་ཅད་བཅད་ནས་འདོང་པར་བྱེད་པ་ནི་བདག་གིས་རྙེད་པ་ལེགས་པར་རྙེད་དོ་སྙམ་དུ་འབའ་ཞིག་སེམས་སོ། །དེ་ཅིའི་ཕྱིར་ཞེ་ན། འདི་ལྟར་དེས་ཆོས་ཀྱི་ཚུལ་གྱི་རང་བཞིན་ལེགས་པར་ཡིད་ལ་བྱས་པའི་ཕྱིར་ཏེ། དགེ་བའི་རྩ་བ་དེ་དག་ཀྱང་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་བསྔོ་བར་མི་བྱེད་ཀྱི། དགེ་བའི་རྩ་བ་དེ་དག་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འབའ་ཞིག་ཏུ་ཡོངས་སུ་བསྔོ་བར་བྱད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་
Kha323a
༄#། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་དང ། དེ་བཞིན་དུ་བསམ་གཏན་བཞི་པའི་བར་དུ་བསྒྲུབས་ཏེ་གནས་པ་དང ། ཚད་མེད་པ་བཞིའི་བར་དང ། འདུ་ཤེས་དང་ཚོར་བ་འགོག་པའི་སྙོམས་པར་འཇུག་པའི་བར་དུ་བསྒྲུབས་ཏེ་གནས་མོད་ཀྱི། དེ་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་དེ་དག་གི་རྣམ་པར་སྨོན་པར་ཡང་མི་འཛིན་ཏེ། གཞན་དུ་ན་གང་དུ་སེམས་ཅན་རྣམས་འདུལ་བར་འགྱུར་བ་དེར་སེམས་ཅན་དེ་དག་གི་དོན་དུ་སྐྱེས་ཏེ། དེས་སེམས་ཅན་དེ་དག་བསྡུ་བའི་དངོས་པོ་བཞིས་བསྡུས་ནས་ཕ་རོལ་ཏུ་ཕྱིན་པ་དྲུག་ལ་འགོད་པར་བྱེད་
Kha323b
དོ། །སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བྱ་པ་དང ། དགེ་བའི་རྩ་བ་དག་བསྐྱེད་པའི་ཕྱིར་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་བྱེད་ལ། དགེ་བའི་རྩ་བ་བསམ་གཏན་དག་ལས་བརྟེན་ཏེ་བྱུང་བ་དང ། སངས་རྒྱས་ལ་བསྐྱེད་པའི་བར་དེ་དག་ཐམས་ཅད་བསྡོམས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། སྦྱིན་པའི་ཕ་རོལ་ཏུ་ཕྱིན་པ་མིང་དུ་ཡང་དག་པར་རྗེས་སུ་མི་མཐོང ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པའི་དངོས་པོ་དང ། མཚན་མར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་
Kha324a
༄#། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་མིང་དུ་ཡང་དག་པར་རྗེས་སུ་མི་མཐོང ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་དངོས་པོ་དང ། མཚན་མར་ཡང་དག་པར་རྗེས་སུ་མི་མཐོང་ངོ། །དེ་བཞིན་དུ་དྲན་པ་ཉེ་བར་བཞག་པ་རྣམས་དང ། འཕགས་པའི་ལམ་ཡན་ལག་བརྒྱད་པའི་བར་དུ་མིང་དུ་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་དངོས་པོ་དང་མཚན་མར་ཡང་དག་པར་རྗེས་སུ་མི་མཐོང་ངོ ། །དེ་ལྟར་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མིང་དུ་ཡང་དག་པར་རྗེས་སུ་མི་མཐོང ། དངོས་པོ་དང ། མཚན་མར་ཡང་དག་པར་རྗེས་སུ་མི་མཐོང་ངོ ། །དེ་བཞིན་དུ་ཆོས་ཐམས་ཅད་ཀྱང་མིང་དུ་ཡང་དག་པར་རྗེས་སུ་མི་མཐོང་ངོ ། །ཆོས་ཐམས་ཅད་དངོས་པོ་དང ། མཚན་མར་ཡང་དག་པར་རྗེས་སུ་མི་མཐོང་ཞིང ། ཆོས་གང་ལའང་གནས་པར་མི་བྱེད་དེ། ཇི་ལྟར་སྨྲས་པ་དེ་བཞིན་བྱེད་པ་ཡིན་ནོ། །དེས་དགེ་བའི་རྩ་བ་དེ་ཐམས་ཅད་ཡོངས་སུ་བསྡོམས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་དེ་ལ་སུ་ཞིག་ཡོངས་སུ་བསྔོ་བར་བྱེད་པའམ།
Kha324b
གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འབྱུང་བ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་དང ། དེ་བཞིན་དུ་བདེ་བའང་སྤངས། སྡུག་བསྔལ་ཡང་སྤངས་ཤིང་ཡིད་བདེ་བ་དང ། ཡིད་མི་བདེ་བའང་སྔ་ནས་ནུབ་པས། སྡུག་བསྔལ་ཡང་མ་ཡིན། བདེ་བའང་མ་ཡིན་པ་བཏང་སྙོམས་དང་དྲན་པ་ཡོངས་སུ་དག་པ་བསམ་གཏན་བཞི་པའི་བར་དུ་བསྒྲུབས་ཏེ་གནས་པ་དང ། དེ་བཞིན་དུ་ཚད་མེད་པ་བཞི་དང ། ཚོར་བ་དང ། འདུ་ཤེས་འགོག་པའི་སྙོམས་པར་འཇུག་པའི་བར་དུ་བསྒྲུབས་ཏེ་གནས་སོ། །དེ་བསམ་གཏན་གྱི་ཕ་
Kha325a
༄#། །རོལ་ཏུ་ཕྱིན་པ་འདི་ལ་གནས་ནས། རྣམ་པར་མ་གཡེངས་པའི་སེམས་ཀྱིས་སེམས་ཅན་རྣམས་ལ་ཆོས་སྟོན་པར་བྱེད་དོ། །དེ་ཆོས་ཀྱི་སྦྱིན་པ་དང ། ཟང་ཟིང་གི་སྦྱིན་པ་དེའང་སྦྱིན་པར་བྱེད་དེ། དེ་བདག་ཀྱང་རྟག་ཏུ་ཆོས་ཀྱི་སྦྱིན་པ་དང ། ཟང་ཟིང་གི་སྦྱིན་པ་སྦྱིན་པར་བྱེད་ལ། གཞན་དག་ཀྱང་ཆོས་ཀྱི་སྦྱིན་པ་དང ། ཟང་ཟིང་གི་སྦྱིན་པ་ཡང་དག་པར་འཛིན་དུ་འཇུག་ཅིང ། རྟག་ཏུ་ཆོས་ཀྱི་སྦྱིན་པ་དང ། ཟང་ཟིང་གི་སྦྱིན་པའི་བསྔགས་པ་བརྗོད་ལ། གཞན་གང་དག་ཆོས་ཀྱི་སྦྱིན་པ་དང ། ཟང་ཟིང་གི་སྦྱིན་པ་སྦྱིན་པར་བྱེད་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱེད་ལ། དགེ་བའི་རྩ་བ་དེ་དག་ཀྱང་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་བསྔོ་བར་མི་བྱེད་ཀྱི། དགེ་བའི་རྩ་བ་དེ་དག་ཐམས་ཅད་ཡོངས་སུ་བསྡོམས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འབའ་ཞིག་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་
Kha325b
པ།་བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་པ་ནི་ནམ་དུའང་འདོད་ཆགས་དང་ལྡན་པའི་སེམས་མི་བསྐྱེད། ཞེ་སྡང་དང་ལྡན་པའི་སེམས་མི་བསྐྱེད། གཏི་མུག་དང་ལྡན་པའི་སེམས་མི་བསྐྱེད། རྣམ་པར་འཚེ་བ་དང་ལྡན་པ་དང ། སེར་སྣ་དང་ལྡན་པ་དང ། འཆལ་བའི་ཚུལ་ཁྲིམས་དང་ལྡན་པའི་སེམས་མི་བསྐྱེད་ཀྱི། གཞན་དུ་ན་རྒྱུན་ཁོ་ནར་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་དང་ལྷན་ཅིག་གནས་ལ་དགེ་བའི་རྩ་བ་དེ་དག་ཀྱང་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་བསྔོ་བར་མི་བྱེད་པར་དགེ་བའི་རྩ་བ་དེ་དག་ཐམས་ཅད་ཡོངས་སུ་བསྡོམས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་
Kha326a
༄#། །ལ་གནས་ནས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། གཟུགས་ལ་དབུ་བ་རྡོས་པ་ལྟ་བུར་སོ་སོར་རྟོག་པར་བྱེད་དོ། །དེ་བཞིན་དུ་ཚོར་བ་ལ་ཆུ་བུར་ལྟ་བུ་དང ། འདུ་ཤེས་ལ་སྨིག་རྒྱུ་ལྟ་བུ་དང ། འདུ་བྱེད་རྣམས་ལ་ཆུ་ཤིང་ལྟ་བུ་དང ། རྣམ་པར་ཤེས་པ་ལ་སྒྱུ་མ་ལྟ་བུར་སོ་སོར་རྟོག་པར་བྱེད་དོ། །དེ་དེ་ལྟར་སོ་སོར་རྟོག་པ་ན་འདུ་བྱེད་ཐམས་ཅད་སྟོང་པ་ལ་འདི་ལ་གནོད་པར་བྱ་པའམ། བཅད་པར་བྱ་བའམ། དབུག་པར་བྱ་བ་ནི་གང་ཡིན། སུ་ཞིག་འབིགས་པར་བྱེད་པའམ། གཅོད་པར་བྱེད་དེ། གཟུགས་ནི་སུའི་ཡིན། ཚོར་བ་ནི་སུའི་ཡིན། འདུ་ཤེས་ནི་སུའི་ཡིན། འདུ་བྱེད་རྣམས་ནི་སུའི་ཡིན། རྣམ་པར་ཤེས་པ་ནི་སུའི་ཡིན། གང་ལ་བརྒྱད་བཀག་པའམ། སྤྱོས་པ་བྱས་པས་གནོད་སེམས་བསྐྱེད་པར་བྱེད་པ་འདི་ལ་བརྒྱད་བཀག་པའམ། སྤྱོས་པའམ། གནོད་སེམས་བསྐྱེད་པར་བྱེད་པ་སུ་ཞིག་ཡིན་སྙམ་དུ་རྟག་ཏུ་ཕུང་པོ་ལྔ་པོ་དག་
Kha326b
ལ་སྙིང་པོ་མེད་པའི་འདུ་ཤེས་ཉེ་བར་གནས་ཏེ། དགེ་བའི་རྩ་བ་དེའང་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་བསྔོ་བར་མི་བྱེད་ཀྱི། གཞན་དུ་ན་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་ཐམས་ཅད་ཀྱི་མཚན་མར་བཟུང་ནས། རྫུ་འཕྲུལ་གྱི་རྣམ་པ་དུ་མ་ཉམས་སུ་མྱོང་བར་བྱེད་པ་དག་རྒྱ་ཆེར་སྦྱར་བར་བྱའོ། །ལྷའི་རྣ་བ་མིའི་ལས་འདས་པས། འདི་ལྟ་སྟེ། ལྷའི་དང་མིའི་སྒྲ་རྣམ་པ་དུ་མའི་བར་དག་ཐོས་སོ། །དེ་བཞིན་དུ་སེམས་ཅན་གཞན་དག་དང །
Kha327a
༄#། །གང་ཟག་གཞན་རྣམས་ཀྱི་སེམས་སེམས་ཀྱིས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། བླ་ན་མེད་པའི་སེམས་ཞེས་བྱ་བའི་བར་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་བཞིན་དུ་སྔོན་གྱི་གནས་རྣམ་པ་དུ་མ་རྗེས་སུ་དྲན་པ་དག་རྒྱ་ཆེར་སྦྱར་བར་བྱའོ། །དེ་བཞིན་དུ་ལྷའི་མིག་རྣམ་པར་དག་པ་མིའི་ལས་འདས་པས་ལས་ཇི་ལྟ་བ་བཞིན་དུ་ཉེ་བར་འགྲོ་བའི་བར་དག་མཐོང་ངོ ། །དེ་མངོན་པར་ཤེས་པ་ལྔ་པོ་དེ་དག་ལ་གནས་ནས། སངས་རྒྱས་བཅོམ་ལྡན་འདས་རྣམས་ལ་བལྟ་བ་དང ། བསྙེན་བཀུར་བྱ་བ་དང ། དགེ་བའི་རྩ་བ་དག་བསྐྱེད་པ་དང ། སེམས་ཅན་རྣམས་ཀྱང་ཡོངས་སུ་སྨིན་པར་བྱ་བའི་ཕྱིར། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ཞིང ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་ལ། དགེ་བའི་རྩ་བ་དེ་དག་ཀྱང་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འབའ་ཞིག་ཏུ་ཡོངས་སུ་བསྔོ་བར་བྱེད་དེ། ཅི་ནས་ཀྱང་སུ་ཞིག་ཡོངས་སུ་བསྔོ་བར་བྱེད་པའམ། གང་དུ་ཡོངས་སུ་བསྔོ་བའི་བློ་རྣམ་པ་གཉིས་སུའང་མི་འཇུག་པ་དེ་ལྟར་ཡོངས་སུ་བསྔོ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། བརྩོན་འགྲུས་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །
Kha327b
གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། གཟུགས་མི་དམིགས་སོ། །དེ་བཞིན་དུ་དྲན་པ་ཉེ་བར་བཞག་པ་རྣམས་ཀྱི་བར་དུ་མི་དམིགས་སོ། །དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དུ་མི་དམིགས་སོ། །རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་དམིགས་སོ། །འདུས་བྱས་ཀྱི་ཁམས་མི་དམིགས་སོ། །འདུས་མ་བྱས་ཀྱི་ཁམས་མི་དམིགས་སོ། །དེ་ལྟར་ཆོས་ཐམས་ཅད་ལ་མངོན་པར་འདུ་མི་བྱེད་ན། ཆོས་གང་ལའང་མངོན་པར་འདུ་མི་བྱེད་དོ། །མངོན་པར་འདུ་མི་བྱེད་ན། ཆོས་གང་ཡང་ལེན་པར་མི་བྱེད། མི་ལེན་པར་ཡང་མི་བྱེད་དོ། །སྐྱེ་བར་ཡང་མི་བྱེད། འགག་པར་ཡང་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དེ་བཞིན་གཤེགས་པ་རྣམས་བྱུང་ཡང་རུང ། མ་བྱུང་ཡང་རུང་ཆོས་རྣམས་ཀྱི་ཆོས་གནས་པ་ཉིད་དང ། ཆོས་ཀྱི་དབྱིངས་ནི་གནས་པ་ཉིད་ཡིན་པས་དེ་ལ་ནི་སྐྱེ་བའང་མེད།་འགག་པའང་མེད་ལ། དེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་རྣམ་པར་མ་གཡེངས་པས་རྟག་ཏུ་བསྒྲུབས་
Kha328a
༄#། །ནས་གནས་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ནང་སྟོང་པ་ཉིད་ལ་ནང་སྟོང་པ་ཉིད་མི་དམིགས་སོ། །ཕྱི་སྟོང་པ་ཉིད་ལ་ཕྱི་སྟོང་པ་ཉིད་མི་དམིགས་སོ། །ཕྱི་ནང་སྟོང་པ་ཉིད་ལ་ཕྱི་ནང་སྟོང་པ་ཉིད་མི་དམིགས་སོ། །སྟོང་པ་ཉིད་སྟོང་པ་ཉིད་ལ་སྟོང་པ་ཉིད་སྟོང་པ་ཉིད་མི་དམིགས་སོ། །ཆེན་པོ་སྟོང་པ་ཉིད་ལ་ཆེན་པོ་སྟོང་པ་ཉིད་མི་དམིགས་སོ། །དོན་དམ་པ་སྟོང་པ་ཉིད་ལ་དོན་དམ་པ་སྟོང་པ་ཉིད་མི་དམིགས་སོ། །འདུས་བྱས་སྟོང་པ་ཉིད་ལ་འདུས་བྱས་སྟོང་པ་ཉིད་མི་དམིགས་སོ། །འདུས་མ་བྱས་སྟོང་པ་ཉིད་ལ་འདུས་མ་བྱས་སྟོང་པ་ཉིད་མི་དམིགས་སོ། །མཐའ་ལས་འདས་པ་སྟོང་པ་ཉིད་ལ་མཐའ་ལས་འདས་པ་སྟོང་པ་ཉིད་མི་དམིགས་སོ། །ཐོག་མ་དང་ཐ་མ་མེད་
Kha328b
པ་སྟོང་པ་ཉིད་ལ་ཐོག་མ་དང་ཐ་མ་མེད་པ་སྟོང་པ་ཉིད་མི་དམིགས་སོ། །དོར་བ་མེད་པ་སྟོང་པ་ཉིད་ལ་དོར་བ་མེད་པ་སྟོང་པ་ཉིད་མི་དམིགས་སོ། །རང་བཞིན་སྟོང་པ་ཉིད་ལ་རང་བཞིན་སྟོང་པ་ཉིད་མི་དམིགས་སོ། །ཆོས་ཐམས་ཅད་སྟོང་པ་ཉིད་ལ་ཆོས་ཐམས་ཅད་སྟོང་པ་ཉིད་མི་དམིགས་སོ། །རང་གི་མཚན་ཉིད་སྟོང་པ་ཉིད་ལ་རང་གི་མཚན་ཉིད་སྟོང་པ་ཉིད་མི་དམིགས་སོ། །མི་དམིགས་པ་སྟོང་པ་ཉིད་ལ་མི་དམིགས་པ་སྟོང་པ་ཉིད་མི་དམིགས་སོ། །དེ་བཞིན་དུ་དངོས་པོ་མེད་པ་སྟོང་པ་ཉིད་ལ་དངོས་པོ་མེད་པ་སྟོང་པ་ཉིད་མི་དམིགས་སོ། །ངོ་བོ་ཉིད་སྟོང་པ་ཉིད་ལ་ངོ་བོ་ཉིད་སྟོང་པ་ཉིད་མི་དམིགས་སོ། །དངོས་པོ་མེད་པའི་ངོ་བོ་ཉིད་སྟོང་པ་ཉིད་ལ་དངོས་པོ་མེད་པའི་ངོ་བོ་ཉིད་སྟོང་པ་ཉིད་མི་དམིགས་ཏེ། སྟོང་པ་ཉིད་དེ་དག་ལ་གནས་ནས། གཟུགས་སྟོང་ཞེས་བྱ་བའམ་མི་སྟོང་ཞེས་བྱ་བར་མི་དམིགས་སོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་ཞེས་བྱ་བའམ། མི་སྟོང་ཞེས་བྱ་བར་མི་དམིགས་སོ། །དེ་བཞིན་དུ་དྲན་པ་ཉེ་བར་བཞག་པ་རྣམས་སྟོང་ཞེས་བྱ་བའམ། མི་སྟོང་ཞེས་བྱ་བར་མ་དམིགས་སོ། །དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དུ་སྟོང་ཞེས་བྱ་བའམ། མི་སྟོང་ཞེས་བྱ་བར་མི་དམིགས་སོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྟོང་ཞེས་བྱ་བའམ། མི་སྟོང་ཞེས་བྱ་བར་མི་དམིགས་སོ། །འདུས་བྱས་ཀྱི་ཁམས་
Kha329a
༄#། །སྟོང་ཞེས་བྱ་བའམ། མི་སྟོང་ཞེས་བྱ་བར་མི་དམིགས་སོ། །འདུས་མ་བྱས་ཀྱི་ཁམས་སྟོང་ཞེས་བྱ་བའམ། མི་སྟོང་ཞེས་བྱ་བར་མི་དམིགས་སོ། །དེ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སྤྱོད་པ་ནི་འདོད་པ་རྣམས་ལ་སྦྱིན་པ་གང་དང་གང་སྦྱིན་ཡང་རུང ། ཟས་སམ། སྐོམ་མམ། མིའི་ཡོ་བྱད་གང་ཡང་རུང་བའི་བར་དག་སྦྱིན་པར་བྱེད་ཅིང ། དེའི་སྦྱིན་པ་དེའང་སྟོང་ཞེས་བྱ་བའམ། མི་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ཞིང ། སུ་ཞིག་སྦྱིན་པར་བྱེད་པའམ། གང་ལ་སྦྱིན་པར་བྱ་བའམ་གང་སྦྱིན་པར་བྱ་པ་དེའང་ཡང་དག་པར་རྗེས་སུ་མི་མཐོང་ལ། དེ་ཐམས་ཅད་སྟོང་པ་ཉིད་དུ་ཡང་དག་པར་རྗེས་སུ་མི་མཐོང་ངོ ། །གནས་པ་འདིས་གནས་པ་དེ་ལ་ནི་རྟག་ཏུ་སེར་སྣའི་སེམས་དག་གམ། ཀུན་ཏུ་འཛིན་པའི་སེམས་ཀྱི་གོ་སྐབས་མེད་དོ། །དེ་ཅིའི་ཕྱིར་ཞེ་ན། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ལ་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་རྣམ་པར་རྟོག་པ་དེ་དག་ཐམས་ཅད་མི་འབྱུང་བའི་ཕྱིར་རོ། །ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ནམ་དུའང་སེར་སྣའི་སེམས་སམ། ཀུན་ཏུ་འཛིན་པའི་སེམས་མི་འབྱུང་བ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ལའང་དེ་བཞིན་ནོ། །རབ་
Kha329b
འབྱོར། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སྟོན་པ་ཡིན་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཉན་ཐོས་དང ། རང་སངས་རྒྱས་ཐམས་ཅད་ཀྱི་སེམས་ཀྱི་གོ་སྐབས་ཀྱང་མི་འབྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཉན་ཐོས་དང ། རང་སངས་རྒྱས་ཀྱི་ས་དེ་དག་མི་དམིགས་ལ། དེས་ལུས་དང ། ངག་དང ། སེམས་ཀྱི་ཚུལ་ཁྲིམས་ཉན་ཐོས་ཀྱི་སའམ། རང་སངས་རྒྱས་ཀྱི་སར་ཡོངས་སུ་བསྔོ་བའི་སེམས་གང་ཡིན་པ་དེའང་མི་དམིགས་པའི་ཕྱིར་རོ། །དེ་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་སྲོག་གཅོད་པ་སྤངས་ནས། སྲོག་གཅོད་པ་ལས་ཕྱིར་ལྡོག་པ་ཡིན། སྲོག་གཅོད་པ་སྤོང་བའི་བསྔགས་པའང་བརྗོད་ཅིང ། གཞན་དག་དང་སྲོག་གཅོད་པ་སྤོང་བ་ཡང་དག་པར་འཛིན་དུ་འཇུག་ལ། གཞན་གང་དག་སྲོག་གཅོད་པ་སྤོང་བ་དེ་དག་གི་བསྔགས་
Kha330a
༄#། །པའང་བརྗོད་ཅིང་རྗེས་སུ་དགའ་བར་བྱེད་དོ། །དེ་བཞིན་དུ་སྦྱར་ཏེ། བདག་ཀྱང་ལོག་པར་ལྟ་བའི་བར་དུ་སྤེང་བར་བྱེད་ཅིང ། ལོག་པར་ལྟ་བ་སྤོང་བའི་བསྔགས་པའང་བརྗོད་ལ། གཞན་དག་ཀྱང་ལོག་པར་ལྟ་བ་སྤོང་བ་ཡང་དག་པར་འཛིན་དུ་འཇུག་ལ། གཞན་གང་དག་ལོག་པར་ལྟ་བ་སྤོང་བ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱེད་དོ། །དེ་ཚུལ་ཁྲིམས་དེས་ཀྱང ། འདི་ལྟ་སྟེ། འདོད་པ་ན་སྤྱོད་པའམ། གཟུགས་དང ། གཟུགས་མེད་པ་ན་སྤྱོད་པའམ། ཉན་ཐོས་ཀྱི་ཆོས་སམ། རང་སངས་རྒྱས་ཀྱི་ཆོས་གང་ལའང་དོན་དུ་གཉེར་བ་མེད་ཀྱི། གཞན་དུ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་ཁོ་ན་དོན་དུ་གཉེར་ཞིང་གནས་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། རྗེས་སུ་མཐུན་པའི་བཟོད་པ་སྐྱེས་ཏེ། བཟོད་པ་དེ་ཐོབ་ན་དེ་འདི་སྙམ་དུ་
Kha330b
སེམས་ཏེ། ཀྱེ་འདི་ལ་སྐྱེ་བའམ། འགག་པའམ། སྐྱེ་བའམ། རྒ་བའམ། འཆི་བའམ། སྐྱེ་བའམ། སྤྱོ་བའམ། བརྒྱད་བཀག་པའམ། བཅད་པའམ། དབུག་པའམ། གནོད་པའམ། བསད་པའམ། བཅིང་བར་བྱ་བ་གང་ཡང་མེད་དོ་སྙམ་མོ། །དེ་ལྟ་བུའི་བཟོད་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་གན་དུ་གལ་ཏེ་སེམས་ཅན་ཐམས་ཅད་ལྷགས་ནས། སྤྱོས་སམ།་བརྒྱད་བཀག་པའམ། བོང་བའམ། དབྱིག་པའམ། མཚོན་གྱིས་བསྣུན་ཏམ། ཡན་ལག་དང་ཉིང་ལག་ཐམས་ཅད་བཅད་ནའང་དེའི་སེམས་གཞན་དུ་མི་འགྱུར་གྱི། དེ་འདི་སྙམ་དུ་སེམས་ཏེ། འདི་ནི་ཆོས་རྣམས་ཀྱི་ཆོས་ཉིད་ཡིན་ཏེ། ཀྱེ་འདི་ལ་ཆོས་གང་ཡང་ཆོས་གང་ལའང་སྤྱོ་བའམ། བརྒྱད་བཀག་པའམ། བཅད་པའམ། དབུག་པའམ། གནོད་པའམ། བསད་པའམ། བཅིང་བར་བྱ་བ་མེད་དོ་སྙམ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། བཟོད་པའི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་
Kha331a
༄#། །ཀྱི་ཕ་རོལ་ཏུ་ཕྱིན་པ་ལ་གནས་ནས། བརྩོན་པ་མི་གཏོང་བར་སེམས་ཅན་རྣམས་ལ་ཆོས་སྟོན་ཏེ། ཅི་ནས་ཀྱང་སེམས་ཅན་དེ་དག་སྦྱིན་པའི་ཕ་རོལ་ཏུ་ཕྱིན་པ་ལ་འགོད་པར་བྱེད་པ་ནས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་འགོད་པར་བྱེད་པ་དེ་ལྟ་དེ་ལྟར་ཆོས་སྟོན་པར་བྱེད་ལ། ཅི་ནས་ཀྱང་འདུས་བྱས་ཀྱི་ཁམས་ལའང་མི་འགོད། འདུས་མ་བྱས་ཀྱི་ཁམས་ལའང་མི་འགོད་པ་དེ་ལྟ་དེ་ལྟར་འགོད་པར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། དེ་བཞིན་གཤེགས་པའི་ཏིང་ངེ་འཛིན་མ་གཏོགས་པར་དེ་ལས་གཞན་པའི་ཏིང་ངེ་འཛིན་ཉན་ཐོས་ཀྱི་ཏིང་ངེ་འཛིན་རྣམས་སམ། རང་སངས་རྒྱས་ཀྱི་ཏིང་ངེ་འཛིན་རྣམས་སམ། བྱང་ཆུབ་སེམས་དཔའི་ཏིང་ངེ་འཛིན་གང་དག་ཡིན་པ་དེ་དག་ཐམས་ཅད་ལ་སྙོམས་པར་འཇུག་པར་བྱེད་དོ། །དེ་བྱང་ཆུབ་སེམས་དཔའི་
Kha331b
ཏིང་ངེ་འཛིན་དེ་ལ་གནས་ནས། རྣམ་པར་ཐར་པ་བརྒྱད་པོ་དག་ལ་ལུགས་དང་མཐུན་པ་དང ། ལུགས་དང་མི་མཐུན་པར་སྙོམས་པར་འཇུག་ཅིང་ལྡང་ངོ ། །བརྒྱད་གང་ཞེ་ན། འདི་ལྟ་སྟེ། གཟུགས་ཅན་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་དང་པོའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་གཉིས་པའོ། །སྡུག་པར་མོས་པ་འདི་ནི་རྣམ་པར་ཐར་པ་གསུམ་པའོ། །དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་པར་གྱུར་ཅིང ། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས། ནམ་མཁའ་མཐའ་ཡས་སོ་སྙམ་ནས། ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བཞི་པའོ། །རྣམ་པ་ཐམས་ཅད་དུ་ནམ་མཁའ་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། རྣམ་པར་ཤེས་པ་མཐའ་ཡས་སོ་སྙམ་ནས། རྣམ་ཤེས་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་ལྔ་པའོ། །རྣམ་པ་ཐམས་ཅད་དུ་རྣམ་ཤེས་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། ཅིའང་མེད་དོ་སྙམ་ནས། ཅིའང་མེད་པའི་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་དྲུག་པའོ། །རྣམ་པ་ཐམས་ཅད་དུ་ཅིའང་མེད་པའི་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བདུན་པའོ། །རྣམ་པ་ཐམས་ཅད་དུ་འདུ་
Kha332a
༄#། །ཤེས་མད་འདུ་ཤེས་མེད་མིན་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་དང་ཚོར་བ་འགོག་པ་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བརྒྱད་པ་སྟེ། རྣམ་པར་ཐར་པ་བརྒྱད་པོ་འདི་དག་ལ་ལུགས་དང་མཐུན་པ་དང ། ལུགས་དང་མི་མཐུན་པར་སྙོམས་པར་འཇུག་ཅིང་ལྡང་ངོ ། །དེ་བཞིན་དུ་མཐར་གྱིས་གནས་པའི་སྙོམས་པར་འཇུག་པ་དགུ་པོ་དག་ལ་ལུགས་དང་མཐུན་པ་དང ། ལུགས་དང་མི་མཐུན་པར་སྙོམས་པར་འཇུག་ཅིང་ལྡང་ངོ ། །དགུ་གང་ཞེ་ན། འདི་ལྟ་སྟེ། བསམ་གཏན་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། འདུ་ཤེས་དང ། ཚོར་བ་འགོག་པ་སྟེ་དགུ་པོ་དེ་དག་གོ། དེ་རྣམ་པར་ཐར་པ་བརྒྱད་པོ་དེ་དག་དང ། མཐར་གྱིས་གནས་པའི་སྙོམས་པར་འཇུག་པ་དགུ་པོ་དེ་དག་སོ་སོར་ཕྱ་ནས། སེངྒེ་རྣམ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་འཇུག་གོ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོའི་སེངྒེ་རྣམ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་གང་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་སོ། །དེ་བཞིན་དུ་བདེ་བའང་སྤངས། སྡུག་
Kha332b
བསྔལ་ཡང་སྤངས་ནས། ཡིད་བདེ་བ་དང ། ཡིད་མི་བདེ་བའང་སྔ་ནས་ནུབ་པས་བདེ་བའང་མ་ཡིན། སྡུག་བསྔལ་ཡང་མ་ཡིན་པ་བཏང་སྙོམས་དང ། དྲན་པ་ཡོངས་སུ་དག་པ་བསམ་གཏན་བཞི་པའི་བར་དུ་བསྒྲུབས་ཏེ་གནས་སོ། །དེ་བཞིན་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་ལ་སྙོམས་པར་འཇུག་གོ། དེ་ནས་འདུ་ཤེས་དང ། ཚོར་བ་འགོག་པ་ལ་སྙོམས་པར་འཇུག་གོ།་འགོག་པའི་སྙོམས་པར་འཇུག་པའི་ཏིང་ངེ་འཛིན་དེ་ལས་ལངས་ནས། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ལ་སྙོམས་པར་འཇུག་གོ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པ་ལས་ལངས་ནས། དེ་བཞིན་དུ་སྦྱར་ཏེ། བསམ་གཏན་དང་པོའི་བར་ལ་སྙོམས་པར་ཞུགས་པར་གནས་པ་སྟེ། རབ་འབྱོར། འདི་ནི་སེངྒེ་རྣམ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་ཡིན་ཏེ། ཏིང་ངེ་འཛིན་དེ་ལ་གནས་ནས། ཆོས་ཐམས་ཅད་མཉམ་པ་ཉིད་རྗེས་སུ་འཐོབ་བོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཕ་རོལ་ཏུ་ཕྱིན་པ་ཡོངས་སུ་བསྡུ་བའི་ལེའུ་སྟེ་ཉི་ཤུ་བདུན་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཆོས་ཐམས་ཅད་དབྱེར་མ་
Kha333a
༄#། །མཆིས་ཤིང་མཚན་མ་མ་མཆིས་ཏེ། རང་གི་མཚན་ཉིད་ཀྱིས་སྟོང་པ་ལ་ཕ་རོལ་ཏུ་ཕྱིན་པ་དྲུག་པོ་དག་སྒོམ་པ་ཇི་ལྟར་ཡོངས་སུ་རྫོགས་པར་འགྱུར་ལགས། འདི་དག་ཇི་ལྟར་ཐ་དད་པར་གདགས་ལགས། ཆོས་འདི་དག་ལས་ཐ་དད་དུ་དབྱེ་བ་ཇི་ལྟར་མཆིས་ལགས། བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པར་འདུས་པའི་ཆོས་རྣམས་ལ་ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་མཆིས་ལགས། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། དེ་ལྟར་གོང་མ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཇི་ལྟར་མཆིས་ལགས། བཙུན་པ་བཅོམ་ལྡན་འདས ། མཚན་ཉིད་མ་མཆིས་པའི་ཆོས་ཐམས་ཅད་ལ་ཇི་ལྟར་མཚན་ཉིད་གཅིག་པར་གདགས་པར་མཛད་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས་ནས། དེ་བཞིན་དུ་བྲག་ཅ་ལྟ་བུ་དང ། མིག་ཡོར་ལྟ་བུ་དང ། སྨིག་རྒྱུ་ལྟ་བུ་དང ། སྒྱུ་མ་ལྟ་བུ་དང ། སྤྲུལ་པ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ལ་
Kha333b
གནས་ཏེ། སེམས་ཅན་རྣམས་ལ་སྦྱིན་པ་སྦྱིན་པར་བྱེད། དེ་བཞིན་དུ་ཚུལ་ཁྲིམས་སྲུང་བར་བྱེད། བཟོད་པ་སྒོམ་པར་བྱེད། བརྩོན་འགྲུས་རྩོམ་པར་བྱེད། བསམ་གཏན་དག་ལ་སྙོམས་པར་འཇུག་པར་བྱེད། ཤེས་རབ་སྒོམ་པར་བྱེད་དོ། །རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ནི་མཚན་ཉིད་མེད་པའོ། །དེ་བཞིན་དུ་བྲག་ཅ་ལྟ་བུ་དང ། མིག་ཡོར་ལྟ་བུ་དང ། སྨིག་རྒྱུ་ལྟ་བུ་དང ། སྒྱུ་མ་ལྟ་བུ་དང ། སྤྲུལ་པ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ནི་མཚན་ཉིད་མེད་པའོ། །རབ་འབྱོར། དེ་ཅིའི་ཕྱིར་ཞེ་ན། རྨི་ལམ་ལ་ནི་ངོ་བོ་ཉིད་ཅིའང་མེད་ལ། བྲག་ཅ་དང ། མིག་ཡོར་དང ། སྨིག་རྒྱུ་དང ། སྒྱུ་མ་དང ། སྤྲུལ་པ་ལ་ནི་ངོ་བོ་ཉིད་ཅིའང་མེད་པའི་ཕྱིར་རོ། །ཆོས་གང་ལ་ངོ་བོ་ཉིད་མེད་པ་དེ་ལ་ནི་མཚན་ཉིད་ཀྱང་མེད་དོ། །གང་ལ་མཚན་ཉིད་མེད་པ་དེ་ནི། འདི་ལྟ་སྟེ། མཚན་ཉིད་མེད་པར་མཚན་ཉིད་གཅིག་གོ། རབ་འབྱོར། དེ་ལྟ་བས་ན་རྣམ་གྲངས་དེས་ན། ཁྱོད་ཀྱིས་སྦྱིན་པའི་ཕ་རོལ་ཏུ་ཕྱིན་པ་མཚན་ཉིད་མེད་པ་དང ། སྦྱིན་པ་པོའི་མཚན་ཉིད་མེད་པ་དང ། ལེན་པ་པོའི་མཚན་ཉིད་མེད་པར་དེ་ལྟར་རིག་པར་བྱའོ། །གང་གིས་དེ་ལྟར་ཤེས་ནས་སྦྱིན་པ་སྦྱིན་པར་བྱེད་པ་དེ་ནི་སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་མི་འདའོ། །དེ་ཕ་རོལ་ཏུ་ཕྱིན་པ་དྲུག་
Kha334a
༄#། །པོ་འདི་དག་ལ་གནས་ནས། བསམ་གཏན་བཞི་ཡོངས་སུ་རྫོགས་པར་བྱེད་དོ། །དེ་བཞིན་དུ་ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་ཡོངས་སུ་རྫོགས་པར་བྱེད་དོ། །དེ་བཞིན་དུ་དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་ཡོངས་སུ་རྫོགས་པར་བྱེད་དོ། །དེ་བཞིན་དུ་ནང་སྟོང་པ་ཉིད་ཡོངས་སུ་རྫོགས་པར་བྱེད་དོ། །དེ་བཞིན་དུ་ཕྱི་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་ནས། རང་གི་མཚན་ཉིད་སྟོང་པ་ཉིད་ཀྱི་བར་དུ་ཡོངས་སུ་རྫོགས་པར་བྱེད་དོ། །དེ་བཞིན་དུ་རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། མངོན་པར་ཤེས་པ་ལྔ་དང ། གཟུངས་ཀྱི་སྒོ་ལྔ་བརྒྱ་དང ། ཏིང་ངེ་འཛིན་གྱི་སྒོ་ལྔ་བརྒྱ་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་རྫོགས་པར་བྱེད་དོ། །རྣམ་པར་སྨིན་པ་ལས་བྱུང་བ། འཕགས་པ་ཟག་པ་མེད་པའི་ཆོས་དེ་དག་ལ་གནས་ནས། ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་
Kha334b
སོང་ནས། སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བྱེད་ཅིང ། ཡོ་བྱད་ཐམས་ཅད་ཀྱིས་ཀྱང་བཀུར་སྟི་བྱེད་དོ། །རྟག་ཏུ་སེམས་ཅན་ཐམས་ཅད་ཀྱི་དོན་ཡང་བྱེད་དོ། །སེམས་ཅན་གང་དག་སྦྱིན་པས་བསྡུ་བར་བྱ་བ་དེ་དག་ནི་སྦྱིན་པས་སྡུད་པར་བྱེད་དོ། །གང་དག་ཚུལ་ཁྲིམས་དང ། གང་དག་བཟོད་པ་དང ། གང་དག་བརྩོན་འགྲུས་དང ། གང་དག་བསམ་གཏན་དང ། གང་དག་ཤེས་རབ་ཀྱིས་བསྡུ་བར་བྱ་བ་དེ་དག་ནི་ཤེས་རབ་ཀྱིས་སྡུད་པར་བྱེད་དོ། །སེམས་ཅན་གང་དག་དགེ་བའི་རྩ་བ་ཐམས་ཅད་ཀྱིས་བསྡུ་བར་བྱ་བ་དེ་དག་ནི་དགེ་བའི་རྩ་བ་ཐམས་ཅད་ཀྱིས་སྡུད་པར་བྱེད་དེ། ཆོས་ཐམས་ཅད་ཀྱི་དབང་ཕྱུག་དང་ལྡན་པ་ནི་འཁོར་བ་ལེན་པར་བྱེད་མོད་ཀྱི། འཁོར་བའི་ཉེས་པས་ཀྱང་མི་གོས་སོ། །སེམས་ཅན་རྣམས་ཀྱི་ཆེད་དུ་ལྷ་དང་མི་རྣམས་ཀྱི་ཕུན་སུམ་ཚོགས་པ་དག་འཛིན་ཅིང་ལེན་པར་བྱེད་དེ། དེ་དག་དང་ལྡན་པས་སེམས་ཅན་དེ་དག་བསྡུ་པའི་དངོས་པོ་དག་གིས་སྡུད་པར་བྱེད་ལ། ཆོས་ཐམས་ཅད་མཚན་ཉིད་མེད་པར་ཡང་དག་པར་ཤེས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་པར་བྱའོ་སྙམ་དུ་སེམས་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་མཚན་ཉིད་མེད་པར་ཤེས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་བོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྨི་ལམ་ལྟ་
Kha335a
༄#། །བུའི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས་ནས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །དེ་བཞིན་དུ་བྲག་ཅ་ལྟ་བུ་དང ། མིག་ཡོར་ལྟ་བུ་དང ། སྒྱུ་མ་ལྟ་བུ་དང ། སྨིག་རྒྱུ་ལྟ་བུ་དང ། སྤྲུལ་པ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས་ནས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ཤེས་ནས། མཚན་ཉིད་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །དེ་བཞིན་དུ་བྲག་ཅ་ལྟ་བུ་དང ། མིག་ཡོར་ལྟ་བུ་དང ། སྨིག་རྒྱུ་ལྟ་བུ་དང ། སྒྱུ་མ་ལྟ་བུ་དང ། སྤྲུལ་པ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ཤེས་ནས། མཚན་ཉིད་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་ཉམས་པ་དང ། སྐྱོན་མེད་པ་དང ། མ་འདྲེས་པ་དང ། ནག་ནོག་མེད་པ་དང ། མཆོག་ཏུ་འཛིན་པ་མེད་པ་དང ། དབང་འབྱོར་པ་དང ། མཁས་པས་བསྔགས་པ་དང ། ཤིན་ཏུ་རྫོགས་པ་དང ། ཤིན་ཏུ་ལེགས་པར་བླངས་པ་དང ། འཕགས་པ་ཟག་པ་མེད་པའི་ལམ་དུ་གཏོགས་པའི་འཇིག་རྟེན་ལས་འདས་པ་ཡོངས་སུ་རྫོགས་པར་བྱེད་དེ། དེ་ལ་གནས་ནས་ཡང་དག་པར་བླང་བ།་བརྡ་ཅན་གྱི་ཚུལ་ཁྲིམས་སྲུང་བར་བྱེད་དོ། །དེ་བཞིན་དུ་ཆོས་ཉིད་ཀྱིས་ཐོབ་པ་དང ། སྡོམ་པའི་ཚུལ་ཁྲིམས་དང་བཅས་པའི་ཚུལ་ཁྲིམས་དང ། ཀུན་ཏུ་སྤྱོད་པའི་ཚུལ་ཁྲིམས་
Kha335b
སྲུང་བར་བྱེད་དོ། །དེ་ཚུལ་ཁྲིམས་དེ་ལྟ་བུ་དང་ལྡན་ཡང་ཚུལ་ཁྲིམས་འདིས་བདག་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དག་དང་སྐལ་བ་མཉམ་པར་སྐྱེ་བར་གྱུར་ཅིག་ཅེའམ། དེ་བཞིན་དུ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་དང ། ཁྱིམ་བདག་ཤིང་སཱ་ལ་ཆེན་པོ་ལྟ་བུ་དག་དང་སྐལ་བ་མཉམ་པར་སྐྱེ་བར་གྱུར་ཅིག་ཅེའམ། དེ་བཞིན་དུ་ཚུལ་ཁྲིམས་འདིས་བདག་ཁམས་ཀྱི་རྒྱལ་པོར་གྱུར་ཅིག་ཅེའམ། དེ་བཞིན་དུ་འཁོར་ལོས་སྒྱུར་བའི་རྒྱལ་པོ་གླིང་བཞི་པའི་བདག་པོར་གྱུར་ཅིག་ཅེའམ། དེ་བཞིན་དུ་ཚུལ་ཁྲིམས་འདིས་བདག་རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེའམ། དེ་བཞིན་དུ་སུམ་ཅུ་རྩ་གསུམ་པ་རྣམས་དང ། དགའ་ལྡན་རྣམས་དང ། འཕྲུལ་དགའ་རྣམས་དང ། གཞན་འཕྲུལ་དབང་བྱེད་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེའམ། དེ་བཞིན་དུ་ཚུལ་ཁྲིམས་འདིས་བདག་རྒྱུན་དུ་ཞུགས་པའི་འབྲས་བུའམ། ལན་གཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་དམ། རང་བྱང་ཆུབ་ཉིད་ཀྱི་འབྲས་བུའམ། བྱང་ཆུབ་སེམས་དཔའི་སྐྱོན་མེད་པའམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྗེས་སུ་ཐོབ་པར་གྱུར་ཅིག་སྙམ་དུ་ཆོས་གང་ལའང་མཆོག་ཏུ་འཛིན་པར་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་མཚན་ཉིད་མེད་པའི་ཆོས་ཐམས་ཅད་ལ་ཤིན་ཏུ་བརྟན་པར་གནས་པའི་ཕྱིར་
Kha336a
༄#། །ཏེ།་མཚན་ཉིད་མེད་པའི་ཆོས་ཀྱིས་མཚན་ཉིད་མེད་པའི་ཆོས་མི་འཐོབ་ཅིང ། མཚན་ཉིད་མི་འདྲ་བའི་ཆོས་ཀྱིས་ཀྱང་མཚན་ཉིད་མི་འདྲ་བའི་ཆོས་མི་ཐོབ་ལ།་མཚན་ཉིད་མེད་པའི་ཆོས་ཀྱིས་ཀྱང་མཚན་ཉིད་མི་འདྲ་བའི་ཆོས་མི་འཐོབ་ཅིང ། མཚན་ཉིད་མི་འདྲ་བའི་ཆོས་ཀྱིས་ཀྱང་མཚན་ཉིད་མེད་པའི་ཆོས་མི་འཐོབ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། མཚན་ཉིད་མེད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱས་ཤིང ། བྱང་ཆུབ་སེམས་དཔའི་སྐྱོན་མེད་པ་ལ་ཞུགས་ནས། མི་སྐྱེ་བའི་ཆོས་ལ་བཟོད་པ་འཐོབ་བོ། །དེ་ནས་རྣམ་པར་སྨིན་པ་ལས་བྱུང་བའི་མངོན་པར་ཤེས་པ་ལྔ་འཐོབ་བོ། །གཟུངས་ཀྱི་སྒོ་ལྔ་བརྒྱ་དང ། ཏིང་ངེ་འཛིན་གྱི་སྒོ་ལྔ་བརྒྱའང་འཐོབ་ཅིང ། སོ་སོ་ཡང་དག་པར་རིག་པ་བཞིའང་འཐོབ་བོ། །དེ་ནས་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བྱེད་ཅིང ། སེམས་ཅན་རྣམས་ཀྱང་ཡོངས་སུ་སྨིན་པར་བྱེད། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་ལ། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོའོ། །དེ་ནས་འགྲོ་བ་ལྔའི་འཁོར་བ་ན་རྒྱུ་མོད་ཀྱི། འཁོར་བའི་སྐྱོན་རྣམས་ཀྱིས་ཀྱང་མི་གོས་སོ། །དཔེར་ན། སྤྲུལ་པའི་སྐྱེས་བུ་ནི་འགྲེང་བ་དང ། འདུག་པ་དང ། འགྲོ་བ་དང ། འཆག་པ་དང ། ཉལ་
Kha336b
པར་ཡང་བྱེད་མོད་ཀྱི། ལས་ཀྱི་ཡོན་ཏན་དང ། སྐྱོན་དེ་དག་གིས་ཀྱང་མི་གོས་ལ། སེམས་ཅན་གྱི་དོན་ཡང་བྱེད་དེ། སེམས་ཅན་དང་སེམས་ཅན་དུ་གདགས་པའང་མི་དམིགས་སོ། །དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤིན་ཏུ་ཞི་བ་ཞེས་བྱ་བས་ཆོས་ཀྱི་འཁོར་ལོ་བསྐོར་ནས། གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་བྱ་བ་འགའ་ཡང་མི་དམིགས་ཏེ། དེ་སྤྲུལ་པ་ཞིག་མངོན་པར་སྤྲུལ་ནས། ཚེའི་འདུ་བྱེད་རྣམས་བཏང་སྟེ། ཕུང་པོའི་ལྷག་ངོན་པར་སྤྲུལ་ནས། ཚེའི་འདུ་བྱེད་རྣམས་བཏང་སྟེ། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སེམས་ཅན་དང ། སེམས་ཅན་དུ་གདགས་པའང་མི་དམིགས་མོད་ཀྱི། སེམས་ཅན་རྣམས་ཀྱི་དོན་ཡང་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་བརྒྱད་པ། རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས། སྤྲུལ་པ་ལྟ་བུའི་བར་གྱི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས་ནས། བཟོད་པའི་ཕ་རོལ་ཏུ་
Kha337a
༄#། །ཕྱིན་པ་ཡོངས་སུ་རྫོགས་པར་བྱེད་དེ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་གཉིས་ཀྱིས་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དེ། གཉིས་གང་ཞེ་ན། དང་དུ་ལེན་པའི་བཟོད་པ་དང ། ཆོས་རྟོགས་པའི་བཟོད་པའོ། །དེ་ལ་དང་དུ་ལེན་པའི་བཟོད་པ་ཞེས་བྱ་བ་ནི། གང་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་གལ་ཏེ་སེམས་ཅན་ཐམས་ཅད་ལྷགས་ཏེ། ཚིག་ངན་པ་དག་གིས་སྤྱོས་ཤིང་བརྒྱད་བཀག་གམ། བོང་བའམ། དབྱུག་པའམ། མཚོན་ཆའམ། ལག་ཆ་དག་གིས་བསྣུན་ནའང་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་འདོད་པ་དེས། འཁྲུག་པར་འགྱུར་བ་དང་ལྡན་པའམ། གནོད་སེམས་དང་ལྡན་པའི་སེམས་བསྐྱེད་པ་འགའ་ཙམ་ཡང་བསྐྱེད་པར་མི་བྱ་བར་སེམས་ཅན་དེ་དག་ཉིད་ལ། ཀྱེ་མ་སེམས་ཅན་འདི་དག་ནི་ཉོན་མོངས་པའི་ནད་ཀྱིས་གཟིར་བ་དག་སྟེ། ལྷག་པར་སྙིང་རྗེ་བྱ་ཞིང་བདག་གིས་སྡིག་པ་ཅན་གྱི་སེམས་ནི་བསྐྱེད་པར་མི་བྱའི། བདག་ཉིད་ཀྱིས་དགྲར་གྱུར་བའི་ཉེ་བར་ལེན་པའི་ཕུང་པོ་ལྔ་པོ་འདི་དག་བཟུང་བར་ཟད་དོ་སྙམ་དུ་དེ་ལྟར་སོ་སོར་རྟོག་ཅིང ། བྱམས་པ་དང ། སྙིང་རྗེ་བྱེད་ན། དེ་ནི་དང་དུ་ལེན་པའི་བཟོད་པ་ཞེས་བྱའོ། །ཆོས་རྟོགས་པ་ལ་བཟོད་པ་
Kha337b
གང་ཞེ་ན། ཇི་ལྟར་ཡོད་པ་དེ་དག་ཀྱང་དོན་དམ་པར་མི་དམིགས་ན། འདི་ལ་སུ་ཞིག་བདག་ལ་ཚིག་ངན་པ་དག་གིས་གཤེ་བར་བྱེད་པའམ། བརྒྱད་བཀག་པར་བྱེད་པའམ། སུ་ཞིག་བདག་ལ་དབྱུག་པས་བརྡེག་པར་བྱེད། མཚོན་གྱིས་འདེབས་པར་བྱེད། ལྕག་གིས་གཞུ་བར་བྱེད་དེ། འདུ་བྱེད་ཐམས་ཅད་ནི་སྒྱུ་མ་ལྟ་བུ་སྟེ། གསོག་དང ། གསོབ་དང ། ཡ་མ་བརླ་དང ། ནམ་མཁའ་ལྟ་བུ་དག་ཡིན་ཏེ། བདག་དང ། སེམས་ཅན་དང ། སྐྱེ་བ་པོ་དང ། སྲོག་དང ། གང་ཟག་དང ། ཤེད་ལས་སྐྱེས་དང ། ཤེད་བུ་དང་བྲལ་བ་དག་ཡིན་ལ། རྣམ་པར་རྟོག་པ་ཐམས་ཅད་ནི་ཡང་དག་པ་མ་ཡིན་པ། ཀུན་ཏུ་རྟོག་པ་ལས་བྱུང་བ་ཡིན་ན། འདི་ལ་སུ་ཞིག་བདག་ལ་གཤེ་བའམ། བསྣན་པར་བྱེད་དེ། བདག་གིས་ནི་ངོ་བོ་ཉིད་སྟོང་པ་ཉིད་ཀྱི་ཕྱིར་དང ། དོན་དམ་པ་སྟོང་པ་ཉིད་ཀྱི་ཕྱིར། དེ་ལྟར་རྣམ་པར་བརྟག་པར་མི་བྱའོ་སྙམ་དུ་སེམས་ན། དེ་ནི་ཆོས་རྟོགས་པ་ལ་བཟོད་པ་ཞེས་བྱ་སྟེ། བཟོད་པ་དེ་གཉིས་ལ་སྒོམ་ཞིང་ཉེ་བར་རྟོག་ལ། རྣམ་པར་དཔྱོད་པ་ནི་མི་སྐྱེ་བའི་ཆོས་ལ་བཟོད་པ་ཐོབ་ལ། བཟོད་པའི་ཕ་རོལ་ཏུ་ཕྱིན་པའང་ཡོངས་སུ་རྫོགས་པར་བྱེད་དོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། མི་སྐྱེ་བའི་ཆོས་ལ་བཟོད་པ་ནི་ཇི་ལྟ་བུ་ལགས། འདིའི་ཚད་ནི་ཅི་ཙམ་ཞིག་ལགས། འདིའི་ཤེས་པ་ནི་གང་ལགས། དེ་སྐད་ཅེས་གསོལ་པ་དང ། བཅོམ་
Kha338a
༄#། །ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་སྡིག་པ་ཅན་གྱི་ཆོས་རྡུལ་ཙམ་ཡང་མི་སྐྱེ་ཞིང ། དེ་ལ་བདག་ཏུ་འཛིན་པ་དང ། བདག་གིར་འཛིན་པའང་མི་འབྱུང་ལ། རྨི་ལམ་ལྟ་བུའི་འདུ་བྱེད་ཐམས་ཅད་ལ་ཡང་དག་པ་ཇི་ལྟ་བ་བཞིན་དུ་བཟོད་པ་དང ། སྤྲུལ་པ་ལྟ་བུའི་བར་གྱི་འདུ་བྱེད་ཐམས་ཅད་ལ་ཡང་དག་པ་ཇི་ལྟ་བ་བཞིན་དུ་བཟོད་པ་ཐོབ་སྟེ། དེས་ན་དེ་ནི་མི་སྐྱེ་བ་ལ་བཟོད་པ་ཞེས་བྱའོ། །དེ་སྐད་ཅེས་བཀའ་སྩལ་བ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཉན་ཐོས་ཀྱི་མི་སྐྱེ་བའི་ཆོས་ལ་བཟོད་པ་ཐོབ་པ་གང་ལགས་པ་དང ། རང་སངས་རྒྱས་ཀྱི་གང་ལགས་པ་དང ། བྱང་ཆུབ་སེམས་དཔའི་མི་སྐྱེ་བའི་ཆོས་ལ་བཟོད་པ་གང་ལགས་པའི་བཟོད་པ་གསུམ་པོ་འདི་དག་ལ་ཁྱད་པར་རམ། ཐ་དད་དུ་བགྱི་པ་ཅི་མཆིས་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། རྒྱུན་དུ་ཞུགས་པའི་ཤེས་པ་དང ། སྤོང་བ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པའོ། །དེ་བཞིན་དུ་ལན་གཅིག་ཕྱིར་འོང་བའི་གང་ཡིན་པ་དང ། ཕྱིར་མི་འོང་བའི་གང་ཡིན་པ་དང ། དགྲ་བཅོམ་པའི་ཤེས་པ་དང །
Kha338b
སྤོང་བ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པའོ། །རང་སངས་རྒྱས་ཀྱི་ཤེས་པ་དང ། སྤོང་བ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པ་སྟེ། ཉན་ཐོས་ཀྱི་བཟོད་པ་དང ། རང་སངས་རྒྱས་ཀྱི་བཟོད་པ་དང ། བྱང་ཆུབ་སེམས་དཔའི་བཟོད་པའི་ཁྱད་པར་ནི་དེ་ཡིན་ནོ། །ཐ་དད་དུ་དབྱེ་བ་ནི་དེ་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པ་དེ་ལྟ་བུ་དེ་དང་ལྡན་པ་དེ་ནི་ཉན་ཐོས་དང ། རང་སངས་རྒྱས་ཐམས་ཅད་ཟིལ་གྱིས་གནོན་ཏོ། །དེ་བཟོད་པ་དེ་ལ་གནས་ནས། ལམ་གྱི་རྣམ་པ་ཤེས་པ་ཉིད་ཡོངས་སུ་རྫོགས་པར་བྱེད་དེ། ལམ་གྱི་རྣམ་པ་ཤེས་པ་ཉིད་དེ་དང་ལྡན་ན་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང ། དེ་བཞིན་དུ་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་དང ། རྣམ་པར་སྨིན་པ་ལས་བྱུང་བའི་མངོན་པར་ཤེས་པ་ལྔ་དང་ཡང་བྲལ་བར་མི་འགྱུར་རོ། །མངོན་པར་ཤེས་པ་དེ་དག་དང་ལྡན་པ་ནི་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ཞིང།་སངས་རྒྱས་བཅོམ་ལྡན་འདས་དེ་དག་ལའང་བསྙེན་བཀུར་བྱེད་ལ། ཡོ་བྱད་ཐམས་ཅད་ཀྱིས་བཀུར་སྟི་བྱེད་ཅིང ། སེམས་ཅན་རྣམས་ཀྱང་ཡོངས་སུ་སྨིན་པར་བྱེད་དེ། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་དོ། །དེ་ནས་སེམས་ཅན་རྣམས་ཡོངས་སུ་སྨིན་པར་བྱས། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱས་ནས། སྐད་ཅིག་གཅིག་དང་ལྡན་པའི་ཤེས་རབ་ཀྱིས་བླ་ན་
Kha339a
༄#། །མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། མཚན་ཉིད་མེད་པའི་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་དང ། སྤྲུལ་པ་ལྟ་བུའི་བར་གྱི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས་ནས། ལུས་དང་སེམས་ཀྱི་བརྩོན་འགྲུས་རྩོམ་པར་བྱེད་དོ། །དེ་ལུས་ཀྱི་བརྩོན་འགྲུས་ཀྱིས་རྫུ་འཕྲུལ་མངོན་པར་བསྒྲུབས་ཏེ། རྫུ་འཕྲུལ་དེ་དང་ལྡན་པས་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་སོང་ནས་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བྱེད་ཅིང ། ཡོ་བྱད་ཐམས་ཅད་ཀྱིས་བཀུར་སྟིར་བྱེད་ལ་སེམས་ཅན་རྣམས་ཀྱི་དོན་ཀྱང་བྱེད། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་དོ། ། དེ་ལུས་ཀྱི་བརྩོན་འགྲུས་དེས་སེམས་ཅན་རྣམས་ཡོངས་སུ་སྨིན་པར་བྱས་ནས། ཐེག་པ་གསུམ་པོ་དག་ལ་སྦྱོར་ཞིང ། འཛུད་དེ་རབ་ཏུ་འགོད་དོ། །སེམས་ཀྱི་བརྩོན་འགྲུས་ཟག་པ་མེད་པའི་ལམ་གྱི་ཡན་ལག་དང ། ལམ་དུ་གཏོགས་པ་དང་ལྡན་པས་ཀྱང་དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང །
Kha339b
བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང ། དགེ་བའི་ཆོས་ཐམས་ཅད་ཡོངས་སུ་རྫོགས་པར་བྱེད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སྤྱོད་པས། རྣམ་པ་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱའོ། །དེ་ཡོངས་སུ་རྫོགས་ནས་བག་ཆགས་ཀྱི་མཚམས་སྦྱོར་བ་ཐམས་ཅད་སྤོང་བར་འགྱུར་རོ། །དེ་སྤངས་ཤིང་མཚན་ཉིད་མེད་པ་ཡོངས་སུ་གྲུབ་པ་ཡོངས་སུ་རྫོགས་ལ་སྙོམས་པར་འཇུག་པའི་མཐུ་བསྒྲུབས་ནས། ཆོས་ཀྱི་འཁོར་ལོ་ལན་གསུམ་དུ་བཟླས་ཏེ། རྣམ་པ་བཅུ་གཉིས་སུ་བསྐོར་བ་བསྐོར་བར་འགྱུར་ཏ། དེ་བསྐོར་བས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོ་བར་འགྱུར། རབ་ཏུ་གཡོ་བར་འགྱུར། ཀུན་ཏུ་རབ་ཏུ་གཡོ་བར་འགྱུར། འགུལ་བར་འགྱུར། རབ་ཏུ་འགུལ་བར་འགྱུར། ཀུན་ཏུ་རབ་ཏུ་འགུལ་བར་འགྱུར། ལྡེག་པར་འགྱུར། རབ་ཏུ་ལྡེག་པར་འགྱུར། ཀུན་ཏུ་རབ་ཏུ་ལྡེག་པར་འགྱུར་ཞིང ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་སྣང་བས་ཁྱབ་པར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་
Kha340a
༄#། །དག་པར་རྫོགས་པའི་སངས་རྒྱས་དེ་ལ་སྒྲ་སྐད་འབྱུང་བར་འགྱུར་ཏེ། དེས་སྒྲ་ཐོས་པར་བྱེད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ན་སེམས་ཅན་གང་དག་འཁོད་པ་དེ་དག་གིས་ཀྱང་སྒྲ་དེ་ཐོས་པར་འགྱུར་ཏེ། དེ་དག་ཐམས་ཅད་ཐེག་པ་གསུམ་པོ་དག་ལས་ངེས་པར་འབྱུང་བར་འགྱུར་རོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དེ་ནི་དེ་ལྟར་གཅེས་སྦྲས་བྱེད་པ་ཡིན་ཏེ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་གནས་ནས། བྱང་ཆུབ་སེམས་དཔའ་སེམས་དཔའ་ཆེན་པོས་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་ཏེ། རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་བོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས་ནས། ཏིང་ངེ་འཛིན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །སྤྲུལ་པ་ལྟ་བུའི་བར་གྱི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས་ནས། ཏིང་ངེ་འཛིན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་རྨི་ལམ་ལྟ་བུ་ནས། སྤྲུལ་པ་ལྟ་བུའི་བར་གྱི་ཉེ་བར་ལེན་པའི་ཕུང་པོ་ལྔ་པོ་དག་གི་བར་ལ་ཉེ་བར་གནས་ནས། ཏིང་ངེ་འཛིན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་ཅེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་
Kha340b
རོལ་ཏུ་ཕྱིན་པ་ལ་སྤྱོད་པ་ནི། བསམ་གཏན་དང་པོ་བསྒྲུབས་ཏེ་གནས་པ་ནས། བསམ་གཏན་བཞི་པའི་བར་དུ་བསྒྲུབས་ཏེ་གནས་སོ། །བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་ནས། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་དུ་བསྒྲུབས་ཏེ་གནས་སོ། །སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་སྒོམ་པར་བྱེད་དོ།། དེ་བཞིན་གཤེགས་པའི་ཏིང་ངེ་འཛིན་དང ། གློག་ལྟ་བུའི་ཏིང་ངེ་འཛིན་དང ། ཡང་དག་པའི་ཏིང་ངེ་འཛིན་དང ། རྡོ་རྗེ་ལྟ་བུའི་ཏིང་ངེ་འཛིན་མ་གཏོགས་པར་ཏིང་ངེ་འཛིན་གང་ཡང་རུང་བ་ཉན་ཐོས་ཀྱི་ཏིང་ངེ་འཛིན་ཏམ། རང་སངས་རྒྱས་ཀྱི་ཏིང་ངེ་འཛིན་ཏམ། ཏིང་ངེ་འཛིན་གྱི་ཚོགས་གཞན་གང་ཡང་རུང་བ་དེ་དག་ཐམས་ཅད་ལུས་ཀྱིས་ཁྱབ་པར་བྱས་ནས་བསྒྲུབས་ཏེ་གནས་ལ། ཏིང་ངེ་འཛིན་དེ་དག་དང ། ཏིང་ངེ་འཛིན་དེ་དག་གི་འབྲས་བུའང་མྱོང་བར་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཏིང་ངེ་འཛིན་གྱི་མཚན་ཉིད་དངོས་པོ་མེད་པའི་ངོ་བོ་ཉིད་དུ་ཤེས་པའི་ཕྱིར་ཏེ། ཇི་ལྟར་མཚན་ཉིད་མེད་པའི་ཆོས་ཀྱིས་མཚན་ཉིད་མེད་པའི་ཆོས་ཀྱི་རོ་མྱོང་བར་མི་བྱེད་ཅིང ། དངོས་པོ་མེད་པས་དངོས་པོ་མེད་པའི་རོ་མྱོང་བར་མི་བྱེད་དེ། རོ་མྱོང་བར་མི་བྱེད་པས་ན་ཏིང་ངེ་འཛིན་གང་གི་དབང་གིས་ཀྱང་འདོད་པའི་ཁམས་སམ། གཟུགས་ཀྱི་ཁམས་སམ། གཟུགས་མེད་པའི་ཁམས་སུ་སྐྱེ་བར་མི་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེས་ཁམས་མི་དམིགས་
Kha341a
༄#། །པས་ན། གང་སྙོམས་པར་འཇུག་པ་དང ། ཅིས་སྙོམས་པར་འཇུག་པ་དེ་ཐམས་ཅད་ཀྱང་མི་དམིགས་པའི་ཕྱིར་རོ། །ཆོས་ཐམས་ཅད་མི་དམིགས་པས་མཚན་ཉིད་མེད་པའི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དེ། དེ་ཏིང་ངེ་འཛིན་གྱི་ཕ་རོལ་ཏུ་ཕྱིན་པ་དེས་ཉན་ཐོས་ཀྱི་ས་དང ། རང་སངས་རྒྱས་ཀྱི་ས་ལས་འདའ་བར་བྱེད་དོ། །གསོལ་པ། བཙུན་པ་བཅོམ་ལྡན་འདས། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་གྱི་ཕ་རོལ་ཏུ་ཕྱིན་པས་ཉན་ཐོས་ཀྱི་ས་དང ། རང་སངས་རྒྱས་ཀྱི་ས་ལས་འདའ་བར་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ནང་སྟོང་པ་ཉིད་ལ་ལེགས་པར་བསླབས་ཤིང ། རང་གི་མཚན་ཉིད་སྟོང་པ་ཉིད་ཀྱི་བར་ལ་ལེགས་པར་བསླབས་པ་ཡིན་ཏེ། སྟོང་པ་ཉིད་དེ་དག་ལས་ཆོས་འགའ་ཡང་མི་དམིགས་ལ། དེ་དག་གིས་གནས་པས་ན། གང་ལ་གནས་ན་རྒྱུན་དུ་ཞུགས་པའི་འབྲས་བུ་འཐོབ་པར་འགྱུར་བའམ། ལན་གཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་དམ། རང་བྱང་ཆུབ་འཐོབ་པར་འགྱུར་བའི་ཆོས་འགའ་ཡང་མི་དམིགས་ལ། རྣམ་པ་ཐམས་ཅད་མཁྱེན་པ་ཉིད་དེའང་སྟོང་པ་ཉིད་དུ་སེམས་སོ། །དེ་སྟོང་པ་ཉིད་དེ་དག་དང་ལྡན་པས་ཉན་ཐོས་ཀྱི་ས་དང ། རང་སངས་རྒྱས་ཀྱིས་ལས་འདས་ནས། བྱང་ཆུབ་སེམས་དཔའི་སྐྱོན་མེད་པ་ལ་འཇུག་གོ་།གསོལ་པ།
Kha341b
