rKTs


H104

(e-text produced by ACIP)

see text in transliteration
1b
༄##། །རྒྱ་གར་སྐད་དུ། ཨཱརྱ་ཀུ་ཤ་ལ་མཱུ་ལ་སཾ་པ་རི་དྷ་ར་ནཱ་མཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་དགེ་བའི་རྩ་བ་ཡོངས་སུ་འཛིན་པ་ཞེས་བྱ་བ་ཐེག་པ་ཆེན་པོའི་མདོ། །བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་
2a
༄#། །ལནྟ་ཀ་གནས་པ་ན་འདི་ལྟ་སྟེ། བསམ་གཏན་པ་རྣམས་ཀྱི་གནས། གནས་མེད་པ་རྣམས་ཀྱི་གནས། སྟོང་པ་ཉིད་ལ་གནས་པ་རྣམས་ཀྱི་གནས། མཚན་མ་མེད་པ་ལ་གནས་པ་དང ། སྨོན་པ་མེད་པ་ལ་གནས་པ་རྣམས་ཀྱི་གནས་ན་འདི་ལྟ་སྟེ། དགེ་སློང་འབུམ་གྱི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ།་ཐམས་ཅད་ཀྱང་སྒྲ་བསྐྱུངས་པ། དབེན་པ་ལ་གནས་པ། ནང་དུ་ཡང་དག་འཇོག་ལ་མངོན་པར་བརྩོན་པ་ཤ་སྟག་གོ་།དེའི་ཚེ་ཚེ་དང་ལྡན་པ་ཤཱ་རདྭ་ཏིའི་བུ་ནང་དུ་ཡང་དག་འཇོག་ལས་ལངས་ནས་བཅོམ་ལྡན་འདས་ག་ལ་བ་དེར་སོང་སྟེ་
2b
ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཚེ་དང་ལྡན་པ་མཽངྒལ་གྱི་བུ་ཆེན་པོ་དང ། ཚེ་དང་ལྡན་པ་ཀཱ་ཏྱཱའི་བུ་ཆེན་པོ་དང ། ཚེ་དང་ལྡན་པ་གསུས་པོ་ཆེ་ཆེན་པོ་དང ། ཚེ་དང་ལྡན་པ་ཀ་པི་ན་དང ། ཚེ་དང་ལྡན་པ་སྐུལ་བྱེད་ཆེན་པོ་དང ། ཚེ་དང་ལྡན་པ་རབ་འབྱོར་དང ། ཚེ་དང་ལྡན་པ་དོན་ཡོད་རྒྱལ་པོ་དང ། ཚེ་དང་ལྡན་པ་རླངས་པ་དང ། ཚེ་དང་ལྡན་པ་དགའ་བོ་དང ། ཚེ་དང་ལྡན་པ་ཀུན་དགའ་བོ་དང ། ཚེ་དང་ལྡན་པ་དགའ་བྱེད་དང ། ཚེ་དང་ལྡན་པ་ཅི་འཇིགས་དང ། ཚེ་དང་ལྡན་པ་ཉེར་སྦས་དང ། ཚེ་དང་ལྡན་པ་མིས་བྱིན་གྱི་བུ་དང ། ཚེ་དང་ལྡན་པ་ཐང་ལ་གནས་པ་དང ། ཚེ་དང་ལྡན་པ་མོ་ཀི་ལ་དང ། ཚེ་དང་ལྡན་པ་ཉེ་བར་འཁོར་དང ། དེ་དག་དང ། གཞན་ཡང་དབང་དང་ལྡན་པར་གྱུར་པ་ལྔ་བརྒྱ་ཐམ་པ་ཕྱེམ་རེད་ཀྱི་དུས་ཀྱི་ཚེ་ནང་དུ་ཡང་དག་འཇོག་ལས་ལངས་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་
3a
༄#། །འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ཚེ་དང་ལྡན་པ་གྲགས་སྦྱིན་དང ། ཚེ་དང་ལྡན་པ་ཡུལ་འཁོར་སྐྱོང་དང ། ཚེ་དང་ལྡན་པ་ལས་མཆོད་དང ། ཚེ་དང་ལྡན་པ་གྲགས་འདོད་དང ། ཚེ་དང་ལྡན་པ་དགའ་སྡེ་དང ། ཚེ་དང་ལྡན་པ་དགའ་འདོད་དང ། དེ་དག་དང ། གཞན་ཡང་དགེ་སློང་ལྔ་བརྒྱ་ཐམ་པ་ལམ་དུ་ཞུགས་པ་ལས་དབྱར་མཉན་ཡོད་ན་གནས་ནས། རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ། དེ་དང་འདྲ་བའི་བྱང་ཆུབ་སེམས་དཔའ་སྟོང་དང་ལྷན་ཅིག་ཏུ་ཡུལ་ཙམ་པར་དབྱར་གནས་ནས་ལམ་དུ་ཞུགས་ཏེ་རྒྱལ་པོའི་ཁབ་འོད་མའི་ཚལ་
3b
བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང ། དཀོན་མཆོག་འབྱུང་གནས་དང ། དེད་དཔོན་བཟང་པོ་དང ། ཕུག་སྦས་དང ། མིས་བྱིན་དང ། དབང་པོས་བྱིན་དང ། ཆུ་ལྷ་དང ། ཚངས་ལྷ་དང ། སྟོབས་བཟང་དང ། བླ་མའི་བློ་གྲོས་དང ། ཁྱད་པར་བློ་གྲོས་དང ། འཕེལ་བའི་བློ་གྲོས་དང ། མཐོང་བ་དོན་ཡོད་དང ། ལེགས་པར་ཡང་དག་ཞུགས་དང ། རབ་ཀྱི་རྩལ་གྱིས་རྣམ་པར་གནོན་དང ། རྟག་ཏུ་བརྩོན་དང ། བརྩོན་པ་མི་གཏོང་དང ། ཉི་མའི་སྙིང་པོ་དང ། འགྲོ་བ་འཛིན་དང ། ས་འཛིན་དང ། བདུད་རྩི་འཛིན་དང ། བློ་གྲོས་རབ་གནས་དང ། བློ་གྲོས་མཐའ་ཡས་དང ། བརྟན་པའི་བློ་གྲོས་དང ། འཇིག་རྟེན་གསུམ་རྣམ་པར་གནོན་དང ། མཐའ་ཡས་རྣམ་པར་གནོན་དང ། དཔག་མེད་རྣམ་པར་གནོན་དང ། རྡོ་རྗེའི་གོམ་པས་རྣམ་པར་གནོན་དང ། དོན་ཡོད་པའི་གོམ་པས་རྣམ་པར་གནོན་དང ། མི་གཡོ་བའི་གོམ་པས་རྣམ་པར་གནོན་དང ། སྤོབས་པ་ཆེན་པོ་དང ། སྤོབས་པ་རྣོན་པོ་དང ། སྤོབས་པ་ཟབ་བ་དང ། སྤོབས་པ་མཐའ་ཡས་དང ། སྤོབས་པ་དཔག་མེད་དང ། འཇམ་དཔལ་གཞོན་ནུར་གྱུར་པ་དང ། པདྨ་དཔལ་གྱི་སྙིང་པོ་དང ། ཆོས་འཕགས་དང ། ལག་ན་རིན་
4a
༄#། །ཆེན་དང ། རིན་ཆེན་འཛིན་དང ། བསྐལ་པ་འགྱུར་བ་མཐའ་ཡས་པར་གོ་ཆ་བགོས་པ་དང ། བུད་མེད་འགྱུར་བའི་གོ་ཆ་བགོས་པ་དང ། སྐྱེས་པ་འགྱུར་བའི་གོ་ཆ་བགོས་པ་དང ། སེམས་ཅན་འགྱུར་བའི་གོ་ཆ་བགོས་པ་དང ། མཐའ་ཡས་ཁྱུ་མཆོག་དང ། དཔག་མེད་ཁྱུ་མཆོག་དང ། དམིགས་པ་ཐམས་ཅད་རྣམ་པར་འཇིག་པའི་ཁྱུ་མཆོག་དང ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱང་ཐ་མི་དད་པར་སྤྱོད་པའི་གོ་ཆ་བགོས་པ་ཤ་སྟག་སྟེ། ཡུལ་ཐ་དད་པ་རྣམས་སུ་དབྱར་གནས་པར་གནས་ནས་ཡུལ་རྒྱུ་ཞིང་གཅིག་ཏུ་འདུས་ཏེ། རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་འདུས་པར་ཐུགས་སུ་ཆུད་ནས། རྫུ་འཕྲུལ་ཇི་ལྟ་བུ་མངོན་པར་འདུ་བྱ་བ་མངོན་པར་འདུ་མཛད་པས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་འོད་མའི་ཚལ་བྱ་ཀ་ལནྟ་ཀ་གནས་པ་ན་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་ཇི་སྙེད་གནས་པ་དེ་དག་ཐམས་ཅད་བཅོམ་ལྡན་འདས་ལ་བལྟ་བ་དང ། ཕྱག་
4b
འཚལ་བ་དང ། བསྙེན་བཀུར་བྱ་བའི་ཕྱིར་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་པར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །དེའི་ཚེ་ཚེ་དང་ལྡན་པ་འོད་སྲུང་ཆེན་པོ་ལུས་འཕགས་རིའི་དབང་པོའི་བྲག་ཕུག་ན་དགེ་སློང་ལྔ་བརྒྱ་ཐམ་པ་ཐམས་ཅད་ཀྱང་དགོན་པ་པ། བསོད་སྙོམས་པ། ཕྱག་དར་ཁྲོད་པ། ཆོས་གོས་གསུམ་པ། ཙོག་པུ་པ། རྩཝའི་གདིང་བ་པ། ཤིང་དྲུང་པ། འདོད་པ་ཆུང་བ། ཆོག་ཤེས་པ། རབ་ཏུ་དབེན་པ་པ། ཆོས་གོས་ངན་པ་འཆང་བ་ཤ་སྟག་དང་ལྷན་ཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱི་རྫུ་འཕྲུལ་ཇི་ལྟ་བུ་མངོན་པར་འདུ་བྱ་བ་མངོན་པར་འདུ་མཛད་པས། ཚེ་དང་ལྡན་པ་འོད་སྲུང་ཆེན་པོ་དགེ་སློང་ལྔ་བརྒྱ་ཐམ་པ་དེ་དག་དང་ལྷན་ཅིག་ཏུ་ལུས་འཕགས་རིའི་དབང་པོའི་བྲག་ཕུག་ནས་མི་སྣང་བར་གྱུར་ཏེ་རྒྱལ་པོའི་ཁབ་ན་འོད་མའི་ཚལ་བྱ་ཀ་ལནྟ་ཀ་གནས་པ་ན་འདུག་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དེ། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་རྒྱང་རིང་པོ་ཉིད་ནས་འོང་བ་གཟིགས་ཏེ། གཟིགས་ནས་ཀྱང་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག །
5a
༄#། །གནས་བརྟན་འོད་སྲུང་ཆེན་པོ་འོང་བ་འདི་ནི། དགོན་པ་པ། བསོད་སྙོམས་པ། ཕྱག་དར་ཁྲོད་པ། ཆོས་གོས་གསུམ་པ། ཆོས་གོས་ངན་པ་འཆང་བ། བས་མཐའི་གནས་མལ་ལ་གནས་པ། འདོད་པ་ཆུང་བ། ཆོག་ཤེས་པ། རབ་ཏུ་དབེན་པར་གནས་པ། མ་འདྲེས་པ། ཆོས་ཐམས་ཅད་ཀྱི་དམ་པའི་ཕ་རོལ་ཏུ་སོན་པ་སྟེ། དགེ་སློང་དག ། ངའི་ཉན་ཐོས་ཇི་སྙེད་པ་ནི། དགེ་སློང་དག་།ད་ལྟར་དགེ་སློང་འོད་སྲུང་ཆེན་པོའི་སྦྱངས་པའི་ཡོན་ཏན་དག་དང་མཚུངས་པའམ་འདྲ་བ་ནི། ངས་ཡང་དག་པར་རྗེས་སུ་མ་མཐོང་ངོ ། ། དགེ་སློང་དག་།དགེ་སློང་འོད་སྲུང་ཆོས་གོས་གསུམ་པ་ནི། ལྷ་རྣམས་དང་ཡང་སྨྲ་བ་དང ། ཀུན་ཏུ་སྨྲ་བར་མི་འདོད་ན། མི་རྣམས་དང་ལྟ་སྨོས་ཀྱང་ཅི་དགོས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་རྒྱང་རིང་པོ་ཉིད་ནས་འོང་བ་གཟིགས་ནས་བཀའ་སྩལ་པ། འོད་སྲུང་ཚུར་ཤོག་།འོད་སྲུང ། ཁྱོད་ལེགས་པར་འོངས་སོ། །ཀྱེ་མ་གནས་བརྟན་འོད་སྲུང་གིས་ནི། འདི་ལྟ་སྟེ། འདིར་འོང་བར་བྱ་བའི་ཕྱིར་ཡུན་རིང་པོ་ནས་རྣམ་གྲངས་བྱས་སོ། འོད་སྲུང ། ཁྱོད་གདན་འདིའི་ཕྱེད་ལ་འདུག་ཅིག་།ཅེས་བཅོམ་ལྡན་འདས་ཀྱིས་གནས་བརྟན་འོད་སྲུང་ལ་གདན་གྱི་ཕྱེད་གནང་མ་ཐག་ཏུ་དེ་ནས་བཅོམ་ལྡན་འདས་གདན་དེ་ལས་བསྐྱོད་པ་དང ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་འགུལ། རབ་
5b
ཏུ་འགུལ། ཀུན་ཏུ་རབ་ཏུ་འགུལ། གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། ལྡེག་རབ་ཏུ་ལྡེག་།ཀུན་ཏུ་རབ་ཏུ་ལྡེག་ཅིང ། འཇིག་རྟེན་དུ་སྣང་བ་ཆེན་པོ་འང་བྱུང་བར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ནི། འདི་ལྟ་སྟེ། དཔེར་ན། ཡུལ་མ་ག་དྷའི་ཁར་བའི་སྣོད་ལ་ལྕགས་ཀྱི་ཐུ་ལུམ་གྱིས་བསྣུན་ན་འུར་འུར་བ་ཟེར་བ་དེ་བཞིན་དུ་བཙུན་པ་འོད་སྲུང་ཆེན་པོ་ལ་གདན་གྱི་ཕྱེད་གནང་མ་ཐག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གདན་ལས་བསྐྱོད་ནས། དེ་ནས་དེ་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྒྲ་སྐད་ཆེན་པོ་འབྱིན་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་ཆོས་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ཀྱི་ཐད་དུ་ཕྱིན་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ནི། བདག་གི་སྟོན་པ་ལགས་ལ། བདག་ནི། ཉན་ཐོས་ལགས་པས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་གོས་སམ། ལྷུང་བཟེད་དམ། གདན་ནམ། དེ་ལས་གཞན་པའི་ལོངས་སྤྱོད་རྣམས་ཉན་ཐོས་རྣམས་ཀྱིས་ལོངས་སྤྱོད་པར་རྡོ་མི་ཐོགས་ལགས་སོ། །དེ་ཅིའི་སླད་དུ་ཞེ་ན།
6a
༄#། །བཅོམ་ལྡན་འདས། དེ་དག་ནི། ལྷ་དང ། མི་དང ། ལྷ་མ་ཡིན་དུ་བཅས་པའི་འཇིག་རྟེན་གྱི་མཆོད་རྟེན་དུ་གྱུར་པ་ལགས་ཤིང ། བཅོམ་ལྡན་འདས། བཅོམ་ལྡན་འདས་ལས་ཤ་ནའི་རས་ཕྱག་དར་ཁྲོད་པ་གང་དག་བླངས་པ་དེ་དག་ཀྱང་བཅོམ་ལྡན་འདས། མཆོད་རྟེན་དུ་གྱུར་པ་ལགས་པའི་སླད་དུ་སྟེ། དེ་དག་བདག་གིས་མ་སྤྱད་ལགས་སོ།། བཅོམ་ལྡན་འདས། དེ་སླན་ཆད་འདོད་པའི་རྣམ་པར་རྟོག་པའི་རྣམ་པར་བརྟགས་པའམ། གནོད་སེམས་ཀྱི་རྣམ་པར་རྟོག་པ་དང ། རྣམ་པར་འཚེ་བའི་རྣམ་པར་རྟོག་པའི་རྣམ་པར་བརྟགས་པའམ། འདོད་ཆགས་ཀྱི་ཡོངས་སུ་གདུང་པས་གདུངས་པར་གྱུར་པའམ། ཞེ་སྡང་གི་ཡོངས་སུ་གདུང་བ་དང ། གཏི་མུག་གི་ཡོངས་སུ་གདུང་བས་ཡོངས་སུ་གདུངས་པར་གྱུར་པར་མ་དྲན་ལགས་སོ། །བཅོམ་ལྡན་འདས། མདོར་ན་སློབ་པར་གྱུར་པ་བདག་གིས་བཅོམ་ལྡན་འདས་ལས་ཤ་ནའི་རས་ཕྱག་དར་ཁྲོད་མནོས་པ་རྣམས་མི་སློབ་པའི་ས་ལ་ཐུག་གི་བར་དུ་སྤྱི་བོས་མནོས་ལགས་སོ། །བཅོམ་ལྡན་འདས། བདག་གིས་ལོངས་སྤྱད་པའི་སླད་དུ་བླངས་པ་ནི། མ་ལགས་ཀྱི། གདམས་པ་དང ། རྗེས་སུ་བསྟན་པ་ལས་བརྩམས་ནས་བླངས་ལགས་སོ། །བཅོམ་ལྡན་འདས། དེ་དག་བླངས་ནས་སེམས་མཐོ་བའམ་དམའ་བར་གྱུར་པར་མི་དྲན་ལགས་སོ། །བཅོམ་ལྡན་འདས། ཤ་ནའི་རས་ཕྱག་དར་ཁྲོད་དེ་དག་ཆོས་
6b
གོས་མ་མཆིས་པའི་ལུས་ལ་སྦྱར་བར་མི་དྲན་ལགས་སོ། །བཅོམ་ལྡན་འདས། ཕྱག་དར་ཁྲོད་དེ་དག་སུག་པ་མ་རེད་པས་རེག་པར་མི་དྲན་ལགས་སོ། །བཅོམ་ལྡན་འདས། གང་དང་གང་དུ་མཆི་བ་དེ་དང་དེར་ཤ་ནའི་རས་ཕྱག་དར་ཁྲོད་དེ་དག་མགོས་འཚལ་ཅིང་མཆིས་ལགས་སོ། །བཅོམ་ལྡན་འདས། ཤ་ནའི་རས་ཕྱག་དར་ཁྲོད་དེ་དག་ཡན་ལག་མི་གཙང་བ་གང་གིས་ཀྱང་རེག་པར་མི་དྲན་ལགས་སོ། །བཅོམ་ལྡན་འདས། ཤ་ནའི་རས་ཕྱག་དར་ཁྲོད་མཆོད་རྟེན་དུ་གྱུར་པ་དེ་དག་བཅངས་ལགས་སོ། །བཅོམ་ལྡན་འདས། དེ་དག་ནི། བཅོམ་ལྡན་འདས་ཀྱིས་སྤངས་ཤིང་གནང་བ་ལགས་ཏེ། དེ་དག་ནི། བདག་གིས་བཅངས་ལགས་སོ། །སངས་རྒྱས་རྗེས་སུ་དྲན་པ་མ་ལགས་པར་དེ་ལས་གཞན་སྙོམས་པར་འཇུག་པ་དག་གིས་བདག་གཞན་དུ་གནས་པར་མི་དྲན་ལགས་སོ། །བདག་ཇི་ལྟར་གནས་པ་ན་ས་ལ་སའི་འདུ་ཤེས་སུ་མ་གྱུར་པ་དང ། ཆུ་ལ་ཆུའི་འདུ་ཤེས་དང ། མེ་ལ་མེའི་འདུ་ཤེས་དང ། རླུང་ལ་རླུང་གི་འདུ་ཤེས་སུ་མ་གྱུར་པ་དང ། འཇིག་རྟེན་འདིའི་འདུ་ཤེས་དང ། འཇིག་རྟེན་ཕ་རོལ་གྱི་འདུ་ཤེས་སུ་མ་གྱུར་པ་དང ། བཅོམ་ལྡན་འདས། གང་མཐོང་བ་དང ། ཐོས་པ་དང ། བྱེ་བྲག་ཕྱེད་པ་དང ། རྣམ་པར་ཤེས་པ་དང ། ཡིད་ཀྱི་རྗེས་སུ་བརྟགས་པ་དང ། རྗེས་སུ་བསམ་པ་དེ་ལའང་བདག་འདུ་ཤེས་སུ་མ་གྱུར་པ་དང ། བཅོམ་ལྡན་འདས། གང་འདུ་ཤེས་མེད་པའི་གནས་པ་དང ། འདུ་ཤེས་མེད་པའི་སྙོམས་
7a
༄#། །པར་འཇུག་པའི་གནས་པ་དང ། གང་འདུ་ཤེས་ལས་ཡང་དག་པར་འདའ་བའི་གནས་པ་དང ། གང་འདུ་ཤེས་མེད་པ་ལས་ཡང་དག་པར་འདའ་བའི་གནས་པ་དང ། གང་འདུ་ཤེས་ཀྱི་གནས་པ་དང ། གང་འདུ་ཤེས་མེད་པའི་གནས་པ་དང ། གང་འདུ་ཤེས་ཐམས་ཅད་ལས་ཡང་དག་པར་འདའ་བའི་གནས་པ་དེའང་སློབ་པའི་གནས་པ་དང ། མི་སློབ་པའི་གནས་པར་བདག་གིས་ཡང་དག་པར་རྗེས་སུ་མ་མཐོང་ལགས་སོ། །བཅོམ་ལྡན་འདས། གནས་པ་དེ་ལ་དེ་བཞིན་གཤེགས་པ་ཡང་དག་པར་རྗེས་སུ་མ་མཐོང ། དེ་བཞིན་གཤེགས་པའི་ཆོས་རྣམས་དང ། དེ་བཞིན་གཤེགས་པའི་གནས་པ་ཡང་དག་པར་རྗེས་སུ་མ་མཐོང་ལགས་ཏེ། བདག་ནི། དེ་ལྟར་གནས་ལགས་སོ། །བཅོམ་ལྡན་འདས། དཔེར་བགྱི་ན། ནམ་མཁའ་བླ་གབ་མ་མཆིས་པ་ལ་མིང་དང ། བརྡ་དང ། གདགས་པ་རྣམ་པ་སྣ་ཚོགས་བགྱིས་པ་དག་།བཅོམ་ལྡན་འདས། མིང་དང ། བརྡ་དང ། གདགས་པ་གང་དག་གིས་ནམ་མཁའ་ཞེས་ཐ་སྙད་དུ་བཏགས་པ་དང ། ནམ་མཁའ་ཞེས་བརྡར་བཏགས་པ་དང ། ནམ་མཁའ་ཞེས་རྟེན་དུ་བགྱིས་པ་དང ། བཅོམ་ལྡན་འདས། ནམ་མཁའ་ཞེའམ། བླ་གབ་མ་མཆིས་པ་ཞེའམ། སྟོང་པ་ཞེའམ། གསོག་ཅེའམ། གསོབ་ཅེའམ། ཡ་མ་བརླ་ཞེའམ། གཟུང་བ་མ་མཆིས་པ་ཞེའམ། ཚད་མ་མཆིས་པ་ཞེའམ།
7b
རྟེན་པ་མ་མཆིས་པ་ཞེའམ། བླང་པ་མ་མཆིས་པ་ཞེའམ། དོར་བ་མ་མཆིས་པ་ཞེའམ། ལུས་མ་མཆིས་པ་ཞེའམ། ཇི་ལྟ་བ་བཞིན་ཞེའམ། ཡོངས་སུ་དག་པ་ཞེའམ། བར་སྣང་ཞེའམ། ཐོགས་པ་མ་མཆིས་པ་ཞེའམ། དངོས་པོ་མ་མཆིས་པ་ཞེའམ། བསྟན་དུ་མ་མཆིས་པ་ཞེས་དེ་དག་དང ། གཞན་ཡང་ཐ་སྙད་ཀྱི་བརྡ་ཐ་དད་པ་རྣམ་པ་སྣ་ཚོགས་ཀྱིས་བརྗོད་པ་ནི། བཅོམ་ལྡན་འདས། འདི་ལྟ་སྟེ། ཚད་འདི་ཙམ་མམ། ཡོངས་སུ་བཅད་པ་འདི་ཙམ་མམ། མཉམ་པའམ། མི་མཉམ་པ་ཞེས་མིང་ངམ། བརྡའམ། རྟེན་རྣམས་ཀྱིས་འཚལ་བར་མི་ནུས་ལགས་སོ། །བཅོམ་ལྡན་འདས། གང་དག་དེའི་ཕྱོགས་ཙམ་ཞིག་འཚལ་བ་དེ་དག་ཐམས་ཅད་ཀྱིས་ཀྱང་ཁ་དོག་གམ། དབྱིབས་སམ། དམིགས་པས་ནམ་མཁའ་དེ་ཚད་འདི་ཙམ་དང ། མཆོག་འདི་ཙམ་ཞེས་བགྱི་བ་མ་འཚལ་ལགས་སོ། །བཅོམ་ལྡན་འདས། དེ་བཞིན་དུ་གང་དེ་བཞིན་གཤེགས་པ་ཞེས་བགྱིའམ། སངས་རྒྱས་ཞེས་བགྱི་བའམ། སྟོན་པ་ཞེའམ། སྐྱབས་ཤེའམ།་དཔུང་གཉེན་ཞེའམ། གནས་ཤེའམ། འདྲེན་པ་ཞེའམ། རྣམ་པར་འདྲེན་པ་ཞེའམ། ཡོངས་སུ་འདྲེན་པ་ཞེའམ། སྨན་པ་ཞེའམ། གསོ་བ་ཞེའམ། ལམ་སྟོན་པ་ཞེའམ། ལམ་བརྗོད་པ་ཞེའམ། གཞན་ཡང་ཐ་སྙད་ཐ་དད་པའི་ཚིག་རྣམ་པ་སྣ་ཚོགས་བརྗོད་པའི་ཐ་སྙད་ཀྱི་ཚིག་གང་དག་གིས་མཁས་པ་རྣམས་ཀྱིས་བཅོམ་ལྡན་འདས་བསྟོད་པ་དང ། བཀུར་
8a
༄#། །བ་དང ། བསྔགས་པ་དང ། རབ་ཏུ་བསྟོད་པ་དང ། རབ་ཏུ་བསྔགས་པ་དང ། བཅོམ་ལྡན་འདས། ཐ་སྙད་ཀྱི་ཚིག་གང་དག་གིས་འཇིག་རྟེན་མངོན་པར་བརྗོད་པའི་ཆོས་དེ་དག་ནི། བཅོམ་ལྡན་འདས། བདག་མ་འཚལ། མི་རྟེན། མ་མཐོང་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། ཆོས་ཐམས་ཅད་ནི། ངོ་བོ་ཉིད་ཀྱིས་ཡ་མ་བརླ་དང ། ངོ་བོ་ཉིད་ཀྱིས་གསོབ་ལགས་པའི་སླད་དུའོ། །བཅོམ་ལྡན་འདས། དཔེར་བགྱི་ན། སྒྱུ་མ་མཁན་གྱིས་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། དཔུང་གི་ཚོགས་ཡན་ལག་བཞི་པ་དང་ལྡན་པ། རིན་པོ་ཆེ་སྣ་བདུན་དང་ལྡན་པའི་འཁོར་ལོས་བསྒྱུར་བ་ཞིག་སྤྲུལ་པར་གྱུར་ལ། བཅོམ་ལྡན་འདས། དེའི་ཐད་དུ་གླིང་བཞི་པའི་འཇིག་རྟེན་གྱི་ཁམས་སུ་གཏོགས་པའི་སེམས་ཅན་རྣམ་པར་རྒྱལ་བར་བགྱི་པ་ལ་གནས་པ་མཐའ་ཡས་པ་དེ་དག་ཐམས་ཅད་ལྷགས་ཤིང ། བཅོམ་ལྡན་འདས། དེ་ལ་ལུས་ཐ་དད་པར་ཡང་གདའ་ལ། བཅོམ་ལྡན་འདས། དེ་ལ་སེམས་ཅན་ལུས་ཐ་དད་པར་ཡང་མཐོང་ལགས་མོད་ཀྱི། བཅོམ་ལྡན་འདས། སྒྱུ་མ་མཁན་གྱིས་སྤྲུལ་པའི་འཁོར་ལོས་བསྒྱུར་བའི་རྒྱལ་པོ་དེ་འདི་སྙམ་དུ་བདག་གིས་ནི། དཔུང་གི་ཚོགས་འདིའི་བདག་པོ་བྱ་ཞིང ། གླིང་བཞི་པའི་འཇིག་རྟེན་གྱི་ཁམས་ཀྱི་རྗེས་སུ་འཇུག་པར་བྱའོ། །སྙམ་དུ་མི་སེམས་ལགས་
8b
ལ།་དཔུང་གི་ཚོགས་ཡན་ལག་བཞི་པོ་དེའང་འདི་སྙམ་དུ་འཁོར་ལོས་བསྒྱུར་བའི་རྒྱལ་པོ་འདི་ནི། བདག་ཅག་གི་གཙོ་བོ་ཡིན་པས་བདག་ཅག་ནི། འདིའི་རྗེས་སུ་འཇུག་པར་བྱའོ། །སྙམ་དུ་མི་སེམས་ལགས་མོད་ཀྱི། དེ་དག་དེའི་རྗེས་སུ་འཇུག་པར་བགྱིད་པར་ཡང་གདའ་ལགས་སོ། །བཅོམ་ལྡན་འདས། དེ་བཞིན་དུ་ཆོས་དེ་དག་གི་ཆོས་ཉིད་གང་ལགས་པ་དེ་ལ། བཅོམ་ལྡན་འདས། དེ་བཞིན་གཤེགས་པའམ། ཉན་ཐོས་སམ། སློབ་པའམ། མི་སློབ་པའམ། རང་སངས་རྒྱས་སམ། སོ་སོའི་སྐྱེ་བོ་མ་མཆིས་ལགས་སོ། །བཅོམ་ལྡན་འདས། ཆོས་ཉིད་དེ་ལ་དེ་བཞིན་གཤེགས་པའི་ཆོས་ཉིད་དམིགས་པའམ། དེ་བཞིན་གཤེགས་པའི་ཆོས་ཉིད་མངོན་པའམ། དེ་བཞིན་གཤེགས་པའི་ཆོས་ཉིད་རྟེན་པའམ། རང་སངས་རྒྱས་ཀྱི་ཆོས་ཉིད་དམིགས་པའམ། རང་སངས་རྒྱས་ཀྱི་ཆོས་ཉིད་མངོན་པའམ། རང་སངས་རྒྱས་ཀྱི་ཆོས་ཉིད་རྟེན་པའམ། ཉན་ཐོས་ཀྱི་ཆོས་ཉིད་དམིགས་པའམ། ཉན་ཐོས་ཀྱི་ཆོས་ཉིད་མངོན་པའམ།་ཉན་ཐོས་ཀྱི་ཆོས་ཉིད་རྟེན་པའམ། སོ་སོའི་སྐྱེ་བོའི་ཆོས་ཉིད་དམིགས་པའམ། སོ་སོའི་སྐྱེ་བོའི་ཆོས་ཉིད་མངོན་པའམ། སོ་སོའི་སྐྱེ་བོའི་ཆོས་ཉིད་རྟེན་པའམ། གཟུགས་ཀྱི་ཆོས་ཉིད་དམིགས་པའམ། གཟུགས་ཀྱི་ཆོས་ཉིད་མངོན་པའམ། གཟུགས་ཀྱི་ཆོས་ཉིད་རྟེན་པའམ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པའི་
9a
༄#། །ཆོས་ཉིད་དམིགས་པའམ། རྣམ་པར་ཤེས་པའི་ཆོས་ཉིད་མངོན་པའམ། རྣམ་པར་ཤེས་པའི་ཆོས་ཉིད་རྟེན་པར་མི་འགྱུར་ལགས་སོ། །བཅོམ་ལྡན་འདས།་ཆོས་ཉིད་དེ་ལ་གཟུགས་སྟོང་པ་དང ། འདིས་གཟུགས་སྟོང་བ་དང ། འདི་ལ་གཟུགས་སྟོང་པ་དམིགས་པ་དང ། དེ་བཞིན་དུ་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་སྟོང་པ་དང ། འདིས་རྣམ་པར་ཤེས་པ་སྟོང་པ་དང ། འདི་ལ་རྣམ་པར་ཤེས་པ་སྟོང་པ་དམིགས་པ་དང ། དེ་བཞིན་དུ་དེ་བཞིན་གཤེགས་པ་སྟོང་པ་དང ། འདིས་དེ་བཞིན་གཤེགས་པ་སྟོང་པ་དང ། འདི་ལ་དེ་བཞིན་གཤེགས་པ་སྟོང་པ་དམིགས་པ་དང ། དེ་བཞིན་དུ་དེ་བཞིན་གཤེགས་པའི་ཆོས་ཉིད་སྟོང་པ་དང ། འདིས་དེ་བཞིན་གཤེགས་པའི་ཆོས་ཉིད་སྟོང་པ་དང ། འདི་ལ་དེ་བཞིན་གཤེགས་པའི་ཆོས་ཉིད་སྟོང་པ་དམིགས་པར་མི་འགྱུར་ལགས་སོ། །བཅོམ་ལྡན་འདས། དེ་བཞིན་དུ་དེ་ལ་ཉན་ཐོས་མ་མཆིས།་ཉན་ཐོས་ཀྱི་ཆོས་ཉིད་མ་མཆིས། སོ་སོའི་སྐྱེ་བོ་མ་མཆིས། སོ་སོའི་སྐྱེ་བོའི་ཆོས་ཉིད་ཀྱི་བར་དུ་མ་མཆིས་ལགས་སོ། །བཅོམ་ལྡན་འདས། དཔེར་བགྱི་ན། སྒྱུ་མ་མཁན་གྱིས་འཁོར་ལོས་བསྒྱུར་བའམ། དཔུང་གི་ཚོགས་སྤྲུལ་བ་དེ་ལ་འཁོར་ལོས་བསྒྱུར་བ་མ་མཆིས། དཔུང་གི་ཚོགས་མ་མཆིས་ལགས་སོ། །སྒྱུ་མ་ལ་མ་མཆིས། སྒྱུ་མའི་ཆོས་ཉིད་
9b
ལ་མ་མཆིས། སྒྱུ་མ་མཁན་རྣམས་ལ་མ་མཆིས་ལགས་སོ། །ས་ལ་མ་མཆིས། ཆུ་ལ་མ་མཆིས། མེ་ལ་མ་མཆིས། རླུང་ལ་མ་མཆིས། ནམ་མཁའ་ལ་མ་མཆིས། རྣམ་པར་ཤེས་པ་ལ་མ་མཆིས་ལགས་སོ། །ས་དང ། ཆུ་དང ། མེ་དང ། རླུང་དང ། ནམ་མཁའི་ཁམས་རྣམས་ལ་མ་མཆིས། རྣམ་པར་ཤེས་པའི་ཁམས་ལ་མ་མཆིས་ལགས་སོ། །བཅོམ་ལྡན་འདས།་ཆོས་ཐམས་ཅད་ནི། དེ་དང་འདྲ་ལགས་ཏེ། བཅོམ་ལྡན་འདས། དེ་དག་ལ། བདག་ནི། རློམ་སེམས་སུ་མི་བགྱིད། དེ་དག་ལ་བདག་ནི། བྱུང་བར་མ་གྱུར། དེ་དག་བདག་གིས་ནི།་མ་སྨྲས་ལགས་སོ། །བཅོམ་ལྡན་འདས། དེ་ལྟར་བདག་ནི། ཡོན་ཏན་གྱི་ཆོས་རྣམས་ཉིད་ལས་དབེན་པ་ལགས་པས་དེ་བཞིན་གཤེགས་པའི་ཆོས་རྣམས་རྗེས་སུ་དྲན་པར་བགྱིད་ལགས་སོ། །བཅོམ་ལྡན་འདས། དེ་ནི། ལམ་ལགས། དེ་ནི། ཚུལ་ལགས་ཏེ། ལམ་དེ་ལ་གནས་པའི་རིགས་ཀྱི་བུའམ་རིགས་ཀྱི་བུ་མོ་ལམ་དེ་རྗེས་སུ་ཐོབ་པ་རྣམས་ནི། འདི་སྙམ་དུ་གཞན་ཡང་དག་པར་བླངས་ལ་འཇུག་པར་བྱ་ཞིང ། སྟོན་པའང་གཞན་བཙལ་བར་བྱ་ལ། དགེ་སྦྱོང་ངམ། བྲམ་ཟེ་གཞན་སྨྲ་བའི་གདོང་དུ་གྱེན་དུ་བལྟ་བར་བྱ་ཞིང ། ཚེ་དང་ལྡན་པ་འདི་ནི། ཤེས་བཞིན་པས་ཤེས། མཐོང་བཞིན་པས་མཐོང ། ཡང་དག་པའི་ལྟ་བའང་འདོགས་བཞིན་པས་འདོགས་པར་བྱེད་དོ། །སྙམ་དུ་མི་སེམས་ལགས་ཏེ། དེ་
10a
༄#། །ནི།་གནས་མ་མཆིས་ལགས་སོ། །བཅོམ་ལྡན་འདས། གནས་པ་འདི་ལ་ནི། བདག་སོམ་ཉི་མ་མཆིས་པ་ཐོབ་པས་གནས་ལགས་སོ། །ཆོས་ཀྱི་སྒོ་དེའང་རྗེས་སུ་ཐོབ་པས་གནས་ལགས་སོ། །ཆོས་ཐམས་ཅད་ནི། འདི་ལྟ་སྟེ། དབེན་པའི་ཚུལ་དང ། སྐྱེ་བ་མ་མཆིས་པའི་ཚུལ་དག་གིས་ཚུལ་གཅིག་པ་ལགས་སོ། །བཅོམ་ལྡན་འདས། བདག་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཆོས་ཀྱི་ཐེ་ཚོམ་ཞུ་བར་འཚལ་བ་ལགས་ལ། དེ་བཞིན་གཤེགས་པས་ཀྱང་བདག་ལ་སྐབས་ཕྱེ་བ་ལགས་ཏེ། དབང་པོའི་བྲག་ཕུག་ནས་འོད་མའི་ཚལ་འདིར་ཕྱིན་པ་ལགས་སོ། །བཅོམ་ལྡན་འདས། བདག་འདིར་མཆིས་པ་དང ། བཅོམ་ལྡན་འདས་ཀྱི་གདན་གྱི་ཕྱེད་གནང་སྟེ། བདག་ལ་གནང་བ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རབ་ཏུ་འུར་འུར་ཞིང་རྣམ་པ་དྲུག་ཏུ་ཡང་གཡོས། རབ་ཏུ་གཡོས་ལགས་སོ། ། བཅོམ་ལྡན་འདས། བདག་ནི། འདི་སྙམ་དུ་དེ་བཞིན་གཤེགས་པ་ནི། བདག་ཉིད་ཆེན་པོའི་ཆོས་དང་ལྡན་པ་དེ་ལྟ་བུ་དང ། རྒྱ་ཆེན་པོའི་ཆོས་དང་ལྡན་པ་དེ་ལྟ་བུ་དང ། སློབ་དཔོན་མ་མཆིས་ཤིང་རང་བྱུང་བ་ལགས་ཀྱང་ཐུགས་རྗེ་ཆེན་པོའི་ཚུལ་ལ་བཞུགས་ཤིང ། ལྷག་པའི་ང་རྒྱལ་མ་མཆིས་པ་དང ། ང་རྒྱལ་མ་མཆིས་པ་ལ་བཞུགས་ནས་བདག་
10b
ལ་གདན་གྱི་ཕྱེད་གནང་བ་ངོ་མཚར་ལགས་སོ། །སྙམ་བགྱིད་དེ། བཅོམ་ལྡན་འདས། དཔེར་བགྱི་ན། མི་དབུལ་པོ་འཚོ་བ་ངན་པ་ཚེགས་ཀྱིས་འཚོ་བ་ཞིག་ཚེགས་ཀྱིས་ཁྱིམ་གྱི་ཕུན་སུམ་ཚོགས་པ་བསྒྲུབས་ནས། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། དཔུང་གི་ཚོགས་ཡན་ལག་བཞི་དང་ལྡན་པའི་གན་དུ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། དྲི་བར་བགྱི་བའི་སླད་དུ་མཆིས་པར་གྱུར་ལ། མཆིས་པ་དེ་ལ་དེས་སྟན་གྱི་ཕྱེད་སྩལ་ན། དེ་ནས་དེ་འདི་སྙམ་དུ་སེམས་ལགས་ཏེ། རྒྱལ་པོ་ལ་བལྟ་བ་དང ། ཕྱག་བྱ་བའི་ཕྱིར་བདག་སོང་དུ་ཟིན་ཀྱང་བདག་གིས་བལྟ་བ་དང ། ཕྱག་བྱ་བའང་དཀའ་བར་འགྱུར་ན། གསོལ་བ་ལྟ་ཅི་སྨོས། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བས་བདག་ཕྱིན་མ་ཐག་པ་ལ་སྟན་གྱི་ཕྱེད་བྱིན་དུ་ཟིན་ཀྱང་འདི་ནི། ངོ་མཚར་རོ། །སྙམ་བགྱིད་ལགས་སོ། །བཅོམ་ལྡན་འདས། དེ་བཞིན་དུ་ཆོས་ཀྱི་རྒྱལ་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། རང་བྱུང་བ། སློབ་དཔོན་མ་མཆིས་པ། ཉན་ཐོས་དང ། རང་སངས་རྒྱས་རྣམས་ཀྱིས་ཀྱང་བསྙེན་པར་དཀའ་ཞིང་རྟོགས་པར་དཀའ་བ་ལགས་ན།་ལྷ་དང ། མི་དང ། ལྷ་མ་ཡིན་དུ་བཅས་པའི་འཇིག་རྟེན་གྱིས་ལྟ་སྨོས་ཀྱང་ཅི་འཚལ། བཅོམ་ལྡན་འདས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་
11a
༄#། །རྒྱས་ལ་ཆོས་ཀྱི་ཐེ་ཚོམ་ཞུ་བ་དང ། བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བའི་སླད་དུ་བདག་ཇི་ལྟ་ཇི་ལྟར་མཆིས་པ་ན། བཅོམ་ལྡན་འདས། བདག་འདི་སྙམ་དུ་སེམས་ལགས་ཏེ། བདག་གིས་ནི། དེ་བཞིན་གཤེགས་པ་བལྟ་བ་རྙེད་ཅིང་ཕྱག་བགྱི་བ་རྙེད་ལ། བསྙེན་བཀུར་བགྱི་བ་དང ། ཞུ་བ་དང ། ཡོངས་སུ་ཞུ་བར་བགྱི་བ་རྙེད་དེ། བཅོམ་ལྡན་འདས་ཀྱིས་ད་ལྟར་བདག་འདིར་མཆིས་པ་ལ་གདན་གྱི་ཕྱེད་གནང་བ་ནི། བདག་གིས་རྙེད་པ་ལེགས་པར་རྙེད་དོ། །སྙམ་བགྱིད་ལགས་སོ། །བཅོམ་ལྡན་འདས། ཇི་ལྟར་ན། མི་དབུལ་པོ་དེས་འཁོར་ལོས་བསྒྱུར་བའི་རྒྱལ་པོ་དེ་ལ་བལྟ་བ་ཉིད་དང ། ཕྱག་བགྱི་བ་ཉིད་ཀྱང་ངོ་མཚར་ལགས་པ་དེ་བཞིན་དུ། བཅོམ་ལྡན་འདས། བདག་ནི། འདི་སྙམ་དུ་སེམས་ཏེ། དེ་བཞིན་གཤེགས་པ་ནི། བྱམས་པ་ཆེན་པོ་དང་ལྡན་ཞིང ། ཐུགས་རྗེ་ཆེན་པོ་དང ། དགའ་བ་ཆེན་པོ་དང ། བཏང་སྙོམས་ཆེན་པོ་དང་ལྡན་པ་ལགས་ཀྱང ། དེ་བཞིན་གཤེགས་པའི་ཡོན་ཏན་གང་དག་ལགས་པ་དེ་དག་སྟོན་པ་མ་གཏོགས་པར་དེ་བཞིན་གཤེགས་པ་འདི་སྙམ་དུ་བདག་ནི། ཕུལ་དང ། བདག་ནི།་མཆོག་དང ། བདག་ནི། ཁྱད་པར་དུ་འཕགས་པའོ། །སྙམ་དུ་མི་དགོངས་པ་ནི། ངོ་མཚར་ལགས་ཏེ། བདག་ནི། འདི་སྙམ་དུ་དེ་བཞིན་གཤེགས་པ་དགྲ་བཅོམ་པ་ཡང་
11b
དག་པར་རྫོགས་པའི་སངས་རྒྱས་ཀྱི་ཡོན་ཏན་དེ་དག་ནི། ཉན་ཐོས་དང ། རང་སངས་རྒྱས་ཐམས་ཅད་དང་ཐུན་མོང་མ་ལགས་སོ། །སྙམ་བགྱིད་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་བཀའ་སྩལ་པ། འོད་སྲུང ། ལེགས་སོ། །ལེགས་སོ། །འོད་སྲུང ། ཁྱོད་ཡང་ལེགས་སོ། །འོད་སྲུང ། དེ་བཞིན་གཤེགས་པ་ནི། དཔག་ཏུ་མེད་ཅིང ། དཔག་ཏུ་མེད་པའི་ཆོས་དང་ལྡན་ཏེ། དེ་ནི། སྦྱིན་པའི་ཚད་དེ་ལྟ་བུ་དང ། སྦྱིན་པའི་ཕ་རོལ་ཏུ་ཕྱིན་པའི་ཚད་དེ་ལྟ་བུ་དང ། ཤེས་རབ་ཀྱི་བར་གྱི་ཚད་དེ་ལྟ་བུ་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་ཚད་དེ་ལྟ་བུ་དང ། སྨོན་ལམ་རྣམས་ཀྱི་ཚད་དེ་ལྟ་བུ་དང ། སྨོན་ལམ་གྱི་ཕ་རོལ་ཏུ་ཕྱིན་པའི་ཚད་དེ་ལྟ་བུ་དང ། ཐབས་ཀྱི་ཚད་དེ་ལྟ་བུ་དང ། ཐབས་ལ་མཁས་པའི་ཕ་རོལ་ཏུ་ཕྱིན་པའི་ཚད་དེ་ལྟ་བུ་དང ། སྤྱོད་པའི་ཚད་དེ་ལྟ་བུ་དང ། སྤྱོད་པའི་ཕ་རོལ་ཏུ་ཕྱིན་པའི་ཚད་དེ་ལྟ་བུ་དང ། རྣམ་པར་གྲོལ་བའི་ཚད་དེ་ལྟ་བུ་དང ། རྣམ་པར་གྲོལ་བའི་ཕ་རོལ་ཏུ་ཕྱིན་པའི་ཚད་དེ་ལྟ་བུ་དང ། རྣམ་པར་གྲོལ་བའི་ཡེ་ཤེས་མཐོང་བའི་ཚད་དེ་ལྟ་བུ་དང ། རྣམ་པར་གྲོལ་བའི་ཡེ་ཤེས་མཐོང་བའི་ཕ་རོལ་ཏུ་ཕྱིན་པའི་ཚད་དེ་ལྟ་བུས་དཔག་པར་མི་ནུས་སོ། །འོད་སྲུང ། བཞི་པོ་འདི་དག་ནི། དེ་བཞིན་གཤེགས་པའི་མི་མཉམ་པའི་ཡེ་ཤེས་རྣམས་ཡིན་ཏེ། དེ་དག་དང་ལྡན་ན། དེ་བཞིན་
12a
༄#། །གཤེགས་པ་འཁོར་གྱི་ནང་དུ་སེངྒེའི་སྒྲ་སྒྲོག་པར་བྱེད་པའོ། །བཞི་གང་ཞེ་ན། ཚུལ་ཁྲིམས་མཉམ་པ་ཉིད་དང ། ཏིང་ངེ་འཛིན་མཉམ་པ་ཉིད་དང ། ཤེས་རབ་མཉམ་པ་ཉིད་དང ། སངས་རྒྱས་ཀྱི་ཆོས་མཉམ་པ་ཉིད་དེ། འོད་སྲུང ། མཉམ་པའི་ཡེ་ཤེས་བཞི་པོ་དེ་དག་ནི། གང་དག་དང་ལྡན་ན་དེ་བཞིན་གཤེགས་པ་འཁོར་གྱི་ནང་ན་བཞུགས་ཤིང་སེངྒེའི་སྒྲ་ཡང་དག་པར་སྒྲོག་པར་བྱེད་པའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སངས་རྒྱས་འཇིག་རྟེན་བསམ་ཡས་ན། །སངས་རྒྱས་ཡེ་ཤེས་མཐའ་ཡས་ཏེ། །སེམས་ཀྱི་ལས་ནི་སྦྱངས་པས་ན། །དེ་དག་སེངྒེའི་སྒྲ་སྒྲོག་བྱེད། །སེངྒེའི་སྒྲ་སྒྲོག་བྱེད་པ་ནི། །མུ་སྟེགས་གཞན་རྣམས་སྐྲག་པར་འགྱུར། །ཆོས་ཀྱི་ཆོས་ཉིད་ཐོས་ནས་སུ། །གཡང་སར་རབ་ཏུ་ལྟུང་བར་འགྱུར། །བདག་ཏུ་འདུ་ཤེས་གང་གནས་དང ། །སེམས་ཅན་འདུ་ཤེས་གང་གནས་པ། ། འོད་སྲུང་དེ་དག་བསྟན་འདི་ལ། །མུ་སྟེགས་ཅན་ཞེས་ངས་བཤད་དོ། །དངོས་པོའི་འདུ་ཤེས་གང་གནས་དང ། །ང་ཡི་ང་ཞེས་རྟེན་པ་རྣམས། །འོད་སྲུང་དེ་དག་བསྟན་འདི་ལ། །མུ་སྟེགས་ཅན་ཞེས་ངས་བཤད་དོ། །གང་དག་ཚུལ་ཁྲིམས་ཕུང་པོ་དང ། །བསམ་གཏན་རྣམས་དང་ཐོས་མང་གིས། །རློམ་སེམས་རྣམ་རྨོངས་དེ་དག་ནི། །འོད་སྲུང་མུ་སྟེགས་
12b
ཅན་རྣམས་སོ། །བདག་ནི་ཆོག་ཤེས་འདོད་ཆུང་དང ། །རབ་ཏུ་དབེན་ལ་གནས་པ་དང ། །ཆོས་གོས་ངན་པ་འཆང་སྙམ་པ། །འོད་སྲུང་དེ་ནི་མུ་སྟེགས་སོ། །དཔེར་ན་ནམ་མཁའ་འདི་ལ་ནི། ། ལག་པ་བསྐྱོད་ཀྱང་ཐོགས་མེད་ཅིང ། །དཔེར་ན་མཁའ་ལ་རྡུལ་གྱིས་ཀྱང ། །ནམ་ཡང་གོས་པར་མི་འགྱུར་བ། །དེ་བཞིན་འོད་སྲུང་ངས་བསྟན་པའི། །ཆོས་འདིར་གང་དག་གནས་དེ་དག ། ཉོན་མོངས་རྣམས་ཀྱིས་མི་གོས་ཏེ། །མཁའ་ལ་རྡུལ་དང་སྤྲིན་བཞིན་ནོ། །ཇི་ལྟར་མཁའ་ལ་མི་ཡིས་མེ་ཏོག་སྤོས་རྣམས་དང ། །དེ་བཞིན་ཕྲེང་བ་བྱུག་པ་རྣམས་ཀྱིས་འདིར་མཆོད་ཀྱང ། །བདག་མཆོད་ལ་ལ་སྐྱེ་འགྱུར་འཇིག་པར་འགྱུར་རོ་ཞེས། །དེ་ལ་བློ་གྲོས་ཀྱང་ནི་འབྱུང་བར་མི་འགྱུར་དང ། །ཇི་ལྟར་ནམ་མཁའ་དེ་ལ་གོས་པར་མི་འགྱུར་དང ། །ཇི་ལྟར་དེ་ཡི་རང་བཞིན་གོས་པར་མི་འགྱུར་དང ། །ཇི་ལྟར་དེ་ཡི་རང་བཞིན་ངོ་བོ་ཉིད་ཀྱིས་གསོབ། །དེ་བཞིན་དགེ་སྦྱོང་དག་ལ་སྟོང་པའི་ཆོས་རྣམས་སོ། །ཇི་ལྟར་གང་གིས་ནམ་མཁའ་བསྡིགས་པ་དང ། །ཇི་ལྟར་ནམ་དུ་ཡང་ནི་གཤེ་བར་མི་འགྱུར་བ། །དེ་བཞིན་དགེ་སྦྱོང་དག་ལ་ཆོས་རྣམས་གང་དག་ཡིན། །དེ་དག་ནམ་མཁའ་བཞིན་དུ་གོས་པ་མེད་ཆོས་རྣམས། །ཆོས་འདིར་དགེ་སྦྱོང་གང་དག་ལེགས་པར་བསླབ་རྣམས་དང ། །གཞན་དག་སློབ་པ་རྣམས་དང་སློབ་པར་འགྱུར་བ་རྣམས། །འདི་ལ་ནམ་དུའང་གང་དག་འཆགས་པར་མི་འགྱུར་བ། །ང་
13a
༄#། །ཡིས་དེ་དག་དགེ་སྦྱོང་ལེགས་བསླབ་རྣམས་སུ་བསྟན། །ཇི་ལྟར་མཁའ་ལ་ནམ་ཡང་ལག་པ་མི་ཐོགས་དང ། །རྡུལ་དང་དུ་བ་རྣམས་ཀྱིས་གོས་པར་མི་འགྱུར་དང ། །ཇི་ལྟར་ལམ་ནི་ནམ་ཡང་བྱེད་པར་མི་འགྱུར་བ། །ཆོས་ལ་དེ་བཞིན་མོས་པ་རྣམས་ནི་དགེ་སྦྱོང་ཡིན། །ཇི་ལྟར་སྤྲིན་དང་བྲལ་བར་གྱུར་བའི་ནམ་མཁའ་ལ། །ཟླ་བ་ཐོགས་པ་མེད་པར་མཁའ་ལ་འགྲོ་བྱེད་ཀྱང ། །བདག་གིས་བར་སྣང་ལ་ནི་སྣང་བར་བྱ་སྙམ་དུ། །དེ་ལ་རྣམ་རྟོག་དེ་ནི་འབྱུང་བར་མི་འགྱུར་བཞིན། །རྒོད་མེད་བདག་ཉིད་དགེ་སློང་ཟླ་བ་ལྟ་བུ་ཡིས། །སྦྱིན་པའི་བདག་པོའི་ཁྱིམ་རྣམས་སུ་ནི་འགྲོ་བར་བྱ། །རྒོད་མེད་ང་རྒྱལ་རྣམ་གྲོལ་སེམས་དང་ལྡན་པ་དང ། །འཇིག་རྟེན་ཆོས་རྣམས་ཀྱིས་ནི་མ་གོས་སེམས་ལྡན་བྱ། ། ཁྱིམ་རྣམས་ལ་ནི་ང་རྒྱལ་སྤངས་ནས་བསྟེན་པར་བྱ། །དེར་ཕྱིན་ནས་ཀྱང་ཆོས་ཉིད་རབ་ཏུ་བརྗོད་པར་བྱ། །བདེ་དང་རྙེད་པའི་ཕྱིར་ནི་འདོད་པའང་སྤངས་ནས་སུ། །འཇིག་རྟེན་རྣམ་དག་ཚུལ་ཁྲིམས་ཅན་དུ་གནས་པར་བྱ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་བཀའ་སྩལ་པ། འོད་སྲུང་ལོངས་ཤིག་།ལོངས་ལ་རང་གི་སྟན་ལ་འདུག་ཅིག་།འོད་སྲུང ། ཁྱོད་ལ་ཆོས་ཀྱི་ཐེ་ཚོམ་ཇི་སྙེད་ཡོད་པ་དེ་དག་དེ་བཞིན་གཤེགས་པ་ལ་དྲིས་ཤིག་དང ། འོད་སྲུང ། ངས་དྲིས་པ་ལན་བཏབ་པས་ཁྱོད་ཀྱི་སེམས་རངས་
13b
པར་བྱའོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་སའི་སྟེང་དེ་ནས་ལངས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་ཡང་རྫུ་འཕྲུལ་ཇི་ལྟ་བུ་མངོན་པར་འདུ་བྱ་བ་མངོན་པར་འདུ་མཛད་པས་ཛམྦུའི་གླིང་འདི་ན་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་ཇི་སྙེད་གནས་པ་དེ་དག་ཐམས་ཅད་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་ནས་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་གང་དག་ཡིན་པ་དེ་དག་ཀྱང་འོད་མའི་ཚལ་བྱ་ཀ་ལནྟ་ཀ་གནས་པར་ཞུགས་ཏེ། དེ་དག་ཞུགས་ནས་མཐའ་ཡས་ཤིང་དཔག་ཏུ་མེད་པར་ཤེས་པར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །དེ་ནས་བཅོམ་ལྡན་འདས་ཀྱིས་ཡང་རྫུ་འཕྲུལ་ཇི་ལྟ་བུ་མངོན་པར་འདུ་བྱ་བ་མངོན་པར་འདུ་མཛད་པས་།སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རྒྱལ་པོ་ཆེན་པོ་བཞི་དང ། ལྷ་རྣམས་ཀྱི་དབང་པོ་བརྒྱ་བྱིན་དང ། ཚངས་པ་དང ། ཚངས་པ་ཆེན་པོ་དང ། འོད་
14a
༄#། །གསལ་དང ། མི་ཆེ་བ་དང ། མི་གདུང་བ་དང ། ཤིན་ཏུ་མཐོང་བ་དང ། འོག་མིན་གྱི་ལྷའི་བུ་ཇི་སྙེད་པ་དེ་དག་ཐམས་ཅད་སངས་རྒྱས་ཀྱི་མཐུས་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་ནས། བཅོམ་ལྡན་འདས་ལ་ཐལ་མོ་སྦྱར་ཏེ་ཕྱག་འཚལ་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །དེ་ནས་བཅོམ་ལྡན་འདས་ཀྱིས་ཡང་རྫུ་འཕྲུལ་ཇི་ལྟ་བུ་མངོན་པར་འདུ་བྱ་བ་མངོན་པར་འདུ་མཛད་པས་ཀླུའི་རྒྱལ་པོ་རྒྱ་མཚོ་དང ། མ་དྲོས་པ་དང ། སྣམ་བུའི་དབང་ཕྱུག་དང ། གཽ་ཏ་མ་དང ། དགའ་བོ་དང ། ཉེ་དགའ་དང ། གཟི་ཅན་དང ། འཇོག་པོ་དང ། རབ་མཛེས་དང ། ེ་ལའི་འདབ་དང ། དེ་དག་དང ། གཞན་ཡང་ཀླུ་བྱེ་བ་ཕྲག་སྟོང་སངས་རྒྱས་ཀྱི་མཐུས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། ཕྱོགས་གཅིག་ཏུ་འཁོད་ཅིང་རྒྱ་ཆེན་པོའི་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དང ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དེ་དག་ཐམས་ཅད་ཀྱང་སངས་རྒྱས་ཀྱི་མཐུས་འོད་མའི་ཚལ་བྱ་ཀ་ལནྟ་ཀ་
14b
གནས་པར་ཞུགས་ནས་གཅིག་ལ་གཅིག་ཉམ་ང་བ་མེད་པས་འཁོད་པར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽངྒལ་གྱི་བུ་ཆེན་པོ་ལ་བཀའ་སྩལ་པ། མཽངྒལ་གྱི་བུ། ཁྱོད་ལོངས་ལ་དེ་བཞིན་གཤེགས་པའི་གདན་ཤོམས་ཤིག་།དེ་བཞིན་གཤེགས་པ་དེ་ལ་བཞུགས་ནས་ཐེ་ཚོམ་ཐམས་ཅད་གཅོད་པ་ཞེས་བྱ་བའི་ཆོས་ཀྱི་རྣམ་གྲངས་ཡང་དག་པར་སྟོན་པར་འགྱུར། སེམས་ཅན་ཐམས་ཅད་ཀྱི་བསམ་པ་སྒྲུབ་པའི་སྤྱོད་པ་ཡང་དག་པར་སྟོན་པར་འགྱུར། སེམས་ཅན་ཐམས་ཅད་ཡང་དག་པར་ཚིམ་པའི་ཆོས་ཀྱི་རྣམ་གྲངས་ཡང་དག་པར་སྟོན་པར་འགྱུར། སེམས་ཅན་ཐམས་ཅད་ཆོས་ལ་ཡང་དག་པར་གཞོལ་བའི་ཚུལ་གྱི་སྒོ་རྒྱ་མཚོའི་ཕྱག་རྒྱ་ཡང་དག་པར་སྟོན་པར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་གྱི་སྤྱོད་པ་སྒྲུབ་པ་ཡང་དག་པར་སྟོན་པར་འགྱུར། སངས་རྒྱས་ཀྱི་ཆོས་སྒྲུབ་པ་ཡང་དག་པར་སྟོན་པར་འགྱུར།་སེམས་ཅན་ཡོངས་སུ་སྨིན་པར་བྱ་བ་སྒྲུབ་པ་ཡང་དག་པར་སྟོན་པར་འགྱུར། སྦྱིན་པའི་ཕ་རོལ་ཏུ་ཕྱིན་པ་སྒྲུབ་པ་ཡང་དག་པར་སྟོན་པར་འགྱུར་བ་ནས་ཤེས་རབ་ཀྱི་ཕ་རོལ་ཏུ་ཕྱིན་པ་སྒྲུབ་པའི་བར་དུ་ཡང་དག་པར་སྟོན་པར་འགྱུར། ཆོས་ཐམས་ཅད་ཀྱི་ཚུལ་གྱི་སྒོ་སྒྲུབ་པ་ཡང་དག་པར་སྟོན་པར་འགྱུར། སེམས་ཅན་ཐམས་ཅད་ཀྱི་དབང་པོ་སྒྲུབ་པ་
15a
༄#། །ཡང་དག་པར་སྟོན་པར་འགྱུར། སེམས་ཅན་ཐམས་ཅད་ཀྱི་གནས་པའི་སྤྱོད་པ་སྒྲུབ་པ་ཡང་དག་པར་སྟོན་པར་ཡང་འགྱུར། འཁོར་བཞི་ཡང་དག་པར་ཚིམ་པར་བྱེད་པར་འགྱུར། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོའི་འཁོར་ཀྱང་ཡང་དག་པར་ཚིམ་པར་བྱེད་པར་འགྱུར། འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་དང ། དེ་བཞིན་དུ་ད་ལྟར་དང ། མ་འོངས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་དང ། ལས་ཀྱི་རྣམ་པར་སྨིན་པ་དང ། སྤྱོད་པ་དང ། སྨོན་ལམ་རྣམས་དང ། ཡེ་ཤེས་ཀྱི་ཕྱོགས་ཙམ་ཞིག་ཡང་དག་པར་སྟོན་པར་འགྱུར་རོ། །དེ་ནས་ཚེ་དང་ལྡན་པ་མཽངྒལ་གྱི་བུ་ཆེན་པོ་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས།་བཅོམ་ལྡན་འདས་ཀྱི་གདན་འཕང་དུ་ཚངས་པའི་འཇིག་རྟེན་སྲིད་ཅིག་བཤམས་སོ། །སྟེང་གི་བར་སྣང་ལའང་བཅོམ་ལྡན་འདས་ཀྱི་འཆག་ས་རིན་པོ་ཆེ་སྣ་བདུན་ལས་བྱས་པ་ཀ་ཙ་ལིནདའི་གོས་ལྟར་རེག་ན་བདེ་བ། སྲིད་ཀྱི་ཚད་ནི། སྟོང་གི་འཇིག་རྟེན་གྱི་ཁམས་དང་ལྡན་པ། རྒྱར་ནི།་དཔག་ཚད་བདུན་བརྒྱ་དང་ལྡན་པ་ཞིག་བྱས་སོ། །འཆག་ས་དེ་ལའང་རྩིག་པ་རིམ་པ་བདུན་དང ། རྟ་བབས་རིམ་པ་བདུན་དང ། སྟེགས་བུ་རིམ་པ་བདུན་དང ། དྲིལ་བུ་གཡེར་ཀའི་
15b
དྲ་བ་རིམ་པ་བདུན་གྱིས་ཀུན་ནས་བསྐོར་བ་སྤྲུལ་ཏོ། །འཆགས་དེའི་གཡས་གཡོན་དུའང་འདི་ལྟ་སྟེ། གསེར་དང ། དངུལ་དང ། ཤེལ་དང ། བཻཌཱུརྱ་རིན་པོ་ཆེ་སྣ་བཞིའི་ཤིང་ལྗོན་པ་དག་མངོན་པར་སྤྲུལ་ཏོ། །གསེར་ལས་བྱས་པའི་ཤིང་ལྗོན་པ་རྣམས་ལ་དངུལ་གྱི་ལོ་མ་དག་དང ། ཤེལ་གྱི་མེ་ཏོག་དག་དང ། བཻ་ཌཱུརྱ་ལས་བྱས་པའི་འབྲས་བུ་དག་དང ། དངུལ་ལས་བྱས་པའི་ཤིང་ལྗོན་པ་རྣམས་ལ་གསེར་གྱི་ལོ་མ་དག་དང ། བཻཌཱུརྱ་ལས་བྱས་པའི་མེ་ཏོག་དག་དང ། ཤེལ་ལས་བྱས་པའི་འབྲས་བུ་དག་དང ། བཻཌཱུརྱ་ལས་བྱས་པའི་ཤིང་ལྗོན་པ་རྣམས་ལ་གསེར་གྱི་ལོ་མ་དག་དང ། དངུལ་གྱི་མེ་ཏོག་དག་དང ། ཤེལ་གྱི་འབྲས་བུ་དག་དང ། ཤེལ་ལས་བྱས་པའི་ཤིང་ལྗོན་པ་རྣམས་ལ་གསེར་གྱི་ལོ་མ་དག་དང ། དངུལ་གྱི་མེ་ཏོག་དག་དང ། བཻཌཱུརྱ་ལས་བྱས་པའི་འབྲས་བུ་དག་མངོན་པར་སྤྲུལ་ཏོ། །ཤིང་ལྗོན་པ་ཐམས་ཅད་ཀྱི་བར་དག་ཏུའང་ཡན་ལག་བརྒྱད་དང་ལྡན་པའི་ཆུས་བཀང་བའི་རྫིང་ཐེམ་སྐས་བཞི་དང་ལྡན་པ། ཐེམ་སྐས་དེ་དག་ཀྱང་རིན་པོ་ཆེ་སྣ་བཞི་གསེར་དང ། དངུལ་དང ། བཻཌཱུརྱ་དང ། ཤེལ་ལས་བྱས་པ། གསེར་གྱི་བྱེ་མ་བདལ་བ། ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོས་ཁེབས་པ། སྟེང་གི་བར་སྣང་ལའང་རིན་པོ་ཆེ་སྣ་བདུན་ལས་བྱས་པའི་དྲ་བའི་བླ་རེ་བྲེས་པ་ཞིག་མངོན་པར་སྤྲུལ་ཏོ། །འཆགས་དེའང་དར་གྱི་ལྡ་ལྡི་མང་པོས་དཔྱངས་པ། བདུག་སྤོས་དྲི་ཞིམ་པོས་བདུགས་
16a
༄#། །པ།་མི་བདུན་གྱི་སྲིད་ཙམ་དུ་མེ་ཏོག་སྣ་ཚོགས་ཀྱིས་བཅལ་བཀྲམ་པ་ཞིག་མངོན་པར་སྤྲུལ་ཏོ། །ུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དེ་དག་ལའང་མཽངྒལ་གྱི་བུ་དང་འདྲ་བའི་དགེ་སློང་དག་མངོན་པར་སྤྲུལ་ཏོ། །དེ་ནས་ཚེ་དང་ལྡན་པ་མཽངྒལ་གྱི་བུ་ཆེན་པོས་རྫུ་འཕྲུལ་གྱིས་བྱས་པའི་གདན་དེ་ལྟ་བུ་དེ་མངོན་པར་སྤྲུལ་ཏེ།་བཅོམ་ལྡན་འདས་ཀྱི་ཐད་དུ་ཕྱིན་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་གདན་བཤམས་ལགས་ན། དེའི་དུས་ལ་དབབ་པར་མཁྱེན་པར་མཛད་དུ་གསོལ། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་ཚེ་དང་ལྡན་པ་མཽངྒལ་གྱི་བུ་ཆེན་པོ་ལ་བཀའ་སྩལ་པ། མཽངྒལ་གྱི་བུ། ཁྱོད་ཀྱིས་གདན་བཤམས་ཟིན་ཏམ། བཅོམ་ལྡན་འདས། བདག་གིས་བཤམས་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཡུལ་མཐའ་ཡས་པ་ལ་དམིགས་པ་སྒྲུབ་པ་ངེས་པར་སྟོན་པ་ལ་བཀའ་སྩལ་པ། རིགས་ཀྱི་བུ།་ཁྱོད་ཀྱིས་དེ་བཞིན་གཤེགས་པའི་སེངྒེའི་ཁྲི་ཤོམས་ཤིག་།དེ་བཞིན་གཤེགས་པ་དེ་ལ་བཞུགས་ནས་སེམས་ཅན་ཐམས་ཅད་ཡང་དག་པར་ཚིམ་པར་བྱེད་པ་ཞེས་བྱ་བའི་ཆོས་ཀྱི་རྣམ་གྲངས་ཡང་དག་པར་རབ་ཏུ་སྟོན་པར་འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཡུལ་མཐའ་ཡས་པ་ལ་དམིགས་པ་སྒྲུབ་པ་ངེས་པར་སྟོན་པས། བཅོམ་ལྡན་
16b
འདས་ཀྱི་ལྟར་མཉན་ནས་གདན་བཤམས་སོ། །གདན་དེ་ཤོམ་པ་ན་བྱང་ཆུབ་སེམས་དཔའ་ཇི་སྙེད་འདུས་པ་དེ་དག་ཐམས་ཅད་ཀྱིས་སེངྒེའི་གདན་དེར་རང་རང་གིས་བླ་གོས་དག་བཏིང་ངོ ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་གིས་ནི། འདི་ལྟ་སྟེ། ཐེ་ཚོམ་དང་སོམ་ཉི་བསལ་བའི་ཕྱིར་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་པ་གང་གིས་བྱང་ཆུབ་སེམས་དཔའ་དེ་དག་གི་སྤྱད་པ་སྒྲུབ་པ་དང ། འཇུག་པ་སྒྲུབ་པ་དང ། སྨོན་ལམ་སྒྲུབ་པ་དང ། ཞིང་བཀོད་པ་སྒྲུབ་པ་དང ། སེམས་ཅན་ཡོངས་སུ་སྨིན་པར་བྱ་བ་སྒྲུབ་པ་གང་དག་ཡིན་པ་དང ། བྱང་ཆུབ་སེམས་དཔའ་དེ་དག་བྱང་ཆུབ་མངོན་པར་རྫོགས་པར་སངས་རྒྱས་པའི་སངས་རྒྱས་ཀྱི་ཞིང་རྣམས་སུ་སངས་རྒྱས་ཀྱི་ཞིང་གི་བཀོད་པ་འབྱུང་བ་དང ། ཉན་ཐོས་ཕུན་སུམ་ཚོགས་པ་འབྱུང་བ་དང ། བྱང་ཆུབ་སེམས་དཔའ་ཕུན་སུམ་ཚོགས་པ་འབྱུང་བ་དང ། ཆོས་བསྟན་པ་ཕུན་སུམ་ཚོགས་པ་འབྱུང་བ་དང ། ཆེ་ཕུན་སུམ་ཚོགས་པ་དང ། མདོག་ཕུན་སུམ་ཚོགས་པ་དང ། གཟུགས་ཕུན་སུམ་ཚོགས་པ་དང ། མཚན་ཕུན་སུམ་ཚོགས་པ་དང ། དཔེ་བྱད་ཕུན་སུམ་ཚོགས་པ་དང ། ཡང་དག་པའི་སྦྱོར་བ་ཕུན་སུམ་ཚོགས་པ་དང ། དམ་པའི་ཆོས་རབ་ཏུ་རྣམ་པར་མི་འཇིག་པ་ཕུན་སུམ་ཚོགས་པ་འབྱུང་བ་གང་དག་ཡིན་པ་དེ་དག་ཐམས་ཅད་རང་རང་གི་ཆོས་གོས་དག་ལས་མཐོང་བར་འགྱུར་བ་དེ་ལྟ་བུའི་རྫུ་འཕྲུལ་མངོན་
17a
༄#། །པར་འདུ་བྱ་བ་དེས་ངེས་པར་མངོན་པར་འདུ་བྱའོ། །སྙམ་མོ། །དེ་ནས་བཅོམ་ལྡན་འདས་དྲན་པ་དང་མཁྱེན་བཞིན་དུ་གདན་དེ་ལ་བཞུགས་ཏེ། བཅོམ་ལྡན་འདས་གདན་དེ་ལ་བཞུགས་ནས་ཀྱང་ཡུལ་མཐའ་ཡས་པ་ལ་དམིགས་པ་སྒྲུབ་པ་ངེས་པར་སྟོན་པ་ཞེས་བྱ་བ་སངས་རྒྱས་ཀྱི་ཏིང་ངེ་འཛིན་ལ་སྙོམས་པར་ཞུགས་སོ། །དེ་བཞིན་གཤེགས་པ་ཏིང་ངེ་འཛིན་ལ་སྙོམས་པར་ཞུགས་ནས།་དེ་ནས་དེ་མ་ཐག་ཏུ་བྱང་ཆུབ་སེམས་དཔའ་དེ་དག་གིས་རང་རང་གི་བླ་གོས་ཇི་སྙེད་པ་དེ་དག་བཅོམ་ལྡན་འདས་ཀྱི་གདན་དུ་བཏིང་ངོ ། །དེ་དག་གིས་རང་རང་གི་ཆོས་གོས་དེ་དག་ལ་བདག་ཉིད་ཀྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཕུན་སུམ་ཚོགས་པ་ནས་རབ་ཏུ་རྣམ་པར་མི་འཇིག་པ་ཕུན་སུམ་ཚོགས་པའི་བར་དུའང་མཐོང་ངོ ། ། དེ་ནས་བྱང་ཆུབ་སེམས་དཔའ་དེ་དག་ཡང་དག་པར་ཚིམ་ཞིང་ཡིད་རངས་ཏེ། དགའ་བ་དང ། དང་བ་ལ་གནས་ནས་བཅོམ་ལྡན་འདས་ལ་སྒྲ་སྐད་མཐུན་པར་ཚིགས་སུ་བཅད་དེ་བསྟོད་པ། ཆོ་ག་སྤྱོད་པ་ཡོན་ཏན་གནས་གྱུར་པ། །ཆོས་རྣམས་ཀུན་ལ་དབང་ལྡན་བསྙེངས་མི་མངའ། །ཡོན་ཏན་ཀུན་ལ་གནས་པས་ཁྱོད་མཛེས་ཏེ། །རྒྱལ་བ་དབང་ལྡན་ཏིང་འཛིན་ཡང་དག་གནས། ། གཡོ་དང་སྒྱུ་ནི་ཁྱོད་ལ་ཡོངས་མི་མངའ། །ང་རྒྱལ་རྒོད་དང་ཚུལ་འཆོས་མི་མངའ་སྟེ། །རིག་དང་རྣམ་གྲོལ་དག་གི་སྤྱོད་པ་མཁྱེན། །ཏིང་འཛིན་དེ་ལ་གནས་པས་ཁྱོད་མཛེས་སོ། །དབང་
17b
ལྡན་བསྙེངས་བྲལ་ཏིང་འཛིན་གནས་ནས་སུ། །རྫུ་འཕྲུལ་མི་མཚུངས་བླ་ན་མེད་པ་བསྟན། །ཆགས་མེད་ཡེ་ཤེས་བསྟན་ཕྱིར་དབང་ལྡན་པ། །མ་འོངས་དུས་ནི་ཁྱོད་ཀྱིས་དེང་བསྟན་ཏོ། །མི་གཡོ་གོ་འཕང་ཞི་བ་ཐོབ་སྙམ་བགྱིད། །དེ་རིང་བྱང་ཆུབ་ལ་ནི་མཆིས་སྙམ་བགྱིད། །བདུད་དཔུང་བཅས་པ་རབ་ཏུ་བཅོམ་སྙམ་བགྱིད། །དེ་རིང་རིག་པ་རྗེས་སུ་ཐོབ་སྙམ་བགྱིད། །རྒྱལ་བས་གང་གིས་འདུས་བྱས་སྟོང་གཟིགས་པའི། །བླ་མེད་མིག་ནི་ཐོབ་པར་འགྱུར་སྙམ་བགྱིད། །ཆགས་མེད་ཡེ་ཤེས་ཁྱོད་ཀྱི་བཀའ་དྲིན་ལ། །མིག་ཀྱང་ཆགས་པ་མཆིས་པ་ཡོད་མ་ལགས། ། རྣམ་པར་མཐོང་ཡང་ཅི་ཡང་མ་མཐོང་ཞིང ། །ཆོས་ནི་གང་ལའང་ཞེ་འགྲས་མ་མཆིས་ཏེ། །གང་ལ་ཡིད་ནི་ཞེ་འགྲས་མ་མཆིས་པ། །དེ་ནི་སངས་རྒྱས་སྤྱན་མཆོག་དེ་ལགས་སོ། །ཇི་ལྟར་རྒྱལ་བའི་སངས་རྒྱས་སྤྱན་མཆོག་གིས། །ཁམས་གསུམ་ཤེས་ལ་མ་ཆགས་འཇུག་པ་བཞིན། །དངོས་དང་དངོས་མེད་མཉམ་མཚུངས་ཡིད་དང་ལྡན། །ཡང་དག་བརྩོན་ཞིང་རང་གི་མིག་ལ་གནས། །གང་ཚེ་རྒྱལ་བ་ཏིང་འཛིན་དེར་གནས་ཏེ། །དེ་རིང་དེ་དག་ཀུན་གྱིས་ཐོབ་སྙམ་བགྱིད། །དེ་དག་གིས་ནི་གཟུངས་སྒོ་དེ་དག་དང ། །ཆོས་ལ་རྣམ་པར་གྲོལ་བའི་སྒོ་མཆོག་ཐོབ། ། སྒོར་འཇུག་ཡོངས་སུ་སྦྱངས་བྱས་རྣམ་དག་པ། །རྒྱལ་བའི་བློ་ནི་ཡོང་ཡེ་ཉམས་མི་འགྱུར། །སྦྱིན་པ་ཆེན་པོའི་རྣམ་སྨིན་དེ་འདྲ་སྟེ། །ཁྲིམས་ཆེན་ཡོན་ཏན་དེ་དག་དེ་འདྲ་ལགས། །ཤེས་རབ་
18a
༄#། །ཆེན་པོའི་ཡོན་ཏན་དེ་འདྲ་སྟེ། །སྔོན་ཆད་ཆོས་དེ་དག་ནི་བསྟེན་པ་མཛད། །ཁྱོད་ནི་གདན་བཞུགས་བསམ་གཏན་མཛད་པ་ན། །མི་ཡི་དབང་པོ་ཕྱོགས་བཅུར་ལྷང་ངེར་གྱུར། །རྒྱལ་སྲས་ཐུགས་ཀྱི་སྲས་པོ་འདུས་དེ་དག་།གང་ནས་ཤི་འཕོས་ལས་ནི་ཅི་མཆིས་པ། །ལྷ་དང་ཀླུ་དང་མི་མིན་མིའམ་ཅི། །ཀུན་ལ་དེ་རིང་ཤེས་པ་དེ་འཇུག་གོ་།ཀུན་ཏུ་སྣང་བར་གྱུར་པའི་ཏིང་འཛིན་ལ། །གང་གིས་བསྐལ་བྱེར་ཤེས་པ་དེ་བསྐྱེད་པ། །སོམ་ཉི་གཅོད་ཅིང་ཐེ་ཚོམ་སེལ་བ་ཡི། །མི་མཆོག་སེངྒེ་བཞིན་དུ་སྒྲོག་པར་འགྱུར། །བདག་དང་གཞན་ལ་ཕན་པ་ཚོལ་བ་ན། །འདི་ལྟར་སྔོན་ཆད་སྦྱིན་པ་སྩལ་ལགས་ཏེ། །འདི་ལ་སྦྱིན་པ་ཚུལ་ཁྲིམས་བཟོད་བརྩོན་གང ། །སེམས་ཅན་ཀུན་ལ་དེ་འདྲར་བསྐལ་པ་མཉམ། །སེམས་ཅན་དེ་དག་ཐམས་ཅད་མ་བཏུད་པར། །འདི་ལྟར་སྦྱིན་དང་ཚུལ་ཁྲིམས་བཟོད་བརྩོན་གང ། །སེམས་ཅན་ཀུན་ལ་ཀུན་ཏུ་མཁས་པས་ན། །འདི་ལ་ཏིང་འཛིན་འཇུག་དང་ཤེས་རབ་མཆོག་།དེས་ན་ཁྱོད་ཀྱིས་ཏིང་འཛིན་རྣམ་པར་སྦྱངས། །དཔའ་བོ་དེ་རིང་གདན་ལ་བཞུགས་པ་ལ། །ཐལ་མོ་སྦྱར་ནས་ཁྱོད་ལ་ཞུ་ལགས་ན། །སོམ་ཉི་གཅད་ཅིང་ཐེ་ཚོམ་བསལ་དུ་གསོལ། །དེང་འདིར་ཆོས་ལ་ཀུན་ཏུ་སྣང་ཐོབ་ཅིང ། །ཐེ་ཚོམ་བྲལ་ཏེ་སྣང་བ་ཐོབ་གྱུར་པས། །སེམས་ཅན་གང་དག་འབྱུང་དང་བདག་ཅག་ལ། །ཆོས་ཀྱི་ཚུལ་ནི་ཡུན་རིང་གནས་པར་འགྱུར། །གླེང་གཞིའི་ལེའུ་
18b
ཞེས་བྱ་བ་སྟེ་དང་པོའོ།། །།ཡང་དེའི་ཚེ་འཁོར་འདུས་པ་དེ་ཉིད་དུ་པདྨ་དཔལ་གྱི་སྙིང་པོ་ཞེས་བྱ་བ་གཞོན་ནུར་གྱུར་པ་ཞིག་འདུས་པར་གྱུར་ཏེ་འདུག་གོ་།དེ་ནས་པདྨ་དཔལ་གྱི་སྙིང་པོ་གཞོན་ནུར་གྱུར་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདུག་གོ་།དེ་ལྟར་འདུག་པ་དེའི་སེམས་ལ་རྣམ་པར་རྟོག་པ་འདི་ལྟ་བུ་བྱུང་སྟེ། བདག་ནི། དེ་བཞིན་གཤེགས་པ་ལ་ཆོས་ཀྱི་སྒོ་རྣམས་ཞུ་བར་འདོད་པ་ཡིན། རྡོ་རྗེའི་ཚིག་རྣམས་དང ། རྒྱུན་མི་གཅོད་པ་སྒྲུབ་པའི་ཚིག་རྣམས་ཞུ་བར་འདོད་པ་ཡིན། སྨྲ་བ་ཐམས་ཅད་ཚར་གཅད་པ་སྒྲུབ་པའི་ཚིག་རྣམས་དང ། རིམ་པར་ཕྱེ་བའི་ཚིག་རྣམས་དང ། ཆོས་ཐམས་ཅད་བསྡུ་བའི་ཚིག་རྣམས་ཞུ་བར་འདོད་པ་ཡིན་ན། རིགས་ཀྱི་བུ་དང ། རིགས་ཀྱི་བུ་མོ་དག་ཕྱག་རྒྱའི་སྒོ་གང་དག་ལ་བསླབ་ན། ཆོས་ཐམས་ཅད་ལ་སྒྲིབ་པ་མེད་པའི་མིག་དང་ཤེས་པ་ལ་མཁས་པ་ཉིད་རྗེས་སུ་ཐོབ་པར་འགྱུར། བཅོམ་ལྡན་འདས། ཀྱེ་མ་བདག་གིས་བསམ་པའི་ཚོགས་གང་དག་དང ། འཇུག་པ་སྒྲུབ་པ་གང་དག་གི་གོ་ཆ་བགོས་པ། སྔོན་གྱི་དགེ་བའི་རྩ་བའི་ཚོགས་སྐྱེ་བ་ལ་བསམ་པ་སྒྲུབ་པའི་ཚོགས་ལ་དགོངས་པར་འགྱུར་སྙམ་མོ། །དེ་ནས་བཅོམ་ལྡན་འདས་ཀྱིས་པདྨ་དཔལ་གྱི་སྙིང་པོ་གཞོན་ནུར་གྱུར་པའི་བསམ་པ་ཐུགས་སུ་ཆུད་ཅིང་སྨོན་ལམ་དང ། དགེ་བའི་རྩ་བའི་ཚོགས་སྒྲུབ་
19a
༄#། །པ་ཐུགས་སུ་ཆུད་ནས་དེའི་ཚེ་ཕྱོགས་བཞིར་རྣམ་པར་གཟིགས་སོ། །ཕྱོགས་བཞིར་གཟིགས་པ་ན་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཆེན་པོ་བཞི་བྱུང་སྟེ། དེ་དག་བྱུང་ནས་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ཏུ་དོང་ངོ ། །འོད་ཟེར་དེ་དག་ཀྱང་ཤིང་ལྗོན་པའམ། རྩིག་པའམ། རིའམ། སའམ། བར་སྣང་གང་དུ་བབ་པ་དེ་དག་ཐམས་ཅད་གསེར་གྱི་ཁ་དོག་གཅིག་ཏུ་གྱུར་ཏོ། །ཕྱོགས་དང་ཕྱོགས་མཚམས་ཐམས་ཅད་དུའང་འོད་ཟེར་དེ་དག་ཐོགས་པ་མེད་པར་རབ་ཏུ་དོང་སྟེ། དེ་ལྟར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་འོད་དེ་དག་གིས་རེག་པའི་སེམས་ཅན་ཇི་སྙེད་པ་དེ་དག་ཐམས་ཅད་ཀྱིས་རང་གི་ལུས་དག་གསེར་གྱི་ལུས་ལྟ་བུར་ཤེས་སོ། །གང་དག་འདོད་ཆགས་ཀྱི་ཡོངས་སུ་གདུང་བས་ཡོངས་སུ་གདུངས་པ་དང ། ཞེ་སྡང་གི་ཡོངས་སུ་གདུང་བས་ཡོངས་སུ་གདུངས་པ་དང ། གཏི་མུག་གི་ཡོངས་སུ་གདུང་བས་ཡོངས་སུ་གདུངས་པ་དེ་དག་ཐམས་ཅད་ཀྱིས་ནི། བདག་ཉིད་འདོད་ཆགས་ཆུང་བ་དང ། ཞེ་སྡང་ཆུང་བ་དང ། གཏི་མུག་ཆུང་བར་མངོན་པར་ཤེས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་སེམས་ཅན་དམྱལ་བ་ཇི་སྙེད་ཡོད་པ་དེ་དག་ཏུ་སེམས་ཅན་སྐྱེས་པ་གང་དག་སྡུག་བསྔལ་ཚ་བ། མི་བཟད་པ། འཆི་བའི་མཐར་བྱེད་པའི་ཚོར་བ་ཉམས་སུ་མྱོང་བ་དེ་དག་ཐམས་
19b
ཅད་ཀྱིས་ནི། བཅོམ་ལྡན་འདས་ཀྱི་མཐུ་དང ། བྱང་ཆུབ་སེམས་དཔའ་དེའི་སྔོན་གྱི་སྨོན་ལམ་གྱི་མཐུས་བདེ་བ་སྙམ་དུ་ཤེས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལས་ཀྱི་སྒྲིབ་པས་བསྒྲིབས་པ་དང ། ཉོན་མོངས་པའི་སྒྲིབ་པས་བསྒྲིབས་པ་དང ། ལས་ཀྱི་རྣམ་པར་སྨིན་པའི་སྒྲིབ་པས་བསྒྲིབས་པར་གྱུར་པའི་སེམས་ཅན་ཇི་སྙེད་ཡོད་པ་དེ་དག་ཐམས་ཅད་ཀྱིས་ཀྱང ། བཅོམ་ལྡན་འདས་ཀྱི་མཐུ་དང ། བྱང་ཆུབ་སེམས་དཔའ་དེའི་སྔོན་གྱི་སྨོན་ལམ་གྱིས་སྒྲིབ་པ་དང་བྲལ་བར་གྱུར་ཏོ། །དེའི་ཚེ་སེམས་ཅན་རྣམས་ཀྱི་དགེ་བའི་རྩ་བ་ཆེར་གསལ་བར་བྱ་བའི་ཕྱིར། བཅོམ་ལྡན་འདས་ཀྱིས་སྤུའི་ཁུང་བུ་ཐམས་ཅད་ནས་འོད་ཟེར་དག་བྱུང་སྟེ། འོད་ཟེར་དེ་དག་ཀྱང་ཤར་ཕྱོགས་སུ་འཇིག་རྟེན་གྱི་ཁམས་ཚད་མེད་པ་དག་འདས་སོ། ། དེ་བཞིན་དུ་ལྷོ་དང ། ནུབ་དང ། བྱང་དང ། སྟེང་དང ། འོག་ཏུ་འཇིག་རྟེན་གྱི་ཁམས་ཚད་མེད་པ་དག་འདས་སོ། །དེ་ནས་བཅོམ་ལྡན་འདས་ཀྱིས་འོད་ཟེར་དེ་དག་ཕྱུང་ནས་གསུང་བསལ་བའི་སྒྲ་མཛད་དོ། །གསུང་བསལ་བའི་སྒྲ་དེས་ཀྱང་འཇིག་རྟེན་གྱི་ཁམས་ཐམས་ཅད་མངོན་པར་གོ་བར་གྱུར་ཏོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་དག་འདས་པ་ན་འཇིག་རྟེན་གྱི་ཁམས་གདུགས་གཅིག་པ་ཞེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་བཀོད་པ་གཅིག་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་
20a
༄#། །ཆོས་ཀྱང་སྟོན་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་བཀོད་པ་གཅིག་པ་དེས་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་འདི་ནི། ངའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། ། ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་དེ་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེའི་བཀོད་པ་གཅིག་པ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། གསུང་བསལ་བའི་སྒྲ་དང ། འོད་ཀྱི་སྣང་བ་ཆེན་པོ་གདའ་བ་དེ་སུའི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་བཀོད་པ་གཅིག་པས་བྱང་ཆུབ་སེམས་དཔའ་དྲ་བ་ཅན་གྱི་འོད་ལ་བཀའ་སྩལ་པ།་རིགས་ཀྱི་བུ། ནུབ་ཕྱོགས་སུ་སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་ཚད་མེད་གྲངས་མེད་པ་དག་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་སེམས་
20b
ཅན་ཐམས་ཅད་ཡང་དག་པར་ཚིམ་པར་བྱེད་པ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །འཁོར་དེར་བྱང་ཆུབ་སེམས་དཔའ་སེམས་དཔའ་ཆེན་པོ་པདྨ་དཔལ་གྱི་སྙིང་པོ་ཞེས་བྱ་བ་འདུས་ཏེ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་འདི་ལྟ་སྟེ། ཆོས་ཐམས་ཅད་ལ་ཡང་དག་པར་གཞོལ་བའི་ཕྱག་རྒྱ་ཡི་གེ་མངོན་པར་སྒྲུབ་པའི་སྒོ་ཞུ་བར་འདོད་དོ། །དྲ་བ་ཅན་གྱི་འོད། སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ། ཐ་མི་དད་པར་སྤྱོད་པའི་གོ་ཆ་བགོས་པ་དག་འཁོར་དེར་འདུས་ཏེ་འཁོད་དོ། །དྲ་བ་ཅན་གྱི་འོད། བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་དེ་དག་དང་ལྡན་པ་དེ་དག་གིས་སངས་རྒྱས་ཀྱི་ཞིང་གཞན་དག་ཀྱང་སྟོངས་སོ། ། དྲ་བ་ཅན་གྱི་འོད། དེ་བཞིན་གཤེགས་པ་ཤཱཀྱ་ཐུབ་པ་དེའི་སངས་རྒྱས་ཀྱི་ཞིང་དུ་སྐྱེས་པ་གང་དག་ཡིན་པ་དེ་དག་མཐོང་བ་དང་ཐོས་པའང་བྱང་ཆུབ་སེམས་དཔའ་དེ་དག་གི་གཅེས་སྤྲས་བྱེད་པར་ང་སྨྲ་ན། དྲ་བ་ཅན་གྱི་འོད། གང་དག་གིས་དེ་དག་མཐོང་ནས་བཀུར་སྟི་བྱེད་དམ། བླ་མར་བྱེད་དམ། རི་མོར་བྱེད་དམ། མཆོད་པར་བྱེད་དམ། འདྲི་བར་བྱེད་པ་ལྟ་ཅི་སྨོས། དེ་ནས་དེ་བཞིན་གཤེགས་པ་རིན་པོ་ཆེའི་བཀོད་པ་གཅིག་པ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་
21a
༄#། །བཞིན་གཤེགས་པ་ཤཱཀྱ་ཐུབ་པ་དེ་ལ་ལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དེ་དག་བལྟ་བའི་སླད་དུ་འཇིག་རྟེན་གྱི་ཁམས་དེར་མཆི་ཞིང་འཇིག་རྟེན་གྱི་ཁམས་དེའང་བལྟ་བར་བགྱིའོ། །དེ་སྐད་ཅེས་གསོལ་པ་དང ། དེ་བཞིན་གཤེགས་པ་རིན་པོ་ཆེའི་བཀོད་པ་གཅིག་པས་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ལ་སངས་རྒྱས་ཀྱི་ཞིང་དེར་ཤེས་བཞིན་དུའང་སྤྱོད་ཅིག་།དེ་ཅིའི་ཕྱིར་ཞེ་ན། རིགས་ཀྱི་བུ། འཇིག་རྟེན་གྱི་ཁམས་མི་མཇེད་དེ་ན་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་བསྙེན་པར་དཀའ་བའི་ཕྱིར་རོ། །དེ་ནས་དེ་བཞིན་གཤེགས་པ་རིན་པོ་ཆེའི་བཀོད་པ་གཅིག་པས་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ལ་ལག་པ་ལྟ་བུའི་ཨུཏྤ་ལ་བྱིན་ཏེ། དྲ་བ་ཅན་གྱི་འོད། དེ་བཞིན་གཤེགས་པ་ཤཱཀྱ་ཐུབ་པ་དེ་ལ་ཁྱོད་ཀྱིས་ལག་པ་ལྟ་བུའི་ཨུཏྤ་ལ་འདིས་མཆོད་ཅིག་།ངའི་ཚིག་གིས་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེའི་བཀོད་པ་གཅིག་པ་དེ་བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་
21b
པ་ལ་གནས་སམ་ཞེས་སྙུན་གསོལ་ལོ། །ཞེས་དེ་སྐད་ཅེས་གསོལ་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་བཀོད་པ་གཅིག་པ་དེའི་ཞབས་ལ་མགོ་བས་ཕྱག་བཙལ་ཏེ་ལན་གསུམ་བསྐོར་བ་བྱས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་གྲངས་མེད་པ་དག་དང་ལྷན་ཅིག་ཏུ་འཇིག་རྟེན་གྱི་ཁམས་མི་མཇེད་ག་ལ་བ་དེར་སོང་སྟེ། སེམས་ཀྱི་སྐད་ཅིག་གཅིག་གིས་འཇིག་རྟེན་གྱི་ཁམས་མི་མཇེད་དེར་འདུག་པར་གྱུར་ཏོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དེར་སོང་ནས་བཅོམ་ལྡན་འདས་ག་ལ་བ་དེར་ཡང་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་དྲ་བ་ཅན་གྱི་འོད་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ལོ། །བཅོམ་ལྡན་འདས། བདག་དྲ་བ་ཅན་གྱི་འོད་ལགས་སོ། །བདེ་བར་གཤེགས་པ། བདག་དྲ་བ་ཅན་གྱི་འོད་ལགས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ལོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ལ་འདི་སྐད་ཅེས་བཀའ་སྩལ་ཏོ། །དྲ་བ་ཅན་གྱི་འོད།
22a
༄#། །ཁྱོད་ཡུན་རིང་དུ་འཚོ་བར་གྱུར་ཅིག་།ཁྱོད་བདེ་བ་དང་ནད་མེད་པར་གྱུར་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདད་དེ་བཞིན་གཤེགས་པ་རིན་པོ་ཆེའི་བཀོད་པ་གཅིག་པ་བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་བཀོད་པ་གཅིག་པ་དེས་བཅོམ་ལྡན་འདས་ལ་ལག་པ་ལྟ་བུའི་ཨུཏྤ་ལ་འདིའང་བསྐུར་ལགས་ན། བཅོམ་ལྡན་འདས། བྱང་ཆུབ་སེམས་དཔའ་དྲ་བ་ཅན་གྱི་འོད་ལས་ལག་པ་ལྟ་བུའི་ཨུཏྤ་ལ་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་ལག་པ་ལྟ་བུའི་ཨུཏྤ་ལ་བཞེས་ནས་བྱང་ཆུབ་སེམས་དཔའ་མ་ཕམ་པ་ལ་བྱིན་ནོ། །དེ་ནས་བྱང་ཆུབ་སེམས་དཔའ་མ་ཕམ་པས་ལག་པ་ལྟ་བུའི་ཨུཏྤ་ལ་དེ་ཐོགས་ནས་བྱང་ཆུབ་སེམས་དཔའ་བཟང་སྐྱོང་ལ་སོགས་པ་ལྔ་བརྒྱ་ལ་སྨྲས་པ། རྒན་རབས་དག། ལག་པ་ལྟ་བུའི་ཨུཏྤ་ལ་འདི་ནི། དེ་བཞིན་གཤེགས་
22b
པས་བྱིན་པའོ། །དེ་ནས་བཟང་སྐྱོང་ལ་སོགས་པ་བྱང་ཆུབ་སེམས་དཔའ་ལྔ་བརྒྱ་པོ་དེ་དག་གིས་ལག་པ་ལྟ་བུའི་ཨུཏྤ་ལ་དེ་ཐོགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་དེ་ལྟར་ཡང་དག་པར་ཞུགས་པ་ལགས་ན། ཅི་བདག་ཅག་བྱང་ཆུབ་སེམས་དཔའི་སྤྱད་པ་སྤྱོད་པ་ན་སེམས་ཅན་གང་དག་གིས་མིང་ཐོས་པར་གྱུར་པ་དེ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་ལགས་སམ། བཅོམ་ལྡན་འདས། ལག་པ་ལྟ་བུའི་ཨུཏྤ་ལ་འདི་ནི། བྱང་ཆུབ་སེམས་དཔའ་མ་ཕམ་པས་བདག་ཅག་ལ་སྩལ་ལགས་ཏེ། བཅོམ་ལྡན་འདས། བདག་ཅག་གིས་ནི། ལག་པ་ལྟ་བུའི་ཨུཏྤ་ལ་འདི་རང་གི་སྨོན་ལམ་གྱི་སྟོབས་དང ། སྤྱོད་པའི་སྟོབས་དང ། བསམ་པའི་སྟོབས་དང ། སེམས་ཅན་ཐམས་ཅད་ཡོངས་སུ་མི་གཏོང་བའི་སྟོབས་ཀྱིས་དེ་བཞིན་གཤེགས་པ་ལ་གསོལ་བ་འདེབས་པའི་སླད་དུ་ལག་པ་ལྟ་བུའི་ཨུཏྤ་ལ་དེ་གཏོར་བར་བགྱིའོ། །བཅོམ་ལྡན་འདས། ཤར་ཕྱོགས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་སྙེད་ཅིག་བཞུགས་ཏེ་འཚོ་ཞིང་གཞེས་པ་དག་དང ། གང་དག་མ་བྱུང་བ་དག་དང ། འབྱུང་བར་འགྱུར་བ་དག་དང ། འབྱུང་བའམ་འཇིག་པ་དེར་ཡང་བཅོམ་ལྡན་འདས། གཏོར་བར་བགྱིའོ། །དེ་བཞིན་དུ་ལྷོ་ཕྱོགས་དང ། དེ་བཞིན་དུ་ནུབ་ཕྱོགས་དང ། དེ་བཞིན་དུ་བྱང་ཕྱོགས་དང ། དེ་བཞིན་དུ་འོག་གི་ཕྱོགས་དང །
23a
༄#། །དེ་བཞིན་དུ་སྟེང་གི་ཕྱོགས་དང ། དེ་བཞིན་དུ་ཕྱོགས་མཚམས་ཀྱི་འཇིག་རྟེན་གྱི་ཁམས་རྣམས་ན་སངས་རྒྱས་བཅོམ་ལྡན་འདས་ཇི་སྙེད་བྱུང་བ་དང ། འབྱུང་བར་འགྱུར་བའི་འཇིག་རྟེན་གྱི་ཁམས་དེ་དག་ཏུའང་གཏོར་བར་བགྱིའོ། །བཅོམ་ལྡན་འདས། གང་སུ་དག་གིས་ལག་པ་ལྟ་བུའི་ཨུཏྤ་ལ་དེ་མཐོང་བར་གྱུར་པ་དེ་དག་ཐམས་ཅད་ཨུཏྤ་ལའི་དྲི་སྣོམ་པར་གྱུར་ཅིག་།དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་ཅིག་།དེ་བཞིན་དུ་སངས་རྒྱས་ཀྱི་ཞིང་ཐམས་ཅད་དུའང་མཆི་བར་གྱུར་ཅིག་།དེ་དག་གིས་ལག་པ་ལྟ་བུའི་ཨུཏྤ་ལ་དེ་གཏོར་ནས་དེ་ནས་དེ་མ་ཐག་ཏུ་བཅོམ་ལྡན་འདས་ཀྱིས་ཕྱག་གཡས་པས་རེག་སྟེ། ལག་པ་ལྟ་བུའི་ཨུཏྤ་ལ་དེ་བཅོམ་ལྡན་འདས་ཀྱིས་རེག་ནས་ཀྱང་དེ་ནས་དེ་མ་ཐག་ཏུ་སྐད་ཅིག་དེ་ཉིད་ལ་ཨུཏྤ་ལ་དེའི་ནང་ནས་དེ་བཞིན་གཤེགས་པའི་སྐུའི་ཕྱེད་མངོན་པར་བྱུང་ཞིང ། ུཏྤ་ལ་རེ་རེ་ལས་ཀྱང་དེ་བཞིན་གཤེགས་པའི་སྐུ་ཕྱེད་མངོན་པར་བྱུང་སྟེ།་དེ་བཞིན་གཤེགས་པའི་སྐུའི་ཕྱེད་པོ་དེ་དག་གིས་གང་དག་ཆོས་ཐམས་ཅད་སྒྱུ་མ་ལྟ་བུར་མི་ཤེས་ཤིང་མོས་པར་མི་བྱེད་ལ། ཆོས་ཐམས་ཅད་སྒྲིབ་པ་མེད་པ་དང ། ཆོས་ཐམས་ཅད་མཚན་ཉིད་མེད་པར་མི་ཤེས་ཤིང་མོས་པར་མི་བྱེད། ཁོང་དུ་ཆུད་པར་མི་བྱེད་པ་དེ་དག་གི་སྟོན་པ་ནི། དེ་བཞིན་གཤེགས་པ་མ་ཡིན་ཞིང ། དེ་དག་དེ་བཞིན་གཤེགས་པའི་ཉན་ཐོས་
23b
དག་ཀྱང་མ་ཡིན་ནོ། །ཞེས་དེ་ལྟ་བུའི་ཚིག་དེ་དག་གསུངས་ཏེ། གསུངས་ནས་ཀྱང་བཞུད་དོ། །ཚིགས་སུ་བཅད་པ་འདི་དག་ཀྱང་བཀའ་སྩལ་ཏོ། །སྒྱུ་མ་འདྲ་ཆོས་གཟུང་དུ་མེད་པ་སྟེ། །གཟུང་མིན་ཐམས་ཅད་ཆུ་ཟླ་འདྲ་བ་ཡིན། །སྟོང་པས་སྟོང་པའི་རང་བཞིན་མི་འཛིན་པ། །ཆོས་ཉིད་འདི་ནི་རྒྱལ་བས་དེ་འདྲར་གསུངས། །མཚན་ཉིད་མེད་ཆོས་རྣམ་དག་མཚན་ཉིད་ཡིན། །མཚན་ཉིད་མེད་པའི་རང་བཞིན་དེ་འདྲ་སྟེ། །བརྟགས་པས་སྟོང་ཞིང་བདག་མེད་ཆོས་རྣམས་ལ། །འཛིན་པ་མེད་ཅིང་རྩོད་པ་མེད་པར་འགྱུར། །གང་དག་དེ་ལྟར་ཆོས་ཉིད་དེ་འདོད་པ། །དེ་དག་སྟོན་པ་རྒྱལ་བ་མཐུ་བོ་ཆེ། །ཕྱོགས་བཅུར་འཇིག་རྟེན་སྤྱོད་པ་ཐམས་ཅད་ལ། །དེ་འདྲ་འདི་ནི་དེ་ཡི་བྱིན་རླབས་སོ། །དེ་ལྟར་དེ་བཞིན་གཤེགས་པའི་སྤྲུལ་པ་དེ་དག་གིས་ཚིགས་སུ་བཅད་པ་དེ་དག་གསུངས་ནས་ཕྱོགས་བཅུར་བཞུད་དོ། །བམ་པོ་གཉིས་པ། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། རིགས་ཀྱི་བུ་དེ་དག་གིས་ཇི་ཙམ་དུ་སྨོན་ལམ་དག་ཤིན་ཏུ་ཡོངས་སུ་སྦྱངས་པ་དང ། སེམས་ཅན་གང་དག་གིས་དེ་དག་གི་སྨོན་ལམ་དེ་དག་ཐོས་པ་དང ། མིང་ཡང་བསྒྲགས་པ་དེ་དག་སྡུག་བསྔལ་མང་པོས་རེག་པའི་སྡུག་བསྔལ་དེ་དག་ལས་ཡོངས་སུ་ཐར་པར་འགྱུར་བ་དང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་བ་ནི། ངོ་མཚར་ལགས་སོ། །བཅོམ་ལྡན་འདས། འོན་ཀྱང་
24a
༄#། །བཅོམ་ལྡན་འདས་དང ། རིགས་ཀྱི་བུ་དེ་དག་འཇིག་རྟེན་གྱི་ཁམས་འདིར་འབྱུང་བའི་ཆ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། དཔེར་བགྱི་ན། སྐྱེས་པའམ་བུད་མེད་ལ་ལ་ཞིག་རིན་ཐང་མ་མཆིས་པའི་ནོར་བུ་རིན་པོ་ཆེ་དྲི་མ་ཐམས་ཅད་དང་བྲལ་བ། ཕན་པ་དང་བདེ་བ་ཐམས་ཅད་ཉེ་བར་སྒྲུབ་པར་བགྱིད་པའི་ནོར་བུ་རིན་པོ་ཆེ་དེའི་ཡོན་ཏན་བསྒྲགས་པ་ཐོས་ནས་ཡོངས་སུ་བཙལ་བར་སེམས་ཤིང ། ནོར་བུ་རིན་པོ་ཆེ་དེའི་མཚན་མ་དག་ཀྱང་ལེགས་པར་འཛིན་པར་བགྱིད་ལ། ཆབ་ཁུངས་འམ་དེ་ལས་གཞན་མི་གཙང་བ་དང་འདྲེས་པའི་ཕྱོགས་དག་ན་ནོར་བུ་རིན་པོ་ཆེ་ཤིན་ཏུ་ཡོངས་སུ་བྱང་བ་དེ་འདམ་དུ་སྩལ་བ་མཐོང་ཞིང ། ལྷག་པར་ཡང་ནོར་བུ་རིན་པོ་ཆེ་དེའི་ཁོར་ཡུག་ན་སྨྱིག་མ་མཁན་གྱི་རིགས་སམ། གདོལ་བའི་རིགས་སམ། གཡུང་པོའི་རིགས་སམ། དེ་དག་ལས་གཞན་ཡང་ཚེགས་ཀྱིས་འཚོ་བ་དམའ་བའི་རིགས་དག་མཆིས་པར་གྱུར་ན། དེ་དག་ནོར་བུ་རིན་པོ་ཆེ་དེའི་མིང་ཡང་མ་འཚལ་ན། ཡོན་ཏན་འཚལ་བར་འགྱུར་བ་ལྟ་སྨོས་ཀྱང་ཅི་འཚལ་ཏེ། དེ་ནི། གནས་མ་མཆིས་ལགས་སོ། །དེ་ནས་མི་དེས་མི་གཙང་བར་སྩལ་བའི་ནོར་བུ་རིན་པོ་ཆེ་དེ་མཐོང་ནས་ནོར་བུ་རིན་པོ་ཆེ་དེའི་སྣོད་ནི། མཛེས་པ་མ་ཡིན་ནོ། །ཞེས་དེ་སྐད་ཅེས་སྨྲ་བར་བགྱིད་ལ། དེ་ནས་དམའ་བའི་མི་དེ་དག་འདི་སྐད་ཅེས་སྨྲ་བར་བགྱིད་དེ། ཁྱོད་ཀྱིས་
24b
གང་གི་བསྔགས་པ་སྨྲས་པའི་ནོར་བུ་རིན་པོ་ཆེ་དེ་གང་ཡིན་ཞེས་དེ་སྐད་ཅེས་སྨྲས་པ་དང ། མི་དེས་ནོར་བུ་རིན་པོ་ཆེ་དེ་བསྟན་ལ། དེ་སྟོན་པ་ན་མི་བྱིས་པའི་རང་བཞིན་ཅན་དེ་དག་མ་འཚལ་བཞིན་དུ། ཀྱེ་མི་ཁྱོད་ཀྱིས་ནོར་བུ་རིན་པོ་ཆེ་དེའི་ཡོན་ཏན་ཅིའི་ཕྱིར་སྨྲས། ཁྱོད་ཀྱིས་གང་སྨྲས་པའི་ནོར་བུ་རིན་པོ་ཆེ་དེའི་ཡོན་ཏན་དེ་དག་ནི། ཡོད་པ་མ་ཡིན་ནོ། །ཁྱོད་ནི། རྫུན་དུ་སྨྲ་བ། གཞན་དུ་སྨྲ་བ་སྟེ། ཁྱོད་ཀྱི་ཚིག་དེ་དག་ཡིད་མི་ཆེས་སོ། །ཞེས་སྨྲས་ལ། དེའི་ཚེ་མི་དེས་ནོར་བུ་རིན་པོ་ཆེ་དེ་མི་གཙང་བའི་གནས་དེ་ནས་མངོན་པར་བཏེག་ཅིང་བླངས་ནས་མཆིས་ཏེ། དེ་ནས་ནོར་བུ་རིན་པོ་ཆེ་དེ་ཕྱུང་ནས་མི་དེ་མཆིས་མ་ཐག་ཏུ་མི་དབུལ་པོའི་རང་བཞིན་ཅན་དེ་དག་གཅིག་ལ་གཅིག་ཤིན་ཏུ་རབ་ཏུ་རྣམ་པར་འཁྲུགས་པར་གྱུར་ནས་དེའི་རྗེས་ལ་གནོད་པ་མང་པོས་ཡོངས་སུ་བསྐོར་བ་དེ་བཞིན་དུ། བཅོམ་ལྡན་འདས། བདག་ཅག་ནི། དགེ་བའི་རྩ་བ་ཆུང་ངུ་དང་ལྡན་པ་རྣམས་ཀྱི་འཇིག་རྟེན་གྱི་ཁམས་མི་མཇེད་དབུལ་པོས་གཏམས་པར་མཆིས་ལགས་ཏེ། བཅོམ་ལྡན་འདས། ཇི་ལྟར་མི་གཙང་བའི་འདམ་གྱིས་སྣོད་དུ་སྩལ་བའི་ནོར་བུ་རིན་པོ་ཆེ་དེ་མཁས་པའི་རང་བཞིན་ཅན་གྱི་མི་དེས་ངོ་འཚལ་བ་དེ་ལྟ་བུར་ནི། བཅོམ་ལྡན་འདས། འཇིག་རྟེན་གྱི་ཁམས་མི་མཇེད་ན་བདག་ཅག་བལྟ་བར་བགྱིའོ། །བཅོམ་ལྡན་འདས། ཇི་ལྟར་བདེ་བ་ཐམས་ཅད་ཉེ་བར་སྒྲུབ་པར་བགྱིད་པའི་ནོར་བུ་རིན་པོ་ཆེ་དེ་ལེགས་པར་
25a
༄#། །སྦྱངས་ཤིང་རྣམ་པར་དག་པ་དེ་ལྟ་བུར་ནི། བཅོམ་ལྡན་འདས། དེ་བཞིན་གཤེགས་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དེ་དག་བལྟ་བར་བགྱིའོ། །བཅོམ་ལྡན་འདས། ཇི་ལྟར་ནོར་བུ་རིན་པོ་ཆེ་དེའི་ཁོར་ཡུག་ན་དམའ་བས་འཚོ་བ་དབུལ་པོ་དམའ་བའི་མི་དེ་དག་གནས་པ་དེ་ལྟ་བུར་ནི། བཅོམ་ལྡན་འདས། འཇིག་རྟེན་གྱི་ཁམས་མི་མཇེད་འདི་ན་དེ་དག་ལས་གཞན་པའི་སེམས་ཅན་རྣམས་བལྟ་བར་བགྱིའོ། །བཅོམ་ལྡན་འདས། ཇི་ལྟར་སྐྱེས་པའམ། བུད་མེད་ཀྱིས་ནོར་བུ་རིན་པོ་ཆེ་དེའི་ཡོན་ཏན་དག་ཐོས་ནས་ནོར་བུ་རིན་པོ་ཆེ་དེ་ཡོངས་སུ་བཙལ་བར་སེམས་ཤིང ། མི་གཙང་བའི་སྣོད་ན་མཆིས་པའི་ནོར་བུ་རིན་པོ་ཆེ་དེ་མཐོང་ནས་ཀྱང་ནོར་བུ་རིན་པོ་ཆེ་དེའི་སྣོད་དེ་ནི། འཚམ་པ་མ་ཡིན་ནོ། །ཞེས་སྨྲ་བར་བགྱིད་པ་དེ་བཞིན་དུ། བཅོམ་ལྡན་འདས། ཕྱོགས་བཅུ་དག་ན་སངས་རྒྱས་བཅོམ་ལྡན་འདས་དང ། བྱང་ཆུབ་སེམས་དཔའ་གང་དག་ལགས་པ་དེ་དག་བཅོམ་ལྡན་འདས་ཀྱི་སངས་རྒྱས་ཀྱི་ཞིང་དེ་ནི། འཚམ་པ་མ་ཡིན་ནོ། །ཞེས་སངས་རྒྱས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དེ་དག་གི་བསྔགས་པ་བརྗོད་ལགས་སོ། །བཅོམ་ལྡན་འདས། དཔེར་བགྱི་ན། སྐྱེས་པའམ། བུད་མེད་ཀྱིས་ནོར་བུ་རིན་
25b
པོ་ཆེ་དེའི་ཡོན་ཏན་དག་ཐོས་ནས་ཡོངས་སུ་བཙལ་བར་སེམས་ཤིང ། མི་གཙང་བའི་སྣོད་ན་མཆིས་པ་དེའང་མཐོང་ནས་སྣོད་དེ་ནི། འཚམ་པ་མ་ཡིན་ནོ། །ཞེས་ཚིག་སྨྲ་བར་བགྱིད་པ་དེ་བཞིན་དུ།་བཅོམ་ལྡན་འདས། བདག་ཅག་གིས་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དེ་དག་གི་ཡོན་ཏན་གྱི་བསྔགས་པ་ཐོས་ནས་བལྟ་བའི་སླང་དུ་བདག་ཅག་འདིར་མཆིས་ཏེ། བཅོམ་ལྡན་འདས། འཇིག་རྟེན་གྱི་ཁམས་འདིར་མཆིས་ནས་བདག་ཅག་གིས་ནི། འཇིག་རྟེན་གྱི་ཁམས་འདི་གནོད་པ་བརྒྱ་ཕྲག་དུ་མས་གཏམས་ཤིང་སེམས་ཅན་དགེ་བའི་རྩ་བ་ཆུང་དུ་དང་ལྡན་པ་དག་གིས་གཏམས་པར་མཐོང་ལགས་སོ། །བཅོམ་ལྡན་འདས། དཔེར་བགྱི་ན། འདམ་དུ་སྩལ་བའི་ནོར་བུ་རིན་པོ་ཆེ་དེའི་འོད་དེ་མི་འདོར་བ་དེ་བཞིན་དུ། བཅོམ་ལྡན་འདས། ཕྱོགས་བཅུ་དག་ན་དེ་བཞིན་གཤེགས་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དེ་དག་གི་འོད་དེ་མི་འདོར་ལགས་ཏེ། འདིར་ནི། སེམས་ཅན་རྣམས་ཀྱིས་བསམ་པ་དང་མོས་པ་ཆུང་བའི་སླད་དུ་བཅོམ་ལྡན་འདས་ཀྱི་འོད་འདོམ་གང་ཙམ་དུ་བྱིན་གྱིས་རློབ་པར་མཛད་ལགས་སོ། །བཅོམ་ལྡན་འདས། དཔེར་བགྱི་ན། མི་དེ་ནོར་བུ་རིན་པོ་ཆེ་དེའི་ཡོན་ཏན་དག་སྒྲོག་པ་ན་མི་དབུལ་
26a
༄#། །བའི་རང་བཞིན་ཅན་དེ་དག་མངོན་པར་ཡིད་མི་ཆེས་པ་དེ་བཞིན་དུ། བཅོམ་ལྡན་འདས། སེམས་ཅན་དེ་དག་ནི། དེ་བཞིན་གཤེགས་པའི་འོད་ཤིན་ཏུ་རྒྱས་པའམ།་སྨོན་ལམ་ཆེན་པོའམ། རྣམ་པར་འཕྲུལ་པ་ཆེན་པོའམ། སངས་རྒྱས་ཀྱི་ཡོན་ཏན་དག་ལའང་ཡིད་ཆེས་པར་མི་བགྱིད་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་ལ་ལྟ་སྨོས་ཀྱང་ཅི་འཚལ། །བཅོམ་ལྡན་འདས། དཔེར་བགྱི་ན། མི་དེས་མི་གཙང་བའི་སྣོད་དེ་ནས་ནོར་བུ་རིན་པོ་ཆེ་དེ་བླངས་ནས་མཆིས་ལ། དེ་མཆིས་མ་ཐག་ཏུའང་སེམས་ཅན་དེ་དག་གནོད་པ་རྣམ་པ་དུ་མས་ཤས་ཆེར་ཡོངས་སུ་བསྐོར་བ་དེ་བཞིན་དུ། བཅོམ་ལྡན་འདས། དེ་བཞིན་གཤེགས་པ་ཡོངས་སུ་མྱ་ངན་ལས་འདས་ཤིང ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་འཇིག་རྟེན་གྱི་ཁམས་གཞན་དུ་མཆིས་ནས། འདི་ལྟ་བུའི་མདོ་སྡེ་འཛིན་པ། བྱང་ཆུབ་སེམས་དཔའ་ཡང་དག་པར་འཛིན་དུ་སྩོལ་བ་རྣམས་གཅིག་ལ་གཅིག་རབ་ཏུ་རྣམ་པར་འཁྲུག་པར་འགྱུར་ཞིང ། ཆོས་ཀྱི་སྒྲའང་འབྱུང་བར་མི་འགྱུར་ལ། ཆོས་མ་ལགས་པ་ཉིད་ཀྱི་སྒྲ་འབྱུང་བ་ཁོ་ན་རབས་སོ། །ཞེས་དེ་སྐད་ཅེས་གསོལ་པ་ལགས་སོ། །དེ་ཅིའི་སླད་དུ་ཞེ་ན།་འདི་ལྟར་སེམས་ཅན་དེ་དག་ནི། ཆོས་མ་ལགས་པ་ལ་གནས་པར་འགྱུར་ཞིང་ཆོས་མ་ལགས་པས་འཚོ་བ་ཉིད་ཡང་དག་པར་བླངས་ནས་གནས་པར་འགྱུར་ལ། གཅིག་ལ་གཅིག་
26b
འཐབ་མོ་དང ། སུན་འབྱིན་པ་དང ། མཚང་འདྲུ་བ་དང ། སྨོད་པ་ལ་འཇུག་པར་བགྱིད་པར་འགྱུར་ཏེ། དེ་དག་གཅིག་ལ་གཅིག་དགེ་བའི་ཆོས་ལས་ཉམས་ནས་སྡུག་བསྔལ་ཐོབ་པར་འགྱུར་ཞིང ། དེ་དག་ཆོས་གསོག་པ་དང ། དགེ་བ་གསོག་པ་ལྷུར་ལེན་པར་མི་འགྱུར་བའི་སླད་དུའོ། །བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོ་དོན་འཚལ་བ། དོན་ཡོངས་སུ་ཚོལ་བར་འཚལ་བ། སངས་རྒྱས་ཀྱི་བྱང་ཆུབ་ཡང་དག་པར་སྒྲུབ་པར་འཚལ་བ་དང ། ཉན་ཐོས་ཀྱི་ཐེག་པ་བས་ཀྱང་འཇིག་རྟེན་གྱི་ཁམས་འདིར་སྐྱེ་བར་མི་བགྱི་ན། བྱང་ཆུབ་སེམས་དཔའི་ཐེག་པ་པས་ལྟ་སྨོས་ཀྱང་ཅི་འཚལ། དེ་ཅིའི་སླད་དུ་ཞེ་ན། བཅོམ་ལྡན་འདས། དཔེར་བགྱི་ན། སེམས་ཅན་དམྱལ་བ་ཆེན་པོ་མནར་མེད་པ་དང ། ཡང་སོས་དང ། ཐིག་ནག་དང ། ཚ་བ་དང ། རབ་ཏུ་ཚ་བ་དང ། དེ་དག་ལས་གཞན་པ་སེམས་ཅན་དམྱལ་བ་ཆེན་པོ་དག་ཏུ་སེམས་ཅན་གང་དག་སྐྱེས་པ་དེ་དག་ལ་སྐད་ཅིག་ཐང་གཅིག་ཡུད་ཙམ་ཡང་བདེ་བ་མི་དམིགས་པ་དེ་བཞིན་དུ། བཅོམ་ལྡན་འདས་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེའི་བཀོད་པ་གཅིག་པ་དེའི་འཇིག་རྟེན་གྱི་ཁམས་རིན་པོ་ཆེའི་གདུགས་གཅིག་པ་ན་བྱང་ཆུབ་སེམས་དཔའ་གང་དག་མཆིས་པ་དེ་དག་གིས་འཇིག་རྟེན་གྱི་ཁམས་མི་མཇེད་འདི་ན་སེམས་ཅན་མནར་མེད་པར་སྐྱེས་པ་རྣམས་དང་འདྲ་བར་བྱང་ཆུབ་སེམས་དཔའ་སེམས་དཔའ་ཆེན་པོ་འདིར་སྐྱེས་པ་དེ་དག་ལའང་བདེ་བ་ཅིའང་ཡང་དག་
27a
༄#། །པར་རྗེས་སུ་མ་མཐོང་ལགས་སོ། །སངས་རྒྱས་ཀྱི་ཞིང་བདེ་བ་གཅིག་པུ་མ་ཆོག་ཏུ་གྱུར་པ་དང ། འཇིག་རྟེན་གྱི་ཁམས་དེ་ན་སེམས་ཅན་དེ་དག་ནི། རང་བཞིན་གྱིས་བདེ་བ་ལགས་སོ། །བཅོམ་ལྡན་འདས། བདག་ནི། སེམས་ཅན་འདིར་སྐྱེས་པ་རྣམས་ཀྱིས་དེ་མངོན་པར་ཡིད་ཆེས་པར་དཀའ་བར་འགྱུར་བར་སྨྲ་ལགས་ཏེ། བཅོམ་ལྡན་འདས། འོན་ཀྱང་ཆོས་ཀྱི་ཐེ་ཚོམ་གཅད་པ་དང ། ཆོས་ཀྱི་ཕྱག་རྒྱའི་སྒོ་མཉན་པའི་སླད་དུ་གང་གི་དོན་དུ་བདག་འདིར་མཆིས་པ་དེ་བཅོམ་ལྡན་འདས་ལས་བདག་ཅག་ཐོས་པར་འཚལ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། བདེ་བ་དང་སྡུག་བསྔལ་དེ་དག་ཐམས་ཅད་མི་རྟག་པ་ལགས་པའི་སླད་དུའོ། །བཅོམ་ལྡན་འདས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལས་གང་ལ་བདེ་བ་མ་མཆིས་པ་དང ། སྡུག་བསྔལ་བ་མ་མཆིས་པ་དང ། རྟག་པ་མ་མཆིས་པ་དང ། མི་རྟག་པ་མ་མཆིས་པ་དང ། རྟོག་པ་མ་མཆིས་པ་དང ། རྣམ་པར་རྟོག་པ་མ་མཆིས་པ་དང ། དངོས་པོ་མ་མཆིས་པ་དང ། དངོས་པོ་མ་མཆིས་པ་མ་མཆིས་པ་དང ། འདུས་བྱས་མ་མཆིས་པ་དང ། འདུས་མ་བྱས་མ་མཆིས་པ་དང ། གདགས་པ་མ་མཆིས་པ་དང ། གདགས་པ་མ་མཆིས་པ་མ་མཆིས་པ་དང ། འཇིག་རྟེན་མ་མཆིས་པ་དང ། འཇིག་རྟེན་ལས་འདས་པ་མ་མཆིས་པ་དང ། ཟག་པ་དང་བཅས་པ་མ་མཆིས་པ་དང ། ཟག་
27b
པ་མ་མཆིས་པ་མ་མཆིས་པ་དང ། བདེན་པ་མ་མཆིས་པ་དང ། རྫུན་པ་མ་མཆིས་པ་དང ། བྱང་ཆུབ་མ་མཆིས་པ་དང ། བྱང་ཆུབ་ཀྱི་ཡན་ལག་རྣམས་མ་མཆིས་པ་དང ། སྟོབས་རྣམས་མ་མཆིས་པ་དང ། སྣང་བ་མ་མཆིས་པ་དང ། མུན་པ་མ་མཆིས་པ་དང ། རྣམ་པར་རིག་པ་མ་མཆིས་པ་དང ། རྣམ་པར་རིག་པ་མ་ལགས་པ་མ་མཆིས་པ་དང ། འབྲས་བུ་མ་མཆིས་པ་དང ། འབྲས་བུ་མ་ལགས་བ་མ་མཆིས་པ་དང ། ལམ་མ་མཆིས་པ་དང ། ལམ་མ་ལགས་པ་མ་མཆིས་པ་དང ། འཇུག་པ་མ་མཆིས་པ་དང ། མཐར་ཐུག་པ་མ་མཆིས་པ་དང ། འཇིག་རྟེན་མ་མཆིས་པ་དང ། འཇིག་རྟེན་ནས་ངེས་པར་འབྱུང་བ་མ་མཆིས་པ་རྣམ་པ་དེ་ལྟ་བུའི་ཆོས་ཐོས་པར་འཚལ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། བསོད་ནམས་ཀྱི་ཚོགས་ལས་ཡང་དག་པར་བྱུང་བ། ཀུན་རྟོག་པ་ལས་བྱུང་བའི་བདེ་བ་དེ་དག་དང ། གཞན་ཐམས་ཅད་འཇིག་རྟེན་ལ་བསྟན་པར་བགྱི་བའི་སླད་དུའོ། །བཅོམ་ལྡན་འདས། སངས་རྒྱས་ཀྱི་ཆོས་རྣམས་ནི། བསྟན་དུ་མི་རུང་ལགས་ཏེ། བཅོམ་ལྡན་འདས། དེ་ལ་སྟོབས་རྣམས་མ་མཆིས། མི་འཇིགས་པ་རྣམས་མ་མཆིས། རྫུ་འཕྲུལ་མ་མཆིས། རྫུ་འཕྲུལ་གྱི་ཆོ་འཕྲུལ་མ་མཆིས། ཀུན་བརྗོད་པ་མ་མཆིས། ཀུན་བརྗོད་པའི་ཆོ་འཕྲུལ་མ་མཆིས། རྗེས་སུ་བསྟན་པ་མ་མཆིས། རྗེས་སུ་བསྟན་པའི་ཆོ་འཕྲུལ་མ་མཆིས་ལགས་སོ། །མི་འཇིགས་པ་རྣམས་མ་མཆིས་ཤིང་སྟོབས་རྣམས་མ་མཆིས་ལ། བདེ་བ་མ་མཆིས་
28a
༄#། །ཤིང་སྡུག་བསྔལ་བ་མ་མཆིས་ལགས་ཏེ། དེ་དག་ཐམས་ཅད་ནི། རློམ་སེམས་ལགས་ཤིང ། དེ་དག་ཐམས་ཅད་ནི། གཡོ་བ་ལགས་པའི་སླད་དུའོ། །བཅོམ་ལྡན་འདས། དེ་བཞིན་ཉིད་རྗེས་སུ་ཐོབ་པ་དང ། རྗེས་སུ་མ་ཐོབ་པའི་སླད་དུ་དེ་བཞིན་གཤེགས་པ་ནི། དེ་བཞིན་གཤེགས་པ་ཞེས་བགྱི་བའི་གྲངས་སུ་མཆི་བ་མ་ལགས་ཏེ། འདི་ལྟར་དེ་དག་ཐམས་ཅད་ནི། གཡོ་བ་དང ། རློམ་སེམས་དང ། གཡོས་པ་དང ། སྤྲོས་པ་ལགས་པའི་སླད་དུའོ། །དེ་བཞིན་གཤེགས་པས་ནི། བདེན་པའམ། རྫུན་པ་འམ། འདུས་བྱས་སམ།་འདུས་མ་བྱས་སམ། ཟག་པ་དང་བཅས་པའམ། ཟག་པ་མ་མཆིས་པའམ། ཁ་ན་མ་ཐོ་བ་དང་བཅས་པའམ། ཁ་ནམ་ཐོ་བ་མ་མཆིས་པའམ། འཇིག་རྟེན་པའམ། འཇིག་རྟེན་ལས་འདས་པའམ། ཚུལ་ཁྲིམས་སམ། འཆལ་བའི་ཚུལ་ཁྲིམས་སམ། སྟོབས་རྣམས་སམ། སྟོབས་མ་མཆིས་པའམ། མི་འཇིགས་པའམ། མི་འཇིགས་པ་མ་མཆིས་པའམ། སྦྱིན་གནས་སམ། སྦྱིན་གནས་མ་ལགས་པའམ། དེ་བཞིན་གཤེགས་པའམ། སངས་རྒྱས་སམ། བྱང་ཆུབ་སེམས་དཔའམ། ཉན་ཐོས་སམ། རང་སངས་རྒྱས་སམ། སྨོན་ལམ་རྣམས་སམ། བྱིན་གྱི་རླབས་རྣམས་ཀྱི་རློམ་སེམས་ཐམས་ཅད་ཡང་དག་པར་བཅོམ་ཞིང་ལམ་ཡོངས་སུ་མཁྱེན་ཏེ། དེ་བས་ན། དེ་བཞིན་གཤེགས་པ་ནི། བག་ཚ་བ་མི་མངའ་བར་སེངྒེ་ལྟ་བུ་དང ། གླང་
28b
པོ་ཆེ་ལྟ་བུའི་སྒྲ་སྒྲོག་པར་མཛད་ལགས་སོ། །དེ་བཞིན་གཤེགས་པ་ནི། བཞེད་ན་མི་མཐུན་པ་རྣམས་ལ་མི་མཐུན་པའི་འདུ་ཤེས་ཅན་དུ་གནས་པར་མཛད། མཐུན་པ་རྣམས་ལ་མཐུན་པའི་འདུ་ཤེས་ཅན་དུ་གནས་པར་མཛད་དོ། །དེ་བཞིན་གཤེགས་པ་ནི། བཞེད་ན་དྲན་པ་དང་ལྡན་ཞིང་མཁྱེན་བཞིན་དུ་དེ་གཉིས་ཀས་ཀྱང་བཏང་སྙོམས་པར་གནས་པར་མཛད་དོ། །བཅོམ་ལྡན་འདས། དེ་བཞིན་གཤེགས་པའི་གནས་པ་དེ་དག་ནི། སངས་རྒྱས་ཀྱི་གནས་པ་དག་དང ། རང་བྱུང་གི་གནས་པ་དག་དང ། ཉན་ཐོས་དང་རང་སངས་རྒྱས་རྣམས་དང་ཡང་ཐུན་མོང་མ་ལགས་པའི་གནས་པ་དག་ལགས་ན། དེ་དག་ལས་གཞན་པའི་སེམས་ཅན་ཐ་ཆད་རྣམས་དང་ཐུན་མོང་མ་ལགས་པ་ལྟ་སྨོས་ཀྱང་ཅི་འཚལ། བཅོམ་ལྡན་འདས། ཅིའི་སླད་དུ་ཐུན་མོང་མ་ལགས་ཤེ་ན། དེ་ལས་གཞན་པའི་སེམས་ཅན་ཐ་ཆད་ཀྱིས་དེ་ལྟ་བུའི་གནས་པ་དེ་དག་དང ། དེ་སྙེད་ཀྱི་གནས་པ་དེ་དག་དང ། ཡུན་ཇི་སྲིད་ནས་གནས་པ་དེ་དག་དང ། སྦྱོར་བ་དེ་ལྟ་བུའི་གནས་པ་དེ་དག་དང ། བདེ་བདེ་ལྟ་བུའི་གནས་པ་དེ་དག་འཚལ་བར་རྔོ་མི་ཐོགས་ཤིང ། བཅོམ་ལྡན་འདས། དེ་དག་དེ་བཞིན་གཤེགས་པ་དང་བྲལ་བའི་སེམས་ཅན་རྣམས་ཀྱི་གནས་དེ་དག་འཚལ་བར་རྔོ་མི་ཐོགས་པའི་སླད་དུའོ། །བཅོམ་ལྡན་འདས། དེ་དག་ནི། སེམས་ཅན་གཞན་དག་གི་སྤྱོད་ཡུལ་མ་ལགས་ཤིང ། དེ་བཞིན་གཤེགས་པའི་གནས་པ་དེ་ལྟ་བུ་དེ་དག་ནི། ཉན་ཐོས་དང ། རང་
29a
༄#། །སངས་རྒྱས་ཐམས་ཅད་ཀྱི་སྤྱོད་ཡུལ་མ་ལགས་ཏེ། བཅོམ་ལྡན་འདས། སྤྱོད་ཡུལ་མ་ལགས་ཞེས་བགྱི་བ་ནི། སྤྱོད་པ་མ་མཆིས་ཤིང ། རྣམ་པར་སྤྱོད་པ་མ་མཆིས་པ་སྟེ། དེས་ན་སྤྱོད་ཡུལ་མ་ལགས་ཞེས་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས། དེ་ལ་ཉན་ཐོས་དག་གམ། རང་སངས་རྒྱས་དག་གི་སྤྱོད་པ་མ་མཆིས་པའི་སླད་དུའོ།། དེ་ཅིའི་སླད་དུ་ཞེ་ན། བཅོམ་ལྡན་འདས། གནས་པ་དེ་མཐའ་ཡས་པའི་སླད་དུའོ། །བཅོམ་ལྡན་འདས། ཅིའི་སླད་དུ་གནས་པ་མཐའ་ཡས་པ་ལགས་ཤེ་ན། བཅོམ་ལྡན་འདས། དེ་བཞིན་གཤེགས་པ་དག་གི་མོས་པ་ནི། མཐའ་ཡས་ཏེ། གང་གིས་ཀྱང་འཚལ་བར་རྔོ་མི་ཐོགས་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། གནས་པ་དེ་ནི། ཡི་གེ་མ་མཆིས་པ་ལགས་ཏེ། ཡི་གེ་མ་མཆིས་པ་ཞེས་བགྱི་བ་ནི། བརྗོད་དུ་མ་མཆིས་པ་ལགས་ལ། ཡི་གེ་ནི། བརྗོད་པ་ཁོ་ན་ལགས་པས་དེའི་སླད་དུ་བཅོམ་ལྡན་འདས། དེ་ནི། རང་བྱུང་གི་གནས་པ་མ་ལགས་སོ། །བཅོམ་ལྡན་འདས། གང་དག་གནས་པ་དེ་ལ་རྣམ་པར་ལྟ་བར་མི་འགྱུར་ཞིང་རབ་ཏུ་འཚལ་བར་མི་འགྱུར་བའི་སེམས་ཅན་དེ་དག་འཇིག་རྟེན་གྱི་ཁམས་གཞན་ནས་ཤི་འཕོས་པ་ལགས་སོ། །གང་དག་གནས་པ་དེ་གློ་བར་ཆུད་པར་མི་འགྱུར་བ་དེ་དག་གིས་ནི། གནོད་པ་ཆེན་པོ་དང་ལྡན་པར་འཚལ་བར་བགྱིའོ། །བཅོམ་ལྡན་འདས། དེ་བཞིན་
29b
གཤེགས་པའི་གནས་པ་དེ་ནི། བཅོམ་ལྡན་འདས། དོན་གྱི་སྒོ་དང ། ཆོས་ཀྱི་སྒོ་དེ་ལགས་ཏེ། འཁོར་སྒོ་དྲུག་ཁྲི་བརྒྱད་སྟོང་དང་ལྡན་པ་ལགས་སོ། །དེ་བཞིན་གཤེགས་པ་རིན་པོ་ཆེའི་བཀོད་པ་གཅིག་པའི་བྱང་ཆུབ་ནི། ནམ་མཁའ་ལྟ་བུར་ཚད་མ་མཆིས་ཤིང ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྒོ་གཅིག་པའི་ཚད་ལས་རྗེས་སུ་ཐོབ་པ་ལགས་སོ། ། སྒོའི་ཚིག་འདི་བསྟན་ཅིང་བཤད་པ་ན་བྱང་ཆུབ་སེམས་དཔའ་སེམས་དཔའ་ཆེན་པོ་བདུན་ཁྲི་བདུན་སྟོང་གིས་ནི། སྒྲིབ་པ་མེད་པའི་ཆོས་ཀྱི་སྒོ་རྗེས་སུ་ཐོབ་སྟེ། འདི་ལྟ་སྟེ། དེ་བཞིན་གཤེགས་པའི་གནས་པ་དེ་ཉིད་དོ། །དེ་དག་ཐམས་ཅད་ཀྱིས་བདག་ཅག་གིས་དེང་བྱང་ཆུབ་ཐོབ་བོ། །བདག་ཅག་གིས་དང་བྱང་ཆུབ་ཐོབ་བོ། །ཞེས་བྱ་བའི་ཚིག་ཀྱང་སྨྲས་སོ། །སྲོག་ཆགས་བྱེ་བ་ཁྲག་ཁྲིག་ཕྲག་དྲུག་ཅུ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་ཏེ། བཅོམ་ལྡན་འདས་ཀྱིས་དེ་དག་སེམས་དང་པོ་བསྐྱེད་པ་ཉིད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །སྲོག་ཆགས་བྱེ་བ་ཁྲག་ཁྲིག་ས་ཡ་ཕྲག་བརྒྱད་ནི། ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དགེ་སློང་སུམ་སྟོང་ནི། ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ། །བཅོམ་ལྡན་འདས་ཀྱི་འཛུམ་པ་མཛད་ནས་ཀྱང་དེ་ནས་དེ་མ་ཐག་ཏུ་དེའི་ཚེ་
30a
༄#། །འཇིག་རྟེན་དུ་འོད་ཆེན་པོ་བྱུང་བར་གྱུར་ཅིང ། ས་ཆེན་པོའང་གཡོས་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས་ཆོས་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བདེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཛུམ་པ་མཛད་པ་དང ། འཇིག་རྟེན་དུ་སྣང་བ་ཆེན་པོ་བྱུང་བ་དང ། འཇིག་རྟེན་དུ་ས་ཆེན་པོ་གཡོས་པའི་རྒྱུ་ནི་གང་ལགས། རྐྱེན་ནི། གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་ཆོས་ཀྱི་སྒོ་དེ་བསྟན་ཅིང་བཤད་པ་ན། བྱང་ཆུབ་སེམས་དཔའ་བདུན་ཁྲི་བདུན་སྟོང་གིས་སྒྲིབ་པ་མེད་པའི་ཆོས་ཀྱི་ཕྱག་རྒྱའི་སྒོ་ཐོབ་པར་གྱུར་ཅིང ། ཀུན་དགའ་བོ། བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་ཆོས་ཀྱི་སྒོའི་ཚིག་བསྟན་པ་དེ་ནི། ནམ་མཁའ་ཡོངས་སུ་ཟིན་པའི་ས་ཕྱོགས་དེ་ཉིད་དུ་སངས་རྒྱས་བརྒྱད་སྟོང་ལས་བླངས་ཏེ། བླངས་ནས་ཀྱང་དེའི་རྗེས་ལ་བྱང་ཆུབ་སེམས་དཔའ་དྲ་བ་ཅན་གྱི་འོད་སྒྲིབ་པ་མེད་པའི་ཆོས་ཀྱི་སྒོས་ངེས་པར་བྱུང་བ་དང ། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བ་ལ་མཁས་པར་གྱུར་པའི་ཕྱིར་རོ། །ཡང་དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་བདུན་ཅུ་རྩ་བརྒྱད་འདས་པ་ན་འཇིག་
30b
རྟེན་གྱི་ཁམས་རིན་པོ་ཆེ་བརྩེགས་པ་གཅིག་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེན་མཐའ་ཡས་ཁྱུ་མཆོག་ཅེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་འཁོར་འབུམ་ཕྲག་དུ་མ་ལ་ཆོས་ཀྱང་སྟོན་ཏོ། །བཅོམ་ལྡན་འདས་དེའི་རྒྱལ་ཚ་བ་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་ཅེས་བྱ་བ་དེ་འཁོར་དེར་འདུས་པར་གྱུར་ཏེ་འདུག་ནས། དེ་གསུང་བསལ་བའི་སྒྲ་དེ་ཐོས་ཏེ། དེ་བཞིན་གཤེགས་པ་ཤཱཀྱ་ཐུབ་པའི་འོད་དེའང་མཐོང་ནས་དེ་བཞིན་གཤེགས་པ་རིན་ཆེན་མཐའ་ཡས་ཁྱུ་མཆོག་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། གསུང་བསལ་བའི་སྒྲ་དང ། འོད་གདའ་བ་དེ་སུའི་ལགས། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མཐའ་ཡས་ཁྱུ་མཆོག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་དེ་ལ་བཀའ་སྩལ་པ། དོན་ཡོད་ཁྱུ་མཆོག་རྣམ་པར་གནོན། ནུབ་ཕྱོགས་སུ་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གྲངས་མེད་པ་བདུན་ཅུ་རྩ་བརྒྱད་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་
31a
༄#། །བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ། འདི་ལྟ་སྟེ། སེམས་པ་དཔེ་མེད་པའི་བྱང་ཆུབ་སེམས་དཔའ་རྣམས་ལས་བརྩམས་ནས་བྱང་ཆུབ་སེམས་དཔའི་སྡེ་སྣོད་སེམས་ཅན་ཐམས་ཅད་ཡང་དག་པར་ཚིམ་པར་བྱེད་པ། སེམས་ཅན་ཐམས་ཅད་ཀྱི་ཐེ་ཚོམ་གཅོད་པ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མཐའ་ཡས་ཁྱུ་མཆོག་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། སེམས་པ་དཔེ་མེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་བལྟ་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། ། དེ་སྐད་ཅེས་གསོལ་པ་དང ། བཅོམ་ལྡན་འདས་དེ་བཞིན་གཤེགས་པ་རིན་ཆེན་མཐའ་ཡས་ཁྱུ་མཆོག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་
31b
དོན་ཡོད་ཁྱུ་མཆོག་རྣམ་པར་གནོན་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ཁྱོད་དེའི་དུས་ལ་དབབ་པར་ཤེས་ན། རིགས་ཀྱི་བུ། ཁྱོད་སོང་ལ་སངས་རྒྱས་ཀྱི་ཞིང་དེར་ཤེས་བཞིན་དུ་གནས་པར་ཡང་བྱོས་ཤིག་།དེ་ཅིའི་ཕྱིར་ཞེ་ན། དོན་ཡོད་ཁྱུ་མཆོག་རྣམ་པར་གནོན། འཇིག་རྟེན་གྱི་ཁམས་མི་མཇེད་དེར་སྐྱེས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སྐྱེས་པ་དེ་དག་བསྙེན་པར་དཀའ་བའི་ཕྱིར་རོ། །ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ།་བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ལ། དེ་བཞིན་གཤེགས་པ་དེ་ལ་ལག་པ་ལྟ་བུའི་པདྨ་འདི་འང་ཕུལ་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་སྟན་ལས་ལངས་ནས། བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ། བསྐོར་བའང་བྱས་ནས་བྱང་ཆུབ་སེམས་དཔའ་བདུན་ཁྲི་བརྒྱད་སྟོང་དང་ལྷན་ཅིག་ཏུ་འཇིག་རྟེན་གྱི་ཁམས་མི་མཇེད་དུ་འོངས་ཏེ། དེ་འོངས་ནས་དེ་མ་ཐག་ཏུ་འཇིག་རྟེན་གྱི་ཁམས་མི་མཇེད་ནམ་ཏོག་གི་ཤིང་ངམ། འབྲས་བུ་ཤིང་ཇི་སྙེད་ཡོད་པ་དེ་དག་ཐམས་ཅད་ཀྱིས་དེའི་ཚེ་དུས་མ་ཡིན་པའི་མེ་ཏོག་དག་དང །
32a
༄#། །དུས་མ་ཡིན་པའི་འབྲས་བུ་དག་གཏོར་ཏོ། །མེ་ཏོག་གི་ཆར་བའང་བབ་པོ། །སྤོས་ཀྱི་ཆར་པ་རྣམ་པ་སྣ་ཚོགས་དག་ཀྱང་བབ་པོ། །རོལ་མོའི་སྒྲ་རྣམ་པ་སྣ་ཚོགས་དག་ཀྱང་གྲག་གོ་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ལག་པ་གཉིས་ཀས་བཅོམ་ལྡན་འདས་ཀྱི་ཞབས་ལ་བཟུང་ངོ ། །གདོང་གིས་ཀྱང་ཡོངས་སུ་གཏུགས་ཏེ། ཚིག་འདི་སྐད་ཅེས་ཀྱང་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་དོན་ཡོད་ཁྱུ་མཆོག་རྣམ་པར་གནོན་པས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ལོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་ལ་འདི་སྐད་ཅེས་བཀའ་སྩལ་ཏོ། །དོན་ཡོད་ཁྱུ་མཆོག་རྣམ་པར་གནོན་བཀུར་སྟི་བྱས་པ་དང ། མཆོད་པ་དང ། རི་མོ་བྱས་པར་གྱུར་ཅིག་།དེ་ནས་བྱང་ཆུབ་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་ས་ལས་ལངས་ཏེ་
32b
སྤྱན་སྔར་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མཐའ་ཡས་ཁྱུ་མཆོག་བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ། ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་ཀྱིས་ལག་པ་ལྟ་བུའི་པདྨ་བསྐུར་བ་ལགས་ན། བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། བྱང་ཆུབ་སེམས་དཔའ་དོན་ཡོད་ཁྱུ་མཆོག་རྣམ་པར་གནོན་ལས་བཞེས་སུ་གསོལ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་དོན་ཡོད་ཁྱུ་མཆོག་རྣམ་པར་གནོན་ལས་ལག་པ་ལྟ་བུའི་པདྨ་དེ་བཞེས་ཏེ། བཞེས་ནས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཡོད་ཁྱུ་མཆོག་རྣམ་པར་གནོན་ལ་བཀའ་སྩལ་པ།་དོན་ཡོད་ཁྱུ་མཆོག་རྣམ་པར་གནོན། ཅི་བཅོམ་ལྡན་འདས་དེ་བཞིན་གཤེགས་པ་རིན་ཆེན་མཐའ་ཡས་ཁྱུ་མཆོག་གནོད་པ་ཆུང་ངམ། ཉམ་ང་བ་ཉུང་ངམ། འགྱུར་པ་མི་མངའ་མ། གསོལ་པ། བཅོམ་ལྡན་འདས། དེ་བཞིན་གཤེགས་པ་རིན་ཆེན་མཐའ་ཡས་ཁྱུ་མཆོག་དེ་གནོད་
33a
༄#། །པ་ཆུང་ཞིང་སྟོབས་དང་ལྡན་ལ་འགྱུར་བ་མི་མངའ་སྟེ། སངས་རྒྱས་ཀྱི་ཞིང་དེ་ན་བདེ་བར་རེག་པ་ལ་གནས་ལགས་སོ། ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་ལ་ལག་པ་ལྟ་བུའི་པདྨ་དེ་བྱིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པས་ལག་པ་ལྟ་བུའི་པདྨ་དེ་བླངས་ནས་ཚིག་གསོལ་པ། བཅོམ་ལྡན་འདས། དགེ་བའི་རྩ་བ་འདིས་རིགས་ཀྱི་བུ་དང ། རིགས་ཀྱི་བུ་མོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་དག་གི་སངས་རྒྱས་ཀྱི་ཞིང་ཡོངས་སུ་དག་པར་གྱུར་ཅིག་།སེམས་ཅན་ཡོངས་སུ་སྨིན་པར་གྱུར་ཅིག་།དེ་ཅིའི་སླད་དུ་ཞེ་ན། བཅོམ་ལྡན་འདས། སེམས་ཅན་ཡོངས་སུ་མ་སྨིན་པ་རྣམས་ལ་ཆོས་བསྟན་པ་དང ། སེམས་ཅན་དགེ་བའི་རྩ་བ་མ་སྐྱེས་པ་རྣམས་དང ། དགེ་བའི་རྩ་བ་ཆུང་དུ་རྣམས་དང ། དམན་པ་ལ་མོས་པ་རྣམས་ལ་ཆོས་བསྟན་པ་དཀའ་བའི་སླད་དུ་སྟེ། དེ་ཅིའི་སླད་དུ་ཞེ་ན། བཅོམ་ལྡན་འདས། ལག་པ་ལྟ་བུའི་པདྨ་འདི་ལས་འཇིག་རྟེན་གྱི་ཁམས་ཇི་སྙེད་མཐོང་བར་འཚལ་བ་དེ་སྙེད་ཀྱང་མཐོང་བ་དང ། ལག་
33b
པ་ལྟ་བུའི་པདྨ་འདི་ཉིད་ལས་བཅོམ་ལྡན་འདས་དེ་བཞིན་གཤེགས་པ་རིན་ཆེན་མཐའ་ཡས་ཁྱུ་མཆོག་དེའི་འཇིག་རྟེན་གྱི་ཁམས་རིན་པོ་ཆེའི་ཕུང་པོ་ཞེས་བགྱི་བ་གང་ལགས་པ་དེའང་མཐོང་བ་དང ། འཇིག་རྟེན་གྱི་ཁམས་དེ་ན་བྱང་ཆུབ་སེམས་དཔའ་གང་དག་ཐེག་པ་ལ་ཡང་དག་པར་ཞུགས་པ་དེ་དག་ཀྱང་མཐོང་བ་དང ། དེ་ནི་གང་ཉན་ཐོས་ཕུན་སུམ་ཚོགས་པ་ཕལ་ཆེར་རིག་པ་གསུམ་དང་ལྡན་པ་དང ། རིག་པ་དྲུག་དང་ལྡན་པ་དེ་དག་ཀྱང་མཐོང་བར་འགྱུར་བའི་སླད་དུའོ། །བཅོམ་ལྡན་འདས། དེ་བཞིན་གཤེགས་པ་དེའི་སངས་རྒྱས་ཀྱི་ཞིང་དེར་པདྨ་དེ་དག་ལས་ཀྱི་རྣམ་པར་སྨིན་པ་ཆེན་པོས་མངོན་པར་གྲུབ་པ་ལགས་ཏེ། བཅོམ་ལྡན་འདས། དེ་ལྟ་ལགས་པས་ན། དགེ་བའི་རྩ་བ་དེ་ནི། བྱང་ཆུབ་སེམས་དཔའ་དག་ཆོས་ཐམས་ཅད་ལ་སྒྲིབ་པ་མ་མཆིས་པར་བགྱི་བའི་སླད་དུ་ཡོངས་སུ་བསྔོ་བར་བགྱིའོ། །བཅོམ་ལྡན་འདས། དགེ་བའི་རྩ་བ་དེ་ནི། བྱང་ཆུབ་སེམས་དཔའ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མི་བསྐྱེད་པ་དེ་དག་ཀྱང་བྱང་ཆུབ་ཏུ་སེམས་བསྐྱེད་པའི་སླད་དུ་ཡོངས་སུ་བསྔོ་བར་བགྱིའོ། །དགེ་བའི་རྩ་བ་དེའང་ཇི་ལྟར་དེ་བཞིན་གཤེགས་པས་ཆོས་ཐམས་ཅད་ཀྱི་དེ་བཞིན་ཉིད་མངོན་པར་རྫོགས་པར་སངས་རྒྱས་པ་དང ། འཁྲུག་པ་མ་མཆིས་པའི་དེ་བཞིན་ཉིད་མངོན་པར་རྫོགས་པར་སངས་རྒྱས་བདེ་ལྟར་ཡོངས་སུ་བསྔོ་བར་བགྱིའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་
34a
༄#། །དཔའ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང ། ཁྱོད་ཀྱིས་བྱམས་པས་གང་སྨྲས་པ་ཤེས་སམ། དེ་བཞིན་གཤེགས་པས་མངོན་པར་རྫོགས་པར་སངས་རྒྱས་པའི་ཆོས་དེ་དག་གང་ཡིན། གསོལ་པ། བཅོམ་ལྡན་འདས། གང་དག་དེ་བཞིན་གཤེགས་པས་དེ་བཞིན་ཉིད་མངོན་པར་རྫོགས་པར་སངས་རྒྱས་ཤིང ། མི་འཁྲུགས་པ་ཉིད་མངོན་པར་རྫོགས་པར་སངས་རྒྱས་པའི་ཆོས་དེ་དག་གང་ཡང་མ་མཆིས་ལགས་ཏེ། བཅོམ་ལྡན་འདས། འདི་ལྟར་དེ་བཞིན་གཤེགས་པས་ཆོས་དེ་དག་ནི། དམིགས་པ་མ་ལགས་ཤིང ། དེ་དག་ནི། ཆོས་ཀྱང་མ་ལགས། ཆོས་མ་མཆིས་པའང་མ་ལགས་པའི་སླད་དུའོ། །བཅོམ་ལྡན་འདས། གལ་ཏེ་ཆོས་ཤིག་དམིགས་པར་གྱུར་ན་ནི། དེ་བཞིན་གཤེགས་པས་ཆོས་ཀྱི་འདུ་ཤེས་དམིགས་པ་ཁོ་ནར་འགྱུར་བ་ཞིག་ན། འདུ་ཤེས་ནི། མི་དམིགས་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། འདུ་ཤེས་ཐམས་ཅད་མ་མཆིས་ལགས་ཏེ། རེ་ཞིག་དེ་བཞིན་གཤེགས་པས་བདག་ཉིད་ཀྱང་མ་དམིགས་ལགས་ན། འདུ་ཤེས་རྣམས་ཡང་དག་པར་དམིགས་པར་འགྱུར་བ་ལྟ་སྨོས་ཀྱང་ཅི་འཚལ། ཆོས་རྣམས་ལ་ཆོས་ཀྱི་འདུ་ཤེས་ཡང་དག་པར་འཇུག་པར་འགྱུར་བ་ལྟ་སྨོས་ཀྱང་ཅི་འཚལ། བཅོམ་ལྡན་འདས། ཆོས་དེ་དག་ཀྱང་འདུ་ཤེས་ཇི་ལྟ་བ་བཞིན་ལགས་ཏེ། དེ་ལྟ་ལགས་པས་བཅོམ་ལྡན་འདས་ཀྱིས་ཆོས་གང་ཡང་གཟུང་བར་མ་
34b
གསུངས། ངེས་པར་འབྱུང་བར་མ་གསུངས། ཡང་དག་པར་འདའ་བར་མ་གསུངས། འཐོབ་པར་མ་གསུངས་ལགས་ཏེ། དེ་ཅིའི་སླད་དུ་ཞེ་ན། བཅོམ་ལྡན་འདས། གལ་ཏེ་དེ་བཞིན་གཤེགས་པས་ཆོས་རྣམས་བཙལ་བར་བགྱི་ན། དེ་གང་ལས་བཙལ་པར་བགྱི་ལགས། ཆོས་དེ་དག་ནི། དེ་བཞིན་ཉིད་དེ། དེ་བཞིན་ཉིད་ལ་དེ་བཞིན་གཤེགས་པ་མ་མཆིས་པ་དང ། དེ་བཞིན་གཤེགས་པ་ནི། དེ་བཞིན་ཏེ། དེ་བཞིན་ཉིད་ཀྱི་རྣམ་པས་དེ་བཞིན་གཤེགས་པ་ལགས་པ་དང ། དེ་བཞིན་གཤེགས་པ་ནི། མཚན་མ་མཆིས་པ་སྟེ། མཚན་མ་མ་མཆིས་པའི་རྣམ་པས་དེ་བཞིན་གཤེགས་པ་ལགས་པ་དང ། དེ་བཞིན་གཤེགས་པ་ནི། མཚན་མ་དང་བྲལ་བ་སྟེ། མཚན་མ་དང་བྲལ་བའི་རྣམ་པས་དེ་བཞིན་གཤེགས་པ་ལགས་པ་དང ། དེ་བཞིན་གཤེགས་པ་ནི། བསམ་འཚལ་བ་སྟེ། བསམ་འཚལ་བའི་རྣམ་པས་དེ་བཞིན་གཤེགས་པ་ལགས་པ་དང ། དེ་བཞིན་གཤེགས་པ་ནི། འཁྲུག་པ་མ་མཆིས་པ་སྟེ། འཁྲུག་པ་མ་མཆིས་པའི་རྣམ་པས་དེ་བཞིན་གཤེགས་པ་ལགས་པ་དང ། ཆོས་ཐམས་ཅད་ཀྱང་དེ་བཞིན་གཤེགས་པ་ཇི་ལྟ་བ་བཞིན་ཏེ། ཇི་ལྟ་བ་བཞིན་གྱི་རྣམ་པས་དེ་བཞིན་གཤེགས་པ་ལགས་ཤིང ། བཅོམ་ལྡན་འདས། དེ་ལྟར་ཆོས་ཐམས་ཅད་ནི། དེ་བཞིན་གཤེགས་པ་ལགས་ཏེ། བཅོམ་ལྡན་འདས། དེས་ན་དེ་བཞིན་གཤེགས་པ་པདྨ་དག་ལ་བཞུགས་པ་ལགས་ཤིང ། པདྨ་དག་ལ་བཞུགས་པ་ཇི་ལྟ་བ་བཞིན་དུ་དེ་བཞིན་གཤེགས་པ་
35a
༄#། །ཉིད་དང ། སངས་རྒྱས་ཉིད་ལ་བཞུགས་བའང་དེ་དང་འདྲ་ལགས་ཏེ། གང་ལ་བཞུགས་པ་དེ་ལའང་མི་འཛིན་ཅིང་མི་དམིགས་པ་དེ་དག་ནི། འཇིག་རྟེན་ན་སྦྱིན་གནས་རྣམས་ཞེས་བགྱི་བའི་གྲངས་སུ་མཆི་བའི་སླད་དུའོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང ། ཁྱོད་གང་ལ་གནས་ནས་དེ་སྐད་ཅེས་སྟོན་།བཟང་སྐྱོང་གིས་གསོལ་པ། བཅོམ་ལྡན་འདས། བདག་ནི། འཇིག་རྟེན་གང་ལ་གནས་པ་དེ་ཉིད་ལ་གནས་ནས་དེ་སྐད་ཅེས་སྟོན་ལགས་ཏེ། ཇི་ལྟར་བྱིས་པ་དག་གིས་བཟུང་བ་བཞིན་དུ་ནི། མ་ལགས་སོ། །བྱིས་པ་དག་གིས་བཟུང་བ་གང་ཞེ་ན། འཁྲུག་པ་ལགས་ཏེ། གང་གི་སླད་དུ་འཁྲུག་པ་བཟུང་བ་དེའི་སླད་དུ་འཁྲུག་ཅིང་རབ་ཏུ་འཁྲུག་ལགས་སོ། །བཅོམ་ལྡན་འདས། འཇིག་རྟེན་ནི། མི་གནས་པ་ལགས་ཏེ། ཇི་ལྟར་འཇིག་རྟེན་མི་གནས་པ་ལགས་ཤེ་ན། སྒྱུ་མའི་གནས་ལ་འཇིག་རྟེན་མི་གནས་ཏེ། བྱིས་པ་རྣམས་ནི། དེ་ལ་བདག་གི་གནས་ནི། འཇིག་རྟེན་གྱི་གནས་ལགས་སོ། །ཞེས་རྩོད་དོ། དེ་ནི། བྱིས་བ་རྣམས་ཀྱི་འགྲོ་བ་མ་ལགས་པའི་སླད་དུའོ། །སྨིག་རྒྱུའི་གནས་ལ་འཇིག་རྟེན་མི་གནས་ཤིང་མི་རྟག་པའི་གནས་ལ་འཇིག་རྟེན་མི་གནས་ཏེ། བྱིས་པ་རྣམས་ཀྱི་སྐྲག་པ་ལགས་པའི་སླད་དུའོ། །མིག་ཡོར་གྱི་གནས་ལ་འཇིག་རྟེན་མི་གནས་ཏེ། འཕགས་པ་རྣམས་དང་ཐ་མི་དད་པའི་སླད་དུའོ།།
35b
མི་སྡུག་པའི་གནས་ལ་འཇིག་རྟེན་མི་གནས་ཏེ། བྱིས་པ་རྣམས་ནི། ལས་ཀྱིས་ཀུན་ནས་སློང་བའི་སླད་དུའོ། །བཅོམ་ལྡན་འདས། འཇིག་རྟེན་གྱི་གནས་འདི་ལ་འཇིག་རྟེན་གྱི་འཁྲུག་པའི་སྐབས་མ་མཆིས་ལགས་ཏེ། བཅོམ་ལྡན་འདས། དེ་ལྟ་ལགས་པས་བདག་གི་གནས་ནི། འཇིག་རྟེན་གྱི་གནས་ཁོ་ན་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བཟང་སྐྱོང་ལ་བཀའ་སྩལ་པ།་བཟང་སྐྱོང ། ཅི་ཁྱོད་ཀྱིས་ཆོས་ཡང་དག་པར་མཐོང་བས་དེ་སྐད་ཅེས་སྟོན་ནམ། གསོལ་པ། བཅོམ་ལྡན་འདས། ཆོས་གང་དག་ལགས་པ་དེ་དག་ནི། བཅོམ་ལྡན་འདས་ཀྱིས་ཀྱང་མངོན་པར་རྫོགས་པར་སངས་མ་རྒྱས་པ་ཁོ་ན་ལགས་སོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང ། ཅི་ངས་ཆོས་རྣམས་མངོན་པར་རྫོགས་པར་སངས་མ་རྒྱས་སམ། གསོལ་པ། བཅོམ་ལྡན་འདས། ཅི་ཆོས་རྣམས་མངོན་པར་རྫོགས་པར་འཚང་རྒྱ་ལགས་སམ། བཅོམ་ལྡན་འདས་ཀྱིས་མངོན་པར་རྫོགས་པར་སངས་རྒྱས་པ་གང་དག་ལགས་པ་དེ་དག་ཀྱང་ཅི་ཆོས་རྣམས་ལགས་སམ། འོན་ཏེ་ཆོས་མ་མཆིས་པ་རྣམས་ལགས། བཅོམ་ལྡན་འདས་ཀྱིས་བཀའ་སྩལ་པ།་བཟང་སྐྱོང ། ལེགས་སོ། །ལེགས་སོ། །དེ་བཞིན་གཤེགས་པས་ཆོས་རྣམས་མངོན་པར་རྫོགས་པར་སངས་རྒྱས་པ་གང་དག་ཡིན་པ་དེ་དག་ནི། ཆོས་རྣམས་ཀྱང་མ་ཡིན། ཆོས་རྣམས་མེད་
36a
༄#། །པའང་མ་ཡིན་ཏེ། བཟང་སྐྱོང ། དེ་ལ་ངའི་ཡེ་ཤེས་མི་རྒྱུ་ཞིང་མིག་མི་འཇུག་ལ། འགྲོ་བ་མི་ཤེས་ཤིང་བློ་མི་འཇུག་སྟེ། སྨད་པ་མི་ཤེས་ཤིང་ཡོངས་སུ་གཅོད་པ་མི་ཤེས་ལ་མི་འཛིན་ཏེ། དེ་དག་ནི། ཀུན་ནས་ཉོན་མོངས་པའང་མ་ཡིན། རྣམ་པར་བྱང་བའང་མ་ཡིན་པའི་ཕྱིར་རོ། །བཟང་སྐྱོང ། འོན་ཀྱང་གལ་ཏེ་གང་མཚན་ཉིད་མེད་པའི་སྤྱོད་པའི་འདུ་ཤེས་དང ། མཚན་ཉིད་མེད་པའི་སྤྱོད་པའི་ཆོས་དེ་དག་ངས་བསྟན་ཀྱང་བཟང་སྐྱོང ། སེམས་ཅན་རྣམས་དེ་ལ་རྨོངས་པར་འགྱུར་རོ། །བཟང་སྐྱོང ། ཆོས་དེ་ལ་དེ་བཞིན་གཤེགས་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་སྲིད་པ་ཐམ་པ་མ་གཏོགས་པར་ཆོག་ཤེས་པ་སུའང་མི་རྙེད་མི་དམིགས་སོ། །བཟང་སྐྱོང ། བྱང་ཆུབ་སེམས་དཔའ་སེམས་དཔའ་ཆེན་པོ་སྲིད་པ་ཐ་མ་པ་དང ། སྐྱེ་བ་གཅིག་གིས་ཐོགས་པ་གང་དག་ཡིན་པ་དེ་དག་ཀྱང་ཆོས་དེ་དག་བསྟན་པ་ཐོས་ན་སྐྲག་པར་འགྱུར་ན། དེ་དག་ལས་གཞན་པའི་སེམས་ཅན་ཐ་ཆད་རྣམས་ལྟ་ཅི་སྨོས་ཏེ། དེ་དག་གིས་ཆོས་དེ་དག་རྟོགས་པར་འགྱུར་བ་འདི་ནི། གནས་མེད་དོ། །བཟང་སྐྱོང ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་ལུས་མ་བསྒོམས་པ་དག་དང ། སེམས་མ་བསྒོམས་པ་དག་དང ། ཚུལ་ཁྲིམས་མ་བསྒོམས་པ་དག་དང ། ཤེས་རབ་མ་བསྒོམས་པ་དག་འབྱུང་བར་འགྱུར་བའི་དུས་དེ་ལྟ་བུ་འབྱུང་བར་འགྱུར་ཞིང ། བཟང་སྐྱོང ། ཚོད་དེ་ལྟ་བུ་
36b
འབྱུང་བར་འགྱུར་ཏེ། དེ་དག་གིས་རྣམ་པར་མི་རྟོག་ཅིང་ཀུན་ནས་ཉོན་མོངས་པ་མེད་ལ། སྣང་བ་མེད་པའི་བྱང་ཆུབ་ལ་ཞུགས་པའི་དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པས་གཏེར་དང ། ཆོས་ཀྱི་གཏེར་བསྟན་པའི་ཆོས་ཀྱི་རྣམ་གྲངས་དེ་ཐོས་ནས་སྐྲག་ཅིང་དངང་ལ་དངང་བར་འགྱུར་ཞིང་གཡན་ས་ཆེན་པོར་ཡང་ལྟུང་བར་འགྱུར་རོ། །དེ་བཞིན་གཤེགས་པས་ཆོས་ཐམས་ཅད་མངོན་པར་རྫོགས་པར་སངས་རྒྱས་སོ། །ཞེས་ཇི་སྐད་བརྗོད་དེ། དེ་ལ་ངའི་ཡེ་ཤེས་མི་འཇུག་ཅིང་མིག་མི་འཇུག་ལ། བློ་མི་འཇུག་གོ་།ཞེས་དེ་སྐད་ཅེས་ཀྱང་གསུངས་པའི་ཕྱིར་རོ། །དེའི་ཕྱིར་དེ་ལྟ་བུའི་མདོ་སྡེ་འཛིན་པའི་དགེ་སློང་དེ་དག་ལ་གནོད་སེམས་སུ་གྱུར་པའི་སེམས་དང་ལྡན་པ་དག་དང ། ཞེ་འགྲས་པར་གྱུར་པའི་སེམས་དང་ལྡན་པ་དག་གསོད་པའི་འདུ་ཤེས་བསྐྱེད་པར་འགྱུར་ཞིང ། འཁྲུག་ལོང་གི་འདུ་ཤེས་བསྐྱེད་པར་འགྱུར་རོ། །བཟང་སྐྱོང ། ང་ལ་འཁྲུག་ལོང་བྱེད་པ་གང་དག་ཡིན་པ་དེ་དག་ཡོངས་སུ་འཛིན་པར་འགྱུར་ཞིང ། ངའི་ཡང་དག་པའི་ཡེ་ཤེས་རབ་ཏུ་སྟོན་པར་བྱེད་པ་དེ་དག་བརྙས་པར་འགྱུར་བའི་དུས་དེ་ལྟ་བུ་ཇི་ཙམ་དུ་ཕྱིན་ཅི་ལོག་ཏུ་འགྱུར་བ་ལ་ལྟོས། བཟང་སྐྱོང ། དེ་བཞིན་གཤེགས་པ་སློབ་དཔོན་མི་མངའ་ཞིང་རང་བྱུང་ལ་ད་ལྟར་འཁོར་གྱི་ནང་དུ་སེངྒེའི་སྒྲ་ཡང་དག་པར་སྒྲོག་པར་མཛད་ན། མི་བླུན་པོ་དེ་དག་ནི། དེ་བཞིན་གཤེགས་པ་མི་ཤེས་ཤིང ། དེ་བཞིན་གཤེགས་པའི་ཆོས་ཉིད་མི་ཤེས་ཏེ། དེ་དག་མི་ཤེས་ཤིང་མ་
37a
༄#། །མཐོང་བས་དེའི་ཚེ་ངའི་བསྔགས་པ་གང་ཡིན་པ་དེ་ལ་དེ་དག་བསྔགས་པ་མ་ཡིན་པའི་འདུ་ཤེས་འབྱུང་བར་འགྱུར་ཞིང ། གང་ངའི་བསྔགས་པ་མ་ཡིན་པ་དེ་ལ་ནི།་དེ་དག་བསྔགས་པའི་འདུ་ཤེས་འབྱུང་བ་ལ་ལྟོས། །བཟང་སྐྱོང ། ངའི་བསྔགས་པ་མ་ཡིན་པའང་གང་ཞེ་ན། བཟང་སྐྱོང ། ཆོས་གང་ལ་ལ་འཛིན་པའི་ཆོས་འདི་ནི། བཟང་སྐྱོང ། ངའི་བསྔགས་པ་མ་ཡིན་པ་སྟེ། དེའི་ཚེ་དེ་དག་ནི། བསྔགས་པ་མ་ཡིན་པ་སྨྲ་བ་དག་དང ། འཁྲུག་ལོང་བྱེད་པ་དག་དང ། དགེ་སྦྱོང་སུན་འབྱིན་པ་དག་དང ། དགེ་སྦྱོང་གདོལ་པ་དག་དང ། དགེ་སྦྱོང་མྱགས་པ་དག་དང ། དགེ་སྦྱོང་ཤིང་རུལ་པ་ལྟ་བུ་དག་དང ། མུ་སྟེགས་ཅན་གཞན་གྱི་སྤྱོད་ཡུལ་གྱི་ལྟ་བ་ཅན་དག་དང ། གཉིས་ལ་སྤྱོད་པ་དག་དང ། རྟག་ཆད་དུ་སྨྲ་བ་དག་དང ། ཆོས་འཛིན་པ་ཆོས་ཀྱི་རློམ་སེམས་ཉིད་ལ་གནས་པ་དང ། སྤྲོས་པ་དང་བཅས་པ་དག་དང ། མངོན་པར་འདུ་བྱེད་པ་དང་བཅས་པ་དག་དང ། འཇིག་རྟེན་རྒྱང་པན་པ་ལ་དགའ་བ་དག་དང ། འཁོར་བ་ན་སྤྱོད་པ་དག་དང ། ཡང་དག་པའི་ལྟ་བའི་ལམ་ལ་ཕྱིར་ཕྱོགས་པ་དག་ཡིན་པར་ངས་རབ་ཏུ་བསྟན་པ་ཡིན་ནོ། །དེའི་ཚེ་དེ་དག་ནི། དོན་དམ་པའི་འདུ་ཤེས་ཅན་དག་དང ། མེའི་སྦྱིན་སྲེག་འཛིན་པ་དག་དང ། རལ་པ་ཅན་མ་ཡིན་པ་དག་དང ། ལས་སྨྲ་བ་དག་དང ། བྱེད་པ་སྨྲ་བ་དག་ཏུ་འགྱུར་ཏེ། བཟང་སྐྱོང ། གལ་ཏེ་ཏིང་ངེ་འཛིན་དེ་ལྟ་བུ་ཞིག་ཡོད་པར་
37b
གྱུར་ན།་དེ་དག་ཀྱང་བྱང་ཆུབ་མངོན་པར་རྫོགས་པར་སངས་རྒྱས་པར་འགྱུར་རོ། །བཟང་སྐྱོང ། དེ་དག་ནི་ང་ཡོངས་སུ་མྱ་ངན་ལས་འདས་ནས་དེ་ལ་ལས་དང་བྱེད་པ་དག་གིས་སྐྱོན་དག་མཐོང་སྟེ། ལྡོག་པ་རྗེས་སུ་ཐོབ་ནས། ངའི་བསྟན་པ་ལ་རབ་ཏུ་འབྱུང་བར་འགྱུར་ཞིང ། ཆོས་དེ་དག་ནུབ་པར་བྱེད་པར་འགྱུར་ཏེ། བཟང་སྐྱོང ། དེ་ལྟ་བས་ན། ང་ཡོངས་སུ་མྱ་ངན་ལས་འདས་ནས། མི་བླུན་པོ་དེ་དང་དེ་དག་མེའི་མཆོག་སྦྱིན་པ་རལ་པ་ཅན་ལྟ་བུ་དང ། རྒན་ཞུགས་ལྟ་བུ་དང ། རྨུན་པོ་ལྟ་བུར་ཡང་འགྱུར་རོ། །བཟང་སྐྱོང ། དེ་དག་ནི། དམིགས་པ་དང ། བཅས་པ་དང ། སྤྲོས་པ་དང ། བཅས་པ་དང ། མངོན་པར་འདུ་བྱེད་པ་དང་བཅས་པ་དང ། འཇིག་རྟེན་པའི་ཡང་དག་པའི་ལྟ་བས་ངའི་ལས་དང་བྱེད་པ་ལ་འཇུག་པར་བྱེད་ཅིང ། སངས་རྒྱས་ཀྱི་ཡེ་ཤེས་ཅུང་ཟད་ཙམ་རྗོད་པར་བྱེད་པ་གང་དག་ཡིན་པ་དེ་དང་དེ་དག་ནི། ངའི་བསྔགས་པ་མ་ཡིན་པ་སྨྲ་བ་དག་སྟེ། དེ་དག་ངེས་པར་འབྱུང་བ་མ་ཡིན་པར་སྨྲ་བའོ། །ཞེས་ང་སྨྲའོ། །དེ་ཅིའི་ཕྱིར་ཞེ་ན། བཟང་སྐྱོང ། དེ་དང་དེ་དག་ནི། བསྐལ་པ་གྲངས་མེད་པ་བྱེ་བས་ཡང་དག་པར་བསྒྲུབས་པའི་བྱང་ཆུབ་དེ་སྤོང་བའི་མེ་མདག་ཕྲ་མོ་དག་གིས་སྲེག་པར་བྱེད་པ་ཡིན་ཏེ། བཟང་སྐྱོང ། དེ་དག་ནི། དེ་བཞིན་གཤེགས་པའི་བསྔགས་པ་མ་ཡིན་པ་སྨྲ་བ་དག་དང ། འཁྲུག་ལོང་བྱེད་བདག་ཡིན་ནོ། །བཟང་སྐྱོང ། དེ་བཞིན་གཤེགས་པའི་བསྔགས་པ་སྨྲ་བ་དག་དང ། གསུངས་པ་སྨྲ་
38a
༄#། །བ་དེ་དག་ཀྱང་གང་ཞེ་ན། བཟང་སྐྱོང ། ཆོས་ཐམས་ཅད་འཛིན་པ་མེད་པ་དག་དང ། སྤྲོས་པ་མེད་པ་དག་དང ། མངོན་པར་འདུ་བྱེད་བ་མེད་པ་དག་དང ། དུས་གསུམ་རྗེས་སུ་ཚོལ་བ་དག་དང ། ཡི་གེ་མེད་པ་དག་དང ། འདོར་བ་མེད་པ་དག་སྟེ། བཟང་སྐྱོང ། དེ་དང་དེ་དག་ནི། དེ་བཞིན་གཤེགས་པའི་བསྔགས་པ་སྨྲ་བ་དག་དང ། གདགས་པ་མི་བྱེད་པ་དག་དང ། སངས་རྒྱས་ཀྱི་སྲས་དག་དང ། ཐུགས་ཀྱི་སྲས་དག་དང ། ཆོས་ལས་སྐྱེས་པ་དག་ཡིན་ནོ། །བཟང་སྐྱོང ། མདོ་སྡེ་འདི་ལྟ་བུ་སྟོན་པ་དང ། མདོ་སྡེ་འདི་ལྟ་བུ་ཡང་དག་པར་ལེན་པ་གང་དག་ཡིན་པ་དེ་དང་དེ་དག་ནི། བཟང་སྐྱོང ། དེ་བཞིན་གཤེགས་པས་གསུངས་པ་སྨྲ་བ་དག་དང ། ཆོས་སྨྲ་བ་དག་དང ། དེ་བཞིན་གཤེགས་པའི་བསྟན་པ་ལ་ཆོས་ཀྱི་རྗེས་སུ་མཐུན་པའི་ཆོས་ལ་ཞུགས་པ་དག་དང ། ངའི་སྲས་དག་དང ། ཐུགས་ཀྱི་སྲས་དག་དང ། ཞལ་ནས་སྐྱེས་པ་དག་དང ། ངས་བྱིན་གྱིས་བརླབས་པ་དག་དང ། ངས་བསྐོས་པ་དག་དང ། ངས་ཡང་དག་པར་དགའ་བར་བྱས་པ་དག་ཡིན་ཞིང་དེ་དག་གིས་ཆོས་ཀྱི་མཆོད་སྡོང་བཙུགས་པ་ཡིན། དེ་དག་གིས་ཆོས་ཀྱི་རྔའང་བརྡུངས་པ་ཡིན་ཞིང ། དེ་དག་གིས་ཆོས་ཀྱི་དུང་ཡང་བུས་པ་ཡིན།་དེ་དག་གིས་ཆོས་ཀྱི་རྒྱལ་མཚན་ཡང་བསྒྲེང་བ་ཡིན་ཞིང ། སངས་རྒྱས་བཅོམ་ལྡན་འདས་རྣམས་ཀྱིས་དེ་དག་གིས་སྤྱོད་པ་བསགས་པ་ཡིན། དེ་དག་གི་ཡོན་ཏན་གྱི་ཕྲེང་བ་
38b
འདིའང་རྗེས་སུ་འབྲང་བར་བྱེད་ཅིང་དེ་དག་གི་སྲུང་བ་བཞག་པའང་ཡིན། དེ་དག་ནི། ཕྱིར་རྒོལ་བ་རྣམས་ཚར་གཅོད་པར་ཡང་འགྱུར་ཞིང ། དེ་དག་ན། འཇིག་རྟེན་གྱི་མེ་ཏོག་ལྟ་བུ་དག་ཀྱང་ཡིན། དེ་དག་འབྱུང་བའང་མཆོག་ཏུ་རྙེད་པར་དཀའ་ཞིང་དེ་དག་གི་མཐོང་བའང་རྣམ་པར་དག་པ་ཡིན། དེ་དག་ནི། བྱང་ཆུབ་ཀྱི་སྣོད་ཀྱང་ཡིན་ཞིང ། དེ་དག་ནི། བྱང་ཆུབ་སེམས་དཔའ་རྣམས་ཀྱིས་ཡང་དག་པར་དགའ་བར་བྱས་པ་དག་ཀྱང་ཡིན། དེ་དག་ནི། དེ་བཞིན་གཤེགས་པ་རྣམས་ཀྱིས་ཡང་དག་པར་དགའ་བར་བྱས་པ་དག་ཀྱང་ཡིན། དེ་དག་གི་ཆོས་ཀྱི་མིག་ཀྱང་ཕྱེ་བ་ཡིན་ཞིང ། དེ་དག་ཆོས་ཐམས་ཅད་ལ་སྒྲིབ་པ་མེད་པའང་ཡིན། དེ་དག་ནི། དེ་བཞིན་གཤེགས་པ་མཉེས་པར་བྱེད་པར་འོས་པ་དག་ཀྱང་ཡིན་ཞིང ། དེ་དག་ནི། དེ་བཞིན་གཤེགས་པ་རྣམས་ལ་བྱས་པ་གཟོ་བ་དག་ཀྱང་ཡིན། དེ་དག་ནི། ཆོས་ཀྱི་རྒྱན་གྱིས་བརྒྱན་པ་དག་ཀྱང་ཡིན་ཞིང ། ཡེ་ཤེས་ཀྱིས་བརླན་པ་དག་ཀྱང་ཡིན། དེ་དག་ནི། ཆོས་ཀྱི་ཆར་འབེབས་པར་བྱེད་པ་དག་ཀྱང་ཡིན་ཞིང ། རྒྱལ་བའི་ཐུགས་ཀྱི་སྲས་དག་ཚིམ་པར་བྱེད་པ་དག་ཀྱང་ཡིན། དེ་དག་ནི། སངས་རྒྱས་ཀྱི་ཆོས་རྣམས་ཀྱིས་རྣམ་པར་འཕེལ་བར་བྱེད་པ་དག་ཀྱང་ཡིན་ཞིང ། དེ་དག་ནི། ཡོན་ཏན་གྱི་ལོ་མ་རྣམས་སྐྱེས་པ་དག་ཀྱང་ཡིན། དེ་དག་ནི། བྱང་ཆུབ་ཀྱི་ཡན་ལག་གི་མེ་ཏོག་རྣམས་ཀྱིས་མེ་ཏོག་ཀུན་ཏུ་རྒྱས་པ་དག་ཀྱང་ཡིན་ཞིང ། དེ་དག་ནི། འདོད་ཆགས་དང་བྲལ་བའི་འབྲས་བུ་རྣམས་རབ་ཏུ་འབྱེད་པ་
39a
༄#། །དག་ཀྱང་ཡིན། དེ་དག་ནི། བྱང་ཆུབ་ཀྱི་སྙིང་པོ་ལ་འདུག་པ་དག་ཀྱང་ཡིན་ཞིང ། དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པའང་ཡིན། དེ་དག་ནི།་ལམ་སྟོན་པར་བྱེད་པ་དག་ཀྱང་ཡིན་ཞིང ། དེ་དག་ནི། ཆོས་ཀྱི་སྦྱིན་པས་རླན་པར་བྱེད་པ་དག་ཀྱང་ཡིན་ནོ། །བཟང་སྐྱོང ། མདོར་ན་རིགས་ཀྱི་བུ་དེ་དག་གི་ཡོན་ཏན་རྣམས་ཏེ། བཟང་སྐྱོང ། གལ་ཏེ་དེ་བཞིན་གཤེགས་པས་ཐམས་ཅད་ཡང་དག་པར་བསྟན་ཀྱང་དེ་ནི། ཡིད་ཆེས་པར་དཀའ་བར་འགྱུར་རོ། །བཟང་སྐྱོང ། དེ་དང་དེ་དག་ནི། ངའི་བསྔགས་པ་སྨྲ་བ་དག་དང ། ཆོས་ཀྱི་རྗེས་སུ་མཐུན་པའི་ཆོས་སྨྲ་བ་དག་ཡིན་ནོ། །བཟང་སྐྱོང ། འདི་ལྟ་སྟེ། དཔེར་ན། མི་ཞིག་གིས་མཚོ་མ་དྲོས་པ་མཐོང་བར་གྱུར་ཅིང་དེའི་བསྔགས་པའང་ཐོས་པར་གྱུར་ལ། དེའི་ཚེ་དེས་སྔོན་མ་མཐོང་བའི་མཚོ་ཆེན་པོ་གཞན་ཞིག་ཀྱང་མཐོང་ནས་མཚོ་མ་དྲོས་པ་དེ་ནི། འདིའི་ཚད་ཁོ་ནའོ། །ཞེས་ཚིག་སྨྲ་བར་བྱེད་ཅིང་དེ་བདག་གིས་མ་དྲོས་པའི་བསྔགས་པ་བརྗོད་དོ། །ཞེས་ཟེར་ལ། བསྔགས་པ་མ་ཡིན་པ་ཉིད་སྨྲ་བ་དེ་བཞིན་དུ། བཟང་སྐྱོང ། དེ་དག་ནི། མི་བླུན་པོ་དག་ཡིན་ཞིང ། དེ་དག་ནི། ཡོན་ཏན་དེ་ལྟ་བུ་དག་དང ། ཡེ་ཤེས་དེ་ལྟ་བུ་དག་དང་བྲལ་བ་དག་སྟེ།་དེ་དག་ནི། བདག་ཅག་གིས་དེ་བཞིན་གཤེགས་པའི་བསྔགས་པ་བརྗོད་པར་བྱའོ། །ཞེས་ཟེར་ལ། འཇིག་རྟེན་བའི་ཡང་དག་པའི་ལྟ་བ་དང ། མངོན་པར་འདུ་བྱེད་པ་དང་བཅས་ཤིང་
39b
ཟག་པ་དང་བཅས་པའི་ཕུང་པོ་ཐམས་ཅད་ཀྱི་སྦྱོར་བས་ཀུན་ཏུ་སྤྱོད་པར་བྱེད་ཅིང ། དེ་བཞིན་གཤེགས་པའི་ཡེ་ཤེས་དེ་ནི། ཐོགས་པ་མེད་པའོ། །ཞེས་ཚིག་དེ་སྐད་ཅེས་ཀྱང་སྨྲ་བར་བྱེད་དེ་།དེ་དག་ནི།་བདག་ཅག་གིས་བསྔགས་པ་བརྗོད་པར་བྱའོ། །ཞེས་ཟེར་ལ། བསྔགས་པ་མ་ཡིན་པ་ཉིད་སྨྲ་བར་འགྱུར་རོ། །བཟང་སྐྱོང ། འདི་ལྟ་སྟེ། དཔེར་ན། མི་ལ་ལ་ཞིག་གིས་གསེར་ནི། ཁ་དོག་སེར་པོ་དང ། གསེར་ནི། ཁ་དོག་སེར་པོར་སྣང་བའོ། །ཞེས་གསེར་གྱི་མིང་ཐོས་པར་གྱུར་ལ། དེས་ཛམྦུའི་ཆུ་བོའི་གསེར་གྱི་ཁ་དོག་མཐོང་ཞིང་རིན་ཐང་ཡང་ཐོས་ནས། ཀྱེ་མི་ཁྱོད་ནི། བརྫུན་དུ་སྨྲ་བ་སྟེ།་ཁྱོད་ཀྱིས་སྨྲས་པ་དེ་ལ་གསེར་གྱི་ཁ་དོག་སེར་པོ་དེ་མེད་དོ། །ཞེས་སྤོང་བར་བྱེད་ཅིང་གཤེ་བར་བྱེད་པ་དེ་བཞིན་དུ། བཟང་སྐྱོང ། མི་བླུན་པོ་མིག་མེད་པ་དེ་དག་གིས་དེ་བཞིན་གཤེགས་པའི་མཚན་ཐོས་ཤིང་ཆོས་ཀྱི་མིང་ཐོས་ཀྱང ། ཆོས་ཀྱི་མིང་དེའང་ཡང་དག་པའི་ལྟ་བའོ། །ཞེས་དེ་སྐད་ཐོས་ཤིང ། དེ་བཞིན་གཤེགས་པའི་མཚན་དེའང་མཚན་ཕུན་སུམ་ཚོགས་པ་དང ། རིགས་ཕུན་སུམ་ཚོགས་པ་དང ། སྤྱོད་ཡུལ་ཕུན་སུམ་ཚོགས་པ་དང ། འཁོར་ཕུན་སུམ་ཚོགས་པ་དང ། ཆོ་ག་དང་སྤྱོད་པ་ཕུན་སུམ་ཚོགས་པའོ། །ཞེས་དེ་སྐད་ཐོས་ལ། དེ་བཞིན་གཤེགས་པའི་ཡེ་ཤེས་ཀྱི་མཚན་ཉིད་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བའི་གྲངས་སུ་འགྲོ་བ་དང ། ཆོས་ཀྱི་མཚན་ཉིད་གང་གིས་དེ་
40a
༄#། །བཞིན་གཤེགས་པས་ཆོས་ཐམས་ཅད་གསུངས་པའི་དེ་བཞིན་གཤེགས་པའི་མཚན་ཉིད་ཀྱི་ཡེ་ཤེས་དེ་ནི། ཐོས་པར་མ་གྱུར་ཏེ། གང་གི་ཚེ་དེ་དག་དེ་བཞིན་གཤེགས་པའི་ཡེ་ཤེས་ཀྱི་མཚན་ཉིད་དེ་ཐོས་པར་གྱུར་པ་དེའི་ཚེ་མི་བླུན་པོ་དེ་དག་དེ་ནི། དེ་ལྟ་མ་ཡིན་ནོ། །ཞེས་དེ་སྐད་ཅེས་སྨྲ་བར་འགྱུར་རོ། །བཟང་སྐྱོང ། འདི་ལྟ་སྟེ། དཔེར་ན། མི་ལ་ལ་ཞིག་གིས་རྒྱ་མཚོ་ཆེན་པོའི་མིང་ཐོས་པར་གྱུར་ལ། རྒྱ་མཚོ་ཆེན་པོའི་ཡོན་ཏན་རྣམས་ནི། ཐོས་པར་མ་གྱུར་ཏེ། གང་གི་ཚེ་དེས་རྒྱ་མཚོ་ཆེན་པོ་ནི། འཕང་དུ་དཔག་ཚད་བརྒྱད་ཁྲི་བཞི་སྟོང་ཡོད་ལ། ཐད་ཀར་ནི། དཔག་ཚད་ཚད་མེད་པ་དང ། རིན་པོ་ཆེ་རྣམ་པ་སྣ་ཚོགས་ཀྱིས་གང་བ་དང ། རོ་གཅིག་ཅིང་གང་བའང་མེད། བྲི་བའང་མེད་པ་ཡིན་ནོ། །ཞེས་རྒྱ་མཚོ་ཆེན་པོའི་ཡོན་ཏན་བསྒྲགས་པ་ཐོས་ཤིང ། ཡོན་ཏན་བསྒྲགས་པ་དེ་དེས་ཐོས་ནས་ཆུ་བོ་ཆེན་པོ་དག་ཀྱང་འབབ་ལ། གང་བར་ཡང་མི་འགྱུར་བ་དང ། དེ་ལས་རིན་པོ་ཆེ་དེ་སྙེད་འབྱུང་བར་ཡང་འགྱུར་བ་དང ། དེའང་རྒྱར་ནི། དཔག་ཏུ་མེད་པ་ཡིན་ནོ། །ཞེས་ཇི་སྐད་བྱ་ཞེས་ཡིད་མི་ཆེས་ཤིང ། རྒྱ་མཚོ་ཆེན་པོའི་ཡོན་ཏན་དེ་ལྟ་བུ་དེ་དག་ཡིན་པ་འདི་ནི། གནས་མེད་དོ། །ཞེས་ཟེར་བ་དེ་བཞིན་དུ། བཟང་སྐྱོང ། མི་བླུན་པོ་དེ་དག་གིས་དེ་བཞིན་གཤེགས་པའི་མཚན་ཐོས་པར་གྱུར་ཅིང་སངས་རྒྱས་ཀྱི་སྒྲ་ཐོས་པར་གྱུར་ཀྱང ། དེ་བཞིན་གཤེགས་པའི་ཡོན་ཏན་དེ་དག་དེས་
40b
ཐོས་པར་མ་གྱུར་ཅིང་ཆོས་ཤེས་པའི་ཡོན་ཏན་དག་ཐོས་པར་མ་གྱུར་ཏེ། གང་གི་ཚེ་དེས་ཐམས་ཅད་མཁྱེན་པའི་ཡེ་ཤེས་ཆོས་དཀོན་མཆོག་དཔག་ཏུ་མེད་པས་གང་བ། འདོད་ཆགས་དང་བྲལ་བ་དང ། རྣམ་པར་གྲོལ་བ་ཆེན་པོ་སྒྲུབ་པར་བྱེད་པ་དཔག་ཏུ་མེད་པ། སངས་རྒྱས་ཀྱི་སྤྱན་སྒྲིབ་པ་མེད་པ། ཟག་པ་མེད་པའི་ཆོས་གང་བའང་མེད། བྲི་བའང་མེད་པ་དང ། གཏིང་དཔག་དཀའ་བ་དང ། མི་འཁྲུག་པ་དང ། ཆོས་ཐམས་ཅད་ཀྱི་ཡེ་ཤེས་ཀྱི་ཕྱག་རྒྱ་དང ། ཇི་ལྟར་རྒྱ་མཚོ་ཆེན་པོ་མིའི་རོ་དང་ལྷན་ཅིག་ཏུ་མི་གནས་པ་དེ་བཞིན་དུ་དེ་བཞིན་གཤེགས་པ་ལྟ་བ་ཐིབས་པོ་ཐམས་ཅད་ཀྱིས་ཆུད་ཟོས་པའི་སེམས་ཅན་རྣམས་དང་ལྷན་ཅིག་མི་གནས་པ་དང ། ཇི་ལྟར་རྒྱ་མཚོ་ཆེན་པོ་འདི་ལྟ་སྟེ། ལན་ཚཝའི་རོར་རོ་གཅིག་པ་དེ་བཞིན་དུ་དེ་བཞིན་གཤེགས་པའི་རྣམ་པར་གྲོལ་བར་རོ་གཅིག་པར་འགྱུར་བའི་ཆོས་ཀྱི་རྣམ་གྲངས་དེ་ལྟ་བུ་དེ་ཐོས་ཤིང ། དེ་དག་དེ་སྐད་ཅེས་ཐོས་ནས་ཁོང་དུ་ཆུད་པར་མི་བྱེད་ཅིང་མངོན་པར་ཡིད་ཆེས་པར་མི་བྱེད་ལ་མོས་པར་མི་བྱེད་དེ། དེ་ལྟ་མ་ཡིན་ནོ། །ཞེས་ཚིག་སྨྲ་པར་བྱེད་དོ། །བཟང་སྐྱོང ། མི་བླུན་པོ་དེ་དག་བདག་ཅག་གིས་ཅི་ཤེས་ཤེའམ། བདག་ཅག་གིས་ཇི་སྙེད་བསླབ་ཅེས་དེ་ལྟར་ཡང་ལྟ་བར་མི་འགྱུར་བ་ལ་ལྟོས། རེ་ཞིག་བདག་ཅག་ཉིད་ཀྱི་སྤྱོད་པའང་མི་ཤེས་པ་དང ། བདག་ཅག་གི་ལས་སྤྱད་ཅེས་གནས་མི་ཤེས་པ་དང ། ལས་མི་ཤེས་པ་དང ། རྣམ་པར་སྨིན་པ་མི་ཤེས་པ་དང་
41a
༄#། །བདག་ཅག་ལས་གང་གིས་འདིར་སྐྱེས་པ་དང ། བདག་ཅག་ག་ལས་འདིར་སྐྱེས་པ་དང ། བདག་ཅག་གི་འགྲོ་བའང་གང་ཡིན་པ་དང ། བདག་ཅག་རྣམ་པ་ཇི་ལྟ་བུ་དང ། སྦྱོར་བ་ཇི་ལྟ་བུ་དང ། བདག་ཅག་ཤེས་པ་དང་ལྡན་ཞིང་ལས་བྱེད་དམ། ཤེས་པ་དང་མི་ལྡན་ཞིང་ལས་བྱེད་ཅེས་དེ་དག་གིས་དེ་སྐད་ཅེས་བདག་ཉིད་བརྗོད་པར་བྱའོ། །གལ་ཏེ་ཆོས་དེ་དག་ལ་མི་བླུན་པོ་དེ་དག་ཆོས་ཀྱི་འདུ་ཤེས་དང ། ངའི་བསྔགས་པ་མ་ཡིན་པའི་འདུ་ཤེས་བསྐྱེད་ན། ངའི་ཚིག་གིས་མི་བླུན་པོ་དེ་དག་མདོ་སྡེ་དག་ལ་མི་རྟོན་པར་འགྱུར་རོ།། ང་འདས་ནས་དེ་བཞིན་གཤེགས་པའི་བསྔགས་པ་བརྗོད་པ་དང ། ཆོས་ཀྱི་བསྔགས་པ་བརྗོད་པ་དང ། དགེ་འདུན་གྱི་བསྔགས་པ་བརྗོད་པ་ན་དེ་ལ་ཁྱེད་ཅག་གིས་མི་གུས་པར་མི་བྱ་ཞིང་ཡིད་མི་ཆེས་པར་མ་ཡིན་ལ། སེམས་གཞན་དུ་འགྱུར་བ་དང ། མངོན་པར་མི་དགའ་བར་མི་བྱའོ། །ཞེས་ཀྱང་དེ་བཞིན་གཤེགས་པས་གསུངས་སོ། །གལ་ཏེ་དེ་ལ་ངས་གདམས་ངག་བསྐྱེད་པར་བྱ་ན། འདི་ལྟ་སྟེ། ཞེ་འགྲས་པའི་སེམས་དང་ལྡན་པ་དེ་ནི། དགེ་སྦྱོང་གི་ཆོས་མ་ཡིན་ཞིང ། དགེ་སྦྱོང་མ་ཡིན་པ་དང་ཐུན་མོང་པ་འདི་ལྟ་སྟེ། དགེ་སྦྱོང་མ་ཡིན་པ་རྣམས་དང ། དགེ་སྦྱོང་མ་ཡིན་པ་ཐུན་མོང་བའི་ལམ་ལ་ཞུགས་པའི་གནས་དེ་ནི། སྐྱོན་མང་པོའི་ཤས་ཆེ་བ་ཡིན་ཞིང ། དེ་བཞིན་གཤེགས་པ་རྣམས་ཀྱི་བྱང་ཆུབ་གཏིང་
41b
དཔག་དཀའ་བ་ཡིན་ཏེ། དེའི་ཕྱིར་བདག་གིས་དྲན་པ་ཉེ་བར་གཞག་པ་རྣམས་ཁོ་ན་བསྟེན་པར་བྱའོ། །ཞེས་གདམས་པར་བྱའོ། །བཟང་སྐྱོང ། དེ་ལ་ཆོས་ཐམས་ཅད་ངོ་བོ་ཉིད་ཀྱིས་གནས་པ་དག་ནི།་མི་གནས་པ་དག་ཉིད་དེ། ཆོས་ཐམས་ཅད་དེ་ལྟར་གནས་པ་དག་ཉིད་རྣམ་པར་མི་རྟོག་པ་དག་གོ་།བཟང་སྐྱོང ། འདི་ལྟ་སྟེ། འཇུག་པའི་སྒོ་དང ། རྟོགས་པའི་སྒོ་དང ། རྣམ་པར་ཐར་པའི་སྒོ་དེ་ནི། དྲན་པ་ཉེ་བར་གཞག་པ་རྣམས་ཀྱི་སྒོ་ཡིན་ནོ། །བཟང་སྐྱོང ། གནས་དང་གནས་མ་ཡིན་པ་དེ་ནི། གཉིས་ཡིན་ནོ། །བཟང་སྐྱོང ། ཡང་དག་པའི་ལྟ་བ་དང་མཐའ་མི་དམིགས་པའི་ཕྱིར་མཐའ་རྣམ་པར་སྤངས་པ་ནི། གཉིས་ལ་མ་ཆགས་པ་ཡིན་ནོ། །བཟང་སྐྱོང ། དེ་བཞིན་གཤེགས་པས་མཐའ་མ་བརྙེས་པའི་ཕྱིར་མཐའ་རྣམ་པར་སྤངས་པ་མ་ཡིན་མོད་ཀྱི། འོན་ཀྱང་གང་གི་ཕྱིར་མི་དམིགས་པ་དེ་ཉིད་ཀྱི་ཕྱིར་དེ་བཞིན་གཤེགས་པས་དེ་རྣམ་པར་སྤངས་པ་ཡིན་ནོ། །བཟང་སྐྱོང ། དེ་བཞིན་གཤེགས་པས་རྣམ་པར་སྤངས་པའི་ཆོས་དེ་དག་ཇི་ལྟར་བྱིས་པ་དག་གིས་བཟུང་བ་དེ་བཞིན་དུ་མཁས་པ་དག་འཛིན་པར་མི་བྱེད་དོ། །བཟང་སྐྱོང ། ཇི་ལྟར་ཆོས་རྣམས་ཀྱི་ཆོས་ཀྱི་མཚན་ཉིད་དེ་ལྟར་རྣམ་པར་སྤངས་པ་མ་ཡིན་ཞིང ། ཡང་དག་པར་འདས་པ་མ་ཡིན་ལ་བོར་བ་མ་ཡིན་ཞིང་རྙེད་པ་མ་ཡིན་ནོ། །བཟང་སྐྱོང ། གང་ངའི་ཐད་དུ་ཕྱིན་ནས་འདི་སྐད་ཅེས་སྨྲ་བའི་ལྷ་དེའི་ཚིག་ལན་ངས་འདི་སྐད་ཅེས་བཏབ་སྟེ། དགེ་སྦྱོང ། དགྱེས་པ་མཛད་
42a
༄#། །དམ།་ངས་སྨྲས་པ། ལྷ། ངས་ཅི་རྙེད། དགེ་སྦྱོང ། ཐུགས་ངན་མཛད་དམ། ངས་སྨྲས་པ། ལྷ། ངའི་ཅི་ཆུད་ཟོས། དེས་གསོལ་པ། དགེ་སྦྱོང ། དགྱེས་པའང་མ་ལགས། ཐུགས་ངན་ཡང་མི་མཛད་པ་ནི། དགེ་སྦྱོང ། ལེགས་སོ། །ལགས་སོ། །བཟང་སྐྱོང ། ལྷ་དེ་འཁོར་འདི་ཉིད་དུ་འདུས་པར་གྱུར་ནས་འདུག་སྟེ། བཟང་སྐྱོང་དེས་ཆོས་ཐམས་ཅད་རང་བཞིན་གྱིས་ཡོངས་སུ་མྱ་ངན་ལས་འདས་པ་དག་ཀུན་ཏུ་ཤེས་སོ། །ལྷ་དེས་ནི། སྔོན་སངས་རྒྱས་ལྔ་བརྒྱ་དག་མཉེས་པར་བྱས་ཏེ། དེ་དག་མཉེས་པར་བྱས་པས་ལྷ་དེ་དེ་ལྟར་མངོན་པར་ཤེས་པ་མྱུར་བར་གྱུར་ཏོ། །བཟང་སྐྱོང ། སེམས་ཅན་དགེ་བའི་རྩ་བ་མ་བསྐྱེད་པ་རྣམས་དང ། དགེ་བའི་རྩ་བ་ཡོངས་སུ་མ་སྨིན་པ་རྣམས་ཆོས་དེ་དག་ལ་འདུལ་བའི་ཕྱིར་མོས་པར་ང་མི་སྨྲའོ། །དེ་བཞིན་དུ་ཉན་ཐོས་རྣམས་ཀྱི་མོས་པ་མ་མཐོང་ངོ ། །བཟང་སྐྱོང ། ཆོས་དེ་དག་གང་ལ་ལས་ཐོས་ནས་ཐོས་པའི་མོད་ལ་མོས་པར་འགྱུར་པའམ། དད་པར་འགྱུར་བའམ། ཡིད་ཆེས་པར་འགྱུར་བའི་དགེ་བའི་རྩ་བ་དེ་ནི། ནང་གི་ཆུང་དུར་འགྱུར་ཏེ། དེའི་གོང་ན་ཤེས་རབ་ཀྱི་ཕུང་པོའི་ཡེ་ཤེས་ཤིན་ཏུ་རྒྱས་པས་ཡེ་ཤེས་ལ་འཇུག་པའི་དགེ་བའི་རྩ་བ་རྣམས་ནི། རྒྱ་ཆེ་བར་བལྟ་བར་བྱའོ། །དེ་ནས་བཟང་སྐྱོང་ལ་སོགས་པ་བྱང་ཆུབ་སེམས་དཔའ་ལྔ་བརྒྱ་ཙམ་པོ་ད་དག་གིས་བཅོམ་ལྡན་འདས་ལ་ལག་པ་ལྟ་བུའི་པདྨ་དེས་
42b
གཏོར་ཅིང་མངོན་པར་གཏོར་ནས་ཚིག་འདི་སྐད་ཅེས་གསོལ་ཏོ། །བཅོམ་ལྡན་འདས། གང་དག་ལག་པ་ལྟ་བུའི་པདྨའི་ཆོས་ཀྱི་རྣམ་གྲངས་དེ་ལ་དམིགས་ནས་ཡོངས་སུ་ཚོལ་བར་བགྱིད་པའམ། ཉན་པར་བགྱིད་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་ལགས་སོ། །བཅོམ་ལྡན་འདས། ཕྱོགས་བཅུ་ན་སངས་རྒྱས་བཅོམ་ལྡན་འདས་གང་དག་བཞུགས་ཏེ་འཚོ་ཞིང་གཞེས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལའང་དམིགས་པ་དེས་འདི་ལྟ་སྟེ། སེམས་ཅན་རྣམས་ཀྱི་བྱང་ཆུབ་ཀྱི་ཕྱོགས་ཀྱི་ཆོས་ཡོངས་སུ་སྨིན་པར་བགྱི་པའི་སླད་དུ་ཆོས་བསྟན་པར་གསོལ་བ་འདེབས་ལགས་སོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ། །བཟང་སྐྱོང ། ཁྱོད་ལ་སེམས་ཅན་རྣམས་ཀྱིས་ཕན་བཏགས་སམ་ཅི་ན་གང་གི་ཕྱིར་ཁྱོད་སེམས་ཅན་རྣམས་ཀྱི་བྱང་ཆུབ་ཀྱི་ཕྱོགས་ཀྱི་ཆོས་ཡོངས་སུ་སྨིན་པར་བྱ་བའི་ཕྱིར་སེམས་ཅན་རྣམས་ཀྱི་དོན་དུ་གོ་ཆ་བགོས་ཤིང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལའང་ཆོས་བསྟན་པར་གསོལ་བ་འདེབས། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་འདི་སྐད་ཅེས་
43a
༄#། །གསོལ་ཏོ། །བཅོམ་ལྡན་འདས། བདག་ལ་སེམས་ཅན་དེ་དག་གིས་སྨན་བཏགས་པས་བདག་གིས་དེ་དག་ཀྱང་སངས་རྒྱས་ཀྱི་ཞིང་དག་ཏུ་དགོད་པར་བགྱི་བའམ། དེ་དག་གིས་གནོད་པ་བགྱིས་པས་དེ་དག་སངས་རྒྱས་ཀྱི་ཞིང་དག་ཏུ་དགོད་པར་མི་བགྱིའོ། །ཞེས་གནོད་པར་བགྱི་བའམ། ཕན་གདགས་པའི་སླད་དུ་སེམས་ཅན་རྣམས་ཀྱི་དོན་དུ་གོ་ཆ་དེ་བགོས་པ་མ་ལགས་ཏེ། བཅོམ་ལྡན་འདས། བྱང་ཆུབ་སེམས་དཔའ་རྣམས་དེ་ལྟ་བུའི་གོ་ཆ་མི་འཚལ་བའི་སླད་དུའོ། །བཅོམ་ལྡན་འདས། དཔེར་བགྱི་ན། ཡན་ལག་ཐམས་ཅད་ལས་མེ་ཏོག་ཀུན་ཏུ་རྒྱས་པའི་ཤིང་ཡོངས་འདུས་བརྟོལ་གྱིས་སུམ་ཅུ་རྩ་གསུམ་པའི་ལྷ་རྣམས་དགའ་བར་འགྱུར་བ་དང ། ཡན་ལག་ཐམས་ཅད་ལས་མེ་ཏོག་ཀུན་ཏུ་རྒྱས་པའི་ཤིང་ཡོངས་འདུ་ས་བརྟོལ་མཐོང་ནས། དེ་ལའང་སུམ་ཅུ་རྩ་གསུམ་པའི་ལྷ་རྣམས་མིའི་མ་ལགས་པའི་འདོད་པའི་ཡོན་ཏན་ལྔ་པོ་དག་གིས་རྩེ་ཞིང་དགའ་ལ་དགའ་མགུར་སྤྱོད་པར་བགྱིད་པར་གྱུར་ན། བཅོམ་ལྡན་འདས། འོ་ན་ཅི་སུམ་ཅུ་རྩ་གསུམ་པའི་ལྷ་རྣམས་ཀྱིས་ཡན་ལག་ཐམས་ཅད་ལས་མེ་ཏོག་ཀུན་ཏུ་རྒྱས་པའི་ཤིང་ཡོངས་འདུ་ས་བརྟོལ་ལ་གནོད་པར་བགྱིའམ། སྨན་གདགས་པར་བགྱིས་ལགས་སམ། གང་གི་སླད་དུ་ཡོངས་འདུ་ས་བརྟོལ་མཐོང་ནས་སུམ་ཅུ་རྩ་གསུམ་པའི་ལྷ་རྣམས་དགའ་བར་འགྱུར་ཞིང ། མིའི་
43b
མ་ལགས་པའི་འདོད་པའི་ཡོན་ཏན་ལྔ་པོ་དག་གིས་རྩེ་ཞིང་དགའ་ལ་དགའ་མགུར་སྤྱོད་པར་བགྱིད་ཅིང་ཡན་ལག་ཐམས་ཅད་ལས་མེ་ཏོག་ཀུན་ཏུ་རྒྱས་པའི་ཤིང་ཡོངས་འདུ་ས་བརྟོལ་དུ་རེག་ནས་སུམ་ཅུ་རྩ་གསུམ་པའི་ལྷ་རྣམས་དགའ་བར་འགྱུར། བཅོམ་ལྡན་འདས། སུམ་ཅུ་རྩ་གསུམ་པའི་ལྷ་རྣམས་ཀྱིས་ཡོངས་འདུ་ས་བརྟོལ་ལ་གནོད་པར་བགྱི་བའམ། སྨན་གདགས་པ་ཅིའང་མ་བགྱིས་ལགས་མོད་ཀྱི། འོན་ཀྱང་སུམ་ཅུ་རྩ་གསུམ་པའི་ལྷ་རྣམས་ཀྱིས་འདོད་པ་ལ་ལོངས་སྤྱོད་པར་བགྱི་བའི་སླད་དུ་ཡན་ལག་ཐམས་ཅད་ལས་མེ་ཏོག་ཀུན་ཏུ་རྒྱས་པའི་ཤིང་ཡོངས་འདུ་ས་བརྟོལ་གྱི་ཐད་དུ་མངོན་པར་མཆི་བར་འོས་པ་ལགས་པ་དེ་བཞིན་དུ། བཅོམ་ལྡན་འདས། བདག་ལ་སེམས་ཅན་རྣམས་ཀྱིས་གནོད་པར་བགྱི་བའམ། སྨན་གདགས་པ་མ་བགྱིས་ལགས་མོད་ཀྱི། འོན་ཀྱང་ཡེ་ཤེས་སངས་རྒྱས་ཀྱི་ཡེ་ཤེས་དེ་བསྒྲུབས་ཏེ་ཡན་ལག་ཐམས་ཅད་ལས་མེ་ཏོག་ཀུན་ཏུ་རྒྱས་པའི་ཤིང་ཡོངས་འདུ་ས་བརྟོལ་བཞིན་དུ་ཅི་ནས་ཀྱང་སེམས་ཅན་གྲངས་མ་མཆིས་དཔག་ཏུ་མ་མཆིས་པ་དེ་དག་མངོན་པར་མཆི་བའི་འོས་སུ་བགྱི་བའི་སླད་དུ་སེམས་ཅན་རྣམས་ཀྱི་དོན་དུ་དེ་ལྟ་བུའི་གོ་ཆ་འཚལ་ལགས་ཏེ། དེ་ལའང་སེམས་ཅན་རྣམས་དགའ་བ་མ་མཆིས་པའི་དེ་བཞིན་གཤེགས་པའི་དབང་པོ་ལྔ་པོ་དག་གིས་སུམ་ཅུ་རྩ་གསུམ་པའི་ལྷ་དག་བཞིན་དུ་རྩེ་ཞིང་དགའ་ལ་དགའ་མགུར་སྤྱོད་པར་བགྱིད་ལགས་སོ། །བཅོམ་ལྡན་འདས།
44a
༄#། །བདག་ཅག་གིས་གོ་ཆ་དེའང་སེམས་ཅན་ལས་དབེན་པར་བགྱི་བའི་སླད་དུ་བགོས་ལགས་ཀྱི། སེམས་ཅན་དམིགས་པར་བགྱི་བའི་སླད་དུ་མ་ལགས། བདག་ལས་དབེན་པར་བགྱི་བའི་སླད་དུ་བགོས་ལགས་ཀྱི། བདག་དམིགས་པར་བགྱི་བའི་སླད་དུ་མ་ལགས། ཆོས་ལས་དབེན་པར་བགྱི་བའི་སླད་དུ་བགོས་ལགས་ཀྱི། ཆོས་དམིགས་པར་བགྱི་བའི་སླད་དུ་མ་ལགས། ཕུང་པོ་ལས་དབེན་པར་བགྱི་བའི་སླད་དུ་བགོས་ལགས་ཀྱི། ཕུང་པོ་དམིགས་པར་བགྱི་བའི་སླད་དུ་མ་ལགས། ཁམས་ལས་དབེན་པར་བགྱི་བའི་སླད་དུ་བགོས་ལགས་ཀྱི། ཁམས་དམིགས་པར་བགྱི་བའི་སླད་དུ་མ་ལགས། སྐྱེ་མཆེད་ལས་དབེན་པར་བགྱི་བའི་སླད་དུ་བགོས་ལགས་ཀྱི། སྐྱེ་མཆེད་དམིགས་པར་བགྱི་བའི་སླད་དུ་མ་ལགས་ཏེ། འདི་ལྟ་སྟེ། དབེན་པའི་གོ་ཆ་དེ་ལྟ་བུའི་གོ་ཆ་དེ་བགོས་ལགས་སོ། །བཅོམ་ལྡན་འདས། གོ་ཆ་དེ་ནི། དབེན་པའི་གོ་ཆ་ལགས་ཏེ། དེ་ལ་ནི། གོ་ཆ་མ་མཆིས། གོ་ཆའི་འབྲས་བུ་མ་མཆིས་ཏེ།་གང་ཡང་ཐོབ་པར་བགྱི་བའི་སླད་དུ་མ་ལགས། དོར་བར་བགྱི་བའི་སླད་དུ་མ་ལགས་པ་དེ་ལྟ་བུའི་གོ་ཆ་དེ་བགོས་ལགས་སོ། །བདག་འདི་ནི། གོ་ཆའོ། །ཞེས་མོས་པར་མི་བགྱིད་ཅིང་གཡར་གྱིས་མི་ལེན་པ་དང ། གོ་ཆ་འདི་ནི། འདི་ལྟ་བུའོ། །ཞེས་གཡར་གྱིས་མི་ལེན་པ་དང ། ཚད་དེ་ལྟ་བུའོ། །ཞེས་གཡར་གྱིས་མི་ལེན་པ་དང ། གོ་ཆ་འདི་ནི། འདིའི་ཕྱིར་རོ། །ཞེས་
44b
གཡར་གྱིས་མི་ལེན་པ་དེ་ལྟ་བུའི་གོ་ཆ་དེ་བགོས་ལགས་སོ། །བཅོམ་ལྡན་འདས། གལ་ཏེ་གཡར་གྱིས་བླངས་ན་ནི། བདག་ཉེ་བར་བླངས་པར་འགྱུར་བ་ཞིག་ན། བཅོམ་ལྡན་འདས། བདག་ཉེ་བར་མི་ལེན་ལགས་ཏེ། དེ་ཉེ་བར་མི་ལེན་ཅིང་བྱང་ཆུབ་སེམས་དཔའ་ནི། བདག་གམ་བདག་མ་མཆིས་པ་ལ་མི་གནས་པའི་སླད་དུའོ། །བཅོམ་ལྡན་འདས། གལ་ཏེ་བདག་མ་མཆིས་པ་ལ་གནས་ན་ནི། བདག་ཁོ་ན་ལ་གནས་པར་འགྱུར་བ་ཞིག་ན། བཅོམ་ལྡན་འདས། ཆོས་ཐམས་ཅད་མི་གནས་པའི་སླད་དུའོ། །བཅོམ་ལྡན་འདས། འཇིག་རྟེན་དུ་གོ་ཆ་དེ་དེ་ལྟར་རབ་ཏུ་བསྒོམས་པ་ལགས་ཏེ། བཅོམ་ལྡན་འདས། ཇི་ལྟར་ཅིའང་མ་བསྒོམས་པ་དེ་ལྟར་རབ་ཏུ་བསྒོམས་པ་ལགས་པའི་སླད་དུའོ། །གཞན་ཡང་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་སོ་སོའི་སྐྱེ་བོའི་ཆོས་རྣམས་ཐག་རིང་ཞེས་བགྱི་བར་ཡང་དག་པར་རྗེས་སུ་མ་མཐོང་ཞིང ། སངས་རྒྱས་ཀྱི་ཆོས་རྣམས་ཐག་ཉེ་ཞེས་བགྱི་བར་ཡང་དག་པར་རྗེས་སུ་མ་མཐོང ། སློབ་པའི་ཆོས་རྣམས་ཐག་རིང་ཞེས་བགྱི་བར་ཡང་དག་པར་རྗེས་སུ་མ་མཐོང་ཞིང ། སངས་རྒྱས་ཀྱི་ཆོས་རྣམས་ཐག་ཉེ་ཞེས་བགྱི་བར་ཡང་དག་པར་རྗེས་སུ་མ་མཐོང ། སངས་རྒྱས་ཀྱི་ཆོས་དེ་དག་ཅེས་དེ་ལྟར་ཡང་ཡང་དག་པར་རྗེས་སུ་མ་མཐོང་ཞིང ། སངས་རྒྱས་ཀྱི་ཆོས་དེ་དག་དེ་བཞིན་ཞེས་ཡང་དག་
45a
༄#། །པར་རྗེས་སུ་མ་མཐོང་ལགས་ཏེ། བཅོམ་ལྡན་འདས། བདག་གིས་ཕན་ཡོན་ཅིའང་ཡང་དག་པར་རྗེས་སུ་མ་མཐོང་ཞིང་ཉེས་དམིགས་ཅིའང་ཡང་དག་པར་རྗེས་སུ་མ་མཐོང་བ་དེ་ལྟ་བུའི་གོ་ཆ་བགོས་ལགས་ཏེ། འཇིག་རྟེན་དུ་གོ་ཆ་དེ་དེ་ལྟར་རབ་ཏུ་བགོས་པ་ལགས་སོ། །དེ་ནས་བཟང་སྐྱོང་ལ་སོགས་པ་བྱང་ཆུབ་སེམས་དཔའ་ལྔ་བརྒྱས་བཅོམ་ལྡན་འདས་ལ་པདྨ་གང་དག་གཏོར་བ་དེ་དག་ཕྱོགས་བཅུའི་འཇིག་རྟེན་གྱི་ཁམས་དག་ཏུ་དོང་ནས་སངས་རྒྱས་བཅོམ་ལྡན་འདས་རྣམས་ཀྱི་སྟེང་དུ་ཆར་བབ་ཅིང་སེམས་ཅན་ཡོངས་སུ་སྨིན་པར་ཡང་བྱས་སོ། །བམ་པོ་གསུམ་པ། ཡང་དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་དེའི་ཕ་རོལ་གྱིའང་ཆེས་ཕ་རོལ་ན་འཇིག་རྟེན་གྱི་ཁམས་མཚན་གྱི་གཟི་བརྗིད་རྒྱལ་པོ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་མ་མེད་པའི་ང་རོ་ཞེས་བྱ་བ་བཞུགས་ཏེ།་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བ་འདི་ནི།་ངའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་
