rKTs


H1

(e-text produced by ACIP)

see text in transliteration
Ka1b
\ཌཌ\་༄##། །རྒྱ་གར་སྐད་དུ་\ཌཌ\་བི་ན་ཡ་བསྟུ། བོད་\ཌཌ\་སྐད་དུ། འདུལ་བ་གཞི། བམ་པོ་དང་པོ། དཀོན་མཆོག་གསུམ་ལ་ཕྱག་འཚལ་ལོ། །གང་གིས་འཆིང་རྣམས་ཡང་དག་རབ་བཅད་ཅིང ། །མུ་
Ka2a
\ཌཌ\་༄##། །སྟེགས་ཚོགས་རྣམས་ཐམས་ཅད་རབ་བཅོམ་སྟེ། །སྡེ་དང་བཅས་པའི་བདུད་རྣམས་ངེས་བཅོམ་ནས། །བྱང་ཆུབ་འདི་བརྙེས་དེ་ལ་ཕྱག་འཚལ་ལོ། །ཁྱིམ་དོན་ཆེ་ཆུང་སྤངས་ཏེ་དང་པོར་རབ་འབྱུང་དཀའ། །རབ་འབྱུང་ཐོབ་ནས་ཡུལ་སྤྱད་དག་གིས་དགའ་ཐོབ་དཀའ། །མངོན་དགའ་ཇི་བཞིན་དོན་སྐྱེད་ཡང་དག་བྱེད་པ་དཀའ། །ངུར་སྨྲིག་གོས་འཆང་མཁས་པ་ཚུལ་ལས་ཉམས་པ་དཀའ། །གཞི་རྣམས་ཀྱི་སྤྱི་སྡོམ་ལ། རབ་བྱུང་\ཌཌ\་
Ka2b
གསོ་སྦྱོང་གཞི་དང་ནི། །དགག་དབྱེ་དབྱར་དང་ཀོ་ལྤགས་གཞི། །སྨན་དང་གོས་དང་སྲ་བརྐྱང་དང ། །ཀོའུ་ཤམ་བི་དང་ལས་ཀྱི་གཞི།། དམར་སེར་ཅན་དང་གང་ཟག་དང ། །སྤོ་དང་གསོ་སྦྱོང་གཞག་པ་དང ། །གནས་མལ་དང་ནི་རྩོད་པ་དང ། །དགེ་འདུན་དབྱེན་རྣམས་བསྡུས་པ་ཡིན། །རབ་ཏུ་འབྱུང་བའི་གཞིའི་སྤྱི་སྡོམ་ལ། ཤཱ་རིའི་བུ་དང་མུ་སྟེགས་ཅན། །དགེ་ཚུལ་གཉིས་དང་བྱ་རོག་སྐྲོད། །དགྲ་བཅོམ་གསོད་དང་ལག་རྡུམ་གྱི། །སྡེ་ཚན་ཡང་དག་བསྡུས་པ་ཡིན། །སྡོམ་ལ། ཤཱ་རིའི་བུ་དང་རབ་འབྱུང་དང ། །བསྙེན་པར་རྫོགས་པར་གནང་བ་དང ། །ཉེ་སྡེ་ཚོགས་ནི་བསྡུས་པ་དང ། །ལྔ་པའི་སྡེ་ཚན་བསྡུས་པ་ཡིན། ། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ན། ཡུལ་ཨང་ག་དག་ན་ཨང་གའི་རྒྱལ་པོ་ཞེས་བྱ་བས །
Ka3a
༄#། །རྒྱལ་སྲིད་འབྱོར་པ་རྒྱས་པ་བདེ་བ། ལོ་ལེགས་པ། སྐྱེ་བོ་དང ། མི་མང་པོས་གང་བ་བྱེད་དུ་བཅུག་གོ་།ཡུལ་མ་ག་དྷ་དག་ན་ཡང་རྒྱལ་པོ་པདྨ་ཆེན་པོ་ཞེས་བྱ་བས་རྒྱལ་སྲིད་འབྱོར་པ། རྒྱས་པ། བདེ་བ། ལོ་ལེགས་པ། སྐྱེ་བོ་དང ། མི་མང་པོས་གང་བ་བྱེད་དུ་བཅུག་གོ་།རེས་འགའ་ནི་ཨང་གའི་རྒྱལ་པོ་དཔུང་དང་མཐུ་ཆེ་བ་ཡིན་ལ། རེས་འགའ་ནི་རྒྱལ་པོ་པདྨ་ཆེན་པོ་དཔུང་དང་མཐུ་ཆེ་བ་ཡིན་ནོ། །གང་གི་ཚེ་ཨང་གའི་རྒྱལ་པོ་དཔུང་དང་མཐུ་ཆེ་བ་དེའི་ཚེ་ན། དེས་དཔུང་གི་ཚོགས་ཡན་ལག་བཞི་པ ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཡུལ་མ་ག་དྷའི་རྒྱལ་པོའི་ཁ་བ་མ་གཏོགས་པ་བཅོམ་ནས་ཕྱིར་ལྡོག་པར་བྱེད་དོ། །གང་གི་ཚེ་རྒྱལ་པོ་པདྨ་ཆེན་པོ་དཔུང་དང་མཐུ་ཆེ་
Ka3b
བ་དེའི་ཚེ་ན། དེས་ཀྱང་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཡུལ་ཨང་ག་ཙམ་པ་མ་གཏོགས་བཅོམ་ནས་ཕྱིར་ལྡོག་པར་བྱེད་དོ། །དེ་ནས་དུས་གཞན་ཞིག་ན། ཨང་གའི་རྒྱལ་པོ་དཔུང་དང་མཐུ་ཆེ་བར་གྱུར་ནས། དེས་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཡུལ་མ་ག་དྷ་གཞོམ་པར་བརྩམས་པ་དང ། མ་ག་དྷ་ན་གནས་པའི་སྐྱེ་བོའི་ཚོགས་ཀྱིས་རྒྱལ་པོ་པདྨ་ཆེན་པོ་ལ་ལྷ་ཨང་གའི་རྒྱལ་པོས་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཡུལ་མ་ག་དྷ་འཇོམས་པར་བགྱིད་དོ་ཞེས་སྦྲོན་པ་དག་བཏང་ངོ ། །རྒྱལ་པོ་པདྨ་ཆེན་པོས་ཀྱང་ཐོས་ནས། དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཨང་གའི་རྒྱལ་པོ་དང་གཡུལ་སྤྲད་པའི་ཕྱིར་འཕགས་སོ། །དེ་ནས་ཨང་གའི་རྒྱལ་པོས ། རྒྱལ་པོ་པདྨ་ཆེན་པོའི་གླང་པོ་ཆེ་པའི་ཚོགས་ཐམས་ཅད་ཕྲོགས་ཤིང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་ཐམས་ཅད་ཀྱང་ཕྲོགས་སོ། །རྒྱལ་
Ka4a
༄#། །པོ་པདྨ་ཆེན་པོ་ཡང་ཕམ་པ་དང ། སྐྲག་པ་དང ། བཅོམ་པ་དང ། གཞན་རྒྱལ་བ་དང ། རྒྱབ་ཀྱིས་ཕྱོགས་པར་བྱས་ཏེ། རྒྱལ་པོའི་ཁབ་ཏུ་ཞུགས་ནས་སྒོ་བཅད་དེ། ར་བདག་གི་ཁར་སྦྲེངས་ནས་འདུག་གོ་།ང་གའི་རྒྱལ་བོས་རྒྱལ་པོ་པདྨ་ཆེན་པོ་ལ་ཕོ་ཉ་བཏང་སྟེ། གལ་ཏེ་ཕྱིར་འབྱུང་ན་དེ་ལྟ་ན་ལེགས། གལ་ཏེ་ཕྱིར་མི་འབྱུང་ན། ཇི་སྟེ་སྟེང་གི་ནམ་མཁའ་ལ་འགྲོ་ན་ནི། མདའ་བརྒྱུད་པས་ཁྱོད་ལྟུང་བར་བྱའོ། །ཇི་སྟེ་སའི་འོག་ཏུ་འགྲོ་ན་ནི། མཆིལ་པ་དང་འདྲ་བའི་ཚུལ་གྱིས་དྲང་བར་བྱའོ། །ཇི་སྟེ་རིའི་རྩེ་མོར་འཛེག་ན་ནི་དེར་ཡང་ཁྱོད་ཐར་པ་མེད་དོ། །ཞེས་སྤྲིང་ངོ ། །རྒྱལ་པོ་པདྨ་ཆེན་པོས་འཕྲིན་ཡིག་བླངས་ནས། དེ་མི་བདེ་བར་གྱུར་ཏེ། ལག་པ་འགྲམ་པ་ལ་བསྟད་ནས། སེམས་ཁོང་དུ་ཆུད་ཅིང་འདུག་འདུག་ནས། དེས་བློན་པོ་རྣམས་ལ་སྨྲས་པ། ཤེས་ལྡན་དག་ཨང་གའི་རྒྱལ་པོ་འདི་ནི་གདུག་པ་ཕ་རོལ་གནོན་པ། དཔུང་དང་མཐུ་ཆེ་བར་གྱུར་ལ། དེས་ཡུ་བུ་ཅག་ལ་འདི་དང ། འདི་སྐད་ཅེས་སྤྲིང་ན། དེ་ལ་ཡུ་བུ་ཅག་གིས་ཇི་ལྟར་བསྒྲུབ་པར་བྱ། དེ་དག་གིས་ཚིགས་སུ་བཅད་པ་སྨྲས་པ། ཡུལ་དང་སྲོག་ལ་གནོད་གྱུར་ན། །སྐྱེས་བུས་ཀུན་ཏུ་སྲོག་བསྲུང་བྱ། །བློ་ཡིས་གཉིས་ཀ་དཔྱད་བྱས་ན། །ཡུལ་ནི་ཡང་རྙེད་སྲོག་རྣམས་མིན། །ལྷ་རྣམ་པ་ཐམས་ཅད་དུ་སླར་འབྱུང་བར་བགྱིའོ། །དེ་རལ་གྲི་མགུལ་དུ་ཐོགས་ཏེ་ཕྱིར་བྱུང་བ་དང ། ང་གའི་རྒྱལ་པོས་དེ་ལ་ལོ་ཐང་དང་དཔྱ་ཕང་\་Pཿ ཱB?\་སྟེ་དེ་ཉིད་དུ་བཞག་གོ་།གང་གི་ཚེ་བཅོམ་ལྡན་འདས་བྱང་ཆུབ་སེམས་
Ka4b
དཔའ་དགའ་ལྡན་གྱི་གནས་ན་བཞུགས་པས། གཟིགས་པ་ལྔ་པོ་དག་ལ་གཟིགས་ནས་འདོད་པ་ན་སྤྱོད་པའི་ལྷ་དྲུག་པོ་དག་ལ་ལན་གསུམ་བསྒོ་བ་མཛད་དེ། གླང་པོ་ཆེ་ལྟར་སྣང་བ་བསྒྱུར་ཏེ། ཡུམ་གྱི་ལྷུམས་སུ་ཞུགས་པ་དེའི་ཚེ་ན། ས་ཆེན་པོ་ཤིན་ཏུ་གཡོས་པར་གྱུར་ཅིང ། འཇིག་རྟེན་འདི་ཐམས་ཅད་ཀྱང་སུམ་ཅུ་རྩ་གསུམ་པའི་ལྷ་རྣམས་ཀྱི་ཁ་དོག་གི་མཐུ་བས་ལྷག་པའི་སྣང་བ་རྒྱ་ཆེན་པོས་ཁྱབ་པར་གྱུར། འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས། གནག་པར་གྱུར་པ་གང་དག་ཡིན་པ་དེ་དག་ཀྱང ། དེའི་ཚེ་ན་སྣང་བ་རྒྱ་ཆེན་པོས་ཁྱབ་པར་གྱུར་ནས། སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་བ་ཡང་མི་མཐོང་བ་དེ་དག་གིས་ཀྱང ། འོད་དེས་སེམས་ཅན་གཅིག་གིས་གཅིག་མཐོང་ནས།་ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་ཤེས་པར་གྱུར་ཏོ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་བལྟམས་པ་དེའི་ཚེ་ན། གྲོང་ཁྱེར་ཆེན་པོ་བཞི་པོ་དག་ཏུ་རྒྱལ་པོ་ཆེན་པོ་བཞི་དག་གི་བུ་ཡང་བཙས་པར་གྱུར་ཏེ། རྒྱལ་པོའི་ཁབ་ཏུ་རྒྱལ་པོ་པདྨ་ཆེན་པོའི་བུ་བཙས་སོ། །གཉན་ཡོད་དུ་ནི་རྒྱལ་པོ་རྩིབས་ཀྱིས་འཕུར་ཚངས་བྱིན་གྱི་བུ་བཙས་སོ། །འཕགས་རྒྱལ་དུ་ནི་རྒྱལ་པོ་མུ་ཁྱུད་མཐའ་ཡས་ཀྱི་བུ་བཙས་སོ། །ཀོའུ་ཤམ་བིར་ནི་རྒྱལ་པོ་དམག་བརྒྱ་བའི་བུ་བཙས་སོ། །བཅོམ་ལྡན་འདས་བྱང་ཆུབ་སེམས་དཔའ་བལྟམས་པ་ན།
Ka5a
༄#། །འཇིག་རྟེན་ཐམས་ཅད་སུམ་ཅུ་རྩ་གསུམ་པའི་ལྷ་རྣམས་ཀྱི། ཁ་དོག་གི་མཐུ་བས་ལྷག་པའི་སྣང་བ་རྒྱ་ཆེན་པོས་ཁྱབ་པར་གྱུར་ཅིང ། འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ། འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས། གནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན། སྣང་བ་རྒྱ་ཆེན་པོས་ཁྱབ་པར་གྱུར་ནས། སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་བ་ཡང་མི་མཐོང་བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས། ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་ཤེས་པར་གྱུར་ཏོ། །རྒྱལ་པོ་པདྨ་ཆེན་པོས་བསམས་པ། བདག་གི་བུ་བཙས་པ་ན་འཇིག་རྟེན་ཉི་མའི་གཟུགས་ཤར་བ་ལྟར་སྣང་ཞིང་འདི་བཙུན་མོ་གཟུགས་ཅན་གྱི་བུ་ཡིན་པས། གཞོན་ནུ་འདིའི་མིང་གཟུགས་ཅན་སྙིང་བོར་གདགས་སོ་སྙམ་ནས། བུ་དེའི་མིང་གཟུགས་ཅན་སྙིང་པོ་ཞེས་བྱ་བར་བཏགས་སོ། །རྒྱལ་པོ་རྩིབས་ཀྱིས་འཕུར་ཚངས་བྱིན་གྱིས་བསམས་པ། བདག་གི་བུ་བཙས་པ་ན་འཇིག་རྟེན་གསལ་བ་གསལ་བ་ལྟར་སྣང་བས། གཞོན་ནུ་འདིའི་མིང་གསལ་རྒྱལ་དུ་གདགས་སོ་སྙམ་ནས། བུ་དེའི་མིང་གསལ་རྒྱལ་ཞེས་བྱ་བར་བཏགས་སོ། །རྒྱལ་པོ་དམག་བརྒྱ་བས་བསམས་པ། བདག་གི་བུ་བཙས་པ་ན་འཇིག་རྟེན་ཉི་མ་ཤར་བ་ལྟར་སྣང་བར་གྱུར་པས།
Ka5b
གཞོན་ནུ་འདིའི་མིང་ཤར་པར་གདགས་སོ་སྙམ་ནས། བུ་དེའི་མིང་ཤར་པ་ཞེས་བྱ་བར་བཏགས་སོ། །རྒྱལ་པོ་མུ་ཁྱུད་མཐའ་ཡས་ཀྱིས་བསམས་པ། བདག་གི་བུ་བཙས་པ་ན་འཇིག་རྟེན་རབ་ཏུ་སྣང་བས་སྣང་བར་གྱུར་པས། གཞོན་ནུ་འདིའི་མིང་རབ་སྣང་ཞེས་བྱ་བར་གདགས་སོ་སྙམ་ནས་བུ་དེའི་མིང་རབ་སྣང་ཞེས་བྱ་བར་བཏགས་སོ། །རྒྱལ་པོ་རེ་རེ་བསམས་པ་ཡང་བདག་གི་བུ་འདིའི་མཐུ་ཡིན་ནོ། །བདག་གི་བུ་འདིའི་མཐུ་ཡིན་ནོ་སྙམ་མོད་ཀྱི། དེ་ནི་དེ་ལྟ་མ་ཡིན་ཏེ། འདི་ལྟར་དེ་དག་ཐམས་ཅད་ནི་བྱང་ཆུབ་སེམས་དཔའི་མཐུ་ཡིན་པའི་ཕྱིར་རོ། །གང་གི་ཉིན་མོ་གཞོན་ནུ་གཟུགས་ཅན་སྙིང་པོ་བཙས་པ་དེ་ཉིད་ཀྱི་ཉིན་མོ་བློན་པོ་ལྔ་བརྒྱ་དག་གི་བུ་ལྔ་བརྒྱ་ཡང་བཙས་སོ། །དེ་དག་ཀྱང་རིགས་དང་མཐུན་པར་མིང་བཏགས་སོ། །གཞོན་ནུ་གཟུགས་ཅན་སྙིང་པོ་མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེ་འགྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་བསྲིངས་པར་བྱེད། སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ། ཡི་གེ་དང་གྲངས་དང་རྩིས་དང ། ལག་རྩིས་དང ། དབྱུང་བ་དང ། གཞུག་པ་དང ། གཞག་པ་དང ། ཉེ་བར་ཞུགས་ནས། དེ་ཡི་གེའི་མཐར་ཕྱིན་ཅིང ། འབྱེད་པ་དང ། ཀློག་པ་དང ། མཁས་པ་དང ། སྤྱོད་པ་གསལ་
Ka6a
༄#། །བ་དང ། བརྟག་པ་བརྒྱད་པོ་འདི་ལྟ་སྟེ། རིན་པོ་ཆེ་བརྟག་པ་དང ། གཞི་བརྟག་པ་དང ། གོས་བརྟག་པ་དང ། ཤིང་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་ལ་མཁས་པར་གྱུར་ཏོ། །རྒྱལ་པོ་རྒྱལ་རིགས་སྤྱི་བོར་དབང་བསྐུར་བ། ལྗོངས་ཀྱི་དབང་ཕྱུག་མཐུ་དང་བརྩོན་འགྲུས་ཐོབ་པ། ས་ཆེན་པོའི་དཀྱིལ་འཁོར་མངོན་པར་རྒྱས་པར་བྱས་ཏེ་གནས་པ་རྣམས་ཀྱི་བཟོའི་གནས་དང ། ལས་ཀྱི་གནས་ཐ་དད་པར་གྱུར་པ་གང་དག་ཡིན་པ་འདི་ལྟ་སྟེ། གླང་པོ་ཆེའི་གཉར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། འཕོང་དང ། ཕྱིར་བསྣུར་བ་དང ། མདུན་དུ་བསྣུར་བ་དང ། ལྕགས་ཀྱུས་སྒྱུར་ཐབས་དང ། ཞགས་པ་གདབ་པ་དང ། མདའ་བོ་ཆེ་འཕེན་ཐབས་དང ། འཛིན་སྟངས་དང ། གོམ་སྟངས་དང ། ཐོར་ཚུགས་དང ། གཅད་པ་དང ། དྲལ་བ་དང ། དབུག་པ་དང ། གནས་ལྔ་པོ་འདི་ལྟ་སྟེ། རྒྱང་ནས་ཕོག་པ་དང ། སྒྲ་གྲག་པར་ཕོག་པ་དང ། གནད་དུ་ཕོག་པ་དང ། མི་འཆོར་བར་ཕོག་པ་དང ། ཚབས་ཆེ་བ་དེ་དག་ལ་ཡང་ཞུགས་ཤིང་བྱང་བར་གྱུར་ཏོ། །བློན་པོའི་བུ་ལྔ་བརྒྱ་པོ་དེ་དག་ཀྱང་བཟོའི་གནས་དང ། ལས་ཀྱི་གནས་དག་ལ་བྱང་བར་གྱུར་ཏོ། །དེ་ཕས་བཟོ་སྦྱངས་པ་བཅོ་བརྒྱད་པོ་དག་ལ་བཅུག་ནས། དེའི་མིང་བཟོ་སྦྱངས་གཟུགས་ཅན་སྙིང་པོ། བཟོ་སྦྱངས་གཟུགས་ཅན་སྙིང་པོ་ཞེས་བྱ་བར་གྱུར་ཏོ། །དེ་ནས་དུས་གཞན་ཞིག་ན་གཞོན་ནུ་གཟུགས་ཅན་
Ka6b
སྙིང་པོ་གླང་པོ་ཆེ་ལ་ཞོན་ཏེ་ལྗོངས་སུ་བྱུང་བ་དང ། དེས་ཨང་གའི་རྒྱལ་པོའི་ཞོ་ཤས་འཚོ་བ་དག་ལོ་ཐང་དང ། དཔྱ་སྡུད་པ་མཐོང་ནས། དེས་སྨྲས་པ། ཤེས་ལྡན་དག་ལོ་ཐང་དང་དཔྱ་སྡུད་པ་འདི་དག་སུའི་ཡིན། དེ་དག་གིས་སྨྲས་པ། ལྷ་ཨང་གའི་རྒྱལ་པོའི་ལགས་སོ། །དེས་སྨྲས་པ། ཅི་ཡུ་བུ་ཅག་དེ་ལ་ལོ་ཐང་འབུལ་བ་ཡིན་ནམ། དེ་དག་གིས་སྨྲས་པ། ལྷ་ལོ་ཐང་འབུལ་བ་ལགས་སོ། །དེས་སྨྲས་པ། ཤེས་ལྡན་དག་ཞོ་ཤས་འཚོ་བ་དེ་དག་བོས་ཤིག། དེ་དག་གིས་བོས་པ་དང ། དེས་སྨྲས་པ། ཤེས་ལྡན་དག་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ལ། ངེད་ཀྱང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ན། ཅིའི་ཕྱིར་ཁྱེད་ཅག་ལོ་ཐང་དང་དཔྱ་སྡུད་པར་བྱེད། དེང་ལ་ཕྱིན་ཆད་ལོ་ཐང་དང་དཔྱ་མ་སྡུད་ཅིག་།དེ་དག་གིས་བསམས་པ། གཞོན་ནུ་འདི་ནི་རྒྱུས་མི་ཤེས་པ་ཡིན་པས། བདག་ཅག་རྒྱལ་པོ་པདྨ་ཆེན་པོའི་གན་དུ་འདོང་\?\་ཞིང་སོང་ནས་བསྙད་པར་བྱའོ་སྙམ་ནས། དེ་དག་རྒྱལ་པོ་པདྨ་ཆེན་པོའི་གན་དུ་དོང་སྟེ་ཕྱིན་ནས་སྨྲས་པ། ལྷ་བདག་ཅག་ཨང་གའི་རྒྱལ་པོའི་ཞོ་ཤས་འཚོ་བ་ལོ་ཐང་དང་དཔྱ་སྡུད་པ་ན། གཞོན་ནུ་གཟུགས་ཅན་སྙིང་པོས་བཀག་ན། ཅི་བསྡུ་བར་འཚལ་ལམ། འོན་ཏེ་སླར་མཆི་བར་འཚལ། དེས་སྨྲས་པ།་ཤེས་ལྡན་དག་གཞོན་ནུ་དེ་ནི་རྒྱུས་མི་ཤེས་པ་ཡིན་པས། ཁྱེད་ཅག་སྔོན་ཇི་ལྟར་ལོ་ཐང་དང་དཔྱ་སྡུད་པ་དེ་བཞིན་དུ་བསྡུས་ཤིག་།དེ་དག་གིས་ཡང་བསྡུ་བར་བརྩམས་ཏེ། དེ་དག་འོངས་
Ka7a
༄#། །ནས་ཕྱིར་ལྡོག་པ་གཞོན་ནུ་གཟུགས་ཅན་སྙིང་པོས་མཐོང་ནས་སྨྲས་པ། ཤེས་ལྡན་དག་ངས་ཁྱེད་ལ་ཕྱིན་ཆད་ལོ་ཐང་དང་དཔྱ་མ་སྡུད་ཅིག་ཅེས་མ་བཟློག་གམ། ཅིའི་ཕྱིར་ཡང་ཁྱེད་ལོ་ཐང་དང་དཔྱ་སྡུད། གལ་ཏེ་རེ་ཞིག་འཁོད་ན་དེ་ལྟ་ན་ལེགས། གལ་ཏེ་མི་འཁོད་ན་མཚམས་ཆེན་པོ་བཅད་པར་བྱའོ། །དེ་དག་སྐྲག་ནས་བསམས་པ། གཞོན་ནུ་འདི་ནི་གདུག་པ་ཕ་རོལ་གནོན་པ་ཡིན་པས། བདག་ཅག་ལ་གནོད་པ་བྱེད་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱིས། བདག་ཅག་ཨང་གའི་རྒྱལ་པོའི་གན་དུ་དོང་སྟེ་སྦྲན་པར་བྱའོ་སྙམ་ནས། དེས་ཨང་གའི་རྒྱལ་པོའི་གན་དུ་དོང་སྟེ་ཕྱིན་ནས་སྨྲས་པ། ལྷ་བདག་ཅག་ལྷའི་ཞོ་ཤས་འཚོ་བ་ལགས་ཏེ། བདག་ཅག་ལྷའི་ལོ་ཐང་དང་དཔྱ་སྡུད་པ་ན། རྒྱལ་པོ་པདྨ་ཆེན་པོའི་བུ་གཞོན་ནུ་གཟུགས་ཅན་སྙིང་པོ་དེས་བཟློག་ལགས་ན། དེ་གལ་ཏེ་ལྷས་བཏང་སྙོམས་མཛད་ན། སླད་ཀྱི་གནོད་པ་ཆེན་པོ་བགྱིད་པར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ། །ཚིགས་སུ་བཅད་པ་ཡང་སྨྲས་པ། ཇི་སྲིད་ཤིང་ནི་གཞོན་པའི་ཚེ། །སེན་མོ་དག་གིས་བཅད་ནུས་པ། །དེ་ཉིད་ཆེན་པོར་སྐྱེས་པ་ན། །སྟ་རེ་བརྒྱས་ཀྱང་གཅད་པར་དཀའ། །ང་གའི་རྒྱལ་པོས། རྒྱལ་པོ་པདྨ་ཆེན་པོ་ལ། གཞོན་ནུ་གཟུགས་ཅན་སྙིང་པོ་མགུལ་བ་ནས་ཐོགས་ལ་ཚུར་བཀྲི་བའམ། ཡང་ན་རྩཝ་དང་
Ka7b
ཆས་སྟ་གོན་གྱིས་ཤིག་དང ། ང་ཉིད་འོ་ནིར་འོང་ངོ་ཞེས་འཕྲིན་ཡིག་སྤྲིང་ངོ ། །རྒྱལ་པོ་པདྨ་ཆེན་པོས་འཕྲིན་ཡིག་བླངས་ནས། དེ་མི་བདེ་བར་གྱུར་ཏེ་ལག་པ་འགྲམ་པ་ལ་བསྟད་ནས། སེམས་ཁོང་དུ་ཆུད་ཅིང་འདུག་འདུག་ནས། དེས་གཞོན་ནུ་གཟུགས་ཅན་སྙིང་པོ་བོས་ནས་སྨྲས་པ། ཅིའི་ཕྱིར་ཁྱོད་ཀྱིས་ཨང་གའི་རྒྱལ་པོའི་ཞོ་ཤས་འཚོ་བ་དག་ལོ་ཐང་དང་དཔྱ་སྡུད་པ་བཟློག། དེས་ཁྲོས་ཏེ་ང་ལ་འདི་དང་འདི་སྐད་ཅེས་སྤྲིང་ངོ ། །དེས་སྨྲས་པ། ལྷ་ཅི་འོ་སྐོལ་དེ་ལ་ལོ་ཐང་འབུལ་བ་ལགས་སམ། བུ་ལོ་ཐང་འབུལ་བ་ཡིན་ནོ། །དེས་སྨྲས་པ། ལྷ་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ལགས་ལ། འོ་སྐོལ་ཀྱང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ལགས་ན། ཅིའི་སླད་དུ། འོ་སྐོལ་དེ་ལ་ལོ་ཐང་དང་དཔྱ་འབུལ། ལྷས་བདག་ལ་དཔུང་གི་ཚོགས་ཡན་ལག་བཞི་པ་སྩལ་བ་འབའ་ཞིག་མཛོད་ཅིག་དང ། བདག་གི་ཨང་གའི་རྒྱལ་པོ་དང་ལྷན་ཅིག་གཡུལ་ངོར་གཡུལ་སྤྲད་པར་བགྱིའོ། །དེ་ནས་རྒྱལ་པོ་པདྨ་ཆེན་པོས་ཨང་གའི་རྒྱལ་པོ་ལ་ཁྱོད་ཀྱི་མཐུ་དང་དཔུང་དང ། བརྩོན་འགྲུས་དང ། ཕ་རོལ་གནོན་པ་གང་དག་ཡིན་པ་དེ་དག་ཐམས་ཅད་མ་ཉམས་པར་གྱིས་ཤིག་ཅེས་འཕྲིན་ཡིག་སྤྲིང་ངོ ། །ང་གའི་རྒྱལ་པོས་ཐོས་ནས། མི་བཟོད་པ་སྐྱེས་ཏེ། བློན་པོ་རྣམས་ལ་སྨྲས་པ། ཤེས་ལྡན་དག་དེའི་ཡུལ་འཁོར་གཞོམ་པར་བྱས། དཔུང་གི་ཚོགས་ཡན་ལག་བཞི་པ་གོ་སྐོན་ཅིག། དེས་དཔུང་གི་ཚོགས་ཡན་
Ka8a
༄#། །ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཡུལ་མ་ག་དྷ་གཞོམ་པར་བརྩམས་བ་དང ། མ་ག་དྷ་ན་གནས་པའི་སྐྱེ་བོའི་ཚོགས་ཀྱིས། རྒྱལ་པོ་པདྨ་ཆེན་པོ་ལ། ལྷ་ཨང་གའི་རྒྱལ་པོ་འདི་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ཏེ། ཡུལ་མ་ག་དྷ་འཇོམས་པར་བགྱིད་དོ་ཞེས་སྦྲོན་པ་དག་བཏང་ངོ ། །རྒྱལ་པོ་པདྨ་ཆེན་པོས་ཐོས་ནས་དེ་མི་བདེ་བར་གྱུར་ཏེ་ལག་པ་འགྲམ་པ་ལ་བསྟད་ནས་སེམས་ཁོང་དུ་ཆུད་ཅིང་འདུག་འདུག་ནས། དེས་གཞོན་ནུ་གཟུགས་ཅན་སྙིང་པོ་བོས་ཏེ། དེ་ལ་དཔུང་གི་ཚོགས་ཡན་ལག་བཞི་པ་བྱིན་ནོ། །གཞོན་ནུ་གཟུགས་ཅན་སྙིང་པོས་བློན་པོའི་བུ་ལྔ་བརྒྱ་བསྡུས་ཏེ་སྨྲས་པ། ཤེས་ལྡན་དག་ང་ནི་ཨང་གའི་རྒྱལ་པོ་དང་ལྷན་ཅིག་གཡུལ་ངོར་གཡུལ་སྤྲོད་པར་བྱེད་ན། ཤེས་ལྡན་དག་ཅི་བྱེད། དེ་དག་གིས་སྨྲས་པ། གཞོན་ནུ་ཁྱོད་ཀྱི་གནས་སྐབས་གང་ལགས་པ་དེ་བདག་ཅག་གི་ཡང་ལགས་སོ། །དེས་ཚིགས་སུ་བཅད་པ་སྨྲས་པ། མི་གང་ལ་ནི་ཁྱིམ་དཔལ་གནས། །དེ་ནི་ཀུན་གྱིས་ཡོངས་བསྲུང་བྱ། །དེ་ཉམས་ན་ནི་ཀུན་ཉམས་ཏེ། །ལྟེ་བ་ཆགས་པས་རྩིབས་རྣམས་བཞིན། །ད་ཁྱེད་ཀྱིས་ཀུན་ནས་ཡོངས་སུ་བསྲུང་བར་བྱའོ། །དེ་དག་གིས་སྨྲས་པ། ལྷའི་གནས་སྐབས་གང་ལགས་པ་དེ་བདག་ཅག་གི་ཡང་ལགས་
Ka8b
ལ།་ལྷའི་ཞབས་གང་ན་བ་དེ་ན་བདག་ཅག་གི་མགོ་མཆིས་སོ། །དེ་ནས་དེས་དཔུང་གི་ཚོགས་ཡན་ལག་བཞི་པ་གོ་བསྐོན་ཏེ། རྒྱལ་པོའི་ཁབ་ནས་བྱུང་ངོ ། །རྒྱལ་པོ་པདྨ་ཆེན་པོ་སྟེང་གི་ཁང་བཟང་གི་གཞིར་གཏོགས་པ་ན། བློན་པོའི་ཚོགས་ཀྱིས་བསྐོར་ཅིང་འདུག་པ་དེས། དེ་བྱུང་བ་མཐོང་ནས། དེས་བློན་པོ་རྣམས་ལ་སྨྲས་པ། ཤེས་ལྡན་དག་དམག་འདི་སུའི་ཡིན། དེ་དག་གིས་སྨྲས་པ། ལྷ་གཞོན་ནུ་གཟུགས་ཅན་སྙིང་པོའི་ལགས་སོ། །དེས་སྨྲས་པ། ཤེས་ལྡན་དག་ཨེ་མ་འདི་དམག་མང་པོ་དང་ལྡན་ནོ་ཞེས་སྨྲས་པས། དེའི་མིང་དམག་ལྡན་གཟུགས་ཅན་སྙིང་པོ། དམག་ལྡན་གཟུགས་ཅན་སྙིང་པོ་ཞེས་བྱ་བར་གྱུར་ཏོ། ། དེ་ན་ཁ་ཅིག་གིས་ནི་བཟོ་སྦྱངས་གཟུགས་ཅན་སྙིང་པོ་ཞེས་བྱ་བར་ཤེས་སོ། །ཁ་ཅིག་གིས་ནི་དམག་ལྡན་གཟུགས་ཅན་སྙིང་པོ་ཞེས་བྱ་བར་ཤེས་སོ། །གཞོན་ནུ་གཟུགས་ཅན་སྙིང་པོས་བློན་པོའི་བུ་ལྔ་བརྒྱ་པོ་དག་ལ་སྨྲས་པ། ཤེས་ལྡན་དག་ཨང་གའི་རྒྱལ་པོ་འདི་ནི་གདུག་པ་ཕ་རོལ་གནོན་པ་དཔུང་དང ། མཐུ་ཆེ་ཆེར་གྱུར་པ་ཡིན་པས། ཡུ་བུ་ཅག་གིས་འདི་དང་ལྷན་ཅིག་གཡུལ་སྤྲད་པར་ནི་མི་ནུས་ཀྱི། འདི་ལྟར་དེ་བག་ཡངས་སུ་གོ་ཕུད་པའི་ཕྲུམ་བརྫི་ཞིང་བཞབས་ཏེ་གསད་པར་བྱའོ། །དེ་དག་གིས་དེ་བག་ཡངས་སུ་གོ་ཕུད་པའི་ཕྲུ་མ་བརྫིས་ནས། དེ་དག་གིས་ཨང་གའི་རྒྱལ་པོ་བཞབས་ཏེ་གསད་དོ། །ང་གའི་རྒྱལ་པོའི་དཔུང་གི་ཚོགས་ཡན་ལག་བཞི་པ་ཕྱོགས་བཞིར་ཕྱེར་བ་དང ། གཞོན་ནུ་གཟུགས་ཅན་སྙིང་པོས་ཕྱོགས་བཞིར་ཕོ་ཉ་རྟ་བ་དག་བཀྱེ་སྟེ། ཤེས་ལྡན་དག་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ལ། ངེད་ཀྱང་རྒྱལ་པོ་
Ka9a
༄#། །རྒྱལ་རིགས་སྤྱི་བོར་དབང་བསྐུར་བ་ཡིན་གྱིས། ཕྱིར་ལོག་ཅིག་དང ། ཤེས་ལྡན་དག་ངས་ཤེས་ལྡན་དག་ལ་འཚོ་བའི་རྒྱུ་སྦྱིན་པར་བྱའོ་ཞེས་སྤྲིང་པ་དང ། དེ་དག་ཕྱིར་ལོག་གོ། དེ་ནས་ཨང་གའི་རྒྱལ་པོས་གྲོང་ཁྱེར་ཙམ་པ་བསྲུང་བ་བཞག་པ་དེས་ཨང་གའི་རྒྱལ་པོ་ཇི་ལྟར་བསད་པ་ཐོས་ནས། དེས་སྒོ་བཅད་དེར་བདག་གི་ཁར་སྦྲེངས་ནས་འདུག་གོ་།གཞོན་ནུ་གཟུགས་ཅན་སྙིང་པོ་ཡང་མཐར་གྱིས་གྲོང་ཁྱེར་ཙམ་པར་ཕྱིན་ནས། དེས་ཤིང་རིང་པོ་ལ་ཨང་གའི་རྒྱལ་པོའི་མགོ་བཏགས་ཏེ་བསྟན་ནས་སྨྲས་པ། ངས་ཁྱོད་ཀྱི་རྗེ་བོ་གང་ཡིན་པ་དེ་གནས་སྐབས་འདི་ལྟ་བུར་བྱས་ཀྱིས་གལ་ཏེ་ཇི་ཕྱིར་འབྱུང་ན་དེ་ལྟ་ན་ལེགས། གལ་ཏེ་ཕྱིར་མི་འབྱུང་ན་ཁྱོད་ཀྱང་གནས་སྐབས་འདི་ལྟ་བུར་བྱས་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ། །དེས་ཐོས་ནས་མི་བདེ་བར་གྱུར་ཏེ་དེས་བསམས་པ། ཡུལ་དང་སྲོག་ལ་གནོད་གྱུར་ན། །སྐྱེས་བུས་ཀུན་ཏུ་སྲོག་བསྲུང་བྱ། །བློ་ཡིས་གཉིས་ཀ་དཔྱད་བྱས་ན། །ཡུལ་ནི་ཡང་རྙེད་སྲོག་རྣམས་མིན། །སྙམ་ནས་དེ་རལ་གྲི་མགུལ་དུ་ཐོགས་ཏེ་ཕྱིར་བྱུང་ངོ ། །དེ་ན་གཞོན་ནུ་གཟུགས་ཅན་སྙིང་པོས་ཨང་གའི་རྒྱལ་པོ་བསད་དེ་གྲོང་ཁྱེར་ཙམ་པ་རང་གི་ལག་ཏུ་ཐོབ་ནས། དེས་རྒྱལ་པོ་པདྨ་ཆེན་པོ་ལ། ལྷ་བདག་གིས་ཨང་གའི་རྒྱལ་པོ་བསྐུམ་སྟེ། གྲོང་ཁྱེར་ཙམ་པ་རང་གི་སུག་པར་ཐོབ་ལགས་ན། ལྷ་ཡོངས་སུ་མ་གྲུབ་པ་གཞན་ཅི་མཆིས་བཀའ་སྩོལ་ཅིག་དང ། ཡོངས་སུ་བསྒྲུབ་བར་བགྱིའོ། །ཞེས་འཕྲིན་ཡིག་སྤྲིང་ངོ ། །དེ་མགུ་ནས་དེས་དེ་ལ་གདུགས་དང་ཅོད་པན་དང་ཐོད་བསྐུར་ཏེ། བུ་ཁྱོད་ཀྱིས་འོ་
Ka9b
ནི་ཉིད་དུ་རྒྱལ་སྲིད་བྱེད་དུ་ཆུག་ཅིག་།ངས་ཀྱང་འདི་ཉིད་དུ་རྒྱལ་སྲིད་བྱེད་དུ་གཞུག་གོ་ཞེས་སྤྲིང་ངོ ། །དེ་ན་གཞོན་ནུ་གཟུགས་ཅན་སྙིང་པོས་ཡུལ་ཨང་ག་དག་ཏུ་རྒྱལ་སྲིད་འབྱོར་པ་རྒྱས་པ། བདེ་བ་ལོ་ལེགས་པ། སྐྱེ་བོ་དང་མི་མང་པོས་གང་བ་བྱེད་དུ་བཅུག་གོ་།དུས་གཞན་ཞིག་ན་རྒྱལ་པོ་པདྨ་ཆེན་པོ་དུས་ལ་བབ་ནས། རྒྱལ་པོའི་ཁབ་ཀྱི་བློན་པོ་རྣམས་ཀྱིས་རྒྱལ་པོ་གཟུགས་ཅན་སྙིང་པོ་ལ་ལྷ་ཁྱོད་ཀྱི་ཡབ་དུས་ལ་བབ་བོ་ཞེས་སྤྲིང་ནས། དེ་ཨང་ག་དང་མ་ག་དྷ་པའི་བློན་པོ་རྣམས་ཀྱིས་རྒྱལ་སྲིད་ལ་དབང་བསྐུར་བ་ཆེན་པོས་དབང་བསྐུར་ཏོ། །དེ་ནས་རྒྱལ་པོ་གཟུགས་ཅན་སྙིང་པོས་ཡུལ་ཨང་ག་དང་མ་ག་དྷ་དག་ཏུ་རྒྱལ་སྲིད་འབྱོར་པ་རྒྱས་པ། བདེ་བ་ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་མོ་དང་འཐབ་པ་དང ། ཕྱི་དགྲ་དང་ནང་འཁྲུགས་རབ་ཏུ་ཞི་བ་ཆོམ་རྐུན་དང་མུ་གེ་དང ། ནད་དང་བྲལ་བ། སཱ་ལུ་དང་བུ་རམ་ཤིང་གི་ཕྲེང་བ་དང་བ་གླང་དང་མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ་ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་བྱེད་དུ་བཅུག་གོ་།དེ་ནས་བྲམ་ཟེའི་ཁྱེའུ་གསང་ཚིག་འདོད་པ་གསང་ཚིག་ཚོལ་བ་ཞིག་ཡུལ་དབུས་ནས་ལྷོ་ཕྱོགས་སུ་སོང་ངོ ། །དེ་ན་བྲམ་ཟེ་རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ། ཡུལ་ཐ་དད་པ་ན་གནས་པའི་བྲམ་ཟེ་རྣམས་ཀྱི་སྟོན་པར་གྱུར་པ་ཞིག་འདུག་ནས། བྲམ་ཟེའི་ཁྱེའུ་དེ་བྲམ་ཟེ་དེའི་དྲུང་དུ་སོང་སྟེ། ཕྱིན་ནས་ཞི་བ་དང ། སྤྱོད་ལམ་ཞི་བས་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།དེ་ནས་བྲམ་ཟེ་དེས་བྲམ་ཟེའི་ཁྱེའུ་དེ་ལ་འོངས་པ་
Ka10a
༄#། །ལེགས་སོ་ཞེས་བྱ་བའི་ཚིག་གིས་ཀུན་ཏུ་སྤྱད་ནས་སྨྲས་པ། ཀྱེ་བྲམ་ཟེའི་ཁྱེའུ་ཁྱོད་གང་ལས་འོངས་ཅི་ཞིག་འདོད། བྲམ་ཟེའི་ཁྱེའུས་སྨྲས་པ། བདག་ཡུལ་དབུས་ནས་མཆིས་ཏེ། མཁན་པོའི་ཞབས་ལ་སྲི་ཞུ་བགྱིད་པར་འཚལ་ལོ། །ཅི་ཞིག་གི་ཕྱིར་རིག་བྱེད་བཀླག་པའི་སླད་དུའོ། །བུ་ལེགས་ཀྱིས་དེ་བཞིན་དུ་གྱིས་ཤིག། དེ་ནི་བྲམ་ཟེས་བྱས་པ་ཡིན་ནོ། །བྲམ་ཟེའི་ཁྱེའུ་དེས་བྲམ་ཟེ་དེའི་དྲུང་དུ་རིག་བྱེད་བཀླག་པ་བྱ་བར་བརྩམས་སོ། །བྲམ་ཟེའི་ཁྱེའུ་རྣམས་ཀྱི་ཀུན་ཏུ་སྤྱོད་པ་ནི་འདི་ཡིན་ཏེ། གང་གི་ཚེ་མི་ཀློག་པར་གྱུར་པ་དེའི་ཚེ་ན། ལན་འགའ་ནི་ཆུ་ངོགས་སུ་ཉེ་རེག་བྱེད་དུ་འདོང་ངོ ། །ལན་འགའ་ནི་གྲོང་ཁྱེར་ལྟར་འདོང་ངོ ། །ལན་འགའ་ནི་ཡམ་སྲེག་ཤིང་ཐུར་འདོང་ངོ ། །ཇི་ཙམ་དུས་གཞན་ཞིག་ན་དེ་དག་མི་ཀློག་པར་གྱུར་ནས། དེའི་ཚེ་དེ་དག་ཡམ་སྲེག་ཤིང་ཐུར་དོང་པ་དང ། དེ་དག་ལ་ལམ་གྱི་བར་དུ་བར་སྐབས་ཀྱི་གཏམ་བརྗོད་པ་འདི་ལྟ་བུ་འདི་བྱུང་སྟེ། ཀྱེ་ཀུད་སའི་བུ་དག། བད་སའི་བུ་དག། ཤ་ནད་ལའི་བུ་དག་།བ་ར་དྭ་ཙའི་བུ་དག། ལྔ་པའི་བུ་དག། ཉེ་ལྔ་པའི་བུ་དག། ཇེ་ཁྱེད་ཅག་ལས་གང་ནི་ཡུལ་གང་ལས་འོངས་པ་དྲི་བར་བྱའོ། །དེ་ན་བྲམ་ཟེའི་ཁྱེའུ་གཅིག་གིས་སྨྲས་པ། ཁོ་བོ་ནི་ཡུལ་ཤར་ནས་སོ། །གཞན་ཞིག་གིས་སྨྲས་པ། ཁོ་བོ་ནི་ལྷོ་ཕྱོགས་ནས་སོ། །ཡང་གཞན་ཞིག་གིས་སྨྲས་པ། ཁོ་བོ་ནུབ་ཕྱོགས་ནས་སོ། །ཡང་གཞན་ཞིག་གིས་སྨྲས་པ། ཁོ་བོ་ནི་བྱང་ཕྱོགས་ནས་སོ། །བྲམ་ཟེའི་ཁྱེའུ་དེས་སྨྲས་པ། ཁོ་བོ་ནི་ཡུལ་དབུས་ནས་སོ། །དེ་དག་གིས་
Ka10b
སྨྲས་པ། ཤེས་ལྡན་དག་བདག་ཅག་གིས་ཡུལ་ཐམས་ཅད་མཐོང་ཞིང་ཐོས་ན། ཡུལ་དབུས་ནི་མ་མཐོང་མ་ཐོས་སོ། །ཤར་ན་བློ་ཅན་གནས་པ་སྟེ། །ལྷོ་ཕྱོགས་ན་ནི་ཡོན་བྱེད་འདུག་།ནུབ་ཀྱི་ཡུལ་ན་ཕྲ་མ་ཅན། །བྱང་ཕྱོགས་ན་ནི་ཚིག་རྩུབ་པོ། །ཞེས་ཚིགས་སུ་བཅད་པ་ཡང་སྨྲས་སོ། །དེ་ནས་དྲིས་པ། བྲམ་ཟེའི་ཁྱེའུ་ཡུལ་དབུས་ཅི་འདྲ། ཤེས་ལྡན་དག་ཡུལ་དབུས་ནི་ཡུལ་རྣམས་ཀྱི་མཆོག་ཡིན་ཏེ། སཱ་ལུ་དང་བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ། སློང་མོ་པ་བརྒྱས་ཁྱབ་པ། དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པ། དེ་ན་ཆུ་ཀླུང་གངྒཱ་ཁ་རྗེ་དང་བསོད་ནམས་དང ། བཀྲ་ཤིས་དང ། གཙང་བ་དང ། གཙང་བ་ཉིད་ཀྱི་གནས་སུ་གྲགས་པ། འགྲམ་གཉིས་ནས་རླན་འཕྱོ་བ། དྲང་སྲོང་རྣམས་ཀྱི་བསྟི་གནས་ཞེས་བྱ་བ་ཆུ་དགུར་བཅོ་བརྒྱད་འབབ་པ་ཡོད་དེ། དེར་དྲང་སྲོང་རྣམས་ཀྱིས་དཀའ་ཐུབ་སྤྱད་ན། རང་གི་ལུས་ཉིད་ཀྱིས་མཐོ་རིས་སུ་འདོང་བ་ཡིན་ནོ། །ཀྱེ་བྲམ་ཟེའི་ཁྱེའུ་དེ་ནི་འཇལ་གྱིས་གཞན་འདི་འདྲིའོ། །ཡུལ་དབུས་ན་མཁས་པར་བགྲང་བ་དག་ཡོད་དམ། ཤེས་ལྡན་དག་ཁོ་བོས་དང་པོ་ཉིད་ནས། ཤེས་ལྡན་དག་ཡུལ་དབུས་ནི་དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པའོ་ཞེས་མ་སྨྲས་སམ། བྲམ་ཟེའི་ཁྱེའུ་ཁྱོད་ཀྱིས་དེ་སྐད་སྨྲས་སོ། །བྲམ་ཟེའི་ཁྱེའུ་ཡུལ་དབུས་ན་འདི་ལྟ་སྟེ། དཔེར་ན། བདག་ཅག་གི་མཁན་པོ་དང་འདྲ་བ་སྨྲ་བའི་ཁྱུ་མཆོག་དེ་ལྟ་བུ་དག་ཡོད་དམ། ཤེས་ལྡན་དག་ཡུལ་དབུས་ན་བདག་ཅག་གི་མཁན་པོས་གང་དག་གི་
Ka11a
༄#། །གདོང་དུ་བལྟ་བར་ཡང་མི་ནུས་པ། སྙན་བར་སྨྲ་བ་སྨྲ་བའི་ཁྱུ་མཆོག་དེ་ལྟ་བུ་དག་ཡོད་དོ། །བྲམ་ཟེའི་ཁྱེའུ་དེས་དེ་དག་ལ་དེ་ལྟ་དེ་ལྟར་ཡུལ་དབུས་ཀྱི་བསྔགས་པ་བརྗོད་པ་དང ། འདི་ལྟར་དེ་དག་ཐམས་ཅད་ཡུལ་དབུས་སུ་འདོང་འདོད་པར་གྱུར་ཏོ། །དེ་ནས་བྲམ་ཟེའི་ཁྱེའུ་དེ་དག་ཡམ་སྲེག་ཤིང་དག་བཙལ་ཏེ། ཡམ་སྲེག་ཤིང་གི་ཁུར་ཐོགས་ནས། བྲམ་ཟེའི་ཁྱེའུ་ག་ལ་བདེར་དོང་སྟེ་ཕྱིན་ནས། ཡམ་སྲེག་ཤིང་ཁུར་དག་མཐའ་གཅིག་ཏུ་བཞག་སྟེ། བྲམ་ཟེ་དེ་ག་ལ་བ་དེར་དོང་ནས་ཕྱིན་པ་དང ། བྲམ་ཟེ་དེ་ལ་འདི་སྐད་ཅེས་སྨྲས་སོ། །མཁན་པོ་མཁྱེན་པར་མཛོད་ཅིག་།བྲམ་ཟེའི་ཁྱེའུ་འདིས་ཅི་ནས་ཀྱང་བདག་ཅག་ཐམས་ཅད་ཡུལ་དབུས་སུ་མཆི་འཚལ་བར་གྱུར་བ། དེ་ལྟར་ཡུལ་དབུས་ཀྱི་བསྔགས་པ་བརྗོད་དོ། །བྲམ་ཟེ་དེས་སྨྲས་པ། བུ་དག་ཇི་སྙེད་ཐོས་པ་དེ་སྙེད་བགྲོད་པར་བྱ་བ་ཡིན་ནམ། འདི་ལྟར་ཡུལ་དག་ནི་ཐོས་ན་དགའ་བར་འགྱུར་བ་ཡིན་པས་མཉན་པར་བྱའི་བགྲོད་བར་ནི་མི་བྱའོ། །མཁན་པོ་བྲམ་ཟེའི་ཁྱེའུ་འདིའི་མཆིད་ནས། ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་བལྟ་བར་ཡང་མི་ནུས་པ་སྙན་པར་སྨྲ་བ་སྨྲ་བའི་ཁྱུ་མཆོག་དེ་ལྟ་བུ་དག་མཆིས་སོ་ཞེས་མཆིའོ། །བུ་དག་ཅི་ཁོ་བོ་ན་རེ་སའི་སྟེང་ན་ཁོ་བོ་གཅིག་པུ་ཁོ་ན་སྨྲ་བ་ཡིན་གྱི། སྨྲ་བ་གཞན་འགའ་ཡང་མེད་དོ་ཞེས་ཟེར་རམ། ས་ནི་རིན་པོ་ཆེ་མང་པོ་འཛིན་པ་ཡིན་པས། ས་གཞི་ནི་མཛེས་པ་མཛེས་པ་དག་གིས་གང་བ་ཡིན་ནོ། །མཁན་པོ་རེ་ཞིག་ཡུལ་དེ་ཡང་མཐོང་བར་འགྱུར་ཞིང ། ཆུ་ངོགས་སུ་ཉེ་རེག་ཀྱང་བགྱི། སྨྲ་བའི་
Ka11b
ཁྱུ་མཆོག་དེ་དག་ལ་ཡང་བསྙེན་བཀུར་བགྱི། རྒོལ་བ་དག་ཀྱང་ཚར་གཅད་པར་བགྱི། རང་གི་གྲགས་པ་ཡང་བསྒྲག་པར་བགྱི། རྙེད་པ་ཡང་བསྒྲུབ་པར་བགྱིས། བདག་ཅག་ཡུལ་དབུས་སུ་མཆིའོ། །བྲམ་ཟེ་དེ་སློབ་མ་ལ་རྗེས་སུ་ཆགས་པ་དང་བཅས་པ་དང ། འཁོར་ཉུང་བ་ཡིན་པས། དེས་བྲམ་ཟེའི་ཁྱེའུ་དེ་དག་ལ་འདི་སྐད་ཅེས་སྨྲས་སོ། །བུ་དག་གལ་ཏེ་དེ་ལྟ་ན་གཡང་གཞི་དག་དང ། ཤིང་ཤུན་དག་དང ། དབྱུག་གུ་དག་དང ། བླུགས་གཟར་དག་དང ། དགང་གཟར་དག་དང ། རིལ་བ་དག་ལོང་ཞིག་དང་ཡུལ་དབུས་སུ་འདོང་ངོ ། །དེ་དག་གིས་དེ་དག་བླངས་ནས་བྲམ་ཟེ་དེ་བྲམ་ཟེའི་ཁྱེའུ་དེ་དག་དང་ལྷན་ཅིག་ཡུལ་དབུས་སུ་འཕགས་པ་དང ། དེས་རྒོལ་བ་ཁ་ཅིག་ནི་ཚར་བཅད་དེ་རྒོལ་བའི་ཤིང་རྟ་ལ་སྦྱོར་བར་བྱེད། ཁ་ཅིག་ནི་མགོར་ཐལ་བའི་བུམ་པ་དག་གིས་བསྣུན། ཁ་ཅིག་ནི་འཕོང་གི་དཔོང་སར་ཁཝ་བཞིན་དུ་ཐག་རིང་པོ་ནས་ཡོངས་སུ་སྤོང་བར་བྱེད། ཁ་ཅིག་ནི་གདུགས་དང ། རྒྱལ་མཚན་དང ། བ་དན་དག་གིས་བསུ་བར་བྱེད། ཁ་ཅིག་ནི་སློབ་མ་ཉིད་དུ་ཁས་ལེན་པར་བྱེད་ཅིང་དེ་མཐར་གྱིས་གྲོང་དང ། གྲོང་ཁྱེར་དང ། གྲོང་བརྡལ་དང ། དབྱེ་ཚོངས་དང ། ཚོང་བརྡལ་དག་ཏུ་རྒོལ་བ་འདུལ་ཞིང ། རྒྱལ་པོའི་ཁབ་ཏུ་ཕྱིན་ཏོ། །བྲམ་ཟེ་དེས་བསམས་པ། བདག་གིས་ཅིའི་ཕྱིར་རྩ་བ་སྤངས་ཏེ། ཡལ་ག་དང་འདབ་མ་དང ། ལོ་མ་ལ་ཉུག་བར་བྱ། རྒོལ་བ་གང་དག་དང་མཁས་པར་བགྲང་བ་གང་ཇི་སྙེད་པ་དེ་དག་ཐམས་ཅད་ཀྱང་རྒྱལ་པོ་དང་ཉེ་བ་ཡིན་གྱིས། བདག་ཀྱང་རྒྱལ་པོའི་གན་དུ་འགྲོའོ་སྙམ་ནས་བྲམ་ཟེ་དེ་རྒྱལ་པོ་གཟུགས་ཅན་སྙིང་པོ་ག་ལ་བ་དེར་དོང་སྟེ་ཕྱིན་ནས། རྒྱལ་པོ་གཟུགས་ཅན་སྙིང་པོ་ལ་རྒྱལ་
Ka12a
༄#། །པ་དང ། ཚེ་སྤེལ་བ་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། རྒྱལ་པོ་གཟུགས་ཅན་སྙིང་པོ་ལ་འདི་སྐད་ཅེས་སྨྲས་སོ། །ལྷ་བདག་ལ་བླ་མ་ལས་ཡི་གེ་ཉུང་ཤས་ཤིག་བླངས་པ་མཆིས་ཏེ། དེའི་སླད་དུ། ལྷའི་སྤྱན་སྔར་རྒོལ་བ་དག་དང་ལྷན་ཅིག་བཀའ་མཆིད་རྣམ་པར་གཏན་ལ་དབབ་པར་འཚལ་ལོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ངའི་ཡུལ་ན། བྲམ་ཟེ་འདི་དང་ལྷན་ཅིག་གཏམ་རྣམ་པར་གཏན་ལ་འབེབས་པར་བྱེད་པའི་རྒོལ་བ་འགའ་ཡོད་དམ། བློན་པོ་རྣམས་ཀྱིས་སྨྲས་པ། ལྷ་གྲོང་ན་ལ་དན་བྲམ་ཟེ་གནས་ལེན་གྱི་བུ་ཞེས་བགྱི་བ་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་མཆིས་པ་ཞུགས་ལྟ་བུའི་ཤེས་པས་རང་གི་སྨྲ་བ་བསལ་བར་བགྱིད། གཞན་གྱི་སྨྲ་བ་ཚར་གཅོད་པར་རྔོ་ཐོག་པ་ཞིག་མཆིས་ཏེ། དེས་བསྟན་བཅོས་གནས་ལེན་གྱི་བུ་ཞེས་བགྱི་བ་ཉེ་བར་སྦྱར་ཏོ། །མཁན་པོ་གནས་ལེན་གྱི་བུ་དེ་བོས་ཤིག་།ལྷ་བོད་པར་བགྱིའོ་ཞེས་དེ་དག་གིས་དེ་བོས་ནས། དེ་རྒྱལ་པོ་གཟུགས་ཅན་སྙིང་པོ་ག་ལ་བ་དེར་སོང་སྟེ་ཕྱིན་ནས། རྒྱལ་པོ་གཟུགས་ཅན་སྙིང་པོ་ལ་རྒྱལ་བ་དང་ཚེ་སྤེལ་བ་བྱས་ཏེ། ཕྱོགས་གཅིག་ཏུ་འདུག་པ་དང ། བློན་པོ་རྣམས་ཀྱིས་སྨྲས་པ། ལྷ་མཁན་པོ་དེ་འདི་ལགས་སོ། །རྒྱལ་པོས་འོངས་པ་ལེགས་སོ་ཞེས་པའི་ཚིག་གིས་ཀུན་ཏུ་སྤྱད་དེ་སྨྲས་པ། མཁན་པོ་ཁྱོད་ཁོ་བོའི་མདུན་དུ་བྲམ་ཟེ་འདི་དང་ལྷན་ཅིག་གཏམ་རྣམ་པར་གཏན་ལ་དབབ་པར་བྱེད་ནུས་སམ། གནས་ལེན་གྱི་བུས་སྨྲས་པ། བདག་
Ka12b
གིས་རྡོ་ཅི་ཐོག་པས་རྒྱལ་པོ་དགྱེས་པར་བགྱིའོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་རྒོལ་བའི་དཀྱིལ་འཁོར་ཤོམས་ཤིག་།ཕྱོགས་དང་གཞན་གྱི་ཕྱོགས་དག་རྣམ་པར་ཞོག་ཅིག་།བློན་པོ་རྣམས་ཀྱིས་རྒོལ་བའི་དཀྱིལ་འཁོར་བཤམས་ཤིང ། ཕྱོགས་དང་གཞན་གྱི་ཕྱོགས་དག་རྣམ་པར་བཞག་གོ་།དེ་ནས་བློན་པོ་རྣམས་ཀྱིས་རྒྱལ་པོའི་རྐང་པ་གཉིས་ལ་ཕྱག་འཚལ་ཏེ། སྨྲས་པ། ལྷ་ཕྱོགས་སྔ་མ་གང་བགྱིད་དུ་སྩལ། རྒྱལ་པོས་སྨྲས་པ། བྲམ་ཟེ་འདི་མགྲོན་པ་ཡིན་གྱིས་འདི་ཕྱོགས་སྔ་མ་བྱེད་དུ་ཆུག་ཅིག་།བྲམ་ཟེ་དེ་ཕྱོགས་སྔ་མ་བྱེད་དུ་བཅུག་ནས། དེས་རྒྱུད་ཆགས་ལྔ་བརྒྱ་བཟླས་སོ། །གནས་ལེན་གྱིས་བུས་ཕྱིར་བཟླས་ཏེ། ཁྱོད་ཀྱི་འདི་ནི་རིགས་པ་མེད་པ་ཡིན་ནོ། །འདི་ནི་མི་མཐུན་པ་ཡིན་ནོ། །འདི་ནི་མི་འཐད་པ་ཡིན་ནོ། །ཞེས་སྐྱོན་བཏགས་པ་དང ། བྲམ་ཟེ་དེ་ཅང་མི་སྨྲ་བར་འདུག་གོ་།ཚར་གཅད་པའི་གནས་ཀྱི་ནང་ན་འདི་ལྟ་སྟེ། ལན་ལ་སྤོབས་པ་མེད་པ་འདི་ནི་ཐ་ཆད་ཡིན་ནོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་སུ་རྒྱལ། ལྷ། མཁན་པོ་གནས་ལེན་གྱི་བུའོ། །དེ་ནས་རྒྱལ་པོ་ཡིད་དགའ་ཞིང་ཡིད་དགའ་ནས། རོ་སྟོད་བསྲང་སྟེ་ལག་པ་གཡས་པ་བརྐྱང་ནས། བདག་གི་ཡུལ་ན་སྨྲ་བའི་ཁྱུ་མཆོག་འདི་ལྟ་བུ་དག་ཡོད་པ་ནི་བདག་གིས་རྙེད་པ་ལེགས་པར་རྙེད་དོ་ཞེས་ཆེད་དུ་བརྗོད་པ་ཆེད་དུ་བརྗོད་ནས་སྨྲས་པ། མཁན་པོ་ཁྱོད་གནས་གང་ན་གནས། གནས་ལེན་གྱིས་བུས་སྨྲས་པ། ལྷ་གྲོང་ན་ལ་ད་ནའོ། །ཁྱོད་སོང་ལ་གྲོང་དེ་ཁྱོད་ཀྱི་རྒོལ་བའི་ལོངས་སྤྱོད་གྱིས་ཤིག་།གནས་ལེན་གྱི་བུ་རངས་པ་དང་
Ka13a
༄#། །དགའ་བ་དང ། མཆོག་ཏུ་དགའ་བར་གྱུར་ནས། སྐྱེ་བོ་མཁས་པ་རྣམས་ཀྱིས་ཡོངས་སུ་བསྐོར་ཏེ་དེར་སོང་ངོ ། །འཇིག་རྟེན་ནི་འབྱོར་པ་འདོད་ཅིང ། རྒུད་པ་ལ་མ་དད་པ་ཡིན་པས། དེ་ལ་བྲམ་ཟེ་དུ་མ་ཞིག་གིས་བུ་མོ་ཆུང་མར་ལེན་དུ་བཅུག་པ་དང ། དེ་ནས་གནས་ལེན་གྱི་བུ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད་དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་བུ་རོ་སྟོད་རིང་བ་རིང་བ་ཞིག་བཙས་ནས། དེའི་ཉེ་དུ་དག་འདུས་ཤིང་ལྷགས་ནས། ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ཏེ། ཁྱེའུ་འདིའི་མིང་ཅིར་གདགས་ཤེས་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ། ཁྱེའུ་འདི་རོ་སྟོད་རིང་བ་རིང་བར་གྱུར་པས། ཁྱེའུ་འདིའི་མིང་སྟོད་རིངས་སུ་གདགས་སོ་ཞེས་དེའི་མིང་ནི་སྟོད་རིངས་སུ་བཏགས་སོ། །བྲམ་ཟེའི་ཁྱེའུ་སྟོད་རིངས་མ་མ་བརྒྱད་པོ། པད་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེ་འགྲོགས་བྱེད་པའི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང་ཞོ་དང་མར་སར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ། ཡི་གེ་དང་གྲངས་དང་རྩིས་དང་ལག་རྩིས་དང ། དབྱུང་བ་དང་གཞུག་
Ka13b
པ་དང ། གཞག་པ་དང་འབྱེད་པ་དང ། ཀློག་པའི་ཕ་རོལ་ཏུ་སོན་ཅིང ། དེའི་ཚེ་ན་བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྦྲ་དང ། ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུམ་བླང་བ་དང ། ས་བླང་བ་དང ། ལག་སྟངས་དང ། ཐོར་ཚུགས་དང ། རབ་སྔགས་བྱ་བ་དང ། ཀྱེ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། བྲམ་ཟེའི་ལས་དྲུག་པོ་མཆོད་སྦྱིན་བྱེད་པ་དང ། མཆོད་སྦྱིན་བྱེད་དུ་འཇུག་པ་དང ། ཀློག་པ་དང ། ཀློག་ཏུ་འཇུག་པ་དང ། སྦྱིན་པ་དང་ལེན་པ་ལ་མཁས་པའི་བྲམ་ཟེའི་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་སོན་བ་མེ་ལྟ་བུའི་ཤེས་པས། རང་གི་སྨྲ་བ་གསལ་བར་བྱེད་པ་གཞན་གྱི་སྨྲ་བ་ཚར་གཅོད་པར་བྱེད་ནུས་པར་གྱུར་ཏོ། །ཡང་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པའི་ཆུང་མ་ལ་བུ་མོ་མིག་གཉིས་བྱ་ཤཱ་རི་ཀཱ་འདྲ་བ་ཞིག་བཙས་ནས། དེའི་ཉེ་དུ་དག་འདུས་ཤིང་ལྷགས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ཏེ། བུ་མོའི་མིང་ཅིར་གདགས་ཞེས་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ།་བུ་མོ་འདིའི་མིག་གཉིས་བྱ་ཤཱ་རི་ཀཱ་འདྲ་བས་བུ་མོ་འདིའི་མིང་ཤཱ་རི་ཀཱར་གདགས་སོ་ཞེས་དེའི་མིང་ཤཱ་རི་ཀཱ་ར་བཏགས་སོ། །བུ་མོ་ཤཱ་རི་ཀཱ་བསྲིངས་ཤིང་བསྐྱེད་དེ་ཆེན་མོར་གྱུར་ཏོ། །དེའི་ཕས་ཡིག་འབྲུའི་ཡི་གེ་ལ་ཉེ་བར་སྦྱར་ནས། དེས་ཡིག་འབྲུའི་ཡི་གེ་དག་ལོབས་སོ། །དུས་གཞན་ཞིག་ན་བྲམ་ཟེའི་ཁྱེའུ་སྟོད་རིངས་ཤཱ་རི་ཀཱ་དང་ལྷན་ཅིག་འགྱེད་པར་བྱེད་པ་ན། ཤཱ་རི་ཀཱས་དེ་ཚར་བཅད་ནས། ཕས་སྟོད་རིངས་ལ་སྨྲས་པ། བུ་ཁྱོད་
Ka14a
༄#། །སྐྱེས་པ་ཡིན་ན། བུད་མེད་ཀྱིས་ཚར་བཅད་དམ། ང་འདས་ནས་རྒོལ་བའི་ལོངས་སྤྱོད་དག་ཕྲོགས་པར་འགྱུར་རོ། །དེ་ནས་ཡང་བྲམ་ཟེའི་ཁྱེའུ་གསང་ཚིག་འདོད་པ་གསང་ཚིག་ཚོལ་བ་ཞིག་ཡུལ་དབུས་ནས་ལྷོ་ཕྱོགས་སུ་སོང་ངོ ། །དེ་ན་བྲམ་ཟེ་སྐར་རྒྱལ་ཞེས་བྱ་བ་འཇིག་རྟེན་རྒྱང་པ་ན་ལ་མཁས་པ་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ། ཡུལ་ཐ་དད་པ་ན་གནས་པའི་བྲམ་ཟེ་རྣམས་ཀྱི་སྟོན་པར་གྱུར་པ་ཞིག་འདུག་ནས། བྲམ་ཟེ་ཁྱེའུ་དེ་བྲམ་ཟེ་དེའི་དྲུང་དུ་སོང་སྟེ་ཕྱིན་ནས། ཞི་བ་དང་སྤྱོད་ལམ་ཞི་བས་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ།་དེ་ནས་བྲམ་ཟེ་སྐར་རྒྱལ་གྱིས་བྲམ་ཟེའི་ཁྱེའུ་ལ་འོངས་པ་ལེགས་སོ་ཞེས་བྱ་བའི་ཚིག་གིས་ཀུན་ཏུ་སྤྱད་ནས་སྨྲས་པ། ཀྱེ་བྲམ་ཟེའི་ཁྱེའུ་ཁྱོད་ག་ལས་འོངས། ཅི་ཞིག་འདོད། བྲམ་ཟེའི་ཁྱེའུས་སྨྲས་པ། བདག་ཡུལ་དབུས་ནས་མཆིས་ཏེ། མཁན་པོའི་ཞབས་ལ་སྲི་ཞུ་བགྱིད་པར་འཚལ་ལོ། །ཅི་ཞིག་གི་ཕྱིར་འཇིག་རྟེན་རྒྱང་པན་གཟུང་བའི་སླད་དུའོ། །བྲམ་ཟེའི་ཁྱེའུ་ལེགས་ཀྱིས་དེ་བཞིན་གྱིས་ཤིག། དེ་ནི་བྲམ་ཟེས་བྱ་བ་ཡིན་ནོ། །བྲམ་ཟེའི་ཁྱེའུ་དེས། བྲམ་ཟེ་སྐར་རྒྱལ་གྱི་དྲུང་དུ་འཇིག་རྟེན་རྒྱང་པན་གཟུང་བར་བརྩམས་སོ། །བྲམ་ཟེའི་ཁྱེའུ་རྣམས་ཀྱིས་ཀུན་ཏུ་སྤྱོད་པ་ནི་འདི་ཡིན་ཏེ། གང་གི་ཚེ་མི་ཀློག་པར་གྱུར་པ་དེའི་ཚེ་ན། ལན་འགའ་ནི་ཆུ་ངོགས་སུ་ཉེ་རེག་བྱེད་དུ་འདོང་ངོ ། །ལན་འགའ་ནི་གྲོང་ཁྱེར་ལྟར་འདོང་ངོ ། །ལན་འགའ་ནི་ཡམ་སྲེག་ཤིང་ཐུར་འདོང་ངོ ། །ཇི་ཙམ་དུས་
Ka14b
གཞན་ཞིག་ན། དེ་དག་མི་ཀློག་པར་གྱུར་ནས། དེའི་ཚེ་དེ་དག་ཡམ་སྲེག་ཤིང་ཐུར་དོང་བ་དང ། དེ་དག་ལ་ལམ་གྱི་བར་དུ་བར་སྐབས་ཀྱི་གཏམ་བརྗོད་པ་འདི་ལྟ་བུ་འདི་བྱུང་སྟེ། ཀྱེ་ཀུད་སའི་བུ་དག་།བད་སའི་བུ་དག་ཤན་དི་ལའི་བུ་དག་།བར་དྭ་ཙའི་བུ་དག་།ལྔ་པའི་བུ་དག་།ཉེ་ལྔ་པའི་བུ་དག་ཇེ་ཁྱེད་ཅག་ལས་གང་ནི་ཡུལ་ག་ལས་འོངས་པ་དྲི་བར་བྱའོ། །དེ་ན་བྲམ་ཟེ་ཁྱེའུ་གཅིག་གིས་སྨྲས་པ། ཁོ་བོ་ནི་ཡུལ་ཤར་ནས་སོ། ། གཞན་ཞིག་གིས་སྨྲས་པ། ཁོ་བོ་ནི་ལྷོ་ཕྱོགས་ནས་སོ། །ཡང་གཞན་ཞིག་གིས་སྨྲས་པ། ཁོ་བོ་ནི་ནུབ་ཀྱི་ནས་སོ། །ཡང་གཞན་ཞིག་གིས་སྨྲས་པ། ཁོ་བོ་ནི་བྱང་ཕྱོགས་ནས་སོ། །བྲམ་ཟེའི་ཁྱེའུ་དེས་སྨྲས་པ།་ཁོ་བོ་ནི་ཡུལ་དབུས་ནས་སོ། །དེ་དག་གིས་སྨྲས་པ། ཤེས་ལྡན་དག་བདག་ཅག་གིས་ཡུལ་ཐམས་ཅད་མཐོང་ཞིང་ཐོས་ན། ཡུལ་དབུས་ནི་མ་མཐོང་མ་ཐོས་སོ། །ཤར་ན་བློ་ཅན་གནས་པ་སྟེ། །ལྷོ་ཕྱོགས་ན་ནི་གཡོན་བྱེད་འདུག། ནུབ་ཀྱི་ཡུལ་ན་ཕྲ་མ་ཅན། །བྱང་ཕྱོགས་ན་ནི་ཚིག་རྩུབ་པོ། །ཞེས་ཚིགས་སུ་བཅད་པ་ཡང་སྨྲས་སོ། །དེ་ནས་དྲིས་པ་བྲམ་ཟེའི་ཁྱེའུ་ཡུལ་དབུས་ཅི་འདྲ། ཤེས་ལྡན་དག་ཡུལ་དབུས་ནི་ཡུལ་རྣམས་ཀྱི་མཆོག་ཡིན་ཏེ། སཱ་ལུ་དང་བུར་མ་ཤིང་གི་ཕྲེང་བ་དང ། བ་ལང་དང་མ་ཧེ་ཕུན་སུམ་ཚོགས་པ་སློང་མོ་བ་བརྒྱས་ཁྱབ་པ་དང ། དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ།་སྐྱེ་བོ་མཁས་པས་བསྟེན་པ། དེ་ན་ཆུ་ཀླུང་གངྒཱ་ཁ་རྗེ་དང་བསོད་ནམས་དང་བཀྲ་ཤིས་དང ། གཙང་བ་དང ། གཙང་བ་ཉིད་ཀྱི་གནས་སུ་གྲགས་པ། འགྲམ་གཉིས་ནས་རླན་འཕྱོ་བ། དྲང་སྲོང་རྣམས་ཀྱི་བསྟི་
Ka15a
༄#། །གནས་ཞེས་བྱ་བ། ཆུ་དགུར་བཅོ་བརྒྱད་འབབ་པ་ཡོད་དེ། དེར་དྲང་སྲོང་རྣམས་ཀྱིས་དཀའ་ཐུབ་སྤྱད་ན། རང་གི་ལུས་ཉིད་ཀྱིས་མཐོ་རིས་སུ་འདོང་བ་ཡིན་ནོ། །ཀྱེ་བྲམ་ཟེའི་ཁྱེའུ་དེ་ནི་འཇལ་གྱིས་གཞན་འདི་འདྲིའོ། །ཡུལ་དབུས་ན་མཁས་པར་བགྲང་བ་དག་ཡོད་དམ། ཤེས་ལྡན་དག་ཁོ་བོས་དང་པོ་ཉིད་ནས། ཤེས་ལྡན་དག་ཡུལ་དབུས་ནི་དབུས་བའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པའོ་ཞེས་མ་སྨྲས་སམ། བྲམ་ཟེའི་ཁྱེའུ་ཁྱོད་ཀྱིས་དེ་སྐད་སྨྲས་སོ། །བྲམ་ཟེའི་ཁྱེའུ་ཡུལ་དབུས་ན་འདི་ལྟ་སྟེ། དཔེར་ན་བདག་ཅག་གི་མཁན་པོ་དང་འདྲ་བ། སྨྲ་བའི་ཁྱུ་མཆོག་དེ་ལྟ་བུ་དག་ཡོད་དམ། ཤེས་ལྡན་དག་ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་ལྟ་པར་ཡང་མི་ནུས་པ་སྙན་པར་སྨྲ་བ་སྨྲ་བའི་ཁྱུ་མཆོག་དེ་ལྟ་བུ་དག་ཡོད་དོ། །བྲམ་ཟེའི་ཁྱེའུ་དེས་དེ་དག་ལ་དེ་ལྟ་དེ་ལྟར་ཡུལ་དབུས་ཀྱི་བསྔགས་པ་བརྗོད་པ་དང ། འདི་ལྟར་དེ་དག་ཐམས་ཅད་ཡུལ་དབུས་སུ་འདོང་འདོད་པར་གྱུར་ཏོ། །དེ་ནས་བྲམ་ཟེའི་ཁྱེའུ་དེ་དག་གིས་ཡམ་སྲེག་ཤིང་དག་བཙལ་ཏེ། ཡམ་སྲེག་ཤིང་གི་ཁུར་ཐོགས་ནས། བྲམ་ཟེ་དེ་ཁྱིམ་ག་ལ་བ་དེར་སོང་སྟེ་ཕྱིན་ནས། ཡམ་སྲེག་ཤིང་གི་ཁུར་མཐའ་གཅིག་ཏུ་བཞག་སྟེ། བྲམ་ཟེ་དེ་ག་ལ་བ་དེར་དོང་ནས་ཕྱིན་པ་དང ། བྲམ་ཟེ་དེ་ལ་འདི་སྐད་ཅེས་སྨྲས་སོ། ། མཁན་པོ། མཁྱེན་པར་མཛོད་ཅིག་།བྲམ་ཟེའི་ཁྱེའུ་འདིས། ཅི་ནས་ཀྱང་བདག་ཅག་ཐམས་ཅད་ཡུལ་དབུས་སུ་མཆི་འཚལ་བར་གྱུར་པ་དེ་ལྟར་ཡུལ་དབུས་ཀྱི་བསྔགས་པ་བརྗོད་དོ། །བྲམ་ཟེ་སྐར་རྒྱལ་གྱིས་སྨྲས་པ།
Ka15b
བུ་དག་ཇི་སྙེད་ཐོས་པ་དེ་སྙེད་བགྲོད་པར་བྱ་བ་ཡིན་ནམ། འདི་ལྟར་ཡུལ་དག་ནི་ཐོས་ན་དགའ་བར་འགྱུར་བ་ཡིན་པས་མཉན་པར་བྱའི་བགྲོད་པར་ནི་མི་བྱའོ། །མཁན་པོ་བྲམ་ཟེའི་ཁྱེའུ་འདིའི་མཆིད་ནས། ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་བལྟ་བར་ཡང་མི་ནུས་པ་སྙན་པར་སྨྲ་བ་སྨྲ་བའི་ཁྱུ་མཆོག་དེ་ལྟ་བུ་དག་མཆིས་སོ་ཞེས་མཆིའོ། །བུ་དག་ཅི་ཁོ་བོ་ན་རེ་སའི་སྟེང་ན་ཁོ་བོ་གཅིག་བུ་སྨྲ་བ་ཁོ་ན་ཡིན་གྱི།་སྨྲ་བ་གཞན་འགའ་ཡང་མེད་དོ། །ཞེས་ཟེར་རམ། ས་ནི་རིན་པོ་ཆེ་མང་པོ་འཛིན་པ་ཡིན་པས། ས་གཞི་ནི་མཛེས་པ་མཛེས་པ་དག་གིས་གང་བ་ཡིན་ནོ། །མཁན་པོ་རེ་ཞིག་ཡུལ་དེ་ཡང་མཐོང་བར་འགྱུར་ཞིང ། ཆུ་ངོགས་སུ་ཉེ་རེག་ཀྱང་བགྱི། སྨྲ་བའི་ཁྱུ་མཆོག་དེ་དག་ལ་ཡང་བསྙེན་བཀུར་བགྱི། རྒོལ་བ་དག་ཀྱང་ཚར་གཅད་པར་བགྱི། རང་གི་གྲགས་པ་ཡང་བསྒྲག་པར་བགྱི། རྙེད་པ་ཡང་བསྒྲུབ་པར་བགྱིས། བདག་ཅག་ཡུལ་དབུས་སུ་མཆིའོ། །བྲམ་ཟེ་དེ་སློབ་མ་ལ་རྗེས་སུ་ཆགས་པ་དང་བཅས་པ་དང ། འཁོར་ཉུང་བ་ཡིན་པས། དེས་བྲམ་ཟེའི་ཁྱེའུ་དེ་དག་ལ་འདི་སྐད་ཅེས་སྨྲས་སོ། །བུ་དག་གལ་ཏེ་དེ་ལྟ་ན་གཡང་གཞི་དག་དང ། ཤིང་ཤུན་དག་དང ། དབྱུག་གུ་དག་དང ། བླུགས་གཟར་དག་དང ། དགང་གཟར་དག་དང ། རིལ་བ་དག་ལོང་ཞིག་དང ། ཡུལ་དབུས་སུ་འདོང་ངོ ། །དེ་དག་གིས་དེ་དག་བླངས་ནས་བྲམ་ཟེ་དེ་བྲམ་ཟེའི་ཁྱེའུ་དེ་དག་དང་ལྷན་ཅིག་ཡུལ་དབུས་སུ་འཕགས་པ་དང ། དེས་རྒོལ་བ་ཁ་ཅིག་ནི་ཚར་བཅད་དེ་རྒོལ་བའི་ཤིང་རྟ་ལ་སྦྱོར་བར་བྱེད། ཁ་ཅིག་ནི་མགོར་ཐལ་བའི་བུམ་པ་དག་གིས་བསྣུན། ཁ་ཅིག་ནི་འཕོང་གི་དཔོང་སར་ཁཝ་
Ka16a
༄#། །བཞིན་ཐག་རིང་པོ་ནས་ཡོངས་སུ་སྤོང་བར་བྱེད། ཁ་ཅིག་ནི་གདུགས་དང ། རྒྱལ་མཚན་དང ། བ་དན་དག་གིས་བསུ་བར་བྱེད། ཁ་ཅིག་ནི་སློབ་མ་ཉིད་དུ་ཁས་ལེན་པར་བྱེད་ཅིང ། དེ་མཐར་གྱིས་གྲོང་དང་གྲོང་ཁྱེར་དང་གྲོང་བརྡལ་དང ། དབྱེ་ཚོངས་དང ། ཚོང་བརྡལ་དག་ཏུ་རྒོལ་བ་འདུལ་ཞིང ། རྒྱལ་པོའི་ཁབ་ཏུ་ཕྱིན་ཏོ། །བྲམ་ཟེ་སྐར་རྒྱལ་གྱིས་བསམས་པ།་བདག་གིས་ཅིའི་ཕྱིར་རྩ་བ་སྤངས་ཏེ། ཡལ་ག་དང་འདབ་མ་དང ། ལོ་མ་ལ་ཉུག་པར་བྱ། རྒོལ་བ་གང་དག་དང་མཁས་པར་བགྲང་པ་གང་ཇི་སྙེད་པ་དེ་དག་ཐམས་ཅད་ཀྱང་རྒྱལ་པོ་དང་ཉེ་བ་ཡིན་གྱིས། བདག་ཀྱང་རྒྱལ་པོའི་གན་དུ་འགྲོའོ་སྙམ་ནས། བྲམ་ཟེ་སྐར་རྒྱལ་རྒྱལ་པོ་གཟུགས་ཅན་སྙིང་པོ་ག་ལ་བ་དེར་སོང་སྟེ་ཕྱིན་ནས། རྒྱལ་པོ་གཟུགས་ཅན་སྙིང་པོ་ལ་རྒྱལ་བ་དང་ཚེ་སྤེལ་བར་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། རྒྱལ་པོ་གཟུགས་ཅན་སྙིང་པོ་ལ་འདི་སྐད་ཅེས་སྨྲས་སོ། །ལྷ། བདག་ལ་བླ་མ་ལས་ཡི་གེ་ཉུང་ཤས་ཤིག་བླངས་པ་མཆིས་ཏེ། དེའི་སླད་དུ་ལྷའི་སྤྱན་སྔར་རྒོལ་བ་དག་དང་ལྷན་ཅིག་བཀའ་མཆིད་རྣམ་པར་གཏན་ལ་དབབ་པར་འཚལ་ལོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་མཁན་པོ་གནས་ལེན་གྱི་བུ་དེ་གང་ན་འདུག། ལྷ་གྲོང་ན་ལ་ད་ནའོ། །མཁན་པོ་གནས་ལེན་གྱི་བུ་དེ་བོས་ཤིག། ལྷ།་བོད་པར་བགྱིའོ། །ཞེས་དེ་དག་གིས་དེ་བོས་ནས། དེ་རྒྱལ་པོ་གཟུགས་ཅན་སྙིང་པོ་
Ka16b
ག་ལ་བ་དེར་སོང་སྟེ་ཕྱིན་ནས། རྒྱལ་པོ་གཟུགས་ཅན་སྙིང་པོ་ལ་རྒྱལ་བ་དང་ཚེ་སྤེལ་བར་བྱས་ཏེ། ཕྱོགས་གཅིག་ཏུ་འདུག་པ་དང ། བློན་པོ་རྣམས་ཀྱིས་སྨྲས་པ་དང ། ལྷ་མཁན་པོ་དེ་འདི་ལགས་སོ། །རྒྱལ་པོས་འོངས་པ་ལེགས་སོ་ཞེས་བྱ་བའི་ཚིག་གིས་ཀུན་ཏུ་སྤྱད་དེ་སྨྲས་པ། མཁན་པོ་ཁྱོད་ཁོ་བོའི་མདུན་དུ་བྲམ་ཟེ་སྐར་རྒྱལ་དང་ལྷན་ཅིག་གཏམ་རྣམ་པར་གཏན་ལ་དབབ་པར་བྱེད་ནུས་སམ། གནས་ལེན་གྱི་བུས་སྨྲས་པ། བདག་གིས་རྡོ་ཅི་ཐོགས་ཀྱིས་རྒྱལ་པོ་དགྱེས་པར་བགྱིའོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་རྒོལ་བའི་དཀྱིལ་འཁོར་ཤོམས་ཤིག་།ཕྱོགས་དང་གཞན་གྱི་ཕྱོགས་དག་རྣམ་པར་ཞོག་ཅིག་།བློན་པོ་རྣམས་ཀྱིས་རྒོལ་བའི་དཀྱིལ་འཁོར་བཤམས་ཤིང ། ཕྱོགས་དང་གཞན་གྱི་ཕྱོགས་དག་རྣམ་པར་བཞག་གོ་།དེ་ནས་བློན་པོ་རྣམས་ཀྱིས་རྒྱལ་པོའི་རྐང་པ་གཉིས་ལ་ཕྱག་འཚལ་ཏེ་སྨྲས་པ། ལྷ་ཕྱོགས་སྔ་མ་གང་བགྱིད་དུ་སྩལ་།རྒྱལ་པོས་སྨྲས་པ། བྲམ་ཟེ་སྐར་རྒྱལ་འདི་མགྲོན་པ་ཡིན་གྱིས། འདི་ཕྱོགས་སྔ་མ་བྱེད་དུ་ཆུ་གཅིག་།བྲམ་ཟེ་སྐར་རྒྱལ་གྱིས་སྨྲས་པ། ལྷ་བྲམ་ཟེ་གནས་ལེན་གྱི་བུ་འདི་རྒན་པ་ལགས་པས། འདི་ཕྱོགས་སྔ་མ་བགྱིད་དུ་སྩལ་བར་གསོལ། བྲམ་ཟེ་གནས་ལེན་གྱི་བུས་བསམས་པ། བྲམ་ཟེ་སྐར་རྒྱལ་འདི་གཞུང་གསར་ལ་བྱེད་པ་གསལ་བས་བདག་གིས་འདི་དང་ལྷན་ཅིག་སྨྲ་བར་མི་ནུས་ཀྱིས། ཇེ་འདི་དང་ལྷན་ཅིག་ཚིག་འགྲེད་པ་ཞིག་བྱའོ། །སྙམ་ནས་དེས་རྒྱུད་ཆགས་ལྔ་བརྒྱ་བཟླས་སོ། །བྲམ་ཟེ་སྐར་རྒྱལ་གྱིས་ཕྱིར་བཟླས་ཏེ།
Ka17a
༄#། །ཁྱོད་ཀྱི་འདི་ནི་རིགས་པ་མེད་པ་ཡིན་ནོ། །འདི་ནི་མི་མཐུན་པ་ཡིན་ནོ། །འདི་ནི་མི་འཐད་པ་ཡིན་ནོ། །ཞེས་སྐྱོན་བཏགས་པ་དང ། བྲམ་ཟེ་གནས་ལེན་གྱི་བུ་ཅང་མི་སྨྲ་བར་འདུག་གོ་།ཚར་བཅད་པའི་གནས་རྣམས་ཀྱི་ནང་ན་འདི་ལྟ་སྟེ། ལན་ལ་སྤོབས་པ་མེད་པ་འདི་ནི་ཐ་ཆད་ཡིན་ནོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་སུ་རྒྱལ། བྲམ་ཟེ་སྐར་རྒྱལ་ལོ། །ཤེས་ལྡན་དག་བྲམ་ཟེ་སྐར་རྒྱལ་ལ་རྒོལ་བའི་ལོངས་སྤྱོད་ཕྱིན་ཅིག་།དེ་དག་གིས་སྨྲས་པ། ལྷ་གལ་ཏེ་སྐོལ་གྱིས་རྒོལ་བ་མཆིས་ཤིང་ལྷགས་དགུ་ལ་རྒོལ་བའི་ལོངས་སྤྱོད་སྩལ་བར་གྱུར་ན། རིང་པོ་མི་ཐོགས་པར་སྐོལ་གྱིས་ཡུལ་ཨང་ག་དྷ་དང་མ་ག་དྷ་དག་ནི་རྒོལ་བའི་ལོངས་སྤྱོད་དུ་འགྱུར་བས། འདི་ལྟར་གྲོང་ན་ལ་ད་འདི་ཉིད་རྒོལ་བའི་ལོངས་སྤྱོད་ཀྱི་བ་དན་དུ་བགྱིས་ལ། བྲམ་ཟེ་གནས་ལེན་གྱི་བུ་ལས་ཕྲོགས་ཏེ། བྲམ་ཟེ་འདི་ལ་སྩལ་ཅིང ། འདི་བས་ཀྱང་ཆེས་རྒྱལ་བ་གཞན་འགའ་ཞིག་མཆིས་ན། ཡང་སྐོལ་གྱིས་དེ་ལ་སྩལ་བར་བགྱིའོ། །རྒྱལ་པོས་སྨྲས་པ། ཤེས་ལྡན་དག་དེ་བཞིན་གྱིས་ཤིག་།དེ་དག་གིས་དེ་གནས་ལེན་གྱི་བུ་ལས་ཕྲོགས་ཏེ། བྲམ་ཟེ་སྐར་རྒྱལ་ལ་བྱིན་ནོ། །གནས་ལེན་གྱིས་བུས་བསམས་པ། བདག་གིས་རྒྱལ་པོ་འདི་ལ་ཕན་མང་དུ་བཏགས་ན། རྒྱལ་པོ་འདིས་བདག་རྗེས་སུམ་བསྲུངས་ཀྱིས། བདག་གཞན་དུ་འགྲོའོ་སྙམ་ནས་།དེས་ཆུང་མ་ལ་སྨྲས་པ། བཟང་མོ་ཁོ་བོས་རྒྱལ་པོ་འདི་ལ་ཕན་མང་དུ་བཏགས་ན། རྒྱལ་པོ་འདིས་ཁོ་བོ་རྗེས་སུ་མ་
Ka17b
བསྲུངས་ཀྱིས། ཁོ་བོ་གཞན་དུ་འགྲོའི་ཁྱིམ་གྱི་སོ་ནམ་དག་སྡུས་ཤིག་།དེས་ཁྱིམ་གྱི་སོ་ནམ་དག་བསྡུ་བར་བརྩམས་པ་དང ། དེའི་ཉེ་དུ་དག་གིས་མཁན་པོ་གནས་ལེན་གྱི་བུ་གཞན་དུ་འགྲོའོ་ཞེས་ཐོས་ནས། དེ་དག་དེའི་གན་དུ་སོང་སྟེ་ཕྱིན་ནས། སྨྲས་པ། མཁན་པོ་ཅིའི་སླད་དུ་ཁྱིམ་གྱི་སོ་ནམ་དག་སྡུད། དེས་སྨྲས་པ། ཤེས་ལྡན་དག་ཁོ་བོས་རྒྱལ་པོ་འདི་ལ་ཕན་མང་དུ་བཏགས་ན། རྒྱལ་པོ་འདིས་ཁོ་བོ་རྗེས་སུ་མ་བསྲུངས་ཀྱིས། ཁོ་བོ་གཞན་དུ་འགྲོའོ། །དེ་དག་གིས་སྨྲས་པ། མཁན་པོ་ཁྱོད་གཞན་དུ་མ་བཞུད་པར་རེ་ཞིག་ཉེ་དུའི་ནང་འདི་ཉིད་དུ་བདེ་བར་བཞུགས་ཤིག་།དེས་ཚིགས་སུ་བཅད་པ་སྨྲས་པ། མི་ནི་གཞན་གྱི་ཡུལ་ལ་གནས་པ་བླའི། །རང་གི་ཡུལ་ལ་ཟིལ་གནོན་གནས་པ་མིན། །མི་ནི་གང་ན་ཟིལ་གནོན་མེད་གནས་པ། །དེ་ཉིད་རང་ཡུལ་དེ་ན་གཉེན་ཡང་ཡོད། །བྲམ་ཟེ་སྐར་རྒྱལ་གྱིས་མཁན་པོ་གནས་ལེན་གྱི་བུ་གཞན་དུ་འགྲོའོ་ཞེས་ཐོས་ནས། དེ་དེའི་གན་དུ་སོང་སྟེ་ཕྱིན་ནས། སྨྲས་པ། བདག་ནི་གློ་བུར་དུ་འོངས་པ་ཡིན་པས་རིང་པོ་མི་ཐོགས་པ་ཁོ་ནར་འགྲོ་སྟེ། འདི་ཁྱོད་ཉིད་ཀྱི་རྒོལ་བའི་ལོངས་སྤྱོད་དུ་འགྱུར་གྱིས། གཞན་དུ་མ་འགྲོ་བར་འདུག་ཅིག་།དེས་སྨྲས་པ། བྲམ་ཟེའི་ཁྱེའུ་འགྲོའོ། །མཁན་པོ་གལ་ཏེ་དེ་ལྟ་ན། གྲོང་འདི་ཕྱེད་ཁྱོད་སྣོམས་ཤིག་།ཕྱེད་བདག་འཚལ་ལོ། །བྲམ་ཟེ་གནས་ལེན་གྱི་བུས་བསམས་པ། བདག་གིས་རྒྱལ་པོ་འདི་ལ་ཕན་མང་དུ་བཏགས་ན། རྒྱལ་པོ་འདིས་བདག་རྗེས་སུ་མ་བསྲུངས་ཏེ། འདི་ལྟར་བྲམ་ཟེ་སྐར་རྒྱལ་འདིས་བདག་ལ་འདི་ལྟ་སྟེ། ལོངས་སྤྱོད་དག་གིས་ལོངས་སྤྱོད་ཀྱི་བགོ་བཤའ་བྱས་པ་ནི། ཕན་མང་དུ་
Ka18a
༄#། །བཏགས་པ་ཡིན་གྱིས། འདི་ལ་ཤཱ་རི་ཀཱ་དེ་ཆུང་མའི་དོན་དུ་སྦྱིན་ནོ་སྙམ་ནས། དེས་ཆུང་མ་ལ་སྨྲས་པ། བཟང་མོ་ཁོ་བོས་རྒྱལ་པོ་འདི་ལ་ཕན་མང་དུ་བཏགས་ན། རྒྱལ་པོ་འདིས་ཁོ་བོ་རྗེས་སུ་མ་བསྲུངས་ཏེ། འདི་ལྟར་བྲམ་ཟེ་སྐར་རྒྱལ་འདིས་ཁོ་བོ་ལ་འདི་ལྟ་སྟེ། ལོངས་སྤྱོད་དག་གིས་ལོངས་སྤྱོད་ཀྱིས་བགོ་བཤའ་བྱས་པ་འདི་ནི་ཕན་མང་དུ་བཏགས་པ་ཡིན་གྱིས། འདི་ལ་ཤཱ་རི་ཀཱ་དེ་ཆུང་མའི་དོན་དུ་སྦྱིན་ནོ། །དེས་སྨྲས་པ། བྲམ་ཟེའི་ཁྱེའུ་སྟོད་རིངས་ལ་དྲིའོ། །དེ་གཉིས་ཀྱིས་དེ་བོས་ཏེ་སྨྲས་པ། བུ་བདག་ཅག་གིས་རྒྱལ་པོ་འདི་ལ་ཕན་མང་དུ་བཏགས་ན། རྒྱལ་པོ་འདིས་བདག་ཅག་རྗེས་སུ་མ་བསྲུངས་ཏེ། འདི་ལྟར་བྲམ་ཟེ་སྐར་རྒྱལ་འདིས་བདག་ཅག་ལ་འདི་ལྟ་སྟེ། ལོངས་སྤྱོད་དག་གིས་ལོངས་སྤྱོད་ཀྱི་བགོ་བཤའ་བྱས་པ་ནི་ཕན་མང་དུ་བཏགས་པ་ཡིན་གྱིས། འདི་ལ་ཤཱ་རི་ཀཱ་དེ་ཆུང་མའི་དོན་དུ་སྦྱིན་པར་བྱའོ། །དེས་སྨྲས་པ། ཡབ་ཡུམ་དེ་ལྟར་དགྲ་བོ་ལ་མཛའ་བཤེས་སུ་བགྱིས་ན་འདི་ལྟ་སྟེ། དེས་ལོངས་སྤྱོད་རྣམས་ལས་ཉམས་པར་བགྱིད་པའམ་ཐམས་ཅད་ཀྱི་ཐམས་ཅད་དུ་སྲོག་དང་དབྲལ་བར་བགྱིད་པར་ཡང་འགྱུར་ལ། དེས་བདག་ཅག་ལོངས་སྤྱོད་དག་ལས་ཉམས་པར་བགྱིས་ན། ཅིའི་སླད་དུ། སྐོལ་གྱིས་འདི་ལ་ཤཱ་རི་ཀཱ་མཆིས་བྲང་གི་དོན་དུ་སྩལ་བར་བགྱི། དེ་གཉིས་ཀྱིས་སྨྲས་པ། བླུན་པོ་ཁྱོད་ཅི་ཤེས་ཞེས་དེ་གཉིས་ཀྱིས་དེའི་ཚིག་ཚིག་མ་ཡིན་པར་བྱས་ཏེ། ཤཱ་རི་ཀཱ་བྲམ་ཟེ་སྐར་རྒྱལ་ལ་ཆུང་མའི་དོན་དུ་བྱིན་ནོ། །དེས་དེ་དཔལ་གྱི་འབྱོར་བ་ཆེན་པོས་བག་མར་བླངས་
Ka18b
སོ། །བྲམ་ཟེའི་ཁྱེའུ་སྟོད་རིངས་ཀྱིས་བསམས་པ། འདི་དག་གིས་བདག་ལ་བརྙས་པར་གྱུར་པ་གང་ཡིན་པ་དེ་ཐམས་ཅད་ནི་ཐོས་པ་ཉུང་བ་ལས་གྱུར་པ་ཡིན་ནོ་སྙམ་ནས། འདི་ལྟར་བྲམ་ཟེ་སྐར་རྒྱལ་ཅི་ཞིག་ཤེས་སྙམ་ན། འཇིག་རྟེན་རྒྱང་པན་ཤེས་སོ་སྙམ་ནས། དེས་སྨྲས་པ། ཤེས་ལྡན་དག་འཇིག་རྟེན་རྒྱང་པན་ཤེས་པ་ག་ལ་ཡོད། ལྷོ་ཕྱོགས་ནའོ། །དེ་འཇིག་རྟེན་རྒྱང་པན་གྱི་དོན་དུ་ལྷོ་ཕྱོགས་སུ་འཕགས་ནས། དེ་མཐར་གྱིས་ལྷོ་ཕྱོགས་སུ་ཕྱིན་པ་དང ། དེ་དེར་སོང་སྟེ་དྲིས་པ། ཤེས་ལྡན་དག་འཇིག་རྟེན་རྒྱང་པན་ཤེས་པ་སུ་དག་ཡིན། ཀུན་ཏུ་རྒྱུ་དག་གོ་།དེ་དེ་དག་གི་གན་དུ་སོང་སྟེ་ཕྱིན་ནས་སྨྲས་པ། ཤེས་ལྡན་དག་གི་ཞབས་ལ་སྲི་ཞུ་བགྱིད་པར་འཚལ་ལོ། །ཅི་ཞིག་གི་ཕྱིར་འཇིག་རྟེན་རྒྱང་ཕན་གཟུང་བའི་སླད་དུའོ། །དེ་དག་གིས་སྨྲས་པ། ཁོ་བོ་ཅག་ནི་ཁྱིམ་པ་ལ་འཇིག་རྟེན་རྒྱང་པན་མི་སྟོན་ཏོ། །དེས་སྨྲས་པ། གལ་ཏེ་དེ་ལྟ་ན་རབ་ཏུ་འབྱུང་ངོ ། །དེ་དག་གིས་དེ་རབ་ཏུ་བྱུང་ནས། དེས་བདག་གིས་ཇི་སྲིད་དུ་འཇིག་རྟེན་རྒྱང་ཕན་མ་བཟུང་བ་དེ་སྲིད་དུ་བདག་གི་སེན་མོ་མི་གཅད་དོ་ཞེས་དེས་སེན་མོ་རིང་པོ་རིང་པོར་བཞག་ནས། དེའི་སེན་མོ་རིང་བ་རིང་བར་འགྱུར་བས། དེའི་མིང་ཀུན་ཏུ་རྒྱུ་སེན་རིངས་ཀུན་ཏུ་རྒྱུ་སེན་རིངས་ཞེས་བྱ་བར་གྱུར་ཏོ། །ཤཱ་རི་ཀཱ་ཡང་བྲམ་ཟེ་སྐར་རྒྱལ་དང་ལྷན་ཅིག་འགྱེད་པར་བྱེད་པ་ན། སྐར་རྒྱལ་གྱིས་དེ་ཚར་བཅད་དོ། །བྲམ་ཟེ་སྐར་རྒྱལ་ཤཱ་རི་ཀཱ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པན། སེམས་ཅན་སྲིད་པ་ཐ་མ་ལ་སྤྱོད་པ་ཚོལ་པ། ཐར་པའི་སྙིང་པོ་བཟུང་པ་མྱ་ངན་ལས་འདས་པར་ཕྱོགས་པ། འཁོར་བ་ལས་ཕྱིར་ཕྱོགས་པ། སྲིད་པའི་འགྲོ་བ་ཐམས་ཅད་དུ་འཆི་འཕོ་དང་སྐྱེ་བ་དོན་དུ་
Ka19a
༄#། །མི་གཉེར་བ་ལུས་ཐ་མ་འཛིན་པ་ཞིག་ཀྱང་ལྷའི་རིས་བཟང་པོ་ཞིག་ནས་ཤི་འཕོས་ཏེ། ཤཱ་རི་ཀཱའི་མངལ་དུ་ཞུགས་སོ། །ཤཱ་རི་ཀཱ་ས་རྨི་ལམ་དུ་མི་ལག་ན་སྒྲོན་མ་ཐོགས་པ་ཞིག་གིས་བདག་གི་དཀུ་དྲལ་ཏེ། ཞུགས་ཤིང་བདག་རི་ཆེན་པོའི་སྤོ་ལ་འཛེག་གོ་།བདག་སྟེང་གི་ནམ་མཁའ་ལ་འགྲོའོ། །བདག་ལ་སྐྱེ་བོ་ཕལ་པོ་ཆེའི་ཚོགས་ཕྱག་འཚལ་ལོ། །ཞེས་ཟེར་བ་རྨིས་སོ། ། རྨིས་ནས་དེས་བྲམ་ཟེ་སྐར་རྒྱལ་ལ་སྨྲས་པ། བདག་གིས་རྨི་ལམ་འདི་དང་འདི་ལྟ་བུ་ཞིག་རྨིས་སོ། །འདི་ལྟར་བྲམ་ཟེ་སྐར་རྒྱལ་ཉིད་རྨི་ལྟས་ཀྱི་དཔྱད་ལ་མཁས་པ་ཡིན་མོད་ཀྱི། དེས་བྲམ་ཟེ་རྨི་ལྟས་ཀྱི་དཔྱད་འདོན་བ་གཞན་དག་ལ་སྨྲས་པ། བདག་གི་བྲམ་ཟེ་མོས་རྨི་ལམ་འདི་དང་འདི་ལྟ་བུ་ཞིག་རྨིས་ན་ཅི་ལ་ལྟ། དེ་དག་གིས་སྨྲས་པ། མཁན་པོ་གཡར་ལམ་དེ་བཟང་སྟེ། མི་ལག་ན་སྒྲོན་མེ་ཐོགས་པ་ཞིག་གིས་དཀུ་དྲལ་ཏེ་ཞུགས་ཞེས་མཆི་བ་ནི་པུ་བཙའ་བར་འགྱུར་ཞིང ། དེས་ལོ་བརྒྱད་གཉིས་ཀྱིས་དབང་པོའི་བརྡ་སྤྲོད་པ་བཀླག་ནས། རྒོལ་བ་ཐམས་ཅད་ཚར་གཅོད་པར་འགྱུར་བ་ལ་ལྟའོ། །བདག་རི་ཆེན་པོའི་སྤོ་ལ་འཛེག་གོ་།བདག་སྟེང་གི་ནམ་མཁའ་ལ་འགྲོའོ། །བདག་ལ་སྐྱེ་བོ་ཕལ་པོ་ཆེའི་ཚོགས་ཕྱག་འཚལ་ལོ་ཞེས་མཆི་བ་གང་ལགས་པ་ནི། རབ་ཏུ་བྱུང་ནས་བརྟུལ་ཞུགས་གྲུབ་པའི་བདག་ཉིད་ཆེན་པོར་འགྱུར་བ་ལ་ལྟའོ། །དུས་གཞན་ཞིག་ན་བྲམ་ཟེ་སྐར་རྒྱལ་ཤཱ་རི་ཀཱ་དང་ལྷན་ཅིག་འགྱེད་པར་བྱེད་པན། ཤཱ་རི་ཀཱས་དེ་ཚར་བཅད་ནས། དེས་བསམས་པ། སྔོན་བདག་གིས་འདི་ཚར་བཅད་ནད་འདིས་
Ka19b
བདག་ཚར་གཅད་པའི་སྦྱོར་བ་གང་ཡིན་སྙམ་ནས། དེས་བསམས་པ། དེ་ནི་འདིའི་མཐུ་མ་ཡིན་གྱི། འདི་ལྟར་འདིའི་མངལ་དུ་སེམས་ཅན་ཞུགས་པ་གང་ཡིན་པ་དེའི་མཐུ་ཡིན་ནོ་སྙམ་མོ། །དེ་ནས་ཟླ་བ་བརྒྱད་དམ་དགུ་འདས་ཏེ། ཁྱེའུ་གཟུགས་བཟང་བ་བལྟ་ན་སྡུག་པ་མཛེས་པ་གསལ་བ་གསེར་གྱི་མདོག་འདྲ་བ། མགོ་གདུགས་ལྟ་བུ་དང་ལྡན་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ་ཞིག་བཙས་སོ། །བཙས་ནས་དེས་བྲམ་ཟེ་སྐར་རྒྱལ་ལ་སྨྲས་པ། བྲམ་ཟེའི་ཁྱེའུ་འདི་མེས་པོའི་གན་དུ་ཕུལ་ན། དེ་འདིའི་མིང་འདོགས་པར་འགྱུར་རོ། །དེ་མེས་པོའི་གན་དུ་ཁྲིད་པ་དང ། དེས་ཁྱེའུའི་མིང་ཅིར་གདགས་ཞེས་བསམས་ན། བྲམ་ཟེའི་ཁྱེའུ་འདི་བྲམ་ཟེ་སྐར་རྒྱལ་གྱི་པུ་ཡིན་པས། བྲམ་ཟེའི་ཁྱེའུ་འདིའི་མིང་ཉེ་རྒྱལ་དུ་གདགས་སོ་སྙམ་ནས། དེའི་མིང་ཉེ་རྒྱལ་ཞེས་བྱ་བར་བཏགས་སོ། །བྲམ་ཟེ་སྐར་རྒྱལ་གྱིས་སྨྲས་པ། མེས་པོས་བྲམ་ཟེའི་ཁྱེའུ་འདིའི་མིང་ཅིར་གདགས། ཉེ་རྒྱལ་ཞེས་བྱ་བར་གདགས་སོ། །དེས་བསམས་པ། མེས་པོས་བྲམ་ཟེའི་ཁྱེའུ་འདིའི་མིང་ཕ་ལས་དྲས་ཏེ་བཏགས་ཀྱིས། བདག་གིས་འདིའི་མིང་མ་ལས་དྲས་ཏེ་གདགས་སོ་སྙམ་ནས། བྲམ་ཟེའི་ཁྱེའུ་འདི་མ་ཤཱ་རི་ཀའི་བུ་ཡིན་པས་འདིའི་མིང་ཤཱ་རིའི་བུར་གདགས་སོ་སྙམ་ནས། དེའི་མིང་ཤཱ་རིའི་བུ་ཞེས་བྱ་བར་བཏགས་སོ། །དེ་ན་ཁ་ཅིག་གིས་བྲམ་ཟེའི་ཁྱེའུ་ཤཱ་རིའི་བུ་ཞེས་བྱ་བར་ཤེས་སོ། །ཁ་ཅིག་གིས་ནི་བྲམ་ཟེའི་ཁྱེའུ་ཉེ་རྒྱལ་ཞེས་བྱ་བར་ཤེས་སོ། །བྲམ་ཟེའི་ཁྱེའུ་ཉེ་རྒྱལ་མ་མ་བརྒྱད་པོ་པང་ན་འཚོ་བའི་མམ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་
Ka20a
༄#། །མ་མ་གཉིས་དང ། རྩེ་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད་སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང ། གྲངས་དང ། རྩིས་དང་ལག་རྩིས་དང ། དབྱུང་བ་དང་གཞུག་པ་དང ། གཞག་པ་དང ། འབྱེད་པ་དང ། ཀློག་པའི་ཕ་རོལ་ཏུ་སོན་ཅིང་དེའི་ཚེ་ན། བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྦྲ་དང ། ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུམ་བླང་བ་དང ། ས་བླང་བ་དང ། ལག་སྟངས་དང ། ཐོར་ཚུགས་དང ། རབ་བསྔགས་བྱ་བ་དང ། ཀྱེ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། བྲམ་ཟེའི་ལས་དྲུག་པོ་མཆོད་སྦྱིན་བྱེད་པ་དང ། མཆོད་སྦྱིན་བྱེད་དུ་འཇུག་པ་དང ། ཀློག་པ་དང ། ཀློག་ཏུ་འཇུག་པ་དང ། སྦྱིན་པ་དང ། ལེན་པ་ལ་མཁས་པའི་བྲམ་ཟེའི་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པའི་མེ་ལྟ་བུའི་ཤེས་པས་རང་གི་སྨྲ་བ་གསལ་བར་བྱེད་པ། གཞན་གྱི་སྨྲ་བ་ཚར་གཅོད་ནུས་པར་གྱུར་ཏོ། །དེ་ཕས་རིག་པའི་གནས་ཐམས་ཅད་སློབ་ཏུ་བཅུག་ནས། དེ་ལོ་བརྒྱད་གཉིས་ཀྱིས་དབང་པོའི་བརྡ་སྤྲོད་པ་བཀླགས་ནས་རྒོལ་བ་ཐམས་ཅད་ཚར་བཅད་པར་གྱུར་ཏོ། །དེ་དུས་གཞན་ཞིག་ན་ཕ་དང་
Ka20b
ལྷན་ཅིག་རིག་བྱེད་འདོན་པར་བྱེད་པན་སྨྲས་པ། ཡབ་སྨྲས་པ་འདིའི་དོན་ཅི་ལགས། བུ་ཁོ་བོས་ཀྱང་སྨྲས་པ། འདིའི་དོན་མི་ཤེས་ཏེ། འདི་ལྟར་གསང་ཚིག་གི་གཞི་འདི་དག་ནི་སྔོན་གྱི་དྲང་སྲོང་རྣམས་ཀྱིས་བསྟོད་པ། བསྒྲགས་པ། ཡང་དག་པར་སྦྱར་བ་སྟེ། དེ་དག་ནི་ད་ལྟར་བྲམ་ཟེ་རྣམས་ཀྱང་རྗེས་སུ་སྒྲོགས་ཤིང་རྗེས་སུ་རྗོད་པར་བྱེད་དོ། །ཡབ་གསང་ཚིག་གི་གཞི་སྔོན་གྱི་དྲང་སྲོང་དེ་རྣམས་ཀྱིས་བསྟོད་པ། བསྒྲགས་པ།་ཡང་དག་པར་སྦྱར་བ་གང་དག་ད་ལྟར་བྲམ་ཟེ་རྣམས་རྗེས་སུ་སྒྲོགས་ཤིང་རྗེས་སུ་རྗོད་པ་དེ་དག་དོན་མ་མཆིས་ལགས་སྙམ་མམ། ཅི་འདི་ལྟར་སྨྲས་པ། འདིའི་དོན་ནི་འདི་ལགས་སོ། །སྨྲས་པ། འདིའི་དོན་ནི་འདི་ལགས་སོ། །བྲམ་ཟེ་སྐར་རྒྱལ་ཡིད་དགའ་ཞིང་ཡིད་དགའ་ནས་བསམས་པ། དུས་བྱ་བ་ནི་འདི་ལྟ་སྟེ། ངའི་གཞུང་སྲོངས་པར་བྱ་བའམ། ཁྱད་པར་ལྷག་པར་རྟོགས་པར་བྱ་བ་དེ་ཙམ་དུ་ཟད་ན། བྲམ་ཟེའི་ཁྱེའུ་འདིས་ནི་བདག་པས་ཁྱད་པར་ལྷག་པར་རྟོགས་སོ་སྙམ་ནས། དེ་བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་དག་ཀློག་ཏུ་འཇུག་པ་དེ་དག་ཀྱང་དེས་ཡིད་དགའ་ཞིང་ཡིད་དགའ་བས་དེ་ཉིད་ལ་གཏད་དོ། །བྲམ་ཟེའི་ཁྱེའུ་ཉེ་རྒྱལ་བྲམ་ཟེ་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་དག་ཀློག་ཏུ་འཇུག་པན། དེས་རིག་བྱེད་རིང་པོ་རིང་པོ་གང་དག་ཡིན་པ་དེ་དག་ནི་ཐུང་ངུར་རྣམ་པར་བཞག་གོ་།རིག་བྱེད་ཐུང་ངུ་ཐུང་ངུ་གང་དག་ཡིན་པ་དེ་དག་ནི་རིང་པོར་རྣམ་པར་བཞག་སྟེ། ཚིག་དང་ཡི་གེ་འདྲི་ཞིང་དོན་དང་ངེས་པའི་ཚིག་ཏུ་རྣམ་པར་བཞག་གོ། །།འདུལ་བ་གཞི། བམ་པོ་གཉིས་པ། གྲོང་ཤིང་ཐགས་
Ka21a
༄#། །ཅན་ན། བྲམ་ཟེ་འདུན་ན་འདོན་གྲུ་འཛིན་ཅེས་བྱ་བ་ཕྱུག་པ་ནོར་མང་བ་ལོངས་སྤྱོད་ཆེ་བ། ཡོངས་སུ་གཟུང་བ། ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེ་ལ་བུ་ཡང་མེད་བུ་མོ་ཡང་མེད་ནས། དེ་བུ་མེད་ཅིང་བུ་མངོན་པར་འདོད་པས། ཞི་བ་དང ། ཆུ་ལྷ་དང ། ལུས་ངན་དང ། བརྒྱ་བྱིན་དང ། ཚངས་པ་ལ་སོགས་བ་དག་ལ་གསོལ་པ་འདེབས་ཤིང་ལྷའི་བྱེ་བྲག་གཞན་འདི་ལྟ་སྟེ། ཀུན་དགའ་ར་བའི་ལྷ་དག་དང ། ཚལ་གྱི་ལྷ་དག་དང ། བཞི་མདོའི་ལྷ་དག་དང ། སུམ་མདོའི་ལྷ་དག་དང ། གཏོར་མ་ལེན་པའི་ལྷ་དག་དང ། ལྷན་ཅིག་སྐྱེས་པའི་ལྷ་དག་དང ། ཆོས་མཐུན་པ་དག་དང ། རྟག་ཏུ་རྗེས་སུ་འབྲེང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན་གང་ལ་གསོལ་བ་འདེབས་པའི་རྒྱུ་ལས་བུ་དང་བུ་མོ་དག་སྐྱེའོ་ཞེས་བྱ་བའི་གཏམ་དེ་ལྟ་བུ་ཡོད་དེ། དེ་ནི་དེ་ལྟ་མ་ཡིན་ཏེ། གལ་ཏེ་དེ་ལྟར་འགྱུར་དུ་ཟིན་ན། རེ་རེ་ལ་ཡང་འདི་ལྟ་སྟེ། དཔེར་ན། འཁོར་ལོས་སྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འདི་ལྟར་གནས་གསུམ་པོ་དག་མངོན་དུ་གྱུར་པ་ལས་བུ་ཕོ་དང་བུ་མོ་དག་སྐྱེ་བར་འགྱུར་ཏེ། གསུམ་པོ་དེ་དག་གང་ཞེ་ན། ཕ་དང་མ་གཉིས་ཆགས་པར་གྱུར་ཅིང་འདུས་པ་དང ། མ་དུས་ལ་བབ་ཅིང་ཟླ་
Ka21b
མཚན་དང་ལྡན་པ་དང ། དྲི་ཟ་ཉེ་བར་གནས་ཤིང་འཇུག་འདོད་པ་སྟེ་གནས་གསུམ་པོ་དེ་དག་མངོན་དུ་གྱུར་པ་ལས། བུ་དང་བུ་མོ་དག་སྐྱེ་བར་འགྱུར་རོ། །དེ་དེ་ལྟར་གསོལ་པ་འདེབས་པ་ལྷུར་ལེན་ཅིང་འདུག་པ་ན། སེམས་ཅན་སྲིད་པ་ཐ་མ་པ་སྤྱོད་པ་ཚོལ་བ། ཐར་པའི་སྙིང་པོ་བཟུང་བ་མྱ་ངན་ལས་འདས་པ་ལ་ཕྱོགས་པ། འཁོར་བ་ལས་ཕྱིར་ཕྱོགས་པ། སྲིད་པའི་འགྲོ་བ་ཐམས་ཅད་དུ་འཆི་འཕོ་དང ། སྐྱེ་བ་དོན་དུ་མི་གཉེར་བ། ལུས་ཐ་མ་འཛིན་པ་ཞིག་ཀྱང་ལྷའི་རིས་བཟང་པོ་ཞིག་ནས་ཤི་འཕོས་ཏེ། དེའི་སྐྱེ་དགུའི་བདག་མོའི་མངལ་དུ་ཞུགས་སོ། །བུད་མེད་ཀྱི་ཡུལ་མཁས་པའི་རང་བཞིན་ཅན་ལ་ལ་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་འགྱུར་བ་ཤེས་ཤིང་ཆགས་པ་དང་བྲལ་བ་ཤེས་པ་དང ། དུས་ཤེས་ཤིང་ཟླ་མཚན་ཤེས་པ་དང ། མངལ་ན་གནས་པ་ཞུགས་པ་ཤེས་པ་དང ། གང་ལས་མངལ་ན་གནས་པ་ཞུགས་པ་དེ་ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན་དཀུ་གཡས་པར་བརྟེན་ཅིང་འདུག་ལ། གལ་ཏེ་བུ་མོ་ཡིན་ན་དཀུ་གཡོན་པར་བརྟེན་ཅིང་འདུག་པའོ། །དེ་ཡིད་དགའ་ཞིང་ཡིད་དགའ་ནས་ཁྱིམ་ཐབ་ལ་སྨྲས་པ། རྗེའི་སྲས་བདག་ལ་སེམས་ཅན་ཞུགས་པར་གྱུར་པ་ནི་འདི་ལྟར་བདག་གི་དཀུ་གཡས་པར་བརྟེན་ཅིང་མཆིས་པས། ངེས་པར་ཁྱེའུར་འགྱུར་གྱིས་དགྱེས་པ་བསྐྱེད་དུ་གསོལ། དེ་ཡང་ཡིད་དགའ་ཞིང་ཡིད་དགའ་ནས་རོ་སྟོད་བསྲང་སྟེ་ལག་པ་གཡས་པ་བརྐྱང་ནས་འདི་སྐད་ཅེས། ཁོ་བོ་ཡུན་རིང་པོ་ནས། མངོན་པར་འདོད་པའི་བུའི་ངོ་མཐོང་བ་
Ka22a
༄#། །དང ། ཁོ་བོ་དང་མཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང ། ཁོ་བོའི་བྱ་བ་དག་བྱེད་བ་དང ། གསོས་པས་ཕྱིར་གསོ་བ་དང ། བགོ་སྐལ་ལ་སྤྱོད་པ་དང ། ཁོ་བོའི་རིགས་རྒྱུད་རིང་དུ་གནས་པར་བསྒྲུབ་པ་དང ། བདག་ཅག་ཤི་ཞིང་དུས་ལ་བབ་པ་དག་ལ་ཉུང་ངུའམ། མང་པོ་ཡང་རུང་བའི་སྦྱིན་པ་དག་བྱིན་ཞིང་བསོད་ནམས་དག་བྱས་ནས། འདི་དེ་གཉིས་གང་དུ་སྐྱེས་ཤིང་འགྲོ་བའི་རྗེས་སུ་འགྲོ་བར་གྱུར་ཅིག་ཅེས་མིང་གིས་ཡོན་བསྔོ་བར་བྱེད་པར་གྱུར་ཅིག་ཅེས་ཆེད་དུ་བརྗོད་པ་ཆེད་དུ་རྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས་འདི་ལྟ་སྟེ།་མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར། སྟེང་གི་ཁང་བཟང་གི་གཞིར་གྲང་བ་ན་གྲང་བའི་ཡོ་བྱད་དག་དང ། དྲོ་བ་ན་དྲོ་བའི་ཡོ་བྱད་དག་དང ། སྨན་པས་བཅས་པའི་ཟས་ཧ་ཅང་ཡང་མི་ཁ་བ་དང ། ཧ་ཅང་ཡང་མི་སྐྱུར་བ་དང ། ཧ་ཅང་ལན་ཚཝ་མི་ཆེ་བ་དང ། ཧ་ཅང་མི་མངར་བ་དང ། ཧ་ཅང་མི་ཚ་བ་དང ། ཧ་ཅང་མི་བསྐ་བ་དང ། ཁ་བ་དང ། སྐྱུར་བ་དང ། ལན་ཚཝ་དང ། མངར་བ་དང ། ཚ་བ་དང ། བསྐ་བ་རྣམ་པར་སྤངས་པའི་ཟས་དག་དང ། དོ་ཤལ་དང ། སེན་མོ་དོ་དང ། རྒྱན་གྱིས་ཀླུབས་པའི་ལུས་ལྷའི་བུ་མོ་དགའ་བའི་ཚལ་ན་རྣམ་པར་སྤྱོད་པ་ལྟ་བུ་དང ། ཁྲི་ནས་ཁྲིར་དང་ཁྲིའུར་ནས་ཁྲིའུར་རྒྱུ་ཞིང་ཤོད་ཀྱི་ས་གཞིར་མི་འབབ་པ་དང ། དེས་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་གནོད་པ་མེད་པ་ཉིད་དུ་རིམ་གྲོ་བྱེད་དུ་འཛུད་དོ། །
Ka22b
དེ་ཟླ་བ་བརྒྱད་དམ་དགུ་འདས་ཏེ། ཁྱེའུ་གཟུགས་བཟང་བ་བལྟ་ན་སྡུག་པ། མཛེས་པ་གསལ་བ་གསེར་གྱི་མདོག་འདྲ་བ། མགོ་གདུགས་ལྟ་བུ་དང་ལྡན་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ་ཞིག་བཙས་སོ། །བཙས་ནས་དེའི་ཉེ་དུ་དག་འདུས་ཤིང་ལྷགས་ནས། ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུའི་མིང་ཅིར་གདགས་ཤེས་མིང་འདོགས་པར་བྱེད་དོ། །ཁྱེའུ་འདི་ལྷ་པང་དུ་བླངས་ནས་ཐོབ་པས། བྲམ་ཟེའི་ཁྱེའུ་འདིའི་མིང་བད་ནས་སྐྱེས་སུ་གདགས་སོ་སྙམ་ནས ། དེའི་མིང་པང་ནས་སྐྱེས་ཞེས་བྱ་བར་བཏགས་སོ། །གཞན་ཡང་མོའུ་དགལ་ཡ་ནའི་རིགས་ཡིན་པས་བྲམ་ཟེའི་ཁྱེའུ་འདིའི་མིང་མོའུ་དགལ་གྱི་བུར་གདགས་སོ་སྙམ་ནས། དེའི་མིང་མོའུ་དགལ་གྱི་བུ་ཞེས་བྱ་བར་ཡང་བཏགས་སོ། །དེ་ན་ཁ་ཅིག་གིས་ནི་བྲམ་ཟེའི་ཁྱེའུ་མོའུ་དགལ་གྱི་བུ་ཞེས་བྱ་བར་ཤེས་སོ། །ཁ་ཅིག་གིས་ནི་བྲམ་ཟེའི་ཁྱེའུ་བང་ནས་སྐྱེས་ཞེས་བྱ་བར་ཤེས་སོ། །བྲམ་ཟེའི་ཁྱེའུ་པང་ནས་སྐྱེས་མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེ་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་སར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིད་བར་བྱེད། སྐྱེད་བར་བྱེད་ཅིང ། རྫིང་ན་གནས་པའི་
Ka23a
༄#། །པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ། ཡི་གེ་དང ། གྲངས་དང ། རྩིས་དང ། དབྱུང་བ་དང ། གཞུག་པ་དང ། གཞག་པ་དང ། འབྱེད་པ་དང ། ཀློག་པའི་ཕ་རོལ་ཏུ་སོན་ཅིང ། དེའི་ཚེ་ན་བྲམ་ཟེའི་སྤྱོད་ཚུལ་དང ། སྤྱོད་པ་དང ། གཙང་སྦྲ་དང ། ཀུན་ཏུ་སྤྱོད་པ་དང ། ཐལ་བ་བླང་བ་དང ། བྱ་མ་བུམ་བླང་བ་དང ། ས་བླང་བ་དང ། ལག་སྟངས་དང ། ཐོར་ཚུགས་དང ། རབ་བསྔགས་བྱ་བ་དང ། ཀྱེ་ཞེས་བྱ་བ་དང ། ངེས་བརྗོད་ཀྱི་རིག་བྱེད་དང ། མཆོད་སྦྱིན་གྱི་རིག་བྱེད་དང ། སྙན་ཚིག་གི་རིག་བྱེད་དང ། སྲིད་སྲུང་གི་རིག་བྱེད་དང ། བྲམ་ཟེའི་ལས་དྲུག་པོ་མཆོད་སྦྱིན་བྱེད་པ་དང ། མཆོད་སྦྱིན་བྱེད་དུ་འཇུག་པ་དང ། ཀློག་པ་དང ། ཀློག་ཏུ་འཇུག་པ་དང ། སྦྱིན་པ་དང ། ལེན་པ་ལ་མཁས་པའི་བྲམ་ཟེའི་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་སོན་པ་མེ་ལྟ་བུའི་ཤེས་པས་རང་གི་སྨྲ་བ་གསལ་བར་བྱེད་པ། གཞན་གྱི་སྨྲ་བ་ཚར་གཅོད་ནུས་པར་གྱུར་ཏོ། །དེ་ཕས་རིག་པའི་གནས་ཐམས་ཅད་སློབ་ཏུ་བཅུག་གོ། །དེ་དུས་གཞན་ཞིག་ན་ཕ་དང་ལྷན་ཅིག་རིག་བྱེད་འདོན་པར་བྱེད་པ་ན་སྨྲས་པ། ཡབ་འདིའི་དོན་ཅི་ལགས། བུ། ཁོ་བོས་ཀྱང་སྨྲས་པ། འདིའི་དོན་མི་ཤེས་ཏེ། འདི་ལྟར་གསང་ཚིག་གི་གཞི་འདི་དག་ནི་སྔོན་གྱི་དྲང་སྲོང་རྣམས་ཀྱིས་བསྟོད་པ་བསྒྲགས་པ་ཡང་དག་པར་སྦྱར་བ་སྟེ། དེ་དག་ནི་ད་ལྟར་བྲམ་ཟེ་རྣམས་ཀྱང་རྗེས་སུ་སྒྲོགས་ཤིང་རྗེས་སུ་རྗོད་པར་བྱེད་དོ། །ཡབ་གསང་ཚིག་གི་གཞི་སྔོན་གྱི་དྲང་སྲོང་རྣམས་ཀྱིས་
Ka23b
བསྟོད་པ་བསྒྲགས་པ་ཡང་དག་པར་སྦྱར་བ་གང་དག་ད་ལྟར་བྲམ་ཟེ་རྣམས་རྗེས་སུ་སྒྲོགས་ཤིང ། རྗེས་སུ་བརྗོད་པ་དེ་དག་དོན་མ་མཆིས་པ་ལགས་སྙམ་མམ། ཅི་འདི་ལྟར་སྨྲས་པ། འདིའི་དོན་ནི་འདི་ལགས་སོ། ། བྲམ་ཟེ་གྲུ་འཛིན་ཡིད་དགའ་ཞིང་ཡིད་དགའ་ནས་བསམས་པ། བུའི་བྱ་བ་ནི་འདི་ལྟ་སྟེ་ཕའི་གཞུང་སྲོངས་པར་བྱ་བའམ། ཁྱད་པར་ལྷག་པར་རྟོགས་པར་བྱ་བ་དེ་ཙམ་དུ་ཟད་ན། བྲམ་ཟེའི་ཁྱེའུ་འདིས་ནི་བདག་པས་ཁྱད་པར་ལྷག་པར་རྟོགས་སོ་སྙམ་ནས། བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་དག་ཀློག་ཏུ་འཇུག་པ་དེ་དག་ཀྱང ། དེས་ཡིད་དགའ་ཞིང་ཡིད་དགའ་བས་དེ་ཉིད་ལ་གཏད་དོ། །བྲམ་ཟེའི་ཁྱེའུ་པང་ནས་སྐྱེས་བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་དག་ཀློག་ཏུ་འཇུག་གོ། བྲམ་ཟེའི་ཁྱེའུ་རྣམས་ཀྱིས་ཀུན་ཏུ་སྤྱོད་པ་ནི་འདི་ཡིན་ཏེ། གང་གི་ཚེ་མི་ཀློག་པར་གྱུར་པ་དེའི་ཚེ་ན། ལན་འགའ་ནི་ཆུ་ངོགས་སུ་ཉེ་རེག་བྱེང་\་BYཱེཌ\་དུ་འདོང་ངོ ། །ལན་འགའ་ནི་གྲོང་ཁྱེར་ལྟར་འདོང་ངོ ། །ལན་འགའ་ནི་ཡམ་སྲེག་ཤིང་ཐུར་འདོང་ངོ ། །ཇི་ཙམ་དུས་གཞན་ཞིག་ན་དེ་དག་མི་ཀློག་པར་གྱུར་ནས་དེའི་ཚེ་དེ་དག་གྲོང་ཁྱེར་ལྟར་དོང་བ་དང ། བྲམ་ཟེའི་ཁྱེའུ་ཉེ་རྒྱལ་གྱིས་བྲམ་ཟེའི་ཁྱེའུ་དག་གསང་ཚིག་དག་ཀློག་ཅིང་མདུན་དུ་འདོང་ངོ ། །བྲམ་ཟེའི་ཁྱེའུ་པང་ནས་སྐྱེས་ཀྱི་བྲམ་ཟེའི་ཁྱེའུ་དག་ཀྱང་གསང་ཚིག་དག་ཀློག་ཅིང་ཕྱི་བཞིན་འབྲང་ཞིང་འདོང་ངོ ། །བྲམ་ཟེའི་ཁྱེའུ་པང་ནས་སྐྱེས་ཀྱི་བྲམ་ཟེའི་ཁྱེའུ་དེ་དག་གིས་བྲམ་ཟེའི་ཁྱེའུ་ཉེ་རྒྱལ་གྱིས་བྲམ་ཟེའི་ཁྱེའུ་དེ་དག་གསང་ཚིག་གི་གཞི་དག་ཀློག་པ་ཐོས་ནས་དེ་དག་གིས་སྨྲས་པ། ཅིའི་ཕྱིར་ཁྱེད་ཅག་
Ka24a
༄#། །གསང་ཚིག་གི་གཞི་དག་ཉམས་པར་བྱས་ཏེ་ཀློག་།དེ་དག་གིས་སྨྲས་པ། ཇི་ལྟར་བཀླག་པར་བྱ། གསང་ཚིག་གི་གཞི་འདི་དག་ནི་འདི་དང་འདི་སྐད་ཅེས་བཀླག་པར་བྱའོ། །དེ་དག་གིས་སྨྲས་པ། ཁྱེད་ཅག་གིས་སུ་ལས་གསང་ཚིག་གི་གཞི་འདི་དག་བཀླགས། དེ་དག་གིས་སྨྲས་པ། གང་གིས་དེ་མི་ཤེས་པ་དེས་ནི། ཉི་མ་དང་ཟླ་བ་གཉིས་མི་ཤེས་པ་ཡིན་ནོ། །གྲོང་ན་ལ་ད་ན་བྲམ་ཟེ་སྐར་རྒྱལ་ཞེས་བྱ་བ་ཞིག་འདུག་པ་དེའི་བུ་བྲམ་ཟེའི་ཁྱེའུ་ཉེ་རྒྱལ་ཞེས་བྱ་བ་དེ་ལས་བདག་ཅག་གིས་བཀླགས་སོ། །ཁྱེད་ཅག་གིས་ཀྱང་སུ་ལས་གསང་ཚིག་གི་གཞི་འདི་དག་བཀླགས། དེ་དག་གིས་སྨྲས་པ། གང་གིས་དེ་མི་ཤེས་པ་དེས་ཀྱང་ཉི་མ་དང་ཟླ་བ་གཉིས་མི་ཤེས་པ་ཡིན་ནོ། །གྲོང་ཤིང་ཐགས་ཅན་ན་བྲམ་ཟེ་མདུན་ན་འདོན་གྲུ་འཛིན་ཅེས་བྱ་བ་ཞིག་འདུག་པ་དེའི་བུ། བྲམ་ཟེའི་ཁྱེའུ་པང་ནས་སྐྱེས་ཞེས་བྱ་བ་དེ་ལས་བདག་ཅག་གིས་བཀླགས་སོ། །དེ་ནས་བྲམ་ཟེའི་ཁྱེའུ་ཉེ་རྒྱལ་གྱི་བྲམ་ཟེའི་ཁྱེའུ་རྣམས་པ་གོང་ཞིང་མི་དགའ་བ་དང ། མི་འཇིགས་པ་མེད་པར་གྱུར་ཏེ། བྲམ་ཟེའི་ཁྱེའུ་ཉེ་རྒྱལ་ག་ལ་བ་དེར་དོང་བ་དང ། དེས་ཐག་རིང་པོ་ཁོ་ན་ནས་མཐོང་ནས་སྨྲས་པ། བྲམ་ཟེའི་ཁྱེའུ་དག་འདི་ལྟ་ཅི་ཉེས། མཁན་པོ་ཅང་མ་ནོངས་སོ། །དེས་ཚིགས་སུ་བཅད་པ་སྨྲས་པ། བསམ་པ་ནང་ན་ཡོད་པ་ཀུན།། ཕྱི་རོལ་ནས་ནི་ཉེ་བར་དམིགས། །སྐད་མདོག་དབང་པོའི་རྣམ་པ་དག་།རྣམ་པར་སྦ་བར་མི་ནུས་སོ། །བྲམ་ཟེའི་ཁྱེའུ་དག་གོར་མ་ཆགས་པར་ཅི་ཞིག་ཉེས་སོ། །དེ་དག་གིས་སྐབས་དེ་རྒྱས་པར་བརྗོད་
Ka24b