བཙུན་པ་བཅོམ་ལྡན་འདས། བྱང་ཆུབ་སེམས་དཔའི་སྐྱོན་ནི་གང་ལགས། སྐྱོན་མ་མཆིས་པ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དམིགས་པ་ཐམས་ཅད་ནི་བྱང་ཆུབ་སེམས་དཔའི་སྐྱོན་ཡིན་ནོ། །དམིགས་པ་མེད་པ་ཐམས་ཅད་ནི་བྱང་ཆུབ་སེམས་དཔའི་སྐྱོན་མེད་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། དམིགས་པ་ནི་གང་ལགས། དམིགས་པ་མ་མཆིས་པ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གཟུགས་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དམིགས་པའོ། །རབ་འབྱོར། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དམིགས་པའོ། །དེ་བཞིན་དུ་མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་ནི་བྱང་ཆུབ་སེམས་དཔའི་དམིགས་པའོ། །དེ་བཞིན་དུ་གཟུགས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་ནི་བྱང་ཆུབ་སེམས་དཔའི་དམིགས་པའོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ཡང་བྱང་ཆུབ་སེམས་དཔའི་དམིགས་པའོ། །དམིགས་པ་མེད་པ་ནི་གང་ལ་ཆོས་དེ་དག་རྒྱུ་བ་མེད་པ་སྟེ། འདི་ལྟ་སྟེ། གང་ལ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང ། དེ་བཞིན་དུ་མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། དེ་བཞིན་དུ་གཟུགས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་རྣམས་དང ། དེ་བཞིན་དུ་མིག་གི་ཁམས་དང ། གཟུགས་
Kha342a
༄#། །ཀྱི་ཁམས་དང ། མིག་གི་རྣམ་པར་ཤེས་པའི་ཁམས་དང ། དེ་བཞིན་དུ་རྣ་བའི་ཁམས་དང ། སྒྲའི་ཁམས་དང ། རྣ་བའི་རྣམ་པར་ཤེས་པའི་ཁམས་དང ། སྣའི་ཁམས་དང ། དྲིའི་ཁམས་དང ། སྣའི་རྣམ་པར་ཤེས་པའི་ཁམས་དང ། ལྕེའི་ཁམས་དང ། རོའི་ཁམས་དང ། ལྕེའི་རྣམ་པར་ཤེས་པའི་ཁམས་དང ། ལུས་ཀྱི་ཁམས་དང ། རེག་བྱའི་ཁམས་དང ། ལུས་ཀྱི་རྣམ་པར་ཤེས་པའི་ཁམས་དང ། ཡིད་ཀྱི་ཁམས་དང ། ཆོས་ཀྱི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་དང ། དེ་བཞིན་དུ་དྲན་པ་ཉེ་བར་བཞག་པ་བཞི་དང ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང ། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་ཆོས་དེ་དག་དམིགས་སུ་མེད་པའོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གཟུགས་ཀྱི་ངོ་བོ་ཉིད་གང་ཡིན་པ་དེ་ནི་བརྗོད་དུ་མེད་ལ། དེ་བཞིན་དུ་ཚོར་བའི་གང་ཡིན་པ་དང ། འདུ་ཤེས་ཀྱི་གང་ཡིན་པ་དང ། འདུ་བྱེད་རྣམས་ཀྱི་གང་ཡིན་པ་དང ། རྣམ་པར་ཤེས་པའི་ངོ་བོ་ཉིད་གང་ཡིན་པ་དེ་ནི་བརྗོད་དུ་མེད་དོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་ངོ་བོ་ཉིད་གང་ཡིན་པ་དེ་ནི་བརྗོད་དུ་མེད་པའི་ཕྱིར་ཏེ། བསམ་གཏན་དང་སྙོམས་པར་འཇུག་པ་ཐམས་ཅད་ཀྱང་ཡོངས་སུ་རྫོགས་པར་བྱེད་ལ། དེ་དག་གི་དབང་གིས་ཀྱང་མི་སྐྱེན། འདོད་ཆགས་དང ། ཞེ་སྡང་དང ། གཏི་མུག་གི་དབང་གིས་སྐྱེ་བར་ལྟ་ཅི་
Kha342b
སྨོས་ཏེ། དེ་ནི་གནས་མེད་དོ། །སྐྱེ་བ་གང་ལ་གནས་ནས། ལས་གང་དག་མངོན་པར་འདུས་བྱས་པས། འགྲོ་བ་ལྔའི་འཁོར་བར་ལྟུང་བའི་ལས་རྣམས་མངོན་པར་འདུ་བྱེད་པ་དེ་ནི་གནས་མེད་དེ། གཞན་དུ་ན་སྒྱུ་མ་ལྟ་བུའི་འདུ་བྱེད་རྣམས་ལ་ཡང་དག་པ་ཇི་ལྟ་བ་བཞིན་དུ་གནས་ནས། རྟག་ཏུ་སེམས་ཅན་རྣམས་ཀྱི་དོན་བྱེད་མོད་ཀྱི། སེམས་ཅན་ངོ་བོ་ཉིད་ཀྱིས་མི་དམིགས། སྒྱུ་མའང་མི་དམིགས་སོ། །དེས་སེམས་ཅན་དང ། སྒྱུ་མ་མི་དམིགས་པས་སེམས་ཅན་རྣམས་ཀྱང་ཡོངས་སུ་སྨིན་པར་བྱེད། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱས་ནས། འདི་ལྟ་སྟེ། དམིགས་སུ་མེད་པའི་ཆོས་ཀྱི་འཁོར་ལོའི་རབ་ཏུ་སྐོར་བར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ནས། སྤྲུལ་པའི་བར་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ལ་གནས་ནས། ཆོས་ཐམས་ཅད་རྨི་ལམ་ལྟ་བུ་ནས། ཆོས་ཐམས་ཅད་སྤྲུལ་པ་ལྟ་བུའི་བར་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཇི་ལྟར་ཆོས་ཐམས་ཅད་རྨི་ལམ་ལྟ་བུ་ནས། ཆོས་ཐམས་ཅད་སྤྲུལ་པ་ལྟ་བུའི་བར་དུ་ཡང་དག་པ་ཇི་
Kha343a
༄#། །ལྟ་བ་བཞིན་དུ་ཡོངས་སུ་འཆལ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྨི་ལམ་རྨི་བ་མ་ཡིན། རྨི་ལམ་རྨི་བ་པོའང་མ་ཡིན་ནོ། །བྲག་ཅ་ཐོས་པ་མ་ཡིན། བྲག་ཅ་ཉན་པ་པོའང་མ་ཡིན་ནོ། །མིག་ཡོར་མཐོང་བའང་མ་ཡིན། མིག་ཡོར་མཐོང་བ་པོའང་མ་ཡིན་ནོ། །དེ་བཞིན་དུ་སྨིག་རྒྱུ་དང ། སྒྱུ་མ་དང ། སྤྲུལ་པ་མཐོང་བ་པོའང་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་རྨི་ལམ་དང ། དེ་བཞིན་དུ་བྲག་ཅ་དང ། མིག་ཡོར་དང ། སྨིག་རྒྱུ་དང ། སྒྱུ་མ་དང ། སྤྲུལ་པ་ནི་བྱིས་པ་སོ་སོའི་སྐྱེ་བོ་རྣམས་ཀྱི་ཕྱིན་ཅི་ལོག་ཡིན་ཏེ། རབ་འབྱོར། དགྲ་བཅོམ་པ་ཟག་པ་ཟད་པ་ནི་རྨི་ལམ་རྨི་བ་མ་ཡིན། རྨི་ལམ་རྨི་བ་པོའང་མ་ཡིན་ནོ། །དེ་བཞིན་དུ་སྤྲུལ་པ་མཐོང་བའང་མ་ཡིན། སྤྲུལ་པ་མཐོང་བ་པོའི་བར་དུ་མ་ཡིན་ཞིང ། དེ་བཞིན་དུ་རང་སངས་རྒྱས་དང ། བྱང་ཆུབ་སེམས་དཔའ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྨི་ལམ་རྨི་བ་མ་ཡིན། རྨི་ལམ་རྨི་བ་པོའང་མ་ཡིན་ལ། སྤྲུལ་པ་མཐོང་བ་མ་ཡིན། སྤྲུལ་པ་མཐོང་བ་པོའི་བར་དུ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཆོས་ཐམས་ཅད་ནི་ཡོངས་སུ་མ་གྲུབ་པ། ཡང་དག་པར་མ་བྱུང་བ་ཡིན་ན། དེ་བྱང་ཆུབ་སེམས་
Kha343b
དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དངོས་པོའི་འདུ་ཤེས་ཅན་དུ་འགྱུར་བའམ། ཡོངས་སུ་གྲུབ་པའི་འདུ་ཤེས་ཅན་ནམ། ཡང་དག་པར་བྱུང་བའི་འདུ་ཤེས་ཅན་ནམ། ཡང་དག་པའི་འདུ་ཤེས་ཅན་དུ་ལྟ་ག་ལ་འགྱུར་ཏེ། དེ་ནི་གནས་མེད་དོ། །དེ་ཅིའི་ཕྱིར་ཞེ་ན། གལ་ཏེ་ཆོས་འགའ་ཞིག་གི་ངོ་བོ་ཉིད་དམིགས་སམ། དེ་བཞིན་དུ་ཡོངས་སུ་གྲུབ་པའམ། ཡང་དག་པར་བྱུང་བ་དམིགས་ན། དེ་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་པའི་ཕྱིར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་གཟུགས་ལ་མི་ཆགས་སོ། །དེ་བཞིན་དུ་རྣམ་པར་ཤེས་པའི་བར་ལ་མི་ཆགས་སོ། །དེ་བཞིན་དུ་འདོད་པའི་ཁམས་ལ་མི་ཆགས་སོ། །གཟུགས་ཀྱི་ཁམས་ལ་མི་ཆགས་སོ། །གཟུགས་མེད་པའི་ཁམས་ལ་མི་ཆགས་སོ། །དེ་བཞིན་དུ་བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་ཐམས་ཅད་ལ་མི་ཆགས་སོ། །བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་པོ་དག་ལ་མི་ཆགས་སོ། །རྣམ་པར་ཐར་པའི་སྒོ་གསུམ་ལ་མི་ཆགས་སོ། །ཕ་རོལ་ཏུ་ཕྱིན་པ་དྲུག་ལ་མི་ཆགས་སོ། །དེ་ས་དང་པོ་ཡོངས་སུ་རྫོགས་པར་བྱེད་ལ། དེ་ལ་འདུན་པའི་འདོད་ཆགས་ཀྱང་མི་བསྐྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ས་དང་པོ་དེའང་མི་དམིགས་ན། དེ་ལ་འདུན་པའི་འདོད་ཆགས་
Kha344a
༄#། །བསྐྱེད་པར་ལྟ་ག་ལ་འགྱུར་བའི་ཕྱིར་རོ། །དེ་བཞིན་དུ་ས་བཅུའི་བར་དུ་ཡོངས་སུ་རྫོགས་པར་བྱེད་དོ། །དེ་ལ་འདུན་པའི་འདོད་ཆགས་ཀྱང་མི་བསྐྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ས་བཅུའི་བར་དེ་དག་མ་དམིགས་ན། དེ་ལ་འདུན་པའི་འདོད་ཆགས་བསྐྱེད་པར་ལྟ་ག་ལ་འགྱུར་ཏེ། དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་འང་སྤྱོད་ལ། ཤེས་རབ་ཀྱི་ཕ་རོལ་ཏུ་ཕྱིན་པ་དེ་མི་དམིགས་བཞིན་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཆོས་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ཉིད་ཀྱི་ནང་དུ་འདུས་པར་མཐོང་ལ། ཆོས་དེ་དག་ཀྱང་མི་དམིགས་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་ཆོས་དེ་དག་དང ། ཤེས་རབ་ཀྱི་ཕ་རོལ་ཏུ་ཕྱིན་པ་གཉིས་སུ་མེད་ཅིང་གཉིས་སུ་དབྱེར་མེད་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་ལ་བྱེ་བྲག་ཅིའང་མེད་དེ། ཆོས་ཀྱི་དབྱིངས་བསྟན་པ་དང ། ཡང་དག་པའི་མཐའ་བསྟན་པས་ཆོས་ཐམས་ཅད་ཐ་དད་པ་མ་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཆོས་ཐམས་ཅད་དབྱེར་མ་མཆིས་པ་ལ་དགེ་བ་དང ། མི་དགེ་བ་དང ། ལུང་དུ་བསྟན་པའམ་ལུང་དུ་མ་བསྟན་པའི་ཆོས་རྣམས་ཇི་ལྟར་རྣམ་པར་བཞག་ལགས། དེ་བཞིན་དུ་ཟག་པ་དང་བཅས་པ་དང ། ཟག་པ་མ་མཆིས་པ་དང ། འཇིག་རྟེན་པ་དང ། འཇིག་རྟེན་ལས་འདས་པ་དང ། འདུས་
Kha344b
བྱས་དང ། འདུས་མ་བྱས་ཀྱི་ཆོས་རྣམས་ཇི་ལྟར་རྣམ་པར་བཞག་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ཇི་སྙམ་དུ་སེམས། ཅི་ཆོས་རྣམས་ཀྱི་ཆོས་ཉིད་གང་ཡིན་པ་དེ་ལ་དགེ་བའམ། མི་དགེ་བའམ། ལུང་དུ་བསྟན་པའམ། ལུང་དུ་མ་བསྟན་པའམ། ཟག་པ་དང་བཅས་པའམ། ཟག་པ་མེད་པའམ། འཇིག་རྟེན་པའམ། འཇིག་རྟེན་ལས་འདས་པའམ། འདུས་བྱས་སམ། འདུས་མ་བྱས་སམ། དེ་བཞིན་དུ་རྒྱུན་དུ་ཞུགས་པའི་འབྲས་བུའམ། ལན་གཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་དམ། རང་བྱང་ཆུབ་བམ།་ཡང་དག་པར་རྫོགས་པའི་བྱང་ཆུབ་ཀྱི་བར་གྱི་ཆོས་འགའི་བརྗོད་པའང་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཁྱོད་ཀྱིས་རྣམ་གྲངས་དེས་ན། ཆོས་ཐམས་ཅད་ནི་ཐ་དད་པ་མ་ཡིན་པ། མཚན་ཉིད་མེད་པ། སྐྱེ་བ་མེད་པ། འགག་པ་མེད་པ་དེ་ལྟར་རིག་པར་བྱའོ། །རབ་འབྱོར། ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པས་ཀྱང་འདི་ལྟ་སྟེ། གཟུགས་སམ། ཚོར་བའམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་པའམ། འདུས་བྱས་སམ། འདུས་མ་བྱས་སམ། རྒྱུན་དུ་ཞུགས་པའི་འབྲས་བུའམ། དེ་བཞིན་དུ་སྦྱར་པྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་ཆོས་འགའི་ངོ་བོ་ཉིད་ཀྱང་མ་དམིགས་ཏེ། རབ་འབྱོར།
Kha345a
༄#། །དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་ཆོས་ཐམས་ཅད་ཀྱི་ངོ་བོ་ཉིད་ལ་མཁས་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཀྱི་ངོ་བོ་ཉིད་ལ་མཁས་པ་ནི་བྱང་ཆུབ་ཀྱི་ལམ་ཡོངས་སུ་དག་པར་བྱེད། སེམས་ཅན་རྣམས་ཀྱང་ཡོངས་སུ་སྨིན་པར་བྱེད། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་ཅིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། ཆོས་ཀྱི་འཁོར་ལོ་བསྐོར་ནས། ཅི་ནས་ཀྱང་སེམས་ཅན་རྣམས་ཕྱིས་ས་གསུམ་དུ་རྒྱུ་བར་མི་འགྱུར་བར་འདུལ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་མཚན་ཉིད་མེད་པའི་ཚུལ་གྱིས་བསླབ་པར་བྱའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཆོས་རྣམས་རྨི་ལམ་ལྟ་བུ་དང ། དངོས་པོ་མ་མཆིས་པ། དངོས་པོ་མ་མཆིས་པའི་ངོ་བོ་ཉིད་དང ། རང་གི་མཚན་ཉིད་ཀྱིས་སྟོང་པ་ལ། འདི་ལྟ་སྟེ། འདི་དག་ནི་དགེ་བའི་ཆོས་རྣམས་སོ། །འདི་དག་ནི་མི་དགེ་བའི་ཆོས་རྣམས་སོ། །འདི་དག་ནི་ལུང་དུ་བསྟན་པ་དག་གོ། འདི་དག་
Kha345b
ནི་ལུང་དུ་མ་བསྟན་པ་དག་གོ་།འདི་དག་ནི་ཟག་པ་དང་བཅས་པ་དག་གོ་།འདི་དག་ནི་ཟག་པ་མ་མཆིས་པ་དག་གོ་།འདི་དག་ནི་འཇིག་རྟེན་པ་དག་གོ་།འདི་དག་ནི་འཇིག་རྟེན་ལས་འདས་པ་དག་གོ ། འདི་དག་ནི་འདུས་བྱས་དག་གོ་།འདི་དག་ནི་འདུས་མ་བྱས་ཀྱི་ཆོས་རྣམས་སོ། །ཆོས་འདི་དག་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱེད་པར་འགྱུར་བ་དག་གོ་།འདི་དག་ནི་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱེད་པར་འགྱུར་བ་དག་གོ། འདི་དག་ནི་ཕྱིར་མི་འོང་བའི་འབྲས་བུ་མངོན་སུམ་དུ་བྱེད་པར་འགྱུར་བ་དག་གོ་།འདི་དག་ནི་དགྲ་བཅོམ་པ་ཉིད་ཀྱི་འབྲས་བུ་མངོན་སུམ་དུ་བྱེད་པར་འགྱུར་བདག་གོ་།འདི་དག་ནི་རང་བྱང་ཆུབ་ཏུ་འགྱུར་བ་དག་གོ་།ཆོས་འདི་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བ་དག་གོ་ཞེས་ཇི་ལྟར་རྣམ་པར་གཞག་པར་འགྱུར་ལགས་།དེ་བཞིན་དུ་རྨི་ལམ་ལྟ་བུའི་ཆོས་རྣམས་དང ། བྲག་ཅ་ལྟ་བུའི་ཆོས་རྣམས་དང ། མིག་ཡོར་ལྟ་བུ་དང ། སྨིག་རྒྱུ་ལྟ་བུ་དང ། གཞི་མ་མཆིས་པ་དང ། དངོས་པོ་མ་མཆིས་པ་དང ། དངོས་པོ་མ་མཆིས་པའི་ངོ་བོ་ཉིད་དང ། རང་གི་མཚན་ཉིད་ཀྱིས་སྟོང་པའི་ཆོས་རྣམས་ལ། འདི་དག་ནི་དགེ་བའི་ཆོས་རྣམས་སོ། །འདི་དག་ནི་མི་དགེ་བའི་ཆོས་རྣམས་སོ་ཞེས་བགྱི་བ་ནས། ཆོས་འདི་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བ་དག་གོ་ཞེས་བགྱི་བའི་བར་དུ་ཇི་ལྟར་རྣམ་པར་བཞག་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་
Kha346a
༄#། །པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ལ་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་ནི། རྨི་ལམ་དམིགས། རྨི་ལམ་རྨི་བ་པོའང་དམིགས་སོ། །དེ་བཞིན་དུ་སྤྲུལ་པ་དམིགས། སྤྲུལ་པ་མཐོང་བ་པོའི་བར་དུའང་དམིགས་སོ། །དེ་རྨི་ལམ་དང ། རྨི་ལམ་རྨི་བ་པོའང་དམིགས་པ་ནས། དེ་བཞིན་དུ་སྤྲུལ་པ་དང ། སྤྲུལ་པ་མཐོང་བ་པོའི་བར་དུ་དམིགས་པས་ལུས་དང ། ངག་དང ། ཡིད་ཀྱིས་ཕྱིན་ཅི་ལོག་ཏུ་གཏོགས་པ་མི་དགེ་བའི་འདུ་བྱེད་རྣམས་ཀྱང་མངོན་པར་འདུ་བྱེད་དོ། །ལུས་དང ། ངག་དང ། ཡིད་ཀྱིས་དགེ་བའི་འདུ་བྱེད་རྣམས་ཀྱང་མངོན་པར་འདུ་བྱེད་དོ། །དེ་བཞིན་དུ་ལུས་དང ། ངག་དང ། ཡིད་ཀྱིས་བསོད་ནམས་དང ། བསོད་ནམས་མ་ཡིན་པ་དང ། མི་གཡོ་བའི་འདུ་བྱེད་རྣམས་ཀྱང་མངོན་པར་འདུ་བྱེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་འདུས་བྱས་ལ་སྟོང་པ་ཉིད་གཉིས་ཀྱིས་བརྟགས་ནས། སྟོང་པ་ཉིད་གཉིས་པོ་དེ་ཉིད་ལ་གནས་ཏེ། བྱིས་པ་སོ་སོའི་སྐྱེ་བོ་རྣམས་ལ་ཆོས་སྟོན་ཏོ། །སྟོང་པ་ཉིད་གཉིས་པོ་གང་ལ་གནས་ཏེ་སྟོན་ཅེ་ན། འདི་ལྟ་སྟེ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་ལའོ། །ཆོས་ཇི་སྐད་སྟོན་ཅེ་ན། འདི་ལྟ་སྟེ། གཟུགས་དེ་ནི་བདག་དང ། བདག་གིས་སྟོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་
Kha346b
ཤེས་པ་ནི་བདག་དང ། བདག་གིས་སྟོང་ངོ ། དེ་བཞིན་དུ་སྐྱེ་མཆེད་འདི་དག་ནི་བདག་དང ། བདག་གིས་སྟོང་ངོ ། །དེ་བཞིན་དུ་ཁམས་རྣམས་ནི་བདག་དང ། བདག་གིས་སྟོང་ངོ ། །ཀྱེ་ཕུང་པོ་རྣམས་ནི་རྨི་ལམ་ལྟ་བུ་ནས། སྤྲུལ་པའི་བར་ལྟ་བུའོ། །སྐྱེ་མཆེད་དེ་དག་ནི་རྨི་ལམ་ལྟ་བུ་ནས། སྤྲུལ་པའི་བར་ལྟ་བུའོ། །ཁམས་འདི་དག་ནི་སྤྲུལ་པའི་བར་དག་ལྟ་བུ་སྟེ། ཀྱེ་འདི་དག་ལ་ཕུང་པོ་དང།་ཁམས་དང ། སྐྱེ་མཆེད་ནི་ཅིའང་མེད་དོ། །འདི་ལ་རྨི་ལམ་མམ། རྨི་ལམ་རྨི་བ་པོ་འགའ་ཡང་མེད་དོ། །བྲག་ཅའམ། བྲག་ཅ་ཉན་པ་པོའམ། མིག་ཡོར་རམ། མིག་ཡོར་མཐོང་བ་པའམ། དེ་བཞིན་དུ་སྨིག་རྒྱུ་དང ། སྒྱུ་མ་དང ། སྤྲུལ་པ་མཐོང་བ་པོའང་མེད་དེ། ཆོས་ཐམས་ཅད་ནི་དངོས་པོ་མེད་པ་དང་དངོས་པོ་མེད་པའི་ངོ་བོ་ཉིད་ཡིན་ན། ཁྱེད་ནི་ཕུང་པོ་མེད་པ་ལ་ཕུང་པོར་འདུ་ཤེས་པར་འགྱུར། ཁམས་མེད་པ་ལ་ཁམས་སུ་འདུ་ཤེས་པ་དང ། སྐྱེ་མཆེད་རྣམས་མེད་པ་ལ་སྐྱེ་མཆེད་དུ་འདུ་ཤེས་པར་ཟད་དོ། །ཆོས་འདི་དག་ཐམས་ཅད་ནི་རྟེན་ཅིང་འབྲེལ་པར་འབྱུང་བ་ཕྱིན་ཅི་ལོག་ལས་སྐྱེས་པ་དང ། ལས་ཀྱི་རྣམ་པར་སྨིན་པས་ཡོངས་སུ་ཟིན་པ་ཡིན་ན། འདི་ལ་ཁྱེད་དངོས་པོ་མེད་པའི་ཆོས་རྣམས་ལ་དངོས་པོར་འདུ་ཤེས་པའི་རྒྱུ་གཞན་གང་ཡིན་ཞེས་སྟོན་པར་བྱེད་ཅིང ། སེམས་ཅན་སེར་སྣ་ཅན་གང་དག་ཡིན་པ་དེ་དག་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་དེས་སེར་སྣ་དེ་ལས་བཟློག་ནས། སྦྱིན་པའི་ཕ་རོལ་
Kha347a
༄#། །ཏུ་ཕྱིན་པ་ལ་སྦྱོར་བར་བྱེད་དོ། །སེམས་ཅན་དེ་དག་གི་སྦྱིན་པ་ཡོངས་སུ་གཏོང་བ་དེའང་ལོངས་སྤྱོད་ཆེན་པོ་ཉིད་དུ་འགྱུར་རོ། །དེ་ལས་ཀྱང་བཟློག་ནས། ཚུལ་ཁྲིམས་ལ་སྦྱོར་བར་བྱེད་དོ། །དེ་དག་གི་ཚུལ་ཁྲིམས་ཡང་དག་པར་བླང་བ་དེའང་མཐོ་རིས་སུ་སྐྱེ་བར་འགྱུར་རོ། །དེས་ཀྱང་བཟློག་ནས། ཏིང་ངེ་འཛིན་དག་ལ་སྦྱོར་བར་བྱེད་དེ། དེ་དག་གི་ཏིང་ངེ་འཛིན་དེ་དག་ཀྱང་ཚངས་པའི་འཇིག་རྟེན་དུ་སྐྱེ་བར་འགྱུར་རོ། །དེ་བཞིན་དུ་བསམ་གཏན་དང་པོ་ལས་བཟློག་ནས། བསམ་གཏན་གཉིས་པ་ལ་རབ་ཏུ་འགོད་པར་བྱེད་དོ། །བསམ་གཏན་གཉིས་པ་ལས་བཟློག་ནས། བསམ་གཏན་གསུམ་པ་ལ་རབ་ཏུ་འགོད་པར་བྱེད་དོ། །བསམ་གཏན་གསུམ་པ་ལས་བཟློག་ནས། བསམ་གཏན་བཞི་པ་ལ་རབ་ཏུ་འགོད་པར་བྱེད་དོ། །བསམ་གཏན་བཞི་པ་ལས་བཟློག་ནས། ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་ལ་རབ་ཏུ་འགོད་པར་བྱེད་དོ། །དེ་བཞིན་དུ་སྦྱར་ཏེ་།ཅི་རིགས་པར་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པ་ལ་རབ་ཏུ་འགོད་པར་བྱེད་དོ། །དེ་ལས་ཀྱང་བཟློག་ནས། ཐེག་པ་གསུམ་པོ་དག་ལ་རབ་ཏུ་འགོད་པར་བྱེད་དོ། །དེ་ནས་སེམས་ཅན་ཁ་ཅིག་སྦྱིན་པ་དང ། སྦྱིན་པའི་འབྲས་བུ་དེ་ལས་བཟློག་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་ཚུལ་
Kha347b
ཁྲིམས་ཀྱི་ཕུང་པོ་དེ་ལས་བཟློག་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་བསམ་གཏན་དང ། བསམ་གཏན་གྱི་འབྲས་བུ་དེ་དག་ལས་རྣམ་གྲངས་དུ་མས་བཟློག་ཅིང ། འདུན་པ་བཟློག་ནས་མྱ་ངན་ལས་འདས་པའི་དབྱིངས་སུ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་ཏིང་ངེ་འཛིན་དང ། སྙོམས་པར་འཇུག་པ་དང ། ཏིང་ངེ་འཛིན་དང ། སྙོམས་པར་འཇུག་པའི་འབྲས་བུ་དེ་དག་ལས་རྣམ་གྲངས་དུ་མས་བཟློག་ཅིང ། འདུན་པ་བཟློག་ནས། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་པོ་དག་ལ་འཛུད་པར་བྱེད། རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་འཛུད་
Kha348a
༄#། །པར་བྱེད། རབ་ཏུ་འགོད་པར་བྱེད་དོ། །དེ་ཟག་པ་མེད་པའི་ཆོས་བསྟན་དུ་མེད་པ། ཐོགས་པ་མེད་པ་དེ་དག་དང་ལྡན་པས། སེམས་ཅན་ཁ་ཅིག་ནི་རྒྱུན་དུ་ཞུགས་པའི་འབྲས་བུ་ལ་རབ་ཏུ་འགོད་པར་བྱེད་དོ། །སེམས་ཅན་ཁ་ཅིག་ནི་ལན་གཅིག་ཕྱིར་འོང་བའི་འབྲས་བུ་ལ་རབ་ཏུ་འགོད་པར་བྱེད་དོ། །ཁ་ཅིག་ནི་ཕྱིར་མི་འོང་བའི་འབྲས་བུ་ལ། ཁ་ཅིག་ནི་དགྲ་བཅོམ་པ་ཉིད་ལ། ཁ་ཅིག་ནི་རང་བྱང་ཆུབ་ལ་རབ་ཏུ་འགོད་པར་བྱེད་དོ། །གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་དེ་དག་ལ་རྫོགས་པའི་བྱང་ཆུབ་ཀྱི་ལམ་རྗོད་པར་བྱེད། སྟོན་པར་བྱེད། སེམས་ཅན་དེ་དག་ལ་ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། རྨི་ལམ་ལྟ་བུའི་ཆོས་རྣམས་དང ། སྤྲུལ་པའི་བར་ལྟ་བུའི་ཆོས་རྣམས་དང ། དངོས་པོ་མེད་པ་དང ། དངོས་པོ་མེད་པའི་ངོ་བོ་ཉིད་དང ། རང་གི་མཚན་ཉིད་ཀྱིས་སྟོང་པའི་ཆོས་རྣམས་ལ་རྣམ་པར་འཇོག་པར་བྱེད་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་
Kha348b
ཕ་རོལ་ཏུ་ཕྱིན་པ་ཟབ་མོ་འདི་ཉིད་ལ་སྤྱོད་པ་ནི། རྨི་ལམ་ལྟ་བུའི་ཆོས་རྣམས་དང ། དངོས་པོ་མ་མཆིས་པ་དང ། དངོས་པོ་མ་མཆིས་པའི་ངོ་བོ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་ཀྱི་ཆོས་རྣམས་ལ། འདི་ལྟ་སྟེ། འདི་དག་ནི་དགེ་བའི་ཆོས་རྣམས་སོ། །འདི་དག་ནི་མི་དགེ་བའི་ཆོས་རྣམས་སོ། །འདི་དག་ནི་ལུང་དུ་བསྟན་པ་དག་གོ།་འདི་དག་ནི་ལུང་དུ་མ་བསྟན་པ་དག་གོ། འདི་དག་ནི་ཟག་པ་དང་བཅས་པ་དག་གོ་།འདི་དག་ནི་ཟག་པ་མེད་པ་དག་གོ་།འདི་དག་ནི་འཇིག་རྟེན་པ་དག་གོ་།འདི་དག་ནི་འཇིག་རྟེན་ལས་འདས་པ་དག་གོ་།འདི་དག་ནི་འདུས་བྱས་སོ། །འདི་དག་ནི་འདུས་མ་བྱས་ཀྱི་ཆོས་རྣམས་སོ་ཞེས་རྣམ་པར་འཇོག་པར་བགྱིད་པ་འདི་ནི་ངོ་མཚར་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་གང་ཆོས་རྣམས་ཀྱི་རྣམ་པར་འཇོག་པར་བྱེད་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་ངོ་མཚར་རྨད་དུ་བྱུང་བའི་ཆོས་ཡིན་ནོ། །རབ་འབྱོར། གལ་ཏེ་ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ངོ་མཚར་རྨད་དུ་བྱུང་བའི་ཆོས་གང་དག་ཡིན་
Kha349a
༄#། །པ་ངོ་མཚར་རྨད་དུ་བྱུང་བའི་ཆོས་གང་དག་ཉན་ཐོས་དང ། རང་སངས་རྒྱས་རྣམས་ལ་མེད་པ་དག་ཤེས་ན་ནི་དེའི་ཕྱིར་ཉན་ཐོས་དང ། རང་སངས་རྒྱས་ཐམས་ཅད་ཀྱིས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་ལན་དུ་ཕན་གདགས་པར་སླ་བ་མ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ངོ་མཚར་རྨད་དུ་བྱུང་བའི་ཆོས་གང་དག་ཉན་ཐོས་དང ། རང་སངས་རྒྱས་ཐམས་ཅད་ལ་མ་མཆིས་པ་དེ་དག་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཡིད་ལ་ཟུང་ཞིག་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ངོ་མཚར་རྨད་དུ་བྱུང་བའི་ཆོས་གང་དག་ཡིན་པ་བཤད་པར་བྱའོ། །རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམ་པར་སྨིན་པ་ལས་བྱུང་བའི་ཕ་རོལ་ཏུ་ཕྱིན་པ་དྲུག་པོ་དག་ལ་གནས་ཤིང ། མངོན་པར་ཤེས་པ་ལྔ་དང ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང ། གཟུངས་ཀྱི་སྒོ་རྣམས་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་
Kha349b
པ་བཅོ་བརྒྱད་ལ་གནས་ནས། ཕྱོགས་བཅུའི་འཇིག་རྟེན་གྱི་ཁམས་དག་ཏུ་སོང་སྟེ། དེ་དག་ཏུ་སེམས་ཅན་གང་དག་སྦྱིན་པས་བསྡུ་བར་བྱ་བ་དེ་དག་ནི་སྦྱིན་པས་ཡོངས་སུ་སྡུད་དོ། །གང་དག་ཚུལ་ཁྲིམས་ཀྱིས་བསྡུ་བར་བྱ་བ་དང ། གང་དག་བཟོད་པས་བསྡུ་བར་བྱ་བ་དང ། གང་དག་བརྩོན་འགྲུས་ཀྱིས་བསྡུ་བར་བྱ་བ་དང ། གང་དག་བསམ་གཏན་གྱིས་བསྡུ་བར་བྱ་བ་དང ། གང་དག་ཤེས་རབ་ཀྱིས་བསྡུ་བར་བྱ་བ་དེ་དག་ནི་ཤེས་རབ་ཀྱིས་ཡོངས་སུ་སྡུད་དོ། །དེ་བཞིན་དུ་སེམས་ཅན་གང་དག་ཚད་མེད་པ་བཞི་དང ། བསམ་གཏན་བཞི་དང ། གཟུགས་མེད་པའི་སྙོམས་པར་འཇུག་པ་བཞིས་བསྡུ་བར་བྱ་བ་དང ། གང་དག་དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པས་བསྡུ་བར་བྱ་བ་དེ་དག་ནི་འཕགས་པའི་ལམ་ཡན་ལག་བརྒྱད་པའི་བར་གྱིས་ཡོངས་སུ་སྡུད་དོ། །དེ་བཞིན་དུ་གང་དག་སྟོང་པ་ཉིད་ཀྱི་ཏིང་ངེ་འཛིན་གྱིས་བསྡུ་བར་བྱ་བ་དང ། གང་དག་མཚན་མ་མེད་པའི་ཏིང་ངེ་འཛིན་གྱིས་བསྡུ་བར་བྱ་བ་དང ། གང་དག་སྨོན་པ་མེད་པའི་ཏིང་ངེ་འཛིན་གྱིས་བསྡུ་བར་བྱ་བ་དེ་དག་ནི། སྨོན་པ་མེད་པའི་ཏིང་ངེ་འཛིན་གྱིས་ཡོངས་སུ་སྡུད་དོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་
Kha350a
༄#། །པ་ལ་སྤྱོད་པ། རྣམ་པར་སྨིན་པ་ལས་བྱུང་བའི་ཕ་རོལ་ཏུ་ཕྱིན་པ་དྲུག་ལ་གནས། དེ་བཞིན་དུ་མངོན་པར་ཤེས་པ་ལྔ་དང ། སོ་སོ་ཡང་དག་པར་རིག་པ་བཞི་ལ་གནས་ནས། སེམས་ཅན་གང་དག་སྦྱིན་པས་བསྡུ་བར་བྱ་བ་དེ་དག་ཇི་ལྟར་སྦྱིན་པས་ཡོངས་སུ་སྡུད་ཅེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། སེམས་ཅན་རྣམས་ལ་སྦྱིན་པ་སྦྱིན་པར་བྱེད་དེ། འདི་ལྟ་སྟེ། ཟས་འདོད་པ་རྣམས་ལ་ནི་ཟས། སྐོམ་འདོད་པ་རྣམས་ལ་ནི་སྐོམ། བཞོན་པ་འདོད་པ་རྣམས་ལ་ནི་བཞོན་པ། གོས་འདོད་པ་རྣམས་ལ་ནི་གོས། མེ་ཏོག་འདོད་པ་རྣམས་ལ་ནི་མེ་ཏོག་།ཕྲེང་བ་འདོད་པ་རྣམས་ལ་ནི་ཕྲེང་བ། སྤོས་འདོད་པ་རྣམས་ལ་ནི་སྤོས། བྱུག་པ་འདོད་པ་རྣམས་ལ་ནི་བྱུག་པ། མལ་ཆ་འདོད་པ་རྣམས་ལ་ནི་མལ་ཆ། སྟན་འདོད་པ་རྣམས་ལ་ནི་སྟན། མར་མེ་འདོད་པ་རྣམས་ལ་ནི་མར་མེ། ན་བའི་གསོས་སྨན་འདོད་པ་ནས་མིའི་ཡོ་བྱད་ཅིའང་རུང་བའི་བར་དུ་འདོད་པ་རྣམས་ལ་ནི་སྦྱིན་པར་བྱེད་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཇི་ལྟར་དབུལ་བ་དེ་བཞིན་དུ་ཉན་ཐོས་དང ། རང་སངས་རྒྱས་རྣམས་ལའང་ཆོས་གོས་དང ། བསོད་སྙོམས་དང ། མལ་ཆ་དང ། ན་བའི་གསོས་སྨན་དང ། ཡོ་བྱད་རྣམས་སྦྱིན་
Kha350b
པར་བྱེད་དོ། །མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། ཕྱེ་མ་དང ། གདུགས་དང ། རྒྱལ་མཚན་དང ། བ་དན་དང ། མར་དང ། འབྲུ་མར་དང ། མར་མེ་དག་སྦྱིན་པར་བྱེད་དོ། ། ཇི་ལྟར་ཚུལ་ཁྲིམས་དང་ལྡན་པ་དེ་དག་ལ་སྦྱིན་པ་སྦྱིན་པར་བྱེད་པ་དེ་བཞིན་དུ་ཚུལ་ཁྲིམས་འཆལ་བ་རྣམས་ལའང་སྦྱིན་པ་སྦྱིན་པར་བྱེད་དོ། །དེ་བཞིན་དུ་མི་རྣམས་ལའང་སྦྱིན་པ་སྦྱིན། ། པར་བྱེད་དོ། །དེ་བཞིན་དུ་མི་མ་ཡིན་པར་གྱུར་པ་རྣམས་ལའང་སྦྱིན་པ་སྦྱིན་པར་བྱེད་དོ། །དེ་སྣོད་དང་སྣོད་མ་ཡིན་པར་ཡོངས་སུ་མི་རྟོག་གི་།སེམས་ཅན་ཐམས་ཅད་ལ་ཐ་དད་པ་མེད་པ་ཉིད་ཀྱི་འདུ་ཤེས་ཉེ་བར་བཞག་ནས། སྦྱིན་པ་སྦྱིན་པར་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་ཐ་དད་པ་མེད་པར་རྟོགས་པའི་ཕྱིར་ཡོངས་སུ་ཤེས་ཤིང་མངོན་དུ་བྱས་ནས། དེ་ཐ་དད་པ་མེད་པའི་སྦྱིན་པ་བྱིན་པས། ཐ་དད་པ་མེད་པའི་ཆོས། འདི་ལྟ་སྟེ། རྣམ་པ་ཐམས་ཅད་མཁྱེན་པ་ཉིད་འཐོབ་པར་འགྱུར་རོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་མཐོང་ན། འདི་སྙམ་དུ་བདག་གི་སྦྱིན་གནས་ནི། ཡང་དག་པར་རྫོགས་པའི་སངས་རྒྱས་ཡིན་གྱི། དུད་འགྲོའི་སྐྱེ་གནས་སུ་སྐྱེས་པ་ནི་མ་ཡིན་ནོ་སྙམ་དུ་སེམས་བསྐྱེད་ན། བྱང་ཆུབ་སེམས་དཔའི་ཆོས་མ་ཡིན་ནོ། །དེ་ཅིའི་ཕྱིར་ཞེ་ན། རང་གི་སེམས་ཡོངས་སུ་དག་ན། བྱང་ཆུབ་སེམས་དཔའི་
Kha351a
༄#། །སྦྱིན་གནས་ཡོངས་སུ་དག་པའི་ཕྱིར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས་ནི་བདག་གིས་སེམས་ཅན་དབུལ་པོ་འདི་དག་སྦྱིན་པས་བསྡུས་ན། གཞན་གྱི་རྫས་དག་ལ་རྐུ་བར་མི་འགྱུར་ཞིང་ཆོག་ཤེས་པར་གྱུར་ནས་གཞན་དག་ལའང་སྦྱིན་པ་བྱེད་པར་འགྱུར། དེ་བཞིན་དུ་སྦྱིན་བས་བསྡུས་ན་སྲོག་ཆགས་རྣམས་ཀྱི་སྲོག་གཅོད་པར་མི་འགྱུར། དེ་བཞིན་དུ་སྦྱིན་པས་བསྡུས་ན། རྫུན་མི་ཟེར། ཕྲ་མ་མི་སྨྲ། དག་རྩུབ་པོ་མི་སྨྲ། ཚིག་འཁྱལ་པ་མི་སྨྲ་བར་འགྱུར་ཏེ། དེ་དག་རྒྱུ་དེས་ལུས་ཞིག་པའི་འོག་ཏུ། རྒྱལ་རིགས་ཤིང་སཱ་ལ་ཆེན་པོ་ལྟ་བུའི་ཁྱིམ་དག་ཏུ་སྐྱེ་བར་འགྱུར། དེ་བཞིན་དུ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའི་ཁྱིམ་དག་ཏུ་སྐྱེ་བར་འགྱུར། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུའི་ཁྱིམ་དག་ཏུ་སྐྱེ་བར་འགྱུར། དེ་དག་རྒྱུ་དེ་ཉིད་ཀྱིས། འདི་ལྟ་སྟེ། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པའམ། ཡང་དག་པར་རྫོགས་པའི་སངས་རྒྱས་ཀྱི་ཐེག་པས་ཕུང་པོའི་ལྷག་མ་མེད་པའི་མྱང་ན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པའི་བར་དུ་འགྱུར་རོ་སྙམ་ནས། བྱང་ཆུབ་སེམས་དཔའ་སེམས་དཔའ་ཆེན་པོས་བདག་གིས་སེམས་ཅན་མགོན་མེད་པ་རྣམས་ཀྱི་མགོན་དང ། གནས་མེད་པ་རྣམས་ཀྱི་གནས་དང ། ཡོངས་སུ་འདྲེན་པ་མེད་པ་རྣམས་
Kha351b
ཀྱི་ཡོངས་སུ་འདྲེན་པར་འགྱུར་བར་བྱའོ་ཞེས་སྔོན་ཡི་དམ་འདི་མ་བཅས་སམ། ཕྱིར་རྒོལ་བའམ། གསོད་པ་མཐོང་ངམ། གཞན་གང་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་བསླངས་ནའང་དེས་སྦྱིན་ནམ་མི་སྦྱིན་སྙམ་དུ་སེམས་གཞན་བསྐྱེད་པར་མི་བྱའོ། །འཁྲུག་པ་མེད་པའི་སེམས་ཀྱིས་ཕྱིར་རྒོལ་བ་དང ། གསོད་པ་དེ་དག་ལ་རང་གི་ལུས་སྦྱིན་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་སེམས་ཅན་ཐམས་ཅད་ཀྱི་དོན་དང ། ཕན་པ་དང ། བདེ་བའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ཡིན་གྱི། ལུས་དང་སྲོག་གི་ཕྱིར་ནི་མ་ཡིན་པའི་ཕྱིར་རོ། །གལ་ཏེ་སྦྱིན་ནམ་མི་སྦྱིན་སྙམ་དུ་རྣམ་པར་རྟོག་པར་གྱུར་ན་ནི། དེ་ལ་སངས་རྒྱས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། རང་སངས་རྒྱས་རྣམས་དང ། དེ་ལས་གཞན་པ་འཕགས་པའི་གང་ཟག་དེ་དག་དང ། ལྷ་དང་མི་དང་ལྷ་མ་ཡིན་གྱི་འཇིག་རྟེན་གྱིས་ཀྱང་དེ་ལ་ཁྱོད་ལ་སུས་གསོལ་བ་བཏབ་ན། བདག་སེམས་ཅན་ཐམས་ཅད་ཀྱི་སྐྱབས་དང ། གནས་དང ། མགོན་དང་དཔུང་གཉེན་དང ། ཡོངས་སུ་འདྲེན་པར་འགྱུར་བར་བྱའོ་ཞེས་སྔོན་གྱི་ཚེ་རབས་སུ་ཡི་དམ་འདི་བཅས་ཞེས་སྨད་པར་འགྱུར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མཚན་ཉིད་མི་འདྲ་བའི་ལེའུ་ཞེས་བྱ་སྟེ་ཉི་ཤུ་བརྒྱད་པའོ།། །།དེ་
Kha352a
༄#། །ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཇི་ལྟར་ཆོས་ཀྱི་སྦྱིན་པས་སེམས་ཅན་རྣམས་སྡུད་པར་བྱེད། བཅོམ་ལྡན་འདས་ཀྱི་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམས་ཆོས་ཀྱི་སྦྱིན་པས་སེམས་ཅན་རྣམས་སྡུད་པ་ནི་རྣམ་པ་གཉིས་ཏེ། རབ་འབྱོར་འཇིག་རྟེན་པ་དང ། འཇིག་རྟེན་ལས་འདས་པའི་ཆོས་ཀྱི་སྦྱིན་པའོ། །དེ་ལ་འཇིག་རྟེན་པའི་ཆོས་ཀྱི་སྦྱིན་པ་གང་ཞེ་ན། གང་འཇིག་རྟེན་པའི་ཆོས་རྣམས་བརྗོད་པ་དང ། འཆད་པ་དང ། རབ་ཏུ་སྟོན་པ་དང ། རྣམ་པར་འབྱེད་པ་སྟེ། འདི་ལྟ་སྟེ། མི་སྡུག་པའི་ལེའུ་དང ། བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། མངོན་པར་ཤེས་པ་ལྔ་བརྗོད་པ་དང།་འཆད་པ་དང ། རབ་ཏུ་སྟོན་པ་དང ། རྣམ་པར་འབྱེད་པ་སྟེ། འདི་ནི་འཇིག་རྟེན་པའི་ཆོས་ཀྱི་སྦྱིན་པ་ཞེས་བྱའོ། །ཅིའི་ཕྱིར་འཇིག་རྟེན་པ་ཡིན་ཞེ་ན། འཇིག་རྟེན་ལས་མི་འཕགས་པས།་དེའི་ཕྱིར་འཇིག་རྟེན་པ་ཞེས་བྱའོ། །དེ་དག་ནི་འཇིག་རྟེན་པའི་སྦྱིན་པ་དེ་བྱིན་ནས། རྣམ་གྲངས་དུ་མས་སེམས་ཅན་དེ་དག་བསམ་གཏན་དང ། ཚད་མེད་པ་དང ། གཟུགས་མེད་
Kha352b
པའི་སྙོམས་པར་འཇུག་པ་དང ། མངོན་པར་ཤེས་པ་དེ་དག་ལས་འབྱེད་པར་བྱེད། ཟློག་པར་བྱེད་དེ། ཕྱེ་ཞིང་བཟློག་ནས་ཀྱང་ཐབས་ལ་མཁས་པས་འཕགས་པའི་ཆོས་ལ་འགོད་པར་བྱེད་དེ།་འདི་ལྟ་སྟེ། དྲན་པ་ཉེ་བར་བཞག་པ་བཞི་དང ། དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དང ། རྣམ་པར་ཐར་པའི་སྒོ་གསུམ་ལ་འགོད་པར་བྱེད་དོ། །དེ་བཞིན་དུ་རྒྱུན་དུ་ཞུགས་པའི་འབྲས་བུ་དང ། རང་བྱང་ཆུབ་ཀྱི་བར་ལ་འགོད་པར་བྱེད་དེ། འདི་ནི་འཇིག་རྟེན་ལས་འདས་པའི་ཆོས་ཀྱི་སྦྱིན་པ་ཡིན་ནོ། །ཅིའི་ཕྱིར་དེ་འཇིག་རྟེན་ལས་འདས་པ་ཡིན་ཞེན་འཇིག་རྟེན་ལས་རྒལ་བ་དང ། འཇིག་རྟེན་རྣམས་ཀྱི་གོང་ན་འདུག་པའི་ཕྱིར་རོ། །འཕགས་པའི་ཆོས་རྣམས་ནི་གང ། འཕགས་པའི་ཆོས་རྣམས་ཀྱི་འབྲས་བུ་ནི་གང་ཞེ་ན། འཕགས་པའི་ཆོས་རྣམས་ཞེས་བྱ་བ་ནི། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང ། རྣམ་པར་ཐར་པའི་སྒོ་གསུམ་དང ། དེ་བཞིན་གཤེགས་པའི་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གོ་།འཕགས་པའི་ཆོས་ཀྱི་འབྲས་བུ་དག་ནི། འདི་ལྟ་སྟེ། རྒྱུན་དུ་ཞུགས་པའི་འབྲས་བུ་དང ། དེ་བཞིན་དུ་སྦྱར་ཏེ། བླ་ན་མེད་པ་ཡང་དག་པར་རྫོགས་བྱང་ཆུབ་ཀྱི་བར་དག་གོ་།རབ་འབྱོར། དེ་ལྟ་མོད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འཕགས་པའི་ཆོས་རྣམས་ནི་གང་རྒྱུན་དུ་ཞུགས་པའི་འབྲས་བུ་ཤེས་པ་
Kha353a
༄#། །དང ། རང་བྱང་ཆུབ་ཤེས་པའི་བར་དང ། དེ་བཞིན་དུ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་བར་དུ་ཤེས་པ་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ཤེས་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ཤེས་པ་དང ། དེ་བཞིན་དུ་ཟག་པ་དང་བཅས་པ་དང ། ཟག་པ་མེད་པའི་ཆོས་རྣམས་དང ། འཇིག་རྟེན་པ་དང ། འཇིག་རྟེན་ལས་འདས་པའི་ཆོས་རྣམས་དང ། འདུས་བྱས་དང ། འདུས་མ་བྱས་ཀྱི་ཆོས་རྣམས་ཤེས་པ་སྟེ། དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འཕགས་པའི་ཆོས་རྣམས་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འཕགས་པའི་ཆོས་རྣམས་ཀྱི་འབྲས་བུ་གང་ཞེ་ན། གང་ཉོན་མོངས་པ་དང ། བག་ཆགས་དང་མཚམས་སྦྱོར་བ་ཐམས་ཅད་སྤངས་པའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅི་བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། ཇི་སྐད་སྨྲས་པ་དེ་བཞིན་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་བོ། །གསོལ་བ། བཙུན་
Kha353b
པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་ཆེན་པོས་ཀྱང ། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ལགས་ན། འོ་ན་བྱང་ཆུབ་སེམས་དཔའ་སེམས་དཔའ་ཆེན་པོ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཁྱད་པར་ཅི་མཆིས། ཐ་དད་དུ་བགྱི་བ་ནི་ཅི་མཆིས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་སྟེ། རྣམ་པ་ཐམས་ཅད་མཁྱེན་པ་ཉིད་ཐོབ་ནས། གདོད་དེ་བཞིན་གཤེགས་པ་ཞེས་བྱའོ། །རབ་འབྱོར། དེ་བཞིན་གཤེགས་པ་ནི་ཆོས་ཐམས་ཅད་ཀྱི་མཐར་ཕྱིན་པ་ཁོ་ན་ཡིན་ལ། བྱང་ཆུབ་སེམས་དཔའ་ནི་རྗེས་སུ་འགྲོ་བ་ཡིན་ནོ། །དེ་བཞིན་གཤེགས་པ་ནི་ཆོས་ཐམས་ཅད་ལ་མུན་པ་མེད་པ་ཉིད་ཐོབ་པ་ཡིན་ལ། བྱང་ཆུབ་སེམས་དཔའ་ནི་རྗེས་སུ་འཐོབ་པ་ཡིན་ཏེ། རབ་འབྱོར། འདི་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང ། བྱང་ཆུབ་སེམས་དཔའ་སེམས་དཔའ་ཆེན་པོའི་ཁྱད་པར་ཡིན་ནོ། །འདི་ནི་ཐ་དད་དུ་བྱ་བ་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོའི་འཇིག་རྟེན་པའི་ཆོས་ཀྱི་སྦྱིན་པ་གང་ཡིན་པ་དེ་ནི་འཇིག་རྟེན་ལས་འདས་པའི་ཆོས་ཀྱི་སྦྱིན་པའི་རྟེན་ཡིན་ཞེས་བྱའོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་
Kha354a
༄#། །ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པས། འཇིག་རྟེན་པའི་ཆོས་ཀྱི་སྦྱིན་པ་ལས་སེམས་ཅན་རྣམས་བཙུད་ནས། འཕགས་པའི་གནས་འཇིག་རྟེན་ལས་འདས་པའི་ཆོས་ཀྱི་སྦྱིན་པ་ལས་འཛུད་པར་བྱེད། འགོད་པར་བྱེད་དོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་འགོད་པར་བྱེད་དོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་དགུ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འཇིག་རྟེན་ལས་འདས་པའི་ཆོས་བྱིས་པ་སོ་སོའི་སྐྱེ་བོ་དང་ཐུན་མོང་མ་ཡིན་པ་དག་གང་ཡིན་ཞེ་ན། འདི་ལྟ་སྟེ། དྲན་པ་ཉེར་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་
Kha354b
དང།་དཔེ་བྱད་བཟང་པོ་བརྒྱད་ཅུ་དང ། གཟུངས་ཀྱི་སྒོ་ཐམས་ཅད་དང ། ཏིང་ངེ་འཛིན་གྱི་སྒོ་ཐམས་ཅད་དེ། དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འཇིག་རྟེན་ལས་འདས་པའི་ཆོས་རྣམས་ཏེ། དེ་དག་བརྗོད་པ་དང ། འཆད་པ་དང ། རབ་ཏུ་སྟོན་པ་དང ། རྣམ་པར་འབྱེད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་འཇིག་རྟེན་ལས་འདས་པའི་ཆོས་ཀྱི་སྦྱིན་པ་ཞེས་བྱའོ། །དེ་ལ་བྱང་ཆུབ་སེམས་དཔའི་དྲན་པ་ཉེ་བར་བཞག་པ་བཞི་གང་ཞེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་པས། འཇིག་རྟེན་ལ་བརྣབ་སེམས་དང ། ཡིད་མི་བདེ་བ་རྣམ་པར་བསལ་ནས་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་དང ། དེ་བཞིན་དུ་ཕྱིའི་ལུས་དང ། དེ་བཞིན་དུ་ནང་དང་ཕྱིའི་ཚོར་བ་རྣམས་དང ། དེ་བཞིན་དུ་སེམས་དང་ཆོས་ལའང་རྒྱ་ཆེར་སྦྱར་བར་བྱ་སྟེ། དེ་དག་ནི་དྲན་པ་ཉེ་བར་བཞག་པ་བཞི་ཞེས་བྱའོ། །ཡང་དག་པར་སྤོང་བ་བཞི་གང་ཞེ་ན་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི་ཕྱིར་འདུན་པ་བསྐྱེད། འབད། བརྩོན་འགྲུས་རྩོམ། སེམས་རབ་ཏུ་འཛིན། ཡང་དག་པར་རབ་ཏུ་འཇོག་པ་དང ། དེ་བཞིན་དུ་སྡིག་པ་མི་དགེ་བའི་ཆོས་སྐྱེས་པ་རྣམས་སྤང་བའི་ཕྱིར་འདུན་པ་བསྐྱེད། འབད། བརྩོན་འགྲུས་རྩོམ། སེམས་རབ་ཏུ་འཛིན། ཡང་དག་པར་རབ་ཏུ་འཇོག་པ་
Kha355a
༄#། །དང ། དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་འདུན་པ་བསྐྱེད། འབད། བརྩོན་འགྲུས་རྩོམ། སེམས་རབ་ཏུ་འཛིན། ཡང་དག་པར་རབ་ཏུ་འཇོག་པ་དང ། དགེ་བའི་ཆོས་སྐྱེས་པ་རྣམས་གནས་པར་བྱ་བ་དང ། མི་ཉམས་པར་བྱ་བ་དང ། ཤིན་ཏུ་རྒྱས་པར་བྱ་བ་དང ། ཕྱིར་ཞིང་འབྱུང་བར་བྱ་བ་དང ། ཡོངས་སུ་རྫོགས་པར་བྱ་བའི་ཕྱིར་འདུན་པ་བསྐྱེད།་འབད། བརྩོན་འགྲུས་རྩོམ། སེམས་རབ་ཏུ་འཛིན། ཡང་དག་པར་རབ་ཏུ་འཇོག་སྟེ། འདི་དག་ནི་ཡང་དག་པར་སྤོང་བ་བཞི་ཞེས་བྱའོ། །རྫུ་འཕྲུལ་གྱི་རྐང་པ་བཞི་གང་ཞེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འདུན་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ་བསྒོམ་པ་དང ། དེ་བཞིན་དུ་བརྩོན་འགྲུས་ཀྱི་ཏིང་ངེ་འཛིན་དང ། སེམས་ཀྱི་ཏིང་ངེ་འཛིན་དང།་སྤྱོད་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ་བསྒོམ་པ་སྟེ། དེ་དག་ནི་རྫུ་འཕྲུལ་གྱི་རྐང་པ་བཞི་ཞེས་བྱའོ། །དབང་པོ་ལྔ་གང་ཞེ་ན། འདི་ལྟ་སྟེ། དད་པའི་དབང་པོ་དང ། བརྩོན་འགྲུས་ཀྱི་དབང་པོ་དང །
Kha355b
དྲན་པའི་དབང་པོ་དང ། ཏིང་ངེ་འཛིན་གྱི་དབང་པོ་དང ། ཤེས་རབ་ཀྱི་དབང་པོ་སྟེ། དེ་དག་ནི་དབང་པོ་ལྔ་ཞེས་བྱའོ། །སྟོབས་ལྔ་གང་ཞེ་ན། འདི་ལྟ་སྟེ། དད་པའི་སྟོབས་དང ། བརྩོན་འགྲུས་ཀྱི་སྟོབས་དང ། དྲན་པའི་སྟོབས་དང ། ཏིང་ངེ་འཛིན་གྱི་སྟོབས་དང ། ཤེས་རབ་ཀྱི་སྟོབས་ཏེ། དེ་དག་ནི་སྟོབས་ལྔ་ཞེས་བྱའོ། །བྱང་ཆུབ་ཀྱི་ཡན་ལག་བདུན་གང་ཞེ་ན། འདི་ལྟ་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དང ། ཆོས་རྣམ་པར་འབྱེད་པ་དང ། བརྩོན་འགྲུས་དང ། དགའ་བ་དང ། ཤིན་ཏུ་སྦྱངས་པ་དང ། ཏིང་ངེ་འཛིན་དང ། བཏང་སྙོམས་ཡང་དག་བྱང་ཆུབ་ཀྱི་ཡན་ལག་སྟེ། དེ་དག་ནི་བྱང་ཆུབ་ཀྱི་ཡན་ལག་བདུན་ཞེས་བྱའོ། །འཕགས་པའི་ལམ་ཡན་ལག་བརྒྱད་པ་གང་ཞེ་ན། འདི་ལྟ་སྟེ། ཡང་དག་པའི་ལྟ་བ་དང ། ཡང་དག་པའི་རྟོག་པ་དང ། ཡང་དག་པའི་ངག་དང ། ཡང་དག་པའི་ལས་ཀྱི་མཐའ་དང ། ཡང་དག་པའི་འཚོ་བ་དང ། ཡང་དག་པའི་རྩོལ་པ་དང ། ཡང་དག་པའི་དྲན་པ་དང ། ཡང་དག་པའི་ཏིང་ངེ་འཛིན་ཏེ།་དེ་དག་ནི་འཕགས་པའི་ལམ་ཡན་ལག་བརྒྱད་པ་ཞེས་བྱའོ། །རྣམ་པར་ཐར་པའི་སྒོ་གསུམ་གང་ཞེ་ན། འདི་ལྟ་སྟེ། རྣམ་པར་ཐར་པའི་སྒོ་སྟོང་པ་ཉིད་དང ། རྣམ་པར་ཐར་པའི་སྒོ་མཚན་མ་མེད་པ་དང ། རྣམ་པར་ཐར་པའི་སྒོ་སྨོན་པ་མེད་པ་སྟེ། དེ་དག་ནི་རྣམ་པར་ཐར་པའི་སྒོ་གསུམ་ཞེས་བྱའོ། །དེ་ལ་རྣམ་པར་ཐར་པའི་སྒོ་སྟོང་པ་ཉིད་གང་ཞེ་ན། སྟོང་པ་ཉིད་
Kha356a
༄#། །ཀྱི་རྣམ་པས་སེམས་རྩེ་གཅིག་པ་སྟེ། དེ་ནི་རྣམ་པར་ཐར་པའི་སྒོ་སྟོང་པ་ཉིད་ཅེས་བྱའོ། །རྣམ་པར་ཐར་པའི་སྒོ་མཚན་མ་མེད་པ་གང་ཞེ་ན། མཚན་མ་མེད་པའི་རྣམ་པས་སེམས་རྩེ་གཅིག་པ་གང་ཡིན་པ་སྟེ། དེ་ནི་རྣམ་པར་ཐར་པའི་སྒོ་མཚན་མ་མེད་པ་ཞེས་བྱའོ། །རྣམ་པར་ཐར་པའི་སྒོ་སྨོན་པ་མེད་པ་གང་ཞེ་ན། མི་རྟག་པའི་རྣམ་པ་དང ། སྡུག་བསྔལ་བའི་རྣམ་པས་སེམས་རྩེ་གཅིག་པ་གང་ཡིན་པ་སྟེ། དེ་ནི་རྣམ་པར་ཐར་བའི་སྒོ་སྨོན་པ་མེད་པ་ཞེས་བྱའོ། །རྣམ་པར་ཐར་པ་བརྒྱད་གང་ཞེ་ན། འདི་ལྟ་སྟེ། གཟུགས་ཅན་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་དང་པོའོ། །ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་གཉིས་པའོ། །སྡུག་པའི་རྣམ་པར་ཐར་པ་ལུས་ཀྱིས་མངོན་སུམ་དུ་བྱས་ཏེ། བསྒྲུབས་ནས་གནས་པ་འདི་ནི་རྣམ་པར་ཐར་པ་གསུམ་པའོ། །དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་ལས་ཡང་དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་པར་གྱུར་ཅིང ། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས་ནམ་མཁའ་མཐའ་ཡས་སོ་སྙམ་ནས། ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་དག་བསྒྲུབས་ཏེ་གནས་པ་དང ། དེ་རྣམ་པ་ཐམས་ཅད་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་
Kha356b
ཡང་དག་པར་འདས་ཏེ། འདུ་ཤེས་དང ། ཚོར་བ་འགོག་པ་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པའི་བར་དག་སྟེ། དེ་དག་ནི་རྣམ་པར་ཐར་པ་བརྒྱད་ཅེས་བྱའོ། །མཐར་གྱིས་གནས་པའི་སྙོམས་པར་འཇུག་པ་དགུ་གང་ཞེ་ན། འདི་ལ་འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་དང ། དེ་བཞིན་དུ་བསམ་གཏན་གཉིས་པ་དང ། གསུམ་པ་དང ། བཞི་པའི་བར་དག་བསྒྲུབས་ཏེ་གནས་པ་དང ། དེ་བཞིན་དུ་ནམ་མཁའ་མཐའ་ཡས་སྐྱེ་མཆེད་ནས། འདུ་ཤེས་དང ། ཚོར་བ་འགོག་པའི་བར་དུ་བསྒྲུབས་ནས་གནས་པ་སྟེ། དེ་དག་ནི་མཐར་གྱིས་གནས་པའི་སྙོམས་པར་འཇུག་པ་དགུ་ཞེས་བྱའོ། །དེ་བཞིན་གཤེགས་པའི་སྟོབས་བཅུ་གང་ཞེ་ན། རབ་འབྱོར། འདི་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་གནས་ལའང་གནས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ལ། གནས་མ་ཡིན་པ་ལའང་གནས་མ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། གཞན་ཡང་དེ་བཞིན་གཤེགས་པས་འདས་པ་དང ། མ་འོངས་པ་དང ། ད་ལྟར་བྱུང་བའི་ལས་རྣམས་དང ། ལས་ཡང་དག་པར་ལེན་པ་རྣམས་ཀྱི་རྣམ་པར་སྨིན་པ་གནས་ཀྱི་སྒོ་དང ། རྒྱུའི་སྒོ་ནས་ཡང་དག་པ་
Kha357a
༄#། །ཇི་ལྟ་བ་བཞིན་དུ་རབ་ཏུ་ཤེས་པ་དང ། གཞན་ཡང་དེ་བཞིན་གཤེགས་པས་འཇིག་རྟེན་གྱི་ཁམས་སྣ་ཚོགས་པ། ཁམས་དུ་མ་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། གཞན་ཡང་དེ་བཞིན་གཤེགས་པས་སེམས་ཅན་གཞན་དག་དང ། གང་ཟག་གཞན་རྣམས་ཀྱི་དབང་པོ་མཆོག་དང ། མཆོག་མ་ཡིན་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། གཞན་ཡང་དེ་བཞིན་གཤེགས་པས་མོས་པ་སྣ་ཚོགས་པ་དང ། མོས་པ་དུ་མ་བའི་འཇིག་རྟེན་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། གཞན་ཡང་དེ་བཞིན་གཤེགས་པས་ཐམས་ཅད་དུ་འགྲོ་བའི་ལམ་ཡང་དག་པ་ཇི་ལྟ་བཞིན་དུ་རབ་ཏུ་ཤེས་པ་དང ། གཞན་ཡང་དེ་བཞིན་གཤེགས་པས་བསམ་གཏན་དང ། རྣམ་པར་ཐར་པ་དང།་ཏིང་ངེ་འཛིན་དང ། སྙོམས་པར་འཇུག་པ་རྣམས་ཀྱི་ཀུན་ནས་ཉོན་མོངས་པ་དང ། རྣམ་པར་བྱང་བ་དང་ལྡན་པ་ཐམས་ཅད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང།་གཞན་ཡང་དེ་བཞིན་གཤེགས་པས་ལྷའི་མིག་རྣམ་པར་དག་པ་མིའི་ལས་འདས་པས་སེམས་ཅན་འཆི་འཕོ་བ་དང ། སྐྱེ་བ་ནས་བདེ་འགྲོར་འགྲོ་བ་དང ། ངན་འགྲོར་འགྲོ་བ་དང ། ལས་ཇི་ལྟ་བ་བཞིན་དུ་འགྲོ་བའི་བར་དག་མཐོང་ཞིང ། ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང ། གཞན་ཡང་དེ་བཞིན་གཤེགས་པས་སྔོན་གྱི་གནས་རྣམ་པ་
Kha357b
དུ་མ་རྗེས་སུ་དྲན་ཏེ། འདི་ལྟ་སྟེ། ཚེ་རབས་གཅིག་ཀྱང་རྗེས་སུ་དྲན་པ་ནས། སྔོན་གྱི་གནས་རྣམ་པ་དུ་མའི་བར་དག་ཀྱང་རྣམ་པ་དང་བཅས། ཡུལ་ཕྱོགས་དང་བཅས་པར་རྗེས་སུ་དྲན་པ་དང།་གཞན་ཡང་དེ་བཞིན་གཤེགས་པས་ཟག་པ་རྣམས་ཟད་པས་ཟག་པ་མེད་ཅིང་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བ་ཚེ་འདི་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ནས་བསྒྲུབས་ཏེ་གནས་ཤིང ། བདག་གི་སྐྱེ་བ་ནི་ཟད། ཚངས་པར་སྤྱོད་པ་ནི་སྤྱད། བྱ་བ་ནི་བྱས། སྲིད་པ་འདི་ལས་གཞན་ནི་མི་ཤེས་སོ་ཞེས་བྱ་བ་སྟེ། དེ་དག་ནི་དེ་བཞིན་གཤེགས་པའི་སྟོབས་བཅུ་ཞེས་བྱའོ། །མི་འཇིགས་པ་བཞི་གང་ཞེ་ན། འདི་ལྟ་སྟེ། ང་ཡང་དག་པར་རྫོགས་པའི་སངས་རྒྱས་སོ་ཞེས་དམ་བཅས་ན། འདིར་ཆོས་འདི་དག་མངོན་པར་རྫོགས་པར་སངས་མ་རྒྱས་སོ་ཞེས་ལྷ་དང་བཅས་པ་དང ། བདུད་དང་བཅས་པ་དང ། ཚངས་པ་དང་བཅས་པ་དང ། དགེ་སྦྱོང་དང ། བྲམ་ཟེར་བཅས་པའི་སྐྱེ་དགུའི་འཇིག་རྟེན་ན་ཆོས་དང་མཐུན་པར་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་སྟེ། རྒྱུ་དེ་ཡང་དག་པར་རྗེས་སུ་མ་མཐོང་བས་བདེ་བ་འཐོབ་ཅིང་བག་ཚ་བ་མེད་པ་ཐོབ་ལ། མི་འཇིགས་པ་ཐོབ་སྟེ།་གནས་ཀྱིས་ཁྱུ་མཆོག་རླབས་པོ་ཆེའི་གནས་སུ་དམ་བཅའོ། །འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲག་གོ་།ཚངས་པའི་འཁོར་ལོ་དགེ་སྦྱོང་ངམ། བྲམ་ཟེའམ། ལྷའམ་
Kha358a
༄#། །བདུད་དམ། ཚངས་པའམ། སུའང་རུང་བས་ཆོས་དང་མཐུན་པར་འཇིག་རྟེན་དུ་མ་བསྐོར་བ་བདག་གིས་བསྐོར་བར་བྱའོ་ཞེས་བྱ་བ་དང ། ང་ཟག་བ་ཟད་དོ་ཞེས་དམ་བཅས་ན། འདིར་ཟག་པ་འདི་དག་མ་ཟད་དོ་ཞེས་དགེ་སྦྱོང་ངམ། བྲམ་ཟེ་འགའ་ཞིག་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་ཞེས་བྱ་བ་རྒྱ་ཆེད་སྦྱར་བར་བྱ་བ་དང ། ངས་ཉན་ཐོས་རྣམས་ལ་བར་དུ་གཅོད་པའི་ཆོས་གང་དག་བཤད་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་རོ་ཞེས་འདིར་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། འགའ་ཞིག་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་ཞེས་རྒྱ་ཆེར་སྦྱར་བར་བྱ་བ་དང ། ངས་ཉན་ཐོས་རྣམས་ལ་ངེས་པར་འབྱིན་པ། ངེས་པར་འབྱེད་པ་དེ་བྱེད་པ་སྡུག་བསྔལ་ཡང་དག་པར་ཟད་པར་འབྱུང་བར་འགྱུར་བ་ལམ་གང་བཤད་པ་དེ་ལམ་འདི་ནི་ངེས་པར་འབྱིན་པ་མ་ཡིན། ངེས་པར་རྟོགས་པ་མ་ཡིན། བྱེད་པ་པོའི་སྡུག་བསྔལ་ཡང་དག་པར་ཟད་པར་འགྱུར་བ་མ་ཡིན་ཞེས་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། འགའ་ཞིག་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་ཞེས་རྒྱ་ཆེར་སྦྱར་བར་བྱ་བ་སྟེ། དེ་དག་ནི་དེ་བཞིན་གཤེགས་པའི་མི་འཇིགས་པ་བཞི་ཞེས་བྱའོ། །སོ་སོ་ཡང་དག་པར་རིག་པ་བཞི་གང་ཞེ་ན། འདི་ལྟ་སྟེ། དོན་སོ་སོ་ཡང་དག་པར་རིག་པ་དང ། ཆོས་སོ་སོ་ཡང་དག་པར་རིག་པ་