45b
ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་སྣང་བ་ཆེན་པོ་དེ་མཐོང་ཞིང་གསུང་བསལ་བའི་སྒྲ་དེའང་ཐོས་ཏེ། དེ་ཐོས་ནས་ཀྱང་དེ་བཞིན་གཤེགས་པ་མཚན་མ་མེད་པའི་ང་རོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འོད་གདའ་བ་འདི་དང ། གསུང་བསལ་བའི་སྒྲ་གྲག་པ་འདི་སུའི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ལ་འདི་སྐད་ཅེས་བཀའ་སྩལ་ཏོ། །སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ། སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་དེའི་ཕ་རོལ་གྱིའང་ཆེས་ཕ་རོལ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་བྱང་ཆུབ་སེམས་དཔའི་སྡེ་སྣོད་སེམས་ཅན་ཐམས་ཅད་ཡང་དག་པར་ཚིམ་པར་བྱེད་པ། སེམས་ཅན་ཐམས་ཅད་ཀྱི་ཐེ་ཚོམ་གཅོད་པ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ། འོད་དེ་དང ། གསུང་བསལ་བའི་སྒྲ་གྲག་པ་དེ་ནི། དེའི་ཡིན་ནོ། །སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་མཐའ་ཡས་ཤིང་དཔག་ཏུ་མེད་པ་དག་མཚམས་སུ་ལྷགས་སོ། །དེ་ནས་བཅོམ་ལྡན་འདས་
46a
༄#། །དེ་ལ་བྱང་ཆུབ་སེམས་དཔའ་དེས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་པའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བྱང་ཆུབ་སེམས་དཔའ་དེ་དག་ཀྱང་བལྟ་བར་བགྱིའོ། །དེ་ཅིའི་སླད་དུ་ཞེ་ན། སེམས་ཅན་དེ་ལྟ་བུ་དེ་དག་ཐོས་པར་ཡང་ཤིན་ཏུ་དཀའ་ལགས་ན། ལྟ་བ་ལྟ་སྨོས་ཀྱང་ཅི་འཚལ་ཞིང་བསྙེན་བཀུར་བགྱི་བ་ལྟ་སྨོས་ཀྱང་ཅི་འཚལ་བའི་སླད་དུའོ། །དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་མ་མེད་པའི་ང་རོས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། དེའི་དུས་ལ་བབ་པར་ཤེས་ན་སོང་ཞིག་།དེ་བཞིན་གཤེགས་པས་སྐབས་ཕྱེ་བས་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་སྟན་ལས་ལངས་ནས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ་བསྐོར་བའང་བྱས་ནས་སོང་སྟེ། བཅོམ་ལྡན་འདས་ཀྱིས་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ། ཁྱོད་ཀྱིས་པདྨ་འདི་དའི་ཚིག་གིས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་ཕུལ་ཅིག་ཅེས་དེའི་ལག་ཏུ་པདྨ་
46b
གཅིག་བྱིན་ནོ། །དེ་ནས་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་པདྨ་དེ་ལག་པས་བླངས་ནས་འཇིག་རྟེན་གྱི་ཁམས་མི་མཇེད་དུ་འོངས་སོ། །པདྨ་ཆེན་པོ་དེ་ལས་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་མ་མེད་པའི་ང་རོ་བྱང་ཆུབ་སེམས་དཔའི་སྤྱད་པ་སྤྱོད་པ་ན་འཁོར་ཁྱད་པར་དུ་འཕགས་པ་གང་དག་བྱུང་བར་གྱུར་པ་དེ་དག་ཐམས་ཅད་ཀུན་ཏུ་སྣང་སྟེ། སེམས་ཅན་དེ་དག་གིས་ལོངས་སྤྱད་པར་བྱ་བའི་ཕྱིར་པདྨ་ཆེན་པོ་དེ་ལྟ་བུ་དག་གིས་ཀྱང་འཇིག་རྟེན་གྱི་ཁམས་དེ་ཁྱབ་བོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་པདྨ་དེ་ཐོགས་ནས་འཇིག་རྟེན་གྱི་ཁམས་མི་མཇེད་དུ་སོན་ཏོ། །འཇིག་རྟེན་གྱི་ཁམས་མི་མཇེད་འདིར་དེ་ཕྱིན་ནས་དེ་ནས་དེ་མ་ཐག་ཏུ་དེ་ཉིད་ཀྱི་ཚེ་འཇིག་རྟེན་གྱི་ཁམས་མི་མཇེད་འདི་ན་ཤིང་ལྗོན་པའི་རྣམ་པའམ། འབྲས་བུའི་རྣམ་པའམ། མེ་ཏོག་གི་རྣམ་པའམ། ལོ་མའི་རྣམ་པ་ཇི་སྙེད་ཡོད་པ་དང ། ཐ་ན་སོར་བཞི་ཙམ་པ་དེ་ཐམས་ཅད་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་ལག་པ་ལས་ཀུན་ཏུ་སྣང་ངོ ། །འཇིག་རྟེན་གྱི་ཁམས་མི་མཇེད་འདི་ན་སེམས་ཅན་ཇི་སྙེད་ཡོད་པ་དེ་དག་གིས་རང་རང་གི་སྐད་དག་མངོན་པར་བརྗོད་དེ། དེ་དག་མངོན་པར་བརྗོད་པ་ན་མི་རྟག་པ་དང ། སྡུག་བསྔལ་པ་དང ། བདག་མེད་པའི་སྒྲ་གྲག་
47a
༄#། །ཅིང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པའི་སྒྲ་དག་ཀྱང་གྲག་གོ་།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། ། ལ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་རྫུ་འཕྲུལ་མངོན་པར་འདུ་མཛད་པ་ཆེན་པོ་འདི་ཀུན་ཏུ་གདའ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་རདྭ་ཏིའི་བུ། རྫུ་འཕྲུལ་མངོན་པར་འདུ་བྱེད་པ་འདི་ནི། དེ་བཞིན་གཤེགས་པའི་མ་ཡིན་ཏེ། ཤཱ་རདྭ་ཏིའི་བུ། རྫུ་འཕྲུལ་མངོན་པར་འདུ་བྱེད་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་ཡིན་ནོ། ཤཱ་རདྭ་ཏིའི་བུ། སངས་རྒྱས་ཀྱི་ཞིང་འདི་ནས་ཤར་ཕྱོགས་ཀྱི་ཕྱོགས་ཆར་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་མཚན་གྱི་གཟི་བརྗིད་ཀྱི་རྒྱལ་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་མ་མེད་པའི་ང་རོ་ཞེས་བྱ་བ་བཞུགས་ཏེ། འཚོ་ཞིང་གཞེས་པའི་འཇིག་རྟེན་གྱི་ཁམས་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་
47b
ལོ་བསྐོར་བ་ཞེས་བྱ་བ་འཇིག་རྟེན་གྱི་ཁམས་མི་མཇེད་འདིར་འོངས་ཏེ། བྱང་ཆུབ་སེམས་དཔའ་དེའི་སྔོན་གྱི་ལས་ཀྱི་རྣམ་པར་སྨིན་པས་འདི་སྣང་ངོ ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་དགེ་བའི་རྩ་བ་ཇི་སྙེད་ཅིག་བསགས་ཤིང་དགེ་བའི་རྩ་བ་གང་དག་བསགས་པས་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་རྣམ་པར་སྨིན་པ་ཡོངས་སུ་སྦྱང་བ་དེ་ལྟ་བུ་དེ་དག་ཀུན་ཏུ་གདའ་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ཁྱོད་ཀྱིས་དེ་བཞིན་གཤེགས་པ་ལ་དོན་དེ་དྲི་བར་སེམས་པ་ནི། ལེགས་སོ། །ལེགས་སོ། །ཤཱ་རདྭ་ཏིའི་བུ། དེ་བཞིན་གཤེགས་པའི་མཐུ་ཁོ་ནས་ཁྱོད་ཀྱི་སྤོབས་པ་དེའང་སྐྱེས་པ་ཡིན་ཏེ། ཤཱ་རདྭ་ཏིའི་བུ། དེའི་ཕྱིར་ཉོན་ཅིག་དང་ངས་ཁྱོད་ལ་བཤད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་སངས་རྒྱས་བཅོམ་ལྡན་འདས་བྱང་ཆུབ་མངོན་པར་རྫོགས་པར་སངས་རྒྱས་ཏེ་བྱང་ཆུབ་ཀྱི་སྙིང་པོ་དམ་པ་ན་བཞུགས་པ་ཇི་སྙེད་བྱུང་བ་ལ། སྔོན་ཐོག་མར་ཆོས་བསྐུལ་བ་བྱས་ཤིང་གསོལ་བ་བྱས་ཏེ། འདིས་སྔོན་བླ་ན་མེད་པ་ཡང་དག་པར་རྫོགས་པའི་
48a
༄#། །བྱང་ཆུབ་ཏུ་ཚོགས་ཀྱི་དགེ་བའི་རྩ་བ་དག་བསྐྱེད་དེ། དེ་དག་གི་ཐད་དུ་སོང་ནས་ཁ་ཅིག་ལ་ནི། ཚངས་པར་གྱུར་པས་བསྐུལ་བ་བྱས་ཤིང་གསོལ་བ་བཏབ་བོ། དེ་དག་གི་ཐད་དུ་སོང་ནས་ཁ་ཅིག་ལ་ནི། བརྒྱ་བྱིན་དུ་གྱུར་པ་དང ། ཁ་ཅིག་ལ་ནི། འཁོར་ལོས་བསྒྱུར་བར་གྱུར་པ་དང ། ཁ་ཅིག་ལ་ནི། རྒྱལ་པོ་དྲང་སྲོང་དུ་གྱུར་པས་བསྐུལ་བ་བྱས་ཤིང་གསོལ་བ་བཏབ་བོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། ང་ཐོག་མར་མངོན་པར་རྫོགས་པར་སངས་རྒྱས་ནས་ཚངས་པ་ཆེན་པོས་སེམས་ཅན་ལས་ཀྱི་སྒྲིབ་པ་ཆུང་ངུ་དང་ལྡན་པ་དག་མཆིས་ཏེ། ཆོས་མ་ཐོས་པ་དག་ལས་ཉམས་ཤིང་བཅོམ་ལྡན་འདས་ཀྱི་བཀའ་བཞིན་དུ་བགྱིད་པར་ཡང་འགྱུར་ན། བཅོམ་ལྡན་འདས། ཆོས་བསྟན་དུ་གསོལ།་བདེ་བར་གཤེགས་པ། ཆོས་བསྟན་དུ་གསོལ་ཞེས་ཆོས་ཀྱི་འཁོར་ལོ་རབ་ཏུ་བསྐོར་བའི་ཕྱིར་བསྐུལ་ཞིང་གསོལ་བ་བཏབ་པ་དེ་བཞིན་དུ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་སངས་རྒྱས་བཅོམ་ལྡན་འདས་ཇི་སྙེད་བྱུང་བ་ལ་བཅོམ་ལྡན་འདས། ཆོས་བསྟན་དུ་གསོལ། བཅོམ་ལྡན་འདས། ཆོས་ཀྱི་འཁོར་ལོ་བསྐོར་དུ་གསོལ་ཞེས་བསྐུལ་ཞིང་གསོལ་བ་བཏབ་བོ། །འདིས་དགེ་བའི་རྩ་བ་གང་དག་བསགས་པ་དེ་དག་ཆོས་ཀྱི་འཁོར་ལོ་བསྐོར་བར་གསོལ་བ་གདབ་པ་མ་གཏོགས་
48b
པར་གང་དུའང་ཡོངས་སུ་མ་བསྔོས་ཏེ། ཤཱ་རདྭ་ཏིའི་བུ། དེའི་ཕྱིར་དོན་དེ་རབ་ཏུ་གྲུབ་པར་བྱ་བའི་ཕྱིར་སྤྱོད་ལ་དཔེ་བྱ་སྟེ། ཤཱ་རདྭ་ཏིའི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ནི།་གང་ན་ཟླ་བ་ཐེར་འབུམ་དང ། ཉི་མ་ཐེར་འབུམ་རྒྱུ་ཞིང་གླིང་ཆེན་པོ་བཞི་པའི་འཁོར་རྒྱ་མཚོ་ཆེན་པོ་ཐེར་འབུམ་ཕྲག་བཞི་དང ། གླིང་བཞི་པ་ཐེར་འབུམ་ཕྲག་བཞི་དང ། གླིང་ཁྲག་ཁྲིག་ཕྲག་བདུན་ཅུ་དང ། འཁོར་རིའི་རྒྱལ་པོ་རི་རབ་ཐེར་འབུམ་དང ། ནང་གི་འཁོར་ཡུག་ཐེར་འབུམ་ཡོད་པ་སྟེ། ཤཱ་རདྭ་ཏིའི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ནི། ཡོངས་སུ་བརྟག་པ་བཟུང་ནས་འདི་ལྟ་སྟེ། དཔེར་ན། རྒྱ་མཚོ་ཆེན་པོ་དཔག་ཚད་བརྒྱད་ཁྲི་བཞི་སྟོང་དང་ལྡན་པ་བཞིན་དུ་འཕང་དུའང་དེ་ཙམ་དུ་གྱུར་ལ། ཤཱ་རདྭ་ཏིའི་བུ། དེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཡུངས་འབྲུས་གང་བར་གྱུར་ཏེ། དེ་ལ་སྟོབས་དར་ལྡན་ཞིང་མཐུ་དང་བརྩོན་འགྲུས་ཐོབ་པའི་མི་ལ་ལ་ཞིག་བྱུང་ལ། དེས་ཡུངས་འབྲུའི་ཕུང་པོ་ཆེན་པོ་དེ་ལས་སྦར་གང་བླངས་ནས་ཕྱོགས་བཞིར་གཏོར་ཏེ། དེའང་རླུང་གིས་མངོན་པར་དེད་ལ། གང་ཡུངས་འབྲུ་རེ་རེ་ནས་བླངས་ཏེ་འཇིག་རྟེན་གྱི་ཁམས་རེ་རེར་འཕངས་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། ཡུངས་ཀར་གྱི་འབྲུ་རེ་རེས་བཟུང་བའི་འཇིག་རྟེན་གྱི་ཁམས་དེ་དག་ཇི་སྙེད་དུ་འགྱུར། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་
49a
༄#། །རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། དཔག་ཏུ་མ་མཆིས་ལགས་སོ། །བདེ་བར་གཤེགས་པ། དཔག་ཏུ་མ་མཆིས་ལགས་སོ། ། བཀའ་སྩལ་པ། ཤཱ་རདྭ་ཏིའི་བུ། ཁྱོད་མོས་པར་བྱ། ཁོང་དུ་ཆུད་པར་བྱ་སྟེ། ཤཱ་ར་དྭ་ཏིའི་བུ། ཡུངས་འབྲུས་ཡོངས་སུ་ཟིན་པའི་འཇིག་རྟེན་གྱི་ཁམས་ཇི་སྙེད་ཡོད་པ་དེ་དག་ཐམས་ཅད་གྲོང་ཁྱེར་ཆེན་པོ་གཅིག་ཏུ་གྱུར་ལ། གྲོང་ཁྱེར་ཆེན་པོ་དེའི་ཆུ་ཞེང་དུ་ཇི་ཙམ་དུ་གྱུར་པར་འཕང་དུའང་དེ་ཙམ་དུ་གྱུར་ཏེ། དེའི་ར་བ་སྲ་ཞིང་བརྟན་ཏེ་མི་ཕྱེད་ལ་མི་ཤིགས་པ་དག་ཀྱང་དེ་ཙམ་དུ་གྱུར་ལ། ཤཱ་རདྭ་ཏིའི་བུ། གྲོང་ཁྱེར་ཆེན་པོ་དེའང་འདི་ལྟ་སྟེ། དཔེར་ན། འབྲུའི་སྣོད་བྱུར་བུར་གྱུར་པ་བཞིན་དུ་བྱེ་མས་གང་པར་གྱུར་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། བྱེ་མའི་ཕུང་པོ་དེ་དག་ཇི་ཙམ་དུ་འགྱུར། གསོལ་པ། བཅོམ་ལྡན་འདས། དཔག་ཏུ་མ་མཆིས་ལགས་སོ། །བདེ་བར་གཤེགས་པ། གྲངས་མ་མཆིས་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཁྱོད་མོས་པར་བྱ། ཁོང་དུ་ཆུད་པར་བྱ་སྟེ། རྩིས་མཁན་ནམ། རྩིས་མཁན་ཆེན་པོ་དག་གིས་བྱེ་མའི་ཕུང་པོ་དེ་དག་གི་ཚད་གཟུང་བར་ནི། ནུས་ཀྱང་སྲིད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་ཐོག་མ་མངོན་པར་རྫོགས་པར་སངས་རྒྱས་ཏེ་
49b
བྱང་ཆུབ་ཀྱི་སྙིང་པོ་དམ་པ་ན་བཞུགས་པ་གང་དག་མཉེས་པར་བྱས་ནས། བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་དུ་གསོལ་ཞེས་བསྐུལ་ཅིང་གསོལ་བ་བཏབ་པའི་དེ་བཞིན་གཤེགས་པ་དེ་དག་གི་ཚད་གཟུང་བར་ནི། མི་ནུས་སོ། །དེ་བས་ཆེས་མང་བའི་སངས་རྒྱས་བཅོམ་ལྡན་འདས་རྣམས་ལ་རིན་པོ་ཆེ་སྣ་བདུན་ལས་བྱས་པའི་ཆོས་ཀྱི་འཁོར་ལོ་དག་བྱས་ཏེ་ཕུལ་བ་དང ། དེ་བས་ཆེས་མང་བའི་སངས་རྒྱས་བཅོམ་ལྡན་འདས་རྣམས་ལ་མེ་ཏོག་གི་འཁོར་ལོ་དག་དང ། སྤོས་ཀྱི་འཁོར་ལོ་དག་ཕུལ་བའང་རེ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་མ་བསྔོས་ན། སངས་རྒྱས་བཅོམ་ལྡན་འདས་དག་ལ་གསེར་དངུལ་དང ། ཤིང་ལས་བྱས་པ་རྣམ་པ་སྣ་ཚོགས་ཀྱིས་ཤིན་ཏུ་བརྒྱན་པའི་འཁོར་ལོ་ཐམས་ཅད་གཞན་དག་ཕུལ་བ་ལྟ་ཅི་སྨོས་ཏེ། འདི་ལྟ་སྟེ། སངས་རྒྱས་བཅོམ་ལྡན་འདས་དག་ལ་དེ་དག་དབུལ་བ་ན་ཆོས་ཀྱི་འཁོར་ལོ་བསྐོར་བར་བྱ་བའི་ཕྱིར་དང ། ཡང་དང་ཡང་དུ་གསོལ་བ་གདབ་པའི་ཕྱིར་ཡོངས་སུ་བསྔོས་སོ། །དེའི་འོག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཀྱི་རྩལ་གྱིས་རྣམ་པར་གནོན་པའི་ཁྱུ་མཆོག་རྒྱལ་པོ་ཞེས་བྱ་བ་འཇིག་རྟེན་དུ་བྱུང་ངོ ། །དེའི་ཚེ་རྒྱལ་པོ་རྣམ་པར་བསྒྲགས་པའི་སྟོབས་ཀྱིས་འབར་བ་ཞེས་བྱ་བ་ཞིག་བྱུང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་མིའི་སྐྱེ་རྒུའི་འཁོར་ལོས་བསྒྱུར་
50a
༄#། །བས་དབང་ཕྱུག་ལ་དབང་བྱེད་དོ། །དེ་གང་གི་ཚེ་བཙུན་མོའི་འཁོར་ཏམ། སྐྱེད་མོས་ཚལ་ན་འདུག་པར་གྱུར་ཀྱང་རུང་སྟེ། འདོད་པའི་ཡོན་ཏན་དག་གིས་དགའ་བར་འདོད་དམ། རྩེ་བར་འདོད་དམ། དགའ་མགུར་སྤྱོད་པར་འདོད་ན། དེ་ལ་བཙུན་མོའི་འཁོར་དེ་གླུ་གར་དང ། རོལ་མོ་འདོད་པ་དང་ལྡན་པ་དག་བྱེད་ཅིང ། དེའི་ཚེ་དེས་མི་རྟག་པ་དང ། སྡུག་བསྔལ་བ་དང་བདག་མེད་པའི་སྒྲ་ཐོས་སོ། །དེའི་ཚེ་དེ་འདོད་པའི་ཡོན་ཏན་དག་ལས་ཡིད་བྱུང་བར་གྱུར་ཏེ། མ་ཆགས་པའི་ཡིད་དང ། སྐྲག་པའི་ཡིད་དང ། སྐྱོ་བའི་ཡིད་དང་ལྡན་པས་དེ་བཞིན་གཤེགས་པ་རབ་ཀྱི་རྩལ་གྱིས་རྣམ་པར་གནོན་པ་ག་ལ་བདེར་སོང་སྟེ་ཕྱིན་ནས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་པ་དང ། འོངས་པ་དེ་ལ་བཅོམ་ལྡན་འདས་དེས་སྔོན་གྱི་དགེ་བའི་རྩ་བ་གླེང་བ་མཛད་དེ། དེས་དེ་ཐོས་ནས་འདི་སྙམ་དུ་སེམས་ཏེ། དེ་བཞིན་གཤེགས་པ་དེ་ནི། འདི་ལྟར་སྒྲིབ་པ་མི་མངའ་བའི་ཡེ་ཤེས་གཟིགས་པ་དང་ལྡན་ཏེ། བཅོམ་ལྡན་འདས་དེ་ནི། དུས་དེ་སྲིད་འདས་ཀྱང་དགེ་བའི་རྩ་བ་དག་ཐུགས་སུ་ཆུད་ཀྱི། བདག་གིས་ནི། དེ་ལས་དགེ་བའི་རྩ་བ་གཅིག་ཀྱང་མི་ཤེས་སོ། །སྙམ་མོ། །འདི་ལྟ་སྟེ། སངས་རྒྱས་བཅོམ་ལྡན་འདས་དེ་སྙེད་ལ་འདོད་པའི་ཡོན་ཏན་གྱི་སྦག་པས་སྦགས་པ། རྒྱལ་སྲིད་ཀྱི་སྦག་པས་སྤགས་པ། དབང་ཕྱུག་གིས་སྤགས་པ་བདག་གིས་དགེ་བའི་རྩ་བ་དག་བྱས་ཤིང་བྱས་ནས་ཀྱང་
50b
མངོན་པར་མི་ཤེས་ལ། བྱང་ཆུབ་ཏུའང་ཡོངས་སུ་མ་བསྔོས་སུ་ཟིན་ཀྱང་གང་ད་ལྟར་བདག་དགེ་བའི་རྩ་བ་གང་ངེས་པར་མངོན་པར་འདུ་བྱེད་པ་དེ་སེམས་ཅན་ཐམས་ཅད་ཀྱི་དོན་དུ་ཡོངས་སུ་བསྔོ་བར་གྱུར་ཅིག་།གང་དང་གང་དུ་སོ་སོར་སྐྱེ་བ་དང ། གང་དང་གང་དུ་སྐྱེ་བ་དང ། སངས་རྒྱས་ཀྱི་ཞིང་གང་དང་གང་དུ་འགྲོ་བར་གྱུར་པ་ཐམས་ཅད་དུ་སེམས་ཅན་དེ་དག་ལ་རང་རང་གི་སྒྲ་མངོན་པར་བརྗོད་པས་སྒྲ་འབྱིན་པར་གྱུར་ཅིག་།དེ་ཐམས་ཅད་ཀྱང་སེམས་ཅན་རྣམས་ཀྱིས་མི་རྟག་པ་དང ། སྡུག་བསྔལ་བ་དང ། བདག་མེད་པའི་སྒྲ་ཐོས་པར་གྱུར་ཅིག་།འཇིག་རྟེན་གྱི་ཁམས་དེ་དག་ན་རྩཝ་དང ། ནགས་ཚལ་གང་དག་ཡོད་པ་དང ། ཐ་ན་སོར་བཞི་ཙམ་པ་དག་ཀྱང་རུང་སྟེ། ཐམས་ཅད་ལས་མི་རྟག་པ་དང ། སྡུག་བསྔལ་བ་དང ། བདག་མེད་པའི་སྒྲ་འབྱུང་བར་གྱུར་ཅིག་།སྒྲ་དེའང་སེམས་ཅན་ཐམས་ཅད་ཀྱིས་ཐོས་པར་གྱུར་ཅིག་།ཚོགས་ཀྱི་དགེ་བའི་རྩ་བ་དེ་ཐམས་ཅད་ཀྱང་འདི་ལྟ་སྟེ། དེ་བཞིན་གཤེགས་པ་རབ་ཀྱི་རྩལ་གྱིས་རྣམ་པར་གནོན་པའི་ཁྱུ་མཆོག་གི་ཡེ་ཤེས་ཇི་འདྲ་བ་དེ་ལྟ་བུའི་ཐེག་པ་ཆེན་པོ་ཐོབ་པར་བྱ་བའི་ཕྱིར་སེམས་ཅན་ཐམས་ཅད་དང་ཐུན་མོང་དུ་བྱའོ། །ཞེས་རྒྱལ་པོ་རྣམ་པར་བསྒྲགས་པའི་སྟོབས་ཀྱིས་འབར་བས་དེ་ལྟར་རིག་ནས་སྟན་ལངས་ཏེ་བཅོམ་ལྡན་འདས་དེའི་སྤྱན་སྔར་འདུག་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། གང་དུ་བདག་དབང་ཕྱུག་ལ་དབང་བགྱིད་པའི་རྣམ་པར་རྒྱལ་
51a
༄#། །བ་ན་བདག་གི་བདོག་པ་གང་ཅིའང་རུང ། དེ་ཐམས་ཅད་སངས་རྒྱས་ལ་སོགས་པ་འཕགས་པའི་དགེ་འདུན་གྱིས་ལོངས་སྤྱད་བའི་སླད་དུ་ཕུལ་ལགས་སོ། །ཕུལ་ནས་ཀྱང་འཁོར་ལོས་བསྒྱུར་བའི་རྒྱལ་པོ་རྣམ་པར་བསྒྲགས་པའི་སྟོབས་ཀྱིས་འབར་བ་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་རབ་ཏུ་བྱུང་བར་རིག་ནས་རྒྱལ་པོ་དེའི་དཔུང་གི་ཚོགས་ཡན་ལག་བཞི་པའང་རྗེས་སུ་རབ་ཏུ་བྱུང་ངོ ། །རབ་ཏུ་བྱུང་བར་རིག་ནས་རྒྱལ་པོའི་བཙུན་མོའི་འཁོར་ལས་ཁྲག་ཁྲིག་ཕྲག་བཞི་བཅུ་རབ་ཏུ་བྱུང་ངོ ། །དེ་དག་རབ་ཏུ་བྱུང་བར་རིག་ནས་གྲོང་མི་དང ། ཡུལ་མི་དག་ཀྱང་རྗེས་སུ་རབ་ཏུ་བྱུང་ངོ ། །ཤཱ་རདྭ་ཏིའི་བུ། མདོར་ན་ཁྲག་ཁྲིག་ཕྲག་བརྒྱད་ཅུ་རྗེས་སུ་རབ་ཏུ་བྱུང་སྟེ། དེ་དག་དེ་ལྟར་རབ་ཏུ་བྱུང་མ་ཐག་ཏུ་བརྩོན་འགྲུས་བརྩམས་པས་གནས་སོ། །དགེ་བའི་ཆོས་ཡོངས་སུ་ཚོལ་བ་ལ་མངོན་པར་བརྩོན་པས་དེ་དག་རིང་པོ་མ་ཐོགས་པ་ཉིད་དུ་མངོན་པར་ཤེས་པ་ལྔ་སྐྱེས་སོ། །དེ་དག་རང་གི་མངོན་པར་ཤེས་པ་དང ། རྫུ་འཕྲུལ་གྱི་སྟོབས་དང ། ལུས་དེ་ཉིད་དང ། སྐྱེ་བ་དེ་ཉིད་ཀྱིས་ཤར་ཕྱོགས་སུ་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་དག་ཏུ་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་དག་ལ་བཅོམ་ལྡན་འདས། ཆོས་བསྟན་དུ་གསོལ། བདེ་བར་གཤེགས་པ། ཆོས་བསྟན་དུ་གསོལ་ཞེས་ཆོས་ཀྱི་འཁོར་ལོ་བསྐོར་བར་བསྐུལ་ཅིང་གསོལ་བ་བཏབ་བོ། །དེ་
51b
བཞིན་དུ་ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་དང ། སྟེང་གི་ཕྱོགས་དང ། དེ་བཞིན་དུ་འོག་གི་ཕྱོགས་དང ། དེ་བཞིན་དུ་ཕྱོགས་མཚམས་རྣམས་སུ་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་དག་ཏུ་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་དག་ལ་བཅོམ་ལྡན་འདས། ཆོས་བསྟན་དུ་གསོལ། བདེ་བར་གཤེགས་པ། ཆོས་བསྟན་དུ་གསོལ་ཞེས་ཆོས་ཀྱི་འཁོར་ལོ་བསྐོར་བར་བསྐུལ་ཅིང་གསོལ་བ་བཏབ་བོ། །དེ་ཕྱིན་ཆད་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་བསྒྲགས་པའི་སྟོབས་ཀྱིས་འབར་བ་དེ་སངས་རྒྱས་ཀྱི་ཞིང་ཡོངས་སུ་མ་དག་པར་ནམ་ཡང་མ་སྐྱེས་ཤིང་མངལ་དུ་སྐྱེ་བ་ནམ་ཡང་ཡོངས་སུ་མ་བཟུང་ངོ ། །སངས་རྒྱས་ཀྱི་ཞིང་གང་དང་གང་དུ་སོང་བའི་སངས་རྒྱས་ཀྱི་ཞིང་དེ་ན་ཡལ་གའམ། འདབ་མའམ། ལོ་མའམ། ཤིང་ལྗོན་པའམ། ནགས་ཚལ་གང་དག་ཡོད་པ་དེ་དག་ཐམས་ཅད་ལས་མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པའི་སྒྲ་དག་གྲག་གོ་།འཇིག་རྟེན་གྱི་ཁམས་དེ་དག་ན་སེམས་ཅན་གང་དག་འཁོར་བ་དེ་དག་ཀྱང་དེའི་ཚེ་རང་རང་གི་སྒྲ་རབ་ཏུ་བརྗོད་དེ། ཕན་ཚུན་སྒྲ་ཐོས་ཤིང་མི་རྟག་པ་དང ། སྡུག་བསྔལ་བ་དང ། བདག་མེད་པའི་སྒྲ་ཐོས་སོ། ། ཤཱ་རདྭ་ཏིའི་བུ། དེའི་ཚེ་དེའི་དུས་ན་དེ་བཞིན་གཤེགས་པ་རབ་ཀྱི་རྩལ་གྱིས་རྣམ་པར་གནོན་པའི་ཁྱུ་མཆོག་རྒྱལ་པོ་དེ་ལས་སྔོན་གྱི་ཚོགས་ཀྱི་དགེ་བའི་རྩ་བ་ཐོས་ནས་ཁྱིམ་ནས་ཁྱིམ་མེད་པར་
52a
༄#། །རབ་ཏུ་བྱུང་སྟེ། དགེ་བའི་རྩ་བ་དེའང་སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་ཤིང་ལུས་ཐོབ་པ་དེས་ཀྱང་མངོན་པར་ཤེས་པ་རྣམས་སོ་སོར་ཐོབ་ལ། ཏིང་ངེ་འཛིན་གྱི་སྟོབས་བསྐྱེད་པས་ཀྱང་ཤར་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་སོང་ནས། སངས་རྒྱས་བཅོམ་ལྡན་འདས་བྱང་ཆུབ་ཀྱི་སྙིང་པོ་དམ་པ་ན་བཞུགས་པ་གངྒཱའི་ཀླུང་གི་བྱེ་མ་སྙེད་དག་ལ་ཆོས་ཀྱི་འཁོར་ལོ་བསྐོར་བར་བསྐུལ་ཅིང་གསོལ་བ་བཏབ་ལ། དེ་བཞིན་དུ་ཕྱོགས་བཅུ་ཐམས་ཅད་དུ་སོང་ནས་རྒྱས་པར་བྱས་པའི་འཁོར་ལོས་བསྒྱུར་བའི་རྒྱལ་པོ་རྣམ་པར་བསྒྲགས་པའི་སྟོབས་ཀྱིས་འབར་བ་ཞེས་བྱ་བ་དེ་གཞན་ཞིག་ཡིན་པ་སྙམ་དུ་སེམས་ན། ཤཱ་རདྭ་ཏིའི་བུ། ཁྱོད་ཀྱིས་དེ་ལྟར་བལྟ་བར་མི་བྱ་སྟེ། ཤཱ་རདྭ་ཏིའི་བུ། དེ་ནི། བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་འདི་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ག་ལ་བ་དང ། འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་
52b
ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་མཚན་མ་མེད་པའི་ང་རོ་བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་དེས་པདྨ་ཆེན་པོ་འདིའང་བསྐུར་བ་ལགས་ན། བཅོམ་ལྡན་འདས་བཞེས་སུ་གསོལ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ལས་པདྨ་ཆེན་པོ་དེ་བཞེས་ཏེ། བཞེས་ནས་ཀྱང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ཅི་སངས་རྒྱས་ཀྱི་ཞིང་དེ་ན་བཅོམ་ལྡན་འདས་དེ་བཞིན་གཤེགས་པ་མཚན་མ་མེད་པའི་ང་རོ་དེ་སྟོབས་དང་ལྡན་ནམ། སྙུན་མི་མངའ་འམ། འགྱུར་བ་མི་མངའ་འམ། བདེ་བར་རེག་པ་ལ་གནས་སམ། བཅོམ་ལྡན་འདས། དེ་བཞིན་གཤེགས་པ་མཚན་མ་མེད་པའི་ང་རོ་དེ་སྟོབས་དང་ལྡན་ཞིང་སྙུན་མི་མངའ་ལ་འགྱུར་བ་མི་མངའ་སྟེ། བདེ་བར་རེག་པ་ལ་གནས་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་སངས་རྒྱས་ཀྱི་ཞིང་དེར་ནི། འདི་ལྟ་སྟེ། གསུམ་ཡོངས་སུ་དག་པ་དང་ལྡན་པའི་སེམས་ཅན་ཡོངས་སུ་དག་པ་
53a
༄#། །དག་འདུས་ལགས་ཏེ། གསུམ་པོ་གང་ཞེ་ན། བདེན་པར་ཡོངས་སུ་བསྔོ་བའི་ཕྱིར་དགེ་བའི་རྩ་བ་ཡོངས་སུ་དག་པ་དང ། སྨོན་ལམ་གྱིས་ཚུལ་ཁྲིམས་ཚད་མ་མཆིས་པ་ཡོངས་སུ་དག་པ་དང ། ཆོས་ཐམས་ཅད་མི་དམིགས་པའི་ལྷག་མཐོང་གིས་ཡོངས་སུ་བསྔོ་བའི་ཕྱིར་ལྟ་བ་ཚད་མ་མཆིས་པ་ཡོངས་སུ་དག་པའོ། །བཅོམ་ལྡན་འདས་།སངས་རྒྱས་ཀྱི་ཞིང་དེ་ན་ཚུལ་ཁྲིམས་ཉམས་པའམ། ལྟ་བ་ཉམས་པའམ། ཆོ་ག་ཉམས་པའི་སེམས་ཅན་གང་ཡང་མ་མཆིས་ལགས་སོ། །བཅོམ་ལྡན་འདས། སངས་རྒྱས་ཀྱི་ཞིང་དེ་ན་ཉམས་པ་གསུམ་པོ་དག་གི་མིང་ཡང་མི་གདའ་ལགས་སོ། །བཅོམ་ལྡན་འདས། འཇིག་རྟེན་གྱི་ཁམས་དེ་ལས་བརྩམས་ན་མི་མཇེད་ཀྱི་འཇིག་རྟེན་གྱི་ཁམས་འདི་ནི། དགུ་མ་པའི་རིབ་མ་དང་འདྲ་སྟེ། གཅིག་ལ་གཅིག་འགུམས་པར་བགྱིད་པ་ལགས་ཀྱི། བཅོམ་ལྡན་འདས། ཚུར་གཤེགས། འཇིག་རྟེན་གྱི་ཁམས་དེར་གཤེགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱིས་འཁོར་ལོ་བསྐོར་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། འཇིག་རྟེན་གྱི་ཁམས་དེར་ཅི་ཞིག་བྱ་སྟེ། འཇིག་རྟེན་གྱི་ཁམས་མི་མཇེད་འདི་ཉིད་དུ་སེམས་ཅན་རྣམས་ལ་ཆོས་བསྟན་པས་ཆོག་གོ་།བཅོམ་ལྡན་འདས་ལ་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་
53b
ཀྱི་འཁོར་ལོ་བསྐོར་བས་ལན་གཉིས་སུའང་འདི་སྐད་ཅེས་གསོལ་ཏོ། །བཅོམ་ལྡན་འདས། ཚུར་གཤེགས། འཇིག་རྟེན་གྱི་ཁམས་དེར་གཤེགས་སོ། །འཇིག་རྟེན་གྱི་ཁམས་དེར་གལ་ཏེ་བཅོམ་ལྡན་འདས་མི་གཤེགས་ན་ནི། བདག་གིས་རང་གི་རྫུ་འཕྲུལ་གྱི་སྟོབས་དང ། སེམས་ཀྱི་སྨོན་ལམ་གྱི་མཐུས་འཇིག་རྟེན་གྱི་ཁམས་འདི་སུག་པར་བཞག་སྟེ། ནམ་མཁའ་ལས་འཇིག་རྟེན་གྱི་ཁམས་དེར་གཞག་པར་བགྱིའོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་མཐུ་ཡང་དག་པར་བསྟན་པའི་ཕྱིར་དང ། སེམས་ཅན་རྣམས་ཀྱི་དགེ་བའི་རྩ་བ་ཡང་དག་པར་བསྐྱེད་པའི་ཕྱིར་དང ། ཡིད་དང་བར་བྱ་བའི་ཕྱིར་བཏང་སྙོམས་སུ་མཛད་དོ། །དེ་ནས་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལྟ་སྟེ། དཔེར་ན། རྫ་མཁན་ནམ། རྫ་མཁན་གྱི་སློབ་མ་མཁས་པ་ཞིག་གིས་རྫ་མཁན་གྱི་འཕང་ལོ་ལ་དབྱུག་གུས་བཙུགས་པ་འཁོར་བར་བྱེད་ཅིང ། མིག་ཀྱང་སྦྲིད་པར་བྱེད་པ་དེ་བཞིན་དུ་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཡོངས་སུ་བསྒྱུར་ནས་མངོན་པར་བཏེག་གོ་།དེ་ནས་འཇིག་རྟེན་གྱི་ཁམས་དེ་མངོན་པར་བཏེག་ཅིང་ཀུན་ཏུ་འཁྲུགས་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་
54a
༄#། །ལྡན་འདས། འཇིག་རྟེན་གྱི་ཁམས་འདི་ཁྲིད་ལགས་སོ། །བདེ་བར་གཤེགས་པ། འཇིག་རྟེན་གྱི་ཁམས་འདི་ཁྲིད་ལགས་སོ། །དེ་ནས་བཅོམ་ལྡན་འདས་ཀྱི་རྣར་སྙན་པ་དང ། སྙན་ཅིང་འཇེབས་པ་དང ། དགའ་བར་བྱེད་པ་དང ། མཉན་པར་འོས་པ་དང ། ཡིད་དུ་འོང་བ་དང ། ཕོ་བྲང་འཁོར་སྐྱོང་གི་སྐད་དང ། སྐྱེ་བོ་མང་པོ་དགའ་བ་དང ། ཟབ་པ་དང ། མ་ཚང་བ་མེད་པ་དང ། ཤིན་ཏུ་རྣམ་པར་རིག་པར་བྱེད་པ་ཡེ་ཤེས་ཀྱི་རྗེས་སུ་འཇུག་པའི་ཚིག་གིས་ཚེ་དང་ལྡན་པ་ཤཱ་རདྭ་ཏིའི་བུ་ལ་བཀའ་སྩལ་པ། ཤཱ་རདྭ་ཏིའི་བུ། འདི་ལ་དབང་མེད་དོ། །ཞེས་དེ་སྐད་ཅེས་བཀའ་སྩལ་ནས་བཅོམ་ལྡན་འདས་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གོ་བར་མཛད་དོ། །དེ་ལྟར་དེའི་ཚེ་སེམས་ཅན་གང་དག་འཇིག་ཚོགས་ལ་ལྟ་བ་ལ་ཀུན་ཏུ་ཆགས་པ་དང ། འཇིག་ཚོགས་ལ་ལྟ་བ་ལ་གནས་པ་དང ། འཇིག་ཚོགས་ལ་བརྟེན་པ་དེ་དག་ཐམས་ཅད་དེའི་ཚེ་སྐྱོ་བར་གྱུར་ཅིང་སྐྱོ་བ་ཐོབ་བོ། །དེ་ལྟར་འཁོར་བཞི་པོ་དག་གིས་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱང་ཆུབ་སེམས་དཔས་ཡོངས་སུ་བསྐོར་ཅིང་ཆོས་སྟོན་པ་འཁོར་ལོས་བསྒྱུར་བའི་རྒྱལ་པོ་བཞིན་དུ་ཆོས་ཀྱི་གདན་ལ་བཞུགས་ཤིང་ཆོས་སྟོན་པ། མི་མཇེད་ཀྱི་བདག་པོ་ཚངས་པ་བཞིན་དུ་ཚངས་པས་ཡོངས་སུ་བསྐོར་ཏེ་ཚངས་པའི་གདན་ལ་བཞུགས་ཤིང་ཆོས་སྟོན་
54b
པ་མཐོང་ངོ ། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བས་སངས་རྒྱས་ཀྱི་ཞིང་གཞན་ཡང་ཡང་དག་པར་བསྟན་པ་བྱས་སོ།། དེ་ནས་བཅོམ་ལྡན་འདས་ཀྱིས་ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་པས་རླུང་གི་དཀྱིལ་འཁོར་ཆེན་པོ་མངོན་པར་སྤྲུལ་བ་མཛད་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །ཅི་ནས་སངས་རྒྱས་ཀྱི་ཞིང་དེ་དག་ཕན་ཚུན་ཐུག་པར་མཛད་དོ། །འཇིག་རྟེན་གྱི་ཁམས་དེ་དག་ཀྱང་ཁོང་སྟོང་དུ་གྱུར་ཅིང་བུ་ག་བྱུང་བར་གྱུར་ཏེ། སོ་སོར་ཞིག་ཅིང་རབ་ཏུ་རྣམ་པར་ཞིག་གོ་།དེ་ལྟར་དེའི་ཚེ་དེ་བཞིན་གཤེགས་པའི་ཆོ་འཕྲུལ་ཆེན་པོ་དེ་ལྟ་བུ་དེ་ཡང་དག་པར་བསྟན་པ་ན་འཇིག་རྟེན་གྱི་ཁམས་འདི་ན་གང་དག་ལྟ་བའི་འདུ་ཤེས་ཅན།་རྟག་པ་དང་ཐེར་ཟུག་གི་འདུ་ཤེས་ཅན་ཚངས་པའམ། ཚངས་པ་ཆེན་པོ་དེ་དག་ནི། རང་རང་གི་ཚངས་པའི་གནས་ཞིག་ཅིང ། རབ་ཏུ་རྣམ་པར་ཞིག་ལ་འདི་ལྟ་སྟེ། དཔེར་ན། ཆུའི་ཕུང་པོ་ཆེན་པོས་དབུ་བ་རྡོས་པ་ཆེན་པོ་བསྐྱེད་ན་མངོན་པར་འཇིག་པ་དང ། རླུང་གི་ཕུང་པོ་ཆེན་པོས་གཏོར་ན་རྡུལ་དུ་འགྱུར་ཞིང་རབ་ཏུ་འཇིག་པ་དེ་བཞིན་དུ་ཚངས་པ་དེ་དག་རང་རང་གི་གནས་སུ་དོང་ནས་རྡུལ་དུ་འགྱུར་ཞིང་འཇིག་པ་དག་མཐོང་ངོ ། །མཐོང་ནས་ཀྱང་ཤས་ཆེར་སྐྱོ་བར་གྱུར་ཏེ། དེ་དག་སྐྱོ་བར་གྱུར་ནས་བཅོམ་ལྡན་འདས་ཉག་གཅིག་ལ་ཕྱག་འཚལ་ཞིང་འཁོད་དོ། །
55a
༄#། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ངས་སྔོན་ཡང་བསྟན་པ་ཡིན་ལ། དའང་བསྟན་པར་བྱ་སྟེ། ཤཱ་རདྭ་ཏིའི་བུ། ཀྱེ་མ་འཇིག་རྟེན་གནས་པ་འདི། །ཡོངས་སུ་སྦབ་པས་ཡོངས་སུ་སྦགས་པའོ། །ཤཱ་རདྭ་ཏིའི་བུ། ཀྱེ་མ་འཇིག་རྟེན་གནས་པ་འདི་ནི། སྙིང་པོ་མེད་པ་ཉིད་ཀྱི་ཕྱིར་དང ། སྒྱུ་མ་ལྟ་བུའི་ཕྱིར་དབུ་བ་རྡོས་པ་ལྟ་བུར་གཟུང་དུ་མེད་པའོ། །ཤཱ་རདྭ་ཏིའི་བུ། ཀྱེ་མ་འཇིག་རྟེན་གནས་པ་འདི་ནི། ཕྱིན་ཅི་ལོག་ཏུ་ཀུན་བརྟགས་པའི་ཕྱིར་སྒྱུ་མ་ལྟ་བུའོ།། ཤཱ་རདྭ་ཏིའི་བུ། ཀྱེ་མ་འཇིག་རྟེན་གནས་པ་འདི་ནི། ནམ་མཁའ་ལ་ཀུན་ཏུ་རྒྱུག་པའི་ཀུན་ཏུ་རྟོགས་པས་ཡོངས་སུ་བཅད་པའི་ཕྱིར་སྨིག་རྒྱུ་ལྟ་བུའོ། །ཤཱ་རདྭ་ཏིའི་བུ། ཀྱེ་མ་འཇིག་རྟེན་གནས་པ་འདི་ནི། དངོས་པོར་གཟུང་དུ་མེད་པའི་ཕྱིར་མིག་ཡོར་ལྟ་བུའོ། །ཤཱ་རདྭ་ཏིའི་བུ། ཀྱཻ་མ་འཇིག་རྟེན་གནས་པ་འདི་ནི། ནམ་མཁའི་ཀུན་ཏུ་རྟོག་པའི་ལས་ཀྱིས་ཀུན་ནས་བསླད་པའི་ཕྱིར་བྲག་ཅ་ལྟ་བུའོ། །ཤཱ་རདྭ་ཏིའི་བུ། འཇིག་རྟེན་གནས་པ་འདི་ཇི་ལྟ་བ་བཞིན་དུ། ཤཱ་རདྭ་ཏིའི་བུ། འཇིག་རྟེན་གནས་པ་འདི་ཕྱིན་ཅི་ལོག་ཏུ་དེ་བཞིན་གཤེགས་པས་མངོན་པར་རྫོགས་པར་སངས་རྒྱས་སོ། །ཤཱ་རདྭ་ཏིའི་བུ། ཀྱཻ་མ་འཇིག་རྟེན་གནས་པ་འདི་ནི། གསོག་ཡིན་ཏེ། ཀྱེ་མ་འཇིག་རྟེན་གནས་པ་འདི་ནི། ཆགས་པ་མེད་པར་དེ་བཞིན་གཤེགས་པས་མངོན་པར་
55b
རྫོགས་པར་སངས་རྒྱས་སོ། །ཤཱ་རདྭ་ཏིའི་བུ། འཇིག་རྟེན་འདི་ནི། རོ་མྱང་པ་མེད་པ་དང ། །ཉེས་དམིགས་དང ། ངེས་པར་འབྱུང་བ་མེད་པའི་བར་དུ་ཡང་དག་པ་ཇི་ལྟ་བ་བཞིན་དུ་ངས་མངོན་པར་མཁྱེན་ཏེ། དེ་ལྟར་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བདག་ཉིད་མངོན་པར་མཁྱེན་ཏོ། །ཤཱ་རདྭ་ཏིའི་བུ། ངས་འཇིག་རྟེན་འདི་ཇི་ལྟ་བ་བཞིན་དུ་མངོན་པར་མཁྱེན་པ་དེ་བཞིན་དུ་འཇིག་རྟེན་ཀུན་འབྱུང་བ་དང ། འཇིག་རྟེན་འགོག་པར་འགྱུར་བའི་ལམ་ཡང་མངོན་པར་མཁྱེན་ཏེ། ཤཱ་རདྭ་ཏིའི་བུ། ད་ལྟར་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བདག་ཉིད་མངོན་པར་མཁྱེན་ཏོ། །ཤཱ་རདྭ་ཏིའི་བུ། དེ་ལ་འཇིག་རྟེན་གང་ཞེ་ན། ཤཱ་རདྭ་ཏིའི་བུ། འཇིག་རྟེན་ཞེས་བྱ་བ་ནི། ཕུང་པོ་ལྔ་དག་གོ། ལྔ་གང་ཞེ་ན། གཟུགས་ཀྱི་ཕུང་པོ་དང ། ཚོར་བའི་ཕུང་པོ་དང ། འདུ་ཤེས་ཀྱི་ཕུང་པོ་དང ། འདུ་བྱེད་ཀྱི་ཕུང་པོ་དང ། རྣམ་པར་ཤེས་པའི་ཕུང་པོའོ། །ཤཱ་རདྭ་ཏིའི་བུ། དེ་ལ་གཟུགས་ཀྱི་ཕུང་པོ་གང་ཞེ་ན། ཤཱ་རདྭ་ཏིའི་བུ། གཟུགས་ཀྱི་ཕུང་པོ་ནི། དེ་བཞིན་གཤེགས་པས་འདས་པ་དང ། མ་འོངས་པ་དང ། ད་ལྟར་བྱུང་བ་སྤངས་པ་སྟེ། དེ་ལ་ངས་འདས་པ་དང ། མ་འོངས་པ་དང ། ད་ལྟར་བྱུང་བའི་གཟུགས་ཀྱི་ཕུང་པོ་གང་སྤངས་པ་དེ་ནི། སེམས་ཅན་རྣམས་གང་འདས་པ་དང ། གང་མ་འོངས་པ་དང ། གང་ད་ལྟར་བྱུང་བ་
56a
༄#། །དེ་ཐམས་ཅད་ནི། གཟུགས་ཀྱི་ཕུང་པོ་མ་ཡིན་ནོ། །ཞེས་དེ་སྐད་ཅེས་སྨྲ་བར་གྱུར་ན་མི་རུང་སྟེ། ཤཱ་རདྭ་ཏིའི་བུ། དེ་ལ་དེ་བཞིན་གཤེགས་པ་ནི། ནང་ངམ། ཕྱི་རོལ་ལམ་།ཆེན་པོའམ། ཆུང་དུའམ། བཟང་པོའམ། ངན་པའམ། གང་དག་རྒྱང་རིང་བའམ། གང་དག་ཐག་ཉེ་བ་དུས་གསུམ་དུ་བསྡུས་པ་དེ་དག་ཐམས་ཅད་ནི། གཟུགས་ཀྱི་ཕུང་པོ་སྟེ།་མཚན་ཉིད་མེད་དོ། །ཞེས་བསྟན་ཏོ། །དཔེར་ན། ནམ་མཁའི་ཕུང་པོ་ནི། རླུང་གི་རྣམ་པ་དང ། ཆུའི་རྣམ་པ་དང ། མེའི་རྣམ་པ་དང ། སའི་རྣམ་པ་ཡིན་པ་དེ་བཞིན་དུ་གཟུགས་ཀྱི་ཕུང་པོ་དང ། ཚོར་བའི་ཕུང་པོ་དང ། འདུ་ཤེས་ཀྱི་ཕུང་པོ་དང ། འདུ་བྱེད་ཀྱི་ཕུང་པོ་དང ། རྣམ་པར་ཤེས་པའི་ཕུང་པོར་བརྗོད་པར་བྱའོ། །ཤཱ་རདྭ་ཏིའི་བུ། ཅིའི་ཕྱིར་འདི་སྐད་ཅེས་གཟུགས་ཀྱི་ཕུང་པོ་ཞེས་བྱ་ཞེ་ན། ཤཱ་རདྭ་ཏིའི་བུ། བྱིས་པ་སོ་སོའི་སྐྱེ་བོ་རྣམས་ནི། མུན་པར་གྱུར་པ་སྟེ། དེ་དག་ལུས་ལ་གཟུགས་ཀྱི་མཚན་ཉིད་ཇི་ལྟ་བ་བཞིན་དང ། ཇི་སྙེད་པ་རབ་ཏུ་མི་ཤེས་པས་བདག་གཟུགས་ཡིན་ནོ། །གཟུགས་བདག་གི་ཡིན་ནོ། །ཞེས་རྣམ་པར་རྟོག་པར་བྱེད་ལ། བདག་གོ་།ཞེས་ཀྱང་ཀུན་ཏུ་ཤེས་ཤིང་གནས་པར་བྱེད་དེ། དེ་དག་དེ་ལྟར་ཀུན་ཏུ་ཤེས་ཤིང་གནས་པར་བྱེད་ལ། རློམ་སེམས་སུ་བྱེད་པས་དངོས་པོ་དེ་ལ་ཡོངས་སུ་སྲེད་པ་སྐྱེད་པར་བྱེད་དེ། ཤཱ་རདྭ་ཏིའི་བུ། དངོས་པོའི་ཚུལ་ཤེས་པ་དེ་
56b
ནི།་དེ་ལྟ་མ་ཡིན་ནོ། །དེ་དག་ནི། དེ་ལྟར་མིག་དང་གཟུགས་དངོས་པོ་མེད་དོ། །ཞེས་ཤེས་པ་མི་སྐྱེད་དེ། དེ་ལྟར་མེད་པའི་ཆོས་རྣམས་ཡོངས་སུ་བཟུང་ནས་བྱིས་པ་རྣམ་རྟོག་པ་སྐྱེད་པར་བྱེད་དོ། །རྟོག་པ་སྐྱེས་པའི་བྱིས་པ་དེ་དག་ནི། དངོས་པོ་དེ་ལ་འཇུག་པར་འགྱུར་ཞིང ། དེ་དག་གི་ཉེས་པའི་ཁམས་དག་ཀྱང་སྐྱེ་བར་འགྱུར་རོ། །དེ་ལྟར་དངོས་པོ་མེད་པའི་སྤྱོད་ཡུལ་བ། ཁ་དོག་དང་བྲལ་བའི་སྤྱོད་ཡུལ་བ། ཁ་དོག་མེད་པའི་སྤྱོད་ཡུལ་བ་དེ་དག་ནི། ཤས་ཆེར་རྨོངས་པར་འགྱུར་རོ། །རྨོངས་པ་དེ་དག་ནི། ཞིང་ལས་བྱེད་པར་འགྱུར་ཞིང ། མཚོན་ཆ་སྣ་ཚོགས་ཀྱིས་འདེབས་པ་ལྷུར་ལེན་པར་འགྱུར་རོ། །དེ་དག་གི་མངོན་པར་འདུ་བྱེད་པ་དེ་ནི། རྨོངས་པ་ཡིན་ནོ། །དེ་ལ་དེ་བཞིན་གཤེགས་པས་ནི། དངོས་པོ་མཉམ་པ་ཉིད་ཀྱིས་ལྟ་བ་མཉམ་པ་ཉིད་རྗེས་སུ་སངས་རྒྱས་ཤིང ། དེ་རྗེས་སུ་སངས་རྒྱས་པས་ཡང་དག་པའི་ལྟ་བ་འདོགས་པར་མངོན་པར་མཛད་དེ། ལྟ་བ་དེ་ནི། མཉམ་པ་ཡིན་པས་དེས་ན། ཡང་དག་པའི་ལྟ་བ་ཞེས་བྱའོ། །ཡང་དག་པར་བརྩོན་པ་རྣམས་དང ། ཡང་དག་པར་རྣམ་པར་གྲོལ་བ་རྣམས་ཀྱི་ལྟ་བ་དེ་ནི། ཡང་དག་པར་ཞུགས་པ་ཡིན་པས་དེས་ན། ཡང་དག་པའི་ལྟ་བ་ཞེས་བྱའོ། །ཤཱ་རདྭ་ཏིའི་བུ། ངས་ཡང་དག་པའི་ལྟ་བ་གང་བཤད་པ་དེ་ནི། སྒྲས་བསྟན་པར་མི་ནུས་ཏེ། བསྟན་པར་བཟོད་པ་དཀའ་བ་ཡིན། ཤཱ་རདྭ་ཏིའི་བུ། དེ་ལ་སྒྲུབས་ཤིག་དང ། བསྒྲུབས་ན་ཁྱེད་ཅག་ཀྱང་མུན་པ་མེད་པར་འགྱུར་རོ། །
57a
༄#། །ཤཱ་རདྭ་ཏིའི་བུ། ཆོས་ཀྱི་ཕུང་པོ་འདི་ནི། འཁོར་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་དང་ལྡན་པ་ཞེས་བྱའོ། །འདི་ནི། འདུས་བྱས་དང ། འདུས་མ་བྱས་ཀྱི་ཆོས་ཐམས་ཅད་ཀྱི་སྒོ་ཡིན་ཏེ། ཆོས་ཀྱི་ཚུལ་ཡང་དེ་ཡིན་ནོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་ཕུང་པོ་བསྟན་པ་འདི་བཤད་པ་ན་ཁྲག་ཁྲིག་ཕྲག་བདུན་ཅུ་རྩ་བདུན་ནི། ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ་།འདོད་པ་ན་སྤྱོད་པའི་ལྷ་ཁྲག་ཁྲིག་ཀྱང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ་།མིའི་སྐྱེ་རྒུའི་སེམས་ཅན་དཔག་ཏུ་མེད་པ་དག་ཀྱང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ ། ཛམྦུའི་གླིང་པ་བྱེ་བ་བརྒྱ་ཕྲག་ཇི་སྙེད་ཡོད་པ་དང ། དེ་དག་གི་ནང་ན་བྱང་ཆུབ་སེམས་དཔའ་གང་དག་གནས་པ་དེ་དག་ནི། མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །སེམས་ཅན་དཔག་ཏུ་མེད་པ་དག་གིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་མཛད་པ་དེ་ཕྱིར་བསྡུ་བ་མཛད་དོ། །དེ་ནས་འཁོར་བཞི་པོ་དང ། ཚངས་པའི་འཁོར་དེ་དང ། འདོད་པ་ན་སྤྱོད་པའི་ལྷའི་འཁོར་དང ། གཞན་ཡང་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་
57b
མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དག་གིས་ཀྱང་འཇིག་རྟེན་གྱི་ཁམས་ཇི་ལྟར་གནས་པ་བཞིན་དུ་མཐོང་ངོ ། །དེ་ནས་དེའི་ཚེ་ཚེ་དང་ལྡན་པ་མཽངྒལ་གྱི་བུ་ཆེན་པོ་སྟན་ལས་ལངས་ཏེ་ཆོས་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ངས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལེགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཇི་ཙམ་དུ་ཤིན་ཏུ་རྫུ་འཕྲུལ་ཆེན་པོ་དང་ལྡན་པ་ནི། ངོ་མཚར་ལགས་སོ། །བཅོམ་ལྡན་འདས། འཇིག་རྟེན་གྱི་ཁམས་འདི་དང ། བཅོམ་ལྡན་འདས་ཀྱང་མངོན་པར་བཏེག་ནས་འཇིག་རྟེན་གཞན་དུ་བཞག་ལགས་ཀྱང ། དེའི་ཚེ་བདག་གིས་མཚན་མའང་མ་འཚལ་ཅིང ། རྫུ་འཕྲུལ་གྱི་མིང་ཡང་མི་དྲན་ལགས་ན། རྫུ་འཕྲུལ་མངོན་པར་འགྲུབ་པ་ལྟ་སྨོས་ཀྱང་ཅི་འཚལ། བཅོམ་ལྡན་འདས། བདག་ནི། འདི་སྙམ་དུ་སེམས་ལགས་ཏེ། ཨ་ལ་ལ་བྱང་ཆུབ་སེམས་དཔའ་དེ་རྫུ་འཕྲུལ་ཆེན་པོ་དང་ལྡན་པ་ནི། ངོ་མཚར་རོ། །སྙམ་ལགས་སོ། །བཅོམ་ལྡན་འདས་བདག་གིས་དུས་འགྱུར་བའང་གློ་བར་མ་ཆུད་ཅིང་བདག་ཅག་ཡུན་ཇི་སྲིད་ནས་དྲངས་པའམ། ཡུན་ཇི་སྲིད་ནས་ཁྲིད་པའང་སྐད་ཅིག་གཅིག་དང ། ཐང་གཅིག་གཅིག་ཙམ་ཡང་གློ་བར་མ་ཚུད་ལ། ཡུད་ཙམ་གཅིག་
58a
༄#། །ཀྱང་རྗེས་སུ་མི་དྲན་ལགས་ཀྱང་བདག་ནི། འདི་སྙམ་དུ་སེམས་ལགས་ཏེ། རེ་ཞིག་བྱང་ཆུབ་སེམས་དཔའི་རྫུ་འཕྲུལ་དེའང་དེ་ལྟ་བུ་ལགས་ན། དེ་བཞིན་གཤེགས་པས་ལྟ་སྨོས་ཅི་འཚལ་སྙམ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་མཽངྒལ་གྱི་བུ་ལ་བཀའ་སྩལ་པ། མཽངྒལ་གྱི་བུ། ཁྱོད་འཇིག་རྟེན་གྱི་ཁམས་འདི་དྲངས་ཤིང་ཀུན་ཏུ་དྲངས་པའམ། དེ་བཞིན་གཤེགས་པ་ཁྲིད་ཅིང་ཀུན་ཏུ་ཁྲིད་དོ། །སྙམ་དུ་སེམས་ན། མཽངྒལ་གྱི་བུ། ཁྱོད་ཀྱིས་དེ་ལྟར་བལྟ་བར་མི་བྱའོ། །མཽངྒལ་གྱི་བུ། དེ་བཞིན་གཤེགས་པའི་ཆོས་གོས་ཀྱི་གྲཝ་ཙམ་ཡང་བསྐུལ་བའི་བདག་པོར་གྱུར་པ་གཞན་དགེ་སྦྱོང་ངམ། བྲམ་ཟེའམ། ཉན་ཐོས་སམ། རང་སངས་རྒྱས་སམ། ལྷ་ནས་ལྟོ་འཕྱེ་ཆེན་པོའི་བར་དུའང་ངས་ཡང་དག་པར་རྗེས་སུ་མ་མཐོང་ན། དེ་བཞིན་གཤེགས་པ་མངོན་པར་འདེགས་པར་ནུས་པར་འགྱུར་བ་ལྟ་ཅི་སྨོས་ཏེ། དེ་ནི། གནས་མེད་དོ། །མཽངྒལ་གྱི་བུ། རེ་ཞིག་ལྷ་དང་བཅས་པའི་འཇིག་རྟེན་ལྟ་ཞོག་གི་།མཽངྒལ་གྱི་བུ་ཡོངས་སུ་བརྟག་པ་བཟུང་སྟེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གཟུགས་ཅན་ནམ། གཟུགས་ཅན་མ་ཡིན་པའམ། འདུ་ཤེས་ཅན་ནམ། འདུ་ཤེས་ཅན་མ་ཡིན་པའམ། འདུ་ཤེས་ཅན་ཡང་མ་ཡིན། འདུ་ཤེས་ཅན་མ་ཡིན་པའང་མ་ཡིན་པ་ཇི་སྙེད་ཡོད་པ་སེམས་ཅན་དུ་གདགས་
58b
པས་གདགས་པ་ཇི་སྙེད་ཡོད་པ་དེ་དག་ཐམས་ཅད་མིའི་ལུས་ཐོབ་པར་གྱུར་ཏེ། མིའི་ལུས་ཐོབ་ནས་རབ་ཏུ་བྱུང་བར་གྱུར་ལ། རབ་ཏུ་བྱུང་བ་དེ་དག་ཐམས་ཅད་ཀྱིས་དགྲ་བཅོམ་པ་ཉིད་རྗེས་སུ་ཐོབ་པར་གྱུར་ཅིང་མངོན་པར་ཤེས་པ་དྲུག་མངོན་དུ་བྱས་པར་གྱུར་ལ། མཽངྒལ་གྱི་བུ། དཔེར་ན། དེ་ལྟར་ཁྱོད་བཞིན་དུ་རྫུ་འཕྲུལ་གྱི་སྟོབས་དེ་ལྟ་བུ་དང་ཡང་ལྡན་པར་གྱུར་ན། མཽངྒལ་གྱི་བུ། འདི་ཇི་སྙམ་དུ་སེམས། རྫུ་འཕྲུལ་དང་ལྡན་པ་འདུས་པ་དེ་མང་བ་ཡིན་ནམ། གསོལ་པ། བཅོམ་ལྡན་འདས། དེ་ལྟ་ལགས་སོ། མཽངྒལ་གྱི་བུ། ཉན་ཐོས་དེ་དག་གིས་སྟོང་གི་འཇིག་རྟེན་གྱི་ཁམས་ལག་པ་གཅིག་གིས་བླངས་ཤིང ། སྟོང་གཉིས་པ་དང ། སྟོང་གསུམ་གྱི་འཇིག་རྟེན་གྱི་ཁམས་ཀྱང་ལག་པ་གཅིག་གིས་བླངས་ནས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དུ་འཆག་པར་གྱུར་ཀྱང ། རྫུ་འཕྲུལ་དམ་པ་ཐོབ་པ་དེ་ལྟ་བུ་དེ་དག་གིས་ཀྱང་དེ་བཞིན་གཤེགས་པའི་ཆོས་གོས་ནམ་མཁའ་ལ་འདུག་པའི་གྲཝ་གཅིག་ཀྱང་བསྒུལ་བར་མི་ནུས་སོ། །མཽངྒལ་གྱི་བུ། ཁྱོད་དང་འདྲ་བ་དེ་སྙེད་འདུས་པ་ལྟ་ཞོག་གི་།མཽངྒལ་གྱི་བུ། གལ་ཏེ་འདིར་སེམས་ཅན་ལ་ལ་ཞིག་སྐྱེས་པར་གྱུར་ཅིང ། འདི་ལྟ་སྟེ། གང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་བཞིན་གཤེགས་པས་བྱིན་གྱིས་མ་བརླབས་པ་ཁའི་རླུང་གཅིག་གིས་རྣམ་པར་འཐོར་བར་བྱེད། རྡུལ་དུ་རློག་པར་བྱེད། རྣམ་པར་འཇོམས་པར་བྱེད་པའི་རྫུ་འཕྲུལ་དེ་ལྟ་བུ་
59a
༄#། །དང་ལྡན་པར་གྱུར་ལ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལས་བྱུང་བའི་རྡུལ་དེས་ཀྱང་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀུན་ཏུ་ནོག་ནོག་པོར་གྱུར་ཅིང ། འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ལས་བྱུང་བའི་རྡུལ་དེ་དེས་ཕྱིར་ཡང་བརྟུལ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སོ་སོར་བཞག་པར་གྱུར་ན། མཽངྒལ་གྱི་བུ། འདི་སྙམ་དུ་སེམས། འོ་ན་སེམས་ཅན་དེ་རྫུ་འཕྲུལ་གྱི་ཕ་རོལ་ཏུ་ཕྱིན་པ་ཐོབ་པ་ཡིན་ནམ། གསོལ་བ། བཅོམ་ལྡན་འདས། དེ་ལྟ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། མཽངྒལ་གྱི་བུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལྟ་སྟེ། དཔེར་ན། བུ་རམ་ཤིང་གི་ཚལ་ལམ། འདམ་བུའི་ཚལ་ལམ།་སྐམ་སའི་འདམ་བུའི་ཚལ་ལམ། འབྲས་ཀྱི་ཞིང་དམ། ཏིལ་གྱིས་ཞིང་བཞིན་དུ་སེམས་ཅན་དེ་ལྟ་བུ་དག་གིས་གང་བར་གྱུར་ཀྱང་མཽངྒལ་གྱི་བུ། སེམས་ཅན་རྫུ་འཕྲུལ་དམ་པའི་ཕ་རོལ་ཏུ་སོན་པ་དེ་ལྟ་བུ་དེ་དག་གིས་ཀྱང་དེ་བཞིན་གཤེགས་པའི་ཆོས་གོས་ཀྱི་གྲཝ་ཙམ་ཡང་བསྒུལ་བར་མི་ནུས་ན། དེ་བཞིན་གཤེགས་པ་མངོན་པར་གདེགས་པར་བྱ་བ་ལྟ་ཅི་སྨོས་ཏེ། དེ་ནི། གནས་མེད་དོ། །མཽངྒལ་གྱི་བུ། དེ་བཞིན་གཤེགས་པ་གནས་དེ་ཉིད་དུ་གནས་ཤིང་སེངྒེའི་གདན་དེ་ཉིད་ལ་བཞུགས་ནས། ཤར་ཕྱོགས་སུ་འཇིག་རྟེན་གྱི་ཁམས་
59b
གངྒཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་གཡོ་བར་མཛད། ཀུན་ཏུ་གཡོ་བར་མཛད། ཀུན་ཏུ་རབ་ཏུ་གཡོ་བར་མཛད་ཀྱང་སེམས་ཅན་དེ་དག་འདི་སྙམ་དུ་བདག་ཅག་འཇིག་རྟེན་གྱི་ཁམས་གཞན་དུ་ཁྲིད་དོ། །ཀུན་ཏུ་ཁྲིད་དོ། །སྙམ་མམ། ཀྱེ་མ་འཇིག་རྟེན་གྱི་ཁམས་འདི་འཇིག་གོ་།འཆགས་སོ། །སྙམ་དུ་མི་སེམས་སོ། །དེ་དག་འདི་སྙམ་དུ་ཀྱེ་མ་འཇིག་རྟེན་གྱི་ཁམས་འདི་འཐོར་རོ། །རྣམ་པར་འཇིག་གོ་།སྙམ་དུ་མི་སེམས་ཏེ། སེམས་ཅན་དེ་དག་ལ་འདུལ་བའི་དབང་གིས་ཁ་ཅིག་ལ་ནི། སངས་རྒྱས་ཀྱི་གཟུགས་ཀྱིས་མཚན་མ་མེད་པའི་ཚུལ་དག་གིས་ཆོས་སྟོན་ཏེ། ཉན་ཐོས་དང ། ལྷ་དང ། མི་དང ། ཀླུ་དང ། ཁྱེའུ་དང ། བུ་མོའི་གཟུགས་ཀྱིས་ཀྱང་དེ་བཞིན་ནོ། །མཽངྒལ་གྱི་བུ། སངས་རྒྱས་ཀྱི་སྟོབས་དང་མི་འཇིགས་པ་དང ། མ་འདྲེས་པ་དང ། རྫུ་འཕྲུལ་ཁྱུ་མཆོག་ཏུ་གྱུར་པ་ཇི་སྙེད་པ་དེ་སྙེད་ཀྱི་ཆོས་ཀྱི་རྣམ་གྲངས་དག་ལ་ཁྱོད་ཡིད་ཆེས་པར་གྱིས་ཤིག། ཕྱོགས་བཅུ་ཐམས་ཅད་དུའང་དེ་བཞིན་ནོ། །མཽངྒལ་གྱི་བུ། གལ་ཏེ་ཁྱོད་ཀྱིས་དེ་བཞིན་གཤེགས་པའི་སྤྱོད་ཡུལ་ཤེས་པ་ལྟ་ན། དེ་ལའང་ཁྱོད་སྤོབས་པར་མི་འགྱུར་རོ། །མཽངྒལ་གྱི་བུ། ངས་དགེ་སློང་ཀུན་དགའ་བོ་ལ་འདི་ལྟ་སྟེ། མདོའི་སྡེ་དང ། དབྱངས་ཀྱིས་བསྙད་པའི་སྡེ་དང ། ལུང་དུ་བསྟན་པའི་སྡེ་དང ། དེ་ལྟ་བུ་བྱུང་བའི་སྡེ་དང ། སྐྱེས་པ་རབས་ཀྱི་སྡེ་དང ། ཤིན་ཏུ་རྒྱས་པའི་སྡེ་དང ། རྨད་དུ་བྱུང་བའི་ཆོས་ཀྱི་
60a
༄#། །སྡེ་དང ། རྟོགས་པ་བརྗོད་པའི་སྡེ་དང ། གཏན་ལ་ཕབ་པར་བསྟན་པའི་སྡེའི་གཟུངས་ཀྱི་སྒོ་དག་བསྟན་ཀྱང་མཽངྒལ་གྱི་བུ། དགེ་སློང་ཀུན་དགའ་བོས་ནི། །དེ་བཞིན་གཤེགས་པའི་སྤྱོད་ཡུལ་ཀུན་ཤེས་པར་མི་ནུས་སོ། །དེ་ཅིའི་ཕྱིར་ཞེ་ན། མཽངྒལ་གྱི་བུ། དེ་བཞིན་གཤེགས་པའི་ཡི་གེ་གཅིག་ཀྱང་ཉན་ཐོས་ཐམས་ཅད་ཀྱིས་བསྐལ་པའམ། བསྐལ་པ་བརྒྱའམ། བསྐལ་པ་སྟོང་ངམ། བསྐལ་པ་འབུམ་དུའང་ཀུན་ཤེས་པའམ། བསམ་པའམ། ཀུན་ཆུབ་པར་མི་ནུས་པའི་ཕྱིར་ཏེ། དེ་བཞིན་གཤེགས་པའི་སྤྱོད་ཡུལ་ལྟ་ཅི་སྨོས། མཽངྒལ་གྱི་བུ། དེ་ལ་དེ་བཞིན་གཤེགས་པ་དམིགས་པ་དང ། སྤྱོད་པ་དང ། སྤྱོད་ལམ་རྣམ་པ་སྣ་ཚོགས་ཀྱིས་སེམས་ཅན་རྣམས་ལ་འདོམས་པར་མཛད་ཅིང ། སེམས་ཅན་རྣམས་ལ་ཆོས་སྟོན་པར་མཛད་ཀྱང་མཽངྒལ་གྱི་བུ། དེ་བཞིན་གཤེགས་པའི་ཆོས་གོས་གསོལ་བ་ལ་སེམས་ཅན་ཇི་སྙེད་ཀྱི་དོན་མཛད་པ་དང ། དེ་ལས་ཆོས་བསྟན་པ་ཇི་ལྟ་བུ་འབྱུང་བའང་ཉན་ཐོས་ཐམས་ཅད་ཀྱི་ཀུན་ཤེས་པར་མི་ནུས་ཏེ། མཽངྒལ་གྱི་བུ། དེ་ལའང་ཁྱོད་སྤོབས་པར་མི་འགྱུར་ན། དེ་བཞིན་གཤེགས་པའི་སྤྱོད་ཡུལ་རབ་ཏུ་ཤེས་པ་ལྟ་ཅི་སྨོས་ཏེ། དེ་ནི། གནས་མེད་དོ། །དེ་ནས་བཅོམ་ལྡན་འདས་ཀྱིས་དེའི་ཚེ་པདྨ་ཆེན་པོ་དེ་བཞེས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་ལ་
60b
སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་གྲོང་ཁྱེར་ཡོངས་སུ་སྐྱོང་བར་བྱེད་པ་དེ་དག་ལ་བཀའ་སྩལ་པ། རིགས་ཀྱི་བུ་དག་།ཁྱེད་ཀྱིས་དེ་བཞིན་གཤེགས་པའི་ཆོས་ཀྱི་གཏེར་དེ་བསྲུང་བའམ། སྤ་བའམ། དེ་བཞིན་གཤེགས་པའི་སྤྱོད་ཡུལ་ཀུན་ཤེས་པའམ། བརྗོད་པའམ། བསྟན་པའམ། ཡང་དག་པར་རབ་ཏུ་བསྟན་པར་ནུས་སམ། དེ་དག་གིས་གསོལ་པ། བཅོམ་ལྡན་འདས། རྡོ་ཐོགས་ལགས་སོ། །བཀའ་སྩལ་པ། རིགས་ཀྱི་བུ་དག་།དེའི་ཕྱིར་ཁྱེད་ཀྱི་ཆོས་གང་དང་གང་ཁོ་ན་སྟོན་པ་དེ་ཐམས་ཅད་དེ་བཞིན་གཤེགས་པའི་གཏེར། དེ་བཞིན་གཤེགས་པའི་སྤྱོད་ཡུལ་ལ་རྣམ་པར་བལྟས་ནས་བསྟན་པར་བྱའོ། །རིགས་ཀྱི་བུ་དག་།གང་སངས་རྒྱས་ཀྱི་ཡེ་ཤེས་ཡོངས་སུ་རྫོགས་པ་དང ། སངས་རྒྱས་ཀྱི་བྱང་ཆུབ་ཡོངས་སུ་རྫོགས་པ་དང ། སངས་རྒྱས་ཀྱི་ཡེ་ཤེས་གྲུབ་པ་དང ། སངས་རྒྱས་ཀྱི་བྱང་ཆུབ་གྲུབ་པ་དང ། ཡང་དག་པར་བརྗོད་པས་བརྗོད་པ་དེས་ནི། རིགས་ཀྱི་བུ་དག།་དེ་བཞིན་གཤེགས་པའི་སྤྱོད་ཡུལ་དེ་ཡང་དག་པར་བརྗོད་པས་བརྗོད་པར་བྱའོ། །རིགས་ཀྱི་བུ་དག་།གང་དུ་དམིགས་པ་མཐོང་བ་དེར་དེ་བཞིན་གཤེགས་པའི་སྤྱོད་ཡུལ་ལ་རྣམ་པར་བལྟས་ནས་ངེས་པར་བསྟན་པར་བྱའོ། །དེ་བཞིན་གཤེགས་པས་ཆོས་བསྟན་པ་དེ་ནི། །གང་དུས་སེམས་ཅན་གྱི་སྤྱོད་པ་མཐོང་བ་དེར་དེ་བཞིན་གཤེགས་པའི་སྤྱོད་ཡུལ་ལ་
61a
༄#། །རྣམ་པར་བལྟས་ནས་སེམས་ཅན་དེ་དག་གི་སྤྱོད་པ་དེ་བཞིན་གཤེགས་པས་ཆོས་བསྟན་པའི་སྤྱོད་པས་དེ་དག་རྣམ་པར་བཟློག་པར་བྱ་བའི་ཕྱིར་བསྟན་པ་མ་ཡིན་ནོ། །གང་དག་དེ་བཞིན་གཤེགས་པས་མཁྱེན་པའི་དབང་པོ་སྟོང་ཕྲག་དགུ་བཅུ་རྩ་དགུ་ནི། འདོད་ཆགས་སྤྱོད་པ་རྣམས་ཀྱི་སྤྱོད་པ་དེ་དག་དང ། ཞེ་སྡང་སྤྱོད་པ་རྣམས་དང ། གཏི་མུག་སྤྱོད་པ་རྣམས་ཀྱི་སྤྱོད་པ་དེ་དག་དང ། འདོད་ཆགས་དང ། ཞེ་སྡང་དང ། གཏི་མུག་བཅོས་མ་སྤྱོད་པ་རྣམས་ཀྱི་སྤྱོད་པ་དེ་དག་དང ། འདོད་ཆགས་དང ། ཞེ་སྡང་སྤྱོད་པ་རྣམས་ཀྱི་སྤྱོད་པ་དེ་དག་དང ། འདོད་ཆགས་དང ། ཞེ་སྡང་བཅོས་མ་སྤྱོད་པ་རྣམས་ཀྱི་སྤྱོད་པ་དེ་དག་དང ། འདོད་ཆགས་དང ། གཏི་མུག་སྤྱོད་པ་རྣམས་ཀྱི་སྤྱོད་པ་དེ་དག་དང ། འདོད་ཆགས་དང ། གཏི་མུག་བཅོས་མ་སྤྱོད་པ་རྣམས་ཀྱི་སྤྱོད་པ་དེ་དག་དང ། ཞེ་སྡང་དང ། གཏི་མུག་སྤྱོད་པ་རྣམས་ཀྱི་སྤྱོད་པ་དེ་དག་དང ། ཞེ་སྡང་དང ། གཏི་མུག་བཅོས་མ་སྤྱོད་པ་རྣམས་ཀྱི་སྤྱོད་པ་དེ་དག་དང ། བསམ་པ་ཡོངས་སུ་སྦྱོང་བར་བྱེད་པའི་དབང་པོ་དེ་དག་དང ། དངོས་པོ་སྒྲུབ་པའི་ཡོངས་སུ་སྦྱོང་བར་བྱེད་པའི་དབང་པོ་དེ་དག་དང ། སྲིད་པ་སྒྲུབ་པ་ཡོངས་སུ་སྦྱོང་བར་བྱེད་པའི་དབང་པོ་དེ་དག་དང ། སྦྱོར་བ་ལས་བྱུང་བའི་དབང་པོ་དེ་དག་དང ། ལས་བྱེད་པ་སྒྲུབ་པ་ཡོངས་སུ་སྦྱོང་བར་བྱེད་པའི་དབང་པོ་དེ་དག་དང ། ནག་པོའི་ཆོས་སློང་བར་བྱེད་པའི་དབང་པོ་དེ་དག་དང ། དཀར་
61b
པོའི་ཆོས་ཀུན་ནས་སློང་བར་བྱེད་པའི་དབང་པོ་དེ་དག་དང ། གནག་ཅིང་དཀར་བའི་ཆོས་སློང་བར་བྱེད་པའི་དབང་པོ་དེ་དག་དང ། ལམ་གྱི་རྗེས་སུ་མཐུན་པར་བྱེད་པའི་དབང་པོ་དེ་དག་དང ། ཞི་གནས་ཀྱི་རྗེས་སུ་མཐུན་པའི་དབང་པོ་དེ་དག་དང ། ལྷག་མཐོང་གི་རྗེས་སུ་མཐུན་པའི་དབང་པོ་དེ་དག་དང ། ཟད་པའི་རྗེས་སུ་མཐུན་པའི་དབང་པོ་དེ་དག་དང ། སྐྱེ་བའི་རྗེས་སུ་མཐུན་པར་བྱེད་པའི་དབང་པོ་དེ་དག་དང ། བདེན་པའི་རྗེས་སུ་མཐུན་པའི་དབང་པོ་དེ་དག་གོ་།མཽངྒལ་གྱི་བུ། དེ་ལ་སྔོན་གྱི་སྤྱོད་པའི་ཚོགས་དང་ལྡན་པའི་དབང་པོ་སྟོང་ཕྲག་ཉི་ཤུ་ནི། གང་གིས་ཁ་དོག་ནག་པོའམ། དཀར་ཤམ་མམ། མ་དོག་བཟང་བའམ། མདོག་མི་སྡུག་པའམ། གྱོལ་པོའམ། ལག་སོར་རྡུམ་པོའམ། ཞ་བོའམ། འོན་པའམ། ཞར་བའམ། ལྕེ་མེད་པ་སྒྲུབ་པར་བྱེད་པ་ནག་པོའམ། གནག་ཅིང་དཀར་བའི་ལས་ཀུན་ནས་སློང་བར་བྱེད་པ་དག་གོ་།སྔོན་གྱི་སྤྱོད་པའི་ཚོགས་དང་ལྡན་པའི་དབང་པོ་སྟོང་ཕྲག་ཉི་ཤུ་ནི། གང་གིས་དབྱིབས་རིང་པོའམ། ཐུང་ངུའམ། སྐེམ་པོའམ། སྦོམ་པོའམ། བར་མ་སྒྲུབ་པར་བྱེད་པའི་ལས་ཀུན་ནས་སློང་བར་བྱེད་པ་དག་གོ་།གང་དག་མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་དབང་པོ་འགྱུར་བ་རྣམས་ཀྱི་སྦྱོར་བ་ལ་གནས་ཤིང་སྔོན་གྱི་ལས་མངོན་པར་སྒྲུབ་པའི་དབང་པོ་སྟོང་ཕྲག་ཉི་ཤུ་ནི། འདོད་ཆགས་པའམ། ཞེ་སྡང་བའམ། གཏི་མུག་
62a
༄#། །པའམ། འདོད་ཆགས་དང་བྲལ་བའམ། ཞེ་སྡང་དང་བྲལ་བའམ། གཏི་མུག་དང་བྲལ་བ་ཡིན་ནོ། །སྐྱེ་བའི་འབྲས་བུ་མངོན་པར་གྲུབ་པའི་དབང་པོ་སྟེང་ཕྲག་སུམ་ཅུ་ནི། འཆི་བའི་དུས་བྱེད་པ་ཡིན་ནོ། །དེ་དག་ནི། འགྱུར་བ་མངོན་པར་གྲུབ་པའམ། མཚན་མ་མངོན་པར་གྲུབ་པ་ན་སྣང་བར་གྱུར་ཏོ། ཡན་ལག་རྣམས་འགྲོ་ལྡོག་པ་དང ། དབང་པོ་འགྱུར་བ་དང ། ཡན་ལག་གི་ཚིགས་དག་ཆད་ཅིང་གནད་དག་འཇིག་པ་ན་མདོག་མི་སྡུག་ཉིད་དུ་སྣང་བ་དེ་དག་ནི། མགུལ་སྒྲ་ངར་ངར་པོས་འགགས་པ་ཡིན་པར་ཤེས་པར་བྱ་སྟེ། དེ་ནི། སེམས་ཅན་དམྱལ་བའི་སྐྱེ་གནས་སམ། དུད་འགྲོའི་སྐྱེ་གནས་སམ། གཤིན་རྗེའི་འཇིག་རྟེན་དུ་འདྲེན་པར་བྱེད་ཅིང ། སངས་རྒྱས་རྣམས་མངོན་དུ་བྱ་བའི་ཕྱིར་མི་རྣམས་ཀྱི་ནང་དུའམ། ལྷ་རྣམས་ཀྱི་ནང་དུའམ། འཇིག་རྟེན་གྱི་ཁམས་གཞན་དུ་སྐྱེ་བའམ། ཟག་པ་ཟད་པ་མངོན་དུ་བྱེད་པར་འདྲེན་པར་བྱེད་པའོ། །དེ་ལ་དབང་པོ་སྟོང་ཕྲག་བདུན་ཅུ་རྩ་བདུན་ནི། དགེ་བའི་རྩ་བའི་རྣམ་པ་ལ་མོས་པ་ལས་བལྟ་བར་བྱའོ། །དབང་པོ་སྟོང་ཕྲག་ཉི་ཤུ་ནི། མི་དགེ་བའི་རྩ་བའི་རྣམ་པ་ཡོངས་སུ་འདྲེན་པར་བྱེད་པ་དག་སྟེ། འཆི་བའི་དུས་བྱེད་པའི་ཡིན་པར་ཤེས་པར་བྱའོ། །དེ་བཞིན་གཤེགས་པའི་གཏེར་དེ་ནི། དེ་བཞིན་གཤེགས་པ་རྣམས་ཀྱི་སྤྱོད་ཡུལ་ཡིན་ཏེ། དེ་བཞིན་གཤེགས་པ་དག་དེ་ལ་གནས་
62b
ནས་ཆོས་རྣམ་པར་འགྲེལ་བར་མཛད་ཅིང་ཟད་པར་ཡང་མི་འགྱུར་ལ་ངོམས་པར་ཡང་དག་པར་རྗེས་སུ་མ་མཐོང་ངོ ། །རྫུ་འཕྲུལ་མངོན་པར་འདུ་མཛད་པའི་ཆེ་བའི་བདག་ཉིད་ཀྱི་བསྔགས་པ་བརྗོད་པའི་ལེའུ་ཞེས་བྱ་སྟེ། གཉིས་པའོ།། །།དེའི་ཚེ་འཁོར་དེ་ཉིད་དུ་བརྟན་པའི་བློ་གྲོས་གཞོན་ནུར་གྱུར་བ་ཞེས་བྱ་བ་འདུས་པར་གྱུར་ཏེ་འདུག་གོ་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་བློ་གྲོས་གཞོན་ནུར་གྱུར་པ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་གསོལ་པ། བཅོམ་ལྡན་འདས། ཆོས་ཀྱི་སྒོ་འདི་དག་ལས་བདག་གིས་རྙེད་པ་རྙེད་ལགས་ཏེ། བཅོམ་ལྡན་འདས། དེའི་སླད་དུ་ཇི་ཙམ་དུ་ཆོས་དེ་ཉིད་ཡོངས་སུ་གྲུབ་པར་བགྱི་བའི་དོན་དུ་ཆོས་ཀྱི་སྒོ་འདི་ལ་སྤྱད་པར་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས། བདག་གིས་དེང་སླན་ཆད་འདི་ལྟ་སྟེ། ཆོས་དེ་དག་ཡོངས་སུ་བཙལ་བ་དང ། ཡོངས་སུ་ཐུབ་པར་བགྱི་བའི་སླད་དུ་དེ་ལྟ་བུའི་གོ་ཆ་བགོས་པའི་སླད་དུ་སྟེ། སླད་ཀྱིས་ཀྱང་སླད་མའི་ཚེ་སླད་མའི་དུས་ན་དེ་བཞིན་གཤེགས་པའི་སྤྱོད་ཡུལ་ཆོས་ཀྱི་གཏེར་དེ་ཐོས་ཀྱི་བར་དུ་བརྩོན་འགྲུས་དོར་བར་ཡང་མི་བགྱིའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་བློ་གྲོས་ལ་འདི་སྐད་ཅེས་བཀའ་སྩལ་ཏོ། །བརྟན་པའི་བློ་གྲོས། ཁྱོད་ངའི་ཡེ་ཤེས་ཆེན་པོ་བསྐལ་
63a
༄#། །པ་བྱེ་བ་གྲངས་མེད་པས་ཡང་དག་པར་བསྒྲུབས་པ་ཡོངས་སུ་ཚོལ་པ་ལ་མངོན་པར་བརྩོན་ཞིང་མངོན་པར་བརྩོན་པར་བྱེད་པ་ནི། ལེགས་སོ། །ལེགས་སོ། །བརྟན་པའི་བློ་གྲོས། ཁྱོད་ཡང་ལེགས་སོ། །བརྟན་པའི་བློ་གྲོས། ཡོངས་སུ་བརྟག་པ་བཟུང་སྟེ། གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གཟུགས་ཅན་ནམ། གཟུགས་ཅན་མ་ཡིན་པའམ། འདུ་ཤེས་ཅན་ནམ། འདུ་ཤེས་ཅན་མ་ཡིན་པའམ། འདུ་ཤེས་ཅན་ཡང་མ་ཡིན་འདུ་ཤེས་ཅན་མ་ཡིན་པའང་མ་ཡིན་པ་ཇི་སྙེད་ཡོད་པ་དེ་དག་ཐམས་ཅད་སྐད་ཅིག་གཅིག་དང ། ཐང་གཅིག་དང ། ཡུད་ཙམ་གཅིག་ལ་མིའི་ལུས་ཐོབ་པར་གྱུར་ཏེ། དེ་ནས་གང་སེམས་ཅན་དེ་དག་ལ་བདེ་བའི་ཡོ་བྱད་ཐམས་ཅད་ཉེ་བར་སྒྲུབ་པར་བྱེད་པའི་མི་ལ་ལ་ཞིག་བྱུང་བར་གྱུར་ལ་དེ་ནས་མི་དེས་སེམས་ཅན་དེ་དག་ལག་པ་ཡ་གཅིག་གིས་བླངས་ནས་བསྐལ་བའམ། བསྐལ་པ་ལས་ལྷག་པར་འཛིན་པར་བྱེད་ཅིང ། དེའི་ཚེ་སེམས་ཅན་དེ་དག་གཟུགས་རྣམས་སམ། སྒྲ་རྣམས་སམ། དྲི་རྣམས་སམ། རོ་རྣམས་སམ། རེག་བྱ་རྣམས་ལ་སེམས་སྐྱེས་པར་གྱུར་ན་ཡང་དེ་ནས་མི་དེས་དེ་དག་ཐམས་ཅད་ཉེ་བར་སྦྱིན་པར་བྱེད་ལ། སེམས་ཅན་དེ་དག་གི་བཤང་བའམ་གཅི་བ་ཡང་ལག་པ་གཅིག་ཤོས་ཀྱིས་བླངས་ནས་འཇིག་རྟེན་གྱི་ཁམས་གཞན་དུ་འདོར་བར་བྱེད་དེ། དེ་ཅིའི་ཕྱིར་ཞེ་ན། སེམས་ཅན་དེ་དག་དྲི་མི་ཞིམ་པར་གྱུར་ན་མི་
63b
རུང་ངོ ། །སྙམ་དུ་སེམས་ན། བརྟན་པའི་བློ་གྲོས། འདི་ཇི་སྙམ་དུ་སེམས། འོ་ན་མི་དེས་སེམས་ཅན་དེ་དག་ལ་བདེ་བའི་ཡོ་བྱད་ཐམས་ཅད་ཀྱིས་རིམ་གྲོ་བྱེད་པར་འགྱུར་རམ། གསོལ་པ། བཅོམ་ལྡན་འདས། མི་དས་བདེ་བའི་ཡོ་བྱད་ཤིན་ཏུ་མང་པོས་རིམ་གྲོ་བགྱི་བ་ལགས་སོ། །བཀའ་སྩལ་པ། བརྟན་པའི་བློ་གྲོས། མི་དེས་སེམས་ཅན་དེ་དག་ལ་བདེ་བའི་ཡོ་བྱད་ཐམས་ཅད་ཀྱིས་སོ་སོར་རིམ་གྲོ་བྱས་ལ། རིགས་ཀྱི་བུའམ། རིགས་ཀྱི་བུ་མོ་གང་སེམས་ཅན་ཐམས་ཅད་ཀྱི་ངོན་དུ་དེ་བཞིན་གཤེགས་པ་བཞུགས་ཀྱང་རུང ། ཡོངས་སུ་མྱ་ངན་ལས་འདས་ཀྱང་རུང་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ཅིང ། བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཉན་པ་ལ་མོས་པར་གྱུར་ལ། སངས་རྒྱས་ཀྱི་ཡེ་ཤེས་ཡེ་ཤེས་ཆེན་པོ་དེ་ཡང་དག་པར་བསྒྲུབས་ནས་འདོད་ཆགས་དང ། ཞེ་སྡང་དང ། གཏི་མུག་སྤང་བའི་ཕྱིར་དང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་པ་དང ། ཡིད་མི་བདེ་བ་དང ། འཁྲུག་པ་ལས་ཡང་དག་པར་འདའ་བར་བྱ་བའི་ཕྱིར་སེམས་ཅན་རྣམས་ལ་དེ་བཞིན་དུ་ཆོས་བསྟན་པར་བྱའོ། །སྙམ་སྟེ། བྱང་ཆུབ་སེམས་དཔའི་དགེ་བའི་རྩ་བ་ཡོངས་སུ་སྨིན་པར་བྱེད་པ་དང་ལྡན་པས་དེ་ཡོངས་སུ་ཚོལ་བ་ནི་ཚིག་བཞི་པའི་ཚིགས་སུ་བཅད་པ་གཅིག་ཙམ་ཞིག་རྙེད་པར་གྱུར་ན། བརྟན་པའི་བློ་གྲོས། སེམས་ཅན་ལ་བདེ་བའི་
64a
༄#། །རིམ་གྲོས་སོ་སོར་རིམ་གྲོ་བྱས་པའི་བསོད་ནམས་ཀྱི་ཕུང་པོ་འདི་ལ་བསོད་ནམས་ཀྱི་ཕུང་པོ་སྔ་མ་དེས་བརྒྱའི་ཆར་ཡང་ཉེ་བར་མི་འགྲོ་བ་ནས། སྟོང་གི་ཆའི་བར་དུའང་མི་བཟོད་ཅིང ། གྲངས་དང ། ཆ་དང ། བགྲང་བ་དང ། རྒྱུ་དང ། དཔེའི་ཆར་ཡང་མི་བཟོད་དོ། །བམ་པོ་བཞི་པ། བརྟན་པའི་བློ་གྲོས། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་སེམས་ཅན་རྣམས་ལ་བདེ་བའི་ཡོ་བྱད་ཇི་ལྟ་བུས་སོ་སོར་རིམ་གྲོ་བྱས་པ་ནི། དེ་བཞིན་གཤེགས་པས་སོ་སོར་མཁྱེན་ཏོ། བརྟན་པའི་བློ་གྲོས། གནས་འདི་ལ་ངའི་ཉན་ཐོས་བདེན་པ་མཐོང་བ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་བསམ་པ་ལ་ཡང་དག་པར་ཞུགས་པ་མ་གཏོགས་པར་སུ་ཞིག་མངོན་པར་ཡིད་ཆེས་པར་བྱེད། བརྟན་པའི་བློ་གྲོས། བྱང་ཆུབ་སེམས་དཔའ་སེམས་དཔའ་ཆེན་པོ་ནི། བདག་ཅག་གིས་སེམས་ཅན་གནས་མེད་པ་རྣམས་ཀྱི་གནས་སུ་འགྱུར་བར་བྱ། སྐྱབས་མེད་པ་རྣམས་ཀྱི་སྐྱབས་སུ་འགྱུར་བར་བྱ། སེམས་ཅན་གླིང་མེད་པ་རྣམས་ཀྱི་གླིང་དུ་འགྱུར་བར་བྱ། སེམས་ཅན་དཔུང་གཉེན་མེད་པ་རྣམས་ཀྱི་དཔུང་གཉེན་དུ་འགྱུར་བར་བྱ་ཞིང ། བདག་ཅག་གིས་ཐེག་པ་ཆེན་པོ་སངས་རྒྱས་ཀྱི་ཡེ་ཤེས་ཡེ་ཤེས་ཆེན་པོ་དེ་ཡང་དག་པར་བསྒྲུབ་པར་བྱ། སེམས་ཅན་ཚད་མེད་གྲངས་མེད་པ་དག་ཟག་པ་མེད་པའི་ཆོས་རྣམས་ལ་ཡང་དག་པར་སྦྱར་བར་བྱའོ། །སྙམ་ནས་དེ་ལྟ་བུའི་གོ་
64b
ཆ་གྱོན་པར་བྱེད་པ་ཡིན་ཡང ། གལ་ཏེ་སེམས་ཅན་དེ་དག་ལ་སྔ་དྲོའི་དུས་སུ་རིན་པོ་ཆེའི་ཕུང་པོ་རི་རབ་དང་མཉམ་པ་དག་ཉེ་བར་སྦྱིན་དགོས་པར་གྱུར་ཅིང ། དེ་བཞིན་དུ་ཉི་མའི་གུང་གི་དུས་དང ། ཕྱེ་མ་རེད་ཀྱི་དུས་དང ། ཉིན་མཚན་དུའང་རུང་སྟེ། རིན་པོ་ཆེའི་ཕུང་པོ་རི་རབ་དང་མཉམ་པ་དག་ཉེ་བར་སྦྱིན་དགོས་པར་གྱུར་ལ། སེམས་ཅན་དེ་དག་དེ་ལྟ་བུས་ཚིམ་པར་ཡང་མི་འགྱུར་ཞིང ། འདི་ལྟར་རྐྱེན་དེ་དག་གིས་ལོག་པར་ལྟུང་བར་འགྲོ་བ་དག་ཏུ་འགྱུར་བའི་གནས་དག་ཀྱང་ཡོད་ན། ཀྱེ་བདག་ཅག་གིས་སེམས་ཅན་དེ་དག་འདི་ལྟར་རེ་ཞིག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེས་བཀང་བ་འདི་ལ་མཆིལ་མ་ལྟ་བུའི་འདུ་ཤེས་སྐྱེད་པར་འགྱུར་བ་དེ་ལྟ་བུའི་ཆོས་ཡོངས་སུ་བཙལ་བར་བྱའོ། །སྙམ་ན། རྫས་བསགས་པ་ཐ་ཆད་གཞན་ལ་ལྟ་ཅི་སྨོས། བྱང་ཆུབ་སེམས་དཔའ་སེམས་དཔའ་ཆེན་པོ་མཁས་པ་ནི། རིན་པོ་ཆེའི་ཕུང་པོ་དེ་ལ་འདི་ནི། འདོད་ཆགས་དང ། ཞེ་སྡང་དང ། གཏི་མུག་གི་རྩ་བ་ཡིན། སེམས་ཅན་དམྱལ་བའི་སྡུག་བསྔལ་གྱི་རྩ་བ་ཡིན། དུད་འགྲོའི་སྐྱེ་གནས་ཀྱི་སྡུག་བསྔལ་གྱི་རྩ་བ་ཡིན། གཤིན་རྗེའི་འཇིག་རྟེན་གྱི་སྡུག་བསྔལ་གྱི་རྩ་བ་ཡིན་ཞིང ། ལས་ཀྱི་ཀུན་ནས་སློང་བ་རྣམ་པ་དུ་མའི་རྩ་བ་ཡིན་ནོ། །ཞེས་དེ་ལྟ་བུས་རབ་ཏུ་རྣམ་པར་གསོག་པར་བྱེད་དེ། དེ་ལས་དེ་མྱ་ངན་ལས་འདས་པའི་སེམས་ཐོབ་ཅིང་རིན་པོ་ཆེའི་ཕུང་པོ་དེ་ལ་མི་ལྟ་བར་འགྱུར་རོ། །མཁས་པ་ནི། རིན་པོ་ཆེའི་ཕུང་པོ་དེ་ལ་འདི་ནི།
65a
༄#། །རིན་པོ་ཆེའི་ཕུང་པོ་མ་ཡིན་གྱི། འདི་ནི། སེམས་ཅན་དམྱལ་བའི་ཕུང་པོ་ཡིན་ཏེ། དེ་ལ་ལྷག་པར་ཞེན་པའི་སེམས་ཅན་རྣམས་ནི། ལོག་པར་ལྟུང་བར་འགྲོ་བར་འགྱུར་རོ། །སྙམ་དུ་དེ་ལྟ་བུར་སོ་སོར་རྟོག་པར་བྱེད་དོ། །བརྟན་པའི་བློ་གྲོས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་ཇི་སྙེད་ཡོད་པ་ལྟ་ཞོག་གི་།བརྟན་པའི་བློ་གྲོས། ཡོངས་སུ་བརྟག་པ་བཟུང་སྟེ། ཤར་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཇི་སྙེད་ཡོད་པ་དང ། དེ་བཞིན་དུ་ཕྱོགས་བཅུ་ཀུན་ཏུ་འཇིག་རྟེན་གྱི་ཁམས་ཇི་སྙེད་ཡོད་པ་དེ་དག་ན་སེམས་ཅན་གཟུགས་ཅན་ནམ་གཟུགས་ཅན་མ་ཡིན་པའམ། འདུ་ཤེས་ཅན་ནམ་འདུ་ཤེས་ཅན་མ་ཡིན་པའམ། འདུ་ཤེས་ཅན་ཡང་མ་ཡིན་འདུ་ཤེས་ཅན་མ་ཡིན་པའང་མ་ཡིན་པ་དག་ཡོད་པ་དང ། སེམས་ཅན་གྱི་ཁམས་སུ་གདགས་པ་ཇི་སྙེད་ཡོད་པ་དེ་དག་ཐམས་ཅད་སྔ་ཕྱི་མེད་པར་མིའི་ལུས་ཐོབ་པར་གྱུར་ཅིང ། སེམས་ཅན་དེ་དག་ལ་བདེ་བར་བྱ་བའི་ཕྱིར་གང་སེམས་བསྐྱེད་མ་ཐག་ཏུ་སེམས་ཅན་དེ་དག་ལ་གཟུགས་རྣམས་སམ། སྒྲ་རྣམས་སམ། དྲི་རྣམས་སམ། རོ་རྣམས་སམ། རེག་བྱ་རྣམས་ཀྱི་བདེ་བའི་ཡོ་བྱད་ཉེ་བར་སྒྲུབ་པར་བྱེད་པའི་མི་ལ་ལ་ཞིག་བྱུང་བར་གྱུར་ཏེ། སེམས་ཅན་དེ་དག་ཐམས་ཅད་ཀྱང་ཕྲག་བའམ། མགོ་བོས་བླངས་ནས་བསྐལ་པའམ། བསྐལ་པ་ལས་ལྷག་པར་འཛིན་པར་བྱེད་ལ། སེམས་ཅན་དེ་དག་སྤྱོད་
65b
ལམ་ཇི་ལྟ་བུས་དེ་ལ་འདུག་པར་འདོད་པ་དེ་ལྟ་བུས་ཀྱང་འདུག་པར་གྱུར་ཅིང ། སེམས་ཅན་དེ་དག་གི་བཤད་གཅིའང་ལག་པ་ཡ་གཅིག་གིས་བླངས་ནས་འཇིག་རྟེན་གྱི་ཁམས་གཞན་དུ་འདོར་ན།་བརྟན་པའི་བློ་གྲོས། འདི་ཇི་སྙམ་དུ་སེམས། འོ་ན་མི་དེས་སེམས་ཅན་དེ་དག་ལ་བདེ་བའི་ཡོ་བྱད་མང་པོས་སོ་སོར་རིམ་གྲོ་བྱས་པར་འགྱུར་རམ། གསོལ་བ། བཅོམ་ལྡན་འདས། མི་དེས་བདེ་བའི་ཡོ་བྱད་མང་པོས་རིམ་གྲོ་བགྱིས་པར་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བརྟན་པའི་བློ་གྲོས། ཁྱོད་མོས་པར་བྱ། ཁོང་དུ་ཆུད་པར་བྱ་སྟེ། མི་དེས་བདེ་བའི་ཡོ་བྱད་དེ་ལྟ་བུས་རིམ་གྲོ་བྱས་ལ། རིགས་ཀྱི་བུའམ། རིགས་ཀྱི་བུ་མོ་གང་གིས་སེམས་ཅན་ཐམས་ཅད་བསྐྱབ་པ་དང་ལྡན་པའི་སེམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས། འདི་ལྟ་སྟེ། གང་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བྱང་ཆུབ་སེམས་དཔའི་དགེ་བའི་རྩ་བ་ཡོངས་སུ་སྨིན་པར་འགྱུར་བའི་བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་མཉན་པར་བྱ་བའི་ཕྱིར་ཐ་ན་བྱང་ཆུབ་སེམས་དཔའི་ཆོས་ཡོངས་སུ་ཚོལ་བ་ལ་མངོན་པར་བརྩོན་པར་གྱུར་ཅིང ། བྱང་ཆུབ་སེམས་དཔའི་ཆོས་ཡོངས་སུ་བཙལ་བའི་ཕྱིར་རམ། དེ་ལ་བརྩོན་པར་བྱ་བའི་ཕྱིར་གོམ་པ་འདོར་བ་གཅིག་གིས་འགྲོ་བར་ཡང་བྱེད་ན། བརྟན་པའི་བློ་གྲོས། དགེ་བའི་རྩ་བ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་
66a
༄#། །པར་སངས་རྒྱས་ཀྱི་བར་དུ་བར་མདོར་ཟད་པའམ། ཡོངས་སུ་གཏུགས་པར་ང་མི་སྨྲའོ། །དེ་ཅིའི་ཕྱིར་ཞེ་ན། བརྟན་པའི་བློ་གྲོས། བདེ་བའི་ཡོ་བྱད་འདི་ལ་བདེ་བའི་ཡོ་བྱད་སྔ་མ་དེས་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང ། འབུམ་གྱི་ཆ་དང ། བྱེ་བ་ཕྲག་འབུམ་གྱི་ཆ་དང ། གྲངས་དང ། ཆ་དང ། བགྲང་བ་དང ། དཔེ་དང ། རྒྱུར་ཡང་མི་འགྱུར་བའི་ཕྱིར་རོ། །དེ་ཅིའི་ཕྱིར་ཞེ་ན། བརྟན་པའི་བློ་གྲོས། བདེ་བའི་ཡོ་བྱད་སྔ་མ་དེ་ཐམས་ཅད་ནི། རྫས་ལས་བྱུང་བ་དང་བཅས་པ་ཡིན་ཏེ། ཤིན་ཏུ་མཐར་ཐུག་པར་མི་འགྱུར་ཞིང ། ཤིན་ཏུ་ཡོངས་སུ་བྱང་བར་མི་འགྱུར་ལ། བརྟན་པའི་བློ་གྲོས། ཆོས་ཡོངས་སུ་ཚོལ་བ་ལ་མངོན་པར་བརྩོན་པས་ནི། ཚུལ་ཁྲིམས་རྣམ་པར་འཕེལ་བར་འགྱུར། ཏིང་ངེ་འཛིན་རྣམ་པར་འཕེལ་བར་འགྱུར། ཤེས་རབ་རྣམ་པར་འཕེལ་བར་འགྱུར། སངས་རྒྱས་ཀྱི་ཆོས་ཡོངས་སུ་སྨིན་པར་འགྱུར། ཐབས་ལ་མཁས་པ་བསམ་གྱིས་མི་ཁྱབ་པ་ཡོངས་སུ་སྨིན་པར་འགྱུར། སངས་རྒྱས་ཀྱི་ཞིང་ཡོངས་སུ་དག་པར་འགྱུར་པའི་ཕྱིར་ཏེ། དེའི་ཕྱིར་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི། མང་དུ་ཐོས་པ་ལ་རག་ལས་པར་བསྟན་པ་ཡིན་ནོ། །བརྟན་པའི་བློ་གྲོས། གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་འདི་ལྟ་སྟེ། འདམ་བུའི་ཚལ་ལམ། འབྲས་ཀྱི་ཞིང་ངམ། ཏིལ་གྱི་ཞིང་ངམ། འོད་མའི་ཚལ་བཞིན་
66b
དུ་དེ་བཞིན་གཤེགས་པ་རྣམས་ཀྱིས་ཡོངས་སུ་གང་བར་གྱུར་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལ་ཡང་ལ་ལ་ཞིག་གིས་ཇི་སྲིད་འཚོའི་བར་དུ་བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་ཤིང ། ན་བཟའ་དང ། བསོད་སྙོམས་དང ། གཟིམས་ཆ་དང ། གདན་དང ། སྙུན་གྱི་གསོས་སྨན་དང ། ཡོ་བྱད་དག་གིས་བསྙེན་བཀུར་བྱས་ལ། དེ་བཞིན་གཤེགས་པ་དེ་དག་ཡོངས་སུ་མྱ་ངན་ལས་འདས་ནས་ཀྱང ། སོ་སོ་སོ་སོར་ཁོར་ཡུག་ཏུ་དཔག་ཚད་དང་ལྡན་པའི་མཆོད་རྟེན་རིན་པོ་ཆེ་སྣ་བདུན་ལས་བྱས་པ་གདུགས་བསྒྲེངས་བ་དང ། སྟེགས་བུས་བརྒྱན་པ། བསྐལ་པར་གནས་པའི་སྣང་བ་ཀུན་ཏུ་འབར། རབ་ཏུ་འབར་བའི་མར་མེ་དང ། མཆོད་ཡོན་དག་གིས་བརྒྱན་པ་དག་བྱས་པར་གྱུར་ན། བརྟན་པའི་བློ་གྲོས་འདི་ཇི་སྙམ་དུ་སེམས། འོ་ན་རིགས་ཀྱི་བུའམ། རིགས་ཀྱི་བུ་མོ་དེས་གཞི་དེ་ལས་བསོད་ནམས་མང་དུ་སྐྱེད་དམ། གསོལ་བ། བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོ་དེས་བསོད་ནམས་ཀྱི་ཕུང་པོ་གྲངས་མ་མཆིས། དཔག་ཏུ་མ་མཆིས་པ་སྐྱེད་ལགས་སོ། །བརྟན་པའི་བློ་གྲོས། ཁྱོད་མོས་པར་བྱ། ཁོང་དུ་ཆུད་པར་བྱ་སྟེ། གང་མི་དེས་ཇི་སྐད་བཤད་པའི་བསོད་ནམས་ཀྱི་ཕུང་པོ་དེ་ལྟ་བུ་གསོག་པར་བྱེད་ལ། རིགས་ཀྱི་བུའམ། རིགས་ཀྱི་བུ་མོས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་འདི་ལྟ་སྟེ། གང་ལས་བྱང་ཆུབ་ཀྱི་ཕྱོགས་ཀྱི་ཆོས་རྣམས་
67a
༄#། །ཡོངས་སུ་སྨིན་པར་གྱུར་པའི་བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཀྱི་མདོ་སྡེ་དེ་ལྟ་བུ་དག་མཉན་པ་དང ། བསྟན་པ་དང ། བཀླག་པ་དང ། ཀུན་ཆུབ་པར་བྱ་བའི་ཕྱིར་ཡོངས་སུ་བཙལ་བ་ལ་བརྩོན་པར་བྱེད་ན། བརྟན་པའི་བློ་གྲོས། བསོད་ནམས་ཀྱི་ཕུང་པོ་སྔ་མ་དེས་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང ། འབུམ་གྱི་ཆ་དང ། བྱེ་བ་ཕྲག་འབུམ་གྱི་ཆ་དང་གྲངས་དང ། ཆ་དང ། བགྲང་བ་དང ། དཔེ་དང ། རྒྱུར་ཡང་མི་བཟོད་དོ། །བརྟན་པའི་བློ་གྲོས། དེ་ལྟ་བས་ན། ཁྱོད་ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་མདོ་སྡེ་དེ་ལྟ་བུ་དེ་དག་མཉན་པ་དང ། གཟུང་བ་དང ། བཀླག་པ་དང ། ཀུན་ཆུབ་པར་བྱ་བའི་ཕྱིར་གོ་ཆ་གྱོན་པར་སེམས་ན། བརྟན་པའི་བློ་གྲོས། བསོད་ནམས་ཀྱི་ཕུང་པོ་དེའི་ཚ་དང་ང་མི་སྨྲའོ། །ཡོངས་སུ་གཏུགས་པར་ཡང་མི་སྨྲ། ཡོངས་སུ་ཟད་པར་ཡང་ང་མི་སྨྲའོ། །བརྟན་པའི་བློ་གྲོས། ཁྱོད་སེམས་བསྐྱེད་པའི་བསོད་ནམས་ཀྱི་ཕུང་པོ་དེའི་དཔེ་ཙམ་ཐོས་པའམ། ཕྱོགས་ཙམ་ཁོང་དུ་ཆུད་པར་འདོད་ན། དེ་བཞིན་གཤེགས་པའི་རྫུ་འཕྲུལ་ཡང་ཐོས་པའམ། ཡིད་ཆེས་པར་ནུས་སམ། གསོལ་པ། བཅོམ་ལྡན་འདས། བཅོམ་ལྡན་འདས་ཀྱི་མཐུས་རྔོ་ཐོགས་ལགས་སོ། །བཀའ་སྩལ་པ། བརྟན་པའི་བློ་གྲོས། འདི་ཇི་སྙམ་དུ་སེམས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཆེ་བ་ཡིན་ནམ། གསོལ་པ། བཅོམ་ལྡན་འདས། དེ་ལྟ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བརྟན་པའི་
67b
བློ་གྲོས།་འདི་ཇི་སྙམ་དུ་སེམས། གལ་ཏེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཡུངས་འབྲུས་ཡོངས་སུ་གང་བར་གྱུར་ཅིང ། ཡུངས་འབྲུ་དེ་དག་ཇི་སྙེད་པ་ཡོད་པ་དེ་སྙེད་ཁོ་ནའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཚད་ཀྱི་བྲ་བོ་དག་ཡོད་པར་གྱུར་ལ། དེ་དག་ཀྱང་བྱེ་མ་དག་གིས་སོ་སོར་གང་བར་གྱུར་ན། བརྟན་པའི་བློ་གྲོས། འདི་ཇི་སྙམ་དུ་སེམས། བྱེ་མའི་ཕུང་པོ་དེ་མང་བ་ཡིན་ནམ། གསོལ་པ། བཅོམ་ལྡན་འདས། མང་ལགས་སོ། །བདེ་བར་གཤེགས་པ་མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བརྟན་པའི་བློ་གྲོས། གལ་ཏེ་བྱེ་མའི་ཕུང་པོ་དེ་ལག་པས་བླངས་ནས་ཕྱོགས་བཞེར་འདོར་བར་བྱེད་པའི་མི་ལ་ལ་ཞིག་བྱུང་བར་གྱུར་ལ། དེ་འཕངས་ནས་དེ་མ་ཐག་ཏུ་གང་དག་བྱེ་མའི་ཕུང་པོ་དེ་ལས་བྱེ་མའི་འབྲུ་རེ་རེ་འཇིག་རྟེན་གྱི་ཁམས་རེ་རེར་འཕེན་པར་བྱེད་པའི་རླུང་དག་མངོན་པར་བྱུང་བར་གྱུར་ན། བརྟན་པའི་བློ་གྲོས། འདི་ཇི་སྙམ་དུ་སེམས། ཤར་ཕྱོགས་སུ་འཇིག་རྟེན་གྱི་ཁམས་དེ་དག་ཇི་སྙེད་ཡོད་པར་འགྱུར། ཕྱོགས་ཐམས་ཅད་དུའང་དེ་བཞིན་ནོ། །གསོལ་པ། བཅོམ་ལྡན་འདས། དཔག་ཏུ་མ་མཆིས་ལགས་སོ། །བདེ་བར་གཤེགས་པ། དཔག་ཏུ་མ་མཆིས་ལགས་སོ། །བཀའ་སྩལ་པ། བརྟན་པའི་བློ་གྲོས། ཁྱོད་མོས་པར་བྱ།་བརྟན་པའི་བློ་གྲོས། ཁྱོད་ཁོང་དུ་ཆུད་པར་བྱ་སྟེ། བརྟན་པའི་བློ་གྲོས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། སྤྱོད་ལམ་གྱིས་དཔག་ཏུ་མེད་པ།
68a
༄#། །ལམ་གྱིས་དཔག་ཏུ་མེད་པ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་དཔག་ཏུ་མེད་པ། རྫུ་འཕྲུལ་གྱི་ཕ་རོལ་ཏུ་ཕྱིན་པས་དཔག་ཏུ་མེད་པ། ཤེས་རབ་ཀྱི་ཕ་རོལ་ཏུ་ཕྱིན་པས་དཔག་ཏུ་མེད་པ་སྟེ། བརྟན་པའི་བློ་གྲོས། དེ་བཞིན་གཤེགས་པ་ནི། བཞེད་ན་འཇིག་རྟེན་གྱི་ཁམས་དེ་དག་ཏུ་གོམ་པ་གཅིག་གིས་གཤེགས་པར་མཛད་ཀྱང་དེ་བཞིན་གཤེགས་པའི་སྤྱོད་ལམ་རྣམ་པར་འཁྲུགས་པར་ཡང་མི་འགྱུར་ལ། དེ་བཞིན་གཤེགས་པས་ད་དུང་རྫུ་འཕྲུལ་གྱི་ཕ་རོལ་ཏུ་ཕྱིན་པའི་རྣམ་པ་ཐམས་ཅད་ཀུན་ཏུ་བསྟན་པའང་མ་ཡིན་ནོ། །སེ་གོལ་གཏོགས་པ་ཙམ་གཅིག་གིས་ཀྱང་ཕྱེ་མའི་ཕུང་པོ་དེ་དག་ཇི་སྙེད་ཡོད་པ་དེ་སྙེད་ཁོ་ནའི་འཇིག་རྟེན་གྱི་ཁམས་དག་ཏུ་གོམ་པས་གཤེགས་པ་གཅིག་གིས་གཤེགས་པར་མཛད་དོ། །སེ་གོལ་གཏོགས་པ་ཙམ་གྱི་ཚུལ་དེས་ཀྱང་ཤར་ཕྱོགས་སུ་གཤེགས་པ་ནས་ཕྱོགས་བཅུར་གཤེགས་པའི་བར་གྱིས་ཞག་གཅིག་གམ། ཟླ་བ་ཕྱེད་དམ། ཟླ་བ་གཅིག་ནས་ལོ་གཅིག་གི་བར་དུའམ། ལོ་བརྒྱད་ནས་ལོ་སྟོང་ངམ། ལོ་འབུམ་གྱི་བར་དུ་གཤེགས་པར་མཛད་ཅིང ། ཕྱོགས་རེ་རེར་ཡང་ལོ་བྱེ་བ་ཕྲག་འབུམ་གྱི་བར་དུ་གཤེགས་པར་མཛད་དོ། །བརྟན་པའི་བློ་གྲོས། འོ་ན་དེ་ལྟར་འཇིག་རྟེན་གྱི་ཁམས་དེ་དག་ཇི་སྙེད་ཡོད་པར་དེ་བཞིན་གཤེགས་པས་བྱོན་པའི་འཇིག་རྟེན་གྱི་ཁམས་དེ་དག་མང་བ་ཡིན་ནམ། གསོལ་པ། བཅོམ་ལྡན་འདས། མང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བརྟན་
68b
པའི་བློ་གྲོས། གལ་ཏེ་བསོད་ནམས་ཀྱི་ཕུང་པོ་དེ་གཟུགས་ཅན་ཞིག་ཏུ་གྱུར་ན་ནི། རེ་ཞིག་འཇིག་རྟེན་གྱི་ཁམས་དེ་སྙེད་དུའང་མི་ཤོང་སྟེ། ཕལ་ཆེར་ལྷག་པར་འགྱུར་རོ། །བརྟན་པའི་བློ་གྲོས། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བསོད་ནམས་ཀྱི་ཕུང་པོ་གྲངས་མེད་པ་དེ་རབ་ཏུ་མཁྱེན་ཏེ། དཔག་ཏུ་མེད་པ། བགྲང་དུ་མེད་པ། ཚད་མེད་པ། བརྗོད་དུ་མེད་པ། བགྲང་བ་ལས་འདས་པ་རབ་ཏུ་མཁྱེན་ཏོ། །བརྟན་པའི་བློ་གྲོས། གང་གིས་བསོད་ནམས་ཀྱི་ཕུང་པོ་དེ་ཤེས་པར་ནུས་པའི་ཡི་གེའི་གྲངས་སམ། ཡིག་འབྲུའི་གྲངས་སམ། བགྲང་བའི་གྲངས་དེ་ངས་རབ་ཏུ་མི་ཤེས་ཏེ། གཞན་དུ་ན་གྲངས་མེད་པའི་གྲངས་ཁོ་ན་དང ། དཔག་ཏུ་མེད་པའི་གྲངས་ཁོ་ནར་འགྱུར་བར་ཟད་དོ། །བྱང་ཆུབ་ཏུ་སེམས་བསྐྱེད་པ་དང་དམ་པའི་ཆོས་ཡོངས་སུ་ཚོལ་བའི་བསོད་ནམས་ཀྱི་བསྔགས་པ་བརྗོད་པའི་ལེའུ་ཞེས་བྱ་སྟེ། གསུམ་པའོ།། །།དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་དེའི་ཕ་རོལ་གྱི་འང་ཆེས་ཕ་རོལ་ན་འཇིག་རྟེན་གྱི་ཁམས་རྣམ་པར་བསྒྲགས་པའི་སྒྲ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷུན་པོའི་ཕུང་པོ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷུན་པོའི་ཕུང་པོ་དེས་ཀྱང་བྱང་
69a
༄#། །ཆུབ་སེམས་དཔའ་འོད་ཀྱི་དཀྱིལ་འཁོར་གཟི་བརྗིད་ཕུང་པོ་ཞེས་བྱ་བ་ངའི་འོག་ཏུ་འདི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ཞེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏེ། །འཁོར་དེ་ཉིད་དུ་འདུས་པར་གྱུར་ནས་འདུག་གོ་།བྱང་ཆུབ་སེམས་དཔའ་འོད་ཀྱི་དཀྱིལ་འཁོར་གཟི་བརྗིད་ཕུང་པོས་སྣང་བ་ཆེན་པོ་དེ་མཐོང་སྟེ་གསུང་བསལ་བའི་སྒྲ་དེའང་ཐོས་ཤིང ། ས་གཡོས་པ་ཆེན་པོ་དེའང་ཀུན་ཏུ་ཤེས་ནས་དེ་བཅོམ་ལྡན་འདས་དེ་བཞིན་གཤེགས་པ་ལྷུན་པོའི་ཕུང་པོ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འོད་དེ་དང ། གསུང་བསལ་བའི་སྒྲ་དེ་དང ། དོག་ས་གཡོས་པ་དེ་སུའི་ལགས་དེ་སྐད་ཅེས་གསོལ་པ་དང ། བཅོམ་ལྡན་འདས་དེ་བཞིན་གཤེགས་པ་ལྷུན་པོའི་ཕུང་པོས་བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཀྱི་དཀྱིལ་འཁོར་གཟི་བརྗིད་ཕུང་པོ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། འཇིག་རྟེན་གྱི་ཁམས་འདི་ནས་ནུབ་ཕྱོགས་ཀྱི་ཕྱོགས་ཆར་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་དེའི་ཕ་རོལ་གྱིའང་ཆེས་ཕ་རོལ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་
69b
ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །བྱང་ཆུབ་སེམས་དཔའ་དཔེ་མེད་པ་སེམས་པ་ཞེས་བྱ་བ་དག་ཡོད་དེ། འཁོར་དེར་འདུས་པར་གྱུར་ནས་འཁོད་དོ། །རིགས་ཀྱི་བུ། ཕྱོགས་བཅུར་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་གོ་ཆ་གང་དག་གིས་སྐྱེས་བུ་དམ་པ་དེ་དག་གོ་ཆ་བགོས་པའི་གོ་ཆ་དེ་ལྟ་བུ་དག་གིས་སྟོང་སྟེ། རིགས་ཀྱི་བུ།་སྐྱེས་བུ་དམ་པ་དེ་ལྟ་བུ་དག་ཐོས་པའང་མཆོག་ཏུ་རྙེད་པར་དཀའ་ན། བལྟ་བའམ་བསྙེན་བཀུར་བྱ་བ་ལྟ་ཅི་སྨོས། དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་འོད་ཀྱི་དཀྱིལ་འཁོར་གཟི་བརྗིད་ཕུང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དེ་དག་ཀྱང་བལྟ་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། ། བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། དེའི་དུས་ལ་དབབ་པར་ཤེས་ན། སོང་ལ་བཅོམ་ལྡན་འདས་དེ་ལ་པདྨ་བདུན་པོ་འདི་དག་ཀྱང་ཕུལ་ཏེ་ཕུལ་ནས་ཀྱང་བཅོམ་ལྡན་འདས་བཅོམ་ལྡན་འདས་ལ་དེ་བཞིན་གཤེགས་པ་ལྷུན་པོའི་ཕུན་པོ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ལོ། །
70a
༄#། །ཞེས་དེ་སྐད་ཅེས་གསོལ་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཀྱི་དཀྱིལ་འཁོར་གཟི་བརྗིད་ཕུང་པོས་བཅོམ་ལྡན་འདས་དེ་བཞིན་གཤེགས་པ་ལྷུན་པོའི་ཕུང་པོ་དེ་ལ་རྣམ་པར་བལྟས་ཏེ། བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ནས་བཅོམ་ལྡན་འདས་དེའི་ཐད་ནས་སོང་ངོ ། །བྱང་ཆུབ་སེམས་དཔའི་འོད་ཀྱི་དཀྱིལ་འཁོར་གཟི་བརྗིད་ཕུང་པོ་དེ་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། ལག་པ་བརྐྱང་བ་སྐུམ་པར་བྱེད་པའི་སྐད་ཅིག་དེས་འཇིག་རྟེན་གྱི་ཁམས་རྣམ་པར་བསྒྲགས་པའི་སྒྲ་ནས་མི་སྣང་བར་གྱུར་ཏེ། འཇིག་རྟེན་གྱི་ཁམས་མི་མཇེད་འདིར་འདུག་གོ་།དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་ལྷུན་པོའི་ཕུང་པོ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས། བཅོམ་ལྡན་འདས་ལ་བཅོམ་ལྡན་འདས་དེས་པདྨ་འདི་དག་ཀྱང་བསྐུར་བ་ལགས་སོ། །བཅོམ་ལྡན་འདས་ཀྱིས་
70b
པདྨ་དེ་དག་པ་ཞེས་ཏེ་བཞེས་ནས་ཀྱང་བཀའ་སྩལ་པ། འོད་ཀྱི་དཀྱིལ་འཁོར་གཟི་བརྗིད་ཕུང་པོ། །ཅི་བཅོམ་ལྡན་འདས་དེ་སྙུན་མི་མངའ་འམ། སྟོབས་དང་ལྡན་ནམ། འགྱུར་བ་མི་མངའམ། བདེ་བར་རེག་པ་ལ་གནས་སམ། གསོལ་པ། བཅོམ་ལྡན་འདས། དེ་ལྟ་ལགས་ཏེ། སངས་རྒྱས་ཀྱི་ཞིང་དེ་ན་སྙུན་མི་མངའ་ཞིང་སྟོབས་དང་ལྡན་ཏེ་འགྱུར་བ་མི་མངའ་ལ། བདེ་བར་རེག་པ་ལ་གནས་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་མ་ཕམ་པ་ལ་མ་ཕམ་པ། ཁྱོད་ཀྱིས་བྱང་ཆུབ་ཀྱི་ཡན་ལག་ཡོངས་སུ་རྫོགས་པར་བྱ་བའི་ཕྱིར་པདྨ་འདི་དག་གིས་དགེ་བའི་རྩ་བ་དག་སྐྱེད་ཅིག་ཅེས་པདྨ་དེ་དག་བྱིན་ནོ། །དེ་ནས་བྱང་ཆུབ་སེམས་དཔའ་མ་ཕམ་པས་པདྨ་ཆེན་པོ་བདུན་པོ་དེ་དག་བླངས་ནས་བཟང་སྐྱོང་ལ་སོགས་པ་བྱང་ཆུབ་སེམས་དཔའ་དཔེ་མེད་པ་སེམས་པ་དག་ལ་བྱིན་ཏེ།་འདི་ལྟ་སྟེ། དཀོན་མཆོག་འབྱུང་གནས་དང ། དེད་དཔོན་བཟང་པོ་དང ། ཡོན་ཏན་སྦས་དང ། འདམ་བུས་བྱིན་དང ། དབང་པོས་བྱིན་དང ། ཆུ་ལྷ་དང ། སྟོབས་བཟང་དང ། བླ་མའི་བློ་གྲོས་དང ། ཁྱད་པར་བློ་གྲོས་དང ། འཕེལ་བའི་བློ་གྲོས་དང ། མཐོང་བ་དོན་ཡོད་དང ། ལེགས་པར་ཡང་དག་ཞུགས་དང ། རབ་ཀྱི་རྩལ་གྱིས་རྣམ་པར་གནོན་དང ། རྟག་ཏུ་བརྩོན་དང ། བརྩོན་པ་མི་གཏོང་དང ། ཉི་མའི་སྙིང་པོ་དང ། འགྲོ་བ་འཛིན་དང ། ས་འཛིན་དང ། ལེགས་པར་གནས་པའི་བློ་གྲོས་དང ། མཐའ་ཡས་བློ་གྲོས་དང ། འཇིག་རྟེན་གསུམ་རྣམ་པར་གནོན་དང ། མཐའ་ཡས་རྣམ་པར་གནོན་དང །
71a
༄#། །དཔག་མེད་རྣམ་པར་གནོན་དང ། དམིགས་པ་ཐམས་ཅད་སྟོན་པའི་ཁྱུ་མཆོག་དང ། བརྟན་པའི་བློ་གྲོས་དང ། མཐའ་ཡས་བརྩོན་འགྲུས་དང ། དཔག་ཡས་རྣམ་པར་གནོན་དང ། དོན་ཡོད་བརྩོན་འགྲུས་དང ། སེངྒེའི་བརྩོན་འགྲུས་རྩལ་གྱིས་འགྲོ་དང ། དོན་ཡོད་གོམ་པའི་རྩལ་གྱིས་འགྲོ་དང ། དགའ་བའི་སྤོབས་པ་དང ། སྤོབས་པ་རྣོན་པོ་དང ། སྤོབས་པ་ཟབ་པ་དང ། སྤོབས་པ་མཐའ་ཡས་དང ། སྤོབས་པ་དཔག་མེད་དང ། འཇམ་དཔལ་གཞོན་ནུར་གྱུར་པ་དང ། པདྨའི་སྙིང་པོ་དང ། མཐའ་ཡས་གླང་པོ་ཆེ་དང ། སྤར་འཆུམས་མ་ཡིན་དང ། ཆོས་འཕགས་དང ། ལག་ན་རིན་ཆེན་དང ། རིན་ཆེན་ལག་པ་དང ། དོན་ཡོད་དཔལ་དང ། མི་གཡོས་རྣམ་པར་གནོན་དང ། མྱ་ངན་མེད་པ་དང ། མྱ་ངན་བྲལ་དང ། ཐ་མི་དད་པར་སྤྱོད་པར་ཡང་དག་ཞུགས་དང ། བརྩོན་འགྲུས་སྤྱོ་མེད་དང ། མངལ་འགྱུར་དང ། བུད་མེད་འགྱུར་དང ། སྐྱེས་པ་འགྱུར་དང ། སེམས་ཅན་འགྱུར་དང ། དྲ་བ་ཅན་གྱི་འོད་དང ། མཐའ་ཡས་སྙིང་པོ་དང ། སངས་རྒྱས་ཕྱག་ན་པདྨ་སྐྱེས་དང ། ལག་ན་པདྨ་དང ། སྤོས་ཀྱི་གླང་པོ་ཆེ་དང ། དོན་གྲུབ་དང ། སེངྒེའི་ལེགས་པར་བརྟགས་པའི་གོ་ཆ་དང ། དོན་ཡོད་གོ་ཆ་དང ། མ་སྨད་པའི་གོ་ཆ་དང ། ཀུན་འགྱུར་བའི་གོ་ཆ་དང ། སྤྱོད་པ་ཟབ་པའི་གོ་ཆ་དང ། འགྱུར་བ་སྐྱོ་བ་མེད་པའི་གོ་ཆ་དང ། མེ་ཏོག་རབ་གཏོར་དང ། མེ་ཏོག་རིན་ཆེན་དང ། དོན་ཡོད་མིང་སྒྲོལ་
71b
དང ། དོན་ཡོད་མིང་སྒྲོག་དང ། དམིགས་པ་ཀུན་གྱི་གོ་ཆ་བགོས་དང ། འགྲོ་བ་ཀུན་འགྱུར་བའི་གོ་ཆ་བགོས་དང ། སྤྱོད་པ་ཟབ་པའི་གོ་ཆ་བགོས་དང ། འགྱུར་བ་སྐྱོ་བ་མེད་པའི་གོ་ཆ་བགོས་དང ། རྟག་ཏུ་རབ་ཏུ་དགའ་བའི་གོ་ཆ་བགོས་དང ། རྟག་ཏུ་གདུང་བའི་གོ་ཆ་བགོས་དང ། མི་ལྟ་བའི་གོ་ཆ་བགོས་དང ། དཔལ་མ་ཉམ་པའི་གོ་ཆ་བགོས་དང ། དྲག་ཤུལ་འཆང་དང ། དགའ་བའི་སྡེ་དང ། བཟང་པོའི་སྡེ་དང ། དགའ་བའི་ལྷ་དང ། དགའ་བྱེད་དང ། བྱང་ཆུབ་ཡན་ལག་རྟོགས་དང ། སངས་རྒྱས་དང་མ་བྲལ་བའི་གོ་ཆ་བགོས་དང ། ཆོས་ཀྱི་འཁོར་ལོ་བསྐོར་བའི་གོ་ཆ་བགོས་དང ། འཁོར་ལོ་ཐོགས་པ་མེད་པའི་གོ་ཆ་བགོས་དང ། ཐམས་ཅད་ཡོངས་སུ་གཏོང་བའི་གོ་ཆ་བགོས་དང ། མ་བླངས་པའི་གོ་ཆ་བགོས་དང ། རྣམ་པར་འཁྲུགས་པའི་གོ་ཆ་བགོས་དང ། སངས་རྒྱས་ཀྱི་གདུང་རྒྱུན་མི་གཅོད་པའི་གོ་ཆ་བགོས་དང ། ཟླ་བ་སྣང་དང ། ཡོན་ཏན་དཔལ་སྣང་དང ། དེ་དཔོན་དང ། དེད་དཔོན་ཆེན་པོ་དང ། མཆོག་གི་ཚོགས་ཅན་དང ། མཆོག་གི་བཀོད་པ་དང ། རིན་པོ་ཆེའི་བཀོད་པ་དང ། དོན་ཀུན་གྲུབ་དང ། དོན་དཔལ་དང ། འདྲེན་པའི་དཔལ་དང ། འདྲེན་པའི་རྒྱལ་མཚན་དང ། ངེས་པར་འདྲེན་དང ། ཞི་བ་དང ། རབ་ཏུ་ཞི་བྱེད་དང ། སངས་རྒྱས་བཟང་པོ་དང ། ཤིན་ཏུ་དགའ་བ་དང ། རྒྱལ་དགའ་དང ། དབང་པོ་ཐུལ་དང ། རྒྱལ་བའི་སྡེ་དང ། གཞོམ་ཐུལ་དང ། བདུད་འཇོམས་དང ། དགྲ་བཅོམ་དང ། དགྲ་ལ་ཞེ་འགྲས་མེད་དང ། ཕྱོགས་སུ་རྣམ་པར་བསྒྲགས་
72a
༄#། །དང ། རྣམ་པར་བསྒྲགས་པའི་རྒྱལ་པོ་དང ། ནོར་འཕེལ་དང ། བཤེས་གཉེན་དང ། བཤེས་གཉེན་ལྷ་དང ། བཤེས་གཉེན་འཕེལ་དང ། གདུགས་གཅིག་པ་དང ། རིན་ཆེན་གདུགས་དང ། རྒྱུ་སྐར་བཟང་པོ་དང ། ཆོས་དང ། ཆོས་ལྷ་དང ། དྲི་མེད་དང ། དཔའ་བོ་དྲི་མེད་དང ། དཔའ་བའི་རྩལ་གྱིས་འགྲོ་དང ། མཐའ་ཡས་རྩལ་གྱིས་འགྲོ་དང ། དོན་ཡོད་རྩལ་གྱིས་འགྲོ་དང ། གོམ་པ་མེད་ཀྱིས་རྣམ་པར་གནོན་དང ། ཤིན་ཏུ་རྩལ་གྱིས་རྣམ་པར་གནོན་དང ། ཐ་མི་དད་པར་སྤྱོད་པ་དང ། དེ་དག་དང ། བྱང་ཆུབ་སེམས་དཔའ་གཞན་ཡང་བདུན་ཁྲི་བདུན་སྟོང་ལ་རྒན་རབས་དག་བཅོམ་ལྡན་འདས་ཀྱི་བྱང་ཆུབ་ཀྱི་ཕྱོགས་ཀྱི་ཆོས་ཡོངས་སུ་སྨིན་པར་མཛད་པའི་ཕྱིར་པདྨ་བདུན་པོ་འདི་དག་བྱིན་པ་ཡིན་ཏེ། རིགས་ཀྱི་བུ་དག་།ཁྱེད་ཅག་གིས་པདྨ་ཆེན་པོ་འདི་དག་ལོངས་ཤིག་དང ། ཐམས་ཅད་གྱུར་ནས་བཅོམ་ལྡན་འདས་ལ་དངུལ་བར་བྱ། ཐམས་ཅད་གྱུར་ནས་རང་རང་གི་ཐབས་ལ་མཁས་པ་གསལ་བར་བྱའོ། །ཞེས་པདྨ་བདུན་པོ་དེ་དག་བྱིན་ནོ། །དེ་ནས་བྱང་ཆུབ་སེམས་དཔའ་བདུན་ཁྲི་བདུན་སྟོང་པོ་དེ་དག་གིས་པདྨ་དེ་དག་བླངས་ནས་རང་རང་གི་ཐབས་ལ་མཁས་པ་གསལ་བར་བྱ་བའི་ཕྱིར་བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་ཐུགས་བརྩེ་བའི་ཕྱིར་པདྨ་ཆེན་པོ་བདུན་པོ་དེ་དག་བཞེས་ཏེ། བཞེས་ནས་ཀྱང་བྱང་ཆུབ་སེམས་དཔའ་
72b
སེམས་དཔའ་ཆེན་པོ་མ་ཕམ་པ་ལ་བཀའ་སྩལ་པ། མ་ཕམ་པ། དེ་བཞིན་གཤེགས་པ་ནི། དེ་ལྟར་ཁྱེད་ཀྱི་དགེ་བའི་རྩ་བ་བསྐྱེད་པའི་ཕྱིར་བརྟུན་པར་མཛད། མཆོག་ཏུ་བརྟུན་པར་མཛད་དེ། ། མ་ཕམ་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། ཤིན་ཏུ་རྙེད་པར་དཀའ་ཞིང་མཆོག་ཏུ་རྙེད་པར་དཀའོ། །མ་ཕམ་པ། བྱང་ཆུབ་སེམས་དཔའ་རྣམས་ཀྱང་ཤིན་ཏུ་མཆོག་ཏུ་རྙེད་པར་དཀའོ། །དེ་ཅིའི་ཕྱིར་ཞེ་ན། མ་ཕམ་པ། སངས་རྒྱས་ཀྱི་ཆོས་དེ་དག་ནི། བྱང་ཆུབ་སེམས་དཔའི་སྤྱོད་པ་ལས་ངེས་པར་བྱུང་བའི་ཕྱིར་རོ། །མ་ཕམ་པ། གལ་ཏེ་སྔོན་ངས་བྱང་ཆུབ་ཏུ་སེམས་བསྐྱེད་པར་མ་གྱུར་ན། མ་ཕམ་པ། འོ་ན་ད་ལྟར་དེ་བཞིན་གཤེགས་པའི་སྟོབས་བཅུ་སྐྱེ་བར་འགྱུར་རམ། གསོལ་པ། བཅོམ་ལྡན་འདས། དེ་ལྟ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན།་འོ་ན་ད་ལྟར་མི་འཇིགས་པ་བཞི་སྐྱེ་བར་འགྱུར་རམ། གསོལ་པ། བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་དེ་བཞིན་གཤེགས་པའི་བྱམས་པ་ཆེན་པོ་འབྱུང་བར་འགྱུར་རམ། གསོལ་པ། བཅོམ་ལྡན་
73a
༄#། །འདས།་དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་སྙིང་རྗེ་ཆེན་པོ་འབྱུང་བར་འགྱུར་རམ། དེ་བཞིན་དུ་འཇིག་རྟེན་དུ་དགའ་བ་ཆེན་པོ་དང ། བཏང་སྙོམས་ཆེན་པོ་འབྱུང་བར་འགྱུར་རམ། གསོལ་པ་བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འབྱུང་བར་འགྱུར་རམ། གསོལ་པ། བཅོམ་ལྡན་འདས་དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་དེ་བཞིན་གཤེགས་པའི་དོན་ཡོད་རྣམ་པར་གནོན་པ་འབྱུང་བར་འགྱུར་རམ། གསོལ་པ། བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་
73b
དུ་དེ་བཞིན་གཤེགས་པའི་སེངྒེའི་སྟབས་སུ་འགྲོ་བ་ཉིད་འབྱུང་བར་འགྱུར་རམ། གསོལ་པ། བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས་གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་དེ་བཞིན་གཤེགས་པའི་གླང་པོ་ཆེའི་ལྟ་སྟངས་ཀྱིས་ལྟ་བ་ཉིད་འབྱུང་བར་འགྱུར་རམ། གསོལ་པ། བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་དེ་བཞིན་གཤེགས་པའི་སེངྒེ་ལྟར་བསྒྱིངས་པ་ཉིད་འབྱུང་བར་འགྱུར་རམ། གསོལ་པ། བཅོམ་ལྡན་འདས།་དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་དེ་བཞིན་གཤེགས་པའི་སྤྱི་གཙུག་བལྟར་མི་མཐོང་བ་ཉིད་འབྱུང་བར་འགྱུར་རམ། གསོལ་པ། བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ།་འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་སྐྱེས་བུ་ཆེན་པོའི་མཚན་
74a
༄#། །སུམ་ཅུ་རྩ་གཉིས་འབྱུང་བར་འགྱུར་རམ། གསོལ་པ། བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་ཆོས་ཀྱི་འཁོར་ལོ་བསྐོར་བ་འབྱུང་བར་འགྱུར་རམ། གསོལ་པ། བཅོམ་ལྡན་འདས།་དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་ཆོས་ཀྱི་མུར་འགྲམ་འབྱུང་བར་འགྱུར་རམ། གསོལ་པ། བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ། འདི་ཇི་སྙམ་དུ་སེམས། གལ་ཏེ་སྔོན་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མ་གྱུར་ན། འོ་ན་ད་ལྟར་འཇིག་རྟེན་དུ་ཉན་ཐོས་ཕུན་སུམ་ཚོགས་པ་འབྱུང་བར་འགྱུར་རམ། གསོལ་པ།་བཅོམ་ལྡན་འདས། དེ་མ་ལགས་སོ། །བཀའ་སྩལ་པ། མ་ཕམ་པ། དེ་ལྟ་བས་ན། གང་དག་སངས་རྒྱས་ཀྱི་ཆོས་རྣམས་ཇི་སྙེད་ཡོད་པ་དེ་དག་ཐམས་ཅད་ནི། སེམས་དང་པོ་བསྐྱེད་པ་ལ་རག་ལས་པ་ཡིན་ནོ། །མ་ཕམ་པ། དེ་ལྟ་བས་ན། བྱང་ཆུབ་སེམས་དཔའ་རྙེད་པར་དཀའ་བའི་ཕྱིར་དེ་བཞིན་གཤེགས་པ་རྙེད་པར་དཀའ་བ་ཡིན་ནོ། །མ་ཕམ་པ། འདི་ལྟ་
74b
སྟེ།་དཔེར་ན། མར་མེད་པས་མར་གྱི་སྙིང་ཁུའི་རྒྱུན་འཆད་པར་འགྱུར་བ་དེ་བཞིན་དུ། མ་ཕམ་པ། བྱང་ཆུབ་ཏུ་སེམས་བསྐྱེད་པ་མེད་པར་དེ་བཞིན་གཤེགས་པ་མངོན་པར་འགྲུབ་པར་མི་འགྱུར་རོ། །མ་ཕམ་པ། འདི་ལྟ་སྟེ། དཔེར་ན། མར་ཡོད་པས་མར་གྱི་སྙིང་ཁུའི་རྒྱུན་མི་འཆད་པར་འགྱུར་བ་དེ་བཞིན་དུ། མ་ཕམ་པ། འཇིག་རྟེན་ན་བྱང་ཆུབ་སེམས་དཔའ་ཡོད་པས་འཇིག་རྟེན་དུ་དེ་བཞིན་གཤེགས་པ་འབྱུང་བར་འགྱུར་རོ། །མ་ཕམ་པ། འདི་ལྟ་སྟེ། དཔེར་ན། ས་བོན་ཡོད་པས་མྱུ་གུ་འབྱུང་བར་འགྱུར་བ་དེ་བཞིན་དུ། མ་ཕམ་པ། བྱང་ཆུབ་སེམས་དཔའ་ཡོད་པས་དེ་བཞིན་གཤེགས་པ་འབྱུང་བར་འགྱུར་རོ། །མ་ཕམ་པ། དེ་ལྟ་བས་ན། བྱང་ཆུབ་སེམས་དཔའ་རྙེད་པར་དཀའ་བ་ཉིད་ཀྱི་ཕྱིར་དེ་བཞིན་གཤེགས་པ་རྙེད་པར་དཀའ་བ་ཉིད་དོ། ། མ་ཕམ་པ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་ན་གང་དག་རིན་ཐང་མེད་པར་གྱུར་བའི་ནོར་བུ་རིན་པོ་ཆེ་དེ་དག་ནི། ཉུང་གི། གང་དག་རིན་ཐང་ཡོད་པར་གྱུར་པ་དེ་དག་ནི། ཆེས་མང་བ་དེ་བཞིན་དུ། མ་ཕམ་པ། སེམས་ཅན་གྱི་རིས་ན་གང་དག་བྱང་ཆུབ་ཀྱི་སེམས་དང་ལྷན་ཅིག་གནས་པའི་སེམས་ཅན་དེ་དག་ནི། ཉུང་དུ་འབྱུང་གི། གང་དག་དེ་ལས་གཞན་པའི་ཉན་ཐོས་དང ། རང་སངས་རྒྱས་ཀྱི་སེམས་དང་ལྷན་ཅིག་གནས་པའི་སེམས་ཅན་དེ་དག་ནི། ཆེས་མང་དུ་འབྱུང་བར་འགྱུར་རོ། །མ་ཕམ་པ། དེ་ལྟ་བས་ན། སེམས་བསྐྱེད་པ་དེ་དག་ནི།
75a
༄#། །རྙེད་པར་དཀའ་ཞིང་མཆོག་ཏུ་རྙེད་པར་དཀའོ། །སེམས་བསྐྱེད་པ་དེ་དག་ནི། རྙེད་པར་དཀའ་ཞིང་མཆོག་ཏུ་རྙེད་པར་དཀའ་བའི་ཕྱིར་ཨུ་དུམ་ཝ་རའི་མེ་ཏོག་དང་མཚུངས་སོ། །སེམས་བསྐྱེད་པ་དེ་དག་ནི། རིན་ཐང་མེད་པའི་ཕྱིར་རིན་པོ་ཆེ་དང་མཚུངས་སོ། །སེམས་བསྐྱེད་པ་དེ་དག་ནི། ཤིན་ཏུ་འཕགས་པའི་ཕྱིར་རི་རབ་དང་མཚུངས་སོ། །སེམས་བསྐྱེད་པ་དེ་དག་ནི། རབ་ཏུ་གཡོ་བ་མེད་པའི་ཕྱིར་ནམ་མཁའ་དང་མཚུངས་སོ། །སེམས་བསྐྱེད་པ་དེ་དག་ནི། གཏིང་དཔག་དཀའ་བའི་ཕྱིར་རྒྱ་མཚོ་ལྟ་བུའོ། ། མ་ཕམ་པ། སེམས་བསྐྱེད་པ་དེས་ནི། རིན་པོ་ཆེས་བཀང་བའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བཟོད་དོ། །མ་ཕམ་པ། གལ་ཏེ་སེམས་བསྐྱེད་པ་དེ་དག་གཟུགས་ཅན་དུ་གྱུར་ན་ནི། དེ་དག་ཕྱག་བྱ་བའི་འོས་ཡིན་ཏེ། མ་ཕམ་པ། ལྷ་དང་བཅས་པའི་འཇིག་རྟེན་འབུམ་ཕྲག་དུ་མས་བསྲུངས་པར་འགྱུར་རོ། །མ་ཕམ་པ། དེ་ལྟ་བས་ན། བྱང་ཆུབ་ཀྱི་ཀྱི་སེམས་དེ་བསྐྱེད་པའི་ཕྱིར་རྣལ་འབྱོར་དུ་བྱ། སྤྲོ་བར་བྱ། མཐུ་ཡོད་པར་བྱ། བརྩལ་བར་བྱ། སྤོབས་པར་བྱ། མཐུན་པར་བྱ། འདུན་པར་བྱའོ། །མ་ཕམ་པ། སེམས་བསྐྱེད་པ་དེའང་གང་ཞེ་ན། བྱང་ཆུབ་ཏུ་སེམས་བསྐྱེད་པ་སྟེ། དེ་ནི། བགྲང་བའམ། གཞལ་བར་མི་ནུས་སོ། །མ་ཕམ་པ། འོན་ཀྱང་སེམས་བསྐྱེད་པ་དེ་ཁོང་དུ་ཆུད་པར་བྱ་བའི་ཕྱིར་ཉེ་བར་འཇལ་
75b
བ་ཙམ་དང ། དཔེ་ཙམ་ཞིག་བརྗོད་པར་བྱའོ། །མ་ཕམ་པ། སྔོན་བྱུང་བ་འདས་པའི་དུས་ན་བསྐལ་པ་ཚད་མེད་གྲངས་མེད་པ། རྒྱ་ཆེན་པོ་བྱུང་བ་དེའི་ཚེ་དེའི་དུས་ན་འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང ། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་བདེ་བའི་རྒྱལ་པོ་ཞེས་བྱ་བ་འཇིག་རྟེན་དུ་ཕྱུང་བར་གྱུར་ཏོ། །མ་ཕམ་པ། བཅོམ་ལྡན་འདས་དེའི་ཚེ་ཚད་ནི། ལོ་བརྒྱད་ཁྲི་བཞི་སྟོང་དུ་གྱུར་ཏོ། ། མ་ཕམ་པ། བཅོམ་ལྡན་འདས་དེའི་ཉན་ཐོས་འདུས་པ་གཅིག་ནི། དགྲ་བཅོམ་པ་བྱེ་བ་ཕྲག་བདུན་ཅུ་རྩ་དྲུག་བྱུང་བར་གྱུར། འདུས་པ་གཉིས་པ་ནི། བྱེ་བ་ཕྲག་དགུ་བཅུ་རྩ་དྲུག་བྱུང་བར་གྱུར། འདུས་པ་གསུམ་པ་ནི། བྱེ་བ་ཕྲག་བརྒྱར་ཚང་བ་བྱུང་བར་གྱུར་ཏེ། ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པ་ཀུན་ཏུ་སྦྱོར་བ་ཡོངས་སུ་ཟད་པ། མཉམ་པ་ཉིད་ཀྱི་བར་བྱུང་བ་ཤེས་པས་རྣམ་པར་གྲོལ་བ་ཤ་སྟག་གོ་།མ་ཕམ་པ། དེའི་དུས་ན་རྒྱལ་པོའི་ཕོ་བྲང་ཤིན་ཏུ་མཐོང་ཞེས་བྱ་བར་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་པ་སེངྒེའི་དཔལ་ཞེས་བྱ་བ་བྱུང་བར་གྱུར་ཏོ། །རྒྱལ་པོ་སེངྒེའི་དཔལ་དེའི་བཙུན་མོ་དམ་པ་མཆོག་ལས་བུ་གཉིས་མཚེ་མར་བྱུང་བར་གྱུར་ཏེ། གཅིག་ནི། མྱ་ངན་
76a
༄#། །མེད་ཅེས་བྱ། གཅིག་ཤོས་ནི། མྱ་ངན་བྲལ་ཞེས་བྱའོ། །མ་ཕམ་པ། དེའི་དུས་ན་ཁྱེའུ་དེ་གཉིས་སྐྱེས་ནས་ལོ་བདུན་ལོན་པ་འདྲ་ཞིང་གཉིས་ཀ་ཁང་བཟང་ན་འདུག་པར་གྱུར་ཏེ། དེ་གཉིས་ཀྱིས་དེ་བཞིན་གཤེགས་པ་བདེ་བའི་རྒྱལ་པོ་ཉན་ཐོས་ཀྱི་ཚོགས་དང་ཐབས་ཅིག་ཏུ་རྒྱལ་པོའི་ཕོ་བྲང་ཤིན་ཏུ་མཐོང་བར་གཤེགས་པ་མཐོང་ངོ ། །དེ་ནས་ཁྱེའུ་མྱ་ངན་མེད་ཀྱིས་ཕུ་བོ་མྱ་ངན་བྲལ་ལ་སྨྲས་པ། མྱ་ངན་བྲལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་ཐག་རིང་པོ་ཁོ་ན་ནས་ཚུར་གཤེགས་པ་གཟིགས་སམ། སྨྲས་པ། ནུ་བོ། མཐོང་ངོ ། །སྨྲས་པ། མྱ་ངན་བྲལ། བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེ་ཅི་འདྲ་བ་དེ་ལྟ་བུ་ཁོ་ནར་འགྱུར་བར་བགྱིའོ། །དེ་ནས་ཁྱེའུ་མྱ་ངན་མེད་ཀྱིས་ཕུ་བོ་མྱ་ངན་བྲལ་དེ་ལ་ཚིགས་སུ་བཅད་པ་དག་གིས་སྨྲས་པ། མགོན་པོ་ཆེན་པོ་མི་ཡི་མཆོག་།དགེ་སློང་དགེ་འདུན་མདུན་བདར་བ། །བདེ་བའི་རྒྱལ་པོ་ཚུར་གཤེགས་ལ། །མྱ་ངན་བྲལ་བ་ཁྱོད་གཟིགས་ཤིག་།མི་ཡི་ཁྱུ་མཆོག་དེ་འདྲ་བར། །བདག་ནི་འགྱུར་བ་ཁོ་ནར་བགྱི། །བདག་ལ་བྱང་ཆུབ་སེམས་སྐྱེས་ཏེ། །འཇིགས་ལས་འགྲོ་བ་ཐར་བར་བགྱི། །འགྲོ་འདི་ཆགས་རྒྱགས་ཞེ་སྡང་དང ། །ཆགས་པས་སྡུག་བསྔལ་ལས་བགྱིད་དེ། །བགྱིས་ནས་དམྱལ་བའི་གཡང་སར་ལྟུང །
76b
ངན་འགྲོ་དག་ལས་དེ་ཐར་བགྱི། །འཇིག་རྟེན་འདྲེན་པ་འཇིག་རྟེན་ན། །ུ་དུ་མ་ཝ་རའི་མེ་ཏོག་བཞིན། །རྙེད་དཀའ་མཆོག་ཏུ་རྙེད་དཀའ་ཡི། །ཁྱོད་ཀྱིས་འདུན་པ་བསྐྱེད་པར་མཛོད། །དེ་ནས་ཁྱེའུ་མྱ་ངན་བྲལ་གྱིས་ནུ་བོ་ལ་ཚིགས་སུ་བཅད་པ་དག་གིས་སླར་སྨྲས་པ། མང་པོ་ཚིག་ཏུ་སྨྲ་བྱེད་ཀྱང ། །ཚིག་གིས་གྲུབ་པ་ཡོད་མ་ཡིན། །བདག་ནི་སྒྲུབ་ལ་གནས་པས་ན། །ཅི་ཡང་རབ་ཏུ་སྨྲ་མི་བྱ། ། མང་པོ་རབ་ཏུ་སྨྲ་བྱེད་ཀྱང ། །ལུས་ཀྱིས་བྱེད་པ་ཡོད་མ་ཡིན། །དེ་ཡི་འབྲས་བུ་མི་སྣང་བས། །རྫུན་གྱི་ཚིག་ཏུ་སྨྲ་བ་ཉིད། །གལ་ཏེ་ཚིག་གིས་ཐོབ་འགྱུར་ན། །བདག་འོད་རིན་ཆེན་དཀྲིས་པར་འགྱུར། ། ཡོན་ཏན་ཉམས་པ་དེ་ཀུན་ཀྱང ། །ཚིག་གིས་རྒྱལ་བ་རྣམས་སུ་འགྱུར། །ད་ནས་ཁྱེའུ་མྱ་ངན་མེད་ཀྱིས་ཁྱེའུ་མྱ་ངན་བྲལ་ལ་ཚིགས་སུ་བཅད་པ་དག་གིས་སླར་སྨྲས་པ། །བདག་ཉིད་ཡིན་གྱི་གཞན་མིན་པར། །གང་ཕྱིར་དེ་འདྲ་སྨྲ་བྱེད་ཅིང ། །དེ་ཕྱིར་ཅི་ཡང་མི་སྨྲ་བ། །སེམས་དེ་སེར་སྣ་ཅན་གྱི་ལགས། །བདག་གིས་སེམས་ཅན་མགྲོན་དུ་གཉེར། །བདག་ནི་ཀུན་ཏུ་བྱེད་པར་བགྱིད། །བདག་ལ་སེར་སྣ་གཞར་མ་མཆིས། །སྲོག་ཆགས་འདྲེན་པ་རྣམས་སུ་ཤོག་།མཁས་པ་བྱུང་བར་གྱུར་པ་རྣམས། །དེ་དག་ཚིག་ཏུ་སྨྲ་མི་བྱེད། །ཚིག་མང་རབ་ཏུ་སྨྲས་ནས་སུ། །ཇི་ལྟར་དོན་བཞིན་བྱེད་པ་ཡིན།། དེ་དག་སྔོན་ཆད་ཉིད་ནས་ཀྱང ། །སེར་སྣའི་སེམས་དང་ལྡན་པར་གྱུར། །དེས་ན་འབྱུང་བར་འགྱུར་ཞིག་གམ། །འོན་ཏེ་མི་འབྱུང་ཚིག་ཏུ་སྨྲ། །དེ་ནས་ཁྱེའུ་མྱ་ངན་བྲལ་གྱིས་ནུ་པོ་མྱ་ངན་མེད་ལ་ཚིགས་
77a
༄#། །སུ་བཅད་པས་སླར་སྨྲས་པ། གཅིག་ཏུ་གྱུར་ནས་སོང་བྱས་ཏེ། །ནུ་བོ་ཁྱོད་དང་ཁོ་བོ་ཡི། །སེམས་བསྐྱེད་པ་ནི་གང་ཆེ་ཞེས། །མགོན་པོ་དེ་ལ་ཞུ་བར་བྱ། །དེ་ནས་ཁྱེའུ་མྱ་ངན་བྲལ་ཁང་བཟང་གི་སྟེང་དེ་ནས་བབས་ཏེ་ནོར་བུ་ལས་བྱས་པའི་མཆིལ་ལྷམ་ཐོགས་ཤིང་གོས་བྱེ་བ་རི་བའང་ཐོགས་ནས་དེ་བཞིན་གཤེགས་པ་བདེ་བའི་རྒྱལ་པོ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཁྱེའུ་མྱ་ངན་མེད་ཀྱིས་ནི། ཁང་བཟང་གི་སྟེང་དེ་ཉིད་ནས་བདག་ཉིད་བོར་རོ། །དེ་ནས་ཁྱེའུ་མྱ་ངན་མེད་བཅོམ་ལྡན་འདས་དེ་བཞིན་གཤེགས་པ་བདེ་བའི་རྒྱལ་པོ་དེ་ག་ལ་བ་དེར་སོང་ངོ ། །ཁྱེའུ་དེས་ཀྱང་གོས་རིན་པོ་ཆེ་དང ། གཙུག་གི་ནོར་བུའང་ཐོགས་པར་གྱུར་ཏེ། ཁྱེའུ་དེས་གོས་དེ་དང ། གཙུག་གི་ནོར་བུ་དེ་བཅོམ་ལྡན་འདས་དེ་ལ་ཕུལ་བ་དང ། བཅོམ་ལྡན་འདས་དེས་ཁྱེའུ་མྱ་ངན་མེད་ཀྱི་ལག་པ་ནས་བཞེས་སོ། །ཁྱེའུ་མྱ་ངན་བྲལ་ནི། ཕྱིས་བཅོམ་ལྡན་འདས་ག་ལ་བ་དེར་སོན་གྱི། ཁྱེའུ་མྱ་ངན་མེད་ནི། ཆེས་སྔར་སོན་ཏོ། །དེས་ཁྱེའུ་མྱ་ངན་མེད་དེ་བཞིན་གཤེགས་པ་བདེ་བའི་རྒྱལ་པོའི་སྤྱན་སྔ་ན་འདུག་པ་མཐོང་ངོ ། །མཐོང་ནས་ཀྱང་སྨྲས་པ། མྱ་ངན་མེད ། ཁྱོད་ལམ་གང་ནས་ཆེས་སྔར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོའི་ཐད་དུ་སོང ། དེས་སྨྲས་པ། ཕུ་བོ། ཁང་བཟང་དེ་ཉིད་ནས་
77b
བཅོམ་ལྡན་འདས་ག་ལ་བ་དེར་བདག་ཉིད་བོར་ཏེ། བདག་ནི། ལུས་མ་སྣད་མ་སྨད་པ་ཁོ་ནར་བཅོམ་ལྡན་འདས་ག་ལ་བ་དེར་མཆིས་སོ། །དེ་ནས་ཁྱེའུ་མྱ་ངན་བྲལ་གྱིས་ཁྱེའུ་མྱ་ངན་མེད་ལས་ལན་ཐོས་ནས། བཅོམ་ལྡན་འདས་དེ་ལ་མཆིལ་ལྷམ་དེ་གཉིས་དང ། གོས་རིན་པོ་ཆེ་དེ་ཕུལ་ནས་དེའི་ཚེ་ཚིགས་སུ་བཅད་དེ་གསོལ་པ། ལམ་ངན་ནས་ནི་འགྲོ་མ་གྱུར། །འཇིག་རྟེན་འདྲེན་པ་མཐོང་གྱུར་ཅིག་།སངས་རྒྱས་ཀྱིས་ནི་གང་བསྟན་པའི། །ལམ་ལ་རྟག་ཏུ་བསྟེན་པར་ཤོག་།དེ་ནས་ཁྱེའུ་མྱ་ངན་མེད་ཀྱིས་ཀྱང་ཕུ་བོ་ལ་ཚིགས་སུ་བཅད་པ་དག་གིས་སྨྲས་པ། གང་དག་ལུས་དང་དེ་བཞིན་དུ། །སྲོག་གི་དབང་པོ་སྲུང་བྱེད་པ། །དེ་དག་རྟག་ཏུ་ལ་མ་ཚོལ་འགྱུར། །ཕུ་བོ་དེ་ནི་ཁྱོད་བཞིན་ནོ། །གང་དག་རྟག་ཏུ་བདེ་བ་དོན་གཉེར་བ། །དེ་དག་གཞན་གྱི་བ་དེ་བ་ཚོལ་མི་བྱེད། ལུས་སྲོག་དབང་པོ་བོར་ནས་གཞན་དུ་ནི། །སྡུག་བསྔལ་རྣམ་པ་སྣ་ཚོགས་འབྱུང་བར་འགྱུར། །མི་རྣམས་ཀྱི་ནི་རྒྱ་ཆེན་དོན་ཀྱང་བྱ། །སྡུག་བསྔལ་དྲ་བ་ལས་ནི་ཡོངས་དགྲོལ་བྱ། །ལམ་འདི་ཉིད་དེ་སངས་རྒྱས་མཐོང་བ་འདི། །སངས་རྒྱས་མཐོང་ནས་ཕྱི་ནས་ལམ་མ་ཚལ། །བདག་ཅག་ལམ་ནས་བདེ་བར་འགྲོ་བྱ་ཞེས། །མ་རྟོགས་མི་མཁས་གཞན་དག་རློམ་སེམས་འགྱུར། །དེ་ནས་ལམ་ངན་ལམ་དེར་འགྲོ་བར་འགྱུར། །དེ་དག་གིས་ནི་ཡང་དག་ལམ་མི་ཤེས། །ལམ་ངན་འགྲོ་བ་དོན་དམ་བློ་ཅན་རྣམས། །ལམ་ལ་དེ་ནི་ལམ་ངན་ཞེས་འཇུག་པ། །དེ་ནི་རྟག་ཏུ་བདུད་ཀྱི་འཆིང་
78a
༄#། །བས་ཟིན། །དེ་འདྲ་དེ་ནི་ལམ་མཆོག་འདི་ལས་རིང ། །རྟག་ཏུ་སངས་རྒྱས་དག་དང་ཕྲད་གྱུར་ཅིག་།རྟག་པར་རྒྱུན་དུ་དུར་སྨྲིག་གྱོན་པར་ཤོག་།རྟག་ཏུ་ཚངས་པ་སྤྱོད་པ་ཐོབ་གྱུར་ཅིག་།སྐྱེས་ནས་ཤིན་ཏུ་སེམས་ཅན་དོན་བྱེད་ཤོག་།དམ་ཆོས་སྤྱོད་ལ་རྟག་ཏུ་གནས་གྱུར་ཅིག་།རྟག་ཏུ་ཆོས་ཀྱང་ཀུན་ཏུ་འཛིན་པར་ཤོག་།རྟག་ཏུ་རྒྱལ་བ་རྣམས་ཀྱི་ཆོས་བཟུང་ནས། །རྟག་ཏུ་སྲོག་ཆགས་རྣམས་ལ་ཕན་བྱེད་ཤོག་།རྟག་ཏུ་བརྩོན་འགྲུས་བརྟན་པོར་རྩོམ་གྱུར་ཅིག་།ཐོས་པའི་ཆོས་རྣམས་ཆུད་ཟ་མ་གྱུར་ཅིག་།དུས་རྣམས་ཀུན་ཏུ་མཉམ་པར་འཇོག་གྱུར་ཅིག་།ཡོན་ཏན་རྣམས་ཀྱིས་རྟག་ཏུ་བརྒྱན་པར་ཤོག་།མ་ཕམ་པ། དེ་ནས་ཁྱེའུ་མྱ་ངན་མེད་དང ། ཁྱེའུ་མྱ་ངན་བྲལ་གྱིས་ཚིགས་སུ་བཅད་པ་དེ་དག་སྨྲས་ནས།་དེ་བཞིན་གཤེགས་པ་བདེ་བའི་རྒྱལ་པོའི་ཐད་དུ་ཁྱིམ་ནས་ཁྱིམ་མེད་པར་མཐུན་པར་རབ་ཏུ་བྱུང་ངོ ། །དེ་ལྟར་དེ་དག་རབ་ཏུ་བྱུང་མ་ཐག་ཏུ་གཅིག་ལ་གཅིག་སྨྲས་པ། བདག་ཆེས་ཐོག་མར་དེ་བཞིན་གཤེགས་པར་འགྱུར་བར་བྱའོ། །དེ་ནས་དགེ་སློང་མྱ་ངན་མེད་ཀྱིས་དགེ་སློང་མྱ་ངན་བྲལ་ལ་སྨྲས་པ། མྱ་ངན་བྲལ། ཁྱོད་ཀྱིས་བདག་ཆེས་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ། །ཞེས་དེ་སྐད་ཅེས་སྨྲས་ན། ཁྱོད་ཀྱི་སེམས་ཇི་ལྟ་བུ་ཞིག་བསྐྱེད། དེས་
78b
སྨྲས་པ།་མྱ་ངན་མེད། འདིར་བདག་གིས་ནི། གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་སེམས་ཅན་རེ་རེའི་དོན་གྱི་ཕྱིར་སེམས་ཅན་དམྱལ་བ་རྣམས་སུ་བསྐལ་པ་འབུམ་དུ་སྨིན་པར་གྱུར་ནའང་དེའི་ཚེའང་བྱང་ཆུབ་ཀྱི་སེམས་དོར་བར་མི་བྱའོ། །སྙམ་སྟེ། མྱ་ངན་མེད། བདག་གིས་སེམས་དེ་ལྟ་བུ་བསྐྱེད་དོ། །མྱ་ངན་མེད། འོན་ཀྱང་བདག་གིས་གལ་ཏེ་བདག་གི་མགོ་བོར་ཤར་ཕྱོགས་དང ། དེ་བཞིན་དུ་ཕྱོགས་ཐམས་ཅད་ནས་ལ་ལ་ཞིག་འོངས་ཏེ། བཤང་བའི་ཆང་བུའམ། མེའི་རིལ་ལུའམ། རྡུལ་གྱི་རིལ་ལུའམ། བཤང་བའི་བུམ་པའམ། མེའི་བུམ་པའམ། རྡུལ་གྱི་བུམ་པ་ཞིག་བཞག་ཀྱང་གཞི་དེ་ལས་བདག་གིས་གནོད་སེམས་མི་བྱ། ཞེ་སྡང་བསྐྱེད་པར་མི་བྱ། སེམས་ཁྲོས་པས་མི་དེ་ལ་རྣམ་པར་བལྟ་བར་མི་བྱ། སེམས་ཁྲེས་པ་དང་ལྡན་པས་དེ་ལ་ངས་གནོད་པ་ཅི་བྱས་ཞེས་དེ་སྐད་ཅེས་ཀྱང་སྨྲ་བར་མི་བྱ་སྟེ། ཕྱིར་རྒོལ་བ་སུ་གང་གིས་ལས་དེ་བརྩམས་པའི་སེམས་ཅན་དེ་ཉིད་ཀྱི་དོན་གྱི་ཕྱིར་བདག་གིས་ཕ་རོལ་ཏུ་ཕྱིན་པ་དག་ལ་སྤྱད་པར་བྱ་སྟེ། དེས་གང་བྱས་པའི་ལས་དེ་ནི། སངས་རྒྱས་ཀྱི་ཡེ་ཤེས་རྩོམ་པ་ཡིན། ལས་དེ་ནི། སངས་རྒྱས་ཀྱི་ཆོས་རྩོམ་པ་ཡིན་ཏེ། གལ་ཏེ་བདག་གིས་རྐྱེན་དག་བྱུང་བ་ན་སེམས་མཉམ་པར་མ་བཞག་ན། བདག་གིས་བཟོད་པའི་ཕ་རོལ་ཏུ་ཕྱིན་པ་ཇི་ལྟར་ཡོངས་སུ་རྫོགས་པར་བྱེད་པར་འགྱུར། བདག་ལ་གནོད་སེམས་
79a
༄#། །ཀྱི་རྐྱེན་དག་མ་བྱུང་བར་ནི། ཡ་མཚན་ཅིར་འགྱུར་ཏེ། དེ་ལྟ་བས་ན། སེམས་ཅན་དེ་དག་ཉིད་ཡོངས་སུ་སྨིན་པར་བྱ་བའི་ཕྱིར་དང ། ཡོངས་སུ་མྱ་ངན་ལས་འདའ་བར་བྱ་བའི་དོན་གྱི་ཕྱིར་གོ་ཆ་བགོ་བར་བྱའོ། །སྙམ་ནས་བཟོད་པའི་གོ་ཆ་དེ་ལྟ་བུ་བགོས་སོ། །གལ་ཏེ་གནོད་སེམས་སུ་བྱེད་པའི་སེམས་ཅན་དེ་དག་ལའང་གནོད་སེམས་སུ་བྱས་ན།་བདག་ལ་ཁྱད་པར་དུ་འཕགས་པ་ཅི་ཞིག་འབྱུང་བར་འགྱུར་ཏེ། མྱ་ངན་མེད། བདག་གིས་དེ་ལྟ་བུའི་གོ་ཆ་བགོས་སོ། །དེ་ནས་དགེ་སློང་མྱ་ངན་མེད་ཀྱིས་དགེ་སློང་མྱ་ངན་བྲལ་ལ་འདི་སྐད་ཅེས་སྨྲས་སོ། །ཕུ་བོ། ཁྱོད་ཀྱིས་གང་གིས་གོ་ཆ་བགོས་པའི་སེམས་དེ་ཁྱོད་ཀྱིས་གཟིགས་སམ། སྨྲས་པ། གལ་ཏེ་སེམས་མེད་པར་གྱུར་ན་ནི། གོ་ཆ་བགོས་པ་དེ་ལྟ་བུ་མེད་པར་འགྱུར་ལ། གོ་ཆ་དེའང་མེད་ན་ནི། རབ་ཏུ་བསྟན་པའང་མེད་པར་འགྱུར་ཏེ། མྱ་ངན་མེད། གང་གི་ཕྱིར་སེམས་དེ་ཡོད་པ་དེའི་ཕྱིར་གོ་ཆ་དེ་རབ་ཏུ་བསྟན་པའང་ཡོད་དོ། །དེ་ནས་དགེ་སློང་མྱ་ངན་མེད་ཀྱིས་དགེ་སློང་མྱ་ངན་བྲལ་ལ་འདི་སྐད་ཅེས་སྨྲས་སོ། །ཇི་ལྟར་སེམས་དེ་ཡོད་པ་དེ་བཞིན་དུ་གོ་ཆའང་ཡོད་དོ། །ཞེས་དེ་སྐད་ཅེས་ཁྱོད་མ་གསུངས་ཤིག། དེ་ཅིའི་ཕྱིར་ཞེ་ན། མྱ་ངན་བྲལ། སེམས་ནི། སྐྱེ་བ་དང་འཇིག་པའི་ཆོས་ཅན་པས་སྒྱུ་མ་ལྟ་བུ་ཡིན་པའི་ཕྱིར་ཏེ། སྐྱེ་བ་དང་འཇིག་པའི་ཆོས་ཅན་གྱི་སེམས་སྒྱུ་མ་ལྟ་བུ་ལ་ཡོད་པའམ། མེད་
79b
པའང་མེད་དོ། །མྱ་ངན་བྲལ། གང་ཡོད་པའམ་མེད་པ་དེ་ནི། ལྟ་བ་དེ་ཡིན་ཏེ། གང་དེ་ལྟ་བུའི་ལྟ་བ་དེ་ནི། ལོག་པར་ལྟ་བའོ། །གང་ལོག་པར་ལྟ་བ་དེ་ནི། ལམ་གོལ་བ་ཡིན་ཞིང་ལམ་མ་ཡིན་ལ།་དེ་བྱང་ཆུབ་ཀྱི་ལམ་མ་ཡིན་པས་དེའི་བྱང་ཆུབ་དེ་ཐག་རིང་བ་ཡིན་ཞིང་བྱང་ཆུབ་དེ་ཐག་ཉེ་བ་མ་ཡིན་ལ། དེའི་བྱང་ཆུབ་བགྲོད་པར་དཀའ་བ་ཡིན་ཏེ། མྱ་ངན་བྲལ། དེ་ལྟ་བས་ན། དེ་དག་ཐམས་ཅད་ནི། སྤྲོས་པ་ཡིན་ནོ། །གང་དག་ཆོས་སྤྲོས་པ་དང་ལྡན་པ་དང ། ཆོས་རློམ་སེམས་དང་ལྡན་པ་དེ་དག་ནི། བྱང་ཆུབ་སེམས་དཔས་བསྟེན་པར་བྱ་བ་མ་ཡིན་ནོ། །བྱང་ཆུབ་སེམས་དཔས་བསྟན་པར་བྱ་བའི་ཆོས་ཀྱང་གང་ཞེ་ན། བྱང་ཆུབ་སེམས་དཔས་ཆོས་གང་ཡང་བསྟེན་བར་བྱ་བ་མ་ཡིན་པ་སྟེ། དེ་ཅིའི་ཕྱིར་ཞེ་ན། ཆོས་རྣམས་བསྟེན་པར་གྱུར་ན་ནི། ཆོས་མ་ཡིན་པ་རྣམས་བསྟན་པར་འགྱུར་བའི་ཕྱིར་རོ། །དེ་ལྟར་བྱང་ཆུབ་སེམས་དཔས་ཆོས་ཐམས་ཅད་ལ་མངོན་པར་ཞེན་པར་མི་བྱ་སྟེ། དེ་ཅིའི་ཕྱིར་ཞེ་ན། བྱང་ཆུབ་ནི། གཞི་མེད་པའི་ཕྱིར་རོ། །གལ་ཏེ་བྱང་ཆུབ་སེམས་དཔའ་དེ་ལྟར་རློམ་སེམས་སུ་བྱེད་ན། དེའང་ཆོས་མ་ཡིན་པ་སྟེ། དེ་ཅིའི་ཕྱིར་ཞེ་ན། བྱང་ཆུབ་ནི། རློམ་སེམས་མེད་པའི་ཕྱིར་རོ། །གལ་ཏེ་བྱང་ཆུབ་སེམས་དཔའ་དེ་ལྟར་གནས་པར་བྱེད་ན། དེའང་ཆོས་མ་ཡིན་པ་སྟེ། དེ་ཅིའི་ཕྱིར་ཞེ་ན། བྱང་ཆུབ་ནི། གནས་མེད་པའི་ཕྱིར་རོ། །གལ་ཏེ་བྱང་ཆུབ་སེམས་དཔའ་དེ་ལྟར་མོས་པར་བྱེད་ན། དེའང་
80a
༄#། །ཆོས་མ་ཡིན་པ་སྟེ། དེ་ཅིའི་ཕྱིར་ཞེ་ན། བྱང་ཆུབ་ནི། མོས་པ་མེད་པའི་ཕྱིར་རོ། །གལ་ཏེ་བྱང་ཆུབ་སེམས་དཔའ་དེ་ལྟར་རབ་ཏུ་ཤེས་པར་བྱེད་ན། དེའང་ཆོས་མ་ཡིན་པ་སྟེ། དེ་ཅིའི་ཕྱིར་ཞེ་ན། བྱང་ཆུབ་ནི། མཚན་ཉིད་མེད་པའི་ཕྱིར་རོ། །གལ་ཏེ་བྱང་ཆུབ་སེམས་དཔའ་དེ་ལྟར་ཁོང་དུ་ཆུད་པར་བྱེད་ན། དེའང་ཆོས་མ་ཡིན་པ་སྟེ། དེ་ཅིའི་ཕྱིར་ཞེ་ན།་བྱང་ཆུབ་ནི། འགྱུར་བ་མེད་པའི་ཕྱིར་རོ། །གལ་ཏེ་བྱང་ཆུབ་སེམས་དཔས་དེ་ལྟར་མངོན་དུ་བྱའོ། །སྙམ་ནས་དེ་ལྟར་སྒོམ་པར་བྱེད་ན། དེའང་ཆོས་མ་ཡིན་པ་སྟེ། དེ་ཅིའི་ཕྱིར་ཞེ་ན།་བྱང་ཆུབ་ནི། མེད་པའི་ཕྱིར་དང ། བྱང་ཆུབ་དེ་ནི། ཡི་གེ་མེད་པའི་ཕྱིར་རོ། །དེ་ནས་དགེ་སློང་མྱ་ངན་བྲལ་གྱིས་དགེ་སློང་མྱ་ངན་མེད་ལ་འདི་སྐད་ཅེས་སྨྲས་སོ། །མྱ་ངན་མེད། བྱང་ཆུབ་དེ་མེད་དམ། ཅི་ན་དེའི་ཕྱིར་དེ་སྐད་སྟོན། ཅི་སྟེ་མྱ་ངན་བྲལ་ཡོད་ཅིང་བདག་ཡོད་ན་ནི། བྱང་ཆུབ་ཀྱང་ཡོད་དོ། །དགེ་སློང་མྱ་ངན་མེད་ཀྱིས་སྨྲས་པ། ཕུ་བོ། ཁྱོད་སྤྲོས་པ་མེད་པའི་བྱང་ཆུབ་ལ་བྱང་ཆུབ་ཡོད་ཅེ་འམ། མེད་ཅེས་རྣམ་པར་མ་རྟོག་ཅིག། དེ་ཅིའི་ཕྱིར་ཞེ་ན། ཇི་ཙམ་དུ་སྤྲོས་པ་དེ་ནི། བྱང་ཆུབ་མ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་ནི། སྤྲོས་པ་མེད་བའི་ཕྱིར་ཏེ། འདི་ནི། ཚུལ་ཡིན་ནོ། །ཡང་ན་ཇི་ཙམ་དུ་སྤྲོས་པ་དེ་ཙམ་དུ་བྱང་ཆུབ་པོ། །མྱ་ངན་བྲལ་གྱིས་སྨྲས་པ། ནུ་བོ། ཇི་ཙམ་དུ་སྤྲོས་པ་དེ་བྱང་ཆུབ་བོ། །ཞེས་སྨྲས་པ་དེའི་དོན་བདག་
80b
གིས་མི་ཤེས་སོ། །དེ་ནས་དགེ་སློང་མྱ་ངན་མེད་ཀྱིས་ཕུ་བོ་ལ་སྨྲས་པ། ཕུ་བོ། དེའི་ཕྱིར་གཉིས་ཀ་འགྲོགས་ནས། བཅོམ་ལྡན་འདས་དེ་བཞིན་གཤེགས་པ་བདེ་བའི་རྒྱལ་པོ་ག་ལ་བདེར་འདོང་ངོ ། །དེ་ནས་དེ་གཉིས་བཅོམ་ལྡན་འདས་དེ་བཞིན་གཤེགས་པ་བདེ་བའི་རྒྱལ་པོ་དེ་ག་ལ་བ་དེར་དོང་ནས། བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དེ་གཉིས་ཕྱོགས་གཅིག་ཏུ་འཁོད་ནས་ཀྱང་བཅོམ་ལྡན་འདས་དེ་ལ་གཏམ་ཀུན་བརྗོད་པ་དེ་ཇི་སྙེད་བྱུང་བ་དེ་ཐམས་ཅད་གསོལ་ཏོ། །དེ་ནས་བཅོམ་ལྡན་འདས་དེས་དགེ་སློང་མྱ་ངན་མེད་ལ་མྱ་ངན་མེད། ལེགས་སོ། །ལེགས་སོ། །ཞེས་བྱ་བ་བྱིན་ཏེ། དེ་ལ་ལེགས་སོ། །ཞེས་བྱ་བ་བྱིན་ནས་ཀྱང་དགེ་སློང་མྱ་ངན་བྲལ་ལ་འདི་སྐད་ཅེས་བཀའ་སྩལ་ཏོ། །མྱ་ངན་བྲལ། དེ་དེ་བཞིན་ཏེ། ཇི་ཙམ་དུ་སྤྲོས་པ་དེ་ནི། བྱང་ཆུབ་སྟེ།་དེ་ཅིའི་ཕྱིར་ཞེ་ན། སྤྲོས་པ་ཐམས་ཅད་ནི། དབེན་པ་ཡིན་པའི་ཕྱིར་ཏེ། བྱང་ཆུབ་དེའང་དབེན་པ་ཡིན་ནོ། །དབེན་པ་ཉིད་ཀྱང་གང་ཞེ་ན། སྤྲོས་པ་གང་ཡིན་པའོ། །སྤྲོས་པ་གང་ཞེ་ན། རྟོག་པ་སྟེ།་གཟུགས་སྤྲོས་པ་དང ། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྤྲོས་པ་དང ། ཚུལ་ཁྲིམས་སྤྲོས་པ་དང ། ཏིང་ངེ་འཛིན་སྤྲོས་པ་དང ། འདོད་པ་ཆུང་བ་ཉིད་སྤྲོས་པ་དང ། ཆོག་ཤེས་པན་ཡིད་སྤྲོས་པ་དང ། དགང་སླ་བ་ཉིད་སྤྲོས་པ་དང ། མ་འདྲེས་པ་ཉིད་སྤྲོས་པའོ། །སྤྲོས་པ་དེའང་གང་ལས་བྱུང་ཞེ་ན། ཀུན་ཏུ་རྟོག་པ་ལས་བྱུང་སྟེ། གཟུགས་
81a
༄#། །ཀྱི་ཀུན་ཏུ་རྟོག་པ་ནས་ཏིང་ངེ་འཛིན་གྱི་ཀུན་ཏུ་རྟོག་པའི་བར་དུ་ཀུན་ཏུ་རྟོག་པ་ཇི་སྙེད་ཡོད་པ་སྤྲོས་པའང་དེ་སྙེད་དོ། །དེ་ལ་ཀུན་ཏུ་རྟོག་པ་གང་ཡིན་པ་དེ་ནི། གཟུགས་ཅན་མ་ཡིན་པའི་ཕྱིར་ཀུན་ཏུ་རྟོག་པ་ནི། གཟུགས་ཅན་མ་ཡིན་པའོ། །ཀུན་ཏུ་རྟོག་པ་གང་ཡིན་པ་དེ་ནི། རྟོག་པ་མེད་པའོ། །ཀུན་ཏུ་རྟོག་པ་གང་ཡིན་པ་དེ་ནི། ཚུལ་ཁྲིམས་མ་ཡིན་པ་ནས་ཆོག་ཤེས་པ་ཉིད་ཀྱི་བར་དུའང་མ་ཡིན་ནོ། །བྱང་ཆུབ་ནི། གཟུགས་སྟོང་པ་ཉིད་དོ། །བྱང་ཆུབ་ནི། ཚོར་བ་དང ། འདུས་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་སྟོང་པ་ཉིད་དོ། །དེ་བཞིན་དུ་བྱང་ཆུབ་དེ་ནི། ཚུལ་ཁྲིམས་དང ། ཏིང་ངེ་འཛིན་དང ། འདོད་པ་ཆུང་བ་ཉིད་དང ། ཆོག་ཤེས་པ་ཉིད་དང ། དགང་སླ་བ་ཉིད་དང ། གསོ་སླ་བ་ཉིད་སྟོང་པ་ཉིད་དོ། །སྟོང་པ་ཉིད་ནི།་གཅིག་པའང་མ་ཡིན། ཐ་དད་པའང་མ་ཡིན་ཏེ། བྱང་ཆུབ་དེ་ནི། དེ་ཡིན་ནོ། །དེ་ནས་དགེ་སློང་མྱ་ངན་བྲལ་གྱིས་ཆོས་ཀྱི་རྣམ་གྲངས་དེ་ཐོས་ནས་མི་སྐྱེ་བའི་ཆོས་ལ་བཟོད་པ་ཐོབ་བོ། །སེམས་གང་གིས་བྱང་ཆུབ་སེམས་དཔའ་ཞེས་བརྗོད་པའི་བྱང་ཆུབ་ཀྱི་སེམས་དེའང་རབ་ཏུ་ཤེས་སོ། །དེ་ལྟར་དགེ་སློང་མྱ་ངན་མེད་དང ། དགེ་སློང་མྱ་ངན་བྲལ་དེ་ལྟར་ཆོས་རྣམས་ལ་ལྷག་མཐོང་དང ། དེ་ལྟར་ཆོས་རྣམས་རབ་ཏུ་ཤེས་པ་དང ། དེ་ལྟར་ཆོས་རྣམས་ལ་མོས་པས་ལོ་བརྒྱད་ཁྲི་བཞི་སྟོང་དུ་ནམ་ཡང་རྨུགས་པ་དང ། གཉིད་ཀྱིས་མ་ནོན་ཅིང་ནམ་ཡང་བརྩོན་འགྲུས་
81b
མ་བཏང་སྟེ། གཞན་དུ་ན་རྟག་ཏུ་འཆག་པ་ལ་མངོན་པར་བརྩོན་པ་འབའ་ཞིག་ཏུ་གྱུར་པ་ནི། མ་གཏོགས་སོ། །ནམ་ཡང་འདོད་ཆགས་ཀྱི་སེམས་མ་བསྐྱེད། ཞེ་སྡང་གི་སེམས་མ་བསྐྱེད། གཏི་མུག་གི་སེམས་མ་བསྐྱེད་དོ། །དེ་གཉིས་དེ་ནས་ཤི་འཕོས་ནས་འོག་གི་འཇིག་རྟེན་གྱི་ཁམས་སུ་དེ་བཞིན་གཤེགས་པ་དཔུང་མགོ་ཟླུམ་པ་ཞེས་བྱ་བའི་སངས་རྒྱས་ཀྱི་ཞིང་སྟོང་གི་རྗེས་སུ་མཐུན་པ་ཞེས་བྱ་བར་སྐྱེས་ཏེ། དེར་ཡང་བརྩོན་འགྲུས་བརྩམ་པ་ཡང་དག་པར་བླངས་ནས་གནས་པར་གྱུར་ཏོ། །མ་ཕམ་པ། རྣམ་གྲངས་དེས་བྱང་ཆུབ་སེམས་དཔའ་དེ་གཉིས་ཀྱིས་སངས་རྒྱས་བྱེ་བ་ཕྲག་དྲུག་ཅུ་རྩ་བརྒྱད་མཉེས་པར་བྱས་སོ། །སྐྱེ་བ་ཐམས་ཅད་དུའང་རབ་ཏུ་བྱུང་སྟེ། ཐམས་ཅད་དུའང་བརྩོན་འགྲུས་བརྩམས་པ་དག་གིས་གནས་སོ། །དེའི་འོག་ཏུ་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་མེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚོགས་མཆོག་བཀོད་པ་ཞེས་བྱ་བ་འཇིག་རྟེན་དུ་བྱུང་ངོ ། །དེའི་འོག་ཏུ་བྱང་ཆུབ་སེམས་དཔའ་མྱ་ངན་བྲལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མོང་པར་རྫོགས་པར་སངས་རྒྱས་ཏེ། དེ་བཞིན་གཤེགས་པ་མཆོག་གི་ཚོགས་ཅན་ཞེས་བྱ་བ་བྱུང་བར་གྱུར་ཏེ། མ་ཕམ་པ། དེ་དག་གི་གསུང་རབ་དེའང་རྒྱ་ཆེན་པོར་གྱུར་ཏོ། །མ་ཕམ་པ། དེ་བཞིན་གཤེགས་པ་དེ་དག་ནི། ཚེའང་
82a
༄#། །དཔག་ཏུ་མེད་པར་གྱུར་ཏོ། །མ་ཕམ་པ། བྱང་ཆུབ་སེམས་དཔའ་སེམས་གང་ཡིན་པ་དེ་ནི། གང་དུའང་བསྐུར་པ་མ་ཡིན། གང་ནས་ཀྱང་བླངས་པ་མ་ཡིན། བསྐྱེད་པ་མ་ཡིན། བཀག་པ་མ་ཡིན། གནས་པ་མ་ཡིན། རྒྱུན་ཆད་པ་མ་ཡིན། སོང་བ་མ་ཡིན། འོངས་པ་མ་ཡིན་ནོ། །མ་ཕམ་པ། སེམས་དེ་གང་ཡིན་པ་དང ། བྱང་ཆུབ་སེམས་དཔའ་གང་ཡིན་པ་དེ་གཉིས་ཀའང་མཆོག་ཏུ་རྙེད་པར་དཀའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །བསྐལ་པ་བྱེ་བ་རྣམས་སུ་ཡང ། །འཇིག་རྟེན་སྣང་བྱེད་རྣམས་ནི་དཀོན། །ུ་དུམ་ཝ་རའི་མེ་ཏོག་བཞིན། །འཇིག་རྟེན་དུ་ནི་རེས་འགའ་འབྱུང ། །གང་དག་བྱང་ཆུབ་ཕྱིར་ཞུགས་པའི། །བྱང་ཆུབ་སེམས་དཔའི་སེམས་དེའང་དཀོན། ། དཔའ་བོ་ཡི་ནི་སེམས་དེ་ཡང ། །འཇིག་རྟེན་དུ་ནི་རེས་འགའ་འབྱུང ། །དེ་ལྟ་བས་ན་དེ་འདྲ་བའི། །དག་པའི་སེམས་དེ་བསྐྱེད་ནས་སུ། །སངས་རྒྱས་དག་གི་སྟོབས་རྣམས་དང ། །དེ་བཞིན་མི་འཇིགས་རྣམས་ཀྱང་སྣང ། །དེ་ལས་སེངྒེའི་སྒྲ་སྒྲོག་དང ། །དྲང་སྲོང་སྨྲ་བར་ང་ཡིས་སུ། །ཡང་དག་འཁོར་ལོ་བསྐོར་བ་བཞིན། །ཆོས་ཀྱི་འཁོར་ལོའང་དེ་བཞིན་ནོ། །ང་ཡི་མ་འདྲེས་བཅོ་བརྒྱད་ཆོས། །མ་ཚང་མེད་པ་གང་ཡིན་དང ། །སངས་རྒྱས་རྣམས་ཀྱི་མཚན་གང་ཡིན། །དེ་དག་ཀྱང་ནི་འདིར་ལྟོས་ཤིག་།རྨོངས་པ་མེད་པས་གཤེགས་པ་དང ། །གླང་པོ་ཆེ་ཡི་གཟིགས་
82b
སྟངས་དང ། །སྤྱི་གཙུག་བལྟར་མི་མཐོང་བ་ཡང ། །སེམས་དེ་ལས་ནི་རབ་ཏུ་ལྟོས། །ཚུལ་ཁྲིམས་ཕ་རོལ་ཕྱིན་པ་དང ། །ཏིང་འཛིན་ཕ་རོལ་ཕྱིན་པ་དང ། །ཤེས་རབ་ཕ་རོལ་ཕྱིན་པ་དང ། །བྱང་ཆུབ་སེམས་དེའང་འདི་ལས་ལྟོས། །སངས་རྒྱས་ཆོས་རྣམས་རབ་བསྟན་པའི། །ཆོས་གཞན་གང་དག་ཡིན་པ་ཡང ། །དེ་དག་ཐམས་ཅད་སེམས་དེ་དང ། །དང་པོའི་སེམས་ལ་གནས་པ་ཡིན། །ཉན་ཐོས་ཚུལ་ཁྲིམས་གང་ཡིན་དང ། །ཉན་ཐོས་ཏིང་འཛིན་གང་ཡིན་དང ། །ཤེས་རབ་ཕུང་པོ་རྫུ་འཕྲུལ་གང ། །དེ་དག་ཐམས་ཅད་འདིར་ལྟོས་ཤིག་།སྔོན་ཆད་སེམས་ནི་བསྐྱེད་པ་དེ། །གལ་ཏེ་འཇུག་པ་མ་ཡིན་ན། །བླ་ན་མེད་པའི་ཡེ་ཤེས་ཀྱང ། །འཇུག་པར་འགྱུར་བ་ག་ལ་ཡིན། །སངས་རྒྱས་ཆོས་རྣམས་མཐོང་མིན་ན། །ཐོས་པར་ཡང་ནི་ག་ལ་འགྱུར། །འཇིག་རྟེན་དུ་ནི་ཉན་ཐོས་རྣམས། །འབྱུང་བར་སྲིད་པ་མ་ཡིན་ནོ། །རྫོགས་པའི་རང་སངས་རྒྱས་གང་དག་།གནས་ནས་མྱ་ངན་འདས་པ་ཡི། །དགེ་བའི་གོ་ཆ་དེ་ཡང་ནི། །སེམས་དེ་ཉིད་ལས་བལྟ་བར་བྱོས། །སེམས་ཅན་བདེ་བ་གང་ཅིའང་རུང ། །འཇིག་རྟེན་པའམ་འཇིག་རྟེན་འདས། །ཐམས་ཅད་ཀྱང་ནི་སེམས་དེ་དང ། །དང་པོའི་སེམས་ལ་གནས་པ་ཡིན། །སེམས་དེའི་རྣམ་པར་སྨིན་པ་ནི། །རྒྱ་ཆེན་ཡིན་ཏེ་དེ་མཐོང་ན། །བསྐལ་པ་བྱེ་ཕྲག་སྟོང་དུ་ཡང ། །དེ་ནི་ཟད་པར་མི་འདོད་དོ། །སྐྱེ་བ་དང་ནི་འཇིག་ལྡན་ལ། །རྐྱེན་རྣམས་ཀྱིས་ནི་བསྐྱེད་གྱུར་པ། །སེམས་ཀྱིས་དངོས་པོ་སྟོང་པ་ཡི། །རྣམ་པར་སྨིན་པ་
83a
༄#། །ཅི་འདྲ་ལྟོས། །རྐྱེན་རྣམས་ཀྱིས་ནི་སེམས་བསྐྱེད་ལ། །སེམས་དེའང་དངོས་པོ་མེད་པ་སྟེ། །དངོས་པོ་མེད་དང་ལྡན་སེམས་ཀྱི། །རྣམ་པར་སྨིན་པ་ཅི་འདྲ་ལྟོས། །དམིགས་པར་བྱ་བ་དེ་དག་གིས། །སེམས་ནི་ནམ་ཡང་མི་སྐྱེ་སྟེ། །གང་གི་བསྔགས་པ་མི་ཉམས་པའི། །དེ་ཡི་རྣམ་སྨིན་ཉིད་ལ་ལྟོས། །བརྟན་པའི་བློ་ཅན་མི་ཞིག་གིས། །དེ་འདྲའི་སེམས་ནི་རབ་ཤེས་ནས། །རྟག་ཏུ་ཐེག་པ་དམ་པ་ལ། །གནས་པ་སུ་ཞིག་ཆུད་ཟར་འགྱུར། །གང་དག་མིག་དང་གཟུགས་གནས་ཤིང ། །ཚོར་བ་དང་ནི་འདུ་ཤེས་གནས། །འདུ་བྱེད་ལ་ཡང་གནས་ནས་སུ། ། བདག་ཉིད་རྣམ་ཤེས་མ་བྱས་པ། །བློ་གྲོས་ངན་པས་ནམ་མཁའ་ལ། །ཀུན་ཏུ་བརྟགས་པས་བདག་སྙམ་པ། །ཡུན་རིང་དག་པར་མ་གྱུར་པས། །སྲིད་པར་མི་མཁས་རྣམས་སུ་འགྱུར། །དེ་ཕྱིར་སེམས་ནི་གསོབ་དང་གསོག་།ཡོད་པ་མིན་པར་རབ་ཤེས་ནས། །དེ་ལ་སྙིང་པོར་མི་གཟུང་སྟེ། །དེ་དག་ངོ་བོ་ཉིད་ཀྱིས་སྟོང ། །བརྟེན་ནས་སེམས་ནི་བསྐྱེད་གྱུར་པ། །ནམ་ཡང་ཆུད་ཟར་མི་འགྱུར་ཞིང ། །གང་དག་དེ་ཡི་རྐྱེན་ཡིན་པ། །དེ་དག་ངོ་བོ་ཉིད་ཀྱིས་སྟོང ། །ངོ་བོ་ཉིད་ཀྱིས་སྟོང་པའི་ཆོས། །དེ་དག་ལ་ནི་སྒྲུབ་པ་མེད། །ཆོས་རྣམས་ཐམས་ཅད་བརྟགས་པ་སྟེ། །རང་བཞིན་དེ་ལྟར་རབ་ཏུ་བསྟན། །གང་དག་དེ་ལྟར་རབ་ཤེས་པ། །དེ་དེ་བྱང་ཆུབ་ལུང་བསྟན་གྱི། །དེ་དག་གཟུགས་ཀྱིས་ལུང་མ་བསྟན། །ཚོར་བས་ཀྱང་ནི་ལུང་མ་བསྟན། །འདུ་ཤེས་འདུ་བྱེད་རྣམས་ཀྱིས་མིན།།
83b
རྣམ་ཤེས་ཀྱིས་ཀྱང་ལུང་མ་བསྟན། །འདི་ལ་ཆོས་རྣམས་མི་དམིགས་ཀྱང ། །དེ་དག་ལུང་མ་བསྟན་པའང་མིན། །གང་དག་འདི་ལ་ཆོས་ཐམས་ཅད། །མཚན་མེད་དེ་འདྲའི་ཤེས་ལྡན་ཞིང ། ། ཤེས་པས་རློམ་སེམས་མི་བྱེད་པ། །དེ་དག་བྱང་ཆུབ་ལུང་བསྟན་ཏོ། །བཟོད་པ་འདི་འདྲ་དེ་སྐྱེས་པ། །བློ་གྲོས་བརྟན་པས་བཟོད་དུ་ཟད། །བོང་བའི་ཆད་པས་མཚོན་ཆད་ལ། །དེ་དག་མི་མཇེད་ཅན་དུ་འགྱུར། །གང་དག་བཟོད་པ་དེ་འདྲ་བ། །ལེགས་པར་སྐྱེས་པར་གྱུར་པ་དག་།དེ་དག་རྙེད་དང་བཀུར་སྟི་བཟོད། །དེ་ནི་རྙེད་པས་རློམ་སེམས་མེད། །དེ་འདྲ་བ་ཡི་བཟོད་པ་དེ། །མཁས་པ་རྣམས་ཀྱིས་ནོན་པ་ཡིན། །མཐའ་གཉིས་ཟིལ་གྱིས་མནན་ནས་སུ། །མཁས་རྣམས་དབུ་མས་སྤྱོད་པར་བྱེད། །དེ་ཕྱིར་བཟོད་པ་བསྟེན་པར་བྱ། །ངོ་བོ་ཉིད་ཀྱིས་ཆོས་སྟོང་པ། །དེ་ནི་བྱང་ཆུབ་ལམ་ཡིན་ཏེ། །ངས་ཀྱང་དེ་ནི་བསྟེན་པ་ཡིན། །བྱང་ཆུབ་ཏུ་སེམས་བསྐྱེད་པ་བསྔགས་པའི་ལེའུ་ཞེས་བྱ་སྟེ། བཞི་པའོ།། །།བམ་པོ་ལྔ་པ། དེའི་ཚེ་ཤར་ཕྱོགས་ཀྱི་ཕྱོགས་ཆར་འཇིག་རྟེན་གྱི་ཁམས་གྲངས་མེད་པ་སྟོང་ཕྲག་དྲུག་ཅུ་རྩ་བརྒྱད་འདས་པ་ན་འཇིག་རྟེན་གྱི་ཁམས་བློ་གྲོས་རབ་གནས་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའི་རིགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
84a
༄#། །པའི་སངས་རྒྱས་ནམ་མཁའི་རིགས་དེས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཟླ་བ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཟླ་བས་སྣང་བ་དེ་མཐོང་སྟེ། །གསུང་བསལ་བའི་སྒྲ་དེའང་ཐོས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཟླ་བས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའི་རིགས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། །གསུང་བསལ་བའི་སྒྲ་གྲགས་པ་དེ་དང ། འོད་གདའ་བ་དེ་སུའི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་དེ་བཞིན་གཤེགས་པ་ནམ་མཁའི་རིགས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཟླ་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་གྲངས་མེད་པ་སྟོང་ཕྲག་དྲུག་ཅུ་རྩ་བརྒྱད་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །གསུང་བསལ་བའི་སྒྲ་གྲགས་པ་དེ་དང ། འོད་སྣང་བ་དེ་ནི། བཅོམ་ལྡན་འདས་དེའི་ཡིན་ནོ། །དེ་ནས་བཅོམ་ལྡན་འདས་དེ་ལ་བྱང་
84b
ཆུབ་སེམས་དཔའ་ཟླ་བས་འདི་སྐད་ཅེས་གསོལ་ཏོ། །བཅོམ་ལྡན་འདས། །བཅོམ་ལྡན་འདས་ཤཱཀྱ་ཐུབ་པ་དེའི་ཐད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། ། བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། ཁྱོད་དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་བཅོམ་ལྡན་འདས་དེས་སྐབས་ཕྱེ་ནས་བྱང་ཆུབ་སེམས་དཔའ་ཟླ་བས་བཅོམ་ལྡན་འདས་དེ་ལས་རྣམ་པར་བལྟས། ཏེ་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ནས་འགྲོ་བར་ཆས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ནམ་མཁའི་རིགས་དེས་བྱང་ཆུབ་སེམས་དཔའ་ཟླ་བའི་ལག་པར་ལག་པ་ལྟ་བུའི་མེ་ཏོག་ཀུ་མུ་ད་བྱིན་ཏེ། འདི་སྐད་ཅེས་ཀྱང་བཀའ་སྩལ་ཏོ། །རིགས་ཀྱི་བུ། ཁྱོད་ཀྱིས་ལག་པ་ལྟ་བུའི་མེ་ཏོག་ཀུ་མུ་ད་འདི་བཅོམ་ལྡན་འདས་དེ་ལ་ཕུལ་ལ། བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་ནམ་མཁའི་རིགས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ལོ། །ཞེས་དེ་སྐད་ཅེས་ཀྱང་གསོལ་ཅིག་།དེ་ནས་བྱང་ཆུབ་སེམས་དཔའ་ཟླ་པས་བཅོམ་ལྡན་འདས་དེའི་ལྟར་མཉན་ཏེ། ལེགས་སོ། །ཞེས་གསོལ་ནས་སོང་སྟེ། དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་
85a
༄#། །བསྐུམ་པ་རྐྱོང་བར་བྱེད་པའམ། ལག་པ་བརྐྱང་བ་སྐུམ་པར་བྱེད་པའི་སྐད་ཅིག་དེས་སོང་ངོ ། །དེ་ནས་བྱང་ཆུབ་སེམས་དཔའ་ཟླ་བས་ཕྱིན་ཏེ། བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་ནམ་མཁའི་རིགས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་ལག་པ་ལྟ་བུའི་ཀུ་མུ་ད་འདིའང་བསྐུར་བ་ལགས་སོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཟླ་བའི་ལག་པ་ནས་ལག་པ་ལྟ་བུའི་ཀུ་མུ་ད་དེ་བཞེས་ཏེ། བཞེས་ནས་ཀྱང་བཀའ་སྩལ་པ།་ཟླ་བ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། བདེ་བ་དང་ལྡན་ནམ། འགྱུར་བ་མི་མངའམ། བདེ་བར་རེག་པ་ལ་གནས་སམ། བཅོམ་ལྡན་འདས། དེ་ལྟ་ལགས་སོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་བཞི་ཁྲི་འདས་པ་ན་འཇིག་རྟེན་གྱི་ཁམས་སའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་ཡང་དག་པར་རྫོགས་པའི་སངས་རྒྱས་རྣམ་པར་བསྒྲགས་པའི་སྟོབས་ཀྱི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་
85b
དཔའ་སེམས་དཔའ་ཆེན་པོ་ཡེ་ཤེས་རྣམ་པར་བསྒྲགས་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་རྣམ་པར་བསྒྲགས་པས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །དེ་ནས་བྱང་ཆུབ་སེམས་དཔའ་ཡེ་ཤེས་རྣམ་པར་བསྒྲགས་པ། བཅོམ་ལྡན་འདས་དེ་བཞིན་གཤེགས་པ་རྣམ་པར་བསྒྲགས་པའི་སྟོབས་ཀྱི་རྒྱལ་པོ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས།་འོད་དེ་དང ། གསུང་བསལ་བའི་སྒྲ་དེ་སུའི་ལགས། དེ་ནས་བཅོམ་ལྡན་འདས་དེས་བྱང་ཆུབ་སེམས་དཔའ་དེ་ལ་བཀའ་སྩལ་པ། རིགས་ཀྱི་བུ། སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་གྲངས་མེད་པ་བཞི་ཁྲི་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་སེམས་ཅན་ཐམས་ཅད་ཀྱི་བསམ་པ་ཡང་དག་པར་ཚིམ་པར་བྱེད་པའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་དེས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། དཔེ་
86a
༄#། །མེད་པ་སེམས་པའི་བྱང་ཆུབ་སེམས་དཔའ་དེ་དག་ཀྱང་བལྟ་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཅོམ་ལྡན་འདས་དེས་བཀའ་སྩལ་པ།་རིགས་ཀྱི་བུ། དེའི་དུས་ལ་དབབ་པར་ཤེས་ན་སོང་ཞིག ། དེ་ནས་བཅོམ་ལྡན་འདས་དེས་སྐབས་ཕྱེ་ནས་བྱང་ཆུབ་སེམས་དཔའ་ཡེ་ཤེས་རྣམ་པར་བསྒྲགས་པས་བཅོམ་ལྡན་འདས་དེ་ལ་ཕྱག་འཚལ་ཏེ། འཇིག་རྟེན་གྱི་ཁམས་མི་མཇེད་ག་ལ་བ་དེར་ཆས་སོ། །དེ་ནས་དེ་བཞིན་གཤེགས་པ་རྣམ་པར་བསྒྲགས་པའི་རྒྱལ་པོ་དེས་ཙནྡན་དམར་པོའི་ཐུམ་པོ་བྱིན་ནས། རིགས་ཀྱི་བུ། ཁྱོད་ཀྱིས་བཅོམ་ལྡན་འདས་དེ་ལ་འདི་ཕུལ་ཏེ། ཕུལ་ནས་ཀྱང་ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཅིག་།དེ་ནས་བྱང་ཆུབ་སེམས་དཔའ་ཡེ་ཤེས་རྣམ་པར་བསྒྲགས་པས་མཉན་ནས་ལེགས་སོ། །ཞེས་གསོལ་ཏེ། འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། ལག་པ་བརྐྱང་པ་སྐུམ་པར་བྱེད་པའི་སྐད་ཅིག་དང ། ཐང་གཅིག་དང ། ཡུད་ཙམ་དེས་འཇིག་རྟེན་གྱི་ཁམས་འདིར་འོངས་ཏེ། དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། བཅོམ་ལྡན་
86b
འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་རྣམ་པར་བསྒྲགས་པའི་སྟོབས་ཀྱི་རྒྱལ་པོ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་ངེས་ཙནྡན་དམར་པོའི་ཐུམ་པོ་འདིའང་བསྐུར་བ་ལགས་སོ། །བཅོམ་ལྡན་འདས་ཀྱིས་བཞེས་ཏེ། བཞེས་ནས་ཀྱང་བཀའ་སྩལ་པ། ཡེ་ཤེས་རྣམ་པར་བསྒྲགས་པ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། འགྱུར་བ་མི་མངའམ། གསོལ་པ།་བཅོམ་ལྡན་འདས། དེ་ལྟ་ལགས་སོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་དགུ་སྟོང་འདས་པ་ན་འཇིག་རྟེན་གྱི་ཁམས་ཟླ་བ་འཕགས་པའི་འོད་ཟེར་ཅེས་བྱ་བ་ཡོད་དེ།་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་རབ་ཏུ་བཏང་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་འོད་ཀྱི་དཀྱིལ་འཁོར་ཅན་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་འོད་ཀྱི་དཀྱིལ་འཁོར་ཅན་གྱིས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཀྱི་དཀྱིལ་འཁོར་ཅན་གྱིས་འདི་
87a