པ་དང ། དེས་སྨྲས་པ། བྲམ་ཟེའི་ཁྱེའུ་དག་དེ་དེ་བཞིན་ཏེ། ཇི་ལྟར་བྲམ་ཟེའི་ཁྱེའུ་དེ་དག་གསང་ཚིག་གི་གཞི་དེ་དག་ཀློག་པ་བཞིན་དུ་དེ་དག་བཀླག་པར་བྱ་བ་ཡིན་མོད་ཀྱི། ཁོ་བོས་རིག་བྱེད་རིང་པོ་རིང་པོ་གང་དག་ཡིན་པ་དེ་དག་ནི་ཐུང་ངུར་རྣམ་པར་བཞག་།རིག་བྱེད་ཐུང་ངུ་ཐུང་ངུ་གང་དག་ཡིན་པ་དེ་དག་ནི་རིང་པོར་རྣམ་པར་བཞག་སྟེ། ཚིག་དང་ཡི་གེ་ཕྲི་ཞིང་དོན་དང་ངེས་པའི་ཚིག་ཏུ་རྣམ་པར་བཞག་གོ་།བྲམ་ཟེའི་ཁྱེའུ་པང་ནས་སྐྱེས་ཀྱི་བྲམ་ཟེའི་ཁྱེའུ་རྣམས་ཀྱང་སྤ་གོང་ཞིང་མི་དགའ་བ་དང ། མི་འཇིགས་པ་མེད་པར་གྱུར་ཏེ། བྲམ་ཟེའི་ཁྱེའུ་པང་ནས་སྐྱེས་ག་ན་བ་དེར་དོང་བ་དང ། དེས་ཀྱང་ཐག་རིང་པོ་ཁོ་ན་ནས་མཐོང་ནས་སྨྲས་པ། བྲམ་ཟེའི་ཁྱེའུ་དག་འདི་ལྟ་ཅི་ཉེས། མཁན་པོ་ཅང་མ་ནོངས་སོ། །དེས་ཀྱང་ཚིགས་སུ་བཅད་པ་སྨྲས་པ། བསམ་པ་ནང་ན་ཡོད་པ་ཀུན། །ཕྱེ་རོལ་ནས་ནི་ཉེ་བར་དམིགས། །སྐད་མདོག་དབང་པོའི་རྣམ་པ་དག་།རྣམ་པར་སྦ་བར་མི་ནུས་སོ། །བྲམ་ཟེའི་ཁྱེའུ་དག་གོར་མ་ཆག་པར་ཅི་ཞིག་ཉེས་སོ། །དེ་དག་གིས་སྐབས་དེ་རྒྱས་པར་བརྗོད་པ་དང ། དེས་སྨྲས་པ། བྲམ་ཟེའི་ཁྱེའུ་དག་དེ་དེ་བཞིན་ཏེ། ཇི་ལྟར་བདག་ཅག་གསང་ཚིག་གི་གཞི་དེ་དག་ཀློག་པ་དེ་བཞིན་དུ། དེ་དག་བཀླག་པར་བྱ་བ་ཡིན་མོད་ཀྱི། བྲམ་ཟེའི་ཁྱེའུ་དེ་ཤེས་རབ་ཅན་ཡིན་པས། དེས་རིག་བྱེད་རིང་པོ་རིང་པོ་གང་དག་ཡིན་པ་དེ་དག་ནི་ཐུང་ངུར་རྣམ་པར་བཞག་གོ། །རིག་བྱེད་ཐུང་ངུ་ཐུང་ངུ་གང་དག་ཡིན་པ་དེ་དག་ནི། རིང་པོར་རྣམ་པར་བཞག་སྟེ། ཚིག་དང་ཡི་གེ་ཕྲི་ཞིང་དོན་དང་ངེས་པའི་ཚིག་
Ka25a
༄#། །ཏུ་རྣམ་པར་བཞག་གོ་།དེ་གཉིས་གཅིག་གིས་གཅིག་ཐོས་མ་ཐག་ཁོ་ནར་མཐོང་འདོད་པར་གྱུར་ནས། བྲམ་ཟེའི་ཁྱེའུ་ཉེ་རྒྱལ་ཕའི་གན་དུ་སོང་སྟེ། ཕྱིན་ནས་སྨྲས་པ། ཡབ་བདག་གྲོང་ཤིང་ཐགས་ཅན་དུ་མཆི་འཚལ་ལོ། །ཅི་ཞིག་གི་ཕྱིར་བྲམ་ཟེ་མདུན་ན་འདོན་གྲུ་འཛིན་ཅེས་བགྱི་བ་ཞིག་མཆིས་པ་དེའི་བུ་བྲམ་ཟེའི་ཁྱེའུ་པང་ནས་སྐྱེས་ཞེས་བགྱི་བ་དེ་བལྟ་བའི་སླད་དུའོ། ། བུ་དེ་ཁྱོད་པས་ཆེས་ཤེས་རབ་ཅན་ཞིག་ཡིན་ནམ། ཅི་ཡབ་དེ་ནི་བདག་པས་ཆེས་ཤེས་རབ་ཅན་མ་ལགས་ཏེ། འདི་ལྟར་དེ་ནི་ཆེས་ཕྱུག་པ་ལགས་སོ། །དེས་ཚིགས་སུ་བཅད་པ་སྨྲས་པ། མི་གང་རིགས་ཀྱིས་རྒན་པ་དང ། །ན་ཚོད་རྒན་དང་ནོར་གྱིས་རྒན། །དེ་ཀུན་ཐོས་པས་རྒན་པ་ཡི། །སྒོ་ན་དོན་ཀུན་གཉེར་བ་སྡོད། །བུ་གལ་ཏེ་དེ་འོང་ན་ཐོས་པས་བགོ་བཤའ་བྱའི། བགྲོད་པར་ནི་མི་བྱའོ། །བྲམ་ཟེའི་ཁེའུ་པང་ནས་སྐྱེས་ཀྱང་ཕའི་གན་དུ་སོང་སྟེ་ཕྱིན་ནས་སྨྲས་པ། ཡབ་བདག་གྲོང་ན་ལ་དར་མཆི་འཚལ་ལོ། །ཅི་ཞིག་གི་ཕྱིར་དེ་ན་བྲམ་ཟེ་སྐར་རྒྱལ་ཞེས་བགྱི་བ་ཞིག་མཆིས་པ་དེའི་བུ་བྲམ་ཟེའི་ཁྱེའུ་ཉེ་རྒྱལ་ཞེས་བགྱི་བ་དེ་བལྟ་བའི་སླད་དུའོ། །བུ་དེ་ཁྱོད་པས་ཆེས་ཕྱུག་པ་ཞིག་ཡིན་ནམ་ཅི། ཡབ་དེ་ནི་བདག་པས་ཆེས་ཕྱུག་པ་མ་ལགས་ཏེ། འདི་ལྟར་དེ་ནི་ཆེས་ཤེས་རབ་ཅན་ལགས་སོ། །དེས་ཀྱང་ཚིགས་སུ་བཅད་པ་སྨྲས་པ། མི་གང་རིགས་ཀྱིས་རྒན་པ་དང ། །ན་ཚོད་རྒན་དང་ཐོས་པས་རྒན། །དེ་ཀུན་ནོར་གྱིས་རྒན་པ་ཡི། །སྒོ་ན་ཅི་བྱ་སྙམ་པས་སྡོད། །བུ་གལ་
Ka25b
ཏེ་འོང་ན་ནོར་གྱི་བགོ་བཤའ་བྱའི། བགྲོད་པར་ནི་མི་བྱའོ། །ཇི་ཙམ་དུས་གཞན་ཞིག་ན་རྒྱལ་པོའི་ཁབ་ཏུ་ཀླུའི་རྒྱལ་པོ་རི་བོ་དང་ཡིད་འོད་\་འཱོཎG\་གཉིས་ཀྱི་དུས་སྟོན་ལ་བབ་བོ། །རྒྱལ་པོ་གཟུགས་ཅན་སྙིང་པོའི་ཀུན་ཏུ་སྤྱོད་པ་ནི། གང་གི་ཚེ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱི་དུས་སྟོན་ལ་བབ་པ་དེའི་ཚེ་ན། བདག་ཉིད་ཀྱིས་ཉམས་སུ་མྱོང་བར་བྱེད་པའམ། ཡང་ན་གཞོན་ནུ་མ་སྐྱེས་དགྲ་གཏོང་བར་བྱེད་དོ། ། ཇི་ཙམ་དུས་གཞན་ཞིག་ན་རྒྱལ་པོ་གཟུགས་ཅན་སྙིང་པོ་ལ་བྱ་བ་ཅུང་ཞིག་བྱུང་ནས་དེས་གཞོན་ནུ་མ་སྐྱེས་དགྲ་ལ་སྨྲས་པ། བུ་སོང་ལ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱི་དུས་སྟོང་ཉམས་སུ་མྱོང་བར་གྱིས་ཤིག། བྲམ་ཟེ་གྲུ་འཛིན་གྱིས་རྒྱལ་པོ་གཟུགས་ཅན་སྙིང་པོས་གཞོན་ནུ་མ་སྐྱེས་དགྲ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱི་དུས་སྟོན་ཉམས་སུ་མྱོང་བར་བྱེད་དུ་བཏང་བ་ཐོས་ནས། དེས་བསམས་པ།་གཞོན་ནུ་མ་སྐྱེས་དགྲ་འདི་ཡབ་འདས་ནས་རྒྱལ་པོར་འགྱུར་ལ། བྲམ་ཟེའི་ཁྱེའུ་པང་ནས་སྐྱེས་འདི་ཡང་བདག་འདས་ནས་མདུན་ན་འདོན་དུ་འགྱུར་བས། དེ་བསྟེན་ན་དུས་སུ་འབྲས་བུ་སྟེར་བར་འགྱུར་རོ་སྙམ་ནས། དེས་བྲམ་ཟེའི་ཁྱེའུ་པང་ནས་སྐྱེས་ལ་སྨྲས་པ། བུ་སོང་ལ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱི་དུས་སྟོན་ཉམས་སུ་མྱོང་བར་གྱིས་ལ། དེ་ན་སྟན་བཞི་པོ་རྒྱལ་པོའི་སྟན་དང ། མདུན་ན་འདོན་གྱི་སྟན་དང ། རྒོལ་བའི་སྟན་དང ། མཆོག་ཐོབ་པའི་སྟན་བཤམས་པ་ལས་ཁྱོད་ཀྱིས་རྒྱལ་པོའི་གདན་གཅིག་པོ་ཞོག་ལ། མདུན་ན་འདོན་གྱི་སྟན་ལ་འདུག་ཅིག་།དེ་དེར་སོང་ནས་
Ka26a
༄#། །རྒྱལ་པོའི་སྟན་གཅིག་པུ་བཞག་སྟེ། མདུན་ན་འདོན་གྱི་སྟན་ལ་འདུག་གོ་།བྲམ་ཟེ་སྐར་རྒྱལ་གྱིས་ཀྱང་རྒྱལ་པོ་གཟུགས་ཅན་སྙིང་པོས་གཞོན་ནུ་མ་སྐྱེས་དགྲ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱི་དུས་སྟོན་ཉམས་སུ་མྱོང་བར་བྱེད་དུ་བཏང་བ་ཐོས་ནས། དེས་ཀྱང་བྲམ་ཟེའི་ཁྱེའུ་ཉེ་རྒྱལ་ལ་སྨྲས་པ། བུ་སོང་ལ་ཀླུའི་རྒྱལ་པོ་རི་བོ་དང་ཡིད་འོང་གཉིས་ཀྱི་དུས་སྟོན་ཉམས་སུ་མྱོང་བར་གྱིས་ལ། དེ་ན་སྟན་བཞི་པོ་རྒྱལ་པོའི་སྟན་དང ། མདུན་ན་འདོན་གྱི་སྟན་དང ། རྒོལ་བའི་སྟན་དང ། མཆོག་ཐོབ་པའི་སྟན་བཤམས་པ་ལས། ཁྱོད་ཀྱིས་རྒྱལ་པོའི་སྟན་དང ། མདུན་ན་འདོན་གྱི་སྟན་ཞོག་ལ། མཆོག་ཐོབ་པའི་སྟན་ལ་དབྱིག་གུ་དང་རིལ་བ་ཞོག་སྟེ། རྒོལ་བའི་སྟན་ལ་འདུག་ཅིག་།ཇི་ཙམ་ན་ཉི་མ་འཆར་བ་ནས་ཇི་ཙམ་ན་ནུབ་པར་འགྱུར་བ་དེའི་བར་དུ་ཁྱོད་དང་འདྲ་བའི་རྒོལ་བ་གཞན་མེད་དོ། །དེ་ཡང་སོང་སྟེ་རྒྱལ་པོའི་སྟན་དང ། མདུན་ན་འདོན་གྱི་སྟན་བཞག་སྟེ། མཆོག་ཐོབ་པའི་སྟན་ལ་དབྱིག་གུ་དང་རིལ་བ་བཞག་སྟེ། རྒོལ་བའི་སྟན་ལ་འདུག་གོ། རོལ་མོའི་སྒྲ་དག་བྱུང་བ་ན། གར་མཁན་དག་གིས་ཏོ་ཊ་ཀའི་རྒྱུད་དུ་གླུ་བླངས་པ་དང ། མི་དག་གིས་བྲོ་བརྡུང་བ་དང ། གླུ་བླང་བར་བརྩམས་པ་ན། བྲམ་ཟེའི་ཁྱེའུ་དེ་གཉིས་དབང་པོ་དག་ཕྱིར་བླན་ཏེ་འཁོད་པ་སྐྱེ་བོ་ཕལ་པོ་ཆེའི་ཚོགས་ཀྱིས་མཐོང་ནས་དེ་དག་གིས་སྨྲས་པ། བྲམ་ཟེའི་ཁྱེའུ་འདི་གཉིས་ཡང་ན་ནི་བླུན་པོ་ཆེན་པོ་གཉིས་ཤིག་གོ། ཡང་ན་ནི་ཤེས་པས་མི་འཁྲུགས་པ་གཉིས་ཤིག་གོ་།རོལ་མོའི་སྒྲ་
Ka26b
དག་ཞི་ཞིང་མི་དག་གིས་བྲོ་བརྡུང་ཞིང་གླུ་བླངས་ཏེ་དོང་བ་དང ། བྲམ་ཟེའི་ཁྱེའུ་པང་ནས་སྐྱེས་ཀྱིས་བྲམ་ཟེའི་ཁྱེའུ་ཉེ་རྒྱལ་ལ་སྨྲས་པ། ཇི་ལྟར་ཁྱོད་ལ་བྲོ་ལེགས་པར་བརྡུངས་པ་དང ། གླུ་ལེགས་པར་བླངས་པ་དང ། རོལ་མོའི་སྒྲ་ལེགས་པར་བསྒྲགས་པར་སྣང་ངམ། དེས་སྨྲས་པ། གང་གི་མཐོང་བའམ་ཐོས་པ་ལ་སྣང་ངོ ། །དེས་སྨྲས་པ། དབང་པོ་ནང་ནས་བསྡུས་པ་དག་གིས་མི་མཐོང་བ་ནི་བདེན་ན་ཇི་ལྟར་མ་ཐོས། དེས་ཚིགས་སུ་བཅད་པ་སྨྲས་པ། ཤི་ལྤགས་ཤི་བའི་རྒྱུས་པ་དང ། །འཆི་འགྱུར་བཞད་གད་འཇོ་སྒེག་གི་།འཆི་བའི་སྐྱེ་བོ་འདུས་པ་ལ། །མཁས་པ་སུ་ཞིག་བག་མེད་བྱེད། །དེས་སྨྲས་པ། ཁྱོད་ཉེ་རྒྱལ་ཡིན་ནམ། ཁོ་བོ་སྐྱེ་བོ་དག་གིས་དེ་ལྟར་ཤེས་སོ། །བྲམ་ཟེའི་ཁྱེའུ་ཉེ་རྒྱལ་གྱིས་ཀྱང་བྲམ་ཟེའི་ཁྱེའུ་པང་ནས་སྐྱེས་ལ་སྨྲས་པ། ཇི་ལྟར་ཁྱོད་ལ་ཡང་བྲོ་ལེགས་པར་བརྡུངས་པ་དང ། གླུ་ལེགས་པར་བླངས་པ་དང ། རོལ་མོའི་སྒྲ་ལེགས་པར་བསྒྲགས་པ་སྣང་ངམ། དེས་ཀྱང་སྨྲས་པ། གང་གིས་མཐོང་བའམ་ཐོས་པ་ལ་སྣང་ངོ ། །དེས་སྨྲས་པ། དབང་པོ་ནང་དུ་བསྡུས་པ་དག་གིས་མ་མཐོང་བ་ནི་བདེན་ན་ཇི་ལྟར་མ་ཐོས། དེས་ཀྱང་ཚིགས་སུ་བཅད་པ་སྨྲས་པ། རྒྱན་རྣམས་ཐམས་ཅད་ཁུར་ཡིན་ཏེ། །གར་རྣམས་ཐམས་ཅད་མཐོ་འཚམ་པ། །གླུ་རྣམས་ཐམས་ཅད་ཀྱལ་བ་སྟེ། །གཟུགས་ཀུན་མི་རྟག་ཉིད་ཡིན་ནོ། །དེས་སྨྲས་པ། ཁྱོད་པང་ནས་སྐྱེས་ཡིན་ནམ། ཁོ་བོ་སྐྱེ་བོ་དག་གིས་དེ་ལྟར་ཤེས་སོ། །བྲམ་ཟེའི་ཁྱེའུ་ཉེ་རྒྱལ་གྱིས་བྲམ་ཟེའི་ཁྱེའུ་པང་ནས་སྐྱེས་ལ་སྨྲས་པ། ཚུར་ཤོག་
Ka27a
༄#། །བདག་ཅག་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །དེས་སྨྲས་པ། བྲམ་ཟེའི་ཁྱེའུ་གང་གི་དོན་དུ་མཆོད་སྦྱིན་སྦྱིན་པར་བྱེད། སྦྱིན་སྲེག་སྲེག་པར་བྱེད། དཀའ་ཐུབ་ཀྱིས་གདུང་བར་བྱེད་པའི་མདུན་ན་འདོན་དེ་བདག་གི་ལག་མཐིལ་དུ་འོངས་ཤིང ། གླང་པོ་ཆེས་འགྲོ་བའི་རིགས་སུ་སྐྱེས་ན། ཅིའི་ཕྱིར་རབ་ཏུ་འབྱུང ། དེས་ཚིགས་སུ་བཅད་པ་སྨྲས་པ། ལྗོན་ཤིང་རྡིབ་པར་འགྱུར་བའི་ཚེ། །ཡལ་ག་འདབ་མས་ཅི་ཞིག་བྱེད། དེ་བཞིན་སྐྱེས་བུ་འཆི་བའི་ཚེ། །ཡོངས་སུ་གཟུང་བས་ཅི་ཞིག་བྱེད། །ཚུར་ཤོག་བདག་ཅག་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །དེས་སྨྲས་པ། ཇེ་ཕ་མ་ལ་དྲི་བར་བྱའོ། །བྲམ་ཟེའི་ཁྱེའུ་པང་ནས་སྐྱེས་ཕ་མ་གཉིས་ག་ལ་བ་དེར་སོང་སྟེ་ཕྱིན་ནས་སྨྲས་པ། ཡབ་ཡུམ་མཁྱེན་པར་མཛོད་ཅིག་།བདག་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །བུ་གང་གི་དོན་དུ་མཆོད་སྦྱིན་སྦྱིན་པར་བྱེད། སྦྱིན་སྲེག་སྲེག་པར་བྱེད། དཀའ་ཐུབ་ཀྱིས་གདུང་པར་བྱེད་པའི་མདུན་ན་འདོན་དེ་ཁྱོད་ཀྱི་ལག་མཐིལ་དུ་འོངས་ཤིང ། གླང་པོ་ཆེས་འགྲོ་བའི་རིགས་སུ་སྐྱེ་ན། ཅིའི་ཕྱིར་རབ་ཏུ་འབྱུང ། དེས་ཚིགས་སུ་བཅད་པ་སྨྲས་པ། ནགས་ན་ཤིང་ཤུན་རྩཝ་གྱོན་ཞིང ། །རྩ་བ་འབྲས་བུ་འཆའ་བ་དང ། །རི་དྭགས་སྡུག་པ་རྣམས་དང་ནི། །ལྷན་ཅིག་གནས་པ་མཆོག་ལགས་ཀྱི། །འཇིག་རྟེན་ཕ་རོལ་འཇིག་བྱེད་པའི། །མཁས་པས་རྒྱལ་སྲིད་སླད་དུ་ནི། །གསོད་དང་འཆིང་དང་རྡེག་པ་དག་།བགྱིད་པ་དེ་ལྟ་མ་
Ka27b
ལགས་སོ། །དེ་གཉིས་ཀྱིས་སྨྲས་པ། བུ་ཁྱོད་ངེད་ཀྱི་བུ་གཅིག་པ་སྡུག་པ་ཡིད་དུ་འོང་བ། བཟོད་པ། མཐོང་ན་མི་མཐུན་པ་མེད་པ་ཡིན་པས། ཁྱོད་ཤི་བར་གྱུར་ན་ངེད་མི་འདོད་བཞིན་དུ་འབྲལ་གྲང ། གསོན་བཞིན་དུ་བཏང་བ་ལྟ་སྨོས་ཀྱང་ཅི་འཚལ། ཡབ་ཡུམ་གལ་ཏེ་གནང་ན་དེ་ལྟ་ན་ལེགས། གལ་ཏེ་མི་གནང་ན་དེང་སླན་ཆད་བདག། འཚལ་མ་ཡང་མི་འཚལ། ཕྱག་ཀྱང་མི་འཚལ་ལོ། །བུ་གཞོན་ནུ་མི་གནང་གིས་ཇི་སྲིད་ངེད་གསོན་གྱི་བར་དུ་ཁྱོད་ངེད་ཀྱི་མིག་ལམ་དུ་འདུག་ལ། བྱ་བ་གཞན་མ་སེམས་ཤིག། དེ་ནས་བྲམ་ཟེའི་ཁྱེའུ་པང་ནས་སྐྱེས་ཀྱིས། ཉི་མ་གཅིག་ཀྱང་ཟན་གཅད་པར་བྱས་སོ། །གཉིས་དང་གསུམ་ནས་དྲུག་གི་བར་དུ་ཡང་ཟན་གཅད་པར་བྱས་སོ། །དེ་ནས་བྲམ་ཟེའི་ཁྱེའུ་པང་ནས་སྐྱེས་ཀྱི་ཕ་མ་གཉིས། བྲམ་ཟེའི་ཁྱེའུ་པང་ནས་སྐྱེས་ག་ལ་བ་དེར་སོང་སྟེ་ཕྱིན་ནས། བྲམ་ཟེའི་ཁྱེའུ་པང་ནས་སྐྱེས་ལ་འདི་སྐད་ཅེས་སྨྲས་སོ། །བུ་གཞོན་ནུ་ཤེས་པར་གྱིས་ཤིག་།ཁྱོད་ནི་ཤིན་ཏུ་གཞོན་པ་བདེ་བ་འདོད་པ་ཡིན་པས། ཁྱོད་ཀྱིས་སྡུག་བསྔལ་མི་ཤེས་ཏེ་ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པ་བྱ་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་དང ། རི་དྲུང་དང ། བས་མཐའ་དག་ཏུ་གནས་པར་མནགས་\?\་པར་དཀའོ། །གཅིག་པུ་དགོན་པར་གནས་པ་ཡང་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དང་ལྷན་ཅིག་གནས་པར་བྱ་དགོས་སོ། །ཁྱོད་ཀྱིས་ཇི་སྲིད་འཚོ་བའི་བར་དུ་གཞན་
Ka28a
༄#། །གྱིས་བྱིན་པས་འཚོ་བར་བྱ་དགོས་སོ། །ཁྱོད་ཀྱིས་ཇི་སྲིད་འཚོ་བའི་བར་དུ་མིའི་འདོད་པ་དག་ལས་དབེན་པར་བྱ་དགོས་སོ། །ཁྱོད་ཀྱིས་ཇི་སྲིད་འཚོ་བའི་བར་དུ་མིའི་དགའ་བ་དང ། རྩེད་མོ་དག་ལས་དབེན་པར་བྱ་དགོས་སོ། །བུ་གཞོན་ནུ་པང་ནས་སྐྱེས་ཚུར་ཤོག་།འདི་ཉིད་དུ་འདུག་ལ་འདོད་པ་དག་ལ་ཡང་ཡོངས་སུ་སྤྱོད་ཅིག་།སྦྱིན་པ་དག་ཀྱང་བྱིན་ཅིག་།བསོད་ནམས་དག་ཀྱང་གྱིས་ཤིག་།དེ་སྐད་སྨྲས་ཀྱང་བྲམ་ཟེའི་ཁྱེའུ་པང་ནས་སྐྱེས་ཅང་མི་སྨྲའོ། །བྲམ་ཟེའི་ཁྱེའུ་པང་ནས་སྐྱེས་ཀྱི་ཕ་མ་གཉིས་ཀྱིས་བྲམ་ཟེའི་ཁྱེའུ་པང་ནས་སྐྱེས་ལ་ལན་གཉིས་ལན་གསུམ་གྱི་བར་དུ་འདི་སྐད་ཅེས་སྨྲས་སོ། །བུ་གཞོན་ནུ་ཤེས་པར་གྱིས་ཤིག་།ཁྱོད་ནི་ཤིན་ཏུ་གཞོན་པ་བདེ་བ་འདོད་པ་ཡིན་པས་ཁྱོད་ཀྱི་སྡུག་བསྔལ་མི་ཤེས་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པར་བྱ་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་དང་རི་དྲུང་དང་བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱི་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང ། རྩེད་མོ་དག་ལས་དབེན་པར་བྱ་དགོས་སོ། །
Ka28b
བུ་གཞོན་ནུ་པང་ནས་སྐྱེས་ཚུར་ཤོག་།ཁྱོད་འདི་ཉིད་དུ་འདུག་ལ་འདོད་པ་དག་ལ་ཡོངས་སུ་སྤྱོད་ཅིག་།སྦྱིན་པ་དག་ཀྱང་བྱིན་ཅིག་།བསོད་ནམས་དག་ཀྱང་གྱིས་ཤིག་།དེ་སྐད་ལན་གཉིས་ལན་གསུམ་གྱི་བར་དུ་སྨྲས་ཀྱང ། བྲམ་ཟེའི་ཁྱེའུ་པང་ནས་སྐྱེས་ཅང་མི་སྨྲའོ། །དེ་ནས་བྲམ་ཟེའི་ཁྱེའུ་པང་ནས་སྐྱེས་ཀྱི་ཕ་མ་གཉིས་ཀྱིས། བྲམ་ཟེའི་ཁྱེའུ་པང་ནས་སྐྱེས་ཀྱི་ཉེ་དུ་རྣམས་ལ་བསྒོ་བ། ཀྱེ་ཉེ་དུ་དག་ཚུར་ཤོག་།བུ་གཞོན་ནུ་པང་ནས་སྐྱེས་སློང་ཞིག་།དེ་ནས་བྲམ་ཟེའི་ཁྱེའུ་པང་ནས་སྐྱེས་ཀྱི་ཉེ་དུ་དག་།བྲམ་ཟེའི་ཁྱེའུ་པང་ནས་སྐྱེས་ག་ལ་བ་དེར་སོང་སྟེ་ཕྱིན་ནས། བྲམ་ཟེའི་ཁྱེའུ་པང་ནས་སྐྱེས་ལ་འདི་སྐད་ཅེས་སྨྲས་སོ། །སྲས་གཞོན་ནུ་མཁྱེན་པར་མཛོད་ཅིག་།ཁྱོད་ནི་ཤིན་ཏུ་གཞོན་པ་བདེ་བ་བཞེད་པ་ལགས་པས། ཁྱོད་ཀྱིས་སྡུག་བསྔལ་མི་མཁྱེན་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པར་བགྱིད་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་དང ། རི་དྲུང་དང་བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོ་བའི་བར་དུ་མིའི་འདོད་པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང ། རྩེད་མོ་དག་ལས་དབེན་པར་བགྱི་འཚལ་ལོ།།
Ka29a
༄#། །སྲས་གཞོན་ནུ་པང་ནས་སྐྱེས་ཚུར་སྤྱོན། ཁྱོད་འདི་ཉིད་དུ་བཞུགས་ལ་འདོད་པ་དག་ལ་ཡང་ཡོངས་སུ་སྤྱོད་ཅིང ། སྦྱིན་པ་དག་ཀྱང་སྩོལ་ཅིག། བསོད་ནམས་དག་ཀྱང་མཛོད་ཅིག་།དེ་སྐད་སྨྲས་ཀྱང་བྲམ་ཟེའི་ཁྱེའུ་པང་ནས་སྐྱེས་ཅང་མི་སྨྲའོ། །བྲམ་ཟེའི་ཁྱེའུ་པང་ནས་སྐྱེས་ཀྱི་ཉེ་དུ་དག་གིས་བྲམ་ཟེའི་ཁྱེའུ་པང་ནས་སྐྱེས་ལ་ལན་གཉིས་ལན་གསུམ་གྱི་བར་དུ་འདི་སྐད་ཅེས་སྨྲས་སོ། །སྲས་གཞོན་ནུ་མཁྱེན་པར་མཛོད་ཅིག་།ཁྱོད་ནི་ཤིན་ཏུ་གཞོན་པ་བདེ་བ་བཞེད་པ་ལགས་པས། ཁྱོད་ཀྱིས་སྡུག་བསྔལ་མི་མཁྱེན་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པར་བགྱི་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་དང་རི་དྲུང་དང་བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དང་ལྷན་ཅིག་གནས་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང ། རྩེད་མོ་དག་ལས་དབེན་པར་བགྱི་འཚལ་ལོ།། སྲས་གཞོན་ནུ་པང་ནས་སྐྱེས་ཚུར་སྤྱོན། ཁྱོད་འདི་ཉིད་དུ་བཞུགས་ལ་འདོད་པ་དག་ལ་ཡོངས་སུ་སྤྱོད་ཅིག། སྦྱིན་པ་དག་ཀྱང་སྩོལ་ཅིག། བསོད་ནམས་དག་ཀྱང་མཛོད་ཅིག་།དེ་སྐད་ལན་
Ka29b
གཉིས་ལན་གསུམ་གྱི་བར་དུ་སྨྲས་ཀྱང ། བྲམ་ཟེའི་ཁྱེའུ་པང་ནས་སྐྱེས་ཅང་མི་སྨྲའོ། །དེ་ནས་བྲམ་ཟེའི་ཁྱེའུ་པང་ནས་སྐྱེས་ཀྱི་ཕ་མ་གཉིས་ཀྱིས་བྲམ་ཟེའི་ཁྱེའུ་པང་ནས་སྐྱེས་ཀྱི་ནེའུ་ལྡངས་རྣམས་ལ་བསྒོ་བ། ཀྱེ་གཞོན་ནུ་དག་ཚུར་ཤོག་།བུ་གཞོན་ནུ་པང་ནས་སྐྱེས་སློང་ཞིག་།དེ་ནས་བྲམ་ཟེའི་ཁྱེའུ་པང་ནས་སྐྱེས་ཀྱི་ནེའུ་ལྡངས་དག་།བྲམ་ཟེའི་ཁྱེའུ་པང་ནས་སྐྱེས་ག་ལ་བ་དེར་དོང་སྟེ་ཕྱིན་ནས། བྲམ་ཟེའི་ཁྱེའུ་པང་ནས་སྐྱེས་ལ་འདི་སྐད་ཅེས་སྨྲས་སོ། །སྲས་ཞི་བ་གཞོན་ནུ་མཁྱེན་པར་མཛོད་ཅིག་།ཁྱོད་ནི་ཤིན་ཏུ་གཞོན་པ་བདེ་བ་བཞེད་པ་ལགས་པས། ཁྱོད་ཀྱིས་སྡུག་བསྔལ་མི་མཁྱེན་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པ་བགྱིད་དཀའོ། །གཅིག་པུ་ཉིད་ལ་མངོན་པར་དགའ་བ་དཀའོ། །གནས་མལ་དགོན་པ་ནགས་ཁྲོད་དང་རི་དྲུང་དང་བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། ། གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང ། རྩེད་མོ་དག་ལས་དབེན་པར་བགྱི་འཚལ་ལོ། །སྲས་གཞོན་ནུ་པང་ནས་སྐྱེས་ཚུར་སྤྱོན། ཁྱོད་འདི་ཉིད་དུ་བཞུགས་ལ་འདོད་པ་དག་ལ་ཡོངས་སུ་སྤྱོད་ཅིག་།སྦྱིན་པ་དག་ཀྱང་སྩོལ་ཅིག། བསོད་ནམས་དག་ཀྱང་མཛོད་ཅིག་།དེ་སྐད་ཅེས་
Ka30a
༄#། །སྨྲས་ཀྱང ། བྲམ་ཟེའི་ཁྱེའུ་པང་ནས་སྐྱེས་ཅང་མི་སྨྲའོ། །བྲམ་ཟེའི་ཁྱེའུ་པང་ནས་སྐྱེས་ཀྱི་ནེའུ་ལྡངས་རྣམས་ཀྱིས་བྲམ་ཟེའི་ཁྱེའུ་པང་ནས་སྐྱེས་ལ་ལན་གཉིས་ལན་གསུམ་གྱི་བར་དུ་འདི་སྐད་ཅེས་སྨྲས་སོ། །སྲས་གཞོན་ནུ་མཁྱེན་པར་མཛོད་ཅིག་།ཁྱོད་ནི་ཤིན་ཏུ་གཞོན་པ་བདེ་བ་བཞེད་པ་ལགས་པས། ཁྱོད་ཀྱིས་སྡུག་བསྔལ་མི་མཁྱེན་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པར་བགྱི་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་དང་རི་དྲུང་དང་བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། །གཅིག་པུ་དགོན་པར་གནས་པ་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང་རྩེད་མོ་དག་ལས་དབེན་པར་བགྱི་འཚལ་ལོ། །སྲས་གཞོན་ནུ་པང་ནས་སྐྱེས་ཚུར་སྤྱོན། ཁྱོད་འདི་ཉིད་དུ་བཞུགས་ལ་འདོད་པ་དག་ལ་ཡང་ཡོངས་སུ་སྤྱོད་ཅིག་།སྦྱིན་པ་དག་ཀྱང་སྩོལ་ཅིག་།བསོད་ནམས་དག་ཀྱང་མཛོད་ཅིག་།དེ་སྐད་ལན་གཉིས་ལན་གསུམ་གྱི་བར་དུ་སྨྲས་ཀྱང ། བྲམ་ཟེའི་ཁྱེའུ་པང་ནས་སྐྱེས་ཅང་མི་སྨྲའོ། །དེ་ནས་བྲམ་ཟེའི་ཁྱེའུ་པང་ནས་སྐྱེས་ཀྱི་ནེའུ་ལྡངས་རྣམས་བྲམ་ཟེའི་ཁྱེའུ་པང་
Ka30b
ནས་སྐྱེས་ཀྱི་ཕ་མ་གཉིས་ག་ལ་བ་དེར་དོང་སྟེ་ཕྱིན་ནས། བྲམ་ཟེའི་ཁྱེའུ་པང་ནས་སྐྱེས་ཀྱི་ཕ་མ་གཉིས་ལ་འདི་སྐད་ཅེས་སྨྲས་སོ། །ཡབ་ཡུམ་དག་མཁྱེན་པར་མཛོད་ཅིག་།ཞི་བ་གཞོན་ནུ་པང་ནས་སྐྱེས་གུམ་པས་ཅི་ཞིག་བགྱི། རབ་ཏུ་འབྱུང་བ་ནི་མཁས་པས་བསྔགས་པ་ལགས་པས། གལ་ཏེ་རབ་ཏུ་བྱུང་ནས་མངོན་པར་དགའ་བར་གྱུར་ན་ཡང ། དེ་གསོན་པོ་ཉིད་དུ་གཟིགས་པར་འགྱུར་ལ། མངོན་པར་དགའ་བར་མ་གྱུར་ན་ཡང ། དྲང་སྲོང་དག་ནི་སླར་ལྡོག་པ་ལགས་པས་བུའི་གནས་ཕ་མ་གཉིས་ལས་མ་གཏོགས་པ་གཞན་སུ་ཞིག་མཆིས་པར་འགྱུར་གྱིས། རབ་ཏུ་བྱུང་ན་ལེགས་སོ། །དེ་ནས་བྲམ་ཟེའི་ཁྱེའུ་པང་ནས་སྐྱེས་ཀྱི་ཕ་མ་གཉིས་ཀྱིས། བྲམ་ཟེའི་ཁྱེའུ་པང་ནས་སྐྱེས་ལ་འདི་སྐད་ཅེས་སྨྲས་སོ། །བུ་གཞོན་ནུ་པང་ནས་སྐྱེས་ཁྱོད་ལ་རབ་ཏུ་འབྱུང་བ་ལེགས་པར་བྱེད་པ་ཡིན་ལ། ཁྱིམ་ན་གནས་པ་ལེགས་པར་བྱེད་པ་མ་ཡིན་ནམ། ཡབ་ཡུམ་བདག་ལ་རབ་ཏུ་བྱུང་བ་ལེགས་པར་བགྱིད་པ་ལགས་ལ། ཁྱིམ་ན་གནས་པ་ལེགས་པར་བགྱིད་པ་མ་ལགས་སོ། །བུ་གཞོན་ནུ་པང་ནས་སྐྱེས་འོ་ན་ད་དེའི་དུས་ལ་བབ་པར་ཤེས་པར་གྱིས་ཤིག། དེ་ནས་བྲམ་ཟེའི་ཁྱེའུ་པང་ནས་སྐྱེས་ཕ་མ་གཉིས་ཀྱིས་གནང་ནས། འབྲས་ཁུའི་རིམ་གྱིས་ལུས་ཀྱི་མཐུ་དང་སྟོབས་དང་བརྩོན་འགྲུས་བསྐྱེད་དེ། གྲོང་ཤིང་ཐགས་ཅན་ནས་ཕྱིར་བྱུང་ནས། གྲོང་ན་ལ་ད་ག་ལ་བ་དེར་འཕགས་སོ། །བྲམ་ཟེའི་ཁྱེའུ་ཉེ་རྒྱལ་དབེན་པ་ལ་དགའ་བས་གནས་མལ་དགོན་པར་སོང་སྟེ། བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་
Ka31a
༄#། །ཚིག་དག་ཀློག་ཏུ་འཇུག་གོ་།བྲམ་ཟེའི་ཁྱེའུ་པང་ནས་སྐྱེས་མཐར་གྱིས་གྲོང་ན་ལ་དར་ཕྱིན་ནས་བྲམ་ཟེའི་ཁྱེའུ་ཉེ་རྒྱལ་གྱི་ཕ་མ་གཉིས་ལ་སྨྲས་པ། ཡབ་ཡུམ་བྲམ་ཟེའི་ཁྱེའུ་ཉེ་རྒྱལ་གར་མཆིས། དེ་གཉིས་ཀྱིས་སྨྲས་པ། བྲམ་ཟེའི་ཁྱེའུ་ཉེ་རྒྱལ་དབེན་པ་ལ་དགའ་བས་གནས་མལ་དགོན་པར་སོང་སྟེ། བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་དག་ཀློག་ཏུ་འཇུག་གོ་།བྲམ་ཟེའི་ཁྱེའུ་པང་ནས་སྐྱེས་བྲམ་ཟེའི་ཁྱེའུ་ཉེ་རྒྱལ་ག་ལ་བ་དེར་སོང་སྟེ་ཕྱིན་ནས་སྨྲས་པ། ཉེ་རྒྱལ་ཚུར་ཤོག་།བདག་ཅག་ཡང་དག་པར་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །དེས་སྨྲས་པ། ཁྱོད་ཕ་མ་གཉིས་ཀྱིས་གནང་ངམ། གནང་ངོ ། །དེས་སྨྲས་པ། བྲམ་ཟེའི་ཁྱེའུ་ཁོ་བོས་ཕ་མ་གཉིས་ལ་དྲིས་ཏེ་འོང་གི་བར་དུ་རེ་ཞིག་སྡོད་ཅིག་།དེས་སྨྲས་པ། ཉེ་རྒྱལ་ཁོ་བོ་ནི་དུས་དེ་སྲིད་ཀྱིས་ཕ་མས་གནང་ན། ཁྱོད་ད་ཇི་སྲིད་ཀྱིས་གནང་བར་འགྱུར། དེས་སྨྲས་པ། བྲམ་ཟེའི་ཁྱེའུ་ཁོ་བོ་ད་ཁོ་ན་གནང་བར་བྱས་ཏེ་འོང་ངོ ། །དེ་ནས་བྲམ་ཟེའི་ཁྱེའུ་ཉེ་རྒྱལ་ཕ་མ་གཉིས་ག་ལ་བ་དེར་སོང་སྟེ་ཕྱིན་ནས། ཕ་མ་གཉིས་ལ་འདི་སྐད་ཅེས་སྨྲས་སོ། །ཡབ་ཡུམ་མཁྱེན་པར་མཛོད་ཅིག་།བདག་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །དེ་གཉིས་ཀྱིས་སྨྲས་པ། བུ་ཁྱོད་ལ་རབ་ཏུ་འབྱུང་བ་ལེགས་པར་བྱེད་པ་ཡིན་ནམ། ཡབ་ཡུམ་བདག་ལ་རབ་ཏུ་འབྱུང་བ་ལེགས་པར་བགྱིད་བ་ལགས་
Ka31b
སོ། །བུ་འོ་ན་སོང་ལ་རབ་ཏུ་བྱུང་ཞིག་།དེ་ནས་བྲམ་ཟེའི་ཁྱེའུ་ཉེ་རྒྱལ་བྲམ་ཟེའི་ཁྱེའུ་པང་ནས་སྐྱེས་ཀྱི་གན་དུ་སོང་སྟེ་སྨྲས་པ། པང་ནས་སྐྱེས་ཚུར་ཤོག། བདག་ཅག་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །དེས་སྨྲས་པ། བྲམ་ཟེའི་ཁྱེའུ་ཁྱོད་ཕ་མ་གཉིས་ཀྱིས་གནང་ངམ། གནང་ངོ ། །ཉེ་རྒྱལ་ཁོ་བོ་ནི་དུས་དེ་སྲིད་ཀྱིས་ཕ་མ་གཉིས་ཀྱིས་གནང་ན། ཁྱོད་ཕ་མ་གཉིས་ཀྱིས་མྱུར་དུ་གནང་བའི་སྦྱོར་པ་གང་ཡིན། འདི་ལྟར་ཁྱོད་ནི་འཆིང་བ་དམ་པ་དང ། འཆིང་བ་བརྟན་པ་དང ། འཆིང་བ་མ་དུལ་བ་དང ། གགས་ཤིང་སྦོམ་པ་ཡིན་གྱི། ཁོ་བོ་ནི་འཆིང་བ་སྟོབས་མེད་པ་དང ། འཆིང་བ་སྟོབས་ཆུང་བ་དང ། འཆིང་བ་དུལ་བ་དང ། གགས་ཤིང་ཕྲ་བ་ཡིན་ནོ། །དེ་ལྟར་ཚེ་དང་ལྡན་པ་ཤཱ་རིའི་བུ་ནི་ཚེ་རབས་ལྔ་བརྒྱར་རབ་ཏུ་འབྱུང་བར་གྱུར་ཅིང ། འདི་ལྟར་ཚེ་དང་ལྡན་པ་ཤཱ་རིའི་བུས་སྨོན་ལམ་འདི་སྐད་ཅེས། ཧ་ཅང་ཕྱུག་པའི་ཁྱིམ་དང་ནི། །དབུལ་པོའི་ཁྱིམ་དུ་མི་སྐྱེ་བར། །བར་མའི་ཁྱིམ་དུ་སྐྱེ་འགྱུར་ཞིང ། །རྟག་ཏུ་རབ་བྱུང་མང་བར་ཤོག། ཅེས་བཏབ་པའི་ཕྱིར་རོ། །བྲམ་ཟེའི་ཁྱེའུ་བང་ནས་སྐྱེས་ཀྱིས་བྲམ་ཟེའི་ཁྱེའུ་ཉེ་རྒྱལ་ལ་སྨྲས་པ། བྲམ་ཟེའི་ཁྱེའུ་བདག་ཅག་ནི་བྲམ་ཟེ་རབ་ཏུ་གྲགས་པ་དག་ཡིན་པས། བདག་ཅག་གང་ཡང་རུང་བར་རབ་ཏུ་འབྱུང་བར་མི་ནུས་ཀྱིས། འདི་ལྟར་ལེགས་པར་བརྟག་པར་བྱ་སྟེ། རབ་ཏུ་འབྱུང་བར་བྱའོ་ཞེས་དེ་གཉིས་མཐར་གྱིས་རྒྱལ་པོའི་ཁབ་ཏུ་ཕྱིན་ཏོ། །དེའི་ཚེ་ན་རྫོགས་བྱེད་ལ་སོགས་པ་
Ka32a
༄#། །སྟོན་པ་དྲུག་པོ་ཐམས་ཅད་མཁྱེན་པ་མ་ཡིན་པར་ཐམས་ཅད་མཁྱེན་པར་མངོན་པའི་ང་རྒྱལ་ཅན་འདི་ལྟ་སྟེ། འགྲོ་བ་སྐྱོང་གི་བུ་རྫོགས་བྱེད་དང ། གནག་ལྷས་ཀྱི་བུ་ཀུན་ཏུ་རྒྱུ་དང ། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང ། མི་ཕམ་སྐྲའི་ལ་བ་ཅན་དང ། ཀ་ཏྱའི་བུ་ནོག་ཅན་དང ། གཉེན་གྱི་བུ་གཅེར་བུ་དག་རྒྱལ་པོའི་ཁབ་ན་ཉེ་བར་བརྟེན་ཅིང་གནས་སོ། ། དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་འགྲོ་བ་སྐྱོང་གི་བུ་རྫོགས་བྱེད་ག་ལ་བ་དེར་དོང་སྟེ་ཕྱིན་ནས།་འགྲོ་བ་སྐྱོང་གི་བུ་རྫོགས་བྱེད་ལ་འདི་སྐད་ཅེས་སྨྲས་སོ། །ཤེས་ལྡན་དག་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། རྫོགས་བྱེད་ཀྱིས་སྨྲས་པ། བྲམ་ཟེའི་ཁྱེའུ་དག་ཁོ་བོ་ནི་འདི་ལྟར་ལྟ་ཞིང་འདི་སྐད་སྨྲ་སྟེ་སྦྱིན་པ་མེད་དོ། །མཆོད་སྦྱིན་མེད་དོ། །སྦྱིན་སྲེག་མེད་དོ། །ལེགས་པར་སྤྱད་པ་མེད་དོ། །ཉེས་པར་སྤྱད་པ་མེད་དོ། །ལེགས་པར་སྤྱད་པ་དང ། ཉེས་པར་སྤྱད་པའི་ལས་རྣམས་ཀྱི་འབྲས་བུ་དང ། རྣམ་པར་སྨིན་པ་མེད་དོ། །འཇིག་རྟེན་འདི་མེད་དོ། །འཇིག་རྟེན་ཕ་རོལ་མེད་དོ། །མ་མེད་དོ། །ཕ་མེད་དོ། །སེམས་ཅན་རྫུས་ཏེ་སྐྱེ་བ་མེད་དོ། །འཇིག་རྟེན་ན་དགྲ་བཅོམ་པ་ཡང་དག་པར་སོང་བ་ཡང་དག་པར་ཞུགས་པ་གང་དག་ཚེ་འདི་ཉིད་ལ་རང་གི་མངོན་པར་ཤེས་པས་འཇིག་རྟེན་འདི་དང ། འཇིག་རྟེན་ཕ་རོལ་མངོན་སུམ་དུ་བྱས་ནས་བསྒྲུབས་ཏེ། བདག་
Ka32b
ཅག་ནི་སྐྱེ་བ་ཟད་དོ། །ཚངས་པར་སྤྱད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་པ་དག་མེད་དོ། །སྲོག་ནི་འདི་ཉིད་ལ་འཚོ་ཞིང་དེ་ཕྱིས་ཆད་པར་འགྱུར། ཞིག་པར་འགྱུར་ཏེ་ཤི་བའི་འོག་ཏུ་མི་འབྱུང་ངོ ། །སྐྱེས་བུའི་ལུས་ནི་འབྱུང་བ་ཆེན་པོ་བཞི་ལས་གྱུར་པ་ཡིན་ཏེ། དེ་ནི་གང་གི་ཚེ་དུས་བྱེད་པ་ན་དེའི་སའི་ལུས་ནི་སའི་བག་ལ་ཞ། ཆུའི་ལུས་ནི་ཆུའི། མེའི་ལུས་ནི་མེའི། རླུང་གི་ལུས་ནི་རླུང་གི་བག་ལ་ཞ་བར་འགྱུར་རོ། །དབང་པོ་རྣམས་ནི་ནམ་མཁའི་རྗེས་སུ་འགྲོ་བར་འགྱུར་རོ། །སྐྱེས་བུའི་རོ་ནི་ཁྲི་དང་ལྔའི་མི་དག་གིས་ཁྱེར་ཏེ་དུར་ཁྲོད་དུ་འགྲོ་ཞིང་བསྲེགས་ཕན་ཆད་མི་མངོན་པར་འགྱུར་རོ། །བསྲེག་བྱ་དག་ནི་ཐལ་བར་འགྱུར་རོ། །རུས་པ་དག་ནི་ཐི་བའི་མདོག་འདྲ་བར་གནས་སོ། །འདི་ལྟར་རྨོངས་པས་ཉེ་བར་བསྟན་པ་ནི་སྦྱིན་ལ། མཁས་པས་ཉེ་བར་བསྟན་པ་ནི་ལེན་ཏོ། །དེ་ལ་གང་དག་ཡོད་པར་སྨྲ་བ་དེ་དག་ཐམས་ཅད་ནི་གསོབ་གསོག་བརྫུན་དུ་བརྡོལ་བ་དག་ཡིན་ནོ། །འདི་ལྟར་བྱིས་པ་དང ། མཁས་པ་དེ་གཉིས་ནི་ཕྱིས་ཆད་པར་འགྱུར། ཞིག་པར་འགྱུར་ཏེ་ཤི་བའི་འོག་ཏུ་མི་འབྱུང་ངོ ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ནི་ལམ་གོལ་བར་ཞུགས་པ་ལམ་ངན་པ་ལེགས་པར་བསྒྲུབ་པ་ཡིན་ཏེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་
Ka33a
༄#། །པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས། སྣོད་སྟོང་པ་བཞིན་དུ་བརྡབས་ཏེ་དོང་ངོ ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་གནག་ལྷས་ཀྱི་བུ་ཀུན་ཏུ་རྒྱུ་ག་ལ་བ་དེར་དོང་སྟེ་ཕྱིན་ནས། གནག་ལྷས་ཀྱི་བུ་ཀུན་ཏུ་རྒྱུ་ལ་འདི་སྐད་ཅེས་སྨྲས་སོ། །ཤེས་ལྡན་དག་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོད་ནི་གང་ཡིན། ཀུན་ཏུ་རྒྱུས་སྨྲས་པ། བྲམ་ཟེའི་ཁྱེའུ་དག་ཁོ་བོ་ནི་འདི་ལྟར་ལྟ་ཞིང་འདི་སྐད་ཅེས་སྨྲས་ཏེ། སེམས་ཅན་རྣམས་ཀུན་ནས་ཉོན་མོངས་པར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་ཀུན་ནས་ཉོན་མོངས་པར་འགྱུར་རོ། །སེམས་ཅན་རྣམས་རྣམ་པར་དག་པར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་རྣམ་པར་དག་པར་འགྱུར་རོ། །སེམས་ཅན་རྣམས་ཤེས་པ་མེད་པར་འགྱུར་བ་དང་མཐོང་བ་མེད་པར་འགྱུར་བ་ལ་རྒྱུ་མེད་རྐྱེན་མེད་དོ། ། སེམས་ཅན་རྣམས་རྒྱུ་མེད་རྐྱེན་མེད་པར་ཤེས་པ་མེད་པ་དང་མཐོང་བ་མེད་པར་འགྱུར་རོ། །སེམས་ཅན་རྣམས་ཤེས་པར་འགྱུར་བ་དང་མཐོང་བར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་ཤེས་པ་དང་མཐོང་བར་འགྱུར་རོ། །སྟོབས་མེད་དོ། །བརྩོན་འགྲུས་མེད་དོ། །སྟོབས་དང་བརྩོན་འགྲུས་མེད་དོ། །སྐྱེས་བུའི་རྩལ་མེད་དོ། །ཕ་རོལ་གནོན་པ་མེད་དོ། །སྐྱེས་
Ka33b
བུའི་རྩལ་དང་ཕ་རོལ་གནོན་པ་མེད་དོ། །བདག་གི་རྩལ་མེད་དོ། །གཞན་གྱི་རྩལ་མེད་དོ། །བདག་གི་རྩལ་དང་གཞན་གྱི་རྩལ་མེད་དོ། །སེམས་ཅན་ཐམས་ཅད་དང ། སྲོག་ཆགས་ཐམས་ཅད་དང ། འབྱུང་པོ་ཐམས་ཅད་མཐུ་མེད། སྟོབས་མེད། དབང་མེད། བརྩོན་འགྲུས་མེད། ཕ་རོལ་གནོན་པ་མེད་དོ། །འགྲོ་བ་མཚམས་སྦྱོར་བའི་སྲིད་པ་དག་ངེས་པར་འགྱུར་ཏོ། །འདི་ལྟར་འགྲོ་བ་དྲུག་པོ་དག་ཏུ་བདེ་བ་དང་སྡུག་བསྔལ་སོ་སོར་མྱོང་བར་འགྱུར་རོ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་ཀ་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ་ལམ་ངན་པ་ལེགས་པར་བསྒྲུབ་པ་ཡིན་ཏེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པར་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས། སྣོད་སྟོང་པ་བཞིན་དུ་བརྡབས་ཏེ་དོང་ངོ་།། །། འདུལ་བ་གཞི། བམ་པོ་གསུམ་པ། དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་སྨྲ་བར་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ག་ལ་བ་དེར་དོང་སྟེ་ཕྱིན་ནས། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ལ་འདི་སྐད་ཅེས་སྨྲས་སོ། །ཤེས་ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་
Ka34a
༄#། །གང་ཡིན། ཡང་དག་རྒྱལ་བ་ཅན་གྱིས་སྨྲས་པ། བྲམ་ཟེའི་ཁྱེའུ་དག་ཁོ་བོ་ནི་འདི་ལྟར་ལྟ་ཞིང་འདི་སྐད་སྨྲ་སྟེ། བྱེད་པ་དང ། བྱེད་དུ་འཇུག་པ་དང ། གཅོད་པ་དང ། གཅོད་དུ་འཇུག་པ་དང ། སྲེག་པ་དང ། སྲེག་ཏུ་འཇུག་པ་དང ། རྡེག་པ་དང ། རྡེག་ཏུ་འཇུག་པ་དང ། སྲོག་ཆགས་ལ་འཚེ་བ་དང ། མ་བྱིན་པར་ལེན་པ་དང ། འདོད་པ་དག་ལ་ལོག་པར་སྤྱོད་པ་དང ། ཤེས་བཞིན་དུ་བརྫུན་སྨྲ་བ་དང ། མྱོས་པར་འགྱུར་བའི་བཏུང་བ་འཐུང་པ་དང ། ཁྱིམ་འབིགས་པ་དང ། མདུད་པ་འགྲོལ་བ་དང ། རིལ་གྱིས་འཕྲོག་པ་དང ། ལམ་འགོག་ཅིང་འདུག་པ་དང ། གྲོང་འཇོམས་པར་བྱེད་པ་དང ། གྲོང་ཁྱེར་འཇོམས་པར་བྱེད་པ་དང ། ཡུལ་འཇོམས་པར་བྱེད་པ་དང ། ས་གཞི་ཆེན་པོ་འདི་ལ་སེམས་ཅན་གང་དག་ཡོད་པ་དེ་དག་ཐམས་ཅད་འཁོར་ལོའི་མཐའ་སྦུ་གྲི་ལས་བྱས་པས་ཀུན་ཏུ་གཅོད་པར་བྱེད། ཀུན་ཏུ་གཤེག་པར་བྱེད། ཀུན་ཏུ་རྡུང་པར་བྱེད། ཀུན་ཏུ་འདྲལ་བར་བྱེད་ཅིང་སེམས་ཅན་དེ་དག་ཐམས་ཅད་ཀུན་ཏུ་བཅད། ཀུན་ཏུ་གཤེགས། ཀུན་ཏུ་བརྡུངས། ཀུན་ཏུ་དྲལ་ནས། ཤའི་ཐང་མ་གཅིག་ཏུ་བྱེད། ཤའི་ཚོམས་གཅིག་ཏུ་བྱེད། ཤའི་བུངས་གཅིག་ཏུ་བྱེད། ཤའི་ཕུང་པོ་གཅིག་ཏུ་བྱེད་ཅིང ། ཤའི་ཐངས་\་ཊཿ ཱཎG?\་མ་གཅིག་ཏུ་བྱས། ཤའི་ཚོམས་གཅིག་ཏུ་བྱས། ཤའི་བུངས་གཅིག་ཏུ་བྱས། ཤའི་ཕུང་པོ་གཅིག་ཏུ་བྱས་ནས། དེ་ལྟར་ཀུན་ཏུ་སྒྲུབ་པར་བྱེད་པ་ལ་གཞི་དེ་ལས་སྡིག་པ་ཡང་མེད། གཞི་དེ་ལས་སྡིག་པར་འགྱུར་བ་ཡང་མེད་དོ།།
Ka34b
ཆུ་ཀླུང་གངྒཱའི་ལྷོ་ནས་ཀུན་ཏུ་སྤྱོད་པར་བྱེད་པར་བྱེད། ཀུན་ཏུ་གཤེགས་པར་བྱེད། ཀུན་ཏུ་རྡུང་བར་བྱེད། ཀུན་ཏུ་འདྲལ་བར་བྱེད་ཅིང་འགྲོ་ལ། ཆུ་ཀླུང་གངྒཱའི་བྱང་ནས་སྦྱིན་པར་བྱེད། མཆོད་སྦྱིན་བྱེད་ཅིང་འགྲོ་བར་འགྱུར་ན། གཞི་དེ་ལས་སྡིག་པ་དང་བསོད་ནམས་ཀྱང་མེད། གཞི་དེ་ལས་སྡིག་པ་དང་བསོད་ནམས་སུ་འགྱུར་བ་ཡང་མེད་དོ། །སྦྱིན་པ་དང ། མཆོད་སྦྱིན་དང ། དུལ་བ་དང ། ཡང་དག་པར་སྡོམ་པ་དང ། དོན་སྤྱོད་པ་དང་དོན་མཐུན་པས་དེ་ལྟར་བྱེད་པ་ཡང་བསོད་ནམས་མི་བྱེད་པ་ཁོ་ན་ཡིན་ནོ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ་ལམ་ངན་པ་ཡང་དག་པར་སྒྲུབ་པ་ཡིན་ཏེ། འཇིགས་པ་དང་བཅས་པའི་ལམ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས། སྣོད་སྟོང་པ་བཞིན་དུ་བརྡབས་ཏེ་དོང་ངོ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་མི་ཕམ་སྐྲའི་ལ་བ་ཅན་ག་ལ་བ་དེར་དོང་སྟེ་ཕྱིན་ནས། མི་ཕམ་སྐྲའི་ལ་བ་ཅན་ལ་འདི་སྐད་ཅེས་སྨྲས་སོ། །ཤེས་ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། མི་ཕམ་གྱིས་སྨྲས་པ། བྲམ་ཟེའི་བྱེའུ་དག་ཁོ་བོ་ནི་འདི་ལྟར་ལྟ་
Ka35a
༄#། །ཞིང་འདི་སྐད་ཅེས་སྨྲ་སྟེ། ལུས་བདུན་པོ་འདི་དག་ནི་མ་བྱས་པ། བྱས་པས་མ་བྱས་པ། མ་སྤྲུལ་པ། སྤྲུལ་པས་མ་བྱས་པ། གནོད་པ་བྱ་བ་མ་ཡིན་པ། ཐེར་ཟུག་ཏུ་གནས་པ། ཀ་བ་བཞིན་དུ་གནས་པ་དག་ཡིན་ཏེ། བདུན་གང་ཞེ་ན། འདི་ལྟ་སྟེ། སའི་ལུས་དང ། ཆུའི་ལུས་དང ། མེའི་ལུས་དང ། རླུང་གི་ལུས་དང ། བདེ་བ་དང་སྡུག་བསྔལ་བ་དང ། སྲོག་གསོན་པ་ཉིད་ནི་བདུན་པ་སྟེ། ལུས་བདུན་པོ་དེ་དག་ནི་མ་བྱས་པ། བྱས་པས་མ་བྱས་པ། མ་སྤྲུལ་པ། སྤྲུལ་པས་མ་བྱས་པ། གནོད་པར་བྱ་བ་མ་ཡིན་པ། ཐེར་ཟུག་ཏུ་གནས་པ། ཀ་བ་བཞིན་དུ་གནས་པ་དག་ཡིན་ནོ། །དེ་དག་ནི་འདི་ལྟ་སྟེ། བསོད་ནམས་སུ་འགྱུར་བའི་ཕྱིར་རམ། སྡིག་པར་འགྱུར་བའི་ཕྱིར་རམ། བསོད་ནམས་དང་སྡིག་པར་འགྱུར་བའི་ཕྱིར་རམ། བདེ་བར་འགྱུར་བའི་ཕྱིར་རམ། སྡུག་བསྔལ་བར་འགྱུར་བའི་ཕྱིར་རམ། བདེ་བ་དང་སྡུག་བསྔལ་བར་འགྱུར་བའི་ཕྱིར་གཡོ་བར་མི་བྱེད། རྣམ་པར་འགྱུར་བར་མི་བྱེད། གཅིག་ལ་གཅིག་གནོད་པར་མི་བྱེད་དོ། །སྐྱེས་བུ་གང་གིས་སྐྱེས་བུའི་མགོ་གཅོད་པར་བྱེད་པ་དེས་ཀྱང་འཇིག་རྟེན་ན་གཡོ་བའམ། གནས་པ་ལ་གནོད་པ་ཅུང་ཟད་ཀྱང་མི་བྱེད་དེ། ལུས་བདུན་པོ་དག་ལ་བར་མེད་པར་མཚོན་ཐལ་བྱུང་དུ་འགྲོ་ཞིང་དེར་སྲོག་ལ་འགའ་གནོད་པ་མེད་དོ། །དེ་ལ་གསོད་པར་བྱེད་པའམ། གསོད་དུ་འཇུག་པའམ། སྐུལ་བར་བྱེད་པའམ། སྐུལ་དུ་འཇུག་པའམ། དྲན་པར་བྱེད་པའམ། དྲན་པར་བྱེད་དུ་འཇུག་
Ka35b
པའམ། རྣམ་པར་རིག་བར་བྱེད་པའམ། རྣམ་པར་རིག་པར་བྱེད་དུ་བཅུག་པ་འགའ་ཡང་མེད་དོ། །བྱིས་པའམ་མཁས་པ་གང་དག་ཡིན་པ་དག་ནི་སྐྱེ་གནས་གཙོ་བོ་དང་ལྡན་པ་ཁྲི་བཞི་སྟོང་དང ། རྟོག་པ་ཆེན་པོ་དྲུག་ཁྲི་དང་དྲུག་བརྒྱ་དང ། ལས་ལྔ་དང་ལས་གསུམ་དང་ལས་གཉིས་དང་ལས་དང ། ལས་ཕྱེད་དང་ལམ་དྲུག་ཅུ་རྩ་གཉིས་དང ། རྟོག་པ་པར་མ་དྲུག་ཅུ་རྩ་གཉིས་དང ། སེམས་ཅན་དམྱལ་བ་སུམ་ཅུ་རྩ་དྲུག་དང ། དབང་པོ་བརྒྱ་ཉི་ཤུ་དང ། རྡུལ་གྱི་ཁམས་དྲུག་ཅུ་རྩ་གཉིས་དང ། ཀླུའི་རིགས་བཞི་ཁྲི་དགུ་སྟོང་དང ། ནམ་མཁའ་ལྡིང་གི་རིགས་བཞི་ཁྲི་དགུ་སྟོང་དང ། ཀུན་ཏུ་རྒྱུའི་རིགས་བཞི་ཁྲི་དགུ་སྟོང་དང ། ཀུན་ཏུ་འཚོའི་རིགས་བཞི་ཁྲི་དགུ་སྟོང་དང ། གཅེར་བུ་པའི་རིགས་བཞི་ཁྲི་དགུ་སྟོང་དང ། འདུ་ཤེས་ཅན་གྱི་གནས་བདུན་དང ། འདུ་ཤེས་མེད་པའི་གནས་བདུན་དང ། གཅེར་བུ་པའི་གནས་བདུན་དང ། ལྷ་མ་ཡིན་བདུན་དང ། ཤ་ཟ་བདུན་དང ། ལྷ་བདུན་དང ། མི་བདུན་དང ། མཚོ་ཆེན་པོ་བདུན་དང ། མཚོ་བདུན་བརྒྱ་དང ། རྨི་ལམ་ཆེན་པོ་བདུན་དང ། རྨི་ལམ་བདུན་བརྒྱ་དང ། འབྲི་བ་ཆེན་པོ་བདུན་དང ། འབྲི་བ་བདུན་བརྒྱ་དང ། འཕེལ་བ་ཆེན་པོ་བདུན་དང ། འཕེལ་བ་བདུན་བརྒྱ་དང ། སད་པ་ཆེན་པོ་བདུན་དང ། སད་པ་བདུན་བརྒྱ་དང ། གཡང་ས་ཆེན་པོ་བདུན་དང ། གཡང་ས་བདུན་བརྒྱ་དང ། རིགས་བཙུན་པ་དྲུག་དང ། མངོན་པར་མཐོ་བ་བཅུ་དང ། སྐྱེས་བུ་ཆེན་པོའི་ས་བརྒྱད་པོ་དེ་དག་ཏུ་བསྐལ་པ་ཆེན་པོ་བརྒྱད་ཁྲི་བཞི་སྟོང་དུ་མཚམས་
Ka36a
༄#། །སྦྱར་ཅིང་འཁོར་ནས་སྡུག་བསྔལ་མཐར་བྱེད་དོ། །འདི་ལྟ་སྟེ། དཔེར་ན། སྐུད་པའི་གྲུ་གུ་ཡང་བ་སྟེང་གི་ནམ་མཁའ་ལས་འཕངས་པ་གཟངས་\?\་པ་ན་ས་ལ་འབབ་པ་དེ་བཞིན་བྱིས་པའམ། མཁས་པ་གང་དག་ཡིན་པ་དག་ཀྱང་དེ་དག་ཏུ་བསྐལ་པ་ཆེན་པོ་བརྒྱད་ཁྲི་བཞི་སྟོང་དུ་མཚམས་སྦྱར་ཅིང་འཁོར་ནས་སྡུག་བསྔལ་མཐར་བྱེད་དོ། །དེ་ལ་དགེ་སྦྱོང་དང་བྲམ་ཟེ་གང་འདི་སྐད་ཅེས་བདག་ཚུལ་ཁྲིམས་སམ། བརྟུལ་ཞུགས་སམ། དཀའ་ཐུབ་བམ། ཚངས་པར་སྤྱོད་པ་ལ་གནས་པ་འདིས་ལས་ཡོངས་སུ་མ་སྨིན་པ་ནི་ཡོངས་སུ་སྨིན་པར་བྱ་ཞིང ། ཡོངས་སུ་སྨིན་པ་ནི་རེག་པར་བྱས་ནས་བྱང་བར་བྱའོ་ཞེས་ཟེར་བ་འགའ་ཡང་མེད་དོ། །བདེ་བ་དང་སྡུག་བསྔལ་འདི་ངེས་པ་ཡིན་ནོ། །ཡར་སྐྱེ་བ་དང ། མར་འགྲིབ་པ་ནི་མི་སྲིད་དོ། །འདི་ལྟ་བུ་འདི་ཉིད་དང ། གཞན་མ་ཡིན་པས་འཁོར་བ་གཞལ་ལོ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ་ལམ་ངན་པ་ལེགས་པར་སྒྲུབ་པ་ཡིན་ཏེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས། སྣོང་\་ཥྞཱོཌ\་སྟོང་བ་བཞིན་དུ་བརྡབས་ཏེ་དོང་ངོ ། །དེ་ནས་བྲམ་ཟེའི་ཁྱེའུ་
Ka36b
ཉེ་རྒྱལ་དང་པང་ནས་སྐྱེས་གཉིས་ཀ་ཏྱའི་བུ་ནོག་ཅན་ག་ལ་བ་དེར་དོང་སྟེ་ཕྱིན་ནས། ག་ཏྱའི་བུའི་བུ་ནོག་ཅན་ལ་འདི་སྐད་ཅེས་སྨྲས་སོ། །ཤེས་ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། ནོག་ཅན་གྱིས་སྨྲས་པ། བྲམ་ཟེའི་ཁྱེའུ་དག་ཁོ་བོ་ནི་འདི་ལྟར་ལྟ་ཞིང་འདི་སྐད་ཅེས་སྨྲ་སྟེ། གལ་ཏེ་འགའ་ཞིག་ཁོ་བོའི་གན་དུ་འོངས་ཏེ་འདི་སྐད་ཅེས་འཇིག་རྟེན་ཕ་རོལ་ཡོད་དམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་ཡོད་དོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་མེད་དམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་མེད་དོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་ཡོད་པ་དང་མེད་པ་ཡིན་ནམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་ཡོད་པ་དང་མེད་པ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་ཡོད་པ་ཡང་མ་ཡིན། མེད་པ་ཡང་མ་ཡིན་པ་ཡིན་ནམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་ཡོད་པ་ཡང་མ་ཡིན་མེད་པ་ཡང་མ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །དེ་བཞིན་དུ་གལ་ཏེ་འགའ་ཞིག་ཁོ་བོའི་གན་དུ་འོངས་ཏེ། འདི་སྐད་ཅེས་འཇིག་རྟེན་ཕ་རོལ་འདི་ལྟ་བུ་ཉིད་དང ། འདི་ལྟ་བུ་ཉིད་མ་ཡིན་ནམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་འདི་ལྟ་བུ་ཉིད་དང་འདི་ལྟ་བུ་ཉིད་མ་ཡིན་པ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་
Ka37a
༄#། །རྟེན་ཕ་རོལ་གཞན་ཉིད་དང་གཞན་ཉིད་མ་ཡིན་པ་ཡིན་ནམ་།ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་གཞན་ཉིད་དང་གཞན་ཉིད་མ་ཡིན་པ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་གཞན་མ་ཡིན་པ་ཉིད་དང་གཞན་མ་ཡིན་པ་ཉིད་མ་ཡིན་པ་ཡིན་ནམ་ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་གཞན་མ་ཡིན་པ་ཉིད་དང་གཞན་མ་ཡིན་པ་ཉིད་མ་ཡིན་པ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །འཇིག་རྟེན་ཕ་རོལ་དེ་ཉིད་དང་དེ་ཉིད་མ་ཡིན་པ་ཡིན་ནམ། ཞེས་དྲི་བ་འདྲི་ན། དེ་ལ་ཁོ་བོ་འཇིག་རྟེན་ཕ་རོལ་དེ་ཉིད་དང་དེ་ཉིད་མ་ཡིན་པ་ཡིན་ནོ་ཞེས་དྲི་བ་དྲིས་པའི་ལན་འདེབས་པར་བྱེད་དོ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ་ལམ་ངན་པ་ལེགས་པར་སྒྲུབ་པ་ཡིན་ཏེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་བ་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས། སྣོད་སྟོང་པ་བཞིན་དུ་བརྡབས་ཏེ་དོང་ངོ ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་གཉེན་གྱི་བུ་གཅེར་བུ་ག་ལ་བདེ་བ་དོང་སྟེ་ཕྱིན་ནས་གཉེན་གྱི་བུ་གཅེར་བུ་ལ་འདི་སྐད་ཅེས་སྨྲས་སོ། །ཤེས་
Ka37b
ལྡན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། གཅེར་བུས་སྨྲས་པ། བྲམ་ཟེའི་ཁྱེའུ་དག་ཁོ་བོ་ནི་འདི་ལྟར་ལྟ་ཞིང་འདི་སྐད་སྨྲ་སྟེ། སྐྱེས་བུ་གང་ཟག་འདིས་སོ་སོར་མྱོང་བ་གང་ཡིན་པ་ཅི་ཡང་རུང་སྟེ། དེ་ཐམས་ཅད་སྔོན་བྱས་པའི་རྒྱུ་ལས་བྱུང་བ་ཡིན་ནོ། །ལས་རྙིངས་པ་རྣམས་ནི་དཀའ་ཐུབ་ཀྱིས་འབྱང་བར་འགྱུར་ལ། ལས་སར་བ་རྣམས་ནི་མི་བྱ་བའི་ཆུ་ལོན་གྱིས་བཟློག་པར་བྱའོ། །དེ་ལྟར་ན་ཕྱིན་ཆད་ཟག་པ་མེད་དོ། །ཟག་པ་མེད་ན་ལས་ཟད་དོ། །ལས་ཟད་ན་སྡུག་བསྔལ་ཟད་དོ། །སྡུག་བསྔལ་ཟད་ན་སྡུག་བསྔལ་མཐར་བྱེད་པར་འགྱུར་རོ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་འདི་སྙམ་དུ་སེམས་ཏེ། སྟོན་པ་ཤེས་ལྡན་འདི་ཡང་ལམ་གོལ་བར་ཞུགས་པ་ལམ་ངན་པ་ལེགས་པར་སྒྲུབ་པ་སྟེ། ལམ་འཇིགས་པ་དང་བཅས་པ་ཇི་ལྟ་བ་བཞིན་དུ་མཁས་པ་རྣམས་ཀྱིས་སྤང་བར་བྱ་བ་ཡིན་ནོ་སྙམ་དུ་རིག་ནས། ཚིགས་སུ་བཅད་པ་སྨྲས་པ། བློ་ངན་ལོག་པར་སྟོན་བྱེད་པ། །དམན་པ་སྟོན་པར་གྲགས་པ་སྟེ། །གང་གི་ཆོས་འདི་དེ་འདྲ་བ། །དེ་ཡི་ཆོས་མིན་ཅི་ཞིག་འདྲ། །ཞེས་སྨྲས་ནས། སྣོད་སྟོང་པ་བཞིན་དུ་བརྡབས་ཏེ་དོང་ངོ ། །དེའི་ཆེ་ན་མུ་སྟེགས་ཅན་གྱི་གནས་ཡང་དག་རྒྱལ་བ་ཅན་ཞེས་བྱ་བ་ཞིག་བྱུང་ནས་རིང་པོ་མ་ལོན་པར་གྱུར་ཏོ། །དེ་ནས་བྲམ་ཟེའི་ཁྱེའུ་ཉེ་རྒྱལ་དང་བང་ནས་སྐྱེས་གཉིས་སྟོན་པ་ཡང་དག་རྒྱལ་བ་ཅན་ག་ལ་བ་དེར་དོང་སྟེ་ཕྱིན་ནས་དྲིས་པ། ཤེས་ལྡན་དག་
Ka38a
༄#། །སྟོན་པ་ཡང་དག་རྒྱལ་བ་ཅན་གང་ན། ནང་དུ་ཡང་དག་འཇོག་ལའོ། །ཀྱེ་མ་བདག་ཅག་གིས་ཡུན་རིང་པོ་རིང་པོ་ཞིག་ནས་ནང་དུ་ཡང་དག་འཇོག་གི་སྒྲ་གདོད་ཐོས་སོ། །དེ་གཉིས་འདི་སྙམ་དུ་སེམས་ཏེ། བདག་ཅག་གིས་སྟོན་པ་ནང་དུ་ཡང་དག་འཇོག་ལས་བསླངས་པ་ནི་བདག་ཅག་གི་ཚུལ་དང་མཐུན་པ་མ་ཡིན་གྱི། གང་གི་ཚེ་ནང་དུ་ཡང་དག་འཇོག་ལས་ལངས་པར་གྱུར་པ་དེའི་ཚེ་ན། དྲུང་དུ་འདོང་བར་བྱའོ་སྙམ་ནས། དེ་གཉིས་ཕྱོགས་གཅིག་ཏུ་དོང་སྟེ་འཁོད་དོ། །དེ་ནས་སྟོན་པ་ཡང་དག་རྒྱལ་བ་ཅན་ནང་དུ་ཡང་དག་འཇོག་ལས་ལངས་པ་དང ། དེ་བསམ་གཏན་དག་གིས་དབང་པོ་རྣམས་ཚིམ་པར་གྱུར་ཏོ། །དེ་གཉིས་ཀྱིས་བསམས་པ། གང་ལ་བྱད་བཞིན་ཡོད་པ་དེ་དག་ལ་ཡོན་ཏན་དག་ཀྱང་ཡོད་དོ་སྙམ་ནས། དེ་གཉིས་དེའི་གན་དུ་དོང་སྟེ་ཕྱིན་ནས་སྨྲས་པ། ཤེས་ལྡན་ཡང་དག་རྒྱལ་བ་ཅན་ཁྱོད་ཀྱི་ཆོས་ཀྱི་ཚུལ་ནི་གང་ཡིན། སློབ་མ་ལ་གདམས་པ་ནི་གང་ཡིན། ཚངས་པར་སྤྱོད་པའི་འབྲས་བུ་ནི་གང་ཡིན། ཕན་ཡོན་ནི་གང་ཡིན། ཡང་དག་རྒྱལ་བ་ཅན་གྱིས་སྨྲས་པ། བྲམ་ཟེའི་ཁྱེའུ་དག་ཁོ་བོ་ནི་འདི་ལྟར་ལྟ་ཞིང་འདི་སྐད་ཅེས་སྨྲ་སྟེ། བདེན་པ་དང་མི་འཚེ་བ་ནི་ཆོས་སོ། །ཞི་བ་དང་རྒ་བ་མེད་པ་དང ། འཆི་བ་མེད་པ་དང ། ཉམས་པ་མེད་པའི་གནས་དེ་ནི་ཚངས་པའོ། །དེ་གཉིས་ཀྱིས་སྨྲས་པ། མཁན་པོ་སྨྲས་པ་དེའི་དོན་ཅི་ལགས། བདེན་པ་ཞེས་བྱ་བ་ནི་བདེན་པའི་བསམ་པས་རབ་ཏུ་འབྱུང་བའོ། །མི་འཚེ་བ་ཞེས་བྱ་བ་ནི་ཆོས་ཐམས་ཅད་
Ka38b
མི་འཚེ་བའི་གཞི་ལས་བྱུང་བའོ། །ཞི་བ་དང་རྒ་བ་མེད་པ་དང ། འཆི་བ་མེད་པ་དང ། ཉམས་པ་མེད་པའི་གནས་ཤེས་བྱ་བ་དེ་དག་ནི་མྱ་ངན་ལས་འདས་པའི་རྣམ་གྲངས་ཀྱི་ཚིག་དག་ཡིན་ནོ། །དེ་ནི་ཚངས་པའོ་ཞེས་བྱ་བ་ནི་གལ་ཏེ་རེ་ཞིག་ཚེ་འདི་ཉིད་ལ་མྱ་ངན་ལས་འདས་པ་སྒྲུབ་པར་བྱེད་ན། དེ་ལྟ་ན་ལེགས། གལ་ཏེ་སྒྲུབ་པར་མི་བྱེད་ན་ཡང་ཚངས་པའི་འཇིག་རྟེན་དུ་ཉེ་བར་འགྲོ་བར་འགྱུར་ཏེ། དེ་ལྟ་ན་ཡང་བྲམ་ཟེ་དག་ནི་ཚངས་པའི་འཇིག་རྟེན་དུ་གཞོལ་བ་དང ། ཚངས་པའི་འཇིག་རྟེན་དུ་འབབ་པ་དང ། ཚངས་པའི་འཇིག་རྟེན་དུ་བབ་པ་ཡིན་ནོ། །ཚངས་པའི་འཇིག་རྟེན་ཡང་དེ་ལྟ་བུ་ཡིན་ཞིང་ཚངས་པའི་འཇིག་རྟེན་ཡང་དེ་འདྲ་བ་ཡིན་ཏེ། ཚངས་པའི་འཇིག་རྟེན་དང་སྐལ་བ་མཉམ་པར་སྒྲུབ་པ་ནི་མྱ་ངན་ལས་འདས་པ་ལ་གཞོལ་བ་ཡིན་ནོ། །མཁན་པོ་བདག་ཅག་རབ་ཏུ་འབྱུང་བར་གནང་ན། བདག་ཅག་མཁན་པོའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །དེས་དེ་གཉིས་རབ་ཏུ་ཕྱུང་ངོ ། །གང་གི་ཚེ་སྟོན་པ་ཡང་དག་རྒྱལ་བ་ཅན་གྱིས་བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་རབ་ཏུ་བྱུང་བ་དེའི་ཚེ་ན། ཐམས་ཅད་དུ་སྟོན་པ་ཡང་དག་རྒྱལ་བ་ཅན་གྱིས། བྲམ་ཟེའི་ཁྱེའུ་ཉེ་རྒྱལ་དང་པང་ནས་སྐྱེས་གཉིས་རབ་ཏུ་ཕྱུང་ངོ ། །ཞེས་སྒྲ་གྲགས་ཤིང་དེ་ལ་རྙེད་པ་དང་བཀུར་སྟི་མང་པོ་བྱུང་བར་གྱུར་ཏོ། །དེས་བསམས་པ། སྔོན་ཡང་བདག་ཤན་ཌི་ལའི་རིགས་ཡིན་ལ། ད་ལྟར་ཡང་བདག་ཤན་ཌི་ལའི་རིགས་ཡིན་ན། ད་ལྟར་བདག་ལ་རྙེད་པ་དང་བཀུར་སྟི་མང་པོ་འབྱུང་བར་གྱུར་པའི་སྦྱོར་བ་གང་ཡིན་སྙམ་མོ། །དེས་བསམས་
Ka39a
༄#། །པ།་འདི་ནི་བདག་གི་མཐུ་མ་ཡིན་ཏེ། འདི་ལྟར་བྲམ་ཟེའི་ཁྱེའུ་འདི་གཉིས་ཀྱི་མཐུ་ཡིན་ནོ་སྙམ་ནས། བྲམ་ཟེའི་ཁྱེའུ་ལྔ་བརྒྱ་ཙམ་བྲམ་ཟེའི་གསང་ཚིག་དག་ཀློག་ཏུ་འཇུག་པ་ན་དེས་གཅིག་ལ་ཉིས་བརྒྱ་ལྔ་བཅུ་གཏད་ཅིང ། ཅིག་ཤོས་ལ་ཡང་ཉིས་བརྒྱ་ལྔ་བཅུ་གཏད་དོ། །དུས་གཞན་ཞིག་ན་སྟོན་པ་ཡང་དག་རྒྱལ་བ་ཅན་ན་བར་གྱུར་ནས། ཉེ་རྒྱལ་གྱིས་པང་ནས་སྐྱེས་ལ་སྨྲས་པ། པང་ནས་སྐྱེས་ཅི་ཁྱོད་མཁན་པོའི་གཡོག་བྱེད་དམ། འོན་ཏེ་སྨན་ཚོལ་བར་བྱེད། དེས་བསམས་པ། འདི་ནི་ཤེས་རབ་ཅན་ཡིན་པས་འདི་ཉིད་གཡོག་བྱེད་དུ་བཅུག་ལ། བདག་གིས་ནི་སྨན་བཙལ་བར་བྱའོ་སྙམ་ནས། དེས་སྨྲས་པ། ཁྱོད་མཁན་པོའི་གཡོག་བྱོས་ཤིག་དང ། ཁོ་བོས་སྨན་བཙལ་ལོ། །ཉེ་རྒྱལ་གྱིས་གཡོག་བྱ་བར་བརྩམས་ནས། པང་ནས་སྐྱེས་ཀྱིས་སྨན་ཚོལ་བར་བྱེད་དོ། །དེ་ལ་རྩ་བ་དང ། སྡོང་བུ་དང ། འདབ་མ་དང ། མེ་ཏོག་དང་འབྲས་བུའི་སྨན་དག་གིས་བསྙེན་བཀུར་བྱས་ཀྱང་ནད་དེ་ཉེ་བར་ཞི་བར་མ་གྱུར་ཅིང ། ཉམས་དམས་ནས། དེས་འཛུམ་པ་བསྟན་པ་དང ། བྲམ་ཟེའི་ཁྱེའུ་ཉེ་རྒྱལ་གྱིས་སྨྲས་པ། མཁན་པོ་ཁྱོད་ལྟ་བུའི་སྐྱེས་བུ་གཙོ་བོ་དག་ནི་རྒྱུ་མ་མཆིས་རྐྱེན་མ་མཆིས་པར་འཛུམ་པ་མི་མཛད་ན། མཁན་པོ་འཛུམ་པ་མཛད་པའི་རྒྱུ་ནི་གང་ལགས། རྐྱེན་ནི་གང་ལགས། དེས་སྨྲས་པ། ཉེ་རྒྱལ་དེ་དེ་བཞིན་ནོ། །དེ་དེ་བཞིན་ཏེ། ཁོ་བོ་ལྟ་བུ་སྐྱེས་བུ་གཙོ་བོ་དག་ནི་རྒྱུ་མེད་རྐྱེན་མེད་པར་འཛུམ་པ་མི་སྟོན་ཏེ།
Ka39b
འདི་ལྟར་གསེར་གླིང་ན་རྒྱལ་པོ་གསེར་བདག་ཅེས་བྱ་བ་དུས་ལ་བབ་པ་དེའི་ཆུང་མ་མེའི་ཕུང་པོར་མཆོངས་པ་ན། དེ་ལ་ཁོ་བོ་འདི་སྙམ་དུ་སེམས་ཏེ། སེམས་ཅན་འདི་དག་ནི་འདོད་པའི་རྒྱུ་དང ། འདོད་པའི་གཞི་དང ། འདོད་པའི་གནས་ཀྱི་རྒྱུས་འདི་ལྟར་སྡུག་བསྔལ་ཉམས་སུ་མྱོང་བར་བྱེད་དོ་སྙམ་མོ། །མཁན་པོ་དུས་གང་གི་ཚེ། དུས་མིང་གེ་མོ་ཞིག་གི་ཆེའོ། །ཟླ་བ་གང་ལ། ཟླ་བ་མང་གེ་མོ་ཞིག་ལའོ། །ཉི་མ་གང་ལ། ཉི་མ་མང་གེ་མོ་ཞིག་ལའོ། །དེས་དྲིས་པ་དེ་གླེགས་བུ་ལ་བྲིས་ཏེ་བཞག་གོ་།དེས་སྨྲས་པ། མཁན་པོ་བདག་ཅག་ཅུང་ཟད་རབ་ཏུ་བྱུང་བ་གང་ལགས་པ་དེ་དག་ཐམས་ཅད་བདུད་རྩི་དོན་དུ་གཉེར་ཞིང ། བདུད་རྩི་ཚོལ་བ་ལགས་ན། གལ་ཏེ་མཁན་པོས་བདུད་རྩི་ཅུང་ཟད་བརྙེས་པ་ལྟ་ན། ཀྱེ་མ་མཁན་པོས་བདག་ཅག་ལ་ཡང་བདུད་རྩི་བགོ་བཤའ་མཛད་དུ་གསོལ། བུ་ཁོ་བོ་ཡང་ཅུང་ཟད་རབ་ཏུ་བྱུང་བ་དེ་དག་ཐམས་ཅད་བདུད་རྩི་དོན་དུ་གཉེར་ཞིང་བདུད་རྩི་ཚོལ་བ་ཡིན་ན་ཁོ་བོས་བདུད་རྩི་ཅུང་ཟད་ཀྱང་མ་རྙེད་དེ། འདི་ལྟར་འདི་ཉིད་ཀྱི་གསོ་སྦྱོང་བཅོ་ལྔ་པ་ལ་ལྷ་དག་སྟེང་གི་ནམ་མཁའ་ལ་རྒྱུ་བ་རྣམས་ཀྱི་སྒྲ་ཐོས་ནས། གངས་ཀྱི་ངོས་དང་ཉེ་བ་ཆུ་ཀླུང་སྐལ་ལྡན་ཤིང་རྟ་པའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་མི་རིང་བར་ཤཱཀྱ་རྣམས་ཀྱི་གཞོན་ནུ་བྱུང་སྟེ། དེ་བྲམ་ཟེས་བལྟས་པ་དང་མཚན་མཁན་དག་གིས་གཞོན་ནུ་དེ་ཕོ་བྲང་གི་ནང་ན་བཞུགས་པར་གྱུར་ན། འཁོར་ལོས་སྒྱུར་བའི་རྒྱལ་པོ་མཐའ་བཞིར་རྒྱལ་བ། ཆོས་ཀྱི་རྒྱལ་པོ་ཆོས་དང་
Ka40a
༄#། །ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་པོ་དེ་དག་ནི་འདི་ལྟ་བུར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། དམག་དཔོན་རིན་པོ་ཆེ་ཉིད་ནི་བདུན་པ་ཡིན་ནོ། །འདི་ལ་བུ་དཔའ་བ་རྟུལ་ཕོད་པ་ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཚང་བ་ཡོད་པར་འགྱུར་རོ། །དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་བསྡོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་རྣམ་པར་གྲགས་པའི་སྒྲ་དང་ལྡན་པར་འགྱུར་རོ། །ཞེས་ལུང་བསྟན་ཏོ་ཞེས་ཟེར་བའི་སྒྲ་ཐོས་ཀྱིས། ཁྱེད་གཉིས་དེའི་བསྟན་པ་ལ་རབ་ཏུ་བྱུང་ལ། རིགས་སྨྲ་བར་མི་བྱ། རུས་སྨྲ་བར་མི་བྱ། བྲམ་ཟེའི་ཁྱེའུར་སྨྲ་བར་མི་བྱ་བར་རྒྱགས་པ་དང་ང་རྒྱལ་ངེས་པར་བཅོམ་པ་དག་གིས་དེའི་སྤྱན་སྔར་ཚངས་པར་སྤྱད་པ་སྤྱོད་ཅིག་དང ། དེ་ལས་ཁྱེད་གཉིས་ཀྱིས་བདུད་རྩི་ཆེན་པོ་འཐོབ་པར་འགྱུར་རོ་ཞེས་སྨྲས་ནས། བསགས་པ་ཀུན་གྱི་མཐའ་ཟད་ཅིང ། །
Ka40b
མཐོན་པོ་རྣམས་ཀྱི་མཐའ་ལྟུང་འགྱུར། །འཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས། དུས་ཀྱི་ཆོས་དང་ལྡན་པར་གྱུར་ཏོ། །དེ་དེ་རྣམས་ཀྱིས་གོས་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་གིས་ཁྱོགས་བརྒྱན་ཏེ་དུར་ཁྲོད་དུ་བསྐྱལ་ནས་བསྲེགས་ཏེ། དེའི་འོག་ཏུ་མྱ་ངན་བསང་བ་དག་བྱས་ནས་འཁོད་དོ། །གསེར་གླིང་ནས་བྲམ་ཟེའི་ཁྱེའུ་རལ་པ་གསེར་འདྲ་ཞེས་བྱ་བ་ཞིག་མཐར་གྱིས་རྒྱལ་པོའི་ཁབ་ཏུ་ཕྱིན་ནས། དེ་དེ་རྣམས་ཀྱི་འདུག་གནས་སུ་ཞུགས་པ་དང ། ཉེ་རྒྱལ་གྱིས་སྨྲས་པ། བྲམ་ཟེའི་ཁྱེའུ་ཁྱོད་དེ་བར་ག་ལས་འོངས། དེས་སྨྲས་པ། གསེར་གླིང་ནས་སོ། ། བྲམ་ཟེའི་ཁྱེའུ་ཁྱོད་ཀྱི་གསེར་གླིང་ན་ངོ་མཚར་དང་རྨད་དུ་བྱུང་བའི་ཆོས་ཅུང་ཟད་ཅི་མཐོང ། དེས་སྨྲས་པ། བདག་གིས་ངོ་མཚར་དང་རྨད་དུ་བྱུང་བའི་ཆོས་ཆེན་པོ་མཐོང་སྟེ། འདི་ལྟར་བདག་གིས་གསེར་གླིང་ན་ངོ་མཚར་རྨད་དུ་བྱུང་བའི་ཆོས་ཅུང་ཟད་ཅི་མཐོང་བ་དེ་ཉོན་ཅིག་།གསེར་གླིང་ན་རྒྱལ་པོ་གསེར་བདག་ཅེས་བྱ་བ་དུས་ལ་བབ་བ་དེའི་ཆུང་མ་མེའི་ཕུང་པོར་མཆོངས་སོ། །དུས་གང་གི་ཚེ། དུས་མང་གེ་མོ་ཞིག་གི་ཚེའོ།། ཟླ་བ་གང་ལ། ཟླ་བ་མང་གེ་མོ་ཞིག་ལའོ། །ཉི་མ་གང་ལ། ཉི་མ་མང་གེ་མོ་ཞིག་ལའོ། །དེས་དྲིས་པ་གླེགས་བུ་ལ་བྲིས་པ་བལྟས་ན། ཇི་ཙམ་ན་ཐམས་ཅད་དེ་ཁོ་ན་བཞིན་དུ་མཐོང་ནས། ཉེ་རྒྱལ་གྱིས་པང་ནས་སྐྱེས་ལ་སྨྲས་པ། མཁན་པོས་སློབ་དཔོན་གྱི་དཔེ་མཁྱུད་བྱས་ཏེ། དེས་ཤིན་ཏུ་བདུད་རྩི་རྙེད་ན་བདག་ཅག་ལ་བདུད་རྩིའི་བགོ་བཤའ་མ་བྱས་ཏེ། འདི་ལྟར་ལྷའི་མིག་གིས་ཡུལ་གཞན་ན་འདུག་པའི་གཟུགས་དག་
Ka41a
༄#། །མཐོང་བ་དང ། ལྷའི་རྣ་བས་སྒྲ་ཡིད་དུ་འོང་བ་དག་ཐོས་པ་ལས་ན། དེས་བདུད་རྩི་མ་རྙེད་དོ་ཞེས་བྱ་བ་ནི་ཆོས་མེད་དོ། །པང་ནས་སྐྱེས་ཀྱིས་བསམས་པ། ཉེ་རྒྱལ་འདི་ནི་ཤེས་རབ་ཅན་ཡིན་པས། འདིས་ཀྱང་བདུད་རྩི་རྙེད་ནས་བདག་ལ་མི་བརྗོད་པ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་ནས་དེས་སྨྲས་པ། ཉེ་རྒྱལ་ཚུར་ཤོག། ཁྲིམས་སུ་བྱ་བ་བཅས་པ་བདག་ཅག་གཉིས་ལས་གང་གིས་དང་པོར་བདུད་རྩི་རྙེད་པ་དེས་ཕན་ཚུན་བསྙད་པར་བསྙད་པར་བྱའོ། །ཞེས་དེ་གཉིས་ཀྱིས་ཁྲིམས་སུ་བྱ་བ་དེ་ལྟ་བུ་བཅས་ཏེ་ལྗོངས་རྒྱུར་དོང་ངོ ། །གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་ལོ་ཉི་ཤུ་རྩ་དགུ་བཞེས་ཀྱང་འདོད་པ་དག་ལ་མ་རོལ་ཏེ། རྒན་པོ་དང་ན་བ་དང་ཤི་བ་གཟིགས་པས་ཐུགས་བྱུང་ནས། མཚན་མོ་ནམ་ཕྱེད་ན་ནགས་སུ་གཤེགས་ནས། ལོ་དྲུག་ཏུ་དཀའ་བ་སྤྱད་དེ་དཀའ་བ་བྱེད་པ་ཅི་ཡང་མེད་པར་རིག་ནས། ཅི་བདེར་དབུགས་རྔུབ་པར་མཛད། ཅི་བདེར་དབུགས་འབྱིན་པར་མཛད་ཅིང་འབྲས་ཆན་དང་ཟན་དྲོན་ལ་སོགས་པ་ཞལ་ཟས་རྒྱ་ཆེན་པོ་དག་ཀྱང་གསོལ་བར་མཛད། ཞུན་མར་དང་འབྲུ་མར་དག་གིས་སྐུ་དག་ཀྱང་སྐུད་པར་མཛད། ཆུ་དྲོན་མོས་ཀྱང་སྐུ་བསིལ་བར་མཛད་ཅིང ། གྲོང་སྡེ་འདོང་དུ་གཤེགས་ནས། གྲོང་པའི་བུ་མོ་དགའ་མོ་དང་དགའ་སྟོབས་མ་གཉིས་ལས་ལན་བཅུ་དྲུག་བཟླས་པའི་འོ་མ་སྦྲང་རྩི་དང་བསྲེས་པ་གསོལ་ཏེ། ཀླུའི་རྒྱལ་པོ་ནག་པོས་མངོན་པར་བསྟོད་པ་ན་རྩཝ་བཀྲ་ཤིས་འཚོང་པ་ལས་རྩཝ་གསེར་གྱི་མདོག་ལྟ་བུ་དག་བཞེས་
Ka41b
ནས། བྱང་ཆུབ་ཀྱི་གཞི་ག་ལ་བ་དེར་གཤེགས་ཏེ་བྱོན་ནས། ཉིད་ཀྱིས་རྩཝ་མ་འཁྲུགས་ཤིང་ཀུན་ཏུ་མ་འཁྲུགས་པའི་གདན་བཤམས་ནས་སྐྱིལ་མོ་ཀྲུང་བཅས་ཏེ་སྐུ་དྲང་པོར་བསྲང་ནས་དྲན་པ་ཕྱོགས་པར་བཞག་སྟེ་བཞུགས་ནས། ཇི་སྲིད་ཟག་མེད་མ་ཐོབ་པ། །དེ་སྲིད་སྐྱིལ་ཀྲུང་གཞིག་མི་བྱ། །ཞེས་ཐུགས་བསྐྱེད་ཅིང་གསུང་བརྗོད་དེ། དེ་ཡི་ཇི་སྲིད་ཟག་མེད་པ། །མ་རྙེད་སྐྱིལ་ཀྲུང་འཇིག་མི་མཛད། །ཅེས་བྱ་བ་དང ། གང་གི་ཚེ་བཅོམ་ལྡན་འདས་ཀྱིས་མཚན་མོའི་གུང་ཐུན་ལ་བདུད་འབྱུང་པོ་དུང་ཕྱུར་ཕྲག་གསུམ་དང་བྱེ་བ་ཕྲག་དྲུག་གི་འཁོར་དང་ལྡན་པ་བྱམས་པའི་སྟོབས་ཀྱིས་མངོན་པར་བཏུལ་ཏེ། བླ་ན་མེད་པའི་མཁྱེན་པ་ཐུགས་སུ་ཆུད་ནས། ཚངས་པས་གསོལ་ཏེ་ཝཱ་ར་ཎཱ་སིར་གཤེགས་ནས་ལན་གསུམ་དུ་བཟླས་ཏེ། རྣམ་པ་བཅུ་གཉིས་སུ་ཆོས་དང་ལྡན་པའི་ཆོས་ཀྱི་འཁོར་ལོ་བསྐོར་བ་དེའི་ཚེ། ལྔ་པ་དང་ཉེ་ལྔ་དག་དང ། གྲོང་བའི་ཁྱེའུ་མཐེ་བ་མཐོ་བ་ལྔ་བཅུ་བཏུལ་ཏེ་རབ་ཏུ་ཕྱུང་ཞིང་བསྙེན་པར་རྫོགས་པར་མཛད་དོ། །རལ་བལ་ཅན་གྱི་ཚལ་གསེབ་ཏུ་གཤེགས་ནས། བཟང་སྡེའི་ཚོགས་དྲུག་ཅུ་བདེན་པ་ལ་བཀོད་དོ། །གྲོང་སྡེ་འདོང་དུ་གཤེགས་ནས། གྲོང་པའི་བུ་མོ་དགའ་མོ་དང་དགའ་སྟོབས་མ་གཉིས་བདེན་པ་དག་ལ་བཀོད་དོ། །ལྟེང་རྒྱས་སུ་གཤེགས་ནས། རལ་པ་ཅན་སྟོང་རབ་ཏུ་ཕྱུང་ཞིང་བསྙེན་པར་རྫོགས་པར་མཛད་དོ། །ག་ཡ་མགོའི་མཆོད་རྟེན་དུ་གཤེགས་ནས། དགེ་སློང་སྟོང་པོ་དེ་དག་ཆོ་འཕྲུལ་གསུམ་གྱིས་གདམས་པ་མཛད་ནས། འཁོར་བའི་དགོན་པ་ལས་བསྒྲལ་ཏེ། ཤིན་ཏུ་མཐར་ཐུག་པ་གྲུབ་པ་དང ། བདེ་བ་བླ་ན་མེད་
Ka42a
༄#། །པའི་མྱ་ངན་ལས་འདས་པ་ལ་བཀོད་དོ། །ལྟང་བྲང་གི་ཚལ་གསེབ་ཏུ་གཤེགས་ནས། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལྷ་བརྒྱད་ཁྲི་དང ། མ་ག་དྷ་པའི་བྲམ་ཟེ་དང ། ཁྱིམ་བདག་འབུམ་ཕྲག་དུ་མ་དང་ལྷན་ཅིག་བདེན་པ་ལ་བཞག་གོ་།རྒྱལ་པོའི་ཁབ་ཏུ་གཤེགས་ནས། འོད་མའི་ཚལ་བཞེས་ཏེ། དེ་ནས་སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་དཀའི་གནས་ན་བཞུགས་སོ། །ཉེ་རྒྱལ་དང་བང་ནས་སྐྱེས་གཉིས་ཀྱང་ལྗོངས་རྒྱུ་ཞིང་དོང་བ་ན། རྒྱལ་པོའི་ཁབ་ཏུ་ཕྱིན་པ་དང ། དེ་ན་གྲོང་ཁྱེར་རྒྱལ་པོའི་ཁབ་ཆེམ་མེ་ཆེམས་སེ་འདུག་པ་མཐོང་ནས། དེ་གཉིས་ཀྱིས་བསམས་པ། རྒྱུ་གཉིས་ཀྱི་གྲོང་ཁྱེར་ཆེན་པོ་འདི་ལྟ་བུ་ཆེམ་མེ་ཆེམས་སེར་གྱུར་ཏེ། ཕ་རོལ་གྱི་དམག་ཚོགས་ཀྱི་འཇིགས་པ་དང ། དགེ་སྦྱོང་ངམ། བྲམ་ཟེ་བསོད་ནམས་དང་དབང་ཆེ་བར་གྲགས་པ་འགའ་ཞིག་གནས་པ་ལས་འགྱུར་རོ་སྙམ་ནས། དེ་གཉིས་ཀྱིས་རྒྱུ་སྐར་དག་ལ་བལྟ་བར་བརྩམས་ནས། དེ་གཉིས་ཀྱིས་བསམས་པ། རེ་ཞིག་ཕ་རོལ་གྱི་དམག་ཚོགས་ཀྱི་འཇིགས་པ་ནི་མེད་པས། སང་ཤེས་པར་བྱའོ་སྙམ་མོ། །དེ་གཉིས་ཀྱི་ཀུན་ཏུ་སྤྱོད་པ་ནི་གང་གི་ཚེ། དེ་གཉིས་འཕྲལ་རིས་གསུམ་བྱས་ཏེ་སྤྱོད་ཡུལ་དུ་དོང་བ་དེའི་ཚེ་ན། སྲོག་ཆགས་འབུམ་ཕྲག་དུ་མ་དག་ཕྱི་བཞིན་ཕྱི་བཞིན་རྗེས་སུ་འབྲང་བར་འགྱུར་བ་ཡིན་ནོ། །དེ་གཉིས་ཕྱི་དེ་ཉིན་པར་འཕྲལ་རིས་གསུམ་བྱས་ཏེ་སྤྱོད་ཡུལ་དུ་དོང་བ་དང ། དེ་ཉིན་པར་སེམས་ཅན་གཅིག་ཀྱང་ཕྱི་བཞིན་
Ka42b
རྗེས་སུ་མི་འབྲང་ངོ ། །དེ་གཉིས་ཕྱིར་བྱུང་སྟེ་བལྟས་ན། ཇི་ཙམ་ན་སེམས་ཅན་གཅིག་ཀྱང་ཕྱི་བཞིན་ཕྱི་བཞིན་རྗེས་སུ་མི་འབྲང་བར་མཐོང་ནས། དེ་གཉིས་ཀྱིས་བསམས་པ། བདག་ཅག་གཉིས་སྔོན་ཆད་སྤྱོད་ཡུལ་དུ་འདོང་བ་དེའི་ཚེ་ན། སྲོག་ཆགས་འབུམ་ཕྲག་དུ་མ་དག་ཕྱི་བཞིན་ཕྱི་བཞིན་རྗེས་སུ་འབྲང་བར་གྱུར་ན། ད་ལྟར་སེམས་ཅན་གཅིག་ཀྱང་ཕྱི་བཞིན་རྗེས་སུ་མི་འབྲང་བ་འདི་ལ་རྒྱུ་གང་ཡིན་སྙམ་མོ། །དེའི་སྐབས་སུ་སངས་རྒྱས་བཅོམ་ལྡན་འདས་རྣམས་ལ་ནི། མི་མཁྱེན་པ་དང་མ་གཟིགས་པ་དང ། མ་རིག་པ་དང ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་བས། སངས་རྒྱས་བཅོམ་ལྡན་འདས་འཚོ་ཞིང་བཞུགས་ལ་གསོན་ཅིང་གཞེས་པ་ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་པ་གཅིག་པུ་བ། ཉག་ཅིག་དཔའ་བ། གཉིས་པ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། རིག་པ་གསུམ་གསལ་བར་མཛད་པ། བསླབ་པ་གསུམ་ལ་ལེགས་པར་བསླབས་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་རྒལ་བ། རྫུ་འཕྲུལ་གྱི་རྐང་པ་བཞིས་སྤྱོད་པའི་གཞི་ལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། འཕགས་པའི་བདེན་པ་བཞི་སྟོན་པ། མི་འཇིགས་པ་བཞིས་བསྙེངས་པ་མི་མངའ་བ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཕུང་པོ་ལྔ་བདག་མེད་པར་སྟོན་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ།
Ka43a
༄#། །རྟག་ཏུ་གནས་པ་དྲུག་གིས་གནས་པ། དབང་པོ་དྲུག་གི་སྒོ་བསྡམས་པ། ཡང་དག་པར་དགའ་བར་བྱ་བའི་ཆོས་དྲུག་ལ་གོམས་པར་མཛད་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། འཕགས་པའི་ནོར་བདུན་སྟོན་པ། འཇིག་རྟེན་ཆོས་བརྒྱད་ཀྱིས་མ་གོས་པ། ཀུན་ནས་མནར་སེམས་ཀྱི་དངོས་པོ་དགུ་ལ་མཁས་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུར་དབང་སྒྱུར་བ་ལས་ཁྱད་པར་དུ་འཕགས་པ་རྣམས་ཀྱི་ཆོས་ཉིད་ནི་ཉིན་ལན་གསུམ་མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ནས། གང་ནི་ཉམས་པར་གྱུར། གང་ནི་འཕེལ་བར་གྱུར། གང་ནི་གནོད་པར་གྱུར། གང་ནི་ཉམ་ང་བར་གྱུར། གང་ནི་མི་བདེ་བར་གྱུར། གང་ནི་གནོད་པ་དང་ཉམ་ང་བ་དང་མི་བདེ་བར་གྱུར། གང་ནི་ངན་སོང་ལས་གཞོལ། གང་ནི་ངན་སོང་ལས་འབབ། གང་ནི་ངན་སོང་ལ་བབ། ངས་གང་ནི་ངན་སོང་གི་ལམ་ནས་བསླང་སྟེ། མཐོ་རིས་དང་ཐར་པ་དང་འབྲས་བུ་ལ་གཞག་པར་བྱ། འདོད་པའི་འདམ་དུ་བྱིང་བ་གང་གི་ལག་ནས་ནི་དྲང་བར་བྱ། འཕགས་པའི་ནོར་གྱི་དབྱིག་དང་བྲལ་བ་གང་ནི། འཕགས་པའི་ནོར་གྱི་དབང་ཕྱུག་ལ་གཞག་པར་བྱ། གང་གི་སངས་རྒྱས་འབྱུང་བས་བརྒྱན་པའི་འཇིག་རྟེན་ནི་འབྲས་བུ་དང་བཅས་པར་བྱ། གང་གི་དགེ་བའི་རྩ་བ་དག་
Ka43b
མ་སྐྱེད་པ་ནི་བསྐྱེད་པར་བྱ། གང་གི་དགེ་བའི་རྩ་བ་དག་བསྐྱེད་པ་ནི་ཡོངས་སུ་སྨིན་པར་བྱ། ཡོངས་སུ་སྨིན་པ་གང་ནི་རྣམ་པར་གྲོལ་བར་བྱ་ཞེས་མཁྱེན་པ་དང་གཟིགས་པ་ལ་འཇུག་གོ། སྨྲས་པ། ཆུ་སྲིན་གནས་ཀྱི་དུག་ཅན་པ། །དུས་ལས་འདའ་བར་འགྱུར་སྲིད་ཀྱི། །སངས་རྒྱས་གདུལ་ལ་བྱམས་པ་ནི། །དུས་ལས་འདའ་བར་མི་འགྱུར་རོ། །ཇི་ལྟར་མ་ནི་བུ་སྡུག་གཅིག་པུ་ལ། །རྟོག་ཅིང་དེ་སྲོག་སྲུང་བར་བྱེད་པ་ལྟར། །དེ་བཞིན་གཤེགས་པ་འང་གདུལ་བའི་སྐྱེ་བོ་ལ། །རྟོག་པར་མཛད་ཅིང་དེ་སྲོག་བསྲུང་བར་མཛད། །ཀུན་མཁྱེན་རྒྱུད་ལ་མངའ་བའི་ཐུགས་རྗེ་ཡིས། །གཞོན་མ་གདུལ་བའི་བེའུ་ཚོལ་མི་སྐྱོ་སྟེ། །སྲིད་དང་ངན་འགྲོས་ཉམས་ལ་བྱམས་པ་ནི། །རབ་ཉམས་བེའུ་ལ་བྱམས་པའི་བ་བཞིན་ནོ། །དེ་ལྟར་བཅོམ་ལྡན་འདས་ཀྱིས་སངས་རྒྱས་ཀྱི་སྤྱན་གྱིས་འཇིག་རྟེན་ལ་རྣམ་པར་གཟིགས་ན། ཀུན་ཏུ་རྒྱུ་ཉེ་རྒྱལ་དང་པང་ནས་སྐྱེས་གཉིས་རྒྱུད་ཡོངས་སུ་སྨིན་པ། སྔོན་གྱི་སངས་རྒྱས་རྣམས་ལ་བྱ་བ་ལྷག་པར་བྱས་པ། དགེ་བའི་རྩ་བའི་ཚོགས་བསགས་པ་ཡིན་ཏེ། དེ་གཉིས་གདུལ་བའི་དུས་ནི་འབྲས་ཡོངས་སུ་སྨིན་པ་མཚོན་གྱིས་བརྟོལ་བ་ལ་སྡོད་པ་ལྟ་བུ་ཡིན་པར་གཟིགས་ནས། བཅོམ་ལྡན་འདས་འདི་སྙམ་དུ་དགོངས་ཏེ། ཅི་འདི་གཉིས་རེ་ཞིག་སྟོན་པས་གདུལ་བ་ཡིན་ནམ། འོན་ཏེ་ཉན་ཐོས་ཀྱིས་གདུལ་བ་ཡིན་སྙམ་དུ་དགོངས་ན། ཉན་ཐོས་ཀྱིས་གདུལ་བ་ཡིན་པར་གཟིགས་སོ། །སྒོ་གང་ནས་འཇུག་པར་འགྱུར། ཅི་རྫུ་འཕྲུལ་གྱིས་གདུལ་བ་ཡིན་ནམ། འོན་ཏེ་སྤྱོད་ལམ་གྱིས་གདུལ་བ་ཡིན་
Ka44a
༄#། །སྙམ་དུ་དགོངས་ན། སྤྱོད་ལམ་གྱིས་གདུལ་བ་ཡིན་པར་གཟིགས་སོ། །བཅོམ་ལྡན་འདས་ནི་གང་ལ་སྤྱོད་ལམ་གྱིས་གདུལ་བ་དེ་ལ། ཚེ་དང་ལྡན་པ་རྟ་ཐུལ་གཏོང་བར་མཛད་དེ། འདི་ལྟར་དེའི་སྤྱོད་ལམ་གྱིས་ནི་ལྷ་དང་མིའི་ཡིད་སྡུད་པར་བྱེད་པ་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་བཀའ་སྩལ་པ། རྟ་ཐུལ་ཁྱོད་ཀྱིས་ཀུན་ཏུ་རྒྱུ་ཉེ་རྒྱལ་དང་པང་ནས་སྐྱེས་གཉིས་ལ་སོམས་ཤིག་།ཚེ་དང་ལྡན་བ་རྟ་ཐུལ་གྱིས་ཅང་མི་སྨྲ་བས་བཅོམ་ལྡན་འདས་ཀྱིས་བཀའ་སྩལ་པ་དང་དུ་བླངས་སོ། །དེ་ནས་ཚེ་དང་ལྡན་པ་རྟ་ཐུལ་བཅོམ་ལྡན་འདས་ཀྱིས་བཀའ་ལ་ལྷག་པར་བྱ་བ་བྱེད་པ་ཡིན་པས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་པ་དང ། རྗེས་སུ་ཡི་རང་བར་བྱས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་རྟ་ཐུལ་དེ་ཉིད་ཀྱི་མཚན་མོ་འདས་ནས། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། འགྲོ་བ་དང ། ལྡོག་པ་དང ། ཅུང་ཟད་བལྟ་བ་དང ། རྣམ་པར་བལྟ་བ་དང ། བསྐུམ་པ་དང ། བརྐྱང་བ་དང ། སྣམ་སྦྱར་དང ། ཆོས་གོས་དང ། ལྷུང་བཟེད་ཐོགས་པ་མཛེས་པས་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །དེའི་ཚེ་ན་ཀུན་ཏུ་རྒྱུ་ཉེ་རྒྱལ་རྒྱལ་པོའི་ཁབ་ཏུ་བྱ་བ་ཞིག་གི་ཕྱིར་སྤྱོད་ཡུལ་དུ་ཞུགས་པས། ཚེ་དང་ལྡན་པ་རྟ་ཐུལ་འགྲོ་
Ka44b
བ་དང ། ལྡོག་པ་དང ། ཅུང་ཟད་བལྟ་བ་དང ། རྣམ་པར་བལྟ་བ་དང ། བསྐུམ་པ་དང ། བརྐྱང་བ་དང ། སྣམ་སྦྱར་དང ། ཆོས་གོས་དང ། ལྷུང་བཟེད་ཐོགས་པ་མཛེས་པས་རྒྱལ་པོའི་ཁབ་ན་བསོད་སྙོམས་ལ་རྒྱུ་བ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། རྒྱལ་པོའི་ཁབ་འདིར་རབ་ཏུ་བྱུང་བ་ཇི་སྙེད་ཅིག་ལྷགས་ཤིང་གནས་པ་དག་ལས་འདི་ལྟ་སྟེ། རབ་ཏུ་བྱུང་བ་འདིའི་སྤྱོད་ལམ་ལྟ་བུ་ནི་བདག་གིས་སྔན་ཆད་འགའ་ཡང་མ་མཐོང་བས། བདག་དེའི་གན་དུ་སོང་སྟེ་དགེ་སློང་ཁྱོད་ཀྱི་སྟོན་པ་ནི་གང་ཡིན། གང་གི་ཕྱིར་ནི་རབ་ཏུ་བྱུང ། སུའི་ཆོས་ལ་ནི་དགའ་ཞེས་དྲིའོ་སྙམ་དུ་རིག་ནས། ལམ་པོ་ཆེ་རུབ་པ་ཞིག་ན་འགྲོ་བ་དང་ལྡོག་པས་ཤས་ཆེར་སྡོད་ཅིང་འདུག་གོ་།དེ་ནས་ཚེ་དང་ལྡན་པ་རྟ་ཐུལ་ཀུན་ཏུ་རྒྱུ་ཉེ་རྒྱལ་ག་ལ་བ་དེར་སོང་ངོ ། །དེ་ནས་ཀུན་ཏུ་རྒྱུ་ཉེ་རྒྱལ་གྱིས་ཚེ་དང་ལྡན་པ་རྟ་ཐུལ་ལ་འདི་སྐད་ཅེས་སྨྲས་སོ། །དགེ་སློང་ཁྱོད་ཀྱི་སྟོན་པ་ནི་གང་ཡིན། གང་གི་ཕྱིར་ནི་རབ་ཏུ་བྱུང ། སུའི་ཆོས་ལ་ནི་དགའ། ཚེ་དང་ལྡན་པ་ཤཱཀྱའི་སྲས་ཀྱི་དགེ་སྦྱོང་གོའུ་ཏ་མ་ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ནས། གོས་ངུར་སྨྲིག་དག་བགོས་ཏེ་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཞིག་ཡོད་དེ། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་བས། ཁོ་བོའི་སྟོན་པ་ནི་བཅོམ་ལྡན་འདས་དེ་ཡིན་ནོ། །ཁོ་བོ་དེའི་ཕྱིར་རབ་ཏུ་བྱུང་ངོ ། །ཁོ་བོ་དེའི་ཆོས་ལ་དགའོ། །དགེ་སློང་དེའི་ཕྱིར་ཆོས་སྟོན་ཅིག་།ཚེ་དང་ལྡན་པ་
Ka45a
༄#། །ཁོ་བོ་ནི་ན་གཞོན་པ་དང་རབ་ཏུ་བྱུང་བ་གསར་པས་དེའི་ཕྱིར་ཁོ་བོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་བསྟན་པ་རྒྱ་ཆེར་ཡང་དག་པར་རབ་ཏུ་བསྟན་པར་སླ་བ་མ་ཡིན་ཏེ། འདི་ལྟར་དེའི་དོན་བསྟན་པར་བྱའོ། །དགེ་སློང་ཁོ་བོ་ལ་ནི་དོན་དགོས་ཀྱི། ཚིག་ནི་ཤིན་ཏུ་མང་པོས་ཀྱང་ཅི་བྱ་སྟེ། ཁྱོད་ཀྱིས་དོན་ཉུང་ཡང་རུང་མང་ཡང་རུང་སྟོན་ཅིག་།དེ་ནས་ཚེ་དང་ལྡན་པ་རྟ་ཐུལ་གྱིས་དེའི་ཚེ་ཚིགས་སུ་བཅད་པ་སྨྲས་པ། ཆོས་རྣམས་གང་དག་རྒྱུ་ལས་བྱུང་བ་དང ། །དེ་ཡི་རྒྱུ་དང་དེའི་འགོག་གང་ཡིན་པའང ། །དེ་བཞིན་གཤེགས་པ་ཉིད་ཀྱིས་བཀའ་སྩལ་ཏོ། །དེ་སྐད་གསུང་བའི་ཚུལ་ཅན་དགེ་སྦྱོང་ཆེ། །ཆོས་ཀྱི་རྣམ་གྲངས་འདི་བཤད་པ་ན་ཀུན་ཏུ་རྒྱུ་ཉེ་རྒྱལ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་ཀུན་ཏུ་རྒྱུ་ཉེ་རྒྱལ་ཆོས་མཐོང་བ་དང ། ཆོས་ཐོས་པ་དང ། ཆོས་རིག་པ་དང ། ཆོས་ཀྱི་གཏིང་སླེབས་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པའི་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། ཚེ་དང་ལྡན་པ་རྟ་ཐུལ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། དེའི་ཚེ་ཚིགས་སུ་བཅས་པ་སྨྲས་པ། སྐྱོབ་པ་རྣམས་ཀྱི་ཆོས་འདི་ཡིན། །བསྐལ་མང་བྱེ་བ་
Ka45b
ཁྲག་ཁྲིག་ཏུ། །སྔན་ཆད་མ་མཐོང་མ་ཐོས་པ། །འཆི་མེད་མྱ་ངན་མེད་པ་ཡི། །གོ་འཕང་འདི་ལ་རྗེས་སུ་རྟོགས། །ཚེ་དང་ལྡན་པ། བཅོམ་ལྡན་འདས་དེ་ད་ལྟར་ག་ལ་བཞུགས། ཚེ་དང་ལྡན་པ་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀའི་གནས་འདི་ཉིད་ནའོ། །དེ་ནས་ཀུན་ཏུ་རྒྱུ་ཉེ་རྒྱལ་ཚེ་དང་ལྡན་པ་རྟ་ཐུལ་གྱིས་སྨྲས་པ་ལ་མངོན་པར་བསྟོད་པ་དང ། རྗེས་སུ་ཡི་རང་བར་བྱས་ཏེ། ཚེ་དང་ལྡན་པ་རྟ་ཐུལ་གྱི་རྐང་པ་གཉིས་ལ་མགོ་བོས་ཕྱག་འཚལ་ནས་ཚེ་དང་ལྡན་པ་རྟ་ཐུལ་ལ་ལན་གསུམ་བསྐོར་བ་བྱས་ཏེ་སོང་ནས་ཀུན་ཏུ་རྒྱུ་པང་ནས་སྐྱེས་ག་ལ་བ་དེར་སོང་ངོ ། །ཀུན་ཏུ་རྒྱུ་པང་ནས་སྐྱེས་ཀྱི་ཀུན་ཏུ་རྒྱུ་ཉེ་རྒྱལ་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཀུན་ཏུ་རྒྱུ་ཉེ་རྒྱལ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཁྱོད་ཀྱི་དབང་པོ་རྣམས་ནི་རྣམ་པར་དྭངས། བཞིན་གྱི་མདོག་ནི་ཡོངས་སུ་དག། པགས་པའི་མདོག་ནི་དཀར་ན་ཁྱོད་ཀྱིས་བདུད་རྩི་རྙེད་དམ། ཚེ་དང་ལྡན་པ་རྙེད་དོ། །ཚེ་དང་ལྡན་པ་དེའི་ཕྱིར་ཆོས་སྟོན་ཅིག། དེ་ནས་ཀུན་ཏུ་རྒྱུ་ཉེ་རྒྱལ་གྱིས་དེའི་ཚེ་ཚིགས་སུ་བཅད་པ་སྨྲས་པ། ཆོས་རྣམས་གང་དག་རྒྱུ་ལས་བྱུང་བ་དང ། དེ་ཡི་རྒྱུ་དང་དེ་འགོག་གང་ཡིན་པའང ། །དེ་བཞིན་གཤེགས་པ་ཉིད་ཀྱིས་བཀའ་སྩལ་ཏེ། །དེ་སྐད་གསུང་བའི་ཚུལ་ཅན་དགེ་སྦྱོང་ཆེ། །ཚེ་དང་ལྡན་པ་ད་དུང་ཡང་ལན་ཅིག་བརྗོད་ཅིག་།ཚེ་དང་ལྡན་པ་བརྗོད་པར་བྱའོ། །ཆོས་རྣམས་གང་དག་རྒྱུ་ལས་བྱུང་བ་དང ། །དེ་ཡི་རྒྱུ་དང་དེ་འགོག་གང་ཡིན་པའང ། །དེ་བཞིན་གཤེགས་པ་ཉིད་ཀྱིས་བཀའ་སྩལ་ཏེ། །དེ་སྐད་གསུང་བའི་
Ka46a
༄#། །ཚུལ་ཅན་དགེ་སྦྱོང་ཆེ། །ཆོས་ཀྱི་རྣམ་གྲངས་འདི་བཤད་པ་ན། ཀུན་ཏུ་རྒྱུ་པང་ནས་སྐྱེས་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་ཀུན་ཏུ་རྒྱུ་པང་ནས་སྐྱེས་ཆོས་མཐོང་བ་དང ། ཆོས་ཐོས་པ་དང ། ཆོས་རིག་པ་དང ། ཆོས་ཀྱི་གཏིང་སླེབས་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པའི་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས། སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། ཀུན་ཏུ་རྒྱུ་ཉེ་རྒྱལ་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། དེའི་ཚེ་ཚིགས་སུ་བཅད་པ་སྨྲས་པ། སྐྱོབ་པ་རྣམས་ཀྱི་ཆོས་འདི་ཡིན། །བསྐལ་མང་བྱེ་བ་ཁྲག་ཁྲིག་ཏུ། །སྔན་ཆད་མ་མཐོང་མ་ཐོས་པ། །འཆི་མེད་མྱ་ངན་མེད་པ་ཡི། །གོ་འཕང་འདི་ལ་རྗེས་སུ་རྟོགས། །ཚེ་དང་ལྡན་པ་བཅོམ་ལྡན་འདས་དེ་ད་ལྟར་ག་ལ་བཞུགས། ཚེ་དང་ལྡན་པ་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀའི་གནས་འདི་ཉིད་ནའོ། །ཚེ་དང་ལྡན་པ་ཚུར་ཤོག། བཅོམ་ལྡན་འདས་དེའི་སྤྱན་སྔར་ཚངས་པར་སྤྱོད་པ་སྤྱད་པར་བྱའོ། །ཚེ་དང་ལྡན་པ་དེའི་ཕྱིར་ཇེ་འཁོར་ལ་བལྟ་བར་བྱ་སྟེ། བདག་ཅག་ལྟ་བུ་མི་གྲགས་པ་དང་ལྡན་པ་ཤེས་པར་གྱུར་པ་དག་གིས་འཁོར་ལ་བལྟ་བ་ནི་ལེགས་པ་ཡིན་ནོ། །དེ་ནས་ཀུན་ཏུ་རྒྱུ་ཉེ་རྒྱལ་དང་པང་ནས་སྐྱེས་གཉིས་ཀྱིས་བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་རྣམས་ཤེས་པར་གྱིས་ཤིག།
Ka46b
ཁོ་བོ་ཅག་གཉིས་ནི་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་པར་བྱེད་ན། ཁྱེད་ཅག་ཇི་ལྟར་བྱེད། མཁན་པོ་གཉིས་བདག་ཅག་ཅུང་ཟད་ཅི་འཚལ་བ་གང་ལགས་པ་དེ་དག་ཐམས་ཅད་མཁན་པོ་གཉིས་ལས་བརྟེན་ནས་འཚལ་བ་ལགས་ན། གལ་ཏེ་མཁན་པོ་གཉིས་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་ན། བདག་ཅག་ཀྱང་མཁན་པོ་གཉིས་རབ་ཏུ་བྱུང་བའི་རྗེས་སུ་རབ་ཏུ་འབྱུང་བར་བགྱིའོ། །བྲམ་ཟེའི་ཁྱེའུ་རྣམས་ད་དེའི་དུས་ལ་བབ་པར་ཤེས་པར་གྱིས་ཤིག་།དེ་ནས་ཀུན་ཏུ་རྒྱུ་ཉེ་རྒྱལ་དང་པང་ནས་སྐྱེས་གཉིས་འཁོར་ཉིས་བརྒྱ་ལྔ་བཅུ་ལྔ་བཅུ་དང་འོད་མའི་ཚལ་བྱ་ཀ་ལན་ད་ཀའི་གནས་ག་ལ་བ་དེར་དོང་ངོ ། །དེའི་ཚེ་ན་ཚེ་དང་ལྡན་པ་རྟ་ཐུལ་ཉིན་མོ་སྤྱོད་པའི་ཕྱིར་ཤིང་ལྗོན་པ་ཞིག་གི་དྲུང་ན་རྟེན་ཅིང་འདུག་གོ་།ཀུན་ཏུ་རྒྱུ་ཉེ་རྒྱལ་དང་པང་ནས་སྐྱེས་གཉིས་ཀྱིས་ཚེ་དང་ལྡན་པ་རྟ་ཐུལ་ཐག་རིང་པོ་ནས་མཐོང་ངོ ། །མཐོང་ནས་ཀྱང་ཉེ་རྒྱལ་གྱིས་པང་ནས་སྐྱེས་ལ་སྨྲས་པ། པང་ནས་སྐྱེས་ཇི་ཇེ་བཅོམ་ལྡན་འདས་ལ་བསྙེན་བཀུར་བྱའམ། འོན་ཏེ་གང་ལས་ཆོས་ཐོས་པ་དེ་ལ་བྱ།་དེས་སྨྲས་པ། ཇེ་གང་ལས་ཆོས་ཐོས་པ་དེ་ལ་བསྙེན་བཀུར་བྱའོ། །དེ་གཉིས་ཚེ་དང་ལྡན་པ་རྟ་ཐུལ་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་རྟ་ཐུལ་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །དེའི་ཚེ་ན་བྲམ་ཟེ་ཟླ་བ་ལ་དགའ་བ་ཞིག་ཟླ་བ་ལ་བསྙེན་བཀུར་བྱེད་ཅིང་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་བཀའ་
Ka47a
༄#། །སྩལ་པ། རྒན་པ་དང་ནི་གཞོན་པའང་རུང ། །གང་ལས་ཆོས་ནི་རྣམ་ཤེས་པ། །དེ་ལ་གུས་པར་ཕྱག་བྱ་སྟེ། །ཟླ་བ་ཚེས་ལ་ཇི་བཞིན་ནོ། །བྲམ་ཟེ་མེ་ལ་དགའ་བ་ཞིག་ཀྱང་མེ་ལ་བསྙེན་བཀུར་བྱེད་ཅིང་ཕྱག་འཚལ་ལོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་པ་བཀའ་སྩལ་པ། རྒན་པ་དང་ནི་གཞོན་པའང་རུང ། །གང་ལས་ཆོས་ནི་རྣམ་ཤེས་པ། །དེ་ལ་གུས་པར་ཕྱག་བྱ་སྟེ། །མེ་ལ་བྲམ་ཟེ་གཙང་མ་བཞིན།། །།འདུལ་བ་གཞི། བམ་པོ་བཞི་པ། དེ་ནས་ཀུན་ཏུ་རྒྱུ་ཉེ་རྒྱལ་དང་པང་ནས་སྐྱེས་གཉིས་ཚེ་དང་ལྡན་པ་རྟ་ཐུལ་གྱི་རྐང་པ་གཉིས་ལ་མགོ་བོས་ཕྱག་འཚལ་ཏེ་དོང་ནས་བཅོམ་ལྡན་འདས་ག་ལ་བ་དེར་དོང་ངོ ། །དེའི་ཚེ་ན་བཅོམ་ལྡན་འདས་དགེ་སློང་གི་འཁོར་བརྒྱ་ཕྲག་དུ་མའི་གུང་ལ་ཆོས་སྟོན་ཅིང་བཞུགས་སོ། །བཅོམ་ལྡན་འདས་ཀྱིས་ཀུན་ཏུ་རྒྱུ་ཉེ་རྒྱལ་དང་པང་ནས་སྐྱེས་གཉིས་ཐག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་གྲོགས་པོའི་ཚོགས་ཡོངས་སུ་སྡུད་པ། ཚོགས་ཡོངས་སུ་འདྲེན་པ། ཚོགས་ཀྱི་མདུན་ནས་འོང་བ་འདི་ལྟ་སྟེ། ཉེ་རྒྱལ་དང་པང་ནས་སྐྱེས་གཉིས་མཐོང་ངམ། བཙུན་པ་མཐོང་ངོ ། །འདི་གཉིས་ནི་ངའི་ཉན་ཐོས་ཟུང་དང ། ཟུང་གི་མཆོག་དང ། ཟུང་བཟང་པོར་འགྱུར་ཏེ། གཅིག་ནི་རྫུ་འཕྲུལ་དང་ལྡན་པ་རྣམས་ཀྱི་མཆོག་ཏུ་འགྱུར་ལ། ཅིག་ཤོས་ནི་ཤེས་རབ་དང་ལྡན་པ་རྣམས་ཀྱི་མཆོག་ཏུ་འགྱུར་རོ། །དེ་ནས་དགེ་སློང་ཞིག་གིས་
Ka47b