Kha358b
པ་དང ། ངེས་པའི་ཚིག་སོ་སོ་ཡང་དག་པར་རིག་པ་དང ། སྤོབས་པ་སོ་སོ་ཡང་དག་པར་རིག་པ་སྟེ། དེ་དག་ནི་སོ་སོ་ཡང་དག་པར་རིག་པ་བཞི་ཞེས་བྱའོ། །བྱམས་པ་ཆེན་པོ་གང་ཞེ་ན། དེ་བཞིན་གཤེགས་པ་སེམས་ཅན་ཐམས་ཅད་ལ་དགྲ་བོ་དང ། མཛའ་བཤེས་ལ་འདྲ་བར་མཛད་པ་གང་ཡིན་པ་སྟེ། དེ་ནི་བྱམས་པ་ཆེན་པོ་ཞེས་བྱའོ། །དེ་ལ་སྙིང་རྗེ་ཆེན་པོ་གང་ཞེ་ན ། སེམས་ཅན་མ་ཡིན་པའི་སེམས་ཅན་རྣམས་ལ་བྱམས་པ་མི་གཏོང་བ་གང་ཡིན་པ་སྟེ། དེ་ནི་སྙིང་རྗེ་ཆེན་པོ་ཞེས་བྱའོ། །སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་གང་ཞེ་ན། འདི་ལྟ་སྟེ་དེ་བཞིན་གཤེགས་པ་ལ་འཁྲུལ་པ་མེད་པ་དང ། ཅ་ཅོ་མེད་པ་དང ། བསྙེལ་བ་མེད་པ་དང ། སེམས་མཉམ་པར་མ་བཞག་པ་མེད་པ་དང ། ཐ་དད་པའི་འདུ་ཤེས་མེད་པ་དང ། སོ་སོར་མ་བརྟགས་པའི་བཏང་སྙོམས་མེད་པ་དང ། འདུན་པ་ཉམས་པ་མེད་པ་དང ། བརྩོན་འགྲུས་ཉམས་པ་མེད་པ་དང ། དྲན་པ་ཉམས་པ་མེད་པ་དང ། ཏིང་ངེ་འཛིན་ཉམས་པ་མེད་པ་དང ། ཤེས་རབ་ཉམས་པ་མེད་པ་དང ། རྣམ་པར་གྲོལ་བ་ཉམས་པ་མེད་པ་དང ། རྣམ་པར་གྲོལ་བའི་ཡེ་ཤེས་མཐོང་བ་ཉམས་པ་མེད་པ་དང ། འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་འཇུག་པ་དང ། མ་འོངས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་འཇུག་པ་དང ། ད་ལྟར་བྱུང་བའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་
Kha359a
༄#། །འཇུག་པ་དང ། ལུས་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང ། ངག་གི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང ། ཡིད་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་སྟེ། དེ་དག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཅེས་བྱའོ། །དེ་ལ་དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་གང་ཞེ་ན། འདི་ལྟ་སྟེ། བཅོམ་ལྡན་འདས་ནི་ཞབས་ཤིན་ཏུ་གནས་པ་དང་ལྡན་པ་ཡིན་ནོ། ། དེ་ལ་ཞབས་ཤིན་ཏུ་གནས་པ་ནི་འདི་ཡིན་ཏེ། ཞབས་ཀྱི་འོག་གི་མཐིལ་གཉིས་ཐམས་ཅད་ཀྱིས་ས་ལ་ཀུན་ཏུ་རེག་པ་སྟེ། དཔེར་ན། ཟ་མ་ཏོག་ཞབས་ཤིན་ཏུ་མཉམ་ཞིང་ཕྱང་དེ་བ། ས་གཞི་ཤིན་ཏུ་མཉམ་པ་ལ་བཞག་ན། འོག་གི་ཞབས་ཐམས་ཅད་ཀྱིས་ས་ལ་ཀུན་ཏུ་རེག་པ་བཞིན་དུ་བཅོམ་ལྡན་འདས་ནི་ཞབས་ཤིན་ཏུ་གནས་པ་དང་ལྡན་པ་ཡིན་ནོ། ། བཅོམ་ལྡན་འདས་ནི་ཀུན་ནས་མུ་ཁྱུད་ཁོར་ཡུག་དང་ལྡན་པ་ཡིན་ནོ། །དེ་ལ་མུ་ཁྱུད་ཁོར་ཡུག་དང་ལྡན་པ་ནི་འདི་ཡིན་ཏེ། ཞབས་ཀྱི་འོག་གི་མཐིལ་གཉིས་ལ་འཁོར་ལོ་རྩིབས་སྟོང་དང་བཅས་པ། ལྟེ་བ་དང་བཅས་པ། མུ་ཁྱུད་དང་བཅས་པ་དག་མངའ་སྟེ། ཐམས་ཅད་ཀྱང་ཁ་དོག་གསེར་ལྟ་བུའོ། །བཅོམ་ལྡན་འདས་ཀྱི་ཕྱག་དང་ཞབས་ཀྱི་མཐིལ་ནི་
Kha359b
འཇམ་ཞིང་གཞོན་ཤ་ཆགས་པའོ། །དེ་དག་ལ་ཕྱག་དང་ཞབས་ཀྱི་མཐིལ་འཇམ་ཞིང་གཞོན་ཤ་ཆགས་པ་ཉིད་ནི་འདི་ཡིན་ཏེ། དཔེར་ན། ཤིང་བལ་ཀྱི་འདའ་བའམ། རས་བལ་གྱི་འདའ་བ་ལྟ་བུ་སྟེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་སོར་མོ་རིང་བའོ། །དེ་ལ་སོར་མོ་རིང་བ་ནི་འདི་ལྟ་ཡིན་ཏེ། དེའི་ཕྱག་དང་ཞབས་རྣམས་ཀྱི་སོར་མོ་དག་ལྷག་པར་རིང་སྟེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་ཕྱག་དང་ཞབས་དྲ་བ་དང་ལྡན་པ་ཡིན་ཏེ། དེའི་ཕྱག་དང་ཞབས་ལ་དྲ་བ་ལྷག་པ་དག་མངའ་བ་ནི་ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་ཞབས་རྟིང་བ་ཡངས་པ་དང་ལྡན་པ་ཡིན་ནོ། །དེ་ལ་རྟིང་བ་ཡངས་པ་ནི་འདི་ཡིན་ཏེ། དེའི་ཞབས་ཀྱི་རྟིང་པ་གཉིས་ཀྱི་མཐིལ་ཡངས་པ་ནི་ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་ཞབས་ལོང་མོའི་ཚིགས་མི་མངོན་པ་ཡིན་ནོ། །དེ་ལ་ཞབས་ལོང་བུའི་ཚིགས་མི་མངོན་པ་ནི་འདི་ཡིན་ཏེ། རྟིང་བ་ཡངས་པ་ལ་ཡང་དག་པར་སྦྱོར་ལ། རྟིང་བ་ཡངས་པའང་ཞབས་ལོང་མོའི་ཚིགས་མི་མངོན་པ་ལ་སྦྱོར་བ་སྟེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ། །བཅོམ་ལྡན་འདས་ནི་བྱིན་པ་རི་དྭགས་ཨེ་ནྱ་ཡའི་བྱིན་པ་ལྟ་བུ་དང་ལྡན་པ་ཡིན་ནོ། །དེ་ལ་བྱིན་པ་རི་དྭགས་ཨེ་ནྱ་ཡའི་ལྟ་བུ་ནི་འདི་ཡིན་ཏེ། དེའི་བྱིན་པ་བྱིན་གྱིས་
Kha360a
༄#། །ཕྲ་བར་སྐྱེས་ཤིང ། བྱིན་གྱིས་ཕྲ་བར་ཡང་དག་པར་བྱུང་བ་སྟེ། དཔེར་ན་རི་དྭགས་ཀྱི་རྒྱལ་པོ་ཨེ་ནྱ་ཡའི་ལྟ་བུ་ཡིན་ནོ། །བཅོམ་ལྡན་འདས་ནི་བཞེངས་བཞིན་དུ་མ་བཏུད་པར་ཕྱག་བུས་མོར་སླེབས་པ་ཡིན་ནོ། །དེ་ལ་བཞེངས་བཞིན་དུ་མ་བཏུད་པར་ཕྱག་བུས་མོ་སླེབས་པ་ནི་འདི་ཡིན་ཏེ། བཅོམ་ལྡན་འདས་ནི། བཞེངས་ན་སྐུ་མ་བཏུད་པར་ཕྱག་གཉིས་ཀྱིས་རང་གི་བུས་མོའི་ལྷ་ང་ལ་ཡང་དག་པར་རེག་པར་མཛད་ཅིང ། ཀུན་དུ་ཉུག་པར་མཛད་པ་ཡིན་ནོ། །བཅོམ་ལྡན་འདས་ནི་འདོམས་ཀྱི་སྤ་བ་སྦུབས་སུ་ནུབ་པ་ཡིན་ནོ། །དེ་ལ་འདོམས་ཀྱི་སྦ་བ་སྦུབས་སུ་ནུབ་པ་ཉིད་ནི་འདི་ཡིན་ཏེ། དཔེར་ན། རིགས་བཙུན་པའི་གླང་པོ་ཆེ་ཅང་ཤེས་སམ། རྟ་ཅང་ཤེས་ཀྱི་ལྟ་བུ་ཡིན་ནོ། །བཅོམ་ལྡན་འདས་ནི་བ་སྤུ་རེ་རེ་ནས་མཛེས་པར་སྐྱེས་ཤིང་གཡས་སུ་འཁྱིལ་བ་ཡིན་ནོ། །དེ་ལ་བ་སྤུ་རེ་རེ་ནས་མཛེས་པར་སྐྱེས་ཤིང་གཡས་སུ་འཁྱིལ་བ་ཉིད་ནི་འདི་ཡིན་ཏེ། དེའི་སྤུ་ཁུང་བུ་རེ་རེ་ནས། སྤུ་རེ་རེ་མཐོན་མཐིང་ལ་ལྕང་ལོར་འཁྱིལ་བ་འཇམ་ཞིང་སྣུམ་ལ། གཡས་སུ་འཁྱིལ་ཅིང་མཛེས་པར་སྐྱེས་པ་ཡིན་ནོ། །བཅོམ་ལྡན་འདས་ནི་སྐུའི་སྤུ་གྱེན་དུ་ཕྱོགས་པ་དང་ལྡན་པ་ཡིན་ནོ། །དེ་ལ་སྐུའི་སྤུ་གྱེན་དུ་ཕྱོགས་པ་ཉིད་ནི་འདི་ཡིན་ཏེ། དེའི་དབུ་དང་སྐུ་ལས་སྐྱེས་པའི་དབུ་སྐྲ་དང ། སྤུ་རྣམས་ནི་ཁ་གྱེན་དུ་བལྟས་ཤིང་མཐོན་མཐིང་ལ་ཀུན་ནས་ལྕང་
Kha360b
ལོར་འཁྱིལ་བ་འཇམ་ཞིང་སྣུམ་ལ་གཡས་སུ་འཁྱིལ་བ་མཛེས་པར་སྐྱེས་པ་ཡིན་ནོ། །བཅོམ་ལྡན་འདས་ནི་ཕགས་པ་སྲབ་ཅིང་འཇམ་ལ་སྣུམ་པ་ཡིན་ནོ། །དེ་ལ་པགས་པ་སྲབ་ཅིང་འཇམ་ལ་སྣུམ་པ་ནི་འདི་ཡིན་ཏེ། དེའི་སྐུ་ལ་ཆུའམ། རྡུལ་ཀུན་དུ་མི་ཆགས་ཤིང་མི་གནས་པ་ཡིན་ནོ། །བཅོམ་ལྡན་འདས་ནི་མདོག་གསེར་ལྟ་བུ་དང་ལྡན་ཏེ། དཔེར་ན། ཛམྦུའི་ཆུ་བོའི་གསེར་གྱི་མཆོད་སྡོང་ལ་རིན་པོ་ཆེ་སྣ་ཚོགས་ཀྱིས་སྤྲས་པ་ལྟར་གཟུགས་བཟང་ཞིང་མཛེས་པ་ལྟ་ན་སྡུག་པ་ཡིན་ཏེ། དེས་ན་གསེར་གྱི་མདོག་ལྟ་བུ་ཞེས་བྱའོ། །བཅོམ་ལྡན་འདས་ནི་བདུན་མཐོ་བ་ཡིན་ནོ། །དེ་ལ་བདུན་མཐོ་བ་ཉིད་ནི་འདི་ཡིན་ཏེ། དེའི་ཞབས་གཉིས་ཀྱི་གོང་མཐོ་བ་གཉིས་གཟུགས་བཟང་ཞིང་མཛེས་ལ་ལྟ་ན་སྡུག་པ་ཤ་དང་ཁྲག་གིས་ཡོངས་སུ་རྒྱས་པར་གྱུར་པ་དང ། དེ་བཞིན་དུ་ཕྱག་གཉིས་ཀྱི་གོང་མཐོ་བ་གཉིས་གཟུགས་བཟང་ཞིང་མཛེས་ལ་ལྟ་ན་སྡུག་པ་ཤ་དང་ཁྲག་གིས་ཡོངས་སུ་རྒྱས་པར་གྱུར་པ་དང ། ཐལ་གོང་གཉིས་མཐོ་བར་གྱུར་བ་དང ། གཉའ་གོང་དུ་མཐོ་བ་གཅིག་གཟུགས་བཟང་ཞིང་མཛེས་ལ་ལྟ་ན་སྡུག་པ། ཤ་དང་ཁྲག་གིས་ཡོངས་སུ་རྒྱས་པར་གྱུར་པ་ཡིན་ནོ། །བཅོམ་ལྡན་འདས་ནི་དཔུང་མགོ་ཤིན་ཏུ་ཟླུམ་པ་དང་ལྡན་པ་ཡིན་ནོ། །བཅོམ་ལྡན་འདས་ནི་ཐལ་གོང་རྒྱས་པ་དང་ལྡན་པ་ཡིན་ནོ། །བཅོམ་ལྡན་འདས་ནི་སྐུ་ཤིན་ཏུ་དྲང་པོར་འཁྲུངས་པ་ཡིན་ནོ། །བཅོམ་ལྡན་འདས་
Kha361a
༄#། །ནི་སྐུ་ནྱ་གྲོ་དྷ་ལྟར་ཆུ་ཞེང་གབ་པ་ཡིན་ནོ། །དེ་ལ་ནྱ་གྲོ་དྷ་ལྟར་སྐུ་ཆུ་ཞེང་གབ་པ་ཉིད་ནི་འདི་ཡིན་ཏེ། ཆུར་ཇི་སྲིད་པ་ཞེང་དུའང་དེ་སྲིད་ལ། ཞེང་དུ་ཇི་སྲིད་པ་ཆུར་ཡང་དེ་སྲིད་དེ། དེ་ནི་ནྱ་གྲོ་དྷ་ལྟར་ཆུ་ཞེང་གབ་པ་ཞེས་བྱའོ། །བཅོམ་ལྡན་འདས་ནི་འགྲམ་པ་སེང་གེའི་འདྲ་བ་ཡིན་ནོ། །བཅོམ་ལྡན་འདས་ནི་ཚེམས་བཞི་བཅུ་མངའ་བ་ཡིན་ནོ། །བཅོམ་ལྡན་འདས་ནི་ཚེམས་ཐགས་བཟང་བ་ཡིན་ནོ། །བཅོམ་ལྡན་འདས་ནི་ཚེམས་རྩེ་མོ་མཐོ་ཞིང་རྣོ་ལ་དཀར་བ་ཡིན་ནོ། །བཅོམ་ལྡན་འདས་ནི་རོ་བྲོ་བའི་མཆོག་དང་ལྡན་པ་ཡིན་ནོ། །དེའི་མགུར་དྲང་པོར་མིད་པ་དྲང་ཞིང་མ་ཡོ་ལ་ཐོགས་པ་མེད་པར་མིད་དུ་རུང་བར་གྱུར་པ་ཡིན་ནོ། །བཅོམ་ལྡན་འདས་ནི་ལྗགས་རིང་ཞིང་སྲབ་པ་ཡིན་ནོ། །དེ་ལ་ལྗགས་རིང་ཞིང་སྲབ་པ་ཉིད་ནི་འདི་ཡིན་ཏེ། དེ་བཞིན་གཤེགས་པ་བཞེད་ན་ཞལ་ནས་ལྗགས་ཕྱུང་སྟེ། ཤངས་ཀྱི་བུ་ག་གཉིས་དང ། སྤྱན་གྱི་ཁུང་བུ་གཉིས་དང ། སྙན་གྱི་བུ་ག་གཉིས་སུ་རེག་པར་མཛད་ཅིང ། ཡོངས་སུ་ཉུག་པར་མཛད་ལ། དབུའི་མཚམས་སུ་ཐུག་པའི་ཞལ་གྱི་དཀྱིལ་འཁོར་ཐམས་ཅད་ཀྱང་འགེབས་པར་མཛད་པ་ཡིན་ནོ། །བཅོམ་ལྡན་འདས་ནི་ཚངས་པའི་དབྱངས་དང་ལྡན་པ་ཡིན་ནོ། །བཅོམ་ལྡན་འདས་ནི་སྤྱན་ཡངས་ཤིང་རྫི་མ་བའི་ལྟ་བུ་ཡིན་ནོ། །བཅོམ་ལྡན་འདས་ནི་སྤྱན་མཐོན་མཐིང་ལྟ་བུ་དང་ལྡན་པ་ཡིན་ནོ། །བཅོམ་ལྡན་འདས་ནི་སྤྱན་གྱི་
Kha361b
ཚོགས་ཡོངས་སུ་རྫོགས་པ་ཡིན་ནོ། །བཅོམ་ལྡན་འདས་ནི་འོད་འདོམ་གང་པ་ཡིན་ནོ། །བཅོམ་ལྡན་འདས་ནི་ཞལ་ཟླ་བ་ཉ་བ་ལྟ་བུ་ཡིན་ནོ། །བཅོམ་ལྡན་འདས་ནི་མཛོད་སྤུ་སྨིན་མཚམས་སུ་འཁྲུངས་ལ། ཤིང་བལ་ལྟར་འཇམ་ཞིང་མེ་ཏོག་ཀུནད་དང ། ཟླ་བ་དང ། དུང་དང ། པདྨའི་རྩ་ལག་དང ། བའི་འོ་མ་དང ། ཕ་མོའི་མདོག་ལྟ་བུ་ཡིན་ནོ། །བཅོམ་ལྡན་འདས་ནི་དབུ་གཙུག་ཏོར་དང་ལྡན་པ་ཡིན་ནོ། །དེ་དག་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཡིན་ཏེ། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་དེ་དག་དང་ལྡན་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རང་བཞིན་གྱིས་སྣང་བས་ཁྱབ་པར་མཛད་དོ། །དེ་བཞིན་གཤེགས་པ་བཞེད་ན། མཚན་དེ་དག་གིས་འཇིག་རྟེན་གྱི་ཁམས་དཔག་ཏུ་མེད། གྲངས་མེད་ཚད་མེད་པ་དག་སྣང་བས་ཁྱབ་པར་མཛད་ཅིང ། དེ་ནས་དེ་བཞིན་གཤེགས་པས་སེམས་ཅན་རྣམས་གདུལ་བའི་དབང་ཉེ་བར་བཟུང་ནས། འོད་འདོམ་གང་བར་བྱིན་གྱིས་རློབ་བོ། །གལ་ཏེ་དེ་བཞིན་གཤེགས་པས་བྱིན་གྱིས་བརླབས་པ་མ་མཛད་དུ་ཟིན་ན། ཟླ་བ་དང ། ཉི་མ་གཉིས་ཀྱང་འཇིག་རྟེན་ན་ཡོད་པར་མི་འགྱུར། ཟླ་བ་གཅིག་དང ། ཟླ་བ་ཕྱེད་དང ། དུས་དང ། ལོ་ཁྱུད་འཁོར་རྣམས་ཀྱང་འཇིག་རྟེན་ན་མི་སྣང་བར་འགྱུར་རོ། །སེམས་ཅན་རྣམས་གདུལ་བའི་དབང་ཉེ་བར་བཟུང་ནས། དེ་བཞིན་གཤེགས་པའི་རང་བཞིན་གྱི་གསུང་གིས། སྟོང་གསུམ་གྱི་སྟོང་ཆེན་
Kha362a
༄#། །པོའི་འཇིག་རྟེན་གྱི་ཁམས་འདི་གོ་བར་མཛད་དོ། །བཞེད་ན་གོང་དུའང་གསུང་ཆེན་པོས་ཀྱང་གོ་བར་མཛད་དོ། །ཡོན་ཏན་དང ། ཕན་ཡོན་དེ་དག་ཐམས་ཅད་ནི་ང་སྔོན་དུ་བྱང་ཆུབ་སེམས་དཔར་གྱུར་ཅིང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པས་བསྒྲུབས་སོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། སྦྱིན་པ་གཉིས་པོ་ཟང་ཟིང་གི་སྦྱིན་པ་དང ། ཆོས་ཀྱི་སྦྱིན་པས་སེམས་ཅན་རྣམས་སྡུད་པར་བྱེད་དེ། རབ་འབྱོར། འདིའང་བྱང་ཆུབ་སེམས་དཔའ་སེམས་དཔའ་ཆེན་པོའི་ངོ་མཚར་རྨད་དུ་བྱུང་བའི་ཆོས་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་པོ་དག་ལ་སྤྱོད་པ་ན། སྙན་པར་སྨྲ་པས་ཇི་ལྟར་སེམས་ཅན་རྣམས་སྡུད་ཅེ་ན། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་པོ་དག་ལ་སྤྱོད་པ་ན། ཐོག་མ་ཁོ་ནར་སྦྱིན་པའི་ཕ་རོལ་ཏུ་ཕྱིན་པས་སེམས་ཅན་རྣམས་སྡུད་དོ། །དེའི་འོག་ཏུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་སོ། །དེའི་འོག་ཏུ་བཟོད་པའི་ཕ་རོལ་ཏུ་ཕྱིན་པས་སོ། །དེའི་འོག་ཏུ་བརྩོན་འགྲུས་ཀྱི་ཕ་རོལ་ཏུ་ཕྱིན་པས་སོ། །དེའི་འོག་ཏུ་བསམ་གཏན་གྱི་ཕ་རོལ་ཏུ་ཕྱིན་པས་སོ། །དེའི་འོག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པས་སེམས་ཅན་རྣམས་སྡུད་པར་བྱེད་དེ། རབ་འབྱོར།
Kha362b
ཕ་རོལ་ཏུ་ཕྱིན་པ་དྲུག་པོ་འདི་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སྙན་པར་སྨྲ་བས་སེམས་ཅན་རྣམས་སྡུད་པར་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་ཕ་རོལ་ཏུ་ཕྱིན་པ་དྲུག་པོ་དེ་དག་གིས་དགེ་བའི་ཆོས་ཐམས་ཅད་བསྡུས་པའི་ཕྱིར་རོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དོན་སྤྱོད་པས། ཇི་ལྟར་སེམས་ཅན་རྣམས་སྡུད་ཅེ་ན། རབ་འབྱོར། འདི་ལ་ཕ་རོལ་ཏུ་ཕྱིན་པ་དྲུག་པོ་དག་ལ་ཡུན་རིང་པོར་སྤྱོད་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ལས་གཞན་མི་བྱེད་པར་རྟག་ཏུ་སེམས་ཅན་རྣམས་སྡུད་པར་བྱེད་དེ། འདི་ལྟ་སྟེ། སྦྱིན་པ་དང ། སྙན་པར་སྨྲ་བ་དང ། དོན་སྤྱོད་པ་དང ། དོན་མཐུན་པས་སྡུད་པར་བྱེད་དོ། །རབ་འབྱོར། དེ་བཞིན་གཤེགས་པའི་དཔེ་བྱད་བཟང་པོ་བརྒྱད་ཅུ་གང་ཞེ་ན། འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་ནི་སེན་མོ་ཟངས་ཀྱི་མདོག་ལྟ་བུ་དང་ལྡན་པ་ཡིན་ནོ། །སྲེད་མེད་ཀྱི་བུའི་ལྟར་སྐུ་གྲིམས་པ་ཡིན་ནོ། །པུས་མོའི་ལྷ་ང་དག་མཛེས་པར་གྲུབ་པ་ཡིན་ནོ། །སྐུ་གཙང་བ་དག་ཡིན་ནོ། །སྐུ་འཇམ་པ་དག་ཡིན་ནོ། །སྐུ་མཉེན་པ་དག་ཡིན་ནོ། །སྐུ་སྣུམ་བག་ཅན་དག་ཡིན་ནོ། །སྐུ་མ་བཏུད་པ་དག་ཡིན་ནོ། །སོར་མོ་རྣམས་རིང་བ་དང ། བྱིན་གྱིས་ཕྲ་བ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་སོར་མོ་རྣམས་ཟླུམ་པ་དག་ཡིན་ནོ། །སོར་མོ་རྣམས་བྱིན་གྱིས་ཕྲ་བ་དག་ཡིན་ནོ། །རྩ་རྣམས་
Kha363a
༄#། །མི་མངོན་པ་དག་ཡིན་ནོ། །ལོང་བུ་རྣམས་མི་མངོན་པ་དག་ཡིན་ནོ། །སྐུ་དབྱིབས་ལེགས་པ་དག་ཡིན་ནོ། །སྐུ་ཤིན་ཏུ་ལེགས་པར་འབྲེལ་བ་དག་ཡིན་ནོ། །སྐྱེ་མཆེད་རྣམས་ཤིན་ཏུ་ཡོངས་སུ་དག་པ་དག་ཡིན་ནོ། །མཁྱེན་པ་ཡོངས་སུ་དག་པ་དག་ཡིན་ནོ། །སྤྱོད་ལམ་ཕུན་སུམ་ཚོགས་པ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་དཔལ་དང ། བློ་གྲོས་དང་ལྡན་པ་དག་ཡིན་ནོ། །བལྟ་བར་འོས་པ་དག་ཡིན་ནོ། །ཞལ་ཧ་ཅང་མི་རིང་བ་དག་ཡིན་ནོ། །ཞལ་ཀང་ཀོང་མེད་པ་དག་ཡིན་ནོ། །སྒྲོས་བིམྤ་ལྟར་དམར་བ་དག་ཡིན་ནོ། །ཞལ་ཡོངས་སུ་རྒྱས་པ་དག་ཡིན་ནོ། །དབྱངས་ཟབ་པ་དག་ཡིན་ནོ། །ལྟེ་བ་ཟབ་པ་དག་ཡིན་ནོ། །ལྟེ་བ་ཤིན་ཏུ་ཟླུམ་པ་དག་ཡིན་ནོ། །ལྟེ་བ་གཡས་སུ་འཁྱིལ་བ་དག་ཡིན་ནོ། །ཕྱག་དང་ཞབས་ཡོངས་སུ་རྒྱས་པ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་ཕྱག་དང་ཞབས་ཇི་ལྟར་དགོངས་པ་བཞིན་དང་ལྡན་པ་དག་ཡིན་ནོ། །ཕྱག་གི་མཐིལ་མཉམ་པ་དག་ཡིན་ནོ། །ཕྱག་གི་རི་མོ་བར་མ་ཆད་པ་དག་ཡིན་ནོ། །ཕྱག་གི་རི་མོ་མཐོ་བ་དག་ཡིན་ནོ། །སྐུ་ལ་དྲི་མ་མེད་ཅིང་དྲི་མི་ཞིམ་པ་མེད་པ་དག་ཡིན་ནོ། །མདོག་གསལ་བ་དག་ཡིན་ནོ། །སྐྱེ་མཆེད་ཀྱི་སྒོ་བཟང་བ་དག་ཡིན་ནོ། །ཞལ་ཟླ་བ་ལྟ་བུ་དག་ཡིན་ནོ། །གསོང་ཕོར་གསུང་བ་དག་ཡིན་ནོ། །ཞལ་ཁྲོ་གཉེར་གྱི་རིམ་པ་མད་པ་དག་ཡིན་ནོ། །སྤུའི་ཁུང་བུ་ཐམས་ཅད་
Kha363b
ནས་དྲི་ཡིད་དུ་འོང་བ་འབྱུང་བ་དག་ཡིན་ནོ། །དེ་དག་གི་ཞལ་གྱི་དྲི་ཞིམ་པ་དག་ཡིན་ནོ། །སེང་གེའི་སྟབས་སུ་གཤེགས་པ་དག་ཡིན་ནོ། །གླང་པོ་ཆེའི་དབང་པོའི་སྟབས་སུ་གཤེགས་པ་དག་ཡིན་ནོ། །ངང་པའི་སྟབས་སུ་གཤེགས་པ་དག་ཡིན་ནོ། །དབུ་གདུགས་འདྲ་བ་དག་ཡིན་ནོ། །གསུང་སྙན་ཅིང་རྣམ་པ་ཐམས་ཅད་ཡོངས་སུ་རྫོགས་པ་དག་ཡིན་ནོ། །ཚེམས་མཆེ་བ་རྣོ་བ་དང་ལྡན་པ་དག་ཡིན་ནོ། །ཤངས་མཐོ་བ་དག་ཡིན་ནོ། །ལྗགས་དམར་བ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་ལྗགས་སྲབ་ཅིང་ཆེ་བ་དག་ཡིན་ནོ། །སྤུ་མཐོན་མཐིང་ཅན་དག་ཡིན་ནོ། །སྤུ་གཙང་བ་དག་ཡིན་ནོ། །སྤྱན་ཡངས་པ་དག་ཡིན་ནོ། །བུ་གའི་སྒོ་རྣམས་ཡོངས་སུ་མཉམས་པ་དག་ཡིན་ནོ། །ཕྱག་དང་ཞབས་ཀྱི་མཐིལ་དམར་བ་དག་ཡིན་ནོ། །ལྟེ་བ་མ་བྱེ་བ་དག་ཡིན་ནོ། །དཀུ་མ་རྙོངས་པ་དག་ཡིན་ནོ། །ཕྱལ་ཕྱང་དེ་བ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་སྐུ་ལ་གཉེར་མ་མེད་པ་དག་ཡིན་ནོ། །ཚིགས་མཛེས་པ་དག་ཡིན་ནོ། །ཚིགས་རིང་བ་དག་ཡིན་ནོ། །ཕྱག་དང་ཞབས་ཡོངས་སུ་དག་པ་དག་ཡིན་ནོ། །འོད་འདོམ་གང་མཉམ་པ་དག་ཡིན་ནོ། །འོད་ཀྱིས་གསལ་བར་མཛད་ཅིང་གཤེགས་པ་དག་ཡིན་ནོ། །ལྷ་དང་མི་གང་དག་དེ་དག་གི་སྐུ་མཐོང་བ་དེ་དག་ཚིམ་པར་འགྱུར་རོ། །སྲོག་ཆགས་ཐམས་ཅད་ཀྱིས་མཐོང་ཡང་བརྙས་པར་མི་བྱེད་དོ། །སེམས་ཅན་རྣམས་ལ་
Kha364a
༄#། །རྗེས་སུ་སྟོན་པར་མཛད་དོ། །དེ་དག་གི་གསུང་ནི་འཁོར་དང་མཐུན་པར་ཁྱབ་པར་མཛད་ཀྱི། འཁོར་གྱི་ཕྱི་རོལ་ཏུ་གསུང་མི་འགྲོའོ། །རོ་སྟོད་སེངྒེའི་ལྟ་བུ་དག་ཡིན་ནོ། །སྐུའི་ཚིགས་ལེགས་པར་འབྲེལ་བ་དག་ཡིན་ནོ། །སྤྱི་གཙུག་བལྟར་མི་མཐོང་བ་དག་ཡིན་ནོ། །དབུ་སྐྲ་མཐོན་མཐིང་ལ་འཇམ་ཞིང་རིང་བ་དག་ཡིན་ནོ། །དབུ་སྐྲ་མ་འཁྲུགས་པ་དག་ཡིན་ནོ། །དབུ་སྐྲ་གྱེན་དུ་ཕྱོགས་ཤིང་བཟང་ལ་ལྕང་ལོར་འཁྱིལ་པ་དག་ཡིན་ནོ། །དབུ་སྐྲ་མ་འཛིངས་པ་དག་ཡིན་ནོ། །ཐུགས་ཀར་དཔལ་གྱི་བེའུས་ལེགས་པར་བརྒྱན་པ་དག་དང་ལྡན་པ་དག་ཡིན་ནོ། །ཕྱག་དང་ཞབས་ཀྱི་མཚན་དཔལ་གྱིས་འབར་བ་དང་ལྡན་པ་དག་ཡིན་ནོ། །མཚལ་དང ། ལྡོང་རོས་དང ། ཙིན་པི་སྟ་དང ། མཐིང་ཤིང་དང ། ཟངས་གཡའི་ཁ་དོག་གིས་བྲིས་པ་ལྟ་བུའི་མཚན་རྣམས་དང་ལྡན་པ་ཡིན་ནོ། །རབ་འབྱོར། དེ་དག་ནི་དཔེ་བྱད་བཟང་པོ་བརྒྱད་ཅུ་ཡིན་ཏེ། དེ་དག་གིས་དེ་བཞིན་གཤེགས་པའི་སྐུ་ལེགས་པར་བརྒྱན་ནས། ལྷམ་མེ་ལྷན་ནེ་ལྷང་ངེའོ། །དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཡོངས་སུ་རྫོགས་པར་བྱ་བ་དག་ཡིན་ནོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། བྱང་ཆུབ་སེམས་དཔའ་གཞན་དག་ལ་
Kha364b
འདི་སྐད་འདོམས་ཤིང་འདི་སྐད་རྗེས་སུ་སྟོན་ཏེ། རིགས་ཀྱི་བུ་དག་ཚུར་ཤེག་།ཁྱེད་ཅག་ཡི་གེ་མངོན་པར་སྒྲུབ་པ་ལ་མཁས་པར་གྱིས་ཤིག་།འདི་ལྟ་སྟེ། ཡི་གེ་གཅིག་ལ་མཁས་པར་གྱིས་ཤིག ། ཡི་གེ་གཉིས་ལ་མཁས་པར་གྱིས་ཤིག་།དེ་བཞིན་དུ་གསུམ་དང ། བཞི་དང ། ལྔ་དང ། དྲུག་དང ། བདུན་དང ། བརྒྱད་དང ། དགུ་དང ། བཅུ་དང ། དེ་བཞིན་དུ་ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུའི་བར་དང ། ཡི་གེ་བརྒྱ་དང ། ཡི་གེ་སྟོང་གི་བར་ལ་མཁས་པར་གྱིས་ཤིག་།ཡི་གེ་གཅིག་གིས་ངག་གི་རང་བཞིན་ཐམས་ཅད་རྟོགས་པར་གྱིས་ཤིག་།དེ་བཞིན་དུ་གཉིས་དང།་གསུམ་དང ། ཡི་གེ་བརྒྱ་དང ། སྟོང་གི་བར་དག་གིས་ངག་གི་རང་བཞིན་ཐམས་ཅད་རྟོགས་པར་གྱིས་ཤིག་།དེ་བཞིན་དུ་ཡི་གེ་གཅིག་ཏུ་ཡི་གེའི་ཕྱི་མོ་བཞི་བཅུ་རྩ་གཉིས་པོ་དག་འདུས་པར་གྱིས་ཤིག་།ཡི་གེ་བཞི་བཅུ་རྩ་གཉིས་ཀྱི་ནང་དུ་ཡི་གེ་གཅིག་འདུས་པར་གྱིས་ཤིག་ཅེས་འདོམས་ཤིང་རྗེས་སུ་སྟོན་ཏོ། །རབ་འབྱོར། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཡི་གེ་གཅིག་ཏུ་ཡི་གེ་བཞི་བཅུ་རྩ་གཉིས་པོ་དག་འདུས་པར་གྱིས་ཤིག། ཡི་གེ་བཞི་བཅུ་རྩ་གཉིས་ཀྱི་ནང་དུ་ཡི་གེ་གཅིག་འདུས་པར་གྱིས་ཤིག་།ཡི་གེ་གཅིག་གིས་ཡི་གེ་བཞི་བཅུ་རྩ་གཉིས་ལ་མཁས་པར་བྱས་ལ། དེ་བཞིན་དུ་ཡི་གེ་བཞི་བཅུ་རྩ་གཉིས་ཀྱིས་ཡི་གེ་གཅིག་ལ་མཁས་པར་བྱས་ནས། ཡི་གེ་མངོན་པར་བསྒྲུབ་པ་ལ་མཁས་པར་འགྱུར་རོ། །ཡི་གེ་མངོན་པར་བསྒྲུབ་
Kha365a
༄#། །པ་ལ་མཁས་པར་བྱས་ནས། ཡི་གེ་མེད་པ་མངོན་པར་བསྒྲུབ་པ་ལ་མཁས་པར་འགྱུར་རོ། །དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཆོས་ལ་མཁས་པ་དང ། ཡི་གེ་ལ་མཁས་པ་ཡིན་ཏེ། ཡི་གེས་ཡི་གེ་མེད་པའི་ཆོས་སྟོན་ཀྱང ། རབ་འབྱོར། ཡི་གེ་དང་ཡི་གེ་མེད་པ་ལ་མ་གཏོགས་པའི་ཆོས་གང་ཡང་མེད་དོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་མཐའ་ལས་འདས་པ་སྟོང་པ་ཉིད་དང།་ཐོག་མ་དང་ཐ་མ་མེད་པ་སྟོང་པ་ཉིད་ཀྱི་སླད་དུ། སེམས་ཅན་ཡང་གཏན་དམིགས་སུ་མ་མཆིས་ལ། ཆོས་ཀྱང་དམིགས་སུ་མ་མཆིས་ཤིང ། ཆོས་ཀྱི་རང་བཞིན་ཡང་དམིགས་སུ་མ་མཆིས་ལགས་ན། བཅོམ་ལྡན་འདས། འོ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་ཅིང ། དེ་བཞིན་དུ་བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། དེ་བཞིན་དུ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང ། སྟོང་པ་ཉིད་བཅུ་བཞི་དང ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་ཏིང་ངེ་འཛིན་དང ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། དེ་བཞིན་གཤེགས་པའི་སྟོབས་
Kha365b
བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྤྱོད་པ ། རྣམ་པར་སྨིན་པ་ལས་བྱུང་བའི་ཕ་རོལ་ཏུ་ཕྱིན་པ་དྲུག་གིས་ཇི་ལྟར་སེམས་ཅན་རྣམས་ལ་ཆོས་སྟོན་ཅིང ། དེ་བཞིན་དུ་རྣམ་པར་སྨིན་པ་ལས་བྱུང་བའི་མངོན་པར་ཤེས་པ་དྲུག་གིས་སེམས་ཅན་རྣམས་ལ་ཆོས་སྟོན་པར་བགྱིད་ལགས། སེམས་ཅན་དང ། སེམས་ཅན་དུ་གདགས་པ་ནི་དམིགས་སུ་མ་མཆིས་ལགས་ཏེ། སེམས་ཅན་དམིགས་སུ་མ་མཆིས་པས་ཕུང་པོ་དང ། ཁམས་དང ། སྐྱེ་མཆེད་རྣམས་དམིགས་སུ་མ་མཆིས། དེ་བཞིན་དུ་སེམས་ཅན་དམིགས་སུ་མ་མཆིས་པས། ཕ་རོལ་ཏུ་ཕྱིན་པ་དྲུག་དམིགས་སུ་མ་མཆིས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་དམིགས་སུ་མ་མཆིས། དཔེ་བྱད་བཟང་པོ་བརྒྱད་ཅུ་དམིགས་སུ་མ་མཆིས། སེམས་ཅན་དམིགས་སུ་མ་མཆིས་པས། སེམས་ཅན་དུ་གདགས་པ་མ་མཆིས། ཕུང་པོ་དང ། ཁམས་དང ། སྐྱེ་མཆེད་དུ་གདགས་པ་མ་མཆིས། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་གདགས་པ་དམིགས་སུ་མ་མཆིས་ལགས་ན། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། སེམས་ཅན་རྣམས་ལ་ཆོས་སྟོན་
Kha366a
༄#། །པའི་ཆོས་དེ་གང་ལགས། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་རྣམས་མཆིས་བ་མ་ལགས་པའི་ཆོས་རྣམས་ལ་ཡང་དག་པར་འཛིན་དུ་སྩལ་ཅིང ། དེ་སེམས་ཅན་རྣམས་ལ་ཕྱིན་ཅི་ལོག་ལ་སྦྱོར་བར་བགྱིད་པའམ། གཅིག་ཏུ་མི་འགྱུར་ལགས་གྲང ། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེས་ནི། བྱང་ཆུབ་སེམས་དཔའ་ཉིད་ཀྱང་མི་དམིགས་ལགས་ན། བྱང་ཆུབ་ཀྱི་ཕྱོགས་ཀྱི་ཆོས་རྣམས་ལྟ་དམིགས་པར་ག་ལ་འགྱུར་བའི་སླད་དུའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། རབ་འབྱོར། སེམས་ཅན་དམིགས་སུ་མེད་པས་ནང་སྟོང་པ་ཉིད་དུ་རིག་པར་བྱའོ། །དེ་བཞིན་དུ་ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་གྱིས་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། ཕུང་པོ་སྟོང་པ་ཉིད་དང ། སྐྱེ་མཆེད་སྟོང་པ་ཉིད་དང ། འཕགས་པའི་བདེན་
Kha366b
པ་སྟོང་པ་ཉིད་དང ། རྟེན་ཅིང་འབྲེལ་པར་འབྱུང་བ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། འདུས་བྱས་དང ། འདུས་མ་བྱས་སྟོང་པ་ཉིད་དང ། བདག་སྟོང་པ་ཉིད་དང ། སེམས་ཅན་སྟོང་བ་ཉིད་དང ། སྐྱེ་བ་པོ་སྟོང་པ་ཉིད་དང ། དེ་བཞིན་དུ་གསོ་བ་དང ། གང་ཟག་དང ། ཤེད་ལས་སྐྱེས་པ་དང ། ཤེད་བུ་དང ། བྱེད་པ་པོ་དང ། བྱེད་དུ་འཇུག་པ་པོ་དང ། སློང་བ་པོ་དང ། ཀུན་ནས་སློང་བ་པོ་དང ། ཚོར་བ་པོ་དང ། ཤེས་པ་པོ་དང ། མཐོང་བ་པོ་སྟོང་པ་ཉིད་དུ་རིག་པར་བྱའོ། །དེ་བཞིན་དུ་བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་སྟོང་པ་ཉིད་དང ། དྲན་པ་ཉེ་བར་བཞག་པ་དང ། ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། འཕགས་པའི་ལམ་ཡན་ལག་བརྒྱད་པ་སྟོང་པ་ཉིད་དུ་རིག་པར་བྱའོ། །དེ་བཞིན་དུ་སྟོང་པ་ཉིད་སྟོང་པ་ཉིད་དང ། མཚན་མ་མེད་པ་སྟོང་པ་ཉིད་དང ། སྨོན་པ་མེད་པ་སྟོང་པ་ཉིད་དུ་རིག་པར་བྱའོ། །དེ་བཞིན་དུ་རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་སྟོང་པ་ཉིད་དུ་རིག་པར་བྱའོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་སྟོང་པ་ཉིད་དང ། དེ་བཞིན་དུ་མི་འཇིགས་པ་བཞི་སྟོང་པ་ཉིད་དང ། སོ་སོ་ཡང་དག་པར་རིག་པ་བཞི་སྟོང་པ་ཉིད་དང ། བྱམས་པ་ཆེན་པོ་སྟོང་པ་ཉིད་དང ། སྙིང་རྗེ་ཆེན་པོ་སྟོང་པ་ཉིད་
Kha367a
༄#། །དང།་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་སྟོང་པ་ཉིད་དུ་རིག་པར་བྱའོ། །དེ་བཞིན་དུ་རྒྱུན་དུ་ཞུགས་པའི་འབྲས་བུ་སྟོང་པ་ཉིད་དང ། དགྲ་བཅོམ་པའི་འབྲས་བུའི་བར་དུ་སྟོང་པ་ཉིད་དང ། རང་བྱང་ཆུབ་སྟོང་པ་ཉིད་དང ། བྱང་ཆུབ་སེམས་དཔའི་སྐྱོན་མེད་པ་སྟོང་པ་ཉིད་དང ། ཡང་དག་པར་རྫོགས་པའི་བྱང་ཆུབ་སྟོང་པ་ཉིད་དང ། སངས་རྒྱས་ཀྱི་ཞིང་སྟོང་པ་ཉིད་དང ། སེམས་ཅན་ཡོངས་སུ་སྨིན་པར་བྱ་བ་སྟོང་པ་ཉིད་དུ་རིག་པར་བྱའོ། །རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ཆོས་དེ་དག་ཐམས་ཅད་སྟོང་པ་ཉིད་དུ་མཐོང་ནས། ཕྱིན་ཅི་ལོག་གིས་ཟིན་པའི་སེམས་ཅན་རྣམས་ལ་ཆོས་སྟོན་པར་བྱེད་ལ། སེམས་ཅན་དེ་དག་ཀྱང་མི་དམིགས་སོ། །ཆོས་དེའང་འདི་ལྟར་ཅི་ནས་ཀྱང་སྟོང་པ་ཉིད་དེ་དག་ལས་མི་འདའ་བ་དེ་ལྟར་སྟོན་པར་བྱེད་དོ། །དེ་ལྟར་མཐོང་སྟེ། ཆོས་ཐམས་ཅད་སྒྲིབ་པ་མེད་པ་ཉིད་དུ་ཤེས་ནས། དེ་ཆོས་གང་ཡང་འཁྲུག་པར་མི་བྱེད་ཅིང་གཉིས་སུའང་མི་འབྱེད་པར་ཡང་དག་པ་ཇི་ལྟ་བ་བཞིན་དུའང་སྟོན་ཏོ། །རབ་འབྱོར། དཔེར་ན། དེ་བཞིན་གཤེགས་པའི་སྤྲུལ་པ་ཞིག་གིས་སྤྲུལ་པ་སྟོང་ཕྲག་དུ་མ་མངོན་པར་སྤྲུལ་ནས། སྤྲུལ་པ་དེ་དག་ཉིད་ཁ་ཅིག་ནི་སྦྱིན་པ་ལ་སྦྱོར་བར་བྱེད་ཅིང ། ཁ་ཅིག་ནི་ཚུལ་ཁྲིམས་ལ། ཁ་ཅིག་ནི་བཟོད་པ་ལ། ཁ་ཅིག་ནི་བརྩོན་འགྲུས་ལ །
Kha367b
ཁ་ཅིག་ནི་བསམ་གཏན་ལ། ཁ་ཅིག་ནི་ཤེས་རབ་ལ་སྦྱར་བར་བྱེད་ཅིང ། ཁ་ཅིག་ནི་ཚད་མེད་པ་དག་ལ། ཁ་ཅིག་ནི་གཟུགས་མེད་པའི་སྙོམས་པར་འཇུག་པ་དག་ལ། ཁ་ཅིག་ནི་མངོན་པར་ཤེས་པ་རྣམས་ལ་སྦྱོར་བར་བྱེད་ན། རབ་འབྱོར། འདི་ཇི་སྙམ་དུ་སེམས། ཅི་དེ་བཞིན་གཤེགས་པའི་སྤྲུལ་པ་དེས་གང་ཡང་བྱེ་བྲག་ཏུ་བྱས་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཁྱོད་ཀྱིས་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཇི་ལྟར་སེམས་ཅན་རྣམས་ལ་ཆོས་སྟོན་པར་བྱེད་པ་དེ་ལྟར་སེམས་ཅན་དེ་དག་ཀྱང་ས་ལ་རབ་ཏུ་འགོད་པར་བྱེད་ལ། སེམས་ཅན་དེ་དག་ཀྱང ། འདི་ལྟ་སྟེ། མ་བཅིངས་མ་གྲོལ་བའི་ཚུལ་གྱིས་ཕྱིན་ཅི་ལོག་དག་ལས་ཡོངས་སུ་ཐར་བར་བྱེད་པ་དེ་ལྟར་རིག་པར་བྱའོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གཟུགས་ནི་རང་བཞིན་ཉིད་ཀྱིས་མ་བཅིངས་མ་གྲོལ་བ་ཡིན་ལ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རང་བཞིན་ཉིད་ཀྱིས་མ་བཅིངས་མ་གྲོལ་བ་སྟེ། གཟུགས་ཀྱི་མ་བཅིངས་མ་གྲོལ་བ་ཉིད་གང་ཡིན་པ་དེ་གཟུགས་མ་ཡིན་ལ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་མ་བཅིངས་མ་གྲོལ་བ་ཉིད་གང་ཡིན་པ་དེ་རྣམ་
Kha368a
༄#། །པར་ཤེས་པ་མ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་གཟུགས་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་ཤིན་ཏུ་རྣམ་པར་དག་པའི་ཕྱིར་ཏེ། དེ་བཞིན་དུ་འདུས་བྱས་དང་འདུས་མ་བྱས་ཀྱི་ཆོས་རྣམས་ཀྱི་བར་ལའང་སྦྱར་རོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་སེམས་ཅན་རྣམས་ལ་ཆོས་སྟོན་པར་བྱེད་ཀྱང་སེམས་ཅན་དུ་དམིགས་པའང་མེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཆོས་ཐམས་ཅད་དམིགས་སུ་མེད་པ་ལ་མི་གནས་པའི་ཚུལ་གྱིས་གནས་ཤིང ། དེ་གཟུགས་དང།་དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་སྟོང་པ་ཉིད་ལ་མི་གནས་པའི་ཚུལ་དང ། འདུས་བྱས་དང་འདུས་མ་བྱས་ཀྱི་ཆོས་ཀྱི་སྟོང་པ་ཉིད་ལ་མི་གནས་པའི་ཚུལ་གྱིས་གནས་ལ། རབ་འབྱོར། འདུས་བྱས་དང་འདུས་མ་བྱས་ཀྱི་ཆོས་དང ། འདུས་བྱས་ཀྱི་ཆོས་རྣམས་ཀྱི་སྟོང་པ་ཉིད་ནི་གང་ནའང་མི་གནས་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་ཆོས་དེ་དག་དང ། སྟོང་པ་ཉིད་དེ་དག་ལ་གང་ལ་གནས་པར་འགྱུར་བའི་ངོ་བོ་ཉིད་མེད་ཅིང་དམིགས་སུ་མེད་དེ། རབ་འབྱོར །
Kha368b
དངོས་པོ་མེད་པའང་དངོས་པོ་མེད་པ་ལ་མི་གནས་ལ། རང་གི་དངོས་པོའང་རང་གི་དངོས་པོ་ལ་མི་གནས་ཏེ། གཞན་གྱི་དངོས་པོའང་གཞན་གྱི་དངོས་པོ་ལ་མི་གནས་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་དེ་དག་ཐམས་ཅད་དམིགས་སུ་མེད་དེ། དམིགས་སུ་མེད་པ་གང་ཡིན་པ་དེ་ནི་གང་ན་ཡང་གནས་པར་མི་འགྱུར་བའི་ཕྱིར་རོ། །རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་སྟོང་པ་ཉིད་དེ་དག་ཐམས་ཅད་ཀྱིས་ཆོས་འདི་དག་ལ་རབ་ཏུ་སྒོམ་པར་བྱེད་དེ། སངས་རྒྱས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། རང་སངས་རྒྱས་རྣམས་དང ། དེ་བཞིན་གཤེགས་པའི་ཉན་ཐོས་རྣམས་དང ། འཕགས་པ་ཐམས་ཅད་ལ་ཉེས་པ་མེད་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་སངས་རྒྱས་བཅོམ་ལྡན་འདས་དེ་དག་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། རང་སངས་རྒྱས་རྣམས་དང ། དེ་བཞིན་གཤེགས་པའི་ཉན་ཐོས་རྣམས་ཀྱིས་ཀྱང་ཆོས་ཉིད་འདི་ཉིད་རྗེས་སུ་སངས་རྒྱས་ཤིང་རྟོགས་ཏེ། དེ་ཁོ་ན་བཞིན་དུ་ཆོས་དེ་དག་དང ། ཆོས་རྣམས་གྱི་ཆོས་ཉིད་ལས་མི་འདའ་བར་སེམས་ཅན་རྣམས་ལ་བསྟན་ཅིང་སྟོང་པར་མཛད་པའི་ཕྱིར་རོ། །དེ་ཅིའི་ཕྱིར་ཞེ་ན། དེ་དག་ནི་ཆོས་ཀྱི་དབྱིངས་དང ། དེ་བཞིན་ཉིད་དང ། ཡང་དག་
Kha369a
༄#། །པའི་མཐའ་ལས་མི་འདའ་བའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་དེ་དག་ལ་གང་འདའ་བར་འགྱུར་བའི་ངོ་བོ་ཉིད་མེད་པའི་ཕྱིར་རོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་ཆོས་ཀྱི་དབྱིངས་དང ། དེ་བཞིན་ཉིད་དང ། ཡང་དག་པའི་མཐའ་ལས་མི་འདའ་བ་ལགས་ན། འོ་ན་ཅི་གཟུགས་ཀྱང་གཞན་ལ། ཆོས་ཀྱི་དབྱིངས་ཀྱང་གཞན། དེ་བཞིན་ཉིད་ཀྱང་གཞན། ཡང་དག་པའི་མཐའ་ཡང་གཞན་ཉིད། རྣམ་པར་ཤེས་པའི་བར་དུའང་གཞན་ལ། འཇིག་རྟེན་པ་དང་འཇིག་རྟེན་ལས་འདས་པའི་ཆོས་རྣམས་ཀྱང་གཞན། ཟག་པ་དང་བཅས་པ་དང་ཟག་པ་མ་མཆིས་པ་དང ། འདུས་བྱས་དང་འདུས་མ་བྱས་ཀྱི་ཆོས་རྣམས་ཀྱང་གཞན་པ་ཞིག་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། མ་ཡིན་ནོ། །གསོལ་པ། བཙུན་པ་བཅོམ་ལྡན་འདས། གལ་ཏེ་གཟུགས་ཀྱང་གཞན་མ་ལགས་ལ། ཆོས་ཀྱི་དབྱིངས་ཀྱང་གཞན་མ་ལགས། རྣམ་པར་ཤེས་པའི་བར་དུའང་གཞན་མ་ལགས་ལ། ཆོས་ཀྱི་དབྱིངས་ཀྱང་གཞན་མ་ལགས་ཏེ། འདུས་བྱས་དང ། འདུས་མ་བྱས་ཀྱི་ཆོས་རྣམས་ཀྱི་བར་ལའང་སྦྱར་བར་བགྱི་བ་ལགས་ན། བཙུན་པ་བཅོམ་ལྡན་འདས། དེ་ལྟར་ན་ནི་ལས་དཀར་གནག་རྣམས་ཀྱི་རྣམ་པར་སྨིན་པར་
Kha369b
རྣམ་པར་དགོད་པ་དང་གདའ་བར་ཇི་ལྟར་འགྱུར་ཏེ། ལས་ནག་པོ་རྣམས་ཀྱི་རྣམ་པར་སྨིན་པ་ནག་པོ་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ཀྱི་ནང་ན་གདའ་བ་དང ། ལས་དཀར་པོ་རྣམས་ཀྱི་རྣམ་པར་སྨིན་པ་དཀར་པོ་ལྷ་དང ། མི་རྣམས་ཀྱི་ནང་ན་གདའ་བ་དང ། དེ་བཞིན་དུ་ལས་དཀར་གནག་རྣམས་ཀྱི་རྣམ་པར་སྨིན་པ་དཀར་གནག་དུད་འགྲོའི་སྐྱེ་གནས་སུ་གྱུར་པ་རྣམས་དང ། མི་རྣམས་ཀྱི་ནང་ན་གདའ་བ་དང ། དེ་བཞིན་དུ་ལས་མི་དཀར་མི་གནག་པ་རྣམས་ཀྱི་རྣམ་པར་སྨིན་པ་མི་དཀར་མི་གནག་པ་ནི། འདི་ལྟ་སྟེ། རྒྱུན་དུ་ཞུགས་པའི་འབྲས་བུ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཀུན་རྫོབ་ཀྱི་བ་དེན་པ་ཚད་མར་བྱས་ནས། འབྲས་བུ་རྣམ་པར་བཞག་པ་སྟོན་པར་མཛད་ཀྱི། དོན་དམ་པའི་བདེན་པར་ནི་འབྲས་བུ་རྣམ་པར་བཞག་པ་བསྟན་པར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་དོན་དམ་པའི་བདེན་པར་གཟུགས་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང།་རྣམ་པར་ཤེས་པའི་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ། འདི་ལྟ་སྟེ། མཐའ་ལས་འདས་པ་སྟོང་པ་ཉིད་དང །
Kha370a
༄#། །ཐོག་མ་དང་ཐ་མ་མེད་པ་སྟོང་པ་ཉིད་ཀྱི་ཆོས་དེ་ནི་རྣམ་པར་མི་རྟོག་ཅིང་བརྗོད་དུ་མེད་པ་ཡིན་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། གལ་ཏེ་ཀུན་རྫོབ་ཀྱི་བདེན་པ་ལ་བརྟེན་ཏེ། འབྲས་བུ་རྣམ་པར་བཞག་པ་ལགས་ན་བྱིས་པ་སོ་སོའི་སྐྱེ་བོ་ཐམས་ཅད་རྒྱུན་དུ་ཞུགས་པའི་འབྲས་བུར་མི་འགྱུར་ལགས་སམ། དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མི་འགྱུར་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཅི་བྱིས་པ་སོ་སོའི་སྐྱེ་བོ་རྣམས་ཀུན་རྫོབ་ཀྱི་བདེན་པའམ། དོན་དམ་པའི་བདེན་བཤེས་སམ། དེ་དག་ལ་ནི། འདི་ལྟ་སྟེ། རྒྱུན་དུ་ཞུགས་པའི་འབྲས་བུ་དང ། དེ་བཞིན་དུ་སྦྱར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་གྱི་རྣམ་པར་བཞག་པའང་མེད་དོ། །རབ་འབྱོར། གང་གི་ཕྱིར་བྱིས་པ་སོ་སོའི་སྐྱེ་བོ་ཐམས་ཅད་ལ། འཕགས་པའི་ལམ་ཡན་ལག་བརྒྱད་པ་མེད་ཅིང་འཕགས་པའི་ལམ་ཡན་ལག་བརྒྱད་པ་བསྒོམ་པ་མེད་ལ། འཕགས་པའི་ལམ་ཡན་ལག་བརྒྱད་པའི་འབྲས་བུ་མེད་པ་དེ་ཉིད་ཀྱི་ཕྱིར་བྱིས་པ་སོ་སོའི་སྐྱེ་བོ་ཐམས་ཅད་ལ་འབྲས་བུ་རྣམ་པར་བཞག་པར་མི་འགྱུར་རོ། །རབ་འབྱོར། འཕགས་པའི་གང་ཟག་རྣམས་ལ་ནི་
Kha370b
མྱ་ངན་ལས་འདས་པའི་ལམ་དང ། མྱ་ངན་ལས་འདས་པའི་ལམ་བསྒོམ་པ་དང ། མྱ་ངན་ལས་འདས་པའི་ལམ་བསྒོམ་པའི་འབྲས་བུའང་ཡོད་དོ། །དེ་ཅིའི་ཕྱིར་ཞེ་ན། རབ་འབྱོར། འཕགས་པའི་གང་ཟག་དེ་དག་ཉིད་ལ་འབྲས་བུ་རྣམ་པར་བཞག་པ་ཡིན་གྱི། གཞན་དག་ལ་ནི་མ་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅི་ལམ་བསྒོམ་ན། འབྲས་བུ་ཐོབ་ལགས་སམ། འོན་ཏེ་ལམ་མ་བསྒོམ་པ་འབྲས་བུ་ཐོབ་པར་འགྱུར་ལེགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ལམ་བསྒོམས་ནའང་འབྲས་བུ་མི་འཐོབ་ལ། ལམ་ལ་བསྒོམས་པའང་འབྲས་བུ་འཐོབ་པར་མི་འགྱུར་རོ། །རབ་འབྱོར། ལམ་མ་བསྒོམས་པར་ཡང་འབྲས་བུ་མི་འཐོབ་སྟེ། ལམ་མེད་པར་ཡང་འབྲས་བུ་ཐོབ་པ་མེད་ལ། ལམ་ལ་གནས་ཏེ་འང་མ་ཡིན་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་སེམས་ཅན་རྣམས་ལ་འབྲས་བུ་རྣམ་པར་འགོད་པ་བྱེད་མོད་ཀྱི། འདུས་བྱས་ཀྱི་ཁམས་ལའམ། འདུས་མ་བྱས་ཀྱི་ཁམས་ལ་ཚར་གཅད་པའི་ཚུལ་གྱིས་འབྲས་བུ་རྣམ་པར་འགོད་པ་མ་ཡིན་ནོ། །གསོལ་པ། བཙུན་པ་བཅོམ་ལྡན་འདས། གལ་ཏེ་འདུས་བྱས་སམ། འདུས་མ་བྱས་ཀྱི་ཁམས་ལ་ཚར་
Kha371a
༄#། །གཅད་པས་འབྲས་བུ་རྣམ་པར་དགོད་པ་མ་མཆིས་ན། འོ་ན་དེ་བཞིན་གཤེགས་པས་འདི་ནི་ཀུན་ཏུ་སྦྱོར་བ་གསུམ་སྤངས་པའི་ཕྱིར་རྒྱུན་དུ་ཞུགས་པའི་འབྲས་བུ་ཡིན་ནོ། །འདོད་པའི་འདོད་ཆགས་དང་གནོད་སེམས་བསྲབས་པའི་ཕྱིར་ལན་གཅིག་ཕྱིར་འོང་བའི་འབྲས་བུ་ཡིན་ནོ། །འོག་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་སྤངས་པའི་ཕྱིར་ཕྱིར་མི་འོང་བའི་འབྲས་བུ་ཡིན་ནོ། །གོང་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་སྤངས་པའི་ཕྱིར་དགྲ་བཅོམ་པ་ཉིད་དོ། །ཀུན་འབྱུང་བའི་ཆོས་གང་ཅིའང་རུང་བ་དེ་ཐམས་ཅད་འགོག་པའི་ཆོས་ཅན་དུ་ཤེས་པ་ནི་རང་བྱང་ཆུབ་ཡིན་ནོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་བག་ཆགས་ཀྱི་མཚམས་སྦྱོར་བ་དང ། ཉོན་མོངས་པ་ཐམས་ཅད་སྤངས་པ་ཡིན་ནོ་ཞེས་མ་བསྟན་ལགས་སམ། གསོལ་པ། བཙུན་པ་བཅོམ་ལྡན་འདས། གང་འདུས་བྱས་དང་འདུས་མ་བྱས་ཀྱི་ཆོས་རྣམས་ལ་ཚར་གཅད་པས་འབྲས་བུ་རྣམ་པར་དགོད་པ་ནི་མ་ཡིན་ནོ་ཞེས། བཅོམ་ལྡན་འདས་ཀྱིས་བཀའ་སྩལ་པ། འདིའི་དོན་བདག་གིས་ཇི་ལྟར་འཚལ་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཅི་རྒྱུན་དུ་ཞུགས་པའི་འབྲས་བུའམ། ལན་གཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་དམ། རང་བྱང་ཆུབ་བམ། བླ་ན་མེད་པ་ཡང་
Kha371b
དག་པར་རྫོགས་པའི་བྱང་ཆུབ་འདུས་བྱས་ཡིན་ནམ། འོ་ན་དེ་འདུས་མ་བྱས་ཡིན། གསོལ་པ། བཙུན་པ་བཅོམ་ལྡན་འདས། ཆོས་དེ་དག་ཐམས་ཅད་ནི་འདུས་མ་བགྱིས་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཅི་འདུས་མ་བྱས་ཀྱི་ཆོས་རྣམས་ལ་ཚར་གཅད་དུ་ཡོད་དམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །རབ་འབྱོར། ཅི་རིགས་ཀྱི་བུའམ་རིགས་ཀྱི་བུ་མོ་གང་གི་ཚེ་འདུས་བྱས་དང་འདུས་མ་བྱས་ཀྱི་ཆོས་རྣམས། འདི་ལྟ་སྟེ། མཚན་ཉིད་མེད་པར་མཚན་ཉིད་གཅིག་པར་རྟོགས་པ་དེའི་ཚེ། འདི་ལྟ་སྟེ།་འདུས་བྱས་སམ་འདུས་མ་བྱས་ཀྱི་ཆོས་གང་ལའང་ཚར་གཅོད་པར་བྱེད་དམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཚར་གཅད་དུ་མེད་པའི་ཕྱིར། འདི་ལྟ་སྟེ། ནང་སྟོང་པ་ཉིད་ཀྱི་ཕྱིར་དང ། རང་གི་མཚན་ཉིད་སྟོང་པ་ཉིད་ཀྱི་བར་གྱི་ཕྱིར་སེམས་ཅན་རྣམས་ལ་ཆོས་སྟོན་པར་བྱེད་ཅིང ། བདག་ཀྱང་ཆོས་གང་ལའང་མངོན་པར་ཞེན་པར་མི་བྱེད་ལ། གཞན་དག་ཀྱང་ཆོས་གང་ལའང་མངོན་པར་ཞེན་པར་བྱེད་དུ་མི་འཇུག་སྟེ། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་རམ། བསམ་གཏན་དང་པོའམ།
Kha372a
༄#། །བསམ་གཏན་བཞི་པའི་བར་རམ། བྱམས་པ་ལ་སྙོམས་པར་འཇུག་པའམ། སྙིང་རྗེ་དང་དགའ་བ་དང་བཏང་སྙོམས་ལ་སྙོམས་པར་འཇུག་པའམ། དེ་བཞིན་དུ་ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པའམ།་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པའི་བར་རམ། དྲན་པ་ཉེ་བར་བཞག་པ་རྣམས་སམ། འཕགས་པའི་ལམ་ཡན་ལག་བརྒྱད་པའི་བར་རམ། རྣམ་པར་ཐར་པའི་སྒོ་གསུམ་མམ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་མངོན་པར་ཞེན་པར་མི་བྱེད་དེ། དེ་དག་ལ་མངོན་པར་ཞེན་པར་མི་བྱེད་པས། ཆོས་གང་ལའང་ཆགས་པ་མེད་དོ། །དཔེར་ན། དེ་བཞིན་གཤེགས་པའི་སྤྲུལ་པ་ནི་སྦྱིན་པའང་སྦྱིན་པར་བྱེད་ལ། སྦྱིན་པའི་འབྲས་བུའང་ཉམས་སུ་མྱོང་བར་བྱེད། སྦྱིན་པའི་འབྲས་བུ་ལའང་མི་གནས་ཏེ། སེམས་ཅན་རྣམས་ཡོངས་སུ་མྱ་ངན་ལས་འདའ་བ་ཁོ་ནའི་དོན་དུ་ཕ་རོལ་ཏུ་ཕྱིན་པ་དྲུག་གི་བར་ལ་སྤྱོད་ཅིང ། དེ་བཞིན་དུ་ཟག་པ་དང་བཅས་པ་དང་ཟག་པ་མེད་པ་དང ། འཇིག་རྟེན་པ་དང་འཇིག་རྟེན་ལས་འདས་པ་དང ། འདུས་བྱས་དང་འདུས་མ་བྱས་ཀྱི་ཆོས་རྣམས་ཀྱི་བར་ལ་སྤྱོད་མོད་ཀྱི། ཆོས་གང་ལའང་མི་གནས་སོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་
Kha372b
ཕྱིན་པ་ལ་སྤྱོད་པ། ཆོས་ཐམས་ཅད་ལ་སྤྱོད་མོད་ཀྱི།། ཆོས་གང་ལའང་མི་གནས་ཤིང་ཆགས་པ་མེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཆོས་ཐམས་ཅད་ཀྱི་ཆོས་ཀྱི་མཚན་ཉིད་ལེགས་པར་རྟོགས་པའི་ཕྱིར་རོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་སུམ་ཅུ་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་ཆོས་ཐམས་ཅད་མཚན་མ་མ་མཆིས་པའི་མཆོག་ལགས་ཏེ། མཚན་མ་ནི་བཏགས་པ་ཙམ་ཀུན་ཏུ་རྟོག་པ་ལས་བྱུང་བ་ལགས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཇི་ལྟར་བདག་ཀྱང་དགེ་བའི་ཆོས་རྣམས་ལས་ཁྱད་པར་འཐོབ་པར་འགྱུར་ལ། གཞན་དག་ཀྱང་དགེ་བའི་ཆོས་ཁྱད་པར་དུ་འཐོབ་པ་ལ་སྦྱོར་བར་བགྱིད་ཅིང ། དགེ་བའི་ཆོས་རྣམས་ཀྱིས་ས་ནས་ས་ཡོངས་སུ་རྫོགས་པར་བགྱིད་ལ། སེམས་ཅན་རྣམས་ཀྱང་ཐེག་པ་གསུམ་པོ་དག་ལ་སྦྱོར་བར་བགྱིད་ཅིང ། རབ་ཏུ་འགོད་པར་བགྱིད་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དངོས་པོའམ། དངོས་པོའི་མཚན་མ་ཞིག་སྒོམ་ཞིང ། དངོས་པོ་མེད་པ་དང ། མཚན་
Kha373a
༄#། །མ་མེད་པ་མི་སྒོམ་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བདག་ཀྱང་ཁྱད་པར་འཐོབ་པར་མི་འགྱུར་ལ། གཞན་དག་ཀྱང་ཁྱད་པར་ལ་སྦྱོར་བར་བྱེད་ཅིང ། རབ་ཏུ་འགོད་པར་མི་འགྱུར་རོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་མཚན་མ་མེད་པ་ཁོ་ནའི་ཚུལ་གྱིས་བསམ་གཏན་གྱི་ཕ་རོལ་ཏུ་ཕྱིན་པ་དང ། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་ཅིང ། གལ་ཏེ་མཚན་མ་མེད་པ་ཁོ་ནའི་ཚུལ་གྱིས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་ལ། དེ་བཞིན་དུ་གལ་ཏེ་མཚན་མ་མེད་པ་ཁོ་ནའི་ཚུལ་གྱིས་བསམ་གཏན་རྣམས་ཡོངས་སུ་རྫོགས་པར་བྱེད། གལ་ཏེ་མཚན་མ་མེད་པ་ཁོ་ནའི་ཚུལ་གྱིས་ཚད་མེད་པ་རྣམས་དང ། གཟུགས་མེད་པའི་སྙོམས་པར་འཇུག་པ་རྣམས་ཡོངས་སུ་རྫོགས་པར་བྱེད། དེ་བཞིན་དུ་གལ་ཏེ་མཚན་མ་མེད་པ་ཁོ་ནའི་ཚུལ་གྱིས་དྲན་པ་ཉེ་བར་བཞག་པ་རྣམས་དང ། ཡང་དག་པར་སྤོང་བ་རྣམས་དང ། འཕགས་པའི་ལམ་ཡན་ལག་བརྒྱད་པའི་བར་དུ་སྒོམ་ཞིང་ཡོངས་སུ་རྫོགས་པར་བྱེད། དེ་བཞིན་དུ་མཚན་མ་མེད་པ་ཁོ་ནའི་ཚུལ་གྱིས་སྟོང་པ་ཉིད་དང་མཚན་མ་མེད་པ་དང་སྨོན་པ་མེད་པའི་ཏིང་ངེ་
Kha373b
འཛིན་ཡོངས་སུ་རྫོགས་པར་བྱེད། དེ་བཞིན་དུ་མཚན་མ་མེད་པ་ཁོ་ནའི་ཚུལ་གྱིས་ནང་སྟོང་པ་ཉིད་ཡོངས་སུ་རྫོགས་པར་བྱེད། མཚན་མ་མེད་པ་ཁོ་ནའི་ཚུལ་གྱིས་ཕྱི་སྟོང་པ་ཉིད་ཡོངས་སུ་རྫོགས་པར་བྱེད། དེ་བཞིན་དུ་སྦྱར་ཏེ། མཚན་མ་མེད་པ་ཁོ་ནའི་ཚུལ་གྱིས་རང་གི་མཚན་ཉིད་སྟོང་པ་ཉིད་ཀྱི་བར་དུ་ཡོངས་སུ་རྫོགས་པར་བྱེད། དེ་བཞིན་དུ་མཚན་མ་མེད་པ་ཁོ་ནའི་ཚུལ་གྱིས་རྣམ་པར་ཐར་པ་བརྒྱད་ཡོངས་སུ་རྫོགས་པར་བྱེད། མཚན་མ་མེད་པ་ཁོ་ནའི་ཚུལ་གྱིས་མཐར་གྱིས་གནས་པའི་སྙོམས་པར་འཇུག་པ་དགུ་ཡོངས་སུ་རྫོགས་པར་བྱེད། དེ་བཞིན་དུ་མཚན་མ་མེད་པ་ཁོ་ནའི་ཚུལ་གྱིས་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་རྫོགས་པར་བྱེད་ན། དེ་ལྟར་ན་དེ་དེ་དག་ལ་མཚན་མ་མེད་པའི་ཚུལ་གྱིས་ཆགས་པར་མི་བྱེད་ལ། ཕྱིན་ཅི་ལོག་ཏུའང་མི་འགྱུར་ཏེ། དེ་དགེ་བའི་ཆོས་འདི་དག་བསྒོམས་ནས་གཞན་དག་ཀྱང ། འདི་ལྟ་སྟེ། དགེ་བའི་ཆོས་དེ་དག་ཉིད་ལ་སྦྱོར་བར་བྱེད་ཅིང་རབ་ཏུ་འགོད་པར་བྱེད་དོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ལ་ཐ་ན་སེ་གོལ་གཏོགས་པ་ཙམ་དུའང་ཆོས་ཀྱི་མཚན་མ་ཞིག་ཡོད་པར་གྱུར་
Kha374a
༄#། །ནའང ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ། ཆོས་ཐམས་ཅད་མཚན་མ་མེད་པ་དང ། དྲན་པ་མེད་པ་དང ། ཡིད་ལ་བྱེད་པ་མེད་པར་མངོན་པར་རྫོགས་པར་སངས་རྒྱས་ནས། འདི་ལྟ་སྟེ། ཟག་པ་མེད་པའི་ཆོས་རྣམས་ལ་དེ་བཞིན་ཉིད་དུ་འགོད་པར་མི་འགྱུར་རོ། །རབ་འབྱོར། ཟག་པ་མེད་པའི་ཆོས་དེ་དག་ཐམས་ཅད་ནི་མཚན་མ་མེད་པ་དང ། དྲན་པ་མེད་པ་དང ། ཡིད་ལ་བྱེད་པ་མེད་པ་ཡིན་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཟག་པ་མེད་པའི་ཆོས་རྣམས་ཀྱི་རྟག་ཏུ་སེམས་ཅན་རྣམས་ཀྱི་དོན་བྱེད་དོ། །གསོལ་པ། བཙུན་པ་བཅོམ་ལྡན་འདས། གལ་ཏེ་ཆོས་ཐམས་ཅད་མཚན་མ་མ་མཆིས་པ་དང ། དྲན་པ་མ་མཆིས་པ་དང ། ཡིད་ལ་བྱེད་པ་མ་མཆིས་པ་ལགས་ན། ཅིའི་སླད་དུ་འདི་དག་ནི་ཟག་པ་དང་བཅས་པའི་ཆོས་རྣམས་སོ། །འདི་དག་ནི་ཟག་པ་མེད་པ་དག་གོ་།འདི་དག་ནི་འཇིག་རྟེན་པ་དག་གོ་།འདི་དག་ནི་འཇིག་རྟེན་ལས་འདས་པ་དག་གོ་།འདི་དག་ནི་འདུས་བྱས་དག་གོ་།འདི་དག་ནི་འདུས་མ་བྱས་དག་གོ་།འདི་དག་ནི་ཐུན་མོང་བ་དག་གོ། འདི་དག་ནི་ཐུན་མོང་མ་ཡིན་པ་དག་གོ། འདི་དག་ནི་ཉན་ཐོས་ཀྱི་ཆོས་རྣམས་སོ། །འདི་
Kha374b
དག་ནི་རང་སངས་རྒྱས་ཀྱི་ཆོས་རྣམས་སོ། །འདི་དག་ནི་བྱང་ཆུབ་སེམས་དཔའི་ཆོས་རྣམས་སོ། །འདི་དག་ནི་ཡང་དག་པར་རྫོགས་པའི་སངས་རྒྱས་ཀྱི་ཆོས་རྣམས་སོ་ཞེས་ཆོས་རྣམས་ལ་ཐ་དད་པ་མང་པོར་གདགས་པ་མཛད་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་ཇི་སྙམ་དུ་སེམས། མཚན་མ་མེད་པའང་གཞན་ལ། ཉན་ཐོས་ཀྱི་ཆོས་རྣམས་ཀྱང་གཞན་ཞིག་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །རབ་འབྱོར། འདི་ཇི་སྙམ་དུ་སེམས། མཚན་མ་མེད་པའང་གཞན་ལ། རང་སངས་རྒྱས་ཀྱི་ཆོས་རྣམས་ཀྱང་གཞན། བྱང་ཆུབ་སེམས་དཔའི་ཆོས་རྣམས་ཀྱང་གཞན། ཡང་དག་པར་རྫོགས་པའི་སངས་རྒྱས་ཀྱི་ཆོས་རྣམས་ཀྱང་གཞན་ཞིག་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འོ་ན་རྒྱུན་དུ་ཞུགས་པའི་འབྲས་བུ་དང ། དེ་བཞིན་དུ་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་ཉིད་མཚན་མ་མེད་པ་ཡིན་ནམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཉིད་མཚན་མ་མེད་པ་ཡིན་ནམ།་གསོལ་པ། བཙུན་པ་བཅོམ་ལྡན་འདས། དེ་དེ་ལྟ་ལགས་ཏེ། བཙུན་པ་བདེ་བར་གཤེགས་པ། དེ་དེ་ལྟར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར །
Kha375a