༄#། །སྐད་ཅེས་གསོལ་ཏོ། །བཅོམ་ལྡན་འདས། འོད་དེ་དང ། གསུང་བསལ་བའི་སྒྲ་གྲགས་པ་དེ་སུའི་ལགས། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་ཀྱི་དཀྱིལ་འཁོར་ཅན་ལ་འདི་སྐད་ཅེས་བཀའ་སྩལ་ཏོ། །འོད་ཀྱི་དཀྱིལ་འཁོར་ཅན། ནུབ་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་དགུ་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་འོད་ཀྱི་དཀྱིལ་འཁོར་ཅན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ཤཱཀྱ་ཐུབ་པ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་བལྟ་བའི་སླད་དུ་འཇིག་རྟེན་གྱི་ཁམས་དེར་བདག་མཆི་བར་བགྱིའོ། །བཀའ་སྩལ་པ། རིགས་ཀྱི་བུ། ཁྱོད་དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་བཅོམ་ལྡན་འདས་དེ་བཞིན་གཤེགས་པ་འོད་ཟེར་རབ་ཏུ་བཏང་བས་བྱང་ཆུབ་སེམས་དཔའ་འོད་ཀྱི་དཀྱིལ་འཁོར་ཅན་ལ་པདྨ་ཆེན་
87b
པོ་གཅིག་བྱིན་ཏེ། རིགས་ཀྱི་བུ། ཁྱོད་ཀྱིས་བཅོམ་ལྡན་འདས་དེ་ལ་པདྨ་ཆེན་པོ་འདི་ཕུལ་ལ། བཅོམ་ལྡན་འདས་ལ་བཅོམ་ལྡན་འདས་འོད་ཟེར་རབ་ཏུ་བཏང་བ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་གསོལ་ལོ། །ཞེས་དེ་སྐད་ཅེས་གསོལ་ཅིག་།དེ་ནས་བྱང་ཆུབ་སེམས་དཔའ་འོད་ཀྱི་དཀྱིལ་འཁོར་ཅན་བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་བསྐོར་བ་བྱས་ནས། འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ཞེས་བྱ་བ་ནས་རྒྱས་པར་སྐད་ཅིག་དེས་འཇིག་རྟེན་གྱི་ཁམས་མི་མཇེད་འདིར་ཕྱིན་ཏེ། དེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་འོད་ཟེར་རབ་ཏུ་བཏང་བ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་པདྨ་ཆེན་པོ་འདིའང་བསྐུར་བ་ལགས་སོ། །བཅོམ་ལྡན་འདས་ཀྱིས་བཞེས་ཏེ། བཞེས་ནས་ཀྱང་བྱང་ཆུབ་སེམས་དཔའ་འོད་ཀྱི་དཀྱིལ་འཁོར་ཅན་ལ་བཀའ་སྩལ་པ། འོད་ཀྱི་དཀྱིལ་འཁོར་ཅན། ཅི་བཅོམ་ལྡན་འདས་སྙུན་མི་མངའམ། སྟོབས་དང་ལྡན་ནམ། བདེ་
88a
༄#། །བ་དང་ལྡན་ནམ། འགྱུར་བ་མི་མངའམ། གསོལ་པ། བཅོམ་ལྡན་འདས་དེ་ལྟ་ལགས་སོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་སུམ་ཁྲི་བརྒྱད་སྟོང་འདས་པ་ན་འཇིག་རྟེན་ཀྱི་ཁམས་འདྲེན་པའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངེས་པར་འདྲེན་པའི་རྒྱལ་མཚན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེའི་གོ་ཆ་མཐའ་ཡས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བྱང་ཆུབ་སེམས་དཔའ་རིན་པོ་ཆེའི་གོ་ཆ་མཐའ་ཡས་ཀྱིས་སྣང་བ་ཆེན་པོ་དེ་དང ། ས་གཡོ་བ་ཆེན་པོ་དེའང་མཐོང་སྟེ། མཐོང་ནས་ཀྱང་བཅོམ་ལྡན་འདས་དེ་བཞིན་གཤེགས་པ་ངེས་པར་འདྲེན་པའི་རྒྱལ་མཚན་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འོད་ཀྱི་སྣང་བ་དེ་དང ། དོགས་གཡོ་བ་དེ་དང ། གསུང་བསལ་བའི་སྒྲ་དེ་སུའི་ལགས། བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེའི་གོ་ཆ་མཐའ་ཡས་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གྲངས་མེད་པ་སུམ་ཁྲི་བརྒྱད་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་
88b
བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚེ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའ་སྡེ་སྣོད་སེམས་ཅན་ཐམས་ཅད་ཀྱི་བསམ་པ་ཡང་དག་པར་ཚིམ་པར་བྱེད་པ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ། འོད་ཀྱི་སྣང་བ་དེ་དང ། གསུང་བསལ་བའི་སྒྲ་དེ་ནི་དེའི་ཡིན་ནོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་རིན་པོ་ཆེའི་གོ་ཆ་མཐའ་ཡས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། བྱང་ཆུབ་སེམས་དཔའ་དེ་དག་ཀྱང་བལྟ་བའི་སླད་དུ་འཇིག་རྟེན་གྱི་ཁམས་དེར་བདག་མཆི་བར་བགྱིའོ། །དེ་ནས་བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ་ཁྱོད་དེའི་དུས་ལ་ད་བབ་པར་ཤེས་ན་སོང་ཞིག། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ངེས་པར་འདྲེན་པའི་རྒྱལ་མཚན་གྱིས་བྱང་ཆུབ་སེམས་དཔའ་རིན་པོ་ཆེའི་གོ་ཆ་མཐའ་ཡས་ཀྱི་ལག་པར་ཀ་ཤི་ཀའི་གོས་གཅིག་བྱིན་ཏེ། ཁྱོད་ཀྱིས་བཅོམ་ལྡན་འདས་དེ་ལ་ཀ་ཤི་ཀའི་གོས་འདི་ཕུལ་ལ། ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་གནས་སམ་ཞེས་སྙུན་གསོལ་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེའི་གོ་ཆ་མཐའ་ཡས་བཅོམ་
89a
༄#། །ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ་སོང་ངོ ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེའི་གོ་ཆ་མཐའ་ཡས་འཇིག་རྟེན་གྱི་ཁམས་འདྲེན་པའི་རྒྱལ་མཚན་ནས་མི་སྣང་བར་གྱུར་ཏེ་འཇིག་རྟེན་གྱི་ཁམས་མི་མཇེད་དུ་འདུག་གོ་།དེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་སྟོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་བྱང་ཆུབ་སེམས་དཔའ་རིན་པོ་ཆེའི་གོ་ཆ་མཐའ་ཡས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་ངེས་པར་འདྲེན་པའི་རྒྱལ་མཚན་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་ཀ་ཤི་ཀའི་གོས་འདིའང་བསྐུར་བ་ལགས་སོ། །བཅོམ་ལྡན་འདས་ཀྱི་ཀ་ཤི་ཀའི་གོས་དེ་བཞེས་ཏེ། བཞེས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེའི་གོ་ཆ་མཐའ་ཡས་ལ་འདི་སྐད་ཅེས་བཀའ་སྩལ་ཏོ། །རིན་པོ་ཆེའི་གོ་ཆ་མཐའ་ཡས། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། བདེ་བ་དང་ལྡན་ནམ། འགྱུར་བ་མི་མངའམ། གསོལ་པ། བཅོམ་ལྡན་
89b
འདས། དེ་ལྟར་ལགས་སོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་བདུན་སྟོང་འདས་པ་ན་འཇིག་རྟེན་གྱི་ཁམས་མེ་ཏོག་པདྨ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣ་ཚོགས་མེ་ཏོག་ཚོགས་ཀྱི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེ་བཞིན་གཤེགས་པ་དེས་ཀྱང་བྱང་ཆུབ་སེམས་དཔའ་བརྩོན་འགྲུས་མཐའ་ཡས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་མཐའ་ཡས་ཀྱིས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣ་ཚོགས་མེ་ཏོག་ཚོགས་ཀྱི་དཔལ་ལ་བྱང་ཆུབ་སེམས་དཔའ་བརྩོན་འགྲུས་མཐའ་ཡས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། མཐུ་དེ་སུའི་ལགས།་བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། ནུབ་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་བདུན་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་
90a
༄#། །སྡེ་སྣོད་ཅེས་བྱ་བ་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ། མཐུ་དེ་ནི། དེའི་ཡིན་ནོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་མཐའ་ཡས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ཤཱཀྱ་ཐུབ་པའི་ཐད་དུ་འཇིག་རྟེན་གྱི་ཁམས་དེར་བདག་མཆི་བར་བགྱིའོ། །བཅོམ་ལྡན་དེས་བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་དེ་བཞིན་གཤེགས་པ་སྣ་ཚོགས་མེ་ཏོག་ཚོགས་ཀྱི་དཔལ་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་མཐའ་ཡས་ཀྱི་ལག་པར་པདྨ་ཆེན་པོ་ཞིག་བྱིན་ཏེ། རིགས་ཀྱི་བུ། ཁྱོད་ཀྱིས་བཅོམ་ལྡན་འདས་དེ་ལ་པདྨ་ཆེན་པོ་འདི་ཕུལ་ལ། ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་མཐའ་ཡས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣ་ཚོགས་མེ་ཏོག་ཚོགས་ཀྱི་དཔལ་གྱི་ཞབས་ལ་ཕྱག་བཙལ་ཏེ་བསྐོར་བ་བྱས་ནས་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། ལག་པ་བརྐྱང་བ་སྐུམ་པར་བྱེད་པའི་སྐད་ཅིག་དང ། ཐང་གཅིག་དང ། ཡུད་ཙམ་དེས་སོང་སྟེ། སངས་
90b
རྒྱས་ཀྱི་ཞིང་དེ་ནས་མི་སྣང་བར་གྱུར་ནས་འཇིག་རྟེན་གྱི་ཁམས་མི་མཇེད་དུ་འདུག་གོ་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་མཐའ་ཡས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ག་ལ་བ་དང ། འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་སྣ་ཚོགས་མེ་ཏོག་ཚོགས་ཀྱི་དཔལ་གནོད་པ་ཆུང་ངམ།་ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་པདྨ་ཆེན་པོ་འདིའང་བསྐུར་བ་ལགས་ན། བཅོམ་ལྡན་འདས་ཀྱིས་པདྨ་དེ་བཞེས་སུ་གསོལ། བཅོམ་ལྡན་འདས་ཀྱིས་པདྨ་དེ་བཞེས་ཏེ། བཞེས་ནས་ཀྱང་འདི་སྐད་ཅེས་བཀའ་སྩལ་ཏོ། །བརྩོན་འགྲུས་མཐའ་ཡས།་ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། བདེ་བ་དང་ལྡན་ནམ། འགྱུར་བ་མི་མངའམ། གསོལ་བ། བཅོམ་ལྡན་འདས། དེ་ལྟ་ལགས་སོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་དྲུག་སྟོང་འདས་པ་ན་འཇིག་རྟེན་གྱི་ཁམས་གདུགས་གཅིག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་
91a
༄#། །ཡང་དག་པར་རྫོགས་པའི་སངས་རྒྱས་འཇིགས་པའི་སྤུ་ཟིང་ཞེས་བྱེད་པ་དང་བྲལ་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་པའི་སྤུ་ཟིང་ཞེས་བྱེད་པ་དང་བྲལ་བ་དེས་བྱང་ཆུབ་སེམས་དཔའ་དྲ་བ་ཅན་གྱི་འོད་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ཀྱིས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །ཐོས་ནས་ཀྱང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས ། འོད་དེ་དང ། གསུང་བསལ་བའི་སྒྲ་དེ་སུའི་ལགས། བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་གྲངས་མེད་པ་སུམ་ཁྲི་དྲུག་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ། མཐུ་དེ་ནི། དེའི་ཡིན་ནོ། །དེ་སྐད་ཅེས་བཀའ་སྩལ་
91b
པ་དང ། བཅོམ་ལྡན་འདས་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། བསམ་གྱིས་མི་ཁྱབ་པའི་གོ་ཆ་བགོས་པའི་བྱང་ཆུབ་སེམས་དཔའ་དེ་དག་ཀྱང་བལྟ་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དྲ་བ་ཅན་གྱི་འོད་ལ་མེ་ཏོག་ཁ་དོག་ལྔ་པས་ཁལ་བཅུ་ཚད་བཀང་ནས་བྱིན་ཏེ། རིགས་ཀྱི་བུ། ཁྱོད་ཀྱིས་བཅོམ་ལྡན་འདས་དེ་ལ་འདི་ཕུལ་ལ། ངའི་ཚིག་གིས་བཅོམ་ལྡན་འདས་གནོད་པ་ཆུང་ངམ། ཉམ་ང་བ་ཉུང་ངམ། སྙུན་མི་མངའམ། སྟོབས་དང་ལྡན་ནམ། བདེ་བར་རེག་པ་ལ་གནས་སམ་ཞེས་དེ་སྐད་ཅེས་སྙུན་ཡང་གསོལ་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ནས་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ཞེས་བྱ་བ་ནས་རྒྱས་པར་སྐད་ཅིག་དང ། ཐང་གཅིག་དང ། ཡུད་ཙམ་དེས་འཇིག་རྟེན་གྱི་ཁམས་མི་མཇེད་འདིར་འདུག་སྟེ། དེ་རྒྱལ་པོའི་ཁབ་འོད་མའི་
92a
༄#། །ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས།་བཅོམ་ལྡན་འདས་ལ་དེ་བཞིན་གཤེགས་པ་འཇིགས་པའི་སྤུ་ཟིང་ཞེས་བྱེད་པ་དང་བྲལ་བ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་མེ་ཏོག་ཁ་དོག་ལྔ་པས་གཏམས་པའི་ཁལ་བཅུ་ཚད་འདིའང་བསྐུར་བ་ལགས་ན། བཅོམ་ལྡན་འདས་ཀྱིས་བཞེས་སུ་གསོལ། བཅོམ་ལྡན་འདས་ཀྱིས་བཞེས་ཏེ་བཞེས་ནས་ཀྱང་བཀའ་སྩལ་པ། རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། བདེ་བ་དང་ལྡན་ནམ། འགྱུར་བ་མི་མངའམ། གསོལ་པ། བཅོམ་ལྡན་འདས། དེ་ལྟ་ལགས་སོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ལྔ་སྟོང་འདས་བ་ན་འཇིག་རྟེན་གྱི་ཁམས་ཤིན་ཏུ་རྣམ་པར་དག་པ་ཞེས་བྱ་བ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་ཀྱི་
92b
དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་ཀྱི་སྟོབས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་ཀྱི་སྟོབས་ཀྱིས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་ནས། དེ་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་ཀྱི་དཔལ་ག་ལ་བ་དེར་སོང་སྟེ། བཅོམ་ལྡན་འདས་དེའི་ཞབས་ལ་ཕྱག་བཙལ་ནས་བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས།་སྣང་བ་ཆེན་པོ་དེ་དང ། གསུང་བསལ་བའི་སྒྲ་ཆེན་པོ་དེ་སུའི་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ལྔ་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ། མཐུ་དེ་ལྟ་བུ་དེ་ནི། དེའི་ཡིན་ནོ། །དེས་གསོལ་པ། བཅོམ་ལྡན་འདས། བཅོམ་ལྡན་འདས་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། བསམ་གྱིས་མི་ཁྱབ་པའི་ག་ཆ་བགོས་པའི་བྱང་ཆུབ་སེམས་དཔའ་
93a
༄#། །སེམས་དཔའ་ཆེན་པོ་དེ་དག་ཀྱང་བལྟ་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་དེ་བཞིན་གཤེགས་པ་ཡེ་ཤེས་ཀྱི་དཔལ་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་ཀྱི་སྟོབས་ལ་ལག་པ་ལྟ་བུའི་ཨུཏྤལ་བྱིན་ཏེ།་རིགས་ཀྱི་བུ། ཁྱོད་ཀྱིས་བཅོམ་ལྡན་འདས་དེ་ལ་འདི་ཕུལ་ལ། ཕུལ་ནས་ཀྱང་བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་ཡེ་ཤེས་ཀྱི་དཔལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ལོ། །ཞེས་དེ་སྐད་ཅེས་ཀྱང་གསོལ་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་ཀྱི་སྟོབས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ། འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། ལག་པ་བརྐྱང་བ་སྐུམ་པར་བྱེད་པའི་སྐད་ཅིག་དང ། ཐང་གཅིག་དང ། ཡུད་ཅམ་དེས་སོང་སྟེ། འཇིག་རྟེན་གྱི་ཁམས་མི་མཇེད་འདིར་འདུག་གོ། །དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། ཕྱོགས་གཅིག་ཏུ་འདུག་
93b
གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་ཀྱི་སྟོབས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་ཡེ་ཤེས་ཀྱི་དཔལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་བསྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་ལག་པ་ལྟ་བུའི་ཨུཏྤ་ལ་འདིའང་བསྐུར་བ་ལགས་ན། བཅོམ་ལྡན་འདས་ཀྱིས་བཞེས་སུ་གསོལ། བཅོམ་ལྡན་འདས་ཀྱིས་ལག་པ་ལྟ་བུའི་ཨུཏྤ་ལ་དེ་བཞེས་ཏེ་བཞེས་ནས་ཀྱང་བཀའ་སྩལ་པ། རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའམ། བདེ་བར་གནས་སམ། སྟོབས་དང་ལྡན་ནམ། འགྱུར་བ་མི་མངའམ། གསོལ་པ་བཅོམ་ལྡན་འདས། དེ་ལྟ་ལགས་སོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་བཞི་སྟོང་འདས་པ་ན་འཇིག་རྟེན་གྱི་ཁམས་སྤོས་བརྩེགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཙནྡན་གྱི་བསུ་ལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སེམས་དཔའ་ཆེན་པོ་དྲི་མ་མེད་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་
94a
༄#། །དྲི་མ་མེད་ཀྱིས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དྲི་མ་མེད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། སྣང་བ་དེ་དང ། གསུང་བསལ་བའི་སྒྲ་གྲགས་པ་དེ་སུའི་ལགས། བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། ནུབ་ཕྱོགས་ཀྱི་ཕྱོགས་ཆར་འཇིག་རྟེན་གྱི་ཁམས་གྲངས་མེད་པ་སུ་མ་ཁྲི་བཞི་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་སེམས་ཅན་ཐམས་ཅད་ཡང་དག་པར་ཚིམ་པར་བྱེད་པ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །གསོལ་པ། བཅོམ་ལྡན་འདས། བཅོམ་ལྡན་འདས་དེའི་ཐད་དུ་འཇིག་རྟེན་གྱི་ཁམས་དེར་བདག་མཆི་བར་བགྱིའོ། །བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དྲི་མ་མེད་ཀྱི་ལག་པར་ཙནྡན་གྱི་ཐུམ་པོ་བྱིན་ཏེ། རིགས་ཀྱི་བུ། ཁྱོད་ཀྱིས་བཅོམ་ལྡན་འདས་དེ་ལ་ཙནྡན་གྱི་ཐུམ་པོ་འདི་ཕུལ་ལ། ངའི་ཚིག་གིས་བཅོམ་ལྡན་འདས། བཅོམ་ལྡན་འདས་ལ་དེ་
94b
བཞིན་གཤེགས་པ་ཙནྡན་གྱི་བསུང་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ལོ། །ཞེས་ཀྱང་གསོལ་ཅིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དྲི་མ་མེད་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ་བསྐོར་བ་བྱས་ནས་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། བརྐྱང་བ་སྐུམ་པར་བྱེད་པའི་སྐད་ཅིག་དང ། ཐང་གཅིག་དང ། ཡུད་ཙམ་དེས་འཇིག་རྟེན་གྱི་ཁམས་མི་མཇེད་འདིར་འདུག་གོ་།དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་ཙནྡན་གྱི་བསུང་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་ཙནྡན་གྱི་ཐུམ་པོ་འདིའང་བསྐུར་བ་ལགས་ན། ཙནྡན་གྱི་ཐུམ་པོ་འདི་བཅོམ་ལྡན་འདས་ཀྱིས་བཞེས་སུ་གསོལ། བཅོམ་ལྡན་འདས་ཀྱིས་བཞེས་ཏེ་བཞེས་ནས་ཀྱང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དྲི་མ་མེད་ལ་བཀའ་སྩལ་
95a
༄#། །པ།་རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། འགྱུར་བ་མི་མངའམ། བདེ་པར་རེག་པ་ལ་གནས་སམ། གསོལ་པ། བཅོམ་ལྡན་འདས། སྙུན་མི་མངའ་ཞིང་སྟོབས་དང་ལྡན་ལ། འགྱུར་བ་མི་མངའ་སྟེ། བདེ་བར་གནས་ལགས་སོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་སུམ་སྟོང་འདས་པ་ན་འཇིག་རྟེན་གྱི་ཁམས་དྲི་འདས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མིག་བཏུད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཕན་འདོད་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཕན་འདོད་ཀྱིས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕན་འདོད་བཅོམ་ལྡན་འདས་དེ་བཞིན་གཤེགས་པ་མིག་བཏུད་དེ་ག་ལ་བ་དེར་སོང་ནས་བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས།་འོད་དེ་དང ། གསུང་བསལ་བའི་སྒྲ་དེ་སུའི་ལགས། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། སངས་
95b
རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་གྲངས་མེད་པ་སུམ་ཁྲི་སུམ་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་སེམས་ཅན་ཐམས་ཅད་ཀྱི་བསམ་པ་ཡང་དག་པར་ཚིམ་པར་བྱེད་པ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །དེས་གསོལ་པ། བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་བཅོམ་ལྡན་འདས་དེ་བཞིན་གཤེགས་པ་མིག་བཏུད་ཀྱིས་བྱང་ཆུབ་སེམས་དཔའ་ཕན་འདོད་ཀྱི་ལག་པར་པདྨ་ཆེན་པོའི་རྒྱལ་པོ་མངོན་པར་འཕགས་པ་གཅིག་བྱིན་ཏེ། རིགས་ཀྱི་བུ།་ཁྱོད་ཀྱིས་བཅོམ་ལྡན་འདས་དེ་ལ་པདྨའི་རྒྱལ་པོ་འདི་ཕུལ་ལ་ངའི་ཚིག་གིས་བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་མིག་བཏུད་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང ། བདེ་བར་རེག་པ་ལ་གནས་སམ་ཞེས་སྙུན་གསོལ་ལོ་ཞེས་དེ་སྐད་ཅེས་ཀྱང་གསོལ་ཅིག་།དེ་ནས་བྱང་ཆུབ་སེམས་དཔའ་ཕན་འདོད་བཅོམ་
96a
༄#། །ལྡན་འདས་དེའི་ཞབས་ལ་ཕྱག་བཙལ་ཏེ། འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་བ་བསྐུམ་པ་རྐྱོང་བར་བྱེད་པའམ། ལག་པ་བརྐྱང་བ་སྐུམ་པར་བྱེད་པའི་སྐད་ཅིག་དང ། ཐང་གཅིག་དང ། ཡུད་ཙམ་དེས་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ཏེ། འཇིག་རྟེན་གྱི་ཁམས་མི་མཇེད་འདིར་འདུག་གོ་།དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་བྱང་ཆུབ་སེམས་དཔའ་ཕན་འདོད་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བཅོམ་ལྡན་འདས་ལ་དེ་བཞིན་གཤེགས་པ་མིག་བཏུད་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང ། བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་པདྨ་ཆེན་པོའི་རྒྱལ་པོ་འདིའང་བསྐུར་བ་ལགས་སོ། །བཅོམ་ལྡན་འདས་ཀྱིས་བཞེས་ཏེ། བཞེས་ནས་ཀྱང་བྱང་ཆུབ་སེམས་དཔའ་ཕན་འདོད་ལ་བཀའ་སྩལ་པ། ཕན་འདོད། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། འགྱུར་བ་མི་མངའམ། གསོལ་པ། བཅོམ་
96b
ལྡན་འདས། དེ་ལྟ་ལགས་སོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་སུམ་ཁྲི་ཉིས་སྟོང་འདས་པ་ན་འཇིག་རྟེན་གྱི་ཁམས་རིན་པོ་ཆེན་མཐའ་ཡས་བརྩེགས་པ་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཀོན་མཆོག་འབྱུང་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཀོན་མཆོག་འབྱུང་གནས་དེས་བྱང་ཆུབ་སེམས་དཔའ་ཡེ་ཤེས་བླ་མ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་ཆེན་པོ་དེའང་ཐོས་སོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་ཡེ་ཤེས་བླ་མས་འདི་སྐད་ཅེས་གསོལ་ཏོ། །བཅོམ་ལྡན་འདས། འོད་དེ་དང ། གསུང་བསལ་བའི་སྒྲ་དེ་སུའི་ལགས། བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། ནུབ་ཕྱོགས་ཀྱི་ཕྱོགས་ཆར་སངས་རྒྱས་ཞིང་འདི་ནས་སངས་རྒྱས་ཀྱི་ཞིང་གྲངས་མེད་པ་སུམ་ཁྲི་ཉིས་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་
97a
༄#། །འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་སེམས་ཅན་ཐམས་ཅད་ཀྱི་བསམ་པ་ཡང་དག་པར་ཚིམ་པར་བྱེད་པ་ཞེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དཀོན་མཆོག་འབྱུང་གནས་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། བསམ་གྱིས་མི་ཁྱབ་པའི་གོ་ཆ་བགོས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་བལྟ་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཀའ་སྩལ་པ། རིགས་ཀྱི་བུ།་དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་བླ་མའི་ལག་པར་མེ་ཏོག་ཁ་དོག་ལྔ་པ་སྙིམ་པ་གང་བྱིན་ཏེ། རིགས་ཀྱི་བུ།་ཁྱོད་ཀྱིས་བཅོམ་ལྡན་འདས་དེ་ལ་མེ་ཏོག་ཁ་དོག་ལྔ་པ་སྙིམ་པ་གང་འདི་ཕུལ་ལ། བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་དཀོན་མཆོག་འབྱུང་གནས་གནོད་པ་ཆུང་ངམ། ཉམ་ང་པ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ལོ། །ཞེས་དེ་སྐད་ཅེས་ཀྱང་གསོལ་ཅིག་།དེ་ནས་བྱང་
97b
ཆུབ་སེམས་དཔའ་ཡེ་ཤེས་བླ་མས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ། འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། བརྐྱང་བ་སྐུམ་པར་བྱེད་པའི་སྐད་ཅིག་དང ། ཐང་གཅིག་དང ། ཡུད་ཙམ་དེས་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ཏེ། འཇིག་རྟེན་གྱི་ཁམས་མི་མཇེད་འདིར་འདུག་གོ་།དེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་སོང་ནས་བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་དེ་བཞིན་གཤེགས་པ་དཀོན་མཆོག་འབྱུང་གནས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ཞིང ། བཅོམ་ལྡན་འདས་ལ་བཅོམ་ལྡན་འདས་དེས་མེ་ཏོག་ཁ་དོག་ལྔ་པ་སྙིམ་པ་གང་འདིའང་བསྐུར་བ་ལགས་ན། བཅོམ་ལྡན་འདས་ཀྱིས་བཞེས་སུ་གསོལ། བཅོམ་ལྡན་འདས་ཀྱིས་བཞེས་ཏེ། བཞེས་ནས་ཀྱང་བཀའ་སྩལ་པ། ཡེ་ཤེས་བླ་མ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། བདེ་བ་དང་ལྡན་ནམ། འགྱུར་བ་མི་མངའམ། དེས་གསོལ་པ། བཅོམ་ལྡན་འདས། དེ་ལྟ་ལགས་སོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཚིག་སྟོང་འདས་པ་ན་འཇིག་རྟེན་གྱི་ཁམས་
98a
༄#། །སྤོས་ཀྱིས་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་ཀྱི་གླང་པོ་ཆེ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རིན་ཆེན་གླང་པོ་ཆེ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་གླང་པོ་ཆེས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །དེ་ནས་དེ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེ་ལ་ཞུས་པ། མཐུ་དེ་སུའི་ལགས། དེ་ནས་བཅོམ་ལྡན་འདས་དེས་དེ་ལ་བཀའ་སྩལ་པ། རིགས་ཀྱི་བུ། ནུབ་ཕྱོགས་ཀྱི་ཕྱོགས་ཆར་སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཆིག་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །ཞེས་བྱ་བ་ནས་དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་འདས་པ་ན་འཇིག་རྟེན་གྱི་ཁམས་རྡོ་རྗེའི་
98b
སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཆོག་གི་ཚོགས་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་ཚོགས་ཅན་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཉིས་སྟོང་འདས་པ་ན་འཇིག་རྟེན་གྱི་ཁམས་སྣ་ཚོགས་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷུན་པོའི་ཕུང་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ངེས་འདྲེན་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཉིས་སྟོང་འདས་པ་ན་འཇིག་རྟེན་གྱི་ཁམས་པདྨའི་གདུགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གདུགས་གཅིག་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་
99a
༄#། །དཔའ་རིན་པོ་ཆེའི་མཛོད་གཅིག་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་འདས་པ་ན་འཇིག་རྟེན་གྱི་ཁམས་རྟག་ཏུ་སྣང་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐོགས་པ་མེད་པའི་འཁོར་ལོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་ཁྱུ་མཆོག་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཆིག་སྟོང་འདས་པ་ན་འཇིག་རྟེན་གྱི་ཁམས་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཙནྡན་གྱི་བསུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། དེ་བཞིན་གཤེགས་པ་དེས་བྱང་ཆུབ་སེམས་དཔའ་ཡེ་ཤེས་ལྷུར་ལེན་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་
99b
དུ་སྦྱར་རོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་ཉི་ཁྲི་དགུ་སྟོང་འདས་པ་ན་འཇིག་རྟེན་གྱི་ཁམས་བཟང་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔུང་མགོ་ཟླུམ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཁྱད་པར་བློ་གྲོས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བའི་བར་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཆིག་སྟོང་འདས་པ་ན་འཇིག་རྟེན་གྱི་ཁམས་རིན་ཆེན་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲ་བ་ཅན་གྱི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་དཔལ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཆིག་སྟོང་འདས་པ་ན་འཇིག་རྟེན་གྱི་ཁམས་བདེ་བའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
100a
༄#། །ུཏྤ་ལ་དམར་པོའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་པདྨ་མངོན་འཕགས་དཔལ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཆིག་སྟོང་འདས་པ་ན་འཇིག་རྟེན་གྱི་ཁམས་རབ་ཏུ་ཞི་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་མེ་ཏོག་རིན་པོ་ཆེའི་འོད་ཀྱི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །བཅོམ་ལྡན་འདས་དེས་བྱང་ཆུབ་སེམས་དཔའ་མཆོག་གི་བཀོད་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་ཏོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་ཆིག་སྟོང་འདས་པ་ན་འཇིག་རྟེན་གྱི་ཁམས་བཟང་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བ་འཕགས་པའི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་
100b
དེས་བྱང་ཆུབ་སེམས་དཔའ་རིན་པོ་ཆེའི་འོད་ཟེར་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། ། ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་འདས་པ་ན་འཇིག་རྟེན་གྱི་ཁམས་བཟོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིགས་པ་དང་བག་ཚ་བ་ཐམས་ཅད་རྣམ་པར་འཇིག་པར་མཛད་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་བག་ཚ་བ་མེད་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་སུམ་ཁྲི་འདས་པ་ན་འཇིག་རྟེན་གྱི་ཁམས་ལྷུན་པོའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷུན་པོའི་ཕུང་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་ཕུང་པོ་ཤིན་ཏུ་བཤིག་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་
101a
༄#། །ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་དགུ་སྟོང་འདས་པ་ན་འཇིག་རྟེན་གྱི་ཁམས་མྱ་ངན་དང་གནོད་པ་ཐམས་ཅད་ལས་རྒལ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཚངས་པའི་དབྱངས་ཀྱི་ང་རོ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་དགུ་སྟོང་འདས་པ་ན་འཇིག་རྟེན་གྱི་ཁམས་ཆོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་འབྱུང་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་འབྱུང་གནས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་
101b
པ་ཉི་ཁྲི་དགུ་སྟོང་འདས་པ་ན་འཇིག་རྟེན་གྱི་ཁམས་ཤིན་ཏུ་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བཅུ་ལས་འཕྲོས་པའི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་བཅུ་ལས་འཕྲོས་པའི་འོད་ཟེར་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་བརྒྱད་སྟོང་འདས་པ་ན་འཇིག་རྟེན་གྱི་ཁམས་ཀུན་ཏུ་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྟག་ཏུ་བླ་མའི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཀུན་ཏུ་སྣང་བ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་བརྒྱད་སྟོང་འདས་པ་ན་འཇིག་རྟེན་གྱི་ཁམས་ཀུན་ཏུ་སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་མིག་བཟང་ཞེས་བྱ་བ་བླ་ན་མེད་པ་ཡང་
102a
༄#། །དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་བདུན་སྟོང་འདས་པ་ན་འཇིག་རྟེན་གྱི་ཁམས་སྤོས་ཀྱི་ངད་ལྡང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མངོན་འཕགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སྣང་བ་མཐའ་ཡས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་བདུན་སྟོང་འདས་པ་ན་འཇིག་རྟེན་གྱི་ཁམས་ལམ་སྣང་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཟེར་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སྨན་གྱི་རྒྱལ་པོ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། ། ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་དྲུག་
102b
སྟོང་འདས་པ་ན་འཇིག་རྟེན་གྱི་ཁམས་བཟང་པོ་མཆོག་གི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་དབྱངས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཚངས་པའི་དབྱངས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་ལྔ་སྟོང་འདས་པ་ན་འཇིག་རྟེན་གྱི་ཁམས་ཆོས་བཟང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དྲ་བ་ཅན་གྱི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཁྱུ་མཆོག་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་བཞི་སྟོང་འདས་པ་ན་འཇིག་རྟེན་གྱི་ཁམས་པདྨ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བློ་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་ཀྱི་བསུང་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་
103a
༄#། །ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །བམ་པོ་དྲུག་པ། དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་སུམ་སྟོང་འདས་པ་ན་འཇིག་རྟེན་གྱི་ཁམས་ཤིན་ཏུ་རྣམ་པར་དག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བཀོད་པ་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་བྱང་ཆུབ་སེམས་དཔའ་རིན་པོ་ཆེའི་བཀོད་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་ཉིས་སྟོང་འདས་པ་ན་འཇིག་རྟེན་གྱི་ཁམས་ཨུཏྤལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁྱུ་མཆོག་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཆོས་འཕགས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་ཆིག་སྟོང་འདས་པ་ན་འཇིག་རྟེན་གྱི་
103b
ཁམས་བྱང་ཆུབ་ཀྱི་ཡན་ལག་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཨུཏྤ་ལའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་པདྨའི་དཔལ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཉི་ཁྲི་འདས་པ་ན་འཇིག་རྟེན་གྱི་ཁམས་པདྨ་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་རབ་གནས་ཞེས་བྱ་བ་བཞུགས་ཚེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རིན་ཆེན་རབ་རྫོགས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཁྲི་དགུ་སྟོང་འདས་པ་ན་འཇིག་རྟེན་གྱི་ཁམས་ཡེ་ཤེས་ཀྱི་སྟོབས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རིན་ཆེན་ཐུབ་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་
104a
༄#། །ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཁྲི་བརྒྱད་སྟོང་འདས་པ་ན་འཇིག་རྟེན་གྱི་ཁམས་ཕྱོགས་སུ་རྣམ་པར་བསྒྲགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་རྣམ་པར་བསྒྲགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྣམ་པར་བསྒྲགས་པ་མཐའ་ཡས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཁྲི་བདུན་སྟོང་འདས་པ་ན་འཇིག་རྟེན་གྱི་ཁམས་སྒྲོག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སཱ་ལའི་དབང་པོའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སཱ་ལའི་རིན་པོ་ཆེ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་།དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཁྲི་དྲུག་སྟོང་འདས་པ་ན་འཇིག་རྟེན་གྱི་ཁམས་ཟླ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སཱ་ལ་རིན་པོ་
104b
ཆེ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཀུན་ཏུ་སྦས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས།་དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཁྲི་ལྔ་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁ་ལོ་སྒྱུར་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཤིང་རྟ་བཟང་པོ་ཅན་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས།དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཁྲི་བཞི་སྟོང་འདས་པ་ན་འཇིག་རྟེན་གྱི་ཁམས་གདུགས་གཅིག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་རྟ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱུ་སྐར་གྱི་རྟ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་།དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་
105a
༄#། །པ་ཁྲི་སུམ་སྟོང་འདས་པ་ན་འཇིག་རྟེན་གྱི་ཁམས་མྱ་ངན་ཐམས་ཅད་དང་བྲལ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བརྗོད་པ་དོན་ཡོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་དོན་ཡོད་མིང་རྒལ་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། ། ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་ཁྲི་ཉིས་སྟོང་འདས་པ་ན་འཇིག་རྟེན་གྱི་ཁམས་མྱ་ངན་བྲལ་ཞེས་བྱ་བ་ཡོད་དེ། །དེ་ན་དེ་བཞིན་གཤེགས་པ་དཔལ་འབྱུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་དཔལ་མཐའ་ཡས་གཟི་བརྗིད་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་།དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ཁྲི་ཆིག་སྟོང་འདས་པ་ན་འཇིག་རྟེན་གྱི་ཁམས་སྡོམ་པ་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་རྣམ་པར་བསྒྲགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་དཔལ་
105b
བྱིན་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་ཁྲི་འདས་པ་ན་འཇིག་རྟེན་གྱི་ཁམས་མཐོང་བ་དོན་ཡོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དོན་ཡོད་རྣམ་པར་གནོན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། བཅོམ་ལྡན་འདས་དེས་བྱང་ཆུབ་སེམས་དཔའ་དོན་ཡོད་པའི་གོ་ཆ་བགོས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས།དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་དགུ་སྟོང་འདས་པ་ན་འཇིག་རྟེན་གྱི་ཁམས་སྤོས་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་སྣང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རིན་ཆེན་སྣང་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་བརྒྱད་སྟོང་འདས་པ་ན་འཇིག་རྟེན་གྱི་ཁམས་ཚངས་པའི་དབྱངས་ཀྱི་ང་རོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་དབྱངས་ཀྱི་ང་རོ་ཞེས་བྱ་
106a
༄#། །བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཐ་མི་དད་པའི་གོ་ཆ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་བརྒྱད་སྟོང་ཁོ་ན་འདས་པ་ན་འཇིག་རྟེན་གྱི་ཁམས་ཟླ་བའི་དཀྱིལ་འཁོར་གྱི་འོད་ཟེར་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་བསྒྲགས་པའི་སྟོབས་ཀྱི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་རྣམ་པར་བསྒྲགས་པ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་།དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་བརྒྱད་སྟོང་ཁོ་ན་འདས་པ་ན་འཇིག་རྟེན་གྱི་ཁམས་ཀུན་ཏུ་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རི་རབ་ཀྱི་རྩེ་མོ་མངོན་པར་འཕགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་ཀྱི་སྟོབས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་
106b
ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་བརྒྱད་སྟོང་ཁོ་ན་འདས་པ་ན་འཇིག་རྟེན་གྱི་ཁམས་རིན་པོ་ཆེའི་དཀྱིལ་འཁོར་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེ་མངོན་པར་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་དེད་དཔོན་ཆེན་པོ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་སངས་རྒྱས་ཀྱི་ཞིང་གྲངས་མེད་པ་བརྒྱད་སྟོང་ཁོ་ན་འདས་པ་ན་འཇིག་རྟེན་གྱི་ཁམས་ཆོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཨུཏྤ་ལའི་དཔལ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། ། ཞེས་བྱ་བ་ནས་དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་བརྒྱད་སྟོང་ཁོ་ན་འདས་པ་ན་འཇིག་རྟེན་གྱི་ཁམས་པདྨ་མངོན་པར་འཕགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་མངོན་པར་འཕགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་
107a
༄#། །ལྡན་འདས་དེས་བྱང་ཆུབ་སེམས་དཔའ་གྲགས་སྦྱིན་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་བརྒྱད་སྟོང་ཁོ་ན་འདས་པ་ན་འཇིག་རྟེན་གྱི་ཁམས་སའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་སྣང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སའི་དབང་ཕྱུག་གི་རྒྱལ་པོ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་བརྒྱད་སྟོང་ཁོ་ན་འདས་པ་ན་འཇིག་རྟེན་གྱི་ཁམས་གསེར་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་སུ་རྣམ་པར་བསྒྲགས་པའི་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡེ་ཤེས་རྣམ་པར་བསྒྲགས་པའི་གོ་ཆ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་
107b
འཇིག་རྟེན་གྱི་ཁམས་གྲངས་མེད་པ་བདུན་སྟོང་འདས་པ་ན་འཇིག་རྟེན་གྱི་ཁམས་ཤེས་འཕགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་སྦས་པའི་བདག་པོ་སྤྲིན་གྱི་དབང་ཕྱུག་མར་མེ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱུ་སྐར་གྱི་རྒྱལ་པོ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་དྲུག་སྟོང་འདས་པ་ན་འཇིག་རྟེན་གྱི་ཁམས་རྟག་ཏུ་ཤིན་ཏུ་སྨྲས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྣང་བ་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སྣང་བ་ཆེན་པོ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་།དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཚེ་ཤར་ཕྱོགས་སུ་འཇིག་རྟེན་གྱི་ཁམས་གྲངས་མེད་པ་ལྔ་སྟོང་འདས་པ་ན་འཇིག་རྟེན་གྱི་ཁམས་མར་མེ་བྱེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཀྱི་དཀྱིལ་འཁོར་ཡེ་ཤེས་མཐའ་ཡས་འབྱུང་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་
108a
༄#། །དཔའ་ཡོན་ཏན་རྒྱལ་པོ་སྣང་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེ་དང་འདབ་ཆགས་ན་འཇིག་རྟེན་གྱི་ཁམས་སྒྲོན་མ་བྱེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པ་དུ་མ་རྣམ་པར་འཕྲུལ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཐོགས་པ་མེད་པའི་གོ་ཆ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཅིའི་ཕྱིར་འཇིག་རྟེན་གྱི་ཁམས་དེ་སྒྲོན་མ་བྱེད་ཅེས་བྱ་བར་བསྟན་ཅེ་ན། འཇིག་རྟེན་གྱི་ཁམས་དེ་ན་ཨུཏྤ་ལ་དང ། ཀུ་མུ་ད་དང ། པདྨ་དཀར་པོ་དག་གིས་ཁེབས་པའི་རྫིང་རྒྱ་ཆེ་ཞིང་ཡངས་པ་གྲངས་མེད་པ་དཔག་ཏུ་མེད་པ་དག་ཡོད་དེ། པདྨ་དེ་དག་ཀྱང་འདབ་མ་སྟོང་ཆུ་བ་མངོན་པར་བརྟོལ་ནས་གྱེན་དུ་དཔག་ཚད་བརྒྱད་ཅུར་འཕགས་པ་སྟེ།་པདྨ་རེ་རེ་ལས་ཀྱང་འོད་ཟེར་འབུམ་འབྱུང་བར་བྱེད་ཅིང ། གྱེན་དུ་དང་ཐུར་དུའང་འོད་ཟེར་སྟོང་འབྱུང་བར་བྱེད་ལ། དེ་བཞིན་དུ་ཕྱོགས་ཐམས་ཅད་དུའང་འོད་ཟེར་སྟོང་སྟོང་འབྱུང་བར་བྱེད་པའི་ཕྱིར་རོ། །འཇིག་རྟེན་གྱི་ཁམས་དེའང་མིག་མང་རིས་སུ་བྲིས་པ། རིན་པོ་ཆེའི་ཕྲེང་བས་བརྒྱན་པ། རིན་པོ་ཆེའི་སྐུད་པས་བརྒྱན་པ། མིག་མང་རིས་ཐམས་ཅད་དུའང་རིན་པོ་
108b
ཆེ་ལས་བྱས་པའི་ཤིང་ལྗོན་པ་དག་སྐྱེས་པར་གྱུར་པ། གྱེན་དུ་དཔག་ཚད་བདུན་ཁྲི་བདུན་སྟོང་མངོན་པར་འཕགས་པ། ཐད་ཀར་ནི། དཔག་ཚད་བརྒྱད་ཁྲི་བཞི་སྟོང་དུ་ཡལ་ག་དང ། འདབ་མ་དང ། ལོ་མ་རབ་ཏུ་སོང་བའོ། །རིན་པོ་ཆེའི་ཤིང་རེ་རེ་ལས་ཀྱང་ནོར་བུ་བྱེ་བ་ཕྲག་བརྒྱད་ཅུ་ཟོ་བ་ཙམ་དག་རབ་ཏུ་འཕྱང་ངོ ། །སངས་རྒྱས་ཀྱི་ཞིང་དེ་ན་ཤིང་ལྗོན་པ་དེ་དག་ཀྱང་གྲངས་མེད་དཔག་ཏུ་མེད་དོ། །སངས་རྒྱས་ཀྱི་ཞིང་དེ་ནི། པདྨའི་འདབ་མ་དེ་དག་དང ། ནོར་བུ་དེ་དག་གི་འོད་ཀྱིས་རྟག་ཏུ་སྣང་བར་བྱས་པ་སྟེ། འོད་དེའང་བཅོམ་ལྡན་འདས་དེའི་འོད་ཀྱིས་མོག་མོག་པོར་བྱས་པའོ། །བྱང་ཆུབ་སེམས་དཔའ་ཐོགས་པ་མེད་པའི་གོ་ཆས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །དེ་ནས་བཅོམ་ལྡན་འདས་རྣམ་པ་དུ་མ་རྣམ་པར་འཕྲུལ་པ་དེ་ལ་བྱང་ཆུབ་སེམས་དཔའ་ཐོགས་པ་མེད་པ་གོ་ཆས་ཞུས་པ། བཅོམ་ལྡན་འདས། འོད་དེ་དང ། གསུང་བསལ་བའི་སྒྲ་དེའང་སུའི་ལགས། དེ་ནས་བཅོམ་ལྡན་འདས་དེས་དེ་ལ་བཀའ་སྩལ་པ། རིགས་ཀྱི་བུ། ནུབ་ཕྱོགས་ཀྱི་ཕྱོགས་ཆར་འཇིག་རྟེན་གྱི་ཁམས་གྲངས་མེད་པ་སྟོང་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ།
109a
༄#། །མཐུ་དེ་ལྟ་བུ་དེ་ནི། དེའི་ཡིན་ནོ། །གསོལ་པ། བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །དེ་ནས་བཅོམ་ལྡན་འདས་དེས་བྱང་ཆུབ་སེམས་དཔའ་ཐོགས་པ་མེད་པའི་གོ་ཆའི་ལག་པར་པདྨ་ཆེན་པོ་གཅིག་བྱིན་ཏེ། རིགས་ཀྱི་བུ། ཁྱོད་ཀྱིས་བཅོམ་ལྡན་འདས་དེ་ལ་འདི་ཕུལ་ལ། ངའི་ཚིག་གིས་དེ་བཞིན་དུ་གསོལ་ཅིག་།དེ་ནས་བྱང་ཆུབ་སེམས་དཔའ་དེ་བཅོམ་ལྡན་འདས་ཀྱིས་སྐབས་ཕྱེ་ནས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ། འདི་ལྟ་སྟེ། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། ལག་པ་བརྐྱང་བ་སྐུམ་པར་བྱེད་པའི་སྐད་ཅིག་དང ། ཐད་གཅིག་དང ། ཡུད་ཙམ་དེས་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ཏེ། འཇིག་རྟེན་གྱི་ཁམས་མི་མཇེད་འདིར་འདུག་གོ་།དེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་སོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱགས་བཙལ་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་དེ་བཞིན་གཤེགས་པ་རྣམ་པ་དུ་མ་རྣམ་པར་
109b
འཕྲུལ་པ་སྙུན་གསོལ་ཞིང ། བཅོམ་ལྡན་འདས་ལ་པདྨ་ཆེན་པོ་འདིའང་བཅོམ་ལྡན་འདས་དེས་བསྐུར་བ་ལགས་ན། བཅོམ་ལྡན་འདས་ཀྱིས་བདག་ཅག་ལ་ཐུགས་བརྩེ་བའི་སླད་དུ་བཞེས་སུ་གསོལ། །བཅོམ་ལྡན་འདས་ཀྱིས་བཞེས་ཏེ། བཞེས་ནས་ཀྱང་བཀའ་སྩལ་པ། རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། བདེ་བ་དང་ལྡན་ནམ། འགྱུར་བ་མི་མངའ་མ། གསོལ་པ། བཅོམ་ལྡན་འདས། དེ་ལྟ་ལགས་སོ། །འཇིག་རྟེན་གྱི་ཁམས་དེའི་འདབ་ཆགས་ན་འཇིག་རྟེན་གྱི་ཁམས་སྣ་ཚོགས་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཆོག་གི་ཚོགས་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་མཚན་ས་ཡ་ན་ཞེས་བྱ་བ་ཆོས་ཀྱི་སྐྱེས་བྱིན་ནས་བཏང་ངོ ། །འཇིག་རྟེན་གྱི་ཁམས་དེའི་འདབ་ཆགས་ན་འཇིག་རྟེན་གྱི་ཁམས་ཕྱོགས་སུ་རྣམ་པ་བསྒྲགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སངས་རྒྱས་མེ་ཏོག་ཚོགས་ཀྱི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དོན་ཡོད་རྣམ་པར་གནོན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡོ་རྗེ་ཡང་དག་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སངས་རྒྱས་མེ་ཏོག་མངོན་པར་འཕགས་པའི་རྒྱལ་པོ་ཞེས་
110a
༄#། །བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་མེ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཙནྡན་གྱི་ཕུག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་ལུས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཀུན་ཏུ་བལྟས་པའི་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྩི་ལྟ་བུ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དོན་ཡོད་མིང་བསྒྲགས་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དོན་ཡོད་གོ་ཆ་བགོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྨན་འཕགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་བརྩོན་འགྲུས་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡང་དག་པར་བྱིན་པའི་བསླབ་པ་བླངས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ནས་བརྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེམས་བསྐྱེད་མ་ཐག་ཏུ་སེམས་ཅན་ཐམས་ཅད་ཀྱི་སེམས་ཀྱི་རྒྱན་མཛད་ཅེས་བྱ་བ་བཞུགས་ཏེ་འཚོ་
110b
ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལག་ན་པདྨ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གདུགས་གཅིག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟླ་བའི་ཕྲེང་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ། །བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་པོ་ཆེའི་ཕྲེང་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨའི་འོད་ཟེར་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཀྱི་དཀྱིལ་འཁོར་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རབ་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བ་བཀོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡོན་ཏན་ཐམས་ཅད་རབ་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་མཐའ་ཡས་བཀོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་གྱི་ཕ་རོལ་ཏུ་ཕྱིན་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་
111a
༄#། །སེམས་དཔའ་རྒྱལ་ཚབ་ཡོན་ཏན་མཐའ་ཡས་བསྒྲགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཕྱོགས་སུ་རབ་གྲགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མར་མེ་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤྱོད་པ་ཐམས་ཅད་འགྱུར་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ལྷས་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལྷའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་འབྱུང་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིང་ཐགས་བཟང་པོ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཀྱི་འབྱུང་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡོན་ཏན་འབྱུང་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བཟང་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་འཇིགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་
111b
དཔའ་རྒྱལ་ཚབ་སྲིད་པ་སེལ་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བྷ་གི་ར་སའི་སྲས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མི་འཇིགས་ཐོབ་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིན་ཏུ་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་འཇིགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བག་ཚ་བ་མེད་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་མཆོག་གི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལག་ན་ཡེ་ཤེས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཨུཏྤ་ལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཨུཏྤ་ལའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡུལ་ན་མི་གནས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་འཕགས་
112a
༄#། །ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དཀོན་མཆོག་འབྱུང་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཆོས་ཀྱི་འབྱུང་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟླ་བ་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྨོན་ལམ་མཐའ་ཡས་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེ་ཏོག་རབ་གཏོར་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིན་ཏུ་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་རྒྱལ་པོ་རབ་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཆོས་འཕགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ནགས་ཚལ་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་ཕུང་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་
112b
སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྩིའི་རྒྱལ་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སཱ་ལའི་དབང་པོའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཁྱད་པར་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་མཐོང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ལྷུན་པོ་བརྩེགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དཀོན་མཆོག་བརྩེགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེས་བྱིན་ཞེས་བྱ་བ་བཏང་ངོ ། ། དེའི་ཡང་འདབ་ཆགས་ན་འཇིག་རྟེན་གྱི་ཁམས་མྱ་ངན་བྲལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་བཀོད་པ་ཞེས་བྱ་བ་བཞུགས་ཏེ།
113a
༄#། །འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་ཡང་དག་བརྟགས་ཀྱི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་ཐམས་ཅད་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་གཟིགས་པའི་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཀུན་ཏུ་སྦས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་སྣང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རི་རབ་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རབ་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་ཀུན་གྱིས་བརྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁྱུ་མཆོག་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སྨན་ཅེས་བྱ་བ་བཏང་ངོ ། །དེའི་ཡང་
113b
འདབ་ཆགས་ན་འཇིག་རྟེན་གྱི་ཁམས་བྱང་ཆུབ་ཡན་ལག་བརྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མངོན་པར་འཕགས་པས་འགྲོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ལེགས་པར་བསམ་པ་སེམས་པ་ཁྱད་པར་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡུལ་དང་བྲལ་བའི་བློ་གྲོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མེ་ཏོག་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཁྱད་པར་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤྲིན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཐའ་ཡས་རྣམ་པར་གནོན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དྲན་པ་རྙེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་དྲ་བས་ཀུན་ཏུ་གཡོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེམས་ཅན་ཐམས་ཅད་མོས་པའི་གོ་ཆ་བགོས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཁྱད་པར་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་
114a
༄#། །ཆགས་ན་འཇིག་རྟེན་གྱི་ཁམས་རྒྱུ་སྐར་གྱི་ཕྲེང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་གདུགས་མངོན་པར་འཕགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མྱ་ངན་མེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་མེ་ཏོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཆོག་གི་ཚོགས་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཁྱུ་མཆོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ནས་སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདུད་རྩིའི་མེ་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤོས་ཀྱི་གླང་པོ་ཆེ་ཞེས་བྱ་བ་བཏང་ངོ ། །དེ་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མྱ་ངན་བྲལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་སྣ་ཚོགས་རྒྱལ་
114b
མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟླ་བ་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཐའ་ཡས་སྒྱུར་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་དུ་བགྲོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕྱིར་མི་ལྡོག་པའི་འཁོར་ལོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་སུ་རྣམ་པར་བསྒྲགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་རྣམ་པར་བསྒྲགས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡོ་རྗེའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀ་ལིངྐའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཁྱད་པར་དུ་འགྲོ་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་
115a
༄#། །ཁམས་བདེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཉི་མའི་དཀྱིལ་འཁོར་སྒྲོན་མ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཟླ་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་པོ་ཆེའི་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འབྱུང་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་ཀྱི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གཅིག་ཏུ་བདེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་གྱི་རྒྱལ་པོ་རབ་ཏུ་གནས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མི་འཇིགས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གདུགས་ཀྱི་ཕྲེང་
115b
བ་མེ་ཏོག་ཀུན་ཏུ་རྒྱས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་སྤྱན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་བཟང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡོ་རྗེའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་འཇིགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བྲག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟླ་བ་འཕགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྟོབས་བརྟན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ཏུ་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཀྱི་དཀྱིལ་འཁོར་གཟི་བརྗིད་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤྱོད་པ་ཁྱད་པར་ཅན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཐོ་བའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱུའི་
116a
༄#། །བློ་གྲོས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྒྱུ་དག་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྒྲོག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྲེད་མེད་ཀྱི་བུ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཁ་ལོ་སྒྱུར་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དྲི་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དྲི་མ་མེད་པའི་མེ་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ས་བོན་འཆང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྡོ་རྗེ་བཞེད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དྲི་མེད་རྣམ་པར་འཐོར་བ་ཞས་བྱ་བ་བཏང་ངོ་།། དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བ་ཐམས་ཅད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་དག་པའི་བློ་གྲོས་ཞེས་བྱ་བ་བཞུགས་ཏེ་འཚོ་
116b
ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བཀོད་པ་དུ་མ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མྱ་ངན་དང་གནོད་པ་ཐམས་ཅད་ཡོངས་སུ་སྤངས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕན་བཞེད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གླང་པོ་ཆེའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་མཐའ་ཡས་ཡོངས་རྫོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤིན་ཏུ་ཡང་དག་བརྟགས་པའི་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཆོག་གི་བཀོད་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཉམ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་རབ་ཏུ་འཇོམས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཐོགས་པ་མད་པའི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བཟོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཨུཏྤ་ལ་འདི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་
117a
༄#། །ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྟག་ཏུ་བརྩོན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཕྱོགས་ཀྱི་སྒྲོན་མ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་བསྒྲགས་པའི་སྟོབས་ཀྱི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཟླ་བའི་རྒྱལ་པོ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏེ་བཏང་ངོ ། ། དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་སྣང་བར་བྱས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་མཐའ་ཡས་པའི་ལྷུན་པོ་སྤོས་ཀྱི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལག་ན་ཡེ་ཤེས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་བརྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་ཏོག་སྣ་ཚོགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བདུད་རྩིའི་དབྱངས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་
117b
ཁམས་གདུགས་དཀར་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བརྩོན་པ་མི་གཏོང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་བརྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྐྱེས་པ་དང་བུད་མེད་འགྱུར་བར་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ང་རོ་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གཅིག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་མཆོག་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལག་ན་སྤོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཙནྡན་གྱི་བསུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མངོན་པར་འཕགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འོད་ཟེར་དུ་མ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ཏུ་
118a
༄#། །སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མངོན་པར་འཕགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་ལྷུན་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ནས་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེམས་ཅན་ཀུན་གྱི་སེམས་ཀྱི་མོས་པའི་ཡེ་ཤེས་མཐོང་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དེད་དཔོན་ཆེན་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཚན་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་མ་མེད་པའི་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཆོས་ཐམས་ཅད་དབེན་པར་གནས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སངས་རྒྱས་མེ་ཏོག་བརྒྱན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་སྦས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་
118b
ཤེས་འོད་ཟེར་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་རྒྱས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་དབྱངས་ཀྱི་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་བཟང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བརྟན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མིག་གཡོ་རྣམ་པར་གནོན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལེགས་པའི་བློ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བརྟན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་སྲུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྐར་མའི་སྒྲོན་མ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨའི་གདུགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དམིགས་པ་ཀུན་གྱི་ཁྱུ་མཆོག་སྟོན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣ་བའི་མེ་ཏོག་ཅེས་བྱ་བ་བཏང་ངོ ། །
119a
༄#། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དོན་གྲུབ་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བདེན་པ་མཐོང་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟླ་བ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཀུན་དགའ་བོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གནོད་པ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྙན་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེ་ཏོག་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐམས་ཅད་ཡོད་པས་རྒྱགས་པ་ཡང་དག་བཅོམ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྒྱལ་པོའི་ཁྱུ་མཆོག་ཅེས་བྱ་བ་
119b
བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡུལ་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེ་ཏོག་ཀུན་ཏུ་བལྟས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་སྣ་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱུ་སྐར་གྱི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རྣམ་པར་འབྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིན་ཏུ་ཡངས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདུད་རྩིའི་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་ཏོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འཇིགས་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཙནྡན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བཟང་པོའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དྲ་བ་ཅན་ཞེས་བྱ་བ་ཡོད་དེ། དེ་ན་
120a
༄#། །དེ་བཞིན་གཤེགས་པ་དྲ་བ་ཅན་གྱི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འོད་གསལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚངས་པའི་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚངས་པའི་དབྱངས་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་པར་བགྲོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདུད་རྩི་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བདུད་རྩིའི་དབྱངས་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་དམིགས་པ་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དམིགས་པ་ཀུན་ལ་དགྱེས་པར་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཐོགས་
120b
པ་མེད་པའི་གོ་ཆ་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་བསྒྲགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེམས་ཅན་ཐམས་ཅད་ཀྱིས་མི་ཤིགས་པའི་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཐོགས་པ་མེད་པའི་གོ་ཆ་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་བཟོད་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་འཕྲུལ་པ་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤོབས་པ་མི་ཆོད་པ་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ཏུ་མཐོང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཐམས་ཅད་གཟིགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཚན་མ་མེད་པའི་གོ་ཆ་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ཏུ་བལྟ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆོས་ཐམས་ཅད་གཟིགས་ཞེས་བྱ་བ་བཞུགས་
121a
༄#། །ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣམ་པར་དག་པའི་མིག་ཅེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་ཐམས་ཅད་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་འབྱུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་རྣམ་པར་དག་པ་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡུལ་དང་བྲལ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་འཕགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འོད་ཀྱི་དཀྱིལ་འཁོར་ཅན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཨུཏྤ་ལས་རབ་ཏུ་ཁེབས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨའི་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཨུཏྤ་ལ་དམར་པོའི་དཔལ་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་
121b
གྱི་ཁམས་པདྨས་རབ་ཏུ་ཁེབས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་ལ་ཕྱོགས་སུ་འཕགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕྱོགས་ཀྱི་ལྷུན་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་གིས་རབ་ཏུ་ཁེབས་པ་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་མེ་ཏོག་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡིད་གཉིས་ཐམས་ཅད་ཡང་དག་བཅོམ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མར་མེ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེམས་ཅན་གྱི་སྙིང་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྲེད་མེད་ཀྱི་བུ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འོད་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བདེ་འབྱུང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བའི་དཔལ་ཞེས་བྱ་བ་ཡོད་དེ། དེ་
122a
༄#། །ན་དེ་བཞིན་གཤེགས་པ་ཡེ་ཤེས་ཀྱི་མེ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཆོག་གི་ནོར་བུ་ཅན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མངལ་མེད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཆོས་ཀྱི་དབང་ཕྱུག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ངེས་འདྲེན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྨན་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྨན་པའི་མཆོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཁ་དོག་མེད་ཅེས་བྱ་བ་ཡོད་དེ།་དེ་ན་དེ་བཞིན་གཤེགས་པ་ཐ་དད་པ་མེད་པའི་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཐ་མི་དད་པར་སྤྱོད་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ཏུ་ཁ་དོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་
122b
པ་ཡེ་ཤེས་མཐའ་ཡས་གྲགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡོན་ཏན་མཐའ་ཡས་འབྱུང་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། བཏང་ངོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཚོ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཙནྡན་གྱི་བསུང་གི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་སྤོས་ཀྱི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དཔེ་མེད་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སངས་རྒྱས་དཔེ་མེད་མེ་ཏོག་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡང་དག་འཕགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤིན་ཏུ་རབ་ཏུ་གནས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྡོམ་པ་ལ་རབ་ཏུ་གནས་པ་
123a
༄#། །ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཕྱོགས་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟླ་བ་འཕགས་པའི་འོད་ཟེར་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཟླ་བ་ཞེས་བྱ་བ་བཏང་ངོ ། །བམ་པོ་བདུན་པ། དེའི་ཡང་འདབ་ཆགས་ན་འཇིག་རྟེན་གྱི་ཁམས་རྒྱ་མཚོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁ་ལོ་སྒྱུར་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མྱ་ངན་མེད་པའི་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལུས་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བྲག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བའི་སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྐྱོ་མེད་འགྱུར་བར་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡོངས་བསྒྲགས་ཉོན་
123b
མོངས་ཡང་དག་བཅོམ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་ཀུན་ལ་རབ་ཏུ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྙན་པའི་བཤེས་གཉེན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྒྱལ་བའི་བཤེས་གཉེན་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་བཏང་ངོ ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཕུན་སུམ་ཚོགས་པ་ཀུན་ལ་རབ་ཏུ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྙན་པའི་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཆོས་འཕགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མྱ་ངན་མེད་པའི་བློ་གྲོས་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་མྱ་ངན་བྲལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རིན་ཆེན་མེ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་བཏང་ངོ ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཡང་འདབ་ཆགས་
124a
༄#། །ན་འཇིག་རྟེན་གྱི་ཁམས་སྙན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་མངོན་པར་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེ་ཏོག་རྒྱལ་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཀུན་ཏུ་བཀྲམ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་ཏོག་རབ་ཏུ་གཏོར་བའི་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤོས་ཀྱི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྣམ་པར་བསྒྲགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུན་ནས་སྤོས་ཀྱི་འོད་ཟེར་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ངེས་འབྱུང་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་ཕྱོགས་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་བཏུད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྨོན་ལམ་ཆེན་པོ་ཞེས་
124b
བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འོད་འཕྲོ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་བཏང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྦྱིན་སྲེག་བྱས་པའི་འོད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ལྷུན་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རི་རབ་ལྟ་བུ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་པོ་ཆེའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་སྣང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་བདུག་སྤོས་བདུགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་གཉིས་གཙུག་ཏོར་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་མཚན་གཉིས་འོད་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་
125a
༄#། །ནས་བཏང་ངོ ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྲིད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འཇིག་རྟེན་གསུམ་གྱི་ཁྱུ་མཆོག་རྣམ་པར་གནོན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྲིད་པ་གསུམ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཀྱི་དཀྱིལ་འཁོར་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མི་འཇིགས་སྦྱིན་ཞེས་བྱ་བ་བཏང་ངོ ། ། དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་དམིགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ནམ་མཁའི་རིགས་ཀྱི་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལག་པ་ཅན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བའི་རྒྱལ་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟད་མི་ཤེས་པའི་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་
125b
ཏེ།་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེས་བྱང་ཆུབ་སེམས་དཔའ་འབྱུང་བའི་དཔལ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་བཏང་ངོ ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ཏུ་ཡོངས་སུ་སྤངས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྔ་སྒྲ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤོས་རབ་གཏོང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཡུལ་ལ་མི་གནས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྒྲ་རྣམ་པར་བསྒྲགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་རྣམ་པར་བསྒྲགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཆོག་གི་ཚོགས་ཅན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྒྲོན་མའི་དཀྱིལ་འཁོར་ཞེས་བྱ་བ་ཡོད་དེ། དེ་ན་
126a
༄#། །དེ་བཞིན་གཤེགས་པ་ཤིན་ཏུ་རབ་ཏུ་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་པ་ར་ཛ་ན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བཀོད་པ་གཅིག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སངས་རྒྱས་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་བློ་གྲོས་དཔེ་མེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་ཏུ་དགའ་བྱེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཀུན་གྱི་འབྱུང་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཚན་མ་མེད་པའི་མཚན་ཉིད་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་རིན་ཆེན་ལྡན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་ཡང་དག་བརྟགས་ཀྱི་སྤྱོད་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྒྱུ་སྐར་གྱི་ཕྲེང་བ་
126b
ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྒྲོག་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གདུགས་ཀྱི་ཕྲེང་བ་བཀོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་འཕགས་པའི་འོད་ཀྱི་གཟི་བརྗིད་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལེགས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སངས་རྒྱས་ཆོས་འབྱུང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་རབ་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་དལ་བ་འགྱུར་བྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུ་མུ་དས་རབ་ཏུ་ཁེབས་ཞེས་བྱ་བ་ཡོད་དེ།
127a
༄#། །དེ་ན་དེ་བཞིན་གཤེགས་པ་ཟླ་བ་ཏོག་གི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རི་རབ་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡངས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་ཀྱི་གླང་པོ་ཆེ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མི་འཁྲུགས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཆོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདུད་རྩིའི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བདུད་རྩིའི་སྒྲ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་བརྩེགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེ་ཏོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་
127b
གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤྱི་བོས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཙམྤ་ཀ་དང་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཙནྡན་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་བཟང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་བརྩེགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་མཐོང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཛངས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཛངས་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རབ་སངས་རྒྱས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་མཆོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདེ་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བདེ་བའི་རྒྱལ་པོ་ཞེས་བྱ་བ་བཏང་
128a
༄#། །ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རབ་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཀྱི་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཀུན་ཏུ་འོད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བའི་སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་འབྱུང་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡོན་ཏན་འབྱུང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བལྟ་ན་སྡུག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཐམས་ཅད་འབྱུང་བའི་དཔལ་གྱི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡོན་ཏན་ལྡན་ཞེས་བྱ་བ་བཏང་ངོ ། །འཇིག་རྟེན་གྱི་
128b
ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྦྱིན་མོས་ཞེས་བྱ་བ་བཏང་ངོ ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་གསེར་གྱི་དྲ་བས་ཀུན་ཏུ་ཁེབས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྒྲོན་མ་འཆང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤར་འཆུམས་མ་ཡིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་དྲ་བས་ཀུན་ཏུ་ཁེབས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གྲོང་ཁྱེར་སྒྲོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མངོན་པར་འཕགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མི་ཁོམ་ཐམས་ཅད་འགྱུར་བྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་
129a
༄#། །ན་འཇིག་རྟེན་གྱི་ཁམས་གདུགས་གཅིག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱུ་སྐར་གྱི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྒྱུ་སྐར་གྱི་ཕྲེང་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ནམ་མཁའི་རིགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལྷུན་པོ་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་ལྷུན་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་པར་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ནམ་མཁའི་རྣ་ཆ་གདུབ་ཀོར་རྣམ་པར་དག་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བསམ་གྱིས་མི་ཁྱབ་པའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་དུ་བགྲོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདུད་རྩིའི་སྒྲ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མྱ་
129b
ངན་མེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་རིགས་བཙུན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདུད་རྩིའི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མྱ་ངན་མེད་པའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིན་ཏུ་རྣམ་པར་དག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་ལྷུན་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིགས་བཙུན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་སྣང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མེ་ཏོག་སྣ་ཚོགས་མེ་ཏོག་ཀུན་ཏུ་རྒྱས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བློ་གྲོས་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཐུ་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཆོག་གི་ཚོགས་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བ་ལང་བདག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་
130a
༄#། །ཆེན་མེ་ཏོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྡུལ་མེད་རྡུལ་བྲལ་རྣམ་པར་གྲོལ་བའི་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འོད་བྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གསེར་དུ་སྣང་བ་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་གསེར་གྱི་མེ་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣམ་པར་སྣང་བྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གསེར་དུ་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་ཁང་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རབ་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྙིང་པོ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་ཏོག་སྣ་ཚོགས་འབྱུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཔས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གྲོལ་བ་ཞེས་བྱ་བ་
130b
ཡོད་དེ།་དེ་ན་དེ་བཞིན་གཤེགས་པ་གྲོལ་བའི་འོད་ཟེར་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བྱམས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་རབ་གཏོར་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་ཏོག་འབྱུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེ་ཏོག་གི་གདུགས་མེ་ཏོག་ཀུན་ཏུ་རྒྱས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་ཏོག་གདུགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གསེར་གདུགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དོན་ཡོད་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལོག་པའི་གོ་ཆ་བགོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་བསྒྲགས་པའི་སྟོབས་ཀྱི་རྒྱལ་
131a
༄#། །པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྐྱེད་བྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཚངས་པའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཚངས་པའི་དབྱངས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འཇམ་པའི་དབྱངས་ཀྱི་ང་རོ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས་བཏང་ངོ ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཏོག་གི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་རྣམ་དག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཏོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཐའ་ཡས་ཚོགས་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིགས་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་
131b
རྟེན་གྱི་ཁམས་གསེར་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁ་ལོ་སྒྱུར་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྡེ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་འཁོར་ལོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འདས་པ་རྣམ་པར་གནོན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྲིད་པ་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འགྲོ་ཀུན་རྣམ་པར་འཇོམས་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་ཡང་དག་བརྟགས་ཀྱི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡིད་གཉིས་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡིད་གཉིས་ཡང་དག་འཇོམས་པར་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཐོང་མ་ཐག་ཏུ་ངེས་པའི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡེ་ཤེས་མཆོག་ཅེས་བྱ་
132a
༄#། །བ་ཡོད་དེ། དེ་ན་དེ་བཞིན་གཤེགས་པ་མཚན་མ་མེད་པའི་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣམ་པར་བལྟས་པའི་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་ལྡན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གོམ་པ་མཐའ་ཡས་རྣམ་པར་གནོན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྡོ་རྗེ་རྣམ་པར་གནོན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྒྲོག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་མངོན་པར་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་མེ་ཏོག་ཅེས་བྱ་བ་བཏང་ངོ ། །དེའི་ཡང་འདབ་
132b
ཆགས་ན་འཇིག་རྟེན་གྱི་ཁམས་འོད་མི་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚངས་མཆོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ལེགས་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འདས་པ་དང ། མ་འོངས་པ་དང ། ད་ལྟར་བྱུང་བའི་གོ་ཆ་ཐོགས་མེད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྡུལ་བྲལ་སྡེ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འོད་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་གནོན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྣམ་དག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་ལྷུན་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལྷུན་པོ་ཆེན་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟླ་བ་སྒྲོན་མ་ཞེས་བྱ་བ་ཡོད་
133a
༄#། །དེ།་དེ་ན་དེ་བཞིན་གཤེགས་པ་ཉི་མ་སྒྲོན་མ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཉི་མ་སྒྲོན་མ་མངོན་པར་འཕགས་པའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཚོན་རྩིའི་ཕུང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དྲི་མེད་འབྱུང་བའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྐར་མདའ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྐར་མདའ་སྒྲོན་མ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འཕེལ་བའི་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡེ་ཤེས་འབྱུང་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་གོང་ན་མེད་པའི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡོན་ཏན་འབྱུང་གནས་ཞེས་བྱ་བ་བཏང་ངོ ། །དེའི་ཡང་འདབ་
133b
ཆགས་ན་འཇིག་རྟེན་གྱི་ཁམས་པདྨའི་གདུགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྔ་སྒྲ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གདུགས་གཅིག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚངས་པའི་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཕྱོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་ཀྱི་སྒྲོན་མ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕྱོགས་སྣང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སཱ་ལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ས་ལྷའི་དབང་པོའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཐུ་བོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེངྒེ་ཞེས་བྱ་བ་
134a
༄#། །བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བག་ཚ་བ་མེད་པ་ཞེས་བྱ་བ་བཏང་ངོ ། ། དེའི་ཡང་འདབ་ཆགས་ན་འཇིག་རྟེན་གྱི་ཁམས་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་ལྷུན་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གྲགས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་གཟིགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤྲིན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་འཛིན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྨན་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྩིའི་རྒྱལ་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དཔལ་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དཔལ་བཟང་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་
134b
ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་བཟང་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིན་ཏུ་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་གཡོས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕུག་སྤོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་མཆོག་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤོས་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱག་ན་སྤོས་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་པདྨའི་སྙིང་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཙནྡན་གྱི་བསུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཙནྡན་ཁང་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཔལ་སྦས་ཞེས་བྱ་བ་བཏང་ངོ ། །དེའི་
135a
༄#། །ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་དྲ་བས་ཁེབས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བརྩོན་འགྲུས་མཐའ་ཡས་ཞེས་བྱ་པ་བཞུགས་ཏེ་འཚོ་ཞིང་གནས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བློ་གྲོས་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་འཇིགས་བྱེད་མེ་ཏོག་མངོན་པར་འཕགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དབྱངས་མཐའ་ཡས་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྣམ་པར་སྣང་བྱེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་དྲ་བ་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཔས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟླ་བ་སྒྲོན་མ་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་ཤིན་ཏུ་རབ་གནས་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་
135b
རྒྱལ་ཚབ་བརྗོད་མེད་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཙནྡན་གྱི་བསུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱག་ན་སྤོས་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འབྱོར་པས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡིད་བྲལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདེ་བ་ཐམས་ཅད་ཉེ་བར་སྒྲུབ་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕན་འདོད་ཅེས་བྱ་བ་བཏང་ངོ ། །དེ་ནི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་སྣ་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དམིགས་པ་ཐམས་ཅད་སྟོན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྨོན་ལམ་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྣ་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོངས་བསྒྲགས་དོན་ཡོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གོ་ཆ་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་
136a
༄#། །རྟེན་གྱི་ཁམས་དྲི་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤིན་ཏུ་རབ་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གཙུག་ན་ནོར་བུ་ཞེས་བྱ་བ་བཏང་ངོ ། །དེའི་ཡང་འདབ་ཆགས་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་བཀོད་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཐོགས་པ་མེད་པའི་སྙིང་སྟོབས་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨའི་གདུགས་གཅིག་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདེ་བ་བཀོད་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་ཏོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དྲི་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ནམ་མཁའི་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ནམ་མཁའ་རྣམ་དག་སྤྱོད་པ་ཞེས་
136b
བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བཟང་བྱེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་བཟང་པོ་མཆོག་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བཟང་པོ་དབྱངས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མར་མེ་བྱེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁྱུ་མཆོག་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཁྱུ་མཆོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་དྲི་ཞིམ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་རྣམ་དག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་བཟང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིན་ཏུ་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁ་ལོ་སྒྱུར་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྒྱ་མཚོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཚོགས་མཐའ་ཡས་ཞེས་
137a
༄#། །བྱ་བ་ཡོད་དེ། དེ་ན་དེ་བཞིན་གཤེགས་པ་ལྷུན་པོ་མངོན་པར་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚད་མེད་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕས་མ་ཕམ་པའི་རྒྱལ་མཚན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕས་མ་ཕམ་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡུལ་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མངོན་རྟོགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མི་འཇིགས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་འདས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལྷུན་པོ་མཐའ་ཡས་མུ་མེད་སྤོས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤོས་མཆོག་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་
137b
གྲོང་ཁྱེར་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟླ་བའི་དཀྱིལ་འཁོར་རྣམ་དག་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྒྲོན་མ་འཆང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཆོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལྷུན་པོ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རབ་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགའ་བ་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྟུལ་བས་བྱིན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལྷུན་པོ་རྣམ་དག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་ལྷུན་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཛེས་
138a
༄#། །པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཛེས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཛེས་པ་ཆེན་པོའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དྲི་ཞིམ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཚངས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚངས་པའི་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དབང་པོའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་སྤྱན་ཞེས་བྱ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དབང་པོས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཆོས་ཀྱི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་འབྱུང་གནས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚ་བྱོན་ཏན་བྱིན་ཞེས་བྱ་བ་བཏང་ངོ ། །དེའི་ཡང་འདབ་
138b
ཆགས་ན་འཇིག་རྟེན་གྱི་ཁམས་བསམ་གྱིས་མི་ཁྱབ་པའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་གཟི་བརྗིད་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་བསགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྣ་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལེགས་པར་བསམ་པའི་སྨོན་ལམ་ཡོངས་སུ་གྲུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། །བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྨོན་ལམ་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གྲོང་ཁྱེར་བརྒྱན་པའི་རྒྱལ་པོ་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་རྣམ་པར་དག་པའི་དཀྱིལ་འཁོར་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལྷུན་པོ་རྣམ་དག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡེ་ཤེས་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་སྤོས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་འབྱུང་བའི་དཔལ་ཞེས་བྱ་
139a
༄#། །བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཁང་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁང་པ་སྡེ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་རྣམ་པར་སེམས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡེ་ཤེས་སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་བརྩེགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་འབྱུང་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཕྱོགས་ཀྱི་ལྷུན་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མར་མེ་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕྱོགས་སུ་རྣམ་པར་གྲགས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདེ་བདག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཆོས་ཀྱི་
139b
སྒྲོན་མ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གྲགས་དགའ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྡུལ་བྲལ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མི་མཇེད་ཀྱི་བདག་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨ་མངོན་པར་འཕགས་པའི་རྒྱལ་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མངོན་པར་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དྲི་མ་མེད་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་མཐའ་ཡས་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེམས་ཅན་གྱི་བསམ་པ་ཡང་དག་པར་སྟོན་པའི་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚལ་ཆོས་ཀྱི་སྒྲོན་མ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་
140a
༄#། །དཔའ་རྒྱལ་ཚབ་དཔའ་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སོ་སོར་བག་ཡངས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐམས་ཅད་རྩེར་འཇུག་རྩོམ་པའི་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྟག་ཏུ་བརྩམས་པའི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིན་ཏུ་སོ་སོར་ཡང་དག་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་འོད་ཟེར་པདྨ་སངས་རྒྱས་མངོན་པར་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སའི་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཆུ་ཀླུང་གངྒཱའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཡོན་ཏན་ཀུན་དང་ལྡན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདུད་ཐམས་ཅད་ལ་སངས་རྒྱས་ཀྱི་སྐུ་ཡང་དག་པར་སྟོན་པའི་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བལྟས་པའི་བྱང་
140b
ཆུབ་ཏུ་ངེས་པའི་དགེ་བའི་རྩ་བའི་སྙིང་སྟོབས་ཀྱི་གོ་ཆ་བགོས་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བྱང་ཆུབ་སེམས་དཔའ་དེས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །ཐོས་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འོད་དེ་དང ། གསུང་བསལ་བའི་སྒྲ་འདི་སུའི་ལགས། དེ་ནས་བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། ནུབ་ཕྱོགས་ཀྱི་ཕྱོགས་ཆར་འཇིག་རྟེན་གྱི་ཁམས་གྲངས་མེད་པ་སྟོང་དག་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ། མཐུ་དེ་ལྟ་བུ་འདི་ནི། དེའི་ཡིན་ནོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་ཀུན་ཏུ་བལྟས་པའི་བྱང་ཆུབ་ཏུ་ངེས་པའི་དགེ་བའི་རྩ་བའི་སྙིང་སྟོབས་ཀྱི་གོ་ཆ་བགོས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་པ་དང ། བསྙེན་བཀུར་བགྱི་བ་དང ། ཆོས་མཉན་པའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆེ་བར་བགྱིའོ། །བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ།
141a
༄#། །དེའི་དུས་ལ་ད་བབ་པར་ཤེས་ན་སོང་ཞིག་།དེ་ནས་བྱང་ཆུབ་སེམས་དཔའ་ཀུན་ཏུ་བལྟས་པའི་བྱང་ཆུབ་ཏུ་ངེས་པའི་དགེ་བའི་རྩ་བའི་སྙིང་སྟོབས་ཀྱི་གོ་ཆ་བགོས་ཀྱིས་པདྨ་བརྒྱད་བླངས་ནས་འཇིག་རྟེན་གྱི་ཁམས་མི་མཇེད་ག་ལ་བ་དང ། བཅོམ་ལྡན་འདས་ག་ལ་བ་དེ་ལོགས་སུ་གཏོར་ཏོ། །དེ་ནས་པདྨ་དེ་དག་འཇིག་རྟེན་གྱི་ཁམས་ཐམས་ཅད་འདས་ཏེ། འཇིག་རྟེན་གྱི་བར་དག་ལས་འདས་ནས་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་སོ་སོར་ཡང་དག་པར་འཁོད་དོ། །བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་འཁོར་བཞི་པོའི་འཁོར་གྱི་དཀྱིལ་འཁོར་གྱིས་དེ་དག་མཐོང་ནས་ཀྱང་ངོ་མཚར་དུ་འཛིན་པར་གྱུར་ཏོ། །དེ་ནས་བཅོམ་ལྡན་འདས་ལ་པདྨ་དེ་དག་གིས་ལན་གསུམ་བསྐོར་བ་བྱས་ནས་སྤྱན་སྔར་འཁོད་དོ། །དེ་ནས་བཅོམ་ལྡན་འདས་ཀྱིས་ཕྱག་གཡས་པས་པདྨ་དེ་དག་ལ་རེག་པར་མཛད་ནས་རེག་པ་ཙམ་གྱིས་པདྨ་དེ་དག་ལས་ཀྱང་བྱང་ཆུབ་སེམས་དཔའི་ལུས་དག་མངོན་པར་བྱུང་ངོ ། །བྱུང་ནས་ཀྱང་བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་ནས་མི་སྣང་བར་གྱུར་ཏོ། །བམ་པོ་བརྒྱད་པ། མཐའ་ཡས་མཁྱེན་མངའ་
141b
གང་ཟག་ཁྱུ་མཆོག་གཙོ། །རང་བྱུང་མཐའ་ཡས་ཆོས་རྣམས་ཐུགས་སུ་ཆུད། །ཁྱོད་ཀྱི་རྫུ་འཕྲུལ་མཐའ་ཡས་རྒྱ་ཆེན་གདའ། །འཇིག་རྟེན་ཁམས་རྣམས་ཀུན་ཏུ་སྣང་བར་མཛད།། དེ་དག་སངས་རྒྱས་ཀྱི་ནི་མཚན་ཐོས་ནས། །ཞུ་བའི་ཁྱད་པར་ཀུན་ཏུ་ཞུ་བ་དང ། །སངས་རྒྱས་བལྟ་དང་ཕྱག་ཀྱང་བགྱི་སླད་དུ། །མཁས་པ་དེ་དག་རྫུ་འཕྲུལ་སྟོབས་ཀྱིས་མཆིས། ། བྱང་ཆུབ་གོ་བགོས་དཔའ་བོ་གང་མཆིས་དག་།མི་མཇེད་འཇིག་རྟེན་ཁམས་སུ་རབ་གནས་པ། །དེ་དག་སྐྱེ་བ་གཅིག་གིས་ཐོགས་པ་སྟེ། །དེ་དག་མིང་དང་གཟུགས་དང་གྲགས་པས་འཕགས། །དེ་དག་གོ་ཆའི་དངོས་པོས་མི་འཇིགས་ཤིང ། །སེམས་ཅན་སྨིན་པའི་སླད་དུ་ཡང་དག་ཞུགས། །བྱང་ཆུབ་མཆོག་ལ་ཇི་ལྟར་རེག་གྱུར་པ། །འཇིག་རྟེན་རྣམ་འདྲེན་མཆོག་ལ་དེ་དག་ཞུ། །ཅི་སླད་མངོན་དུ་ཆོས་ཚོལ་བགྱིད་ཅེ་ན། །བདུད་རྣམས་གཞོམ་དང་བྱང་ཆུབ་འཐོབ་སླད་དུ། །དེ་ནས་ཞུ་བ་ཞུ་བའི་སྤྲུལ་པ་རྣམས། །གང་ཡིན་དེ་ལ་ཤཱཀྱ་ཐུབ་པས་གསུངས། །འདྲེན་པས་ཡང་དག་ཚིག་གིས་དེ་བསྟན་ནས། །མི་མཆོག་དེ་ཡི་ཚིག་རྣམས་ཐོས་གྱུར་ཏེ། །དགའ་ཞིང་མགུ་ལ་རྗེས་སུ་ཡི་རང་ནས། །བདེ་གཤེགས་ཕྱག་འཚལ་དེ་དག་འཁོད་པར་གྱུར། །སྤྲུལ་པ་དེ་དག་དེར་ནི་མི་སྣང་ནས། །གང་དག་དེ་བཞིན་གཤེགས་ལ་ཞུ་ཞུ་བ། །དེ་དག་གང་ནས་མཆི་ཞིང་མིང་ཅི་ཞེས། །དེ་ཚེ་འཁོར་
142a
༄#། །ཀྱང་སྤུ་རྣམས་ཟིང་ཞེས་བྱེད། །འཁོར་རྣམས་བཞི་པོ་དེ་དག་གུས་པ་ཡིས། །རྒྱལ་བ་ལ་ནི་ཞུ་བར་མི་སྤྲོ་སྟེ། །དེ་ཚེ་འཇིག་རྟེན་མགོན་པོའི་སྤྲུལ་པ་སྤྲུལ། །དེ་ཚེ་དགེ་སློང་ཀུན་དགའ་བཟང་པོ་བྱུང ། །མགོན་པོ་ཞུ་བ་འདི་ཞུ་དེ་དག་གང ། །ཞུས་ནས་ཀྱང་ནི་མི་གདའ་མ་མཐོང་གྱུར། །དེ་དག་སུ་ལགས་དེ་དག་སུ་ཡི་ལགས། །མགོན་པོ་བཤད་ཅིང་ཐེ་ཚོམ་བསལ་དུ་གསོལ། །སྨོན་ལམ་དཔའ་བོ་ལྡན་པའི་གོ་ཆ་ལྟོས། །དེ་ཡིས་བྱིན་གྱིས་བརླབས་ནས་འདིར་ལྷགས་ཏེ། །ཤར་ཕྱོགས་ཀྱི་ནི་འཇིག་རྟེན་ཁམས་ཀྱི་ཚུལ། །གྲངས་མེད་དག་ནས་དེ་དག་ལྷགས་པ་ཡིན། །དཔའ་བོ་འཇིག་རྟེན་ཕན་ཕྱིར་གང་ལྷགས་པ། །རྣམ་པར་བལྟས་ནས་དོང་བར་གྱུར་པ་སྟེ། །བསམ་པ་དག་པ་བྱང་ཆུབ་ཕྱིར་སྤྱོད་པ། །དེ་ཡི་སྨོན་ལམ་དེ་ནི་དེ་འདྲའོ། །དེ་དག་དགེ་བས་ངེས་པར་སངས་རྒྱས་མཐོང ། །དེ་དག་འདིར་ནི་དེ་ལ་སྒྱིད་མི་ལུག་།ཚུལ་ཁྲིམས་ཀྱིས་ཀྱང་དམན་པར་མི་འགྱུར་ཏེ། །ཐོས་པ་མང་ཞིང་ཕ་རོལ་ཕྱིན་པས་འཕགས། །དེ་དག་ཐབས་ཤེས་པ་ལ་ཤིན་ཏུ་བསླབ། །མངལ་གྱི་གནས་སུ་འགྲོ་བར་མི་འགྱུར་ཏེ། །འཁོར་བའི་ཚེ་ན་ཚེ་རབས་ཚེ་རབས་སུ། །དེ་དག་ཆོས་ཀྱི་སེམས་རྒྱུད་བརྗེད་མི་འགྱུར། །རྟག་ཏུ་སངས་རྒྱས་རྣམས་དང་མངོན་དུ་ཕྲད། །རྟག་ཏུ་འཕགས་པ་རྣམས་དང་འགྲོགས་པར་
142b
འགྱུར། །དཔའ་བོ་དེ་ཡིས་སེམས་ཅན་འདིར་མཐོང་རྣམས། །རྟག་ཏུ་དེ་ལ་རབ་ཏུ་འབྱུང་བ་འཐོབ། །མཐོང་མ་ཐག་ཏུ་དགེ་བས་དེ་འདྲ་སྟེ། །གང་དག་གཞན་མ་བརྗོད་པ་དེ་དག་མང ། དཔའ་བོ་དེ་ཡི་ཡོན་ཏན་གང་ཡོད་པ། །མང་དུ་བསྒྲགས་ཀྱང་མཐར་ཐུག་འགྱུར་བ་མེད། །དཔའ་བོ་ཤིན་ཏུ་གནས་པ་དེ་ཡི་མིང ། །དེ་ཚེ་བུད་མེད་གང་གིས་ཐོས་གྱུར་པ། །དེ་ནི་ཕྱིན་ཆད་བུད་མེད་དངོས་མི་འགྱུར། །སེམས་ཅན་དམ་པའི་མཆོག་ཏུ་དེ་འགྱུར་རོ། །སྐྱེས་པ་བུད་མེད་གང་གིས་མིང་ཐོས་ཤིང ། །ཐོས་ནས་དེ་ལའང་དགའ་བ་སྐྱེད་བྱེད་ལ། ། སངས་རྒྱས་ཞིང་དེར་སྨོན་ལམ་འདེབས་བྱེད་པ། །ལུས་ཞིག་ནས་ནི་དེར་ཡང་སྐྱེ་བར་འགྱུར། །ཞིང་ཡང་དག་པར་སྐྱེ་བར་འགྱུར་བ་ཡིན། །སྐྱེས་པ་བུད་མེད་འོན་ཏེ་གཞན་ཡང་རུང ། །གང་གིས་མིང་ཐོས་ནམ་ཞིག་དད་བྱེད་པ། །ཐམས་ཅད་བྱང་ཆུབ་ཆེད་ལས་ཉམས་མི་འགྱུར། །གང་དག་གཅེར་བུའི་སེམས་ཅན་མ་གཏོགས་པར། །ཐོས་ནས་སུ་ཞིག་དགའ་བ་སྐྱེ་མི་འགྱུར། །སངས་རྒྱས་ཀྱིས་ཀྱང་དེ་ནི་ཡོངས་མ་གསུངས། །འོན་ཀྱང་དེ་དག་དགེ་དང་ལྡན་པར་འགྱུར། །གང་དག་བསམ་པས་མིང་ཡང་ཐོས་པ་ནི། །ཇི་ལྟར་རྩི་ཡིས་སྐྱོན་རྣམས་སེལ་བྱེད་བཞིན། །སེམས་ཅན་དེ་དག་གིས་ནི་དེར་མཐོང་བ། །བྱང་ཆུབ་དོན་དུ་ངེས་འགྱུར་ཐེ་ཚོམ་མེད། །གང་ཞིག་པ་ལ་ཤ་ཡི་འདབ་ཐོགས་ཤིང ། །དེ་
143a