དེའི་ཚེ་ཚིགས་སུ་བཅད་པ་སྨྲས་པ། སྟོན་པ་དགོངས་ཡུལ་མཐའ་ཡས་པ། །སྐྱེས་བུའི་དབང་པོ་མཁྱེན་མཐར་བྱོན། །བཅོམ་ལྡན་སྲིད་པའི་མཐར་མཛད་པས། །གྲོགས་པོ་ཉེ་རྒྱལ་པང་ནས་སྐྱེས། །འོད་མའི་ཚལ་དུ་མ་ཕྱིན་པར། །དེ་ལྟར་མཆིས་པ་གཟིགས་གྱུར་ནས། །ཚོགས་མཆོག་དབུས་སུ་དེ་གཉིས་ནི། །འདི་གཉིས་ང་ཡི་ཉན་ཐོས་ཀྱི། །ཟུང་མཆོག་འགྱུར་ཞེས་ངེས་བསྟན་ཏེ། །གཅིག་ནི་རྫུ་འཕྲུལ་ལྡན་པའི་མཆོག་།ཅིག་ཤོས་ཤེས་རབ་ལྡན་པ་ཡི། །མཆོག་ཏུ་འགྱུར་བར་ལུང་བསྟན་མཛད། །དེ་ནས་ཀུན་ཏུ་རྒྱུ་ཉེ་རྒྱལ་དང་པང་ནས་སྐྱེས་གཉིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་གནང་ན་བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །བཅོམ་ལྡན་འདས་ཀྱིས་དེ་གཉིས་ལ་དགེ་སློང་ཚུར་ཤོག་ཅེས་བྱ་བས་རབ་ཏུ་ཕྱུང་ཞིང་དགེ་སློང་དག་ཚུར་ཤོག་ཚངས་པར་སྤྱད་པ་སྤྱོད་ཅིག་ཅེས་བཀའ་སྩལ་པ་དང ། དེ་དག་བཅོམ་ལྡན་འདས་ཀྱི་བཀའི་མཇུག་ཁོ་ནར་སྐྲ་བྱི་བ་དང་སྣམ་སྦྱར་གྱོན་པར་གྱུར་ཏེ། སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང ། ལག་པ་ན་ལྷུང་བཟེད་དང ། བྱ་མ་བུམ་ཐོགས་པ་དང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །ཡང་སྨྲས་པ། དེ་བཞིན་གཤེགས་པས་ཚུར་ཤོག་བཀའ་
Ka48a
༄#། །སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་ནས་དགེ་སློང་རབ་ཏུ་མང་པོ་དག་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་དང ། དེ་ན་རྒྱལ་པོའི་ཁབ་ཀྱི་མི་གང་དག་ཡང་དག་རྒྱལ་བ་ཅན་གྱི་མུ་སྟེགས་ཅན་གྱི་གནས་རབ་ཏུ་ཕྱུང་ཞིང་བསྙེན་པར་རྫོགས་ནས་རིང་པོ་མ་ལོན་པས་ཡི་མ་རངས་ཤིང་མངོན་པར་མི་དགའ་བ་དེ་དག་གིས་དགེ་སློང་དེ་དང་དེ་དག་མཐོང་ནས། ཅོ་འདྲི་ཞིང་ཚིགས་སུ་བཅད་པ་སྨྲས་པ། སངས་རྒྱས་མ་ག་དྷ་དག་གི་།གྲོང་མཆོག་རྒྱལ་པོའི་ཁབ་གཤེགས་པས། །ཡང་དག་རྒྱལ་བའི་ཀུན་ཁྲིད་ན། །ཕྱིན་ཆད་ཅི་ཞིག་བཀྲི་བར་བྱ། །དེས་དགེ་སློང་རྣམས་སྤ་གོང་ཞིང་མི་དགའ་བ་དང་མི་འཇིགས་པ་མེད་པར་གྱུར་ཏོ། །དེ་ནས་དགེ་སློང་རབ་ཏུ་མང་པོ་དག་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་རྒྱུས་ནས་ཟས་ཀྱི་བྱ་བ་བྱས་ཏེ། ཕྱི་དྲོ་བསོད་སྙོམས་མི་ལེན་པས་ལྷུང་བཟེད་དང་ཆོས་གོས་མཁོས་སུ་ཕབ་ནས། རྐང་པ་གཉིས་བཀྲུས་ཏེ་སྡུག་བསྔལ་ཞིང་མི་བདེ་བས་བཅོམ་ལྡན་འདས་ག་ལ་བ་དེར་དོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོ་དག་གིས་འདི་སྐད་ཅེས་གསོལ་ཏོ། །བཙུན་པ་འདི་ན་བདག་ཅག་དགེ་
Ka48b
སློང་རབ་ཏུ་མང་པོ་དག་སྔ་དྲོ་ཤམ་ཐབས་འཚལ། ལྷུང་བཟེད་དང་ཆོས་གོས་ཐོགས་ཏེ། རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་དང ། དེ་ན་རྒྱལ་པོའི་ཁབ་ཀྱི་མི་གང་དག་ཡང་དག་རྒྱལ་བ་ཅན་གྱི་མུ་སྟེགས་ཅན་གྱི་གནས་རབ་ཏུ་བྱུང་ཞིང་བསྙེན་པར་རྫོགས་ནས་རིང་པོ་མ་ལགས་པས་ཡི་མ་རངས་ཤིང་མངོན་པར་མི་དགའ་བ་དེ་དག་གིས། དགེ་སློང་དེ་དང་དེ་དག་མཐོང་ནས་ཅོ་འདྲི་ཞིང་ཚིགས་སུ་བཅད་པ། སངས་རྒྱས་མ་ག་དྷ་དག་གི་།གྲོང་མཆོག་རྒྱལ་པོའི་ཁབ་གཤེགས་པས། །ཡང་དག་རྒྱལ་བའི་ཀུན་ཁྲིད་ན། །ཕྱིན་ཆད་ཅི་ཞིག་བཀྲི་བར་བྱ། །ཞེས་མཆི་ནས་དེས་བདག་ཅག་རྣམས་སྤ་གོང་ཞིང་མི་དགའ་བ་དང ། མི་འཇིགས་པ་མ་མཆིས་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒྱལ་པོའི་ཁབ་ཀྱི་མི་དེ་སྐད་ཟེར་བ་རྣམས་ལ་འདི་སྐད་ཅེས། འདི་ལ་དཔའ་ཆེན་བདེ་གཤེགས་དག། དམ་པའི་ཆོས་ཀྱིས་ཁྲིད་མཛད་དེ། །དེ་དག་ཆོས་ཀྱིས་ཁྲིད་མཛད་ལ། །མཁས་པ་སུ་ཞིག་མི་བཟོད་བྱེད། །ཅེས་བརྗོད་ན། རྒྱལ་པོའི་ཁབ་ཀྱི་མི་དེ་སྐད་ཟེར་བ་རྣམས་ཀྱི་རློམ་པ་ཙམ་མམ། སྤོབས་པ་ཙམ་གང་ཡིན་པ་དེ་ཐམས་ཅད་ཀྱི་ཐམས་ཅད་དུ་མེད་པར་འགྱུར་རོ། །དེ་ནས་དགེ་སློང་རབ་ཏུ་མང་པོ་དག་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ། རྒྱལ་པོའི་ཁབ་ཏུ་བསོད་སྙོམས་ལ་ཞུགས་པ་དང ། དེ་ན་རྒྱལ་པོའི་ཁབ་ཀྱི་མི་གང་དག་ཡང་དག་རྒྱལ་བ་ཅན་གྱི་མུ་སྟེགས་ཅན་གྱི་གནས་རབ་ཏུ་ཕྱུང་ཞིང་བསྙེན་པར་རྫོགས་ནས་རིང་པོ་མ་ལོན་པས་ཡི་མ་
Ka49a
༄#། །རངས་ཤིང་མངོན་པར་མི་དགའ་བ་དེ་དག་གིས་དགེ་སློང་དེ་དང་དེ་དག་མཐོང་ནས། ཅོ་འདྲི་ཞིང་ཚིགས་སུ་བཅད་པ་སྨྲས་པ། སངས་རྒྱས་མ་ག་དྷ་དག་གི་།གྲོང་མཆོག་རྒྱལ་པོའི་ཁབ་གཤེགས་པས། །ཡང་དག་རྒྱལ་བའི་ཀུན་ཁྲིད་ན། །ཕྱིན་ཆད་ཅི་ཞིག་བཀྲི་བར་བྱ། །དེ་ནས་དགེ་སློང་ཞིག་གིས་དེའི་ཚེ་ཚིགས་སུ་བཅད་པ་སྨྲས་པ། འདི་ན་དཔའ་ཆེན་བདེ་གཤེགས་དག། དམ་པའི་ཆོས་ཀྱིས་ཁྲིད་མཛད་དེ། །དེ་དག་ཆོས་ཀྱིས་ཁྲིད་མཛད་ལ། །མཁས་པ་སུ་ཞིག་བཟོད་མི་བྱེད། །དེ་སྐད་ཅེས་སྨྲས་པ་དང ། རྒྱལ་པོའི་ཁབ་ཀྱི་མི་དེ་སྐད་ཟེར་བ་རྣམས་ཀྱི་རློམ་པ་ཙམ་མམ། སྤོབས་པ་ཙམ་གང་ཡིན་པ་དེ་དག་ཐམས་ཅད་ཀྱི་ཐམས་ཅད་དུ་མེད་པར་གྱུར་ཏོ། །ཇི་ཙམ་དུས་གཞན་ཞིག་ན། བྲམ་ཟེ་གནས་ལེན་གྱི་བུ་དུས་ལ་བབ་ཅིང ། དེའི་ཆུང་མ་ཡང་དུས་ལ་བབ། བྲམ་ཟེ་སྐར་རྒྱལ་ཡང་དུས་ལ་བབ། ཤཱ་རི་ཀཱ་ཡང་དུས་ལ་བབ་བོ། །བྲམ་ཟེའི་ཁྱེའུ་སྟོད་རིངས་ཀྱང་ལྷོ་ཕྱོགས་ནས་འཇིག་རྟེན་རྒྱང་པན་བཟུང་ནས་གྲོང་ན་ལ་དར་ཕྱིན་པ་དང ། དེ་སྒོ་བས་བཞིན་གྱི་གཟུགས་ལས་ངོ་ཤེས་ནས་སྨྲས་པ། ཤེས་ལྡན་ཁྱོད་སྟོད་རིངས་ཡིན་ནམ། ཁོ་བོ་སྐྱེ་བོ་དག་གིས་དེ་ལྟར་ཤེས་སོ། །བྲམ་ཟེ་གནས་ལེན་གྱི་བུ་དེ་ག་རེ། དུས་ལ་བབ་བོ། །དེའི་ཆུང་མ་དེ་ག་རེ། དེ་ཡང་དུས་ལ་བབ་བོ། །བྲམ་ཟེ་སྐར་རྒྱལ་ག་རེ། དེ་ཡང་དུས་ལ་བབ་བོ། །ཤཱ་རི་ཀཱ་ག་རེ། དེ་ཡང་དུས་ལ་བབ་བོ། །ཤཱ་རིའི་བུ་དེ་ག་རེ། རྒྱལ་པོའི་ཁབ་ཏུ་སྟོན་པ་ཡང་
Ka49b
དག་རྒྱལ་བ་ཅན་ཞེས་བྱ་བ་བྱུང་ནས། རིང་པོ་མ་ལོན་པར་དེའི་གན་དུ་རབ་ཏུ་བྱུང་ངོ ། །འདི་ལྟ་སྟེ། རེ་ཞིག་རབ་ཏུ་འབྱུང་བར་བྱ་བ་དེ་ནི་བྲམ་ཟེའི་བྱ་བ་ཡིན་ནོ། །དེས་མཐར་གྱིས་རྒྱལ་པོའི་ཁབ་ཏུ་ཕྱིན་ནས། དེ་དེར་སོང་སྟེ་དྲིས་པ། སྟོན་པ་ཡང་དག་རྒྱལ་བ་ཅན་ག་རེ། དེ་ཡང་དུས་ལ་བབ་བོ། །དེའི་མུ་སྟེགས་ཀྱི་གནས་ག་རེ། ཐམས་ཅད་དགེ་སྦྱོང་གོའུ་ཏ་མའི་དྲུང་དུ་རབ་ཏུ་བྱུང་ངོ ། །དགེ་སྦྱོང་གོའུ་ཏ་མ་ནི་འཁོར་ལོས་སྒྱུར་བའི་རྒྱལ་པོར་ལུང་བསྟན་པས། དེ་ཡང་དེའི་མདུན་ན་འདོན་དུ་འགྱུར་བས་ལེགས་སོ། །དེ་ནས་ཀུན་ཏུ་རྒྱུ་སེན་རིངས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་དང་ཐབས་ཅིག་ཕན་ཚུན་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཀུན་ཏུ་རྒྱུ་སེན་རིངས་ཀྱིས་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ་བདག་ནི་ཐམས་ཅད་མི་བཟོད་དོ། །མེར་འཇུག་གི་བུ་ཁྱོད་ཀྱིས་བདག་ཐམས་ཅད་མི་བཟོད་པར་ལྟ་བ་གང་ཡིན་པའི་ལྟ་བ་དེ་ཡང་མི་བཟོད་དོ། །ཀྱེ་གོའུ་ཏམ། བདག་ནི་ཐམས་ཅད་མི་བཟོད་པར་ལྟ་བ་གང་ཡིན་པའི་ལྟ་བ་དེ་ཡང་མི་བཟོད་དོ། །མེར་འཇུག་གི་བུ་འོ་ན་ཁྱོད་ཀྱིས་དེ་ལྟར་ཤེས་ཤིང་དེ་ལྟར་མཐོང་ན། ལྟ་བ་དེ་ཡང་སྤོང་བ་དང ། འདོར་བ་དང ། མེད་པར་འགྱུར་ལ། ལྟ་བ་གཞན་ཡང་མཚམས་མི་སྦྱོར་བ་དང ། ཉེ་བར་མི་ལེན་པ་དང ། མི་འབྱུང་བར་འགྱུར་རོ། །ཀྱེ་གོའུ་ཏ་མ། བདག་གིས་དེ་ལྟར་
Ka50a
༄#། །ཤེས་ཤིང་དེ་ལྟར་མཐོང་ན་ལྟ་བ་དེ་ཡང་སྤོང་བ་དང་འདོར་བ་དང་མེད་པར་འགྱུར་ལ། ལྟ་བ་གཞན་ཡང་མཚམས་མི་སྦྱོར་བ་དང ། ཉེ་བར་མི་ལེན་པ་དང ། མི་འབྱུང་བར་འགྱུར་རོ། །མེར་འཇུག་གི་བུ་ཁྱོད་ནི་སྐྱེ་བོ་ཕལ་པོ་ཆེ་དང་ལྷན་ཅིག་མཚུངས་ཤིང་འདྲ་བར་འགྱུར་ཏེ། སྐྱེ་བོ་ཕལ་པོ་ཆེ་ཡང་དེ་ལྟར་ལྟ་ཞིང་དེ་སྐད་སྨྲས་པས། ཁྱོད་ཀྱང་དེ་དང་འདྲ་བ་ཁོ་ནར་འགྱུར་རོ། ། མེར་འཇུག་གི་བུ་འཇིག་རྟེན་ན་དགེ་སྦྱོང་ངམ་བྲམ་ཟེ་གང་ལ་ལ་དག་ལྟ་བ་འདི་ཡང་འདོར་ཞིང་ལྟ་བ་གཞན་ཡང་ཉེ་བར་མི་ལེན་པའི་དགེ་སྦྱོང་ངམ་བྲམ་ཟེ་དེ་དག་ནི་ཉུང་བ་བས་ཀྱང་ཆེས་ཉུང་བ་ཞེས་བྱའོ། ། མེར་འཇུག་གི་བུ་གསུམ་པོ་འདི་དག་ནི་ལྟ་བའི་གནས་ཡིན་ཏེ། གསུམ་གང་ཞེ་ན། མེར་འཇུག་གི་བུ་འདི་ལ་ལ་ལ་བདག་ནི་ཐམས་ཅད་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་དང ། གཞན་ཡང་འདི་ལ་ལ་ལ་བདག་ནི་ཐམས་ཅད་མི་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་དང ། གཞན་ཡང་འདི་ལ་ལ་ལ་བདག་ནི་ཁ་ཅིག་བཟོད་ལ། ཁ་ཅིག་མི་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲའོ། །མེར་འཇུག་གི་བུ་དེ་ལ་བདག་ནི་ཐམས་ཅད་བཟོད་དོ་ཞེས་ལྟ་བའི་ལྟ་བ་གང་ཡིན་པ་འདི་ནི་ཀུན་ཏུ་འདོད་ཆགས་པར་འགྱུར་གྱི། ཀུན་ཏུ་འདོད་ཆགས་པ་མེད་པར་མི་འགྱུར་བ་དང ། ཀུན་ཏུ་ཞེ་སྡང་བར་འགྱུར་གྱི། ཀུན་ཏུ་ཞེ་སྡང་མེད་པར་མི་འགྱུར་བ་དང ། ཀུན་ཏུ་གཏི་མུག་བར་འགྱུར་གྱི། ཀུན་ཏུ་གཏི་མུག་པ་མེད་པར་མི་འགྱུར་བ་དང ། ཀུན་ཏུ་སོགས་པར་འགྱུར་གྱི། ཀུན་
Ka50b
ཏུ་སོགས་པ་མེད་པར་མི་འགྱུར་བ་དང ། ཀུན་ཏུ་སྦྱོར་བར་འགྱུར་གྱི། ཀུན་ཏུ་སྦྱོར་བ་དང་འབྲལ་བར་མི་འགྱུར་བ་དང ། ཀུན་ནས་ཉོན་མོངས་པར་འགྱུར་གྱི། རྣམ་པར་བྱང་བར་མི་འགྱུར་བ་དང ། བདག་ནི་ཐམས་ཅད་བཟོད་དོ་ཞེས་ལྟ་བའི་ལྟ་བ་གང་ཡིན་པ་འདི་ནི་མངོན་པར་དགའ་བ་དང ། ཉེ་བར་ལེན་པ་དང ། ལྷག་པར་ཆགས་པར་འགྱུར་བ་ཡིན་ནོ། །མེར་འཇུག་གི་བུ་དེ་ལ་བདག་ནི་ཐམས་ཅད་མི་བཟོད་དོ་ཞེས་ལྟ་བའི་ལྟ་བ་གང་ཡིན་པ་འདི་ནི་ཀུན་ཏུ་འདོད་ཆགས་པ་མེད་པར་འགྱུར་གྱི། ཀུན་ཏུ་འདོད་ཆགས་པར་མི་འགྱུར་བ་དང ། ཀུན་ཏུ་ཞེ་སྡང་བ་མེད་པར་འགྱུར་གྱི། ཀུན་ཏུ་ཞེ་སྡང་བར་མི་འགྱུར་བ་དང ། ཀུན་ཏུ་གཏི་མུག་པ་མེད་པར་འགྱུར་གྱི། ཀུན་ཏུ་གཏི་མུག་པར་མི་འགྱུར་བ་དང ། ཀུན་ཏུ་སོགས་པ་མེད་པར་འགྱུར་གྱི། ཀུན་ཏུ་སོགས་པར་མི་འགྱུར་བ་དང ། ཀུན་ཏུ་སྦྱོར་བ་དང་འབྲལ་བར་འགྱུར་གྱི།་ཀུན་ཏུ་སྦྱོར་བར་མི་འགྱུར་བ་དང ། རྣམ་པར་བྱང་བར་འགྱུར་གྱི། ཀུན་ནས་ཉོན་མོངས་པར་མི་འགྱུར་བ་དང ། བདག་ནི་ཐམས་ཅད་མི་བཟོད་དོ་ཞེས་ལྟ་བའི་ལྟ་བ་གང་ཡིན་པ་འདི་ནི་མངོན་པར་མི་དགའ་བ་དང ། ཉེ་བར་ལེན་པ་མེད་པ་དང ། ལྷག་པར་ཆགས་པ་མེད་པར་འགྱུར་བ་ཡིན་ནོ། །མེར་འཇུག་གི་བུ་དེ་ལ་བདག་ནི་ཁ་ཅིག་བཟོད་ལ་ཁ་ཅིག་མི་བཟོད་དོ་ཞེས་ལྟ་བའི་ལྟ་བ་གང་ཡིན་པ་འདི་ལ་ནི། རེ་ཞིག་བདག་ནི་ཁ་ཅིག་བཟོད་དོ་ཞེས་ལྟ་བའི་ལྟ་བ་གང་ཡིན་པ་འདི་ནི། ཀུན་ཏུ་འདོད་ཆགས་པར་འགྱུར་གྱི། ཀུན་ཏུ་འདོད་ཆགས་པ་མེད་པར་མི་འགྱུར་བ་དང ། ཀུན་ཏུ་ཞེ་སྡང་བར་
Ka51a
༄#། །འགྱུར་གྱི། ཀུན་ཏུ་ཞེ་སྡང་བ་མེད་པར་མི་འགྱུར་བ་དང ། ཀུན་ཏུ་གཏི་མུག་པར་འགྱུར་གྱི། ཀུན་ཏུ་གཏི་མུག་པ་མེད་པར་མི་འགྱུར་བ་དང ། ཀུན་ཏུ་སོགས་པར་འགྱུར་གྱི། ཀུན་ཏུ་སྩོགས་པ་མེད་པར་མི་འགྱུར་བ་དང ། ཀུན་ཏུ་སྦྱོར་བར་འགྱུར་གྱི། ཀུན་ཏུ་སྦྱོར་བ་དང་བྲལ་བར་མི་འགྱུར་བ་དང ། ཀུན་ནས་ཉོན་མོངས་པར་འགྱུར་གྱི། རྣམ་པར་བྱང་བར་མི་འགྱུར་བ་དང ། བདག་ནི་ཁ་ཅིག་བཟོད་དོ་ཞེས་ལྟ་བའི་ལྟ་བ་གང་ཡིན་པ་འདི་ནི་མངོན་པར་དགའ་བ་དང ། ཉེ་བར་ལེན་པ་དང ། ལྷག་པར་ཆགས་པར་འགྱུར་བ་ཡིན་ནོ། །བདག་ནི་ཁ་ཅིག་མི་བཟོད་དོ་ཞེས་ལྟ་བའི་ལྟ་བ་གང་ཡིན་པ་འདི་ནི། ཀུན་ཏུ་འདོད་ཆགས་པ་མེད་པར་འགྱུར་གྱི། ཀུན་ཏུ་འདོད་ཆགས་པར་མི་འགྱུར་བ་དང ། ཀུན་ཏུ་ཞེ་སྡང་བ་མེད་པར་འགྱུར་གྱི། ཀུན་ཏུ་ཞེ་སྡང་བར་མི་འགྱུར་བ་དང ། ཀུན་ཏུ་གཏི་མུག་པ་མེད་པར་འགྱུར་གྱི། ཀུན་ཏུ་གཏི་མུག་པར་མི་འགྱུར་བ་དང ། ཀུན་ཏུ་སོགས་པ་མེད་པར་འགྱུར་གྱི། ཀུན་ཏུ་སྩོགས་པར་མི་འགྱུར་བ་དང ། ཀུན་ཏུ་སྦྱོར་བ་དང་བྲལ་བར་འགྱུར་གྱི། ཀུན་ཏུ་སྦྱོར་བར་མི་འགྱུར་བ་དང ། རྣམ་པར་བྱང་བར་འགྱུར་གྱི། ཀུན་ནས་ཉོན་མོངས་པར་མི་འགྱུར་བ་དང ། བདག་ནི་ཁ་ཅིག་མི་བཟོད་དོ། །ཞེས་ལྟ་བའི་ལྟ་བ་གང་ཡིན་པ་འདི་ནི་མངོན་པར་མི་དགའ་བ་དང ། ཉེ་བར་ལེན་པ་མེད་པ་དང ། ལྷག་པར་ཆགས་པ་མེད་པར་འགྱུར་བ་ཡིན་ནོ། །དེ་ལ་འཕགས་པའི་ཉན་ཐོས་ཐོས་པ་དང་ལྡན་པ་ནི་འདི་ལྟར་སོ་སོར་རྟོགས་པར་བྱེད་དེ། གལ་ཏེ་བདག་
Ka51b
ཐམས་ཅད་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་ན། བདག་ནི་ཐམས་ཅད་མི་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་གང་ཡིན་པ་དང ། བདག་ནི་ཁ་ཅིག་བཟོད་ལ་ཁ་ཅིག་མི་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་གང་ཡིན་པ་གཉིས་དང ། བདག་ལྷན་ཅིག་རྩོད་པར་འགྱུར། འགྱེད་པར་འགྱུར་ཏེ། རྩོད་ན་འགྱེད་པར་འགྱུར། འགྱེད་ན་རྣམ་པར་འཚེ་བར་འགྱུར་རོ། །དེ་ལྟར་རྩོད་པ་དང ། འགྱེད་པ་དང ། རྣམ་པར་འཚེ་བར་ཡང་དག་པར་མཐོང་ནས། ལྟ་བ་འདི་ཡང་འདོར་ཞིང་ལྟ་བ་གཞན་ཉེ་བར་མི་བླངས་ཏེ་དེ་ལྟར་ན་བདག་ལ་ལྟ་བ་དེ་ཡང་སྤོང་བ་དང་འདོར་བ་དང་མེད་པར་འགྱུར་ལ། ལྟ་བ་གཞན་ཡང་མཚམས་མི་སྦྱོར་བ་དང ། ཉེ་བར་མི་ལེན་པ་དང ། མི་འབྱུང་བར་འགྱུར་རོ་སྙམ་མོ། །དེ་ལ་འཕགས་པའི་ཉན་ཐོས་ཐོས་པ་དང་ལྡན་པ་ནི་འདི་ལྟར་སོ་སོར་རྟོག་པར་བྱེད་དེ། གལ་ཏེ་བདག་ཐམས་ཅད་མི་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་ན། དེ་བདག་ནི་ཐམས་ཅད་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་གང་ཡིན་པ་དང ། བདག་ནི་ཁ་ཅིག་བཟོད་ལ་ཁ་ཅིག་མི་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་གང་ཡིན་པ་གཉིས་དང་བདག་ལྷན་ཅིག་རྩོད་པར་འགྱུར། འགྱེད་པར་འགྱུར་ཏེ། རྩོད་ན་འགྱེད་པར་འགྱུར། འགྱེད་ན་རྣམ་པར་འཚེ་བར་འགྱུར་རོ། །དེ་ལྟར་རྩོད་པ་དང ། འགྱེད་པ་དང ། རྣམ་པར་འཚེ་བ་ཡང་དག་པར་མཐོང་ནས་ལྟ་བ་འདི་ཡང་དོར་ཞིང་ལྟ་བ་གཞན་ཉེ་བར་མི་བླངས་ཏེ། དེ་ལྟར་ན་བདག་ལ་ལྟ་བ་དེ་ཡང་སྤོང་བ་དང ། འདོར་བ་དང ། མེད་པར་འགྱུར་ལ། ལྟ་བ་གཞན་ཡང་མཚམས་མི་སྦྱོར་བ་དང་ཉེ་བར་མི་ལེན་པ་དང ། མི་འབྱུང་བར་
Ka52a
༄#། །འགྱུར་རོ་སྙམ་མོ། །དེ་ལ་འཕགས་པའི་ཉན་ཐོས་ཐོས་པ་དང་ལྡན་པ་ནི་འདི་ལྟར་སོ་སོར་རྟོག་པར་བྱེད་དེ། གལ་ཏེ་བདག་ཁ་ཅིག་བཟོད་ལ། ཁ་ཅིག་མི་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་ན། བདག་ནི་ཐམས་ཅད་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་གང་ཡིན་པ་དང ། བདག་ནི་ཁ་ཅིག་བཟོད་ལ་ཁ་ཅིག་མི་བཟོད་དོ་ཞེས་དེ་ལྟར་ལྟ་ཞིང་དེ་སྐད་སྨྲ་བ་གང་ཡིན་པ་གཉིས་དང་བདག་ལྷན་ཅིག་རྩོད་པར་འགྱུར། འགྱེད་པར་འགྱུར་ཏེ། རྩོད་ན་འགྱེད་པར་འགྱུར། འགྱེད་ན་རྣམ་པར་འཚེ་བར་འགྱུར་རོ། །དེ་ལྟར་རྩོད་པ་དང་འགྱེད་པ་དང་རྣམ་པར་འཚེ་བ་ཡང་དག་པར་མཐོང་ནས་ལྟ་བ་འདི་ཡང་འདོར་ཞིང་ལྟ་བ་གཞན་ཡང་ཉེ་བར་མི་བླང་སྟེ། དེ་ལྟར་ན་བདག་ལ་ལྟ་བ་དེ་ཡང་སྤོང་བ་དང ། འདོར་བ་དང་མེད་པར་འགྱུར་ལ། ལྟ་བ་གཞན་ཡང་མཚམས་མི་སྦྱོར་བ་དང ། ཉེ་བར་མི་ལེན་པ་དང ། མི་འབྱུང་བར་འགྱུར་རོ་སྙམ་མོ། །མེར་འཇུག་གི་བུ་ལུས་འདི་ནི་གཟུགས་ཅན་རགས་པ་འབྱུང་བ་ཆེན་པོ་བཞི་ལས་གྱུར་པ་ཡིན་ཏེ། དེ་ལ་འཕགས་པའི་ཉན་ཐོས་ཀྱིས་ཡང་དང་ཡང་དུ་འབྱུང་བ་དང ། འཇིག་པར་རྗེས་སུ་ལྟ་ཞིང་གནས་པར་བྱའོ། །དེ་ལ་འཕགས་པའི་ཉན་ཐོས་ཡང་དང་ཡང་དུ་འབྱུང་བ་དང ། འཇིགས་པར་རྗེས་སུ་ལྟ་ཞིང་གནས་ན། དེ་ལ་ལུས་ལ་འདུན་པ་དང ། ལུས་ལ་ཆགས་པ་དང ། ལུས་ལ་དགའ་བ་དང ། ལུས་ལ་ཞེན་པ་དང ། ལུས་ལ་ཆུམས་པ་དང ། ལུས་ལ་ལྷག་པར་ཆགས་པར་འབྱུང་བ་གང་ཡིན་པ་དེས་དེའི་སེམས་ཡོངས་སུ་གཏུགས་ཏེ་མི་གནས་
Ka52b
སོ། །མེར་འཇུག་གི་བུ་གསུམ་པོ་འདི་དག་ནི་ཚོར་བ་ཡིན་ཏེ། གསུམ་གང་ཞེ་ན། བདེ་བ་དང ། སྡུག་བསྔལ་དང ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའོ། །མེར་འཇུག་གི་བུ་གང་གི་ཚེ་འཕགས་པའི་ཉན་ཐོས་བདེ་བའི་ཚོར་བ་མྱོང་བར་བྱེད་པ་དེའི་ཚེ་ན། དེ་ལ་སྡུག་བསྔལ་དང ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་གཉིས་འགག་པར་འགྱུར་ཏེ། དེའི་ཚེ་ན་འཕགས་པའི་ཉན་ཐོས་བདེ་བའི་ཚོར་བ་འབའ་ཞིག་མྱོང་བར་བྱེད་དེ། བདེ་བའི་ཚོར་བ་ཡང་མི་རྟག་པ་དང ། སྡུག་བསྔལ་བ་དང ། འགོག་པའི་ཆོས་ཅན་ཡིན་ནོ། །གང་གི་ཚེ་འཕགས་པའི་ཉན་ཐོས་སྡུག་བསྔལ་གྱི་ཚོར་བ་མྱོང་བར་བྱེད་པ་དེའི་ཚེ་ན། དེ་ལ་བདེ་བ་དང ། སྡུག་བསྔལ་བ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་གཉིས་འགག་པར་འགྱུར་ཏེ། དེའི་ཚེ་ན་འཕགས་པའི་ཉན་ཐོས་ཀྱི་སྡུག་བསྔལ་གྱི་ཚོར་བ་འབའ་ཞིག་མྱོང་བར་བྱེད་དེ། སྡུག་བསྔལ་གྱི་ཚོར་བ་ཡང་མི་རྟག་པ་དང ། སྡུག་བསྔལ་བ་དང ། འགོག་པའི་ཆོས་ཅན་ཡིན་ནོ། །གང་གི་ཚེ་འཕགས་པའི་ཉན་ཐོས་སྡུག་བསྔལ་བ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་མྱོང་བར་བྱེད་པ་དེའི་ཚེ་ན། དེ་ལ་བདེ་བ་དང ། སྡུག་བསྔལ་གྱི་ཚོར་བ་གཉིས་འགག་པར་འགྱུར་ཏེ། དེའི་ཚེ་ན་འཕགས་པའི་ཉན་ཐོས་སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་འབའ་ཞིག་མྱོང་བར་བྱེད། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ཡང་མི་རྟག་པ་དང ། སྡུག་བསྔལ་བ་དང ། འགོག་པའི་ཆོས་ཅན་ཡིན་ནོ། །དེ་འདི་སྙམ་དུ་སེམས་ཏེ། ཚོར་བ་འདི་དག་
Ka53a
༄#། །གི་གཞི་ནི་གང་ཡིན། ཀུན་འབྱུང་བ་ནི་གང་ཡིན། རིགས་མཐུན་པ་ནི་གང་ཡིན། རབ་ཏུ་སྐྱེད་པ་ནི་གང་ཡིན་སྙམ་ན་དེ་འདི་སྙམ་དུ་སེམས་ཏེ། དེ་ཚོར་བ་འདི་དག་གི་གཞི་ནི་རེག་པ་ཡིན། ཀུན་འབྱུང་བ་ནི་རེག་པ་ཡིན། རིགས་མཐུན་པ་ནི་རེག་པ་ཡིན། རབ་ཏུ་སྐྱེད་པ་ནི་རེག་པ་ཡིན་ཏེ། རེག་པ་དེ་དང་དེ་ཀུན་འབྱུང་བ་ལས་ཚོར་བ་དེ་དང་དེ་དག་ཀུན་འབྱུང་ངོ ། །རེག་པ་དེ་དང་དེ་འགག་པ་ལས་ཚོར་བ་དེ་དང་དེ་འགག་པར་འགྱུར། ཉེ་བར་ཞི་བར་འགྱུར། བསིལ་བར་འགྱུར། ནུབ་པར་འགྱུར་རོ་སྙམ་མོ། །དེ་བདེ་བའམ། སྡུག་བསྔལ་ལམ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་གང་ཡང་རུང་བ་མྱོང་བར་བྱེད་པ་ན། དེས་དེ་དག་གི་ཀུན་འབྱུང་བ་དང ། ནུབ་པ་དང ། རོ་མྱང་བ་དང ། ཉེས་དམིགས་དང ། ངེས་པར་འབྱུང་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དེ་ཚོར་བ་དེ་དག་གི་ཀུན་འབྱུང་བ་དང ། ནུབ་པ་དང ། རོ་མྱང་བ་དང ། ཉེས་དམིགས་དང ། ངེས་པར་འབྱུང་བ་ཡང་དག་པ་ཇི་ལྟ་བ་བཞིན་རབ་ཏུ་ཤེས་པ་ན། ཚོར་བ་བྱུང་ངོ་ཅོག་ལ་མི་རྟག་པར་རྗེས་སུ་ལྟ་ཞིང་གནས། ཟད་པར་རྗེས་སུ་ལྟ་བ་དང ། འཇིག་པར་རྗེས་སུ་ལྟ་བ་དང ། འདོད་ཆགས་དང་བྲལ་བར་རྗེས་སུ་ལྟ་བ་དང ། འགོག་པར་རྗེས་སུ་ལྟ་བ་དང ། རབ་ཏུ་སྤོང་བར་རྗེས་སུ་ལྟ་ཞིང་གནས་སོ།། དེ་ཚོར་བ་བྱུང་ངོ་ཅོག་ལ་མི་རྟག་པར་རྗེས་སུ་ལྟ་ཞིང་གནས་པ་དང ། ཟད་པར་རྗེས་སུ་ལྟ་བ་དང ། འཇིག་པར་རྗེས་སུ་ལྟ་བ་དང ། འདོད་ཆགས་དང་བྲལ་བར་རྗེས་སུ་ལྟ་བ་དང ། འགོག་པར་རྗེས་
Ka53b
སུ་ལྟ་བ་དང ། རབ་ཏུ་སྤོང་བར་རྗེས་སུ་ལྟ་ཞིང་གནས་པ་ན། འཇིག་རྟེན་ལ་ཅུང་ཟད་ཀྱང་ཉེ་བར་ལེན་པར་མི་བྱེད་དོ། །ཉེ་བར་ལེན་པར་མི་བྱེད་ན་ཡོངས་སུ་གདུང་བར་མི་འགྱུར་རོ། །ཡོངས་སུ་མི་གདུང་ན་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བྱེད་ཅིང་བདག་ཉིད་ཁོ་ནས་ཡོངས་སུ་མྱ་ངན་ལས་འདའ་བར་བྱེད་དོ། །དེ་ལུས་ཀྱི་མཐའ་པའི་ཚོར་བ་མྱོང་བར་བྱེད་པ་ན། ལུས་ཀྱི་མཐའ་པའི་ཚོར་བ་མྱོང་ངོ་སྙམ་དུ་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །སྲོག་གི་མཐའ་པའི་ཚོར་བ་མྱོང་བར་བྱེད་པ་ན། སྲོག་གི་མཐའ་པའི་ཚོར་བ་མྱོང་ངོ་སྙམ་དུ་ཡང་དག་པར་ཇི་ལྟ་བ་བཞིན་རབ་ཏུ་ཤེས་སོ། །ལུས་ཞིག་པའི་འོག་ཏུ་སྲོག་ཡོངས་སུ་གཏུགས་པས། འདི་ཉིད་དུ་དེའི་ཚོར་བ་ཐམས་ཅད་མ་ལུས་པར་འགག་པར་འགྱུར། མ་ལུས་པར་ནུབ་པར་འགྱུར། མ་ལུས་པར་ཡོངས་སུ་ཟད་པར་འགྱུར། མ་ལུས་པར་ཡོངས་སུ་གཏུགས་པར་འགྱུར་རོ། །དེ་འདི་སྙམ་དུ་སེམས་ཏེ། བདག་བདེ་བའི་ཚོར་བ་མྱོང་བར་བྱེད་པ་ན་ལུས་ཞིག་པར་གྱུར་ན། དེ་ཉིད་སྡུག་བསྔལ་གྱི་མཐའ་ཡིན་ནོ། །བདག་སྡུག་བསྔལ་དང ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་མྱོང་བར་བྱེད་པ་ན་ལུས་ཞིག་པར་གྱུར་ན། དེ་ཉིད་སྡུག་བསྔལ་གྱི་མཐའ་ཡིན་ནོ་སྙམ་མོ། ། དེ་བདེ་བའི་ཚོར་བ་མྱོང་བར་བྱེད་པ་ན། མི་ལྡན་པ་མྱོང་བར་བྱེད་ཀྱི་ལྡན་པ་ནི་མ་ཡིན་ནོ། །དེ་སྡུག་བསྔལ་དང ། སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་མྱོང་བར་བྱེད་པ་ན། མི་
Ka54a
༄#། །ལྡན་པ་མྱོང་བར་བྱེད་ཀྱི་ལྡན་པ་ནི་མ་ཡིན་ནོ། །ཇི་ཞིག་དང་མི་ལྡན་ཞེ་ན། འདོད་ཆགས་དང ། ཞེ་སྡང་དང ། གཏི་མུག་དང་མི་ལྡན་པ་དང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་དག་དང་མི་ལྡན་པ་དང ། སྡུག་བསྔལ་དང་མི་ལྡན་པར་ང་སྨྲའོ། །དེའི་ཚེ་ན་ཚེ་དང་ལྡན་པ་ཤཱ་རིའི་བུ་བསྙེན་པར་རྫོགས་ནས་ཟླ་བ་ཕྱེད་ལོན་པ། བཅོམ་ལྡན་འདས་ཀྱི་གནམ་ལོགས་ན་བསིལ་ཡབ་ཐོགས་ཏེ། བཅོམ་ལྡན་འདས་ལ་གཡོབ་ཅིང་འདུག་གོ། །དེ་ནས་ཚེ་དང་ལྡན་པ་ཤཱ་རིའི་བུ་འདི་སྙམ་དུ་སེམས་ཏེ། བཅོམ་ལྡན་འདས་ཆོས་དེ་དང་དེ་དག་གི་སྤོང་བ་ཉིད་ཀྱི་བསྔགས་པ་བརྗོད་པར་མཛད་ཅིང་འདོད་ཆགས་དང་བྲལ་བ་ཉིད་དང ། འགོག་པ་ཉིད་དང ། རབ་ཏུ་སྤོང་བ་ཉིད་ཀྱི་བསྔགས་པ་བརྗོད་པར་མཛད་ཀྱིས། བདག་གིས་ཀྱང་ཆོས་དེ་དང་དེ་དག་ལ་སྤོང་བར་རྗེས་སུ་ལྟ་ཞིང་གནས་པར་བྱ། འདོད་ཆགས་དང་བྲལ་བར་རྗེས་སུ་ལྟ་བ་དང ། འགོག་པར་རྗེས་སུ་ལྟ་བ་དང ། རབ་ཏུ་སྤོང་བར་རྗེས་སུ་ལྟ་ཞིང་གནས་པར་བྱའོ་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུ་ཆོས་དེ་དང་དེ་དག་ལ་སྤོང་བར་རྗེས་སུ་ལྟ་ཞིང་གནས། འདོད་ཆགས་དང་བྲལ་བར་རྗེས་སུ་ལྟ་བ་དང ། འགོག་པར་རྗེས་སུ་ལྟ་བ་དང ། རབ་ཏུ་སྤོང་བར་རྗེས་སུ་ལྟ་ཞིང་གནས་སོ། །དེ་ནས་ཚེ་དང་ལྡན་པ་ཤཱ་རིའི་བུ་ཆོས་དེ་དང་དེ་དག་ལ་སྤོང་བར་རྗེས་སུ་ལྟ་ཞིང་གནས་པ་དང ། འདོད་ཆགས་དང་བྲལ་བར་རྗེས་སུ་ལྟ་བ་དང །
Ka54b
འགོག་པར་རྗེས་སུ་ལྟ་བ་དང ། རབ་ཏུ་སྤོང་བར་རྗེས་སུ་ལྟ་ཞིང་གནས་པ་ན། ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །ཀུན་ཏུ་རྒྱུ་སེན་རིངས་ཀྱང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་ཀུན་ཏུ་རྒྱུ་སེན་རིངས་ཆོས་མཐོང་བ་དང ། ཆོས་ཐོས་པ་དང ། ཆོས་རིག་པ་དང ། ཆོས་ཀྱི་གཏིང་སླེབས་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པའི་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པར་དགེ་སློང་གི་དངོས་པོ་གནང་ན། བཅོམ་ལྡན་འདས་ཀྱི་སྤྱན་སྔར་བདག་ཚངས་པར་སྤྱོད་པ་སྤྱད་པར་བགྱིའོ། །བཅོམ་ལྡན་འདས་ཀྱིས་དེ་ལ་དགེ་སློང་ཚུར་ཤོག་ཅེས་བྱ་བས་རབ་ཏུ་བྱུང་ཞིང ། དགེ་སློང་ཚུར་ཤོག་ཚངས་པར་སྤྱད་པ་སྤྱོད་ཅིག་ཅེས་བཀའ་སྩལ་པ་དང ། དེ་བཅོམ་ལྡན་འདས་ཀྱིས་བཀའི་མཇུག་ཁོ་ནར་སྐྲ་བྱི་བ་དང་སྣམ་སྦྱར་གྱོན་པར་གྱུར་ཏེ། སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང ། ལག་པ་ན་ལྷུང་བཟེད་དང་བྱ་མ་བུམ་ཐོགས་ཤིང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུས་གནས་པར་གྱུར་ཏོ། །ཡང་སྨྲས་པ། དེ་
Ka55a
༄#། །བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞི་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་དེ་ལྟར་རབ་ཏུ་བྱུང་ནས་གཅིག་པུ་དབེན་པ་བག་ཡོད་པ་རྟུན་པ་དང་ལྡན་པ་བདག་ཉིད་བཏང་བར་གནས་སོ། །གཅིག་པུ་དབེན་པ་བག་ཡོད་པ་རྟུན་པ་དང་ལྡན་པ་བདག་ཉིད་བཏང་བར་གནས་པ་ན། རིགས་ཀྱི་བུ་གང་དག་གི་ཕྱིར་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་ཚེ་དང་ལྡན་པ་དེ་ཀུན་ཤེས་པ་དང་ལྡན་པའི་དགྲ་བཅོམ་པ་སེམས་ཤིན་ཏུ་རྣམ་པར་གྲོལ་བར་གྱུར་ཏོ། །བར་སྡོམ་ལ། བདག་ནི་ཐམས་ཅད་མི་བཟོད་དང ། །འོ་ན་ཁྱོད་ཀྱིས་དེ་ལྟར་ཤེས། །ཁྱོད་ནི་སྐྱེ་བོ་ཕལ་ཆེ་མཚུངས། །འཇིག་རྟེན་དགེ་སྦྱོང་བྲམ་ཟེ་དང ། །ལྟ་བའི་གནས་ནི་གསུམ་པོ་དང ། །འཕགས་པའི་ཉན་ཐོས་ཐོས་ལྡན་དང ། །ལུས་དང་ཚོར་དང་ཚོར་གཞི་འགག་།ཀུན་འབྱུང་ལ་སོགས་ཤེས་པ་དང ། །མྱ་ངན་འདའ་དང་ལུས་སྲོག་མཐའ། །ལུས་
Ka55b
ཞིག་སྲོག་ནི་ཡོངས་གཏུགས་དང ། །སྡུག་བསྔལ་མཐའ་དང་མི་ལྡན་དང ། །ཤཱ་རིའི་བུ་ནི་ཐ་མ་ཡིན། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་སོ་སོ་ཡང་དག་པར་རིག་པ་ཐོབ་པ་རྣམས་ཀྱི་ནང་ན་འདི་ལྟ་སྟེ། དགེ་སློང་སྟོད་རིངས་མཆོག་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཤཱ་རིའི་བུས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཤེས་རབ་རྣོ་བ་དང ། ཤེས་རབ་ཟབ་པ་དང ། ངེས་པར་འབྱེད་པའི་ཤེས་རབ་ཅན་དུ་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཤཱ་རིའི་བུ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས་ཤཱ་རིའི་བུ་ཉིད་ཀྱི་ལས་བྱས་ཤིང་བསགས་པ་དག་།གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱིས། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་
Ka56a
༄#། །རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་རི་བྲགས་ཤིག་ན། བྲམ་ཟེ་ཞིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་དེའི་བུ་བྱུང་ནས་དེས་དེའི་མིང་ཞིབ་མ་ཞེས་བྱ་བར་བཏགས་སོ། །ཡང་རྩེ་བར་བྱེད། དགའ་བར་བྱེད། དགའ་མགུར་སྤྱད་པར་བྱེད་པ་དེའི་བུ་མོ་ཞིག་བྱུང་ནས། དེས་དེའི་མིང་ཞིབ་མ་མོ་ཞེས་བྱ་བར་བཏགས་སོ། །ཇི་ཙམ་དུས་གཞན་ཞིག་ན་དེ་གཉིས་ཀྱི་ཕ་བྲམ་ཟེ་དེ་ཆུང་མ་དང་བཅས་ཏེ་དུས་ལ་བབ་བོ། །བྲམ་ཟེའི་ཁྱེའུ་ཞིབ་མ་དེ་ཡང་དབེན་པ་ལ་དགའ་བའི་ཕྱིར། སྲིང་མོ་ཁྲིད་ནས་དགོན་པའི་གནས་སུ་སོང་སྟེ་འདུག་གོ། །གང་གི་ཚེ་བུ་མོ་ཞིབ་མ་མོ་ཆེན་མོར་གྱུར་པ་དེའི་ཚེ་ན་ཉོན་མོངས་པ་དག་གིས་གནོད་པར་གྱུར་ནས། དེས་སྨྲས་པ། མིང་པོ་བདག་ནི་དགོན་པའི་སྨན་དག་གིས་འཚོ་བར་མི་ནུས་ཀྱིས། བདག་ཅག་གྲོང་མཐར་འདོང་ངོ ། །དེས་སྲིང་མོ་ཁྲིད་དེ་གྲོང་མཐར་སོང་ནས་དེ་གཉིས་ཅིག་ཅར་ཁྱིམ་གཅིག་ཏུ་སློང་མོ་ལ་ཞུགས་པ་དང ། བྲམ་ཟེ་ནང་ན་འདུག་པས་བུད་མེད་དང་སྐྱེས་པའི་ཚིག་བརྗོད་པ་ཐོས་སོ། །ཐོས་ནས་དེ་ཕྱིར་བྱུང་སྟེ་སྨྲས་པ། ཅི་དྲང་སྲོང་ཡང་ཆུང་མ་དང་ལྷན་ཅིག་ཡོངས་སུ་རྒྱུའམ། དེས་སྨྲས་པ། འདི་ནི་ཁོ་བོའི་ཆུང་མ་མ་ཡིན་གྱི། འདི་ནི་ཁོ་བོའི་སྲིང་མོ་ཡིན་ནོ། །ཅི་འགའ་ཞིག་ལ་བྱིན་ནམ། དེས་སྨྲས་པ་མ་བྱིན་ནོ། །
Ka56b
གལ་ཏེ་མ་བྱིན་ན་འདི་ཁོ་བོའི་ཆུང་མར་བྱིན་ཅིག་།དེས་སྨྲས་པ། འདིས་ནི་སྡིག་པ་ཅན་དམ་པ་མ་ཡིན་པའི་ཆོས་དེ་སྤངས་སོ། །ཞིབ་མ་མོས་སྨྲས་པ། མིང་པོ་བདག་ནི་དགོན་པའི་སྨན་དག་གིས་འཚོ་བར་མི་ནུས་ཀྱིས། བདག་ཅག་གྲོང་མཐར་འདོང་ངོ་ཞེས་སྨྲས་པ། དེ་ཇི་སྙམ་དུ་སེམས། འདི་ལྟར་བདག་ནི་ཉོན་མོངས་པ་དག་གིས་གནོད་པར་གྱུར་ཏོ། །གལ་ཏེ་དེ་ལྟར་ན་ཁྱོད་ཉིད་ཤེས་སོ། །བྲམ་ཟེ་དེས་དེ་དཔལ་གྱི་འབྱོར་པ་ཆེན་པོས་བག་མར་བླངས་སོ། །ཞིབ་མ་མོས་སྨྲས་པ། མིང་པོ་ཚུར་ཤོག་དང་ལྷན་ཅིག་འཁོད་དོ། །དེས་སྨྲས་པ། ཁོ་བོ་ནི་འདོད་པ་དག་དོན་དུ་མི་གཉེར་བས་ཁོ་བོ་དགོན་པར་འགྲོའོ། །མིང་པོ་གལ་ཏེ་དེ་ལྟར་ན། ཇི་སྟེ་ཁྱོད་ཀྱིས་ཡོན་ཏན་གྱི་ཚོགས་ཅུང་ཟད་ཐོབ་ན་བདག་ལ་བརྗོད་ཅིག། ཞིབ་མ་མཐའ་གཅིག་ཏུ་སོང་སྟེ། མཁན་པོ་མེད་པ་དང་སློབ་དཔོན་མེད་པར་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་བསྐྱེད་ནས། རང་བྱང་ཆུབ་མངོན་སུམ་དུ་བྱས་སོ། །དེས་བསམས་པ། བདག་གིས་སྲིང་མོ་དེ་ལ་ཁས་བླངས་པས་སོང་སྟེ། ཉེ་བར་བསྟན་པར་བྱའོ་སྙམ་མོ། །བདག་ཉིད་ཆེན་པོ་དེ་དག་ནི་ལུས་ཀྱིས་ཆོས་སྟོན་གྱི་།ཚིག་གིས་མི་སྟོན་པས། དེ་དེ་ལ་སྙིང་བརྩེ་བའི་ཕྱིར་དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས། འབར་བ་དང་གསལ་བ་དང་ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་
Ka57a
༄#། །གཏོད་པར་བྱེད་པ་ཡིན་པས་ཞིབ་མ་མོས་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ལ་གཏུགས་ཏེ་སྨྲས་པ། འཕགས་པ་ཁྱོད་ཀྱིས་ཡོན་ཏན་གྱི་ཚོགས་འདི་ལྟ་བུ་བརྙེས་སམ། ཐོབ་བོ། །འཕགས་པ་ཁྱོད་ནི་བསོད་སྙོམས་བཞེད་པ་ལགས་ལ། བདག་ནི་བསོད་ནམས་འཚལ་བ་ལགས་པས། འདི་ཉིད་དུ་བཞུགས་ཤིག་དང ། བདག་གིས་ཁྱོད་ལ་བསོད་སྙོམས་ཀྱི་མཁོ་བ་བསྟབ་པར་བགྱིའོ། །སྲིང་མོ་ཇེ་ཁྱིམ་ཐབ་ལ་དྲིས་ཤིག་།དེ་ཁྱིམ་ཐབ་ཀྱི་གན་དུ་སོང་སྟེ་སྨྲས་པ། རྗེའི་སྲས་བདག་གི་མིང་པོ་རབ་ཏུ་བྱུང་བ། བརྟུལ་ཞུགས་གྲུབ་པ་བདག་ཉིད་ཆེན་པོར་གྱུར་གྱིས། གནང་བར་མཛོད་ཅིག་དང ། བདག་གིས་དེ་ལ་བསོད་སྙོམས་ཀྱི་མཁོ་བ་བསྟབ་པར་བགྱིའོ། །དེས་སྨྲས་པ། གལ་ཏེ་དེ་རབ་ཏུ་མ་བྱུང་ན་ཡང་མི་འདོད་བཞིན་དུ་སྦྱིན་པར་བྱ་བ་ཡིན་ན། རབ་ཏུ་བྱུང་བ། བརྟུལ་ཞུགས་གྲུབ་པ་བདག་ཉིད་ཆེན་པོར་གྱུར་ན་ལྟ་སྨོས་ཀྱང་ཅི་དགོས་ཀྱིས། སོང་ལ་ཅི་བདེར་བསོད་སྙོམས་ཀྱི་མཁོ་བ་སྟོབས་ཤིག་།དེས་རང་སངས་རྒྱས་དེ་ལ་ཟླ་བ་གསུམ་དུ་བསོད་སྙོམས་ཀྱི་མཁོ་བ་བསྟབས་ནས། རས་ཡུག་ཆེན་ཆེན་པོ་ལ་འོས་པ་བསྐོན་ཏེ་ཁབ་དང་གྲི་དང་སྐུད་པ་ཡང་ཕུལ་ལོ། ། དེས་རས་ཡུག་ཆེན་དང་ཁབ་དང་གྲི་དང་སྐུད་པ་དེ་བླངས་ཏེ། དེ་ཉིད་ཀྱི་མདུན་དུ་དྲ་བར་བརྩམས་པ་དང ། གྲི་དེ་རྣོ་བ་རྣོ་བར་གཅོད་ནས། ཞིབ་མ་མོ་དེས་དེའི་རྐང་པ་གཉིས་ལ་ཕྱག་འཚལ་ཏེ།
Ka57b
སྨོན་ལམ་འདི་སྐད་ཅེས་ཇི་ལྟར་གྲི་འདི་རྣོ་བ་རྣོ་བར་གཅོད་པ་དེ་ལྟར་བདག་ཀྱང་དགེ་བའི་རྩ་བ་འདིས་ཤེས་རབ་རྣོ་བར་གྱུར་ཅིག་ཅེས་སྨོན་ལམ་བཏབ་བོ། །རང་སངས་རྒྱས་དེས་ཁབ་ཀྱིས་དབུག་པར་བརྩམས་པ་དང ། ཁབ་དེ་ཟབ་མོ་ཟབ་མོར་འབིགས་ནས། ཞིབ་མ་མོ་དེས་དེའི་རྐང་པ་གཉིས་ལ་ཕྱག་འཚལ་ཏེ། སྨོན་ལམ་འདི་སྐད་ཅེས་ཇི་ལྟར་ཁབ་འདི་ཟབ་མོ་ཟབ་མོར་འབིགས་པ་དེ་ལྟར་བདག་ཀྱང་དགེ་བའི་རྩ་བ་འདིས་ཤེས་རབ་ཟབ་མོར་གྱུར་ཅིག་ཅེས་བཏབ་བོ། །རང་སངས་རྒྱས་དེས་སྐུད་པས་དྲུབ་པར་བརྩམས་པ་དང ། སྐུད་པ་དེ་ཐལ་བྱུང་ཐལ་བྱུང་དུ་འགྲོ་ནས་ཞིབ་མ་མོ་དེས་དེའི་རྐང་པ་གཉིས་ལ་ཕྱག་འཚལ་ཏེ། སྨོན་ལམ་འདི་སྐད་ཅེས་ཇི་ལྟར་སྐུད་པ་འདི་ཐལ་བྱུང་ཐལ་བྱུང་དུ་འགྲོ་བ་དེ་ལྟར་བདག་ཀྱང་དགེ་བའི་རྩ་བ་འདིས་ངེས་པར་འབྱེད་པའི་ཤེས་རབ་ཅན་དུ་གྱུར་ཅིག་ཅེས་བཏབ་བོ། །དགེ་སློང་དག་དེ་ལ་དེའི་ཚེ་དེའི་དུས་ན། བྲམ་ཟེའི་བུ་མོ་ཞིབ་མ་མོ་གང་ཡིན་པ་དེ་ནི་དགེ་སློང་ཤཱ་རིའི་བུ་འདི་ཉིད་ཡིན་ཏེ། དེས་རང་སངས་རྒྱས་ལ་མཆོད་པ་བྱས་ནས་སྨོན་ལམ་བཏབ་པ་གང་ཡིན་པའི་ལས་དེའི་རྣམ་པར་སྨིན་པས། ད་ལྟར་ཤེས་རབ་རྣོ་བ་དང ། ཤེས་རབ་ཟབ་པ་དང ། ངེས་པར་འབྱེད་པའི་ཤེས་རབ་ཅན་དུ་གྱུར་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་
Ka58a
༄#། །སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཤཱ་རིའི་བུས་ལས་ཅི་ཞིག་བགྱིས་ན།་ལས་དེའི་རྣམ་པར་སྨིན་པས་ཁྱིམ་ཧ་ཅང་ཕྱུག་པར་ཡང་མ་སྐྱེས། ཁྱིམ་ཧ་ཅང་དབུལ་བར་ཡང་མ་སྐྱེས། ཁྱིམ་འབྲིང་པོར་སྐྱེས་ཤིང་རབ་ཏུ་འབྱུང་བ་མང་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཤཱ་རིའི་བུ་ཉིད་ཀྱི་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། ཤཱ་རིའི་བུ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་བ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་
Ka58b
བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་རི་བྲགས་ཤིག་ན་རྒྱལ་པོ་ཞིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ་།རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་དེའི་བུ་བྱུང་ནས་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །དེས་ཕ་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་འཇུག་པ་མཐོང་ནས། དེས་བསམས་པ། བདག་ཀྱང་ཡབ་འདས་ནས་རྒྱལ་པོར་འགྱུར་ལ། བདག་གིས་ཀྱང་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་བཅུག་ན། སེམས་ཅན་དམྱལ་བར་འགྲོ་བར་འགྱུར་རོ་སྙམ་ནས། དེ་རྒྱལ་པོའི་གན་དུ་སོང་སྟེ་ཕྱིན་ནས་སྨྲས་པ། ཡབ་གནང་བར་མཛོད་ཅིག་།བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ ། །རྒྱལ་པོས་སྨྲས་པ། བུ་གང་གི་དོན་དུ་མཆོད་སྦྱིན་སྦྱིན་པར་བྱེད། སྦྱིན་སྲེག་སྲེག་པར་བྱེད། དཀའ་ཐུབ་ཀྱིས་གདུང་བར་བྱེད་པའི་རྒྱལ་སྲིད་དེ་ཁྱོད་ཀྱི་ལག་མཐིལ་དུ་འོངས་ཤིང ། གླང་པོ་ཆེས་འགྲོ་བའི་རིགས་སུ་སྐྱེས་ན། ཅིའི་ཕྱིར་རབ་ཏུ་འབྱུང་ཞེས་སྤྱོས་ཏེ། དེ་ཕས་རབ་ཏུ་འབྱུང་བར་མ་སྟེར་ཏོ། །དེ་དུས་གཞན་ཞིག་ན་གླང་པོ་ཆེའི་གཤུལ་དུ་ཞོན་ཏེ་ཕྱིར་ཕྱུང་བ་དང ། དེས་མི་དབུལ་པོ་ཞིག་འཁར་བ་དང་སློང་ཕོར་ཆག་པ་ཐོགས་ཏེ་སློང་མོ་ལ་རྒྱུ་བ་མཐོང་ངོ ། །མཐོང་ནས་ཀྱང་རྒྱལ་བུ་དེ་དེའི་གན་དུ་སོང་སྟེ་སྨྲས་པ། ཀཝའི་ནང་རྗེ་ཁོ་བོ་ནི་འདི་ལྟ་བུའི་ཁྱིམ་དུ་སྐྱེས་པ་དེས་རབ་ཏུ་འབྱུང་བ་མ་ཐོབ་ན། ཁྱོད་ཅིའི་ཕྱིར་རབ་ཏུ་མ་འབྱུང །
Ka59a
༄#། །དེས་སྨྲས་པ། རྒྱལ་པོའི་སྲས་བདག་ལ་ལྷུང་བཟེད་མ་མཆིས་ཤིང་ཆོས་གོས་མ་མཆིས་ན། ཇི་ལྟར་རབ་ཏུ་འབྱུང་བར་བགྱི། རྒྱལ་བུས་སྨྲས་པ། བཞིན་བཟང་ཚུར་ཤོག་།ངས་ཁྱོད་ལ་ཆོས་གོས་དང་ལྷུང་བཟེད་སྦྱིན་པར་བྱའོ་ཞེས་རྒྱལ་བུ་དེས་དེ་ཁྲིད་དེ་སོང་ནས་བསྟི་གནས་ཤིག་ན་དྲང་སྲོང་མངོན་པར་ཤེས་པ་ལྔ་དང་ལྡན་པ་ཞིག་འདུག་པ་དེའི་གན་དུ་སོང་སྟེ། ཕྱིན་ནས་གླང་པོ་ཆེའི་གཤུལ་ནས་བབས་ཏེ། དུལ་བ་དང་བཅས་པས་སྨྲས་པ། ཤེས་ལྡན་རིགས་ཀྱི་བུ་འདི་ཁྱོད་ལས་རབ་ཏུ་འབྱུང་བར་འདོད་ཀྱིས། འདི་རབ་ཏུ་ཕྱུང་ཞིག་དང ། བདག་གིས་འདི་ལ་ལྷུང་བཟེད་དང་ཆོས་གོས་སྦྱིན་པར་བྱའོ། །དྲང་སྲོང་དེས་དེ་རབ་ཏུ་ཕྱུང་ངོ ། །རྒྱལ་བུ་དེས་དེའི་ལྷུང་བཟེད་དང ། ཆོས་གོས་དག་བཀྲུས་ཞིང་དྲུབས་ཏེ་ཁ་བསྒྱུར་ནས་བྱིན་ཏེ་སྨྲས་པ། འཕགས་པ་གལ་ཏེ་ཁྱོད་ཀྱིས་ཡོན་ཏན་གྱི་ཚོགས་ཅུང་ཟད་ཐོབ་ན་བདག་ལ་རྗོད་ཅིག་།དེས་རྒྱལ་བུ་དེ་ལ་དེ་ལྟར་བྱའོ་ཞེས་ཁས་བླངས་སོ། །དེ་ཕྱོགས་གཅིག་ཏུ་སོང་སྟེ། མཁན་པོ་མེད་པ་དང ། སློབ་དཔོན་མེད་པར་བྱང་ཆུབ་ཀྱི་ཕྱོགས་དང་མཐུན་པའི་ཕྱོགས་ཆོས་སུམ་ཅུ་རྩ་བདུན་བསྐྱེད་ནས། རང་བྱང་ཆུབ་མངོན་སུམ་དུ་བྱས་སོ། །དེས་བསམས་པ། བདག་གིས་ཡོན་ཏན་གྱི་ཚོགས་གང་ཅུང་ཟད་ཐོབ་པ་གང་ཡིན་པ་དེ་ཐམས་ཅད་རྒྱལ་པོའི་བུ་དེ་ལ་བརྟེན་ནས་ཐོབ་པ་ཡིན་ལ། བདག་གིས་དེ་ལ་ཁས་བླངས་པས་སོང་ལ་དེ་ལ་ཉེ་བར་བསྟན་པར་བྱའོ་སྙམ་མོ། །བདག་ཉིད་ཆེན་པོ་དེ་དག་
Ka59b
ནི་ལུས་ཀྱིས་ཆོས་སྟོན་གྱིས། ཚིག་གིས་མི་སྟོན་པས་དེ་ལ་སྙིང་བརྩེ་བའི་ཕྱིར་དེས་ངང་པའི་རྒྱལ་པོ་འདབ་མ་བརྐྱང་པ་ལྟར་སྟེང་གི་ནམ་མཁའ་ལ་མངོན་པར་འཕགས་ནས། འབར་བ་དང་གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། རྒྱལ་བུ་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ལ་གཏུགས་ནས་སྨྲས་པ། འཕགས་པ་ཁྱོད་ཀྱིས་ཡོན་ཏན་གྱི་ཚོགས་འདི་ལྟ་བུ་བརྙེས་སམ། ཐོབ་བོ། །དེས་བསམས་པ། འཕགས་པ་འདིས་ཡོན་ཏན་གྱི་ཚོགས་གང་ཅུང་ཟད་ཐོབ་པ་གང་ཡིན་པ་དེ་ཐམས་ཅད་བདག་ལ་བརྟེན་ནས་ཐོབ་པ་ཡིན་ན། འཕགས་པ་འདིས་སྔོན་རབ་ཏུ་འབྱུང་བ་ཐོབ་པ་གང་ཡིན་པ་དེ་ནི་ཁྱིམ་དེ་ལྟ་བུར་སྐྱེས་པ་ཡིན་ལ། བདག་གིས་རབ་ཏུ་བྱུང་བ་མ་ཐོབ་པ་གང་ཡིན་པ་དེ་ནི་ཁྱིམ་འདི་ལྟ་བུར་སྐྱེས་པ་ཡིན་ནོ་སྙམ་ནས། དེས་རང་སངས་རྒྱས་དེའི་རྐང་པ་གཉིས་ལ་ཕྱག་འཚལ་ཏེ། སྨོན་ལམ་འདི་སྐད་ཅེས་དགེ་བའི་རྩ་བ་འདིས་བདག་།ཧ་ཅང་ཕྱུག་པའི་ཁྱིམ་དང་ནི། །དབུལ་པོའི་ཁྱིམ་དུ་མི་སྐྱེ་བར། །བར་མའི་ཁྱིམ་དུ་སྐྱེ་འགྱུར་ཞིང ། །རྟག་ཏུ་རབ་འབྱུང་མང་བར་ཤོག། ཅེས་བཏབ་བོ། ། དགེ་སློང་དག་དེ་ལ་དེའི་ཚེ་དེའི་དུས་ན། རྒྱལ་བུ་དེ་གང་ཡིན་པ་དེ་ནི་དགེ་སློང་ཤཱ་རིའི་བུ་འདི་ཉིད་ཡིན་ཏེ། དེས་རང་སངས་རྒྱས་ལ་མཆོད་པ་བྱས་ནས། སྨོན་ལམ་བཏབ་པ་གང་ཡིན་པའི་ལས་དེའི་
Ka60a
༄#། །རྣམ་པར་སྨིན་པས། དེ་ལྟར་ཁྱིམ་ཧ་ཅང་ཕྱུག་པར་ཡང་མ་སྐྱེས། ཁྱིམ་ཧ་ཅང་དབུལ་བར་ཡང་མ་སྐྱེས་པར་ཁྱིམ་འབྲིང་བོར་སྐྱེས་ཤིང ། རབ་ཏུ་འབྱུང་བ་མང་པར་གྱུར་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཤཱ་རིའི་བུས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས། བཅོམ་ལྡན་འདས་ཀྱིས་ཤེས་རབ་ཆེན་པོ་དང་ལྡན་པ་རྣམས་དང ། སྤོབས་པ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན། བཅོམ་ལྡན་འདས་ཀྱིས་བཀའ་སྩལ་བ། དེ་ནི་སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན། དགེ་སློང་དག་སྔོན་བྱུང་བསྐལ་བ་བཟང་པོ་འདི་ཉིད་ལ་སྐྱེ་དགུ་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ།
Ka60b
འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་རྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས། དགེ་སློང་གང་གིས་དེ་རབ་ཏུ་བྱུང་བའི་དགེ་སློང་དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཤེས་རབ་ཆེན་པོ་དང་ལྡན་པ་རྣམས་དང ། སྤོབས་པ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན་ཏོ། །དེ་ནས་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་ནས། དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས། བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་བའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ། བྲམ་ཟེའི་ཁྱེའུ་ཁྱོད་མ་འོངས་པའི་དུས་ན། སྐྱེ་དགུ་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་
Ka61a
༄#། །འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་ཉིད་མངོན་དུ་བྱེད་ཅིང ། ཇི་ལྟར་མཁན་པོ་འདི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཤེས་རབ་ཆེན་པོ་དང་ལྡན་པ་རྣམས་དང ། སྤོབས་པ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ། བདག་ཀྱང་བཅོམ་ལྡན་འདས་ཤཱཀྱ་ཐུབ་པ་ཤཱཀྱ་སེང་གེ། ཤཱཀྱའི་རྒྱལ་པོ་གཙོ་བོ་དེས་ཤེས་རབ་ཆེན་པོ་དང་ལྡན་པ་རྣམས་དང ། སྤོབས་པ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་།ཅེས་སྨོན་ལམ་གདབ་པར་བརྩམས་པས་སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་ཤེས་རབ་ཆེན་པོ་དང་ལྡན་པ་རྣམས་དང ། སྤོབས་པ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན་ཏོ། ། ཡང་དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ལས་ཇི་ཞིག་བགྱིས་ན། ལས་དེའི་རྣམ་པར་སྨིན་པས་རྫུ་འཕྲུལ་ཆེ་བ་དང་མཐུ་ཆེ་བར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་མོའུ་དགལ་གྱི་བུ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་
Ka61b
བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། མོའུ་དགལ་གྱི་བུ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར་རོ། །ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ནས་ཧ་ཅང་ཐག་མི་རིང་བའི་བསྟི་གནས་ཤིག་ན། དྲང་སྲོང་བྱམས་པའི་བདག་ཉིད་ཅན་སྙིང་རྗེ་དང་ལྡན་པ། སེམས་ཅན་ཐམས་ཅད་ལ་བྱམས་པ་ཞིག་འདུག་གོ་།ཇི་ཙམ་ན་མི་དབུལ་པོ་ཞིག་ཤིང་ཁུར་ཐོགས་ཏེ་བསྟི་གནས་དེར་སོང་སྟེ། ཤིང་ཁུར་ཕོག་སྟེ་ངལ་བསོ་ཞིང་འདུག་པ་དྲང་སྲོང་དེས་མཐོང་ནས། དེ་དེ་ལ་སྙིང་རྗེ་སྐྱེས་ཏེ། ཉོན་མོངས་པ་འདི་སྔོན་གྱི་ལས་ཀྱི་ཉེས་བས་མིར་སྐྱེས་ཀྱང ། ཚེགས་ཆེན་པོས་འཚོ་བ་སྦྱོར་བར་བྱེད་ཀྱིས། བདག་གིས་འདི་རབ་ཏུ་དབྱུང་ངོ་སྙམ་ནས་སྨྲས་པ། བུ་ཁྱོད་སུ་ཞིག་ཡིན། དེས་སྨྲས་པ། འཕགས་པ་བདག་ནི་མི་དབུལ་པོ་ཤིང་གིས་འཚོ་བ་སྦྱོར་བ་ཞིག་ལགས་སོ། །དྲང་སྲོང་གིས་སྨྲས་
Ka62a
༄#། །པ།་བུ་འོ་ན་ཁྱོད་ཅིའི་ཕྱིར་རབ་ཏུ་མི་འབྱུང ། དེས་སྨྲས་པ། འཕགས་པ་བདག་ནི་མི་དབུལ་པོ་ཞིག་སྟེ། ཤིང་བཙོངས་ནས་ཚེགས་ཆེན་པོས་འཚོ་བ་སྦྱོར་བར་བགྱིད་པ་ལགས་ན།་སུ་ཞིག་གིས་བདག་རབ་ཏུ་འབྱིན་པར་འགྱུར། དེ་ནས་དྲང་སྲོང་དེ་བྱམས་པའི་བདག་ཉིད་ཅན་ཡིན་པའི་ཕྱིར་ཤིན་ཏུ་སྙིང་རྗེ་བསྐྱེད་ནས་དེས་དེ་ལ་སྨྲས་པ། བུ་ཁྱོད་རབ་ཏུ་འབྱུང་བར་འདོད་དམ། དེས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་གྱིས། ཐུགས་བརྩེ་བའི་སླད་དུ་བདག་རབ་ཏུ་དབྱུང་དུ་གསོལ། དྲང་སྲོང་དེས་དེ་རབ་ཏུ་ཕྱུང་ནས་ལྷུང་བཟེད་དང ། ཆོས་གོས་དག་ཀྱང་བཀྲུས་ཤིང་ཁ་བསྒྱུར་ཏེ་བྱིན་ནས་སྨྲས་པ། བཞིན་བཟང་གལ་ཏེ་ཁྱོད་ཀྱིས་ཡོན་ཏན་གྱི་ཚོགས་ཅུང་ཟད་ཐོབ་ན་ཁོ་བོ་ལ་རྗོད་ཅིག་།དེས་དེ་ལ་དེ་བཞིན་དུ་བགྱིའོ་ཞེས་ཁས་བླངས་སོ། །དེས་ཕྱོགས་གཅིག་ཏུ་སོང་ནས་མཁན་པོ་མེད་པ་དང ། སློབ་དཔོན་མེད་པར་བྱང་ཆུབ་ཀྱི་ཕྱོགས་དང་མཐུན་པའི་ཆོས་སུམ་ཅུ་རྩ་བདུན་བསྐྱེད་ནས། རང་བྱང་ཆུབ་མངོན་སུམ་དུ་བྱས་སོ། །དེས་བསམས་པ། བདག་གིས་དྲང་སྲོང་དེ་ལ་ཁས་བླངས་པས་སོང་ལ་དེ་ལ་ཉེ་བར་བསྟན་པར་བྱའོ་སྙམ་མོ། །བདག་ཉིད་ཆེན་པོ་དེ་དག་ནི་ལུས་ཀྱིས་ཆོས་སྟོན་གྱི། ཚིག་གིས་མི་སྟོན་པས། དེ་དེ་ལ་རྗེས་སུ་སྙིང་བརྩེ་བའི་ཕྱིར། དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་
Ka62b
སོ། །སོ་སོ་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། དྲང་སྲོང་དེ་ཤིང་ལྗོན་པ་རྩབ་ནས་བཅད་པ་བཞིན་དུ་རང་སངས་རྒྱས་དེའི་རྐང་པ་གཉིས་ལ་གཏུགས་ནས་སྨྲས་པ། འཕགས་པ་ཁྱོད་ཀྱིས་ཡོན་ཏན་གྱི་ཚོགས་འདི་ལྟ་བུར་བརྙེས་སམ། ཐོབ་བོ། །དེས་བསམས་པ། འཕགས་པ་འདིས་ཡོན་ཏན་གྱི་ཚོགས་ཅུང་ཟད་ཐོབ་པ་གང་ཡིན་པ་ཐམས་ཅད་བདག་ལ་བརྟེན་ནས་ཐོབ་པ་ཡིན་ནོ་སྙམ་ནས། དེས་རང་སངས་རྒྱས་དེའི་རྐང་པ་གཉིས་ལ་ཕྱག་འཚལ་ཏེ། སྨོན་ལམ་འདི་སྐད་ཅེས། འདི་ལྟར་འཕགས་པ་འདི་རྫུ་འཕྲུལ་ཆེ་བ་དང ། མཐུ་ཆེ་བ་དེ་བཞིན་དུ་བདག་ཀྱང་དགེ་བའི་རྩ་བ་འདིས་རྫུ་འཕྲུལ་ཆེ་བ་དང་མཐུ་ཆེ་བར་གྱུར་ཅིག་ཅེས་བཏབ་བོ། །དགེ་སློང་དག་དེ་ལ་དེའི་ཚེ་དེའི་དུས་ན་དྲང་སྲོང་གང་ཡིན་པ་དེ་ནི་དགེ་སློང་མོའུ་དགལ་གྱི་བུ་འདི་ཉིད་ཡིན་ཏེ། དེས་རང་སངས་རྒྱས་ལ་མཆོད་པ་བྱས་ནས་སྨོན་ལམ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ད་ལྟར་རྫུ་འཕྲུལ་ཆེ་བ་དང་མཐུ་ཆེ་བར་གྱུར་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ།
Ka63a
༄#། །དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ།། །།འདུལ་བ་གཞི། བམ་པོ་ལྔ་པ། དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། བཅོམ་ལྡན་འདས་ཀྱིས་རྫུ་འཕྲུལ་ཆེན་པོ་དང་ལྡན་པ་རྣམས་དང ། མཐུ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན། དེ་ནི་སྨོན་ལམ་གྱི་དབང་གིས་ཏེ་གང་དུ་སྨོན་ལམ་བཏབ་ཅེས་ན། དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུ་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་རྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས། དགེ་སློང་གང་གིས་དེ་རབ་ཏུ་བྱུང་བའི་དགེ་སློང་དེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་རྫུ་འཕྲུལ་ཆེན་པོ་དང་ལྡན་པ་རྣམས་དང ། མཐུ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན་ཏོ། །དེས་ན་འདིས་ཚེ་ཇི་སྲིད་པར་ཚངས་པར་སྤྱོད་
Ka63b
པ་སྤྱད་པ་ན། ཡོན་ཏན་གྱི་ཚོགས་འགའ་ཡང་མ་ཐོབ་ནས། དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས་བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུ་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱེད་ཅིང ། ཇི་ལྟར་མཁན་པོ་འདི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་རྫུ་འཕྲུལ་ཆེན་པོ་དང་ལྡན་པ་རྣམས་དང ། མཐུ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ། བདག་ཀྱང་བཅོམ་ལྡན་འདས་ཤཱཀྱ་ཐུབ་པ། ཤཱཀྱའི་སེང་གེ། ཤཱཀྱའི་
Ka64a
༄#། །རྒྱལ་པོས་གཙོ་བོ་དེས། རྫུ་འཕྲུལ་ཆེན་པོ་དང་ལྡན་པ་རྣམས་དང་མཐུ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་གདབ་པར་བརྩམས་པས། སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་རྫུ་འཕྲུལ་ཆེན་པོ་དང་ལྡན་པ་རྣམས་དང ། མཐུ་ཆེན་པོ་དང་ལྡན་པ་རྣམས་ཀྱི་མཆོག་ཏུ་བསྟན་ཏོ། །ཡང་དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་སྟོད་རིངས་ཀྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། བཅོམ་ལྡན་འདས་ཀྱིས་སོ་སོ་ཡང་དག་པར་རིག་པ་ཐོབ་པ་རྣམས་ཀྱི་མཆོག་ཏུ་བསྟན། དེ་ནི་སྨོན་ལམ་གྱི་དབང་གིས་ཏེ། གང་དུ་སྨོན་ལམ་བཏབ་ཅེ་ན། དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ།་བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་རྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས། དགེ་སློང་གང་གིས་དེ་རབ་ཏུ་ཕྱུང་བའི་དགེ་སློང་དེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་སོ་སོ་
Ka64b
ཡང་དག་པར་རིག་པ་ཐོབ་པ་རྣམས་ཀྱི་མཆོག་ཏུ་བསྟན་ཏོ། །དེ་ན་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་ནས། དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས། བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཆེ་ཇི་སྲིད་པར་ཚངས་པར་སྤྱོད་པ་སྤྱད་ན།་ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གི་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱེད་ཅིང ། ཇི་ལྟར་མཁན་པོ་འདི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས་སོ་སོ་ཡང་དག་པར་རིག་པ་ཐོབ་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ། བདག་ཀྱང་བཅོམ་ལྡན་འདས་
Ka65a
༄#། །ཤཱཀྱ་ཐུབ་པ། ཤཱཀྱའི་སེང་གེ། ཤཱཀྱའི་རྒྱལ་པོའི་གཙོ་བོ་དེས། སོ་སོ་ཡང་དག་པར་རིག་པ་ཐོབ་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་གདབ་པར་བརྩམས་པས། སྨོན་ལམ་དེའི་དབང་གིས་ད་ལྟར་དེ་བཞིན་གཤེགས་པས་སོ་སོ་ཡང་དག་པར་རིག་པ་ཐོབ་པ་རྣམས་ཀྱི་མཆོག་ཏུ་བསྟན་ཏོ། །དེའི་ཚེ་ན་ལེགས་པར་གསུངས་པའི་ཆོས་འདུལ་བ་ལ་འདི་ལྟར་རབ་ཏུ་བྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོར་འགྱུར་ཏེ། བཅོམ་ལྡན་འདས་ཀྱིས་དགེ་སློང་ཚུར་ཤོག་ཅེས་བྱ་བས་རབ་ཏུ་འབྱིན་པར་མཛད་ཅིང་བསྙེན་པར་རྫོགས་པར་མཛད་པས་འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་པ་ན། བཅོམ་ལྡན་འདས་ཀྱིས་དགེ་སློང་ཚུར་ཤོག་ཅེས་བྱ་བས་རབ་ཏུ་འབྱིན་པར་མཛད་ཅིང་དགེ་སློང་ཚུར་ཤོག་ཅེས་བྱ་བས་བསྙེན་པར་རྫོགས་པར་འགྱུར་རོ་སྙམ་ནས། དེས་དེ་ཁྲིད་དེ་བཅོམ་ལྡན་འདས་ག་ལ་བ་དེར་འགྲོའོ། །དགེ་སློང་ཞིག་གི་གན་དུ་རབ་ཏུ་འབྱུང་བར་འདོད་པ་ཞིག་འོངས་པ་ན། བཅོམ་ལྡན་འདས་ཀྱིས་དགེ་སློང་ཚུར་ཤོག་ཅེས་བྱ་བས་རབ་ཏུ་འབྱིན་པར་མཛད་ཅིང ། དགེ་སློང་ཚུར་ཤོག་ཅེས་བྱ་བས་བསྙེན་པར་རྫོགས་པར་མཛད་པར་འགྱུར་རོ་སྙམ་ནས་དེས་དེ་ཁྲིད་དེ་བཅོམ་ལྡན་འདས་ག་ལ་བ་དེར་སོང་བ་དང ། དེ་བཅོམ་ལྡན་འདས་ཀྱི་སྤྱན་སྔར་མ་ཕྱིན་པ་ཁོ་ནར་བར་མ་དོར་རྒྱུན་ཆད་ཅིང་ཤི་བར་གྱུར་ཏེ། དེ་ཉིད་ལེགས་པར་གསུངས་པའི་ཆོས་འདུལ་པ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་
Ka65b
པོར་འགྱུར་བའི་བར་ཆད་དུ་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཀྱེ་མ་ངའི་ཉན་ཐོས་རྣམས་ཐག་རིང་པོ་དང་ཆེས་རིང་པོ་ནས་འོང་བ་རྣམས་ངལ་བར་འགྱུར་རོ་སྙམ་ནས་བཀའ་སྩལ་པ། དེ་ལྟ་བས་ན། དེང་ནས་དགེ་འདུན་གྱིས་རབ་ཏུ་དབྱུང་བ་དང ། དགེ་འདུན་གྱིས་བསྙེན་པར་རྫོགས་པར་བྱ་བར་གནང་ངོ ། །བཅོམ་ལྡན་འདས་ཀྱིས་དགེ་འདུན་གྱིས་རབ་ཏུ་དབྱུང་བར་བྱ་བ་དང ། དགེ་འདུན་གྱིས་བསྙེན་པར་རྫོགས་པར་བྱའོ་ཞེས་བཀའ་སྩལ་ནས། དེ་དག་གིས་ཇི་ལྟར་རབ་ཏུ་དབྱུང་བར་བྱ་བ་དང ། ཇི་ལྟར་བསྙེན་པར་རྫོགས་པར་བྱ་བ་མི་ཤེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་གཟུང་བར་བྱ་ཞིང་བཟུང་ནས་དགེ་འདུན་ཐམས་ཅད་འདུས་པ་ན་ཆ་ལུགས་འདི་བཞིན་བྱས་ཤིང ། རྒན་རིམས་ལ་ཕྱག་འཚལ་དུ་བཅུག་སྟེ། ཐལ་མོ་སྦྱར་ནས་ཙོག་ཙོག་པོར་འདུག་ཏུ་བཅུག་སྟེ། ལན་གསུམ་གསོལ་བ་འདེབས་སུ་བཅུག་ནས་དགེ་སློང་གཅིག་གིས་གསོལ་བ་དང་བཞིའི་ལས་ཀྱིས་ཅིག་ཅར་རབ་ཏུ་འབྱུང་བ་དང་བསྙེན་པར་རྫོགས་པ་ཉེ་བར་བསྒྲུབ་པར་བྱའོ།། དེས་འདི་སྐད་ཅེས་བརྗོད་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག་མིང་འདི་ཞེས་བགྱི་བ་དགེ་འདུན་ལས་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་
Ka66a
༄#། །གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་རབ་ཏུ་དབྱུང་དུ་གསོལ། བསྙེན་པར་རྫོགས་པར་མཛད་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །འདི་ལྟར་བྱ་སྟེ། འདུག་ལ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། མིང་འདི་ཞེས་བགྱི་བ་འདི་དགེ་འདུན་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མིང་འདི་ཞེས་བགྱི་བ་རབ་ཏུ་འབྱིན་ཏོ། །བསྙེན་པར་རྫོགས་པར་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། མིང་འདི་ཞེས་བགྱི་བ་འདི་དགེ་འདུན་ལས་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་གསོལ་ཏེ། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་རབ་ཏུ་དབྱུང་བ་དང ། བསྙེན་པར་རྫོགས་པར་མཛད་ན། ཚེ་དང་ལྡན་པ་གང་དག་མིང་འདི་ཞེས་བགྱི་བ་རབ་ཏུ་དབྱུང་བ་དང ། བསྙེན་པར་རྫོགས་པར་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་
Ka66b
གནང་ནས། དགེ་འདུན་གྱིས་མིང་འདི་ཞེས་བགྱི་བ་རབ་ཏུ་ཕྱུང ། བསྙེན་པར་རྫོགས་པར་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེ་ནི་སྔོན་གྱི་ཆོ་གའོ། །དེ་ལྟར་རབ་ཏུ་བྱུང་ཞིང་བསྙེན་པར་རྫོགས་པ་དག་མཁན་པོ་མེད་པ་དང ། སློབ་དཔོན་མེད་པས་ལེགས་པར་མ་སྦྱངས་པ་དང ། ལེགས་པར་མ་བགོས་པ་དང ། སྒྲ་མཐོན་པོ་དང ། སྒྲ་ཆེན་པོ་དང ། རྒོད་བག་གི་སྤྱོད་ལམ་གྱིས་བྲམ་ཟེ་དང ། ཁྱིམ་བདག་གི་ཁྱིམ་དག་ཏུ་འདོང་ཞིང ། དེ་དག་དེར་ཟས་སློང་བར་བྱེད། ཟས་སློང་དུ་འཇུག་པར་བྱེད། སྲན་ཚོད་སློང་བར་བྱེད། སྲན་ཚོད་སློང་དུ་འཇུག་པར་བྱེད་ཅིང ། བསྟན་པ་དང་འགལ་བ་གཞན་དག་ཀྱང་བྱེད་ནས། གཞན་མུ་སྟེགས་ཅན་དག་ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི། མཁན་པོ་མེད་པ་དང ། སློབ་དཔོན་མེད་པས། ལེགས་པར་མ་སྦྱངས་པ་དང ། ལེགས་པར་མ་བགོས་པ་དང ། སྒྲ་མཐོན་པོ་དང ། སྒྲ་ཆེན་པོ་དང ། རྒོད་བག་གི་སྤྱོད་ལམ་གྱིས་བྲམ་ཟེ་དང་ཁྱིམ་བདག་གི་ཁྱིམ་དག་ཏུ་འདོང་ཞིང་དེ་དག་དེར་ཟས་སློང་བར་བྱེད། ཟས་སློང་དུ་འཇུག་པར་བྱེད། སྲན་ཚོད་སློང་བར་བྱེད། སྲན་ཚོད་སློང་དུ་འཇུག་པར་བྱེད་དེ། དགེ་སྦྱོང་མགོ་རེག་འདི་དག་ལ་སུ་ཞིག་བསོད་སྙོམས་སྦྱིན་པ་དང་བྱ་བར་སེམས་ཤེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་དོ། །དགེ་སློང་ནད་པ་ཞིག་ཀྱང་ནད་གཡོག་དང་བྲལ་བས་ཤི་བར་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་བ། ངས་ཉན་ཐོས་རྣམས་གཅིག་གིས་གཅིག་བསྡུ་
Ka67a
༄#། །བའི་ཕྱིར་དང ། ནད་པ་རྣམས་ལ་རིམ་གོ་བྱ་བའི་ཕྱིར་མཁན་པོ་དང ། སློབ་དཔོན་དག་གནང་བར་བྱའོ་སྙམ་ནས། བཀའ་སྩལ་པ། དེ་ལྟ་བས་ན་མཁན་པོ་དང ། སློབ་དཔོན་དག་གིས་རབ་ཏུ་དབྱུང་བར་བྱ་བ་དང ། བསྙེན་པར་རྫོགས་པར་བྱ་བར་གནང་ངོ ། །བཅོམ་ལྡན་འདས་ཀྱིས་མཁན་པོ་དང ། སློབ་དཔོན་དག་གིས་རབ་ཏུ་དབྱུང་བར་བྱ་བསྙེན་པར་རྫོགས་པར་བྱའོ་ཞེས་བཀའ་སྩལ་ནས། དེ་དག་གིས་མཁན་པོ་དང་སློབ་དཔོན་དུ་ཡོད་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སློབ་དཔོན་ནི་ལྔ། མཁན་པོ་ནི་གཉིས་སོ། །སློབ་དཔོན་ལྔ་གང་ཞེ་ན། དགེ་ཚུལ་གྱི་སློབ་དཔོན་དང ། གསང་སྟེ་སྟོན་པ་དང ། ལས་བྱེད་པ་དང ། གནས་སྦྱིན་པའི་སློབ་དཔོན་དང ། ཀློག་པའི་སློབ་དཔོན་ནོ། །དགེ་ཚུལ་གྱི་སློབ་དཔོན་གང་ཞེ་ན། གང་གིས་སྐྱབས་སུ་འགྲོ་བ་དང ། བསླབ་པའི་གཞི་དག་བྱིན་པ་ཡིན་ནོ། །གསང་སྟེ་སྟོན་པ་གང་ཞེ་ན། གང་གིས་གསང་སྟེ་བསྟན་པ་ཡིན་ནོ། །ལས་བྱེད་པ་གང་ཞེ་ན། གང་གིས་གསོལ་བ་དང་གཞིའི་ལས་ཀྱིས་ལས་བྱས་པ་ཡིན་ནོ། །གནས་སྦྱིན་པའི་སློབ་དཔོན་གང་ཞེ་ན། གང་གི་དྲུང་དུ་ཞག་གཅིག་ཙམ་ཡང་གནས་པས་འདུག་པ་ཡིན་ནོ། །ཀློག་པའི་སློབ་དཔོན་གང་ཞེ་ན། གང་ལས་ཚིག་བཞི་པའི་ཚིགས་སུ་བཅད་པ་ཙམ་ཡང་ལན་གསུམ་དུ་བཟླས་ཏེ་བཟུང་བ་ཡིན་ནོ། །མཁན་པོ་གཉིས་གང་ཞེ་ན། རབ་ཏུ་འབྱིན་པར་བྱེད་པ་གང་ཡིན་པ་དང ། བསྙེན་པར་རྫོགས་པར་བྱེད་པ་གང་ཡིན་
Ka67b
པའོ། །བཅོམ་ལྡན་འདས་ཀྱིས་མཁན་པོ་དང་སློབ་དཔོན་དག་གིས་རབ་ཏུ་དབྱུང་བར་བྱ་ཞིང་བསྙེན་པར་རྫོགས་པར་བྱའོ་ཞེས་བཀའ་སྩལ་ནས། དགེ་སློང་རྣམས་ཀྱིས་ཇི་ལྟར་རབ་ཏུ་དབྱུང་བར་བྱ་བ་དང ། ཇི་ལྟར་བསྙེན་པར་རྫོགས་པ་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། འགའ་ཞིག་གིས་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་བར་ཆད་ཀྱི་ཆོས་རྣམས་དྲིས་ནས་གཟུང་བར་བྱའོ། །བཟུང་ནས་གསུམ་ལ་སྐྱབས་སུ་འགྲོ་བ་དང ། དགེ་བསྙེན་ཉིད་དུ་ཁས་བླངས་པས་དགེ་བསྙེན་གྱི་སྡོམ་པ་སྦྱིན་པར་བྱའོ། །འདི་ལྟར་སྦྱིན་པར་བྱ་སྟེ། དང་པོར་སྟོན་པ་ལ་ཕྱག་འཚལ་དུ་གཞུག་གོ་།དེའི་འོག་ཏུ་སློབ་དཔོན་ལ་ཕྱག་འཚལ་དུ་བཅུག་ནས། མདུན་དུ་ཙོག་ཙོག་པོར་འདུག་ཏུ་བཅུག་སྟེ། ཐལ་མོ་སྦྱོར་དུ་བཅུག་ནས་དེས་འདི་སྐད་ཅེས་བརྗོད་པར་བྱ་སྟེ།་བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་ཇི་སྲིད་འཚོའི་བར་དུ། རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག་ཆོས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག་དགེ་འདུན་ལ་སྐྱབས་སུ་མཆིའོ། །བདག་ཇི་སྲིད་འཚོའི་བར་དུ་དགེ་བསྙེན་དུ་བཙུན་པས་གཟུང་དུ་གསོལ ། དེ་བཞིན་དུ་ལན་གཉིས་ལན་གསུམ་དུ་བཟླས། ཚིག་གསུམ་པ་ལ་སློབ་དཔོན་གྱིས་ཞེས་བརྗོད་པར་བྱའོ། །སློབ་དཔོན་གྱིས་ཐབས་ཡིན་ནོ་ཞེས་བརྗོད་པར་བྱའོ། །དགེ་བསྙེན་གྱིས་ལེགས་སོ་ཞེས་
Ka68a
༄#། །བརྗོད་པར་བྱའོ། །དེ་ནི་དགེ་བསྙེན་གྱི་སྡོམ་པ་སྦྱིན་པའོ། །དེའི་འོག་ཏུ་བསླབ་པ་བརྗོད་པ་ཁས་བླངས་པའི་ཚུལ་གྱིས་བྱའོ། །འདི་ལྟར་བྱ་སྟེ། སློབ་དཔོན་དགོངས་སུ་གསོལ། ཇི་ལྟར་འཕགས་པ་དགྲ་བཅོམ་པ་དེ་དག་གིས་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང་དུས་འདི་ནས་བཟུང་སྟེ། ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལྡོག་པར་བགྱིའོ། །ཡན་ལག་དང་པོ་འདིས་བདག་འཕགས་པ་དགྲ་བཅོམ་པ་དེ་དག་གི་བསླབ་པ་ལ་རྗེས་སུ་སློབ་བོ། །རྗེས་སུ་སྒྲུབ་བོ། །རྗེས་སུ་བགྱིད་དོ། །གཞན་ཡང་ཇི་ལྟར་འཕགས་པ་དགྲ་བཅོམ་པ་དེ་དག་གིས་ཇི་སྲིད་འཚོའི་བར་དུ་མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དང ། བརྫུན་དུ་སྨྲ་བ་དང།་འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་སྤངས་ཏེ། འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་ལས་སླར་ལོག་པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང་དུས་འདི་ནས་བཟུང་སྟེ། ཇི་སྲིད་འཚོའི་བར་དུ་མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དང ། བརྫུན་དུ་སྨྲ་བ་དང ། འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་སྤངས་ཏེ། འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་ལས་སླར་ལྡོག་པར་བགྱིའོ། །
Ka68b
ཡན་ལག་ལྔ་པ་འདིས་བདག་འཕགས་པ་དགྲ་བཅོམ་པ་དེ་དག་གི་བསླབ་པ་ལ་རྗེས་སུ་སློབ་བོ། །རྗེས་སུ་སྒྲུབ་བོ། །རྗེས་སུ་བགྱིད་དོ། །སློབ་དཔོན་གྱིས་ཐབས་ཡིན་ནོ་ཞེས་པར་བྱའོ། །དགེ་བསྙེན་གྱིས་ལེགས་སོ་ཞེས་བརྗོད་པར་བྱའོ། །དགེ་བསྙེན་ཉིད་དུ་ཉེ་བར་སྒྲུབ་པའི་ཆོ་ག་རྫོགས་སོ།། །།དེའི་འོག་ཏུ་གང་གིས་དེ་ཞུ་བར་བྱེད་པའི་དགེ་སློང་ལ་གཏད་པར་བྱའོ། །ཞུ་བའི་དགེ་སློང་གིས་མཁན་པོ་ལ་ཁྱོད་ཀྱིས་བར་ཆད་ཀྱི་ཆོས་རྣམས་དྲིས་སམ་ཞེས་དྲི་བར་བྱའོ། །མ་དྲིས་པར་ཞུ་བར་བྱེད་ན་འགལ་ཚབས་ཅན་དུ་འགྱུར་རོ། །དེའི་འོག་ཏུ་ཞུ་བའི་དགེ་སློང་གིས་ཞུ་བར་བྱའོ། །འདི་ལྟར་ཞུ་བར་བྱ་སྟེ། གནས་མལ་བཤམ་པ་བྱས་ནས། གཎྜི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང ། མཐུན་པར་གྱུར་པ་ལའང་རུང ། གནས་ཁང་སོ་སོ་ན་འཁོད་པ་ལའང་རུང་སྟེ། རྒན་རིམས་ལ་ཕྱག་འཚལ་དུ་བཅུག་ནས། ཙོག་ཙོག་པོར་འདུག་ཏུ་བཅུག་སྟེ། ཐལ་མོ་སྦྱོར་དུ་བཅུག་ནས་ཞུ་བར་བྱེད་པས་འདི་སྐད་ཅེས་བརྗོད་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བ་ལས་རབ་ཏུ་འབྱུང་བར་འཚལ་ཏེ། ཁྱིམ་པ་གོས་དཀར་པོ་ཅན་སྐྲ་དང་ཁ་སྤུ་མ་བྲེགས་པ་ལས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་ཏེ། མིང་འདི་ཞེས་བགྱི་བ་འདི་རབ་ཏུ་འབྱུང་བར་
Ka69a
༄#། །འཚལ་ཞིང་སྐྲ་དང་ཁ་སྤུ་བྲེགས་ནས་གོས་དུར་སྨྲིག་བགོས་ཏེ་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་མཁན་པོ་མིང་འདི་ཞེས་བགྱི་བ་ལས་རབ་ཏུ་འབྱུང་སྟེ། དེ་ཡང་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་ཁོ་ན་ཉིད་མཆི་ན། ཅི་དེ་རབ་ཏུ་དབྱུང་ངམ། དེ་དག་ཐམས་ཅད་ཀྱིས་གལ་ཏེ་ཡོངས་སུ་དག་ནའོ་ཞེས་བརྗོད་པར་བྱའོ། ། གལ་ཏེ་དེ་སྐད་བརྗོད་ན་དེ་ལྟ་ན་ལེགས། གལ་ཏེ་མི་བརྗོད་ན་འགལ་ཚབས་ཅན་དུ་འགྱུར་རོ། །དེ་ནི་རབ་ཏུ་འབྱུང་བར་འདོད་པ་ཞུ་བའོ། །དེའི་འོག་ཏུ་མཁན་པོར་གསོལ་བར་བྱའོ། ། འདི་ལྟར་གསོལ་བར་བྱ་སྟེ། མཁན་པོ་ལ་ཕྱག་འཚལ་དུ་བཅུག་ནས། མདུན་དུ་ཙོག་ཙོག་པོར་འདུག་ཏུ་བཅུག་སྟེ། ཐལ་མོ་སྦྱོར་དུ་བཅུག་ནས་དེ་འདི་སྐད་ཅེས་བརྗོད་པར་བྱ་སྟེ། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བ་སློབ་དཔོན་ལ་མཁན་པོར་གསོལ་གྱིས། སློབ་དཔོན་བདག་གི་མཁན་པོ་མཛད་དུ་གསོལ། སློབ་དཔོན་མཁན་པོས་རབ་ཏུ་དབྱུང་པར་བགྱིའོ། །དེ་བཞིན་དུ་ལན་གཉིས་ལན་གསུམ་དུ་བཟླས། ཚིག་གསུམ་པ་ལ་མཁན་པོ་ཞེས་བརྗོད་པར་བྱའོ། །མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །རབ་ཏུ་འབྱུང་བར་འདོད་པས་ལེགས་སོ་ཞེས་བརྗོད་པར་བྱའོ། །དེ་ནི་མཁན་པོར་གསོལ་བའོ། །དེའི་འོག་ཏུ་གང་གིས་དེའི་སྐྲ་དང་ཁ་སྤུ་དག་འདྲེག་པར་བྱེད་པའི་དགེ་སློང་ལ་བཅོལ་བར་བྱའོ། །དེས་ཐམས་ཅད་འདྲེག་
Ka69b
པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་བྲེག་པ་མི་བྱ་བར་འདི་ལྟར་གཙུག་ཕུད་གཞག་པར་བྱ་ཞིང ། དེའི་འོག་ཏུ་ཅི་གཙུག་ཕུད་བྲེག་གམ་ཞེས་དྲི་བར་བྱའོ། །གལ་ཏེ་མི་བྲེག་གོ་ཞེས་ཟེར་ན་འོ་ན་སོག་ཞིག་ཅེས་བརྗོད་པར་བྱའོ། །གལ་ཏེ་བྲེགས་ཤིག་ཅེས་ཟེར་ན་བྲེག་པར་བྱའོ། །དེའི་འོག་ཏུ་ཁྲུས་བྱེད་དུ་གཞུག་སྟེ། གལ་ཏེ་རེ་ཞིག་གྲང་བའི་དུས་ཡིན་ན་ནི་ཆུ་དྲོན་མོས་ཁྲུས་བྱེད་དུ་གཞུག་གོ་།གལ་ཏེ་ཚ་བའི་དུས་ཡིན་ན་ནི་ཆུ་གྲང་མོས་ཁྲུས་བྱེད་དུ་གཞུག་གོ་།དེའི་འོག་ཏུ་མཁན་པོས་ལྷུང་བཟེད་དང ། གོས་ངུར་སྨྲིག་དག་སྦྱིན་པར་བྱ་ཞིང་དེས་ཀྱང་རྐང་པ་གཉིས་ལ་གཏུགས་ནས་བླང་བར་བྱའོ། །དེའི་འོག་ཏུ་མཁན་པོས་བསྐོན་པར་བྱ་ཞིང ། མཚན་མེད་པའམ། མཚན་གཉིས་པའམ། གླེ་འདམས་པ་མ་ཡིན་ནམ་ཞེས་བརྟག་པར་བྱའོ། །བཅོམ་ལྡན་འདས་ཀྱིས་བརྟག་པར་བྱའོ་ཞེས་བཀའ་སྩལ་ནས། དགེ་སློང་དག་དེ་སྒྲེན་མོར་ཕྱུང་སྟེ་རྟོག་པར་བྱེད་པ་ན་དེ་ངོ་ཚ་ནས། བཅོམ་ལྡན་འདས་ཀྱིས་བཀའ་སྩལ་པ། སྒྲེན་མོར་ཕྱུང་སྟེ་བརྟག་པར་མི་བྱ་བར་ཤམ་ཐབས་བསྐོན་པ་ཉིད་ཀྱི་ཚེ་མ་ཚོར་བར་བརྟག་པར་བྱའོ། །དེ་ནི་དུས་དང་པོར་བྱ་བའོ། །དེའི་འོག་ཏུ་སྐྱབས་སུ་འགྲོ་བ་རྩོམ་པས་རབ་ཏུ་དབྱུང་བ་ཉེ་བར་བསྒྲུབ་པར་བྱའོ། །འདི་ལྟར་ཉེ་བར་བསྒྲུབ་པར་བྱ་སྟེ། དང་པོ་སྟོན་པ་ལ་ཕྱག་འཚལ་དུ་གཞུག་གོ་།དེའི་འོག་ཏུ་མཁན་པོ་ལ་ཕྱག་འཚལ་དུ་བཅུག་ནས། མདུན་དུ་ཙོག་ཙོག་པོར་འདུག་
Ka70a
༄#། །ཏུ་བཅུག་སྟེ། ཐལ་མོ་སྦྱོར་དུ་བཅུག་ནས། དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ།་ཇི་སྲིད་འཚོའི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག་ཆོས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག་དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ། ཤཱཀྱའི་སེང་གེ། ཤཱཀྱའི་རྒྱལ་པོ་གཙོ་བོ་དེ་རབ་ཏུ་བྱུང་བའི་རྗེས་སུ་བདག་རབ་ཏུ་འབྱུང་སྟེ། ཁྱིམ་པའི་རྟགས་སྤོང་ངོ ། །རབ་ཏུ་བྱུང་བའི་རྟགས་ཡང་དག་པར་ལེན་ཏོ། །དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོ་ཐབས་ཡིན་ནོ་ཞེས་བརྗོད་པར་བྱའོ། །རབ་ཏུ་བྱུང་བས་ལེགས་སོ། །ཞེས་བརྗོད་པར་བྱའོ། །དེ་ནི་རབ་ཏུ་འབྱུང་བ་ཉེ་བར་བསྒྲུབ་པའོ། །དེའི་འོག་ཏུ་དགེ་ཚུལ་ཉིད་དུ་ཉེ་བར་སྒྲུབ་པར་བྱེད་པའི་དགེ་སློང་ལ་གཏད་པར་བྱའོ། །དེས་ཀྱང་མཁན་པོ་ལ་ཅི་ཡོངས་སུ་དག་གམ་ཞེས་དྲིས་ནས་ཡོངས་སུ་དག་ན་སྐྱབས་སུ་འགྲོ་བ་དང ། དགེ་ཚུལ་ཉིད་དུ་ཁས་བླངས་པ་དགེ་ཚུལ་ཉིད་དུ་ཉེ་བར་བསྒྲུབ་པར་བྱའོ། །འདི་ལྟར་ཉེ་བར་བསྒྲུབ་པར་བྱ་སྟེ། དང་པོར་སྟོན་པ་ལ་ཕྱག་འཚལ་དུ་གཞུག་གོ་།དེའི་འོག་ཏུ་སློབ་དཔོན་ལ་ཕྱག་འཚལ་དུ་བཅུག་
Ka70b
ནས། མདུན་དུ་ཙོག་ཙོག་པོར་འདུག་ཏུ་བཅུག་སྟེ། ཐལ་མོ་སྦྱོར་དུ་བཅུག་ནས། དེས་འདི་སྐད་ཅེས་བརྗོད་པར་བྱ་སྟེ། བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ། ཇི་སྲིད་འཚོའི་བར་དུ་རྐང་གཉིས་རྣམས་ཀྱི་མཆོག་སངས་རྒྱས་ལ་སྐྱབས་སུ་མཆིའོ། །འདོད་ཆགས་དང་བྲལ་བ་རྣམས་ཀྱི་མཆོག་ཆོས་ལ་སྐྱབས་སུ་མཆིའོ། །ཚོགས་རྣམས་ཀྱི་མཆོག་དགེ་འདུན་ལ་སྐྱབས་སུ་མཆིའོ། །བདག་ཇི་སྲིད་འཚོའི་བར་དུ་དགེ་ཚུལ་དུ་བཙུན་པས་གཟུང་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། ཚིག་གསུམ་པ་ལ་སློབ་དཔོན་གྱིས་ཞེས་བརྗོད་པར་བྱའོ། །སློབ་དཔོན་གྱིས་ཐབས་ཡིན་ནོ་ཞེས་བརྗོད་པར་བྱའོ། །དགེ་ཚུལ་གྱིས་ལེགས་སོ་ཞེས་བརྗོད་པར་བྱའོ། །དེ་ནི་དགེ་ཚུལ་གྱི་སྡོམ་པ་སྦྱིན་པའོ། །དེའི་འོག་ཏུ་སློབ་དཔོན་མ་ཡིན་པ་དགེ་སློང་གཞན་གང་ཡང་རུང་བ་གཅིག་གིས་གྲིབ་ཚོད་གཞལ་བར་བྱ་ཞིང་སྐྱེས་བུ་དང ། རྩ་བ་དང ། ཉིན་མཚན་གྱི་ཆ་དང་དུས་ཚོད་ཀྱང་བརྗོད་པར་བྱའོ། །དེའི་འོག་ཏུ་བསླབ་པ་བརྗོད་པ་ཁས་བླངས་པའི་ཚུལ་གྱིས་བྱའོ། །འདི་ལྟར་བྱ་སྟེ། སློབ་དཔོན་དགོངས་སུ་གསོལ། ཇི་ལྟར་འཕགས་པ་དགྲ་བཅོམ་པ་དེ་དག་གིས་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་པ་དེ་བཞིན་དུ་བདག་མིང་འདི་ཞེས་བགྱི་བས་ཀྱང་དུས་འདི་ནས་བཟུང་སྟེ་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལྡོག་པར་བགྱིའོ།
Ka71a
༄#། །ཡན་ལག་དང་པོ་འདིས་བདག་འཕགས་པ་དགྲ་བཅོམ་པ་དེ་དག་གི་བསླབ་པ་ལ་རྗེས་སུ་སློབ་བོ། །རྗེས་སུ་སྒྲུབ་བོ། །རྗེས་སུ་བགྱིད་དོ། །གཞན་ཡང་ཇི་ལྟར་འཕགས་པ་དགྲ་བཅོམ་པ་དེ་དག་གིས་ཇི་སྲིད་འཚོའི་བར་དུ་མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་དང ། གླུ་གར་དང ། རོལ་མོའི་སྒྲ་དང ། ཕྲེང་བ་དང ། སྤོས་ཉུག་པ་དང ། རྒྱན་དང་ཁ་དོག་འཆང་བ་དང ། ཁྲི་སྟན་མཐོན་པོ་དང ། ཁྲི་སྟན་ཆེན་པོ་དང ། དུས་མ་ཡིན་པའི་ཁ་ཟས་དང ། གསེར་དངུལ་ལེན་པ་སྤངས་ཏེ། གསེར་དངུལ་ལེན་པ་ལས་སླར་ལོག་པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང་དུས་འདི་ནས་བཟུང་སྟེ། ཇི་སྲིད་འཚོའི་བར་དུ་མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། འབྲུའི་ཆང་དང ། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་དང ། གླུ་གར་དང ། རོལ་མོའི་སྒྲ་དང ། ཕྲེང་བ་དང ། སྤོས་ཉུག་པ་དང ། རྒྱན་དང་ཁ་དོག་འཆང་བ་དང ། ཁྲི་སྟན་མཐོན་པོ་དང ། ཁྲི་སྟན་ཆེན་པོ་དང ། དུས་མ་ཡིན་པའི་ཁ་ཟས་དང ། གསེར་དངུལ་ལེན་པ་སྤངས་ཏེ།་གསེར་དངུལ་ལེན་པ་ལས་སླར་ལྡོག་པར་བགྱིའོ། །ཡན་ལག་བཅུ་པ་འདིས་བདག་འཕགས་པ་དགྲ་བཅོམ་པ་དེ་དག་གི་བསླབ་པ་ལ་རྗེས་སུ་སློབ་བོ། །རྗེས་སུ་སྒྲུབ་བོ། །རྗེས་
Ka71b
སུ་བགྱིད་དོ། །སློབ་དཔོན་གྱིས་ཐབས་ཡིན་ནོ་ཞེས་བརྗོད་པར་བྱའོ། །དགེ་ཚུལ་གྱིས་ལེགས་སོ་ཞེས་བརྗོད་པར་བྱའོ། །དགེ་ཚུལ་ཉིད་དུ་ཉེ་བར་སྒྲུབ་པའི་ཆོ་ག་རྫོགས་སོ།། །། དེའི་འོག་ཏུ་གལ་ཏེ་དེ་ལོ་ཉི་ཤུ་ཚང་ན་མཁན་པོས་དེའི་ལྷུང་བཟེད་དང ། ཆོས་གོས་དག་བཙལ་བར་བྱ་ཞིང ། ལས་བྱེད་པའི་དགེ་སློང་ལ་གསོལ་བ་གདབ་པར་བྱ། གསང་སྟེ་སྟོན་བའི་དགེ་སློང་ལ་ཡང་གསོལ་བ་གདབ་པར་བྱ། གང་དག་དེའི་ལས་ཀྱི་གནས་སུ་འཇུག་པར་འགྱུར་བའི་དགེ་སློང་དག་ལ་ཡང་གསོལ་བ་གདབ་པར་བྱའོ། །དགེ་སློང་གང་དག་དེའི་ལས་ཀྱི་གནས་སུ་འཇུག་པར་འགྱུར་བ་དེ་དག་གིས་ཀྱང་དེར་འདུ་བར་འགྱུར་བའི་ཚེ། ཟླ་བ་ཕྱེད་འདས་པའི་ཉེས་པ་བསྡམ་པར་བྱ་བ་དང ། བཤགས་པར་བྱ་བ་དང ། བྱིན་གྱིས་བརླབ་པར་བྱ་བ་དག་ལ་སོ་སོར་བརྟག་པར་བྱ་ཞིང་ཉེས་པ་ཤེས་པ་བསྡམ་པའམ། བཤགས་པའམ། བྱིན་གྱིས་བརླབས་པས་ཕྱིར་བཅོས་ཏེ་འདུག་པར་བྱའོ། །དེའི་འོག་ཏུ་དགེ་འདུན་ཐམས་ཅད་འདུག་ཅིང་མཐུན་པར་གྱུར་པའམ། དཀྱིལ་འཁོར་པ་ལ་ཡང་རུང་སྟེ། ཡུལ་དབུས་སུ་དགེ་སློང་བཅུ་ལ་སོགས་པའི་ཚོགས་སམ། མཐའ་འཁོབ་དག་ཏུ་གཞན་མེད་ན། འདུལ་བ་འཛིན་པ་དང་ལྔ་ལ་སོགས་པའི་ཚོགས་ལ་ཡང་རུང་སྟེ། དང་པོར་སྟོན་པ་ལ་ཕྱག་འཚལ་དུ་གཞུག་གོ་།དེའི་འོག་ཏུ་དགེ་སློང་རེ་རེ་ལ་ཕྱག་གསུམ་གསུམ་འཚལ་དུ་གཞུག་གོ་།ཕྱག་ནི་གཉིས་ཏེ། ཡན་ལག་ལྔས་ཕྱག་འཚལ་པ་དང ། སྒྱིད་པ་ནས་འཁྱུད་པ་སྟེ་འདིར་གང་ཡང་རུང་
Ka72a
༄#། །ངོ། །འདི་ནི་དུས་དང་པོར་བྱའོ། །དེའི་འོག་ཏུ་མཁན་པོར་གསོལ་བར་བྱའོ། །འདི་ལྟར་གསོལ་བར་བྱ་སྟེ། མཁན་པོ་ལ་ཕྱག་འཚལ་དུ་བཅུག་ནས། མདུན་དུ་ཕ་གུའི་སྟེང་དུ་རྩཝ་བཏིང་བ་ལ་རྟིང་པ་གཉིས་ཀྱིས་མནན་ནས་ཙོག་ཙོག་པོར་འདུག་ཏུ་བཅུག་སྟེ། ཐལ་མོ་སྦྱོར་དུ་བཅུག་ནས་གལ་ཏེ་མཁན་པོ་ཡིན་ན་མཁན་པོ་ཞེས་བརྗོད་པར་བྱ། སློབ་དཔོན་ཡིན་ན་སློབ་དཔོན་ཞེས་བརྗེད་པར་བྱ། བཙུན་པ་ཡིན་ན་བཙུན་པ་ཞེས་ཅི་རིགས་པར་བརྗོད་པར་བྱའོ། །ཞེས་བསྟན་ནས་དེས་འདི་སྐད་ཅེས་བརྗོད་པར་བྱ་སྟེ། བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ་བཙུན་པ་ལ་མཁན་པོར་གསོལ་གྱིས། བཙུན་པ་བདག་གི་མཁན་པོ་མཛད་དུ་གསོལ། བཙུན་པ་མཁན་པོས་བསྙེན་པར་རྫོགས་པར་བགྱིའོ། །དེ་བཞིན་དུ་ལན་གཉིས་ལན་གསུམ་དུ་བཟླས། ཚིག་གསུམ་པ་ལ་མཁན་པོ་ཞེས་བརྗོད་པར་བྱའོ། །མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེ་ནི་མཁན་པོར་གསོལ་བའོ། །དེའི་འོག་ཏུ་མཁན་པོ་རང་གིས་དེ་ལ་ཆོས་གོས་གསུམ་བྱིན་གྱིས་བརླབ་པར་བྱའོ། །གལ་ཏེ་རེ་ཞིག་ཆོས་གོས་དྲས་ཤིང་དྲུབས་པ་དག་ཡོད་ན་དེ་ལྟ་ན་ལེགས་ཏེ། འདི་ལྟར་བྱིན་གྱིས་བརླབ་པར་བྱ་སྟེ། ཆོས་གོས་གསུམ་པོ་སོ་སོར་བལྟབ་སྟེ། སློབ་མའི་ཕྲག་པ་གཡོན་པ་ལ་བཀལ་ནས་
Ka72b
གཉིས་ཀ་འགྲེང་སྟེ། ལག་པས་ཆོས་གོས་སྣམ་སྦྱར་བཟུང་ནས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བའི་ཆོས་གོས་བགྱིས་ལགས་པ་རུང་བ་སྤྱད་པར་འོས་པ་འདི་ཆོས་གོས་སྣམ་སྦྱར་དུ་བྱིན་གྱིས་བརླབ་བོ། །དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེའི་འོག་ཏུ་ཆོས་གོས་བླ་གོས་བཟུང་ནས། དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བའི་ཆོས་གོས་བགྱིས་ལགས་པ་རུང་བ་སྤྱད་པར་འོས་པ་འདི་ཆོས་གོས་བླ་གོས་སུ་བྱིན་གྱིས་བརླབ་བོ། །དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེའི་འོག་ཏུ་ཆོས་གོས་མཐང་གོས་བཟུང་ནས། དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བའི་ཆོས་གོས་བགྱིས་ལགས་པ་རུང་བ་སྤྱད་པར་འོས་པ་འདི་ཆོས་གོས་མཐང་གོས་སུ་བྱིན་གྱིས་བརླབ་བོ། །དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེའི་འོག་ཏུ་ཆོས་གོས་དག་བསྐེན་པར་བྱ་ཞིང ། དེས་ཀྱང་སྣམ་སྦྱར་དང་བཅས་པ་ཉིད་ཡིན་ན་བསྙེན་པར་རྫོགས་པའི་ཕྱིར་འདུས་པའི་དགེ་འདུན་ལ་ཕྱག་
Ka73a