༄#། །ཁྱོད་ཀྱིས་རྣམ་གྲངས་དེས་ན། འདི་ལྟར་ཆོས་ཐམས་ཅད་མཚན་མ་མེད་པ་ཡིན་པར་རིག་པར་བྱའོ། །རབ་འབྱོར། མཚན་མ་མེད་པའི་ཆོས་འདི་ལ་སློབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དགེ་བའི་རྩ་བ་ཐམས་ཅད་ཀྱིས་རྣམ་པར་འཕེལ་བར་འགྱུར་ཏེ། འདི་ལྟ་སྟེ། ཕ་རོལ་ཏུ་ཕྱིན་པ་དྲུག་དང ། བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞིན་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་ཐམས་ཅད་ཀྱི་བར་གྱིས་རྟག་ཏུ་རྣམ་པར་འཕེལ་བར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་མ་གཏོགས་པར་གཞན་ལ་བསླབ་པར་མི་བྱ་བའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། རྣམ་པར་ཐར་པའི་སྒོ་གསུམ་པོ་འདིར་དགེ་བའི་ཆོས་ཐམས་ཅད་འདུས་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་རྣམ་པར་ཐར་པའི་སྒོ་སྟོང་པ་ཉིད་ནི་ཆོས་ཐམས་ཅད་རང་གི་མཚན་ཉིད་ཀྱིས་སྟོང་པ་ཡིན་ལ། རྣམ་པར་ཐར་པའི་སྒོ་མཚན་མ་མེད་པ་ནི་མཚན་མ་ཐམས་ཅད་དང་བྲལ་བ་ཡིན།
Kha375b
རྣམ་པར་ཐར་པའི་སྒོ་སྨོན་པ་མེད་པ་ནི་སྨོན་ལམ་ཐམས་ཅད་རྣམ་པར་སྤངས་པ་ཡིན་པའི་ཕྱིར་ཏེ། རྣམ་པར་ཐར་པའི་སྒོ་གསུམ་པོ་འདི་ལ་སློབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཕུང་པོ་ལྔ་པོ་དག་ལ་སྐྱེ་བ་དང་འཇིག་པར་རྗེས་སུ་ལྟ་ཞིང་སློབ་པ་ཡིན། དེ་བཞིན་དུ་སྐྱེ་མཆེད་བཅུ་གཉིས་དང ། ཁམས་བཅོ་བརྒྱད་དང ། དེ་བཞིན་དུ་འཕགས་པའི་བདེན་པ་བཞི་རྟོགས་པ་ལ་སློབ་པ་ཡིན་ཏེ། རྟེན་ཅིང་འབྲེལ་བར་འབྱུང་བ་ཡན་ལག་བཅུ་གཉིས་པོ་རྟོགས་པར་ཁོང་དུ་ཆུད་པ་ལ་སློབ་པ་ཡིན། དེ་ནས་ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་ལ་སློབ་པ་ཡིན། དེ་བཞིན་དུ་དངོས་པོ་མེད་པ་སྟོང་པ་ཉིད་ཀྱི་བར་དང ། ངོ་བོ་ཉིད་སྟོང་པ་ཉིད་ལ་སློབ་པ་ཡིན། དེ་བཞིན་དུ་ཕ་རོལ་ཏུ་ཕྱིན་པ་དྲུག་ལ་སློབ་པ་ཡིན། དྲན་པ་ཉེ་བར་བཞག་པ་བཞི་དང ། འཕགས་པའི་ལམ་ཡན་ལག་བརྒྱད་པའི་བར་ལ་སློབ་པ་ཡིན། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པ་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་སློབ་པ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཆོས་ཀྱི་སྦྱིན་པའི་ལེའུ་ཞེས་བྱ་སྟེ་ཉི་ཤུ་དགུ་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས།
Kha376a
༄#། །འོ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམ་པར་ཐར་པའི་སྒོ་གསུམ་ལ་སློབ་པ་ན་ཕུང་པོ་ལྔ་པོ་དག་ལ་ཇི་ལྟར་སྐྱེ་བ་དང་འཇིག་པར་རྗེས་སུ་ལྟ་ཞིང་སློབ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ། གཟུགས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། གཟུགས་གང་ལས་ཀྱང་མི་སྐྱེ་བ་དང ། གང་དུའང་འགག་པ་མེད་པ་དང ། གཟུགས་ཀྱི་དེ་བཞིན་ཉིད་གང་ཡིན་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །གཟུགས་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། དཔེར་ན། དབུ་བ་རྡོས་པ་ལ་སྙིང་པོ་གཏན་མེད་པ་དེ་བཞིན་དུ་གཟུགས་ཀྱང ། འདི་ལྟ་སྟེ། ཤིན་ཏུ་གསེ་ཚགས་དང ། ཤིན་ཏུ་གསོང་ལྡོང་དུ་རབ་ཏུ་ཤེས་སོ། །གཟུགས་ཀྱི་སྐྱེ་བ་ཇི་ལྟར་རབ་ཏུ་ཤེས་ཤེ་ན། གཟུགས་ནི་གང་ནས་ཀྱང་འོང་བ་མེད་ལ་གང་དུའང་འགྲོ་བ་མེད་དེ། གཟུགས་གང་ནས་ཀྱང་འོང་བ་མེད་པ་ཉིད་དང ། གང་དུའང་འགྲོ་བ་མེད་པ་ཉིད་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། དེ་ལྟར་གཟུགས་ཀྱི་སྐྱེ་བ་རབ་ཏུ་ཤེས་སོ། །གཟུགས་ཀྱི་འགག་པ་ཇི་ལྟར་རབ་ཏུ་ཤེས་ཤེ་ན། གཟུགས་དེ་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། ཟད་པ་དང་འཇིག་པའི་
Kha376b
ཆོས་ཅན་དང་ལྡན་པ་དེ་ལྟར་གཟུགས་ཀྱི་འགག་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །གཟུགས་ཀྱི་དེ་བཞིན་ཉིད་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། གཟུགས་ཀྱི་དེ་བཞིན་ཉིད་ལ་སྐྱེ་བའང་མེད། འགག་པའང་མེད། གང་ནས་ཀྱང་འོང་བ་མེད། གང་དུའང་འགྲོ་བ་མེད། ཀུན་ནས་ཉོན་མོངས་པའང་མེད། རྣམ་པར་བྱང་བའང་མེད། འཕེལ་བའང་མེད། འགྲིབ་པའང་མེད་པ་དེ་ལྟར་གཟུགས་ཀྱི་དེ་བཞིན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚོར་བ་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། ཆུའི་ཆུ་བུར་གྱི་གནས་པ་བཞིན་དུ། འདི་ལྟ་སྟེ། ཤིན་ཏུ་འབྲས་ཡིན་པ་དང ། ཤིན་ཏུ་ཟུག་རྡུ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚོར་བ་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། དེ་ནི་གསུམ་འདུས་པ་ལས་ཀྱང་འབྱུང་བ་དེ་ལྟར་ཚོར་བའི་སྐྱེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚོར་བ་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། ཟད་པ་དང་འཇིག་པའི་ཆོས་ཅན་དང་ཡང་ལྡན་པ་དེ་ལྟར་ཚོར་བའི་འགོག་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཚོར་བའི་དེ་བཞིན་ཉིད་ལ་ཀུན་ནས་ཉོན་མོངས་པའང་མེད། རྣམ་པར་བྱང་བའང་མེད། འཕེལ་བའང་མེད། འགྲིབ་པའང་མེད་པ་དེ་ལྟར་ཚོར་བའི་དེ་བཞིན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་ཤེས་ཇི་ལྟར་ཡང་དག་པ་ཇི་ལྟ་
Kha377a
༄#། །བ་བཞིན་དུ་རབ་ཏུ་ཤེས་ཤེ་ན། དཔེར་ན། སྨིག་རྒྱུ་ནི་ཆུ་འདོད་པ་ལ་སླུ་བར་བྱེད་པ་ཡིན་ཏེ། སྨིག་རྒྱུ་ལ་ཆུ་དམིགས་སུ་མེད་པ་དེ་ལྟར་འདུ་ཤེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་ཤེས་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། ལོག་པར་ཀུན་ཏུ་རྟོག་པ་ལས་ཀྱང་འབྱུང་ཞིང་གདགས་པས། ཐ་སྙད་དུ་འདོགས་པར་བྱེད་པ་དེ་ལྟར་འདུ་ཤེས་ཀྱི་སྐྱེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། ཟད་པ་དང་འཇིག་པའི་ཆོས་ཅན་ཡང་ལྡན་པ་དེ་ལྟར་འདུ་ཤེས་ཀྱི་འགོག་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་ཤེས་ཀྱི་དེ་བཞིན་ཉིད་ལ་ཀུན་ནས་ཉོན་མོངས་པའང་མེད། རྣམ་པར་བྱང་བའང་མེད། འཕེལ་བའང་མེད། འགྲིབ་པའང་མེད་པ་དེ་ལྟར་འདུ་ཤེས་ཀྱི་དེ་བཞིན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་བྱེད་རྣམས་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། དཔེར་ན། ཆུ་ཤིང་ཤུན་པ་སོ་སོར་ཕྱེ་ན། སྙིང་པོ་དམིགས་སུ་མེད་པ་དེ་ལྟར་འདུ་བྱེད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་བྱེད་རྣམས་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། ལོག་པར་ཀུན་ཏུ་རྟོག་པ་ལས་ཀྱང་འབྱུང་བ་དེ་ལྟར་འདུ་བྱེད་རྣམས་ཀྱི་སྐྱེ་བ་ཡང་
Kha377b
དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་དག་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། ཟད་པ་དང་འཇིག་པའི་ཆོས་དང་ཡང་ལྡན་པ་དེ་ལྟར་འདུ་བྱེད་རྣམས་ཀྱི་འགོག་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདུ་བྱེད་རྣམས་ཀྱི་དེ་བཞིན་ཉིད་ལ་སྐྱེ་བའང་མེད། འགག་པའང་མེད། ཀུན་ནས་ཉོན་མོངས་པའང་མེད། རྣམ་པར་བྱང་བའང་མེད། འཕེལ་བའང་མེད། འགྲིབ་པའང་མེད་པ་དེ་ལྟར་འདུ་བྱེད་རྣམས་ཀྱི་དེ་བཞིན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །རྣམ་པར་ཤེས་པ་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། དཔེར་ན། སྒྱུ་མ་མཁན་ཞིག་གིས་ལམ་གྱི་བཞི་མདོར་འདུག་ནས། སྐྱེ་བོ་ཕལ་པོ་ཆེའི་མདུན་དུ་བྱིས་པ་ལ་འདྲིད་པར་བྱེད་པ་དཔུང་གི་ཚོགས་ཡན་ལག་བཞི་པོ། འདི་ལྟ་སྟེ། གླང་པོ་ཆེའི་ཚོགས་དང ། རྟའི་ཚོགས་དང ། ཤིང་རྟའི་ཚོགས་དང ། དཔུང་བུ་ཆུང་གི་ཚོགས་སྟོན་པར་བྱེད་པ་དེ་ལྟར་རྣམ་པར་ཤེས་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །རྣམ་པར་ཤེས་པ་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། འདུ་བྱེད་ལས་ཀྱང་རབ་ཏུ་འབྱུང་བ་དང ། འདུ་བྱེད་ཀྱི་རྐྱེན་གྱིས་ཀྱང་བསྐྱེད་པ་དེ་ལྟར་རྣམ་པར་ཤེས་པའི་སྐྱེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །རྣམ་པར་ཤེས་པ་དེ་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་མེད་ལ། ཟད་པ་དང །
Kha378a
༄#། །འཇིག་པའི་ཆོས་དང་ཡང་ལྡན་པ་དེ་ལྟར་རྣམ་པར་ཤེས་པའི་འགག་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །རྣམ་པར་ཤེས་པའི་དེ་བཞིན་ཉིད་ལ་སྐྱེ་བ་མེད་པ་དང ། འགག་པ་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། འཕེལ་བ་མེད་པ་དང ། འགྲིབ་པ་མེད་པ་དེ་ལྟར་རྣམ་པར་ཤེས་པའི་དེ་བཞིན་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཁམས་རྣམས་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། འདི་ལྟ་སྟེ། མིག་གི་ཁམས་ནི་ངོ་བོ་ཉིད་ཀྱིས་སྟོང་པར་རབ་ཏུ་ཤེས་སོ། །དེ་བཞིན་དུ་གཟུགས་ཀྱི་ཁམས་དང ། མིག་གི་རྣམ་པར་ཤེས་པའི་ཁམས་ནི་ངོ་བོ་ཉིད་ཀྱིས་སྟོང་པར་རབ་ཏུ་ཤེས་སོ། །དེ་བཞིན་དུ་སྦྱར་ཏེ་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡིད་ཀྱི་རྣམ་པར་ཤེས་པའི་ཁམས་ཀྱི་ངོ་བོ་ཉིད་ཀྱིས་སྟོང་པར་རབ་ཏུ་ཤེས་ཏེ། དེ་ལྟར་ན་ཁམས་རྣམས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་ཡིན་ནོ། །སྐྱེ་མཆེད་རྣམས་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། འདི་ལྟ་སྟེ། ནང་གི་སྐྱེ་མཆེད་དྲུག་ནི་ནང་གི་སྐྱེ་མཆེད་དྲུག་གིས་སྟོང་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་བཞིན་དུ་ཕྱིའི་སྐྱེ་མཆེད་དྲུག་ནི་ཕྱིའི་སྐྱེ་མཆེད་དྲུག་གིས་སྟོང་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། དེ་ལྟར་ན་སྐྱེ་མཆེད་རྣམས་ཡང་དག་པ་
Kha378b
ཇི་ལྟ་བ་བཞིན་དུ་རབ་ཏུ་ཤེས་པ་ཡིན་ནོ། །འཕགས་པའི་བདེན་པ་བཞི་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། སྡུག་བསྔལ་གྱི་མཚན་ཉིད་ནི་ཉམས་སུ་གནོད་པའོ། །ཀུན་འབྱུང་བའི་མཚན་ཉིད་ནི་རབ་ཏུ་སྐྱེ་བའོ། །འགོག་པའི་མཚན་ཉིད་ནི་ཞི་བའོ། །ལམ་གྱི་མཚན་ཉིད་ནི་ངས་པར་འབྱིན་པ་སྟེ། འཕགས་པའི་བདེན་པ་རྣམ་གཉིས་ལས་རྣམ་པར་གྲོལ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤིང ། འཕགས་པའི་བདེན་པ་རྣམ་གཉིས་མ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །རྟེན་ཅིང་འབྲེལ་བར་འབྱུང་བ་ཇི་ལྟར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཤེ་ན། འདི་ལྟ་སྟེ། སྐྱེ་བ་མེད་པ་དང ། འགག་པ་མེད་པ་དང ། ཆད་པ་མེད་པ་དང ། རྟག་པ་མེད་པ་དང ། དོན་གཅིག་པ་མ་ཡིན་པ་དང ། དོན་ཐ་དད་པ་མ་ཡིན་པ་དང ། འོང་བ་མེད་པ་དང ། འགྲོ་བ་མེད་པ་དང ། སྤྲོས་པ་དང་བྲལ་བ་དང ། ཞི་བར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། དེ་ལྟར་ན་རྟེན་ཅིང་འབྲེལ་པར་འབྱུང་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། དེ་ལྟར་ཕན་ཚུན་ཐ་དད་པའི་ཆོས་རྣམས་དེ་ལྟར་རབ་ཏུ་འཚལ་ན། འོ་ན་དེས་ཆོས་ཀྱི་
Kha379a
༄#། །དབྱིངས་རྣམ་པར་དཀྲུགས་པར་མི་འགྱུར་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གལ་ཏེ་ཆོས་ཀྱི་དབྱིངས་སུ་མ་གཏོགས་པའི་ཆོས་གཞན་འགའ་ཞིག་ཡོད་ན་ནི། རྣམ་པར་དཀྲུགས་པར་ཡང་འགྱུར་ན། རབ་འབྱོར། ཆོས་ཀྱི་དབྱིངས་སུ་མ་གཏོགས་པའི་ཆོས་འགའ་ཡང་དམིགས་སུ་མེད་དེ། གལ་ཏེ་དམིགས་སུ་ཡོད་ན་ནི་ཆོས་ཀྱི་དབྱིངས་རྣམ་པར་དཀྲུགས་པར་ཡང་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར། དེ་བཞིན་གཤེགས་པ་དང ། བྱང་ཆུབ་སེམས་དཔའ་རྣམས་དང ། རང་སངས་རྒྱས་རྣམས་དང ། དེ་བཞིན་གཤེགས་པའི་ཉན་ཐོས་རྣམས་ཀྱིས་ཆོས་ཀྱི་དབྱིངས་སུ་མ་གཏོགས་པའི་ཆོས་འགའ་ཡང་མི་དམིགས་པའི་ཕྱིར་རོ། །མ་དམིགས་པས་དེ་སྟོན་པར་མི་བྱེད་དོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཆོས་ཀྱི་དབྱིངས་དབྱེར་མེད་པ་རྣམ་པར་དཀྲུག་ཏུ་མེད་པ་ལ་བསླབ་པར་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་དབྱིངས་ལ་སློབ་པས་གང་ལ་བསླབས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་
Kha379b
ཆོས་ཀྱི་དབྱིངས་ལ་སློབ་པས་ནི་ཆོས་ཐམས་ཅད་ལ་བསླབས་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཆོས་ཐམས་ཅད་ཆོས་ཀྱི་དབྱིངས་སུ་འདུས་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། ཅིའི་སླད་དུ་ཆོས་ཐམས་ཅད་ཆོས་ཀྱི་དབྱིངས་སུ་འདུས་པ་ལགས། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ལྟར་དེ་བཞིན་གཤེགས་པ་རྣམས་བྱུང་ཡང་རུང ། མ་བྱུང་ཡང་རུང་ཆོས་ཐམས་ཅད་ཀྱི་ཆོས་ཀྱི་དབྱིངས་ནི་དབྱེར་མེད་པའི་ཚུལ་གྱིས་གནས་པ་ཉིད་དེ། རབ་འབྱོར། ཆོས་ཀྱི་དབྱིངས་དེའང་ཆོས་ཐམས་ཅད་དེ། འདི་ལྟ་སྟེ། དགེ་བ་དང་མི་དགེ་བ་དང ། ལུང་དུ་བསྟན་པ་དང་ལུང་དུ་མ་བསྟན་པ་དང ། ཟག་པ་དང་བཅས་པ་དང་ཟག་པ་མེད་པ་དང ། འཇིག་རྟེན་པ་དང་འཇིག་རྟེན་ལས་འདས་པ་དང ། འདུས་བྱས་དང་འདུས་མ་བྱས་རྣམས་ཡིན་ཏེ། དེ་དག་ནི་ཆོས་ཐམས་ཅད་ཅེས་བྱའོ། །གསོལ་པ། བཙུན་པ་བཅོམ་ལྡན་འདས། གལ་ཏེ་ཆོས་ཐམས་ཅད་ཆོས་ཀྱི་དབྱིངས་ལགས་ན། བཙུན་པ་བཅོམ་ལྡན་འདས། འོ་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བགྱི། དེ་བཞིན་དུ་ཇི་ལྟར་བསམ་གཏན་གྱི་ཕ་རོལ་ཏུ་ཕྱིན་པ་དང ། ཇི་ལྟར་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། ཇི་ལྟར་བཟོད་པའི་ཕ་རོལ་ཏུ་ཕྱིན་པ་དང ། ཇི་ལྟར་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། ཇི་
Kha380a
༄#། །ལྟར་སྦྱིན་པའི་ཕ་རོལ་ཏུ་ཕྱིན་པ་ལ་བསླབ་པར་བགྱི། དེ་བཞིན་དུ་ཇི་ལྟར་བསམ་གཏན་དང་པོ་དང ། ཇི་ལྟར་གཉིས་པ་དང ། ཇི་ལྟར་གསུམ་པ་དང ། ཇི་ལྟར་བསམ་གཏན་བཞི་པ་ལ་བསླབ་པར་བགྱི། དེ་བཞིན་དུ་ཇི་ལྟར་བྱམས་པ་དང ། ཇི་ལྟར་སྙིང་རྗེ་དང ། ཇི་ལྟར་དགའ་བ་དང ། ཇི་ལྟར་བཏང་སྙོམས་ལ་བསླབ་པར་བགྱི། དེ་བཞིན་དུ་ཇི་ལྟར་ནམ་མཁའ་མཐའ་ཡས་སྐྱེ་མཆེད་ཀྱི་སྙོམས་པར་འཇུག་པ་དང ། ཇི་ལྟར་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་སྙོམས་པར་འཇུག་པའི་བར་ལ་བསླབ་པར་བགྱི། དེ་བཞིན་དུ་ཇི་ལྟར་དྲན་པ་ཉེ་བར་བཞག་པ་རྣམས་ལ་བསླབ་པར་བགྱི། དེ་བཞིན་དུ་ཇི་ལྟར་ཡང་དག་པར་སྤོང་བ་རྣམས་དང ། དེ་བཞིན་དུ་རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པ་ལ་བསླབ་པར་བགྱི། ཇི་ལྟར་སྟོང་པ་ཉིད་དང ། ཇི་ལྟར་མཚན་མ་མེད་པ་དང ། ཇི་ལྟར་སྨོན་པ་མེད་པ་ལ་བསླབ་པར་བགྱི། ཇི་ལྟར་རྣམ་པར་ཐར་པ་བརྒྱད་ལ་བསླབ་པར་བགྱི། ཇི་ལྟར་མཐར་གྱིས་གནས་པའི་སྙོམས་པར་འཇུག་པ་དགུ་ལ་བསླབ་པར་བགྱི།་ཇི་ལྟར་དེ་བཞིན་གཤེགས་པའི་སྟོབས་བཅུ་ལ་བསླབ་པར་བགྱི། ཇི་ལྟར་མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་ལ་བསླབ་པར་བགྱི། ཇི་ལྟར་བྱམས་
Kha380b
པ་ཆེན་པོ་དང ། ཇི་ལྟར་སྙིང་རྗེ་ཆེན་པོ་དང ། ཇི་ལྟར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་བསླབ་པར་བགྱི། ཇི་ལྟར་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང ། ཇི་ལྟར་དཔེ་བྱད་བཟང་པོ་བརྒྱད་ཅུ་ལ་བསླབ་པར་བགྱི། ཇི་ལྟར་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དག་ཡོངས་སུ་གྲུབ་པར་བགྱི་བའི་སླད་དུ་བསླབ་པར་བགྱི། ཇི་ལྟར་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་ཡོངས་སུ་གྲུབ་པར་བགྱི་བ་དང ། ཇི་ལྟར་ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་དག་ཡོངས་སུ་གྲུབ་པར་བགྱི་བའི་སླད་དུ་བསླབ་པར་བགྱི། ཇི་ལྟར་རྒྱལ་ཆེན་བཞིའི་རིས་ཀྱི་ལྷའི་རིས་སུ་སྐྱེ་བར་བགྱི་བའི་སླད་དུ་བསླབ་པར་བགྱི། ཇི་ལྟར་སུམ་ཅུ་རྩ་གསུམ་པའི་ལྷའི་རིས་སུ་སྐྱེ་བར་བགྱི་བའི་སླད་དུ་བསླབ་པར་བགྱི། དེ་བཞིན་དུ་ཇི་ལྟར་གཞན་འཕྲུལ་དབང་བྱེད་ཀྱི་ལྷའི་རིས་ཀྱི་བར་དུ་སྐྱེ་བར་བགྱི་བའི་སླད་དུ་བསླབ་པར་བགྱི། ཇི་ལྟར་ཚངས་རིས་ཀྱི་ལྷའི་རིས་སུ་སྐྱེ་བར་བགྱི་བའི་སླད་དུ་བསླབ་པར་བགྱི། ཇི་ལྟར་འོད་གསལ་དང ། དགེ་རྒྱས་དང ། འབྲས་བུ་ཆེ་བའི་ལྷའི་རིས་སུ་སྐྱེ་བར་བགྱི་བའི་སླད་དུ་བསླབ་པར་བགྱི། ཇི་ལྟར་འདུ་ཤེས་མེད་པའི་སེམས་ཅན་ལྷའི་རིས་སུ་སྐྱེ་བར་བགྱི་བའི་སླད་དུ་བསླབ་པར་བགྱི། ཇི་ལྟར་གནས་གཙང་མའི་ལྷའི་རིས་སུ་སྐྱེ་བར་བགྱི་བའི་སླད་དུ་བསླབ་པར་བགྱི་ཞིང་དེར་སྐྱེ་བར་ཡང་མི་བགྱིད་ལགས། ཇི་ལྟར་ནམ་མཁའ་མཐའ་ཡས་སྐྱེ་མཆེད་ཀྱི་ལྷའི་རིས་སུ་སྐྱེ་བར་བགྱི་
Kha381a
༄#། །བའི་སླད་དུ་བསླབ་པར་བགྱི་ཞིང་དེར་ཡང་སྐྱེ་བར་མི་བགྱི་ལགས། དེ་བཞིན་དུ་སྦྱར་ཏེ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་ལྷའི་རིས་ཀྱི་བར་དུ་སྐྱེ་བར་བགྱི་བའི་སླད་དུ་བསླབ་པར་བགྱི་ཞིང ། དེར་ཡང་སྐྱེ་བར་མི་བགྱི་ལགས། ཇི་ལྟར་བྱང་ཆུབ་ཏུ་སེམས་བསྐྱེད་པ་དང་པོ་ལ་བསླབ་པར་བགྱི། ཇི་ལྟར་གཉིས་པ་དང ། ཇི་ལྟར་གསུམ་པ་དང ། ཇི་ལྟར་བྱང་ཆུབ་ཏུ་སེམས་བསྐྱེད་པ་བཅུ་པའི་བར་ལ་བསླབ་པར་བགྱི། ཇི་ལྟར་བྱང་ཆུབ་སེམས་དཔའི་ས་དང་པོ་ལ་བསླབ་པར་བགྱི། དེ་བཞིན་དུ་ཇི་ལྟར་བྱང་ཆུབ་སེམས་དཔའི་ས། བཅུ་པའི་བར་ལ་བསླབ་པར་བགྱི། ཇི་ལྟར་ཉན་ཐོས་ཀྱི་ས་ལ་བསླབ་བར་བགྱི། ཇི་ལྟར་རང་སངས་རྒྱས་ཀྱི་ས་ལ་བསླབ་པར་བགྱི། ཇི་ལྟར་བྱང་ཆུབ་སེམས་དཔའི་སྐྱོན་མེད་པ་ལ་བསླབ་པར་བགྱི། ཇི་ལྟར་སེམས་ཅན་ཡོངས་སུ་སྨིན་པར་བགྱི་བ་ལ་བསླབ་པར་བགྱི། ཇི་ལྟར་སངས་རྒྱས་ཀྱི་ཞིང་ཡོངས་སུ་དག་པར་བགྱི་བ་ལ་བསླབ་པར་བགྱི། ཇི་ལྟར་གཟུངས་ཀྱི་སྒོ་ཐམས་ཅད་ལ་བསླབ་པར་བགྱི། ཇི་ལྟར་ཏིང་ངེ་འཛིན་གྱི་སྒོ་ཐམས་ཅད་ལ་བསླབ་པར་བགྱི། ཇི་ལྟར་གང་ལ་བསླབས་པས་ཆོས་ཐམས་ཅད་ཀྱི་རྣམ་པ་འཚལ་བར་འགྱུར་བའི་བྱང་ཆུབ་སེམས་དཔའི་ལམ་ལ་བསླབ་པར་བགྱི། བཙུན་པ་བཅོམ་ལྡན་འདས། ཆོས་ཀྱི་དབྱིངས་དེ་ལ་ནི་རྣམ་པར་རྟོག་པ་དེ་དག་མ་མཆིས་ལགས་ན། བཙུན་པ་བཅོམ་ལྡན་འདས།
Kha381b
བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིན་ཅི་ལོག་ལ་སྤྱོད་པའམ། གཅིག་ཏུ་མི་འགྱུར་ལགས་གྲང ། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། ཆོས་ཀྱི་དབྱིངས་དེ་ལ་ནི་རྣམ་པར་རྟོག་པ་དེ་དག་མ་མཆིས་པའི་སླད་དུ་སྟེ། གཟུགས་ཀྱང་ཆོས་ཀྱི་དབྱིངས་མ་ལགས། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དང ། མིག་གི་སྐྱེ་མཆེད་དང།་ཆོས་ཀྱི་སྐྱེ་མཆེད་ཀྱི་བར་ཡང་མ་ལགས། མིག་གི་ཁམས་དང ། ཡིད་ཀྱི་རྣམ་པར་ཤེས་པའི་ཁམས་གྱི་བར་ཡང་མ་ལགས། གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་ལས་གུད་ནའང་ཆོས་ཀྱི་དབྱིངས་མ་མཆིས། རྣམ་པར་ཤེས་པ་ལས་གུད་ནའང་མ་མཆིས། མིག་གི་སྐྱེ་མཆེད་དང ། ཆོས་ཀྱི་སྐྱེ་མཆེད་ལས་གུད་ནའང་ཆོས་ཀྱི་དབྱིངས་མ་མཆིས། མིག་གི་ཁམས་ལས་གུད་ནའང་མ་མཆིས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་ལས་གུད་ནའང་ཆོས་ཀྱི་དབྱིངས་མ་མཆིས་ཏེ། གཟུགས་ཉིད་ཆོས་ཀྱི་དབྱིངས་ལགས་ལ། ཆོས་ཀྱི་དབྱིངས་ཉིད་གཟུགས་ལགས་སོ། །དེ་བཞིན་དུ་རྣམ་པར་ཤེས་པ་ཉིད་ཆོས་ཀྱི་དབྱིངས་ལགས་ལ། ཆོས་ཀྱི་དབྱིངས་ཉིད་རྣམ་པར་ཤེས་པ་ལགས་ཏེ། ལེའུ་སྔ་མར་ཇི་ལྟར་བསྒྲེས་པ་དེ་བཞིན་དུ། ཆོས་ཐམས་ཅད་ལའང་རྒྱ་ཆེར་སྦྱར་བར་བགྱི་ལགས་སོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་ཆེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་
Kha382a
༄#། །ཏོ། །རབ་འབྱོར། དེ་དེ་བཞིན་ནོ། །ཇི་སྐད་དུ་སྨྲས་པ་དེ་བཞིན་ཏེ་ཆོས་ཀྱི་དབྱིངས་ལ་ནི་རྣམ་པར་རྟོག་པ་དེ་དག་ཐམས་ཅད་མེད་དེ། གཟུགས་ཀྱང་ཆོས་ཀྱི་དབྱིངས་མ་ཡིན་ལ། གཟུགས་ལས་གུད་ནའང་ཆོས་ཀྱི་དབྱིངས་མེད། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་ཆོས་ཀྱི་དབྱིངས་མ་ཡིན་ལ།་རྣམ་ཤེས་པ་ལས་གུད་ནའང་ཆོས་ཀྱི་དབྱིངས་མེད་དེ། གཟུགས་ཉིད་ཆོས་ཀྱི་དབྱིངས་ཡིན་ལ། ཆོས་ཀྱི་དབྱིངས་ཉིད་གཟུགས་ཡིན་ནོ། །དེ་བཞིན་དུ་རྣམ་པར་ཤེས་པའི་བར་ཉིད་ཆོས་ཀྱི་དབྱིངས་ཡིན་ལ། ཆོས་ཀྱི་དབྱིངས་ཉིད་རྣམ་པར་ཤེས་པ་ཡིན་ཏེ། ཕུང་པོ་རྣམས་ཀྱི་སྐབས་སུ་ཇི་ལྟར་བསྒྲེས་པ་དེ་བཞིན་དུ་སྐྱེ་མཆེད་རྣམས་ལའང་རྒྱ་ཆེར་སྦྱར་བར་བྱའོ། ། རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཆོས་ཀྱི་དབྱིངས་སུ་མ་གཏོགས་པའི་ཆོས་འགའ་ཞིག་མཐོང་ན་ནི། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བར་མི་འགྱུར་བ་ཞིག་ན། རབ་འབྱོར། གང་གི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཆོས་ཀྱི་དབྱིངས་སུ་མ་གཏོགས་པའི་ཆོས་འགའ་ཡང་མི་མཐོང་སྟེ། དེའི་ཕྱིར་ཆོས་ཐམས་ཅད་ཆོས་ཀྱི་དབྱིངས་སུ་ཤེས་ན། ཆོས་ཐམས་ཅད་
Kha382b
མིད་མེད་པ་ལ་འདི་ནི་གཟུགས་སོ། །འདི་ནི་ཚོར་བའོ། །འདི་ནི་འདུ་ཤེས་སོ། །འདི་དག་ནི་འདུ་བྱེད་རྣམས་སོ། །འདི་ནི་རྣམ་པར་ཤེས་པའོ། །དེ་བཞིན་དུ་སྦྱར་ཏེ། འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ་ཞེས་བྱ་བའི་བར་དུ་མིང་གི་བརྡས་སྟོན་པར་བྱེད་དོ། །རབ་འབྱོར། དཔེར་ན། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་གཟུགས་མཐོང་བ་འགའ་ཞིག་ཁོ་ན་ལ་བྱིན་གྱིས་བརླབས་ནས། སྐྱེ་བོ་ཕལ་པོ་ཆེའི་མདུན་དུ་གཟུགས་རྣམ་པ་སྣ་ཚོགས། འདི་ལྟ་སྟེ། སྐྱེས་པའི་གཟུགས་སམ། བུད་མེད་ཀྱི་གཟུགས་སམ། གླང་པོ་ཆེ་དང ། རྟ་དང ། གླང་གི་གཟུགས་རྣམས་སམ། སྐྱེད་མོས་ཚལ་ཉམས་དགའ་བའམ། ཆུ་ཀླུང་ཉམས་དགའ་བའམ། རྫིང་བུ་ཉམས་དགའ་བའམ། ལྗོན་ཤིང་ཉམས་དགའ་བ་སྣ་ཚོགས་བསྟན་ལ། དེར་ཡང་གདིང་བ་རྣམ་པ་སྣ་ཚོགས་དག་གམ། གོས་བགོ་བ་དག་ཀྱང་བསྟན། མེ་ཏོག་ཕྲེང་བ་སྣ་ཚོགས་དག་ཀྱང་བསྟན། བཟའ་བ་དང ། བཅའ་བ་དང ། མྱང་བ་དང ། ཟན་དང ། བཏུང་བ་རྣམ་པ་སྣ་ཚོགས་དག་ཀྱང་བསྟན། གླུ་དབྱངས་དང ། རོལ་མོའི་སྒྲ་མང་བོས་སྐྱེ་བོ་ཕལ་བོ་ཆེ་ད་མངོན་པར་དགའ་བར་བྱེད་ཅིང ། བདག་ཉིད་སྦྱིན་པ་སྦྱིན་པར་བྱེད་བར་བསྟན་ཏམ། ཚུལ་ཁྲིམས་སྲུང་བའམ། བཟོད་པ་སྒོམ་པའམ། བརྩོན་འགྲུས་རྩོམ་བའམ། བསམ་གཏན་དག་ལ་སྙོམས་པར་འཇུག་པའམ། བདག་ཉིད་ཤེས་རབ་སྒོམ་པར་
Kha383a
༄#། །ཡང་བསྟན་ལ། ཡང་དེ་རྣམ་པ་དེ་དག་གིས་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དག་ཏུ་སྐྱེ་བར་ཡང་བསྟན། དེ་བཞིན་དུ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་ཏུ་སྐྱེ་བ་དང ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་དག་ཏུ་སྐྱེ་བའང་བསྟན་ཏམ། དེ་བཞིན་དུ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེ་བར་ཡང་བསྟན། དེ་བཞིན་དུ་སུམ་ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ནང་དུ་སྐྱེ་བར་ཡང་བསྟན་ཏམ། དེ་བཞིན་དུ་ཚངས་པའི་འཇིག་རྟེན་དུ་སྐྱེ་བར་ཡང་བསྟན། བདག་ཉིད་ནམ་མཁའ་མཐའ་ཡས་སྐྱེ་མཆེད་དུ་ཉེ་བར་འགྲོ་བའང་བསྟན་ཏམ། བདག་ཉིད་འདུ་ཤེས་མེད་མིན་སྐྱེ་མཆེད་ཀྱི་བར་དུ་ཉེ་བར་འགྲོ་བར་ཡང་བསྟན་ཏམ། དེ་བཞིན་དུ་བདག་ཉིད་རྒྱུན་དུ་ཞུགས་པའམ། ལན་གཅིག་ཕྱིར་འོང་བའམ། ཕྱིར་མི་འོང་བའམ། དགྲ་བཅོམ་པའམ། རང་སངས་རྒྱས་སུ་བསྟན་ཏམ། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སེམས་དང་པོ་བསྐྱེད་པ་ནས་བཟུང་སྟེ། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང།་བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དང ། དེ་བཞིན་
Kha383b
དུས་དང་པོ་ལ་སྤྱོད་པ་དང ། ས་བཅུ་པའི་བར་ལ་སྤྱོད་པ་དང ། དེ་བཞིན་དུ་མངོན་པར་ཤེས་པ་མངོན་པར་སྒྲུབ་པར་བྱེད་པ་དང ། མངོན་པར་ཤེས་པ་དེ་དག་གིས་རྣམ་པར་རྩེན་ཅིང ། འཇིག་རྟེན་གྱི་ཁམས་སྣང་བར་བྱེད་པ་དང ། སེམས་ཅན་རྣམས་ཡོངས་སུ་སྨིན་པར་བྱེད་པ་དང ། སངས་རྒྱས་ཀྱི་ཞིང་ཡོངས་སུ་དག་པར་བྱེད་པ་དང ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་དག་གིས་རྣམ་པར་རྩེན་པར་བྱེད་པ་དེ་དག་དང་བདག་ཉིད་འདྲ་བར་ཡང་བསྟན། དེ་བཞིན་དུ་བདག་ཉིད་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་ཐོབ་པ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་ལྡན་པ་དང ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལུས་ལེགས་པར་བརྒྱན་པ་དང ། དཔེ་བྱད་བཟང་པོ་བརྒྱད་ཅུས་ལུས་གསལ་བར་བྱས་པར་བསྟན་ན་དེ་ན་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་བྱིས་པ་སོ་སོའི་སྐྱེ་བོའི་རང་བཞིན་ཅན་དེ་དག་ནི་འདི་སྙམ་དུ་སེམས་ཏེ། ཀྱེ་མ་མི་འདི་ཇི་ཙམ་དུ་འདི་ལྟར་བདག་ཉིད་དེ་བཞིན་གཤེགས་པའི་གཟུགས་ཀྱི་བར་དུའང་བསྟན་ཏེ། མིག་ཏུ་སྡུག་ཅིང་སྙིང་དགའ་བར་བྱེད་པའི་གཟུགས་རྣམ་པ་སྣ་ཚོགས་བསྟན་པ་དག་གིས་སྐྱེ་བོ་འདི་དག་དགའ་བར་བྱེད་པ་ནི་ལེགས་པར་བསླབས་པ་ཡིན་ཞིང ། བྱ་བ་
Kha384a
༄#། །མཛེས་པ་དག་བྱེད་དོ་སྙམ་མོ། །དེ་ནས་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་མཁས་པའི་རང་བཞིན་ཅན་ཤེས་ཉེན་ཅན་རྟོག་གེ་དང་སྤྱོད་པར་ལྡན་པ་གང་དག་ཡིན་པ་དེ་དག་ནི་འདི་སྙམ་དུ་སེམས་ཏེ། འདི་ལྟར་སྒྱུ་མའི་ལས་འདི་ལ་ཆོས་འགའ་ཡང་དམིགས་སུ་མེད་ན། མི་འདི་ཡོད་པ་མ་ཡིན་པ་མིག་དང ། ཡིད་རྨོངས་པར་བྱེད་པའི་ཆོས་འདི་དག་གིས་སྐྱེ་བོ་འདི་དག་དགའ་བར་བྱེད་པ་དང ། བྱིས་པའི་རང་བཞིན་ཅན་གྱི་སེམས་ཅན་འདི་དག་ཡོད་པ་མ་ཡིན་པ་ལ་སེམས་ཅན་དུ་འདུ་ཤེས་ཤིང ། རྫེས་མེད་པ་ལ་རྫས་སུ་འདུ་ཤེས་པ་ནི་ངོ་མཚར་རྨད་དུ་བྱུང་བའི་ཆོས་ཡིན་ནོ་སྙམ་མོ། །རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཆོས་ཀྱི་དབྱིངས་སུ་མ་གཏོགས་པའི་ཆོས་གང་ཡང་མི་དམིགས་ལ། ཆོས་ཀྱི་དབྱིངས་སུ་མ་གཏོགས་པའི་ཆོས་ནི་གང་ཡང་མི་མཐོང་སྟེ། སེམས་ཅན་དང་སེམས་ཅན་དུ་གདགས་པའང་མི་དམིགས་མོད་ཀྱི། ཐབས་ལ་མཁས་པས་བདག་ཀྱང་སྦྱིན་པ་སྦྱིན་པར་བྱེད་ལ། གཞན་དག་ཀྱང་སྦྱིན་པ་ཡང་དག་པར་འཛིན་དུ་འཇུག་གོ་།དེ་བཞིན་དུ་ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་གྱི་བར་དང ། གཞན་དག་ཀྱང་ཤེས་རབ་སྒོམ་པའི་བར་དུ་ཡང་དག་པར་འཛིན་
Kha384b
དུ་འཇུག་ཅིང་ཤེས་རབ་ཀྱི་བསྔགས་པའང་བརྗོད་ལ། གཞན་གང་དག་སྦྱིན་པ་དང ། ཚུལ་ཁྲིམས་དང ། བཟོད་པ་དང ། བརྩོན་འགྲུས་དང ། བསམ་གཏན་དང ། ཤེས་རབ་ཀྱི་བར་དུ་སྒོམ་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་ཡང་བྱེད་དེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཐབས་ལ་མཁས་པས་བདག་ལ་ཕན་པ་དང་གཞན་ལ་ཕན་པར་བྱེད་པ་ལ་སྐྱོ་བར་ཡང་མི་འགྱུར་རོ། །ཕ་རོལ་ཏུ་ཕྱིན་པའི་སྐབས་སུ་ཇི་ལྟར་བསྒྲེས་པ་བཞིན་དུ་ཆོས་ཐམས་ཅད་ཀྱི་བ་ལའང་དེ་བཞིན་དུ་སྦྱར་བར་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་ཆོས་ཐམས་ཅད་རང་བཞིན་གྱིས་སྟོང་པ་ལགས་ན། རང་བཞིན་གྱིས་སྟོང་པ་ཉིད་ལ་ནི་སེམས་ཅན་དང་ཆོས་གང་ཡང་དམིགས་སུ་མ་མཆིས་ན། འོ་ན་དེ་ལྟ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཇི་ལྟར་སེམས་ཅན་ཐམས་ཅད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཆོས་ཐམས་ཅད་
Kha385a
༄#། །ནི་རང་བཞིན་གྱིས་སྟོང་སྟེ། རང་བཞིན་གྱིས་སྟོང་པ་ཉིད་ལ་ནི་སེམས་ཅན་དང་ཆོས་གང་ཡང་དམིགས་སུ་མེད་དོ། །རབ་འབྱོར། གལ་ཏེ་ཆོས་ཐམས་ཅད་རང་བཞིན་གྱིས་སྟོང་པ་མ་ཡིན་པ་ཞིག་ཏུ་གྱུར་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། སེམས་ཅན་རྣམས་ལ་ཆོས་ཐམས་ཅད་རང་བཞིན་གྱིས་སྟོང་པར་སྟོན་པར་མི་འགྱུར་བ་ཞིག་ན། རབ་འབྱོར། གང་གི་ཕྱིར་ཆོས་ཐམས་ཅད་རང་བཞིན་གྱིས་སྟོང་པ་དེའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རང་བཞིན་གྱིས་སྟོང་པ་ཉིད་ལ་གནས་ནས། སེམས་ཅན་རྣམས་ལ་ཆོས་ཐམས་ཅད་རང་བཞིན་གྱིས་སྟོང་པར་སྟོན་ཏོ། །ཆོས་ཐམས་ཅད་རང་བཞིན་གྱིས་སྟོང་པ་ཉིད་ཀྱང་གང་ཡིན་ཞེ་ན། རབ་འབྱོར། འདི་ལྟ་སྟེ། གཟུགས་ནི་རང་བཞིན་གྱིས་སྟོང་ངོ ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ནི་རང་བཞིན་གྱིས་སྟོང་སྟེ། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་རང་བཞིན་གྱིས་སྟོང་པ་ཉིད་ལ་གནས་ནས། ཕུང་པོ་ལྔ་པོ་འདི་དག་རང་བཞིན་གྱིས་སྟོང་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་ལྟར་རིག་ནས་ཀྱང་དེ་ཁོ་ན་བཞིན་དུ་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་སྐྱེ་མཆེད་བཅུ་གཉིས་དང ། ཁམས་
Kha385b
བཅོ་བརྒྱད་རང་བཞིན་གྱིས་སྟོང་པར་རིག་ནས། དེ་ཁོ་ན་བཞིན་དུ་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་བསམ་གཏན་བཞི་དང ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་རང་བཞིན་གྱིས་སྟོང་པ་ཉིད་དུ་རིག་ནས། དེ་ཁོ་ན་བཞིན་དུ་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་དྲན་པ་ཉེ་བར་བཞག་པ་བཞི་དང ། འཕགས་པའི་ལམ་ཡན་ལག་བརྒྱད་པའི་བར་དང ། རྣམ་པར་ཐར་པའི་སྒོ་གསུམ་རང་བཞིན་གྱིས་སྟོང་པར་རིག་ནས། དེ་ཁོ་ན་བཞིན་དུ་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང ། དཔེ་བྱད་བཟང་པོ་བརྒྱད་ཅུ་རང་བཞིན་གྱིས་སྟོང་པར་རིག་ནས། དེ་ཁོ་ན་བཞིན་དུ་སེམས་ཅན་རྣམས་ལ་ཆོས་སྟོན་ཏོ། །དེ་བཞིན་དུ་རྒྱུན་དུ་ཞུགས་པའི་འབྲས་བུ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་བག་ཆགས་ཀྱི་མཚམས་སྦྱོར་བ་དང ། ཉོན་མོངས་པ་ཐམས་ཅད་སྤངས་པ་ནི་རང་བཞིན་གྱིས་སྟོང་པར་
Kha386a
༄#། །རིག་ནས། དེ་ཁོ་ན་བཞིན་དུ་སེམས་ཅན་རྣམས་ལ་ཆོས་སྟོན་ཏོ། །རབ་འབྱོར། གལ་ཏེ་ནང་སྟོང་པ་ཉིད་དངོས་པོ་ཞིག་ཡིན་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་ལ་ཆོས་ཐམས་ཅད་རང་བཞིན་གྱིས་སྟོང་པར་ཆོས་སྟོན་པར་མི་འགྱུར་ལ། རང་བཞིན་གྱི་སྟོང་པ་ཉིད་བཤིག་པར་ཡང་འགྱུར་རོ། །དེ་བཞིན་དུ་ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང།་མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་གྱིས་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དངོས་པོ་ཞིག་ཡིན་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་རྣམས་ལ་ཆོས་ཐམས་ཅད་རང་བཞིན་གྱིས་སྟོང་པར་ཆོས་སྟོན་པར་མི་འགྱུར་ལ། རང་བཞིན་གྱིས་སྟོང་པ་ཉིད་བཤིག་པར་ཡང་འགྱུར་བ་ཞིག་ན། རང་བཞིན་གྱིས་སྟོང་པ་ཉིད་ནི་ནམ་དུའང་འཇིག་པར་མི་འགྱུར་ལ། ཐེར་ཟུག་ཏུ་གནས་པའང་མ་ཡིན་ཏེ། འགྲོ་བའང་མ་ཡིན་ནོ། །དེ་ཅིའི་ཕྱིར་ཞེ་ན། དེ་ནི་ཡུལ་ན་མི་གནས། ཕྱོགས་ནའང་མི་གནས་ཏེ། དེ་ནི་གང་ནས་ཀྱང་འོང་བ་མེད་ཅིང་གང་དུའང་འགྲོ་བ་
Kha386b
མེད་པའི་ཕྱིར་རོ། །དེ་ནི་ཆོས་རྣམས་ཀྱི་ཆོས་གནས་པ་ཉིད་ཡིན་ཏེ། དེ་ལ་ནི་གསོག་པའམ། འཇིག་པའམ། འཕེལ་བའམ། འགྲིབ་པའམ། སྐྱེ་བའམ། འགག་པའམ། ཀུན་ནས་ཉོན་མོངས་པའམ། རྣམ་པར་བྱང་བའི་ཆོས་གང་ཡང་མེད་དེ། དེ་ནི་ཆོས་རྣམས་ཀྱི་རང་བཞིན་ཡིན་ནོ། །རང་བཞིན་དེ་ལ་གནས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བར་བྱེད་མོད་ཀྱི། ཆོས་གང་ཡང་འཇུག་པར་མི་མཐོང་ལ། དེས་ཆོས་ཐམས་ཅད་ཞུགས་པ་མེད་ཅིང་གནས་པ་མེད་པར་མཐོང་སྟེ། དེ་ནས་ཆོས་རྣམས་ཀྱི་ཆོས་གནས་པ་ཉིད་ཡིན་ནོ། །དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཆོས་ཐམས་ཅད་རང་བཞིན་གྱིས་སྟོང་པར་མཐོང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དེ་ལས་ཕྱིར་མི་ལྡོག་གོ་།དེ་ཅིའི་ཕྱིར་ཞེ་ན། འདི་ལྟར་དེས་རང་བཞིན་གྱིས་སྟོང་པ་ཉིད་གང་ལ་བདག་དང ། སེམས་ཅན་དང།་སྐྱེ་བ་པོ་དང ། གསོ་བ་པོ་དང ། གང་ཟག་དང ། ཤེད་ལས་སྐྱེས་དང ། ཤེད་བུ་དང ། བྱེད་པ་པོ་དང ། བྱེད་དུ་འཇུག་པ་པོ་དང ། ཚོར་བ་པོ་དང ། ཚོར་བར་བྱེད་པ་པོ་དང ། ཤེས་པ་པོ་དང།་མཐོང་བ་པོ་དམིགས་སུ་མེད་པ་དང ། དེ་བཞིན་དུ་གཟུགས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་དམིགས་སུ་མེད་པ་དང ། དེ་བཞིན་
Kha387a
༄#། །དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་དམིགས་སུ་མེད་པར་རྒྱ་ཆེར་སྦྱར་བར་བྱ་བའི་རང་བཞིན་གྱིས་སྟོང་པ་ཉིད་དེ་ལ་གནས་ནས་ཆོས་གང་ལའང་སྒྲིབ་པར་མི་མཐོང་སྟེ། དེས་ཆོས་ཐམས་ཅད་སྒྲིབ་པ་མེད་པར་མཐོང་བའི་ཕྱིར་རོ། །རབ་འབྱོར། དཔེར་ན། དེ་བཞིན་གཤེགས་པས་སྤྲུལ་པའི་མི་རྣམས་ལ། དེ་བཞིན་གཤེགས་པས་སྤྲུལ་པ་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་ཞིག་གིས་བསྐལ་པའམ། བསྐལ་པ་ལས་ལྷག་པར་རྒྱུན་མ་ཆད་པར་ཆོས་བསྟན་པར་གྱུར་ན། རབ་འབྱོར། འདི་ཇི་སྙམ་དུ་སེམས། ཅི་དེ་བཞིན་གཤེགས་པས་སྤྲུལ་པའི་མི་དེ་དག་ལ་རྒྱུན་དུ་ཞུགས་པའི་འབྲས་བུའམ། ལན་གཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་འཐོབ་པའི་སྐལ་བ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས། མ་མཆིས་ལགས་སོ། །དེ་ཅིའི་སླད་དུ་ཞེ་ན། དེ་དག་ལ་དངོས་པོ་མ་མཆིས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །དེ་དེ་བཞིན་ཏེ། དངོས་པོ་མེད་པའི་ཆོས་རྣམས་ལ་འབྲས་བུ་འཐོབ་པར་ཇི་ལྟར་འགྱུར་ཏེ། རབ་འབྱོར། ཆོས་ཐམས་ཅད་དངོས་པོ་མེད་པ་ལ་ཤེས་རབ་ཅན་སུ་ཞིག། འདི་ལྟ་སྟེ། རྒྱུན་དུ་ཞུགས་པའི་འབྲས་བུའམ། ལན་
Kha387b
གཅིག་ཕྱིར་འོང་བའི་འབྲས་བུའམ། ཕྱིར་མི་འོང་བའི་འབྲས་བུའམ། དགྲ་བཅོམ་པ་ཉིད་དམ། རང་བྱང་ཆུབ་ཉིད་དམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་མངོན་པར་ཞེན་པར་བྱེད། གཞན་དུ་ན་ཕྱིན་ཅི་ལོག་ཏུ་ལྟུང་བའི་སྐྱེ་དགུ་རྣམས་ཕྱིན་ཅི་ལོག་མེད་པ་ལ་འཛུད་ཅིང་རབ་ཏུ་འགོད་པར་བྱེད་དེ། རྣམ་པར་རྟོག་པ་མེད་པའི་ཕྱིར་དེའང་ཕྱིན་ཅི་ལོག་མ་ཡིན་ནོ། །གང་ལ་ཕྱིན་ཅི་ལོག་མེད་པ་དེ་ལ་ནི་བདག་མེད་དོ། །སེམས་ཅན་མེད་དོ། །ཤེས་པ་པོ་དང་མཐོང་བ་པོའི་བར་དུ་མེད་དོ། །དེ་ལ་ནི་གཟུགས་མེད་དོ། །ཚོར་བ་མེད་དོ། །འདུ་ཤེས་མེད་དོ། །འདུ་བྱེད་རྣམས་མེད་དོ། །རྣམ་པར་ཤེས་པ་མེད་དོ། །གང་ལ་གཟུགས་མེད་ཅིང་ཚོར་བ་མེད་པ་དང ། འདུ་ཤེས་མེད་པ་དང ། འདུ་བྱེད་རྣམས་མེད་པ་དང ། རྣམ་པར་ཤེས་པ་མེད་པ་དེ་ལ་བདག་མེད་པ་ནས། དཔེ་བྱད་བཟང་པོ་བརྒྱད་ཅུའི་བར་དུ་མེད་དེ། དེ་ནི་རང་བཞིན་གྱིས་སྟོང་པ་ཉིད་ཡིན་ནོ། །དེ་ལ་ནི་གནས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། སེམས་ཅན་རྣམས་ཕྱིན་ཅི་ལོག་ལས་རྣམ་པར་གྲོལ་བར་བྱེད་དེ། འདི་ལྟ་སྟེ། སེམས་ཅན་མེད་པ་ལ་སེམས་ཅན་དུ་འདུ་ཤེས་པ་དང ། དེ་བཞིན་དུ་རྟག་པར་འདུ་ཤེས་པ་དང ། བདེ་བར་འདུ་ཤེས་པ་དང ། བདག་ཏུ་འདུ་ཤེས་པ་དང ། སྡུག་པར་འདུ་ཤེས་པ་དང ། དེ་བཞིན་དུ་གཟུགས་དང །
Kha388a
༄#། །ཚོར་བ་དང ། འདུ་ཤེས་དང ། །འདུ་བྱེད་རྣམས་དང ། རྣམ་པར་ཤེས་པར་འདུ་ཤེས་པའི་སེམས་ཅན་རྣམས་རྣམ་པར་ཤེས་པར་འདུ་ཤེས་པའི་བར་ལས་རྣམ་པར་གྲོལ་བར་བྱེད་དོ། །དེ་བཞིན་དུ་སྦྱར་ཏེ། དེ་ཟག་པ་དང་བཅས་པ་དང ། ཟག་པ་མེད་པའི་བར་གྱི་ཆོས་རྣམས་ལའང་སྦྱར་བར་བྱའོ། །ཟག་པ་མེད་པའི་ཆོས་གང་དག་ཡིན་པ། འདི་ལྟ་སྟེ། དྲན་པ་ཉེ་བར་བཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང།་འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དེ་དག་ཀྱང་དོན་དམ་པར་འདུས་མ་བྱས་ཇི་ལྟ་བ་དེ་ལྟ་བུ་ནི་མ་ཡིན་ནོ། །དེ་ནི་མ་སྐྱེས་པ་དང ། དངོས་པོ་མེད་པ་ཡིན་ཏེ། དེ་ནི་རང་བཞིན་གྱིས་སྟོང་པ་ཉིད་ཡིན་ནོ། །དེ་ནི་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་ཡིན་ཏེ། དེ་ལ་ནི་བདག་མེད་དོ། །སེམས་ཅན་མེད་དོ། །ཤེས་པ་པོ་དང ། མཐོང་བ་པོའི་བར་དུ་མེད་དོ། །གཟུགས་མེད་དོ། །ཚོར་བ་མེད་དོ། ། འདུ་ཤེས་མེད་དོ། །འདུ་བྱེད་རྣམས་མེད་དོ། །རྣམ་པར་ཤེས་པ་མེད་དོ། །དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་མེད་དོ། །བྱང་ཆུབ་སེམས་དཔའ་སེམས་
Kha388b
དཔའ་ཆེན་པོ་ནི་རང་བཞིན་གྱི་སྟོང་པ་ཉིད་ཀྱི་དོན་མ་གཏོགས་པར་རྫོགས་པའི་བྱང་ཆུབ་ཀྱི་ལམ་གྱི་ཆེད་དུ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བར་མི་བྱེད་དོ། །རང་བཞིན་གྱིས་སྟོང་པ་ཉིད་དེ་ནི་སྔོན་གྱི་མཐའ་དང ། ཕྱི་མའི་མཐའ་དང ། དབུས་ཀྱི་མཐར་ཡང་རང་བཞིན་གྱིས་སྟོང་པ་ཉིད་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་རང་བཞིན་གྱིས་སྟོང་པ་ཉིད་དེ་ལ་གནས་ནས། སེམས་ཅན་རྣམས་ཀྱི་སེམས་ཅན་དུ་འདུ་ཤེས་པ་དང ། འདུ་ཤེས་ཐམས་ཅད་ལས་རབ་ཏུ་དགྲོལ་བའི་ཕྱིར་ལམ་གྱི་རྣམ་པ་ཤེས་པ་ཉིད་ལ་སྤྱོད་པར་བྱེད་དོ། །དེ་ལམ་གྱི་རྣམ་པ་ཤེས་པ་ཉིད་ལ་སྤྱོད་པ་ན། འདི་ལྟ་སྟེ། ཉན་ཐོས་ཀྱི་ལམ་དང ། རང་སངས་རྒྱས་ཀྱི་ལམ་དང ། ཡང་དག་པར་རྫོགས་པའི་བྱང་ཆུབ་ཀྱི་ལམ་དང ། ལམ་ཐམས་ཅད་ལ་སྤྱོད་དོ། །དེས་ལམ་རྣམས་ཡོངས་སུ་རྫོགས་པར་བྱས། སེམས་ཅན་རྣམས་ཀྱང་ཡོངས་སུ་སྨིན་པར་བྱས། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱས་ཏེ། དེའི་ཚེ་འདུ་བྱེད་རྣམས་བྱིན་གྱིས་བརླབས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཀྱང་སངས་རྒྱས་ཀྱི་ཚུལ་རྒྱུན་མི་གཅོད་པར་འགྱུར་རོ། །སངས་རྒྱས་ཀྱི་ཚུལ་དེ་གང་ཞེ་ན།
Kha389a
༄#། །འདི་ལྟ་སྟེ། རང་བཞིན་གྱིས་སྟོང་པ་ཉིད་འདི་ཡིན་ནོ། །སངས་རྒྱས་བཅོམ་ལྡན་འདས་གང་དག་འདས་པའི་དུས་ན་བྱུང་བར་གྱུར་པའི་སངས་རྒྱས་བཅོམ་ལྡན་འདས་དེ་དག་གི་ཆོས་ཀྱི་ཚུལ་ཡང ། འདི་ལྟ་སྟེ། རང་བཞིན་གྱིས་སྟོང་པ་ཉིད་འདི་ཉིད་ཡིན་པར་གྱུར་ཏོ། །སངས་རྒྱས་བཅོམ་ལྡན་འདས་གང་དག་མ་འོངས་པའི་དུས་ན་འབྱུང་བར་འགྱུར་བའི་སངས་རྒྱས་བཅོམ་ལྡན་འདས་དེ་དག་གི་སངས་རྒྱས་ཀྱི་ཚུལ་ཡང་འདི་ཉིད་ཡིན་པར་འགྱུར་རོ། །ད་ལྟར་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་པ་དག་ན་སངས་རྒྱས་བཅོམ་ལྡན་འདས་གང་དག་བཞུགས་ཤིང་གཞེས་པའི་སངས་རྒྱས་བཅོམ་ལྡན་འདས་དེ་དག་གི་ཆོས་ཀྱི་ཚུལ་ཡང ། འདི་ལྟ་སྟེ། རང་བཞིན་གྱིས་སྟོང་པ་ཉིད་འདི་ཉིད་ཡིན་ཏེ། སངས་རྒྱས་བཅོམ་ལྡན་འདས་རྣམས་ནི་རང་བཞིན་གྱིས་སྟོང་པ་ཉིད་ལ་མ་གཏོགས་པར་འཇིག་རྟེན་དུ་འབྱུང་བར་མི་འགྱུར་ཏེ། རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་རང་བཞིན་གྱིས་སྟོང་པ་ཉིད་ཀྱི་ཕ་རོལ་ཏུ་ཕྱིན་པ་དྲུག་ལ་སྤྱོད་པར་བྱ་སྟེ། དེ་ནི་བྱང་ཆུབ་ཀྱི་སྤྱོད་པ་ཡིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་སྤྱོད་པ་ནི། རྣམ་པ་ཐམས་ཅད་མཁྱེན་པ་ཉིད་ལས་ཡོངས་སུ་ཉམས་པར་མི་འགྱུར་རོ། །གསོལ་པ། ཀྱེ་མ་བཙུན་པ་བཅོམ་ལྡན་འདས། བྱང་ཆུབ་སེམས་དཔའ་
Kha389b
སེམས་དཔའ་ཆེན་པོ་དག་དེ་ལྟར་ཆོས་ཐམས་ཅད་རང་བཞིན་གྱིས་སྟོང་པ་ཉིད་ལ་སྤྱོད་ཀྱང་གཟུགས་ཀྱང་གཞན། ཚོར་བའང་གཞན། འདུ་ཤེས་ཀྱང་གཞན། འདུ་བྱེད་རྣམས་ཀྱང་གཞན། རྣམ་པར་ཤེས་པའང་གཞན་ཞིང ། རང་བཞིན་གྱིས་སྟོང་པ་ཉིད་ཀྱང་གཞན། དེ་བཞིན་དུ་སྦྱར་ཏེ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་གཞན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་གཞན་དུ་རང་བཞིན་གྱིས་སྟོང་ཉིད་དེ། རྣམ་པར་འཁྲུག་པར་ཡང་མི་བགྱིད་ལ། རང་བཞིན་གྱིས་སྟོང་པ་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལགས་ལ།་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཉིད་རང་བཞིན་གྱི་སྟོང་པ་ཉིད་ལགས་པ་ནི་ངོ་མཚར་ལགས་སོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་སུམ་ཅུ་གཅིག་པ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་གལ་ཏེ་གཟུགས་ཀྱང་གཞན་ལ། རང་བཞིན་གྱི་སྟོང་པ་ཉིད་ཀྱང་གཞན། དེ་བཞིན་དུ་ཚོར་བའང་གཞན། འདུ་ཤེས་ཀྱང་གཞན། འདུ་བྱེད་རྣམས་ཀྱང་གཞན། རྣམ་པར་ཤེས་པའང་གཞན་ལ། རང་བཞིན་གྱིས་སྟོང་པ་ཉིད་ཀྱང་གཞན། བྱང་ཆུབ་ཀྱི་བར་དུའང་གཞན་ལ། རང་བཞིན་གྱིས་སྟོང་པ་ཉིད་ཀྱང་གཞན་ཞིག་ཡིན་པར་གྱུར་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་
Kha390a
༄#། །ཅད་མཁྱེན་པ་ཉིད་དུ་མངོན་པར་རྫོགས་པར་འཆང་རྒྱ་བར་ཡང་མི་འགྱུར་བ་ཞིག་ན། རབ་འབྱོར། གང་གི་ཕྱིར་རང་བཞིན་གྱིས་སྟོང་པ་ཉིད་གཟུགས་ཡིན་ཞིང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་ཡིན་ལ། རང་བཞིན་གྱིས་སྟོང་པ་ཉིད་རྣམ་པར་ཤེས་པ་ཡིན། རང་བཞིན་གྱིས་སྟོང་པ་ཉིད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་ཡིན་པ་དེའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཆོས་ཐམས་ཅད་རང་བཞིན་གྱིས་སྟོང་པར་རིག་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །དེ་ཅིའི་ཕྱིར་ཞེ་ན། རང་བཞིན་གྱིས་སྟོང་པ་ཉིད་འདི་ལ་ཆོས་གང་ཡང་འཇིག་པའང་མེད། ཐེར་ཟུག་ཏུ་གནས་པའང་མེད། འགྲོ་བའང་མེད་པའི་ཕྱིར་རོ། །བྱིས་པ་འདུ་ཤེས་སྣ་ཚོགས་ཅན་རྣམས་ནི་གཟུགས་ཀྱང་གཞན་ལ། རང་བཞིན་གྱིས་སྟོང་པ་ཉིད་ཀྱང་གཞན་དུ་ཡོངས་སུ་རྟོག་གོ་།དེ་བཞིན་དུ་རྣམ་པར་ཤེས་པའི་བར་དུའང་གཞན་ལ། རང་བཞིན་གྱིས་སྟོང་པ་ཉིད་ཀྱང་གཞན་དུ་ཡོངས་སུ་རྟོག་གོ་།དེ་བཞིན་དུ་སྦྱར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུའང་གཞན་ལ། རང་བཞིན་གྱིས་སྟོང་པ་ཉིད་ཀྱང་གཞན་དུ་ཡོངས་སུ་རྟོག་གོ་།དེ་
Kha390b
དག་དེ་ལྟར་ཡོངས་སུ་རྟོག་པར་བྱེད་པས་གཟུགས་ལ་མངོན་པར་ཞེན་ཏོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མངོན་པར་ཞེན་ཏོ། །དེ་དག་གཟུགས་ལ་མངོན་པར་ཞེན་ཅིང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་མངོན་པར་ཞེན་པས་བདག་ཏུ་འཛིན་པ་དང ། བདག་གིར་འཛིན་པ་ལ་སྤྱོད་ཅིང ། དེ་ལའང་མངོན་པར་ཞེན་ཏོ། །མངོན་པར་ཞེན་ནས་ཀྱང་ཡང་གཟུགས་སྐྱེད་པར་བྱེད་ཅིང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྐྱེད་པར་བྱེད་དོ། དེ་དག་ནི་སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་ལས་ཡོངས་སུ་མི་འགྲོལ། འགྲོ་བ་ལྔའི་འཁོར་བའི་འཁོར་ལོ་ལས་ཡོངས་སུ་མི་ཐར་རོ། །དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་སྟོང་ངམ། འོན་ཏེ་མི་སྟོང་ཞེས་བྱ་བར་ཁས་མི་ལེན་ཅིང་ཉེ་བར་མི་ལེན་ལ། རྣམ་པར་འཁྲུག་པར་ཡང་མི་བྱེད་དོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་ངམ། འོན་ཏེ་མི་སྟོང་ཞེས་བྱ་བར་ཁས་མི་ལེན་ཅིང་ཉེ་བར་མི་ལེན་ལ། རྣམ་པར་འཁྲུག་པར་ཡང་མི་
Kha391a
༄#། །བྱེད་དོ། །དེ་བཞིན་དུ་སྦྱར་ཏེ། བྱང་ཆུབ་ཀྱི་བར་དུ་སྟོང་ངམ། འོན་ཏེ་མི་སྟོང་ཞེས་བྱ་བར་ཁས་མི་ལེན་ཅིང་ཉེ་བར་མི་ལེན་ལ། རྣམ་པར་འཁྲུག་པར་ཡང་མི་བྱེད་དོ། །དེ་ཅིའི་ཕྱིར་ཞེ་ན། སྟོང་པ་ཉིད་ནི། འདི་ལྟ་སྟེ། འདི་ནི་གཟུགས་སོ། །འདི་ནི་རྣམ་པར་ཤེས་པའི་བར་རོ། །འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ཡིན་ནོ་ཞེས་གཟུགས་རྣམ་པར་འཁྲུག་པར་ཡང་མི་བྱེད་དོ། །ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་རྣམ་པར་འཁྲུག་པར་མི་བྱེད་པའི་ཕྱིར་རོ། །རབ་འབྱོར། དཔེར་ན། ནམ་མཁས་ནི་ནམ་མཁའ་རྣམ་པར་འཁྲུགས་པར་མི་བྱེད་དེ། ནང་གི་ནམ་མཁའི་ཁམས་ཀྱིས་ཀྱང་ཕྱི་རོལ་གྱི་ནམ་མཁའི་ཁམས་རྣམ་པར་འཁྲུགས་པར་མི་བྱེད་ལ། ཕྱི་རོལ་ཀྱི་ནམ་མཁའི་ཁམས་ཀྱིས་ཀྱང་ནང་གི་ནམ་མཁའི་ཁམས་རྣམ་པར་འཁྲུགས་པར་མི་བྱེད་དོ། །རབ་འབྱོར། དེ་བཞིན་དུ་གཟུགས་ཀྱིས་ཀྱང་སྟོང་པ་ཉིད་རྣམ་པར་འཁྲུགས་པར་མི་བྱེད་ལ། སྟོང་པ་ཉིད་ཀྱིས་ཀྱང་གཟུགས་རྣམ་པར་འཁྲུགས་པར་མི་བྱེད་དོ། །དེ་བཞིན་དུ་རྣམ་པར་ཤེས་པའི་བར་གྱིས་ཀྱང་སྟོང་པ་ཉིད་རྣམ་པར་འཁྲུགས་པར་མི་བྱེད་ལ། སྟོང་པ་ཉིད་ཀྱིས་ཀྱང་རྣམ་པར་ཤེས་པ་རྣམ་པར་འཁྲུགས་པར་མི་བྱེད་དོ། །དེ་བཞིན་དུ་སྦྱར་ཏེ། བྱང་ཆུབ་ཀྱི་བར་གྱིས་ཀྱང་སྟོང་པ་ཉིད་
Kha391b