༄#། །དང་དེར་ནི་རྩི་དག་བྱེད་གྱུར་ན། །དེ་ཚེ་ཀུན་ནས་སྨན་གྱི་སྟོབས་ཀྱིས་སུ། །སུས་ཀྱང་དེར་ནི་མེ་ལ་ཚིག་མི་འགྱུར། །གང་ཚེ་སྤྲུལ་གདུག་གཟི་བརྗིད་དྲག་པོ་ཡིས། །དུག་གང་དེ་དག་མི་གདུག་བྱེད་འགྱུར་ཏེ། །ས་ཡི་སྟེང་ནས་ཀུན་ཏུ་སྟོན་བྱེད་ན། །དེ་འདྲའི་སྨན་བརྐོས་པས་ནི་ཅི་ཞིག་བྱ། །སྤྲུལ་གདུག་དྲི་ནི་གང་དག་སྣོམ་བྱེད་པ། ། སྤྲུལ་དེ་ཐམས་ཅད་འཆི་བའི་དུས་བྱེད་འགྱུར། །དེ་ལྟར་རྩི་སྨན་འདྲ་བའི་མི་དེ་ནི། །མིང་གིས་སངས་རྒྱས་མཛད་པ་བྱེད་པར་འགྱུར། །དེ་ཚེ་ཕྱོགས་བཅུ་དག་ཏུ་བསྒྲགས་པ་ན། །དཔའ་བོ་དེ་ཡི་མིང་ནི་སུས་ཐོས་པ། །དེ་ཡི་མིང་གིས་ལས་ནི་འདི་བྱེད་དེ། །བུད་མེད་གང་ཟག་ལ་ནི་རེག་མི་འགྱུར། །གང་གིས་མཐོང་དང་བསྟི་སྟང་བྱེད་ཅིང་སྨོས། །དེ་ནི་རྒྱལ་བས་དགེ་སློང་གང་སྤྲུལ་པ། །ཀུན་དགའ་བཟང་པོ་ཞེས་ནི་བྱ་བ་དེས། །རྒྱལ་བས་དེ་སྐད་བསྒྲགས་པ་དེ་འདྲ་བ། །བྱང་ཆུབ་ཞུགས་པ་སུ་མཆིས་དེ་ལ་ཞུས། །ཀུན་དགའ་བཟང་པོ་གོ་ཆ་དཔའ་བོའི་མིང ། །འཇིག་རྟེན་ཁམས་འདིར་ཡོད་ཅེས་ངས་ཐོས་ན། །ཞུམ་པ་མེད་པའི་ཡིད་ཀྱིས་བརྗོད་པར་བྱ། །དེ་ལྟར་བདེ་བར་གཤེགས་པས་ཟབ་བསྟན་པ། །རྒྱལ་བའི་བྱང་ཆུབ་ཡིད་ཆེས་དཀའ་བ་ཡི། །སེམས་ཅན་དགེ་བ་ཆུང་དང་ལྡན་པ་ལྷགས། །ད་ལྟར་ང་ཡི་ཚེ་ནི་ཅུང་ཟད་གནས། །ཀུན་དགའ་འདི་ན་སེམས་ཅན་མཆོག་
143b
ཡོད་དེ། །དེ་རིང་ཁོ་ནར་འཁོར་དུ་ལྷགས་པར་གྱུར། །འཇིག་རྟེན་མགོན་པོ་གང་དག་འདིར་ལྷགས་པའི། །གོ་ཆ་བསྔགས་པ་ཕྱོགས་བཅུར་བཟློག་མི་ནུས། །ཀུན་དགའ་བཟང་སྐྱོང་རིན་ཆེན་འབྱུང་གནས་དང ། །དཀོན་མཆོག་འབྱུང་གནས་དང་ནི་དེད་དཔོན་བཟང ། །ཡོན་ཏན་སྦས་པ་མཁས་དང་དེ་བཞིན་དུ། །དཔའ་བོ་བཟང་སྟོབས་གང་ཡིན་དེ་ལ་ལྟོས། །ཆུ་ཞེས་བྱ་བ་དང་ནི་ཆུ་ལྷ་དང ། །བཟང་སྐྱོང་དེ་བཞིན་དགེ་སློང་ཅི་འདྲ་རྣམས། །ཇི་ལྟར་སྐྱོབ་འགྱུར་དགེ་སློང་དེ་དག་ལྟོས། །དེ་དག་རྣམས་ཀྱི་གོ་ཆ་དེ་བསམ་ཡས། །དོན་ཡོད་ཅེས་ནི་ཡོངས་སུ་བསྒྲགས་གྱུར་པ། །དེ་དག་གིས་ནི་དོན་ཡོད་གོ་ཆ་བགོས། །དེ་དག་མཐོང་བའང་དོན་ཡོད་འགྱུར་ཡིན་ན། །དེ་དག་བསྙེན་བཀུར་བྱེད་པ་སྨོས་ཅི་དགོས། ། ཀུན་དགའ་གང་སུ་དག་གིས་དེ་དག་མཐོང ། །གང་དག་སུ་ཡིས་མིང་ཡང་ཐོས་གྱུར་པ། །དེ་དག་ནམ་ཡང་བྱང་ཆུབ་དོགས་པ་མེད། །དེ་དག་ནམ་དུའང་ལོག་པར་ལྟུང་མི་འགྱུར། དེ་དག་ཐམས་ཅད་བརྩོན་པས་ཚོགས་པ་ཡིན། །དེ་དག་ཐམས་ཅད་ཤེས་པས་ཚོགས་པར་གྱུར། །རྟག་ཏུ་ཚུལ་ཁྲིམས་ཕུང་པོས་དེ་རྟག་གནས། །ཐམས་ཅད་ཐེག་པ་མཆོག་ལ་དེ་ལྟར་འདུད། །ཀུན་དགའ་སངས་རྒྱས་ཞིང་འདིར་ཕྱོགས་བཅུ་ཡི། །འཇིག་རྟེན་ད་ལྟར་གང་དག་སུ་གནས་པ། །དཔའ་བོ་དེ་ཡི་གོ་ཆ་འདོད་གྱུར་པ། །དེ་ལ་རྒྱལ་བ་ཀུན་གྱིས་
144a
༄#། །བསྔགས་པ་བརྗོད། །གང་གིས་བསྔགས་བརྗོད་རྒྱལ་བ་དེ་དག་ཀྱང ། །བྱང་ཆུབ་སེམས་དཔས་དེ་ཚེ་དེར་ཤེས་ཏེ། །ཤཱཀྱ་ཁྱུ་མཆོག་འཇིག་རྟེན་མགོན་པོ་དང ། །བྱང་ཆུབ་ཞུགས་པའི་དཔའ་བོ་དག་བལྟ་འོ། །དེ་ཐོས་ནས་ཀྱང་གསོལ་བ་བཏབ་གྱུར་པ། །མགོན་པོ་མི་མཇེད་འཇིག་རྟེན་ཁམས་སུ་མཆི། །རྒྱལ་བ་རྣམས་ཀྱི་སྐུ་ལ་བསྐོར་བྱས་ནས། །བྱང་ཆུབ་སེམས་དཔའ་དེ་དག་ཐམས་ཅད་ལྷགས། །དགེ་སློང་དེ་དག་གི་ཡང་མིང་ཐོས་ནས། །དེ་ཚེ་བྱང་ཆུབ་མཆོག་ཏུ་འདུན་པ་བསྐྱེད། །གང་དག་མིང་དང་འདུན་པས་བྱང་ཆུབ་ཞུགས། །དེ་དག་རྒྱལ་བས་བྱང་ཆུབ་དེར་ལུང་བསྟན། །བསྐལ་བ་གྲངས་མེད་དག་ཏུ་ལས་བྱས་ཤིང ། །མི་དགེ་བསྒྲུབས་པ་གང་དག་སུ་ཡོད་པ། ། དེ་ཕྱིར་སྙིགས་མའི་དུས་ན་དེ་དག་ནི། །ང་དང་ལྷན་ཅིག་སངས་རྒྱས་ཞིང་དུ་ལྷགས། །ང་ཡིས་བྱང་ཆུབ་མཆོག་འདི་ཐོབ་གྱུར་ཀྱང ། །དེ་ཚེ་སེམས་ཅན་བལྟ་བར་སྤྲོ་བ་མེད། ། གང་དག་ཕྱི་དུས་དགེ་སློང་རྣམས་འབྱུང་བ། །རྩུབ་དང་གཏུམ་དང་ཤིན་ཏུ་རྩུབ་པ་ཡིན། །དེ་ཚེ་ཀུན་ཏུ་འཇིགས་པ་ཐོས་ནས་སུ། །ཡང་དང་ཡང་དུ་བརྩོན་འགྲུས་སྟོབས་བསྐྱེད་ཅིང ། །མུ་གེའི་དུས་སུ་ཟན་རྗེན་སྦྱིན་པ་བྱིན། །དེ་དག་རྣམས་ཀྱི་སྦྱིན་པ་རྩུབ་པ་ཡིན། །དེ་དག་འདི་ལ་གུས་པ་ཆེ་བྱས་ནས། །ཕྱི་དུས་འཇིགས་པ་ཆེན་པོ་དེ་ཡི་
144b
ཚེ། །སྲོག་ཀྱང་བཏང་ནས་དོན་ནི་བྱ་སྙམ་སྟེ། །ང་ཡི་ཆོས་མཆོག་སྤེལ་ཞིང་འཛིན་པར་བྱེད། །དུས་དེ་ན་ནི་མི་དགེའི་ལས་རྣམས་ཀྱི། །སྨོན་ལམ་གནས་ཀྱང་འཇིག་རྟེན་དག་ན་ཡོད། ། འདི་ན་ལས་དེ་དག་ནི་བྱས་པ་ན། །དེ་ཡི་ཚེ་ན་བརྙས་པའི་ཚུལ་དུ་འགྱུར། །དེ་དག་དེར་ནི་འདི་འདྲའི་ཆོས་ཐོས་ནས། །དེ་ཚེ་དེར་ནི་ཆོས་མིན་འདུ་ཤེས་འགྱུར། །ཆོས་འདི་རྒྱལ་བས་གསུངས་པ་མ་ཡིན་ཞེས། །འཇིག་རྟེན་ཕྱིན་ཅི་ལོག་ལ་ཀུན་དགའ་ལྟོས། །དེ་ཚེ་དགེ་སློང་སློབ་པས་འདུ་བྱེད་ལ། །རྟག་པ་ཅུང་ཟད་མེད་ཅེས་སྐྱོ་ཐོབ་པས། །དེ་ཚེ་མགོ་ལ་མེ་འབར་བཞིན་དུ་རྟོགས། །འཆི་མེད་ཐོབ་པར་བྱ་ཕྱིར་མ་ལུས་བརྩལ། །བསྟན་འདི་རབ་ཏུ་རྣམ་པར་འཇིག་ཐོས་ནས། །དེར་ནི་ལྷ་ཡང་སྡུག་བསྔལ་དག་ཏུ་གྱུར། །དེ་ཚེ་འཇིགས་པ་མཐོང་ན་མི་རུང་ཞེས། །དེ་ལྟའི་དུས་སུ་ཤི་ཡང་བླ་སྙམ་སེམས། །བག་ཚ་མེད་པའི་སྒྲོག་པ་སྒྲོག་པ་ཡི། །དྲང་སྲོང་ཆེ་དེ་དེ་རིང་བདག་ཅག་མཐོང ། །འདྲེན་པ་མཆོག་གི་ཞལ་དུ་ལྷ་བྱེད་ཅིང ། །ཀྱེ་མ་རྒྱལ་བས་བཤད་ཅེས་ཡི་རང་ངོ ། །དགེ་སློང་བསམ་གཏན་བྱེད་པ་དག་ཀྱང་མཐོང ། །དབང་ཐོབ་རྫུ་འཕྲུལ་སྟོབས་ཀྱིས་མཁས་གྱུར་པ། །འདི་ན་ཏིང་འཛིན་ཤེས་རབ་ཕ་རོལ་ཕྱིན། །དེ་དག་ཕྱི་མའི་དུས་སུ་ཇི་ལྟར་མཐོང ། །སྡིག་པའི་དགེ་སློང་སྟོབས་དང་ལྡན་འགྱུར་ཞིང ། །དེའི་ཚེ་ཚུལ་ལྡན་ཤིན་ཏུ་ཚར་བཅད་འགྱུར། །གནས་
145a
༄#། །ཁང་གནས་པ་ཚེགས་ཀྱིས་འཐོབ་འགྱུར་ཞིང ། །དེ་ཚེ་ལྷ་ཡིད་ཤིན་ཏུ་མི་དགའ་འགྱུར། །ཀྱེ་མ་ཀྱེ་མ་བསྟན་པ་རབ་ཏུ་འཇིག་།གང་གི་དོན་དུ་དེ་ཚེ་དཀའ་སྤྱོད་པ། །དེ་དག་དགེ་སློང་སྡིག་པས་ཚར་བཅད་འགྱུར། །བསྟན་པ་འཇིག་པར་འགྱུར་བ་འདི་ལ་ལྟོས། །འདིར་ནི་ཕན་ཚུན་ཀུན་ཏུ་དགའ་བར་འགྱུར། །ངེས་པ་རྣམས་ལ་དེ་དག་བསྔགས་མིན་བརྗོད། །སངས་རྒྱས་ལ་ནི་འཁྲུག་ལོང་བྱེད་པ་དག་།དེ་དག་ཁྱིམ་ན་གནས་པར་འཛིན་པར་འགྱུར། །དགེ་བསྙེན་མ་དང་འདྲེ་བར་བྱེད་འགྱུར་ཞིང ། །དེ་ན་དེ་དག་ལག་པ་གཅིག་ཏུ་བྱེད། །རྒྱལ་བའི་བསྟན་ལ་མ་གུས་གྱུར་ནས་སུ། །བྱང་ཆུབ་མཆོག་ཀྱང་སྤོང་བར་བྱེད་པར་འགྱུར། །དཀོན་མཆོག་གསུམ་ལ་མཆོག་ཏུ་འཚེ་འགྱུར་ཏེ། །དེ་དག་རྟག་ཏུ་ངེས་པ་རྣམས་ཀྱིས་སྤོངས། །ཁྱུ་མཆོག་རཝ་ཆག་མ་གྱུར་མ་རུངས་པ། །དེ་བཞིན་ཚུལ་ཁྲིམས་ལྡན་པས་རྣམ་པར་སྤོངས། །དེ་ཚེ་ཚུལ་ཁྲིམས་ལྡན་པ་དཔྱས་འགྱུར་ཞིང ། །དེ་ཚེ་དགེ་སློང་སྡིག་པས་བརྙེས་ཚུལ་འགྱུར། །འཇིགས་ཆེན་ཕྱིན་ཅི་ལོག་གི་དུས་སུ་ནི། །སྐྱོ་བ་ཐོབ་བྱོས་བག་ཀྱང་ཡོད་པར་གྱིས། །བདེ་བར་གཤེགས་པའི་བསྟན་ལ་བརྩོན་འགྲུས་སྐྱེད། །དེ་ཚེ་འཇིགས་པ་ཆེན་པོ་འབྱུང་བར་འགྱུར། །སྡིག་པའི་དགེ་སློང་རྣམས་དང་ཕྲད་མ་བྱེད། །དེ་ཡི་ཚེ་ན་སྡུག་བསྔལ་
145b
གནས་པར་འགྱུར། །དེ་ནས་བྱང་ཆུབ་སེམས་དཔའ་ཀུན་ཏུ་བལྟས་པའི་བྱང་ཆུབ་ཏུ་ངེས་པའི་དགེ་བའི་རྩ་བའི་སྙིང་སྟོབས་ཀྱི་གོ་ཆ་བགོས་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། བརྐྱང་བ་སྐུམ་པར་བྱེད་པའི་སྐད་ཅིག་དེས་དེ་ནས་མི་སྣང་བར་གྱུར་ནས་འཇིག་རྟེན་གྱི་ཁམས་མི་མཇེད་འདིར་འོངས་ཏེ། དེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་དེ་བཞིན་གཤེགས་པ་བདུད་ཐམས་ཅད་ལ་སྐུ་ཀུན་ཏུ་སྟོན་པའི་ཁྱུ་མཆོག་སྙུན་གསོལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། འགྱུར་བ་མི་མངའམ། གསོལ་པ། བཅོམ་ལྡན་འདས། དེ་ལྟ་ལགས་སོ། །འཇིག་རྟེན་གྱི་ཁམས་དེའི་ཡང་འདབ་ཆགས་ན་འཇིག་རྟེན་གྱི་ཁམས་མཚན་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་མེད་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་
146a
༄#། །སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚངས་དབྱངས་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འཛིན་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་མ་མེད་པའི་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཚན་ཉིད་གཅིག་པས་མཆོད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཚན་ཉིད་མེད་པའི་ཕྱག་རྒྱ་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་པདྨའི་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་པདྨ་རབ་ཏུ་གཏོར་བའི་ཆར་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟླ་བའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྣ་ཚོགས་བརྩེགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འཇམ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྡུལ་མེད་བློ་གྲོས་ཞེས་བྱ་བ་བཞུགས་ཏེ་
146b
འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མུ་ཁྱུད་འཛིན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་མེ་ཏོག་འབྱུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབས་འཛིན་རབ་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ནམ་མཁའ་རྣམ་པར་དག་པ་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་གཟི་བརྗིད་མངོན་པར་འཕགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་གདུགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མཚན་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རབ་ཏུ་ཞི་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཨུཏྤ་ལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྡུལ་མེད་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་
147a
༄#། །ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སེམས་པ་མེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡོ་རྗེའི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འགྲོ་བ་ཐམས་ཅད་སོ་སོར་བག་ཡངས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཟབ་མོ་འགྱུར་བྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་འབྱུང་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་བསམ་གྱིས་མི་ཁྱབ་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འགྲོ་བ་འཛིན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགའ་བ་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣམ་པར་རྒྱལ་པའི་སྡེ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གནོད་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་འཇིགས་
147b
པར་གཤེགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཔའ་བོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཨུཏྤ་ལ་དམར་པོས་ཁེབས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་ཀྱིས་རྒྱགས་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤོས་མཆོག་ལྷུན་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཁ་ལོ་སྒྱུར་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུན་ནས་གཟིགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྟུལ་བ་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཚོགས་ཆེན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་འཇིགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣམ་པར་གནོན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འཇིགས་ཤིང་འཇིགས་སུ་རུང་བས་མི་འཇིགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་འཇིགས་པ་བརྙེས་པ་ཞེས་བྱ་བ་
148a
༄#། །བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕྱོགས་སུ་རབ་གྲགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟླ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟླ་བ་སྒྲོན་མ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མངོན་དུ་འགྲོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་སྣང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་སྒྲོན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེ་འཛིན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་རབ་ཏུ་འབར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣམ་པར་བསྒྲགས་པའི་རྒྱལ་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་འདྲེན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤིན་ཏུ་གྱེན་དུ་གཤེགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་
148b
ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤེས་རབ་མཆོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཆོག་གི་ནོར་བུ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རབ་ཀྱི་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྡོ་རྗེ་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྡོ་རྗེ་རྣམ་པར་གནོན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡོན་ཏན་འབྱུང་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ང་རོ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་དབང་ཕྱུག་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྲེད་མེད་ཀྱི་བུ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཀྱི་སྟོབས་གྱིས་རྣམ་པར་བསྒྲགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་
149a
༄#། །བྱང་ཆུབ་སེམས་དཔའ་རྒྱལ་ཚབ་སྨོན་ལམ་རྣམ་པར་བསྒྲགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདེ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྐར་རྒྱལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྐྱ་རེངས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དེད་དཔོན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཏོག་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དཔལ་བཟང་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣམ་པར་རྒྱལ་བའི་སྡེ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཚངས་པའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཚངས་དབྱངས་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་
149b
སེམས་དཔའ་རྒྱལ་ཚབ་རིན་ཆེན་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མེ་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རིན་ཆེན་དབང་ཕྱུག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་པདྨ་དཔལ་གྱི་སྙིང་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འབྱུང་བའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་ཏོག་སྣ་ཚོགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་བརྩོན་འགྲུས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདེ་བའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བདེ་བྱེད་ཅེས་བྱ་བ་བཏང་
150a
༄#། །ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤི་འཕོས་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་མངོན་འཕགས་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མེ་ཏོག་བཟང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་ཏུ་གཡོ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྟག་ཏུ་དཔུང་མགོ་མཐོ་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྟག་ཏུ་སྤྲོ་བ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་ཀུན་ཏུ་འཁྲུགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྩིའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྙིང་རྗེ་ཆེན་པོའི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བརྟན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དམིགས་པ་མཐའ་ཡས་པས་གནས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་
150b
ཤིན་ཏུ་རབ་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ནས་སྐབས་ཀྱི་མཚན་ཉིད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཁྱུ་མཆོག་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚོགས་ཆེན་ཞེས་བྱ་བ་བཏང་ངོ་།། དེའི་ཡང་འདབ་ཆགས་ན་འཇིག་རྟེན་གྱི་ཁམས་བཻ་ཌཱུརྱའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཟེར་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སེམས་ཚད་མེད་པའི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གསེར་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་ཆེ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མ་སྨད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དམིགས་པ་ཀུན་གྱི་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དགའ་བོ་ཞེས་བྱ་
151a
༄#། །བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གདུགས་ཀྱིས་ཁེབས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཚོགས་མཆོག་མཐའ་ཡས་ཁྱུ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤྱན་རས་གཟིགས་ངེས་པའི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྒྱུ་སྐར་གྱི་ཕྲེང་བ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱུ་སྐར་གྱི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་པདྨའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་དྲ་བས་ཁེབས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱུ་སྐར་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་པདྨའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མེ་ཏོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་མཆོག་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་
151b
དེས་བྱང་ཆུབ་སེམས་དཔའ་རྒྱལ་ཚབ་ལག་ན་པདྨ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གསེར་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ནམ་མཁའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་རྣམ་པར་དག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྣམ་པར་དག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མངོན་པར་འཕགས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མིག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མྱ་ངན་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་གསུང་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འོད་བྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྒྱུ་སྐར་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལྷུན་པོ་མངོན་དུ་འཕགས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རབ་གནས་ཞེས་བྱ་བ་བཏང་ངོ ། །
152a
༄#། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྒྱལ་མཚན་སྣ་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་སྤྱན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྣ་ཚོགས་སྡེ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྦོས་ཀྱི་ངད་ལ་དང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱ་མཚོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྒྱ་མཚོའི་ཕྱག་རྒྱ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྐར་མདའ་འཛིན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡིད་གཉིས་རྣམ་པར་འཇོམས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཙནྡན་སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་ཉིད་གཉིས་པའི་ཏོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གྲགས་པའི་སྡེ་ཞེས་བྱ་བ་བཏང་
152b
ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བ་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟླ་བ་དྲི་མ་མེད་པའི་གཟི་བརྗིད་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དགྲ་རབ་ཏུ་འཇོམས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དོན་གྱི་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྣམ་པར་བསྒྲགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྣམ་པར་བསྒྲགས་པའི་སྟོབས་ཀྱི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཔའ་བོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དོན་གྱི་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་
153a
༄#། །རྟེན་གྱི་ཁམས་ཤིན་ཏུ་རྣམ་པར་བསྒོམས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིན་ཆེན་མེ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཔས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡིད་གཉིས་མནན་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡིད་གཉིས་ཐམས་ཅད་ཡང་དག་པར་འཇོམས་འབྱུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མི་འཇིགས་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཡོན་ཏན་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རིམ་པའི་སྲས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྒྲོན་མ་འཛིན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བཟང་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཏོག་གི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བཤེས་གཉེན་ཞེས་བྱ་བ་བཏང་ངོ ། །དེའི་ཡང་འདབ་
153b
ཆགས་ན་འཇིག་རྟེན་གྱི་ཁམས་སྤོས་མཆོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨའི་དཔལ་འབྱུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡེ་ཤེས་རབ་མཆོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཏོག་བཟང་པོ་ཞེས་བྱ་བ་ཡོད་དེ།་དེ་ན་དེ་བཞིན་གཤེགས་པ་འོད་ཟེར་རབ་བཏང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཐམས་ཅད་བཤེས་གཉེན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤྲིན་ཆེན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བྱམས་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྐར་རྒྱལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྣང་བ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་སྣང་བའི་འོད་ཟེར་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཆོས་འཕགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཉན་པ་ཞེས་བྱ་བ་ཡོད་དེ།
154a
༄#། །དེ་ན་དེ་བཞིན་གཤེགས་པ་སྤྱོད་པ་ཁྱད་པར་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མངོན་དུ་འཕགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དབང་པོའི་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཐའ་ཡས་རྣམ་པར་གནོན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བཤེས་གཉེན་གྲགས་ལྡན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་རྒྱ་མཚོའི་ལྷུན་པོ་མངོན་དུ་འཕགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཀོན་མཆོག་འབྱུང་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དབང་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྟག་ཏུ་བརྒྱན་ཅེས་བྱ་
154b
བྱ་བ་ཡོད་དེ། དེ་ན་དེ་བཞིན་གཤེགས་པ་མཐོང་བ་དོན་ཡོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཔའ་བའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྣམ་པར་བསྒྲགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་མེད་དབྱངས་ཀྱི་ང་རོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཤིན་ཏུ་རབ་གནས་ཞེས་བྱ་བ་བཏང་ངོ་།། དེའི་འདབ་ཆགས་ན་འཇིག་རྟེན་གྱི་ཁམས་རྟག་ཏུ་རབ་བརྗོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་དཔག་ཏུ་མེད་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྒྲོག་བྱེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟས་ཀྱི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐ་དད་པ་མེད་པའི་གོ་ཆ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཐོགས་པ་མེད་པའི་གོ་ཆ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཙནྡན་དྲི་བསུང་ཞེས་བྱ་བ་ཡོད་དེ།
155a
༄#། །དེ་ན་དེ་བཞིན་གཤེགས་པ་འོད་དེར་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དྲི་མ་མེད་པའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འདྲེན་པའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་བཟང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལག་ན་རིན་ཆེན་ཞེས་བྱ་བ་བཏང་ངོ ། །བྱང་ཆུབ་སེམས་དཔའ་དེ་ལ་སོགས་པ་སྐྱེ་བ་གཅིག་གིས་ཐོགས་པ་གྲངས་མེད་དཔག་ཏུ་མེད་པ་དག་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ། བཅོམ་ལྡན་འདས་འབའ་ཞིག་ལ་ཕྱག་འཚལ་ཞིང་ཕྱོགས་གཅིག་ཏུ་འཁོད་དོ། །དེའི་ཚེ་ལྷོ་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་དེ་བཞིན་གཤེགས་པ་རིན་པོ་ཆེའི་མཛོད་གཅིག་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བའི་འོག་ཏུ་འདི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་
155b
རྫོགས་པར་འཚང་རྒྱ་བར་འགྱུར་རོ་ཞེས་བྱང་ཆུབ་སེམས་དཔའ་རྒྱུ་སྐར་གྱི་ཕྲེང་བ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱུ་སྐར་གྱི་ཕྲེང་བས་སྣང་བ་ཆེན་པོ་དེ་མཐོང་སྟེ། གསུང་གསལ་བའི་སྒྲ་དེའང་ཐོས་ནས་བཅོམ་ལྡན་འདས་དེ་ལ་ཞུས་པ། བཅོམ་ལྡན་འདས། གསུང་བསལ་བའི་སྒྲ་གྲགས་པ་དེ་སུའི་ལགས། བཅོམ་ལྡན་འདས་དེས་བཀའ་སྩལ་པ། རྒྱུ་སྐར་གྱི་ཕྲེང་བ། འདི་ནས་བྱང་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏོ། །འཁོར་དེར་ཡང་ཆོས་མཉམ་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དག་འདུས་ཏེ། རྒྱུ་སྐར་གྱི་ཕྲེང་བ། འཇིག་རྟེན་གྱི་ཁམས་གཞན་ན་ནི། སེམས་ཅན་རྣམས་བྱང་ཆུབ་སེམས་དཔའ་དེ་དག་ཇི་ལྟ་བུའི་གོ་ཆ་དག་གིས་གོ་ཆ་བགོས་པའི་གོ་ཆ་དེ་ལྟ་བུ་དག་གིས་སྟོངས་སོ། །དེ་ནས་བཅོམ་ལྡན་འདས་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱུ་སྐར་གྱི་ཕྲེང་བས་འདི་སྐད་ཅེས་གསོལ་
156a
༄#། །ཏོ། །བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་བ་དང ། བསྙེན་བཀུར་བགྱི་བ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་པའི་གོ་ཆ་བགོས་པ་དེ་དག་བལྟ་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག་།ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་གསོལ་ལ། རིགས་ཀྱི་བུ། ཁྱོད་སངས་རྒྱས་ཀྱི་ཞིང་དེར་ཡང་ཤེས་བཞིན་དུ་སྤྱོད་པར་གནས་པར་བྱོས་ཤིག་།དེ་ཅིའི་ཕྱིར་ཞེ་ན། སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་དེ་དག་ནི། བསྙེན་པར་དཀའ་བའི་ཕྱིར་རོ། །དེ་ནས་བྱང་ཆུབ་སེམས་དཔའ་རྒྱུ་སྐར་གྱི་ཕྲེང་བས་བཅོམ་ལྡན་འདས་དེའི་ཞབས་ལ་ཕྱག་འཚལ་ཏེ་བསྐོར་བའང་བྱས་ནས་སོང་སྟེ། དེ་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། ལག་པ་བརྐྱང་བ་སྐུམ་པར་བྱེད་པའི་སྐད་ཅིག་དེས་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས་འཇིག་
156b
རྟེན་གྱི་ཁམས་མི་མཇེད་འདིར་འདུག་སྟེ། དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་དེ་བཞིན་གཤེགས་པ་རིན་པོ་ཆེའི་མཛོད་གཅིག་པ་སྙུན་གསོལ་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྒྱུ་སྐར་གྱི་ཕྲེང་བ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། བདེ་བ་དང་ལྡན་ནམ། འགྱུར་བ་མི་མངའམ། གསོལ་པ། བཅོམ་ལྡན་འདས། དེ་ལྟ་ལགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་སོགས་པ་སྐྱེ་བ་གཅིག་གིས་ཐོགས་པ་གྲངས་མེད་དཔག་ཏུ་མེད་པ་དག་ལྷོ་ཕྱོགས་ནས་སངས་རྒྱས་ཀྱི་ཞིང་ཐ་དད་པ་དག་ཏུ་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་ནུབ་ཕྱོགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བ་གཅིག་གིས་ཐོགས་པ་གྲངས་མེད་དཔག་ཏུ་མེད་པ་དག་བཅོམ་ལྡན་འདས་ག་ལ་བ་དར་
157a
༄#། །དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །བཅོམ་ལྡན་འདས་དེ་བཞིན་གཤེགས་པ་བ་རྡུལ་མེད་རྡུལ་བྲལ་རྣམ་གྲོལ་འདས་པ་དང ། མ་འོངས་པ་དང ། ད་ལྟར་བྱུང་བ་ལ་མ་ཆགས་པའི་གོ་ཆའི་སངས་རྒྱས་ཀྱི་ཞིང་ནས་དེ་དག་གི་དང་པོ་བྱང་ཆུབ་སེམས་དཔའ་ཁྱུ་མཆོག་མཐའ་ཡས་སངས་རྒྱས་ཀྱི་མེ་ཏོག་ཀུན་ཏུ་སྟོན་པའི་གོ་ཆ་ཞེས་བྱ་བ་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་དཔག་ཏུ་མེད་པ་རྣམས་དང་ལྷན་ཅིག་ཏུ་འཇིག་རྟེན་གྱི་ཁམས་མི་མཇེད་ག་ལ་བ་དང ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་སོང་སྟེ། བཅོམ་ལྡན་འདས་ཀྱི་ཞབས་ལ་ཕྱག་བཙལ་ནས། གནོད་པ་ཆུང་ངམ། ཉམ་ང་བ་ཉུང་ངམ་ཞེས་སྙུན་གསོལ་ཏེ་ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ཁྱོད་ཀྱིས་དོན་གྱི་དབང་ཅི་མཐོང་ནས་འཇིག་རྟེན་གྱི་ཁམས་མི་མཇེད་འདིར་འོངས། གསོལ་པ། བཅོམ་ལྡན་འདས། དེ་བཞིན་གཤེགས་པའི་བྱིན་གྱི་རླབས་ཀྱིས་འཇིག་རྟེན་གྱི་ཁམས་འདིར་མཆིས་ལགས་མོད་ཀྱི། འོན་ཀྱང་བཅོམ་ལྡན་འདས། བདག་ནི། འཇིག་རྟེན་གྱི་ཁམས་དེ་ཉིད་ན་
157b
མཆིས་ཀྱང་འཇིག་རྟེན་གྱི་ཁམས་ཐམས་ཅད་མཐོང་ཞིང་དེ་བཞིན་གཤེགས་པ་ཐམས་ཅད་དང ། བྱང་ཆུབ་སེམས་དཔའ་ཐམས་ཅད་ཀྱང་མཐོང་ལགས་ཏེ། བྱང་ཆུབ་སེམས་དཔའ་རྣམས་ནི། འདི་སྙམ་དུ་བདག་ཅག་འཇིག་རྟེན་གྱི་ཁམས་གཞན་དུ་འདོང་བར་བྱའོ། །དེ་བཞིན་གཤེགས་པ་གཞན་ཡང་བལྟ་བར་བྱའོ། །སྙམ་དུ་མི་སེམས་ལགས་སོ། །དེ་ཅིའི་སླད་དུ་ཞེ་ན། བྱང་ཆུབ་སེམས་དཔའ་དེ་དག་ནི། འཇིག་རྟེན་གྱི་ཁམས་དེ་དག་ཉིད་ན་མཆིས་ཀྱང་དེ་བཞིན་གཤེགས་པ་ཐམས་ཅད་མཐོང་ལགས་ཏེ། བཅོམ་ལྡན་འདས། དེའི་སླད་དུ་དེ་བཞིན་གཤེགས་པའི་ཐུགས་བསྐྱེད་པ་ཙམ་གྱིས་དེ་བཞིན་གཤེགས་པའི་མཐུས་བདག་འཇིག་རྟེན་གྱི་ཁམས་འདིར་མཆིས་ལགས་སོ། །བྱང་ཆུབ་སེམས་དཔའ་གཞན་གང་དག་མཆི་བ་དེ་དག་ཀྱང ། དེ་བཞིན་གཤེགས་པའི་སྔོན་གྱི་སྨོན་ལམ་གྱི་དབང་གིས་དེ་བཞིན་གཤེགས་པའི་མཐུས་མཆིས་ལགས་སོ། །དེའི་ཚེ་ནུབ་ཕྱོགས་ནས་དེ་བཞིན་གཤེགས་པ་བདུད་རྩིའི་མེ་ཏོག་གི་སངས་རྒྱས་ཀྱི་ཞིང་དང ། དེ་བཞིན་དུ་དེ་བཞིན་གཤེགས་པ་བདུད་རྩིའི་འོད་དང ། བཀོད་པ་དཔག་མེད་དང ། འོད་ཟེར་དཔག་མེད་དང ། འོད་དཔག་མེད་དང ། ཁྱུ་མཆོག་དཔག་མེད་དང ། རྣམ་པར་གནོན་པ་དཔག་མེད་དང ། རྒྱུ་སྐར་གཅིག་པ་དང ། རྒྱུ་སྐར་གྱི་ཕྲེང་བ་དང ། རིན་ཆེན་གདུགས་དང ། རྒྱུ་སྐར་
158a
༄#། །རྒྱལ་པོ་དང ། འོད་ཀྱི་དཀྱིལ་འཁོར་ཅན་དང ། འོད་ཀྱི་རྒྱལ་པོ་དང ། འོད་ཟེར་མངོན་པར་འཕགས་པའི་དཔལ་དང ། འོད་ཟེར་མཐའ་ཡས་དང ། ཁྱུ་མཆོག་དང ། ཁྱུ་མཆོག་མཐའ་ཡས་རྣམ་པར་གནོན་དང ། ཐོགས་པ་མེད་པའི་དབྱངས་དང ། སྤྲིན་ཆེན་འོད་ཟེར་དང ། དྲ་བ་ཅན་གྱི་འོད་ཟེར་དང ། སངས་རྒྱས་མེ་ཏོག་འོད་ཟེར་དང ། པདྨའི་ཁྱུ་མཆོག་མེ་ཏོག་དང ། རིའི་རྒྱལ་པོ་དང ། ཟླ་བའི་ཡོན་ཏན་བདག་པོ་དང ། འོད་ཟེར་རབ་ཏུ་བཏང་བ་དང ། དཔུང་མགོ་ཤིན་ཏུ་ཟླུམ་པ་དང ། མཐོང་བ་དོན་ཡོད་དང ། རྩ་མོ་མངོན་པར་འཕགས་པའི་རྒྱལ་པོ་དང ། པདྨའི་རྩེ་མོ་མངོན་པར་འཕགས་པའི་རྒྱལ་པོ་དང ། དེ་བཞིན་གཤེགས་པ་དེ་དག་ལ་སོགས་པའི་སངས་རྒྱས་ཀྱི་ཞིང་དག་ནས་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་གྲངས་མེད་དཔག་ཏུ་མེད་པ་དག་འཇིག་རྟེན་གྱི་ཁམས་མི་མཇེད་འདིར་ལྷགས་ཏེ། ལྷགས་ནས་ཀྱང་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །དེའི་ཚེ་བྱང་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་རྒྱུ་སྐར་གྱི་ཕྲེང་བ་ཞེས་བྱ་
158b
བ་ཡོད་དེ། དེ་ན་དེ་བཞིན་གཤེགས་པ་དོན་ཡོད་མིང་སྒྲོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཕྱིར་མི་ལྡོག་པའི་འཁོར་ལོ་བསྐོར་བར་ངེས་པའི་གོ་ཆ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བྱང་ཆུབ་སེམས་དཔའ་དེས་སྣང་བ་ཆེན་པོ་དེ་མཐོང་ཞིང་གསུང་བསལ་བའི་སྒྲ་དེའང་ཐོས་ནས་བཅོམ་ལྡན་འདས་དེ་བཞིན་གཤེགས་པ་དོན་ཡོད་མིང་སྒྲོག་དེ་ལ་དེས་འདི་སྐད་ཅེས་གསོལ་ཏོ། །བཅོམ་ལྡན་འདས། འོད་ཀུན་ཏུ་གདའ་བ་དང ། གསུང་བསལ་བའི་སྒྲ་གྲགས་པ་དེ་དེ་བཞིན་གཤེགས་པ་གང་གི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་དེས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཕྱིར་མི་ལྡོག་པའི་འཁོར་ལོ་བསྐོར་བར་ངེས་པའི་གོ་ཆ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། སངས་རྒྱས་ཀྱི་ཞིང་འདི་ནས་ལྷོ་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་བ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་འདི་ལྟ་སྟེ། བྱང་ཆུབ་སེམས་དཔའི་སྟེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཀྱི་ཆོས་ཀྱང་སྟོན་ཏེ། སྣང་བ་དེ་དང ། གསུང་
159a
༄#། །བསལ་བའི་སྒྲ་གྲགས་པ་དེ་ནི། དེའི་ཡིན་ནོ། །སངས་རྒྱས་ཀྱི་ཞིང་དེར་ནི། བྱང་ཆུབ་སེམས་དཔའ་བསམ་གྱིས་མི་ཁྱབ་པའི་གོ་ཆ་བ་གོས་པ་དག་སྐྱེས་ཏེ། དེ་དག་གི་མིང་བརྗོད་པ་ཙམ་གྱིས་ཕྱོགས་བཅུའི་བྱང་ཆུབ་སེམས་དཔའ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་རོ། །དེ་སྐད་ཅེས་བཀའ་སྩལ་པ་དང ། དེ་བཞིན་གཤེགས་པ་དོན་ཡོད་མིང་སྒྲོག་ལ་བྱང་ཆུབ་སེམས་དཔའ་སེམས་བསྐྱེད་མ་ཐག་ཏུ་ཕྱིར་མི་ལྡོག་པའི་འཁོར་ལོ་བསྐོར་བར་ངེས་པའི་གོ་ཆས་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་སངས་རྒྱས་ཀྱི་ཞིང་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག། ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་ཡང་གསོལ་ཅིག། དེ་ནས་བྱང་ཆུབ་སེམས་དཔའ་དེ་བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་བསྐོར་བའང་བྱས་ནས་སོང་སྟེ། དེ་འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་
159b
པའམ།་བརྐྱང་བ་སྐུམ་པར་བྱེད་པའི་སྐད་ཅིག་དང ། ཐང་གཅིག་དང ། ཡུད་ཙམ་དེས་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས་འཇིག་རྟེན་གྱི་ཁམས་མི་མཇེད་འདིར་འདུག་སྟེ། དེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ།་བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་དེ་བཞིན་གཤེགས་པ་དོན་ཡོད་མིང་སྒྲོག་སྙུན་གསོལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། བདེ་བ་དང་ལྡན་ནམ། འགྱུར་བ་མི་མངའམ། གསོལ་པ། བཅོམ་ལྡན་འདས།་དེ་ལྟ་ལགས་སོ། །དེའི་ཚེ་བྱང་ཕྱོགས་ནས་བཅོམ་ལྡན་འདས་དེ་བཞིན་གཤེགས་པ་དོན་ཡོད་མིང་སྒྲོག་ལ་སོགས་ཏེ་བཅོམ་ལྡན་འདས་དོན་ཡོད་རྣམ་པར་གནོན་གྱི་སངས་རྒྱས་ཀྱི་ཞིང་དང ། དེ་བཞིན་དུ་དོན་ཡོད་ཁྱུ་མཆོག་དང ། དོན་ཡོད་འོད་ཟར་དང ། བརྩོན་འགྲུས་མཐའ་ཡས་དང ། སཱ་ལའི་དབང་པོའི་རྒྱལ་པོ་དང ། བརྩོན་
160a
༄#། །པ་མཐའ་ཡས་དང ། སཱ་ལ་རིན་པོ་ཆེ་དང ། གདུགས་གཅིག་པ་དང ། རྒྱུ་སྐར་བཀོད་པ་དང ། དཀོན་མཆོག་འབྱུང་གནས་དང ། ཙནྡན་ཁང་པ་དང་ཙནྡན་སྤོས་ཀྱི་འོད་དང ། འོད་མཐའ་ཡས་དང ། འོད་ཀྱི་དཀྱིལ་འཁོར་ཅན་དང ། ལྷུན་བོ་རྣམ་དག་དང ། ཐོགས་པ་མེད་པའི་སྤྱ་དང ། སྤྱན་མཐའ་ཡས་དང ། རིན་ཆེན་འབྱུང་དང ། ཀུན་གྱི་དཔལ་དང ། སངས་རྒྱས་མེ་ཏོག་འབྱུང་བའི་དཔལ་དང ། བློ་གྲོས་རབ་གནས་དང ། མཐའ་ཡས་རྣམ་པར་གནོན་དང ། དོན་ཡོད་དཔལ་དང ། རིན་ཆེན་རྣམ་པར་གནོན་དང ། གོ་ཆ་མཐའ་ཡས་དང ། བཀོད་པ་མཐའ་ཡས་དང ། ནམ་མཁའི་དཀྱིལ་འཁོར་འོད་ཟེར་དང ། མཚན་མ་མེད་པའི་ང་རོ་དང ། རྩིའི་རྒྱལ་པོ་དང ། བག་ཚ་བ་མི་མངའ་བ་དང ། སྤུ་ཟིང་ཞེས་བྱེད་པའི་འཇིགས་བྲལ་དང ། ཡོན་ཏན་རྒྱལ་པོའི་འོད་དང ། སྤྱན་རས་གཟིགས་ཀྱི་བློ་སྒྲུབ་མེ་ཏོག་དང ། ནམ་མཁའི་རིགས་དང ། ནམ་མཁའི་ང་རོ་དང ། ནམ་མཁའ་བཀོད་པའི་ང་རོ་དང ། དེ་བཞིན་གཤེགས་པ་དེ་དག་དང ། གཞན་དག་གིས་སངས་རྒྱས་ཀྱི་ཞིང་དག་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བ་གཅིག་གིས་ཐོགས་པ་དག་འཇིག་རྟེན་གྱི་ཁམས་མི་མཇེད་ག་ལ་བ་དང ། བཅོམ་ལྡན་འདས་ག་ལ་བ་དེར་ལྷགས་ཏེ། ལྷགས་ནས་ཀྱང་བཅོམ་
160b
ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་འོག་གི་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་ནམ་མཁའི་དཀྱིལ་འཁོར་རྣམ་པར་དག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་ཆེན་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རིམ་པའི་བུ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བྱང་ཆུབ་སེམས་དཔའ་རིམ་པའི་བུས་སྣང་བ་ཆེན་པོ་དེ་མཐོང་སྟེ། གསུང་བསལ་བའི་སྒྲ་དེའང་ཐོས་སོ། །ཐོས་ནས་ཀྱང་བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འོད་ཀྱི་སྣང་བ་ཀུན་ཏུ་གདའ་བ་དེ་དང ། གསུང་བསལ་བའི་སྒྲ་གྲགས་པ་དེ་སུའི་ལགས། བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། སྟེང་གི་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། མཐུ་དེ་ནི། དེའི་ཡིན་ནོ། །དེ་བཞིན་གཤེགས་པ་དེ་ནི། ད་ལྟར་བྱང་ཆུབ་སེམས་དཔའི་སྡེ་སྣོད་སེམས་ཅན་ཐམས་ཅད་ཡང་དག་པར་ཚིམ་
161a
༄#། །པར་བྱེད་པ། སེམས་ཅན་ཐམས་ཅད་ཀྱི་ཐེ་ཚོམ་གཅོད་པར་བྱེད་པ་ཞེས་བྱ་བའི་ཆོས་ཀྱི་རྣམ་གྲངས་ཡང་དག་པར་རབ་ཏུ་སྟོན་ཏེ། མཐུ་དེ་ལྟ་བུ་དེ་ནི། དེའི་ཡིན་ནོ། །འཁོར་དེ་ནའང་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་དཔེ་མེད་པ་སེམས་པ་དག་ཆོས་བསྟན་པ་དེ་ཉན་པར་བྱེད་དེ། དེ་དག་གི་མིང་བརྗོད་པ་ཙམ་གྱིས་སེམས་ཅན་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་རོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རིམ་པའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་ཤཱཀྱ་ཐུབ་པ་དེ་ལ་བལྟ་པ་དང ། ཕྱག་བགྱི་བ་དང ། བསྙེན་བཀུར་བགྱི་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག། ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་ཡང་གསོལ་ཅིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིམ་པའི་བུ་བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ། འདི་ལྟ་སྟེ། དཔེར་ན། སྐྱེས་བུ་སྟོབས་
161b
དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། བརྐྱང་བ་སྐུམ་པར་བྱེད་པའི་སྐད་ཅིག་དེས་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས་དེ་འཇིག་རྟེན་གྱི་ཁམས་མི་མཇེད་འདིར་འདུག་སྟེ། དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་དེ་བཞིན་གཤེགས་པ་སྤྱན་ཆེན་པོ་སྙུན་གསོལ་ལགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རིམ་པའི་བུ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ཅི་སངས་རྒྱས་ཀྱི་ཞིང་དེ་ན་བཅོམ་ལྡན་འདས་དེ་གནོད་པ་ཆུང་ངམ། སྙུན་མི་མངའམ། བདེ་བར་གནས་སམ། གསོལ་པ། བཅོམ་ལྡན་འདས། དེ་ལྟ་ལགས་སོ། །དེ་ལྟར་ད་བཞིན་གཤེགས་པ་སྤྱན་ཆེན་པོ་ལ་སོགས་ཏེ། བཅོམ་ལྡན་འདས་དེ་བཞིན་གཤེགས་པ་མཆོག་གི་དཔལ་གྱི་སངས་རྒྱས་ཀྱི་ཞིང་དང ། དེ་བཞིན་དུ་དེ་བཞིན་གཤེགས་པ་པདྨའི་དཔལ་འབྱུང་དང ། སངྒེའི་དཔལ་དང ། དོན་གྲུབ་དང ། དཔལ་སྦས་དང ། སེངྒེའི་གྲམ་པ་དང ། ཤིན་ཏུ་རབ་ཏུ་གནས་པའི་རྒྱལ་པོ་དང ། ཚངས་
162a
༄#། །པ་ལྷུན་པོ་དང ། སྤྱན་རྣམ་པར་དག་པ་དང ། དོན་ཡོད་པའི་གོམ་པས་རྣམ་པར་གནོན་དང ། སྤོས་ཀྱི་གླང་བོ་ཆེ་དང ། སྤོས་ཀྱི་དཔལ་དང ། སྤོས་ཀྱི་ལྷུན་པོ་དང ། སྤྱན་ཚད་མེད་པ་དང ། སྤོས་བརྩེགས་དང ། རིན་ཆེན་ལྷུན་པོ་དང ། ཤིན་ཏུ་རབ་གནས་དང ། ཤིན་ཏུ་རབ་ཏུ་གནས་པའི་རྒྱལ་པོ་དང ། སཱ་ལའི་དབང་པོའི་རྒྱལ་པོ་དང ། འོད་ཀྱི་དཀྱིལ་འཁོར་འཛིན་དང ། མེ་སྒྲོན་དང ། སྐར་མདའ་སྒྲོན་མ་དང ། བརྩོན་འགྲུས་དོན་ཡོད་དང ། ཤིན་ཏུ་ཡང་དག་བརྟགས་པའི་གོ་ཆ་དང ། སེངྒེ་དང ། སེམས་ཅན་གྱི་ཁ་ལོ་སྒྱུར་བ་དང ། རབ་མཆོག་རབ་ཏུ་གནས་པའི་རྒྱལ་པོའི་སངས་རྒྱས་ཀྱི་ཞིང་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་སོགས་པ་གྲངས་མེད་དཔག་ཏུ་མེད་པ་དག་གི་སངས་རྒྱས་ཀྱི་ཞིང་དག་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བ་གཅིག་གིས་ཐོགས་པ་གྲངས་མེད་དཔག་ཏུ་མེད་པ་དག་འཇིག་རྟེན་གྱི་ཁམས་མི་མཇེད་ག་ལ་བ་དང ། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །བམ་པོ་དགུ་པ། དེའི་ཚེ་སྟེང་གི་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་ཙནྡན་སྤོས་ཀྱི་
162b
འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡུལ་མཐའ་ཡས་པར་མངོན་པར་འཕགས་པའི་རྒྱལ་པོ་ཞེས་བྱ་བ་བཞུགས་ཏ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ང་རོ་དཔག་ཏུ་མེད་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བྱང་ཆུབ་སེམས་དཔའ་ང་རོ་དཔག་ཏུ་མེད་ཀྱིས་སྣང་བ་ཆེན་པོ་དེ་མཐོང་ཞིང་གསུང་བསལ་བའི་སྒྲ་དེའང་ཐོས་ནས། དེ་བཅོམ་ལྡན་འདས་དེ་བཞིན་གཤེགས་པ་ཡུལ་མཐའ་ཡས་པར་མངོན་དུ་འཕགས་པའི་རྒྱལ་པོ་ག་ལ་བ་དེར་སོང་སྟེ། ཕྱིན་ནས་བཅོམ་ལྡན་འདས་དེའི་ཞབས་ལ་མགོ་བོས་ཕྱག་བཙལ་ཏེ་གསོལ་པ། བཅོམ་ལྡན་འདས། འོད་གདའ་བ་དེ་དང ། གསུང་བསལ་བའི་སྒྲ་གྲགས་པ་དེ་སུའི་ལགས། བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། འོག་གི་ཕྱོགས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། འཁོར་དེར་ཡང་ཆོས་མཉན་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་དཔེ་མེད་པ་སེམས་པ་དག་འདུས་པར་གྱུར་ཏེ་འཁོད་དོ། །གསོལ་པ། བཅོམ་ལྡན་འདས། བཅོམ་ལྡན་འདས་དེ་བཞིན་གཤེགས་
163a
༄#། །པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེའི་ཐད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་པར་ཤེས་ན་སོང་ཞིག། ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་སྙུན་ཡང་གསོལ་ཅིག་།དེ་ནས་བྱང་ཆུབ་སེམས་དཔའ་ང་རོ་དག་ཏུ་མེད་པ་བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་བཅོམ་ལྡན་འདས་དེ་ལ་བསྐོར་བ་བྱས་ནས་སོང་སྟེ། འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པ་བསྐུམ་པ་རྐྱོང་བར་བྱེད་པའམ། བརྐྱང་བསྐུམ་པར་བྱེད་པའི་སྐད་ཅིག་དེས་སངས་རྒྱས་ཀྱི་ཞིང་དེ་ནས་མི་སྣང་བར་གྱུར་ནས་འཇིག་རྟེན་གྱི་ཁམས་མི་མཇེད་འདིར་འདུག་སྟེ། དེ་རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་བ་ཡང་
163b
ངམ།་སྟོབས་དང་བདེ་བར་རེག་པ་ལ་གནས་སམ་ཞེས་དེ་བཞིན་གཤེགས་པ་ཡུལ་མཐའ་ཡས་པར་མངོན་དུ་འཕགས་པའི་རྒྱལ་པོ་སྙུན་གསོལ་ལགས་སོ། །དེ་ནས་བཅོམ་ལྡན་འདས་ཀྱིས་དེ་ལ་བཀའ་སྩལ་པ། རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའམ། སྟོབས་དང་ལྡན་ནམ། འགྱུར་བ་མི་མངའམ། གསོལ་པ། བཅོམ་ལྡན་འདས། དེ་ལྟ་ལགས་སོ། །དེ་ལྟར་དེ་བཞིན་གཤེགས་པ་ཡུལ་མཐའ་ཡས་པར་མངོན་དུ་འཕགས་པའི་རྒྱལ་པོ་ལ་སོགས་པ་བཅོམ་ལྡན་འདས་དེ་བཞིན་གཤེགས་པ་བརྩོན་འགྲུས་མངོན་དུ་འཕགས་པའི་རྒྱལ་བོའི་སངས་རྒྱས་ཀྱི་ཞིང་དང ། དེ་བཞིན་དུ་དེ་བཞིན་གཤེགས་པ་ཡིད་གཉིས་ཡང་དག་འཇོམས་དང ། རྒྱུ་སྐར་བཟང་པོའི་རྒྱལ་པོ་དང ། ཉིན་མཛད་དང ། འོད་མཛད་དང ། ལྷུན་པོ་འོད་དང ། འོད་ཀྱི་དཀྱིལ་འཁོར་དང ། རྣམ་པར་དག་པའི་འོད་དང ། ཟས་ཀྱི་གདུགས་དང ། སྤོས་ཀྱི་གདུགས་དང ། རིན་ཆེན་གདུགས་དང ། ཙནྡན་གྱི་ཁང་པ་དང ། དགའ་བའི་དཔལ་དང ། རི་རབ་ཕུང་པོ་དང ། རིན་པོ་ཆེའི་འོད་དང ། སཱ་ལའི་དབང་པོའི་རྒྱལ་པོ་དང ། ཚངས་པའི་དཔལ་དང ། རྣམ་པར་དག་པའི་སྤྱན་དང ། བག་ཚ་བ་མི་མངའ་བ་དང ། སྤུ་ཟིང་ཞེས་བྱེད་པའི་འཇིགས་པ་དང ། བྲལ་བ་དང ། རིན་ཆེན་གོ་ཆ་མཐའ་ཡས་དང ། བླ་ན་མེད་པའི་འོད་ཟེར་དང ། དེ་བཞིན་གཤེགས་པ་དྲ་བ་ཅན་གྱི་
164a
༄#། །འོད་ཀྱི་ཏོག་དང ། དེ་བཞིན་གཤེགས་པ་རྒྱུའི་རྒྱལ་པོའི་སངས་རྒྱས་ཀྱི་ཞིང་དང ། སངས་རྒྱས་བཅོམ་ལྡན་འདས་དེ་དག་ལ་སོགས་པ་གྲངས་མེད་དཔག་ཏུ་མེད་པ་དག་གི་སངས་རྒྱས་ཀྱི་ཞིང་དག་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་དཔག་ཏུ་མེད་པ་དག་འཇིག་རྟེན་གྱི་ཁམས་མི་མཇེད་ག་ལ་བ་དང ། རྒྱལ་པོའི་ཁབ་འོད་མའི་ཚལ་བྱ་ཀ་ལནྟ་ཀ་གནས་པ་ག་ལ་བ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་ཤར་ལྷོའི་ཕྱོགས་མཚམས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་སངས་རྒྱས་པདྨའི་མེ་ཏོག་འབྱུང་བའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སངས་རྒྱས་ཐམས་ཅད་ཀྱི་སྐུ་ཀུན་ཏུ་སྟོན་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མྱ་ངན་བྲལ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བྱང་ཆུབ་སེམས་དཔའ་མྱ་ངན་བྲལ་གྱིས་སྣང་བ་ཆེན་པོ་དེ་མཐོང་ཞིང་གསུང་བསལ་བའི་སྒྲ་དེའང་ཐོས་སོ། །ཐོས་ནས་ཀྱང་བཅོམ་
164b
ལྡན་འདས་དེ་བཞིན་གཤེགས་པ་སངས་རྒྱས་ཐམས་ཅད་ཀྱི་སྐུ་ཀུན་ཏུ་སྟོན་པའི་དཔལ་དེ་ག་ལ་བ་དེར་སོང་སྟེ། བཅོམ་ལྡན་འདས་དེའི་ཞབས་ལ་ཕྱག་བཙལ་ནས་བཅོམ་ལྡན་འདས་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། འོད་གདའ་བ་དེ་དང ། གསུང་བསལ་བའི་སྒྲ་གྲགས་པ་དེ་སུའི་ལགས། བཅོམ་ལྡན་འདས་དེས་བཀའ་སྩལ་པ།་རིགས་ཀྱི་བུ། ནུབ་བྱང་གི་ཕྱོགས་མཚམས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་མི་མཇེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཤཱཀྱ་ཐུབ་པ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གྱིས་མི་ཁྱབ་ཅིང་དཔེ་མེད་པའི་གོ་ཆ་བགོས་པ་རྣམས་ལ་བྱང་ཆུབ་སེམས་དཔའི་སྡེ་སྣོད་ཅེས་བྱ་བའི་ཆོས་ཀྱི་རྣམ་གྲངས་ཡང་དག་པར་རབ་ཏུ་སྟོན་ཏོ། །གསོལ་པ། བཅོམ་ལྡན་འདས། བཅོམ་ལྡན་འདས་ཤཱཀྱ་ཐུབ་པ་དེ་ལ་བལྟ་བ་དང ། ཕྱག་བགྱི་པ་དང ། བསྙེན་བཀུར་བགྱི་བའི་སླད་དུ་འཇིག་རྟེན་གྱི་ཁམས་མི་མཇེད་དེར་བདག་མཆི་བར་བགྱིའོ། །བཅོམ་ལྡན་འདས་དེས་བཀའ་སྩལ་པ། རིགས་ཀྱི་བུ། དེའི་དུས་ལ་ད་བབ་བར་ཤེས་ན་སོང་ཞིག་།ངའི་ཚིག་གིས་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ།
165a
༄#། །སྟོབས་དང་བདེ་བར་རེག་པ་ལ་གནས་སམ་ཞེས་སྙུན་ཡང་གསོལ་ཅིག་།དེ་ནས་བྱང་ཆུབ་སེམས་དཔའ་མྱ་ངན་བྲལ་བཅོམ་ལྡན་འདས་དེ་ལ་ཕྱག་བཙལ་ནས་སོང་སྟེ། འདི་ལྟ་སྟེ། དཔེར་ན། སྐྱེས་བུ་སྟོབས་དང་ལྡན་པ་ཞིག་གིས་ལག་པར་བསྐུམ་པ་རྐྱོང་བར་བྱེད་པའམ། བརྐྱང་བ་སྐུམ་པར་བྱེད་པའི་སྐད་ཅིག་དེས་འཇིག་རྟེན་གྱི་ཁམས་མི་མཇེད་འདིར་འོངས་ཏེ། དེ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་ག་ལ་བ་དེར་སོང་ནས། བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་དེ་བཞིན་གཤེགས་པ་སངས་རྒྱས་ཐམས་ཅད་ཀྱི་སྐུ་ཀུན་ཏུ་སྟོན་པའི་དཔལ་སྙུན་གསོལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། ཅི་བཅོམ་ལྡན་འདས་དེ་སྙུན་མི་མངའ་མ། སྟོབས་དང་ལྡན་ནམ། འགྱུར་བ་མི་མངའ་མ། གསོལ་པ།་བཅོམ་ལྡན་འདས། དེ་ལྟ་ལགས་སོ། །དེ་ལྟར་དེ་བཞིན་གཤེགས་པ་སངས་རྒྱས་ཐམས་ཅད་ཀྱི་སྐུ་ཀུན་ཏུ་སྟོན་པ་ལ་སོགས་པ་བཅོམ་ལྡན་འདས་དེ་བཞིན་གཤེགས་པ་
165b
དམིགས་པ་མཐའ་ཡས་པའི་སངས་རྒྱས་ཀྱི་སྐུ་ཀུན་ཏུ་སྟོན་པའི་སངས་རྒྱས་ཀྱི་ཞིང་དང ། དེ་བཞིན་དུ་དེ་བཞིན་གཤེགས་པ་པདྨ་བཀོད་པའི་ཁྱུ་མཆོག་དང ། དྲ་བ་ཅན་གྱི་འོད་དང ། འོད་མཐའ་ཡས་སངས་རྒྱས་མེ་ཏོག་འབྱུང་དང ། རིན་ཆེན་སཱ་ལ་དང ། རིན་ཆེན་ཟླ་བའི་ཁྱུ་མཆོག་དང ། རྩིའི་རྒྱལ་པོ་དང ། སྨན་དང ། ཡེ་ཤེས་མཆོག་དང ། མངོན་དུ་འཕགས་པའི་གོ་ཆ་དང ། ལྷུན་པོ་གོང་ན་མེད་པ་དང ། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་དང ། མེ་ཏོག་བརྩེགས་དང ། མེ་ཏོག་རབ་གཏོར་དང ། རྟག་ཏུ་མཛེས་པའི་འོད་ཟེར་དང ། བླ་ན་མེད་པའི་འོད་ཟེར་དང ། མི་གཡོས་རྣམ་པར་གནོན་དང ། གོམ་པས་རྣམ་པར་གནོན་དང ། གོམ་པ་མཐའ་ཡས་བས་རྣམ་པར་གནོན་དང ། སྨོན་ལམ་མཐའ་ཡས་དང ། སྤོབས་པ་དཔག་མེད་དང ། ཁྱུ་མཆོག་མཐའ་ཡས་དང ། སྨོན་ལམ་མ་ངེས་པ་དང ། མངལ་འགྱུར་མཛད་དང ། སྐྱོ་མེད་འགྱུར་མཛད་སྨོན་ལམ་དང ། དམིགས་པའི་གོ་ཆ་དང ། སངས་རྒྱས་ནམ་མཁའ་དང ། འབྱུང་བའི་དཔལ་གྱི་སངས་རྒྱས་ཀྱི་ཞིང་དང ། དེ་བཞིན་གཤེགས་པ་དེ་དག་དང ། གཞན་དག་གི་སངས་རྒྱས་ཀྱི་ཞིང་དག་ནས་བྱང་ཆུབ་སེམས་དཔའ་གྲངས་མེད་དཔག་ཏུ་མེད་པ་དག་འཇིག་རྟེན་གྱི་ཁམས་མི་མཇེད་འདིར་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་
166a
༄#། །ཏེ་ཕྱོགས་གཅིག་ཏུ་འཁོད་དོ། །དེའི་ཚེ་ལྷོ་ནུབ་ཀྱི་ཕྱོགས་མཚམས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་བཀྲ་ཤིས་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དོན་གྲུབ་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དོན་ཐམས་ཅད་གྲུབ་ཅེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེ་ལྟར་དེ་ལ་སོགས་པ་བཅོམ་ལྡན་འདས་དེ་བཞིན་གཤེགས་པ་གྲུབ་པའི་གོ་ཆའི་སངས་རྒྱས་ཀྱི་ཞིང་དང ། དེ་བཞིན་དུ་དེ་བཞིན་གཤེགས་པ་གཙུག་ཏོར་ཅན་དང ། ཤིན་ཏུ་རབ་གནས་གོ་ཆ་དང ། གོ་ཆ་མཐའ་ཡས་དང ། མཚན་གྱི་གོ་ཆ་དང ། གོ་ཆ་མཐའ་ཡས་དང ། ཀུན་ནས་གོ་ཆ་དང ། མར་མེ་མཛད་དང ། འོད་མཛད་དང ། མཛོད་གཅིག་པ་དང ། སྐུ་མི་མངའ་བ་དང ། དྲ་བ་ཅན་གྱི་འོད་ཟེར་དང ། བརྩོན་འགྲུས་མཐའ་ཡས་དང།་རྩེ་མོ་དང ། རྩེ་མོ་མངོན་དུ་འཕགས་དང ། འོད་ཀྱི་དཀྱིལ་འཁོར་ཅན་དང ། རྣམ་པར་གཟིགས་དང ། དོན་ཡོད་མིང་སྒྲོག་དང ། འཇིགས་པ་དང་བག་
166b
ཚ་བ་ཐམས་ཅད་རྣམ་པར་འཇོམས་མཛད་དང ། ཡོན་ཏན་མཐའ་ཡས་རྒྱལ་པོའི་འོད་དང ། ཕྱིར་རྒོལ་པ་ཐམས་ཅད་ངེས་པར་འཇོམས་དང ། བདུད་ཐམས་ཅད་ཀྱི་ཡུལ་ལས་འདས་པ་དང ། དཔག་མེད་མེ་ཏོག་དང ། བདུད་རྩི་འཛིན་དང ། དབྱངས་ཀྱི་ང་རོ་དཔག་མེད་དང ། འོད་ཟེར་བརྩེགས་དང ། སྣང་བའི་དཔལ་དང ། གཉིས་མེད་བྲལ་བའི་དཀྱིལ་འཁོར་ཅན་དང ། འཆི་མེད་རྟོགས་པའི་མེ་ཏོག་འོད་ཟེར་དང ། བདུད་རྩིའི་དབྱངས་དང ། ལྷུན་པོའི་འོད་དང ། ཤིན་ཏུ་མཐོང་དང ། སྤྱན་བཟང་དང ། མཆོག་གི་ཚོགས་ཅན་དང ། རིན་ཆེན་མེ་ཏོག་དང ། རིན་ཆེན་འབྱུང་དང ། ཟླ་བའི་མེ་ཏོ་དང ། སེམས་ཅན་ཀུན་གྱི་གོ་ཆ་དང ། སྙིང་པོ་ཐམས་ཅད་འགྱུར་མཛད་དང ། སྤོབས་པ་མཐའ་ཡས་དང ། རྩོད་པ་དང ། བག་ཚ་བ་མི་མངའ་བ་དང ། དམིགས་པ་ཐམས་ཅད་སྤོབས་པས་སྤྱོད་པ་དང ། སངས་རྒྱས་བཅོམ་ལྡན་འདས་དེ་དག་དང ། གཞན་དག་གི་སངས་རྒྱས་ཀྱི་ཞིང་དག་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བ་གཅིག་གིས་ཐོགས་པ་དག་འཇིག་རྟེན་གྱི་ཁམས་མི་མཇེད་ག་ལ་བ་དང ། བཅོམ་ལྡན་འདས་ག་ལ་བ་དེར་ལྷགས་ནས་བཅོམ་ལྡན་འདས་ཤཱཀྱ་ཐུབ་པའི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་ནུབ་བྱང་གི་ཕྱོགས་མཚམས་སུ་འཇིག་རྟེན་གྱི་ཁམས་
167a
༄#། །གྲངས་མེད་དཔག་ཏུ་མེད་པ་དག་འདས་པ་ན་འཇིག་རྟེན་གྱི་ཁམས་ཙནྡན་སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུན་ཏུ་སྤོས་ཀྱི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་ཀུན་ཏུ་བཟང་པོ་ཞེས་བྱ་བ་རྒྱལ་ཚབ་ཏུ་དབང་བསྐུར་ཏོ། ། ཞེས་བྱ་བ་ནས། དེའང་འོངས་ཏེ་ཞེས་བྱ་བ་དང ། དེ་ལྟར་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེ་ལྟར་བཅོམ་ལྡན་འདས་དེ་བཞིན་གཤེགས་པ་ཀུན་ཏུ་སྤོས་ཀྱི་འོད་ཟེར་ལ་སོགས་པ་བཅོམ་ལྡན་འདས་དེ་བཞིན་གཤེགས་པ་སྤོས་ཀྱི་གླང་པོ་ཆེ་དང ། སྤོས་ཀྱི་ཁྱུ་མཆོག་དང ། སྤོས་ཀྱི་ཁང་པ་དང ། འོད་ཀྱི་དཀྱིལ་འཁོར་ཅན་དང ། འོད་ཟེར་གྱི་རྒྱལ་པོ་དང ། པདྨ་མངོན་དུ་འཕགས་པའི་རྒྱལ་པོ་དང ། སངས་རྒྱས་ཁྱུ་མཆོག་དང ། ཁྱུ་མཆོག་མཐའ་ཡས་དང ། གོ་ཆ་བཟང་པོ་དང ། ཤིན་ཏུ་གོ་ཆ་བགོས་པའི་དཔལ་དང ། མེ་ཏོག་རབ་གཏོར་དང ། མེ་ཏོག་གདུགས་ཀྱི་ཕྲེང་བ་དང ། མེ་ཏོག་ཁང་པ་དང ། གསེར་གྱི་མེ་ཏོག་དང ། སྤོས་ཀྱི་མེ་ཏོག་དང ། ལྷུན་པོའི་རྒྱལ་པོ་དང ། སེམས་ཅན་ཀུན་ལས་མངོན་པར་འཕགས་པའི་གོ་ཆ་དང ། སེམས་ཅན་ཐམས་ཅད་སྐྱོ་མེད་འགྱུར་མཛད་དང ། ལེགས་པར་སྤྱད་པའི་གོ་ཆ་དང ། ཀུན་ཏུ་
167b
བཏང་པའི་འོད་ཟེར་རབ་བཏང་དང ། པདྨ་རབ་གཏོར་འབྱུང་བའི་དཔལ་དང ། རིན་ཆེན་དྲ་བ་དང ། མངོན་དུ་འཕགས་པའི་རྒྱལ་པོ་དང ། སངས་རྒྱས་ཀྱི་ཞིང་གདུགས་གཅིག་པས་ཁྱབ་པ་དང ། རྒྱུ་སྐར་གྱི་རྒྱལ་པོ་དང ། དཔུང་མགོ་ཤིན་ཏུ་ཟླུམ་པ་དང ། ཤིན་ཏུ་ཡང་དག་ཞུགས་ཀྱི་རྒྱལ་པོ་དང ། སྤོས་ལྡན་དང ། ཡེ་ཤེས་མཐའ་ཡས་ཁྱུ་མཆོག་དང ། དོན་ཡོད་གོ་ཆ་བགོས་དང ། མཐོང་བ་དོན་ཡོད་དང ། ཐོགས་པ་མེད་པའི་སྤྱན་དང ། སེམས་དང་པོ་བསྐྱེད་པ་དང་ལྡན་པའི་མི་འཁྲུགས་པ་དང ། སྤྱན་མཐའ་ཡས་དང ། མར་མེའི་བདག་པོ་དང ། ཀུན་ཏུ་སྣང་བ་དང ། སྣང་བའི་འོད་ཟེར་དང ། སངས་རྒྱས་ཀྱི་ཞིང་དུ་སེམས་ཅན་ཐམས་ཅད་གཅད་དུ་མེད་པའི་སྤོབས་པ་དང ། རྡུལ་མེད་རྡུལ་བྲལ་རྣམ་པར་གནོན་དང ། གོམ་པ་མེད་ཀྱིས་རྣམ་པར་གནོན་དང ། སངས་རྒྱས་བཅོམ་ལྡན་འདས་དེ་དག་ལ་སོགས་པའི་སངས་རྒྱས་ཀྱི་ཞིང་དག་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྐྱེ་བ་གཅིག་གིས་ཐོགས་པ་གྲངས་མེད་དཔག་ཏུ་མེད་པ་དག་འཇིག་རྟེན་གྱི་ཁམས་མི་མཇེད་ག་ལ་བ་དང ། བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ། །དེའི་ཚེ་བྱང་ཤར་གྱི་ཕྱོགས་མཚམས་སུ་འཇིག་རྟེན་གྱི་ཁམས་གྲངས་མེད་དཔག་ཏུ་མེད་པ་
168a
༄#། །དག་འདས་པ་ན་འཇིག་རྟེན་གྱི་ཁམས་མངོན་དུ་བགྲོད་བྱ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་ཐམས་ཅད་སེལ་བ་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དོན་ཡོད་མིང་སྒྲོལ་ཞེས་བྱ་བ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་བྱ་བ་ནས། དེའང་བཅོམ་ལྡན་འདས་ཤཱཀྱ་ཐུབ་པ་ལ་ཆོས་མཉན་པའི་ཕྱིར་འོངས་ཏེ་ཞེས་བྱ་བ་དང ། དེ་ལྟ་ལགས་སོ། །ཞེས་བྱ་བའི་བར་དུ་སྔ་མ་བཞིན་དུ་སྦྱར་རོ། །དེ་ལྟར་བཅོམ་ལྡན་འདས་དེ་བཞིན་གཤེགས་པ་མྱ་ངན་ཐམས་ཅད་སེལ་མཛད་ལ་སོགས་པ་འཇིག་རྟེན་གྱི་ཁམས་མངོན་དུ་བགྲོད་བྱ་དེའི་ཡང་ཕ་རོལ་ན་འཇིག་རྟེན་གྱི་ཁམས་མྱ་ངན་མེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མྱ་ངན་བྲལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འོད་ཆེན་པོ་ཞེས་བྱ་བ་བཅོམ་ལྡན་འདས་ཀྱིས་ཆོས་ཀྱི་སྐྱེས་བསྐུར་ཏེ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འབྱུང་བའི་དཔལ་ཞེས་བྱ་བ་
168b
བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལག་པ་མཐའ་ཡས་ཞེས་བྱ་བ་བཏང་ངོ ། །དེའི་ཡང་འདར་ཆགས་ན་འཇིག་རྟེན་གྱི་ཁམས་ཡོན་ཏན་འབྱུང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕྱང་བའི་བློ་གྲོས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་གསེར་གྱི་དྲ་བས་ཀུན་ཏུ་ཁེབས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལྷུན་པོ་མཆོག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སེངྒེའི་ལྷུན་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་ཀྱི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་ཀྱིས་རྒྱགས་པར་མཛད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དབྱངས་ཀྱིས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རིན་ཆེན་བརྩེགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀཽ་དི་ནྱ་ཞེས་བྱ་བ་བཞུགས་ཏེ་འཚོ་ཞིང་གཞེས་
169a
༄#། །ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་མཚན་ཉིད་གཉིས་པའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བརྟན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཐུ་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚངས་པས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཨུཏྤ་ལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཨུཏྤ་ལ་དམར་པོའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་པདྨ་འབྱུང་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་མུ་ད་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཀུ་མུ་ད་འབྱུང་བ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འཇིག་པ་མེད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རབ་སྒྲོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱན་བཏུད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་
169b
ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གོང་ན་མེད་པའི་གཟི་བརྗིད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་བཀོད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཆོག་གི་ཚོགས་ཅན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་བརྟུལ་ཞུགས་བཟང་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ནི་འཇིག་རྟེན་གྱི་ཁམས་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྣང་བ་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དཔལ་གྱི་སྙིང་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཙནྡན་སྤོས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཟླ་བ་འཕགས་པའི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕྱོགས་ཀྱི་སྒྲོན་མ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕྱོགས་སུ་རྣམ་པར་བསྒྲགས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་
170a
༄#། །བྱང་ཆུབ་སེམས་དཔའ་རྒྱལ་ཚབ་རྣམ་པར་བསྒྲགས་པའི་སྟོབས་ཀྱི་རྒྱལ་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཟླ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྐར་མའི་རྒྱལ་པོ་ཚོགས་ཀྱི་བདག་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་གྲགས་པའི་སྡེ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཀུན་ཏུ་སྣང་བའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྣང་བ་མཐའ་ཡས་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དྲི་མ་མེད་པའི་ཏོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་སྣང་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤོས་མེད་མཆོག་གི་ལྷུན་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྣམ་པར་རྒྱལ་བ་སྲུང་བ་ཅན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མི་འཇིགས་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མི་འཇིགས་པ་ཞེས་བྱ་བ་བཞུགས་ཏེ་འཚོ་
170b
ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྐྱེ་བོའི་དབང་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་མཆོག་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་བདེ་འབྱུང་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཡིད་གཉིས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྣང་བ་མཐའ་ཡས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་མཐའ་ཡས་སྤྱོད་པ་འབྱུང་བའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་འགྲོ་བའི་དབང་པོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བརྒྱན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་ཀུན་གྱིས་སོ་སོར་བརྒྱན་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དགའ་སྤྱོད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨའི་དྲ་བས་ཀུན་ཏུ་ཁེབས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མེ་ཏོག་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་
171a
༄#། །ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཆབ་མེ་ཏོག་འབྱུང་བ་མངོན་དུ་འཕགས་པའི་དཔལ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་རྒྱལ་མཚན་སྣ་ཚོགས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཕས་མ་ཕམ་པའི་རྒྱལ་མཚན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཕས་མ་ཕམ་པ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བརྟན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དབང་སྦས་འོད་ཟེར་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཀུན་ནས་སྦས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་འཇིགས་བྱེད་མངོན་དུ་འཕགས་པའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚ་བ་ཡེ་ཤེས་སྨན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྤྱོད་
171b
པ་ཐ་དད་མེད་འབྱུང་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤྱོད་པ་ཐ་དད་མེད་ཅེས་བྱ་བ་བཏང་ངོ་།། དེའི་ཡང་འདབ་ཆགས་ན་འཇིག་རྟེན་གྱི་ཁམས་དགའ་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ང་རོ་བསྡམས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ང་རོ་འབར་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བའི་དཔལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ནམ་མཁའི་དཀྱིལ་འཁོར་རྣམ་པར་དག་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལྷུན་པོ་མཆོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མངོན་དགའ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཚན་མ་མེད་པའི་ང་རོ་ངེས་པའི་དབྱངས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤྱན་རས་གཟིགས་ཀྱི་ང་རོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་འབྱུང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་མངོན་དུ་འཕགས་པའི་དཔལ་ཞེས་བྱ་བ་བཞུགས་
172a
༄#། །ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཅི་འཇིགས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཚངས་ལྡན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཚངས་པའི་དཔལ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ།་བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཚངས་པས་མཆོད་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྤོས་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐོགས་པ་མེད་པའི་སྤོས་ཀྱི་གླང་པོ་ཆེ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དབང་པོས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་པདྨ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ལྷུན་པོའི་འོད་ཅེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་རྒྱ་མཚོ་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་མར་མེ་བྱེད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་སྒྲོན་མ་མཛད་ཅེས་བྱ་བ་བཞུགས་ཏེ་
172b
འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སྤྲིན་གྱི་འོད་ཟེར་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྙན་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་པདྨ་མཆོག་གི་འོད་ཟེར་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ཆོས་ཀྱི་འབྱུང་གནས་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་གྲགས་ལྡན་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་ལྷུན་པོས་བྱིན་ཞེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་ཤིན་ཏུ་རབ་གནས་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བཤེས་གཉེན་གྲགས་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། །བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་སེངྒེ་ལྟར་གནོན་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སཱ་ལ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སཱ་ལའི་དབང་པོའི་རྒྱལ་པོ་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་
173a
༄#། །འདས་དེས་བྱང་ཆུབ་སེམས་དཔའ་རྒྱལ་ཚབ་སཱ་ལའི་དབང་པོའི་ཏོག་ཅེས་བྱ་བ་བཏང་ངོ ། །དེའི་ཡང་འདབ་ཆགས་ན་འཇིག་རྟེན་གྱི་ཁམས་སྣང་བ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཟེར་མཐའ་ཡས་ཞེས་བྱ་བ་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏེ། བཅོམ་ལྡན་འདས་དེས་བྱང་ཆུབ་སེམས་དཔའ་རྒྱལ་ཚབ་དོན་ཡོད་གོམ་པས་རྣམ་པར་གནོན་ཅེས་བྱ་བ་བཏང་ངོ ། །དེ་ལྟར་བྱང་ཤར་གྱི་ཕྱོགས་མཚམས་ནས་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་གྲངས་མེད་དཔག་ཏུ་མེད་པ་དག་ལྷགས་ཏེ། ལྷགས་ནས་ཀྱང་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་ཞབས་ལ་མགོ་བོས་ཕྱག་འཚལ་ཅིང་བསྐོར་བ་བྱས་ཏེ་རྣམ་པ་དུ་མས་མཆོད་ནས་བཅོམ་ལྡན་འདས་འབའ་ཞིག་ལ་ལྟ་ཞིང་ཕྱོགས་གཅིག་ཏུ་འཁོད་དོ། །དེའི་ཚེ་འཇིག་རྟེན་གྱི་ཁམས་དེ་གང་ལྷ་དང ། ཀླུ་དང ། གནོད་སྦྱིན་དང།་མིའམ་ཅི་དང ། ལྟོ་འཕྱེ་ཆེན་པོ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེ་བ་བསམ་གྱིས་མི་ཁྱབ་ཅིང་དཔེ་མེད་པའི་གོ་ཆ་བགོས་པ་དག་གིས་མ་ཁྱབ་པའི་བར་ནི། ཐ་ན་འཁར་བ་གཞག་ས་ཙམ་ཡང་མེད་དོ། །དེ་དག་ཐམས་ཅད་ཀྱང་གཅིག་ལ་གཅིག་ཉམ་ང་བ་མེད་དེ། ཆོས་མཉན་པའི་སྲེད་པས་བཅོམ་
173b
ལྡན་འདས་ཀྱི་ཞལ་དུ་ལྟ་བ་ལྷུར་ལེན་ཅིང་འཁོད་དོ། །བྱང་ཆུབ་སེམས་དཔའ་འདུས་པའི་ལེའུ་སྟེ། ལྔ་པའོ།། །།དེ་ནས་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་འདུས་པ་ཆེན་པོ་དེ་མཁྱེན་ནས་གདན་དེ་ལ་བཞུགས་བཞིན་དུ་དཔའ་བར་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་རྡོ་རྗེའི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ངེས་པའི་ཚིག་མེད་པའི་གནས་ལ་གནས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བཀོད་པ་གཅིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སེངྒེའི་གདུགས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སྒྲུབ་པ་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སེངྒེ་རྣམ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་འོད་ཟེར་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སའི་སྙིང་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་མངོན་པར་མ་དམིགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
174a
༄#། །ཞུགས་སོ། །དེ་ལས་བཞེངས་ནས་སེངྒེ་རྣམ་པར་འཕྲུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཟླ་བའི་དཀྱིལ་འཁོར་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བཀོད་པ་གཅིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ལས་བཞེངས་ནས་འོད་ཟེར་དུ་མ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་རྒྱ་མཚོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཕྱག་རྒྱ་ཐམས་ཅད་སྒྲུབ་པ་ཆོས་ཀྱི་དབྱིངས་སུ་ངེས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སྨོན་ལམ་དང་དམིགས་པ་མཐའ་ཡས་པ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཆོས་ཐམས་ཅད་ཁྱུ་མཆོག་ཏུ་གྱུར་པ་མཐའ་ཡས་པ་སྒྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་དམིགས་པ་གཅིག་པ་སྒྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཆོས་ཐམས་ཅད་ཀྱི་གནས་ལ་གནས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་འོད་ཟེར་མཐའ་ཡས་
174b
སངས་རྒྱས་པདྨ་མངོན་དུ་འཕགས་པ་སྒྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཆོས་ཐམས་ཅད་ཤིན་ཏུ་བྱང་བ་དྲི་མ་མེད་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཆོས་ཐམས་ཅད་ཀྱི་རྒྱལ་པོའི་ཕྱག་རྒྱ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། དེ་ལས་བཞེངས་ནས་ཁྱུ་མཆོག་མཐའ་ཡས་ཀུན་ཏུ་སྟོན་པའི་སངས་རྒྱས་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སེམས་ཅན་ཐམས་ཅད་ཡོངས་སུ་མྱ་ངན་ལས་འདས་པའི་གོ་ཆ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཆོས་ཐམས་ཅད་དེ་བཞིན་གཤེགས་པའི་སྤྱོད་ཡུལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཁྱུ་མཆོག་ཏུ་གྱུར་པ་མཐའ་ཡས་པ་ཀུན་ཏུ་སྟོན་པའི་སངས་རྒྱས་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་དམིགས་པ་ཐམས་ཅད་སངས་རྒྱས་པའི་སྒྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་འདས་པ་དང ། མ་འོངས་པ་དང ། ད་ལྟར་བྱུང་བ་ལ་མ་ཆགས་པར་ཆོས་ཐམས་ཅད་ངེས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །
175a
༄#། །དེ་ལས་བཞེངས་ནས་ཆོས་ཐམས་ཅད་ཀྱི་དབང་ཕྱུག་གིས་དབང་སྒྱུར་བའི་སངས་རྒྱས་ཁྱུ་མཆོག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། དེ་ལས་བཞེངས་ནས་ཆོས་ཐམས་ཅད་ཡང་དག་པར་འདུ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བརྟན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་རབ་ཏུ་འཕེལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་རབ་ཏུ་མི་གཡོས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་མི་འཁྲུགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཆོས་ཐམས་ཅད་ལ་ལྟ་བ་དང་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཀུན་ཏུ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་མ་སྒྲུབ་པར་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ལྟ་བ་དང་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་མི་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཆོས་
175b
ཐམས་ཅད་ཐོགས་པ་མེད་པ་དང་ལེན་པ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་དབང་པོ་དང་ལྡན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་མི་ཟད་ལ་ཟད་མི་ཤེས་པར་ངེས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་དམིགས་པ་མི་ཟད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་དམིགས་པ་གཅིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བཀོད་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བཀོད་པ་མཐའ་ཡས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བག་ཚ་བ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སེམས་ཅན་ཐམས་ཅད་ཀྱི་དགེ་བའི་རྩ་བ་ཡང་དག་པར་སྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སེམས་ཅན་ཐམས་ཅད་ཀྱི་དགེ་བའི་རྩ་བ་མངོན་དུ་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། དེ་ལས་བཞེངས་ནས་ཆོས་ཐམས་ཅད་ཡོངས་སུ་ཚོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སྣང་བར་བྱེད་པ་ཞེས་བྱ་བའི་ཏིང་ངེ་འཛིན་ལ་
176a
༄#། །སྙོམས་པར་ཞུགས་སོ། །དེ་ལས་བཞེངས་ནས་ཆོས་ཐམས་ཅད་རྣམ་པར་དག་པའི་སྤྱོད་ཡུལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་ཆོས་ཐམས་ཅད་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བྱང་ཆུབ་སེམས་དཔའ་ཐམས་ཅད་ཀྱི་སྣང་བ་རྣམ་པར་དག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་བཅོམ་ལྡན་འདས་ཉན་ཐོས་ཐམས་ཅད་ཀྱི་སྒྲིབ་པ་མེད་པའི་མིག་རྣམ་པར་སྦྱོང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་འཁོར་ཐམས་ཅད་ཀྱི་སྒྲིབ་པ་མེད་པར་རྣམ་པར་དག་པའི་དགེ་བའི་རྩ་བ་ཡང་དག་པར་བསྐྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་དུད་འགྲོའི་སྐྱེ་གནས་དང ། གཤིན་རྗེའི་འཇིག་རྟེན་གྱི་སྡུག་བསྔལ་རྒྱུན་གཅོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་སངས་རྒྱས་ཀྱི་ཞིང་ཐམས་ཅད་དུ་བྱམས་པ་ཆེན་པོ་སྒྲུབ་པས་དགེ་བའི་རྩ་བ་ཡང་དག་པར་བསྐྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་བཞེངས་ནས་མི་གཡོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལྟར་བཅོམ་ལྡན་འདས་མི་གཡོ་བའི་
176b
ཏིང་ངེ་འཛིན་ལ་སྙོམས་པར་ཞུགས་པ་ན་གནས་གཙང་མའི་རིས་ཀྱི་ལྷ་རྣམས་ཀྱིས་ཚིགས་སུ་བཅད་པ་དག་གིས་མངོན་པར་བསྟོད་པ། མི་གཡོ་བརྙེས་པས་གཡོ་མེད་མི་གཡོ་བ། ། བསྙེན་དཀའ་ལྷུན་པོ་འདྲ་བ་རྣམ་པར་མཛེས། །ཕས་ཀྱི་རྒོལ་བ་ཐམས་ཅད་ཟིལ་མནན་ནས། །སྟོང་གསུམ་འཇིག་རྟེན་ཤིན་ཏུ་བླངས་ཏེ་བཞུགས། །སངས་རྒྱས་ཐུགས་ནི་ནམ་ཡང་རྟེན་མ་མཆིས། །མི་རྟེན་བསམ་གཏན་མཛད་པ་གང་ཟག་མཆོག་།མིང་ཙམ་བསམ་གཏན་པ་སྟེ་གར་མི་གནས། །སངས་རྒྱས་ཡོན་ཏན་དེ་འདྲ་བསམ་མི་ཁྱབ། །ཁྱབ་པ་ཁམས་གསུམ་ངེས་འབྱུང་རིགས་གསུམ་ལྡན། །རྟག་ཏུ་མཉམ་གཞག་སོམ་ཉི་མི་མངའ་བརྙེས། །ཐེ་ཚོམ་གཅད་ཅིང་སོམ་ཉི་བསལ་དུ་གསོལ། །སྲོག་ཆགས་རྣམས་ལ་སྨན་སླད་ཆོས་བསྟན་གསོལ། །ཐུབ་པ་རབ་གནས་སོམ་ཉི་མི་མངའ་བརྙེས། །བྱང་ཆུབ་སེམས་དཔའ་འདུས་པ་དེ་དག་ནི། །དཔའ་བོ་ཆོས་ཀྱིས་འཕགས་ཤིང་ཆོས་ལ་གནས།། སོམ་ཉི་གཅད་ཅིང་ཐེ་ཚོམ་བསལ་དུ་གསོལ། །སངས་རྒྱས་མིག་བརྟེན་བསམ་གཏན་མཛད་མ་ལགས། །སངས་རྒྱས་མིག་མ་བརྟེན་པར་སྒོམ་མ་ལགས། །རྟེན་དང་རྟེན་མིན་མིག་ཀྱང་མཆིས་མ་ལགས། །བསམ་གཏན་དེ་ནི་འཕགས་པས་མངོན་པར་བསྔགས། །ཐུབ་པ་གལ་ཏེ་མིག་བརྟེན་བསམ་གཏན་མཛད། །རྒྱལ་བས་འཛེམ་པ་མ་མཆིས་
177a
༄#། །བརྙེས་པར་འགྱུར། །འདིར་ནི་མིག་མེད་བསམ་གཏན་མཛད་པ་ན། །སངས་རྒྱས་མ་མཆིས་བརྟེན་ནས་སྒོམ་མ་ལགས། །སངས་རྒྱས་དབང་པོ་དྲུག་བརྟེན་སྒོམ་མ་ལགས། །རྒྱལ་བ་དབང་པོ་མ་མཆིས་བརྟེན་མ་ལགས། །འདི་ལ་མུ་སྟེགས་གཞན་མང་དེ་དག་འཁྲུལ། །ལྷར་བཅས་འཇིག་རྟེན་འགྲོ་བ་རྟོགས་མ་ལགས། ། དེ་ནས་བཅོམ་ལྡན་འདས་མི་གཡོ་བའི་ཏིང་ངེ་འཛིན་ལས་བཞེངས་ནས་བྱང་ཆུབ་སེམས་དཔའི་ཚོགས་ལ་རྗེས་སུ་རྣམ་པར་གཟིགས་ཏེ་ཚེ་དང་ལྡན་པ་ཤཱ་རདྭ་ཏིའི་བུ་ལ་བཀའ་སྩལ་པ། ཤཱ་རདྭ་ཏིའི་བུ། ཆོས་བཞི་པོ་འདི་དག་ནི། ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ཀྱི་ཡོངས་སུ་ཉམས་པར་མི་འགྱུར་བ་དང ། དགེ་བའི་རྩ་བ་ཐམས་ཅད་ཀྱི་བསོད་ནམས་ཀྱི་ཚོགས་དང ། མངོན་པར་མ་དམིགས་པའི་སངས་རྒྱས་ཀྱི་ཡེ་ཤེས་སྒྲུབ་པ་དང ། སྦྱིན་པའི་སྟོབས་སྒྲུབ་པ་དང ། ཚུལ་ཁྲིམས་ཀྱི་སྟོབས་སྒྲུབ་པ་དང ། བཟོད་པའི་སྟོབས་སྒྲུབ་པ་དང ། བྱམས་པའི་སྟོབས་སྒྲུབ་པ་དང ། སྙིང་རྗེའི་སྟོབས་སྒྲུབ་པ་དང ། ཏིང་ངེ་འཛིན་གྱི་སྟོབས་སྒྲུབ་པ་དང ། ཤེས་རབ་ཀྱི་སྟོབས་སྒྲུབ་པ་དང ། དེ་བཞིན་གཤེགས་པའི་སྟོབས་བཅུ་ཐོགས་པ་མེད་པ་སྒྲུབ་པ་དང ། ཤེས་རབ་ཀྱི་རབ་ཏུ་དབྱེ་བ་སྒྲུབ་པ་དང ། ཐོགས་པ་མེད་པའི་སྤོབས་པ་སྒྲུབ་
177b
པ་དང ། གཅད་དུ་མེད་པ་དང ། དགའ་བ་དང ། རྣོ་བ་དང ། ཟབ་པའི་སྤོབས་པ་མཐའ་ཡས་པ་སྒྲུབ་པ་དང ། གཟུངས་ཐོབ་པ་དང ། སངས་རྒྱས་མཐོང་བ་ཐོབ་པ་དང ། མངོན་པར་འབྱུང་བ་ཐོབ་པར་འགྱུར་ཞིང ། ཇི་ལྟར་འཚམ་པའི་དགེ་བའི་ཚོགས་དང་བྲལ་བར་མི་འགྱུར། ལོངས་སྤྱོད་མ་ཚང་བ་མེད་པར་འགྱུར། གཡོག་འཁོར་མ་ཚང་པ་མེད་པར་འགྱུར། གཟུགས་མཚང་བ་མེད་པར་འགྱུར། ཡན་ལག་དང་ཉིང་ལག་མ་ཚང་བ་མེད་པར་འགྱུར། མིག་དང ། རྣ་བ་དང ། སྣ་དང ། ལྕེ་དང ། ལུས་མ་ཚང་བ་མེད་པར་འགྱུར། སེམས་མ་ཚང་བ་མེད་པར་འགྱུར། ལམ་ངན་པར་ཞུགས་པ་མ་ཡིན་པར་འགྱུར། སེམས་འཁྲུགས་པ་མ་ཡིན་པར་འགྱུར། དྲན་པ་རྨོངས་པ་མ་ཡིན་པར་འགྱུར། དྲན་པ་དང་ལྡན་པར་ཡང་འགྱུར། དྲན་པའི་སྟོབས་མཆོག་དང་ལྡན་པར་འགྱུར། ངོ་ཚ་ཤེས་པ་དང་ལྡན་ཞིང་ཁྲེལ་ཡོད་པ་དང་ལྡན་པར་འགྱུར། སྡིག་པ་ཐམས་ཅད་བྱ་བ་ལ་འཛེམ་པ་དང ། འགྱོད་པ་ཅན་དུ་འགྱུར། དྲན་པ་མི་ཆོད་པར་འགྱུར། སྐྱེ་བ་རྣམ་པར་ལོག་པར་འགྱུར། །དྲན་པ་དང་ལྡན་པའང་ཡིན་ཏེ། དྲན་པའི་སྟོབས་མཆོག་དང་ལྡན་པས་སྔོན་གྱི་སྨོན་ལམ་ཡང་མི་གཏོང་བར་འགྱུར།་སངས་རྒྱས་བཅོམ་ལྡན་འདས་རྣམས་ལ་དགེ་བའི་རྩ་བ་བསྐྱེད་པའི་ཕྱིར་བདག་གི་མེད་པ་དང ། ཡོངས་སུ་འཛིན་པ་མེད་པའི་སེམས་ཀྱིས་ཚོགས་ཀྱི་དགེ་བའི་རྩ་བ་
178a
༄#། །དཔག་ཏུ་མེད་པའང་སྐྱེད་པར་འགྱུར། སེམས་ཅན་ཐམས་ཅད་དང་ཐུན་མོང་དུ་བྱེད་པར་ཡང་འགྱུར། སེམས་ཅན་དུ་དམིགས་པ་ལས་རྣམ་པར་དབེན་པ་ལའང་མཁས་པར་འགྱུར། ཆོས་རྣམས་རྟོགས་པར་ཁོང་དུ་ཆུད་པར་ཡང་འགྱུར་ཞིང་ཆོས་ལ་བརྟེན་པ་མ་ཡིན་པར་ཡང་འགྱུར་རོ། །དེ་བརྟེན་པ་མ་ཡིན་པས་བདུད་དམ་བདུད་ཀྱི་རིས་ཀྱི་ལྷ་རྣམས་སམ། དེ་ལས་གཞན་པའི་སེམས་ཅན་ལམ་ངན་པར་ཞུགས་པ་རྣམས་ཀྱིས་ཐུལ་བར་མི་ནུས་ཏེ། བྱང་ཆུབ་ཀྱི་སྙིང་པོ་དཔུང་གཉེན་དུའང་འགྱུར་རོ། །རང་གི་སྟན་ལ་འདུག་སྟེ། ཆོས་ཐམས་ཅད་ཤིན་ཏུ་བྱང་བ་དྲི་མ་མེད་པའི་ཕྱག་རྒྱའི་ཏིང་ངེ་འཛིན་ལ་གནས་ནས། སྐད་ཅིག་གཅིག་དང་ལྡན་པའི་ཤེས་རབ་ཀྱིས་གང་ཅུང་ཟད་ཤེས་པར་བྱ་བ་དང ། བལྟ་བར་བྱ་བ་དང ། ཐོབ་པར་བྱ་བ་དང ། མངོན་དུ་བྱ་བ་དེ་ཐམས་ཅད་ཀྱང་མངོན་པར་འདུ་བྱེད་པར་འགྱུར་ཞིང་མ་ལུས་པར་མངོན་དུ་བྱེད་ལ། ཐམས་ཅད་མངོན་པར་འཚང་རྒྱ་བ་ཁོ་ནར་འགྱུར། ཐམས་ཅད་མངོན་པར་རྟོགས་པ་ཁོ་ནར་འགྱུར། ཐམས་ཅད་ཡོངས་སུ་ཤེས་པ་ཁོ་ནར་འགྱུར་ཞིང ། བག་ཆགས་ཀྱི་མཚམས་སྦྱོར་བ་མ་ལུས་པ་ཉིད་རྗེས་སུ་འཐོབ་པར་འགྱུར་བ་སྟེ། བཞི་གང་ཞེ་ན། ཤཱ་རདྭ་ཏིའི་བུ། འདི་ལ་ཐེག་པ་ཆེན་པོ་ལ་ཡང་
178b
དག་པར་ཞུགས་པས་གོ་ཆ་ཆེན་པོ་གྱོན་པར་བྱེད་པ་ཡིན། སེམས་ཅན་འདི་དག་ཐམས་ཅད་ནི། འདོད་ཆགས་དང ། ཞེ་སྡང་དང ། གཏི་མུག་དག་གིས་ཡོངས་སུ་གང་བ། སེམས་ཅན་འདི་དག་ཐམས་ཅད་ནི། མགོན་མེད་པའི་འཆི་བ་ཉེ་བར་གནས་པ། མཐས་ཟིན་པའི་འཆི་བ་ཐོབ་པ། གཡང་ས་ཆེན་པོར་ལྟུང་བར་འགྱུར་བ། སེམས་ཅན་འདི་དག་ནི། འཆི་བ་ལ་གསོ་བ་རྙེད་དཀའ་བ་དང་ལྡན་པའོ། །སྙམ་སྟེ། ལྟ་བ་ཆེན་པོས་སེམས་ཅན་ལ་ལྟ་བའི་གོ་ཆ་གྱོན་པར་བྱེད་པ་ཡིན། སེམས་ཅན་དེ་དག་ལ་བདག་གིས་ཁམས་གསུམ་པ་ལས་ངེས་པར་འབྱུང་བའི་ཐེག་པ་ཆེན་པོ་དེ་ཡང་དག་པར་བསྒྲུབས་ནས་བསྟན་པར་བྱའོ། །སེམས་ཅན་ཐམས་ཅད་གསོ་དགོས་པའི་ཕྱིར་ཡོངས་སུ་མ་བཙལ་ཅིང་གསོལ་པ་མ་བཏབ་པར་བདག་ཅག་གིས་བལྟ་བར་བྱ་དགོས་སོ། །ཇི་ལྟར་སེམས་ཅན་རྣམས་ཀྱིས་གཟུགས་ཀྱི་ཆོས་ཉིད་མི་གཡོས་པ་རྗེས་སུ་ཐོབ་པར་འགྱུར་བ་དང ། ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པའི་ཆོས་ཉིད་མི་གཡོས་པ་རྗེས་སུ་ཐོབ་པར་འགྱུར་བ་དང ། མྱ་ངན་ལས་འདས་པར་འགྲོ་བའི་ལམ་མི་གཡོས་པ་རྗེས་སུ་ཐོབ་པར་འགྱུར་བ་དེ་ལྟ་བུའི་གསོ་བས་བདག་ཅག་གིས་སྦྱོར་བར་བྱའོ། །སྙམ་དུ་དེ་དེ་ལྟར་སེམས་ཤིང་གོ་ཆ་བགོས་ནས་ཆོས་ཚོལ་བ་ལ་མངོན་པར་བརྩོན་པ་ཡིན་
179a
༄#། །ཏེ།་ཆོས་གང་དག་ཚོལ་བར་བྱེད་ཅེ་ན། དེ་དག་ནི། བྱང་ཆུབ་ཀྱི་ཕྱོགས་ཀྱི་ཆོས་ཡོངས་སུ་སྨིན་པར་འགྱུར་བ་དང ། སངས་རྒྱས་ཀྱི་ཆོས་རྣམས་ཡོངས་སུ་སྨིན་པར་འགྱུར་བ་སྟེ། འདི་ལྟ་སྟེ། སེམས་ཅན་ཐམས་ཅད་ཀྱི་ཐེ་ཚོམ་གཅོད་པར་བྱེད་པ། སེམས་ཅན་ཐམས་ཅད་ཡང་དག་པར་ཚིམ་པར་བྱེད་པའི་ཆོས་ཀྱི་རྣམ་གྲངས་གཟུང་བ་དང ། དབང་པོ་ཤིན་ཏུ་རྒྱས་པར་མངོན་པར་སྒྲུབ་པ་ཡང་དག་པར་བསྒྲུབ་པའི་ཕྱིར་ཆོས་དེ་དག་ཡོངས་སུ་ཚོལ་བར་བྱེད་དེ། དེ་ལྟར་ཆོས་ཡོངས་སུ་ཚོལ་བ་ལ་མངོན་པར་བརྩོན་པར་གནས་པ་ཡིན་ཏེ། ཐ་ན་སངས་རྒྱས་ཀྱི་མཚན་དང་ལྡན་པའི་ཚིགས་སུ་བཅད་པ་ཟབ་མོ་དང་ལྡན་པ། ཐབས་ལ་མཁས་པ་དང ། དོན་ཟབ་མོ་དང་ལྡན་པའི་ཚིག་བཞི་པའི་ཚིགས་སུ་བཅད་པ་གཅིག་ཙམ་ལུས་ལ་ཐོགས་ཏེ། སེམས་ཅན་གཅིག་ཙམ་ལའང་ཡང་དག་པར་རབ་ཏུ་སྟོན་པར་བྱེད་པ་ཡིན།་ཆོས་དེའི་དོན་དང ། ཚིགས་སུ་བཅད་པ་དེའི་དོན་གང་ཡིན་པ་དེ། སེམས་ཅན་དེ་དང ། སེམས་ཅན་ཐམས་ཅད་ཀྱིས་ཀུན་ཤེས་པར་གྱུར་ཅིག་།ཅེས་དེ་ལྟ་བུའི་སྨོན་ལམ་འདེབས་པར་བྱེད་པ་ཡིན་ནོ། །དེ་དགེ་བའི་རྩ་བ་དེས་མཆོག་།གཙོ་བོ། རབ་མཆོག་གྱ་ནོམ་པ་སངས་རྒྱས་ཀྱིས་རྗེས་སུ་གནང་ཞིང་འཕགས་པས་རྗེས་སུ་
179b
གནང་ལ། མཁས་པས་བསྟོད་ཅིང་མཛངས་པས་མ་སྨད་པའི་ཆོས་བཞི་རྗེས་སུ་ཐོབ་པར་འགྱུར་ཏེ། བཞི་གང་ཞེ་ན། དྲན་པ་གཅད་དུ་མེད་པ་ཡིན། སངས་རྒྱས་ཀྱི་ཆོས་རྣམས་ལ་དྲན་པ་ངེས་པ་ཡིན། བདག་ཉིད་ཀྱིས་ཀྱང་ཆོས་ཀྱི་སྣོད་དུ་བྱེད་པ་ཡིན། སངས་རྒྱས་བཅོམ་ལྡན་འདས་རྣམས་ཀྱི་རྟེན་དུ་གྱུར་པའང་ཡིན་ཏེ། དེ་ལ་བརྟེན་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་སྟོན་པར་མཛད་དོ། །ཆོས་གཉིས་པ་འདིའང་རྗེས་སུ་ཐོབ་པར་འགྱུར་ཏེ། གཟུངས་ཐོབ་པ་རྗེས་སུ་ཐོབ་པར་འགྱུར་བ་ཡིན། སྐྱེ་བ་རྣམ་པར་ལོག་ནས་ཀྱང་སངས་རྒྱས་ཀྱི་བྱང་ཆུབ་ཐམས་ཅད་རྗེས་སུ་ཐོབ་པར་འགྱུར་བ་ཡིན། ལྟ་བ་སྡིག་པ་ཅན་མ་ཡིན་པའི་ཁྱིམ་དག་ཏུའང་སྐྱེ་བར་འགྱུར་བ་ཡིན། སངས་རྒྱས་བཅོམ་ལྡན་འདས་རྣམས་ཀྱི་བསྟན་པ་ལའང་མངོན་པར་འབྱུང་བ་ལ་ཡིད་གཞོལ་བ་ཡིན། འདོད་པའི་ཡོན་ཏན་ལྔ་པོ་དག་ཀྱང་སྤོང་བ་ཡིན་ནོ། །ཆོས་བཞི་པོ་འདིའང་རྗེས་སུ་ཐོབ་པར་འགྱུར་ཏེ། དེ་དགེ་བའི་རྩ་བ་དེས་ཆོས་བཅུ་རྗེས་སུ་ཐོབ་པར་འགྱུར་རོ། །བཅུ་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ཀྱི་ཐེ་ཚོམ་གཅོད་པར་བྱེད་པ་རྗེས་སུ་ཐོབ་པར་འགྱུར་བ་ཡིན། སེམས་ཅན་ཐམས་ཅད་ཀྱི་རྟེན་སྒྲུབ་པ་རྗེས་སུ་ཐོབ་པར་འགྱུར་བ་ཡིན། སངས་རྒྱས་ཀྱི་རྣམ་པར་ཐར་པ་སྒྲིབ་པ་མེད་པའང་རྗེས་སུ་ཐོབ་པར་འགྱུར་
180a
༄#། །བ་ཡིན།་རྣམ་པར་ཐར་པའི་སྒོ་དེས་དེ་བཞིན་གཤེགས་པ་རྗེས་སུ་ཐོབ་ནས་སྤུའི་ཁུང་བུ་རེ་རེ་ལས་འོད་ཟེར་བྱེ་བ་ཁྲག་ཁྲིག་ཕྲག་འབུམ་གྲངས་མེད་པ་དཔག་ཏུ་མེད་པ་དག་འགྱེད་པ་ཡིན། འོད་ཟེར་རེ་རེས་ཀྱང་སངས་རྒྱས་ཀྱི་ཞིང་འབུམ་དག་སྣང་བར་བྱེད་པ་ཡིན། འོད་ཟེར་དེ་ལའང་པདྨ་འབུམ་དག་མངོན་པར་སྤྲུལ་པར་བྱེད་པ་ཡིན། པདྨ་ཐམས་ཅད་ལའང་དེ་བཞིན་གཤེགས་པའི་སྐུ་སྤྲུལ་པར་བྱེད་པ་ཡིན། དེ་བཞིན་གཤེགས་པ་རེ་རེས་ཀྱང་ཆོས་བསྟན་པ་རེ་རེས་སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཡོངས་སུ་སྨིན་པར་བྱེད་དེ། ཇི་ལྟར་གཟུགས་ཀྱི་ཆོས་ཉིད་མི་གཡོས་པ་རྗེས་སུ་ཐོབ་པར་འགྱུར་བ་དེ་ལྟ་བུས་ཀྱང་ཡོངས་སུ་སྨིན་པར་བྱེད་པ་ཡིན ། སྒྲིབ་པ་མེད་པ་ཕུན་སུམ་ཚོགས་པ་དེ་དང་ལྡན་པ་སྤུ་གསེབ་རེ་རེ་ལས་མེའི་ཕུང་པོ་ལྷུན་པོ་ཇི་སྙེད་འབར་བར་བྱེད་པ་ཡིན། སྤུའི་ཆ་དེ་ཉིད་ལས་ཀྱང་ཆུའི་རྒྱུན་གངྒཱའི་ཀླུང་གི་བྱེ་མ་སྙེད་རབ་ཏུ་འབབ་པར་བྱེད་པ་ཡིན་ཏེ། སྒྲིབ་པ་མེད་པའི་རྣམ་པར་ཐར་པ་ཕུན་སུམ་ཚོགས་པ་དེ་དང་ལྡན་པས་ཀྱང ། དེ་བཞིན་གཤེགས་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྤུ་གཅིག་གི་རྩེ་མོས་ཕུག། སྟེ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དུ་འཕངས་ཤིང ། དེ་བས་ཀྱང་ལྷག་པར་འཕངས་ཀྱང་
180b
སེམས་ཅན་དེ་དག་འདི་སྙམ་དུ་བདག་ཅག་འཇིག་རྟེན་གྱི་ཁམས་གཞན་དུ་ཁྲིད་དོ། །ཀུན་ཏུ་ཁྲིད་དོ། །སྙམ་དུ་མི་སེམས་སོ། །ཤཱ་རདྭ་ཏིའི་བུ། སྒྲིབ་པ་མེད་པའི་རྣམ་པར་ཐར་པ་ཕུན་སུམ་ཚོགས་པ་དེ་དང་ལྡན་པས། དེ་བཞིན་གཤེགས་པས་ཕྱོགས་ཐམས་ཅད་ཀྱི་ངེས་པའི་ཚིག་དག་རབ་ཏུ་ཤེས་སོ། །སེམས་ཅན་ཐམས་ཅད་ཀྱི་སེམས་ཀྱི་རྒྱུད་ལོ་བྱེ་བ་ཕྲག་འབུམ་ནས་སྐྱེས་པ་དང ། འགགས་པ་དག་རབ་ཏུ་ཤེས་སོ། །སེམས་ཅན་ལོ་བྱེ་བ་ཕྲག་འབུམ་དུ་སྐྱེས་པ་རྣམས་ཀྱིས་ཆོས་ཀྱི་ཐེ་ཚོམ་དག་སོ་སོར་སེལ་བར་བྱེད་དོ།། དེ་བཞིན་གཤེགས་པ་འབྱུང་བར་མི་འགྱུར་བ་དང ། ཆོས་གནས་པར་མི་འགྱུར་བ་དེར་ཡང་རྣམ་པར་ཐར་པ་ཕུན་སུམ་ཚོགས་པ་དེ་དང་ལྡན་པས། སེམས་ཅན་ཐམས་ཅད་ཀྱི་སེམས་ཚར་གཅད་པའང་རབ་ཏུ་ཤེས་སོ། །སེམས་རབ་ཏུ་འཛིན་པའང་རབ་ཏུ་ཤེས་སོ། །སེམས་ཀྱི་མཚམས་སྦྱོར་བ་དང ། སེམས་ཀྱི་རྒྱུ་བའང་རབ་ཏུ་ཤེས་སོ། ། ཤཱ་རདྭ་ཏིའི་བུ། དེ་ལྟར་སྒྲིབ་པ་མེད་པའི་རྣམ་པར་ཐར་པ་བརྙེས་པའི་དེ་བཞིན་གཤེགས་པ་ནི། ཆོས་ཐམས་ཅད་ལ་སོ་སོར་སྒྲུབ་པའི་གནས་རབ་ཏུ་ཤེས་སོ། །གཅིག་ཏུ་མཐར་ཐུག་པ་ཆད་པ་དེ་དང ། དངོས་པོ་ཐམས་ཅད་ཀྱི་སྟོང་པ་དངོས་པོ་མེད་པར་ཤེས་པ་དེ་དང ། ཡོངས་སུ་འཛིན་པ་ཐམས་ཅད་ལ་བདག་གི་བའི་འདུ་ཤེས་མི་སྐྱེད་དོ། །
181a
༄#། །ཆོས་གཅིག་ངེས་པར་བསམ་ན་མཛའ་བཤེས་རབ་ཏུ་ཤེས་པ་མ་གཏོགས་པར་མཛའ་བཤེས་ཐམས་ཅད་ལ་བདག་གི་བའི་འདུ་ཤེས་ཅན་མ་ཡིན་ནོ། ། ཆོས་མ་ཡིན་པ་སྤྱོད་པ་ལ་མཛའ་བཤེས་མ་ཡིན་པར་ཤེས་ནས་འདུས་བྱས་ཐམས་ཅད་ཀྱི་གནས་ལ་ཡོན་ཏན་གྱི་གནས་གཅིག་ཀྱང་མ་མཐོང་ངོ ། །འདུས་བྱས་ཐམས་ཅད་ལ་ཡོན་ཏན་མེད་པ་དང ། སྐྱོན་དང་བཅས་པར་ཤེས་ནས་ཆོས་དེ་འདྲ་བ་དེ་དག་རྗེས་སུ་ཐོབ་པར་འགྱུར་རོ། །གཞན་ཡང་ཆོས་བཞི་རྗེས་སུ་ཐོབ་པར་འགྱུར་ཏེ། བཞི་གང་ཞེ་ན། བག་ཆགས་ཀྱི་མཚམས་སྦྱོར་བ་རྒྱུན་ཆད་པ་རྗེས་སུ་ཐོབ་པ་ཡིན། ལམ་དུ་འགྲོ་བ་ནའང་སེམས་ཅན་གང་དག་གིས་དེ་བཞིན་གཤེགས་པའི་ཞབས་དག་ལ་རེག་པ་དེ་དག་ཐམས་ཅད་བདེ་བ་ཐམས་ཅད་ལ་ཡང་དག་པར་གཏད་པར་འགྱུར་བ་ཡིན། དེ་བཞིན་གཤེགས་པས་འཁོར་ལོའི་ཚད་ཙམ་ལ་གཟིགས་ནའང་དེ་ལྷོ་ནུབ་ཀྱི་ཕྱོགས་མཚམས་ནས་དཔག་ཚད་དྲུག་ཅུ་རྩ་གཉིས་སུ་ས་ཡོངས་སུ་གཡོས་པར་འགྱུར་རོ། །ཤཱ་རདྭ་ཏིའི་བུ། དེ་བཞིན་གཤེགས་པ་ལ་ནི། གང་མཉམ་པར་མ་བཞག་པར་འགྱུར་བའི་ཐུགས་འགའ་ཡང་མི་མངའ་སྟེ། ཤཱ་རདྭ་ཏིའི་བུ། དེ་བཞིན་གཤེགས་པ་ནི། རྟག་ཏུ་མཉམ་པར་བཞག་པ་ཡིན་ནོ། །ཤཱ་རདྭ་ཏིའི་བུ། དེ་བཞིན་གཤེགས་
181b
པ་ལ་ནི། ཏིང་ངེ་འཛིན་ལས་ཉམས་པའམ། ཏིང་ངེ་འཛིན་ལས་གཡོ་བ་མི་མངའ་སྟེ། ཤཱ་ར་དྭ་ཏིའི་བུ། མདོར་ན་སངས་རྒྱས་ཀྱི་ཆོས་ཐམས་ཅད་ནི། ཆོས་ཡོངས་སུ་ཚོལ་བ་ལ་རག་ལས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་གི་དོན་དུ་ཐེག་པ་ཡིས། །སེམས་ཅན་རྣམས་ལའང་སྙིང་རྗེ་ཉིད། །ཆོས་ལ་གུས་དང་བཅས་པ་ཡིས། །ཡེ་ཤེས་དེ་ཡི་ཕ་རོལ་འགྲོ། །སེམས་ཅན་རྣམས་ཀྱི་སེམས་ཤེས་དང ། །འཇིག་རྟེན་གསུམ་དུ་མི་གཡོས་པའི། །རྫུ་འཕྲུལ་རྟོག་པར་གང་འདོད་པས། །ཆོས་ལ་གུས་དང་བཅས་པར་བྱ། །ཆོས་ལ་གུས་དང་བཅས་བྱས་ན། །རྟག་ཏུ་མཆོད་འོས་ཉིད་དུ་འགྱུར། །སངས་རྒྱས་ཆོས་རྣམས་མཐའ་ཡས་པའི། །ཆོས་མཆོག་ལ་ཡང་རེག་པར་འགྱུར། །ཆོས་ལ་གུས་པར་བྱས་ན་ནི། །དེ་ཡི་དྲན་པ་ཉམས་མི་འགྱུར། །སྐྱེ་བ་དེ་དང་དེ་ཀུན་ཏུ། །དེ་ཡི་དྲན་པར་རབ་ཏུ་འཕེལ། ། ཆོས་དེ་ལ་ནི་གུས་བྱས་ན། །གཟུགས་ལས་ཉམས་པར་མི་འགྱུར་ཏེ། །ཡན་ལག་ཉིང་ལག་མཛེས་པ་དང ། །རྟག་ཏུ་ཚུལ་དུ་ཤིས་པར་འགྱུར། །རྟག་པར་འདྲེན་རྣམས་མཉེས་བྱེད་ཅིང ། །མཐོང་ན་དེ་ལ་དད་བྱེད་ལ། །སེམས་ཀྱི་འདུ་བྱེད་དད་པ་ཡིས། །འཇིག་རྟེན་འདྲེན་རྣམས་མཆོད་བྱེད་པ། །སྐྱེ་བ་དེ་དང་དེ་ཀུན་ཏུ། །དེ་ཡི་དད་པ་རབ་ཏུ་
182a
༄#། །འཕེལ། །འདོད་པ་ངན་པ་སྟེན་མི་བྱེད། །སྤངས་ནས་མྱུར་དུ་རབ་ཏུ་འབྱུང ། །རྟག་ཏུ་ཚུལ་ཁྲིམས་ཕུང་པོ་ལའང ། །མཁས་པ་རབ་ཏུ་གནས་པར་འགྱུར།། ཚུལ་ཁྲིམས་ཀྱིས་ཀྱང་རློམ་སེམས་མེད། །དེ་ལ་ཏིང་འཛིན་ཚོལ་བར་བྱེད། །རྟག་ཏུ་མཉམ་པར་བཞག་པར་འགྱུར། །ཏིང་ངེ་འཛིན་ལ་རློམ་སེམས་མེད། །འཇིག་རྟེན་ཀུན་གྱི་མཆོག་གང་ཡིན། །ཤེས་རབ་ལ་ཡང་ཕྱིར་ཞིང་སྟེན། །རྟག་ཏུའང་ཡེ་ཤེས་ལྡན་པར་འགྱུར། །ཡེ་ཤེས་ཀྱིས་ཀྱང་རློམ་སེམས་མེད། །ཡེ་ཤེས་དེ་ཡིས་མི་རློམ་ཞིང ། །དེ་ནི་སངས་རྒྱས་ཆོས་རྣམས་ཚོལ། །སངས་རྒྱས་ཀྱིས་ནི་བསྔགས་པའི་གཟུངས། །ཆོས་ཀྱི་སྣང་བ་ཐོབ་པར་འགྱུར། །ཆོས་ཀྱི་སྣོད་དུ་མཁྱེན་ནས་ཀྱང ། །སྟོན་པས་དེ་ལ་བྱིན་རློབ་མཛད། །ཆོས་སྨྲ་དེ་ནི་བྱིན་བརླབས་འགྱུར། །སྲོག་ཆགས་ཕན་ཕྱིར་ཆོས་སྟོན་ཅིང ། །ཐོགས་མེད་ཚིག་དང་སྤོབས་ལྡན་ཏེ། །སོ་སོ་རིག་ཐོབ་མཐུ་ཆེན་འགྱུར། །ཐོག་མའི་དུས་དང་བར་དུས་དང ། །ཐ་མའི་དུས་སུ་ཆོས་འཛིན་འགྱུར། །ཀུན་ཏུ་རྟག་པར་སངས་རྒྱས་བསྔགས། །མི་རྣམས་ཀྱི་ནི་དོན་ཆེན་བྱེད། །དེ་བཞིན་ལྷ་རྣམས་བསྔགས་པ་བརྗོད། །གནོད་སྦྱིན་ཀླུ་ཡིས་དེ་མཆོད་འགྱུར། །སངས་རྒྱས་རྣམས་ཀྱིས་རྟག་བསྔགས་འགྱུར། །ཕྱོགས་བཅུར་དེ་ཡི་གྲགས་པ་འབྱུང ། །ཆོས་
182b
ལ་སྤྱོད་པ་མ་སྨད་པ། །དེ་ཡི་སྙན་གྲགས་ཉམས་མི་འགྱུར། །ཆོས་མིན་ནམ་ཡང་དེ་མི་འདོད། །སངས་རྒྱས་ཆོས་རྣམས་དེ་དག་སྟེན། །སེམས་ཅན་རྣམས་ཀྱི་སོམ་ཉི་གཅོད་དེ་ནི་ཆོས་ཀྱི་སྣང་བ་བྱེད། །རྣལ་འབྱོར་ཚུལ་དུ་སྲོག་ཆགས་ཀྱི། །ཁམས་ནི་དེ་ཡིས་རྣམ་པར་སྦྱོང ། །དེ་ནི་ལམ་ངན་སྟོན་མི་བྱེད། །དྲང་པོའང་རབ་ཏུ་སྟོན་པར་བྱེད། །སངས་རྒྱས་ཆོས་ལ་དེས་པ་ཡིས། །ཆོས་ཀྱི་མཆོག་གིས་སྤྱོད་པར་འགྱུར། །དེ་ནི་སེམས་ལ་བརྟེན་པ་མེད། །དེ་ཡི་གནས་ནི་ཡོད་མ་ཡིན། །རྟེན་པ་མེད་པའི་སེམས་ཀྱིས་སུ། །བྱང་ཆུབ་སྤྱད་པ་སྤྱོད་པར་བྱེད། །ཡུལ་འཁོར་གྲོང་དུ་སྤྱོད་བྱེད་ཀྱང ། །གནས་ནི་ཡོད་པ་མ་ཡིན་ཏེ། །རྟག་ཏུ་རྟེན་པ་མེད་པར་འགྱུར། །དེ་ཡི་གནས་ནི་ཡོད་མ་ཡིན། །འདུ་བྱེད་རྣམས་ཀྱིས་འདོད་པ་མིན། །ཡང་དག་སྟོན་པའང་ཡོད་མ་ཡིན། །བྱང་ཆུབ་སེམས་དཔའ་མ་སྨད་པ། །དེ་དག་མཐོང་ན་སུ་མི་མཆོད། །ནམ་མཁའ་ལྟ་བུར་འོད་གསལ་བ། །སེམས་དེ་འདྲ་བ་གང་ལ་ཡོད། །དེ་དེ་འཇིག་རྟེན་མི་སྣང་སྟེ། །དེ་ལ་གནས་པའང་ཡོད་མ་ཡིན། །དེ་བས་ཆོས་དེ་མཉན་བྱོས་ལ། །འདི་ལ་འབྲེལ་གཏམ་བསླབ་པར་བྱ། །སྲོག་ཆགས་རྣམས་ཀྱི་དོན་སྒྲུབ་པས། །སངས་རྒྱས་ཆོས་ལ་བསླབ་པར་བྱ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་ནི། ཆོས་ཡོངས་སུ་ཚོལ་བའི་ཐོས་པ་དང ། ཐོས་པ་
183a
༄#། །ལ་མཁས་པ་ཚོལ་བར་བྱེད་པ་ཡིན་ཏེ། ཤཱ་རདྭ་ཏིའི་བུ། ཐོས་པ་ནི། གང ། ཐོས་པ་ལ་མཁས་པ་ནི། གང་ཞེ་ན། ཤཱ་རདྭ་ཏིའི་བུ། ཐོས་པ་ནི། གཞན་གྱིས་རྣམ་པར་རིག་བྱེད་དོ། །ཐོས་པ་ལ་མཁས་པ་ནི། རང་གིས་ཚུལ་བཞིན་ཡིད་ལ་བྱེད་པ་གང་ཡིན་པ་སྟེ། སོ་སོར་རྟོགས་པའོ། །ཤཱ་རདྭ་ཏིའི་བུ། དེ་ལ་གཞན་གྱི་སྒྲ་གང་ཞེ་ན།་རྗེས་སུ་མཐུན་པའི་ཆོས་གང་དག་ཡིན་པ་དེ་དག་ཡིན་ཏེ། འདི་ལྟ་སྟེ། མདོའི་སྡེ་དང ། དབྱངས་ཀྱིས་བསྙད་པའི་སྡེ་དང ། ལུང་བསྟན་པའི་སྡེ་དང ། ཚིགས་སུ་བཅད་པའི་སྡེ་དང ། ཆེད་དུ་བརྗོད་པའི་སྡེ་དང ། གླེང་གཞིའི་སྡེ་དང ། དེ་ལྟ་བུ་བྱུང་བའི་སྡེ་དང ། སྐྱེས་པ་རབས་ཀྱི་སྡེ་དང ། ཤིན་ཏུ་རྒྱས་པའི་སྡེ་དང ། རྨད་དུ་བྱུང་བའི་ཆོས་ཀྱི་སྡེ་དང ། གཏན་ལ་ཕབ་པར་བསྟན་པའི་སྡེ་དང ། རྟོགས་པ་བརྗོད་པའི་སྡེ་རྣམས་ཏེ། ཤཱ་རདྭ་ཏིའི་བུ། དེ་ནི། གཞན་གྱི་སྒྲ་ཞེས་བྱའོ། །ཤཱ་རདྭ་ཏིའི་བུ། དེ་ལ་ཐོས་པ་ལ་མཁས་པ་གང་ཞེ་ན། འདི་ལྟ་སྟེ། སོ་སོ་རང་གི་ཚུལ་བཞིན་ཡིད་ལ་བྱེད་པའོ། །སོ་སོ་རང་གི་ཚུལ་བཞིན་ཡིད་ལ་བྱེད་པའང་གང་ཞེ་ན། འདི་ལྟ་སྟེ། ཕུང་པོ་ལ་མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་བར་འབྱུང་བ་ལ་མཁས་པ་དང ། ཆོས་དཀར་ནག་ལ་མཁས་པ་དང །
183b
སྣང་བ་དང་བཅས་པ་དང ། སྣང་བ་མེད་པ་དང ། ཟག་པ་དང་བཅས་པ་དང ། ཟག་པ་མེད་པ་དང ། ཁ་ན་མ་ཐོ་བ་དང་བཅས་པ་དང ། ཁ་ན་མ་ཐོ་བ་མེད་པ་དང ། བསྟེན་པར་བྱ་བ་དང ། བསྟེན་པར་བྱ་བ་མ་ཡིན་པའི་ཆོས་རྣམས་ལ་གང་ཤེས་པ་དང ། སོ་སོར་རྟོགས་པ་དང ། མཁས་པ་དང ། སོ་སོར་ཤེས་པ་དང ། རབ་ཏུ་རྣམ་པར་འབྱེད་པ་དང ། ཆོས་གནས་པ་ཉིད་དང ། ཆོས་སྐྱོན་མེད་པ་ཉིད་དང ། རང་བཞིན་རྗེས་སུ་རྟོགས་པ་སྟེ། ཤཱ་རདྭ་ཏིའི་བུ། དེ་ནི། སོ་སོ་རང་གི་ཚུལ་བཞིན་ཡིད་ལ་བྱེད་པ་ཞེས་བྱའོ། །བམ་པོ་བཅུ་པ་ཤཱ་རདྭ་ཏིའི་བུ། གང་འདི་དེ་བཞིན་གཤེགས་པས་ཕུང་པོ་ལ་མཁས་པ་གསུངས་པའི་ཕུང་པོ་ལ་མཁས་པ་གང་ཞེ་ན། ཤཱ་རདྭ་ཏིའི་བུ། དེ་ནི། ཅིའང་མ་གསུངས་པའོ། ། གང་འདི་དེ་བཞིན་གཤེགས་པས་ཁམས་པ་མཁས་པ་གསུངས་པ་དེ་ནི། ཅིའང་མ་གསུངས་པའོ། །གང་འདི་དེ་བཞིན་གཤེགས་པས་སྐྱེ་མཆེད་ལ་མཁས་པ་གསུངས་པ་དེ་ནི། ཅིའང་མ་གསུངས་པའོ། །གང་འདི་རྟེན་ཅིང་འབྲེལ་བར་འབྱུང་བ་ལ་མཁས་པ་གསུངས་པ་དེ་ནི། ཅིའང་མ་གསུངས་པའོ། །གང་འདི་རྟེན་ཅིང་འབྲེལ་པར་འབྱུང་བའི་ཆོས་ལ་མཁས་པ་གསུངས་པ་དེ་ནི། ཅིའང་མ་གསུངས་པའོ། །ཤཱ་རདྭ་ཏིའི་བུ། དོན་ཕྱིན་ཅི་མ་ལོག་པར་ཡང་དག་པར་སྡུས་ཤིག། གང་གིས་ཡང་དག་པར་བསྡུ་བར་བྱ་ཞེ་ན། དོན་
184a
༄#། །ཡང་དག་པར་བསྡུ་བས་ཡིན་གྱི། ཚིག་འབྲུ་ཡང་དག་པར་བསྡུ་བས་ནི། མ་ཡིན་ཏེ། ཤཱ་རདྭ་ཏིའི་བུ། བྱིས་པ་རྣམས་ནི། ཚིག་འབྲུའི་རྗེས་སུ་འབྲང་བ་ཡིན་གྱི།་མཁས་པ་རྣམས་ནི། དོན་གྱི་རྗེས་སུ་འབྲང་བ་ཡིན་ནོ། །ཤཱ་རདྭ་ཏིའི་བུ། ཚིག་འབྲུའང་གང་ཞེ་ན། ཤཱ་རདྭ་ཏིའི་བུ། ཡི་གེའི་གཞི་དང ། རྣམ་པར་རིག་བྱེད་ཀྱི་གཞི་དང ། མངོན་པར་བརྗོད་པའི་གཞི་འཇུག་པའི་ཚིག་བླ་དྭགས་ནི། ཚིག་འབྲུ་ཞེས་བྱ་སྟེ། ཤེས་བྱའམ། རྣམ་པར་ཤེས་བྱའམ། ཡོངས་སུ་ཤེས་པ་བྱ་གང་ཅིའང་རུང་སྟེ། མངོན་པར་བརྗོད་པ་དང ། ངེས་པར་བརྗོད་པ་དང ། གདགས་པ་དང ། རབ་ཏུ་བཞག་པ་དང ། རྗེས་སུ་འབྲང་བ་དང ། མངོན་པར་བརྟག་པ་དང ། ཀུན་ཏུ་བརྟག་པ་དང ། སོ་སོར་ཉེ་བར་བརྟག་པ་དང ། བཙལ་བ་དང ། ཆོས་ཡོངས་སུ་བཙལ་བ་དང ། ཆོས་གང་དག་དང ། གང་ལ་ཡོད་པའི་ཆོས་རྣམས་དང ། བརྡ་དང ། ཀུན་ཏུ་རྟོག་པ་དང ། ཉེ་བར་རྟོག་པ་དང ། སེམས་ཀྱི་མངོན་པར་ངེས་པར་བརྗོད་པ་དང ། སོམ་ཉི་དང ། ཡིད་གཉིས་དང ། རྣམ་པར་འགྱོད་པ་དང ། འཇུག་པ་དང ། གང་དག་གཞན་ཡང་ཆོས་ལ་ངེས་པར་རྟོག་པ་རྣམས་ཏེ། ཤཱ་རདྭ་ཏིའི་བུ། དེ་ནི། ཚིག་འབྲུ་ཞེས་བྱའོ། །ཤཱ་རདྭ་ཏིའི་བུ། དེ་ལ་དོན་གང་ཞེ་ན། གང་ཚིག་འབྲུ་དེའི་དོན་ཁོང་དུ་ཆུད་པ་སྟེ། དེ་ནི། དོན་ཞེས་བྱའོ། །ཤཱ་རདྭ་
184b
ཏིའི་བུ། བརྗོད་དུ་མེད་པ་ནི། དོན་ཞེས་བྱ་སྟེ། ཤཱ་རདྭ་ཏིའི་བུ། གང་འདི་དོན་ཞེས་བྱ་བ་ཇི་ལྟར་བྱིས་པ་རྣམས་ཀྱིས་བཟུང་བ་བཞིན་ཡིན་ན་ནི། ཚིག་འབྲུར་འགྱུར་གྱི། དོན་མ་ཡིན་པར་འགྱུར་རོ། །ཤཱ་རདྭ་ཏིའི་བུ། དེ་ལྟ་བས་ན། དོན་ནི། བརྗོད་དུ་མི་ནུས་པའོ། །ཤཱ་རདྭ་ཏིའི་བུ། ང་ནི། འཇིག་རྟེན་དང་ལྷན་ཅིག་ཏུ་སྨྲ་བར་མི་བྱེད་ཀྱི། འཇིག་རྟེན་ནི། ང་དང་ལྷན་ཅིག་ཏུ་སྨྲ་བར་བྱེད་དོ། །ཞེས་བྱ་བ་དེ་ནི། ངས་ལྡེམ་པོར་དགོངས་ཏེ་གསུངས་པའོ། །ཤཱ་རདྭ་ཏིའི་བུ། གང་དེ་བཞིན་གཤེགས་པས་མཁས་པ་གསུངས་པ་དེ་ནི། དེ་བཞིན་གཤེགས་པས་ཅིའང་མ་གསུངས་པའོ། །དེས་ན་དེ་བཞིན་གཤེགས་པ་ནི། འདི་ལྟར་ཕུང་པོ་ལ་མཁས་པ། ཁམས་ལ་མཁས་པ། སྐྱེ་མཆེད་ལ་མཁས་པ་སྟེ། དེ་ལ་མཁས་པ་གང་ཡང་མེད་པས་དེས་ན། དེ་བཞིན་གཤེགས་པ་ནི། དེ་ལྟར་མཁས་པ་ཞེས་གསུང་ངོ ། །འདི་ལྟ་སྟེ། དེ་བཞིན་གཤེགས་པ་ནི། ཆོས་རབ་ཏུ་རྣམ་པར་འབྱེད་པ་སྟོན་པ་སྟེ། ཤཱ་རདྭ་ཏིའི་བུ།་ཆོས་ནི། གང ། ཆོས་རབ་ཏུ་རྣམ་པར་འབྱེད་པ་ནི། གང་ཞེ་ན། ཤཱ་རདྭ་ཏིའི་བུ། མིག་ནི། ཆོས་ཞེས་བྱ་སྟེ། དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ནི།་ཆོས་ཞེས་བྱའོ། །ཤཱ་རདྭ་ཏིའི་བུ། ཇི་ལྟར་ན་མིག་ཆོས་ཡིན་ཞེ་ན། ཤཱ་རདྭ་ཏིའི་བུ། འདས་པ་དང ། མ་འོངས་པ་དང ། ད་ལྟར་བྱུང་བ་ནི། མིག་ཅེས་བྱ་སྟེ། དེ་ནི། སྟོང་པ་
185a
༄#། །ཉིད་ཀྱི་ཕྱིར་མི་དམིགས་པའོ། །དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ། །མིག་གི་ཇི་ལྟ་བ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་རྣམས་ཀྱི་རང་བཞིན་ཡང་སྟོང་པ་ཉིད་དོ། །དེ་ལ་མིག་རབ་ཏུ་རྣམ་པར་འབྱེད་པ་གང་ཞེ་ན། མིག་ཡོངས་སུ་ཚོལ་བ་གང་ཡིན་པའོ། །ཇི་ལྟར་མིག་ཡོངས་སུ་བཙལ་ཞེ་ན། མིག་ལ་མིག་མི་དམིགས་སོ། །དེ་ཅིའི་ཕྱིར་ཞེ་ན། གལ་ཏེ་མིག་ལ་མིག་ཡོད་ན་ནི། མིག་གཉིས་ཡོད་ཅིང་ནང་ན་ཡོད་པའི་གང་ཟག་ཀྱང་ཡོད་པར་འགྱུར་ཏེ། དེ་ལྟར་མིག་གི་གདགས་པ་གང་ཡིན་པ་དེ་ནི། གདགས་པ་དང ། ཆོས་དང ། མིག་ཡིན་ནོ། །དེ་ལ་བྱང་ཆུབ་སེམས་དཔའ་ཚུལ་བཞིན་དུ་མཐོང་བ་སྲུང་བ་ཅན་ནི། འདི་ལྟར་སོ་སོར་རྟོག་པར་བྱེད་དེ། མིག་དང ། མིག་གི་གདགས་པ་དང ། ཆོས་འདི་ལས་ཡང་དག་པའི་གཞིར་འགྱུར་བ་གང་ཡིན་ཞེས་དེ་དེ་ལྟར་སོ་སོར་རྟོག་པར་བྱེད་པ་ན།་དེ་ཐམས་ཅད་ནི། སྒྲ་ཡིན་གྱི། འདི་ལ་ཡང་དག་པའི་གཞིའི་རྟེན་ནི། མེད་དོ། །དེ་ཅིའི་ཕྱིར་ཞེ་ན། འདི་ལྟར་སྒྲའི་རྣམ་པར་ཤེས་པ་གང་ཡིན་པ་དང ། སྒྲའི་རྣམ་པར་རིག་བྱེད་གང་ཡིན་པ་དེ་ནི། འཇིག་རྟེན་པའོ། འཇིག་རྟེན་པ་གང་ཡིན་པ་དེ་ནི། འཇིག་རྟེན་ལས་འདས་པ་མ་ཡིན་ནོ། །འཇིག་རྟེན་ལས་འདས་པ་མ་ཡིན་པ་གང་ཡིན་
185b
པ་དེ་ནི།་གཅེར་བུ་པའི་གནས་སོ། །དེ་ནི། གཅེར་བུ་པའི་ཚིག་གོ་།གཅེར་བུ་པའི་ཚིག་གང་ཡིན་པ་དེ་ནི། སངས་རྒྱས་ཀྱི་བཀའ་མ་ཡིན་ཏེ། དེ་བཞིན་གཤེགས་པ་ནི། འཇིག་རྟེན་ལས་འདས་པ་གསུངས་པའོ། །འཇིག་རྟེན་ལས་འདས་པ་མ་ཡིན་པ་གང་ཡིན་པ་དེས་གསུངས་པ་མ་ཡིན་ནོ། །དེ་བཞིན་གཤེགས་པ་སྨྲ་བ་ལས་རྣམ་པར་གྲུབ་ཀྱང་དེ་བཞིན་གཤེགས་པ་ནི། སྨྲ་བ་གཅད་པའི་ཕྱིར་ཆོས་སྟོན་པར་མཛད་ཀྱི། ཚིག་ཀུན་ཏུ་སྡུད་པར་ནི་མི་མཛད་དོ། །སྙམ་མོ། །ཡང་འདི་ལྟར་སོ་སོར་རྟོག་པར་བྱེད་དེ། དགེ་བ་གང་གིས་མིག་མངོན་པར་འགྲུབ་ཅེ་ན། དེ་འདི་སྙམ་དུ་སེམས་ཏེ། དགེ་བ་ངེས་པས་སོ་སྙམ་མོ། །དེ་ཅིའི་ཕྱིར་ཞེ་ན། དེ་ནི། སྲིད་པའི་ཡན་ལག་ཡིན་པའི་ཕྱིར་རོ། །ཅིའི་ཕྱིར་སྲིད་པའི་ཡན་ལག་གཅེས་བྱ་ཞེ་ན། དེ་ནི། སྲིད་པའི་ཡན་ལག་སྟེ། རྒྱུ་དེས་ན། སྲིད་པའི་ཡན་ལག་ཅེས་བྱའོ། །ཤཱ་རདྭ་ཏིའི་བུ། ཇི་ལྟར་ན་སྲིད་པ་ཞེས་བྱ་ཞེ་ན། འགྲོ་བའི་ཕྱིར་སྲིད་པར་འབྱུང་བ་སྟེ། དེ་ནི། འདིར་མིག་ཏུ་གྱུར་པའོ། །དེ་ལ་མངོན་པར་དགའ་བས་མངོན་པར་དགའ་བ་ལ་འབྲས་བུ་ཡོད་དེ། འདི་ལྟ་སྟེ། མིག་བདག་ཡིན། མིག་བདག་གི་ཡིན་ཞེས་མིག་གི་རློམ་སེམས་ཀྱི་འབྲས་བུར་འགྲོ་བས་སློང་བ་སྟེ། དེས་ན་དེ་ནི། སྲིད་པ་ཞེས་བྱའོ། །དེ་ལ་བརྟེན་ནས་སོ་སོར་འཛིན་ཏོ། །ཅི་ཞིག་ཡོངས་སུ་
186a
༄#། །འཛིན་ཅེ་ན། སྡུག་བསྔལ་ཐམས་ཅད་ཡོངས་སུ་འཛིན་ཏོ། །སྡུག་བསྔལ་ཐམས་ཅད་ཀྱང་གང་ཞེ་ན། འདི་ལྟ་སྟེ། ངར་འཛིན་པ་དང ། ང་ཡིར་འཛིན་པའོ། དེ་གཉིས་ནི། འདིར་ཡན་ལག་སྟེ། དེས་ན། སྲིད་པའི་ཡན་ལག་ཅེས་བྱའོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རྔ་བོ་ཆེ་ལས་སྒྲ་བྱུང་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། སྒྲ་དེ་ཕྱིའམ། ནང་གང་ནས་བྱུང་བ་ཡིན། གསོལ་པ། བཅོམ་ལྡན་འདས། སྒྲ་དེ་ནི། ཚོགས་པ་དང་ལྡན་པ་ལགས་སོ། །ཤཱ་རདྭ་ཏིའི་བུ། ཁྱོད་ཀྱིས་ཕྲད་པ་ཀུན་ཤེས་སམ། གསོལ་པ། བཅོམ་ལྡན་འདས། འཚལ་ཏེ། ཀུན་འབྱེད་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། སྲིད་པ་ནི། དེ་ཡིན་ཏེ། ཤཱ་རདྭ་ཏིའི་བུ། དེ་བཞིན་དུ་མིག་ནི། མིག་གིས་སྟོང་ངོ ། །མིག་ལ་མིག་མེད་དོ། །དེ་ལ་བྱིས་པ་རྣམས་ནི། ཡང་དག་པ་མ་ཡིན་པའི་དངོས་པོ་ལ་ཆགས་སོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་རྣམས་ནི། སྟོང་པའོ། །ཤཱ་རདྭ་ཏིའི་བུ། དེ་ཙམ་གྱིས་ན། མིག་ལེགས་པར་ཡོངས་སུ་བཙལ་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །མིག་ནི་སྟོང་པ་ཉིད་དུ་གསུངས། །མིག་དེ་ཡོད་པ་མ་ཡིན་ནོ། །གལ་ཏེ་མིག་ཡོད་མ་ཡིན་ན། །མི་
186b
རྟག་ཉིད་དེ་སུ་ཡི་ཡིན། །རྣ་བ་མི་རྟག་པ་ཉིད་དུ་གསུངས། །དེ་ནི་དམིགས་པ་མ་ཡིན་ནོ། །གལ་ཏེ་རྣ་བ་ཡོད་མིན་ན། །མི་རྟག་ཉིད་དེ་སུ་ཡི་ཡིན། །སྣ་ནི་མི་རྟག་ཉིད་དུ་གསུངས།། དེ་ནི་དམིགས་པ་མ་ཡིན་ནོ། །གལ་ཏེ་དེ་དམིགས་མ་ཡིན་ན། །མི་རྟག་ཉིད་དེ་སུ་ཡི་གསུངས། །ལྕེ་ནི་མི་རྟག་ཉིད་དུ་གསུངས། །ལྕེ་དེ་ཡོད་པ་མ་ཡིན་ནོ། །གལ་ཏེ་དེ་དམིགས་མ་ཡིན་ན། །མི་རྟག་ཉིད་དེ་སུ་ཡི་ཡིན། །ལུས་ནི་མི་རྟག་ཉིད་དུ་གསུངས། །དེ་ནི་དམིགས་པ་མ་ཡིན་ནོ། །གལ་ཏེ་ལུས་ཡོད་མ་ཡིན་ན། །མི་རྟག་པ་ཉིད་དེ་སུ་ཡི་ཡིན། །ཡིད་ནི་མི་རྟག་ཉིད་དུ་གསུངས། །དེ་ནི་དམིགས་པ་མ་ཡིན་ནོ། །གལ་ཏེ་དེ་དམིགས་པ་ཡིན་ན། །མི་རྟག་པ་ཉིད་དེ་སུ་ཡི་ཡིན། །སྐྱེ་མཆེད་བཅུ་གཉིས་གསུངས་པ་དག་།དེ་དག་མིང་ཡང་དེ་སྙེད་ཡོད། །གལ་ཏེ་སྐྱེ་མཆེད་རྣམས་མེད་ན། །དེ་སྙེད་མིང་ཡོད་སུ་ཡི་ཡིན། །འབྱུང་བ་ཆེན་པོའང་བཞི་ཡིན་ཏེ། །དེ་དག་རྟེན་ཏེ་གང་ཞིག་ཡིན། །ཁྱི་ལ་བོང་བ་འཕངས་པ་བཞིན། །དེ་དག་མིང་གིས་རྒྱུག་པར་བྱེད། །གང་དག་མིང་གིས་མི་རྒྱུག་ཅིང ། །བདག་ཉིད་རློམ་སེམས་མི་བྱེད་ལ། །སེམས་ཅན་མེད་པར་ཞུགས་པ་ནི། །དེ་དག་མྱ་ངན་འདས་པར་བརྗོད། །གང་དེར་མྱ་ངན་འདས་གྱུར་ན། །དེ་ལ་ཆོས་དམིགས་ཡོངས་མེད་དེ། །མྱ་ངན་འདས་ཞེས་དེ་བརྗོད་ཀྱང ། །མྱ་ངན་འདས་ནི་བརྗོད་དུ་མེད། །དེ་ལ་གང་ཡང་མི་
187a
༄#། །འགྲོ་སྟེ། །འགྲོ་བ་ཡང་ནི་ཡོད་མ་ཡིན། །གང་གིས་དེ་ལྟར་མཐུན་རྟོགས་པ། །དེ་དག་མྱ་ངན་འདས་པ་ཤེས། །སྦྱོར་བ་མེད་ཅིང་རྩོམ་པའང་མེད། །གོས་པ་མེད་ཅིང་ཡི་གེའང་མེད། །གང་ཟག་མེད་ཅིང་སྲོག་ཀྱང་མེད། །དེས་ན་མྱ་ངན་འདས་ཞེས་གསུངས། །ཡོད་དང་མེད་པར་རྣམ་རྟོག་སྟེ། །རྟོག་པ་ཡང་ནི་ཡོད་མ་ཡིན། །འདུ་ཤེས་དེ་ཡང་སྟོང་པ་སྟེ། །མྱ་ངན་འདས་པར་དེ་བསམ་མོ། །ཐག་རིང་བ་ཡི་ཆོས་མ་མཐོང ། །ཐག་ཉེ་བ་ཡང་མཐོང་མ་ཡིན། །ཆོས་རྣམས་རང་བཞིན་གང་ཡིན་པ། །འཆི་འཕོའི་ཚེ་ཡང་རབ་ཏུ་ཤེས། །ཆོས་དེ་འདྲ་བ་གང་དག་གིས། །ཐོས་ནས་ཚུལ་བཞིན་ཤེས་བྱེད་པ། །དེ་དག་སོམ་ཉི་མེད་འགྱུར་ཞིང ། །མི་ཤེས་པ་ཡང་མེད་པར་འགྱུར། །བདེ་མཐོང་སྲུང་བ་སོམ་ཉི་མེད། །ཆོས་རྣམས་ཀུན་ལ་མི་འཇིགས་པ། །ཐེ་ཚོམ་དག་ནི་བསལ་ནས་སུ། །དེ་དག་སོམ་ཉི་མེད་པར་འགྱུར། །དོགས་མེད་བྱང་ཆུབ་སེམས་དཔའ་ནི། ། སེམས་ཅན་རྣམས་ལ་སྙིང་བརྩེའི་ཕྱིར། །ཐེ་ཚོམ་ཆད་པས་རྒྱུ་བྱེད་ཅིང ། །ཆོས་ཀྱི་ཐེ་ཚོམ་གཅོད་པར་བྱེད། །ཆོས་རྣམས་ཀུན་གྱི་ཕྱག་རྒྱ་དེ། །སྨྲ་བ་ཀུན་ལས་ཐར་བྱའི་ཕྱིར། །མཆོག་གསུངས་པ་ཡིས་བསྟན་པ་ཡིན། །དེ་ལ་སོམ་ཉི་མ་བྱེད་ཅིག་།རྩོད་པ་རྣམ་པར་འཇིག་ཅེས་གསུངས། །དེ་ཡིས་ངན་འགྲོར་འགྲོ་བར་འགྱུར། །གང་དག་
187b
ཕུག་ནས་བརྟེན་པ་རྣམས། །དེ་དག་གིས་ནི་ལུས་མ་ཤེས། །དོན་འགྲུབ་པར་ནི་དེ་གསུངས་ཏེ། །དོན་ཐོབ་པ་ལ་གནས་པ་མེད། །གང་དག་འགྲོ་བ་དེར་འགྲོ་བ། །བྱང་ཆུབ་ལ་ནི་ཉེ་བར་འགྱུར། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་ནི། གནས་བཞི་ལ་འདུན་པ་བརྟན་པོ་ཡིན་ཏེ། མངོན་པར་འབྱུང་བ་དང ། དགོན་པ་ན་གནས་པ་དང ། དེ་བཞིན་གཤེགས་པ་མཐོང་བ་དང ། སྡུག་བསྔལ་བའི་སེམས་ཅན་དག་མཐོང་ན། ནམ་ཞིག་བདག་གིས་ཐེག་པ་ཆེན་པོའི་ཐེག་པ་དེ་ཡང་དག་པར་བསྒྲུབས་ནས།་སེམས་ཅན་དེ་དག་སྡུག་བསྔལ་ཐམས་ཅད་ལས་ཐར་པར་བྱ་བའི་ཕྱིར། ཆོས་སྟོན་ཞིག་གུ་སྙམ་ནས་གོ་ཆ་གྱོན་པར་བྱེད་པའོ། །ཤཱ་རདྭ་ཏིའི་བུ། ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བརྟན་པོ་ཡིན་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་འདུན་པ་ཇི་ལྟ་བུས་སངས་རྒྱས་ཀྱི་ཡེ་ཤེས་ཡང་དག་པར་སྒྲུབ་པར་བྱེད་པ་དེ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང ། ངས་ཁྱོད་ལ་བཤད་དོ། །ཤཱ་རདྭ་ཏིའི་བུ། སྔོན་བྱུང་བ་འདས་པའི་དུས་ན། བསྐལ་པ་གྲངས་མེད་པའི་ཡང་ཆེས་གྲངས་མེད་པ་ཡངས་པ་ཚད་མེད་པ་བྱུང་བར་གྱུར་པ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་
188a
༄#། །སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་རྣམས་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་བདེ་བའི་རྒྱལ་པོ་ཞེས་བྱ་བ་འཇིག་རྟེན་དུ་བྱུང་སྟེ། ཤཱ་རདྭ་ཏིའི་བུ། དེ་བཞིན་གཤེགས་པ་བདེ་བའི་རྒྱལ་པོའི་ཚེའི་ཚད་ནི། ལོ་བདུན་ཁྲི་ཐུབ་པར་གྱུར་ཏོ། ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་དེའི་ཉན་ཐོས་འདུས་པ་གཅིག་ནི། དགྲ་བཅོམ་པ་བྱེ་བ་ཕྲག་ཉི་ཤུར་གྱུར་ཏོ། ། གཉིས་པ་ནི། དགྲ་བཅོམ་པ་བྱེ་བ་ཕྲག་བཞི་བཅུར་གྱུར་ཏོ། །འདུས་པ་གསུམ་པ་ནི། དགྲ་བཅོམ་པ་བྱེ་བ་ཕྲག་དྲུག་ཁྲིར་གྱུར་ཏོ། །དེའི་ཚེ་ཛམྦུའི་གླིང་དེ་ནི། ཡངས་ཤིང་རྒྱ་ཆེ་བར་གྱུར་ཏེ། དཔག་ཚད་འབུམ་ཕྲག་དགུ་བཅུ་ཡོད་དོ། །དེའི་ཚེ་ཛམྦུའི་གླིང་དེ་ན་གྲོང་ཁྱེར་བརྒྱད་ཁྲི་བཞི་སྟོང་བྱུང་བར་གྱུར་ཏོ། ཐམས་ཅད་ཀྱང་རིན་པོ་ཆེ་སྣ་བདུན་གསེར་དང ། དངུལ་དང ། ཤེལ་དང ། བཻ་ཌཱུརྱ་དང ། སྤུག་དང ། རྡོའི་སྙིང་པོ་དང ། བདུན་པ་མུ་ཏིག་དམར་པོ་ལས་བྱས་པ། བཀྲ་བ། བལྟ་ན་སྡུག་པ། ཆུ་དང་སྲིད་དུ་ནི། དཔག་ཚད་བཅུ་གཉིས་ཡོད་ལ། ཞེང་དུ་ནི། དཔག་ཚད་བདུན་ཡོད་པའོ། །ཐམས་ཅད་ཀྱང་འབྱོར་པ་རྒྱས་པ། བདེ་བ། ཉམས་དགའ་བ། ལོ་ལེགས་པ། སྐྱེ་བོ་མང་པོས་གང་བའོ། །གྲོང་
188b
ཁྱེར་ཆེན་པོ་དེ་དག་ཐམས་ཅད་ཀྱང་ཁོར་ཡུག་ཏུ་ར་བ་རིམ་བདུན་དང ། འོབས་རིམ་བདུན་གྱིས་ཡོངས་སུ་བསྐོར་བའོ། །འོབས་དེ་དག་ཐམས་ཅད་ཀྱང་ཆུས་གང་བ། ཀུན་ནས་རྗེས་སུ་འབབ་པའི་ཆུ་འབབ་པ། ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དག་གིས་ཀུན་ཏུ་ཁེབས་ཤིང ། ངུར་པ་དག་གིས་སྒྲ་ཕྱུང་བ། བྱ་རྣམ་པ་སྣ་ཚོགས་ཀྱི་ཚོགས་ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་ཏེའུ་དག་གིས་སྒྲ་ཡང་དག་པར་བརྗོད་པའོ། །འོབས་ཀྱི་འགྲམ་དེ་དག་ཐམས་ཅད་ཀྱང་གསེར་གྱི་ཤིང་ལྗོན་པ་དག་ལ་ཡལ་ག་དག་ནི། དངུལ། འདབ་མ་དག་ནི། བཻ་ཌཱུརྱ་ལས་གྲུབ་པ། ལོ་མ་དག་ནི། རྡོའི་སྙིང་པོ། །མེ་ཏོག་དག་ནི། ཤེལ། འབྲས་བུ་དག་ནི། སྤུག་།སྡོང་བུ་དག་ནི།་མུ་ཏིག་དམར་པོ་དང ། དངུལ་གྱི་ཤིང་ལྗོན་པ་དག་ལ་ཡལ་ག་དག་ནི། གསེར། འདབ་མ་དག་ནི། ཤེལ། ལོ་མ་དག་ནི། བཻ་ཌཱུརྱ་ལས་གྲུབ་པ། འབྲས་བུ་དག་ནི། སྤུག ། མེ་ཏོག་དག་ནི། རྡོའི་སྙིང་པོ། །སྡོང་བུ་དག་ནི། མུ་ཏིག་དམར་པོ་དང ། ཤེལ་གྱི་ཤིང་ལྗོན་པ་དག་ལ་སྡོང་པོ་དག་ནི། བཻ་ཌཱུརྱ་ལས་གྲུབ་པ། ལོ་མ་དག་ནི། གསེར། འདབ་མ་དག་ནི། དངུལ།་མེ་ཏོག་དག་ནི། སྤུག་།འབྲས་བུ་དག་ནི། རྡོའི་སྙིང་པོ། །སྡོང་བུ་དག་ནི། མུ་ཏིག་དམར་པོ་དང ། སྤུག་གི་ཤིང་ལྗོན་པ་དག་ལ་སྡོང་པོ་དག་ནི། རྡོའི་སྙིང་པོ། །ལོ་མ་དག་ནི།
189a
༄#། །མུ་ཏིག་དམར་པོ། །འདབ་མ་དག་ནི། དངུལ། མེ་ཏོག་དག་ནི། གསེར། འབྲས་བུ་དག་ནི། ཤེལ། རྩ་བ་དག་ནི། བཻ་ཌཱུརྱ་ལས་གྲུབ་པ་དང ། རྡོའི་སྙིང་པོའི་ཤིང ། ལྗོན་པ་དག་ལ་སྡོང་པོ་དག་ནི། མུ་ཏིག་དམར་པོ། །ལོ་མ་དག་ནི། དངུལ། འདབ་མ་དག་ནི། གསེར། མེ་ཏོག་དག་ནི། ཤེལ། འབྲས་བུ་དག་ནི། བཻ་ཌཱུརྱ་ལས་གྲུབ་པ། རྩ་བ་དག་ནི། སྤུག་དང ། མུ་ཏིག་དམར་པོའི་ཤིང་ལྗོན་པ་དག་ལ་སྡོང་པོ་དག་ནི། གསེར་ལས་གྲུབ་པ། ལོ་མ་དག་ནི། དངུལ། འདབ་མ་དག་ནི། ཤེལ། མེ་ཏོག་དག་ནི། བཻ་ཌཱུརྱ་ལས་གྲུབ་པ།་འབྲས་བུ་དག་ནི། སྤུག་ལས་གྲུབ་པ། རྩ་བ་དག་ནི། རྡོའི་སྙིང་པོ་ལས་གྲུབ་པ། རིན་པོ་ཆེ་སྣ་བདུན་ལས་གྲུབ་པའི་ཤིང་ལྗོན་པ་དག་གིས་ཁྱབ་པར་གྱུར་པའོ། །གྲོང་ཁྱེར་ཆེན་པོ་དེ་དག་ན་གྲོང་ཁྱེར་ཆེན་པོ་རེ་རེ་ནའང་སྐྱེད་མོས་ཚལ་བརྒྱད་ཁྲི་བརྒྱད་ཁྲི་ཡོད་དེ། ཐམས་ཅད་ཀྱང་དཔག་ཚད་ཉི་ཤུ་པའོ། །སྐྱེད་མོས་ཚལ་བརྒྱད་ཁྲི་པོ་དེ་དག་ཐམས་ཅད་ཀྱང་ཁོ་ར་ཡུག་ཏུ་འོབས་དག་དང ། རྟ་བབས་རིམ་བདུན་དང ། དྲིལ་བུ་གཡེར་ཀའི་དྲ་བ་རིམ་བདུན་དང ། སྟེགས་བུ་རིམ་བདུན་གྱིས་བསྐོར་བར་གྱུར་ཏེ། ཚུལ་སྔ་མ་ཁོ་ནས་གོང་མ་བཞིན་དུ་སྦྱར་བར་བྱ་སྟེ། ཇི་ལྟར་གྲོང་ཁྱེར་གྱི་འོབས་དག་ལ་བཀོད་པ་དག་བཞིན་དུ་སྐྱེད་མོས་ཚལ་གྱི་འོབས་དག་ལའང་བཀོད་པ་དག་ཀུན་ཤེས་པར་
189b
བྱའོ། །སྐྱེད་མོས་ཚལ་དེ་ལའང་ཙནྡན་གྱི་ལོ་མ་དག་དང ། དུས་ཀྱི་རྗེས་སུ་འབྲང་བའི་ཤིང་ལྗོན་པ་དག་དང ། རོལ་མོའི་སྒྲའི་ཤིང་ལྗོན་པ་དག་དང ། རྒྱན་གྱི་ཤིང་ལྗོན་པ་དག་དང ། མེ་ཏོག་གི་ཤིང་ལྗོན་པ་དག་དང ། བཟའ་བའི་ཤིང་ལྗོན་པ་དག་དང ། བཏུང་བའི་ཤིང་ལྗོན་པ་དག་ཡོད་དོ། །སྐྱེད་མོས་ཚལ་དེ་ལའང་གསེར་དང ། དངུལ་དང ། ཤེལ་དང ། བཻ་ཌཱུརྱ་ལས་གྲུབ་པ་དང ། སྤུག་ལས་གྲུབ་པ་དང ། མུ་ཏིག་དམར་པོ་ལས་གྲུབ་པའི་ཤིང་ལྗོན་པ་དག་ཡོད་དོ། །དེ་དག་ལའང་མེ་ཏོག་སྐྱེས་པ་མེ་ཏོག་ཨ་ཏི་མུཀྟ་ཀ་དང ། ཙམྤ་ཀ་དང ། པཪྴ་ཀ་དང ། དྷ་ནུ་སྐ་རི་དང ། མྱ་ངན་འཚང་དང ། ན་ག་དང ། བལླ་དང ། ཏ་ར་ཎི་དང ། གཽ་ཏ་ར་ཎི་དང ། མནྡཱ་ར་བ་དག་དང ། མེ་ཏོག་ཁ་དོག་ལྔ་པ་དག་དང ། ཙནྡྲོ་ཏ་ར་ནི་དག་དང ། དེ་དག་དང ། གཞན་ཡང་མེ་ཏོག་སྐྱེས་པ་རྣམ་པ་སྣ་ཚོགས་དག་ཡོད་དོ། །སྐྱེད་མོས་ཚལ་དེ་དག་རེ་རེ་ལའང་རྫིང་བུ་སྟོང་ཕྲག་བདུན་བདུན་བྱུང་བར་གྱུར་ཏེ། ཐམས་ཅད་ཀྱང་ཡན་ལག་བརྒྱད་དང་ལྡན་པའི་ཆུས་གང་བ། ཚད་ནི། དཔག་ཚད་ཕྱེད་པ། རིན་པོ་ཆེ་སྣ་བདུན་ལས་གྲུབ་པ། གསེར་གྱི་བྱེ་མ་བདལ་བ། ཐེམ་སྐས་བཞི་དང་ལྡན་པའོ། །རྫིང་བུ་དེ་དག་ཐམས་ཅད་ཀྱང་རིན་པོ་ཆེའི་དྲ་བས་ཀུན་ཏུ་ཁེབས་པ། ཨུཏྤ་ལ་དང ། པདྨ་དང ། ཀུ་མུད་དང ། པདྨ་དཀར་པོ་དག་གིས་རབ་ཏུ་གང་བའོ། །དེའི་
190a
༄#། །ཚེ་རྒྱལ་པོ་དཔས་བྱིན་ཞེས་བྱ་བ་ཞིག་བྱུང་བར་གྱུར་ཏེ། ཤཱ་རདྭ་ཏིའི་བུ། རྒྱལ་པོ་དཔས་བྱིན་དེའི་གྲོང་ཁྱེར་བརྒྱད་ཁྲི་བཞི་སྟོང་དག་ཏུ་ཁྱིམ་བརྒྱད་ཁྲི་བཞི་སྟོང་ཡོད་པར་གྱུར་ཏེ། ཁྱིམ་རེ་རེར་ཡང་བཙུན་མོའི་འཁོར་གྱི་བུད་མེད་བརྒྱད་ཁྲི་བཞི་སྟོང་ཡོད་པར་གྱུར་ཏོ། །ཛམྦུའི་གླིང་དེར་གྲོང་ཁྱེར་བརྒྱད་ཁྲི་བཞི་སྟོང་པོ་དེ་དག་གི་དབུས་སུ་གྲོང་ཁྱེར་ཆེན་པོ་ཆུར་དཔག་ཚད་བརྒྱད་ཁྲི་ཡོད་པ། ཞེང་དུ་དཔག་ཚད་བཞི་ཁྲི་ཡོད་པ། རིན་པོ་ཆེ་སྣ་བདུན་ལས་གྲུབ་པ། འབྱོར་པ་རྒྱས་པ། བདེ་བ། ལོ་ལེགས་པ། ཉམས་དགའ་བ། མིའི་སྐྱེ་བོ་མང་པོས་གང་བ་ཞིག་ཡོད་པར་གྱུར་ཏེ། དེ་ལྟར་སྔ་མ་བཞིན་དུ་སྦྱར་བར་བྱའོ། །དེའི་ཚེ་གྲོང་ཁྱེར་ཆེན་པོ་དེའི་དབུས་སུ་རྒྱལ་པོ་དཔས་བྱིན་གྱི་ཁྱིམ་རིན་པོ་ཆེ་སྣ་བདུན་ཆུ་ཞེང་དུ་ཀུན་ནས་དཔག་ཚད་བཅུ་ཡོད་པ་ཞིག་བརྩིགས་པར་གྱུར་ཏེ། ཁྱིམ་དེ་ནའང་གསེར་ལས་བྱས་པའི་པུ་ཤུ་དང ། ཁང་པ་བརྩེགས་པ་སྣ་ཚོགས་པ་དག་ཡོད་དོ། །ཁྱིམ་དེའི་དབུས་སུའང་འདི་ལྟ་སྟེ། དཔེར་ན། ལྷ་རྣམས་ཀྱི་དབང་པོ་བརྒྱ་བྱིན་གྱི་ཁང་བཟང་རྣམ་པར་རྒྱལ་བྱེད་ལྟ་བུའི་ཁང་བཟང་ཞིག་བརྩིགས་པར་གྱུར་ཏེ། ཁང་བཟང་དེའི་མིང་ནི། ཆོས་ཞེས་བྱ་བར་གྱུར། རྒྱལ་པོ་དེའི་ཀུན་དགའ་རབ་ནི། ཆོས་བཟང་ཞེས་བྱ་བར་གྱུར་ཏེ། ཁྱིམ་དེའི་
190b
དབུས་སུའང་སྐྱེད་མོས་ཚལ་ཞིག་ཡོད་པར་གྱུར་ཏོ། །སྐྱེད་མོས་ཚལ་དེའང་རིན་པོ་ཆེ་སྣ་བདུན་ལས་གྲུབ་པའི་མེ་ཏོག་གི་ཤིང་ལྗོན་པ་དང ། སྤོས་ཀྱི་ཤིང་ལྗོན་པ་དང ། རོལ་མོའི་སྒྲ་འབྱུང་བའི་ཤིང་ལྗོན་པ་དང ། རྒྱན་གྱི་ཤིང་ལྗོན་པ་དང ། གོས་ཀྱི་ཤིང་ལྗོན་པ་རྣམ་པ་སྣ་ཚོགས་དག་གིས་ཀུན་ནས་སོ་སོར་བརྒྱན་པའོ། །སྐྱེད་མོས་ཚལ་དེའང་མིག་མང་རིས་སུ་བྱས་པའོ། །ཁྱིམ་དེའང་ངོས་བཞིར་རྟ་བབས་བཙུགས་པ་སྟེགས་བུ་དང ། ཀུན་ཏུ་བལྟ་བའི་ས་དང ། སྐར་ཁུང་དག་གིས་མཛེས་པར་བྱས་པ། རིན་པོ་ཆེ་སྣ་བདུན་ལས་བྱས་པའི་ཁང་པ་བརྩེགས་པ་བཀྲ་བ། བལྟ་ན་སྡུག་པ་དག་གིས་ཀུན་ནས་སོ་སོར་བརྒྱན་པའོ། །དེའི་ཚེ་རྒྱལ་པོ་དཔས་བྱིན་གྱི་བཙུན་མོ་དམ་པ་གཙོ་མོ་ལས་བྱང་ཆུབ་སེམས་དཔའ་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། མཛེས་པ། བལྟ་ན་སྡུག་པ། མཐུ་ཆེ་བ། དབང་ཆེ་བར་གྲགས་པ། དཔལ་དང་གཟི་བརྗིད་ཀྱིས་འབར་བའི་བུ་ཞིག་བཙས་པར་གྱུར་ཏེ། དེ་བཙས་མ་ཐག་ཏུ་རྒྱལ་པོ་དཔས་བྱིན་གྱིས་འདི་ནི། དེའི་ལོངས་སྤྱོད་དུ་འགྱུར་པ་ཡིན་ནོ། །ཞེས་གྲོང་ཁྱེར་ཆེན་པོ་དེ་བྱིན་པར་གྱུར་ཏོ། །དེའི་ཉིན་མོ་བུ་མོ་ས་ཡ་ཕྲག་བཞི་གང་དག་བྱུང་བ་དེ་དག་ཐམས་ཅད་ཀྱང་རྒྱལ་པོ་དཔས་བྱིན་གྱིས་གཞོན་ནུའི་ལོངས་སྤྱོད་དུ་བསླངས་སོ། །རྒྱལ་པོ་དེ་དང ། སྐྱེ་རྒུའི་བདག་མོ་རིན་ཆེན་མ་དང ། གྲོང་
191a