༄#། །བྱའོ། །དེ་ནི་ཆོས་གོས་དྲས་དྲུབས་པ་གསུམ་བྱིན་གྱིས་བརླབ་པའོ། །གལ་ཏེ་རེ་ཞིག་ཆོས་གོས་དྲས་ཤིང་དྲུབས་པ་དག་མེད་ན། རྒྱལ་བྱིན་གྱིས་བརླབ་པར་བྱའོ།། འདི་ལྟར་བྱིན་གྱིས་བརླབ་པར་བྱ་སྟེ། ཆོས་གོས་གསུམ་གྱི་རྒྱུ་སོ་སོར་བལྟབ་སྟེ། སློབ་མའི་ཕྲག་པ་གཡོན་པར་བཀལ་ནས་གཉིས་ཀ་འགྲེང་སྟེ། ལག་པས་ཆོས་གོས་སྣམ་སྦྱར་གྱི་རྒྱུ་བཟུང་ནས་དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བའི་ཆོས་གོས་འདི་སྣམ་སྦྱར་དུ་བྱིན་གྱིས་བརླབ་བོ། །འཚལ་ན་སྣམ་ཕྲན་དགུ་པ་ལ་སོགས་པར་བགྱི་སྟེ། གླེགས་བུ་ཕྱེད་དང་གསུམ་པ་ལ་སོགས་པར་བགྱིའོ། །བར་ཆད་མ་བྱུང་ན་བཀྲུའོ། །བརྐྱང་ངོ ། །དྲའོ། །བསྡེབ་བོ། །གཟུང་གདབ་བོ། །དྲུབ་བོ། །ཁ་བསྒྱུར་རོ། །ཡང་ན་འདི་ལ་ལྷན་ཐབས་སུ་གླན་ནོ། །རྐྱེན་ཇི་ལྟ་བ་བཞིན་དུ་བགྱིས་ཏེ། ཆོས་གོས་འདི་ནི་རུང་བ་སྤྱད་པར་འོས་པའོ། །དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེའི་འོག་ཏུ་ཆོས་གོས་བླ་གོས་རྒྱུ་བཟུང་ནས། དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བའི་ཆོས་གོས་འདི་བླ་གོས་སུ་བྱིན་གྱིས་བརླབ་བོ། །འཚལ་ན་སྣམ་ཕྲན་བདུན་པར་བགྱི་སྟེ། གླེགས་བུ་ཕྱེད་དང་གསུམ་བར་བགྱིའོ། །བར་ཆད་མ་བྱུང་ན་བགྲུའོ།།
Ka73b
བརྐྱང་ངོ ། །དྲའོ། །བསྡེབ་བོ། །གཟུངས་གདབ་བོ། །དྲུབ་བོ། །ཁ་བསྒྱུར་རོ། །ཡང་ན་འདི་ལ་ལྷན་ཐབས་སུ་གླན་ནོ། །རྐྱེན་ཇི་ལྟ་བ་བཞིན་དུ་བགྱི་སྟེ། ཆོས་གོས་འདི་རུང་བ་སྤྱད་པར་འོས་པའོ། །དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེའི་འོག་ཏུ་ཆོས་གོས་མཐང་གོས་རྒྱུ་བཟུང་ནས། དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བགྱི་བའི་ཆོས་གོས་འདི་མཐང་གོས་སུ་བྱིན་གྱིས་བརླབ་བོ། །འཚལ་ན་སྣམ་ཕྲན་ལྔ་པར་བགྱི་སྟེ། གླེགས་བུ་ཕྱེད་དང་གཉིས་པར་བགྱིའོ། །བར་ཆད་མ་བྱུང་ན་བཀྲུའོ། །བརྐྱང་ངོ ། །དྲའོ། །བསྡེབ་བོ། །གཟུངས་གདབ་བོ། །དྲུབ་བོ། །ཁ་བསྒྱུར་རོ། །ཡང་ན་འདི་ལ་ལྷན་ཐབས་སུ་གླན་ནོ། །རྐྱེན་ཇི་ལྟ་བ་བཞིན་དུ་བགྱི་སྟེ། ཆོས་གོས་འདི་རུང་བ་སྤྱད་པར་འོས་པའོ། །དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེ་ནི་ཆོས་གོས་མ་དྲས་ཤིང་མ་དྲུབས་པ་གསུམ་བྱིན་གྱིས་བརླབ་པའོ། །དེའི་འོག་ཏུ་དེའི་ལྷུང་བཟེད་བསྟན་པར་བྱའོ། །འདི་ལྟར་བསྟན་པར་བྱ་སྟེ། དགེ་སློང་གཅིག་གིས་ལྷུང་བཟེད་ལག་པ་གཡོན་པར་བཞག་སྟེ། ལག་པ་གཡས་པས་བཀབ་ནས། རྒན་པའི་མཐའ་ལོགས་ནས་དགེ་སློང་རེ་རེའི་མདུན་དུ་འགྲེང་སྟེ། འདུད་པ་དང་བཅས་པས་འདི་སྐད་ཅེས་བརྗོད་པར་བྱ་སྟེ།
Ka74a
༄#། །བཙུན་པའམ། ཚེ་དང་ལྡན་པ་དགོངས་སུ་གསོལ། ཚེ་དང་ལྡན་པ་མིང་འདི་ཞེས་བགྱི་བའི་ལྷུང་བཟེད་འདི་མི་ཆུང་ངམ། མི་ཆེའམ། མི་སྐྱའམ། དགེ་སློང་ཐམས་ཅད་ཀྱིས་ཀྱང་ལྷུང་བཟེད་དེ་ལྟ་བུ་ཉིད་མ་ཡིན་ན་རེ་རེ་ནས་ལྷུང་བཟེད་བཟང་ངོ་ཞེས་བརྗོད་པར་བྱའོ། །གལ་ཏེ་དེ་སྐད་བརྗོད་ན་དེ་ལྟ་ན་ལེགས། གལ་ཏེ་མི་བརྗོད་ན་འགལ་ཚབས་ཅན་དུ་འགྱུར་རོ། ། དེ་ནི་ལྷུང་བཟེད་བསྟན་པའོ། །དེའི་འོག་ཏུ་མཁན་པོ་རང་གིས་དེ་ལ་ལྷུང་བཟེད་བྱིན་གྱིས་བརླབ་པར་བྱའོ། །འདི་ལྟར་བྱིན་གྱིས་བརླབ་པར་བྱ་སྟེ། གཉི་ག་འགྲེང་སྟེ་ལག་པ་གཡོན་པར་ལྷུང་བཟེད་བཞག་ལ་ལག་པ་གཡས་པས་བཀབ་ནས། དེས་འདི་སྐད་ཅེས་བརྗོད་པར་བྱ་སྟེ། མཁན་པོ་དགོངས་སུ་གསོལ། བདག་མིང་འདི་ཞེས་བྱ་བའི་ལྷུང་བཟེད་ཟས་ལ་སྤྱད་པར་འོས་པ་དྲང་སྲོང་གི་སྣོད་འདི་བསླང་བའི་སྣོད་དུ་བྱིན་གྱིས་བརླབ་བོ། །དེ་བཞིན་དུ་ལན་གཉིས་ལན་གསུམ་དུ་བཟླས། མཁན་པོས་ཐབས་ཡིན་ནོ་ཞེས་བརྗོད་པར་བྱའོ། །སློབ་མས་ལེགས་སོ་ཞེས་བརྗོད་པར་བྱའོ། །དེ་ནི་ལྷུང་བཟེད་བྱིན་གྱིས་བརླབ་པའོ། །དེའི་འོག་ཏུ་བསྙེན་པར་རྫོགས་པར་བྱ་བ་དེ་ཐོས་པའི་ཉེ་འཁོར་ནས་བཀར་ཏེ་མཐོང་བའི་ཉེ་འཁོར་དུ་ཐལ་མོ་སྦྱོར་དུ་བཅུག་ནས། ཚོགས་ལ་མངོན་དུ་ཕྱོགས་པར་གཞག་པར་བྱའོ། །དེའི་འོག་ཏུ་དགེ་སློང་ལས་བྱེད་པས་གསང་སྟེ་སྟོན་པའི་དགེ་སློང་ལ། མཁན་པོ་མིང་འདི་ཞེས་བགྱི་བས་མིང་འདི་ཞེས་བགྱི་
Ka74b
བའི་གསང་སྟེ་སྟོན་པར་གསོལ་བ་བཏབ་པ་གང་ཡིན་ཞེས་དྲི་བར་བྱའོ། །གསང་སྟེ་སྟོན་པ་གང་ཡིན་པ་དེས་བདག་མིང་འདི་ཞེས་བྱ་བའོ་ཞེས་བརྗོད་པར་བྱའོ། །དེའི་འོག་ཏུ་དགེ་སློང་ལས་བྱེད་པས་གསང་སྟེ་སྟོན་པའི་དགེ་སློང་ལ་མིང་འདི་ཞེས་བྱ་བ་ཁྱོད་མཁན་པོ་མིང་འདི་ཞེས་བྱ་བས་མིང་འདི་ཞེས་བྱ་བ་ལ་གསང་སྟེ་སྟོན་པར་སྤྲོའམ་ཞེས་བརྗོད་པར་བྱའོ། །དེས་ཀྱང་སྤྲོའོ་ཞེས་བརྗོད་པར་བྱའོ། ། དེ་ནི་གསང་སྟེ་སྟོན་པར་སྤྲོ་བར་བྱ་བའོ། །དེའི་འོག་ཏུ་དགེ་སློང་ལས་བྱེད་པས་གསང་སྟེ་སྟོན་པས་བར་ཆད་དྲི་བའི་ཕྱིར། གསོལ་བ་འབའ་ཞིག་གི་ལས་བྱའོ། །འདི་ལྟར་བྱ་སྟེ་འདུག་ལ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་མིང་འདི་ཞེས་བགྱི་བ་ལ་གསང་སྟེ་སྟོན་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་སློང་མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་མིང་འདི་ཞེས་བགྱི་བ་ལ་གསང་སྟེ་སྟོན་ཏོ། ། འདི་ནི་གསོལ་བའོ། །དེ་ནི་གསང་སྟེ་སྟོན་པའི་གསོལ་བའི་ལས་སོ། །དེའི་འོག་ཏུ་གསང་སྟེ་སྟོན་པའི་དགེ་སློང་གིས་དཀྱིལ་འཁོར་པའི་ཕྱི་རོལ་དུ་སོང་སྟེ། བསྙེན་པར་རྫོགས་པར་བྱ་བ་དེ་བདག་ལ་ཕྱག་འཚལ་དུ་བཅུག་ནས། མདུན་དུ་ཙོག་ཙོག་པོར་འདུག་ཏུ་བཅུག་སྟེ་ཐལ་མོ་སྦྱོར་དུ་བཅུག་ནས། འདི་སྐད་ཅེས་བརྗོད་པར་བྱ་སྟེ། ཚེ་དང་ལྡན་པ་ཁྱོད་ཉོན་ཅིག་།འདི་ནི་ཁྱོད་ཀྱི་བདེན་པའི་དུས་འདི་ནི་
Ka75a
༄#། །འབྱུང་བའི་དུས་ཏེ། ཁོ་བོས་ཁྱོད་ལ་ཅུང་ཟད་ཅིག་དྲིའི། ཁྱོད་མ་འཛེམ་པར་བྱོས་ལ་ཡིན་པ་ལ་ཡིན་ཞེས་སྨྲོས་ཤིག། མ་ཡིན་པ་ལ་མ་ཡིན་ཞེས་ལན་ཐོབ་ཅིག་།ཁྱེད་སྐྱེས་པ་ཡིན་ནམ། དེས་སྐྱེས་པ་ལེགས་ཞེས་བརྗོད་པར་བྱའོ། །སྐྱེས་པའི་དབང་པོ་དང་ལྡན་ནམ། དེས་ལྡན་ཞེས་བརྗོད་པར་བྱའོ། །ལོ་ཉི་ཤུ་ལོན་ནམ། དེས་ལོན་ཞེས་བརྗོད་པར་བྱའོ། ། ཁྱོད་ཀྱི་ཆོས་གོས་གསུམ་དང་ལྷུང་བཟེད་ཚང་ངམ། དེས་ཚང་ཞེས་བརྗོད་པར་བྱའོ། །ཁྱོད་ཀྱི་ཕ་མ་གསོན་ནམ། གལ་ཏེ་གསོན་ཞེས་ཟེར་ན། ཁྱོད་ཕ་མས་གནང་ངམ་ཞེས་དྲི་བར་བྱའོ། ། དེས་གནང་ངོ་ཞེས་བརྗོད་པར་བྱའོ། །གལ་ཏེ་ཤི་ཞེས་ཟེར་ན། ཁྱོད་བྲན་མ་ཡིན་ནམ། བརྐུས་པ་མ་ཡིན་ནམ། རྙེད་བཙོན་མ་ཡིན་ནམ། རྩོད་པ་ཅན་མ་ཡིན་ནམ། བཙོངས་པ་མ་ཡིན་ནམ། རྒྱལ་པོས་བཀྲབས་པ་མ་ཡིན་ནམ། རྒྱལ་པོ་ལ་བསྡིགས་པ་མ་ཡིན་ནམ། རྒྱལ་པོ་ལ་གནོད་པའི་ལས་བྱེད་པ་མ་ཡིན་ནམ། ཁྱོད་རྒྱལ་པོ་ལ་གནོད་པའི་ལས་བྱས་སམ། བྱེད་དུ་བཅུག་པ་མ་ཡིན་ནམ། ཆོམ་རྐུན་པར་གྲགས་པ་མ་ཡིན་ནམ། ཟ་མ་མ་ཡིན་ནམ། མ་ནིང་མ་ཡིན་ནམ། དགེ་སློང་མ་སུན་ཕྱུང་བ་མ་ཡིན་ནམ། རྐུ་ཐབས་སུ་གནས་པ་མ་ཡིན་ནམ་ཐ་དད་དུ་གནས་པ་མ་ཡིན་ནམ། གནས་པར་མི་བྱ་བ་མ་ཡིན་ནམ། མུ་སྟེགས་ཅན་མ་ཡིན་ནམ། མུ་སྟེགས་ཅན་ཞུགས་པ་མ་ཡིན་ནམ། ཕ་བསད་པ་མ་ཡིན་ནམ། མ་བསད་པ་མ་
Ka75b
ཡིན་ནམ། དགྲ་བཅོམ་པ་བསད་པ་མ་ཡིན་ནམ། དགེ་འདུན་གྱི་དབྱེན་བྱས་པ་མ་ཡིན་ནམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་མ་ཡིན་ནམ། སྤྲུལ་པ་མ་ཡིན་ནམ། དུད་འགྲོ་མ་ཡིན་ནམ་ཞེས་དྲི་བར་བྱའོ། །དེས་མ་ལགས་ཤེས་བརྗོད་པར་བྱའོ། །ཁྱོད་ལ་ལ་ལའི་བུ་ལོན་མང་ཡང་རུང་ཉུང་ཡང་རུང ། ཅུང་ཟད་ཆགས་པ་མེད་དམ། གལ་ཏེ་བུ་ལོན་ཆག་སོ་ཞེས་ཟེར་ན། ཁྱོད་བསྙེན་པར་རྫོགས་ནས་འཇལ་ནུས་སམ་ཞེས་དྲི་བར་བྱའོ། །གལ་ཏེ་མི་ནུས་ཤེས་ཟེར་ན་འོ་ན་སོང་ཞིག་ཅེས་བརྗོད་པར་བྱའོ། །གལ་ཏེ་བསྙེན་པར་རྫོགས་ནས་འཇལ་ནུས་ཞེས་ཟེར་ན། ཁྱོད་སྔོན་རབ་ཏུ་བྱུང་བ་མ་ཡིན་ནམ་ཞེས་དྲི་བར་བྱའོ། །གལ་ཏེ་བྱུང་ངོ་ཞེས་ཟེར་ན་ཁྱོད་ཕམ་པར་འགྱུར་བ་བཞི་ལས་ལྟུང་བ་གང་ཡང་རུང་བ་ཞིག་བྱུང་བ་མ་ཡིན་ནམ། ཁྱོད་འབབ་པ་ན་བསླབ་པ་ལེགས་པར་ཕུལ་ལམ་ཞེས་དྲི་བར་བྱའོ། །གལ་ཏེ་ལྟུང་བ་བྱུང་ངོ་ཞེས་ཟེར་ན། འོ་ན་སོང་ཞིག་ཅེས་བརྗོད་པར་བྱའོ། །གལ་ཏེ་མ་བྱུང་ངོ་ཞེས་ཟེར་ན། ཇི་ལྟར་ཁྱོད་ད་ལྟར་རབ་ཏུ་བྱུང་བ་ཡིན་ནམ་ཞེས་དྲི་བར་བྱའོ། །གལ་ཏེ་བདག་རབ་ཏུ་བྱུང་བ་ཡིན་ཞེས་ཟེར་ན། ཁྱོད་ཀྱིས་ཚངས་པར་སྤྱོད་པ་ལེགས་པར་སྤྱད་དམ་ཞེས་དྲི་བར་བྱའོ། །དེས་ལེགས་པར་སྤྱད་ཅེས་བརྗོད་པར་བྱའོ། །ཁྱོད་ཀྱིས་མིང་ཅི། ཁྱོད་ཀྱི་མཁན་པོའི་མིང་ཅི། དེས་བདག་གི་མིང་འདི་ཞེས་བགྱི། དོན་གྱི་སླད་དུ་མཚན་ནས་སྨོས་ཏེ། བདག་གི་མཁན་པོའི་མིང་འདི་ཞེས་བགྱི་ཞེས་བརྗོད་པར་བྱའོ། །ཚེ་དང་ལྡན་པ་ཁྱོད་ཉོན་ཅིག་
Ka76a
༄#། །མི་རྣམས་ཀྱི་ལུས་ལ་ལུས་ཀྱི་ནད་རྣམ་པ་འདི་ལྟ་བུ་འདི་དག་འབྱུང་བ་འདི་ལྟ་སྟེ། མཛེ་དང ། འབྲས་དང ། ཕོལ་མིག་དང ། འབྲུམ་ཕྲན་དང ། ཤ་བཀྲ་དང ། ཁྱི་རྡོ་དང ། གཡའ་བ་དང ། གློག་པ་དང ། རྐང་ཤུ་དང ། སྐེམ་ནད་དང ། སྐེམ་པ་དང ། བརྗེད་བྱེད་དང ། བཀྲེས་ངབ་དང ། སྐྱ་རྦབ་དང ། རྐང་བམ་དང ། མཚན་བར་རྡོལ་དང ། རིམས་དང ། རིམས་དྲག་པོ་དང ། ཉིན་གཅིག་པ་དང ། ཉིན་གཉིས་པ་དང ། ཉིན་གསུམ་པ་དང ། ཉིན་བཞི་པ་དང ། འདུས་པ་དང ། རིམས་ཉིན་རེ་བ་དང ། རྟག་པའི་རིམས་དང ། རིམས་ལྡང་དུབ་པ་དང ། ཤུ་བ་དང ། བསུད་པ་དང ། སྐྱིགས་བུ་དང ། ལུད་པ་དང ། དབུགས་མི་བདེ་བ་དང ། ལྷོག་པ་དང ། ཡན་ལག་ཏུ་ཟུག་པ་དང ། སྐྲན་དང ། ཁྲག་ནད་དང ། མཁྲིས་ནད་དང ། གཞང་འབྲུམ་དང ། སྐྱུག་བྲོ་བ་དང ། ཆུ་འགག་པ་དང ། ངལ་བ་དང ། ལུས་ཚ་བ་དང ། རྩིབ་ལོགས་ཚ་བ་དང ། རུས་པ་ལ་ཟུག་པ་སྟེ། ལུས་ཀྱི་ནད་འདི་ལྟ་བུ་འདི་དག་ལས་གང་ཡང་རུང་བ་དང ། འདི་ལྟ་བུ་གཞན་དག་ཀྱང་ཁྱོད་ཀྱི་ལུས་ལ་མེད་དམ། དེས་མ་མཆིས་ཞེས་བརྗོད་པར་བྱའོ། །ཚེ་དང་ལྡན་པ་ཁྱོད་ཉོན་ཅིག་།ཁྱོད་ལ་ད་ལྟར་ངས་གང་དྲིས་པ་དེ་ཉིད་དགེ་འདུན་གྱི་དབུས་སུ་ཡང་ཚངས་པ་མཚུངས་པར་སྤྱོད་པ་མཁས་པ་རྣམས་ཁྱོད་ལ་འདྲི་བས་དེར་ཡང ། ཁྱོད་ཀྱིས་མ་འཛེམ་པར་བྱོས་ལ། ཡིན་པ་ལ་ཡང་ཡིན་ཞེས་སྨྲོས་ཤིག་།མ་ཡིན་པ་ལ་ཡང་མ་ཡིན་ཞེས་ལན་ཐོབ་ཅིག་།ཁྱོད་མ་བོས་ཀྱི་
Ka76b
བར་དུ་མ་འོང་བར་སྡོད་ཅིག་།དེ་ནི་གསང་སྟེ་བསྟན་པའོ། །དེའི་འོག་ཏུ་གསང་སྟེ་སྟོན་པའི་དགེ་སློང་གིས་རྒན་པའི་མཐའ་ལོགས་སུ་འགྲེང་སྟེ། འདུད་པ་དང་བཅས་པས་འདི་སྐད་ཅེས་བརྗོད་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག་གིས་མཁན་པོ་མིང་འདི་ཞེས་བགྱི་བས་མིང་འདི་ཞེས་བགྱི་བ་ལ་བར་ཆད་ཀྱི་ཆོས་རྣམས་གསང་སྟེ་རྗེས་སུ་བསྟན་ན། དེ་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་ཁོ་ན་ཉིད་མཆི་ཅི་མཆི་ཞིག་གམ། ཐམས་ཅད་ཀྱིས་གལ་ཏེ་ཡོངས་སུ་དག་ནའོ་ཞེས་བརྗོད་པར་བྱའོ། །གལ་ཏེ་དེ་སྐད་བརྗོད་ན་དེ་ལྟ་ན་ལེགས། གལ་ཏེ་མི་བརྗོད་ན་འགལ་ཚབས་ཅན་དུ་འགྱུར་རོ། །དེ་ནི་འོང་བ་ཞུ་བའོ། །དེའི་འོག་ཏུ་བསྙེན་པར་རྫོགས་པར་བྱ་བ་དེ་དཀྱིལ་འཁོར་བར་བཀུག་ནས། རྒན་པའི་མཐའ་ལོགས་སུ་ཕྱག་འཚལ་དུ་བཅུག་སྟེ། དགེ་སློང་ལས་བྱེད་པས་བསྙེན་པར་རྫོགས་པ་གསོལ་དུ་གཞུག་པར་བྱའོ། །འདི་ལྟར་གསོལ་དུ་གཞུག་པར་བྱ་སྟེ། དང་པོར་སྟོན་པ་ལ་ཕྱག་འཚལ་དུ་གཞུག་གོ་།དེའི་འོག་ཏུ་རྒན་པའི་མཐའ་ལོགས་སུ་ཕྱག་འཚལ་དུ་བཅུག་སྟེ། ཕ་གུའི་སྟེང་དུ་རྩཝ་བཏིང་བ་ལ་རྟིང་པ་གཉིས་ཀྱིས་མནན་ནས་ཙོག་ཙོག་པོར་འདུག་ཏུ་བཅུག་སྟེ། ཐལ་མོ་སྦྱོར་དུ་བཅུག་ནས། དེས་འདི་སྐད་ཅེས་བརྗོད་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག་མིང་འདི་ཞེས་བགྱི་བ་དོན་གྱི་སླད་དུ་མཚན་ནས་སྨོས་ཏེ། མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་འཚལ་ཏེ། བདག་མིང་འདི་
Ka77a
༄#། །ཞེས་བགྱི་བ་དོན་གྱི་སླད་དུ་མཚན་ནས་སྨོས་ཏེ། མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་གསོལ་ན། དགེ་འདུན་བཙུན་པ་རྣམས་ཀྱིས་བདག་བསྙེན་པར་རྫོགས་པར་མཛད་དུ་གསོལ། དགེ་འདུན་བཙུན་པ་རྣམས་ཀྱིས་བདག་དྲང་པར་གསོལ། དགེ་འདུན་བཙུན་པ་རྣམས་ཀྱིས་བདག་རྗེས་སུ་གཟུང་དུ་གསོལ། དགེ་འདུན་བཙུན་པ་རྣམས་ཀྱིས་བདག་ལ་རྗེས་སུ་བསྟན་དུ་གསོལ། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ་བདག་ལ་ཐུགས་བརྩེ་བར་མཛད་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དེ་ནི་བསྙེན་པར་རྫོགས་པར་གསོལ་བའོ། །དེའི་འོག་ཏུ་དགེ་སློང་ལས་བྱེད་པས་དགེ་འདུན་གྱི་ནང་དུ་བར་ཆད་དྲི་བའི་ཕྱིར། གསོལ་བ་འབའ་ཞིག་གི་ལས་བྱའོ། །འདི་ལྟར་བྱ་སྟེ། འདུག་ལ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་འཚལ་ཏེ། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། བདག་གིས་དགེ་འདུན་གྱི་ནང་དུ་མཁན་པོ་མིང་འདི་ཞེས་བགྱི་བས་མིང་འདི་ཞེས་བགྱི་བ་ལ་བར་ཆད་ཀྱི་ཆོས་རྣམས་དྲི་བར་བྱའོ། །འདི་ནི་གསོལ་བའོ། །དེ་ནི་ནང་
Ka77b
དུ་བར་ཆད་དྲི་བར་གསོལ་བའི་ལས་སོ། །དེའི་འོག་ཏུ་དགེ་སློང་ལས་བྱེད་པས་དགེ་འདུན་གྱི་ནང་དུ་བར་ཆད་དྲི་བར་བྱའོ། །འདི་ལྟར་དྲི་བར་བྱ་སྟེ། ལས་བྱེད་པ་ལ་ཕྱག་འཚལ་དུ་བཅུག་ནས། མདུན་དུ་ཕ་གུའི་སྟེང་དུ་རྩཝ་བཏིང་བ་ལ་རྟིང་པ་གཉིས་ཀྱིས་མནན་ནས། ཙོག་ཙོག་པོར་འདུག་ཏུ་བཅུག་སྟེ་ཐལ་མོ་སྦྱོར་དུ་བཅུག་ནས། འདི་སྐད་ཅེས་བརྗོད་པར་བྱ་སྟེ། ཚེ་དང་ལྡན་པ་ཁྱོད་ཉོན་ཅིག་།འདི་ནི་ཁྱོད་ཀྱི་བདེན་པའི་དུས། འདི་ནི་འབྱུང་བའི་དུས་ཏེ། ཁོ་བོས་ཁྱོད་ལ་ཅུང་ཟད་ཅིག་དྲིའི། ཁྱོད་མ་འཛེམ་པར་བྱོས་ལ་ཡིན་པ་ལ་ཡིན་ཞེས་སྨྲོས་ཤིག་།མ་ཡིན་པ་ལ་མ་ཡིན་ཞེས་ལན་ཐོབ་ཅིག་།ཁྱོད་སྐྱེས་པ་ཡིན་ནམ། དེས་སྐྱེས་པ་ལགས་སོ་ཞེས་བརྗོད་པར་བྱའོ། །སྐྱེས་པའི་དབང་པོ་དང་ལྡན་ནམ། དེས་ལྡན་ཞེས་བརྗོད་པར་བྱའོ། །ལོ་ཉི་ཤུ་ལོན་ནམ། དེས་ལོན་ཞེས་བརྗོད་པར་བྱའོ། །ཁྱོད་ཀྱི་ཆོས་གོས་གསུམ་དང་ལྷུང་བཟེད་ཚང་ངམ། དེས་ཚང་ཞེས་བརྗོད་པར་བྱའོ། །ཁྱོད་ཀྱི་ཕ་མ་གསོན་ནམ། གལ་ཏེ་གསོན་ཞེས་ཟེར་ན། ཁྱོད་ཕ་མས་གནང་ངམ་ཞེས་དྲི་བར་བྱའོ། །དེས་གནང་ཞེས་བརྗོད་པར་བྱའོ། །གལ་ཏེ་ཤི་ཞེས་ཟེར་ན། ཁྱོད་བྲན་མ་ཡིན་ནམ། རྐུས་པ་མ་ཡིན་ནམ། རྙེད་བཙོན་མ་ཡིན་ནམ། རྩོད་པ་ཅན་མ་ཡིན་ནམ། བཙོངས་པ་མ་ཡིན་ནམ། རྒྱལ་པོས་བཀྲབས་པ་མ་ཡིན་ནམ། རྒྱལ་པོ་ལ་བསྡིགས་པ་མ་ཡིན་ནམ། རྒྱལ་པོ་ལ་གནོད་པའི་ལས་བྱེད་པ་མ་ཡིན་ནམ། ཁྱོད་རྒྱལ་པོ་ལ་གནོད་པའི་ལས་བྱས་སམ། བྱེད་དུ་བཅུག་པ་མ་
Ka78a
༄#། །ཡིན་ནམ། ཆོམ་རྐུན་པར་གྲགས་པ་མ་ཡིན་ནམ། ཟ་མ་མ་ཡིན་ནམ། མ་ནིང་མ་ཡིན་ནམ། དགེ་སློང་མ་སུན་ཕྱུང་བ་མ་ཡིན་ནམ། རྐུ་ཐབས་སུ་གནས་པ་མ་ཡིན་ནམ། ཐ་དད་དུ་གནས་པ་མ་ཡིན་ནམ། གནས་པར་མི་བྱ་བ་མ་ཡིན་ནམ། མུ་སྟེགས་ཅན་མ་ཡིན་ནམ། མུ་སྟེགས་ཅན་ཞུགས་པ་མ་ཡིན་ནམ། ཕ་བསད་པ་མ་ཡིན་ནམ། མ་བསད་པ་མ་ཡིན་ནམ། དགྲ་བཅོམ་པ་བསད་པ་མ་ཡིན་ནམ། དགེ་འདུན་གྱི་དབྱེན་བྱས་པ་མ་ཡིན་ནམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་མ་ཡིན་ནམ། སྤྲུལ་པ་མ་ཡིན་ནམ། དུད་འགྲོ་མ་ཡིན་ནམ། ཞེས་དྲི་བར་བྱའོ། །དེ་མ་ལགས་ཞེས་བརྗོད་པར་བྱའོ། །ཁྱོད་ལ་ལ་ལའི་བུ་ལོན་མང་ཡང་རུང་ཉུང་ཡང་རུང ། ཅུང་ཟད་ཆགས་བ་མེད་དམ། གལ་ཏེ་བུ་ལོན་ཆགས་སོ་ཞེས་ཟེར་ན། ཁྱོད་བསྙེན་པར་རྫོགས་ནས་འཇལ་ནུས་སམ་ཞེས་དྲི་བར་བྱའོ། །གལ་ཏེ་མི་ནུས་ཞེས་ཟེར་ན། འོ་ན་སོང་ཞིག་ཅེས་བརྗོད་པར་བྱའོ། །གལ་ཏེ་བསྙེན་པར་རྫོགས་ནས་འཇལ་ནུས་ཞེས་ཟེར་ན། ཁྱོད་སྔོན་རབ་ཏུ་བྱུང་བ་མ་ཡིན་ནམ་ཞེས་དྲི་བར་བྱའོ། །གལ་ཏེ་རབ་ཏུ་བྱུང་ངོ་ཞེས་ཟེར་ན། ཁྱོད་ལ་ཕམ་པར་འགྱུར་བ་བཞི་ལས་ལྟུང་བ་གང་ཡང་རུང་བ་ཞིག་བྱུང་བ་མ་ཡིན་ནམ། ཁྱོད་འབབ་པ་ན་བསླབ་པ་ལེགས་པར་ཕུལ་ལམ། ཞེས་དྲི་བར་བྱའོ། །གལ་ཏེ་ལྟུང་བ་བྱུང་ངོ་ཞེས་ཟེར་ན། འོ་ན་སོང་ཞིག་ཅེས་བརྗོད་པར་བྱའོ། །གལ་ཏེ་མ་བྱུང་ངོ་ཞེས་ཟེར་ན།
Ka78b
ཇི་ལྟར་ཁྱོད་ད་ལྟར་རབ་ཏུ་བྱུང་བ་ཡིན་ནམ་ཞེས་དྲི་བར་བྱའོ། །གལ་ཏེ་བདག་རབ་ཏུ་བྱུང་བ་ཡིན་ནོ་ཞེས་ཟེར་ན། ཁྱོད་ཀྱིས་ཚངས་པར་སྤྱོད་པ་ལེགས་པར་སྤྱད་དམ་ཞེས་དྲི་བར་བྱའོ། །དེས་ལེགས་པར་སྤྱད་ཅེས་བརྗོད་པར་བྱའོ། །ཁྱོད་ཀྱི་མིང་ཅི། ཁྱོད་ཀྱི་མཁན་པོའི་མིང་ཅི། དེས་བདག་གི་མིང་འདི་ཞེས་བགྱི། དོན་གྱི་སླད་དུ་མཚན་ནས་སྨོས་ཏེ། བདག་གི་མཁན་པོའི་མིང་འདི་ཞེས་བགྱི་ཞེས་བརྗོད་པར་བྱའོ། །ཚེ་དང་ལྡན་པ་ཁྱོད་ཉོན་ཅིག། མི་རྣམས་ཀྱི་ལུས་ལ་ལུས་ཀྱི་ནད་རྣམ་པ་འདི་ལྟ་བུ་འདི་དག་འབྱུང་བ་འདི་ལྟ་སྟེ། མཛེ་དང ། འབྲས་དང ། ཕོལ་མིག་དང ། འབྲུམ་ཕྲན་དང ། ཤ་བཀྲ་དང ། ཁྱི་རྡོ་\?\་དང ། གཡའ་བ་དང ། གློག་པ་དང ། རྐང་ཤུ་དང ། སྐེམ་ནད་དང ། སྐེམ་པ་དང ། བརྗེད་བྱེད་དང ། བཀྲེས་ངབ་དང ། སྐྱ་རྦབ་དང ། རྐང་བམ་དང ། མཚན་བར་རྡོལ་དང ། རིམས་དང ། རིམས་དྲག་པོ་དང ། ཉིན་གཅིག་པ་དང ། ཉིན་གཉིས་པ་དང ། ཉིན་གསུམ་པ་དང ། ཉིན་བཞི་པ་དང ། འདུས་པ་དང ། རིམས་ཉིན་རེ་བ་དང ། རྟག་པའི་རིམས་དང ། རིམས་ལྡང་དུབ་པ་དང ། ཤུ་བ་དང ། གསུད་པ་དང ། སྐྱིགས་བུ་དང ། ལུད་པ་དང ། དབུགས་མི་བདེ་བ་དང ། ལྷོག་པ་དང ། ཡན་ལག་ཏུ་ཟུག་པ་དང ། སྐྲན་དང ། ཁྲག་ནད་དང ། མཁྲིས་ནད་དང ། གཞང་འབྲུམ་དང ། སྐྱུག་བྲོ་བ་དང ། ཆུ་འགག་པ་དང ། ངལ་བ་དང ། ལུས་ཚ་བ་དང ། རྩིབ་ལོགས་ཚ་བ་དང ། རུས་པ་ལ་ཟུག་པ་སྟེ། ལུས་ཀྱི་ནད་འདི་ལྟ་བུ་འདི་དག་ལས་གང་ཡང་རུང་བ་དང །
Ka79a
༄#། །འདི་ལྟ་བུ་གཞན་དག་ཀྱང་ཁྱོད་ཀྱི་ལུས་ལ་མེད་དམ། དེས་མ་མཆིས་ཞེས་བརྗོད་པར་བྱའོ། །དེ་ནི་ནང་དུ་བར་ཆད་དྲི་བའོ། །དེའི་འོག་ཏུ་དགེ་སློང་ལས་བྱེད་པས་གསོལ་བ་བྱས་ཏེ་ལས་བྱའོ། །འདི་ལྟར་བྱ་སྟེ། འདུག་ལ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་འཚལ་ནས། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་གསོལ་ཏེ། སྐྱེས་པ་ཡང་ལགས། སྐྱེས་པའི་དབང་པོ་དང་ཡང་ལྡན། ལོ་ཉི་ཤུ་ཡང་ལོན། འདིའི་ཆོས་གོས་གསུམ་དང་ལྷུང་བཟེད་ཀྱང་ཚང ། བར་ཆད་ཀྱི་ཆོས་རྣམས་ཀྱང་ཡོངས་སུ་དག་གོ་ཞེས་ཁོ་ན་ཉིད་མཆི་སྟེ། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བ་མཛོད་ཅིག་དང ། དགེ་འདུན་གྱིས་མིང་འདི་ཞེས་བགྱི་བ། མཁན་པོ་མིང་འདི་ཞེས་བགྱི་བས་བསྙེན་པར་རྫོགས་པར་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་འཚལ་ནས། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་
Ka79b
བགྱི་བས། དགེ་འདུན་ལས་བསྙེན་པར་རྫོགས་པར་གསོལ་ཏེ། སྐྱེས་པ་ཡང་ལགས། སྐྱེས་པའི་དབང་པོ་དང་ཡང་ལྡན། ལོ་ཉི་ཤུ་ཡང་ལོན། འདིའི་ཆོས་གོས་གསུམ་དང་ལྷུང་བཟེད་ཀྱང་ཚང ། བར་ཆད་ཀྱི་ཆོས་རྣམས་ཀྱང་ཡོངས་སུ་དག་གོ་ཞེས་ཁོ་ན་ཉིད་མཆི་སྟེ། མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་དགེ་འདུན་ལས་བསྙེན་པར་རྫོགས་པར་གསོལ་ན། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་བསྙེན་པར་རྫོགས་པར་མཛད་ན། ཚེ་དང་ལྡན་པ་གང་དག་མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་བསྙེན་པར་རྫོགས་པར་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མིང་འདི་ཞེས་བགྱི་བ་འདི་མཁན་པོ་མིང་འདི་ཞེས་བགྱི་བས་བསྙེན་པར་རྫོགས་པར་མཛད་ལགས་ཏེ། འདི་ལྟར་ཅད་མི་གསུང་བས་དེ་དེ་བཞིན་དུ་འཛིན་ཏོ། །དེ་ནི་བསྙེན་པར་རྫོགས་པ་ཉེ་བར་སྒྲུབ་པའོ། །དེའི་འོག་ཏུ་གྲིབ་ཚོད་གཞལ་བར་བྱའོ། །བཅོམ་ལྡན་འདས་ཀྱིས་གྲིབ་ཚོད་གཞལ་བར་བྱའོ། །ཞེས་བཀའ་སྩལ་ནས། དགེ་སློང་དག་ཤིང་བུ་རིང་པོ་དག་གིས་གྲིབ་ཚོད་འཇལ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཤིང་བུ་རིང་པོ་དག་གིས་གྲིབ་ཚོད་གཞལ་བར་མི་བྱའོ། །དགེ་སློང་དག་གོམ་
Ka80a
༄#། །པ་དག་གིས་འཇལ་བར་བྱེད་པ་ན། ཧ་ཅང་ཐོགས་ནས་བཅོམ་ལྡན་འདས་ཀྱིས་བཀའ་སྩལ་པ། གོམ་པ་དག་གིས་གཞལ་བར་མི་བྱ་བར་འདི་ལྟར་ཐུར་མ་དག་གིས་གཞལ་བར་བྱའོ། །དགེ་སློང་དག་ཐུར་མ་རིང་པོ་དག་གིས་འཇལ་བར་བྱེད་པ་ན། དེ་ལྟ་ན་ཡང་ཧ་ཅང་ཐོགས་ནས། བཅོམ་ལྡན་འདས་ཀྱིས་བཀའ་སྩལ་པ། ཐུར་མ་སོར་བཞི་ཙམ་གྱིས་གཞལ་བར་བྱ་ཞིང་ཐུར་མ་ཇི་ཙམ་ཡོད་པ་དེ་ཙམ་ལ་སྐྱེས་བུ་ཞེས་བརྗོད་པར་བྱའོ། །དེ་ནི་གྲིབ་ཚོད་གཞལ་བའོ། །དེའི་འོག་ཏུ་ཉིན་མཚན་གྱི་ཆ་བརྗོད་པར་བྱ་སྟེ། སྔ་དྲོ་དང ། གུང་དང ། ཕྱི་དྲོ་དང ། མཚན་མོའི་ཐུན་དང་པོ་དང ། ཐུན་དང་པོའི་ཕྱེད་དང ། གུང་ཐུན་དང ། གུང་ཐུན་གྱི་ཕྱེད་དང ། ཐུན་ཐ་མ་དང ། ཐུན་ཐ་མའི་ཕྱེད་དང ། སྐྱ་རེངས་མ་ཤར་བ་དང ། སྐྱ་རེངས་ཤར་བ་དང ། ཉི་མ་མ་ཤར་བ་དང ། ཉི་མ་ཤར་བ་དང ། ཉི་མ་བརྒྱད་ཆ་ཤར་བ་དང ། ཉི་མ་བཞི་ཆ་ཤར་བ་དང ། གུང་ཚིགས་མ་ཡོལ་བ་དང ། ཉི་མ་བཞི་ཆ་ལུས་པ་དང ། ཉི་མ་བརྒྱད་ཆ་ལུས་པ་དང ། ཉི་མ་མ་ནུབ་པ་དང ། ཉི་མ་ནུབ་པ་དང ། རྒྱུ་སྐར་རྣམས་མ་ཤར་བ་དང ། རྒྱུ་སྐར་རྣམས་ཤར་བ་སྟེ། དེ་ནི་ཉིན་མཚན་གྱི་ཆ་བརྗོད་པའོ། །དེའི་འོག་ཏུ་དུས་ཚོད་བརྗོད་པར་བྱ་སྟེ། དུས་ཚོད་ནི་ལྔ་སྟེ། དགུན་གྱི་དུས་དང ། དཔྱིད་ཀྱི་དུས་དང ། དབྱར་གྱི་དུས་དང ། དབྱར་ཐུང་ངུའི་དུས་དང ། དབྱར་རིང་པོའི་དུས་སོ། །དེ་ལ་དགུན་གྱི་དུས་ནི་ཟླ་བ་བཞིའོ། །དཔྱིད་ཀྱི་དུས་ནི་ཟླ་བ་བཞིའོ། །དབྱར་གྱི་དུས་ནི་ཟླ་བ་གཅིག་གོ་།དབྱར་ཐུང་ངུའི་དུས་ནི་ཉིན་
Ka80b
ཞག་གཅིག་གོ་།དབྱར་རིང་པོའི་དུས་ནི་ཉིན་ཞག་གཅིག་གིས་ཟླ་བ་གསུམ་དུ་མ་ཆོག་པ་སྟེ། དེ་ནི་དུས་ཚོད་བརྗོད་པའོ། །དེའི་འོག་ཏུ་གནས་རྣམས་བརྗོད་པར་བྱ་སྟེ། ཚེ་དང་ལྡན་པ་མིང་འདི་ཞེས་བྱ་བ་ཁྱོད་ཉོན་ཅིག་།བཞི་པོ་འདི་དག་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། དེ་ལྟར་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་གནས་སུ་གསུངས་ཏེ། དེ་ལ་གནས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོར་འགྱུར་རོ། །བཞི་གང་ཞེ་ན། གོས་ཀྱི་ནང་ན་ཕྱག་དར་ཁྲོད་ནི་རུང་བ་རྙེད་ཀྱང་སླ་བ་སྟེ། དེ་ལ་གནས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོར་འགྱུར་རོ། །མིང་འདི་ཞེས་བྱ་བ་ཁྱོད་ཇི་སྲིད་འཚོའི་བར་དུ་ཕྱག་དར་ཁྲོད་ཀྱི་གོས་ཀྱིས་འཚོ་བར་སྤྲོའམ། དེས་སྤྲོའོ་ཞེས་བརྗོད་པར་བྱའོ། །ལྷག་པར་རྙེད་ན། དར་རམ། རས་ཡུག་ཆེན་ནམ། བེའུ་རས་སམ། དར་ལའམ། མོན་དར་རམ། བེའུ་རས་ཡུག་ཆེན་ནམ། བེའུ་རས་དམར་པོའམ། བེའུ་ཕྲུག་གམ། ལ་དམར་རམ། ཡུལ་ཀ་ཤིའི་རས་ཕྲན་ནམ། ཁ་དོག་རན་པའམ། ཁ་དོག་ངན་པའམ། བལ་གོས་སམ། ཤ་ནའི་རས་སམ། ཟར་མའི་རས་སམ། རས་གོས་སམ། དུ་གུ་ལའི་རས་སམ། ཀོ་ཏ་མ་པའི་རས་སམ། ཉི་འོག་གི་གོས་སམ། གཞན་ཡང་གོས་
Ka81a
༄#། །རུང་བ་གང་དགེ་འདུན་ནམ། གང་ཟག་ལས་རྙེད་ན། དེ་ཡང་ཁྱོད་ཀྱིས་ལོང་ལ་ཚོད་ཟིན་པར་གྱིས་ཤིག། ཇི་ལྟར་ཁྱོད་གནས་འདི་ལྟ་བུས་དམ་འཆའམ། དེས་དམ་འཆའོ་ཞེས་བརྗོད་པར་བྱའོ། །མིང་འདི་ཞེས་བྱ་བ་ཁྱོད་ཉོན་ཅིག་།ཟས་ཀྱི་ནང་ནས་བསོད་སྙོམས་ནི་རུང་བ་རྙེད་ཀྱང་སླ་བ་སྟེ། དེ་ལ་གནས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོར་འགྱུར་རོ། །མིང་འདི་ཞེས་བྱ་བ་ཁྱོད་ཇི་སྲིད་འཚོའི་བར་དུ་བསོད་སྙོམས་ཀྱི་ཟས་ཀྱིས་འཚོ་བར་སྤྲོའམ། དེས་སྤྲོ་ཞེས་བརྗོད་པར་བྱའོ། །ལྷག་པར་རྙེད་ན་འབྲས་ཆན་ནམ། སྐྱོ་མའམ། ཐུག་པ་དང ། ལྔ་སྟོན་ནམ། བརྒྱད་སྟོན་ནམ། བཅུ་བཞི་སྟོན་ནམ། ཉ་སྟོན་ནམ། རྟག་རེས་འཁོར་རམ། མགྲོན་དུ་བོས་པའམ། འཕྲལ་ལ་བོས་པའམ། སྦགས་པའམ། གཞན་ཡང་ཟས་རུང་བ་གང་དགེ་འདུན་ནམ། གང་ཟག་ལས་རྙེད་ན། དེ་ཡང་ཁྱོད་ཀྱིས་ལོངས་ལ་ཚོད་ཟིན་པར་གྱིས་ཤིག་།ཇི་ལྟར་ཁྱོད་གནས་འདི་ལྟ་བུ་ལ་དམ་འཆའམ། དེས་དམ་འཆའོ་ཞེས་བརྗོད་པར་བྱའོ། །མིང་འདི་ཞེས་བྱ་བ་ཁྱོད་ཉོན་ཅིག་།གནས་མལ་གྱི་ནང་ན་ཤིང་དྲུང་ནི་རུང་བ་རྙེད་ཀྱང་སླ་བ་སྟེ། དེ་ལ་གནས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་བོར་འགྱུར་རོ། །མིང་འདི་ཞེས་བྱ་བ་ཁྱོད་ཇི་སྲིད་འཚོའི་བར་དུ་ཤིང་དྲུང་གི་གནས་མལ་གྱིས་
Ka81b
འཚོ་བར་སྤྲོའམ། དེས་སྤྲོའོ་ཞེས་བརྗོད་པར་བྱའོ། །ལྷག་པར་རྙེད་ན་ཁང་པའམ། ལྷ་ཁང་ངམ། ཁང་པ་བརྩེགས་པའམ། བསིལ་ཁང་ངམ། སབ་མོས་བསྐོར་བའམ། བ་གམ་མམ། ཁང་བཟང་ངམ། སྒོ་ཁང་གི་སྟེང་གི་བསིལ་ཁང་ངམ། ཁང་སྟེང་གི་ཡོལ་ཁང་ངམ། ཡོལ་ཁང་ངམ། སྤང་ལེབ་ཁང་ངམ། ས་ཕུག་གམ། བྲག་ཕུག་གམ། རི་ཕུག་གམ། རྩཝའི་སྤྱིལ་བུའམ། ལོ་མའི་སྤྱིལ་བུའམ། འཆག་སར་བྱས་པའམ། འཆག་སར་མ་བྱས་པའམ། བྱ་སྐྱིབས་སུ་བྱས་པའམ། བྱ་སྐྱིབས་སུ་མ་བྱས་པའམ། གཞན་ཡང་གནས་མལ་རུང་བ་གང་དགེ་འདུན་ནམ། གང་ཟག་ལས་རྙེད་ན་དེ་ཡང་ཁྱོད་ཀྱིས་ལོང་ལ་རྩོད་ཟིན་པར་གྱིས་ཤིག། ཇི་ལྟར་ཁྱོད་གནས་འདི་ལྟ་བུ་ལ་དམ་འཆའམ། དེས་དམ་འཆའོ་ཞེས་བརྗོད་པར་བྱའོ། །མིང་འདི་ཞེས་བྱ་བ་ཁྱོད་ཉོན་ཅིག་།སྨན་གྱི་ནང་ན་བཀུས་ཏེ་པོར་བ་ནི་རུང་བ་རྙེད་ཀྱང་སླ་བ་སྟེ། དེ་ལ་གནས་ན་དགེ་སློང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོར་འགྱུར་རོ། །མིང་འདི་ཞེས་བྱ་བ་ཁྱོད་ཇི་སྲིད་འཚོའི་བར་དུ་བཀུས་ཏེ་བོར་བའི་སྨན་གྱིས་འཚོ་བར་སྤྲོའམ། དེས་སྤྲོ་ཞེས་བརྗོད་པར་བྱའོ། །ལྷག་པར་རྙེད་ན་ཞུན་མར་རམ། འབྲུ་མར་རམ། སྦྲང་རྩིའམ། བུ་རམ་གྱི་དབུ་བའམ། དུས་སུ་རུང་བའམ། ཐུན་ཚོད་དུ་རུང་བའམ། ཞག་བདུན་པའམ། འཚོའི་བར་དུ་བཅང་བའམ། རྩ་བའི་སྨན་ནམ། སྡོང་བུའི་སྨན་ནམ། ལོ་མའི་སྨན་ནམ། མེ་ཏོག་གི་སྨན་ནམ། འབྲས་བུའི་སྨན་ནམ། གཞན་ཡང་སྨན་རུང་
Ka82a
༄#། །བ་གང་དགེ་འདུན་ནམ། གང་ཟག་ལས་རྙེད་ན་དེ་ཡང་ཁྱོད་ཀྱིས་ལོང་ལ་ཚོད་ཟིན་པར་གྱིས་ཤིག། ཇི་ལྟར་ཁྱོད་གནས་འདི་ལྟ་བུ་ལ་དམ་འཆའམ། དེས་དམ་འཆའོ་ཞེས་བརྗོད་པར་བྱའོ། །དེ་ནི་གནས་རྣམས་བརྗོད་པའོ། །དེའི་འོག་ཏུ་ལྟུང་བར་འགྱུར་བའི་ཆོས་རྣམས་བརྗོད་པར་བྱ་སྟེ། མིང་འདི་ཞེས་བྱ་བ་ཁྱོད་ཉོན་ཅིག་།བཞི་པོ་འདི་དག་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། དེ་ལྟར་རབ་ཏུ་བྱུང་བ་དང ། བསྙེན་པར་རྫོགས་པའི་དགེ་སློང་གི་ལྟུང་བར་འགྱུར་བའི་ཆོས་སུ་གསུངས་ཏེ། དགེ་སློང་གིས་དེ་བྱས་ན་བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་ཉམས་པར་འགྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང་ཉམས་པ་བཅོམ་པ་ལྟུང་བ་ཕམ་པར་འགྱུར་བ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན། ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ། འཕེལ་ཞིང་རྒྱས་པ་དང ། ཡངས་པར་འགྱུར་དུ་མི་རུང་བ་བཞིན་ནོ། །བཞི་གང་ཞེ་ན། འདོད་པ་དང ། འདོད་པ་ལ་ཞེན་པ་དང ། འདོད་པ་ལ་ཆུམས་པ་དང ། འདོད་པ་ལ་ལྷག་པར་ཞེན་པ་ནི། བཅོམ་ལྡན་འདས་ཀྱིས་རྣམ་གྲངས་དུ་མས་སྨད་དོ། །འདོད་པ་སྤངས་པ་ནི་བསྔགས་ཏེ་པོར་བ་དང ། བསལ་བ་དང ། ཟད་པ་དང ། འདོད་ཆགས་དང་བྲལ་བ་
Ka82b
དང ། འགོག་པ་དང ། ཉེ་བར་ཞི་བ་དང ། ནུབ་པ་ནི་བསྟོད་དོ། །བཀུར་ཏོ། །བསྔགས་སོ། །སྙན་པར་བརྗོད་དོ། །ཚེ་དང་ལྡན་པ་ཁྱོད་དེང་ཕྱིན་ཆད་ཆགས་པའི་སེམས་ཀྱིས་བུད་མེད་ཀྱི་ཡུལ་ལ་མིག་གཏད་དེ་མིག་གིས་བལྟ་བར་ཡང་མི་བྱ་ན། གཉིས་ཀྱིས་གཉིས་སྤྲད་དེ། མི་ཚངས་པར་སྤྱོད་པ་འཁྲིག་པའི་ཆོས་བསྟན་པ་ལྟ་སྨོས་ཀྱང་ཅི་དགོས། ཚེ་དང་ལྡན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། ཡང་དགེ་སློང་གང་དགེ་སློང་རྣམས་དང་ལྷན་ཅིག་བསླབ་པ་མཚུངས་པར་གྱུར་པས། བསླབ་པ་མ་ཕུལ་བསླབ་པ་ཉམས་པར་མ་བྱས་པར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན། ཐ་ན་དུད་འགྲོའི་སྐྱེ་གནས་སུ་སྐྱེས་པ་དང་ལྷན་ཅིག་ཀྱང་རུང་སྟེ། དགེ་སློང་དེ་ཕམ་པར་གྱུར་བ་ཡིན་གྱིས། གནས་པར་མི་བྱའོ་ཞེས་བྱ་བ་འདི་བཀའ་སྩལ་ཏེ། དགེ་སློང་གིས་གནས་དེ་ལྟ་བུ་བྱས་ན། བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་ཉམས་པར་འགྱུར་ཏེ།་དེའི་དགེ་སྦྱོང་གི་ཚུལ་ཞིག་པར་འགྱུར་ཞིང ། ཉམས་པ་བཅོམ་པ་ལྟུང་བ་ཕམ་པར་འགྱུར་བ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན། ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ། འཕེལ་ཞིང་རྒྱས་པ་དང ། ཡངས་པར་འགྱུར་དུ་མི་རུང་བ་བཞིན་ནོ། །དེང་ཕྱིན་ཆད་ཁྱོད་སྤྱད་པ་མ་ཡིན་པ་དང ། བྱ་བ་མ་ཡིན་པ་དང ། སྤྱད་པ་མ་ཡིན་པ་སྤང་བ་དེ་
Ka83a
༄#། །ལ་དྲན་པ་དང ། བག་ཡོད་པས་སེམས་ཤིན་ཏུ་བསྲུང་བར་བརྩོན་པར་གྱིས་ཤིག་།ཇི་ལྟར་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་ཅེས་བྱ་བ་བརྗོད་པར་བྱའོ། །ཚེ་དང་ལྡན་པ་ཁྱོད་ཉོན་ཅིག་།མ་བྱིན་པར་ལེན་པ་ནི་བཅོམ་ལྡན་འདས་ཀྱིས་རྣམ་གྲངས་དུ་མས་སྨད་དོ། །མ་བྱིན་པར་ལེན་པ་སྤངས་པ་ནི་བསྟོད་པའོ། །བཀུར་ཏོ། །བསྔགས་སོ། །སྙན་པར་བརྗོད་དོ།། ཚེ་དང་ལྡན་པ་ཁྱོད་དེང་ཕྱིན་ཆད་རྐུ་སེམས་ཀྱིས་གཞན་གྱི་ཏིལ་གྱི་ཕུབ་མ་ཡང་མ་བྱིན་པར་མི་བླང་ན། མ་ཤ་ཀ་ལྔའམ། མ་ཤ་ཀ་ལྔ་ལས་ལྷག་པ་ལྟ་སྨོས་ཀྱང་ཅི་དགོས། ཚེ་དང་ལྡན་པ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། ཡང་དགེ་སློང་གང་གཞན་དག་གི་གྲོང་ན་འདུག་པའམ། དགོན་པ་ན་འདུག་པ་མ་བྱིན་པར་རྐུ་བའི་གྲངས་སུ་གཏོགས་པ་བླངས་ན། ཇི་ཙམ་མ་བྱིན་པར་བླངས་པས་དེ་རྒྱལ་པོའམ། བློན་པོ་ཆེན་པོས་བཟུང་ནས་དེ་ལ་འདི་སྐད་ཅེས། ཀྱེ་མི་ཁྱོད་ནི་རྐུན་མའོ། །བྱིས་པའོ། ། བླུན་པའོ། །རྐུ་བའོ་ཞེས་ཟེར་ཞིང ། གསོད་དམ། འཆིང་ངམ། སྤྱུག་ཀྱང་རུང་སྟེ། དགེ་སློང་དེ་ལྟར་མ་བྱིན་པར་ལེན་ན་དགེ་སློང་དེ་ཡང་ཕམ་པར་གྱུར་པ་ཡིན་གྱི་གནས་པར་མི་བྱའོ། །ཞེས་བྱ་བ་འདི་བཀའ་སྩལ་ཏེ། དགེ་སློང་གིས་གནས་དེ་ལྟ་བུ་བྱས་ན། བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་
Ka83b
ཉམས་པར་འགྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང ། ཉམས་པ་བཅོམ་པ་ལྟུང་བ་ཕམ་པར་འགྱུར་བ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན། ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ། འཕེལ་ཞིང་རྒྱས་པ་དང ། ཡངས་པར་འགྱུར་དུ་མི་རུང་བ་བཞིན་ནོ། །དེང་ཕྱིན་ཆད་ཁྱོད་སྤྱད་པ་མ་ཡིན་པ་དང ། བྱ་བ་མ་ཡིན་པ་དང ། སྤྱད་པ་མ་ཡིན་པ་སྤང་བ་དེ་ལ་དྲན་པ་དང ། བག་ཡོད་པས་སེམས་ཤིན་ཏུ་བསྲུང་བར་བརྩོན་པར་གྱིས་ཤིག་།ཇི་ལྟར་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་ཅེས་བརྗོད་པར་བྱའོ། །ཚེ་དང་ལྡན་པ་ཁྱོད་ཉོན་ཅིག་།སྲོག་གཅོད་པ་ནི་བཅོམ་ལྡན་འདས་ཀྱིས་རྣམ་གྲངས་དུ་མས་སྨད་དོ། །སྲོག་གཅོད་པ་སྤངས་པ་ནི་བསྟོད་དོ། །བཀུར་ཏོ། །བསྔགས་སོ། །སྙན་པར་བརྗོད་དོ། །དེང་ཕྱིན་ཆད་ཚེ་དང་ལྡན་པ་ཁྱོད་ཀྱིས་བསམས་བཞིན་དུ་སྲོག་ཆགས་གྲོག་སྦུར་ཡང་གསད་པར་མི་བྱ་ན། མིའམ་མིར་ཆགས་པ་ལྟ་སྨོས་ཀྱང་ཅི་དགོས། ཚེ་དང་ལྡན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། ཡང་དགེ་སློང་གང་མིའམ། མིར་ཆགས་པ་ལ་བསམས་བཞིན་དུ་རང་གིས་ལག་བདར་ཏེ་སྲོག་གཅོད་དམ། དེ་ལ་མཚོན་བྱིན་ནམ། དེ་ལ་མཚོན་ཐོགས་པ་གཉེར་ཏམ། དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་ཀྱང་རུང་སྟེ། དེ་ལ་འདི་སྐད་ཅེས། ཀྱེ་མི་ཁྱོད་འཚོ་བ་སྡིག་པ་མི་གཙང་པ་ངན་པ་འདིས་
Ka84a
༄#། །ཅི་ཞིག་བྱ། ཀྱེ་མི་ཁྱོད་གསོན་པ་བས་ཤི་བླའོ། །ཞེས་ཟེར་ཞིང་སེམས་ཀྱི་འདོད་པ་དང ། སེམས་ཀྱི་ཀུན་ཏུ་རྟོག་པ་དག་གིས་རྣམ་གྲངས་དུ་མས་དེ་འཆིར་བཅུག་གམ་དེ་ལ་འཆི་བའི་བསྔགས་པ་བརྗོད་དེ། དེ་ཡང་རྩོམ་པ་དེས་དུས་བྱས་ན། དགེ་སློང་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ། །ཞེས་བྱ་བ་འདི་བཀའ་སྩལ་ཏེ། དགེ་སློང་གི་གནས་དེ་ལྟ་བུ་བྱས་ན། བྱས་མ་ཐག་ཏུ་དགེ་སློང་དུ་མི་རུང་བར་འགྱུར། དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་ཉམས་པར་འགྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང་ཉམས་པ་བཅོམ་པ་ལྟུང་བ་ཕམ་པར་འགྱུར་བ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན། ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ། འཕེལ་ཞིང་རྒྱས་པ་དང ། ཡངས་པར་འགྱུར་དུ་མི་རུང་བ་བཞིན་ནོ། །དེང་ཕྱིན་ཆད་ཁྱོད་སྤྱད་པ་མ་ཡིན་པ་དང ། བྱ་བ་མ་ཡིན་པ་དང ། སྤྱད་པ་མ་ཡིན་པ་སྤང་བ་དེ་ལ་དྲན་པ་དང ། བག་ཡོད་པས་སེམས་ཤིན་ཏུ་བསྲུང་བར་བརྩོན་པར་གྱིས་ཤིག་།ཇི་ལྟར་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་ཅེས་བརྗོད་པར་བྱའོ། །ཚེ་དང་ལྡན་པ་ཁྱོད་ཉོན་ཅིག་།བརྫུན་དུ་སྨྲ་བ་ནི་བཅོམ་ལྡན་འདས་ཀྱིས་རྣམ་གྲངས་དུ་མས་སྨད་དོ། །བརྫུན་དུ་སྨྲ་བ་སྤངས་པ་ནི་བསྟོད་དོ། །བཀུར་ཏོ། །བསྔགས་སོ། །སྙན་པར་བརྗོད་དོ། །ཚེ་དང་ལྡན་པ་ཁྱོད་དེང་ཕྱིན་ཆད་ཐ་ན་བཞད་གད་བྱ་
Ka84b
བར་བསམས་ཏེ། ཤེས་བཞིན་དུ་བརྫུན་དུ་སྨྲ་བར་ཡང་མི་བྱ་ན། བསམས་བཞིན་དུ་མིའི་ཆོས་བླ་མ་སྨྲ་བ་ལྟ་སྨོས་ཀྱང་ཅི་དགོས། ཚེ་དང་ལྡན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་ལ། མིའི་ཆོས་བླ་མ་མཐའ་དང ། འཕགས་པ་དང ། བྱེ་བྲག་ཐོབ་པ་དང ། ཤེས་པ་དང ། མཐོང་བ་དང ། རེག་པར་སྤྱོད་པ་མེད་ལ། མེད་བཞིན་དུ་འདི་ཤེས་སོ། །འདི་མཐོང་ངོ ། །ཞེས་ཁས་འཆེས་པ་ལས་དེས་ལྟུང་བ་བྱུང་བ་རྣམ་པར་དག་པར་འདོད་ནས་དུས་གཞན་ཞིག་ན་དྲིས་ཀྱང་རུང ། མ་དྲིས་ཀྱང་རུང་འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་བརྫུན་དུ་སྨྲས་སོ་ཞེས་ཟེར་ན་མངོན་པའི་ང་རྒྱལ་མ་གཏོགས་ཏེ། དགེ་སློང་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ། །ཞེས་བྱ་བ་འདི་བཀའ་སྩལ་ཏེ། ཅི་ཞིག་ཤེས་ཤེ་ན། སྡུག་བསྔལ་ཤེས་སོ། །ཀུན་འབྱུང་བ་དང ། འགོག་པ་དང ། ལམ་ཤེས་སོ། །ཅི་ཞིག་མཐོང་ཞེ་ན། ལྷ་རྣམས་མཐོང་ངོ ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་
Ka85a
༄#། །མཐོང་ངོ ། །ལྷ་རྣམས་ཀྱིས་ཀྱང་བདག་མཐོང་ངོ ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་ཀྱིས་ཀྱང་བདག་མཐོང་ངོ ། །ལྷ་རྣམས་ཀྱི་སྒྲ་ཐོས་སོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་ཀྱི་སྒྲ་ཐོས་སོ། ། ལྷ་རྣམས་ཀྱིས་ཀྱང་བདག་གི་སྒྲ་ཐོས་སོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང་ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་ཀྱིས་ཀྱང་བདག་གི་སྒྲ་ཐོས་སོ། །ལྷ་རྣམས་ལྟ་བའི་ཕྱིར་འགྲོའོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་
Ka85b
དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་ལྟ་བའི་ཕྱིར་འགྲོའོ། །ལྷ་རྣམས་བདག་ལྟ་བའི་ཕྱིར་འོང་ངོ ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་བདག་ལྟ་བའི་ཕྱིར་འོང་ངོ ། །ལྷ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་དོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་དོ། །ལྷ་རྣམས་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་དོ། །ཀླུ་རྣམས་དང ། གནོད་སྦྱིན་རྣམས་དང ། ནམ་མཁའ་ལྡིང་རྣམས་དང ། དྲི་ཟ་རྣམས་དང ། མིའམ་ཅི་རྣམས་དང ། ལྟོ་འཕྱེ་ཆེན་པོ་རྣམས་དང ། ཡི་
Ka86a
༄#། །དྭགས་རྣམས་དང ། ཤ་ཟ་རྣམས་དང ། གྲུལ་བུམ་རྣམས་དང ། སྲུལ་པོ་རྣམས་དང ། ལུས་སྲུལ་པོ་རྣམས་དང ། རྡུལ་ཁྲོད་ཀྱི་ཤ་ཟ་རྣམས་བདག་དང་ལྷན་ཅིག་གཏམ་འདྲེ་བར་བྱེད། ཕེབས་པར་སྨྲ་བར་བྱེད། སོ་སོར་ཀུན་དགའ་བར་བྱེད། རྟག་ཏུ་ཡང་ལྷན་ཅིག་གནས་པར་བྱེད་དོ། །མ་ཐོབ་བཞིན་དུ་བདག་གིས་མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་ཤེས་དང ། སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་སྡུག་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་རྣགས་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིགས་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། རུས་གོང་གི་འདུ་ཤེས་དང ། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཐོབ་བོ། །མ་ཐོབ་བཞིན་དུ་བདག་གིས་བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་
Ka86b
དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང ། རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པ་ཉིད་ཀྱི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཀྱི་རྣམ་གྲངས་དང ། སྔོན་གྱི་གནས་དང ། འཆི་འཕོ་བ་དང ། སྐྱེ་བ་དང ། ཟག་པ་ཟད་པ་ཐོབ་བོ། །བདག་ནི་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་དང ། གཉིས་ཀའི་ཆ་ལས་རྣམ་པར་གྲོལ་བ་ཡིན་ནོ་ཞེས་བྱ་བ་སྟེ། དགེ་སློང་གིས་གནས་འདི་ལྟ་བུ་བྱས་ན། བྱས་མ་ཐག་ཏུ་དགེ་སློང་དུ་མི་རུང་བར་འགྱུར་དགེ་སྦྱོང་དུ་མི་རུང ། ཤཱཀྱའི་སྲས་ཀྱིར་མི་རུང ། དགེ་སློང་གི་དངོས་པོ་ལས་ཉམས་པར་གྱུར་ཏེ། དེའི་དགེ་སྦྱོང་གི་ཚུལ་ཞིག་པར་འགྱུར་ཞིང ། ཉམས་པ་བཅོམ་པ་ལྟུང་བ་ཕམ་པར་འགྱུར་བ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན། ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ། འཕེལ་ཞིང་རྒྱས་པ་དང ། ཡངས་པར་འགྱུར་དུ་མི་རུང་བ་བཞིན་ནོ། །དེང་ཕྱིན་ཆད་ཁྱོད་སྤྱད་པ་མ་ཡིན་པ་དང ། བྱ་བ་མ་ཡིན་པ་དང ། སྤྱད་པ་མ་ཡིན་པ་སྤངས་པ་དེ་ལ་དྲན་པ་དང ། བག་ཡོད་པས་སེམས་ཤིན་ཏུ་བསྲུང་བར་བརྩོན་པར་གྱིས་ཤིག་།ཇི་ལྟར་གནས་འདི་ལྟ་བུ་ལ་མི་སྤྱོད་དམ། དེས་མི་སྤྱོད་ཅེས་བརྗོད་པར་བྱའོ། །དེ་ནི་ལྟུང་བར་འགྱུར་བའི་ཆོས་རྣམས་བརྗོད་པའོ། །དེའི་འོག་ཏུ་དགེ་སྦྱོང་དུ་བྱེད་བའི་ཆོས་རྣམས་བརྗོད་པར་བྱ་སྟེ། ཚེ་དང་ལྡན་པ་ཁྱོད་ཉོན་ཅིག་།བཞི་
Ka87a
༄#། །པོ་འདི་དག་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། དེ་ལྟར་རབ་ཏུ་བྱུང་བ་དང ། བསྙེན་པར་རྫོགས་པའི་དགེ་སློང་གི་དགེ་སྦྱོང་དུ་བྱེད་པའི་ཆོས་སུ་གསུངས་ཏེ། བཞི་གང་ཞེ་ན། ཚེ་དང་ལྡན་པ་ཁྱོད་ཀྱིས་དེང་ཕྱིན་ཆད་གཤེ་ཡང་སླར་མི་གཤེ་བར་བྱ་བ་དང ། ཁྲོས་ཀྱང་སླར་མི་ཁྲོ་བར་བྱ་བ་དང ། བརྡེགས་ཀྱང་སླར་མི་བརྡེགས་པར་བྱ་བ་དང ། མཚང་བྲུས་ཀྱང་སླར་མཚང་མི་བྲུ་བར་བྱའོ། །ཇི་ལྟར་གནས་འདི་ལྟ་བུ་ལ་སྤྱོད་དམ། དེས་སྤྱོད་དོ་ཞེས་བརྗོད་པར་བྱའོ། །དེ་ནི་དགེ་སྦྱོང་བྱེད་པའི་ཆོས་རྣམས་བརྗོད་པའོ།། དེའི་འོག་ཏུ་མཆོག་ཏུ་འདོད་པར་བྱ་བ་ཡང་དག་པ་ཉིད་ཀྱིས་རྫོགས་པ་ཉིད་བརྗོད་པར་བྱ་སྟེ། ཚེ་དང་ལྡན་པ་ཁྱོད་ཉོན་ཅིག་།ཁྱོད་སྔོན་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པའི་དགེ་སློང་གི་དངོས་པོ་ཐོབ་ཀྱང་ཅི་མ་རུང་སྙམ་དུ་སྨོན་པ་གང་ཡིན་པ་དེང་ཁྱོད་མཁན་པོར་འོས་པ་དང ། སློབ་དཔོན་དུ་འོས་པ་གཉིས་དང ། དགེ་འདུན་མཐུན་པ་དང ། གསོལ་བ་དང་བཞིའི་ལས་མི་གཡོ་བ་གཞག་པར་མི་འོས་པས་རབ་ཏུ་བྱུང་ཞིང་བསྙེན་པར་རྫོགས་སོ། །དེ་ནི་མཆོག་ཏུ་འདོད་པར་བྱ་བ་ཡང་དག་པ་ཉིད་ཀྱིས་རྫོགས་པ་ཉིད་བརྗོད་པའོ། །དེའི་འོག་ཏུ་ཚུལ་ཁྲིམས་ཀྱིས་མཉམ་པར་གྱུར་པ་ཉིད་སྒྲུབ་པ་ལ་ངེས་པར་སྦྱར་བར་བྱ་སྟེ། ཚེ་དང་ལྡན་པ་ཁྱོད་ཉོན་ཅིག་།བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་གིས་བསླབ་པ་གང་ལ་བསླབ་པར་བྱ་བ་དེ་ལ་
Ka87b
དེ་རིང་བསྙེན་པར་རྫོགས་པས་ཀྱང་བསླབ་བོ། །དེ་རིང་བསྙེན་པར་རྫོགས་པའི་དགེ་སློང་གིས་བསླབ་པ་གང་ལ་བསླབ་པར་བྱ་བ་དེ་ལ་བསྙེན་པར་རྫོགས་ནས་ལོ་བརྒྱ་ལོན་པས་ཀྱང་བསླབ་བོ། །དེ་ལྟ་ན་ཚུལ་ཁྲིམས་ཉིད་ཀྱིས་མཉམ་པ་དང ། བསླབ་པ་ཉིད་ཀྱིས་མཉམ་པ་དང ། སོ་སོར་ཐར་པའི་མདོ་འདོན་པ་ཉིད་ཀྱིས་མཉམ་པ་སྟེ་ཁྱོད་ཀྱིས་དེང་ཕྱིན་ཆད་བསྒྲུབ་པར་བྱའི་མི་བསྒྲུབ་པར་མི་བྱའོ། །དེ་ནི་ཚུལ་ཁྲིམས་ཀྱིས་མཉམ་པར་གྱུར་པ་ཉིད་སྒྲུབ་པ་ལ་ངེས་པར་སྦྱར་བའོ། །དེའི་འོག་ཏུ་ཚུལ་དང་འབྲེལ་བའི་གཟུགས་བརྙན་ལ་ངེས་པར་སྦྱར་བར་བྱ་སྟེ། དེང་ཕྱིན་ཆད་ཁྱོད་ཀྱིས་མཁན་པོ་ལ་ཕའི་འདུ་ཤེས་ཉེ་བར་གཞག་པར་བྱའོ། ། མཁན་པོས་ཀྱང་ཁྱོད་ལ་བུའི་འདུ་ཤེས་ཉེ་བར་གཞག་པར་བྱའོ། །ཁྱོད་ཀྱིས་དེང་ཕྱིན་ཆད་མཁན་པོ་ལ་ཇི་སྲིད་འཚོའི་བར་དུ་བསྙེན་བཀུར་བྱའོ། །མཁན་པོས་ཀྱང་ཁྱོད་ཤིའམ། སོས་ཀྱི་བར་དུ་ནད་གཡོག་བྱའོ། །དེ་ནི་ཚུལ་དང་འབྲེལ་བའི་གཟུགས་བརྙན་ལ་ངེས་པར་སྦྱར་བའོ། །དེའི་འོག་ཏུ་དུལ་བར་གནས་པ་ཉིད་ལ་ངེས་པར་སྦྱར་བར་བྱ་སྟེ། དེང་ཕྱིན་ཆད་ཁྱོད་ཀྱིས་ཚངས་པ་མཚུངས་པར་སྤྱོད་པ་རྣམས་དང ། གནས་བརྟན་རྣམས་དང ། བར་མ་རྣམས་དང ། གསར་བུ་རྣམས་ལ་གུས་པ་དང་བཅས་པ་དང ། ཞེས་དང་བཅས་པ་དང ། འཇིགས་པ་དང་བཅས་པའི་དབང་དུ་གྱུར་པར་གནས་པར་བྱའོ། །དེ་ནི་དུལ་བར་གནས་པ་ཉིད་ལ་ངེས་པར་སྦྱར་བར་བྱའོ། །དེའི་འོག་ཏུ་དགོས་པ་རྗེས་སུ་སྒྲུབ་པ་ལ་ངེས་པར་སྦྱར་བར་བྱ་སྟེ། དེང་ཕྱིན་ཆད་ཁྱོད་ཀྱིས་ལུང་མནོད་པར་བྱ། བཀླག་པར་བྱ། ཁ་ཏོན་དུ་བྱའོ། །ཕུང་པོ་ལ་
Ka88a
༄#། །མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་བར་འབྱུང་བ་ལ་མཁས་པ་དང ། གནས་དང་གནས་མ་ཡིན་པ་ལ་མཁས་པར་བྱའོ། །མ་ཐོབ་པ་ཐོབ་པར་བྱ་བ་དང ། མ་རྟོགས་པ་རྟོགས་པར་བྱ་བ་དང ། མངོན་དུ་མ་བྱས་པ་མངོན་དུ་བྱ་བའི་ཕྱིར་ཁྱོད་ཀྱིས་བརྩོན་པ་མི་འདོར་བར་བྱའོ། །དེ་ནི་དགོས་པ་རྗེས་སུ་སྒྲུབ་པ་ལ་ཉེ་བར་སྦྱར་བའོ། །དེའི་འོག་ཏུ་མ་བརྗོད་པ་ཡང་དག་པར་བླངས་པ་ཡོངས་སུ་ཤེས་པའི་སྒྲུབ་པར་འགྱུར་བ་ཉིད་ཀྱང་བརྗོད་པར་བྱ་སྟེ། འདི་དག་ནི་ཁོ་བོས་ཁྱོད་ལ་བསླབ་པའི་གཞི་ཆེ་ལོང་ཆེ་ལོང་ཙམ་ཞིག་བརྗོད་པར་ཟད་དེ། གཞན་དག་ནི་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པའི་ཚེ་ཐོས་པར་འགྱུར་རོ། །གཞན་དག་ཀྱང་སློབ་དཔོན་དང ། མཁན་པོ་དང ། མཁན་པོ་གཅིག་པ་དང ། སློབ་དཔོན་གཅིག་པ་དང ། གཏམ་འདྲེས་པ་དང ། ཕེབས་པར་སྨྲ་བ་དང ། སྨོས་འདྲིན་དང ། འགྲོགས་བཤེས་རྣམས་ཀྱིས་ཀྱང་རྒྱ་ཆེར་སྟོན་པར་འགྱུར་རོ། །དེ་ནི་མ་བརྗོད་པ་ཡང་དག་པར་བླངས་པ་ཡོངས་སུ་ཤེས་པའི་སྒྲུབ་པར་འགྱུར་བ་ཉིད་བརྗོད་པའོ། །དེའི་འོག་ཏུ་གུས་པ་ལ་ཡང་ངེས་པར་སྦྱར་བར་བྱ་སྟེ། ཤེས་རབ་མཆོག་གི་བསྟན་པ་ལ། །ཁྱོད་ནི་བསྙེན་པར་རྫོགས་པར་འགྱུར། །དལ་དང་འབྱོར་པ་རྙེད་དཀའ་བས། ། འདི་དག་ཇི་ལྟ་བཞིན་དུ་བསྒྲུབས། །མཛེས་པ་རབ་ཏུ་དབྱུང་བ་དང ། །ཡོངས་སུ་དག་པ་བསྙེན་རྫོགས་པར། །རྫོགས་སངས་རྒྱས་ཀྱིས་རབ་མཁྱེན་ཏེ། །བདེན་པའི་མཚན་གྱིས་བཀའ་སྩལ་ཏོ། །དེ་ནི་གུས་པ་
Ka88b
ལ་ངེས་པར་སྦྱར་བའོ། །དེའི་འོག་ཏུ་བསྒྲུབ་པར་བྱ་བ་ཐབས་བརྗོད་པ་དང་བཅས་པ་ལ་ངེས་པར་སྦྱར་བར་བྱ་སྟེ། ཚེ་དང་ལྡན་པ་ཁྱོད་བསྙེན་པར་རྫོགས་ཟིན་གྱིས། བག་ཡོད་པར་སྒྲུབས་ཤིག་།དེ་ནི་བསྒྲུབ་པར་བྱ་བ་ཐབས་བརྗོད་པ་དང་བཅས་པ་ལ་ངེས་པར་སྦྱར་བའོ། །དགེ་སློང་བསྙེན་པར་རྫོགས་པར་བྱ་བའི་ཆོ་ག་རྫོགས་སོ།། །།འདུལ་བ་གཞི། བམ་པོ་དྲུག་པ། བར་སྡོམ་ལ། མ་ཞུས་ལྷུང་བཟེད་ཆོས་གོས་དང ། །ནད་གཡོག་འགྱོད་དང་ལྟ་བ་དང ། །ནན་ཏུར་བཟོད་དང་སྤོ་བ་དང ། །མགུ་དང་དབྱུང་བ་རྣམ་པ་བཅུ། །དེ་དག་དེ་ལྟར་རབ་ཏུ་བྱུང་ཞིང་བསྙེན་པར་རྫོགས་པ་ན། མཁན་པོ་དང་སློབ་དཔོན་ལ་ཞུ་བར་མི་བྱེད། ཡོངས་སུ་ཞུ་བར་མི་བྱེད། གུས་པར་མི་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་ལྷན་ཅིག་གནས་པ་དང ། ཉེ་གནས་རྣམས་ཀྱི་ཀུན་ཏུ་སྤྱོད་པའི་ཆོས་དག་བཅའ་བར་བྱ་བ་སྟེ། དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱི་མཁན་པོ་དང་སློབ་དཔོན་དག་ལ་མ་ཞུས་པར་གཙུག་ལག་ཁང་ཆག་ཆག་གདབ་པར་མི་བྱ། ཕྱག་དར་མི་བྱ། བ་ལང་གི་ལྕི་བ་སར་པས་བྱུག་པར་མི་བྱ། ལྷུང་བཟེད་ཀྱི་ལས་དང ། ཆོས་གོས་ཀྱི་ལས་མི་བྱ། དགེ་སློང་དེ་འདྲ་བ་མཁོས་སུ་དབབ་པར་མི་བྱ། དགེ་སློང་དེ་འདྲ་བ་ལ་འདག་རྫས་དང ། སོ་ཤིང་དག་བསྟབ་པར་མི་བྱ། ཁ་ཏོན་དང་དམིགས་ཀྱིས་དྲི་བར་མི་བྱའོ། །དགེ་སློང་ལྷན་ཅིག་གནས་པ་དང ། ཉེ་གནས་
Ka89a
༄#། །རྣམས་ཀྱིས་མཁན་པོ་དང་སློབ་དཔོན་དག་ལ་མ་ཞུས་པར་ལས་ཐམས་ཅད་མི་བྱ་སྟེ། བཤང་བ་དང ། གཅི་བ་དང ། སོ་ཤིང་དོར་བ་དང ། ཆུ་བ་བཏུང་བ་དང ། ཉེ་འཁོར་དང་བཅས་པའི་གཙུག་ལག་ཁང་དུ་མཆོད་རྟེན་ལ་ཕྱག་བྱ་བ་དང ། གཙུག་ལག་ཁང་ནས་འདོམ་བཞི་བཅུ་རྩ་དགུའི་མཐའ་ཚུན་ཆད་དུ་འགྲོ་བ་ནི་མ་གཏོགས་སོ། །འདི་ལྟ་སྟེ། མཁན་པོ་དང་སློབ་དཔོན་དག་གི་ལྷུང་བཟེད་ཀྱི་ལས་ཉེ་བར་གནས་པར་གྱུར་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ། །བདག་ཅག་གིས་མཁན་པོ་དང ། སློབ་དཔོན་དག་གི་ལྷུང་བཟེད་ཀྱི་ལས་བྱའོ་ཞེའམ། བྱེད་དུ་གཞུག་གོ་ཞེས་བརྩོན་བ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་གི་ཆོས་གོས་ཀྱི་ལས་ཉེ་བར་གནས་པར་གྱུར་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ།། བདག་ཅག་གིས་མཁན་པོ་དང་སློབ་དཔོན་དག་གི་ཆོས་གོས་ཀྱི་ལས་བྱའོ་ཞེའམ། བྱེད་དུ་གཞུག་གོ་ཞེས་བརྩོན་པ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན། དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་ན་བར་གྱུར་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས །
Ka89b
ེ་མའོ། །བདག་ཅག་གིས་མཁན་པོ་དང་སློབ་དཔོན་དག་གི་ནད་གཡོག་བྱའོ་ཞེའམ། བྱེད་དུ་གཞུག་གོ་ཞེས་བརྩོན་པ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་ལ་འགྱོད་པ་སྐྱེས་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ། ། བདག་ཅག་གིས་མཁན་པོ་དང་སློབ་དཔོན་དག་གི་འགྱོད་པ་བསལ་བར་བྱའོ་ཞེའམ། བྱེད་དུ་གཞུག་གོ་ཞེས་བརྩོན་པ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་ལ་སྡིག་པ་ཅན་གྱི་ལྟ་བའི་རྣམ་པ་སྐྱེས་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ། །བདག་ཅག་གིས་མཁན་པོ་དང་སློབ་དཔོན་དག་གི་སྡིག་པ་ཅན་གྱི་ལྟ་བའི་རྣམ་པ་སྤང་བར་བྱའོ་ཞེའམ། བྱེད་དུ་གཞུག་གོ་ཞེས་བརྩོན་པ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་ལ་དགེ་འདུན་གྱིས་ནན་ཏུར་གྱི་ལས་འདི་ལྟ་སྟེ ། བསྡིགས་པའི་ལས་དང ། སྨད་པའི་ལས་དང ། བསྐྲད་པའི་ལས་དང ། ཕྱིར་འགྱེད་པའི་ལས་དང ། མ་མཐོང་བས་གནས་ནས་དབྱུང་བའི་ལས་དང ། ཕྱིར་མི་འཆོས་པས་གནས་ནས་དབྱུང་བའི་
Ka90a
༄#། །ལས་དང ། སྡིག་པ་ཅན་གྱི་ལྟ་བའི་རྣམ་པ་མི་གཏོང་བས་གནས་ནས་དབྱུང་བའི་ལས་དེ་ལྟ་བུ་དག་བྱེད་འདོད་པར་གྱུར་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ། །དགེ་འདུན་གྱིས་མཁན་པོ་དང་སློབ་དཔོན་དག་ལ་ནན་ཏུར་གྱི་ལས་འདི་ལྟ་བུ་དག་མི་བྱའོ། །ཞེས་བརྩོན་པ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་ལ་དགེ་འདུན་གྱིས་ནན་ཏུར་གྱི་ལས་འདི་ལྟ་སྟེ། བསྡིགས་པའི་ལས་དང ། སྨད་པའི་ལས་དང ། བསྐྲད་པའི་ལས་དང ། ཕྱིར་འགྱེད་པའི་ལས་དང ། མ་མཐོང་བས་གནས་ནས་དབྱུང་བའི་ལས་དང ། ཕྱིར་མི་འཆོས་པས་གནས་ནས་དབྱུང་བའི་ལས་དང ། སྡིག་པ་ཅན་གྱི་ལྟ་བའི་རྣམ་པ་མི་གཏོང་བས་གནས་ནས་དབྱུང་བའི་ལས་དེ་ལྟ་བུ་དག་བྱས་པར་གྱུར་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ། །དགེ་འདུན་གྱིས་མཁན་པོ་དང་སློབ་དཔོན་དག་ལ་ནན་ཏུར་གྱི་ལས་འདི་ལྟ་བུ་བྱས་པ་སྐྲ་འགྲེང་བ་ལྟ་བུར་གྱུར། སྐྲ་ཞིག་པ་ལྟ་བུར་གྱུར་ཅིང ། དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད། འབྱུང་བར་སྐྱོང ། མཚུངས་པར་ཉེ་བར་སྟོན་ལ། མཚམས་ཀྱི་ནང་དུ་འོངས་ཏེ། བཟོད་པ་གསོལ་ཞིང་རྒྱུ་གང་གིས་ནན་ཏུར་གྱི་ལས་བྱས་པ་དེ་ཡང་སྤོང་བ་དག་ལ་བཟོད་པར་བྱའོ། །ཞེས་བརྩོན་པ་ཤས་
Ka90b
ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་ལ་དགེ་འདུན་ལྷག་མའི་ལྟུང་བ་བྱུང་བར་གྱུར་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ། །དགེ་འདུན་གྱིས་མཁན་པོ་དང་སློབ་དཔོན་དག་ལ་སྤོ་བ་དང ། གཞི་ནས་སྤོ་བ་སྦྱིན་པར་བྱའོ་ཞེས་བརྩོན་པ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་གིས་སྤོ་བ་དང ། གཞི་ནས་སྤོ་བ་སྤྱད་ཟིན་པར་གྱུར་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ། །དགེ་འདུན་གྱིས་མཁན་པོ་དང་སློབ་དཔོན་སྤོ་བ་དང་གཞི་ནས་སྤོ་བ་སྤྱད་ཟིན་པ་དག་ལ་མགུ་བར་བྱ་བ་དང ། གཞི་ནས་མགུ་བར་བྱ་བ་སྦྱིན་པར་བྱའོ། །ཞེས་བརྩོན་པ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས་གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། མཁན་པོ་དང་སློབ་དཔོན་དག་གིས་མགུ་བར་བྱ་བ་དང ། གཞི་ནས་མགུ་བར་བྱ་བ་སྤྱད་ཟིན་པར་གྱུར་ན། དེ་ལ་དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས། ཨེ་མའོ། །དགེ་འདུན་གྱིས་མཁན་པོ་དང་སློབ་དཔོན་མགུ་བར་བྱ་བ་དང ། གཞི་ནས་མགུ་བར་བྱ་བ་སྤྱད་ཟིན་པ་དག་ལ་དབྱུང་བ་སྦྱིན་པར་བྱའོ་
Ka91a
༄#། །ཞེས་བརྩོན་པ་ཤས་ཆེན་པོས་བསྒྲུབ་པར་བྱའོ། །གལ་ཏེ་བརྩོན་པར་བྱེད་ན་དེ་ལྟ་ན་ལེགས། གལ་ཏེ་བརྩོན་པར་མི་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་ལྷན་ཅིག་གནས་པ་དང ། ཉེ་གནས་རྣམས་ཀྱིས་མཁན་པོ་དང་སློབ་དཔོན་དག་ལ་ཇི་ལྟར་བསྒྲུབ་པར་བྱ་བ་དེ་བཞིན་དུ་མཁན་པོ་དང་སློབ་དཔོན་དག་གིས་ཀྱང་ལྷན་ཅིག་གནས་པ་དང ། ཉེ་གནས་རྣམས་ལ་བསྒྲུབ་པར་བྱ་སྟེ་ཞུ་བ་ནི་མ་གཏོགས་སོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་དབྱར་གནས་པར་ཞལ་གྱིས་བཞེས་སོ། །དེའི་ཚེ་ན་ཚེ་དང་ལྡན་པ་ཉེ་སྡེ་ལྗོངས་སུ་དབྱར་གནས་པར་ཁས་བླངས་ཤིང ། དེས་ལོ་གཅིག་ལོན་པ་ན། ལྷན་ཅིག་གནས་པ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་སོ། །དེ་ནས་ཚེ་དང་ལྡན་པ་ཉེ་སྡེ་དབྱར་ཟླ་བ་གསུམ་འདས་ནས། ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང ། ལོ་གཉིས་ལོན་པ་ལྷན་ཅིག་གནས་པ་ལོ་གཅིག་ལོན་པ་དང་ལྷན་ཅིག་ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་ག་ལ་བ་དེར་རྒྱུ་ཞིང་སོང་ནས། མཐར་གྱིས་རྒྱུ་ཞིང་འགྲོ་བ་ན་མཉན་ཡོད་དུ་ཕྱིན་ཏོ། །དེ་ནས་ཚེ་དང་ལྡན་པ་ཉེ་སྡེས་ལྷུང་བཟེད་དང་ཆོས་གོས་མཁོས་སུ་ཕབ་སྟེ། རྐང་པ་གཉིས་བཀྲུས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་པོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།སངས་རྒྱས་
Ka91b
བཅོམ་ལྡན་འདས་རྣམས་ཀྱི་ཆོས་ཉིད་ནི་དགེ་སློང་གློ་བུར་དུ་འོངས་པ་རྣམས་ལ། དགེ་སློང་ཁྱོད་ད་གཟོད་ག་ལས་འོངས། དབྱར་གང་དུ་གནས་པར་ཁས་བླངས་ཞེས་སོ་སོར་ཀུན་དགའ་བར་བྱ་བ་འདིས། སོ་སོར་ཀུན་དགའ་བར་མཛད་པ་ཡིན་པས། བཅོམ་ལྡན་འདས་ཀྱིས་ཚེ་དང་ལྡན་པ་ཉེ་སྡེ་ལ་བཀའ་སྩལ་པ། ཉེ་སྡེ་ཁྱོད་ད་གཟོད་ག་ལས་འོངས། དབྱར་གང་དུ་གནས་པར་ཁས་བླངས། བཙུན་པ་བདག་ད་གཟོད་ལྗོངས་ནས་མཆིས་ཏེ། དབྱར་ལྗོངས་སུ་གནས་པར་མཆིད་ཀྱིས་འཚལ་ཏོ། །ཉེ་སྡེ་ཁྱོད་ཀྱི་རིགས་ཀྱི་བུ་འདི་སུ་ཞིག་ཡིན། བཙུན་པ་བདག་གི་ལྷན་ཅིག་གནས་པ་ལགས་སོ། །ཉེ་སྡེ་ཁྱོད་ལོ་དུ་ལོན། ཁྱོད་ཀྱི་ལྷན་ཅིག་གནས་པ་ལོ་དུ་ལོན། བཙུན་པ་བདག་ནི་དགུང་ལོ་གཉིས་ལགས། བདག་གི་ལྷན་ཅིག་གནས་པས་ནི་དགུང་ལོ་གཅིག་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་རིགས་ཀྱི་བུ་ཉེ་སྡེས་དང་པོ་ཁོ་ནར་ཚོགས་བསྡུ་བར་བསམས་སོ། །དེ་ལྟ་བས་ན། ལོ་གཅིག་ལོན་པས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ། གནས་སྦྱིན་པར་མི་བྱ། དགེ་ཚུལ་ཉེ་བར་གཞག་པར་མི་བྱ་ཞིང ། བདག་ཉིད་ཀྱང་མི་གནས་པར་འདུག་པར་མི་བྱའོ། །ལོ་གཉིས་ལོན་པས་ཀྱང་མི་བྱ། ལོ་གསུམ་ལོན་པས་ཀྱང་མི་བྱ། ལོ་བཞི་ལོན་པས་ཀྱང་མི་བྱ། ལོ་ལྔ་ལོན་པས་ཀྱང་མི་བྱ། ལོ་དྲུག་ལོན་པས་ཀྱང་མི་བྱ། ལོ་བདུན་ལོན་བས་ཀྱང་མི་བྱ། ལོ་བརྒྱད་ལོན་པས་ཀྱང་མི་བྱ། ལོ་དགུ་ལོན་པས་ཀྱང་རབ་ཏུ་དབྱུང་
Ka92a
༄#། །བར་མི་བྱ། བསྙེན་པར་རྫོགས་པར་མི་བྱ། གནས་སྦྱིན་པར་མི་བྱ། དགེ་ཚུལ་ཉེ་བར་གཞག་པར་མི་བྱ་ཞིང ། བདག་ཉིད་ཀྱང་མི་གནས་པར་འདུག་པར་མི་བྱའོ། །ལོ་བཅུ་ལོན་པས་ནི་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །དེ་དག་བྱེ་བྲག་མེད་པར་བྱིས་པ་དང ། རྨོངས་པ་དང ། མི་གསལ་པ་དང ། མི་མཁས་པ་དག་གིས་ཀྱང་རབ་ཏུ་འབྱིན་པར་བྱེད་དེ། ཀྱེ་མ་དེ་དག་བདག་ཉིད་མ་དུལ་བར་གཞན་དུལ་བར་བྱེད་པ་དེ་ནི་གནས་མེད་ལ། བདག་ཉིད་མ་ཞི་བར་གཞན་ཞི་བར་བྱེད་པ་དང ། བདག་ཉིད་མ་གྲོལ་བར་གཞན་གྲོལ་བར་བྱེད་པ་དང ། བདག་ཉིད་ཡོངས་སུ་མྱ་ངན་ལས་མ་འདས་པར་གཞན་ཡོངས་སུ་མྱ་ངན་ལས་འདའ་བར་བྱེད་པ་དང ། བདག་ཉིད་འདམ་ལས་མ་རྒལ་བར་གཞན་འདམ་ལས་སྒྲོལ་བར་བྱེད་པ་དེ་ནི་གནས་མེད་དོ། །རྒན་ཞུགས་བྱིས་པ། རྨོངས་པ། མི་གསལ་བ། མི་མཁས་པ་ཞིག་གིས་གཞན་མུ་སྟེགས་ཅན་ཞིག་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ནས། དེས་དུས་དང་དུས་སུ་གདམས་ངག་དང ། རྗེས་སུ་བསྟན་པ་མ་ཐོབ་ནས་བསླབ་པ་ཕུལ་ཏེ་ཉམས་པར་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་
Ka92b
གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། བསྙེན་པར་རྫོགས་ནས་ལོ་བཅུ་ལོན་པའམ། ལྷག་པ་དང་ལྷན་ཅིག་གནས་པ་དང ། ཉེ་གནས་རྣམས་ཀྱི་ནད་གཡོག་བྱེད་དམ། བྱེད་དུ་འཇུག་ནུས་པ་དང ། ལྷན་ཅིག་གནས་པ་དང ། ཉེ་གནས་རྣམས་ལ་འགྱོད་པ་སྐྱེས་པ་སེལ་ཏམ། སེལ་དུ་འཇུག་ནུས་པ་དང ། ལྷན་ཅིག་གནས་པ་དང ། ཉེ་གནས་རྣམས་ལ་སྡིག་པ་ཅན་གྱི་ལྟ་བའི་རྣམ་པ་བྱུང་བ་སྤོང་ངམ། སྤོང་དུ་འཇུག་ནུས་པ་དང ། ཕྱོགས་གང་དུ་ལྷན་ཅིག་གནས་པ་དང ། ཉེ་གནས་རྣམས་མངོན་པར་མི་དགའ་ན་དེ་ལ་དོར་བའམ། འདོར་དུ་འཇུག་ནུས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། ། གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་
Ka93a
༄#། །པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། མདོ་སྡེ་ལ་མཁས་པ་དང ། འདུལ་བ་ལ་མཁས་པ་དང ། མ་མོ་ལ་མཁས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། མདོ་སྡེ་རིག་པ་དང ། འདུལ་བ་རིག་པ་དང ། མ་མོ་རིག་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་བར་བྱ་ཞིང ། བདག་ཉིད་ཀྱང་མི་གནས་པར་འདུག་བར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་
Ka93b
པ་དང ། མང་དུ་ཐོས་པ་དང ། མདོ་སྡེ་ལ་གསལ་བ་དང ། འདུལ་བ་ལ་གསལ་བ་དང ། མ་མོ་ལ་གསལ་བ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། ལྷན་ཅིག་གནས་པ་དང ། ཉེ་གནས་རྣམས་མདོ་སྡེ་འཛིན་དུ་འཇུག་ནུས་པ་དང ། འདུལ་བ་འཛིན་དུ་འཇུག་ནུས་པ་དང ། མ་མོ་འཛིན་དུ་འཇུག་ནུས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་པར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། ལྷག་པའི་ཚུལ་ཁྲིམས་ཀྱི་བསླབ་པ་ལ་སློབ་པ་དང ། ལྷག་བའི་སེམས་ཀྱི་བསླབ་བ་ལ་སློབ་པ་དང ། ལྷག་པའི་ཤེས་རབ་ཀྱི་
Ka94a
༄#། །བསླབ་པ་ལ་སློབ་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། ལྷན་ཅིག་གནས་པ་དང ། ཉེ་གནས་རྣམས་ལྷག་པའི་ཚུལ་ཁྲིམས་ཀྱི་བསླབ་པ་ལ་སློབ་ཏུ་འཇུག་ནུས་པ་དང ། ལྷག་པའི་སེམས་ཀྱི་བསླབ་པ་ལ་སློབ་ཏུ་འཇུག་ནུས་པ་དང ། ལྷག་པའི་ཤེས་རབ་ཀྱི་བསླབ་པ་ལ་སློབ་ཏུ་འཇུག་ནུས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། ལྷག་པའི་སྤྱོད་པ་ལ་སློབ་པ་དང ། ལྷག་པའི་འདུལ་བ་ལ་སློབ་པ་དང ། ལྷག་
Ka94b
པའི་སོ་སོར་ཐར་པ་ལ་སློབ་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། ལྷན་ཅིག་གནས་པ་དང ། ཉེ་གནས་རྣམས་ལྷག་པའི་སྤྱོད་པ་ལ་སློབ་ཏུ་འཇུག་ནུས་པ་དང ། ལྷག་པའི་འདུལ་བ་ལ་སློབ་ཏུ་འཇུག་ནུས་པ་དང ། ལྷག་པའི་སོ་སོར་ཐར་པ་ལ་སློབ་ཏུ་འཇུག་ནུས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། དད་པ་ཕུན་སུམ་ཚོགས་པ་དང ། ཚུལ་ཁྲིམས་ཕུན་སུམ་ཚོགས་པ་དང ། ཐོས་པ་ཕུན་སུམ་ཚོགས་པ་དང ། གཏོང་བ་ཕུན་སུམ་ཚོགས་པ་དང ། ཤེས་རབ་ཕུན་སུམ་ཚོགས་པ་སྟེ། ལོ་བཅུ་ལོན་
Ka95a
༄#། །པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་ཕུན་སུམ་ཚོགས་པ་དང ། ཏིང་འཛིན་ཕུན་སུམ་ཚོགས་པ་དང ། ཤེས་རབ་ཕུན་སུམ་ཚོགས་པ་དང ། རྣམ་པར་གྲོལ་བ་ཕུན་སུམ་ཚོགས་པ་དང ། རྣམ་པར་གྲོལ་བ་ཤེས་པ་དང་མཐོང་བ་ཕུན་སུམ་ཚོགས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། ། ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། བརྩོན་འགྲུས་བརྩམས་པ་དང ། ཤེས་རབ་དང་ལྡན་པ་དང ། དྲན་པ་དང་ལྡན་པ་སྟེ། ལོ་བཅུ་ལོན་པ་ཆོས་ལྔ་
Ka95b
པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། བརྩོན་འགྲུས་བརྩམས་པ་དང ། ཤེས་རབ་དང་ལྡན་པ་དང ། ནང་དུ་ཡང་དག་པར་གཞག་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ཚུལ་ཁྲིམས་དང་ལྡན་པ་དང ། མང་དུ་ཐོས་པ་དང ། བརྩོན་འགྲུས་བརྩམས་པ་དང ། ཤེས་རབ་དང་ལྡན་པ་དང ། མཉམ་པར་གཞག་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་
Ka96a
༄#། །ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། སློབ་པའི་ཚུལ་ཁྲིམས་ཀྱི་ཕུང་པོ་དང་ལྡན་པ་དང ། སློབ་པའི་ཏིང་ངེ་འཛིན་གྱི་ཕུང་པོ་དང་ལྡན་པ་དང ། སློབ་པའི་ཤེས་རབ་ཀྱི་ཕུང་པོ་དང་ལྡན་པ་དང ། སློབ་པའི་རྣམ་པར་གྲོལ་བའི་ཕུང་པོ་དང་ལྡན་པ་དང ། སློབ་པའི་རྣམ་པར་གྲོལ་བ་ཤེས་པ་དང་མཐོང་བའི་ཕུང་པོ་དང་ལྡན་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། མི་སློབ་པའི་ཚུལ་ཁྲིམས་ཀྱི་ཕུང་པོ་དང་ལྡན་པ་དང ། མི་སློབ་པའི་ཏིང་ངེ་འཛིན་གྱི་ཕུང་པོ་དང་ལྡན་པ་དང ། མི་སློབ་པའི་ཤེས་རབ་ཀྱི་ཕུང་པོ་དང་ལྡན་པ་དང ། མི་སློབ་པའི་རྣམ་པར་གྲོལ་བའི་ཕུང་པོ་དང་ལྡན་པ་དང ། མི་སློབ་པའི་རྣམ་པར་གྲོལ་བ་ཤེས་པ་དང་མཐོང་བའི་ཕུང་པོ་དང་ལྡན་
Ka96b
པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། བྱུང་བ་ཤེས་པ་དང ། བཅས་པ་ཤེས་པ་དང ། རྗེས་སུ་བཅས་པར་ཤེས་པ་དང ། བཀག་པ་ཤེས་པ་དང ། གནང་བ་ཤེས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། བར་དུ་གཅོད་པ་ཤེས་པ་དང ། བར་དུ་གཅོད་པ་མ་ཡིན་པ་ཤེས་པ་དང ། སྨྲ་བ་པོ་དང ། རྗེས་སུ་སྟོན་པ་དང ། ལྷན་ཅིག་གནས་པ་དང ། ཉེ་གནས་རྣམས་གནས་འཆར་གཞུག་ནུས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་
Ka97a
༄#། །པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འཇུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། བར་དུ་གཅོད་པ་ཤེས་པ་དང ། བར་དུ་གཅོད་པ་མ་ཡིན་པར་ཤེས་པ་དང ། སྨྲ་བ་པོ་དང ། རྗེས་སུ་སྟོན་པ་དང ། ལྷན་ཅིག་གནས་པ་དང ། ཉེ་གནས་རྣམས་རེ་ཞིག་གི་གནས་འཆར་གཞུག་ནུས་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །གཞན་ཡང་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ལྔ་གང་ཞེ་ན། ལྟུང་བ་ཤེས་པ་དང ། ལྟུང་བ་མ་ཡིན་པ་ཤེས་པ་དང ། ཡང་བ་ཤེས་པ་དང ། ལྕི་བ་ཤེས་པ་དང ། སོ་སོར་ཐར་པའི་མདོ་འདོན་པ་དང ། རྒྱས་པ་བཀླགས་པ་དང་ཐོན་པ་སྟེ། ལོ་བཅུ་ལོན་པ་ཆོས་ལྔ་པོ་དེ་དག་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ།
Ka97b
དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ལོ་བཅུ་ལོན་པ་ཆོས་ལྔ་དང་ལྡན་པས་རབ་ཏུ་དབྱུང་བར་བྱ། བསྙེན་པར་རྫོགས་པར་བྱ། གནས་སྦྱིན་པར་བྱ། དགེ་ཚུལ་ཉེ་བར་གཞག་པར་བྱ་ཞིང ། བདག་ཉིད་ཀྱང་མི་གནས་པར་འདུག་པར་བྱའོ། །ཞེས་བཀའ་སྩལ་ན། བཙུན་པ་དགེ་སློང་བསྙེན་པར་རྫོགས་ནས་ལོ་དྲུག་ཅུ་ལགས་ལ། དེས་སོ་སོར་ཐར་པའི་མདོ་གདོན་པ་དང ། རྒྱས་པ་བཀླགས་པ་དང ། ཐོན་པ་མ་ལགས་ན།་དེས་ཀྱང་གཞན་ལ་གནས་པས་མཆིས་པར་བགྱིའམ། ཉེ་བར་འཁོར་དེས་ཀྱང་གཞན་ལ་གནས་པས་འདུག་པར་བྱའོ། །བཙུན་པ་དེ་ལ་ཇི་སྐད་ཅེས་བགྱི། ཉེ་བར་འཁོར་གནས་བརྟན་བྱིས་པ་ཞེས་བྱའོ། །གང་ལ་གནས་པས་མཆིས་པར་བགྱི། གལ་ཏེ་ཆེས་རྒན་པ་ཡོད་ན། ཆེས་རྒན་པ་ལ་གནས་པས་འདུག་པར་བྱའོ། །གལ་ཏེ་ཆེས་རྒན་པ་མེད་ན། ཆེས་གཞོན་པ་ལ་གནས་པས་འདུག་པར་བྱའོ། །བཙུན་པ་ཅི་ལགས། དེས་དེ་ལ་ཐམས་ཅད་བགྱིའམ། ཉེ་བར་འཁོར་ཐམས་ཅད་བྱ་སྟེ། འདུད་པ་འབའ་ཞིག་མ་གཏོགས་སོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ཏུ་འོད་མའི་ཚལ་ཀ་ལན་དཀའི་གནས་སུ་དབྱར་གནས་པར་ཞལ་གྱིས་བཞེས་སོ། །དེའི་ཚེ་ན་རྒྱལ་པོའི་ཁབ་ཏུ་དགེ་སློང་གནས་བརྟན་དག་ནི་ཉུང ། གསར་བུ་དག་ནི་མང་དུ་དབྱར་གནས་པར་ཁས་
Ka98a
༄#། །བླངས་སོ། །དེ་ནས་བཅོམ་ལྡན་འདས་ཀྱིས་དབྱར་ཟླ་བ་གསུམ་འདས་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་ལྷོའི་རི་བོ་དག་ཏུ་ལྗོངས་རྒྱུར་གཤེགས་ཀྱིས། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ལྷོའི་རི་བོ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་ཀྱི་ལས་གྱིས་ཤིག་ཅེས་བསྒོ་ཞིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ཀྱི་བཀའ་མཉན་ནས་དགེ་སློང་རྣམས་ལ་ཚེ་དང་ལྡན་པ་དག་དེ་བཞིན་གཤེགས་པ་ལྷོའི་རི་བོ་དག་ཏུ་ལྗོངས་རྒྱུར་གཤེགས་ཀྱིས། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་ལྷོའི་རི་བོ་དག་ཏུ་ལྗོངས་རྒྱུར་འགྲོ་བར་སྤྲོ་བ་དེས། ཆོས་གོས་ཀྱི་ལས་གྱིས་ཤིག་ཅེས་བསྒོ་བ་དང ། དགེ་སློང་གནས་བརྟན་རྣམས་ཀྱིས་སྨྲས་པ། ཚེ་དང་ལྡན་པ་ཀུན་དགའ་བོ་བདག་ཅག་ནི་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་མི་ནུས་སོ། །དེ་ཅིའི་ཕྱིར་ཞེ་ན། བདག་ཅག་རྒས་པའི་ཕྱིར་རོ། །དགེ་སློང་གསར་བུ་རྣམས་ཀྱིས་ཀྱང་སྨྲས་པ། ཚེ་དང་ལྡན་པ་ཀུན་དགའ་བོ་བདག་ཅག་ཀྱང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་མི་ནུས་སོ། །དེ་ཅིའི་ཕྱིར་ཞེ་ན། བདག་ཅག་གསར་བུ་ཡིན་ལ། བདག་ཅག་གི་མཁན་པོ་དང་སློབ་དཔོན་དག་མི་འདོད་པས། བདག་ཅག་གི་མཁན་པོ་དང་སློབ་དཔོན་དག་མི་
Ka98b
འདོང་ན། བདག་ཅག་མྱུར་དུ་ལྡོག་པ་དང ། སྐྱེན་པར་ལྡོག་དགོས་པ་དང ། འདི་ལྟ་སྟེ། གནས་བཙལ་བས་ཡང་དང་ཡང་དུ་བཙལ་བར་བྱ་དགོས་པའི་ཕྱིར་རོ། །དེ་ནས་བཅོམ་ལྡན་འདས་དབྱར་ཟླ་བ་གསུམ་འདས་ནས། ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ཞིང་འཁོར་ཉུང་ཤས་ཤིག་དང་ལྷུང་བཟེད་དང་ཆོས་གོས་བསྣམས་ཏེ། ལྷོའི་རི་བོ་དག་ཏུ་ལྗོངས་རྒྱུར་གཤེགས་སོ། །སངས་རྒྱས་བཅོམ་ལྡན་འདས་ལྗོངས་རྒྱུར་གཤེགས་པ་རྣམས་ཀྱི་ཆོས་ཉིད་ནི་ལ་ལས་ལེགས་པར་མ་སྦྱངས་པ་དང ། ལེགས་པར་མ་བགོས་པ་དང ། ཁུར་ཐོགས་པའམ་གཅིག་ཏུ་མ་གྱུར་ཏམ་སྙམ་པས། སྐུ་ཐམས་ཅད་ཀྱི་གཡས་ནས་གླང་པོ་ཆེའི་ལྟ་སྟངས་ཀྱིས་རྣམ་པར་གཟིགས་པ་མཛད་པ་ཡིན་པས། དེ་ནས་བཅོམ་ལྡན་འདས་ཀྱིས་སྐུ་ཐམས་ཅད་ཀྱི་གཡས་ནས་གླང་པོ་ཆེའི་ལྟ་སྟངས་ཀྱིས་རྣམ་པར་གཟིགས་སོ། །བཅོམ་ལྡན་འདས་ལྗོངས་རྒྱུར་གཤེགས་པས་སྐུ་ཐམས་ཅད་ཀྱི་གཡས་ནས་གླང་པོ་ཆེའི་ལྟ་སྟངས་ཀྱིས་རྣམ་པར་གཟིགས་ན། དེ་བཞིན་གཤེགས་པའི་འཁོར་ཉུང་བར་གཟིགས་སོ། །གཟིགས་ནས་ཀྱང་སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་མི་རྨེད་པ། དུས་སུ་རྨེད་པ། དུས་ལ་ཡོལ་བར་མི་རྨེད་པ། དོན་དང་ལྡན་པ་རྨེད་པ། དོན་དང་མི་ལྡན་པ་མི་རྨེད་པས། སངས་རྒྱས་བཅོམ་ལྡན་འདས་རྣམས་ནི་དོན་དང་མི་ལྡན་པ་རྨེད་པ་ལ། ཆུ་ལོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་
Ka99a
༄#། །རྒྱས་བཅོམ་ལྡན་འདས་རྣམས་ནི་དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུ་དགའ་བོ་ལ་སྨྲས་པ། ཀུན་དགའ་བོ་ད་ལྟར་དེ་བཞིན་གཤེགས་པའི་འཁོར་ཉུང་བར་གྱུར་པའི་རྒྱུ་ནི་གང་ཡིན། རྐྱེན་ནི་གང་ཡིན། བཙུན་པ་རྒྱལ་པོའི་ཁབ་འདིར་དགེ་སློང་གནས་བརྟན་དག་ནི་ཉུང ། གསར་བུ་དག་ནི་མང་དུ་དབྱར་གནས་པར་མཆིས་ཀྱིས་འཚལ་ཅིང་དགེ་སློང་གནས་བརྟན་རྣམས་ནི་འདི་སྐད་ཅེས། ཚེ་དང་ལྡན་པ་ཀུན་དགའ་བོ། བདག་ཅག་ནི་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་མི་ནུས་སོ། །དེ་ཅིའི་ཕྱིར་ཞེ་ན། བདག་ཅག་རྒས་པའི་ཕྱིར་རོ་ཞེས་མཆི། དགེ་སློང་གསར་བུ་རྣམས་ཀྱང་འདི་སྐད་ཅེས། ཚེ་དང་ལྡན་པ་ཀུན་དགའ་བོ། བདག་ཅག་ཀྱང་བཅོམ་ལྡན་འདས་དང་ཐབས་ཅིག་ལྗོངས་རྒྱུར་འགྲོ་མི་ནུས་སོ། །དེ་ཅིའི་ཕྱིར་ཞེ་ན། བདག་ཅག་གསར་བུ་ཡིན་ལ། བདག་ཅག་གི་མཁན་པོ་དང་སློབ་དཔོན་མི་འདོང་བས། བདག་ཅག་གི་མཁན་པོ་དང་སློབ་དཔོན་དག་མི་གདོང་ན། མྱུར་དུ་ལྡོག་པ་དང ། སྐྱེན་པར་ལྡོག་དགོས་པ་དང ། འདི་ལྟ་སྟེ། གནས་བཙལ་བས་ཡང་དང་ཡང་དུ་བཙལ་བར་བྱ་དགོས་པའི་ཕྱིར་རོ་ཞེས་མཆི་སྟེ། བཙུན་པ་ད་ལྟར་དེ་བཞིན་གཤེགས་པའི་འཁོར་ཉུང་བར་གྱུར་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཀུན་དགའ་བོ་དེ་ལྟ་བས་ན། ལོ་ལྔ་ལོན་པ་ཆོས་ལྔ་དང་ལྡན་པས་མི་གནས་པར་
Ka99b
ལྗོངས་རྒྱུར་འགྲོ་བར་རྗེས་སུ་གནང་ངོ ། །ལྔ་གང་ཞེ་ན། ལྟུང་བ་ཤེས་པ་དང ། ལྟུང་བ་མ་ཡིན་པར་ཤེས་པ་དང ། ཡང་བ་ཤེས་པ་དང ། ལྕི་བ་ཤེས་པ་དང ། སོ་སོར་ཐར་བའི་མདོ་གདོན་པ་དང ། རྒྱས་པ་བཀླགས་པ་དང ། ཐོན་པ་སྟེ་ལོ་ལྔ་ལོན་པ་ཆོས་ལྔ་པོ་དེ་དག་དང་ལྡན་པས་མི་གནས་པར་ལྗོངས་རྒྱུར་འགྲོ་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ལོ་ལྔ་ལོན་པ་ཆོས་ལྔ་དང་ལྡན་པས་མི་གནས་པར་ལྗོངས་རྒྱུར་འགྲོ་བར་བྱའོ་ཞེས་བཀའ་སྩལ་ན། བཙུན་པ་དགེ་སློང་ལོ་དྲུག་ལགས་ལ། དེས་སོ་སོར་ཐར་པའི་མདོ་གདོན་པ་དང ། རྒྱས་པར་བཀླགས་པ་དང ། ཐོན་པ་མ་ལགས་ན། དེས་ཀྱང་མི་གནས་པར་ལྗོངས་རྒྱུར་མཆི་བར་བགྱིའམ། ཉེ་བར་འཁོར་མི་བྱ་སྟེ།་དེ་ཅིའི་ཕྱིར་ཞེ་ན། ཆོས་ལྔ་དང་ལྡན་པ་ལ་བཅའ་བ་བརྟེན་པའི་ཕྱིར་རོ། །བཙུན་པ་ལོ་བཞི་ལགས་ལ། དེས་སོ་སོར་ཐར་བའི་མདོ་གདོན་པ་དང ། རྒྱས་པར་བཀླགས་པ་དང ། ཐོན་པ་ལགས་ན་དེས་ཀྱང་མི་གནས་པར་ལྗོངས་རྒྱུར་མཆི་བར་བགྱིའམ། ཉེ་བར་འཁོར་མི་བྱ་སྟེ། དེ་ཅིའི་ཕྱིར་ཞེ་ན། ལོ་ལྔ་ལོན་པ་ལ་བཅའ་བ་བརྟེན་པའི་ཕྱིར་རོ། །བཙུན་པ་གསུམ་རིག་པ་དྲི་མ་གསུམ་སྤངས་ལ། དེ་ལོ་ལྔ་མ་ལགས་ཤིང་ཆོས་ལྔ་དང་མི་ལྡན་ན། དེས་ཀྱང་མི་གནས་པར་ལྗོངས་རྒྱུར་མཆི་བར་མི་བགྱིའམ། ཉེ་བར་འཁོར་མི་བྱའོ། །བར་སྡོམ་ལ། ལོ་བཅུ་འཛིན་དང་མཁས་པ་དང ། །རིག་དང་
Ka100a
༄#། །གསལ་དང་འཛིན་འཇུག་དང ། །སློབ་དང་སློབ་འཇུག་རྣམ་པ་གཉིས། །ཕུན་སུམ་ཚོགས་གཉིས་རྣམ་པ་གསུམ། །སློབ་དང་མི་སློབ་བྱུང་ཤེས་དང ། །གནས་འཆའ་འཆར་གཞུག་ལྟུང་བ་ཤེས། །ལྷོ་ཡི་རི་ལ་རྒྱུ་བ་ཡི། །སྔ་ཚན་ཡང་དག་བསྡུས་པ་ཡིན། །གནས་ཀྱི་སྐབས་རྫོགས་སོ། །སྡོམ་ལ། མུ་སྟེགས་ཅན་དང་ཉི་ཤུ་དང ། །དགེ་ཚུལ་བཅོ་ལྔ་མ་ལོན་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་རྒན་ཞུགས་བྱིས་པ་རྨོངས་པ་མི་གསལ་བ་མི་མཁས་པ་ཞིག་གིས་གཞན་མུ་སྟེགས་ཅན་ཞིག་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་པ་ན། དགེ་སློང་རྣམས་དང་ལྷན་ཅིག་རྩོད་པ་འགའ་ཞིག་བྱུང་ནས་བསླབ་པ་ཕུལ་ཏེ། སྔོན་གྱི་མུ་སྟེགས་ཅན་གྱི་གནས་དེ་ཉིད་དུ་སོང་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་ལྟར་མི་གཏི་མུག་ཅན་དེ་ལེགས་པར་གསུངས་པའི་ཆོས་འདུལ་བ་གྱ་ནོམ་བ་འདི་ལྟ་བུ་སྤངས་ནས། སྔོན་གྱི་མུ་སྟེགས་ཅན་གྱི་གནས་དེ་ཉིད་དུ་སོང་བ་སྟེ། དགེ་སློང་དག་འདི་ལྟ་སྟེ། དཔེར་ན་ཁྱི་བཀྲེས་པ་ཉམ་ཆུང་བས་ཡོངས་སུ་གཟིར་བ་ནི། བཟའ་བ་དང་བཅའ་བ་གྱ་ནོམ་པ་སྤངས་ནས་བཤང་བ་བཟའ་བར་བྱའོ་སྙམ་དུ་སེམས་སོ། །དགེ་སློང་དག་དེ་བཞིན་དུ་མི་གཏི་མུག་ཅན་དེས་
Ka100b
ཀྱང་ལེགས་པར་གསུངས་པའི་ཆོས་འདུལ་བ་གྱ་ནོམ་པ་འདི་ལྟ་བུ་སྤངས་ནས། སྔོན་གྱི་མུ་སྟེགས་ཅན་གྱི་གནས་དེ་ཉིད་དུ་སོང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།་དགེ་སློང་དག་དེ་ལྟ་བས་ན། ཉེ་དུ་ཤཱཀྱ་དང་མེ་པ་རལ་པ་ཅན་མ་གཏོགས་པ་སེམས་མགུ་བར་མ་གྱུར་པའི་མུ་སྟེགས་ཅན་རབ་ཏུ་དབྱུང་བར་མི་བྱ་ཞིང ། བསྙེན་པར་རྫོགས་པར་མི་བྱའོ། །གལ་ཏེ་ཉེ་དུ་ཤཱཀྱ་མུ་སྟེགས་ཅན་གྱི་རྒྱལ་མཚན་གྱིས་འོངས་ཤིང ། གལ་ཏེ་ལོགས་པར་གསུངས་པའི་ཆོས་འདུལ་བ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འདོད་ན། དགེ་སློང་དག་དེ་རབ་ཏུ་དབྱུང་བར་བྱ་ཞིང་བསྙེན་པར་རྫོགས་པར་བྱའོ། །དེ་ཅིའི་ཕྱིར་ཞེ་ན། དགེ་སློང་དག་ང་ནི་ཉེ་དུ་རྣམས་ལ་ཉེ་དུའི་ཡོངས་སུ་སྤང་བ་སྦྱིན་པར་བྱེད་པའི་ཕྱིར་རོ། །གལ་ཏེ་གཞན་མུ་སྟེགས་ཅན་ཀུན་ཏུ་རྒྱུ་འོངས་ཤིང ། གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འདོད་ན་དགེ་སློང་དག་དེ་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པ་སྦྱིན་པར་བྱ་བར་ཤེས་པར་གྱིས་ཤིག་།དགེ་སློང་དག་གཞན་མུ་སྟེགས་ཅན་གནས་པ་སྤྱད་ནས་སེམས་མགུ་བར་གྱུར་ན། རབ་ཏུ་དབྱུང་བར་བྱ། བསྙེན་པར་རྫོགས་པར་བྱའོ། །བཅོམ་ལྡན་འདས་ཀྱིས་གཞན་མུ་སྟེགས་ཅན་ཟླ་བ་བཞིའི་བར་དུ་མཁན་བོས་སྦྱར་བའི་གོས་དག་གིས་གནས་པ་སྦྱིན་པར་བྱའོ་ཞེས་བཀའ་སྩལ་