རྣམ་པར་འཁྲུགས་པར་མི་བྱེད་ལ། སྟོང་པ་ཉིད་ཀྱིས་ཀྱང་བྱང་ཆུབ་རྣམ་པར་འཁྲུགས་པར་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་ཆོས་དེ་དག་ལ་འདི་ནི་སྟོང་ངོ ། །འདི་ནི་མི་སྟོང་ངོ་སྙམ་དུ་རྣམ་པར་རྟོག་པར་བྱེད་པའི་ངོ་བོ་ཉིད་མེད་པའི་ཕྱིར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། རང་བཞིན་གྱི་ལེའུ་ཞེས་བྱ་སྟེ་སུམ་ཅུ་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། དེ་ལྟར་ཆོས་ཀྱི་མཚན་ཉིད་ལེགས་པར་རྟོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ་ལགས་སམ། རབ་འབྱོར། ཡིན་ནོ། །གསོལ་པ། བཙུན་པ་བཅོམ་ལྡན་འདས། ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པ་ནི་གང་དག་ལགས། རྟགས་ནི་གང་དག་ལགས། མཚན་མ་ནི་གང་དག་ལགས། བདག་ཅག་གིས་ཇི་ལྟར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལགས་པར་འཚལ་བར་བགྱི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ལ་བྱིས་པ་སོ་སོའི་སྐྱེ་བོའི་ས་གང་ཡིན་པ་དང ། ཉན་ཐོས་ཀྱི་ས་གང་ཡིན་པ་དང ། རང་སངས་རྒྱས་ཀྱི་ས་གང་ཡིན་པ་དང ། བྱང་ཆུབ་སེམས་དཔའི་ས་གང་ཡིན་པ་དང ། དེ་བཞིན་གཤེགས་
Kha392a
༄#། །པའི་ས་གང་ཡིན་པའི་ས་བཤད་པ་དེ་དག་ཐམས་ཅད་ནི་ཆོས་ཀྱི་དེ་བཞིན་ཉིད་དེ། འགྱུར་བ་མེད་ཅིང་རྣམ་པར་རྟོག་པ་མེད་ལ། གཉིས་སུ་མེད་དེ་གཉིས་སུ་དབྱེར་མེད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེའི་དེ་བཞིན་ཉིད་དེ། ཆོས་ཀྱི་དེ་བཞིན་ཉིད་དེ་ལ་འཇུག་པར་བྱེད་ལ། དེ་བཞིན་ཉིད་དེ། ཆོས་ཀྱི་དེ་བཞིན་ཉིད་ལ་མི་རྟོག་སྟེ། རྣམ་པར་མི་རྟོག་པ་ཁོ་ནའི་ཚུལ་གྱིས་དེ་བཞིན་ཉིད་ལ་འཇུག་གོ། དེ་ཞུགས་ནས་ཀྱང་དེའི་དེ་བཞིན་ཉིད་གང་ཡིན་པ་དེ་ཤེས་ནས། དེ་བོར་ཏེ་འདི་ནི་ཆོས་ཀྱི་དེ་བཞིན་ཉིད་མ་ཡིན་ནོ་སྙམ་དུ་ཆོས་གང་ལའང་ཐེ་ཚོམ་མི་ཟ་ཞིང ། དེ་བཞིན་ཉིད་འདི་ནི་གཅིག་ཁོ་ན་སྟེ། འདི་ལྟ་སྟེ། ཆོས་ཐམས་ཅད་ཀྱི་དབྱིངས་དང ། ཆོས་སྐྱོན་མེད་པ་ཉིད་དོ་སྙམ་མོ།། དེ་ནི་བྱུང་རྒྱལ་དུ་སྨྲ་བ་མ་ཡིན་ཏེ། ཚིག་དོན་དང་ལྡན་པ་ཁོ་ནར་སྨྲའི། དོན་དང་མི་ལྡན་པར་ནི་མ་ཡིན་ནོ། །གཞན་གྱིས་བྱས་པ་དང་མ་བྱས་པ་ལ་མི་བལྟ་ཞིང ། ལེགས་པར་གསུངས་པ་ཚོལ་བ་ཡིན་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་ལྡོག་པ་ཡིན་པར་རིག་པར་བྱའོ། །གསོལ་པ། བཙུན་པ་བཅོམ་ལྡན་འདས། རྣམ་པ་གང་དག་དང ། རྟགས་གང་དག་དང ། མཚན་པ་གང་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་
Kha392b
མི་ལྡོག་པར་སྟོན་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཆོས་ཐམས་ཅད་ནི་རྣམ་པ་མེད་པ། རྟགས་མེད་པ། མཚན་མ་མེད་པ་ཡིན་ནོ། །གསོལ་པ། གལ་ཏེ་ཆོས་ཐམས་ཅད་རྣམ་པ་མ་མཆིས་པ། རྟགས་མ་མཆིས་པ། མཚན་མ་མ་མཆིས་པ་ལགས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གང་དག་ལས་ཕྱིར་ལྡོག་ན ། ཕྱིར་མི་ལྡོག་པར་སྟོན་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་གཟུགས་ལས་ཕྱིར་ལྡོག་པ་ཡིན་ཞིང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལས་ཕྱིར་ལྡོག་པ་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པར་སྟོན་ཏོ། །རབ་འབྱོར།་གཞན་ཡང་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སོ་སོའི་སྐྱེ་བོའི་ས་ལས་ཕྱིར་ལྡོག་པ་དང ། ཉན་ཐོས་ཀྱི་ས་ལས་ཕྱིར་ལྡོག་པ་དང ། རང་སངས་རྒྱས་ཀྱི་ས་ལས་ཕྱིར་ལྡོག་པ་དེའི་ཚེ་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལས་ཕྱིར་མི་ལྡོག་པ་དང ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལས་ཕྱིར་མི་ལྡོག་པ་དང ། ནང་སྟོང་པ་ཉིད་ལས་ཕྱིར་མི་ལྡོག་པ་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བ་
Kha393a
༄#། །ལས་ཕྱིར་མི་ལྡོག་པ་དང ། དེ་བཞིན་དུ་སྦྱར་ཏེ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལས་ཕྱིར་མི་ལྡོག་པ་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དགེ་སྦྱོང་དང་བྲམ་ཟེ་འདི་དག་ནི། ཤེས་པར་བྱ་བ་ཤེས་ཤིང་མཐོང་བར་བྱ་བ་མཐོང་བའམ། ཡང་དག་པའི་ལྟ་བ་འདོགས་པར་བྱེད་པའོ་ཞེས་འདི་ལས་ཕྱི་རོལ་པའི་དགེ་སྦྱོང་དང ། བྲམ་ཟེ་དག་གི་ངོར་ལྟ་བ་དེ་ནི་གནས་མེད་དེ། ལེགས་པར་གསུངས་པའི་ཆོས་འདུལ་བ་ལ་ཐེ་ཚོམ་སྐྱེད་པར་མི་བྱེད་དེ། ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པར་གྱུར་པ་མ་ཡིན་ནོ། །ལྟ་བ་ངན་པར་མི་ལྟུང་ངོ ། །དགེ་མཚན་དང་བཀྲ་ཤིས་ལ་དག་པར་མི་འཛིན་ཏོ། །ལྷ་གཞན་དག་ལ་ཕྱག་འཚལ་བར་མི་བྱེད་ཅིང ། མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། མར་མེ་དང ། བདུག་པ་དང ། ཕྱེ་མ་དང ། གོས་དང ། གདུགས་དང ། རྒྱལ་མཚན་དང ། བ་དན་དག་དེ་དག་ལ་སྦྱིན་པའམ། བྱ་བར་མི་སེམས་པ་སྟེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རིགས་དམན་པ་དང་རིགས་ངན་དུ་མི་སྐྱེ་སྟེ། འདི་ལྟ་སྟེ། གདོལ་པའི་རིགས་རྣམས་སམ། གཡུང་
Kha393b
པོའི་རིགས་རྣམས་སམ། སྨྱིག་མ་མཁན་གྱི་རིགས་རྣམས་སམ། དེ་ལས་གཞན་པའི་རིགས་ངན་རྣམས་སམ། མི་ཁོམ་པ་བརྒྱད་བོ་དག་གི་བར་རྣམས་སུ་མི་སྐྱེ། བུད་མེད་ཀྱི་དངོས་པོ་ཡོངས་སུ་མི་འཛིན་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དགེ་བ་བཅུའི་ལས་ཀྱི་ལམ་ཡང་དག་པར་བླངས་ནས་གནས་ཏེ། དེ་བདག་གིས་ཀྱང་སྲོག་གཅོད་པ་སྤངས་ཤིང ། གཞན་དག་ཀྱང་སྲོག་གཅོད་པ་སྤོང་བ་སྒྲུབ་པ་ཡང་དག་པར་འཛིན་དུ་འཇུག་པ་ཡིན། སྲོག་གཅོད་པ་སྤོང་བ་སྒྲུབ་པའི་བསྔགས་པའང་བརྗོད་པ་ཡིན། གཞན་གང་དག་སྲོག་གཅོད་པ་སྤངས་པ་དེ་དག་གིས་བསྔགས་པའང་བརྗོད་ཅིང་རྗེས་སུ་དགའ་བར་བྱེད་དོ། །དེ་བཞིན་དུ་སྦྱར་ཏེ། བདག་གིས་ཀྱང་ལོག་པར་ལྟ་བའི་བར་དུ་སྤངས་ཤིང ། གཞན་དག་ཀྱང་ལོག་པར་ལྟ་བ་སྤོང་བ་སྒྲུབ་པ་ཡང་དག་པར་འཛིན་དུ་འཇུག་པ་ཡིན། ལོག་པར་ལྟ་བ་སྤོང་བ་བསྒྲུབ་པའི་བསྔགས་པའང་བརྗོད་པ་ཡིན། གཞན་གང་དག་ལོག་པར་ལྟ་བ་སྤངས་པ་དེ་དག་གི་བསྔགས་པའང་བརྗོད་ཅིང་རྗེས་སུ་དགའ་བར་བྱེད་པ་ཡིན་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་
Kha394a
༄#། །ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྨི་ལམ་ནའང་མི་དགེ་བ་བཅུའི་ལས་ཀྱི་ལམ་ཀུན་ཏུ་མི་སྤྱོད་ན་སད་པ་ན་ལྟ་ཅི་སྨོས་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྟག་ཏུ་སྦྱིན་པའི་ཕ་རོལ་ཏུ་ཕྱིན་པ་ལ་གནས་པ་ཡིན། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། རྟག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་ཡིན་ཏེ། སྦྱིན་པ་དེའང་སེམས་ཅན་ཐམས་ཅད་ཀྱི་ཆེད་དུ་སྒོམ་ལ། དེའང་མི་དམིགས་པའི་ཚུལ་གྱིས་སྒོམ་ཏེ། རབ་འབྱོར། རྣམ་པ་དང ། རྟགས་དང།་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་ཀྱི་རྣམ་གྲངས་ཀྱི་ཆོས་ཀྱི་སྦྱིན་པ་སྦྱིན་པ་ན། འདི་སྙམ་དུ་ཆོས་ཀྱི་སྦྱིན་པ་འདིས་སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་གྱུར་ཅིག་
Kha394b
སྙམ་དུ་བསམས་ནས། དེས་ཆོས་ཀྱི་སྦྱིན་པ་དེ་སེམས་ཅན་ཐམས་ཅད་དང་ལྷན་ཅིག་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱེད་ལ།་དེའང་མི་དམིགས་པའི་ཚུལ་གྱིས་བསྔོ་བར་བྱེད་དེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཆོས་ཟབ་མོ་རྣམས་ལ་སོམ་ཉི་དང ། ཡིད་གཉིས་དང ། ཐེ་ཚོམ་མེད་དོ། གསོལ་པ། བཙུན་པ་བཅོམ་ལྡན་འདས། ཅིའི་སླད་དུ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཟབ་མོ་རྣམས་ལ་སོམ་ཉི་དང ། ཡིད་གཉིས་དང ། ཐེ་ཚོམ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ནི་གང་ལ་དེ་སོ་མ་ཉི་དང ། ཡིད་གཉིས་དང།་ཐེ་ཚོམ་ཟ་བར་འགྱུར་བའི་ཆོས་གང་ཡང་ཡང་དག་པར་རྗེས་སུ་མི་མཐོང་སྟེ། འདི་ལྟ་སྟེ། གཟུགས་སམ། ཚོར་བའམ། འདུ་ཤེས་སམ། འདུ་བྱེད་རྣམས་དང ། རྣམ་པར་ཤེས་པའམ། དེ་བཞིན་དུ་སྦྱར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་ཡང་དག་པར་རྗེས་སུ་མི་མཐོང་སྟེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་
Kha395a
༄#། །དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་ཀྱི་ལས་འཇམ་པ་དང་ལྡན་པ་ཡིན། ངག་གི་ལས་འཇམ་པ་དང ། ཡིད་ཀྱི་ལས་འཇམ་པ་དང་ལྡན་པ་ཡིན། སེམས་ཅན་ཐམས་ཅད་ལའང་ཞེ་འགྲས་པའི་སེམས་མེད་པ་ཡིན་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྟག་ཏུ་བྱམས་པའི་ལུས་ཀྱི་ལས་དང་ལྡན་པ་ཡིན། དེ་བཞིན་དུ་བྱམས་པའི་ངག་གི་ལས་དང ། བྱམས་པའི་ཡིད་ཀྱི་ལས་དང་ལྡན་པ་ཡིན་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར།་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྒྲིབ་པ་ལྔ་དང་ལྷན་ཅིག་མི་གནས་སོ། །ལྔ་པོ་དག་གང་ཞེ་ན། འདི་ལྟ་སྟེ། འདོད་པ་ལ་འདུན་པ་དང ། གནོད་སེམས་དང ། རྨུགས་པ་དང ། གཉིད་དང ། རྒོད་པ་དང ། འགྱོད་པ་དང ། ཐེ་ཚོམ་དང་ལྷན་ཅིག་མི་གནས་ཏེ། རབ་འབྱོར། རྣམ་པ་དང ། རྟགས་དང ། མཚན་མེད་
Kha395b
དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ནི་བག་ལ་ཉལ་ཐམས་ཅད་ཀྱི་ཐམས་ཅད་དུ་མེད་དེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འགྲོའམ་ལྡོག་ཀྱང་རུང ། འཁྲུལ་པའི་སེམས་ཀྱིས་འགྲོ་བའམ། ལྡོག་པར་མི་བྱེད་ཀྱི།་དེ་འགྲོའམ་ལྡོག་ནའང་དྲན་ཕ་ཉེ་བར་བཞག་བཞིན་དུ་འགྲོའམ། ལྡོག་པར་བྱེད་དེ། དྲན་བཞིན་ཁོ་ནར་འགྲོའམ་ལྡོག་པར་བྱེད་དོ། །དྲན་པ་བཞིན་ཁོ་ནར་འཆག་པའམ། འགྲེང་བའམ། འདུག་པའམ། ཉལ་བར་བྱེད་དོ། །གྱ་ཚོམ་དུ་རྐང་པ་ས་ལ་མི་འཇོག་།གྱ་ཚོམ་དུ་རྐང་པ་ས་ལ་མི་འདེག་གི་།དྲན་བཞིན་ཁོ་ནར་རྐང་པ་ས་ལ་འཇོག་ཅིང་དྲན་བཞིན་ཁོ་ནར་རྐང་པས་ལ་འདེག་ལ། མཐོང་བཞིན་དུ་སའི་ཕྱོགས་སུ་འགྲོ་སྟེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་གོས་ཀྱི་སྤྱོད་པ་ནི་སྨད་དུ་མེད་པ་ཡིན། རྟག་ཏུ་གཙང་སྦྲ་ཅན་ཡིན་ཞིང་དྲི་
Kha396a
༄#། །ང་བ་མེད་ལ། དེ་ནད་ཉུང་བ་དང ། རྡུལ་དང ། དྲི་མ་དང་བྲལ་བ་ཡིན་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་ལུས་ལ་ནི། མིར་གྱུར་པ་རྣམས་ཀྱི་ལུས་ལ་སྲིན་བུའི་རིགས་བརྒྱད་ཁྲི་གང་དག་ཡོད་ཅིང་ལུས་དེ་ཉིད་ལ་ཟ་བ་དེ་དག་མེད་དོ། །དེ་ཅིའི་ཕྱིར་ཞེ་ན། རབ་འབྱོར། བྱང་ཆུབ་སེམས་དཔའ་དེའི་དགེ་བའི་རྩ་བ་གང་དག་ཡིན་པ་དེ་དག་ནི་འཇིག་རྟེན་ཐམས་ཅད་ལས་མངོན་པར་འཕགས་པ་དང་འཇིག་རྟེན་ཐམས་ཅད་ལས་རབ་མཆོག་ཏུ་གྱུར་པ་ཡིན་ཏེ། དེའི་ཕྱིར་བྱང་ཆུབ་སེམས་དཔའ་དེའི་ལུས་ལ་སྲིན་བུའི་རིགས་དེ་དག་མེད་དོ། །རབ་འབྱོར། ཇི་ལྟ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་དགེ་བའི་རྩ་བ་དེ་དག་ཤིན་ཏུ་རྣམ་པར་འཕེལ་བ་དེ་ལྟ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཆེས་རྒྱ་ཆེར་ལུས་དང ། ངག་དང ། ཡིད་ཡོངས་སུ་དག་པ་ཡོངས་སུ་འཛིན་ཏོ། །གྲང་བ་དང ། དྲོ་བ་དང ། བཀྲེས་པ་དང ། སྐོམ་པ་དང ། ཉི་མ་དང ། རླུང་དང ། ཤ་སྦྲང་གི་རེག་པ་དག་བཟོད་པ་ཡིན་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་
Kha396b
ཆེན་པོ་ནི་ཕྱིར་མི་ལྡོག་པ་སྟོན་ཏོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དེའི་ལུས་ཡོངས་སུ་དག་པ་དེ་གང་ལགས། ངག་ཡོངས་སུ་དག་པ་གང་ལགས། ཡིད་ཡོངས་སུ་དག་པ་གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ལ་ཇི་ལྟ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་དགེ་བའི་རྩ་བ་དེ་དག་རྣམ་པར་འཕེལ་བ་དེ་ལྟ་དེ་ལྟར་དགེ་བའི་རྩ་བ་དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་མི་དྲང་བ་དང ། གྱ་གྱུ་དང ། ངག་གི་མི་དྲང་བ་དང ། གྱ་གྱུ་དང ། སེམས་ཀྱི་མི་དྲང་བ་དང ། གྱ་གྱུར་རྣམས་ཡོངས་སུ་བྱང་བར་བྱེད་དེ། དེ་ཇི་ལྟར་ལུས་ཀྱིས་ལེགས་པར་སྤྱད་པ་རྣམ་པ་གསུམ་སྤྱོད་པ་དང ། ངག་གིས་ལེགས་པར་སྤྱད་པ་རྣམ་པ་བཞི་སྤྱོད་པ་དང ། ཡིད་ཀྱིས་ལེགས་པར་སྤྱད་པ་རྣམ་པ་གསུམ་སྤྱོད་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཡོངས་སུ་དག་པ་དང ། ངག་ཡོངས་སུ་དག་པ་དང ། ཡིད་ཡོངས་སུ་དག་པ་ཡིན་ནོ། །དེ་ལུས་ཡོངས་སུ་དག་པ་དང ། ངག་ཡོངས་སུ་དག་དང ། ཡིད་ཡོངས་སུ་དག་པ་དང་ལྡན་པ་དེས་ཉན་ཐོས་ཀྱི་ས་དང ། རང་སངས་རྒྱས་ཀྱི་ས་ལས་ཀྱང་འདའ་བར་
Kha397a
༄#། །བྱེད་ཅིང ། བྱང་ཆུབ་སེམས་དཔའི་སྐྱོན་མེད་པ་ལའང་འཇུག་ལ། ཡང་དག་པའི་མཐའ་མངོན་སུམ་དུའང་མི་བྱེད་དོ། །རབ་འབྱོར། འདིའང་བྱང་ཆུབ་སེམས་དཔའ་དེའི་ལུས་ཡོངས་སུ་དག་པ་དང ། ངག་ཡོངས་སུ་དག་པ་དང ། ཡིད་ཡོངས་སུ་དག་པ་ཡིན་པར་རིག་པར་བྱ་སྟེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རྙེད་པ་དང ། བཀུར་སྟི་དང ། ཚིགས་སུ་བཅད་པ་ལ་གདུ་བ་མ་ཡིན། ཆོས་གོས་དང ། བསོད་སྙོམས་དང ། མལ་ཆ་དང ། སྟན་ལ་གདུ་བ་མ་ཡིན། སྦྱངས་པའི་ཡོན་ཏན་བཅུ་གཉིས་པོ་དག་ཡང་དག་པར་བླངས་ནས་གནས་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ནམ་ཡང་སེར་སྣའི་སེམས་མི་བསྐྱེད། འཆལ་བའི་ཚུལ་ཁྲིམས་ཀྱི་སེམས་དང ། ལེ་ལོའི་སེམས་དང ། རྣམ་པར་གཡེངས་པའི་སེམས་དང ། རྨོངས་པའི་སེམས་མི་བསྐྱེད་དེ། རབ་འབྱོར། རྣམ་པ་དང ། རྟགས་དང ། མཚན་མ་དེ་
Kha397b
དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བློ་བརྟན་པ་ཡིན་ནོ། །དེ་ནི་གུས་པར་བྱས་ནས་གཞན་ལས་ཆོས་ཉན་ཏེ། གང་ཅི་ཉན་ཀྱང་རུང ། དེ་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པ་དང་སྦྱར་བར་བྱེད་དོ། །འཇིག་རྟེན་པའི་ལས་གང་དག་ཡིན་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས་འབད་པ་མེད་པ་ཁོ་ནར་ཤེས་ལ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་དང་སྦྱར་བར་བྱེད་ཅིང ། གང་ཆོས་ཀྱི་དབྱིངས་དང་མི་འབྱོར་བའི་ཆོས་དེ་གང་ཡང་ཡང་དག་པར་རྗེས་སུ་མི་མཐོང་གི། དེ་དག་ཐམས་ཅད་ཤེས་རབ་ཀྱི་ཕ་རོལ་ཏུ་ཕྱིན་པ་དང་འབྱོར་བར་ཡང་དག་པར་རྗེས་སུ་མཐོང་སྟེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གལ་ཏེ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་མདུན་དུ་བདུད་སྡིག་ཅན་གྱིས་སེམས་ཅན་དམྱལ་བ་ཆེན་པོ་བརྒྱད་པོ་དག་མངོན་པར་སྤྲུལ་ནས། སེམས་ཅན་དམྱལ་བ་རེ་རེར་ཡང་བྱང་ཆུབ་སེམས་དཔའ་སྟོང་ཕྲག་མང་པོ་དང ། བྱང་ཆུབ་སེམས་དཔའ་འབུམ་ཕྲག་མང་པོ་ཞིག་བསྟན་ཏེ། དམྱལ་བའི་མེས་བསྲེག་ཅིང་བཙོ་བ་དང ། བསྐོལ་བ་དང་སྡུག་བསྔལ་མི་བཟད་པ་དྲག་པོ་རྩུབ་པའི་ཚོར་བ་དག་མྱོང་བར་མངོན་དུ་སྤྲུལ་ཏེ་བསྟན་
Kha398a
༄#། །ལ། བྱང་ཆུབ་སེམས་དཔའ་དེ་ལ་འདི་སྐད་ཅེས་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ལུང་བསྟན་པ་ཤ་སྟག་སྟེ། འདི་དག་སེམས་ཅན་དམྱལ་བ་འདི་དག་ཏུ་སྐྱེས་སོ། །ཀྱེ་ཁྱོད་ཀྱང་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ལས་ཕྱིར་མི་ལྡོག་པར་ལུང་བསྟན་པ་ནི་སེམས་ཅན་དམྱལ་བར་འགྱུར་དུ་ཟད་ན། ཀྱེ་ད་དུང་ཡང་ཁྱོད་ཀྱིས་བྱང་ཆུབ་ཀྱི་སེམས་འདི་ཐོང་ཞིག་དང ། དེ་ལྟར་ན་ཁྱོད་སེམས་ཅན་དམྱལ་བ་འདི་དག་ནས་ཐར་པར་འགྱུར་ཞིང ། ཕྱིས་འདིར་སྐྱེ་བར་མི་འགྱུར་ལ། འདི་ནས་ཤི་འཕོས་ནས་ཀྱང་མཐོ་རིས་སུ་འགྲོ་བར་འགྱུར་རོ་ཞེས་ཟེར་ཡང ། རབ་འབྱོར། ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་སེམས་གཞན་ཉིད་དུ་འགྱུར་བ་དེ་ནི་གནས་མ་ཡིན་ཞིང་གོ་སྐབས་མེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ལས་མི་དགེ་བ་རྣམས་ཀྱི་འབྲས་བུ་ནི་མི་སྡུག་པ་མ་ཡིན་པར་དེས་ཆོས་ཀྱི་མཚན་ཉིད་ལེགས་པར་རྟོགས་པའི་ཕྱིར་དང ། དེ་བཞིན་གཤེགས་པ་དེ་དག་ནི་ཆོས་ཀྱི་གཏེར་ཐུགས་རྗེ་ཆེན་པོ་དང་ལྡན་པ། འབྱུང་པོ་ཐམས་ཅད་ལ་ཕན་པར་བཞེད་པ་ཡིན་
Kha398b
པས།་རྫུན་གསུང་བ་མ་ཡིན་པའི་ཕྱིར་རོ། །རབ་འབྱོར། འདི་ནི་གནས་མ་ཡིན་ཞིང་གོ་སྐབས་མེད་དེ། གང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་དམྱལ་བ་རྣམས་སམ། དུད་འགྲོ་རྣམས་སམ། ཡི་དྭགས་རྣམས་སུ་སྐྱེ་བར་འགྱུར་བ་དེ་ནི་གནས་མེད་དེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་བདུད་སྡིག་ཅན་དགེ་སློང་གི་ཆ་བྱད་ཀྱིས་འོངས་ཏེ། འདི་སྐད་དུ་སྔོན་ཁྱོད་ཀྱིས་འདི་ལྟར་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ། །འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་པར་བྱའོ། །འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་མངོན་པར་རྫོགས་པར་འཚང་རྒྱ་བར་བྱའོ་ཞེས་ཐོས་པ་གང་ཡིན་པ་དེ་ཐམས་ཅད་ནི་ཁྱོད་ཀྱིས་ལོག་པར་ཐོས་པ་ཡིན་གྱི། དེ་ཐམས་ཅད་སླར་\?\་བཤགས་པར་གྱིས་ཤིག། ཁྱོད་ཀྱིས་འདས་པ་དང ། མ་བྱོན་པ་དང ། ད་ལྟར་བྱུང་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉན་ཐོས་དང ། རང་སངས་རྒྱས་ཀྱི་ཐུགས་དང་པོ་བསྐྱེད་པ་ནས་ཉེ་བར་བཟུང་སྟེ། དམ་པའི་ཆོས་གནས་པའི་བར་དེའི་དགེ་བའི་རྩ་བ་གང་དག་ཡིན་པའི་དགེ་བའི་རྩ་བ་དེ་དག་ལ་རྗེས་སུ་ཡི་རང་བར་བྱས་པ་ཐམས་ཅད་སླར་བཤགས་
Kha399a
༄#། །པར་གྱིས་ཤིག་།སླར་ཐོང་ཞིག་།ཁྱོད་དང་དེ་དག་ནི་ལོག་པའོ། །ཀྱེ་དགེ་བའི་རྩ་བ་དེ་དག་སླར་འཆགས་ཤིང་གཏོང་ལ། ཁོ་བོའི་ཚིག་ལྟར་བྱེད་ན་ནི། དེ་ལྟར་ན་ཁྱོད་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ཁྱོད་ཀྱིས་དེ་སྐད་ཐོས་པ་གང་ཡིན་པ་ནི་སངས་རྒྱས་ཀྱི་བཀའ་མ་ཡིན་ཏེ།་དེ་སྙན་དངགས་སུ་བྱས་པ་ཡིན་གྱི། ཁོ་བོ་ཁྱོད་ལ་སྟོན་པ་གང་ཡིན་པ་དེ་ནི་ཡང་དག་པར་ན། སངས་རྒྱས་ཀྱི་བཀའ་ཡིན་ནོ་ཞེས་ཟེར་ལ། གལ་ཏེ་བྱང་ཆུབ་སེམས་དཔའ་དེ་འཁྲུག་ཅིང་ནེམ་ནུར་བྱེད་ལ། ཐེ་ཚོམ་ཟ་ན་བྱང་ཆུབ་སེམས་དཔའ་དེ་ནི་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་མ་ཡིན་པར་རིག་པར་བྱ་སྟེ། དེ་ནི་ཕྱིར་མི་ལྡོག་པའི་ས་ལ་གནས་པ་མ་ཡིན་ནོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བདུད་སྡིག་ཅན་གྱིས་འདུན་པ་ཟློག་པ་ན་མི་འཁྲུག་ཅིང་ནེམ་ནུར་མི་བྱེད་ལ། ཐེ་ཚོམ་མི་ཟ་སྟེ། དེའི་ཚིག་ལ་ཡིད་ཆེས་པར་མི་བྱེད། གཞན་ལ་ཡིད་ཆེས་པར་མི་བྱེད། སྦྱིན་པའི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང ། དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ལ་གཞན་གྱི་དྲིང་མི་འཇོག་ན། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་
Kha399b
དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཡིན་པར་རིག་པར་བྱའོ། །རབ་འབྱོར། དཔེར་ན། དགྲ་བཅོམ་པ་ཟག་པ་ཟད་པ་ནི་ཆོས་རྣམས་མངོན་སུམ་དུ་མཐོང་བའི་ཕྱིར་ནམ་ཡང་གཞན་སུ་ལའང་ཡིད་ཆེས་པར་མི་བྱེད་ཅིང་བདུད་སྡིག་ཅན་གྱིས་ཀྱང་མི་འཕྲོགས་པ་ཡིན་ན། གཞན་གྱིས་ལྟ་ཅི་སྨོས། རབ་འབྱོར། དེ་བཞིན་དུ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའང་གཞན་སུ་ལའང་ཡིད་ཆེས་པར་མི་བྱེད་ལ། ཉན་ཐོས་དང་རང་སངས་རྒྱས་ཐམས་ཅད་དང ། བདུད་སྡིག་ཅན་གྱིས་ཀྱང་མི་བརྫི་ཞིང།་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ཡིན་ནོ། །དེ་ནི་སུ་ལའང་ཡིད་ཆེས་པར་མི་བྱེད་དེ། དེ་བཞིན་གཤེགས་པ་རྣམས་ལའང་དད་པས་མི་འགྲོ་ན།་གཞན་དགེ་སྦྱོང་དང ། བྲམ་ཟེ་དང ། སྤྱོད་པ་དང ། ཀུན་ཏུ་རྒྱུ་རྣམས་སམ། བདུད་སྡིག་ཅན་ལ་ཡིད་ཆེས་པར་ལྟག་ལ་བྱེད་དེ། དེ་ནི་གནས་མེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ནི་གང་ལ་ཡིད་ཆེས་པར་བྱ་བའི་གཟུགས་ཀྱང་ཡང་དག་པར་རྗེས་སུ་མི་མཐོང ། དེ་བཞིན་དུ་གང་ལ་ཡིད་ཆེས་པར་བྱ་བའི་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའང་ཡང་དག་པར་རྗེས་སུ་མི་མཐོང ། དེ་བཞིན་དུ་གང་ལ་ཡིད་ཆེས་པར་བྱ་བའི་གཟུགས་ཀྱི་
Kha400a
༄#། །དེ་བཞིན་ཉིད་དང ། ཚོར་བའི་དེ་བཞིན་ཉིད་དང ། འདུ་ཤེས་ཀྱི་དེ་བཞིན་ཉིད་དང ། འདུ་བྱེད་རྣམས་ཀྱི་དེ་བཞིན་ཉིད་དང ། རྣམ་པར་ཤེས་པའི་དེ་བཞིན་ཉིད་ཀྱང་ཡང་དག་པར་རྗེས་སུ་མི་མཐོང་ངོ ། དེ་བཞིན་དུ་སྦྱར་ཏེ། གང་ལ་ཡིད་ཆེས་པར་བྱ་བའི་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་དེ་བཞིན་ཉིད་ཀྱང་ཡང་དག་པར་རྗེས་སུ་མི་མཐོང་བའི་ཕྱིར་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར།་གཞན་ཡང་བདུད་སྡིག་ཅན་དགེ་སློང་གི་ཆ་བྱད་དུ་འོངས་ཏེ། བྱང་ཆུབ་སེམས་དཔའ་ལ་འདི་སྐད་དུ་འདི་ནི་འཁོར་བའི་སྤྱོད་པ་ཡིན་གྱི། འདི་བྱང་ཆུབ་སེམས་དཔའི་སྤྱོད་པ་ནི་མ་ཡིན་གྱི། ཀྱེ་ཁྱོད་ཀྱིས་འདི་ཉིད་དུ་སྡུག་བསྔལ་གྱི་མཐར་ཕྱིན་པར་གྱིས་ཤིག་ཅེས་ཟེར་ཞིང ། དེ་བྱང་ཆུབ་སེམས་དཔའ་དེ་ལ་རྫོགས་པའི་བྱང་ཆུབ་ཀྱི་ལམ་ལྟར་བཅོས་པ་སྟོན་ལ། ལམ་ལྟར་བཅོས་པ་དེའང་འཁོར་བའི་སྤྱོད་པ་འཇིག་རྟེན་པའི་ལམ་གྱིས་བསྡུས་པ་སྟེ། ཡང་ན་རུས་གོང་དུ་འདུ་ཤེས་པ་དང ། རྣམ་པར་སྔོས་པ་དང ། རྣམ་པར་རྣགས་པ་དང ། རྣམ་པར་བམ་པ་དང ། རྣམ་པར་དམར་བ་དང ། རྣམ་པར་ཟོས་པའི་འདུ་ཤེས་སམ། ཡང་ན་བྱམས་པའམ། ཡང་ན་སྙིང་རྗེའམ། ཡང་ན་དགའ་བའམ། ཡང་ན་བཏང་སྙོམས་སམ །
Kha400b
ཡང་ན་བསམ་གཏན་དང་པོའམ། ཡང་ན་བསམ་གཏན་བཞི་བའི་བར་རམ། ཡང་ན་གཟུགས་མེད་པའི་སྙོམས་པར་འཇུག་པ་བཞི་སྟོན་པར་བྱེད་ཅིང ། ཚེ་དང་ལྡན་པ་ལམ་འདི་དང་ནན་ཏན་འདིས་ནི་རྒྱུན་དུ་ཞུགས་པའི་འབྲས་བུ་འཐོབ་པར་འགྱུར་ཞིང ། དགྲ་བཅོམ་པའི་བར་རམ། རང་བྱང་ཆུབ་འཐོབ་པར་འགྱུར་གྱི། ཀྱེ་ཁྱོད་ཀྱིས་འདི་ཉིད་དུ་སྡུག་བསྔལ་གྱི་མཐར་ཕྱིན་པར་གྱིས་ཤིག་།ཕྱིས་འཁོར་བ་ན་སྤྱོད་པའི་སྡུག་བསྔལ་དེ་དག་མྱོང་བར་གྱུར་ཏ་རེ། ཡང་ན་གལ་ཏེ་ཁྱོད་གཟུགས་ཅན་གྱི་ལུས་མི་འདོད་དམ། ཡོངས་སུ་མི་གཟུང་བར་སེམས་ན། འདི་ཉིད་དུ་སྐྱེ་མཆེད་རྣམས་ཡོངས་སུ་སྦྱོངས་ཤིག་།ཅེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་དེ་སྐད་བརྗོད་ཀྱང ། རབ་འབྱོར། གལ་ཏེ་སེམས་མི་འཁྲུག་ཅིང་མི་གཡོ་ལ། གོང་དུའང་འདི་སྙམ་དུ་བདག་ལ་ལམ་ལྟར་བཅོས་པ་གང་རྒྱུན་དུ་ཞུགས་པའི་འབྲས་བུའང་མངོན་སུམ་དུ་བྱེད་པར་མི་འགྱུར་ཞིང ། དགྲ་བཅོམ་པའི་འབྲས་བུའི་བར་དུ་མངོན་སུམ་དུ་བྱེད་པར་མི་འགྱུར་ལ། རང་བྱང་ཆུབ་ཀྱང་མངོན་སུམ་དུ་བྱེད་པར་ཡང་མི་འགྱུར་བའི་ལམ་ལྟར་བཅོས་པ་སྟོན་པའི་དགེ་སློང་འདི་ནི་བདག་ལ་གཅེས་སྤྲས་བྱེད་པ་ཡིན་ནོ་སྙམ་དུ་སེམས་སོ། །གོང་དུའང་བདག་ལ་ཆགས་པ་དེ་སྟོན་པའི་དགེ་སློང་འདི་ནི་བདག་ལ་གཅེས་སྤྲས་བྱེད་པ་ཡིན་ཏེ། ཆགས་པའི་གནས་དེ་ཤེས་ནས། ཐེག་པ་གསུམ་པོ་ཀུན་ལ་
Kha401a
༄#། །བསླབ་པར་བྱའོ་སྙམ་ནས་དགའ་བ་སྐྱེའོ། །བདུད་སྡིག་ཅན་གྱིས་དེ་དགའ་བར་རིག་ནས་དེ་ལ་འདི་སྐད་ཅེས། ཀྱེ་རིགས་ཀྱི་བུ། ཁྱོད་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་དག་ལ། ན་བཟའ་དང ། ཞལ་ཟས་དང ། གཟིམས་ཆ་དང ། གདན་དང ། སྙུན་གྱི་གསོས་སྨན་དང ། ཡོ་བྱད་རྣམས་ཀྱིས་བསྙེན་བཀུར་བྱས་པ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་པོ་དེ་དག་གི་དྲུང་དུ་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་བསྒོམ་ཞིང ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུའང་ཡོངས་སུ་བསྒོམས་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་པོ་དེ་དག་ལ་བཀུར་སྟི་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཉིད་ཀྱི་ཆེད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་དང ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དང ། དེ་བཞིན་དུ་དྲན་པ་ཉེ་བར་བཞག་
Kha401b
པ་རྣམས་དང ། ཡང་དག་པར་སྤོང་བ་རྣམས་དང ། རྫུ་འཕྲུལ་གྱི་རྐང་པ་རྣམས་དང ། དབང་པོ་རྣམས་དང ། སྟོབས་རྣམས་དང ། བྱང་ཆུབ་ཀྱི་ཡན་ལག་རྣམས་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྤྱོད་པས་ཇི་ལྟར་རྫོགས་པའི་བྱང་ཆུབ་ཀྱི་ལམ་ལ་གནས་པར་བགྱི་ཞེས་ཡོངས་སུ་ཞུས་ཤིང་དྲིས་པ་རྣམས་ལྟ་བར་འདོད་དམ། སངས་རྒྱས་བཅོམ་ལྡན་འདས་དེ་དག་གིས་གང་བཤད་པ་ལ་དེ་ཁོ་ན་བཞིན་དུ་གནས་ཏེ། དེ་ཁོ་ན་བཞིན་དུ་སྤྱད། དེ་ཁོ་ན་བཞིན་དུ་རྣལ་འབྱོར་དུ་བྱས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཏེ། དེ་ལྟར་གདམས་པ་དང ། དེ་ལྟར་རྗེས་སུ་བསྟན་པ་དང ། དེ་ལྟར་སློབ་པ་རྣམས་ཀྱིས་ཀྱང་རྣམ་པ་ཐམས་ཅད་མཁྱེན་པ་ཉིད་ད་དུང་མ་ཐོབ་ན། ཁྱོད་ལྟ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཚང་རྒྱ་བར་ལྟ་ག་ལ་འགྱུར་ཞེས་དེ་སྐད་བརྗོད་ནའང ། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་གཞན་དུ་མི་འགྱུར་ཞིང་ཡིད་དངང་བར་མི་འགྱུར་ལ། གོང་དུའང་ཆགས་པ་གང་གིས་རྒྱུན་དུ་ཞུགས་པའི་འབྲས་བུའང་འཐོབ་པར་མི་འགྱུར། རང་བྱང་ཆུབ་ཀྱི་བར་དུའང་འཐོབ་པར་མི་འགྱུར་བའི་ཆགས་པ་
Kha402a
༄#། །བདག་ལ་སྟོན་པའི་དགེ་སློང་འདི་ནི་བདག་ལ་གཅེས་སྤྲས་བྱེད་པ་ཡིན་ནོ་སྙམ་ནས་དགའ་བ་སྐྱེའོ། །དེ་ནས་བདུད་སྡིག་ཅན་གྱིས་བྱང་ཆུབ་སེམས་དཔའ་དེའི་སེམས་ཞུམ་པ་མེད་པ་ཉིད་དུ་ཤེས་ནས། སྐད་ཅིག་དེ་ཉིད་ལ་ཕྱོགས་དེ་ཉིད་དུ་དགེ་སློང་རབ་ཏུ་མང་པོ་དག་ཅིག་མངོན་པར་སྤྲུལ་ནས། དགེ་སློང་འདི་དག་ནི་དགྲ་བཅོམ་པ་ཟག་པ་ཟད་པ་ཉོན་མོངས་པ་མེད་པ་ཤ་སྟག་སྟེ། གང་དག་སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ལས་དེ་དག་ཉན་ཐོས་ཉིད་དུ་གནས་པར་གྱུར་ཏོ།། དེ་བས་ན་ཁྱོད་ལྟ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་ལྟ་ག་ལ་འགྱུར་ཞེས་བསྟན་ཀྱང ། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་འདི་སྙམ་དུ་ཀྱེ་མ་འདི་ནི་བདུད་སྡིག་ཅན་ལམ་ལྟར་བཅོས་པ་སྟོན་པ་དང ། སྤྲུལ་པ་ཡིན་ནོ་སྙམ་དུ་སེམས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་ཉན་ཐོས་ཀྱི་སའམ། རང་སངས་རྒྱས་ཀྱི་སར་མི་ལྟུང་ངོ་སྙམ་སྟེ།་གོང་གིའང་དེ་འདི་སྙམ་དུ་གང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྤྱོད་པ་དང །
Kha402b
དྲན་པ་ཉེ་བར་བཞག་པ་རྣམས་ལ་སྤྱོད་པ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྤྱོད་པ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་མི་འགྱུར་བ་དེ་ནི་གནས་མེད་ལ་གོ་སྐབས་མ་ཡིན་ཏེ། དེ་ནི་གནས་མེད་དོ་སྙམ་དུ་སེམས་ན། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འདི་སྙམ་དུ་སེམས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་ལ་ཞིག་དེ་བཞིན་གཤེགས་པས་ཇི་སྐད་གསུངས་པའི་ཕ་རོལ་ཏུ་ཕྱིན་པ་དྲུག་པོ་དག་དང་མ་བྲལ་ཞིང ། སེམས་ཅན་རྣམས་ཀྱང་ཕ་རོལ་ཏུ་ཕྱིན་པ་དྲུག་པོ་དག་ཡང་དག་པར་འཛིན་དུ་འཇུག་པར་བྱེད། འཇོག་པར་བྱེད། འགོད་པར་བྱེད་ཅིང ། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་དང་ལྡན་པ་ནི་ཕྱིར་མི་ལྡོག་པ་ཡིན་པར་སྟོན་ཏོ་སྙམ་མོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འདི་སྙམ་དུ་སེམས་ཏེ། བྱང་ཆུབ་སེམས་དཔའ་གང་ཞིག་བདུད་ཀྱི་ལས་རྣམས་རིག་ཅིང་རྟོགས་པ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཡོངས་སུ་ཉམས་པར་མི་འགྱུར་ཏེ། བདུད་ཀྱི་ལས་དེ་དག་
Kha403a
༄#། །གང་ཞེ་ན། འདི་ལྟ་སྟེ། ཡུལ་ལྔ་པོ་དག་ལ་ལྷག་པར་ཆགས་ཤིང་སྨོན་ལ། དེ་ལྟར་ཕ་རོལ་ཏུ་ཕྱིན་པ་རྣམས་ལ་མངོན་པར་མི་བརྩོན་པ་སྟེ། རབ་འབྱོར། རྣམ་པ་དེ་དག་དང ། རྟགས་དེ་དག་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཡིན་པར་སྟོན་ཏོ་སྙམ་མོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་ན་གང་ལས་ཕྱིར་མི་ལྡོག་ཅེས་བགྱི་བའི་གྲངས་སུ་མཆི་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གཟུགས་ཀྱི་འདུ་ཤེས་ལས་ཕྱིར་ལོག་ན། ཕྱིར་མི་ལྡོག་པ་ཞེས་བྱ་བའི་གྲངས་སུ་འགྲོའོ། །དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་འདུ་ཤེས་ལས་ཕྱིར་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཞེས་བྱ་བའི་གྲངས་སུ་འགྲོའོ། །དེ་བཞིན་དུ་སྦྱར་ཏེ། སྐྱེ་མཆེད་ཀྱི་འདུ་ཤེས་དང ། འདོད་ཆགས་དང ། ཞེ་སྡང་དང ། གཏི་མུག་གི་འདུ་ཤེས་དང ། ལྟ་བའི་རྣམ་པ་དྲུག་ཅུ་རྩ་གཉིས་ཀྱི་འདུ་ཤེས་དང ། སྦྱིན་པའི་ཕ་རོལ་ཏུ་ཕྱིན་པའི་འདུ་ཤེས་དང ། ཤེས་རབ་ཀྱི་ཕ་རོལ་ཏུ་
Kha403b
ཕྱིན་པའི་བར་གྱི་འདུ་ཤེས་དང ། ནང་སྟོང་པ་ཉིད་ཀྱི་འདུ་ཤེས་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་འདུ་ཤེས་དང ། དྲན་པ་ཉེ་བར་བཞག་པའི་འདུ་ཤེས་དང ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་འདུ་ཤེས་དང ། ཉན་ཐོས་དང ། རང་སངས་རྒྱས་ཀྱི་སའི་འདུ་ཤེས་དང ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འདུ་ཤེས་ལས་ཕྱིར་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཞེས་བྱ་བའི་གྲངས་སུ་འགྲོའོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་རང་གི་མཚན་ཉིད་ཀྱིས་སྟོང་པའི་ཆོས་ཐམས་ཅད་ལ་བྱང་ཆུབ་སེམས་དཔའི་སྐྱོན་མེད་པར་ཞུགས་ཏེ། དེ་ཆོས་ཕྲ་རབ་ཙམ་ཡང་མི་དམིགས་ལ་མི་དམིགས་པས་ཆོས་གང་ཡང་མངོན་པར་འདུ་མི་བྱེད་དོ། །མངོན་པར་འདུ་མི་བྱེད་པས་ཆོས་གང་ཡང་མི་སྐྱེད་དོ། །དེའི་ཕྱིར་མི་སྐྱེ་བའི་ཆོས་ལ་བཟོད་པ་ཐོབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཞེས་བྱ་བར་སྟོན་ཏོ། །རབ་འབྱོར། གཞན་ཡང་བདུད་སྡིག་ཅན་བྱང་ཆུབ་སེམས་དཔའ་སེམས་དཔའ་ཆེན་པོའི་གན་དུ་འོངས་ནས་མོས་པ་ཟློག་ཅིང ། འདི་སྐད་དུ་རྣམ་པ་ཐམས་ཅད་མཁྱེན་པ་ཉིད་འདི་ནི་ནམ་མཁའ་དང་མཚུངས་ཤིང་དངོས་པོ་མེད་པའི་ངོ་བོ་ཉིད་དེ། རང་གི་མཚན་ཉིད་ཀྱིས་སྟོང་པའོ།།
Kha404a
༄#། །ཆོས་འདི་དག་ཀྱང་ནམ་མཁའ་དང་མཚུངས་ཤིང་དངོས་པོ་མེད་པའི་ངོ་བོ་ཉིད་དེ། རང་གི་མཚན་ཉིད་ཀྱིས་སྟོང་པའོ། །ནམ་མཁའ་དང་མཚུངས་ཤིང་དངོས་པོ་མེད་པའི་ངོ་བོ་ཉིད་དེ་རང་གི་མཚན་ཉིད་ཀྱིས་སྟོང་པའི་ཆོས་རྣམས་ལ་ནི་གང་མངོན་པར་རྫོགས་པར་འཚང་རྒྱ་བ་དང ། གང་གིས་མངོན་པར་རྫོགས་པར་འཚང་རྒྱ་བ་དང ། གང་དུ་མངོན་པར་རྫོགས་པར་འཚང་རྒྱ་བར་བྱ་བའི་ཆོས་དེ་གང་ཡང་མི་དམིགས་ཏེ། ཆོས་འདི་དག་ཐམས་ཅད་ནི་ནམ་མཁའ་དང་མཚུངས་ཤིང་དངོས་པོ་མེད་པའི་ངོ་བོ་ཉིད་དེ་རང་གི་མཚན་ཉིད་ཀྱིས་སྟོང་པས། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་ཞེས་བྱ་བ་འདི་ནི། ཁྱོད་ཉོན་མོངས་ཤིང་དོན་མེད་པར་འགྱུར་བ་སྟེ། དེ་སྐད་བསྟན་པ་འདི་ནི་བདུད་ཀྱི་ལས་སོ། །འདི་ནི་ཡང་དག་པར་རྫོགས་པའི་སངས་རྒྱས་ཀྱིས་བསྟན་པ་མ་ཡིན་ནོ། །རིགས་ཀྱི་བུ། ཡིད་ལ་བྱེད་པ་དེ་དག་ཐོང་ཞིག། ཁྱོད་ལ་ཡུན་རིང་པོར་གནོད་པ་དང ། སྡུག་བསྔལ་བ་དང ། ལོག་པར་ལྟུང་བར་གྱུར་ཏེ་རེ་ཞེས་ཟེར་ན། དེ་ལ་རིགས་ཀྱི་བུའམ་རིགས་ཀྱི་བུ་མོ་དེ་དག་གིས་ཚིག་དེ་དག་ཐོས་ནས་འདི་ལྟར་ཡོངས་སུ་བརྟག་པར་བྱ་སྟེ། གང་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་འབྲལ་བར་བྱེད་པ་འདི་དག་ནི་བདུད་ཀྱི་ལས་ཏེ། འདི་ལྟར་ཆོས་ཐམས་ཅད་ནི་
Kha404b
ནམ་མཁའ་དང་མཚུངས་ཤིང་དངོས་པོ་མེད་པའི་ངོ་བོ་ཉིད་དེ། རང་གི་མཚན་ཉིད་ཀྱིས་སྟོང་མོད་ཀྱི། དེ་དག་སེམས་ཅན་རྣམས་ཀྱིས་མ་ཤེས་མ་མཐོང་ཞིང ། ཁོང་དུ་མ་ཆུད་ཀྱི། དེའི་ཕྱིར་བདག་གིས་ནམ་མཁའ་དང་མཚུངས་ཤིང་དངོས་པོ་མེད་པའི་ངོ་བོ་ཉིད་དེ། རང་གི་མཚན་ཉིད་ཀྱིས་སྟོང་པའི་གོ་ཆ་བགོས་ལ་རྣམས་\?\་ཐམས་ཅད་མཁྱེན་པ་ཉིད་མངོན་པར་རྫོགས་པར་སངས་རྒྱས་པར་བྱས་ཏེ། སེམས་ཅན་རྣམས་ལ་ངེས་པར་འབྱུང་བའི་ཆོས་བསྟན་པར་བྱའོ། །རྒྱུན་དུ་ཞུགས་པའི་འབྲས་བུ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱི་མི་འོང་བའི་འབྲས་བུ་དང ། དགྲ་བཅོམ་པ་ཉིད་ལ་དགོད་པར་བྱའོ། །རང་བྱང་ཆུབ་ལ་དགོད་པར་བྱའོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་བྱའོ་སྙམ་དུ་བསམས་ཤིང།་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་སེམས་དང་པོ་བསྐྱེད་པ་ནས་ཉེ་བར་བཟུང་སྟེ། ཆོས་དེ་དག་ཐོས་ནས་སེམས་བརྟན་པར་བྱའོ། །སེམས་མི་གཡོ་བར་བྱའོ། །སེམས་མི་འཕྲོགས་པར་བྱའོ། །དེ་སེམས་བརྟན་པ་དང ། སེམས་མི་གཡོ་བ་དང ། སེམས་མི་འཕྲོགས་པ་དེ་དག་དང་ལྡན་པས་ཕ་རོལ་ཏུ་ཕྱིན་པ་དྲུག་པོ་དག་ལ་སྤྱོད་ན་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་འགྱུར་རོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་སུམ་ཅུ་གཉིས་པ། དེ་ནས་བཅོམ་ལྡན་འདས་
Kha405a
༄#། །ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཕྱིར་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱིར་མི་ལྡོག་པ་ཞེས་བགྱིའམ། འོན་ཏེ་ཕྱིར་མི་ལྡོག་པའི་བྱང་ཆུབ་སེམས་དཔའ་ལ་ནི་ཕྱིར་ལྡོག་པ་ཞེས་བགྱི། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། ཕྱིར་ལྡོག་པའི་བྱང་ཆུབ་སེམས་དཔའ་ནི་ཕྱིར་མི་ལྡོག་པ་ཞེས་བྱའོ། །ཕྱིར་མི་ལྡོག་པའི་བྱང་ཆུབ་སེམས་དཔའ་ནི་ཕྱིར་ལྡོག་པ་ཞེས་བྱའོ། །རབ་འབྱོར་གྱིས་གསོལ་པ། བཙུན་པ་བཅོམ་ལྡན་འདས། ཇི་ལྟར་ན་ཕྱིར་ལྡོག་པའི་བྱང་ཆུབ་སེམས་དཔའ་ནི་ཕྱིར་མི་ལྡོག་པ་ཞེས་བགྱི། ཇི་ལྟར་ན་ཕྱིར་མི་ལྡོག་པའི་བྱང་ཆུབ་སེམས་དཔའ་ནི་ཕྱིར་ལྡོག་པ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཉན་ཐོས་ཀྱི་སའམ། རང་སངས་རྒྱས་ཀྱི་ས་ལས་ལོག་པ་དེ་ནི། རབ་འབྱོར། ཕྱིར་མི་ལྡོག་པའི་བྱང་ཆུབ་སེམས་དཔའ་ཡིན་ཏེ། ཕྱིར་མི་ལྡོག་པ་ཞེས་བྱའོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཉན་ཐོས་ཀྱི་སའམ། རང་སངས་རྒྱས་ཀྱི་ས་ལས་མི་ལྡོག་པ་དེ་ནི། རབ་འབྱོར། ཕྱིར་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་ཏེ།
Kha405b
ཕྱིར་ལྡོག་པ་ཞེས་བྱའོ། །རབ་འབྱོར། རྣམ་པ་དེ་དག་དང ། རྟགས་དེ་དག་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པའི་མཚན་ཉིད་དུ་རིག་པར་བྱ་སྟེ། རྣམ་པ་དེ་དག་དང ། རྟགས་དེ་དག་དང ། མཆན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བདུད་སྡིག་ཅན་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བཟློག་པར་མི་ནུས་སོ། །རབ་འབྱོར། ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་འདོད་ན་བསམ་གཏན་དང་པོ་ལ་སྙོམས་པར་འཇུག་གོ་།དེ་བཞིན་དུ་བསམ་གཏན་གཉིས་པ་དང ། གསུམ་པ་དང ། བཞི་པ་ལ་སྙོམས་པར་འཇུག་གོ་།དེ་བཞིན་དུ་སྦྱར་ཏེ། འདོད་ན་འདུ་ཤེས་དང་ཚོར་བ་འགོག་པའི་སྙོམས་པར་འཇུག་པའི་བར་དག་ལ་སྙོམས་པར་འཇུག་གོ་།དེ་བཞིན་དུ་དྲན་པ་ཉེ་བར་བཞག་པ་བཞི་ལ་སྙོམས་པར་འཇུག་གོ་།འཕགས་པའི་ལམ་ཡན་ལག་བརྒྱད་པའི་བར་དག་ལ་སྙོམས་པར་འཇུག་གོ་།དེ་བཞིན་སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་ལ་སྙོམས་པར་འཇུག་གོ་།མངོན་པར་ཤེས་པ་ལྔ་མངོན་པར་སྒྲུབ་བོ། ། དེ་འདོད་ན་བསམ་གཏན་བཞི་པོ་དག་ལ་སྙོམས་པར་འཇུག་སྟེ། བསམ་གཏན་དེ་དག་གི་དབང་གིས་ཀྱང་མི་སྐྱེའོ། །དེ་བཞིན་དུ་ཚད་མེད་པ་བཞི་དང ། གཟུགས་མེད་པའི་སྙོམས་
Kha406a
༄#། །པར་འཇུག་པ་བཞི་ལ་སྙོམས་པར་འཇུག་སྟེ། དེ་དག་གི་དབང་གིས་ཀྱང་མི་སྐྱེའོ། །དེ་བཞིན་དུ་དྲན་པ་ཉེ་བར་བཞག་པ་བཞི་དང ། ཡང་དག་པ་སྤོང་བ་བཞི་དང།་རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་སྒོམ་སྟེ། ཉན་ཐོས་ཀྱི་སའམ་རང་སངས་རྒྱས་ཀྱི་སར་ཡང་མི་ལྟུང་ངོ ། །དེ་བཞིན་དུ་འདུ་ཤེས་དང་ཚོར་བ་འགོག་པའི་སྙོམས་པར་འཇུག་པའི་བར་ལ་སྙོམས་པར་འཇུག་སྟེ། འགོག་པའི་འབྲས་བུ་མངོན་སུམ་དུའང་མི་བྱེད་ཅིང ། ཡོངས་སུ་མི་འཛིན་ཏོ། །དེ་འདོད་ན་ལུས་གང་འདོད་པའི་ལུས་དེ་དག་ཡོངས་སུ་འཛིན་ཏོ། །ལུས་ཡོངས་སུ་བཟུང་བ་དེས་སེམས་ཅན་རྣམས་ཀྱི་དོན་བྱེད་དོ།། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གཟུགས་ལྷུར་ལེན་པ་མ་ཡིན། མཚན་མ་ལྷུར་ལེན་པ་མ་ཡིན། གཡོག་འཁོར་ལྷུར་ལེན་པ་མ་ཡིན། སྦྱིན་པ་ལྷུར་ལེན་པ་མ་ཡིན། ཚུལ་ཁྲིམས་ལྷུར་ལེན་པ་མ་ཡིན། བཟོད་པ་ལྷུར་ལེན་པ་མ་ཡིན། བརྩོན་འགྲུས་ལྷུར་ལེན་པ་མ་ཡིན། བསམ་གཏན་ལྷུར་ལེན་པ་མ་ཡིན། ཤེས་
Kha406b
རབ་ལྷུར་ལེན་པ་མ་ཡིན། བསམ་གཏན་དང ། ཚད་མེད་པ་དང ། གཟུགས་མེད་པའི་སྙོམས་པར་འཇུག་པ་ལྷུར་ལེན་པ་མ་ཡིན། མངོན་པར་ཤེས་པ་ལྷུར་ལེན་པ་མ་ཡིན། དྲན་པ་ཉེ་བར་བཞག་པ་ལྷུར་ལེན་པ་མ་ཡིན། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལྷུར་ལེན་པ་མ་ཡིན། སངས་རྒྱས་ཀྱི་ཞིང་ཡོངས་སུ་དག་པར་བྱ་བ་ལྷུར་ལེན་པ་མ་ཡིན། སེམས་ཅན་རྣམས་ཡོངས་སུ་སྨིན་པར་བྱ་བ་ལྷུར་ལེན་པ་མ་ཡིན། སངས་རྒྱས་ལ་བལྟ་བ་ལྷུར་ལེན་པ་མ་ཡིན། དགེ་བའི་རྩ་བ་ལྷུར་ལེན་པ་མ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཆོས་ཐམས་ཅད་རང་གི་མཚན་ཉིད་ཀྱིས་སྟོང་ཞིང་ནམ་མཁའ་དང་མཚུངས་པར་ཡང་དག་པར་རྗེས་སུ་མཐོང་ཞིང་གང་ཞིག་ལྷུར་ལེན་པ་བསྐྱེད་པ་དང ། གང་དུ་བསྐྱེད་པ་དེའང་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཆོས་ཐམས་ཅད་རང་གི་མཚན་ཉིད་ཀྱིས་སྟོང་ཞིང ། ནམ་མཁའ་དང་མཚུངས་པར་ཡང་དག་པར་རྗེས་སུ་མཐོང་བའི་ཕྱིར་རོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་རྣམ་པ་ཐམས་ཅད་མཁྱེན་པ་ཉིད་ཡིད་ལ་བྱེད་པ་དེ་དང་ལྡན་པས་སྤྱོད་ལམ་བཞིས་འགྲོའམ། ལྡོག་གམ། འགྲེང་ངམ། འདུག་གམ། ཉལ་
Kha407a
༄#། །ཡང་རུང་སྟེ། ཞི་བཞིན་དུ་འགྲོ་བ་དང ། འོང་བ་དང ། འགྲེང་བ་དང ། འདུག་པ་དང ། ཉལ་བར་བྱེད་དེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གལ་ཏེ་ཁྱིམ་ན་གནས་ནའང་ཐབས་ལ་མཁས་པས། སེམས་ཅན་རྣམས་ཀྱི་དོན་དུ་འདོད་པའི་ཡོན་ཏན་ལྔ་ཉེ་བར་བཟུང་ནས་སེམས་ཅན་རྣམས་ལ་སྦྱིན་པ་སྦྱིན་པར་བྱེད་དེ། འདི་ལྟ་སྟེ། ཟས་འདོད་པ་རྣམས་ལ་ནི་ཟས། སྐོམ་འདོད་པ་རྣམས་ལ་ནི་སྐོམ་སྦྱིན་པར་བྱེད་དོ། །མིའི་ཡོ་བྱད་གང་ཡང་རུང་བ་དག་གི་བར་དུ་སྦྱིན་པར་བྱེད་དོ། །དེ་བདག་ཀྱང་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་ཅིང ། གཞན་ཡང་སྦྱིན་པའི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ལ། སྦྱིན་པའི་ཕ་རོལ་ཏུ་ཕྱིན་པའི་བསྔགས་པའང་བརྗོད་ཅིང་རྗེས་སུ་དགའ་བར་བྱེད་དོ། །དེ་ལྟར་གོང་མ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་སྦྱར་བར་བྱའོ། །རབ་འབྱོར། ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཁྱིམ་ན་གནས་ན་རྫུ་འཕྲུལ་གྱི་སྟོབས་ཀྱིས་སྤྲུལ་པའི་རིན་པོ་ཆེ་རྣམ་པ་སྣ་ཚོགས་ཀྱིས་ཛམྦུའི་གླིང་ཡོངས་སུ་བཀང་སྟེ། སངས་རྒྱས་བཅོམ་ལྡན་འདས་རྣམས་ལ་སྦྱིན་པ་སྦྱིན་པར་བྱེད་དོ། །དེ་བཞིན་དུ་སྦྱར་ཏེ།
Kha407b
རྫུ་འཕྲུལ་གྱི་སྟོབས་ཀྱིས་སྤྲུལ་པའི་རིན་པོ་ཆེ་རྣམ་པ་སྣ་ཚོགས་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བར་དུ་ཡོངས་སུ་བཀང་སྟེ། སངས་རྒྱས་བཅོམ་ལྡན་འདས་རྣམས་ལ་སྦྱིན་པ་སྦྱིན་པར་བྱེད་ཀྱང་འདོད་པ་དག་ལ་ཡོངས་སུ་མི་སྤྱོད་ཅིང་རྟག་ཏུ་ཚངས་པར་སྤྱོད་པ་ཡིན་ཏེ། མི་གཙང་བ་དང ། དྲི་ང་བ་མེད་དོ། །དེ་ནམ་ཡང་སུ་ལའང་ཕ་རོལ་ལ་བརྙས་པ་དང།་ཁྱད་དུ་གསོད་པ་གང་དག་གིས་ཕ་རོལ་མི་དགའ་བར་འགྱུར་བའི་ཕ་རོལ་ལ་བརྙས་པ་དང ། ཁྱད་དུ་གསོད་པ་མི་བྱེད་དེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་བསྟན་ཏོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འདི་ནི་རིང་པོ་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་སྙམ་ནས། བསྲུང་བ་དང་ཡོངས་སུ་བསྐྱབ་པའི་ཕྱིར་གནོད་སྦྱིན་ལག་ན་རྡོ་རྗེ་རྟག་ཏུ་རྒྱུན་མི་འཆད་པར་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པའི་ཕྱི་བཞིན་འབྲང་བར་འགྱུར་ཏེ། བླ་ན་མེད་པ་ཡང་དག་པར་རྫོགས་པའི་སངས་རྒྱས་དེའི་ཕྱི་བཞིན་འབྲང་བ་བཞིན་ནོ། །དེ་བཞིན་དུ་སྦྱར་ཏེ། རྡོ་རྗེའི་རིགས་ལྔ་བརྒྱའི་བར་དུའང་བསྲུང་བ་དང་ཡོངས་སུ་བསྐྱབ་པའི་ཕྱིར་རྟག་ཏུ་རྒྱུན་མི་འཆད་པར་ཕྱི་བཞིན་དུ་འབྲང་སྟེ། དེ་ལ་མི་རྣམས་
Kha408a
༄#། །སམ་མི་མ་ཡིན་པ་རྣམས་ཀྱིས་ནམ་ཡང་གནོད་པར་བྱེད་མི་ནུས་ཏེ། དེ་ལ་འཇིག་རྟེན་ན་ལྷའམ། བདུད་དམ། ཚངས་པའམ། སུས་ཀྱང་ནམ་ཡང་ཆོས་དང་མཐུན་པར་ཐུབ་པ་མེད་དོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་བྱང་ཆུབ་ཡིད་ལ་བྱེད་པ་ལས་དེའི་སེམས་རྣམ་པར་གཡེང་བར་མི་འགྱུར་རོ། །ནམ་ཡང་དེ་དབང་པོ་མ་ཚང་བར་མི་འགྱུར་ཏེ། འདི་ལྟ་སྟེ། མིག་གི་དབང་པོ་དང ། ལུས་ཀྱི་དབང་པོའི་བར་དུ་མ་ཚང་བར་མི་འགྱུར་རོ། །ནམ་དུའང་འཇིག་རྟེན་ལས་འདས་པའི་དབང་པོ་ལྔ་དང་བྲལ་བར་མི་འགྱུར་རོ། །ལྔ་གང་ཞེ་ན། འདི་ལྟ་སྟེ། དད་པའི་དབང་པོ་དང ། བརྩོན་འགྲུས་ཀྱི་དབང་པོ་དང ། དྲན་པའི་དབང་པོ་དང ། ཏིང་ངེ་འཛིན་གྱི་དབང་པོ་དང ། ཤེས་རབ་ཀྱི་དབང་པོའོ། །དེ་ནི་སྐྱེས་བུ་དམ་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་ན་སྐྱེས་བུ་དམ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་སེམས་རྣམ་པར་རྟོག་པ་ལྔ་དང ། སྒྲིབ་པ་ལྔ་པོ་དག་གིས་ནམ་ཡང་རྫོགས་པའི་བྱང་ཆུབ་ལས་རྣམ་པར་གཡེང་བར་མི་འགྱུར་བ་སྟེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེས་བུ་དམ་པ་ཡིན་ཏེ། རབ་འབྱོར། རྣམ་
Kha408b
པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་བྱང་ཆུབ་ཀྱི་སེམས་དེ་དང་ལྡན་པ་ནི་བུད་མེད་རྣམས་འགུག་པར་བྱེད་པའི་གསང་སྔགས་དང ། སྨན་དང ། སྦྱར་སྨན་དང ། གཞན་ལ་འཁུ་བའི་རང་བཞིན་གང་དག་ཡིན་པ་དེ་དག་ཐམས་ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་མི་སྦྱོར་ཞིང ། སྲོག་གི་ཕྱིར་ཡང་བུད་མེད་འགུག་པའི་ཐབས་གང་ཡང་རུང་བ་སྦྱོར་བར་མི་བྱེད་དེ། སྐྱེས་པའམ། བུད་མེད་དམ། ཁྱེའུའམ། བུ་མོ་དག་ལ་བུ་ཕོར་འགྱུར་རོ་ཞེའམ། བུ་མོར་འགྱུར་རོ་ཞེའམ། རིགས་འཕན་པར་འགྱུར་རོ་ཞེའམ། ཚེ་རིང་བར་འགྱུར་རོ་ཞེའམ། ཚེ་ཐུང་བར་འགྱུར་རོ་ཞེས་ཆོ་འཕྲུལ་དག་གིས་འགུག་པར་མི་བྱེད་ཅིང་སུ་ལའང་ཕུང་བར་མི་བྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་རང་གི་མཚན་ཉིད་ཀྱིས་སྟོང་པའི་ཆོས་རྣམས་ལ་སེམས་ཅན་གྱི་མཚན་མའང་ཡང་དག་པར་རྗེས་སུ་མི་མཐོང་ན། ལོག་པར་འཚོ་བའི་མཚན་མ་ལྟ་སྨོས་ཀྱང་ཅི་དགོས་ཏེ། སྡིག་པའི་ལས་རྣམས་བྱེད་པར་འགྱུར་བ་དེ་ནི་གནས་མེད་དོ། །དེས་ན་དེའི་འཚོ་བ་ཡོངས་སུ་དག་པ་ཡིན་ཏེ། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་
Kha409a
༄#། །དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་རྣམ་པ་དང ། རྟགས་དང ། མཚན་མ་དེ་དག་དང་ལྡན་ན་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་པར་སྟོན་པའི་རྣམ་པ་དང ། རྟགས་དང ། མཚན་མ་དེ་དག་བསྟན་གྱི། དེ་དག་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །བཙུན་པ་དེ་ལྟར་འཚལ་ལོ་ཞེས་ཚེ་དང་ལྡན་པ་རབ་འབྱོར་གྱིས་བཅོམ་ལྡན་འདས་ཀྱི་ལྟར་མཉན་པ་དང ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ནི། རྫོགས་པའི་བྱང་ཆུབ་ཀྱི་ཡིད་ལ་བྱེད་པ་དག་དང་མ་བྲལ་བས་ཕུང་པོའི་སྦྱོར་བ་ལ་བརྩོན་པར་མི་གནས། ཁམས་དང་སྐྱེ་མཆེད་ཀྱི་སྦྱོར་བ་ལ་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཕུང་པོ་དང་ཁམས་དང་སྐྱེ་མཆེད་སྟོང་པ་ཉིད་དུ་ལེགས་པར་བསྒོམས་པ་ཡིན་ཞིང ། ལེགས་པར་ཡིད་ལ་བྱས་པའི་ཕྱིར་རོ། །དེ་རྒྱལ་པོའི་གཏམ་གྱི་སྦྱོར་བ་ལ་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་སྟོང་པ་ཉིད་ལ་ལེགས་པར་གནས་པས་ཆོས་གང་ལའང་ངན་པའམ། མཆོག་ཏུ་གྱུར་པ་ཡང་དག་པར་རྗེས་སུ་མི་མཐོང་བའི་
Kha409b