༄#། །མི་དང ། ཡུལ་གྱི་མི་དག་གིས་ཀྱང་བསོད་ནམས་མཆོག་ཅེས་བྱ་བར་མིང་བཏགས་པར་གྱུར་ཏོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། རྒྱལ་པོའི་གཞོན་ནུ་བསོད་ནམས་མཆོག་བཙས་པའི་མོད་ལ་སྟེང་གི་བར་སྣང་ལ་ལྷ་རྣམ་ཀྱིས་གླུ་དབྱངས་རབ་ཏུ་བླངས་ཤིང ། ལྷའི་ཙནྡན་གྱི་ཕྱེ་མ་དག་དང ། ལྷའི་མེ་ཏོག་མནྡཱ་ར་བའི་ཆར་པ་དག་ཕབ་པར་གྱུར་ཅིང ། ཁྱེའུ་འདི་བཙས་པ་བསོད་ནམས་མཆོག་།ཁྱེའུ་འདི་བཙས་པ་བསོད་ནམས་མཆོག་ཅེས་ལྷའི་དབྱངས་ཀྱིས་ཀྱང་ཡང་དག་པར་བརྗོད་པའི་ཕྱིར་རོ། ། ཤཱ་རདྭ་ཏིའི་བུ། དེའི་ཕྱིར་ན་ཁྱེའུ་དེའི་མིང་བསོད་ནམས་མཆོག་ཅེས་བྱ་བ་ཁོ་ནར་བཏགས་པར་གྱུར་ཏོ། །ཤཱ་རདྭ་ཏིའི་བུ། རྒྱལ་པོའི་བུ་བསོད་ནམས་མཆོག་དེ་ནར་སོན་ནས་བཙུན་མོའི་འཁོར་གྱིས་མདུན་དུ་བདར་ཏེ་སྐྱེད་མོས་ཚལ་གྱི་སར་ཙནྡན་ལས་བྱས་པའི་གྲུར་ཞུགས་ནས་སྐྱེས་པ་མེད་པའི་འདོད་པའི་ཡོན་ཏན་ལྔ་པོ་དག་གིས་རྩེ་ཞིང་དགའ་མགུར་སྤྱོད་དོ། །དེའི་ཚེའང་རྒྱལ་པོའི་གཞོན་ནུ་བསོད་ནམས་མཆོག་ཙནྡན་གྱི་གྲུར་ཞུགས་ནས། དེ་བཞིན་གཤེགས་པའི་སྐུ་མེ་དང ། གསེར་དང ། ཟླ་བ་དང ། ཛམྦུའི་ཆུ་བོའི་གསེར་གྱི་མདོག་གི་འོད་ཟེར་བྱེ་བ་ཕྲག་འབུམ་རབ་ཏུ་འགྱེད་པའི་སྐུ་དང་ལྡན་པ། སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་སྤྲས་པ། གསེར་ལྟར་འབར་བ། རིན་པོ་ཆེའི་
191b
བཀོད་པ་ལྟར་བརྒྱན་པ། ཉན་ཐོས་ཀྱི་དགེ་འདུན་གྱི་དབུས་ན་ཆོས་སྟོན་པ་མཐོང་སྟེ། མཐོང་ནས་ཀྱང་རྒྱལ་པོའི་གཞོན་ནུ་བསོད་ནམས་མཆོག་འདི་སྙམ་དུ་སེམས་པར་གྱུར་ཏེ། འདི་ཅི་འདྲ་བ་དེ་འདྲར་བདག་ཀྱང་གྱུར་ཅིག་སྙམ་མོ། །དེ་ནས་རྒྱལ་པོའི་གཞོན་ནུ་བསོད་ནམས་མཆོག་རྣམ་པ་དེ་ལྟ་བུའི་སེམས་སྐྱེས་ནས་དེ་མ་ཐག་ཏུ་དེ་བཞིན་གཤེགས་པའི་སྐུ་དེ་མི་སྣང་བར་གྱུར་ཏེ། དེ་མི་སྣང་བར་གྱུར་ནས་དེ་མ་ཐག་ཏུ་རྒྱལ་པོའི་གཞོན་ནུ་བསོད་ནམས་མཆོག་སྡུག་བསྔལ་ཞིང་ཡིད་མི་བདེ་བར་གྱུར་ཏེ། བུད་མེད་དག་དང་ཡང་ལྷན་ཅིག་རྩེ་བར་མི་བྱེད།་དགའ་བར་མི་བྱེད། དགའ་མགུར་སྤྱོད་པར་མི་བྱེད་ཅིང ། བུད་མེད་དེ་དག་ལ་སྟེན་པར་མི་བྱེད་དོ། །གྲུ་དེ་ནས་བྱུང་སྟེ་ཁང་པ་བརྩེགས་པར་ཞུགས་ནས། སྐྱིལ་མོ་ཀྲུང་བཅས་ཏེ་ནམ་ཞིག་དེ་བཞིན་གཤེགས་པ་དེ་ཅི་འདྲ་བ་དེ་འདྲ་བ་ཉིད་དུ་བདག་འགྱུར་ཞིག་གུ་སྙམ་སྟེ་སེམས་པ་ལ་ཞུགས་སོ། །དེ་ནས་རྒྱལ་པོའི་བུ་གཞོན་ནུ་དེའི་ཐད་དུ་བུད་མེད་གང་དག་འོང་བ་དེ་དག་ཐམས་ཅད་རྒྱང་རིང་པོ་ཁོ་ན་ནས་མཐོང་ནས་རྒྱལ་པོའི་གཞོན་ནུས་སྒོ་དག་བཅད་དེ། ཀྱེ་མ་སེམས་ཅན་འདི་དག་ནི། འདོད་ཆགས་ཀྱིས་གང་བ། ནད་ཆེན་པོས་སོ་སོར་གཟིར་བ་དག་སྟེ། འདོད་ཆགས་ཀྱིས་གང་ཞིང་ནད་ཆེན་པོས་སོ་སོར་གཟིར་བའི་སེམས་ཅན་དེ་དག་ལ་བདག་གིས་ཀུན་ཏུ་སྤྱད་པ་བྱས་ན། དེ་དག་ནི། རིགས་པ་མ་
192a
༄#། །ཡིན་ལ།་བདག་ནི། རིགས་པ་ཡིན་པའི་ཕྱིར་དེ་ནི། བདག་གི་ཆ་མ་ཡིན་པར་འགྱུར་རོ། །སེམས་ཅན་འདི་དག་ནི། ཞེ་སྡང་གིས་གང་བ། ནད་ཆེན་པོའི་ནད་ཀྱིས་ཀུན་ཏུ་གཟིར་བ་དག་སྟེ། གལ་ཏེ་ཞེ་སྡང་གིས་སོ་སོར་གང་ཞིང་ནད་ཆེན་པོའི་ནད་ཀྱིས་རབ་ཏུ་གཟིར་བའི་སེམས་ཅན་དེ་དག་ལ་ཡིད་དུ་འོང་བ་དང་བཅས་པར་བྱས་ན། དེ་དག་ནི། མི་རིགས་པ་ཡིན་ལ། བདག་ནི། རིགས་པ་ཡིན་པའི་ཕྱིར་དེ་ལ་བྱེ་བྲག་ཅི་ཡོད་པར་འགྱུར་ཏེ། བདག་ནི། སྐུ་དེ་ལྟ་བུ་མངོན་པར་སྒྲུབ་པར་བརྩོན་པའོ། །ཀྱེ་མ་བདག་གིས་རང་གི་སེམས་ནི། ཚར་གཅད་པར་བྱ། སེམས་ཅན་དེ་དག་ལ་ནི། གནོད་སེམས་མི་བསྐྱེད་པར་བྱའོ། །ཀྱེ་མ་སེམས་ཅན་འདི་དག་ནི། གཏི་མུག་གིས་གང་བ། ནད་ཆེན་པོའི་ནད་ཀྱིས་ཀུན་ཏུ་གཟིར་བ་དག་སྟེ། གལ་ཏེ་ནད་ཆེན་པོའི་ནད་ཀྱིས་ཀུན་ཏུ་གཟིར་བའི་སེམས་ཅན་དེ་དག་ལ་རྗེས་སུ་འཇུག་པར་བྱས་ན། དེ་དག་ནི། མི་རིགས་པ་ཡིན་ལ། བདག་ནི། རིགས་པ་ཡིན་པས། དེ་ལ་བྱེ་བྲག་ཅི་ཡོད་པར་འགྱུར་ཏེ། བདག་ནི། སྐུ་དེ་ལྟ་བུ་མངོན་པར་སྒྲུབ་པར་བརྩོན་པའོ། །སེམས་ཅན་འདི་དག་ནི། ཕྲག་དོག་དང ། ཁྲོ་བས་གང་བ། ནད་ཆེན་པོའི་ནད་ཀྱིས་ཀུན་ཏུ་གཟིར་བ་དག་སྟེ། གལ་ཏེ་སེམས་ཅན་དེ་དག་ལ་བདག་ཀུན་ཏུ་རྗེས་སུ་འཇུག་པར་བྱས་ན། དེ་དག་ནི། མི་རིགས་
192b
པ་ཡིན་ལ། བདག་ནི། རིགས་པ་ཡིན་པས། དེ་ལ་བྱེ་བྲག་ཅི་ཡོད་པར་འགྱུར་ཏེ། བདག་ནི། སྐུ་དེ་ལྟ་བུ་མངོན་པར་སྒྲུབ་པར་བརྩོན་པར་བྱའོ། །ཀྱེ་མ་བདག་གིས་ཕྲག་དོག་མེད་པར་བྱ།་སེར་སྣ་ཅན་མ་ཡིན་པ་དང ། རྨོངས་པ་མེད་པ་དང ། འདོད་ཆགས་དང་བྲལ་བ་དང ། ཞེ་སྡང་དང་བྲལ་བ་དང ། གཏི་མུག་དང་བྲལ་བར་བྱ་ཞིང ། སེམས་ཅན་དེ་དག་ཉིད་ལའང་བྱམས་པའི་སེམས་བསྐྱེད་པར་བྱ། སྙིང་རྗེ་བསྐྱེད་པར་བྱ། སེམས་ཅན་དེ་དག་ལམ་གང་དུ་ཞུགས་ན། འདོད་ཆགས་དང ། ཞེ་སྡང་དང ། གཏི་མུག་དང ། ཕྲག་དོག་དང ། ཁྲོ་བ་དང ། སེར་སྣ་དང ། སྒྱུ་དང ། གཡོ་དང ། ཐ་བ་དང ། ང་རྒྱལ་ཐམས་ཅད་རྒྱུན་ཆད་པར་འགྱུར། སྤོང་བར་འགྱུར། མི་སྟེན་པར་འགྱུར། མི་སྒོམ་པར་འགྱུར། མང་དུ་མི་བྱེད་པར་འགྱུར་བའི་ལམ་བཙལ་བར་བྱའོ། །སྙམ་མོ། །ཤཱ་རདྭ་ཏིའི་བུ། དེ་ལྟར་རྒྱལ་པོའི་གཞོན་ནུ་བསོད་ནམས་མཆོག་ཡིད་མི་དགའ་ཞིང་སྐྱོ་བས་མངོན་པར་བརྩོན་ཏེ་རྩེ་བར་མི་བྱེད། དགའ་བར་མི་བྱེད། དགའ་མགུར་སྤྱོད་པར་མི་བྱེད་ཅིང ། སུའི་ངོར་ཡང་ལྟ་བར་མི་བྱེད་དོ། །ཤཱ་རདྭ་ཏིའི་བུ། རྒྱལ་པོ་དཔས་བྱིན་གྱིས་རྒྱལ་པོའི་གཞོན་ནུ་བསོད་ནམས་མཆོག་རྩེ་བར་མི་བྱེད། དགའ་བར་མི་བྱེད། དགའ་མགུར་སྤྱོད་པར་མི་བྱེད་ཅིང ། བུད་མེད་མཐོང་ནའང་སྒོ་གཅོད་པར་བྱེད་དོ། །ཞེས་ཐོས་ཏེ། ཐོས་ནས་ཀྱང་
193a
༄#། །རྒྱལ་པོ་དཔས་བྱིན་དང ། སྐྱེ་རྒུའི་བདག་མོ་རིན་ཆེན་མ་འདི་སྙམ་དུ་སེམས་པར་གྱུར་ཏེ། རྒྱལ་པོའི་གཞོན་ནུ་བསོད་ནམས་མཆོག་ལ་གང་གིས་ཀྱང་མི་དགའ་བའམ། ཡིད་དུ་མི་འོང་བ་ཉེ་བར་སྒྲུབ་པར་གྱུར་ན་མི་རུང་ངོ ། །སྙམ་ནས་གང་གིས་རྩེ་བར་མི་བྱེད། དགའ་བར་མི་བྱེད། དགའ་མགུར་སྤྱོད་པར་མི་བྱེད་ཅིང ། བུད་མེད་མཐོང་ནའང་སྒོ་གཅོད་པར་བྱེད་ཅེས་དེ་བདག་གིས་གདོན་མི་ཟ་བར་དྲི་བར་བྱའོ། །སྙམ་མོ། །དེ་ནས་རྒྱལ་པོ་དཔས་བྱིན་དང ། སྐྱེ་རྒུའི་བདག་མོ་གཙོ་མོ་རྒྱལ་པོའི་གཞོན་ནུ་བསོད་ནམས་མཆོག་ག་ལ་བ་དེར་དོང་སྟེ་ཕྱིན་ནས་རྒྱལ་པོའི་གཞོན་ནུ་བསོད་ནམས་མཆོག་ལ་ཚིགས་སུ་བཅད་པ་དག་གིས་སྨྲས་པ། ཁང་བཟང་ཆོས་དང་ཆོས་བཟང་བྱེད་དུ་བཅུག་།དེ་བཞིན་ལྷ་ཡི་བུ་མོ་འདྲ་བས་གང ། །ཤིང་ལྗོན་སྣ་ཚོགས་སྐྱེད་མོས་ཚལ་མཛེས་ན། །ཅི་ཕྱིར་གཞོན་ནུ་ཁྱིམ་དེར་དགའ་མི་བྱེད། །ཁང་བཟང་དང་ནི་ཤིང་ཐགས་དམ་པོ་བཙུགས། །རྒྱལ་སྲིད་ཀུན་ལ་གྲོང་ཁྱེར་འདི་བྱེད་བཅུག་།འདིར་ནི་འཛམ་གླིང་འདི་ཀུན་སྣང་འགྱུར་ན། །ཅི་ཕྱིར་གཞོན་ནུར་ཁྱིམ་དེར་དགའ་མི་བྱེད། ། དེ་རིང་ཁྱོད་ལ་སུ་ཡིས་མི་དགའ་སྨྲས། །ཁྱོད་ལ་མི་སྙན་དེ་འདྲ་ག་ལས་བྱུང ། །ཚོང་པ་ནོར་རྙེད་ཆེན་པོ་ཆུད་ཟོས་བཞིན། །ཅི་ཕྱིར་འདི་ན་ཁྱོད་ནི་གཅིག་པུ་སེམས། །ང་ནི་ཕ་
193b
ཡིན་འདི་ཡང་མ་ཡིན་གྱི། །གང་དེ་དྲིས་པ་ངེད་ལ་སྨྲ་བར་གྱིས། །འཛམ་གླིང་དབང་ཕྱུག་ད་ལྟ་ང་ཡིན་ན། །དེང་འདིར་ནི་ཆད་པ་ཆེན་པོ་སུ་ལ་གཅད། །ཤཱ་རདྭ་ཏིའི་བུ། དེ་ནས་རྒྱལ་པོའི་གཞོན་ནུ་བསོད་ནམས་མཆོག་གིས་ཕ་མ་ལ་ཚིགས་སུ་བཅད་པ་དག་གིས་སླར་སྨྲས་པ། བདག་ལ་སུས་ཀྱང་མི་སྙན་སྨྲས་མ་མཆིས། །ཚིག་མ་མཆིས་པས་ཇི་ལྟར་བརྗོད་པར་བགྱི། །སུ་ལའང་ཁྱེད་ཀྱིས་ཆད་པ་མི་གཅད་གསོལ། །རང་གི་སེམས་ལ་ཆད་པ་གཅོད་པར་མཛོད། །ཆུ་ཡི་ནང་འདིར་བདག་ནི་སྤྱོད་པ་ན། །བདག་གིས་འདྲེན་པ་ཡི་ནི་སྐུ་མཐོང་སྟེ། །འཛམ་གླིང་གསེར་གྱི་འོད་ཟེར་བྱེ་སྟོང་ལྡན། །ཕྱོགས་ཉིད་ཀུན་ཏུ་སྣང་ཞིང་རྣམ་པར་མཛེས། །ས་ཡི་འོད་དང་དེ་བཞིན་མེ་ཡི་འོད། །ཟླ་བའི་འོད་དང་དེ་བཞིན་ཉི་མའི་འོད།། དེ་ཡི་གན་ན་ཐམས་ཅད་མི་གདའ་སྟེ། །དེ་འདྲའི་སྐུ་དེ་མཐོང་བར་གྱུར་ཏེ་ཡབ། །བདག་སེམས་ཡེ་ཤེས་གཟུགས་ཀྱིས་ཇི་ལྟ་བུར། །སྐུ་དེ་དེ་འདྲར་བདག་ཀྱང་གྱུར་ཅིག་སྙམ། ། རྒ་ནད་གཟིར་བའི་སེམས་ཅན་ཐར་པར་བགྱི། །ཉོན་མོངས་སེམས་ལྡན་བདེ་དང་ལྡན་པར་བགྱི། །ཡེ་ཤེས་གཟུགས་དང་སྟོབས་དང་མཐུ་དང་ནི། །བསམ་མི་ཁྱབ་པས་སྐུ་དེ་ཇི་ལྟ་བར། །མི་རྣམས་ཀྱི་ནི་རྒྱ་ཆེན་དོན་བགྱི་ཞིང ། །ངན་འགྲོར་གནས་པའི་སྐྱེ་བོ་གདོན་པར་བགྱི། །བདག་ནི་རྩེས་པས་འཚལ་ཏོ་དགའ་བས་འཚལ། །ཁྱིམ་དང་བུད་མེད་
194a
༄#། །དག་གིས་འཚལ་ལགས་སོ། །བདག་གིས་ཀུན་སྤངས་རབ་ཏུ་འབྱུང་བར་བགྱི། །སངས་རྒྱས་རྣམས་ཀྱིས་བསླབ་ནས་སངས་རྒྱས་བགྱི། །ངུར་སྨྲིག་གི་ནི་གོས་ཀྱང་བགོས་ནས་སུ། །རབ་ཏུ་བྱུང་ནས་བདག་གིས་ཆོས་སྤྱད་དོ། །ཡབ་ཅིག་ཁྱོད་ཀྱང་འདིར་ནི་རབ་བྱུང་ནས། །རྒྱལ་སྲིད་སྤངས་ཏེ་ཆོས་ལ་སྤྱོད་པར་མཛོད། །རྟག་ཏུ་བདག་གིས་ཆོས་ནི་བཙལ་བར་བགྱི། །རྟག་ཏུ་བདག་གིས་ཚུལ་བཞིན་ཆོས་སྤྱད་དོ། །འདོད་པ་བསྟེན་པས་བདེ་ལེགས་འགྱུར་མ་ལགས། །དཀར་པོ་ཐམས་ཅད་ཉམས་པར་འགྱུར་བ་ལགས། །ཡབ་ཅིག་འདོད་འཆིང་འདི་ནི་དམ་པོ་ལགས། །དེ་སླད་ཁྱོད་ནི་བཅིངས་ལས་ཐར་མི་འགྱུར། །འདོད་པ་སྤང་མཛོད་དགོན་པར་གནས་པར་མཛོད། །དེ་ལས་སངས་རྒྱས་ཡེ་ཤེས་ཐོབ་པར་འགྱུར། །སངས་རྒྱས་བསྟན་པ་འདི་ལ་མངོན་བྱུང་བ། །བདག་ལ་དེ་རིང་བར་ཆད་སུ་བགྱིད་པ། །དེ་ལ་ནམ་དུའང་བདེ་ལེགས་མི་འགྱུར་ཡབ། །བསོད་ནམས་མ་ལགས་མང་པོ་ཐོབ་པར་འགྱུར། །བདག་ཅག་ཁྱོད་ལ་སྨན་སླད་བདག་གིས་བརྗོད། །ཁྱོད་ལ་རྒྱལ་སྲིད་ཅི་བགྱི་སྲས་ཅི་བགྱི། །རྒྱལ་སྲིད་མི་རྟག་ལོངས་སྤྱོད་རྟག་མ་ལགས། །ཁྱོད་དང་རིང་པོར་མི་ཐོགས་འབྲལ་བར་འགྱུར། །གང་ལས་ཆོས་དཀར་མང་པོ་ད་འཐོབ་པའི། །ཆོས་ནི་གལ་ཏེ་མ་བགྱིས་གྱུར་ན་ཡབ། །
194b
འཁོར་བའི་འཁོར་ལོ་རྗེས་སུ་འཇུག་པ་ཡིས། །ཡང་དང་ཡང་དུ་སྐྱེ་རྒ་ཉེ་བར་འབྱུང ། །དེ་ན་བུ་ནི་ནམ་ཡང་མ་མཆིས་ཏེ། །ཆོས་རྣམས་དེ་དག་ཐམས་ཅད་སྟོང་པའོ་ཡབ། །སྟོང་པའི་ཆོས་རྣམས་དེ་དག་མི་རྟོག་པ། །དེ་དག་མིང་དང་གཟུགས་ལ་དམ་པོར་གནས། །བུ་ལ་སྲེད་ཕྱིར་སྡིག་པ་མ་མཛད་ཅིག་།སངས་རྒྱས་བསྟན་འདིར་ཡོངས་སུ་རབ་ཏུ་འབྱུང ། །དལ་བ་ཕུན་ཚོགས་བདག་གིས་ཡུན་རིང་རྙེད། །ཡབ་ཅིག་ཁྱོད་ཀྱང་མྱུར་དུ་རབ་ཏུ་བྱུང ། །མི་ཡི་ལུས་འདི་རབ་ཏུ་རྙེད་པར་གྱུར། །བདེ་བའི་དབང་ཕྱུག་སངས་རྒྱས་འབྱུང་བར་གྱུར། །བདག་གིས་དད་པ་རིང་ནས་དེ་རིང་རྙེད། །ཀྱེ་མ་ཡབ་ཅིག་ཚུར་སྤྱོན་མངོན་པར་འབྱུང ། །དེ་ལྟར་དེ་སྐད་ཅེས་སྨྲས་ནས་རྒྱལ་པོའི་གཞོན་ནུ་བསོད་ནམས་མཆོག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་ལན་གསུམ་བསྐོར་བ་བྱས་ནས་སྤྱན་སྔར་འདུག་སྟེ། ཐལ་མོ་སྦྱར་ནས་ཚིགས་སུ་བཅད་དེ་གསོལ་པ། བདག་ནི་བདུད་ཀྱི་ཞགས་པར་སྐྱེས་ལགས་ཏེ། །བདག་ནི་བདུད་ཀྱི་སྤྱོད་ཡུལ་འཕེལ་ལགས་སོ། །བདག་ནི་བདུད་ཀྱི་ཞགས་པ་ཀུན་བཅད་དེ། །མགོན་པོ་ཁྱོད་ལ་རབ་ཏུ་འབྱུང་བར་གསོལ། །མགོན་པོ་བདག་བཅིང་བ་ཡིས་བཅིངས་པ་དམ། །འཇིགས་པ་ཆེན་པོས་
195a
༄#། །བཅིངས་ན་གཟིགས་སུ་གསོལ། །འདི་ལ་བདེ་བའི་རོ་མྱང་མ་མཆིས་ཏེ། །འདོད་པ་སྡུག་བསྔལ་ཀུན་གྱི་རྩ་བ་ལགས། །བཅིང་བ་དེ་དག་བཅད་དེ་འདིར་བདག་མཆིས། །དེ་ཚེ་བདུད་ཀྱི་བཅིང་བ་ཀུན་སྤངས་ནས། །སངས་རྒྱས་བསྟན་འདིར་རབ་ཏུ་འབྱུང་བར་འཚལ། །རྐང་གཉིས་རྣམས་ཀྱི་དམ་པ་སངས་རྒྱས་བགྱི། །ཤཱ་རདྭ་ཏིའི་བུ།་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བདེ་བའི་རྒྱལ་པོས་རྒྱལ་པོའི་གཞོན་ནུ་བསོད་ནམས་མཆོག་རབ་ཏུ་བྱུང་ངོ ། ། དེ་རབ་ཏུ་བྱུང་བར་རིག་ནས་རྒྱལ་པོའི་གཞོན་ནུ་བསོད་ནམས་མཆོག་གི་རྗེས་སུ་སློབ་པ་སྲོག་ཆགས་དཀྲིགས་ཕྲག་བརྒྱད་རྗེས་སུ་རབ་ཏུ་བྱུང་ངོ ། །དེ་དག་རབ་ཏུ་བྱུང་བར་རིག་ནས་རྒྱལ་པོའི་གཞོན་ནུ་བསོད་ནམས་མཆོག་གི་སླས་ཀྱང་རྗེས་སུ་རབ་ཏུ་བྱུང་ངོ ། །དེ་རབ་ཏུ་བྱུང་བར་རིག་ནས་རྒྱལ་པོའི་གཞོན་ནུ་བསོད་ནམས་མཆོག་གི་གྲོགས་པོ་བྱེ་བ་ཕྲག་བརྒྱ་རྗེས་སུ་རབ་ཏུ་བྱུང་ངོ ། །ཤཱ་རདྭ་ཏིའི་བུ། དེ་ནས་རྒྱལ་པོ་དཔས་བྱིན་གྱིས་བུ་དེ་རབ་ཏུ་བྱུང་བར་རིག་ནས་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་དེ་བཞིན་གཤེགས་པ་བདེ་བའི་རྒྱལ་པོ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ། ཐལ་མོ་སྦྱར་ནས་ཚིགས་སུ་བཅད་པ་འདི་དག་
195b
གསོལ་ཏོ། །ཆོས་འདི་གནོད་པ་མེད་ཅིང་རིམས་ནད་མེད། །རང་བཞིན་རབ་ཞི་ཐེར་ཟུག་འཆི་མེད་ཞི། །རབ་བྱུང་བདེ་བ་ཀུན་གྱི་རྩ་བ་ལགས། །སྐྱབས་མཆིས་སངས་རྒྱས་བསྟན་ལ་རབ་ཏུ་འབྱུང ། །བདག་གིས་རྒྱལ་སྲིད་དེ་བཞིན་ལོངས་སྤྱོད་དང ། །ཆུང་མ་སྡུག་དང་ལོངས་སྤྱོད་གཉེན་རྣམས་བཏང ། །འདོད་པའི་ལོངས་སྤྱོད་དག་ལ་ཆོག་མ་མཆིས། ། ངན་པའི་ཆོས་ལ་རྟག་པའི་དུས་མ་མཆིས། །བདག་གིས་ལོངས་སྤྱོད་སྣ་ཚོགས་ཡིད་མཆི་སྤྱད། །དེ་ནི་བྱིས་པ་བློ་ཆུང་སྤྱོད་ཡུལ་ཏེ། །རྒྱལ་བས་བསྔགས་པའི་ཆོས་དེ་སྤྱད་བགྱིས་ན། །སྡུག་བསྔལ་ཀུན་གྱི་མཐའ་མར་བགྱིད་པར་འགྱུར། །དགེ་སློང་དག་འདུན་ཐབས་ཅིག་ལོངས་སྤྱད་དུ། །བདག་གིས་རྒྱལ་བའི་ཐད་དུ་རྒྱལ་སྲིད་བཏང ། །རབ་ཏུ་འབྱུང་བར་གསོལ་ཞིང་ཀུན་ཏུ་སྤྱད། །རྐང་གཉིས་རྣམས་ཀྱི་དམ་པ་སངས་རྒྱས་བགྱི། །མི་རྣམས་ཀྱི་ནི་རྒྱ་ཆེན་དོན་བགྱི་ཞིང ། །སྡུག་བསྔལ་མང་པོས་གཟིར་བའི་སེམས་ཅན་དགྲོལ། ། མི་ཁོམ་རྒྱ་ཆེན་རྣམ་པར་སྤངས་ནས་སུ། །བདག་གིས་ཁོམ་དང་མྱ་ངན་འདས་ཞི་ཐོབ། །དེ་ལ་བདེ་བའི་རྒྱལ་པོས་ཆེད་བརྗོད་བརྗོད། །ལེགས་སོ་རྒྱལ་པོ་ཆེན་པོ་རྒྱལ་ཆེན་སེམས།། ནམ་ཞིག་སངས་རྒྱས་ཡེ་ཤེས་ཁྱོད་འདོད་ན། །མྱུར་དུ་ཚུར་ཤོག་ལེགས་འོངས་མྱུར་རབ་བྱུང ། །དེ་ཚེ་རྒྱལ་པོས་ཐོས་ནས་སེམས་མགུ་སྟེ། །རྒྱལ་བའི་བསྟན་ལ་རབ་བྱུང་འཐོབ་
196a
༄#། །བྱ་ཞིང ། །རྐང་གཉིས་གཙོ་བོའི་སངས་རྒྱས་འགྱུར་བར་བྱ། །དེ་ཚེ་བདེ་བའི་རྒྱལ་པོས་བདག་དབུགས་འབྱིན། །རྒྱལ་བ་དེ་ཡིས་བསྟན་ལ་དེ་རབ་བྱུང ། །དེ་ཚེ་ཡན་ལག་བཞི་པའི་དམག་གིས་བསྐོར། །དེ་ཚེ་ཐེག་པ་མཆོག་ལ་ཐམས་ཅད་ཞུགས། །རྐང་གཉིས་རྣམས་ཀྱི་དམ་པ་སངས་རྒྱས་འགྱུར། །དེ་ཚེ་སངས་རྒྱས་བསྟན་ལ་དེ་རབ་བྱུང ། །ཆོས་སྤྱད་ནས་ནི་བཟོད་པའང་བསྐྱེད་པར་གྱུར། །ཚེ་ཟད་ནས་ནི་འཆི་བའི་དུས་བྱས་ཏེ། །དེ་དག་ཐམས་ཅད་མཐོ་རིས་འཇིག་རྟེན་སྐྱེས། །བདེ་གཤེགས་གྲགས་ཆེན་བྱེ་ཕྲག་ཉི་ཤུ་ཡི། །འདྲེན་པའི་སངས་རྒྱས་དེ་ཡི་སྐབས་སུ་བྱུང ། །ཐམས་ཅད་དེ་དག་ཀུན་གྱིས་མཉེས་པར་བྱས། །བསྟན་པ་ཀུན་ལའང་ཆོས་ནི་སྤྱད་པར་གྱུར། །རྟག་པར་རྒྱུན་དུ་བརྩོན་འགྲུས་བརྩམས་པར་གྱུར། །ཤེས་རབ་སྟོབས་དང་ལྡན་པས་མི་འཇིགས་པ། །མི་རྣམས་ཀྱི་ནི་རྒྱ་ཆེན་དོན་བྱས་ཤིང ། །དེ་དག་གིས་ནི་སྲོག་ཆགས་བྱེ་སྟོང་བཀྲོལ། །བདེ་བར་གཤེགས་པས་ཆོས་བརྗོད་བཟུང་ནས་སུ། །དེ་དག་འདྲེན་པའི་རྒྱལ་བ་རྣམས་སུ་བྱུང ། །དེ་དག་གིས་ནི་བསྟན་པ་རྒྱས་པར་མཛད། །ལུས་རྣམས་བཏང་ཞིང་དེ་བཞིན་སྲོག་ཀྱང་བཏང ། །ཐེག་པ་མཆོག་ལ་སུ་ཞིག་འཇུག་མི་བྱེད། །དེ་ཡི་རྣམ་པར་སྨིན་པ་བླ་མེད་ཡིན། །ཡེ་ཤེས་བླ་ན་མེད་པ་མཆོག་ཐོབ་འགྱུར། །
196b
ཞི་བ་མྱ་ངན་མེད་པའི་བྱང་ཆུབ་རིག་།ཤཱ་རདྭ་ཏིའི་བུ། དེའི་ཚེ་དེའི་དུས་ན་རྒྱལ་པོ་དཔས་བྱིན་ཞེས་བྱ་བ་ཆོས་དང་ལྡན་པ་ཆོས་ཀྱི་རྒྱལ་པོ་གང་གིས་བཅོམ་ལྡན་འདས་དེ་བཞིན་གཤེགས་པ་བདེ་བའི་རྒྱལ་པོ་དེ་ལ་ལོངས་སྤྱོད་དུ་རྒྱལ་སྲིད་ཕུལ་ཞིང་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉིའམ་ཡིད་གཉིས་ཟ་བར་གྱུར་ན།་ཤཱ་རདྭ་ཏིའི་བུ། ཁྱོད་ཀྱིས་དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། ང་ནི། དེའི་ཚེ་དེའི་དུས་ན་རྒྱལ་པོ་དཔས་བྱིན་ཞེས་བྱ་བ་དེར་གྱུར་ཏོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་རྒྱལ་པོའི་གཞོན་ནུ་བསོད་ནམས་མཆོག་ཅེས་བྱ་བ་རབ་ཏུ་བྱུང་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉིའམ་ཡིད་གཉིས་ཟ་བར་གྱུར་ན། དེ་ལྟར་བལྟ་བར་མི་བྱ་སྟེ། ཤཱ་རདྭ་ཏིའི་བུ། དེའི་ཚེ་དེའི་དུས་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་བློ་གྲོས་འདི་ནི། རྒྱལ་པོའི་གཞོན་ནུ་བསོད་ནམས་མཆོག་ཅེས་བྱ་བར་གྱུར་ཏོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་ཉིད་ནི། སྡུག་བསྔལ་གྱིས་གཟིར་བའི་སེམས་ཅན་དག་མཐོང་ན་སྙིང་རྗེ་ཆེན་པོ་སྐྱེད་པར་བྱེད་པའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་ནི། ཆོས་ཟབ་མོ་ལ་མངོན་བར་བརྩོན་པ་ཡིན། ཆོས་ཟབ་མོ་ཁོ་ན་ཡོངས་སུ་ཚོལ་བ་ཡིན། ཆོས་
197a
༄#། །ཟབ་མོ་ཁོ་ན་ཡང་དག་པར་རབ་ཏུ་སྟོན་པར་བྱེད་པ་ཡིན་ནོ། །ཤཱ་རདྭ་ཏིའི་བུ། གང་ལ་བརྟན་པ་རྣམས་འགྲོ་བའི་ཆོས་ཟབ་མོ་དེ་དག་ནི། གང་ཡིན། ཤཱ་རདྭ་ཏིའི་བུ། བརྟན་པ་དེ་དག་ནི། གང་ཡིན་ཞེ་ན། ཤཱ་རདྭ་ཏིའི་བུ། བྱང་ཆུབ་སེམས་དཔའ་དག་ནི། བརྟན་བཞེས་བྱ་སྟེ། དེ་དག་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སྐྱོ་བར་མི་འགྱུར་ཞིང་སྒྱིད་ལུག་པར་མི་འགྱུར་རོ། །ཤཱ་རདྭ་ཏིའི་བུ། དེ་དག་ནི། བརྟན་པ་དག་ཅེས་བྱ་སྟེ། དེ་དག་ནི། ཆོས་རྣམས་འཛིན་པའོ། །ཆོས་གང་དག་འཛིན་ཅེ་ན། མིག་གིས་ཆོས་འཛིན་པར་བྱེད་དོ། །ཤཱ་རདྭ་ཏིའི་བུ། དེ་ལ་གང་མིག་འཛིན་པ་དེ་ནི། ཆོས་མ་ཡིན་ཏེ། དེ་ནི། གཟུང་དུ་མེད་པའོ། །ཤཱ་རདྭ་ཏིའི་བུ། ཆོས་ཀྱང་གང་ཞེ་ན། རང་བཞིན་གྱིས་ནང་ཡང་མེད། ཕྱི་རོལ་ཡང་མེད། བདག་ཀྱང་མེད། བདག་གིའང་མེད། ཀུན་ནས་ཉོན་མོངས་པའང་མེད། རྣམ་པར་བྱང་བའང་མེད་པའོ་རྣ་བ་དང ། སྣ་དང ། ལྕེ་དང ། ལུས་དང ། ཡིད་ཀྱི་ཆོས་འཛིན་ཏེ། དེ་ལ་ཆོས་གང་ཡིན་པ་དེ་ནི། ཡིད་མ་ཡིན་ནོ། །ཤཱ་རདྭ་ཏིའི་བུ། ཆོས་ཞེས་བྱ་བ་ནི། གང་བདག་མེད་པ་དང ། བདག་གི་མེད་པ་དང ། ཕྱི་རོལ་མེད་པ་དང ། ནང་མེད་པ་དང ། ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། སྐྱེ་བ་མེད་པ་དང ། འགག་
197b
པ་མེད་པའོ། །ཤཱ་རདྭ་ཏིའི་བུ། དེ་ཅིའི་ཕྱིར་ཞེ་ན། རང་བཞིན་དེ་ཡིན་པའི་ཕྱིར་ཏེ། རང་བཞིན་གང་ཡིན་པ་དེ་ནི། བྱས་པ་མེད་ཅིང་འགྱུར་བ་མེད་པས། དེས་ན་ཡིད་ནི། ཆོས་ཞེས་བྱའོ། །ཤཱ་རདྭ་ཏིའི་བུ། ཅིའི་ཕྱིར་འཛིན་པ་ཞེས་བྱ་ཞེ་ན། སྟོང་པ་ཉིད་འཛིན་པར་བྱེད། མཚན་མ་མེད་པ་དང ། སྨོན་པ་མེད་པ་འཛིན་པར་བྱེད། མི་དམིགས་པ་སྨོན་པ་མེད་པར་འཛིན་པར་བྱེད་པ་སྟེ། མི་དམིགས་པ་ནི། སྨོན་པ་མེད་པའོ། །ཤཱ་རདྭ་ཏིའི་བུ། གཞན་ཡང་ཆོས་གང་དག་ཡིན་པ་དེ་དག་ནི། བསལ་བའང་མེད། གཞག་པའང་མེད་པའོ།། གང་ལ་བསལ་བའང་མེད། གཞག་པའང་མེད་པ་འདི་ནི། ཆོས་རྣམས་ཀྱི་འཛིན་པ་ཞེས་བྱ་སྟེ། དེས་ན། བྱང་ཆུབ་སེམས་དཔའ་ཞེས་བྱའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་ཞེས་བྱ་བ་ནི། ཤཱ་རདྭ་ཏིའི་བུ། སངས་རྒྱས་རྣམས་དང་ཉེ་བའི་སེམས་དཔའ་ཡིན་པས་དེས་ན། བྱང་ཆུབ་སེམས་དཔའ་ཞེས་བྱའོ། །བྱང་ཆུབ་མེད་པའི་ཕྱིར་བྱང་ཆུབ་སེམས་དཔའ་ཞེས་བྱའོ། །ཡང་སེམས་དཔའ་དེ་སེམས་ཅན་མེད་པ་ཉིད་ཀྱིས་བྱང་ཆུབ་ལ་འཇུག་པར་བྱེད་པས་དེས་ན། བྱང་ཆུབ་སེམས་དཔའ་ཞེས་བྱའོ། །ཤཱ་རདྭ་ཏིའི་བུ། ཡང་གལ་ཏེ་བྱང་ཆུབ་སེམས་དཔའ་བསྟན་ན་ནི། དེ་འདི་ལྟར་བསྟན་པ་བྱས་པར་འགྱུར་ཏེ། དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བསྟན་པ་མེད་པ་ནི། བྱང་ཆུབ་སེམས་དཔའ་ཡིན་པའི་
198a
༄#། །ཕྱིར་རོ། །གང་གིས་བསྟན་དུ་མེད་ཅེ་ན། གང་གིས་ཀྱང་བསྟན་དུ་མེད་པས་དེས་ན། བསྟན་པ་ཞེས་བྱའོ། །ཤཱ་རདྭ་ཏིའི་བུ། དགའ་བ་དང་ལྡན་པ་དེ་དག་ནི། གཉིས་སུ་མེད་པ་ལ་མོས་པ་སྟེ། དེ་དག་ནི། ཆོས་སུ་སྨྲ་བའང་མ་ཡིན། ཆོས་མ་ཡིན་པར་སྨྲ་བའང་མ་ཡིན་པས་དེས་ན། བྱང་ཆུབ་སེམས་དཔའ་དག་ཅེས་བྱའོ། །ཤཱ་རདྭ་ཏིའི་བུ།་གཞན་ཡང་བྱང་ཆུབ་ཅེས་བྱ་བ་ནི། སྟོང་པ་ཉིད་གང་ཡིན་པ་དེ་ནི། བྱང་ཆུབ་བོ། །ཤཱ་རདྭ་ཏིའི་བུ། སྟོང་པ་ཉིད་ཅེས་བྱ་བ་ཅིས་སྟོང་པ་ཞེ་ན། ཆོས་ཐམས་ཅད་ཀྱིས་སྟོང་ངོ ། །ཤཱ་རདྭ་ཏིའི་བུ། ཆོས་སུ་འདུ་ཤེས་ནའང་འདུ་ཤེས་སུ་འཛིན་པ་ཉིད་དུ་འགྱུར། བདག་ཏུ་འཛིན་པ་ཉིད་དུ་འགྱུར། སེམས་ཅན་དུ་འཛིན་པ་དང ། སྲོག་ཏུ་འཛིན་པ་དང ། གང་ཟག་ཏུ་འཛིན་པ་དང ། འཛིན་པ་ཐམས་ཅད་ཀྱི་འཛིན་པར་འགྱུར་བ་དེས་ན། འདུ་ཤེས་སུ་འཛིན་པ་ཞེས་བྱའོ། །དེ་ལ་དེ་མེད་པས་དེས་ན། སྟོང་པ་ཉིད་ཅེས་བྱ་སྟེ།་སྟོང་པ་ཉིད་གང་ཡིན་པ་དེ་ནི། བྱང་ཆུབ་བོ། །ཤཱ་རདྭ་ཏིའི་བུ། གཞན་ཡང་ཆོས་ཐམས་ཅད་ནི། བྱང་ཆུབ་སྟེ། དེ་བཞིན་དུ་མངོན་པར་རྫོགས་པར་སངས་རྒྱས་པ་ཡིན་གྱི།་མཐུན་པར་བྱོས་ལ་མི་མཐུན་པར་མ་བྱེད་ཅིག་།དེ་ཅིའི་ཕྱིར་ཞེ་ན། བྱང་ཆུབ་ནི། ཟབ་པའི་ཕྱིར་ཏེ། གང་ལ་བྱིས་བ་སོ་སོའི་སྐྱེ་བོ་ཐམས་ཅད་འགྲོ་བ་མེད་པ་དེ་ཙམ་
198b
དུ་ཟབ་བོ། །ཤཱ་རདྭ་ཏིའི་བུ། བྱིས་པ་དག་ལྟ་ཞོག་གི་།ཤཱ་རདྭ་ཏིའི་བུ། དགྲ་བཅོམ་པ་དང ། རང་སངས་རྒྱས་རྣམས་ཀྱང་ཟད་པ་ཤེས་པ་ལ་རྣམ་པར་ལྟ་བར་བྱེད་ཅིང ། མི་སྐྱེ་བ་ཤེས་པ་ལ་རྣམ་པར་ལྟ་བར་བྱེད་ལ། མི་སྐྱེ་བ་ཤེས་པ་མངོན་དུ་བྱེད་ཀྱང་དེ་ལ་འགྲོ་བ་མེད་དོ། །གང་ཟད་པར་བྱ་བའི་ཕྱིར་ཟད་པ་ཤེས་པ་ཞེས་བྱ་ཞེ་ན། ཆོས་གང་ཡང་ཟད་པར་བྱ་བའི་ཕྱིར་ཟད་པ་ཤེས་པ་མ་ཡིན་ནོ། །གཞན་ཡང་ཆོས་ཐམས་ཅད་ཀྱི་ཟད་པ་ཉིད་པས་དེས་ན། ཟད་པ་ཤེས་པ་ཞེས་བྱའོ། །ཤེས་པ་དེ་འཕགས་པ་རྣམས་ཀྱི་ཡིན་པས་དེས་ན།་ཟད་པ་ཤེས་པ་ཞེས་བྱའོ། །འདི་སྙེད་ཟད་དོ། །ཞེས་ཤེས་པ་དེ་ལྟ་བུ་མེད་པ་དང ། དེ་ལྟར་ཟད་དོ། །ཞེས་ཤེས་པ་དེ་ལྟ་བུ་མེད་པ་དང ། འདི་ཕན་ཆད་ཟད་དོ། །ཞེས་ཤེས་པ་དེ་ལྟ་བུ་མེད་པས་དེས་ན། ཟད་པ་ཤེས་པ་ཞེས་བྱའོ། །དེས་ན་ཉན་ཐོས་དང ། རང་སངས་རྒྱས་རྣམས་ཀྱང་བྱང་ཆུབ་ཏུ་འགྲོ་བ་མེད་ཅེས་བྱའོ། །ཤཱ་རདྭ་ཏིའི་བུ། མི་སྐྱེ་བ་ཞེས་ཅིའི་ཕྱིར་བྱ་ཞེ་ན། ཤཱ་རདྭ་ཏིའི་བུ། དེ་ལ་ཕྲ་རབ་ཙམ་ཡང་སྐྱེ་བ་མེད་པས་དེས་ན། མི་སྐྱེ་བ་ཞེས་བྱའོ། །ཤཱ་རདྭ་ཏིའི་བུ། དེ་ལ་ཤེས་པ་གང་ཡིན་པ་འདི་ནི། མི་སྐྱེ་བ་ཤེས་པ་ཞེས་བྱའོ། །ཉན་ཐོས་རྣམས་ལ་འདི་ནས་མི་སྐྱེ་བ་དེའོ་ཞེས་ཤེས་པ་དེ་མེད་པ་དང ། ཉན་ཐོས་རྣམས་ལ་འདི་ཕན་ཆད་མི་སྐྱེའོ་ཞེས་ཤེས་པ་དེ་མེད་པས་དེས་
199a
༄#། །ན།་སངས་རྒྱས་རྣམས་ཀྱི་ཡེ་ཤེས་མཐའ་ཡས་པ་ཞེས་བྱའོ། །ཅིའི་ཕྱིར་སངས་རྒྱས་ཀྱི་ཡེ་ཤེས་མཐའ་ཡས་པ་ཞེ་ན། ཡེ་ཤེས་དེ་མཉམ་པ་མེད་ཅིང་མཐའ་མེད་པས་དེས་ན། སངས་རྒྱས་ཀྱི་ཡེ་ཤེས་དེ་མཐའ་ཡས་པ་ཞེས་བྱའོ། །ཡེ་ཤེས་དེ་ཡུལ་མེད་པ་ཡིན་པས་དེས་ན། སངས་རྒྱས་ཀྱི་ཡེ་ཤེས་ཞེས་བྱའོ། །ཤཱ་རདྭ་ཏིའི་བུ།་སངས་རྒྱས་ཀྱི་ཡེ་ཤེས་ཞེས་བྱ་བ་ཇི་སྐད་དུ་བསྟན་པ་ཡིན་ཞེ་ན། ཡེ་ཤེས་དེ་སངས་རྒྱས་པ་ཡིན་པས་དེས་ན། སངས་རྒྱས་ཀྱི་ཡེ་ཤེས་ཞེས་བྱའོ། །ཡེ་ཤེས་དེ་བཙལ་བ་ཡིན་པས་དེས་ན། སངས་རྒྱས་ཀྱི་ཡེ་ཤེས་ཞེས་བྱའོ། །ཤཱ་རདྭ་ཏིའི་བུ། སངས་རྒྱས་ཞེས་བྱ་བ་ཇི་སྐད་དུ་བསྟན་པ་ཡིན་ཞེ་ན། ཤཱ་རདྭ་ཏིའི་བུ། སེམས་ཅན་འདི་དག་ནི། འགྱུར་བ་ཡིན། ཤཱ་རདྭ་ཏིའི་བུ། སེམས་ཅན་འདི་དག་ནི། གནས་འདི་ནས་ཀུན་ཏུ་རྒྱུག་པ་ཡིན། ཁོང་དུ་མ་ཆུད་པ་ཡིན་ཏེ། ཤཱ་རདྭ་ཏིའི་བུ། དེས་ནི།་ཆོས་ཐམས་ཅད་སངས་རྒྱས་པས་དེས་ན། སངས་རྒྱས་ཞེས་བྱའོ། །ཇི་ལྟར་ཆོས་ཐམས་ཅད་སངས་རྒྱས་ཤེ་ན། ཇི་ལྟར་ཆོས་དེ་དག་མེད་པ་དང ། ཆོས་མ་ཡིན་པ་མེད་པ་དང ། དེ་དག་ཀུན་ནས་ཉོན་མོངས་པ་མེད་པ་དང ། རྣམ་པར་བྱང་བ་མེད་པ་དང ། དེ་དག་འདས་པ་མེད་པ་དང ། མ་འོངས་པ་མེད་པ་དང ། ད་ལྟར་བྱུང་བ་མེད་པ་
199b
དེ་ལྟར་སངས་རྒྱས་སོ། །ཇི་ལྟར་གང་ཡང་སྐྱེ་བའམ། འཇུག་པའམ། ཟད་པའམ། འོང་བའམ། འགྲོ་བའམ། ཀུན་ནས་ཉོན་མོངས་པའམ། རྣམ་པར་བྱང་བའམ། འགག་པ་མེད་པ་དེ་ལྟར་སངས་རྒྱས་སོ། །ཤཱ་རདྭ་ཏིའི་བུ། གཞན་ཡང་མཐའ་ཡས་ཤིང་དཔག་ཏུ་མེད་ལ་གཏིང་དཔག་དཀའ་ཞིང་ཁོང་དུ་ཆུད་པར་དཀའ་བས་སངས་རྒྱས་ཏེ། ཤཱ་རདྭ་ཏིའི་བུ།་འདི་ལྟ་སྟེ། དཔེར་ན། རྒྱ་མཚོ་ཆེན་པོ་ནི། རོ་གཅིག་པ་དང ། བྲི་བ་དང ། གང་བ་མེད་པ་དང ། ཟབ་པ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་དེ་བཞིན་གཤེགས་པའི་རྒྱ་མཚོའི་འདི་ལྟ་སྟེ། རྣམ་པར་གྲོལ་བའི་རོ་དང ། སྐྱེ་བ་མེད་པའི་རོ་དང ། ཟད་པ་མེད་པའི་རོར་རོ་གཅིག་ཅིང ། ཆོས་ཟབ་མོ་སྟོན་པའི་ཕྱིར་རིམ་གྱིས་ཆོས་སྟོན་པ་ལ་གཞོལ་བ་དང ། ཐེ་ཚོམ་ཐམས་ཅད་གཅོད་པའི་ཕྱིར་ཞུ་བའི་ཆུ་ཐམས་ཅད་ལེན་པ་དང ། ཆོས་ཐམས་ཅད་མི་བརྗེད་པའི་ཕྱིར་བྲི་བ་མེད་པ་དང ། ཆོས་གནས་པ་ཉིད་ཀྱི་ཕྱིར་གང་བ་མེད་པའོ།། ཤཱ་རདྭ་ཏིའི་བུ། གཞན་ཡང་གལ་ཏེ་སངས་རྒྱས་བསྟན་པར་གྱུར་ན་འདི་ལ་སུ་ཞིག་ཡིད་ཆེས་བར་བྱེད་དེ། ཤཱ་རདྭ་ཏིའི་བུ། འདི་ལྟ་སྟེ། དཔེར་ན། ཀླུའི་རྒྱལ་པོ་ཆེན་པོ་རྒྱ་མཚོ་ནི།་ཆར་འབེབས་པ་ན་འདི་ལྟ་སྟེ། རྒྱ་ཆེན་པོར་རང་གི་གནས་ཁོ་ནར་ཆར་འབེབས་པར་བྱེད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། གང་ཀླུའི་རྒྱལ་པོ་རྒྱ་མཚོའི་ཆུའི་རྒྱུན་བཟོད་
200a
༄#། །པར་ནུས་པའི་སའི་ཕྱོགས་དེ་གང་ཡང་མེད་པའི་ཕྱིར་ཏེ། དེ་བཞིན་གཤེགས་པས་བྱིན་གྱིས་བརླབས་པ་ནི། མ་གཏོགས་སོ། །ཤཱ་རདྭ་ཏིའི་བུ། དེ་བཞིན་དུ་གལ་ཏེ་དེ་བཞིན་གཤེགས་པ་དེ་བཞིན་གཤེགས་པའི་ཆོས་ཉིད་སྟོན་ཅིང ། སངས་རྒྱས་ཀྱི་ཡེ་ཤེས་ཀྱི་མཚན་ཉིད་གསུང་ཡང ། ཤཱ་རདྭ་ཏིའི་བུ། བྱང་ཆུབ་སེམས་དཔའ་ཐེག་པ་ཆེན་པོ་ལ་ཡང་དག་པར་ཞུགས་པ། དེ་བཞིན་གཤེགས་པས་བྱིན་གྱིས་བརླབས་པ་མ་གཏོགས་པར་གང་ཀུན་ཤེས་པར་ནུས་པའི་ཉན་ཐོས་སམ། རང་སངས་རྒྱས་སམ། སེམས་ཅན་འགའ་ཡང་སེམས་ཅན་གྱི་རིས་ན་ངས་ཡང་དག་པར་རྗེས་སུ་མ་མཐོང་ངོ ། །ཤཱ་རདྭ་ཏིའི་བུ། གནས་བཞི་པོ་འདི་དག་ནི། རྟོགས་པར་དཀའ་ཞིང་རྙེད་པར་དཀའ་ལ་ཤིན་ཏུ་མཆོག་ཏུ་རྙེད་པར་དཀའ་བ་སྟེ། དེ་དག་དེ་རིང་ཐོབ་བོ། །བཞི་པོ་དེ་དག་གང་ཞེ་ན། ཤཱ་རདྭ་ཏིའི་བུ། མི་ཉིད་ཤིན་ཏུ་མཆོག་ཏུ་རྙེད་པར་དཀའ་བ་ཡིན། ཤཱ་རདྭ་ཏིའི་བུ།་དེ་བཞིན་གཤེགས་པ་འབྱུང་བ་ཤིན་ཏུ་མཆོག་ཏུ་རྙེད་པར་དཀའ་བ་ཡིན། ཤཱ་རདྭ་ཏིའི་བུ། དེ་བཞིན་གཤེགས་པའི་བསྟན་པ་ལ་དད་པ་ཤིན་ཏུ་མཆོག་ཏུ་རྙེད་པར་དཀའ་བ་ཡིན། ཤཱ་རདྭ་ཏིའི་བུ། དད་པ་རྙེད་ནས་གནས་དང་གནས་མ་ཡིན་པ་དྲི་བ་ཤིན་ཏུ་རྙེད་པར་དཀའ་བ་ཡིན་ཏེ། ཤཱ་རདྭ་ཏིའི་བུ། གནས་བཞི་པོ་དེ་དག་ནི།
200b
ཤིན་ཏུ་མཆོག་ཏུ་རྙེད་པར་དཀའ་ཞིང ། རྟོགས་པར་དཀའ་བ་སྟེ། དེ་དག་ཁྱེད་ཅག་གིས་ཐོབ་བོ། །ཤཱ་རདྭ་ཏིའི་བུ། ཁྱེད་ཅག་ཆོས་གང་ལ་ཐེ་ཚོམ་ཡོད་པ་ང་ལ་དྲིས་ཤིག་དང ། ཤཱ་རདྭ་ཏིའི་བུ། ཁྱོད་ལྷ་དང་བཅས་པའི་འཇིག་རྟེན་ལ་སྐབས་དབྱེའོ། །ཤཱ་རདྭ་ཏིའི་བུ། རིང་པོ་མི་ཐོགས་པར་ཡོངས་སུ་མྱ་ངན་ལས་འདའ་ནས། ཤཱ་རདྭ་ཏིའི་བུ། ཕྱིས་འགྱོད་པར་གྱུར་ན་མི་རུང་གི་།ང་ལ་དྲིས་ཤིག་།དེ་ནས་ཚེ་དང་ལྡན་པ་ཤཱ་རདྭ་ཏིའི་བུ་སྟན་ལས་ལངས་ཏེ།་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་ལ་བདག་ཕྱོགས་འགའ་ཞིག་ཞུ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ངས་དྲི་བ་ལན་བཏབ་པ་དེ་དང་དེ་ཁོ་ནས་ཁྱོད་ཀྱི་སེམས་རངས་པར་བྱའི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གང་དང་གང་འདོད་པ་དྲིས་ཤིག། དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། སེམས་ཅན་སྤྱོད་པ་དང་ཡོན་ཏན་ཁྱད་
201a
༄#། །པར་ཅན་ལ་རབ་ཏུ་གནས་པ་རྣམས་ཀྱི་དོན་དུ་དེ་བཞིན་གཤེགས་པ་ལ་ཞུ་ལགས་སོ། །དེ་བཞིན་གཤེགས་པ་བདག་གིས་ཞུ་བ་ནི། །གང་དག་སྤྱོད་དང་ཡོན་ཏན་ཁྱད་འཕགས་གནས། །ཡོ་བྱད་བསྙུངས་པའི་ཚུལ་གྱིས་འཕགས་གྱུར་ཅིང ། །དེས་དང་བཟོད་བསྟེན་སྨོན་ལམ་ལྡན་གྱུར་བ། །མཁས་རྣམས་སྦྱིན་པ་དེ་འདྲ་ཅི་ཞིག་སྩོལ།། སྦྱིན་པ་སྩལ་ནས་ཇི་ལྟར་དགའ་བར་འགྱུར། །ཇི་ལྟར་སེམས་ནི་ཡོངས་སུ་བསྔོ་བར་བགྱིད། །འཇུངས་པ་མ་མཆིས་པར་ཡང་སྦྱིན་པ་བགྱིད། །ཇི་ལྟར་ཚུལ་ཁྲིམས་བསྟེན་པར་བགྱིད། །དེ་དག་བཟོད་པའང་ཅི་འདྲ་ལགས། །དེ་དག་བརྩོན་འགྲུས་ཅི་ལྟ་བུ། །ཇི་ལྟ་བུ་ཡི་དེས་པར་འགྱུར། །སེམས་ཅན་སྡུག་བསྔལ་ལྡན་མཐོང་ན། །ཇི་ལྟར་བསམ་པ་སྟོན་པར་བགྱིད། །བྱང་ཆུབ་སེམས་དཔའ་དེ་དག་གི། བསམ་པ་འདྲེན་པ་བཤད་དུ་གསོལ། །བསྐལ་པ་བྱེ་བ་བརྒྱ་མང་དུ། །གོ་ཆ་འཚལ་བ་དེ་དག་གི་།ཇི་ལྟར་སེམས་ནི་ཉོན་མི་མོངས། །ཇི་ལྟར་དེ་དག་དགའ་བ་བསྐྱེད། །དེ་དག་ཏིང་འཛིན་ཇི་ལྟ་བུ། །དེ་དག་ཤེས་རབ་ཅི་འདྲ་ལགས། །མང་དུ་ཐོས་པའང་ཇི་ལྟ་བུ། །དེ་དག་ཐོས་པའང་ཅི་འདྲ་ཞིང་།། མཉན་པར་བགྱི་བའི་ཆོས་གང་ལགས། །སྤང་བར་བགྱི་བའི་ཆོས་གང་ལགས། །བྱང་ཆུབ་སླད་ཞུགས་གང་དག་ལགས། །དེ་དག་གི་ནི་སྤྱོད་ཡུལ་ཞུ། །ཇི་ལྟར་དམ་ཆོས་
201b
ཚོལ་བར་བགྱིད། །དེ་དག་འདུན་པ་ཅི་འདྲ་ལགས། །ཇི་ལྟར་འདོད་པ་རྣམ་པར་སྤོང ། །དེ་དག་མངོན་འབྱུང་ཇི་ལྟ་བུ། །ཇི་ལྟར་མངོན་པར་འབྱུང་རྣམས་ཀྱི། །དགའ་བ་རྒྱ་ཆེན་སྐྱེ་བར་འགྱུར། །ཇི་ལྟར་རབ་ཏུ་བྱུང་ནས་སུ། །ཡོན་ཏན་རྣམས་ཀྱིས་འཕགས་ནས་མཛེས། །ཇི་ལྟར་སེམས་ནི་ངེས་པར་གཞོལ། །དེ་དག་ཐབས་ནི་ཅི་འདྲ་ལགས། །ཇི་ལྟར་ཚེ་རབས་དྲན་པར་འགྱུར། །དེ་དག་དྲན་པ་ཇི་ལྟ་བུ། །ཇི་ལྟར་མངལ་དུ་ཞུགས་རྣམས་ཀྱི། །བྱང་ཆུབ་སེམས་ནི་འབྱུང་བར་འགྱུར། །རྫོགས་པའི་སངས་རྒྱས་དེར་མཐོང་འགྱུར། །དེ་དག་མཐོང་བ་སླུ་མི་འགྱུར། །ཇི་ལྟར་འདོད་ཆགས་ཆུང་བར་འགྱུར། །ཞེ་སྡང་ཆུང་ཞིང་མི་འཇིགས་འགྱུར། །ཇི་ལྟར་གཏི་མུག་མི་འགྱུར་ཞིང ། །མ་རྨོངས་པར་ནི་འགྱུར་བ་ལགས། །ཇི་ལྟར་རྒྱལ་པོའི་རིགས་སྐྱེས་པ། །མཁས་རྣམས་རྒྱལ་སྲིད་བགྱིད་དུ་གསོལ། །མི་ཁོམ་ཐམས་ཅད་སྤངས་ནས་སུ། །རྟག་ཏུ་གུས་དང་བཅས་པར་འགྱུར། །ཇི་ལྟར་རྒྱལ་སྲིད་རབ་བསྔགས་ན། །བཞིན་འཛུམ་ཁྲོ་བར་མི་བགྱིད་ལགས། །དེ་དག་གི་ནི་རྣམ་རྒྱལ་དེར། །སངས་རྒྱས་མཐོང་བའང་རྙེད་པར་འགྱུར། །ཇི་ལྟར་གཟུགས་དང་ལྡན་པ་ལགས། །རྟག་ཏུ་ཚུལ་དུ་ཤིས་པར་འགྱུར། །འཁོར་དང་ལྡན་པར་འགྱུར་བ་ལགས། །བྱང་ཆུབ་མཆོག་ལ་ཞུགས་པ་ལགས། །ཇི་ལྟར་སྐྱེས་པ་ཙམ་གྱིས་ཀྱང ། །ཁྱིམ་ལ་དགའ་བར་མི་འགྱུར་ཞིང ། །མངོན་
202a
༄#། །པར་འབྱུང་ལ་གཞོལ་བར་འགྱུར། །དེ་དག་སྲེད་པ་མ་མཆིས་འགྱུར། །ཇི་ལྟར་རབ་ཏུ་བྱུང་ནས་སུ། །སངས་རྒྱས་བྱང་ཆུབ་འཛིན་པ་ལགས། །དེ་བཞིན་གཤེགས་པ་མྱ་ངན་འདས། །ཇི་ལྟར་དམ་ཆོས་འཛིན་པར་འགྱུར། །ཇི་ལྟར་འཇིག་རྟེན་འཁྲུགས་པ་ན། །འཁྲུག་པར་མི་བགྱིད་མི་འཇིགས་འགྱུར། །འཇིག་རྟེན་ཉམ་ཐག་འཚལ་ནས་ཀྱང་།། དབུགས་འབྱིན་གྲགས་པ་ཆེན་པོར་འགྱུར། །ཇི་ལྟར་ཐོས་པ་འཛིན་པར་འགྱུར། །གཟུངས་ཀྱི་སྒོ་ཡང་ཐོབ་པར་འགྱུར། །སྤོབས་པ་ཐོགས་པ་མ་མཆིས་ཤིང ། །སྲོག་ཆགས་རྣམས་ལ་ཆོས་འཛིན་སྩོལ། །ཇི་ལྟར་སེམས་ཅན་གཞན་རྣམས་ཀྱི། །གཞན་གྱི་སེམས་དག་འཚལ་བ་ལགས། །ཇི་ལྟ་དགེ་བ་མ་ལགས་པའི། །སེམས་ཚར་གཅོད་ཅིང་རྟག་ཏུ་དགེ། བྱང་ཆུབ་སེམས་དཔའི་དོན་སླད་དུ། །ཞུ་བར་འཚལ་ན་རྐང་གཉིས་མཆོག། བྱང་ཆུབ་སེམས་དཔའི་སྤྱོད་པ་གང ། །བདག་གིས་ཞུ་བ་དེ་བཤད་གསོལ། །སངས་རྒྱས་ཆོས་ཀྱི་རྒྱུ་སླད་དུ། །གང་དག་གིས་ནི་སེམས་བསྐྱེད་པ། །དེ་དག་ལུང་བསྟན་ཐོས་གྱུར་ནས། །དགའ་བ་བཟང་པོ་འབྱུང་བར་འགྱུར། །སངས་རྒྱས་ཡེ་ཤེས་ཐོགས་མ་མཆིས།། ཆོས་རྣམས་ཀུན་ལ་འཇུག་པ་ལགས། །ཕྱོགས་གཅིག་པ་ཡི་ཤེས་པ་ཡིས། །འཇིག་རྟེན་འདྲེན་ལ་ཞུ་བར་འཚལ། །ཆོས་རྣམས་གང་དག་མ་ཞུས་པ། །དེ་ལ་བདག་གིས་ཤེས་
202b
མི་འཇུག་།བྱང་ཆུབ་སེམས་དཔའི་སྤྱོད་པ་གང ། །སྟོན་པས་དེ་ནི་བསྟན་དུ་གསོལ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ལེགས་སོ། །ལེགས་སོ། །ཤཱ་རདྭ་ཏིའི་བུ། ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དོན་དང ། ལྷག་པའི་བསམ་པ་ལ་ཡང་དག་པར་ཞུགས་པ། ཡོན་ཏན་གྱི་སྤྱོད་པ་ལ་རབ་ཏུ་གནས་པ། བཟོད་པ་དང་དེས་པ་ལ་རབ་ཏུ་གནས་པ་རྣམས་ཀྱི་དོན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་འདྲི་བ་ནི། ཁྱོད་ཡང་ལེགས་སོ། །ཤཱ་རདྭ་ཏིའི་བུ། ཡོན་ཏན་རྣམས་ཀྱི་མཐའ་ནི། རྟོགས་པར་མི་ནུས་སོ། །ཤཱ་རདྭ་ཏིའི་བུ། ཅི་འདྲ་བའི་སེམས་ཅན་དེ་དག་གི་དོན་དུ་དེ་བཞིན་གཤེགས་པ་ལ་ཁྱོད་འདྲི་བ་ནི། སེམས་ཅན་དེ་དག་ནི། དེ་ཙམ་དུ་དཀའ་བ་བྱེད་པ་ཡིན་ཏེ། ཤཱ་རདྭ་ཏིའི་བུ། འདི་ལྟ་སྟེ། དཔེར་ན། མི་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གང་སུ་དག་ཇི་སྙེད་ཡོད་པ་དེ་དག་ཡིད་ལ་བྱེད་པ་གཅིག་པར་བྱས་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། འོན་མི་དེས་དཀའ་བ་བྱས་པ་ཡིན་ནམ། གསོལ་པ། བཅོམ་ལྡན་འདས། དགའ་བ་བགྱིས་པ་ལགས་སོ། །དཀའ་སྩལ་པ། ཤཱ་རདྭ་ཏིའི་བུ། དཀའ་བ་འདི་ནི། བྱང་ཆུབ་སེམས་
203a
༄#། །དཔའི་དཀའ་བ་སྔ་མ་ལ་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང ། འབུམ་གྱི་ཆར་ཡང་ཉེ་བར་མི་འགྲོ་བ་ནས་རྒྱུའི་བར་དུའང་མི་བཟོད་དོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཚ་བ། འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ། ཀུན་ཏུ་མེ་ལྕེར་གྱུར་པ་འདི་ནི།་མེའི་ཕུང་པོ་དེ་མི་ལ་ལ་ཞིག་གིས་ཁའི་དབུགས་ཀྱིས་ཞི་བར་བྱས་ལ། ཁའི་དབུགས་གཅིག་ཤོས་ཀྱིས་ཁོར་ཡུག་དང་ཁོར་ཡུག་ཆེན་པོའི་རི་དག་དང ། རིའི་རྒྱལ་པོ་ཆེན་པོ་རི་རབ་དང ། རི་ཆེན་པོ་གཞན་དག་ཀྱང་ཀུན་ཏུ་གནས་པར་བྱས་ཤིང ། རྒྱ་མཚོ་ཆེན་པོ་དང ། གླིང་རྣམས་དང ། གཞལ་མེད་ཁང་དག་དང ། ཀུན་དགའ་ར་བ་ཉམས་དགའ་བ་དག་དང ། ནགས་ཚལ་ཉམས་དགའ་བ་དག་དང ། ཆུ་བོ་ཉམས་དགའ་བ་དག་དང ། རྫིང་ཉམས་དགའ་བ་དག་དང ། གྲོང་དག་གམ། གྲོང་རྡལ་དག་གམ།་ལྗོངས་དག་གམ། ལྗོངས་ཀྱི་ཕྱོགས་དག་ཀུན་ཏུ་གནས་པར་བྱས། སོ་སོར་གནས་པར་བྱས་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། མི་དེས་དཀའ་བ་བྱས་པ་ཡིན་ནམ། གསོལ་པ། བཅོམ་ལྡན་འདས། དཀའ་བ་བགྱིས་པ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། དཀའ་བ་འདིས་ནི། བྱང་ཆུབ་སེམས་དཔའི་དཀའ་བ་
203b
སྔ་མ་ལ་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང ། འབུམ་གྱི་ཆ་དང ། གྲངས་དང ། ཆ་དང ། བགྲང་བ་དང ། དཔེ་དང ། རྒྱུར་ཡང་མི་བཟོད་དོ། །ཤཱ་རདྭ་ཏིའི་བུ། འདི་ལྟ་སྟེ།་དཔེར་ན། མི་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་བཤིག་ཅིང་རྣམ་པར་གཏོར་ལ་རྣམ་པར་བཤིག་པར་གྱུར་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། མི་དེ་བརྩོན་འགྲུས་དང་ལྡན་པ་ཡིན་ནམ། གསོལ་པ། བཅོམ་ལྡན་འདས། དེ་ལྟ་ལགས་ཏེ། མི་དེ་ནི། བརྩོན་འགྲུས་མཆོག་དང་ལྡན་པ་ལགས་སོ། །བཀའ་སྩལ་པ།་ཤཱ་རདྭ་ཏིའི་བུ། བརྩོན་འགྲུས་འདིས་ནི། བྱང་ཆུབ་སེམས་དཔའི་བརྩོན་འགྲུས་སྔ་མ་ལ་བརྒྱའི་ཆར་ཡང་ཉེ་བར་མི་འགྲོ་བ་ནས། རྒྱུའི་བར་དུའང་མི་བཟོད་དོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། མི་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གང་ན་ཆུའི་ཕུང་པོ་རབ་ཏུ་གནས་པའི་ཆུའི་ཕུང་པོའི་གནས་ཀྱི་བར་དུ་དེ་ཐམས་ཅད་ཕྲག་པ་ལ་ཐོགས་ཏེ། སྦྲང་བུ་མཆུ་རིང་གི་རྗེ་དར་གྱི་སྐས་ལ་ཚངས་པའི་འཇིག་རྟེན་གྱི་བར་དུ་འཛེག་ལ་ལྷུང་བར་ཡང་མ་གྱུར་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། མི་དེས་དཀའ་བ་བྱས་པ་ཡིན་ནམ། གསོལ་པ། བཅོམ་ལྡན་འདས། དཀའ་བ་བགྱིས་པ་ལགས་སོ། །བདེ་བར་གཤེགས་པ། ཤིན་ཏུ་དཀའ་བ་བགྱིས་
204a
༄#། །པ་ལགས་ཏེ། མི་དེ་བརྩོན་འགྲུས་དང ། མཐུ་ཆེན་པོ་དང་ལྡན་པ་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། ཁྱོད་མོས་པར་བྱའོ། །ཤཱ་རདྭ་ཏིའི་བུ། ཁྱོད་ཁོང་དུ་ཆུད་པར་བྱ་སྟེ། སྟོབས་དང ། བརྩོན་འགྲུས་དང ། ཐབས་ལ་མཁས་པ་འདིས་ནི། བྱང་ཆུབ་སེམས་དཔའི་སྟོབས་དང ། བརྩོན་འགྲུས་དང ། ཐབས་མཁས་པ་སྔ་མ་ལ་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང ། འབུམ་གྱི་ཆ་དང ། གྲངས་དང ། ཆ་དང ། བགྲང་བ་དང ། དཔེ་དང ། རྒྱུར་ཡང་མི་བཟོད་དོ། །བམ་པོ་བཅུ་གཅིག་པ། དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། སྐྱེས་བུ་དམ་པ་དེ་དག་ནི། སེམས་ཀྱི་བརྩོན་འགྲུས་དང ། ལུས་ཀྱི་བརྩོན་འགྲུས་དང ། ལུས་ཀྱི་མཐུ་དེ་ལྟ་བུ་དང་ལྡན་པ། ཐབས་ལ་མཁས་པ་དང་ལྡན་པ། སྨོན་ལམ་དག་དང་ལྡན་པ། མཐུ་དང་ལྡན་པ་ཡིན། ཤཱ་རདྭ་ཏིའི་བུ།་དེ་དག་ནི། ཤེས་པ་དེ་ལྟ་བུ་ལ་རབ་ཏུ་གནས་པ། ཐེག་པ་ཆེན་པོ་དང ། མི་འཇིགས་པ་ཆེན་པོ་ལ་རབ་ཏུ་གནས་པ། མིག་ཆེན་པོ་ལ་རབ་ཏུ་གནས་པ། སངས་རྒྱས་ཀྱི་ཡེ་ཤེས་ལ་རབ་ཏུ་གནས་པ། སྙིང་རྗེ་ཆེན་པོ་ལ་རབ་ཏུ་གནས་པ་ཡིན། དེ་དག་ནི། སྤྱོད་ལམ་དང ། སྤྱོད་པ་དེ་ལྟ་བུ་དང་ལྡན་པ། ཡོན་ཏན་གྱི་སྤྱོད་པ་དང ། ངེས་པ་ལ་གནས་པ་ཡིན། དེ་དག་ནི། སྦྱིན་པ་མངོན་པར་སྒྲུབ་པ་དང །
204b
ཚུལ་ཁྲིམས་མངོན་པར་སྒྲུབ་པ་དང ། བཟོད་པ་མངོན་པར་སྒྲུབ་པ་དང ། བརྩོན་འགྲུས་མངོན་པར་སྒྲུབ་པ་དང ། ཏིང་ངེ་འཛིན་མངོན་པར་སྒྲུབ་པ་དང ། ཤེས་རབ་མངོན་པར་སྒྲུབ་པ་དེ་ལྟ་བུ་ལ་རབ་ཏུ་གནས་པ། ཐབས་མཁས་པ་མངོན་པར་སྒྲུབ་པ་ལ་རབ་ཏུ་གནས་པ། མཚན་མངོན་པར་སྒྲུབ་པ་ལ་མངོན་དུ་ཞུགས་པ། སངས་རྒྱས་ཀྱི་རྣམ་པར་འཕྲུལ་པ་མངོན་པར་སྒྲུབ་པ་ལ་མངོན་དུ་ཞུགས་པ། ཁྱུ་མཆོག་ཏུ་གྱུར་པ་མཐའ་ཡས་པ་མངོན་པར་སྒྲུབ་པ་ལ་མངོན་དུ་ཞུགས་པ། སངས་རྒྱས་ཀྱི་ཆོ་འཕྲུལ་མངོན་པར་སྒྲུབ་པ་ལ་མངོན་དུ་ཞུགས་པ། ཆོས་ཀྱི་སྦྱིན་པ་མངོན་པར་སྒྲུབ་པ་ལ་མངོན་དུ་ཞུགས་པ། སེམས་ཅན་གྱི་བསམ་པ་མངོན་པར་སྒྲུབ་པ་མཁས་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་སྤྱོད་པ་མངོན་པར་སྒྲུབ་པ་མཁས་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་སེམས་ཚར་གཅོད་པའི་ཕྱིར་མངོན་དུ་ཞུགས་པ། སེམས་ཅན་རྣམས་ཀྱི་སེམས་ཚར་གཅད་པའི་ཕྱིར་རབ་ཏུ་གནས་པ། སེམས་ཅན་རྣམས་ཀྱི་སེམས་ཀྱི་མཚམས་སྦྱོར་བ་མངོན་པར་སྒྲུབ་པ་ལ་མངོན་དུ་ཞུགས་པ། སེམས་ཅན་ལ་དམིགས་པ་མངོན་པར་སྒྲུབ་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་ཚུལ་ཁྲིམས་མངོན་པར་སྒྲུབ་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་ཏིང་ངེ་འཛིན་སྒྲུབ་པ་ལ་མངོན་དུ་ཞུགས་
205a
༄#། །པ།་སེམས་ཅན་རྣམས་ཀྱི་རྣམ་པར་གྲོལ་བ་སྒྲུབ་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་རྣམ་པར་གྲོལ་བ་ཡེ་ཤེས་མཐོང་བ་སྒྲུབ་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་ཞི་གནས་སྒྲུབ་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་ལྷག་མཐོང་སྒྲུབ་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་ལམ་མངོན་པར་སྒྲུབ་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་འབྲས་བུ་མངོན་པར་སྒྲུབ་པ་ལ་མངོན་དུ་ཞུགས་པ། སེམས་ཅན་རྣམས་ཀྱི་བདེན་པ་མངོན་པར་སྒྲུབ་པ་ལ་མངོན་དུ་ཞུགས་པ་ཡིན། ཤཱ་རདྭ་ཏིའི་བུ། དེ་འདྲ་བའི་སྐྱེས་བུ་དམ་པ་དེ་དག་ནི། ཕྱོགས་བཅུའི་ངེས་པའི་ཚིག་གིས་བརྡ་རབ་ཏུ་ཤེས་པ། ཐ་སྙད་ཀྱིས་བརྡ་རབ་ཏུ་ཤེས་པ། ཆོས་ཐམས་ཅད་ལའང་མངོན་པར་ཞེན་པ་མེད་པའི་ཡེ་ཤེས་ཀྱི་གནས་རྗེས་སུ་ཐོབ་པ། ཆོས་ཐམས་ཅད་ལའང་ཕན་པའི་ཡེ་ཤེས་སྒྲུབ་པ་ལ་མངོན་དུ་ཞུགས་པ།་ཆོས་ཐམས་ཅད་སྟོང་པའི་ཡེ་ཤེས་སྒྲུབ་པ་ལ་མངོན་དུ་ཞུགས་པ་ཡིན་པའི་ཕྱིར་རོ། །ཤཱ་རདྭ་ཏིའི་བུ། མདོར་ན་སྐྱེས་བུ་དམ་པ་དེ་དག་ནི། ཡེ་ཤེས་དེ་ལྟ་བུ་ལ་མངོན་དུ་ཞུགས་པ། ཡེ་ཤེས་དེ་ལྟ་བུ་ལ་ལྷག་པར་དམིགས་པ། ཡེ་ཤེས་དེ་ལྟ་བུ་ལ་སྨོན་ལམ་འདེབས་པ། ཡེ་ཤེས་དེ་ལྟ་བུ་ལ་ཀུན་ཏུ་སྒོམ་པ་ཡིན། སྐྱེས་བུ་དམ་པ་དེ་དག་ནི།
205b
ཆོ་ག་དང ། སྤྱོད་པའི་ཡོན་ཏན་དེ་ལྟ་བུ་ལ་རབ་ཏུ་གནས་པ་ཡིན། དེ་དག་ནི། ལམ་དེ་དང་ཡང་ལྡན་པ་ཡིན་པའི་ཕྱིར་ཏེ། ཤཱ་རདྭ་ཏིའི་བུ། ངས་དཔེ་དེའང་ཅུང་ཟད་དང ། ངན་དོན་དང ། གསོག་ཅིག་བསྟན་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་སྐྱེས་བུ་དམ་པ་དེ་དག་ནི། གོ་ཆ་དེ་བྱས་པ་ལ་དཔེ་དེ་ལྟ་བུར་སོ་སོར་འོས་པ་ཡིན་ཏེ། དེ་བཞིན་གཤེགས་པས་ཇི་ལྟར་རབ་ཏུ་མཁྱེན་པ་བཞིན་ནོ། །གང་དེ་བཞིན་གཤེགས་པ་ཇི་འདྲ་བ་དང་ལྡན་པའི་ཡེ་ཤེས་དེ་ལྟ་བུ་དང་ལྡན་པ་དེས་དཔེ་དེ་སོ་སོར་ཤེས་པར་བྱ། ཁོང་དུ་ཆུད་པར་བྱའོ། །ཤཱ་རདྭ་ཏིའི་བུ། གནས་དེ་ལ་ཉན་ཐོས་རྣམས་ཀྱིས་ནི། དད་པས་འགྲོ་བར་བྱ་སྟེ། ཇི་ལྟ་བ་བཞིན་དུ་ཁོང་དུ་མི་ཆུད་དོ། །ཤཱ་རདྭ་ཏིའི་བུ། གཞན་ཡང་ཁྱོད་ཀྱིས་སེམས་ཅན་དེ་ལྟ་བུ་དག་གི་དོན་དུ་དེ་བཞིན་གཤེགས་པ་ལ་དྲིས་ཏེ། ཤཱ་རདྭ་ཏིའི་བུ། ཁྱོད་ལ་འཇུག་པ་ཙམ་དང ། ཅུང་ཟད་ཙམ་དང ། དཔེ་ཙམ་དང ། གསོག་ཙམ་དང ། གྲངས་ཙམ་འགའ་ཞིག་བྱའོ། ། དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། དེ་ནི། ཉི་མའི་ལས་མ་ཡིན། ཟླ་བ་བྱེད་ཀྱི་ལས་མ་ཡིན། ཟླ་བའི་ལས་མ་ཡིན། ལོའི་ལས་མ་ཡིན། ལོ་བརྒྱའི་ལས་མ་ཡིན། ལོ་སྟོང་གི་ལས་མ་ཡིན།་ལོ་འབུམ་གྱི་ལས་མ་ཡིན། བསྐལ་པའི་ལས་མ་ཡིན། བསྐལ་པ་བརྒྱའི་ལས་མ་ཡིན། བསྐལ་པ་སྟོང་གི་ལས་མ་ཡིན། བསྐལ་པ་འབུམ་གྱི་ལས་མ་ཡིན་པའི་
206a
༄#། །ཕྱིར་ཏེ།་ཤཱ་རདྭ་ཏིའི་བུ། འོན་ཀྱང་དེ་ནི། བསྐལ་པ་གྲངས་མེད་པ་དཔག་ཏུ་མེད་པའི་ལས་ཡིན་ནོ། །ཤཱ་རདྭ་ཏིའི་བུ། རེ་ཞིག་སེམས་དང་པོ་བསྐྱེད་པའི་བསོད་ནམས་ཀྱི་ཕུང་པོ་གང་ཡིན་པ་དེ་ཉིད་ཀྱི་བསོད་ནམས་ཀྱི་ཕུང་པོ་ངན་ངོན་ཙམ་དང ། གསོག་ཙམ་དང ། ཅུང་ཟད་ཙམ་གྱི་ཡོན་ཏན་དེ་དག་ཀྱང་རེ་ཞིག་བསྐལ་པ་བརྒྱ་དང ། བསྐལ་པ་སྟོང་དང ། བསྐལ་པ་འབུམ་གྱིས་ཀྱང་བགྲོད་པར་མི་ནུས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པའི་ཚང་ཤེས་པར་འགྱུར་བ་ལྟ་ཅི་སྨོས་ཏེ། དེ་ནི། གནས་མེད་དོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི། ཡེ་ཤེས་ཆེན་པོ་དོན་དུ་གཉེར་བ་ཉིད་ཀྱི་ཕྱིར་ཚོགས་དཔག་ཏུ་མེད་པའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི། སེམས་ཅན་གྲངས་མེད་པ་ཡོངས་སུ་སྨིན་པར་འགྱུར་བས་ཟད་མི་ཤེས་པའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི། ཆོས་ཟབ་མོ་མངོན་པར་རྫོགས་པར་བྱང་ཆུབ་བ་ཉིད་ཀྱི་ཕྱིར་ཁོང་དུ་ཆུད་པར་དཀའ་པའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི། ཆོས་ཐམས་ཅད་ལ་རྟེན་པ་མེད་པ་ཉིད་ཀྱི་ཕྱིར་ཟབ་པའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི། སངས་རྒྱས་ཀྱི་ཡེ་ཤེས་
206b
མཐའ་ཡས་པ་ཉིད་ཀྱི་ཕྱིར་མཐའ་ཡས་པ་མུ་མེད་པའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི། ཚད་མེད་པའི་ཕྱིར་ལས་མཐར་ཐུག་པ་མེད་པའོ། །ཤཱ་རདྭ་ཏིའི་བུ།་སེམས་ཅན་དེ་ཙམ་ཡོངས་སུ་མྱ་ངན་ལས་འདའ་བར་བྱ། སྦྱིན་པ་དེ་ཙམ་སྦྱིན་པར་བྱ། ཚུལ་ཁྲིམས་དེ་ཙམ་དང ། བཟོད་པ་དེ་ཙམ་དང ། བརྩོན་འགྲུས་དེ་ཙམ་དང ། བསམ་གཏན་དེ་ཙམ་དང ། ཤེས་རབ་དེ་ཙམ་བསྒོམ་པར་བྱ། དུས་དེ་ཙམ་གྱིས་འདི་ཕན་ཆད་བསྒོམ་པར་བྱ། འདི་ཕན་ཆད་བསྒོམ་པར་མི་བྱའོ། །སྙམ་མོད་ཀྱི།་འོན་ཀྱང་བྱང་ཆུབ་སེམས་དཔའ་རྣམས་ཀྱི་སྤྱོད་པ་ནི། མཐར་ཐུག་པ་མེད་པ་ཁོ་ནའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱིས་ནི། འདི་ལྟ་སྟེ། བྱང་ཆུབ་ཀྱི་སྙིང་པོའི་མཐར་ཐུག་པ་གཅིག་པུ་ཁོ་ན་མཐོང་སྟེ། དེ་ལ་ཆོས་ཐམས་ཅད་ཤིན་ཏུ་བྱང་བ་དྲི་མ་མེད་པ་ཞེས་བྱ་བའི་ཏིང་ངེ་འཛིན་ཐོབ་ནས། ཆོས་ཐམས་ཅད་མངོན་པར་རྫོགས་པར་བྱང་ཆུབ་པའི་ཕྱིར་རོ། །ཤཱ་རདྭ་ཏིའི་བུ། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ལྷག་པའི་བསམ་པ་ནི། གནས་གསུམ་དུ་བལྟ་བར་བྱ་སྟེ། ལྷག་པའི་བསམ་པ་དང་པོ་དེ་ནི། དངོས་པོ་ཐམས་ཅད་ཡོངས་སུ་གཏོང་བའི་ལས་ཉིད་དུ་ཤེས་པར་བྱའོ། །བྱང་ཆུབ་སེམས་དཔའི་ལྷག་པའི་བསམ་བ་གཉིས་པ་དེ་ནི། ཆོས་ཡོངས་སུ་ཚོལ་བ་དང ། ཆོས་ལེན་པ་དང ། ཆོས་ཀུན་ཏུ་
207a
༄#། །འཛིན་པར་ནི། བྱེད་ལ། བདག་ཏུ་ལྷག་པར་ཞེན་པ་ནི། མེད་པ་ཉིད་དུ་ཤེས་པར་བྱའོ། །ཤཱ་རདྭ་ཏིའི་བུ། ལྷག་པའི་བསམ་པ་གསུམ་པ་དེ་ནི། ཆོས་ཟབ་མོ་མི་སྤོང་བ་དང ། སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་ལ་འཇུག་པ་ཉིད་དུ་མོས་ཤིང་སྒྱིད་ལུག་པ་མེད་པ་སྟེ། ཤཱ་རདྭ་ཏིའི་བུ། བྱང་ཆུབ་སེམས་དཔའི་ལྷག་པའི་བསམ་པ་ནི། གནས་གསུམ་པོ་དེ་དག་ཏུ་རིག་པར་བྱའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ལྷག་པའི་བསམ་པ་ནི། གནས་གཞན་གསུམ་དུ་བལྟ་བར་བྱ་སྟེ། གསུམ་གང་ཞེ་ན། བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་འདོད་པའི་ཕྱིར། ཆོས་ཡོངས་སུ་ཚོལ་བ་ལ་རྟག་ཏུ་བརྩོན་འགྲུས་བརྩམས་པ་ཉིད་དང ། བདག་ཉིད་ཀྱི་དགེ་བའི་རྩ་བ་སྤྱད་པར་བྱ་བའི་ཕྱིར་དང ། སེམས་ཅན་ཐམས་ཅད་ཀྱི་དགེ་བའི་རྩ་བ་སྤྱད་པར་བྱ་བའི་ཕྱིར། ཆོས་སྨྲ་བའི་རྗེས་སུ་འབྲང་བ་ཉིད་དང ། དེ་ལའང་ཉེ་བར་སྤྱོད་པ་བླ་ན་མེད་པ་སྟོན་པ་ཉིད་ཀྱིས་ཡང་དང་ཡང་དུ་ཉེ་བར་སྤྱོད་པ་སྟོན་པ་ཉིད་དང ། དེ་ལའང་བསྙེན་པར་དཀའ་བ་མཐོང་བ་ན། བདག་གིས་ལས་ལ་སྟོན་པ་ཉིད་ཀྱིས་གང་གི་ཕྱིར་བདག་གིས་མ་ཐོས་པ་ནི། བདག་ཉིད་ཀྱི་ལས་དེ་ཡིན་གྱི། འདིའི་ལེ་ལན་ནི། མ་ཡིན་པས། དེའི་ཕྱིར་ཅི་ནས་བདག་གིས་འདི་ལ་
207b
ཉེ་བར་སྤྱད་པས་ལས་ཀྱི་སྒྲིབ་པ་ཐམས་ཅད་བྱང་བར་འགྱུར་བ་དང ། ཡང་དག་པར་རྒྱུན་ཆད་པར་འགྱུར་བ་དེ་ལྟར་བྱའོ། །སྙམ་པ་འདི་ནི། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་གསུམ་པའོ། །ཤཱ་རདྭ་ཏིའི་བུ། དེ་ལྟ་བས་ན། རྣམ་གྲངས་དེས་ན། ཁྱོད་ཀྱིས་ཅི་ནས་ཆོས་ཡོངས་སུ་ཚོལ་བ་ལ་མངོན་པར་བརྩོན་ཞིང་ཆོས་སྨྲ་བའི་རྗེས་སུ་འབྲང་བས་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་འགྱུར་བ་དེ་ལྟར་བལྟ་བར་བྱའོ། །ཤཱ་རདྭ་ཏིའི་བུ། སྔོན་བྱུང་བ་འདས་པའི་དུས་ན་བསྐལ་པ་ཡངས་པ། ཚད་མེད་པ། བསམ་གྱིས་མི་ཁྱབ་པ། གྲངས་མེད་པར་གྱུར་པ་དེའི་ཚེ་དེའི་དུས་ན་ཡེ་ཤེས་མཆོག་ཅེས་བྱ་བའི་བསྐལ་པ་ལ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བླ་ན་མེད་པ། ལྷ་དང་མི་རྣམས་ཀྱི་སྟོན་པ། དེ་བཞིན་གཤེགས་པ་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་ཞེས་བྱ་བ་འཇིག་རྟེན་དུ་བྱུང་ངོ ། །ཤཱ་རདྭ་ཏིའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་དེའི་ཚེའི་ཚད་ནི། བསྐལ་པ་ཕྱེད་ཚང་བར་ཐུབ་པར་འགྱུར་རོ། །ཤཱ་རདྭ་ཏིའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྲུང་བའི་
208a
༄#། །བདག་པོ་སྤྲིན་གྱི་དབང་ཕྱུག་མར་མེ་དེའི་ཉན་ཐོས་འདུས་པ་ནི། གངྒའི་ཀླུང་གི་བྱེ་མ་སྙེད་བྱུང་བར་གྱུར་ཏེ། ཉན་ཐོས་འདུས་པ་རེ་རེའང་གཉིས་ཀའི་ཆ་ལས་རྣམ་པར་གྲོལ་བ། ཤེས་རབ་ཕུན་སུམ་ཚོགས་པ། ལྟ་བ་ཕུན་སུམ་ཚོགས་པ། ལུས་ཀྱིས་མངོན་དུ་བྱེད་པ་དག་གོ་།ཤཱ་རདྭ་ཏིའི་བུ། དེ་བཞིན་གཤེགས་པ་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་དེའི་ཉན་ཐོས་འདུས་པ་དེ་དག་ཇི་སྙེད་བྱུང་བ་དེ་སྙེད་དུ། བྱང་ཆུབ་སེམས་དཔའ་སེམས་དཔའ་ཆེན་པོ་འདུས་བ་དག་ཀྱང་དེ་སྙེད་ཁོ་ན་བྱུང་བར་གྱུར་ཏེ། ཕྱིར་མི་ལྡོག་པ་དག་ཀྱང་གངྒཱའི་ཀླུང་གི་བྱེ་མ་སྙེད་བྱུང་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ལ་གསར་དུ་ཞུགས་པ་དག་ལྟ་ཅི་སྨོས། ཤཱ་རདྭ་ཏིའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་ཡོངས་སུ་མྱ་ངན་ལས་འདའ་བར་མཛད་པ་ན། ཛམྦུའི་གླིང་བྱེ་བ་ཕྲག་བརྒྱ་ཐམས་ཅད་དུ་ཆོས་སྨྲ་བ་བྱེ་བ་ཕྲག་བརྒྱ་བྱིན་གྱིས་བརླབས་སོ། །ཤཱ་རདྭ་ཏིའི་བུ། དེ་བཞིན་གཤེགས་པ་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་དེའི་དམ་པའི་ཆོས་ནི། ལོ་བྱེ་བ་ཁྲག་ཁྲིག་འབུམ་ཕྲག་བརྒྱད་ཅུར་གནས་སོ། །ཤཱ་རདྭ་ཏིའི་བུ། དེའི་དུས་ན་
208b
སེམས་ཅན་དེ་དག་གི་ཚེའི་ཚད་ནི། ལོ་བྱེ་བ་ཕྲག་བརྒྱད་ཅུ་ཐུབ་པར་འགྱུར་ཏེ། སེམས་ཅན་གང་ཡང་བར་མདོར་འཆི་བའི་དུས་མི་བྱེད་དོ། །སེམས་ཅན་དེ་དག་བྱ་བ་ཐམས་ཅད་ལ་ཤིན་ཏུ་མཐར་ཐུག་པ་ཡིན་ནོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་ཛམྦུའི་གླིང་དེར་ཆོས་སྨྲ་བ་འོད་གྲགས་པ་ཞེས་བྱ་བ་ཞིག་བྱུང་ངོ ། །ཤཱ་རདྭ་ཏིའི་བུ། བཅོམ་ལྡན་འདས་དེས་བྱང་ཆུབ་སེམས་དཔའ་ཆོས་སྨྲ་བ་འོད་གྲགས་པ་དེ་དམ་པའི་ཆོས་ཇི་སྲིད་དུ་གནས་པ་དེ་སྲིད་དུ་བྱིན་གྱིས་བརླབས་སོ། །ཤཱ་རདྭ་ཏིའི་བུ། ཆོས་སྨྲ་བ་འོད་གྲགས་པ་དེ་ནི། ཕྱིར་མི་ལྡོག་པ་བཟོད་པ་ཐོབ་པར་གྱུར་པའོ། །ཤཱ་རདྭ་ཏིའི་བུ། དེའི་དུས་ན་ཕྱི་མའི་ཚེ་ཕྱི་མ་དུས་དམ་པའི་ཆོས་ནུབ་པའི་དུས་ཀྱི་ཆེན་ཆོས་སྨྲ་བ་འོད་གྲགས་པ་དེ་གྲོང་ནས་གྲོང་དུ།་གྲོང་ཁྱེར་ནས་གྲོང་ཁྱེར་དུ། ལྗོངས་ནས་ལྗོངས་སུ། འཁོར་ནས་འཁོར་དུ་དེ་བཞིན་གཤེགས་པའི་བྱང་ཆུབ་བསྐལ་པ་བྱེ་བ་གྲངས་མེད་པ་ཡང་དག་པར་བསྒྲུབས་པ་ཡང་དག་པར་རབ་ཏུ་བསྟན་ཏོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་ཛམྦུའི་གླིང་དེར་མཐའ་འཁོབ་ཀྱི་གྲོང་ཁྱེར་གྲོང་ཁྱེར་བརྟན་ལྡན་ཞེས་བྱ་བ་བྱུང་ངོ ། །གྲོང་ཁྱེར་དེར་ཡང་ཁྱིམ་བདག་བརྟན་པའི་སྡེ་ཞེས་བྱ་བ་བྱུང་སྟེ། ཁྱིམ་བདག་བརྟན་པའི་སྡེ་དེ་ནི། གཞོན་ནུ་དར་ལ་བབ་པར་གྱུར་བ་སྟེ། གྲོང་ཁྱེར་གྱི་བྱ་བ་དག་བྱེད་དོ། །དུས་གཞན་ཞིག་ན་གྲོང་
209a
༄#། །ཁྱེར་གྱི་བྱ་བ་ལ་མངོན་པར་བརྩོན་པ་དེ་ལ་སེམས་སྐྱེས་པ། ཤེས་པ་གང་ཡང་དག་པར་བསྒྲུབས་ནས་སེམས་ཅན་དེ་དག་ལ་དམ་པའི་ཆོས་ཡང་དག་པར་རབ་ཏུ་སྟོན་ཅིང ། ཆོས་དེའི་དོན་ཡང་དག་པར་རབ་ཏུ་སྟོན་ལ། དེའི་དོན་ཡང་དག་པར་རབ་ཏུ་བསྟན་ན། སེམས་ཅན་དེ་དག་བྱ་བ་ཐམས་ཅད་ལ་ཤིན་ཏུ་མཐར་ཐུག་པར་འགྱུར་བའི་ཤེས་པ་དེ་ཅི་འདྲ་ཞིག་གུ་སྙམ་མོ། །ཁྱིམ་བདག་བརྟན་པའི་སྡེ་དེ་གཅིག་པུ་དབེན་པར་སོང་ནས་དེ་སྙམ་དུ་སེམས་པ་ན་ལྷ་ཞིག་འོངས་ནས་འདི་སྐད་ཅེས་སྨྲས་སོ། ། ཁྱིམ་བདག། དེ་བཞིན་གཤེགས་པ་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་ཞེས་བྱ་བ་ཡོད་དོ། །དེ་ནས་ཁྱིམ་བདག་བརྟན་པའི་སྡེ་རངས་པ་སྐྱེས་སོ། །དེ་ནས་ལྷ་དེས་ཡང་སྨྲས་པ། ཁྱིམ་བདག། དེ་ནི། ཡོངས་སུ་མྱ་ངན་ལས་འདས་སོ། །དེ་ནས་ཁྱིམ་བདག་བརྟན་པའི་སྡེ་དུས་སོ། །དེ་ནས་ལྷ་དེས་ཁྱིམ་བདག་བརྟན་པའི་སྡེ་དེ་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ཅིའི་ཕྱིར་རངས་པ་སྐྱེས་ནས་ཕྱིས་དུས། དེ་སྐད་ཅེས་སྨྲས་པ་དང ། ཁྱིམ་བདག་བརྟན་པའི་སྡེས་ལྷ་དེ་ལ་སྨྲས་པ། ལྷ། ཁྱོད་ཀྱིས་དེ་བཞིན་གཤེགས་པ་ཡོད་དོ། །ཞེས་དེ་སྐད་ཅེས་སྨྲས་པ་དེ་ལ་བདག་རངས་བ་སྐྱེས་སོ། །གང་དེ་བཞིན་གཤེགས་པ་མེད་དོ། །ཞེས་དེ་སྐད་ཅེས་སྨྲས་པ་དེ་ལ་བདག་
209b
དུས་ཏེ།་ལྷ། འདི་ལྟར་དེ་བཞིན་གཤེགས་པ་བདག་གིས་མ་མཐོང་བས་བདག་འཚོ་བ་ནི། དོན་མེད་དོ། །དེ་ནས་ལྷ་དེས་ཁྱིམ་བདག་བརྟན་པའི་སྡེ་ལ་འདི་སྐད་ཅེས་སྨྲས་སོ། །ཁྱིམ་བདག། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་ཡོངས་སུ་མྱ་ངན་འདའ་བ་ན་དགེ་སློང་ཆོས་སྨྲ་བ་ཆོས་སྟོན་པ་འོད་གྲགས་པ་ཞེས་བྱ་བ་བྱིན་གྱིས་བརླབས་པ་ཡོད་དེ། ཁྱིམ་བདག། ཆོས་སྨྲ་བ་དེ་ནི། བཅོམ་ལྡན་འདས་དེས་ཇི་སྙེད་ཀྱི་ཆོས་བསྟན་པ་མཛད་པ་དེ་ཐམས་ཅད་ཀུན་འཛིན་པར་བྱེད་ཀྱི། ཆུད་གཟོན་པར་མི་བྱེད་དོ། །ཁྱིམ་བདག། དགེ་སློང་དེ་ནི། བཅོམ་ལྡན་འདས་དེའི་ཆོས་ཀྱི་མཛོད་འཛིན་པའོ། །དེ་ནས་ཁྱིམ་བདག་བརྟན་པའི་སྡེས་ལྷ་དེ་ལ་འདི་སྐད་ཅེས་སྨྲས་སོ། །ལྷ། ཆོས་སྨྲ་བ་དེ་ད་ལྟར་གང་ན་གནས། ལྷས་སྨྲས་པ། ཁྱིམ་བདག། ཆོས་སྨྲ་བ་འོང་གྲགས་པ་དེ་ནི། ད་ལྟར་སེར་སྐྱའི་གྲོང་ཁྱེར་གྱི་རྒྱལ་པོའི་ཕོ་བྲང་ན་གནས་ཏེ། རྒྱལ་པོའི་ཕོ་བྲང་དེ་ནི། འདི་ནས་ཤར་ཕྱོགས་སུ་དཔག་ཚད་དྲུག་སྟོང་སུམ་བརྒྱ་འདས་པ་ན་ཡོད་དོ། །དེ་ནས་ཁྱིམ་བདག་བརྟན་པའི་སྔོས་དེའི་མཚན་མོ་འདས་ནས། འགྲོན་བུ་བྱེ་བ་ཕྲག་བརྒྱད་ཅུ་ཐོགས་ཤིང་གསེར་སྲང་བྱེ་བ་ཕྲག་བརྒྱད་ཅུ་ཐོགས་ནས། གཡོག་འཁོར་མང་པོ་དང་སེར་སྐྱའི་རྒྱལ་པོའི་
210a
༄#། །ཕོ་བྲང་ག་ལ་དེར་སོང་སྟེ་ཕྱིན་ནས། ཆོས་སྨྲ་བ་འོད་གྲགས་པ་ག་ལ་བ་དེར་སོང་སྟེ་རྐང་པ་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འདུག་གོ། ཁྱིམ་བདག་བརྟན་པའི་སྡེ་ཕྱོགས་གཅིག་ཏུ་འདུག་པ་ལའང་ཆོས་སྨྲ་བ་འོད་གྲགས་པས་འདི་ལྟ་སྟེ། སེམས་ཅན་ཐམས་ཅད་ཀྱི་ཐེ་ཚོམ་གཅོད་པར་བྱེད་པའི་ཆོས་ཀྱི་རྣམ་གྲངས། སེམས་ཅན་ཐམས་ཅད་ཡང་དག་པར་ཚིམ་པར་བྱེད་པའི་ཆོས་ཀྱི་རྣམ་གྲངས། བྱང་ཆུབ་སེམས་དཔའི་དགེ་བའི་རྩ་བ་ཡང་དག་པར་སྐུལ་བའི་གཏམ་བཟང་པོ་བྱས་སོ། །དེ་ནས་ཁྱིམ་བདག་བརྟན་པའི་སྡེ་ཆོས་སྨྲ་བ་འོད་གྲགས་པ་ལ་སེམས་དད་ནས་ལེགས་པར་གསུངས་སོ། །ཞེས་སྨྲས་ཏེ་འགྲོན་བུ་དེ་དག་དང ། གསེར་སྲང་དེ་དག་ཕུལ་ལོ། །རིམ་གྲོ་དང་བསྙེན་བཀུར་བྱ་བའི་ཕྱིར་བདག་ཉིད་ཀྱང་ཕུལ་ལོ། །ཤཱ་རདྭ་ཏིའི་བུ། ཁྱིམ་བདག་བརྟན་པའི་སྡེ་དེ་ཆོས་སྨྲ་བ་འོད་གྲགས་པ་ལ་རིམ་གྲོ་དང་བསྙེན་བཀུར་བྱ་བར་མངོན་པར་བརྩོན་ཞིང ། ཆོས་ཡོངས་སུ་ཚོལ་བ་ལ་མངོན་པར་བརྩོན་པར་གྱུར་ཏེ། འདི་ལྟ་སྟེ། ཆོས་ཀྱི་རྣམ་གྲངས་དེ་ཉིད་གཟུང་བ་དང་ཡི་གེར་འབྲི་བ་དང ། བཀླག་པའི་ཕྱིར་ལོ་བྱེ་བ་ཕྲག་དྲུག་ཅུར་ཕྱི་བཞིན་དུ་རྗེས་སུ་འབྲངས་སོ། །ལོ་བྱེ་བ་ཕྲག་དྲུག་ཅུ་པོ་དེར་ཡང་མཉན་པའམ། ཡི་གེར་འབྲི་བའམ། ལུང་
210b
ནོད་པར་ཆོས་ཀྱི་རྣམ་གྲངས་དེ་མ་ཐོབ་བོ། །དེ་ལོ་བྱེ་བ་ཕྲག་དྲུག་ཅུར་ཆོས་སྨྲ་བ་འོད་གྲགས་པ་ལ་རིམ་གྲོ་བྱེད་པ་ན། ནམ་དུའང་རྨུགས་པ་དང ། གཉིད་ཀྱིས་མ་ནོན་ཏོ། །དེ་ལོ་བྱེ་བ་ཕྲག་དྲུག་ཅུར་ཆོས་སྨྲ་བ་དེ་ལ་རིམ་གྲོ་བྱེད་པ་ན་ནམ་དུའང་ཆོས་དང་མ་བྲལ་ལོ། །དེ་ལོ་བྱེ་བ་ཕྲག་དྲུག་ཅུར་ཆོས་སྨྲ་བ་དེ་ལ་རིམ་གྲོ་བྱེད་པ་ནམ་དུའང་འདོད་པའི་རྣམ་པར་རྟོག་པ་ལ་རྣམ་པར་རྟོག་པར་མ་གྱུར། གནོད་སེམས་ཀྱི་རྣམ་པར་རྟོག་པ་ལ་མ་ཡིན། རྣམ་པར་འཚེ་བའི་རྣམ་པར་རྟོག་པ་ལ་མ་ཡིན་ནོ། །ཤཱ་རདྭ་ཏིའི་བུ། ཆོས་སྨྲ་བ་དེ་གནས་གང་ན་གནས་པའི་གནས་དེའི་སྒོར་ཁྱིམ་བདག་བརྟན་པའི་སྡེ་མི་ཉལ་བར་གྱུར་ཏོ། འདི་ལྟ་སྟེ། ཀུན་བསྲུང་བའི་ཕྱིར་ལངས་པ་ཉིད་ཀྱིས་འདུག་གི། ཉལ་བས་ནི། མ་ཡིན་ནོ། །ཤཱ་རདྭ་ཏིའི་བུ། དེའི་དུས་ན་བདུད་རྟག་ཏུ་གླགས་ཚོལ་བ་ལ་རྗེས་སུ་ལྟ་བ་ཞེས་བྱ་བ་ཞིག་བྱུང་ངོ ། །དེ་ནས་བདུད་རྟག་ཏུ་གླགས་ཚོལ་བ་ལ་རྗེས་སུ་ལྟ་བས་ཁྱིམ་བདག་བརྟན་པའི་སྡེ་ལ་གླགས་བཙལ་བར་བལྟས་སོ། །དེ་ནས་བདུད་རྟག་ཏུ་གླགས་ཚོལ་བ་རྗེས་སུ་ལྟ་བས་དགེ་སློང་འོད་གྲགས་པ་ཇི་འདྲ་བ་དེ་འདྲ་བ་ཁོ་ནའི་དགེ་སློང་བུད་མེད་དང་ལྷན་ཅིག་ཏུ་ཕྲད་པར་བྱེད་པ་ཞིག་མངོན་པར་སྤྲུལ་ཏོ། །དེ་ནས་བདུད་རྟག་ཏུ་གླགས་ཚོལ་བ་ལ་རྗེས་སུ་ལྟ་བས་སྤྲུལ་པ་དེ་ལྟ་བུ་མངོན་པར་སྤྲུལ་ནས་ཁྱིམ་བདག་བརྟན་པའི་སྡེ་དེ་ལ་འདི་སྐད་
211a
༄#། །ཅེས་སྨྲས་སོ། །ཁྱིམ་བདག་།ཁྱེད་ཀྱི་སྟོན་པ་ནང་གི་མཁས་པ། གྲགས་པ། ཤེས་རབ་དང་ལྡན་པ། ཐོས་པ་དང་ལྡན་པ། ཐོས་པ་རྒྱ་མཚོ་གང་ཡིན་པ་དེའི་ལོག་པར་རྟོག་པ་དང ། དེའི་སྤྱོད་ཡུལ་མ་ཡིན་པ་ལ་ལྟོས། ཇི་ལྟར་ན་གཞན་ལ་ཡོ་བྱད་བསྙུངས་པའི་གཏམ་ཡང་བྱེད་ལ། བདག་ཉིད་ཀྱིས་ཚུལ་ཁྲིམས་འཆལ་པ་ཉིད་ཀྱང་ཡོངས་སུ་འཛིན། ཁྱིམ་བདག་།བདག་ཉིད་ཀྱིས་ཚངས་པར་སྤྱོད་པའོ། །ཞེས་ཀྱང་ཁས་འཆེ་ལ། མི་ཚངས་པར་སྤྱོད་པའང་ཡང་དག་པར་བླངས་ནས་གནས་པ་ལ་ལྟོས། །ཁྱིམ་བདག་།ཇི་ལྟར་ན། ཟབ་མོ་སྤྱོད་པའང་ཡིན་ཞིང་ཡོ་བྱད་བསྙུངས་པ་ལ་རབ་ཏུ་གནས་པའང་ཡིན་ལ། བྱ་བ་དེ་ལྟ་བུ་དང ། ཚུལ་དེ་ལྟ་བུ་བྱེད་པ་ཡིན་ཏེ། དེ་ནི། གནས་མེད་དེ་དེ་ནི། མི་རིགས་སོ། །ཁྱིམ་བདག་།བསྟེན་ཅིང་བསྙེན་བཀུར་བྱས་པ་དེས་ཆོག་གི་།ཁྱོད་ཀྱིས་དགེ་སློང་དེ་ལྟ་བུ་དེ་ཐོང་ཞིག་།ཁྱིམ་བདག་།ཁྱོད་ནི། ཚུལ་ཁྲིམས་དང་ལྡན་པ་དང་ཆོག་ཤེས་པ་དང ། རབ་ཏུ་དབེན་པ་དང ། དྲན་པ་དང་ལྡན་པ་དང ། ཤེས་རབ་དང་ལྡན་པ་ཡིན་ལ། འདི་ལྟ་བུ་དེ་ནི། ཚུལ་ཁྲིམས་འཆལ་པ་ཡིན་ན། ཇི་ལྟར་ན་ཁྱོད་དེ་ལ་བསྙེན་བཀུར་བྱེད། དེ་ནས་ཁྱིམ་བདག་བརྟན་པའི་སྡེ་འདི་སྙམ་དུ་སེམས་ཏེ། ཇི་ལྟར་ཀུན་ཏུ་སྲུང་བའི་བདག་པོ་སྤྲིན་གྱི་དབང་ཕྱུག་མར་མེ་དེས་ཆོས་སྨྲ་བ་ཆོས་ཀྱི་མཛོད་
211b
འཛིན་པ་འོད་གྲགས་པ་ཞེས་བྱ་བ་བྱིན་གྱིས་བརླབས་ཏེ། ཆོས་ཀྱི་གཏེར་ཡང་འཛིན་པའི་གཏམ་དེ་ལྟ་བུ་ལྟ་བུ་དེས་བདག་ལ་བྱས་ཏེ། དེར་སོང་ལ་བསྙེན་བཀུར་བྱོས་ཤིག་།ཅེས་དེ་སྐད་ཅེས་ཀྱང་སྨྲས་ཤིང ། བདག་གིས་ཀྱང་དེ་ལ་སྤོབས་པ་ཐོས་ནས་ཆོས་སྨྲ་བ་འོད་གྲགས་པ་ག་ལ་བ་དེར་སོང་སྟེ་ཕྱིན་ནས། བདག་ལ་ཆོས་སྨྲ་བ་འོད་གྲགས་པས་བྱང་ཆུབ་སེམས་དཔའི་སྡེ་སྣོད་ཐེ་ཚོམ་ཐམས་ཅད་གཅོད་པར་བྱེད་པ། སེམས་ཅན་ཐམས་ཅད་ཡང་དག་པར་ཚིམ་པར་བྱེད་པ་ཡང་དག་པར་རབ་ཏུ་བསྟན་ཅིང ། བདག་གིས་ཀྱང་ཆོས་འདོད་པས་ཆོས་ཀྱི་ཕྱིར་དབུལ་བ་ཕུལ་ཏེ། བདག་ཉིད་ཀྱང་རིམ་གྲོ་དང་བསྙེན་བཀུར་བྱ་བའི་ཕྱིར་ཕུལ་བས་དེ་ནི། བདག་གིས་ལེགས་པར་བྱས་པ་ཡིན་ན། གང་མི་འདིས་ཆོས་སྨྲ་བ་འོད་གྲགས་པའི་སྤྱོད་ཡུལ་མ་ཡིན་པའི་ཚིག་སྨྲས་པ་དེ་ནི། བདུད་ཀྱི་ལས་ཡིན་ནོ། །དེ་ཅིའི་ཕྱིར་ཞེ་ན། དེ་ནི། གནས་མེད་སྐབས་མེད་པའི་ཕྱིར་ཏེ། གང་དེ་བཞིན་གཤེགས་པས་བྱིན་གྱིས་བརླབས་པའི་སེམས་ཅན་རྣམས་ཀྱི་སྤྱོད་ཡུལ་དེ་དག་ཡིན་ནོ། །ཞེས་བྱ་བ་དེ་ནི། གནས་མེད་དེ། གདོན་མི་ཟ་བར་འདི་ནི། བདུད་དམ། བདུད་ཀྱི་རིས་ཀྱི་ལྷའམ།། བདུད་ཀྱིས་བྱིན་གྱིས་བརླབས་པའི་མི་ཞིག་ཡིན་ནོ། །དེ་ཅིའི་ཕྱིར་ཞེ་ན། ཇི་ལྟར་བདག་གིས་ཆོས་སྨྲ་བ་འོད་གྲགས་པ་ལས་ཆོས་བསྟན་པ་བཟུང་བའི་ཆོས་བསྟན་པ་དེ་ལ་ནི།
212a
༄#། །མཚན་ཉིད་དེ་དག་མེད་པའི་ཕྱིར་ཏེ། བདག་གིས་ནི། བུད་མེད་དེ་ལ་རྣམ་པར་བལྟ་བར་བྱ། བུད་མེད་ཀྱི་ཆོས་ལ་རྣམ་པར་བལྟ་བར་བྱ། སྐྱེས་པ་ལའང་རྣམ་པར་བལྟ་བར་བྱ། སྐྱེས་པའི་ཆོས་ལའང་རྣམ་པར་བལྟ་བར་བྱ་སྟེ། གལ་ཏེ་ཆོས་སྨྲ་བ་འོད་གྲགས་པ་དེ་དེ་བཞིན་གཤེགས་པས་བྱིན་གྱིས་བརླབས་པ་ཡིན་ལ། བདག་སྤྲུལ་པ་ཡང་དག་པ་མ་ཡིན་པ་དེ་ཉིད་ཀྱི་དབང་གིས་སོང་ན་ནི། དེ་བཞིན་གཤེགས་པ་ལ་བདག་གིས་སྐུར་པ་བཏབ་པར་འགྱུར་ཞིང ། དེ་བཞིན་གཤེགས་པའི་ཆོས་ཉིད་ལའང་སྐུར་པ་བཏབ་པར་འགྱུར་ན། བདག་གིས་ནི། བསམ་པ་བཟང་པོའི་སྨོན་ལམ་གྱི་དབང་དང ། དེ་བཞིན་གཤེགས་པ་དེའི་བདེན་པའི་བྱིན་གྱི་རླབས་ཀྱིས་བདེན་པའི་བྱིན་གྱིས་བརླབས་བྱའོ། །སྙམ་མོ། །དེ་ནས་ཁྱིམ་བདག་བརྟན་པའི་སྡེས་དེའི་ཚེ།་བདེན་པ་དང ། བདེན་པའི་ཚིག་གང་གིས་ཆོས་སྨྲ་བ་དེ་བཅོམ་ལྡན་འདས་དེས་ཆོས་བསྟན་པའི་ཕྱིར་བྱིན་གྱིས་བརླབས་པ་ཡིན་ན། བདག་ལ་ཆོས་ཡོངས་སུ་བཙལ་བའི་ཕྱིར་ལྷག་པའི་བསམ་པ་ཡོད་པའི་བདེན་པ་དང ། བདེན་པའི་ཚིག་དེས་བུད་མེད་དེ་དང ། སྐྱེས་པ་དེ་མི་སྣང་བར་གྱུར་ཅིག་།ཅེས་བདེན་པའི་བྱིན་གྱིས་བརླབས་བྱས་ཏེ། ཤཱ་རདྭ་ཏིའི་བུ། ཁྱིམ་བདག་དེའི་བདེན་པའི་བྱིན་གྱི་རླབས་ཀྱིས་བུད་མེད་དེ་དང ། སྐྱེས་པ་
212b
དེའང་མི་སྣང་བར་གྱུར་ཏོ། །བདུད་ཀྱི་རིས་དེ་དག་མི་སྣང་བར་གྱུར་ནས། དེ་ནས་ཁྱིམ་བདག་བརྟན་པའི་སྡེ་བསམ་པ་འདི་ལ་ཞུགས་ཏེ། གང་ཆོས་སྨྲ་བ་འོད་གྲགས་པས་བདག་ལ་སེམས་ཅན་ཐམས་ཅད་ཀྱི་བསམ་པ་ཡང་དག་པར་ཚིམ་པར་བྱེད་པའི་ཆོས་ཀྱི་རྣམ་གྲངས་ཉན་དུ་མ་སྟེར་བ་དེའང་བདག་གི་བདུད་ཀྱི་ལས་ཡིན། དེ་ནི། བདུད་ཀྱི་བྱིན་གྱིས་བརླབས་པ་ཡིན་ཏེ། འདི་ལྟར་བདག་ཆོས་ཡོངས་སུ་ཚོལ་བ་ལ་མངོན་པར་བརྩོན་ཞིང་རྟག་པར་རྒྱུན་དུ་དེའི་རྗེས་སུ་འབྲངས་ན། དེས་ཀྱང་བདག་ལ་བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་ཉན་དུ་མ་བཅུག་སྟེ། ཀྱེ་མ་བདག་གིས་འདི་ལྟར་བདག་ལ་བདུད་ཀྱི་ལས་སུ་མི་འགྱུར་བ་དེ་ལྟར་བྱའོ། །སྙམ་སྟེ། ཤཱ་རདྭ་ཏིའི་བུ། ཁྱིམ་བདག་བརྟན་པའི་སྡེ་ཆོས་སྨྲ་བ་འོད་གྲགས་པའི་རྗེས་སུ་འབྲང་བ་ཁོ་ནར་བྱེད་ཀྱི། ཕྱིར་མ་ལོག་གོ་།ཤཱ་རདྭ་ཏིའི་བུ། ཁྱིམ་བདག་བརྟན་པའི་སྡེའི་ལྷག་པའི་བསམ་པ་ཕུན་སུམ་ཚོགས་པ་ལ་ལྟོས། ལོ་བྱེ་བ་ཕྲག་དྲུག་ཅུར་དེས་ཆོས་སྨྲ་བ་དེའི་རྗེས་སུ་འབྲང་ཞིང་དགའ་བ་དང ། དད་པས་ཀྱང་ཡིད་ཡོངས་སུ་མི་སྐྱོ་བར་ལོ་བྱེ་བ་ཕྲག་དྲུག་ཅུར་རྗེས་སུ་འབྲང་དུ་ཟིན་ཀྱང་ཆོས་ཀྱི་རྣམ་གྲངས་དེ་ལན་གཅིག་མ་གཏོགས་པར་ནམ་ཡང་མ་ཐོས་སོ། །བདུད་རྟག་ཏུ་གླགས་ཚོལ་བ་ལ་རྗེས་སུ་ལྟ་བས་ཀུན་ཏུ་རྨོངས་པའི་གནས་དེ་ལྟ་བུ་ཀུན་ཏུ་བསྟན་པ་ནའང་དེའི་སེམས་གཞན་དུ་
213a
༄#། །མ་གྱུར་ཏེ། ཆོས་སྨྲ་བ་དེ་ལ་དད་པ་ཐོབ་པ་ཉིད་དུའང་གྱུར་ཏོ། །ཁྱིམ་བདག་བརྟན་པའི་སྡེ་དེ་ལོ་བྱེ་བ་ཕྲག་དྲུག་ཅུ་པོ་དེ་འདས་ནས་འཇིག་རྟེན་གྱི་ཁམས་དཀོན་མཆོག་འབྱུང་གནས་སུ་སངས་རྒྱས་ཀྱི་ཞིང་སྟོང་གི་རྗེས་སུ་མཐུན་པར་སྐྱེས་ཏེ། འཇིག་རྟེན་གྱི་ཁམས་དེར་ཡང་དེ་བཞིན་གཤེགས་པ་དཔུང་མགོ་ཆེན་པོ་ཞེས་བྱ་བ་བྱུང་ངོ། །ཤཱ་རདྭ་ཏིའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔུང་མགོ་ཆེན་པོ་དེའི་འདུས་པ་གཅིག་སྟེ། དགྲ་བཅོམ་པ་བྱེ་བ་ཕྲག་དྲུག་ཅུ་བྱུང་ངོ ། །དེའི་དུས་ན་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་སྡེ་ནི། རྒྱལ་པོའི་ཁྱིམ་དུ་སྐྱེས་ཏེ། དེ་སྐྱེས་ནས་དེ་མ་ཐག་ཏུ་ལྷས་ཚིག་ཏུ་སྨྲས་པ། གཞོན་ནུ།་ཁྱོད་ཀྱི་འབྲས་བུ་དེ་ནི། ཆོས་ཡོངས་སུ་བཙལ་བའི་ཡིན་ནོ། །དེ་ནས་ཁྱེའུ་དེས་ལྷ་དེ་ལས་ཚིག་དེ་ཐོས་ནས་སེམས་འདི་ལྟ་བུ་སྐྱེས་ཏེ། དེའི་ཕྱིར་བདག་གིས་ནི། བདག་ཉིད་ཁོ་ནས་ཆོས་རྣམས་བཙལ་བར་བྱ་བ་དེ་ལྟར་བྱའོ། །སྙམ་ནས་དེ་སྐྱེས་ནས་ལོ་བདུན་ལོན་པ་ཙམ་དང ། རབ་ཏུ་འབྱུང་བའི་ཕྱིར་མངོན་པར་བྱུང་ངོ ། །བཅོམ་ལྡན་འདས་དེས་ཀྱང་དེ་ལ་ཆོས་བསྟན་ཏོ། །དེ་སྔོན་གྱི་སྨོན་ལམ་དང ། དེ་བཞིན་གཤེགས་པའི་བྱིན་གྱི་རླབས་ཀྱིས་དྲན་པའང་རྙེད་དོ། །དེ་བཞིན་གཤེགས་པ་དཔུང་མགོ་ཆེན་པོ་
213b
དེས་ཆོས་ཀྱི་རྣམ་གྲངས་ཇི་སྙེད་ཡང་དག་པར་རབ་ཏུ་བསྟན་པ་དེ་དག་ཐམས་ཅད་ཀྱང་ཀུན་བཟུང་ངོ ། །དེས་བཅོམ་ལྡན་འདས་དེ་བཞིན་གཤེགས་པ་དཔུང་མགོ་ཆེན་པོ་དེའི་བསྟན་པ་ལའང་ཚངས་པར་སྤྱོད་པ་སྤྱད་དོ། །སེམས་ཅན་གྲངས་མེད་དཔག་ཏུ་མེད་པ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །དེ་ནས་ཤི་འཕོས་ནས་ཀྱང་དེ་མ་ཐག་ཏུ་དེ་བཞིན་གཤེགས་པ་གཉིས་པ་རི་རབ་ཀྱི་ཕུང་པོ་ཞེས་བྱ་བ་མཉེས་པར་བྱས་སོ། །དེ་དེ་བཞིན་གཤེགས་པ་དེའི་བསྟན་པ་ལའང་སྐྱེས་ནས་ལོ་བདུན་ཙམ་ལོན་པ་དང་རབ་ཏུ་བྱུང་ངོ ། །དེ་དེ་ལྟར་རབ་ཏུ་བྱུང་ནས་དྲན་པ་རྙེད་པ་དང ། སྔོན་གྱི་སྨོན་ལམ་དང ། དེ་བཞིན་གཤེགས་པའི་བྱིན་གྱི་རླབས་ཀྱིས་བཅོམ་ལྡན་འདས་དེས་མདོ་སྡེ་ཇི་སྙེད་ཡང་དག་པར་རབ་ཏུ་བསྟན་པ་དེ་ཐམས་ཅད་དྲན་པས་ཀུན་ཏུ་བཟུང་ངོ ། །ཤཱ་རདྭ་ཏིའི་བུ། རྣམ་གྲངས་དེས་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་སྡེས་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དྲུག་ཅུ་རྩ་བརྒྱད་མཉེས་པར་བྱས་སོ། །སངས་རྒྱས་བྱེ་བ་ཁྲག་ཁྲིག་འབུམ་ཕྲག་དྲུག་ཅུ་རྩ་བརྒྱད་པོ་དེ་དག་ཐམས་ཅད་ལས་ཀྱང་ཆོས་བསྟན་པ་ཀུན་བཟུང་ངོ ། །ཤཱ་རདྭ་ཏིའི་བུ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་སྡེ་ཡེ་ཤེས་རྒྱ་མཚོ་ལྟ་བུ་དང་ལྡན་པར་གྱུར་ཏོ། །མི་གཡོས་པ་ཉིད་ཀྱི་
214a
༄#། །ཕྱིར་ཡེ་ཤེས་མི་འཁྲུགས་པ་ནམ་མཁའ་དང་མཉམ་པ་ལྟ་བུ་དང་ལྡན་པར་གྱུར་ཏོ། །གཏིང་དཔག་དཀའ་བ་ཉིད་ཀྱི་ཕྱིར་ཡེ་ཤེས་ཟབ་པ་ལྟ་བུ་དང་ལྡན་པར་གྱུར་ཏོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་ཁྱིམ་བདག་བརྟན་པའི་སྡེ་ཞེས་བྱ་བ་བྱུང་བ་དེ་གཞན་ཞིག་ཡིན་པ་སྙམ་དུ་སེམས་ན། ཁྱོད་ཀྱིས་དེ་ལྟར་བལྟ་བར་མི་བྱ་སྟེ། གང་གིས་ལོ་བྱེ་བ་ཕྲག་དྲུག་ཅུར་ཆོས་སྨྲ་བ་དེ་ལ་རྗེས་སུ་འབྲངས་ཀྱང་སེམས་གཞན་དུ་གྱུར་པར་མ་བྱས་པའི་ཁྱིམ་བདག་ཚོང་དཔོན་དེ་ནི། མར་མེ་མཛད་ཡིན་ནོ། །ཤཱ་རདྭ་ཏིའི་བུ།་ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་ཡོངས་སུ་བཙལ་བ་ལྷག་པའི་བསམ་པ་ཇི་ཙམ་དུ་དོན་ཆེ་བ་ལ་ལྟོས། ཤཱ་རདྭ་ཏིའི་བུ། དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་བསམ་པ་དང་ལྡན་པ་ནི། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། ། ཤཱ་རདྭ་ཏིའི་བུ། ཆོས་སྨྲ་བ་དེ་ནི། ད་དུང་དུ་སངས་རྒྱས་བཅོམ་ལྡན་འདས་རྣམས་ཀྱི་དམ་པའི་ཆོས་ཡོངས་སུ་ཚོལ་བར་བྱེད་དོ། །ཤཱ་རདྭ་ཏིའི་བུ། ཆོས་སྨྲ་བ་འོད་གྲགས་པ་དེ་ནི། འཁོར་འདི་ཉིད་ན་གནས་ཤིང་འདུག་གོ་།བྱང་ཆུབ་སེམས་དཔའི་སྤྱོད་པ་དང ། ལྷག་པའི་བསམ་པ་དང ། དམ་པའི་ཆོས་ཡོངས་སུ་ཚོལ་བ་ལ་མངོན་པར་བརྩོན་པའི་ལེའུ་སྟེ་
214b
དྲུག་པའོ།། །།དེ་ནས་བཅོམ་ལྡན་འདས་ཀྱིས་ཡང་ཚེ་དང་ལྡན་པ་ཤཱ་རདྭ་ཏིའི་བུ་ལ་བཀའ་སྩལ་པ། ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱིས་བྱ་བ་གསུམ་གྱིས་བྱ་བ་དང་མི་བྱ་བ་ཐམས་ཅད་ཡང་དག་པར་རྗེས་སུ་མཐོང་སྟེ། གསུམ་གང་ཞེ་ན། ཤཱ་རདྭ་ཏིའི་བུ། འདི་ལྟ་སྟེ། བྱ་བ་མ་ཡིན་པ་ཉིད་ཀྱི་ཕྱིར་དམ་པའི་ཆོས་ཡོངས་སུ་བཙལ་བར་བྱ་བ་འདི་ནི། བྱ་བ་དང་པོའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་ནི། སངས་རྒྱས་ཀྱི་ཆོས་རྣམས་ཚད་བྱས་པ་མ་ཡིན་པར་ཡོངས་སུ་ཚོལ་བ་ཡིན་ཏེ། སངས་རྒྱས་ཀྱི་ཆོས་ཟབ་མོ་དག་ཐོས་ནའང་མི་སྐྲག་ཅིང་གཏིང་དཔོག་པར་བྱེད་ལ་ལྷག་པར་མོས་ཤིང་སྤོང་བར་མི་བྱེད་དེ། ཤཱ་རདྭ་ཏིའི་བུ། དེ་ཇི་ལྟ་ཇི་ལྟར་ཆོས་ཟབ་མོ་དག་ཐོས་པ་དེ་ལྟ་དེ་ལྟར་རྒྱས་པར་ལྷག་པའི་བསམ་པ་ཕུན་སུམ་ཚོགས་པ་ལས་མི་ལྡོག་པ་འདི་ནི། བྱ་བ་གཉིས་པ་སྟེ། བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་ཕུན་སུམ་ཚོགས་པ་ཡིན་པར་བལྟ་བར་བྱའོ། །ཤཱ་རདྭ་ཏིའི་བུ། གཞན་ཡང་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོའི་ཐད་དུ་མི་ལ་ལ་ཞིག་འོངས་ནས་བྱང་ཆུབ་སེམས་དཔའ་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེས་ནི། བདོག་པ་ཐམས་ཅད་ཡོངས་སུ་གཏང་བར་བྱ་དགོས་ཏེ། གང་བྱང་ཆུབ་སེམས་དཔས་མི་སྦྱིན་པར་བྱ་
215a
༄#། །བའི་དངོས་པོ་དེ་ནི། མེད་པ་ཡིན་ནོ། །ཞེས་དེ་སྐད་ཅེས་སྨྲས་ལ། གལ་ཏེ་བྱང་ཆུབ་སེམས་དཔས་དེ་སྐད་ཅེས་ཐོས་ནས་ཞུམ་པར་མི་བྱེད། སྒྱིད་ལུག་པར་མི་བྱེད་ལ་མི་ལྡོག་པ་འདི་ནི། བྱ་བ་གསུམ་པ་སྟེ། འདིའང་བྱང་ཆུབ་སེམས་དཔའི་ལྷག་པའི་བསམ་པ་ཕུན་སུམ་ཚོགས་པ་ཡིན་པར་བལྟ་བར་བྱའོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའི་ཐད་དུ་མི་ལ་ལ་ཞིག་འོངས་ནས།་གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེས་ནི། སེམས་ཅན་ཐམས་ཅད་ལ་བདེ་བའི་ཡོ་བྱད་ཐམས་ཅད་ཉེ་བར་བསྒྲུབ་པར་བྱ་སྟེ། དེ་ལྟ་བས་ན། བདག་ནི། འདི་ལྟར་སྡུག་བསྔལ་ཞིང ། བདག་ནི། མཆོག་ཏུ་སྡུག་བསྔལ་བ་ཡིན་པས་བདག་ཁོ་ན་ལ་ཁྱོད་ཀྱིས་བདེ་བའི་ཡོ་བྱད་ཉེ་བར་སྒྲུབས་ཤིག་།ཕྱིས་ནི། སེམས་ཅན་གཞན་དག་ལ་བདེ་བའི་ཡོ་བྱད་ཉེ་བར་སྒྲུབས་ཤིག་།ཅེས་དེ་སྐད་ཅེས་སྨྲས་ལ། གལ་ཏེ་བྱང་ཆུབ་སེམས་དཔས་དེ་སྐད་ཅེས་ཐོས་ནས་ཞུམ་པར་མི་བྱེད་ཅིང་བདེ་བ་དེ་ཉེ་བར་སྒྲུབ་པར་ནུས་པ་ཡིན་ལ། དེའང་ཉེ་བར་མི་སྒྲུབ་པར་བདག་ནི། སེམས་ཅན་འདི་ལ་བདེ་བའི་ཡོ་བྱད་ཉེ་བར་སྒྲུབ་པར་ནུས་པའང་མ་ཡིན་ན། སེམས་ཅན་ཐམས་ཅད་ལ་ལྟ་ཅི་སྨོས་ཞེས་ཞུམ་པའི་སེམས་སྐྱེད་པར་བྱེད་ཅིང ། ཀུན་ཏུ་ཞུམ་པའི་སེམས་སྐྱེད་པར་བྱེད་ན། གལ་
215b
ཏེ་དེ་ལྟ་ན་ཀུན་ཏུ་ཞུམ་པར་བྱེད་པ་དེ་ནི། ལྷག་པའི་བསམ་པ་མ་ཡིན་པར་བལྟ་བར་བྱའོ། །ཤཱ་རདྭ་ཏིའི་བུ། གལ་ཏེ་སེམས་ཅན་དེ་ལ་བདེ་བའི་ཡོ་བྱད་ཉེ་བར་སྒྲུབ་པ་ན། དེའང་བྱང་ཆུབ་སེམས་དཔའ་དེ་ལ་གཤེ་བར་བྱེད་ཅིང་བརྒྱད་བཀག་བྱེད་ལ། ཚིག་རྩུབ་པོ་ཚོགས་པར་དབྱུང་བར་འོས་པ་མ་ཡིན་པ་སྡིག་པ་ཅན་གྱིས་ཀུན་ཏུ་སྤྱོད་པར་བྱེད་ན། བྱང་ཆུབ་སེམས་དཔས་ནི། དེ་ལ་ཁྲོ་བ་བསྐྱེད་པར་མི་བྱ། གནོད་སེམས་བསྐྱེད་པར་མི་བྱ། དེ་ལ་བྱམས་པའི་སེམས་ཉིད་དང ། སྙིང་རྗེ་ཉིད་བསྐྱེད་པར་བྱ། དེ་ལ་བདེ་བ་ཉིད་ཉེ་བར་བསྒྲུབ་པར་བྱ་ཞིང ། སྡུག་བསྔལ་ནི། མ་ཡིན་ཏེ། ཤཱ་རདྭ་ཏིའི་བུ། དེ་ལྟར་ན། བྱང་ཆུབ་སེམས་དཔའི་ལྷག་པའི་བསམ་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རིག་པར་བྱའོ། །བྱང་ཆུབ་སེམས་དཔའ་དེས་ནི། དུལ་བ་དང་ཞི་བའི་སེམས་བསྐྱེད་པ་དང ། བདེ་བའི་ཡོ་བྱད་ཀྱི་སེམས་བསྐྱེད་པ་དེ་དག་གིས་འཁོར་བ་དཔག་ཏུ་མེད་པ་དུམ་བུར་ཆད་པར་ཡང་དག་པར་རྗེས་སུ་མཐོང་ངོ ། །སེམས་ཅན་དཔག་ཏུ་མེད་པ་ལ་བདེ་བའི་ཡོ་བྱད་ཉེ་བར་བསྒྲུབས་པར་ཡང་ཡང་དག་པར་རྗེས་སུ་མཐོང་ངོ ། །བདག་ཉིད་ཀྱི་སངས་རྒྱས་ཀྱི་ཆོས་ཡོངས་སུ་སྨིན་པར་ཡང་ཡང་དག་པར་རྗེས་སུ་མཐོང་ངོ ། །སེམས་བསྐྱེད་པ་རེ་རེ་ལའང་སངས་རྒྱས་ཀྱི་ཆོས་དཔག་ཏུ་མེད་པ་སྒྲུབ་པ་ཉིད་དུ་ཡང་དག་པར་རྗེས་སུ་མཐོང་སྟེ། དེ་ལྟར་ན། བྱང་ཆུབ་སེམས་
216a
༄#། །དཔའ་ནི། ལྷག་པའི་བསམ་པ་དང་ལྡན་ཞིང ། ཐབས་ལ་མཁས་པར་རིག་པར་བྱའོ། །གང་སེམས་མ་རྨས་ཤིང་སེམས་མ་ཉམས་པས་སེམས་ཅན་དེ་ལ་བདེ་བའི་ཡོ་བྱད་ཉེ་བར་བསྒྲུབས་ལ། སེམས་ཅན་དེའང་གཤེ་བར་བྱེད་ཅིང་བརྒྱད་བཀག་བྱེད་ལ་ཚིག་ཚོགས་པར་དབྱུང་བར་འོས་པ་མ་ཡིན་པ་སྡིག་པ་ཅན་གྱིས་ཀུན་ཏུ་སྤྱོད་པར་བྱེད་ན། བྱང་ཆུབ་སེམས་དཔའ་ནི། དེ་ལ་བཟོད་པར་བྱེད་ཅིང ། དེ་ལའང་བྱང་ཆུབ་སེམས་དཔའ་སེམས་དཔའ་ཆེན་པོ་ནི། འདི་སྙམ་དུ་སེམས་ཏེ། སེམས་ཅན་འདི་དག་ལ་སངས་རྒྱས་ཀྱི་ཆོས་རྣམས་རབ་ཏུ་སྟོན་པར་བྱེད་དེ། བདག་གིས་དེ་ལ་གནོད་སེམས་གང་ཅིའང་རུང་བ་བསྐྱེད་པར་གྱུར་ན། དེ་ཙམ་དུ་བདག་བྱང་ཆུབ་ལས་ཉམས་པར་འགྱུར་རོ། །སྙམ་པ་འདི་ནི། བྱང་ཆུབ་སེམས་དཔའི་ལྷག་པའི་བསམ་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཐབས་ལ་མཁས་པ་ཡིན་པར་བལྟ་བར་བྱའོ། ། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའི་ཐད་དུ་མི་ལ་ལ་ཞིག་འོངས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི། རྙེད་པར་དཀའ་སྟེ། ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པར་མི་ནུས་ཤིང ། ཁྱོད་ཀྱིས་སངས་རྒྱས་ཀྱི་ཆོས་རྣམས་ཡང་དག་པར་སྒྲུབ་པར་མི་ནུས་
216b
སོ། །ཞེས་དེ་སྐད་ཅེས་སྨྲས་ལ། གལ་ཏེ་ཐོས་ནས་ཡིད་གཏོང་བར་བྱེད་ན། ལྷག་པའི་བསམ་པ་མ་ཡིན་པར་བལྟ་བར་བྱའོ། །གལ་ཏེ་དེ་ལ་སངས་རྒྱས་ཀྱི་ཆོས་རྙེད་པར་དཀའ་བ་ཉིད་ལ་རྙེད་སླ་བ་ཉིད་སྐྱེས་ན། དེ་ལྟ་ན་ལྷག་པའི་བསམ་པ་མ་ཡིན་པར་བལྟ་བར་བྱའོ། །ཤཱ་རདྭ་ཏིའི་བུ། གཞན་ཡང་གལ་ཏེ་བྱང་ཆུབ་སེམས་དཔའི་ཐད་དུ་མི་ལ་ལ་ཞིག་འོངས་ནས་རིགས་ཀྱི་བུ། གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ནི། རང་གི་ལུས་དང ། རང་གི་སྲོག་ལའང་དབང་མེད་པ་ཡིན་ན། ལོངས་སྤྱོད་རྣམས་ལ་དབང་ཡོད་པར་འགྱུར་བ་ལྟ་ཅི་སྨོས་ཏེ། ཀྱེ་མ་རིགས་ཀྱི་བུ། ཁྱོད་ལུས་དང་སྲོག་ལའང་དབང་མེད་པར་གྱུར་ན་མི་རུང་གི་།སེམས་དེ་ཐོང་ཞིག་།ཅེས་དེ་སྐད་ཅེས་སྨྲས་ལ། དེ་ལའང་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་འདི་སྙམ་དུ་སེམས་ཏེ། སེམས་ཅན་ཐམས་ཅད་ནི། ལུས་དང་སྲོག་ལ་དབང་མེད་དེ། ལུས་དང་སྲོག་ལ་དབང་མེད་པར་གྱུར་པས་ཀུན་ཏུ་བསྲུང་བའི་ཕྱིར་མངོན་པར་བརྩོན་ནོ། །ཀུན་ཏུ་བསྲུང་བའི་ཕྱིར་མངོན་པར་བརྩོན་པ་དེ་དག་ཉིད་ཀྱི་ལུས་འཇིག་པར་འགྱུར་བ་ཉིད་ཡིན་ཞིང་ལུས་འགག་པར་འགྱུར་བ་ཉིད་ཡིན་ལ། སྲོག་ཀྱང་འགག་པར་འགྱུར་བ་ཉིད་ཡིན་ན། བདག་གི་ལྟ་ཅི་སྨོས་སྙམ་ན། ལྷག་པའི་བསམ་པ་དང་ལྡན་པ་མ་ཡིན་པར་རིག་པར་བྱ་ཞིང་ཐབས་ལ་
217a
༄#། །མཁས་པ་མ་ཡིན་པར་རིག་པར་བྱའོ། །ཤཱ་རདྭ་ཏིའི་བུ། གལ་ཏེ་དེ་འདི་སྙམ་དུ་སེམས་ཏེ། སེམས་ཅན་ཐམས་ཅད་ནི། ལུས་དང་སྲོག་ལ་ཀུན་ཏུ་བསྲུང་བའི་ཕྱིར་མངོན་པར་བརྩོན་པ་དག་སྟེ། དེ་དག་ནི། ལུས་དང་སྲོག་ལ་དབང་མེད་པ་ཡིན་ནོ། །དབང་མེད་པར་གྱུར་པ་དེ་དག་གི་ལུས་རབ་ཏུ་འཇིག་པར་འགྱུར་བ་ཉིད་ཡིན་ཞིང ། ལུས་འགག་པར་འགྱུར་བ་ཉིད་ཡིན་ལ། སྐྱེ་བ་དང ། རྒ་བ་དང ། ན་བ་དང ། འཆི་བ་ལ་སོགས་པའི་གནོད་པ་དག་གིས་མངོན་པར་གསོད་པ་ཉིད་ཡིན་ཏེ། དེ་དག་ནི། ལུས་ཀུན་ཏུ་བསྲུང་བའི་ཕྱིར་མངོན་པར་བརྩོན་པ་དག་ཡིན་པས་ལས་རྣམ་པ་སྣ་ཚོགས་དག་མངོན་པར་འདུ་བྱེད་དེ། དེ་དག་གིས་ལུས་ཀུན་ཏུ་བསྲུངས་པ་ཉིད་ཡིན་ཞིང ། སྲོག་ཀུན་ཏུ་བསྲུངས་པ་ཉིད་ཡིན་ཡང ། ལུས་གཞན་ཉིད་དུ་འགྲོ་བར་འགྱུར་ཞིང ། སྲོག་གཞན་ཉིད་དུ་འགྲོ་བར་འགྱུར་རོ། །སྙམ་ནས། གལ་ཏེ་བདག་ལུས་དང་སྲོག་ལ་ལྟ་བ་དང་བཅས་པར་གྱུར་ཅིང ། ཀུན་ཏུ་བསྲུངས་པར་གྱུར་ན། དེ་ལྟ་ན་བདག་ནི། ལུས་དང་སྲོག་ལ་ལྟ་བ་དང་བཅས་པ་ཡིན་པས་སྡིག་པ་ཅན་གྱི་ལས་རྣམས་བྱས་ནས་འགྲོ་བ་ལྔ་དང་ལྡན་པའི་འཁོར་བར་སྡུག་བསྔལ་ཉམས་སུ་མྱོང་བར་འགྱུར་བས་ཀྱེ་མ་བདག་གིས་ལུས་དང་སྲོག་ལ་ལྟར་མེད་པར་བྱ། མི་བསྲུང་བར་བྱ། བདག་གིས་ནི། ལུས་དང་
217b
སྲོག་ཀྱང་དོར་བ་ཉིད་དུ་བྱ། བདག་གིས་ནི། སངས་རྒྱས་ཀྱི་ཡེ་ཤེས་ལའང་ལྟ་བ་དང་བཅས་པར་བྱ་ཞིང ། ལུས་དང་སྲོག་ལ་ནི། མ་ཡིན་པར་བྱ། སེམས་ཅན་ཐམས་ཅད་ཀྱང་ཐར་པ་ལ་མངོན་པར་བརྩོན་པར་ལྟ་བ་དང་བཅས་པར་བྱ། ལུས་དང་སྲོག་ལའང་སྲེད་པ་དང་བྲལ་བར་བྱ། བདག་གིས་ནི། སངས་རྒྱས་བཅོམ་ལྡན་འདས་ཐམས་ཅད་ལ་སྲེད་པ་དང་ལྡན་པར་བྱ། བདག་གིས་ནི། སྐྱེ་བ་མེད་པ་ལ་མོས་པར་བྱ། བདག་གིས་ནི། ཆོས་བསྟན་པའི་ཕྱིར་སྐྱོ་བ་མེད་པར་བྱ། བདག་གིས་ནི། མ་བཅིངས་མ་གྲོལ་བའི་ཆོས་བསྟན་པར་བྱའོ། །སྙམ་མོ། །དེ་ལའང་བྱང་ཆུབ་སེམས་དཔའ་འདི་ལྟར་སོ་སོར་རྟོག་པར་བྱེད་དེ། བདག་གིས་སེམས་ཅན་དེ་ལ་ཀྱེ་མི། གང་ལུས་དང་སྲོག་ལ་དབང་མེད་པ་ཉིད་འདི་ནི། རྩོལ་བ་མཆོག་ཡིན།་འདི་ནི། གོ་ཆ་མཆོག་ཡིན་ནོ། །ཞེས་དེ་སྐད་ཅེས་བརྗོད་པར་བྱའོ། །དེ་ཅིའི་ཕྱིར་ཞེ་ན། ཀྱེ་མི། ཆོས་ཐམས་ཅད་ནི། རང་བཞིན་མེད་པའི་ཕྱིར་ཏེ། ཀྱེ་མི། ཆོས་ཐམས་ཅད་ནི།་རྟེན་པ་མེད་པའོ། །ཞེས་གལ་ཏེ་དེ་སྐད་ཅེས་སྨྲས་ན། བྱང་ཆུབ་སེམས་དཔའ་ལྷག་པའི་བསམ་པ་དང་ལྡན་པ་ཡིན་པར་རིག་པར་བྱའོ། །ཤཱ་རདྭ་ཏིའི་བུ། གཞན་ཡང་གལ་ཏེ་བྱང་ཆུབ་སེམས་དཔའི་ཐད་དུ་མི་ལ་ལ་ཞིག་འོངས་ནས་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེས་ནི། སེམས་ཅན་ཐམས་ཅད་ཀྱི་སློབ་མར་
218a
༄#། །གྱུར་པར་བྱ་དགོས་ཏེ། ཁྱོད་ཀྱིས་ཀྱང་ད་ཕྱིན་ཆད་ངའི་སློབ་མར་གྱུར་པར་བྱ་དགོས་སོ། །ཞེས་དེ་སྐད་ཅེས་སྨྲ་ན། དེ་ལ་བྱང་ཆུབ་སེམས་དཔས་ཀྱེ་མ། བདག་ནི། ཁྱོད་གཅིག་པུ་ཁོ་ནའི་སློབ་མར་གྱུར་པ་མ་ཡིན་གྱི། བདག་ནི། སེམས་ཅན་ཐམས་ཅད་ཀྱི་སློབ་མར་གྱུར་པའོ། །དེ་ཅིའི་ཕྱིར་ཞེ་ན། འདི་ལྟར་བདག་གིས་སེམས་ཅན་གྱི་ཁུར་ཉེ་བར་བླངས་པའི་ཕྱིར་ཏེ། ཁུར་དེའང་ནད་མེད་པའི་ཁུར་དང ། མི་ངལ་བའི་ཁུར་དང ། བདེ་བའི་ཁུར་དང ། གཙོ་བོ་འབྱུང་བར་འགྱུར་བའི་ཁུར་དང ། དེ་བཞིན་གཤེགས་པའི་བསྟན་པའི་ཁུར་དང ། དམ་པའི་ཆོས་ཉན་པའི་ཁུར་དང ། ཆོས་ཐོས་པ་སྒྲུབ་པའི་ཁུར་དང ། ཐར་པར་འགྱུར་བའི་ཁུར་དང ། ཀྱེ་མི། ཁུར་དེ་ནི། དེ་ལྟ་བུ་ཡིན་པས། ཀྱེ་མི། ཁུར་དེ་ནི། ལུས་དུབ་པར་བྱེད་པ་མ་ཡིན་ཞིང ། སེམས་དུབ་པར་བྱེད་པ་མ་ཡིན་ལ། བདག་ལས་མ་འོངས་པ། གཞན་ལས་མ་འོངས་པ། བདག་སྡུག་བསྔལ་བར་མི་བྱེད་པ། གཞན་སྡུག་བསྔལ་བར་མི་བྱེད་པ་ཡིན་ན། ཀྱེ་མི། ཁྱོད་ཀྱིས་ཁྱོད་ང་འབའ་ཞིག་གི་སློབ་མར་གྱུར་པར་བྱོས་ཤིག་།ཅེས་དེ་སྐད་ཅེས་སྨྲས་ན། ཀྱེ་མི།་ཁྱོད་ལ་ཅི་དགོས་ཞེས་དེ་སྐད་ཅེས་བརྗོད་པར་བྱའོ། །གལ་ཏེ་ལུས་དང་སྲོག་དགོས་སོ། །ཞེས་དེ་སྐད་ཅེས་སྨྲས་ན། དེས་དེ་ལ་ཀྱེ་མི། བདག་གིས་ནི། ལུས་ཡོངས་
218b
སུ་གཏོང་ཞིང ། སྲོག་ཡོངས་སུ་གཏང་གི་།བདག་གིས་ཁྱོད་ཡོངས་སུ་གཏང་བ་མ་ཡིན་ཞེས། ཀྱེ་མི། ཁྱོད་བདག་པོ་མེད་ཅིང་དབང་ཕྱུག་མེད་པའི་ཆོས་རྣམས་ལ་དབང་ཕྱུག་ཏུ་འདུ་ཤེས་མ་སྐྱེད་ཅིག། དབང་ཕྱུག་གི་འདུ་ཤེས་བསྐྱེད་དེ། སྡིག་པ་ཅན་གྱི་ལས་རྣམས་བྱས་ན། ཁྱོད་ནི། སྡིག་པ་ཅན་གྱི་ལས་བདག་གིས་སྡིག་པ་ཅན་གྱི་འགྲོ་བར་འགྱུར་ཏེ། ཀྱེ་མི། ཁྱོད་ལ་སྡིག་པ་ཅན་གྱི་འགྲོ་བར་འགྱུར་བས་ཁྱོད་སྡིག་པ་ཅན་གྱི་ལས་བདག་ལ་སྦྱོར་བར་མི་སྤྲོའོ། །ཅི་སྟེ་དེ་ལྟར་མི་སེམས་ན་ནི། ཅི་འདོད་པ་བཞིན་དུ་བྱོས་ཤིག་།ཅེས་དེ་སྐད་ཅེས་བརྗོད་པར་བྱའོ། །ཤཱ་རདྭ་ཏིའི་བུ། གལ་ཏེ་བྱང་ཆུབ་སེམས་དཔའ་ལུས་དང་སྲོག་ལ་དེ་ལྟར་མི་ལྟ་བར་གནས་ན། ཤཱ་རདྭ་ཏིའི་བུ། ལྷག་པའི་བསམ་པ་དེའང་བླ་ན་མེད་པ་ཡང་དང་པར་རྫོགས་པའི་བྱང་ཆུབ་ཏུ་བལྟ་བར་བྱ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་གྱུར་པ་ཡིན། དེའི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྣམ་པར་མ་ཉམས་པ་ཉིད་ཡིན། འཁོར་བའང་ཐག་རིང་པོར་བྱེད་པ་ཡིན། ཐམས་ཅད་མཁྱེན་པའི་ཡེ་ཤེས་དང་ཉེ་བར་གྱུར་པ་ཡིན། དེ་སེམས་ཅན་ཡོངས་སུ་སྨིན་པར་བྱེད་པའང་ཡིན།་སངས་རྒྱས་ཀྱི་ཞིང་ཡང་ཡོངས་སུ་སྦྱོང་བ་ཡིན། བདག་ཉིད་ཀྱི་དགེ་བའི་རྩ་བའང་ཡོངས་སུ་བྱང་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། ནོར་བུ་མཁན་དེས་ཇི་
219a
༄#། །ལྟ་ཇི་ལྟར་ནོར་བུ་རིན་པོ་ཆེ་རིན་ཐང་མེད་པ་ཤིན་ཏུ་སྦྱངས་པ་ཡོངས་སུ་བྱང་བར་བྱེད་པ་དེ་ལྟ་དེ་ལྟར་ནོར་བུ་རིན་པོ་ཆེ་དེ་ཆེས་འོད་གསལ་བ་ཡིན་ཞིང ། ཆེས་ཡོངས་སུ་དག་པ་ཡིན་ལ། དེ་ལྟ་དེ་ལྟར་བདག་ལ་རྒྱལ་པོས་མངོན་པར་གཏོད་པ་བྱིན་པར་འགྱུར་རོ། །སྙམ་ནས་ནོར་བུ་མཁན་དེས་བདག་ཉིད་ཀྱི་ལོངས་སྤྱོད་ཕུན་སུམ་ཚོགས་པ་མཐོང་སྟེ། དེས་རྒྱལ་པོའམ། དེ་ལས་གཞན་པ་མཁས་པ་དག་ལས་བསྟི་སྟང་དུ་བྱ་བ་དགའ་ཐོབ་ཅིང ། ནོར་བུ་རིན་པོ་ཆེ་དེའི་ཡོན་ཏན་དེ་དག་ཀུན་ཏུ་སྟོན་པར་བྱེད་ལ། ནོར་བུ་རིན་པོ་ཆེ་དེ་ལའང་རྒྱལ་པོ་དང ། གཞོན་ནུ་དང ། བློན་པོ་ཆེན་པོ་དང ། མཁས་པ་དེ་དང་ནོར་བུ་རིན་པོ་ཆེའི་ཡོན་ཏན་དང་ལ་དགའ་བ་སྐྱེད་པར་བྱེད་ཅིང ། ནོར་བུ་རིན་པོ་ཆེ་དེ་མཐོང་ན་ཡང་དགའ་བ་སྐྱེད་པར་བྱེད་པ་དེ་བཞིན་དུ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ་དེ་ལྟར་མཉམ་པ་ཉིད་ཀྱི་སོ་སོར་རྟོག་པས་ལན་མང་དུ་གནས་པར་བྱེད་པ་དེ་ལྟ་དེ་ལྟར་རང་གི་དགེ་བའི་རྩ་བ་སངས་རྒྱས་ཀྱི་ཡེ་ཤེས་ཡོངས་སུ་བྱང་བར་བྱེད་པ་ཡིན། མངོན་པར་གཏོད་པར་ཡང་ནུས་པ་ཡིན།་སངས་རྒྱས་བཅོམ་ལྡན་འདས་རྣམས་དང་ཡང་ཕྲད་པར་འགྱུར་པ་ཡིན། དེ་ལ་སངས་རྒྱས་བཅོམ་ལྡན་འདས་རྣམས་ཀྱང་སྟོན་པར་མཛད་པ་ཡིན། སེམས་ཅན་ཐམས་
219b
ཅད་ཀྱིས་ཀྱང་བགྲོད་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། མི་ཞིག་གིས་སྨན་གྱི་ཤིང་ལྗོན་པ་བསྐྱེད་ལ། མི་དེ་ཇི་ལྟ་ཇི་ལྟར་དུས་དུས་སུ་འོབས་ཀྱང་རྐོ་བར་བྱེད་ཅིང་ཆུའང་ལྡུགས་པར་བྱེད་ལ། རི་དྭགས་དང ། བྱ་དང ། རླུང་གི་སྐྱོ་ན་བསལ་བའི་ཕྱིར་ཡང་ཀུན་ཏུ་སྲུང་བར་བྱེད་པ་དེ་ལྟ་དེ་ལྟར་སྨན་གྱི་ཤིང་ལྗོན་པ་དེ་རྣམ་པར་འཕེལ་བར་འགྱུར་ལ། རྣམ་པར་འཕེལ་ནས་ཀྱང་སེམས་ཅན་གྲངས་མེད་དཔག་ཏུ་མེད་པའི་ནད་སེལ་བར་བྱེད་ཅིང ། ནད་ཀུན་ཏུ་གཅོད་པར་བྱེད་ལ། སེམས་ཅན་ནད་མེད་པ་རྣམས་ཀྱིས་བགྲོད་པར་བྱ་བའང་ཡིན་པ་དེ་བཞིན་དུ། ཤཱ་རདྭ་ཏིའི་བུ། བྱང་ཆུབ་སེམས་དཔའ་ཇི་ལྟ་ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་པར་བྱེད་པ་དང ། དགེ་བའི་རྩ་བའང་སྐྱེད་པར་བྱེད་པ་དང ། ཆོས་ཤེས་པ་དེའང་ཡོངས་སུ་ཚོལ་བར་བྱེད་པ་དང ། ཆོས་ཡོངས་སུ་ཚོལ་བ་ལ་མངོན་པར་བརྩོན་པ་ཡིན་པ་དང ། དེ་བཞིན་དུ་བདུད་ཀྱི་ལས་དང ། ཉོན་མོངས་པ་ཡོངས་སུ་སྐྱོབ་པར་བྱེད་པ་དེ་ལྟ་དེ་ལྟར་བྱང་ཆུབ་སེམས་དཔའ་ནི། སངས་རྒྱས་ཀྱི་ཆོས་རྣམ་པར་འཕེལ་བར་བྱེད་པ་ཡིན་ཏེ། དེ་རྣམ་པར་འཕེལ་བར་བྱས་ནས་ཀྱང་སེམས་ཅན་གྲངས་མེད་དཔག་ཏུ་མེད་པའི་ནད་ངེས་པར་འཇོམས་པར་བྱེད་པ་ཡིན། ཡེ་ཤེས་ཀྱི་སྨན་སྦྱོར་བར་བྱེད་པ་ཡིན། དེ་བླ་ན་མེད་པ་ཡང་དང་པར་རྫོགས་པའི་བྱང་ཆུབ་མངོན་
220a
༄#། །པར་རྫོགས་པར་སངས་རྒྱས་ནས་ཀྱང་ལྷ་དང ། མི་དང ། ལྷ་མ་ཡིན་གྱི་འཇིག་རྟེན་དུ་བཅས་པའི་སེམས་ཅན་ཉོན་མོངས་པ་དང་བཅས་པ་དང ། ཉོན་མོངས་པ་མེད་པ་རྣམས་ཀྱིས་བགྲོད་པར་བྱ་བའང་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐད་དུ་མི་ལ་ལ་ཞིག་འོངས་ནས་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ནི། སེམས་ཅན་དམྱལ་བ་ཆེན་པོར་སྐྱེ་བར་འགྱུར་ཏེ། དེ་ཅིའི་ཕྱིར་ཞེ་ན། རིགས་ཀྱི་བུ། བྱང་ཆུབ་སེམས་དཔའ་ནི།་ཇི་ཙམ་དུ་སེམས་ཅན་ཐར་པར་བྱེད་པ་དེ་ཙམ་ཁོ་ནར་གྲངས་མེད་པར་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། སེམས་ཅན་དེ་དག་ཐམས་ཅད་ཀྱི་སྡུག་བསྔལ་གང་ཡིན་པ་དེ་གཅིག་པུས་ཉམས་སུ་མྱོང་བར་བྱ་དགོས་ཤིང ། དེ་བཞིན་དུ་བདག་གི་སྡུག་བསྔལ་ཡང་གཅིག་པུ་འབའ་ཞིག་གིས་ཉམས་སུ་མྱོང་བར་བྱ་དགོས་ལ།་ཐམས་ཅད་མཁྱེན་པའི་ཡེ་ཤེས་ལ་སེམས་བསྐྱེད་པ་བྱས་པའི་སྡུག་བསྔལ་དེའང་ཁྱོད་གཅིག་པུ་འབའ་ཞིག་གི་ཉམས་སུ་མྱོང་བར་བྱ་དགོས་ཏེ། སེམས་ཅན་ཐམས་ཅད་ནི། ཐར་པར་གྱུར་ན། ཁྱོད་ནི། སྡུག་བསྔལ་ཉམས་སུ་མྱོང་བར་འགྱུར་རོ། །གལ་ཏེ་ཁྱོད་ཀྱིས་དེ་ལྟར་བཏང་ན། དེ་ལྟ་ན་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
220b
མངོན་པར་རྫོགས་པར་སངས་རྒྱས་པར་ནུས་སོ། །ཞེས་དེ་སྐད་ཅེས་སྨྲས་ན། གལ་ཏེ་བྱང་ཆུབ་སེམས་དཔས་དེ་ལྟར་མོས་པ་བཟློག་པ་ཉེ་བར་བསྒྲུབས་པའི་ཚིག་ཐོས་ནས་དང་དུ་ལེན་པར་བྱེད་དེ། སྐྲག་ཅིང་དངངས་ལ། དེ་མི་ནུས་སོ། །སྙམ་དུ་མངོན་པར་བསམ་ནས་ཞུམ་པར་བྱེད་ན། ལྷག་པའི་བསམ་པ་མ་ཡིན་པར་བལྟ་བར་བྱའོ། །གལ་ཏེ་བྱང་ཆུབ་སེམས་དཔའ་ལ་སེམས་འདི་ལྟ་བུ་སྐྱེས་ཏེ། གལ་ཏེ་བདག་སེམས་ཅན་དམྱལ་བར་སྐྱེས་ནས་སེམས་ཅན་དེ་དག་ཡོངས་སུ་སྨིན་པར་གྱུར་ཅིང ། རྣམ་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་ལ། སེམས་ཅན་དམྱལ་བ་ཆེན་པོའི་འཇིགས་པ་དག་ལས་ཐར་པར་གྱུར་ན། སེམས་ཅན་རེ་རེའི་དོན་གྱི་ཕྱིར་ཡང་བདག་བསྐལ་པ་གྲངས་མེད་དཔག་ཏུ་མེད་པར་སེམས་ཅན་དམྱལ་བ་ཆེན་པོར་སྐྱེ་བ་ཡོངས་སུ་འཛིན་པར་སྤྲོའོ། །དེ་ཅིའི་ཕྱིར་ཞེ་ན། སངས་རྒྱས་ཀྱི་ཡེ་ཤེས་དེ་ལྟ་བུ་དེ་དང ། སངས་རྒྱས་ཀྱི་སྟོབས་དེ་ལྟ་བུ་དེ་དང ། སངས་རྒྱས་ཀྱི་མི་འཇིགས་པ་དེ་ལྟ་བུ་དེ་དང ། ཇི་ལྟར་དེ་བཞིན་གཤེགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས་སེམས་ཅན་ཆགས་པ་རྣམས་ཀྱི་འདོད་ཆགས་རྣམ་པར་གཞིག་པའི་ཕྱིར་གཏམ་མཛད་པ་དང ། དེ་བཞིན་དུ་ཞེ་སྡང་དང ། གཏི་མུག་རྣམ་པར་གཞིག་པའི་ཕྱིར་གཏམ་
221a
༄#། །མཛད་པ་དང ། གང་གཏམ་དེ་མཛད་པ་དང ། ཇི་ལྟར་སྡུག་བསྔལ་གྱི་ཕུང་པོ་གྲངས་མེད་པ་རྒྱུན་ཆད་པ་ཡིན་པ་དང ། ཐོག་མ་མེད་པའི་སེམས་ཅན་དེ་སྙེད་རྒྱུན་ཆད་པར་བྱས་པ་ཡིན་པ་དང ། བསྐལ་པ་ཚད་མེད་པར་ཡོངས་སུ་བསྐྱབས་པར་བྱས་པ་ཡིན་པ་དང ། སེམས་ཅན་རྣམས་ཀྱིས་འདོད་ཆགས་དང་བྲལ་བའི་བདེ་བ་ཉིད་དེ་ལྟ་བུ་རྗེས་སུ་ཐོབ་པ་ཡིན་པའི་ཕྱིར་ཏེ། རྣམ་གྲངས་དེས་ན། བདག་བསྐལ་པ་གྲངས་མེད་དཔག་ཏུ་མེད་པར་སེམས་ཅན་དམྱལ་བ་ཆེན་པོར་གནས་པར་སྤྲོའོ། །སྙམ་ནས།་དེ་ལའང་བྱང་ཆུབ་སེམས་དཔའ་ཀུན་ཏུ་མི་ཞུམ་པ་ཡིན། དེ་ལའང་བྱང་ཆུབ་སེམས་དཔའ་མི་ནུར་པ་ཡིན། དེ་ལའང་བྱང་ཆུབ་སེམས་དཔའ་ངན་པའི་འདུ་ཤེས་མི་སྐྱེད་ན། ཤཱ་རདྭ་ཏིའི་བུ། བྱང་ཆུབ་སེམས་དཔའ་དེ་ནི། ལེ་ལོ་མེད་ཅིང་ལྷག་པའི་བསམ་པ་དང་ལྡན་པ་ཡིན་པར་ཤེས་པར་བྱའོ། །ཤཱ་རདྭ་ཏིའི་བུ། ཁྱོད་བྱང་ཆུབ་སེམས་དཔའི་ལྷག་པའི་བསམ་པ་རྒྱས་པར་ཉན་པར་འདོད་དམ། གསོལ་པ། བཅོམ་ལྡན་འདས། འཚལ་ལགས་སོ། །བཅོམ་ལྡན་འདས། དེའི་དུས་ལགས་སོ། །བདེ་བར་གཤེགས་པ། དེ་ནི། དུས་ལ་བབ་པ་ལགས་ཏེ། བཅོམ་ལྡན་འདས། བྱང་ཆུབ་སེམས་དཔའ་ལྷག་པའི་བསམ་པ་གང་དང་ལྡན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་
221b
བའི་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་རྣམ་པར་དབྱེ་བར་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་རདྭ་ཏིའི་བུ། སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པའི་ཡང་ཆེས་གྲངས་མེད་པ། ཡངས་པ། ཚད་མེད་པ། བསམ་གྱིས་མི་ཁྱབ་པ་དེའི་ཕ་རོལ་གྱིའང་ཆེས་ཕ་རོལ་ཏུ་གྱུར་པ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ།་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཡོན་ཏན་རྒྱལ་པོའི་འོད་ཅེས་བྱ་བ་འཇིག་རྟེན་དུ་བྱུང་ངོ ། །བཅོམ་ལྡན་འདས་དེའི་ཉན་ཐོས་ཆེན་པོ་འདུས་པ་ནི། ཉན་ཐོས་བརྒྱད་ཁྲི་བཞི་སྟོང་བྱུང་ངོ ། །བྱང་ཆུབ་སེམས་དཔའ་འདུས་པའང་བྱང་ཆུབ་སེམས་དཔའ་བརྒྱད་ཁྲི་བཞི་སྟོང་བྱུང་ངོ ། །ཉན་ཐོས་འདུས་པ་རེ་རེ་ལའང་དགྲ་བཅོམ་པ་བྱེ་བ་ཕྲག་བརྒྱད་ཅུ་རྩ་བཞི་བྱུང་ངོ ། །བྱང་ཆུབ་སེམས་དཔའ་འདུས་པ་རེ་རེ་ལ་འང་བྱང་ཆུབ་སེམས་དཔའ་བྱེ་བ་སྟོང་ཕྲག་བརྒྱད་ཅུ་རྩ་བཞི་བྱུང་ངོ ། །བཅོམ་ལྡན་འདས་དེའི་སློབ་མ་དག་ནི། ཉན་ཐོས་དགྲ་བཅོམ་པ་དེ་དག་ཇི་སྙེད་བྱུང་བ་དེའི་ཉིས་འགྱུར་དུ་བྱུང་ངོ ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་རྒྱལ་པོའི་གཞོན་
222a
༄#། །ནུ་དྲན་པ་རྙེད་ཅེས་བྱ་བ་བྱུང་ངོ ། །དེ་ནས་རྒྱལ་པོའི་གཞོན་ནུ་དྲན་པ་རྙེད་དུས་གཞན་ཞིག་ན་བཅོམ་ལྡན་འདས་དེ་བཞིན་གཤེགས་པ་ཡོན་ཏན་རྒྱལ་པོའི་འོད་དེ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།རྒྱལ་པོའི་གཞོན་ནུ་དྲན་པ་རྙེད་ཕྱོགས་གཅིག་ཏུ་འདུག་པ་དེ་ལའང་སེམས་ཀྱི་ཡོངས་སུ་རྟོག་པ་འདི་ལྟ་བུ་སྐྱེས་ཏེ་ཇི་ཙམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རྒྱལ་པོའི་འོད་རྒྱ་ཆེན་པོའི་ཆོས་དང་ལྡན་པ་ནི། ངོ་མཚར་ཏེ། གང་དེ་བཞིན་གཤེགས་པ་ཡོན་ཏན་རྒྱལ་པོའི་འོད་དེའི་ཡེ་ཤེས་ཇི་འདྲ་བ་དེ་ལྟ་བུ་ཡང་དག་པར་བསྒྲུབ་པར་བྱ་བའི་རྣམ་གྲངས་དེ་ནི། ཇི་འདྲ་བ་ཡིན། བདག་གིས་ནི། དེ་བཞིན་གཤེགས་པ་ཡོན་ཏན་རྒྱལ་པོའི་འོད་ལ་ཚིགས་སུ་བཅད་པའི་དབྱངས་ཀྱིས་ཞུ་བ་ཞུའོ། །སྙམ་ནས་དེ་དེའི་ཚེ་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ལ་སེམས་དད་པ་ཡང་དག་པར་ལྡན་པའི་ཚིགས་སུ་བཅད་པ་དག་གིས་ཞུ་བ་ཞུས་པ། རྐང་གཉིས་དམ་པ་སངས་རྒྱས་མཐོང་ནས་སུ། །བདག་ལ་འདུན་སྐྱེས་བྱང་ཆུབ་འཚལ་བར་གྱུར། །གང་ལས་བགྱིས་པ་འདི་འདྲ་མཐའ་ཡས་གཟིགས། །གང་གིས་ཐེག་མཆོག་བདུད་རྩི་རེག་པར་འགྱུར། །རྒྱལ་བ་དམ་པ་སྐར་མའི་ཚོགས་ནང་
222b
ཟླ་འདྲ་གཟུགས་ཀྱི་མཆོག་།རྒྱལ་བ་དམ་པ་རྟག་ཏུ་ཆོས་སྟོན་དེ་འདྲ་རྫུ་འཕྲུལ་མཆོག་།དེ་འདྲ་རྟག་ཏུ་ལྷག་ནས་དབང་པོ་འདྲ་བ་ཤེས་རབ་མཆོག་།ཀུན་མཁྱེན་ཡོན་ཏན་རྒྱལ་པོ་ཁྱུ་མཆོག་གཙོ་བོ་ཁྱོད་ལ་ཞུ། །ཡེ་ཤེས་ཐོགས་མེད་དྲི་བྲལ་རྣམ་པར་སྦྱངས། །དུས་གསུམ་དག་ལ་ཐོགས་པ་མེད་པར་འཇུག་།སེམས་ཅན་མཆོག་གཙོ་མཆོག་རབ་དྲང་སྲོང་ཆེ། །ཆོས་རྣམས་ཀུན་ལ་ཁྱོད་ཀྱི་དབང་འཇུག་ལགས། །ཁྱོད་ཀྱིས་སྔོན་ཚེ་སངས་རྒྱས་གཟིགས་ནས་སུ། །ཁྱོད་ཀྱིས་བྱང་ཆུབ་མཆོག་གཙོ་ཞུས་པ་དང ། །དེ་ཚེ་བྱང་ཆུབ་སླད་དུ་ཡེ་ཤེས་མཆོག ། དེ་ལ་ཁྱོད་ཞུས་ཆོས་རྒྱལ་བཤད་དུ་གསོལ། །གང་གིས་བྱང་ཆུབ་དམ་པ་མཆོག་རེག་ཅིང ། །སེམས་ཅན་ཀུན་གྱི་སྐྱབས་སུ་འགྱུར་བ་དང ། །འཆི་འཕོ་སྐྱེ་བ་ཀུན་ལས་གྲོལ་འགྱུར་བ། །ཆགས་མེད་གཟིགས་པ་བདག་ཀྱང་ཞུ་ལགས་སོ། །ཤཱ་རདྭ་ཏིའི་བུ། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རྒྱལ་པོའི་འོད་ཀྱིས་རྒྱལ་པོའི་གཞོན་ནུ་དྲན་པ་རྙེད་ལ་ཚིགས་སུ་བཅད་པ་དག་གིས་བཀའ་སྩལ་པ། གཞོན་ནུ་ཇི་ལྟར་དེ་སྐད་ཚིག་སྨྲས་པ། །སེམས་ཀྱིས་ལས་ཀུན་ཡང་དག་བསྒྲུབས་ནས་སུ། ། ཇི་ལྟར་གངྒཱའི་ཀླུང་གི་བྱེ་སྙེད་ཀྱི། །སངས་རྒྱས་མང་པོ་སྔོན་ཆད་མཐོང་བ་ཡིན། །གཞོན་ནུ་དེ་ཡི་སྐབས་སུ་སངས་རྒྱས་མཐོང ། །དེ་དག་མིང་བརྗོད་ངས་ནི་ནུས་མ་ཡིན། །ཇི་ལྟར་
223a
༄#། །གངྒཱའི་བྱེ་སྙེད་བསྐལ་བཞུགས་པ། །དེ་དག་ངས་ནི་མཐོང་ཞིང་ཞུ་བ་བྱས། །རྐང་གཉིས་དམ་པ་སངས་རྒྱས་གྱུར་ཅིག་ཅེས། །བྱང་ཆུབ་རྒྱུ་ཡི་སེམས་ནི་ཁྱོད་ལ་སྐྱེས། །ངས་བཤད་ཆོས་ནི་ཁྱོད་ཀྱིས་མཉན་པར་གྱིས། །ཆོས་དེ་ཐོས་ནས་སྒྲུབ་ལ་གནས་པར་བྱོས། །རྟག་ཏུ་སྦྱིན་པས་ངོ་མ་མི་ཤེས་པར་གྱིས། །རྟག་ཏུ་ཚུལ་ཁྲིམས་ངོམ་མ་ཤེས་པར་གྱིས། །རྟག་ཏུ་བསམ་གཏན་ངོམ་མི་ཤེས་པར་གྱིས། །གཞོན་ནུ་ཤེས་རབ་རྟག་ཏུ་བསྟེན་པར་གྱིས། །མདོར་བསྡུས་ཚིགས་བཅད་ཀྱིས་ནི་གཏམས་ནས་སུ། །དེ་ལས་གཞན་པའི་སེམས་ཅན་སྨིན་བྱའི་ཕྱིར། །རྗེས་སུ་བསྟན་པར་བྱ་ཕྱིར་གཞོན་ནུ་གཏམས། །མགུ་ཞིང་གུས་དང་བཅས་པར་ཤེས་ནས་འདུག་།སྦྱིན་པས་ཆོག་པར་མ་བྱེད་ཅིག་།ཚུལ་ཁྲིམས་ཀྱིས་ཀྱང་ཆོག་མ་བྱེད། ། དྲི་བས་ཆོག་པར་མ་བྱེད་ཅིག་།དེ་ལས་ཡེ་ཤེས་འབྱུང་བར་འགྱུར། །ཡེ་ཤེས་དེ་ནི་ཡུལ་མི་གནས། །ཕྱོགས་ན་གནས་པའང་ཡོད་མ་ཡིན། །རྫོགས་སངས་རྒྱས་ལ་ཡོངས་ཞུས་པས། །ཡེ་ཤེས་ཐོབ་པར་འགྱུར་བ་ཡིན། །ཡེ་ཤེས་མིག་ལ་བརྟེན་མ་ཡིན། །མིག་ཀྱང་ངོ་བོ་ཉིད་ཀྱིས་སྟོང ། །དེ་ཕྱིར་མིག་ཡོད་མ་ཡིན་པས། །སངས་རྒྱས་ཆོས་རྣམས་བསྟན་པར་བྱས། །རྣ་བ་སྣ་ཡང་དེ་བཞིན་ཞིང། །ལྕེ་དང་ལུས་ཡིད་དེ་བཞིན་ཏེ། །དེ་དག་ཐམས་ཅད་རྟག་ཏུ་སྟོང ། །དེ་ལ་སྙིང་པོ་ཡོད་མ་ཡིན། །འབྱུང་བ་ཆེན་པོ་བཞི་འདི་དག་།མ་བྱུང་
223b
སེམས་ཀྱི་གནས་ཡིན་ནོ། །ལུས་ནི་ཀུན་ཏུ་བརྟགས་ལས་བྱུང ། །ཀུན་ཏུ་རྟོག་པའང་ཡོད་མ་ཡིན། །ལུས་ལ་གནས་པ་མེད་གྱུར་ཅིང ། །སྲོག་ལའང་གནས་པ་མེད་པར་གྱུར། །ལོངས་སྤྱོད་གནས་པ་མེད་གྱུར་ནས། །བྱང་ཆུབ་དེ་ནི་རྟོགས་པར་ནུས། །རྟག་ཏུ་ངེས་འབྱུང་བརྩམ་པར་བྱ། །རྟག་ཏུ་བརྩོན་འགྲུས་བསྟེན་པར་བྱ། །རྟག་ཏུ་འདོད་རྣམས་སྤང་བར་བྱ། །ཁྱོད་ནི་ངན་འགྲོར་མ་འགྲོ་ཞིག། སེམས་ཅན་ཀུན་གྱི་ཆེད་ཀྱི་ཕྱིར། །སྦྱིན་པ་དེ་ནི་སྦྱིན་བྱེད་ཀྱང ། །དེས་ནི་སེམས་ཅན་རློམ་མ་སེམས། །སྦྱིན་པ་ལ་ཡང་མ་གནས་ཤིག་།ཤཱ་རདྭ་ཏིའི་བུ། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རྒྱལ་པོའི་འོད་ལ་རྒྱལ་པོའི་གཞོན་ནུ་དྲན་པ་རྙེད་ཀྱིས་ཚིགས་སུ་བཅད་པ་དག་གིས་སླར་གསོལ་པ། འཁོར་བའི་ལམ་ལས་ཁྱོད་ནི་ཤིན་ཏུ་བཞེངས། །སོམ་ཉི་གཅད་ཅིང་ཐེ་ཚོམ་བསལ་དུ་གསོལ། །རྒྱལ་བས་བདག་ལ་ཆོས་འདི་འདིར་བསྟན་ནས། །བདག་ལ་ཆོས་མང་འདུ་བར་བགྱིས་པ་ལགས། །ཇི་ལྟར་འཇིག་རྟེན་མགོན་པོས་འདིར་ཆོས་བསྟན། །དེ་ཚེ་བདུད་ཀྱིས་བཅིང་བ་ཀུན་བཅད་ནས། །བདག་གིས་བྱང་ཆུབ་མཆོག་ནི་ཐོབ་སྙམ་བགྱིད། །བྱང་ཆུབ་སྙིང་པོར་བདག་ནི་མཆིས་སྙམ་བགྱིད། །འཇིག་རྟེན་མགོན་པོས་ཆོས་དེ་འདིར་བསྟན་པས། །བདག་གིས་ཆོ་འཕྲུལ་བསྟན་པར་བགྱི་སྙམ་བགྱིད། །ས་འདི་དག་ཀྱང་གཡོ་བར་བགྱི་སྙམ་བགྱིད། །དགེ་འདུན་རྒྱ་ཆེན་དགང་བར་བགྱི་སྙམ་
224a
༄#། །བགྱིད། །བདག་གིས་དེ་རིང་ཚེ་ནི་བཏང་སྙམ་བགྱིད། །བདག་དེང་ཡོངས་སུ་མྱ་ངན་འདས་སྙམ་བགྱིད། །འདི་ལྟར་ཆོས་རྣམས་ཐམས་ཅད་སྟོང་པ་སྟེ། །འདི་ལ་དེ་རིང་ཞི་བར་བདག་མི་སེམས། །ཆོས་དེ་ཐམས་ཅད་ཟད་པར་འཚལ་ལགས་ཏེ། །གང་དུའང་ཆོས་རྣམས་ཟད་པར་དམིགས་མ་ལགས། །ཐམས་ཅད་ཟད་དང་སྟོང་པའི་ཆོས་ཉིད་གསུངས། །ཆོས་ཉིད་ཐམས་ཅད་ཟད་པའི་ཆོས་ཉིད་འཚལ། །ཕ་མ་དག་གི་ཐད་དུ་མཆིས་ནས་སུ། །བཟོད་པ་གསོལ་ནས་སླར་ཡང་མཆི་བར་བགྱི། །རྟག་ཏུ་སངས་རྒྱས་ཆོས་དེ་ཚོལ་བགྱིད་ཅིང ། །བདག་ནི་བསྟན་ལ་རབ་ཏུ་འབྱུང་བར་བགྱི། །དེ་བཞིན་གཤེགས་པའི་ཞབས་ལ་ཕྱག་བཙལ་ཏེ། །རྒྱལ་ལ་ལན་གསུམ་བསྐོར་བ་བྱས་ནས་སུ། །ཕ་མའི་ཐད་དུ་དེ་ནི་སོང་བར་གྱུར། །བློ་གྲོས་ངན་བདུད་ལམ་གྱི་འགྲམ་དུ་འདུག་།གཞོན་ནུ་དེ་ནི་འདི་ལ་བྱང་ཆུབ་ཞུགས། །རྒྱལ་བའི་ཐད་དུ་རབ་ཏུ་འབྱུང་བར་འདོད། །འདི་ལྟར་དེ་རིང་ངེས་པར་གླགས་བཙལ་ཞིང ། །དེ་རིང་ཀུན་རྨོངས་སེམས་ནི་བསྐྱེད་བྱ་སྙམ། །ལམ་དུ་འདུག་ནས་གཞོན་ལ་སྨྲ་བྱེད་པ། །གཞོན་ནུ་ཁྱོད་ནི་གང་ནས་འོངས་ཞེས་དྲིས། །ཅི་ཕྱིར་ཁྱོད་ནི་མྱུར་བར་མྱུར་བར་འགྲོ། ཡུད་ཙམ་སྡོད་པར་བྱོས་ཤིག་དྲི་བར་བྱ། །མི་དེ་ལ་ནི་གཞོན་ནུ་སྨྲ་བྱེད་པ། །སངས་རྒྱས་བསྙེན་བཀུར་བྱས་ནས་འོངས་པ་ཡིན། །དེས་ནི་བདག་ལ་ཆོས་ཀྱི་མཆོག་བསྟན་ཏེ། །སངས་རྒྱས་ཆོས་དེ་བདག་གིས་བསྒོམ་
224b
པར་བྱ། །འདི་ལ་སངས་རྒྱས་ཆོས་རྣམས་བཙལ་ཆེད་དུ། །གཞོན་ནུ་བརྩོན་འགྲུས་བརྩམས་པ་ཕུལ་དུ་བྱུང ། །ཅི་ནས་ཁྱོད་ནི་རབ་ཏུ་འབྱུང་འདོད་ན། །འདོད་རྣམས་འདིར་སྤྱོད་ཕྱི་ནས་རབ་ཏུ་བྱུང་།། ཁྱོད་ཀྱིས་ལོངས་སྤྱོད་རྒྱ་ཆེན་རྒྱལ་སྲིད་རྙེད། །འདོད་བཟང་ཅི་ཡང་བདག་གིས་མ་བསྟེན་ཅེས། །རབ་ཏུ་བྱུང་ནས་འགྱོད་གྱུར་མི་རུང་གི་།འདོད་རྣམས་བསྟེན་ཏེ་འདི་ལ་རབ་ཏུ་བྱུང ། །ཁྱོད་ཀྱི་ལོངས་སྤྱོད་ཆེ་དང་རྒྱལ་སྲིད་མཆོག་།དལ་བ་ཕུན་སུམ་ཚོགས་དེ་རྙེད་པར་དཀའ། །གལ་ཏེ་འདོད་མ་བསྟེན་པར་རབ་བྱུང་ན། །གཞོན་ནུ་ཁྱོད་ནི་ཕྱི་ནས་འགྱོད་པར་འགྱུར། །དེ་ཚེ་རྒྱལ་པོའི་གཞོན་ནུས་བདུད་ལ་སྨྲས། །འདོད་བསྟེན་བདག་ལ་བདེ་ལེགས་འགྱུར་མ་ཡིན། །འདོད་པ་གསོག་གི་བསྔགས་པ་བརྗོད་པས་ན། འདུ་ཤེས་ཕྱིན་ཅི་ལོག་ལ་ཁྱོད་གནས་སོ། །གང་ཚེ་མི་ཁོམ་ཉིད་ལ་རྙེད་པར་དཀའ། །ད་ལྟར་དེ་རིང་དེ་ནི་ཉམས་ལོན་དཀའ། །ངལ་བ་རྙེད་ནས་བདག་གིས་ཆོས་སྤྱད་ཅིང ། །བདག་མྱུར་སོང་ལ་དེར་ནི་རབ་ཏུ་བྱུང ། །བདག་གིས་འདོད་པའི་ཁམས་འདྲི་སྐྱོན་མཐོང་སྟེ། །དེ་བཞིན་གཟུགས་ཁམས་སྐྱོན་དང་བཅས་པར་མཐོང ། །གཟུགས་མེད་ཁམས་ཀྱང་སྐྱོན་དང་བཅས་པར་མཐོང ། །བདག་གིས་མྱ་ངན་འདས་ཞི་སྐྱོན་མེད་མཐོང ། །འདུས་མ་བྱས་ཆོས་ཡོངས་སུ་བཙལ་ནས་སུ། །མི་རྣམས་ཀྱི་ནི་རྒྱ་ཆེན་དོན་བྱ་ཞིང ། །རྒ་ནད་གཟིར་བའི་སེམས་ཅན་ཐར་བར་བྱ། །འགྲོ་བར་རྒྱུག་པ་དག་ནི་བཟློག་པར་བྱ། །བམ་པོ་བཅུ་གཉིས་པ། ཤཱ་རདྭ་
225a
༄#། །ཏིའི་བུ།་དེ་ནས་བདུད་བརྗེད་ངས་ཀྱི་རྒྱལ་པོའི་གཞོན་ནུ་དྲན་པ་རྙེད་ལ་སྨྲས་པ། གཞོན་ནུ། ཁྱོད་ཀྱིས་སངས་རྒྱས་ཀྱི་ཆོས་རྣམས་ཡོངས་སུ་བཙལ་བར་བྱའོ། །ཞེས་དེ་སྐད་ཅེས་སྨྲས་ན། གཞོན་ནུ། ཁོ་བོ་ནི། ཁྱོད་ལ་དོན་འདོད་པ། ཕན་པ་འདོད་པ། གྲུབ་པ་དང ། བདེ་བ་འདོད་པ་ཡིན་པས་གཞོན་ནུ་ཁོ་བོས་ཁྱོད་ལ་རྗེས་སུ་བསྟན་པར་བྱ་སྟེ། གལ་ཏེ་ཁྱོད་ཁོ་བོའི་རྗེས་སུ་འཇུག་ན། དེ་ཁྱོད་ཀྱི་དོན་དུ་འགྱུར་རོ། །ཤཱ་རདྭ་ཏིའི་བུ། དེ་ནས་རྒྱལ་པོའི་གཞོན་ནུ་དྲན་པ་རྙེད་ཀྱིས་བདུད་བརྗེད་ངས་ལ་སྨྲས་པ། ཀྱེ་མི། བདག་ལ་རྗེས་སུ་སྟོན་ཅིག་དང་ཐོས་ནས་རིག་པར་བྱའོ། །དེ་ནས་བདུད་བརྗེད་ངས་ཀྱི་རྒྱལ་པོའི་གཞོན་ནུ་དྲན་པ་རྙེད་ལ་འདི་སྐད་ཅེས་སྨྲས་སོ། །རིགས་ཀྱི་བུ། གལ་ཏེ་ཁྱོད་རང་གི་དམ་བཅས་པ་ལ་གནས་པར་བྱོས་ཤིག་དང་དེ་ལྟ་ན་ཁོ་བོས་ཁྱོད་ལ་ཕྱིས་རྗེས་སུ་བསྟན་པར་བྱའོ། །རྒྱལ་པོའི་གཞོན་ནུས་སྨྲས་པ། ཀྱེ་མི། བདག་ལ་རྗེས་སུ་སྟོན་ཅིག་དང་ཐོས་ནས་རིག་པར་བྱའོ། །ཞེས་ཁོ་བོས་ཁྱོད་ལ་མ་སྨྲས་སམ། དེ་སྐད་ཅེས་སྨྲས་པ་དང ། བདུད་བརྗེད་ངས་ཀྱིས་རྒྱལ་པོའི་གཞོན་ནུ་དྲན་པ་རྙེད་ལ་སྨྲས་པ། གཞོན་ནུ། ཁྱོད་ཀྱིས་ཐོས་ནས་རིག་པར་བྱའོ། །ཞེས་དེ་སྐད་ཅེས་བརྗོད་པར་མི་བྱ་སྟེ། གཞོན་ནུ། ཁྱོད་ཀྱིས་ནི། མི་བདག་ལ་རྗེས་སུ་སྟོན་ཅིག་དང་བདག་གིས་ཁྱོད་ཀྱི་ཚིག་བཞིན་དུ་བྱའོ། །ཞེས་དེ་སྐད་ཅེས་བརྗོད་པར་བྱའོ། །རྒྱལ་
225b
པོའི་གཞོན་ནུས་སྨྲས་པ། ཀྱེ་མི། ཁྱོད་ཀྱིས་ངའི་ཚིག་བཞིན་དུ་མགོ་གཅིག་ཏུ་རྗེས་སུ་ཞུགས་ཤིག་།ཅེས་དེ་སྐད་བརྗོད་པར་མི་བྱའོ། །དེ་ཅིའི་ཕྱིར་ཞེ་ན། ཀྱེ་མི། གལ་ཏེ་ཁྱོད་ཆོས་ཀྱི་འདུ་ཤེས་ཀྱིས་ཆོས་མ་ཡིན་པ་སྟོན་ཏམ། ཆོས་མ་ཡིན་པའི་འདུ་ཤེས་ཀྱིས་ཆོས་སྟོན་ན། བདག་གིས་ཡོངས་སུ་དཔྱད་དེ་དོར་བར་བྱ་ཞིང ། ཅི་སྟེ་ཡང་དག་པར་སྟོན་ན། དེ་གཟུང་བར་བྱ་བའི་ཕྱིར་རོ། །ཀྱེ་མི། དེ་ལྟ་བས་ན། གང་འདི་ཐོས་ནས་རིག་པར་བྱའོ། །ཞེས་བྱ་བ་དེ་དག་ནི། མཁས་པའི་མཚན་ཉིད་ཡིན། དེ་དག་ནི། མཇངས་པའི་ལས་ཡིན། དེ་དག་ནི། ཤིན་ཏུ་ལེགས་པར་བརྟགས་པའི་ལས་ཡིན་ནོ། །ཀྱེ་མི། ཁྱོད་ཀྱིས་ངའི་ཚིག་བཞིན་དུ་མགོ་གཅིག་ཏུ་རྗེས་སུ་ཞུགས་ཤིག་།ཅེས་དེ་སྐད་སྨྲས་ན། དེ་དག་ནི། མཛངས་པའི་ཆོས་ཉིད་མ་ཡིན་ཞིང ། མཁས་པས་བསྟོད་པ་མ་ཡིན་ལ། དེ་ནི། བདུད་ཀྱི་ལས་ཡིན་ཞིང ། དེ་དག་ནི། སངས་རྒྱས་ཀྱི་འཕྲིན་ལས་མ་ཡིན་ནོ། །ཀྱེ་མི། དེ་ལྟ་བས་ན། སྔར་དམ་བཅས་པ་ལ་ད་རྗེས་སུ་མི་འཇུག་པར་སྨྲས་སོ། །ཞེས་བདག་ལ་ཆོས་མ་ཡིན་པའི་གདམས་ངག་བྱིན་ན་མི་རུང་བས་ཁོ་བོ་ནི། མགོ་གཅིག་ཏུ་ཚིག་མི་སྨྲ་སྟེ། དེ་ལྟ་བས་ན། ཁོ་བོས་སྐྱོན་དེ་དག་མཐོང་ནས་རྗེས་སུ་འཇུག་གོ་།ཞེའམ། རྗེས་སུ་མི་འཇུག་གོ་།ཞེས་མགོ་གཅིག་ཏུ་ཏུ་ཚིག་མ་སྨྲས་སོ། །དེ་ནས་བདུད་བརྗེད་ངས་འདི་སྙམ་དུ་སེམས་ཏེ། རྒྱལ་པོའི་གཞོན་ནུ་འདི་ལྟར་རྗེས་སུ་འཇུག་པར་བྱའོ། །ཞེའམ། རྗེས་སུ་འཇུག་
226a
༄#། །པར་མི་བྱའོ། །ཞེས་མགོ་གཅིག་ཏུ་མི་སྨྲ་བས་དཔྱོད་པ་ཐོབ་པའོ། །སྙམ་མོ། །དེ་ནས་བདུད་བརྗེད་ངས་ཀྱིས་མིག་གིས་མི་རྩོལ་བར་བྱ་བའི་ཕྱིར་རྒྱལ་པོའི་གཞོན་ནུ་དྲན་པ་རྙེད་ལ་ལེགས་སོ། །ཞེས་བྱ་བ་བྱིན་ཏེ། གཞོན་ནུ། དེ་དག་ནི། མཁས་པའི་ལས་ཡིན་ཏེ། གཞོན་ནུ། ཁྱོད་རྗེས་སུ་འཇུག་པར་བྱའོ། །ཞེས་མགོ་གཅིག་ཏུ་ཚིག་མི་སྨྲ་བ་ནི། ལེགས་སོ། །ལེགས་སོ། །གཞོན་ནུ། གཞན་ཡང་ཁོ་བོས་ཁྱེད་ལ་རྗེས་སུ་བསྟན་པར་བྱའི། དེའང་ཁྱོད་ཀྱིས་རྣམ་པར་རྟོགས་ཤིག་།གཞོན་ནུ། ཁྱོད་གང་ལ་སྐྱོན་ཆེས་མང་དུ་མཐོང་བ་དེ་ལ་སྟེན་པར་མ་བྱེད་ཅིག་།གཞོན་ནུས་སྨྲས་པ། ཀྱེ་མི། དེ་ལ་དེ་སྐད་ཅེས་བརྗོད་པར་མི་བྱའོ། །དེ་ཅིའི་ཕྱིར་ཞེ་ན། གང་ལ་སྐྱོན་ཆེས་མང་བ་དེ་ནི། བསྟེན་པར་བྱ་བ་མ་ཡིན་ཞིང་གང་ལ་སྐྱོན་ཆེས་ཉུང་བ་དེའང་བསྟན་པར་བྱ་བ་མ་ཡིན་པའི་ཕྱིར་ཏེ། དེ་ཅིའི་ཕྱིར་ཞེ་ན། ཀྱེ་མི། དུག་མང་པོའང་གསོད་པར་བྱེད་ལ། ཉུང་དུའང་གསོད་པར་བྱེད་ཅིང ། གང་ཡང་འཁོར་ལོས་བསྒྱུར་བའི་ཟས་དུག་དང་འདྲེས་པ་དེའང་གསོད་པར་བྱེད་ལ། གང་ཡང་མི་ཕལ་བའི་ཟས་དུག་དང་འདྲེས་པ་དེའང་གསོད་པར་བྱེད་པའི་ཕྱིར་དེ་དག་ནི། བཟར་མི་རུང ། བསྟེན་པར་བྱ་བ་མ་ཡིན་ནོ། །ཀྱེ་མི། དེ་བཞིན་དུ་གང་ལ་སྐྱོན་མང་བ་དེ་ལ་སྟེན་པར་མ་བྱེད་ཅིག་།གང་ལ་ཆེས་ཉུང་པ་དེ་ལ་སྟེན་ཅིག་།ཅེས་དེ་སྐད་སྨྲས་ན།
226b
ཀྱེ་མི།་དེ་དག་གཉིས་ཀའང་བསྟེན་པར་བྱ་བ་མ་ཡིན་ནོ། །ཀྱེ་མི། མཁས་པས་བསྟེན་པར་བྱ་བའང་གང་ཡིན་ཞེ་ན། ཀྱེ་མི། མཁས་པས་ནི། གང་སྐྱོན་མེད་པ་དང ། ཅིའང་མེད་པ་དང ། སྙིགས་མ་མེད་པ་དང ། རིམས་ནད་མེད་པ་དང ། ནད་མེད་པ་དང ། མི་གཡོ་བ་དང ། བསིལ་བར་གྱུར་པ་དང ། བདེ་བ་དེ་བསྟེན་པར་བྱའོ། །དེ་ནས་བདུད་བརྗེད་ངས་འདི་སྙམ་དུ་སེམས་ཏེ། བདག་གིས་གཞོན་ནུ་དྲན་པ་རྙེད་རྗེས་སུ་བསྟན་པ་གང་ཁོ་ན་ལ་བཞག་པ་དེ་དང་དེ་ནི། དེས་སྐྱོན་དང་བཅས་པར་མཐོང་ཞིང་ཕྱིས་ཀྱང་ལན་འདེབས་པར་བྱེད་དོ། །སྙམ་སྟེ། དེ་ལྟར་རྗེས་སུ་བསམ་ནས་ཡང་སྨྲས་པ། གཞོན་ནུ། འདི་ལྟར་གང་རིམས་ནད་མེད་པ་དང ། སྐྱོན་མེད་པ་དང ། ཞི་བ་དེ་ལ་མཁས་པ་རྣམས་དགའ་བ་སྐྱེད་པར་བྱེད་དོ། །ཞེས་ཟེར་བ་ནི། ཁྱོད་ཀྱིས་ལེགས་པར་སྨྲས་ན།་གཞོན་ནུ། བྱང་ཆུབ་སེམས་དཔའི་སྤྱོད་པ་དེ་ནི། སྐྱོན་མང་བའོ། །སྐྱོན་དེ་དག་ཀྱང་གང་ཞེ་ན། འདི་ལྟ་སྟེ། སྐྱེ་བའི་སྐྱོན་དང ། འགྲོ་བའི་སྐྱོན་དང ། འཁོར་བའི་སྐྱོན་དང ། རྗེས་སུ་ཆགས་པ་དང ། ཁོང་ཁྲོ་བའི་སྐྱོན་དང ། དུས་མ་ཡིན་པར་སློང་བར་བྱེད་པའི་སྐྱོན་དང ། ཡིད་དུ་འོང་བའི་དངོས་པོ་ཡོངས་སུ་གཏོང་བའི་སྐྱོན་འདི་ལྟ་སྟེ། མིག་དང ། རྣ་བ་དང ། སྣ་དང ། ལྕེ་དང ། ལུས་ཡོངས་སུ་གཏོང་བའི་སྐྱོན་ཏེ། དེ་ལྟར་བྱང་ཆུབ་སེམས་དཔའི་སྤྱོད་པ་ལ་སྐྱོན་ཆེས་མང་བ་ཡིན་ནོ། །གལ་ཏེ་བྱང་ཆུབ་ཏུ་སེམས་སྐྱེད་པར་མི་བྱེད་ན་ནི། ཉུང་
227a
༄#། །སྟེ།་ཁྱོད་མང་པོ་དག་ཀྱང་བསྟེན་པར་བྱ་བ་མ་ཡིན་ཞིང ། ཉུང་ངུ་དག་ཀྱང་བསྟེན་པར་བྱ་བ་མ་ཡིན་པར་སེམས་པ་དེ་ནི། ལེགས་སོ། །གཞོན་ནུ། ཁྱོད་ཅི་དེ་ལྟར་མཁས་ཤིང་མཛངས་པ་ཡིན་པར་ཁོ་བོས་མ་ཤེས་སོ། །ཁོ་བོས་ཁྱོད་ཀྱི་ལྷག་པའི་བསམ་པ་ཤིན་ཏུ་བཟང་པོར་མཐོང་ན། ཁོ་བོས་ཀྱང་བརྗེད་ནས་སྨྲས་སོ། །དེ་དེ་བཞིན་ཏེ། ལོག་པར་ལྟུང་བའི་མཚན་ཉིད་ཡིན་པའི་ཕྱིར་མང་པོ་དག་ཀྱང་བསྟེན་པར་བྱ་བ་མ་ཡིན་ཞིང ། ཉུང་ངུ་དག་ཀྱང་བསྟེན་པར་བྱ་བ་མ་ཡིན་ནོ། །གཞོན་ནུ་ཡང་འདི་ལ་སྙིང་པོ་ནི། འདི་ཉིད་ཡིན་ཏེ། འདི་ལྟ་སྟེ། ཕུང་པོ་ཐམས་ཅད་སྤངས་པ་མྱ་ངན་ལས་འདས་པའོ། །གཞོན་ནུ། གང་ལ་ཡང་དང་ཡང་དུ་འཆི་བ་ཡོད་པའི་འཁོར་བའི་འགྲོ་བ་སྐྱོན་དང་བཅས་པ་ཡང་དང་ཡང་ཉམས་སུ་མྱོང་བས་ཅི་ཞིག་བྱ་སྟེ། ཁྱོད་ཀྱིས་ནི། མྱ་ངན་ལས་འདས་པ་ལ་འདུན་པར་བྱའོ། །གཞོན་ནུ། སྲོག་ཆགས་རྣམས་མངལ་ན་གནས་པ་ནི། སྡུག་བསྔལ་བའོ། །སྡུག་པ་དང་བྲལ་བ་དང ། མི་སྡུག་པ་དང་ཕྲད་པ་ནི། སྡུག་བསྔལ་བའོ། །གཞོན་ནུ། ལུས་སྙིང་པོ་མེད་པ། མི་རྟག་པ། ཡོངས་སུ་འདྲེན་པ་ནི། སྡུག་བསྔལ་བའོ། །སྲོག་མི་རྟག་པ་ཉིད་ནི། སྡུག་བསྔལ་བའོ། ། ལོངས་སྤྱོད་མི་རྟག་བ་ཉིད་དང ། ལོངས་སྤྱོད་སྙིང་པོ་མེད་པ་ཉིད་ནི། སྡུག་བསྔལ་བའོ། །གཞོན་ནུ། ཡང་དང་ཡང་དུ་འཆི་བ་ཉིད་ནི། སྡུག་བསྔལ་བའོ། །གཞོན་ནུ། དེ་ལྟ་བས་
227b
ན།་ཁོ་བོ་ནི། ཁྱོད་ལ་འདི་སྐད་དུ་དེ་བཞིན་གཤེགས་པ་འབྱུང་བ་དང ། མི་ཉིད་རྙེད་པ་དང ། དལ་པ་ཕུན་སུམ་ཚོགས་པ་དང ། དེ་བཞིན་གཤེགས་པའི་བསྟན་པ་ལ་དད་པ་བླ་ན་མེད་པ་ནི།་རྙེད་དཀའོ། །ཞེས་སྨྲ་སྟེ། གཞོན་ནུ། དེ་ལྟ་བས་ན་གནས་དེ་དག་ཐོབ་ནས་མ་སྤོང་ཞིག་།གཞོན་ནུ། ཁོ་བོ་ནི། གནས་དེ་དག་ཉིད་སྟོན་པར་འདོད་པ་ཉེ་བར་བརྗོད་པར་འདོད་པ་ཡིན་ན། ཁྱོད་ནི། ལན་འདེབས་པར་འདོད་པས་ཉན་ནོ། །གལ་ཏེ་ཁོ་བོས་རྗེས་སུ་བསྟན་པ་ལ་གནས་ན། དེ་ནི། ཁྱོད་ཀྱི་རྗེས་སུ་བསྟན་པ་ཡིན་གྱི། ཉོན་ལ་རིག་པར་བྱོས་ཤིག་།དེ་ནས་རྒྱལ་པོའི་གཞོན་ནུ་དྲན་པ་རྙེད་ཀྱིས་བདུད་བརྗེད་ངས་ལ་འདི་སྐད་ཅེས་སྨྲས་སོ། །ཀྱེ་མི། ཁྱོད་ལ་རྗེས་སུ་ཡི་རང་ངོ ། །གང་ཁྱོད་འདི་སྐད་དུ་སྐྱེ་བ་དང ། རྒ་བ་དང ། ན་བ་དང ། འཆི་བ་ནི། སྡུག་བསྔལ་བའོ། །ཡང་དང་ཡང་དུ་འཁོར་བའི་བར་དུའང་དེ་བཞིན་ནོ། །ཞེས་ཟེར་བ་ནི། མངོན་པར་རྗེས་སུ་ཡི་རང་ངོ ། །ཀྱེ་མི། ཡང་ཁྱོད་ཀྱིས་མྱུར་དུ་ཡོངས་སུ་མྱ་ངན་ལས་འདའ་བར་གྱིས་ཤིག་།ཅེས་བརྗོད་དེ། ཀྱེ་མི། ཁྱོད་ཀྱི་ཚིག་དེ་ཐོས་ནས་ཁོ་བོ་ནི། སེམས་ཅན་རྣམས་ལ་སྙིང་རྗེ་ཤེས་ཆེར་སྐྱེས་ཏེ། སེམས་ཅན་འདི་དག་ནི། ཡང་དང་ཡང་སྐྱེ་བ་དང ། རྒ་བ་དང ། ན་བ་དང ། འཆི་བས་གཟིར་པ་ཡིན་ཏེ། བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སེམས་ཅན་
228a
༄#། །དེ་དག་ཡང་དག་ཡང་དུ་སྐྱེ་བ་དང ། རྒ་བ་དང ། ན་བ་དང ། འཆི་བའི་དབང་དུ་གྱུར་བར་མི་འགྱུར་བར་སྐྱེ་བ་དང ། རྒ་བ་དང ། ན་བ་དང ། འཆི་བའི་འཇིགས་པ་ལས་ཡོངས་སུ་ཐར་པར་བྱའོ། །སྙམ་མོ། །ཀྱེ་མི། ཁྱོད་ཁོ་བོ་ལ་འདི་སྐད་དུ་མྱ་ངན་ལས་འདས་པ་ཐོབ་ནས་འཁོར་བའི་སྡུག་བསྔལ་དག་རབ་ཏུ་སྟོན་པ་ནི། ངོ་མཚར་ཏེ། ཁོ་བོས་དེ་དག་ཐོས་ནས་སེམས་ཅན་རྣམས་ལ་སྙིང་རྗེ་ཆེན་པོ་ཤས་ཆེར་སྐྱེས་སོ། །གལ་ཏེ་ཁོ་བོ་ཡོངས་སུ་མྱ་ངན་ལས་འདས་ན། སེམས་ཅན་དེ་དག་གི་སྐྱོབ་པར་འགྱུར་བ་དང ། ཐར་པར་བྱེད་པར་འགྱུར་བ་སུ་ཡིན། དེ་ནས་བདུད་བརྗེད་ངས་ཀྱིས་རྒྱལ་པོའི་གཞོན་ནུ་དྲན་པ་རྙེད་ལ་འདི་སྐད་ཅེས་སྨྲས་སོ། །གཞོན་ནུ། ཁྱོད་ཀྱིས་འདི་སྐད་དུ་གང་ལ་སྐྱོན་ཆེས་ཉུང་བ་དེའང་བསྟེན་པར་བྱ་བ་མ་ཡིན་ནོ། །ཞེས་མ་སྨྲས་སམ། སྨྲས་པ། ཀྱེ་མི། དེ་དེ་བཞིན་ཏེ། གང་ལ་སྐྱོན་ཆེས་ཉུང་བ་དེའང་བསྟེན་པར་བྱ་བ་མ་ཡིན་ནོ། །ཀྱེ་མི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི། སྐྱོན་མེད་པ་སྟེ། དེ་ལྟ་བས་ན་དེ་ནི། བསྟེན་པར་བྱ་བ་ཡིན་ནོ། །དེ་ནས་བདུད་བརྗེད་ངས་ཀྱིས་རྒྱལ་བོའི་གཞོན་ནུ་དྲན་པ་རྙེད་ལ་འདི་སྐད་ཅེས་སྨྲས་སོ། །གཞོན་ནུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི། སྐྱོན་མེད་པ་ཡིན་མོད་ཀྱི། གཞོན་ནུ། འོན་ཀྱང་ཁོ་བོས་ཀྱང་མ་ཐོབ་ན། ཁྱོད་ཀྱིས་ལྟ་ག་ལ་ཐོབ། གཞོན་ནུ། ཁོ་
228b
བོའང་སྔོན་འདི་སྙམ་དུ་སེམས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ། །སྙམ་མོ། །ལོག་པའི་སེམས་དེ་ལྟ་བུ་བསྐྱེད་པ་དང་དེ་མ་ཐག་ཏུ་སློང་མོ་པ་འདི་ལྟ་སྟེ། མགོ་སློང་བ་དང ། ལག་པ་དང ། རྐང་པ་དང ། མིག་དང ། རྣ་བ་དང ། བུ་དང ། ཆུང་མ་དང ། ལོངས་སྤྱོད་དང ། བཞོན་པ་དང ། ཁྱིམ་དང ། སླས་དང ། སྐྱེད་མོས་ཚལ་དང།་ནོར་བུ་དང ། མུ་ཏིག་དང ། བཻ་ཌཱུརྱ་དང ། དུང་དང ། མན་ཤེལ་དང ། བྱུ་རུ་དང ། ནོར་དང ། འབྲུ་དང ། རྒྱལ་སྲིད་ལ་སོགས་པ་སློང་བ་དག་གིས་ཀུན་ཏུ་གདུངས་ཤིང ། རབ་ཏུ་གདུངས་ཏེ། ཚེགས་ཕྱུང་ནས་ཁོ་བོས་བདོག་པ་རྣམ་པར་གཏོང་བ་བྱས་པ་ནིའང་ལུས་ཞིག་པ་ལས་ཁྲག་གི་ཆུ་ཀླུང་བྱུང་བ་དག་གིས་ཁོ་བོའི་སེམས་གཟིར་ཏེ། དེས་ན་ཁོ་བོའི་སེམས་བསྐྱེད་པ་དེ་བཏང་ངོ། །གལ་ཏེ་ཁྱོད་ཡིད་མི་ཆེས་ན། ཁོ་བོའི་དཀའ་བ་དེ་ལྟ་བར་འདོད་དམ། སྨྲས་པ། ཀྱེ་མི། བལྟ་བར་འདོད་དེ། དེ་ནི། ཁོ་བོའི་དོན་དུ་འགྱུར་རོ། །དེ་ནས་བདུད་བརྗེད་ངས་འདི་སྙམ་དུ་སེམས་ཏེ། བདག་གིས་བྱང་ཆུབ་སེམས་དཔའ་དྲན་པ་རྙེད་ཀྱི་མོས་པ་བཟློག་པ་གང་དང་གང་བྱས་པ་དེ་དང་དེ་ཉིད་ལ་དེ་ཡིད་ཆེས་པར་མི་བྱེད་ཀྱི། ཕྱིར་ཡང་འདི་སྐད་དུ་ཁོ་བོའི་དོན་དུ་འགྱུར་བ་སྟོན་ཅིག་།ཅེས་ཟེར་རོ། །སྙམ་མོ། །དེ་ནས་བདུད་དེས་རྒྱལ་པོའི་གཞོན་ནུ་དེའི་མདུན་དུ་ཁྲག་གི་ཆུ་ཀླུང་བཞི་མངོན་པར་སྤྲུལ་ཏོ། །གསེར་གྱི་ཕུང་པོ་གངས་ལྟ་
229a
༄#། །བུ་བཞི་དང ། མགོ་ཐོད་རྣམ་པར་ཟོས་པ་དག་དང ། རྣམ་པར་དམར་བ་དག་དང ། རྣམ་པར་རངས་པ་དག་གི་ཕུང་པོ་རི་རབ་ལྟ་བུའང་མངོན་པར་སྤྲུལ་ཏོ། །རུས་པ་དག་གི་ཕུང་པོ་དུང་ལྟར་དཀར་བ་རི་ཙམ་གཞན་དག་ཀྱང་མངོན་པར་སྤྲུལ་ཏོ། ལག་རྡུམ་དང ། རྐང་རྡུམ་དང ། རྣ་རྡུམ་དང ། ཡན་ལག་དང ། ཉིང་ལག་རྡུམ་པོ་རྣམ་པ་སྣ་ཚོགས་དང ། གཟུགས་རྣམ་པ་སྣ་ཚོགས་འདི་ལྟ་སྟེ། མི་དང ། དྲི་ཟ་དང ། གནོད་སྦྱིན་དང ། སེངྒེ་དང ། སྟག་དང ། རྟ་དང ། རི་བོང་དང ། སྤྲེའུ་དང ། དོམ་དང ། གཟིག་དང ། ཕག་དང ། རི་དྭགས་དང ། དྲེད་དང ། གླང་པོ་ཆེ་དང ། མ་ཧེ་ལ་སོགས་པའི་གཟུགས་དང ། དེ་བཞིན་དུ་ཉ་དང ། ཆུ་སྲིན་འཛིན་ཁྲི་དང ། ཆུ་སྲིན་བྱིས་པ་གསོད་དང ། ཆུ་སྲིན་ན་ཀྲའི་གཟུགས་དང ། དེ་བཞིན་དུ་ངང་པ་དང ། རྨ་བྱ་དང ། ཁཝ་དང ། ཁུ་བྱུག་དང ། ཀ་ལ་པིངྐ་དང ། ཤང་ཤང་ཏེའུ་དང ། བྱ་ཀུ་ཎ་ལ་དང ། ཆུ་སྐྱར་དང ། རི་སྐེགས་ལ་སོགས་པའི་གཟུགས་ཀྱི་རོ་དག་མངོན་པར་སྤྲུལ་ཏོ། །རོ་ཁ་ཅིག་ནི། ཁ་ཅིག་པ་དག་གོ། ཁ་ཁ་ཅིག་ནི། ཁ་གཉིས་པ་དང ། ཁ་གསུམ་པ་དང ། བཞི་བ་དང ། ལྔ་པ་དང ། དྲུག་པ་དང ། བདུན་པ་དང ། བརྒྱད་པ་དང ། དགུ་པ་དང ། བཅུ་པ་དང ། ཉི་ཤུ་པ་དང ། སུམ་ཅུ་པ་དང ། བཞི་བཅུ་པ་དང ། ལྔ་བཅུ་པ་ནས་ཁ་འབུམ་ཡོད་པའི་བར་དག་དང ། ལྕེ་གཅིག་པ་དང ། ལྕེ་གཉིས་པ་དང །
229b
ལྕེ་གསུམ་པ་དང ། ལྕེ་བཞི་པ་དང ། ལྕེ་ལྔ་པ་ནས་ལྕེ་འབུམ་ཡོད་པའི་བར་དག་དང ། མིག་གཅིག་པ་ནས་མིག་འབུམ་ཡོད་པའི་བར་དག་གོ། རོ་དག་ཀྱང་གཅིག་ལ་གཅིག་མིག་འགྱུར་བར་བྱེད་པ། རྣ་བ་འགྱུར་བར་བྱེད་པ། སོ་སྒྲ་ཙིག་ཙིག་བྱེད་པ། རང་གི་མཆུ་ལ་སོས་འདེབས་པ། གནོད་སྦྱིན་ལག་ན་མཚོན་ཆ་མི་མཐུན་པ་སྣ་ཚོགས་ཐོགས་ཤིང་ལངས་ནས་འཁོད་པར་གྱུར་པ་དག་གོ་།འཇིགས་པ་ཆེན་པོ་དང ། འཇིགས་སུ་རུང་བའི་རྒྱུ་དེ་ལྟ་བུའང་མངོན་པར་སྤྲུལ་ནས་རྒྱལ་པོའི་གཞོན་ནུ་དྲན་པ་རྙེད་ལ་སྨྲས་པ། རྒྱལ་པོའི་གཞོན་ནུ། འདི་དག་ནི། ཁྲག་གི་ཆུ་ཀླུང་འབབ་པ་དག་གོ་།འདི་དག་ནི། རུས་པའི་རི་ཆེན་པོ་བཞི་པོ་དག་གོ་།སྨྲས་པ། ཀྱེ་མི། མཐོང་ངོ ། །སྨྲས་པ། གཞོན་ནུ། དེ་དག་ནི། ཁོ་བོའི་ཡན་ལག་དང ། ཉིང་ལག་བཅད་པ་དག་ལས་ཁྲག་གི་ཆུ་ཀླུང་མངོན་པར་གྲུབ་པ་དག་གོ་།གཞོན་ནུ། ཁྱོད་ཀྱིས་མགོ་ཐོད་ཀྱི་རུས་པའི་རི་བཞི་པོ་རི་རབ་ཙམ་དེ་དག་མཐོང་ངམ། སྨྲས་པ།་ཀྱེ་མི། མཐོང་ངོ ། །སྨྲས་པ། ཀྱེ་མི། ཁོ་བོ་བྱང་ཆུབ་སེམས་དཔའི་སྤྱད་པ་སྤྱོད་པ་ན་མགོ་ཐོད་བཅད་པ་དག་ནི། དེ་སྙེད་དོ། །ཀྱེ་མི། ཁྱོད་ཀྱིས་ལག་བ་རྡུམ་པོ། །རྐང་བ་རྡུམ་པོ། །མིག་ཕྱུང་བ། ཡན་ལག་དང་ཉིད་ལག་རྣམ་པ་སྣ་ཚོགས་བཅད་པའི་རོ་དག་གི་རི་བཞི་པོ་དག་མཐོང་ངམ། སྨྲས་པ། མཐོང་ངོ ། །སྨྲས་བ། གཞོན་ནུ། དེ་དག་ནི། ཁོ་བོས་
230a
༄#། །སྔོན་བྱང་ཆུབ་སེམས་དཔའི་སྤྱད་པ་སྤྱད་པ་ན། ཡན་ལག་དང་ཉིང་ལག་དག་བཏང་བའོ། །གཞོན་ནུ། ཁྱོད་ཀྱིས་ཕྱོགས་བཞིའི་གནོད་སྦྱིན་གྱི་སྡེ་དག་མཐོང་ངམ།་སྨྲས་པ། ཀྱེ་མི། མཐོང་ངོ ། །སྨྲས་པ། གཞོན་ནུ། འཇིགས་པ་ཆེན་པོ་དང ། འཇིགས་སུ་རུང་བ་དེ་དག་ནི། གང་བྱང་ཆུབ་ཏུ་སེམས་སྐྱེད་པར་བྱེད་པ་དེའི་གཟི་བྱིན་འཕྲོག་པར་བྱེད་པ་དག་གོ་།དེ་དག་ནི། གང་བྱང་ཆུབ་ཏུ་སེམས་སྐྱེད་པར་བྱེད་པ་དེའི་མགོ་སློང་བར་བྱེད་པ་ཡིན་པ་ནས་ཡན་ལག་དང ། ཉིང་ལག་དག་གི་བར་དུ་སློང་བར་བྱེད་པ་དག་གོ། གཞོན་ནུ། གང་གི་ཚེ་སྔོན་ཁོ་བོས་བྱང་ཆུབ་ཏུ་སེམས་བསྐྱེད་པ་དེའི་ཚེ་དེ་དག་ནི། མགོ་བླངས་ཤིང་བཅད་པ་དག་ཡིན་པ་ནས་ཡན་ལག་དང ། ཉིང་ལག་དག་གི་བར་དུ་བཅད་པ་དག་གོ་།དེ་ནས་བདུད་བརྗེད་ངས་ཀྱིས་ཡང་སྲིན་པོའི་སྡེ་མང་པོ་མངོན་པར་སྤྲུལ་ནས་ཡང་སྨྲས་པ། གཞོན་ནུ་ཁྱོད་ཀྱིས་སྲིན་པོའི་སྡེ་མང་པོ་དེ་མཐོང་ངམ། སྨྲས་པ། ཀྱེ་མི། མཐོང་ངོ ། ། སྨྲས་པ།་གཞོན་ནུ། དེ་དག་ནི། གང་དག་བྱང་ཆུབ་ཏུ་སེམས་སྐྱེད་པར་བྱེད་པ་མངལ་ན་གནས་པ་དེ་དག་གི་གཟི་བྱིན་འཕྲོག་པར་བྱེད་པ་དག་གོ་།མངལ་ན་གནས་པ་ནའང་བྱང་ཆུབ་སེམས་དཔའ་སྲོག་དང་བྲལ་བར་བྱེད་པ་དག་གོ་།གཞོན་ནུ། གང་དང་གང་གི་ཚེ་ཁོ་བོས་བྱང་ཆུབ་ཏུ་སེམས་བསྐྱེད་པ་དེ་ཙམ་དུ་སྡུག་བསྔལ་དེ་དག་ལས་ཡོངས་སུ་གྲོལ་
230b
བར་མ་གྱུར་ཏེ། དེ་ཙམ་དུ་དེ་དག་ཁོ་བོའི་ཕྱི་བཞིན་འབྲང་བར་བྱེད་དོ། །གཞོན་ནུ། ད་ལྟ་བས་ན། ཁོ་བོས་སྡུག་བསྔལ་དེ་དག་མ་བཟོད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སེམས་ཕྱིར་ལོག་གོ་།གང་གི་ཚེ་ཁོ་བོའི་སེམས་བྱང་ཆུབ་ལས་ཕྱིར་ལོག་པ་དེའི་ཚེ། ཁོ་བོ་སྡུག་བསྔལ་དེ་དག་ལས་ཡོངས་སུ་གྲོལ་ཞིང་གནོད་པའང་མེད་པར་གྱུར་ཏོ། ། གཞོན་ནུ། དེ་ལྟ་བས་ན། ཁོ་བོ་ནི། ཁྱོད་ལ་དོན་འདོད་པ། ཕན་པ་འདོད་པ། གྲུབ་པ་དང་བདེ་བ་འདོད་པ་ཡིན་པས་གཞོན་ནུ། འདི་སྐད་དུ་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མ་སྐྱེད་ཅིག་།གཞོན་ནུ། ཁྱོད་སྡུག་བསྔལ་དེ་ལྟ་བུ་ཐོབ་པར་མ་བྱེད་ཅིག་།ཅེས་སྨྲའོ། །དེ་ནས་རྒྱལ་པོའི་གཞོན་ནུ་དྲན་པ་རྙེད་འདི་སྙམ་དུ་སེམས་ཏེ། དེ་བཞིན་གཤེགས་པ་ཡོན་ཏན་རྒྱལ་པོའི་འོད་ཀྱི་ཐད་དུ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ཡིན་ལ། མི་འདིའང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་བདག་གི་མོས་པ་ཟློག་པར་བྱེད་པ་ཡིན་ཏེ། མིའི་ཆ་བྱད་ཀྱིས་འདི་བདུད་ཡིན་པར་གྱུར་ཏམ། འདི་བདུད་ཀྱི་སྦྱིན་གྱིས་བརླབས་པར་གྱུར་ནའང་མི་རུང ། ཡང་ན་མི་འདི་བྱང་ཆུབ་སེམས་དཔའ་ཡིན་པར་གྱུར་ལ། དེ་ནས་དེས་ལེ་ལོ་ཐོབ་ནས་བྱང་ཆུབ་ཀྱི་སེམས་ཕྱིར་བཟློག་པ་ཡིན་ཞིང ། གང་གི་ཕྱིར་མི་འདི་སྡུག་བསྔལ་དེ་ལྟ་བུ་དང་ཕྲད་ན། ཡན་ལག་དང་
231a
༄#། །ཉིང་ལག་སློང་བར་བྱེད་པ་དག་ནས་སྲོག་དང་བྲལ་བར་བྱེད་པའི་བར་དག་གི་སློང་མོ་བ་དེ་སྙེད་འོང་བ་ལས་ན། སྔོན་འདིས་ནི། སྡིག་པ་ཅན་གྱི་ལས་རྣམས་བྱས་པར་གྱུར་པ་ཡིན་ཏེ། སློང་མོ་པ་དེ་དག་ནི། བདག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཕན་འདོགས་པར་གྱུར་པ་ཡིན་ནོ། །དེ་ཅིའི་ཕྱིར་ཞེ་ན། སེམས་ཅན་དེ་དག་ནི།་མི་ཤེས་པ་དང་ལྡན་ཞིང་ཡོངས་སུ་མི་ཤེས་པ་སྲུང་བ་ཅན་ཡིན་ཏེ། འདོད་ཆགས་ཀྱི་དབང་དང ། ཞེ་སྡང་གི་དབང་དང ། གཏི་མུག་གི་དབང་དང ། ཕྲག་དོག་གི་དབང་དང ། ང་རྒྱལ་གྱི་དབང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་དུས་ལས་ཡོལ་བར་སློང་ཞིང་སློང་བར་བྱེད་པ་དག་སྟེ། གལ་ཏེ་སེམས་ཅན་དེ་དག་ལ་བདག་གིས་འཇིག་རྟེན་པའི་ཡང་དག་པར་ཚིམ་པར་ནི། བྱ་ན། ཇི་ལྟར་ན། བདག་གིས་འཇིག་རྟེན་ལས་འདས་པའི་ཡང་དག་པར་ཚིམ་པར་བྱ། མི་འདིའང་འདུན་པ་མེད་པས་ལེ་ལོ་དང ། བརྩོན་འགྲུས་ཞན་པ་དང ། ལྷག་པའི་བསམ་པ་མ་ཡིན་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་ལོག་པ་ཡིན་ནོ། །ཀྱེ་མ། བདག་གིས་ཇེ་ཆེར་ཡང་དག་པའི་ལྟ་བ་ཅན་དུ་བྱའོ། །ཇེ་ཆེར་བརྩོན་འགྲུས་ཡང་དག་པར་བླངས་ཏེ་གནས་པར་བྱའོ། །གལ་ཏེ་བདག་གི་དབུགས་རྔུབ་པ་དང ། འབྱུང་བ་རེ་རེ་ལ་སྲོག་དང་བྲལ་བར་གྱུར་ཀྱང་བདག་
231b
གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སེམས་ཕྱིར་ལྡོག་པར་མི་བྱའོ། །བདག་གིས་སྲོག་དང་བྲལ་བ་དེ་སྙེད་ཀྱང་བཟོད་པར་བྱའོ། །སངས་རྒྱས་ཀྱི་ཆོས་རྣམས་ནི། ཡོངས་སུ་གཏང་བར་མི་བྱའོ། །དེ་ཅིའི་ཕྱིར་ཞེ་ན། སེམས་ཅན་གང་དག་བདག་སྲོག་དང་བྲལ་བར་བྱེད་པ་དེ་ལ་བདག་གིས་སེམས་ཅན་འདི་དག་ནི། ཉོན་མོངས་པའི་དབང་གིས་བདག་ལ་གནོད་པར་བྱ་བའི་ཕྱིར་སྡིག་པ་ཅན་གྱི་ལས་རྣམས་མངོན་པར་འདུ་བྱེད་པ་ཡིན་པས་དེ་དག་ལ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་བསྒྲུབ་པའི་ཆེད་དུ་ཉོན་མོངས་པ་སྤང་བའི་ཕྱིར་ཆོས་བསྟན་པར་བྱ་བ་དེ་ལྟ་བུའི་གོ་ཆ་བགོའོ། །སྙམ་པའི་ཕྱིར་རོ། །དེ་ནས་བྱང་ཆུབ་སེམས་དཔའ་དྲན་པ་རྙེད་ཀྱིས་བདུད་བརྗེད་ངས་ལ་སྨྲས་པ།་ཀྱེ་མི། ཁྱོད་ཁོ་བོ་ལ་འདི་ལྟ་སྟེ། དོན་འདོད་པ་ཡིན། འདི་ལྟ་སྟེ། ཕན་པ་འདོད་པ་ཡིན། ཀྱེ་མི། ཁྱོད་ཁོ་བོ་ལ་འདི་ལྟ་སྟེ། གྲུབ་པ་དང་བདེ་བར་འདོད་པ་ཡིན་ཏེ། ཁྱོད་ཀྱིས་གནས་དེ་ལྟ་བུ་དེ་དག་ཀུན་ཏུ་བསྟན་པ་ནི། ངོ་མཚར་ཏོ། །དེ་ཅིའི་ཕྱིར་ཞེ་ན། ཀྱེ་མི། ཁོ་བོས་དེ་མཐོང་ནས་ཤས་ཆེར་ཆེས་སྟོབས་དང་ལྡན་པའི་གོ་ཆ་བགོས་ཤིང ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལྷག་པའི་བསམ་པ་བསྐྱེད་པའི་ཕྱིར་རོ། །དེ་ནས་བདུད་བརྗེད་ངས་འདི་སྙམ་དུ་སེམས་ཏེ། བདག་གིས་ཇི་ལྟ་ཇི་ལྟར་འཇིགས་པ་དང ། འཇིགས་སུ་རུང་བའི་
232a
༄#། །གཟུགས་དག་བསྟན་པ་དེ་ལྟ་དེ་ལྟར་དེ་ཇེ་ཆེར་བརྟན་པའི་གོ་ཆ་གྱོན་པར་བྱེད་དོ། །སྙམ་མོ། །དེ་ནས་བདུད་བརྗེད་ངས་ཀྱིས་རྒྱལ་པོའི་གཞོན་ནུ་དྲན་པ་རྙེད་ལ་སྨྲས་པ། ཀྱེ་སྐྱེས་བུ། གལ་ཏེ་ཁྱོད་ཁོ་བོའི་ཚིག་བཞིན་དུ་མི་བྱེད་ན་རང་ཉིད་ཀྱིས་ཤེས་པར་གྱུར་ཏེ། འདི་ལྟར་ཁོ་བོ་ནི། ས་ཕྱོགས་འདི་ནས་འགྲོ་བར་བྱའོ། །བདུད་བརྗེད་ངས་ཀྱི་ཚིག་དེ་སྨྲས་པའི་འོག་ཏུ་དེ་ནས་དེ་ཉིད་ཀྱི་ཚེ་བདུད་ཀྱིས་སྤྲུལ་པའི་གནོད་སྦྱིན་དེ་དག་གིས་ཚིག་སྨྲས་པ། སྐྱེས་བུ་རྒྱལ་པོའི་གཞོན་ནུ་དྲན་པ་རྙེད་འདི་ཁྱོད་ཀྱིས་བསྒོ་བ་བཞིན་དུ་མི་བྱེད་ན།་ཁྱོད་ས་ཕྱོགས་འདི་ནས་སོང་ཞིག་དང་ཁོ་བོ་ཅག་བཀྲེས་པའང་ཡིན། སྐོམ་པའང་ཡིན་པས་རྒྱལ་པོའི་གཞོན་ནུ་འདིའི་གཟི་བརྗིད་འཕྲོག་པར་བྱའོ། །གཞན་དག་གིས་ཀྱང་སྨྲས་པ། ཀྱེ་སྐྱེས་བུ། ཁྱོད་སོང་ཞིག་དང་ཁོ་བོ་ཅག་གིས་རྒྱལ་པོའི་གཞོན་ནུ་འདི་སྐད་ཅིག་ཏུ་ཐལ་བར་བརླག་པར་བྱའོ། །གཞན་དག་གིས་ཀྱང་སྨྲས་པ། ཁོ་བོ་ཅག་གིས་རྒྱལ་པོའི་གཞོན་ནུ་འདིའི་མགོ་བསླང་བར་བྱའོ། །གཞན་དག་གིས་ཀྱང་སྨྲས་པ། ཀྱེ་སྐྱེས་བུ། ཁྱོད་སོང་ཞིག་དང་འདི་ནི། ཡུན་རིང་དུ་གནས་པ་མ་ཡིན་ཏེ། འདིའི་སྲོག་གཞན་ཅིའང་མེད་པར་འགྱུར་བ་འདིས་དོན་འདོད་པ། ཕན་པ་འདོད་པ་ཁྱོད་ཀྱི་ཚིག་བཞིན་དུ་བྱས་སམ་དད་པས་ཅི་ཞིག་བྱ། གང་འདི་ཁྱོད་ཀྱིས་བསྒོ་བ་བཞིན་དུ་མི་བྱེད་པས་འདི་མངལ་དུ་ཞུགས་ནའང་