Ka101a
༄#། །ནས། དགེ་སློང་རྣམས་ཀྱིས་ཇི་ལྟར་སྦྱིན་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འགའ་ཞིག་གི་གན་དུ་གཞན་མུ་སྟེགས་ཅན་རབ་ཏུ་འབྱུང་བར་འདོད་པ་འོངས་ན། དེས་དེ་ལ་བར་ཆད་ཀྱི་ཆོས་རྣམས་དྲིས་ནས་གཟུང་བར་བྱའོ། །བཟུང་ནས་གསུམ་ལ་སྐྱབས་སུ་འགྲོ་བ་དང་དགེ་བསྙེན་ཉིད་དུ་ཁས་བླངས་པས་དགེ་བསྙེན་གྱི་སྡོམ་པ་སྦྱིན་པར་བྱའོ། །དེའི་འོག་ཏུ་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། རྒན་རིམས་ཀྱིས་ཕྱག་འཚལ་དུ་བཅུག་ནས་ཙོག་ཙོག་པོར་འདུག་ཏུ་བཅུག་སྟེ། ཐལ་མོ་སྦྱོར་དུ་བཅུག་ནས་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་མུ་སྟགས་ཅན་མིང་འདི་ཞེས་བགྱི་བ། མིང་འདི་ཞེས་བགྱི་བ་ལས་རབ་ཏུ་འབྱུང་བར་འཚལ་ཏེ།་བདག་མུ་སྟེགས་ཅན་མིང་འདི་ཞེས་བགྱི་བ་ལ་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པར་དགེ་འདུན་ལ་གསོལ་ན། ཐུགས་བརྩེ་བ་ཅན་དགེ་འདུན་བཙུན་པ་རྣམས་ཀྱིས་ཐུགས་བརྩེ་བའི་སླད་དུ། བདག་མུ་སྟེགས་ཅན་མིང་འདི་ཞེས་བགྱི་བ་ལ་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པར་བགྱི་བ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བཟླས། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །འདི་ལྟར་བྱ་སྟེ། འདུག་ལ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ་
Ka101b
མུ་སྟེགས་ཅན་མིང་འདི་ཞེས་བགྱི་བ། མིང་འདི་ཞེས་བགྱི་བ་ལས་རབ་ཏུ་འབྱུང་བར་འཚལ་ཏེ། མུ་སྟེགས་ཅན་མིང་འདི་ཞེས་བགྱི་བ་འདི་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པར་དགེ་འདུན་ལ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མུ་སྟེགས་ཅན་མིང་འདི་ཞེས་བྱ་བ་ལ་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། མུ་སྟེགས་ཅན་མིང་འདི་ཞེས་བགྱི་བ་འདི་མིང་འདི་ཞེས་བགྱི་བ་ལས་རབ་ཏུ་འབྱུང་བར་འཚལ་ནས་མུ་སྟེགས་ཅན་མིང་འདི་ཞེས་བགྱི་བ་འདི་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པར་དགེ་འདུན་ལ་གསོལ་ཏེ། དེའི་སླད་དུ་དགེ་འདུན་གྱིས་མུ་སྟེགས་ཅན་མིང་འདི་ཞེས་བགྱི་བ་ལ་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པར་སྩོལ་ན། ཚེ་དང་ལྡན་པ་གང་དག་མུ་སྟེགས་ཅན་མིང་འདི་ཞེས་བགྱི་བ་ལ་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པ་སྩལ་བར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དག་ནི་གསུངས་ཤིག་།འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མུ་སྟེགས་ཅན་མིང་འདི་ཞེས་
Ka102a
༄#། །བགྱི་བ་ལ་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་གཞན་མུ་སྟེགས་ཅན་གང་ལ་ཟླ་བ་བཞིའི་བར་དུ་མཁན་པོས་སྦྱར་བའི་གོས་དག་གིས་གནས་པ་བྱིན་པ་དེའི་ཟན་ནི་དགེ་འདུན་ལས་སོ། །གོས་ནི་མཁན་པོ་ལས་སོ། །ལས་ནི་དགེ་ཚུལ་གྱི་གྲལ་རིམས་བཞིན་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་གཞན་མུ་སྟེགས་ཅན་གནས་པ་སྤྱད་ནས་སེམས་མགུ་པར་གྱུར་ན། རབ་ཏུ་དབྱུང་བར་བྱ། བསྙེན་པར་རྫོགས་པར་བྱའོ། །ཞེས་བཀའ་སྩལ་ན། བཙུན་པ་ཇི་ཙམ་གྱིས་ན་གཞན་མུ་སྟེགས་ཅན་སེམས་མགུ་བར་གྱུར་པ་ཞེས་བརྗོད་པར་བགྱི། ཉེ་བར་འཁོར་གཞན་མུ་སྟེགས་ཅན་གྱི་མདུན་དུ་སངས་རྒྱས་ཀྱི་བསྔགས་པ་ཡང་དག་པར་བརྗོད་པར་བྱ། ཆོས་དང་དགེ་འདུན་གྱི་བསྔགས་པ་ཡང་དག་པར་བརྗོད་པར་བྱ་ཞིང ། མུ་སྟེགས་ཅན་རྣམས་ཀྱི་བསྔགས་པ་མ་ཡིན་པ་ཡང་དག་པར་བརྗོད་པར་བྱའོ། །ཉེ་བར་འཁོར་གལ་ཏེ་གཞན་མུ་སྟེགས་ཅན་སངས་རྒྱས་ཀྱི་བསྔགས་པ་ཡང་དག་པར་བརྗོད། ཆོས་དང་དགེ་འདུན་གྱི་བསྔགས་པ་ཡང་དག་པར་བརྗོད་ཅིང ། མུ་སྟེགས་ཅན་རྣམས་ཀྱིས་བསྔགས་པ་མིན་པ་ཡང་དག་པར་བརྗོད་པ་ན། ནང་པར་བྱེད། འཁྲུག་པར་བྱེད། ཁྲོ་བར་བྱེད་ཅིང་ཡུལ་ཡུལ་པོར་འདུག་པར་
Ka102b
བྱེད། ཁྲོ་བ་སྐྱེད་པར་བྱེད་ན། གཞན་མུ་སྟེགས་ཅན་སེམས་མགུ་བར་མ་གྱུར་པ་ཞེས་བརྗོད་པར་བྱའོ། །ཉེ་བར་འཁོར་གལ་ཏེ་གཞན་མུ་སྟེགས་ཅན་སངས་རྒྱས་ཀྱི་བསྔགས་པ་ཡང་དག་པར་བརྗོད། ཆོས་དང་དགེ་འདུན་གྱི་བསྔགས་པ་ཡང་དག་པར་བརྗོད་ཅིང ། མུ་སྟེགས་ཅན་རྣམས་ཀྱི་བསྔགས་པ་མ་ཡིན་པ་ཡང་དག་པར་བརྗོད་པ་ན། ནང་པར་མི་བྱེད། འཁྲུག་པར་མི་བྱེད། ཁྲོ་བར་མི་བྱེད་ཅིང་ཡུལ་ཡུལ་པོར་འདུག་པར་མི་བྱེད། ཁྲོ་བ་སྐྱེད་པར་མི་བྱེད་ན། ཉེ་བར་འཁོར་དེ་ཙམ་གྱིས་ན། གཞན་མུ་སྟེགས་ཅན་སེམས་མགུ་བ་ཞེས་བརྗོད་པར་བྱའོ། །དགེ་སློང་དག་མེ་པ་རལ་པ་ཅན་དག་རབ་ཏུ་དབྱུང་བར་བྱ་ཞིང ། བསྙེན་པར་རྫོགས་པར་བྱའོ། །དེ་ཅིའི་ཕྱིར་ཞེ་ན། དགེ་སློང་དག་མེ་པ་རལ་པ་ཅན་དག་ནི་ལས་སྨྲ་བ་དང ། མེ་པ་རལ་པ་ཅན་དག་ནི་བྱ་བ་སྨྲ་བ་དང ། རྒྱུ་སྨྲ་བ་དང ། བརྩོན་འགྲུས་སྨྲ་བ་ཡིན་པའི་ཕྱིར་རོ། །དགེ་སློང་དག་དེ་ལྟ་བས་ན། འདི་ལྟར་བསླབ་པར་བྱ་སྟེ། ལས་སྨྲ་བར་འགྱུར་བ་དང ། བྱ་བ་སྨྲ་བ་དང ། རྒྱུ་སྨྲ་བ་དང ། བརྩོན་འགྲུས་སྨྲ་བར་འགྱུར་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོས། ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང་བསྙེན་པར་རྫོགས་པར་བྱས་པ་དེའི་ཚེ་ན། དེ་དག་མཚན་
Ka103a
༄#། །མོའི་ཐོ་རངས་ཀྱི་དུས་ཀྱི་ཚེ། བཀྲེས་པའི་ཉམ་ཆུང་བས་ཡོངས་སུ་གཟིར་ནས་ངུའོ། །བཅོམ་ལྡན་འདས་ཀྱིས་མཚན་མོའི་ཐོ་རངས་ཀྱི་དུས་ཀྱི་ཚེ། ཀུན་དགའ་ར་བའི་ནང་ན་བྱིས་པ་ཁྱེའུ་རབ་ཏུ་མང་པོ་དག་དུ་བའི་སྒྲ་གསན་ཏོ། །གསན་ནས་ཀྱང་སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་པ། མཁྱེན་ཀྱང་མི་རྨེད་པ། དུས་སུ་རྨེད་པ། དུས་ལས་ཡོལ་བར་མི་རྨེད་པ། དོན་དང་ལྡན་པ་རྨེད་པ། དོན་དང་མི་ལྡན་པ་མི་རྨེད་པས། སངས་རྒྱས་བཅོམ་ལྡན་འདས་རྣམས་ནི་དོན་དང་མི་ལྡན་པ་རྨེད་པ་ལ་ཆུ་ལོན་གྱིས་ཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་ནི་དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་སྨྲས་པ། ཀུན་དགའ་བོ་མཚན་མོའི་ཐོ་རངས་ཀྱི་དུས་ཀྱི་ཚེ། ཀུན་དགའ་ར་བའི་ནང་ན་བྱིས་པ་ཁྱེའུ་རབ་ཏུ་མང་པོ་ངུ་བ་འདི་དག་སུ། བཙུན་པ་འདི་དག་ནི་ཚེ་དང་ལྡན་པ་མོའུ་དགལ་གྱི་བུ་ཆེན་པོས། ཉེ་བར་འཁོར་ལ་སོགས་པ་སར་པ་སྐྱེས་ཕྲན་གཞོན་ནུ་བཅུ་བདུན་སྡེའི་ཚོགས་དག་རབ་ཏུ་ཕྱུང་ཞིང་བསྙེན་པར་རྫོགས་པར་བགྱིས་པ་དེ་དག་མཚན་མོའི་ཐོ་རངས་ཀྱི་དུས་ཀྱི་ཚེ། བཀྲེས་པའི་ཉམ་ཆུང་བས་ཡོངས་སུ་གཟིར་ཏེ་ངུ་བ་ལགས་སོ། །ཀུན་དགའ་བོ་དགེ་སློང་དག་གང་ཟག་ལོ་ཉི་ཤུ་མ་ལོན་པ་དགེ་སློང་གི་དངོས་
Ka103b
པོར་བསྙེན་པར་རྫོགས་པར་བྱེད་དམ། བཙུན་པ། བགྱིད་དོ། །ཀུན་དགའ་བོ། བསྙེན་པར་རྫོགས་པར་མི་བྱའོ། །དེ་ཅིའི་ཕྱིར་ཞེ་ན། ཀུན་དགའ་བོ་གང་ཟག་ལོ་ཉི་ཤུ་མ་ལོན་བས་ནི་གྲང་པ་དང ། ཚ་བ་དང ། བཀྲེས་པ་དང ། སྐོམ་པ་དང ། ཤ་སྦྲང་དང ། སྦྲང་བུ་མཆུ་རིངས་དང ། རླུང་དང ། ཉི་མ་དང ། སྡིག་སྦྲུལ་དག་གིས་རེག་པ་དག་དང ། གཞན་ལས་ཚིག་གི་ལམ་ངན་པ་སྨྲས་པ་དང ། ངན་པ་འོངས་པ་དག་དང ། ལུས་ཀྱི་ཚོར་བ་སྡུག་བསྔལ་མི་བཟད་པ་རྩུབ་པ་ཆེ་བ་ཡིད་དུ་མི་འོང་བ་སྲོག་འཕྲོག་པར་བྱེད་པ་བྱུང་ངོ་ཅོག་དག་མི་བཟོད་ཅིང་ཟག་པ་དག་ལ་ཇི་མི་སྙམ་པར་བྱ་བ་ཡང་མི་བཟོད་ཅིང ། དང་དུ་ལེན་མི་ནུས་པའི་རང་བཞིན་ཅན་ཡིན་པའི་ཕྱིར་དང ། གང་ཟག་ལོ་ཉི་ཤུ་ལོན་པ་ནི་གྲང་བ་དང ། ཚ་བ་དང ། བཀྲེས་པ་དང ། སྐོམ་པ་དང ། ཤ་སྦྲང་དང ། སྦྲང་བུ་མཆུ་རིངས་དང ། རླུང་དང ། ཉི་མ་དང ། སྡིག་སྦྲུལ་གྱི་རེག་པ་དག་དང ། གཞན་ལས་ཚིག་གི་ལམ་ངན་པ་སྨྲས་པ་དང ། ངན་པ་འོངས་པ་དག་དང ། ལུས་ཀྱི་ཚོར་བ་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བ་སྲོག་འཕྲོག་པ་བྱེད་པ་བྱུང་ངོ་ཅོག་བཟོད་ཅིང་ཟག་པ་དག་ལ་ཇི་མི་སྙམ་པར་བྱ་བ་ཡང་བཟོད་ཅིང ། དང་དུ་ལེན་ནུས་པའི་རང་བཞིན་ཅན་ཡིན་པའི་ཕྱིར་རོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་གང་ཟག་ལོ་ཉི་ཤུ་མ་ལོན་པ་དགེ་སློང་གི་དངོས་
Ka104a
༄#། །པོར་བསྙེན་པར་རྫོགས་པར་བྱེད་པ་ལས་གྱུར་པ་ཡིན་ནོ་སྙམ་ནས་བཀའ་སྩལ་བ། དེ་ལྟ་བས་ན། དགེ་སློང་གིས་གང་ཟག་ལོ་ཉི་ཤུ་མ་ལོན་པ་དགེ་སློང་གི་དངོས་པོར་བསྙེན་པར་རྫོགས་པར་མི་བྱའོ། །འགའ་ཞིག་གི་གན་དུ་བསྙེན་པར་རྫོགས་པར་འདོད་པ་འོངས་ན། དེས་དེ་ལ་ལོ་ཉི་ཤུ་ལོན་ནམ་ཞེས་དྲི་བར་བྱའོ། །མ་དྲིས་པར་བསྙེན་པར་རྫོགས་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། མཉན་ཡོད་ན་ཁྱིམ་བདག་ཅིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་དེའི་བུ་བྱུང་ནས། བསྲིངས་ཤིང་སྐྱེད་དེ་ཆེན་པོར་གྱུར་ཏོ། །དེ་ནས་དུས་གཞན་ཞིག་ན། ཁྱིམ་བདག་དེ་ཉེ་དུ་ཟད་པར་གྱུར་ཅིང ། ནོར་ཟད་བ་དང ། ལོངས་སྤྱོད་ཟད་པར་གྱུར་ནས། དེས་བསམས་པ། བདག་གིས་རྒས་པའི་གནས་སྐབས་སུ་ནོར་བསྒྲུབ་པར་མི་ནུས་ཀྱི་རབ་ཏུ་འབྱུང་བར་བྱའོ་སྙམ་ནས། དེས་བུ་དེ་ལ་སྨྲས་པ།་བུ་ཁོ་བོས་རྒས་པའི་གནས་སྐབས་སུ་ནོར་བསྒྲུབ་པར་མི་ནུས་ཀྱིས། ཁོ་བོ་རབ་ཏུ་འབྱུང་དུ་འགྲོའོ། །དེས་སྨྲས་པ། ཡབ་གལ་ཏེ་ཁྱོད་རབ་ཏུ་འབྱུང་ན་བདག་ཀྱང་རབ་ཏུ་འབྱུང་ངོ ། །
Ka104b
བུ་དེ་བཞིན་གྱིས་ཤིག་ཅེས་དེས་དེ་ཁྲིད་ནས་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་སོང་ནས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་སྨྲས་པ། ཁྱོད་ཀྱི་ཁྱེའུ་འདི་སུ་ཡིན། བུ་ལགས་སོ། །འདི་ཡང་རབ་ཏུ་འབྱུང་ངམ། འཕགས་པ་རབ་ཏུ་འབྱུང་ངོ ། །དེས་དེ་ལ་ཆགས་པས་གཉི་ག་ཡང་རབ་ཏུ་ཕྱུང་ནས། དེའི་འོག་ཏུ་ཉི་མ་གཉིས་སམ། གསུམ་དུ་ཀུན་ཏུ་སྤྱོད་པའི་ཆོས་དག་སློབ་ཏུ་བཅུག་ནས་སྨྲས་པ། བཞིན་བཟང་དག། རི་དྭགས་ཀྱིས་རི་དྭགས་མི་སོས། མཉན་ཡོད་རྒྱ་ཆེ་ལ་རང་གི་སྤྱོད་ཡུལ་དང་ཡབ་ཀྱི་ཡུལ་ཡིན་གྱིས། བསོད་སྙོམས་བསྒྲུབས་ལ་འཚོ་བར་གྱིས་ཤིག་།དེས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། དགེ་ཚུལ་དེ་ཉིད་དང་ལྷན་ཅིག་མཉན་ཡོད་དུ་བསོད་སྙོམས་ལ་ཞུགས་སོ། །དགེ་ཚུལ་དེས་སྲང་ཞིག་ན་འཁུར་བ་བསྲེགས་པ་མཐོང་ནས། དེས་སྨྲས་པ། ཡབ་བདག་ལ་འཁུར་བ་སྦྱིན་དུ་ཆུག་ཅིག་།དེས་སྨྲས་པ། བཞིན་བཟང་དགེ་ཚུལ་འདི་ལ་འཁུར་བ་བྱིན་ཅིག་དེས་སྨྲས་པ། འཕགས་པ་རིན་མ་མཆིས་པར་མི་གསོལ་གྱི། འདི་ལྟར་ཀར་ཤ་པ་ན་དག་གི་སླད་དུ་གསོལ་ལོ། །བཞིན་བཟང་ཁོ་བོ་ཅག་ནི་རབ་ཏུ་བྱུང་བ་ཡིན་པས། ཁོ་བོ་ཅིག་ལ་ཀར་ཤ་པ་ན་དག་ག་ལ་ཡོད། དེས་སྨྲས་པ།་འཕགས་པ་ཅི་ལགས། དགེ་ཚུལ་འདི་ཁྱོད་རབ་ཏུ་བྱུང་བས་བསྐྱེད་དམ། འོན་ཏེ་ཁྱིམ་པས་བསྐྱེད། དེས་སྨྲས་པ། ཁྱིམ་པས་སོ། །དེ་ལྟ་ན་བསགས་པ་དེ་དག་སྩོལ་ཅིག་།དེས་སྨྲས་པ། དགེ་
Ka105a
༄#། །ཚུལ་འདི་བགྲང་བ་མང་པོ་དག་སློང་བར་བྱེད་ཀྱིས། ཚུར་ཤོག་འདོང་ངོ་ཞས་དས་དེ་སོར་མོ་དག་ནས་བཟུང་སྟེ་འཕགས་པ་དང ། དེ་གན་རྒྱལ་དུ་སྒྱེལ་ནས་དུ་བར་བརྩམས་སོ། །དེ་གཉིས་སྐྱེ་བོ་ཕལ་པོ་ཆེའི་ཚོགས་ཀྱིས་མཐོང་ནས། དེ་དག་གིས་སྨྲས་པ། ཤེས་ལྡན་དག་འདིའི་དགེ་ཚུལ་འདི་སུ་ཞིག་ཡིན། བུ་ཡིན་ནོ། །དེ་དག་ཁྲག་གི་ཐིག་པ་འདི་རབ་ཏུ་ཕྱུང་བས་ཅི་ཞིག་བྱ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་གང་ཟག་ལོ་བཅོ་ལྔ་མ་ལོན་པ་རབ་ཏུ་འབྱིན་པར་བྱེད་པ་ལས་གྱུར་པ་ཡིན་ནོ་སྙམ་ནས་བཀའ་སྩལ་པ། དེ་ལྟ་བས་ན། དགེ་སློང་གང་ཟག་ལོ་བཅོ་ལྔ་མ་ལོན་པ་རབ་ཏུ་དབྱུང་བར་མི་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན་དེས་དེ་ལ་ལོ་བཅོ་ལྔ་ལོན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ།། །།འདུལ་བ་གཞི། བམ་པོ་བདུན་པ། སྡོམ་ལ། དགེ་ཚུལ་གཉིས་དང་བྲན་དང་ནི། ། བུ་ལོན་ཆགས་དང་མ་གནང་དང ། །ཞུ་བ་དང་ནི་ནད་པ་དང ། །ཤཱཀྱའི་སྡེ་ཚན་བསྡུས་པ་ཡིན། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་
Ka105b
ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་དགའི་དགེ་ཚུལ་ཚེར་མ་དང ། ཆེན་པོ་བ་གཉིས་གཅིག་ལ་གཅིག་གཞོག་སྟེགས་དང་ཕྱར་གཡེང་དང ། ལུས་ལ་རྡེག་པར་བྱེད་ཅིང་འདི་ལྟ་སྟེ། དཔེར་ན་བུད་མེད་སྐྱེས་པ་དང་ལྷན་ཅིག་བྱེད་པ་དང ། སྐྱེས་པ་བུད་མེད་དང་ལྷན་ཅིག་བྱེད་པ་ལྟར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་དགེ་ཚུལ་གཉིས་ཉེ་བར་འཇོག་པ་ལས་གྱུར་པ་ཡིན་ནོ་སྙམ་ནས་བཀའ་སྩལ་པ། དེ་ལྟ་བས་ན་དགེ་སློང་གིས་དགེ་ཚུལ་གཉིས་ཉེ་བར་གཞག་པར་མི་བྱའོ། །ཉེ་བར་འཇོག་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གི་དགེ་ཚུལ་གཉིས་ཉེ་བར་གཞག་པར་མི་བྱའོ་ཞེས་བཀའ་སྩལ་ནས། གཞན་སྤུན་གཉིས་ཤིག་འོངས་ཏེ། བདག་ཅག་གཉིས་ཅིག་ཅར་ལྷན་ཅིག་ཏུ་རབ་ཏུ་འབྱུང་བར་བྱའོ། །ཞེས་ངེས་པར་བྱས་ཏེ་ལྷགས་པ་ན། དགེ་སློང་དག་དེ་གཉིས་རབ་ཏུ་འབྱིན་པར་མི་བྱེད་པས་དེ་གཉིས་རབ་ཏུ་འབྱུང་བ་མ་ཐོབ་པར་དོང་སྟེ། དེ་ཉིད་ཚེ་དང་ལྡན་པ་དེ་གཉིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་
Ka106a
༄#། །ལྡན་འདས་ཀྱིས་བཀའ་སྩལ་པ། གལ་ཏེ་སྤུན་གཉིས་ཤིག་འོངས་ཏེ། བདག་ཅག་གཉིས་ཅིག་ཅར་ལྷན་ཅིག་ཏུ་རབ་ཏུ་འབྱུང་བར་བྱའོ་ཞེས་ངེས་པར་བྱས་ཏེ་ལྷགས་ན་རབ་ཏུ་དབྱུང་བར་བྱའོ། །རབ་ཏུ་བྱུང་ནས་གལ་ཏེ་ལོ་ཉི་ཤུ་ལོན་ན་བསྙེན་པར་རྫོགས་པར་བྱའོ། །གལ་ཏེ་གཅིག་ལོ་ཉི་ཤུ་ལོན་ན་དེ་ལ་བསྙེན་པར་རྫོགས་པར་བྱ་ཞིང་ཅིག་ཤོས་དགེ་ཚུལ་དུ་ཉེ་བར་གཞག་པར་བྱའོ། །གལ་ཏེ་གཉི་ག་ལོ་ཉི་ཤུ་མ་ལོན་ན་གཅིག་བདག་ཉིད་ཀྱིས་ཉེ་བར་གཞག་པར་བྱ་ཞིང ། ཅིག་ཤོས་དགེ་སློང་གྲོགས་པོ་འགའ་ལ་གཏད་པར་བྱའོ། །གང་ལ་གཏད་པ་དེ་ཉིད་ཀྱིས་བསྙེན་པར་རྫོགས་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་གང་གི་ཡིན་པ་དེས་བསྙེན་པར་རྫོགས་པར་བྱའོ། །དེས་མི་སྟེར་ནས། བཅོམ་ལྡན་འདས་ཀྱིས་བཀའ་སྩལ་པ། མི་སྟེར་བ་ལས་མཐུས་དགུག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་གཅིག་འདུག་པ་དེ་ལ། བྲན་མཁས་པ་ལེ་ལོ་མེད་པ། སྒྲུབ་ཕོད་པ། འཕྲལ་གྱི་བྱ་བ་ཐམས་ཅད་ལ་སྔོན་དུ་འགྲོ་བ་ཞིག་ཡོད་དོ། །དུས་གཞན་ཞིག་ན་དེས་བྲན་དེ་སྤྱོས་པ་དང ། བྲན་དེས་བསམས་པ། ཁྱིམ་བདག་འདི་མགུ་བར་དཀའ་བར་གྱུར་པས། བདག་གིས་འདིའི་སེམས་སྲུང་བར་བྱེད་མི་ནུས་ཀྱིས་འབྲོས་སུ་འགྲོའོ་སྙམ་མོ། །དེས་
Ka106b
བསམས་པ། ཡུལ་གཏོང་བ་ནི་དཀའ་བ་བྱེད་པ་ཡིན་གྱི། ཤཱཀྱའི་སྲས་ཀྱི་དགེ་སློང་འདི་དག་གིས་རྒྱལ་པོ་ལས་གཞོན་ནུའི་ཡོངས་སུ་སྤང་བ་ཐོབ་པས་འདི་དག་གི་ནང་དུ་རབ་ཏུ་འབྱུང་བར་བྱའོ་སྙམ་ནས། དེ་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་སོང་ནས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ཏེ། གདམས་ངག་བྱིན་ནས། དེས་བརྩོན་པ་དང ། འབད་པ་དང ། བརྩལ་བར་བྱས་པས། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱས་ཏེ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་དང་སྟེའུ་མཉམ་པ་ལྟ་བུ། རིག་པས་སྒོ་ངའི་སྦུབས་དྲལ་བར་གྱུར་ཅིང་རིག་པ་དང་མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པ་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །ཁྱིམ་བདག་དེ་འགྱོད་པ་སྐྱེས་ནས། དེས་བསམས་པ། དེ་བདག་གི་འཕྲལ་གྱི་བྱ་བ་ཐམས་ཅད་ཀྱི་སྔོན་དུ་འགྲོ་བ་ཡིན་ན། བདག་གིས་ཅིའི་ཕྱིར་སྤྱོས་སྙམ་མོ། །དེས་བསམས་པ། གལ་ཏེ་མཐོང་ན་བཟོད་པ་གསོལ་ལོ་སྙམ་ནས། དེས་མཉན་ཡོད་ཀྱི་སྒོར་བསྡད་དོ། །དགེ་སློང་དེ་ཡང་སྔ་དྲོ་ཤམ་ཐབས་བགོས། ལྷུང་བཟེད་
Ka107a
༄#། །དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་པ་དང ། ཁྱིམ་བདག་དེས་དེ་མཐོང་ནས། དེས་སྨྲས་པ། བཞིན་བཟང་ཁྱོད་རབ་ཏུ་བྱུང་ན་ཁོ་བོའི་རིམ་གྲོ་སུས་བྱེད་པར་འགྱུར། ཚུར་ཤོག་འདོང་ཞེས་དེས་དེ་ལག་པ་བརྐྱང་སྟེ་དེའི་ལག་པ་གཉིས་ནས་བཟུང་བར་བརྩམས་པ་དང ། དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང་ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། ཁྱིམ་བདག་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ། དགེ་སློང་དེའི་རྐང་པ་གཉིས་ལ་གཏུགས་ནས་སྨྲས་པ། འཕགས་པ་ཁྱོད་ཀྱིས་ཡོན་ཏན་གྱི་ཚོགས་འདི་ལྟ་བུ་བརྙེས་སམ། ཐོབ་བོ། །དེས་དེ་ལ་ཡོ་བྱད་ཐམས་ཅད་ཀྱིས་བསྟབས་པ་དང ། ཐམས་ཅད་དུ་ཁྱིམ་བདག་ཆེ་གེ་མོ་ཞིག་གི་བྲན་རབ་ཏུ་བྱུང་ནས། ཡོན་ཏན་གྱི་ཚོགས་དེ་ལྟ་བུ་ཐོབ་པོ་ཞེས་སྒྲ་གྲགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་ཁྱིམ་བདག་ཆེ་གེ་མོའི་བྲན་རབ་ཏུ་བྱུང་ནས་ཡོན་ཏན་གྱི་ཚོགས་དེ་ལྟ་བུ་ཐོབ་བོ་ཞེས་ཐོས་ནས། དེས་བློན་པོ་རྣམས་ལ་བསྒོ་བ། ཤེས་ལྡན་དག་ང་ནི་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། བྱ་བ་ཐམས་ཅད་ཀྱི་མངའ་བདག་ཡིན་པས། དེང་ཕྱིན་ཆད་འགའ་ཞིག་གི་བྲན་རབ་ཏུ་བྱུང་བར་འདོད་ན་དེ་མི་བཟློག་
Ka107b
པར་བྱའོ། །མཉན་ཡོད་ན་ཁྱིམ་བདག་གཅིག་འདུག་པ་དེ་ལ་བྲན་མཁས་པ་ལེ་ལོ་མེད་པ། སྒྲུབ་ཕོད་པ། འཕྲལ་གྱི་བྱ་བ་ཐམས་ཅད་ལ་སྔོན་དུ་འགྲོ་བ་ཞིག་ཡོད་དོ། །དུས་གཞན་ཞིག་ན་དེས་བྲན་དེ་སྤྱོས་པ་དང ། བྲན་དེས་བསམས་པ། ཁྱིམ་བདག་འདི་མགུ་བར་དཀའ་བར་གྱུར་པས་བདག་གིས་འདིའི་སེམས་སྲུང་བ་བྱེད་མི་ནུས་ཀྱིས། འབྲོས་སུ་འགྲོའོ་སྙམ་མོ། །དེས་བསམས་པ། ཡུལ་གཏོང་བ་ནི་དཀའ་བ་བྱེད་པ་ཡིན་གྱིས། ཤཱཀྱའི་སྲས་ཀྱི་དགེ་སློང་འདི་དག་ནི་རྒྱལ་པོ་ལས་གཞོན་ནུའི་ཡོངས་སུ་སྤང་བ་ཐོབ་པས་འདི་དག་གི་ནང་དུ་རབ་ཏུ་འབྱུང་བར་བྱའོ་སྙམ་ནས། དེ་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་སོང་ནས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་དེ་རབ་ཏུ་ཕྱུང་ཞིང ། བསྙེན་པར་རྫོགས་པར་བྱས་ནས། དེའི་འོག་ཏུ་ཉི་མ་གཉིས་སམ།་གསུམ་དུ་ཀུན་ཏུ་སྤྱད་པའི་ཆོས་དག་སློབ་དུ་བཅུག་ནས་སྨྲས་པ། བཞིན་བཟང་རི་དྭགས་ཀྱིས་རི་དྭགས་མི་སོས། མཉན་ཡོད་རྒྱ་ཆེ་ལ་རང་གི་སྤྱོད་ཡུལ་དང ། ཡབ་ཀྱི་ཡུལ་ཡིན་གྱིས། བསོད་སྙོམས་བསྒྲུབས་ལ་འཚོ་བར་གྱིས་ཤིག་།ཁྱིམ་བདག་དེ་འགྱོད་པ་སྐྱེས་ནས། དེས་བསམས་པ། དེ་བདག་གི་འཕྲལ་གྱི་བྱ་བ་ཐམས་ཅད་ལ་སྔོན་དུ་འགྲོ་བ་ཡིན་ན། བདག་གིས་ཅིའི་ཕྱིར་སྤྱོས་སྙམ་མོ། །དེས་བསམས་པ། གལ་ཏེ་དེ་མཐོང་ན་བཟོད་པ་གསོལ་ལོ་སྙམ་ནས། དེས་མཉན་ཡོད་ཀྱི་སྒོར་བསྡད་དོ། །དགེ་སློང་དེ་ཡང་སྔ་དྲོ་ཤམས་\་ཥཿ ཱཾ?\་ཐབས་བགོས། ལྷུང་བཟེད་དང་ཆོས་
Ka108a
༄#། །གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་པ་དང ། ཁྱིམ་བདག་དེས་དེ་མཐོང་ནས་དེས་སྨྲས་པ། བཞིན་བཟང་ཁྱོད་རབ་ཏུ་བྱུང་ན། ཁོ་བོའི་རིམ་གྲོ་སུས་བྱེད་པར་འགྱུར། ཚུར་ཤོག་འདོང་ཞེས་དེས་ལག་པ་བརྐྱང་སྟེ་དེའི་ལག་པ་གཉིས་ནས་བཟུང་བར་བརྩམས་པ་དང ། དེས་སྨྲས་པ། ཁོ་བོ་ཅག་ལ་རྒྱལ་པོས་གཞོན་ནུའི་ཡོངས་སུ་སྤང་བ་བྱིན་ནས། གལ་ཏེ་རེག་པར་བྱེད་ན་ཁྱོད་ཀྱི་ལག་པ་མཁྲིག་མ་ནས་གཅོད་དུ་གཞུག་གོ་།དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་པ་ཡིན་ནོ། །བྲམ་ཟེའི་ཚུལ་ནི་ཚིག་པ་ཡིན་ཏེ།་འདི་ལྟར་བྲན་ཡང་རབ་ཏུ་འབྱིན་པར་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ་།ཉེས་དམིགས་གང་ཅི་བྱུང་བ་དེ་ནི་དགེ་སློང་དག་བྲན་རབ་ཏུ་འབྱིན་པ་ལས་གྱུར་པ་ཡིན་ནོ་སྙམ་ནས་བཀའ་སྩལ་པ། དེ་ལྟ་བས་ན་དགེ་སློང་དག་གིས་བྲན་རབ་ཏུ་དབྱུང་བར་མི་བྱའོ། །འགའ་ཞིག་གི་གན་དུ་རབ་ཏུ་བྱུང་བར་འདོད་པ་འོངས་ན། དེས་དེ་ལ་བྲན་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་གཅིག་འདུག་པ་
Ka108b
དེ་ལ་བུ་ལོན་ཆགས་པ་ཞིག་གིས་དུས་དང་དུས་སུ་དངོས་དང་སྐྱེད་འཇལ་བར་བྱེད་དོ། །དུས་གཞན་ཞིག་ན་ཁྱིམ་བདག་དེས་བུ་ལོན་ཆགས་པ་དེ་མ་ཚོར་བ་ཁོ་ནར་བཟུང་ནས་སྨྲས་པ། དངོས་དང་སྐྱེད་ཅིག་ཅར་ཕུལ་ཅིག་ཅེས་དེས་དེ་དུས་ཅུང་ཟད་ཅིག་ཏུ་བཟུང་སྟེ་བཏང་བ་དང ། དེས་བསམས་པ། ཁྱིམ་བདག་འདི་མགུ་དཀའ་བར་གྱུར་པས་བདག་གིས་དངོས་དང་སྐྱེད་ཅིག་ཅར་འཇལ་མི་ནུས་ཀྱི་འབྲོས་སུ་འགྲོའོ་སྙམ་མོ། །དེས་བསམས་པ། ཡུལ་གཏོང་བ་ནི་དཀའ་བ་བྱེད་པ་ཡིན་གྱི། ཤཱཀྱའི་སྲས་ཀྱི་དགེ་སྦྱོང་འདི་དག་གིས་རྒྱལ་པོ་ལས་གཞོན་ནུའི་ཡོངས་སུ་སྤང་བ་ཐོབ་པས། འདི་དག་གི་ནང་དུ་རབ་ཏུ་འབྱུང་བར་བྱའོ་སྙམ་ནས། དེས་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་སོང་ནས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ཏེ། གདམས་ངག་བྱིན་ནས། དེས་བརྩོན་པ་དང་འབད་པ་དང ། བརྩལ་བར་བྱས་པས། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱས་ཏེ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་ཞག་ལོན་པར་བཞག་པ་ལྟ་བུ། རིག་པས་སྒོ་ངའི་སྦུབས་དྲལ་བར་གྱུར་ཅིང་རིག་པ་དང་མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་
Ka109a
༄#། །ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །ཁྱིམ་བདག་དེ་འགྱོད་པ་སྐྱེས་ནས། དེས་བསམས་པ། དེ་བདག་ལ་དུས་དང་དུས་སུ་དངོས་དང་སྐྱེད་འབུལ་བ་ཡིན་ན། བདག་གིས་ཅིའི་ཕྱིར་བཟུང་སྙམ་མོ། །དེས་བསམས་པ། གལ་ཏེ་དེ་མཐོང་ན་བཟོད་པ་གསོལ་ལོ་སྙམ་ནས། དེས་མཉན་ཡོད་ཀྱི་སྒོར་བསྡད་དོ། །དགེ་སློང་དེ་ཡང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་པ་དང ། ཁྱིམ་བདག་དེས་དེ་མཐོང་ནས། དེས་སྨྲས་པ། བཞིན་བཟང་ཁྱོད་རབ་ཏུ་བྱུང་ན། ཁོ་བོ་ལ་དུས་དང་དུས་སུ་དངོས་དང་སྐྱེད་སུས་འབུལ་བར་འགྱུར། ཚུར་ཤོག་འདོང་ཞེས་དེས་ལག་པ་བརྐྱང་སྟེ། དེའི་ལག་པ་གཉིས་ནས་གཟུང་བར་བརྩམས་པ་དང ། དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང་ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པར་བྱེད་པ་ཡིན་པས། ཁྱིམ་བདག་དེ་ཤིང་ལྗོན་པ་རྩ་བ་ནས་བཅད་པ་བཞིན་དུ་དགེ་སློང་དེའི་རྐང་པ་གཉིས་ལ་གཏུགས་ནས་སྨྲས་པ། འཕགས་པ་ཁྱོད་ཀྱིས་ཡོན་ཏན་གྱི་ཚོགས་འདི་ལྟ་བུ་བརྙེས་སམ། ཐོབ་བོ། །དེས་དེ་ལ་ཡོ་
Ka109b
བྱད་ཐམས་ཅད་ཀྱིས་བསྟབས་པ་དང ། ཐམས་ཅད་དུ་ཁྱིམ་བདག་ཆེ་གེ་མོ་ཞིག་གི་བུ་ལོན་ཆགས་པ་རབ་ཏུ་བྱུང་ནས། ཡོན་ཏན་གྱི་ཚོགས་དེ་ལྟ་བུ་ཐོབ་བོ་ཞེས་སྒྲ་གྲགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་ཁྱིམ་བདག་ཆེ་གེ་མོ་ཞིག་གི་བུ་ལོན་ཆགས་པ་རབ་ཏུ་བྱུང་ནས། ཡོན་ཏན་གྱི་ཚོགས་དེ་ལྟ་བུ་ཐོབ་བོ་ཞེས་ཐོས་ནས། དེས་བློན་པོ་རྣམས་ལ་བསྒོ་བ། ཤེས་ལྡན་དག་ང་ནི་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ། བྱ་བ་ཐམས་ཅད་ཀྱི་མངའ་བདག་ཡིན་པས་དེང་ཕྱིན་ཆད་འགའ་ཞིག་གི་བུ་ལོན་ཆགས་པ་རབ་ཏུ་འབྱུང་བར་འདོད་ན་དེས་དེ་མི་བཟློག་པར་བྱའོ། །གཉན་ཡོད་ན་ཁྱིམ་བདག་གཅིག་འདུག་པ་དེ་ལ་བུ་ལོན་ཆགས་པ་ཞིག་གིས་དུས་དང་དུས་སུ་དངོས་དང་སྐྱེད་འཇལ་བར་བྱེད་དོ། །དུས་གཞན་ཞིག་ན་ཁྱིམ་བདག་དེས་བུ་ལོན་ཆགས་པ་དེ་མ་ཚོར་བ་ཁོ་ནར་བཟུང་ནས་སྨྲས་པ། དངོས་དང་སྐྱེད་ཅིག་ཅར་ཕུལ་ཅིག་ཅེས་དེ་དུས་ཅུང་ཟད་ཅིག་བཟུང་ནས་བཏང་བ་དང ། དེས་བསམས་པ། ཁྱིམ་བདག་དེ་མགུ་དཀའ་བར་གྱུར་པས། བདག་གིས་དངོས་དང་སྐྱེད་ཅིག་ཅར་འཇལ་མི་ནུས་ཀྱིས་འབྲོས་སུ་འགྲོའོ་སྙམ་མོ། །དེས་བསམས་པ། ཡུལ་གཏོང་བ་ནི་དཀའ་བ་བྱེད་པ་ཡིན་གྱིས། ཤཱཀྱའི་སྲས་ཀྱི་དགེ་སྦྱོང་འདི་དག་གིས་རྒྱལ་པོ་ལས་གཞོན་ནུའི་ཡོངས་སུ་སྤང་བ་ཐོབ་པས། འདི་དག་གི་ནང་དུ་རབ་ཏུ་འབྱུང་བར་བྱའོ་སྙམ་ནས་དེ་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་སོང་ནས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་
Ka110a
༄#། །དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ནས། དེའི་འོག་ཏུ་ཉི་མ་གཉིས་སམ། གསུམ་དུ་ཀུན་ཏུ་སྤྱད་པའི་ཆོས་དག་སློབ་ཏུ་བཅུག་ནས་སྨྲས་པ། བཞིན་བཟང་རི་དྭགས་ཀྱིས་རི་དྭགས་མི་སོས། མཉན་ཡོད་རྒྱ་ཆེ་ལ་རང་གི་སྤྱོད་ཡུལ་དང ། ཡབ་ཀྱི་ཡུལ་ཡིན་གྱིས། བསོད་སྙོམས་བསྒྲུབས་ལ་འཚོ་བར་གྱིས་ཤིག་།ཁྱིམ་བདག་དེ་འགྱོད་པ་སྐྱེས་ནས། དེས་བསམས་པ།་དེ་བདག་ལ་དུས་དང་དུས་སུ་དངོས་དང་སྐྱེད་འབུལ་བ་ཡིན་ན། བདག་གིས་ཅིའི་ཕྱིར་བཟུང་སྙམ་མོ། །དེས་བསམས་པ། གལ་ཏེ་དེ་མཐོང་ན་བཟོད་པ་གསོལ་ལོ་སྙམ་ནས། དེ་མཉན་ཡོད་ཀྱི་སྒོར་བསྡད་དོ། །དགེ་སློང་དེ་ཡང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་དུ་བསོད་སྙོམས་ལ་ཞུགས་པ་དང ། ཁྱིམ་བདག་དེས་དེ་མཐོང་ནས། དེས་སྨྲས་པ། བཞིན་བཟང་ཁྱོད་རབ་ཏུ་བྱུང་ན་ཁོ་བོ་ལ་དུས་དང་དུས་སུ་དངོས་དང་སྐྱེད་སུས་འབུལ་བར་འགྱུར། ཚུར་ཤོག་འདོད་ཞེས་དེས་ལག་པ་བརྐྱང་སྟེ། དེའི་ལག་པ་གཉིས་ནས་བཟུང་བར་བརྩམས་པ་དང ། དེས་སྨྲས་པ། ཁོ་བོ་ཅག་ལ་རྒྱལ་པོས་གཞོན་ནུའི་ཡོངས་སུ་སྤང་བ་བྱིན་པས་གལ་ཏེ་རེག་པར་བྱེད་ན་ཁྱོད་ཀྱི་ལག་པ་མཁྲིག་མ་ནས་གཅོད་དུ་གཞུག་གོ་།དེ་ཤཱཀྱའི་བུའི་དགེ་སྦྱོང་རྣམས་ཀྱི་དགེ་སྦྱོང་གི་ཚུལ་ནི་ཚིག་པ་ཡིན་ནོ། །བྲམ་ཟེའི་ཚུལ་ནི་ཚིག་པ་ཡིན་ཏེ། འདི་ལྟར་བུ་ལོན་ཆགས་པ་ཡང་རབ་ཏུ་འབྱིན་པར་བྱེད་དོ་ཞེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་
Ka110b
བར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་བུ་ལོན་ཆགས་པ་རབ་ཏུ་འབྱིན་པ་ལས་གྱུར་པ་ཡིན་ནོ། །སྙམ་ནས་བཀའ་སྩལ་པ། དེ་ལྟ་བས་ན། དགེ་སློང་གིས་བུ་ལོན་ཆགས་པ་རབ་ཏུ་དབྱུང་བར་མི་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་བུ་ལོན་ཆགས་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་བར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་གཅིག་འདུག་པ་དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་བུ་བྱུང་ནས། བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །དུས་གཞན་ཞིག་ན་དེས་བུ་དེ་སྤྱོས་པ་དང ། བུ་དེས་བསམས་པ། ཕ་འདི་མགུ་དཀའ་བར་གྱུར་པས། བདག་གིས་འདིའི་སེམས་སྲུང་བར་བྱེད་མི་ནུས་ཀྱིས་འབྲོས་སུ་འགྲོའོ་སྙམ་མོ། །དེས་བསམས་པ། ཡུལ་གཏོང་བ་ནི་དཀའ་བ་བྱེད་པ་ཡིན་གྱིས་ཤཱཀྱའི་སྲས་ཀྱི་དགེ་སྦྱོང་འདི་དག་གིས་རྒྱལ་པོ་ལས་གཞོན་ནུའི་ཡོངས་སུ་སྤང་བ་ཐོབ་པས་འདི་དག་གི་ནང་དུ་རབ་ཏུ་འབྱུང་བར་བྱའོ་སྙམ་ནས། དེ་རྒྱལ་བྱེད་ཀྱི་ཚལ་དུ་སོང་སྟེ། དགེ་སློང་གི་གན་དུ་
Ka111a
༄#། །སོང་ནས་སྨྲས་པ། འཕགས་པ་བདག་རབ་ཏུ་འབྱུང་པར་འཚལ་ལོ། །དེས་སྐྱབས་སུ་འགྲོ་བ་དང ། བསླབ་པའི་གཞི་དག་བྱིན་ནས་གང་གིས་དེ་ཞུ་བར་བྱེད་པའི་དགེ་སློང་ལ་ཡང་གསོལ་བ་བཏབ། གང་གིས་དེའི་སྐྲ་དང་ཁ་སྤུ་འདྲེག་པར་བྱེད་པའི་དགེ་སློང་ལ་ཡང་གསོལ་བ་བཏབ། གང་གིས་དེའི་ཁྲུས་བྱེད་པའི་དགེ་སློང་ལ་ཡང་གསོལ་བ་བཏབ། གང་གིས་དེ་དགེ་ཚུལ་ཉིད་དུ་ཉེ་བར་སྒྲུབ་པར་བྱེད་པའི་དགེ་སློང་ལ་ཡང་གསོལ་བ་བཏབ་སྟེ། དེ་རབ་ཏུ་ཕྱུང་ནས་གང་གིས་དེའི་ལས་བྱེད་པའི་དགེ་སློང་ལ་ཡང་གསོལ་བ་བཏབ། གང་གིས་དེ་ལ་གསང་སྟེ་སྟོན་པའི་དགེ་སློང་ལ་ཡང་གསོལ་བ་བཏབ། གང་དག་དེའི་ལས་ཀྱི་གནས་སུ་འཇུག་པར་འགྱུར་བའི་དགེ་སློང་དག་ལ་ཡང་གསོལ་བ་བཏབ་ནས། དེ་བསྙེན་པར་རྫོགས་པར་བྱེད་པ་ན། ཁྱིམ་བདག་དེ་འོངས་ནས་དྲིས་པ། འཕགས་པ་ཁྱེའུ་འདི་འདྲ་བ་ཞིག་མཆིས་པ་གཟིགས་སམ། དེས་སྨྲས་པ། དེ་ཞུ་བར་བྱེད། དེ་སྐྲ་དང་ཁ་སྤུ་དག་འདྲེག་པར་བྱེད། དེ་ཁྲུས་བྱེད། དེ་དགེ་ཚུལ་ཉིད་དུ་ཉེ་བར་སྒྲུབ་པར་བྱེད། དེ་བསྙེན་པར་རྫོགས་པར་བྱེད་དོ་ཞེས་དེ་དག་གིས་དེ་བསྙེན་པར་རྫོགས་པར་བྱས་ནས། གྲིབ་ཚོང་གཞལ་ཞིང་ཉིན་མཚན་གྱི་ཆ་དང་དུས་ཚིགས་བརྗོད་དེ། གནས་རྣམས་དང ། ལྟུང་བར་འགྱུར་བའི་ཆོས་རྣམས་དང ། དགེ་སྦྱོང་དུ་བྱེད་པའི་ཆོས་རྣམས་དང ། མཆོག་ཏུ་འདོད་པར་བྱ་བ་ཡང་དག་པ་ཉིད་ཀྱིས་རྫོགས་པ་ཉིད་དང ། ཚུལ་ཁྲིམས་ཀྱིས་མཉམ་པར་གྱུར་པ་
Ka111b
ཉིད་སྒྲུབ་པ་ལ་ངེས་པར་སྦྱར་བར་བྱ་བ་དང ། ཚུལ་དང་འབྲེལ་བའི་གཟུགས་བརྙན་ལ་ངེས་པར་སྦྱར་བར་བྱ་བ་དང ། དུལ་བར་གནས་པ་ཉིད་ལ་ངེས་པར་སྦྱར་བར་བྱ་བ་དང ། དགོས་པ་རྗེས་སུ་སྒྲུབ་པ་ལ་ངེས་པར་སྦྱར་བར་བྱ་བ་དང ། མ་བརྗོད་པ་ཡང་དག་པར་བླངས་པ་ཡོངས་སུ་ཤེས་པའི་བསྒྲུབ་པར་འགྱུར་བ་ཉིད་དང ། གུས་པ་ལ་ངེས་པར་སྦྱར་པ། ཤེས་རབ་མཆོག་གི་བསྟན་པ་ལ། །ཁྱོད་ནི་བསྙེན་པར་རྫོགས་པར་འགྱུར། །དལ་དང་འབྱོར་པ་རྙེད་དཀའ་བས། །འདི་དག་ཇི་ལྟ་བཞིན་དུ་བསྒྲུབས། །མཛེས་པ་རབ་ཏུ་དབྱུང་བ་དང ། །ཡོངས་སུ་དག་པ་བསྙེན་རྫོགས་པར། །རྫོགས་སངས་རྒྱས་ཀྱིས་རབ་མཁྱེན་ཏེ། །བདེན་པའི་མཆན་གྱིས་བཀའ་སྩལ་ཏོ། །ཞེས་བྱ་བ་དང ། བསྒྲུབ་པར་བྱ་བ་ཐབས་བརྗོད་པ་དང་བཅས་པ་ལ་ངེས་པར་སྦྱར་བ་བྱས་ཏེ། དགེ་སློང་དེ་དག་ལངས་པ་དང ། ཁྱིམ་བདག་དེ་འོངས་ཏེ་སྨྲས་པ། འཕགས་པ་དག། ཅི་ཁྱེད་ཅག་སྤུ་གྲི་ཐོགས་པ་འབའ་ཞིག་གིས་སྡོད་དམ། གལ་ཏེ་བདག་ལ་དད་པ་མ་མཆིས་པར་གྱུར་དུ་ལགས་ན། འདིའི་ཚངས་པར་སྤྱོད་པའི་བར་ཆད་དུ་འགྱུར་རོ། །ཀྱེ་མ་ཁྱེད་ཀྱིས་ཞག་བདུན་ནམ། བརྒྱད་ཅིག་བསྲེལ་ན་ཅི་ནོངས་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་རབ་ཏུ་འབྱུང་བར་འདོད་པ་ཕ་མས་མ་གནང་བ་ཞག་བདུན་མི་བསྲེལ་བ་ལས་གྱུར་པ་ཡིན་ནོ་སྙམ་ནས་བཀའ་སྩལ་པ། དེ་ལྟ་བས་ན་འགའ་ཞིག་གི་གན་དུ་རབ་ཏུ་འབྱུང་བར་འདོད་པ་ཕ་མ་གསོན་ཞིང་
Ka112a
༄#། །དེ་གཉིས་ཀྱིས་མ་གནང་བ་འོངས་ན་ཞག་བདུན་ནམ་བརྒྱད་བསྲེལ་བར་བྱའོ། །བཅོམ་ལྡན་འདས་ཀྱིས་རབ་ཏུ་འབྱུང་འདོད་པ་འོངས་ན། ཞག་བདུན་ནམ་བརྒྱད་བསྲེལ་བར་བྱའོ། །ཞེས་བཀའ་སྩལ་ནས། རབ་ཏུ་འབྱུང་བར་འདོད་པ་ཕ་མས་གནང་བ་གཞན་དག་འོངས་ཤིང་ཡུལ་ཐག་རིང་བ་ཕ་མས་གཏམ་ཡང་མི་ཐོས་པ་དག་ཀྱང་འོངས་པ་ན། དགེ་སློང་རྣམས་ཀྱིས་དེ་དག་ཀྱང་ཞག་བདུན་ནམ་བརྒྱད་བསྲེལ་བར་བྱེད་པས། དེ་དག་རབ་ཏུ་འབྱུང་བ་མ་ཐོབ་པར་དོང་སྟེ། དེ་ཉིད་ཚེ་དང་ལྡན་པ་དེ་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ཕ་མས་གནང་བ་གང་དག་འོངས་པ་དང་ཡུལ་ཐག་རིང་པོ་པ་མས་གཏམ་ཡང་མི་ཐོས་པ་གང་དག་འོངས་པ་དེ་དག་ནི་རབ་ཏུ་དབྱུང་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་རབ་ན་བཞུགས་སོ། །མཉན་ཡོད་ན་ཁྱིམ་བདག་གཅིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་བུ་བྱུང་ནས། དེས་ཆུང་མ་ལ་སྨྲས་པ། བཟང་པོ་ཡུ་བུ་ཅག་གི་བུ་
Ka112b
ལོན་འཇལ་བར་བྱེད་པ་དང ། ནོར་སྤྱོད་པ་སྐྱེས་ཀྱིས། ཁོ་བོ་ཟོང་ཐོགས་ཏེ་ཡུལ་གཞན་དུ་འགྲོའོ། །རྗེའི་སྲས་དེ་བཞིན་མཛོད་ཅིག། དེ་ཟོང་ཐོགས་ཏེ་ཡུལ་གཞན་དུ་སོང་བ་དང ། དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར་ཏོ། །མས་ཁྱེའུ་དེ་ཉེ་དུའི་མཐུ་དང་ལག་མཐུས་བསྙོད་ཅིང་གསོས་ཏེ་བསྐྱེད་ནས། དེས་ཁྱེའུ་དེ་ཡིག་དཔོན་ལ་བཅོལ་བ་དང ། ཁྱེའུ་དེའི་ན་ཟླ་རྣམས་ཀྱིས་ནི་ཡིག་འབྲུའི་ཡི་གེ་དག་ལོབས་ནས། ཕྱི་རོལ་གྱི་བསྟན་བཅོས་དག་བཀླག་པར་བརྩམས་ཏེ། དེ་ནི་ཡིག་འབྲུའི་ཡི་གེ་དེ་དག་ཉིད་ལ་སློབ་པར་བྱེད་པ་དང ། དེའི་མ་ཡིག་དཔོན་གྱི་གན་དུ་སོང་སྟེ་ཕྱིན་ནས་སྨྲས་པ། ཇོ་བོ་ཁྱེའུ་འདིའི་ན་ཟླ་ཁྱེའུ་དག་གིས་ཁྱོད་ལ་ཅི་འབུལ་བ་དེ་བདག་ཀྱང་ཁྱོད་ལ་འབུལ། ཁྱེའུ་འདིའི་ན་ཟླ་ཁྱེའུ་དག་གིས་ནི་ཡི་གེའི་ཡིག་འབྲུ་དག་ལོབས་ནས་ཕྱི་རོལ་གྱི་བསྟན་བཅོས་དག་བཀླག་པར་བརྩམས་ན། ཁྱེའུ་འདིའི་ནི་ད་དུང་ཡི་གེ་འབྲུའི་ཡི་གེ་དག་སློབ་པར་བགྱིད་དོ། །དེས་སྨྲས་པ། རྒྱུ་གཉིས་ཀྱིས་རིག་པ་ལོབས་པར་འགྱུར་ཏེ། གང་ལ་བདག་ཉིད་ལས་བྱུང་བའི་ངོ་ཚ་ཤེས་པ་ཡོད་པ་དང ། གང་ལ་ཕྱི་རོལ་ལས་བྱུང་བའི་ཁྲེལ་ཡོད་པ་ཡོད་པས་སོ། །ཁྱེའུ་འདི་ལ་ནི་ངོ་ཚ་ཤེས་པ་ཡང་མེད་ལ་ཁྲེལ་ཡོད་པ་ཡང་མེད་དོ། །འདི་ལྟར་ཁྱོད་ལ་ཡང་ཉེས་པ་ཡོད་དེ། ཁོ་བོས་འདི་བཞུས་པ་ན། ཁྱེད་ཀྱིས་ཤེད་བསྐྱེད་དོ། །དེས་སྨྲས་པ། དེ་དེ་བཞིན་ནོ། །བདག་ལ་ནོངས་པ་དེ་མཆིས་ཏེ། ཁྱོད་ཀྱིས་བཞུས་པ་ན་བདག་གིས་ཤེད་བསྐྱེད་དོ། །དུས་གཞན་ཞིག་ན་དེས་དེ་བཞུས་པ་དང ། དེ་དུ་ཞིང་མའི་གན་དུ་སོང་ངོ ། །མས་དེ་ལ་སྨྲས་པ།
Ka113a
༄#། །བུ་ཁྱོད་ཅིའི་ཕྱིར་དུ། མ་བདག་ཡིག་དཔོན་གྱིས་བཞུས་སོ། །མས་ཀྱང་དེ་བཞུས་བ་དང ། ཁྱེའུ་དེས་བསམས་པ། གཉི་གར་ཉེས་དམིགས་བྱུང་སྟེ། སྔོན་ནི་བདག་གནས་གཅིག་ཏུ་བཞུས་ན། ད་ནི་གནས་གཉི་གར་བཞུས་པས། བདག་གིས་གནས་གཉི་གར་གནོད་པ་མི་བཟོད་པས་འབྲོས་སོ་སྙམ་ནས། དེ་རྒྱལ་བྱེད་ཀྱི་ཚལ་དུ་སོང་བ་དང ། དེ་ན་དགེ་ཚུལ་ཞིག་མེ་ཏོག་ཐུ་བ་དེ་དེས་མཐོང་ནས། ཁྱེའུ་དེས་སྨྲས་པ། འཕགས་པ་ཁྱོད་རེ་བདེ། དེ་ཅིའི་ཕྱིར། གང་གི་ཕྱིར་ཁྱོད་རབ་ཏུ་བྱུང་བས་སོ། །ཁྱོད་ཅིའི་ཕྱིར་རབ་ཏུ་མི་འབྱུང ། འཕགས་པ་བདག་སུས་རབ་ཏུ་འབྱིན་པར་འགྱུར། དེས་སྨྲས་པ། ཚུར་ཤོག་མཁན་པོའི་གན་དུ་འདོང་ཞེས་དེས་དེ་ཁྲིད་དེ། མཁན་པོའི་གན་དུ་སོང་ནས་སྨྲས་པ། མཁན་པོ་རིགས་ཀྱི་བུ་འདི་རབ་ཏུ་འབྱུང་བར་འཚལ་གྱིས། འདི་རབ་ཏུ་དབྱུང་དུ་གསོལ། དེས་དེ་རབ་ཏུ་ཕྱུང་ངོ ། །དེའི་མ་ཡིག་དཔོན་གྱི་གན་དུ་སོང་སྟེ་སྨྲས་པ། ཁྱེའུ་དེ་ད་གར་མཆིས། དེ་དེ་རིང་ཁོ་བོས་བཞུས་སོ། །དེས་ཀྱང་སྨྲས་པ། བདག་གིས་ཀྱང་དེ་དེ་རིང་བཞུས་སོ། །ཡིག་དཔོན་གྱིས་སྨྲས་པ། དེ་བྲོས་ཀྱིས་ཚོལ་དུ་སོང་ཞིག་།དེས་དཀའ་ཐུབ་ཀྱི་ཚལ་དང ། མུ་སྟེགས་ཀྱི་གནས་དེ་དང་དེ་དག་ཏུ་བུ་འདྲི་ཞིང་སོང་སྟེ་དྲིས་ན། དེའི་གཏམ་ཐོས་པ་ཡང་སུ་ཡང་མེད་དོ། །དེ་མཉན་ཡོད་དུ་སོང་སྟེ་སྒོར་བསྡད་པ་དང ། དགེ་ཚུལ་དེ་ཡང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། ཕྱི་བཞིན་འབྲང་བའི་དགེ་སྦྱོང་དགེ་ཚུལ་དེ་ཉིད་དང་མཉན་ཡོད་དུ་བསོད་སྙོམས་ལ་ཞུགས་པ་དང །
Ka113b
དེས་དེ་མཐོང་ནས། དེས་བྲང་བརྡུངས་ཏེ་སྨྲས་པ། བུ་དཀའ་ཐུབ་ཀྱི་ཚལ་དང་མུ་སྟེགས་ཀྱི་གནས་དེ་དང་དེ་དག་ཏུ་ཁོ་མོས་ཁྱོད་ཀྱི་ཕྱིར་མ་བཙལ་བ་དེ་དག་གང་ཡོད་དེ་ཁྱོད་ཀྱི་གཏམ་ཐོས་པ་ཡང་སུ་ཡང་མེད་ན། ཁྱོད་ཤཱཀྱའི་བུའི་རྐུན་མ་རྣམས་ཀྱི་ནང་དུ་ཅིའི་ཕྱིར་རབ་ཏུ་འབྱུང་ཚུར་ཤོག་འདོང་ཞེས་དེས་དེའི་ལག་པ་གཉིས་ནས་བཟུང་ནས་ཁྱིམ་དུ་ཁྲིད་དོ། །དེ་ཉིད་ཚེ་དང་ལྡན་པ་དེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོའི་བར་ཆད་དུ་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་བ་དང ། བཅོམ་ལྡན་འདས་ཀྱིས་དགོངས་བ། ཉེ་དམིགས་གང་ཅི་བྱུང་བ་དེ་ནི། དགེ་སློང་དག་དགེ་འདུན་ལ་མ་ཞུས་པར་རབ་ཏུ་འབྱིན་པ་ལས་གྱུར་པ་ཡིན་ནོ་སྙམ་ནས། བཀའ་སྩལ་པ། དེ་ལྟ་བས་ན་དགེ་སློང་གིས་དགེ་འདུན་ལ་མ་ཞུས་པར་རབ་ཏུ་དབྱུང་བར་མི་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོད་ན། དེས་དེ་དགེ་འདུན་ལ་ཞུར་གཞུག་པར་བྱའོ། །མ་ཞུས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་དཀའ་གནས་ན་བཞུགས་སོ། །རྒྱལ་པོའི་ཁབ་ན་བྲམ་ཟེ་ཞིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་བུ་བྱུང་ནས། བསྲིངས་ཤིང་བསྐྱེད་
Ka114a
༄#། །དེ་ཆེན་པོར་གྱུར་ཏོ། །དེ་དུས་གཞན་ཞིག་ན། ན་བར་གྱུར་ནས་སྨན་པ་ཐམས་ཅད་ཀྱིས་པོར་བ་དང ། མས་དེ་ལ་སྨྲས་པ། བུ་འཚོ་བྱེད་གཞོན་ནུས་གསོས། འདི་ནི་སྨན་པའི་རྒྱལ་པོ་བླ་ན་མེད་པ་ཡིན་གྱིས། དེའི་གན་དུ་སོང་ཞིག་།དེ་འཚོ་བྱེད་ཀྱི་གན་དུ་སོང་སྟེ་སྨྲས་པ། འཚོ་བྱེད་བདག་ལ་གསོས་མཛོད་ཅིག། དེས་སྨྲས་པ། བཞིན་བཟང་ཁྱོད་ནི་གསོ་དཀའ་ལ། འདི་ལྟར་ཁོ་བོ་ཡང་གཞན་སུའི་གསོས་ཀྱང་མི་བྱེད་དེ། ཁོ་བོ་ནི་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དང ། རྒྱལ་པོ་བཙུན་མོའི་འཁོར་དང་བཅས་པ་གཉིས་ཀྱི་གསོས་བྱེད་དོ། །དེ་མའི་གན་དུ་སོང་བ་དང་མས་སྨྲས་པ། བུ་ཁྱོད་འཚོ་བྱེད་ཀྱི་གན་དུ་སོན་ཏམ། མ་བདག་གིས་འཚོ་བྱེད་ཀྱི་གན་དུ་སོན་ན། དེ་ན་རེ། ཁྱོད་ནི་གསོ་དཀའ་ལ། འདི་ལྟར་ཁོ་བོ་ཡང་གཞན་སུའི་གསོས་ཀྱང་མི་བྱེད་དེ། ཁོ་བོ་ནི་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དང ། རྒྱལ་པོ་བཙུན་མོའི་འཁོར་དང་བཅས་པ་གཉིས་ཀྱི་གསོས་བྱེད་དོ་ཞེས་ཟེར་རོ། །བུ་གལ་ཏེ་དེ་ལྟ་ན་རབ་ཏུ་བྱུང་ཞིག། མ་བདག་རིགས་མཆོག་ཏུ་གྱུར་ནས། ཇི་ལྟར་ཤཱཀྱའི་བུའི་དགེ་སྦྱོང་རིགས་སྣ་ཚོགས་ཅན་རྣམས་ཀྱི་ནང་དུ་རབ་ཏུ་འབྱུང་བར་བྱ། དེས་སྨྲས་པ། བུ་ཁྱོད་ཀྱི་ཀླད་པར་རྩཝ་ཀ་ཤ་དང་ཀུ་ཤ་སྐྱེ་བར་འགྱུར་རམ་ཅི། བབས་པས་ཆོག་གོ། དེ་འོད་མའི་ཚལ་དུ་སོང་སྟེ། དགེ་སློང་གི་གན་དུ་སོང་ནས་སྨྲས་པ།
Ka114b
འཕགས་པ་བདག་རབ་ཏུ་འབྱུང་བར་འཚལ་ལོ། །དེས་དེ་རབ་ཏུ་ཕྱུང་བ་དང ། དེ་འཁུན་ཞིང་འདུག་གོ་།དེས་སྨྲས་པ། ཅིའི་ཕྱིར་འཁུན་ཞིང་འདུག་།མཁན་པོ་བདག་བྲོ་འཚལ་ཏོ། །དེས་སྨྲས་པ། བཞིན་བཟང་ཅི་ཁྱོད་རབ་ཏུ་བྱུང་ནས་འདི་ལྟར་ན་པར་གྱུར་ཏམ། མཁན་པོ་བདག་རབ་ཏུ་བྱུང་ནས། འདི་ལྟར་བྲོ་འཚལ་བར་མ་གྱུར་གྱི། བདག་བྲོ་འཚལ་བཞིན་དུ་རབ་ཏུ་བྱུང་ངོ ། །ཅིའི་ཕྱིར་ཁྱོད་ཀྱིས་ཁོ་བོ་ལ་མ་སྨྲས། དེས་སྨྲས་པ། མཁན་པོ་ཁྱོད་ཀྱིས་བདག་ལ་སྨྲས་སམ་ཅི། དེ་མི་དགའ་བར་གྱུར་ཅིང་འདུག་པ་དང ། དེའི་ལྷན་ཅིག་གནས་པ་དང ། ཉེ་གནས་རྣམས་ལྷགས་ཏེ་སྨྲས་པ། མཁན་པོ་ཁྱོད་ཅིའི་སླད་དུ་མི་དགྱེས་ཤིང་བཞུགས། བུ་དག་རིགས་ཀྱི་བུ་འདི་ན་བཞིན་དུ་རབ་ཏུ་ཕྱུང་བས་ཁོ་བོས་ནད་བྲང་ཉེ་བར་གཞག་གོ་།དེ་དེ་དག་གིས་སྨྲས་པ། མཁན་པོ་བཅོམ་ལྡན་འདས་ཀྱིས་སྐྱེས་བུ་དམ་པ་ནི་གཉིས་ཏེ།་ཁུར་མ་བླངས་པ་ལེན་པར་མི་བྱེད་པ་དང ། གང་ཁུར་བླངས་པ་མཐར་ཕྱིན་པར་བྱེད་པའོ། །ཞེས་བཀའ་སྩལ་པས། ཁུར་བླངས་པ་འདི་མཐར་ཕྱིན་པར་མཛོད་ཅིག་།དེ་དག་ཕན་ཚུན་སྨྲ་ཞིང་འཁོད་པ་ན་འཚོ་བྱེད་ཀྱང་ཕྱོགས་དེར་འོངས་ནས་དེ་དག་གིས་དེ་ལ་སྨྲས་པ། འཚོ་བྱེད་གཞོན་ནུ་འདིའི་ནད་ཅི་ཡིན་ལྟོས་ཤིག་།དེས་སྨྲས་པ། བྲོ་ལྕི་སྟེ་འདི་ལྟར་རྒྱལ་པོས་འདིའི་ཡོ་བྱད་ཐམས་ཅད་སྦྱར་ཅིང ། བདག་གིས་འདིའི་གསོས་བགྱིས་ལ། འཕགས་པ་དག་གིས་བྲོ་གཡོག་མཛད་ན། རིང་པོ་མི་ཐོགས་པ་ཁོ་ནར་སོས་པར་འགྱུར་ཞེས་དེས་དེའི་གསོས་བྱས་པ་དང ། དེ་སོས་པར་གྱུར་ཏོ། །དེས་སྨྲས་པ། མཁན་
Ka115a
༄#། །པོ་བདག་གང་གི་དོན་དུ་རབ་ཏུ་བྱུང་བའི་དོན་དེ་བདག་གིས་ཐོབ་ཀྱིས་མཆིའོ། །དེས་སྨྲས་པ། བུ་ཁྱོད་ཀྱིས་དགྲ་བཅོམ་པ་ཉིད་མངོན་དུ་བྱས་སམ། མཁན་པོ་མ་བགྱིས་སོ། །འོ་ན་ཅི། ཁྱོད་ཀྱིས་ཕྱིར་མི་འོང་བའི་འབྲས་བུའམ། ལན་ཅིག་ཕྱིར་འོང་བའི་འབྲས་བུའམ། རྒྱུན་དུ་ཞུགས་པའི་འབྲས་བུ་མངོན་དུ་བྱས་སམ། མཁན་པོ་མ་བགྱིས་ཏེ། བདག་བྲོ་འཚལ་བས་རབ་ཏུ་བྱུང་ན། ད་བདག་སོས་པར་གྱུར་ཏོ། །དེས་སྨྲས་པ། བུ་གང་དུ་འགྲོ། མཁན་པོ་སྡུམ་པར་མཆིའོ། །དེས་སྨྲས་པ། བཞིན་བཟང་གང་གི་ཕྱིར་ཁྱོད་ཀྱིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས། དགེ་སྦྱོང་གི་འབྲས་བུ་བཞི་པོ་དག་ལས་དགེ་སྦྱོང་གི་འབྲས་བུ་གང་ཡང་རུང་བ་ཐོབ་པར་བྱ་བ་ཡིན་ནོ། ཁྱོད་དད་པས་སྦྱིན་པར་བྱ་བ་ཆུད་གསན་ནས་ཚུལ་མ་ཡིན་པས་སྡུག་བསྔལ་བསྐྱེད་པར་བྱེད་དམ། དེས་དེའི་ཚིག་ཚིག་མ་ཡིན་པར་བྱས་ཏེ་སོང་ནས། དེས་བྱས་པ་ཤེས་པས་འཚོ་བྱེད་ལ་ལོ་མ་དག་དང ། མེ་ཏོག་དག་དང ། འབྲས་བུ་དག་དང ། སོ་ཤིང་དག་སྟོབས་པར་བྱེད་དོ། །འཚོ་བྱེད་ཀྱིས་སྨྲས་པ། བཞིན་བཟང་ཁྱོད་ཁོ་བོ་ལས་ཅི་ཞིག་འདོད། དེས་སྨྲས་པ། ཅི་ཡང་མི་འཚལ་ཏེ། འདི་ལྟར་བདག་བགྱིས་པ་འཚལ་བས་ཁྱོད་ལ་ལོ་མ་དག་དང ། མེ་ཏོག་དག་དང ། འབྲས་བུ་དག་དང ། སོ་ཤིང་དག་སྟོབས་པར་བགྱིད་དོ། །དེས་སྨྲས་པ། བཞིན་བཟང་ཁྱོད་ལ་ཁོ་བོས་ཅི་བྱས། བདག་བྲོ་འཚལ་བ་ལ་ཁྱོད་ཀྱིས་གསོས་བགྱིས་སོ། །དེས་སྨྲས་པ། ཁོ་བོས་མི་དྲན་ནོ། །བདག་གིས་ཁྱོད་དགོངས་པར་
Ka115b
བགྱིའོ་ཞེས་དེས་དེ་དྲན་པར་བྱས་པ་དང ། འཚོ་བྱེད་ཀྱིས་སྨྲས་པ། བཞིན་བཟང་གང་གི་ཕྱིར་ཁྱོད་ཀྱིས་ལེགས་པའི་གསུངས་པར་ཆོས་འདུལ་བ་ལས་རབ་ཏུ་བྱུང་ནས། དགེ་སྦྱོང་གི་འབྲས་བུ་བཞི་པོ་དག་ལས་དགེ་སྦྱོང་གི་འབྲས་བུ་གང་ཡང་རུང་བ་ཐོབ་པར་བྱ་བ་ཡིན་ན། ཁྱེད་དད་པས་སྦྱིན་པར་བྱ་བ་ཆུད་གཟན་ནས། ཚུལ་མ་ཡིན་པ་སྡུག་བསྔལ་བསྐྱེད་པར་གྱུར་ཏམ། འཚོ་བྱེད་ཀྱིས་བསམས་པ། འདི་ནི་བདག་གི་བྱ་བ་ཁོ་ན་ཡིན་གྱིས། བཅོམ་ལྡན་འདས་ཀྱི་སྤྱན་སྔར་འགྲོའོ་སྙམ་མོ། །དེ་ནས་འཚོ་བྱེད་གཞོན་ནུས་གསོས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། མཐའ་གཅིག་ཏུ་འདུག་ནས། བཅོམ་ལྡན་འདས་ལ་འཚོ་བྱེད་གཞོན་ནུས་གསོས་ཀྱིས། འདི་སྐད་ཅེས་གསོལ་ཏོ། །བཙུན་པ་འཕགས་པ་འདི་དག་རིགས་ཀྱི་བུ་བྲོ་འཚལ་བ་རབ་ཏུ་འབྱིན་པར་བགྱིད། བསྙེན་པར་རྫོགས་པར་བགྱིད་པས། བཙུན་པ་རེ་ཞིག་རྒྱལ་པོའི་མཛོད་དང ། བང་བ་དག་ཀྱང་བསྲབས་པ་དང ། ཡོངས་སུ་བས་པ་དང ། ཡོངས་སུ་གཏུགས་པར་འགྱུར་ལ། བདག་གི་ལུས་ཀྱང་ངལ་ཞིང་འཕགས་པ་དག་གི་དགེ་བའི་ཕྱོགས་ཀྱང་ཡོངས་སུ་ཉམས་པར་འགྱུར་བས། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་གང་གིས་འཕགས་པ་དག་རིགས་ཀྱི་བུ་བྲོ་འཚལ་བ་རབ་ཏུ་འབྱིན་པ་དང ། བསྙེན་པར་རྫོགས་པར་མི་བགྱིད་པར་དྲན་བར་བགྱི་བ་ཅུང་ཞིག་བཅའ་བ་མཛད་ན་ལེགས་སོ། །བཅོམ་ལྡན་འདས་ཀྱིས་འཚོ་བྱེད་གཞོན་ནུ་གསོས་ལ་ཅང་མི་གསུང་བས་གནང་ངོ ། །དེ་ནས་འཚོ་བྱེད་གཞོན་ནུ་གསོས་ཀྱིས་བཅོམ་ལྡན་འདས་ཀྱིས་ཅང་མི་
Ka116a
༄#། །གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་ནད་པ་རབ་ཏུ་འབྱིན་པར་བྱེད་པ་ལས་གྱུར་པ་ཡིན་ནོ་སྙམ་ནས། བཀའ་སྩལ་པ། དེ་ལྟ་བས་ན་དགེ་སློང་གིས་ནད་པ་རབ་ཏུ་དབྱུང་བར་མི་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་ནད་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་སེར་སྐྱའི་གནས་ན་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་སེར་སྐྱའི་གནས་ཀྱི་ཤཱཀྱ་རྣམས་ཀྱི་ཁྱིམ་དག་ནས་རེ་རེ་རབ་ཏུ་ཕྱུང་བ་དེའི་ཚེ་ན། དེ་དག་གི་གན་དུ་ཉེ་དུ་དག་ལྷགས་ནས། དེ་དག་ཉེ་དུ་ལྷགས་པ་དེ་དག་ལ་ཆོས་སྟོན་པར་བྱེད་དོ། །དེ་དག་ཆོས་ཐོས་ནས་ཉེ་དུ་རབ་ཏུ་ཕྱུང་བ་ན། ཤཱཀྱ་མོ་ལ་ལའི་ནི་ཕ་རབ་ཏུ་ཕྱུང ། ལ་ལའི་ནི་མིང་པོ། ལ་ལའི་ནི་ཁྱིམ་བདག། ལ་ལའི་ནི་སྐུད་པོ། ལ་ལའི་ནི་བུ་རབ་ཏུ་བྱུང་བ་དང ། དེ་དག་མྱ་ངན་གྱིས་ནོན་ནས། མཚན་མོའི་ཐོ་རངས་ཀྱི་དུས་ཀྱི་ཚེ། སྙིང་རྗེ་རྗེ་སྐད་དུ་དུའོ། །རྒྱལ་པོ་ཟས་གཙང་གིས་མཚན་མོའི་ཐོ་རངས་ཀྱི་དུས་ཀྱི་ཚེ་ན་ཤཱཀྱ་མོ་རབ་ཏུ་མང་པོ་དག་སྙིང་རྗེ་རྗེ་སྐད་དུ་དུ་བའི་སྒྲ་ཐོས་སོ། །ཐོས་ནས་ཀྱང་ཤཱཀྱ་རྣམས་ལ་སྨྲས་པ། ཤེས་ལྡན་དག་ཅིའི་ཕྱིར་མཚན་མོའི་ཐོ་རངས་ཀྱི་དུས་ཀྱི་ཚེ་ཤཱཀྱ་མོ་རབ་ཏུ་མང་པོ་དག་
Ka116b
སྙིང་རྗེ་རྗེ་སྐད་དུ་དུ། དེ་དག་གིས་སྨྲས་པ། ལྷ་འཕགས་པ་འདི་དག་གིས་རིགས་ཀྱི་བུ་ཕ་མས་མ་གནང་བར་རབ་ཏུ་འབྱིན་པར་བགྱིད། བསྙེན་པར་རྫོགས་པར་བགྱིད་དེ། ཤཱཀྱ་མོ་ལ་ལའི་ནི་ཕ་རབ་ཏུ་ཕྱུང ། ལ་ལའི་ནི་མིང་བོ། ལ་ལའི་ནི་ཁྱིམ་བདག། ལ་ལའི་ནི་སྐུད་པོ། ལ་ལའི་ནི་བུ་རབ་ཏུ་བྱུང་བ་དང ། དེ་དག་མྱ་ངན་གྱིས་ནོན་ནས། མཚན་མོའི་ཐོ་རངས་ཀྱི་དུས་ཀྱི་ཚེ་སྙིང་རྗེ་རྗེ་སྐད་དུ་དུའོ། །རྒྱལ་པོ་ཟས་གཙང་གིས་བསམས་པ། འདི་ནི་བདག་གི་བྱ་བ་ཁོ་ན་ཡིན་གྱིས། བཅོམ་ལྡན་འདས་ཀྱི་སྤྱན་སྔར་འགྲོའོ་སྙམ་མོ། །དེ་ནས་རྒྱལ་པོ་ཟས་གཙང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་རྒྱལ་པོ་ཟས་གཙང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་དམ་པ་འོས་སོ། །བདེ་བར་གཤེགས་པ་བདག་ལ་དམ་པ་འོས་སོ། །རྒྱལ་པོ་ཆེན་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་དམ་པ་ལས་འདས་པ་ཁོ་ན་ཡིན་ན། ཁྱོད་ལ་དམ་པ་ཅི་ཞིག་སྦྱིན། སྨྲོས་ཤིག། འཕགས་པ་རྣམས་ཀྱིས་རྙེད་སླ་བ་གང་ལགས་པའོ། །གལ་ཏེ་རྙེད་སླ་བ་ཡིན་ན་སྦྱིན་ནོ། །བཙུན་པ་གང་གི་ཆེ། བཅོམ་ལྡན་འདས་འཁྲུངས་པ་དེའི་ཚེ་ན། བཅོམ་ལྡན་འདས་འཁོར་ལོ་སྒྱུར་བའི་རྒྱལ་བོར་འགྱུར་ལ། བདག་ཀྱང་ནམ་མཁའི་ངོས་ལ་རྒྱུ་ཞིང་གླིང་བཞི་དག་ཏུ་རྗེས་སུ་མཆིའོ་སྙམ་པས་བདེ་བ་དང ། ཡིད་བདེ་བ་མི་ཆུང་བ་དང་ལྡན་པ་ལས། བཙུན་
Ka117a
༄#། །པ་གང་གི་ཚེ། བཅོམ་ལྡན་འདས་རབ་ཏུ་བྱུང་བ་དེའི་ཚེ་ན། བདག་གི་འཁོར་ལོས་སྒྱུར་བར་རེ་བ་གང་ལགས་པ་དེ་མ་མཆིས་པར་གྱུར་ཏོ། །གཞན་ཡང་གཞོན་ནུ་མཛེས་དགའ་འདི་སྟོབས་ཀྱི་འཁོར་ལོས་སྒྱུར་བའི་རྒྱལ་པོར་འགྱུར་རོ་སྙམ་དུ་རེ་བ་ཙམ་དུ་གྱུར་པ་ལས་གང་གི་ཚེ་གཞོན་ནུ་མཛེས་དགའ་རབ་ཏུ་བྱུང་བ་དེའི་ཚེ་ན། བདག་གི་སྟོབས་ཀྱི་འཁོར་ལོས་སྒྱུར་བར་རེ་བ་གང་ལགས་པ་དེ་ཡང་མ་མཆིས་པར་གྱུར་ཏོ། །གཞན་ཡང་གཞོན་ནུ་སྒྲ་གཅན་ཟིན་བཟང་པོ་འདི་དངོས་བཙན་པའི་རྒྱལ་པོར་འགྱུར་རོ་སྙམ་དུ་རེ་བ་ཙམ་དུ་གྱུར་བ་ལས། གང་གི་ཚེ་གཞོན་ནུ་སྒྲ་གཅན་ཟིན་བཟང་པོ་རབ་ཏུ་བྱུང་བ་དེའི་ཚེ་ན། བདག་གི་རྒྱལ་པོ་དངོས་བཙན་བར་རེ་བ་གང་ལགས་པ་དེ་ཡང་ཐམས་ཅད་ཀྱི་ཐམས་ཅད་དུ་མ་མཆིས་པར་གྱུར་ཏོ། །བཙུན་པ་གཞན་ཡང་ཕ་མ་དག་ནི་བུ་ལ་བག་དྲོ་བར་གྱུར་པ་ལགས་ན། བཙུན་པ་འཕགས་པ་འདི་དག་རིགས་ཀྱི་བུ་ཕ་མས་མ་གནང་བ་རབ་ཏུ་འབྱིན་པར་བགྱིད། བསྙེན་པར་རྫོགས་པར་བགྱིད་པས། ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ། གང་གིས་འཕགས་པ་དག་རིགས་ཀྱི་བུ་ཕ་མས་མ་གནང་བ་རབ་ཏུ་འབྱིན་པ་དང ། བསྙེན་པར་རྫོགས་པར་མི་བགྱིད་པར་དྲན་པར་བགྱི་བ་ཅུང་ཞིག་བཅའ་བ་མཛད་ན་ལེགས་སོ། །བཅོམ་ལྡན་འདས་ཀྱིས་རྒྱལ་པོ་ཟས་གཙང་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོ་ཟས་གཙང་གིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་
Ka117b
ངོ ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་རིགས་ཀྱི་བུ་ཕ་མས་མ་གནང་བར་རབ་ཏུ་འབྱིན་པར་བྱེད། བསྙེན་པར་རྫོགས་པར་བྱེད་པ་ལས་གྱུར་པ་ཡིན་ནོ། །སྙམ་ནས་བཀའ་སྩལ་པ། དེ་ལྟ་བས་ན། དགེ་སློང་གིས་རིགས་ཀྱི་བུ་ཕ་མས་མ་གནང་བ་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་ཕ་མས་གནང་ངམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་རིགས་ཀྱི་བུ་ཕ་མས་མ་གནང་བ་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱའོ་ཞེས་བཀའ་སྩལ་ནས། ཕ་མས་མ་གནང་བ་ཡུལ་ཐག་རིང་པོ་ཕ་མས་གཏམ་ཡང་མི་ཐོས་པ་གཞན་དག་འོངས་ནས། དགེ་སློང་རྣམས་ཀྱིས་དེ་དག་ཀྱང་རབ་ཏུ་འབྱིན་པར་མི་བྱེད་པས། དེ་དག་རབ་ཏུ་འབྱུང་བ་མ་ཐོབ་པར་དོང་སྟེ། དེ་ཉིད་ཚེ་དང་ལྡན་པ་དེ་དག་གིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པར་དགེ་སློང་གི་དངོས་པོའི་བར་ཆད་དུ་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཕ་མས་མ་གནང་བ་ཡུལ་ཐག་རིང་པོ་ཕ་མས་གཏམ་ཡང་མི་ཐོས་པ་གང་དག་འོངས་ན། དེ་དག་ནི་རབ་ཏུ་དབྱུང་བར་བྱ་སྟེ། འདི་ལ་འགྱོད་པར་མི་བྱའོ། །སྡོམ་ལ། བྱ་རོག་སྐྲོད་དང་སུན་བྱུང་དང ། །རྐུ་ཐབས་གནས་དང་མ་ནིང་དང ། །དུད་འགྲོ་དང་ནི་མུ་སྟེགས་ཅན། །མ་བསད་པ་དང་ཕ་བསད་པའོ། །
Ka118a
༄#། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་འཕགས་སྐྱེས་པོ་མི་གཏི་མུག་ཅན་གྱིས། སེར་སྐྱའི་གནས་ན་གནས་པའི་ཤཱཀྱ་འཁོན་མེད་པ་དང ། མི་འགྲན་པ་དང ། མི་འཁུ་པ་དག་བསད་པ་དེའི་ཚེ་ན། ཚེ་དང་ལྡན་པ་ཀུན་དགའ་པོའི་སྲིང་མོའི་བུ་གཉིས་ཤིག་ཕ་མས་བོར་ནས་དེ་དང་དེ་ན་འཁྱམས་པ་ལས། མཉན་ཡོད་ཀྱི་ཚོང་བ་དག་ཟོང་ཐོགས་ཏེ་སེར་སྐྱའི་གནས་སུ་དོང་བ་དང ། དེ་དག་གིས་དེ་གཉིས་བཞིན་གཟུགས་ལས་ངོ་ཤེས་ནས་སྨྲས་པ། ཁྱེའུ་གཉིས་ཁྱེད་ཀྱི་ཕ་མ་གཉིས་གང་ན། དེ་གཉིས་ཀྱིས་སྨྲས་པ། འཕགས་སྐྱེས་པོ་མི་གཏི་མུག་ཅན་གྱིས་བསད་དོ། །མཉན་ཡོད་ན་ཁྱེད་གཉིས་ཀྱི་ཞང་པོ་བཙུན་པ་ཀུན་དགའ་བོ་ཞེས་བྱ་བ་དགེ་སློང་རབ་ཏུ་གྲགས་པ་འདུག་ན་ཅིའི་ཕྱིར་དེར་མི་འདོང ། དེ་གཉིས་ཀྱིས་སྨྲས་པ། ཁོ་བོ་ཅག་སུ་ཞིག་གིས་དེར་ཁྲིད་པར་འགྱུར། ཁོ་བོ་ཅག་གིས་བཀྲིའོ། །དེ་དག་གིས་ཟོང་བསྒྱུར་ནས་རིན་བླངས་ཏེ། ཁྱེའུ་དེ་གཉིས་ཁྲིད་ནས་མཉན་ཡོད་དུ་སོང་སྟེ། དེ་དག་གིས་ཁྱེའུ་དེ་གཉིས་རྒྱལ་བྱེད་ཀྱི་ཚལ་གྱི་སྒོར་བོར་བ་དང ། ཚེ་དང་ལྡན་པ་ཀུན་དགའ་བོས་དེ་གཉིས་བཞིན་གཟུགས་ལས་ངོ་ཤེས་ནས་དེས་སྨྲས་པ། ཁྱེའུ་གཉིས་ཀྱི་ཕ་མ་གཉིས་གང་ན། དེ་གཉིས་ཀྱིས་སྨྲས་པ། འཕགས་སྐྱེས་པོ་མི་གཏི་མུག་ཅན་གྱིས་བསད་དོ། །ཚེ་དང་ལྡན་པ་ཀུན་དགའ་བོ་ཉེ་དུ་ལ་མཉེས་གཤིན་པ་ཡིན་པས། དེས་ཉེ་དུ་དང་བྲལ་བ་ཐོས་ནས་མཆི་མས་བརྣངས་ཏེ་འདུག་
Ka118b
གོ། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཀུན་དགའ་བོ་ཁྱོད་ཀྱི་ཁྱེའུ་འདི་གཉིས་སུ་དག་ཅིག་ཡིན། སྲིང་མོའི་བུ་དག་གོ། ཁྱོད་ཅིའི་ཕྱིར་འདི་གཉིས་སྡུད་པར་མི་བྱེད། དེས་སྨྲས་པ། ཁོ་བོ་ནི་ལྟོ་འགྲངས་ཙམ་གྱིས་བསོད་སྙོམས་བླངས་ནས་ཕྱིར་འབྱུང་ན། ཁོ་བོས་འདི་གཉིས་ལ་གང་ནས་སྦྱིན། དེ་དག་གིས་སྨྲས་པ། ཁྱེའུ་འདི་གཉིས་ཀྱིས་དགེ་སློང་དག་ལ་ལོ་མ་དང་མེ་ཏོག་དང་འབྲས་བུ་དག་འབུལ་ན། དགེ་སློང་དག་ཀྱང་འདི་གཉིས་ལ་ལྷུང་བཟེད་ཀྱི་ལྷག་མ་སྦྱིན་པར་འགྱུར་རོ། །དེས་དེ་གཉིས་བསྡུས་ནས་དགེ་སློང་དག་ལ་ལོ་མ་དང་མེ་ཏོག་དང་འབྲས་བུ་དག་འབུལ་དུ་གཞུག་པར་བརྩམས་པ་དང ། དགེ་སློང་དག་ཀྱང་ད་གཉིས་ལ་ལྷུང་བཟེད་ཀྱི་ལྷག་མ་སྦྱིན་པར་བྱེད་དོ། །དེ་དག་གིས་དེ་གཉིས་ལ་ཞག་ཉུང་ཤས་ཤིག་བྱིན་ནས། ཡང་མི་སྦྱིན་པར་བརྩམས་པ་དང ། ཚེ་དང་ལྡན་པ་ཀུན་དགའ་བོ་ལྟོ་འགྲངས་ཙམ་གྱི་བསོད་སྙོམས་བླངས་ནས། ཕྱིར་འབྱུང་བར་བྱེད་ཅིང ། དེ་ཕྱེད་ནི་བདག་ཉིད་ཟ་བར་བྱེད། ཕྱེད་ནི་དེ་གཉིས་ལ་སྦྱིན་པར་བྱེད་པ་ན། སྐྱ་བོ་བསེང་བསེང་པར་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད། མཁྱེན་ཀྱང་མི་རྨེད་པ། དུས་སུ་རྨེད་པ་དང ། དུས་ལས་ཡོལ་བར་མི་རྨད་པ། དོན་དང་ལྡན་པ་རྨེད་པ། དོན་དང་མི་ལྡན་པ་མི་རྨེད་པས་སངས་རྒྱས་བཅོམ་ལྡན་འདས་རྣམས་ནི་དོན་དང་མི་ལྡན་པ་རྨེད་པ་ལ་ཆུ་ལོན་གྱིས་ཟློག་བར་མཛད་པ་ཡིན་ནོ། །དེ་ལ་སངས་རྒྱས་བཅོམ་
Ka119a
༄#། །ལྡན་འདས་རྣམས་ནི་དོན་དང་ལྡན་པ་རྨེད་པ་ལ་དུས་མཁྱེན་པ་ཡིན་པས། སངས་རྒྱས་བཅོམ་ལྡན་འདས་ཀྱིས་དགེ་སློང་རྣམས་ལ་སྨྲས་པ། དགེ་སློང་དག་ཅིའི་ཕྱིར་དགེ་སློང་ཀུན་དགའ་བོ་སྐྱ་བོ་བསེང་བསེང་པོ་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པར་གྱུར། དེ་དག་གིས་གསོལ་པ། བཅོམ་ལྡན་འདས་ཚེ་དང་ལྡན་པ་ཀུན་དགའ་བོའི་སྲིང་མོའི་བུ་གཉིས་ཤིག་ཕ་མས་བོར་ནས་ཚེ་དང་ལྡན་པ་ཀུན་དགའ་བོ་གཡར་བལྟམ་པ་ཙམ་གྱི་བསོད་སྙོམས་བླངས་ནས། སླར་འབྱུང་ཞིང་དེ་ཕྱེད་ནི་བདག་ཉིད་འཚལ་བར་བགྱིད། ཕྱེད་ནི་དེ་གཉིས་ལ་སྩོལ་བས།་དེས་ན་ཚེ་དང་ལྡན་པ་ཀུན་དགའ་བོ་འདི་སྐྱ་བོ་བསེང་བསེང་བོ་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱེའུ་དེ་གཉིས་རབ་ཏུ་མི་འབྱིན་ཏམ། བཅོམ་ལྡན་འདས་རབ་ཏུ་འབྱིན་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རབ་ཏུ་འབྱུང་བར་འདོད་པ་དགེ་འདུན་གྱིས་ཟན་སྦྱིན་པར་རྗེས་སུ་གནང་ངོ ། །བཅོམ་ལྡན་འདས་ཀྱིས་རབ་ཏུ་འབྱུང་བར་འདོད་པ་དགེ་འདུན་གྱིས་ཟན་སྦྱིན་པར་བྱའོ། །ཞེས་བཀའ་སྩལ་ནས། དགེ་སློང་དག་གིས་ཞག་ཉུང་ཤས་ཤིག་བྱིན་ནས་སྨེད་པར་བརྩམས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་ཡང་ལན་གཉིས་སུ་བཀའ་སྩལ་པ། ཀུན་དགའ་བོ་ཁྱེའུ་དེ་གཉིས་རབ་ཏུ་མི་
Ka119b
འབྱིན་ཏམ། བཙུན་པ་དེ་གཉིས་ཀྱིས་དགུང་ལོ་བཅོ་ལྔ་མ་ལགས་སོ། །ཁྱེའུ་དེ་གཉིས་ཀྱིས་དགེ་འདུན་གྱི་སྐོས་མལ་ནས། བྱ་རོག་སྐྲོད་ནུས་སམ། བཙུན་པ་རྔོ་ཐོག་གོ། ཀུན་དགའ་བོ་དེ་ལྟ་བས་ན་ལོ་བདུན་ལོན་པ་བྱ་རོག་སྐྲོད་ནུས་པ་ཡོངས་སུ་སྤང་པས་རབ་ཏུ་དབྱུང་བར་རྗེས་སུ་གནང་ངོ ། །ཚེ་དང་ལྡན་པ་ཀུན་དགའ་བོས་དེ་གཉིས་རབ་ཏུ་ཕྱུང་ངོ ། །རབ་ཏུ་ཕྱུང་ནས་ཀློག་ཏུ་གཞུག་པར་བརྩམས་པ་དང ། དེ་གཉིས་ཀྱིས་ཞག་ཉུང་ཤས་ཤིག་བཀླགས་ནས། མི་ཉན་པར་བརྩམས་པ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོས། ཚེ་དང་ལྡན་པ་ཀུན་དགའ་བོ་ལ་སྨྲས་པ། ཚེ་དང་ལྡན་པ་ཀུན་དགའ་བོ་དགེ་ཚུལ་འདི་གཉིས་ཅིའི་ཕྱིར་ཀློག་ཏུ་མི་གཞུག། དེས་སྨྲས་པ། གནས་བརྟན་པ་དག་ལ་མཉམ་པར་མི་བྱ་བར་སེམས་ན་བདག་གིས་ཇི་ལྟར་བྱ། བདག་གིས་འདི་གཉིས་ཀློག་ཏུ་གཞུག་གོ། དེས་སྨྲས་པ། གནས་བརྟན་དེ་བཞིན་གྱིས་ཤིག། དེས་དེ་གཉིས་ཀློག་ཏུ་གཞུག་པར་བརྩམས་སོ། །དེ་གཉིས་ཀྱིས་དེ་ལ་ཡང་ཞག་ཉུང་ཤས་ཤིག་བཀླགས་ནས། དེ་ལ་ཡང་མི་ཉན་པར་བརྩམས་པ་དང ། ཚེ་དང་ལྡན་པ་ཀུན་དགའ་བོས་སྨྲས་པ། གནས་བརྟན་དགེ་ཚུལ་འདི་གཉིས་ཅིའི་ཕྱིར་ཀློག་ཏུ་མི་གཞུག། དེས་སྨྲས་པ། ཚེ་དང་ལྡན་པ་ཀུན་དགའ་བོ་འདི་གཉིས་ཀྱིས་བདག་ལ་ཡང་མི་ཉན་པར་བརྩམས་སོ། །ཚེ་དང་ལྡན་པ་ཀུན་དགའ་བོས་སྨྲས་པ། གནས་བརྟན་དགེ་ཚུལ་འདི་གཉིས་རེ་ཞིག་ཡིད་བྱུང་བར་གྱིས་ཤིག། ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེ་གཉིས་ལ་སྨྲས་པ། དགེ་ཚུལ་གཉིས་ཉིན་མོ་སྤྱོད་
Ka120a
༄#། །དུ་འདོང་ངོ ། །དེ་གཉིས་ཀྱིས་སྨྲས་པ། འཕགས་པ་བཞུད་དོ། །སྟན་ཁྱེར་ཅིག་།ཚེ་དང་ལྡན་པ་མོའུ་དགལ་གྱི་བུ་ཆེན་པོས་དགེ་ཚུལ་དེ་གཉིས་ཁྲིད་ནས་ཉིན་མོ་སྤྱོད་དུ་སོང་ངོ། །དེ་ནས་ཆེ་དང་ལྡན་པ་མོའུ་དགལ་གྱི་བུ་ཆེན་པོས་ཕྱོགས་གཅིག་ཏུ་སེམས་ཅན་དམྱལ་བ་དག་སྤྲུལ་ཏེ། དེ་ན་གཅོད་པ་དང ། གཤེག་པ་དང ། རྡུང་བ་དང ། འདྲལ་བ་ལ་སོགས་པའི་སྒྲ་དག་གྲག་གོ། དེ་གཉིས་ཀྱིས་སྨྲས་པ། འཕགས་པ་འདི་ཅི་ལགས། དེས་སྨྲས་པ། དེང་ལ་ལྟོས་ཤིག། དེ་གཉིས་དེར་དོང་བ་དང ། ཇི་ཙམ་ན་གཅོད་པ་དང ། གཤེག་པ་དང ། རྡུང་བ་དང ། འདྲལ་བ་ལ་སོགས་པའི་ལས་དག་བྱེད་ཅིང་དེ་ན་ཁ་ཅིག་ནི་སོག་ལེ་དག་གིས་གཤེག་པར་བྱེད། ཁ་ཅིག་ནི་རང་ཐག་དག་གིས་འཐག་པར་བྱེད། ཁ་ཅིག་ནི་ཟངས་པོ་ཆེ་ཁོལ་བ་དག་གི་ནང་དུ་འཇུག་པར་བྱེད་དེ། དེ་ན་ལྕགས་ཀྱི་ཟངས་པོ་ཆེ་གཉིས་ཤིག་ཁོལ་ཞིང་འདུག་པ་མཐོང་ནས། དེ་གཉིས་ཀྱིས་སྨྲས་པ། ཤེས་ལྡན་དག་འདི་གཉིས་སུ་སུ་ཡང་མི་གཞུག་གམ། དེ་དག་གིས་སྨྲས་པ། སུ་ཡང་མི་གཞུག་སྟེ། འདི་ལྟར་འཕགས་པ་ཀུན་དགའ་བོའི་སྲིང་མོའི་བུ་གཉིས་རབ་ཏུ་བྱུང་ནས་ལེ་ལོས་འདའ་བར་བྱེད་པ་དེ་གཉིས་ཤི་ཞིང་དུས་ལ་བབ་ན། འདིར་སྐྱེ་བར་འགྱུར་བས་དེ་གཉིས་ཀྱི་དོན་དུ་བཞག་གོ། དེ་གཉིས་ཤིན་ཏུ་སྐྲག་ནས་གལ་ཏེ་ཤེས་ན། དེང་ཉིད་དུ་གཞུག་པར་འོང་ངོ་སྙམ་ནས། ཕྱོགས་བཞིར་རྣམ་པར་བལྟ་བར་བརྩམས་ནས། དེ་གཉིས་
Ka120b
ཚེ་དང་ལྡན་པ་མོའུ་དགལ་གྱི་བུ་ཆེན་པོའི་གན་དུ་དོང་བ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོས་སྨྲས་པ། ཁྱེད་ཀྱིས་མཐོང་ངམ། འཕགས་པ་མཐོང་ངོ ། །དེ་ན་ཅི་ཡོད། སེམས་ཅན་དམྱལ་བ་དག་མཆིས་སོ། །དེ་ན་ཅི་བྱེད། དེ་གཉིས་ཀྱིས་སྨྲས་པ། གཅོད་པ་དང ། གཤེག་པ་དང ། རྡུང་བ་དང ། འདྲལ་པ་ལ་སོགས་པའི་ལས་དག་བགྱིད་ཅིང ། དེ་ན་ཁ་ཅིག་ནི་སོག་ལེ་དག་གིས་གཤེག་པར་བྱེད། ཁ་ཅིག་ནི་རང་ཐག་དག་གིས་འཐག་པར་བགྱིད། ཁ་ཅིག་ནི་ཟངས་པོ་ཆེ་ཁོལ་བ་དག་གི་ནང་དུ་སྩོལ་བར་བགྱིད་དེ། དེ་ན་ལྕགས་ཀྱི་ཟངས་པོ་ཆེ་གཉིས་ཤིག་ཁོལ་བ་མཆིས་པ་མཐོང་ནས། བདག་ཅག་གིས་ཤེས་ལྡན་དག་འདི་གཉིས་སུ་སུ་ཡང་མི་གཞུག་གམ་ཞེས་བགྱིས་ན། དེ་དག་གི་མཆིད་ནས་སུ་ཡང་མི་གཞུག་སྟེ། འདི་ལྟར་འཕགས་པ་ཀུན་དགའ་བོའི་སྲིད་མོའི་བུ་གཉིས་རབ་ཏུ་བྱུང་ནས། ལེ་ལོས་འདའ་བར་བྱེད་པ་དེ་གཉིས་ཤི་ཞིང་དུས་ལ་བབ་ན། འདིར་སྐྱེ་བར་འགྱུར་བས་དེ་གཉིས་ཀྱི་དོན་དུ་བཞག་གོ་ཞེས་མཆིའོ། །དགེ་ཚུལ་གཉིས་དེ་ལྟར་ན་ཉེས་དམིགས་འདི་དག་དང ། གཞན་དག་ཀྱང་ལེ་ལོས་འབྱུང་བར་འགྱུར་བས་བརྩོན་འགྲུས་གྱིས་ཤིག། དེ་གཉིས་བརྩོན་འགྲུས་རྩོམ་པས་བཀླག་པར་བྱ་བར་བརྩམས་ཤིང ། གལ་ཏེ་སྔ་དྲོ་སེམས་ཅན་དམྱལ་བ་དྲན་ན་ནི་ཟན་ཟ་བར་ཡང་མི་བྱེད་ལ། གལ་ཏེ་ཕྱི་དྲོ་དྲན་ན་ནི་ཟན་དེ་སྐྱུག་པར་འགྱུར་བས། དེ་གཉིས་སྐྱ་བོ་བསེང་བསེང་པོ་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པར་གྱུར་ནས། དེས་སྨྲས་པ། ཚེ་དང་ལྡན་
Ka121a
༄#། །པ་ཀུན་དགའ་བོ་དེ་གཉིས་ཡིད་བྱུང་བར་བྱས་ཟིན་ཏོ། །གནས་བརྟན་འདི་གཟེངས་སྟོད་ཅིག། ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེ་གཉིས་ལ་སྨྲས་པ། དགེ་ཚུལ་གཉིས་ཉིན་མོ་སྤྱོད་དུ་འདོང་ངོ ། །དེ་གཉིས་ཀྱིས་སྨྲས་པ། འཕགས་པ་བཞུད་དེ། ཕྱོགས་གཞན་དུ་བཞུད་ཀྱི། དེར་ནི་མི་བཞུད་དོ། །སྟན་ཁྱེར་ཅིག་།དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེ་གཉིས་ཁྲིད་ནས་ཉིན་མོ་སྤྱོད་དུ་སོང་ངོ ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཕྱོགས་གཅིག་ཏུ་ལྷ་དག་སྤྲུལ་ཏེ། དེ་ན་པི་ཝང་དང་འོད་མ་དང་བ་ལ་རི་དང ། མ་ཧ་ཏི་དང ། སུ་གྷོ་ཤ་ཀ་དག་གི་སྒྲ་དག་གྲག་གོ། དེ་གཉིས་ཀྱིས་སྨྲས་པ། འཕགས་པ་འདི་ཅི་ལགས། དེས་སྨྲས་པ། དེང་ལ་ལྟོས་ཤིག་།དེ་གཉིས་དེང་དོང་བ་དང ། ཇི་ཙམ་ན་པི་ཝང་དང་འོད་མ་དང་བ་ལ་རི་དང ། མ་ཧ་ཏི་དང ། སུ་གྷོ་ཤ་ཀ་དག་གི་སྒྲ་དག་སྒྲོགས་ཤིང ། དེ་ནས་གཞལ་མེད་ཁང་མལ་ཆ་དང ། སྟན་བཤམས་པ་ལྷའི་བུ་མོ་དག་གིས་ཡོངས་སུ་གང་བ་གཉིས་ཤིག་ཡོད། དེ་གཉིས་ན་ལྷའི་བུ་སུ་ཡང་མི་འདུག་པ་མཐོང་ནས། དེ་གཉིས་ཀྱིས་སྨྲས་པ། ཤེས་ལྡན་དག་ཅིའི་ཕྱིར་གཞལ་མེད་ཁང་འདི་གཉིས་ན་ལྷའི་བུ་སུ་ཡང་མི་འདུག་།དེ་དག་གིས་སྨྲས་པ། སུ་ཡང་མི་འདུག་གོ། ཅིའི་ཕྱིར་དེ་དག་གིས་སྨྲས་པ། འཕགས་པ་ཀུན་དགའ་བོའི་སྲིང་མོའི་བུ་གཉིས་རབ་ཏུ་བྱུང་ནས། བརྩོན་འགྲུས་བརྩམས་ཤིང་སྤྱོད་པ་དེ་གཉིས་ཤི་ཞིང་དུས་ལ་བབ་ན་འདིར་སྐྱེ་བར་འགྱུར་བས་དེ་གཉིས་ཀྱི་དོན་དུ་བཞག་གོ། དེ་གཉིས་ཡོངས་སུ་དགའ་ནས་ཆེ་དང་ལྡན་
Ka121b
པ་མོའུ་དགལ་གྱི་བུ་ཆེན་པོའི་གན་དུ་དོང་བ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེ་གཉིས་ལ་སྨྲས་པ། ཁྱེད་ཀྱིས་མཐོང་ངམ། འཕགས་པ་མཐོང་ངོ ། །དེ་ན་ཅི་ཡོད། ལྷ་དག་མཆིས་སོ། །དེ་ན་ཅི་བྱེད། དེ་གཉིས་ཀྱིས་སྨྲས་པ། པི་ཝང་དང་འོད་མ་དང་བ་ལ་རི་དང ། མ་ཧ་ཏི་དང ། སུ་གྷོ་ཤ་ཀ་དག་གི་སྒྲ་དག་སྒྲོགས་ཤིང ། དེ་ན་གཞལ་མེད་ཁང་མལ་ཆ་དང་སྟན་བཤམས་པ། ལྷའི་བུ་མོ་དག་གིས་ཡོངས་སུ་གང་བ་གཉིས་ཤིག་མཆིས་ཏེ། དེ་གཉིས་ན་ལྷའི་བུ་སུ་ཡང་མ་མཆིས་པ་མཐོང་ནས། བདག་ཅག་གཉིས་ཀྱིས་ཤེས་ལྡན་དག་ཅིའི་ཕྱིར་གཞལ་མེད་ཁང་འདི་གཉིས་ན། ལྷའི་བུ་སུ་ཡང་མི་འདུག་ཅེས་བགྱིས་ན། དེ་དག་གི་མཆིད་ནས་སུ་ཡང་མི་འདུག་གོ། ཅིའི་ཕྱིར་ཞེས་བགྱིས་ན། དེ་དག་གི་མཆིད་ནས། འཕགས་པ་ཀུན་དགའ་བོའི་སྲིང་མོའི་བུ་གཉིས་རབ་ཏུ་བྱུང་ནས། བརྩོན་འགྲུས་བརྩམས་ཤིང་སྤྱོད་པ་དེ་གཉིས་ཤི་ཞིང་དུས་ལ་བབ་ན་འདིར་སྐྱེ་བར་འགྱུར་བས། དེ་གཉིས་ཀྱི་དོན་དུ་བཞག་གོ་ཞེས་མཆིའོ། །དགེ་ཚུལ་གཉིས་དེ་ལྟར་ན་ཕན་ཡོན་འདི་དག་དང་གཞན་དག་ཀྱང་བརྩོན་འགྲུས་བརྩམས་པ་ལས་བྱུང་བར་འགྱུར་བས་བརྩོན་འགྲུས་གྱིས་ཤིག། །།འདུལ་བ་གཞི། བམ་པོ་བརྒྱད་པ། དེ་གཉིས་བརྩོན་འགྲུས་རྩོམ་པས་བཀླག་པར་བྱ་བར་བརྩམས་ཏེ། ལུང་ནོད་པ་དང ། ཇི་ཙམ་ན་གླེང་གཞི་དང ། ཡང་དག་པར་ལྡན་པའི་རྒྱུད་དུ་གཏོགས་པ་ལས། དེ་ནས་བཅོམ་ལྡན་འདས་ཀྱིས་ཕྱག་གིས་སེན་མོའི་རྩེ་མོས་རྡུལ་དག་བཞེས་ནས། དགེ་སློང་རྣམས་ལ་བཀའ་སྩལ་པ། དགེ་སློང་
Ka122a
༄#། །དག་དེ་ཇི་སྙམ་དུ་སེམས། ངས་སེན་མོའི་རྩེ་མོའི་རྡུལ་དག་བླངས་པ་གང་དག་ཡིན་པ་དང ། ས་ལ་གནས་པའི་རྡུལ་གང་དག་ཡིན་པ་དེ་དག་གང་མང་སྙམ། བཙུན་པ་བཅོམ་ལྡན་འདས་ཀྱིས་ཕྱག་གི་སེན་མོའི་རྩེ་མོས་རྡུལ་དག་བཞེས་པ་གང་དག་ལགས་པ་དེ་དག་ནི་ཉུང་བ་དང ། ཉུང་ངུ་དང ། ཉུང་ཤས་དང ། ཉུང་ཟད་ལགས་ཏེ། དེ་དག་དོག་ས་ལ་གནས་པའི་རྡུལ་དག་དང་བསྒྲུན་ན་བརྒྱའི་ཆར་ཡང་ཉེ་བར་མི་མཆི། སྟོང་གི་ཆ་དང ། བརྒྱ་སྟོང་གི་ཆ་དང ། གྲངས་དང་ཆ་དང་བགྲང་བ་དང ། དཔེ་དང་རྒྱུར་ཡང་ཉེ་བར་མི་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ས་ལ་གནས་པའི་རྡུལ་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ།
Ka122b
ཡི་དྭགས་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། ཡི་དྭགས་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་
Ka123a
༄#། །དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། ཡི་དྭགས་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་
Ka123b
འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། ཡི་དྭགས་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་དུད་འགྲོ་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། ཡི་དྭགས་རྣམས་ཀྱི་ནང་ནས་ཤི་འཕོས་ཏེ། ཡི་དྭགས་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། ཡི་
Ka124a
༄#། །དྭགས་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི།་ཡི་དྭགས་རྣམས་ཀྱི་ནང་ནས་ཤི་འཕོས་ཏེ། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། ཡི་དྭགས་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། ལྷ་རྣམས་ཀྱི་ནང་ནས་ཤི་འཕོས་ཏེ། སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། ལྷ་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། ལྷ་རྣམས་ཀྱི་ནང་ནས་ཤི་འཕོས་ཏེ། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་
Ka124b
ནི།་ལྷ་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། ལྷ་རྣམས་ཀྱི་ནང་ནས་ཤི་འཕོས་ཏེ། ཡི་དྭགས་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། ལྷ་རྣམས་ཀྱི་ནང་ནས་ཤི་འཕོས་ཏེ། ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། མི་རྣམས་ཀྱི་ནང་ནས་ཤི་འཕོས་ཏེ། སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། མི་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི་མི་རྣམས་ཀྱི་ནང་ནས་ཤི་འཕོས་ཏེ། དུད་འགྲོ་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། མི་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ས་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། མི་རྣམས་ཀྱི་ནང་ནས་ཤི་འཕོས་ཏེ། ཡི་དྭགས་རྣམས་ཀྱི་ནང་དུ་སྐྱེ་བར་འགྱུར་གྱི། སེན་མོའི་རྩེ་མོ་ལ་གནས་པའི་རྡུལ་དག་ཇི་སྙེད་པ་དེ་སྙེད་ཀྱི་སེམས་ཅན་དག་ནི། མི་རྣམས་ཀྱི་ནང་ནས་ཤི་འཕོས་ཏེ། མི་རྣམས་ཀྱི་ནང་དུ་སྐྱེ་བར་འགྱུར་རོ། །ཞེས་གསུངས་པ། འཁོར་ལོ་བཞིན་དུ་སྦྱར་བ་བཀླགས་པ་དང ། དེ་གཉིས་ཀྱིས་སྨྲས་པ། འཕགས་པ་བདག་ཅག་གི་ཡང་ལྷ་དང་མི་རྣམས་ཀྱི་
Ka125a
༄#། །ནང་ནས་ཤི་འཕོས་ཏེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ཀྱི་ནང་དུ་སྐྱེ་བར་བགྱིའམ། དེས་སྨྲས་པ། བཞིན་བཟང་གཉིས་འགྲོ་བ་ལྔ་པོའི་འཁོར་བར་ཇི་སྲིད་དུ་ཉོན་མོངས་པ་རྣམས་རྒྱུན་ཆད་པར་མ་གྱུར་པ་དེ་སྲིད་དུ། ཟོ་ཆུན་རྒྱུད་མོའི་ཚུལ་གྱིས་ཡོངས་སུ་འཁོར་བར་བྱ་དགོས་སོ། །དེ་གཉིས་ཡིད་བྱུང་ནས་ཚིགས་སུ་བཅད་དེ་སྨྲས་པ། གང་ཕྱིར་མི་གནས་ལྷ་རྣམས་མི་བཟང་སྟེ། །འཚོ་བ་ཐུང་བའི་མི་རྣམས་མི་བཟང་ངོ ། །གང་ན་ཞི་མེད་སྲིད་པ་མི་བཟང་སྟེ། །མྱ་ངན་འདས་པ་མཆོག་ཅེས་བདེ་གཤེགས་གསུངས། །འཕགས་པ་ཅི་ནས་ཀྱང་བདག་འཁོར་བར་འཁོར་ན་སླན་ཆད་ཉོན་མོངས་པ་དེ་ལྟ་བུ་དག་ཀུན་ཏུ་སྤྱོད་པར་མི་འགྱུར་བ་དེ་ལྟར་བདག་ཅག་ལ་ཆོས་བསྟན་དུ་གསོལ། ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེ་གཉིས་ཀྱི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་ཁོང་དུ་ཆུད་ནས་གང་ཐོས་ནས་དེ་གཉིས་ཀྱིས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱས་ཏེ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་དང་སྟེའུར་མཉམ་པ། རིག་པའི་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་
Ka125b
ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་པ་དེ་ལྟ་བུའི་ཆོས་བསྟན་པ་བྱས་སོ། །དེ་གཉིས་རྫུ་འཕྲུལ་གྱིས་སྟེང་གི་ནམ་མཁའ་ལ་མེ་ཏོག་དག་ཐུ་ཞིང་འདོང་བ་དགེ་སློང་རྣམས་ཀྱིས་མཐོང་ནས། དེ་དག་གིས་སྨྲས་པ། ཚེ་དང་ལྡན་པ་དག་འདི་གཉིས་གང་དག་ཡིན། ཆེ་གེ་མོ་དང་ཆེ་གེ་མོ་ཡིན་ནོ། །དེ་དག་གིས་སྨྲས་པ། བདག་ཅག་ལྷུང་བཟེད་ནག་པོར་ཟོས་ནས་སོ་དག་ལྷུང་ཞིང་མགོ་སྐྱ་བོར་གྱུར་ཀྱང ། བདག་ཅག་གིས་སེམས་རྩེ་གཅིག་པ་ཡང་མ་ཐོབ་ན། ཚེ་དང་ལྡན་པ་འདི་གཉིས་དང་པོ་ལོ་བདུན་ཁོ་ན་ལོན་པ་དེ་རབ་ཏུ་བྱུང་ན། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱས་པས། བཅོམ་ལྡན་འདས་ཀྱིས་ཀུན་དགའ་བོ་བརྩོན་འགྲུས་ཀྱིས་བྱང་ཆུབ་ཐོབ་བོ་ཞེས་བཀའ་སྩལ་པ། དེ་ནི་ལེགས་པར་གསུངས་པ་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་དགེ་ཚུལ་འདི་གཉིས་ཀྱིས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་ལོ་བདུན་ཁོ་ན་ལགས་ན། རབ་ཏུ་བྱུང་སྟེ། བཅོམ་ལྡན་འདས་ཀྱིས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་པ་གང་ལགས་པ་དེ་འདི་གཉིས་ཁོ་ན་ལ་བརྟེན་ནས་བག་ཡོངས་སུ་མཛད་ཅིང ། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བགྱིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་གཉིས་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་
Ka126a
༄#། །པ།་གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། འདི་གཉིས་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་ནི་ཟིན་པའི་ཕུང་པོ་དང ། ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། ། རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་པ་ཉིད། །དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་འཇིག་རྟེན་དུ་བྱུང་སྟེ། དེ་དགེ་སློང་གི་འཁོར་ཉི་ཁྲི་དང ། ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་རྟེན་ཅིང་བཞུགས་སོ། །ཝཱ་ར་ཎཱ་སི་ན་ཁྱིམ་བདག་ཕན་ཚུན་བཤེས་པ་གཉིས་ཤིག་གཞོན་ནུའི་གནས་སྐབས་སུ་རབ་ཏུ་འབྱུང་བར་འདོད་ན། དེ་གཉིས་ཀྱིས་ཉེ་དུ་དག་ལས་རབ་ཏུ་འབྱུང་བར་མ་ཐོབ་ནས། གང་གི་ཚེ་ལང་ཚོ་ཡོལ་བར་གྱུར་པ་དེའི་ཚེ་ན།
Ka126b
དེ་གཉིས་ཀྱིས་ཉེ་དུ་དག་ལ་བལྟས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་ངོ ། །འདི་ནི་ཆོས་ཉིད་དེ། རྟག་ཏུ་གཞོན་རིམས་ཀྱིས་ལས་བྱ་བ་ཡིན་པས། དགེ་སློང་རྣམས་ཀྱིས་རྒན་ཞུགས་འདི་གཉིས་དེང་ཞིག་།རྒན་ཞུགས་འདི་གཉིས་ཁྱེད་ཅིག་ཅེས་བསྒོའོ། །དེ་ན་གཅིག་ནི་སྤྲོ་རིང་བའི་རང་བཞིན་ཅན་ཡིན་ཅིག་ཤོས་ནི་སྤྲོ་ཐུང་བའི་རང་བཞིན་ཅན་ཡིན་པས། དེ་ཁྲོ་བར་བྱེད་པ་དང ། ཅིག་ཤོས་ཀྱིས་སྨྲས་པ། རྒན་ཞུགས་གཞོན་པའི་གནས་སྐབས་སུ་རབ་ཏུ་མ་བྱུང་ན། ད་ཅིའི་ཕྱིར་ཁྲོ། དེ་ན་འདི་གཉིས་ཀྱིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་ནས། དེའི་འོག་ཏུ་འཆི་བའི་ཚེ་སྨོན་ལམ་འདི་སྐད་ཅེས་བདག་ཅག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་ཅག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གིས། བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་
Ka127a