ཕྱིར་རོ། །དེ་ཆོམ་རྐུན་གྱི་གཏམ་གྱི་སྦྱོར་བ་ལའང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་རང་གི་མཚན་ཉིད་ཀྱིས་སྟོང་པའི་ཆོས་ཐམས་ཅད་ལ། ཆོས་གང་ལའང་བསྡུ་བའམ། དབྲོག་པ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་དམག་གི་གཏམ་གྱི་སྦྱོར་བ་ལའང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་རང་བཞིན་གྱིས་སྟོང་པ་ཉིད་ལ་ལེགས་པར་གནས་པས། ཆོས་གང་ལའང་ཉུང་དུ་ཉིད་དུའམ། མང་པོ་ཉིད་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་སངས་རྒྱས་ཀྱི་གཏམ་གྱི་སྦྱོར་བ་ལའང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་ཀྱི་སྟོང་པ་ཉིད་ལ་ལེགས་པར་གནས་པས་ཆོས་གང་ལའང་སོགས་པ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་གྲོང་དང་གྲོང་ཁྱེར་དང་གྲོང་རྡལ་དང ། རྒྱལ་པོའི་ཕོ་བྲང་འཁོར་གྱི་གཏམ་གྱི་སྦྱོར་བ་ལའང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ནམ་མཁའ་སྟོང་པ་ཉིད་ལ་ལེགས་པར་གནས་པས་ཆོས་གང་ལའང་བསྡུ་བའམ། མི་བསྡུ་བ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་དུད་འགྲོའི་གཏམ་གྱི་སྦྱོར་བ་ལའང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དེ་ཡང་དག་པའི་མཐའ་ལ་ལེགས་པར་གནས་པས་ཆོས་ཐམས་ཅད་ལ་བསྡུ་བའམ། མི་བསྡུ་བ་ཡང་དག་
Kha410a
༄#། །པར་རྗེས་སུ་མི་མཐོང་ཞིང་ཆོས་གང་ལའང་འཕལ་བའམ་འབྲི་བ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་བདག་དང ། སེམས་ཅན་དང ། སྐྱེ་བ་པོ་དང ། སྲོག་དང ། ཤེས་པ་པོ་དང ། མཐོང་བ་པོའི་བར་གྱི་གཏམ་གྱི་སྦྱོར་བ་ལ་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་སྲོག་མེད་པ་དང ། སེམས་ཅན་མེད་པར་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་སྣ་ཚོགས་ཀྱི་གཏམ་གྱི་སྦྱོར་བ་ལའང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ལེགས་པར་གནས་པས་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དང་ནམ་ཡང་མི་འབྲལ་བའི་ཕྱིར་རོ། །སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་དེ།་ནམ་ཡང་སེར་སྣའི་སྦྱོར་བ་ལ་བརྩོན་པར་མི་གནས་སོ། །དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་དེ། འཆལ་བའི་ཚུལ་ཁྲིམས་ཀྱི་སྦྱོར་བ་ལ་བརྩོན་པར་མི་གནས་སོ། །བཟོད་པའི་ཕ་རོལ་ཏུ་ཕྱིན་པ་ལ་སྤྱོད་དེ། འཁྲུག་པ་དང་ཁྲོ་བའི་སྦྱོར་བ་ལ་བརྩོན་པར་མི་གནས་སོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་སྤྱོད་དེ། ལེ་ལོའི་སྦྱོར་བ་ལ་བརྩོན་པར་མི་གནས་སོ། །བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་དེ། རྣམ་པར་གཡེང་བའི་སྦྱོར་བ་ལ་བརྩོན་པར་མི་གནས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལ་
Kha410b
སྤྱོད་དེ། འཆལ་བའི་ཤེས་རབ་ཀྱི་སྦྱོར་བ་ལ་བརྩོན་པར་མི་གནས་སོ། །དེ་ཆོས་ཐམས་ཅད་སྟོང་པ་ཉིད་ལ་སྤྱོད་ཅིང་ཆོས་འདོད་པ་ཡིན་ཏེ། སེམས་ཅན་རྣམས་ཀྱི་དོན་ཀྱང་བྱེད་དོ། །ཆོས་ཀྱི་དབྱིངས་ལ་སྤྱོད་ཅིང ། ཆོས་ཐ་དད་པའི་བསྔགས་པ་བརྗོད་པ་མ་ཡིན་ནོ། །དེ་སངས་རྒྱས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་བཤེས་གཉེན་དུ་འདོད་པ་ཡིན་ཏེ། བཤེས་གཉེན་དུ་འདོད་པ་དེས་ཆོས་ཐོས་ནས་ཉན་ཐོས་དང ། རང་སངས་རྒྱས་ཀྱི་ཐེག་པ་པའི་སེམས་ཅན་གང་དག་ཡིན་པ་དེ་དག་ལ་ཆོས་དེ་སྟོན་ཅིང་མོས་པར་བྱེད་དོ། །ཆོས་དེ་བསྟན་ཅིང་མོས་པར་བྱས་ནས་སེམས་ཅན་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་གོ་།འཛུད་དོ། །འགོད་དོ།། དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་བལྟ་བ་དང ། མཆོད་པ་དང་བསྙེན་བཀུར་བྱ་བའི་ཕྱིར་འཇིག་རྟེན་གྱི་ཁམས་གང་ན་བཞུགས་ཤིང་གཞེས་པ་དེར་སྐྱེས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་མཐོང་ཞིང ། འདི་ལྟ་སྟེ། རྫོགས་པའི་བྱང་ཆུབ་ཡིད་ལ་བྱེད་པའི་ཡིད་ལ་བྱེད་པ་དེ་དག་གིས་ཉིན་མཚན་དུ་གནས་སོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཕལ་ཆེར་འདོད་པའི་ཁམས་
Kha411a
༄#། །དང་ལྡན་པའི་ཡིད་ལ་བྱ་བ་དག་བསྐྱེད་ནས། དགེ་བ་བཅུའི་ལས་ཀྱི་ལམ་རྣམས་ལ་གནས་ཏེ། གང་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་མངོན་དུ་གྱུར་ཅིང་མཐོང་བའི་སངས་རྒྱས་ཀྱི་ཞིང་དེ་དག་ཏུ་སྨོན་ལམ་གྱི་དབང་གིས་སྐྱེ་བ་དང ། དེ་བཞིན་དུ་བསམ་གཏན་དང་པོ་བསྐྱེད་ཅིང ། བསམ་གཏན་བཞི་བའི་བར་དུ་བསྐྱེད་ནས་སྨོན་ལམ་གྱི་དབང་གིས་སངས་རྒྱས་ཀྱི་ཞིང་དེ་དག་ཏུ་སྐྱེའོ། །རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད། བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སྤྱོད། །དྲན་པ་ཉེ་བར་བཞག་པ་རྣམས་ལ་སྤྱོད། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྤྱོད་པ་དེ་འདི་སྙམ་དུ་བདག་ནི་ཕྱིར་མི་ལྡོག་པའམ། ཕྱིར་མི་ལྡོག་པ་མ་ཡིན་ནོ་སྙམ་དུ་དེ་ཐེ་ཚོམ་རྣམ་པ་ཐམས་ཅད་དུ་མི་སྐྱེའོ། ། དེ་ཅིའི་ཕྱིར་ཞེ་ན། དེ་རང་གི་ས་ལ་ཐེ་ཚོམ་མེད་དེ། ཆོས་རྣམས་ཤིན་ཏུ་ཡོངས་སུ་ཤེས་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཕྱིར་མི་ལྡོག་པའམ། ཕྱིར་མི་ལྡོག་པ་མ་ཡིན་
Kha411b
པའི་ཆོས་ཕྲ་རབ་ཙམ་ཡང་ཡང་དག་པར་རྗེས་སུ་མི་མཐོང་བའི་ཕྱིར་རོ། །རབ་འབྱོར། འདི་ལྟ་སྟེ། དཔེར་ན། རྒྱུན་དུ་ཞུགས་པའི་གང་ཟག་ནི་རྒྱུན་དུ་ཞུགས་པའི་འབྲས་བུ་དེ་ལ་སོམ་ཉི་མེད་ཅིང་ཐེ་ཚོམ་མི་ཟའོ། །རབ་འབྱོར། དེ་བཞིན་དུ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའང་ཕྱིར་མི་ལྡོག་པའི་ས་དེ་ལ་སོམ་ཉི་མེད་ཅིང་ཐེ་ཚོམ་མི་ཟའོ། །དེ་ཕྱིར་མི་ལྡོག་པའི་ས་དེ་ལ་གནས་ནས། སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད་དོ། །སེམས་ཅན་རྣམས་ཡོངས་སུ་སྨིན་པར་བྱེད་དོ། །བདུད་ཀྱི་ལས་སྐྱེས་ཤིང་བྱུང་བ་དག་ཀྱང་ཤེས་ཏེ། བདུད་ཀྱི་ལས་ཀྱི་དབང་དུའང་མི་འགྲོའོ། །བདུད་ཀྱི་ལས་ཐམས་ཅད་ཤེས་ནས་ཀྱང་རྣམ་པར་འཇོམས་སོ། །རྣམ་པར་འཐོར་རོ། །རབ་འབྱོར། འདི་ལྟ་སྟེ། དཔེར་ན། མཚམས་མེད་པ་བྱེད་པའི་མི་ནི་འཆི་ཁའི་བར་དུའང་རྟག་ཏུ་མཚམས་མེད་པའི་སེམས་དང་མི་འབྲལ་ཞིང ། དེའི་མཚམས་མེད་པའི་སེམས་དེ་རྗེས་སུ་འབྲང་སྟེ། མཚམས་མེད་པའི་སེམས་དེ་ནི་ཐབས་ཐམས་ཅད་ཀྱིས་ཀྱང་གཞིལ་བར་མི་ནུས་ཤིང ། དེའི་ཀུན་ནས་ལྡང་བའི་སེམས་དེ་ནི་འཆི་ཁའི་བར་དུའང་རྗེས་སུ་འབྲང་ངོ ། །རབ་འབྱོར། དེ་བཞིན་དུ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕྱིར་མི་ལྡོག་པའི་སེམས་དེའང་ཕྱིར་མི་ལྡོག་པའི་ས་ལ་གནས་པར་གྱུར་ནས་མི་གཡོ་སྟེ། ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་གྱིས་བླ་ན་མེད་པ་ཡང་དག་པར་རྫོགས་པའི་
Kha412a
༄#། །བྱང་ཆུབ་ལས་ཕྱིར་ཟློག་པར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ལས་འདས་ནས་ཡང་དག་པ་ཉིད་སྐྱོན་མེད་པ་ལ་ཞུགས་ཏེ། རང་གི་ས་ལ་གནས་ནས་བྱང་ཆུབ་སེམས་དཔའི་མངོན་པར་ཤེས་པ་རྣམས་ཀྱིས་དམ་པའི་ཕ་རོལ་ཏུ་ཕྱིན་པས་སངས་རྒྱས་ཀྱི་ཞིང་ཡང་ཡོངས་སུ་དག་པར་བྱེད། སེམས་ཅན་རྣམས་ཀྱང་ཡོངས་སུ་སྨིན་པར་བྱེད་དེ། སངས་རྒྱས་བཅོམ་ལྡན་འདས་ལ་བལྟ་བ་དང ། ཕྱག་བྱ་བ་དང ། དམ་པའི་ཆོས་ཀྱང་མཉན་པའི་ཕྱིར། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་སྟེ། སངས་རྒྱས་ཀྱི་ཞིང་དེ་དག་ཏུ་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་རྣམས་ལ་དགེ་བའི་རྩ་བ་རྣམས་བསྐྱེད་ཅིང ། སངས་རྒྱས་བཅོམ་ལྡན་འདས་དེ་དག་ལ་ཡོངས་སུ་འདྲི་བར་བྱེད། ཡོངས་སུ་ཞུ་བར་བྱེད། བསྙེན་བཀུར་བྱེད་པའི་ཕྱིར་རོ། །ཤེས་རབ་ཀྱི་ཕ་རོལ་ཏུ་ཕྱིན་པ་ལས་བསྟན་པའི་བདུད་ཀྱི་ལས་གང་དག་ཡིན་པ་དེ་དག་ཀྱང་ཁོང་དུ་ཆུད་དེ། བདུད་ཀྱི་ལས་སྐྱེས་ཤིང་བྱུང་བ་རྣམས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དང ། ཐབས་ལ་མཁས་པས་ཡང་དག་པའི་མཐའ་ལ་སྦྱོར་བར་བྱེད་ཅིང་དེ་རང་གི་ས་ལ་ནམ་ཡང་ནེམ་ནུར་མེད་ཅིང ། ཐེ་
Kha412b
ཚོམ་མི་ཟ་ལ་ཡིད་གཉིས་མི་བསྐྱེད་དོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དེ་ཡང་དག་པའི་མཐའ་ལ་ནེམ་ནུར་དང ། ཡིད་གཉིས་དང་ཐེ་ཚོམ་མི་ཟ་ཞིང་ཡང་དག་པའི་མཐའ་ལ་གཅིག་གམ་གཉིས་སུ་རྣམ་པར་མི་རྟོག་སྟེ། དེ་ལྟར་ཤེས་པས་དེ་ཚེ་བརྗེས་ནས་ཀྱང་ཉན་ཐོས་དང ། རང་སངས་རྒྱས་ཀྱི་སར་སེམས་མི་བསྐྱེད་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་རང་གི་མཚན་ཉིད་ཀྱིས་སྟོང་པའི་ཆོས་རྣམས་ལ་ཆོས་གང་ཡང་སྐྱེ་བའམ། འགག་པའམ། ཀུན་ནས་ཉོན་མོངས་པའམ། རྣམ་པར་བྱང་བར་ཡང་དག་པར་རྗེས་སུ་མི་མཐོང་བའི་ཕྱིར་རོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྲིད་པ་ལས་འདས་ནས་ཀྱང་འདི་སྙམ་དུ་བདག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་སྙམ་མམ། འོན་ཏེ་མངོན་པར་རྫོགས་པར་འཚང་རྒྱ་བར་མི་འགྱུར་སྙམ་དུ་མི་སེམས་སོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རང་གི་མཚན་ཉིད་ཀྱིས་སྟོང་པའི་ཕྱིར་རོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་རང་གི་ས་ལ་དེ་ལྟར་གནས་པ་དེ་ནི་གཞན་གྱི་དྲིང་མི་འཇོག་པ་ཡིན། སེམས་ཅན་ཐམས་ཅད་ཀྱིས་མི་ཐུབ་པ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཕྱིར་མི་ལྡོག་
Kha413a
༄#། །པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་གནས་པ་ནི་མི་འཕྲོགས་པའི་ཡེ་ཤེས་དང་ལྡན་པའི་ཕྱིར་ཏེ། རབ་འབྱོར། གལ་ཏེ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་བདུད་སྡིག་ཅན་སངས་རྒྱས་ཀྱི་ཆ་བྱད་ཀྱིས་འོངས་ནས། །འདི་སྐད་དུ། ཀྱེ་རིགས་ཀྱི་བུ། ཁྱོད་ཚེ་འདི་ཉིད་ལ་ཉོན་མོངས་པ་ཐམས་ཅད་ཟད་པའི་དགྲ་བཅོམ་པ་ཉིད་ཐོབ་པར་གྱིས་ཤིག། ཁྱོད་ནི་སངས་རྒྱས་བཅོམ་ལྡན་འདས་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་ཏོ། །སངས་རྒྱས་བཅོམ་ལྡན་འདས་དེ་དག་གིས་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་འགྱུར་བའི་མི་སྐྱེ་བའི་ཆོས་ལ་བཟོད་པའང་ཁྱོད་ཀྱིས་མ་ཐོབ་བོ། །རྣམ་པ་གང་དག་དང ། རྟགས་གང་དག་དང ། མཚན་མ་གང་དག་དང་ལྡན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་འགྱུར་བའི་རྣམ་པ་དེ་དག་དང ། རྟགས་དེ་དག་དང ། མཚན་མ་དེ་དག་ཀྱང་ཁྱོད་ལ་མེད་དོ། །ཞེས་ཟེར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སྒྲ་དེ་ཐོས་ནས་མི་ཞུམ། མི་འགོང་ཞིང་དེའི་སེམས་གཞན་དུ་མི་འགྱུར་ལ། ཡིད་སྐྲག་པར་མི་འགྱུར་ན། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེས་བདག་
Kha413b
ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ་སྙམ་དུ་རིག་པར་བྱའོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་དེ་འདི་སྙམ་དུ་ཆོས་གང་དག་དང་ལྡན་ན་སངས་རྒྱས་བཅོམ་ལྡན་འདས་རྣམས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་འགྱུར་བའི་ཆོས་དེ་དག་བདག་ལ་ཡོད་དོ་སྙམ་དུ་སེམས་པའི་ཕྱིར་རོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་དྲུང་དུ་བདུད་སྡིག་ཅན་སངས་རྒྱས་ཀྱི་ཆ་བྱད་ཀྱིས་འོངས་ནས་འདི་སྐད་ཅེས། ཁྱོད་ཉན་ཐོས་སམ། རང་སངས་རྒྱས་སུ་གྱིས་ཤིག་།ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱིས་ཅི་ཞིག་བྱ་ཞེས་ཟེར་ཞིང ། རྣམ་གྲངས་དུ་མས་ཉན་ཐོས་ཀྱི་སའམ། རང་སངས་རྒྱས་ཀྱི་ས་ཡང་དག་པར་འཛིན་དུ་འཇུག་ཀྱང ། བྱང་ཆུབ་སེམས་དཔའ་སེམས་དཔའ་ཆེན་པོ་དེར་འདི་སྙམ་དུ་འདི་ནི་དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་མ་ཡིན་གྱི། ཀྱེ་མ་འདི་ནི་བདུད་དམ་བདུད་སྡིག་ཅན་གྱིས་སྤྲུལ་པའི་མི་ཞིག་བདག་གི་གན་དུ་འོངས་ནས་ཉན་ཐོས་ཀྱི་སའམ། རང་སངས་རྒྱས་ཀྱི་ས་འཛིན་དུ་འཇུག་པ་ཡིན་གྱི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། བྱང་ཆུབ་སེམས་དཔའ་
Kha414a
༄#། །སེམས་དཔའ་ཆེན་པོ་ཉན་ཐོས་ཀྱི་སའམ། རང་སངས་རྒྱས་ཀྱི་ས་ཡང་དག་པར་འཛིན་དུ་འཇུག་པར་མི་མཛད་དོ་སྙམ་དུ་སེམས་ན། རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་རིག་པར་བྱའོ། །རབ་འབྱོར། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཤིན་ཏུ་རྒྱས་པའི་མདོ་སྡེ་དག་ཀློག་ཅིང་ཁ་ཏོན་བྱེད་པའི་དྲུང་དུ་བདུད་དམ་བདུད་སྡིག་ཅན་གྱིས་བྱིན་གྱིས་བརླབས་པའི་མི་ཞིག་འོངས་ནས་འདི་སྐད་ཅེས། ཀྱེ་རིགས་ཀྱི་བུ། གང་ལ་ཁྱོད་སྤྱོད་པའི་མདོ་སྡེ་དེ་དག་ནི་དེ་བཞིན་གཤེགས་པས་བཤད་པའི་ཤིན་ཏུ་རྒྱས་པའི་མདོ་སྡེ་མ་ཡིན། ཉན་ཐོས་ཀྱིས་བཤད་པ་མ་ཡིན་གྱི། བདུད་ཀྱིས་བཤད་པ་དང ། གཞན་མུ་སྟོགས་ཅན་གྱིས་བཤད་པ་ཡིན། དེ་དག་ནི་ཤིན་ཏུ་རྒྱས་པའི་མདོ་སྡེ་མ་ཡིན་ནོ་ཞེས་ཟེར་ན། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཀྱེ་མ་གང་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་འབྲལ་བར་བྱེད་ཅིང་བྱང་ཆུབ་ཀྱི་ལམ་ལས་འདུན་པ་ཟློག་པར་བྱེད་པ་འདི་ནི། བདུད་དམ་བདུད་སྡིག་ཅན་གྱིས་བྱིན་གྱིས་བརླབས་པའི་མི་ཞིག་ཡིན་ནོ་སྙམ་དུ་རིག་པར་བྱེད་ན། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་སྔོན་གྱི་དེ་བཞིན་གཤེགས་པ་དགྲ་
Kha414b
བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་རིག་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཕྱིར་མི་ལྡོག་པའི་ས་ལ་གནས་པར་རིག་པར་བྱའོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་རྣམ་པ་དང ། རྟགས་དང ། མཚན་མ་གང་དག་ཡིན་པའི་རྣམ་པ་དང ། རྟགས་དང ། མཚན་མ་དེ་དག་དེ་ལ་ཡོད་ཅིང་སྣང་བའི་ཕྱིར་རོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དམ་པའི་ཆོས་ཡོངས་སུ་གཟུང་བའི་ཆེད་དུ་བདག་གི་སྲོག་ཀྱང་ཡོངས་སུ་གཏོང་བར་བྱེད་ལ། ཆོས་དེ་ནི་ཡོངས་སུ་མི་གཏོང་ངོ ། །དེ་ཅིའི་ཕྱིར་ཞེ་ན། འདི་ལྟར་དེ་འདི་སྙམ་དུ་སེམས་ཏེ། དམ་པའི་ཆོས་ཡོངས་སུ་གཟུང་བ་བྱས་ན་འདས་པ་དང ། མ་བྱོན་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ལ་མཆོད་པར་འགྱུར། དེ་དག་གི་དམ་པའི་ཆོས་ཀྱང་ཡོངས་སུ་གཟུང་བར་བྱས་པར་འགྱུར་རོ་སྙམ་པའི་ཕྱིར་རོ། །དེ་ལ་ཆོས་གང་གི་ཆེད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྲོག་ཀྱང་ཡོངས་སུ་གཏོང་བར་བྱེད་ལ། ཆོས་དེ་ནི་ཡོངས་སུ་མི་གཏོང་བ་གང་ཞེ་ན། རབ་འབྱོར། འདི་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཆོས་ཐམས་ཅད་
Kha415a
༄#། །སྟོང་ཞེས་སྟོན་པ་སྟེ། དེ་ལ་མི་བླུན་པོ་ཁ་ཅིག་ནི་འདི་ནི་ཆོས་མ་ཡིན། འདི་ནི་འདུལ་བ་མ་ཡིན། འདི་ནི་སྟོན་པའི་བསྟན་པ་མ་ཡིན། འདི་ནི་རྫོགས་པའི་བྱང་ཆུབ་ཏུ་འགྲོ་བའི་ལམ་མ་ཡིན་ནོ་ཞེས་ཕྱིར་ཟློག་པར་བྱེད་ཅིང་ཕྱིར་རྒོལ་ཏེ། རབ་འབྱོར། དམ་པའི་ཆོས་དེའི་ཆེད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རང་གི་སྲོག་ཀྱང་ཡོངས་སུ་གཏོང་བར་བྱེད་དོ། །དེ་འདི་སྙམ་དུ་སེམས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་མ་འོངས་པ་ན་འབྱུང་བ་དེ་དག་གི་ནང་དུ་བདག་ཀྱང་གྲངས་སུ་ཆུད་པར་བྱའོ། །བདག་ཀྱང་དེར་ལུང་བསྟན་པར་བྱའོ། །ཆོས་དེའི་ཆེད་དུ་བདག་གི་སྲོག་ཀྱང་ཡོངས་སུ་གཏང་བར་བྱའོ་སྙམ་དུ་སེམས་སོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེས་དོན་གྱི་དབང་འདི་མཐོང་བས་དམ་པའི་ཆོས་ཀྱི་ཆེད་དུ་རང་གི་སྲོག་ཀྱང་ཡོངས་སུ་གཏོང་བར་བྱེད་དོ། །རབ་འབྱོར། རྣམ་པ་དང ། རྟགས་དང།་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཡིན་པར་རིག་པར་བྱའོ། །རབ་འབྱོར། གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་བསྟན་པའི་ཆོས་དེ་ལ་སོམ་ཉི་མེད་ཅིང་ཐེ་ཚོམ་མི་
Kha415b
ཟ་སྟེ། ཆོས་དེ་ལ་ཡིད་གཉིས་གཅིག་ཙམ་ཡང་མི་སྐྱེད་དོ། །ཆོས་དེ་ཐོས་ཀྱང་འཛིན་ཏོ། །བཟུང་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་ཆུད་ཟ་བར་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་གཟུངས་རབ་ཏུ་ཐོབ་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གཟུངས་གང་ཐོབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ་དེ་བཞིན་གཤེགས་པས་གསུངས་པའི་མདོ་སྡེ་རྣམས་ཆབ་མི་འཚལ་བར་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། མི་ཟད་པའི་ཟ་མ་ཏོག་གི་གཟུངས་ཤིན་ཏུ་ཐོབ་པ་དང ། དེ་བཞིན་དུ་རྒྱ་མཚོའི་ཕྱག་རྒྱ་དང ། པདྨ་བཀོད་པའི་གཟུངས་ཤིན་ཏུ་ཐོབ་པས་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པས་གསུངས་པའི་མདོ་སྡེ་རྣམས་ཐོས་ནས་ཆུད་ཟ་བར་མི་བྱེད་དོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པས་གསུངས་པའི་མདོ་སྡེ་ཁོ་ན་ཐོས་ནས་སོམ་ཉི་མ་མཆིས་ཤིང་ཐེ་ཚོམ་མི་མཚལ་ལ། གོང་དུའང་འཛིན་པར་བགྱིད་ཅིང་ཚུལ་བཞིན་ཡིད་ལ་བགྱིད་པའི་བར་དུ་བགྱིད་ལ། ཆབ་མི་འཚལ་བར་བགྱིད་དུ་བས་ཀྱི། ཉན་ཐོས་ཀྱིས་
Kha416a
༄#། །བཤད་པ་རྣམས་ལ་མ་ལགས་སམ། ལྷས་བཤད་པ་རྣམས་ལ་མ་ལགས་སམ། ཀླུས་བཤད་པ་རྣམས་ལ་མ་ལགས་སམ། གནོད་སྦྱིན་གྱིས་བཤད་པ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅིའམ། ལྟོ་འཕྱེ་ཆེན་པོས་བཤད་པའི་མདོ་སྡེ་རྣམས་ཐོས་ནས་ཀྱང་སོམ་ཉི་མ་མཆིས་ཤིང་ཐེ་ཚོམ་མི་འཚལ་ལ། གོང་དུའང་འཛིན་པར་བགྱིད་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་རྣམས་ཀྱི་སྐད་དང ། སྒྲ་དང ། བརྡ་དང ། བསྙད་པ་དང ། བརྗོད་པ་ཐམས་ཅད་ལ་སོམ་ཉི་མེད་ཅིང་ཐེ་ཚོམ་མི་ཟ་ལ་ཡིད་གཉིས་མེད་པ་ཡིན་ནོ། །སྐད་དང ། སྒྲ་དང ། བརྡ་དང ། བསྙད་པ་དང ། བརྗོད་པ་རྣམས་ཐོས་མ་ཐག་ཏུ་འཛིན་ཅིང་ཆུད་ཟ་བར་མི་བྱེད་དོ། །དེ་དག་གི་དོན་ཀྱང་དེ་ཁོ་ན་ཉིད་དུ་ཤེས་ཏེ། གཟུངས་འདི་དག་ཤིན་ཏུ་ཐོབ་པའི་ཕྱིར་རོ། །རབ་འབྱོར། རྣམ་པ་དང ། རྟགས་དང ། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཡིན་པར་རིག་པར་བྱའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཕྱིར་མི་ལྡོག་པའི་ལེའུ་ཞེས་བྱ་སྟེ་སུམ་ཅུ་གཅིག་པའོ།། །།དེ་ནས་བཅོམ་ལྡན་འདས་ལ་ཆེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་
Kha416b
འདས། གལ་ཏེ་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་གྱི་ཆོས་དེ་ལྟ་བུ་དང་ལྡན་པ་གང་ལ་གནས་ནས། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ལམ་གྱི་རྣམ་པ་ནི་ཇི་ལྟ་བུ་ཞིག་ལགས། སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་ནི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཕ་རོལ་ཏུ་ཕྱིན་པ་དྲུག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལམ་ཡིན་ནོ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང ། རྣམ་པར་ཐར་པའི་སྒོ་གསུམ་དང ། སྟོང་པ་ཉིད་བཅུ་བཞི་དང ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་དང ། དེ་བཞིན་གཤེགས་པའི་སྟོབས་བཅུ་དང།་མི་འཇིགས་པ་བཞི་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལམ་ཡིན་ཏེ། རབ་འབྱོར། དེ་ལྟ་མོད་ཀྱི་ཆོས་ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོའི་ལམ་ཡིན་ནོ། །རབ་འབྱོར། འདི་ཇི་སྙམ་དུ་སེམས། གང་ལ་བསླབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱ་བ་གང་ལ་བྱང་ཆུབ་སེམས་དཔའ་སེམས་དཔའ་ཆེན་པོས་བསླབ་པར་མི་བྱ་བའི་ཆོས་འགའ་ཞིག་ཡོད་སྙམ་མམ། རབ་འབྱོར། གང་ལ་བྱང་
Kha417a
༄#། །ཆུབ་སེམས་དཔའ་སེམས་དཔའ་ཆེན་པོས་བསླབ་པར་མི་བྱ་བའི་ཆོས་འདི་ནི་འགའ་ཡང་མེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་དག་ཆོས་ཐམས་ཅད་ལ་མ་བསླབས་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་ནུས་པ་མེད་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་ཆོས་ཐམས་ཅད་ངོ་བོ་ཉིད་ཀྱིས་སྟོང་པ་ལགས་ན། འདི་ལྟ་སྟེ། ཆོས་གང་འཇིག་རྟེན་པའམ། འཇིག་རྟེན་ལས་འདས་པའམ། ཟག་པ་དང་བཅས་པའམ། ཟག་པ་མ་མཆིས་པའམ། འདུས་བྱས་སམ། འདུས་མ་བྱས་སམ། སོ་སོའི་སྐྱེ་བོའི་ཆོས་སམ། རྒྱུན་དུ་ཞུགས་པའི་ཆོས་སམ།་ལན་གཅིག་ཕྱིར་འོང་བའི་ཆོས་སམ། ཕྱིར་མི་འོང་བའི་ཆོས་སམ། དགྲ་བཅོམ་པའི་ཆོས་སམ། རང་སངས་རྒྱས་ཀྱི་ཆོས་སམ། ཡང་དག་པར་རྫོགས་པའི་སངས་རྒྱས་ཀྱི་ཆོས་ཞེས་བགྱི་བར་འདི་ནས་སམ། འདིས་སམ། འདི་ཞེས་རིག་པར་བགྱི་བ་གང་ལ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་རྣམས་ལ་ཐ་དད་དུ་བགྱིད་ལགས་བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཆོས་ཐམས་ཅད་ནི་ངོ་བོ་ཉིད་ཀྱིས་སྟོང་ངོ ། །རབ་འབྱོར། གལ་ཏེ་ཆོས་ཐམས་
Kha417b
ཅད་སྟོང་པ་མ་ཡིན་དུ་ཟིན་ན། བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱ་བ་ཞིག་ན། རབ་འབྱོར། གང་གི་ཕྱིར་ཆོས་ཐམས་ཅད་ངོ་བོ་ཉིད་ཀྱིས་སྟོང་པ་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །རབ་འབྱོར། གང་ཡང་འདི་སྐད་ཅེས་གལ་ཏེ་ཆོས་ཐམས་ཅད་ངོ་བོ་ཉིད་ཀྱིས་སྟོང་ན། འདི་ལྟ་སྟེ། ཆོས་གང་འཇིག་རྟེན་པའམ། འཇིག་རྟེན་ལས་འདས་པའམ། ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་བར་དུ་འདི་ནས་སམ། འདིས་སམ། འདི་ཞེས་རིག་པར་བྱ་བ་གང་ལ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་རྣམས་ལ་ཐ་དད་དུ་བྱེད་ཅེས་ཟེར་བ་ནི། རབ་འབྱོར། གལ་ཏེ་སེམས་ཅན་དེ་དག་གིས་ཆོས་ཐམས་ཅད་ངོ་བོ་ཉིད་ཀྱིས་སྟོང་པར་དེ་ལྟར་ཤེས་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ལ་བསླབས་ནས་རྣམ་པ་ཐམས་ཅད་མཁྱེན་པ་ཉིད་ཐོབ་པར་མི་འགྱུར་བ་ཞིག་ན། རབ་འབྱོར། གང་གི་ཕྱིར་སེམས་ཅན་དེ་དག་གིས་ཆོས་ཐམས་ཅད་སྟོང་པར་མི་ཤེས་པ་དེའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ལ་བསླབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ཞིང་
Kha418a
༄#། །སངས་རྒྱས་ཀྱང་ཆོས་རྣམ་པར་བཞག་པ་བྱས་ནས། སེམས་ཅན་རྣམས་ལ་ཆོས་སྟོན་ཏོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་སེམས་དཔའི་ལམ་གང་ལ་སློབ་པས་ཐོག་མ་ཉིད་དུ་འདི་ལྟར་བརྟག་པར་བྱ་སྟེ། མངོན་པར་ཞེན་པ་མ་གཏོགས་པར་འདི་ལ་ཆོས་གང་ངོ་བོ་ཉིད་ཀྱིས་དམིགས་པ་ནི་འགའ་ཡང་མེད་དེ། འདིར་བདག་གིས་ཆོས་རྣམས་ཀྱི་ངོ་བོ་ཉིད་ལ་བརྟགས་ནས་ཆོས་གང་ཡང་མ་དམིགས་ན། ཅིའི་ཕྱིར་བདག་ཆོས་རྣམས་ལ་མངོན་པར་ཞེན་པར་བྱ་སྙམ་དུ་བརྟག་པར་བྱའོ། །རབ་འབྱོར། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་ངོ་བོ་ཉིད་ལ་རྟོག་ན། ཡང་ན་ཕ་རོལ་ཏུ་ཕྱིན་པ་དྲུག་གམ། ཡང་ན་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ནམ། ཡང་ན་རྒྱུན་དུ་ཞུགས་པའི་འབྲས་བུའམ། ཡང་ན་ལན་གཅིག་ཕྱིར་འོང་བའི་འབྲས་བུའམ། ཡང་ན་ཕྱིར་མི་འོང་བའི་འབྲས་བུའམ། ཡང་ན་དགྲ་བཅོམ་པ་ཉིད་དམ། ཡང་ན་རང་བྱང་ཆུབ་བམ། ཡང་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བམ། ཆོས་གང་ལའང་མངོན་པར་ཞེན་པ་མེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཆོས་ཐམས་ཅད་ངོ་བོ་ཉིད་ཀྱིས་སྟོང་པར་མཐོང་སྟེ་སྟོང་པ་ཉིད་ནི་སྟོང་པ་ཉིད་ལ་མངོན་པར་ཞེན་པ་མེད་པའི་ཕྱིར་ཏེ། སྟོང་པ་ཉིད་ཀྱང་དམིགས་སུ་མེད་
Kha418b
ན།་སྟོང་པ་ཉིད་ལ་མངོན་པར་ཞེན་པ་ལྟ་སྨོས་ཀྱང་ཅི་དགོས་ཏེ། རབ་འབྱོར། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ལ་མངོན་པར་ཞེན་པ་མེད་པར་གནས་སོ། །བསླབ་པ་གང་ལ་བསླབས་ཤིང་བསླབ་པ་གང་ལ་གནས་ནས། སེམས་ཅན་ཐམས་ཅད་ཀྱི་སྤྱོད་པ་ལ་རྣམ་པར་ལྟ་བར་བྱེད་དེ། འདི་དག་གང་ལ་སྤྱོད་ཅེས་བལྟས་ན་ཡོད་པ་མ་ཡིན་པ་ལ་འཛིན་པ་ལའོ། །ཡོད་པ་མ་ཡིན་པ་ལ་འཛིན་པ་ལ་སྤྱོད་པའི་སེམས་ཅན་དེ་དག་མཐོང་ནས་ཀྱང་དེ་འདི་སྙམ་དུ་སེམས་ཏེ། སེམས་ཅན་འདི་དག་ནི་ཡོད་པ་མ་ཡིན་པ་ལ་འཛིན་པ་ལས་དགྲོལ་སླ་བ་དག་གོ་སྙམ་ནས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཤིང ། ཐབས་ལ་མཁས་པས་སེམས་ཅན་དེ་དག་ཡོད་པ་མ་ཡིན་པ་ལ་འཛིན་པ་དེ་དང་བྲལ་བར་བྱེད་དོ། །བྲལ་ནས་ཀྱང་ཆོས་དྲུག་ལ་འཇུག་པར་བྱེད་དེ། འདི་སྐད་ཅེས་ཀྱེ་སེམས་ཅན་དག་སྦྱིན་པ་དག་བྱིན་ཅིག་དང ། ཁྱོད་ལོངས་སྤྱོད་རྣམས་དང་བྲལ་བར་མི་འགྱུར་རོ། །ལོངས་སྤྱོད་དེ་དག་གིས་ཀྱང་རློམ་སེམས་སུ་མ་བྱེད་ཅིག་།དེ་ལ་སྙིང་པོ་ཅུང་ཟད་ཀྱང་མེད་དོ། །དེ་བཞིན་དུ་ཚུལ་ཁྲིམས་སྲུངས་ཤིག་།བཟོད་པ་སྒྲུབས་ཤིག་།དེ་བཞིན་དུ་བརྩོན་འགྲུས་རྩོམས་ཤིག། དེ་བཞིན་དུ་བསམ་གཏན་རྣམས་ལ་སྙོམས་པར་ཞུགས་ཤིག་།དེ་བཞིན་དུ་ཤེས་རབ་སྒོམས་ཤིག་།དེ་དག་གིས་རློམ་སེམས་སུའང་མ་བྱེད་ཅིག་།དེ་དག་ལ་
Kha419a
༄#། །སྙིང་པོ་ཅུང་ཟད་ཀྱང་མེད་དོ། །དེ་བཞིན་དུ་རྒྱུན་དུ་ཞུགས་པའི་འབྲས་བུ་ལ་གནས་པར་གྱིས་ཤིག་།དེས་རློམ་སེམས་སུའང་མ་བྱེད་ཅིག་།དེ་བཞིན་དུ་དགྲ་བཅོམ་པ་ཉིད་ཀྱི་བར་ལ་གནས་པར་གྱིས་ཤིག་།དེས་རློམ་སེམས་སུའང་མ་བྱེད་ཅིག་།དེ་བཞིན་དུ་རང་བྱང་ཆུབ་ལ་གནས་པར་གྱིས་ཤིག་།དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་གནས་པར་གྱིས་ཤིག་།དེ་བཞིན་དུ་སངས་རྒྱས་ཀྱི་ཆོས་ཐམས་ཅད་ལ་གནས་པར་གྱིས་ཤིག་།དེ་དག་གིས་རློམ་སེམས་སུའང་མ་བྱེད་ཅིག་།དེ་དག་ལ་སྙིང་པོ་ཅུང་ཟད་ཀྱང་མེད་དོ་ཞེས་སྟོན་ཏེ། དེ་སེམས་ཅན་དེ་དག་ལ་དེ་སྐད་འདོམས། དེ་སྐད་རྗེས་སུ་སྟོན་ཅིང་དེ་བྱང་ཆུབ་ཀྱི་ལམ་ལ་སྤྱོད་དེ། ཆོས་གང་ལའང་མངོན་པར་ཞེན་པར་མི་འགྱུར་རོ། །དེ་ཅིའི་ཕྱིར་ཞེ་ན། ངོ་བོ་ཉིད་ཀྱིས་སྟོང་པ་ཉིད་ཀྱི་ཕྱིར་གང་གིས་དེ་དག་མངོན་པར་ཞེན་པར་འགྱུར་བ་དང ། གང་དུ་དེ་དག་མངོན་པར་ཞེན་པར་འགྱུར་བ་དེ་དག་གི་ངོ་བོ་ཉིད་མེད་དེ། ཆོས་ཐམས་ཅད་ལ་མངོན་པར་ཞེན་པ་མེད་པའི་ཕྱིར་རོ། །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྫོགས་པའི་བྱང་ཆུབ་ཀྱི་ལམ་ལ་སྤྱོད་ཅིང ། ཆོས་གང་ལའང་མི་གནས་པ་སྟེ། དེའང་གནས་པ་མེད་པའི་ཚུལ་གྱིས་གནས་སོ། །སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་དེ། དེ་ལའང་མི་གནས་སོ། །
Kha419b
དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དེ། དེ་ལའང་མི་གནས་སོ། །དེ་བསམ་གཏན་དང་པོ་ལ་སྙོམས་པར་འཇུག་སྟེ། དེ་ལའང་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་བསམ་གཏན་ནི་ངོ་བོ་ཉིད་ཀྱིས་སྟོང་ལ་གང་སྙོམས་པར་འཇུག་པ་དེའང་སྟོང་ཞིང ། རྣམ་པ་གང་དག་ཡིན་པའི་རྣམ་པ་དེ་དག་ཀྱང་སྟོང་པའི་ཕྱིར་རོ། །དེ་བཞིན་དུ་བསམ་གཏན་བཞི་པའི་བར་ལའང་སྦྱར་བར་བྱའོ། །དེ་བཞིན་དུ་བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་ལའང་སྙོམས་པར་འཇུག་སྟེ། དེ་དག་ལའང་མི་གནས་སོ། །དེ་བཞིན་དུ་གཟུགས་མེད་པའི་སྙོམས་པར་འཇུག་པ་བཞི་དང ། རྣམ་པར་ཐར་པ་བརྒྱད་དང ། མཐར་གྱིས་གནས་པའི་སྙོམས་པར་འཇུག་པ་དགུ་ལའང་སྙོམས་པར་འཇུག་སྟེ། དེ་དག་ལའང་མི་གནས་སོ། ། དེ་བཞིན་དུ་རྒྱུན་དུ་ཞུགས་པའི་འབྲས་བུའང་འཐོབ་སྟེ། དེ་ལའང་མི་གནས་སོ། །དགྲ་བཅོམ་པ་ཉིད་ཀྱི་བར་དུའང་འཐོབ་སྟེ། དེ་ལའང་མི་གནས་སོ། །དེ་བཞིན་དུ་རང་བྱང་ཆུབ་ཀྱང་འཐོབ་སྟེ། དེ་ལའང་མི་གནས་སོ། །དེ་ཅིའི་ཕྱིར་ཞེ་ན། རྣམ་པ་གཉིས་ཀྱི་ཕྱིར་ཏེ། འབྲས་བུ་དེ་དག་ངོ་བོ་ཉིད་ཀྱིས་མེད་པ་དང ། དེ་གང་ལ་གནས་པ་དེ་ཙམ་གྱི་ཆོག་པར་འཛིན་
Kha420a
༄#། །པར་མི་བྱེད་པའོ། །དེ་འདི་སྙམ་དུ་སེམས་ཏེ། བདག་གིས་རྒྱུན་དུ་ཞུགས་པའི་འབྲས་བུ་འཐོབ་པར་མི་བྱ། བདག་གིས་དེ་ལ་གནས་པར་མི་བྱའོ། །དེ་བཞིན་དུ་རང་སངས་རྒྱས་ཀྱི་སའི་བར་ལ་གནས་པར་མི་བྱའོ་སྙམ་མོ། །དེ་ཅིའི་ཕྱིར་ཞེ་ན། འདི་ལྟར་དེ་འདི་སྙམ་དུ་སེམས་ཏེ། བདག་ནི་ཐེ་ཚོམ་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །ཆོས་དེ་དག་ཀྱང་འདི་ཉིད་ལ་ཡོད་དོ་སྙམ་དུ་སེམས་པའི་ཕྱིར་རོ། །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སེམས་དང་པོ་བསྐྱེད་ཕྱིན་ཆད། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་མ་གཏོགས་པར་ནམ་ཡང་སེམས་གང་ཡང་རུང་བ་མ་བསྐྱེད་དོ། །ས་དང་པོ་ནས་བཟུང་སྟེ། ས་བཅུ་པའི་བར་དུའང་དེ་བཞིན་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་འབའ་ཞིག་གོ་།རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་མི་གཡེང་བའི་ཡིད་ཀྱིས་ལུས་སམ། ངག་གམ། ཡིད་ཀྱིས་རྣམ་པར་གང་དང་གང་གནོན་པ་ནི་ཐམས་ཅད་དུའང་བྱང་ཆུབ་ཀྱི་སེམས་དང་ལྷན་ཅིག་པ་སྟེ། བྱང་ཆུབ་ཀྱི་སེམས་དེ་ཉིད་ལ་གནས་ནས་བྱང་ཆུབ་ཀྱི་ལམ་ལ་རྣམ་པར་གཡེང་བ་མི་སྐྱེད་དོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་
Kha420b
གལ་ཏེ་ཆོས་ཐམས་ཅད་མ་སྐྱེས་པ་ལགས་ན། བཙུན་པ་བཅོམ་ལྡན་འདས། ཅི་ལམ་སྐྱེས་པས་བྱང་ཆུབ་འཐོབ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་ནི་མ་ཡིན་ནོ། །གསོལ་པ། ཅི་ལམ་མ་སྐྱེས་པས་བྱང་ཆུབ་འཐོབ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་ནི་མ་ཡིན་ནོ། །གསོལ་པ། འོ་ན་ཅི་ལམ་སྐྱེས་པའང་མ་ལགས། མ་སྐྱེས་པའང་མ་ལགས་པས་བྱང་ཆུབ་འཐོབ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་ནི་མ་ཡིན་ནོ། །གསོལ་པ། བཙུན་པ་བཅོམ་ལྡན་འདས། འོ་ན་གང་གིས་བྱང་ཆུབ་འཐོབ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་ནི་ལམ་གྱིས་ཀྱང་མི་འཐོབ་ལ། ལམ་མ་ཡིན་པས་ཀྱང་མི་འཐོབ་བོ། ། དེ་ཅིའི་ཕྱིར་ཞེ་ན། རབ་འབྱོར། བྱང་ཆུབ་ཉིད་ལམ་ཡིན་ལ། ལམ་ཉིད་བྱང་ཆུབ་ཡིན་པའི་ཕྱིར་རོ། །གསོལ་པ། བཙུན་པ་བཅོམ་ལྡན་འདས། གལ་ཏེ་བྱང་ཆུབ་ཉིད་ལམ་ལགས་ལ། ལམ་ཉིད་བྱང་ཆུབ་ལགས་ན། དེའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོས་བྱང་ཆུབ་དེ་ཐོབ་པ་ཉིད་ལགས་ན། ཅིའི་སླད་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྟོབས་བཅུ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡང་དང་ཡང་བསྟན་པ་མཛད། དེ་སྐད་ཅེས་གསོལ་པ་དང ། བཅོམ་
Kha421a
༄#། །ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ཇི་སྙམ་དུ་སེམས། སངས་རྒྱས་ཀྱིས་བྱང་ཆུབ་འཐོབ་བམ། གསོལ་པ། བཙུན་པ་བཅོམ་ལྡན་འདས། དེ་ནི་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། སངས་རྒྱས་ཉིད་ཀྱང་བྱང་ཆུབ་ལགས་ལ། བྱང་ཆུབ་ཉིད་ཀྱང་སངས་རྒྱས་ལགས་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། གང་ཡང་འདི་སྐད་ཅེས་གལ་ཏེ་བྱང་ཆུབ་ཉིད་ལ་མ་ཡིན་ལ། ལམ་ཉིད་ཀྱང་བྱང་ཆུབ་ཡིན་ན། བྱང་ཆུབ་སེམས་དཔས་བྱང་ཆུབ་ཐོབ་པ་ཉིད་མ་ཡིན་ནམ་ཞེས་ཟེར་བ་ནི། རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས། དེ་བཞིན་དུ་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་རྫོགས་པར་བྱས་ནས་རྡོ་རྗེ་ལྟ་བུའི་ཏིང་ངེ་འཛིན་སྐད་ཅིག་གཅིག་དང་ལྡན་པའི་ཤེས་རབ་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་སྟེ། སངས་རྒྱས་ནས་བར་དེར་བྱང་ཆུབ་སེམས་
Kha421b
དཔའ་ཆོས་ཐམས་ཅད་ལ་དབང་སྒྱུར་བའི་དེ་བཞིན་གཤེགས་པ་ཞེས་སྟོན་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས།་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་སངས་རྒྱས་ཀྱི་ཞིང་ཡོངས་སུ་དག་པར་བགྱིད་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དང་པོ་སེམས་བསྐྱེད་པ་ནས་བཟུང་སྟེ། སྲིད་པ་ཐ་མའི་བར་དུ་གཞན་དག་གི་ལུས་ཀྱི་གནས་ངན་ལེན་དང ། ངག་གི་གནས་ངན་ལེན་དང ། ཡིད་ཀྱི་གནས་ངན་ལེན་ཡོངས་སུ་དག་པར་བྱེད་དོ། །གསོལ་པ། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་གནས་ངན་ལེན་གང་ལགས། ངག་གི་གནས་ངན་ལེན་གང་ལགས། ཡིད་ཀྱི་གནས་ངན་ལེན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། སྲོག་གཅོད་པ་དང ། མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དེ་ནི་ལུས་ཀྱི་གནས་ངན་ལེན་ཡིན་ནོ། །བརྫུན་དུ་སྨྲ་བ་དང ། ཕྲ་མ་དང ། ངག་རྩུབ་པོ་དང ། ཚིག་བཀྱལ་པ་གང་ཡིན་པ་དེ་ནི་ངག་གི་གནས་ངན་ལེན་ཡིན་ནོ། །བརྣབ་སེམས་དང ། གནོད་སེམས་དང ། ལོག་པར་ལྟ་བ་དེ་ནི་ཡིད་ཀྱི་གནས་ངན་ལེན་ཡིན་ནོ།། །།འཕགས་པ་ཤེས་རབ་
Kha422a
༄#། །ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་སུམ་ཅུ་གསུམ་པ། རབ་འབྱོར། གཞན་ཡང་ཚུལ་ཁྲིམས་ཀྱི་ཕུང་པོ་ཡོངས་སུ་མ་དག་པ་གང་ཡིན་པ་དེ་ནི་ལུས་ཀྱི་གནས་ངན་ལེན་དང ། ངག་གི་གནས་ངན་ལེན་ཡིན་ནོ། །སེར་སྣའི་སེམས་གང་ཡིན་པ་དང ། འཆལ་བའི་ཚུལ་ཁྲིམས་ཀྱི་སེམས་དང ། འཁྲུག་པའི་སེམས་དང ། ལེ་ལོའི་སེམས་དང ། མཉམ་པར་མ་བཞག་པའི་སེམས་དང ། འཆལ་པའི་ཤེས་རབ་ཀྱི་སེམས་གང་ཡིན་པ་དེ་ནི་ཡིད་ཀྱི་གནས་ངན་ལེན་ཡིན་ནོ། །རབ་འབྱོར། གཞན་ཡང་དྲན་པ་ཉེ་བར་བཞག་པ་བཞི་དང་བྲལ་བའི་སེམས་གང་ཡིན་པ་དང ། དེ་བཞིན་དུ་ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་དང ། རྣམ་པར་ཐར་པའི་སྒོ་གསུམ་དང་བྲལ་བའི་སེམས་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་གནས་ངན་ལེན་དང ། ངག་གི་གནས་ངན་ལེན་དང ། ཡིད་ཀྱི་གནས་ངན་ལེན་ཡིན་ནོ། །རབ་འབྱོར། གཞན་ཡང་རྒྱུན་དུ་ཞུགས་པའི་འབྲས་བུ་ལ་འདོད་པ་དང ། དེ་བཞིན་དུ་དགྲ་བཅོམ་པ་ཉིད་ཀྱི་བར་དང ། རང་བྱང་ཆུབ་ཀྱི་བར་ལ་འདོད་པ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་གནས་ངན་ལེན་དང ། ངག་གི་གནས་ངན་ལེན་དང ། ཡིད་
Kha422b
ཀྱི་གནས་ངན་ལེན་ཡིན་ནོ། །རབ་འབྱོར། གཞན་ཡང་གཟུགས་ཀྱི་འདུ་ཤེས་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པའི་འདུ་ཤེས་དང ། དེ་བཞིན་དུ་མིག་གི་འདུ་ཤེས་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་འདུ་ཤེས་དང ། གཟུགས་དང ། སྒྲ་དང ། དྲི་དང ། རོ་དང ། རེག་བྱ་དང ། ཆོས་ཀྱི་བར་གྱི་འདུ་ཤེས་གང་ཡིན་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་གནས་ངན་ལེན་དང ། ངག་གི་གནས་ངན་ལེན་དང ། ཡིད་ཀྱི་གནས་ངན་ལེན་ཡིན་ནོ། །རབ་འབྱོར། གཞན་ཡང་མིག་གི་ཁམས་ཀྱི་འདུ་ཤེས་དང ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་འདུ་ཤེས་དང ། འདོད་པའི་ཁམས་ཀྱི་འདུ་ཤེས་དང ། གཟུགས་ཀྱི་ཁམས་ཀྱི་འདུ་ཤེས་དང ། གཟུགས་མེད་པའི་ཁམས་ཀྱི་འདུ་ཤེས་དང ། སྐྱེས་པའི་འདུ་ཤེས་དང ། བུད་མེད་ཀྱི་འདུ་ཤེས་དང ། ཁྱེའུའི་འདུ་ཤེས་དང ། བུ་མོའི་འདུ་ཤེས་དང ། དགེ་བའི་ཆོས་ཀྱི་འདུ་ཤེས་དང ། མི་དགེ་བའི་ཆོས་ཀྱི་འདུ་ཤེས་དང ། ལུང་དུ་བསྟན་པའི་ཆོས་ཀྱི་འདུ་ཤེས་དང ། ལུང་དུ་མ་བསྟན་པའི་ཆོས་ཀྱི་འདུ་ཤེས་དང ། ཟག་པ་དང་བཅས་པའི་ཆོས་ཀྱི་འདུ་ཤེས་དང ། ཟག་པ་མེད་པའི་ཆོས་ཀྱི་འདུ་ཤེས་དང ། འཇིག་རྟེན་པའི་ཆོས་ཀྱི་འདུ་ཤེས་དང ། འཇིག་རྟེན་ལས་འདས་པའི་ཆོས་ཀྱི་འདུ་ཤེས་དང ། འདུས་བྱས་ཀྱི་ཆོས་ཀྱི་འདུ་ཤེས་དང ། འདུས་མ་བྱས་ཀྱི་ཆོས་ཀྱི་
Kha423a
༄#། །འདུ་ཤེས་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་གནས་ངན་ལེན་དང ། ངག་གི་གནས་ངན་ལེན་དང ། ཡིད་ཀྱི་གནས་ངན་ལེན་ཡིན་ནོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ། གནས་ངན་ལེན་དེ་དག་ཐམས་ཅད་ཡོངས་སུ་སྤངས་ནས་འདོད་པ་རྣམས་ལ་སྦྱིན་པ་སྦྱིན་པར་བྱེད་དེ། འདི་ལྟ་སྟེ། ཟས་འདོད་པ་རྣམས་ལ་ནི་ཟས། སྐོམ་འདོད་པ་རྣམས་ལ་ནི་སྐོམ། བཞོན་པ་འདོད་པ་རྣམས་ལ་ནི་བཞོན་པ། མིའི་ཡོ་བྱད་གང་ཡང་རུང་བའི་བར་དག་འདོད་པ་རྣམས་ལ་ནི་མིའི་ཡོ་བྱད་གང་ཡང་རུང་བའི་བར་དག་སྦྱིན་པར་བྱེད་དོ། །གཞན་དག་ཀྱང་སྦྱིན་པ་ཡང་དག་པར་འཛིན་དུ་འཇུག་གོ་།འཛུད་དོ། །འགོད་དོ། །དགེ་བའི་རྩ་བ་ཐམས་ཅད་ཀྱང་ཡོངས་སུ་བཟླུམས་ནས་དང་བའི་ཡིད་ཀྱིས་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། སངས་རྒྱས་ཀྱི་ཞིང་ཡོངས་སུ་དག་པར་བྱ་བར་ཡོངས་སུ་བསྔོ་བར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་ཡོངས་སུ་བཀང་ནས། དཀོན་མཆོག་གསུམ་ལ་དབུལ་བར་འབུལ་ཏེ། ཕུལ་ནས་ཀྱང་བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་རིན་པོ་ཆེ་སྣ་བདུན་ལས་གྲུབ་
Kha423b
པར་གྱུར་ཅིག་ཅེས་དགའ་བའི་ཡིད་ཀྱིས་དེ་ལྟར་ཡོངས་སུ་བསྔོ་བར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་མཆོད་རྟེན་རྣམས་ལ་ལྷ་དང་མིའི་རོལ་མོའི་སྒྲ་དག་གིས་མཆོད་དེ། མཆོད་ནས་ཀྱང་དགེ་བའི་རྩ་བ་དེ་སེམས་ཅན་ཐམས་ཅད་དང་ཐུན་མོང་དུ་བྱས་ནས་བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་དེ་ན་ལྷའི་རོལ་མོའི་སྒྲ་རྟག་ཏུ་འབྱུང་བར་གྱུར་ཅིག་ཅེས་དེ་ལྟར་ཡོངས་སུ་བསྔོ་བར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྷའི་སྤོས་རྣམས་ཀྱིས་ཡོངས་སུ་བཀང་ནས་དེ་བཞིན་གཤེགས་པ་རྣམས་དང ། དེ་བཞིན་གཤེགས་པའི་མཆོད་རྟེན་རྣམས་ལ་རྟག་ཏུ་དབུལ་བ་འབུལ་ཏེ། ཕུལ་ནས་ཀྱང་དགེ་བའི་རྩ་བ་དེ་སེམས་ཅན་ཐམས་ཅད་དང་ཐུན་མོང་དུ་བྱས་ནས་བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་དེར་ལྷའི་སྔོས་ཀྱི་དྲི་རྟག་ཏུ་འབྱུང་བར་གྱུར་ཅིག་ཅེས་དེ་ལྟར་ཡོངས་སུ་བསྔོ་བར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་རྣམས་དང ། བྱང་ཆུབ་སེམས་དཔའ་རྣམས་དང ། རང་སངས་རྒྱས་རྣམས་དང ། དེ་བཞིན་གཤེགས་པའི་མཆོད་རྟེན་རྣམས་དང ། དེ་བཞིན་གཤེགས་པའི་ཉན་ཐོས་རྣམས་ལ་ཟས་རོ་བརྒྱ་དང་ལྡན་པ་འབུལ་བར་
Kha424a
༄#། །བྱེད་ཅིང ། ཕུལ་ནས་ཀྱང་བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་དེ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དང ། སེམས་ཅན་ཐམས་ཅད་ལྷའི་ཞལ་ཟས་རོ་བརྒྱ་དང་ལྡན་པར་གྱུར་ཅིག་ཅེས་དེ་ལྟར་ཡོངས་སུ་བསྔོ་བར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་དེ་བཞིན་གཤེགས་པ་རྣམས་དང ། དེ་བཞིན་གཤེགས་པའི་མཆོད་རྟེན་རྣམས་དང ། བྱང་ཆུབ་སེམས་དཔའ་རྣམས་དང ། རང་སངས་རྒྱས་རྣམས་དང ། དེ་བཞིན་གཤེགས་པའི་ཉན་ཐོས་རྣམས་ལ་ལྷའི་དང ། མིའི་བྱུག་པ་རྣམས་འབུལ་བར་བྱེད་དེ། ཕུལ་ནས་ཀྱང་བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་དེར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དང ། སེམས་ཅན་ཐམས་ཅད་ལྷའི་བྱུག་པ་དང་ལྡན་པར་གྱུར་ཅིག་ཅེས་དེ་ལྟར་ཡོངས་སུ་བསྔོ་བར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཡིད་ལས་བྱུང་བ། བརྣག་པས་བསྐྱེད་པ། འདོད་པའི་ཡོན་ཏན་ལྔ་པོ་དག་དེ་བཞིན་གཤེགས་པ་རྣམས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང ། རང་སངས་རྒྱས་
Kha424b
རྣམས་དང ། དེ་བཞིན་གཤེགས་པའི་ཉན་ཐོས་རྣམས་ལ་འབུལ་བར་བྱེད་དེ། ཕུལ་ནས་ཀྱང་བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་དེ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དང ། སེམས་ཅན་ཐམས་ཅད་ཀྱི་འདོད་པའི་ཡོན་ཏན་ལྔ་པོ་དག་ཡིད་ལས་བྱུང་བ། བརྣག་པས་བསྐྱེད་པ་ཡིད་དུ་འོང་བར་གྱུར་ཅིག་ཅེས་དེ་ལྟར་ཡོངས་སུ་བསྔོ་བར་བྱེད་དོ། །རབ་འབྱོར། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། འདི་སྙམ་དུ་སེམས་ཏེ།་བདག་གིས་ཀྱང་བསམ་གཏན་དང་པོ་ལ་སྙོམས་པར་འཇུག་པར་བྱ། སེམས་ཅན་ཐམས་ཅད་ཀྱང་བསམ་གཏན་དང་པོ་ལ་ཡང་དག་པར་འཛིན་དུ་གཞུག་པར་བྱ། གཟུད་པར་བྱ།་དགོད་པར་བྱའོ། །དེ་བཞིན་དུ་སྦྱར་ཏེ། བདག་གིས་ཀྱང་བསམ་གཏན་བཞི་པའི་བར་དག་ལ་སྙོམས་པར་འཇུག་པར་བྱ། སེམས་ཅན་ཐམས་ཅད་ཀྱང་བསམ་གཏན་བཞི་པ་ཡང་དག་པར་འཛིན་དུ་འཇུག་པར་བྱ། གཟུད་པར་བྱ། དགོད་པར་བྱའོ། །དེ་བཞིན་དུ་སྦྱར་ཏེ། ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞིའི་བར་དག་ལ་གཟུད་པར་བྱ། དགོད་པར་བྱའོ། །དེ་བཞིན་དུ་བདག་གིས་ཀྱང་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་བསྒོམ་པར་བྱའོ། །སེམས་ཅན་ཐམས་ཅད་ཀྱང་བྱང་ཆུབ་ཀྱི་ཕྱོགས་
Kha425a
༄#། །ཀྱི་ཆོས་སུམ་ཅུ་རྩ་བདུན་ལ་གཟུད་པར་བྱ། དགོད་པར་བྱའོ། །བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་དེ་ན་ཅི་ནས་ཀྱང་སེམས་ཅན་ཐམས་ཅད་བསམ་གཏན་བཞི་དང་མི་འབྲལ་བར་བྱའོ། །ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་དང ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་གྱི་བར་དང་མི་འབྲལ་བར་བྱའོ་སྙམ་དུ་སེམས་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དེ་ལྟར་སངས་རྒྱས་ཀྱི་ཞིང་ཡོངས་སུ་དག་པར་བྱེད་དོ། །དེ་བྱང་ཆུབ་དེ་ལ་སྤྱོད་པས་དེའི་བསམ་པ་དེ་དག་ཐམས་ཅད་ཡོངས་སུ་རྫོགས་པར་འགྱུར་རོ། ། དེ་བདག་ཀྱང་དགེ་བའི་ཆོས་ཐམས་ཅད་དང་ལྡན་པར་འགྱུར་རོ། །གཞན་དག་ཀྱང་དགེ་བའི་ཆོས་ཐམས་ཅད་དང་ལྡན་པ་ཡང་དག་པར་འཛིན་དུ་འཇུག་གོ་།འཛུད་དོ། །འགོད་དོ། །དེ་སེམས་ཅན་དེ་དག་ལ་རང་གི་ལུས་གཟུགས་བཟང་བའང་སྟོན་ཏོ། །དེའི་རྒྱུའང་བརྗོད་དོ། །སེམས་ཅན་དེ་དག་གིས་མཐོང་ནས་འདོད་པ་སྐྱེད་དེ། དེ་འདྲ་བ་ཁོ་ནའི་རྒྱུའི་སྤྱོད་པ་ལ་འཇུག་ཅིང ། སེམས་ཅན་དེ་དག། འདི་ལྟ་སྟེ། བསོད་ནམས་ཀྱི་སྟོབས་ཡོངས་སུ་བཟུང་བས། མཐར་གྱིས་དེ་འདྲ་བའི་ལུས་གཟུགས་བཟང་བ་མངོན་པར་འགྲུབ་བོ། །དེས་སེམས་
Kha425b
ཅན་གང་དག་ཡོངས་སུ་སྨིན་པར་བྱས་པ་དེ་དག་ཐམས་ཅད་ཀྱང་དེ་ཉིད་དང་ལྷན་ཅིག་ཏུ་སངས་རྒྱས་ཀྱི་ཞིང་དེར་སྐྱེ་བར་འགྱུར་རོ། །སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་བའི་སྒྲ་འབྱུང་བ་ཡང་ན་ནང་གི་སྒྲ་མིད་པ་དང ། མཆུ་དང ། སོ་དང ། ལྕེ་དང ། རྐན་ལ་སོགས་པའི་འབད་པས་བསྐྱེད་པ་རྣམས་སམ། ཡང་ན་ཕྱི་རོལ་གྱི་སྒྲ་རླུང་གིས་བསྐྱོད་པ་སྟོང་པ་ཉིད་དང།་མཚན་མ་མེད་པ་དང ། སྨོན་པ་མེད་པའི་སྒྲ་འབྱུང་བ་ཇི་ལྟར་ཆོས་དེ་དག་ངོ་བོ་ཉིད་ཀྱིས་སྐྱེ་བ་མེད་པ་དང ། ཆོས་ཐམས་ཅད་ནི་ཆོས་ཐམས་ཅད་ཀྱིས་སྟོང་སྟེ། གང་གི་ཕྱིར་སྟོང་པ་དེའི་ཕྱིར་དེ་དག་ལ་མཚན་མ་མེད་དོ། །གང་ལ་མཚན་མ་མེད་པ་དེ་ལ་སྨོན་པ་མེད་དེ། འགྲེང་ཡང་རུང ། འདུག་ཀྱང་རུང ། ཉལ་ཡང་རུང ། འཆག་ཀྱང་རུང ། ཉིན་མཚན་དུ་ཆོས་བསྟན་པ་འདི་ལྟ་བུ་འབྱུང་བ་མ་གཏོགས་པར་དེའི་སངས་རྒྱས་ཀྱི་ཞིང་དེ་ཡོངས་སུ་དག་པར་མ་གྱུར་པ་གང་ན། ངན་སོང་གསུམ་གདགས་པ་ཡོད་པ་དང ། ལྟ་བར་གྱུར་པ་རྣམས་སམ། འདོད་ཆགས་དང ། ཞེ་སྡང་དང ། གཏི་མུག་རྣམས་སམ། ཉན་ཐོས་དང ། རང་སངས་རྒྱས་དག་གམ། མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་རྣམས་གདགས་པ་ཡོད་པ་དང ། དེ་བཞིན་དུ་ངར་འཛིན་པ་དང ། ང་ཡིར་འཛིན་པ་དང ། ཡོངས་སུ་འཛིན་པ་དང ། བག་ལ་ཉལ་བ་དང ། ཀུན་ནས་དཀྲིས་པ་རྣམས་དང ། འབྲས་བུ་གདགས་པ་ཡོད་པའི་སངས་རྒྱས་ཀྱི་ཞིང་
Kha426a
༄#། །དེར་བྱང་ཆུབ་སེམས་དཔའ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཤིང ། བྱང་ཆུབ་སེམས་དཔའ་དེ་བྱང་ཆུབ་ཐོབ་ནས་ཕྱོགས་བཅུའི་འཇིག་རྟེན་གྱི་ཁམས་རྣམས་ན། སངས་རྒྱས་བཅོམ་ལྡན་འདས་གང་དག་བཞུགས་པ་དེ་དག་ཐམས་ཅད་དེའི་བསྔགས་པ་བརྗོད་པར་འགྱུར་རོ། །སེམས་ཅན་གང་དག་གིས་དེ་བཞིན་གཤེགས་པ་དེའི་མིང་ཐོས་པ་དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རང་གིས་སངས་རྒྱས་པར་འགྱུར་རོ། །དེ་བཞིན་གཤེགས་པ་དེའི་ཆོས་སྟོན་པ་ན་ཆོས་འདི་ནི་ཆོས་མ་ཡིན་ནོ་ཞེས་སེམས་ཅན་གང་ཡང་ཆོས་དེ་ལ་ཐེ་ཚོམ་ཟ་བར་མི་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཆོས་རྣམས་ཀྱི་དེ་བཞིན་ཉིད་གང་ཡིན་པ་དེ་ལ་ནི་ཆོས་གང་ཡང་མེད་པར་སེམས་ཅན་དེ་དག་གིས་དེ་བཞིན་དུ་ཤེས་པའི་ཕྱིར་ཏེ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སངས་རྒྱས་ཀྱི་ཞིང་ཡོངས་སུ་དག་པར་བྱེད་དོ། །རབ་འབྱོར། གཞན་ཡང་སེམས་ཅན་གང་དག་མི་དགེ་བའི་རྩ་བ་རྣམས་དང་ལྡན་ཞིང ། སངས་རྒྱས་རྣམས་དང ། བྱང་ཆུབ་སེམས་དཔའ་རྣམས་དང ། ཉན་ཐོས་རྣམས་ལ་དགེ་བའི་རྩ་བ་མ་བསྐྱེད་པ། སྡིག་པའི་གྲོགས་པོས་ཟིན་པ་དག་དང ། གང་དག་དམ་པའི་ཆོས་ཐོས་ན་ལྟ་བའི་རྣམ་པ་གང་དག་གིས་ཞུས་