232b
གཟི་བྱིན་དོར་བར་བྱའོ། །ཤ་བཟའ་བར་བྱའོ། །ཁྲག་ཀྱང་བཏུང་བར་བྱའོ། །གཞན་དག་གིས་ཀྱང་ཚིག་འདི་སྐད་ཅེས་སྨྲས་སོ། །རྒྱལ་པོའི་གཞོན་ནུ་དྲན་པ་རྙེད་འདི་རྩ་འཇིངས་མ་རྙེད་པ་ཡིན་གྱི། རྒྱལ་པོའི་གཞོན་ནུ་དྲན་པ་རྙེད་རྡེགས་ཤིག་།རྡེགས་ཤིག་།རྒྱལ་པོའི་གཞོན་ནུ་དྲན་པ་རྙེད་ཆོད་ཅིག་།ཚོད་ཅིག། སོད་ཅིག་།དེ་ནས་བདུད་བརྗེད་ངས་ཀྱིས་དེ་དག་ལ་སྨྲས་པ།་དེ་ལྟར་མ་བྱེད་པར་ཡང་ཁྱེད་ཅག་སྡོད་ཅིག་དང ། ཁོ་པོས་རྒྱལ་པོའི་གཞོན་ནུ་དྲན་པ་རྙེད་སྡིག་པ་ཅན་གྱི་ལྟ་བ་འདི་ལས་བཟློག་པ་དང་འདི་ཁོ་བོའི་ཚིག་བཞིན་དུ་བྱེད་པར་འགྱུར་རོ། །ཁོ་བོ་ནི། ཡུན་རིང་པོ་ནས་དེའི་མཛའ་བཤེས་སུ་གྱུར་པ་ཡིན། ལྷན་ཅིག་སྐྱེས་པར་གྱུར་པ་ཡིན་ཏེ། ཇི་སྲིད་དུ་རྒྱལ་པོའི་གཞོན་ནུ་དྲན་པ་རྙེད་ཀྱི་ལྷག་པའི་བསམ་པ་རྣམ་པར་ཤེས་པར་གྱུར་པ་དེ་སྲིད་དུ་ཡུད་ཙམ་ཞིག་བཤོལ་བར་གྱིས་ཤིག་།ཁོ་བོ་ལའང་བྱས་པ་གཟོ་བ་ཉིད་རྗེས་སུ་སྲུངས་ཤིག་།གལ་ཏེ་རྒྱལ་པོའི་གཞོན་ནུ་དྲན་པ་རྙེད་སྡིག་པ་ཅན་གྱི་ལྟ་བ་དེ་མི་འདོར་བ་ལྟ་ན། དེའི་འོག་ཏུ་ཁྱེད་ཅག་གིས་ཅི་དགར་བྱ་བ་ཡིན་ནོ། །གལ་ཏེ་སྡིག་པ་ཅན་གྱི་ལྟ་བ་དེ་ལས་བཟློག་པར་ནུས་པ་ལྟ་ན། དེའི་ཕྱིར་ཁྱེད་ཅག་གིས་བྱས་པ་གཟོ་བ་ཉིད་གཟུང་བར་བྱ་སྟེ། གཞོན་ནུ་འདིའང་བྱས་པ་གཟོ་བ་ཉིད་འཛིན་པར་འགྱུར་རོ། །ཤཱ་རདྭ་ཏིའི་བུ། བདུད་བརྗེད་ངས་ཀྱིས་རྒྱལ་པོའི་གཞོན་ནུ་དྲན་པ་རྙེད་ལ་ལན་གཉིས་སུའང་འདི་
233a
༄#། །སྐད་ཅེས་སྨྲས་སོ། །ཀྱེ་གཞོན་ནུ། སྙིང་བརྩེ་བར་བྱེད་པ། ཕན་པར་བྱེད་པ་ཁོ་བོའི་ཚིག་བཞིན་དུ་བྱོས་ཤིག་དང་ཇི་སྲིད་འཚོའི་བར་ཁྱོད་ཀྱི་མཛའ་བཤེས་སུ་འགྱུར་རོ། །གཞོན་ནུ་སྡིག་པ་ཅན་གྱི་ལྟ་བར་གྱུར་པ་འདིས་ཁྱོད་ལ་ཅི་ཞིག་བྱ། གཞོན་ནུ། ཁྱོད་ཀྱིས་ལྟ་བ་དེ་ཐོང་ཞིག་།གཞོན་ནུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི།་རྙེད་པར་དཀའ་བའོ། །གཞོན་ནུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི། མཆོག་ཏུ་རྙེད་པར་དཀའ་བའོ། །གཞོན་ནུ། ཡང་ཁྱོད་བྱང་ཆུབ་སེམས་དཔའ་རྣམས་འགྲོ་བ་གང་དུ་སྐྱེ་བར་འགྱུར་བའི་གནས་གཞན་དག་ཀྱང་ལྟ་བར་འདོད་དམ། སྨྲས་པ། ཀྱེ་མི། ལྟ་བར་འདོད་དོ། །དེ་ནས་བདུད་བརྗེད་ངས་ཀྱིས་ས་ཕྱོགས་དེར་སེམས་ཅན་དམྱལ་བ་ཆེན་པོ་དག་མངོན་པར་སྤྲུལ་ཏེ། སྤྲུལ་ནས་ཀྱང་རྒྱལ་པོའི་གཞོན་ནུ་དྲན་པ་རྙེད་ལ་སྨྲས་པ། གཞོན་ནུ། ཁྱོད་ཀྱིས་སེམས་ཅན་དམྱལ་བ་ཆེན་པོ་དེ་དག་ན་གནོད་པ་རྣམ་པ་དུ་མ་ཉམས་སུ་མྱོང་བ། ཚོར་བ་རྣམ་པ་དུ་མ་ཉམས་སུ་མྱོང་བའི་སེམས་ཅན་དེ་དག་མཐོང་ངམ། སྨྲས་པ། ཀྱེ་མི། མཐོང་ངོ ། །སྨྲས་པ། གཞོན་ནུ། དེ་དག་གིས་ནི། སྔོན་བྱང་ཆུབ་ཏུ་སེམས་བསྐྱེད་པར་གྱུར་ཏེ། དེ་དག་ནི། སློང་མོ་པ་རྣམས་ཀྱིས་གནོད་པར་གྱུར་ནས་སེར་སྣའི་སེམས་སུ་བྱས། གནོད་སེམས་ཀྱི་སེམས་སུ་བྱས་པས་སེམས་ཅན་དམྱལ་
233b
བ་ཆེན་པོ་དག་ཏུ་སྐྱེས་པ་ཡིན་ནོ། །གཞོན་ནུ། དེ་ལྟར་ལྷག་པར་སློང་བ་དག་ལ་སྦྱིན་པར་བྱེད་པ་དག་གི་འགྲོ་བ་ནི། འདི་ཡིན་ཏེ། གནོད་སེམས་སྐྱེའོ། །དེ་དག་གནོད་སེམས་ལ་རབ་ཏུ་གནས་པས་འགྲོ་བ་དེ་ལྟ་བུ་དེ་དག་ཏུ་སྐྱེས་སོ། །གཞོན་ནུ། གང་ཡང་ཁྱོད་སྦྱིན་པའི་སེམས་ཀྱི་གནོད་སེམས་སུ་མི་བྱེད་ན། དེའི་ཚེ་སྐྱེ་བ་ཕྱིར་ལོག་སྟེ། མངལ་ན་གནས་པའི་ཚེའང་གནོད་སྦྱིན་འདི་དག་གིས་གཟི་བྱིན་འཕྲོག་པར་བྱེད་དོ། །བཙས་ནས་ཀྱང་ཡན་ལག་དང ། ཉིང་ལག་དག་བཅད་ནས་ཁྱེར་ཏེ་འདོང་བར་བྱེད་དོ། །གཞོན་ནུ། གལ་ཏེ་ཡིད་མི་ཆེས་ན་དྲིས་ཤིག་།དེ་ནས་རྒྱལ་པོའི་གཞོན་ནུ་དྲན་པ་རྙེད་ཀྱིས་སེམས་ཅན་དམྱལ་བ་དེ་དག་ལ་སྨྲས་པ། རིགས་ཀྱི་བུ་དག་།ཅིའི་ཕྱིར་ཁྱོད་ཅག་སེམས་ཅན་དམྱལ་བ་ཆེན་པོ་འདི་དག་ཏུ་སྐྱེས།་དེ་དག་གིས་འདི་སྐད་ཅེས་སྨྲས་སོ། །གཞོན་ནུ། བདག་ཅག་གིས་སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། བདག་ཅག་ནི། སློང་མོ་པ་རྣམས་ཀྱིས་བསླངས་པ་ན་ཀུན་ཏུ་གདུངས་ཤིང་རབ་ཏུ་གདུངས་ནས་སེར་སྣ་ཅན་དག་ཏུ་གྱུར་ཏེ། བདག་ཅག་ནི། སེམས་ཅན་དམྱལ་བ་ཆེན་པོ་འདི་དག་ཏུ་སྐྱེས་སོ། །གཞན་དག་གིས་ཀྱང་འདི་སྐད་ཅེས་སྨྲས་སོ། །གཞོན་ནུ། བདག་ཅག་ནི། སྔོན་བྱང་ཆུབ་ཏུ་སེམས་བསྐྱེད་པར་གྱུར་ཏེ། དེས་ན་བདག་ཅག་སློང་མོ་བ་རྣམས་ཀྱིས་ཡན་ལག་དང ། ཉིང་ལག་དག་བསླངས་
234a
༄#། །པ་ན་ཞེ་སྡང་གི་སེམས་བསྐྱེད་པས་སེམས་ཅན་དམྱལ་བ་དེ་དག་ཏུ་སྐྱེས་སོ། །གཞོན་ནུ། དེ་ལྟ་བས་ན། མི་འདིས་ཁྱོད་ལ་བསྒོ་བ་བཞིན་དུ་དེ་གྱིས་ཤིག། འདིར་སྐྱེས་ནས་ཕྱིས་འགྱོད་པར་གྱུར་ན་ནི། མི་རུང་ངོ ། །དེ་ནས་རྒྱལ་པོའི་གཞོན་ནུ་དྲན་པ་རྙེད་ཀྱིས་བདུད་བརྗེད་ངེས་དེ་ལ་སྨྲས་པ། ཀྱེ་མི། འདི་ལྟ་སྟེ། ཁྱོད་ཁོ་བོ་ལ་དོན་འདོད་པ་དང ། ཕན་པ་འདོད་པ་དང ། གྲུབ་པ་དང ། བདེ་བར་འདོད་པ་དང ། ཁྱོད་ཀྱིས་ཁོ་བོ་ལ་སེམས་ཅན་དམྱལ་བ་ཆེན་པོ་དག་བསྟན་པ་དང ། བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པའི་སེམས་ཅན་དེ་དག་ཀུན་ཏུ་བསྟན་པ་ནི། ངོ་མཚར་ཏོ། །ཀྱེ་མི། དེས་ན་ཁོ་བོས་འདི་ཕྱིན་ཆད་སེམས་ཅན་སློང་མོ་པ་གང་ཞིག་དངོས་པོ་གང་ལ་མངོན་པར་བརྩོན་པ་ལ་འཁྲུག་པར་མི་བྱའོ། །ཁོ་བོས་དངོས་པོ་ཐམས་ཅད་སྦྱིན་པ་ཁོ་ནར་བྱའོ། །ཁྲོ་བའི་སེམས་བསྐྱེད་པར་མི་བྱའོ། །གནོད་སེམས་སུ་མི་བྱའོ། །དེ་ཅིའི་ཕྱིར་ཞེ་ན། འདི་ལྟ་སྟེ། སེམས་ཅན་དམྱལ་བ་ཆེན་པོར་སྐྱེ་བ་འདི་ནི། སྦྱིན་པའི་འབྲས་བུ་མ་ཡིན་ཞིང ། འདི་ནི། སེར་སྣའི་འབྲས་བུ་ཡིན་པའི་ཕྱིར་རོ། །ཀྱེ་མི། ཡང་ཚུར་ཤོག་གཉིས་ཀ་འགྲོགས་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རྒྱལ་པོའི་འོད་ག་ལ་བ་དེར་འདོང་བར་བྱའོ། །དེ་བཞིན་གཤེགས་པ་དགྲ་
234b
བཅོམ་པ་ཡང་དག་པར་རྫོགས་པའི་སངས་རྒྱས་དེ་ལའང་བསྙེན་བཀུར་བྱ། ཡོངས་སུ་ཞུ་བར་བྱ་སྟེ། དེས་ཇི་སྐད་གསུངས་པ་དེ་བཞིན་དུ་གཟུང་བར་བྱའོ། །དེ་ནས་བདུད་བརྗེད་ངས་ཀྱིས་རྒྱལ་པོའི་གཞོན་ནུ་དྲན་པ་རྙེད་ལ་འདི་སྐད་ཅེས་སྨྲས་སོ། །རིགས་ཀྱི་བུ། བཅོམ་ལྡན་འདས་དེའི་ཐད་དུ་སོང་བས་ཁྱོད་ལ་ཅི་ཞིག་བྱ། གཞོན་ནུ། ཁྱོད་སོང་ཞིག་།ཁོ་བོ་མི་འགྲོའོ།། དེ་ཅིའི་ཕྱིར་ཞེ་ན། དེར་ཁོ་བོ་སོང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན་མི་རུང་བའི་ཕྱིར་རོ། །དེ་ནས་རྒྱལ་པོའི་གཞོན་ནུ་དྲན་པ་རྙེད་ཀྱིས་བདུད་བརྗེད་ངས་ལ་སྨྲས་པ། ཀྱེ་མི། གལ་ཏེ་ཁྱོད་ཁོ་བོ་ལ་ཕན་པར་འདོད་པ་དང ། གྲུབ་པ་དང་བདེ་བར་འདོད་པ་ཡིན་ན། །དེའི་ཕྱིར་ཚུར་ཤོག་བཅོམ་ལྡན་འདས་དེའི་ཐད་དུ་འདོད་བར་བྱའོ། །འདི་ལྟ་སྟེ།་བཅོམ་ལྡན་འདས་དེས་གསུངས་པ་དེ་བཞིན་དུ་གཟུང་བར་བྱའོ། །ལན་གཉིས་ལན་གསུམ་དུའང་སྨྲས་སོ། །བདུད་ཀྱིས་སྨྲས་པ། གཞོན་ནུ། ཆོག་གོ་།དེས་བསྒོ་བ་མང་པོ་ཞིག་ཁོ་བོས་རྫོགས་པར་བྱས་ཏེ། དེ་ཁོ་ནའི་རྒྱུས་ཁོ་བོ་སྡུག་བསྔལ་ཆེན་པོ་ཐོབ་པར་གྱུར་པས་དེས་སྒོ་བ་བཞིན་ཁོ་བོ་མི་བྱེད་དོ། །དེ་ནས་རྒྱལ་པོའི་གཞོན་ནུ་དེས་བདུད་བརྗེད་ངས་ཀྱི་ལག་པ་ནས་བཟུང་ནས་ཚུར་དྲངས་ཏེ་ཚུར་ཤོག་བཅོམ་ལྡན་འདས་དེ་ག་ལ་བ་དེར་འདོང་བར་བྱའོ། །དེས་སྨྲས་པ། གཞོན་ནུ། ཁྱོད་གདུལ་བྱ་མ་ཡིན་གྱི། སོང་ཞིག་།སྡུག་བསྔལ་གྱི་
235a
༄#། །ཕུང་པོ་དེ་དག་ནི། ཁྱོད་ཀྱིས་ཉམས་སུ་མྱོང་བར་བྱ་བ་ཡིན་ནོ། །དེ་ནས་རྒྱལ་པོའི་གཞོན་ནུ་དྲན་པ་རྙེད་བཅོམ་ལྡན་འདས་དེ་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དེ་ལ་བསྐོར་བ་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་ལམ་གར་བདུད་དེ་དང་གཏམ་ཇི་སྙེད་བྱས་པ་དེ་ཐམས་ཅད་བཅོམ་ལྡན་འདས་ལ་གསོལ་ཏོ། །དེ་སྐད་ཅེས་གསོལ་པ་དང ། བཅོམ་ལྡན་འདས་དེ་བཞིན་གཤེགས་པ་ཡོན་ཏན་རྒྱལ་པོའི་འོད་དེས་རྒྱལ་པོའི་གཞོན་ནུ་དྲན་པ་རྙེད་ལ་འདི་སྐད་ཅེས་བཀའ་སྩལ་ཏོ། །གཞོན་ནུ། ལེགས་སོ། །ལེགས་སོ། །བདུད་བརྗེད་ངས་ཞེས་བྱ་བ་དེ་ཁྱོད་ཀྱི་མིག་གིས་མི་རྩོལ་བར་བྱ་བའི་ཕྱིར་དང ། མོས་པ་བཟློག་པར་བྱ་བའི་ཕྱིར་འོངས་པ་ཡིན་ནོ། །དེ་ནས་རྒྱལ་པོའི་གཞོན་ནུ་དེ་བདུད་དེ་ག་ལ་བ་དེར་སོང་ནས་སྨྲས་པ། བདུད་ཁྱོད་ཚུར་ཤོག་།བཅོམ་ལྡན་འདས་ལ་སྐྱབས་སུ་སོང་ཞིག་།ཆོས་ལ་སྐྱབས་སུ་སོང་ཞིག་།དགེ་འདུན་ལ་སྐྱབས་སུ་སོང་ཞིག་།དེ་ནས་བདུད་བརྗེད་པས་ཀྱིས་རྒྱལ་པོའི་གཞོན་ནུ་དྲན་པ་རྙེད་ལ་སྨྲས་པ། གཞོན་ནུ། ཆོག་གོ་།ཁོ་བོ་སངས་རྒྱས་ལ་སྐྱབས་སུ་མི་འགྲོའོ། །ཆོས་ལ་སྐྱབས་སུ་མི་འགྲོའོ། །དགེ་འདུན་ལ་སྐྱབས་སུ་མི་འགྲོའོ། །ཞེས་དེ་སྐད་སྨྲས་ནས་ཅང་མི་སྨྲ་བར་གྱུར་ཏོ། །དེ་ནས་རྒྱལ་པོའི་གཞོན་ནུ་དྲན་པ་རྙེད་ཀྱིས་བདུད་
235b
བརྗེད་ངས་ལ་བདེན་པའི་བྱིན་གྱིས་བརླབས་ཀྱིས་རྣམ་པར་བལྟས་སོ། །རྣམ་པར་བལྟས་ནས་དེ་མ་ཐག་ཏུ་དེ་ནས་ཡང་བདུད་བརྗེད་ངས་ཀྱིས་བདག་ཉིད་ཀྱི་སྐྲ་ཞག་བདུན་དུ་བྲེགས་པ་དང ། བདག་ཉིད་གོས་དུར་སྨྲིག་ཕྲ་ཞིང་འཇམ་པ་གྱོན་པ་མཐོང་ཞིང ། འཁར་གསིལ་དང ། ལྷུང་བཟེད་ཐོགས་པར་མཐོང་ངོ ། །དེ་ནས་བདུད་བརྗེད་ངས་ཀྱིས་བདག་ཉིད་རབ་ཏུ་བྱུང་ཞིང་ཆོས་གོས་དང ། ལྷུང་བཟེད་དང ། འཁར་གསིལ་ཐོགས་པར་རིག་ནས་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སུ་སངས་རྒྱས་ལ་སྐྱབས་སུ་མི་མཆི། ཆོས་ལ་སྐྱབས་སུ་མི་མཆི། དགེ་འདུན་ལ་སྐྱབས་སུ་མི་མཆི་བ་དེས་ཆོས་ཉིད་དེ་ཀུན་ཏུ་འཚལ་ལགས་སོ། །བཅོམ་ལྡན་འདས་དེས་བཀའ་སྩལ་པ།་བརྗེད་ངས། སུས་ཁྱོད་ཀྱི་སྐྲ་དག་བྲེགས། གོས་དུར་སྨྲིག་དག་བྱིན། ལྷུང་བཟེད་དང་འཁར་གསིལ་དག་བྱིན། དེ་འདི་སྙམ་དུ་སེམས་ཏེ། བདག་འོངས་ནས་སུས་ཀྱང་མགོ་བྲེགས་པ་མེད་དོ། །གོས་ངུར་སྨྲིག་དག་དང ། ལྷུང་བཟེད་དང་འཁར་གསིལ་དག་བྱིན་པའང་མེད་དོ། །བདག་གིས་ཕྱོགས་གཅིག་ཏུ་བོར་ཏེ་འགྲོ་བར་བྱའོ། །སྙམ་ནས་དེར་དོར་བར་འདོད་ནའང་མ་ནུས་སོ། །དེ་འདི་སྙམ་དུ་སེམས་ཏེ། ཇི་སྲིད་དུ་བདག་འཁོར་དེར་འདུག་པ་དེ་སྲིད་དུ་འཁོར་དེ་བདག་ལ་འཕྱ་བར་འགྱུར་ཞིང་བདག་ཀྱང་ངོ་ཚ་བར་འགྱུར་ཏེ། བདག་འདི་ནས།
236a
༄#། །མི་སྣང་བར་བྱ་ཞིང་རང་གི་གནས་སུ་འགྲོ་བར་བྱའོ། །སྙམ་ནས། དེ་ནས་བདུད་བརྗེད་ངས་འཁོར་དེ་ནས་མི་སྣང་བར་གྱུར་ཅིང་རང་གི་གནས་སུའང་སོང་ངོ། །དེ་ནས་བདུད་ཀྱི་རིས་ཀྱི་ལྷ་མོ་དེ་དག་གིས་རབ་ཏུ་བྱུང་བ་དེ་མཐོང་ནས་འབྲོས་ཤིང་སྨྲས་པ། མགོ་བྲེགས་ཤིང་ཆོས་གོས་འཆང་བ་འདི་ལྟ་བུ་འདི་སུ་ཡིན། སྔོན་མ་བྱུང་བའི་མཚན་མ་འདི་ལྟ་བུ་སྣང་བས་བདག་ཅག་མི་རྟག་པ་ཉིད་དུ་གྱུར་ན་མི་རུང་ངོ ། །དེས་རང་གི་འཁོར་ན་འདུག་པའི་སླས་དེ་ལ་སྨྲས་པ། བཟོད་ལྡན་དག་།ཁོ་བོ་དགེ་སློང་མ་ཡིན་ཏེ།་ཁོ་བོ་ནི། བདུད་བརྗེད་ངས་ཡིན་ནོ། །མིག་གིས་མི་རྩོལ་བར་བྱ་བའི་ཕྱིར་དེ་བཞིན་གཤེགས་པ་ཡོན་ཏན་རྒྱལ་པོའི་འོད་དེའི་ཐད་དུ་སོང་ནས་བཅོམ་ལྡན་འདས་དེས་ཁོ་བོ་འདི་ལྟར་མི་སྡུག་པར་བསྒྱུར་ཏོ། །ཤཱ་རདྭ་ཏིའི་བུ། དེ་ནས་བདུད་ཀྱི་རིས་ཀྱི་ལྷ་མོ་དེ་དག་གིས་སྨྲས་པ། གོས་ངུར་སྨྲིག་གྱོན་པ་ནི། བླུན་པོ་ཡིན་ན། ཁྱོད་ཅིའི་ཕྱིར་འདི་སྐད་དུ་མི་མཐུན་པར་སྨྲ། ཁྱོད་ནི། བདུད་ཀྱི་གནས་འདི་ལས་ཉམས་སོ། །འདིར་ནི། བདུད་གཞན་ཞིག་སྐྱེས་སོ། །ཤཱ་རདྭ་ཏིའི་བུ། དེ་ནས་བདུད་བརྗེད་ངས་ཀྱིས་ཚིག་དེ་ཐོས་ནས་སྡུག་བསྔལ་ཞིང་ཡིད་མི་བདེ་བར་གྱུར་ཏེ། འགྱོད་པ་དང་བཅས་པས་ཉམ་ཐག་པའི་སྐད་ཕྱུང་ངོ ། །དེའང་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ག་ལ་བ་དེར་སོང་ནས་བཅོམ་
236b
ལྡན་འདས་ཀྱི་སྤྱན་སྔར་འདུག་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ཀྱིས་ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་པས་སེམས་ཅན་དམྱལ་བ་ཆེན་པོ་མནར་མེད་པ་ཀུན་ཏུ་སྟོན་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །དེ་ནས་དེ་ན་ཡོད་པའི་སེམས་ཅན་དམྱལ་བའི་སྲུང་མ་རྣམས་ཀུན་ཏུ་འབར་བ། རབ་ཏུ་འབར་བ། ཀུན་ཏུ་རབ་ཏུ་མཆེད་ཅིང་འབར་བ། ཀུན་ནས་འབར་བར་གྱུར་པ་རི་རབ་ཙམ་གྱི་ལྕགས་ཀྱི་ཐུ་ལུམ་དག་ཐོགས་ཤིང་འཁར་བའི་ཐུ་ལུམ་དག་ཐོགས་ནས་རྒྱུག་ཅིང་རྗེས་སུ་དོང་ངོ ། །འདི་སྐད་ཅེས་ཀྱང་སྨྲས་སོ། །བདུད་བརྗེད་ངས་ད་གར་སོང ། །སེམས་ཅན་དམྱལ་བའི་སྲུང་མ་གཞན་དག་གིས་ཀྱང་སྨྲས་པ། དེས་ཅི་ཞིག་བྱ། དེ་དག་གིས་སྨྲས་པ། དེའི་ཁར་ལྕགས་ཀྱི་ཐུ་ལུམ་ཀུན་ཏུ་འབར་བ། རབ་ཏུ་འབར་བ། ཀུན་ཏུ་རབ་ཏུ་མཆེད་ཅིང་འབར་བ། ཀུན་ནས་འབར་བར་གྱུར་པ་དེ་དག་གཞུག་པར་བྱའོ། །གཞན་དག་གིས་ཀྱང་སྨྲས་པ། གྲོགས་པོ་དག་།དེ་ནི། རབ་ཏུ་བྱུང་བ་ཡིན། དེ་ནི། སེམས་ཅན་དམྱལ་བ་ཆེན་པོ་དག་ལས་གྲོལ་བ་ཡིན་གྱི། མ་བྱེད་ཅིག། དེ་ན་ཡོད་པའི་སེམས་ཅན་དམྱལ་བའི་སྲུང་མ་གཞན་དག་ནི། ཀུན་ཏུ་འབར་བ། རབ་ཏུ་འབར་བ། ཀུན་ཏུ་རབ་ཏུ་མཆེད་ཅིང་འབར་བ། ཀུན་ནས་རབ་ཏུ་འབར་བར་གྱུར་པའི་རི་དག་ཐོགས་ནས་
237a
༄#། །རྒྱུག་ཅིང་དོང་ངོ ། །འདི་སྐད་ཅེས་ཀྱང་སྨྲས་སོ། །བདུད་བརྗེད་ངས་ད་གར་སོང ། དེ་ནས་གཞན་དག་གིས་ཀྱང་སྨྲས་པ། དེས་ཅི་ཞིག་བྱ། དེ་དག་གིས་སྨྲས་པ། མེའི་རི་ཆེན་པོ་དེ་དག་གིས་ཐལ་བར་བརླག་པར་བྱའོ། །དེར་གཞན་དག་གིས་སྨྲས་པ། གྲོགས་པོ་དག་།དེ་ནི། རབ་ཏུ་བྱུང་བ་ཡིན། དེ་ནི། སེམས་ཅན་དམྱལ་བ་ཆེན་པོའི་འཇིགས་པ་དག་ལས་གྲོལ་བ་ཡིན་གྱི། མ་བྱེད་ཅིག་།དེ་ནས་གཞན་དག་ཀྱང་སྤུ་གྲིའི་སོ་ལྟ་བུའི་གྲི་དག་ཐོགས་ནས་རྗེས་སུ་རྒྱུག་ཅིང་དོང་ངོ ། །འདི་སྐད་ཅེས་ཀྱང་སྨྲས་སོ། །བདུད་བརྗེད་ངས་ད་གར་སོང ། དེ་ནས་གཞན་དག་གིས་སྨྲས་པ། དེས་ཅི་ཞིག་བྱ། དེ་དག་གིས་སྨྲས་པ། འདི་དག་གིས་དེའི་ལུས་ཤ་མེད་པར་བྱའོ། །དེ་ནས་གཞན་དག་གིས་སྨྲས་པ། གྲོགས་པོ་དག། དེ་ནི། རབ་ཏུ་བྱུང་བ་ཡིན། ཞི་བ་ཡིན། དུལ་བ་ཡིན་ཏེ། དེ་ནི། སེམས་ཅན་དམྱལ་བའི་འཇིགས་པ་དག་ལས་གྲོལ་བར་གྱུར་ཏོ། །དེ་ནས་གཞན་དག་ཀྱང་ཟངས་བསྐོལ་བའི་བུམ་པ་དག་ཕྲག་པར་ཐོགས་ནས་ཕྱོགས་བཞིར་རྒྱུག་ཅིང་དོང་ངོ ། །འདི་སྐད་ཅེས་ཀྱང་སྨྲས་སོ། །བདུད་བརྗེད་ངས་ད་གར་སོང ། །དེ་ནས་གཞན་ཞིག་གིས་སྨྲས་པ། དེ་ཅི་ཞིག་བྱ།་དེ་དག་གིས་སྨྲས་པ། འདི་ལ་ཁའི་སྒོར་ཟངས་ཀུན་ཏུ་བསྐོལ་བའི་བུམ་པ་དག་བླུག་པར་བྱ་སྟེ། དེ་དག་གིས་འདིའི་མཆུ་དག་ཚིག་པར་བྱེད་དོ། །རྐན་ཚིག་པར་
237b
བྱེད་དོ། །སྙིང་ཚིག་པར་བྱེད་དོ། །རྒྱུ་མ་དག་དང ། མཉེ་མ་དག་དང ། སྟོ་ཚེག་པར་བྱེད་དོ། གཞང་ཚེག་པར་བྱེད་དོ། དེའི་འོག་གི་ཆར་ཡང་འབྱུང་བར་བྱེད་དོ། །དེ་དག་གིས་སྨྲས་པ།་གྲོགས་པོ་དག་།དེ་ནི། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་བ་ཡིན། དེ་ནི། སེམས་ཅན་དམྱལ་བའི་སྡུག་བསྔལ་དག་ལས་གྲོལ་བ་ཡིན་ནོ། །དེ་ནས་སེམས་ཅན་དམྱལ་བའི་སྲུང་མ་གཞན་དག་ཀྱང་ལག་ན་མཚོན་ཆ་མི་མཐུན་པ་རྣམ་པ་སྣ་ཚོགས་ཐོགས་པ་དག་ཀུན་ཏུ་རྒྱུག་སྟེ། འདི་ལྟ་སྟེ། ལག་ན་མདུང་ཐུང་དང ། མདའ་པོ་ཆེ་དང ། མཚོན་ཆ་རྩེ་གཅིག་པ་དང ། ལྕགས་མདའ་དང ། སྟེའུ་ཁ་ཉ་རྔ་དང ། གཏུན་དང ། རལ་གྲི་དང ། དགྲ་སྟ་དང ། མདུང་དང ། དབྱུག་པ་ཐོགས་པ་དག་རྗེས་སུ་རྒྱུག་ཅིང་དོང་ལ་འདི་སྐད་ཅེས་ཀྱང་འཛེར་ཏེ། ཧི་ཧི་དང ། ཧ་ཧ་དགོད་པ་དང ། ཤུགས་འབྱིན་པ་དང ། ཆོ་ངེས་འདེབས་པ་དང ། རྔ་པ་ཊ་ཧའི་སྒྲ་དང ། རྣམ་པར་སྐྲག་པར་བྱེད་པ་ལ་མཁས་པ། སོ་དག་གིས་འོག་ཏུ་འདེབས་པར་བྱེད། ལག་པ་དག་སྒྱུར་བར་བྱེད། །མགོ་དག་གཅོད་པར་བྱེད། སྨིན་གཉེར་གྱིས་བཞིན་འཕུལ་བར་བྱེད་ཅིང་འདི་སྐད་ཅེས་ཀྱང་འཛེར་ཏེ། ཟུངས་ཤིག་ཟུངས་ཤིག། རྒྱོབ་ཅིག་རྒྱོབ་ཅིག་།ཆོད་ཅིག་ཆོད་ཅིག་།སོད་ཅིག་སོད་ཅིག་།ཡང་སྨྲས་པ། བདུད་བརྗེད་ངས་ད་གར་སོང ། དེ་ནས་གཞན་དག་གིས་སྨྲས་པ། དེས་ཅི་ཞིག་བྱ། དེ་དག་གིས་སྨྲས་པ།
238a
༄#། །དགྲའི་ཁྲག་གིས་གཅིག་ཏུ་བསྐུས་པའི་མཚོན་ཆ་དག་གིས་དེའི་ལུས་གཅད་པར་བྱའོ། །རྣམ་པར་གཞིག་པར་བྱའོ། །དུམ་བུར་བརླག་པར་བྱའོ། །ཐལ་བར་བརླག་པར་བྱའོ། །ཁོ་བོ་ཅག་ནི། དེའི་གཤིན་རྗེའི་ཕོ་ཉ་ཡིན་ནོ། །དེ་ནས་གཞན་དག་གིས་སྨྲས་པ། གྲོགས་པོ་དག་།དེ་ནི། རབ་ཏུ་བྱུང་བ་ཡིན། དེ་ནི། སེམས་ཅན་དམྱལ་བའི་འཇིགས་པ་དག་ལས་གྲོལ་བ་ཡིན་གྱི། འཐབ་མོ་མ་བྱེད་ཅིག་།བདུད་བརྗེད་ངས་ཀྱིས་བདག་ཉིད་ལ་མཐོ་འཚམ་པ་དེ་ཐོས་ཏེ། བདག་གནས་དེ་ལས་ཉམས་པ་འདི་ནི། བདེན་ནོ། །བདག་གིས་ཀྱང་རབ་ཏུ་བྱུང་བ་བླངས་ཏེ། རབ་ཏུ་བྱུང་བ་དེའང་དོན་ཆེན་པོ་དང་ལྡན་པ་ཡིན་ནོ། །སེམས་ཅན་དམྱལ་བའི་སྲུང་མ་རྣམས་བདག་གི་རྗེས་སུ་འབྲང་ཡང་བདག་ལ་དུ་མ་བུར་བརླག་པར་མ་ནུས་སོ། །གལ་ཏེ་དེ་བཞིན་གཤེགས་པ་ཡོན་ཏན་རྒྱལ་པོའི་འོད་ཀྱིས་བདག་རབ་ཏུ་ཕྱུང་ན། བདག་ལྷག་པའི་བསམ་པས་རབ་ཏུ་འབྱུང་བར་བྱའོ། །སེམས་ཅན་དམྱལ་བ་ཆེན་པོ་དེ་དག་ལས་ཀྱང་ཡོངས་སུ་གྲོལ་བར་བྱའོ། །སྙམ་སྟེ། དེ་རྒྱལ་པོའི་གཞོན་ནུ་དྲན་པ་རྙེད་ག་ལ་བ་དེར་སོང་ནས་དོན་ཏེ་སྨྲས་ཏེ། གཞོན་ནུ། བཅོམ་ལྡན་འདས་ཀྱི་བསྟན་པ་ལ་ཁོ་བོ་ལྷག་པའི་བསམ་པས་རབ་ཏུ་འབྱུང་བར་འདོད་དོ། །ཤཱ་རདྭ་ཏིའི་བུ། དེ་ནས་རྒྱལ་པོའི་གཞོན་ནུ་དྲན་པ་རྙེད་ཀྱིས་བདུད་བརྗེད་ངས་ལ་འདི་
238b
སྐད་ཅེས་སྨྲས་སོ། །སུ་ཞིག་ཁྱོད་ལ་རབ་ཏུ་བྱུང་བ་སྦྱིན་པར་བྱེད། བརྗེད་ངས་ཁྱོད་ཚུར་ཤོག་།བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེད་ཅིག་།བརྗེད་ངས། གོས་ངུར་སྨྲིག་བཅངས་པས་ནི། བསྟན་པ་འདི་ལ་རབ་ཏུ་བྱུང་བ་ཞེས་བྱ་བ་མ་ཡིན་ནོ། །ཡང་ལམ་གང་གིས་རབ་ཏུ་བྱུང་བ་ཞེས་བྱ་བའི་ཆོས་དེ་དག་ཡང་དག་པར་བསྒྲུབས་ཤིག་།བརྗེད་ངས།་ལམ་དེ་ལ་ནི། སེམས་ཅན་དམྱལ་བ་དག་དམིགས་པའམ། སེམས་ཅན་དམྱལ་བའི་འཇིགས་པ་དག་དམིགས་པར་མི་འགྱུར་རོ། །དེ་ནས་བདུད་བརྗེད་ངས་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །དེ་ཆོས་ལ་སོ་སོར་རྟོག་པའི་མངོན་པར་བརྩོན་པ་དེ་ལྟ་བུ་དང ། ཆོས་ལ་མཁས་པ་དེ་ལྟ་བུས་ལྷག་པའི་བསམ་པས་མི་སྐྱེ་བའི་ཆོས་ལའང་བཟོད་པ་ཐོབ་བོ། །ཤཱ་རདྭ་ཏིའི་བུ། རྒྱལ་པོའི་གཞོན་ནུ་དྲན་པ་རྙེད་ཀྱིས་ནི། བདུད་བརྗེད་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བྱས་སོ། །མི་སྐྱེ་བའི་ཆོས་ལའང་བཟོད་པ་ཐོབ་པར་བྱས་སོ། །དེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རྒྱལ་པོའི་འོད་དེས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཤཱ་རདྭ་ཏིའི་བུ། འདི་ནི། བྱང་ཆུབ་སེམས་དཔའ་རྣམས་ཀྱི་ལྷག་པའི་
239a
༄#། །བསམ་པ་ཡིན་པར་རིག་པར་བྱ་སྟེ། དེ་ལྟར་ལྷག་པའི་བསམ་པ་ཕུན་སུམ་ཚོགས་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་སྒྲུབ་པར་བྱེད་དོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་རྒྱལ་པོའི་གཞོན་ནུ་དྲན་པ་རྙེད་ཅེས་བྱ་བ་བྱུང་བར་གྱུར་པ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉིའམ་ཡིད་གཉིས་ཟ་བར་གྱུར་ན། ཁྱོད་ཀྱིས་དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་བརྟན་པའི་བློ་གྲོས་འདི་ཉིད་དེའི་ཚེ་དེའི་དུས་ན་རྒྱལ་པོའི་གཞོན་ནུ་དྲན་པ་རྙེད་ཅེས་བྱ་བར་གྱུར་ཏོ། །ཤཱ་རདྭ་ཏིའི་བུ། དེ་ནས་བྱང་ཆུབ་སེམས་དཔའ་དྲན་པ་རྙེད་དེ་རང་གི་ཕ་མ་དག་ག་ལ་བ་དེར་སོང་སྟེ་ཕྱིན་ནས། རྐང་པ་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་སྨྲས་པ། ཡབ་ཡུམ། བདག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རྒྱལ་པོའི་འོད་དེའི་ཐད་དུ་རབ་ཏུ་འབྱུང་བར་འཚལ་ལོ། །དེ་སྐད་ཅེས་སྨྲས་ནས་རང་གི་ཕ་མ་ལ་ཚིགས་སུ་བཅད་པ་དག་གིས་སྨྲས་པ། འདོད་པ་དེ་ནི་རྒྱལ་བས་མི་རྟག་གསུངས། །རྒྱལ་བའི་ཐད་དུ་རབ་ཏུ་འབྱུང་བར་བགྱི། །དེ་ལས་བདེ་བ་དེ་དག་ཐམས་ཅད་འབྱུང ། །ཁྱེད་ནི་བདག་ལ་བར་ཆད་མ་མཛད་ཅིག་།རྒྱལ་སྲིད་དང་ནི་བདེ་བ་དོན་གཉེར་དང་།།
239b
ལོངས་སྤྱོད་དག་དང་མཐོ་རིས་དོན་གཉེར་དང ། །ཡོན་ཏན་ཡེ་ཤེས་ཀྱང་ནི་དོན་གཉེར་ཏེ། །འཇིག་རྟེན་མཁས་པའི་བསྟན་ལ་རབ་བྱུང་ཞིག་།དེར་ནི་སྦྱིན་དང་ཚུལ་ཁྲིམས་རྣམ་པར་སྨིན། །དེ་དང་དེར་ནི་བསྔགས་ཤིང་སྐྱེ་བ་ལགས། །དེར་ནི་བསྟན་པའི་རྩ་བ་དེར་བབ་ཀྱི། །དེ་སླད་བདག་ནི་ཆོས་ཀྱི་རྒྱལ་པོར་འགྱུར། །འདི་ནི་སྔོན་ཆད་སུག་ལས་བགྱིས་པ་དང ། །སྦྱིན་པ་སྩལ་དང་དུལ་བའི་འབྲས་བུ་ལགས། །དེ་ཡི་འབྲས་བུ་ད་ལྟར་སྤྱོད་དོ་ཡབ། །ལྷག་མ་མཆིས་པར་མཛོད་ལ་རབ་བྱུང་མཛོད། །ལྷག་མ་མེད་བགྱིས་ངན་འགྲོ་ངན་སོང་གསུམ། །དེ་ནི་མི་ཁོམ་རྣམས་སུ་མཆི་བར་འགྱུར། །སྡིག་པའི་ལས་རྣམས་ཀུན་ཏུ་སྤྱད་པས་ནི། །སངས་རྒྱས་རྣམས་དང་ཕྲད་བར་འགྱུར་མ་ལགས། །ལྷག་མར་བཅས་བགྱིས་གང་དག་རབ་བྱུང་བ། ། དེར་ཡང་ཆོས་ལ་རབ་ཏུ་སྤྱོད་པར་འགྱུར། །མི་ཁོམ་བརྒྱད་པོ་ཐམས་ཅད་རྣམ་སྤངས་པས། །སངས་རྒྱས་བསྟན་ལ་དལ་བ་འདི་འཐོབ་བོ། །དེ་ཡིས་སངས་རྒྱས་མཐོང་ནས་མྱུར་དད་ཅིང་།། སེམས་དད་ནས་ཀྱང་གུས་པར་བགྱིད་པ་དང ། །གུས་བཅས་ཆོས་ལ་ཀུན་ཏུ་སྤྱོད་བགྱིད་པ། །ཆོས་རྗེས་མཐུན་སྤྱོད་བྱང་ཆུབ་རྙེད་མི་དཀའ། །གང་ཞིག་མི་ཁོམ་ཐམས་ཅད་སྤོང་འཚལ་ཞིང ། །སྡིག་པའི་གྲོགས་པོ་རྣམ་པར་སྤོང་བགྱིད་པ། །དེས་ནི་དེ་རིང་བདག་གི་རྗེས་བསླབ་ནས། །དགེ་བའི་རྩ་བ་རབ་བྱུང་བླང་བར་བགྱི། །ལྷ་དང་གནོད་སྦྱིན་མིའམ་ཅི་མ་མཆིས། །དྲི་ཟ་ཀླུ་
240a
༄#། །ཡི་བགྱི་བ་མཆིས་མ་ལགས། །རབ་ཏུ་མ་བྱུང་ཁྱིམ་འདིར་གནས་བྱོས་ཞེས། །གང་ཞིག་དེ་རིང་བདག་ལ་བར་ཆད་བགྱིད། །གཞན་དུ་སྡིག་པའི་ལས་རྣམས་འདིར་སློང་སྟེ། །བདག་ནི་བཟློག་པར་ནུས་པ་མ་ལགས་སོ། །དཔེར་ན་གླང་པོས་བཅིངས་པ་དམ་བཅད་ནས། །ཇི་ལྟར་འདོད་རྒུར་འདོད་བཞིན་དེ་མཆི་ལྟར། །དེ་བཞིན་འདོད་པའི་འཆིང་བ་དམ་རྣམས་དང ། །སྲེད་པའི་ལྕུག་མ་རྟེན་པའི་འཆིང་བ་དག་།དེ་དག་དེ་རིང་བཅད་ནས་འདིར་རབ་འབྱུང ། །བདག་ནི་སྟོབས་ཀྱིས་བཟློག་པ་ཡོད་མི་འགྱུར། །དེ་ཚེ་དེ་སྨྲས་མྱུར་བར་ཕ་མ་ཡི། །རྐང་ལ་ཕྱག་འཚལ་ཀུན་ཏུ་དགའ་བ་སྐྱེས། །གུས་དང་བཅས་པས་བཟློག་པར་མི་ནུས་ཏེ། །རྒྱལ་བའི་བསྟན་ལ་རབ་ཏུ་འབྱུང་སོང་ཞིག་།རྒྱལ་བ་དེ་ཡི་ཐད་དུ་དེ་རབ་བྱུང ། །དེར་ནི་སྲོག་ཆགས་བྱེ་བ་མང་པོས་ཐོས། །དེ་ལ་ཡ་མཚན་གྱུར་ནས་དད་བསྐྱེད་དེ། །རྗེས་སུ་སློབ་ཅིང་མང་པོ་རབ་ཏུ་བྱུང ། །དེར་ཡང་དེ་ཡི་གྲོགས་པོ་གང་དག་བྱུང ། །སྐལ་བ་མཉམ་པ་ཚོང་དཔོན་བུ་གཞོན་དག་། ལ་སངས་རྒྱས་བསྟན་དེ་རྒྱ་ཆེ་ཞེས། །སྲོག་ཆགས་སྟོང་ཕྲག་མང་པོ་རབ་ཏུ་བྱུང ། །དེ་ཚེ་རྒྱལ་པོ་དེ་ཡང་རབ་ཏུ་བྱུང ། །དེ་ཚེ་རྒྱལ་སྲིད་འདོད་པའི་ལོངས་སྤྱོད་སྤངས། །དེ་ཚེ་བྱེ་བ་ཁྲག་ཁྲིག་བརྒྱད་ཅུ་བདུན། །མཐོང་བའི་རྗེས་འབྲང་དེ་དག་རབ་ཏུ་བྱུང ། །དེ་ཚེ་རྒྱལ་པོ་རབ་ཏུ་བྱུང་རིག་ནས། །
240b
དེ་ཚེ་རྒྱལ་པོའི་བཙུན་མོའང་རབ་ཏུ་བྱུང ། །དེ་ཚེ་བུད་མེད་སྟོང་ཕྲག་བརྒྱད་ཅུ་དག་།རྒྱལ་པོ་མཆོག་དང་དེ་དག་རབ་ཏུ་བྱུང ། །དཔའ་བོ་དྲན་པ་རྙེད་ཀྱི་རྗེས་སློབ་ཅིང ། །དེ་དག་ཀུན་ཀྱང་ཐེག་པ་མཆོག་ལ་ཞུགས། །གང་གི་ཡོན་ཏན་བསྔགས་ཕྲེང་འདི་འདྲ་བ། །དཔའ་བོ་དེ་ལ་སུ་ཞིག་སློབ་མི་བྱེད། །ཤཱ་རདྭ་ཏིའི་བུ། ཁྱོད་དེའི་ཚེ་དེའི་དུས་ན་རྒྱལ་པོ་ལྷག་པར་བྱ་བ་བྱས་པ་ཞེས་བྱ་བ་བྱུང་བ་དེ་གཞན་ཞིག་ཡིན་པ་སྙམ་དུ་སེམས་ན། ཤཱ་རདྭ་ཏིའི་བུ། ཁྱོད་ཀྱིས་དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། དེའི་ཚེ་དེའི་དུས་ན་ང་ནི། རྒྱལ་པོ་ལྷག་པར་བྱ་བ་བྱས་པ་ཞེས་བྱ་བ་དེར་གྱུར་ཏོ། །རྒྱལ་པོའི་གཞོན་ནུ་དྲན་པ་རྙེད་དེ་ནི། ངའི་བུར་གྱུར་ཏོ། །དེ་ཚེ་ལོ་ནི་ཉི་ཁྲི་ཆིག་སྟོང་དུ། །བུད་མེད་གཞོན་ནུ་གྲོང་མི་དག་དང་བཅས། །རྒྱལ་པོས་དེ་ཚེ་ཚངས་པར་སྤྱོད་པ་སྤྱད། །ཚེ་ཟད་ནས་ནི་དེ་ཚེ་འཆི་དུས་བྱས། །དེ་ཚེ་སྟོན་པས་དགེ་སློང་དགེ་འདུན་གསུངས། །རྐང་གཉིས་རྣམས་ཀྱི་དམ་པ་འཛུམ་པ་མཛད། །དེར་ནི་སྨོན་ལམ་རྒྱལ་པོ་གང་བྱུང་བ། །སངས་རྒྱས་ཡོན་ཏན་རྒྱལ་པོས་ལུང་བསྟན་ཏོ། །རྒྱལ་པོ་དེ་ནི་ཚངས་པར་སྤྱོད་པ་སྤྱད། །ཐེག་མཆོག་དམ་པ་ལ་ནི་ཡང་དག་ཞུགས། །ཕྱིར་ཞིང་འདི་ནི་མི་ཁོམ་འགྲོ་མི་འགྱུར། །དེ་ཚེ་དལ་བ་ཕུན་སུམ་ཚོགས་པར་འཛིན། །དེ་ཚེ་བསྐལ་པ་མང་པོར་སྤྱད་བྱས་ཤིང ། །སངས་རྒྱས་གྲངས་མེད་རྣམས་ལ་མཆོད་བྱས་ཏེ། །ཤཱཀྱ་བཙུན་པའི་རྒྱལ་པོ་
241a
༄#། །རྐང་གཉིས་མཆོག་།རྒྱལ་བ་དེ་ཚེ་བསྐལ་པ་བཟང་པོར་འབྱུང ། །རྒྱལ་པོའི་གཞོན་ནུ་དགེ་སློང་དྲན་པ་རྙེད། །དེ་ཡི་འཁོར་ནི་དེ་ཚེ་གང་བྱུང་བ། །ཤཱཀྱ་བཙུན་པའི་རྒྱལ་པོ་ནམ་སངས་རྒྱས། །དེ་ཚེ་དེ་ཡི་དུས་སུ་རབ་ཏུ་བྱུང ། །དེ་ཚེ་དེ་ཡི་ཚངས་པར་སྤྱོད་པ་སྤྱད། །ཕྱི་ནས་དེར་ནི་འཆི་བའི་དུས་བྱས་ཤིང ། །དེ་ཚེ་མི་ཡི་དངོས་པོའང་ཐོབ་ནས་སུ། །དེ་ཚེ་མྱ་ངན་ཡོངས་འདས་རིང་བསྲེལ་རྒྱས། །དེ་ཚེ་ཐ་མའི་དུས་ལ་གནས་པ་ན། །ཚུལ་འདི་ཉིད་ཀྱི་ཆོས་ནི་ཉན་བྱེད་ཅིང ། །གང་དག་ང་ཡིས་ད་ལྟར་མདོ་བཤད་པ། །ང་ཡི་བསྟན་པ་འདིར་ནི་རྒྱས་བྱས་ཏེ། །ཐོགས་མེད་སངས་རྒྱས་ཡེ་ཤེས་རྣམ་པར་དག་།དེ་ཚེ་ཐེག་མཆོག་ཅན་དེ་ཚིག་སྨྲ་བ། །དེ་བཞིན་འགྱུར་གྱི་གཞན་དུ་འགྱུར་མ་ཡིན། །ཕྱི་མའི་དུས་ན་དེ་ནི་དེ་ལྟར་འགྱུར། ། གང་གིས་ཆོས་འདི་འདྲ་བ་དེ་ཐོས་ན། །མཆོག་ཏུ་དགའ་བ་དང་ནི་དད་འགྱུར་བ། །ལུང་སྟོན་སངས་རྒྱས་བདག་གིས་འདིར་མཐོང་བར། །དེ་དག་རྣམས་ཀྱིས་དོགས་པར་གཞར་མི་བྱ། །ཆོས་ཀྱི་རྒྱལ་པོ་དམ་པ་བདག་གིས་མཐོང ། །འདི་ནི་ཆོས་སྟོན་པ་ཡང་ཐོས་བར་གྱུར། །གང་དག་འཇིགས་པ་ཆེན་པོ་ཕྱི་དུས་ན། །ཆོས་ཟབ་བཟོད་པ་མངོན་པར་ཐོབ་པར་འགྱུར། །དགེ་སློང་དགེ་སློང་མ་དང་དགེ་བསྙེན་དང ། །དགེ་བསྙེན་མ་དང་གང་དག་ཤེས་རབ་རྣོ། །གང་དག་ཆོས་འདི་འདྲ་བ་དེ་འདོད་པ། །དེ་དག་ཐེག་པ་མཆོག་ཏུ་ངས་ལུང་བསྟན། །
241b
ཆོས་འདི་རབ་ཏུ་བསྟན་པའི་ཚེ་ན་ནི། །བྱེ་བ་ཁྲག་ཁྲིག་ཕྲག་ནི་བདུན་ཅུ་ཡིས། །མིག་མཆོག་དམ་པ་དེ་དག་ཐོབ་པར་གྱུར། །རྒྱལ་བས་སྲས་འཁོད་པ་དག་ལུང་བསྟན་ཏོ། །ལྷག་པའི་བསམ་པ་ཡང་དག་པར་བསྟན་པའི་ལེའུ་སྟེ། བདུན་པའོ།། །།ཤཱ་རདྭ་ཏིའི་བུ། དེ་ལྟར་བྱང་ཆུབ་སེམས་དཔའ་ལྷག་པའི་བསམ་པ་དང་ལྡན་པས་མཉམ་པ་ཉིད་ཀྱི་ཡང་དག་པའི་ལྟ་བ་ལ་མངོན་པར་བརྩོན་པར་བྱ་དགོས་ཏེ། ཡང་དག་པའི་ལྟ་བ་ཞེས་བྱ་བ་ནི། མི་མཉམ་པ་མེད་པའོ། །ཤཱ་རདྭ་ཏིའི་བུ། ཡང་ཡང་དག་པ་ཉིད་མཐོང་བས་ན། ཡང་དག་པའི་ལྟ་བ་ཞེས་བྱའོ། །ཤཱ་རདྭ་ཏིའི་བུ། ཡང་མཉམ་པ་ཉིད་ཀྱིས་ཡང་དག་པའི་ལྟ་བ་ཞེས་བྱའོ། །ཅིའི་ཕྱིར་མཉམ་པ་ཉིད་ཀྱིས་ཡང་དག་པའི་ལྟ་བ་ཞེས་བྱ་ཞེ་ན། ཤཱ་རདྭ་ཏིའི་བུ། མིག་ནི།་མྱ་ངན་ལས་འདས་པ་སྟེ། མིག་ལས་མྱ་ངན་ལས་འདས་བ་གཞན་མ་ཡིན་ནོ། །དེ་ལྟར་མིག་དང་མྱ་ངན་ལས་འདས་པ་འདི་ནི། གཉིས་སུ་མེད་དེ་གཉིས་སུ་དབྱེར་མེད་དོ། །འདི་ནི།་མཚུངས་པ་སྟེ། མཚུངས་པ་གང་གིས་མཚུངས་ཞེ་ན། མིག་མཚུངས་པ་དང ། མྱ་ངན་ལས་འདས་པ་མཚུངས་པས་མཚུངས་སོ། །མིག་ལ་མིག་མེད་དོ། །མྱ་ངན་ལས་འདས་པ་ལ་མྱ་ངན་ལས་འདས་པ་མེད་དོ། །མིག་ལ་མྱ་ངན་ལས་འདས་པ་མེད་དོ། །མྱ་ངན་ལས་འདས་པ་ལ་མིག་མེད་དོ། །དེ་ལྟར་མིག་དང་མྱ་ངན་ལས་འདས་པ་དེ་དག་གཉིས་ཀའང་བརྟག་
242a
༄#། །ཏུ་མེད་པ་ཉིད་ཀྱིས་མཉམ་མོ། །དེ་བཞིན་དུ་རྣ་བ་དང ། སྣ་དང ། ལྕེ་དང ། ལུས་དང ། ཡིད་དག་ལའང་སྦྱར་བར་བྱའོ། །དེ་ལྟར་ཡིད་དང་མྱ་ངན་ལས་འདས་པ་འདི་ནི། མཚུངས་པ་སྟེ། ཅིས་མཚུངས་ཤེ་ན། ཡིད་མཚུངས་པས་མཚུངས་སོ། །མྱ་ངན་ལས་འདས་པ་མཚུངས་པས་མཚུངས་སོ། །ཡིད་ལ་ཡིད་མེད་དོ། །མྱ་ངན་ལས་འདས་པ་ལ་མྱ་ངན་ལས་འདས་པ་མེད་དོ། །ཡིད་ལ་མྱ་ངན་ལས་འདས་པ་མེད་དོ། །མྱ་ངན་ལས་འདས་པ་ལ་ཡིད་མེད་དོ། །ཡང་ཡིད་དང་མྱ་ངན་ལས་འདས་པ་འདི་ནི། གཉིས་སུ་མེད་དེ་གཉིས་སུ་དབྱེར་མེད་དོ། །བརྟག་ཏུ་མེད་པ་ཉིད་ཀྱིས་རྟོག་པ་མེད་པའོ། །སྟོང་པ་ཉིད་ཀྱིས་སྟོང་པ་སྟེ། ཤཱ་རདྭ་ཏིའི་བུ། འདི་ནི། ཡང་དག་པའི་ལྟ་བ་ཞེས་བྱའོ། །ལྟ་བ་དེ་མཉམ་པས་ན།་དེའི་ཕྱིར་ཡང་དག་པའི་ལྟ་བ་ཞེས་བྱའོ། །དེ་དག་མཉམ་པར་ཕྱིན་པས་ན། དེའི་ཕྱིར་ཡང་དག་པའི་ལྟ་བ་ཞེས་བྱའོ། །དེའི་སྒྲུབ་པ་གང་ཞེ་ན། གང་སྒྲུབ་པ་མེད་པའོ། །ཤཱ་རདྭ་ཏིའི་བུ། ཡང་ལོག་པར་སྒྲུབ་པ་ཞེས་བྱ་བ་ནི། གང་ཆོས་དེ་དག་འགྲོ་བར་མི་བྱེད་པ་ཉིད་དང ། སྤོང་བ་དང ། གཏིང་མི་དཔག་པ་ཉིད་དེ། ཤཱ་རདྭ་ཏིའི་བུ། འདི་ནི། ལོག་པར་སྒྲུབ་པ་ཞེས་བྱའོ། །ཤཱ་རདྭ་ཏིའི་བུ་ཡང་འདི་ལ་ལོག་པར་སྒྲུབ་པའི་མཆོག་དེ་ནི། གང་ཆོས་དེ་ལྟ་བུ་དེ་དག་གིས་རློམ་སེམས་སུ་བྱེད་པའོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ།
242b
ཡང་དག་པའི་ལྟ་བ་ནི། རློམ་སེམས་མེད་པའི་ཕྱིར་ཏེ། ཤཱ་རདྭ་ཏིའི་བུ། དེ་བཞིན་གཤེགས་པས་འཕགས་པ་ཉན་ཐོས་པ་དང་ལྡན་པ་ནི། ས་ལ་རློམ་སེམས་སུ་མི་བྱེད་དོ། །སས་རློམ་སེམས་སུ་མི་བྱེད་དོ། །ས་ངའི་ཞེས་རློམ་སེམས་སུ་མི་བྱེད་དོ། །སའི་ང་ཞེས་རློམ་སེམས་སུ་མི་བྱེད་དོ། །དེ་བཞིན་དུ་ཆུ་དང ། མེ་དང ། རླུང་གི་ཁམས་དག་ལའང་སྦྱར་བར་བྱའོ། ། མྱ་ངན་ལས་འདས་པའི་བར་ལ་རློམ་སེམས་སུ་མི་བྱེད་དོ། །མྱ་ངན་ལས་འདས་པས་རློམ་སེམས་སུ་མི་བྱེད་དོ། །མྱ་ངན་ལས་འདས་པ་ངའི་ཞེས་རློམ་སེམས་སུ་མི་བྱེད་དོ། ། མྱ་ངན་ལས་འདས་པའི་བ་ཞེས་རློམ་སེམས་སུ་མི་བྱེད། མངོན་པར་ཞེན་པར་མི་བྱེད་དོ། །ཞེས་ཀྱང་གསུངས་སོ། །ཤཱ་རདྭ་ཏིའི་བུ། ཡང་ཡག་དག་པའི་ལྟ་བ་ཞེས་བྱ་བ་ནི། གང་ལ་ལྟ་བ་མེད་པའོ། །ཤཱ་རདྭ་ཏིའི་བུ། ལྟ་བ་ཐམས་ཅད་ནི། ལོག་པར་ལྟ་བའོ། །ཤཱ་རདྭ་ཏིའི་བུ། ལྟ་བ་མེད་པ་ནི། ཡང་དག་པའི་ལྟ་བ་སྟེ། ཤཱ་རདྭ་ཏིའི་བུ། འདི་ནི། ཡང་དག་པའི་ལྟ་བ་ཞེས་བྱའོ། །ཤཱ་རདྭ་ཏིའི་བུ། ཡང་ཡང་དག་པའི་ལྟ་བ་ནི། ཚིག་གིས་བསྟན་པར་མི་ནུས་སོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། ངག་གི་ལས་ཐམས་ཅད་ནི། ཚིག་ཙམ་དུ་ཟད་དེ།་དེ་ལ་ཡང་དག་པའི་ལྟ་བ་མེད་པའི་ཕྱིར་རོ། །ཤཱ་རདྭ་ཏིའི་བུ། ཡང་ཡང་དག་པའི་ལྟ་བ་ནི། ཇི་ལྟར་དེ་བཞིན་གཤེགས་པས་རབ་ཏུ་མཁྱེན་པ་བཞིན་ཏེ། དེ་ལ་ལོག་
243a
༄#། །པར་ལྟ་བ་ནི། འགའ་ཡང་མེད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། ངག་གི་དེ་བཞིན་ཉིད་ཐམས་ཅད་ནི། ངག་གི་དེ་བཞིན་ཉིད་དེ། ངག་དེ་ནི། ཇི་ལྟར་དེ་བཞིན་ཉིད་བཞིན་པའི་ཕྱིར་རོ། །ཤཱ་རདྭ་ཏིའི་བུ། ངག་དེ་ནི། བརྗོད་དུ་མེད་པའོ། །ངག་དེ་ནི། ཐ་མི་དད་པའོ། །ཆོས་ཉིད་ཇི་ལྟ་བ་བཞིན་ཏེ། ངག་དེ་ནི། དེ་བཞིན་ནོ། ། ཤཱ་རདྭ་ཏིའི་བུ། ལུས་དེ་ནི། དེ་བཞིན་ཉིད་ཀྱི་ལུས་སོ། །ཤཱ་རདྭ་ཏིའི་བུ། དེ་བཞིན་ཉིད་ཀྱི་ལུས་ཞེས་བྱ་བ་ནི། ལུས་དེ་ཕྱིན་ཅི་མ་ལོག་པ་དེ་བཞིན་ཞིང ། ལུས་དེ་ཐ་མི་དང་པ་སྟེ།་ལུས་དེ་ཇི་ལྟ་བར་ངག་དེ་ནི། དེ་བཞིན་ནོ། །ཤཱ་རདྭ་ཏིའི་བུ། ལུས་དེ་ནི། དེ་བཞིན་ཉིད་ཀྱི་ལས་སོ། །ཤཱ་རདྭ་ཏིའི་བུ། དེ་བཞིན་ཉིད་ཀྱི་ལས་ཞེས་བྱ་བ་ནི། ལས་དེ་ཕྱིན་ཅི་ལོག་པ་དེ་བཞིན་ཞིང ། ལས་དེ་གཞན་མ་ཡིན་པ་དེ་བཞིན་ལ་ལས་དེ་ཐ་མི་དད་པ་སྟེ། ཤཱ་རདྭ་ཏིའི་བུ། ལས་དེ་ནི། དེ་བཞིན་ཉིད་ཀྱི་འབྲས་བུའོ། །དེ་བཞིན་དུ་འབྲས་བུ་དེ་ནི།་ལས་ཇི་ལྟ་བ་བཞིན་ནོ། །དེས་ན་དེ་བཞིན་གཤེགས་པ་བདེན་པ་གསུང་བ། ཡང་དག་པ་གསུང་བ་ནི། འདི་སྐད་དུ་ལས་ཡོད་ན། རྣམ་པར་སྨིན་པ་འབྱུང་ངོ ། །དེ་ལྟར་ལས་ཇི་ལྟ་ཇི་ལྟ་བ་དེ་ལྟ་དེ་ལྟར་རྣམ་པར་སྨིན་པའོ། །ཞེས་གསུང་ངོ ། །ཤཱ་རདྭ་ཏིའི་བུ། དེ་བཞིན་དུ་ཡེ་ཤེས་ཀྱི་འགྲོ་བ་ནི། ཡེ་ཤེས་ཡིན་གྱི། ཤཱ་རདྭ་ཏིའི་བུ། འདི་ནི། ཡེ་ཤེས་
243b
མེད་པ་ནི། མ་ཡིན་ནོ། །ཤཱ་རདྭ་ཏིའི་བུ། དེ་ལས་བྱང་ཆུབ་སེམས་དཔའ་ནི། དེ་སྐད་བསྟན་པ་ན་མི་སྐྲག་།མི་དངང ། དངང་བར་མི་འགྱུར་ཏེ། མི་རྨོངས། ཀུན་ཏུ་མི་རྨོངས་སོ། ། ཤཱ་རདྭ་ཏིའི་བུ། ཆོས་བཞི་པོ་འདི་དག་ནི། སླུ་བར་འགྱུར་བ་སྟེ། བཞི་གང་ཞེ་ན། ཤཱ་རདྭ་ཏིའི་བུ། གཅེར་བུ་པའི་སྨྲ་བ་དང ། འཇིག་རྟེན་རྒྱང་པན་པ་ཀུན་ཏུ་བསྟེན་ཅིང་བསྒོམས་ལ་ལན་མང་དུ་བྱས་པ་སླུ་བར་འགྱུར་བ་ཡིན། ཤཱ་རདྭ་ཏིའི་བུ། ལོག་པར་ལྟ་བ་ཀུན་ཏུ་བསྟེན་ཅིང་བསྒོམས་ལ་ལན་མང་དུ་བྱས་པ་སླུ་བར་འགྱུར་བ་ཡིན། ཤཱ་རདྭ་ཏིའི་བུ། རྩོད་པ་དང་ཕྲད་པ་ཡོངས་སུ་འཛིན་པ་ཀུན་ཏུ་བསྟེན་ཅིང་བསྒོམས་ལ་ལན་མང་དུ་བྱས་པ་སླུ་བར་འགྱུར་བ་ཡིན། མདོ་སྡེ་ཟབ་མོ་ཟབ་པའི་གཏམ་དང་ལྡན་པ། སྟོང་པ་ཉིད་དང་ལྡན་པ་འདི་ལྟ་བུ་དག་ལམ་དད་ཅིང་མི་མཁས་ལ་བསྙེན་བཀུར་མི་བྱེད་ཅིང ། ངེས་པར་མི་སེམས་པ་སླུ་བར་འགྱུར་བ་ཡིན་ཏེ། ཤཱ་རདྭ་ཏིའི་བུ། བཞི་པོ་དེ་དག་ནི། སླུ་བར་བྱེད་པའི་ཆོས་དག་ཡིན་གྱི། སླུ་བར་མི་བྱེད་པ་དག་ནི། མ་ཡིན་ནོ། །ཤཱ་རདྭ་ཏིའི་བུ། སླུ་བར་བྱེད་པའི་ཆོས་བཞི་པོ་དེ་དག་ཀྱང་སྤང་བའི་ཕྱིར་སླུ་བར་མི་བྱེད་པའི་ཆོས་བཞི་པོ་དག་བསྒོམ་པར་བྱ།་བསྟེན་པར་བྱའོ། །བཞི་གང་ཞེ་ན། ལོག་པར་ལྟ་བ་སྤང་བའི་ཕྱིར་ཡང་དག་པའི་ལྟ་བ་བསྒོམ་པར་བྱ་བ་ཡིན། ཤཱ་རདྭ་ཏིའི་བུ། གང་ལ་འཇིག་རྟེན་རྒྱང་པན་པ་དང་ལྡན་པའི་
244a
༄#། །གཏམ་ཡོད་པ་དེ་ལ་དགེ་སློང་ངོ་ཚ་ཤེས་པ་དེས་གནས་པར་མི་བྱ་ཞིང་མྱུར་བ་ཁོ་ནར་འགྲོ་བར་བྱ་བ་འདི་ནི། སླུ་བ་སྤོང་པར་འགྱུར་པའི་ཆོས་གཉིས་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་གནས་གང་དུ་རྩོད་པ་དང་ཕྲད་པར་འགྱུར་བ་དེར་དགེ་སློང་གིས་འགྲོ་བར་མི་བྱ་ཞིང་གཞན་དུ་ན་རྩོད་པ་དེ་ཉེ་བར་ཞི་བར་བྱ་བའི་ཕྱིར་དེར་སོང་བས་ཀྱང་ཆོས་མ་ཡིན་པ་སྨྲ་བ་རྣམས་ཚར་གཅད་པ་དང ། ཆོས་སྨྲ་བ་རྣམས་བསྡུ་བའི་ཕྱིར་ཆོས་ཉིད་སྨྲ་བར་བྱའི། །ཆོས་མ་ཡིན་པ་ནི། མ་ཡིན་ཏེ། ཤཱ་རདྭ་ཏིའི་བུ། དགེ་འདུན་མཐུན་པར་ཡང་བྱས་པར་འགྱུར་བ་འདི་ནི། སླུ་བ་སྤོང་བར་འགྱུར་གྱི་མི་སླུ་བར་བྱེད་པའི་ཆོས་གསུམ་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་ཆོས་ཀྱི་རྣམ་གྲངས་འདི་ལྟ་བུ་དེ་དག་དགེ་སློང་གིས་ལེགས་པར་རབ་ཏུ་བཟུང་ཞིང ། བཟུང་ནས་སྒྲུབ་པ་ལ་གནས་ཏེ། ལུང་ནོད་པ་དང ། ཁ་ཏོན་ལ་མངོན་པར་བརྩོན་པ་ཡིན། ཚུལ་བཞིན་ཡིད་ལ་བྱ་བའི་ཕྱིར་ཡང་མངོན་པར་བརྩོན་པ་ཡིན་ཏེ། ཤཱ་རདྭ་ཏིའི་བུ། སླུ་བར་མི་བྱེད་པའི་ཆོས་བཞི་པོ་དེ་དག་ནི། སླུ་པ་སྤོང་བར་འགྱུར་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་ངོ་ཚ་ཤེས་པས་ནི། ལས་མངོན་པར་འདུ་མི་བྱེད་པ་ལ་མངོན་པར་བརྩོན་བར་བྱའོ། །ཤཱ་རདྭ་ཏིའི་བུ། བྱང་ཆུབ་སེམས་དཔས་ནི། ལེགས་པར་གོ་ཆ་བགོས་
244b
པ་ཉིད་ཀྱིས་མི་འཇིགས་པར་བྱའོ། །ཤཱ་རདྭ་ཏིའི་བུ། བྱང་ཆུབ་སེམས་དཔས་ནི། བརྩོན་འགྲུས་ཆེན་པོ་མི་འདོར་བ་ཉིད་ཀྱིས་མི་དོར་བར་བྱའོ། །ཤཱ་རདྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་དམ་པའི་ཆོས་ཡོངས་སུ་འཛིན་པ་དང ། དོན་ཡོངས་སུ་འཛིན་པ་དང ། སྤྱོད་པ་ཡོངས་སུ་འཛིན་པ་དང ། ཡེ་ཤེས་ཡོངས་སུ་འཛིན་པ་ལ་མངོན་པར་བརྩོན་པ་ཡིན་ཞིང ། ངའི་ཉན་ཐོས་དག་ཡོངས་སུ་འདྲི་བར་བྱེད་པ་དེའི་ཚེ། ཤཱ་རདྭ་ཏིའི་བུ། དེ་བཞིན་གཤེགས་པ་བདེ་བར་གྱུར་ཅིང་བདེ་བའི་མཆོག་དང་ལྡན་ནོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། སངས་རྒྱས་ཀྱི་རིགས་དེ་རྒྱུན་མི་འཆད་པར་འགྱུར་བའི་ཕྱིར་རོ། །ཤཱ་རདྭ་ཏིའི་བུ། ཉན་ཐོས་རྣམས་ཀྱིས་ནི། བྱང་ཆུབ་སེམས་དཔའ་སེམས་དཔའ་ཆེན་པོ་དག་རངས་པར་བྱ་བ་ཡིན་ནོ། །ཤཱ་རདྭ་ཏིའི་བུ། ཉན་ཐོས་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་གང་ལ་ལས་དེ་བཞིན་གཤེགས་པའམ། དེ་བཞིན་གཤེགས་པའི་ཆོས་ཉིད་རྗེས་སུ་དྲན་པར་བྱ་ཞིང ། ཐོག་མ་མེད་པའི་དུས་ཅན་གྱི་སྡུག་བསྔལ་གྱི་ཕུང་པོ་དེའང་རྗེས་སུ་དྲན་པར་བྱས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཐ་ན་ཚིག་བཞི་པའི་ཚིགས་སུ་བཅད་པ་གཅིག་ལ་རངས་པར་བྱེད་ལ། རངས་པར་བྱས་ཤིང་ཡང་དག་པར་འཛིན་དུ་བཅུག་ལ། ཡང་དག་པར་གཟེངས་བསྟོད་པའི་རིགས་ཀྱི་བུ་དེས་ཀྱང་རང་གི་དགེ་བའི་རྩ་བ་
245a
༄#། །ཡོངས་སུ་སྨིན་པར་བྱས་ཏེ། སངས་རྒྱས་ཀྱི་ཡེ་ཤེས་ཡང་དག་པར་བསྒྲུབས་ནས་སངས་རྒྱས་སུ་འགྱུར་ཞིང ། སངས་རྒྱས་སུ་གྱུར་ནས་སྡུག་བསྔལ་གྱི་ཕུང་པོ་གྲངས་མེད་དཔག་ཏུ་མེད་པ་བསལ་བར་བྱ་བའི་ཕྱིར་ཆོས་སྟོན་པར་འགྱུར་རོ། །སྙམ་དུ་སེམས་ན། ཤཱ་རདྭ་ཏིའི་བུ། བསོད་ནམས་ཀྱི་ཕུང་པོ་དཔག་ཏུ་མེད་པར་འགྱུར་རོ། །ཚིགས་སུ་བཅད་པ་གཅིག་ཁོ་ན་ཡང་དག་པར་འཛིན་དུ་བཅུག་པའི་བྱང་ཆུབ་སེམས་དཔའ་ཡང་བསོད་ནམས་ཀྱི་ཕུང་པོ་དེ་སྙེད་སྐྱེད་དོ། །ཤཱ་རདྭ་ཏིའི་བུ། གལ་ཏེ་བསོད་ནམས་ཀྱི་ཕུང་པོ་དེ་གཟུགས་ཅན་དུ་གྱུར་ན། ཤཱ་རདྭ་ཏིའི་བུ། གླིང་བཞི་པའི་འཇིག་རྟེན་གྱི་ཁམས་ན་གླིང་བཞི་པའི་སེམས་ཅན་ཇི་སྙེད་ཡོད་པ་དེ་དག་ཐམས་ཅད་སྔ་ཕྱི་རིམ་གྱིས་མིའི་ལུས་ཐོབ་པར་གྱུར་ཅིང ། དེ་དག་གིས་མིའི་ལུས་ཐོབ་ནས་བསོད་ནམས་ཀྱི་ཕུང་པོ་དེ་ལས་རི་རབ་ཙམ་གྱི་སྣོད་དག་གིས་བླངས་ཏེ་དོང་བར་གྱུར་ལ། ཤཱ་རདྭ་ཏིའི་བུ། རྣམ་གྲངས་ངེས་སེམས་ཅན་དེ་དག་རེ་རེས་ཀྱང་སྣོད་དེས་བསོད་ནམས་ཀྱི་ཕུང་པོ་དེ་བླངས་ཏེ་དོང་བར་གྱུར་ཅིང ། དེ་ལྟར་རི་རབ་ཅན་གྱིས་བྱེད་ནའང་བསོད་ནམས་ཀྱི་ཕུང་པོ་དེ་ཟད་པའམ། ཡོངས་སུ་གཏུགས་པར་ང་མི་སྨྲའོ། །ཤཱ་རདྭ་ཏིའི་བུ། གླིང་ཆེན་པོ་བཞི་བའི་འཇིག་རྟེན་གྱི་ཁམས་ལྟ་ཞོག་གི། ཤཱ་རདྭ་ཏིའི་བུ། སྟོང་གསུམ་གྱི་སྟོང་ཆེན་པོའི་འཇིག་
245b
རྟེན་གྱི་ཁམས་ན་སེམས་ཅན་གཟུགས་ཅན་ནམ། གཟུགས་ཅན་མ་ཡིན་པའམ། འདུ་ཤེས་ཅན་ནམ། འདུ་ཤེས་ཅན་མ་ཡིན་པའམ། འདུ་ཤེས་མེད་འདུ་ཤེས་མེད་མིན་ཡང་རུང་སྟེ།་ཇི་སྙེད་ཡོད་པ་དེ་དག་ཐམས་ཅད་ཀྱིས་སྔ་ཕྱི་རིམ་གྱིས་མིའི་ལུས་ཐོབ་ནས་རི་རབ་ཙམ་གྱི་སྣོད་དག་གིས་བསོད་ནམས་ཀྱི་ཕུང་པོ་དེ་བླངས་ཏེ་དོང་བར་གྱུར་ཅིང་རྣམ་གྲངས་དེས་ན། སེམས་ཅན་རེ་རེས་ཀྱང་རི་རབ་ཙམ་གྱི་སྣོད་དག་གིས་བསོད་ནམས་ཀྱི་ཕུང་པོ་དེ་བླངས་ཏེ་སོང་ཡང་བསོད་ནམས་ཀྱི་ཕུང་པོ་དེ་ད་དུང་ཟད་པའམ། ཡོངས་སུ་གཏུགས་པར་ང་མི་སྨྲའོ། ། ཤཱ་རདྭ་ཏིའི་བུ། དེ་ལྟར་གང་ངའི་ཉན་ཐོས་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའང་རུང་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་ཡང་དག་པར་ཞུགས་པ་རངས་པར་བྱེད་ཅིང་ཡང་དག་པར་འཛིན་དུ་འཇུག་ལ། ཡང་དག་པར་གཟེངས་བསྟོད་ཅིང་ཐ་ན་ཚིག་བཞི་པའི་ཚིགས་སུ་བཅད་པ་ཙམ་ཡང་དག་པར་རབ་ཏུ་སྟོན་པ་དེ་ནི། བསོད་ནམས་ཀྱི་ཕུང་པོ་དཔག་ཏུ་མེད་པ་དང་ལྡན་པ་ཡིན་ནོ། །ཤཱ་རདྭ་ཏིའི་བུ། གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་མིང་འདི་ཞེས་བྱ་བ་བྱང་ཆུབ་ཀྱི་ཕྱོགས་ཀྱི་ཆོས་ཡོངས་སུ་སྨིན་པར་བྱ་བའི་ཕྱིར་ཆོས་ཀྱི་སྦྱིན་པས་རངས་པར་བྱས་ཤིང ། སངས་རྒྱས་ཀྱི་ཆོས་དེ་སྙེད་ཉེ་བར་
246a
༄#། །སྟོན་པར་བྱེད་པ་དེ་ལྟ་བུར་ཤེས་པར་བྱེད་ན། ཤཱ་རདྭ་ཏིའི་བུ། དེས་ཇི་ཙམ་དུ་སངས་རྒྱས་ཀྱི་ཡེ་ཤེས་ཉེ་བར་སྟོན་པར་བྱེད་པའི་བྱང་ཆུབ་སེམས་དཔའ་དེ་ཉེ་བར་བསྒྲུབ་པ་ཐམས་ཅད་ཀྱིས་མགོས་འཛིན་ཏམ། ཕྲག་པས་འཛིན་ཅིང་རྣམ་གྲངས་ངེས་བྱང་ཆུབ་སེམས་དཔའ་གང་གི་ནུབ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་ཞིང ། སེམས་ཅན་དེ་ཡོངས་སུ་སྨིན་པར་བྱེད་ན་སེམས་ཅན་དེ་ལ་ཆོས་བསྟན་ཅིང་དེ་ལ་བཞག་ནའང་རེ་ཞིག་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་བྱས་པས་ལན་དུ་བྱ་བ་བྱས་པར་མི་འགྱུར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། སངས་རྒྱས་ཀྱི་ཆོས་དཔག་ཏུ་མེད་པ་དེ་སྙེད་དང་ལྡན་པ་ཡིན་ནོ། །ཤཱ་རདྭ་ཏིའི་བུ། དེ་ལྟ་བས་ན། རྣམ་གྲངས་དེས་ཁྱོད་ཀྱིས་ཇི་ལྟར་བྱང་ཆུབ་སེམས་དཔའ་དེས་སེམས་ཅན་དེ་ལ་ལན་དུ་བྱ་བ་བྱས་པ་མ་ཡིན་པ་དེ་ལྟར་རིག་པར་བྱའོ། །བམ་པོ་བཅུ་གསུམ་པ། ཤཱ་རདྭ་ཏིའི་བུ། སྔོན་བྱུང་བ་འདས་པའི་དུས་ན་བསྐལ་བ་གྲངས་མེད་པའི་ཡང་ཆེས་གྲངས་མེད་པ། ཡངས་པ། ཚད་མེད་པ། བསམ་གྱིས་མི་ཁྱབ་པ། དཔག་ཏུ་མེད་པར་གྱུར་པ་བྱུང་བ་དེའི་ཚེ་དེའི་དུས་ན་དེ་བཞིན་གཤེགས་པ་ཀུན་ནས་སྦས་ཞེས་བྱ་བ་བྱུང་སྟེ། བཅོམ་ལྡན་འདས་དེའི་ཚེ་ཚད་ནི། ལོ་
246b
བདུན་ཁྲི་ཐུབ་པར་གྱུར་ཏོ། །དེའི་ཉན་ཐོས་འདུས་པ་ནི། གསུམ་བྱུང་སྟེ། གཅིག་ནི། དགེ་སློང་ཁྲག་ཁྲིག་བརྒྱད་ཅུ་བྱུང་ངོ ། །གཉིས་པ་ནི། དགེ་སློང་ཁྲག་ཁྲིག་ཕྲག་དྲུག་ཅུ་བྱུང་ངོ་།། ཉན་ཐོས་འདུས་པ་གསུམ་པ་ནི། དགེ་སློང་ཁྲག་ཁྲིག་ཕྲག་བཞི་བཅུ་བྱུང་ངོ ། །ཤཱ་རདྭ་ཏིའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ནས་སྦས་ཡོངས་སུ་མྱ་ངན་ལས་འདས་ནས་དམ་པའི་ཆོས་ནི། ལོ་བཞི་ཁྲི་གནས་པར་གྱུར་ཏོ། །བཅོམ་ལྡན་འདས་དེ་ཡོངས་སུ་མྱ་ངན་ལས་འདས་ནས་ལྔ་བརྒྱ་པ་ཐ་མ་ལ་དམ་པའི་ཆོས་ནུབ་པའི་དུས་ཀྱི་ཚེ་ན་དགེ་སློང་ཡེ་ཤེས་མཆོག་ཅེས་བྱ་བ་མང་དུ་ཐོས་པ། ཡིད་གཞུངས་པ། གསལ་བ། དུལ་བ་ཞིག་བྱུང་ངོ ། །ཤཱ་རདྭ་ཏིའི་བུ། དེའི་ཚེ་ཛམྦུའི་གླིང་འདིར་རྒྱལ་པོ་མཐའ་ཡས་ཞེས་བྱ་བ་བྱུང་སྟེ། རྒྱལ་པོ་དེའི་ཕོ་བྲང་འཁོར་ནི། གྲོང་ཁྱེར་མཐའ་ཡས་ཞེས་བྱ་བ་ཆུ་ཞིང་དུ་དཔག་ཚད་བཅུ་གཉིས་ཡོད་པ། འབྱོར་པ། རྒྱས་པ། བདེ་བ། ལོ་ལེགས་པ། ཉམས་དགའ་བ། སྐྱེ་བོ་དང་མི་མང་པོས་གང་བ་ཞིག་བྱུང་ངོ ། །དེའི་ཚེ་ཡང་གྲོང་ཁྱེར་མཐའ་ཡས་སུ་ཁྱིམ་བདག་ཁྲོ་བ་མེད་ཅེས་བྱ་བ་བྱུང་སྟེ། ཤཱ་རདྭ་ཏིའི་བུ། ཁྱིམ་བདག་ཁྲོ་བ་མེད་དེའི་བུ་ནི། དོན་གྱི་བློ་གྲོས་ཞེས་བྱ་བ་ཞིག་བྱུང་ངོ ། །དེ་ནས་ཚོང་དཔོན་གྱི་བུ་དོན་གྱི་བློ་གྲོས་དགེ་སློང་ཡེ་ཤེས་མཆོག་ག་ལ་བ་དེར་སོང་སྟེ་ཕྱིན་ནས་དགེ་སློང་ཡེ་
247a
༄#། །ཤེས་མཆོག་གིས་བྱང་ཆུབ་སེམས་དཔའ་དང་ལྡན་པའི་གཏམ་བྱས་སོ། །དེ་ནས་ཚོང་དཔོན་གྱི་བུ་དོན་གྱི་བློ་གྲོས་ཀྱིས་དགེ་སློང་ཡེ་ཤེས་མཆོག་ལས་གཏམ་ཐོས་ནས་ཡིད་རངས་ཏེ་སོ་སོ་ཡང་དག་པར་རིག་པར་གྱུར་ཏོ། །དེས་དེའི་ཚེ་ཆོས་གོས་རིན་ཐང་བྱེ་བ་རི་བས་དགེ་སློང་ཡེ་ཤེས་མཆོག་ལ་མངོན་པར་བཀབ་པོ། །མངོན་པར་བཀབ་ནས་དགེ་སློང་ཡེ་ཤེས་མཆོག་ལ་སྨྲས་པ། འཕགས་པ། ཁྱོད་ཀྱིས་ལེགས་པར་སྨྲས་པ་ལེགས་སོ། །ལེགས་སོ། །བདག་གི་ཁྱིམ་དུ་ཡང་དང་ཡང་སྤྱོན་ཅིག་།བྱོན་ནས་ཀྱང་ཆོས་ཀྱི་གཏམ་དེ་ལྟ་བུ་མཛོད་ཅིག་དང ། བདག་ལའང་ཕན་པར་འགྱུར། ཚེ་དང་ལྡན་པའི་ཆོས་ཀྱི་སྦྱིན་པའང་འབྲས་བུ་ཆེན་པོར་འགྱུར་རོ། །དེང་ཕྱིན་ཆད་ཇི་སྲིད་འཚོའི་བར་དུ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་གྱི་གསོས་སྨན་དང ། ཡོ་བྱད་དག་དང ། ཡོ་བྱད་གཞན་དང་གཞན་དག་ལ་སྤྱན་འདྲེན་ཏོ། །དགེ་སློང་གང་དག་ཚེ་དང་ལྡན་པའི་རྗེས་སུ་འབྲང་བ་དེ་དག་ཀྱང་མགྲོན་དུ་གཉེར་རོ། །དེ་ནས་དགེ་སློང་ཡེ་ཤེས་མཆོག་གིས་ཚོང་དཔོན་གྱི་བུ་དོན་གྱི་བློ་གྲོས་ལ་འདི་སྐད་ཅེས་སྨྲས་སོ། །ཁྱིམ་བདག། ཁྱོད་ཀྱིས་སྨྲས་པ་དེ་དགེའོ། །དེ་ནས་ཚོང་དཔོན་གྱི་བུ་དོན་གྱི་བློ་གྲོས་དགེ་སློང་ཡེ་ཤེས་མཆོག་གི་རྐང་པ་ལ་ཕྱག་བཙལ་ཏེ་བསྐོར་བ་བྱས་ནས། དགེ་སློང་ཡེ་ཤེས་མཆོག་
247b
གི་ཐད་ནས་སོང་ངོ ། །ཤཱ་རདྭ་ཏིའི་བུ། དེའི་འོག་ཏུ་དགེ་སློང་ཡེ་ཤེས་མཆོག་ཚོང་དཔོན་གྱི་བུ་གཞོན་ནུ་དོན་གྱི་བློ་གྲོས་ཀྱི་ཁྱིམ་དུ་སོང་ངོ ། །ཤཱ་རདྭ་ཏིའི་བུ། དེ་ནས་དགེ་སློང་ཡེ་ཤེས་མཆོག་གིས་ཚོང་དཔོན་གྱི་བུ་གཞོན་ནུ་དོན་གྱི་བློ་གྲོས་ཀྱི་ཕ་མ་དག་དང ། བུ་དང ། ཆུང་མ་དང ། བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བཀོད་དོ། །ཤཱ་རདྭ་ཏིའི་བུ། དེའང་དགེ་བའི་རྩ་བ་དེས་བསྐལ་པ་གྲངས་མེད་པར་ནམ་ཡང་སངས་རྒྱས་དང་བྲལ་བར་མ་གྱུར། ཆོས་དང་བྲལ་བར་མ་གྱུར།་དགེ་འདུན་དང་བྲལ་བར་མ་གྱུར། དགེ་བའི་བཤེས་གཉེན་དང་བྲལ་བར་མ་གྱུར་ཏོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་ཚོང་དཔོན་གྱི་བུ་དོན་གྱི་བློ་གྲོས་ཞེས་བྱ་བ་བྱུང་བ་དེ་གཞན་ཞིག་ཡིན་པ་སྙམ་དུ་ཁྱོད་སེམས་ན། དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། དེའི་ཚེ་དེའི་དུས་ན་ང་ནི། ཚང་དཔོན་གྱི་བུ་དོན་གྱི་བློ་གྲོས་ཞེས་བྱ་བར་གྱུར་ཏོ། ། ཤཱ་རདྭ་ཏིའི་བུ། དེའི་ཚེ་དེའི་དུས་ན་ཚོང་དཔོན་གྱི་བུ་གཞོན་ནུ་དེའི་ཕ་བྱུང་བ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉིའམ། ཡིད་གཉིས་ཟ་བར་གྱུར་ན། དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། དེའི་ཚེ་དེའི་དུས་ན་དེ་བཞིན་གཤེགས་པ་འོད་སྲུང་དེ་ནི། ངའི་བར་གྱུར་ཏོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་སྲོག་ཆགས་བྱེ་བ་ཁྲག་ཁྲིག་བྱུང་བ་
248a
༄#། །དེ་གཞན་ཞིག་ཡིན་པ་སྙམ་དུ་སེམས་ན། ཤཱ་རདྭ་ཏིའི་བུ། ཁྱོད་ཀྱིས་དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། དེ་དག་ཐམས་ཅད་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ཤ་སྟག་གོ། ཤཱ་རདྭ་ཏིའི་བུ། དེ་དག་ནི། འཁོར་འདི་ཉིད་དུ་ཡང་དག་པར་འདུས་པར་གྱུར་ཏེ། དེ་དག་ཀྱང་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཤཱ་རདྭ་ཏིའི་བུ། དགེ་སློང་ཡེ་ཤེས་མཆོག་ནི། དེ་ཉིད་ཀྱི་ཚེ་ལེན་པའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །ཤཱ་རདྭ་ཏིའི་བུ། གལ་ཏེ་དགེ་སློང་ཡེ་ཤེས་མཆོག་ཉན་ཐོས་ཀྱི་ཐེག་པས་ཡོངས་སུ་མྱ་ངན་ལས་འདས་པར་མ་གྱུར་ན། དེས་ཚོང་དཔོན་གྱི་བུ་དོན་གྱི་བློ་གྲོས་ལ་ཆོས་བསྟན་པས་བསོད་ནམས་ཀྱི་ཕུང་པོ་ཇི་སྙེད་ཡོད་པ་དེ་ཉིད་ཀྱིས་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་འགྱུར་ཏེ། གང་དེའི་ཕ་མ་དག་དང ། གཡོག་འཁོར་ཐམས་ཅད་ལ་ཆོས་བསྟན་པར་བྱས་པ་ལྟ་ཅི་སྨོས། ཤཱ་རདྭ་ཏིའི་བུ། གལ་ཏེ་དགེ་སློང་ཡེ་ཤེས་མཆོག་ཡོངས་སུ་མྱ་ངན་ལས་འདས་པར་མ་གྱུར་ན། ཤཱ་རདྭ་ཏིའི་བུ། ངས་དགེ་སློང་དེ་ལ་ལན་དུ་བྱ་བ་བྱེད་མི་ནུས་པར་འགྱུར་རོ། །ཤཱ་རདྭ་ཏིའི་བུ། རྗེད་པའམ། མཆོད་པ་བྱས་ཀྱང་ང་ལ་ཆོས་བསྟན་པ་
248b
ངས་དོན་ཇི་ལྟ་བུ་བྱས་པ་དེའི་ལན་དུ་བྱ་བ་བྱེད་མི་ནུས་པར་འགྱུར་རོ། །ཤཱ་རདྭ་ཏིའི་བུ། དེ་ལྟ་བས་ན། གང་གིས་བྱང་ཆུབ་སེམས་དཔའ་ཆོས་དང་ལྡན་པའི་གཏམ་གྱིས་རངས་པར་བྱས་ཤིང་ཡང་དག་པར་འཛིན་དུ་བཅུག་ལ། ཡང་དག་པར་གཟེངས་བསྟོད་པ་དེ་ནི། བསོད་ནམས་ཀྱི་ཕུང་པོ་དཔག་ཏུ་མེད་པ་དང་ལྡན་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་དེ་ནི། བྱ་བ་དཔག་ཏུ་མེད་པས་སེམས་དེ་སྐྱེད་པར་བྱེད་ཅིང་སེམས་བསྐྱེད་པ་མངོན་པར་སྒྲུབ་པར་བྱེད་ལ། སེམས་བསྐྱེད་པ་དེ་རབ་ཏུ་གནས་པར་བྱེད་དོ། །ཤཱ་རདྭ་ཏིའི་བུ། འདི་ལྟ་སྟེ།་དཔེར་ན། རྒྱ་མཚོ་ཆེན་པོ་རབ་ཏུ་གནས་པ་ན་ནོར་བུ་རིན་པོ་ཆེ་དེ་དག་ནི། རིན་ཐང་གདབ་ཏུ་ཡོད་པའམ། རིན་ཐང་གདབ་ཏུ་མེད་པ་ཡིན་པ་དེ་ལྟ་བུར་ཤེས་པར་བྱ་བ་ཡིན་ཞིང ། དེ་དག་ཐམས་ཅད་ཀྱང་རྒྱ་མཚོ་ཆེན་པོ་ན་རབ་ཏུ་གནས་པར་རིག་པར་བྱ་བ་ཡིན་ལ། དེ་དག་ཐམས་ཅད་རྒྱ་མཚོ་ཆེན་པོ་ནས་རེ་བར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན་འཇིག་རྟེན་པ་དང ། འཇིག་རྟེན་ལས་འདས་པ་དང ། ཟག་པ་དང་བཅས་པ་དང ། ཟག་པ་མེད་པ་དང ། ཁ་ན་མ་ཐོ་བ་དང་བཅས་པ་དང ། ཁ་ན་མ་ཐོ་བ་མེད་པ་དང ། འདུས་བྱས་དང ། འདུས་མ་བྱས་ཀྱི་ཡེ་ཤེས་ཇི་སྙེད་ཡོད་པ་ཐམས་ཅད་ཀྱི་སྣོད་དེ་ཡིན་པར་
249a
༄#། །འགྱུར་བ་དང ། ཡེ་ཤེས་ཡོངས་སུ་གནས་པར་བྱེད་པར་འགྱུར་བ་དང ། དེར་ཡེ་ཤེས་ཐམས་ཅད་རབ་ཏུ་དབྱེ་བ་ཐོབ་པར་འགྱུར་བ་དང ། ཡེ་ཤེས་ཐམས་ཅད་ཀྱང་དེ་ལས་རབ་ཏུ་སྐྱེ་བར་འགྱུར་རོ། །སྙམ་དུ་ཤེས་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་དེ་ཉིད་རབ་ཏུ་གནས་པ་ན། ཤཱ་རདྭ་ཏིའི་བུ། གང་དུ་ལུས་ཆེན་པོ་རྒྱས་པར་འགྱུར་བ་དེ་ནི། འབྱུང་བ་ཆེན་པོ་རྣམས་ཀྱི་གནས་སུ་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་ཀྱི་སེམས་རབ་ཏུ་གནས་པ་ན། ཤཱ་རདྭ་ཏིའི་བུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་གང་དུ་ཡེ་ཤེས་ཀྱི་ལུས་ཆེན་པོ་རྒྱས་པར་འགྱུར་བ་དང ། དགེ་བའི་རྩ་བའི་ཚོགས་ཆེན་པོ་མངོན་པར་འཕེལ་བར་འགྱུར་བ་དེ་ནི། འབྱུང་པོ་ཆེན་པོ་མང་པོ་གྲངས་མེད་པའི་གནས་སུ་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་དེ་ཉིད་རབ་ཏུ་གནས་པ་ན། ཤཱ་རདྭ་ཏིའི་བུ། གང་དུ་ཀླུའི་རྒྱལ་པོ་ཆེན་པོ་གནས་པ་དེ་དག་བྱའི་རྒྱལ་པོ་ནམ་མཁའ་ལྡིང་དག་གིས་ཐུལ་པར་དཀའ་བར་འགྱུར་བ་དང ། དེ་དག་རྒྱ་མཚོ་ཆེན་པོ་ནས་བྱུང་ནས་ཀྱང་གླིང་བཞི་པའི་འཇིག་རྟེན་གྱི་ཁམས་ཆར་པའི་རྒྱུན་ཆེན་པོས་ཚིམ་པར་བྱེད་པ་དེ་ནི། ཀླུ་ཆེན་པོ་དག་གི་གནས་སུ་འགྱུར་བ་དེ་ལྟ་བུར་རིག་
249b
པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་ཡོངས་སུ་གནས་པ་ན་དེ་ལས་གཞན་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་དེ་སངས་རྒྱས་སུ་གྱུར་ནས་སེམས་ཅན་དཔག་ཏུ་མེད་པའི་གནས་ཆེན་པོར་གྱུར་པར་འགྱུར་བ་དང ། ཆོས་དེ་དག་གི་གནས་ཀྱང་བྱེད་པར་འགྱུར་བ་དང ། སངས་རྒྱས་ཀྱི་ཡུལ་དེའི་གནས་ཀྱང་བྱེད་པར་འགྱུར་བ་དང ། དེ་ལས་བདུད་སྡིག་ཅན་དག་གིས་ཕྱིར་མི་བསྒྱུར་བར་འགྱུར་བ་དང ། ཐུལ་བར་དཀའ་བར་འགྱུར་བ་དང ། མི་ནོན་པར་འགྱུར་བ་དང ། གལ་ཏེ་བདུད་རྣམས་ཀྱིས་བདུད་ཀྱི་ལས་བྱའོ། །སྙམ་ནས་གནོད་པའི་སེམས་བསྐྱེད་པར་གྱུར་ན། དེ་དག་གིས་སེམས་བསྐྱེད་མ་ཐག་ཁོ་ནར་བདུད་ཀྱིས་བཅིངས་པ་ཐམས་ཅད་ཐལ་བར་རློག་པར་བྱེད་པར་འགྱུར་བ་དང ། བདུད་ཀྱི་སེམས་ཐམས་ཅད་ཐལ་བར་རློག་པར་བྱེད་པར་འགྱུར་བར་རིག་པར་བྱ་བ་ཡིན་ནོ། །འདི་ལྟ་སྟེ། དཔེར་ན། ཀླུ་ཆེན་པོ་དེ་དག་ནི། རྒྱ་མཚོ་ཆེན་པོ་ལས་ཕྱིར་བསྒྱུར་བར་དཀའ་བ་ཡིན་ཞིང ། དེ་དག་རྒྱ་མཚོ་ཆེན་པོ་ནས་མངོན་དུ་བྱུང་ནས་གླིང་བཞི་པའི་འཇིག་རྟེན་གྱི་ཁམས་ཆར་བའི་རྒྱུན་ཆེན་པོས་ཀུན་ཏུ་ཚིམ་པར་བྱེད་ཅིང ། དེར་སྨན་དང་ནགས་ཚལ་དག་འཕེལ་བ་དང ། རྒྱས་པ་དང ། ཡངས་པ་ཉིད་དུ་འགྱུར་བ་དང ། རྐང་གཉིས་པ་དང ། རྐང་བཞི་པ་དག་སྐོམ་པ་རྒྱུན་གཅོད་པར་འགྱུར་བ་དང ། དེའི་འོག་ཏུའང་
250a
༄#། །རྒྱ་མཚོ་ཆེན་པོར་འབབ་པར་འགྱུར་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་དེ་རབ་ཏུ་གནས་པ་ན། ཤཱ་རདྭ་ཏིའི་བུ། དེ་ནི།་བྱང་ཆུབ་སེམས་དཔའ་སེམས་དཔའ་ཆེན་པོ་ཀླུ་ཆན་པོ་རྣམས་ཀྱི་གནས་ཡིན་པར་འགྱུར་བ་དང ། དེ་ནས་མངོན་དུ་བྱུང་ནས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་གྲོང་དང ། གྲོང་ཁྱེར་དང ། གྲོལ་རྡལ་དང ། ལྗོངས་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དག་ཏུ་འདོད་ཆགས་དང་བྲལ་བའི་མཐའ་ལས་བྱུང་བའི་ཆོས་ཀྱི་ཆར་པ་མངོན་དུ་འབེབས་པར་བྱེད་པ་དང ། ཆོས་ཀྱི་ཆར་པ་ཆེན་པོ་འབེབས་པར་འགྱུར་བ་དང ། སེམས་ཅན་གྲངས་མེད་དཔག་ཏུ་མེད་པའི་སྲེད་པ། འདོད་པའི་སྲེད་པ་དང ། གཟུགས་ཀྱི་སྲེད་པ་དང ། གཟུགས་མེད་པའི་སྲེད་པ་རབ་ཏུ་ཞི་བར་བྱེད་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་དེ་ཉིད་ཡོངས་སུ་གནས་པ་ན། གླིང་བཞི་པ་ན་ཆུ་ཀླུང་ཆེན་པོ་གང་དག་ཇི་སྙེད་ཡོད་པ་དེ་དག་ཐམས་ཅད་འདིར་འབབ་པར་འགྱུར་བ་དང ། རྒྱ་མཚོ་ཆེན་པོ་ནི། རིམ་གྱིས་གཞོལ་བའི་ཕྱིར་རྒྱ་མཚོ་ཆེན་པོ་མ་གཏོགས་པར་དེ་དག་གི་གནས་གཞན་མེད་དེ། དེ་དག་ཐམས་ཅད་རྒྱ་མཚོ་ཆེན་པོ་ག་ལ་བ་དེར་འབབ་ཀྱང་རྒྱ་མཚོ་ཆེན་པོ་གང་བའམ། བྲི་བར་ཡང་མི་འགྱུར་བ་དང །
250b
རྒྱ་མཚོ་ཆེན་པོའི་ཆོས་ཉིད་གནས་པ་ཉིད་ནི། འདི་ཡིན་ཏེ། འདི་ལྟ་སྟེ། རྒྱ་མཚོ་ཆེན་པོའི་ཆུ་ནི། ཆུ་ཐ་དད་པ་འབབ་པའང་ཡིན་ལ། ཆུ་གཅིག་པ་ཡིན་པར་ཡང་འགྱུར་བ་དང ། འདི་ལྟ་སྟེ།་ལན་ཚཝའི་རོར་རོ་གཅིག་པར་འགྱུར་བར་རིག་པར་བྱ་བ་ཡི་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན་དེ་སངས་རྒྱས་ཉིད་དང ། དེ་བཞིན་གཤེགས་པ་ཉིད་དང ། མངོན་པར་རྫོགས་པར་སངས་རྒྱས་ནས་སངས་རྒྱས་ཀྱི་ཆོས་རྣམས་ཡོངས་སུ་རྫོགས་པ་དང ། སེམས་ཅན་ཐམས་ཅད་ཀྱི་ཤེས་རབ་རྒྱུན་མི་འཆད་པའི་སྣོད་དུ་གྱུར་པར་འགྱུར་བ་དང ། སེམས་ཅན་གང་དག་ཆོས་ཀྱི་ཐེ་ཚོམ་སྣ་ཚོགས་སྐྱེས་པ་དེ་དག་གིས་ཀྱང་དེ་མཐོང་མ་ཐག་ཁོ་ནར་ཐེ་ཚོམ་དང་བྲལ་བར་འགྱུར་བ་དང ། མིང་སྔ་མ་དེ་དག་ཀྱང་འདི་ལྟ་སྟེ། དེ་བཞིན་གཤེགས་པའི་ཉན་ཐོས་ཞེས་བྱ་བར་མིང་གཅིག་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་ནི།་ལན་ཚཝའི་རོར་རོ་གཅིག་པ་ཡིན་ནོ། །དེ་བཞིན་དུ་དེའི་ཉན་ཐོས་ལེགས་པ་ཁོ་ནར་རྣམ་པར་གྲོལ་པས་རྣམ་པར་གྲོལ་བ་དེ་དག་ཐམས་ཅད་ནི། འདི་ལྟ་སྟེ། རྣམ་པར་གྲོལ་བའི་རོར་རོ་གཅིག་པར་འགྱུར་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་དེ་ཉིད་རབ་ཏུ་གནས་པ་ན་གཟོད་མ་ཉིད་ནས་རིམ་གྱིས་གཞོལ་པར་གནས་སོ། །ཤཱ་རདྭ་ཏིའི་བུ།
251a
༄#། །གལ་ཏེ་རྒྱ་མཚོ་ཆེན་པོ་གཟོད་མ་ཉིད་ནས་བྱ་སྐྱིབས་སུ་ཆགས་པར་གྱུར་ན། རིན་པོ་ཆེ་འདོད་པའི་མི་རྣམས་འཇུག་པར་མི་འགྱུར་རོ། །ཤཱ་རདྭ་ཏིའི་བུ། རྒྱ་མཚོ་ཆེན་པོ་ནི། ཟབ་པ་ཉིད་དང ། ཆུ་མཐའ་ཡས་པར་རབ་ཏུ་གནས་སོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་གནས་པ་ན། གཟོད་མ་ཉིད་ནས་རིམ་གྱིས་གཞོལ་བར་རབ་ཏུ་གནས་ཤིང ། མཐའ་ཡས་པ་ཉིད་ཀྱིས་རིམ་གྱིས་འབབ་པ་དང ། རིམ་གྱིས་བབ་པར་ཀུན་ནས་གནས་ལ་ཟབ་པ་ཉིད་དུ་རབ་ཏུ་གནས་སོ། །ཤཱ་རདྭ་ཏིའི་བུ། དེ་ལ་རིམ་གྱིས་གཞོལ་བ་ཉིད་ནི། འདི་ཡིན་ཏེ། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང ། བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང ། བསམ་གཏན་གྱི་ཕ་རོལ་ཏུ་ཕྱིན་པ་མངོན་པར་སྒྲུབ་པའོ། །ཤཱ་རདྭ་ཏིའི་བུ། དེ་ལ་བྱང་ཆུབ་སེམས་དཔའི་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཟབ་པ་ཉིད་དུ་རིག་པར་བྱའོ། །ཤཱ་རདྭ་ཏིའི་བུ། དེ་ལ་བྱང་ཆུབ་སེམས་དཔའི་སངས་རྒྱས་ཀྱི་ཆོས་ཀྱི་ཐབས་ལ་མཁས་པ་མངོན་པར་སྒྲུབ་པ་ནི། མཐའ་ཡས་པ་ཉིད་དུ་བལྟ་བར་བྱ་སྟེ། གཟོད་མ་ཉིད་ནས་ཡང་དག་པའི་མཐའ་མངོན་དུ་བྱས་པས་མི་གནོན་པར་གྱུར་པ་དང ། སེམས་ཅན་གྲངས་མེད་དཔག་ཏུ་མེད་པ་མི་འཇུག་པར་གྱུར་པ་
251b
དང ། ཆོས་དཀོན་མཆོག་འདོད་པ་རྣམས་མི་འཇུག་པར་འགྱུར་ན་མི་རུང་ངོ ། །སྙམ་ནས་རིམ་གྱིས་གཞོལ་ཞིང་བབ་པར་འཇུག་པ་དེ་ཉིད་ཀྱིས་ཀྱང་དམིགས་པ་ཐམས་ཅད་སྒྱུར་བར་བྱེད་དོ། ། ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་དེ་ཉིད་རབ་ཏུ་གནས་པ་ན་གཟོད་མ་ཉིད་ནས་འགྲོ་བ་ཐམས་ཅད་ཀྱི་རྒྱ་ཉིད་དུ་རབ་ཏུ་གནས་སོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་གྱི་སེམས་བསྐྱེད་པ་རབ་ཏུ་གནས་པ་ན་གཟོད་མ་ཉིད་ནས་འགྲོ་བ་ཐམས་ཅད་ཀྱི་རྒྱ་ཉིད་དུ་རབ་ཏུ་གནས་སོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རྒྱ་མཚོ་ཆེན་པོ་དེ་ཉིད་རབ་ཏུ་གནས་པ་ན་གཟོད་མ་ཉིད་ནས་རིན་པོ་ཆེའི་གླིང་རྒྱུན་མི་འཆད་པ་ཉིད་དུ་རབ་ཏུ་གནས་སོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན་གཟོད་མ་ཉིད་ནས་དྲན་པ་ཉེ་བར་གཞག་པ་དང ། ཡང་དག་པར་སྤོང་བ་དང ། རྫུ་འཕྲུལ་གྱི་རྐང་པ་དང ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་རིན་པོ་ཆེ་དག་རབ་ཏུ་གནས་པར་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རྒྱ་མཚོ་ཆེན་པོའི་དཔེ་རབ་ཏུ་བཞག་པ་དང ། སྤོབས་པ་དཔག་
252a
༄#། །ཏུ་མ་མཆིས་པ་མངོན་པར་སྒྲུབ་པའི་ཚུལ་གྱིས་བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཀྱི་སེམས་རབ་ཏུ་བཞག་པ་ནི། ངོ་མཚར་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། འདི་ནི། དེ་བཞིན་གཤེགས་པས་དཔེ་ཙམ་ཞིག་མཛད་པའོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ཀྱི་སེམས་བསྐྱེད་པ་ནི། རྒྱ་མཚོ་ཆེན་པོའི་དཔེའི་ཚད་མ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའི་སེམས་བསྐྱེད་པ་ནི། དམིགས་པའི་སྤོབས་པ་དཔག་ཏུ་མེད་པའོ། །ཤཱ་རདྭ་ཏིའི་བུ། དེ་བཞིན་གཤེགས་པ་ནི། དམིགས་པའི་སྤོབས་པ་གཅིག་པ་མ་ཡིན་གྱི། དམིགས་པའི་སྤོབས་བ་དཔག་ཏུ་མེད་པའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་བསྐྱེད་པ་ནི། ངས་སྤོབས་པ་དཔག་ཏུ་མེད་པ་ཉིད་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་གནས་པའི་དམིགས་པས་ཡོངས་སུ་བཞག་པའི་ཕྱིར་རོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བྱང་ཆུབ་ཀྱི་སེམས་བསྐྱེད་པ་ཡོངས་སུ་གནས་པ་དེ་དེ་དང་འདྲ་བའི་ཕྱིར་ཏེ། འདི་ལྟར་དེ་ལས་བརྩམས་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བསྐལ་པའམ། བསྐལ་པ་ལས་
252b
ལྷག་པའམ། དེ་བས་ཀྱང་ལྷག་པར་བསྟན་ཀྱང་བྱང་ཆུབ་སེམས་དཔའི་སེམས་བསྐྱེད་པ་དེ་ནི། ཟད་པའམ། ཡོངས་སུ་ཉམས་པར་མི་འགྱུར་རོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བྱང་ཆུབ་སེམས་དཔའི་སེམས་བསྐྱེད་པ་དེ་ནི། ཐུལ་བར་དཀའ་བའི་བྱ་བ་དང ། བསྙེན་པར་དཀའ་བའི་བྱ་བ་དང ། མངོན་དུ་འཕགས་པའི་བྱ་བ་དང ། སེམས་ཅན་བདེ་བར་བྱེད་པའི་བྱ་བ་དང ། ཉམས་དགའ་བར་བྱེད་པའི་བྱ་བ་དང ། དགའ་བའི་བྱ་བ་དང ། ཁམས་གསུམ་འགྱུར་བའི་བྱ་བ་དང ། ཡེ་ཤེས་ཆེན་པོ་འགྱུར་བའི་བྱ་བ་དང ། གཏིང་དཔག་དཀའ་བའི་བྱ་བ་དང ། མ་ཆགས་པའི་བྱ་བ་དང ། སྣང་བ་ཆེན་པོའི་བྱ་བ་དེ་འདྲ་བའི་བྱ་བས་ཡོངས་སུ་གནས་པའི་ཕྱིར་ཏེ། ཤཱ་རདྭ་ཏིའི་བུ། མདོར་ན། བྱང་ཆུབ་སེམས་དཔའི་སེམས་བསྐྱེད་པ་ནི། བྱ་བ་དེ་འདྲ་བས་བགྲང་བའི་མཐའ་བྱ་བར་མི་ནུས་སོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཡོངས་སུ་གནས་པ་ན་འཇིག་རྟེན་གྱི་ཁམས་དེ་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་ཇི་སྙེད་ཡོད་པ་དེ་དག་གིས་ཉེ་བར་སྤྱད་པར་བྱ་བའི་ཕྱིར་རབ་ཏུ་གནས་པ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན་དེ་ནི། སེམས་ཅན་གྲངས་མེད་པ་དཔག་ཏུ་མེད་པའི་ཡེ་ཤེས་ཉེ་བར་སྤྱོད་པའི་གནས་སུ་གྱུར་པ་ཡིན་པར་གནས་པ་
253a
༄#། །དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རིའི་རྒྱལ་པོ་རི་རབ་རབ་ཏུ་གནས་པ་ན་ཤཱ་རདྭ་ཏིའི་བུ། ལྷའི་བུ་སྟོང་ཕྲག་མང་པོའི་གནས་ཡིན་པར་འགྱུར་བ་དང ། དེ་ལ་གནས་ནས་སུམ་ཅུ་རྩ་གསུམ་པའི་ལྷ་རྣམས་ཀྱིས་ལྷ་མ་ཡིན་གྱི་དམག་མང་པོ་ཕམ་པར་བྱེད་པར་འགྱུར་བ་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན་དེ་ནི། ཉན་ཐོས་གྲངས་མེད་དཔག་ཏུ་མེད་པའི་གནས་ཡིན་པར་འགྱུར་རོ། །དེ་ལ་གནས་ནས་ལྷ་རྣམས་ཀྱིས་ལྷ་མ་ཡིན་གྱི་དམག་དག་ཕམ་པར་བྱེད་པར་འགྱུར་བ་ཇི་ལྟ་བ་དེ་བཞིན་དུ། ཤཱ་རདྭ་ཏིའི་བུ། དེ་ལ་གནས་ནས་སེམས་ཅན་དཔག་ཏུ་མེད་པ་གཞན་དག་གིས་ཀྱང་བློ་གྲོས་སྦྱང་དཀའ་བའི་བདུད་ཀྱི་དཔུང་དག་ཀྱང་ཕམ་པར་བྱེད་པར་འགྱུར་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རིའི་རྒྱལ་པོ་ཁོར་ཡུག་ཆེན་པོ་དག་རབ་ཏུ་གནས་པ་ན། སེམས་ཅན་གང་དག་ཁོངས་སུ་གཏོགས་པ་དེ་དག་ཐམས་ཅད་ནི། ཐོགས་པ་མེད་པར་འགྲོ་བའི་རླུང་གི་དཀྱིལ་འཁོར་དག་གིས་ཐུལ་བར་དཀའ་བར་འགྱུར་བ་ཡིན་པར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ།་དེ་བཞིན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བྱང་ཆུབ་སེམས་དཔའི་སེམས་བསྐྱེད་པར་རབ་ཏུ་གནས་པ་ན་གནས་ཀྱི་འདུ་ཤེས་ཅན་སེམས་ཅན་གང་དག་བྱང་ཆུབ་
253b
སེམས་དཔའི་ཁོངས་སུ་གཏོགས་པ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་དག་ནི། ཉོན་མོངས་པའི་རླུང་གི་དཀྱིལ་འཁོར་ཐམས་ཅད་ཀྱིས་ཐུལ་བར་དཀའ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རིའི་རྒྱལ་པོ་གངས་རི་རབ་ཏུ་གནས་པ་ན་དེ་ནི། སྨན་ཐམས་ཅད་ཀྱི་གནས་སུ་གྱུར་པར་རབ་ཏུ་གནས་པ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན། ཤཱ་རདྭ་ཏིའི་བུ། སེམས་ཅན་གྲངས་མེད་དཔག་ཏུ་མེད་པའི་ཉོན་མོངས་པའི་ནད་ཡང་དག་པར་གཞོམ་པར་བྱ་བའི་ཕྱིར་ཡེ་ཤེས་ཆེན་པོའི་སྨན་དེ་རབ་ཏུ་གནས་པ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རིན་པོ་ཆེའི་འབྱུང་གནས་ཆེན་པོ་རབ་ཏུ་གནས་པ་མ་དེ་ནི། སེམས་ཅན་འབུམ་ཕྲག་མང་པོ་ལ་ཕན་འདོགས་པར་གྱུར་པ་ཡིན་པར་འགྱུར་བ་དང ། ཀུན་བགེད་པ་ཡིན་པར་འགྱུར་བ་དང ། འདུ་བ་ཡིན་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་རབ་ཏུ་གནས་པ་ན་དེ་ནི། སེམས་ཅན་གྲངས་མེད་དཔག་ཏུ་མེད་པ་ལ་ཕན་འདོགས་པ་ཡིན་པར་འགྱུར་བ་དང ། དེ་ནི། འདི་ལྟ་སྟེ། ཆོས་དཀོན་མཆོག་གི་རྗེས་སུ་སྤྱོད་པ་ཉིད་ཀྱིས་ཀུན་བགེད་པ་ཡིན་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། ཉི་མའི་གཞལ་མེད་
254a
༄#། །ཁང་དང ། དེ་ལ་ལྷའི་བུ་ཉི་མ་གནས་པར་བྱེད་པ་རབ་ཏུ་གནས་པ་ན། ཤཱ་རདྭ་ཏིའི་བུ། དེ་ནི། གླིང་བཞི་པ་ཐམས་ཅད་དུ་སྣང་བ་ཡིན་པར་འགྱུར་བ་དང ། འོད་དུ་གྱུར་པ་ཡིན་པ་དང ། ཚ་བ་ཡིན་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་དང ། བྱང་ཆུབ་སེམས་དཔའི་ཡེ་ཤེས་ཆེན་པོའི་གནས་ཐེག་པ་ཆེན་པོ་ལ་མངོན་པར་ཞེན་ཅིང་གནས་པར་བྱེད་པ་རབ་ཏུ་གནས་པ་ན་དེ་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སྣང་བ་བྱེད་པ་ཡིན་པར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། ཀླུའི་རྒྱལ་པོ་མ་དྲོས་པའི་གནས་རབ་ཏུ་གནས་པ་ན། ཤཱ་རདྭ་ཏིའི་བུ། ཀླུའི་རྒྱལ་པོ་ཆེན་པོ་དེ་དེར་གནས་པར་བྱེད་པར་འགྱུར་བ་དང ། ཕྱོགས་བཞིར་ཆུ་ཀླུང་ཆེན་པོ་བཞིའང་གཏོང་བར་འགྱུར་བ་དང ། དེ་དག་གིས་རྐང་གཉིས་པ་དང ། རྐང་བཞི་པ་དག་གི་སྐོམ་པ་འཇོམས་པའི་དོན་བྱེད་པར་འགྱུར་བ་དང ། འབྲུ་དང ། སྨན་དང ། ཤིང་ལྗོན་པ་དང ། ནགས་ཚལ་དག་མངོན་པར་སྐྱེད་པར་འགྱུར་བ་དང ། རིན་པོ་ཆེའི་འབྱུང་གནས་རྒྱ་མཚོ་ཆེན་པོའང་ཀུན་ཏུ་ཚིམ་པར་བྱེད་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་དེ་རབ་ཏུ་གནས་པ་ན་བྱང་ཆུབ་སེམས་དཔའ་དེ་དེ་ལ་གནས་པ་
254b
ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། ཆོས་ཀྱི་ཆུ་ཀླུང་རྣམ་པ་བཞི་པོ་འདི་ལྟ་སྟེ། དོན་སོ་སོ་ཡང་དག་པར་རིག་པའི་ཆུ་ཀླུང་དང ། ཆོས་སོ་སོ་ཡང་དག་པར་རིག་པའི་ཆུ་ཀླུང་དང ། ངེས་པའི་ཚིག་སོ་སོ་ཡང་དག་པར་རིག་པའི་ཆུ་ཀླུང་དང ། སྤོབས་པ་སོ་སོ་ཡང་དག་པར་རིག་པའི་ཆུ་ཀླུང་དག་གཏོང་བར་བྱེད་པར་འགྱུར་བ་དང ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པ་དང ། འཕགས་པའི་ལམ་ཡན་ལག་བརྒྱད་པའི་སྒྲ་དབྱངས་ཀྱི་ང་རོ་ཅན་གྱི་ཆོས་དཀོན་མཆོག་གི་ཆུ་དེ་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་གྱི་ཆུས་སེམས་ཅན་གྲངས་མེད་དཔག་ཏུ་མེད་པ་དུ་མའི་ཉོན་མོངས་པའི་སྲེད་པ་རྒྱུན་བཅད་ནས། རྒྱ་མཚོ་ཆེན་པོའི་ཆུ་ཀླུང་ཆེན་པོ་བཞིན་དུ་འདོད་ཆགས་དང་བྲལ་བའི་མཐའི་རྒྱ་མཚོ་ཆེན་པོ་ཚིམ་པར་བྱེད་པར་འགྱུར་བ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའི་སེམས་བསྐྱེད་པ་དེ་ཇི་སྲིད་དུ་རབ་ཏུ་གནས་པ་ནི། ཆེན་པོའི་བྱ་བ་དང ། བསྙེན་པར་དཀའ་བའི་བྱ་བ་དང ། མི་མཉམ་པ་དང་མཉམ་པའི་བྱ་བས་རབ་ཏུ་གནས་ཏེ། ཤཱ་རདྭ་ཏིའི་བུ། དེ་ནི། དེ་བཞིན་གཤེགས་པས་ཀྱང་ཚིག་གིས་བསྟན་པར་མི་སྤྱོད་དོ། །ཤཱ་རདྭ་ཏིའི་བུ། དེ་ལྟ་བས་ན། གང་སེམས་ཅན་དེ་ལྟ་བུའི་ཆོས་དང་ལྡན་པའི་གཏམ་གྱིས་རངས་པར་བྱེད་ཅིང་ཡང་དག་པར་འཛིན་དུ་འཇུག་ལ། ཡང་
255a
༄#། །དག་པར་གཟེངས་བསྟོད་པའི་རིགས་ཀྱི་བུའམ། རིགས་ཀྱི་བུ་མོ་དེ་ནི། ཤཱ་རདྭ་ཏིའི་བུ། བསོད་ནམས་ཀྱི་ཕུང་པོ་ཆེན་པོ་དཔག་ཏུ་མེད་པ་བསྐྱེད་པ་ཡིན་ནོ། །ཤཱ་རདྭ་ཏིའི་བུ། བསོད་ནམས་ཀྱི་ཕུང་པོ་དེའི་བསོད་ནམས་ཀྱི་མཐའ་ནི། ཡོངས་སུ་མྱ་ངན་ལས་མ་འདས་ཀྱི་བར་དུ་དེ་བཞིན་གཤེགས་པས་ཀྱང་བསྟན་པར་མི་སྤྱོད་དེ། ཐེག་པ་གང་དང་གང་དུ་ཡོངས་སུ་བསྔོས་པ་དེ་དང་དེར་ཡང་འགྲུབ་པར་འགྱུར་རོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། དེ་བཞིན་གཤེགས་པ་ལ་ཕུལ་བའི་སྦྱིན་པ་དང ། དེ་བཞིན་གཤེགས་པ་ལ་བསྐྱེད་པའི་དགེ་བའི་རྩ་བ་དག་ནི། ཡོངས་སུ་མྱ་ངན་ལས་མ་འདས་ཀྱི་བར་དུ་བར་མ་དོར་ཡོངས་སུ་ཟད་པར་ཡང་དག་པར་རྗེས་སུ་མ་མཐོང་ངོ ། །ཤཱ་རདྭ་ཏིའི་བུ། དེ་བཞིན་དུ་ཆོས་དང་ལྡན་པའི་གཏམ་གྱིས་བྱང་ཆུབ་སེམས་དཔའ་རངས་པར་བྱས་ཤིང་ཡང་དག་པར་འཛིན་དུ་བཅུག་པས་ཡོངས་སུ་མྱ་ངན་ལས་འདས་པ་ཆེན་པོ་མ་ཡིན་གྱི་བར་དུ་བར་མ་དོར་ཡོངས་སུ་ཟད་པའམ། ཡོངས་སུ་གཏུགས་པར་ཡང་དག་པར་རྗེས་སུ་མ་མཐོང་སྟེ། ཤཱ་རདྭ་ཏིའི་བུ། རྣམ་གྲངས་དེས་ན། དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ།་སྔོན་བྱུང་བ་འདས་པའི་དུས་ན་གང་བྱུང་བ་དེའི་ཚེ་དེའི་དུས་ན་བྱང་ཆུབ་སེམས་དཔའ་རྒྱལ་པོའི་གཞོན་ནུ་ཆོས་ཡོངས་སུ་ཚོལ་འདོད་པ་ཞེས་བྱ་བ་བྱུང་བར་གྱུར་ཏོ། །ཤཱ་རདྭ་
255b
ཏིའི་བུ།་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཡོངས་སུ་ཚོལ་འདོད་པ་དེས་ལེགས་པར་སྨྲས་པ་ཇི་སྙེད་ཐོས་པ་དེ་དག་ཐམས་ཅད་བྲིས་ཤིང་བླངས་ལ་བརྗེད་དེ་ཐམས་ཅད་ཀུན་ཏུ་བཟུང་ངོ ། །དེས་ཀྱང་དེའི་ཚེ་བྱང་ཆུབ་སེམས་དཔའ་ཆོས་ཡོངས་སུ་ཚོལ་འདོད་པ། ཆོས་ཡོངས་སུ་ཚོལ་བ་ལ་མངོན་པར་བརྩོན་པས་གྲོང་ནས་གྲོང་དང ། གྲོང་ཁྱེར་ནས་གྲོང་ཁྱེར་དང ། གྲོང་རྡལ་ནས་གྲོང་རྡལ་དང ། ལྗོངས་ནས་ལྗོངས་སུ་ཆོས་ཡོངས་སུ་ཚོལ་བ་ལ་མངོན་པར་བརྩོན་ཞིང་ཡོངས་སུ་བཙལ་ཏོ། །དེའི་ཚེ་མི་གཅིག་ཅིག་རིའི་བྱ་སྐྱིབས་ན་འདུག་པར་གྱུར་ཏེ། དེས་བྱང་ཆུབ་སེམས་དཔའ་ཆོས་ཡོངས་སུ་ཚོལ་འདོད་པ་ལ་སྨྲས་པ། གཞོན་ནུ་ཚུར་ཤོག་དང ། ཁོ་བོས་ཁྱོད་ལ་དེ་བཞིན་གཤེགས་པའི་མཚན་དང་ལྡན་པའི་གཏམ་བྱའོ། །དེ་ནས་ཆོས་ཡོངས་སུ་ཚོལ་འདོད་པས་རིའི་བྱ་སྐྱིབས་ན་འདུག་པའི་མི་ག་ལ་བ་དེར་སོང་སྟེ་ཕྱིན་ནས་སྨྲས་པ། དེ་བཞིན་གཤེགས་པའི་མཚན་དང་ལྡན་པའི་གཏམ་རབ་ཏུ་སྟོན་ཅིག་།དེས་སྨྲས་པ། གཞོན་ནུ། ཚིགས་སུ་བཅད་པ་དེ་ནི། རིན་མེད་པར་ཁོ་བོ་ཡང་དག་པར་རབ་ཏུ་མི་སྟོན་ཏོ། །ཤཱ་རདྭ་ཏིའི་བུ། དེའི་ཚེ་རྒྱལ་པོའི་གཞོན་ནུ་དེས་གོས་རིན་ཐང་བྱེ་བ་ཕྲག་ཉི་ཤུ་རི་བ་ལུས་ལ་གྱོན་པར་གྱུར་ཅིང ། ནོར་བུ་རིན་པོ་ཆེ་རིན་ཐང་བྱེ་བ་ཕྲག་བཞི་བཅུ་རི་བ་ཡང་ལུས་ལ་བཏགས་པར་གྱུར་ཏོ། །དེ་ནས་འདོད་པས་ཟིལ་གྱིས་ནོན་པའི་མི་བརྐམ་
256a
༄#། །ཆགས་པ་དེ་འདི་སྙམ་དུ་སེམས་ཏེ། གལ་ཏེ་བདག་ལ་རྒྱལ་པོའི་གཞོན་ནུ་དེས་གོས་དེ་དང ། ནོར་བུ་རིན་པོ་ཆེ་དེ་བྱིན་པར་གྱུར་ན། དེ་ལྟ་ན་བདག་གིས་དེ་ལ་ཚིགས་སུ་བཅད་པ་དེ་ཡང་དག་པར་རབ་ཏུ་བསྟན་པར་བྱའོ། །སྙམ་མོ། །དེ་ནས་ཆོས་ཡོངས་སུ་ཚོལ་འདོད་པས་མི་དེ་ལ་སྨྲས་པ། ཀྱེ་མི། ཁྱོད་ལ་ཅི་དགོས་དེ་སྨྲོས་ཤིག་དང ། ཁོ་བོས་ཁྱོད་ལ་སྦྱིན་པར་བྱའོ། །ཁྱོད་ཀྱིས་ཀྱང་ཁོ་བོ་ལ་སངས་རྒྱས་དང་ལྡན་པའི་ཚིགས་སུ་བཅད་པ་དེ་ཡང་དག་པར་རབ་ཏུ་སྟོན་ཅིག་།དེ་ནས་མི་དེས་སྨྲས་པ། གཞོན་ནུ ། གལ་ཏེ་ཁྱོད་ཀྱིས་ཇི་ལྟར་བགོས་པའི་གོས་དང་ནོར་བུ་རིན་པོ་ཆེ་དེ་བྱིན་ཞིང ། བྱིན་ནས་ཀྱང་བྱ་སྐྱིབས་འདི་ནས་བདག་ཉིད་བོར་ན། དེ་ལྟ་ན་ཁོ་བོས་ཁྱོད་ལ་ཚིགས་སུ་བཅད་པ་དེ་ཡང་དག་པར་རབ་ཏུ་བསྟན་པར་བྱའོ། །ཤཱ་རདྭ་ཏིའི་བུ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཡོངས་སུ་ཚོལ་འདོད་པས་མི་དེ་ལ་སྨྲས་པ། ཀྱེ་མི། ཁྱོད་ལ་དོན་དུ་འགྱུར་ན། བདག་གིས་རིའི་བྱ་སྐྱིབས་འདི་ནས་བདག་ཉིད་དོར་བར་བྱའོ། །དེས་སྨྲས་པ། གཞོན་ནུ། བདག་ལ་དོན་དུ་གང་ཡང་མི་འགྱུར་མོད་ཀྱི། འོན་ཀྱང་གང་གི་ཚེ་ཁྱོད་ཀྱིས་ཁོ་བོ་ལ་གོས་དེ་དང་ནོར་བུ་རིན་པོ་ཆེ་དེ་བྱིན་པར་གྱུར་ལ། དེའི་ཚེ་ཁྱོད་ཀྱིས་ཚིགས་སུ་བཅད་པ་དེ་ཐོས་ནས་འགྱོད་པར་གྱུར་ཏེ། དབང་གིས་ཀྱང་འཕྲོག་པར་འགྱུར་རོ། །དེ་
256b
ནས་བྱང་ཆུབ་སེམས་དཔའ་ཆོས་ཡོངས་སུ་ཚོལ་འདོད་པས་མི་དེ་ལ་སྨྲས་པ། ཀྱེ་མི། ཁྱོད་ཚིགས་སུ་བཅད་པ་དེ་ཁོ་བོ་ལ་སྟོན་ཅིག་དང ། ཁོ་བོས་ཁྱོད་ལ་བྱིན་ནས་འགྱོད་པར་མི་བྱའོ། །མི་དེས་སྨྲས་པ། གཞོན་ནུ། ཁྱོད་དམ་བཅས་པ་ལ་མི་གནས་པ་དེ་ཉིད་ཀྱི་ཚེ་ཁྱོད་འགྱོད་པར་བྱེད་པ་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཡོངས་སུ་ཚོལ་འདོད་པས་མི་དེ་ལ་སྨྲས་པ། ཀྱེ་མི། དེའི་ཕྱིར་གལ་ཏེ་ཁྱོད་དེ་ལྟར་སེམས་ན། དེ་ཡོངས་སུ་རྫོགས་པར་བྱའི། སངས་རྒྱས་དང་ལྡན་པའི་ཚིགས་སུ་བཅད་པ་དེ་ཁོ་བོ་ལ་སྟོན་ཅིག་དང ། ཁོ་བོས་ཁྱོད་ལ་གོས་རིན་པོ་ཆེ་དེ་དང་ནོར་བུ་རིན་པོ་ཆེ་དེ་སྦྱིན་པར་བྱའོ། །ཚིགས་སུ་བཅད་པ་དེ་ཐོས་ནས་ཀྱང་རིའི་བྱ་སྐྱིབས་འདི་ནས་བདག་ཉིད་དོར་བར་བྱའོ། །ཤཱ་རདྭ་ཏིའི་བུ། མི་དེས་བྱང་ཆུབ་སེམས་དཔའ་དེ་ལ་སངས་རྒྱས་ཀྱི་མཚན་དང་ལྡན་པའི་ཚིགས་སུ་བཅད་པ་དེ་བསྟན་ཏོ། །ཤཱ་རདྭ་ཏིའི་བུ། ཐོས་མ་ཐག་ཏུའང་གཞོན་ནུ་ཆོས་ཡོངས་སུ་ཚོལ་འདོད་པས་མི་དེ་ལ་གོས་དེ་དང་ནོར་བུ་རིན་པོ་ཆེ་དེ་བྱིན་ཏེ། བདེན་པ་དང་བདེན་པའི་ཚིག་གང་གིས་འགྱོད་པ་མེད་ཅིང་གདུང་བ་མེད་པར་གོས་རིན་པོ་ཆེ་དེ་དང་ནོར་བུ་རིན་པོ་ཆེ་དེ་བྱིན་པའི་བདེན་པ་དང་བདེན་པའི་ཚིག་དེས་མ་སྣད་པ་ཉིད་དང ། མ་རྨས་པ་ཉིད་དུ་ས་ལ་འདུག་པར་གྱུར་ཅིག་།ཅེས་བདེན་པའི་བྱིན་གྱི་རླབས་ཀྱང་བྱས་སོ། །དེས་བདེན་པའི་བྱིན་གྱི་རླབས་དེ་ལྟ་བུ་དེ་བྱས་ནས་བྱ་
257a
༄#། །སྐྱིབས་དེ་ནས་བདག་ཉིད་བོར་རོ། །དེས་ལུས་དེ་བོར་མ་ཐག་ཏུ་དེ་ནས་དེ་ཉིད་ཀྱི་ཚེ་རྒྱལ་པོ་ཆེན་པོ་བཞིས་ཡོངས་སུ་བཟུང་སྟེ། བདེ་བར་མྱུར་བ་ཁོ་ནར་ས་ལ་བཞག་གོ ། དེ་ནས་བྱང་ཆུབ་སེམས་དཔའ་ཆོས་ཡོངས་སུ་ཚོལ་འདོད་པས་མི་དེ་ལ་སྨྲས་པ། ཀྱེ་མི། དེ་ཙམ་དུ་ལེགས་པར་སྨྲས་པའི་ཚིག་དེ་དང ། དེ་ཙམ་དུ་དོན་བཟང་པོ་དང ། ཚིག་འབྲུ་བཟང་པོ་ནི། ངོ་མཚར་ཏོ། །ཤཱ་རདྭ་ཏིའི་བུ། དེ་ནས་མི་དེ་མྱུར་བ་མྱུར་བར་བྱ་སྐྱིབས་དེ་ནས་བབས་ནས་བྱང་ཆུབ་སེམས་དཔའ་ཆོས་ཡོངས་སུ་ཚོལ་འདོད་པ་དེ་ག་ལ་བ་དེར་སོང་ནས་འདི་སྐད་ཅེས་སྨྲས་སོ། །རྒྱལ་པོའི་གཞོན་ནུ། ཁྱོད་ཀྱིས་ཇི་ཙམ་དུ་གྱ་ཚོམ་དུ་བྱས་པ་ནི། ངོ་མཚར་ཏོ། །རྒྱལ་པོའི་གཞོན་ནུ། ཁྱོད་ཆོས་ཇི་ལྟ་བུ་ཞིག་འདོད། དེས་སྨྲས་པ། ཀྱེ་མི། ཁོ་བོས་ནི། སེམས་ཅན་མ་བསྒྲལ་བ་རྣམས་བསྒྲལ་བར་བྱ་ཞིང་མ་གྲོལ་བ་རྣམས་དགྲོལ་བར་བྱ། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་བཟླ་བར་བྱའོ། །ཤཱ་རདྭ་ཏིའི་བུ། མི་དེ་བྱང་ཆུབ་སེམས་དཔའི་ཚིག་དེ་ལ་མངོན་པར་ཡིད་ཆེས་ནས་དེ་དགའ་སྟེ། བྱང་ཆུབ་སེམས་དཔའ་དམ་པའི་ཆོས་ཡོངས་སུ་ཚོལ་འདོད་པ་ལ་སྨྲས་པ། གཞོན་ནུ། དེའི་ཕྱིར་ཁོ་བོས་ཁྱོད་ལ་གོས་རིན་པོ་ཆེ་དེ་དང་ནོར་བུ་རིན་པོ་ཆེ་དེ་ཕྱིར་སྦྱིན་པར་བྱའོ། །དེ་ཅིའི་ཕྱིར་ཞེ་ན། གཞོན་ནུ། གོས་དེ་དང་ནོར་བུ་རིན་པོ་ཆེ་དེ་ནི། ཁྱོད་དང་འཚམ་
257b
པའི་ཕྱིར་རོ། །དེས་སྨྲས་པ། ཀྱེ་མི།་བྱིན་ནས་ཕྱིར་ལེན་པ་དེ་ནི། ཁོ་བོའི་ཆ་མ་ཡིན་ནོ། །མི་དེས་སྨྲས་པ། རྒྱལ་པོའི་གཞོན་ནུ། ཁྱོད་དེའི་ཕྱིར་དེའི་ཚེ་ཁྱོད་ཁོ་བོའི་སྐྱབས་བྱེད་པར་འགྱུར་རོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་བྱང་ཆུབ་སེམས་དཔའ་ཆོས་ཡོངས་སུ་ཚོལ་འདོད་པ་དེ་གཞན་ཞིག་ཡིན་པ་སྙམ་དུ་སོམ་ཉིའམ་ཡིད་གཉིས་ཟ་བར་གྱུར་ན། ཁྱོད་ཀྱིས་དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། དེའི་ཚེ་དེའི་དུས་ན་ང་ནི། རྒྱལ་པོའི་གཞོན་ནུ་ཆོས་ཡོངས་སུ་ཚོལ་འདོད་པ་ཞེས་བྱ་བར་གྱུར་ཏོ། །ཤཱ་རདྭ་ཏིའི་བུ། དེའི་ཚེ་དེའི་དུས་ན་མི་ཞིག་བྱུང་བ་དེ་གཞན་ཞིག་ཡིན་པ་སྙམ་དུ་སེམས་ན། ཁྱོད་ཀྱིས་དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། དེའི་ཚེ་དེའི་དུས་ན་དེ་ང་ལས་དད་པ་རྙེད་ཅིང་འདི་སྐད་དུ་སྐྱབས་བྱེད་པར་འགྱུར་རོ། །ཞེས་ཚིག་སྨྲ་བའི་མི་བྱུང་བ་དེ་ནི། བག་ཀ་ལི་ཡིན་ནོ། །ཤཱ་རདྭ་ཏིའི་བུ། དགེ་སློང་བག་ཀ་ལི་ནི། ད་ལྟར་ཡང་ང་དགེ་སློང་གི་དགེ་འདུན་དང་ཐབས་ཅིག་ཏུ་ནམ་མཁའ་ལས་འགྲོ་བའི་ལམ་ནས་གཤེགས་པ་ན་རིའི་བྱ་སྐྱིབས་ན་འཆག་པར་གྱུར་ཏེ། ངས་ཀྱང་བག་ཀ་ལི་ཚུར་ཤོག་ཅེས་བརྗོད་པ་དང ། དེས་ཏིང་ངེ་འཛིན་གྱི་གྲོལ་བ་བསྐྱེད་དེ། བྱ་སྐྱིབས་དེ་ནས་བདག་ཉིད་བོར་ནས་ནམ་མཁའ་ལ་འདུག་བཞིན་དུ་མངོན་པར་ཤེས་པ་དྲུག་མངོན་དུ་བྱས་སོ། །ཤཱ་རདྭ་ཏིའི་བུ། བསོད་ནམས་ཀྱི་ཕུང་པོ་དེ་
258a
༄#། །ཡུན་ཇི་སྲིད་ནས་རྗེས་སུ་འབྲངས་ཤིང་ང་ལ་ཚིག་བཞི་པའི་ཚིགས་སུ་བཅད་པ་གཅིག་ཡང་དག་པར་བསྟན་པའི་དགེ་བའི་རྩ་བ་དེ་དང ། ལས་ཀྱི་རྣམ་པར་སྨིན་པ་དེས་ང་ལས་དད་པ་རྙེད་ཅིང་ང་ལ་མོས་པས་མྱུར་བ་དེ་ལྟ་བུར་རྣམ་པར་གྲོལ་ལ། ང་ཉིད་ཀྱིས་དེའི་སྐྱབས་བྱས་པ་ལ་ལྟོས། ཤཱ་རདྭ་ཏིའི་བུ། མི་དེའི་འདོད་པ་སྔོན་དུ་འགྲོ་བའི་སེམས་ཀྱིས་དགེ་བའི་རྩ་བ་དེ་མངོན་པར་འདུས་བྱས་ཤིང ། འབྲས་བུ་དེ་སྙེད་མངོན་པར་འགྲུབ་པར་བྱ་བའི་ཕྱིར་བྱུང་བ་ལ་ལྟོས། གང་དག་ཏིང་ངེ་འཛིན་གྱི་གྲོལ་བ་བསྐྱེད་ཅིང་ངེས་པར་བརྟགས་ནས་སངས་རྒྱས་ཀྱི་ཡེ་ཤེས་དེ་གཏིང་དཔོག་པར་བྱེད་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་རངས་པར་བྱེད་ཅིང་ཡང་དག་པར་འཛིན་དུ་འཇུག་ལ། ཡང་དག་པར་གཟེངས་བསྟོད་པ་དང ། ཐ་ན་ཚིག་བཞི་པའི་ཚིགས་སུ་བཅད་པ་ཙམ་སྟོན་པ་ལྟ་ཅི་སྨོས། ཤཱ་རདྭ་ཏིའི་བུ། བསོད་ནམས་ཀྱི་ཕུང་པོ་དེ་ནི། མྱ་ངན་ལས་འདས་པ་ཆེན་པོ་མ་གཏོགས་པར་བར་མ་དོར་ཟད་པའམ། ཡོངས་སུ་གཏུགས་པར་ང་མི་སྨྲའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། གང་ཆོས་དང་ལྡན་པའི་གཏམ་གྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རངས་པར་བགྱིད་ཅིང ། ཡང་དག་པར་འཛིན་དུ་སྩོལ་ལ་ཡང་དག་པར་
258b
གཟེངས་བསྟོད་པའི་རིགས་ཀྱི་བུའམ། རིགས་ཀྱི་བུ་མོ་དེ་བཅོམ་ལྡན་འདས་བསོད་ནམས་ཀྱི་ཕུང་པོ་དེ་ལྟ་བུ་སྐྱེད་ལགས་ན། བཅོམ་ལྡན་འདས། གང་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་བྱང་ཆུབ་ཀྱི་སེམས་དང་ལྡན་པ། སངས་རྒྱས་ཀྱི་ཆོས་ཀྱི་གྲོང་ཁྱེར་དུ་རྗེས་སུ་འཇུག་པར་འཚལ་བ་མོས་པ་ཟློག་པར་བགྱིད་ཅིང་རྣམ་པར་གཡེང་བར་བགྱིད་ལ་བར་ཆད་བགྱིད་ན། བཅོམ་ལྡན་འདས། དེ་ཇི་ལྟ་བུར་འགྱུར་ལགས། བཅོམ་ལྡན་འདས་ཀྱིས་གནས་དེ་བསྟན་དུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་འདས། སེམས་ཅན་གང་དག་བྱང་ཆུབ་སེམས་དཔའ་རྣམས་ལ་བར་ཆད་བགྱི་བའི་སླད་དུ་ཞུགས་པ་དེ་དག་གིས་ཐོས་ནས་ནོངས་པ་ལ་ནོངས་པར་འཆགས་པར་འགྱུར་བ་དང ། གང་དག་འཇུག་པ་དེ་དག་ཐམས་ཅད་ཀྱིས་ཐོས་ནས་བཅོམ་ལྡན་འདས་ལས་ནོངས་པ་ནོད་པའི་སླད་དུའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། གང་བྱང་ཆུབ་སེམས་དཔའ་ལ་བར་ཆད་བྱ་བའི་ཕྱིར་འཇུག་ཅིང་མོས་པ་ཟློག་པར་བྱེད་རྣམ་པར་གཡེང་བར་བྱེད་ལ། བར་ཆད་བྱེད་པ་དེ་ནི། བསོད་ནམས་མ་ཡིན་པའི་ཕུང་པོ་དང་ལྡན་པར་འགྱུར་རོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། གང་རིན་ཐང་མེད་པའི་ནོར་བུ་རིན་པོ་ཆེ་ཆེན་པོ་ལ་བར་ཆད་བྱེད་པ་དེ་ནི། ནོར་གྱི་ཕུང་པོ་ཆེན་པོ་ལ་
259a
༄#། །བར་ཆད་བྱེད་པ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་གང་བྱང་ཆུབ་སེམས་དཔའི་བྱང་ཆུབ་ཀྱི་སེམས་བསྐྱེད་པ་གཅིག་གི་བར་ཆད་བྱེད་པ་དེ་ནི། ཆོས་དཀོན་མཆོག་གི་ཕུང་པོ་འབུམ་ཕྲག་མང་པོ་དཔག་ཏུ་མེད་གྲངས་མེད་པ་དག་གི་བར་ཆད་བྱེད་པ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། གང་སྨན་གྱི་ཤིང་ལྗོན་པ་བསྐྱེད་པ་ལ་བར་ཆད་བྱེད་ཅིང་ཆུད་གཟོན་པར་བྱ་བའི་ཕྱིར་འཇུག་པ་དེ་ནི། ཤཱ་རདྭ་ཏིའི་བུ། སེམས་ཅན་ནད་ཀྱིས་གཟིར་བ་མང་པོ་དཔག་ཏུ་མེད་པ་ལ་བར་ཆད་བྱེད་པ་ཡིན་ཏེ། དེ་ནི། སེམས་ཅན་དེ་དག་ནད་ཆེན་པོ་དེ་ལས་མ་ཐར་བར་འཆི་བའི་དུས་བྱེད་པར་འགྱུར་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་གང་བྱང་ཆུབ་ཀྱི་སེམས་བསྐྱེད་པ། མཉམ་པ་མེད་པའི་སེམས་བསྐྱེད་པ། ཕན་པ་དང་བདེ་བའི་སེམས་བསྐྱེད་པ། སེམས་ཅན་གྱི་ཉོན་མོངས་པའི་ནད་ཐམས་ཅད་སེལ་བའི་སེམས་བསྐྱེད་པའི་སྨན་ལ་བར་ཆད་བྱེད་པ་དེ་ནི། ཤཱ་རདྭ་ཏིའི་བུ། སེམས་ཅན་གྲངས་མེད་དཔག་ཏུ་མེད་པ། འདོད་ཆགས་དང ། ཞེ་སྡང་དང ། གཏི་མུག་གི་ནད་ཀྱིས་ཡོངས་སུ་གཟིར་བ། ཕྲག་དོག་དང ། སེར་སྣ་དང ། ཁྲོ་བ་དང ། གཡོ་དང ། སྒྱུ་དང ། རྩོད་པ་དང ། ཁྲེལ་མེད་པ་དང ། ཁེངས་པ་དང ། ཉེས་རྩོམ་དང ། རྒྱགས་པ་དང ། བག་མེད་པ་དང ། ང་རྒྱལ་དང ། ལྷག་པའི་ང་རྒྱལ་གྱི་ནད་ཆེན་པོས་གང་བ་རྣམས་མྱ་ངན་ལས་
259b
འདས་པ་ཆེན་པོ་དང ། ཉེ་བར་ཞི་བ་དང ། ནད་མེད་པ་དང ། བསིལ་བར་གྱུར་པར་ཉེ་བར་འགྲོ་བ་ནད་ཆེན་པོ་རབ་ཏུ་ཞི་བར་བྱེད་པ་དེ་ལ་བར་ཆད་བྱེད་པ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། གང་མ་དྲོས་པའི་གནས་ལ་བར་ཆད་བྱ་བའི་ཕྱིར་འཇུག་ཅིང་ཀླུའི་རྒྱལ་པོ་ཆེན་པོ་དེ་ལའང་བར་ཆད་བྱ་བའི་ཕྱིར་འཇུག་པ་དེ་ནི། ཤཱ་རདྭ་ཏིའི་བུ། རྐང་གཉིས་པ་དང ། རྐང་བཞི་པ་མང་པོའི་སྲེད་པའི་གདུང་བ་ཉེ་བར་ཞི་བར་བྱེད་པ་ཡན་ལག་བརྒྱད་དང་ལྡན་པའི་ཆུ་ལ་བར་ཆད་བྱ་བའི་ཕྱིར་ཞུགས་པ་ཡིན་པར་རིག་པར་བྱའོ། །ཤཱ་རདྭ་ཏིའི་བུ། དེ་བཞིན་དུ་གང་ལ་ལ་བྱང་ཆུབ་སེམས་དཔའི་བྱང་ཆུབ་ཀྱི་སེམས་བསྐྱེད་པ་ལ་བར་ཆད་བྱེད་པ་དེ་ནི། ཤཱ་རདྭ་ཏིའི་བུ། སེམས་ཅན་གྲངས་མེད་དཔག་ཏུ་མེད་པའི་སྲིད་པ་ཐམས་ཅད་རབ་ཏུ་གཅོད་པར་བྱེད་པ།་ཡན་ལག་བརྒྱད་དང་ལྡན་པའི་ཆོས་ཀྱི་རྒྱུན་ལ་བར་ཆད་བྱེད་པ་ཡིན་པར་རིག་པར་བྱའོ། །ཤཝ་རདྭ་ཏིའི་བུ། འདི་ལྟ་སྟེ། དཔེར་ན། གང་ཉི་མའི་དཀྱིལ་འཁོར་ལ་བར་ཆད་བྱ་བའི་ཕྱིར་འཇུག་པ་དེ་ནི། ཤཱ་རདྭ་ཏིའི་བུ། སེམས་ཅན་གང་དག་གླིང་བཞིན་གནས་པ་དེ་དག་གི་སྣང་བ་ཆེན་པོ་མི་སྣང་བར་བྱ་བའི་ཕྱིར་འཇུག་པ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་གང་བྱང་ཆུབ་ཀྱི་སེམས་བསྐྱེད་པ་ཆོས་ཀྱི་སྣང་བ་ཉེ་བར་གནས་པ་ལ་བར་ཆད་བྱེད་ཅིང་མོས་པ་ཟློག་པ་དང ། མི་ཟློག་པར་བྱེད་པའི་སེམས་ཅན་དེ་ནི། ཤཱ་རདྭ་
260a
༄#། །ཏིའི་བུ།་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གང་དག་ཡོད་པ་དེ་དག་གི་ཆོས་ཀྱི་སྣང་བ་ཆེན་པོ་དང ། ཆོས་ཀྱི་གསལ་བ་ཆེན་པོ་ལ་བར་ཆད་བྱེད་པ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། མི་ལ་ལས་རིན་པོ་ཆེ་ཐམས་ཅད་ཀྱི་འབྱུང་གནས་ཆུད་གཟོན་པར་བྱེད་ན། ཤཱ་རདྭ་ཏིའི་བུ།་དེ་ནི། སེམས་ཅན་གྲངས་མེད་དཔག་ཏུ་མེད་པས་རིན་པོ་ཆེ་རྙེད་པ་ཆུད་གཟོན་པར་བྱ་བའི་ཕྱིར་ཉེ་བར་གནས་པ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་གང་བྱང་ཆུབ་སེམས་དཔའི་སེམས་བསྐྱེད་པ་སེམས་བསྐྱེད་པ་ཆེན་པོ་སངས་རྒྱས་ཀྱི་ཡེ་ཤེས་ཀྱི་སེམས་བསྐྱེད་པ་ནུབ་པར་བྱ་བའི་ཕྱིར་འཇུག་པ་དེ་ནི། ཤཱ་རདྭ་ཏིའི་བུ། སེམས་ཅན་གྲངས་མེད་དཔག་ཏུ་མེད་པའི་ཆོས་དཀོན་མཆོག་འདུ་བ་ཆུད་གཟོན་པར་བྱ་བའི་ཕྱིར་ཞུགས་པ་དེ་ལྟ་བུར་རིག་པར་བྱ་བ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། རིན་པོ་ཆེ་ཐམས་ཅད་ཀྱི་འབྱུང་གནས་དེ་ནས་ནི། རིན་པོ་ཆེ་དེ་དག་ཐམས་ཅད་རབ་ཏུ་འབྱུང་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་སེམས་དཔའི་སེམས་བསྐྱེད་པ་རིན་པོ་ཆེ་ཐམས་ཅད་ཀྱི་འབྱུང་གནས་དེ་ནི། དེ་ལས་སངས་རྒྱས་ཀྱི་ཆོས་དཀོན་མཆོག་དེ་ལྟ་བུ་དེ་དག་འབྱུང་བ་ཡིན་ནོ། །ཤཱ་རདྭ་ཏིའི་བུ། དེ་ལྟ་བས་ན། གང་བྱང་ཆུབ་སེམས་དཔའི་སེམས་
260b
བསྐྱེད་པ་ནུབ་པར་བྱ་བའི་ཕྱིར་འཇུག་པ་དེ་ནི། བསོད་ནམས་མ་ཡིན་པའི་ཕུང་པོ་ཆེན་པོ་དང་ལྡན་པ་ཡིན་ནོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། གང་དེ་ལྟར་ང་ལ་ངན་སེམས་ཀྱིས་ཁྲག་དབྱུང་བའི་སེམས་སྐྱེད་པར་བྱེད་པ་དང ། གང་ལ་ལ་བྱང་ཆུབ་སེམས་དཔའ་བྱང་ཆུབ་ཀྱི་སེམས་ལས་མོས་པ་ཟློག་པར་བྱེད་ཅིང་བར་ཆད་བྱེད་པ་འདི་ནི། མཚུངས་པ་ཡིན་ནོ། ། ཤཱ་རདྭ་ཏིའི་བུ། ཡང་ང་ལ་ཁྲག་དབྱུང་བའི་སེམས་བསྐྱེད་པ་ལྟ་ཞོག་གི། ཤཱ་རདྭ་ཏིའི་བུ། ངས་མཚམས་མེད་པ་ལྔ་པོ་ཤིན་ཏུ་བཟོད་དཀའ་བ། ཐར་པ་དཀའ་པ། ངེས་པར་འབྱུང་བར་དཀའ་བ་བཤད་པ་དེ་བས་ཀྱང་རིགས་ཀྱི་བུའམ། རིགས་ཀྱི་བུ་མོ་དེ་བསོད་ནམས་མ་ཡིན་པའི་ཕུང་པོ་ཆེས་མང་དུ་བསྐྱེད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། མཚམས་མེད་པ་ལྔ་བྱས་པས་ནི། སངས་རྒྱས་ཀྱི་ཆོས་འགའ་ལའང་བར་ཆད་བྱས་པ་མ་ཡིན་ལ། བྱང་ཆུབ་སེམས་དཔའི་སེམས་བསྐྱེད་པ་ཆུད་གཟོན་པས་ནི། སངས་རྒྱས་ཀྱི་ཆོས་ཐམས་ཅད་ཆུད་གཟོན་པར་བྱས་པ་ཡིན་པའི་ཕྱིར་རོ། །ཤཱ་རདྭ་ཏིའི་བུ། འདི་ལྟ་སྟེ། དཔེར་ན། བ་བསད་པས་ནི། འོ་མ་མེད་པར་འགྱུར་བ་ཡིན་ནོ། །ཤཱ་རདྭ་ཏིའི་བུ། དེ་བཞིན་དུ་བྱང་ཆུབ་ཀྱི་སེམས་དང་བ་མེད་པར་བྱས་ཤིང་ཆུད་གཟོན་པས་ནི། སངས་རྒྱས་ཀྱི་ཆོས་ཐམས་ཅད་ཆུད་གཟོན་པ་ཡིན་ནོ། །ཤཱ་རདྭ་ཏིའི་བུ། དེ་ལྟ་བས་ན། མཚམས་མེད་པ་ལྔ་ལས་ནི། འདི་ལྟ་སྟེ། བྱང་
261a
༄#། །ཆུབ་ཀྱི་སེམས་ཆུད་གཟོན་པ་འདི་ཉིད་ཆེས་མ་རུངས་པ་ཡིན་ནོ། །ཤཱ་རདྭ་ཏིའི་བུ། མཚམས་མེད་པ་ལྔ་པོ་ལྟ་ཞོག་གི། ཤཱ་རདྭ་ཏིའི་བུ། གླིང་བཞི་པ་ཆེན་པོའི་འཇིག་རྟེན་གྱི་ཁམས་ཇི་སྙེད་ཡོད་པ་དེ་ཐམས་ཅད་དགྲ་བཅོམ་པ་རྣམས་ཀྱིས་གང་བར་གྱུར་ལ། དེ་ནས་མི་ལ་ལ་ཞིག་གིས་དགྲ་བཅོམ་པའི་ཚོགས་དེ་ཐམས་ཅད་སྲོག་དང་ཕྲལ་བར་གྱུར་ན། ཤཱ་རདྭ་ཏིའི་བུ། འདི་ཇི་སྙམ་དུ་སེམས། འོ་ན་མི་དེ་གཞི་དེ་ལས་བསོད་ནམས་མ་ཡིན་པ་མང་དུ་བསྐྱེད་པར་འགྱུར་བ་ཡིན་ནམ། གསོལ་པ། བཅོམ་ལྡན་འདས། མང་ལགས་སོ། །བཅོམ་ལྡན་འདས། མི་དེས་བསོད་ནམས་མ་ལགས་པའི་ཕུང་པོ་ཤིན་ཏུ་ཆེན་པོ་བསྐྱེད་པར་འགྱུར་ལགས་སོ། །བཀའ་སྩལ་པ། ཤཱ་རདྭ་ཏིའི་བུ། ཁྱོད་མོས་པར་བྱ།་ཁོང་དུ་ཆུད་པར་བྱ་སྟེ། ཤཱ་རདྭ་ཏིའི་བུ། མི་དེས་དགྲ་བཅོམ་པའི་ཚོགས་དེ་སྙེད་སྲོག་དང་བྲལ་བར་གྱུར་ལ། གང་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་མཁྱེན་པའི་ཐེག་པས་འགྲོ་བ། རྫོགས་པའི་སངས་རྒྱས་ཀྱི་ཆོས་ཀྱི་གྲོང་ཁྱེར་ཆེན་པོར་འཇུག་པར་འདོད་པ། བྱང་ཆུབ་ཀྱི་སེམས་དེ་ལས་མོས་པ་ཟློག་པར་བྱེད་ཅིང ། བྱང་ཆུབ་ཀྱིས་སེམས་དེའང་རྐྱེན་དེས་མོས་པ་ཟློག་པར་དམིགས་ནས་བྱང་ཆུབ་ཀྱི་སེམས་འདོར་བར་བྱེད་ན། ཤཱ་རདྭ་ཏིའི་བུ། བསོད་ནམས་མ་ཡིན་པའི་ཕུང་པོ་སྔ་མ་དེས་ནི། བསོད་ནམས་
261b
མ་ཡིན་པའི་ཕུང་པོ་དེ་ལ་བརྒྱའི་ཆར་ཡང་ཉེ་བར་མི་འགྲོ་བ་ནས་རྒྱུའི་བར་དུའང་མི་བཟོད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། དགྲ་བཅོམ་པའི་ཚོགས་དེ་སྙེད་རབ་ཏུ་རྣམ་པར་བཤིག་བས་ནི།་དེ་བཞིན་གཤེགས་པའི་སྟོབས་བཅུ་ཉམས་པར་བྱས་པ་མ་ཡིན། དེ་བཞིན་གཤེགས་པའི་མི་འཇིགས་པ་བཞི་ཉམས་པར་བྱས་པ་མ་ཡིན། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཉམས་པར་བྱས་པ་མ་ཡིན། བྱམས་པ་ཆེན་པོ་ཉམས་པར་བྱས་པ་ཡིན། སྙིང་རྗེ་ཆེན་པོ་ཉམས་པར་བྱས་པ་མ་ཡིན། དེ་བཞིན་གཤེགས་པའི་གླང་པོ་ཆེའི་གཟིགས་སྟངས་ཉམས་པར་བྱས་པ་མ་ཡིན། དེ་བཞིན་གཤེགས་པའི་སེངྒེ་ལྟར་བསྒྱིངས་པ་ཉམས་པར་བྱས་པ་མ་ཡིན། སྤྱི་གཙུག་བལྟར་མི་མཐོང་བ་ཉམས་པར་བྱས་པ་མ་ཡིན། ཆོས་ཀྱི་མུར་འགྲམ་འབུམ་ཕྲག་དུ་མས་ཀུན་ནས་ཡོངས་སུ་གང་བ་ཉམས་པར་བྱས་པ་མ་ཡིན། ཆོས་ཀྱི་འཁོར་ལོ་བསྐོར་བ་བླ་ན་མེད་པ་ཉམས་པར་བྱས་པ་མ་ཡིན། དེ་བཞིན་གཤེགས་པའི་ཁྱུ་མཆོག་ཏུ་གྱུར་པ་ཉམས་པར་གྱིས་པ་མ་ཡིན། སེམས་ཅན་གྱི་དབང་པོ་མཆོག་དང་མཆོག་མ་ཡིན་པ་མཁྱེན་པ་ཉམས་པར་བྱས་པ་མ་ཡིན། མོས་པ་སྣ་ཚོགས་མཁྱེན་པ་ཉམས་པར་བྱས་པ་མ་ཡིན་པའི་ཕྱིར་ཏེ། ཤཱ་རདྭ་ཏིའི་བུ། བྱང་ཆུབ་སེམས་དཔའི་མོས་པ་ཟློག་པས་ནི། ཆོས་དེ་དག་ཐམས་ཅད་ཉམས་པར་བྱས་པ་ཡིན་པའི་ཕྱིར་རོ། །ཤཱ་རདྭ་ཏིའི་བུ།
262a
༄#། །གླིང་ཆེན་པོ་བཞི་པའི་འཇིག་རྟེན་གྱི་ཁམས་ལྟ་ཞོག་གི། ཤཱ་རདྭ་ཏིའི་བུ། འདི་ལྟ་སྟེ། དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དགྲ་བཅོམ་པ་རྣམས་ཀྱིས་གང་བར་གྱུར་ལ། ལ་ལ་ཞིག་གིས་དགྲ་བཅོམ་པ་ཡང་དག་པར་དེ་དག་སྲོག་དང་བྲལ་བར་བྱས་ཤིང ། ཤཱ་རདྭ་ཏིའི་བུ། གང་དགྲ་བཅོམ་པ་དེ་སྙེད་སྲོག་དང་བྲལ་བས་བསོད་ནམས་མ་ཡིན་པའི་ཕུང་པོ་དང ། གང་བྱང་ཆུབ་སེམས་དཔའ་བྱང་ཆུབ་ཀྱི་སེམས་ལས་མོས་པ་བཟློག་ན། ཤཱ་རདྭ་ཏིའི་བུ། དེ་ནི། བསོད་ནམས་མ་ཡིན་པའི་ཕུང་པོ་ཆེས་ཆེ་བར་ང་སྨྲའོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བྱང་ཆུབ་ཀྱི་སེམས་བསྐྱེད་པ་དེ་དང་རྣམ་པར་ཕྲལ་བས་ནི། སངས་རྒྱས་ཀྱི་ཆོས་ཐམས་ཅད་ཡོངས་སུ་ཉམས་པར་འགྱུར་བའི་ཕྱིར་ཏེ། དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། གལ་ཏེ་སེམས་བསྐྱེད་པ་དེ་མེད་པར་གྱུར་ན་ནི། ད་ལྟར་སངས་རྒྱས་ཀྱི་ཡེ་ཤེས་འབྱུང་བར་མི་འགྱུར་བའི་ཕྱིར་དང ། ཤཱ་རདྭ་ཏིའི་བུ། གལ་ཏེ་སེམས་བསྐྱེད་པ་དེ་མེད་པར་གྱུར་ན་ནི། དེ་ལྟར་འཇིག་རྟེན་དུ་སངས་རྒྱས་ཁྱུ་མཆོག་ཏུ་གྱུར་པ་དེ་ལྟ་བུར་འབྱུང་བ་མི་འགྱུར་བའི་ཕྱིར་དང ། ཤཱ་རདྭ་ཏིའི་བུ། གལ་ཏེ་སེམས་བསྐྱེད་པ་དེ་མེད་པར་གྱུར་ན་ནི། ད་ལྟར་སངས་རྒྱས་བཅོམ་ལྡན་འདས་རྣམས་འབྱུང་བར་མི་འགྱུར་བའི་ཕྱིར་རོ། །གསོལ་པ། བཅོམ་ལྡན་འདས། དེ་ལྟ་ལགས་སོ། །བཅོམ་ལྡན་
262b
འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། དེ་ལྟ་བས་ན། རིགས་ཀྱི་བུ་དང ། རིགས་ཀྱི་བུ་མོ་དང ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དང ། ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་གང་སུ་དག་ལ་སེམས་བསྐྱེད་པ་ཡོད་པ་དེ་དག་ནི། ལྷ་དང་བཅས་པའི་འཇིག་རྟེན་གྱི་ཕྱག་བྱ་བར་འོས་པ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། གང་དག་ལ་ལྷག་པའི་བསམ་པའི་སེམས་བསྐྱེད་པ་ཡོད་པ་དེ་དག་ལ་ནི། ཤཱ་རདྭ་ཏིའི་བུ། དེ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་བས་མཐར་ཐུག་པ་ཡིན་པར་ཁོང་དུ་ཆུད་པར་བྱ་བ་ཡིན་པའི་ཕྱིར་རོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། གང་དེ་བཞིན་གཤེགས་པས་བྱང་ཆུབ་སེམས་དཔའི་སེམས་བསྐྱེད་པ་དེ་ལྟ་བུ་ཡང་དག་པར་རབ་ཏུ་བསྟན་ན། འོན་དེ་བཞིན་གཤེགས་པས་སེམས་བསྐྱེད་པ་དེ་ལྟ་བུ་དེ་ལ་རྒྱལ་རིགས་ཤིང་སཱ་ལ་ཆེན་པོ་ལྟ་བུ་དག་ཡོངས་སུ་བསྟན་པའམ། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་ཡོངས་སུ་བསྟན་པའམ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་དག་ཡོངས་སུ་བསྟན་པའམ། འཁོར་ལོས་བསྒྱུར་བའི་རྒྱལ་པོ་ཡོངས་སུ་བསྟན་པའམ། རྒྱལ་ཆེན་བཞིའི་རིས་ཀྱི་ལྷ་རྣམས་ཡོངས་སུ་བསྟན་པའམ། རྒྱལ་པོ་ཆེན་པོ་བཞི་ཡོངས་སུ་བསྟན་པའམ།
263a
༄#། །ལྷ་རྣམས་ཀྱི་དབང་པོ་བརྒྱ་བྱིན་ནམ། སུམ་ཅུ་རྩ་གསུམ་པའི་རིས་ཀྱི་ལྷ་རྣམས་ཡོངས་སུ་བསྟན་པའམ། དེ་བཞིན་དུ་འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་རིས་ལྷ་རྣམས་ཡོངས་སུ་བསྟན་ནམ། འོག་མིན་གྱི་ལྷའི་བར་དུ་ཡོངས་སུ་བསྟན་པ་ཡིན་ནམ། གསོལ་པ། བཅོམ་ལྡན་འདས། དེ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས་སེམས་བསྐྱེད་པ་དག་པ་ཉིད་དང ། བཅོམ་ལྡན་འདས་ཀྱིས་སེམས་བསྐྱེད་པ་ཆེན་པོ་ཉིད་ཡང་དག་པར་རབ་ཏུ་བསྟན་པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། འདི་ཇི་སྙམ་དུ་སེམས། དེ་བཞིན་གཤེགས་པས་བྱང་ཆུབ་ཀྱི་སེམས་བསྐྱེད་པ་མངོན་པར་ཡང་དག་པར་རབ་ཏུ་བསྟན་པས་འདི་ལྟ་སྟེ། ཚན་པོ་ཆེའི་སྟོབས་སམ། ཚན་པོ་ཆེ་ཆེན་པོའི་སྟོབས་སམ། སྲེད་མེད་ཀྱི་བུའི་སྟོབས་ཕྱེད་ཡང་དག་པར་རབ་ཏུ་བསྟན་པའི་སྟོབས་པོ་ཆེ་དང་ལྡན་པར་ཡང་དག་པར་རབ་ཏུ་བསྟན་པའམ། དམན་པའམ། དབུལ་བའམ། རྒྱ་ཆེན་པོ་ཡང་དག་པར་རབ་ཏུ་བསྟན་པ་ཡིན་ནམ། གསོལ་པ། བཅོམ་ལྡན་འདས། དེ་མ་ལགས་སོ། ། བཀའ་སྩལ་པ། ཤཱ་རདྭ་ཏིའི་བུ། དེ་ལྟ་བས་ན། ཁྱེད་ཅག་གིས་སྟོབས་དང་ལྡན་པའམ། སྟོབས་ཆུང་བའམ། དམན་པའམ། རྒྱ་ཆེན་པོ་གང་ལ་སེམས་བསྐྱེད་པ་དེ་མཐོང་ན།
263b
ཤཱ་རདྭ་ཏིའི་བུ། ཁྱེད་ཅག་གིས་སེམས་བསྐྱེད་པ་བསྲུང་བར་བྱའོ། །ཤཱ་རདྭ་ཏིའི་བུ། ཁྱེད་ཅག་གིས་བྱང་ཆུབ་སེམས་དཔའ་དེ་ཡང་དག་པར་འཛིན་དུ་གཞུག་པར་བྱ། རངས་པར་བྱ། ཡང་དག་པར་གཟེངས་བསྟོད་པར་བྱའོ། །ཤཱ་རདྭ་ཏིའི་བུ། གང་བྱང་ཆུབ་སེམས་དཔའ་ཡང་དག་པར་འཛིན་དུ་འཇུག་ཅིང ། རངས་པར་བྱེད་ལ། ཡང་དག་པར་གཟེངས་བསྟོད་པ་འདི་ནི། ཉན་ཐོས་ཀྱི་བསྙེན་བཀུར་མཆོག་ཡིན་ནོ། །ཤཱ་རདྭ་ཏིའི་བུ། དེ་ལྟ་བས་ན། ང་ལ་བསྙེན་བཀུར་མཆོག་བྱེད་པར་འདོད་པའི་ཉན་ཐོས་ཀྱིས་ནི། ཅི་ནས་བྱང་ཆུབ་སེམས་དཔའ་སྤྱོད་པ་རྣམ་པར་འཕེལ་བར་འགྱུར་བར་བྱང་ཆུབ་སེམས་དཔའ་ཡང་དག་པར་འཛིན་དུ་འཇུག་པར་བྱ། ཡང་དག་པར་གཟེངས་བསྟོད་པར་བྱ། རངས་པར་བྱའོ། །ཤཱ་རདྭ་ཏིའི་བུ། ངས་ཉན་ཐོས་རྣམས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཅི་ནས་རྣམ་པར་འཕེལ་བར་འགྱུར་བ་དང ། ཡོངས་སུ་ཉམས་པ་རིམ་འགྱུར་བར་ཡོངས་སུ་གཏད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། སེམས་བསྐྱེད་པ་དང ། གསུམ་པོ་འདི་དག་ལགས་ཏེ། གསུམ་གང་ཞེ་ན། འདི་ལྟ་སྟེ། དང་པོ་སེམས་བསྐྱེད་པ་དང ། མི་ལྡོག་པའི་སེམས་བསྐྱེད་པ་དང ། སྒྲུབ་པའི་སེམས་བསྐྱེད་པ་ལགས་ན། བཅོམ་ལྡན་འདས་ཀྱིས་སེམས་བསྐྱེད་པ་གང་གི་ཡོན་ཏན་གྱི་ཁྱད་པར་དེ་དག་བསྟན་པ་
264a
༄#། །ལགས།་བཅོམ་ལྡན་འདས་ཀྱིས་བཀའ་སྩལ་པ། ཤཱ་རདྭ་ཏིའི་བུ། ཇི་སྐད་སྨྲས་པ་དེ་དེ་བཞིན་ཏེ། སེམས་བསྐྱེད་པ་གསུམ་པོ་དེ་དག་ནི། འདི་ལྟ་སྟེ། དང་པོ་སེམས་བསྐྱེད་པ་དང ། མི་ལྡོག་པ་དང ། སྒྲུབ་པའི་སེམས་བསྐྱེད་པའོ། །ཤཱ་རདྭ་ཏིའི་བུ། དེ་ལ་གང་དང་པོ་སེམས་བསྐྱེད་པ་དེ་ནི། དེ་ལས་བྱང་ཆུབ་སེམས་དཔའ་ལྡོག་ཅིང་ལོག་ནས་ཀྱང་ཉན་ཐོས་ཀྱི་ཐེག་པར་ལྟུང་བའམ། རང་སངས་རྒྱས་ཀྱི་ཐེག་པར་ལྟུང་བ་ཡིན་ཏེ། ཤཱ་རདྭ་ཏིའི་བུ། སེམས་བསྐྱེད་པ་དེ་ལ་དེ་བཞིན་གཤེགས་པས་རངས་པར་མཛད་ཅིང་ཡང་དག་པར་འཛིན་དུ་འཇུག་པར་མཛད་ལ་ཡང་དག་པར་གཟེངས་བསྟོད་པར་མཛད་དོ། །དེ་ཅིའི་ཕྱིར་ཞེ་ན། ཅི་ནས་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་གནས་པར་འགྱུར་ཞིང ། ཉན་ཐོས་དང་རང་སངས་རྒྱས་ཀྱི་སེམས་ལས་ཀྱང་ལྡོག་པར་འགྱུར་ལ་ཐེག་པ་གཉིས་པོ་དེ་དག་ལ་དམིགས་པར་ནི། མི་འགྱུར་ཞིང ། མི་དམིགས་པས་སངས་རྒྱས་ཀྱི་ཆོས་རྣམས་ལ་གནས་པར་འགྱུར་ཞིང ། སངས་རྒྱས་ཀྱི་ཡུལ་ལ་ངེས་པར་འབྱུང་བར་འགྱུར་ཞིག་གུ་སྙམ་པའི་ཕྱིར་རོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་མངོན་པར་བསྒྲུབ་པའི་ཕྱིར་རྣལ་འབྱོར་དུ་བྱའོ། །ཤཱ་རདྭ་ཏིའི་བུ། སེམས་
264b
སྟོང་པ་ཉིད་དུ་རྣམ་པར་བལྟ་བར་བྱའོ། །ཤཱ་རདྭ་ཏིའི་བུ་ནི། སེམས་སྟོང་པ་ཉིད་ནི། གང་ཡིན། ཇི་ལྟར་ན། སེམས་སྟོང་པ་ཉིད་དུ་རྣམ་པར་བལྟ་བར་བྱ་བ་ཡིན་ཞེ་ན། ཤཱ་རདྭ་ཏིའི་བུ། སེམས་ཞེས་བྱ་བ་ནི། སེམས་དང ། ཡིད་ཀྱི་རྣམ་པར་ཤེས་པ་དང ། ཡིད་དང ། ཡིད་ཀྱི་ལུས་དང ། ཡིད་ཀྱི་དབང་པོ་དང ། ཡིད་ཀྱི་ཁམས་ཏེ། འདི་ནི། སེམས་ཞེས་བྱའོ། །དེའི་སྟོང་པ་ཉིད་གང་ཞེ་ན།་ཤཱ་རདྭ་ཏིའི་བུ། སེམས་ནི། སེམས་ཀྱིས་སྟོང་སྟེ། དེ་ལ་བྱེད་པོ་གང་ཡང་མེད་དོ། །གལ་ཏེ་དེའི་བྱེད་པ་པོ་འགའ་ཞིག་ཡོད་ན་ནི། དེས་བྱས་ན་གཞན་གྱིས་མྱོང་བ་དེ་ལྟ་བུར་འགྱུར་རོ། །སེམས་ཀྱིས་ཀྱང་སེམས་མངོན་པར་འདུ་མི་བྱེད་དོ། །གལ་ཏེ་སེམས་ཀྱིས་སེམས་མངོན་པར་འདུ་བྱེད་ན་ནི། དེ་ཉིད་བྱེད་པ་པོ་ཡིན་ཞིང ། དེ་ཉིད་མྱོང་བ་པོ་ཡིན་པར་འགྱུར་རོ། །གལ་ཏེ་སེམས་གཞན་གྱིས་སེམས་མངོན་པར་འདུ་བྱེད་ན་ནི། གང་གིས་བྱས་པ་དེ་ནི། དེའི་ཡིན་པར་འགྱུར་ལ། གཞན་གྱིས་བྱས་ནའང་གཞན་གྱིས་མྱོང་བར་འགྱུར་རོ། །ཤཱ་རདྭ་ཏིའི་བུ། དེ་ལྟ་བས་ན། སེམས་ནི། སེམས་ཀྱིས་སྟོང་སྟེ། དེ་ལ་བྱེད་པ་པོ་གང་ཡང་མེད་དོ། །གང་ལ་བྱེད་པ་པོ་མེད་པ་དེས་ནི། ཅུང་ཟད་ཀྱང་བྱས་པ་མེད་དོ། །གང་གིས་ཅུང་ཅད་ཀྱང་བྱས་པ་མེད་པ་དེ་ལ་ནི། བྱེད་པ་དམིགས་སུ་མེད་དོ། །གང་ལ་བྱེད་པ་པོ་མི་དམིགས་པ་དེ་ལ་ནི། རྩོད་པའི་གནས་མེད་དོ། །གང་དག་དེ་ལ་རྩོད་པར་བྱེད་པ་དེ་དག་ནི། མེད་པ་ལ་རྩོད་པར་
265a
༄#། །བྱེད་པའོ། །གང་དག་མེད་པ་ལ་རྩོད་པར་བྱེད་པ་དེ་དག་ནི། སྟོང་པ་ལ་རྩོད་པར་བྱེད་པའོ། །མཚན་མ་མེད་པ་དང ། སྨོན་པ་མེད་པ་ལ་རྩོད་པར་བྱེད་པའོ། །གང་དག་སྟོང་པ་རྩོད་པར་བྱེད་པ་དེ་དག་ནི། གསོབ་དང ། གསོག་ལ་རྩོད་པར་བྱེད་པའོ། །གང་དག་གསོབ་དང ། གསོག་ལ་རྩོད་པར་བྱེད་པ་དེ་དག་ནི། དེ་བཞིན་གཤེགས་པ་དང ། ལྷན་ཅིག་ཏུ་རྩོད་པར་བྱེད་པའོ། །གང་དག་དེ་བཞིན་གཤེགས་པ་དང་ལྷན་ཅིག་ཏུ་རྩོད་པར་བྱེད་པ་དེ་དག་ནི། གཡང་ས་ཆེན་པོར་ལྟུང་བར་བྱེད་པ་ཡིན་ནོ། །ཤཱ་རདྭ་ཏིའི་བུ། གཡང་ས་ཆེན་པོའང་གང་ཞེ་ན། འདི་ལྟ་སྟེ། སེམས་ཅན་དམྱལ་བ་དང ། དུད་འགྲོའི་སྐྱེ་གནས་དང ། གཤིན་རྗེའི་འཇིག་རྟེན་ནོ། །ཤཱ་རདྭ་ཏིའི་བུ། གཡང་སའི་ཕུལ་ནི། འདི་ཡིན་ཏེ། འདི་ལྟ་སྟེ། དམིགས་པར་ལྟ་བ་དང ། ཕུང་པོར་ལྟ་བ་དང ། ཁམས་སུ་ལྟ་བ་དང ། སྐྱེ་མཆེད་དུ་ལྟ་བ་དང ། སྲོག་ཏུ་ལྟ་བ་དང ། འབྱུང་བར་ལྟ་བ་དང ། འཇིག་པར་ལྟ་བ་དང ། སེམས་ཅན་དུ་ལྟ་བ་དང ། གང་ཟག་ཏུ་ལྟ་བའོ། །ཤཱ་རདྭ་ཏིའི་བུ། མདོར་ན་མྱ་ངན་ལས་འདས་པར་ལྟ་བའང་དམིགས་པ་ཡིན། སངས་རྒྱས་སུ་ལྟ་བ་དང ། ཆོས་སུ་ལྟ་བ་དང ། དགེ་འདུན་དུ་ལྟ་བའང་དམིགས་པ་ཡིན་ཏེ། ལྟ་བ་དེ་དག་ལ་ཆགས་པའི་བྱིས་པ་སོ་སོའི་སྐྱེ་བོ་རྣམས་ནི། གཡང་ས་ཆེན་པོར་ལྟུང་བར་འགྱུར་ཏེ། གཡང་ས་ཆེན་པོ་ནི། འདི་ལྟ་སྟེ།
265b
འཁོར་བ་དེ་ཡིན་པར་ཟད་དོ། །བྱང་ཆུབ་ཀྱི་སེམས་ཡང་དག་པར་འཛིན་དུ་གཞུག་པ་དང ། རྣམ་པར་བརྗོད་པ་དང ། བསྐྱེད་པ་བསླབ་པའི་ལེའུ་སྟེ། བརྒྱད་པའོ།། །།དེའི་ཚེ་སློང་མོ་རྣམ་པར་རྒྱལ་བ་སྲུང་ཞེས་བྱ་བ་འདུས་ཏེ་འདུག་པར་གྱུར་ཏོ། །དེ་ནས་སློང་མོ་པ་རྣམ་པར་རྒྱལ་བ་སྲུང་བ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ནི། གཡང་སར་ལྟུང་བར་འཚལ་བ་མ་ལགས་ཤིང ། བདག་ནི། དེ་བཞིན་གཤེགས་པ་དང་ལྷན་ཅིག་ཏུ་རྩོད་པར་འཚལ་བའང་མ་ལགས་ཏེ། བཅོམ་ལྡན་འདས། བདག་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འཚལ་བ་ལགས་ན། བཅོམ་ལྡན་འདས། བདག་ནི། འདི་སྙམ་དུ་སེམས་ལགས་ཏེ། ཇི་ལྟར་ན། བདག་དབུལ་ཞིང་མཆོག་ཏུ་དབུལ་ལ་སྤྱོད་པ་ངན་པས་ཚེགས་ཀྱིས་ཁྱིམ་གྱི་ཕུན་སུམ་ཚོགས་པ་སྒྲུབ་ཅིང ། གཞན་གྱི་ནོར་གྱིས་འཚོ་བས་བྱང་ཆུབ་མངོན་པར་རྫོགས་པར་འཚང་རྒྱ་སྟེ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་དང ། བྲམ་ཟེ་དང ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུས་ནི། བྱང་ཆུབ་ཡང་དག་པར་སྒྲུབ་བོ་སྙམ་བགྱིད་ལགས་སོ། །བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་
266a
༄#། །སྩལ་ཏོ། །ང་ནི། བྲམ་ཟེ་དང ། རྒྱལ་རིགས་དང ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་དག་ཡོངས་སུ་མི་སྟོན་ཅིང་རྒྱ་ཆེན་པོ་དང ། འབྱོར་བ་དང ། ལྷ་དང་ཀླུ་དང ། གནོད་སྦྱིན་དང ། དྲི་ཟ་དང ། མི་མ་ཡིན་པ་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་དག་ཡོངས་སུ་མི་སྟོན་གྱི། གང་གིས་སེམས་བསྐྱེད་པ་དེ་བསྐྱེད་ན།་དེ་ནི། ལྷ་དང་བཅས་པའི་འཇིག་རྟེན་གྱིས་ཕྱག་བྱ་བར་འོས་པ་ཡིན་ནོ། །གསོལ་པ། བཅོམ་ལྡན་འདས། བདག་དེང་སླན་ཆད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་སློང་མོ་པ་རྣམ་པར་རྒྱལ་བ་སྲུང་བ་ལ་འདི་སྐད་ཅེས་བཀའ་སྩལ་ཏོ། །རྣམ་པར་རྒྱལ་བ་སྲུང་བ།་ཁྱོད་དེ་བཞིན་གཤེགས་པའི་རྗེས་སུ་སློབ་པ་ནི། ལེགས་སོ། །ལེགས་སོ། །བམ་པོ་བཅུ་བཞི་པ། དེ་ནས་བཅོམ་ལྡན་འདས་ལ་སློང་མོ་པ་རྣམ་པར་རྒྱལ་བ་སྲུང་བས་ཚིགས་སུ་བཅད་པ་དག་གིས་གསོལ་པ། ལེགས་སོ་ཞེས་བགྱི་མི་འཚལ་ཏེ། །ཚོང་དཔོན་གྱིས་བཀུར་བདག་མི་འཚལ། །སངས་རྒྱས་ཡེ་ཤེས་བླ་ན་མེད། །ཡེ་ཤེས་དམ་པ་འཚལ་ལགས་སོ། །ཁྱོད་ནི་འཇིག་རྟེན་བླ་ན་མེད། །ཁྱོད་ནི་རྟག་ཏུ་འཇིག་རྟེན་མཆོག་།ཁྱོད་ནི་གང་དག་སྡུག་བསྔལ་གཟིར། །སེམས་ཅན་རྣམས་ཀྱི་གླིང་སྐྱབས་གཅིག་།མིག་ལྡན་
266b
ཟག་པ་མེད་པའི་ཆོས། །ཁྱོད་ཀྱིས་མངོན་དུ་མཛད་ནས་སུ། །འཁོར་བ་ལས་ནི་རབ་འབྱིན་ཅིང ། །སྨན་པའི་སླད་དུ་ཆོས་སྟོན་ལགས། །ཁྱོད་ཀྱི་རྫུ་འཕྲུལ་མཐའ་ཡས་ཏེ། །ཁྱོད་ཀྱི་འོད་དང་མཐའ་ཡས་ལགས། །ཁྱོད་ཀྱི་ཤེས་རབ་མཆོག་ལགས་ཏེ། །ཡོན་ཏན་ཀུན་གྱིས་མངོན་དུ་འཕགས། །འདི་འདྲ་བར་ནི་བདག་གྱུར་ཅེས། །དེ་ལ་བདག་ནི་འདུན་གྱུར་ན། །དབུལ་ལ་སུ་ཞིག་སྦྱིན་སྙམ་དུ། །དེ་ལ་བདག་སེམས་ཞུམ་པར་གྱུར། །རྒྱལ་པོ་ཁྱིམ་བདག་བྲམ་ཟེ་དང ། །ལྷ་དང་མི་འམ་ཅི་དག་དང ། །རྫུ་འཕྲུལ་ལྡན་དང་གཟི་ཆེན་མཆིས། །དེ་ཡི་སྐྱེས་བུ་ཁྱུ་མཆོག་འདི། །དབུལ་གྱུར་གཞན་གྱི་ནོར་གྱིས་སུ། །ཉེ་བར་འཚོ་བ་དག་ལ་ནི། །གང་དུ་འཇིག་རྟེན་མི་འཇུག་པའི། །བྱང་ཆུབ་ག་ལ་སུ་ཞིག་སྟེ། །བདག་གི་སེམས་ནི་མཁྱེན་ནས་སུ། །ཤཱ་རིའི་བུ་ལ་བཀའ་སྩལ་པ། །སེམས་བསྐྱེད་པ་ནི་ང་ཡིས་བསྟན། །རྒྱལ་རིགས་དེ་དག་བསྟན་མ་ཡིན། །བྲམ་ཟེ་དང་ནི་རྗེའུ་དང་དམངས་ཀྱང་མིན། །དམན་པ་དང་ནི་མཆོག་དང་ལྷ་དང་ཀླུ། །གནོད་སྦྱིན་མི་འམ་ཅི་ནི་ངས་མ་བསྟན། །གཞན་དུ་སེམས་དག་པ་ནི་ངས་བསྟན་ཏོ། །དེ་ལྟར་དེ་བཞིན་གཤེགས་པའི་དེ་ཐོས་ནས། །སྟོབས་དང་ལྡན་པར་གྱུར་ཏེ་ཚིག་འདི་སྨྲས། །འཇིག་རྟེན་མགོན་པོ་མཆོག་ཏུ་བདག་གྱུར་ཏེ། །འདི་ལྟར་བྱང་ཆུབ་དོན་དུ་བདག་སེམས་སྐྱེས། །ནམ་མཁའ་ལྟུང་འགྱུར་ས་ནི་འཇིག་འགྱུར་ལ། །རི་ཡི་རྒྱལ་པོ་རི་རབ་རྣམ་འཇིག་འགྱུར། །ནམ་མཁའི་ཁམས་ནི་གཞན་
267a
༄#། །དུ་འགྱུར་སྲིད་ཀྱི། །བདག་གི་སེམས་ནི་གཞན་དུ་འགྱུར་མི་སྲིད། །སེམས་ཅན་འདི་དག་ཐམས་ཅད་བདུད་གྱུར་ལ། །སེམས་དེ་རྣམ་པར་བཟློག་པར་བགྱི་སླད་དུ། །དེ་ཀུན་བདག་ལ་བར་ཆད་བགྱིད་གྱུར་ནའང ། །བདག་གིས་སེམས་ནི་རྣམ་པར་བཟློག་མི་བགྱི། །གལ་ཏེ་འདིར་ནི་སེམས་ཅན་འགའ་མཆིས་ཤིང ། །འདི་ཡི་མདུན་དུ་མཆིས་ནས་ཚིག་སྨྲ་ན། །སངས་རྒྱས་ཡེ་ཤེས་དམ་པ་འདི་མཆོག་དཀོན། །དབུལ་ལ་བྱང་ཆུབ་སུ་ཞིག་སྦྱིན་པར་བྱེད། །དེ་སྐད་དེ་སྨྲས་ནས་ནི་བདག་གིས་བརྗོད། །ང་བས་ཁྱོད་དབུལ་ང་ནི་དབུལ་མ་ཡིན། །ཁྱོད་ལ་དད་པ་ནམ་ཡང་ཡོད་མ་ཡིན། །ང་ལ་དད་པ་ཡོད་པས་བདག་འཚང་རྒྱ། །སངས་རྒྱས་རིགས་ནི་གང་ཡང་ཡོད་མ་ཡིན། །འབྲས་བུའམ་སྲོག་ནི་འགའ་ཡང་ཡོད་མ་ཡིན། །གཞན་དུ་གང་དག་སེམས་ནི་འདུད་བྱེད་པ། །དེ་ཚེ་ཐེག་པ་བླ་མེད་འདི་ལ་འདུད། །དྲང་སྲོང་མཆོག་གི་སེམས་འདི་རིགས་ཡིན་ཏེ། །འདི་ནི་ས་བོན་འདི་ནི་འབྲས་བུ་ཡིན། ། ཐེག་མཆོག་དམ་པ་ལ་ནི་ཞུགས་ནས་སུ། །སངས་རྒྱས་རྣམས་ཀྱིས་བསླབ་ནས་འཚང་རྒྱར་འགྱུར། །བདག་གིས་ལུས་དང་དེ་བཞིན་སྲོག་དང་ནི། །འཇིག་རྟེན་རྩེད་མོ་དགའ་བ་གང་ཅིའང་བཏང ། །གཞན་དུ་བདག་གིས་སངས་རྒྱས་ཡེ་ཤེས་མཆོག་།རྫོགས་པར་སངས་རྒྱས་སེམས་ཅན་བདག་གིས་དགྲོལ། །སངས་རྒྱས་ཆོས་རྗེ་བདག་མདུན་བཞུགས་པ་ལ། །
267b
བདག་འདིར་སེངྒེའི་སྒྲ་ནི་སྒྲོག་བགྱིད་པ། །གལ་ཏེ་བདག་ལ་ནོངས་པ་འགའ་མཆིས་ན། །བྱམས་ལ་གནས་པས་རྒྱལ་བས་བསྐུལ་ལགས་གྲང ། །དེ་ནས་བཅོམ་ལྡན་འདས་ཀྱིས་དེའི་ཚེ་སློང་མོ་པ་རྣམ་པར་རྒྱལ་བ་སྲུང་བ་ལ་ཚིགས་སུ་བཅད་པ་དག་གིས་ཕྱིར་བཀའ་སྩལ་པ། འདི་ནི་སངས་རྒྱས་ལ་ནི་སྐྱོན་ཅིའང་མེད། །སེམས་འདི་བླ་ན་ཡོད་པ་མ་ཡིན་པའི། །སེམས་དེ་དེ་རིང་འདིར་ནི་ཁྱོད་འདོར་ཏེ། །ཁྱོད་ཀྱང་རྒྱལ་བ་ཆོས་ཀྱི་རྗེར་འགྱུར་རོ། །དེ་བཞིན་གཤེགས་པའི་བཀའ་ནི་ཐོས་ནས་སུ། །གཞལ་དུ་མེད་པའི་དགའ་བས་དགའ་མགུ་སྟེ། །དེ་ལ་རྣམ་པར་རྒྱལ་སྲུང་སེམས་དང་ཞིང ། །ནམ་མཁའ་ལ་ནི་ཏ་ལ་བདུན་སྲིད་འཕགས། །དེ་ཚེ་སེམས་ཅན་མཆོག་གིས་འཛུམ་པ་བསྟན། །སྔོན་པོ་སེར་པོ་ཡིད་དགའ་སྣ་ཚོགས་པ། །ཁ་དོག་དེ་དག་རྒྱལ་བའི་ཞལ་ལས་བྱུང ། །དེ་དག་རྒྱལ་བའི་གཙུག་ཏུ་ནུབ་པར་གྱུར། །དེ་ཚེ་ཕྲག་པ་གཅིག་གཟར་ཐལ་སྦྱར་ཏེ། །ཀུན་དགའ་བོ་ཡིས་རྐང་གཉིས་མཆོག་ལ་ཞུས། །མགོན་པོ་རྒྱུ་གང་བདེ་གཤེགས་རྐྱེན་ཅི་ལགས། །ཡེ་ཤེས་ཐོགས་མེད་རྒྱལ་ལ་བདག་ཞུའོ། །མགོན་པོ་རྣམ་པར་རྒྱལ་སྲུང་ཟིལ་གནོན་ཚུལ། །མགོན་གྱི་ཁྱིམ་དུ་སློང་མོ་བ་ཞིག་བྱུང ། །དེ་རིང་དེ་ནི་ཏ་ལ་བདུན་སྲིད་གནས། ། མཁའ་ལ་གནས་ནས་རྒྱལ་ལ་ཕྱག་འཚལ་ལགས། །ལྷ་དང་ཀླུ་དང་ལྟོ་འཕྱེ་ཆེན་པོ་དང ། །གནོད་སྦྱིན་དེ་ལ་མི་མིན་མི་འམ་ཅི། །མིར་གྱུར་པ་ཡིས་ཐལ་མོ་སྦྱར་བགྱིས་ཏེ། །མགོན་པོ་
268a
༄#། །རྒྱལ་བ་སྲུང་ལ་ཕྱག་འཚལ་ལོ། །འཇིག་རྟེན་མགོན་ལ་དེ་ཡིས་དོན་ཞུ་ལགས། །ཐུབ་པའི་འཛུམ་པ་བསྟན་འདི་སུ་ཡི་དོན། །བྱང་ཆུབ་དམ་པ་མཆོག་ཏུ་གང་ཞུགས་པའི། །ལུང་བསྟན་དེ་ནི་སུ་ཡི་ལགས་པར་འགྱུར། །སངས་རྒྱས་ཡེ་ཤེས་ལ་ནི་སུ་དམ་གནས། །བླ་མེད་སེམས་དེ་གནས་པ་སུ་ཡི་ལགས། །སུ་ཞིག་ཡེ་ཤེས་མཆོག་དམ་རེག་པར་འགྱུར། །འཁོར་བའི་སེམས་ཅན་རྣམས་ཀྱང་འབྱིན་པར་འགྱུར། །དེ་ཚེ་བྱང་ཆུབ་སྙིང་པོར་ད་སུ་མཆིས། །བདུད་སྡེ་དཔུང་དང་བཅས་པ་འཇོམས་པར་འགྱུར། །བདུད་དཔུང་བཅས་པ་བཅོམ་ནས་ཉོན་མོངས་སྤོང ། །འཁོར་ལོ་དམ་པ་ཞི་བ་བསྐོར་བར་འགྱུར། །ཡེ་ཤེས་མཉམ་མེད་དེ་ནི་སུ་ཡིར་འགྱུར། །དོན་རྒྱ་ཆེན་པོ་དེ་ནི་སུ་ཡིར་འགྱུར། །དེ་ཚེ་ཕྱིར་ཞིང་འཁོར་ལོ་བསྐོར་བར་འགྱུར། །ཀུན་ནས་ཡེ་ཤེས་ཆགས་པ་མེད་པར་འགྱུར། །ཁྱུ་མཆོག་ཚིག་དེ་འདིར་ནི་འབྱིན་པར་འགྱུར། །དེ་ཚེ་ཚིག་བདེན་དེ་ནི་སུ་ཡིར་འགྱུར། །ཡེ་ཤེས་བདེན་པའི་ཐེ་ཚོམ་ཉིད་གྱུར་པའི། །སེམས་ཅན་ད་ལྟར་དེ་རིང་འབྱུང་མི་འགྱུར། །རྟག་ཏུ་མཉམ་གཞག་སེམས་དེ་སུ་ཡིར་འགྱུར། །བྱང་ཆུབ་ཞི་བ་ལ་ནི་རེག་གྱུར་ཅིང ། །འདི་ལ་དུས་གསུམ་སེམས་ཅན་སེམས་མཁྱེན་ནས། །ཆོས་མཆོག་གྱ་ནོམ་པ་ནི་བཤད་དུ་གསོལ། །དེ་ཚེ་སུ་ཡི་ཆོས་དེ་བསྟན་པས་ན། །ལྷ་དང་བཅས་པའི་འཇིག་རྟེན་དེ་ཚིམ་འགྱུར། །མ་རྨོངས་རྣམ་
268b
པར་གནོན་པ་སུ་ཡིར་འགྱུར། །གླང་ཆེན་ལྟ་སྟངས་ལྟ་བར་འགྱུར་བ་ལགས། །དགེ་འདུན་ཕལ་ཆེན་དེ་ནི་སུ་ཡིར་འགྱུར། །སུ་ཡིས་ཞིང་འདི་རྣམ་པར་སྦྱངས་པ་ལགས། །སུ་ཡིས་མི་ཁོམ་ཐམས་ཅད་སྤངས་ནས་སུ། །ཁོམ་ལྡན་མྱ་ངན་འདའ་ཞིང་འཚལ་བར་འགྱུར། །མཐུ་ཆེན་དོན་དེ་དག་ནི་ཞུ་ལགས་ན། །འཇིག་རྟེན་མགོན་པོས་དེ་ཚེ་འཛུམ་བསྟན་ཅིང ། །འཇིག་རྟེན་འདྲེན་པ་བདག་ལ་དེ་ལུང་སྟོན། །ཐོས་ན་སྐྱེ་རྒུ་དགའ་བར་འགྱུར་བ་ལགས། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། འཛུམ་པ་འདི་བསྟན་པ་ན་སློང་མོ་བ་རྣམ་པར་རྒྱལ་བ་སྲུང་བ་དང ། དེ་བཞིན་དུ་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མི་འམ་ཅི་དང ། ལྟོ་འཕྱེ་ཆེན་པོ་བྱེ་བ་ཁྲག་ཁྲིག་ཕྲག་བརྒྱད་ཅུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ངས་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དམིགས་པར་བྱ་བ་འདི་ནི་བཤད་པ་ན། །གང་དག་ཐེག་པ་མཆོག་ལ་རབ་ཞུགས་པ། །བྱེ་པ་ཁྲག་ཁྲིག་ཕྲག་ནི་བརྒྱད་ཅུར་ཚང ། །དེ་དག་རྣམས་ཀྱང་མི་མཆོག་རྒྱལ་བར་འགྱུར། །སློང་བ་རྣམ་པར་རྒྱལ་བ་སྲུང་འདི་ཡང ། །ང་ཡི་མདུན་དུ་འདུག་ནས་མཆོད་པར་བྱེད། །མཆོག་ཏུ་
269a
༄#། །དགའ་བ་སྐྱེས་ཤིང་བར་སྣང་གནས། །བདག་ཀྱང་འདི་འདྲར་ང་ལ་ཕྱག་འཚལ་ལོ། །དེས་ནི་ལས་འདི་བྱས་པར་གྱུར་པ་ན། །ཕྱིན་ཆད་ནམ་ཡང་ལོག་པར་ལྟུང་མི་འགྲོ་།དེ་དང་དེར་ནི་རྟག་ཏུ་དལ་བ་ཐོབ། །སངས་རྒྱས་ཀྱང་ནི་དེ་ཡིས་རྟག་པར་མཐོང ། །དེ་དག་སེམས་ཅན་དམ་པ་མཆོག་མཐོང་ནས། །བྱང་ཆུབ་རྒྱུ་ཡི་ཕྱིར་ནི་མཆོད་པ་བྱེད། །དེ་ཚེ་མེ་ཏོག་སྤོས་དང་བྱུག་པ་དང ། །གདུགས་དང་རྒྱལ་མཚན་དག་གིས་མཆོད་པ་བྱེད། །དེ་བཞིན་ན་བཟའ་བསོད་སྙོམས་མཆོག་རྣམས་དང ། །གཟིམས་ཆ་དག་དང་དེ་ཚེ་རྐྱེན་རྣམས་ཀྱིས། །རྒྱལ་བ་རྣམས་ལ་དེ་ནི་མཆོད་པ་བྱེད། །མཐར་གྱིས་དེར་ནི་སྤྱད་པ་སྤྱོད་བྱེད་ཅིང ། །བྱམས་པ་སེམས་ཅན་མཆོག་ལ་མཉེས་བྱས་ནས། །དེར་ནི་རྒྱལ་བ་རྣམས་ལ་མཆོད་བྱེད་ཅིང ། །ནོར་བུ་བྱེ་བ་ཁྲག་ཁྲིག་ཕྲག་བདུན་ཅུ། །བླ་མེད་བྱམས་པ་ལ་ནི་འབུལ་བར་བྱེད། །དེ་ཚེ་ནོར་བུ་དག་གི་འོད་ཉིད་འབྱུང ། །དེ་ཡིས་དཔག་ཚད་བརྒྱད་ཅུ་ཁོ་ན་ཁྱབ། །དེ་ཚེ་ནོར་བུ་རྣམས་ཀྱི་འོད་འབྱུང་བ། །ནོར་བུ་དག་གི་འོད་དུ་ཁྱབ་པར་འགྱུར། །དེ་ཚེ་རིམ་གྲོ་བ་དག་བྱེ་བ་འབུམ། །དེ་སྙེད་ཀྱི་ནི་ཁྲི་ཡང་འབུལ་བར་བྱེད། །དེ་སྙེད་ཀྱི་ནི་ཁྲིའུ་ཡང་འབུལ་བར་འགྱུར། །གཙུག་ལག་ཁང་ཡང་དེ་སྙེད་བྱེད་པར་འགྱུར། །རིན་ཆེན་སྣ་བདུན་གྱི་ནི་བཀྲ་བ་བརྩིགས། །གཙུག་ལག་ཁང་རེ་རྒྱང་གྲགས་ཚད་དང་ལྡན། །རྟག་ཏུ་བྱམས་
269b
པ་ཉན་ཐོས་བཅས་པ་ལ། །རྒྱན་གྱིས་བརྒྱན་ཏེ་ངེས་པར་འབུལ་བར་བྱེད། །ཟླ་གསུམ་དེར་ནི་རྒྱལ་བ་བསྙེན་བཀུར་བྱེད། །དགག་དབྱེ་བྱས་ནས་ལོ་བརྒྱར་འགྱུར་བ་ཡིན། །དེ་ཡང་དེ་ཚེ་རབ་ཏུ་བྱུང་བའི་ཚེ། །ཚངས་པར་སྤྱོད་པ་དམ་པ་སྤྱོད་པར་འགྱུར། །དགའ་བ་དང་ནི་གུས་པ་དེ་ཡིས་སུ། །དེར་མིན་རྒྱལ་བ་རྣམས་ལ་མཆོད་པ་བྱེད། །མཐར་གྱིས་བྱང་ཆུབ་སྤྱད་པ་སྤྱོད་པ་ན། །དུས་བཟང་བ་ཡི་རྒྱལ་བ་ཐམས་ཅད་མཐོང ། །ཇི་ལྟར་གངྒཱའི་ཀླུང་གི་བྱེ་མ་སྙེད། །དེ་བས་ལྷག་པའི་སངས་རྒྱས་དེ་ཡིས་མཐོང ། །སངས་རྒྱས་དེ་དག་མཐོང་ནས་དད་པ་བྱེད། །འཕག་པའི་ཡེ་ཤེས་དེ་ནི་སུ་མི་འདོད། །སེམས་དེའི་དད་པ་དེ་ནི་དེ་འདྲ་བ། །ཕྱོགས་ཙམ་ང་ཡིས་ད་ལྟ་བསྟན་པ་ཡིན། །དེ་ཚེ་དེ་ཡི་ཡོན་ཏན་ཅི་འདྲ་བ། །ང་ཡིས་དཔེ་བསྟན་པར་ནི་ནུས་མ་ཡིན། །ཇི་ལྟར་གངྒཱའི་ཀླུང་གི་བྱེ་མ་སྙེད། །བསྐལ་པ་མང་པོར་དེ་ཚེ་འཁོར་ནས་སུ། །ཕྱིན་ཆད་དེ་ཡིས་ཐེག་པ་མཆོག་རེག་ཅིང ། །སྙིང་པོའི་ཚོགས་ཞེས་བྱ་བའི་རྒྱལ་བར་འགྱུར། །དེ་ཚེ་ཚེ་ནི་བསྐལ་པ་སྟོང་ཐུབ་འགྱུར། །དེ་ཚེ་དེ་ཡི་ཞིང་གི་བཀོད་འབྱུང་བ། །དཔེར་ན་ལྷ་གནས་རི་རབ་རྩེ་མོ་བཞིན། །ཛམྦུའི་གླིང་དེ་ཡང་ནི་དེ་འདྲར་འགྱུར། །རྒྱལ་བའི་སྙིང་པོའི་ཚོགས་ནི་དེ་སྙེད་ཀྱི། །ཉན་ཐོས་དེ་ཚེ་འདུས་པ་གང་ཡིན་པ། །ཇི་ལྟར་གངྒཱའི་ཀླུང་གི་བྱེ་མ་སྙེད། །བྱེ་བ་ཁྲག་ཁྲིག་ཕྲག་ནི་མང་པོ་འབྱུང ། །དེ་བཞིན་དེ་ཚེ་འདུས་པ་འབྱུང་འགྱུར་བ། །ཇི་ལྟར་གངྒཱའི་ཀླུང་གི་བྱེ་མ་
270a
༄#། །སྙེད། །དགྲ་བཅོམ་ཟག་པ་ཟད་ཅིང་ཉོན་མོངས་མེད། །དེ་ཚེ་དབང་གྱུར་རྫུ་འཕྲུལ་ཕ་རོལ་ཕྱིན། །ཤེས་རབ་འབྱུང་གནས་ཤཱ་རིའི་བུ་ཇི་བཞིན། །དྲི་བ་གཏན་ལ་འབེབས་པར་ཡེ་ཤེས་འཕགས། །ཆོས་མངོན་མདོ་སྡེ་འདུལ་བ་རྣམས་ལ་མཁས། །ང་ཡིས་ཉན་ཐོས་མཆོག་ནི་ལུང་བསྟན་བཞིན། །དེ་བཞིན་གཤེགས་པ་སྙིང་པོའི་ཚོགས་ཉིད་ཀྱི། །འདུས་པ་དེ་ཚེ་ཉིས་འགྱུར་འབྱུང་བར་འགྱུར། །དེ་དག་བྱང་ཆུབ་དམ་པ་མཆོག་ལ་ཞུགས། །མ་ཕམ་ཞེས་བྱའི་བྱམས་པ་ཇི་བཞིན་ནོ། །དེ་དག་སྐྱེ་བ་གཅིག་གིས་ཐོགས་པའང་ཡིན། །བླ་མེད་བྱང་ཆུབ་ཏུ་ནི་དེ་ཚེ་འགྱུར། །དེ་ནས་ཤི་འཕོས་ཤི་བའི་དུས་བྱས་ནས། །ཞིང་གཞན་གཞན་དུ་དེ་དག་བྱང་ཆུབ་རྟོགས། །དཔའ་བ་དཔའ་བོ་བློ་གྲོས་བརྟན་རྣམས་ཀྱི། །འདུས་པ་དེ་བས་ཀྱང་ནི་ལྷག་པར་འགྱུར། །དེ་ཚེ་ཐེག་མཆོག་བླ་ན་མེད་པར་ནི། །སྙིང་པོའི་ཚོགས་ཀྱི་སངས་རྒྱས་ལུང་སྟོན་འགྱུར། །དེ་བཞིན་གཤེགས་པ་མྱ་ངན་འདས་ནས་ཀྱང ། །དེ་ཚེ་ཆོས་ཚུལ་བསྐལ་པར་གནས་པར་འགྱུར། །དེ་ཡི་སྐུ་གདུང་རྒྱས་པར་འགྱུར་བ་ནི། །ང་ཡི་མྱ་ངན་འདས་པའི་ཇི་བཞིན་ཏེ། །དེ་བཞིན་གཤེགས་པ་སྙིང་པོའི་ཚོགས་ཉིད་ཀྱི། །རིང་བསྲེལ་དེ་དག་དེ་ལྟར་འགྱུར་བ་ཡིན། །ཇི་ལྟར་སེམས་ཅན་མོས་པར་འགྱུར་བ་བཞིན། །དེ་ལྟ་དེ་ལྟར་སངས་རྒྱས་རིང་བསྲེལ་གནས། །དེ་ལ་རིན་ཆེན་ཞེས་བྱའི་མཆོད་
270b
རྟེན་དང ། །རྒྱལ་མཚན་ཀ་བ་དག་དང་སྟེགས་བུ་དང ། །དྲིལ་བུ་དྲི་མ་མེད་པས་བརྒྱན་རྣམས་ཀྱིས། །ཛམྦུའི་གླིང་ནི་བརྒྱན་པར་འགྱུར་བ་ཡིན། །སེམས་ཅན་གང་དག་མཆོད་རྟེན་དེར་འགྲོ་བ། །དེ་དག་མཆོད་རྟེན་ལ་ནི་མེ་ཏོག་འཐོར། །ནམ་མཁའ་ལ་ནི་མེ་ཏོག་གདུགས་སུ་འགྱུར། །དེ་ཚེ་རྫུ་འཕྲུལ་དེ་འདྲ་འབྱུང་བར་འགྱུར། །དེར་ནི་ཇི་ལྟར་མོས་པའི་མི་རྣམས་ལ། །དེ་ཚེ་སངས་རྒྱས་སྐུ་ཡིས་འཛུམ་མཛད་འགྱུར། །མཆོད་རྟེན་ནང་ནས་སྟོན་པར་མཛད་འགྱུར་ཞིང ། །འཛུམ་པ་བསྟན་ནས་ནུབ་པར་མཛད་པར་འགྱུར། །གང་དག་སྤྱི་གཙུག་འོད་ནི་ནུབ་གྱུར་ན། །བདག་ཅག་བྱང་ཆུབ་ཕྱིར་ནི་ལུང་བསྟན་ཤེས། །གང་དག་རྒྱལ་བའི་ཞལ་དུ་ཞུས་གྱུར་ན། །བདག་ཅག་རང་རྒྱལ་བར་ནི་ལུང་བསྟན་ཤེས། །མཆོད་རྟེན་གྱི་ནི་ནང་གི་འདྲེན་པ་ཡི། ། ལྟེ་བར་གང་ཚེ་འོད་ནི་ཞུགས་གྱུར་ན། །ལུང་བསྟན་དེ་དག་ཉིད་ཀྱིས་མྱ་ངན་འདས། །རྫུ་འཕྲུལ་དེ་འདྲར་འགྱུར་བར་བདག་གིས་ཤེས། །རྒྱལ་བའི་བྱིན་གྱི་རླབས་ནི་བསྐལ་པར་འབྱུང ། ། དེ་ཡི་འོད་ཏུ་ཐམས་ཅད་རྒྱུན་ཆད་འགྱུར། །འཁོར་བར་གཏོགས་ལ་རྟག་པ་ཡོད་མ་ཡིན། །སངས་རྒྱས་བསྟན་པ་འདི་ལ་མི་རྟག་སྟོང ། །དེ་སྐད་ཅེས་བཀའ་སྩལ་པ་དང ། །བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། སློང་མོ་པ་རྣམ་པར་རྒྱལ་བ་སྲུང་བ་བརྙས་པའི་ཚུལ་དུའང་གདའ་ལ། བརྙས་པ་མ་ལགས་
271a
༄#། །པའི་ཆོས་དང་ལྡན་པ་ནི། ངོ་མཚར་ལགས་སོ། །བཅོམ་ལྡན་འདས། དེ་ལྟ་བུའི་སེམས་ཅན་ལ་སུ་ཞིག་བརྙས་པར་འགྱུར། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ཤཱ་རདྭ་ཏིའི་བུ། དེ་དེ་བཞིན་ཏེ། བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་མ་གཏོགས་པར་སེམས་ཅན་དེ་ལྟ་བུ་སུ་ཞིག་བརྙས་པར་འགྱུར། ཤཱ་རདྭ་ཏིའི་བུ། ངས་ཀྱང་དེ་ལ་དགོངས་ནས་དེ་བཞིན་གཤེགས་པ་མ་གཏོགས་པར་གང་ཟག་གིས་གང་ཟག་གི་ཚད་གཟུང་བར་མི་ནུས་སོ། །ཞེས་བྱ་བའི་ཚིག་གསུངས་པ་ཡིན་ནོ། །ཤཱ་རདྭ་ཏིའི་བུ། འདི་ཇི་སྙམ་དུ་སེམས། འོ་ན་སློང་མོ་པ་རྣམ་པར་རྒྱལ་བ་སྲུང་བ་ལྷ་རྣམས་དང ། ཀླུ་རྣམས་དང ། གནོད་སྦྱིན་རྣམས་དང ། དྲི་ཟ་རྣམས་དང ། མི་འམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། མི་རྣམས་དང ། མི་མ་ཡིན་པ་རྣམས་ཀྱིས་ཕྱག་བྱ་བའི་འོས་སུ་གྱུར་པ་ཡིན་ནམ། གསོལ་པ། བཅོམ་ལྡན་འདས། དེ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། རེ་ཞིག་གང་གི་ཚེ་སློང་མོ་པ་རྣམ་པར་རྒྱལ་བ་སྲུང་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེའི་ཚེ་དེ་ཕྱག་བགྱི་བའི་འོས་དང ། མཆོད་པ་བགྱི་བའི་འོས་དང ། གདུང་བར་བགྱི་བའི་འོས་སུ་གྱུར་པའི་སླད་དུ་སྟེ། བཅོམ་ལྡན་འདས། ད་ལྟར་ནི། ལྷ་དང་
271b
བཅས་པའི་འཇིག་རྟེན་གྱིས་ཕྱག་བགྱི་བའི་འོས་སུ་གྱུར་པ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། དེ་བཞིན་གཤེགས་པའི་ཐོགས་པ་མེད་པའི་ཡེ་ཤེས་དེ་ནི། ཉན་ཐོས་དང ། རང་སངས་རྒྱས་རྣམས་དང་ཐུན་མོང་མ་ཡིན་པའོ། །ཤཱ་རདྭ་ཏིའི་བུ། དེ་ལྟ་བས་ན། ངའི་ཉན་ཐོས་དེ་ལྟ་བུའི་རྗེས་སུ་བསྟན་པ་གུས་པར་ཉན་འདོད་པ། སེམས་ཅན་རྣམས་ལ་ཆོས་སྟོན་པ་རྣམས་ཀྱིས་ནི། ཐོག་མ་ཉིད་དུ་ངའི་ཡེ་ཤེས་ཀྱི་ཡོན་ཏན་ཉིད་ཡོངས་སུ་བསྒྲག་པར་བྱའོ། །དེ་ཅིའི་ཕྱིར་ཞེ་ན། ཅི་ནས་ཀྱང་སེམས་ཅན་དེ་དག་དེ་བཞིན་གཤེགས་པའི་ཡེ་ཤེས་ཀྱི་ཡོན་ཏན་ཡོངས་སུ་བསྒྲགས་པ་ཐོས་ནས་སངས་རྒྱས་ཀྱི་ཡེ་ཤེས་དེ་ཉིད་ལ་སེམས་གཏོད་པར་བྱེད་དེ། དེ་ལྟར་ན་སངས་རྒྱས་ཀྱི་ཚུལ་རྒྱུན་མི་འཆད་པར་འགྱུར་བའི་ཕྱིར་རོ། །ཤཱ་རདྭ་ཏིའི་བུ། སེམས་ཅན་གང་དག་གཞན་ལ་ཕན་པའི་ཕྱིར་ཞུགས་པ་དེ་དག་ཉུང་ངོ ། །ཤཱ་རདྭ་ཏིའི་བུ།་སེམས་ཅན་གང་དག་གཞན་ལ་ཕན་པ་དང ། བདག་ལ་ཕན་པའི་ཕྱིར་ཞུགས་པ་དེ་དག་ནི། རབ་ཏུ་དཀོན་ནོ། །མཆོག་ཏུ་རབ་ཏུ་དཀོན་ནོ། །ཤཱ་རདྭ་ཏིའི་བུ། ཡང་གང་དག་གཞན་ལ་ཕན་པའི་ཕྱིར་དང ། བདག་ལ་ཕན་པའི་ཕྱིར་ཞུགས་པ་དག་ལྟ་ཞོག་གི་།ཤཱ་རདྭ་ཏིའི་བུ། སེམས་ཅན་གང་དག་བདག་དང་གཞན་ལ་ཕན་པའི་ཕྱིར་ཞུགས་པ་དེ་དག་ནི།
272a
༄#། །དཀོན་ནོ། །མཆོག་ཏུ་རབ་ཏུ་དཀོན་ནོ། །ཤཱ་རདྭ་ཏིའི་བུ། བྱིས་པ་ལོག་པར་འཛིན་པ་དག་ནི། བདག་ལ་ཕན་པར་བྱའོ། །སྙམ་ནའང་མི་ཕན་པ་ཁོ་ན་སྟེན་པར་བྱེད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། གང་གཞན་ལ་མི་ཕན་པའམ། ཉེས་དམིགས་སམ། རྣམ་པར་མཐོ་འཚམ་པ་བྱས་ཤིང ། རྣམ་པར་འཚེ་བའང་བྱས་པས་ནི།་དེ་ལ་ཕན་པ་དང་ཉེས་དམིགས་མེད་པ་དང ། རྣམ་པར་མི་འཚེ་བ་དང ། རྣམ་པར་མཐོ་མི་འཚམ་པར་འགྱུར་བ་ངས་མ་མཐོང་མ་ཐོས་པའི་ཕྱིར་ཏེ། དེ་ནི། གནས་མེད་དོ། །ཤཱ་རདྭ་ཏིའི་བུ། དེ་ལྟ་བས་ན། གང་དག་བདག་ལ་ཕན་པའི་ཕྱིར་ཞུགས་པའི་སེམས་ཅན་དེ་དག་ནི། དཀོན་ནོ། །སེམས་ཅན་དེ་དག་ནི། མཆོག་ཏུ་རབ་ཏུ་དཀོན་ནོ། །གང་དག་བདག་ལ་ཕན་པའི་ཕྱིར་དང ། གཞན་ལ་ཕན་པའི་ཕྱིར་ཞུགས་པའི་སེམས་ཅན་དེ་དག་ཀྱང་མཆོག་ཏུ་དཀོན་ནོ། །ཤཱ་རདྭ་ཏིའི་བུ། དེ་ལྟ་བས་ན ། སེམས་ཅན་གང་ལ་ལས་བསྟིང་བ་བྱས་ཤིང་གཤུང་བ་བྱེད་ན། ཤཱ་རདྭ་ཏིའི་བུ། སེམས་ཅན་དེ་ལྟ་བུ་དེ་དག་ནི། བདག་ལ་ཕན་པ་དང ། གཞན་ལ་ཕན་པའི་ཕྱིར་ཞུགས་པ་མ་ཡིན་ཏེ། ཤཱ་རདྭ་ཏིའི་བུ། གང་ཟག་དེ་ལྟ་བུ་དེ་དག་ནི། མི་རིགས་པ་ཡིན་ནོ། །ཤཱ་རདྭ་ཏིའི་བུ། ཡང་མི་བླུན་པོ་དེ་དག་ནི། ལམ་ངན་པར་ཞུགས་པ་ཡིན་གྱི། དེ་དག་
272b