༄#། །ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་བདག་ཅག་ལེ་བདུན་ཁོ་ན་ལོན་ནས་རབ་ཏུ་བྱུང་སྟེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་པ་གང་ཡིན་པ་དེ། བདག་ཅག་གཉིས་ཁོ་ན་ལ་བརྟེན་ནས་བག་ཡངས་སུ་མཛད་ཅིང ། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་གྱུར་ཅིག་ཅེས་གདབ་པར་བརྩམས་སོ། །དགེ་སློང་དག་དེ་ལ་དེའི་ཚེ་དེའི་དུས་ན། ཁྱིམ་བདག་གཉིས་གང་དག་ཡིན་པ་དེ་དག་ནི་དགེ་ཚུལ་འདི་གཉིས་ཡིན་ཏེ། དེ་གཉིས་ཀྱིས་དེར་སྨོན་ལམ་བཏབ་པ་གང་ཡིན་པ་དེས་ད་ལྟར་ལོ་བདུན་ཁོ་ན་ལོན་ནས་རབ་ཏུ་བྱུང་སྟེ། ངས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅས་པ་གང་ཡིན་པ་འདི་གཉིས་ཁོ་ན་ལ་བརྟེན་ནས་བག་ཡངས་སུ་བྱས་ཤིང ། ཉོན་མོངས་པ་ཐམས་ཅད་སྤངས་པ་དགྲ་བཅོམ་པ་ཉིད་མངོན་དུ་བྱས་སོ། །སངས་རྒྱས་བཅོམ་ལྡན་འདས་ཡུལ་ཀ་ཤི་དག་ཏུ་ལྗོངས་རྒྱུ་ཞིང་གཤེགས་པ་ན་ཕྱོགས་གཅིག་ཏུ་བྱོན་པ་དང་འཛུམ་པ་མཛད་དོ། །ཆོས་ཉིད་ཀྱིས་ན་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ན།་ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་ཀ་དང ། ཤེལ་དང་དངུལ་གྱི་ཁ་དོག་ལྟ་བུ་དག་བྱུང་ནས། ཁ་ཅིག་ནི་འོག་ལོགས་སུ་འདོང ། ཁ་ཅིག་
Ka127b
ནི་སྟེང་ཕྱོགས་སུ་འདོང་པས་གང་དག་འོག་ལོགས་སུ་འདོང་བ་དེ་དག་ནི། སེམས་ཅན་དམྱལ་བ་ཡང་སོས་དང ། ཐིག་ནག་དང ། བསྡུས་གཞོམ་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཆུ་བུར་རྡོལ་བ་དང ། སོ་ཐམ་ཐམ་དང ། ཀྱི་ཧུད་ཟེར་བ་དང ། ་ཆུ་ཟེར་བ་དང ། ུད་པལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་པོར་དོང་སྟེ།་སེམས་ཅན་དམྱལ་བ་ཚ་བ་གང་དག་ཡིན་པ་དེ་དག་ཏུ་བསིལ་བར་གྱུར་ཏེ་འབབ་པར་བྱེད་ལ། སེམས་ཅན་དམྱལ་བ་གྲང་བ་གང་ཡིན་པ་དེ་དག་ཏུ་དྲོ་བར་གྱུར་ཏེ་འབབ་པར་བྱེད་དོ། །དེས་སེམས་ཅན་དམྱལ་བ་དེ་དག་གི་གནོད་པའི་བྱེ་བྲག་དག་རྒྱུན་གཅོད་པར་བྱེད་ཅིང ། དེ་དག་འདི་སྙམ་དུ་ཤེས་ལྡན་དག་ཅི་བདག་ཅག་འདི་ནས་ཤི་འཕོས་སམ། འོན་ཏེ་གཞན་དུ་སྐྱེས་སྙམ་དུ་སེམས་སོ། །དེ་དག་དད་པ་བསྐྱེད་པར་བྱ་བའི་ཕྱིར། བཅོམ་ལྡན་འདས་ཀྱིས་སྤྲུལ་པ་གཏོང་བར་མཛད་དེ། དེ་དག་གིས་སྤྲུལ་པ་མཐོང་ནས། འདི་སྙམ་དུ་ཤེས་ལྡན་དག་བདག་ཅག་འདི་ནས་ཤི་འཕོས་པ་ཡང་མ་ཡིན་ལ། གཞན་དུ་སྐྱེས་པ་ཡང་མ་ཡིན་ཏེ། འདི་ལྟར་སེམས་ཅན་སྔོན་མ་མཐོང་བ་འདིའི་མཐུས་བདག་ཅག་གི་གནོད་པའི་བྱེ་བྲག་དག་རྒྱུན་ཆད་པར་གྱུར་ཏོ་སྙམ་དུ་སེམས་སོ། །དེ་དག་སྤྲུལ་པ་ལ་སེམས་མངོན་པར་དད་པར་གྱུར་ནས། སེམས་ཅན་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས་གང་དུ་བདེན་པ་དག་གི་སྣོད་དུ་གྱུར་པར་འགྱུར་བའི་ལྷ་དང་མི་རྣམས་ཀྱི་ནང་དུ་ཉིང་མཚམས་སྦྱོར་བ་ལེན་པར་བྱེད་དོ།།
Ka128a
༄#། །གང་དག་སྟེང་ལོགས་སུ་འདོང་བ་དེ་དག་ནི་རྒྱལ་ཆེན་བཞི་པ་དང ། སུམ་ཅུ་རྩ་གསུམ་པ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་སྐྱེས་དང ། འབྲས་བུ་ཆེ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་དང ། ཤིན་ཏུ་མཐོང་དང ། འོག་མིན་གྱི་ལྷ་རྣམས་ཀྱི་ནང་དུ་དོང་ནས། མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་ཞེས་བྱ་བའི་སྒྲ་སྒྲོགས་པར་བྱེད་ཅིང ། ཚིགས་སུ་བཅད་པ་གཉིས་པོ། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ན་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་སྨྲས་སོ། །དེ་ནས་འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱུལ་ནས། བཅོམ་ལྡན་འདས་ཉིད་ཀྱི་སླད་བཞིན་སླད་བཞིན་དུ་རྗེས་སུ་འདོང་སྟེ། དེ་ལ་བཅོམ་ལྡན་འདས་འདས་པའི་ལས་ལུང་སྟོན་པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་སུ་ནུབ་པར་འགྱུར་རོ། །མ་འོངས་པའི་ལས་ལུང་སྟོན་པར་བཞེད་ན་ནི། མདུན་ལོགས་སུ་ནུབ་པར་འགྱུར་རོ། །
Ka128b
སེམས་ཅན་དམྱལ་བར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐིལ་དུ་ནུབ་པར་འགྱུར། དུད་འགྲོར་སྐྱེ་བར་ལུང་སྟོན་པར་བཞེད་ན་ནི། ལོང་བུར་ནུབ་པར་འགྱུར། ཡི་དྭགས་སུ་སྐྱེ་བར་ལུང་སྟོན་པར་བཞེད་ན་ནི།་ཞབས་ཀྱི་མཐེ་བོར་ནུབ་པར་འགྱུར། མིར་སྐྱེ་བར་ལུང་སྟོན་པར་བཞེད་ན་ནི། པུས་མོར་ནུབ་པར་འགྱུར། སྟོབས་ཀྱི་འཁོར་ལོས་སྒྱུར་བའི་རྒྱལ་སྲིད་དུ་ལུང་སྟོན་པར་བཞེད་ན་ནི། ཕྱག་མཐིལ་གཡོན་པར་ནུབ་པར་འགྱུར། འཁོར་ལོས་སྒྱུར་བའི་རྒྱལ་སྲིད་དུ་ལུང་སྟོན་པར་བཞེད་ན་ནི། ཕྱག་མཐིལ་གཡས་པར་ནུབ་པར་འགྱུར། ལྷར་སྐྱེ་བར་ལུང་སྟོན་པར་བཞེད་ན་ནི། ལྟེ་བར་ནུབ་པར་འགྱུར། ཉན་ཐོས་ཀྱི་བྱང་ཆུབ་ལུང་སྟོན་པར་བཞེད་ན་ནི། ཞལ་དུ་ནུབ་པར་འགྱུར། རང་སངས་རྒྱས་ཀྱི་བྱང་ཆུབ་ལུང་སྟོན་པར་བཞེད་ན་ནི། མཛོད་སྤུར་ནུབ་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལུང་སྟོན་པར་བཞེད་ན་ནི།་གཙུག་ཏོར་དུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་ཞབས་ཀྱི་མཐིལ་དུ་ནུབ་བོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ་ཞུས་པ། བཙུན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་རྒྱུ་མ་མཆིས། རྐྱེན་མ་མཆིས་པར་འཛུམ་པ་མི་མཛད་ན། བཙུན་པ་འཛུམ་པ་མཛད་པའི་རྒྱུ་ནི་གང་ལགས། རྐྱེན་ནི་གང་ལགས། ཚིགས་སུ་བཅད་པ་ཡང་གསོལ་པ། ཁ་དོག་སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱི་སྒོ་ནས་བྱུང་
Ka129a
༄#། །གྱུར་ཏེ། །དེ་ཡིས་ཕྱོགས་རྣམས་ཐམས་ཅད་སྣང་བགྱིད་པ། །ཉི་གདུགས་བརྡལ་བར་གྱུར་པ་ཇི་བཞིན་ནོ། །རྒོད་བྲལ་ཞུམ་དང་རྒྱགས་པ་རབ་སྤངས་པ། །སངས་རྒྱས་འགྲོ་བ་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བསྟན་པ་རང་བློ་དུས་མཁྱེན་ནས། །ཐུབ་པ་ཁྱུ་མཆོག་དགེ་སྦྱོང་སྐྱེ་དབང་པོ། །ཉན་པའི་སྐྱེ་བོ་སོམ་ཉི་ལྡན་རྣམས་ལ། །ཐེ་ཚོམ་སྐྱེས་པ་གསུང་ཚིག་བརྟན་པ་དང ། །དམ་པ་དགེ་བ་དག་གིས་བསལ་དུ་གསོལ། །ཚ་ཆུ་རི་རྒྱལ་ལྟ་བུར་བརྟན་པ་ཡི། །སངས་རྒྱས་མགོན་རྣམས་གློ་བུར་འཛུམ་མི་སྟོན། །བརྟན་པ་ཇི་སླད་འཛུམ་པ་སྟོན་མཛད་པ། །སྐྱེ་བོའི་ཚོགས་རྣམས་དེ་ནི་ཉན་པར་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ནོ། །དེ་དེ་བཞིན་ཏེ། ཀུན་དགའ་བོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་དེ། ཀུན་དགའ་བོ་ཕྱོགས་འདི་ཉིད་དུ་གཡོན་ཅན་རབ་ཏུ་མང་པོ་དག་གིས་དགེ་སློང་མ་རབ་ཏུ་མང་པོ་དག་ལུས་བསྐྱོད་པས་སུན་ཕྱུང་སྟེ། དེ་དག་འདི་ནས་ཤི་འཕོས་ཏེ་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར། དེ་ནས་དགེ་སློང་ཞིག་གིས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་གཡོན་ཅན་རབ་ཏུ་མང་པོ་དག་གིས། དགེ་སློང་མ་རབ་ཏུ་མང་པོ་དག་ལུས་བསྐྱོད་པས་སུན་
Ka129b
ཕྱུང་བ་གང་དག་ལགས་པ་དེ་དག་གི་ནང་ནས་གཅིག་བདག་ལགས་སོ། །མི་གཏི་མུག་ཅན་ཁྱོད་ཀྱིས་ཀྱང་དགེ་སློང་མ་རབ་ཏུ་མང་པོ་དག་ལུས་བསྐྱོད་པས་སུན་ཕྱུང་ངམ། བཙུན་པ་བདག་གིས་ཀྱང་དགེ་སློང་མ་རབ་ཏུ་མང་པོ་དག་ལུས་བསྐྱོད་པས་སུན་ཕྱུང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གང་ཟག་དག་དགེ་སློང་མ་སུན་ཕྱུང་བ་ནི། ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས་དགེ་སློང་དག། ཁྱེད་ཀྱིས་གང་ཟག་དགེ་སློང་མ་སུན་ཕྱུང་བ། ཆོས་འདུལ་བ་འདི་ལས་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་དགེ་སློང་མ་སུན་ཕྱུང་བ་མ་ཡིན་ནམ། ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་གཅིག་རྒྱལ་བྱེད་ཀྱི་ཚལ་དུ་འོངས་སོ། །དགེ་སློང་དག་འདོད་ཆགས་དང་བྲལ་བ་མེད་པ་ན། དགེ་འདུན་ལྷག་མའི་ལྟུང་བ་འབྱིན་པར་བྱེད་དེ། ཁ་ཅིག་ནི་གཞོན་ནུའི་གནས་སྐབས་སུ་ལྟུང་བ་བྱུང་ནས་རྒན་པོར་གྱུར། ཁ་ཅིག་ནི་རྒན་པོའི་གནས་སྐབས་ནི་ལྟུང་བ་འབྱིན་པར་བྱེད་དོ། །དེ་དག་གིས་གང་གི་ཚེ་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལས་ཐོས་པ་དེའི་ཚེ་ན། ཆོས་བཞིན་དུ་སྒྲུབ་པར་བྱེད་དེ། དེ་དག་ཡོངས་སུ་སྤོ་བ་དང ། མགུ་བར་
Ka130a
༄#། །བྱ་བ་སྤྱོད་པ་ན། དགེ་འདུན་ལ་རིམ་གྲོ་བྱེད་ཅིང་དེ་ན་ཁ་ཅིག་ནི་བཏུང་བ་འདྲིམ་པར་བྱེད། ཁ་ཅིག་ནི་གསིལ་ཡབ་ཐོགས་ཏེ་གཡོབ་པར་བྱེད་དོ། །ཇི་ཙམ་ན་ཁྱིམ་བདག་དེས་དེ་ན་གནས་མལ་བཟང་པོ་དག་བཤམས་ཤིང་ཁ་ཟས་བསོད་པའི་སྤྱི་བུངས་བཤམས་པ་མཐོང་ནས་དེས་བསམས་པ། འདི་དག་གི་ཆོས་ནི་བཟང་ན། འདི་ལྟར་འདི་དག་ལ་སྐྱོན་ཡང་ཡོད་དེ། འདི་དག་ལ་རྗེས་དང ། གུས་པ་མེད་དེ། རྒན་པ་རྒན་པ་དག་ལས་བྱེད་དུ་འཇུག་གོ་སྙམ་ནས། དེ་སྐད་སྨྲས་པ་དང ། དྲུག་སྡེ་དག་གིས་ཐོས་ནས། དེ་དག་གིས་སྨྲས་པ། ཁྱིམ་བདག་ཅི་ཟེར ། འཕགས་པ་ཁྱེད་ཅག་གི་ཆོས་ནི་བཟང་ན། འདི་ལྟར་ཁྱེད་ཅག་ལ་སྐྱོན་ཡང་མཆིས་སོ། །ཁྱིམ་བདག་ཁོ་བོ་ཅག་ལ་སྐྱོན་ཅི་ཡོད། དེས་སྨྲས་པ། འཕགས་པ་དག་ཁྱེད་ཅག་ལ་རྗེ་ས་དང ། གུས་པ་མ་མཆིས་ཏེ། རྒན་པ་རྒན་པ་དག་ལས་བགྱིད་དུ་སྩོལ་ཏོ། །རྒན་པ་དག་ལ་ཡང་ལས་བྱེད་དུ་གཞུག་དགོས་པ་ཡོད་དོ། །འཕགས་པ་དག་ཁྱེད་ཀྱི་ནང་དུ་ང་རབ་ཏུ་ཕྱུང་ན། ཡང་ལས་བགྱིད་དུ་སྩོལ་ཏམ། དེ་དག་གིས་སྨྲས་པ། ཁྱོད་པས་གང་ཆེས་ཁྱད་པར་དུ་འཕགས་པ་རབ་ཏུ་ཕྱུང་ན་ཡང་དེ་ཡང་ངེད་ཀྱིས་ལས་བྱེད་དུ་གཞུག་ན། ཁྱོད་ལྟ་ཅི་སྨོས། དེས་བསམས་པ། གལ་ཏེ་བདག་འདི་དག་གི་ནང་དུ་རབ་ཏུ་བྱུང་ན། བདག་ཀྱང་འདི་དག་གིས་ལས་བྱེད་དུ་གཞུག་པར་འགྱུར་གྱིས། ཐབས་ཀྱི་རྣམ་པ་ཞིག་བྱའོ་སྙམ་མོ། །ཁྱིམ་བདག་དེ་མཁས་པའི་རང་བཞིན་ཅན་ཡིན་པས། །
Ka130b
དེས་དགེ་སློང་དག་གི་གན་ནས་ཀུན་ཏུ་སྤྱོད་པའི་ཆོས་དག་བསླབ་བོ། །བསླབས་ནས་མཐའ་འཁོབ་ཅིག་ཏུ་སོང་སྟེ་སྐྲ་དང་ཁ་སྤུ་བྲེགས་ནས། གོས་ངུར་སྨྲིག་དག་བགོས་ཏེ་འདུག་པ་དང ། ཇི་ཙམ་ན། དགེ་སློང་མཆོད་རྟེན་ལ་ཕྱག་འཚལ་བ་དག་ཕྱོགས་དེ་ནས་འོང་ཞིང་འགྲོ་བར་བྱེད་པ་དེ་དག་གིས་དེ་མཐོང་ནས་སྨྲས་པ། གནས་བརྟན་མཉན་ཡོད་ན་ཆོས་ཀྱི་རྗེ་མངོན་སུམ་དུ་བཞུགས་ཤིང ། དེ་ན་དུས་དང་དུས་སུ་ལྷའི་གཟུགས་དག་ཀྱང་སྣང ། སྣང་བ་རྒྱ་ཆེན་པོ་དག་ཀྱང་འབྱུང ། ལྷའི་སྒྲ་དག་ཀྱང་གྲག། ཀུན་ཤེས་པ་བརྡ་སྤྲོད་པ་དག་ཀྱང་གྲག། ལོངས་སྤྱོད་གཉིས་པོ་ཟང་ཟིང་གི་ལོངས་སྤྱོད་དང ། ཆོས་ཀྱི་ལོངས་སྤྱོད་ཀྱང་ཡོད་ན། ཅིའི་ཕྱིར་མཉན་ཡོད་དུ་མི་འགྲོ། དེས་སྨྲས་པ། ཚེ་དང་ལྡན་པ་དག་འདི་ཉིད་དུ་འདུག་པར་བྱའོ། །དེ་དག་གིས་དེ་ལ་ཡང་དང་ཡང་དུ་སྨྲས་པ། གནས་བརྟན་མཉན་ཡོད་ན་ཆོས་ཀྱི་རྗེ་མངོན་སུམ་དུ་བཞུགས་ཤིང ། དེ་ན་དུས་དང་དུས་སུ་ལྷའི་གཟུགས་དག་ཀྱང་སྣང ། སྣང་བ་ཆེན་པོ་དག་ཀྱང་འབྱུང ། ལྷའི་སྒྲ་དག་ཀྱང་གྲག། ཀུན་ཤེས་པ་བརྡ་སྤྲོད་པ་དག་ཀྱང་གྲག། ལོངས་སྤྱོད་གཉིས་པོ་ཟང་ཟིང་གི་ལོངས་སྤྱོད་དང ། ཆོས་ཀྱི་ལོངས་སྤྱོད་དག་ཀྱང་ཡོད་ན། ཅིའི་ཕྱིར་མཉན་ཡོད་དུ་མི་འགྲོ། དེ་ཚངས་པར་མཚུངས་པར་སྤྱོད་པ་དག་གིས་དུས་བསྐྱེད་པ་ན་མཉན་ཡོད་དུ་སོང་ངོ ། ། ཇི་ཙམ་ན་དེས་དེ་ན་གནས་མལ་བཟང་པོ་བཤམས་ཤིང་ཁ་ཟས་བསོད་པའི་སྤྱི་བུངས་བཤམས་པ་མཐོང་ནས་དེས་བསམས་པ། གལ་ཏེ་བདག་གྲལ་གྱི་དང་པོར་འདུག་ན་ནི།་ཡོན་བཤད་པར་བྱ་
Ka131a
༄#། །དགོས་པར་འགྱུར་རོ། །སྙམ་ནས་དེས་སྟན་གཅིག་བོར་ནས་སྟན་གཉིས་པ་ལ་འདུག་གོ། ཚེ་དང་ལྡན་པ་ཀུན་ཤེས་ཀོའུ་དི་མྱའོངས་ནས། དེས་བསམས་པ། བཅོམ་ལྡན་འདས་ཀྱིས་བདག་སྣམ་སྦྱར་གྱི་རྒྱལ་མཚན་འཆང་བ་རྣམས་ཀྱི་མཆོག་ཏུ་བསྟན་ན། འདི་སུ་ཞིག་ཡིན་སྙམ་མོ། །ཇི་ཙམ་ན་བསམས་པ་དང ། རྐུ་ཐབས་སུ་གནས་པ་ཞིག་ཡིན་པར་མཐོང་ནས། དེས་དེ་སེ་གོལ་གྱི་སྒྲས་བསྐྲད་དོ། །ཚེ་དང་ལྡན་པ་རྟ་ཐུལ་དང ། བཟང་ལྡན་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང ། ལག་བཟང་དང ། ཚེ་དང་ལྡན་པ་ཤཱ་རིའི་བུ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་དང ། དགེ་སློང་གནས་བརྟན་གནས་བརྟན་ཐམས་ཅད་ཀྱིས་ཀྱང་སེ་གོལ་གྱི་སྒྲས་བསྐྲད་དོ། །ཇི་ཙམ་ན་དྲུག་སྡེ་དག་གི་གན་དུ་སོང་བ་དང ། དེ་དག་གིས་དེ་ལ་སྨྲས་པ། གནས་བརྟན་ཁྱོད་ལོ་དུ་ལོན། དེས་ན་ཚོད་ཀྱི་དབང་དུ་བྱས་ཏེ། ཁོ་བོ་ལོ་དྲུག་ཅུ་ལོན་ནོ་ཞེས་སྨྲས་པ་དང ། དེ་དག་གིས་སྨྲས་པ། བཅོམ་ལྡན་འདས་ཉིད་ཀྱིས་ཀྱང་ལོ་དྲུག་ཅུ་མ་བཞེས་ན། འདིས་ག་ལ་ལོན། དེ་དག་གིས་དེ་ལ་སྨྲས་པ། རྒན་ཞུགས་ཁྱོད་ཀྱི་མཁན་པོ་གང་ཡིན། དེས་སྨྲས་པ། དགེ་སྦྱོང་གོའུ་ཏ་མའི་མཁན་པོ་གང་ཡིན། དེ་དག་གིས་སྨྲས་པ། ཚེ་དང་ལྡན་པ་དག་རྒན་ཞུགས་འདི་ནི་རང་གིས་རྟགས་བླངས་པ་ཡིན་ནོ། །ཞེས་དེ་དག་གིས་དེ་ལག་པ་དང ། རྐང་པ་དག་ནས་བཟུང་སྟེ། རྒན་པའི་མཐར་ཁྲིད་ནས་
Ka131b
སྨྲས་པ། དགེ་འདུན་བཙུན་པ་རྣམས་གསན་དུ་གསོལ། འཇིག་རྟེན་ན་རང་བྱུང་གཅིག་ནི་བཅོམ་ལྡན་འདས་ལགས་ན། གཉིས་པ་ནི་རྒན་ཞུགས་འདི་ལགས་སོ། །འདི་ནི་གསོལ་བའོ་ཞེས་སྨྲས་ནས། རྒན་པའི་མཐའ་ནས་བསྐྲད་དོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གང་ཟག་རྐུ་ཐབས་སུ་གནས་པ་ནི་ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས། དགེ་སློང་དག་ཁྱེད་ཀྱིས་གང་ཟག་རྐུ་ཐབས་སུ་གནས་པ་ཆོས་འདུལ་བ་འདི་ལས་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་རྐུ་ཐབས་སུ་གནས་པ་མ་ཡིན་ནམ། ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་གང་ཟག་རྐུ་ཐབས་སུ་གནས་པ་བསྙིལ་བར་བྱའོ་ཞེས་བཀའ་སྩལ་ན། བཙུན་པ་ཇི་ཙམ་གྱིས་ན། གང་ཟག་རྐུ་ཐབས་སུ་གནས་པ་ལགས། ཉེ་བར་འཁོར་གང་ཚུན་ཆད་ནས་དགེ་སློང་རང་བཞིན་དུ་གནས་པ་དག་དང་ལྷན་ཅིག་གསོ་སྦྱོང་གི་ལས་དག་ལན་གཉིས་སམ་གསུམ་དུ་ཉམས་སུ་མྱོང་བར་གྱུར་ན། དེ་ཙམ་གྱིས་ན་གང་ཟག་རྐུ་ཐབས་སུ་གནས་པ་ཡིན་ནོ། ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་བྲམ་ཟེ་ཞིག་འདུག་པ་དེས། རིགས་མཉམ་པ་ལས་
Ka132a
༄#། །ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ཏེ་བཙས་པ་ལས་མ་ནིང་སྐྱེས་པ་འདྲ་བ་བུད་མེད་ཀྱང་མ་ཡིན། སྐྱེས་པ་ཡང་མ་ཡིན་པ་ཞིག་བྱུང་ནས། བསྲིངས་ཤིང་བསྐྱེད་དེ་ཆེར་གྱུར་ཏོ། །དེ་ཁྱེའུ་དག་དང་ལྷན་ཅིག་རྩེ་བར་བྱེད་པ་ན། དེ་དག་ལ་མཚན་མ་སྟོན་པར་བྱེད་ནས་དེ་དག་གིས་དེ་ལ་སྨྲས་པ། ཁྱོད་ཅི་ཡིན་།དེས་སྨྲས་པ། བདག་མ་ནིང་ངོ ། །དེ་དག་གིས་སྨྲས་པ། ཁྱོད་ནི་བྲམ་ཟེ་ཡིན་པས་ཁྱོད་ཀྱི་ཁྱིམ་དུ་མི་སྙན་པར་གྲགས་པར་གྱུར་ན་མི་རུང་གིས། དེ་ལྟར་མ་བྱེད་ཅིག། དེ་དག་གིས་དེའི་ཕ་མ་ལ་སྨྲས་པ། ཁྱོད་ཀྱི་མ་ནིང་འདི་འདི་ལྟ་འདི་ལྟ་བྱེད་ཀྱིས་ཟློག་ཅིག། དེ་དག་གིས་དེ་ལ་སྨྲས་པ། མ་ནིང་བདག་ཅག་ནི་བྲམ་ཟེ་ཡིན་པས་བདག་ཅག་གི་ཁྱིམ་དུ་མི་སྙན་པ་གྲགས་པར་གྱུར་ན་མི་རུང་གིས། དེ་ལྟར་མ་བྱེད་ཅིག། དེ་དེ་དག་གིས་བཟློག་ཀྱང་མི་འདུག་གོ། དེ་དུས་གཞན་ཞིག་ན་རྒྱལ་བྱེད་ཀྱི་ཚལ་དུ་སོང་བ་དང ། ཇི་ཙམ་ན་དེས་དགེ་སློང་གཞོན་ནུ་གཞོན་ནུ་དག་མཐོང་ནས། དེས་བསམས་པ། བདག་འདི་དག་གི་ནང་དུ་རབ་ཏུ་འབྱུང་ན། འདི་དག་བདག་ལ་སྐྱེས་པའི་བྱ་བ་བྱེད་པར་འགྱུར་ཞིང ། བདག་ཀྱང་འདི་དག་ལ་བུད་མེད་ཀྱི་བྱ་བ་བྱེད་པར་འགྱུར་རོ་སྙམ་ནས། དེ་དགེ་སློང་གི་གན་དུ་སོང་སྟེ་སྨྲས་པ། འཕགས་
Ka132b
པ་བདག་རབ་ཏུ་འབྱུང་བར་འཚལ་ལོ། །དེས་དེ་ལ་སྨྲས་པ། ཁྱོད་ཕ་མས་གནང་ངམ། དེས་སྨྲས་པ། མ་གནང་ངོ ། །སོང་ལ་ཕ་མ་ལ་གསོལ་ཅིག། དེ་ཕ་མའི་གན་དུ་སོང་སྟེ་སྨྲས་པ། ཡབ་ཡུམ་བདག་རབ་ཏུ་འབྱུང་བར་འཚལ་ལོ། །དེ་གཉིས་དེས་ཡོངས་སུ་གདུངས་པས་བསམས་པ། བདག་ཅག་འདི་དང་བྲལ་བར་བྱས་རབ་ཏུ་འབྱུང་ལ་རག་གོ་སྙམ་ནས། དེ་གཉིས་ཀྱིས་དེ་ལ་སྨྲས་པ། མ་ནིང་གནང་ངོ་།། དེ་དགེ་སློང་གི་གན་དུ་སོང་སྟེ་སྨྲས་པ། འཕགས་པ་བདག་ཕ་མས་གནང་གིས་རབ་ཏུ་འབྱུང་དུ་གསོལ། དེས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་པ་དང ། དགེ་སློང་རྣམས་ཀྱི་མདུན་དུ་མཚན་མ་སྟོན་པར་བྱེད་ནས། དེ་དག་གིས་དེ་ལ་སྨྲས་པ། ཁྱོད་མ་ནིང་ཡིན་ནམ་ཅི། དེས་སྨྲས་པ། ཡིན་ནོ་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གང་ཟག་མ་ནིང་ནི་ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས། དགེ་སློང་དག་ཁྱོད་ཀྱིས་གང་ཟག་མ་ནིང་ཆོས་འདུལ་བ་འདི་ལ་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་མ་ནིང་མ་ཡིན་ནམ། ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དག་མ་ནིང་ནི་ལྔ་པོ་འདི་དག་ཡིན་ཏེ། ལྔ་གང་ཞེ་ན། སྐྱེས་ནས་མ་ནིང་དང ། ཟླ་བ་ཕྱེད་པའི་མ་ནིང་དང ། འཁྱུད་ནས་ལྡང་བའི་མ་ནིང་དང ། ཕྲག་དོག་ཅན་གྱི་མ་ནིང་དང །
Ka133a
༄#། །ཉམས་པའི་མ་ནིང་ངོ ། །དེ་ལ་སྐྱེས་ནས་མ་ནིང་གང་ཞེ་ན། གང་སྐྱེས་ནས་བུད་མེད་ཀྱང་མ་ཡིན། སྐྱེས་པ་ཡང་མ་ཡིན་པའོ། །ཟླ་བ་ཕྱེད་པའི་མ་ནིང་གང་ཞེ་ན། གང་ཟླ་བ་ཕྱེད་ནི་བུད་མེད། ཟླ་བ་ཕྱེད་ནི་སྐྱེས་པར་འགྱུར་བའོ། །འཁྱུད་ནས་ལྡང་བའི་མ་ནིང་གང་ཞེ་ན། གང་ལ་གཞན་དག་གིས་འཁྱུད་ན་དབང་པོ་འབྱུང་བར་འགྱུར་བའོ། །ཕྲག་དོག་ཅན་གྱི་མ་ནིང་གང་ཞེ་ན། གང་ལ་གཞན་དག་རྩོལ་བ་མཐོང་ན་དབང་པོ་འབྱུང་བར་འགྱུར་བའོ། །ཉམས་པའི་མ་ནིང་གང་ཞེ་ན། གང་གི་དབང་པོ་ནད་ཀྱིས་ཉམས་པའམ། མཚོན་གྱིས་བཅད་པའོ། །དེ་ལ་མ་ནིང་སྔ་མ་བཞི་པོ་སྐྱེས་ནས་མ་ནིང་དང ། ཟླ་བ་ཕྱེད་པའི་མ་ནིང་དང ། འཁྱུད་ནས་ལྡང་བའི་མ་ནིང་དང ། ཕྲག་དོག་ཅན་གྱི་མ་ནིང་གང་དག་ཡིན་པ་དེ་དག་ནི་རབ་ཏུ་མ་བྱུང་ན་ནི་རབ་ཏུ་དབྱུང་བར་མི་བྱ་ལ། རབ་ཏུ་བྱུང་ན་ནི་བསྙིལ་བར་བྱའོ། །དེ་ལ་ཉམས་པའི་མ་ནིང་གང་ཡིན་པ་དེ་ནི་རབ་ཏུ་མ་བྱུང་ན་ནི་རབ་ཏུ་དབྱུང་བར་མི་བྱ་ལ། རབ་ཏུ་བྱུང་ན་ནི་གལ་ཏེ་འགྱུར་བ་མི་སྟེན་ན་བཏང་སྙོམས་སུ་བྱའོ། །གལ་ཏེ་འགྱུར་བ་སྟེན་ན་བསྙིལ་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཀླུ་རྣམས་ཀྱི་ཀུན་ཏུ་སྤྱོད་པ་ནི་ལུས་ལ་ཉིན་མོ་བྱེ་མ་མེའི་མདོག་ལྟ་བུ་ལན་གསུམ་འབབ་ཅིང ། དེས་དེ་དག་རུས་པའི་ཀེང་རུས་ཙམ་ཞིག་ལུས་པར་བྱེད་དོ། །ཀླུ་གཞོན་ནུ་
Ka133b
སྐྱེས་ནས་རིང་པོ་མ་ལོན་པ་ཞིག་གི་ལུས་ལ་ཉིན་མོ་བྱེ་མ་མེའི་མདོག་ལྟ་བུ་ལན་གསུམ་བབ་ཅིང ། དེས་དེ་རུས་པའི་ཀེང་རུས་ཙམ་ཞིག་ལུས་པར་བྱས་པ་དང ། དེས་མ་ལ་སྨྲས་པ། མ་བདག་གིས་ཡུན་ཇི་སྲིད་ཅིག་ཏུ་སྡུག་བསྔལ་འདི་ལྟ་བུ་མནག་པར་བགྱི་འཚལ། བུ་ཇི་སྲིད་དུ་རིས་མཐུན་པ་ཡོད་ཀྱི་བར་དུའོ། །དེ་ན་ཀླུ་རྫུ་འཕྲུལ་ཆེ་བ་དང ། མཐུ་ཆེ་བ་གཞན་གང་དག་ཡིན་པ་དེ་དག་གི་ལུས་ལ་བྱེ་མ་མེའི་མདོག་ལྟ་བུ་མི་འབབས་ནས། དེས་སྨྲས་པ། མ་འདི་དག་ལ་ཅིའི་ཕྱིར་མི་འབབ། མས་སྨྲས་པ། འདི་དག་ནི་རྫུ་འཕྲུལ་ཆེ་བ་མཐུ་ཆེ་བ་བསྐལ་པར་གནས་པ། ས་འཛིན་པ་འདབ་ཆགས་ཀྱི་རྒྱལ་པོ་འདབ་བཟང་གིས་དབྱུང་བར་མི་ནུས་པ་ཡིན་པས། དེའི་ཕྱིར་འདི་དག་ལ་མི་འབབ་བོ། །དེ་ན་ཀླུ་ཕྲ་མོ་གཞན་གང་དག་ཡིན་པ་དེ་དག་གི་ལུས་ལ་ཡང་བྱེ་མ་མེའི་མདོག་ལྟ་བུ་མི་འབབ་ནས། དེས་སྨྲས་པ། མ་འདི་དག་ལ་ནི་རིགས་ན་འདི་དག་ལ་ཅིའི་ཕྱིར་མི་འབབ། མས་སྨྲས་པ། འདི་དག་གིས་བཅོམ་ལྡན་འདས་ཀྱི་སྤྱན་སྔ་ནས་སྐྱབས་སུ་འགྲོ་བ་དང ། བསླབ་པའི་གཞི་དག་བླངས་པས། དེའི་ཕྱིར་འདི་དག་ལ་མི་འབབ་བོ། །དེས་སྨྲས་པ། གལ་ཏེ་དེ་ལྟ་ན་བདག་གིས་ཀྱང་བཅོམ་ལྡན་འདས་ཀྱི་སྤྱན་སྔ་ནས་སྐྱབས་སུ་འགྲོ་བ་དང ། བསླབ་པའི་གཞི་དག་བླང་ངོ ། །མས་སྨྲས་པ། བུ་ཚེ་གཅིག་གི་སྡུག་བསྔལ་ནི་བླའི། ཚེ་རབས་མང་པོའི་ནི་མ་ཡིན་ཏེ། གལ་ཏེ་ཁྱོད་ཀྱིས་བཅོམ་ལྡན་འདས་ཀྱི་སྤྱན་སྔ་ནས་སྐྱབས་སུ་འགྲོ་བ་དང ། བསླབ་
Ka134a
༄#། །པའི་གཞི་དག་བླངས་ནས། ཡང་དག་པར་མ་བསྲུངས་ན། ཡུན་རིང་པོར་སེམས་ཅན་དམྱལ་བར་སྡུག་བསྔལ་མནག་པར་བྱ་དགོས་སོ། །དེས་བསམས་པ།་སྡུག་བསྔལ་འདི་བས་ཆེས་སྡུག་བསྔལ་བར་འགྱུར་བ་ཅི་ཞིག་ཡོད་ཀྱིས། བཅོམ་ལྡན་འདས་ཀྱི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་དག་ལེན་དུ་འགྲོའི་སྙམ་ནས། དེས་བྲམ་ཟེའི་ཆ་ལུགས་སུ་མངོན་པར་སྤྲུལ་ནས་རྒྱལ་བྱེད་ཀྱི་ཚལ་དུ་སོང་བ་དང ། ཇི་ཙམ་ན་དེས་དགེ་སློང་དག་བསམ་གཏན་དང ། ཀློག་པ་དང ། རྣལ་འབྱོར་དང ། ཡིད་ལ་བྱེད་པར་བརྩོན་ཞིང་གནས་པ་མཐོང་ངོ ། །མཐོང་ནས་ཀྱང་དད་པ་སྐྱེས་ཏེ། དེས་བསམས་པ། ཇི་ཇེ་དང་པོར་སྐྱབས་སུ་འགྲོ་བ་དང ། བསླབ་པའི་གཞི་དག་བླང་ངམ། འོན་ཏེ་རབ་ཏུ་འབྱུང་བར་བྱ་སྙམ་མོ། །དེ་ཡང་བསམས་པ། རབ་ཏུ་འབྱུང་བར་བྱའོ་སྙམ་ནས། དེ་དགེ་སློང་གི་གན་དུ་སོང་སྟེ་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་སྨྲས་པ། ཁོ་བོ་ནི་གསར་བུ་ཡིན། གནས་བརྟན་གཞན་འགའ་ཞིག་གི་དྲུང་དུ་སོང་ཞིག་།དེས་སྨྲས་པ། འཕགས་པ་བདག་གིས་གཞན་ངོ་འཚལ་བ་མ་མཆིས་ཏེ། འདི་ལྟར་བདག་ཐོག་མ་ཁོ་ནར་འཕགས་པའི་གན་དུ་མཆིས་པས། ཁྱོད་ཉིད་ཀྱིས་བདག་དགེ་སློང་འགའ་ཞིག་ལ་གཏད་པར་གསོལ། དགེ་སློང་དེའི་མཁན་པོ་དགོན་པ་པ་ཞིག་དགོན་པ་ན་འདུག་
Ka134b
པས། དེས་དེ་ཁྲིད་དེ་དེའི་གན་དུ་སོང་ནས་སྨྲས་པ། མཁན་པོ་རིགས་ཀྱི་བུ་འདི་རབ་ཏུ་འབྱུང་བར་འཚལ་གྱིས་རབ་ཏུ་དབྱུང་དུ་གསོལ། དེས་སྨྲས་པ། བཞིན་བཟང་བཅོམ་ལྡན་འདས་ཀྱིས་དགེ་སློང་དག་གཤན་པ་བྱེད་དུ་བཅུག་པ་ནི་བླའི། རབ་ཏུ་བྱུང་ཞིང་བསྙེན་པར་རྫོགས་པར་བྱས་ནས། ཡལ་བར་བོར་བ་ནི་མི་རུང་ངོ་ཞེས་བཀའ་སྩལ་པས། འདི་ཡང་སེམས་ཅན་དམྱལ་བར་འགྲོ་བར་འགྱུར་ལ།་ཁོ་བོ་ཡང་ལྟུང་བ་དང་བཅས་པར་འགྱུར་བས། ཁོ་བོ་འདི་རབ་ཏུ་མི་འབྱིན་ཏོ། །དེས་སྨྲས་པ། མཁན་པོས་རབ་ཏུ་དབྱུང་བ་འབའ་ཞིག་མཛོད་ཅིག་དང ། བདག་གིས་འདི་བསླབ་པར་བགྱི་ཞིང་ཀློག་ཏུ་སྩལ་བར་བགྱིའོ། །དེས་དེ་རབ་ཏུ་བྱུང་ཞིང་བསྙེན་པར་རྫོགས་པར་བྱས་ནས། སྨྲས་པ། བཞིན་བཟང་འདི་ཉིད་ཁྱོད་ཀྱི་མཁན་པོ་གཅིག་པ་ཡིན། འདི་ཉིད་སློབ་དཔོན་ཡིན་གྱིས། ཁྱོད་ཀྱིས་འདི་ཉིད་ལ་འདྲི་བར་བྱ། ཁྱོད་ཀྱིས་འདི་ཉིད་ལ་བཀླག་པར་བྱ། ཁྱོད་ཀྱིས་འདི་ཉིད་ལ་བསླབ་པར་བྱའོ། །དེས་གཅིག་ལས་འཕྲོས་པའི་ལུང་བཀླགས་པས། དེས་དེ་གཅིག་ལས་འཕྲོས་པའི་ལུང་ཀློག་ཏུ་གཞུག་པར་བརྩམས་པ་དང ། དེ་ཤིན་ཏུ་བརྩོན་འགྲུས་བརྩམས་པས་ཁ་ཏོན་དུ་ལྷོགས་ནས། དགེ་སློང་སློབ་དཔོན་དེ་ཤིན་ཏུ་མིག་གང་སྟེ། དེས་དེ་ལ་སྨྲས་པ། བཞིན་བཟང་ཅི་ལྷན་ཅིག་ཏུ་བསོད་སྙོམས་ལ་འཇུག་པར་བྱའམ། འོན་ཏེ་སོ་སོར་དེང ། དེས་བསམས་པ། བདག་གིས་མིའི་ཟས་ཀྱིས་འཚོ་བར་མི་ནུས་ཀྱིས་བདག་ཀླུའི་གནས་སུ་སོང་ལ་བདུད་རྩི་ཟོས་
Ka135a
༄#། །ཤིང་ཟོས་ཤིང་ཕྱིར་འོང་བར་བྱའོ་སྙམ་ནས། དེས་སྨྲས་པ། སློབ་དཔོན་སོ་སོར་འཇུག་པར་བགྱིའོ། །དེས་སྨྲས་པ། བཞིན་བཟང་དེ་ལྟར་གྱིས་ཤིག། དེ་ཀླུའི་གནས་སུ་ལྷའི་བདུད་རྩི་ཟོས་ནས་ཕྱིར་འོང་ངོ ། །ཀླུ་རྣམས་ནི་གཉིད་ཆེ་བ་ཡིན་པས། དེ་གང་གི་ཚེ་གཉིད་ལོག་ནས་ལངས་པ་དེའི་ཚེ་ན། དགེ་སློང་དེ་བསོད་སྙོམས་བླངས་ནས་ཕྱིར་འོང་ངོ ། །ཇི་ཙམ་དུས་གཞན་ཞིག་ན་དགེ་སློང་དེས་བསོད་སྙོམས་གློ་བུར་བ་རྙེད་ནས་དེས་དེ་བླངས་ཏེ། ཕྱིར་འོང་བ་དང་ཇི་ཙམ་ན། གནས་ཁང་ནམ་གར་བའི་སྦུད་པ་འབུད་པ་ལྟ་བུའི་སྒྲ་ཐོས་ནས། དེས་གཏན་པའི་བུ་གནས་བལྟས་ན། གནས་ཁང་དེ་ཐམས་ཅད་ཀླུའི་ལུས་བསྐྱིལ་བས་གང་བ་མཐོང་ནས། དེས་སྤྲུལ་པ་སྤྲུལ་པ་ཞེས་སྒྲ་ཕྱུང་བ་དང ། དེ་སྒྲ་ལ་མཁས་པས་མྱུར་བ་མྱུར་བ་ཁོ་ནར་སད་ནས། རང་བཞིན་གྱི་ཆ་ལུགས་མི་སྣང་བར་བྱས་ཏེ། དེ་སྤྲུལ་པའི་ཆ་ལུགས་སུ་འདུག་གོ། དགེ་སློང་དག་ཀྱང་ལྷགས་ནས། དེ་དག་གིས་དེ་ལ་སྨྲས་པ། འདི་ཅི་ཡིན། དེས་སྨྲས་པ།་སྤྲུལ་པ་ཡིན་ནོ། །དེ་དག་གིས་སྨྲས་པ། ཚེ་དང་ལྡན་པ་བརྩོན་འགྲུས་བརྩམས་པས་རྟག་ཏུ་ཁ་ཏོན་ལ་བརྩོན་པ་ཡིན་ན། ཅི་ཁྱོད་འདི་ལ་སེར་སྣ་བྱེད་དམ། དེས་སྨྲས་པ། ཁོ་བོ་ནི་འདི་ལ་ཅུང་ཟད་ཀྱང་སེར་སྣ་མི་བྱེད། འདི་ལྟར་འདི་ནི་སྤྲུལ་པ་ཡིན་ནོ། །དེ་དག་ཕན་ཚུན་སྨྲ་བ་ན། བཅོམ་ལྡན་འདས་ཀྱང་ཕྱོགས་དེར་གཤེགས་ནས། བཅོམ་ལྡན་འདས་ཀྱིས་བཀའ་
Ka135b
སྩལ་པ། འདི་ཅི་ཡིན། དགེ་སློང་དག་གིས་གསོལ་པ། བཅོམ་ལྡན་འདས། སྤྲུལ་པ་ལགས་སོ། །བཅོམ་ལྡན་འདས་ཀྱིས་སྩལ་པ། དགེ་སློང་དག་གང་ཟག་སྤྲུལ་པ་ནི་ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས། དགེ་སློང་དག་ཁྱེད་ཀྱིས་གང་ཟག་སྤྲུལ་པ་ཆོས་འདུལ་བ་འདི་ལས་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་སྤྲུལ་པ་མ་ཡིན་ནམ། ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དག་ཀླུའི་རང་བཞིན་ལྔ་པོ་འདི་དག་ཡིན་ལ། ལྷག་མ་ནི་སྤྲུལ་པ་ཡིན་ནོ། །ལྔ་གང་ཞེ་ན། རང་བཞིན་གྱིས་སྐྱེས་པ་དང ། རང་བཞིན་གྱིས་འཆི་བ་དང ། རང་བཞིན་གྱིས་ཉལ་བ་དང ། རང་བཞིན་གྱིས་ཟ་བ་དང ། རང་བཞིན་གྱིས་མི་ཚངས་པར་སྤྱོད་པ་འཁྲིག་པའི་ཆོས་བསྟེན་པར་བྱེད་པའོ། །བཅོམ་ལྡན་འདས་ཀྱིས་བཀའ་སྩལ་པ། བཞིན་བཟང་ཁྱོད་ཀྱིས་ཕུང་པོ་འདི་དག་གིས་ཡོན་ཏན་གྱི་ཚོགས་འགའ་ཡང་ཐོབ་པར་མི་ནུས་ཀྱིས་དགེ་སློང་རྣམས་ལ་མ་འཚེ་བར་སོང་ཞིག། དེས་བསམས་པ། འབབ་པར་ག་ལ་བྱ་སྙམ་ནས། དེས་སཱ་ལའི་དགོན་པ་ཞིག་ཏུ་སོང་ནས། གཙུག་ལག་ཁང་རྟ་བབས་མཐོན་པོ་དང་ལྡན་པ། མཐོངས་ཁུང་དང་སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ། སྙིང་དང་མིག་འཕྲོག་པར་བྱེད་པ། མཐོ་རིས་ཀྱི་ཐེམ་སྐས་སུ་གྱུར་པ། ཁྲི་དང་ཁྲིའུ་དང ། ཡོ་བྱད་ཕུན་སུམ་ཚོགས་པ་ཞིག་སྤྲུལ་ཏེ། དགེ་སློང་
Ka136a
༄#། །གློ་བུར་དུ་འོངས་པ་དང ། འགྲོ་བར་ཆས་པ་རྣམས་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་དོ། །རྒན་ཞུགས་ཤིག་གཙུག་ལག་ཁང་དེར་དབྱར་གནས་ནས་མཉན་ཡོད་དུ་སོང་ངོ ། །དྲུག་སྡེ་དག་གིས་ཀུན་ཏུ་སྤྱོད་པ་ནི་འདིར་བ་དག་ཅག་གིས་བྲམ་ཟེ་དང ། ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་པས། དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས། ཉེ་དགའ་ནང་པར་སྔར་ལངས་ཏེ་སོ་ཤིང་བོར་ནས་སྣམ་སྦྱར་དམར་སེར་གྱོན་ཏེ། རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་གོ། དེས་ཐག་རིང་པོ་ཁོ་ན་ནས་རྒན་ཞུགས་མགོ་སྤྲ་བའི་མེ་ཏོག་ལྟར་སྐྱ་བ། སྨིན་མ་འཕྱང་བ་ཞིག་འོང་བ་དེ་མཐོང་ནས། དེས་བསམས་པ། འདི་ནི་དགེ་སློང་གནས་བརྟན་འགའ་ཞིག་ཡིན་གོར་མ་ཆག་སྙམ་ནས། དེས་བསུ་སྟེ་གནས་བརྟན་བྱོན་པ་ལེགས་སོ། །བྱོན་པ་ལེགས་སོ། །ཞེས་བྱས་པ་དང ། དེས་སྨྲས་པ། སློབ་དཔོན་ཕྱག་འཚལ་ལོ། །ཉེ་དགས་བསམས་པ། ཀྱེ་མ་འདི་ནི་རྒན་ཞུགས་ཤིག་སྟེ། སློབ་དཔོན་ཡང་མི་ཤེས། མཁན་པོ་ཡང་མི་ཤེས་སྙམ་ནས། དེས་དེ་ལ་སྨྲས་པ། རྒན་ཞུགས་ཁྱོད་ག་ལས་འོངས། སཱ་ལའི་དགོན་པ་ནས་སོ། །ཅི་དེ་ན་གཙུག་ལག་ཁང་ཡོད་དམ། དེས་
Ka136b
སྨྲས་པ། གཙུག་ལག་ཁང་ཡོད་དོ། །ཅི་དེ་གཙུག་ལག་ཁང་ཡིན་ནམ། འོན་ཏེ་ཕོངས་པ་ཡིན། གཙུག་ལག་ཁང་ནི་ཅི་འདྲ། ཕོངས་པ་ནི་ཅི་འདྲ། གང་ན་ཡོ་བྱད་ཐམས་ཅད་དང་ལྡན་པ་ནི་གཙུག་ལག་ཁང་ཡིན་ལ། གང་ན་ཡོ་བྱད་ཐམས་ཅད་དང་བྲལ་བ་ནི་ཕོངས་པ་ཡིན་ནོ། །དེ་གཙུག་ལག་ཁང་ཡིན་ནོ། །དེ་ན་ཅི་ཡོད། དེ་ན་དགེ་སློང་ཞལ་ཏ་བྱེད་པ་གནས་ཏེ། དེས་དགེ་སློང་གློ་བུར་དུ་འོངས་པ་དང ། འགྲོ་བར་ཆས་པ་རྣམས་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་དོ། །དྲུག་སྡེ་དག་གིས་ཀུན་ཏུ་སྤྱོད་པ་ནི། གང་ཅུང་ཟད་ཅི་ཐོས་པ་དེ་ཕྱེམ་བྲེད་ཀྱི་དུས་ཀྱི་ཚེ་གཅིག་ཏུ་འདུག་ནས། ཕན་ཚུན་རྗོད་པར་བྱེད་པ་ཡིན་པས་ཉེ་དགའ་གཙུག་ལག་ཁང་དུ་སོང་སྟེ། དྲུག་སྡེ་དག་ལ་སྨྲས་པ། ཚེ་དང་ལྡན་པ་བདག་ཅག་གིས་ཡུན་ཇི་སྲིད་ཀྱིས་བྲེལ་བ་སྤང་བར་བྱ།་ཁྱོད་ཀྱིས་ཐོས་པ་ཅུང་ཞིག་ཡོད་དམ། ཉེ་དགས་སྨྲས་པ་ཡོད་དེ། སཱ་ལའི་དགོན་པ་ན་གཙུག་ལག་ཁང་ཡོད་དོ། །དེ་ན་ཅི་ཡོད། དེ་ན་ཞལ་ཏ་བྱེད་པ་གནས་ཏེ། དེས་དགེ་སློང་གློ་བུར་དུ་འོངས་པ་དང ། འགྲོ་བར་ཆས་པ་རྣམས་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་ཀྱིས་ཚུར་ཤེག། བདག་ཅག་དེར་འདོང་ངོ ། །དེ་དག་དེར་དོང་བ་དང ། དེས་དེ་དག་ཐག་རིང་པོ་ཁོ་ན་ནས་འོང་བ་མཐོང་ནས། དེས་བསམས་པ། གནས་ངན་ལེན་ཀུན་ཏུ་སྤྱོད་པ་དེ་དག་འདིར་འོངས་སོ་སྙམ་མོ། །དེས་ཡང་བསམས་པ། བདག་གིས་འདི་དག་ལ་ཡོ་བྱད་
Ka137a
༄#། །ཐམས་ཅད་ཀྱིས་བསྟབས་ན། འདི་དག་གིས་བདག་ལ་ཅི་བྱར་ཡོད་སྙམ་ནས། དེས་དེ་དག་ལ་རྒན་རིམ་ཀྱིས་གནས་མལ་ཡང་ཐོག་དང ། ཁང་པ་བརྩེགས་པ་དག་བསྐོས་ཤིང་ཡོ་བྱད་ཐམས་ཅད་ཀྱིས་ཀྱང་བསྟབས་སོ། །དེ་དག་ཉི་མ་ཉུང་ཤས་ཤིག་འཁོར་ནས་སྨྲས་པ། དགའ་བོ་ཉེ་དགའ་རྒན་ཞུགས་འདི་ལ་འདུ་བ་ཡང་མི་སྣང་འགོད་པ་ཡང་མི་སྣང་བས། བདག་ཅག་གིས་འདི་ལ་གྲངས་དག་འདེབས་སུ་གཞུག་གོ། ཞེས་དེ་དག་གིས་དེ་ལ་སྨྲས་པ། རྒན་ཞུགས་ཁྱོད་ལ་འདུ་བ་ཡང་མི་སྣང ། འགོད་པ་ཡང་མི་སྣང་བས་ཚུར་ཤོག། གྲངས་ཐོབ་ཅིག་།དེས་སྨྲས་པ། འཕགས་པ་དག་ཅུང་ཟད་ཉམས་པའམ་གཅིག་ཏུ་མ་གྱུར་ཏམ། དེ་དག་གིས་སྨྲས་པ། ཅུང་ཟད་ཀྱང་ཉམས་པར་མ་གྱུར་ཏེ། ཚངས་པ་མཚུངས་པར་སྤྱོད་པ་རྣམས་ཀྱིས་དྲུག་སྡེ་དག་གཙུག་ལག་ཁང་དེ་ཉིད་དུ་དབྱར་གནས་པ། དེ་དག་གིས་འདུ་བ་ཡང་མི་ཤེས། འགོད་པ་ཡང་མི་ཤེས་སོ་ཞེས་བདག་ཅག་སྨད་པར་འགྱུར་རོ། །དེས་སྨྲས་པ། གནས་བརྟན་དག་གལ་ཏེ་དེ་ལྟ་ན་བགྱིའོ། །ཇི་ཙམ་ན་བྱ། ལོ་བཅུ་གཉིས་ལོན་ནའོ། །དེ་དག་གིས་སྨྲས་པ། རྒན་ཞུགས་ལོ་བཅུ་གཉིས་ན་ཁྱོད་ཀྱིས་གཙུག་ལག་ཁང་འདི་སྒོ་འཕར་ཡང་ཟོས་པར་འགྱུར་རོ། །དེས་སྨྲས་པ། ལོ་བདུན་ནའོ། །དེ་དག་གིས་སྨྲས་པ། མི་རུང་ངོ ། །དེས་སྨྲས་པ། ཟླ་བ་བདུན་ནའོ། །དེ་དག་གིས་
Ka137b
སྨྲས་པ། མི་རུང་ངོ ། །དེས་སྨྲས་པ། ཉིན་ཞག་བདུན་ནའོ། །དེ་དག་གིས་སྨྲས་པ། དགའ་བོ་ཉེ་དགའ་ཉིན་ཞག་བདུན་གྱིས་རྒན་ཞུགས་འདིས་ཅི་ཞིག་ཟོས་པར་གྱུར་ཏེ། དེ་བཞིན་བྱའོ། །དེ་དག་གིས་དེ་ལ་སྨྲས་པ། རྒན་ཞུགས་དེ་བཞིན་གྱིས་ཤིག། དེས་བསམས་པ། ཞག་བདུན་ལོན་ན་གཙུག་ལག་ཁང་འདི་མི་སྣང་བར་འགྱུར་རོ་སྙམ་ནས། དེས་དེ་ན་ཚངས་པ་མཚུངས་པར་སྤྱོད་པ་དེས་པ་དེས་པ་རྣམས་ལ། ལ་ལ་ལ་ནི་སྣམ་སྦྱར་འབུལ་བར་བྱེད། ལ་ལ་ལ་ནི་བླ་གོས། ལ་ལ་ལ་ནི་ཤམ་ཐབས། ལ་ལ་ལ་ནི་རྡུལ་ཟན། ལ་ལ་ལ་ནི་ལྷུང་བཟེད། ལ་ལ་ལ་ནི་ལྷུང་བཟེད་ཆུང་ངུ་འབུལ་བར་བྱེད་དོ། །དྲུག་སྡེ་དག་གིས་དེ་མཐོང་ནས་དེ་དག་གིས་སྨྲས་པ། དགའ་བོ་ཉེ་དགའ་རྒན་ཞུགས་འདི་ཕྱོགས་ཚོལ་གྱི་ཞག་བདུན་འདས་ནས་ཕྱོགས་དང་བཅས་ནས་རྩ་ནས་གདོན་ཏོ། །དེས་ཀྱང་ཞག་བདུན་འདས་ནས་དེ་དག་ཉལ་བ་དང་གཙུག་ལག་ཁང་དེ་མི་སྣང་བར་བྱས་ནས། རྒྱ་མཚོའི་འགྲམ་དུ་སོང་ངོ ། །དེ་དག་ཀྱང་ས་སྒྲེ་བོ་ལ་ཉལ་ཞིང་འཁོད་ནས་སྨྲས་པ། དགའ་བོ་ཉེ་དགའ་ལོངས་ལ་རྡོ་རྒྱུས་ལོང་ཞིག་དང ། གྲངས་འདེབས་སུ་གཞུག་གོ། དེ་དག་གིས་ཇི་ཙམ་ན་བདག་ཅག་ས་སྒྲེ་བོ་ལ་ཉལ་བར་མཐོང་ནས་དེ་དག་གིས་སྨྲས་པ། བཅོམ་ལྡན་འདས་ལ་མངོན་པར་དད་པ། སངས་རྒྱས་དང་ཆོས་དང་དགེ་འདུན་ལ་མཆོད་པ་བྱེད་པ་ཞིག། བདག་ཅག་གིས་མཐོ་བཙམས་ནས། གཙུག་ལག་ཁང་མི་སྣང་བར་བྱས་ཏེ། སོང་བ་དེ་
Ka138a
༄#། །ལྷའམ་ཀླུའམ་གནོད་སྦྱིན་ནམ་སུ་ཡིན་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཞལ་ཏ་བྱེད་པ་དེ་ནི་སྤྲུལ་པ་གང་ཡིན་པ་དེ་ཉིད་ཡིན་ཏེ། གལ་ཏེ་དགེ་སློང་དྲུག་སྡེ་དག་གིས་མཐོ་བཙམས་པར་མ་གྱུར་ན། བསྟན་པ་མཐར་ཐུག་གི་བར་དུ་སངས་རྒྱས་དང་ཆོས་དང་དགེ་འདུན་དག་ལ་མཆོད་པ་བྱེད་པར་འགྱུར་རོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་གཙུག་ལག་ཁང་གང་ན་འདུ་འགོད་མི་མངོན་པར་དེར་གྲངས་འདེབས་སུ་འཇུག་པ་ལས་གྱུར་པ་ཡིན་ནོ་སྙམ་ནས། བཀའ་སྩལ་པ། དེ་ལྟ་བས་ན་གང་ན་འདུ་བ་ཡང་མི་མངོན། འགོད་པ་ཡང་མི་མངོན་པ་དེར་དགེ་སློང་གིས་གྲངས་འདེབས་སུ་གཞུག་པར་མི་བྱའོ། །གང་ན་འདུ་བ་ནི་མངོན་ལ། འགོད་པ་མི་མངོན་པ་དེར་ཡང་དགེ་སློང་གིས་གྲངས་འདེབས་སུ་གཞུག་པར་མི་བྱའོ། །གང་ན་འགོད་པ་ནི་མངོན་ལ་འདུ་པ་མི་མངོན་པ་དེར་ཡང་དགེ་སློང་གིས་གྲངས་འདེབས་སུ་གཞུག་པར་མི་བྱའོ། །གང་ན་འདུ་བ་དང་འགོད་པ་མངོན་པ་དེར་ནི་དགེ་སློང་གིས་དྲན་པ་དང ། ཤེས་བཞིན་གྱིས་ཚོད་རིག་པར་བྱའོ།། །།འདུལ་བ་གཞི། བམ་པོ་དགུ་པ། དེའི་འོག་ཏུ་རྒྱ་མཚོའི་འགྲམ་དུ་སོང་སྟེ། གཙུག་ལག་ཁང་རྟ་བབས་མཐོན་པོ་དང་ལྡན་པ། མཐོངས་ཁུང་དང་སྐར་ཁུང་དྲ་བཅན་\་Bཱ་Cཱཎ?\་དང །
Ka138b
ལན་ཀན་གྱིས་བརྒྱན་པ་སྙིང་དང་མིག་འཕྲོག་པར་བྱེད་པ། མཐོ་རིས་ཀྱི་ཐེམ་སྐས་སུ་གྱུར་པ། ཁྲི་དང་ཁྲིའུ་དང ། ཡོ་བྱད་ཕུན་སུམ་ཚོགས་པ་གཉིས་པ་ཞིག་སྤྲུལ་ཏེ། དེར་རྒྱ་མཚོ་ཆེན་པོའི་ཀླུ་དག་བྲམ་ཟེ་དང་ཁྱིམ་བདག་གི་ཆ་བྱད་ཀྱིས་མངོན་དུ་ལྷགས་ནས། དེ་དག་དེ་ལ་ཆོས་ཉན་པར་བྱེད་དོ། །དེ་དག་གིས་དེ་ལ་ཆོས་ཐོས་ནས་དགེ་སློང་གློ་བུར་དུ་འོངས་པ་དང ། འགྲོ་བར་ཆས་པ་རྣམས་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་དོ། །རྒན་ཞུགས་ཤིག་གཙུག་ལག་ཁང་དེར་དབྱར་གནས་ནས་མཉན་ཡོད་དུ་སོང་ངོ ། །དྲུག་སྡེ་དག་གིས་ཀུན་ཏུ་སྤྱོད་པ་ནི་འདིར་བདག་ཅག་གིས་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཡང་ཆོས་བསྟན་པར་བྱ། རྒོལ་བ་དག་ཀྱང་ཚར་གཅད་པར་བྱ། རང་གི་གྲགས་པ་ཡང་བསྒྲག་པར་བྱའོ་སྙམ་པས། དྲུག་སྡེ་དག་ལས་གང་ཡང་རུང་བས་རྒྱལ་བྱེད་ཀྱི་ཚལ་གྱི་སྒོ་སྟོང་པར་མི་འཇོག་པས། ཉེ་དགའ་ནང་པར་སྔར་ལངས་ཏེ། སོ་ཤིང་བོར་ནས་སྣམ་སྦྱར་དམར་སེར་གྱོན་ཏེ། རྒྱལ་བྱེད་ཀྱི་ཚལ་གྱི་སྒོ་ན་འཆག་ཅིང་འདུག་གོ། དེས་ཐག་རིང་པོ་ཁོ་ན་ནས་རྒན་ཞུགས་མགོ་སྤྲ་བའི་མེ་ཏོག་ལྟར་སྐྱ་བ་སྨིན་མ་འཕྱང་བ་ཞིག་འོང་བ་དེ་མཐོང་ནས། དེས་བསམས་པ། འདི་ནི་དགེ་སློང་གནས་བརྟན་འགའ་ཞིག་ཡིན་གོར་མ་ཆག་སྙམ་ནས་དེས་དེ་བསུ་སྟེ་གནས་བརྟན་བྱོན་པ་ལེགས་སོ། །བྱོན་པ་ལེགས་སོ། །ཞེས་བྱས་པ་དང ། དེས་སྨྲས་པ། སློབ་དཔོན་ཕྱག་འཚལ་ལོ། །ཉེ་དགས་བསམས་པ། ཀྱེ་མ་འདི་ནི་རྒན་ཞུགས་
Ka139a
༄#། །ཤིག་སྟེ། སློབ་དཔོན་ཡང་མི་ཤེས་མཁན་པོ་ཡང་མི་ཤེས་སོ་སྙམ་ནས། དེས་དེ་ལ་སྨྲས་པ་རྒན་ཞུགས་ཁྱོད་ག་ལས་འོངས་རྒྱ་མཚོའི་འགྲམ་ནས་སོ། །ཅི་དེ་ན་གཙུག་ལག་ཁང་ཡོད་དམ། དེས་སྨྲས་པ། གཙུག་ལག་ཁང་ཡོད་དོ། །ཅི་དེ་གཙུག་ལག་ཁང་ཡིན་ནམ། འོན་ཏེ་ཕོངས་པ་ཡིན། གཙུག་ལག་ཁང་ནི་ཅི་འདྲ། ཕོངས་པ་ནི་ཅི་འདྲ། གང་ན་ཡོ་བྱད་ཐམས་ཅད་དང་ལྡན་པ་ནི་གཙུག་ལག་ཁང་ཡིན་ལ། གང་ན་ཡོ་བྱད་ཐམས་ཅད་དང་བྲལ་བ་ནི་ཕོངས་པ་ཡིན་ནོ། །དེ་གཙུག་ལག་ཁང་ཡིན་ནོ། །དེ་ན་ཅི་ཡོད། དེ་ན་དགེ་སློང་ཆོས་སྨྲ་བ་གནས་ཏེ།་དེ་དེ་ན་བྲམ་ཟེ་དང་ཁྱིམ་བདག་རྣམས་ལ་ཆོས་སྟོན་པར་བྱེད་ཅིང ། དེ་དག་གིས་དེ་ལ་ཆོས་ཐོས་ནས་དགེ་སློང་གློ་བུར་དུ་འོངས་པ་དང ། འགྲོ་བར་ཆས་པ་རྣམས་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་དོ། །དྲུག་སྡེ་དག་གི་ཀུན་ཏུ་སྤྱོད་པ་ནི་གང་ཅུང་ཟད་ཅི་ཐོས་པ་དེ་ཕྱེམ་བྲེད་ཀྱི་དུས་ཀྱི་ཚེ་གཅིག་ཏུ་འདུས་ནས་ཕན་ཚུན་རྗོད་པར་བྱེད་པ་ཡིན་པས། ཉེ་དགའ་གཙུག་ལག་ཁང་དུ་སོང་སྟེ། དྲུག་སྡེ་དག་ལ་སྨྲས་པ། ཚེ་དང་ལྡན་པ་དག་བདག་ཅག་གིས་ཡུན་ཇི་སྲིད་ཀྱིས་བྲེལ་བ་སྤང་བར་བྱ། ཁྱོད་ཀྱིས་ཐོས་པ་ཅུང་ཞིག་ཡོད་དམ། ཉེ་དགས་སྨྲས་པ་ཡོད་དེ། རྒྱ་མཚོའི་འགྲམ་ན་གཙུག་ལག་ཁང་ཡོད་དོ། །དེ་ན་ཅི་ཡོད། དེ་ན་དགེ་སློང་ཆོས་སྨྲ་བ་གནས་ཏེ། དེ་དེ་ན་བྲམ་ཟེ་དང་ཁྱིམ་བདག་རྣམས་ལ་ཆོས་སྟོན་པར་བྱེད་ཅིང ། དེ་དག་གིས་དེ་ལས་ཆོས་ཐོས་ནས། དགེ་སློང་
Ka139b
གློ་བུར་དུ་འོངས་པ་དང ། འགྲོ་བར་ཆས་པ་རྣམས་ལ་ཡོ་བྱད་ཐམས་ཅད་ཀྱིས་སྟོབས་པར་བྱེད་ཀྱིས། ཚུར་ཤོག་བདག་ཅག་དེར་འདོང་ངོ ། །དེ་དག་དེར་དོང་བ་དང ། དེས་དེ་དག་ཐག་རིང་པོ་ཁོ་ན་ནས་འོངས་པ་མཐོང་ནས། དེས་བསམས་པ། གནས་ངན་ལེན་ཀུན་ཏུ་སྤྱོད་པ་དེ་དག་འདིར་འོངས་སོ་སྙམ་མོ། །དེས་ཡང་བསམས་པ། བདག་འདི་དག་ལ་ཅུང་ཟད་ཀྱང་རག་ལུས་པ་མེད་ན། འདི་དག་གིས་བདག་ལ་ཅི་བྱར་ཡོད་སྙམ་མོ། །དེ་ནས་རྒྱ་མཚོ་ཆེན་པོའི་ཀླུ་དེ་དག་བྲམ་ཟེ་དང་ཁྱིམ་བདག་གི་ཆ་ལུགས་ཀྱིས་མངོན་དུ་ལྷགས་པ་དང ། དེས་དེ་དག་ལ་ཆོས་སྟོན་ཏོ། །དེ་དག་གིས་དེ་ལས་ཆོས་ཐོས་ནས་དགེ་སློང་གློ་བུར་དུ་འོངས་པ་དང ། འགྲོ་བར་ཆས་པ་རྣམས་ལ་ཡོ་བྱད་ཐམས་ཅད་ཀྱིས་བསྟབས་པ་དང ། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་རྒན་ཞུགས་འདིས་ཅི་ཞིག་ཤེས། གཅིག་ལས་འཕྲོས་པའོ། །འདི་ནི་རེ་ཞིག་རྫུབས་པས་གཅིག་ལས་འཕྲོས་པའི་ཆོས་སྟོན་གྱི། དགེ་སློང་འདི་དག་ནི་སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིག་པ་དང་གྲོལ་བའི་སྤོབས་པ་ཅན་ཤ་སྟག་ཡིན་ན། ཅིའི་ཕྱིར་འདི་དག་ལ་གསོལ་བ་མི་འདེབས། དེ་དག་གིས་དེ་ལ་སྨྲས་པ། རྒན་ཞུགས་ཁྱོད་ཀྱིས་ཅི་ཤེས། དེས་སྨྲས་པ། གཅིག་ལས་འཕྲོས་པའོ། །དེ་དག་གིས་སྨྲས་པ། རྒན་ཞུགས་ཁྱོད་ནི་རེ་ཞིག་རྫུབས་པས་གཅིག་ལས་འཕྲོ་བའི་ཆོས་སྟོན་གྱི། དགེ་སློང་འདི་དག་ནི་སྡེ་སྣོད་གསུམ་དང་ལྡན་པ། ཆོས་སྒྲོགས་པ། རིག་པ་དང་གྲོལ་བའི་སྤོབས་པ་ཅན་ཤ་སྟག་ཡིན་ན། ཅིའི་ཕྱིར་འདི་དག་ལ་གསོལ་བ་
Ka140a
༄#། །མི་འདེབས། དེས་སྨྲས་པ། འཕགས་པ་དག་བདག་གིས་བཟློག་གམ་ཅི་ན་ཁྱེད་ཅིའི་ཕྱིར་ཆོས་མི་སྟོན། དེ་དག་གིས་སྨྲས་པ། དགའ་བོ་ཉེ་དགའ་རྒན་ཞུགས་འདི་བདག་ཅག་དང་མི་མཐུན་པར་བྱེད་ཀྱིས་གནས་ནས་དབྱུང་བའི་ལས་བྱའོ། །དེས་བསམས་པ། གལ་ཏེ་བདག་ལ་གནས་ནས་དབྱུང་བའི་ལས་བྱས་ན། ཀླུའི་གནས་སུ་ཡང་སྐབས་མི་རྙེད་དོ་སྙམ་ནས། དེས་དེ་དག་ཉལ་བ་དང ། གཙུག་ལག་ཁང་དེ་ཡང་མི་སྣང་བར་བྱས་ཏེ། རྒྱ་མཚོ་ཆེན་པོར་ཞུགས་སོ། །དེ་དག་བྱེ་མའི་ཐང་ལ་ཉལ་ཞིང་འཁོད་འཁོད་ནས་སྨྲས་པ། དགའ་བོ་ཉེ་དགའ་ལོངས་ལ་སེང་གེའི་ཁྲི་ཤོམས་ཤིག་དང ། ཆོས་བསྟན་པར་བྱའོ། །དེ་དག་གིས་ཇི་ཙམ་ན་བདག་ཅག་བྱེ་མའི་ཐང་ལ་ཉལ་བ་མཐོང་ནས། དེ་དག་གིས་སྨྲས་པ། བཅོམ་ལྡན་འདས་ལ་མངོན་པ་དད་པ་སངས་རྒྱས་དང་ཆོས་དང་དགེ་འདུན་ལ་མཆོད་པ་བྱེད་པ་ཞིག་བདག་ཅག་གིས་མཐོ་བཙམས་ནས། གཙུག་ལག་ཁང་མི་སྣང་བར་བྱས་ཏེ་སོང་བ་དེ་ལྷའམ། ཀླུ་འམ། གནོད་སྦྱིན་ནམ། སུ་ཡིན་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཆོས་སྨྲ་བ་དེ་ནི་སྤྲུལ་པ་གང་ཡིན་པ་དེ་ཉིད་ཡིན་ཏེ། གལ་ཏེ་དགེ་སློང་དྲུག་སྡེ་དག་གིས་མཐོ་བཙམས་པར་མ་གྱུར་ན། བསྟན་པ་མཐར་ཐུག་གི་བར་དུ་སངས་རྒྱས་དང་ཆོས་དང་དགེ་འདུན་དག་ལ་མཆོད་པ་བྱེད་པར་འགྱུར་རོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་
Ka140b
གང་ཅི་བྱུང་བ་དེ་ནི་དགེ་སློང་དག་མ་གསོལ་བར་ཆོས་སྟོན་པར་བྱེད་པ་ལས་གྱུར་པ་ཡིན་ནོ་སྙམ་ནས་བཀའ་སྩལ་པ། དེ་ལྟ་བས་ན་དགེ་སློང་གིས་མ་གསོལ་བར་ཆོས་བསྟན་པར་མི་བྱའོ། །དགེ་སློང་མ་གསོལ་བར་ཆོས་སྟོན་ན་འགལ་ཚབས་ཅན་དུ་འགྱུར་རོ། །དེའི་ངོར་མགྲོན་དུ་བོས་པ་ལ་ནི་ལྟུང་བ་མེད་དོ། །མཉན་ཡོད་ན་ཁྱིམ་བདག་སངས་རྒྱས་འཚོ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཚེ་དང་ལྡན་པ་ཤཱ་རིའི་བུས་གདུལ་བ་ལ་ལྟོས་པས་དེའི་ཁྱིམ་དུ་སོང་སྟེ། དེས་ཁྱིམ་བདག་དེ་ཆུང་མ་དང་བཅས་པ་སྐྱབས་སུ་འགྲོ་བ་དང ། བསླབ་པའི་གཞི་དག་ལ་བཞག་གོ། ཇི་ཙམ་ན་དུས་གཞན་ཞིག་ན་ཁྱིམ་བདག་དེའི་ཆུང་མ་ལ་སེམས་ཅན་ཞུགས་པར་གྱུར་ཏོ། །ཚེ་དང་ལྡན་པ་ཤཱ་རིའི་བུས་སེམས་ཅན་དེ་ངེས་པར་སྐལ་བ་དང་ལྡན་པ་ཉིད་དུ་ཤེས་ནས། ཕྱི་བཞིན་འབྲང་བའི་དགེ་སྦྱོང་མེད་པར་དེའི་ཁྱིམ་དུ་སོང་བ་དང་ཁྱིམ་བདག་དེས་རྐང་པ་ལ་ཕྱག་འཚལ་ཏེ་སྨྲས་པ། ཅི་འཕགས་པ་སླད་བཞིན་འབྲང་བའི་དགེ་སྦྱོང་མ་མཆིས་སམ། དེས་སྨྲས་པ། ཁྱིམ་བདག་ཅི་ཁོ་བོའི་ཕྱི་བཞིན་འབྲང་བའི་དགེ་སྦྱོང་རྩཝ་ཀུ་ཤའི་བྱིངས་སམ། ཀུ་ཤའི་བྱིངས་ནས་འབྱུང་བར་འགྱུར་རམ། འདི་ལྟར་ཁྱོད་ལྟ་བུ་དག་ལས་ཐོབ་པ་གང་དག་ཡིན་པ་དེ་དག་ཁོ་བོའི་ཕྱི་བཞིན་འབྲང་བའི་དགེ་སྦྱོང་དུ་འགྱུར་རོ། །ཁྱིམ་བདག་སངས་རྒྱས་འཚོས་སྨྲས་པ། འཕགས་པ་བདག་གི་
Ka141a
༄#། །མཆིས་བྲང་འདི་ལ་སེམས་ཅན་ཞིག་ཞུགས་པར་གྱུར་གྱིས། གལ་ཏེ་བུ་ཕོ་ཞིག་བཙས་པར་གྱུར་ན། དེ་བདག་གིས་འཕགས་པའི་སླད་བཞིན་འབྲང་བའི་དགེ་སྦྱོང་དུ་འབུལ་ལོ། །དེས་སྨྲས་པ། ཁྱིམ་བདག་ཐབས་ཡིན་ནོ། །དེ་ཟླ་བ་བརྒྱད་དམ་དགུ་འདས་པ་དང ། ཁྱེའུ་གཟུགས་བཟང་བ་བལྟ་ན་སྡུག་པ་མཛེས་པ་གསལ་བ་གསེར་གྱི་མདོག་འདྲ་བ། མགོ་གདུགས་ལྟ་བུ་དང་ལྡན་པ། ལག་པ་རིང་བ་དང ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ་ཞིག་བཙས་སོ། །བཙས་ནས་དའི་ཉེ་དུ་དག་འདུས་ཤིང་ལྷགས་ནས། དེ་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུའི་མིང་ཅིར་གདགས་ཤེས་མིང་འདོགས་པར་བྱེད་དོ། །གཞན་དག་གིས་སྨྲས་པ། ཁྱེའུ་འདི་སངས་རྒྱས་འཚོའི་བུ་ཡིན་པས། ཁྱེའུའི་མིང་དགེ་འདུན་འཚོར་གདགས་སོ། །ཞེས་དེའི་མིང་དགེ་འདུན་འཚོ་ཞེས་བྱ་བར་བཏགས་སོ། །དེ་དག་གི་ཁྱེའུ་དགེ་འདུན་འཚོ། འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །གང་ཁོ་ནའི་ཉིན་མོ་དགེ་འདུན་འཚོ་བཙས་པ་དེ་ཁོ་ནའི་ཉིན་མོ་ཚོང་པ་ལྔ་བརྒྱ་དག་གི་བུ་དག་ཀྱང་བཙས་ཏེ། དེ་དག་ཀྱང་རིགས་དང་མཐུན་པའི་མིང་དག་བཏགས་སོ། །གང་གི་ཚེ་ཁྱེའུ་དགེ་འདུན་འཚོ་ཆེན་པོར་གྱུར་པ་དེའི་
Ka141b
ཚེ།་ཚེ་དང་ལྡན་པ་ཤཱ་རིའི་བུས་དེ་རབ་ཏུ་དབྱུང་བའི་དུས་ཤེས་ནས། གདུལ་བ་ལ་ལྟོས་པས་ཕྱི་བཞིན་འབྲང་བའི་དགེ་སྦྱོང་མེད་པར་གཅིག་པུ་དེའི་ཁྱིམ་དུ་སོང་བ་དང ། ཁྱིམ་བདག་སངས་རྒྱས་འཚོས་རྐང་པ་ལ་ཕྱག་འཚལ་ཏེ། སྟན་བཏིང་བ་དང ། ཚེ་དང་ལྡན་པ་ཤཱ་རིའི་བུ་འདུག་གོ། འདུག་ནས་ཀྱང་ཁྱིམ་བདག་སངས་རྒྱས་འཚོ་ལ་བརྡ་བྱ་བར་བརྩམས་སོ། །དེ་ནས་ཁྱིམ་བདག་སངས་རྒྱས་འཚོས་དགེ་འདུན་འཚོ་ལ་སྨྲས་པ། ཁོ་བོས་ཁྱོད་མའི་རུམ་ན་འདུག་ཅིང་མ་བཙས་པ་ཉིད་ནས། འཕགས་པ་ཤཱ་རིའི་བུ་ལ་ཕྱི་བཞིན་འབྲང་བའི་དགེ་སྦྱོང་དུ་ཕུལ་གྱིས་ཁྱོད་སོང་ལ་འདི་ལ་བསྙེན་བཀུར་གྱིས་ཤིག། དེ་སེམས་ཅན་སྲིད་པ་ཐ་མ་པ་ཡིན་པས། འཛུམ་པ་སྔོན་དུ་བཏང་སྟེ། འཇིགས་པ་མེད་ཅིང ། བཞིན་ཉམས་པ་མེད་པ་དང ། དམན་པ་མེད་པས་དེ་ལྟར་བགྱིའོ། །ཞེས་ཁས་བླངས་ནས། དེ་ཚེ་དང་ལྡན་པ་ཤཱ་རིའི་བུའི་ཕྱི་བཞིན་རྗེས་སུ་འབྲང་ངོ ། །དེ་ནས་ཚེ་དང་ལྡན་པ་ཤཱ་རིའི་བུས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ནས། ཀུན་ཏུ་སྤྱོད་པའི་ཆོས་དག་བསླབས་ཏེ། ལུང་བཞི་ཀློག་ཏུ་བཅུག་གོ། ཇི་ཙམ་ན་དུས་གཞན་ཞིག་ན་ཚོང་པ་ལྔ་བརྒྱ་པོ་དག་གི་བུ་ལྔ་བརྒྱ་པོ་དེ་དག་གིས་ཕན་ཚུན་གྲོས་བྱས་ཏེ། རྒྱ་མཚོ་ཆེན་པོར་འདོང་བའི་ཟོད་\?\་སྟ་གོན་བྱས་ནས། རྒྱ་མཚོ་ཆེན་པོར་འཕགས་པ་དང་དེ་དག་འདི་སྙམ་དུ་སེམས་ཏེ། ཤེས་ལྡན་དག་རྒྱ་མཚོ་ཆེན་པོ་ནི་འཇིགས་བ་དུ་མས་ཀུན་ཏུ་གང་བ་ཡིན་པས། བདག་ཅག་གིས་གང་བདག་ཅག་རྒྱ་མཚོ་ཆེན་པོའི་ནང་དུ་དོང་བ་རྣམས་ལ་ཆོས་སྟོན་པར་འགྱུར་བའི་འཕགས་
Ka142a
༄#། །པ་འགའ་ཞིག་གཤེགས་སུ་གསོལ་ན། དེས་བདག་ཅག་བདེ་ལེགས་སུ་འགྱུར་སྙམ་ནས། དེ་དག་གི་དཔྱད་པར་བརྩམས་ཏེ་སྨྲས་པ། སུ་གཤེགས་སུ་གཤེགས། གཞན་དག་གིས་སྨྲས་པ། ཤེས་ལྡན་དག་འཕགས་པ་དགེ་འདུན་འཚོ་འདི་བདག་ཅག་གི་ནེའུ་ལྡངས་ལྷན་ཅིག་སྐྱེས་པ་ས་རྡུལ་ལ་ལྷན་ཅིག་རྩེ་རྩེ་བ་ཡིན་པས། བདག་ཅག་གིས་འདི་ལ་གསོལ་བ་གདབ་པར་བྱའོ། །དེ་ནས་དེ་དག་དེའི་གན་དུ་དོང་སྟེ། རྐང་པ་ལ་ཕྱག་འཚལ་ནས་སྨྲས་པ། འཕགས་པ་དགེ་འདུན་འཚོ་ཁྱོད་བདག་ཅག་གི་ནེའུ་ལྡངས་ལྷན་ཅིག་སྐྱེས་པ་ས་རྡུལ་ལ་ལྷན་ཅིག་རྩེ་རྩེ་བ་ལགས་ཏེ། བདག་ཅག་ནི་རྒྱ་མཚོ་ཆེན་པོར་འཕགས་ན། རྒྱ་མཚོ་ཆེན་པོ་ནི་འཇིགས་པ་དུ་མས་ཀུན་ཏུ་གང་བ་ལགས་པས། འཕགས་པས་བདག་ཅག་རྒྱ་མཚོ་ཆེན་པོའི་ནང་དུ་མཆིས་པ་རྣམས་ལ་ཆོས་བསྟན་ན། དེས་བདག་ཅག་བདེ་ལེགས་སུ་འགྱུར་བ་ལགས་ཀྱིས། དེའི་སླད་དུ་འཕགས་པ་བདག་ཅག་དང་ཐབས་ཅིག་ཏུ་རྒྱ་མཚོ་ཆེན་པོར་གཤེགས་པར་གསོལ། དེས་སྨྲས་པ། ཤེས་ལྡན་དག་ཁོ་བོ་ལ་རང་དབང་མེད་ཀྱིས་དེང་ལ་མཁན་པོ་ལ་ཞུས་ཤིག་།དེ་དག་ཚེ་དང་ལྡན་པ་ཤཱ་རིའི་བུ་ག་ལ་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་འཚལ་ཏེ། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ་ཤཱ་རིའི་བུ་མཁྱེན་པར་མཛོད་ཅིག་།འཕགས་པ་དགེ་འདུན་འཚོ་འདི་བདག་ཅག་གི་ནེའུ་ལྡངས་ལྷན་ཅིག་སྐྱེས་པ་ས་རྡུལ་ལ་ལྷན་
Ka142b
ཅིག་རྩེ་རྩེ་བ་ལགས་ཏེ། བདག་ཅག་ནི་རྒྱ་མཚོ་ཆེན་པོར་འཕགས་ན། རྒྱ་མཚོ་ཆེན་པོ་ནི་འཇིགས་པ་དུ་མས་ཀུན་ཏུ་གང་བ་ལགས་པས། འཕགས་པ་དགེ་འདུན་འཚོས་བདག་ཅག་རྒྱ་མཚོ་ཆེན་པོའི་ནང་དུ་མཆིས་པ་རྣམས་ལ་ཆོས་བསྟན་ན། དེས་བདག་ཅག་བདེ་ལེགས་སུ་འགྱུར་ལགས་ཀྱིས། དེའི་སླད་དུ་འཕགས་པ་དགེ་འདུན་འཚོ་བདག་ཅག་དང་ཐབས་ཅིག་རྒྱ་མཚོ་ཆེན་པོར་གཏང་བར་གསོལ། དེས་སྨྲས་པ། བཅོམ་ལྡན་འདས་ཉིད་ལ་ཞུས་ཤིག་དང ། ཁོ་བོ་ཟློག་པར་མི་བྱེད་དོ། །དེ་དག་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མཁྱེན་པར་མཛད་དུ་གསོལ། འཕགས་པ་དགེ་འདུན་འཚོ་འདི་བདག་ཅག་གི་ནེའུ་ལྡངས་ལྷན་ཅིག་སྐྱེས་པས་རྡུལ་ལ་ལྷན་ཅིག་རྩེ་རྩེ་བ་ལགས་ཏེ། བདག་ཅག་ནི་རྒྱ་མཚོ་ཆེན་པོར་འཕགས་ན། རྒྱ་མཚོ་ཆེན་པོ་ནི་འཇིགས་པ་དུ་མས་ཀུན་ཏུ་གང་བ་ལགས་པས། འཕགས་པ་དགེ་འདུན་འཚོས་བདག་ཅག་རྒྱ་མཚོ་ཆེན་པོར་མཆིས་པ་རྣམས་ལ་ཆོས་སྟོན་ན། དེས་བདག་ཅག་བདེ་ལེགས་སུ་འགྱུར་ལགས་ཀྱི། དེའི་སླད་དུ་འཕགས་པ་དགེ་འདུན་འཚོ་བདག་ཅག་དང་ཐབས་ཅིག་རྒྱ་མཚོ་ཆེན་པོར་གཏང་བར་གསོལ། བཅོམ་ལྡན་འདས་ཀྱིས་དགོངས་པ། ཅི་ཚོང་པ་འདི་དག་ལ་དགེ་བའི་རྩ་བ་ཅུང་ཟད་ཡོད་དམ། འོན་ཏེ་མེད་སྙམ་ན་ཡོད་པར་གཟིགས་སོ། །སུ་ལ་རག་ལུས་སྙམ་ན། དགེ་སློང་དགེ་འདུན་
Ka143a
༄#། །འཚོ་ལ་རག་ལུས་པར་གཟིགས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགེ་འདུན་འཚོ་ལ་བཀའ་སྩལ་པ། དགེ་འདུན་འཚོ་ཁྱོད་རྒྱ་མཚོ་ཆེན་པོར་འཇུག་ཏུ་སོང་ལ། ཁྱོད་ཀྱིས་འཇིགས་པ་དང་འཇིགས་སུ་རུང་བ་དག་བཟོད་པར་གྱིས་ཤིག། ཚེ་དང་ལྡན་པ་དགེ་འདུན་འཚོས། བཅོམ་ལྡན་འདས་ལ་ཅང་མི་སྨྲ་བར་དང་དུ་བླངས་སོ། །དེ་ནས་ཚོང་པ་ལྔ་བརྒྱ་པོ་དེ་དག་ཚེ་དང་ལྡན་པ་དགེ་འདུན་འཚོ་དང་ལྷན་ཅིག་དགེ་མཚན་དང ། བཀྲ་ཤིས་དང ། བདེ་ལེགས་སུ་འགྱུར་བ་དག་བྱས་ཏེ། ཤིང་རྟ་དག་དང ། ཁུར་དག་དང ། སྤྱད་དག་དང ། གླེ་བ་དག་དང ། རྔ་མོ་དག་དང ། བ་ལང་དག་དང ། བོང་བུ་དག་གིས་རྒྱ་མཚོ་ཆེན་པོར་འདོང་བའི་ཟོང་ཁྱེར་ཏེ། རྒྱ་མཚོ་ཆེན་པོར་འཕགས་ནས་མཐར་གྱིས་གྲོང་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་དང ། ཚོང་རྡལ་དག་ཏུ་རྣམ་པར་རྒྱུ་བ་ན། རྒྱ་མཚོ་ཆེན་པོའི་འགྲམ་དུ་ཕྱིན་ནས། དེ་དག་གིས་ལམ་གྱིས་དུབ་པ་བསལ་ཏེ། ཟོང་རྙིང་པ་ལྔ་བརྒྱས་གྲུ་བོ་ཆེ་སྦྱར་ནས། ཞོ་ཤས་འཚོ་བ་ལྔ་བརྒྱ་པོ་སྟོབས་པར་བྱེད་པ་དང ། སེལ་བར་བྱེད་པ་དང ། རྐྱལ་ཆེན་དང ། གྲུ་བ་དང ། རླུང་ཡོར་ཐོགས་པ་དག་ཁྲིད་དེ། ལན་གསུམ་དྲིལ་བསྒྲགས་ནས། ནོར་བསྒྲུབ་པའི་ཕྱིར་རྒྱ་མཚོ་ཆེན་པོར་ཞུགས་སོ། །ཇི་ཙམ་ན་དེ་དག་རྒྱ་མཚོ་ཆེན་པོར་དོང་བ་དག་གི་གྲུ་བོ་ཆེ་དེ་ཀླུ་རྣམས་ཀྱིས་བཟུང་ནས། དེ་དག་ཞི་བ་དང ། ཆུ་ལྷ་དང ། ལུས་ངན་དང ། བརྒྱ་བྱིན་དང ། ཚངས་པ་ལ་སོགས་པ་ལྷ་རྣམས་ལ། རྒྱ་མཚོ་ཆེན་པོ་འདི་ན་ལྷའམ། ཀླུའམ། གནོད་
Ka143b
སྦྱིན་ནམ། དྲི་ཟའམ། གང་གནས་པ་དེ་བདག་ཅག་ལ་ཅི་འདོད་པ་སྨྲ་བར་གྱུར་ཅིག། ཅེས་གསོལ་བ་གདབ་པར་བརྩམས་པ་དང ། དེ་ནས་རྒྱ་མཚོ་ཆེན་པོ་ནས་འཕགས་པ་དགེ་འདུན་འཚོ་ངེད་ལ་བྱིན་ཅིག་ཅེས་སྒྲ་བྱུང་ངོ ། །དེ་དག་གིས་སྨྲས་པ། འཕགས་པ་དགེ་འདུན་འཚོ་ནི་བདག་ཅག་གི་ནེའུ་ལྡངས་ལྷན་ཅིག་སྐྱེས་པ་ས་རྡུལ་ལ་ལྷན་ཅིག་རྩེ་རྩེ་བ། བཅོམ་ལྡན་འདས་དང ། བཙུན་པ་ཤཱ་རིའི་བུས་བདག་ཅག་ལ་གནང་བ་ཡིན་པས། བདག་ཅག་འདི་དང་ལྷན་ཅིག་འཆི་བ་དང་དུས་བྱེད་པ་ནི་བླའི། འདི་ཡོངས་སུ་གཏང་བར་ནི་མི་བྱའོ། །ཚེ་དང་ལྡན་པ་དགེ་འདུན་འཚོས་དེ་དག་ལ་སྨྲས་པ། ཤེས་ལྡན་དག་ཅི་ཟེར། དེ་དག་གིས་སྨྲས་པ། འཕགས་པ་རྒྱ་མཚོ་ཆེན་པོ་ནས། འཕགས་པ་དགེ་འདུན་འཚོ་ངེད་ལ་བྱིན་ཅིག་ཅེས་སྒྲ་བྱུང་ངོ ། །དེས་སྨྲས་པ། ཅིའི་ཕྱིར་མི་སྦྱིན། དེ་དག་གིས་སྨྲས་པ། འཕགས་པ་ཁྱོད་ནི་བདག་ཅག་གི་ནེའུ་ལྡངས་ལྷན་ཅིག་སྐྱེས་པས་རྡུལ་ལ་ལྷན་ཅིག་རྩེ་རྩེ་བ། བཅོམ་ལྡན་འདས་དང ། བཙུན་པ་ཤཱ་རིའི་བུས་བདག་ཅག་ལ་གནང་བ་ལགས་པས། བདག་ཅག་ཁྱོད་དང་ལྷན་ཅིག་འགུམ་པ་དང ། དུས་བགྱིད་པ་ནི་བླའི། ཁྱོད་ཡོངས་སུ་གཏང་བར་ནི་མི་བགྱིའོ། །ཚེ་དང་ལྡན་པ་དགེ་འདུན་འཚོས་བསམས་པ། བཅོམ་ལྡན་འདས་ཀྱིས་བདག་ལ་དགེ་འདུན་འཚོ་ཁྱོད་རྒྱ་མཚོ་ཆེན་པོར་འཇུག་ཏུ་སོང་ལ། ཁྱོད་ཀྱིས་འཇིགས་པ་དང ། འཇིགས་སུ་རུང་བ་དག་བཟོད་པར་གྱིས་ཤིག་ཅེས་བཀའ་སྩལ་པ། གང་ཡིན་པ་དེ་ནི་འདི་ཡིན་ནོ་སྙམ་ནས། དེས་
Ka144a
༄#། །ལྷུང་བཟེད་དང ། ཆོས་གོས་ཐོགས་ཏེ། བདག་ཉིད་རྒྱ་མཚོ་ཆེན་པོར་མཆོང་བར་བརྩམས་པ་དང ། དེ་ནས་ཚོང་པ་དེ་དག་གིས་དེས་དེ་ལྟར་བརྩམས་པ་མཐོང་ནས་སྨྲས་པ། འཕགས་པ་དགེ་འདུན་འཚོ་ཅི་མཛད་ཅི་མཛད། དེ་དེ་དག་དེ་ལྟར་བཟློག་བཞིན་དུ་རྒྱ་མཚོ་ཆེན་པོར་མཆོངས་པ་དང ། དེ་མ་ཐག་ཁོ་ནར་ཀླུ་རྣམས་ཀྱིས་གྲུ་བོ་ཆེ་དེ་བཏང་ངོ ། །ཚེ་དང་ལྡན་པ་དགེ་འདུན་འཚོ་ཡང་ཀླུ་རྣམས་ཀྱིས་ཁྲིད་དེ་ཀླུའི་གནས་སུ་ཞུགས་སོ། །དེ་ནས་ཀླུ་དེ་རྣམས་ཀླུའི་བུ་མོ་རྣམས་དང་ལྷན་ཅིག་འཛུམ་པ་མངོན་དུ་བཏང་སྟེ།་ཡ་མཚན་སྐྱེས་ནས་མིག་ཚུགས་སུ་བལྟ་ཞིང ། ཚེ་དང་ལྡན་པ་དགེ་འདུན་འཚོ་མཆོད་རྟེན་དག་ལ་ཕྱག་འཚལ་དུ་གཞུག་པར་བརྩམས་ཏེ། སྨྲས་པ། འཕགས་པ་དགེ་འདུན་འཚོ་འདི་ནི་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དྲི་གཙང་ཁང་ལགས་སོ། །འདི་ནི་གཙུག་ཏོར་ཅན་དང ། ཐམས་ཅད་སྐྱོབ་དང ། འཁོར་བ་འཇིག་དང ། གསེར་ཐུབ་དང ། འོད་སྲུང་གི་དྲི་གཙང་ཁང་ལགས་སོ། །འདི་ནི་བཅོམ་ལྡན་འདས་ཤཱཀྱ་ཐུབ་པའི་དྲི་གཙང་ཁང་ལགས་སོ། །དེས་དེ་དག་དང་ལྷན་ཅིག་མཆོད་རྟེན་དག་ལ་ཕྱག་འཚལ་ནས། ཀླུའི་ཚོགས་ཀྱི་གུང་ལ་སྟན་བཤམས་པ་ཉིད་ལ་འདུག་གོ་།དེ་ནས་ཀླུ་དེ་རྣམས་ཀྱིས་ཐལ་མོ་སྦྱར་ནས་གསོལ་བ་བཏབ་པ། འཕགས་པ་དགེ་འདུན་འཚོ་ལྷ་དང་མི་རྣམས་ལ་ནི་བཅོམ་ལྡན་
Ka144b
འདས་ཀྱི་མདོ་སྡེ་དང ། མ་མོ་རབ་ཏུ་གནས་ན། བདག་ཅག་ཀླུ་རྣམས་ནི་མི་ཁོམ་པར་སྐྱེས། ལོག་པར་ལྟུང་བའི་ལུས་དང་ལྡན་པས། ཀྱེ་མ་འཕགས་པས་བདག་ཅག་ལ་མདོ་སྡེའི་མཐའ་རབ་ཏུ་གནས་པར་མཛད་དུ་གསོལ། དེས་དེ་ལྟར་བྱའོ་ཞེས་ཁས་བླངས་སོ། །དེ་ནས་སྤྲུལ་པ་དེས་ཀླུ་གཞོན་ནུ་གསུམ་སྤྲོ་བ་བསྐྱེད་ནས། གཅིག་ལ་སྨྲས་པ། རེ་ཞིག་ཁྱོད་ཀྱིས་ནི་ཡང་དག་པར་ལྡན་པ་ལྷོགས་ཤིག། གཉིས་པ་ལ་སྨྲས་པ། ཁྱོད་ཀྱིས་ནི་བར་མ་ལྷོགས་ཤིག་།གསུམ་པ་ལ་སྨྲས་པ། ཁྱོད་ཀྱིས་ནི་རིང་པོ་ལྷོགས་ཤིག་།ཁོ་བོས་ཀྱང་གཅིག་ལ་འཕྲོས་པའི་ལུང་བརྗོད་པའི་སྐབས་དེ་དག་ཉིད་ལ་གསལ་བར་བྱའོ། །དེ་དག་གིས་བཀླག་པར་བརྩམས་ནས། དེ་ན་གཅིག་ནི་མིག་བཙུམས་ཏེ་ལུང་ནོད་པར་བྱེད་དོ། །གཉིས་པ་ནི་རྒྱབ་ཀྱིས་ཕྱོགས་ཏེ་ལུང་ནོད་པར་བྱེད་དོ། །གསུམ་པ་ནི་ཐག་རིང་པོར་འདུག་སྟེ་ལུང་ནོད་པར་བྱེད་དོ། །དེ་དག་གི་ནང་ནས་སྤྲུལ་པ་དེ་ཉིད་ནི་སྔོན་གྱི་བག་ཆགས་ཀྱི་ཁྱད་པར་གྱིས། གུས་པ་དང་བཅས་པ་དང ། ཞེ་ས་དང་བཅས་པ་དང ། འཕྲལ་གྱི་བྱ་བ་ཐམས་ཅད་ལ་ཐོག་མར་འགྲོ་བ་ཡིན་པས་དེ་ནང་པར་སྔར་ལངས་ཏེ། འཕགས་པ་བཞེངས་ལ་ཚེམས་ཤིང་འོར་ཅིག་།བཅོམ་ལྡན་འདས་ཀྱིས་དཀྱིལ་འཁོར་དང་མཆོད་རྟེན་ལ་ཕྱག་མཛོད་ཅིག་།བཤོས་གསོལ་ཅིག་།གཟིམས་མལ་ཤོམས་ཤིག་ཅེས་སྨྲ་བར་བྱེད་དོ། །ཇི་ཙམ་ན་དེ་ཐམས་ཅད་ཀྱིས་རིམ་གྱིས་ལུང་རྣམས་བཀླགས་པ་དང ། སྤྲུལ་པ་དེས་སྨྲས་པ། འཕགས་པ་འདི་དག་གིས་ལུང་རྣམས་
Ka145a
༄#། །བཀླགས་ན། ཇི་འཛིན་ཏམ། འོན་ཏེ་མི་འཛིན། དེས་སྨྲས་པ། འདི་དག་དྲན་པ་དང་ལྡན་པས་འཛིན་པར་ནི་འགྱུར་ན། འདི་ལྟར་འདི་དག་ལ་ཉེས་པ་ཡོད་དོ། ། དེས་སྨྲས་པ། འཕགས་པ་ནོངས་པ་ཅི་མཆིས། འདི་དག་ཐམས་ཅད་གུས་པ་མེད་པ་དང ། ཞེ་ས་མེད་པ་ཡིན་ཏེ། རེ་ཞིག་གཅིག་ནི་མིག་བཙུམས་ཏེ་ལུང་ནོད་པར་བྱེད། གཉིས་པ་ནི་རྒྱབ་ཀྱིས་ཕྱོགས་ཏེ་ལུང་ནོད་པར་བྱེད། གསུམ་པ་ནི་ཐག་རིང་པོ་འདུག་སྟེ། ལུང་ནོད་པར་བྱེད་དོ། །ཁྱོད་འབའ་ཞིག་གུས་པ་དང་བཅས་པ་དང ། རྗེས་དང་བཅས་པ་དང ། འཕྲལ་གྱི་བྱ་བ་ཐམས་ཅད་ལ་ཐོག་མར་འགྲོ་པ་ཡིན་ནོ། །དེས་སྨྲས་པ། འཕགས་པ་དེ་དག་ནི་གུས་པ་མ་མཆིས་པ་དང ། ཞེ་ས་མ་མཆིས་པ་མ་ལགས་ཏེ། རེ་ཞིག་མིག་བཙུམས་ཏེ་ལུང་ནོད་པ་གང་ལགས་པ་ནི་མིག་གདུག་པ་ལགས་སོ། །རྒྱབ་ཀྱིས་ཕྱོགས་ཏེ་ལུང་ནོད་པ་གང་ལགས་པ་དེ་ནི་དབུགས་གདུག་པ་ལགས་སོ། །ཐག་རིང་པོར་མཆིས་ཏེ་ལུང་ནོད་པ་གང་ལགས་པ་དེ་ནི་རེག་པ་གདུག་པ་ལགས་སོ། །བདག་གཅིག་པུ་ནི་མཆེ་བ་གདུག་པ་ལགས་སོ། །དེ་ནས་ཚེ་དང་ལྡན་པ་དགེ་འདུན་འཚོ་སྐྲག་ནས་བསམས་པ། བདག་དགྲ་བོ་རྣམས་ཀྱི་ནང་ན་འདུག་པ་ལྟ་སྙམ་ནས། དེ་སྐྱ་བོ་བསེང་བསེང་པོ་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པར་གྱུར་ཏོ། །ཀླུ་སྤྲུལ་པས་སྨྲས་པ། འཕགས་པ་ཁྱོད་ཅིའི་སླད་དུ་སྐྱ་
Ka145b
བོ་བསེང་བསེང་པོ་རིད་པ་དང ། ཉམ་ཆུང་བ་དང ། རྐེ་བ་དང ། སྐམ་པ་དང ། ལུས་མ་ཐོབ་པར་གྱུར། དེས་སྨྲས་པ། ཁོ་བོ་ནི་དགྲ་རྣམས་ཀྱི་ནང་ན་འདུག་སྟེ། གང་གི་ཆེ་ཁྱེད་ཅག་ལས་གང་ཡང་རུང་ཞིག་འཁྲུགས་པར་གྱུར་པ་དེའི་ཚེ་ན། ཁོ་བོ་མིང་ཙམ་ཞིག་ལུས་པར་འགྱུར་རོ། །དེས་སྨྲས་པ། བདག་ཅག་འཕངས་པ་ལ་གནོད་པ་མི་བགྱིད་དེ། འདི་ལྟར་འཕགས་བ་སླར་འཛམ་བུ་གླིང་དུ་གཤེགས་བཞེད་དམ་ཅི། དེས་སྨྲས་པ། བཞིན་བཟང་ཁོ་བོ་འདི་ན་དགའ་བ་མེད་པས་འགྲོ་འདོད་དོ། །དེ་ནས་ཀླུ་དེ་རྣམས་ཀྱིས་ཕན་ཚུན་གྲོས་བྱས་ཏེ། གང་གི་ཚེ་གྲུ་པོ་ཆེ་དེ་ཕྱོགས་དེར་འོངས་པ་དེའི་ཚེ་ན། འཕགས་པ་དགེ་འདུན་འཚོ་བཏེག་སྟེ་གྲུ་བོ་ཆེའི་ནང་དུ་བཞག་གོ་།དེ་ནས་ཚོང་པ་དེ་དག་འཛུམ་པ་སྔོན་དུ་བཏང་སྟེ། ཡ་མཚན་སྐྱེས་ནས་མིག་ཚུགས་སུ་ལྟ་ཞིང ། སྨྲས་པ། འཕགས་པ་དགེ་འདུན་འཚོ་བྱོན་པ་ལེགས་སོ། །བྱོན་པ་ལེགས་སོ། །དེས་སྨྲས་པ། ཤེས་ལྡན་དག་ཁོ་བོས་ཀླུའི་གནས་སུ་ཀླུ་རྣམས་ལ་ལུང་བཞི་པོ་དག་རབ་ཏུ་གནས་པར་བྱས་ཀྱིས། རྗེས་སུ་ཡི་རང་བགྱིས་ཤིག་།དེ་དག་གིས་སྨྲས་པ། འཕགས་པ་འདི་ལྟ་སྟེ། གཞན་ལ་ཕན་འདོགས་པ་འདི་ནི་སྟོན་པའི་བསྟན་པ་ལ་རབ་ཏུ་བྱུང་བས་བགྱིས་པ་ལགས་ཏེ། རྗེས་སུ་ཡི་རང་ངོ ། །དེ་ནས་ཚོང་པ་དེ་དག་ཚེ་དང་ལྡན་པ་དགེ་འདུན་འཚོ་དང་ལྷན་ཅིག་ཚོགས་ཤིང་ཀུན་དགའ་བཞིན་དུ་མཐར་གྱིས་རྒྱ་མཚོའི་འགྲམ་དུ་ཕྱིན་ཏོ། །ཇི་ཙམ་ན་ཐམས་ཅད་ངལ་ཞིང་
Ka146a
༄#། །དུབ་པས། གཉིད་ལོག་པ་ན། ཚེ་དང་ལྡན་པ་དགེ་འདུན་འཚོ་ཡང་རྒྱ་མཚོ་ཆེན་པོ་ལ་བལྟ་བར་བརྩམས་སོ། །བཅོམ་ལྡན་འདས་ཀྱིས་དགེ་སློང་དག། ལྔ་པོ་འདི་དག་ནི་ལྟ་བས་ཆོག་མི་ཤེས་ཤིང ། མཐོང་ན་མི་མཐུན་པ་མེད་པ་ཡིན་ཏེ། ལྔ་གང་ཞེ་ན། དགེ་སློང་དག་གླང་པོ་ཆེ་ཅང་ཤེས་གཞོན་ཤ་ཅན་དང ། འཁོར་ལོས་སྒྱུར་བའི་རྒྱལ་པོ་དང ། རྒྱ་མཚོ་དུག་ཅན་པ་དང ། རིའི་རྒྱལ་པོ་རི་རབ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ལྟ་བས་ཆོག་མི་ཤེས་ཤིང་མཐོང་ན་མི་མཐུན་པ་མེད་པ་ཡིན་ནོ་ཞེས་གསུངས་པས། དེ་ཡུན་རིང་དུ་རྒྱ་མཚོ་ཆེན་པོ་ལ་ལྟ་བ་ན་དུབ་པས་ཐོ་རངས་གཉིད་སྟུག་པོས་ནོན་ཏོ། །དེ་ནས་ཚོང་པ་དེ་དག་ཁལ་དག་བཀལ་ཏེ་འཕགས་ནས། མཚན་མོ་ནམ་ལངས་པ་ན་ཚེ་དང་ལྡན་པ་དགེ་འདུན་འཚོ་མི་སྣང་ནས། དེ་དག་བརྟད་ཅིང་ཤེས་ལྡན་དག། འཕགས་པ་དགེ་འདུན་འཚོ་ག་རེ་ཞེས་ཕན་ཚུན་དུ་བལྟ་བར་བརྩམས་པ་དང ། དེ་ན་ཁ་ཅིག་ན་རེ་མདུན་དུ་སོང་ངོ་ཞེས་ཟེར་རོ། །ཁ་ཅིག་ན་རེ་ཕྱི་བཞིན་འོང་ངོ་ཞེས་ཟེར་རོ། །ཁ་ཅིག་ན་རེ་དབུས་ནས་འགྲོའོ་ཞེས་ཟེར་རོ། །དེ་དག་རྣམ་པ་ཐམས་ཅད་དུ་ཀུན་ཏུ་ཚོལ་བ་ན། ཡི་ཆད་པར་གྱུར་ཅིང་མ་མཐོང་ངོ ། །དེ་ནས་དེ་དག་བཞིན་ཉམས་ཤིང་དམན་པར་གྱུར་ཏེ། སྨྲས་པ། ཤེས་ལྡན་དག་བདག་ཅག་གིས་འཕགས་པ་དགེ་འདུན་འཚོ་བོར་བ་མ་ལེགས་པར་བྱས་ཀྱིས། ཕྱིར་ལྡོག་པར་བྱའོ། །ཡང་བསམས་པ། འཕགས་པ་དགེ་
Ka146b
འདུན་འཚོ་ནི་རྫུ་འཕྲུལ་ཆེ་བ། མཐུ་ཆེ་བ་ཡིན་པས་འདི་ལྟར་རྒྱ་མཚོ་ཆེན་པོར་ཡང་དུས་ལ་མ་བབ་ན། ད་དེ་སྐམ་ལ་ཕྱིན་ན་དུས་ལ་བབ་པར་ག་ལ་འགྱུར། དེ་ནི་རྫུ་འཕྲུལ་ཆེ་བ་མཐུ་ཆེ་བ་ཡིན་པས་དེ་ཆེས་སྔོན་དུ་སོང་བ་གང་ཡིན་པ་དེ་ལྟ་བུའི་གནས་ཡོད་དོ་སྙམ་ནས་སྨྲས་པ། ཤེས་ལྡན་དག་ཚུར་ཤོག། འདོང་ཞེས་དེ་དག་འཕགས་སོ། །ཚེ་དང་ལྡན་པ་དགེ་འདུན་འཚོ་ཡང་བྱེ་མའི་ཐང་སྟོང་པ་ལ་ཉི་མ་འཆར་བའི་དུས་ཀྱི་ཚེ། ཉི་མའི་འོད་ཟེར་དག་གིས་ཕོག་ནས་སད་པ་དང ། ཇི་ཙམ་ན་ཅི་ཡང་མི་སྣང་ནས། དེས་བསམས་པ། ཚོང་པ་དག་ནི་དོང་ན་དེ་ཇི་ལྟར་བྱ། གར་བབ་བབ་ཏུ་འགྲོ་སྙམ་མོ། །ཚེ་དང་ལྡན་པ་དེ་སྙིང་སྟོབས་ཆེ་བས་སོང་བ་དང ། ལམ་མི་སྣང་ནས་དེས་ཕན་ཚུན་བཙལ་ནས། ལམ་སྲང་ཞིག་མཐོང་ནས་དེ་དེར་ཞུགས་པ་དང ། ཇི་ཙམ་ན་སཱ་ལའི་དགོན་པ་ཞིག་ན་གཙུག་ལག་ཁང་རྟ་བབས་མཐོན་པོ་དང་ལྡན་པ། མཐོངས་ཁུང་དང ། སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ། སྙིང་དང་མིག་འཕྲོག་པར་བྱེད་པ། མཐོ་རིས་ཀྱི་ཐེམ་སྐས་སུ་གྱུར་པ། ཁྲི་དང་ཁྲིའུ་དང་ཡོ་བྱད་ཕུན་སུམ་ཚོགས་པ་དང་ལྡན་པ། ཤིང་ལྗོན་པ་སྣ་ཚོགས་ཀྱིས་བསྐོར་བ། རྫིང་བུ་དང་མཚེའུས་ཉེ་བར་མཛེས་པར་བྱས་པ་དང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་མངོན་པར་སྒྲ་འབྱིན་པ་ལྷའི་གནས་ལྟར་དཔལ་གྱིས་འབར་བ་ཞིག་དང ། དེ་ན་དགེ་སློང་ལེགས་པར་བགོས་ཤིང་ལེགས་པར་སྦྱངས་པ། སྤྱོད་ལམ་ཞི་བས་གནས་པ་དག་མཐོང་ནས་གུས་
Ka147a
༄#། །པ་དང་བཅས་པས་དེ་དག་གི་གན་དུ་སོང་ངོ ། །དེ་ནས་དེ་དག་གུས་པར་སྒྲིམ་པ་དང་བཅས་པས་དེ་ལ་སྨྲས་པ། བཙུན་པ་དགེ་འདུན་འཚོ་བྱོན་པ་ལེགས་སོ། །བྱོན་པ་ལེགས་སོ། །ཁྱོད་ད་གཟོད་ག་ལས་བྱོན། དེས་ཇི་ལྟར་གྱུར་པ་ཐམས་ཅད་བརྗོད་པ་དང ། དེ་ནས་དེ་དག་གིས་ངལ་སོར་བཅུག་སྟེ། ལམ་གྱིས་དུབ་པ་བསལ་ནས་གཙུག་ལག་ཁང་དུ་ཁྲིད་དོ། ། ཇི་ཙམ་ན་སྟན་བཟང་པོ་བཤམས་པ་དང་ཁ་ཟས་བསོད་པའི་སྤྱི་བུངས་བཤམས་པ་མཐོང་ནས། དེ་དག་གིས་དེ་ལ་སྨྲས་པ། བཙུན་པ་དགེ་འདུན་འཚོ་མི་སྐྱེམས་སམ། མི་བཀྲེས་སམ། དེས་སྨྲས་པ། ཚེ་དང་ལྡན་པ་དག་སྐོམ་མོ། །བཀྲེས་སོ། །དེ་དག་གིས་སྨྲས་པ། བཙུན་པ་དགེ་འདུན་འཚོ་གསོལ་ཅིག་།དེས་སྨྲས་པ། དགེ་འདུན་གྱི་ནང་དུ་བཟའོ། །དེ་དག་གིས་སྨྲས་པ། བཙུན་པ་དགེ་འདུན་འཚོ་ཁྱོད་ཤུལ་གྱིས་དུབ་པ་ལགས་ཀྱིས། ད་གསོལ་ཅིག་།སླད་ཀྱིས་འདིར་ཉེས་དམིགས་འབྱུང་བར་འགྱུར་རོ། །དེས་ཉེས་དམིགས་མཐོང་བས། ཟོས་ནས་མཐའ་གཅིག་ཏུ་སོང་སྟེ་འདུག་གོ། །ཇི་ཙམ་ན་དེ་དག་དྲོ་ལ་བབ་སྟེ། གཎྜཱི་བརྡུངས་པ་ན། རང་རང་གི་ལྷུང་བཟེད་ཐོགས་ཏེ་གྲལ་རིམས་བཞིན་འཁོད་དོ། །དེ་དག་འཁོད་པ་དང ། གཙུག་ལག་ཁང་དེ་ཡང་མི་སྣང་བར་གྱུར་ཅིང ། དེ་དག་གི་རང་རང་གི་ལྷུང་བཟེད་ཀྱང་ལྕགས་ཀྱི་ཐོ་བ་རྣམ་པ་སྣ་ཚོགས་སུ་གྱུར་ཏོ། །དེ་ནས་དེ་དག་ཇི་སྲིད་དུ་དྲོ་མ་ཡོལ་གྱི་བར་དུ་ལྕགས་ཀྱི་ཐོ་བ་དེ་དག་གིས་ཕན་ཚུན་ཀླད་
Ka147b
པ་བཅོམ་ནས། དེ་དག་ཀླད་པ་ཞོམ་ཞིང་སྡུག་བསྔལ་གྱི་ཚོར་བས་ཉེན་ནས་ཉམ་ཐག་པའི་སྐད་འབྱིན་ཏོ། །ཇི་ཙམ་ན་དྲོ་ཡོལ་བ་དང ། གཙུག་ལག་ཁང་དེ་ཡང་དེ་ཁོ་ན་བཞིན་དུ་ཕྱིར་བྱུང་ཞིང་དགེ་སློང་དེ་དག་ཀྱང་དེ་ཁོ་ན་བཞིན་དུ་སྤྱོད་ལམ་ཞི་བས་གནས་སོ། །དེ་ནས་ཚེ་དང་ལྡན་པ་དགེ་འདུན་འཚོ་དེ་དག་གི་གན་དུ་སོང་སྟེ་དྲིས་པ། ཚེ་དང་ལྡན་བ་དག་ཁྱེད་སུ་ཡིན། ལས་གང་གིས་འདིར་སྐྱེས། དེ་དག་གིས་སྨྲས་པ། བཙུན་པ་དགེ་འདུན་འཚོ་འཛམ་བུ་གླིང་པའི་མི་རྣམས་ནི་ཡིད་ཆེས་པར་དཀའ་བས་ཁྱོད་ཡིད་ཆེས་པར་མི་འགྱུར་རོ། །དེས་སྨྲས་པ། ཁོ་བོས་མངོན་སུམ་ཁོ་ནར་མཐོང་ན་ཅིའི་ཕྱིར་ཡིད་ཆེས་པར་མི་འགྱུར། དེ་དག་གིས་སྨྲས་པ། བཙུན་པ་དགེ་འདུན་འཚོ་བདག་ཅག་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་ཉན་ཐོས་སུ་གྱུར་ཏེ། ཇི་ཙམ་ན་བདག་ཅག་གིས་ཟན་གྱི་གྲལ་དུ་འཐབ་མོ་བགྱིས་པས་ལས་དེའི་རྣམ་པར་སྨིན་པས་བདག་ཅག་ཉི་ཚེ་བའི་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་ཏེ། བདག་ཅག་འདི་ནས་ཤི་འཕོས་པ་དག་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་བ་གང་ལགས་པ་དེ་ལྟ་བུའི་གནས་ཀྱང་མཆིས་པར་འགྱུར་རོ། །བཙུན་པ་དགེ་འདུན་འཚོ་དེའི་སླད་དུ་འཛམ་བུའི་གླིང་དུ་གཤེགས་ནས། ཚངས་པ་མཚུངས་པར་སྤྱོད་པ་རྣམས་ལ་ཚེ་དང་ལྡན་པ་དག་འདི་ལྟ་སྟེ་དཔེར་ན། འོད་སྲུང་གི་དགེ་སློང་དག་ལྟར་ཟན་གྱི་གྲལ་དུ་འཐབ་མོ་མ་བྱེད་ཅིག་།སྡུག་བསྔལ་གྱི་ཚོགས་དེ་ལྟ་བུའི་སྐལ་བ་ཅན་དུ་འགྱུར་བར་མ་བྱེད་ཅིག།
Ka148a
༄#། །ཅེས་དོན་འདི་རྒྱ་ཆེར་བརྗོད་ན་ལེགས་སོ། །དེས་དེ་ལྟར་བྱའོ་ཞེས་ཁས་བླངས་ཏེ་སོང་ངོ ། །ཇི་ཙམ་ན་དེ་ཁོ་ན་བཞིན་དུ་སཱ་ལའི་དགོན་པ་ཞིག་ན་གཙུག་ལག་ཁང་གཉིས་པ་རྟ་བབས་མཐོན་པོ་དང་ལྡན་པ། མཐོངས་ཁུང་དང ། སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ་སྙིང་དང་མིག་འཕྲོག་པར་བྱེད་པ། མཐོ་རིས་ཀྱི་ཐེམ་སྐས་སུ་གྱུར་པ། ཁྲི་དང་ཁྲིའུ་དང་ཡོ་བྱད་ཕུན་སུམ་ཚོགས་པ་དང་ལྡན་པ། ཤིང་ལྗོན་པ་སྣ་ཚོགས་ཀྱིས་བསྐོར་པ། རྫིང་བུ་དང ། མཚེའུས་ཉེ་བར་མཛེས་པར་བྱས་པ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དག་མངོན་པར་སྒྲ་འབྱིན་པ། ལྷའི་གནས་ལྟར་དཔལ་གྱིས་འབར་བ་ཞིག་དང ། དེ་ན་དགེ་སློང་ལེགས་པར་བགོས་ཤིང་ལེགས་པར་སྦྱངས་པ། སྤྱོད་ལམ་ཞི་བས་གནས་པ་དག་མཐོང་ནས་གུས་པ་དང་བཅས་པས་དེ་དག་གི་གན་དུ་སོང་ངོ ། །དེ་ནས་དེ་དག་གུས་པ་དང་སྒྲིམ་པ་དང་བཅས་པས། དེས་སྨྲས་པ། བཙུན་པ་དགེ་འདུན་འཚོ་བྱོན་པ་ལེགས་སོ། །བྱོན་པ་ལེགས་སོ། །ཁྱོད་ད་གཟོད་ག་ལས་བྱོན། དེས་ཇི་ལྟར་གྱུར་པ་ཐམས་ཅད་བརྗོད་པ་དང ། དེ་ནས་དེ་དག་གིས་ངལ་སོར་བཅུག་སྟེ། ལམ་གྱིས་དུབ་པ་བསལ་ནས། གཙུག་ལག་ཁང་དུ་ཁྲིད་དོ། །ཇི་ཙམ་ན་སྟན་བཟང་པོ་བཤམས་པ་དང ། ཁ་ཟས་བསོད་པའི་སྤྱི་བུངས་བཤམས་པ་དག་མཐོང་ནས་དེ་དག་གིས་དེ་ལ་སྨྲས་པ། བཙུན་པ་དགེ་འདུན་འཚོ་མི་སྐྱེམས་སམ། མི་སྦྲེབས་
Ka148b
སམ། དེས་སྨྲས་པ། ཚེ་དང་ལྡན་པ་དག་སྐོམ་མོ། །བཀྲེས་སོ། །དེ་དག་གིས་སྨྲས་པ། བཙུན་པ་དགེ་འདུན་འཚོ་གསོལ་ཅིག་།དེས་སྨྲས་པ། དགེ་འདུན་གྱི་ནང་དུ་བཟའོ། །དེ་དག་གིས་སྨྲས་པ། བཙུན་པ་དགེ་འདུན་འཚོ་ཁྱོད་ཤུལ་གྱིས་བསྙེལ་བ་ལགས་ཀྱིས་གསོལ་ཅིག་།སླད་ཀྱིས་འདིར་ཉེས་དམིགས་འབྱུང་བར་འགྱུར་རོ། །དེས་ཉེས་དམིགས་མཐོང་བས་ཟོས་ནས་མཐའ་གཅིག་ཏུ་སོང་སྟེ་འདུག་གོ་།ཇི་ཙམ་ན་དེ་དག་དྲོ་ལ་བབ་སྟེ། གཎྜཱི་བརྡུངས་པ་ན་རང་རང་གི་ལྷུང་བཟེད་ཐོགས་ཏེ་གྲལ་རིམས་བཞིན་དུ་འཁོད་དོ། །དེ་དག་འཁོད་པ་དང་གཙུག་ལག་ཁང་དེ་ཡང་མི་སྣང་བར་གྱུར་ཅིང ། བཟའ་བ་དང་བཏུང་བ་དེ་དག་ཀྱང་ལྕགས་ཁུ་དག་ཏུ་གྱུར་ཏོ། །དེ་ནས་དེ་དག་ཇི་སྲིད་དྲོ་མ་ཡོལ་གྱི་བར་དུ་ལྕགས་ཁུ་དེ་དག་གིས་ཕན་ཚུན་གཏོར་ནས། དེ་དག་ལུས་ཚིག་ཅིང་སྡུག་བསྔལ་བའི་ཚོར་བས་ཉེན་ནས་ཉམ་ཐག་པའི་སྐད་འབྱིན་ཏོ། །ཇི་ཙམ་ན་དྲོ་ཡོལ་བ་དང ། གཙུག་ལག་ཁང་དེ་ཡང་དེ་ཁོ་ན་བཞིན་དུ་ཕྱིར་བྱུང་ཞིང ། དགེ་སློང་དེ་དག་ཀྱང་དེ་ཁོ་ན་བཞིན་དུ་སྤྱོད་ལམ་ཞི་བས་གནས་སོ། །དེ་ནས་ཚེ་ལྡན་པ་དགེ་འདུན་འཚོ་དེ་དག་གི་གན་དུ་སོང་སྟེ་དྲིས་པ། ཚེ་དང་ལྡན་པ་དག་ཁྱེད་སུ་ཡིན། ལས་གང་གིས་འདིར་སྐྱེས། དེ་དག་གིས་སྨྲས་པ། བཙུན་པ་དགེ་འདུན་འཚོ་འཛམ་བུ་གླིང་པའི་མི་རྣམས་ཡིད་ཆེས་པར་དཀའ་བས། ཁྱོད་ཡིད་ཆེས་པར་མི་འགྱུར་རོ། །དེས་སྨྲས་པ། ཁོ་བོས་མངོན་སུམ་ཁོ་ནར་མཐོང་ན་ཅིའི་ཕྱིར་ཡིད་ཆེས་པར་མི་འགྱུར། དེ་དག་གིས་སྨྲས་པ། བཙུན་པ་དགེ་
Ka149a
༄#། །འདུན་འཚོ་བདག་ཅག་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་ཉན་ཐོས་སུ་གྱུར་ཏེ། ཇི་ཙམ་ན་དགེ་འདུན་ལ་སྣུམ་བག་གི་རྙེད་པ་བྱུང་ཞིང་དགེ་སློང་གློ་བུར་དུ་འོངས་པ་དག་ཀྱང་ལྷགས་པ་ན། བདག་ཅག་སེར་སྣ་ཡོངས་སུ་བཟུང་བ་དག་གིས་ཇི་སྲིད་དུ་དགེ་སློང་གློ་བུར་དུ་འོངས་པ་དག་མདོང་བ་དེ་སྲིད་དུ་བཟའ་བར་མི་བྱའོ་ཞེས་དེ་ལྟར་སེམས་བསྐྱེད་ཅིང་ཚིག་ཏུ་ཡང་བརྗོད་ལ། ཞག་བདུན་གྱི་བར་དུ་དུས་མ་ཡིན་པར་ཡུལ་ངན་བྱུང་ནས། དེས་བཟའ་བ་དང་བཏུང་བ་དེ་དག་རུལ་ཅིང་མ་རུང་བར་གྱུར་པ་དེ་ལྟར་བགྱིས་ཏེ། བདག་ཅག་གིས་དད་པས་སྦྱིན་པར་བྱ་བ་ཆུད་གཟན་པས། ལས་དེའི་རྣམ་པར་སྨིན་པས་བདག་ཅག་ཉི་ཚེ་བའི་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་ཏེ། བདག་ཅག་འདི་ནས་ཤི་འཕོས་པ་དག་སེམས་ཅན་དམྱལ་བ་ཆེན་པོ་རྣམས་ཀྱི་ནང་དུ་སྐྱེ་བར་འགྱུར་བ་གང་ལགས་པ་དེ་ལྟ་བུའི་གནས་ཀྱང་མཆིས་པར་འགྱུར་རོ། །བཙུན་པ་དགེ་འདུན་འཚོ། དེའི་སླད་དུ་འཛམ་བུའི་གླིང་དུ་གཤེགས་ནས། ཚངས་པ་མཚུངས་པར་སྤྱོད་པ་རྣམས་ལ། ཚེ་དང་ལྡན་པ་དག་འདི་ལྟ་སྟེ། དཔེར་ན་འོད་སྲུང་གི་དགེ་སྦྱོང་དག་ལྟར་དད་པས་སྦྱིན་པར་བྱ་བ་ཆུད་མ་གཟོན་ཅིག་།སྡུག་བསྔལ་གྱི་ཚོགས་དེ་ལྟ་བུའི་སྐལ་བ་ཅན་དུ་འགྱུར་བར་མ་བྱེད་ཅིག་ཅེས་དོན་འདི་རྒྱ་ཆེར་བརྗོད་ན་ལེགས་སོ། །དེ་དེ་ལྟར་བྱའོ། །ཞེས་ཁས་བླང་ནས་སོང་ངོ ། །ཇི་ཙམ་ན་ཡང་དེ་ཁོ་ན་བཞིན་དུ་སཱ་ལའི་དགོན་པ་ཞིག་ན་གཙུག་ལག་ཁང་གསུམ་པ་རྟ་བབས་མཐོན་པོ་
Ka149b
དང་ལྡན་པ། མཐོངས་ཁུང་དང ། སྐར་ཁུང་དྲ་བ་ཅན་དང ། ལན་ཀན་གྱིས་བརྒྱན་པ། སྙིང་དང་མིག་འཕྲོག་པར་བྱེད་པ། མཐོ་རིས་ཀྱི་ཐེམ་སྐས་སུ་གྱུར་པ། ཁྲི་དང་ཁྲིའུ་དང ། ཡོ་བྱད་ཕུན་སུམ་ཚོགས་པ་དང་ལྡན་པ། ཤིང་ལྗོན་པ་སྣ་ཚོགས་ཀྱིས་བསྐོར་བ། རྫིང་བུ་དང ། མཚེའུས་ཉེ་བར་མཛེས་པར་བྱས་པ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དག་མངོན་པར་སྒྲ་འབྱིན་པ། ལྷའི་གནས་ལྟར་དཔལ་གྱིས་འབར་བ་ཞིག་དང ། དེ་ན་དགེ་སློང་ལེགས་པར་བགོས་ཤིང་ལེགས་པར་སྦྱངས་པ། སྤྱོད་ལམ་ཞི་བས་གནས་པ་དག་མཐོང་ནས། གུས་པ་དང་བཅས་པས་དེ་དག་གི་གན་དུ་སོང་ངོ ། །དེ་ནས་དེ་དག་གུས་པ་དང་སྒྲིམ་པ་དང་བཅས་པས་དེ་ལ་སྨྲས་པ། བཙུན་པ་དགེ་འདུན་འཚོ་བྱོན་པ་ལེགས་སོ། །བྱོན་པ་ལེགས་སོ། །ཁྱོད་ད་གཟོད་ག་ལས་བྱོན། དེས་ཇི་ལྟར་གྱུར་པ་ཐམས་ཅད་བརྗོད་པ་དང ། དེ་ནས་དེ་དག་གིས་ངལ་སོར་བཅུག་སྟེ། ལམ་གྱིས་དུབ་པ་བསལ་ནས། གཙུག་ལག་ཁང་དུ་ཁྲིད་དོ། །ཇི་ཙམ་ན་སྟན་བཟང་པོ་བཤམས་པ་དང ། ཁ་ཟས་བསོད་པའི་སྤྱི་བུངས་བཤམས་པ་དག་མཐོང་ནས། དེ་དག་གིས་དེ་ལ་སྨྲས་པ། བཙུན་པ་དགེ་འདུན་འཚོ་མི་སྐྱེམས་སམ། མི་སྦྲེབས་སམ། དེས་སྨྲས་པ། ཚེ་དང་ལྡན་པ་དག་སྐོམ་མོ། །བཀྲེས་སོ། །དེ་དག་གིས་སྨྲས་པ། བཙུན་པ་དགེ་འདུན་འཚོ་གསོལ་ཅིག་།དེས་སྨྲས་པ། དགེ་འདུན་གྱི་ནང་དུ་བཟའོ། །དེ་དག་གིས་སྨྲས་པ། བཙུན་པ་དགེ་འདུན་
Ka150a
༄#། །འཚོ་ཁྱོད་ཤུལ་གྱིས་བསྙེལ་པ་ལགས་ཀྱི་ང་གསོལ་ཅིག་།སླད་ཀྱིས་འདིར་ཉེས་དམིགས་འབྱུང་བར་འགྱུར་རོ། །དེས་ཉེས་དམིགས་མཐོང་བས། ཟོས་ནས་མཐའ་གཅིག་ཏུ་སོང་སྟེ་འདུག་གོ་།ཇི་ཙམ་ན་དེ་དག་དྲོ་ལ་བབ་སྟེ། གཎྜཱི་བརྡུངས་པ་ན་རང་རང་གི་ལྷུང་བཟེད་ཐོགས་ཏེ་གྲལ་རིམས་བཞིན་དུ་འཁོད་དོ། །དེ་དག་འཁོད་པ་དང་དེ་དག་གི་གཙུག་ལག་ཁང་དེ་འབར་རབ་ཏུ་འབར་ཀུན་ཏུ་རབ་ཏུ་འབར་ཞིང་མེ་ལྕེ་གཅིག་ཏུ་གྱུར་ནས། སྲེག་པར་བརྩམས་སོ། །དེ་ནས་དེ་དག་ཇི་སྲིད་དུ་དྲོ་མ་ཡོལ་གྱི་བར་དུ་མེ་ལྕེ་དེས་བསྲེགས་ནས། དེ་དག་ལུས་ཚིག་ཅིང་སྡུག་བསྔལ་གྱི་ཚོར་བས་ཉེན་པས་ཉམ་ཐག་པའི་སྐད་འབྱིན་ཏོ། །ཇི་ཙམ་ན་དྲོ་ཡོལ་བ་དང་གཙུག་ལག་ཁང་དེ་ཡང་དེ་ཁོ་ན་བཞིན་དུ་ཕྱིར་བྱུང་ཞིང ། དགེ་སློང་དེ་དག་ཀྱང་དེ་ཁོ་ན་བཞིན་དུ་སྤྱོད་ལམ་ཞི་བས་གནས་སོ། །དེ་ནས་ཚེ་དང་ལྡན་པ་དགེ་འདུན་འཚོ་དེ་དག་གི་གན་དུ་སོང་སྟེ་དྲིས་པ། ཚེ་དང་ལྡན་པ་དག་ཁྱེད་སུ་ཡིན། ལས་གང་གིས་འདིར་སྐྱེས། དེ་དག་གིས་སྨྲས་པ། བཙུན་པ་དགེ་འདུན་འཚོ་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བས། ཁྱོད་ཡིད་ཆེས་པར་མི་འགྱུར་རོ། །དེས་སྨྲས་པ། ཁོ་བོས་མངོན་སུམ་ཁོ་ནར་མཐོང་ན། ཅིའི་ཕྱིར་ཡིད་ཆེས་པར་མི་འགྱུར། དེ་དག་གིས་སྨྲས་པ། བཙུན་པ་དགེ་འདུན་འཚོ་བདག་ཅག་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་ཉན་ཐོས་སུ་གྱུར་ཏེ། ཇི་ཙམ་ན་བདག་ཅག་ཚུལ་ཁྲིམས་འཆལ་བ་དང ། སྡིག་པའི་
Ka150b