Kha426b
པར་འགྱུར་བ། འདི་ལྟ་སྟེ། བདག་ཏུ་ལྟ་བ་དང ། ཆད་པར་ལྟ་བ་དང ། འདི་ལྟ་སྟེ། རྟག་པ་དང ། ཆད་པ་གཉིས་ཀྱི་བར་ལ་གནས་ཏེ། ཡོད་\?\་དོ་ཞེས་བདག་གིས་ཀྱང་ལོག་པར་འཛིན་པ་བཟུང་ལ། གཞན་དག་ཀྱང་ལོག་པར་འཛིན་དུ་འཇུག་པ་དང ། ཡང་དག་པར་རྫོགས་པའི་སངས་རྒྱས་མ་ཡིན་པ་དག་ལ་ཡང་དག་པར་རྫོགས་པའི་སངས་རྒྱས་སུ་འདུ་ཤེས་ཤིང ། ཡང་དག་པར་རྫོགས་པའི་སངས་རྒྱས་དག་ལ་ཡང་དག་པར་རྫོགས་པའི་སངས་རྒྱས་མ་ཡིན་པར་འདུ་ཤེས་པ་དང ། ཆོས་མ་ཡིན་པ་ལ་ཆོས་སུ་སྨྲ་ཞིང ། དམ་པའི་ཆོས་ཡོངས་སུ་སྤོང་བ་དེ་དག་དམ་པའི་ཆོས་ཡོངས་སུ་སྤངས་ནས་ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་དེ་དག་ལ་ཕན་གདགས་པའི་ཕྱིར་སེམས་ཅན་དམྱལ་བ་དེར་སོང་ནས། སེམས་ཅན་དེ་དག་སྡིག་པ་ཅན་གྱི་ལྟ་བའི་རྣམ་པ་དེ་དག་དང་ཕྲལ་ནས། དེ་དག་སེམས་ཅན་དམྱལ་བ་དེ་དག་ནས་ཤི་འཕོས་ཏེ་མི་རྣམས་དང་སྐལ་བ་མཉམ་པར་སྐྱེའོ། །དེར་སྐྱེས་པ་རྣམས་ནི་ཡང་དག་པ་ཉིད་དུ་ངེས་པའི་ཚོགས་ལ་འགོད་པར་བྱེད་དེ། ཅི་ནས་ཀྱང་ཡང་ངན་སོང་རྣམས་སུ་མི་ལྟུང་ཞིང་དེ་ཉིད་དང་ལྷན་ཅིག་ཏུ་སངས་རྒྱས་ཀྱི་ཞིང་འདིར་སྐྱེ་བར་འགྱུར་བ་དེ་ལྟར་ཡོངས་སུ་འགོད་པར་བྱེད་དོ། རབ་འབྱོར། བྱང་ཆུབ་སེམས་དཔའ་སེམས་དཔའ་
Kha427a
༄#། །ཆེན་པོ་ནི་ཅི་ནས་ཀྱང་སངས་རྒྱས་ཀྱི་ཞིང་ཡོངས་སུ་དག་པ་དེར་སེམས་ཅན་དེ་དག་དེར་སྐྱེས་ནས། འདི་ལྟ་སྟེ། འཇིག་རྟེན་པ་རྣམས་སམ། འཇིག་རྟེན་ལས་འདས་པ་རྣམས་སམ། ཟག་པ་དང་བཅས་པ་རྣམས་སམ། ཟག་པ་མེད་པ་རྣམས་སམ། འདུས་བྱས་རྣམས་སམ། འདུས་མ་བྱས་རྣམས་སམ། ཆོས་གང་ལའང་ཡིད་གཉིས་ཟ་བར་མི་འགྱུར་པ་ནས། སེམས་ཅན་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་བའི་བར་དུ་དེ་ལྟར་སངས་རྒྱས་ཀྱི་ཞིང་ཡོངས་སུ་དག་པར་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དག་པ་ཉིད་ཀྱི་ཚོགས་ལ་ངེས་པ་ལགས་སམ། འོན་ཏེ་ཉན་ཐོས་ཀྱི་ཚོགས་ལ་ངེས་པ་ལགས་སམ། འོན་ཏེ་རང་སངས་རྒྱས་ཀྱི་ཚོགས་ལ་ངེས་པ་ལགས་སམ། བཙུན་པ་བཅོམ་ལྡན་འདས། ཚོགས་གང་ལ་ངེས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཉན་ཐོས་ཀྱི་ཚོགས་ལ་ངེས་པ་མ་ཡིན། རང་སངས་རྒྱས་ཀྱི་ཚོགས་ལ་ངེས་པ་མ་ཡིན་གྱི། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཡང་དག་པར་རྫོགས་པའི་སངས་རྒྱས་ཀྱི་ཚོགས་ལ་ངེས་པ་ཡིན་ནོ། །གསོལ་པ། བཙུན་པ་བཅོམ་
Kha427b
ལྡན་འདས། ཅི་དང་པོ་སེམས་བསྐྱེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ངེས་པ་ཞེས་བགྱིའམ། འོན་ཏེ་སྲིད་པ་ཐ་མ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དང་པོ་སེམས་བསྐྱེད་པའི་བྱང་ཆུབ་སེམས་དཔའ་སེམས་དཔའ་ཆེན་པོའང་ངེས་པ་ཡིན་ནོ། །ཕྱིར་མི་ལྡོག་པ་དང ། སྲིད་པ་ཐ་མ་པའང་ངེས་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས། ཅི་ཡང་དག་པ་ཉིད་དུ་ངེས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ལགས་སམ། དེ་སྐད་ཅེས་གསོལ་པ་དང།་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ཇི་སྙམ་དུ་སེམས། བརྒྱད་པའམ། རྒྱུན་དུ་ཞུགས་པའམ། ལན་གཅིག་ཕྱིར་འོང་བའམ། ཕྱིར་མི་འོང་བའམ། དགྲ་བཅོམ་པ་ཉིད་དམ། རང་བྱང་ཆུབ་ངན་སོང་རྣམས་སུ་སྐྱེ་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོའང་དང་པོ་སེམས་བསྐྱེད་ཕྱིན་ཆད་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད།་དེ་བཞིན་དུ་ཚུལ་ཁྲིམས་སྲུང ། བཟོད་པ་སྒྲུབ། དགེ་བའི་ཆོས་རྣམས་ལ་བརྩོན་འགྲུས་རྩོམ། བསམ་གཏན་རྣམས་ལ་སྙོམས་པར་འཇུག་།ཤེས་རབ་སྒོམ་ཞིང ། མི་དགེ་བའི་
Kha428a
༄#། །ཆོས་ཐམས་ཅད་སྤངས་ནས་གནས་པ་དེ། ངན་སོང་དུ་སྐྱེ་བའམ། ལྷ་ཚེ་རིང་པོའི་ནང་དུ་སྐྱེ་བའི་གནས་མེད་དོ། །གང་ན་དགེ་བའི་ཆོས་རྣམས་མི་སྤྱོད་པ་མཐའ་འཁོ་བ་པ་རྣམས་ཀྱི་ནང་དུའམ། ཀླ་ཀློའི་མི་རྣམས་ཀྱི་ནང་དུ་སྐྱེ་བའམ། ལོག་པར་ལྟ་བའི་ཁྱིམ་རྣམས་སམ། མཐའ་འཁོབ་པའི་མི་རྣམས་ཀྱི་ནང་དུ་སྐྱེ་བའམ། འཁོར་བཞི་པོ། འདི་ལྟ་སྟེ། དགེ་སློང་གི་འཁོར་རམ། དགེ་སློང་མའི་འཁོར་རམ། དགེ་བསྙེན་གྱི་འཁོར་རམ། དགེ་བསྙེན་མའི་འཁོར་གང་དུ་འབྱུང་བར་མི་འགྱུར་བ་དེར་སྐྱེ་བར་འགྱུར་བ་དེ་ནི་གནས་མེད་དོ། །གང་ན་སངས་རྒྱས་ཀྱི་སྒྲའམ། ཆོས་ཀྱི་སྒྲའམ། དགེ་འདུན་གྱི་སྒྲ་མི་གྲགས་པའམ། བྱ་བ་མེད་པ་དང ། ལྟ་བའི་སྒྲ་གྲགས་པར་འགྱུར་བ་དེར་སྐྱེ་བར་འགྱུར་བ་དེ་ནི། གནས་མེད་དེ། རབ་འབྱོར། དང་པོ་སེམས་བསྐྱེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་ནས་མི་དགེ་བ་བཅུའི་ལས་ཀྱི་ལམ་ཡང་དག་པར་བླངས་ཏེ་འདུག་པ་དེ་ནི་གནས་མེད་དོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དུ་མ་དང་ལྡན་པ་ལགས་ན། ཅིའི་སླད་དུ་དུད་
Kha428b
འགྲོའི་སྐྱེ་གནས་སུ་སྐྱེ་ཞིང ། དེ་བཞིན་གཤེགས་པས་ཉིད་ཀྱི་སྐྱེས་པའི་རབས་སྟོན། དེ་དག་འཁོར་བཞི་པོ་དག་གི་མདུན་དུ་བསྟན་པ་མཛད། དགེ་བའི་རྩ་བ་དེ་ལྟ་བུ་དེ་དག་ནི་སླད་རོལ་\?\་ཏུ་གྱུར་པ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོ་ནི་མི་དགེ་བའི་ལས་ཀྱིས་དུད་འགྲོའི་སྐྱེ་གནས་སུ་སྐྱེ་བའི་ལུས་ཡོངས་སུ་འཛིན་པ་མ་ཡིན་གྱི། ལུས་གང་གིས་དོན་བྱེད་ནུས་པའི་ལུས་དེ་སེམས་ཅན་རྣམས་ཀྱི་དོན་གྱི་ཕྱིར་ཡོངས་སུ་འཛིན་ཏོ། །རབ་འབྱོར། བྱང་ཆུབ་སེམས་དཔའ་དུད་འགྲོའི་སྐྱེ་གནས་སུ་སྐྱེས་པ་ཐབས་ལ་མཁས་པ་གང་དང་ལྡན་པ་དང ། གསད་པ་གང་དག་ཡིན་པའི་གན་དུ་འགྲོ་ཞིང།་དེ་དག་དང ། བདག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱེད་པ་དང ། གསད་པ་དེ་དག་ལ་རྣམ་པར་འཚེ་བར་ཡང་མི་བྱེད་པའི་ཐབས་ལ་མཁས་པ་དེ་དགྲ་བཅོམ་པ་རྣམས་དང ། རང་སངས་རྒྱས་རྣམས་ལ་ཅིག་ཡོད་དམ། རབ་འབྱོར། རྣམ་གྲངས་དེས་ན་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོས་ཡོངས་སུ་ཟིན་པ་ནི་སྙིང་རྗེ་ཆེན་པོ་ཡོངས་སུ་རྫོགས་པར་བྱེད་ཅིང ། སེམས་ཅན་གྱི་དོན་གྱི་ཕྱིར་དུད་འགྲོའི་སྐྱེ་གནས་སུ་སྐྱེའང་དུད་འགྲོའི་སྐྱེ་གནས་སུ་གྱུར་པའི་སྐྱོན་
Kha429a
༄#། །རྣམས་ཀྱིས་ཀྱང་མི་གོས་པ་དེ་ལྟར་རིག་པར་བྱའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་ཆོས་གང་དག་ལ་གནས་ནས། དུད་འགྲོའི་སྐྱེ་གནས་སུ་སྐྱེས་པའི་ལུས་རྣམས་ཡོངས་སུ་འཛིན་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་གང་དག་ཡོངས་སུ་རྫོགས་པར་བྱ་བ་དེ་དག་གང་ཞེ་ན། རབ་འབྱོར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་དགེ་བའི་ཆོས་ཐམས་ཅད་ཡོངས་སུ་རྫོགས་པ་ཡིན་པས། རབ་འབྱོར། བྱང་ཆུབ་སེམས་དཔའ་སེམས་ཆེན་པོས་དང་པོ་སེམས་བསྐྱེད་པ་ཁོ་ན་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ་དགེ་བའི་ཆོས་གང་ཡོངས་སུ་རྫོགས་པར་མི་བྱ་བ་གང་ཡང་མེད་དེ། གང་མ་རྫོགས་པར་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་དེ་ནི་གནས་མེད་དོ། །རབ་འབྱོར། དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོས་དང་པོ་སེམས་བསྐྱེད་པ་ནས་བཟུང་སྟེ་བྱང་ཆུབ་ཀྱི་སྙིང་པོ་ལ་འདུག་གི་བར་དུ་དགེ་བའི་ཆོས་ཐམས་ཅད་ཡོངས་སུ་རྫོགས་པར་བྱ་བ་ལ་བསླབ་པར་བྱའོ། །དེ་དེ་ལ་
Kha429b
བསླབས་ན་རྣམ་པ་ཐམས་ཅད་མཁྱེན་པ་ཉིད་ཐོབ་པར་འགྱུར། ཉོན་མོངས་པ་དང་བག་ཆགས་ཀྱི་མཚམས་སྦྱོར་བ་ཐམས་ཅད་ཀྱང་སྤོང་བར་འགྱུར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་དཀར་པོའི་ཆོས་ཐམས་ཅད་དང་ལྡན་པ་ནས། འཕགས་པའི་ཡེ་ཤེས་ཀྱི་བར་དང་ལྡན་པ་ཇི་ལྟར་ངན་སོང་རྣམས་སུ་སྐྱེ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར། འདི་ཇི་སྙམ་དུ་སེམས། དེ་བཞིན་གཤེགས་པ་འཕགས་པ་དང ། ཟག་པ་མེད་པ་ཡིན་ནམ། གསོལ་པ། བཙུན་པ་བཅོམ་ལྡན་འདས། དེ་དེ་ལྟ་ལགས་སོ། །བཙུན་པ་བདེ་བར་གཤེགས་པ། དེ་དེ་ལྟ་ལགས་ཏེ། དེ་བཞིན་གཤེགས་པ་ནི་འཕགས་པ་དང ། ཟག་པ་མི་མངའ་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ཇི་སྙམ་དུ་སེམས། དེ་བཞིན་གཤེགས་པས་དུད་འགྲོའི་སྐྱེ་གནས་སུ་སྐྱེས་པའི་སྲོག་ཆགས་ཀྱི་ལུས་ཤིག་མངོན་པར་སྤྲུལ་ཏེ། མངོན་པར་སྤྲུལ་ནས་ཀྱང་སངས་རྒྱས་ཀྱི་མཛད་པ་བྱེད་དམ། གསོལ་པ། བཙུན་པ་བཅོམ་ལྡན་འདས། དེ་ལྟ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། འདི་ཇི་སྙམ་དུ་
Kha430a
༄#། །སེམས། དེ་བཞིན་གཤེགས་པ་དུད་འགྲོའི་སྐྱེ་གནས་པ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པའི་ལམ་ཟག་པ་མེད་པའི་ཡེ་ཤེས་དང་ལྡན་པའང་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་ལུས་གང་གིས་འགྲོ་བ་ལྔ་པོ་དག་ཏུ་ཅི་རིགས་པར་སེམས་ཅན་རྣམས་ཡོངས་སུ་སྨིན་པར་བྱེད་པ་དེ་ལྟ་བུའི་ལུས་བསམ་བཞིན་དུ་ཡོངས་སུ་འཛིན་ཏོ།། རབ་འབྱོར། འདི་ཇི་སྙམ་དུ་སེམས། དཔེར་ན། དགྲ་བཅོམ་པས་དགྲ་བཅོམ་པ་ཟག་པ་ཟད་པ་ཞིག་མངོན་པར་སྤྲུལ་ཏེ། མངོན་པར་སྤྲུལ་ནས་དགྲ་བཅོམ་པའི་ལས་རྣམས་བྱེད་དུ་བཅུག་ན། ལས་དེ་དག་གིས་འཁོར་བཞི་པོ་དག་དགའ་བ་བསྐྱེད་དམ། གསོལ་པ། བཙུན་པ་བཅོམ་ལྡན་འདས། དེ་དེ་ལྟ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཟག་པ་མེད་པའི་ཡེ་ཤེས་དང་ལྡན་པའང་ལུས་གང་གིས་སེམས་ཅན་རྣམས་ཀྱི་དོན་སྤྱོད་པ་བྱེད་པའི་ལུས་དེ་ལྟ་བུ་ཡོངས་སུ་འཛིན་ཏེ། ལུས་ཡོངས་སུ་བཟུང་བ་དེས་སྡུག་བསྔལ་གྱི་ཚོར་བ་མྱོང་བར་ཡང་མི་འགྱུར་ལ། དེ་དང་མཐུན་པའི་སྐྱོན་གྱིས་ཀྱང་མི་གོས་སོ། །རབ་
Kha430b
འབྱོར། འདི་ཇི་སྙམ་དུ་སེམས། སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོ་ཕལ་པོ་ཆེའི་མདུན་དུ་གླང་པོ་ཆེའི་གཟུགས་སྟོན་ཏམ། རྟའི་གཟུགས་སམ། གླང་གི་གཟུགས་སྟོན་ཏམ། སྲོག་ཆགས་ཀྱི་རྣམ་པ་གཞན་དག་ཀྱང་སྟོན་ན། རབ་འབྱོར། འདི་ཇི་སྙམ་དུ་སེམས། སྒྱུ་མ་མཁན་གྱི་སློབ་མ་ངས་བསྟན་པ་དེ་གླང་པོ་ཆེར་འགྱུར་བའམ། རྟའམ། གླང་ངམ། སྲོག་ཆགས་ཀྱི་རྣམ་པ་གཞན་དག་ཏུ་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས། དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཟག་པ་མེད་པའི་ཡེ་ཤེས་དང་ལྡན་པའང་ལུས་ཇི་ལྟ་བུས་སེམས་ཅན་རྣམས་ཀྱི་དོན་བྱེད་པའི་ལུས་དེ་ལྟ་བུ་བསམ་བཞིན་དུ་སྟོན་ཀྱང ། དེ་དང་ལྡན་པའི་ཡིད་ལ་བྱེད་པས་ཀྱང་མི་གོས་སོ། །དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཡེ་ཤེས་དང་ལྡན་པ་འདི་ལྟར་ལུས་གང་དང་གང་གིས་སེམས་ཅན་རྣམས་ཀྱི་དོན་བགྱིད་རྔོ་ཐོགས་པའི་ལུས་དེ་དང་དེ་ཡོངས་སུ་འཛིན་པ་ནི་ཐབས་ལ་མཁས་པ་ཆེན་པོ་ལགས་ན། བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གང་དག་ལ་གནས་ནས། ཐབས་ལ་མཁས་
Kha431a
༄#། །པ་འདི་ལྟ་བུ་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཐབས་ལ་མཁས་པ་འདི་ལྟ་བུ་འདི་བྱེད་དེ། ཐབས་ལ་མཁས་པ་དེས་ཕྱོགས་བཅུ་དག་ཏུ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་སོང་ནས། སེམས་ཅན་དེ་དག་གི་དོན་བྱེད་ཀྱང་དེ་དག་ལ་འདོད་པ་མི་བསྐྱེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་གང་འདོད་པར་བྱེད་པའམ། གང་ལ་འདོད་པར་བྱེད་པའི་ཆོས་དེ་དག་ཐམས་ཅད་མི་དམིགས་པའི་ཕྱིར་རོ། །དེ་ཅིའི་ཕྱིར་ཞེ་ན། རབ་འབྱོར། འདི་ལྟར་ཆོས་ཐམས་ཅད་ནི་ངོ་བོ་ཉིད་ཀྱིས་སྟོང་པ་སྟེ། སྟོང་པ་ཉིད་ནི་འདོད་པར་མི་བྱེད་ཅིང་སྟོང་པ་ཉིད་ལ་འདོད་པར་བྱེད་པ་སུའང་མེད་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་དེ་སྟོང་པ་ཉིད་ལ་སྟོང་པ་ཉིད་མི་དམིགས་པའི་ཕྱིར་རོ། །རབ་འབྱོར། འདི་ནི་མི་དམིགས་པ་སྟོང་པ་ཉིད་ཡིན་ཏེ། དེ་ལ་གནས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། །ཤེས་རབ་ཀྱི་ཕ་རོལ་ཏུ་ཕྱིན་པའི་ལེའུའི་ཆོས་ཀྱི་རྣམ་གྲངས་འདི་བསྟན་པ་ན། ས་ཆེན་པོ་འདི་རྣམ་པ་དྲུག་ཏུ་གཡོས་ཏེ། གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ། །ལྡེག་།རབ་ཏུ་ལྡེག་གོ་།ཀུན་ཏུ་རབ་ཏུ་ལྡེག་གོ་།ཤར་ཕྱོགས་མཐོ་ན། ནུབ་ཕྱོགས་དམའོ། །
Kha431b
ནུབ་ཕྱོགས་མཐོ་ན། ཤར་ཕྱོགས་དམའོ། །ལྷོ་ཕྱོགས་མཐོ་ན། བྱང་ཕྱོགས་དམའོ། །བྱང་ཕྱོགས་མཐོ་ན། ལྷོ་ཕྱོགས་དམའོ། །དབུས་མཐོ་ན་མཐའ་དམའོ། །མཐའ་མཐོ་ན་དབུས་དམའོ། །སྟེང་གི་བར་སྣང་ལའང་ལྷ་བྱེ་བ་ཁྲག་ཁྲིག་འབུམ་ཕྲག་དུ་མས་ལྷའི་སིལ་སྙན་བསྒྲགས་སོ། །ལྷ་བྱེ་བ་དག་གིས་ཀྱང་ལྷའི་མེ་ཏོག་ཨུཏྤལ་དང ། ཀུ་མུད་དང ། པདྨ་དཀར་པོའི་མེ་ཏོག་གི་ཆར་ཆེན་པོ་ཕབ་བོ། །འདི་ལྟ་སྟེ། ལོང་བ་རྣམས་ཀྱིས་མིག་རྙེད་པ་དང ། འོན་པ་རྣམས་ཀྱིས་ཐོས་པ་རྙེད་པ་དང ། སྨྱོན་པ་རྣམས་ཀྱིས་དྲན་པ་རྙེད་པ་དང ། སེམས་རྣམ་པར་གཡེངས་པ་རྣམས་ཀྱིས་མཉམ་པར་བཞག་པ་རྙེད་པ་དང ། སིལ་སྙན་བྱེ་བ་ཕྲག་འབུམ་ཡང་མ་དཀྲོལ་བར་སྒྲ་བྱུང་བར་འགྱུར་ཏེ། རྨད་དུ་བྱུང་བའི་ཆོས་དུ་མ་འཇིག་རྟེན་དུ་བྱུང་བར་གྱུར་ཏོ།། ལྷ་དང་མི་སངས་རྒྱས་ཀྱི་ཞིང་རྡུལ་ཕྲ་རབ་སྙེད་དག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །སེམས་ཅན་ཛམྦུ་གླིང་གི་རྡུལ་ཕྲ་རབ་སྙེད་དག་ནི། འདི་ལྟ་སྟེ། ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་སྟེ། ཆོས་མངོན་པར་རྟོགས་པར་གྱུར་ཏོ། །བྱང་ཆུབ་སེམས་དཔའ་གངྒཱའི་ཀླུང་གི་བྱེ་མ་སྙེད་དག་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །སེམས་ཅན་དུ་མ་ནི་ཏིང་ངེ་འཛིན་དང ། གཟུངས་དང ། ས་ཐོབ་པར་གྱུར་ཏོ། །སེམས་ཅན་དཔག་ཏུ་མེད་པ། གྲངས་མེད་པ་དག་ནི་
Kha432a
༄#། །ངན་སོང་གསུམ་པོ་དག་ནས་ཤི་འཕོས་ནས། ལྷ་དང་མི་རྣམས་ཀྱི་ནང་དུ་སྐྱེས་སོ། །ཐམས་ཅད་དང་ལྡན་པའི་འཁོར་དེས་ཀྱང་དགེ་སློང་ཤཱ་རདྭ་ཏིའི་བུ་དང ། རབ་འབྱོར་གྱིས་ཞུས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ལེའུ་འདི་ཉིད་ཚིག་དང་ཡི་གེའི་འབྲུ་ལྷག་ཆད་མེད་པ་འདི་དག་གིས་སྟོན་པའི་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་དག་ཕྱོགས་བཅུ་ཀུན་ཏུ་མཐོང་ངོ ། །སངས་རྒྱས་ཀྱི་ཞིང་ཐམས་ཅད་དུའང ། ་ལ་ལ་སེམས་ཅན་དཔག་ཏུ་མེད། གྲངས་མེད། བསམ་གྱིས་མི་ཁྱབ། མཚུངས་པ་མེད་པ་དག་གིས་ཆོས་མངོན་པར་རྟོགས་པར་གྱུར་པ་འདི་ནི་འཇིག་རྟེན་དུ་སངས་རྒྱས་བཅོམ་ལྡན་འདས་རྣམས་ཀྱིས་ཆོས་ཀྱི་འཁོར་ལོ་བསྐོར་བ་གཉིས་པ་ཡིན་ནོ་ཞེས་དེ་ལྟ་བུའི་སྒྲ་དེ་སངས་རྒྱས་ཀྱི་ཞིང་དེ་དག་ཐམས་ཅད་ཀྱི་འཁོར་གྱི་དཀྱིལ་འཁོར་རྣམས་སུ་བྱུང་བར་གྱུར་ཏོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མངོན་པར་བྱང་ཆུབ་པའི་ལེའུ་ཞེས་བྱ་སྟེ་སུམ་ཅུ་གཉིས་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། སེམས་ཅན་གྱི་རིས་ན་སེམས་ཅན་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་བཤད་པ་འདི་ལ་དད་པ་མི་བསྐྱེད། དགའ་བ་དང ། དང་བ་དང ། ལྷག་པའི་བསམ་པས་མོས་པ་མི་བསྐྱེད་ཅིང །
Kha432b
ལུས་དང་སེམས་ཀྱིས་ཀྱང་ཚོགས་པ་སྩོལ་བར་མི་བགྱིད་ལ། འཁོར་དེ་ནས་ཀྱང་མཆི་བར་བགྱིད་ཅིང ། གོང་དུའང་སྤོང་ལ་སྤོང་བར་བགྱིད་པ་འགའ་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། སེམས་ཅན་གྱི་རིས་ན་སེམས་ཅན་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་བཤད་པ་འདི་ལ་དད་པ་མི་བསྐྱེད་ཅིང ། དང་བ་དང ། ལྷག་པའི་བསམ་པས་མོས་པ་མི་སྐྱེད་ལ། ལུས་དང་སེམས་ཀྱིས་ཚོགས་པ་སྦྱིན་པར་མི་བྱེད་ཅིང ། འཁོར་དེ་ནས་འགྲོ་བར་བྱེད་པ་དེ་ནི་ཡོད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་སྔོན་གྱི་མཐར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བཤད་པའི་ཚེ་སྤོང་བར་གྱུར་ལ། ད་ལྟར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཆད་པ་ན་འགྲོ་བར་བྱེད་ཅིང ། ལུས་དང་སེམས་ཀྱིས་ཀྱང་ཚོགས་པ་སྦྱིན་པར་མི་བྱེད་དེ། ཤེས་རབ་འཆལ་པར་འགྱུར་བའི་ལས་གསོག་པར་བྱེད་དོ། །དེ་ཤེས་རབ་འཆལ་པར་འགྱུར་བའི་ལས་བྱས་ཤིང་བསགས་པ་དེས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་སྤོང་བར་བྱེད་དེ། དེ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བཀག་པས་འདས་པ་དང ། མ་འོངས་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཐམས་ཅད་མཁྱེན་པ་ཉིད་བཀག་པར་འགྱུར་རོ། །དེ་རྣམ་པ་ཐམས་ཅད་མཁྱེན་པ་ཉིད་སྤོང་བའི་ལས་བྱས་ཤིང་བསགས་པ་དེས་ཆོས་ཀྱིས་
Kha433a
༄#། །ཕོངས་པར་འགྱུར་བའི་ལས་གསོག་གོ་།དེ་ཆོས་ཀྱིས་ཕོངས་པར་འགྱུར་བའི་ལས་བྱས་ཤིང་བསགས་པ་དེས་ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་འབུམ་ཕྲག་མང་པོ་དང ། ལོ་བྱེ་བ་ཁྲག་ཁྲིག་འབུམ་ཕྲག་མང་པོར་སེམས་ཅན་དམྱལ་བ་རྣམས་སུ་བཙོ་བར་འགྱུར་རོ། །དེ་སེམས་ཅན་དམྱལ་བ་ཆེན་པོར་འགྲོ་བར་འགྱུར་རོ། །མེས་འཇིག་པ་འབྱུང་བར་འགྱུར་རོ། །མེས་འཇིག་པ་བྱུང་ནས་ཀྱང་འཇིག་རྟེན་གྱི་ཁམས་གཞན་དག་ཏུ་སེམས་ཅན་དམྱལ་བ་ཆེན་པོར་འབྱུང་བར་འགྱུར་ཏེ། དེར་སྐྱེ་བར་འགྱུར་རོ། །དེར་ཡང་ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་འབུམ་ཕྲག་མང་པོ་དང ། ལོ་བྱེ་བ་ཁྲག་ཁྲིག་འབུམ་ཕྲག་མང་པོར་བསྲེག་པར་འགྱུར་ཏེ། སེམས་ཅན་དམྱལ་བ་ཆེན་པོ་དེ་ནས་ཀྱང་སེམས་ཅན་དམྱལ་བ་ཆེན་པོར་འགྲོ་བར་འགྱུར་ཏེ། དེར་སོང་ནས་ཀྱང་ཡང་མེས་འཇིག་པ་འབྱུང་བར་འགྱུར་རོ། །མེས་འཇིག་པ་བྱུང་ནས་ཀྱང་འཇིག་རྟེན་གྱི་ཁམས་གཞན་དག་ཏུ་སེམས་ཅན་དམྱལ་བ་ཆེན་པོར་འབྱུང་བར་འགྱུར་ཞིང་དེ་དེར་སྐྱེ་བར་འགྱུར་ཏེ། དེར་ཡང་ལོ་བྱེ་བ་ཁྲག་ཁྲིག་འབུམ་ཕྲག་མང་པོའི་བར་དུ་བསྲེག་པར་འགྱུར་རོ། །སེམས་ཅན་དམྱལ་བ་ཆེན་པོ་དེ་ནས་ཀྱང་སེམས་ཅན་དམྱལ་བ་ཆེན་པོར་འགྲོ་བར་འགྱུར་ཏེ། དེ་སེམས་ཅན་དམྱལ་བ་ཆེན་པོ་ནས་སེམས་ཅན་དམྱལ་
Kha433b
པ་ཆེན་པོར་སོང་ནས་ཀྱང་ཡང་མེས་འཇིག་པ་འབྱུང་བར་འགྱུར་ཏེ། མེས་འཇིག་པ་བྱུང་ནས་ཀྱང་ལས་ཀྱི་རླུང་གིས་ཤར་ཕྱོགས་སུ་ཕངས་པར་འགྱུར་ཞིང་ཕྱོགས་མཚམས་ཀྱི་པར་དུའང་ཕངས་པར་འགྱུར་རོ། །དེ་ནས་དེར་སྐྱེས་ནས་སེམས་ཅན་དམྱལ་བ་ཆེན་པོ་ནས་སེམས་ཅན་དམྱལ་བ་ཆེན་པོར་འགྲོ་བར་འགྱུར་རོ། །དེར་ཡང་མེས་འཇིག་པ་འབྱུང་བར་འགྱུར་ཏེ། མེས་འཇིག་པ་བྱུང་ནས་དེ་ནས་ཀྱང་ཤི་འཕོས་ཏེ། ཆོས་ཀྱིས་ཕོངས་པར་འགྱུར་བའི་ལས་བྱས་ཤིང་བསགས་པ་དེས་ཡང་སྐྱེ་བར་འགྱུར་ཞིང ། ཡང་སེམས་ཅན་དམྱལ་བ་ཆེན་པོ་ནས་སེམས་ཅན་དམྱལ་བ་ཆེན་པོར་འགྲོ་བར་འགྱུར་ཏེ། དེར་ཡང་སེམས་ཅན་དམྱལ་བ་ཆེན་པོ་རྣམས་སུ་ལོ་བྱ་བ་ཁྲག་ཁྲིག་འབུམ་ཕྲག་མང་པོ་སེམས་ཅན་དམྱལ་བའི་སྡུག་བསྔལ་མྱོང་བར་འགྱུར་ཏེ། ཇི་སྲིད་དུ་མེས་འཇིག་པ་འབྱུང་བ་དེ་སྲིད་དུ་སེམས་ཅན་དམྱལ་བ་པའི་སྡུག་བསྔལ་མྱོང་བར་འགྱུར་རོ། །མེས་འཇིག་པ་བྱུང་ནས་ཀྱང་དེ་ནས་ཤི་འཕོས་ནས་འཇིག་རྟེན་གྱི་ཁམས་འདིར་སྐྱེ་བར་འགྱུར་ཏེ། ཕྱོགས་བཅུ་ཀུན་གྱི་འཇིག་རྟེན་གྱི་ཁམས་སུ་དུད་འགྲོའི་སྐྱེ་གནས་སུ་སྐྱེས་པ་རྣམས་དང་སྐལ་བ་མཉམ་པར་སྐྱེ་བར་འགྱུར་རོ། །ཇི་ལྟར་དུད་འགྲོའི་སྐྱེ་གནས་སུ་སྐྱེས་པ་རྣམས་དང་སྐལ་བ་མཉམ་པར་འགྱུར་བ་དེ་ལྟར་ཕྱོགས་བཅུའི་འཇིག་རྟེན་གྱི་ཁམས་རྣམས་སུའང་སྐྱེ་བར་འགྱུར་
Kha434a
༄#། །ཏེ།་དེ་དེར་སྐྱེས་ནས་ཀྱང་ལོ་བྱེ་བ་ཁྲག་ཁྲིག་འབུམ་ཕྲག་མང་པོར་གཤིན་རྗེའི་འཇིག་རྟེན་པའི་སྡུག་བསྔལ་མྱོང་བར་འགྱུར་རོ། །དེར་གཤིན་རྗེའི་འཇིག་རྟེན་པའི་སྡུག་བསྔལ་ཟད་པར་བྱས་ནས། འདི་ལྟ་སྟེ། དམུས་ལོང་གི་ཁྱིམ་རྣམས་སུའམ། གདོལ་བའི་ཁྱིམ་རྣམས་སུའམ། གཡུང་པོའི་ཁྱིམ་རྣམས་སུ་མི་དང་སྐལ་བ་མཉམ་པར་སྐྱེ་བར་འགྱུར་རོ། །དེར་སྐྱེས་ནས་ཀྱང་ལོང་བའམ། ཞར་བའམ། སྒུར་པོའམ། ལྕེ་མེད་པའམ། ལག་པ་མེད་པའམ། རྐང་པ་མེད་པའམ། རྣ་བ་མེད་པའམ། མཛེ་ཅན་ནམ། ཤ་བཀྲ་ཅན་ནམ། ཡན་ལག་མ་ཚང་བར་འགྱུར་རོ། །འཇིག་རྟེན་གྱི་ཁམས་གང་ན་སངས་རྒྱས་ཀྱི་སྒྲ་མི་གྲག་པ་དང ། ཆོས་ཀྱི་སྒྲ་མི་གྲག་པ་དང ། དགེ་འདུན་གྱི་སྒྲ་མི་གྲག་པར་འགྱུར་བ་དེར་རྟག་ཏུ་སྐྱེ་བར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ཆོས་ཀྱིས་ཕོངས་པར་འགྱུར་བའི་ལས་བྱས་ཤིང་བསགས་པ་དང ། ཡང་དག་པར་བླངས་པ་རྫོགས་པའི་འབྲས་བུ་ཡོངས་སུ་ཚང་བ་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། མཚམས་མ་མཆིས་པ་ནི་ལྔ་ལགས་ལ། འདི་ལྟ་སྟེ། ཆོས་ཀྱི་ཕོངས་པར་འགྱུར་བའི་ལས་བགྱིས་ཤིང་བསགས་པ་འདི་ནི་དྲུག་པར་གྱུར་པ་ལགས་སོ། །བཅོམ་
Kha434b
ལྡན་འདས་ཀྱིས་བཀའ་སྩལ་པ། ཀུན་དགའ་བོ། གང་ཟག་དེ་ནི་མཆོག་ཏུ་གྱུར་པ་ཞེས་མི་བྱ་ཡི། ཤིན་ཏུ་སྨད་པ་ཞེས་བྱའོ། །གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཆད་ཅིང་སྟོན་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟློག་པར་སེམས་ཤིང ། འདི་སྐད་ཅེས་འདི་ནི་འདུལ་བ་མ་ཡིན། འདི་ནི་སྟོན་པའི་བསྟན་པ་མ་ཡིན། འདི་ནི་དེ་བཞིན་གཤེགས་པས་གསུངས་པ་མ་ཡིན་གྱི། ཁྱེད་དང་བདག་ཅག་གིས་དེ་ལ་བསླབ་པར་མི་བྱའོ་ཞེས་ཀྱང་ཟེར་ཞིང ། བདག་ཉིད་ཀྱིས་ཀྱང་སྤོང་བར་བྱེད། སེམས་ཅན་མང་པོ་དག་ཀྱང་དེ་ལས་འབྱེད་པར་བྱེད་དེ། དེ་རང་གི་སེམས་ཀྱི་རྒྱུད་ལའང་གནོད་པར་བྱེད་དེ། གཞན་གྱི་སེམས་ཀྱི་རྒྱུད་ལའང་གནོད་པར་བྱ་བར་སེམས་ཏེ། དེ་རང་གི་སེམས་ཀྱི་རྒྱུད་ཀྱང་དུག་ཅན་དུ་བྱས་ནས། གཞན་གྱི་སེམས་ཀྱི་རྒྱུད་ཀྱང་དུག་ཅན་དུ་བྱ་བར་སེམས་ཏེ། བདག་ཉིད་ཀྱང་མཐོ་རིས་དང་ཐར་པའི་བདེ་བ་ལས་ཉམས་པར་གྱུར་ལ། གཞན་དག་ཀྱང་མཐོ་རིས་དང་ཐར་པའི་ལམ་དག་ལས་ཉམས་པར་བྱ་བར་སེམས། བདག་ཉིད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉིད་མི་ཤེས་ཤིང་ཁོང་དུ་མི་ཆུད་དེ། སྤང་བར་བྱ་བར་སེམས་ལ། གཞན་དག་ཀྱང་དེ་བཞིན་དུ་འཛིན་དུ་འཇུག་པར་བྱེད་ན། ཀུན་དགའ་བོ། ང་ནི་གང་ཟག་དེ་ལྟ་བུ་དག་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་སྒྲོགས་པར་ཡང་རྗེས་སུ་ཡི་མི་རང་ཞིང་ང་ནི་དེ་དག་ཐོས་པར་ཡང་
Kha435a
༄#། །མངོན་པར་མི་དགའ་ན་མཐོང་བ་ལྟ་ཅི་སྨོས་ཏེ། ལྷན་ཅིག་གནས་པ་ལྟ་སྨོས་ཀྱང་ཅི་དགོས། དེ་ཅིའི་ཕྱིར་ཞེ་ན། ཀུན་དགའ་བོ། གང་ཟག་དེ་ལྟ་བུ་དག་ནི་དམ་པའི་ཆོས་སུན་འབྱིན་པར་བྱེད་པ་ཡིན་ཏེ། ཤིང་རུལ་ལྟ་བུ་དང ། ནག་པོའི་ཕྱོགས་པ་དག་ཡིན་ནོ། །ཀུན་དགའ་བོ། གང་དག་གང་ཟག་དེ་ལྟ་བུ་དག་མཉན་པར་བྱ་བར་སེམས་པ་དེ་དག་ཀྱང་མི་ཚུལ་བའི་ཕོངས་པར་འགྱུར་རོ། །ཀུན་དགའ་བོ། གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་སུན་འབྱིན་པར་བྱེད་པའི་གང་ཟག་དེ་ནི་དེ་ལ་མཐར་ཐུག་པ་ཡིན་པར་ཁོང་དུ་ཆུད་པར་བྱ་སྟེ། དམ་པའི་ཆོས་སུན་འབྱིན་པར་བྱེད་པའི་སྐྱོན་ཆགས་པ་དེ་ནི་སེམས་ཅན་དམྱལ་བ་པ་དང ། དུད་འགྲོའི་སྐྱེ་གནས་པ་དང ། གཤིན་རྗེའི་འཇིག་རྟེན་པའི་གང་ཟག་ཡིན་ནོ། །གསོལ་པ། བཙུན་པ་བཅོམ་ལྡན་འདས། དམ་པའི་ཆོས་སུན་འབྱིན་པར་བགྱིད་པའི་གང་ཟག་ངན་སོང་དུ་སྐྱེས་པ་དེའི་ལུས་ཀྱི་ཚད་བཅོམ་ལྡན་འདས་ཀྱིས་བཀའ་མ་སྩལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དམ་པའི་ཆོས་སུན་འབྱིན་པར་བྱེད་པའི་གང་ཟག་ངན་སོང་དུ་སྐྱེས་པ་དེའི་ལུས་ཀྱི་ཚད་བརྗོད་པ་ཞོག་ཅིག། དེ་ཅིའི་ཕྱིར་ཞེ་ན། དམ་པའི་ཆོས་སུན་འབྱིན་པར་བྱེད་པའི་གང་ཟག་དེའི་ལུས་ཀྱི་ཚད་ཐོས་ན། ཁ་ནས་ཁྲག་སྐྱུག་པའམ། འཆི་བར་འགྱུར་བའམ། འཆི་བ་
Kha435b
ལ་ཐུག་པ་ཙམ་གྱི་སྡུག་བསྔལ་དུ་འགྱུར་ཏེ། དེ་ཐོས་ནས་མྱ་ངན་གྱི་ཟུག་རྔུ་སྙིང་ལ་ཟུག་པ་དང ། སྐམ་པ་དང ། རྙིས་པར་གྱུར་ན་མི་རུང་ཞེས་དམ་པའི་ཆོས་སུན་འབྱིན་པར་བྱེད་པའི་གང་ཟག་དེའི་ལུས་ཀྱི་ཚད་འདི་ལྟ་བུར་འགྱུར་རོ་ཞེས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་སྐབས་དབྱེ་བ་མ་མཛད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། དམ་པའི་ཆོས་སུན་འབྱིན་པར་བགྱིད་པ་ངན་སོང་དུ་སྐྱེས་པའི་ལུས་ཅི་འདྲ་བ་ཞིག་ཏུ་འགྱུར་ཞིང ། ལུས་ཅི་འདྲ་བ་ཞིག་ཡོངས་སུ་འཛིན་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཆོས་ཀྱིས་ཕོངས་པར་འགྱུར་བའི་ལས་བྱས་ཤིང་བསགས་པ་དེས་གང་དེ་དེ་ལྟར་ཡུན་རིང་པོར་སེམས་ཅན་དམྱལ་བ་རྣམས་སུ་སྡུག་བསྔལ་མྱོང་བར་འགྱུར་བ་དང ། དེ་བཞིན་དུ་ཡུན་རིང་པོར་དུད་འགྲོ་རྣམས་དང ། དེ་བཞིན་དུ་ཡུན་རིང་པོར་གཤིན་རྗེའི་འཇིག་རྟེན་གྱི་སྡུག་བསྔལ་མྱོང་བར་འགྱུར་བས་ཕྱི་མའི་སྐྱེ་བོ་རྣམས་ལ་སྣང་བ་བྱས་པར་འགྱུར་རོ། །གསོལ་པ། བཙུན་པ་བཅོམ་ལྡན་འདས། ཇི་སྐད་བཀའ་སྩལ་པ་དེ་དེ་ལྟ་ལགས་སོ། ། བཙུན་པ་བཅོམ་ལྡན་འདས། འདི་ནི་རིགས་ཀྱི་བུའམ། རིགས་ཀྱི་བུ་མོ་དཀར་པོའི་རང་བཞིན་ཅན་གྱི་སངས་རྒྱས་ཀྱི་ཆོས་རྣམས་ཀྱི་རྟེན་ལགས་ཏེ། བདག་ཀྱང་ངན་སོང་རྣམས་སུ་
Kha436a
༄#། །འདི་འདྲ་བའི་སྡུག་བསྔལ་ཡུན་རིང་པོར་མྱོང་ན་མི་རུང་ཞེས་དེ་སྲོག་གི་ཕྱིར་ཡང་དམ་པའི་ཆོས་མི་སྤོང་ལགས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོ་མཁས་པའི་རང་བཞིན་ཅན་ལུས་ཀྱི་ལས་བསྡམས་ཤིང ། ངག་གི་ལས་དང ། ཡིད་ཀྱི་ལས་བསྡམས་པས་དམ་པའི་ཆོས་སྤོང་བར་བགྱིད་པ་དང ། དམ་པའི་ཆོས་སུན་འབྱིན་པར་བགྱིད་པའི་གང་ཟག་གི་བསྟན་པ་དེ་ཐོས་ན་བདག་ཀྱང་འདི་འདྲ་བའི་སྡུག་བསྔལ་དག་མྱོང་བར་འགྱུར་ཞིང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་མི་མཐོང ། དམ་པའི་ཆོས་ཀྱང་མི་ཐོས། དེ་བཞིན་གཤེགས་པའི་དགེ་འདུན་ཡང་མི་མཐོང ། དེ་དག་ལ་བསྙེན་བཀུར་བྱེད་པར་ཡང་མི་འགྱུར། སངས་རྒྱས་འབྱུང་བའི་སངས་རྒྱས་ཀྱི་ཞིང་རྣམས་སུའང་མི་སྐྱེ་ལ། མི་དབུལ་པོར་འགྱུར་པའམ། དམན་པའི་ཁྱིམ། འདི་ལྟ་སྟེ། གདོལ་པའི་ཁྱིམ་རྣམས་སམ། གཡུང་པོའི་ཁྱིམ་རྣམས་སམ། དམུས་ལོང་ངམ། ཞར་བའམ། ཡན་ལག་མ་ཚང་བའི་བར་དུ་གྱུར་ན་མི་རུང་ཞེས་དེ་ལྟ་བུའི་ཚུལ་ཅན་དུ་བགྱིའོ། །བཙུན་པ་བཅོམ་ལྡན་འདས། ངག་གི་ལས་མི་བཟད་པ་ལ་མངོན་པར་ཞེན་ཏེ་བགྱིས་ཤིང་བསགས་པས་ཆོས་ཀྱིས་ཕོངས་
Kha436b
པར་འགྱུར་བའི་ལས་བགྱིས་ཤིང་བསགས་པར་འགྱུར་བ་ཅི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ངག་གི་ལས་མི་བཟད་པ་ལ་མངོན་པར་ཞེན་ཏེ།་བྱས་ཤིང་བསགས་པས་དམ་པའི་ཆོས་ཀྱིས་ཕོངས་པར་འགྱུར་བའི་ལས་བྱས་ཤིང་བསགས་པར་ཇི་ལྟར་འགྱུར་ཞེ་ན། ཀུན་དགའ་བོ། མི་གཏི་མུག་ཅན་གང་དག་ལེགས་པར་གསུངས་པའི་ཆོས་འདུལ་བ་འདི་ཉིད་ལ་རབ་ཏུ་བྱུང་ནས་ཚོགས་པའི་ནང་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སུན་དབྱུང་བར་བྱ་བར་སེམས། བཟློག་པར་བྱ་བར་སེམས་ན་ཤེས་རབ་ཀྱི་ཕ་རོལ་ཏུ་ཕྱིན་པ་སུན་ཕྱུང་བ་དང ། བཟློག་པས་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་སུན་ཕྱུང་བ་དང ། བཟློག་པར་འགྱུར་རོ། །སངས་རྒྱས་ཀྱི་བྱང་ཆུབ་སུན་ཕྱུང་པས་འདས་པ་དང ། མ་འོངས་པ་དང ། ད་ལྟར་བྱུང་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་རྣམ་པ་ཐམས་ཅད་མཁྱེན་པ་ཉིད་སུན་ཕྱུང་བ་དང ། བཟློག་པར་འགྱུར་རོ། །རྣམ་པ་ཐམས་ཅད་མཁྱེན་པ་ཉིད་བཟློག་པས་དམ་པའི་ཆོས་བཟློག་པར་འགྱུར་རོ། །དམ་པའི་ཆོས་བཟློག་པས་དགེ་འདུན་བཟློག་པར་འགྱུར་རོ། །དགེ་འདུན་བཟློག་པས་འཇིག་རྟེན་པའི་ཡང་དག་པའི་ལྟ་བ་བཟློག་པར་འགྱུར་རོ། །འཇིག་རྟེན་པའི་ཡང་དག་པའི་ལྟ་བ་བཟློག་པས་དྲན་པ་ཉེ་བར་
Kha437a
༄#། །བཞག་པ་བཞི་བཟློག་པར་འགྱུར་རོ། །དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་བཟློག་པར་འགྱུར་རོ། །རྣམ་པ་ཐམས་ཅད་མཁྱེན་པ་པ་ཉིད་བཟློག་པས་བསོད་ནམས་མ་ཡིན་པའི་ཕུང་པོ་དཔག་ཏུ་མེད། གྲངས་མེད། ཚད་མེད་པ་ཡོངས་སུ་གཟུང་བར་འགྱུར་རོ། །བསོད་ནམས་མ་ཡིན་པའི་ཕུང་པོ་དཔག་ཏུ་མེད།་གྲངས་མེད། ཚད་མེད་པ་ཡོངས་སུ་བཟུང་བས་སེམས་ཅན་དམྱལ་བ་དང ། དུད་འགྲོའི་སྐྱེ་གནས་དང ། ཡི་དྭགས་རྣམས་ཀྱི་ནང་དུ་སྡུག་བསྔལ་དང ། ཡིད་མི་བདེ་བ་དཔག་ཏུ་མེད། གྲངས་མེད། ཚད་མེད་པ་དག་མྱོང་བར་འགྱུར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། མི་གཏི་མུག་ཅན་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་སྤོང་བར་བགྱིད་པ་དེས་རྣམ་པ་དུ་ཞིག་གིས་སྤོང་བར་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། མི་གཏི་མུག་ཅན་དེ་རྣམ་པ་བཞིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་སྤོང་བར་བྱེད་དོ། །གསོལ་པ། བཞི་གང་ལགས། བཅོམ་ལྡན་འདས་ཀྱིས་བཀའ་སྩལ་པ། འདི་ལྟ་སྟེ། བདུད་ཀྱི་བྱིན་གྱི་རླབས་ཀྱིས་ཆོས་ཟབ་མོ་འདི་ལ་ཡིད་མི་ཆེས་ཤིང་མི་མོས་ལ། ཆོས་དེ་ལ་དད་པ་མི་འཐོབ་པ་དང ། སྡིག་པའི་
Kha437b
གྲོགས་པོའི་ལག་ཏུ་སོང་བ་དང ། ཕུང་པོ་ལྔ་ལ་མངོན་པར་ཞེན་ཅིང་མི་བརྩོན་པ་དང ། བདག་ལ་བསྟོད་ཅིང་གཞན་ལ་སྨོད་པ་སྟེ། ཀུན་དགའ་བོ། རྣམ་པ་བཞི་པོ་དེ་དག་དང་ལྡན་པའི་མི་གཏི་མུག་ཅན་དེ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་སྤོང་བར་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ལྟར་ཆོས་ཀྱིས་ཕོངས་པར་འགྱུར་བའི་ལས་དེ་ལྟ་བུ་དང་ལྡན་ན་སྨས་ཤིང་ཉམས་པར་འགྱུར་བས་བྱང་ཆུབ་སེམས་དཔས་ངག་གི་ལས་བསྡམ་པར་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ལ། ཐོས་ནས་ཀྱང་དད་པ་དང ། འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བགྱིད་པ་དང ། ཚུལ་བཞིན་དུ་ཡིད་ལ་བགྱིད་པ་དང ། ཡི་གེར་འདྲི་བ་དང ། ཡི་གེར་འདྲིར་སྩོལ་བའི་རིགས་ཀྱི་བུའམ་རིགས་ཀྱི་བུ་མོ་དེ་བསོད་ནམས་ཀྱི་ཕུང་པོ་ཇི་ཙམ་ཞིག་བསྐྱེད་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་
Kha438a
༄#། །ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན། འཆང ། ཀློག་།ཀུན་ཆུབ་པར་བྱེད། ཚུལ་བཞིན་དུ་ཡིད་ལ་བྱེད། ཡི་གེར་འདྲི་ཞིང་ཡི་གེར་འདྲིར་འཇུག་པར་བྱེད་ལ། གང་ཞིག་དེ་བཞིན་གཤེགས་པས་ཆོས་འཕྲུལ་གསུམ་ལ་བཞུགས་ཏེ། སེམས་ཅན་རྣམས་ལ་ཆོས་བསྟན་པ། འདི་ལྟ་སྟེ། མདོའི་སྡེ་དང ། དབྱངས་ཀྱིས་བསྙད་པའི་སྡེ་དང ། ལུང་དུ་བསྟན་པའི་སྡེ་དང ། ཚིགས་སུ་བཅད་པའི་སྡེ་དང ། ཆེད་དུ་བརྗོད་པའི་སྡེ་དང ། གླེང་གཞིའི་སྡེ་དང ། དེ་ལྟ་བུ་བྱུང་བའི་སྡེ་དང ། སྐྱེས་པ་རབས་ཀྱི་སྡེ་དང ། རྟོགས་པ་བརྗོད་པའི་སྡེ་དང ། གཏན་ལ་ཕབ་པ་བསྟན་པའི་སྡེ་དེ་དག་ཐམས་ཅད་འཛིན། འཆང ། ཀློག་།ཀུན་ཆུབ་པར་བྱེད། ཚུལ་བཞིན་དུ་ཡིད་ལ་བྱེད་པའི་བསོད་ནམས་མངོན་པར་འདུ་བྱེད་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་ནས། ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པའི་བསོད་ནམས་ཀྱི་ཕུང་པོ་སྔ་མ་དེའི་བརྒྱའི་ཆར་ཡང་ཉེ་བར་མི་འགྲོ་།སྟོང་གི་ཆ་དང ། འབུམ་གྱི་ཆ་དང ། བྱེ་བ་བརྒྱའི་ཆ་དང ། བྱེ་བ་སྟོང་གི་ཆ་དང ། བྱེ་བ་འབུམ་གྱི་ཆ་དང ། གྲངས་དང ། ཆ་དང ། བགྲང་བ་དང ། རྒྱུར་ཡང་མི་བཟོད་དོ། །ཀུན་དགའ་བོ། གཞན་ཡང་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང ། དེ་བཞིན་
Kha438b
དུ་ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་དང ། དེ་བཞིན་དུ་ཕྱོགས་མཚམས་བཞི་དང ། འོག་དང ། སྟེང་གི་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཆོ་འཕྲུལ་གསུམ་པོ་དག་ལ་བཞུགས་ནས་སེམས་ཅན་རྣམས་ལ་འདི་ལྟ་སྟེ། མདོའི་སྡེ་དང ། དབྱངས་ཀྱིས་བསྙད་པའི་སྡེ་དང ། ལུང་དུ་བསྟན་པའི་སྡེ་དང ། ཚིགས་སུ་བཅད་པའི་སྡེ་དང ། ཆེད་དུ་བརྗོད་པའི་སྡེ་དང ། གླེང་གཞིའི་སྡེ་དང ། དེ་ལྟ་བུ་བྱུང་བའི་སྡེ་དང ། སྐྱེས་པ་རབས་ཀྱི་སྡེ་དང ། རྟོགས་པ་བརྗོད་པའི་སྡེ་དང ། གཏན་ལ་ཕབ་པ་བསྟན་པའི་སྡེ་རྣམས་ཀྱི་ཆོས་སྟོན་ལ། རིགས་ཀྱི་བུའམ། རིགས་ཀྱི་བུ་མོ་གཞན་ཡང་གང་ལ་ལ་ཞིག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བླངས་ཤིང་བཟུང་ལ། ཀུན་ཆུབ་པར་བྱས་ཤིང་བཀླགས་ལ། གཞན་དག་ལའང་ཆོས་སྟོན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་རྒྱ་ཆེར་ཡང་དག་པར་སྟོན་ན། དེ་ནི་སངས་རྒྱས་བཅོམ་ལྡན་འདས་རྣམས་དང ། བསོད་ནམས་ཀྱི་ཕུང་པོ་མཚུངས་པར་སྐྱེད་པར་འགྱུར་རོ། །དེ་ཅིའི་ཕྱིར་ཞེ་ན། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱང་འདི་ལས་བྱུང་བ་ཡིན། དེ་བཞིན་གཤེགས་པ་དེ་དག་གི་ཆོ་
Kha439a
༄#། །འཕྲུལ་གསུམ་པོ་དག་ཀྱང་འདི་ལས་བྱུང་བ་ཡིན། དེ་བཞིན་གཤེགས་པ་དེ་དག་གི་མདོའི་སྡེ་དང ། དབྱངས་ཀྱིས་བསྙད་པའི་སྡེ་དང ། ལུང་དུ་བསྟན་པའི་སྡེ་ནས། རྟོགས་པ་བརྗོད་པའི་སྡེ་དང ། གཏན་ལ་ཕབ་པར་བསྟན་པའི་སྡེའི་བར་ཡང་འདི་ལས་བྱུང་བ་ཡིན་པའི་ཕྱིར་རོ། །ཀུན་དགའ་བོ། གཞན་ཡང་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་མེ་ཏོག་ནས། བ་དན་གྱི་བར་དག་དང ། རོལ་མོའི་སྒྲ་རྣམ་པ་སྣ་ཚོགས་ཀྱིས་བསྟི་སྟང་དུ་བྱས། བླ་མར་བྱས། རིམ་གྲོ་བྱས། མཆོད་པ་བྱས་པ་དང ། གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་སམ། ཡི་གེར་འདྲིར་བཅུག་སྟེ། གླེགས་བམ་དུ་བྱས་པ་ལ་མེ་ཏོག་ནས། བ་དན་གྱི་བར་དག་དང ། རོལ་མོའི་སྒྲ་རྣམ་པ་སྣ་ཚོགས་ཀྱིས་བསྟི་སྟང་དུ་བྱས། བླ་མར་བྱས། རིམ་གྲོ་བྱས། མཆོད་པ་བྱས་པའི་བསོད་ནམས་དེ་ནི་མཚུངས་པར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་དག་
Kha439b
ཀྱང་འདི་ལས་ངེས་པར་བྱུང་བའི་ཕྱིར་རོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལེན་ཅིང་འཛིན་ལ།་ཀུན་ཆུབ་པར་བྱེད་ཅིང་ཀློག་པ་དང ། ཚུལ་བཞིན་དུ་ཡིད་ལ་བྱེད་པ་དང ། གཞན་དག་ལའང་རྒྱ་ཆེར་ཡང་དག་པར་སྟོན་པ་དེ་ནི་སེམས་ཅན་དམྱལ་བར་མི་འགྲོ་བར་ཤེས་པར་བྱའོ། །དུད་འགྲོའི་སྐྱེ་གནས་སུ་མི་འགྲོ་བ་དང ། གཤིན་རྗེའི་འཇིག་རྟེན་དུ་མི་འགྲོ་བར་ཤེས་པར་བྱའོ། །ཉན་ཐོས་ཀྱི་སར་ལྟུང་བའི་འཇིགས་པ་མེད་པར་ཤེས་པར་བྱའོ། །རང་སངས་རྒྱས་ཀྱི་སར་ལྟུང་བའི་འཇིགས་པ་མེད་པར་ཤེས་པར་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ། འདི་ལྟར་རིགས་ཀྱི་བུའམ། རིགས་ཀྱི་བུ་མོ་དེ་ཕྱིར་མི་ལྡོག་པའི་ས་ལ་གནས་པར་རིག་པར་བྱ་བ་ཡིན་པའི་ཕྱིར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་སྡིག་པ་ཐམས་ཅད་སེལ་བ་དང ། ནད་ཐམས་ཅད་འཇིག་པར་བྱེད་པ་ཡིན་པའི་ཕྱིར་རོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་ནས་འཛིན་པ་དང ། འཆང་བ་དང ། ཀུན་ཆུབ་པར་བྱེད་པ་དང ། ཀློག་པ་དང ། ཚུལ་བཞིན་དུ་ཡིད་ལ་བྱེད་ཅིང ། འདི་ལྟ་སྟེ། མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། ཕྱེ་མ་དང ། གོས་དང ། གདུགས་
Kha440a
༄#། །དང ། རྒྱལ་མཚན་དང ། བ་དན་དང ། རོལ་མོའི་སྒྲ་རྣམ་པ་སྣ་ཚོགས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསྟི་སྟང་དུ་བྱེད། བླ་མར་བྱེད། རིམ་གྲོ་བྱེད། མཆོད་པ་བྱེད་པ་དེ་ནི་འཇིགས་པ་ག་ལས་ཀྱང་མི་འབྱུང་བར་ཤེས་པར་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དག་ཀྱང་འདི་ལས་ངེས་པར་བྱུང་བ་ཡིན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བགྱད་ཀྱང་འདི་ལས་བྱུང་བ་ཡིན་ལ། ཀུན་དགའ་བོ་འདི་ལས་བྱུང་བའི་ཕ་རོལ་ཏུ་ཕྱིན་པ་ལྔའང་ཕ་རོལ་ཏུ་ཕྱིན་པའི་མིང་ཐོབ་པ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་རྣམ་པ་ཐམས་ཅད་མཁྱེན་པ་ཉིད་ཀྱང་འདི་ལས་ངེས་པར་བྱུང་བའི་ཕྱིར་རོ། །ཀུན་དགའ་བོ། འཇིག་རྟེན་གྱི་ཁམས་འདིའམ། གཞན་གྱི་གྲོང་ངམ། གྲོང་ཁྱེར་རམ། གྲོང་རྡལ་ལམ། ཡུལ་འཁོར་རམ། རྒྱལ་པོའི་ཕོ་བྲང་འཁོར་གང་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀུན་ཆུབ་པར་བྱེད་པ་དང ། ཀློག་པ་དང ། ཚུལ་བཞིན་དུ་ཡིད་
Kha440b
ལ་བྱེད་པ་དང ། འདི་ཉིད་ཡི་གེར་བྲིས་ཏེ་གླེགས་བམ་དུ་བྱས་པ་ལ་བསྟི་སྟང་དུ་བྱེད། བླ་མར་བྱེད། རི་མོར་བྱེད་པའི་གྲོང་དང ། གྲོང་ཁྱེར་དང ། གྲོང་རྡལ་དང ། ཡུལ་འཁེར་དང ། རྒྱལ་པོའི་ཕོ་བྲང་འཁོར་དེར་མིའམ། མི་མ་ཡིན་པ་གླགས་འཚོལ་བ་རྣམས་ཀྱིས་གླགས་མི་རྙེད་དོ། །སེམས་ཅན་དེ་དག་ཐམས་ཅད་ཀྱང་ཐེག་པ་གསུམ་པོ་དག་ལ་ཐེག་པ་གང་ཡང་རུང་བས་རིམ་གྱིས་ཡོངས་སུ་མྱ་ངན་ལས་འདའ་བར་འགྱུར་ཏེ། ཀུན་དགའ་བོ། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི། འདི་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་རྣམས་ལ་སངས་རྒྱས་ཀྱི་མཛད་པས་ཉེ་བར་གནས་པས་ན་དོན་ཆེ་བ་ཡིན་ནོ། །ཀུན་དགའ་བོ། གང་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་འཇིག་རྟེན་གྱི་ཁམས་དེར་སངས་རྒྱས་བྱུང་བར་ཤེས་པར་བྱའོ། །ཀུན་དགའ་བོ། དཔེར་ན། ནོར་བུ་རིན་པོ་ཆེ་རིན་ཐང་མེད་པ་ཞིག་ཡོད་ལ། ནོར་བུ་རིན་པོ་ཆེ་དེའང་ཡོན་ཏན་འདི་དག་དང་ལྡན་ཏེ། གང་དུ་ལས་བྱ་བ་དེར་ནོར་བུ་རིན་པོ་ཆེ་དེ་བཞག་པར་གྱུར་པ་དེར་མི་གླགས་ལྟ་བས་གླགས་མི་རྙེད་དོ། །གང་ན་སྐྱེས་པའམ། བུད་མེད་མི་མ་ཡིན་པས་ཟིན་པར་གྱུར་པ་དེར་ནོར་བུ་རིན་པོ་ཆེ་དེ་བཞག་ན།་མི་མ་ཡིན་པ་དེ་ནོར་བུ་རིན་པོ་ཆེ་དེའི་གཟི་བརྗིད་མི་བཟོད་པས། དེ་ནས་བདག་ཉིད་མྱུར་དུ་འགྲོ་བར་འགྱུར་རོ། །དེ་བཞིན་དུ་མཁྲིས་པས་ཚིག་པའི་ནད་པའི་ལུས་ལ་ནོར་བུ་རིན་པོ་
Kha441a
༄#། །ཆེ་དེ་བཞག་ན། མཁྲིས་པ་དེ་རབ་ཏུ་ཞི་བར་འགྱུར་རོ། །དེ་བཞིན་དུ་སྐྱེས་པའམ། བུད་མེད་རླུང་གིས་ཕོག་པའམ། བད་ཀན་ནམ། འདུས་པའི་ནད་ཀྱིས་ཐེབས་པའི་སྐྱེས་བའམ། བུད་མེད་དེའི་ལུས་ལ་ནོར་བུ་རིན་པོ་ཆེ་དེ་བཞག་ན་རེག་མ་ཐག་ཏུ་ནོར་བུ་རིན་པོ་ཆེ་དེའི་གཟི་བརྗིད་ཀྱིས་ནད་རབ་ཏུ་ཞི་བར་འགྱུར་རོ། །ཡང་ནོར་བུ་རིན་པོ་ཆེ་དེ་ནི་མཚན་མོ་སྣང་བར་བྱེད་དོ། །ཚ་བའི་དུས་ན་ནོར་བུ་རིན་པོ་ཆེ་དེ་ཕྱོགས་གང་དུ་བཞག་པའི་ཕྱོགས་དེར་བསིལ་བར་བྱེད་དོ། །གྲང་བའི་དུས་ན་ས་ཕྱོགས་གང་དུ་ནོར་བུ་རིན་པོ་ཆེ་དེ་བཞག་པའི་ཕྱོགས་དེར་དྲོ་བར་བྱེད་དེ། །ས་ཕྱོགས་གང་ན་སྦྲུལ་གདུག་པའམ། སྡིག་པ་ཡོད་ལ། སྐྱེས་པའམ། བུད་མེད་གང་ལ་ལ་ཞིག་སྦྲུལ་གདུག་པས་ཟིན་པར་གྱུར་ན། དེ་ལ་ལ་ལ་ཞིག་གིས་ནོར་བུ་རིན་པོ་ཆེ་དེ་བསྟན་ན། དེ་མཐོང་མ་ཐག་ཏུ་དུག་དེ་མེད་པར་འགྱུར་ཏེ། ཀུན་དགའ་བོ། ནོར་བུ་རིན་པོ་ཆེ་དེ་ནི་ཡོན་ཏན་དེ་དག་དང་ལྡན་ནོ། །ཀུན་དགའ་བོ། གཞན་ཡང་སྐྱེས་པའམ། བུད་མེད་གང་གི་ལུས་ལ་འབྲས་དང ། ཆུ་བུར་བྱུང་བའམ། མིག་ནད་དམ། རྣ་བ་དང ། སྣ་དང ། ལྕེ་དང ། མགུལ་ནད་བྱུང་ན། སྐྱེས་པའམ། བུད་མེད་དེའི་ལུས་ལ་ནོར་བུ་རིན་པོ་ཆེ་དེ་བཞག་ན། དེ་མཐོང་མ་ཐག་ཏུ་ནད་དེ་དག་ཐམས་ཅད་རབ་ཏུ་ཞི་བར་འགྱུར་རོ། །རྫིང་གི་ཆུ་གང་དུ་ནོར་བུ་རིན་པོ་ཆེ་དེ་བཅུག་ན། ཆུ་དེ་ཐམས་ཅད་ཡན་
Kha441b
ལག་བརྒྱད་དང་ལྡན་པ་དང ། དེ་རས་སྔོན་པོའམ། སེར་པོའམ། དམར་པོའམ། དཀར་པོའམ། བཙོད་ཀའམ། ཤེལ་ལམ། དམར་སེར་རམ། སེར་སྐྱས་དཀྲིས་ཏེ། ཆུར་བཅུག་ན་ཆུ་དེ་ཐམས་ཅད་ཁ་དོག་སྔོན་པོར་འགྱུར་བ་ནས། ཁ་དོག་སེར་སྐྱའི་བར་དུ་ཁ་དོག་གཅིག་ཏུ་འགྱུར་རོ། །ཀུན་དགའ་བོ། ཆུ་གང་རྙོག་པ་ཅན་དུ་གྱུར་པ་དེར་ནོར་བུ་རིན་པོ་ཆེ་དེ་བཅུག་ན་དང་བར་འགྱུར་ཏེ། ནོར་བུ་རིན་པོ་ཆེ་དེ་ཡོན་ཏན་དེ་དག་དང ། གཞན་དག་དང་ཡང་ལྡན་པ་ཡིན་ནོ། །ཀུན་དགའ་བོ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ནོར་བུ་རིན་པོ་ཆེ་དང་འདྲ་བ་འདིའང་ཡོན་ཏན་ཐམས་ཅད་ཀྱི་འབྱུང་གནས་སུ་གྱུར་ཅིང ། སྡིག་པ་ཐམས་ཅད་རབ་ཏུ་ཞི་བར་བྱེད་པ་ཡིན་ནོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་སུམ་ཅུ་བཞི་པ་སྟེ་ཐ་མ། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ནོར་བུ་རིན་པོ་ཆེ་དེ་ལྷ་རྣམས་ལ་མཆིས་སམ། འོན་ཏེ་མི་རྣམས་ལ་མཆིས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ནོར་བུ་རིན་པོ་ཆེ་དེ་ནི་ལྷ་རྣམས་ལའང་ཡོད། ནོར་བུ་རིན་པོ་ཆེ་དེ་ནི་ཛམྦུ་གླིང་གི་མི་རྣམས་ལའང་ཡོད་དེ། ཛམྦུ་གླིང་གི་མི་རྣམས་ལ་ཡོད་པའི་ནོར་བུ་རིན་པོ་ཆེ་དེ་ནི་ཡོན་ཏན་ཆུང་ངོ ། །ལྷ་ཡུལ་པའི་
Kha442a
༄#། །ནི་ཡོན་ཏན་ཚད་མེད་དོ། །ལྷ་ཡུལ་པའི་ནོར་བུ་རིན་པོ་ཆེ་དེ་ཟ་མ་ཏོག་གང་གི་ནང་ན་བཅུག་པའི་ཟ་མ་ཏོག་དེའང་དེའི་ཡོན་ཏན་ཅན་དུ་འགྱུར་ཏེ། གང་ལ་ལ་ཞིག་གིས་ཟ་མ་ཏོག་དེ་ལ་རེག་ན་དེའང་ཡོན་ཏན་དེ་དང་ལྡན་པར་འགྱུར་རོ། །ཀུན་དགའ་བོ། ཤེས་རབ་ཀྱི་ཕ་རོལ་ཏུ་ཕྱིན་པ་འདིའང་ལྷ་ཡུལ་པའི་ནོར་བུ་རིན་པོ་ཆེ་དང་འདྲ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་ཏེ། གང་དུ་བཞག་པ་དེར་གནོད་པ་ཅིའང་མི་འབྱུང་བར་ཤེས་པར་བྱའོ། །ནོར་བུ་རིན་པོ་ཆེ་དེ་ནི་ཡོན་ཏན་རྣམས་ཇི་ལྟ་བར་ཤེས་རབ་ཀྱི་ཕ་རོལ་ཏུ་ཕྱིན་པ་དང ། རྣམ་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་དང ། བསམ་གཏན་གྱི་ཕ་རོལ་ཏུ་ཕྱིན་པ་ནས། སྦྱིན་པའི་ཕ་རོལ་ཏུ་ཕྱིན་པའི་བར་གྱི་ཡོན་ཏན་ཡང་དེ་དང་འདྲ་བར་བལྟ་བར་བྱའོ། །ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ཡང་དེ་དང་འདྲའོ། །དྲན་པ་ཉེ་བར་བཞག་པ་བཞི་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང ། ཆོས་ཉིད་དང ། ཆོས་གནས་པ་ཉིད་དང ། དེ་བཞིན་ཉིད་དང ། ཡང་དག་པའི་མཐའ་དང ། བསམ་གྱིས་མི་ཁྱབ་པའི་དབྱིངས་ཀྱི་ཡོན་ཏན་རྣམས་ཀྱང་དེ་དང་འདྲའོ།། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཆོས་ཐམས་ཅད་ལ་དབང་སྒྱུར་བ་ཐམས་ཅད་མཁྱེན་པ་ཞེས་བརྗོད་དེ། ལྷ་དང་མི་དང་
Kha442b
ལྷ་མ་ཡིན་གྱི་འཇིག་རྟེན་ན་བསྟི་སྟང་དུ་བྱ། བླ་མར་བྱ་ཞིང ། རིམ་གྲོ་བྱེད། མཆོད་པར་བྱེད་དོ། །དེ་ཅིའི་ཕྱིར་ཞེ་ན། ཕ་རོལ་ཏུ་ཕྱིན་པ་དྲུག་པོ་དག་གི་སྣོད་ཡིན་པའི་ཕྱིར་རོ། །དེ་ལྟར་གོང་མ་བཞིན་སྦྱར་ཏེ། དེ་བཞིན་གཤེགས་པ་རྣམས་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང ། རྣམ་པ་ཐམས་ཅད་མཁྱེན་པ་ཉིད་ཀྱི་ཡེ་ཤེས་དང ། སྙིང་རྗེ་ཆེན་པོ་དང ། བྱམས་པ་ཆེན་པོའི་སྣོད་ཡིན་པའི་ཕྱིར་མཆོད་པ་བརྙེས་སོ། །དེ་བཞིན་དུ་ཉོན་མོངས་པ་དང ། བག་ཆགས་ཀྱི་མཚམས་སྦྱོར་བ་ཐམས་ཅད་སྤངས་པ་དང ། དེ་བཞིན་དུ་ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། སྐྱེ་བ་མེད་པ་དང ། འགག་པ་མེད་པ་དང ། བླང་པ་མེད་པ་དང ། དོར་བ་མེད་པ་དང ། གདེག་པ་མེད་པ་དང ། གཞག་པ་མེད་པ་དང ། འགྲོ་བ་མེད་པ་དང ། འོང་བ་མེད་པ་དང ། གནས་པ་མེད་པ་དང ། ཕ་རོལ་ཏུ་ཕྱིན་པ་རྣམས་ཀྱི་སྣོད་ཡིན་པའི་ཕྱིར་མཆོད་པ་བརྙེས་སོ། །ཀུན་དགའ་བོ། གཞན་ཡང་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང ། དེ་བཞིན་དུ་ལྷོ་དང ། ནུབ་དང ། བྱང་ཕྱོགས་དང ། འོག་དང ། སྟེང་གི་ཕྱོགས་དང ། དེ་བཞིན་དུ་ཕྱོགས་མཚམས་བཞིའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གི་དེ་བཞིན་གཤེགས་པ་དགྲ་
Kha443a
༄#། །བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་བསྐལ་པའམ། བསྐལ་པ་ལས་ལྷག་པའམ། བསྐལ་པ་བརྒྱའམ། བསྐལ་པ་སྟོང་ངམ། བསྐལ་པ་འབུམ་མམ། བསྐལ་པ་བརྒྱ་ཕྲག་དུ་མའམ། བསྐལ་པ་སྟོང་ཕྲག་དུ་མའམ། བསྐལ་པ་འབུམ་ཕྲག་དུ་མའམ། བསྐལ་པ་བྱེ་བ་ཁྲག་ཁྲིག་འབུམ་ཕྲག་དུ་མར། འདི་ལྟ་སྟེ། མེ་ཏོག་དང ། ཕྲེང་བའམ། སྤོས་དང ། བྱུག་པ་དང ། ཕྱེ་མ་དང ། ཆོས་གོས་དང ། གོས་དང ། གདུགས་དང ། རྒྱལ་མཚན་དང ། བ་དན་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་པ་དང ། རིགས་ཀྱི་བུའམ་རིགས་ཀྱི་བུ་མོ་གཞན་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པ་དང ། ཡི་གེར་འདྲི་བ་དང ། ཡི་གེར་འདྲིར་འཇུག་པ་ནས། གླེགས་བམ་དུ་བྱས་པ་ལ། འདི་ལྟ་སྟེ། མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། ཕྱེ་མ་དང ། ཆོས་གོས་དང ། གོས་དང ། གདུགས་དང ། རྒྱལ་མཚན་དང ། བ་དན་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱེད། བླ་མར་བྱེད། རིམ་གྲོ་བྱེད། མཆོད་པ་བྱེད་པའི་བསོད་ནམས་ཀྱི་ཕུང་པོ་འདི་ཉིད་ལས་ཤེས་རབ་
Kha443b