བདག་ལ་ཕན་པའི་ཕྱིར་དང ། གཞན་ལ་ཕན་པའི་ཕྱིར་ཞུགས་པ་ནི། མ་ཡིན་ནོ། །མི་རིགས་པ་དང་ལྡན་པ་དེ་ལྟ་བུ་དེ་དག་ནི། རབ་ཏུ་རྣམ་པར་འཇིག་པ་བརྒྱད་རྗེས་སུ་འཐོབ་སྟེ། བརྒྱད་གང་ཞེ་ན། ཉེ་དུ་རབ་ཏུ་རྣམ་པར་འཇིག་པ་དང ། ཡུལ་རབ་ཏུ་རྣམ་པར་འཇིག་པ་དང ། ལོངས་སྤྱོད་རབ་ཏུ་རྣམ་པར་འཇིག་པ་དང ། མེའི་རབ་ཏུ་རྣམ་པར་འཇིག་པ་དང ། རྒྱལ་པོའི་རབ་ཏུ་རྣམ་པར་འཇིག་པ་དང ། སྐྱེ་མཆེད་ཀྱི་རབ་ཏུ་རྣམ་པར་འཇིག་པ་དང ། སེམས་ཅན་དམྱལ་བའི་རབ་ཏུ་རྣམ་པར་འཇིག་པ་རྗེས་སུ་འཐོབ་པ་དང ། སེམས་ཅན་དམྱལ་བའི་སྲུང་མའི་རབ་ཏུ་རྣམ་པར་འཇིག་པ་རྗེས་སུ་འཐོབ་པ་སྟེ། རབ་ཏུ་རྣམ་པར་འཇིག་པ་ཆེན་པོ་བརྒྱད་པོ་དེ་དག་རྗེས་སུ་འཐོབ་བོ། །ཡང་མི་བདེ་བ་ཆེན་པོ་བརྒྱད་རྗེས་སུ་འཐོབ་སྟེ། བརྒྱད་གང་ཞེ་ན། སེམས་ཅན་དམྱལ་བར་སྐྱེ་བའི་མི་བདེ་བ་ཉིད་རྗེས་སུ་འཐོབ་པ་ཡིན། དུད་འགྲོའི་སྐྱེ་གནས་ཀྱི་མི་བདེ་བ་ཉིད་རྗེས་སུ་འཐོབ་པ་ཡིན། གཤིན་རྗེའི་འཇིག་རྟེན་དུ་སྐྱེ་བའི་མི་བདེ་བ་ཉིད་རྗེས་སུ་འཐོབ་པ་ཡིན། གལ་ཏེ་མི་རྣམས་ཀྱི་ནང་དུ་སྐྱེས་ནའང་དེ་དག་ཡུལ་མཐའ་འཁོབ་ཏུ་སྐྱེ་བ་ཡོངས་སུ་འཛིན་ཅིང་དེར་ཡང་ལོང་བ་དང ། འོན་པ་དང ། ཞར་བ་དང ། ལག་སོར་རྡུམ་པོ་དང ། གཞོགས་ཕྱེད་ཉམས་པར་འགྱུར་ཞིང་ནད་ཀྱི་རྣམ་པ་དྲག་པོ་གང་ཡང་རུང་བ་དག་གིས་བཏབ་པར་འགྱུར་ཏེ། མི་བདེ་བ་དེ་རྗེས་སུ་འཐོབ་པ་ཡིན། གལ་ཏེ་འཚམ་པའི་
273a
༄#། །ཡུལ་དུ་སྐྱེ་བར་མི་རྣམས་དང་སྐལ་པ་མཉམ་པར་སྐྱེས་ནའང་དེ་དག་མི་ཡོན་པོ་དང ། མི་སུན་འབྱིན་པ་དང ། མི་དམུ་རྒོད་དང ། བུད་མེད་དང་གནས་པ་དང ། གཅེར་བུ་པའི་སྤྱོད་ཡུལ་བ་དང ། མུ་སྟེགས་ཅན་གཞན་གྱི་སྨྲ་བ་དང་འདྲེས་པ་དང ། ལོག་པར་ལྟ་བ་དང ། སྡིག་པ་ཀུན་ཏུ་སྤྱོད་པ་དང ། མི་གཙང་བའི་ལུས་ཀྱི་ལས་དང་ལྡན་པ་དང ། མི་གཙང་བའི་ངག་གི་ལས་དང ། མི་གཙང་བའི་ཡིད་ཀྱི་ལས་དང་ལྡན་པ་དག་ཏུ་འགྱུར་ཞིང ། འཕགས་པ་རྣམས་ཀྱི་ཕྱིར་བསྒྱུར་དུ་མི་རུང་བར་འགྱུར་ཏེ། མི་བདེ་བ་དེའང་རྗེས་སུ་འཐོབ་པ་ཡིན། གལ་ཏེ་མི་རྣམས་ཀྱི་ནང་དུ་སྐྱེས་ནའང་དེར་དེ་བཞིན་གཤེགས་པ་འབྱུང་བར་མི་འགྱུར་ཞིང ། གང་གི་ནུབ་མོ་དེ་བཞིན་གཤེགས་པ་འབྱུང་བ་དེ་ཉིད་ཀྱི་ནུབ་མོ་དེ་འཆི་བའི་དུས་བྱེད་ཅིང་མངོན་སུམ་དུ་གནས་པ་མི་འཐོབ་སྟེ། མི་བདེ་བ་ཆེན་པོ་དེའང་རྗེས་སུ་འཐོབ་པ་ཡིན་ཏེ། མི་བདེ་བ་ཆེན་པོ་བརྒྱད་པོ་དེ་དག་རྗེས་སུ་འཐོབ་བོ། །གལ་ཏེ་སེམས་ཅན་དམྱལ་བ་ཆེན་པོ་དག་ཏུ་སྐྱེས་ན་དེར་དེ་དག་ལུས་ཆེན་པོ་དང ། ལུས་རྒྱ་ཆེན་པོར་འགྱུར་ཏེ། དེར་གནོད་པ་ཆེན་པོ་དག་ཉམས་སུ་མྱོང་བར་འགྱུར་བ་ཡིན། གལ་ཏེ་དུད་འགྲོ་དག་ཏུ་སྐྱེས་ནའང་དེ་དག་ལུས་ཆེན་པོ་དང ། ལུས་རྒྱ་ཆེན་པོ་དང ། ཁམ་ཆེན་པོ་དང ། གསོ་དཀའ་བར་འགྱུར་ཏེ། གང་དུ་སྐྱེས་པ་དེར་ཡང་སྡིག་པའི་ལས་ཆེས་མང་པོ་
273b
དག་མངོན་པར་འདུ་བྱེད་པར་འགྱུར་བ་ཡིན། དེར་སྐྱེས་པ་དག་ཀྱང་ཉའམ། ཆུ་སྲིན་ནམ། སྲམ་མམ། ཆུ་སྲིན་བྱིས་པ་གསོད་དམ། ཉ་མིད་ཀྱི་ཉ་ཞེས་བྱ་བར་འགྱུར་ཏེ། སེམས་ཅན་རྣམས་ཀྱིས་དེ་དག་མཆིལ་བས་བཟུང་ལ་མངོན་དུ་བཏེག་ནས་ལུས་ཀྱི་སྲོག་གཅོད་པར་བྱེད་ལ། བཅད་ཅིང་བརྡུངས་ཏེ་རྣམ་པར་གཙེ་བར་བྱེད་ཀྱང་དེ་ཙམ་གྱིས་ཀྱང་འཆི་བའི་དུས་ནི། མི་བྱེད་ལ། དེ་དག་གི་ལུས་འཕེལ་བར་འགྱུར་ཞིང་སྡུག་བསྔལ་གྱི་ཚོར་བ་རྣམ་པ་སྣ་ཚོགས་དུ་མ་ཉམས་སུ་མྱོང་ཡང་དེ་ཙམ་གྱིས་ཀྱང་འཆི་བའི་དུས་མི་བྱེད་པ་ཡིན། དེ་ལས་གཞན་པའི་སྐྱེ་གནས་སུ་སྐྱེས་ནའང་དེར་དེ་དག་རྔ་མོའམ། གླང་ངམ། བོང་བུའམ། བྱ་གག་གམ། ཕག་ཏུ་འགྱུར་ཏེ། གལ་ཏེ་དེ་དག་རྔ་མོའམ། གླང་དུ་གྱུར་ན། དེ་དག་སྣ་ཕུག་ནས་ཁལ་གྱིས་གཟིར་ཅིང་དབྱུག་པ་བརྒྱས་བརྒྱབ་ནས་ལམ་དུ་ཁྲིད་པར་འགྱུར་ལ། དེ་དག་འཁང་ཞིང་ཤིན་ཏུ་སྐྱོ་བས་ཁལ་དེ་ཁྱེར་བར་བྱེད་དེ། དེ་དག་ལ་སྐྱབས་གང་ཡང་མེད་དོ། །གང་གི་ཚེ་ཁལ་གྱིས་གཟིར་ཅིང་ལུས་ཉམ་ཆུང་བར་གྱུར་པ་དེའི་ཚེའང་སྲོག་དང་བྲལ་བར་བྱེད་ཅིང ། སྲོག་དང་ཕྲལ་ནས་ཀྱང་དེ་ཉིད་ཀྱི་ཤ་ཟ་ཞིང་འདི་སྐད་དུ་ལུས་རྒྱ་ཆེན་པོ་དང ། ལེ་ལོ་ཅན་དང ། གསོ་དཀའ་བ་དང ། ཁམ་ཆེན་པོ་དང ། བྱ་བ་མི་ནུས་པ་ཡིན་ནོ། །ཞེས་ཟེར་རོ། །ཤཱ་རདྭ་ཏིའི་བུ། སྡིག་པའི་ལས་བྱས་ཤིང་བསགས་པའི་འབྲས་བུ་མི་འདོད་ཅིང་ཡིད་དུ་མི་འོང་བ་ཇི་སྙེད་ཅིག་མངོན་པར་
274a
༄#། །འགྲུབ་པར་འགྱུར་བ་ལ་ལྟོས། ཤཱ་རདྭ་ཏིའི་བུ། དེ་བཞིན་གཤེགས་པས་མི་དགེ་བ་ལས་དེའི་རྣམ་པར་སྨིན་པ་ནི། བསྐལ་པའམ། བསྐལ་པ་ལས་ལྷག་པས་གསུངས་ཀྱང་ཟད་པར་ནི། མི་འགྱུར་རོ། །ཤཱ་རདྭ་ཏིའི་བུ། མདོར་ན་གང་བྱང་ཆུབ་སེམས་དཔའི་སེམས་བསྐྱེད་པ་ལ་བར་ཆད་བྱ་བའི་ཕྱིར་འཇུག་པ་དེ་ལ་ནི། ཤཱ་རདྭ་ཏིའི་བུ། མྱ་ངན་ལས་འདས་པར་འགྲོ་བ་མེད་ཅིང་དལ་བ་ཕུན་སུམ་ཚོགས་པ་མེད་དོ། །ཤཱ་རདྭ་ཏིའི་བུ། དེ་ལྟ་བས་ན། ཁྱེད་ཅག་གིས་བདག་ཉིད་སྐྱབས་ཤིང་དལ་བ་ཕུན་སུམ་ཚོགས་པ་ཐོབ་བོ། །ཤཱ་རདྭ་ཏིའི་བུ། བཞི་པོ་འདི་དག་ནི། སྐྱབས་ཡིན་ཏེ། བཞི་གང་ཞེ་ན། ཤཱ་རདྭ་ཏིའི་བུ། དེ་བཞིན་གཤེགས་པ་ནི། སེམས་ཅན་འཇིགས་པས་གཟིར་བ་རྣམས་ཀྱི་སྐྱབས་ཡིན། ཤཱ་རདྭ་ཏིའི་བུ། འཕགས་པའི་ལམ་ནི། སེམས་ཅན་ལམ་ངན་པར་ཞུགས་པ་རྣམས་ཀྱི་སྐྱབས་ཡིན། ཤཱ་རདྭ་ཏིའི་བུ། དྲན་པ་ཉེ་བར་གཞག་པ་རྣམས་ནི།་སྡིག་པའི་ལས་མངོན་པར་འདུ་མི་བྱ་བའི་སྐྱབས་ཡིན། ཤཱ་རདྭ་ཏིའི་བུ། བྱང་ཆུབ་ཀྱི་སེམས་ནི། མི་ཁོམ་པ་ཐམས་ཅད་རྣམ་པར་སྤོང་བ་ཉིད་ཀྱི་སྐྱབས་ཡིན་ཏེ། ཤཱ་རདྭ་ཏིའི་བུ། བཞི་པོ་དེ་དག་ནི། སྐྱབས་ཡིན་ནོ། །ཤཱ་རདྭ་ཏིའི་བུ། བཞི་པོ་འདི་དག་ནི། བདེ་བ་ཡིན་ཏེ། བཞི་གང་ཞེ་ན། དེ་བཞིན་གཤེགས་པ་མཐོང་བ་ཡིན། དལ་བ་
274b
ཕུན་སུམ་ཚོགས་པ་ཡིན། དེ་བཞིན་གཤེགས་པས་རབ་ཏུ་བསྟན་པའི་ཆོས་འདུལ་བ་ལ་དད་པ་རྙེད་པ་ཡིན། ལྟ་བ་དྲང་པོ་དང་ཕུན་སུམ་ཚོགས་པ་ཡིན་ཏེ། ཤཱ་རདྭ་ཏིའི་བུ། བཞི་པོ་དེ་དག་ནི། བདེ་བ་ཆེན་པོ་ཡིན་ནོ། །ཤཱ་རདྭ་ཏིའི་བུ། བཞི་པོ་འདི་དག་ནི། ནད་མེད་པ་ཡིན་ཏེ། བཞི་གང་ཞེ་ན། འབྱུང་བ་ཆེན་པོ་རྣམས་ཀྱི་ཁམས་སྙོམས་པ་ཉིད་ནད་མེད་པ་ཡིན། ཡང་དག་པའི་ལྟ་བར་སེམས་དྲང་པོ་ཉིད་ནད་མེད་པ་ཡིན། དེ་བཞིན་གཤེགས་པའི་བསྟན་པ་ལ་དད་པ་རྙེད་ཅིང་ཕུན་སུམ་ཚོགས་པའི་བདེ་བ་ཐམས་ཅད་རྙེད་པ་ཉིད་ནད་མེད་པ་ཡིན། སེམས་ཅན་གྲངས་མེད་དཔག་ཏུ་མེད་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་རྙེད་ཅིང་ཉོན་མོངས་པ་རྣམ་པར་འཇོམས་པ་ཉིད་ནད་མེད་པ་ཆེན་པོ་ཡིན་ཏེ།་ཤཱ་རདྭ་ཏིའི་བུ། བཞི་པོ་དེ་དག་ནི། ནད་མེད་པ་ཡིན་ནོ། །ཤཱ་རདྭ་ཏིའི་བུ། བཞི་པོ་འདི་དག་ནི། རེ་བ་ཡིན་ཏེ། བཞི་གང་ཞེ་ན། ནད་པ་འཚོ་བར་རེ་བ་དང ། བཀྲེས་པ་ཟས་རེ་བ་དང ། སྡུག་བསྔལ་ཞིང་སྡུག་བསྔལ་གྱིས་གཟིར་བ་བདེ་བ་ལ་མངོན་པར་དགའ་བའི་རེ་བ་དང ། དགོན་པ་ཆེན་པོའི་ལམ་དུ་ཞུགས་པ་བདེ་བར་རེ་བ་ཡིན་ཏེ། ཤཱ་རདྭ་ཏིའི་བུ། བཞི་པོ་དེ་དག་ནི།་རེ་བ་ཡིན་ནོ། །ཤཱ་རདྭ་ཏིའི་བུ། བཞི་པོ་འདི་དག་ནི། གང་ལ་ལྷག་པར་ཞེན་པའི་སེམས་ཅན་རྣམས་ངན་སོང་དུ་འགྲོ་བར་འགྱུར་བའི་ལྷག་པར་ཞེན་པ་ཡིན་ཏེ། བཞི་གང་ཞེ་ན།
275a
༄#། །ལུས་ལ་ལྷག་པར་ཞེན་པ་དང ། སྲོག་ལ་ལྷག་པར་ཞེན་པ་དང ། ལོངས་སྤྱོད་ལ་ལྷག་པར་ཞེན་པ་དང ། འདོད་པ་ལ་ལྷག་པར་ཞེན་པ་ཡིན་ཏེ། ཤཱ་རདྭ་ཏིའི་བུ།་བཞི་པོ་དེ་དག་ནི། གང་ལ་ལྷག་པར་ཞེན་པའི་སེམས་ཅན་རྣམས་ངན་སོང་འགྲོ་བར་འགྱུར་བ་ལྷག་པར་ཞེན་པ་ཡིན་ནོ། །ཤཱ་རདྭ་ཏིའི་བུ། བདུན་པོ་འདི་དག་ནི། གནས་ཡིན་ཏེ།་བདུན་གང་ཞེ་ན། མ་ཞུ་བའི་གནས་དང ། ཞུ་བའི་གནས་དང ། བད་ཀན་གྱི་གནས་དང ། མཁྲིས་པའི་གནས་དང ། རླུང་གི་གནས་དང ། ལྟ་བའི་གནས་དང ། ཤཱ་རདྭ་ཏིའི་བུ། འདི་ལྟ་སྟེ། འདོད་པ་ལ་ལྷག་པར་ཞེན་པ་འདིའང་གནས་ཆེན་པོ་ཡིན་ཏེ། ཤཱ་རདྭ་ཏིའི་བུ། གང་འདོད་པ་ལ་ལྷག་པར་ཞེན་པ་དེ་ནི། མཁྲིས་པ་དང ། བད་ཀན་དང ། སྣབས་དང ། རྣག་ཁྲག་དང ། གཅིན་དང ། ཕྱིས་དང ། ཤ་དང ། རྒྱུས་པ་དང ། རུས་པ་དང ། ཁྲག་དང ། གཞུངས་པ་ལ་རྟེན་པ་ཡིན་ནོ། །ཡང་དེའི་ཚེ་ཁྱིམ་བདག་རྣམ་པར་རྒྱལ་བ་སྲུང་བ་ཞེས་བྱ་བ་འཁོར་དེ་ཉིད་དུ་འདུས་པར་གྱུར་ཏེ་འདུག་གོ་།དེའི་སྐྱེ་རྒུའི་བདག་མོ་ནི། གཟུགས་དང་ལྡན་མ་ཞེས་བྱ་སྟེ། གཟུགས་བཟང་བ། ཡངས་པ། བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པའོ། །དེ་ནས་ཁྱིམ་བདག་རྣམ་པར་རྒྱལ་བ་སྲུང་བ་དེ་ལ་ཡིད་ལྷག་པར་ཆགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་
275b
ལྡན་འདས། འདོད་པའི་གནས་གང་ལགས་པ་དེ་ནི། བཤང་གཅིའི་གནས་སོ། །ཞེས་དེ་སྐད་བཀའ་མི་སྩལ་དུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་འདས། བདག་གི་སྐྱེ་རྒུའི་བདག་མོ་ནི། གཟུགས་ལྡན་མ་ཞེས་བགྱི་སྟེ། བཅོམ་ལྡན་འདས། དེ་ལ་ནི། བཤང་བའང་མ་མཆིས། གཅི་བའང་མ་མཆིས་པའི་སླད་དུའོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་དེའི་ལྷག་པའི་བསམ་པ་ཐུགས་སུ་ཆུད་ནས་ཁྱིམ་བདག་དེའི་ཆུང་མ་བུད་མེད་གཟུགས་ལྡན་མ་ཅི་འདྲ་བ་དེ་འདྲ་བ་ཞིག་མངོན་པར་སྤྲུལ་ཏོ། །ཁྱིམ་བདག་།དེས་མཐོང་སྟེ་མཐོང་ནས་ཀྱང་དེ་འདི་སྙམ་དུ་སེམས་ཏེ། བདག་གི་ཆུང་མ་བྱ་བ་ཅི་ལ་འདིར་ཕྱིན་ཅིག་གུ་སྙམ་ནས་དེ་རང་གི་སྐྱེ་རྒུའི་བདག་མོ་ག་ལ་བ་དེར་སོང་སྟེ་ཕྱིན་ནས་རང་གི་སྐྱེ་རྒུའི་བདག་མོ་ལ་འདི་སྐད་ཅེས་སྨྲས་སོ། །ཁྱོད་ཅིའི་ཕྱིར་འཁོར་འདིར་འོངས། དེས་སྨྲས་པ། ཁྱིམ་བདག་།བདག་དེ་བཞིན་གཤེགས་པ་ལ་ཆོས་ཉན་དུ་འོངས་སོ། །དེ་ནས་ཁྱིམ་བདག་རྣམ་པར་རྒྱལ་བ་སྲུང་བས་རང་གི་ཆུང་མའི་ལག་པ་ནས་བཟུང་ནས་རང་གི་གོས་ཀྱི་གྲཝར་འདུག་ཏུ་བཅུག་སྟེ། ཁྱིམ་བདག་རྣམ་པར་རྒྱལ་བ་སྲུང་བ་དང ། ཆུང་མ་གཟུགས་ལྡན་མ་གཉིས་ཀ་འདུག་གོ་།དེ་ནས་བཅོམ་ལྡན་འདས་ཀྱིས་རྫུ་འཕྲུལ་ཇི་ལྟ་བུ་མངོན་པར་འདུ་བྱ་བ་མངོན་པར་འདུ་མཛད་པས་གོས་ཀྱི་གྲཝ་དེ་ལ་བུད་མེད་དེས་བཤང་བ་བྱས་པ་དེ་ལྟ་བུའི་རྫུ་འཕྲུལ་མངོན་
276a
༄#། །པར་འདུ་བྱ་བ་མངོན་པར་འདུ་མཛད་དོ། །དེ་ནས་ཁྱིམ་བདག་རྣམ་པར་རྒྱལ་བ་སྲུང་བ་བཤང་བའི་དྲི་དེ་མི་བཟོད་ནས་སོར་མོ་དག་གིས་སྣ་བཀག་སྟེ་ཁ་ཕྱིར་ཕྱོགས་ཤིང་རྣམ་པར་བལྟས་སོ། །དེའི་ཚེ་ཁྱིམ་བདག་རྣམ་པར་རྒྱལ་བ་སྲུང་བའི་གཡས་ལོགས་ན་ཤཱཀྱའི་བུ་དགའ་བོ་ཞེས་བྱ་བ་འདུག་པར་གྱུར་ཏོ། །དེ་ནས་ཤཱཀྱའི་བུ་དགའ་པོས་ཁྱིམ་བདག་རྣམ་པར་རྒྱལ་བ་སྲུང་བ་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ཅིའི་ཕྱིར་སྣ་བཀག་ནས་ཁ་ཕྱིར་ཕྱོགས་ཏེ་འདུག་།དེ་ནས་ཁྱིམ་བདག་རྣམ་པར་རྒྱལ་བ་སྲུང་བས་ཤཱཀྱའི་བུ་དགའ་བོ་ལ་འདི་སྐད་ཅེས་སྨྲས་སོ། །བཙུན་པ། གནས་འདི་ན་བཤང་བའི་དྲི་ཆེན་པོ་ཡོད་དེ། ཁྱོད་ཀྱང་ཐག་མི་རིང་བ་ན་གནས་ན་མ་མཐོང་ངམ། དེ་ནས་བཅོམ་ལྡན་འདས་ཀྱིས་རྫུ་འཕྲུལ་ཇི་ལྟ་བུ་མངོན་པར་འདུ་བྱ་བ་མངོན་པར་འདུ་མཛད་ན། ཅི་ནས་ཤཱཀྱའི་བུ་དགའ་བོ་དང་འཁོར་བཞི་པོས་སྐྱེ་རྒུའི་བདག་མོ་གཟུགས་ལྡན་པས་གོས་ཀྱི་གྲ་དེ་ལ་བཤང་བ་བྱས་པ་མཐོང་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། །དེ་ནས་ཤཱཀྱའི་བུ་དགའ་བོས་ཁྱིམ་བདག་རྣམ་པར་རྒྱལ་བ་སྲུང་བ་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ཉིད་ཀྱི་སྐྱེ་རྒུའི་བདག་མོས་གོས་ཀྱི་གྲ་ལ་བཤང་བ་བྱས་པ་ལ་ལྟོས། དེ་ནས་ཁྱིམ་བདག་རྣམ་པར་རྒྱལ་བ་སྲུང་བས་ཤཱཀྱའི་བུ་
276b
ནག་པ་སྦྱིན་ལ་འདི་སྐད་ཅེས་སྨྲས་སོ། །ནགས་སྦྱིན། གང་ཁོ་བོའི་ཆུང་མས་བཤང་བའམ། གཅི་བ་བྱས་པ་དེ་སྙམ་དུ་སེམས་པ་དེ་ནི། ཐེ་ཚོམ་ཟོས་ནས་རྣམ་པར་ལྟ་བར་བྱེད་ཀྱི། ཁོ་བོ་ནི།་དེ་སྙམ་དུ་མི་སེམས་ན། དེ་ཇི་ལྟར་ཁོ་བོས་རྣམ་པར་བལྟ་བར་བྱ། བཙུན་པ། བདག་སེམས་པ་ལྟར་ན། ཁྱོད་ཀྱིས་བཤང་བ་ཁྱེར་ཏེ་འོངས་པ་སྙམ་བྱེད་དོ། །དེ་ནས་ཤཱཀྱའི་བུ་དགའ་བོ་ཤས་ཆེར་ཁྲོས་འཁྲུགས་རྔམ་སྟེ། སྟན་ལས་ལངས་ནས་ཁྱིམ་བདག་རྣམ་པར་རྒྱལ་བ་སྲུང་བ་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ནི། ལྷག་པར་ཆགས་པ་ཡིན་ཏེ། ཁྱོད་ཀྱི་མིང་ཁྱིམ་བདག་བཤང་བ་ཞེས་བྱ་བར་གདགས་སོ། །ཁྱིམ་བདག་།ཁྱོད་ཀྱིས་རང་གི་ཆུང་མ་ལ་ལག་པ་གཉིས་ཀས་བཟུང་ནས་རང་གི་གོས་ཀྱི་གྲཝ་ལ་འདུག་ཏུ་མ་བཅུག་གམ། ཁྱིམ་བདག། དེ་ཉིད་ཀྱིས་ད་ལྟར་གནས་སྐབས་དེ་བྱས་པར་མ་གྱུར་ཏམ། དྲི་འབྱུང་བ་འདི་ཁྱོད་ཀྱིས་མངོན་སུམ་དུ་གྱིས་ཤིག་།དེ་ལྟ་བས་ན། ཁྱིམ་བདག་།ཁྱོད་ནི། ལྷག་པར་ཆགས་པ་ཡིན།་ལྷག་པར་ཁ་དྲག་པ་ཡིན་ཏེ། ཁྱོད་ཀྱི་མིང་ཁྱིམ་བདག་བཤང་བ་ཞེས་བྱ་བར་གདགས་སོ། །གང་ཁྱོད་བཤང་བའི་ནང་ན་གནས་ཤིང ། གཞན་དག་ལ་སྐུར་བ་འདེབས་པར་བྱེད་པ་ནི།་རྣམ་པར་རྒྱལ་བ་སྲུང་བ་མ་ཡིན་ནོ། །ཁྱིམ་བདག་།འཁོར་འདི་ནས་སོང་ཞིག་།ཁྱིམ་བདག་།སླར་སོང་ཞིག་།ཁྱིམ་བདག་།འཁོར་འདི་ནས་མི་སྣང་བར་གྱིས་ཤིག་།ཁྱིམ་བདག་རྣམ་
277a
༄#། །པར་མི་སྣང་བར་གྱིས་ཤིག་།དེ་ནས་ཁྱིམ་བདག་དེས་ཆུང་མ་དེ་ལ་ལག་པ་ནས་བཟུང་ནས་འདི་སྐད་ཅེས་སྨྲས་སོ། །གཡོ་སྦེད་མ། ཁྱོད་ཇི་ལྟར་ན་ངའི་གོས་ཀྱི་གྲཝར་བཤང་བ་བྱ་བར་སེམས། དེས་སྨྲས་པ། ཁྱིམ་བདག་།གང་གིས་བཤང་བའི་སྣོད་བླངས་ནས་རང་གི་གོས་ཀྱི་གྲཝ་ལ་འདུག་ཏུ་བཅུག་པ་དེ་ནི། དེ་ལྟར་འགྱུར་རོ། །དེ་ནས་ཁྱིམ་བདག་རྣམ་པར་རྒྱལ་བ་སྲུང་བ་སྐྱོ་བར་གྱུར་ནས་བཤང་བའི་གོང་བུ་དེ་ས་ལ་དོར་བར་བྱའོ། །སྙམ་ནའང་མ་ནུས་ལ། ཕྱིར་ཞིང་ཡན་ལག་དང་ཉིང་ལག་དག་བསྐུས་པར་ཡང་གྱུར་ཏེ།་དེས་ཤཱཀྱའི་གཞོན་ནུ་ནགས་སྦྱིན་ལ་སྨྲས་པ། བཙུན་པ། གང་གིས་བདག་བཤང་བའི་དྲི་འདི་ལས་ཡོངས་སུ་ཐར་པར་འགྱུར་བའི་རིགས་པ་འདི་ན་ཅི་ཡོད། ནགས་སྦྱིན་གྱིས་སྨྲས་པ། ཁྱིམ་བདག་།ཁྱོད་འདི་དང ། གཞན་ལས་ཀྱང་ཡོངས་སུ་ཐར་པར་འགྱུར་མོད་ཀྱི། འོན་ཀྱང་གང་ཁྱོད་གནས་འདི་ནས་ཕྱིར་སོང་ན། འདི་ན་འདིར་རིགས་པའི་མཆོག་ཏུ་འགྱུར་རོ། །དེ་ཅིའི་ཕྱིར་ཞེ་ན། ཁྱིམ་བདག་།ཁྱོད་ཆུང་མ་དང་ལྷན་ཅིག་ཏུ་བཤང་བའི་དྲི་དེས་འཆི་བར་འགྱུར་བའི་ཕྱིར་རོ། །དེ་ནས་ཁྱིམ་བདག་རྣམ་པར་རྒྱལ་བ་སྲུང་བས་ཤཱཀྱའི་བུ་ནགས་སྦྱིན་ལ་འདི་སྐད་ཅེས་སྨྲས་སོ། །བཙུན་པ། དགེ་སྦྱོང་དག་ནི། སྙིང་རྗེ་ཅན་ཞེས་བྱ་བ་ཡིན། དགེ་སྦྱོང་དག་ནི། སྙིང་བརྩེ་བ་ཅན་ཞེས་བྱ་བ་ཡིན། ཤཱཀྱའི་བུ་ཞེས་བྱ་བ་ཡིན་ན།
277b
ཇི་ཙམ་དུ་ཁྱོད་ལྷག་པའི་སྐྱེས་བུ་ཡིན་པ་ནི། ངོ་མཚར་ཏོ། །དེ་ནས་ཤཱཀྱའི་བུ་ནགས་སྦྱིན་གྱིས་ཁྱིམ་བདག་རྣམ་པར་རྒྱལ་བ་སྲུང་བ་ལ་འདི་སྐད་ཅེས་སྨྲས་སོ། །ཁྱིམ་བདག་།ཁོ་བོས་ཁྱོད་ལ་ཇི་ལྟར་སྙིང་རྗེར་བྱ། ཇི་ལྟར་ཡང་སྙིང་བརྩེ་བར་བྱ། དེ་བཞིན་གཤེགས་པ་ཆོས་སྟོན་པ་ན་ཁྱོད་ཀྱིས་བདག་གི་སྐྱེ་རྒུའི་བདག་མོ་ལ་བཤང་བའམ། གཅི་བ་མ་མཆིས་སོ། ། ཞེས་སྨྲས་ན། ཁྱོད་བཅོམ་ལྡན་འདས་དང་མི་མཐུན་པར་བྱེད་ཅིང ། ཁོ་བོ་ལའང་སྐུར་བ་འདེབས་པར་བྱེད་དམ། ཁྱིམ་བདག་།ཁྱོད་ཀྱི་སྐྱེ་རྒུའི་བདག་མོ་ལ་བཤང་བའམ། གཅི་བ་ཡོད་དམ་མེད་ཁྱོད་མངོན་སུམ་གྱིས་ལྟོས་ཤིག་།དེ་ནས་ཁྱིམ་བདག་རྣམ་པར་རྒྱལ་བ་སྲུང་བས་སྐྱེ་རྒུའི་བདག་མོ་ལ་སྨྲས་པ། སྐྱེ་རྒུའི་བདག་མོ། །ཁྱོད་རང་གི་ཁྱིམ་དུ་སོང་ཞིག་།དེ་ནས་ཁྱིམ་བདག་རྣམ་པར་རྒྱལ་བ་སྲུང་བས་རང་གི་ཆུང་མ་བཏང་ནས་ཤཱཀྱའི་གཞོན་ནུ་ནགས་སྦྱིན་ལ་སྨྲས་པ། བཙུན་པ། ཁོ་བོས་ནི། བུད་མེད་རྣམས་ཀྱི་སྐྱོན་དང ། བུད་མེད་རྣམས་ཀྱི་སྒྱུ་དག་མཐོང་སྟེ། ནགས་སྦྱིན། ཁོ་བོ་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འདོད་དོ། །དེ་སྐད་ཅེས་སྨྲས་པ་དང ། ཤཱཀྱའི་བུ་ནགས་སྦྱིན་གྱིས་ཁྱིམ་བདག་རྣམ་པར་རྒྱལ་བ་སྲུང་བ་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་གལ་ཏེ་ལོ་བརྒྱར་ལུས་སྤོས་ཐམས་ཅད་ཀྱིས་བདུགས་ཤིང་བསྒོས་ཤིག་དང ། ཁྱིམ་བདག་།ཁྱོད་དེ་ལྟར་ན་བཅོམ་ལྡན་འདས་ལས་
278a
༄#། །རབ་ཏུ་འབྱུང་བ་ཕྱིས་འཐོབ་བོ། །དེ་ཅིའི་ཕྱིར་ཞེ་ན། ཁྱིམ་བདག་།ཁྱོད་ཀྱི་ལུས་དེ་ནི། བཤང་བའི་དྲི་དེས་དྲི་མི་ཞིམ་པར་གྱུར་པའི་ཕྱིར་རོ། །དེ་ནས་ཁྱིམ་བདག་རྣམ་པར་རྒྱལ་བ་སྲུང་བས་ཤཱཀྱའི་བུ་ནགས་སྦྱིན་ལ་འདི་སྐད་ཅེས་སྨྲས་སོ། །བཙུན་པ། གལ་ཏེ་ཁོ་བོ་ས་ལོ་གཅིག་གམ། ལོ་བརྒྱར་བདུགས་ན། དེ་ཉིད་དུ་བྲེལ་བས་བདག་འཆི་བའི་དུས་བྱེད་པར་འགྱུར་ཞིང ། བཅོམ་ལྡན་འདས་ཀྱང་ཡོངས་སུ་མྱ་ངན་ལས་འདས་པ་ཆེན་པོར་མི་འགྱུར་རམ་སུས་ཤེས། བཙུན་པ། ཡང་གལ་ཏེ་ཁོ་བོ་བཅོམ་ལྡན་འདས་ལས་རབ་ཏུ་བྱུང་བ་ཐོབ་ན། ཁོ་བོས་གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་དག་ཏུ་མི་འཇུག་ཅིང ། དགོན་པ་དང ། བསོད་སྙོམས་དང ། ཆོས་གོས་ངན་པ་འཆང་བར་བྱའོ། །དེའི་ཕྱིར་བདག་དེ་ལྟ་བུའི་ངན་པ་དགོན་པ་པ་ལ་སུ་ཞིག་དྲི་མི་ཞིམ་པ་མནོམ་པར་འགྱུར། དེ་ནས་བཅོམ་ལྡན་འདས་ཀྱིས་ཁྱིམ་བདག་དེ་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག་།ཁྱོད་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འདོད་དམ། གསོལ་པ། བཅོམ་ལྡན་འདས། འཚལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཚུར་ཤོག་ཚངས་པར་སྤྱད་པ་སྤྱོད་ཅིག་།དེ་ནས་དེ་ཙམ་གྱིས་ཁྱིམ་བདག་དེ་རབ་ཏུ་བྱུང་ནས་ཞག་བདུན་ལོན་པ་བཞིན་དུ་གོས་ངུར་སྨྲིག་དང །
278b
ལྡན་ཞིང་མགོ་བྲེགས་ཏེ། ལག་མཐིལ་ན་ལྷུང་བཟེད་ཐོགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་ལ་ཆོས་བསྟན་ཏེ། སྡུག་བསྔལ་འཕགས་པའི་བདེན་པ་ཡང་དག་པར་རབ་ཏུ་བསྟན་ཅིང ། དེ་བཞིན་དུ་ཀུན་འབྱུང་བ་དང ། འགོག་པ་དང ། ལམ་འཕགས་པའི་བདེན་པ་ཡང་དག་པར་རབ་ཏུ་བསྟན་ཏོ། །དེ་ནས་དགེ་སློང་དེ་དེ་ཉིད་ཀྱི་ཚེ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། དེ་ནས་དེ་བྱ་བ་ཐོབ་སྟེ། དེའི་མཚན་མོ་འདས་ནས་སྔ་དྲོའི་ཚེ་ཆོས་གོས་བགོས། ལྷུང་བཟེད་ཐོགས་ནས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་སོ། །དེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་མཐར་ཆགས་སུ་རྒྱུ་བས་རང་གི་ཁྱིམ་ག་ལ་བ་དེར་སོང་སྟེ་ཕྱིན་ནས། ཕྱོགས་གཅིག་ཏུ་ཅང་མི་སྨྲ་བར་བསོད་སྙོམས་ཀྱི་ཕྱིར་འདུག་གོ། བུད་མེད་གཟུགས་ལྡན་མས་ཁྱིམ་བདག་རྒྱལ་བ་སྲུང་བ་རབ་ཏུ་བྱུང་སྟེ། ཆོས་གོས་བགོས། ལྷུང་བཟེད་ཐོགས་ཤིང་བསོད་སྙོམས་ཀྱི་ཕྱིར་འོངས་བ་མཐོངས་ཏེ། མཐོང་ནས་ཀྱང་སྨྲས་པ། ཁྱིམ་བདག་།ཁྱོད་ཀྱིས་ནི། མི་འཚམ་པར་བྱས་སོ། །དེ་ནས་དགེ་སློང་རྣམ་པར་རྒྱལ་བ་སྲུང་བས་དེ་ལ་སྨྲས་པ། སུ་ཁྱོད་ཀྱིས་ཁོ་བོའི་གོས་ཀྱི་གྲཝར་བཤང་གཅི་བྱས་ཤིང་དེས་ཀྱང་ཁོ་བོའི་ལུས་ཐམས་ཅད་དྲི་མི་ཞིམ་པར་བྱས་ན་ཁྱོད་ཁོང་དུ་ཆུད་དམ། དེས་སྨྲས་པ། ཁྱིམ་བདག། ཁྱོད་ཁོ་མོ་
279a
༄#། །ལ་སྐུར་པ་གདབ་པར་སེམས་པ་འདི་ནི། ཁྱོད་ཀྱི་ཆ་མ་ཡིན་ཏེ། ཁྱིམ་བདག་།འདི་ལྟར་ཁོ་མོ་ཕས་རང་གི་ཁྱིམ་ནས་རང་གི་ཁྱིམ་དུ་རྗེས་སུ་འཇུག་ཏུ་བཅུག་ནས་སྒོ་གང་གི་ཕྱི་རོལ་ཏུ་བཞིན་ཉེ་བར་བསྟན་པར་ཡང་མི་དྲན་ན། འོད་མའི་ཚལ་བྱ་ཀ་ལནྟ་ཀ་གནས་པར་བཅོམ་ལྡན་འདས་ཀྱི་ཐད་དུ་སོང་བ་ལྟ་ཅི་སྨོས། རྣམ་པར་རྒྱལ་བ་སྲུང་བས་སྨྲས་པ།་སུ་ཁོ་བོ་ལ་དབང་པོ་བཅོམ་ལྡན་འདས་དང ། ཤཱཀྱའི་བུ་ནགས་སྦྱིན་དང ། འཁོར་བཞི་པོ་ཡོད་དེ། འདི་ལྟར་ཁོ་བོ་དང་ཁྱོད་ཤཱཀྱའི་བུ་ནགས་སྦྱིན་གྱིས་བཟུང་ནས་འཁོར་དེ་ནས་བསྐྲད་པའང་ཁྱོད་མི་དྲན་ནམ། དེ་ནས་བདུད་སྡིག་ཅན་ཁྱིམ་བདག་རྣམ་པར་རྒྱལ་བ་སྲུང་བའི་རྒྱབ་ཏུ་འདུག་ནས་སྨྲས་པ། ཁྱིམ་བདག་།གང་གི་ཕྱིར་འཁྱམ་དུ་བཅུག་ཅིང་བསྐྲད་པ་དེ་ནི། འདི་མ་ཡིན་ཏེ། དེ་ནི། སྤྲུལ་པ་ཡིན་པར་གྱུར་ཏོ། །དགེ་སློང་ཁྱོད་འདོད་པའི་ཡོན་ཏན་ལྔ་པོ་དག་གིས་མངོན་པར་དགའ་བར་གྱིས་ཤིག་།ཁྱིམ་བདག། ཁྱོད་ནི། དགེ་སྦྱོང་གཽ་ཏ་མས་བསླུས་ཏེ། དེས་ནི། དགེ་སློང་མང་དུ་དེ་ལྟ་བུར་འཁྱམ་དུ་བཅུག་ནས་རབ་ཏུ་ཕྱུང་ངོ ། །དགེ་སློང་རྣམ་པར་རྒྱལ་བ་སྲུང་བས་སྨྲས་པ། སྐྱེས་བུ་གང་གི་ཕྱིར་ཁོ་བོ་དྲི་མི་ཞིམ་པར་བྱས་པ་དེ་ནི། སྦྲུལ་པ་ཡིན་པར་གྱུར་ཏོ། །སྨྲས་པ། དེ་བཞིན་ནོ། །སྨྲས་པ། དེའི་ཕྱིར་ཁྱོད་ཀྱང་སྤྲུལ་པ་ཡིན། ཁོ་བོའང་སྤྲུལ་པ་ཡིན། བཅོམ་ལྡན་འདས་ཀྱིས་
279b
ཆོས་བསྟན་པ་ཐམས་ཅད་ཀྱང་སྤྲུལ་པ་ལྟ་བུ་ཡིན་ནོ། །དེ་ནས་བུད་མེད་དེ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། དེ་ནས་དེ་དད་པ་རྙེད་ཅིང་ཡིད་ཆེས་པ་ཐོབ་ནས་སྨྲས་པ། དགེ་སློང ། མངོན་པར་དགའ་བར་གྱིས་ཤིག་།ཚངས་པར་སྤྱད་པ་སྤྱོད་ཅིག་།ཁོ་མོའང་བཅོམ་ལྡན་འདས་ཀྱི་བསྟན་པ་ལ་དེ་བཞིན་དུ་རབ་ཏུ་འབྱུང་ངོ ། །དེ་ནས་བཅོམ་ལྡན་འདས་ཀྱིས་ཆོས་རྣམས་ཀྱི་དོན་གྱི་དབང་དེ་ཉིད་ལ་བརྟེན་ནས། །ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། བཞིན་པོ་འདི་དག་ནི། བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས་ཡོངས་སུ་སྤང་བར་བྱ་བ་ཡིན་ཏེ། བཞི་གང་ཞེ་ན། ཤཱ་རདྭ་ཏིའི་བུ།་བྱང་ཆུབ་སེམས་དཔའ་སེམས་དཔའ་ཆེན་པོས་སྡིག་པའི་གྲོགས་པོ་ཡོངས་སུ་སྤང་བར་བྱ་བ་ཡིན། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོས་བུད་མེད་དང་འདྲེ་བ་ཡོངས་སུ་སྤང་བར་བྱ་བ་ཡིན། བྱང་ཆུབ་སེམས་དཔའ་སེམས་དཔའ་ཆེན་པོས་གཅེར་བུ་བའི་སྨྲ་བ་དང ། འཇིག་རྟེན་རྒྱང་པན་པའི་གསང་ཚིག་ཡོངས་སུ་སྤང་བར་བྱ་བ་ཡིན། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོས་ལོག་པར་ལྟ་བའི་རྒུད་པ་ཡོངས་སུ་སྤང་པར་བྱ་བ་ཡིན་ཏེ། ཤཱ་རདྭ་ཏིའི་བུ། ཆོས་བཞི་པོ་དེ་དག་ནི།
280a
༄#། །བྱང་ཆུབ་སེམས་དཔའ་སེམས་དཔའ་ཆེན་པོས་ཡོངས་སུ་སྤང་བར་བྱ་བ་ཡིན་ནོ། །ཤཱ་རདྭ་ཏིའི་བུ། ཆོས་བཞི་པོ་དེ་དག་ཇི་ལྟ་བ་བཞིན་དུ་དེ་ལྟར་བར་ཆད་བྱེད་པའི་ཆོས་གཞན་ནོ། །ངས་ཡང་དག་པར་རྗེས་སུ་མཐོང་ངོ ། །ཤཱ་རདྭ་ཏིའི་བུ། དེ་ལྟ་བས་ན། ཐེག་པ་ཆེན་པོ་ལ་ཡང་དག་པར་ཞུགས་པས་ཆོས་བཞི་པོ་དེ་དག་ཡོངས་སུ་སྤང་བར་བྱ་ཞིང་ཡོངས་སུ་སྤངས་ནས་ཀྱང་གང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འདོད་པས་ཆོས་བཞི་ཀུན་ཏུ་བསྟན་པར་བྱ།་བསྒོམ་པར་བྱ། ལན་མང་དུ་བྱ་བ་ཡིན་ཏེ། བཞི་གང་ཞེ་ན། ཤཱ་རདྭ་ཏིའི་བུ། སངས་རྒྱས་སམ། བྱང་ཆུབ་སེམས་དཔའམ། ཉན་ཐོས་གང་བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་འདོམས་པར་བྱེད། རྗེས་སུ་སྟོན་པར་བྱེད་པའི་དགེ་བའི་བཤེས་གཉེན་ཀུན་ཏུ་བསྟེན་པར་བྱ་ཞིང་བསྒོམ་པར་བྱ་ལ། ལན་མང་དུ་བྱ་བ་ཡིན། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔས་བུད་མེད་དང་འདྲ་བ་རྣམ་པར་བཟློག་པའི་ཕྱིར་མངོན་པར་འབྱུང་བ་དང ། རབ་ཏུ་འབྱུང་བ་དང ། དགོན་པར་གནས་པ་ཀུན་ཏུ་བསྟེན་པར་བྱ་ཞིང་བསྙེན་པར་བྱ་ལ། བསྙེན་བཀུར་བྱ་བ་ཡིན། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔས་གཅེར་བུའི་སྨྲ་བ་དང ། འཇིག་རྟེན་རྒྱང་
280b
པན་པ་བཟློག་པའི་ཕྱིར་ཆོས་དེ་དག་གཟུང་བ་དང ། ཀུན་ཆུབ་པ་དང ། མི་བརྗེད་པར་བྱ་བར་རྣལ་འབྱོར་དུ་བྱ་བ་ཡིན། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔས་ལོག་པར་ལྟ་བ་རྣམ་པར་བཟློག་པའི་ཕྱིར་ཆེན་པོ་སྟོང་པ་ཉིད་ཀྱི་ཡང་དག་པའི་ལྟ་བ་ཀུན་ཏུ་བསྟེན་པར་བྱ་ཞིང་བསྙེན་པར་བྱ་བ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ།། བདེ་བར་གཤེགས་པས་དེ་སྐད་གསུངས་ནས། དེ་ནས་སྟོན་པས་གཞན་ཡང་བཀའ་སྩལ་པ། བུད་མེད་འདྲེ་བ་རྣམ་པར་སྤངས། །སྡིག་པའི་གྲོགས་པོའང་སྤང་བར་བྱ། ། ལོག་པར་ལྟ་བ་བཟློག་པའི་ཕྱིར། །འཇིག་རྟེན་རྒྱང་པན་རྣམ་པར་སྤང ། །གང་ཞིག་བུད་མེད་སྟེན་བྱེད་ཅིང ། །དེ་བཞིན་སྡིག་པའི་གྲོགས་པོ་དང ། །དེ་བཞིན་འཇིག་རྟེན་རྒྱང་པན་དང ། །ལོག་པར་ལྟ་བ་སྟེན་བྱེད་པ། །ལྟ་ངན་ལ་སོགས་བསྟེན་པས་ན། །མི་ཁོམ་དག་ཏུ་མྱུར་བར་འགྲོ་།སངས་རྒྱས་དད་པ་ཕུན་ཚོགས་དང ། །དལ་བ་ཤིན་ཏུ་རྙེད་དཀའ་ཡིན། ། གང་ཞིག་སྡིག་པ་བསྟེན་འདོད་པ། །དེ་ནི་སྡིག་པའི་སྤྱོད་ཡུལ་འགྱུར། །སྡིག་པའི་སྤྱོད་ཡུལ་སྤྱོད་པ་ནི། །སྡིག་པ་ཅན་གྱི་འགྲོ་བར་འགྲོ་།གང་ཞིག་བྱང་ཆུབ་ཞུགས་གྱུར་པ། །དེ་ཕྱིར་བུད་མེད་བསྟེན་མི་བྱ། །མི་གཙང་བསྐུས་པའི་ཕག་བཞིན་དུ། །རྒྱང་བསྲིང་རྣམ་པར་སྤང་བར་བྱ། །ཆོས་མ་ཡིན་པ་གང་སྟོན་པའི། །སྡིག་པའི་གྲོགས་པོ་བསྟེན་མི་བྱ། །ཆོས་མ་ཡིན་
281a
༄#། །པའི་སྤྱོད་བསྟེན་ན། །སེམས་གྲལ་མུན་པར་འགྱུར་བ་ཡིན། །གཅེར་བུ་རྣམས་ཀྱི་གང་འཛིན་པ། །འཇིག་རྟེན་རྒྱང་པ་ན་བསྟེན་མི་བྱ། །ཀུན་ཏུ་འཇམ་པོ་ཇི་བསྟན་ཀྱང ། །དེ་ཚེ་དམིགས་པ་འཐོབ་པ་ཡིན། །དེ་དག་ཐམས་ཅད་རྣམ་སྤངས་ནས། །ལོག་པར་ལྟ་བ་རྣམ་པར་སྤང ། །འཁོར་བའི་རྩ་བ་དེ་ཡིན་པར། །འདིར་ནི་ང་ཡིས་བསྟན་པ་ཡིན། །ཆོས་ངན་པ་དག་རྣམ་སྤངས་ནས། །བྱང་ཆུབ་སྤྱད་པ་སྤྱོད་པ་ན། །ང་ཡིས་སྔོན་ཆད་གང་བསྟན་པའི། །ཆོས་མཆོག་དག་ནི་ཀུན་ཏུ་སྤྱད། །ལམ་དེར་གང་ཞིག་སྦྱོར་བྱེད་པའི། །མངོན་པར་འབྱུང་དང་ཚངས་སྤྱོད་དང ། །དགེ་བའི་བཤེས་གཉེན་བཟང་པོ་དང ། །སངས་རྒྱས་དང་ནི་ཉན་ཐོས་སོ། །དེ་ལ་སྟོང་པ་བསྟེན་པར་བྱ། །ཆེན་པོ་སྟོང་པའི་སྟོང་པ་མེད། །སྟོང་པའི་ཆོས་ལ་དམིགས་པ་ནི། །ཀུན་ཏུ་སྤྱད་པར་བྱ་བ་ཡིན། །ཆོས་དང་དེ་བཞིན་དམིགས་པ་ནི། །སྟོང་ལ་དམིགས་པར་མི་འགྱུར་རོ། །གང་ལ་འཇིག་རྟེན་མི་འཇུག་པ། །དེ་ནི་སྟོང་པ་དེ་ཡིན་གསུངས། །བྱང་ཆུབ་སྤྱད་པ་སྤྱོད་པ་ན། །གང་ལ་ང་ཡིས་སྔོན་བསླབ་པ། །དེ་ལ་བྱིས་པ་བློ་ཅན་གྱིས། །ཤེས་པ་ཅིས་ཀྱང་འགྲོ་མི་འགྱུར། །བྱང་ཆུབ་སྤྱད་པ་སྤྱོད་པ་ན། །གང་དག་ང་ཡིས་ཆོས་ཐོས་པ། །དེ་ལ་བྱང་ཆུབ་སྤྱད་པ་ནི། །གཞན་གྱི་དྲིང་ཕྱིར་སོང་མ་ཡིན། །དེ་དག་ང་ཡིས་རང་གིས་རྟོགས། །ཆོས་ཀྱི་དམ་པ་བསྟན་པ་ཡིན། །
281b
གང་དུ་སྟོང་ཉིད་ཆགས་མེད་པ། །དེ་ནི་དྲང་པོའི་ལམ་ཡིན་ནོ། །བྱང་ཆུབ་སྙིང་པོར་འདུག་ནས་སུ། །བློ་གྲོས་ངན་པའི་བདུད་བཅོམ་ནས། །བསམ་མི་ཁྱབ་པར་ངས་གང་རྟོགས། །དེ་ནི་ཆོས་ཉིད་དེ་ཡིན་གསུངས། །དེ་ནི་ང་ཡིས་མངོན་སངས་རྒྱས། །དེ་ཉིད་ང་ཡིས་བསྟན་པ་ཡིན། །གང་ཕྱིར་འཁོར་ལོ་བསྐོར་བ་ཡིས། །མཐའ་མཆོག་ང་ཡིད་སངས་རྒྱས་སོ། །གང་ཞིག་བློ་ངན་བདུད་བཅོམ་ནས། །བྱང་ཆུབ་འཚང་རྒྱར་འགྱུར་བ་དང ། །བྱང་ཆུབ་སྙིང་པོར་འདུག་འདོད་པ། །དེ་ཡིས་སྟོང་ཉིད་དེ་བསྟེན་བྱ། །གང་ཞིག་འཁོར་ལོ་བླ་མེད་པའི། །ཆོས་ཀྱི་འཁོར་ལོ་བསྐོར་བ་དང ། །དེ་ལ་དགེ་འདུན་གདམས་འདོད་པ། །དེ་ཡིས་སྟོང་ཉིད་དེ་བསྟེན་བྱ། །གང་ཞིག་སྟོབས་རྣམས་བཅུ་པོ་ཡིས། །གནས་པར་གྱུར་ནས་འཇིགས་མེད་པར། །སེངྒེའི་སྒྲ་ནི་སྒྲོག་འདོད་པ། །དེ་ཡིས་སྟོང་ཉིད་དེ་བསྟེན་བྱ། །རྟག་པར་འཇིག་རྟེན་ཐམས་ཅད་དུ། །གང་གི་སྙན་དང་གྲགས་འབྱུང་བའི། །སྟོང་ཉིད་དེ་ནི་བསྟེན་པ་ཡིས། །ང་ནི་ཕ་རོལ་ཕྱིན་པ་ཡིན།། ང་ཡི་རྗེས་སུ་སློབ་པ་ན། །བྱང་ཆུབ་སེམས་དཔའ་རབ་མཁས་པས། །ཡེ་ཤེས་བླ་ན་མེད་པ་དེ། །བྱང་ཆུབ་དམ་པ་འཚང་རྒྱར་བྱ། །གང་ཞིག་ང་ཡི་རྗེས་སློབ་པ། །དགེ་སློང་འོན་ཏེ་དགེ་སློང་མས། །ཇི་ལྟར་ད་ལྟར་ངས་ཐོབ་བཞིན། །བྱང་ཆུབ་དམ་པ་འཐོབ་པར་འགྱུར། །འདི་ལ་དགེ་སློང་དགེ་སློང་མ། །འབའ་ཞིག་གིས་ནི་བསྟེན་བྱ་མིན། །སེམས་ཅན་ཀུན་གྱིས་བསླབ་
282a
༄#། །ན་ཡང ། །དེ་དག་བྱང་ཆུབ་རྙེད་པར་སླ། །དམ་པ་དེ་ལ་བསྟེན་པ་ན། །ང་ནི་ཆགས་པ་མེད་པར་བྱུང ། །མ་འདྲེས་པ་ཡི་ཆོས་རྣམས་ཀྱིས། །ཆགས་མེད་བྱང་ཆུབ་སངས་རྒྱས་སོ། །ཆོས་དེ་དག་ནི་སྟེན་བྱེད་ན། །ཡེ་ཤེས་ཆགས་མེད་དམན་མ་ཡིན། །བྱང་ཆུབ་ཕྱིར་ནི་ལམ་དེ་ཡིན། །རྟག་པར་སྟོང་ཉིད་བསྟན་པར་བྱ། །དེ་ཕྱིར་བྱང་ཆུབ་སེམས་དཔའ་ཡིས། །སྲོག་ཆགས་རྣམས་ལ་ཕན་པའི་ཕྱིར། །ཆོས་རྣམས་ཐམས་ཅད་སྟོང་བ་ཡི། །ཆོས་དེ་དག་ལ་བསླབ་པར་བྱ། །ཐབས་ལ་འཇུག་པ་དང ། དམ་པའི་ཆོས་སྤོང་བ་དང ། བྱང་ཆུབ་སེམས་དཔའ་ཡང་དག་པར་འཛིན་དུ་གཞུག་པའི་ལེའུ་སྟེ། དགུ་པའོ།། །།ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཇི་ལྟ་བ་བཞིན་རྣམ་པར་གཏན་ལ་དབབ་པ་ལ་མཁས་པ་ཡིན། ཆོས་ཐམས་ཅད་ལ་སྤོབས་པ་ཐོགས་པ་མེད་པ་ཡིན། སྤོབས་པ་རྣོ་བ་དང ། སྤོབས་པ་མཐའ་ཡས་པ་དང ། སྤོབས་པ་ཟབ་པ་ཡིན་ཏེ། དེའི་ཚེ་དེ་བཞིན་གཤེགས་པས་ཇི་ལྟ་བ་བཞིན་རྣམ་པར་གཏན་ལ་དབབ་པ་ལ་མཁས་པ་དང ། སྤོབས་པ་རྣོ་བ་དང ། སྤོབས་པ་རངས་པར་ཐུགས་སུ་ཆུད་ནས་ཕྱི་མའི་ཆོས་ཀྱི་གྲོང་ཁྱེར་སྲུང་བར་བྱིན་གྱིས་རློབ་པར་མཛད་དོ། །ཤཱ་རདྭ་ཏིའི་བུ། བཞི་གང་ཞེ་ན། འདི་ལ་བྱང་ཆུབ་སེམས་དཔའ་རྒྱུན་མི་ཆད་པར་རབ་ཏུ་འབྱུང་བ་བསྟེན་
282b
པའི་སེམས་དང་ལྡན་པས་མངོན་པར་དགའ་སྟེ། མངོན་པར་འབྱུང་བ་ལ་གཞོལ་བ་ཡིན་ཞིང ། ཆོས་ཡོངས་སུ་ཚོལ་བས་ཆོག་མི་ཤེས་པ་ཡིན། ཆོས་དེ་ཐོས་ཤིང་ཡོངས་སུ་བཙལ་ནས་ཀྱང་སེམས་ཅན་རྣམས་ལ་ཀུན་བགེད་པ་ཡིན། ཆོས་བསྟན་པའི་ཕྱིར་སྙོམས་ལས་མེད་པ་ཡིན་ཞིང ། ཆོས་ཐམས་ཅད་རྣམ་པར་འཇིག་པའི་བློས་མི་གནས་པའི་བསམ་གཏན་པའང་ཡིན་ལ། སེམས་ཅན་ཐམས་ཅད་ལས་བླ་ན་མེད་པའི་སེམས་ཀྱིས་བྱང་ཆུབ་ཀྱི་ཕྱིར་སངས་རྒྱས་རྗེས་སུ་དྲན་པའང་སྒོམ་པར་བྱེད་པ་ཡིན། ཆོས་གང་ལའང་ལུས་ཀྱི་དམིགས་པས་མཚན་མར་མི་འཛིན་པ་ཡིན་ཏེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དག་དང་ལྡན་ན། ཆོས་ཐམས་ཅད་སྤོབས་པ་ཆགས་པ་མེད་པ་ཡིན་ཞིང ། ཕྱི་མའི་དུས་ཕྱི་མའི་ཚེ་ན་དེ་དེ་བཞིན་གཤེགས་པས་ཆོས་ཀྱི་གྲོང་ཁྱེར་སྲུང་བར་བྱིན་གྱིས་རློབ་པར་མཛད་དོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། ཚེ་བརྗེས་ཀྱང་དྲན་པ་བརྗེད་པར་མི་འགྱུར་རོ། །བཞི་གང་ཞེ་ན། ཆོས་ཡོངས་སུ་ཚོལ་བ་དང ། ཆོས་ཀྱི་སྦྱིན་པས་ཆོག་མི་ཤེས་པ་ཡིན་ཏེ། ཤཱ་རདྭ་ཏིའི་བུ། རིགས་ཀྱི་བུའམ། རིགས་ཀྱི་བུ་མོ་ཆོས་དང་པོ་དེ་དང་ལྡན་པ་ནི། ཚེ་བརྗེས་ནའང་དྲན་པ་བརྗོད་པར་མི་འགྱུར་རོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་
283a
༄#། །སེམས་ཅན་མང་པོ་གཞན་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་ཅིང ། ཡང་དང་ཡང་དུ་དེ་བཞིན་གཤེགས་པའི་ཡོན་ཏན་ཡོངས་སུ་སྒྲོག་པར་ཡང་བྱེད་པ་ཡིན་ཏེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་ཆོས་གཉིས་པ་དེ་དང་ལྡན་པ་ནི། ཚེ་བརྗེས་ནའང་དྲན་པ་བརྗེད་པར་མི་འགྱུར་རོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་ཟབ་མོ་ལ་བཟོད་པ་ཡིན་ཏེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་ཆོས་གསུམ་པ་དེ་དང་ལྡན་པ་ནི། ཚེ་བརྗེས་ནའང་དྲན་པ་བརྗེད་པར་མི་འགྱུར་རོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་མཉེས་པར་བྱ་བའི་ཕྱིར་ཡིད་རྣམ་པར་མི་གཡེང་བ་ཡིན་ཞིང ། དེ་བཞིན་གཤེགས་པའི་ཆོས་ཡིད་ལ་བྱ་བའི་ཕྱིར་ཤེས་བཞིན་དང་དྲན་པ་ཅན་ཡིན་ལ། ཟབ་མོ་ལ་བཟོད་ཅིང་འཆི་བའི་དུས་བྱེད་པ་ཡིན་ཏེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་ཆོས་བཞི་པ་དེ་དང་ལྡན་པ་ནི། ཚེ་བརྗེད་ནའང་དྲན་པ་བརྗེད་པར་མི་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས་སྟོན་པས་གཞན་ཡང་བཀའ་སྩལ་པ། དེ་དག་ཆོས་ནི་ཡོངས་སུ་ཚོལ། །ཆོས་ཀྱི་སྦྱིན་པའང་སྦྱིན་པར་བྱེད། །དེ་ཕྱིར་ནམ་ཡང་ནམ་དུ་ཡང ། །ཆོས་དྲན་བརྗེད་པར་མི་
283b
འགྱུར་རོ། །བྱང་ཆུབ་ཡང་དག་འཛིན་དུ་འཇུག་།སེམས་ཅན་མང་པོ་འགོད་པར་བྱེད། །དེ་ཕྱིར་དེ་ཡིས་ཚེ་རབས་སུ། །དེ་ཡི་དྲན་པ་ཉམས་མི་འགྱུར། །སངས་རྒྱས་བསྟན་པའི་སྟོང་ཉིད་དང་།། ཟབ་མོའི་ཆོས་རྣམས་སྟེན་པར་བྱེད། །མ་སྐྱེས་པ་ཡི་ཆོས་རྣམས་ལས། །དེ་ཡི་བཟོད་པ་ཉམས་མི་འགྱུར། །སྐྱེ་བ་ཡང་ནི་སྐྱེ་བ་མེད། །གང་དག་སྐྱེས་པའང་དེ་དེ་བཞིན། །དེ་འདྲ་བ་ཡི་བཟོད་པ་ཡིས། །དེ་ཡི་དྲན་པ་ཉམས་མི་འགྱུར། །རྣམ་པར་གཡེང་པའི་སེམས་ཀྱིས་ནི། །མཁས་པ་འཆི་བའི་དུས་མི་བྱེད། །རྟག་པར་སངས་རྒྱས་ཆོས་རྣམས་ལ། །དེ་ཡི་བཀའ་དང་སངས་རྒྱས་དམིགས། །མཁས་པ་འཆི་བའི་དུས་བྱེད་ན། །དེ་ཡི་སེམས་ནི་ཞུམ་པ་མེད། །དེ་ཕྱིར་དེ་ནི་ཚེ་རབས་སུ། །དྲན་པ་ཉམས་པར་མི་འགྱུར་རོ། །གང་ཞིག་ཡེ་ཤེས་མཆོག་འདོད་པ། །བྱང་ཆུབ་དམ་པ་ཁྱད་པར་འཕགས། །བྱང་ཆུབ་དེ་ནི་ཚོལ་བ་ན། །ཆོས་བཞི་པོ་དག་སྟེན་པར་བྱེད། །སངས་རྒྱས་རྣམས་ཀྱིས་རྟག་ཏུ་བསྔགས། །དེ་དག་མཆོག་དང་གཙོ་བོ་ཡིན།། དེ་ཕྱིར་ཁྱོད་ལ་ངས་བསྟན་གྱི། །ཆོས་དེ་དག་ནི་བསྟེན་པར་བྱོས། །གང་ཕྱིར་ང་ལའང་ཕན་བྱེད་པ། །ཁྱོད་ལ་ཕན་ཕྱིར་བསྟན་པར་བྱ། །རྫོགས་པའི་སངས་རྒྱས་འདིར་ཕན་བཞེད། ། གང་ལའང་ཆད་པ་གཅོད་མི་མཛད། །དེས་པ་གང་ཞིག་བྱང་ཆུབ་ཕྱིར། །འདི་ལ་ཡེ་ཤེས་འདོད་བྱེད་པས། །དེ་ཕྱིར་ལམ་ལ་བསྟེན་པར་བྱོས། །དེ་ལས་བྱང་ཆུབ་འཐོབ་པ་ཡིན། །ལེ་
284a
༄#། །ལོའི་སེམས་དང་ལྡན་པ་དང ། །ཞུམ་པའི་སེམས་དང་ལྡན་པ་ཡིས། །བྱང་ཆུབ་མཆོག་རེག་ནུས་མ་ཡིན། །དེ་ཕྱིར་དེ་ནི་རྣམ་པར་སྤངས། །བདག་ཏུ་འདུ་ཤེས་བྱེད་པ་དང ། །སེམས་ཅན་འདུ་ཤེས་བྱེད་པའམ། །དངོས་འདུ་ཤེས་པས་སངས་རྒྱས་ཀྱི། །བྱང་ཆུབ་འཚང་རྒྱར་ནུས་མ་ཡིན། །དེ་ཕྱིར་དེ་ནི་རྣམ་སྤངས་ནས། །རྟག་པར་སྟོང་པ་ཉིད་ལ་བསྟེན། །དངོས་པོ་ཐམས་ཅད་འདིར་བཤིག་པས། །དེ་ལས་ཡེ་ཤེས་རྣམ་དག་འགྱུར། །ཁྱེད་ཅག་གནས་པར་མ་བྱེད་ཅིག་།གནས་ལས་ཀྱང་ནི་བསྐྱོད་པར་བྱོས། ། འོང་བ་དང་ནི་འགྲོ་བ་ལས། །བསྐྱོད་པ་དག་པ་དགའ་བར་གྱིས། །ཤཱ་རདྭ་ཏིའི་བུ། ཆོས་བཞི་པོ་འདི་དག་ནི། ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ཀྱིས་ཐམས་ཅད་ཀྱི་མཆོག་སྒྲུབ་པར་འགྱུར་བ་ཡིན་ཏེ། བཞི་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་སངས་རྒྱས་ཀྱི་བྱང་ཆུབ་རྣམ་པར་འཇིག་ཅིང་དམ་པའི་ཆོས་ནུབ་པར་འགྱུར་བ་ན་དམ་པའི་ཆོས་ཡོངས་སུ་ཚོལ་བ་ལ་མངོན་པར་བརྩོན་པ་ཡིན། དེ་བཞིན་གཤེགས་པའི་མཆོད་རྟེན་རྣམ་པར་འཇིག་པ་ན་ཕྱིར་འཆོས་པར་བྱེད་ཅིང་ལུས་དང་སྲོག་ཡོངས་སུ་གཏོང་བར་བྱེད་ཀྱང ། ཆོས་ནི་ཡོངས་སུ་གཏོང་བར་མི་བྱེད་པ་ཡིན། སེམས་ཅན་སྡུག་བསྔལ་བ་དག་མཐོང་ནའང་སྙིང་རྗེ་སྐྱེད་པར་བྱེད་པ་ཡིན། དེ་སྙིང་རྗེ་
284b
ཐོབ་ནས་ཇེ་ཆེར་བརྩོན་འགྲུས་རྩོམ་པར་བྱེད་ཅིང ། ནམ་ཞིག་ན་བདག་གིས་སངས་རྒྱས་ཀྱི་ཡེ་ཤེས་ཡང་དག་པར་བསྒྲུབས་ནས་སེམས་ཅན་དེ་དག་གི་སྡུག་བསྔལ་ཐམས་ཅད་རྣམ་པར་ཞི་བར་བྱ་བའི་ཕྱིར་ཆོས་བསྟན་པར་བྱ་ཞེས་དེ་སྙམ་སེམས་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་ནི། ཆོས་ཡོངས་སུ་བཙལ་བའི་ཕྱིར་ཆོག་མི་ཤེས་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཆོས་ཡོངས་སུ་བཙལ་བའི་ཕྱིར་ཆོས་ལ་འདུན་པ་ཆེ་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཐེག་པ་ཆེན་པོ་ལ་ལྷག་པར་དམིགས་པ་ཉིད་ཀྱི་ཕྱིར་བསྙེན་པར་དཀའ་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སེམས་ཅན་རྣམས་ལ་ཕན་པར་འདོད་པ་ཉིད་ཀྱི་ཕྱིར་དེ་དག་ལ་སྐྱོབ་པ་གཞན་གང་ཡང་མེད་དེ། གཞན་དུ་ན་བདག་འབའ་ཞིག་ཏུ་ཟད་དོ། །སྙམ་པས་བྱམས་པའི་སེམས་དང་ལྡན་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སྙིང་རྗེ་ཆེན་པོ་བསྟེན་པའི་སེམས་དང་ལྡན་པས་ཁྲོ་བ་མེད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། སེམས་ཅན་ཐམས་ཅད་ལ་ཡེ་ཤེས་ཉེ་བར་སྒྲུབ་པ་ཉིད་ཀྱི་ཕྱིར་ཕྲག་དོག་མེད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། ཆོས་ཀྱི་སྦྱིན་པས་སེམས་
285a
༄#། །ཅན་རྣམས་ལ་ཕན་འདོགས་པ་ཉིད་ཀྱི་ཕྱིར་སེར་སྣ་མེད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། ལྷག་པའི་བསམ་པ་ཉེ་བར་སྟོན་པ་ཉིད་ཀྱི་ཕྱིར་བདོག་པ་ཐམས་ཅད་ཡོངས་སུ་གཏོང་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། ཆོས་ཐམས་ཅད་ལ་ཡོངས་སུ་འཛིན་པ་མེད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། ཚུར་ཤོག་ལེགས་པར་འོངས་སོ། །ཞེས་སྨྲ་བ་ཡིན་ཞིང ། ཁྲོ་གཉེར་མེད་པར་བཞིན་འཛུམ་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། རྒོད་པ་མེད་ལ། སེམས་ཅན་སྡུག་བསྔལ་བ་དག་མཐོང་ན་སྙིང་བླས་སུ་བྱེད་ཅིང་བརྩོན་འགྲུས་བརྟན་པོར་རྩོམ་པར་བྱེད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། སངས་རྒྱས་ཀྱི་ཆོས་རྣམས་ལ་དགའ་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། སེངྒེའི་སྒྲ་མངོན་པར་སྒྲོག་པ་ཉིད་ཀྱི་ཕྱིར་མི་འཇིགས་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སངས་རྒྱས་ཀྱི་ཆོས་རྣམས་ལ་ལེགས་པར་གནས་པས་བག་ཚ་བ་མེད་པ་ཡིན་ནོ། །ཤཱ་རདྭ་ཏིའི་བུ།་བྱང་ཆུབ་སེམས་དཔའ་རྣམས་ནི། སངས་རྒྱས་ཀྱི་ཆོས་ཡོངས་སུ་བཙལ་བའི་ཕྱིར་བརྩོན་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། རྟག་ཏུ་བརྩོན་པ་
285b
ཡིན་ཞིང་ཆོས་བསྟན་པའི་ཕྱིར་སྟོང་གསུམ་གྱི་སྟོང་ཆེན་པོར་རྒྱུ་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། ཆོས་རྣམས་ལ་རྟོགས་པར་ཁོང་དུ་ཆུད་པས་རྣམ་པར་རྒྱལ་བ་སྲུང་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཆོས་ཐམས་ཅད་ཡང་དག་པ་ཇི་ལྟ་བ་བཞིན་སོ་སོར་རྟོག་པ་ཉིད་ཀྱི་ཕྱིར་སྙིང་པོ་འཛིན་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། ཆོས་ཐམས་ཅད་ལ་རང་གིས་མངོན་པར་རྫོགས་པར་བྱང་ཆུབ་པ་ཉིད་ཀྱི་ཕྱིར་སྙིང་པོ་བླངས་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། དུས་དང་དུས་མ་ཡིན་པར་ཡོངས་སུ་སྨིན་པར་བྱེད་པ་ཉིད་ཀྱི་ཕྱིར་སྐུལ་བར་བྱེད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། ཆོས་དང་མཐུན་པས་ཕ་རོལ་སྨྲ་བ་རྣམས་ཚར་གཅོད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཆོས་ཐམས་ཅད་ཀྱི་དོན་རྣམ་པར་ངེས་པ་ཡིན་ནོ། ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སངས་རྒྱས་ཀྱི་ཆོས་རྣམས་ཀྱི་རིགས་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་རྣམས་ནི། ཆོས་དཀོན་མཆོག་ཆེན་པོའི་གཏེར་ཆེན་པོ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཆོས་ཐམས་ཅད་ཀྱི་ཕྱག་རྒྱ་རྗེས་སུ་རྟོགས་པར་རྣམ་པར་འགྲེལ་
286a
༄#། །བའི་ཆོས་རྒྱ་མཚོ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། འཁྲུག་པ་ཆེན་པོ་གྲངས་མེད་དཔག་ཏུ་མེད་པ་ཕྱིར་བཟློག་པ་ཉིད་ཀྱི་ཕྱིར་ཁོར་ཡུག་དང་ཁོར་ཡུག་ཆེན་པོ་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཆོས་མི་ཟད་པ་ཡང་དག་པར་རབ་ཏུ་སྟོན་པས་ཡོངས་སུ་མ་གཏུགས་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སེམས་ནམ་མཁའ་དང་མཉམ་པ་ཉིད་ཀྱི་ཕྱིར་རྙོག་པ་མེད་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ནམ་མཁའ་མི་ཟད་པ་ཉིད་ཀྱི་ཕྱིར་ཟད་མི་ཤེས་པ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། དགེ་བའི་ཆོས་ཀྱིས་མངོན་དུ་འཕགས་པ་ཉིད་ཀྱི་ཕྱིར་ལྷུན་པོ་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། འདོད་པ་དང་མི་འདོད་པ་དང་བྲལ་བས་ས་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། དག་བའི་རྩ་བ་ཆུད་མི་གཟོན་པ་ཉིད་ཀྱི་ཕྱིར་ཞིང་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། ཆོས་ཀྱི་སྣང་བ་ཀུན་ཏུ་སྟོན་པས་ཉི་མ་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་
286b
དཔའ་སེམས་དཔའ་ཆེན་པོ་རྣམས་ནི། མུན་ནག་རྣམ་པར་སེལ་བ་ཉིད་ཀྱི་ཕྱིར་ཟླ་བ་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། འདོད་ཆགས་དང ། ཞེ་སྡང་དང ། གཏི་མུག་གི་གདུང་བ་རབ་ཏུ་ཞི་བར་བྱེད་པ་ཉིད་ཀྱི་ཕྱིར་གདུགས་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སེམས་ཅན་རྣམས་ཀྱི་གནས་དང ། སྐྱབས་དང ། སྟོན་པར་གྱུར་པས་ཤིང་ལྗོན་པ་ཆེན་པོའི་གྲིབ་མ་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། བཟོའི་གནས་ཐམས་ཅད་རྟོགས་པར་ཁོང་དུ་ཆུད་པས་སློབ་དཔོན་ལྟ་བུ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སེམས་ཅན་ཐམས་ཅད་ཀྱི་བསམ་པ་ཡོངས་སུ་སྐོང་བས་ཉེ་བར་བྱ་བ་ཡིན་ནོ། །ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སེམས་ཅན་ཐམས་ཅད་ཀྱི་སྟོན་པར་གྱུར་པ་ཡིན་ནོ། །ཤཱ་རདྭ་ཏིའི་བུ།་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། སེམས་ཅན་ཐམས་ཅད་ཀྱི་རྟེན་དུ་གྱུར་པ་ཡིན་ནོ། །བམ་པོ་བཅོ་ལྔ་པ། ཤཱ་རདྭ་ཏིའི་བུ། གལ་ཏེ་ངས་ཇི་ལྟར་མཁྱེན་པ་བཞིན་དུ་སེམས་ཅན་ཐམས་ཅད་ཀྱིས་བྱང་ཆུབ་སེམས་དཔའ་ནི། བདག་ཅག་ལ་བྱ་བ་དེ་ལྟ་བུས་ཉེ་བར་གནས་པ་ཡིན་ནོ། །ཞེས་དེ་ལྟར་ཤེས་པར་གྱུར་ན། ཤཱ་རདྭ་ཏིའི་བུ། སེམས་ཅན་
287a
༄#། །ཐམས་ཅད་ཀྱིས་བྱང་ཆུབ་སེམས་དཔའ་དང་པོ་སེམས་བསྐྱེད་པ་ནས་བྱང་ཆུབ་ཀྱི་སྙིང་པོ་ལ་འདུག་པ་དེའི་བར་སྲིད་དུ་ཕྲག་པའམ་མགོ་བོས་ཁྱེར་བར་འགྱུར་ཞིང ། གང་སེམས་ཅན་རྣམས་ཀྱི་བདེ་བ་དང ། རྩེ་བ་དང ། དགའ་བ་ཐམས་ཅད་ཀྱང་བྱང་ཆུབ་སེམས་དཔའ་ལ་སྦྱིན་པར་བྱེད་པར་གྱུར་ལ། བྱང་ཆུབ་ཀྱི་སྙིང་པོར་སོང་ནའང་ས་ལས་བརྩམས་ནས་སྲིད་པའི་རྩེ་མོའི་བར་དུ་གོས་རིན་པོ་ཆེ་གཅིག་པའི་གདིང་བ་འདིང་བར་བྱེད་པར་གྱུར་ཅིང ། བྱང་ཆུབ་སེམས་དཔའི་ལུས་གདུང་བར་གྱུར་ན་མི་རུང་ངོ ། །སྙམ་ནས་སྟེང་དུའང་ལྷ་རྫས་ཀྱི་གདུགས་དག་བ་བ་ཀུན་ཏུ་འཛིན་པར་བྱེད་པར་གྱུར་ལ། མེ་ཏོག་དང ། སྤོས་དང ། ཕྲེང་བ་དང ། བྱུག་པ་ཐམས་ཅད་ཀྱིས་ཀྱང་མཆོད་པ་བྱེད་ཅིང ། རིམ་གྲོ་དང ། བསྙེན་བཀུར་བྱེད་པར་གྱུར་ཏེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ལ་དེ་ལྟར་མངོན་པར་འདུ་བྱས་ཤིང་གུས་པར་བྱས། བརྗེད་པ་བྱས། མཆོད་པ་བྱས་ཀྱང་ལན་བྱ་བར་མི་ནུས་སོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་ཅན་རྣམས་ཀྱི་དོན་དུ་ཡོངས་སུ་གདུང་བ་མེད་པའི་བདེ་བའི་ཡོ་བྱད་མངོན་པར་འདུ་བྱེད་པ་ཇི་ལྟ་བུས་ཉེ་བར་གནས་པའི་ཡོ་བྱད་དེ་ལ་ནི། བདེ་བའི་ཡོ་བྱད་མངོན་པར་འདུ་བྱེད་པ་འདིས་བརྒྱའི་ཆར་ཡང་ཉེ་བར་མི་འགྲོ་བ་ནས་རྒྱུའི་བར་དུའང་མི་བཟོད་པའི་ཕྱིར་རོ། །དེ་ཅིའི་ཕྱིར་ཞེ་
287b
ན།་ཤཱ་རདྭ་ཏིའི་བུ། ཉེ་བར་སྒྲུབ་པ་དེ་ཐམས་ཅད་ནི། མི་རྟག་པ་ཡིན། འཇིག་རྟེན་པ་ཡིན། ཕུང་པོ་དང་བཅས་པ་ཡིན། ཟག་པ་དང་བཅས་པ་ཡིན། ཡོངས་སུ་འགྱུར་བའི་ཆོས་ཅན་ཡིན་ཞིང ། ཤཱ་རདྭ་ཏིའི་བུ། བྱང་ཆུབ་སེམས་དཔའ་བདེ་བ་ཉེ་བར་སྒྲུབ་པ་ནི། ཟག་པ་མེད་པ་དང ། འཇིག་རྟེན་ལས་འདས་པ་དང ། ངེས་པར་བྱེད་པ་དང་ལྡན་པ་དང ། ངོ་བོ་ཉིད་མེད་པ་དང ། སྟོང་པ་ཉིད་ཡིན་པའི་ཕྱིར་ཏེ། ཤཱ་རདྭ་ཏིའི་བུ། དེ་ལྟ་བས་ན། བྱང་ཆུབ་སེམས་དཔའ་ལ་སེམས་ཅན་ཐམས་ཅད་ཀྱིས་བདེ་བའི་ཡོ་བྱད་ཕུན་སུམ་ཚོགས་པ་ཐམས་ཅད་ཀྱི་ཕན་གདགས་པར་བྱ་བ་མི་ནུས་སོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། བྱང་ཆུབ་སེམས་དཔའ་ནི། སེམས་ཅན་གཉིད་ལོག་པ་ཐམས་ཅད་ཀྱི་མི་ཉལ་བར་བྱེད་པ་ཡིན། བག་མེད་པ་རྣམས་ཀྱི་བག་ཡོད་པ་ཡིན། སྨྱོན་པ་རྣམས་ཀྱི་མ་སྨྱོས་པ་ཡིན་ཞིང ། ཤཱ་རདྭ་ཏིའི་བུ། བྱང་ཆུབ་སེམས་དཔའ་ནི། སེམས་ཅན་དམུས་ལོང་རྣམས་ཀྱི་མིག་ཏུ་གྱུར་པ་ཡིན། ཡོངས་སུ་འདྲེན་པ་ཡིན་ལ། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་ནད་ཀྱིས་ཐེབས་པ་རྣམས་ཀྱི་སྨན་དུ་གྱུར་པ་ཡིན། ལམ་ངན་པར་ཞུགས་པ་རྣམས་ཀྱི་ལམ་སྟོན་པ་ཡིན།་ལམ་གོལ་བ་ལ་གནས་པ་རྣམས་ཀྱི་ཡང་དག་པའི་ལམ་སྟོན་པར་བྱེད་པ་ཡིན་ཞིང ། བྱང་ཆུབ་སེམས་དཔའ་ནི། དགེ་བའི་རྩ་བ་མ་སྐྱེས་པ་རྣམས་སྐྱེད་པར་བྱེད་པ་ཡིན། བྱང་ཆུབ་
288a
༄#། །སེམས་དཔའ་ནི། ཆོས་དཀར་པོ་རྣམས་ཀྱིས་རྣམ་པར་མ་བསྐྱེད་པ་རྣམས་རྣམ་པར་སྐྱེད་པར་བྱེད་པ་ཡིན་པའི་ཕྱིར་ཏེ། ཤཱ་རདྭ་ཏིའི་བུ། མདོར་ན། དེ་བཞིན་གཤེགས་པ་དང ། བྱང་ཆུབ་སེམས་དཔའ་མ་གཏོགས་པར་སེམས་ཅན་རྣམས་ལ་སྐྱོབ་པ་དང ། སྐྱབས་དང ། དཔུང་གཉེན་གཞན་མེད་དེ། ཤཱ་རདྭ་ཏིའི་བུ། སངས་རྒྱས་དེའང་བྱང་ཆུབ་སེམས་དཔའ་ལས་བྱུང་བ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་དེ་དེ་ལྟ་བུ་དང ། ཐེག་པ་དེ་རྨད་དུ་བྱུང་བ་ལགས་ཀྱང་བདག་ཉིད་ཀྱང་མཛེས་པར་བགྱིད་ཅིང ། གཞན་དག་ཀྱང་མཛེས་པར་བགྱིད་པ་ནི། ངོ་མཚར་ལགས་སོ། །བཅོམ་ལྡན་འདས། དཔེར་བགྱི་ན། ཞུགས་ཤིང་ཡོངས་འདུ་ས་བརྟོལ་ཡན་ལག་ཐམས་ཅད་མེ་ཏོག་ཡོངས་སུ་རྒྱས་པ་ནི། བདག་ཉིད་ཀྱང་མཛེས་པར་བགྱིད་ལ། གཞན་དག་ཀྱང་མཛེས་པར་བགྱིད་ལགས་སོ། །བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སངས་རྒྱས་ཀྱི་ཆོས་རྣམས་ཡོངས་སུ་རྫོགས་པ་ནི།་བདག་ཉིད་ཀྱང་མཛེས་པར་བགྱིད་ཅིང ། སེམས་ཅན་དཔག་ཏུ་མ་མཆིས་པའང་མཛེས་པར་བགྱིད་ལགས་སོ། །བཅོམ་ལྡན་འདས། དཔེར་བགྱི་ན། ཞུགས་ཤིང་ཡོངས་འདུ་
288b
ས་བརྟོལ་ནི། སུམ་ཅུ་རྩ་གསུམ་པའི་ལྷ་རྣམས་གར་བགྱིད་དུ་སྩོལ་ཅིང ། རྩེ་བར་བགྱིད། དགའ་མགུར་སྤྱོད་པར་བགྱིད་ལགས་སོ། །བཅོམ་ལྡན་འདས། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སངས་རྒྱས་ཀྱི་ཆོས་ཡོངས་སུ་རྫོགས་ཤིང་བདག་ཉིད་ཀྱིས་མཛེས་ལ།་སེམས་ཅན་གྲངས་མ་མཆིས། དཔག་ཏུ་མ་མཆིས་པས་ཀྱང་མངོན་དུ་བགྲོད་པར་བགྱིད་པ་ལགས་ཏེ། དེར་སེམས་ཅན་ཕྱིན་པ་རྣམས་ཀྱང་དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་དང ། བསམ་གཏན་དང ། རྣམ་པར་ཐར་པ་དང ། ཏིང་ངེ་འཛིན་དང ། སྙོམས་པར་འཇུག་པ་རྣམས་ཀྱིས་རྩེ་བར་བགྱིད། དགའ་བཀུར་སྤྱོད་པར་བགྱིད། དགའ་བར་བགྱིད་པ་ལགས་ན། བཅོམ་ལྡན་འདས། བདག་ཅག་ལྟ་བུ་ལེ་ལོ་ཅན་གཞན་གྱི་དྲིང་ལ་འཇོག་པ་དག་མ་གཏོགས་པར་ཐེག་པ་དེ་ལ་སུ་ཞིག་གནས་པར་མི་བགྱིད། མངོན་པར་འཚལ་བར་མི་བགྱིད་ལགས། བཅོམ་ལྡན་འདས། བདག་ཅག་ནི། ཆོས་གཞན་གྱིས་སྩལ་ཅིང ། གཞན་གྱིས་བསྟན་པས་དབུགས་ཕྱིན་པ་དང ། བདེ་བར་གྱུར་པ་ལགས་ཏེ། བཅོམ་ལྡན་འདས། སླད་ཀྱིས་ནི། བཅོམ་ལྡན་འདས་ལས་ཐོས་ནས་རེ་ཞིག་གང་གིས་སེམས་ཅན་འགའ་ཡང་བགྱིད་པ་དེ་ལ་འཇོག་པའི་མཐུ་བདག་ཅག་ལ་མ་མཆིས་སོ། །བཅོམ་ལྡན་འདས། བདག་ཅག་
289a
༄#། །གིས་ནི།་དེང་སླན་ཆད་གང་ལ་ལར་ཆོས་བསྟན་ན། ཆོས་ཐོག་མར་བྱང་ཆུབ་སེམས་དཔའི་ཐེག་པ་ལས་བརྩམས་ནས་བསྟན་པར་བགྱི་ཞིང ། ཉན་ཐོས་ཀྱི་ཐེག་པ་ནི། སླད་ཀྱིས་བསྟན་པར་བགྱིའོ། །དེ་ཅིའི་སླད་དུ་ཞེ་ན། བཅོམ་ལྡན་འདས། གང་གིས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དེ་ལྟར་བགྱིས་པས་སེམས་ཅན་འགའ་ཞིག་བྱང་ཆུབ་ཏུ་བཞག་ནའང་དེ་བཞིན་གཤེགས་པ་ལ་བདག་ཅག་གིས་བགྱིས་པ་གཟོ་བ་ལགས་པའི་སླད་དུའོ། ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། ཁྱོད་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དགའ་བར་བྱ་བའི་ཕྱིར་གོ་ཆ་ཆེན་པོ་གྱོན་པ་ནི། ལེགས་སོ། །ལེགས་སོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། ཐེག་པ་དེ་ལྟ་བུ་དེའི་མིང་ཡང་མི་འབྱུང་བའི་དུས་དེ་དང ། ཚོད་དེ་འབྱུང་བར་འགྱུར་ཞིང ། ཤཱ་རདྭ་ཏིའི་བུ། ཐེག་པ་དེ་ལྟ་བུ་དེ་ལ་འཕྱ་བར་བྱེད་པར་འགྱུར། བསྟིང་བར་བྱེད་པར་འགྱུར་ལ། མདོ་སྡེ་དེ་ལྟ་བུ་དེ་དག་ལེན་པ་པོ་མ་ཡིན་པ་དང ། སྤོང་བར་བྱེད་པ་འབྱུང་བར་འགྱུར་བའི་ཕྱིར་རོ། །ཤཱ་རདྭ་ཏིའི་བུ། དེ་ལ་རིགས་ཀྱི་བུའམ། རིགས་ཀྱི་བུ་མོ་དོན་འདོད་པས་ནི། དོན་ལ་རྟོན་པ་དང ། ཆོས་ལ་རྟོན་པར་བྱའི།
289b
འདུ་འཛིའི་གནས་སུ་ནི། གནས་པར་མི་བྱའོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། དེའི་ཚེ་འདུས་པ་ནི། མི་རིགས་པར་འགྱུར་ཏེ། ཤཱ་རདྭ་ཏིའི་བུ། ངའི་ཉན་ཐོས་རིགས་པ་དང་ལྡན་པ་ནི།་མདོ་སྡེ་དེ་ལྟ་བུ་དེ་དག་ལ་སྤོང་བའམ། བསྟིང་བའམ། རྣམ་པར་གཡེང་བར་མི་བྱེད་དོ། །དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། ལས་དེ་དག་ནི། རིགས་པ་མ་ཡིན་ཞིང ། ཤཱ་རདྭ་ཏིའི་བུ།་བྱིས་པའི་ལས་དེ་དག་ནི། རིགས་པའི་ལས་མ་ཡིན། མཁས་པའི་ལས་མ་ཡིན་ལ། ཤཱ་རདྭ་ཏིའི་བུ། ང་ནི། མཁས་པའི་ལས་བྱེད་ཀྱི། བྱིས་པའི་ལས་མི་བྱེད་པའི་ཕྱིར་རོ། ། ཤཱ་རདྭ་ཏིའི་བུ། ངའི་ཉན་ཐོས་ཀྱིས་ནི། འདི་ལྟར་བསླབ་པར་བྱ་སྟེ། ཤཱ་རདྭ་ཏིའི་བུ། དེ་ལ་ཕྱི་མའི་དུས་ཕྱི་མའི་ཚེ་ན་དད་པ་ཅན་དང ། མང་དུ་ཐོས་པ་དང ། བརྩོན་འགྲུས་བརྩམས་པ་དང ། དྲན་པ་དང་ལྡན་པ་དང ། ཁྲེལ་ཡོད་པ་དང ། དགེ་བ་ཅི་ཡིན་ཞེས་ཚོལ་བ་དང ། ཆོས་དོན་དུ་གཉེར་བ་དང ། ཆོས་ཡོངས་སུ་ཚོལ་བ་ལ་མངོན་པར་བརྩོན་པ་གང་དག་འབྱུང་བར་འགྱུར་བ་དེ་དག་ཀྱང་དེའི་ཚེ་འཕྱ་བར་བྱེད་པར་འགྱུར་བ་ཡིན་ཞིང ། བརྙས་པར་འགྱུར་བ་ཡིན། དེ་དག་ནི། ལེ་ལོ་ཅན་ཡིན། དེ་དག་ནི། འབྲས་བུ་ཐོབ་པར་མི་ནུས་པ་ཡིན། དེ་དག་ནི།་འདོད་པ་ལ་སྟེན་པ་ཡིན། འདོད་པ་བསྟེན་པར་འདོད་པ་ཡིན། དེ་དག་ནི། བྱང་ཆུབ་སེམས་དཔའ་ཞེས་བྱ་བས་དད་པས་སྦྱིན་པར་བྱ་བ་ལོངས་སྤྱོད་པར་བྱེད་པ་ཡིན་ལ། ཐེག་
290a
༄#། །པ་དེ་ཀུན་ཏུ་རྗོད་པར་བྱེད་ཀྱང་དེ་དག་དེ་བཞིན་གཤེགས་པས་རིག་པ་དང ། གྲོལ་བར་གསུངས་པ་ནི། མ་ཡིན་ནོ། །ཤཱ་རདྭ་ཏིའི་བུ། ང་ལ་མི་བླུན་པོ་དེ་དག་ཚིག་ཕྲ་མོ་ཇི་སྙེད་ཀྱིས་སྐུར་པ་འདེབས་པར་འགྱུར་བ་དང ། གང་དག་དེ་བཞིན་གཤེགས་པས་མཆོག་ཏུ་རིག་པར་གསུངས་ཤིང ། མཆོག་ཏུ་གྲོལ་བར་གསུངས་པ་དེ་དག་ལ་འདི་སྐད་དུ་དེ་དག་ནི། རིག་པ་མ་ཡིན་ཞིང ། དེ་དག་ནི། གྲོལ་བ་མ་ཡིན་ནོ། །ཞེས་ཟེར་བར་འགྱུར་བ་དང ། ཤཱ་རདྭ་ཏིའི་བུ། དེ་ལ་གང་དག་ཁྱིམ་ན་གནས་པ་འབྱུང་བར་འགྱུར་བ་དེ་དག་ཀྱང་ཀུན་ཏུ་གདུངས་ནས་མི་བླུན་པོ་དེ་དག་ལ་དད་པར་བྱ་བ་ཡིན་པར་སེམས་པར་འགྱུར་ཞིང ། དེ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་མདོ་སྡེ་དེ་ལྟ་བུ་འཛིན་པ་མཐོང་ནའང་བརྙས་པ་སྐྱེད་པར་འགྱུར་བ་ལ་ལྟོས། ཤཱ་རདྭ་ཏིའི་བུ། འདི་ལྟར་དེ་བཞིན་གཤེགས་པས་ནི། གང་ལའང་ཡང་དག་པའམ། ཡང་དག་པ་མ་ཡིན་པས་གནོད་པར་མི་བྱ་ཞིང ། རྣམ་པར་གཙེ་བར་མི་བྱ་ལ་སྐུར་པ་གདབ་པར་མི་བྱའོ། །ཞེས་གསུངས་ན། དེ་དག་ནི། གཞན་དག་ལའང་སྨྲ་བར་བྱེད་ཅིང ། བདག་ཉིད་ཀྱིས་ཀྱང་ཀུན་ཏུ་སྤྱོད་པར་བྱེད་པར་འགྱུར་བའི་མི་བླུན་པོ་དེ་དག་གིས་ཚུལ་ཁྲིམས་ཀྱི་ཕུང་པོ་ཅི་འདྲ་བར་འགྱུར་བ་ལ་ལྟོས། ཤཱ་རདྭ་ཏིའི་བུ། ཆོས་ལ་ཆོས་མ་ཡིན་པར་འདུ་ཤེས་པ་དང ། ཆོས་མ་ཡིན་པ་
290b
ལ་ཆོས་སུ་འདུ་ཤེས་པར་འགྱུར་བར་གྱུར་ཅིང ། འདུལ་བ་མ་ཡིན་པ་ལ་འདུལ་བར་འདུ་ཤེས་པ་དང ། འདུལ་བ་ལ་འདུལ་བ་མ་ཡིན་པར་འདུ་ཤེས་པར་འགྱུར་བ་དང ། རིག་པ་ལ་རིག་པ་མ་ཡིན་པར་འདུ་ཤེས་པ་དང ། རིག་པ་མ་ཡིན་པ་ལ་རིག་པར་འདུ་ཤེས་པ་དང ། གྲོལ་བ་ལ་གྲོལ་བ་མ་ཡིན་པར་འདུ་ཤེས་པ་དང ། གྲོལ་བ་མ་ཡིན་པ་ལ་གྲོལ་བར་འདུ་ཤེས་པར་འགྱུར་བར་གྱུར་ནས་ཀྱང ། ཤཱ་རདྭ་ཏིའི་བུ། དེ་དག་འདུལ་བའང་མི་ཤེས་ཤིང ། སྟོན་པའི་བསྟན་པའང་གཏིང་མི་དཔོག་པའི་དུས་དེ་ཇི་སྲིད་དུ་ཕྱིན་ཅི་ལོག་ཏུ་འགྱུར་བ་ལ་ལྟོས། ཤཱ་རདྭ་ཏིའི་བུ། སེམས་ཅན་དེ་དག་ནི། ཁྲོ་བ་དང ། ཞེ་སྡང་དང ། ཕྲག་དོག་གིས་ཟིལ་གྱིས་ནོན་པ་ཡིན་ཞིང ། ང་རྒྱལ་གྱིས་ཟིལ་གྱིས་ནོན་པ་ཡིན། བདག་ལ་བསྟོད་པ་ཡིན། གཞན་ལ་སྨོད་པ་ཡིན།་ཕྲག་དོག་དང་སེར་སྣ་ཡོངས་སུ་རྫོགས་པ་ཡིན། མི་དགེ་བའི་ཆོས་ཀྱིས་གང་བ་ཡིན། དགེ་བའི་ཆོས་ཐམས་ཅད་ལས་ཡོངས་སུ་ཉམས་པ་ཡིན་ཏེ། གསོར་མི་རུང་བ་ཡིན་ནོ། །ཤཱ་རདྭ་ཏིའི་བུ། སེམས་ཅན་དེ་དག་ཡོངས་སུ་སྤང་བར་བྱ་བ་ཡིན་ནོ། །ཤཱ་རདྭ་ཏིའི་བུ། ང་ནི། ངོ་ཚ་ཤེས་པ་རྣམས་ཀྱི་སྟོན་པ་ཡིན་གྱི། ངོ་ཚ་མི་ཤེས་པ་རྣམས་ཀྱི་ནི། མ་ཡིན་ནོ། །ཤཱ་རདྭ་ཏིའི་བུ། ང་ནི། དྲན་པ་དང་ལྡན་པ་རྣམས་ཀྱི་སྟོན་པ་ཡིན་གྱི། བརྗེད་ངས་པ་རྣམས་ཀྱི་ནི། མ་ཡིན་ནོ། །ཤཱ་རདྭ་ཏིའི་བུ། ང་ནི། ཤེས་རབ་དང་ལྡན་པ་རྣམས་ཀྱི་སྟོན་པ་
291a
༄#། །ཡིན་གྱི། ཤེས་རབ་འཆལ་པ་རྣམས་ཀྱི་ནི། མ་ཡིན་ནོ། །ཤཱ་རདྭ་ཏིའི་བུ། གང་དག་ལ་དེ་བཞིན་གཤེགས་པས་ཡུན་རིང་པོ་ནས་བསླབ་པ་དང ། གང་ལ་དེ་བཞིན་གཤེགས་པས་བསླབ་པས་བདག་ཉིད་ཆེན་པོའི་ཆོས་ཉིད་དེ་རྗེས་སུ་ཐོབ་པ་དང ། ཅི་ནས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཉིད་དེ་ཡང་དག་པར་བསྒྲུབས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། འགྲོ་བ་དཔག་ཏུ་མེད་པ་ཉོན་མོངས་པའི་དྲ་བ་ལས་ཐར་བར་བྱེད་པར་འགྱུར་བའི་བྱང་ཆུབ་སེམས་དཔའ་ལ་འདོམས་པར་མཛད་པའི་ཡེ་ཤེས་དེ་ལྟ་བུ་དེ་དང་དེ་དག་ཀྱང་ཆོས་གང་ལ་དེ་བཞིན་གཤེགས་པ་གུས་པ་དང་བཅས་པའི་ཆོས་ཉིད་དེ་ལ་འགལ་བར་བྱེད་པར་འགྱུར་ཞིང ། གནོད་པར་བྱེད་པར་འགྱུར་བ་དེ་དག་ནི། ངའི་ཉན་ཐོས་ཀྱང་མ་ཡིན་ལ། ངའང་དེ་དག་གི་སྟོན་པ་མ་ཡིན་ཏེ། ཤཱ་རདྭ་ཏིའི་བུ། མ་ལེགས་སོ། །མ་ལེགས་སོ།། ཤཱ་རདྭ་ཏིའི་བུ། ངས་ནི། དེ་ཙམ་ཞིག་བརྗོད་པར་ནུས་སོ། །ཤཱ་རདྭ་ཏིའི་བུ། དེ་ལྟ་བས་ན། ཆོས་གླིང་ཡིན་པར་གནས་པར་བྱོས་ཤིག་།གཞན་གླིང་དུ་ནི། མ་བྱེད་ཅིག། བདག་སྐྱབས་སུ་གནས་པར་བྱོས་ཤིག་།གཞན་སྐྱབས་སུ་ནི། མ་བྱེད་ཅིག། ཆོས་སྐྱབས་སུ་གནས་པར་བྱོས་ཤིག་།གཞན་སྐྱབས་སུ་ནི། མ་ཡིན་ཏེ། ཁྱེད་ཅག་ལ་རྗེས་སུ་བསྟན་པ་ནི། དེ་ཡིན་
291b
ནོ། །ཤཱ་རདྭ་ཏིའི་བུ། ཇི་ལྟར་ན། དགེ་སློང་ཆོས་གླིང་ཡིན་པར་གནས་ཤིང ། གཞན་གླིང་མ་ཡིན། བདག་སྐྱབས་ཡིན་གྱི། གཞན་སྐྱབས་མ་ཡིན། བདག་གླིང་ཡིན་གྱི། གཞན་གླིང་མ་ཡིན་ཞེ་ན། ཤཱ་རདྭ་ཏིའི་བུ། འདི་ལ་དགེ་སློང་དྲན་པ་ཉེ་བར་གཞག་པ་རྣམས་སྒོམ་པར་བྱེད་པ་ཡིན་ཞིང ། འདོད་ཆགས་དང་བྲལ་བ་ལ་གནས་པ་ཡིན། རྣམ་པར་སྤོང་བས་ཡོངས་སུ་བསྒྱུར་བ་ཡིན་ནོ། །ཤཱ་རདྭ་ཏིའི་བུ། དྲན་པ་ཉེ་བར་གཞག་པའང་གང་ཞེ་ན། འདི་ལྟ་སྟེ། དངོས་པོ་མེད་པ་དང ། རང་བཞིན་མེད་པ་དང ། མཚན་ཉིད་མེད་པའི་དྲན་པ་ཉེ་བར་གཞག་པ་ཆོས་ཇི་ལྟ་བ་བཞིན་དུ་མཐོང་བ་སྟེ། ཤཱ་རདྭ་ཏིའི་བུ། དེ་ལྟར་ན། དངོས་པོ་མེད་པ་དང ། རང་བཞིན་མེད་པའི་སྒོ་ནས་དྲན་པ་ཉེ་བར་གཞག་པ་ཡིན་ནོ། །ཤཱ་རདྭ་ཏིའི་བུ། འདི་ལ་གང་མི་སླུ་བ་འདི་ནི། ཆོས་གླིང་ཡིན་པ་དང ། ཆོས་སྐྱབས་དང ། བདག་གླིང་དང ། བདག་སྐྱབས་ཞེས་བྱའོ། །ཤཱ་རདྭ་ཏིའི་བུ། གང་དག་དྲན་པ་ཉེ་བར་གཞག་པ་དེ་ལྟ་བུ་སྒོམ་པར་བྱེད་པ་དེ་དག་ནི།་དགྲ་བཅོམ་པ་མངོན་པར་བརྗོད་པ་ཐམས་ཅད་སྤངས་པ་ཞེས་བྱའོ། །ཟག་པ་ཟད་པ་ཞེས་བྱའོ། །ཉོན་མོངས་པ་མེད་པ་ཞེས་བྱའོ། །སྦྱིན་པའི་གནས་ཞེས་བྱའོ། །ཞི་བ་ཞེས་བྱའོ།། དུལ་བ་ཞེས་བྱའོ། །སྐྱོན་བསལ་བ་ཞེས་བྱའོ། །བྲམ་ཟེ་ཚངས་པར་སྤྱོད་པ་ཕ་རོལ་ཏུ་སོན་པ། སྐམ་ལ་སོན་པ་ཞེས་བྱའོ། །ཤཱ་རདྭ་ཏིའི་བུ། ཅིའི་ཕྱིར་དགྲ་བཅོམ་པ་ཞེས་བྱ་ཞེ་ན། ཤཱ་རདྭ་
292a
༄#། །ཏིའི་བུ། དེ་དག་ནི། དགེ་བ་ཐམས་ཅད་ལ་འོས་པ་ཡིན། དགེ་བའི་ལས་དག་གིས་འདུ་བྱེད་པ་ཐམས་ཅད་དང་བྲལ་བ་ཡིན་ཏེ། དེ་དག་ནི། འདུ་བྱེད་པ་ཐམས་ཅད་རྒྱུན་བཅད་པ་ཡིན། འདུ་བྱེད་པ་ཐམས་ཅད་སྤངས་པ་ཡིན་ཏེ། ཤཱ་རདྭ་ཏིའི་བུ། གང་དགྲ་བཅོམ་པ་ཟག་པ་ཟད་པས་བསོད་ནམས་འདུ་བྱ་བའང་མངོན་པར་འདུ་བྱེད་པའི་གནས་མེད་ཅིང ། སྐབས་མེད་པ་ཡིན་ན། བསོད་ནམས་མ་ཡིན་པ་ལྟ་ཅི་སྨོས། དེ་ཅིའི་ཕྱིར་ཞེ་ན། ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ནི། སྲེད་པ་རྒྱུན་བཅད་པ་ཡིན། ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ནི། ཀུན་ཏུ་སྦྱོར་བ་རྣམས་ལས་ཕྱིར་ལོག་པ་ཡིན། ཆོས་ཐམས་ཅད་དང་བྲལ་བ་ཡིན། ཆོས་ཐམས་ཅད་ཀྱིས་མ་གོས་པ་ཡིན། ཡིད་ཆགས་པ་མེད་པ་ཡིན། འདོད་པའི་ཁམས་ལ་ཆགས་པར་མི་བྱེད་པ་ཡིན། གཟུགས་ཀྱི་ཁམས་ལ་ཆགས་པར་མི་བྱེད་པ་ཡིན། གཟུགས་མེད་པའི་ཁམས་ལ་ཆགས་པར་མི་བྱེད་པ་ཡིན། འདུན་པ་དང་བྲལ་བ་ཡིན། སྲེད་པ་དང་བྲལ་བ་ཡིན། ཁོང་ཁྲོ་བ་དང་བྲལ་བ་ཡིན་པའི་ཕྱིར་རོ། །ཅིའི་ཕྱིར་དགྲ་བཅོམ་པ་ཟག་པ་ཟད་པ་ཞེས་བྱ་ཞེ་ན། ཤཱ་རདྭ་ཏིའི་བུ།་དེའི་ཟག་པ་རྣམས་ཟད་ཅིང ། ཆོས་ཐམས་ཅད་ལ་ཟད་པ་ཉིད་ཐོབ་ལ། ཟད་པ་ཉེ་བར་ཐོབ་པས་དེའི་ཕྱིར་ཟག་པ་ཟད་པ་ཞེས་བྱའོ། །ཅིའི་ཕྱིར་ཉོན་མོངས་པ་མེད་པ་ཞེས་བྱ་
292b
ཞེ་ན།་དངོས་པོ་ཐམས་ཅད་སྟོང་པ་ཉིད་ཀྱི་ཕྱིར་ཀུན་ནས་ཉོན་མོངས་པར་ཡང་མི་འགྱུར། རྣམ་པར་བྱང་བར་ཡང་མི་འགྱུར་ཏེ། རྣམ་པར་དག་པ་ཡིན་ཞིག། འདོད་པའམ། མི་འདོད་པའམ།་ཡིད་དུ་འོང་བའམ། ཡིད་དུ་མི་འོང་བའམ། འདུས་བྱས་སམ། འདུས་མ་བྱས་གང་གིས་ཀྱང་ཉེ་བར་མ་གོས་པས་ཉེ་བར་གོས་པ་མེད་པ་ཡིན་ལ། ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ནི། སྤྲོས་པ་ཐམས་ཅད་སྤངས་པས་དེའི་ཕྱིར་ཉོན་མོངས་པ་མེད་པ་ཞེས་བྱའོ། །ཅིའི་ཕྱིར་དགྲ་བཅོམ་པ་ཟག་པ་ཟད་པ་ཞེས་བྱ་ཞེ་ན། གདུང་བ་སྤངས་པ་ཡིན་ཞིང ། ཡོངས་སུ་གདུང་བ་སྤངས་པ་ཡིན། གདུང་བ་ཉེ་བར་ཞི་བ་ཡིན་ལ། དེ་ནི། ཟང་ཟིང་མེད་པ་ཆོས་ཀྱི་མཆོག་སྦྱིན་པའི་སྦྱིན་པ་པོ་ཡིན་པས་དེའི་ཕྱིར་སྦྱིན་གནས་ཞེས་བྱའོ། །ཅིའི་ཕྱིར་དབང་དུ་གྱུར་པ་དག་ཅེས་བྱ་ཞེ་ན། ཤཱ་རདྭ་ཏིའི་བུ། དེ་དག་གིས་ཆོས་ཐམས་ཅད་ཡ་མ་བརླར་མཐོང་ཞིང་མངོན་དུ་བྱས་པ་ཡིན། རྣམ་པར་བསྒོམས་པ་ཡིན། ཡ་མ་བརླའི་ཆོས་དེ་དག་ཐམས་ཅད་ལའང་དམ་པའི་ཕ་རོལ་ཏུ་སོན་པ་ཡིན་ལ། དེ་དག་གིས་ཡང་དག་པ་མ་ཡིན་པའི་སྨྲ་བ་རྣམས་བསལ་བ་ཡིན་པས། དེའི་ཕྱིར་དབང་དུ་གྱུར་པ་དག་ཅེས་བྱའོ། །ཅིའི་ཕྱིར་བྲམ་ཟེ་དག་ཅེས་བྱ་ཞེ་ན། ཆོས་ཐམས་ཅད་བསལ་བ་ཡིན་ཞིང་བོར་བ་ཡིན། ཕྱུང་བ་ཡིན་ལ། ཉེ་བར་མ་གོས་པ་ཡིན་པས་སྡིག་པ་བསལ་བའི་ཕྱིར་རོ། །ཅིའི་ཕྱིར་ཞི་བར་བྱེད་
293a
༄#། །པ་དག་ཅེས་བྱ་ཞེ་ན། ཤཱ་རདྭ་ཏིའི་བུ། སྡིག་པ་ཐམས་ཅད་དང ། སྡིག་པའི་ཆོས་ཐམས་ཅད་ལས་བྱུང་བའི་ཕྱིར་རོ། །ཅིའི་ཕྱིར་ཚོར་བ་པོ་དག་ཅེས་བྱ་ཞེ་ན། ཤཱ་རདྭ་ཏིའི་བུ། དེ་དག་གིས་འདོད་པའི་ཁམས་དང ། གཟུགས་ཀྱི་ཁམས་དང ། གཟུགས་མེད་པའི་ཁམས་དང ། རྣམ་པར་སྨིན་པ་དང ། ཡང་དག་པ་མ་ཡིན་པ་དང ། བདེན་པ་མ་ཡིན་པ་ཐུལ་ཅིང ། ལས་དང ། རྣམ་པར་སྨིན་པའང་ཐུལ་ལ། ཤཱ་རདྭ་ཏིའི་བུ། དེ་དག་ཀུན་ཏུ་རྟོག་པ་མེད་པ་ཉིད་ཀྱི་ཕྱིར་ཀུན་ཏུ་རྟོག་པ་ལས་བྱུང་བའི་ཆོས་ཐམས་ཅད་ཐུལ་ཅིང་རྣམ་པར་གྲོལ་བ་ཡིན་པས་དེའི་ཕྱིར་ཚོར་བ་པོ་དག་ཅེས་བྱའོ། །ཅིའི་ཕྱིར་ཕ་རོལ་ཏུ་སོན་པ་དག་ཅེས་བྱ་ཞེ་ན། ཤཱ་རདྭ་ཏིའི་བུ། དེ་དག་གིས་བདུད་ཕམ་པར་བྱས་ཤིང་བདུད་ཀྱི་ཕྱོགས་ཀྱི་ཉོན་མོངས་པ་ཐམས་ཅད་ཕམ་པར་བྱས་ལ། ཆོས་ཐམས་ཅད་ཀྱི་ཕ་རོལ་ཏུ་སོན་ཅིང་རྒལ་ལ་སྐམ་ལ་སོན་པས། དེའི་ཕྱིར་ཕ་རོལ་ཏུ་སོན་པ་དག་ཅེས་བྱའོ། །ཤཱ་རདྭ་ཏིའི་བུ། ངས་དགྲ་བཅོམ་པ་ཟག་པ་ཟད་པའི་ཡོན་ཏན་དག་ཇི་ཙམ་ཞིག་བརྗོད་ཀྱང ། ཤཱ་རདྭ་ཏིའི་བུ། དེ་ལ་བྲི་བར་ཡང་མི་འགྱུར་རོ། །ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ནི། ཤིན་ཏུ་ཡོངས་སུ་སྦྱངས་པ། རྡོ་བ་དང ། ཚེར་མ་མེད་པ། ཤིན་ཏུ་རྣམ་པར་དག་པའི་ཞིང་ཆེན་པོ་ཡིན་ནོ། །ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ལ་ནི། གཤེ་བར་བྱེད་ཅིང་བརྒྱད་
293b
བཀག་བྱེད་ཀྱང ། འདི་སྙམ་དུ་བདག་ལ་འདི་གཤེ་བར་བྱེད་ཅིང་བརྒྱད་བཀག་བྱེད་དོ། །སྙམ་དུའང་མི་སེམས་ལ། བསྔགས་པའམ། བསྔགས་པ་མ་ཡིན་པ་བརྗོད་པ་ནའང་འདི་སྙམ་དུ་བདག་ལ་འདི་བསྔགས་པའམ། བསྔགས་པ་མ་ཡིན་པ་བརྗོད་དོ། །སྙམ་དུ་མི་སེམས་སོ། །ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ནི། རློམ་སེམས་ཐམས་ཅད་རྒྱུན་བཅད་པ་ཡིན་ནོ། །ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ནི། བསྲུང་བ་མེད་པ་ཡིན་ནོ། །ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ལ་ནི། ཆོས་གང་ཡང་བསྲུང་བ་མེད་དེ། དབང་པོ་ཤིན་ཏུ་བསྲུངས་པ་ཡིན་ཞིང ། ངེས་པའི་ས་ཐོབ་པ་ཡིན། ཆོས་ཀྱི་སྒྲོན་མ་ཡིན། ཆོས་ཀྱི་སྐྱབས་ཡིན། བདག་གི་སྒྲོན་མ་ཡིན། བདག་གི་སྐྱབས་ཡིན་པའི་ཕྱིར་རོ། །ཤཱ་རདྭ་ཏིའི་བུ། དེ་ལྟ་བས་ན། དགེ་སློང་དེ་ལྟར་གནས་པས་ནི། འདི་ལྟར་གལ་ཏེ་དེ་བཞིན་གཤེགས་པའི་བྱང་ཆུབ་སྤོང་བར་མི་བྱེད་ཅིང་མི་རིགས་པའི་ལས་ཀྱང་མི་བྱེད་ལ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱི་ཁ་ན་མ་ཐོ་བ་དང་བཅས་པའང་མ་ཡིན་ཞིང ། ཕྱིས་ཀྱང་བྱང་ཆུབ་ཀུན་ཏུ་བསྲུང་བ་དང ། རྣམ་པར་མི་གཙེ་བ་དང ། མི་སྤང་བའི་ཕྱིར་དང ། ཡུན་རིང་དུ་གནས་པར་བྱ་བའི་དོན་དུ་ཞུགས་པར་འགྱུར་བ་དེ་ནི། དགྲ་བཅོམ་པ་ཡིན་པར་ཤེས་པར་བྱའོ། །ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ལ་ནི། ཆོས་རྣམས་ལ་ཆོས་ཀྱི་ཐེ་ཚོམ་མེད་དོ།།
294a
༄#། །ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ནི། སོམ་ཉི་མེད་པ་ཡིན་ཞིང་ཡིད་གཉིས་དང་བྲལ་བ་ཡིན་ནོ། །ཤཱ་རདྭ་ཏིའི་བུ། དགྲ་བཅོམ་པ་ཟག་པ་ཟད་པ་ནི།་རྒལ་བ་ཡིན་ཞིང་ལམ་ཁ་བྲག་ལས་ངེས་པར་བརྒལ་བ་ཡིན། དྲང་པོའི་གནས་ན་གནས་པ་ཡིན། དྲང་པོ་ཡིན། དྲང་པོར་གྱུར་པ་ཡིན། ལམ་དྲང་པོ་ནས་འོངས་པ་ཡིན་ནོ། ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས། དགྲ་བཅོམ་པ་ཟག་པ་ཟད་པ་ནི། ཆོས་སྤོང་བ་མ་ལགས་པར་འཚལ་བར་བགྱི་བ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས། དེ་དག་ནི། བྱིས་པའི་ལས་ལགས་ཀྱི། དེ་དག་ནི། དགྲ་བཅོམ་པའི་ལས་མ་ལགས་ཏེ། འདི་ལྟ་སྟེ།་ཆོས་སྤོང་བ་ལགས་པའི་སླད་དུའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤཱ་རདྭ་ཏིའི་བུ། དེ་དེ་བཞིན་ནོ། །དེ་དེ་བཞིན་ཏེ། ཤཱ་རདྭ་ཏིའི་བུ། དེ་དག་ནི། བྱིས་པའི་ལས་ཡིན་གྱི། དགྲ་བཅོམ་པའི་ལས་མ་ཡིན་མོད་ཀྱི། འོན་ཀྱང ། ཤཱ་རདྭ་ཏིའི་བུ། ཕྱི་མའི་ཚེ་ཕྱི་མའི་དུས་ན་མི་འཇིགས་པས་ཟིལ་གྱིས་ནོན་པའི་དགེ་སློང་དག་འབྱུང་བར་འགྱུར་ཏེ། དེ་དག་ནི། བསམ་གཏན་ཙམ་དང ། ངེས་པར་གནས་པ་ཙམ་དང ། དགོན་པ་ན་གནས་པ་ཙམ་གྱིས་
294b
བདག་ཉིད་ཉོན་མོངས་པ་མེད་པའོ། །སྙམ་དུ་ཀུན་ཏུ་ཤེས་པར་འགྱུར་ཞིང་བདག་ཉིད་ལ་རློམ་སེམས་སྐྱེད་པར་བྱེད་པར་འགྱུར་ཏེ། དེའི་ཕྱིར་དེའི་ཚེ་བྲམ་ཟེ་དང ། ཁྱིམ་བདག་དད་པ་ཅན་མོས་པ་མང་བ་དང ། ངེས་པར་རྟོག་པ་མང་བ་དག་གིས་དགྲ་བཅོམ་པ་འདི་ནི། སྦྱིན་པའི་གནས་སོ། །ཟག་པ་ཟད་པའོ། །སྙམ་དུ་ཀུན་ཏུ་ཤེས་པར་འགྱུར་ལ། དེ་ལའང་ལྷག་པར་བྱེད་པ་བྱ་བར་སེམས་པར་འགྱུར་ཞིང ། མི་བླུན་པོ་དེ་དག་ཀྱང་བསྙེན་བཀུར་གྱིས་ཟིལ་གྱིས་ནོན་ཅིང ། རྙེད་བས་ཟིལ་གྱིས་ནོན་ལ། བསྔགས་པ་དང ། གྲགས་པ་དང ། སྙན་པས་ཟིལ་གྱིས་ནོན་ནས་བདག་ཅག་ནི། ཆོས་དེ་དག་ལ་གནས་སོ། །བདག་ཅག་ནི། ཆོས་དེ་དག་དང་ལྡན་ནོ། །བདག་ཅག་ནི། འདི་ན་ཟག་པ་དད་པའོ། །བདག་ཅག་ནི། འདི་ན་ཉོན་མོངས་པ་མེད་པའོ། །སྙམ་ནས་བདག་ཉིད་ལ་ཡེ་ཤེས་ཅན་དུ་ཀུན་ཏུ་ཤེས་པར་འགྱུར་བ་ཡིན་ཞིང ། དེ་དག་ནི། བྱིས་པར་འགྱུར་བ་ཡིན། བརྟགས་པའི་སྤྱོད་ལམ་ཅན་དུ་འགྱུར་བ་ཡིན། གྲོང་ན་འཁོད་བ་དེ་དག་གི་སྤྱོད་ལམ་ཡང་གཞན་དུ་འགྱུར་བ་ཡིན། གཙུག་ལག་ཁང་ན་འཁོད་པའི་སྤྱོད་ལམ་ཡང་གཞན་དུ་འགྱུར་བ་ཡིན། དགོན་པ་ན་འཁོད་པ་རྣམས་ཀྱིའང་གཞན་དུ་ལ། འཁོར་གྱི་ནང་ན་འཁོད་པ་རྣམས་ཀྱིའང་གཞན་དུ་ཡིན། ལུས་ཀྱི་ལས་དང ། ངག་གི་ལས་ཀུན་ཏུ་སྤྱོད་པ་དག་ཀྱང་མ་བསྲུངས་པར་འགྱུར་བ་ཡིན། འཁོར་ན་སྤྱོད་པར་ཡང་འགྱུར་བ་ཡིན།
295a
༄#། །བདག་ཉིད་ཀྱི་ཉོན་མོངས་པ་མེད་པའི་འདུ་ཤེས་ཀྱང་སྐྱེད་པར་འགྱུར་བ་ཡིན། དེ་ལྟར་གང་དག་ཉན་ཐོས་རྣམས་ཀྱིས་བཤད་པའི་ཆོས་ཀྱི་རྣམ་གྲངས་ཟབ་མོ་དང་ལྡན་པ། དབེན་པ་དང་ལྡན་པ། སྟོང་པ་ཉིད་དང་ལྡན་པ་དེ་ལྟ་བུ་དེ་དག་ཐོས་ནས་ཀྱང ། ཆོས་དེ་ལ་ཞེ་ས་དང་བཅས་ཤིང་གུས་པ་དང་བཅས་པས་གུས་པར་ཉན་ཅིང ། རྣ་གཏོད་པར་བྱེད་ལ། སེམས་གཞན་དུ་མ་ཡིན་པར་ཉེ་བར་འཇོག་པར་བྱེད་པ་ཡིན་ཏེ། དེའི་ཚེ་མི་བླུན་པོ་དེ་ལྟ་བུའི་སྤྱོད་ཡུལ་པ་དེ་དག་ཀྱང་བསྟིང་བར་བྱེད་པར་འགྱུར་ཞིང ། འཕྱ་བར་བྱེད་པར་ཡང་འགྱུར་ལ། གཤེ་བར་བྱེད་པར་ཡང་འགྱུར་ཞིང ། འདི་སྐད་དུ་འདི་ནི། སངས་རྒྱས་ཀྱི་བཀའ་མ་ཡིན། སྟོན་པའི་བསྟན་པ་མ་ཡིན་ནོ། །ཞེས་གཅིག་ལ་གཅིག་འདོམས་པར་བྱེད་པར་ཡང་འགྱུར་རོ། །དེ་ཅིའི་ཕྱིར་ཞེ་ན། འདི་ནི། ཆོས་དང་ཆོས་སུ། འདུལ་བ་དང་འདུལ་བར་མཚུངས་པར་མི་འགྱུར་ཞིང ། ཆོས་མ་ཡིན་པ་སེམས་པར་བྱེད་པ་དེ་དག་ནི། ཆོས་ལ་ཆོས་མ་ཡིན་ནོ། །ཞེས་སྨྲ་བར་འགྱུར་བ་ཡིན། ཆོས་མ་ཡིན་པ་ལ་ཆོས་སོ། །ཞེས་སྨྲ་བར་འགྱུར་བ་ཡིན། འདུལ་བ་མ་ཡིན་པ་ལ་འདུལ་བའོ། ། ཞེས་སྨྲ་བར་འགྱུར་བ་ཡིན་པའི་ཕྱིར་ཏེ། ཤཱ་རདྭ་ཏིའི་བུ། དེ་ལྟར་ན། དེ་དག་ཆོས་གང་འཐོབ་པར་འགྱུར་བ་དེ་ཉིད་ཀྱི་བསྔགས་པ་མ་ཡིན་པ་སྨྲ་བར་འགྱུར་བ་ཡིན་ལ། དེ་དག་ནི །
295b
བདག་ལ་བསྟོད་ཅིང་གཞན་ལ་སྨོད་པར་འགྱུར་བ་ཡིན། ཚུལ་ཁྲིམས་ཙམ་དང ། དགོན་པ་ན་གནས་པ་ཙམ་དང ། བསམ་གཏན་ཙམ་དང ། ངེས་པར་གནས་པ་ཙམ་དང ། ཐོས་པ་ཙམ་དང ། མང་དུ་ཐོས་པ་ཙམ་དང ། འཁོར་ཙམ་དང ། བསྔགས་པ་ཙམ་དང ། ཚིགས་སུ་བཅད་པ་ཙམ་དང ། རྙེད་པ་དང་བཀུར་སྟི་ཙམ་དང ། གྲགས་པ་དང་སྙན་པ་ཙམ་གྱི་ང་རྒྱལ་གྱི་དབང་གིས་ངའོ་སྙམ་པའི་ང་རྒྱལ་གྱིས་བཅོམ་པ་ཡིན་ཏེ། ཡང་དག་པ་ཇི་ལྟ་བ་བཞིན་དུ་གླེང་བ་པོ་དེ་དག་གིས་ཡང་དག་པར་གླེངས་པ་ན་ཇི་ལྟ་ཇི་ལྟར་ཆོས་ཀྱི་རྣམ་གྲངས་དེ་དག་ཉན་པ་དེ་ལྟ་དེ་ལྟར་ལས་ཆེས་དམ་པ་དག་མངོན་པར་འདུ་བྱེད་པར་འགྱུར་བ་ཡིན་གྱི། མི་བླུན་པོ་དེ་དག་ནི། འདི་སྙམ་དུ་མི་དགེ་བའི་ལས་ཡང་དག་པ་དེ་དག་བདག་ཅག་ལ་ཀུན་ཏུ་ཡོད་དོ། ། སྙམ་དུ་མི་སེམས་ཏེ། དེ་དག་ནི། ཤས་ཆེར་ང་རྒྱལ་གྱིས་བརྟན་ཅིང ། མི་ཤེས་པས་བརྟན་ནས་ཆོས་ཀྱི་རྣམ་གྲངས་དེ་དག་སྤངས་ཏེ། ལས་ཆེས་དམ་པོ་བྱས་ནས། མནར་མེད་པར་འགྲོ་བར་འགྱུར་བ་ཡིན། ངན་འགྲོར་འགྲོ་བར་འགྱུར་བ་ཡིན་ནོ། །ཤཱ་རདྭ་ཏིའི་བུ། ད་ལྟར་ང་ཁྱེད་ཅག་གི་ཐེ་ཚོམ་གཅོད་པར་བྱེད་པ་དང ། དེའི་ཚེ་ཆོས་སྨྲ་བ་ཆོས་ཡོངས་སུ་འཛིན་པ། ཆོས་སྟོན་པ།་དོན་དུ་གཉེར་བ། མདོ་སྡེ་དེ་ལྟ་བུ་འཛིན་པ་གང་དག་འབྱུང་བར་འགྱུར་བ་དེ་དག་ལའང་དེའི་ཚེ་ང་ཆོས་ཀྱི་ཐེ་ཚོམ་དེ་ལྟ་བུ་གཅོད་པར་བྱེད་པ་དེ་ལ་ལྟོས་ཤིག་།ཤཱ་རདྭ་ཏིའི་བུ། དེ་
296a
༄#། །བཞིན་གཤེགས་པ་ནི། ཐམས་ཅད་མཁྱེན་པ་ཡིན་ཞིང ། ཐམས་ཅད་ཤེས་པ་ཅན་ཡིན། ཐམས་ཅད་གཟིགས་པ་ཡིན། ཐམས་ཅད་སྟོན་པ་ཡིན་ནོ། །ཤཱ་རདྭ་ཏིའི་བུ། གང་དེ་བཞིན་གཤེགས་པས་མ་མཁྱེན་མ་གཟིགས་མ་གསན་པའི་ཆོས་དེ་ནི། མེད་དོ། །ཤཱ་རདྭ་ཏིའི་བུ། དེ་བཞིན་གཤེགས་པ་ནི། དུས་གསུམ་ལ་མ་ཐོགས་པའི་ཡེ་ཤེས་བརྙེས་པ་ཡིན་ཞིང ། མ་ཆགས་པ་དང་གྲོལ་བ་ཡིན། དབང་དུ་གྱུར་པ་དང ། ཉོན་མོངས་པ་མེད་པ་ཡིན། རང་བྱུང་ཡིན། སློབ་དཔོན་མི་མངའ་བ་ཡིན། བདེ་བླག་ཏུ་སེངྒེའི་སྒྲ་སྒྲོག་པ་ཡིན་ནོ། །ཤཱ་རདྭ་ཏིའི་བུ། ཡང་མི་བླུན་པོ་དེ་དག་གི་སྤྱོད་པ་དང ། སྤྱོད་ཡུལ་དང ། ལམ་གྱིས་ནི། མཆོག་གོ། དེ་དག་ནི། མ་བསླབ་པ་ཡིན། མི་བླུན་པོ་དེ་དག་ནི།་ལམ་ངན་པར་ཞུགས་པར་འགྱུར་བ་ཡིན་ནོ། །ཤཱ་རདྭ་ཏིའི་བུ། དེ་ལྟ་བས་ན། རིགས་ཀྱི་བུའམ། རིགས་ཀྱི་བུ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་མངོན་པར་ཡང་དག་པར་ཞུགས་པས་ནི། བདག་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་ལ་མངོན་པར་མ་དད་ཅིང ། ཉེས་པར་མ་བརྟགས་ལ་མངོན་པར་རྫོགས་པར་སངས་མ་རྒྱས་ན་མི་རུང་ངོ ། །སྙམ་ནས་ཆོས་དེ་ལྟ་བུ་དེ་དག་ལ་འདུན་པར་བྱ། རྣལ་འབྱོར་དུ་བྱ། སྤྲོ་བར་བྱའོ། །ཤཱ་རདྭ་ཏིའི་བུ། རིགས་ཀྱི་བུའམ། རིགས་ཀྱི་བུ་མོ་ཆོས་བཞི་དང་ལྡན་
296b
ན།་སངས་རྒྱས་ཀྱི་བྱང་ཆུབ་སྤོང་བར་བྱེད་པ་ཡིན་ཏེ། བཞི་གང་ཞེ་ན། ཤཱ་རདྭ་ཏིའི་བུ། འདི་ལ་རིགས་ཀྱི་བུའམ། རིགས་ཀྱི་བུ་མོ་སྡིག་པའི་གྲོགས་པོའི་ལག་ཏུ་སོང་བ་ཡིན་ཞིང་དགེ་བའི་བཤེས་གཉེན་གྱི་ལག་ཏུ་སོང་བ་མ་ཡིན་ལ། སྡིག་པའི་གྲོགས་པོ་དེ་དག་ལའང་སྟེན་པར་བྱེད། སྙེན་པར་བྱེད། བསྙེན་བཀུར་བྱེད་དེ། དེ་སྡིག་པའི་གྲོགས་པོ་དེ་དག་ལ་བསྟེན་ཅིང་བསྙེན་ལ་བསྙེན་བཀུར་བྱས་པས་དེ་དག་ཉིད་ཀྱི་རྗེས་སུ་བསླབ་ནས་སྤོང་བར་བྱེད་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་བདག་ཏུ་མངོན་པར་ཞེན་པས་དམིགས་པ་ཅན་ཡིན་ཏེ། དེ་ཆོས་ཀྱི་རྣམ་གྲངས་ཟབ་མོ་དེ་ལྟ་བུ་དེ་དག་ཐོས་ནས། སྐྲག་ཅིང་དངང་ལ་དངང་བར་འགྱུར་ཞིང་གཡང་ས་ཆེན་པོར་ཡང་རབ་ཏུ་ལྟུང་བ་ཡིན་ཏེ། ཤཱ་རདྭ་ཏིའི་བུ། རིགས་ཀྱི་བུའམ།་རིགས་ཀྱི་བུ་མོ་ཆོས་གཉིས་པོ་དེ་དག་དང་ལྡན་ན། བྱང་ཆུབ་སྤོང་བར་བྱེད་པ་ཡིན་ནོ། །ཤཱ་རདྭ་ཏིའི་བུ། གཞན་ཡང་རིགས་ཀྱི་བུ་གཅེར་བུ་པའི་སྨྲ་བ་ལ་ཞུགས་པ་ཡིན་ཞིང ། འཇིག་རྟེན་རྒྱང་པན་པའི་གསང་ཚིག་ཡོངས་སུ་ཚོལ་བ་ལ་མངོན་པར་བརྩོན་པ་དང ། སྐྱེ་བོ་མང་པོས་བཀུར་བ་ཡིན་ཏེ། དེའི་ཆོས་དེ་དག་མི་སེམས་པར་སྤོང་བར་བྱེད་པ་ཡིན་ནོ། །ཤཱ་རདྭ་ཏིའི་བུ།་གཞན་ཡང་བྱང་ཆུབ་སེམས་དཔའ་ཚུལ་ཁྲིམས་འཆལ་པ་དང ། ཚུལ་ཁྲིམས་རྒུད་པ་ཡིན་ཞིང ། ཇི་ལྟར་བསླབ་པ་བཅས་པ་ལའང་མི་སློབ་པ་ཡིན་ཏེ། དེ་ཡོ་བྱད་བསྙུངས་
297a
༄#། །པའི་གཏམ་དང་ལྡན་པ་དེ་ལྟ་བུ་དེ་དག་སྤོང་བར་བྱེད་པ་ཡིན་ཞིང ། གཤེ་བར་བྱེད་ལ་མོས་པར་མི་བྱེད་དེ། ཤཱ་རདྭ་ཏིའི་བུ། རིགས་ཀྱི་བུའམ། རིགས་ཀྱི་བུ་མོ་ཆོས་བཞི་པོ་དེ་དང་ལྡན་ན། བྱང་ཆུབ་སྤོང་བར་བྱེད་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སྡིག་པའི་གྲོགས་རྣམས་སྟེན་བྱེད་ཅིང ། །དེ་དག་གི་ནི་རྗེས་ཕྱོགས་འགྱུར། །དེ་ཕྱིར་ཆོས་ནི་སྤོང་བྱེད་ཅིང ། །སངས་རྒྱས་བྱང་ཆུབ་འདོད་མི་བྱེད། །གཅེར་བུའི་སྨྲ་དང་འདྲེས་པ་དང ། །འཇིག་རྟེན་རྒྱང་པ་ན་སེམས་པ་ཡིན། །བསྟན་པ་འདི་ནི་བརྗོད་བྱས་ཏེ། །བློ་ངན་དུས་ནི་དྲང་པོ་ཡིན། །བྱིས་པ་མཁས་པའི་ང་རྒྱལ་ཅན། །ཀྱེ་མ་མཁས་པར་རློམ་སེམས་བྱེད། །དེ་ཕྱིར་དེ་ནི་ཆོས་སྤངས་ཤིང ། །སངས་རྒྱས་བྱང་ཆུབ་འཚང་མི་རྒྱ། །བདག་ཏུ་སྨྲ་བ་གང་ཡིན་པ། །དམིགས་པ་ལ་ནི་གནས་ནས་སུ། །ཟབ་མོའི་ཆོས་རྣམས་ཐོས་གྱུར་ནས། །བློ་ངན་ཆོས་ནི་སྤོང་བར་བྱེད། །མཐའ་འདས་སྟོང་ཉིད་ཇི་བཞིན་དང ། །དོན་ནི་དེ་ཡིས་མི་ཤེས་ཏེ། །དེ་ཕྱིར་བྱང་ཆུབ་སྤོང་བར་བྱེད། །དེ་ཡི་གཏིང་ནི་ཤེས་མ་ཡིན། །ཚུལ་ཁྲིམས་འཆལ་དང་སྡིག་ཆོས་ཅན། །མི་གཙང་ཀུན་རྟོག་སྤྱོད་ཡུལ་བ། །ཇི་ལྟར་བསླབ་པ་བཅས་པ་ལ། །བློ་ངན་དེ་དག་སློབ་མི་བྱེད། །དམུ་རྒོད་བཀའ་བློ་མི་བདེ་བ། །རྨ་འབེབས་པོ་དང་ལྕེ་ངན་
297b
པོ། །དེ་ལྟའི་ཆོས་ཅན་དེ་ལ་ནི། །སྡིག་པ་མི་བྱེད་ཅི་ཡང་མེད། །དེ་ཕྱིར་ནི་རྣམ་པར་སྤང ། །རྟག་པར་སངས་རྒྱས་རྣམས་ཀྱིས་སྨད། །གང་དག་ང་ཡིས་རྟག་བསྔགས་པའི། །ཆོས་ལའང་རྟག་ཏུ་བསྟེན་པར་བྱ། །གང་ཞིག་སངས་རྒྱས་མཐོང་འདོད་དང ། །དེ་འདྲའི་ཆོས་ནི་ཉན་འདོད་དེས། །ཚུལ་ཁྲིམས་ཕུང་པོ་ལེགས་པར་བརྟག་།དེ་ལ་ཆོས་ནི་འཐོབ་པར་འགྱུར། །ཚུལ་ཁྲིམས་ཕུང་པོར་གང་དག་གནས། །དེ་ལ་འཇུག་པར་འདོད་པ་དང ། །དེ་ལ་ཀུན་ཏུ་རྟོག་འདོད་པས། །དེ་ཕྱིར་ཚུལ་ཁྲིམས་བསྟེན་པར་བྱ། །ཡེ་ཤེས་དེ་འདྲ་འཇུག་འདོད་ན། །ཡིད་གཞུངས་པ་ཡིས་ཚུལ་ཁྲིམས་བསྟན། །བྱང་ཆུབ་རྣམས་ཀྱི་ཕུལ་དང་མཆོག་།དེས་ནི་རྙེད་པར་དཀའ་མ་ཡིན། །ཤཱ་རདྭ་ཏིའི་བུ། ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་དང་ལྡན་ན།་བྱང་ཆུབ་ཀུན་ཏུ་བསྲུང་བའི་ཕྱིར་ཞུགས་པ་ཡིན་ཏེ། བཞི་གང་ཞེ་ན། ཤཱ་རདྭ་ཏིའི་བུ། འདི་ལ་ཐེག་པ་ཆེན་པོ་ལ་ཡང་དག་པར་ཞུགས་པ་ནི། བདག་ཉིད་ཀྱང་ཚུལ་ཁྲིམས་ཕུན་སུམ་ཚོགས་པ་ཡིན། དགེ་བའི་ཆོས་ཅན་དང ། ཚུལ་ཁྲིམས་ཀྱི་ཕུང་པོ་ལ་ལེགས་པར་རབ་ཏུ་གནས་པ་དང་མང་དུ་ཐོས་པ་ཡིན། དོན་དམ་པ་ལ་མཁས་ཤིང་འཇིག་རྟེན་རྒྱང་པ་ན་པ་དང་ཡང་མ་འདྲེས་པ་ཡིན། སངས་རྒྱས་ཀྱི་བྱང་ཆུབ་དག་པ་ཡོངས་སུ་འཐོབ་ཅིང་དབེན་པ་ལ་གཞོལ་བས་དགོན་པ་དང ། རབ་ཏུ་དགོན་པ་ལ་མངོན་པར་དགའ་བ་ཡིན་ཏེ།
298a
༄#། །ཤཱ་རདྭ་ཏིའི་བུ། ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་པོ་དེ་དག་དང་ལྡན་པ་ནི། བྱང་ཆུབ་ཀུན་ཏུ་བསྲུང་བའི་ཕྱིར་ཞུགས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ཚུལ་ཁྲིམས་ཕུང་པོར་དེ་གནས་ཀྱང ། །ཚུལ་ཁྲིམས་ཀྱིས་ནི་རློམ་སེམས་མེད། །ངེས་པའི་དོན་དང་ཟབ་མོ་ཡི། །ཆོས་ནི་ཕྱིས་ཀྱང་ཚོལ་བར་བྱེད། །སངས་རྒྱས་བྱང་ཆུབ་དག་པ་དང ། །རྣམ་དག་ཡོངས་སུ་དག་པའང་ཚོལ། །གཅེར་བུ་རྣམས་ཀྱི་གང་འཛིན་པའི། །གསང་ཚིག་དག་ནི་དེ་མི་ཚོལ། །འཐབ་མེད་གསང་ཚིག་དེ་འདོད་པས། །འཇིག་རྟེན་རྒྱང་པན་འདྲེས་མ་ཡིན། །སངས་རྒྱས་ཆོས་ལ་ངེས་ཡིན་ཞིང ། །རྟག་ཏུ་བསྟན་པ་སྲུང་བར་བྱེད། །གང་དག་གིས་ནི་སེམས་འཁྲུག་པའི། །བུད་མེད་རྣམས་ནི་དེར་མི་འགྲོ། །དབེན་པ་ཞི་བ་སྟོང་པ་ཡི། །བས་མཐའི་དགོན་པ་རྣམས་སྟེན་བྱེད། །ང་ཡིས་མཆོག་དང་ཕུལ་བསྔགས་པའི། །ཆོས་བཞི་པོ་ནི་དེ་དག་དང ། །བྱང་ཆུབ་རྣམས་ཀྱི་དོན་གང་བསྟན། །ཆོས་དེ་དག་ལ་བསྟེན་པར་བྱོས། །དེ་དང་དེར་ནི་དེ་བཞིན་དུ། །སྔོན་ཆད་དེ་དག་བསྟེན་པ་ཡིན། །ཡེ་ཤེས་ཀུན་ཏུ་སྲུང་བར་བྱེད། །དེས་ནི་ང་ཡི་ཡེ་ཤེས་བསྒྲུབས། །ཆོས་ནི་ཀུན་ཏུ་བསྲུངས་བྱས་པས། །འགྲོ་བ་ངན་པར་འགྲོ་མི་འགྱུར། །རྟག་པར་དེ་ཞི་ཀུན་ཏུ་དག་།གཟུགས་ཀྱིས་ཀྱང་ནི་འཕགས་
298b
པར་འགྱུར། །ལོངས་སྤྱོད་ལྡན་པར་དེ་རྟག་འགྱུར། །ཐོབ་ནས་ཀྱང་ནི་བག་ཡོད་འགྱུར། །དེ་ལ་སྙིང་པོ་སྟོན་པར་འགྱུར། །ལོངས་སྤྱོད་རྣམས་ནི་མི་རྟག་ཅེས། །གང་བྱིན་དེ་ནི་ང་ཡི་ཡིན། ། གང་མ་བྱིན་དེ་ང་ཡི་མིན། །ང་དང་ལོངས་སྤྱོད་ཕུང་པོའང་རུང ། །ཐམས་ཅད་སྤངས་ནས་སོང་བ་ཡིན། །གཡོག་འཁོར་བཟང་པོར་འགྱུར་བ་ཡིན། །དེ་ཡི་བཤེས་གཉེན་བཟང་པོར་འགྱུར། །སངས་རྒྱས་ཀྱིས་ནི་བསྔགས་ཆོས་ལ། །མ་ཡང་ངེས་པར་སྦྱོར་བར་འགྱུར། །བདག་ཉིད་ཀྱིས་ཀྱང་འདུན་པ་ཡིན། །གཞན་ཡང་དེ་ལ་ངེས་སྦྱོར་བྱེད། །དེ་ཕྱིར་དེ་ནི་དགའ་བ་འཐོབ། །དམ་པའི་ཆོས་ཀྱང་སྤྱོད་པར་འགྱུར། །གང་དག་འཇིག་རྟེན་མཆོག་བཀུར་བའི། །རིགས་མཐོ་བར་ཡང་རྟག་པར་སྐྱེ། །དེ་ནི་བག་མེད་མི་བྱེད་ཅིང ། །རྟག་ཏུ་ཆོས་ལ་སྟེན་པར་བྱེད། །རྫོགས་སངས་རྒྱས་ལ་མཉེས་བྱེད་འགྱུར། །མཐོང་ནས་ཀྱང་ནི་དད་པར་བྱེད། །སེམས་དད་ཅིང་ནི་ཡིད་དགའ་ནས། །མཆོད་པ་དམ་པ་བྱེད་པར་འགྱུར། །ལུས་དང་སྲོག་དང་ལོངས་སྤྱོད་ནི། །དེ་དག་ཐམས་ཅད་སྙིང་པོ་མེད། །སྐྱེས་བུ་དམ་པ་མཐོང་ནས་ཀྱང ། །མྱུར་དུ་སྙིང་པོ་སྟོན་པར་འགྱུར། །དེ་ཡི་ལུས་དང་ལོངས་སྤྱོད་ལའང ། །སྙིང་པོའི་འདུ་ཤེས་འཇུག་མི་འགྱུར། །སངས་རྒྱས་རྣམས་ནི་འབྱུང་བ་དཀོན། །དལ་བ་དེ་འདྲའང་སྙེད་པར་དཀའ། །དེར་ནི་དལ་བའང་འཐོབ་འགྱུར་ཞིང ། །ཐོབ་ནས་ཀྱང་ནི་ཡིད་མི་འབྱུང ། །གང་ལས་ཡེ་ཤེས་འཐོབ་
299a
༄#། །འགྱུར་བའི། །མངོན་འབྱུང་དེ་ལ་སྟེན་པར་བྱེད། །རངས་དང་མཆོག་ཏུ་དགའ་བསྐྱེད་ནས། །ཡེ་ཤེས་དམ་པ་ཚོལ་བར་བྱེད། །གང་ལས་བྱང་ཆུབ་འཐོབ་འགྱུར་བའི། །ཆོས་ལའང་རྟག་པར་གནས་པར་བྱེད། །ཤཱ་རདྭ་ཏིའི་བུ། ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་དང་ལྡན་པ། བདག་ཉིད་ཀྱིས་བདག་ཉིད་དབུགས་འབྱིན་ཅིང་མཆོག་ཏུ་དགའ་བ་སྐྱེས་ནས་ཀྱང་གནས་པར་བྱེད་དོ། །བཞི་གང་ཞེ་ན། ཤཱ་རདྭ་ཏིའི་བུ། འདི་ལ་ཐེག་པ་ཆེན་པོ་ལ་ཡང་དག་པར་ཞུགས་ནས་ལོངས་སྤྱོད་ཀྱི་ཕུང་པོའི་བདོག་པ་ཐམས་ཅད་ཡོངས་སུ་གཏོང་བ་ཡིན། ཚུལ་ཁྲིམས་ཀྱི་ཕུང་པོའི་ཡོན་ཏན་ཐམས་ཅད་ལ་རབ་ཏུ་གནས་པ་ཡིན། ཆོས་ཟབ་མོ་རྣམས་ཀྱི་ཡེ་ཤེས་ཐམས་ཅད་མངོན་དུ་འཕགས་པ་ཡིན་ཞིང་མངོན་དུ་འཕགས་ནས་ལུས་དང་སྲོག་གཏོང་བར་བྱེད་ཀྱང་ཆོས་གཏོང་བར་མི་བྱེད་པ་ཡིན། དགེ་སློང་ཆོས་སྨྲ་བ་དམ་པའི་ཆོས་ཡོངས་སུ་འཛིན་པ་མདོ་སྡེ་དེ་ལྟ་བུ་འཛིན་པ་རྣམས་ལའང་བདེ་བའི་ཡོ་བྱད་ཐམས་ཅད་ཀྱིས་སྤྲོ་བར་བྱ་བ་ལ་ཞུགས་པ་ཡིན་ཏེ། ཤཱ་རདྭ་ཏིའི་བུ། ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་པོ་དེ་དག་དང་ལྡན་ན། བདག་ཉིད་ཀྱིས་བདག་ཉིད་ལུང་སྟོན་པ་དང ། དབུགས་འབྱིན་པ་མང་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ལོངས་
299b
སྤྱོད་རྣམས་ནི་ཀུན་བགེད་བྱེད། །ཚུལ་ཁྲིམས་ཕུང་པོར་ཤིན་ཏུ་གནས། །ཆོས་རྣམས་ལ་ནི་མངོན་དུ་འཕགས། །སྟོང་པའི་ཆོས་ལ་ཐེ་ཚོམ་མེད། །གང་དག་ཆོས་ནི་སྟོན་པ་ཡིས། །ཆོས་དེ་ཡང་ནི་ཡོངས་སུ་འཛིན། །གང་དག་ཆོས་ནི་སྟོན་པ་ལའང ། །བདེ་བར་སྒྲུབ་པས་ཞུགས་པ་ཡིན། །དེ་ཕྱིར་དེ་ནི་དགའ་བ་འཐོབ། །མཆོག་ཏུ་དགའ་བའང་དེ་ཡིས་འཐོབ། །མི་མཆོག་སངས་རྒྱས་འགྱུར་བར་ནི། །བདག་ཉིད་ལ་ཡང་ལུང་སྟོན་ཏོ། །དེ་ལ་སངས་རྒྱས་ལུང་སྟོན་མཛད། །གང་དག་འདས་དང་མ་བྱོན་དང ། །གང་དག་བྱུང་བའི་རྫོགས་སངས་རྒྱས། །དེ་དག་རྒྱལ་བར་ལུང་ཡང་སྟོན། །སངས་རྒྱས་ཐེག་པ་བླ་ན་མེད་ཀྱི། །བྱང་ཆུབ་ལམ་ལ་དེ་གནས་ཤིང ། །སངས་རྒྱས་རྣམས་ཀྱིས་གང་བསྟེན་པའི། །ཆོས་དེ་དག་ལའང་སྟེན་པར་བྱེད། །སངས་རྒྱས་རྣམས་ཀྱིས་དེ་དག་བསྔགས། །བྱང་ཆུབ་སེམས་དཔའ་རྣམས་ཀྱིས་བསྟེན། །སངས་རྒྱས་ལམ་ནི་བླ་མེད་ཀྱི། །ལམ་དེ་ལ་ནི་དེ་གནས་འགྱུར། །ཇི་ལྟར་ནམ་མཁའི་ལམ་དུ་ནི། །སྣོད་ཅིག་བོར་བར་གྱུར་པ་དང ། །ཇི་ལྟར་ཆགས་པར་བལྟ་བྱ་དང ། །དེ་ཡི་གནས་པ་ཡིན་མིན་བཞིན། །དེ་ལྟར་བྱང་ཆུབ་སེམས་དཔའ་སེམས། །གང་བསླབ་བྱང་ཆུབ་ལམ་ལ་ཡང ། །བྱང་ཆུབ་མ་ཐོབ་པར་དུ་ནི། །དེ་ཡི་ལྡོག་པ་ཡོད་མ་ཡིན། །ཇི་ལྟར་ཀུན་ཏུ་འདྲེས་པ་དེར། །གདམས་པ་སྐྱེད་པར་བྱེད་པ་ཡང ། །དེ་ཡི་རྒྱུན་ཆད་ཡོད་མ་ཡིན། །མྱུར་དུ་དེ་ནི་འཛུད་
300a
༄#། །པར་བྱེད། །དེ་བཞིན་བྱང་ཆུབ་སེམས་དཔའ་གང ། །རྟག་ཏུ་ཆོས་རྣམས་སྟེན་བྱེད་ཀྱང ། །བྱང་ཆུབ་སངས་རྒྱས་ཀྱི་བར། །བརྩོན་འགྲུས་སྤོང་བར་བྱེད་མ་ཡིན། ། ཇི་ལྟར་ལྗོན་ཤིང་རྩ་བ་ཡང ། །མི་ཡིས་རྟག་པར་སྦེད་བྱེད་ཅིང ། །དུས་སུ་བཀྲི་བར་བྱེད་པ་ཡི། །ཤིང་ནི་འཕེལ་བར་འགྱུར་བ་ཡིན། །རླུང་དང་ཉི་མ་དག་གིས་ནི། །དུས་སུ་གྲང་དང་དྲོ་གྱུར་བར། །མཐར་གྱིས་སྦ་བ་བྱས་ནས་སུ། །མེ་ཏོག་འབྲས་བུ་དེ་དེས་འབྱིན། །སེམས་ཅན་མང་ལ་བདེ་བྱེད་པ། །ཤིང་གི་གྲིབ་མ་ཡིད་དགའ་འབྱུང ། །བདེ་བའི་བདེ་དང་ལྡན་པ་དག་།མེ་ཏོག་འབྲས་བུ་ལོངས་ཀྱང་སྤྱོད། །དེ་བཞིན་བྱང་ཆུབ་སེམས་དཔའ་ཡང ། །བྱང་ཆུབ་ཕྱིར་ནི་སེམས་བསྐྱེད་ནས། །དུས་སུ་ཆོས་རྣམས་སྟེན་བྱེད་ཅིང ། །དུས་སུ་ཡོངས་སུ་འདྲི་བར་བྱེད། །དུས་དང་དུས་མིན་སྟེན་བྱེད་ཅིང ། །དུས་དང་དུས་མིན་འདྲི་བར་བྱེད། །དུས་སུ་བརྩོན་འགྲུས་རྩོམ་བྱེད་ཅིང ། །དེས་པས་དུས་སུ་སྦྱིན་པ་སྦྱིན། །དུས་སུ་བྱང་ཆུབ་སྙིང་པོ་ཡི། །ཤིང་གི་དྲུང་དུ་འདུག་ནས་སུ། །བློ་གྲོས་ངན་པའི་བདུད་བཅོམ་སྟེ། །དུས་སུ་བྱང་ཆུབ་འཚང་ཡང་རྒྱ། །འཇིག་རྟེན་དུ་ནི་མ་བསྐོར་བའི། །འཁོར་ལོ་དུས་སུ་བསྐོར་བར་བྱེད།། དུས་སུ་སེམས་ཅན་འདུལ་བྱེད་ཅིང ། །འབྲེལ་བའི་གཏམ་ཡང་ཡོངས་སུ་འདྲེན། །བྱང་ཆུབ་ཞུགས་པའི་མཁས་རྣམས་ནི། །མཐུ་དང་ལྡན་སེམས་དེ་ལྟ་བུས། །བྱང་ཆུབ་དམ་པ་
300b
འཚང་རྒྱ་ཞིང ། དེ་ན་ནམ་ཡང་ལྡོག་མི་འགྱུར། །དེ་ལྟ་བས་ན་དུས་དུས་སུ། །ཡང་དང་ཡང་དུ་ཆོས་སྟེན་བྱེད། །དུས་སུ་བྱང་ཆུབ་འཚང་རྒྱ་ཞིང ། །དུས་སུ་འཁོར་ལོའང་བསྐོར་བར་འགྱུར།། ཤཱ་རདྭ་ཏིའི་བུ། བྱང་ཆུབ་སེམས་དཔའ་ཆོས་བཞི་དང་ལྡན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཉམས་པར་མི་འགྱུར་ཞིང ། ཡོངས་སུ་ཉམས་པར་མི་འགྱུར་ལ། ཚེ་བརྗེད་ནས་ཀྱང་འཁོར་ལོས་བསྒྱུར་བའི་རྒྱལ་སྲིད་བྱེད་ཅིང ། ཇི་ལྟར་སྨོན་པས་ཀྱང་དགེ་བའི་རྩ་བ་ཐམས་ཅད་རྗེས་སུ་འཇུག་པར་བྱེད་པ་ཡིན། སྟོབས་ཆེ་བ་དང་ལུས་ཆེ་བ་ཡིན། སྲེད་མེད་ཀྱི་བུ་ལྟར་མཁྲེགས་བའི་ལུས་དང་ལྡན་པ་ཡིན། དེ་འཁོར་ལོས་བསྒྱུར་བའི་རྒྱལ་སྲིད་ཐོབ་ནས་ཀྱང་མྱུར་དུ་གླིང་བཞི་སྤངས་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བ་ཡིན། རབ་ཏུ་བྱུང་ནས་ཀྱང་དེ་ཚངས་པའི་གནས་པ་བཞི་ཐོབ་པ་དང ། སྐྱོན་མེད་པ་ཐོབ་པ་དང ། རྩེ་བ་མེད་པ་ཐོབ་པ་དང ། ཚོགས་མེད་པ་ཐོབ་པ་ཡིན། དེ་ནས་ཤི་འཕོས་ནས་ཀྱང་ཚངས་པའི་འཇིག་རྟེན་དུ་སྐལ་བ་མཉམ་པར་སྐྱེ་བར་འགྱུར་བ་ཡིན། སྐྱེས་ནས་ཀྱང་ཚངས་པའི་དབང་པོ་ཉིད་འཐོབ་པ་ཡིན་ཏེ། བཞི་གང་ཞེ་ན། ཤཱ་རདྭ་ཏིའི་བུ། འདི་ལ་བྱང་ཆུབ་སེམས་དཔའ་དེ་བཞིན་གཤེགས་པའི་མཆོད་རྟེན་ཞིག་པ་མཐོང་ནས་བཅོས་པའི་ཕྱིར་སྤྲོ་བར་བྱེད་ཅིང་ཐ་ན་འཇིམ་པའི་གོང་བུ་གཅིག་ཙམ་ཡང་རྩིག་པར་བྱེད་པ་ཡིན། ཤཱ་རདྭ་ཏིའི་བུ། གཞན་
301a
༄#། །ཡང་མ་བརྩིགས་པའི་ས་ཕྱོགས་ལམ་པོ་ཆེའི་བཞི་མོད་སྐྱེ་བོ་མང་པོ་འདུ་བའི་སར་མཆོད་རྟེན་དང་ཁང་པ་བརྩེགས་པའམ། རྡོ་བའི་ཀ་བའམ། དེ་བཞིན་གཤེགས་པའི་སྐུའམ། དེ་བཞིན་གཤེགས་པའི་ཡོན་ཏན་རྗེས་སུ་དྲན་པ་གང་ཡང་རུང་བ་བྱེད་དེ། འདི་ལྟ་སྟེ། དཔེར་ན། ཆོས་ཀྱི་འཁོར་ལོ་བསྐོར་བའམ། མངོན་པར་འབྱུང་བའམ། བྱང་ཆུབ་ཀྱི་ཤིང་དྲུང་དུ་བདུད་འཇོམས་པའམ། དེ་བཞིན་གཤེགས་པའི་ཆོ་འཕྲུལ་ཆེན་པོའམ། དེ་བཞིན་གཤེགས་པའི་ཡོངས་སུ་མྱ་ངན་ལས་འདས་པ་ཆེན་པོ་ཡང་དག་པར་བསྟན་པའམ། ལྷ་ལས་བབས་པའམ། ལྷ་ཡུལ་དུ་མངོན་པར་འཛེག་པར་བྱེད་པའི་དེ་བཞིན་གཤེགས་པའི་མཆོད་རྟེན་རྩིག་པར་བྱེད་པ་ཡིན། ཤཱ་རདྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་ཞིང་འཐབ་པ་དང ། རྩོད་པ་བྱུང་བ་མཐོང་ནས་མི་འབྱེ་བ་དང་མཐུན་པར་བསྡུམ་པའི་ཕྱིར་བརྩོན་པ་ཡིན། ཤཱ་རདྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་བསྟན་པ་རབ་ཏུ་འཇིག་ཅིང ། ཆོས་རབ་ཏུ་རྣམ་པར་འཇིག་པར་འགྱུར་བ་ན་ཐ་ན་ཚིགས་སུ་བཅད་པ་གཅིག་བསྲུང་བ་དང་མི་ཉམས་པར་བྱ་བའི་ཕྱིར་བརྩོན་པ་ཡིན། ཆོས་སམ་ཆོས་སྨྲ་བ་ཡོངས་སུ་འཛིན་པར་བྱེད་ཅིང་ལུས་དང་སྲོག་གཏོང་བར་
301b
བྱེད་ཀྱི།་ཆོས་གཏོང་བར་མི་བྱེད་པ་ཡིན་ཏེ། ཤཱ་རདྭ་ཏིའི་བུ། བྱང་ཆུབ་སེམས་དཔའ་ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་པོ་དེ་དག་དང་ལྡན་པ་ཡོན་ཏན་གྱི་བྱེ་བྲག་སྔར་བསྟན་པ་དེ་དག་རྗེས་སུ་འཐོབ་བོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །སངས་རྒྱས་མཆོད་རྟེན་མཐོང་ནས་སུ། །ཞིག་པ་ཕྱིར་ནི་བཅོས་པར་བྱ། །དེ་ཕྱིར་སྟོབས་ནི་ཆེ་བ་དང ། །ལུས་ཆེ་བ་དང་མི་འཇིགས་འགྱུར། །གང་དུ་དད་པ་སྐྱེ་འགྱུར་བའི། །ལམ་ཆེན་བཞི་མདོ་ཕྱོགས་སུ་ནི། །རིང་བསྲེལ་གྱི་ནི་སྐུ་བྱེད་ཅིང ། །སངས་རྒྱས་ཡོན་ཏན་རྣམས་སྟོན་པ། །བསོད་ནམས་མང་པོ་སྐྱེད་པར་བྱེད། །གང་ཞིག་ལམ་གྱི་བཞི་མདོར་ནི། འཇིག་རྟེན་མཆོད་པའི་མཆོད་རྟེན་བྱེད། །དེ་ཡི་གྲགས་པ་འཕེལ་བར་འགྱུར།། ཕན་ཚུན་དུ་ནི་རྩོད་པ་ཡི། །ཉན་ཐོས་བྱེ་བ་རྣམས་མཐོང་ནས། །གཅིག་ལ་གཅིག་ནི་བཟོད་གསོལ་ཏེ། །དེ་དག་རྣམས་ནི་མཐུན་བྱེད་པ། །དགེ་བའི་རྩ་བ་དེ་ཡིས་སུ། །མི་འཇིགས་དཔའ་བོར་འགྱུར་བ་ཡིན། །སྲེད་མེད་བུ་ལྟར་མཁྲེགས་པ་ཡི། །ལུས་ནི་མངོན་པར་འགྲུབ་པ་ཡིན། །བསྟན་པ་རབ་ཏུ་རྣམ་འཇིག་པའི། །ཆོས་ལ་མི་བདེ་ཉེར་གནས་ཚེ། །གུས་པར་བྱས་ཏེ་ཆོས་སྲུང་ཞིང ། །ལུས་དང་སྲོག་དག་བོར་གྱུར་པ། །དེ་བཞིན་ཆོས་ནི་འཛིན་བྱེད་པ། །དེ་དག་སྲུང་བར་བྱེད་པ་དག་།ལྷ་རྣམས་ཀྱིས་ནི་སྲུང་བར་འགྱུར། །སངས་རྒྱས་རྣམས་ཀྱིས་བྱིན་
302a
༄#། །གྱིས་བརླབས། །ཆོས་ནི་ཀུན་ཏུ་བསྲུངས་བྱས་པས། །དེ་དག་འཁོར་ལོས་བསྒྱུར་བར་འགྱུར། །གླིང་བཞི་པོ་དག་རྣམ་བསྐོར་ཅིང ། །ཆོས་ཀྱིས་ཀྱང་ནི་རྒྱལ་སྲིད་བྱེད། །བསྐོར་ཅིང་རབ་ཏུ་བསྟན་པས་ན། །བག་མེད་པར་ནི་འགྱུར་མ་ཡིན། །བག་ཡོད་པར་ནི་རྟག་པར་འགྱུར། །རྒྱལ་སྲིད་བོར་ནས་རབ་ཏུ་འབྱུང ། །དྲང་སྲོང་རྒྱལ་པོ་རྫུ་འཕྲུལ་ཅན། །བསམ་གཏན་བཞི་པོ་སྒོམ་པར་བྱེད། །ཚངས་པའི་གནས་པ་རྣམས་བསྒོམས་ནས། །རྟག་པར་ཡོན་ཏན་གནས་པ་ཡིན། །ཤི་འཕོས་ཚངས་པའི་འཇིག་རྟེན་དུའང ། །དེ་ནི་སྐྱེ་བ་སྒྲུབ་པར་བྱེད། །དེར་ཡང་ཆེན་པོར་འགྱུར་བ་ཡིན། །དེ་ནི་ཚངས་པའི་དབང་ཕྱུག་ཡིན། །ཆོས་ཀྱི་མཆོག་ནི་བཞི་པོ་དག་།འཇིག་རྟེན་གྱི་ནི་མགོན་པོས་བསྔགས།། བྱང་ཆུབ་སྤྱད་པ་སྤྱོད་པ་ན། །སྔོན་ཆད་ངས་ཀྱང་བསྟེན་པ་ཡིན། །ཆོས་གང་ལ་ནི་ངས་བསླབ་ཅིང ། །ཇི་ལྟར་སྔོན་ཆད་སྤྱད་པ་བཞིན། །དེ་ལ་ཕ་རོལ་ཕྱིན་གྱུར་ནས། །བླ་མེད་བྱང་ཆུབ་སངས་རྒྱས་ཡིན། །ཇི་ལྟར་སྔོན་ཆད་ངས་བསྟེན་པའི། །ཆོས་དེ་དག་ལ་གང་སྟེན་པ། །ཐམས་ཅད་དུ་ནི་ཆེན་པོར་འགྱུར། །བསྙེན་དཀའ་རིགས་པ་ཅན་དུ་འགྱུར། །མི་ཡི་བདག་པོར་འགྱུར་བ་ཡིན། །སུམ་ཅུ་རྩ་གསུམ་དབང་ཕྱུག་འགྱུར། །འདོད་པའི་ཁམས་ནི་ཐམས་ཅད་དུའང ། །དབང་ཕྱུག་དམ་པར་འགྱུར་བ་ཡིན། །གཟུགས་ཀྱི་ཁམས་སུ་སོང་ནས་ཀྱང ། །
302b
དེར་ནི་དབང་ཕྱུག་འགྱུར་བ་ཡིན། །ཐམས་ཅད་དུ་ཡང་མཆོག་ཏུ་འགྱུར། །ཡོན་ཏན་དག་ལ་སུ་མི་སློབ། །ཚུལ་ཁྲིམས་སྤྱོད་པ་ཕུན་སུམ་ཚོགས། །ངོ་ཚ་ལྡན་ཞིང་ཁྲེལ་ཡོད་འཕགས། །དེ་ཡི་མངོན་འབྱུང་ཕུན་སུམ་ཚོགས། །ཀུན་ཏུ་ཕུན་སུམ་ཚོགས་པ་འཐོབ། །བརྩོན་འགྲུས་ཀྱིས་ནི་ཕུན་ཚོགས་འགྱུར། །བཟོད་པ་ཏིང་འཛིན་ཕུན་སུམ་ཚོགས། །དེ་ཡི་ཤེས་རབ་བླ་ན་མེད། །ཆོས་རྣམས་ཀུན་ལ་མཁས་པ་ཡིན། །ནམ་ཞིག་རྟག་པར་དོན་བསམ་པ། །བྱེ་བ་ཕྲག་ནི་སྟོང་པོ་དག་།དེར་ནི་ཐམས་ཅད་རབ་ཏུ་ཤེས། །དོན་བསམ་པ་ལ་མཁས་པ་ཡིན། །སྐད་ཅིག་གཅིག་གིས་སྒྲུབ་པ་དེའི། །ཚིག་རབ་དབྱེ་བཤེས་པར་འགྱུར། །གང་དག་ཆེན་པོར་འགྱུར་བ་ཡི། །མང་ཐོས་རྣམས་ཀྱི་སློབ་དཔོན་ཆེ། །ཇི་ལྟར་མཛངས་པ་ཤེས་རབ་དང ། །སྤོབས་པ་ཡིས་ནི་འཕགས་པ་བཞིན། །རྟག་པར་བྱང་ཆུབ་ཕྱིར་ངེས་ཤིང ། །ཕྱི་རོལ་ཤེས་པ་འདོར་བར་འགྱུར། །རྟག་པར་དེ་ཡི་ལྟ་བ་དྲང ། །ཡང་དག་ལྟ་བ་ཤིན་ཏུ་བསྒོམས། །རྫོགས་སངས་རྒྱས་ཀྱང་མཉེས་པར་བྱེད། །རྟག་ཏུ་མི་ཁོམ་སྤོང་བར་འགྱུར། ། ལ་ཐེག་པ་ཐེག་ཆེན་པོ། །སངས་རྒྱས་དག་ནི་ཀུན་གྱིས་བསྒྲགས། །དེ་ལ་དམན་པའི་ཆོས་རྣམས་ནི། །གང་ཡང་སྒྲོག་པར་བྱེད་པ་མེད། །དེ་ལ་ལོང་བ་སྒྲོག་པ་མེད། །འོན་པ་དག་ཀྱང་སྒྲོག་པ་མེད། །ཞར་དང་ལག་རྡུམ་འཕྱེ་བོ་དང ། །མདོག་མི་སྡུག་དག་སྒྲོག་པ་མེད། །དབུལ་པོ་དག་ནི་བསྒྲག་མི་བྱ། །དམན་པའི་
303a
༄#། །ཡོན་ཏན་སྒྲོག་པ་མེད། །གང་གིས་སྡིག་ཅན་འགྲོ་འགྱུར་བའི། །སྡིག་པའི་ཆོས་ཅན་བསྒྲག་མི་བྱ། །འདི་ལ་ཡེ་ཤེས་དེ་འདྲ་དང ། །བསྔགས་པ་ད་འདྲ་ཐོས་ནས་སུ། །སྤྱོད་ཡུལ་གང་མིན་མ་གཏོགས་པར། །ཡེ་ཤེས་དེ་འདྲ་སུ་མི་ཚོལ། །དེ་ཕྱིར་ཡེ་ཤེས་གང་ཚོལ་བ། །སངས་རྒྱས་ཡེ་ཤེས་རྨོངས་པས་ཚོལ། །ཡེ་ཤེས་དེ་ལ་བསླབ་པས་ན། ། ཆོས་རྣམས་ཀྱི་ནི་ཕ་རོལ་འགྲོ་།ང་ཡིས་རིགས་རྣམས་བཞག་མ་ཡིན། །སྐྱེ་བའང་གླེང་པ་མ་ཡིན་ཞིང ། །དེ་ཡི་ཁ་དོག་ཕྱེ་བའང་མིན། །གཟུགས་ཀྱི་སྐུ་ལ་དམན་པ་མེད། །ང་ནི་ལེ་ལོ་ཅན་མ་ཡིན། །བརྩོན་འགྲུས་ཀྱིས་ནི་རྟག་ཏུ་འཕགས། །རྟག་ཏུའང་ཚུལ་ཁྲིམས་ཕུན་སུམ་ཚོགས། །ཤེས་རབ་ལྡན་ཞིང་རབ་མཉམ་བཞག་།འདི་ལྟར་ང་ཡིས་སྔོན་ཆད་ཆོས། །མཆོག་དང་ཕུལ་དག་བསྟེན་པ་ཡིན། །དེ་ཡི་འབྲས་བུའང་ལོངས་སྤྱོད་ཀྱིས། །རྣམ་པར་སྨིན་པ་ཇི་འདྲ་ལྟོས། །འཇིག་རྟེན་ཁམས་ནི་སྟོང་དག་དང ། །བྱེ་བ་ཁྲག་ཁྲིག་དག་དང་ནི། །དེ་བས་ལྷག་པའི་ཞིང་རྣམས་སུ། །དེ་ལ་ང་ཡི་ཡེ་ཤེས་འཇུག་།སེམས་ཅན་གང་དག་དེར་སྐྱེས་པ། །དེ་དག་གི་ནི་སེམས་ཀྱང་ཤེས། །དེ་དག་རྣམས་ཀྱི་སྤྱོད་པའང་ཤེས། །བསམ་པ་ཡང་ནི་རྣམ་པར་ཤེས། །མི་སྙན་སྨྲ་བ་གང་འབྱུང་བ། །དེ་དག་གི་ནི་དེ་ཡང་ཤེས། །ཆད་པས་བཅད་པའང་ཤེས་པ་ཡིན། །རབ་ཏུ་བཟུང་བའང་དེ་བཞིན་ནོ། །སངས་
303b
རྒྱས་སྤྱན་གྱིས་ངས་དེ་དག་།ཐམས་ཅད་ལ་ནི་རྣམ་བལྟས་ཏེ། །སེམས་ཅན་ཡོངས་སུ་སྨིན་ཤེས་ནས། །སྲིད་པའི་བཅིངས་ལས་དགྲོལ་བར་བྱ། །དུས་སུ་སོང་ནས་བསྐུལ་བར་བྱ། །དུས་སུ་ཡང་ནི་གདམས་པར་བྱ། །གང་གིས་དེ་དག་སྐྱེ་འགྱུར་བའི། །ཆོ་འཕྲུལ་རྣམས་ནི་བསྟན་པར་བྱ། །གང་དག་གཟུགས་ལ་ཆགས་འགྱུར་དང ། །ལོངས་སྤྱོད་ལ་ཡང་གནས་འགྱུར་བ། །དེ་དག་ལ་ནི་ཉེས་དམིགས་བསྟན། །དེ་ཕྱིར་དེ་ནི་མྱ་ངན་འདའ། །སྲིད་པའི་འདོད་ཆགས་འཆིང་བས་བཅིངས། །ལྟ་བ་ལ་ནི་གནས་འགྱུར་བ། །དེ་དག་རྣམས་ལ་ཉེས་དམིགས་བསྟན། །དེ་ཕྱིར་དེ་ནི་མྱ་ངན་འདའ། །སྲིད་པའི་འདོད་ཆགས་འཆིང་བས་བཅིངས། །ལྟ་བ་ལ་ནི་གནས་འགྱུར་བ། །དེ་དག་རྣམས་ལ་ཉེས་དམིགས་བསྟན། །སྲིད་ལྟ་དེ་འདྲ་གང་དུ་འབྱུང ། །གང་ལ་དེ་དག་གནས་འགྱུར་དང ། །དེ་དག་གིས་ནི་གང་མཆོག་བཀུར། །དེ་འདྲའི་ལུས་སུ་བསྒྱུར་ནས་སུ། །དྲང་པོའི་ལམ་ནི་བསྟན་པར་བྱ། །དེ་དག་གིས་ཀྱང་ཆོས་ཤེས་ནས། །གང་འདིར་ངེས་པར་བདག་ཅག་གིས། །བྱང་ཆུབ་དམ་པ་འཚང་རྒྱ་ཞེས། །དེ་ཚེ་ང་ལ་ཕྱག་འཚལ་ལོ། །དེ་དག་གི་ནི་རྩ་རྟོགས་ནས། །དེ་དག་ལ་ནི་ཆོས་ཀྱང་བསྟན། །སྡུག་བསྔལ་ཀུན་ལས་ཕྱུང་བ་ཡིན། །ང་ནི་རྒྱལ་བ་ཟུག་རྔུ་འབྱིན། །མྱ་ངན་འདས་ཞི་ཐོབ་བྱའི་ཕྱིར། །དེ་དག་ལ་ནི་ངས་ཆོས་བསྟན། །དེ་དག་ང་ལས་ཆོས་ཐོས་ནས། །མྱ་ངན་འདས་པ་རྗེས་སུ་འཐོབ། །ང་ཡི་ཤེས་
304a
༄#། །པ་དེ་ལྟར་ལ། །ཆོས་རྣམས་ཀུན་ལ་འཇུག་པ་ལྟར། །འདས་པའི་དུས་དང་གང་དག་ཡང ། །མ་འོངས་ཆོས་རྣམས་དེ་བཞིན་ནོ། །ང་ཡི་ལུས་ནི་མངོན་དུ་འཕགས།། དེ་ཡི་ཚད་ནི་དམིགས་མ་ཡིན། །རྒྱལ་བའི་སྤྱི་གཙུག་བལྟ་བར་ནི། །རྫུ་འཕྲུལ་ཅན་གྱིས་ནུས་མ་ཡིན། །སངས་རྒྱས་ལག་པ་མཐའ་ཡས་ཏེ། །ང་ཡི་ལག་པ་དཔག་ཏུ་མེད། །ཇི་ལྟར་གངྒཱའི་བྱེ་སྙེད་ཀྱི། །འཇིག་རྟེན་ཁམས་དག་ཁྱབ་པ་ཡིན། །ཁ་དོག་བཅས་པ་ཅི་འདྲ་བས། །སངས་རྒྱས་སྐུ་ནི་འབྱུང་འགྱུར་ཞེས། །སངས་རྒྱས་སྐུ་ཡི་ཁ་དོག་དང ། །དབྱིབས་ནི་ཤེས་པར་ནུས་མ་ཡིན། །ཁ་དོག་དབྱིབས་ནི་ཅི་འདྲ་ཞེས། །ང་ཡི་ཐད་ལྷགས་གང་དག་ལྟ། །ཁ་དོག་སྣ་ཚོགས་ལྟ་བྱེད་ཀྱང ། །མཚན་མ་ཤེས་པ་མ་ཡིན་ནོ། །སངས་རྒྱས་ཀྱི་ནི་མདོག་མཐོང་ནས། །ཀུན་བརྗོད་པ་ཡི་ཆོ་འཕྲུལ་གྱིས། །སེམས་ཅན་དེ་དག་རབ་དགའ་ཞིང ། །ང་ཡི་ལུས་ལའང་བསྟོད་པར་བྱེད། །སེམས་ཅན་དག་ནི་ཐམས་ཅད་ཀྱིས། ། སངས་རྒྱས་སྐུ་ནི་བལྟ་མི་ནུས། །ལྷ་ཡི་མིག་ཅན་གང་ལ་ཡང ། །སྣང་བར་འགྱུར་བ་མ་ཡིན་ནོ། །འདི་ལྟར་སངས་རྒྱས་བྱིན་རླབས་དེ། །ཁྱེད་ཅག་གིས་ནི་འདིར་ལྟོས་ཤིག ། སྐུ་དེ་བསམ་མི་ཁྱབ་ཡིན་པར། །སངས་རྒྱས་སྐུ་ནི་ཤེས་པར་བྱོས། །སྤུ་ཡི་ཁུང་བུ་གཅིག་ནས་སུ། །ཆོ་འཕྲུལ་དག་ནི་དེ་འདྲ་དང ། །འཇིག་རྟེན་ཁམས་སུ་སེམས་ཅན་གྱི། །
304b
དོན་དེ་འདྲ་བ་བྱེད་པར་འགྱུར། །འོད་ཟེར་བྱེ་བ་མང་པོ་ནི། །སྤུ་ཡི་ཁུང་ནས་ཕྱུང་ནས་སུ། །ཞིང་རྣམས་མང་པོ་སྣང་བར་བྱེད། །སངས་རྒྱས་ཞིང་ཡང་དེ་སྙེད་དོ། །སྟན་འདི་ལ་ནི་འདུག་ནས་སུ། །ཇི་ལྟར་སེམས་ཅན་ང་ཤེས་ལྟར། །དེ་ཚེ་ཕྱོགས་བཅུའི་འཇིག་རྟེན་གྱི། །སེམས་ཅན་དེ་དག་ཉིད་ཀྱིས་ཤེས། །སངས་རྒྱས་ཀྱི་ནི་ཡེ་ཤེས་མཐའ། །ང་ཡིས་གཞག་པ་ནུས་མ་ཡིན། །ཀུན་མཁྱེན་ཡེ་ཤེས་ངས་ཀྱང་ནི། །ཉན་ཐོས་རྣམས་ཀྱིས་འདིར་ཅི་སྨོས། །སངས་རྒྱས་ཐམས་ཅད་བསམ་མི་ཁྱབ། །སངས་རྒྱས་ཆོས་རྣམས་བསམ་མི་ཁྱབ། །བསམ་མི་ཁྱབ་ལ་དད་བྱས་པས།། དེ་དག་བསམ་མི་ཁྱབ་ཏུའང་འགྱུར། །བྱང་ཆུབ་སེམས་དཔའི་སྤྱོད་པའི་ལེའུ་སྟེ། བཅུ་པའོ།། །།དེའི་ཚེ་འཁོར་དེ་ཉིད་དུ་སྐྱེས་ནས་ལོ་བདུན་ལོན་པ་ལྟ་བུའི་ཁྱེའུ་རྣམ་པར་རྒྱལ་བ་སྲུང་བ་ཞེས་བྱ་བ་འདུས་པར་གྱུར་ཏེ་འདུག་གོ་།དེ་ནས་ཁྱེའུ་རྣམ་པར་རྒྱལ་བ་སྲུང་བ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་ཚིགས་སུ་བཅད་པ་དག་གིས་གསོལ་པ། སངས་རྒྱས་ཆོས་རྣམས་དེ་ཐོས་ཏེ། །དེ་ནས་གོ་ཆ་འཚལ་སྙམ་ནས། །བདག་ལ་ཀུན་ཏུ་འདུན་སྐྱེས་པས། །བདག་ཀྱང་དེ་འདྲར་འགྱུར་སྙམ་བགྱིད། །སྤྱན་ལྡན་ཆོས་ཀྱི་སྦྱིན་པ་ཡིས། །སེམས་ཅན་ཐམས་ཅད་མགྲོན་དུ་གཉེར། །ཁྱུ་མཆོག་གི་ནི་ཚིག་ཏུ་སྨྲ། །གཞན་དུ་མ་ལགས་དེ་བཞིན་བགྱི། །འདྲེན་པ་
305a
༄#། །སླད་ཀྱིས་སྡུམ་པར་ནི། །བདག་གི་འདུན་པར་འཇུག་མ་ལགས། །འཇིག་རྟེན་མགོན་པོའི་བསྟན་པ་དེ། །འདི་ཉིད་ལ་ནི་རབ་ཏུ་འབྱུང ། །མངོན་པར་འབྱུང་དང་བརྩོན་འགྲུས་དང ། །ཡོན་ཏན་རྣམས་དང་བསམ་གཏན་དང ། ཏིང་འཛིན་ཤེས་རབ་འབྲས་དེ་ལགས། །དེ་ཉིད་བདག་གིས་བསྟེན་པར་བགྱི། །སྤྱན་ལྡན་དག་ལ་འདུན་པ་སྐྱེས། ། མྱུར་དུ་བདག་ནི་རབ་ཏུ་ཕྱུང ། །ངུར་སྨྲིག་གོས་ནི་འཚལ་ནས་སུ། །ཆོས་ཀྱི་དམ་པ་སྤྱད་པར་བགྱི། །མེ་ལོང་ཡེ་ཤེས་ལྟ་བུས་ཀྱང ། །འཇིག་རྟེན་དེ་ལ་རྣམ་སེམས་ཤིང ། །འཇིག་རྟེན་མཆོག་ཏུ་འགྱུར་བར་བགྱི། །ལེགས་པར་རབ་ཏུ་འབྱུང་དུ་གསོལ། །ཐམས་ཅད་ཀྱང་ནི་མ་མཆིས་པས། །སེམས་ཅན་འདུ་ཤེས་མི་གནས་ཤིང ། །བདག་མངོན་རྫོགས་པར་སངས་རྒྱས་ནས། །འདྲེན་པ་ཆོས་དེ་བསྟན་པར་བགྱི། །བདུད་དཔུང་བཅས་པ་བཅོམ་ནས་སུ། །མུ་སྟེགས་གཞན་རྣམས་སྐྲག་བགྱིས་ཏེ། །ལྟ་བའི་དྲ་བ་རབ་བཅོམ་ནས། །སྲོག་ཆགས་རྣམས་ཀྱི་དོན་བགྱི་འོ། །མྱ་ངན་འདས་བདེ་འཐོབ་སླད་དུ། །བདག་གིས་ལམ་ནི་བསྟན་པར་བགྱི། །དེ་ལ་སྐྱེ་བ་མ་མཆིས་པས། །ལམ་དེ་བསམ་མི་ཁྱབ་པ་ལགས། །བདག་གིས་དྲ་བ་རྣམ་ཕྱེ་ནས། །བདག་གིས་ཆོས་ཀྱི་སྣང་བར་བགྱི། །རང་བཞིན་དེ་དང་མཚན་ཉིད་དེའི། །ཆོས་ནི་ཇི་ལྟ་བཞིན་དུ་བསྟན། །རྫུ་འཕྲུལ་སྟོབས་ཀྱིས་རྣམ་འཕྲུལ་བགྱི། །ཆོ་འཕྲུལ་དག་ནི་
305b
བསྟན་པར་བགྱི། །དེ་ལ་གང་དག་བདག་ལ་ལྟ། །ཀུན་གྱི་ཐེ་ཚོམ་འཆད་པར་འགྱུར། །དེ་ནས་བཅོམ་ལྡན་འདས་ཀྱིས་ཁྱེའུ་རྣམ་པར་རྒྱལ་བ་སྲུང་བ་ལ་འདི་སྐད་ཅེས་བཀའ་སྩལ་ཏོ། ། ཁྱེའུ།་ངའི་བསྟན་པ་འདི་ལ་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འདོད་དམ། དེས་གསོལ་པ། བཅོམ་ལྡན་འདས། དེ་ལྟ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གང་ཞིག་དུར་སྨྲིག་མི་འཛིན་ཅིང ། །གང་དག་སྙིགས་མ་མེད་གྱུར་པ། །ང་ཡི་བསྟན་ལ་རབ་འབྱུང་བར། །བྱ་བའི་ཆོས་ནི་དེ་ཡིན་ནོ། །གང་གི་སྐྲ་དག་མ་བྲེགས་ཤིང ། །འཆིང་བ་ཐམས་ཅད་བཅད་གྱུར་ལ། །མ་བཅིངས་པ་དང་མ་གྲོལ་བ། །འདི་ལ་རབ་ཏུ་བྱུང་བ་དེའོ། །གང་དག་བསླབ་ལ་མི་སློབ་པ། །བསླབ་པའང་འབོགས་པར་བྱེད་མ་ཡིན། །བསླབ་པ་ཀུན་ལ་བསླབ་པ་ནི། །འདི་ལ་རབ་ཏུ་བྱུང་བ་དེའོ། །གང་ཞིག་དམ་ཆོས་མི་འཛིན་ཅིང ། །ཆོས་རྣམས་ཐམས་ཅད་རྣམ་བསྒོམས་ལ། །ཆོས་ཀྱི་འདུ་ཤེས་བསལ་གྱུར་བ། །དེ་ནི་འདི་ལ་རབ་ཏུ་བྱུང ། །གང་ཞིག་བདག་ཅེས་མི་སེམས་ཤིང ། །གང་ཞིག་སེམས་ཅན་ཞེས་མི་སེམས། །དེ་ལ་ཞུམ་པ་ཉིད་མི་འབྱུང ། །དེ་ལ་བྱང་ཆུབ་ཕྱིར་ཞུགས་པའོ། །གང་གིས་སེམས་ནི་བསྐྱེད་གྱུར་ལ། །ཆོས་གཞན་ཡང་ནི་མི་དམིགས་ཤིང ། །སེམས་ལ་འཛིན་པར་མི་བྱེད་པ། །དེ་ནི་ང་ལ་རབ་ཏུ་བྱུང ། །བམ་པོ་བཅུ་དྲུག་པ། དེ་ནས་ཚེ་དང་ལྡན་པ་ཤཱ་རདྭ་ཏིའི་བུ་འདི་སྙམ་དུ་སེམས་ཏེ།
306a
༄#། །གང་བཅོམ་ལྡན་འདས་ཀྱིས་གནས་ཟབ་མོ་དག་བསྟན་པའི་ཁྱེའུ་དེས་ཡུན་ཇི་སྲིད་ཅིག་སྤྱད་པར་འགྱུར་སྙམ་མོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རདྭ་ཏིའི་བུས་ཚིགས་སུ་བཅད་པ་དག་གིས་གསོལ་པ། བཅོམ་ལྡན་ཟབ་མོའི་ཆོས་ཐོས་ནས། །མི་སྐྲག་ཞུམ་པར་མི་འགྱུར་བའི། །ཁྱེའུ་ནི་རྣམ་པར་རྒྱལ་སྲུང་གི་།སྤྱོད་པ་དེ་འདྲ་དེ་ཅི་ལགས། །གང་གིས་ཟབ་མོའི་གནས་ཐོས་ནས། །དེ་ལ་སྐྲག་པ་མི་འབྱུང་བ། །སྔོན་ཆད་སྐྱེ་བ་གཞན་དག་ཏུ། །རྫོགས་པའི་སངས་རྒྱས་ཇི་སྙེད་མཐོང ། །གང་གིས་སྒྱིད་ལུག་མི་འགྱུར་བ། །གནས་རྣམས་ཀྱང་ནི་ཟབ་མོ་དག་།སྔོན་གྱི་སངས་རྒྱས་རྐང་གཉིས་མཆོག་།ཇི་སྙེད་ཅིག་ལ་ཞུས་པ་ལགས། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རདྭ་ཏིའི་བུ་ལ་ཚིགས་སུ་བཅད་པ་དག་གིས་སླར་བཀའ་སྩལ་པ། འདས་པའི་དུས་ན་ངས་ཤེས་པ། །ས་ཡི་ཕྱོགས་ནི་འདི་ཉིད་དུ། །སངས་རྒྱས་སྟོང་ཕྲག་མང་པོ་ལ། །རྣམ་པར་རྒྱལ་བ་སྲུང་གིས་ཞུས། །ངྒ་མ་ག་དྷ་དེར་ནི། །བྱང་ཆུབ་སྤྱད་པ་སྤྱོད་པ་ན། །གང་དག་ལ་ནི་སྔོན་ཞུས་པ། །སངས་རྒྱས་ཇི་སྙེད་པ་ཡང་ཤེས། །ཆོས་རྣམས་དང་ནི་ཁམས་རྣམས་དང ། །སྐྱེ་མཆེད་དག་དང་སྟོང་པ་དང ། །ཚད་མེད་དེ་དང་རྣམ་ཐར་གྱི། །གནས་དང་གནས་མིན་རབ་ཏུ་མཁས། །ཇི་ལྟར་ཨངྒ་མ་ག་དྷར། །ེ་མ་སངས་རྒྱས་ཤེས་པ་བཞིན། །དེ་
306b
ལྟར་ཀ་ཤིའི་ཁྱིམ་རྣམས་སུ། །མཁས་པས་དེ་སྙེད་ཤེས་པ་ཡིན། །རྣམ་པར་རྒྱལ་སྲུང་ཁྱེའུ་དེ་ནི། །ཤེས་རབ་ཕ་རོལ་ཕྱིན་པ་ཐོབ། །དཀར་ཆོས་རྣམས་ཀྱིས་བྱུང་བ་ཡིན། །དེ་ཕྱིར་དེ་ཤེས་དེ་འདྲ་བ། །འདིར་ནི་ཆོས་ལ་རེག་པར་བྱེད། །ཡི་གེ་ཇི་བཞིན་ཕྱག་རྒྱ་གྲངས། །བཟོ་རྣམས་སྣ་ཚོགས་གཞན་ཡང་ཤེས། །དེ་ལས་གཞན་ཡང་བརྗེད་པ་མེད། །ཆོས་རྣམས་ཐམས་ཅད་སྟོང་པ་ཉིད། །འཇིག་རྟེན་འདས་པའི་ཤེས་ལས་གཞན། །འཇིག་རྟེན་པ་ཡི་ཤེས་མི་སྨྲ། །དེ་ལ་མཆོག་ཏུ་འཛིན་མི་བྱེད། །གང་གིས་ཡེ་ཤེས་དེ་འདྲ་དང ། །ཆོས་རྣམས་ཐམས་ཅད་སྟོང་པ་ཉིད། །དེ་ལ་བསྐལ་པ་བརྒྱ་དག་ཏུའང ། །རྨོངས་པ་ཡོད་པ་མ་ཡིན་ནོ། །ཡེ་ཤེས་དེ་ནི་ཡེ་ཤེས་ཆེ། །ཉོན་མོངས་ཟད་བྱེད་རང་བཞིན་ཅན། །གང་ཞིག་སྟོང་པ་མི་འདོད་པ། །དེ་ནི་ཆོས་ལ་འཇུག་མི་འགྱུར། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཁྱེའུ་རྣམ་པར་རྒྱལ་བ་སྲུང་བ་ལ་འདི་སྐད་ཅེས་སྨྲས་སོ། །གཞོན་ནུ། ཁྱོད་བཅོམ་ལྡན་འདས་ཀྱི་བསྟན་པ་ལ་རབ་ཏུ་འབྱུང་ངམ།་དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུ་ལ་ཁྱེའུ་རྣམ་པར་རྒྱལ་བ་སྲུང་བས་འདི་སྐད་ཅེས་སྨྲས་སོ། །བཙུན་པ་ཤཱ་རདྭ་ཏིའི་བུ། བདག་ནི། རབ་ཏུ་བྱུང་ཟིན་པས་བདག་རབ་ཏུ་མི་འབྱུང་ངོ ། །དེ་ནས་ཚེ་དང་ལྡན་པ་ཤཱ་རདྭ་ཏིའི་བུས་ཁྱེའུ་རྣམ་པར་རྒྱལ་བ་སྲུང་བ་ལ་ཚིགས་སུ་བཅད་པ་དག་གིས་སྨྲས་པ། ཁྱོད་ཀྱིས་གོས་དག་གང་བགོས་པ། །ངུར་
307a
༄#། །སྨྲིག་ཁྱོད་ལ་གནང་མ་ཡིན། །ཁྱོད་ཀྱི་སྐྲ་ཡང་བྲེགས་མ་ཡིན། །འདི་ལ་ཇི་ལྟར་རབ་ཏུ་བྱུང ། །ཁྱོད་ཀྱིས་བསླབ་ལ་བསླབ་མ་ཡིན། །ཁྱོད་ལ་སློབ་དཔོན་ཡོད་མ་ཡིན། །མཁན་པོ་ཡང་ནི་ཡོད་མ་ཡིན། །ཁྱོད་ནི་ཇི་ལྟར་རབ་ཏུ་བྱུང ། །ཁྱོད་ནི་ལྷུང་བཟེད་ཐོགས་མ་ཡིན། །ཁྱོད་ནི་མཚམས་སུ་བྱུང་བ་ཡིན། །འདི་ལ་གང་གིས་རབ་བྱུང་བ། ། ཁྱོད་ནི་ཇི་ལྟར་བསྡམས་པ་ཡིན། །གང་དུ་ཚོགས་ཀྱིས་རྫོགས་པར་བྱས། །ཁྱོད་ཀྱིས་དེ་སྙེད་སུ་ཡིས་བྱས། །ཁྱོད་ནི་ཇི་ལྟར་རབ་ཏུ་བྱུང ། །བདག་གིས་དྲིས་པ་དེ་སྨྲོས་ཤིག་།དེ་སྐད་ཅེས་སྨྲས་པ་དང ། ཚེ་དང་ལྡན་པ་ཤཱ་རདྭ་ཏིའི་བུ་ལ་ཁྱེའུ་རྣམ་པར་རྒྱལ་བ་སྲུང་བས་ཚིགས་སུ་བཅད་པ་དག་གིས་སླར་སྨྲས་པ། གང་ཞིག་ངུར་སྨྲིག་འཛིན་བྱེད་པ། །སྙིགས་མ་མེད་པ་འཛིན་མི་བྱེད། །མ་སྐྱེས་པ་ཡང་འཛིན་པ་མེད། །ངུར་སྨྲིག་གྱོན་པ་དེ་ཡིན་ནོ། །ཡེ་ཤེས་གོས་ནི་བདག་གིས་བཟུང ། །དེ་ནི་ནམ་ཡང་གོས་པ་མེད། །རྟག་ཏུའང་དྲི་མེད་རྣམ་དག་པའི། །ངུར་སྨྲིག་བདག་གིས་གྱོན་པ་ཡིན། །བདག་གིས་ཉོན་མོངས་ཐམས་ཅད་སྤངས། །བདག་གིས་སྐྲ་དག་བྲེགས་པར་བྱས། །ཡེ་ཤེས་ཀྱིས་ནི་བདག་གིས་བྲེགས། །དེ་དག་ཕྱིན་ཆད་སྐྱེ་མི་འགྱུར། །ལྷུང་བཟེད་བསམ་མི་ཁྱབ་ལས་བྱུང ། །ཆོས་རྣམས་ཀུན་གྱི་སྣོད་ཡིན་ཏེ། །གང་བ་མེད་ཅིང་བྲི་མེད་དེ། །ཆོས་རྣམས་ཀུན་གྱི་སྣོད་ཡིན་ནོ། །བདག་ནི་གཞན་
307b
གྱི་མན་ངག་ལ། །ནམ་ཡང་གནས་ཤིང་གནས་འགྱུར་མེད། །ཐམས་ཅད་མཁྱེན་ཅིང་རང་བྱུང་འགྱུར། །བདག་གི་ཕུན་སུམ་ཚོགས་དེ་ཡིན། །ཆོས་ཀུན་མཉམ་མཛད་སངས་རྒྱས་ཀྱིས། ། བདག་ལ་གསོལ་བ་མཛད་ཟིན་ཏེ། །འདྲེན་རྣམས་གང་ནས་གཤེགས་པ་ཡི། །སངས་རྒྱས་ལམ་ནས་འགྲོ་བར་བྱ། །བདག་གི་རང་བྱུང་དེ་འདྲ་སྟེ། །བདག་གི་བསླབ་པ་དེ་འདྲ་ཡིན། །མྱ་ངན་འདས་པའང་དེ་འདྲ་སྟེ། །གསོལ་བའི་ལས་ནི་དེ་འདྲ་ཡིན། །སྤྱོད་པ་ལ་ནི་དེ་རིང་བསླབ། །ནམ་ཞིག་འཇིག་རྟེན་མགོན་ཐད་དུ། །ཞིང་ནས་ཞིང་དུ་འགྲོ་བ་དགེ་།བདག་གིས་ཀྱང་ནི་སྤྱད་པར་བྱ། །བྱང་ཆུབ་སྙིང་པོར་འདུག་ནས་སུ། །སྦྱིན་པ་བསམ་མི་ཁྱབ་པ་སྦྱིན། །གཅིག་པུས་སྤྱད་པར་མི་བྱ་སྟེ། །བདག་གིས་སྲོག་ཆགས་བྱེ་བ་སྦྱིན། །དེ་ནས་བཅོམ་ལྡན་འདས་ཀྱིས་ཁྱེའུ་རྣམ་པར་རྒྱལ་བ་སྲུང་བ་ལ་རྣམ་པར་གཟིགས་ཏེ། བཅོམ་ལྡན་འདས་ཀྱིས་རྣམ་པར་གཟིགས་མ་ཐག་ཏུའང་དེ་ནས་དེ་ཉིད་ཀྱི་ཚེ་གོས་ངུར་སྨྲིག་གྱོན་ཞིང་འདུག་པར་གྱུར་ཏེ།་སྐྲ་བྲེགས་ནས་ཞག་བདུན་ལོན་པ་ལྟ་བུར་ཡང་གྱུར་ཏོ། །སྐད་ཅིག་དེ་ཉིད་ལ་མངོན་པར་ཤེས་པ་ལྔའང་ཐོབ་བོ། །དེ་ནས་གཞོན་ནུ་རྣམ་པར་རྒྱལ་བ་སྲུང་བས་ཕྱོགས་དེ་ཉིད་དུ་འདུག་ནས་མི་སྣང་བར་གྱུར་ཏེ། དེ་མི་སྣང་བར་གྱུར་མ་ཐག་ཏུ་ས་ཆེན་པོའང་གཡོས་ཤིང་སྤུ་ཟིང་ཞེས་བྱེད་པ་དང་བཅས་པའི་སྐྲག་པར་ཡང་གྱུར། ལྷ་དག་ཀྱང་སྟེང་གི་བར་སྣང་
308a
༄#། །ལས་རྔ་བརྡུང་ཞིང་ལྷའི་གླུ་དབྱངས་ལེན་པར་ཡང་གྱུར། འཇིག་རྟེན་དུ་སྣང་བ་ཆེན་པོ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་དོ། །དེ་ནས་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཁ་དོག་དུ་མ་ཁ་དོག་སྣ་ཚོགས་སུ་བྱུང་སྟེ། བྱུང་ནས་ཀྱང་ཐམས་ཅད་དང་ལྡན་པའི་སངས་རྒྱས་ཀྱི་ཞིང་ལ་ལན་གསུམ་བསྐོར་བ་བྱས་ནས་སྤྱི་གཙུག་གི་མཚམས་སུ་ནུབ་བོ། །དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ་ཕུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ལ་ཚིགས་སུ་བཅད་པ་དག་གིས་ཞུས་པ། མི་འདུལ་ཁ་ལོ་སྒྱུར་བ་སེམས་ཅན་མཆོག་།སྤྱོད་པ་ཡོན་ཏན་ཁྱད་པར་འཕགས་ལ་གནས།། རྒྱལ་བ་ཡེ་ཤེས་མ་ཆགས་ཕ་རོལ་གཤེགས། །ཀུན་མཁྱེན་རྒྱལ་བ་བླ་ན་མེད་ལ་ཞུ། །ཞལ་ནས་འོད་ཟེར་མང་པོ་བྱུང་ནས་སུ། །འོད་ཀྱིས་སངས་རྒྱས་ཞིང་ནི་ཐམས་ཅད་ཁྱབ། ། སངས་རྒྱས་ཞིང་དེ་ལ་ནི་བསྐོར་བགྱིས་ནས། །དེ་དག་སླར་ལོག་ནས་ཀྱང་སྤྱི་གཙུག་ནུབ། །རྒྱུ་མ་མཆིས་པར་སངས་རྒྱས་འཛུམ་མི་སྟོན། །དེ་རིང་སུ་ཡི་དོན་སླད་འཛུམ་དེ་བསྟན། ། ལུང་བསྟན་དེ་ནི་སུ་ཡི་ལགས་པར་འགྱུར། །འཇིག་རྟེན་མགོན་པོ་བདག་གི་ཐེ་ཚོམ་ཆོད། །གང་གིས་འཛུམ་པ་དེ་འདྲ་བསྟན་གྱུར་ཅིང ། །སངས་རྒྱས་ཞིང་དེ་ཐམས་ཅད་སྣང་བགྱིས་
308b
པའི། །ཡངས་པའི་དོན་དེ་སུ་ཡི་ལགས་པར་འགྱུར། །ཡེ་ཤེས་མཆོག་གིས་འདིར་ནི་སུ་ལུང་སྟོན། །སངས་རྒྱས་ཞིང་བརྒྱན་པ་ནི་མཛེས་པ་ལགས། །སེམས་ཅན་ཀུན་ཀྱང་བདེ་བར་གྱུར་པ་ལགས། །འདི་ལ་བག་མ་མཆིས་པར་སེམས་མི་འཇུག་།ཆོ་འཕྲུལ་དེ་ལྟ་བུ་ནི་གདའ་ལགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱོད་ཀྱིས་ས་ཕྱོགས་འདི་ཉིད་ན་ཁྱེའུ་རྣམ་པར་རྒྱལ་བ་སྲུང་བ་གོས་ངུར་སྨྲིག་གྱོན་པ་མཐོང་ངམ། གསོལ་པ། བཅོམ་ལྡན་འདས། མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། །ཁྱེའུ་རྣམ་པར་རྒྱལ་བ་སྲུང་བ་དེ་ནི། དེ་བཞིན་གཤེགས་པ་མི་འཁྲུགས་པའི་སངས་རྒྱས་ཀྱི་ཞིང་དུ་འཇིག་རྟེན་གྱི་ཁམས་མངོན་པར་དགའ་བར་ལུས་དེ་ཉིད་ཀྱིས་འདུག་གོ་།དེའི་ཚེ་ཇི་སྲིད་པར་སངས་རྒྱས་ཀྱི་ཞིང་དེར་ཚངས་པར་སྤྱོད་པ་སྤྱད་ནས་ལུས་དེ་ཉིད་ཀྱིས་རྒྱལ་སྲིད་ཐོབ་སྟེ། འདི་ལྟ་སྟེ། དཔེར་ན། ལྷ་རྣམས་ཀྱི་དབང་བོ་བརྒྱ་བྱིན་གྱིས་ད་ལྟར་རྒྱལ་སྲིད་ཐོབ་པ་བཞིན་ནོ། །སངས་རྒྱས་ཀྱི་ཞིང་དེ་ནས་ཤི་འཕོས་ནས་ཀྱང་ལུས་དེ་ཉིད་ཀྱིས་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་ཞིང་ནམ་དུའང་སངས་རྒྱས་དང་འབྲལ་བར་མི་འགྱུར་ལ། ཐམས་ཅད་དུ་ལུས་ཐོབ་པ་དེས་ཀྱང་རྒྱལ་སྲིད་ཐོབ་པར་འགྱུར་རོ། །དེ་ཕྱིས་ཀྱང་བསྐལ་པ་གྲངས་མེད་པ་ན་བླ་ན་མེད་པ་ཡང་དག་པར་
309a
༄#། །རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། འཇིག་རྟེན་གྱི་ཁམས་རྟག་ཏུ་སྣང་བར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་མཐའ་ཡས་རྣམ་པར་བསགས་ཞེས་བྱ་བར་འགྱུར་རོ། །ཀུན་དགའ་བོ། དེ་བཞིན་གཤེགས་པ་ཡེ་ཤེས་ཆེན་པོ་རྣམ་པར་བསགས་པའི་ཚེའི་ཚད་ནི། དཔག་ཏུ་མེད་པར་འགྱུར་ཏེ། བསྐལ་པ་འདི་སྙེད་དོ། །ཞེས་དཔག་པའམ། བགྲང་བའམ། བསམ་པར་མི་ནུས་སོ། །དེ་བཞིན་གཤེགས་པ་དེའི་སངས་རྒྱས་ཀྱི་ཞིང་དེ་ན་གནས་པའི་སེམས་ཅན་དེ་དག་ནི། མངལ་དུ་སྐྱེ་བར་མི་འགྱུར་ཏེ། སེམས་ཅན་དེ་དག་བརྫུས་ཏེ་སྐྱེ་བར་འགྱུར་ཞིང ། པདྨ་དག་གི་སྟེང་དུ་སྐྱིལ་མོ་ཀྲུང་གིས་འབྱུང་བར་འགྱུར་རོ། །ཀུན་དགའ་བོ། སངས་རྒྱས་ཀྱི་ཞིང་དེ་ནི། ཡོན་ཏན་ཁྱད་པར་ཅན་དཔག་ཏུ་མེད་པ་གཞན་དག་གིས་ཀྱང་ལེགས་པར་བརྒྱན་པར་འགྱུར་རོ། །ཀུན་དགའ་བོ། བྱང་ཆུབ་སེམས་དཔའ་ཆོས་བཞི་དང་ལྡན་ན། ཚེ་བརྗེས་ནས་དགེ་སློང་ཚུར་ཤོག་ཅེས་བྱ་བའི་རབ་ཏུ་འབྱུང་བ་འཐོབ་སྟེ། བཞི་གང་ཞེ་ན། ཀུན་དགའ་བོ། འདི་ལ་བྱང་ཆུབ་སེམས་དཔའ་བདག་ཉིད་ཀྱང་རབ་ཏུ་འབྱུང་བ་ལ་མངོན་པར་ཆགས་པ་ཡིན་ཞིང ། གཞན་དག་ཀྱང་རབ་ཏུ་འབྱུང་བ་ཡང་དག་པར་འཛིན་དུ་འཇུག་པར་བྱེད་ལ། རྣམ་པ་ཐམས་ཅད་ཀྱིས་
309b
ཀྱང་རབ་ཏུ་འབྱུང་བ་རྟོན་པར་བྱེད་དེ། རབ་ཏུ་བྱུང་ནས་ཀྱང་ཆོས་དང་ལྡན་པའི་གཏམ་གྱིས་རངས་པར་བྱེད་ཅིང ། ཡང་དག་པར་འཛིན་དུ་འཇུག་ལ་ཡང་དག་པར་གཟེངས་བསྟོད་པ་ཡིན་ཏེ།་ཀུན་དགའ་བོ། བྱང་ཆུབ་སེམས་དཔའ་ཆོས་དང་པོ་དེ་དང་ལྡན་ན། ཚེ་བརྗེས་ནས་དགེ་སློང་ཚུར་ཤོག་ཅེས་བྱ་བའི་རབ་ཏུ་འབྱུང་བ་འཐོབ་པ་ཡིན་ནོ། །ཀུན་དགའ་བོ། གཞན་ཡང་བྱང་ཆུབ་སེམས་དཔའ་སངས་རྒྱས་ཀྱི་ཆོས་ཡོངས་སུ་བཙལ་བའི་ཕྱིར་བདག་ཉིད་ཀྱིས་ཀྱང་བརྩོན་འགྲུས་བརྩམས་པ་ཡིན་ཞིང ། སངས་རྒྱས་ཀྱི་ཆོས་ཡོངས་སུ་བཙལ་བའི་ཕྱིར་གཞན་དག་ཀྱང་བརྩོན་འགྲུས་རྩོམ་པ་ཡང་དག་པར་འཛིན་དུ་འཇུག་པ་ཡིན་ཏེ། ཀུན་དགའ་བོ། བྱང་ཆུབ་སེམས་དཔའ་ཆོས་གཉིས་པ་དེ་དང་ལྡན་ན། ཚེ་བརྗེས་ནས་དགེ་སློང་ཚུར་ཤོག་ཅེས་བྱ་བའི་རབ་ཏུ་འབྱུང་བ་འཐོབ་པ་ཡིན་ནོ། །ཀུན་དགའ་བོ། གཞན་ཡང་བྱང་ཆུབ་སེམས་དཔའ་བདག་ཉིད་ཀྱང་བཟོད་པ་དང་དེས་པ་དང་ལྡན་པ་ཡིན་ཞིང ། གཞན་དག་ཀྱང་བཟོད་པ་དང་དེས་པ་ཕུན་སུམ་ཚོགས་པ་ལ་འགོད་པར་བྱེད་པ་ཡིན་ལ། བདག་ཉིད་ཀྱང་ཡོ་བྱད་བསྙུངས་པའི་ཡོན་ཏན་ལ་གནས་པ་ཡིན་ཞིང ། གཞན་དག་ཀྱང་ཡོ་བྱད་བསྙུངས་པའི་ཡོན་ཏན་ཕུན་སུམ་ཚོགས་པ་ལ་འཇོག་པར་བྱེད་པ་ཡིན་ལ། དེ་བདག་ཉིད་ཀྱང་ཤེས་རབ་དང་ལྡན་པ་ཡིན་ཞིང ། གཞན་དག་ཀྱང་ཤེས་རབ་ཕུན་སུམ་ཚོགས་པ་ལ་འཇོག་པར་བྱེད་
310a
༄#། །པ་ཡིན་ཏེ།་ཀུན་དགའ་བོ། བྱང་ཆུབ་སེམས་དཔའ་ཆོས་གསུམ་པ་དེ་དང་ལྡན་ན། ཚེ་བརྗེས་ནས་དགེ་སློང་ཚུར་ཤོག་ཅེས་བྱ་བའི་རབ་ཏུ་འབྱུང་བ་འཐོབ་པ་ཡིན་ནོ། །ཀུན་དགའ་བོ། གཞན་ཡང་བྱང་ཆུབ་སེམས་དཔའ་བདག་ཉིད་ཀྱང་ཐབས་ལ་མཁས་ཤིང་སྨོན་ལམ་གྱི་སྟོབས་དང་ལྡན་པ་ཡིན་ལ། གཞན་དག་ཀྱང་ཐབས་ལ་མཁས་པ་ཡང་དག་པར་འཛིན་དུ་འཇུག་ཅིང་སྨོན་ལམ་གྱི་སྟོབས་ཀྱིས་འཇོག་པར་བྱེད་པ་ཡིན་ཏེ། ཀུན་དགའ་བོ། བྱང་ཆུབ་སེམས་དཔའ་ཆོས་བཞི་པོ་དེ་དང་ལྡན་ན། ཚེ་བརྗེས་ནས་དགེ་སློང་ཚུར་ཤོག་ཅེས་བྱ་བའི་རབ་ཏུ་འབྱུང་བ་འཐོབ་ཅིང ། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ལ། ཐམས་ཅད་དུའང་ལུས་དེ་ཉིད་ཀྱིས་རྒྱལ་སྲིད་འཐོབ་ཅིང་དེར་ཡང་བག་ཡོད་པ་ཡིན་ནོ། །ཀུན་དགའ་བོ། བྱང་ཆུབ་སེམས་དཔའ་ཆོས་བཞི་དང་ལྡན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་མི་ཉམས་པ་ཡིན་ཏེ། བཞི་གང་ཞེ་ན། ཀུན་དགའ་བོ། འདི་ལ་བྱང་ཆུབ་སེམས་དཔའ་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བྱེད་པ་ཡིན། དེ་བཞིན་གཤེགས་པའི་བསྟན་པ་ལའང་མངོན་པར་དགའ་བ་ཡིན། ཆོས་རྣམས་ཉན་པས་ཀྱང་ངོམས་མི་ཤེས་པ་ཡིན། མི་སླུ་བས་བདེན་པ་སྨྲ་བ་ཡིན་ཏེ། ཀུན་
310b
དགའ་བོ། བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་མི་ཉམས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །ལྷག་པའི་བསམ་པས་ཕུན་ཚོགས་ནས། །སངས་རྒྱས་མཐོང་བ་ཚོལ་བར་བྱེད། །ཆོས་རྣམས་ཀྱིས་ནི་ཆོག་མི་ཤེས། །བདེན་པའི་ཚིག་ལ་རབ་ཏུ་གནས། །སེམས་ཅན་སྡུག་བསྔལ་རྣམས་མཐོང་ནས། །ལྷག་པའི་བསམ་པ་སྐྱེད་པར་བྱེད། །ལྷག་པའི་བསམ་པ་ཤེས་ནས་སུ། །སེམས་ཅན་རྣམས་ལ་ཆོས་སྟོན་འགྱུར། །དེ་འདྲའི་ཆོས་དག་ཐོས་པ་ན། །ཆོས་རྣམས་ཀྱིས་ནི་ངོམ་པ་མེད། །གང་གིས་དེ་ཡི་ཤེས་འཕེལ་བ། །དེ་ལ་བརྩོན་འགྲུས་རྩོམ་པར་བྱེད། །རྟག་པར་བདེན་ཚིག་སྨྲ་བར་འགྱུར། །བདེན་པའི་ཚིག་ལ་རབ་ཏུ་གནས། །ཇི་ལྟར་དེ་ནི་ཚིག་སྨྲ་བ། །དེ་བཞིན་ཡིན་ཏེ་གཞན་དུ་མིན། །ཆོས་བཞི་པོ་ནི་དེ་དག་ལ། །དུས་དུས་སུ་ནི་སྟེན་པར་བྱེད། ། བྱང་ཆུབ་དམ་པ་འཐོབ་པར་འགྱུར། །མིག་གི་དམ་པ་འཕེལ་བར་བྱེད། །གང་གི་རྣམ་སྨིན་དཔག་མེད་ཅིང ། །བསམ་མི་ཁྱབ་པར་བཤད་པ་ཡི། །ཆོས་དེ་འདྲ་བ་ཐོས་ནས་སུ། །ཆོས་རྣམས་ལ་ནི་སུ་མི་གནས། །ཀུན་དགའ་བོ། ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་དང་ལྡན་ན། དྲན་པ་ཉམས་པར་མི་འགྱུར་ཞིང་ལྷས་བསྐུལ་བའང་ཐོབ་ལ། སྦྱིན་གནས་དང་
311a
༄#། །བྲལ་བར་ཡང་མི་འགྱུར་ཞིང ། གལ་ཏེ་སྦྱིན་གནས་མེད་པར་གྱུར་ན་བདག་ཉིད་ཀྱང་སྦྱིན་གནས་སུ་བྱེད་པ་ཡིན་ཏེ། བཞི་གང་ཞེ་ན། ཀུན་དགའ་བོ། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་སེམས་ཅན་ཡང་དག་པར་འཛིན་དུ་འཇུག་པར་སྤྲོ་བ་དང་ལྡན་པ་ཡིན། དེ་བཞིན་གཤེགས་པ་ལ་བསྟི་སྟང་བྱ་བ་སྤྲོ་བ་དང་ལྡན་པ་ཡིན། ཆོས་ཡོངས་སུ་བཙལ་བར་སྤྲོ་བ་དང་ལྡན་པ་ཡིན། ཆོས་སྨྲ་བ་རྣམས་ལའང་བདེ་བའི་ཡོ་བྱད་ཀྱིས་ཉེ་བར་གནས་པ་ཡིན་ཞིང ། སེམས་ཅན་སྡུག་བསྔལ་བ་དག་མཐོང་ན་ཡང་མི་འཇིགས་པས་དབུགས་འབྱིན་པར་བྱེད་པ་ཡིན་ཏེ། ཀུན་དགའ་བོ། བྱང་ཆུབ་སེམས་དཔའ་ཐེག་པ་ཆེན་པོ་ལ་ཡང་དག་པར་ཞུགས་པ་ཆོས་བཞི་པོ་དེ་དག་དང་ལྡན་ན། ཚེ་བརྗེས་ནས་བརྗེད་མི་ངས་པ་ཡིན་ཞིང་སྦྱིན་གནས་དང་ཡང་མི་འབྲལ་བ་ཡིན། གལ་ཏེ་སྦྱིན་གནས་མ་རྙེད་ནའང་བདག་ཉིད་སྦྱིན་གནས་སུ་བྱེད་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །རྫོགས་སངས་རྒྱས་ལ་བསྟི་སྟང་བྱེད། །ཆོས་ལའང་གུས་དང་བཅས་པ་ཡིན། །ཆོས་སྨྲ་བ་ཡི་དགེ་སློང་ལའང ། །གུས་དང་བཅས་བས་བསྟི་སྟང་བྱེད། །སེམས་ཅན་འཇིགས་པས་གཟིར་བ་དང ། །འདྲེན་མེད་སྡུག་བསྔལ་རྣམས་མཐོང་ན། །
311b
དེ་དག་ལ་ནི་འཇིགས་མེད་སྦྱིན། །འཇིགས་གཟིར་དེ་དག་སྐྱོབ་པར་བྱེད། །དགེ་བའི་རྩ་བ་དེ་ཡིས་ནི། །སངས་རྒྱས་མཐོང་བ་ཐོབ་པར་འགྱུར། །ཁྱོད་ལོངས་བརྩོན་འགྲུས་རྩོམས་ཞེས་ནི། །ལྷ་རྣམས་དག་ཀྱང་སྐུལ་བར་བྱེད། །གལ་ཏེ་སངས་རྒྱས་མ་མཐོང་ཞིང ། །ཉན་ཐོས་ཀྱང་ནི་མ་མཐོང་ལ། །འཇིག་རྟེན་འདི་ཡི་སྦྱིན་པའི་གནས། །རང་སངས་རྒྱས་དེ་མ་མཐོང་ན། །རང་ཉིད་མངོན་པར་བྱུང་ནས་སུ། །ཁྱིམ་མེད་པར་ནི་རབ་ཏུ་བྱུང ། །དགོན་པ་ཞི་བ་སྟེན་པར་བྱེད། །མངོན་ཤེས་ལྔ་པོ་མྱུར་དུ་འཐོབ། །མངོན་ཤེས་ལྔ་པོ་ཐོབ་ནས་ཀྱང ། །ས་འདི་ཀུན་ཏུ་རྣམ་པར་རྒྱུ། ། གྲོང་དང་ཡུལ་འཁོར་རྣམས་སོང་ནས། །སེམས་ཅན་རྣམས་ནི་ཆོས་འཛིན་འཇུག་།དེ་ལས་ཆོས་ནི་ཐོས་ནས་སུ། །འགྲོ་བ་སྡིག་པ་སྤོང་བར་བྱེད། །ཕྱི་ནས་སྡིག་པའི་ལས་ཅན་མིན། །སེམས་ཅན་གུས་དང་བཅས་པར་འགྱུར། །དེ་ནི་མྱ་ངན་འདས་པ་འཐོབ། །ཆོས་ཀྱི་མཆོག་གིས་དེ་མཆོག་ལྟར། །དེ་བཞིན་འདི་ལ་བདག་བྱ་སྙམ། །དེ་ཡི་ཐད་དུ་རབ་ཏུ་འབྱུང ། །རང་གིས་ཆོས་ནི་སྤྱོད་པ་ན། །གཞན་དག་དང་ནི་བདག་ཉིད་ཀྱི། །དེ་འདྲ་བ་ཡི་ཡོན་ཏན་འབྱུང ། །སུ་ཞིག་རྟག་ཏུ་ཆོས་མི་སྤྱོད། །དེ་བས་བྱང་ཆུབ་ཡོངས་ཚོལ་བས། །ཆོས་དེ་དག་ནི་ཀུན་ཏུ་སྤྱད། །སངས་རྒྱས་ཡེ་ཤེས་བསམ་མི་ཁྱབ། །དེ་ནི་ཉམས་པར་འགྱུར་མ་ཡིན། །ངས་ཀྱང་སྔོན་ཆད་དེ་དག་བསྟེན། །དེ་ཕྱིར་ང་ནི་མཆོག་ཏུ་འཕགས། །ཆོས་དེ་ལ་ནི་མངོན་བསླབ་ནས། །སངས་རྒྱས་
312a
༄#། །བྱང་ཆུབ་རྙེད་མི་དཀའ། །ང་ནི་འཇིག་རྟེན་རྫོགས་སངས་རྒྱས། །ང་ནི་འཇིག་རྟེན་བླ་ན་མེད། །ཡེ་ཤེས་བླ་ན་མེད་པ་ཡི། །ཆོས་སྟོན་བྱེད་པ་ཨ་ལ་ལ། །ཀུན་དགའ་བོ། དེ་ལྟ་བས་ན། རྣམ་གྲངས་དེས་ན་ཅི་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་དེ་དག་ལ་གནས་ཤིང་འདི་ལྟ་སྟེ། ཆོས་རྣམས་ཀྱིས་དོན་བྱེད་པ་ཡིན་པ་དེ་ལྟ་བུར་རིག་པར་བྱའོ། །ཀུན་དགའ་བོ། སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པར་གྱུར་པ་དེའི་ཚེ་དེའི་དུས་ན་ནམ་མཁའ་ཡོངས་སུ་ཟིན་པ་འདིར་རྒྱལ་པོ་ཕྱོགས་རབ་སྒྲོག་ཅེས་བྱ་བ་ཞིག་བྱུང་སྟེ། ཀུན་དགའ་བོ། རྒྱལ་པོ་ཕྱོགས་རབ་སྒྲོག་གི་ཆུང་མ་དམ་པ་གཙོ་མོ་ལས་བུ་ཞིག་བཙས་པར་གྱུར་ཏོ། །ཀུན་དགའ་བོ། གཞོན་ནུ་དེ་བཙས་མ་ཐག་ཏུ་འཇིག་རྟེན་དུ་སེམས་ཅན་ཆོས་སྤྱོད་པ་ཞིག་བྱུང་ངོ ། །ཞེས་ལྷ་རྣམས་ཀྱིས་སྒྲ་སྐད་མཐུན་པར་བསྒྲགས་སོ། །ཀུན་དགའ་བོ། དེ་ནས་རྒྱལ་པོའི་གཞོན་ནུ་དེས་སྒྲ་དེ་ཐོས་ནས་ཅི་འདི་ཆོས་ཤིག་ཡིན་ནམ། འོན་ཏེ་ཆོས་མ་ཡིན་སྙམ་ནས་ཀུན་ཏུ་སྤངས་པར་གྱུར་ཏོ། །ཀུན་དགའ་བོ། རྒྱལ་པོའི་གཞོན་ནུ་སྐྱེས་ནས་ལོ་བདུན་ལོན་པ་ལྟ་བུ་དེ་རྒྱལ་པོ་ཕྱོགས་རབ་སྒྲོག་དེ་ག་ལ་བ་དེར་སོང་སྟེ་ཕྱིན་ནས། རྒྱལ་པོའི་རྐང་པ་ལ་ཕྱག་བཙལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀྱང་རྒྱལ་པོ་ཕྱོགས་རབ་སྒྲོག་
312b
ལ་སྨྲས་པ། ཡབ། འདི་ཅི་ཆོས་ཤིག་ལགས་སམ། འོན་ཏེ་ཆོས་མ་ལགས། དེ་ནས་རྒྱལ་པོ་དེས་གཞོན་ནུ་ལ་ཚིགས་སུ་བཅད་པས་སྨྲས་པ། སྲོག་གཅོད་པ་ཡི་སྡིག་པ་སྤངས་ནས་སུ། །སྦྱིན་པ་དུལ་བ་ཚངས་སྤྱོད་ཡང་དག་སྡོམ། །དེས་དང་ཚུལ་ཁྲིམས་ཡོན་ཏན་རབ་གནས་པ། །ཆོས་དེ་འཕགས་པ་རྣམས་ཀྱིས་བསྟོད་པ་ཡིན། །ཀུན་དགའ་བོ། །དེ་ནས་རྒྱལ་པོའི་གཞོན་ནུ་དེས་ཕ་དེ་ལ་ཚིགས་སུ་བཅད་པས་སྨྲས་པ། ཡབ་ཅིག་བདག་ལ་ཆོས་གང་གསུངས་པ་དེ། །རྒྱལ་སྲིད་འཛམ་གླིང་དེ་ནི་རབ་སྟོན་པ། །ཁྱིམ་པས་ཆོས་དེ་བསྟེན་པར་ནུས་ལགས་སམ། །བདག་གིས་ཞུས་པ་དེ་ནི་ལུང་བསྟན་གསོལ། །གལ་ཏེ་དེ་ནུས་ལགས་ན་བདག་ལ་གསུངས། །གལ་ཏེ་བདག་གིས་ནུས་ན་ཁྱོད་ཀྱིས་གསུངས། །བདེན་པ་སྨྲ་བ་སེམས་ཅན་དམྱལ་མི་མཆི། །དེ་དག་ངན་འགྲོའང་ཀུན་ཏུ་སྟེན་མི་འགྱུར། །མི་བདེན་སྨྲ་བ་ངན་འགྲོར་མཆི་བར་འགྱུར། །མནར་མེད་ཕྱིན་ཅིང་སྡུག་བསྔལ་མྱོང་བར་འགྱུར། །དེ་ཕྱིར་མི་བདེན་པ་དག་སྤངས་ནས་སུ། །བདེན་ཚིག་བདེན་པ་བདག་ལ་གསུང་དུ་གསོལ། །ཀུན་དགའ་བོ། །དེ་ནས་རྒྱལ་པོ་ཕྱོགས་རབ་སྒྲོག་གིས་རྒྱལ་པོའི་གཞོན་ནུ་དེ་ལ་ཚིགས་སུ་བཅད་པ་དག་གིས་སྨྲས་པ། རྒྱལ་སྲིད་འཛམ་གླིང་དེ་ནི་རབ་སྟོན་པ། །ཆོས་རྣམས་མཐའ་དག་བསྟེན་པར་ནུས་མ་ཡིན། །དབྱུག་པ་མཚོན་གྱིས་ས་ནི་རབ་བསྟན་ན། །གཞོན་ནུ་གང་དུ་དེ་ལ་ཆོས་
313a
༄#། །འབྱུང་འགྱུར། །སྲོག་ཆགས་རྣམས་ལ་ང་ཡིས་གནོད་སྤྱོ་བྱ། །ང་ཡིས་བསྒོ་བ་མྱུར་དུ་མི་བྱེད་པ། །དེ་ནི་ལོངས་སྤྱོད་འཕྲོག་ཅིང་ཆད་པས་གཅད། །ཕྱིས་ཀྱང་བཙོན་རར་རབ་ཏུ་གཞུག་པར་བྱ། །ས་བཟང་བལྟ་བའི་ཕྱིར་ནི་མངོན་པར་འབྱུང ། །དེ་ཚེ་གྲོང་རྡལ་པ་དག་སྐྲག་པར་འགྱུར། །རྒྱལ་པོ་འོང་ཞེས་སྐྲག་པ་འབྱུང་འགྱུར་ཞིང ། །དེ་དག་ཕྱོགས་ཕྱོགས་སུ་ནི་འགྲོ་བར་འགྱུར། །གང་ཚེ་ང་ནི་ཆོས་ལ་འདུག་གྱུར་ཚེ། །ལྷ་འདི་ནོངས་པ་འབྱུང་བའི་མི་ལགས་ན། །ཇི་ལྟར་ལྷས་མཁྱེན་ཆད་པས་ཆོད་ཅིག་ཅེས། །ང་ལ་འབུལ་ཞིང་ངེས་པར་འབུལ་བར་བྱེད། །ང་ཡིས་ཉེས་པ་བྱུང་བ་དེ་མ་ཤེས། །གཞན་གྱི་དོན་གྱི་ཕྱིར་ནི་སྡིག་པ་བྱས། །ཅི་ནས་ཕྱིན་ཆད་ང་ཡི་བསྟན་པ་ལ། །དེ་དག་སྡིག་མི་བྱེད་པར་རྡེགས་ཆིངས་སོད། །དེ་ལ་བསླབ་ནས་གཞན་དག་བྱེད་གྱུར་ན། །དེ་ལྟར་ང་ཡི་ཡུལ་འཁོར་སྡུག་བསྔལ་འགྱུར། །ཚར་བཅད་ནས་ནི་དེ་ལ་ཆད་པས་བཅད། །དེ་ལས་གྲོང་རྡལ་པ་དག་འཇིགས་པར་འགྱུར། །རྒྱལ་པོ་གཏུམ་ཞིང་མི་རྣམས་དྲག་པོ་ཡིན། །དེ་ཡིས་འཕྲལ་དུ་སྲོག་ཆགས་འཇིགས་པར་བྱེད། །གནོད་པ་བྱེད་ཚེ་དེ་ལ་སྙིང་རྗེ་སྐྱེ། །རྣམ་པར་རྒྱལ་ལ་མ་ཆགས་སྟོན་པར་འགྱུར། །དེ་ཚེ་གཞོན་ནུས་ཚིག་ནི་ཐོས་ནས་སུ། །ཕྱོགས་རབ་སྒྲོག་ལ་ཚིགས་བཅད་འདི་དག་སྨྲས། །སྐྱོ་བ་ཐོབ་ཅིང་སྡུག་བསྔལ་གྱུར་པ་ལགས། །ཡབ་
313b