ཆོས་ཅན་དུ་གྱུར་ནས། དགེ་སློང་ཚུལ་ཁྲིམས་དང་ལྡན་པ་རྣམས་ཀྱིས་བདག་ཅག་གཙུག་ལག་ཁང་ནས་བསྐྲད་པ་དང ། བདག་ཅག་གཙུག་ལག་ཁང་སྟོང་བ་ཞིག་ཏུ་འཁོད་དོ། །ཇི་ཙམ་ན་དགེ་སློང་ཚུལ་ཁྲིམས་དང་ལྡན་པ་གཅིག་ཅིག་རྒྱུ་བ་ན། དེར་ཕྱིན་པ་དང ། དེ་ནས་བདག་ཅག་ལ་བློ་སྐྱེས་པ་འདི་གཅིག་བུས་བདག་ཅག་གི་ཡོན་སྦྱོང་བར་འགྱུར་གྱིས། འདུག་ལ་རག་གོ་སྙམ་པ་དང ། དེ་དེ་ཉིད་དུ་འདུག་གོ་།ཇི་ཙམ་ན་དེའི་ཞར་གྱིས་ཡང་དགེ་སློང་ཚུལ་ཁྲིམས་དང་ལྡན་པ་མང་པོ་དག་ལྷགས་ནས། དེ་དག་གིས་བདག་ཅག་དེ་ནས་བསྐྲད་དོ། །དེ་ནས་བདག་ཅག་མི་བཟོད་པ་སྐྱེས་པ་དག་གིས་ཤིང་དང་རྩཝ་དང་ལྕི་བ་སྐམ་པོ་དག་བཅེར་ཏེ། གཙུག་ལག་ཁང་ལ་མེ་བཏང་ནས། དེར་དགེ་སློང་བསླབ་པ་འདོད་པ་མང་པོ་དག་བསྲེགས་པས། ལས་དེའི་རྣམ་པར་སྨིན་པས་བདག་ཅག་ཉི་ཚེ་བའི་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་ཏེ། བདག་ཅག་འདི་ནས་ཤི་འཕོས་པ་དག་སེམས་ཅན་དམྱལ་བ་རྣམས་ཀྱི་ནང་དུ་སྐྱེ་བར་འགྱུར་བ་གང་ལགས་པ་དེ་ལྟ་བུའི་གནས་ཀྱང་མཆིས་པར་འགྱུར་རོ། །བཙུན་པ་དགེ་འདུན་འཚོ་དེའི་སླད་དུ་འཛམ་བུའི་གླིང་དུ་གཤེགས་ནས་ཚངས་པ་མཚུངས་པར་སྤྱོད་པ་རྣམས་ལ། ཚེ་དང་ལྡན་པ་དག་འདི་ལྟ་སྟེ། དཔེར་ན་འོད་སྲུང་གི་དགེ་སྦྱོང་ལྟར་ཚངས་པ་མཚུངས་པར་སྤྱོད་པ་དག་ལ་སྡང་བའི་སེམས་མ་སྐྱེད་ཅིག་།སྡུག་བསྔལ་གྱི་ཚོགས་དེ་ལྟ་བུའི་སྐལ་བ་ཅན་དུ་འགྱུར་བར་མ་བྱེད་ཅིག་།ཅེས་དོན་འདི་རྒྱ་ཆེར་བརྗོད་ན་ལེགས་སོ། །དེས་དེ་ལྟར་བྱའོ་ཞེས་ཁས་བླངས་ཏེ་སོང་ངོ ། །ཇི་ཙམ་
Ka151a
༄#། །ན་སེམས་ཅན་རྩིག་པ་འདྲ་བ་དག་དང ། ཀ་བ་འདྲ་བ་དག་དང ། ཤིང་ལྗོན་པ་འདྲ་བ་དག་དང ། ལོ་མ་འདྲ་བ་དག་དང ། མེ་ཏོག་འདྲ་བ་དག་དང ། འབྲས་བུ་འདྲ་བ་དག་དང ། ཐག་པ་འདྲ་བ་དག་དང ། ཕྱགས་མ་འདྲ་བ་དག་དང ། ཕོར་པ་འདྲ་བ་དག་དང ། གཏུན་འདྲ་བ་དག་དང ། ཕྲུ་བ་འདྲ་བ་དག་དང ། རྐེད་པ་ཆད་པ་ཆུ་རྒྱུས་ཀྱིས་བཟུང་བ་དག་འདོང་བ་ཡང་མཐོང་ངོ ། །ཚེ་དང་ལྡན་པ་དགེ་འདུན་འཚོ་ཡང་མཐར་གྱིས་ལྗོངས་སུ་སོང་བ་དང་ཇི་ཙམ་ན་བསྟི་གནས་ཤིག་ན་དྲང་སྲོང་ལྔ་བརྒྱ་ཙམ་འཁོད་དེ། དེ་དག་གིས་ཚེ་དང་ལྡན་པ་དགེ་འདུན་འཚོ་ཐག་རིང་པོ་ཁོ་ན་ནས་འོང་བ་མཐོང་ངོ ། །དེ་ནས་དེ་དག་གིས་གྲོས་བྱ་བར་བརྩམས་པ། ཤེས་ལྡན་དག་ཉོན་ཅིག་།ཤཱཀྱའི་བུའི་དགེ་སྦྱོང་འདི་དག་ནི་སྨྲ་བ་མང་བ་ཡིན་པས། འདི་ལ་སུས་ཀྱང་ཚིག་སྦྱིན་པར་མི་བྱའོ་ཞེས་དེ་དག་གིས་ཁྲིམས་སུ་བྱ་བ་བཅས་ཏེ་འཁོད་དོ། །ཚེ་དང་ལྡན་པ་དགེ་འདུན་འཚོ་ཡང་སྤྱོད་ལམ་ཞི་བས་དེ་དག་གི་གན་དུ་སོང་སྟེ། བསྟི་གནས་བརྙ་བར་བརྩམས་པ་ན། འགས་ཀྱང་ཚིག་མ་སྟེར་ཏོ། །དེ་ན་དྲང་སྲོང་བསོད་ནམས་འདོད་པ་གཅིག་ཅིག་གིས་སྨྲས་པ། ཁྱོད་ལ་ཅིའི་ཕྱིར་བསྟི་གནས་མི་བརྙན་ཏེ། འདི་ལྟར་ཁྱེད་ལ་ཉེས་པ་ཡོད་དོ། །ཁྱེད་ནི་སྨྲ་བ་མང་བ་ཡིན་ནོ། །དེ་ལྟ་མོད་ཀྱིས་དམ་ཚིག་གིས་བརྙ་བར་བྱ་སྟེ། གལ་ཏེ་ཅུང་ཟད་ཀྱང་མི་སྨྲ་ན་བརྙན་ནོ། །ཚེ་དང་ལྡན་པ་དགེ་འདུན་འཚོས་སྨྲས་པ། དྲང་སྲོང་དེ་བཞིན་དུ་བྱའི་མི་སྨྲའོ།།
Ka151b
དེ་ན་དྲང་སྲོང་གཅིག་ཅིག་ལྗོངས་རྒྱུར་སོང་བ་དེའི་སྤྱིལ་བུ་སྟོང་པར་འདུག་པ་དེ་ཚེ་དང་ལྡན་པ་དགེ་འདུན་འཚོ་ལ་འདིར་ཉོལ་ཅིག་ཅེས་བརྙན་ནོ། །ཚེ་དང་ལྡན་པ་དགེ་འདུན་འཚོས་སྤྱིལ་བུ་དེ་ཆག་ཆག་བཏང་ཕྱག་དར་བྱས་བ་ལང་གི་ལྕི་བ་སར་བས་བྱུག་པ་བྱས་སོ། །དེ་དག་གིས་དེ་མཐོང་ནས། དེ་དག་གིས་སྨྲས་པ། ཤེས་ལྡན་དག་ཤཱཀྱའི་བུའི་དགེ་སྦྱོང་འདི་དག་ནི་གཙང་སྦྲ་བྱེད་པ་ཡིན་ནོ། །ཚེ་དང་ལྡན་པ་དགེ་འདུན་འཚོས་སྤྱིལ་བུའི་ཕྱི་རོལ་དུ་རྐང་པ་གཉིས་བཀྲུས་ཏེ། སྤྱིལ་བུར་ཞུགས་ནས་སྐྱིལ་མོ་ཀྲུང་བཅས་ཏེ། ལུས་དྲང་པོར་བསྲང་ནས་དྲན་པ་ཕྱོགས་པར་བཞག་སྟེ་འདུག་གོ་།དེ་ནས་བསྟི་གནས་དེ་ན་ལྷ་མོ་ཞིག་འདུག་པ་གང་ཡིན་པ་དེ་མཚན་མོ་ཐུན་དང་པོ་ལ། ཚེ་དང་ལྡན་པ་དགེ་འདུན་འཚོ་ག་ལ་བ་དེར་སོང་སྟེ་ཕྱིན་ནས། དེས་སྨྲས་པ། འཕགས་པ་དགེ་འདུན་འཚོ་ཆོས་བསྟན་དུ་གསོལ། དེས་སྨྲས་པ།་ལྷ་མོ་ཁྱོད་བདེ་བར་གྱུར་ཅིག་།ཁོ་བོས་ཁྲིམས་སུ་བྱ་བས་བསྟི་གནས་རྙེད་པ་ཁྱོད་ཀྱིས་མ་མཐོང་ངམ། ཅི་ཁོ་བོ་བསྐྲད་པར་འདོད་དམ། དེས་བསམས་པ། རབ་ཏུ་བྱུང་བ་འདི་ངལ་གྱིས་འདི་ལྟར་གུང་ཐུན་ལ་འོང་བར་བྱའོ་སྙམ་ནས། དེ་གུང་ཐུན་ལ་འོངས་ཏེ་སྨྲས་པ། འཕགས་པ་དགེ་འདུན་འཚོ་ཆོས་བསྟན་དུ་གསོལ། དེས་སྨྲས་པ། སྲིང་མོ་ཁྱོད་ཁ་རོག་མི་སྡོད་པས། ཁོ་བོ་ངེས་པར་བསྐྲད་པར་འདོད་དམ། དེས་བསམས་པ། རབ་ཏུ་བྱུང་བ་འདི་ད་དུང་གཉིད་ཀྱིས་མྱོས་ཀྱིས་ཐུན་ཐ་མ་ལ་འོང་བར་བྱའོ་སྙམ་ནས། དེ་ཐུན་ཐ་མ་ལ་འོངས་ཏེ་སྨྲས་པ། འཕགས་པ་དགེ་འདུན་འཚོ་ཅིའི་སླད་དུ་གཟིམས།
Ka152a
༄#། །མཚན་མོ་དགུང་སངས་ཀྱིས་བཞེངས་ལ་ཆོས་བསྟན་དུ་གསོལ། དེས་སྨྲས་པ། སྲིང་མོ་ཁྱོད་ཀྱིས་ཁོ་བོ་རྣམ་པ་ཐམས་ཅད་དུ་བསྐྲད་དོ། །དེས་སྨྲས་པ། འཕགས་པ་མཚན་མོའི་དགུང་སངས་པས། གལ་ཏེ་བསྐྲད་ན་ཡང་ཅིར་འགྱུར། བཞུད་དོ་འཚལ། འདི་ལྟར་བཅོམ་ལྡན་འདས་ཀྱིས་འཇིགས་པ་དང ། འཇིགས་སུ་རུང་བ་བཟོད་པར་བྱའོ་ཞེས་བཀའ་མ་སྩལ་ཏམ། ཚེ་དང་ལྡན་པ་དགེ་འདུན་འཚོས་བསམས་པ། སྲིང་མོ་འདི་ཟེར་བ་ནི་བདེན་ཏེ། གལ་ཏེ་ཁོ་བོ་བསྐྲད་ན་འགྲོ་ལ་རག་གིས། འདི་ལྟར་འདི་དག་ནི་བྲམ་ཟེ་ཡིན་པས་བྲམ་ཟེ་དང་ཡང་དག་པར་ལྡན་པའི་ཚིགས་སུ་བཅད་པར་བརྗོད་པར་བྱའོ་སྙམ་ནས། དེས་བྲམ་ཟེའི་སྡེ་ཚན་འདི་སྐད་ཅེས། སོམ་ཉི་མ་རྒལ་གཅེར་བུའི་སྤྱོད་པ་དང ། རལ་པ་རྫ་བ་དང་སྣ་ཚོགས་ཟས་དང་ནི། ། ཐང་ལ་ཉལ་དང་རྡུལ་དང་དྲི་མ་དང ། །ཙོག་པུའི་སྤོང་བས་མི་དག་འབྱང་མི་འགྱུར། །འབྱུང་པོ་ཀུན་ལ་འཚེ་བ་རྣམ་སྤངས་ཏེ། །ཆོས་སྤྱོད་ཞི་དུལ་ཡང་དག་སྡོམ་པ་དང ། །ཚངས་སྤྱོད་ལྡན་པ་རྒྱན་གྱིས་བརྒྱན་གྱུར་ཀྱང ། །དེ་ཉིད་བྲམ་ཟེ་དགེ་སྦྱོང་དགེ་སློང་ཡིན། །ཞེས་ཁ་དོན་བྱ་བར་བརྩམས་སོ། །དེ་དག་གིས་དེ་ཐོས་ནས། དེ་དག་གིས་བསམས་པ། བྲམ་ཟེ་དང་ཡང་དག་པར་ལྡན་པའི་ཚིགས་སུ་བཅད་པ་ཟེར་རོ་སྙམ་ནས་གཅིག་ཉེ་བར་འོང་ངོ ། །དེ་བཞིན་དུ་གཉིས་པ་དང ། གསུམ་པ་ནས་དེ་དག་ཐམས་ཅད་ཀྱི་བར་དུ་ཉེ་བར་ལྷགས་པ་དང ། ལྷ་མོ་དེས་ཅི་ནས་ཀྱང་དེ་དག་
Ka152b
གཅིག་གིས་གཅིག་མི་མཐོང་བ་དེ་ལྟར་བྱིན་གྱིས་བརླབས་སོ། །དེའི་འོག་ཏུ་ཚེ་དང་ལྡན་པ་དགེ་འདུན་འཚོས་གྲོང་ཁྱེར་ལྟ་བུའི་མདོ་གདོན་པར་བརྩམས་ཏེ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་སྔོན་ང་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་པའི་ཚེ། གཅིག་པུ་དབེན་པར་སོང་སྟེ་ནང་དུ་ཡང་དག་གཞག་པ་ན། སེམས་ལ་སེམས་ཀྱིས་ཡོངས་སུ་རྟོག་པ་འདི་ལྟ་བུ་བྱུང་སྟེ། ཀྱེ་མ་འཇིག་རྟེན་འདི་སྡུག་བསྔལ་བར་གྱུར་ཏེ། འདི་ལྟ་སྟེ། སྐྱེ་བར་འགྱུར། རྒ་བར་འགྱུར། འཆི་བར་འགྱུར། ཉམས་པར་འགྱུར། འབྱུང་བར་འགྱུར་ཡང ། འོན་ཀྱང་སེམས་ཅན་འདི་དག་གིས་རྒ་ཤི་བས་བླ་མ་ཡོད་བཞིན་དུ་ངེས་པར་འབྱུང་བ་ཡང་དག་པ་ཇི་ལྟ་བ་བཞིན་རབ་ཏུ་མི་ཤེས་སོ་སྙམ་ནས་ང་འདི་སྙམ་དུ་སེམས་ཏེ། གང་ཡོད་ན་རྒ་ཤི་འབྱུང་ཞིང ། རྐྱེན་གང་གིས་རྒ་ཤི་འབྱུང་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་སྐྱེ་བ་ཡོད་ན་རྒ་ཤི་འབྱུང་ཞིང་སྐྱེ་བའི་རྐྱེན་གྱིས་རྒ་ཤི་འབྱུང་ངོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་སྐྱེ་བ་འབྱུང་ཞིང་རྐྱེན་གང་གིས་སྐྱེ་བ་འབྱུང་སྙམ་དུ། ང་ཚུལ་བཞིན་ཡིད་ལ་བྱེད་པ་ན། འདི་ལྟར་སྲིད་པ་ཡོད་ན་སྐྱེ་བ་འབྱུང་ཞིང ། སྲིད་པའི་རྐྱེན་གྱིས་སྐྱེ་བ་འབྱུང་ངོ་
Ka153a
༄#། །སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་སྲིད་པ་འབྱུང་ཞིང ། རྐྱེན་གང་གིས་སྲིད་པ་འབྱུང་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་ལེན་པ་ཡོད་ན་སྲིད་པ་འབྱུང་ཞིང ། ལེན་པའི་རྐྱེན་གྱིས་སྲིད་པ་འབྱུང་ངོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་ལེན་པ་འབྱུང་ཞིང་རྐྱེན་གང་གིས་ལེན་པ་འབྱུང་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་སྲེད་པ་ཡོད་ན་ལེན་པ་འབྱུང་ཞིང ། སྲེད་པའི་རྐྱེན་གྱིས་ལེན་པ་འབྱུང་ངོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་སྲེད་པ་འབྱུང་ཞིང་རྐྱེན་གང་གིས་སྲེད་པ་འབྱུང་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་ཚོར་བ་ཡོད་ན་སྲེད་པ་འབྱུང་ཞིང ། ཚོར་བའི་རྐྱེན་གྱིས་སྲེད་པ་འབྱུང་ངོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་ཚོར་བ་འབྱུང་ཞིང ། རྐྱེན་གང་གིས་ཚོར་བ་འབྱུང་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་རེག་པ་ཡོད་ན་ཚོར་བ་འབྱུང་ཞིང་རེག་པའི་རྐྱེན་གྱིས་ཚོར་བ་འབྱུང་ངོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་རེག་པ་འབྱུང་ཞིང ། རྐྱེན་གང་གིས་རེག་པ་འབྱུང་སྙམ་དུ་ང་ཚུལ་
Ka153b
བཞིན་ཡིད་ལ་བྱེད་པ་ན། འདི་ལྟར་སྐྱེ་མཆེད་དྲུག་ཡོད་ན་རེག་པ་འབྱུང་ཞིང་སྐྱེ་མཆེད་དྲུག་གི་རྐྱེན་གྱིས་རེག་པ་འབྱུང་ངོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་སྐྱེ་མཆེད་དྲུག་འབྱུང་ཞིང་རྐྱེན་གང་གིས་སྐྱེ་མཆེད་དྲུག་འབྱུང་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་མིང་དང་གཟུགས་ཡོད་ན་སྐྱེ་མཆེད་དྲུག་འབྱུང་ཞིང ། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་འབྱུང་ངོ་སྙམ་དུ་ཡང་དག་པ་ཇི་ལྟ་བ་བཞིན་དུ་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་མིང་དང་གཟུགས་འབྱུང་ཞིང་རྐྱེན་གང་གིས་མིང་དང་གཟུགས་འབྱུང་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་རྣམ་པར་ཤེས་པ་ཡོད་ན་མིང་དང་གཟུགས་འབྱུང་ཞིང ། རྣམ་པར་ཤེས་པའི་རྐྱེན་གྱིས་མིང་དང་གཟུགས་འབྱུང་ངོ་སྙམ་དུ་ཡང་དག་པ་ཇི་ལྟ་བ་བཞིན་དུ་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་ཡོད་ན་རྣམ་པར་ཤེས་པ་འབྱུང་ཞིང་རྐྱེན་གང་གིས་རྣམ་པར་ཤེས་པ་འབྱུང་སྙམ་པ་ལས། ངའི་ཡིད་རྣམ་པར་ཤེས་པ་ནས་ཕྱིར་ལོག་ཅིང་དེ་ཕན་ཚུན་དུ་འཇུག་པར་མི་བྱེད་དེ། འདི་ལྟ་སྟེ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་
Ka154a
༄#། །གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་སྟེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པ་འདི་འབྱུང་བར་འགྱུར་རོ་སྙམ་མོ། །ང་འདི་སྙམ་དུ་སེམས་ཏེ། གང་མེད་ན་རྒ་ཤི་མི་འབྱུང་ཞིང ། གང་འགགས་པས་རྒ་ཤི་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་སྐྱེ་བ་མེད་ན་རྒ་ཤི་མི་འབྱུང་ཞིང ། སྐྱེ་བ་འགགས་པས་རྒ་ཤི་འགག་གོ་སྙམ་དུ་ཡང་དག་པར་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་སྐྱེ་བ་མི་འབྱུང་ཞིང ། གང་འགགས་པས་སྐྱེ་བ་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་སྲིད་པ་མེད་ན་སྐྱེ་བ་མི་འབྱུང་ཞིང ། སྲིད་པ་འགགས་པས་སྐྱེ་བ་འགག་གོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་སྲིད་པ་མི་འབྱུང་ཞིང ། གང་འགགས་པས་སྲིད་པ་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་ལེན་པ་མེད་ན་སྲིད་པ་མི་འབྱུང་ཞིང ། ལེན་པ་འགགས་པས་སྲིད་པ་འགག་གོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་ལེན་པ་མི་འབྱུང་ཞིང ། གང་འགགས་པས་ལེན་པ་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་སྲེད་པ་མེད་ན་ལེན་པ་མི་འབྱུང་ཞིང ། སྲེད་པ་འགགས་
Ka154b
པས་ལེན་པ་འགག་གོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་སྲེད་པ་མི་འབྱུང་ཞིང ། གང་འགགས་པས་སྲེད་པ་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་ཚོར་བ་མེད་ན་སྲེད་པ་མི་འབྱུང་ཞིང ། ཚོར་བ་འགགས་པས་སྲེད་པ་འགག་གོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་ཚོར་བ་མི་འབྱུང་ཞིང ། གང་འགགས་པས་ཚོར་བ་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་རེག་པ་མེད་ན་ཚོར་བ་མི་འབྱུང་ཞིང ། རེག་པ་འགགས་པས་ཚོར་བ་འགག་གོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་རེག་པ་མི་འབྱུང་ཞིང ། གང་འགགས་པས་རེག་པ་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་སྐྱེ་མཆེད་དྲུག་མེད་ན་རེག་པ་མི་འབྱུང་ཞིང ། སྐྱེ་མཆེད་དྲུག་འགགས་པས་རེག་པ་འགག་གོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་སྐྱེ་མཆེད་དྲུག་མི་འབྱུང་ཞིང ། གང་འགགས་པས་སྐྱེ་མཆེད་དྲུག་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་མིང་དང་གཟུགས་མེད་ན་སྐྱེ་མཆེད་དྲུག་མི་འབྱུང་ཞིང ། མིང་དང་གཟུགས་འགགས་པས་སྐྱེ་མཆེད་དྲུག་འགག་གོ་སྙམ་དུ་ཡང་དག་པར་ཇི་ལྟ་བ་བཞིན་མངོན་པར་
Ka155a
༄#། །རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་མིང་དང་གཟུགས་མི་འབྱུང་ཞིང ། གང་འགགས་པས་མིང་དང་གཟུགས་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་རྣམ་པར་ཤེས་པ་མེད་ན་མིང་དང་གཟུགས་མི་འབྱུང་ཞིང ། རྣམ་པར་ཤེས་པ་འགགས་པས་མིང་དང་གཟུགས་འགག་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་རྣམ་པར་ཤེས་པ་མི་འབྱུང་ཞིང ། གང་འགགས་པས་རྣམ་པར་ཤེས་པ་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་འདུ་བྱེད་རྣམས་མེད་ན། རྣམ་པར་ཤེས་པ་མི་འབྱུང་ཞིང ། འདུ་བྱེད་རྣམས་འགགས་པས་རྣམ་པར་ཤེས་པ་འགག་གོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །ང་འདི་སྙམ་དུ་སེམས་ཏེ། གང་མེད་ན་འདུ་བྱེད་རྣམས་མི་འབྱུང་ཞིང ། གང་འགགས་པས་འདུ་བྱེད་རྣམས་འགག་སྙམ་དུ་ང་ཚུལ་བཞིན་ཡིད་ལ་བྱེད་པ་ན། འདི་ལྟར་མ་རིག་པ་མེད་ན་འདུ་བྱེད་རྣམས་མི་འབྱུང་ཞིང ། མ་རིག་པ་འགགས་པས་འདུ་བྱེད་རྣམས་འགག་གོ་སྙམ་དུ་ཡང་དག་པ་ཇི་ལྟ་བ་བཞིན་མངོན་པར་རྟོགས་པར་གྱུར་ཏོ། །འདི་ལྟ་སྟེ། མ་རིག་པ་འགགས་པས་འདུ་བྱེད་རྣམས་འགག་།འདུ་བྱེད་རྣམས་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགགས་པས་མིང་དང་གཟུགས་འགག། མིང་དང་གཟུགས་འགགས་
Ka155b
པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགགས་པས་རེག་པ་འགག་།རེག་པ་འགགས་པས་ཚོར་བ་འགག་།ཚོར་བ་འགགས་པས་སྲེད་པ་འགག་།སྲེད་པ་འགགས་པས་ལེན་པ་འགག་།ལེན་པ་འགགས་པས་སྲིད་པ་འགག་།སྲིད་པ་འགགས་པས་སྐྱེ་བ་འགག་།སྐྱེ་བ་འགགས་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུགས་པ་རྣམས་འགག་སྟེ། དེ་ལྟར་ན་སྡུག་བསྔལ་གྱི་ཕུང་པོ་འབའ་ཞིག་པ་འདི་འགག་པར་འགྱུར་རོ་སྙམ་མོ།། །།འདུལ་བ་གཞི། བམ་པོ་བཅུ་པ། དགེ་སློང་དག་ང་འདི་སྙམ་དུ་སེམས་ཏེ། ངས་སྔོན་གྱི་ལམ་དང ། སྔོན་གྱི་བགྲོད་པ་དང ། སྔོན་གྱི་ལམ་སྲོལ། སྔོན་གྱི་དྲང་སྲོང་རྣམས་གཤེགས་ཤིང་རྗེས་སུ་འདོང་པ་རྙེད་དོ་སྙམ་མོ། །འདི་ལྟ་སྟེ། དཔེར་ན་མི་ཞིག་དགོན་པ་ནགས་མཆོག་ཏུ་འཁྱམ་ཞིང་འགྲོ་བ་ན། སྔོན་གྱི་ལམ་དང ། སྔོན་གྱི་བགྲོད་པ་དང ། སྔོན་གྱི་ལམ་སྲོལ། སྔོན་གྱི་མི་རྣམས་དོང་ཞིང་རྗེས་སུ་འདོང་བ་ཞིག་རྙེད་ནས། དེ་དེའི་རྗེས་སུ་སོང་བ་དང ། སྔོན་གྱི་གྲོང་ཁྱེར་དང ། སྔོན་གྱི་རྒྱལ་པོའི་ཕོ་བྲང་ཀུན་དགའ་ར་བ་ཕུན་སུམ་ཚོགས་པ། ཚལ་ཕུན་སུམ་ཚོགས་པ་དང ། རྫིང་བུ་ཕུན་སུམ་ཚོགས་པ་དང ། བཟང་པ་ནགས་དང་ལྡན་པ། དགའ་བར་འགྱུར་བ་ཞིག་མཐོང་ཞིང ། མཐོང་ནས་ཀྱང་དེ་འདི་སྙམ་དུ་སེམས་ཏེ། བདག་རྒྱལ་པོའི་གན་དུ་སོང་སྟེ་བརྗོད་པར་བྱའོ་སྙམ་ནས། དེས་རྒྱལ་པོའི་གན་དུ་
Ka156a
༄#། །སོང་སྟེ། ལྷ་མཁྱེན་པར་མཛོད་ཅིག་།འདི་ན་བདག་དགོན་པ་ནགས་མཆོག་གཅིག་ཏུ་འཁྱམ་ཞིང་མཆི་བ་ན། སྔོན་གྱི་ཤུལ་དང ། སྔོན་གྱི་བགྲོད་པ་དང ། སྔོན་གྱི་ཤུལ་སྲོལ། སྔོན་གྱི་མི་རྣམས་མཆིས་ཤིང་རྗེས་སུ་མཆི་བ་ཞིག་རྙེད་ནས། བདག་དེའི་རྗེས་སུ་མཆིས་པ་དང ། སྔོན་གྱི་གྲོང་ཁྱེར་དང ། སྔོན་གྱི་རྒྱལ་པོའི་ཕོ་བྲང་ཀུན་དགའ་ར་བ་ཕུན་སུམ་ཚོགས་པ། ཚལ་ཕུན་སུམ་ཚོགས་པ། རྫིང་བུ་ཕུན་སུམ་ཚོགས་པ། བཟང་བ་ནགས་དང་ལྡན་པ། དགའ་བར་གྱུར་བ་ཞིག་མཐོང་སྟེ། ལྷས་དེ་གྲོང་ཁྱེར་བགྱིད་དུ་གསོལ་ལ། དེ་རྒྱལ་པོའི་ཕོ་བྲང་བགྱིད་དུ་སྩོལ་ཅིག་དང ། དུས་གཞན་ན་དེ་རྒྱལ་པོའི་ཕོ་བྲང་འབྱོར་པ་རྒྱས་པ་བདེ་བ་ལོ་ལེགས་པ། སྐྱེ་བོ་དང་མི་མང་པོས་གང་བར་འགྱུར་རོ་ཞེས་ཟེར་བ་དེ་བཞིན་དུ། དགེ་སློང་དག་ངས་ཀྱང་སྔོན་གྱི་ལམ་དང ། སྔོན་གྱི་བགྲོད་པ་དང ། སྔོན་གྱི་ལམ་སྲོལ། སྔོན་གྱི་དྲང་སྲོང་རྣམས་གཤེགས་ཤིང་རྗེས་སུ་འདོང་བ་རྙེད་དོ། །དགེ་སློང་དག་སྔོན་གྱི་ལམ་དང ། སྔོན་གྱི་བགྲོད་པ་དང ། སྔོན་གྱི་ལམ་སྲོལ། སྔོན་གྱི་དྲང་སྲོང་རྣམས་གཤེགས་ཤིང་རྗེས་སུ་འདོང་བ་དེ་གང་ཞེ་ན། འདི་ལྟ་སྟེ། འཕགས་པའི་ལམ་ཡན་ལག་བརྒྱད་པ་འདི་ལྟ་སྟེ། ཡང་དག་པའི་ལྟ་བ་དང ། ཡང་དག་པའི་རྟོག་པ་དང ། ཡང་དག་པའི་ངག་དང ། ཡང་དག་པའི་ལས་ཀྱི་མཐའ་དང ། ཡང་དག་པའི་འཚོ་བ་དང ། ཡང་དག་པའི་རྩོལ་བ་དང ། ཡང་དག་པའི་དྲན་པ་དང ། ཡང་དག་པའི་
Ka156b
ཏིང་ངེ་འཛིན་ཏེ། དགེ་སློང་དག་འདི་ནི་སྔོན་གྱི་ལམ་དང ། སྔོན་གྱི་བགྲོད་པ་དང ། སྔོན་གྱི་ལམ་སྲོལ། སྔོན་གྱི་དྲང་སྲོང་རྣམས་གཤེགས་ཤིང་རྗེས་སུ་འདོང་བ་ཡིན་ནོ། །ངས་དེར་སོན་ཅིང་དེར་སོན་པ་ན། རྒ་ཤི་མཐོང་ཞིང་རྒ་ཤི་ཀུན་འབྱུང་བ་དང ། རྒ་ཤི་འགོག་པ་དང ། རྒ་ཤི་འགོག་པར་འགྲོ་བའི་ལམ་མཐོང་ངོ ། །སྐྱེ་བ་དང ། སྲིད་པ་དང ། ལེན་པ་དང ། སྲེད་པ་དང ། ཚོར་བ་དང ། རེག་པ་དང ། སྐྱེ་མཆེད་དྲུག་དང ། མིང་དང་གཟུགས་དང ། རྣམ་པར་ཤེས་པ་དང ། འདུ་བྱེད་རྣམས་མཐོང་ཞིང ། འདུ་བྱེད་རྣམས་ཀུན་འབྱུང་བ་དང ། འདུ་བྱེད་རྣམས་འགོག་པ་དང ། འདུ་བྱེད་རྣམས་འགོག་པར་འགྲོ་བའི་ལམ་མཐོང་སྟེ། ངས་རང་གི་མངོན་པར་ཤེས་པས་མངོན་པར་རྫོགས་པར་བྱང་ཆུབ་ནས། དགེ་སློང་རྣམས་དང ། དགེ་སློང་མ་རྣམས་དང ། དགེ་བསྙེན་རྣམས་དང ། དགེ་བསྙེན་མ་རྣམས་དང ། གཞན་ཡང་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་ཅན་དང ། ཀུན་ཏུ་རྒྱུ་སྣ་ཚོགས་དག་ལ་བརྗོད་དོ། །དེ་ལ་དགེ་སློང་གིས་ཀྱང་ཡང་དག་པར་སྒྲུབ་པ་ན་སྒྲུབ་པར་བྱེད་པ་ཡིན་ཞིང་རིགས་པ་དང་ལྡན་པ། ཆོས་དང་ལྡན་པ། དགེ་བ་སྒྲུབ་པར་བྱེད་དོ། །དགེ་སློང་མ་དང ། དགེ་བསྙེན་དང ། དགེ་བསྙེན་མས་ཀྱང་ཡང་དག་པར་སྒྲུབ་པ་ན།་སྒྲུབ་པར་བྱེད་པ་ཡིན་ཞིང ། རིགས་པ་དང་ལྡན་པ། ཆོས་དང་ལྡན་པ། དགེ་བ་སྒྲུབ་པར་བྱེད་དེ། དེ་ལྟ་ན་ཚངས་པར་སྤྱོད་པ་འདི་ནི་རྒྱ་ཆེ་བ། སྐྱེ་བོ་མང་པོ་ལ་ཕན་པ། ཡང་དག་པར་
Ka157a
༄#། །གྱུར་པ། ལྷ་དང་མིའི་བར་དག་ལ་ཡང་དག་པར་རབ་ཏུ་བསྟན་པ་ཡིན་ནོ་ཞེས་སྟོན་ཅིང ། དེ་ནས་མཇུག་ཏུ། འབྱུང་པོ་གང་དག་འདིར་ནི་ལྷགས་གྱུར་ཅིང ། ས་འམ་འོན་ཏེ་བར་སྣང་འཁོད་པ་དག་།སྐྱེ་དགུ་རྣམས་ལ་རྟག་ཏུ་བྱམས་བྱེད་ཅིང ། །ཉིན་དང་མཚན་དུ་ཆོས་ཀྱང་སྤྱོད་གྱུར་ཅིག་།ཅེས་ཡོངས་སུ་བསྔོས་པ་དང ། དེ་དག་ཐམས་ཅད་ཀྱིས་བདེན་པ་མངོན་པར་རྟོགས་མ་ཐག་ཏུ་ཕྱིར་མི་འོང་བའི་འབྲས་བུ་ཐོབ་སྟེ། རྫུ་འཕྲུལ་ཡང་མངོན་པར་བསྒྲུབས་སོ། །དེ་ནས་དེ་དག་ཐམས་ཅད་ཀྱིས་བཙུན་པ་དགེ་འདུན་འཚོ་ལེགས་པར་གསུངས་སོ། །ལེགས་པར་གསུངས་སོ། །ཞེས་མགྲིན་གཅིག་ཏུ་སྒྲ་ཕྱུང་ངོ ། །དེ་ནས་ལྷ་མོ་དེས་རྫུ་འཕྲུལ་མངོན་པར་འདུ་བྱ་བ་དེ་བརྟུལ་བ་དང ། གཅིག་གིས་གཅིག་མཐོང་བར་གྱུར་ཏོ། །དེ་དག་གིས་གཅིག་གིས་གཅིག་མཐོང་ནས་སྨྲས་པ། ཀྱེ་ཁྱོད་ཀྱང་འོངས་སམ། ཁྱོད་འོངས་སམ། ཁོ་བོས་འོངས་སོ། །ལེགས་སོ། །དེ་དག་གིས་འབྱོར་པ་རྙེད་ཅིང་རྙེད་པ་རྙེད་ནས་སྨྲས་པ།་བཙུན་པ་དགེ་འདུན་འཚོ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་གནང་ན། བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །དེས་འཛུམ་པ་སྔོན་དུ་བཏང་སྟེ་སྨྲས་པ། ཚེ་དང་ལྡན་པ་དག་ཁྱོད་སྤོབས་པ་རྒྱ་ཆེན་པོ་ཞུམ་པ་མེད་པ་དགེ་བ་དང་ལྡན་པ་ལེགས་སོ་
Ka157b
ལེགས་སོ། །བཅོམ་ལྡན་འདས་ཀྱིས་ཀྱང་ཕན་ཡོན་ལྔ་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་ཏེ། ལྔ་གང་ཞེ་ན། བདག་གིས་རང་གི་དོན་མ་འདྲེས་པ་རྗེས་སུ་ཐོབ་པར་འགྱུར་རོ་ཞེས་བྱ་བར་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་པ་དང ། བདག་གང་དག་གི་བྲན་དང ། མངག་གཞུག་པ་དང ། བསྒོ་བ་དང ། རང་དབང་མེད་པ་དང ། དགའ་མགུར་འགྲོར་མེད་པ་ཡིན་པ་དེ་དག་གིས་མཆོད་པར་བྱ་བ་དང ། བསྟོད་པར་བྱ་བར་འགྱུར་རོ་ཞེས་བྱ་བར་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་པ་དང ། གྲུབ་པ་དང ། བདེ་བའི་བླ་ན་མེད་པའི་མྱ་ངན་ལས་འདས་པ་ཐོབ་པར་འགྱུར་རོ་ཞེས་བྱ་བར་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་པ་དང ། གྲུབ་པ་དང ། བདེ་བ་བླ་ན་མེད་པའི་མྱ་ངན་ལས་འདས་པ་ཐོབ་པ་ལས་ཉམས་ན་ཡང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་བྱ་བར་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་འབྱུང་བ་ལ་མོས་པར་བྱ་བ་ཁོ་ནར་རིགས་པ་དང ། རབ་ཏུ་བྱུང་བ་ནི་སངས་རྒྱས་རྣམས་དང ། སངས་རྒྱས་ཀྱི་ཉན་ཐོས་དམ་པ་ཡང་དག་པར་སོང་བ།་ཡང་དག་པར་ཞུགས་པ། སྐྱེས་བུ་དམ་པ་རྣམས་ཀྱི་རྣམ་གྲངས་དུ་མས་བསྔགས་སོ། །ཞེས་བྱ་བར་ཡང་དག་པར་རྗེས་སུ་མཐོང་བའི་མཁས་པས་རབ་ཏུ་བྱུང་བ་ལ་མོས་པར་བྱ་བ་ཁོ་ནར་རིགས་
Ka158a
༄#། །སོ་ཞེས་གསུངས་ཀྱིས་རབ་ཏུ་བྱུང་ཞིག་།དེའི་ཕྱིར་ཅི་བཅོམ་ལྡན་འདས་ཀྱི་སྤྱན་སྔར་རབ་ཏུ་འབྱུང་ངམ། འོན་ཏེ་ཁོ་བོ་ལས། དེ་དག་གིས་སྨྲས་པ། བཅོམ་ལྡན་འདས་ཀྱིས་\?\་སྤྱན་སྔར་རོ། །ཚེ་དང་ལྡན་པ་དགེ་འདུན་འཚོས་སྨྲས་པ། གལ་ཏེ་དེ་ལྟ་ན་ཚུར་ཤོག་།བཅོམ་ལྡན་འདས་ཀྱི་སྤྱན་སྔར་འདོང་ངོ ། །དེ་དག་གིས་སྨྲས་པ། བཙུན་པ་དགེ་འདུན་འཚོ་ཅི་བདག་ཅག་གི་རྫུ་འཕྲུལ་གྱིས་བཞུད་དམ། འོན་ཏེ་ཁྱོད་ཀྱི་རྫུ་འཕྲུལ་གྱིས། ཚེ་དང་ལྡན་པ་དགེ་འདུན་འཚོས་ཐོས་ནས་ཉམ་ང་བར་གྱུར་ཏེ། དེས་བསམས་པ། བདག་གི་མཐུས་འདི་དག་གིས་ཡོན་ཏན་གྱི་ཚོགས་འདི་ལྟ་བུ་ཐོབ་ན། བདག་ནི་གཟིངས་ལྟ་བུར་གྱུར་བ་ལྟ་སྙམ་ནས། དེ་བཞིན་ཉམས་ཤིང་གྱུར་ཏེ་སྨྲས་པ། ཚེ་དང་ལྡན་པ་དག་ཁོ་བོ་ལ་བྱ་བ་ཅུང་ཞིག་ཡོད་ཀྱིས་རེ་ཞིག་ཡུད་ཙམ་ཞིག་སྡོད་ཅིག་ཅེས་དེ་ཤིང་ལྗོན་པ་ཞིག་གི་དྲུང་དུ་བརྟེན་ནས་སྐྱིལ་མོ་ཀྲུང་བཅས་ཏེ། ལུས་དྲང་པོར་བསྲངས་ནས། དྲན་པ་ཕྱོགས་པར་བཞག་སྟེ་འདུག་གོ་།བཅོམ་ལྡན་འདས་ཀྱིས་མང་དུ་ཐོས་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། ཕུང་པོ་ལ་མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་པར་འབྱུང་བ་ལ་མཁས་པ་དང ། དེའི་གདམས་ངག་དང་རྗེས་སུ་བསྟན་པ། གཞན་ལ་རག་མ་ལས་པ་ཡིན་ནོ་ཞེས་གསུངས་པས། དེས་བརྩོན་འགྲུས་བརྩམས་པས། འཁོར་
Ka158b
བའི་འཁོར་ལོ་ཆ་ལྔ་བ་གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་པས། རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྦུ་དག་བྲེགས་ཏེ། གོས་དུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ། ཚངས་པར་སྤྱོད་པའི་མཐའ་བླ་ན་མེད་པ་དེ། ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ། བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་དང་སྟེའུར་མཉམ་པ། རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང་མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་པར་བྱ་བར་གྱུར་ཏོ། །དེས་དེ་དག་ལ་སྨྲས་པ། ཤེས་ལྡན་དག་ཁོ་བོའི་ཆོས་གོས་ཀྱི་གྲཝ་ནས་ཟུང་ཞིག་དང ། ཁོ་བོའི་རྫུ་འཕྲུལ་གྱིས་འདོང་བར་བྱའོ། །དེ་དག་དེའི་ཆོས་གོས་ཀྱི་གྲཝ་ནས་འཇུས་
Ka159a
༄#། །པ་དང ། དེ་ནས་ཚེ་དང་ལྡན་པ་དགེ་འདུན་འཚོས་ངང་པའི་རྒྱལ་པོ་འདབ་མ་བརྐྱང་བ་ལྟར་རྫུ་འཕྲུལ་གྱིས་སྟེང་གི་ནམ་མཁའ་ལ་སོང་ངོ ། །ཇི་ཙམ་ན་ཚོང་པ་ལྔ་བརྒྱ་པོ་དེ་དག་རྫས་འཁོས་སུ་འབེབས་པར་བྱེད་པ་ན། དེ་དག་གིས་དེ་མཐོང་ནས། དེ་དག་གིས་སྨྲས་པ། འཕགས་པ་དགེ་འདུན་འཚོ་ཁྱོད་བྱོན་ཏམ། བྱོན་པ་ལེགས་སོ། །ཁོ་བོ་འོངས་སོ། གང་དུ་བཞུད། དེས་སྨྲས་པ། རིགས་ཀྱི་བུ་ལྔ་བརྒྱ་པོ་དེ་དག་བཅོམ་ལྡན་འདས་ཀྱི་སྤྱན་སྔར་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འདོད་པས། བཅོམ་ལྡན་འདས་ཀྱི་སྤྱན་སྔར་འགྲོའོ། །དེ་དག་གིས་སྨྲས་པ། འཕགས་པ་དགེ་འདུན་འཚོ་བདག་ཅག་ཀྱང་རབ་ཏུ་འབྱུང་གིས། བོབས་ལ་བདག་ཅག་རྫས་འཁོས་སུ་འབེབས་ཀྱི་བར་དུ་རེ་ཞིག་གཞེས་སུ་གསོལ། ཚེ་དང་ལྡན་པ་དགེ་འདུན་འཚོས་བབས་པ་དང ། དེ་དག་གིས་རྫས་འཁོས་སུ་ཕབ་བོ། །དེ་ནས་དེས་རིགས་ཀྱི་བུ་སྟོང་པོ་དེ་དག་ཁྲིད་ནས་བཅོམ་ལྡན་འདས་ག་ལ་བ་དེར་སོང་ངོ ། །དེའི་ཚེ་བཅོམ་ལྡན་འདས་དགེ་སློང་གི་འཁོར་བརྒྱ་ཕྲག་དུ་མའི་གུང་ལ་བཞུགས་ཏེ། ཆོས་སྟོན་པར་མཛད་དོ། །བཅོམ་ལྡན་འདས་ཀྱིས་ཚེ་དང་ལྡན་པ་དགེ་འདུན་འཚོ་སྐྱེས་དང་བཅས་ཏེ་ཐག་རིང་པོ་ཁོ་ན་ནས་འོང་བ་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་དགེ་འདུན་འཚོ་ཐག་རིང་པོ་
Ka159b
ནས་འོང་བ་མཐོང་ངམ། བཙུན་པ་མཐོང་ངོ ། །དགེ་སློང་དག་དགེ་སློང་དགེ་འདུན་འཚོ་འདི་དེ་བཞིན་གཤེགས་པ་ལ་སྐྱེས་དང་བཅས་ཤིང་འོང་སྟེ། དེ་བཞིན་གཤེགས་པའི་སྐྱེས་ནི་འདི་ལྟར་གདུལ་བ་ལས་གཞན་པ་ལྟ་བུ་མེད་དོ། །དེ་ནས་ཚེ་དང་ལྡན་པ་དགེ་འདུན་འཚོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་དགེ་འདུན་འཚོས་འདི་སྐད་ཅེས་གསོལ་ཏོ། །བཙུན་པ་རིགས་ཀྱི་བུ་སྟོང་པོ་འདི་དག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོར་འཚལ་ན། བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་འདི་དག་རབ་ཏུ་འབྱུང་དུ་གསོལ། བསྙེན་པར་རྫོགས་པར་མཛད་དུ་གསོལ། བཅོམ་ལྡན་འདས་ཀྱིས་དེ་དག་ལ་དགེ་སློང་ཚུར་ཤོག་ཅེས་བྱ་བས་རབ་ཏུ་ཕྱུང་ཞིང ། དགེ་སློང་དག་ཚུར་ཤོག་ཚངས་པར་སྤྱོད་པ་སྤྱོད་ཅིག་ཅེས་བཀའ་སྩལ་པ་དང ། དེ་དག་བཅོམ་ལྡན་འདས་ཀྱི་བཀའི་མཇུག་ཁོ་ནར་སྐྲ་བྱི་པ་དང་སྣམ་སྦྱར་གྱོན་པར་གྱུར་ཏེ། སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང ། ལག་ན་ལྷུང་བཟེད་དང་བྱ་མ་བུམ་ཐོགས་པ་དང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །ཡང་སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་
Ka160a
༄#། །ལུས་ལྡན་ཞིང ། །མོད་ལ་དབང་པོ་རབ་ཞི་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་ནས་བཅོམ་ལྡན་འདས་ཀྱིས་དེ་དག་ལ་གདམས་ངག་སྩལ་ནས། དེ་དག་གིས་བརྩོན་པ་དང་འབད་པ་དང་བརྩལ་བས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱས་ཏེ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙན་དན་དང་སྟེའུར་མཉམ་པ། རིག་པས་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་དགེ་འདུན་འཚོས་ཞུས་པ། བཙུན་པ་འདི་ན་བདག་གིས་སེམས་ཅན་རྩིག་པ་འདྲ་བ་དག་དང ། ཀ་བ་འདྲ་བ་དང ། ཤིང་ལྗོན་པ་འདྲ་བ་དག་དང ། ལོ་མ་འདྲ་བ་དག་དང ། མེ་ཏོག་འདྲ་བ་དག་དང ། འབྲས་བུ་འདྲ་བ་དག་དང ། ཐག་པ་འདྲ་བ་དག་དང ། ཕྱགས་མ་འདྲ་བ་དག་དང ། ཕོར་པ་འདྲ་བ་དག་དང ། གཏུན་འདྲ་བ་དག་དང ། ཕྲུ་བ་འདྲ་བ་དག་དང ། རྐེད་པ་ཆད་པ་ཆུ་རྒྱུས་ཀྱིས་བཟུང་བ་མཆིས་པ་མཐོང་ན། བཙུན་པ་དེ་དག་གི་ས་ལས་ཅི་ཞིག་བགྱིས་ན།
Ka160b
ལས་དེའི་རྣམ་པར་སྨིན་པས་དེ་འདྲ་བ་དག་ཏུ་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་འཚོ་སེམས་ཅན་དེ་དག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དེ་དག་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་འདུན་འཚོ་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར། འདི་ལྟར་ལས་དགེ་བ་དང་མི་དགེ་བའི་ལས་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་འདུན་འཚོ་སྔོན་བྱུང་བ་འདས་པའི་དུས་ན། བསྐལ་པ་བཟང་པོ་འདི་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན།་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་པ་ན། དེ་དག་དེའི་
Ka161a
༄#། །ཉན་ཐོས་སུ་གྱུར་ཏོ། དགེ་འདུན་འཚོ་ཁྱོད་ཀྱིས་སེམས་ཅན་རྩིག་པ་འདྲ་བ་གང་དག་མཐོང་བ་དེ་དག་ནི་དགེ་སློང་དག་ཏུ་གྱུར་པ་ན། དེ་དག་གིས་དགེ་འདུན་གྱི་རྩིག་པ་མཆིལ་མས་མ་རུང་བར་བྱས་པས། ལས་དེའི་རྣམ་པར་སྨིན་པས་རྩིག་པ་འདྲ་བ་དག་ཏུ་གྱུར་ཏོ། །ཁྱོད་ཀྱིས་སེམས་ཅན་ཀ་བ་འདྲ་བ་གང་དག་མཐོང་བ་དེས་ཀྱང ། དགེ་སློང་དག་ཏུ་གྱུར་པ་ན། དེ་དག་གིས་དགེ་འདུན་གྱི་ཀ་བ་སྣབས་ཀྱིས་མ་རུང་བར་བྱས་པས། ལས་དེའི་རྣམ་པར་སྨིན་པས་ཀ་བ་འདྲ་བ་དག་ཏུ་གྱུར་ཏོ། །ཁྱོད་ཀྱིས་སེམས་ཅན་ཤིང་ལྗོན་པ་འདྲ་བ་དག་དང ། ལོ་མ་འདྲ་བ་དག་དང ། མེ་ཏོག་འདྲ་བ་དག་དང ། འབྲས་བུ་འདྲ་བ་གང་དག་མཐོང་བ་དེ་དག་ཀྱང་དགེ་སློང་དག་ཏུ་གྱུར་པ་ན། དེ་དག་གིས་དགེ་འདུན་གྱི་ཤིང་ལྗོན་པ་དང ། ལོ་མ་དང ། མེ་ཏོག་དང ། འབྲས་བུ་དག་གང་ཟག་གི་ལོངས་སྤྱོད་དུ་སྤྱད་པས། ལས་དེའི་རྣམ་པར་སྨིན་པས་ཤིང་ལྗོན་པ་འདྲ་བ་དག་དང ། ལོ་མ་འདྲ་བ་དག་དང ། མེ་ཏོག་འདྲ་བ་དག་དང ། འབྲས་བུ་འདྲ་བ་དག་ཏུ་གྱུར་ཏོ། །ཁྱོད་ཀྱིས་སེམས་ཅན་ཐག་པ་འདྲ་བ་དག་དང ། ཕྱགས་མ་འདྲ་བ་དག་མཐོང་བ་དེ་དག་ཀྱང་དགེ་སློང་དག་ཏུ་གྱུར་པ་ན། དེ་དག་གིས་དགེ་འདུན་གྱི་ཐག་པ་དང་ཕྱགས་མ་གང་ཟག་གི་ལོངས་སྤྱོད་དུ་སྤྱད་པས། ལས་དེའི་རྣམ་པར་སྨིན་པས་ཐག་པ་འདྲ་བ་དག་དང ། ཕྱགས་མ་འདྲ་བ་དག་ཏུ་གྱུར་ཏོ། །ཁྱོད་ཀྱིས་སེམས་ཅན་ཕོར་པ་འདྲ་བ་གང་དག་མཐོང་བ་དེ་དག་ནི། དགེ་ཚུལ་སྐོམ་གྱི་གཙང་སྦྱོར་དུ་གྱུར་པ་ན། དེ་དག་ཕོར་པ་འཁྲུད་པར་བྱེད་པའི་ཚེ། དགེ་སློང་གློ་བུར་
Ka161b
དུ་འོངས་པ་དག་ལྷགས་ནས། དེ་དག་གིས་དགེ་ཚུལ་དེ་དག་ལ་དྲིས་པ། དགེ་ཚུལ་དག། ཅི་དགེ་འདུན་ལ་སྐོམ་འབྱུང་བར་འགྱུར་རམ། དགེ་ཚུལ་དེ་དག་སེར་སྣས་དཀྲིས་ཏེ་སྨྲས་པ། ཁོ་བོ་ཅག་གི་ཕོར་པ་བཀྲུས་པ་མཐོང་ངམ། སྐོམ་འཐུངས་ཟིན་ཏོ། །དེ་དག་གིས་བསམས་པ། དུས་ཡོལ་བ་བལྟ་སྙམ་ནས་རེ་བ་མེད་པར་གྱུར་ཏེ། བཞིན་གྱུར་ཅིང་ཉམས་ཏེ་དོང་བས། ལས་དེའི་རྣམ་པར་སྨིན་པས་ཕོར་པ་འདྲ་བ་དག་ཏུ་གྱུར་ཏོ། །ཁྱོད་ཀྱིས་སེམས་ཅན་གཏུན་འདྲ་བ་གང་དག་མཐོང་བ་དེ་དག་ཀྱང་དགེ་སློང་དག་ཏུ་གྱུར་པ་ན། དེ་དག་ལ་ལྷུང་བཟེད་ཀྱི་ལས་དག་བྱུང་ནས། དེ་ན་དགེ་ཚུལ་དགྲ་བཅོམ་པ་གཅིག་དམ་བཞག་པར་བསྐོས་པ་དེ་ལ་དེ་དག་གིས་སྨྲས་པ། དགེ་ཚུལ་ཁོ་བོ་ཅག་ལ་གཏུན་དུ་འབྲུ་མར་གྱི་ཚིག་མ་ཉུང་ཞིག་བརྡུངས་ཏེ་བྱིན་ཅིག། དེས་སྨྲས་པ། གནས་བརྟན་དག་བདག་བྲེལ་གྱིས་རེ་ཞིག་ཡུད་ཙམ་ཞིག་བཞེས་ཤིག་དང ། སླད་ཀྱིས་གསོལ་ལོ། །དེ་དག་མི་བཟོད་པ་སྐྱེས་ནས་ཀུན་ནས་དཀྲིས་པ་དྲག་པོས་སྨྲས་པ། དགེ་ཚུལ་གལ་ཏེ་ཁོ་བོ་ཅག་གཏུན་ལ་རེག་ཏུ་རུང་ན་ཁོ་བོ་ཅག་གིས་ཁྱོད་ཉིད་གཏུན་དུ་བཅུག་སྟེ་བརྡུང་བར་ཡང་བྱ་ན། འབྲུ་མར་ཚིགས་མ་ཉུང་ཞིག་ལྟ་ཅི་སྨོས། དགེ་ཚུལ་དེས་བསམས་པ། འདི་དག་ཀུན་ནས་དཀྲིས་པ་དྲག་པོས་དཀྲིས་པས། གལ་ཏེ་བདག་གིས་འདི་དག་ལ་ལན་བཏབ་ན། ལྷག་པར་ཡང་རབ་ཏུ་འཁྲུག་པར་འགྱུར་རོ་སྙམ་ནས། དེས་ཅང་མི་སྨྲ་བར་བསྡད་ནས། གང་གི་ཚེ་དེ་དག་ཀུན་ནས་དཀྲིས་པ་དང་བྲལ་བ་དེའི་ཚེ་ན། གང་དུ་སོང་སྟེ་སྨྲས་པ། གནས་བརྟན་དག་ཁྱེད་ཀྱིས་བདག་སུ་ལགས་མཁྱེན་ཏམ། དེ་དག་གིས་སྨྲས་པ། ཤེས་ཏེ་
Ka162a
༄#། །ཁྱོད་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་བའི་དགེ་ཚུལ་ཡིན་ནོ། །ཁོ་བོ་ཅག་ཀྱང་དགེ་སློང་ཡིན་ནོ། །གནས་བརྟན་དག་གལ་ཏེ་དེ་ལྟར་ལགས་ཀྱིས་ཀྱང་འདི་ལྟར་བདག་གིས་ནི་རབ་ཏུ་བྱུང་བས་བགྱི་བ་གང་ལགས་པ་དེ་བགྱིས་སོ། །ཅི་ཞིག་བྱས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བགྱིས་སོ། །ཁྱེད་ནི་འཆིང་བ་མཐའ་དག་གིས་བཅིངས་བ་ལགས་ལ། བདག་ནི་འཆིང་བ་ཐམས་ཅད་ལས་ངེས་པར་གྲོལ་བ་ལགས་ན། ཁྱེད་ཀྱིས་ངག་གི་ལས་རྩུབ་པོ་བརྗོད་ཀྱིས་སྡིག་པ་སྡིག་པ་ལས་ཤོགས་ཤིག་དང ། དེ་ལྟ་ན་ལས་སྲབས་པ་ཉིད་དང ། ཡོངས་སུ་ཟད་པ་དང ། ཡོངས་སུ་མཐར་ཐུག་པར་འགྱུར་རོ། །དེ་དག་གིས་སྡིག་པ་སྡིག་པ་ལས་བཤགས་ཀྱང ། ལས་དེའི་རྣམ་པར་སྨིན་པས་གཏུན་འདྲ་བ་དག་ཏུ་གྱུར་ཏོ། །ཁྱོད་ཀྱིས་སེམས་ཅན་ཕྲུ་བ་འདྲ་བ་གང་དག་མཐོང་བ་དེ་དག་ནི་དགེ་སློང་རྣམས་ལ་རིམ་གྲོ་བྱེད་པའི་ལྷ་འབངས་སུ་གྱུར་ཏེ། དེ་དག་སྨན་སྐོལ་བར་བྱེད་པ་ན། དགེ་སློང་རྣམས་ཀྱིས་མི་སྙན་པར་སྨྲ་བ་དང ། དེ་དག་སེམས་རབ་ཏུ་ཁྲོས་པས་ཕྲུ་བ་དེ་དག་བཅག་པས། ལས་དེའི་རྣམ་པར་སྨིན་པས་ཕྲུ་བ་འདྲ་བ་དག་ཏུ་གྱུར་ཏོ། །ཁྱོད་ཀྱིས་སེམས་ཅན་རྐེད་པ་ཆད་པ་ཆུ་རྒྱུས་ཀྱིས་བཟུང་བ་གང་དག་མཐོང་བ་དེ་དག་ཀྱང་དགེ་སློང་རྙེད་པ་སྟོབས་པ་དག་ཏུ་གྱུར་པ་ན། དེ་དག་སེར་སྣས་ཟིལ་གྱིས་ནོན་པས་རྙེད་པ་བསྒྱུར་ཏེ། དབྱར་གྱི་རྙེད་པ་གང་ཡིན་པ་ད་ནི་དགུན་གྱིར་བསྒྱུར། དགུན་གྱི་གང་ཡིན་པ་
Ka162b
དེ་ནི་དབྱར་གྱིར་བསྒྱུར་བས། ལས་དེའི་རྣམ་པར་སྨིན་པས་རྐེད་པ་ཆད་པ་ཆུ་རྒྱུས་ཀྱིས་བཟུང་བ་དག་ཏུ་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་དགེ་འདུན་འཚོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཕྱུག་པ་ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེས་ཤིང་དགྲ་བཅོམ་པ་ཉིད་མངོན་སུམ་དུ་བགྱིས་པ་དང ། གདུལ་བའི་དོན་ཆེན་པོ་བགྱིས་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་འདུན་འཚོ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། དགེ་སློང་དགེ་འདུན་འཚོ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང་སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་པའི་དུས་ན་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་
Ka163a
༄#། །བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས་ཞལ་ཏ་བྱེད་པར་གྱུར་ཅིང ། དེ་ལ་ལྷན་ཅིག་གནས་པ་ལྔ་བརྒྱ་ཡོད་པར་གྱུར་ཏོ། །རི་བྲགས་ན་གནས་པའི་སྐྱེ་བོའི་ཚོགས་དེ་ཡང་ཕལ་ཆེར་དེ་ལ་མངོན་པར་དད་པར་གྱུར་ཏོ། །དེ་ནས་དེའི་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་བོ། །དེ་དུས་གཞན་ཞིག་ན་ན་བར་གྱུར་ནས། དེ་ལ་རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུའི་སྨན་དག་གིས་བསྙེན་བཀུར་བྱས་ཀྱང ། ནད་དེ་ཉེ་བར་ཞི་བར་མ་གྱུར་ཅིང ། ཉམས་དམས་ནས་དེ་འཆི་བའི་དུས་ཀྱི་ཚེ་སྨོན་ལམ་འདི་སྐད་ཅེས་བདག་གིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་སྟེ། བདག་གིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་པའི་དགེ་བའི་རྩ་བ་འདིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་
Ka163b
དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན། སྐྱེ་དགུ་ཚེ་ལོ་བརྒྱ་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བྱེད་པར་གྱུར་ཅིག་ཅེས་གདབ་པར་བརྩམས་སོ། །དེ་ནས་དེའི་ལྷན་ཅིག་གནས་པ་དག་ལྷགས་ཏེ། དྲིས་པ། མཁན་པོས་ཡོན་ཏན་གྱི་ཚོགས་ཅུང་ཟད་རྙེད་པ་མཆིས་སམ། དེས་སྨྲས་པ། མེད་དོ། །དེ་དག་གིས་དྲིས་པ། སྨོན་ལམ་ཇི་སྐད་བཏབ། དེས་སྨྲས་པ། འདི་དང་འདི་སྐད་ཅེས་སོ། །དེ་དག་གིས་སྨྲས་པ། བདག་ཅག་ཀྱང་དགེ་བའི་བཤེས་གཉེན་མཁན་པོ་ལ་བརྟེན་ནས། བཅོམ་ལྡན་འདས་དེ་ཉིད་ཀྱི་བསྟན་པ་ལ་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱེད་པར་གྱུར་ཅིག་།དེ་ནས་རི་བྲགས་ན་གནས་པའི་སྐྱེ་བོའི་ཚོགས་དེས་འཕགས་པ་དེ་ནའོ་ཞེས་ཐོས་ནས། དེ་དག་དེའི་གན་དུ་སོང་སྟེ་དྲིས་པ། འཕགས་པ་ཡོན་ཏན་གྱི་ཚོགས་ཅུང་ཟད་རྙེད་པ་མཆིས་སམ། དེས་སྨྲས་པ། མེད་དོ། །དེ་དག་གིས་སྨྲས་པ། སྨོན་ལམ་ཇི་སྐད་བཏབ། དེས་སྨྲས་པ། འདི་དང་འདི་སྐད་ཅེས་སོ། །དེ་དག་གིས་སྨྲས་པ། བདག་ཅག་ཀྱང་དགེ་བའི་བཤེས་
Ka164a
༄#། །གཉེན་འཕགས་པ་ལ་བརྟེན་ནས། བཅོམ་ལྡན་འདས་དེ་ཉིད་ཀྱི་བསྟན་པ་ལ་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱེད་པར་གྱུར་ཅིག་།དགེ་སློང་དག་དེ་ལ་དེའི་ཚེ་དེའི་དུས་ན་དགེ་སློང་ཞལ་ཏ་བྱེད་པར་གྱུར་པ་གང་ཡིན་པ་དེ་ནི། དགེ་སློང་དགེ་འདུན་འཚོ་འདི་ཉིད་ཡིན་ནོ། །དེའི་ལྷན་ཅིག་གནས་པ་ལྔ་བརྒྱ་པོ་གང་དག་ཡིན་པ་དེ་དག་ནི་དྲང་སྲོང་ལྔ་བརྒྱ་པོ་འདི་དག་ཉིད་ཡིན་ནོ། །རི་བྲགས་ན་གནས་པའི་སྐྱེ་བོའི་ཚོགས་གང་དག་ཡིན་པ་དེ་དག་ནི་ཚོང་པ་ལྔ་བརྒྱ་པོ་འདི་དག་ཡིན་ནོ། །འདིས་དེར་ཆོས་དང་ལྡན་པས་ཞལ་ཏ་བྱས་པ་གང་ཡིན་པའི་ལས་དེའི་རྣམ་པར་སྨིན་པས་ཕྱུག་ཅིང་ནོར་མང་བ་ལོངས་སྤྱོད་ཆེ་བའི་ཁྱིམ་དུ་སྐྱེས་སོ། །འཆི་བའི་དུས་ཀྱི་ཚེ་སྨོན་ལམ་བཏབ་པ་དེས་ནི་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱས་ཤིང ། གདུལ་བའི་དོན་ཆེན་པོ་བྱས་པར་གྱུར་ཏོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན། ལས་གཅིག་ཏུ་གནག་པ་རྣམས་སྤངས་ཏེ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་
Ka164b
ཞུས་པ། བཙུན་པ་ཀླུ་གཞོན་ནུ་སྤྲུལ་པས་དང་པོ་གང་དུ་དད་པ་ཐོབ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་དགེ་སློང་ཉི་ཁྲིའི་འཁོར་དང ། ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །དེ་ཉན་ཐོས་རྣམས་ལ་དགེ་སློང་དག། དགོན་པ་དང ། ཤིང་དྲུང་དང ། ཁྱིམ་གྱིས་སྟོང་པ་དང ། རིའི་སུལ་དང ། རི་ཕུག་དང ། རྩ་སྤྱིལ་དང ། བླ་གབ་མེད་པ་དང ། དུར་ཁྲོད་དང ། ནགས་ཁྲོད་དང ། རི་དྲུང་དང ། བས་མཐའ་གནས་མལ་འདི་དག་ཏུ་བསམ་གཏན་གྱིས་ཤིག་།དགེ་སློང་དག་བག་ཡོད་པར་བསྒྲུབས་ལ་ཕྱིས་འགྱོད་པར་མི་འགྱུར་བར་གྱིས་ཤིག་།འདི་ནི་ངའི་གདམས་ངག་དང་རྗེས་སུ་བསྟན་པ་ཡིན་ནོ་ཞེས་ཆོས་སྟོན་པར་མཛད་དོ། །བཅོམ་ལྡན་འདས་ཀྱིས་དགེ་སློང་རྣམས་ལ་དེ་སྐད་ཅེས་བཀའ་སྩལ་ནས། དགེ་སློང་རྣམས་དགོན་པ་དང ། ཤིང་དྲུང་དང ། ཁྱིམ་གྱིས་སྟོང་པ་དང ། རིའི་སུལ་དང ། རི་ཕུག་དང ། རྩ་སྤྱིལ་དང ། བླ་གབ་མེད་པ་དང ། དུར་ཁྲོད་དང ། ནགས་ཁྲོད་དང ། རི་དྲུང་དང ། བས་མཐའི་གནས་མལ་དག་ཏུ་ཞུགས་སོ། །ཁ་ཅིག་ནི་རི་རབ་ཀྱི་བང་རིམ་ལ་བསམ་གཏན་བྱེད།
Ka165a
༄#། །ཁ་ཅིག་ནི་གསེར་གྱི་རི་བདུན་པོ་དག་ན། ཁ་ཅིག་ནི་མཚོ་ཆེན་པོ་མ་དྲོས་པ་ན། ཁ་ཅིག་ནི་རྫིང་བུ་དལ་གྱིས་འབབ་པ་ན། ཁ་ཅིག་ནི་རྣལ་འབྱོར་པའི་སྐྱེ་བོ་དང་རྗེས་སུ་མཐུན་པའི་གྲོང་དང ། གྲོང་རྡལ་དང ། ཡུལ་དང་ཡུལ་འཁོར་དང ། རྒྱལ་པོའི་ཕོ་བྲང་གི་ཕྱོགས་དེ་དང་དེ་དག་ན་བསམ་གཏན་བྱེད། ཇི་ཙམ་ན་ཀླུ་གཞོན་ནུ་སྐྱེས་ནས་རིང་པོ་མ་ལོན་པ་ཞིག་འདབ་ཆགས་ཀྱི་རྒྱལ་པོ་འདབ་བཟང་གིས་རི་རབ་ཀྱི་བང་རིམ་གྱི་སྟེང་དུ་དྲངས་པ་དང ། ཇི་ཙམ་ན་དེས་དགེ་སློང་སྤྱོད་ལམ་ཞི་བས། བསམ་གཏན་དང ། ཀློག་པ་དང ། རྣལ་འབྱོར་ལ་རྗེས་སུ་བརྩོན་པ་དག་མཐོང་ངོ ། །མཐོང་ནས་ཀྱང་དེའི་སེམས་མངོན་པར་དད་པར་གྱུར་ཏོ། །དེ་སེམས་དད་པ་སྐྱེས་ནས། འཕགས་པ་བདག་ཉིད་ཆེན་པོ་འདི་དག་ནི་སྡུག་བསྔལ་གྱི་བྱེ་བྲག་འདི་ལྟ་བུ་ལས་གྲོལ་བ་ཡིན་ནོ་སྙམ་དུ་སེམས་བསྐྱེད་པར་བྱེད་ཅིང ། དེ་དེ་དག་ལ་སེམས་མངོན་པར་དད་པར་བྱས་ནས་དུས་ལ་བབ་པ་དང ། ལས་དྲུག་ལ་བརྩོན་པའི་བྲམ་ཟེའི་ཁྱིམ་ཞིག་ཏུ་སྐྱེས་ནས། ཇི་ཙམ་ན་བསྲིངས་ཤིང་བསྐྱེད་དེ་ཆེན་པོར་གྱུར་ཏོ། །དེ་དུས་གཞན་ཞིག་ན། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་རབ་ཏུ་བྱུང་ནས། དེས་བརྩོན་པ་དང ། འབད་པ་དང ། བརྩལ་བས་ཉོན་མོངས་པ་ཐམས་ཅད་སྤངས་པས། དགྲ་བཅོམ་པ་ཉིད་མངོན་དུ་བྱས་ཏེ། དགྲ་བཅོམ་པ་ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་
Ka165b
དང་ལྡན་པ། ཙན་དན་དང་སྟེའུར་མཉམ་པ། རིག་པས་སྒོ་ངའི་སྦུབས་དྲལ་བར་གྱུར་ཅིང་རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱས་པར་གྱུར་ཏོ། །དེས་བསམས་པ། བདག་ག་ལས་ཤི་འཕོས། གང་དུ་སྐྱེས། ལས་གང་གིས་བྱས་སྙམ་ན། དེས་དུད་འགྲོ་ནས་ཤི་འཕོས་ཤིང་མི་རྣམས་ཀྱི་ནང་དུ་སྐྱེས་པ་དང ། ཉན་ཐོས་ཆེན་པོ་རྣམས་ལ་སེམས་མངོན་པར་དད་པར་བྱས་པས་སྐྱེས་པར་མཐོང་ངོ ། །དེས་ཕ་མ་ལ་བསམས་ཏེ། བདག་གི་ཕ་མ་ག་ལ་འདུག་སྙམ་ན། ཀླུའི་གནས་ན་འདུག་པར་མཐོང་ངོ ། །ཅི་བྱེད་སྙམ་ན་ཀླུའི་སྐྱེ་གནས་ན་ངུ་ཞིང་འདུག་པར་མཐོང་ནས། དེས་རྫུ་འཕྲུལ་གྱིས་དེར་སོང་སྟེ། དྲི་བར་བརྩམས་པ། ཡབ་ཡུམ་ཅིའི་སླད་དུ་བཤུམས། དེ་གཉིས་ཀྱིས་སྨྲས་པ། འཕགས་པ་བདག་ཅག་གི་ཀླུ་གཞོན་ནུ་སྐྱེས་ནས་རིང་པོ་མ་ལགས་པ་ཞིག་འདབ་ཆགས་ཀྱི་རྒྱལ་པོ་འདབ་བཟང་གིས་ཕྲོགས་ན་དེ་གར་མཆིས་མ་འཚལ་ལོ། །དེས་སྨྲས་པ། ཡབ་ཡུམ་དེ་ནི་བདག་ཉིད་ལགས་ཏེ། ཤི་ཞིང་དུས་ལ་བབ་ནས་ལས་དྲུག་ལ་བརྩོན་པའི་བྲམ་ཟེའི་ཁྱིམ་དུ་སྐྱེས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་དུ་བགྱིས་སོ། །འཕགས་པ་དེ་འདྲ་བར་སྐྱོན་ཆགས་པར་གྱུར་པ་དེ། བདག་ཅག་གིས་བདེ་འགྲོར་མཆི་བར་ཡང་མ་བསམས་ན།
Ka166a
༄#། །དགྲ་བཅོམ་པ་ལྟ་ཅི་སྨོས་ཏེ། དེ་ནི་ངོ་མཚར་དང་རྨད་དུ་བྱུང་བ་ལགས་ན། ཁྱོད་ཀྱིས་ཡོན་ཏན་གྱི་ཚོགས་དེ་ལྟ་བུ་བརྙེས་སམ། ཐོབ་བོ། །འཕགས་པ་ཁྱོད་ནི་བསོད་སྙོམས་བཞེད་པ་ལགས་ལ། བདག་ཅག་ནི་བསོད་ནམས་འཚལ་བ་ལགས་ཀྱིས། ཁྱོད་འདི་ཉིད་དུ་གདུགས་རེ་རེ་ཞིང་གཤེགས་ཏེ། ཞལ་ཟས་ཀྱི་བྱ་བ་མཛོད་ལ་བཞུད་ཅིག་།དེ་དང་དུ་བླངས་ནས་དེས་རྟག་པར་ཀླུའི་གནས་སུ་བདུད་རྩི་ཟོས་ཤིང་ལྡོག་པར་བྱེད་དོ། །དེ་ལྷན་ཅིག་གནས་པའི་དགེ་ཚུལ་དེ་ལ་དགེ་སློང་རྣམས་ཀྱིས་སྨྲས་པ། དགེ་ཚུལ་ཁྱོད་ཀྱི་མཁན་པོ་འདི་གང་དུ་ཟོས་ཤིང་འོང ། དེས་སྨྲས་པ། མ་འཚལ་ཏོ། །དེ་དག་གིས་སྨྲས་པ། ཀླུའི་གནས་སུ་ལྷའི་བདུད་རྩི་ཟོས་ཤིང་ཟོས་ཤིང་འོང་ན། ཁྱོད་ཅིའི་ཕྱིར་མི་འགྲོ། དེས་སྨྲས་པ། དེ་ནི་རྫུ་འཕྲུལ་ཆེ་བ་མཐུ་ཆེ་བ་ལགས་པས། དེས་མཆི་ན། བདག་ཇི་ལྟར་མཆིས། དེ་དག་གིས་སྨྲས་པ། གང་གི་ཚེ་འདི་རྫུ་འཕྲུལ་གྱིས་འགྲོ་བ་དེའི་ཚེ་ན། ཁྱོད་ཀྱིས་འདིའི་ཆོས་གོས་ཀྱི་གྲཝ་ནས་ཟུང་ཞིག་།དེས་སྨྲས་པ། མི་ལྟུང་ངམ། བཞིན་བཟང་གལ་ཏེ་དེའི་ཆོས་གོས་ཀྱི་གྲཝ་ལ་རིའི་རྒྱལ་པོ་རི་རབ་བཏགས་ན་དེ་ཡང་མི་ལྟུང་ན་ཁྱོད་ལྟ་ཅི་སྨོས། དེ་དག་གིས་དེ་སྤྲོ་བར་བྱས་ནས། གནས་གང་དུ་དེ་རྫུ་འཕྲུལ་གྱིས་མི་སྣང་བར་བྱེད་པ་དེར་སོང་སྟེ་བསྡད་པ་དང་དེ་ཡང་མི་སྣང་བར་བྱེད་ནས། དེས་ཀྱང་ཆོས་གོས་ཀྱི་གྲཝ་ནས་བཟུང་སྟེ། དེ་གཉིས་སྟེང་གི་ནམ་མཁའ་ལ་དོང་ངོ ། །ཇི་ཙམ་ན་ཀླུ་རྣམས་ཀྱིས་མཐོང་ནས་དེ་གཉིས་ཀྱི་ཕྱིར་སྟན་གཉིས་བཤམས་ཤིང་དཀྱིལ་འཁོར་ཡང་
Ka166b
གཉིས་བྱས་སོ། །དེས་བསམས་པ། ཅིའི་ཕྱིར་སྟན་བཤམས་པ་དང ། དཀྱིལ་འཁོར་གཞན་འདི་བྱས་སྙམ་ནས། དེས་རྒྱབ་ཏུ་བལྟ་བར་བརྩམས་པ་དང ། ཇི་ཙམ་ན་དགེ་ཚུལ་དེ་མཐོང་ནས་དེས་སྨྲས་པ། བུ་ཁྱོད་ཀྱང་འོངས་སམ། མཁན་པོ་མཆིས་སོ། ལེགས་སོ། །ཀླུ་རྣམས་ཀྱིས་བསམས་པ། འཕགས་པ་འདི་ནི་རྫུ་འཕྲུལ་ཆེ་བ། མཐུ་ཆེ་བ་ཡིན་པས། ལྷའི་བདུད་རྩི་ཞུ་བར་ནུས་ན། འཕགས་པ་འདིས་ནི་ཞུ་བར་མི་ནུས་ཀྱིས། འདི་ལ་ཁ་ཟས་ཐ་མལ་པ་སྦྱིན་པར་བྱའོ་སྙམ་ནས། དེ་རྣམས་ཀྱིས་གཅིག་ལ་ནི་ལྷའི་བདུད་རྩི་བྱིན་ནོ། །དགེ་ཚུལ་ལ་ནི་ཁ་ཟས་ཐ་མལ་པ་བྱིན་ནོ། །དགེ་ཚུལ་དེ་དེའི་ལྷུང་བཟེད་ཐོགས་པ་ཡིན་པས། དེས་མཁན་པོ་ལ་ལྷུང་བཟེད་བླང་བ་དང ། དེ་འབྲས་ཆན་གྱི་གཟེགས་མ་གཅིག་ཆགས་ནས། དགེ་ཚུལ་དེས་དེ་ཁར་བཅུག་སྟེ་མྱངས་ན། ལྷའི་བདུད་རྩི་ཡིན་ནས། དེས་བསམས་པ། ཀླུ་རྣམས་ནི་སེར་སྣ་ཅན་ཡིན་ཏེ། ལྷན་ཅིག་ཏུ་འཁོད་པ་གཉིས་ལ། གཅིག་ལ་ནི་ལྷའི་བདུད་རྩི་བྱིན་ལ། གཅིག་ལ་ནི་ཁ་ཟས་ཐ་མལ་པ་བྱིན་ནོ་སྙམ་མོ། །དེ་ནས་དེ་མི་བཟོད་པ་སྐྱེས་བས། བདག་གིས་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཡོན་གནས་བླ་ན་མེད་པ་འོད་སྲུང་གི་སྤྱན་སྔར་ཚངས་པར་སྤྱོད་པ་སྤྱད་པ་གང་ཡིན་པའི་དགེ་བའི་རྩ་བ་འདིས་བདག་ཀླུ་འདི་གནས་འདི་ནས་ཉམས་པར་བྱས་ཏེ། འདི་ཉིད་དུ་སྐྱེ་བར་གྱུར་ཅིག་ཅེས་སྨོན་ལམ་ལོག་པ་བཏབ་བོ། །ལས་ཤིན་ཏུ་ཆེན་པོ་ཡོངས་སུ་རྫོགས་པ་དག་ནི་ལུས་རྗེ་བ་ལ་མི་ལྟོས་པས་ཚེ་འདི་ཉིད་ལ་དེའི་ལག་པ་གཉིས་ནས་ཆུ་འཛག་པར་གྱུར་ཅིང ། ཀླུ་
Ka167a
༄#། །དེ་ཡང་ཀླད་པའི་ནད་ཀྱིས་བཏབ་པར་གྱུར་ནས། དེས་འཕྲིགས་ཏེ་སྨྲས་པ། འཕགས་པ་དགེ་ཚུལ་འདིས་སེམས་མི་བཟང་བ་བསྐྱེད་ཀྱིས་འདི་ཟློག་ཅིག་།དེས་དགེ་ཚུལ་དེ་ལ་འདི་སྐད་ཅེས་སྨྲས་སོ། །བུ་འདི་དག་ལ་སེམས་མི་བཟང་བ་བསྐྱེད་པ་ཟློག་ཅིག་།དེས་ཚིགས་སུ་བཅད་པ་སྨྲས་པ། སེམས་འདི་ཐག་རིང་གྱུར་པ་སྟེ། །འདི་ལྟར་འདི་ན་གནས་བཞིན་དུ། །བདག་གི་ལག་ན་ཆུ་འཛགས་པས། །བཟློག་པར་བགྱི་བ་མི་ནུས་སོ། །དེས་ཀླུ་དེ་གནས་དེ་ནས་ཉམས་པར་བྱས་ནས་དེ་ཉིད་དུ་སྐྱེས་ཏེ། དགེ་སློང་དག་ཀླུ་གཞོན་ནུ་སྤྲུལ་པས་དང་པོ་དེར་དད་པ་ཐོབ་པར་གྱུར་ཏོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཇི་ཙམ་ན་མུ་སྟེགས་ཅན་ཞིག་རྒྱལ་བྱེད་ཀྱི་ཚལ་དུ་ཕྱིན་པ་དང ། དེས་དེ་ན་སྟན་བཟང་པོ་བཤམས་པ་དང ། བཟའ་བ་དང་བཏུང་བ་བསོད་པའི་སྤྱི་བུངས་བཤམས་པ་མཐོང་ནས་དེས་བསམས་པ། ཟང་ཟིང་གི་ལོངས་སྤྱོད་ནི་ཤཱཀྱའི་བུའི་དགེ་སྦྱོང་འདི་དག་གི་བཟང་ལ། ཆོས་ཀྱི་ལོངས་སྤྱོད་ནི་བདག་ཅག་གི་བཟང་བས། དེའི་ཕྱིར་འདི་དག་གི་ནང་དུ་རབ་ཏུ་བྱུང་ལ་ཟང་ཟིང་གི་ལོངས་སྤྱོད་ནི་འདིར་བྱ་ཞིང ། ཆོས་ཀྱི་ལོངས་སྤྱོད་ནི་དེར་བྱའོ་སྙམ་ནས། དེ་དགེ་སློང་གི་གན་དུ་སོང་སྟེ་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་སོ། །མུ་སྟེགས་ཅན་རྣམས་ཀྱི་གསོ་སྦྱོང་ནི་བཅུ་བཞི་བ་ཡིན་ལ། དགེ་སློང་རྣམས་ཀྱི་གསོ་སྦྱོང་ནི་བཅོ་ལྔ་པ་ཡིན་པས། དེ་
Ka167b
ཚེས་བཅུ་བཞི་ལ་ནི་མུ་སྟེགས་ཅན་རྣམས་ཀྱི་གསོ་སྦྱོང་ཉམས་སུ་མྱོང་བར་བྱེད། ཚེས་བཅོ་ལྔ་ལ་ནི་དགེ་སློང་རྣམས་ཀྱིའོ། །ཇི་ཙམ་ན་དུས་གཞན་ཞིག་ན་ཞག་བྲི་བར་གྱུར་ན། དགེ་སློང་རྣམས་ཀྱི་གསོ་སྦྱོང་བཅུ་བཞི་པ་ལ་བབ་པ་དང ། དེ་ལ་ཐེ་ཚོམ་སྐྱེས་ཏེ། ཅི་དེར་འགྲོ་བར་བྱའམ། འོན་ཏེ་འདི་ཉིད་དུ་གསོ་སྦྱོང་ཉམས་སུ་མྱོང་བར་བྱ་སྙམ་པ་ལས། དེ་ལ་བློ་སྐྱེས་པ་ཤཱཀྱའི་བུའི་དགེ་སྦྱོང་འདི་དག་ནི། དེས་པ་འགྲོགས་ན་བདེ་བ་ཡིན་ལ། བདག་གི་ཚངས་པ་མཚུངས་པར་སྤྱོད་པ་རྣམས་ནི་ངང་ཚུལ་ངན་པ་ཡིན་པས། གལ་ཏེ་མ་སོང་ན་བདག་གི་ཚུལ་ཤིང་ཡང་ཕྱུང་བར་འགྱུར། སྤང་ལ་ཁྲིའུ་ཡང་བསྒྱུར་བར་འགྱུར། སློང་ཕོར་ཡང་ཁས་ཕུབ་པར་འགྱུར། འཁར་བ་ཡང་བོར་བར་འགྱུར། ཚངས་པ་མཚུངས་པར་སྤྱོད་པ་རྣམས་ཀྱི་ནང་ནས་ཀྱང་ཕྱུང་བར་འགྱུར་རོ་སྙམ་ནས། དེ་མུ་སྟེགས་ཅན་རྣམས་ཀྱི་ནང་དུ་སོང་ངོ ། །ཇི་ཙམ་ན་དགེ་སྐོས་རྒན་པའི་མཐའ་ལོགས་སུ་འགྲེང་སྟེ། དགེ་སློང་རྣམས་ལ་བསྔོས་པ་ན། དེ་མི་སྣང་ནས་དེས་དྲི་བར་བརྩམས་པ། ཚེ་དང་ལྡན་པ་དག་དགེ་སློང་མིང་འདི་ཞེས་བྱ་བ་ཞིག་འདིར་འོངས་སམ། དེའི་འདུན་པ་ཡང་འོངས་སམ། དེ་དག་གིས་སྨྲས་པ་མ་འོངས་སོ། །བཅོམ་ལྡན་འདས་ཀྱིས་ཕྱོགས་བཞིར་བལྟས་ནས། གསོ་སྦྱོང་བྱའོ་ཞེས་བཀའ་སྩལ་པས། དགེ་སློང་དེ་དག་གིས་ཕྱོགས་བཞིར་བལྟས་ཏེ་གསོ་སྦྱོང་བྱས་སོ། །དེའི་འོག་ཏུ་ཕྱི་དེ་ཉིན་པར་དགེ་སློང་དེ་འོངས་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཁྱེད་གང་ནས་འོངས། དེས་སྨྲས་པ། ཚངས་པ་མཚུངས་པ་དག་གི་གན་ནས་སོ། །ཁྱོད་ཀྱི་ཚངས་པ་
Ka168a
༄#། །མཚུངས་པར་སྤྱོད་པ་དག་སུ་ཡིན། མུ་སྟེགས་ཅན་དག་ཡིན་ཏེ། ཁོ་བོ་ཟང་ཟིང་གི་ལོངས་སྤྱོད་ནི་ཁྱོད་ཅག་གི་གན་དུ་བྱེད་ལ། ཆོས་ཀྱི་ལོངས་སྤྱོད་ནི་དེ་དག་གི་གན་དུ་བྱེད་དོ་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་བ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གང་ཟག་འདི་ནི་མུ་སྟེགས་ཅན་ཞུགས་པ་ཡིན་ཏེ། དགེ་སློང་དག་གང་ཟག་མུ་སྟེགས་ཅན་ཞུགས་པ་ནི། ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས། དགེ་སློང་དག་ཁྱོད་ཀྱིས་གང་ཟག་མུ་སྟེགས་ཅན་ཞུགས་པ་ཆོས་འདུལ་བ་འདི་ལ་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་མུ་སྟེགས་ཅན་ཞུགས་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་གང་ཟག་མུ་སྟེགས་ཅན་ཞུགས་པ་ཆོས་འདུལ་བ་འདི་ལས་བསྙིལ་བར་བྱའོ་ཞེས་བཀའ་སྩལ་ནས། བཙུན་པ་ཇི་ཙམ་གྱིས་ན་གང་ཟག་མུ་སྟེགས་ཅན་ཞུགས་པ་བསྙིལ་བར་བགྱི་བ་ལགས། ཉེ་འཁོར་གང་ཚུན་ཆད་ནས་རྒྱལ་མཚན་འདི་འཆང་ཞིང་ལྟ་བ་དེ་ལ་དགའ་བས། དེར་སྐྱ་རེངས་འཆར་བར་བྱེད་ན། དེ་ཙམ་གྱིས་ན་གང་ཟག་མུ་སྟེགས་ཅན་ཞུགས་པ་བསྙིལ་བར་བྱ་བ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་
Ka168b
ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་གཅིག་འདུག་པ་དེས། རིགས་མཉམ་པ་ལས་ཆུང་མ་བླངས་ནས་དེ་དང་དེ་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད། རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་བུ་བྱུང་ནས། དེས་ཆུང་མ་ལ་སྨྲས་པ། བཟང་མོའུ་བུ་ཅག་གི་བུ་ལོན་འཁོར་བར་བྱེད་པ། ནོར་སྤྱོད་པ་བཅས་པས། ཁོ་བོ་ཟོང་ཐོགས་ཏེ་ཡུལ་གཞན་དུ་འགྲོ་བར་བྱའོ། །དེས་སྨྲས་པ། རྗེའི་སྲས་དེ་བཞིན་མཛོད་ཅིག་།དེ་ཟོང་ཐོགས་ཏེ་ཡུལ་གཞན་དུ་སོང་བ་དང ། དེ་ཉིད་དུ་ཚུལ་མ་ཡིན་པས་སྡུག་བསྔལ་བར་གྱུར་ཏོ། ། དེས་ཀྱང་བུ་དེ་ཉེ་དུའི་སྟོབས་དང་ལག་མཐུས་བསྙོད་ཅིང་གསོས་ཏེ་བསྐྱེད་དོ། །དེ་དུས་གཞན་ཞིག་ན། ནེའུ་ལྡངས་དང་ལྷན་ཅིག་ཁྱིམ་ཞིག་གི་དྲུང་དུ་སོང་བ་ན། ཁྱིམ་དེའི་སྟེང་ན་བུ་མོ་ཞིག་འདུག་པ་དེས། སྟེང་དུ་མེ་ཏོག་གི་ཆུན་པོ་འཕངས་པ་དང ། དེས་བུ་མོ་དེ་མཐོང་ངོ ། །ནེའུ་ལྡངས་དེས་སྨྲས་པ། གྲོགས་པོ་ཁྱོད་ཀྱིས་ཁྱིམ་དེར་བརྡ་མ་བྱས་སམ། དེས་སྨྲས་པ། དེ་ཡིན་ཏེ། ཁོ་བོས་བརྡ་བྱས་སོ། །དེས་སྨྲས་པ། གྲོགས་པོ་ཁྱིམ་འདི་ནི་ཡང་བ་ཡིན་གྱིས་མ་འཇུག་ཅིག་།ཚུལ་མ་ཡིན་པས་སྡུག་བསྔལ་བར་གྱུར་ཏ་རེ་ཞེས་དེས་ཉིན་ཐོག་ཐག་ཏུ་འཕྱན་དུ་བཅུག་སྟེ། མའི་གན་དུ་ཁྲིད་ནས་སྨྲས་པ། མ་ཁྱོད་ཀྱི་བུ་འདིས་ཆེ་གེ་མོ་ཞིག་ཏུ་བརྡ་བྱས་པ། ཁོ་བོས་ཉིན་ཐོག་ཐག་ཏུ་བསྲུངས་ཀྱིས་མཚན་མོ་སྲུངས་ཤིག་།ཁྱིམ་དེ་ནི་ཡང་བ་ཡིན་གྱིས་འཇུག་ཏུ་མ་གཞུག་ཅིག་།ཚུལ་མ་ཡིན་པས་སྡུག་བསྔལ་བར་གྱུར་ཏ་རེ། དེས་སྨྲས་པ། བུ་ཁྱོད་
Ka169a
༄#། །ཀྱིས་ཁོ་མོ་ལ་བསྙད་པ། ཁྱོད་ཀྱིས་ལེགས་པ་བྱས་སོ། །དེས་ཁྱེའུ་དེ་ཁྱིམ་གྱི་ནང་དུ་མལ་བཅས་ཏེ། གྱོ་མོ་གཉིས་དང ། ཆུ་དང་ས་དག་བཞག་ནས་ཁྱིམ་དེར་བཅུག་སྟེ། བདག་ཉིད་སྒོར་ཁྲི་བཅས་པས་ཉལ་ལོ། །དེས་སྨྲས་པ་མ་སྒོ་ཕྱེ་ཤིག་།བུ་ཅིའི་ཕྱིར། གཅིར་འགྲོའོ། །དེས་སྨྲས་པ། བུ་འདི་ཉིད་དུ་ཁོ་མོས་གྱོ་མོ་གཞག་གིས་དེར་གཅིས་ཤིག་།དེས་ཡུད་ཙམ་ཞིག་བསྡད་དེ་སྨྲས་པ། མ་སྒོ་ཕྱེ་ཤིག་།བུ་ཅིའི་ཕྱིར། བཤང་དུ་འགྲོའོ། །དེས་སྨྲས་པ། བུ་འདི་ཉིད་དུ་ཁོ་མོས་གྱོ་མོ་དང་ཆུ་དང ། ས་གཞག་གིས་འདི་ཉིད་དུ་བཤང་བ་བྱོས་ཤིག་།དེས་ཡང་ཡུད་ཙམ་ཞིག་བསྡད་དེ་སྨྲས་པ། མ་སྒོ་ཕྱེ་ཤིག་།དེས་སྨྲས་པ། བུ་ཁྱོད་གང་དུ་འགྲོ་འདོད་པ་ཁོ་མོས་མི་ཤེས་སམ་ཅི། ཁོ་མོས་སྒོ་དབྱེ་བར་མི་ནུས་སོ། །མ་ཁོ་བོས་ཁྱོད་གསད་དོ། །དེས་སྨྲས་པ། བུ་ཁོ་མོ་ཤི་བ་ནི་བླའི། ཁོ་མོ་བུ་ཤི་བ་ལ་ལྟ་ནི་མི་ཕོད་དོ། །འདོད་པ་བསྟེན་པས་ནི་སྡིག་པའི་ལས་མི་བྱ་བ་ཅི་ཡང་མེད་པས། སྙིང་རྗེ་མེད་པའི་སེམས་དང་ལྡན་པ་འཇིག་རྟེན་ཕ་རོལ་བཏང་བ་དེས། རལ་གྲི་ཤུགས་ནས་ཕྱུང་སྟེ། དེའི་མགོ་དྲུང་ནས་བཅད་དེ་ས་ལ་བསྒྱེལ་ཏོ། །དེས་མ་བསད་ནས་སོང་བ་དང ། སེམས་ཅན་སྡིག་པའི་ལས་བྱས་པ་འདར་བས། བུ་མོ་དེས་དེ་ལ་སྨྲས་པ། རྗེའི་སྲས་འདི་ན་སུ་ཡང་མ་མཆིས་ཏེ། བདག་བུ་མོ་དང་གཉིས་སུ་བས་ཀྱི་མ་བསྙེངས་ཤིག་།དེས་བསམས་པ། དེ་འདི་ལ་སྨྲས་ན་དགའ་བར་འགྱུར་རོ་སྙམ་ནས་དེས་སྨྲས་པ། བཟང་མོ་ཁོ་བོས་ཁྱོད་ཀྱི་ཕྱིར་མ་བསད་དོ། །དེས་སྨྲས་པ། ཅི་མ་མའམ། འོན་ཏེ་སྐྱེད་
Ka169b
མ་མོ། །དེས་སྨྲས་པ། སྐྱེད་མ་མོའོ། །དེས་བསམས་པ། འདི་ཡོན་ཏན་དག་མངོན་པར་མི་ཤེས་ཏེ། མ་གསོད་པར་བྱེད་པས། གང་གི་ཚེ་བདག་ལ་ཁྲོ་བ་སྐྱེད་ན། བདག་ལ་གནས་སྐབས་ཅི་ཞིག་འབྱུང་བར་འགྱུར་སྙམ་ནས། དེས་སྨྲས་པ། རྗེའི་སྲས་བདག་སྟེང་གི་ཁང་ཐོག་ཏུ་འཛེགས་ནས་སླར་མཆིས་པའི་བར་དུ་རེ་ཞིག་ཡུད་ཙམ་ཞིག་གཞེས་ཤིག་།དེས་སྨྲས་པ། དེ་བཞིན་གྱིས་ཤིག་།དེ་ནས་སྟེང་གི་ཁང་ཐོག་ཏུ་འཛེགས་ནས། ཆོམ་རྐུན་པ་ཆོམ་རྐུན་པ་ཞེས་སྒྲ་ཕྱུང་བ་དང ། དེ་འཇིགས་ཤིང་སྐྲག་ནས་བྲོས་ཏེ། རང་གི་ཁྱིམ་དུ་སོང་ནས་སྒོ་དྲུང་དུ་རལ་གྲི་བཞག་སྟེ། ཆོམ་རྐུན་པ་དེ་ནི་འདི་ཡིན་ཏེ། ཁོ་བོའི་མ་བསད་ནས་བྲོས་སོ་ཞེས་སྒྲ་ཕྱུང་ནས། དེས་དེའི་མའི་རོ་དེ་བཀུར་སྟི་བྱས་ཏེ་སོང་ངོ ། །སེམས་ཅན་སྡིག་པའི་ལས་བྱས་པས་ནི་བརྟན་པ་མི་རྙེད་པས། དེ་མུ་སྟེགས་ཅན་གྱི་གནས་དང ། དཀའ་ཐུབ་ཀྱི་གནས་དེ་དང་དེ་དག་ཏུ་སོང་སྟེ་དྲིས་པ། ཤེས་ལྡན་དག་ལས་ཅི་ཞིག་བྱས་ན། སྡིག་པའི་ལས་ཟད་པར་འགྱུར། དེ་ན་ཁ་ཅིག་ན་རེ། མེར་ཞུགས་ཤིག་ཅེས་ཟེར་རོ། །ཁ་ཅིག་ན་རེ་དུག་ཟོ་ཞིག་ཅེས་ཟེར་རོ། །ཁ་ཅིག་ན་རེ་གཡང་སར་མཆོངས་ཤིག་ཅེས་ཟེར་རོ། །ཁ་ཅིག་ན་རེ་ཐག་པས་འགགས་ཏེ་ཤི་ཞིག་ཅེས་ཟེར་ཏེ། ཐམས་ཅད་ཀྱང་ཤི་བའི་ཐབས་སྟོན་པར་བྱེད་ཀྱི་ངེས་པར་འབྱུང་བའི་ཐབས་སྟོན་པ་ནི་འགའ་ཡང་མེད་དོ། །དེ་དུས་གཞན་ཞིག་ན། རྒྱལ་བྱེད་ཀྱི་ཚལ་དུ་སོང་བ་དང ། དེས་དེ་ན་དགེ་སློང་ཞིག་།གང་གིས་སྡིག་པའི་ལས་བྱས་པ། །དགེ་བ་ཡིས་ནི་འགོག་བྱེད་དེ། །ཉི་ཟླ་སྤྲིན་ནས་བྱུང་བ་ལྟར། །འཇིག་རྟེན་འདིར་ནི་དེ་སྣང་
Ka170a
༄#། །འགྱུར། །ཞེས་ཁ་ཏོན་ཟེར་བ་ཐོས་ནས། དེས་བསམས་པ། སྡིག་པའི་ལས་ཀྱང་དགག་པར་ནུས་ཀྱི་འདི་དག་གི་གན་དུ་རབ་ཏུ་འབྱུང་ངོ་སྙམ་ནས། དེ་དགེ་སློང་གི་གན་དུ་སོང་སྟེ་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་དེ་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་ནས། དེ་ཤིན་ཏུ་བརྩོན་འགྲུས་བརྩམས་ཏེ་བཀླགས་པར་བརྩམས་སོ། །དེས་ཀློག་ཅིང་ཁ་ཏོན་བྱེད་པ་ན། སྡེ་སྣོད་གསུམ་བཀླགས་ཤིང་སྡེ་སྣོད་གསུམ་དང་ལྡན་པ། རིག་པ་དང་གྲོལ་བའི་སྤོབས་པ་ཅན་དུ་གྱུར་ཏོ། །དེ་ལ་དགེ་སློང་དག་གིས་སྨྲས་པ། ཚེ་དང་ལྡན་པ་ཁྱོད་བརྩོན་འགྲུས་འདིས་ཅི་ཞིག་དོན་དུ་གཉེར། དེས་སྨྲས་པ། སྡིག་པའི་ལས་ཟད་པར་བྱའོ། །ཁྱོད་ཀྱིས་སྡིག་པའི་ལས་ཅི་བྱས། མ་བསད་དོ། །ཅི་མ་མའམ། འོན་ཏེ་སྐྱེད་མ་མོ་ཡིན། དེས་སྨྲས་པ། སྐྱེད་མ་མོ་ཡིན་ནོ་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ནི་གང་ཟག་མ་བཟད་པ་བསྙིལ་བར་འོས་པ་ཡིན་ཏེ། དགེ་སློང་དག་གང་ཟག་མ་བསད་པ་ནི། ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས། དགེ་སློང་དག་ཁྱེད་ཀྱིས། གང་ཟག་མ་བསད་པ་ཆོས་འདུལ་བ་འདི་ལས་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན་དེས་དེ་ལ་མ་བསད་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །དེས་
Ka170b
བསམས་པ། ཅིད་འབབ་པར་བྱའམ། མཐའ་འཁོབ་ཏུ་འགྲོ་བར་བྱ་སྙམ་ནས། དེས་མཐའ་འཁོབ་ཏུ་སོང་སྟེ། ཁྱིམ་བདག་གཅིག་རྗེས་སུ་འཇུག་པར་བྱས་སོ། །དེས་མངོན་པར་དད་པས། དེའི་ཕྱིར་གཙུག་ལག་ཁང་བརྩིག་ཏུ་བཅུག་སྟེ། དེ་ཕྱོགས་དང་ཡུལ་ཐ་དད་པ་ན་འཁོད་པའི་དགེ་སློང་དག་གནས་ཤིང་དེའི་གདམས་ངག་གིས་མང་པོ་དག་གིས་དགྲ་བཅོམ་པ་ཉིད་མངོན་དུ་བྱས་སོ། །དེ་དུས་གཞན་ཞིག་ན་ན་བར་གྱུར་ནས། རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུའི་སྨན་དག་གིས་རིམ་གྲོར་བྱས་ན། ཉམས་དམས་པ་ཉིད་དུ་གྱུར་ནས། དེས་ལྷན་ཅིག་གནས་པ་རྣམས་ལ་སྨྲས་པ། ཚེ་དང་ལྡན་པ་དག་ཁོ་བོའི་ཕྱིར་དགེ་འདུན་ལ་བསྲོ་ཁང་གྱིས་ཤིག་།དེ་རྣམས་ཀྱི་དེའི་ཕྱིར་བསྲོ་ཁང་བྱས་སོ། །བསགས་པ་ཀུན་གྱི་མཐའ་ཟད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་བྲལ་པ་སྟེ། གསོན་པའི་མཐའ་ནི་འཆི་པ་ཡིན། ཞེས་བྱ་བ་ཡིན་པས། དེ་ཤི་ཞིང་དུས་ལ་བབ་ནས། སེམས་ཅན་དམྱལ་པ་ཆེན་པོ་མནར་མེད་པར་སྐྱེས་སོ། །དེའི་ལྷན་ཅིག་གནས་པ་དགྲ་བཅོམ་པ་ཞིག་གིས་བདག་གི་མཁན་པོ་གང་དུ་སྐྱེས་ཞེས་སེམས་པར་ཞུགས་ནས། དེས་ལྷ་རྣམས་ཀྱི་ནང་དུ་རྣམ་པར་བལྟ་པར་བརྩམས་ནས། མ་མཐོང་ཞིང ། མི་དང ། དུད་འགྲོ་དང ། ཡི་དྭགས་རྣམས་ཀྱི་ནང་དུ་རྣམ་པར་བལྟས་ན། དེར་ཡང་མ་མཐོང་ངོ ། །སེམས་ཅན་དམྱལ་པའི་ནང་དུ་རྣམ་པར་བལྟ་པར་བརྩམས་ན། སེམས་ཅན་དམྱལ་པ་ཆེན་པོ་མནར་མེད་པར་སྐྱེས་པར་མཐོང་ནས། དེས་བསམས་པ་
Ka171a
༄#། །མཁན་པོ་ནི་ཚུལ་ཁྲིམས་དང་ལྡན་པ་མང་དུ་ཐོས་པ། ཆོས་ཀྱི་འཁོར་སྡུད་སྡུད་པ་ཡིན་ན། དེས་ལས་ཅི་ཞིག་བྱས་ན། དེས་སེམས་ཅན་དམྱལ་བ་ཆེན་པོ་མནར་མེད་པར་སྐྱེས་སྙམ་ནས་བསམས་ན། མ་བསད་པ་ཡིན་པར་མཐོང་ངོ ། །དེ་མནར་མེད་པའི་འོད་ཟེར་དག་གིས་ཕོག་པ་དང ། སྨྲས་པ། ཀྱེ་མ་བསྲོ་ཁང་འདི་མེ་རེ་ཚ་ཞེས་སྨྲས་པ་དང ། སེམས་ཅན་དམྱལ་བའི་སྲུང་མས་ཐོ་བ་བླངས་ཏེ། མགོར་བསྣུན་ནས། སྐལ་ཆད་ཁྱོད་ཀྱི་བསྲོ་ཁང་ག་ལ་ཡོད། འདི་ལྟར་འདི་ནི་སེམས་ཅན་དམྱལ་བ་ཆེན་པོ་མནར་མེད་པ་ཡིན་ནོ་ཞེས་སྨྲས་སོ། །དེ་དགེ་བའི་སེམས་ཀྱིས་དུས་ལ་བབ་ནས། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་སོ། །ལྷའི་བུའམ་ལྷའི་བུ་མོའི་ཆོས་ཉིད་ནི་སྐྱེས་ནས་རིང་པོ་མ་ལོན་པ་ལ་སེམས་གསུམ་སྐྱེ་སྟེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་སྐྱེས་པའོ། །དེས་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་བ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་པ་དང ། དགེ་འདུན་ལ་བསྲོ་ཁང་གི་ཁྲུས་བྱས་པས་སྐྱེས་པ་མཐོང་ངོ ། །དེ་ནས་སྔོན་སེམས་ཅན་དམྱལ་བ་ལྷའི་བུ་དེ་འདི་སྙམ་དུ་སེམས་ཏེ། གང་གི་ཕྱིར་བདག་ཞག་ལོན་པར་གནས་ཏེ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི། བདག་གི་ཚུལ་དང་མཐུན་པ་མ་ཡིན་གྱིས། བདག་ཞག་ལོན་པར་མ་གནས་པ་ཁོ་ནར་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོའོ་སྙམ་མོ། །དེ་ནས་སྔོན་སེམས་ཅན་དམྱལ་བ་ལྷའི་བུ་
Ka171b
རྣ་ཆ་གདུབ་བགོར་\?\་གཡོ་ཞིང་དྲི་མ་མེད་པར་ཐོགས་ཏེ། དོ་ཤལ་དང་སེ་མོ་དོས་བརྒྱན་པའི་ལུས་ཀྱིས། ལྷའི་ཨུད་པ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དག་གིས་ཐུ་བ་བཀང་སྟེ། ཁ་དོག་ཤིན་ཏུ་འདས་པས་མཚན་མོ་ལ་བབ་པ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་མེ་ཏོག་དག་གིས་མངོན་པར་གཏོར་ཏ་\་ཊཱེ?\། བཅོམ་ལྡན་འདས་ཀྱི་ཞབས་གཉིས་ལ་མགོ་ངོས་ཕྱག་འཚལ་ནས། མཐའ་གཅིག་ཏུ་འདུག་པ་དང ། འདི་ལྟར་སྔོན་སེམས་ཅན་དམྱལ་བ་ལྷའི་བུའི་ཁ་དོག་གི་མཐུས། རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་སྔོན་སེམས་ཅན་དམྱལ་བ་ལྷའི་བུའི་བསམ་པ་དང ། བག་ལ་ཉལ་པ་དང ། ཁམས་དང་རང་བཞིན་ཐུགས་སུ་ཆུད་ནས། གང་ཐོས་ནས་སེམས་ཅན་དམྱལ་བ་ལྷའི་བུས་སྟན་དེ་ཉིད་ལ་འདུག་བཞིན་དུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་ཡང་དག་པར་སོ་སོར་རྟོག་པར་བྱད་པའི་ཆོས་བསྟན་པར་མཛད་དོ། །དེས་བདེན་པ་མཐོང་ནས། བཙུན་པ་བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ལས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་
Ka172a
༄#། །དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་བཞག་གོ་ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ནི་ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོ་ཕ་རོལ་རྒལ་བར་གྱུར། །འགྲོ་བ་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བར་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །དེ་ནས་འདུད་བྱས་དོ་ཤལ་རབ་འཕྱང་བས།། ཞབས་ལ་ཕྱག་འཚལ་རངས་པ་སྐྱེས་གྱུར་ནས། །དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང ། །དེ་ནས་སྔོན་སེམས་ཅན་དམྱལ་བ་ལྷའི་བུ་ཚོང་པ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཏོག་འབྱོར་པ་ལྟ་བུ་དང ། དཔའ་བོ་གཡུལ་ལས་རྣམ་པར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་བ་ལྟ་བུར་གྱུར་ཏེ། ཆ་ལུགས་
Ka172b
གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་ཆ་ལུགས་དེ་ཉིད་ཀྱིས་རང་གི་གནས་སུ་སོང་ངོ ། །དེའི་ལྷན་ཅིག་གནས་པ་དགེ་འདུན་གྱི་གནས་བརྟན་དགྲ་བཅོམ་པ་ཟས་ཀྱི་གྲལ་དུ་འདུག་སྟེ། དེ་ལྷན་ཅིག་གནས་པ་གཞན་ཞིག་དགེ་འདུན་ལ་ཆུ་འབྲིམ་པར་བྱེད་དོ། །ཇི་ཙམ་ན་དགེ་འདུན་གྱི་གནས་བརྟན་དེས་ཆུ་ཁ་ཕོར་དུ་བླངས་ནས། སོར་མོའི་རྩེ་མོར་རེག་ན་ཤིན་ཏུ་གྲང་ནས། དེས་བསམས་པ། བདག་ཅག་ནི་ཆུ་ཤིན་ཏུ་གྲང་མོ་འདི་ལྟ་བུ་འཐུང་ན། མཁན་པོ་ནི་སེམས་ཅན་དམྱལ་བ་ཆེན་པོ་མནར་མེད་པ་ན། ཟངས་ཁུ་བསྐོལ་བ་འཐུང་ངོ་སྙམ་ནས། དེས་སེམས་ཅན་དམྱལ་བ་ཆེན་པོ་མནར་མེད་པར་རྣམ་པར་བལྟ་བ་བརྩམས་ན། མི་སྣང་ངོ ། །དུད་འགྲོ་དང ། ཡི་དྭགས་དང ། མི་དང་སེམས་ཅན་དམྱལ་བ་གཞན་རྣམས་སུ་ཡང་རྣམ་པར་བལྟས་ན། དེ་རྣམས་ན་ཡང་མི་སྣང་ནས་ལྷ་རྣམས་ཀྱི་བར་གྱི་ནང་དུ་རྣམ་པར་བལྟ་བར་བརྩམས་ན། རྒྱལ་ཆེན་བཞིའི་ལྷ་རྣམས་ཀྱི་ནང་དུ་སྐྱེས་ཏེ། ལྷར་གྱུར་པས། བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བར་བྱས་ཏེ། ལྷ་རྣམས་ཀྱི་ནང་ན་འདུག་པ་མཐོང་ནས། འཛུམ་པ་སྔོན་དུ་བཏང་སྟེ། བཅོམ་ལྡན་འདས་ལ་དད་པ་ཐོབ་ནས། ཀྱེ་མ་སངས་རྒྱས། ཀྱེ་མ་ཆོས། ཀྱེ་མ་དགེ་འདུན། ཀྱེ་མ་ཆོས་ཀྱི་ལེགས་པར་གསུངས་པ་ཉིད། འདི་ལྟར་སྡིག་པ་བྱེད་པ་ལོག་པར་ལྟུང་བར་སོང་བ་དེ་ལྟ་བུ་དག་གིས་ཀྱང ། ཡོན་ཏན་གྱི་ཚོགས་འདི་ལྟ་བུ་ཐོབ་བོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །མཁན་པོ་གཅིག་པ་དེས་དེ་རངས་ཤིང་མགུ་བ་དང ། མཆོག་ཏུ་དགའ་
Ka173a
༄#། །བར་མཐོང་ནས་སྨྲས་པ། ཚེ་དང་ལྡན་པ་ཁྱོད་མཁན་པོ་དུས་ལ་བབ་པས། བདག་དགེ་འདུན་གྱི་གནས་བརྟན་དུ་གྱུར་ཏོ་སྙམ་ནས་རངས་ཤིང་མགུ་བ་དང་མཆོག་ཏུ་དགའ་བར་གྱུར་ཏམ། དེས་སྨྲས་པ། ཚེ་དང་ལྡན་པ་རེ་ཞིག་ཁྱོད་ཀྱིས་དྲི་བའི་ལན་གདབ་པའི་དུས་མ་ཡིན་གྱིས། དགེ་འདུན་གྱི་ནང་དུ་དྲིས་ཤིག་དང ། དེར་ཁྱོད་ཀྱིས་དྲི་བའི་ལན་གདབ་པའི་དུས་ལ་བབ་པར་འགྱུར་རོ། །ཇི་ཙམ་དུས་གཞན་ཞིག་ན། དགེ་སློང་གི་དགེ་འདུན་ཚོགས་ཤིང་འཁོད་པ་ན། དགེ་འདུན་གྱི་གནས་བརྟན་གྱི་མཁན་པོ་གཅིག་པ་དེ་ལ་དྲིས་པ། ཚེ་དང་ལྡན་པ་ཁྱོད་ཀྱིས་དེའི་ཚེ་ཅི་སྨྲས། དེས་སྨྲས་པ། ཁྱོད་ལ་ཁོ་བོས་མཁན་པོ་དུས་ལ་བབ་པས་བདག་དགེ་འདུན་གྱི་གནས་བརྟན་དུ་གྱུར་ཏོ་སྙམ་ནས། རངས་ཤིང་མགུ་བ་དང ། མཆོག་ཏུ་དགའ་བར་གྱུར་ཏམ་ཞེས་སྨྲས་སོ།། དེས་སྐབས་དེ་དགེ་འདུན་གྱི་ནང་དུ་དེ་ལ་རྒྱ་ཆེར་བརྗོད་པ་དང ། དེ་ཡང་ཡིད་རངས་ཤིང་དགེ་སློང་རྣམས་ཀྱང ། ཀྱེ་མ་སངས་རྒྱས། ཀྱེ་མ་ཆོས། ཀྱེ་མ་དགེ་འདུན། ཀྱེ་མ་ཆོས་ཀྱི་ལེགས་པར་གསུངས་པ་ཉིད། འདི་ལྟར་སྡིག་པ་བྱེད་པ་ལོག་པ་ལྟུང་བར་སོང་བ་དེ་ལྟ་བུ་དག་གིས་ཀྱང ། ཡོན་ཏན་གྱི་ཚོགས་དེ་ལྟ་བུ་ཐོབ་བོ་ཞེས་ཆེད་དུ་བརྗོད་པ་ཆེད་དུ་བརྗོད་དོ།། །།འདུལ་བ་གཞི། བམ་པོ་བཅུ་གཅིག་པ། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་གཅིག་འདུག་པ་
Ka173b
དེས། རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་དེའི་བུ་བྱུང་ནས། དེ་དུས་གཞན་ཞིག་ན། ནེའུ་ལྡངས་དང་ལྷན་ཅིག་ཁྱིམ་ཞིག་གི་དྲུང་དུ་སོང་བ་ན། ཁྱིམ་དེའི་སྟེང་ན་བུ་མོ་ཞིག་འདུག་པ་དེས་དེའི་སྟེང་དུ་མེ་ཏོག་གི་ཆུན་པོ་འཕངས་པ་དང ། དེས་བུ་མོ་དེ་མཐོང་ངོ ། །ནེའུ་ལྡངས་ཀྱིས་སྨྲས་པ། གྲོགས་པོ་ཁྱོད་ཀྱིས་ཁྱིམ་དེར་བརྡ་བྱས་སམ། དེས་སྨྲས་པ། དེ་ཡིན་ཏེ་ཁོ་བོས་བརྡ་བྱས་སོ། །དེས་སྨྲས་པ། གྲོགས་པོ་ཁྱིམ་འདི་ནི་ཡང་བ་ཡིན་གྱིས། མ་འཇུག་ཅིག་།ཚུལ་མ་ཡིན་པས་སྡུག་བསྔལ་བར་གྱུར་ཏ་རེ་ཞེས། དེས་ཉིན་ཐོག་ཐག་ཏུ་འཕྱན་དུ་བཅུག་སྟེ། ཕའི་གན་དུ་ཁྲིད་ནས་སྨྲས་པ། ཡབ་ཁྱོད་ཀྱི་བུ་འདིས་ཁྱིམ་ཆེ་གེ་ཞིག་ཏུ་བརྡ་བྱས་པ། ཁོ་བོས་ཉིན་ཐོག་ཐག་ཏུ་བསྲུངས་ཀྱིས། ད་ཁྱོད་ཀྱིས་མཚན་མོ་སྲུངས་ཤིག་།ཁྱིམ་དེ་ནི་ཡ་ང་བ་ཡིན་གྱིས་འཇུག་ཏུ་མ་གཞུག་ཅིག་།ཚུལ་མ་ཡིན་པས་སྡུག་བསྔལ་བར་གྱུར་ཏ་རེ། དེས་སྨྲས་པ། བུ་ཁྱོད་ཀྱིས་ཁོ་བོ་ལ་བསྙད་པ་ཁྱོད་ཀྱིས་ལེགས་པ་བྱས་སོ། །དེས་ཁྱེའུ་དེ་ཁྱིམ་གྱི་ནང་དུ་མལ་བཅས་ཏེ། གྱོ་མོ་གཉིས་དང་ཆུ་དང་ས་དག་བཞག་ནས་ཁྱིམ་དེར་བཅུག་སྟེ། བདག་ཉིད་སྒོར་ཁྲི་བཅས་ནས་ཉལ་ལོ། །དེས་སྨྲས་པ། ཡབ་སྒོ་ཕྱེ་ཤིག། བུ་ཅིའི་ཕྱིར། གཅིར་འགྲོའོ། །དེས་སྨྲས་པ། བུ་འདི་ཉིད་དུ་ཁོ་བོས་གྱོ་མོ་བཞག་གིས་དེར་གཅིས་ཤིག་།དེས་ཡུད་ཙམ་ཞིག་བསྡད་དེ་སྨྲས་པ། ཡབ་
Ka174a
༄#། །སྒོ་ཕྱེ་ཤིག་།བུ་ཅིའི་ཕྱིར་བཤང་དུ་འགྲོའོ། །དེས་སྨྲས་པ། བུ་འདི་ཉིད་དུ་ཁོ་བོས་གྱོ་མོ་དང་ཆུ་དང་ས་བཞག་གིས་འདི་ཉིད་དུ་བཤང་བ་ཕྱོགས་ཤིག་།དེས་ཡང་ཡུད་ཙམ་ཞིག་བསྡད་དེ་སྨྲས་པ། ཡབ་སྒོ་ཕྱེ་ཤིག་།དེས་སྨྲས་པ། བུ་ཁྱོད་གང་དུ་འགྲོ་འདོད་པ་ཁོ་བོས་མི་ཤེས་སམ་ཅི། ཁོ་བོ་སྒོ་དབྱེ་བར་མི་ནུས་སོ། །ཡབ་ཁོ་བོས་ཁྱོད་གསད་དོ། །དེས་སྨྲས་པ། བུ་ཁོ་བོ་ཤི་བ་ནི་བླའི། ཁོ་བོ་བུ་ཤི་བ་ལ་ལྟ་ནི་མི་ཕོད་དོ། །འདོད་པ་བརྟེན་པས་ནི་སྡིག་པ་མི་བྱ་བ་ཅི་ཡང་མེད་པས། སྙིང་རྗེ་མེད་པའི་སེམས་དང་ལྡན་པ་འཇིག་རྟེན་ཕ་རོལ་བཏང་བ་དེས། རལ་གྲི་ཤུགས་ནས་ཕྱུང་སྟེ། དེའི་མགོ་དྲུངས་ནས་བཅད་ནས་དེ་ས་ལ་བསྒྱེལ་ཏོ། །དེས་ཕ་བསད་ནས་སོང་བ་དང ། སེམས་ཅན་སྡིག་པའི་ལས་བྱས་པ་འདར་བས། བུ་མོ་དེས་དེ་ལ་སྨྲས་པ། རྗེའི་སྲས་འདི་ན་སུ་ཡང་མ་མཆིས་ཏེ། བདག་བུ་མོ་དང་གཉིས་སུ་བས་ཀྱིས་མ་བསྙེངས་ཤིག་།དེས་བསམས་པ། དེས་འདི་ལ་སྨྲས་ན་དགའ་བར་འགྱུར་རོ་སྙམ་ནས། དེས་སྨྲས་པ། བཟང་མོ་ཁོ་བོས་ཁྱོད་ཀྱི་ཕྱིར་ཕ་བསད་དོ། །དེས་སྨྲས་པ། ཅི་ཕ་པའམ། འོན་ཏེ་སྐྱེད་ཕ། དེས་སྨྲས་པ། སྐྱེད་ཕའོ། །དེས་བསམས་པ། འདི་ཡོན་ཏན་དག་མངོན་པར་མི་ཤེས་ཏེ། ཕ་གསོད་པར་བྱེད་པས། གང་གི་ཚེ་བདག་ལ་ཁྲོ་བ་སྐྱེས་ན། བདག་ལ་གནས་སྐབས་ཅི་ཞིག་འབྱུང་བར་འགྱུར་སྙམ་ནས། དེས་སྨྲས་པ། རྗེའི་སྲས་བདག་སྟེང་གི་ཁང་ཐོག་ཏུ་འཛེགས་ནས་
Ka174b
སླར་མཆིའི་བར་དུ་རེ་ཞིག་བཞེས་ཤིག་།དེས་སྨྲས་པ། དེ་བཞིན་གྱིས་ཤིག་།དེ་ནས་དེ་སྟེང་གི་ཁང་ཐོག་ཏུ་འཛེགས་ནས། ཆོམ་རྐུན་པ་ཆོམ་རྐུན་པ་ཞེས་སྒྲ་ཕྱུང་བ་དང ། དེ་འཇིགས་ཤིང་སྐྲག་ནས་བྲོས་ཏེ་རང་གི་ཁྱིམ་དུ་སོང་ནས། སྒོ་དྲུང་དུ་རལ་གྲི་བཞག་སྟེ། ཆོམ་རྐུན་པ་དེ་ནི་འདི་ཡིན་ཏེ། ཁོ་བོའི་ཕ་བསད་ནས་བྲོས་སོ་ཞེས་སྒྲ་ཕྱུང་ནས། དེས་ཕའི་རོ་དེ་བཀུར་སྟི་བྱས་ཏེ་སོང་ངོ ། །སེམས་ཅན་སྡིག་པའི་ལས་བྱས་པས་ནི། བརྟན་པ་མི་རྙེད་པས། དེ་མུ་སྟེགས་ཅན་གྱི་གནས་དང ། དཀའ་ཐུབ་ཀྱི་ནགས་དེ་དང་དེ་དག་ཏུ་སོང་སྟེ་དྲིས་པ། ཤེས་ལྡན་དག་ལས་ཅི་ཞིག་བྱས་ན་དེས་སྡིག་པའི་ལས་ཟད་པར་འགྱུར། དེ་ན་ཁ་ཅིག་ན་རེ་མེར་ཞུགས་ཤིག་ཅེས་ཟེར་རོ། །ཁ་ཅིག་ན་རེ་དུག་ཟོ་ཞིག་ཅེས་ཟེར་རོ། །ཁ་ཅིག་ན་རེ་གཡང་སར་མཆོངས་ཤིག་ཅེས་ཟེར་རོ། །ཁ་ཅིག་ན་རེ་ཆུར་མཆོངས་ཤིག་ཅེས་ཟེར་རོ། །ཁ་ཅིག་ན་རེ་ཐག་པས་འགགས་ཏེ་ཤི་ཞིག་ཅེས་ཟེར་ཏེ། ཐམས་ཅད་ཀྱང་ཤི་བའི་ཐབས་སྟོན་པར་བྱེད་ཀྱིས། ངེས་པར་འབྱུང་བའི་ཐབས་སྟོན་པ་ནི་འགའ་ཡང་མེད་དོ། །དེ་དུས་གཞན་ཞིག་ན་རྒྱལ་བྱེད་ཀྱི་ཚལ་དུ་སོང་བ་དང ། དེས་དེ་ན་དགེ་སློང་ཞིག་།གང་གིས་སྡིག་པའི་ལས་བྱས་པ། །དགེ་བ་ཡིས་ནི་འགོག་བྱེད་དེ། །ཉི་ཟླ་སྤྲིན་ནས་བྱུང་བ་ལྟར། །འཇིག་རྟེན་འདིར་ནི་དེར་སྣང་འགྱུར། །ཞེས་ཁ་ཏོན་ཟེར་བ་ཐོས་ནས། དེས་བསམས་པ། སྡིག་པའི་ལས་ཀྱང་དགག་པར་ནུས་ཀྱིས། འདི་དག་གི་ནང་དུ་རབ་ཏུ་འབྱུང་བར་བྱའོ་སྙམ་ནས། དེ་དགེ་སློང་གི་གན་དུ་སོང་ནས་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལ། །དེས་དེ་རབ་ཏུ་ཕྱུང་
Ka175a