ཀྱི་ཕ་རོལ་ཏུ་ཕྱིན་པ་འདི་ཉིད་ཡོངས་སུ་བཟུང་བའི་བསོད་ནམས་ཀྱི་ཕུང་པོ་ནི་དེ་བཞིན་གཤེགས་པ་ལས་ཡོངས་སུ་བཟུང་བའི་བསོད་ནམས་ཀྱི་ཕུང་པོ་སྔ་མའི་གན་ན་མཆོག་ཅེས་བྱའོ། གཙོ་བོ་ཞེས་བྱའོ། །རབ་མཆོག་ཅེས་བྱའོ། །བླ་ན་མེད་པ་ཞེས་བྱའོ། །གོང་ན་མེད་པ་ཞེས་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ། རིགས་ཀྱི་བུའམ་རིགས་ཀྱི་བུ་མོ་དེ་བཞིན་གཤེགས་པ་ལས་ཡོངས་སུ་བཟུང་བའི་བསོད་ནམས་ཀྱི་ཕུང་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བ་ནི་ལྷ་དང་མི་རྣམས་ཀྱི་ནང་དུ་སྐྱེ་བར་བྱེད་དེ། འཁོར་བ་ན་འཁོར་བར་བྱེད་ཅིང ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་མི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་རྫོགས་ན། དེ་བཞིན་གཤེགས་པའི་སྟོབས་བཅུ་ཡོངས་སུ་རྫོགས་པར་མི་འགྱུར་རོ། །དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཡོངས་སུ་རྫོགས་པར་མི་འགྱུར་རོ། །ཀུན་དགའ་བོ། གང་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་དེ་ཡང་དག་པ་ཇི་ལྟ་བ་བཞིན་བྱེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པར་འགྱུར་རོ། །དེ་བཞིན་དུ་བསམ་གཏན་གྱི་ཕ་རོལ་ཕྱིན་པ་ནས། སྦྱིན་པའི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་པར་བྱེད་པར་འགྱུར་རོ། །དེ་བཞིན་དུ་དྲན་པ་ཉེ་བར་བཞག་པ་བཞི་ཡོངས་སུ་རྫོགས་པར་བྱེད་པར་འགྱུར་རོ། །སངས་རྒྱས་
Kha444a
༄#། །ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ཡོངས་སུ་རྫོགས་པར་བྱེད་པར་འགྱུར་ཞིང ། ཉན་ཐོས་དང ། རང་སངས་རྒྱས་ཀྱི་ས་ལས་འདས་ནས། བྱང་ཆུབ་སེམས་དཔའི་སྐྱོན་མེད་པ་ལ་འཇུག་ཅིང ། བྱང་ཆུབ་སེམས་དཔའི་མངོན་པར་ཤེས་པ་རྣམས་ཀྱང་འཐོབ་སྟེ། བྱང་ཆུབ་སེམས་དཔའི་མངོན་པར་ཤེས་པ་དེ་དག་གིས་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་ཞིང ། ལུས་གང་གིས་སངས་རྒྱས་ཀྱི་ཞིང་ཡོངས་སུ་དག་པར་བྱེད་པ་དང ། སེམས་ཅན་རྣམས་ཡོངས་སུ་སྨིན་པར་བྱེད་པའི་ལུས་ཡོངས་སུ་འཛིན་ཏེ། ཡང་ན་འཁོར་ལོས་སྒྱུར་བའི་རྒྱལ་པོའི་ཆ་བྱད་ཀྱིས་སམ། ཡང་ན་ཁམས་ཀྱི་རྒྱལ་པོར་གྱུར་པས་སམ། ཡང་ན་རྒྱལ་རིགས་ཤིང་སཱ་ལ་ཆེན་པོ་ལྟ་བུར་གྱུར་པས་སམ། ཡང་ན་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུར་གྱུར་པས་སམ། ཡང་ན་བརྒྱ་བྱིན་གྱི་གཟུགས་ཀྱིས་སམ། ཡང་ན་ཚངས་པའི་གཟུགས་ཀྱིས་སམ། ཡང་ན་རྣམ་ཐོས་ཀྱི་བུའི་གཟུགས་ཀྱིས་སེམས་ཅན་རྣམས་ཡོངས་སུ་སྨིན་པར་བྱེད་པར་འགྱུར་རོ། །ཀུན་དགའ་བོ། དེ་ལྟ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསྟི་སྟང་དུ་བྱེད། བླ་མར་བྱེད། རིམ་གྲོ་བྱེད། མཆོད་པ་བྱེད་ན། སངས་རྒྱས་ཀྱི་ཆོས་ཐམས་ཅད་ཀྱི་རྒྱུ་བསགས་པར་འགྱུར། ཕུན་སུམ་ཚོགས་པ་ཐམས་ཅད་བཟུང་བར་འགྱུར། དེ་བཞིན་གཤེགས་པ་རྣམས་ལ་བསྟི་སྟང་བྱས་
Kha444b
པར་འགྱུར། བླ་མར་བྱས་པར་འགྱུར། རིམ་གྲོ་བྱས་པར་འགྱུར། མཆོད་པ་བྱས་པར་འགྱུར་རོ། །ཀུན་དགའ་བོ། གཞན་ཡང་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་པ་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟན་པ་དེ་དག་ལ་གཟུགས་ཀྱི་སྐུ་དང ། ཆོས་ཀྱི་སྐུར་ལྟ་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་གཟུང་བར་བྱ། བཅང་བར་བྱ། ཀུན་ཆུབ་པར་བྱ། གཞན་དག་ལའང་རྒྱ་ཆེར་ཡང་དག་པར་བསྟན་པར་བྱ། ཚུལ་བཞིན་དུ་ཡིད་ལ་བྱས་ཏེ། དེས་ན་ཕྱོགས་བཅུ་ཀུན་གྱི་འཇིག་རྟེན་གྱི་ཁམས་དཔག་ཏུ་མེད། གྲངས་མེད་པ་དག་གི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་མཐོང་བར་འགྱུར་རོ། །ཀུན་དགའ་བོ།་གཞན་ཡང་རིགས་ཀྱི་བུའམ། རིགས་ཀྱི་བུ་མོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མངོན་སུམ་དུ་མཐོང་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་གཟུང་བར་བྱ། བཅང་བར་བྱ། བཀླག་པར་བྱ། ཀུན་ཆུབ་པར་བྱ། ཚུལ་བཞིན་དུ་ཡིད་ལ་བྱའོ། །ཀུན་དགའ་བོ། འདས་པའི་དུས་ན་གང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་
Kha445a
༄#། །རྫོགས་པར་སངས་རྒྱས་སོ། །གང་དག་དེ་བཞིན་གཤེགས་པ་དེ་དག་གི་ཉན་ཐོས་སུ་གྱུར་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས་རྒྱུན་དུ་ཞུགས་པའི་འབྲས་བུ་རྗེས་སུ་ཐོབ་བོ། །དེ་བཞིན་དུ་དགྲ་བཅོམ་པ་ཉིད་ཀྱི་བར་དུ་རྗེས་སུ་ཐོབ་བོ། །གང་དག་མ་འོངས་པའི་དུས་ན་འབྱུང་བར་འགྱུར་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་དང ། དེ་དག་གི་ཉན་ཐོས་རྒྱུན་དུ་ཞུགས་པ་ནས། དགྲ་བཅོམ་པ་ཉིད་ཀྱི་བར་དུ་འབྱུང་བར་འགྱུར་བ་ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས་འབྱུང་བར་འགྱུར་རོ། །ད་ལྟར་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པ་དེ་དག་ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །ཉན་ཐོས་དེ་དག་ཀྱང་དགྲ་བཅོམ་པ་ཉིད་ཀྱི་བར་དུ་རྗེས་སུ་འཐོབ་བོ། །ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད། གྲངས་མེད་པ་དག་ན་ད་ལྟར་རང་སངས་རྒྱས་གང་དག་གནས་པ་དེ་དག་ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས། རང་བྱང་ཆུབ་མངོན་པར་རྫོགས་
Kha445b
པར་སངས་རྒྱས་སོ། །དེ་ཅིའི་ཕྱིར་ཞེ་ན། འདི་ལྟར་ཐེག་པ་གསུམ་པོ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདིར་རྒྱ་ཆེར་བསྟན་པའི་ཕྱིར་ཏེ། དེ་དག་ཀྱང་མཚན་མ་མེད་པའི་ཚུལ་གྱིས་བརྟན་ཏོ། །དེ་བཞིན་དུ་སྐྱེ་བ་མེད་པ་དང ། འགག་པ་མེད་པའི་ཚུལ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པའི་ཚུལ་དང ། མངོན་པར་འདུ་བྱེད་པ་མེད་པའི་ཚུལ་དང ། བླང་བ་མེད་པ་དང ། དོར་བ་མེད་པའི་ཚུལ་དང ། གདེག་པ་མེད་པ་དང ། གཞག་པ་མེད་པའི་ཚུལ་དང ། གཟུང་བ་མེད་པ་དང ། གཏང་བ་མེད་པའི་ཚུལ་དང ། དེ་དག་ཀྱང་འཇིག་རྟེན་གྱི་ཐ་སྙད་ཀྱི་ཚུལ་གྱིས་བསྟན་གྱི། དོན་དམ་པར་ནི་མ་ཡིན་ནོ། །དེ་ཅིའི་ཕྱིར་ཞེ་ན། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཚུ་རོལ་མ་ཡིན། ཕ་རོལ་མ་ཡིན། ཐང་མ་ཡིན། གཤོང་མ་ཡིན། ཕྱ་ལེ་མ་ཡིན། ཕྱ་ལེ་མ་ཡིན་པ་མ་ཡིན། མཚན་མ་མ་ཡིན། མཚན་མ་མེད་པ་མ་ཡིན། འཇིག་རྟེན་པ་མ་ཡིན། འཇིག་རྟེན་ལས་འདས་པ་མ་ཡིན། འདུས་བྱས་མ་ཡིན། འདུས་མ་བྱས་མ་ཡིན། དགེ་བ་མ་ཡིན། མི་དགེ་བ་མ་ཡིན། ལུང་དུ་བསྟན་པ་མ་ཡིན། ལུང་དུ་མ་བསྟན་པ་མ་ཡིན། འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་པའི་ཕྱིར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་
Kha446a
༄#། །ཀྱི་ཕ་རོལ་ཏུ་ཕྱིན་པ་འབའ་ཞིག་ལ་སྤྱོད་ལགས་སམ། ཕ་རོལ་ཏུ་ཕྱིན་པ་གཞན་དག་ལའང་སྤྱོད་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕ་རོལ་ཏུ་ཕྱིན་པ་དྲུག་པོ་ཐམས་ཅད་ལ་སྤྱོད་དེ། དེའང་མི་དམིགས་པའི་ཚུལ་གྱིས་སློབ་བོ། །དེ་སྦྱིན་པའི་ཕ་རོལ་ཏུ་ཕྱིན་པ་ལའང་སྤྱོད་ལ།་སྦྱིན་པའི་ཕ་རོལ་ཏུ་ཕྱིན་པ་དེའང་མི་དམིགས། སྦྱིན་བདག་ཀྱང་མི་དམིགས། ལེན་པ་པོའང་མི་དམིགས་སོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལའང་སྤྱོད་ལ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དེའང་མི་དམིགས། ཚུལ་ཁྲིམས་དང་ལྡན་པ་དང ། ཚུལ་ཁྲིམས་འཆལ་པའང་མི་དམིགས་སོ། །དེ་བཞིན་དུ་སྦྱར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་སྤྱད་ལ། ཤེས་རབ་ཀྱི་ཕ་རོལ་ཏུ་ཕྱིན་དེའང་མི་དམིགས། ཤེས་རབ་དང་ལྡན་པ་དང ། ཤེས་རབ་འཆལ་པའང་མི་དམིགས་སོ། །འོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ནི། དེ་ལྟར་ཕ་རོལ་ཏུ་ཕྱིན་པ་ཐམས་ཅད་ཀྱི་སྔོན་དུ་འགྲོ་བ་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པར་བྱེད་པ་རྣམས་ཀྱི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་བསྲུང་བ་རྣམས་ཀྱི་སྔོན་དུ་འགྲོ་སྟེ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་
Kha446b
ཡོངས་སུ་རྫོགས་པར་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པ་སྒྲུབ་པ་རྣམས་ཀྱི་སྔོན་དུ་འགྲོ་བ་སྟེ། བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་རྩོམ་པ་རྣམས་ཀྱི་སྔོན་དུ་འགྲོ་བ་སྟེ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དག་ལ་སྙོམས་པར་འཇུག་པ་རྣམས་ཀྱི་སྔོན་དུ་འགྲོ་བ་སྟེ། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ལ་རྣམ་པར་ལྟ་བ་རྣམས་ཀྱི་སྔོན་དུ་འགྲོ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། །གཟུགས་མི་དམིགས་པའི་ཚུལ་དང ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་དམིགས་པའི་ཚུལ་གྱིས་སོ། །ཀུན་དགའ་བོ། དཔེར་ན། ཛམྦུ་གླིང་གི་ཤིང་ལྗོན་པ་ལོ་མ་ཐ་དད་པ། མེ་ཏོག་ཐ་དད་པ། འབྲས་བུ་ཐ་དད་པ་རྣམས་ཀྱི་གྲིབ་མ་ནི། གྲིབ་མ་ཞེས་བྱ་བའི་གྲངས་སུ་འགྲོ་བ་མ་གཏོགས་པར་བྱེད་བྲག་གམ།་ཐ་དད་དུ་བྱ་བ་མི་དམིགས་སོ། །ཀུན་དགའ་བོ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པའི་ཕ་རོལ་ཏུ་ཕྱིན་པ་ལྔ་པོ་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་
Kha447a
༄#། །བསྔོས་པ་རྣམས་ལའང་བྱེ་བྲག་གམ། ཐ་དད་དུ་བྱ་བ་མི་དམིགས་སོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཡོན་ཏན་མཐའ་ཡས་པ་དང་ལྡན་པའི་སླད་དུ་ཡོན་ཏན་ཆེན་པོ་དང་ལྡན་པ་ལགས་སོ། །བཙུན་པ་བཅོམ་ལྡན་འདས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཡོན་ཏན་མཐའ་ཡས་པ་དང་ལྡན་པའི་སླད་དུ་ཡོན་ཏན་ཐམས་ཅད་ཡོངས་སུ་རྫོགས་ཤིང ། ཡོན་ཏན་དཔག་ཏུ་མ་མཆིས་པ་དང་ལྡན་པ་ལགས་སོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་སམ། ཡི་གེར་འདྲིར་སྩལ་ནས། གླེགས་བམ་དུ་བགྱིས་སམ། འཆང་ངམ། ཀློག་གམ། དེ་བཞིན་ཉིད་ལ། འདི་ལྟ་སྟེ། མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། བདུག་པ་དང ། མར་མེ་དང ། ཕྱེ་མ་དང ། ཆོས་གོས་དང ། གོས་དང ། གདུགས་དང ། རྒྱལ་མཚན་དང ། བ་དན་དག་དང ། རོལ་
Kha447b
མོའི་སྒྲ་སྣ་ཚོགས་ཀྱིས་བསྟི་སྟང་དུ་བགྱིད། བླ་མར་བགྱིད། རི་མོ་བགྱིད། མཆོད་པར་བགྱིད་ལ། གོང་དུའང་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཚུལ་བཞིན་དུ་ཡིད་ལ་བགྱིད་པ་དང ། རིགས་ཀྱི་བུའམ། རིགས་ཀྱི་བུ་མོ་གཞན་གང་ལ་ལ་ཞིག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་སམ། ཡི་གེར་འདྲིར་སྩལ་ནས། གླེགས་བམ་དུ་བགྱིས་ཏེ། གཞན་དག་ལ་སྩལ་ན།་འདི་ཉིད་གང་བསོད་ནམས་ཆེས་མང་དུ་བསྐྱེད་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། དེའི་ཕྱིར་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཅིག་།ཀུན་དགའ་བོ། འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་དེ་བཞིན་གཤེགས་པའི་རིང་བསྲེལ་རྣམས་ལ་རྟག་པར་རྒྱུན་དུ་མེ་ཏོག་ནས། བ་དན་གྱི་བར་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱེད། བླ་མར་བྱེད། རི་མོ་བྱེད། མཆོད་པ་བྱེད་པ་དང ། རིགས་ཀྱི་བུའམ། རིགས་ཀྱི་བུ་མོ་གཞན་གང་ལ་ལ་ཞིག་གིས་དེ་བཞིན་གཤེགས་པའི་རིང་བསྲེལ་ཡུངས་འབྲུ་ཙམ་ཞིག་གཞན་དག་ལ་བགོ་བཤའ་བྱས་ཏེ་བྱིན་ལ། རིགས་ཀྱི་བུའམ། རིགས་ཀྱི་བུ་མོ་དེས་ཀྱང་དེ་བཞིན་གཤེགས་པའི་རིང་བསྲེལ་ཡུངས་འབྲུ་ཙམ་དེ་བླངས་ཏེ། མེ་ཏོག་ནས། བ་དན་གྱི་བར་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་
Kha448a
༄#། །བྱེད།་བླ་མར་བྱེད། རི་མོ་བྱེད། མཆོད་པ་བྱེད་པ་དེ་གཉིས་གང་བསོད་ནམས་མང་དུ་བསྐྱེད་སྙམ། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་གིས་ཇི་ལྟར་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། གང་གིས་དེ་བཞིན་གཤེགས་པའི་རིང་བསྲེལ་ཡུངས་འབྲུ་ཙམ་གཞན་ལ་སྩལ་པ་དེ་ཉིད་ཆེས་བསོད་ནམས་མང་དུ་བསྐྱེད་ལགས་སོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དོན་གྱི་དབང་འདི་གཟིགས་ནས་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ལྟ་བུའི་སྐུ་བཤིག་པ་མཛད་དོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། གང་ལ་ལ་ཞིག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་ལ་མཆོད་པ་རྣམ་པ་སྣ་ཚོགས་ཀྱིས་མཆོད་པ་བགྱིད་པ་དེའི་དགེ་བའི་རྩ་བ་དེ་མཐར་ཐུག་པར་མི་འགྱུར་གྱི། སྡུག་བསྔལ་ཐམས་ཅད་མཐར་བགྱིད་པར་འགྱུར་བའི་སླད་དུའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཤེས་རབ་ཀྱི་
Kha448b
ཕ་རོལ་ཏུ་ཕྱིན་པ་འདི་ཡི་གེར་བྲིས་སམ། ཡི་གེར་འདྲིར་བཅུག་ནས། གླེགས་བམ་དུ་བྱས་ཏེ། མེ་ཏོག་ནས། བ་དན་གྱི་བར་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱེད། བླ་མར་བྱེད།་རི་མོ་བྱེད། མཆོད་པ་བྱེད་པ་བས་གཞན་གང་ལ་ལ་ཞིག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ཡི་གེར་བྲིས་སམ། ཡི་གེར་འདྲིར་བཅུག་སྟེ། ཆོས་ལ་དགའ་བས་གཞན་དག་ལ་བྱིན་ན་རིགས་ཀྱི་བུ་འམ། རིགས་ཀྱི་བུ་མོ་དེའི་བསོད་ནམས་དེ་ཉིད་ཆེས་མང་དུ་བསྐྱེད་དོ། །ཀུན་དགའ་བོ།་གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལས་བསམ་པ་ཐག་པ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པ་དེས་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་མེ་ཏོག་ནས། བ་དན་གྱི་བར་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱ། བླ་མར་བྱ། རི་མོར་བྱ། མཆོད་པར་བྱ། གཟུང་བར་བྱ། བཅང་བར་བྱ། བཀླག་པར་བྱ། ཀུན་ཆུབ་པར་བྱ། ཚུལ་བཞིན་དུ་ཡིད་ལ་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱང་ངེས་པར་འབྱུང་ཞིང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱང་ངེས་པར་འབྱུང་བའི་ཕྱིར་རོ། །ཀུན་དགའ་བོ། དེ་ལྟ་བས་ན་བྱང་ཆུབ་སེམས་དཔའི་ཐེག་པ་པའམ། རང་སངས་རྒྱས་ཀྱི་ཐེག་པ་པའམ།
Kha449a
༄#། །ཉན་ཐོས་ཀྱི་ལེགས་པའི་རིགས་ཀྱི་བུ་འམ། རིགས་ཀྱི་བུ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་མེ་ཏོག་སྣ་ཚོགས་ནས། བ་དན་གྱི་བར་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱ། བླ་མར་བྱ། རི་མོར་བྱ། མཆོད་པ་བྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའི་ཐེག་པ་པའི་རིགས་ཀྱི་དུའམ། རིགས་ཀྱི་བུ་མོ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བསྟན། བཤད། རྣམ་པར་ཕྱེ། གསལ་བར་བྱས། ཡང་དག་པར་རབ་ཏུ་བསྟན་ཏེ། འདི་སྐད་ཅེས་ཚུར་ཤོག་།རིགས་ཀྱི་བུ། ཁྱོད་ཀྱིས་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ནན་ཏན་གྱིས་ཤིག་ཅེས་ཀྱང་བརྗོད་ན། བཙུན་བ་བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་ཇི་སྙེད་ཅིག་བསྐྱེད་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་བསྐྱེད་དོ། །ཀུན་དགའ་བོ། འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཛམྦུ་གླིང་གི་སེམས་ཅན་གང་དག་ཡིན་པ་དེ་དག་རྒྱུན་དུ་ཞུགས་པའི་འབྲས་བུ་ལ་བཀོད་ན། ཀུན་དགའ་བོ་འདི་ཇི་སྙམ་དུ་སེམས། རིགས་ཀྱི་བུའམ་རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ།
Kha449b
གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རིགས་ཀྱི་བུའམ ། རིགས་ཀྱི་བུ་མོ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ། ཚིག་འབྲུ་བཟང་པོ་འདི་དག་གཞན་དག་ལ་རྣམ་གྲངས་འདིས་བརྗོད་ཅིང་སྟོན་ལ། གསལ་བར་བྱེད་ཅིང་རྣམ་པར་འབྱེད་དེ།་ཡང་དག་པར་རབ་ཏུ་སྟོན་ལ་དེ་ལ་འདི་སྐད་ཅེས་ཀྱེ་ཚུར་ཤོག་།རིགས་ཀྱི་བུ་ཁྱོད་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟུངས་ཤིག་།ཆོངས་ཤིག་།ཀུན་ཆུབ་པར་གྱིས་ཤིག་།ལྷོགས་ཤིག ། ཚུལ་བཞིན་དུ་ཡིད་ལ་གྱིས་ཤིག་།ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ནན་ཏན་དུ་གྱིས་ཤིག་ཅེས་ཀྱང་བརྗོད་ན། དེ་ནི་དེ་བས་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། ཀུན་དགའ་བོ། རྒྱུན་དུ་ཞུགས་པ་རྣམས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་རབ་ཏུ་ཕྱེ་བ་ཡིན་པའི་ཕྱིར་རོ། །ཀུན་དགའ་བོ། ཛམྦུ་གླིང་གི་སེམས་ཅན་རྣམས་ལྟའང་ཞོག ། དེ་བཞིན་དུ་གླིང་བཞི་པའི་སེམས་ཅན་རྣམས་ལྟའང་ཞོག་།སྟོང་ཆུང་ངུའི་འཇིག་རྟེན་གྱི་ཁམས་གྱི་སེམས་ཅན་རྣམས་ལྟའང་ཞོག་།སྟོང་གཉིས་པ་བར་མའི་འཇིག་རྟེན་གྱི་ཁམས་ཀྱི་སེམས་ཅན་ལྟའང་ཞོག་།ཀུན་དགའ་བོ།་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་རྣམས་ལྟའང་ཞོག་ལ། ཀུན་དགའ་བོ། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་
Kha450a
༄#། །མ་སྙེད་དག་ན། སེམས་ཅན་ཇི་སྙེད་ཡོད་པ་དེ་དག་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་རྒྱུན་དུ་ཞུགས་པའི་འབྲས་བུ་ལ་བཀོད་ན། ཀུན་དགའ་བོ། འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། ། བཙུན་པ་བདེ་བར་གཤེགས་པ། མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ། ཚིག་འབྲུ་བཟང་པོ་འདི་གཞན་དག་ལ་བརྗོད་ཅིང་སྟོན་ལ། གསལ་བར་བྱེད་ཅིང་རྣམ་པར་འབྱེད་དེ། ཡང་དག་པར་རབ་ཏུ་སྟོན་ན། རིགས་ཀྱི་བུའམ། རིགས་ཀྱི་བུ་མོ་དེའི་བསོད་ནམས་ནི། རིགས་ཀྱི་བུའམ། རིགས་ཀྱི་བུ་མོ་སྔ་མ་དེ་དག་གི་བསོད་ནམས་པས་ཆེས་མང་དུ་བསྐྱེད་དེ། དེ་ནི་སྟོན་པའམ། སྟོན་པ་གང་ཡང་རུང་བའམ། བླ་མའི་གནས་ལྟ་བུའམ། ཚངས་པ་མཚུངས་པར་སྤྱོད་པ་ཡིན་པར་ཤེས་པར་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ། འདས་པའི་ཡང་དག་པར་རྫོགས་པའི་སངས་རྒྱས་རྣམས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བསླབས་ནས་རྣམ་པ་ཐམས་ཅད་མཁྱེན་པ་ཉིད་བརྙེས་ཤིང ། གང་དག་མ་འོངས་པ་ན་འབྱུང་བར་འགྱུར་བའི་དེ་བཞིན་གཤེགས་པ་དེ་དག་ཀྱང་ཤེས་རབ་ཀྱི་
Kha450b
ཕ་རོལ་ཏུ་ཕྱིན་པ་འདི་ལ་བརྟེན་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་ད་ལྟར་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསླབས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཤིང ། གཞན་མཁས་པ་ཚངས་པ་མཚུངས་པར་སྤྱོད་པ་དང ། ཉན་ཐོས་དང ། རང་སངས་རྒྱས་བྱུང་བ་གང་དག་ཡིན་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསླབས་ནས་བྱུང་ལ། ད་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཉན་ཐོས་ཀྱི་སའམ། རང་སངས་རྒྱས་ཀྱི་ས་ལས་འདས་ནས་ཕྱིར་མི་ལྡོག་པའི་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསླབས་ནས་གྱུར་པ་ཡིན། ཉན་ཐོས་ཀྱི་ཐེག་པ་པ་རྣམས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསླབས་ནས། དགྲ་བཅོམ་པ་ཉིད་ཐོབ། འཐོབ་པར་འགྱུར། དེ་བཞིན་དུ་རང་སངས་རྒྱས་ཀྱི་ཐེག་པ་པ་རྣམས་ཀྱང་རང་བྱང་ཆུབ་ཐོབ། འཐོབ་པར་འགྱུར་ལ། བྱང་ཆུབ་སེམས་དཔའི་ཐེག་པ་པ་རྣམས་ཀྱང་བྱང་ཆུབ་སེམས་དཔའི་སྐྱོན་མེད་པ་ལ་ཞུགས་པའི་ཕྱིར་
Kha451a
༄#། །རོ། །ཀུན་དགའ་བོ། དེ་ལྟ་བས་ན་རིགས་ཀྱི་བུའམ། རིགས་ཀྱི་བུ་མོ་དེ་བཞིན་གཤེགས་པ་མངོན་དུ་གྱུར་པ་ལ་མེ་ཏོག་རྣམ་པ་སྣ་ཚོགས་ནས། བ་དན་གྱི་བར་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱ་བར་འདོད་པ་དང ། བླ་མར་བྱ་བར་འདོད་པ་དང ། རི་མོར་བྱ་བར་འདོད་པ་དང ། མཆོད་པ་བྱ་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ཡི་གེར་བྲིས་སམ། ཡི་གེར་འདྲིར་བཅུག་ནས་གླེགས་བམ་དུ་བྱས་ཏེ། མེ་ཏོག་རྣམ་པ་སྣ་ཚོགས་ནས། བ་དན་གྱི་བར་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱ། བླ་མར་བྱ། རི་མོ་བྱ། མཆོད་པ་བྱའོ། །དོན་གྱི་དབང་འདི་མཐོང་བ་ཉིད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ན། བདག་གིས་སུ་ལ་བསྟི་སྟང་དུ་བྱ། བླ་མར་བྱ། རི་མོ་བྱ། མཆོད་པ་བྱ་ཞིང་བརྟེན་ཏེ་གནས་པར་བྱ་སྙམ་ན། ཀུན་དགའ་བོ། ལྷ་དང་བཅས། བདུད་དང་བཅས། ཚངས་པ་དང་བཅས། དགེ་སྦྱོང་དང ། བྲམ་ཟེར་བཅས་པའི་སྐྱེ་དགུ་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ན་ངས་ང་དང་འདྲ་བའམ། ལྷག་པའང་མ་མཐོང་ནས། དེ་ནས་ངས་འདི་སྙམ་དུ་བསམས་ཏེ། ངས་ཆོས་ཞི་བ་གྱ་ནོམ་པ་གང་མངོན་པར་རྫོགས་པར་སངས་རྒྱས་པ་དེ་ཉིད་ལ་བསྟི་སྟང་དུ་བྱ། བླ་མར་བྱ། རི་མོར་བྱ། མཆོད་པ་བྱ་ཞིང་བརྟེན་ཏེ་གནས་པར་བྱའོ་སྙམ་མོ། །ཀུན་དགའ་བོ། ཆོས་
Kha451b
དེ་གང་ཞེ་ན། འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་དེ། ཀུན་དགའ་བོ། ང་ད་ལྟར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསྟི་སྟང་དུ་བྱེད། བླ་མར་བྱེད། རི་མོ་བྱེད ། མཆོད་པ་བྱེད་ཅིང་བརྟེན་ཏེ་གནས་ན། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་མེ་ཏོག་དང ། བདུག་པ་དང ། སྤོས་དང ། ཕྲེང་བ་དང ། བྱུག་པ་དང ། ཕྱེ་མ་དང ། གོས་དང ། གདུགས་དང ། རྒྱལ་མཚན་དང ། བ་དན་དག་གིས་བསྟི་སྟང་དུ་བྱ་བ་དང ། བླ་མར་བྱ་བ་དང ། རི་མོར་བྱ་བ་དང ། མཆོད་པ་བྱ་བ་དང ། རིགས་ཀྱི་བུའམ། རིགས་ཀྱི་བུ་མོ་ཉན་ཐོས་ཀྱི་ཐེག་པ་ལ་ཡང་དག་པར་ཞུགས་པའམ། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་མེ་ཏོག་དང ། བདུག་པ་དང ། སྤོས་དང ། ཕྲེང་བ་དང ། བྱུག་པ་དང ། ཕྱེ་མ་དང ། གོས་དང ། གདུགས་དང ། རྒྱལ་མཚན་དང ། བ་དན་དག་གིས་བསྟི་སྟང་དུ་བྱ་བ་དང ། བླ་མར་བྱ་བ་དང ། རི་མོར་བྱ་བ་དང ། མཆོད་པ་བྱ་བ་ལྟ་ཅི་སྨོས། དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ནི་བྱང་ཆུབ་སེམས་དཔའ་རྣམས་བྱུང་ལ།་བྱང་ཆུབ་སེམས་དཔའ་རྣམས་ལས་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་བྱུང་ཞིང ། དེ་བཞིན་གཤེགས་པ་ལས་ནི་ཉན་ཐོས་དང །
Kha452a
༄#། །རང་སངས་རྒྱས་རྣམས་བྱུང་བའི་ཕྱིར་ཏེ། ཀུན་དགའ་བོ། དེ་ལྟ་བས་ན་རིགས་ཀྱི་བུའམ། རིགས་ཀྱི་བུ་མོ་ཐེག་པ་ཆེན་པོ་བ་རྣམས་དང ། ཉན་ཐོས་ཀྱི་ཐེག་པ་པ་རྣམས་དང།་རང་སངས་རྒྱས་ཀྱི་ཐེག་པ་པ་རྣམས་ཀྱིས་གང་ལ་བསླབས་ན་རིགས་ཀྱི་བུའམ་རིགས་ཀྱི་བུ་མོ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དང ། མངོན་པར་རྫོགས་པར་འཚང་རྒྱ་བ་དང ། མངོན་པར་རྫོགས་པར་འཚང་རྒྱ་བར་འགྱུར་བའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་མེ་ཏོག་དང ། བདུག་པ་དང ། སྤོས་དང།་ཕྲེང་བ་དང ། བྱུག་པ་དང ། ཕྱེ་མ་དང ། གོས་དང ། གདུགས་དང ། རྒྱལ་མཚན་དང ། བ་དན་དག་གིས་བསྟི་སྟང་དུ་བྱའོ། །བླ་མར་བྱའོ། །རི་མོ་བྱའོ། །མཆོད་པར་བྱའོ། །ཀུན་དགའ་བོ། འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཛམྦུ་གླིང་གི་སེམས་ཅན་ཇི་སྙེད་པ་དེ་དག་ཐམས་ཅད་རྒྱུན་དུ་ཞུགས་པའི་འབྲས་བུ་ལ་བཀོད་ན། ཀུན་དགའ་བོ།་འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་དོན་
Kha452b
བཟང་པོ། ཚིག་འབྲུ་བཟང་པོ་འདི་གཞན་དག་ལ་རྒྱ་ཆེར་བརྗོད་ཅིང་སྟོན་ལ་རྣམ་པར་འབྱེད་དེ། གསལ་བར་བྱེད་ཅིང་ཡང་དག་པར་རབ་ཏུ་སྟོན་ལ། འདི་སྐད་ཅེས་ཚུར་ཤོག་།རིགས་ཀྱི་བུ་ཁྱོད་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟུངས་ཤིག་།ཆོངས་ཤིག་།ལྷོགས་ཤིག་།ཀུན་ཆུབ་པར་གྱིས་ཤིག་།ཚུལ་བཞིན་དུ་ཡིད་ལ་གྱིས་ཤིག་།ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ནན་ཏན་གྱིས་ཤིག་ཅེས་ཀྱང་བརྗོད་ན། དེ་ནི་དེ་བས་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། ཀུན་དགའ་བོ། རྒྱུན་དུ་ཞུགས་པ་རྣམས་ནི་ཤེས་རབ་ཀྱི་ཕ་རོལ་ཏུ་ཕྱིན་པས་རབ་ཏུ་ཕྱེ་བ་ཡིན་པའི་ཕྱིར་རོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཛམྦུ་གླིང་གི་སེམས་ཅན་ཇི་སྙེད་པ་དེ་དག་ཐམས་ཅད་ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་དང ། རང་བྱང་ཆུབ་ལ་བཀོད་ན། ཀུན་དགའ་བོ། འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ། ཚིག་འབྲུ་
Kha453a
༄#། །བཟང་པོ་འདི་གཞན་དག་ལ་རྒྱ་ཆེར་བརྗོད་ཅིང་འཆད་པ་ནས། ཡང་དག་པར་རབ་ཏུ་སྟོན་པའི་བར་དུ་བྱེད་ཅིང ། འདི་སྐད་དུ་རིགས་ཀྱི་བུ་ཁྱོད་ཚུར་ཤོག། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟུང་ཞིག་ཅེས་བྱ་བ་ནས། ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ནན་ཏན་གྱིས་ཤིག་ཅེས་ཀྱང་བརྗོད་པའི་བར་དུ་བྱེད་ན། དེ་ནི་དེ་བས་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། ཀུན་དགའ་བོ། རང་སངས་རྒྱས་ཀྱི་བར་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པས་རབ་ཏུ་ཕྱེ་བ་ཡིན་པའི་ཕྱིར་རོ། ། དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་གི་སེམས་ཅན་རྣམས་ལའང་སྦྱར་བར་བྱའོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལས་ཛམྦུ་གླིང་གི་སེམས་ཅན་ཇི་སྙེད་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་པ་དང ། གང་ཞིག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ། ཚིག་འབྲུ་བཟང་པོ་འདི་གཞན་དག་ལ་རྒྱ་ཆེར་སྟོན་ཅིང་འཆད་ལ། རྣམ་པར་འབྱེད་ཅིང་གསལ་བར་བྱེད་དེ། ཡང་དག་པར་སྟོན་ལ། འདི་སྐད་དུ་རིགས་ཀྱི་བུ་ཁྱོད་ཚུར་ཤོག་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སློབས་ཤིག་།གང་གི་ཚེ་འདི་ལ་སློབ་པ་དེའི་ཚེ་རྣམ་པ་ཐམས་ཅད་མཁྱེན་པ་ཉིད་ཀྱི་
Kha453b
ཆོས་རྣམས་འཐོབ་པར་འགྱུར་རོ་ཞེས་བརྗོད་ན། དེ་ནི་བསོད་ནམས་མཚུངས་པར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ། ཕྱོགས་བཅུའི་འཇིག་རྟེན་གྱི་ཁམས་ན་དང་པོ་སེམས་བསྐྱེད་པའི་བྱང་ཆུབ་སེམས་དཔའ་རྣམས་ནས་ས་བཅུ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་སྙེད་པ་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལས་ངེས་པར་འབྱུང་བའི་ཕྱིར་རོ། །དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ལའང་སྦྱར་བར་བྱའོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཛམྦུ་གླིང་གི་སེམས་ཅན་ཇི་སྙེད་པ་དེ་དག་ཐམས་ཅད་ཕྱིར་མི་ལྡོག་པའི་ས་ལ་བཀོད་ན། ཀུན་དགའ་བོ། འདི་ཇི་སྙམ་དུ་སེམས། རིགས་ཀྱི་བུའམ། རིགས་ཀྱི་བུ་མོ་དེ་གཞི་དེ་ལས་བསོད་ནམས་མང་དུ་བསྐྱེད་སྙམ་མམ། གསོལ་པ། བཙུན་པ་བཅོམ་ལྡན་འདས། མང་ལགས་སོ། །བཙུན་པ་བདེ་བར་གཤེགས་པ། མང་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རིགས་ཀྱི་བུའམ། རིགས་ཀྱི་བུ་མོ་གང་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ། ཚིག་འབྲུ་བཟང་པོ་འདི་གཞན་དག་ལ་རྒྱ་ཆེར་བརྗོད་པ་ནས་ཡང་དག་པར་སྟོན་པའི་བར་དུ་བྱེད་ལ། འདི་སྐད་ཅེས་ཚུར་ཤོག་།རིགས་ཀྱི་བུ་ཁྱོད་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟུང་ཞིག་ཅེས་བྱ་བ་ནས། ཇི་
Kha454a
༄#། །སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ནན་ཏན་གྱིས་ཤིག་།རིགས་ཀྱི་བུ། ཁྱོད་གང་གི་ཚེ་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་སློབ་པ་དེའི་ཚེ་རྣམ་པ་ཐམས་ཅད་མཁྱེན་པ་ཉིད་ཀྱི་ཆོས་རྣམས་ཐོབ་པར་འགྱུར་ཞིང ། དེའི་ཚེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་བརྗོད་ན། དེ་ནི་དེ་བས་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། ཀུན་དགའ་བོ། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕྱིར་མི་ལྡོག་པའི་ས་དེ་དང ། དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལས་བྱུང་བའི་ཕྱིར་རོ། །དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ལའང་སྦྱར་བར་བྱའོ། །ཀུན་དགའ་བོ། གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཛམྦུ་གླིང་གི་སེམས་ཅན་ཇི་སྙེད་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཛིན་དུ་བཅུག་སྟེ། དེ་དག་ལ་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ། ཚིག་འབྲུ་བཟང་པོ་འདི་ཉིད་བརྗོད་པ་ནས། ཡང་དག་པར་སྟོན་པའི་བར་དུ་བྱེད་ལ། འདི་སྐད་དུ་རིགས་ཀྱི་བུ་ཁྱོད་ཚུར་ཤོག། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟུངས་ཤིག་ཅེས་བྱ་བ་ནས་ཇི་
Kha454b
སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ནན་ཏན་གྱིས་ཤིག་།གང་གི་ཚེ་ཁྱོད་ཀྱིས་ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ནན་ཏན་བྱས་པ་དེའི་ཚེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པར་འགྱུར་རོ། །གང་གི་ཚེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་པ་དེའི་ཚེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་བརྗོད་པ་བས། གང་ཞིག་ཕྱིར་མི་ལྡོག་པའི་བྱང་ཆུབ་སེམས་དཔའ་དེ་ཉིད་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་སྟོན་པ་ནས། ཡང་དག་པར་རབ་ཏུ་སྟོན་པའི་བར་དུ་བྱེད་ལ། དེ་ལ་འདི་སྐད་དུ། རིགས་ཀྱི་བུ་ཁྱོད་ཚུར་ཤོག། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཟུངས་ཤིག་ཅེས་བྱ་བ་ནས། ཇི་སྐད་བསྟན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ནན་ཏན་གྱིས་ཤིག་།ནན་ཏན་བྱས་ན་ཁྱོད་རིམ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་ཀྱང་བརྗོད་ན། དེ་ནི་དེ་བས་ཆེས་བསོད་ནམས་མང་དུ་བསྐྱེད་པར་འགྱུར་རོ། །དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ལའང་རྒྱ་ཆེར་སྦྱར་བར་བྱའོ། །ཀུན་དགའ་བོ། གཞན་ཡང་ཛམྦུ་གླིང་གི་སེམས་ཅན་ཇི་སྙེད་པ་དང ། གླིང་བཞི་པའི་སེམས་ཅན་ཇི་སྙེད་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ལ། རིགས་ཀྱི་
Kha455a
༄#། །བུའམ། རིགས་ཀྱི་བུ་མོ་གང་ལ་ལ་ཞིག་གིས་དེ་དག་ལ་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ། ཚིག་འབྲུ་བཟང་པོ་འདི་སྟོན་པ་བས་ནི། གཞན་གང་ཞིག་འདི་སྐད་ཅེས་བདག་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱ་ཞིང ། མངོན་པར་རྫོགས་པར་སངས་རྒྱས་ནས་ཀྱང་ངན་སོང་གསུམ་པོ་དག་ཏུ་ལྷུང་བའི་སེམས་ཅན་རྣམས་གདོན་པར་བྱའོ་ཞེས་ཟེར་བ་དེ་ལ་རིགས་ཀྱི་བུའམ། རིགས་ཀྱི་བུ་མོ་ལ་ལ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པ་དོན་བཟང་པོ། ཚིག་འབྲུ་བཟང་པོ་འདི་སྟོན་ན། རིགས་ཀྱི་བུའམ། རིགས་ཀྱི་བུ་མོ་དེ་ཆེས་བསོད་ནམས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ནི་མཚར་ཅིག་ཆོས་བསྟན་མི་དགོས་ཏེ། དེ་དག་རྫོགས་པའི་བྱང་ཆུབ་ལ་གཞོལ་ཞིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཀྱང་ཕྱིར་མི་ལྡོག་པ་དག་ཡིན་ལ། འདི་ནི་འཁོར་བ་ལ་ཡིད་འབྱུང་ཞིང་སྙིང་རྗེ་ཆེན་པོ་འཇུག་པས་ཡོངས་སུ་གཟིར་བའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟ་ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་གྱུར་པ་དེ་ལྟ་དེ་
Kha455b
ལྟར་སྦྱིན་པའི་ཕ་རོལ་ཏུ་ཕྱིན་པ་ལ་གདམས་ཤིང་རྗེས་སུ་བསྟན་འཚལ་ལགས་ཏེ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུཕྱིན་པ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གདམས་ཤིང་རྗེས་སུ་བསྟན་འཚལ་ལགས་སོ། །དེ་བཞིན་དུ་ནང་སྟོང་པ་ཉིད་ནས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་གདམས་ཤིང་རྗེས་སུ་བསྟན་འཚལ་ལགས་སོ། །དེ་བཞིན་དུ་དྲན་པ་ཉེ་བར་བཞག་པ་བཞི་ནས། འཕགས་པའི་ལམ་ཡན་ལག་བརྒྱད་པའི་བར་ལ་གདམས་ཤིང་རྗེས་སུ་བསྟན་འཚལ་ལགས་སོ། །དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང ། མི་འཇིགས་པ་བཞི་དང ། སོ་སོ་ཡང་དག་པར་རིག་པ་བཞི་དང ། བྱམས་པ་ཆེན་པོ་དང ། སྙིང་རྗེ་ཆེན་པོ་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་གདམས་ཤིང་རྗེས་སུ་བསྟན་འཚལ་ལགས་སོ། །དེ་ལྟ་དེ་ལྟར་ཟས་དང ། གོས་དང ། མལ་ཆ་དང ། སྟན་དང ། ན་བའི་གསོས་སྨན་དང ། ཡོ་བྱད་རྣམས་ཀྱིས་སྨན་གདགས་འཚལ་ལགས་ཏེ། བྱང་ཆུབ་སེམས་དཔའ་དེ་ལ་ཆོས་ཀྱིས་བསྡུ་བ་དང ། ཟང་ཟིང་གིས་བསྡུ་བས་སྨན་འདོགས་པའི་རིགས་ཀྱི་བུའམ། རིགས་ཀྱི་བུ་མོ་དེ་ནི་བསོད་ནམས་ཆེས་མང་དུ་བསྐྱེད་ཀྱི། རིགས་ཀྱི་བུའམ། རིགས་ཀྱི་བུ་མོ་སྔ་མ་དེ་དག་ནི་དེ་ལྟ་མ་ལགས་སོ། །
Kha456a
༄#། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས། བདག་ནི་འདི་སྙམ་དུ་གང་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་འདོམས་ཤིང་རྗེས་སུ་སྟོན་པ་དང ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་འདོམས་ཤིང་རྗེས་སུ་སྟོན་པ་དེ་ནི་བསོད་ནམས་ཆེས་མང་དུ་བསྐྱེད་སྙམ་བགྱིད་པའི་སླད་དུའོ། ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱོད་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུའམ། རིགས་ཀྱི་བུ་མོ་རྣམས་ལ་སྤྲོ་བ་བསྐྱེད་པ་ནི་ལེགས་སོ། །ལེགས་སོ། །འཕགས་པ་ཉན་ཐོས་གང་སེམས་ཅན་རྣམས་ལ་ཕན་གདགས་པར་འདོད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སྤྲོ་བ་བསྐྱེད་པར་བྱའོ། །ཆོས་ཀྱིས་བསྡུ་བ་དང ། ཟང་ཟིང་གིས་བསྡུ་བས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཕན་གདགས་པར་བྱ་ཞིང་ཡོངས་སུ་བསྐྱང་བར་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ནི། འདི་ལྟ་སྟེ། བྱང་ཆུབ་སེམས་དཔའ་རྣམས་ལས་བྱུང་ལ། རང་སངས་རྒྱས་ཀྱི་ཐེག་པའང་དེ་ལས་བྱུང་ཞིང ། ཐེག་པ་ཆེན་པོའང་དེ་ལས་བྱུང་བའི་ཕྱིར་རོ། །ཀུན་དགའ་བོ། གལ་ཏེ་བྱང་ཆུབ་སེམས་དཔའ་རྣམས་བླ་
Kha456b
ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ལ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཕ་རོལ་ཏུ་ཕྱིན་པ་དྲུག་པོ་དག་ལ་མ་བསླབས་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་མ་བསླབས་ན། ཕ་རོལ་ཏུ་ཕྱིན་པ་དྲུག་པོ་དག་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་མ་བསླབས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱའོ། །དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང ། རང་སངས་རྒྱས་ཀྱི་བྱང་ཆུབ་དང ། ཉན་ཐོས་ཀྱི་བྱང་ཆུབ་ཡོད་པར་མི་འགྱུར་བ་ཞིག་ན། ཀུན་དགའ་བོ། གང་གི་ཕྱིར་བྱང་ཆུབ་སེམས་དཔའ་ཕ་རོལ་ཏུ་ཕྱིན་པ་དྲུག་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་སློབ་པ་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བས་མངོན་པར་རྫོགས་པར་འཚང་རྒྱའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་གིས་ཇི་ལྟར་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། བཙུན་པ་བཅོམ་ལྡན་འདས།
Kha457a
༄#། །ཇི་སྲིད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཇིག་རྟེན་ན་སྤྱོད་པ་དེ་སྲིད་དུ་འཇིག་རྟེན་ན་སངས་རྒྱས་དཀོན་མཆོག་ནུབ་པར་མི་འགྱུར། དེ་བཞིན་དུ་འཇིག་རྟེན་ན་ཆོས་དཀོན་མཆོག་དང ། དགེ་འདུན་དཀོན་མཆོག་ནུབ་པར་མི་འགྱུར། དེ་བཞིན་དུ་དགེ་བ་བཅུའི་ལས་ཀྱི་ལམ་རྣམས་འཇིག་རྟེན་དུ་འབྱུང་བར་འགྱུར། བསམ་གཏན་བཞི་དང ། དེ་བཞིན་དུ་ཚད་མེད་པ་བཞི་དང ། གཟུགས་མེད་པའི་སྙོམས་པར་འཇུག་པ་བཞི་འཇིག་རྟེན་དུ་འབྱུང་བར་འགྱུར། སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར། དྲན་པ་ཉེ་བར་བཞག་པ་བཞི་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་འཇིག་རྟེན་དུ་འབྱུང་བར་འགྱུར། དེ་བཞིན་དུ་ཐམས་ཅད་ཤེས་པ་ཉིད་དང ། ལམ་གྱི་རྣམ་པ་ཤེས་པ་ཉིད་འཇིག་རྟེན་དུ་འབྱུང་བར་འགྱུར། དེ་བཞིན་དུ་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དང ། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དང ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་རྒྱལ་ཆེན་བཞིའི་རིས་ཀྱི་ལྷ་རྣམས་འཇིག་རྟེན་དུ་འབྱུང་བར་འགྱུར། དེ་བཞིན་དུ་འོག་མིན་གྱི་བར་གྱི་ལྷ་རྣམས་
Kha457b
འཇིག་རྟེན་དུ་འབྱུང་བར་འགྱུར། དེ་བཞིན་དུ་རྒྱུན་དུ་ཞུགས་པ་རྣམས་དང ། ལན་གཅིག་ཕྱིར་འོང་བ་རྣམས་དང ། ཕྱིར་མི་འོང་བ་རྣམས་དང ། དགྲ་བཅོམ་པ་རྣམས་དང ། རང་སངས་རྒྱས་རྣམས་དང ། བྱང་ཆུབ་སེམས་དཔའ་རྣམས་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བར་འགྱུར། རྗེས་སུ་སངས་རྒྱས་པའི་ཡེ་ཤེས་རྣམས་འཇིག་རྟེན་ན་མཆིས་པར་འགྱུར། སེམས་ཅན་ཡོངས་སུ་སྨིན་པར་བགྱི་བ་དང ། སངས་རྒྱས་ཀྱི་ཞིང་ཡོངས་སུ་དག་པར་བགྱི་བའི་བར་དུ་འཇིག་རྟེན་ན་མཆིས་པར་འགྱུར།་མི་དགེ་བའི་ཆོས་ཐམས་ཅད་ནི་ཡོངས་སུ་ཉམས་པར་འགྱུར། དགེ་བའི་ཆོས་བསྒོམ་པ་ཐམས་ཅད་ནི་ཡོངས་སུ་རྫོགས་པར་འགྱུར། ལྷའི་རིས་རྣམས་ནི་མངོན་པར་འཕེལ་བར་འགྱུར།་ལྷ་མ་ཡིན་གྱི་རིས་རྣམས་ནི་ཡོངས་སུ་ཉམས་པར་འགྱུར། སངས་རྒྱས་ཀྱི་ཚུལ་རྒྱུན་མི་འཆད་པར་འགྱུར། ཆོས་ཀྱི་ཚུལ་དང ། དགེ་འདུན་གྱི་ཚུལ་རྒྱུན་མི་འཆད་པར་འགྱུར།་འཇིག་རྟེན་ན་ཆོས་ཀྱི་འཁོར་ལོ་བསྐོར་བའི་བར་དུ་མཆིས་པར་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་དེ་བཞིན་ཏེ། ལེགས་པར་སྨྲས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡུན་རིང་པོ་ཇི་སྲིད་དུ་འཇིག་རྟེན་ན་སྤྱོད་པར་འགྱུར་བ་ཡུན་རིང་པོ་དེ་སྲིད་དུ་འཇིག་རྟེན་ན་སངས་རྒྱས་དཀོན་མཆོག་ནུབ་པར་མི་འགྱུར་
Kha458a
༄#། །རོ། །དེ་བཞིན་དུ་སྦྱར་ཏེ། འཇིག་རྟེན་ན་ཆོས་ཀྱི་འཁོར་ལོ་བསྐོར་བའི་བར་དུ་ཡོད་པར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཐ་ན་ཐོས་པ་ཙམ་ཡང་དོན་ཆེན་པོ་ཡིན་ན། གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང ། འཆང་བ་དང ། ཀློག་པ་དང ། ཀུན་ཆུབ་པར་བྱེད་པ་དང ། ཚུལ་བཞིན་དུ་ཡིད་ལ་བྱེད་པ་དང ། འདི་ལྟ་སྟེ། མེ་ཏོག་དང ། འབྲས་བུ་དང ། སྤོས་དང ། བྱུག་པ་དང ། ཕྱེ་མ་དང ། བདུག་པ་དང ། མར་མེ་དང ། གདུགས་དང ། རྒྱལ་མཚན་དང ། བ་དན་དག་དང ། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱེད་པ་དང ། བླ་མར་བྱེད་པ་དང ། རི་མོ་བྱེད་པ་དང ། མཆོད་པ་བྱེད་པ་ལྟ་སྨོས་ཀྱང་ཅི་དགོས། དེ་ཅིའི་ཕྱིར་ཞེ་ན། ཀུན་དགའ་བོ།་རིགས་ཀྱི་བུའམ། རིགས་ཀྱི་བུ་མོའམ། ལྷའི་བུའམ། ལྷའི་བུ་མོ་གང་ལ་ལའི་རྣ་ལམ་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གྲག་པ་དེ་དག་ཐམས་ཅད་ནི་དགེ་བའི་རྩ་བ་དེ་ཉིད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་ཕྱིར་རོ། །དེ་ཅིའི་ཕྱིར་ཞེ་ན། ཀུན་དགའ་བོ། འདི་ལྟར་འདས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉན་ཐོས་ཀྱི་དགེ་འདུན་དང་བཅས་པ་གང་དག་བྱུང་བ་དེ་དག་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་
Kha458b
ལ་བསླབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་གྱུར་ཅིང ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ལ། མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉན་ཐོས་ཀྱི་དགེ་འདུན་དང་བཅས་པ་གང་དག་འབྱུང་བར་འགྱུར་བ་དེ་དག་ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསླབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཞིང ། ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་བ་དང ། ད་ལྟར་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉན་ཐོས་ཀྱི་དགེ་འདུན་དང་བཅས་པ་གང་དག་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་པ་དེ་དག་ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བསླབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བའི་ཕྱིར་རོ། དེ་ཅིའི་ཕྱིར་ཞེ་ན། ཀུན་དགའ་བོ། འདི་ལྟར་ཤེས་རབ་ཀྱི་ཕ་རོལ་
Kha459a
༄#། །ཏུ་ཕྱིན་པའི་ནང་དུ་བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་འདུས་ཤིང ། སངས་རྒྱས་ཀྱི་ཆོས་ཐམས་ཅད་དང ། རང་སངས་རྒྱས་ཀྱི་ཆོས་རྣམས་དང ། ཉན་ཐོས་ཀྱི་ཆོས་རྣམས་ཀྱང་འདུས་ལ། དགེ་བའི་ཆོས་ཐམས་ཅད་ཀྱང་སྒྲུབ་པ་དང ། ཆོས་ཐམས་ཅད་ཡང་དག་པར་སྡུད་པ་ཡིན་པའི་ཕྱིར་རོ། །ཀུན་དགའ་བོ། གཞན་ཡང་ཁྱོད་ཀྱིས་བྱམས་པའི་ལུས་ཀྱི་ལས་དང ། བྱམས་པའི་ངག་གི་ལས་དང ། བྱམས་པའི་ཡིད་ཀྱི་ལས་ཀྱིས་ང་ལ་བསྙེན་བཀུར་བྱས་ཏེ། དེའི་ཕྱིར་ད་ལྟར་ང་འཚོ་ཞིང་སྡོད་པའི་ལུས་འདི་ལ་ཁྱོད་ཀྱིས་དགའ་བ་དང ། དད་པ་དང ། གུས་པར་བྱས་སོ། །ང་འདས་པའི་འོག་ཏུའང་ཁྱོད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་དགའ་བ་དང ། དད་པ་དང ། གུས་པར་གྱིས་ཤིག་།ཀུན་དགའ་བོ། ང་ཡོངས་སུ་མྱ་ངན་ལས་འདས་པའི་འོག་ཏུ་ཁྱོད་ཀྱིས་ཅི་ནས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ཆུད་ཟ་བར་མི་འགྱུར་བ་དང ། ཡོངས་སུ་མྱ་ངན་ལས་འདས་པའི་འོག་ཏུ་ཅི་ནས་ཀྱང་ཡི་གེ་གཅིག་ཀྱང་ནུབ་པར་མི་འགྱུར་བ་དེ་ལྟར་ལན་གཉིས། ལན་གསུམ་དུ་ཁྱོད་ཀྱི་ལག་ཏུ་གཏད་དོ། །ཀུན་དགའ་བོ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཇི་སྲིད་དུ་འཇིག་རྟེན་ན་སྤྱོད་པ་དེ་སྲིད་དུ་དེ་བཞིན་གཤེགས་པ་འཇིག་རྟེན་ན་བཞུགས་པར་རིག་པར་བྱའོ། །དེ་སྲིད་དུ་དེ་བཞིན་གཤེགས་པ་འཇིག་རྟེན་
Kha459b
ན་སེམས་ཅན་རྣམས་ལ་ཆོས་སྟོན་པར་རིག་པར་བྱའོ། །ཀུན་དགའ་བོ། སེམས་ཅན་དེ་དག་ནི་དེ་བཞིན་གཤེགས་པ་མཐོང་བ་དང ། དེ་བཞིན་གཤེགས་པ་ལས་ཆོས་ཐོས་པ་དང་མི་འབྲལ་བར་རིག་པར་བྱའོ། །དེ་དག་ནི་དེ་བཞིན་གཤེགས་པའི་ཐད་ན་ཚངས་པར་སྤྱད་པ་སྤྱོད་པར་རིག་པར་བྱ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉན་པར་བྱེད། ཡི་གེར་འདྲི་བར་བྱེད།་ཡི་གེར་འདྲིར་འཇུག་པར་བྱེད། ཀུན་ཆུབ་པར་བྱེད། རྗོད་པར་བྱེད། འཛིན་པར་བྱེད། འཆང་བར་བྱེད། ཀློག་པར་བྱེད། སྟོན་པར་བྱེད། ཚུལ་བཞིན་དུ་ཡིད་ལ་བྱེད་ཅིང ། དེ་བཞིན་དུ།་འདི་ལྟ་སྟེ། མེ་ཏོག་དང ། ཕྲེང་བ་དང ། སྤོས་དང ། བྱུག་པ་དང ། བདུག་པ་དང ། མར་མེ་དང ། ཕྱེ་མ་དང ། མར་དང ། འབྲུ་མར་དང ། སྒྲོན་མ་དང ། གོས་དང ། གདུགས་དང ། རྒྱལ་མཚན་དང ། བ་དན་དག་དང ། མཆོད་པའི་ཡོ་བྱད་རྣམ་པ་མང་པོ་གཞན་དག་གིས་ཀྱང་བསྟི་སྟང་དུ་བྱེད་པར་འགྱུར། བླ་མར་བྱེད་པར་འགྱུར། རི་མོ་བྱེད་པར་འགྱུར། མཆོད་པར་འགྱུར། བརྗེད་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་མ་དེ་དག་དང ། ཚེ་དང་ལྡན་པ་རབ་འབྱོར་དང ། ཚེ་དང་ལྡན་པ་ཤཱ་རདྭ་ཏིའི་བུ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་དང ། ཚེ་དང་ལྡན་པ་བྱམས་
Kha460a
༄#། །མའི་བུ་གང་པོ་དང ། ཚེ་དང་ལྡན་པ་འོད་སྲུང་ཆེན་པོ་དང ། ཚེ་དང་ལྡན་པ་གསུས་པོ་ཆེ་ཆེན་པོ་དང ། ཚེ་དང་ལྡན་པ་ཀཱ་ཏྱ་ཡ་ནའི་བུ་ཆེན་པོ་དང ། ཚེ་དང་ལྡན་པ་ཀུན་དགའ་བོ་དང ། དགེ་སློང་ལྷག་མ་དེ་དག་དང ། ཐམས་ཅད་དང་ལྡན་པའི་འཁོར་དེ་དག་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མཇུག་སྡུད་ཀྱི་ལེའུ་ཞེས་བྱ་སྟེ་སུམ་ཅུ་གསུམ་པ་རྫོགས་སོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང ། པྲཛྙཱ་ཝརྨ་དང ། ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེས་ཞུས་ཏེ་གཏན་ལ་ཕབ་པ། ཡེ་དྷརྨཱ་ཧེ་ཏུ་པྲ་བྷ་བཱ་ཧེཏུནྟེ་ཥཱནྟ་ཐཱ་ག་ཏོ་ཧྱ་བ་དཏ། ཏི་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲ་མ་ཎཿ །། །།