ཅིག་བདག་ནི་ཆོས་ལ་སྟེན་པར་འཚལ། །ཡབ་ཅིག་བདག་འདིར་རྒྱལ་སྲིད་དོན་མི་གཉེར། །གཞན་གྱི་དོན་གྱི་ཕྱིར་ནི་སྡིག་བགྱིད་འགྱུར། །ཡབ་ཡུམ་དང་ནི་རྒྱལ་སྲིད་སྤངས་ནས་སུ། །ཡབ་ཅིག་བདག་ནི་ཆོས་ཡོངས་བཙལ་བར་འཚལ། །ཡབ་ཅིག་གལ་ཏེ་བདག་གཏོང་མི་མཛད་ན། །དེང་ཉིད་བདག་ནི་འཆི་བའི་དུས་བགྱིའོ་ཡབ། །དུག་བཏུང་རི་ལས་གཡང་དུ་དོར་བར་བགྱི། །མཚོན་གྱིས་འཆི་བའི་དུས་ཀྱང་བགྱི་འོ་ཡབ། །རྒྱལ་པོས་ཚིག་དེ་ཐོས་ནས་མི་དགར་གྱུར། །བུ་ཁྱོད་ང་ཚིག་འདི་འདྲ་འདི་ཉོན་ཅིག་།གཞོན་ནུ་ཁྱོད་ཀྱིས་རྟག་པར་འདོད་པ་སྤྱོད། ། ང་ཡིས་རྒྱལ་སྲིད་དེ་ནི་བསྟེན་པར་བྱ། །བུ་ཁྱོད་ཁྱིམ་ནས་མངོན་པར་མ་འབྱུང་ཞིག་།བུ་གཅིག་སྐྱེད་མོས་ཚལ་དུ་རྩེ་དགའ་བྱོས། །ལོངས་སྤྱོད་ཡངས་ཤིང་མང་པོ་ཁྱོད་ལ་སྦྱིན། །བུ་ཁྱོད་རབ་ཏུ་འབྱུང་བས་ཅི་འགྱུར་སྙམ། །འདོད་པ་མཛེས་པ་རིམ་གྱིས་སྤྱད་པར་བྱོས། །ལོངས་སྤྱོད་ཟད་པར་གྱུར་ནས་རབ་ཏུ་བྱུང ། །འདི་ལ་ཇི་སྲིད་སྐྱོན་ཉུང་ཤེས་ནས་སུ། །ཚེ་ཐུང་ཉིད་ན་མྱ་ངན་འདས་པ་བསྐྱེད། །འདོད་པ་བསྟེན་པས་ངོམས་པར་འགྱུར་མ་ལགས། །སྐྱོན་དང་ཐ་བའི་ལས་ནི་སྐྱེད་པར་བགྱིད། །སྐྱོན་མེད་མངོན་འབྱུང་ཆོས་ནི་སྤྱད་པར་བགྱི། །སྲོག་ཆགས་རྣམས་ལ་ཕན་ཕྱིར་བྱམས་པ་བསྟེན། །དགོན་པའི་གནས་སུ་གཅིག་པུ་གནས་པར་བགྱི། །དེ་ལས་བདེ་བ་ཆེན་པོ་འབྱུང་བར་འགྱུར། །ཚུལ་ཁྲིམས་གནས་པས་ཚངས་སྤྱོད་ཞི་བར་
314a
༄#། །འགྱུར། །དེ་ཕྱིར་དགོན་པ་བརྒྱ་ནི་བསྟེན་པར་བགྱི། །བདག་གི་སླད་བཞིན་ཡབ་ཁྱོད་རབ་ཏུ་བྱུང ། །ཁྱོད་ལ་ཡུལ་འཁོར་གྲོང་རྡལ་ཅི་ཞིག་བགྱི། །གཞན་གྱི་དོན་དུ་སྡིག་པ་བགྱིས་པས་ནི། །ངན་སོང་གནས་ཤིང་སྡུག་བསྔལ་མྱོང་བར་འགྱུར། །དེ་ཡི་ཚེ་ན་འཇིགས་པ་ཆེན་པོ་ཡི། །ལྕགས་ཀྱི་ཐུ་ལུམ་ཆེན་པོ་གསོལ་ཅིག་ཡབ། །སྡིག་བགྱིས་མི་མཉམ་པ་ནི་སྤྱད་པས་ན། །སེམས་ཅན་དམྱལ་བ་རྣམས་སུ་སྐྱེ་བར་འགྱུར། །ལུས་ལ་ལྕགས་ཀྱི་ཕུར་བུས་བཏབ་ནས་སུ། །དེ་ཚེ་ལྕགས་ཀྱི་སྒོ་གླེགས་སྟེང་ནས་འཇོམས། །གང་དག་དེ་ལུས་ཀུན་ནས་འཇོམས་པ་ཡི། །ལྕགས་ཀྱི་གཤོལ་དག་དེར་ནི་ཀུན་ནས་འབྱུང ། །རབ་དྲག་ལས་ཅན་སེར་སྐྱ་ལྗང་གུ་སྐྲས། །ཁས་བུབ་བུམ་པའི་ནང་དུ་རབ་ཏུ་འཇུག། ལྕགས་ཀྱི་གཏུན་དག་གིས་ཀྱང་སྐྲག་པར་འགྱུར། །ལོ་གྲངས་མང་པོར་ཚོར་བ་བཟོད་པར་བགྱིད། །དེར་ནི་དེ་ཡང་འཆི་དུས་བགྱིད་མི་འགྱུར། །སྡིག་པའི་ལས་ཀྱིས་འཛིན་པར་བགྱིད་པ་ལགས། །ལས་བས་ནས་ནི་ཐར་པ་འཐོབ་ལགས་ཏེ། །སྡིག་པའི་ལས་ཀྱི་འབྲས་བུ་དེ་འདྲ་ལགས། །གང་ཚེ་ལུས་དེར་འཆི་བ་འབྱུང་བའི་ཚེ། །མེ་འོབས་རབ་ཏུ་འཇིགས་པར་དེ་དག་འཇུག་།དེ་དག་གིས་ནི་ལུས་དེ་རབ་ཏུ་འབར། །དེ་ཚེ་རབ་འཇིགས་མེ་ཡིས་ཟིལ་གྱིས་ནོན། །གང་ཚེ་མེ་ཡི་འོབས་ལས་ཐར་གྱུར་ཚེ། །རབ་འཇིགས་ཀུན་འབར་ཀུན་ཏུ་
314b
རབ་འབར་བའི། །བྲག་རི་ཆེ་མཐོ་ལ་ནི་འཛེག་པར་འགྱུར། །དེ་ཚེ་དེ་དག་མི་གཙང་འདམ་དུ་འཇུག་།རབ་འཇིགས་ཀུན་འབར་ཀུན་ཏུ་རབ་འབར་ཞིང ། །དེ་ཚེ་ཁབ་འདྲའི་ཁ་ཡིས་ཟ་བ་ཡིས།། དེ་ཚེ་ལོ་ནི་བྱེ་བར་ཞུགས་ནས་སུ། །བརྒྱ་ལ་དེ་ལས་འབྱུང་བར་འགྱུར་བ་ལགས། །དེ་ཚེ་དེ་ནའང་འཇིགས་པའི་མདའ་ཚལ་མཆིས། །དེར་ནི་ཤིན་ཏུ་མཆོག་ཏུ་སྡུག་བསྔལ་ལྟུང ། །རལ་གྲིའི་སོ་འདྲའི་ལོ་མ་རབ་འཇིགས་པ། །ཀུན་འབར་ཀུན་ཏུ་རབ་འབར་དག་གིས་གཅོད། །ཚལ་དེར་རབ་ཏུ་ཞུགས་པ་ཙམ་གྱིས་ཀྱང ། །ཕྱོགས་བཞི་དག་ནས་རླུང་གི་ཕུང་པོ་འབྱུང ། །གང་ཕྱིར་རླུང་བསྐྱོད་རལ་གྲི་འཁྲུགས་ནས་སུ། །དེ་ཡིས་ལུས་ནི་ཀུན་ནས་རབ་ཏུ་འདྲལ། །གང་ཚེ་ཚལ་དེ་ནས་ནི་མངོན་བྱུང་ཚེ། །དེར་ནི་འཇིགས་པ་ཆེན་པོའི་ཚལ་དུ་འཇུག་།དེ་ཚེ་རལ་གྲིའི་སོ་འདྲའི་ལོ་མས་འགུམས། །སྤུ་གྲིའི་སོ་འདྲ་དག་གིས་འབྱིན་པར་འགྱུར། །རལ་གྲིའི་ཚལ་རབ་འཇིགས་པར་ཞུགས་ཙམ་གྱིས། །ཕྱོགས་བཞི་དག་ནས་འཇིགས་པའི་རླུང་ལྡང་འགྱུར། །རླུང་བསྐྱོད་དེ་དག་རལ་གྲི་ལ་མས་ཆོད། །དེ་ཚེ་ལུས་ནི་དུམ་བུ་དུམ་བུར་འཆད། །དེ་ཚེ་དེ་དག་ལུས་ལ་གཅོད་པ་ན། །རླུང་གིས་འཕངས་པའི་རལ་གྲི་ལྷུང་འགྱུར་ཞིང ། །ལུས་ལ་རལ་གྲིའི་འདབ་མ་ཞུགས་པར་འགྱུར། །དེ་དག་དེ་ན་སྡུག་བསྔལ་ཚོར་བ་མྱོང ། །ལོ་ནི་མང་པོར་སྡུག་བསྔལ་མྱོང་ནས་སུ། །དེ་དག་འགྱུར་བྱེད་ཆུ་ཀླུང་རབ་ཚར་འཇུག་།ལོ་ནི་མང་པོར་སྡུག་བསྔལ་
315a
༄#། །མྱོང་ནས་སུ། །འགྱུར་བྱེད་ཆུ་ཀླུང་ཚ་མྱུར་འབབ་པར་འཇུག་།ཟབ་མོ་ཀློང་སྟོང་འབབ་པར་བགྱིད་པ་ཡི། །ཟངས་དང་ལྕགས་བསྐོལ་བ་ནི་འབབ་པ་དེར། །མི་ནི་གཞོལ་བས་འབབ་ཅིང་འཆི་བར་འགྱུར། །རྦ་ཀློང་ཤུགས་ཀྱིས་འབབ་པས་འཆི་བར་འགྱུར། །རྦ་ཀློང་ཆེན་པོའི་ཤུགས་ཀྱིས་རབ་འབབ་ཅིང ། །དེ་ནི་འཇིགས་པའི་ཆུ་ཀླུང་དེར་འཇུག་འགྱུར། །གཏིང་མ་སླེབ་པར་འབབ་པས་འཆི་བར་འགྱུར། །སྡུག་བསྔལ་དེ་ནི་ལྟ་བར་སུ་ཞིག་འཚལ། །གང་ཚེ་རྒལ་བར་གྱུར་པ་དེ་ཡི་ཚེ། །འགྲམ་ན་གནས་པའི་སྲིན་པོ་དྲག་འཇིགས་པ། །སོ་གཙིགས་ལྗང་གུ་དམར་སེར་སྐྲ་ཅན་གྱིས། །བརྒྱུགས་ནས་འབྲོས་པར་བྱེད་པ་འཛིན་པར་འགྱུར། །བཟུང་ནས་གྲོགས་པོ་ཅི་ཟ་བསྟན་པར་གྱིས། །ཁྱོད་ནི་ཅི་འདོད་ཅེས་ཀྱང་འདྲི་བར་བགྱིད། །བདག་ནི་ཟས་ཞིག་བཟའ་བར་འཚལ་ལགས་ཏེ། །བདག་ནི་བཀྲེས་ཞེས་ཚིག་ཏུ་སྨྲ་བར་འགྱུར། །མཆོག་རབ་འཇིགས་དེ་དག་གིས་མྱུར་བཟུང་ནས། །ལྕགས་ཀྱི་ས་སྟེང་དུ་ནི་བོར་ནས་སུ། །གང་དག་ལུས་བཤིག་ནས་ནི་སར་ལྟུང་བའི། །ལྕགས་ཀྱི་ཐུ་ལུམ་དེ་དག་དར་སྦྱིན་འགྱུར། །ཁོང་དུ་འབར་ཞིང་ཕྱི་རོལ་རབ་འབར་བས། །བསྲེག་ཅིང་བཙོ་འོ་ཞེས་ནི་ཚིག་ཏུ་སྨྲ། །དེར་ནི་འགྱུར་བྱེད་ཆུ་ཀླུང་སྡུག་བསྔལ་ལྟུང ། །ཆུ་འདི་ཆུ་གྲང་སྙམ་དུ་སེམས་པར་བགྱིད། །ཕྱིས་ཀྱང་མི་གཙང་འདམ་དུ་འཇུག་པར་འགྱུར། །རི་དང་སྤུ་གྲིའི་སོ་
315b
འདྲ་དེ་དེ་བཞིན། །རབ་ཏུ་འཇིགས་པའི་མེ་འོབས་དེ་དེ་བཞིན། །ཡང་དང་ཡང་དུ་ཚོར་བ་དེ་མྱོང་འགྱུར། །ཁྱོད་ཀྱི་རྒྱལ་སྲིད་འདི་རྟག་མ་ལགས་ཡབ། །དབང་ཕྱུག་ཡུན་རིང་རྗེས་སུ་འཇུག་མ་ལགས། །སྲོག་དང་རྒྱལ་སྲིད་དེ་བཞིན་འདོད་པ་དང ། །ཐམས་ཅད་མི་རྟག་ཅེས་ནི་རྒྱལ་བས་གསུངས། །དེ་སླད་བདག་གི་ཚིག་བཞིན་མཛོད་ཅིག་ཡབ། །ཐམས་ཅད་སྤངས་ནས་མངོན་པར་འབྱུང་བར་མཛོད། །འདི་ནས་ཤི་འཕོས་བདེ་འགྲོ་རྣམས་སུ་དགྱེས། །སྡུག་བསྔལ་ཀུན་ལས་ཐར་པར་འགྱུར་རོ་ཡབ། །ཚུལ་ཁྲིམས་བསམ་གཏན་གནས་ཤིང་སེམས་རབ་བྱམས། །རབ་དབེན་དགོན་པ་ཞི་བར་གནས་པར་འགྱུར། །བདག་དང་མཚུངས་པར་སུ་ཡང་མ་དགོངས་ཤིག་།དེར་ཁྱོད་ཚངས་པ་ལྟ་བུར་འགྱུར་བ་ལགས། །དེ་ལ་དེ་ལྟར་རྗེས་བསྟན་གཞོན་ནུ་ནི། །རྒྱལ་སྲིད་ཀུན་སྤངས་ཡང་དག་རབ་ཏུ་བྱུང ། །ཕྱོགས་རབ་སྒྲོག་དང་མ་ཡང་དེ་བཞིན་ཏེ། །དེ་ལ་བར་ཆད་སུ་ཡང་བྱེད་པ་མེད། །བསམ་གཏན་བདེ་བ་རྗེས་སུ་སྤྱོད་བྱེད་ཅིང ། །དེ་རབ་བྱུང་ནས་ཆོས་ནི་ཡོངས་སུ་བཙལ། །མངོན་པར་ཤེས་ཐོབ་དྲང་སྲོང་རྒྱལ་པོར་གྱུར། །འཇིག་རྟེན་ཕན་ཕྱིར་ཆོས་ནི་རབ་ཏུ་སྟོན། །བདག་མེད་ཆོས་རྣམས་རབ་ཏུ་བསྟན་པས་ན། །དེ་ཡི་སེམས་ཞི་ཡིད་ཀྱང་རབ་ཏུ་ཞི། །དེ་ལ་བདག་མེད་བདག་གིའང་ཡོད་མ་ཡིན། །བདག་ཅེས་ཆོས་ནི་ནམ་ཡང་དམིགས་མ་ཡིན། །ཆོས་དེ་དྲང་སྲོང་རྒྱལ་པོས་བསྟན་པས་ན། །ཆོས་དེ་ཐམས་ཅད་མ་བཅིངས་མ་གྲོལ་བ། །གང་
316a
༄#། །ལ་སེམས་ཅན་མེད་ཅིང་བདག་གི་མེད། །དེ་ལ་སོམས་ཤིག་ཚུལ་བཞིན་སོ་སོར་རྟོགས། །དྲང་སྲོང་རྒྱལ་པོའི་ཆོས་ནི་ཐོས་ནས་སུ། །དེར་ནི་བརྒྱ་སྟོང་མང་པོ་དོང་བར་གྱུར། །དེ་ཚེ་རྒྱལ་པོ་ཕྱོགས་རབ་སྒྲོག་རབ་བྱུང ། །དེ་ཡི་བསྟན་ལ་མ་ཡང་རབ་ཏུ་བྱུང ། །དྲང་སྲོང་ཐད་དུ་དེ་དག་རབ་བྱུང་ནས། །གང་དག་ཆོས་དེ་འདྲ་བ་བྱུང་བ་དང ། ། ཆོས་གང་དེ་ལ་དྲང་སྲོང་ཞུགས་གྱུར་པ། །དེ་ཉིད་བདག་གིས་ཀྱང་ནི་ཐོབ་བྱ་སྙམ། །དྲང་སྲོང་གིས་ནི་ཇི་ལྟར་བསྟན་སློབ་ཅིང ། །འདི་ལ་དེ་ཀུན་བྱང་ཆུབ་མཆོག་ཏུ་ཞུགས། །དེ་དག་ཀུན་ཀྱང་སངས་རྒྱས་ངེས་པར་གྱུར། །དེ་ཚེ་བྱང་ཆུབ་སངས་རྒྱས་ཐམས་ཅད་ཞི། །དེ་ཚེ་རྒྱལ་བུ་དེ་ནི་གཞན་ཞིག་སྙམ། །གང་གིས་ཆོས་དེ་རྗེས་སུ་བསྟན་ནས་སུ། །ཆོས་ཀུན་ཚོལ་ཞིང་རབ་ཏུ་བྱུང་བ་དེའང ། །ཀུན་དགའ་འདི་ལ་ཁྱོད་ནི་ཐེ་ཚོམ་ན། །ཀུན་དགའ་ཁྱོད་ནི་ཐེ་ཚོམ་མ་ཟ་ཞིག་།དེ་ཚེ་དེ་ནི་རྒྱལ་བུ་དེར་གྱུར་ཏོ། །ང་ཡིས་མི་རྣམས་ཀྱི་ནི་དོན་ཆེན་བྱས། །ང་ཡིས་དེ་དག་ཐེག་པ་མཆོག་ལ་འང་བཀོད། །དེ་ཚེ་ཆོས་ཀྱི་འཁོར་ལོ་རབ་བསྐོར་ནས། །ང་ནི་ནམ་ཡང་བརྩོན་འགྲུས་ཉམས་མ་གྱུར། །ངས་ནི་ནམ་ཡང་འདུན་པ་བཏང་མ་གྱུར། །ང་ཡིས་རྟག་པར་བརྟན་པར་རྗེས་སུ་བསྒོམས། །ང་ཡིས་ཆོས་དེ་དག་ནི་རྟག་པར་བསྟེན། །ང་ཡིས་ནམ་ཡང་ལེ་ལོ་བྱས་མ་གྱུར། །ང་ཡིས་བྱང་ཆུབ་ཐོབ་པར་མི་ནུས་ཞེས།།
316b
ང་ནི་ནམ་ཡང་ཞི་ལ་སོམ་ཉི་མེད། །ང་ཡི་བྱང་ཆུབ་འདུན་པ་རྟག་པར་བྱུང ། །ང་ཡིས་བརྩོན་འགྲུས་དམ་པ་རྟག་པར་བསྟེན། །ང་ཡིས་ལེགས་བཤད་ཆོས་ནི་རྟག་པར་བཙལ། །དེས་ན་ང་ཡི་དགའ་བ་བླ་མེད་གྱུར། །དེ་ཕྱིར་གང་ཞིག་བྱང་ཆུབ་འདོད་བྱེད་པ། །ཇི་ལྟར་ངས་བསླབ་དེ་བཞིན་སློབ་བྱེད་ན། །སློབ་པ་བྱང་ཆུབ་ལས་ནི་ཉམས་མི་འགྱུར། །ཆོས་ཀྱི་འཁོར་ལོ་དམ་པ་བསྐོར་བར་འགྱུར། །མངོན་པར་འབྱུང་བ་ཡང་དག་པར་བརྗོད་པའི་ལེའུ་སྟེ། བཅུ་གཅིག་པའོ།། །།ཀུན་དགའ་བོ། བྱང་ཆུབ་སེམས་དཔའ་ཆོས་བཞི་དང་ལྡན་ན་དྲན་པ་དང་ལྡན་པ་ཡིན། རྟོགས་པ་དང་ལྡན་པ་ཡིན། བློ་དང་ལྡན་པ་ཡིན། ཆོ་ག་དང་སྤྱོད་ཡུལ་དང་ལྡན་པ་ཡིན་ཏེ། བཞི་གང་ཞེ་ན། ཀུན་དགའ་བོ། །འདི་ལ་བྱང་ཆུབ་སེམས་དཔའ་ཆོས་དེ་ལྟ་བུ་དེ་དག་ཡོངས་སུ་བཙལ་བའི་ཕྱིར་བརྩོན་འགྲུས་རྩོམ་པ་ཡིན། རྙེད་ནས་ཀྱང་ཆོས་དེ་དག་ལ་སྒྲུབ་པ་ཡིན། བདག་ཉིད་ཀྱང་ཆོས་ལ་གནས་ནས་དེ་ཉིད་ལ་སྐྱེ་བོ་མང་པོ་ཡང་དག་པར་འཛིན་དུ་འཇུག་པ་ཡིན། ཡང་དག་པར་འཛིན་དུ་བཅུག་ནས་ཀྱང་ཆོས་དང་ལྡན་པའི་གཏམ་གྱིས་རངས་པར་བྱེད་ཅིང་ཡང་དག་པར་གཟེངས་བསྟོད་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་དག་དེ་ཡི་བདེ་འདྲེན་པའི། །ཆོས་དེ་དག་ནི་ཡོངས་སུ་ཚོལ། །དེ་འདྲའི་ཆོས་དག་མ་རྙེད་
317a
༄#། །པར། །དེ་ནི་བརྩོན་འགྲུས་འདོར་མི་བྱ། །དེ་འདྲའི་ཆོས་དག་ཐོས་ནས་མང་དུ་ཐོས་པས་འཇལ། །རྟག་ཏུ་ཆོས་ལ་གནས་ཤིང་ཇི་སྐད་བཤད་ལ་སློབ། །བདག་དེ་ཇི་ལྟར་གནས་བཞིན་གཞན་དག་ཆོས་ལ་དགོད། །གང་དག་ཆོས་འདིར་གནས་ལ་ཅི་ཡང་འདོམས་མི་བྱེད། །ཀུན་དགའ་བོ། གཞན་ཡང་བྱང་ཆུབ་སེམས་དཔའ་ནི། བདག་གིས་ཆོས་དེ་དག་ཐོས་ནས་ནུབ་པར་གྱུར་ན་མི་རུང་ཞིང ། བདག་གིས་ཆོས་ཁ་ཅིག་ཆུད་གཟན་པར་གྱུར་ན་མི་རུང་ངོ ། །སྙམ་ནས་ཆོས་དེ་ལྟ་བུ་དེ་དག་གི་དོན་གྱི་ཕྱིར་རྟག་ཏུ་ཆོས་སྨྲ་བའི་རྗེས་སུ་འབྲང་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་དག་དགེ་སློང་རྟག་བསྙེན་པ། །དེ་དག་མང་དུ་ཐོས་པར་འགྱུར། །ཆོས་ཀྱི་རྒྱལ་པོས་བཀུར་བ་ཡིན། །དེ་དག་འདི་ན་ང་ཡི་རྗེས་སུ་འབྲང ། །ང་ལ་ཆོས་རྣམས་མ་ཐོས་དོན་རྣམ་མ་ཤེས་པར། །ནུབ་པར་འགྱུར་ཞིང་ཕྱི་ནས་གཞན་ལས་ཐོས་མི་འཐོབ། །དེ་ཚེ་བརྩོན་འགྲུས་བརྟན་པོར་ཤེས་ནས་ལས་ཀུན་འདོར། །གང་གིས་ཤེས་པ་རྣམ་འཕེལ་ངེས་པའི་ཆོས་རྣམས་ཚོལ། །དགེ་སློང་མཁས་པ་ཤེས་རབ་ཅན། ། རྒྱལ་བས་བཀུར་རྣམས་སྟེན་པར་བྱེད། །མང་དུ་ཐོས་ནས་ཡིད་གཞུངས་པ། །དེ་འདྲའི་མདོ་སྡེ་ཚོལ་བར་བྱེད། །ཀུན་དགའ་བོ། གཞན་ཡང་བྱང་ཆུབ་སེམས་དཔའ་སེམས་དཔའ་
317b
ཆེན་པོ་ནི། ཇི་ལྟར་ཐོས་པ་དང ། ཇི་ལྟར་ཀུན་ཆུབ་པར་བྱས་པའི་ཆོས་རྣམས་གཞན་ལ་སྟོན་པར་བྱེད་ཀྱང་ཆོས་ལས་ཉམས་པ་མ་ཡིན་ནོ། །ཀུན་དགའ་བོ། ཇི་ལྟར་ན། བྱང་ཆུབ་སེམས་དཔའ་ཆོས་ལས་ཉམས་པ་ཡིན་ཞེ་ན། འདི་ལྟ་སྟེ། ཟབ་མོ་སྟོང་པ་ཉིད་དང་ལྡན་པའི་ཆོས་དེ་དག་བསྟན་ཀྱང་ཆོས་གོས་དང ། བསོད་སྙོམས་དང ། མལ་ཆ་དང ། སྟན་དང ། ན་བའི་གསོས་སྨན་དང ། ཡོ་བྱད་ལ་གནས་ནས་སྟོན་པར་བྱེད་པ་ཡིན། ཟང་ཟིང་སྔོན་དུ་བཏང་སྟེ་སྟོན་པར་བྱེད་པ་ཡིན། ཅི་ནས་གཞན་དག་ལ་ཆོས་དེ་དག་བསྟན་ཀྱང་དེ་བཞིན་ཉིད་དུ་ཞུགས་པ་མ་ཡིན་ཏེ། ཀུན་དགའ་བོ། དེ་ལྟར་ན། བྱང་ཆུབ་སེམས་དཔའ་ནི། ཆོས་ལས་ཉམས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། ། དེ་འདྲའི་ཚེ་དག་ཐོས་ནས་སུ། །སྐྱེ་བོ་མང་ལ་རྒྱས་བྱེད་ཀྱང ། །བདག་ཉིད་ཉམས་པར་མི་འགྱུར་བར། །སྲོག་དོན་གཉེར་བས་སྟོན་པར་བྱེད། །དེ་ཕྱིར་ལེགས་ཞེས་བྱ་བ་ཡང ། །ནམ་ཡང་བཙལ་བར་བྱ་མ་ཡིན། །གཞན་དུ་སྙིང་རྗེ་དོན་གཉར་བས། །ཆོས་ཀྱི་དམ་པ་སྟོན་པར་བྱེད། །སེམས་ཅན་རྣམས་ལ་བརྩེ་བྱས་ཤིང ། །སྐྱེ་བོ་མང་ལ་སྙིང་རྗེ་ནས། །དེ་འདྲའི་ཆོས་ནི་སྟོན་པར་བྱེད། །སྲོག་ཆགས་རྣམས་ལ་སྙིང་བརྩེར་བྱེད། །གང་ཞིག་རྙེད་པ་ཡོངས་ཚོལ་བས། །དེ་འདྲའི་ཆོས་ནི་སྟོན་བྱེད་དང ། །གང་ཞིག་དེ་ཡིས་ཆོས་ཚོལ་བས། །དེ་ནི་ཆོས་ལས་ཉམས་
318a
༄#། །པ་ཡིན། །ཇི་ལྟར་བཤད་པའི་ཆོས་ལ་ནི། །མཁས་པ་དེ་བཞིན་གནས་པར་བྱེད། །དེ་ནི་རྙེད་པས་ཉམས་མི་འགྱུར། །རྟག་ཏུ་ཆོས་ནི་རབ་ཏུ་འཛིན། །ལེགས་པར་ཆོས་ནི་སྟོན་བྱེད་ཅིང ། །ཆོས་ལ་ཡང་ནི་རབ་གནས་པ། །འཇིག་རྟེན་ཁམས་ཀྱི་སངས་རྒྱས་དེས། །དེ་ལ་ལེགས་ཞེས་བྱ་བ་སྦྱིན། །ཀུན་དགའ་བོ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི། ཆོས་ཡོངས་སུ་ཚོལ་བར་བྱེད་པ་ཡིན་ཏེ། དེ་ནི། ཆོས་སྨྲ་བ་དེའི་སྙིགས་མ་འཛིན་པ་མ་ཡིན། ཉེས་པར་གཟུང་བ་འཛིན་པ་མ་ཡིན། ཆོས་ཀྱི་ཚུལ་ཡོངས་སུ་བཙལ་བ་ལ་རབ་ཏུ་གནས་པ་ཡིན། དེ་ནི། ཆོས་ལ་འཇུག་པའི་སེམས་ཀྱིས་ཆོས་ཡོངས་སུ་ཚོལ་བར་བྱེད་པ་ཡིན་ནོ། །ཀུན་དགའ་བོ། ཇི་ལྟར་ན། བྱང་ཆུབ་སེམས་དཔའ་ཆོས་ཀྱི་ཚུལ་ཡོངས་སུ་བཙལ་བ་ལ་གནས་པ་ཡིན་ཞེ་ན། གང་གི་ཚེ་མཁན་པོ་དང ། སློབ་དཔོན་དག་གི་བསྒོ་བའི་ཚུལ་ལ་རབ་ཏུ་གནས་པ་ཡིན། དེས་བྱས་པའང་བྱེད་པ་ཡིན། ཆོས་གོས་དང ། བསོད་སྙོམས་དང ། མལ་ཆ་དང ། སྟན་དང ། ན་བའི་གསོས་སྨན་དང ། ཡོ་བྱད་རྣམས་ལ་སྤྲོ་བར་སྤྱོད་པ་ཡིན་ཏེ། ཀུན་དགའ་བོ། དེ་ལྟར་ན། བྱང་ཆུབ་སེམས་དཔའ་ཆོས་ཡོངས་སུ་ཚོལ་བ་ལ་གནས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །དེ་ནི་དེ་ན་ཆོས་རྣམས་ཚོལ། །
318b
དེ་ནི་ཀླན་ཀ་ཚོལ་མི་བྱེད། །གཞན་ལ་ཇི་ལྟར་བསྟན་པ་བཞིན། །དེ་བཞིན་དེ་ནི་རབ་གནས་འགྱུར། །དེ་ན་ཆོས་ནི་ཡོངས་ཚོལ་བས། །ཇི་ལྟར་བཤད་བཞིན་གནས་པར་བྱེད། །དཔའ་བོ་དེ་ནི་ཆོས་གནས་ནས། །རྟག་ཏུ་ཆོས་ལའང་སྟེན་པར་བྱེད། །དེ་ཕྱིར་ཆོས་ནི་ཡོངས་ཚོལ་བས། །ཇི་ལྟར་བཤད་བཞིན་གནས་པར་བྱེད། །གང་ཞིག་ཆོས་ལ་རབ་གནས་པ། །དེ་ནི་ཆོས་ཀྱི་དང་པོ་ཡིན། །ཇི་ལྟར་ང་ཡིས་རེག་བཞིན་དུ། །དེ་ནས་ཆོས་ལ་རེག་པར་འགྱུར། །ཆོས་དེ་དག་ལ་བརྟེན་ནས་ཀྱང ། །བླ་ན་མེད་པའི་བྱང་ཆུབ་ཐོབ། །ང་ཡིས་གང་ལས་ཐོས་པ་ལ། ། སྟོན་པར་འདུ་ཤེས་ཀུན་ཤེས་ནས། །རྟག་ཏུ་ཆོས་ནི་ཡོངས་ཚོལ་བས། །ཆོས་རྣམས་ལ་ནི་གུས་པར་བྱས། །གང་གིས་ང་ནི་ལམ་གནས་པ། །དེ་ནི་ང་ཡི་སློབ་དཔོན་ཡིན། །དེ་ནི་ང་ཡི་བདེ་འདྲེན་པ། །དེ་ནི་ང་ཡི་མིག་སྦྱོང་བའོ། །དེ་ནི་ང་ཡི་སྟོན་ཡིན་པས། །ང་ནི་རྟག་པར་གུས་པར་གནས། །ང་ནི་དེ་ལ་བརྟེན་ནས་སུ། །འཇིག་རྟེན་ཐ་མར་བདེ་བ་ཡིན། །བསྐལ་པ་དག་ནི་གྲངས་མེད་པ། །བསམ་གྱིས་མི་ཁྱབ་ཡངས་པ་ན། །སྔོན་གྱི་དུས་སུ་དེ་བཞིན་གཤེགས། །ལྷུན་པོའི་རྒྱལ་པོ་བྱུང་བར་འགྱུར། །ལྷུན་རྒྱལ་མྱ་ངན་འདས་ནས་སུ། །ཉན་ཐོས་མཛངས་པ་བྱུང་བར་གྱུར། །མཁས་པའང་ཡིན་ཞིང་ཤེས་རབ་ཆེ། །ཆོས་མང་ལུང་ནི་འབོག་པར་བྱེད། །ཟབ་མོའི་དོན་ལ་ངེས་པའང་ཡིན། །ཕུང་པོ་ཁམས་ལ་རྣམ་པར་མཁས། །འདུལ་བ་ཡི་ནི་
319a
༄#། །ཕ་རོལ་སོན། །ཆོས་མངོན་པ་ལའང་མཁས་པ་ཡིན། །བསླབ་པ་གསུམ་པོ་རྣམས་ལ་བསླབ། །སངས་རྒྱས་བྱང་ཆུབ་འཛིན་པར་བྱེད། །སངས་རྒྱས་ལྷུན་པོའི་རྒྱལ་པོ་ཡིས། །དེ་ནི་བྱིན་རླབས་དེ་བྱུང་གྱུར། །སངས་རྒྱས་ཐེག་པ་དེ་ལ་ཞུགས། །ཟབ་མོ་ལ་ཡང་མཁས་པ་ཡིན། །མཛངས་པའི་ཡོན་ཏན་རྣམས་ཀྱི་མཐའ། །ཉེ་བར་བསྟན་པར་ནུས་མ་ཡིན། །རྒྱལ་ཁྱིམ་མེ་ཏོག་ཅན་དུ་ནི། །ཚོང་དཔོན་ནོར་ཆེན་བྱུང་བར་གྱུར། །ལོངས་སྤྱོད་ཕུང་པོས་ཡངས་པ་ཡིན། །བསོད་ནམས་གཟི་ཡིས་གཟི་བརྗིད་བྱས། །མང་པོས་མཆོད་འོས་ཞེས་བྱ་བ། །དེ་ནི་དེ་ན་བྱུང་བར་གྱུར། །ཁྲིམས་ལྡན་ཡོན་ཏན་ཕུན་སུམ་ཚོགས། །བཟང་ལྡན་རྣམ་པར་གྲགས་པ་བྱུང ། །དེ་ཚེ་ཚོང་དཔོན་བཟང་ལྡན་ཡང ། ། མཛངས་པའི་ཐད་དུ་ཉེ་བར་སོང ། །ཤེས་རབ་ཆེན་པོ་ཐོས་མང་དེས། །དེ་ལ་ཆོས་ནི་བསྟན་པ་བྱས། །གྲགས་དང་ལྡན་པ་མཛངས་པ་ལས། །དེ་ཡིས་དམ་ཆོས་དེ་ཐོས་ནས། །ལོངས་སྤྱོད་ཕུང་པོ་མཐའ་ཡས་དང ། །ཆོས་དེ་ཐམས་ཅད་གསོག་པར་བྱེད། །གང་ཁྱོད་གཏོང་བ་དེ་འདྲ་ནི། །ཚོང་དཔོན་ཁྱོད་ཀྱིས་དད་པ་ལེགས། །གང་ཐོས་ནས་ནི་རྣམ་ཤེས་པ། །དེ་ནི་ཆོས་ཀྱི་གཏེར་ཡིན་ནོ། །དེ་ཚེ་ཚོང་དཔོན་བཟང་ལྡན་ཡང ། །མཛངས་པ་ཡི་ནི་ཕྱི་བཞིན་གནས། །ལོ་ནི་མང་པོ་མི་ཉུང་བར། །དེ་ནི་དེ་ན་རྗེས་སུ་འབྲང ། །ཆོས་སྨྲ་བ་ལ་ཚོང་དཔོན་
319b
དེའང ། །ལོ་ནི་ཉི་ཤུར་རྗེས་འབྲང་བས། །དེ་ལས་ཆོས་རྣམས་ཉན་བྱེད་པས། །དེ་ནི་ཉན་པས་ངོམ་པ་མེད། །སྐྱེ་བོ་མང་པོ་བསྙེན་བཀུར་གྱིས། །རྟག་ཏུ་སྤྲོ་བར་ཞུགས་གྱུར་ཀྱང ། །དེ་ཡི་སེམས་ལ་ནམ་ཡང་ནི། །ཡོངས་སུ་གདུང་བ་བྱུང་མ་གྱུར། །དུས་ཚོད་གཅིག་ཏུ་མཛངས་པ་ལ། །གསེར་ནི་བྱེ་བ་ཕྲག་ཉི་ཤུ། །ཚང་བར་འབུལ་བར་བྱེད་པར་གྱུར། །དེ་ཚེ་མཛངས་པ་སྤྱོད་པར་བྱེད། །དེ་འདྲ་བ་ཡི་དུས་ཚོད་དུ། །དེ་ལ་ནོར་གྱི་ཕུང་པོ་འགྲོ་།དེ་འདྲའི་བསྙེན་བཀུར་བྱས་པས་ན། །དེ་ཡི་ཕྱིར་ཡང་དགའ་བར་གྱུར། །ཕྱི་ནས་དུས་ཚོད་སྟོང་དུ་ནི། །དགེ་སློང་རེ་རེའི་ཐད་དུ་འགྲོ་།མཛངས་པ་ཡིས་ནི་ཆོས་སྨྲས་པ། །དེ་དག་དེ་ཡི་རྗེས་སུ་འབྲང ། །དུས་ཚོད་དེར་ནི་ཞུགས་ནས་སུ། །རྟག་ཏུ་ཉི་ཁྲི་རི་བ་ཡི། །ཆོས་གོས་གསུམ་ནི་སྤྱིན་པར་བྱེད།། འགྲོ་བ་ཀུན་ཏུའང་དེ་འདྲ་འོ། །དགེ་སློང་རེ་རེ་རེ་རེ་ཡི། །དོན་གྱི་ཕྱིར་ནི་གུས་བྱས་ནས། །གནས་ཁང་གཞན་དང་གཞན་དག་ནི། །བཟང་ལྡན་དེ་ནི་བྱེད་དུ་འཇུག་།གནས་ཁང་རེ་རེ་རེ་རེ་རེ་ཡང ། །བྱེ་བ་ཉི་ཤུ་ཚང་བ་ཡི། །གསེར་ནི་འཇུག་པར་བྱེད་པ་ཡིན། །རྟ་བབས་སྣ་ཚོགས་བཙུགས་པར་གྱུར། །དེ་ན་དུས་སུ་མཛངས་པ་ཡིས། །ཆོས་ཀྱི་དམ་པ་བསྟན་ནས་སུ།། སྲོག་ཆགས་རྣམས་ཀྱི་དོན་བྱས་ཏེ། །དེར་ནི་ལུས་ཀྱང་བོར་བར་གྱུར། །བཟང་ལྡན་ཡང་ནི་སྤྲོ་གྱུར་ཏེ། །དེར་ནི་ལུས་ཀྱང་བསྲེགས་ནས་སུ། །ཀུན་ནས་དཔག་ཚད་བརྒྱད་པ་ཡི། །
320a
༄#། །མཆོད་རྟེན་ཡངས་པ་བྱས་པར་གྱུར། །མཆོད་རྟེན་དེ་ཡང་རིན་ཆེན་བྱས། །མཆོད་རྟེན་རབ་གནས་བྱས་ནས་སུ། །མེ་ཏོག་སྤོས་དང་བྱུག་རྣམས་ཀྱིས། །ཉིན་དང་མཚན་དུ་མཆོད་པ་བྱེད། །དེ་ནི་ཚོང་དཔོན་ནོར་ཆེན་པོ། །དེ་ཡང་འཆི་བའི་དུས་བྱས་ནས། །སངས་རྒྱས་མང་པོ་མཉེས་པར་བྱེད། །ནམ་ཡང་ངན་འགྲོར་སོང་མ་ཡིན། །དེ་ནི་དགེ་བའི་རྩ་བ་དེས། ། བསྐལ་པ་བྱེ་ཕྲག་བརྒྱད་ཅུར་ནི། །རྟག་ཏུ་དེ་ནི་ཚངས་པར་འགྱུར། །རྟག་པར་རྒྱུན་དུ་སངས་རྒྱས་མཐོང ། །བསྐལ་པ་བྱེ་ཕྲག་བརྒྱད་ཅུར་ནི། །རྟག་ཏུ་སུམ་ཅུ་རྩ་གསུམ་གྱི། །ལྷ་ཡི་རྒྱལ་པོ་བྱས་པར་འགྱུར། །དེ་ནི་རྟག་ཏུ་སངས་རྒྱས་མཐོང ། །བསྐལ་པ་བྱེ་ཕྲག་བརྒྱད་ཅུར་ནི། །རྟག་ཏུ་འཁོར་ལོས་བསྒྱུར་བར་གྱུར། །སངས་རྒྱས་ཀྱང་ནི་རྟག་པར་མཐོང ། །དེ་མཐོང་ནས་ཀྱང་བསྟི་སྟང་བྱེད། །སངས་རྒྱས་བྱེ་བ་ཕྲག་མང་དང ། །བྱེ་བ་ཁྲག་ཁྲིག་ཕྲག་བརྒྱད་ཅུ། །དེ་ཚེ་ཚོང་དཔོན་བཟང་ལྡན་ཞེས། །རྣམ་པར་གྲགས་པས་མཉེས་པར་བྱེད། །དེར་ནི་རྒྱལ་བ་མཉེས་བྱས་ནས། །མཆོད་པ་མཐའ་ཡས་བྱས་ནས་སུ། །དེ་ཚེ་ཆོས་ནི་ཞུས་ནས་ཀྱང ། །ཆུང་མའི་ཐད་སོང་སྟོན་པར་བྱེད། །རྒྱལ་ཁྱིམ་མེ་ཏོག་ཅན་དུ་ནི། །དེ་ཚེ་བཟང་ལྡན་རྣམ་པར་གྲགས། །ཁྱིམ་བདག་བྱུང་དེ་གཞན་ཡིན་སྙམ། །ཀུན་དགའ་ཁྱོད་ནི་སེམས་གྱུར་ན། །དེ་ནི་དེ་ལྟར་བལྟ་མི་བྱ། །དགེ་སློང་མཛངས་པ་ཆོས་སྨྲ་བ། །དེ་ལ་མཆོད་བྱེད་གང་ཡིན་པ། །
320b
བཟང་ལྡན་དེ་ནི་ང་ཡིན་ནོ། །ཆོས་ནི་ཡོངས་སུ་གཟུང་དོན་ཕྱིར། །ང་ཡིས་དེ་འདྲའི་མཆོད་པ་བྱས། །དགེ་བའི་རྩ་བ་དེ་ཉིད་ཀྱིས། །འདིར་ནི་བྱང་ཆུབ་དེ་ཐོབ་ཡིན། །མཛངས་པ་ཆོས་ནི་སྨྲ་བ་ལ། །གང་དག་བསོད་ནམས་ཆེ་བྱས་པའི། །བསོད་ནམས་ཕུང་པོའི་ཟད་པ་ནི། །ང་ལ་ད་དུང་ཡོད་མ་ཡིན། །བསོད་ནམས་གྲངས་ཡོད་མ་ཡིན་པ། །དཔག་ཏུ་མེད་པས་ཐོབ་པ་ཡིན། །ང་ཡིས་སངས་རྒྱས་རྟག་པར་མཐོང ། །དེ་དག་ལ་ནི་ཆོས་ཀྱང་ཞུས། །ང་ལྟར་ཇི་ལྟར་བསྟན་པ་ལྟར། །ཀུན་ཀྱང་ང་ལ་དེ་སྐད་སྟོན། །བྱང་ཆུབ་ལམ་ནི་དེ་ཡིན་གྱི། །དེ་ཕྱི་དེ་ལ་བསྟེན་པར་བྱོས། ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི།་འདི་ལྟར་བསོད་ནམས་འབྱུང་བ་ཤིན་ཏུ་ཡོངས་སུ་བརྙེས་པ་ལགས་ན། བཅོམ་ལྡན་འདས་ཀྱི་སྔོན་གྱི་སྐུ་རྣམས་ཀྱང་ཐམས་ཅད་དུ་ཁྱད་པར་ཅན་དུ་གྱུར་པ་ནི། ངོ་མཚར་ལགས་སོ། ། བཅོམ་ལྡན་འདས། དགེ་སློང་མཛངས་པ་ཞེས་བགྱི་བ་བྱུང་བར་འགྱུར་པ་དེ། བཅོམ་ལྡན་འདས། །ཡོངས་སུ་མྱ་ངན་ལས་འདས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། །དགེ་སློང་དེ་ནི། ད་དུང་ཡོངས་སུ་མྱ་ངན་ལས་མ་འདས་ཏེ། ཀུན་དགའ་བོ། དགེ་སློང་དེ་ནི། ངའི་བསྟན་པ་འདི་ལ་བྱང་ཆུབ་སེམས་དཔའི་སྤྱད་པ་སྤྱོད་དོ། །དེ་ནས་བཅོམ་
321a
༄#། །ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས། ཚོང་དཔོན་བཟང་ལྡན་ཆོས་སྨྲ་བ་མཛངས་པ་ལ་རིམ་གྲོ་དང་བསྙེན་བཀུར་བགྱིས་ནས་དགེ་བའི་རྩ་བའི་ཚོགས་དེས་དེ་ལ་བརྟེན་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལགས་ཀྱང ། དགེ་སློང་མཛངས་པ་ད་དུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་པ་ནི། ངོ་མཚར་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། དགེ་སློང་མཛངས་པ་ནི། ཇི་ལྟར་ང་ཡང་དག་པར་ཞུགས་པ་དེ་ལྟར་ཡང་དག་པར་ཞུགས་པ་མ་ཡིན་ཏེ།་ཀུན་དགའ་བོ། དགེ་སློང་མཛངས་པ་ནི། བདེ་བའི་ཐེག་པས་ཡང་དག་པར་ཞུགས་ཀྱི། སྡུག་བསྔལ་གྱི་ཐེག་པས་ཡང་དག་པར་ཞུགས་པ་མ་ཡིན་ལ། ཀུན་དགའ་བོ། འདི་ལ་ང་ནི།་ཡུན་རིང་པོ་ནས་སྡུག་བསྔལ་གྱི་ཐེག་པས་ངེས་པར་བྱུང་བ་ཡིན་ནོ། །ཀུན་དགའ་བོ། ང་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ནའང་འདི་སྙམ་དུ་སེམས་ཏེ། གང་གི་ཚེ་སེམས་ཅན་རྣམས་སྡུག་བསྔལ་བར་གྱུར་ཅིང་གང་ཕལ་ཆེར་ངན་སོང་ལ་གཞོལ། ངན་སོང་ལ་འབབ། །ངན་སོང་ལ་བབ་པར་གྱུར་པ་ན། ང་དེའི་ཚེ་དེའི་དུས་ན་བླ་ན་མེད་པ་ཡང་དག་པར་
321b
རྫོགས་པའི་བྱང་ཆུབ་ཏུ་སངས་རྒྱས་ནས་སེམས་ཅན་དེ་དག་སྡུག་བསྔལ་རྣམས་ལས་ཡོངས་སུ་ཐར་པར་བྱའོ། །སྙམ་སྟེ། ཀུན་དགའ་བོ། ང་ནི། ཡུན་རིང་པོ་ནས་སྨོན་ལམ་དེ་སྐད་བཏབ་བོ། །ཀུན་དགའ་བོ། དགེ་སློང་མཛངས་པས་ཇི་ལྟར་ཡང་དག་པར་བླང་བ་བརྩམས་པ་དང ། ཡང་དག་པར་བླངས་པ་དང ། དོན་དུ་གཉེར་བ་དང ། སྨོན་པ་དང ། ཀུན་དགའ་བོ། དགེ་སློང་མཛངས་པ་ཇི་ཙམ་དུ་ཡང་དག་པར་བླང་བ་ཆེན་པོ་དེ་འདྲ་བས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ནི། དཔེས་བསྟན་པར་མི་ནུས་ཏེ། དགེ་སློང་མཛངས་པ་ནི། དེ་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་ལ། དེས་ནི། ཅི་ནས་བདག་བྱང་ཆུབ་སེམས་དཔའི་སྤྱད་པ་སྤྱོད་པ་ན། སེམས་ཅན་གང་དག་གིས་མཐོང་བ་དེ་དག་ཐམས་ཅད་ཐེག་པ་ཆེན་པོའམ། ཉན་ཐོས་དང་རང་སངས་རྒྱས་ཀྱི་ཐེག་པ་དག་གིས་ངེས་པར་གྱུར་ཅིག་།སྙམ་ནས་དགེ་བའི་རྩ་བ་བསགས་པར་བྱས་ཤིང་བྱེད་པའང་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས། གང་དེའི་ཚེ་བྱུང་བར་གྱུར་པའི་དགེ་སློང་མཛངས་པ་དེ་འཁོར་འདི་ན་མཆིས་ལགས་སམ།་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། གང་དེའི་ཚེ་མཛངས་པ་ཞེས་བྱ་བ་བྱུང་བར་གྱུར་པའི་དགེ་སློང་ནི། འདི་ཉིད་ན་འདུག་སྟེ། ངའི་མདུན་ན་འདུག་པ་འདི་ཡིན་
322a
༄#། །ནོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས། ཇི་ཙམ་དུ་སེམས་ཅན་དག་པའི་འདུས་པ་འདི་ནི། བཅོམ་ལྡན་འདས། ངོ་མཚར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་དེ་བཞིན་ནོ། །དེ་དེ་བཞིན་ཏེ། ཀུན་དགའ་བོ།་སེམས་ཅན་ཆེན་པོ་སེམས་ཅན་དག་པ་རྣམས་ཀྱི་འཁོར་འདུས་པ་དེ་ནི། འདི་ལྟ་སྟེ། བྱང་ཆུབ་སེམས་དཔའི་འདུས་པ་ཡིན། སེངྒེའི་འདུས་པ་ཡིན། བག་ཚ་བ་མེད་པའི་འདུས་པ་ཡིན། གླང་པོ་ཆེན་པོའི་འདུས་པ་ཡིན་ནོ། །ཀུན་དགའ་བོས་གསོལ་པ། བཅོམ་ལྡན་འདས། ཅིའི་སླད་དུ་འདི་སྐད་དུ་འདུས་པ་ཆེན་པོ་དང ། སེངྒེའི་འདུས་པ་ཞེས་བགྱི་ལགས།་ཀུན་དགའ་བོ། མ་རིག་པའི་མུན་པ་ཆེན་པོ་འཇོམས་པ་ཉིད་ཀྱི་ཕྱིར་སེམས་ཅན་གྲངས་མེད་དཔག་ཏུ་མེད་པའི་གོ་ཆ་བགོས་པས་དེའི་ཕྱིར་འདུས་པ་ཆེན་པོ་དང ། སེངྒེའི་འདུས་པ་ཞེས་བྱའོ། །ཀུན་དགའ་བོ། འདི་ལྟ་སྟེ། དཔེར་ན། རི་དྭགས་ཀྱི་རྒྱལ་པོ་སེངྒེ་གང་དུ་གནས་འཆའ་བར་བྱེད་པ་དང ། གང་དུ་གནས་པར་བྱེད་པའི་ས་ཕྱོགས་དེ་ནི། མི་ནོན་པ་ཡིན་ཏེ།་དེ་ལས་གཞན་པའི་རི་དྭགས་ཕྲ་མོ་དག་གིས་དྲིའང་མི་བཟོད་པས་ཡོངས་སུ་སྤོང་བར་བྱེད་ལ། གང་གི་ཚེ་ས་ཕྱོགས་དེ་གནོན་པ་དེའི་ཚེ། དྲི་དེ་ལ་བསྣམས་ནས་ས་ལ་ཁས་
322b
བུབ་ཏུ་བུབ་པར་འགྱུར་རོ། །ཀུན་དགའ་བོ། དེ་བཞིན་དུ་གང་ན་སེངྒེ་ཆེན་པོའི་འདུས་པ་གནས་པའི་ས་ཕྱོགས་དེ་ནི། ཀུན་དགའ་བོ། བདུད་དང་བདུད་ཀྱི་རིས་ཀྱི་ལྷ་རྣམས་དང ། དེ་ལས་གཞན་པའི་སེམས་ཅན་བདུད་ཀྱིས་བྱིན་གྱིས་བརླབས་པ་རྣམས་ཀྱིས་མི་ནོན་པ་ཡིན་ནོ། །གལ་ཏེ་གནོན་དུ་ཟིན་ཀྱང་འོན་ཀྱང་སྡུག་བསྔལ་ཞིང་ཡིད་མི་བདེ་བས་འཁོར་དེ་ནས་ཕྱིར་འདོང་ཞིང་དེ་ཉིད་དུའང་མི་སྣང་བར་འགྱུར་ལ། བག་ཚ་བ་མེད་པ་སེངྒེ་ཆེན་པོ་དེ་དག་ཉིད་ཀྱི་གཟི་བརྗིད་མི་བཟོད་པས་དེ་ཉིད་ནས་ཕྱིར་འདོང་བ་ཡིན་ནོ། །ཀུན་དགའ་བོ། འདི་ལྟ་སྟེ། དཔེར་ན། རི་དྭགས་ཀྱི་རྒྱལ་པོ་སེངྒེ་རལ་པ་ཅན་གཟི་བརྗིད་དང་ལྡན་པ་དེ་ཉིད་ལན་གསུམ་དུ་སེངྒེའི་སྒྲ་སྒྲོག་པ་ན་དཔག་ཚད་ཁོར་ཡུག་ཏུ་སྒྲ་འབྱིན་པར་བྱེད་ལ། དེ་ནས་ཕྱིས་ཀྱང་ཕྱོགས་ཐམས་ཅད་དུ་བར་དེ་ན་སེངྒེ་ཕལ་བ་གང་དག་ཡོད་པ་དེ་དག་ཀྱང་དེའི་ཚེ་སྐྲག་པར་འགྱུར་ན། དེ་ལས་གཞན་པའི་རི་དྭགས་ཀྱི་རིགས་ཁོ་རེ་ཅུང་བ་རྣམས་ལྟ་ཅི་སྨོས་ཤིང ། སྤོས་ཀྱི་གླང་པོ་ཆེ་གང་དག་ཡོད་པ་དེ་དག་ཀྱང་སྒྲ་ཐོས་པས་གཅིན་རྟུག་གཏོར་ཅིང་འགྱེས་པར་ཡང་འགྱུར་ལ། གཅིག་ལ་གཅིག་ཀྱང་ཤིན་ཏུ་འབོད་པར་བྱེད་པར་འགྱུར་རོ། །ཀུན་དགའ་བོ། དེ་བཞིན་དུ་སེངྒེ་ཆེན་པོའི་འདུས་པ། རིགས་བཙུན་པའི་འདུས་པ། བག་ཚ་བ་མེད་པའི་འདུས་པའི་འདུས་པ་དེ་ན་བྱང་ཆུབ་སེམས་དཔའ་དམུ་རྒོད་གང་དག་ཡོད་པ་ནི། མིང་གཅིག་བར་གཏོགས་པ་ཡིན་ནོ། །
323a
༄#། །འདི་ལྟ་སྟེ། དཔེར་ན། སེངྒེ་ཕལ་པ་དེ་དག་ནི། སེངྒེའི་སྒྲའང་ཉན་པར་བྱེད་ལ། སྒྲ་དེ་ཐོས་ནས་ཀྱང་རི་སུལ་དུ་འཇུག་པར་བྱེད་དོ། །ཀུན་དགའ་བོ། དེ་བཞིན་དུ་བྱང་ཆུབ་སེམས་དཔའི་འདུས་པའི་འདུས་པ་དེ་ན། བྱང་ཆུབ་སེམས་དཔའ་དམུ་རྒོད་སྤྱོད་ལམ་ངན་པ། གྲགས་པ་དང ། སྒྲ་དང ། ཚིགས་སུ་བཅད་པ་ལྷུར་ལེན་པ། བདག་གི་མིང་དང ། དབྱངས་དང ། སྒྲ་ལྷུར་ལེན་པ་གང་དག་ཡོད་པ་དེ་དག་ནི། སྐྲག་ཅིང་དངང་ལ་འབྲོས་པར་འགྱུར་ཞིང ། གཡང་ས་ཆེན་པོར་ཡང་ལྟུང་བར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ། ། སྟོང་པའི་སྒྲ་དང ། མཚན་མ་མེད་པའི་སྒྲ་དང ། སྨོན་པ་མེད་པའི་སྒྲ་ནི། དེ་ལས་གཞན་པའི་བྱང་ཆུབ་སེམས་དཔའ་དམིགས་པ་ལ་སྤྱོད་པ། བདག་ལ་མངོན་པར་ཞེན་པ། ཕུང་པོ་ལ་མངོན་པར་ཞེན་པ། ཁམས་ལ་མངོན་པར་ཞེན་པ། སྐྱེ་མཆེད་ལ་མངོན་པར་ཞེན་པ། ཚུལ་ཁྲིམས་ལ་མངོན་པར་ཞེན་པ། ཏིང་ངེ་འཛིན་ལ་མངོན་པར་ཞེན་པ། ལམ་དང ། མྱ་ངན་ལས་འདས་པ་དང ། འབྲས་བུ་ལ་མངོན་པར་ཞེན་པ། སངས་རྒྱས་ཀྱི་བྱང་ཆུབ་ཀྱི་མྱ་ངན་ལས་འདས་པ་ཆེན་པོ་ལ་མངོན་པར་ཞེན་པ་དག་གིས་བཟོད་པར་བྱ་བ་མ་ཡིན་པའི་ཕྱིར་ཏེ། ཀུན་དགའ་བོ། འདི་ལྟ་སྟེ། སྟོང་པ་ཉིད་དང ། མཚན་མ་མེད་པ་དང ། སྨོན་པ་མེད་པའི་སྒྲ་དེ་ནི། སྒྲ་ཆེན་པོ་ཡིན་ནོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་ཐམས་ཅད་
323b
སྟོང་པའོ། །ཞེས་ཆོས་བསྟན་ཀྱང་གང་ཡང་སྟོང་པ་མེད་དོ། །གང་གིའང་སྟོང་པ་མེད་དོ། །གང་གིས་ཀྱང་སྟོན་པ་མེད་དོ། །གང་ལའང་སྟོང་པ་མེད་དོ། །ཀུན་དགའ་བོ། །དེ་ལྟར་ན། དེ་བཞིན་གཤེགས་པས་ཆོས་རྣམས་མཚན་མ་མེད་པའོ། །ཞེས་བསྟན་ཀྱང་དེ་དག་ནི། གང་ཡང་མཚན་མ་མེད་པ་མེད་དོ། །གང་གིའང་མཚན་མ་མེད་པ་མེད་དོ། །གང་གིས་ཀྱང་མཚན་མ་མེད་པ་མེད་དོ། །གང་ལའང་མཚན་མ་མེད་པ་མེད་དོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་ཐམས་ཅད་སྨོན་པ་མེད་པའོ། །ཞེས་བསྟན་ཀྱང་གང་ཡང་ཐོབ་པར་བྱ་བ་མེད་དོ། །གང་གིའང་ཐོབ་པར་བྱ་བ་མེད་དོ། །གང་གིས་ཀྱང་ཐོབ་པར་བྱ་བ་མེད་དོ། །གང་ལའང་ཐོབ་པར་བྱ་བ་མེད་དོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་མངོན་དུ་བྱའོ། །ཞེས་བསྟན་ཀྱང་གང་ཡང་མངོན་དུ་བྱ་བ་མེད་དོ། །གང་གིའང་མངོན་དུ་བྱ་བ་མེད་དོ། །གང་གིས་ཀྱང་མངོན་དུ་བྱ་བ་མེད་དོ། །གང་ལའང་མངོན་དུ་བྱ་བ་མེད་དོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་བསྒོམ་པར་བྱའོ། །ཞེས་བསྟན་ཀྱང་གང་ཡང་བསྒོམ་པར་བྱ་བ་མེད་དོ། །གང་གིའང་བསྒོམ་པར་བྱ་བ་མེད་དོ། །གང་གིས་ཀྱང་བསྒོམ་པར་བྱ་བ་མེད་དོ། །གང་ལའང་བསྒོམ་པར་བྱ་བ་མེད་དོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་རྣམ་པར་བསྒོམས་སོ། །ཞེས་བསྟན་ཀྱང་གང་ཡང་རྣམ་པར་བསྒོམས་པ་མེད་དོ། །གང་གིའང་
324a
༄#། །རྣམ་པར་བསྒོམས་པ་མེད་དོ། །གང་གིས་ཀྱང་རྣམ་པར་བསྒོམས་པ་མེད་དོ། །གང་ལའང་རྣམ་པར་བསྒོམ་པ་མེད་དོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་འདུས་བྱས་སོ། །ཞེས་བསྟན་ཀྱང་གང་ཡང་འདུས་བྱས་མེད་དོ། །གང་གིའང་འདུས་བྱས་མེད་དོ། །གང་གིས་ཀྱང་འདུས་བྱས་མེད་དོ། །གང་ལའང་འདུས་བྱས་མེད་དོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་འདུས་མ་བྱས་སོ། །ཞེས་བསྟན་ཀྱང་གང་ཡང་འདུས་མ་བྱས་མེད་དོ། །གང་གིའང་འདུས་མ་བྱས་མེད་དོ། །གང་གིས་ཀྱང་འདུས་མ་བྱས་མེད་དོ། །གང་ལའང་འདུས་མ་བྱས་མེད་དོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་རྣམས་ཀུན་ནས་ཉོན་མོངས་པ་ཅན་ནོ། །ཞེས་བསྟན་ཀྱང་གང་ཡང་ཀུན་ནས་ཉོན་མོངས་པ་ཅན་མེད་དོ། །གང་གིའང་ཀུན་ནས་ཉོན་མོངས་པ་ཅན་མེད་དོ། །གང་གིས་ཀྱང་ཀུན་ནས་ཉོན་མོངས་པ་ཅན་མེད་དོ། །གང་ལའང་ཀུན་ནས་ཉོན་མོངས་པ་ཅན་མེད་དོ། །ཀུན་དགའ་བོ། དེ་ལྟར་ན། དེ་བཞིན་གཤེགས་པས་ཆོས་རྣམས་རྣམ་པར་བྱང་བའོ། །ཞེས་བསྟན་ཀྱང་གང་ཡང་རྣམ་པར་བྱང་བ་མེད་དོ། །གང་གིའང་རྣམ་པར་བྱང་བ་མེད་དོ། །གང་གིས་ཀྱང་རྣམ་པར་བྱང་བ་མེད་དོ། །གང་ལའང་རྣམ་པར་བྱང་བ་མེད་དོ། །ཀུན་དགའ་བོ། ཆོས་ཀྱི་ཕྱག་རྒྱ་དེ་ནི། ཆོས་ཐམས་ཅད་ཀྱི་ཕྱག་རྒྱ་སྟེ། ཕྱག་རྒྱ་མེད་པ་
324b
ཡིན་ནོ། །མ་བྱས་པའི་ཕྱག་རྒྱ་ཡིན་ནོ། །དབྱེར་མེད་པའི་ཕྱག་རྒྱ་ཡིན་ནོ། །ཀུན་དགའ་བོ། གང་དག་ཕྱག་རྒྱ་དེས་བཏབ་པ་དེ་དང་དེ་དག་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཡིན།་རིགས་བཙུན་པ་ཡིན། མིའི་སེངྒེ་ཡིན། སྤྱོད་པ་གཅིག་པ་ཡིན། བག་ཚ་བ་མེད་པ་ཡིན། སྒྲ་སྒྲོག་པ་ཡིན། གཞན་མུ་སྟེགས་ཅན་དག་སྐྲག་པར་བྱེད་པ་ཡིན། བདུད་ཀྱི་སྡེ་འདུལ་བར་བྱེད་པ་ཡིན། གཞན་མུ་སྟེགས་ཅན་དག་རི་སུལ་གྱི་ཕུག་ཏུ་འཇུག་པར་བྱེད་པ་ཡིན། དམིགས་པ་ཅན་དག་སྐྲག་པར་བྱེད་པ་ཡིན། ལྷག་པའི་ང་རྒྱལ་ཅན་དག་འབིགས་པར་བྱེད་པ་ཡིན། རྡེག་པར་བྱེད་པ་ཡིན། སངས་རྒྱས་ཀྱི་སྲས་བདུད་སུན་འབྱིན་པ་དག་མངོན་པར་དགའ་བར་བྱེད་པ་ཡིན། ཆོས་ཉིད་ཀྱང་རྣམ་པར་འབྱིན་པ་ཡིན། ཕྱོགས་བཅུར་ཆོས་ཀྱི་རྒྱལ་མཚན་ཡང་སྒྲེང་བར་བྱེད་པ་ཡིན། དེ་དག་ནི། ཆོས་ཀྱི་རྔ་རྡུང་བར་བྱེད་པ་ཡིན། ཆོས་ཀྱི་བཅུད་འཐུང་བར་བྱེད་པ་ཡིན། ལེགས་པར་བཤད་པའི་རྒྱལ་བའི་ཐུགས་ཀྱི་སྲས་དག་ཚིམ་པར་བྱེད་པ་ཡིན་ནོ། །བམ་པོ་བཅུ་བདུན་པ། ཀུན་དགའ་བོ། འདི་ལྟ་སྟེ། དཔེར་ན། རི་དྭགས་ཀྱི་རྒྱལ་པོ་སེངྒེ་ནི། རང་གི་གནས་ནས་མངོན་པར་འབྱུང་ཞིང་ལན་གསུམ་དུ་སེངྒེའི་སྒྲ་སྒྲོག་པ་ན། དེ་ན་སེངྒེའི་ཕྲུག་གུ་རིགས་བཙུན་པ་གང་དག་ཡོད་པ་དེ་དག་སྒྲ་དེ་ཐོས་ནས་རང་གི་ལུས་མངོན་པར་སྟོན་པ་ཡིན། བག་ཚ་བ་མེད་པ་ཡིན། སྐྲག་པ་
325a
༄#། །མེད་པ་ཡིན། དགའ་བ་ཡིན་།ཚིམ་པ་ཡིན། ཕྱོགས་བཞིར་རྣམ་པར་ལྟ་བར་བྱེད་པ་ཡིན་ནོ། །ཀུན་དགའ་བོ། དེ་བཞིན་དུ་སེངྒེའི་འདུས་པ། བག་ཚ་བ་མེད་པའི་འདུས་པ། རལ་པ་ཆེན་པོ་ཅན་འདུས་པ་དེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་བསམ་པ་ལ་ཡང་དག་པར་ཞུགས་པ། དགེ་བའི་རྩ་བ་ཡོངས་སུ་མ་སྨིན་པ། དབང་པོ་ཡོངས་སུ་མ་སྨིན་པ་གང་དག་ཡོད་པ་དེ་དག་ནི། སྒྲ་དེ་ཐོས་ནས་ཀུན་དགའ་བོ། འདུས་པ་ཆེན་པོའི་འདུས་པ་དེ་ན་དགའ་བ་སྐྱེད་པར་བྱེད་པ་ཡིན། མགུ་བ་སྐྱེད་པར་བྱེད་པ་ཡིན་ནོ། །ཀུན་དགའ་བོ། འདི་ལྟ་སྟེ། དཔེར་ན། རི་དྭགས་ཀྱི་རྒྱལ་པོ་སེངྒེ་ནི། གང་དང་གང་དུ་འགྲོའང་ཐམས་ཅད་དུ་གཅིག་པུ་ཁོ་ནར་འགྲོ་བ་ཡིན། གྲོགས་མེད་པ་ཁོ་ནར་འགྲོ་བ་ཡིན་ནོ། །ཀུན་དགའ་བོ། དེ་བཞིན་དུ་བྱང་ཆུབ་སེམས་དཔའི་འདུས་པ། བག་ཚ་བ་མེད་པ་རལ་པ་ཅན་གྱི་འདུས་པའི་འདུས་པ་དེ་ན། བྱང་ཆུབ་སེམས་དཔའི་སེངྒེ་གང་དག་ཡོད་པ་དེ་དག་ནི། གང་དང་གང་དུ་གོ་ཆ་གྱོན་པར་བྱེད་ཀྱང་ཐམས་ཅད་དུ་གྲོགས་མེད་པ་ཁོ་ནར་གོ་ཆ་གྱོན་པར་བྱེད་པ་ཡིན། བདག་ཉིད་ཀྱིས་སངས་རྒྱས་ཀྱི་ཆོས་རྣམས་མངོན་པར་རྫོགས་པར་འཚང་རྒྱ་བར་བྱ་ཞིང ། གྲོགས་མེད་པར་སངས་རྒྱས་ཀྱི་ཆོས་རྣམས་མངོན་དུ་བྱའོ། །སྙམ་ནས་ཟླ་མེད་པ་ཁོ་ནར་གོ་ཆ་གྱོན་པར་བྱེད་པ་ཡིན་ནོ། །ཀུན་དགའ་བོ། འདི་
325b
ལྟ་སྟེ། དཔེར་ན། རི་དྭགས་ཀྱི་རྒྱལ་པོ་དེ་ཉིད་གང་གི་མངལ་ན་གནས་པ་ཡིན་པ་དེ་ནི། མངལ་གཅིག་ཤོས་འཛིན་པར་མི་བྱེད་ཅིང ། རི་དྭགས་ཀྱི་རྒྱལ་པོ་སེངྒེ་ལན་གཅིག་ཁོ་ན་དེའི་མངལ་ན་གནས་པ་ཡིན་ནོ། །ཀུན་དགའ་བོ། དེ་བཞིན་དུ་བྱང་ཆུབ་སེམས་དཔའ་དེ་དག་ནི། སྐྱེ་བ་གཅིག་གིས་ཐོགས་པ། ཐེག་པ་ཆེན་པོའི་མངལ་ལན་གནས་པ་ཡིན་ཏེ། དེ་དག་ནི། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པས་གཟུང་བར་མི་ནུས་སོ། །ཀུན་དགའ་བོ། དེ་ལྟར་ན། འདུས་པ་དེ་ནི། སེངྒེའི་འདུས་པ་ཡིན། བག་ཚ་བ་མེད་པའི་འདུས་པ་ཡིན། རལ་པ་ཅན་གྱི་འདུས་པ་ཡིན་ནོ། །ཀུན་དགའ་བོ། འདི་ལྟ་སྟེ། དཔེར་ན། རི་དྭགས་ཀྱི་རྒྱལ་པོ་སེངྒེ་ནི། སྟོབས་དང་ལྡན་པའམ། སྟོབས་ཆུང་དུའང་རུང་སྟེ། སྲོག་ཆགས་ཀྱི་རིགས་གང་ལ་སྣུན་པར་བྱེད་ཀྱང་ཐམས་ཅད་དུ་བསྒྲིམས་ཏེ་སྣུན་པ་འབྱེད་ཀྱི། མ་བསྒྲིམས་པས་ནི། མ་ཡིན་ནོ། །ཀུན་དགའ་བོ། དེ་བཞིན་དུ་སེངྒེའི་འདུས་པའི་འདུས་པ་དེ་ན་བྱང་ཆུབ་སེམས་དཔའ་རལ་པ་ཅན་ཡོད་པ་དེ་དག་ནི། ཆོས་ཀྱི་གཏམ་ག་པ་དང་གང་བྱེད་ཀྱང་ལུས་པ་ཁོ་ནར་བྱས་ནས་སྟོན་པར་བྱེད་པ་ཡིན། འཛིན་དུ་འཇུག་པ་ཡིན། རབ་ཏུ་རྗོད་པར་བྱེད་པ་ཡིན། གཞན་དག་ཀྱང་ཡང་དག་པར་འཛིན་དུ་འཇུག་པ་ཡིན་ཏེ། ཀུན་དགའ་བོ། །དེ་ལྟར་ན། དེ་ནི། སེངྒེའི་འདུས་བ་ཡིན། བག་ཚ་བ་མེད་བའི་འདུས་པ་ཡིན་ནོ། །འཁོར་དག་པའི་ལེའུ་སྟེ། བཅུ་གཉིས་
326a
༄#། །པའོ།། །།དེའི་ཚེ་བྱང་ཆུབ་སེམས་དཔའ་བརྟན་པའི་བློ་གྲོས་འདུས་པར་གྱུར་ཏེ་འདུག་པ་དེ་སྟན་ལས་ལངས་ཏེ་རང་གི་བླ་གོས་ཐོགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་ཀྱི་རྣམ་གྲངས་འདི་ལེགས་པར་བཤད་པའི་དོན་གྱི་སླད་དུ་སངས་རྒྱས་བཅོམ་ལྡན་འདས་འདས་པ་དང ། མ་བྱོན་པ་དང ། ད་ལྟར་བྱུང་བ་རྣམས་ལ་མཆོད་པ་བགྱི་བ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་བྱང་ཆུབ་སེམས་དཔའི་སྤྱོད་པ་ལ་ཡང་དག་པར་ཞུགས་པ་དེ་དག་གི་སངས་རྒྱས་ཀྱི་ཆོས་ཡོངས་སུ་རྫོགས་པར་བགྱི་བའི་སླད་དུ་བཅོམ་ལྡན་འདས་ལ་གོས་འདི་ཚོས་ཀྱི་དགབ་པར་འབུལ་ལོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བརྟན་པའི་བློ་གྲོས་ཀྱིས་བླ་གོས་དེ་ཕུལ་ཏེ་བླ་གོས་གཅིག་ཤོས་ཐོགས་ནས་གསོལ་པ། བཅོམ་ལྡན་འདས། སླད་མའི་ཚེ་ཆོས་སྨྲ་བ་གང་ལས་ཆོས་ཀྱི་རྣམ་གྲངས་དེ་ཉན་པ་དེ་ལའང་དེ་བཞིན་གཤེགས་པ་ལ་གསོལ་བ་གདབ་པའི་སླད་དུ་གོས་འདི་འབུལ་ལོ། །དེ་ནས་བྱང་ཆུབ་སེམས་དཔའ་བརྟན་པའི་བློ་གྲོས་བྱང་ཆུབ་སེམས་དཔའ་ཕུག་སྦས་ཀྱི་ཐད་དུ་སོང་ནས་འདི་སྐད་ཅེས་སྨྲས་སོ། །ཕུ་ནུ་བོ། དེའི་ཕྱིར་དེ་བཞིན་གཤེགས་པ་ལ་གསོལ་བ་གདབ་པའི་ཆེད་དུ་དེ་བཞིན་གཤེགས་པ་ལ་བླ་གྲོས་དེ་འབུལ་བར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་
326b
སེམས་དཔའ་བརྟན་པའི་བློ་གྲོས་དང ། བྱང་ཆུབ་སེམས་དཔའ་ཕུག་སྦས་གཉིས་ཀ་གྱུར་ནས་བླ་གོས་དེ་ཕུལ་ཏེ། བླ་གོས་དེ་ལས་ཀྱང་ཆོ་འཕུལ་རྣམ་པ་དུ་མ་སྣང་ངོ ། །ཚེ་དང་ལྡན་པ་ཀུན་དགའ་བོ་དང ། འཁོར་བཞི་པོས་ཀྱང་ཆོ་འཕྲུལ་དེ་དག་མཐོང་སྟེ། མཐོང་ནས་ཀྱང་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོ་ས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་ནི། ངོ་མཚར་ལགས་སོ། །བདེ་བར་གཤེགས་པ། དེ་ནི། རྨད་དུ་བྱུང་བ་ལགས་སོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །དེ་ལ་ངོ་མཚར་རྨད་དུ་བྱུང་བ་ཅི་ཞིག་ཁོང་དུ་ཆུད། དེ་ནས་ཚེ་དང་ལྡན་པ་ཀུན་དགའ་བོས་ཚིགས་སུ་བཅད་པའི་དབྱངས་ཀྱིས་ཞུས་པ། བྱང་ཆུབ་གང་ཞུགས་དཔའ་བོ་དཔའ་རྣམས་ཀྱི། །བསྔགས་བརྗོད་རྫུ་འཕྲུལ་གྱིས་ནི་མཆི་བགྱིད་པ། །སྤྲུལ་པ་སྟོང་ཕྲག་མང་པོ་ཆོས་གོས་ལས། །འབྱུང་བ་དག་ནི་བདག་གིས་འདིར་མཐོང་ལགས། །འཇིག་རྟེན་མགོན་པོ་དེ་ཚེ་ཆོས་གོས་ལས། །ཆོས་གོས་སྟོང་ཕྲག་མང་པོ་བྱེ་ཕྲག་སྟོང ། །དེ་ལས་ལྷག་པ་བྱང་ཆུབ་སེམས་དཔའ་རྣམས། །ཐོགས་ཤིང་མཆི་བར་བགྱིད་པ་བདག་གིས་མཐོང་འདིར་མཆིས་ནས་ནི་འདྲེན་པ་རྣམས་ལ་འབུལ། །རྒྱལ་བ་གང་དག་ཕྱོགས་བཅུའི་འཇིག་རྟེན་གནས། །དེ་དག་ཐད་དུ་དེ་དག་ཆོ་འཕྲུལ་སྟོན། །དེ་རིང་ཆོས་གོས་ལས་ནི་དེ་འདྲ་མཐོང ། །
327a
༄#། །དེ་ལས་གང་དག་རྒྱལ་ལ་ཆོས་གོས་འབུལ། །དེར་ནི་རིམ་གྱིས་སྤྱད་པ་སྤྱོད་པ་ཡིས། །དེ་འཚང་རྒྱ་ཞེས་འཇིག་རྟེན་མགོན་དེ་དག་།དེ་ཚེ་བྱང་ཆུབ་མཆོག་ཏུ་ལུང་སྟོན་མཛད། །སེམས་ཅན་དག་པ་གང་དག་དེར་མཆིས་ནས། །དེ་ཚེ་སྤྱི་བོར་རྣམ་དག་གདུགས་འབྱུང་འགྱུར། །སེམས་ཅན་དེ་དག་བྱང་ཆུབ་ཕྱིར་སྤྱོད་པས། །འདིར་ནི་སངས་རྒྱས་འབྱུང་སྙམ་སེམས་ཅན་སེམས། །དེ་ན་སྟོང་ཕྲག་མང་པོ་བྱེ་བ་ཕྲག་།ཁྲག་ཁྲིག་མཆོག་ཏུ་སྒྲ་འབྱིན་མཆིས་ལགས་ཏེ། །དེ་ལས་ཆོས་ཀྱི་ཚིག་རྣམས་བྱུང་བར་འགྱུར། །ནམ་མཁའ་ལས་ནི་སངས་རྒྱས་སྒྲ་ཐོས་ལགས། །འཛམ་གླིང་སངས་རྒྱས་རྣམས་ཀྱིས་ཁྱབ་པར་མཐོང ། །སྟོང་གསུམ་རྒྱལ་བ་རྣམས་ཀྱིས་ཁྱབ་པར་མཐོང ། །འདྲེན་པ་དེ་རིང་བདག་ལ་འདུ་ཤེས་བྱུང ། །སླན་ཆད་བདག་ལུས་ཉན་ཐོས་རློམ་མི་བགྱིད། །སློབ་དཔོན་དཔའ་བོ་ཁྱོད་ཀྱི་འཕྲུལ་འདི་འདྲ། །དེ་རིང་བདག་གི་མིག་རྨོངས་དྲན་པ་རྨོངས། །འཕགས་པའི་ཡེ་ཤེས་བདག་གིས་རྣམ་པར་བལྟ། །ཁམས་གསུམ་པོ་དག་ཐམས་ཅད་སྟོང་པར་བལྟ། །སྟོང་པར་ཤེས་ལ་བདག་གི་དྲན་མི་རྨོངས། །གང་གིས་ཡེ་ཤེས་ཐོབ་པ་མིག་མི་འཚལ།། བཅོམ་ལྡན་གཞན་དུ་དེ་ལ་མངོན་བགྱིས་པས། །བསྐྱེད་པའི་དྲན་པ་རྨོངས་པ་དེ་མ་གཏོགས། །དཔའ་བོ་འཁོར་ཀྱང་མཆོག་ཏུ་དགའ་བ་སྐྱེས། །བར་སྣང་ནམ་མཁའ་ལ་ནི་འཕགས་
327b
པར་གྱུར། །པདྨ་འདབ་སྟོང་པ་ཡིས་གནས་པ་ལགས། །མཁའ་ལ་པདྨ་གནས་པ་གདུགས་ཇི་བཞིན། །ཆོས་གོས་དེ་ལ་ཕྱོགས་བཅུའི་འཇིག་རྟེན་ན། །གང་དག་ཅི་མཆིས་ཀུན་ཀྱང་གདའ་བ་ལགས། །འཇིག་རྟེན་དྲང་སྲོང་འདྲེན་པ་རྒྱལ་བ་མཆོག་།དེ་དག་རྣམས་ཀྱི་དགེ་འདུན་རྒྱ་ཆེན་གདའ། །དེ་ལ་སེམས་ཅན་དཔའ་བོ་དེ་རབ་བྱུང ། །སྦྱིན་པ་བསམ་གྱིས་མི་ཁྱབ་རྒྱ་ཆེན་སྩོལ། །དེ་དག་བྱང་ཆུབ་དོན་དུ་འདྲེན་པ་བསྟེན། །སེམས་ཅན་དོན་སྤྱོད་བགྱིད་ཅིང་རབ་ཏུ་བྱུང ། །དེ་ཚེ་ཕྱོགས་བཅུ་རྣམས་སུ་ཆོས་སྟོན་པས། །དཔའ་བོ་དེ་དག་དེར་ནི་སྤྲུལ་པར་བྱུང ། ། འཇིག་རྟེན་མགོན་པོ་གང་དག་གོས་ལས་མཐོང ། །བགྲང་བའང་མཐའ་ནི་གང་ཡང་མཆིས་མ་ལགས། །འཇིག་རྟེན་ཁམས་གསུམ་གང་དག་གོས་ལས་མཐོང ། །སེམས་དགའ་མགུ་ཞིང་གུས་དང་བཅས་པ་ལགས། །ཇི་ལྟར་ཚངས་པ་དབང་སྒྱུར་དབང་ཕྱུག་བཞིན། །རང་འོད་ལྡན་ཞིང་རྫུ་འཕྲུལ་སྟོབས་ལ་མཁས། །སྤོབས་དང་ལྡན་ཞིང་མང་དུ་ཐོས་པའང་ལགས། ། དེ་ཚེ་གཟུངས་ཀྱི་སྒོ་ནི་ཀུན་གྱིས་ཐོབ། །རྒྱལ་བའི་ཚུལ་དང་མཐུན་པར་འཁོར་ལོ་བསྐོར། །ཞིང་དེ་དག་ཀྱང་ཆོས་གོས་རྣམས་ཀྱིས་ཁྱབ། །སྣ་ཚོགས་རིན་ཆེན་ལས་བྱུང་དོ་ཤལ་སྡུག ། ལ་ལའི་ཞིང་དུ་ཁ་དོག་གདའ་མ་ལགས། །གང་དུ་དཔའ་བོ་མཆིས་ཤིང་རྐང་བཞག་ནས། །འཇིག་རྟེན་ཁམས་འདིར་རྫུ་འཕྲུལ་ཀུན་ནས་གནས། །མེ་ཏོག་རྣམས་དང་སྤོས་དང་བྱུག་པ་
328a
༄#། །དང ། །རྒྱལ་མཚན་བ་དང་རྣམས་ཀྱིས་ཀུན་ནས་བརྒྱན། །གང་དུ་དཔའ་བོ་མཆིས་ནས་རྐང་བཞག་པའི། །ཞིང་དེ་དག་ནི་མགོན་པོ་བདག་གིས་མཐོང ། །ས་ཡི་སྙིང་པོར་སངས་རྒྱས་བཞུགས་པ་དང ། །དེ་ཚེ་ཆོས་ཀྱི་འཁོར་ལོ་བསྐོར་བ་མཐོང ། །རྒྱལ་བ་དེ་དང་ཆོ་འཕྲུལ་མཐོང་ནས་སུ། །འདི་ན་གོས་ལས་རྫུ་འཕྲུལ་དེ་འདྲ་གདའ། །འཇིག་རྟེན་འདི་ན་གང་སུ་ལུས་མཆིས་པ། །ཐམས་ཅད་འདིར་ནི་ལུས་སུ་སྤྲུལ་ནས་སུ། །སྲོག་ཆགས་རྣམས་ལ་སྨན་ཕྱིར་ཆོས་སྟོན་ཅིང ། །དེར་ནི་བྱང་ཆུབ་སླད་དུ་ངེས་པ་ལགས། །དེ་རིང་འདི་ན་ངོ་མཚར་ཚུལ་བཞིན་གདའ། །དེས་ཀྱང་མཐོང་བ་དེ་ནི་ཡིད་ཆེས་དགའ། །རྒྱལ་བ་མཁས་པས་སངས་རྒྱས་འཕྲུལ་དེ་གཟིགས། །བཅོམ་ལྡན་ཆོ་འཕྲུལ་དེ་འདྲ་གདའ་བ་ལགས། ། བཅོམ་ལྡན་མི་རྣམས་ཀྱི་ནི་ཞིང་རྒྱ་ཆེ། །གློ་བུར་རྣམས་ཀྱི་སྟོན་པ་དམ་པ་ལགས། །བཅོམ་ལྡན་སྐྱེ་རྒུའི་སྲིད་ཆགས་བདེ་སྡུག་བསྔལ། །འབྲས་བུ་ཆེན་པོ་བསྐྱེད་པར་འགྱུར་བ་ལགས། །གལ་ཏེ་བདག་གིས་སྙན་པ་བསྐལ་བརྗོད་ཀྱང ། །བསྐལ་པ་སྟོང་དུའང་ཟད་བགྱིད་རྡོ་མི་ཐོགས། །གང་དག་གོས་ལས་རྫུ་འཕྲུལ་བསྒྲུབས་གདའ་བ། །ཐུབ་བས་བསྟན་འདི་སུ་ཡི་དོན་བགྱིད་འགྱུར། །དེ་ནི་སུ་ཡི་རྒྱ་ཆེན་ཞིང་དུ་འགྱུར། །དེ་ལ་སུ་ཞིག་བྱང་ཆུབ་སྤྱད་སྤྱོད་ན། །འདི་ལྟར་འདི་ན་རྫུ་འཕྲུལ་དཔག་མེད་གདའ། །འདྲེན་པ་དེ་རིང་བདག་ལུང་བསྟན་
328b
གསོལ། །ཤིང་རྟའི་ཕང་ལོ་ཙམ་གྱི་པདྨ་བརྩེགས། །ཇི་ལྟར་སྣ་ཚོགས་མཛེས་པ་བགྱིས་པ་ལགས། །ཇི་ལྟར་བྱང་ཆུབ་སེམས་དཔའ་མང་པོ་མཆིས། །ཕྱོགས་བཅུར་སངས་རྒྱས་ལ་ནི་ཕྱག་འཚལ་མཆི། །སངས་རྒྱས་ཕྱག་འཚལ་སླར་ཡང་ཞིང་དུ་མཆི། །དེ་ཉིད་ནས་ནི་སླར་མཆིས་བྱང་ཆུབ་འཐོབ། །རྒྱ་ཆེན་ཞིང་དེ་རྣམ་པར་དག་པར་འགྱུར། །རྫུ་འཕྲུལ་བསམ་གྱིས་མི་ཁྱབ་གདའ་བ་ལགས། །བྱང་ཆུབ་སྤྱད་པ་སྤྱོད་པ་དག་ཀྱང་མཐོང ། །སངས་རྒྱས་ཞིང་འདི་ན་ནི་དཔའ་བོ་གཅིག་།གང་ཞིག་ཆོས་གོས་ཐོགས་ནས་གནས་པ་ལགས། །མ་བསླབ་པ་ཡིས་འདི་ལ་ཇི་ལྟར་བསླབ། །གང་གིས་སེམས་ཅན་ཐམས་ཅད་བདེ་མྱོང་བའི། །སྙོམས་པར་སྦྱིན་པའི་ལོངས་སྤྱོད་མཐུན་འཚལ་བ། །སེམས་ཅན་ཀུན་ལ་ཕན་པར་གྱུར་ཅིག་ཅེས། །སྔོན་ཆད་བདག་གིས་སྦྱིན་སྩལ་བསྔོས་པ་ལགས། །མགོན་པོ་དོན་དེ་བདག་ལ་གསུང་བར་གསོལ། །འཇིག་རྟེན་མགོན་པོ་བདག་གི་ཐེ་ཚོམ་ཆོད། །སྨོན་ལམ་འདི་འདྲ་བརྟན་པའི་བློ་གྲོས་ཀྱིའམ། །དགེ་སློང་ཕུག་སྦས་ཀྱི་འམ་སུ་ཡི་ལགས། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། བྱང་ཆུབ་སེམས་དཔའ་བརྟན་པའི་བློ་གྲོས་དྲི་བ་འདྲི་བར་འདོད་ཀྱི། དྲི་བ་ལན་གདབ་པ་ལ་ཁྱོད་རེ་ཞིག་སྡོད་ཅིག་དང ། དེའི་འོག་ཏུ་ཁྱོད་ཀྱི་དྲི་བ་ལན་གདབ་པར་བྱའོ། །དེ་
329a
༄#། །ནས་བཅོམ་ལྡན་འདས་ལ་བྱང་ཆུབ་སེམས་དཔའ་བརྟན་པའི་བློ་གྲོས་ཀྱིས་འདི་སྐད་ཅེས་གསོལ་ཏོ། །གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས། བདག་ཕྱོགས་འགའ་ཞིག་ཞུ་ལགས་སོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བརྟན་པའི་བློ་གྲོས་ལ་འདི་སྐད་ཅེས་བཀའ་སྩལ་ཏོ། །བརྟན་པའི་བློ་གྲོས། ཁྱོད་ཅི་དང་ཅི་འདོད་པ་དྲིས་ཤིག་དང ། ངས་དེ་དང་དེ་ཉིད་ཀྱི་དྲི་བ་ལན་བཏབ་པས་ཁྱོད་ཀྱི་སེམས་རངས་པར་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་བརྟན་པའི་བློ་གྲོས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། སྒོར་འཇུག་པ་ཞེས་བགྱི་ན། བཅོམ་ལྡན་འདས། སྒོར་འཇུག་པ་ཞེས་བགྱི་བ་དེ་གང་ལགས། བཅོམ་ལྡན་འདས། དེ་བཞིན་གཤེགས་པས་དེའང་བཤད་པར་གསོལ། གང་དག་སྒོའི་ཚིག་དག་ལ་ཞུགས་པའི་བྱང་ཆུབ་སེམས་དཔའ་དེ་དག་ཀྱང་བཤད་པར་གསོལ། ཆོས་དེ་དག་གི་འཇུག་པ་དེའང་བཤད་པར་གསོལ། ཆོས་མཆོག་དེ་དག་གང་ཞིག་ལགས། དེ་དག་འཇུག་པ་ཇི་ལྟ་བུ། །དེ་དག་སྒོ་ཡང་ཅི་འདྲ་ལགས། །འདྲེན་པ་དེ་བཞིན་བཤད་པར་གསོལ། །ཆོས་ལ་ཞུགས་ནས་ཇི་ལྟ་བུར། །བྱང་ཆུབ་འབྱུང་བར་འགྱུར་བ་ལགས། །
329b
ཇི་ལྟར་ཆོས་ནི་བསྟན་པ་ནས། །སྤོབས་པ་ཆད་པར་མི་འགྱུར་ལགས། །ཆོས་དེ་དག་ནི་ག་ལས་མཆིས། །དེ་དག་གང་དུ་གནས་པ་ལགས། །དེ་དག་ཇི་ལྟར་མི་རྨོངས་ཤིང ། །ཆོས་རྣམས་ལ་ནི་དྲན་པ་འཇུག་།ཅི་ནས་དེ་དག་ཞུགས་འགྱུར་བའི། །འཇུག་པའི་མཚན་ཉིད་བཤད་དུ་གསོལ། །ཞུགས་པ་རྣམས་ཀྱི་ཆོས་གང་དག་།མངོན་དུ་འགྱུར་བ་བཤད་པར་གསོལ། །དེ་དག་ཇི་ལྟར་མི་རྨོངས་ཤིང ། །ཆོས་ལ་དྲན་འབྱུང་འདྲེན་པ་པོ། །བསྐལ་པ་གྲངས་ནི་མ་མཆིས་པར། །སྤོབས་པ་ཆད་པར་མི་འགྱུར་ལགས། །དེ་དག་དམིགས་པ་ཅི་འདྲ་ཞིག་།རྟེན་ཀྱང་ཅི་འདྲ་བ་ཞིག་ལགས། །གང་གིས་སྨྲ་བ་དེ་དག་གི་།མཐར་འགྱུར་མ་མཆིས་འདྲེན་པ་པོ། །ཇི་ལྟར་སྔོན་ཆད་དེ་དག་གིས། །སྦྱིན་པ་སྩལ་ནས་ཞི་བར་བསྔོས། །གང་གིས་གཟི་བརྗིད་ལྡན་རྣམས་ཀྱི། །སྤོབས་པ་སྐྱེ་དང་འཇལ་བར་འགྱུར། །ཇི་ལྟ་བུར་ནི་ཚུལ་ཁྲིམས་བསྲུངས། །ཇི་ལྟ་བུར་ནི་ཚུལ་ཁྲིམས་བསྟེན། །ཇི་ལྟ་བུར་ནི་ཚུལ་ཁྲིམས་བསྔོས། །གང་དེ་ཁྲིམས་ཀྱིས་མ་སོང་ལགས། །ཇི་ལྟ་བུར་ནི་བཟོད་པ་བསྒོམས། །ཇི་ལྟ་བུར་ནི་བཟོད་པ་བསྟེན། །གང་གིས་དེ་དག་མ་སྐྱེས་མཐའ། །བླ་ན་མ་མཆིས་རྗེས་སུ་ཐོབ། །ཇི་ལྟ་བུར་ནི་བརྩོན་འགྲུས་བརྩམས། ། ཇི་ལྟ་བུར་ནི་བརྩོན་འགྲུས་བསྟེན། །གང་གིས་སངས་རྒྱས་བྱང་ཆུབ་དང ། །བྲལ་བར་མ་གྱུར་འདྲེན་པ་པོ། །ཇི་ལྟ་བུར་ནི་བསམ་གཏན་བསྐྱེད། །ཇི་ལྟ་བུར་ནི་བསམ་གཏན་བསྟེན། །
330a
༄#། །ཆོས་གང་ལ་ནི་བསམ་གཏན་བགྱིད། །གང་གིས་སྤོབས་པ་བསྐྱེད་པ་ལགས། །ཇི་ལྟར་དེ་དག་ཤེས་རབ་བསྒོམས། །ཇི་ལྟ་བུར་ནི་ཤེས་རབ་བསྟེན། །ཇི་ལྟར་དེ་དག་ཡེ་ཤེས་འཇུག་།ཇི་ལྟར་སྤོབས་པ་ཆད་མི་འགྱུར། །བླ་མེད་ཚུལ་ལ་གནས་པ་ལགས། །ཡང་དག་ཆོས་རྣམས་སྟོན་པ་ལགས། །ཟབ་ཅིང་ཞི་བ་སྟོང་པ་ཡི། །བྱང་ཆུབ་དེ་དང་སུ་ཞིག་ཉེ། །ཇི་ལྟར་མདོ་སྡེ་སྣ་ཚོགས་གཟུང ། །སྣ་ཚོགས་དོན་ལ་རྣམ་ངེས་ལགས། །ཡང་དང་ཡང་དུའང་སྟོན་བགྱིད་ལགས། །ཞུ་བ་དེ་ནི་ལན་སྩལ་གསོལ། །སེམས་ཅན་རྣམས་ཀྱི་ཐེ་ཚོམ་གཅོད། །དེ་ནི་བདག་གིས་སྟོན་ལ་ཞུ། །མ་མཆིས་པ་ཡི་དུས་ན་ནི། །ཆོས་སྨྲ་བ་ནི་འབྱུང་བར་འགྱུར། །ཇི་ལྟར་དེ་ལའང་གནས་པར་བགྱི། །འདྲེན་པ་ཇི་ལྟར་གནས་ནས་སུ། །ཇི་ལྟར་ཆོས་ནི་བཟུང་ནས་སུ། །ཇི་ལྟར་ཆོས་ནི་ཡོངས་སུ་འཛིན། །འཇིག་རྟེན་མགོན་པོ་མི་མཆོག་གིས། །ཞུས་པ་དེ་ནི་བདག་ལ་སྟོན། ། ཕྱི་མའི་དུས་ན་ཇི་ལྟ་བུར། །སྲོག་ཆགས་རྣམས་ཀྱི་ཐེ་ཚོམ་གཅད། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་བློ་གྲོས་ལ་འདི་སྐད་ཅེས་བཀའ་སྩལ་ཏོ། །བརྟན་པའི་བློ་གྲོས། ཁྱོད་དེ་བཞིན་གཤེགས་པ་ལ་དོན་དེ་ཡོངས་སུ་འདྲི་བར་སེམས་པ་ནི། ལེགས་སོ། །ལེགས་སོ། །འདི་ལྟར་
330b
ཁྱོད་ཀྱིས་ནི། སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་དགེ་བའི་རྩ་བ་བྱས་སོ། །དེ་བཞིན་གཤེགས་པ་དེ་དག་ལའང་ཡོངས་སུ་ཞུས་སོ། །བརྟན་པའི་བློ་གྲོས། ངས་ནི། འདས་པའི་དུས་བསྐལ་པ་གྲངས་མེད་པ་ན་ནམ་མཁས་ཡོངས་སུ་ཟིན་པའི་ས་ཕྱོགས་འདི་ཉིད་དུ་སངས་རྒྱས་སྟོང་ཕྲག་དྲུག་ཅུ་རྩ་བརྒྱད་ལ་ཁྱོད་ཀྱིས་ཞུ་བ་གང་ཞུས་པ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་ཁྱོད་ཀྱི་ཞུ་བ་དེ་ཞུ་བ་ནའང་སེམས་ཅན་མང་པོ་དཔག་ཏུ་མེད་པའི་དོན་དུ་གྱུར་པར་མངོན་པར་ཤེས་སོ། །བརྟན་པའི་བློ་གྲོས། དེ་ལྟ་བས་ན། རྣམ་གྲངས་ངེས་ཁྱོད་ཀྱིས་འདི་ལྟར་རིག་པར་བྱ་སྟེ། བརྟན་པའི་བློ་གྲོས། སྔོན་བྱུང་བ་འདས་པའི་དུས་བསྐལ་པ་གྲངས་མེད་བར་གྱུར་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་མངོན་དུ་འཕགས་པའི་འོད་ཟེར་ཅེས་བྱ་བ་འཇིག་རྟེན་དུ་བྱུང་སྟེ།་དེ་བཞིན་གཤེགས་པ་དེའི་ཚེའི་ཚད་ནི། བསྐལ་པ་ཕྱེད་ཐུབ་པར་གྱུར་ཏོ། །བཅོམ་ལྡན་འདས་དེ་གང་དག་དང་ཐབས་ཅིག་ཏུ་ལྗོངས་རྒྱུ་བ་མཛད་པ་དང ། གང་དག་དང་ཐབས་ཅིག་ཏུ་དབྱར་གནས་པར་དམ་བཅའ་བར་མཛད་པ་དེའི་དགྲ་བཅོམ་པ་ཟག་པ་ཟད་པ་དག་ནི། བྱེ་བ་ཕྲག་བདུན་ཅུ་ཚང་བར་བྱུང་བར་གྱུར་ཏོ། །བརྟན་པའི་བློ་གྲོས། དེའི་དུས་ན་ཛམྦུའི་
331a
༄#། །གླིང་དེ་ནི། ཡངས་ཤིང་རྒྱ་ཆེ་སྟེ། དཔག་ཚད་ཁྲག་ཁྲིག་འབུམ་ཕྲག་བདུན་ཅུ་པར་གྱུར་རོ། །དེའི་དུས་ན་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། མཐའ་བཞིར་རྣམ་པར་རྒྱལ་བ་སྲུང་བ། ཆོས་དང་ལྡན་པ། ཆོས་ཀྱི་རྒྱལ་པོ་གླིང་བཞི་པའི་འཇིག་རྟེན་གྱི་ཁམས་ཀྱི་དབང་ཕྱུག་འཁོར་ལོས་བསྒྱུར་བ་མ་སྨད་པའི་བསོད་ནམས་དབང་ཕྱུག་ཅེས་བྱ་བ་བྱུང་བར་གྱུར་ཏོ། །དེའི་དུས་ན་ཛམྦུའི་གླིང་དེར་གྲོང་ཁྱེར་ཆེ་ཞིང་རྒྱ་ཆེ་སྟེ། ཆུར་ནི། དཔག་ཚད་བཞི་བཅུ་པ། ཞེང་དུ་ནི། དཔག་ཚད་སུམ་ཅུ་པ། འབྱོར་པ་རྒྱས་པ། བདེ་བ། ལོ་ལེགས་པ། ཉམས་དགའ་བ། སྐྱེ་བོ་དང་མི་མང་པོས་གང་བ་བྱེ་བ་ཕྲག་བརྒྱད་ཅུ་བྱུང་བར་གྱུར་ཏོ། །བརྟན་པའི་བློ་གྲོས། རྒྱལ་པོ་མ་སྨད་པའི་བསོད་ནམས་དབང་ཕྱུག་དེའི་ཛམྦུའི་གླིང་གི་དབུས་སུ་གང་དུ་རྒྱལ་པོ་མ་སྨད་པའི་བསོད་ནམས་དབང་ཕྱུག་གནས་འཆའ་བར་བྱེད་པའི་རྒྱལ་པོའི་ཕོ་བྲང་འཁོར་ཆེན་པོ་ཁོར་ཁོར་ཡུག་ཏུ་དཔག་ཚད་བརྒྱད་ཅུ་ཡོད་པ་གྲུ་བཞི་ལྷམ་པ། རྒྱར་དཔག་ཚད་ཕྱེད་ཕྱེད་ཀྱང་མིག་མང་རིས་སུ་བྲིས་པ་ཞིག་བྱུང་བར་གྱུར་ཏོ། །བརྟན་པའི་བློ་གྲོས། རྒྱལ་པོའི་ཕོ་བྲང་འཁོར་དེའི་མིང་ནི། བདེ་བ་ཅན་ཞེས་བྱ་བར་གྱུར་ཏོ། །རྒྱལ་པོའི་ཕོ་བྲང་འཁོར་དེར་སེམས་ཅན་དེ་དག་གིས་ལོངས་སྤྱོད་པའི་ཕྱིར་བདག་གི་མེད་ཅིང་ཡོངས་སུ་འཛིན་པ་མེད་པའི་སྐྱེད་མོས་ཚལ་ཁོར་ཡུག་ཏུ་སྟོང་ཕྲག་བདུན་ཅུ་བྱུང་བར་གྱུར་ཏོ། །བརྟན་པའི་བློ་གྲོས། རྒྱལ་པོ་
331b
མ་སྨད་པའི་བསོད་ནམས་དབང་ཕྱུག་དེའི་རྒྱལ་པོའི་ཕོ་བྲང་འཁོར་དཔག་ཚད་བརྒྱད་ཅུ་པ་དེ་ཇི་ཙམ་དུ་ཆེ་བར་སྐྱེད་མོས་ཚལ་ཆེན་པོ་ཞིག་བྱུང་བར་གྱུར་ཏེ། སྐྱེད་མོས་ཆལ་ཆེན་པོ་དེ་ནི། ཤིང་ཏ་ལའི་ཕྲེང་བ་རིམ་པ་བདུན་གྱིས་བསྐོར་བར་གྱུར་ཅིང་དྲིལ་བུ་གཡེར་ཀའི་དྲ་བ་རིམ་བདུན་དང ། རྟ་བབས་རིམ་བདུན་དང ། ར་བ་རིམ་བདུན་དང ། འོབས་རིམ་བདུན་གྱིས་ཁོར་ཡུག་ཏུ་བསྐོར་བར་གྱུར་རོ། །བརྟན་པའི་བློ་གྲོས། དེའི་ཚེ་དེའི་དུས་ན་དེ་བཞིན་གཤེགས་པ་རིན་པོ་ཆེ་མངོན་དུ་འཕགས་པའི་འོད་ཟེར་དེ་དགྲ་བཅོམ་པ་བྱེ་བ་ཕྲག་བདུན་ཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་རིམ་གྱིས་ཡུལ་རྒྱུ་བས་རྒྱུ་ཞིང་རྒྱལ་པོའི་ཕོ་བྲང་འཁོར་དུ་བྱོན་པར་གྱུར་ཏེ། བརྟན་པའི་བློ་གྲོས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་མངོན་དུ་འཕགས་པའི་འོད་ཟེར་དགེ་སློང་བྱེ་བ་ཕྲག་བདུན་ཅུ་དང་ཐབས་ཅིག་ཏུ་རིམ་གྱིས་ཡུལ་རྒྱུ་བ་རྒྱུ་ཞིང་རྒྱལ་པོའི་ཕོ་བྲང་འཁོར་དུ་བྱོན་ནས་དེ་རྒྱལ་པོའི་ཕོ་བྲང་འཁོར་དེའི་སྐྱེད་མོས་ཚལ་ཞིག་ན་བཞུགས་སོ། །ཞེས་རྒྱལ་པོ་མ་སྨད་པའི་བསོད་ནམས་དབང་ཕྱུག་གིས་ཐོས་སོ། །བརྟན་པའི་བློ་གྲོས། དེ་ནས་རྒྱལ་པོ་མ་སྨད་པའི་བསོད་ནམས་དབང་ཕྱུག་དེ་དེ་བཞིན་གཤེགས་པ་རིན་པོ་ཆེ་མངོན་དུ་འཕགས་པའི་འོད་ཟེར་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དེའི་ཞབས་ལ་ཕྱག་བཙལ་ཏེ་ཕྱོགས་
332a
༄#། །གཅིག་ཏུ་འདུག་གོ་།བརྟན་པའི་བློ་གྲོས། དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་མངོན་དུ་འཕགས་པའི་འོད་ཟེར་གྱིས་རྒྱལ་པོ་དེའི་བསམ་པ་ཐུགས་སུ་ཆུད་ནས་བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་སེམས་ཅན་ཐམས་ཅད་ཀྱི་ཐེ་ཚོམ་གཅོད་པ་དེ་ཡང་དག་པར་རབ་ཏུ་བསྟན་ཏོ། །དེས་དེ་ཐོས་ནས་ཡིད་རངས་ཤིང་རབ་ཏུ་དགའ་བར་གྱུར་ཏེ། དགའ་བ་དང་ཡིད་བདེ་བ་སྐྱེས་པར་གྱུར་ཏོ། །དེ་ནས་དེ་འདི་སྙམ་དུ་སེམས་ཏེ། དེ་བཞིན་གཤེགས་པ་རིན་པོ་ཆེ་མངོན་དུ་འཕགས་པ་ངེས་ལོངས་སྤྱད་པའི་ཕྱིར་རང་གི་སྐྱེད་མོས་ཚལ་དེ་ཤིན་ཏུ་ལེགས་པར་བརྒྱན་ལ་བདག་གིས་ལེགས་པར་དབུལ་གོར་མ་ཆག་གོ་།སྙམ་ནས་བརྟན་པའི་བློ་གྲོས།་ལོངས་སྤྱད་པར་བྱ་བའི་ཕྱིར་རྒྱལ་པོ་དེས་སྐྱེད་མོས་ཚལ་དེ་ཕུལ་ལོ། །གཙུག་ལག་ཁང་བྱེ་བ་ཕྲག་བརྒྱད་ཅུ་དང ། འཆགས་བྱེ་བ་ཕྲག་བདུན་ཅུའང་བྱེད་དུ་བཅུག་གོ་།ཁྲིའུ་བྱེ་བ་ཕྲག་བདུན་ཅུའང་བྱེད་དུ་བཅུག་གོ་།ཀུན་དགའ་ར་བ་བྱེ་བ་ཕྲག་བདུན་ཅུའང་རིམ་གྲོ་བ་དག་དང་བཅས་པར་ཕུལ་ཏེ། ཕུལ་ནས་ཀྱང་བཅོམ་ལྡན་འདས་དེ་ག་ལ་བ་དེར་སོང་སྟེ་ཕྱིན་ནས། དེ་བཞིན་གཤེགས་པ་དེ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་ལ་ཐུགས་བརྩེ་བའི་སླད་དུ་དགེ་སློང་གི་དགེ་འདུན་དང་ཐབས་ཅིག་ཏུ་སང་
332b
གདུགས་ཚོད་ལ་གཤེགས་པར་གནང་བར་མཛད་དུ་གསོལ། བརྟན་པའི་བློ་གྲོས། དེ་ནས་རྒྱལ་པོ་དེས་བཅོམ་ལྡན་འདས་དེ་ཅང་མི་གསུང་བར་གྱུར་པས་གནང་བར་རིག་ནས་ཞབས་ལ་ཕྱག་བཙལ་ཏེ་སོང་ནས་དེའི་མཚན་མོ་འཁོར་ལོས་བསྒྱུར་བའི་ཟས་ལྟ་བུ་མང་བ་དང ། བསོད་པ་གཡོས་བྱེད་དུ་བཅུག་ནས། དེའི་མཚན་མོ་འདས་པ་དང་བཅོམ་ལྡན་འདས་དེའི་ཐད་དུ་སོང་ནས་གདུགས་ཚོད་ལ་བབ་པ་གསོལ་ཏོ། །བརྟན་པའི་བློ་གྲོས། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེ་མངོན་དུ་འཕགས་པའི་འོད་ཟེར་དེ་སྔ་དྲོའི་དུས་ཀྱི་ཚེ་ཤམ་ཐབས་དང་ཆོས་གོས་མནབས། ལྷུང་བཟེད་བསྣམས་ཏེ་དགེ་སློང་གི་དགེ་འདུན་གྱིས་མདུན་དུ་བདར་ནས་རྒྱལ་པོ་མ་སྨད་པའི་བསོད་ནམས་དབང་ཕྱུག་གི་ཁྱིམ་ག་ལ་བ་དེར་གཤེགས་ཏེ་བྱོན་ནས་གདན་བཤམས་པ་ལ་བཞུགས་སོ། །དགེ་སློང་དེ་དག་ཀྱང་སྟན་ཇི་ལྟར་བཤམས་པ་ལ་འཁོད་དོ། །བརྟན་པའི་བློ་གྲོས། དེ་ནས་རྒྱལ་པོ་མ་སྨད་པའི་བསོད་ནམས་དབང་ཕྱུག་གིས་བཅོམ་ལྡན་འདས་དེ་བཞུགས་པ་དང ། དགེ་སློང་གི་དགེ་འདུན་འཁོད་པར་རིག་ནས་རང་གི་ལག་གིས་གུས་པར་བྱས་ཏེ། མང་ཞིང་བསོད་པའི་ཟས་ཇི་ལྟར་བསྡོགས་པས་ཚིམ་པར་བྱེད་ཅིང་བསྟབས་སོ། །དེས་བཅོམ་ལྡན་འདས་དེ་ལ་རང་གི་ལག་གིས་གུས་པར་བྱས་ཏེ་ཚིམ་པར་བྱས་ཤིང་བསྟབས་ནས། གསོལ་ཟིན་ཅིང་སྡེ་འགྱུ་ཕྱག་བཅབས་པར་རིག་ནས། བཅོམ་ལྡན་འདས་དང ། དགེ་སློང་གི་དགེ་འདུན་
333a
༄#། །ལ་སོ་སོར་ཆོས་གོས་གསུམ་གསུམ་སྐུ་ལུས་ལ་གསོལ་ཏོ། །བཅོམ་ལྡན་འདས་དང ། དགེ་སློང་གི་དགེ་འདུན་དེ་ལ་སྐུ་ལུས་ལ་གསོལ་ཏེ། གསེར་གྱི་རིལ་བ་བྷྲིངྒ་ར་ཐོགས་ནས་བཅོམ་ལྡན་འདས་དེ་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཕྱག་ཏུ་ཆུ་ཕུལ་ཏེ་གསོལ་པ། བཅོམ་ལྡན་འདས། བཅོམ་ལྡན་འདས་ལ་སྐྱེད་མོས་ཚལ་འདི་དང ། གཙུག་ལག་ཁང་འདི་དག་དང ། འཆག་ས་འདི་དག་དང ། གཟིམས་ཆ་འདི་དག་དང ། ཁྲིའུ་འདི་དག་དང ། ཀུན་དགའ་ར་བ་འདི་དག་འབུལ་ལགས་སོ། །རིམ་གྲོ་དང ། བསྙེན་བཀུར་བགྱི་བའི་སླད་དུ་བདག་ཉིད་ཀྱང་འབུལ་ལགས་སོ། །བརྟན་པའི་བློ་གྲོས། དེ་ནས་རྒྱལ་པོ་དེས་དེའི་རྗེས་ལ་དེ་བཞིན་གཤེགས་པ་དེ་ལ་རིམ་གྲོ་དང ། བསྙེན་བཀུར་བྱས་ཤིང་ཆོས་མཉན་པའི་ཕྱིར་ཡང་ཉིན་གཅིག་བཞིན་དུ་གུས་པར་བྱས་ནས་སོང་ངོ ། །བརྟན་པའི་བློ་གྲོས། དེ་ནས་རྒྱལ་པོ་མ་སྨད་པའི་བསོད་ནམས་དབང་ཕྱུག་དེས་བཅོམ་ལྡན་འདས་དེ་ལ་བསྐལ་པ་ཕྱེད་དུ་རིམ་གྲོ་བྱས་ཤིང ། དེ་བཞིན་གཤེགས་པ་དེ་ལ་གནས་དང་གནས་མ་ཡིན་པ་དག་ཀྱང་ཡོངས་སུ་དྲིས་སོ། །དེའང་ཡོངས་སུ་འདྲི་ཞིང ། བཅོམ་ལྡན་འདས་དེའང་ལན་ལྡོན་པ་ན་སེམས་ཅན་གྲངས་མེད་དཔག་ཏུ་མེད་པའི་དོན་བྱས་སོ། །བརྟན་པའི་བློ་གྲོས། དེའི་ཚེ་དེའི་དུས་ན་རྒྱལ་པོ་མ་སྨད་པའི་བསོད་ནམས་དབང་ཕྱུག་ཅེས་བྱ་བ་བྱུང་བ་དེ་གཞན་ཞིག་ཡིན་པ་སྙམ་དུ་ཁྱོད་སོམ་ཉིའམ་ཡིད་གཉིས་ཟ་བར་
333b
གྱུར་ན།་ཁྱོད་ཀྱིས་དེ་ལྟར་བལྟ་བར་མི་བྱའོ། །དེ་ཅིའི་ཕྱིར་ཞེ་ན། བརྟན་པའི་བློ་གྲོས། རྒྱལ་པོ་མ་སྨད་པའི་བསོད་ནམས་དབང་ཕྱུག་ཅེས་བྱ་བ་བྱུང་བ་དེ་ཁྱོད་ཉིད་ཡིན་པའི་ཕྱིར་རོ། །བརྟན་པའི་བློ་གྲོས། ངས་ནི།་འདས་པའི་དུས་ན་ཆོས་ཀྱི་རྣམ་གྲངས་དེ་ཉིད་ཡོངས་སུ་དྲི་བའི་ཕྱིར་གང་ལ་ཁྱོད་ཀྱིས་བླ་ན་མེད་པའི་རིམ་གྲོ་དང་བསྙེན་བཀུར་བྱས་པའི་སངས་རྒྱས་སྟོང་ཚང་བ་བྱུང་བར་མངོན་པར་ཤེས་སོ།། བརྟན་པའི་བློ་གྲོས། ཡང་གང་ཁྱོད་ཀྱིས་ཆོས་ཀྱི་སྒོ་སྒྲུབ་པ་སྨྲས་པ་དེ་དང ། ཇི་ལྟར་ཆོས་ཀྱི་སྒོ་མངོན་པར་སྒྲུབ་པ་ཁྱོད་ལ་བསྟན་པར་བྱའོ། །བརྟན་པའི་བློ་གྲོས། དེ་ལ་ཆོས་ཀྱི་སྒོ་ཞེས་བྱ་བ་ནི། གནས་དང ། གཞི་རྣམས་ཡིན་ཏེ། དེ་དག་ནི། སེམས་པ་མེད་པ། མཚན་མ་མེད་པ། རྩོལ་བ་མེད་པ། དག་པ། རྣམ་པར་དག་པ། ཡོངས་སུ་དག་པ། བརྗོད་དུ་མེད་པ། ཡི་གེ་མེད་པ། ཡི་གེ་ལས་རྣམ་པར་ལོག་པ། བསྟན་དུ་མེད་པ་དག་ཡིན་ནོ། །བརྟན་པའི་བློ་གྲོས། ཡང་ཆོས་ནི། སྣང་བར་མི་འགྱུར་ཞིང ། ཆོས་ནི། ཤེས་པས་རྣམ་པར་རིག་པར་བྱ་བ་མ་ཡིན་ནོ། །བརྟན་པའི་བློ་གྲོས། ཡང་ཆོས་ཀྱི་སྒོ་ཞེས་བྱ་བ་ནི། དེ་བཞིན་གཤེགས་པས་མཛད་པ་གང་གིས་མྱ་ངན་ལས་འདས་པ་རབ་ཏུ་མཁྱེན་པ་སྟེ། ཇི་ལྟར་རབ་ཏུ་མཁྱེན་པ་དང ། གང་གིས་རབ་ཏུ་མཁྱེན་པ་དེ་ནི། ངས་རྣམ་པར་རིག་པར་བྱ་མི་ནུས་སོ། །བརྟན་པའི་བློ་གྲོས། ཆོས་དེ་དག་ནི། རྣམ་པར་རིག་པར་བྱ་བ་མ་ཡིན་ཞིང་གདགས་པ་མ་ཡིན་པ་དག་གོ་།བརྟན་པའི་བློ་གྲོས། ཡང་གང་ལ་ལར་གདགས་པའི་ལམ་དེ་ནི།
334a
༄#། །ཆོས་ཀྱི་སྒོ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། རོ་གཅིག་པའི་ཕྱིར་རྒྱ་མཚོའི་རྒྱས་བཏབ་པ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། མི་ཟད་པའི་མུ་ཅན་ཡིན་ཞིང་མི་ཟད་པའི་མཐའ་ཅན་ཡིན་པའི་ཕྱིར་ཟད་མི་ཤེས་པ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། གང་བ་དང་བྲི་བ་མེད་པས་མི་ཟད་པ་ཉིད་དུ་གྱུར་བ་སྟེ། དེས་ན་དེ་བཞིན་གཤེགས་པ་ནི། ཟད་མི་ཤེས་པའི་སྒོ་སྒྲུབ་པའང་འདོགས་པར་མཛད་དོ། །སྟོན་པར་མཛད། རབ་ཏུ་འཇོག་པར་མཛད་དོ། །ཆོས་ཐམས་ཅད་ནི། ཨ་ཞེས་བྱ་བའི་སྒོ་ཅན་ཏེ། ཨ་ཞེས་བྱ་བ་ལ་འཇུག་པ་ནི། རྣམ་པ་མེད་པའི་སྒོ་གདགས་པའི་བཤད་པའི་གནས་སོ། །དེ་མངོན་པར་སྒྲུབ་པ་ནི། མཚམས་སྦྱོར་བར་བྱེད་པའོ། །དེ་ལ་མཚམས་སྦྱོར་བའི་ཡི་གེ་དག་གིས་ཨ་ཞེས་བྱ་བ་མ་བྱས་ཏེ། དེའི་ཕྱིར་ཆོས་ནི། ཨ་ཞེས་བྱ་བ་ཞེས་བྱའོ། །དེ་ནི། ཨ་ཞེས་བྱ་བས་རྣམ་པར་རིག་པར་བྱེད་ཅིང ། རྣམ་པར་རིག་པ་དེའང་དེའི་མཚམས་སྦྱོར་བའི་ཚིག་དང་ཡི་གེ་དག་དང་ལྡན་པར་ཡོངས་སུ་རྫོགས་པར་བྱེད་དོ། །དེས་ན་དེ་བཞིན་གཤེགས་པས་འདི་སྐད་དུ་ཆོས་ཐམས་ཅད་ནི། ཨ་ཞེས་བྱ་བའི་སྒོ་ཅན་ནོ། །ཞེས་གསུངས་སོ། །སྒོ་དེ་གང་དག་གི་ཡིན་པའི་ཆོས་དེ་དག་ཀྱང་གང་ཞེ་ན། བརྟན་པའི་བློ་གྲོས། ཆོས་དེ་དག་ནི། མ་བྱས་པའོ། །མ་བྱས་པ་ནི། རྣམ་པར་རིག་པ་མ་ཡིན་པས་མ་བཏགས་པ། རྣམ་པར་རིག་པ་མ་ཡིན་པར་རྣམ་པར་རིག་པ། བརྗོད་དུ་མེད་
334b
པར་བརྗོད་པ། མངོན་པར་བརྗོད་དུ་མེད་པར་མངོན་པར་བརྗོད་པ། ཟད་མི་ཤེས་པར་ཟད་པ་དག་གོ་།བརྟན་པའི་བློ་གྲོས། དེ་ལྟར་ན། ཨ་ཞེས་བྱ་བ་ནི། ཆོས་ཐམས་ཅད་ཀྱི་ལས་བྱེད་པ་ཡིན་ནོ། །རིགས་ཀྱི་བུའམ་རིགས་ཀྱི་བུ་མོ་སྒོ་གང་ལ་ཞུགས་པས་ཡེ་ཤེས་ཟད་མི་ཤེས་ཤིང ། སྤོབས་པ་ཟད་མི་ཤེས་པར་འགྱུར་བའི་སྒོ་དེ་ནི། ཨ་ཞེས་བྱ་བའི་སྒོའོ། །བརྟན་པའི་བློ་གྲོས། མི་ཟད་པ་ནི། ཟད་པ་ལས་འདས་པའོ། །བརྟན་པའི་བློ་གྲོས། གང་ལ་གདགས་པ་མེད། རྣམ་པར་རིག་པ་མེད་པ་ནི། ཟད་པ་ཡིན་ཏེ། གང་དག་རྣམ་པར་རིག་པ་མ་ཡིན་པར་རྣམ་པར་རིག་པར་བྱས་པ་དེ་དག་ནི། རྣམ་པར་རིག་པར་བྱས་པ་མ་ཡིན་ཞིང ། གང་དག་བཏགས་པ་དེ་དག་ནི། མ་བཏགས་པ་སྟེ། བརྟན་པའི་བློ་གྲོས། དེས་ན་སྒོ་དེ་ནི། ཟད་པ་ཞེས་བྱའོ། །སྒོ་དེ་གང་གི་ཡིན་ཞེ་ན། ཆོས་དེ་དག་གི་སྒོའོ། །གང་དག་གི་ཞེ་ན། གང་དག་དེ་བཞིན་གཤེགས་པས་མ་བརྙེས་མ་དམིགས་པའོ། །བརྟན་པའི་བློ་གྲོས། སྒོ་ཞེས་བྱ་བ་ནི། ཕྱིར་མི་ལྡོག་པ་སྟེ། འཇུག་པ་དེ་ནི། ཆོས་ཐམས་ཅད་ཀྱི་ཡིན་ནོ། །མངོན་པར་བརྗོད་པ་ཐམས་ཅད་ཀྱང་མངོན་པར་བརྗོད་དུ་མེད་པ་ཡིན། དག་ཐམས་ཅད་ཀྱང་མི་ཟད་པའི་ངག་ཡིན། དག་ཐམས་ཅད་ཀྱང་དེ་བཞིན་གྱི་ངག་ཡིན། གཞན་མ་ཡིན་པའི་ངག་ཡིན། རྣམ་པར་རིག་པ་ཐམས་ཅད་ཀྱང་རྣམ་པར་རིག་པ་མ་ཡིན་པ་ཡིན་ཏེ། བརྟན་པའི་བློ་གྲོས། འདི་ནི། རྡོ་རྗེའི་ཚིག་གོ་།ཅིའི་ཕྱིར་རྡོ་རྗེའི་ཚིག་ཅེས་བྱ་ཞེ་ན། གང་ལའང་ནམ་ཡང་དབྱེར་མེད་ཅིང་གང་ལའང་དབྱེར་མེད་པ་དེ་ལ་བྱེད་པ་པོ་གང་ཡང་མེད་ལ་
335a
༄#། །གང་ལ་བྱེད་པ་པོ་གང་ཡང་མེད་པས་དེས་ན་རྡོ་རྗེའི་ཚིག་ཅེས་བྱའོ། །ཆོས་ཐམས་ཅད་ནི། ལས་མེད་པ་སྟེ། གང་ལས་མེད་པ་ཉིད་དེ་ལ་ནི། རྣམ་པར་སྨིན་པ་གང་ཡང་མེད་ལ། གང་ལ་རྣམ་པར་སྨིན་པ་གང་ཡང་མེད་པས་དེས་ན། ཆོས་ཐམས་ཅད་ནི། ལས་མེད་པ། རྣམ་པར་སྨིན་པ་མེད་པ་ཞེས་བྱའོ། །ཆོས་ཀྱི་ཕྱག་རྒྱ་དེ་ནི། གང་ལ་ལར་དེ་བཞིན་གཤེགས་པས་ལས་ཀྱི་རྣམ་པར་སྨིན་པ་བསྟན་པ་དེའི་ཚེ་ན་ཆོས་ཀྱི་ཕྱག་རྒྱ་དེས་བསྟན་པའོ། །ཕྱག་རྒྱ་དེ་ནི། མ་བྱས་པ་དང ། དབྱེར་མེད་པར་ཁོང་དུ་ཆུད་པར་བྱའོ། །བརྟན་པའི་བློ་གྲོས། རིགས་ཀྱི་བུའམ། རིགས་ཀྱི་བུ་མོ་ལས་ཀྱི་རྣམ་པར་སྨིན་པ་ལ་འཇུག་པར་འདོད་པས་ནི། དེ་ལྟར་འཇུག་པར་བྱའོ། །བརྟན་པའི་བློ་གྲོས། ཆོས་ཐམས་ཅད་ནི། ནམ་མཁའ་ལ་འཇུག་པས་འོང་བ་མེད་པ། འགྲོ་བ་མེད་པ་ཡིན་ནོ། །བརྟན་པའི་བློ་གྲོས། དེ་བཞིན་གཤེགས་པས་ནི། སྒོ་དེ་ལ་བརྟེན་ནས་སེམས་ཅན་རྣམས་ཀྱི་འཆི་འཕོ་དང་སྐྱེ་བ་རབ་ཏུ་མཁྱེན་ཏོ། །བརྟན་པའི་བློ་གྲོས། རིགས་ཀྱི་བུའམ། རིགས་ཀྱི་བུ་མོ་འཆི་འཕོ་དང་སྐྱེ་བ་ལ་འཇུག་པར་འདོད་པས་ནི། ཕྱག་རྒྱ་དེ་ལ་འཇུག་པར་བྱའོ། །བརྟན་པའི་བློ་གྲོས། འདི་ནི། ཆོས་རྣམས་ཀྱི་ཡི་གེ་མེད་པའི་ཕྱག་རྒྱ་ཡིན་ནོ། །གདགས་པ་མེད་པའི་ཕྱག་རྒྱ་ཡིན་ནོ། །བརྟན་པའི་བློ་གྲོས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཇི་ཙམ་དུ་མངོན་པར་བརྗོད་པ་ཐམས་ཅད་ནི། ཕྱག་རྒྱ་དེས་མངོན་པར་བརྗོད་པར་མཛད་ཅིང་ཕྱག་རྒྱ་དེ་ཉིད་མངོན་པར་བརྗོད་པར་མཛད་དོ། །བརྟན་པའི་
335b
བློ་གྲོས།་ལུས་ཐམས་ཅད་ནི། དེ་བཞིན་གཤེགས་པའི་སྐུའོ། །དེ་ཅིའི་ཕྱིར་ཞེ་ན། འདི་ལྟར་སྐུ་དེ་ནི། ལུས་ཀྱི་སྐུ་ཡིན་ཞིང ། དེ་བཞིན་གཤེགས་པ་ནི། ཕྱག་རྒྱ་དེས་སེམས་ཅད་རྣམས་ཀྱི་ལུས་མངོན་པར་སྒྲུབ་པ་སྟོན་པར་མཛད་པའི་ཕྱིར་རོ། །བརྟན་པའི་བློ་གྲོས། ཕྱག་རྒྱ་གང་གིས་བཏབ་པའི་ལུས་ཀྱི་ཕྱག་རྒྱ་དེ་ནི། ལུས་ཐམས་ཅད་ཀྱི་གདགས་པའོ། །བརྟན་པའི་བློ་གྲོས། གང་ལ་ལར་ལུས་མངོན་པར་སྒྲུབ་པ་དེ་ཐམས་ཅད་ནི། ཕྱག་རྒྱ་དེས་བཏབ་པ་ཡིན་ཞིང ། དེ་བཞིན་གཤེགས་པ་ནི། ཕྱག་རྒྱ་དེ་ཉིད་མངོན་པར་སྒྲུབ་པར་མཛད་དོ། །བརྟན་པའི་བློ་གྲོས། ཆོས་ཐམས་ཅད་ནི། འཇུག་པ་མེད་པའི་ཕྱིར་སྒོ་མེད་པ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། འགྲོ་བ་མེད་པའི་ཕྱིར་འཇུག་པ་མེད་པ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། འཇུག་པ་མེད་པ་ཉིད་ཀྱི་ཕྱིར་འགྲོ་བ་མེད་པ་ཡིན་ནོ། །བརྟན་པའི་བློ་གྲོས། དེ་བཞིན་གཤེགས་པ་ནི། གང་དང་གང་ནས་ཆོས་སྟོན་པ་དེ་དང་དེ་ནས་ཆགས་པ་མེད་པའི་མུ་དང་ལྡན་པ་ཁོ་ན་དག་སྟོན་པར་མཛད་ཅིང་སེམས་ཅན་ཐམས་ཅད་ཀྱི་མུ་དེ་ཉིད་ཀྱང་རབ་ཏུ་མཁྱེན་ཏེ། མུ་དེ་ནི། དེ་ལྟ་བུ་ཡིན་ནོ། །བརྟན་པའི་བློ་གྲོས།་ཆགས་པ་མེད་པའི་མུ་ཞེས་བྱ་བ་ནི། མཐའ་ཡས་པའི་མུ་སྟེ། སེམས་ཅན་ཐམས་ཅད་ནི། ཡ་མ་བརླའི་མུར་བསྟན་པས་དེ་ལྟ་བུའི་མུ་ཅན་ཡིན་ནོ། །བརྟན་པའི་བློ་གྲོས། གང་དུ་ཆོས་ཐམས་ཅད་ཀྱི་སྒོ་མུའི་སྒོ་དེས་མུའི་སྒོ་ཡིན་པ་དེ་ཐམས་ཅད་ནི། ཆོས་ཀྱི་ཕུང་པོ་ཡིན་ལ་ཆོས་ཀྱི་ཕུང་པོའང་ཕུང་པོ་མེད་པ་སྟེ། དེ་ལྟར་ཕུང་པོ་དེ་དག་ནི། ཕུང་པོ་མེད་པ་ཡིན་ཞིང ། ཕུང་པོ་དེ་དག་ནི། ཆོས་ཀྱི་ཕུང་པོའང་ཡིན་ནོ། །བརྟན་པའི་
336a
༄#། །བློ་གྲོས། དེ་བཞིན་གཤེགས་པ་ནི། གང་དང་གང་ནས་ཕུང་པོ་དག་སྟོན་པ་དེ་དང་དེ་ནས་ཆོས་ཀྱི་ཕུང་པོའི་སྒོ་མུ་དེས་སྟོན་པར་མཛད་དོ། །གཟུགས་ཀྱི་ཕུང་པོ་དང ། ཚོར་བའི་ཕུང་པོ་དང ། འདུ་ཤེས་ཀྱི་ཕུང་པོ་དང ། འདུ་བྱེད་ཀྱི་ཕུང་པོ་དང ། རྣམ་པར་ཤེས་པའི་ཕུང་པོ་སྟེ། ཕུང་པོ་རྣམས་ནི། ཕུང་པོ་མེད་པ་ཡིན་ནོ། །འདི་ནི། ཕུང་པོ་རྣམས་ཀྱི་རྣམ་པའི་སྒོ་བསྟན་པའོ། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་བློ་གྲོས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་།ཆོས་རྣམས་ཀྱི་འཇུག་པ་དེ་ནི།་ཟབ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བརྟན་པའི་བློ་གྲོས། དེ་བཞིན་གཤེགས་པ་ནི། འདི་སྙམ་དུ་འདི་ནི། ཟབ་པའོ། །འདི་ནི། གསལ་བའོ། །སྙམ་དུ་མི་དགོངས་ཏེ། བརྟན་པའི་བློ་གྲོས། དེ་བཞིན་གཤེགས་པ་ནི། ཅུང་ཟད་ཅིག་སྟོན་པར་མཛད་དོ། །གསོལ་པ། ཇི་ལྟར་བྱིས་པ་རྣམས་ཀྱིས་བཟུང་བ་དེ་ལྟར་ནི། སྟོན་པར་མི་མཛད་ཀྱི། ཇི་ལྟར་མཁས་པ་རྣམས་ཀྱིས་ཀུན་འཚལ་བ་དེ་ལྟར་གསུངས་ཏེ། དེ་བཞིན་གཤེགས་པ་ནི། དེ་ལྟར་ཆོས་སྟོན་པར་མཛད་ལགས་སོ། །བརྟན་པའི་བློ་གྲོས། དེ་བཞིན་གཤེགས་པ་ནི། ཇི་ལྟར་རབ་ཏུ་ཤེས་པ་དེ་ལྟར་སྟོན་པར་མི་བྱེད།་འདོགས་པར་མི་བྱེད། རབ་ཏུ་འཇོག་པར་མི་བྱེད་དོ། །དེ་ཅིའི་ཕྱིར་ཞེ་ན། བརྟན་པའི་བློ་གྲོས། ཆོས་ཐམས་ཅད་ནི། དེ་ལྟར་མཁས་པ་རྣམས་ཀྱིས་ཀུན་ཤེས་པ་ཡིན་ཞིང ། ཇི་ལྟར་བྱིས་པ་རྣམས་
336b
ཀྱིས་བཟུང་བ་དེ་ལྟར་ནི། ཡི་གེའི་རྣམ་པར་རིག་པ་ཡིན་ལ། ཡི་གེ་དེ་དག་ཀྱང་ཡི་གེ་མེད་པ་ཡིན་པས་བསྟན་པ་མེད་པའི་ཕྱིར་རོ། །གཞན་ཡང་བཅོམ་ལྡན་འདས་ཀྱིས་བརྟན་པའི་བློ་གྲོས་ལ་བཀའ་སྩལ་པ།་བརྟན་པའི་བློ་གྲོས། ཆོས་ཐམས་ཅད་ནི། ཉི་མའི་དཀྱིལ་འཁོར་གྱི་སྣང་བ་ཡིན་ནོ། །བརྟན་པའི་བློ་གྲོས། གང་དང་གང་ནས་ཆོས་ལ་ཚུལ་བཞིན་དུ་སོ་སོར་རྟོག་པ་དེ་དང་དེ་ནས་མཐའ་ཡས་པའི་མུ་ཅན་ཁོ་ནར་སྣང་སྟེ། དེ་ལྟར་དེ་དག་ནི། ཆོས་ཀྱི་སྣང་བ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། ཀུན་ནས་སྣང་བ་དང་སྒྲིབ་པ་མེད་པའི་ཕྱིར་འོད་གསལ་བ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། གང་གིས་ཀྱང་མ་བསྒྲིབས་པའི་ཕྱིར་སྒྲིབ་པ་མེད་པ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། བླ་གབ་མེད་པ་དང་མཚུངས་པའི་ཕྱིར་མ་བསྒྲིབས་པ་ཡིན་ནོ། །བརྟན་པའི་བློ་གྲོས།་གང་ན་གཉིས་གདགས་པ་དང ། གཉིས་འཛིན་ས་དེ་ལ་དེ་བཞིན་གཤེགས་པའི་སྤྱན་སྒྲིབ་པ་མེད་པ་འཇུག་གོ་།བརྟན་པའི་བློ་གྲོས། དེ་བཞིན་གཤེགས་པས་མིག་གིས་ཆོས་ཐམས་ཅད་རབ་ཏུ་ཤེས་ཤིང་ཇི་ལྟར་རབ་ཏུ་ཤེས་པ་དེ་ལྟར་སྒྲིབ་པ་མེད་པར་རབ་ཏུ་ཤེས་པ་འདི་ནི། མིག་གི་ཆོས་ཡིན་ནོ། །བརྟན་པའི་བློ་གྲོས། རིགས་ཀྱི་བུས་གང་ལ་བརྟེན་ནས་དོན་ལ་ངེས་པར་རྟོག་པས་བརྗོད་པ་འབྱུང་བ་དང ། ཟབ་མོ་བསྟན་པའི་བརྗོད་པ་འབྱུང་བ་དང ། མ་ཆགས་པའི་བརྗོད་པ་འབྱུང་བའི་ཆོས་ཐམས་ཅད་ཀྱི་སྒོ་དེ་ནི། སྒྲིབ་པ་མེད་པའི་སྒོ་ཡིན་ནོ། །གཞན་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་
337a
༄#། །བརྟན་པའི་བློ་གྲོས་ལ་བཀའ་སྩལ་པ། བརྟན་པའི་བློ་གྲོས། ཆོས་ཐམས་ཅད་ནི། ཆགས་པ་མེད་ཅིང་ཆགས་པ་དང་བྲལ་བའི་ཕྱིར་རྡུལ་དང་བྲལ་བ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། ཕན་འདོགས་པ་མེད་པའི་ཚུལ་གྱིས་ཡོངས་སུ་མ་བཟུང་བ་ཡིན་ནོ། །བརྟན་པའི་བློ་གྲོས། ཆོས་ཐམས་ཅད་ནི། དངོས་པོ་དམིགས་སུ་མེད་པས་མཐའ་ཡས་མུ་མེད་པ་ཡིན་ནོ། །བརྟན་པའི་བློ་གྲོས།་གང་དང་གང་དུ་ཡི་གེའི་བསྟན་པ་སྟོན་པ་དེ་དང་དེར་ནི། ཆོས་ཐམས་ཅད་ཡི་གེ་མེད་པ་ཁོ་ནར་སྟོན་པ་ཡིན་ནོ། །བརྟན་པའི་བློ་གྲོས། ཆོས་དེ་དག་གི་མཐར་ཐུག་པ་མེད་པ་དང ། མཐར་ཐུག་པ་མེད་པ་བསྟན་པས་ཇི་ལྟར་སུ་ཞིག་ཡི་གེ་མེད་པའི་སྒོ་དེ་ལ་འཇུག་སྟེ། འདི་ནི། དེའི་འཇུག་པ་ཡིན་ནོ། །འཇུག་པ་དེ་ནི། ཆོས་གང་གི་ཡང་འཇུག་པ་མ་ཡིན་ནོ། །བརྟན་པའི་བློ་གྲོས། དེ་བཞིན་གཤེགས་པས་ནི།་ཏིང་ངེ་འཛིན་གྱི་སྒོ་སྒྲུབ་པ་གསུངས་ཏེ། ཏིང་ངེ་འཛིན་གྱི་སྒྲུབ་པའང་གང་ཞེ་ན། བརྟན་པའི་བློ་གྲོས། ཆོས་ཐམས་ཅད་བཀོད་པ་ཚུལ་གཅིག་པ་ཞེས་བྱ་བའི་ཏིང་ངེ་འཛིན་ཡོད་དོ། །བཀོད་པ་དུ་མ་ཞེས་བྱ་བའི་ཏིང་ངེ་འཛིན་ཡོད་དོ། །དེ་ལ་བཀོད་པ་གཅིག་པ་ཞེས་བྱ་བའི་ཏིང་ངེ་འཛིན་གང་ཞེ་ན། བརྟན་པའི་བློ་གྲོས། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་འཇིག་རྟེན་གྱི་ཁམས་ག་གེ་མོ་ཞེས་བྱ་བ་ན་དེ་བཞིན་གཤེགས་པ་ཆེ་གེ་མོ་ཞེས་བྱ་བ་ཆོས་སྟོན་ཏོ། །ཞེས་དེ་བཞིན་གཤེགས་པ་གཅིག་གི་མཚན་ཐོས་པར་བྱེད་དོ། །དེ་དེ་བཞིན་གཤེགས་པ་དེའི་མཚན་ཐོས་ནས་མཚན་མའི་
337b
སྒོ་ནས་ལེགས་པར་འཛིན་པར་བྱེད། མཚན་མའི་རྣམ་པ་མདུན་དུ་བྱེད། མངོན་དུ་བྱེད་དོ། །དེ་དེ་བཞིན་གཤེགས་པ་བྱང་ཆུབ་ཀྱི་སྙིང་པོ་མཆོག་ན་བཞུགས་པའམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའམ། ཆོས་ཀྱི་འཁོར་ལོ་བསྐོར་བའམ། ཉན་ཐོས་ཀྱི་ཚོགས་ཀྱིས་ཡོངས་སུ་བསྐོར་བའམ། ཆོས་སྟོན་པ་འབའ་ཞིག་དྲན་པ་རྣམ་པར་མི་གཡེང་བ་དང ། དབང་པོ་མི་རྒོད་པ་དག་དང ། ཡིད་ཕྱི་རོལ་ཏུ་མ་སོང་བས་ཡིད་ལ་བྱེད་དོ། །དེ་དེ་བཞིན་གཤེགས་པ་དེའི་མཚན་མ་རྗེས་སུ་དྲན་པས་འཇིག་རྟེན་གྱི་ཁམས་ལ་དམིགས་པ་མདུན་དུ་བྱེད་དོ། །དེ་དེ་བཞིན་གཤེགས་པ་ལ་དམིགས་པ་དང ། འཇིག་རྟེན་གྱི་ཁམས་ལ་དམིགས་པའང་འདི་ལྟ་སྟེ། དམིགས་པ་མེད་པ་ཉིད་ཀྱིས་དམིགས་པ་གཅིག་པ་ཉིད་དུ་རྟོགས་པར་བྱེད་དོ། །དེ་དེ་ལྟར་གནས་ཤིང་སྦྱོར་བ་དེ་རྗེས་སུ་མི་གཏོང་བས་དེ་བཞིན་གཤེགས་པའི་སྐུ་མངོན་དུ་འགྱུར་རོ། །དེ་ཆོས་སྟོན་པ་ཡིད་ལ་བྱེད་པས་ཟབ་པ་དང ། གསལ་བ་དང ། དོན་དང་ཚིག་འབྲུའི་སྒོ་ནས་ཇི་ལྟ་ཇི་ལྟར་མོས་པ་དེ་ལྟ་དེ་ལྟར་ཡང་མདུན་དུ་བྱེད་དོ། །དེ་ཏིང་ངེ་འཛིན་དེ་ལ་གནས་ནས་དངོས་པོ་ཐམས་ཅད་རྣམ་པར་འཇིག་པ་ཉིད་ཀྱིས་དེ་བཞིན་གཤེགས་པའི་ཆོས་བསྟན་པ་ཉན་པར་བྱེད་དོ། །དེ་ཆོས་བསྟན་པ་དེ་དག་ཀུན་ལེན་པར་བྱེད་ཅིང་འཛིན་པར་བྱེད་དོ། །བླངས་ཤིང་བཟུང་ནས་ཀྱང་ཏིང་ངེ་འཛིན་དེ་ལས་ལངས་ནས་འཁོར་བཞི་པོ་དག་ལ་ཆོས་སྟོན་ཏེ། འཇུག་པ་དེ་དང ། དམིགས་པ་དེ་ནི། འདི་ལྟ་སྟེ། བཀོད་པ་གཅིག་པའི་ཏིང་ངེ་འཛིན་མངོན་
338a
༄#། །པར་སྒྲུབ་པ་ཡིན་ནོ། །བརྟན་པའི་བློ་གྲོས། གཞན་ཡང་བྱང་ཆུབ་སེམས་དཔའ་ནི། ཡང་དམིགས་པ་དེ་ཉིད་རྣམ་པར་འཇིག་པར་བྱེད་ཅིང ། བདག་ཉིད་ཀྱི་ལུས་ཀྱང་རྣམ་པར་འཇིག་པར་བྱེད་དོ། །དེ་དངོས་པོ་ཐམས་ཅད་རྣམ་པར་འཇིག་པ་ཉིད་ཀྱིས་བཀོད་པ་གཅིག་པའི་ཏིང་ངེ་འཛིན་ལ་འཇུག་པར་བྱེད་དོ། །དེ་དེ་ལས་ལངས་ནས་ཀྱང་ཡང་འཁོར་བཞི་པོ་དག་ལ་ཆོས་སྟོན་པར་བྱེད་དེ། བརྟན་པའི་བློ་གྲོས། འདིའང་བཀོད་པ་གཅིག་པའི་ཏིང་ངེ་འཛིན་མངོན་པར་སྒྲུབ་པ་ཡིན་ནོ། །བརྟན་པའི་བློ་གྲོས། གཞན་ཡང་བྱང་ཆུབ་སེམས་དཔའ་ནི། དེ་བཞིན་གཤེགས་པའི་སྐུ་ལ་དམིགས་པ་དེ་ཉིད་ལ་འདི་ལྟར་སོ་སོར་རྟོག་པར་བྱེད་དོ། །དེ་བཞིན་གཤེགས་པའི་སྐུ་དེ་ག་ལས་འོངས། བདག་ཀྱང་གང་དུ་སོང་ཞིག་གུ་སྙམ་ནས། དེ་དེ་བཞིན་གཤེགས་པའང་མ་འོངས་པར་རབ་ཏུ་ཤེས་ཤིང ། བདག་ཉིད་ཀྱང་མ་སོང་བར་རབ་ཏུ་ཤེས་སོ། །དེ་འདི་སྙམ་དུ་སེམས་ཏེ། ཆོས་ཐམས་ཅད་ནི། འོང་བ་མེད་པའོ། །འགྲོ་བ་མེད་པའི་སྙམ་མོ། །དེ་དེ་ལྟར་གནས་ཤིང་དེ་ལྟར་བརྩོན་པས་རིང་པོ་མི་ཐོགས་པར་ཆོས་ཀྱི་མིག་སྒྲིབ་པ་མེད་པ་ཐོབ་བོ། །ཆོས་ཀྱི་མིག་སྒྲིབ་པ་མེད་པ་དེ་ཐོབ་ནས་དེ་བཞིན་གཤེགས་པ་ཡིན་ཏེ། ཆོས་ཀྱི་སྒོ་གང་གིས་མ་ཆགས་པའི་སྤོབས་པ་ཉིད་འཐོབ་པའི་ཆོས་ཀྱི་སྒོ་མངོན་དུ་བྱེད་དོ། །དེ་ཆོས་ཀྱང་སྟོན་པར་བྱེད་ལ་ཆོས་དེ་དག་
338b
ཀྱང་ཡང་དག་པར་རྗེས་སུ་མི་མཐོང་ངོ ། །བརྟན་པའི་བློ་གྲོས། འདི་ལྟ་སྟེ། དཔེར་ན། འདས་པའི་དུས་ལ་དེ་བཞིན་གཤེགས་པའི་ཡེ་ཤེས་མ་ཆགས་པ་འཇུག་ཀྱང་ལུས་རྣམས་ལ་དེ་བཞིན་གཤེགས་པའི་ཡེ་ཤེས་ཐོགས་པའང་མེད་དོ། །འདས་པའི་དུས་ལ་དམིགས་པའི་སྒོ་ནས་དེ་བཞིན་གཤེགས་པའི་ཡེ་ཤེས་ཀྱང་མི་འཇུག་ཅིང་འདས་པའི་དུས་ལ་དེ་བཞིན་གཤེགས་པའི་ཡེ་ཤེས་མི་འཇུག་ཀྱང ། འདས་པའི་དུས་ལ་དེ་བཞིན་གཤེགས་པ་ནི། ཡེ་ཤེས་མངའ་བ་ཉིད་དེ། འདས་པའི་དུས་ལ་དེ་བཞིན་གཤེགས་པའི་དམིགས་པའི་ལུས་རྗེས་སུ་འཇུག་པའང་མ་ཡིན་ནོ། །མ་འོངས་པ་དང ། ད་ལྟར་བྱུང་བ་ལའང་དེ་དང་འདྲའོ། །བརྟན་པའི་བློ་གྲོས། དེ་བཞིན་དུ་བྱང་ཆུབ་སེམས་དཔའ་དེ་ནི། བཀོད་པ་གཅིག་པའི་ཏིང་ངེ་འཛིན་དེ་ལ་གནས་ནས་ཆོས་ཀྱང་སྟོན་པར་བྱེད་ལ། ཆོས་དེ་དག་ཀྱང་ཡང་དག་པར་རྗེས་སུ་མི་མཐོང་ངོ ། །དེ་ཤིན་ཏུ་བསྒོམས་པས་ཏིང་ངེ་འཛིན་དེ་ལ་གནས་ནས་འཇིག་རྟེན་གྱི་ཁམས་གང་ན་བཞུགས་པར་འགྱུར་ཞིང ། བྱང་ཆུབ་ཀྱི་སྙིང་པོ་ན་བཞུགས་པའམ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བའམ། ཆོས་ཀྱི་འཁོར་ལོ་བསྐོར་བའམ། ཆོས་སྟོན་པའི་དེ་བཞིན་གཤེགས་པ་གཉིས་པ་ཡིད་ལ་བྱེད། དམིགས་པར་བྱེད། མངོན་དུ་བྱེད་དོ། །དེ་དེ་བཞིན་གཤེགས་པའི་ཆོས་བསྟན་པ་དེའང་ཀུན་ལེན་པར་བྱེད། འཛིན་པར་བྱེད་དོ། །དེ་དེ་བཞིན་
339a
༄#། །གཤེགས་པ་ལ་དམིགས་པ་སྔ་མ་དེའང་དམིགས་པར་བྱེད་ཅིང ། དེ་བཞིན་གཤེགས་པ་ལ་དམིགས་པ་འདིའང་གཏོང་བར་མི་བྱེད་དོ། །དེ་ཆོས་སྟོན་པའི་དེ་བཞིན་གཤེགས་པ་དེ་གཉིས་ཀ་དམིགས་པར་བྱེད། མངོན་དུ་བྱེད་དེ། བརྟན་པའི་བློ་གྲོས། འདིའང་བཀོད་པ་གཅིག་པའི་ཏིང་ངེ་འཛིན་མངོན་པར་སྒྲུབ་པ་ཡིན་ནོ། །བརྟན་པའི་བློ་གྲོས།་གཞན་ཡང་བྱང་ཆུབ་སེམས་དཔའ་ནི། དེ་བཞིན་གཤེགས་པ་ལ་དམིགས་པ་གཅིག་ལེགས་པར་ཀུན་ཏུ་བཟུང་ཞིང ། ལེགས་པར་བརྟགས་ལ། ལེགས་པར་བྱང་བར་བྱས་ནས་དེ་བཞིན་གཤེགས་པ་ཇི་སྙེད་འདོད་པ་དེ་སྙེད་ཡིད་ལ་བྱེད་དོ། །བརྟན་པའི་བློ་གྲོས། འདི་ལྟ་སྟེ། དཔེར་ན། ལུས་ཀྱི་སྐྱེད་མཆེད་དག་ལ་དགེ་སློང་དབང་དུ་གྱུར་པ་དེ་དམིགས་པ་སྔོན་པོ་ཡིད་ལ་བྱེད་དོ། །དེ་ཐམས་ཅད་ཀྱང་གང་ཅིའང་རུང་བ་ཐམས་ཅད་དམིགས་པ་སྔོན་པོ་ཁོ་ནར་མོས་པར་བྱེད་དེ། སྔོན་པོ་ཁོ་ན་ཡིན་པ་མ་གཏོགས་པར་དེ་ལ་དམིགས་པ་ཅིའང་མངོན་དུ་མི་འགྱུར་རོ། །དེ་འགྲོ་བ་ཐམས་ཅད་སྔོན་པོ་ཁོ་ནར་མོས་པར་བྱེད་ཅིང་བྱིན་གྱིས་རློབ་པར་བྱེད་ལ། སྔོན་པོ་ཁོ་ནར་མངོན་དུ་བྱེད་དོ། །ནང་དང་ཕྱིའི་ཆོས་རྣམས་ལ་དེའི་ཤེས་པ་སྔོན་པོའོ། །སྙམ་དུ་འཇུག་ཅིང ། དེ་ལ་དེ་ནི། དབང་དུ་གྱུར་པའང་ཡིན་ནོ། །བརྟན་པའི་བློ་གྲོས། དེ་བཞིན་དུ་བྱང་ཆུབ་སེམས་དཔའ་དེ་ནི། འཇིག་
339b
རྟེན་གྱི་ཁམས་གང་དང་གང་ན་དེ་བཞིན་གཤེགས་པ་ཇི་སྙེད་བཞུགས་པ་ཐོས་པར་གྱུར་པའི་འཇིག་རྟེན་གྱི་ཁམས་རྣམས་དང ། དེ་བཞིན་གཤེགས་པ་དེ་དག་ཀྱང་ཡིད་ལ་བྱེད་དོ། ། དེ་དེ་བཞིན་གཤེགས་པ་ལ་དམིགས་པའི་ཡིད་ལ་བྱེད་པ་ཤིན་ཏུ་ལེགས་པར་བརྟགས་པ། ཤིན་ཏུ་ངེས་པར་བྱ་བ་དེས་འགྲོ་བ་ཐམས་ཅད་ནི། དེ་བཞིན་གཤེགས་པའོ། །སངས་རྒྱས་སོ། །རང་བྱུང་ངོ ། །ཞེས་བྱིན་གྱིས་རློབ་པར་བྱེད་དོ། །དེ་དེ་བཞིན་གཤེགས་པ་ལ་དམིགས་པའི་ཡིད་ལ་བྱེད་པ་དེ་ཤིན་ཏུ་ཡིད་ལ་བྱེད་པས་དམིགས་པ་ཐམས་ཅད་ནི། འདི་ལྟ་སྟེ། དེ་བཞིན་གཤེགས་པ་མངོན་དུ་འགྱུར་བའི་དམིགས་པ་གཅིག་ཏུ་བྱིན་གྱིས་རློབ་པར་བྱེད་དོ། །དེ་བཞིན་གཤེགས་པ་ལས་དམིགས་པའི་དངོས་པོ་གཞན་ཅིའང་ཡང་དག་པར་རྗེས་སུ་མི་མཐོང་ངོ། །གཞན་དུ་ན་སངས་རྒྱས་ཉག་གཅིག་མ་གཏོགས་ཏེ། བརྟན་པའི་བློ་གྲོས། འདིའང་བཀོད་པ་གཅིག་པའི་ཏིང་ངེ་འཛིན་མངོན་པར་སྒྲུབ་པ་ཡིན་ནོ། །གསོལ་པ། བཅོམ་ལྡན་འདས། ཏིང་ངེ་འཛིན་དེའི་མངོན་པར་སྒྲུབ་པ་དེ་གང་ལགས། བཀའ་སྩལ་པ། འདི་ལྟ་སྟེ། དེ་བཞིན་གཤེགས་པ་ཐམས་ཅད་ལ་དམིགས་པའི་སེམས་རྩེ་གཅིག་པ་ཉིད་མི་གཏོང་བ་སྟེ། བརྟན་པའི་བློ་གྲོས། འདི་ནི། བཀོད་པ་གཅིག་པའི་ཏིང་ངེ་འཛིན་མངོན་པར་སྒྲུབ་པ་ཡིན་ནོ། །བརྟན་པའི་བློ་གྲོས། ཡང་གང་དམིགས་པ་གཅིག་གིས་ཆོས་ཐམས་ཅད་རྟོགས་པ་
340a
༄#། །ནི།་ཐམས་ཅད་ཀྱི་ཆོས་ཉིད་ཀྱང་ཡིན་ཏེ། བརྟན་པའི་བློ་གྲོས། འདི་ནི། བཀོད་པ་གཅིག་པའི་ཏིང་ངེ་འཛིན་ཅེས་བྱའོ། །བྱང་ཆུབ་སེམས་དཔའ་ནི། ཏིང་ངེ་འཛིན་དེ་ལ་གནས་ནས་ངག་ཐམས་ཅད་ནི། དེ་བཞིན་གཤེགས་པའི་ངག་གོ་།ལུས་ཐམས་ཅད་ནི། དེ་བཞིན་གཤེགས་པའི་སྐུའོ། །སྙམ་དུ་དེ་ལྟར་འཇུག་པར་བྱེད་ཅིང ། དེ་ལྟར་མོས་པར་བྱེད་དོ། །བརྟན་པའི་བློ་གྲོས། གཞན་ཡང་བྱང་ཆུབ་སེམས་དཔའ་ནི། དེ་བཞིན་གཤེགས་པ་གཉིས་དང ། གསུམ་དང ། བཞི་དང ། ལྔ་དང ། བཅུ་དང ། བརྒྱའི་བར་དང ། འབུམ་གྱི་བར་གྱི་མཚན་ངག་ཉན་པར་བྱེད་ཅིང ། དེ་དག་ཐམས་ཅད་དུས་གཅིག་ཏུ་མངོན་དུ་བྱེད། ཡིད་ལ་བྱེད་དོ། །དེ་བཞིན་གཤེགས་པ་དེ་དག་གི་སངས་རྒྱས་ཀྱི་ཞིང་གི་བཀོད་པ་དང ། ཉན་ཐོས་ཀྱི་བཀོད་པ་དེ་དག་ཐམས་ཅད་ཀྱང་མངོན་དུ་བྱེད། ཡིད་ལ་བྱེད་དོ། །དེ་བཞིན་གཤེགས་པ་དེ་དག་གི་གཟུགས་ཕུན་སུམ་ཚོགས་པ་དང ། མཚན་ཕུན་སུམ་ཚོགས་པ་དང ། མདོག་ཕུན་སུམ་ཚོགས་པ་དང ། སྐུ་ཕུན་སུམ་ཚོགས་པ་དང ། ཆུ་ཞེང་ཕུན་སུམ་ཚོགས་པའང་མངོན་དུ་བྱེད། ཡིད་ལ་བྱེད།་མདུན་དུ་བྱེད་དོ། །སྐྱེས་བུ་ཆེན་པོའི་མཚན་རེ་རེའི་མཚན་མའང་འཛིན་པར་བྱེད་དོ། །མ་རྨོངས་པར་རྣམ་པར་གཤེགས་པའི་མཚན་མ་དང ། སེངྒེའི་རྣམ་པར་བསྒྱིངས་
340b
པའི་མཚན་མ་དང ། སྤྱི་གཙུག་བལྟར་མི་མཐོང་བའི་མཚན་མ་དང ། འོད་འདོམ་གང་གི་མཚན་མའང་འཛིན་པར་བྱེད་དོ། །འོད་འདོམ་གང་པོའང་འོད་མཐའ་ཡས་པ་ཉིད་དུ་མོས་པར་བྱེད་དེ་བྱིན་གྱིས་རློབ་པར་བྱེད་དོ། །འོད་མཐའ་ཡས་པ་ཉིད་ཀྱང་ཀུན་ཏུ་ཤེས་སོ། །སངས་རྒྱས་ཀྱི་ཞིང་མཐའ་ཡས་པ་ཉིད་ཀྱང་འཛིན་པར་བྱེད་དོ། །སངས་རྒྱས་ཀྱི་ཞིང་གི་བཀོད་པ་དཔག་ཏུ་མེད་པའང་བྱིན་གྱིས་རློབ་པར་བྱེད། མོས་པར་བྱེད་ཅིང་ཀུན་ཏུ་ཤེས་སོ། །ཉན་ཐོས་ཀྱི་བཀོད་པ་མཐའ་ཡས་པའང་ཀུན་ཏུ་ཤེས་ཤིང་མོས་པས་བྱེད། བྱིན་གྱིས་རློབ་པར་བྱེད་དོ།། དེའང་འདི་ལྟར་སོ་སོར་རྟོག་པར་བྱེད་དེ། དེ་བཞིན་གཤེགས་པ་དེ་དག་ག་ལས་འོངས། བདག་ཀྱང་གང་དུ་སོང་ཞིག་གུ་སྙམ་ནས། དེ་དེ་བཞིན་གཤེགས་པ་དང་བདག་ཉིད་ཀྱི་མ་འོངས་པ་ཉིད་དང ། མ་སོང་བ་ཉིད་ལ་འཇུག་པར་བྱེད་ཅིང་ཀུན་ཏུ་ཤེས་ལ་མོས་པར་བྱེད་དོ། །དེ་འདི་སྙམ་དུ་སེམས་ཏེ། འདི་ལ་དེ་བཞིན་གཤེགས་པ་ཞེས་བྱ་བའི་ཆོས་གང་ཡང་མེད་དོ། །བདག་ཅེས་བྱ་བའི་ཆོས་ཀྱང་གང་ཡང་མེད་དོ། །སྙམ་མོ། །དེ་འདི་ལྟར་སོ་སོར་རྟོག་པར་བྱེད་དེ། ཆོས་ཐམས་ཅད་ཀྱང་དེ་བཞིན་དུ་འགྱུར་རོ། །སྙམ་མོ། །དེ་དེ་ལྟར་སོ་སོར་རྟོག་པས་ཆོས་ཐམས་ཅད་མཚན་ཉིད་གཅིག་གོ་།སྙམ་དུ་མོས་པར་བྱེད། འཇུག་པར་བྱེད་དོ། །དེ་དེ་ལྟར་མངོན་པར་འདུ་བྱེད་པ་མེད་པའི་མཚན་ཉིད་ཀྱིས་མཚན་ཉིད་དག་ནི། ཆོས་རྣམས་སོ། །སྙམ་དུ་འཇུག་
341a
༄#། །པར་བྱེད། མོས་པར་བྱེད་ཅིང་ཀུན་ཏུ་ཤེས་ལ། བྱིན་གྱིས་རློབ་པར་བྱེད་དོ། །དེ་ཆོས་ཐམས་ཅད་མཚན་ཉིད་མེད་པ་ཉིད་ཀྱིས་མཚན་ཉིད་གཅིག་པར་འཇུག་པར་བྱེད་དོ། །བརྟན་པའི་བློ་གྲོས། ཇི་ཙམ་དུ་སངས་རྒྱས་དུ་མ་མངོན་པར་སྒྲུབ་པ་ནི། སེམས་རྩེ་གཅིག་པ་ཉིད་ཀྱང་ཡིན་ཏེ། བརྟན་པའི་བློ་གྲོས། འདི་ནི། བཀོད་པ་གཅིག་པའི་ཏིང་ངེ་འཛིན་མངོན་པར་སྒྲུབ་པ་ཡིན་ནོ། །གང་སངས་རྒྱས་སུ་མཚན་ཉིད་གཅིག་པ་དང ། མཚན་ཉིད་མེད་པར་མངོན་པར་སྒྲུབ་པ་འདི་ནི། བཀོད་པ་གཅིག་པའི་ཏིང་ངེ་འཛིན་ཅེས་བྱའོ། །ཏིང་ངེ་འཛིན་དེ་ལ་གནས་ནས་དེ་བཞིན་གཤེགས་པ་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། །ཆོས་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། ། ཉན་ཐོས་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། །ཉན་ཐོས་སོ། །སྙམ་དུའང་མི་དམིགས་སོ། །ཆོས་བསྟན་པ་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། །ཆོས་བསྟན་པའང་མི་དམིགས་སོ། །དམིགས་པ་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། །དམིགས་པའང་མི་དམིགས་སོ། །སངས་རྒྱས་ཀྱི་ཞིང་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། །སངས་རྒྱས་ཀྱི་ཞིང་ཡང་མི་དམིགས་སོ། །འཁོར་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། །འཁོར་ཀྱང་མི་དམིགས་
341b
སོ། །སྤོབས་པ་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། །སྤོབས་པའང་མི་དམིགས་སོ། །རབ་ཏུ་བརྗོད་པ་མ་ཡིན་པའོ། །སྙམ་དུ་གང་ཅིའང་ཀུན་ཏུ་མི་ཤེས་སོ། །རབ་ཏུ་བརྗོད་པའང་མི་དམིགས་སོ། །བྱིན་གྱིས་རློབ་པ་མ་ཡིན་པ་གང་ཅིའང་ཀུན་ཏུ་མི་ཤེས་སོ། །བྱིན་གྱིས་བརླབས་ཀྱང་མི་དམིགས་སོ། །མོས་པར་མི་བྱེད་པ་གང་ཅིའང་མེད་དོ། །མོས་པའང་མི་དམིགས་སོ། །རློམ་སེམས་མི་བྱེད་པ་གང་ཅིའང་མེད་དོ། །རློམ་སེམས་ཀྱང་མི་དམིགས་སོ། །སྒོམ་པར་མི་བྱེད་པ་གང་ཅིའང་མེད་དོ། །སྒོམ་པའང་མི་དམིགས་སོ། །རྣམ་པར་མི་འབྱེད་པ་གང་ཅིའང་མེད་དོ། །རྣམ་པར་འབྱེད་པའང་མི་དམིགས་སོ། །གསལ་བར་མི་བྱེད་པ་གང་ཅིའང་མེད་དོ། །གསལ་བའང་མི་དམིགས་སོ། །རབ་ཏུ་སྟོན་པར་མི་བྱེད་པ་གང་ཅིའང་མེད་དོ། །རབ་ཏུ་སྟོན་པའང་མི་དམིགས་ཏེ། བརྟན་པའི་བློ་གྲོས། འདི་ནི། གང་བྱང་ཆུབ་སེམས་དཔའ་རྣམས་ཀྱི་ཡེ་ཤེས་སྒྲིབ་པ་མེད་པ་མཐོང་བར་འགྱུར་བའི་ཆོས་ཐམས་ཅད་ཀྱི་ཏིང་ངེ་འཛིན་མངོན་པར་སྒྲུབ་པ་ཞེས་བྱའོ། །འདི་ལ་གང་མིག་གི་ཆགས་པ་མེད་པ་ཉིད་འདི་ནི། མ་ཆགས་པ་ཉིད་ཅེས་བྱའོ། །གང་ཆོས་དེ་ལྟ་བུ་དག་ལ་འཇུག་པ་འདི་ནི། ཆོས་ཀྱི་མིག་ཅེས་བྱའོ། །བྱང་ཆུབ་སེམས་དཔའ་གང་གིས་སྤོབས་པ་མཐའ་ཡས་པ་ཉིད་རྗེས་སུ་འཐོབ་པར་འགྱུར་པ་དེ་ནི། ཏིང་ངེ་འཛིན་ཡིན་ནོ། །བམ་པོ་བཅོ་བརྒྱད་པ་སྟེ། ཐ་མ། དེ་ནས་
342a
༄#། །བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བརྟན་པའི་བློ་གྲོས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། སླད་མའི་ཚེ་སླད་མའི་དུས་ན་གང་དག་ཏིང་ངེ་འཛིན་དེ་ལ་སྙོམས་པར་འཇུག་ཅིང་ཏིང་ངེ་འཛིན་དེས་ངེས་པར་འབྱུང་ལ། སྤོབས་པ་མཐའ་ཡས་པའང་ཐོབ་པར་འགྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་སྙེད་ཅིག་འབྱུང་བར་འགྱུར་ལགས། བཀའ་སྩལ་པ། བརྟན་པའི་བློ་གྲོས། ཕྱི་མའི་ཚེ་ཕྱི་མའི་དུས་ལྔ་བརྒྱ་པ་ཐ་མ་ལ་བབ་པ་ན། གང་ལས་ཏིང་ངེ་འཛིན་དེ་ཐོབ་པའི་བྱང་ཆུབ་སེམས་དཔའ་དེ་ནི། ཏིང་ངེ་འཛིན་དེས་ངེས་པར་འབྱུང་བ་ཡིན་ཞིང ། དགེ་སློང་དེའི་སྤོབས་པ་མཐའ་ཡས་པ་ཡིན་པར་དེའི་མཐའ་ཁོང་དུ་ཆུད་པར་བྱའོ། ། བརྟན་པའི་བློ་གྲོས། གང་ཁྱོད་འདི་སྐད་དུ་སེམས་ཅན་གང་དག་ཏིང་ངེ་འཛིན་དེས་ངེས་པར་འབྱུང་བར་འགྱུར་བ་དེ་དག་ཇི་སྙེད་ཅིག་འབྱུང་བར་འགྱུར་ཞེས་ཟེར་བ་ནི། བརྟན་པའི་བློ་གྲོས། གང་དག་ཏིང་ངེ་འཛིན་དེ་ལ་སྒོམ་པར་བྱེད་ཅིང ། ཡིད་གཞན་དུ་མི་སེམས་ལ། ལན་མང་དུ་བྱེད་པ་དེ་དག་ནི། ཏིང་ངེ་འཛིན་དེས་ངེས་པར་འབྱུང་བར་འགྱུར་ཞིང ། སྤོབས་པ་མཐའ་ཡས་པའང་འཐོབ་པར་འགྱུར་ལ། དེ་བཞིན་གཤེགས་པ་མི་འཁྲུགས་པ་ལས་སྤོབས་པ་མཐའ་ཡས་པ་ཉིད་དུ་བྱ་བའི་ཕྱིར་ཆོས་ཀྱི་སྒོ་སྟོང་བརྒྱད་བརྒྱ་
342b
འཐོབ་པར་འགྱུར་ཏེ། བརྟན་པའི་བློ་གྲོས། འདི་ནི། སྒོ་གཅིག་ཏུ་མཚམས་སྦྱོར་བའི་ཚིག་ཡིན་ནོ། །བརྟན་པའི་བློ་གྲོས། ཆོས་ཀྱི་སྒོ་དེ་དག་ཐམས་ཅད་པོ་འདི་ནི། རིམ་པར་བྱེད་བའི་ཚིག་ཡིན་ནོ། །བརྟན་པའི་བློ་གྲོས། དེ་ལྟ་བས་ན། སྒོ་ནི། ཅི་ནས་ཁོང་དུ་ཆུད་པར་བྱ་བ་ཡིན། ཅི་ནས་འཇུག་པར་བྱ་བ་ཡིན། ཅི་ནས་བསྒོམ་པར་བྱ་བ་ཡིན་ནོ། །དེ་མཚན་མར་བྱས་ནས་དེ་ཡོངས་སུ་འཆད་པ་ནི། རྟག་ཏུ་བསྒོམ་པར་བྱའོ། །དེ་བཞིན་དུ་དམིགས་པ་དག་ཀྱང་བསྒོམ་པར་བྱ་བ་ཡིན་ཏེ། ལས་གཅིག་པོ་འདི་ནི། སངས་རྒྱས་ཀྱི་སྐུ་ཡིན་ནོ། ། སངས་རྒྱས་བྱང་ཆུབ་དེ་ནི་སེམས་ཀྱིས་བརྟགས། །སེམས་ཀྱང་གཟུགས་མེད་རང་བཞིན་རྣམ་པར་དག་།དམིགས་པ་རྣམས་ཀྱིས་རྒྱ་ཆེར་གང་གནས་པ། །དམིགས་པ་གཞན་དང་གཞན་ལ་འཇུག་པར་འགྱུར། །སེམས་ཀྱི་ཡོངས་གཅོད་སོ་སོར་ཤེས་ནས་སུ། །དེ་བཞིན་དམིགས་ལའང་ཆོས་འདི་ཐམས་ཅད་ནི། །རྣམ་པར་རྟོག་ལས་བྱུང་བ་ཡིན་པར་ཤེས། ། གང་དུ་རྟོག་མི་སྐྱེ་བ་དེ་སྒོ་ཡིན། །སེམས་ཀྱི་འགྱུར་བའི་རང་བཞིན་ཤེས་པར་འགྱུར། །དེ་བཞིན་དམིགས་པ་ཉིད་ཀྱང་ཤེས་པར་འགྱུར། །འགྲོ་བ་འདི་ཀུན་གསོབ་ཏུ་རབ་ཏུ་ཤེས། ། རབ་ཏུ་ཤེས་པས་དྲན་པ་རྨོངས་མི་འགྱུར། །དེ་ལྟར་ཆོས་དེ་རབ་ཏུ་ཤེས་པས་ན། །དེ་ནི་སངས་རྒྱས་སྐུ་མང་སྤྲུལ་པར་བྱེད། །དེ་ནི་སྐུ་ལའང་ཅུང་ཟད་ཆགས་མི་འགྱུར། །དེ་བཞིན་
343a
༄#། །དེ་ནི་འགྲོ་བ་སྟོང་པར་ཤེས། །དམིགས་པ་ཡི་ནི་མཚན་མ་བཟུང་ནས་སུ། །སེམས་དང་ལུས་ཀྱི་འགྱུར་བ་ཐོབ་པར་འགྱུར། །དེ་ཕྱིར་ཏིང་ངེ་འཛིན་དེ་ནི་མྱུར་བསྒོམས་པས། །དེ་ཡི་ཤེས་པ་དེ་ལྟར་ཆོས་ལ་ཞུགས། །ཆོས་བརྟན་པ་ཡིས་རྣམ་པར་འཕྲུལ་པར་འགྱུར། །ཆོས་བསྟན་ཚེ་ན་ནམ་ཡང་རྨོངས་མི་འགྱུར། །མི་རྣམས་ཀྱི་ནི་དགེ་བ་བསྐྱེད་པར་འགྱུར། །རིང་པོ་མི་ཐོགས་ཆོས་དེའང་འཐོབ་པར་འགྱུར། །སྒོའི་ཚིག་མངོན་པར་སྒྲུབ་པའི་ལེའུ་སྟེ། བཅུ་གསུམ་པའོ།། །།བརྟན་པའི་བློ་གྲོས། ཆོས་བཞི་དང་ལྡན་ན།་ཏིང་ངེ་འཛིན་དེ་སྒྲུབ་པ་དང ། གཞན་དག་ལ་བསྟན་པར་ནུས་ཏེ། བཞི་གང་ཞེ་ན། ཏིང་ངེ་འཛིན་དེ་ཐོབ་པར་བྱ་བའི་ཕྱིར་བརྩོན་འགྲུས་བརྩམས་པ་ཡིན་ཞིང་བརྩོན་པ་མི་གཏོང་བའང་ཡིན། ཉིན་མཚན་ཉིད་དུ་འཆར་བ་ལྷུར་ལེན་པས་འདུག་པ་ན་བྱང་ཆུབ་ཀྱི་སྙིང་པོ་མཆོག་ན་བཞུགས་པའམ། ཆོས་ཀྱི་འཁོར་ལོ་བསྐོར་བའི་དེ་བཞིན་གཤེགས་པ་དེ་དག་མངོན་དུ་བྱེད་ཅིང་ཆོས་ལ་སེར་སྣའང་མེད་པ་ཡིན། ཆོས་ཀྱི་སྦྱིན་པའང་སྦྱིན་པར་བྱེད་ཅིང་བདག་ཉིད་དང་ཆོས་ཉན་པ་དེ་དག་དེ་བཞིན་གཤེགས་པའི་སྐུ་དག་ཏུ་བྱིན་གྱིས་རློབ་པར་བྱེད་ལ་རང་གི་ལུས་རྣམ་པར་འཇིག་པར་བྱེད། ཀྱང་གང་ལའང་མི་གནས་པ་ཡིན་ཞིང་མི་གནས་པ་བཞིན་ཆོས་སྟོན་པར་བྱེད་པ་ཡིན། དེ་གནས་པ་དེ་ལྟ་བུ་དང ། སྤྱོད་
343b
ཡུལ་དེ་ལྟ་བུ་དང ། བྱིན་གྱི་རློབས་དེ་ལྟ་བུར་བྱས་ནས་སྟན་དེ་ལ་འདུག་པར་བྱེད་ཅིང ། འདུག་ནས་ཀྱང་ཆོས་ཀྱི་སྦྱིན་པ་སྦྱིན་པར་བྱེད་པ་ཡིན་ཏེ། ཏིང་ངེ་འཛིན་དེ་ཐོབ་པར་འགྱུར་རོ། །བརྟན་པའི་བློ་གྲོས། ཁ་ཅིག་གིས་ནི། ཆོས་ཀྱི་སྦྱིན་པ་སྦྱིན་པར་བྱེད་པ་ན་ཐོབ་པར་འགྱུར་རོ། །ཁ་ཅིག་གིས་ནི། ཕྱིས་སོ། །ཁ་ཅིག་གིས་ནི། རྩོམ་པའི་ཚེའོ། །བརྟན་པའི་བློ་གྲོས། ཆོས་གཞན་བཞི་དང་ལྡན་པས་ཏིང་ངེ་འཛིན་དེ་ལ་སྦྱོར་བར་བྱ་སྟེ། བརྟན་པའི་བློ་གྲོས། བཞི་གང་ཞེ་ན། འདི་ལ་བྱང་ཆུབ་སེམས་དཔའ་ཁྱིམ་གྱི་གནས་ནས་མངོན་པར་བྱུང་བ་ཡིན། བས་མཐའི་གནས་མལ་ན་གནས་ཤིང་དགོན་པ་དང ། རབ་ཏུ་དགོན་པ་ལ་མངོན་པར་དགའ་བ་ཡིན། དེ་སེམས་ཅན་གྱི་སྤྱོད་པ་ལ་འཇུག་པ་དག་ལ་རྗེས་སུ་རྣམ་པར་བལྟས་ནས་ཡུལ་ཇི་ལྟ་བ་བཞིན་དུ་གདམས་ངག་དང ། རྗེས་སུ་བསྟན་པ་སྟོན་པར་བྱེད་པ་ཡིན། བྱང་ཆུབ་སེམས་དཔའ་མོས་པ་ཇི་ལྟ་བ་རྣམས་ཀྱི་སྤྱོད་པ་ཡང་དག་པར་རབ་ཏུ་ཤེས་པ་ཡིན་ནོ། །བརྟན་པའི་བློ་གྲོས། ཆོས་གཞན་བཞི་དང་ལྡན་པ་ནི། དགེ་བའི་བཤེས་གཉེན་དུ་རིག་པར་བྱ་སྟེ། བཞི་གང་ཞེ་ན། ཚར་གཅོད་པའི་ཚིག་དང་ལྡན་པ་ཉིད་ཡིན། ཆོས་ཟབ་མོ་ལ་སྦྱོར་བར་བྱེད་པ་ཉིད་ཡིན། དུས་དུས་སུ་གདམ་ངག་གི་ཚིག་དང་ལྡན་པ་ཉིད་ཡིན། དུས་དུས་སུ་ཡལ་བར་འཇོག་པ་ཉིད་ཡིན་ཏེ། ཆོས་གཞན་བཞི་པོ་དེ་དག་དང་ལྡན་པ་ནི། དགེ་བའི་བཤེས་གཉེན་དུ་རིག་པར་བྱའོ། །དེ་ལ་འདི་
344a
༄#། །སྐད་ཅེས་བྱ་སྟེ། ས་དང་ཕྱོགས་ནི་རབ་ཤེས་ཤིང ། །གང་ཟག་ཀྱང་ནི་རབ་ཏུ་ཤེས། །གང་གིས་དེ་དག་མྱུར་འབྱུང་བའི། །གདམས་ངག་དེ་ལ་སྦྱིན་པར་བྱེད། ། དེ་ལ་ཚར་བཅད་སྨྲ་བྱེད་ཅིང ། །ཟབ་མོ་ལ་ཡང་སྦྱོར་བར་བྱེད། །དེ་ལ་དུས་སུ་འདོམས་བྱེད་ཅིང ། །དུས་སུ་ཡལ་བར་འཇོག་པར་བྱེད། །འབྱོར་པ་ཅི་ཞིག་སྨྲས་ཀྱང་རུང ། །ལྷག་པར་གླེང་བར་བྱེད་ཀྱང་རུང ། །དེ་ལ་གཟུང་བ་ཡོང་མ་ཡིན། །དེ་བས་དུས་སུ་ཡལ་བར་འཇོག་།བརྟན་པའི་བློ་གྲོས། ཆོས་བཞི་དང་ལྡན་པ་ནི། དགེ་བའི་བཤེས་གཉེན་དུ་རིག་པར་བྱ་སྟེ།་བཞི་གང་ཞེ་ན། བརྟན་པའི་བློ་གྲོས། འདི་ལ་དགེ་བའི་བཤེས་གཉེན་ནི། མངོན་པར་འབྱུང་བ་ལ་སྦྱོར་དུ་འཇུག་པ་ཡིན། དོན་ཟབ་མོ་ངེས་པར་སེམས་པ་ལ་སྦྱོར་དུ་འཇུག་པ་ཡིན།་བསམ་གཏན་གྱི་དམིགས་པ་ཐམས་ཅད་ལ་མ་ཆགས་པ་ཉིད་ལ་སྦྱོར་དུ་འཇུག་པ་ཡིན། མཚན་མ་མེད་པའི་དམིགས་པ་ཉིད་ལ་སྦྱོར་དུ་འཇུག་པ་ཡིན་ཏེ། བཞི་པོ་དེ་དག་གོ་།དེ་ལ་འདི་སྐད་ཅེས་བྱ་སྟེ། རྣམ་པར་དབེན་བའི་དགོན་གནས་དང ། །མངོན་པར་འབྱུང་ལ་སྦྱོར་གཞུག་བྱ། །དེ་ཡི་བསྔགས་པ་ཀུན་ཏུ་སྨྲ། །དགེ་བའི་བཤེས་གཉེན་དེ་འདྲ་འོ། །ཟབ་མོ་ངེས་པའི་ཆོས་རྣམས་ནི། །དམ་པའི་དོན་དུ་སྦྱོར་བར་བྱ། །དེ་ནི་བསམ་གཏན་རྣམས་མི་སྟོང ། །དེ་དག་བཤེས་གཉེན་རབ་བཟང་ཡིན། །བརྟན་པའི་བློ་གྲོས། ཆོས་
344b
བཞི་དང་ལྡན་ན། ཏིང་ངེ་འཛིན་དེ་སྒོམ་པར་ནུས་ཏེ། བཞི་གང་ཞེ་ན། རང་གི་བློ་བོར་ནས་སློབ་དཔོན་གྱི་བློས་འགྲོ་བར་བྱ་བ་ཡིན། བརྩོན་འགྲུས་ཡོངས་སུ་ཆད་པས་མི་བརྩམ་པར་བྱ་བ་ཡིན།་བརྩོན་པ་མི་གཏོང་བ་དང ། དགོན་པ་དང ། རབ་ཏུ་དགོན་པ་ལ་མངོན་པར་དགའ་བར་བྱ་བ་ཡིན། བྲེ་མོའི་གཏམ་ཐམས་ཅད་ཡོངས་སུ་སྤང་བར་བྱ་བ་ཡིན་ཏེ། བརྟན་པའི་བློ་གྲོས།་ཆོས་བཞི་པོ་དེ་དག་དང་ལྡན་པའི་བྱང་ཆུབ་སེམས་དཔས་ནི། ཏིང་ངེ་འཛིན་དེ་ཐོབ་པར་ནུས་སོ། །བརྟན་པའི་བློ་གྲོས། གཞན་ཡང་ཆོས་བཞི་དང་ལྡན་ན། ཏིང་ངེ་འཛིན་དེ་ཐོབ་པར་ནུས་ཏེ། བཞི་གང་ཞེ་ན། ལེགས་པར་བཟུང་བའི་དེ་བཞིན་གཤེགས་པ་ལ་དམིགས་པས་ཐ་ན་རྨི་ལམ་དུ་རྨི་བ་ལ་གནས་ཀྱང་དེ་བཞིན་གཤེགས་པ་མི་སྤོང་བ་ཡིན། ལེགས་པར་བཟུང་བའི་ཆོས་བསྟན་པ་ལ་དམིགས་པས་ཐ་ན་རྨི་ལམ་དུ་རྨི་བ་ལ་གནས་ཀྱང་ཆོས་བསྟན་པ་ལ་དམིགས་པ་མི་སྤོང་པ་ཡིན་ཞིང་ཆོས་བསྟན་པ་ལ་སྙོམ་ལས་མེད་པའང་ཡིན ། དངོས་པོ་ཐམས་ཅད་རྣམ་པར་འཇིག་པ་ཉིད་ཀྱིས་ཆོས་ཟབ་མོ་ལ་བཟོད་པ་ཐོབ་པའང་ཡིན། དབེན་པ་ལ་གཞོལ་བ་ཉིད་ཀྱིས་མི་གནས་པའི་བསམ་གཏན་པའང་ཡིན་ཏེ། བརྟན་པའི་བློ་གྲོས། ཆོས་བཞི་པོ་དེ་དག་དང་ལྡན་པའི་བྱང་ཆུབ་སེམས་དཔས་ནི། ཏིང་ངེ་འཛིན་དེ་ཐོབ་པར་ནུས་སོ། །དེ་ལ་འདི་སྐད་ཅེས་བྱ་སྟེ། གལ་ཏེ་དགེ་བའི་བཤེས་གཉེན་གྱིས། །
345a
༄#། །འདི་ལྟར་རྗེས་སུ་མཐུན་འདོམས་བྱེད། །སངས་རྒྱས་རྣམས་ཀྱིས་བགྲོད་བྱ་བ། །དེ་མི་སྤོང་བར་ང་སྨྲའོ། །བརྟན་པའི་བློ་གྲོས། ཆོས་བཞི་དང་ལྡན་པ་ནི། དགེ་བའི་བཤེས་གཉེན་དུ་རིག་པར་བྱ་སྟེ། བཞི་གང་ཞེ་ན། དགེ་བ་ལ་སྦྱོར་བར་བྱེད་པ་ཉིད་ཡིན། སྡིག་པ་ལས་ཟློག་པར་བྱེད་པ་ཉིད་ཡིན། ཆོས་ལའང་རབ་ཏུ་གཞོག་པར་བྱེད་པ་ཡིན།་རྗེས་སུ་མཐུན་པའི་རྗེས་སུ་བསྟན་པའང་སྦྱིན་པར་བྱེད་པ་ཡིན་ཏེ། བཞི་པོ་དེ་དག་གོ་།དེ་ལ་འདི་སྐད་ཅེས་བྱ་སྟེ། དགེ་བའི་བཤེས་གཉེན་རྟག་ཏུ་བསྟེན་པར་བྱ། ། གང་དག་སྡིག་པའི་ཆོས་རྣམས་ཟློག་བྱེད་ཅིང ། །རྒྱལ་བས་གནང་བའི་ཆོས་ནི་སྟོན་བྱེད་པ། །སྐྱེས་མཆོག་དེ་འདྲ་དེ་དག་བསྟེན་པར་བྱ། །གང་ལས་ཆོས་ནི་འབྱུང་བར་འགྱུར་བ་ཡི། །དཔའ་བོ་དག་ནི་རྗེས་མཐུན་གདམས་ངག་སྦྱིན། །ཇི་ལྟར་བསྟན་པ་བཞིན་དུ་ཆོས་ལ་གནས། །ཆོས་ལ་གནས་ནས་ཀྱང་ནི་ཁྱད་པར་འགྲོ་།གང་དག་བསྟེན་པར་བྱ་བའི་ཆོས་རྣམས་སྟེན། །གང་དག་བསྟན་པར་བྱ་བའི་ཆོས་རྣམས་ཤེས། །རྣམ་པར་སྤང་བར་བྱ་བའང་རྣམ་སྤངས་ནས། །རྒྱལ་བས་གནང་བའི་ཆོས་རྣམས་སྟེན་པར་བྱེད། །རང་གི་ཤེས་པས་རབ་ཏུ་བསྟན་པའི་ཕྱིར། །བྱང་ཆུབ་སེམས་དཔའ་གང་ཞིག་སྤོབས་འདོད་པས། །ཏིང་འཛིན་དེ་ནི་མྱུར་དུ་བསྒོམ་པར་བྱ། །དགེ་བའི་བཤེས་
345b
ཉེན་རྗེས་སུའང་འབྲང་བར་བྱ། །ཇི་ལྟར་བསྟན་པ་བཞིན་དུ་ཡོངས་སུ་སྤང ། །ཆོས་ནི་གང་ཡང་རྣམ་པར་སྤང་མི་བྱ། །ཆོས་གང་ཁོ་ན་ཐོབ་པར་འགྱུར་བ་ཡི། །དེ་ཉིད་ཕན་པའི་དོན་དུ་བསྟན་པར་བྱ། །བསམ་པ་ཐམས་ཅད་ཀྱིས་ནི་བསྒྲུབ་པར་བྱ། །དེ་ཡིས་གཡོ་ནི་ངེས་པར་བསྟན་མི་བྱ། །དགེ་བའི་བཤེས་གཉེན་རྟག་ཏུ་བསྟན་པ་ཡིས། །དེ་འདྲའི་ཆོས་དེ་དོན་དུ་གཉེར་བར་བྱ། །དེ་ཕྱིར་དགེ་བའི་བཤེས་གཉེན་བསྟེན་པར་བྱ། །སྡིག་པའི་གྲོགས་པོ་ཡོངས་སུ་སྤང་བར་བྱ། །དགེ་བའི་བཤེས་གཉེན་ལས་ནི་ཐོས་པ་འབྱུང ། །དེ་ལས་ཏིང་འཛིན་དེ་ཡང་མྱུར་དུ་འཐོབ། །བརྟན་པའི་བློ་གྲོས། གཞན་ཡང་ཆོས་བཞི་དང་ལྡན་པའི་དགེ་བའི་བཤེས་གཉེན་ནི། བསྟེན་པར་བྱ་བ་ཡིན་ཏེ། བཞི་གང་ཞེ་ན། གདམས་ངག་ཀྱང་རབ་ཏུ་ཤེས་པ་ཡིན། སྒོམ་པའང་རབ་ཏུ་ཤེས་པ་ཡིན། གདམས་ངག་གི་སྐྱོན་ཡང་རབ་ཏུ་ཤེས་པ་ཡིན། སྒོམ་པའི་སྐྱོན་ཡང་རབ་ཏུ་ཤེས་པ་ཡིན་ཏེ། བཞི་པོ་དེ་དག་གོ ། དེ་ལ་འདི་སྐད་ཅེས་བྱ་སྟེ། གདམས་ངག་དང་ནི་དེ་བཞིན་སྒོམ་པའང་ཤེས། །དེ་ལ་དེ་བཞིན་སྒོམ་པའི་སྐྱོན་དང་ནི། །གདམས་ངག་སྐྱོན་ཡང་རབ་ཏུ་ཤེས་ནས་སུ། །སྐྱོན་མེད་ཆོས་ཀྱིས་སྦྱོར་བར་བྱེད་པ་ཡིན། །བརྟན་པའི་བློ་གྲོས། ཆོས་གཞན་བཞི་དང་ལྡན་པ་ནི། དགེ་བའི་བཤེས་གཉེན་དུ་རིག་པར་བྱ་སྟེ། བཞི་གང་ཞེ་ན། འདི་ལྟ་སྟེ། སའང་རབ་ཏུ་ཤེས་
346a
༄#། །པ་ཡིན།་ཡུལ་ཡང་རབ་ཏུ་ཤེས་པ་ཡིན། གང་ཟག་ཀྱང་རབ་ཏུ་ཤེས་པ་ཡིན་ནོ། །སྤྱོད་པའང་རབ་ཏུ་ཤེས་པ་ཡིན་ནོ། །ཇི་ལྟར་ས་རབ་ཏུ་ཤེས་པ་ཡིན་ཞེ་ན།་གང་ཟག་དང་འཚམ་པས་ས་ཇི་ལྟ་བ་བཞིན་དུ་རབ་ཏུ་ཤེས་པའོ། །ཇི་ལྟར་གང་ཟག་རབ་ཏུ་ཤེས་པ་ཡིན་ཞེ་ན། སྤྱད་པས་གང་ཟག་ཏུ་འགྱུར་བ་ཇི་ལྟ་བ་དེ་བཞིན་དུ་རབ་ཏུ་ཤེས་པའོ། །ཇི་ལྟར་སྤྱོད་པ་རབ་ཏུ་ཤེས་པ་ཡིན་ཞེ་ན། འདོད་ཆགས་དང ། ཞེ་སྡང་དང ། གཏི་མུག་གི་སྤྱོད་པ་དང་རྗེས་སུ་མཐུན་པའི་ཆོས་བསྟན་པ་ལ་འཇུག་པ་ངེས་པར་བསྟན་པས་ནི། ཆགས་པ་རྣམ་པར་སྤོང་བ་ཉིད་ཀྱི་ཕྱིར་ཆོས་གོས་གསུམ་ལྷུར་ལེན་པ་ཡིན། རབ་ཏུ་བྱུང་བ་དང ། ཁྱིམ་བདག་དང་ལྷན་ཅིག་མ་འདྲེས་པ་ཡིན་ཞིང ། རྩོད་པ་རྣམ་པར་སྤོང་བ་དང ། ཟབ་མོ་ལ་བཟོད་པ་དང ། སྟོང་པ་ཉིད་ཀྱི་སྤྱོད་ཡུལ་བ་ཡིན་ཏེ། བརྟན་པའི་བློ་གྲོས། ཆོས་བཞི་པོ་དེ་དག་དང་ལྡན་པ་ནི། ཏིང་ངེ་འཛིན་དེ་ཐོབ་པར་འགྱུར་བའི་དགེ་བའི་བཤེས་གཉེན་དུ་རིག་པར་བྱའོ། །བརྟན་པའི་བློ་གྲོས། བྱང་ཆུབ་སེམས་དཔའ་ཁྱིམ་པ་ཆོས་བཞི་དང་ལྡན་ན། ཏིང་ངེ་འཛིན་དེ་ཐོབ་པར་བྱ་བ་དང ། ཏིང་ངེ་འཛིན་དེ་ལ་མངོན་པར་བརྩོན་པར་ནུས་ཏེ། བཞི་གང་ཞེ་ན། བརྟན་པའི་བློ་གྲོས། འདི་ལ་བྱང་ཆུབ་སེམས་དཔའ་ཁྱིམ་པས་ནི། བསླབ་པའི་གཞི་ལྔ་གཟུང་བར་བྱ་བ་ཡིན། ཟས་གཅིག་པ་
346b
ལྷུར་ལེན་པས་གཙུག་ལག་ཁང་དུ་གནས་པར་ཡང་བྱ་བ་ཡིན། མང་དུ་ཐོས་པར་ཡང་བྱ་བ་ཡིན། དོན་རྣམ་པར་ངེས་པ་ལ་མཁས་པ་དང ། གང་དག་ཏིང་ངེ་འཛིན་དེ་ལ་གནས་ནས་འདོམས་པར་བྱེད་པའི་དགེ་བའི་བཤེས་གཉེན་ལ་བསྟེན་པར་བྱ་བ་ཡིན་ཏེ། བརྟན་པའི་བློ་གྲོས། བྱང་ཆུབ་སེམས་དཔའ་ཁྱིམ་པ་ཆོས་བཞི་པོ་དེ་དག་དང་ལྡན་ན། ཏིང་ངེ་འཛིན་དེ་ཐོབ་པར་བྱ་བའི་ཕྱིར་སྦྱོར་བར་བྱའོ། །བརྟན་པའི་བློ་གྲོས། ཆོས་གཞན་བཞི་དང་ལྡན་པས་སྦྱོར་བར་བྱ་སྟེ། བཞི་གང་ཞེ་ན། ཆོས་ཐམས་ཅད་ལ་མི་གནས་པས་ཏིང་ངེ་འཛིན་དེ་ཐོབ་པར་བྱ་བའི་ཕྱིར་ཚུལ་ཁྲིམས་ཀྱི་ཕུང་པོ་ཡོངས་སུ་དག་པ་དང ། འཚོ་བ་ཡོངས་སུ་དག་པ་དང ། འགྱོད་པ་མེད་པར་གྱུར་ནས་ལུས་དང་སྲོག་ལའང་མི་བལྟ་བར་བྱ་བ་ཡིན། ཆོས་ཉན་དུ་འཇུག་པ་ལའང་སྟོན་པའི་འདུ་ཤེས་སུ་བྱ་བ་ཡིན། དེ་བཞིན་གཤེགས་པའི་སྐུའང་མངོན་དུ་བྱ་བ་ཡིན། སེར་སྣ་མེད་པར་བྱ་བ་ཡིན་ནོ། །བརྟན་པའི་བློ་གྲོས། ཆོས་བཞི་པོ་འདི་དག་ནི། ཏིང་ངེ་འཛིན་དེ་ཐོབ་པར་བྱ་བའི་ཕྱིར་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ་ཕན་འདོགས་པར་གྱུར་པ་ཡིན་ཏེ། བཞི་གང་ཞེ་ན། ལུས་ལ་ལུས་ཀྱི་རྗེས་སུ་བལྟ་བར་བྱའི། ལུས་དང་ལྡན་པའི་རྟོག་པས་བརྟག་པར་མི་བྱ་བ་ཡིན། ཚོར་བ་རྣམས་ལ་ཚོར་བའི་རྗེས་སུ་བལྟ་བར་གནས་པར་བྱའི། ཚོར་བ་དང་ལྡན་པའི་རྟོག་པས་བརྟག་པར་མི་བྱ་བ་ཡིན།
347a
༄#། །སེམས་ལ་སེམས་ཀྱི་རྗེས་སུ་བལྟ་བར་གནས་པར་བྱའི། སེམས་དང་ལྡན་པའི་རྟོག་པས་བརྟག་པར་མི་བྱ་བ་ཡིན། ཆོས་ལ་ཆོས་ཀྱི་རྗེས་སུ་བལྟ་བར་བྱའི།་ཆོས་དང་ལྡན་པའི་རྟོག་པས་བརྟག་པར་མི་བྱ་བ་ཡིན་ཏེ། བརྟན་པའི་བློ་གྲོས། ཆོས་བཞི་པོ་དེ་དག་ནི། ཏིང་ངེ་འཛིན་དེ་ཐོབ་པར་བྱ་བའི་ཕྱིར་ཐེག་པ་ཆེན་པོ་ལ་ཡང་དག་པར་ཞུགས་པ་རྣམས་ལ་ཕན་འདོགས་པར་གྱུར་པ་ཡིན་ནོ། །དེ་ལ་འདི་སྐད་ཅེས་བྱ་སྟེ། གང་དག་ང་ཡིས་རྟག་བསྔགས་པ། །དྲན་པ་ཉེར་གཞག་རྣམ་སྒོམ་བྱེད། །དགེ་སློང་གི་ནི་སྤྱོད་ཡུལ་ཏེ། །ཏིང་འཛིན་དེ་ལྟར་ཐོབ་པར་འགྱུར། །ལུས་ནི་མི་རྟག་སྒོམ་པར་བྱེད། །ལུས་ལ་ཡང་ནི་གནས་པ་མིན། །མི་གནས་པ་ཡི་སེམས་ཀྱིས་སུ། །ཏིང་འཛིན་དེ་ལྟར་ཐོབ་པར་འགྱུར། །རྫུ་འཕྲུལ་རྐང་བཞི་སོ་སོ་རིག་པ་བཞི། །ཆོས་དེ་བཙལ་བས་ཆོས་ཀྱི་སེར་སྣ་མེད། །ཚུལ་ཁྲིམས་ཕུང་པོར་གནས་ནས་བཤེས་བཟང་བསྟེན། །ཏིང་འཛིན་དེ་བཙལ་སྟོན་པའི་འདུ་ཤེས་སྒོམ། །དེ་ནི་དཀར་པོ་མང་པོའི་རིགས། །དེ་ནི་ཐོས་པའི་འབྱུང་གནས་ཡིན། །དེ་བཞིན་བདུད་ནི་སེལ་བར་བྱེད། །དེ་ལ་རབ་ཏུ་སྦྱོར་བར་བྱ། །དེ་ནི་དེ་ཡི་མིག་གི་མཆོག་།ཆོས་ཀྱི་མིག་ནི་བླ་ན་མེད། །ཆོས་བསྟན་པས་ནི་སུ་ལ་ཡང ། །དེ་ལ་སྒྲིབ་པར་འགྱུར་མ་ཡིན། །དེ་ནི་མདོ་སྡེའི་ལུང་ཡིན་ཞིང ། །མང་དུ་ཐོས་པའི་ལུང་ཡང་
347b
ཡིན། །དེ་ལས་ང་ཡི་བྱང་ཆུབ་བྱུང ། །དེ་ཕྱིར་དེ་ལ་བསྟན་པར་བྱ། །གང་དག་ང་ཡིས་སྟོབས་བཅུ་དང ། །སོ་སོ་ཡང་དག་རིག་བཞི་བཤད། །ཀུན་ཀྱང་འདི་ལས་ངེས་པར་བྱུང ། །དེ་ཕྱིར་དེ་ལ་བསྟེན་པར་བྱ། །གང་གིས་ཐོབ་ཅིང་ཅིར་འགྱུར་བའི། །ཏིང་ངེ་འཛིན་ནི་སངས་རྒྱས་བསྟན། །སྤོབས་པ་དེ་ནི་བཤད་པ་ཡིས། །ཟད་པར་འགྱུར་བ་མ་ཡིན་ནོ། །དེ་ལ་བྲི་བ་ཉིད་མེད་ཅིང ། །གང་བ་ཉིད་ཀྱང་ཡོད་མ་ཡིན། །ཀུན་ནས་སོ་སོར་རྟོགས་པས་ན། །རྒྱ་མཚོ་བཞིན་དུ་མི་འཁྲུགས་འགྱུར། །གང་གིས་དེ་ནི་ཐོབ་འགྱུར་བའི། །ཏིང་འཛིན་ང་ཡིས་བཤད་པས་ན། །ཕྱི་ནས་འཆད་པ་སུ་ཡི་ཡང ། །བཞིན་ལ་དེ་ནི་ལྟ་མི་འགྱུར། །ལྷ་དང་ཀླུ་དང་མིའམ་ཅི། །མི་དང་མི་མ་ཡིན་རྣམས་ཀྱང ། །བཤད་པས་དེ་ཡི་གདོང་དུ་ལྟ། །མང་པོར་རྣམ་པར་ལྟ་བར་འགྱུར། །གང་དག་དེ་ཡིས་རབ་བསྟན་པ། །དེ་དག་དེ་ཡིས་གང་ནས་ཐོབ། །དེ་ལ་དེས་ནི་ཇི་ལྟར་བསླབ། །ཇི་ལྟར་ཆོས་ཀྱིས་ཁྱད་པར་འཕགས། །མདོ་སྡེ་དེ་ནི་རབ་བཤད་པས། །དེ་དག་བསམ་པ་ཤེས་པར་འགྱུར། །ཏིང་འཛིན་དེ་ལ་བསླབ་པས་ནི། །སེམས་ཅན་རྣམས་ཀྱི་སྤྱོད་པ་ཤེས། །མདོ་སྡེ་འདི་ལ་བློ་བརྟན་བྱོས། །གང་དག་ང་ཡིས་སངས་རྒྱས་བསྟན། །ཀུན་གྱི་མཚན་ནི་ཤེས་པར་འགྱུར། །དེ་དག་གི་ནི་ཆོས་ཀྱང་ཤེས། །འཇིག་རྟེན་ཁམས་སུ་མདོ་སྡེ་དག་།གང་དག་ཇི་སྙེད་བཤད་པ་རྣམས། །དེ་དག་ང་ལ་
348a
༄#། །དམིགས་བྱས་ནས། །དེ་དག་ཐམས་ཅད་རབ་ཏུ་ཤེས། །འཇིག་རྟེན་མགོན་པོ་དེ་དག་གི་།ཉན་ཐོས་བཀུར་བ་གང་བྱུང་གྱུར། །ཏིང་འཛིན་དེ་ལ་གནས་ནས་སུ། །དེ་དག་ཐམས་ཅད་རབ་ཏུ་ཤེས། །དེ་དག་བཀོད་པ་ཅི་འདྲ་བའི། །སངས་རྒྱས་ཞིང་ནི་རབ་ཏུ་ཤེས། །གང་གིས་ཏིང་འཛིན་རྣམ་བསྒོམས་པས། །དེ་དག་གི་ནི་སྐུ་ཚེའང་ཤེས། །ཉི་མ་གང་དག་བྱུང་གྱུར་དང ། །ཟླ་བ་བྱེད་དང་ཟླ་བ་དང ། །ལོ་ནི་ཁྱུད་ཁོར་རངས་པ་དང ། །བསྐལ་པ་དེ་ཡང་རབ་ཏུ་ཤེས། །གང་དག་ཕྱོགས་བཅུའི་འཇིག་རྟེན་ན། །རྫོགས་པའི་སངས་རྒྱས་རྐང་གཉིས་མཆོག་།དེ་དག་དེ་ཡིས་རབ་ཏུ་ཤེས། །དེ་ཡིས་ཞིང་ཀུན་ཤེས་པར་འགྱུར། །གང་དག་སྟོན་པས་འཇིག་རྟེན་མགོན། །དེ་དག་གི་ནི་མཚན་རྣམས་ཀྱང ། ། གང་གིས་ཏིང་འཛིན་བསྒོམས་པ་ཡིས། །དེ་དག་ཐམས་ཅད་རབ་ཏུ་ཤེས། །གང་དག་སྐྱོབ་པས་བཤད་པ་ཡི། །མདོ་སྡེ་དེ་དག་རབ་ཏུ་ཤེས། །ཉན་ཐོས་ཕུན་སུམ་ཚོགས་པ་དང ། ། འཇིག་རྟེན་མགོན་པོ་དེ་སྙེད་ཤེས། །གང་གིས་ཏིང་འཛིན་འདི་ཐོབ་པ། །བློ་གྲོས་བརྟན་པོར་འགྱུར་བ་ཡིན། །སངས་རྒྱས་རྣམས་ཀྱི་སྤྱོད་ཡུལ་གང ། །དེ་ཡང་དེ་ཡིས་འདིར་ཤེས་སོ། ། བསྐལ་པ་བྱེ་བར་འབྱུང་འགྱུར་བའི། །སངས་རྒྱས་གང་དག་མ་བྱོན་དང ། །མཚན་གང་གདུང་རུས་གང་ཡིན་པ། །ཐམས་ཅད་དེ་ཡིས་རབ་ཏུ་ཤེས། །དེ་དག་རྣམས་ཀྱི་ཚེ་ཚད་ཤེས། །
348b
ཉན་ཐོས་རྣམས་ཀྱང་རབ་ཏུ་ཤེས། །གང་དག་སྐྱོབ་པས་འཆད་འགྱུར་བ། །དེ་དག་རྣམས་ཀྱི་མདོ་སྡེའང་ཤེས། །དེ་ཡི་སངས་རྒྱས་ཞིང་ཅི་འདྲ། །དེ་དག་གི་ནི་བཀོད་ཅི་འདྲ། །སངས་རྒྱས་མྱ་ངན་འདས་རྣམས་ཀྱི། །ཆོས་ཀྱི་ཇི་སྲིད་གནས་འགྱུར་བ། །ཏིང་ངེ་འཛིན་ལ་གནས་ནས་སུ། །དེ་དག་ཐམས་ཅད་དེ་ཡིས་ཤེས། །དེ་ལྟ་བས་ན་སུ་གང་ཞིག་།མང་ཐོས་འདོད་པས་དེ་བསྟེན་བྱ། །ཏིང་འཛིན་དེ་ནི་བསྟེན་པ་ཡིས། །དེ་ཡི་དོན་ཀྱང་ཤེས་པར་འགྱུར། །སངས་རྒྱས་ཡེ་ཤེས་འཇུག་པ་ནི། །སྒོ་དེ་ཡིན་ཞིང་བློ་གྲོས་བརྟན། །དེ་ལས་དོན་ནི་འབྱུང་བར་འགྱུར། །སངས་རྒྱས་ཡེ་ཤེས་འབྱུང་བར་འགྱུར། །གང་གི་མཐའ་ནི་ཡོད་མིན་པའི། །བསོད་ནམས་དེ་ལས་ཐོབ་པར་འགྱུར། །དེ་ཚེ་སངས་རྒྱས་གང་འབྱུང་བ། །འཇིག་རྟེན་མགོན་པོ་མི་ཡི་མཆོག་།རྫོགས་པའི་སངས་རྒྱས་ཇི་སྙེད་པ། ། དེ་སྙེད་དེ་ཡིས་རབ་ཏུ་ཤེས། །མི་གང་བྱང་ཆུབ་རབ་ཞུགས་ནས། །སངས་རྒྱས་རེ་རེ་རེ་རེའི་ཡང ། །ཉན་ཐོས་དག་ནི་དེ་སྙེད་པ། །དེ་དག་རྣམས་ལ་མཆོད་པ་བྱེད། །སངས་རྒྱས་རེ་རེ་རེ་རེ་ལའང་།། མཆོད་པའི་དོན་ཕྱིར་ནོར་བསགས་པ། །སྟོང་གསུམ་ལས་ནི་མི་ཉུང་བའི། །འཇིག་རྟེན་ཁམས་ནི་ཡོངས་སུ་བཀང ། །རྗེས་སུ་དཔག་པ་དེ་ཡིས་སུ། །ཉན་ཐོས་དང་ནི་རྒྱལ་བར་བཅས། །དེ་ལ་བསྐལ་པ་རྫོགས་ཚང་བར། །སངས་རྒྱས་ཀུན་ལ་རིམ་གྲོ་བྱེད། །འཇིག་རྟེན་མགོན་པོ་གྲགས་ཆེན་པོ། །གང་དག་མ་བྱོན་སངས་རྒྱས་རྣམས། །དེ་དག་ལ་ཡང་འདུ་བྱེད་འགྱུར། །དེ་འདྲ་
349a
༄#། །པ་ཡི་མཆོད་པའང་བྱེད། །བསོད་ནམས་ཕུང་པོ་ཇི་སྙེད་པའང ། །བློ་གྲོས་བརྟན་པ་དེ་འཛིན་བྱེད། །སངས་རྒྱས་ཡེ་ཤེས་བསམ་མི་ཁྱབ། །ཡེ་ཤེས་དམ་པ་ཚོལ་བར་བྱེད། །གང་དག་བྱང་ཆུབ་དོན་གཉེར་བས། །ཏིང་ངེ་འཛིན་འདི་བསྒོམ་པར་བྱ། །གང་གིས་ཏིང་འཛིན་འདི་བསྒོམས་པས། །དེ་ནི་ཐོས་པས་འཕགས་པར་གྱུར། །གང་གིས་ཏིང་འཛིན་འདི་བསྒོམས་དང ། །གང་དག་སྒོམ་པར་འགྱུར་རྣམས་ཀྱི། །བསོད་ནམས་ཕུང་པོ་དེ་ལ་ནི། །ཚད་ཡོད་དོ་ཞེས་ང་མི་སྨྲ། །ཏིང་ངེ་འཛིན་འདི་བསྒོམས་པ་ཡི། །བསོད་ནམས་འདི་ནི་རབ་ཏུ་མང ། །ཤེས་པ་དེ་ནི་རྣམ་པར་འཕེལ། །སངས་རྒྱས་མཆོད་པས་དེ་ལྟ་མིན། །མེ་ཏོག་སྤོས་དང་ཕྲེང་བ་དང ། །བཟའ་བ་དག་དང་བཏུང་བ་དང ། །ཡོ་བྱད་རྣམས་ཀྱིས་བསྙེན་བཀུར་བ། །དེ་ནི་སངས་རྒྱས་བསྙེན་བཀུར་མིན། །བརྟན་པའི་བློ་གྲོས་ང་ཡིས་སུ། །བྱང་ཆུབ་སྙིང་པོར་ཆོས་གང་རྟོགས། །ཆོས་དེར་གང་དག་སྦྱོང་བྱེད་པ། །དེ་ཡིས་སངས་རྒྱས་བསྟི་སྟང་བྱས། །གང་ཡང་ཆོས་དེ་ཚོལ་བྱེད་ཅིང ། །སངས་རྒྱས་མཐོང་བར་འདོད་བྱེད་པ། །དེ་ཡིས་མྱུར་བར་འདི་འདྲའི་ཆོས། །ཏིང་ངེ་འཛིན་འདི་བཙལ་བར་བྱ། །གང་དག་ཏིང་འཛིན་དེ་ཐོས་ནས། །དགའ་བ་བཟང་པོ་སྐྱེད་བྱེད་པ། །སངས་རྒྱས་སྟོང་ཕྲག་མང་པོ་དག་།དེ་དག་གིས་ནི་སྔོན་ཆད་ཤེས། །ཏིང་ངེ་འཛིན་གྱི་ལས་
349b
ཀྱི་ལེའུ་སྟེ། བཅུ་བཞི་པའོ།། །།བརྟན་པའི་བློ་གྲོས། གཞན་ཡང་མངོན་པར་ཤེས་པ་མྱུར་བ་ཉིད་དུ་བྱ་བའི་ཕྱིར་དེ་བཞིན་གཤེགས་པའི་མཆོད་རྟེན་མཆོད་པ་དང ། ཕྱིར་བཅོས་པ་དང ། བྱི་དོར་བྱ་བ་ལྷུར་བླང་བར་བྱ་སྟེ། བརྟན་པའི་བློ་གྲོས། དེ་ལ་རིགས་ཀྱི་བུའམ། རིགས་ཀྱི་བུ་མོ་གང་ཞིག་དེ་བཞིན་གཤེགས་པའི་མཆོད་རྟེན་བྱི་དོར་བྱེད་པ་དེ་ནི། སྨོན་ལམ་གྱི་མཆོག་རྣམ་པར་དག་པ་བཞི་རྗེས་སུ་འཐོབ་བོ། །བཞི་གང་ཞེ་ན། གཟུགས་ཀྱི་སྨོན་ལམ་གྱི་མཆོག་རྣམ་པར་དག་པ་དང ། དལ་བ་ཕུན་སུམ་ཚོགས་པའི་སྨོན་ལམ་གྱི་མཆོག་རྣམ་པར་དག་པ་དང ། ཡང་དག་པར་བླང་བ་བརྟན་པའི་སྨོན་ལམ་གྱི་མཆོག་རྣམ་པར་དག་པ་དང ། དེ་བཞིན་གཤེགས་པ་བལྟ་བའི་སྨོན་ལམ་གྱི་མཆོག་རྣམ་པར་དག་པའོ། །སྨོན་ལམ་དགེ་བས་བསྐྱེད་པ་ཡི། །མངོན་གྲུབ་དེ་བཞིན་གཤེགས་རྣམས་འབྱུང ། །དམིགས་པའི་རབ་ཏུ་དབྱེ་བ་ཡིས། །ཇི་ལྟར་སྤྲུལ་པ་འབྱུང་བ་བཞིན། །ཞབས་མཐིལ་ཞབས་སོར་འོག་འཁོར་ལོ། །དཔེ་བྱད་ལས་ནི་འབྱུང་བར་འགྱུར། །དཔེ་བྱད་བཟང་འབྱོར་འདི་འདྲ་བ། །དེ་ནི་བཤད་བྱས་དེ་ཉོན་ཅིག་།དེ་བཞིན་ང་ཡི་དཔེ་བྱད་རབ་ཏུ་གསལ། །ང་ཡི་སོར་མོ་དག་ལ་མཐུན་པར་གནས། །ཡང་དག་འཕགས་ཤིང་རྗེས་སུ་མཐུན་པར་གནས། །དེ་ཡི་ཡངས་བར་གནས་པ་ཡང་དག་འཕགས། །དེ་ཡི་འོད་ཟེར་གནས་པ་མངོན་
350a
༄#། །དུ་འཕགས། །འོད་ཟེར་བྱེ་བ་ཇི་བཞིན་རབ་ཏུ་སྣང ། །ལྷུན་པོ་བཞིན་དུ་འོད་ཀྱིས་ཡང་དག་འབྱུང ། །དེ་ཡི་སྟེང་ན་འོད་ཟེར་དྲ་བ་ཅན། །སྙིང་པོ་བསགས་བའི་དཔེ་བྱད་དེ་དག་ལ། །དེ་ཚེ་འོད་ཟེར་གནས་པ་བྱེ་ཕྲག་བཅུ། །དེ་ཚེ་ཀུན་གྱི་མིང་ནི་གཞན་དང་གཞན། །དེ་ཚེ་འོད་དང་མདོག་ཀྱང་གཞན་དང་གཞན། །ང་ཡི་འོད་ཟེར་གཅིག་ལས་འོད་སྟོང་འབྱུང ། །དེ་ཚེ་ཐམས་ཅད་ཁ་དོག་དུ་མར་གནས། །སྟོང་གསུམ་གྱི་ནི་ས་དེ་བཤིག་ནས་སུ། །འོག་ཏུ་དེ་དག་སངས་རྒྱས་མཛད་པ་བྱེད། །ང་ནི་སངས་རྒྱས་འོད་ཀྱིས་བྱུང་བ་ཡིན། །ང་ནི་ལས་ཀྱི་འབྲས་བུས་འོངས་མ་ཡིན། །དེ་བཞིན་གཤེགས་པའི་འོད་དེ་མཐོང་ནས་སུ། །སྐྱེས་བ་བུད་མེད་དག་ནི་མྱོས་པར་འགྱུར། །བསྐལ་པ་བྱེ་བ་མང་པོར་མངོན་པར་སྤྲུལ། །ཡང་ན་སངས་རྒྱས་ཞིང་བཀོད་གཞན་དང་གཞན། །གང་དུ་སངས་རྒྱས་མཛད་པ་ངས་བྱས་པ། །དེ་བཞིན་རྒྱལ་བ་དག་ནི་ཆོ་འཕྲུལ་སྤྲུལ། །ང་ཡི་ཏིང་ངེ་འཛིན་ནི་ཀུན་ནས་སྣང ། །སངས་རྒྱས་ཞིང་ནི་ཀུན་ནས་སྣང་བར་བྱེད། །ལྷུན་པོའི་རྒྱལ་མཚན་འོད་ཟེར་ཞེས་བྱ་འཕགས། །དཔའ་བར་འགྲོ་བ་ཞེས་བྱའི་ཏིང་ངེ་འཛིན་འཕགས། །ཆོས་རྣམས་ཀུན་གྱིས་ཁྱབ་པར་མཐོང་ལྡན་པ། །རྣམ་དག་ཁ་ཅིག་སངས་རྒྱས་སྤྲུལ་འདིར་མཐོང ། །ཁ་ཅིག་ལྷུམས་ཞུགས་མཐོང་ཞིང་བཙས་པ་དང ། །འཇིགས་མེད་མི་སྐྲག་གོམ་བདུན་
350b
འདོར་འདིར་མཐོང ། །དེ་ནི་རྒྱལ་བ་བྱང་ཆུབ་འཚང་རྒྱ་སྙམ། །ས་ཡི་སྙིང་པོར་བྱང་ཆུབ་བཞུགས་པར་མཐོང ། །ཆོས་ཀྱི་འཁོར་ལོ་བསྐོར་བར་འགྱུར་སྙམ་བྱེད། །ཁ་ཅིག་བྱང་ཆུབ་ཕྱིར་ནི་སྤྱོད་སྙམ་བྱེད། །ཏིང་འཛིན་གང་ལ་གནས་ནས་རྣམ་འཕྲུལ་བའི། །ཏིང་འཛིན་གཟི་བརྗིད་དེ་ནི་ཅི་འདྲ་ལྟོས། །ཁ་ཅིག་ང་ཡི་སྐུ་ཚེ་བསྐལ་པར་སེམས། །ཁ་ཅིག་ཀྱང་ནི་བསྐལ་པ་ཕྱེད་དུ་སེམས། །དེ་ཚེ་ཁ་ཅིག་བར་གྱི་བསྐལ་བར་སེམས། །གཉིས་གསུམ་བཞི་དང་དེ་ལས་ལྷག་པར་ཡང ། །དེ་ཚེ་ཁ་ཅིག་ལོ་ནི་བྱེ་བར་སེམས། །ཁ་ཅིག་གི་ནི་མང་ཉུང་རབ་ཏུ་མཐོང ། ། ཛམྦུའི་གླིང་འདིར་ང་ཡི་སྐུ་ཚེ་ནི། །ལོ་གྲངས་བརྒྱད་ཅུ་ཡིན་པར་མི་རྣམས་ཤེས། །ཁ་ཅིག་དེར་ནི་སྐུ་ཚེ་ཉིན་མཚན་ཤེས། །ཁ་ཅིག་གིས་ནི་སྐུ་ཚེ་རིང་པོར་ཤེས། །སྟོང་གསུམ་འཇིག་རྟེན་དུ་ནི་ལྷ་རྣམས་ཀྱི། །ཉིན་མཚན་ཅི་འདྲ་དེ་བཞིན་གཞན་དུ་སེམས། །དེ་དག་ཇི་ལྟར་མོས་པ་དེ་བཞིན་ཤེས། །དེ་བཞིན་དུ་ནི་དེ་ལ་གདམས་ངག་མཛད། །ཇི་ལྟར་མོས་ལ་དེ་བཞིན་བྱིན་གྱིས་རློབ། །ཡེ་ཤེས་དེ་བཞིན་དེ་ཡི་དེ་ལྟར་བསྟན། །དེ་དག་བསྟན་པས་མོས་པ་སྐྱེ་བར་འགྱུར། །འདི་ནི་དེ་ཡི་རྨད་བྱུང་ཆོ་འཕྲུལ་ཡིན། །གལ་ཏེ་རང་གི་གནས་པ་བསྟན་གྱུར་ན། །མཁས་པ་མ་ཡིན་མི་རྣམས་མྱོས་པར་འགྱུར། །ང་ཡི་སྤྱོད་ཡུལ་གང་དང་གནས་པ་གང ། །དེ་མཐོང་དགའ་བ་སུ་ཞིག་སྐྱེད་མི་བྱེད། །དེ་དག་ང་ཡི་སྤྱོད་ཡུལ་ཤེས་ནས་སུ། །དེ་དག་ཆོས་ཀྱི་འཁོར་ལོ་
351a
༄#། །བསྐོར་བར་འགྱུར། །དེ་ཚེ་མོས་པ་སྣ་ཚོགས་ཆོས་སྨྲ་རྣམས། །དེ་དག་ང་ཡི་སྤྱོད་ཡུལ་ཀུན་མི་ཤེས། །གང་གིས་ཀུན་མཁྱེན་སྤྱོད་ཡུལ་མི་ཤེས་པ། །དེ་དག་ཆོས་ཀྱི་ཚིག་ཉུང་སྟོན་པར་བྱེད། །དེ་དག་གི་ནི་དམིགས་པ་གང་ཡང་མེད། །མཐོང་ནས་དེ་དག་ཡིད་ལ་གནོད་པར་འགྱུར། །གང་དག་རྒྱལ་བའི་ཆོས་ཉིད་དེ་ཤེས་པ། །དེ་དག་ཡིད་ལ་ནམ་ཡང་གནོད་པ་མེད། །འདི་ལྟར་ཆོས་མཉམ་ཉིད་ཀྱི་སྤྱོད་ཡུལ་ལ། །དེ་དག་ཐམས་ཅད་རབ་ཏུ་གནས་པ་ཡིན། །གང་དག་ང་ཡི་མདུན་ན་ཐལ་སྦྱར་ཅིང ། །འཁོད་པའི་དགེ་སློང་བརྒྱད་འདི་མ་གཏོགས་པ། །བློ་གྲོས་བརྟན་པ་ཕྱི་མའི་དུས་ན་འདིར། །མདོ་སྡེ་འདི་འཛིན་སུ་ཡང་འབྱུང་མི་འགྱུར། །བློ་གྲོས་བརྟན་པ་འདི་དག་རྟག་ཏུ་ཡང ། །འདས་པའི་སངས་རྒྱས་མཚུངས་མེད་སྤྱོད་ཡུལ་ཡིན། །དེ་དག་རྟག་པར་སྔོན་དུ་འགྲོ་བར་གྱུར། །དེ་དག་ཆོས་ཀྱི་སྣོད་དུ་གྱུར་པ་ཡིན། །དེ་ཚེ་བྱང་ཆུབ་སེམས་ནི་ཡང་དག་ལེན། །སངས་རྒྱས་རྣམས་ཀྱིས་རྟག་པར་བསྔགས་པའང་ཡིན། །ཇི་ལྟར་དེ་དག་ང་ཡི་མདུན་འཁོད་པ། །དེ་བཞིན་འདས་པའི་དུས་ནའང་ངས་ཤེས་ཏེ། །དེ་དག་གངྒཱའི་ཀླུང་གི་བྱེ་སྙེད་ཀྱི། །རྒྱལ་བ་དེ་དག་རྣམས་ཀྱི་སྤྱན་སྔར་འཁོད། །དེ་ཡི་འོག་ཏུ་ལྔ་བརྒྱ་འཁོད་པ་ཡིན། །བྱང་ཆུབ་མཆོག་དེ་ངས་ཀྱང་གཟུང་བར་བྱ། །ཕྱི་དུས་རྒྱལ་བའི་ཡེ་ཤེས་དེ་དག་ཡིན། །བརྟན་པའི་བློ་གྲོས་ཁྱོད་ཀྱང་དེ་ལ་དཔའ། །གང་དག་
351b
ཆོས་ཀུན་གཟུང་ཕྱིར་ཞུགས་པ་ནི། །གཞན་ཡང་དཔའ་པོ་དུང་ཕྱུར་ཕྲག་བརྒྱད་དོ། །ངས་ཀྱང་དེར་ནི་ཆོས་མཉན་བྱ་བ་ཡིན། །ཐོས་པར་གྱུར་ནས་ཀྱང་ནི་ཆོས་དེ་ལ། །གནས་པར་བྱ་སྟེ་སྤྱོད་པ་མི་ཞན་པ། །དེ་ཡི་ཚེ་ན་བསྟན་པར་བྱ་བ་ཡིན། །དེ་ཚེ་སྟོན་པས་བྱང་ཆུབ་མཆོག་ལུང་བསྟན། །རང་རང་ལུང་བསྟན་པ་ནི་ཐོས་ནས་སུ། །དུང་ཕྱུར་ཕྲག་བརྒྱད་དགའ་བས་ཁྱབ་གྱུར་ནས། །ཏ་ལ་བདུན་སྲིད་མངོན་པར་འཕགས་པར་གྱུར། །འཇིག་རྟེན་མགོན་པོས་ཀུན་དགའ་བཀའ་སྩལ་པ། །ཕྱི་མའི་དུས་ཚེ་སྡིག་པ་ཅན་དེར་ནི། །ཆོས་འདི་འཛིན་པར་སྤྲོ་ཞིང་ནུས་གྱུར་ཏམ། །མི་སྤྲོ་ཞེས་ནི་བཅོམ་ལྡན་འདས་ལ་གསོལ། །མཁྱེན་བཞིན་རྒྱལ་བ་འོད་སྲུང་བཀའ་སྩལ་པ། །འོད་སྲུང་ཆོས་འདི་འཛིན་པར་བྱེད་འགྱུར་རམ། །ཡོངས་སུ་མྱ་ངན་འདས་ནས་ཆོས་ཟུངས་ཤིག་།མི་སྤྲོ་ལགས་སོ་ཞེས་ཏེ་འོད་སྲུང་སོང ། །སྟོང་གསུམ་འཇིག་རྟེན་ཁམས་འདི་སྐྱེ་བོ་དང ། །རྒྱ་མཚོ་རི་དང་ནགས་ཚལ་བཅས་བཟུང་ཞིང ། །ཁུར་གཞན་མང་པོ་བསྐུར་བར་སྤྲོ་ལགས་ཀྱི། །ཁུར་འདི་བསྐུར་བར་བདག་ནི་མི་སྤྲོ་ལགས། །སླད་མའི་དུས་ན་སུ་ཞིག་ཆོས་འཛིན་ལགས། །ང་ཉིད་དགེ་སློང་ཤིན་ཏུ་དབང་བགྱི་དཀའ། །རྗེས་སུ་བསྟན་པ་འདི་ལ་གནས་མི་བགྱིད། །འཇིག་རྟེན་འདྲེན་པ་མྱ་ངན་འདས་ཅི་སྨོས། །འོད་སྲུང་ཁྱོད་ནི་རྒས་འཁོགས་གྱུར་ཏོ་ཞེས། །སླད་དུས་བདག་གི་ཚིག་བཞིན་ཡོང་མི་བགྱིད། །བདག་གི་
352a
༄#། །རྗེས་སུ་བསྟན་ལ་གནས་མི་འགྱུར། །བདག་ཅག་འདི་ནི་མཁས་ཤིང་དོན་སེམས་སྙམ། །སྙན་དངགས་འཇིག་རྟེན་རྒྱང་ཕན་སེམས་པ་ལགས། །དེ་བཞིན་འཇིག་རྟེན་སྒྲ་ཡིས་གནས་པ་ལགས། །བསམ་གཏན་དེ་བཞིན་ཏིང་ངེ་འཛིན་སྤངས་ནས། །དེ་དག་འཇིག་རྟེན་པ་ལ་སྤྱོད་པར་འགྱུར། །རྒྱས་པ་ཆེ་དང་གྲགས་པ་ཆེན་པོ་ལགས། ། རྟག་ཏུ་འཇིག་རྟེན་གྱིས་ཀྱང་མཐོང་བར་འགྱུར། །དེ་དག་བདག་གིས་ནམ་ཡང་བརྟག་མི་ནུས། །སྐྱོན་རྣམས་དམ་པོ་དག་ནི་མཐོང་ལགས་སོ། །བདག་ནི་གཅིག་པུར་མགོན་པར་གནས་པ་ན། །ལྷ་ཞིག་མཆིས་ནས་བདག་ལ་འདི་སྐད་བརྗོད། །ཆོས་དེ་འདྲ་བར་རྒྱལ་བ་རྣམས་ཀྱིས་བསྟན། །འཕགས་པའི་ཆོས་ལ་སེམས་ཅན་མང་པོ་བཏུལ། །དགེ་སློང་བསམ་གཏན་ཏིང་ངེ་འཛིན་ལ་མཁས། །རྣམ་ཐར་རྫུ་འཕྲུལ་སྟོབས་ཀྱི་ཕ་རོལ་ཕྱིན། །ཐོས་ནས་བརྒྱ་བྱིན་དགའ་བར་འགྱུར་བ་ལགས། །དེ་རིང་དེ་ལ་ངོ་མཚར་ཅི་མཆིས་སྨྲ། །ཕྱི་དུས་བདག་གི་ཐད་དུ་དེ་མཆིས་ནས། །དེ་ཚེ་ཡིད་མི་བདེ་བས་དུ་ཞིང་སྟོན། །འོད་སྲུང་དེང་ནི་བསྟན་པ་འཇིག་པར་འགྱུར། །དེ་ཐོས་བདག་ནི་ཡིད་མི་བདེ་བར་འགྱུར། །མང་དུ་འཆད་པར་ཡང་ནི་སྤྲོ་མ་ལགས། །མདོ་སྡེ་དེ་ནི་འཛིན་པར་སྤྲོ་མ་ལགས། །དེར་ནི་དེ་དག་ཞུམ་པར་འགྱུར་བ་ལགས། །དགེ་སློང་མཆོག་ཏུ་དཀའ་བློ་མི་བདེ་འགྱུར། །དེ་ཚེ་དེར་ནི་ལྷ་ཚོགས་
352b
འདུ་བར་འགྱུར། །བཅོམ་ལྡན་འདས་ཀྱིས་འོད་སྲུང་བཀའ་སྩལ་པ། །ཆོས་ཀྱི་ཚུལ་ནི་འཛིན་པར་མི་ནུས་པར། །འོད་སྲུང་དེ་ནི་ང་ཡིས་སྔ་ནས་ཤེས། །མདོ་སྡེ་དེ་འདྲ་དེ་ནི་གང་འཛིན་པ། །ང་ཡི་ཉན་ཐོས་གང་ཡང་འདི་ན་མེད། །གང་དག་མདོ་སྡེ་དེ་འདྲ་དེ་འཛིན་པ། །ང་ཡིས་གང་དག་བྱིན་བརླབས་དེར་མ་གཏོགས། །གང་དག་ཕྱི་ནས་ཐེ་ཚོམ་མེད་འགྱུར་བ། །དེ་དག་ཐེ་ཚོམ་དེ་ནི་ང་ཡིས་བཅད། །གཞན་དག་ལས་ནི་མཐུ་ཆེ་གང་ཡིན་པ། །མདོ་སྡེ་དེ་ལ་ཅི་ཕྱིར་སྔོན་མ་སྤྱད། །དེ་དག་འཛིན་པའི་དགེ་སློང་གསར་བུ་གཞོན། །མདོ་སྡེ་དེ་དག་རྒྱས་པ་ཆེན་པོ་ཡིན། །གང་དག་ཆོས་དེ་འདྲ་བ་དེ་མི་འཛིན། །འདི་ལ་ཇི་ལྟར་ཕ་རོལ་ཕྱིན་པར་འགྱུར། །བརྟན་པའི་བློ་གྲོས་ང་ཡིས་བསྟན་པ་ན། །གང་དག་གིས་ནི་དེ་རིང་ང་མཐོང་འགྱུར། །དེ་དག་ཕྱི་དུས་འཇིགས་པ་ཆེན་པོའི་ཚེ། །ཆོས་དེ་ཐོས་ནས་དགའ་བ་ཐོབ་པར་འགྱུར། །ང་ནི་དམིགས་པ་འབའ་ཞིག་འཆད་པ་ཡིན། །འཇིགས་མེད་ང་ཡི་ཚིག་དེར་དད་པར་བྱོས། །གང་གི་འདི་ན་སྟོན་པ་མཐོང་གྱུར་པ། །དེ་དག་ཆོས་དེ་འཛིན་པར་སྤྲོ་བར་འགྱུར། །ཡེ་ཤེས་དེ་འདྲ་དེ་ནི་ཚོལ་བྱེད་ཅིང ། །དེ་ཚེ་འདྲེན་པ་རྣམས་ལ་མཆོད་པར་བྱེད། །རིང་བསྲེལ་མཆོད་དང་དེ་བཞིན་མཆོད་རྟེན་མཆོད། །འཇིགས་མེད་དེ་དག་དེར་ནི་བྱེད་པར་འགྱུར། །ཡོངས་སུ་གཏད་པ་ཕན་ཡོན་གྱི་ལེའུ་སྟེ། བཅོ་ལྔ་པའོ།། །།དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ནས་
353a
༄#། །བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་ཀྱི་རྣམ་གྲངས་འདིའི་མིང་ཅི་ལགས། དེ་ཇི་ལྟར་གཟུང་བར་བགྱི། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། །དེའི་ཕྱིར་ཆོས་ཀྱི་རྣམ་གྲངས་འདི་ནི། དགེ་བའི་རྩ་བ་ཡོངས་སུ་འཛིན་པ་ཞེས་བྱ་བར་ཟུངས་ཤིག་།བསོད་ནམས་ཀྱི་ཚོགས་གནས་ཞེས་བྱ་བར་ཡང་ཟུངས་ཤིག་།བྱང་ཆུབ་སེམས་དཔའ་འགྲོགས་པ་ཞེས་བྱ་བར་ཡང་ཟུངས་ཤིག་།བྱང་ཆུབ་སེམས་དཔས་ཞུས་པ་ཞེས་བྱ་བར་ཡང་ཟུངས་ཤིག་།ཐེ་ཚོམ་ཐམས་ཅད་གཅོད་པའི་ལེའུ་ཞེས་བྱ་བར་ཡང་ཟུངས་ཤིག་།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང ། བྱང་ཆུབ་སེམས་དཔའ་བརྟན་པའི་བློ་གྲོས་དང ། བྱང་ཆུབ་སེམས་དཔའ་དེ་དག་དང ། ཉན་ཐོས་ཆེན་པོ་དེ་དག་དང ། ལྷ་དང ། མི་དང ། ལྷ་མ་ཡིན་པ་དང ། དྲི་ཟར་བཅས་པའི་འཇིག་རྟེན་ཡི་རང ། སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དགེ་བའི་རྩ་བ་ཡོངས་སུ་འཛིན་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་པྲ་ཛྙཱ་ཝརྨ་དང ། ལོ་ཙཱ་བ་བནྡྷེ་
353b
ལེགས་ཀྱི་སྡེས་བསྒྱུར། རྒྱ་གར་གྱི་མཁན་པོ་པྲ་ཛྙཱ་ཝརྨ་དང ། ཛྙཱ་ན་གརྦྷ་དང ། ཞུ་ཆེན་གྱི་ལོ་ཙཱ་བ་བནྡྷེ་ཡེ་ཤེས་སྡེས་ཞུས་ཏེ་གཏན་ལ་ཕབ་པ།