༄#། །ཞིང་བསྙེན་པར་རྫོགས་པར་བྱས་ནས། དེས་ཤིན་ཏུ་བརྩོན་འགྲུས་བརྩམས་ཏེ། བཀླག་པར་བརྩམས་སོ། །དེས་ཀློག་ཅིང་ཁ་ཏོན་བྱེད་པ་ན། སྡེ་སྣོད་གསུམ་བཀླགས་ཤིང ། སྡེ་སྣོད་གསུམ་དང་ལྡན་པ། རིག་པ་དང་གྲོལ་བའི་སྤོབས་པ་ཅན་དུ་གྱུར་ཏོ། །དེ་ལ་དགེ་སློང་དག་གིས་སྨྲས་པ། ཚེ་དང་ལྡན་པ་ཁྱོད་བརྩོན་འགྲུས་འདིས་ཅི་ཞིག་དོན་དུ་གཉེར། དེས་སྨྲས་པ། སྡིག་པའི་ལས་ཟད་པར་བྱའོ། །ཁྱོད་ཀྱིས་སྡིག་པའི་ལས་ཅི་ཞིག་བྱས། ཕ་བསད་དོ། །ཅི་ཕ་པའམ། འོན་ཏེ་སྐྱེད་ཕ་ཡིན། དེས་སྨྲས་པ། སྐྱེད་ཕ་ཡིན་ནོ་ཞེས་ཟེར་བའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ནི་གང་ཟག་ཕ་བསད་པ་བསྙིལ་བར་འོས་པ་ཡིན་ཏེ། དགེ་སློང་དག་གང་ཟག་ཕ་བསད་པ་ནི་ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས། དགེ་སློང་དག་ཁྱོད་ཀྱིས་གང་ཟག་ཕ་བསད་པ་ཆོས་འདུལ་བ་འདི་ལས་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་ཕ་བསད་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །དེས་བསམས་པ། ཅི་ད་འབབ་པར་བྱའམ། མཐའ་འཁོབ་ཅིག་ཏུ་འགྲོ་བ་བྱ་སྙམ་ནས། དེས་མཐའ་འཁོབ་ཏུ་སོང་སྟེ། ཁྱིམ་བདག་གཅིག་རྗེས་སུ་འཇུག་པར་བྱས་སོ། །དེས་མངོན་པར་དད་པས་དེའི་ཕྱིར་གཙུག་ལག་ཁང་བརྩིག་ཏུ་བཅུག་སྟེ། དེར་ཕྱོགས་
Ka175b
དང་ཡུལ་ཐ་དད་པ་ན་འཁོད་པའི་དགེ་སློང་དག་གནས་ཤིང ། དེའི་གདམས་ངག་གིས་མང་པོ་དག་གིས་དགྲ་བཅོམ་པ་ཉིད་མངོན་དུ་བྱས་སོ། །དེ་དུས་གཞན་ཞིག་ན་ན་བར་གྱུར་ནས། རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུའི་སྨན་དག་གིས་རིམ་གྲོ་བྱས་ན། ཉམ་དམས་པ་ཉིད་དུ་གྱུར་ནས། དེས་ལྷན་ཅིག་གནས་པ་རྣམས་ལ་སྨྲས་པ། ཚེ་དང་ལྡན་པ་དག་ཁོ་བོའི་ཕྱིར་དགེ་འདུན་ལ་བསྲོ་ཁང་གྱིས་ཤིག་།དེ་རྣམས་ཀྱིས་དེའི་ཕྱིར་བསྲོ་ཁང་བྱས་སོ། །བསགས་པ་ཀུན་གྱི་མཐའ་ཟད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས། དེ་ཤི་ཞིང་དུས་ལ་བབ་ནས་སེམས་ཅན་དམྱལ་བ་ཆེན་པོ་མནར་མེད་པར་སྐྱེས་སོ། །དེའི་ལྷན་ཅིག་གནས་པ་དགྲ་བཅོམ་པ་ཞིག་གིས་བདག་གི་མཁན་པོ་གང་དུ་སྐྱེས་ཞེས་སེམས་པ་ལ་ཞུགས་ནས། དེས་ལྷ་རྣམས་ཀྱི་ནང་དུ་རྣམ་པར་བལྟ་བར་བརྩམས་ན། མ་མཐོང་ཞིང ། མི་དང་དུད་འགྲོ་དང ། ཡི་དྭགས་རྣམས་ཀྱི་ནང་དུ་རྣམ་པར་བལྟས་ན་དེར་ཡང་མ་མཐོང་ངོ ། །སེམས་ཅན་དམྱལ་བའི་ནང་དུ་རྣམ་པར་བལྟ་བར་བརྩམས་ན། སེམས་ཅན་དམྱལ་བ་ཆེན་པོ་མནར་མེད་པར་སྐྱེས་པར་མཐོང་ནས། དེས་བསམས་པ། མཁན་པོ་ནི་ཚུལ་ཁྲིམས་དང་ལྡན་པ། མང་དུ་ཐོས་པ། ཆོས་ཀྱི་འཁོར་སྡུད་སྡུད་པ་ཡིན་ན། དེས་ལས་ཅི་ཞིག་བྱས་ན། དེས་སེམས་ཅན་དམྱལ་བ་ཆེན་པོ་མནར་མེད་པར་སྐྱེས་སྙམ་ནས། དེས་བསམས་པ་ན། ཕ་བསད་པ་ཡིན་པར་མཐོང་ངོ ། །དེ་མནར་མེད་
Ka176a
༄#། །པའི་འོད་ཟེར་དག་གིས་ཕོག་པ་དང ། སྨྲས་པ། ཀྱེ་མ་བསྲོ་ཁང་འདི་མེ་རེ་ཚ་ཞེས་སྨྲས་པ་དང ། སེམས་ཅན་དམྱལ་བའི་སྲུང་མས་ཐོ་བ་བླངས་ཏེ་མགོར་བསྣུན་ནས། སྐལ་ཆད་ཁྱོད་ལ་བསྲོ་ཁང་ག་ལ་ཡོད། འདི་ལྟར་འདི་ནི་སེམས་ཅན་དམྱལ་བ་ཆེན་པོ་མནར་མེད་པ་ཡིན་ནོ་ཞེས་སྨྲས་སོ། །དེ་དགེ་བའི་སེམས་ཀྱིས་དུས་བྱས་ནས། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་སོ། །ལྷའི་བུ་དང་ལྷའི་བུ་མོའི་ཆོས་ཉིད་ནི་སྐྱེས་ནས་རིང་པོ་མ་ལོན་པ་ལ་སེམས་གསུམ་སྐྱེ་སྟེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་སྐྱེས་པའོ། །དེས་སེམས་ཅན་དམྱལ་བ་རྣམས་ཀྱི་ནང་ནས་ཤི་འཕོས་པ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་པ་དང ། དགེ་འདུན་ལ་བསྲོ་ཁང་གི་ཁྲུས་བྱས་པས་སྐྱེས་པ་མཐོང་ངོ ། །དེ་ནས་སྔོན་སེམས་ཅན་དམྱལ་བ་ལྷའི་བུ་དེ་འདི་སྙམ་དུ་སེམས་ཏེ། གང་གི་ཕྱིར་བདག་ཞག་ལོན་པར་གནས་ཏེ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོ་བ་ནི་བདག་གིས་ཚུལ་དང་མཐུན་པ་མ་ཡིན་གྱིས། བདག་ཞག་ལོན་པར་མ་གནས་པ་ཁོ་ནར། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་ཉེ་བར་འགྲོའོ་སྙམ་མོ། །དེ་ནས་སྔོན་སེམས་ཅན་དམྱལ་བ་ལྷའི་བུ་རྣ་ཆ་གདུབ་ཀོར་གཡོ་ཞིང ། དྲི་མ་མེད་པ་ཐོགས་ཏེ། དོ་ཤལ་དང ། སེ་མོ་དོས་བརྒྱན་པའི་ལུས་ཀྱིས། ལྷའི་ཨུད་པ་ལ་དང ། པདྨ་དང ། ཀུ་མུད་པ་དང ། པདྨ་དཀར་པོ་དག་གིས་ཐུ་བ་བཀང་སྟེ། ཁ་དོག་ཤིན་ཏུ་འདས་
Ka176b
པས་མཚན་མོ་ལ་བབ་པ་དང ། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་མེ་ཏོག་གིས་མངོན་པར་གཏོར་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། མཐའ་གཅིག་ཏུ་འདུག་པ་དང ། འདི་ལྟར་སྔོན་སེམས་ཅན་དམྱལ་བ་ལྷའི་བུའི་ཁ་དོག་གི་མཐུས་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་སྔོན་སེམས་ཅན་དམྱལ་བ་པ་ལྷའི་བུའི་བསམས་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས། གང་ཐོས་ནས་སྔོན་སེམས་ཅན་དམྱལ་བ་ལྷའི་བུས་སྟན་དེ་ཉིད་ལ་འདུག་བཞིན་དུ། འཇིག་ཚོགས་ལ་ལྟ་བ་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་དེ་ལྟར་འཕགས་པའི་བདེན་པ་བཞི་ཡང་དག་པར་སོ་སོར་རྟོགས་པར་བྱེད་པའི་ཆོས་བསྟན་པ་མཛད་དོ། །དེས་བདེན་པ་མཐོང་ནས། བཙུན་པ་བཅོམ་ལྡན་འདས་ཀྱིས་བདག་ལ་གང་མཛད་པ་འདི་ལྟ་བུ་ནི། བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་མཛའ་བཤེས་དང ། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་ཐར་པའི་སྒོ་དག་ནི་ཕྱེ། སེམས་ཅན་དམྱལ་
Ka177a
༄#། །བ་དང ། དུད་འགྲོ་དང ། ཡི་དྭགས་དག་ནས་ནི་རྐང་པ་ཕྱུང ། ལྷ་དང་མི་རྣམས་ཀྱི་ནང་དུ་ནི་བཞག་གོ་ཞེས་ལན་གསུམ་ཆེད་དུ་བརྗོད་པ་ཆེད་དུ་བརྗོད་དོ། །ཡང་སྨྲས་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་རྒལ་བར་གྱུར། །འགྲོ་བ་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བར་རབ་དཀོན་པ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །དེ་ནས་འདུད་བྱས་དོ་ཤལ་རབ་འཕྱང་བས། །ཞབས་ལ་ཕྱག་འཚལ་རངས་པ་སྐྱེས་གྱུར་ནས། དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང ། །དེ་ནས་སྔོན་སེམས་ཅན་དམྱལ་བ་ལྷའི་བུ་ཚོང་པ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཏོག་འབྱོར་བ་ལྟ་བུ་དང ། དཔའ་བོ་གཡུལ་ལས་རྣམ་པར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་བ་ལྟ་བུར་གྱུར་ཏེ། ཆ་ལུགས་གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་ཆ་ལུགས་དེ་ཉིད་ཀྱིས་རང་གི་གནས་སུ་སོང་ངོ ། །དེའི་ལྷན་ཅིག་གནས་པ་དགེ་འདུན་གྱི་གནས་བརྟན་དགྲ་བཅོམ་པ་ཟས་ཀྱི་གྲལ་དུ་འདུག་སྟེ། དེའི་ལྷན་ཅིག་གནས་པ་གཞན་ཞིག་དགེ་འདུན་ལ་ཆུ་འབྲིམ་པར་
Ka177b
བྱད་དོ། །ཇི་ཙམ་ན་དགེ་འདུན་གྱི་གནས་བརྟན་དེས་ཆུ་ཁར་ཕོར་དུ་བླུགས་ཏེ། སོར་མོའི་རྩེ་མོས་རེག་ན། ཤིན་ཏུ་གྲང་ནས་དེས་བསམས་པ། བདག་ཅག་ནི་ཆུ་ཤིན་ཏུ་གྲང་མོ་འདི་ལྟ་བུ་འཐུང་ན། མཁན་པོ་ནི་སེམས་ཅན་དམྱལ་བ་ཆེན་པོ་མནར་མེད་པ་ན་ཟངས་ཁུ་བསྐོལ་བ་འཐུང་ངོ་སྙམ་ནས། དེས་སེམས་ཅན་དམྱལ་བ་ཆེན་པོ་མནར་མེད་པར་རྣམ་པར་བལྟ་བར་བརྩམས་ན་མི་སྣང་ངོ ། །དུད་འགྲོ་དང ། ཡི་དྭགས་དང ། མི་དང ། སེམས་ཅན་དམྱལ་བ་གཞན་རྣམས་སུ་ཡང་རྣམ་པར་བལྟས་ན། དེ་རྣམས་ན་ཡང་མི་སྣང་ནས་ལྷ་རྣམས་ཀྱི་ནང་དུ་རྣམ་པར་བལྟ་བར་བརྩམས་ན། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་ཏེ། ལྷར་གྱུར་པས་བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བར་བྱས་ཏེ། ལྷ་རྣམས་ཀྱི་ནང་ན་འདུག་པར་མཐོང་ནས། འཛུམ་པ་སྔོན་དུ་བཏང་སྟེ། བཅོམ་ལྡན་འདས་ལ་དད་པ་ཐོབ་ནས། ཀྱེ་མ་སངས་རྒྱས། ཀྱེ་མ་ཆོས། ཀྱེ་མ་དགེ་འདུན། ཀྱེ་མ་ཆོས་ཀྱི་ལེགས་པར་གསུངས་པ་ཉིད། འདི་ལྟར་སྡིག་པ་བྱེད་པ་ལོག་པར་ལྟུང་བར་སོང་བ་དེ་ལྟ་བུ་དག་གིས་ཀྱང་ཡོན་ཏན་གྱི་ཚོགས་འདི་ལྟ་བུ་ཐོབ་བོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །མཁན་པོ་གཅིག་པ་དེས་དེ་རངས་ཤིང་མགུ་བ་དང ། མཆོག་ཏུ་དགའ་བར་མཐོང་ནས་སྨྲས་པ། ཚེ་དང་ལྡན་པ་ཁྱོད་མཁན་པོ་དུས་ལ་བབ་པས་བདག་ནི་དགེ་འདུན་གྱི་གནས་བརྟན་དུ་གྱུར་ཏོ་སྙམ་ནས། རངས་ཤིང་མགུ་པ་དང་མཆོག་ཏུ་དགའ་བར་གྱུར་ཏམ། དེས་སྨྲས་པ། ཚེ་དང་ལྡན་པ་རེ་ཞིག་ཁྱོད་ཀྱི་དྲི་བའི་ལན་གདབ་པའི་
Ka178a
༄#། །དུས་མ་ཡིན་གྱིས། དགེ་འདུན་གྱི་ནང་དུ་དྲིས་ཤིག་དང ། དེར་ཁྱོད་ཀྱི་དྲི་བའི་ལན་གདབ་པའི་དུས་ལ་བབ་པར་འགྱུར་རོ། །ཇི་ཙམ་དུས་གཞན་ཞིག་ན་དགེ་སློང་གི་དགེ་འདུན་ཚོགས་ཤིང་འཁོད་པ་ན། དགེ་འདུན་གྱི་གནས་བརྟན་གྱིས་མཁན་པོ་གཅིག་པ་དེ་ལ་དྲིས་པ། ཚེ་དང་ལྡན་པ་ཁྱོད་ཀྱིས་དེའི་ཚེ་ཅི་སྨྲས། དེས་སྨྲས་པ། ཁྱོད་ལ་ཁོ་བོས་ཁྱོད་མཁན་པོ་དུས་ལ་བབ་པས། བདག་དགེ་འདུན་གྱི་གནས་བརྟན་དུ་གྱུར་ཏོ་སྙམ་ནས། རངས་ཤིང་མགུ་བ་དང་མཆོག་ཏུ་དགའ་བར་གྱུར་ཏམ་ཞེས་སྨྲས་སོ། །དེས་སྐབས་དེ་དགེ་འདུན་གྱི་ནང་དུ་དེ་ལ་རྒྱ་ཆེར་བརྗོད་པ་དང ། དེ་ཡང་ཡི་རངས་ཤིང་དགེ་སློང་རྣམས་ཀྱང་ཀྱེ་མ་སངས་རྒྱས། ཀྱེ་མ་ཆོས། ཀྱེ་མ་དགེ་འདུན། ཀྱེ་མ་ཆོས་ཀྱི་ལེགས་པར་གསུངས་པ་ཉིད། འདི་ལྟར་སྡིག་པ་བྱེད་པ། ལོག་པར་ལྟུང་བར་སོང་བ་དེ་ལྟ་བུ་དག་གིས་ཀྱང་ཡོན་ཏན་གྱི་ཚོགས་དེ་ལྟ་བུ་ཐོབ་བོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །སྡོམ་ལ། དགྲ་བཅོམ་གསད་དང་དགེ་འདུན་དབྱེན། །ངན་སེམས་ཀྱིས་ནི་ཁྲག་ཕྱུང་དང ། །ཕམ་པར་འགྱུར་བ་བཞི་པོ་དང ། །གནས་ནས་དབྱུང་བ་གསུམ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་ལྟང་བྲང་གི་ཚལ་གསེབ་ཏུ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ལྷ་བརྒྱད་ཁྲི་དང ། མ་ག་དྷའི་བྲམ་ཟེ་དང་ཁྱིམ་བདག་འབུམ་ཕྲག་དུ་མ་དག་དང་ལྷན་ཅིག་བདེན་པ་
Ka178b
དག་ལ་བཀོད་པ་ན། དེས་རང་གི་ཡུལ་དུ་དྲིལ་བསྒྲགས་པ་བྱེད་དུ་བཅུག་སྟེ། ངའི་ཡུལ་དུ་སུས་ཀྱང་ཆོམ་རྐུན་མི་བྱའོ། །གང་ཞིག་བྱེད་པན་ངས་དེ་ཡུལ་མེད་པར་བྱ་ཞིང ། སྐྱིན་པ་ནི་ང་ཉིད་ཀྱི་མཛོད་དང་བང་བ་ནས་སྦྱིན་པར་བྱའོ་ཞེས་བསྒོའོ། །གང་གི་ཚེ་བཅོམ་ལྡན་འདས་ཀྱིས་ཀོ་སའི་རྒྱལ་པོ་གསལ་རྒྱལ་གཞོན་ནུའི་དཔེའི་མདོ་སྡེས་བཏུལ་བ་དེའི་ཚེ་ན། དེས་ཀྱང་དྲིལ་བསྒྲགས་པ་བྱེད་དུ་བཅུག་སྟེ། ངའི་ཡུལ་དུ་སུས་ཀྱང་ཆོམ་རྐུན་མི་བྱའོ། །གང་ཞིག་བྱེད་ན་དེ་གསད་པའི་གྱོད་ལ་བསྐྲིན་ཅིང་སྐྱིན་པ་ནི་ང་ཉིད་ཀྱི་མཛོད་དང་བང་བ་ནས་སྦྱིན་པར་བྱའོ་ཞེས་བསྒོ་བ་དང ། དེ་ནས་ཡུལ་མ་ག་དྷའི་ཆོམ་རྐུན་པ་དག་གང་ཡིན་པ་དང ། ཡུལ་ཀོ་ས་ལའི་ཆོམ་རྐུན་པ་དག་གང་ཡིན་པ་དེ་དག་ས་མཚམས་ཀྱི་བར་དུ་དོང་སྟེ་འཁོད་ནས་ཡུལ་མ་ག་དྷ་ནས་དོན་མཐུན་འོང་བ་གང་ཡིན་པ་དེ་ཡང་འཇོམས་པར་བྱེད་དོ། །ཡུལ་ཀོ་ས་ལ་ནས་དོན་མཐུན་འོང་བ་གང་ཡིན་པ་དེ་ཡང་འཇོམས་པར་བྱེད་དོ། །ཇི་ཙམ་དུས་གཞན་ཞིག་ན་དོན་མཐུན་པ་བསེལ་པ་དང་བཅས་པ་ཡུལ་མ་ག་དྷ་ནས་ཡུལ་ཀོ་ས་ལར་འཕགས་པ་དང ། གང་གི་ཚེ་ས་མཚམས་ཀྱི་བར་དུ་ཕྱིན་པ་དེའི་ཚེ་དེད་དཔོན་དེས་སྨྲས་པ། ཤེས་ལྡན་དག་རྒྱལ་པོ་གསལ་རྒྱལ་དེ་ནི་གདུག་པ་ཕ་རོལ་གནོན་པ་ཡིན་པས་བདག་ཅག་ལ་སྐྱིན་པ་སྦྱིན་དུ་འཇུག་ནུས་པ་ཡིན་ན། བདག་ཅག་གིས་ཅིའི་ཕྱིར་བསེལ་བ་ལ་གླ་སྦྱིན་པར་བྱ། འདི་དག་འདི་ཉིད་ནས་ཕྱིར་བཟློག་གོ་ཞེས་དེ་དག་ཕྱིར་བཟློག་སྟེ། དོན་མཐུན་དེ་ཚོགས་ཉུང་ངུར་ཆས་པ་དང ། ཆོམ་རྐུན་པ་དེ་དག་གིས་ཀྱང་བྱ་མ་རྟ་བཙུགས་ཏེ་བསྡད་པ་དང ། དེས་དེ་མཐོང་
Ka179a
༄#། །ནས་ཤེས་ལྡན་དག་དོན་མཐུན་ཚོགས་ཉུང་དུས་འོངས་ན། ཅིའི་ཕྱིར་བཏང་སྙོམས་སུ་འཁོད་ཅེས་སྨྲས་པ་དང ། དེ་ནས་ཆོམ་རྐུན་པ་དེ་དག་གིས་དེར་ཚོང་པ་ཁ་ཅིག་ནི་སྲོག་དང་ཕྲལ་ལོ། ཁ་ཅིག་ནི་ཟོང་བོར་ཏེ་བྲོས་སོ། །དགྲ་བཅོམ་པ་དག་ནི་མ་བསམས་པར་ཤེས་པ་དང་མཐོང་བ་མི་འཇུག་པས། དགྲ་བཅོམ་པ་དོན་མཐུན་པ་དེ་དང་འགྲོ་བ་ཞིག་ཀྱང་སྲོག་དང་ཕྲལ་ལོ། །དེ་ན་དོན་མཐུན་གང་དག་བྲོས་པ་དེ་དག་མགོ་དང་ལུས་རྡུལ་གྱིས་ཡོགས་ཏེ། ཀླད་པའི་སྐྲ་ཡོགས་ནས། ཀུ་ཅོ་འདོན་ཅིང་ཀོ་ས་ལའི་རྒྱལ་པོ་གསལ་རྒྱལ་གྱི་དྲུང་དུ་ཕྱིན་ནས། ཐལ་མོ་སྦྱར་ཏེ་སྨྲས་པ།་ལྷ་ཁྱོད་ཀྱི་ཡུལ་དུ་བདག་ཅག་ཚོང་པར་མི་རུང་བར་རྣམ་པར་བཞག་གོ་།ཅི་ཞིག་བྱས། བདག་ཅག་ཆོམ་རྐུན་པ་དག་གིས་བཅོམ་མོ། །ཕྱོགས་གང་དུ་ཆེ་གེ་མེ་ཞིག་ཏུའོ། །རྒྱལ་པོས་དམག་དཔོན་འཕགས་སྐྱེས་པོ་ལ་བསྒོ་བ། རྐུན་རྫས་དང་ཆོམ་རྐུན་པ་དག་མྱུར་དུ་ཁུག་ཅིག་།དེས་དཔུང་གི་ཚོགས་ཡན་ལག་བཞི་པ་གོ་བསྐོན་ནས་ཕྱིར་བྱུང་བ་དང ། ཆོམ་རྐུན་པ་དེ་དག་ཀྱང་གོ་ཆ་ཕུད་ནས་བག་ཡངས་སུ་སཱ་ལའི་དགོན་པ་ཞིག་ན་རྐུན་རྫས་བགོད་ཅིང་འཁོད་པ་ལས། དམག་དཔོན་འཕགས་སྐྱེས་པོས་དེ་དག་ཕྱོགས་བཞིར་བསྐོར་ནས། དབུས་སུ་དུང་དང་རྔ་པ་ཊ་ཧའི་སྒྲ་དག་གིས་སྐྲག་པར་བྱས་པ་དང ། དེ་རྣམས་ལས་ཁ་ཅིག་ནི་རྐུན་རྫས་བོར་ཏེ་བྲོས་སོ། །ཁ་ཅིག་ནི་བསད་དོ། །དྲུག་ཅུ་ནི་གསོན་པོར་བཟུང་སྟེ། དེས་རྐུན་རྫས་དེ་ཡང་ཁྱེར་ནས་རྒྱལ་པོའི་དྲུང་དུ་སོང་སྟེ་སྨྲས་པ། ལྷ་ཆོམ་རྐུན་པ་དག་ནི་འདི་
Ka179b
དག་ལགས་སོ། །རྐུན་རྫས་ནི་འདི་དག་ལགས་སོ། །དེ་ནས་རྒྱལ་པོས་དེ་རྣམས་ལ་སྨྲས་པ། ཤེས་ལྡན་དག་ཁྱོད་ཀྱིས་རྒྱལ་པོས་དྲིལ་བསྒྲགས་པ་བྱེད་དུ་བཅུག་སྟེ། ངའི་ཡུལ་དུ་སུས་ཀྱང་ཆོམ་རྐུན་མི་བྱའོ། །གང་ཞིག་བྱེད་ན་དེ་གསད་པའི་གྱོད་ལ་བསྐྲིན་ཅིང་སྐྱིན་པ་ནི་ང་ཉིད་ཀྱི་མཛོད་དང་བང་བ་ནས་སྦྱིན་ནོ་ཞེས་མ་ཐོས་སམ། དེ་དག་གིས་སྨྲས་པ། ལྷ་ཐོས་སོ། །འོན་ཅིའི་ཕྱིར་ཚོང་པ་དག་བཅོམ། ལྷ་འཚོ་བ་མ་མཆིས་སོ། །ཅིའི་ཕྱིར་སྲོག་དང་བྲལ།་འཇིགས་པ་ཉེ་བར་བསྟན་པའི་སླད་དུའོ། །ཁྱོད་ཀྱིས་འཇིགས་པ་དེ་འདྲ་བ་ཉ་བར་བསྟན་པ་དང ། ད་སྔོན་སུས་ཀྱང་མ་མཐོང་བ་གང་ཡིན་པའི་འཇིགས་པ་དེ་འདྲ་བ་ཉེ་བར་བསྟན་པར་བྱའོ། །དེ་ནས་རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་དེང་ལ་འདི་དག་ཐམས་ཅད་གསོད་ཅིག་།དེ་དག་གིས་ལམ་པོ་ཆེ་དང་སྲང་དང་ལམ་གྱི་བཞི་མདོ་དང་སུམ་མདོ་རྣམས་སུ་རྗེས་སུ་སྒྲོགས་ཤིང་གསད་པར་ཁྲིད་པ་ན། ཆོམ་རྐུན་པ་ཞིག་ལམ་ལྡོག་པར་བྲོས་ཏེ་རྒྱལ་བྱེད་ཀྱི་ཚལ་དུ་དགེ་སློང་གི་གན་དུ་སོང་སྟེ་སྨྲས་པ། འཕགས་པ་བདག་རབ་ཏུ་འབྱུང་བར་འཚལ་ལོ། །དེས་རབ་ཏུ་ཕྱུང་ཞིང་བསྙེན་པར་རྫོགས་པར་བྱས་སོ། །ཆོམ་རྐུན་པ་དེ་དག་ཀྱང་བསད་དོ། །བཅོམ་ལྡན་འདས་ཀྱིས་དགེ་སློང་དག་རང་གི་རྒུད་པ་དང ། གཞན་གྱི་རྒུད་པ་དང ། རང་གི་འབྱོར་པ་དང ། གཞན་གྱི་འབྱོར་པ་ལ་ཡང་དང་ཡང་དུ་སོ་སོར་རྟོགས་ཤིག་།དེ་ཅིའི་ཕྱིར་ཞེ་ན། དགེ་སློང་དག་རང་གི་རྒུད་པ་དང ། གཞན་གྱི་རྒུད་པ་ནི་ཀུན་ཏུ་སྐྱོ་བར་འགྱུར་བའི་གནས་ཡིན་ལ། རང་གི་འབྱོར་པ་
Ka180a
༄#། །དང ། གཞན་གྱི་འབྱོར་པ་ཡང་ཀུན་ཏུ་སྐྱོ་བར་འགྱུར་བའི་གནས་ཡིན་པའི་ཕྱིར་རོ། །ཞེས་གསུངས་པས། ཇི་ཙམ་དུས་གཞན་ཞིག་ན་དགེ་སློང་རྣམས་དུར་ཁྲོད་རྒྱུར་འདོད་པ་ན། དགེ་སློང་དེ་ཡང་དེ་རྣམས་དང་ལྷན་ཅིག་ཏུ་དུར་ཁྲོད་རྒྱུར་སོང་བ་ལས། དེས་ཆོམ་རྐུན་པ་དེ་དག་བསད་པ་མཐོང་ནས། མཆི་མས་བརྣངས་ཏེ་འདུག་པར་གྱུར་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་གསར་བུ་རབ་ཏུ་བྱུང་བ་ཡིན་ཡང་བསམས་པ་འདི་འདྲ་བར་བཟང་ངོ ། །དེས་སྐད་ཕྱུང་སྟེ་ངུ་བར་བརྩམས་པ་དང ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཁྱོད་ཅིའི་ཕྱིར་ཆོ་ངེས་འདེབས། དེས་སྨྲས་པ། འདི་ནི་བདག་གི་ཕའོ། །འདི་ནི་བདག་ཅག་གི་ཕུ་ནུའོ། །འདི་ནི་བདག་ཅག་གི་ཁོ་བོའོ། །འདི་ནི་ཞང་པོའོ། །དེ་རྣམས་ཀྱིས་སྨྲས་པ། འདི་རྣམས་ཀྱིས་དགྲ་བཅོམ་པ་སྲོག་དང་ཕྲལ་ན། ཁྱོད་ཀྱིས་ཀྱང་དགྲ་བཅོམ་པ་སྲོག་དང་ཕྲལ་ལམ། ངེས་སྨྲས་པ། ཕྲལ་ལོ་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གང་ཟག་འདི་ནི་དགྲ་བཅོམ་པ་བསད་པ་ཡིན་ཏེ། གང་ཟག་དགྲ་བཅོམ་པ་བསད་པ་ནི་ཆོས་འདུལ་བ་འདི་ལ་མི་སྐྱེ་བའི་ཆོས་ཅན་ཡིན་པས། དགེ་སློང་དག་ཁྱེད་ཀྱིས་གང་ཟག་དགྲ་བཅོམ་པ་བསད་པ། ཆོས་འདུལ་བ་འདི་ལས་བསྙིལ་བར་བྱའོ། །འགའ་ཞིག་གི་གན་དུ་རབ་ཏུ་
Ka180b
འབྱུང་བར་འདོད་པ་འོངས་ན། དེས་དེ་ལ་དགྲ་བཅོམ་པ་བསད་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད། བསྙེན་པར་རྫོགས་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གང་གི་སྔོན་རབ་ཏུ་ཕྱུང་བ་ན། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་ཕྱེ་བ་དེ་གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པ་རྫོགས་པ་དགེ་སློང་གི་དངོས་པོ་འཚལ་ན། རབ་ཏུ་དབྱུང་བར་བགྱིའམ། རབ་ཏུ་དབྱུང་བར་མི་བགྱི། ཉེ་བར་འཁོར་རབ་ཏུ་དབྱུང་བར་མི་བྱའོ། །དེ་ལྟ་བས་ན་འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་ན་དེ་ལ་དགེ་འདུན་གྱི་དབྱེན་བྱས་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གང་གིས་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཚལ་ན། རབ་ཏུ་དབྱུང་བར་བགྱིའམ། རབ་ཏུ་དབྱུང་བར་མི་བགྱི། ཉེ་བར་འཁོར་རབ་ཏུ་དབྱུང་བར་མི་བྱའོ། །དེ་ལྟ་བས་ན་འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་
Ka181a
༄#། །ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་སྔོན་གང་རབ་ཏུ་འབྱུང་བ་ན་ཕམ་པར་གྱུར་པ་བཞི་ལས་ལྟུང་བ་གང་ཡང་རུང་བ་བྱུང་བ་དེ། གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཚལ་ན། རབ་ཏུ་དབྱུང་བར་བགྱིའམ། རབ་ཏུ་དབྱུང་བར་མི་བགྱི། ཉེ་བར་འཁོར་རབ་ཏུ་དབྱུང་བར་མི་བྱའོ། །དེ་ལྟ་བས་ན་འགའ་ཞིག་གི་གན་དུ་རབ་ཏུ་འབྱུང་བར་འདོད་པ་འོངས་ན། དེས་དེ་ལ་ཕམ་པར་འགྱུར་བ་བཞི་ལས་ལྟུང་བ་གང་ཡང་རུང་བ་བྱུང་བ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་གལ་ཏེ་གང་ཟག་མ་མཐོང་བས་གནས་ནས་ཕྱུང་བ་བབས་པ་ཞིག་ཡང་ཕྱིར་འོངས་ནས། ཚེ་དང་ལྡན་པ་དག་ལྟུང་བ་མཐོང་གིས་བདག་རབ་ཏུ་དབྱུང་བར་གསོལ་ཞེས་ཟེར་ན་རབ་ཏུ་དབྱུང་བ་བྱའོ། །རབ་ཏུ་ཕྱུང་ནས་ཚེ་དང་ལྡན་པ་དག་ལྟུང་བ་བཤགས་པར་བྱའི། བདག་བསྙེན་པར་རྫོགས་པར་མཛད་དུ་གསོལ། ཞེས་ཟེར་ན་བསྙེན་པར་རྫོགས་པར་བྱའོ། །ཇི་སྟེ་བསྙེན་པར་རྫོགས་ནས་ལྟུང་བ་མ་མཐོང་ངོ་ཞེས་ཟེར་ན།
Ka181b
གལ་ཏེ་དགེ་འདུན་ཚོགས་པ་ཡོད་ན་ཡང་མ་མཐོང་བས་གནས་ནས་དབྱུང་བར་བྱའོ། །གལ་ཏེ་ཚོགས་པ་མེད་ལ་ཇི་སྟེ་བསྙེན་པར་རྫོགས་ན་ལེགས་པར་བསྙེན་པར་རྫོགས་པ་ཡིན་ཏེ། འདི་ལྟར་གང་ཟག་གིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་རྙེད་པར་དཀའ་བ་ཡིན་པའི་ཕྱིར་རོ། །མ་མཐོང་བས་གནས་ནས་ཕྱུང་བ་ཇི་ལྟ་བ་བཞིན་དུ་ཕྱིར་མི་འཆོས་པས་གནས་ནས་ཕྱུང་བ་དང ། སྡིག་པ་ཅན་གྱི་ལྟ་བའི་རྣམ་པ་མི་གཏོང་བས་གནས་ནས་ཕྱུང་བ་ཡང་དེ་བཞིན་ནོ། །སྡོམ་ལ། ལག་རྡུམ་དག་དང་རྐང་རྡུམ་དང ། །ལག་སོར་ཟླུམ་པོར་འཇས་པ་དང ། །མཆུ་མེད་ལུས་ལ་རྨ་མཚན་ཅན། །རྒན་ཆེས་པ་དང་གཞོན་ཆེས་དང ། །ཐེང་པོ་སྨད་འཆལ་ཞར་བ་དང ། །ལག་སོར་རྡུམ་རྒུར་མིའུ་ཐུང་དང ། །ཝ་བ་ལྐུག་པ་འོན་པ་དང ། །རྟེན་འཕྱེ་དང་ནི་རྐང་བམ་དང ། །བུད་མེད་ཀྱིས་དུབ་ཁུར་གྱིས་དུབ། །མི་གང་ལམ་གྱིས་དུབ་རྣམས་དང ། །ཡ་ཟ་མ་ལུག་ཏ་གམ་དང ། །དེ་ལྟ་བུ་ཡི་མི་རྣམས་ནི། །དྲང་སྲོང་ཆེན་པོས་དགག་པ་མཛད། །མཛེས་པ་རབ་ཏུ་དབྱུང་བ་དང ། །ཡོངས་སུ་དག་པ་བསྙེན་རྫོགས་པར། །རྫོགས་སངས་རྒྱས་ཀྱིས་རབ་མཁྱེན་ཏེ། །བདེན་པའི་མཚན་གྱིས་བཀའ་སྩལ་ཏོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་དག་གི་ཀུན་ཏུ་སྤྱོད་པ་ནི། གང་རབ་ཏུ་བྱུང་བ་དང ། བསྙེན་པར་རྫོགས་པར་བྱས་པ་དེས་
Ka182a
༄#། །ཇི་སྲིད་དུ་འདི་དག་ནི་གནས་ངན་ལེན་ཀུན་ཏུ་སྤྱོད་པ་དག་ཡིན་ནོ་ཞེས་བྱ་བར་མི་ཤེས་པ་དེ་སྲིད་དུ་དེ་དག་དང་ལྷན་ཅིག་གནས་པར་བྱེད་ལ། གང་གི་ཚེ་ཤེས་པར་གྱུར་པ་དེའི་ཚེ་དགེ་སློང་རང་བཞིན་དུ་གནས་པ་དང་ལྷན་ཅིག་གནས་པར་བྱེད་དེ། སྟོན་པའི་བཀའ་ལུང་གིས་དུས་གསུམ་དུ་འགྲོ་བའི་ཕྱིར་བལྟ་བ་འབའ་ཞིག་བྱེད་དོ། །དེ་ནས་དེ་དག་གིས་གྲོས་བྱ་བར་བརྩམས་པ། དགའ་བོ་ཉེ་དགའ་ལྷུང་བཟེད་ནག་པོ་ཅན་འདི་དག་ནི་བཙས་འཕྲོག་པ་དང་འདྲ་སྟེ། བདག་ཅག་གིས་རབ་ཏུ་ཕྱུང་བ་རྣམས་འདི་དག་གིས་འཕྲོག་པར་བྱེད་ཀྱིས། ད་ནི་ལྷུང་བཟེད་ནག་པོ་ཅན་རྣམས་ཀྱིས་དབྲོག་པར་མི་འགྱུར་བ་གང་ཡིན་པ་དེ་འདྲ་བ་རབ་ཏུ་དབྱུང་བར་བྱའོ་ཞེས་གྲོས་བྱས་སོ། །ཇི་ཙམ་དུ་གཞན་ཞིག་ན་ཉེ་དགའ་ཀུན་ཏུ་འཁྱམ་པས་མི་ལག་རྡུམ་ཞིག་མཐོང་ནས་སྨྲས་པ། བཞིན་བཟང་ཅིའི་ཕྱིར་རབ་ཏུ་མི་འབྱུང ། དེས་སྨྲས་པ། འཕགས་པ་བདག་ལག་པ་མ་ཚང་བ་སུ་ཞིག་གིས་རབ་ཏུ་འབྱིན་པར་བགྱིད། ཉེ་དགས་སྨྲས་པ། བཞིན་བཟང་བཅོམ་ལྡན་འདས་ཀྱི་བསྟན་པ་ལ་ཐུགས་རྗེས་རབ་ཏུ་ཕྱེ་བ་ཡིན་གྱིས། ཁོ་བོས་ཁྱོད་རབ་ཏུ་དབྱུང་བར་བྱའོ། །ཞེས་དེས་དེ་རབ་ཏུ་ཕྱུང ། བསྙེན་པར་རྫོགས་པར་བྱས་སོ། །དེ་ནས་ཞག་གཉིས་སམ་གསུམ་ཞིག་ཀུན་ཏུ་སྤྱོད་པའི་ཆོས་རྣམས་བསླབས་ནས་སྨྲས་པ། བཞིན་བཟང་རི་དྭགས་ཀྱིས་རི་དྭགས་མི་སོས། མཉན་ཡོད་རྒྱ་ཆེ་ལ་རང་གི་སྤྱོད་ཡུལ་དང ། ཡབ་ཀྱི་སྤྱོད་ཡུལ་ཡིན་པས་བསོད་
Ka182b
སྙོམས་རྒྱུས་ལ་འཚོ་བར་གྱིས་ཤིག་།དེས་སྨྲས་པ། མཁན་པོ་ཇི་ལྟར་བསོད་སྙོམས་རྒྱུ་བར་བགྱི། དེས་སྨྲས་པ། ཁྱོད་ཀྱིས་དེ་ཙམ་མི་ཤེས་སམ། ངས་ཁྱོད་ལ་བསྟན་པར་བྱའོ་ཞེས། དེས་དེའི་ཤམ་ཐབས་ནི་སྲད་བུས་བཅིངས། ཆོས་གོས་ནི་ཚོར་མས་གཏུར་ཏེ་བསྐོན། དཔུང་པ་གཡོན་པར་ནི་ལྷུང་བཟེད་ཀྱི་སྣོད་བཞག་།དཔུང་བ་གཡས་པར་ནི་འཁར་གསིལ་བཏགས་སོ། །དེ་ནས་དེ་མཉན་ཡོད་ན་སྤྱོད་ཡུལ་དུ་ཞུགས་པ་དང ། བུད་མེད་ཀྱིས་བྲང་བརྡུངས་ནས་སྨྲས་པ། འཕགས་པ་སུས་ཁྱོད་རབ་ཏུ་བྱུང་བའི་ལག་པ་གཉིས་བཅད། དེས་སྨྲས་པ། སྲིང་མོ་ཁྱིམ་པ་ནས་ཁོ་བོའི་ལག་པ་ཆད་དེ། རབ་ཏུ་ཕྱུང་ནས་ཆད་པ་མ་ཡིན་ནོ། །སུས་རབ་ཏུ་ཕྱུང ། དེས་སྨྲས་པ། མཁན་པོ་ཉེ་དགས་སོ། །དེ་རྣམས་ཀྱིས་སྨྲས་པ། གནས་ངན་ལེན་ཀུན་ཏུ་སྤྱོད་པ་དེ་མ་གཏོགས་པར་གཞན་སུ་ཞིག་འདི་ལྟ་བུ་རབ་ཏུ་འབྱིན་པར་བྱེད་ཅེས་ཟེར་བའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་དེ་ནི། དགེ་སློང་དག་ལག་རྡུམ་རབ་ཏུ་འབྱིན་པ་ལས་གྱུར་པ་ཡིན་སྙམ་ནས་བཀའ་སྩལ་པ། དགེ་སློང་དག་དེ་ལྟ་བས་ན། དགེ་སློང་གིས་ལག་རྡུམ་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱའོ། །རབ་ཏུ་འབྱིན་པར་བྱེད། བསྙེན་པར་རྫོགས་པར་བྱེད་ན་འགལ་ཚབས་ཅན་དུ་འགྱུར་རོ། །ལག་རྡུམ་ཇི་ལྟ་བ་དེ་བཞིན་དུ། རྐང་རྡུམ་དང་ལག་པོར་ཟླུམ་པོར་འཇས་པ་དང ། མཆུ་མེད་པ་དང ། ལུས་ལ་རྨ་མཚན་ཅན་
Ka183a
༄#། །དང།་རྒན་ཆེས་པ་དེ་དག་ཀྱང་དེ་བཞིན་ནོ། །དགེ་སློང་དག་གཞོན་ཆེས་པ་དག་རབ་ཏུ་འབྱིན་པར་བྱེད་ནས། དེ་དག་གིས་དགེ་འདུན་གྱི་གནས་མལ་བཤང་གཅིས་མི་རུང་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ཀྱང་རབ་ཏུ་དབྱུང་བར་མི་བྱའོ། །ཐེང་པོ་དག་རབ་ཏུ་འབྱིན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ཀྱང་རབ་ཏུ་དབྱུང་བར་མི་བྱའོ། །སྨད་འཆལ་དང ། ཞར་བ་དང ། ལག་སོར་རྡུམ་པོ་དང ། རྒུར་པོ་དང ། མིའུ་ཐུང་དང ། ཝ་བ་ཅན་དང ། ལྐུག་པ་དང ། འོན་པ་དང ། རྟེན་འཕྱེ་དང ། རྐང་བམ་དག་རབ་ཏུ་འབྱིན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུ་དག་ཀྱང་རབ་ཏུ་དབྱུང་བར་མི་བྱའོ། །རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དག་བུད་མེད་ཀྱིས་དུབ་པ་དང ། ཁུར་གྱིས་དུབ་པ་དང ། ལམ་གྱིས་དུབ་པ་དང ། ཡ་ཟ་མ་ལུག་དང ། ཏ་གམ་པ་དག་རབ་ཏུ་འབྱིན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བུ་དག་ཀྱང་རབ་ཏུ་དབྱུང་བར་མི་བྱའོ། །རབ་ཏུ་འབྱིན་པར་བྱེད་ན་འགལ་ཚབས་ཅན་དུ་འགྱུར་རོ། །བསྡུ་བར་བྱ་བའི་སྐབས་སོ། །རབ་ཏུ་འབྱུང་བའི་གཞི་རྫོགས་སོ།། །།གསོ་སྦྱོང་གི་གཞིའི་སྤྱི་སྡོམ་ལ། མུ་སྟེགས་ཅན་དང་ཀ་པི་ན། །གནས་དང་རྒྱལ་པོ་སྦྱར་བ་མང ། །སྡོམ་ལ། མུ་སྟེགས་ཅན་དང་གསོལ་བ་དང ། །གནང་བ་དང་ནི་འདུག་པ་དང ། །བབ་ཅོལ་སྤོང་དང་ཞལ་ཏ་དང ། །བྱེད་
Ka183b
དང་དགེ་སློང་གནས་རྣམས་སོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་ན་རྒྱལ་པོའི་ཁབ་ཀྱི་དགེ་བསྙེན་རབ་ཏུ་མང་པོ་དག་ནང་པར་ནང་པར་ཞིང་བཅོམ་ལྡན་འདས་ལ་ལྟ་བ་དང ། བསྙེན་བཀུར་བྱ་བའི་ཕྱིར་འགྲོ་བར་བརྩོན་པར་གྱུར་ཏོ། །དེ་ནས་རྒྱལ་པོའི་ཁབ་ཀྱི་དགེ་བསྙེན་རབ་ཏུ་མང་པོ་དག་འདི་སྙམ་དུ་སེམས་ཏེ། ད་ལྟར་བཅོམ་ལྡན་འདས་ཀྱང་ནང་དུ་ཡང་དག་འཇོག་པར་མཛད་ལ། དགེ་སློང་ཡིད་དུ་འཐད་པ་རྣམས་ཀྱང་ནང་དུ་ཡང་དག་འཇོག་པར་བྱེད་པས། བདག་ཅག་རེ་ཞིག་བཅོམ་ལྡན་འདས་ལ་ལྟ་བ་དང ། བསྙེན་བཀུར་བྱ་བའི་ཕྱིར་འདོང་བ་སྔས་ཀྱིས། བདག་ཅག་གཞན་མུ་སྟེགས་ཅན་ཀུན་ཏུ་རྒྱུ་དག་གི་ཀུན་དགའ་ར་བ་ག་ལ་བ་དེར་དོང་ངོ་སྙམ་མོ། །དེ་ནས་རྒྱལ་པོའི་ཁབ་ཀྱི་དགེ་བསྙེན་རབ་ཏུ་མང་པོ་དག་གཞན་མུ་སྟེགས་ཅན་ཀུན་ཏུ་རྒྱུ་དག་གི། ཀུན་དགའ་ར་བ་ག་ལ་བ་དེར་དོང་སྟེ། ཕྱིན་ནས་གཞན་མུ་སྟེགས་ཅན་ཀུན་ཏུ་རྒྱུ་དག་དང ། ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་སྣ་ཚོགས་བྱས་ཏེ། མཐའ་གཅིག་ཏུ་འཁོད་དོ། །དེ་ནས་མུ་སྟེགས་ཅན་ཞིག་གིས་མུ་སྟེགས་ཅན་དག་ལ་འདི་སྐད་ཅེས་སྨྲས་སོ། །ཤེས་ལྡན་དག་བདག་ཅག་འབའ་ཞིག་ལ་འདུག་པ་དང་བྱ་བ་དང ། གསོ་སྦྱོང་ཡོད་དམ། འོན་ཏེ་ཤཱཀྱའི་པུའི་དགེ་སློང་དག་ལ་ཡང་ཡོད། དེ་ནས་མུ་སྟེགས་ཅན་ཞིག་གིས་མུ་སྟེགས་ཅན་དག་ལ་འདི་སྐད་ཅེས་སྨྲས་སོ། །ཤེས་ལྡན་
Ka184a
༄#། །དག་བདག་ཅག་འབའ་ཞིག་ལ་འདུག་པ་དང་བྱ་བ་དང ། གསོ་སྦྱོང་ཡོད་ཀྱི་ཤཱཀྱའི་བུའི་དགེ་སྦྱོང་དག་ལ་ནི་མེད་དོ། །དེ་ནས་རྒྱལ་པོའི་ཁབ་ཀྱི་དགེ་བསྙེན་རབ་ཏུ་མང་པོ་དག་གཞན་མུ་སྟེགས་ཅན་ཀུན་ཏུ་རྒྱུ་དག་གིས་སྨྲས་པ་ལ་མངོན་པར་བསྟོད་པར་ཡང་མི་བྱེད། ཕྱིར་ཟློག་པར་ཡང་མི་བྱེད་ཅིང ། མངོན་པར་བསྟོད་པར་ཡང་མ་བྱས། ཕྱིར་ཟློག་པར་ཡང་མ་བྱས་པར་སྟན་དག་ལས་ལངས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས། རྒྱལ་པོའི་ཁབ་ཀྱི་དགེ་བསྙེན་རབ་ཏུ་མང་པོ་དག་གིས་གཞན་མུ་སྟེགས་ཅན་ཀུན་ཏུ་རྒྱུ་དག་དང་ལྷན་ཅིག་བར་སྐབས་སུ་གཏམ་ཅི་བརྗོད་པ་དེ་ཐམས་ཅད་བཅོམ་ལྡན་འདས་ལ་རྒྱས་པར་གསོལ་ནས། འདི་སྐད་ཅེས་ཀྱང་གསོལ་ཏོ། །ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བའི་སླད་དུ་བདག་ཅག་གི་ལ་ཡང་མཆིས་པ་དང ། བགྱི་བ་དང ། གསོ་སྦྱོང་བཅའ་བར་གསོལ། བཅོམ་ལྡན་འདས་ཀྱིས་རྒྱལ་པོའི་ཁབ་ཀྱི་དགེ་བསྙེན་རབ་ཏུ་མང་པོ་དག་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོའི་ཁབ་ཀྱི་དགེ་བསྙེན་རབ་ཏུ་མང་པོ་དག་གིས་བཅོམ་ལྡན་འདས་ཀྱིས་ཅང་མི་གསུང་བར་གནང་བ་རིག་ནས། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་པ་དང་རྗེས་སུ་ཡི་རང་བར་བྱས་ནས། བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེ་ནས་
Ka184b
བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དེ་ལྟ་བས་ན་དགེ་སློང་རྣམས་ཀྱིས་དེང་ཕྱིན་ཆད་འདུག་པ་དང་བྱ་བ་དང ། གསོ་སྦྱོང་ལ་ཏྲོན་བྱ་བར་རྗེས་སུ་གནང་ངོ ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་དང་ཕྱིན་ཆད་འདུག་པ་དང་བྱ་བ་དང ། གསོ་སྦྱོང་ལ་ཏྲོན་བྱ་བར་རྗེས་སུ་གནང་ངོ་ཞེས་བཀའ་སྩལ་ནས། དེ་དག་གིས་འདུག་པ་ཇི་ལྟ་བུ་ཡིན་པ་དང ། བྱ་བ་ཇི་ལྟ་བུ་ཡིན་པ་དང ། གསོ་སྦྱོང་ཇི་ལྟ་བུ་ཡིན་པ་མི་ཤེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་བ། དགེ་སློང་དག་ཁྱེད་ཚུར་ཤོག་།འདུག་པ་ནི་རྣལ་འབྱོར་ཏེ།་ལུས་འདི་ཉིད་རྐང་པའི་མཐིལ་ཡན་ཆད་ཀླད་པའི་སྐྲ་མན་ཆད་ལ་པགས་པ་ལ་ཐུག་གི་བར་དུ་ཇི་ལྟར་གནས་པ་དང ། ཇི་ལྟར་བྱས་པ་བཞིན་དུ་མི་གཙང་བ་རྣམ་པ་སྣ་ཚོགས་ཀྱིས་གང་སྟེ། ལུས་འདི་ལ་སྐྲ་དང ། ཁ་སྤུ་དང ། སེན་མོ་དང ། སོ་དང ། རྡུལ་དང ། དྲི་མ་དང ། པགས་པ་དང ། ཤ་དང ། རུས་པ་དང ། རྒྱུས་པ་དང ། རྩ་དང ། མཁལ་མ་དང ། སྙིང་དང ། མཆིན་པ་དང ། གློ་བ་དང ། རྒྱུ་མ་དང ། གཉེ་མ་དང ། ཕོ་བ་དང ། ལོང་ཀ་དང ། ལྒང་པ་དང ། མཚེར་པ་དང ། ཕྱི་ས་དང ། མཆི་མ་དང ། སྣབས་དང ། ཞག་དང ། ཆུ་སེར་དང ། རྐང་དང ། ཚིལ་དང ། མཁྲིས་པ་དང ། བད་ཀན་དང ། རྣག་དང ། ཁྲག་དང ། ཀླད་པ་དང ། ཀླད་རྒྱས་དང ། གཅིན་དག་ཀྱང་ཡོད་དོ་སྙམ་དུ་སོ་སོར་རྟོགས་ཤིག་།བཅོམ་ལྡན་འདས་ཀྱིས་རྣལ་འབྱོར་བསྒོམ་པར་བྱའོ་ཞེས་བཀའ་སྩལ་ནས།
Ka185a
༄#། །དགེ་སློང་དག་སྤྱོད་ཡུལ་དུ་ཞུགས་པ་ན་ཡང་རྣལ་འབྱོར་སྒོམ་པར་བྱེད་པ་དང ། དེ་དག་གླང་པོ་ཆེ་འཁྲུལ་པ་དང ། རྟ་འཁྲུལ་པ་དང ། རྐང་ཐང་པ་འཁྲུལ་པ་དང་ལྷན་ཅིག་ཕྲད་ནས་འགྱེལ་བ་དང ། བུབ་པར་གྱུར་ནས། མ་དད་པ་རྣམས་འཕགས་པ་དག་མི་མཐོང་ངམ། ཅི་ཞེས་ཅོ་འདྲི་བར་བྱེད་པ་དང ། དེ་དག་རྣལ་འབྱོར་བསྒོམ་མོ་ཞེས་ཟེར་བའི་སྐབས་དེ།་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྤྱོད་ཡུལ་དུ་ཞུགས་པས་རྣལ་འབྱོར་བསྒོམ་པར་མི་བྱའོ། །དེ་དག་སྒོ་ཁང་དུ་རྣལ་འབྱོར་སྒོམ་པར་བྱེད་པ་ན་ཡུར་ནས། མ་དད་པ་རྣམས་འཕགས་པ་དག་།ཅི་ཁྱོད་འདུ་བར་ཉལ་བའི་བརྟུལ་ཞུགས་ཅན་ཡིན་ནམ་ཞེས་ཅོ་འདྲི་བར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱི་ས་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྒོ་ཁང་དུ་རྣལ་འབྱོར་བསྒོམ་པར་མི་བྱའོ། །དེ་དག་ཁྱམས་སུ་སྒོམ་པར་བྱེད་པ་ན་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱམས་སུ་རྣལ་འབྱོར་བསྒོམ་པར་མི་བྱའོ། །དེ་དག་གནས་ཁང་དུ་སྒོམ་པར་བྱེད་པ་ན། བསམ་གཏན་དག་གི་ཚེར་མ་ནི་སྒྲ་ཡིན་པས། སེམས་རྩེ་གཅིག་པ་ཉིད་ཀྱང་མི་ཐོབ་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། གནས་ཁང་དུ་རྣལ་འབྱོར་སྒོམ་
Ka185b
པར་མི་བྱའོ། །དེ་དག་དགོན་པར་དོང་སྟེ། སྒོམ་པར་བྱེད་པ་ན། ཆོམ་རྐུན་པ་རྣམས་དང ། གཡོན་ཅན་རྣམས་དང ། སེང་གེ་རྣམས་དང ། སྟག་རྣམས་དང ། གུང་རྣམས་དང ། གཟིག་རྣམས་ཀྱིས་བགྲོད་པར་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ་དང ། དགོན་པར་རྣལ་འབྱོར་བསྒོམ་པར་མི་བྱའོ། །དེ་དག་གྲོང་དང་ཉེ་བར་ལྷགས་ནས་སྒོམ་པར་བྱེད་པ་ན། མ་དད་པ་རྣམས་འཕགས་པ་དག་།ཅི་ཁྱེད་ཅག་འགའ་ཤི་བ་དང་ལྡན་པར་མ་གྱུར་ཏམ། ཞེས་ཅོ་འདྲི་བར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེར་ཡལ་ག་དག་གམ། སེག་དག་གམ། རེ་ལྡེ་དག་གིས་བསྐོར་བར་བྱའོ། །དེ་དག་གིས་ཕྱོགས་དེ་ཡལ་ག་དག་གམ། སེག་དག་གམ། རེ་ལྡེ་དག་གིས་བསྐོར་བ་དང ། མ་དད་པ་རྣམས་འཕགས་པ་དག་།ཅི་འདི་རྒྱལ་མོ་ག་གོན་གྱིས་ར་བའམ། ལ་ཕུག་གི་ར་བའམ། ཞེས་ཅོ་འདྲི་བར་བྱེད་པའི་སྐབས་དེ།་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་དེ་རྩིག་པ་དག་གམ། འོབས་དག་གིས་བསྐོར་བར་བྱའོ། །དེ་དག་གིས་ཕྱོགས་དེ་རྩིག་པ་དག་གམ། འོབས་དག་གིས་བསྐོར་བ་དང ། མ་དད་པ་རྣམས་འཕགས་པ་དག། ཅི་འདྲི་མ་དུ་ལུང་གའི་ར་བའམ། འོན་ཏེ་བལ་པོ་སེའུའི་ར་བ་ཡིན། དེ་རྣམས་ཀྱིས་སྨྲས་པ། རྣལ་
Ka186a
༄#། །འབྱོར་བསྒོམ་པའོ་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་སྤོང་ཁང་བརྩིག་པར་གནང་ངོ ། །བཅོམ་ལྡན་འདས་ཀྱིས་སྤོང་ཁང་བརྩིག་པར་བྱའོ། །ཞེས་བཀའ་སྩལ་ནས། དེ་དག་གིས་སྤོང་ཁང་རྣམས་ཇི་ལྟ་བུ་ཡིན་པར་མི་ཤེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྤོང་ཁང་ནི་གཉིས་ཏེ། ཆུང་ངུ་དང ། ཆེན་པོའོ། །ཆུང་ངུ་ནི་གནས་ཁང་གཉིས་ཀྱི་བར་དུ་སྲང་གཏོད་པའོ། །ཆེན་པོ་ནི་གནས་ཁང་བཅུའམ། བཅུ་གཉིས་ཀྱི་བར་དུ་སྲང་གཏོད་པའོ། །དགེ་སློང་དག་གིས་གནས་ཁང་བྱས་ནས་སྦྱང་བྱེད་པ་བཞིན་དུ་སྒོ་དོད་པར་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་བ།་སྒོ་དོད་པར་བྱའོ། །དགེ་སློང་དག་སྒོ་གླེགས་མི་འཛུད་ནས། བཅོམ་ལྡན་འདས་ཀྱིས་བཀའ་སྩལ་པ། སྒོ་གླེགས་གཞུག་པར་བྱའོ། །དབྱེ་དཀའ་ནས། བཅོམ་ལྡན་འདས་ཀྱིས་བཀའ་སྩལ་པ།་ལག་ཟུངས་གདགས་པར་བྱའོ། །ཡང་མིག་སྒྲ་འཁྲོལ་ནས་བཅོམ་ལྡན་འདས་ཀྱིས་བཀའ་སྩལ་པ། འོག་ཏུ་ཀོ་བའི་དུམ་བུ་གཞུག་པར་བྱའོ། །གཅད་དཀའ་ནས། བཅོམ་ལྡན་འདས་ཀྱིས་བཀའ་སྩལ་པ། གནམ་ཟེར་དང ། འཁོར་གཏན་དང ། ཕྲེད་གཏན་གཞུག་བར་བྱའོ། །མུན་ནག་ནས་བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་གདོད་པར་བྱའོ། །དམའ་བར་བཏོད་པ་ན། ཆོམ་
Ka186b
རྐུན་པ་དང ། གཡོན་ཅན་དང ། སེང་གེ་དང ། སྟག་དང ། གུང་རྣམས་ཀྱིས་བགྲོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དམའ་བར་གདོད་པར་མི་བྱའོ། །མཐོན་པོར་བཏོད་པ་ན་སྣང་བ་མི་གསལ་ནས། བཅོམ་ལྡན་འདས་ཀྱིས་བཀའ་སྩལ་པ། མཐོན་པོར་གདོད་པར་མི་བྱ་བར་སུམ་གཉིས་དོར་བར་བྱ་ཞིང ། སུམ་གཉིས་བོར་བ་ནས་སུམ་ཆར་གདོད་པར་བྱའོ། །དེ་དག་གོང་གི་སུམ་གཉིས་བོར་ཏེ། འོག་གི་སུམ་ཆར་འདོན་ནས། བཅོམ་ལྡན་འདས་ཀྱིས་བཀའ་སྩལ་པ། འོག་ཏུ་སུམ་ཆ་བོར་བར་གདོད་པར་བྱའོ། །དགེ་སློང་དག་ཕྱི་ཡངས་ཤིང་ནང་རུབ་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་རྒྱ་མཚོའི་རྣམ་པ་ལྟ་བུ་གདོད་པར་བྱ་སྟེ། ཕྱི་རུབ་ལ་ནང་ཡངས་པར་བྱའོ། །ཁཝ་དང་མཆིལ་བ་དང ། ཕུ་རོན་དག་འཇུག་ནས། བཅོམ་ལྡན་འདས་ཀྱིས་བཀའ་སྩལ་པ། སྐར་ཁུང་དྲ་བ་ཅན་དུ་བྱའོ། །སྦྲང་བུ་ཏྲེ་མ་པུ་ཀ་དང ། ཏྲེ་ལ་ཏ་དག་འཇུག་ནས། བཅོམ་ལྡན་འདས་ཀྱིས་བཀའ་སྩལ་པ། སྒོ་གླེགས་གཞུག་པར་བྱའོ། །རླུང་གིས་འབྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཕྲེད་གཏན་གཞུག་པར་བྱའོ། །གཅད་དཀའ་ནས། བཅོམ་ལྡན་འདས་ཀྱིས་བཀའ་སྩལ་པ། གནམ་གཟེར་དང ། འཁོར་གཏན་གཞུག་པར་བྱའོ། །དབྱེ་དཀའ་ནས། བཅོམ་ལྡན་འདས་ཀྱིས་བཀའ་སྩལ་པ། དབྱུག་གུ་སྐམ་ཁ་བྱས་ཏེ། ཕྲེད་གཏན་དང ། གནམ་གཟེར་དང ། འཁོར་གཏན་དག་གིས་ནི་གཅད་པར་བྱའོ། །དབྱུག་གུ་སྐམ་ཁ་ནི་དབྱེ་བར་བྱའོ། །དེར་སྟན་དགོས་པར་
Ka187a
༄#། །གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སའི་སྟེག་བུ་དག་བྱའོ། །འཁྲང་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཁྲིའུ་བྱའོ། །བཅོམ་ལྡན་འདས་ཀྱིས་ཁྲིའུ་བྱའོ་ཞེས་བཀའ་སྩལ་ནས། དེ་དག་གིས་ཁྲིའུ་ཅི་འདྲ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཁོ་ར་ཁོར་ཡུག་ཏུ་ཁྲུ་བཞིས་འཁོར་བའི་ཁྲིའུ་བྱ་ཞིང ། དེ་ཐགས་མས་བླ་བར་བྱའོ། །དེ་དག་གི་ཐགས་མ་དུ་ཡོད་མི་ཤེས་ན། བཅོམ་ལྡན་འདས་ཀྱིས་བཀའ་སྩལ་པ། ཐགས་མ་ནི་ལྔ་སྟེ། མུན་ཛའི་དང ། ཤ་ནའི་དང ། གྲེས་མའི་དང ། རས་མའི་དང ། སྦ་ཕྲ་མོའི་འོ། །དེ་དག་འཁྲང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྟན་ནང་ཚངས་ཅན་དག་གདིང་བར་བྱའོ། །བཅོམ་ལྡན་འདས་ཀྱིས་སྟན་ནང་ཚངས་ཅན་དག་གདིང་བར་བྱའོ་ཞེས་བཀའ་སྩལ་ནས། དེ་དག་གིས་སྟན་ནང་ཚངས་ཅན་ཅི་འདྲ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྲིད་དུ་ཁྲུ་བཞི་པ་ཞེང་དུ་ཁྲུ་དོ་ཡོད་པ་ཉིས་ལྟབ་ཏུ་བྱས་ཏེ་དྲུབ་པར་བྱའོ། །དེའི་ནང་དུ་ཤིང་བལ་གྱིས་དགང་བར་བྱའོ། །དེ་དག་གིས་ཤིང་བལ་དུ་ཡོད་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཤིང་བལ་དག་ནི་ལྔ་སྟེ། ཨརྐའི་ཤིང་བལ་དང ། ཀ་ཤའི་ཤིང་བལ་དང ། ེར་ཁའི་ཤིང་བལ་དང ། སྤྲ་བའི་ཤིང་བལ་དང ། ཤལ་མ་ལིའི་ཤིང་བལ་ཡིན་ནོ། །གཞན་ཡང་ལྔ་སྟེ། བལ་དང ། ཤ་ནའི་ཤིང་བལ་དང ། རས་བལ་དང ། རས་མ་དང ། ལོ་
Ka187b
མའི་ཚོགས་དག་གིས་བཀང་བ་དག་ཡིན་ནོ། །ཤིང་བལ་ཐམས་ཅད་ཕྱོགས་གཅིག་ཏུ་འཆུགས་ནས། བཅོམ་ལྡན་འདས་ཀྱིས་བཀའ་སྩལ་པ། མདོ་མདོར་སྐུད་པས་བྱ་རོག་རྐང་གི་གཟུངས་གདབ་པར་བྱའོ། །འཁོད་པ་ན་ཡུར་ནས། བཅོམ་ལྡན་འདས་ཀྱིས་བཀའ་སྩལ་པ། གདོས་བུ་གདགས་པར་བྱའོ། །ཇི་ལྟར་གདགས་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྐུད་པས་བཏགས་ཏེ་རྣ་བ་ལ་གདགས་པར་བྱའོ། །འོན་ཀྱང་ཡུར་ནས། བཅོམ་ལྡན་འདས་ཀྱིས་བཀའ་སྩལ་པ། དབྱུག་གུ་གཟུགས་པར་བྱའོ། །དགེ་སློང་དག་དབྱུག་གུ་སྨྱུ་གུའི་བཅད་འཕྲོ་ལྟ་བུས་འཛུགས་པ་ན། རྨ་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། བྲེའི་བཅད་འཕྲོ་ལྟ་བུར་བྱའོ། །འོན་ཀྱང་སྣད་ནས། བཅོམ་ལྡན་འདས་ཀྱིས་བཀའ་སྩལ་པ། རས་མ་དག་གིས་དཀྲིས་ནས་དལ་བུས་ཁད་ཀྱིས་ཁད་ཀྱིས་གཟུགས་པར་བྱའོ། །འོན་ཀྱང་ཡུར་ནས། བཅོམ་ལྡན་འདས་ཀྱིས་བཀའ་སྩལ་པ། ཕོ་ལོང་འཕང་བར་བྱའོ། །དགེ་སློང་དག་གིས་མུན་ཁུང་དུ་འཕངས་པ་ན། དེ་འཁྱམས་ནས་བཅོམ་ལྡན་འདས་ཀྱིས་བཀའ་སྩལ་པ། ཐགས་གུས་བཏགས་ཏེ་འཕང་བར་བྱ་ཞིང ། དེ་ནས་ཡང་ཕྱིར་དྲང་བར་བྱའོ། །འོན་ཀྱང་ཡུར་ནས། བཅོམ་ལྡན་འདས་ཀྱིས་བཀའ་སྩལ་པ། མདུན་དུ་མར་མེ་གཞག་པར་བྱའོ། །འོན་ཀྱང་ཡུར་ནས། བཅོམ་ལྡན་འདས་ཀྱིས་བཀའ་སྩལ་པ། རྐང་པ་གཅིག་བརྐྱང་བར་བྱའོ། །འོན་ཀྱང་ཡུར་ནས། བཅོམ་ལྡན་འདས་ཀྱིས་བཀའ་སྩལ་པ། རྐང་པ་ཡ་གཅིག་ཀྱང་
Ka188a
༄#། །བརྐྱང་བར་བྱའོ། །འོན་ཀྱང་ཡུར་ནས། བཅོམ་ལྡན་འདས་ཀྱིས་བཀའ་སྩལ་པ། ལངས་ཏེ་བཅག་པར་བྱའོ། །དགེ་སློང་དག་འཆག་པ་ན་འཐོམ་ནས། བཅོམ་ལྡན་འདས་ཀྱིས་བཀའ་སྩལ་པ། འཕྲེད་ཐག་ལ་འཇུ་བར་བྱའོ། །ལག་པས་ཆང་རྒྱུད་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། སྦུ་བུ་བསྐོན་ལ་སྐུད་པས་བཏགས་པ་ལ་འཇུས་ཏེ། བཅག་པར་བྱའོ། །མཆིལ་ལྷམ་དང་བཅས་པ་འཆག་པར་བྱེད་པ་ན་སྒྲ་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། མཆིལ་ལྷམ་གྱིས་གཅག་པར་མི་བྱའོ། །རྡུལ་གྱིས་རྐང་པ་གཉིས་མ་རུངས་ནས། བཅོམ་ལྡན་འདས་ཀྱིས་བཀའ་སྩལ་པ། པར་ཐང་གདིང་བར་བྱའོ། །སྣུམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ངས་སྤོང་བ་པའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་སྤོང་བ་པས་ཞག་གསུམ་ཞིང་གསུམ་ཞིང་རྐང་པ་གཉིས་བསྐུ་བར་བྱའོ། །དགེ་སློང་སྤོང་བ་པས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་དག་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དེ་དག་དེར་མི་ཤོང་ནས། བཅོམ་ལྡན་འདས་ཀྱིས་བཀའ་སྩལ་པ། སྟེང་དུ་རིམ་ཁང་གཉིས་པ་བྱའོ།། འཇེག་དགའ་ནས། བཅོམ་ལྡན་འདས་ཀྱིས་བཀའ་སྩལ་པ། ཐེམ་སྐས་བྱའོ། །ལྷུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཁ་ཁྱེར་གྱིས་བསྐོར་བར་བྱའོ། །དེ་འཕྲུལ་ནས།
Ka188b
བཅོམ་ལྡན་འདས་ཀྱིས་བཀའ་སྩལ་པ། ལྕགས་ཀྱི་གཟེར་བུ་དག་གིས་གདབ་པར་བྱའོ། །འོན་ཀྱང་མི་ཤོང་ནས། བཅོམ་ལྡན་འདས་ཀྱིས་བཀའ་སྩལ་པ། ཕྱི་རོལ་ཏུ་སྤོང་ཁང་ཆེན་པོ་བྱའོ། །དེ་དག་སྒོ་སྤྲོད་དག་ཏུ་བྱེད་པ་ན། དེ་དག་ཕན་ཚུན་སྣང་ནས། བཅོམ་ལྡན་འདས་ཀྱིས་བཀའ་སྩལ་པ། སྒོ་སྣོལ་མར་གདོད་པར་བྱའོ། །སྒོ་ཁང་བྱའོ། །ཕུག་ཀྱང་བྱའོ། །དེ་དག་དེ་ན་ཡུར་ནས། བཅོམ་ལྡན་འདས་ཀྱིས་བཀའ་སྩལ་པ། སྒོ་དྲུང་དུ་སྣམ་བུའམ། རས་དཔྱངས་ཏེ་ཉལ་བར་བྱ་ཞིང ། འདི་ལ་འགྱོད་པར་མི་བྱའོ། །དེ་དག་དེ་ནས་སོང་ཞིང་ཡང་ཕྱིས་འོངས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་སྤོང་བའི་ཞལ་ཏ་བྱེད་པ་བསྐོ་བར་བྱ་སྟེ། དགེ་སློང་སྤོང་བའི་ཞལ་ཏ་བྱེད་པ་ཆོས་ལྔ་དང་ལྡན་པ་ནི་མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱ་སྟེ། ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། སྤོང་བ་ལ་ཏྲོན་བྱས་པ་དང་མ་བྱས་པ་མི་ཤེས་པ་སྟེ། དགེ་སློང་སྤོང་བ་པའི་ཞལ་ཏ་བྱེད་པ་ཆོས་ལྔ་པོ་དེ་དག་དང་ལྡན་པ་ནི་མ་བསྐོས་པ་ཡང་བསྐོ་བར་མི་བྱ་ལ། བསྐོས་པ་ཡང་དབྱུང་བར་བྱའོ། ། དགེ་སློང་སྤོང་བའི་ཞལ་ཏ་བྱེད་པ་ཆོས་ལྔ་དག་དང་ལྡན་པ་ནི། མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱ་སྟེ། ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་
Ka189a
༄#། །གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་བས་མི་འགྲོ་བ་དང ། སྤོང་བ་ལ་ཏྲོན་བྱས་པ་དང་མ་བྱས་པ་ཤེས་པ་སྟེ། དགེ་སློང་སྤོང་བའི་ཞལ་ཏ་བྱེད་པ། ཆོས་ལྔ་པོ་དེ་དག་དང་ལྡན་པ་ནི། མ་བསྐོས་པ་ཡང་བསྐོ་བར་བྱ་ལ། བསྐོས་པ་ཡང་དབྱུང་བར་མི་བྱའོ། །འདི་ལྟར་བསྐོ་བར་བྱ་སྟེ། ཇེ་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དགེ་འདུན་གྱི་སྤོང་བ་བའི་ཞལ་ཏ་བྱེད་པར་སྤྲོ་འམ་ཞེས་དྲི་བར་བྱའོ། །གལ་ཏེ་སྤྲོ་ན་དེས་སྤྲོ་ཞེས་བརྗོད་པར་བྱའོ། །དེའི་འོག་ཏུ་དེས་གནས་མལ་བཤམས་པ་བྱས་ནས། གཎྜི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་བ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་པར་བསྐོ་སྟེ། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་
Ka189b
དགེ་འདུན་གྱི་སྤོང་བའི་ཞལ་ཏ་བགྱིད་པར་སྤྲོ་སྟེ། དེའི་སླད་དུ་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྤོང་བའི་ཞལ་ཏ་བགྱིད་པར་བསྐོ་ཞིང ། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྤོང་བའི་ཞལ་ཏ་བགྱིད་པར་བསྐོ་ཞིང ། དགེ་སློང་མིང་འདི་ཞེས་བགྱི་བ་འདི་དགེ་འདུན་གྱི་སྤོང་བའི་ཞལ་ཏ་བགྱིད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱི་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྤོང་བའི་ཞལ་ཏ་བགྱིད་པར་བསྐོས་ཤིང ། དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་སྤོང་བའི་ཞལ་ཏ་བགྱིད་དེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག་ངས་དགེ་སློང་སྤོང་བའི་ཞལ་ཏ་བྱེད་པའི་ཀུན་ཏུ་སྤྱོད་པའི་ཆོས་རྣམས་བཅའ་བར་བྱ་སྟེ། དགེ་སློང་སྤོང་བའི་ཞལ་ཏ་བྱེད་པས། སྤོང་ཁང་དུ་ཆག་ཆག་གདབ་པར་བྱའོ། །ཕྱག་དར་བྱའོ། །ལྕི་བ་སར་པའི་བྱུག་པས་བསྐུ་བར་བྱའོ། །སྟན་བཤམ་པར་བྱའོ། །བཤང་བའི་ས་དང ། གཅི་བའི་ས་བྱི་དོར་བྱའོ། །ཆག་ཆག་གདབ་བར་བྱའོ། །ཕྱག་དར་བྱའོ། །ལྕི་བ་སར་པའི་བྱུག་པས་བསྐུ་བར་བྱའོ། །ལོ་མའི་ཆང་བུ་གཞག་པར་བྱའོ། །བོང་རྡོག་དང་ས་དང་ཆུ་གཞག་པར་བྱའོ། །དེ་དག་རེ་རེའི་
Ka190a
༄#། །གན་དུ་སོང་སྟེ། འབོད་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། རེ་རེ་ནས་བོད་པར་མི་བྱ་བར་གཎྜཱི་བརྡུང་བར་བྱའོ། །དེ་གཎྜཱི་རྒྱ་ཆེར་བརྡུངས་བ་དང ། ཇི་ཙམ་ན་སྤྱོད་ཡུལ་གྱི་གྲོང་མི་རྣམས་ཆོམ་རྐུན་ཕ་མ་འོངས་སམ་ཞེ་སྡངས་ནས། དེ་རྣམས་གོ་བགོས་ཏེ་ལྷགས་ནས། འཕགས་པ་དག་ཅི་ཆོམ་རྐུན་པ་དག་མཆིས་སམ། དེ་རྣམས་ཀྱིས་སྨྲས་པ། ཤེས་ལྡན་དག་ཆོམ་རྐུན་པ་དག་མ་ལྷགས་ཏེ། འདི་ལྟར་སྤོང་བ་ལ་ཏྲོན་བྱེད་དོ། །དེ་རྣམས་ཀྱིས་སྨྲས་པ། འཕགས་པ་དག་རྣམ་པར་འཚེ་བ་ལ་ཏྲོན་མཛད་ཀྱི། འདི་ན་སྤོང་བ་ག་ལ་མཆིས་ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཎྜཱི་རྒྱ་ཆེར་བརྡུང་བར་མི་བྱ་སྟེ། འདི་ལྟར་གཎྜཱི་ནི་ལྔ་སྟེ། དགེ་འདུན་བསྡུ་བའི་གཎྜཱི་དང ། ལས་ཀྱི་གཎྜཱི་དང ། ཤི་བའི་གཎྜཱི་དང ། སྤོང་བའི་གཎྜཱི་དང ། གནོད་པ་བྱུང་བའི་གཎྜཱིའོ། །དེ་ལ་དགེ་འདུན་བསྡུ་བའི་གཎྜཱི་ནི་རྒྱུད་གསུམ་དང་ཏོག་གསུམ་པའོ། །ལས་ཀྱི་གཎྜཱི་ནི་རྒྱུད་གཅིག་དང་ཏོག་གསུམ་མོ། །ཤི་བའི་གཎྜཱི་ནི་བྱི་བའོ། །སྤོང་བའི་གཎྜཱི་ནི་འཁར་གསིལ་ལོ། ། གནོད་པ་བྱུང་བའི་གཎྜཱི་ནི་ཇི་ཙམ་གྱིས་ཆོག་པའོ། །དེ་དག་དུས་གཏིང་ལ་ཐུག་པ་ན་ཅི་བདེར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། གཏིང་ལ་ཐུག་པ་ན་ཅི་བདེར་མི་བྱ་བར་དུས་ཤེས་པར་བྱས་ནས་ཅི་བདེར་བྱས་ཏེ། དགེ་འདུན་ལས་ཚལ་མ་འཐོབ་པ་གང་དག་ཡིན་པ་དེ་དག་ཀྱང་ཁྲུས་བྱས་ནས་དགེ་འདུན་གྱི་ནང་དུ་འདུ་ཁོམ་པ་དང ། བསོད་སྙོམས་པ་གང་དག་ཡིན་པ་དེ་དག་ཀྱང་རྐང་ལག་གཉིས་བཀྲུས་ནས། གྲོང་
Ka190b
དུ་བསོད་སྙོམས་ལ་འཇུག་ཁོམ་པར་བྱའོ། །དེ་དག་དེ་ཁོ་ན་བཞིན་དུ་ཅི་བདེར་བྱེད་ནས། བཅོམ་ལྡན་འདས་ཀྱིས་བཀའ་སྩལ་བ། དེ་ཁོ་ན་བཞིན་དུ་ཅི་བདེར་མི་བྱ་བར་རྒྱུད་ཆགས་གསུམ་པ་གདོན་པར་བྱའོ།། དེ་དག་ཧ་ཅང་མང་དུ་འདོན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་མང་དུ་གདོན་པར་མི་བྱའོ། །དེ་དག་ཧ་ཅང་ཉུང་དུར་འདོན་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཧ་ཅང་ཉུང་དུར་གདོན་པར་མི་བྱ་སྟེ། འདི་ལྟར་རིན་པར་གདོན་པར་བྱའོ། །དེ་དག་ཡོན་བཤད་པར་མི་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཡོན་བཤད་པར་བྱའོ། །བཅོམ་ལྡན་འདས་ཀྱིས་ཡོན་བཤད་པར་བྱའོ་ཞེས་བཀང་སྩལ་ནས། དེ་དག་གིས་སུས་ཡོན་བཤད་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་བརྟན་གྱིས་ཡོན་བཤད་པར་བྱའོ། །དེ་དག་ཡོན་བཤད་པ་ཧ་ཅང་མང་དུ་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཡོན་བཤད་པ་ཧ་ཅང་མང་དུ་མི་བྱའོ། །དེ་དག་ཡོན་བཤད་པ་ཧ་ཅང་ཉུང་དུར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཡོན་བཤད་པ་ཧ་ཅང་ཉུང་དུར་མི་བྱ་སྟེ། འདི་ལྟར་ཡོན་བཤད་པ་རན་པར་བྱའོ། །དགེ་སློང་སྤོང་བའི་ཞལ་ཏ་བྱེད་པ་ཐམས་ཅད་ཀྱི་མཇུག་ཏུ་འདུ་ཞིང ། ཐམས་ཅད་ཀྱི་མདུན་དུ་འགྱེས་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་སྤོང་བའི་ཞལ་ཏ་བྱེད་པ་ཐམས་ཅད་ཀྱི་མཇུག་ཏུ་འགྱེས་པར་བྱ་ཞིང ། ཐམས་ཅད་ཀྱི་མདུན་དུ་འདུ་བར་བྱའོ། །གལ་ཏེ་རྐྱེན་དེ་ལྟ་བུ་བྱུང་ན། དེས་ཕྱོགས་དབེན་པར་ལྡེ་མིག་སྦས་ཏེ། ཚེ་དང་ལྡན་པ་ཁོ་བོས་ཕྱོགས་ག་གེ་མོ་
Ka191a
༄#། །ཞིག་ཏུ་ལྡེ་མིག་སྦས་ཀྱིས་ཕྱེ་ལ་ཞུགས་ཤིག་ཅེས་བརྗོད་པར་བྱའོ། །དགེ་སློང་སྤོང་བའི་ཞལ་ཏ་བྱེད་པས་ཀུན་ཏུ་སྤྱད་པའི་ཆོས་ཇི་ལྟར་བཅས་པ་ཡང་དག་པར་བླངས་ཏེ་མི་འཇུག་ན་འགལ་ཚབས་ཅན་དུ་འགྱུར་རོ། །དེ་ནི་འདུག་པ་ཞེས་བྱའོ། །བྱ་བ་གང་ཞེ་ན། དགེ་འདུན་གྱི་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་གང་ཡིན་པ་འདི་ནི་བྱ་བ་ཞེས་བྱའོ། །གསོ་སྦྱོང་གང་ཞེ་ན། དགེ་སློང་དག་ངས་སོ་སོར་ཐར་པའི་མདོ་གདོན་པ་གང་ཡིན་པ་སྟེ། དེ་ཁྱེད་ཀྱིས་དེང་ཕྱིན་ཆད་ཟླ་བ་ཕྱེད་ཕྱེད་ཅིང་གདོན་པར་བྱའོ། །བཅོམ་ལྡན་འདས་ཀྱིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱའོ། །ཞེས་བཀའ་སྩལ་ནས། དེ་དག་གིས་སུས་གདོན་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་གནས་བརྟན་གྱིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱའོ། །བཅོམ་ལྡན་འདས་ཀྱིས་དགེ་འདུན་གྱི་གནས་བརྟན་གྱིས། ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱའོ་ཞེས་བཀའ་སྩལ་ནས། དགེ་སློང་དག་དེའི་གནས་ཁང་དུ་འདུ་བར་བྱེད་པ་ན་དེ་དག་དེར་མི་ཤོང་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གནས་ཁང་དུ་གདོན་པར་མི་བྱའོ། །དེ་དག་ཁྱམས་སུ་འདོན་པར་བྱེད་པ་ན། དེར་ཡང་མི་ཤོང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱིས་གསོ་སྦྱོང་གི་གནས་ལ་བློ་མཐུན་པར་བྱའོ། །བཅོམ་ལྡན་འདས་
Ka191b
ཀྱིས་དགེ་འདུན་གྱི་གསོ་སྦྱོང་གི་གནས་ལ་བློ་མཐུན་པར་བྱའོ་ཞེས་བཀའ་སྩལ་ནས། དེ་དག་གིས་གང་ལ་བློ་མཐུན་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གནས་ཐམས་ཅད་གྲུབ་པའམ། བྱས་པའམ། ཟིན་པ་ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི་དགེ་འདུན་གྱི་གསོ་སྦྱོང་གི་གནས་སུ་འདོད་པ་གང་ཡིན་པ་དེ་ལ་བློ་མཐུན་པར་བྱའོ། །འདི་ལྟར་བློ་མཐུན་པར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གནས་ཐམས་ཅད་གྲུབ་པའམ། བགྱིས་པའམ། ལགས་པ་ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི་དགེ་འདུན་གྱི་གསོ་སྦྱོང་གི་གནས་སུ་བཞེད་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་གནས་ཐམས་ཅད་གྲུབ་པའམ། བགྱིས་པའམ། ལགས་པ་ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི་ལ། དགེ་འདུན་གྱི་གསོ་སྦྱོང་གི་གནས་སུ་བློ་མཐུན་པར་བགྱིའོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གནས་ཐམས་ཅད་གྲུབ་པའམ། བགྱིས་པའམ། ལགས་པ་ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི་དགེ་འདུན་གྱི་གསོ་སྦྱོང་གི་གནས་སུ་བཞེད་དེ། དེའི་སླད་དུ་
Ka192a
༄#། །དགེ་འདུན་གྱི་གནས་ཐམས་ཅད་གྲུབ་པའམ། བགྱིས་པའམ། ལགས་པ་ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་བ་འདི་ལ། དགེ་འདུན་གྱི་གསོ་སྦྱོང་གི་གནས་སུ་བློ་མཐུན་པར་བགྱི་ན་ཚེ་དང་ལྡན་པ་གང་དག་གནས་ཐམས་ཅད་གྲུབ་པའམ། བགྱིས་པའམ། ལགས་པ་ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི་ལ།་དགེ་འདུན་གྱི་གསོ་སྦྱོང་གི་གནས་སུ་བློ་མཐུན་པར་བགྱི་བར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་གནས་ཐམས་ཅད་གྲུབ་པའམ། བགྱིས་པའམ། ལགས་པ་ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི་ལ། དགེ་འདུན་གྱི་གསོ་སྦྱོང་གི་གནས་སུ་བློ་མཐུན་པར་བགྱིས་ལགས་ཏེ། འདི་ལྟར་ཅང་མི་གསུང་བས། དེ་དེ་བཞིན་དུ་འཛིན་ཏོ། །གང་དུ་དགེ་འདུན་གྱི་གསོ་སྦྱོང་གི་གནས་སུ་བློ་མཐུན་པར་བྱས་པ་དེར། དགེ་སློང་རྣམས་ཀྱིས་འདུག་ལ། གསོ་སྦྱོང་དང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞི་ལས་བྱའོ། །མི་མཐུན་པར་བྱེད་ན་འགལ་ཚབས་ཅན་དུ་འགྱུར་རོ།། །།འདུལ་བ་གཞི། བམ་པོ་བཅུ་གཉིས་པ།་སྡོམ་ལ། ཀ་པི་ན་དང་ཆོས་གོས་དང ། །དགྲོལ་དང་མཚམས་ཆུང་མཚམས་ཆེན་དང ། །གནང་དང་བསྐྱུང་བསྐྱེད་དགྲོལ་བ་དང ། །གཅད་དང་མི་འབྲལ་མ་བཅད་དང ། །གྲོང་དགོན་ལས་དང་
Ka192b
དགོན་པ་ཡི། །སྡེ་ཚན་ཡང་དག་བསྡུས་པ་ཡིན། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་ཀ་ལན་ད་ཀཝའི་གནས་ན་བཞུགས་སོ། །དེའི་ཚེ་ན་ཚེ་དང་ལྡན་པ་བྲམ་ཟེ་ཀ་པི་ན། རྒྱལ་པོའི་ཁབ་ན་སྡེ་ཅན་མའི་ཕུག་ན་གསོ་སྦྱོང་གཅིག་པའི་གནས་ཀྱི་སྡོམ་པས་དགེ་འདུན་དང་མཐུན་པར་འདུག་གོ་།དེ་ནས་དགེ་སློང་རབ་ཏུ་མང་པོ་དག་གསོ་སྦྱོང་བཅོ་ལྔ་པ་དེ་ཉིད་ཀྱི་ཚེ། གསོ་སྦྱོང་གི་གནས་སུ་འདུག་ཅིང་མཐུན་པར་གྱུར་ནས། ཤས་ཆེར་ཚེ་དང་ལྡན་པ་བྲམ་ཟེ་ཀ་པི་ན་ལ་སྡོད་ཅིང་འཁོད་དོ། །དེ་ནས་ཚེ་དང་ལྡན་པ་བྲམ་ཟེ་ཀ་པི་ན་འདི་སྙམ་དུ་སེམས་ཏེ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ཡིན་ལ། བདག་དགེ་སློང་ཀ་པི་ནའི་གསོ་སྦྱོང་ཡང་བཅོ་ལྔ་པ་ཡིན་ན། ཅི་དགེ་འདུན་གྱི་གསོ་སྦྱོང་གི་གནས་སུ་འགྲོ་བར་བྱའམ། འོན་ཏེ་དགེ་འདུན་གྱི་གསོ་སྦྱོང་གི་གནས་སུ་འགྲོ་བ་མི་བྱ། ཅི་དགེ་འདུན་དང་ལྷན་ཅིག་གསོ་སྦྱོང་ཉམས་སུ་མྱོང་བར་བྱའམ། འོན་ཏེ་དགེ་འདུན་དང་ལྷན་ཅིག་གསོ་སྦྱོང་ཉམས་སུ་མྱོང་བར་མི་བྱ། ཅི་དགེ་འདུན་གྱི་བྱ་བ་དག་དང་དགེ་འདུན་གྱི་བྱེད་པ་དག་ཏུ་འགྲོ་བར་བྱའམ། འོན་ཏེ་དགེ་འདུན་གྱི་བྱ་བ་དག་དང་དགེ་འདུན་གྱི་བྱེད་པ་དག་ཏུ་འགྲོ་བར་མི་བྱ། ཅི་དགེ་འདུན་དང་ལྷན་ཅིག་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཉམས་སུ་མྱོང་བར་བྱའམ། འོན་ཏེ་དགེ་འདུན་དང་ལྷན་ཅིག་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཉམས་སུ་མྱོང་བར་མི་བྱ། བཅོམ་ལྡན་འདས་ཀྱིས་ཀྱང ། རྟག་ཏུ་དག་པ་སྙིང་པོ་སྟེ། །རྟག་ཏུ་དག་པ་གསོ་སྦྱོང་ཡིན། །གཙང་མའི་ལས་ནི་དག་གྱུར་པ། །དེ་ཡི་བརྟུལ་ཞུགས་འགྲུབ་པར་འགྱུར།།
Ka193a
༄#། །ཞེས་བཀའ་སྩལ་པས། བདག་ནི་དག་ཅིང་མཆོག་ཏུ་དག་པ་དང་ལྡན་ནོ་སྙམ་མོ། །དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་བྲམ་ཟེ་ཀ་པི་ནའི་སེམས་ཀྱིས་ཡོངས་སུ་རྟོག་པ་ཐུགས་སུ་ཆུད་ནས། འོད་མའི་ཚལ་ནས་མི་སྣང་བར་མཛད་དེ། སྡེ་ཅན་མའི་ཕུག་ཏུ་ཚེ་དང་ལྡན་པ་བྲམ་ཟེ་ཀ་པི་ནའི་མདུན་དུ་བཞུགས་ཏེ། འདི་སྐད་ཅེས་བཀའ་སྩལ་ཏོ། །ཀ་པི་ན་ཁྱོད་གཅིག་པུ་དབེན་པར་སོང་སྟེ། ནང་དུ་ཡང་དག་འཇོག་པ་ན། འདི་སྙམ་དུ་དགེ་འདུན་གྱི་གསོ་སྦྱོང་ནི་བཅོ་ལྔ་པ་ཡིན་ལ། བདག་དགེ་སློང་ཀ་པི་ནའི་གསོ་སྦྱོང་ཡང་བཅོ་ལྔ་པ་ཡིན་ན། ཅི་དགེ་འདུན་གྱི་གསོ་སྦྱོང་གི་གནས་སུ་འགྲོ་བར་བྱའམ། འོན་ཏེ་དགེ་འདུན་གྱི་གསོ་སྦྱོང་གི་གནས་སུ་འགྲོ་བར་མི་བྱ། ཅི་དགེ་འདུན་དང་ལྷན་ཅིག་གསོ་སྦྱོང་ཉམས་སུ་མྱོང་བར་བྱའམ། འོན་ཏེ་དགེ་འདུན་དང་ལྷན་ཅིག་གསོ་སྦྱོང་ཉམས་སུ་མྱོང་བར་མི་བྱ། ཅི་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཏུ་འགྲོ་བར་བྱའམ། འོན་ཏེ་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཏུ་འགྲོ་བར་མི་བྱ། ཅི་དགེ་འདུན་དང་ལྷན་ཅིག་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཉམས་སུ་མྱོང་བར་བྱའམ། འོན་ཏེ་དགེ་འདུན་དང་ལྷན་ཅིག་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཉམས་སུ་མྱོང་བར་མི་བྱ། བཅོམ་ལྡན་འདས་ཀྱིས་ཀྱང ། རྟག་ཏུ་དག་པ་སྙིང་པོ་སྟེ། །རྟག་ཏུ་དག་པ་གསོ་སྦྱོང་ཡིན། །གཙང་མའི་ལས་ནི་དག་གྱུར་པ། །དེ་ཡི་བརྟུལ་ཞུགས་འགྲུབ་པར་འགྱུར། །
Ka193b
ཞེས་བཀའ་སྩལ་པས། བདག་ནི་དག་ཅིང་མཆོག་ཏུ་དག་པ་དང་ལྡན་ནོ་སྙམ་དུ་སེམས་ལ་སེམས་ཀྱི་ཡོངས་སུ་རྟོག་པ་མ་བྱུང་ངམ། བཙུན་པ་བྱུང་ངོ ། །ཀ་པི་ན་ཁྱོད་རེ་ཞིག་དགེ་འདུན་གྱི་གསོ་སྦྱོང་གི་གནས་སུ་མི་འགྲོ་ན། གཞན་སུ་ཞིག་འགྲོ་བར་འགྱུར། ཁྱོད་དགེ་འདུན་དང་ལྷན་ཅིག་གསོ་སྦྱོང་ཉམས་སུ་མྱོང་བར་མི་བྱེད་ན། གཞན་སུ་ཞིག་ཉམས་སུ་མྱོང་བར་བྱེད་པར་འགྱུར། ཁྱོད་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཏུ་མི་འགྲོ་ན། གཞན་སུ་ཞིག་འགྲོ་བར་འགྱུར། ཁྱོད་དགེ་འདུན་དང་ལྷན་ཅིག་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཉམས་སུ་མྱོང་བར་མི་བྱེད་ན། གཞན་སུ་ཞིག་ཉམས་སུ་མྱོང་བར་བྱེད། ཀ་པི་ན་དེ་ལྟ་བས་ན། ཁྱོད་དགེ་འདུན་གྱི་གསོ་སྦྱོང་གི་གནས་སུ་མི་འགྲོ་བར་མ་བྱེད་པར་སོང་ཞིག་།ཀ་པི་ན་ཁྱོད་དགེ་འདུན་གྱི་གསོ་སྦྱོང་ཉམས་སུ་མི་མྱོང་བར་མ་བྱེད་པར་ཉམས་སུ་མྱོང་བར་བྱོས་ཤིག་།ཀ་པི་ན་ཁྱོད་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཏུ་མི་འགྲོ་བར་མི་བྱེད་པར་སོང་ཞིག་།ཀ་པི་ན་ཁྱོད་དགེ་འདུན་དང་ལྷན་ཅིག་དགེ་འདུན་གྱི་བྱ་བ་དག་དང ། དགེ་འདུན་གྱི་བྱེད་པ་དག་ཉམས་སུ་མི་མྱོང་བར་མ་བྱེད་པར་ཉམས་སུ་མྱོང་བར་གྱིས་ཤིག། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་བྲམ་ཟེ་ཀ་པི་ན་ཁྲིད་ནས། གསོ་སྦྱོང་གི་གནས་ག་ལ་བར་གཤེགས་ཏེ། བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་
Ka194a
༄#། །སློང་དག་དེ་ལྟ་བས་ན། དགེ་སློང་དག་གིས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་པ་རྗེས་སུ་གནང་ངོ ། །བཅོམ་ལྡན་འདས་ཀྱིས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་གཅད་པར་བྱའོ་ཞེས་བཀའ་སྩལ་ནས། དགེ་སློང་རྣམས་ཀྱིས་ཇི་ལྟར་གཅད་པར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཇེ་དང་པོར་དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་ཆེན་པོ་ཕྱོགས་བཞིའི་མཚན་མ་བརྟན་པོ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ།། དེའི་འོག་ཏུ་གནས་མལ་བཤམ་པར་བྱས་ནས། གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ། དགེ་སློང་
Ka194b
གནས་པ་དང ། གཉུག་མར་གནས་པ་རྣམས་ཀྱི་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོར་ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །དེ་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ་གནས་འདི་ན་དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མ་བརྟན་པོ་ལགས། ལྷོ་ཕྱོགས་སུ་ནི་ཀ་བའི་མཚན་མའམ། ཤིང་ལྗོན་པའི་མཚན་མ་བརྟན་པོ་ལགས། ནུབ་ཕྱོགས་སུ་ནི་ར་བའི་མཚན་མའམ། བྱ་སྐྱིབས་ཀྱི་མཚན་མ་བརྟན་པོ་ལགས། བྱང་ཕྱོགས་སུ་ནི་ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་ལགས་ན་གལ་ཏེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་
Ka195a
༄#། །འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། དགེ་འདུན་གྱིས་གྲོང་དང ། གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་གཅོད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདི་ན་དགེ་སློང་གནས་པ་དང ། གཉུག་མར་གནས་པ་རྣམས་ཀྱི་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མ་བརྟན་པོ་ལགས། ལྷོ་ཕྱོགས་སུ་ནི་ཀ་བའི་མཚན་མའམ། ཤིང་ལྗོན་པའི་མཚན་མ་བརྟན་པོ་ལགས། ནུབ་ཕྱོགས་སུ་ནི་ར་བའི་མཚན་མའམ། བྱ་སྐྱིབས་ཀྱི་མཚན་མ་བརྟན་པོ་ལགས། བྱང་ཕྱོགས་སུ་ནི་ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་ལགས་ཏེ། དེའི་སླད་དུ་དགེ་འདུན་གྱིས་མཚན་མ་འདི་རྣམས་ཀྱི་ནང་དུ། གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་
Ka195b
འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་གཅོད་ན། ཚེ་དང་ལྡན་པ་གང་དག་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་གཅད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་བཅད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་གང་དུ་མཚམས་ཆེན་པོ་བཅད་པ་དེར་དགེ་སློང་རྣམས་ཀྱིས་འདུག་སྟེ། གསོ་སྦྱོང་བྱ་ཞིང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱའོ། །མི་མཐུན་བར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་རྣམས་ཆོས་གོས་གསུམ་ཐོགས་ཏེ། ཉིན་མོ་སྤྱོད་དུ་འདོང་བ་ན། སྐྱོ་བར་གྱུར་པའི་སྐབས་དེ། བཅོམ་
Ka196a
༄#། །ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་མི་འབྲལ་བའི་གནང་བ་སྦྱིན་པར་བྱའོ། །འདི་ལྟར་སྦྱིན་པར་བྱ་སྟེ། གནས་མལ་བཤམ་པ་བྱས་ནས། གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་པ་ལས། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་གསོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་དེ། དེའི་སླད་དུ་དགེ་འདུན་གྱིས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་
Ka196b
གནས་པར་བགྱི་བའི་སླད་དུ། མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱིས་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩོལ་ན། ཚེ་དང་ལྡན་པ་གང་དག་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩལ་བར་བཟོད་པ་དེ་དག་ནི་ཅང་མ་གསུངས་ཤིག། གང་དག་མི་བཟོད་པ་དེ་དག་ནི་གསུངས་ཤིག། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་གང་དུ་མཚམས་ཆེན་པོའི་ནང་དུ་དགེ་སློང་རྣམས་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་བྱིན་པ་དང ། དགེ་སློང་རྣམས་སྟོད་གཡོགས་དང་སྨད་གཡོགས་དང་བཅས་པས་འདོང་བར་བྱ་སྟེ། འདི་ལ་འགྱོད་པར་མི་བྱའོ། །དགེ་སློང་དག་ལ་བཞིའི་ཚོགས་ཀྱིས་ལས་བྱ་བ་དག་བྱུང་ཞིང ། ལྔའི་ཚོགས་ཀྱིས་ལས་བྱ་བ་དག་དང ། བཅུའི་ཚོགས་ཀྱིས་ལས་བྱ་བ་དག་བྱུང་ནས། དེ་དག་དགེ་འདུན་ཐམས་ཅད་སྡུད་པར་བྱེད་པ་ན། དགེ་སློང་རྣམས་ཀྱི་དགེ་བའི་ཕྱོགས་ཡོངས་སུ་ཉམས་པར་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ།
Ka197a
༄#། །མཚམས་བུ་ཆུང་བཅད་ཅིང་དཀྱིལ་འཁོར་བར་བློ་མཐུན་པར་བྱའོ། །འདི་ལྟར་བཅད་པར་བྱ་སྟེ། ཇེ་དང་པོར་མཚམས་ཆེན་པོ་དགྲོལ་བར་བྱའོ། །འདི་ལྟར་དགྲོལ་བར་བྱ་སྟེ། གནས་མལ་བཤམ་པ་བྱས་ནས། གཎྜཱི་བརྡུངས་ཏེ་དྲིས་པའི་ཚིག་གིས། དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་པ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མཚམས་ཆེན་པོ་གཞིག་ཅིང་དགྲོལ་བར་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་དེ། དེའི་སླད་དུ་དགེ་འདུན་གྱིས་མཚམས་ཆེན་པོ་གཞིག་ཅིང་དགྲོལ་བར་མཛད་ན། ཚེ་དང་ལྡན་པ་གང་དག་མཚམས་ཆེན་པོ་གཞིག་ཅིང་དགྲལ་\་ཌGRཱོL\་བ་མཛད་པར་བཟོད་པ་དེ་དག་ནི་ཅང་མ་གསུངས་ཤིག། གང་དག་མི་བཟོད་པ་དེ་དག་ནི་གསུངས་ཤིག། འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས།
Ka197b
དགེ་འདུན་གྱིས་མཚམས་ཆེན་པོ་གཞིག་ཅིང་བཀྲོལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེའི་འོག་ཏུ་དགེ་སློང་གནས་པ་དང ། གཉུག་མར་གནས་པ་རྣམས་ཀྱི་མཚམས་བུ་ཆུང་གི་ཕྱོགས་བཞིའི་མཚན་མ་བརྟན་པོ། ཤར་ཕྱོགས་སུ་ནི་སེང་ལྡེང་གི་ཕུར་པ་བཏབ་པའམ། སྲད་བུ་བྲེས་པའམ། རྡོ་བཞག་པའམ། སྲོལ་གཏོད་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་སེང་ལྡེང་གི་ཕུར་པ་བཏབ་པའམ། སྲད་བུ་བྲེས་པའམ། སྲོལ་གཏོད་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །དེའི་འོག་ཏུ་གནས་མལ་བཤམ་པར་བྱས་ནས། གཎྜཱི་བརྡུངས་ཏེ་དྲིས་པའི་ཚིག་གིས། དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་བུ་ཆུང་གི་ཕྱོགས་བཞིའི་མཚན་མ་བརྟན་པོ། ཤར་ཕྱོགས་སུ་ནི་སེང་ལྡེང་གི་ཕུར་བ་བཏབ་པའམ། སྲད་བུ་བྲེས་པའམ། རྡོ་བཞག་པའམ། སྲོལ་གཏོད་པ་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་སེང་ལྡེང་གི་ཕུར་པ་བཏབ་པའམ། སྲད་བུ་བྲེས་པའམ། རྡོ་བཞག་པའམ། སྲོལ་གཏོད་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་
Ka198a
༄#། །བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདི་ན་དགེ་སློང་གནས་པ་དང་གཉུག་མར་གནས་པ་རྣམས་ཀྱིས་མཚམས་བུ་ཆུང་གི་ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་སེང་ལྡེང་གི་ཕུར་པ་བཏབ་པ་ལགས། ལྷོ་ཕྱོགས་སུ་ནི་སྲད་བུ་བྲེས་པ་ལགས། ནུབ་ཕྱོགས་སུ་ནི་རྡོ་བཞག་པ་ལགས། བྱང་ཕྱོགས་སུ་ནི་སྲོལ་གཏོད་པ་བརྟན་པོ་ལགས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མཚན་མ་འདི་རྣམས་ཀྱི་ནང་དུ་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། མཚམས་བུ་ཆུང་གཅོད་ཅིང་དཀྱིལ་འཁོར་བར་བློ་མཐུན་པར་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདི་ན་དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་བུ་ཆུང་གི་ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་སེང་ལྡེང་གི་ཕུར་པ་བཏབ་པ་ལགས། ལྷོ་ཕྱོགས་སུ་ནི་སྲད་བུ་བྲེས་པ་ལགས། ནུབ་ཕྱོགས་སུ་ནི་རྡོ་བཞག་པ་ལགས། བྱང་ཕྱོགས་སུ་ནི་སྲོལ་གཏོད་པ་བརྟན་པོ་ལགས་ཏེ། དེའི་སླད་དུ་དགེ་འདུན་གྱིས་མཚན་མ་འདི་རྣམས་ཀྱི་ནང་དུ་འདི་ལྟ་སྟེ། གནས་བསྡུ་བ་དང །
Ka198b
དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ་མཚམས་བུ་ཆུང་བཅད་ཅིང་དཀྱིལ་འཁོར་བར་བློ་མཐུན་པར་མཛད་ན། ཚེ་དང་ལྡན་པ་གང་དག་མཚན་མ་འདི་རྣམས་ཀྱི་ནང་དུ་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་བར་གནས་པར་བགྱི་བའི་སླད་དུ་མཚམས་བུ་ཆུང་བཅད་ཅིང་དཀྱིལ་འཁོར་བར་བློ་མཐུན་པར་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མཚན་མ་འདི་རྣམས་ཀྱི་ནང་དུ་འདི་ལྟར་གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། མཚམས་བུ་ཆུང་བཅད་ཅིང་དཀྱིལ་འཁོར་བར་བློ་མཐུན་པར་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེའི་འོག་ཏུ་མཚམས་ཆེན་པོ་བཅད་པར་བྱའོ། །འདི་ལྟར་བཅད་པར་བྱ་སྟེ། ཇེ་དང་པོར་དགེ་སློང་གནས་པ་དང ། གཉུག་མར་གནས་པ་རྣམས་ཀྱི་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་ཕ་
Ka199a
༄#། །བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །དེའི་འོག་ཏུ་གནས་མལ་བཤམ་པ་བྱས་ནས་གཎྜཱི་བརྡུངས་ཏེ།་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ་དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་
Ka199b
མ་བརྟན་པོ་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདི་ན་དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མ་བརྟན་པོ་ལགས། ལྷོ་ཕྱོགས་སུ་ནི་ཀ་བའི་མཚན་མའམ། ཤིང་ལྗོན་པའི་མཚན་མ་བརྟན་པོ་ལགས། ནུབ་ཕྱོགས་སུ་ནི་ར་བའི་མཚན་མའམ། བྱ་སྐྱིབས་ཀྱི་མཚན་མ་བརྟན་པོ་ལགས། བྱང་ཕྱོགས་སུ་ནི་ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་ལགས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་གཅོད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདི་ན་དགེ་སློང་
Ka200a
༄#། །གནས་པ་དང ། གཉུག་མར་གནས་པ་རྣམས་ཀྱི་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མ་བརྟན་པོ་ལགས། ལྷོ་ཕྱོགས་སུ་ནི་ཀ་བའི་མཚན་མའམ། ཤིང་ལྗོན་པའི་མཚན་མ་བརྟན་པོ་ལགས། ནུབ་ཕྱོགས་སུ་ནི་ར་བའི་མཚན་མའམ། བྱ་སྐྱིབས་ཀྱི་མཚན་མ་བརྟན་པོ་ལགས། བྱང་ཕྱོགས་སུ་ནི་ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་ལགས་ཏེ། དེའི་སླད་དུ་དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་གཅོད་ན། ཚེ་དང་ལྡན་པ་གང་དག་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་
Ka200b
བར་དུ་མཚམས་ཆེན་པོ་བཅད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་བཅད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་གང་དུ་མཚམས་ཆེན་པོ་བཅད་པ་དེར། དགེ་སློང་རྣམས་ཀྱིས་འདུག་སྟེ། གསོ་སྦྱོང་བྱ་ཞིང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱའོ། །མི་མཐུན་པར་བྱེད་ན་འགལ་ཚབས་ཅན་དུ་འགྱུར་རོ། །དེའི་འོག་ཏུ་མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་མི་འབྲལ་བའི་གནང་བ་སྦྱིན་པར་བྱའོ། །འདི་ལྟར་སྦྱིན་པར་བྱ་སྟེ། གནས་མལ་བཤམས་པ་བྱས་ནས། གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་བ་ལ་དགེ་སློང་གཅིག་གིས་གསོལ་བ་
Ka201a
༄#། །བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་པ་ལས་གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ་མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་དེ། དེའི་སླད་དུ་དགེ་འདུན་གྱིས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་མི་འབྲལ་བར་འགྱུར་བའི་གནང་བ་སྩོལ་ན། ཚེ་དང་ལྡན་པ་གང་དག་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ།་མཚམས་ཆེན་པོའི་ནང་དུ་དགེ་སློང་ཐམས་
Ka201b
ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩོལ་བར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་གང་དུ་མཚམས་ཆེན་པོའི་ནང་དུ་དགེ་སློང་རྣམས་ཀྱིས་ཆོས་གོས་དག་དང་འབྲལ་བར་མི་འགྱུར་བའི་གནང་བ་བྱིན་པ་དེར་དགེ་སློང་རྣམས་སྟོད་གཡོགས་སྨད་གཡོགས་དང་བཅས་པས་འདོང་བར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་ལས་བགྱིས་པ་གཅིག་གིས་གསོལ་བ་གཅིག་དང ། ལས་བརྗོད་པ་གཅིག་གིས་མཚམས་ཀྱི་སྒོ་ནང་དང་སླད་རོལ་དང་བཅས་པ་བསྐྱུང་བ་དང ། བསྐྱེད་པར་རུང་ངམ། ཉེ་བར་འཁོར། རུང་སྟེ། དེ་ལ་བསྐྱུང་བ་ནི་འདི་ཡིན་ཏེ་ཆུང་ངུའོ། །དེ་ལ་བསྐྱེད་པ་ནི་འདི་ཡིན་ཏེ་ཆེན་པོའོ། །འདི་ལྟར་བྱ་སྟེ། ཇེ་དང་པོར་མཚམས་ཆེན་པོ་དགྲོལ་བར་བྱ་ཞིང་མཚམས་བུ་ཆུང་ཡང་དགྲོལ་བར་བྱ་སྟེ། དཀྱིལ་འཁོར་བ་གཞིག་པར་བྱའོ། །འདི་ལྟར་དགྲོལ་བར་བྱ་སྟེ། གནས་མལ་བཤམས་བ་བྱས་ནས་གཎྜཱི་
Ka202a
༄#། །བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ན། མཚམས་གཉི་གར་དགེ་འདུན་བཀོད་དེ། དགེ་སློང་ལས་བྱེད་པས་མཚམས་གཉི་གར་ཤིང་ངམ། དབྱུག་པའམ། གསེག་གམ། རེ་ལྡེས་མནན་ནས། གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་ཅིང ། མཚམས་བུ་ཆུང་བཅད་དེ་དཀྱིལ་འཁོར་བར་བློ་མཐུན་པར་བགྱིས་པ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མཚམས་ཆེན་པོ་གཞིག་ཅིང་མཚམས་བུ་ཆུང་ཡང་གཞིག་སྟེ། དཀྱིལ་འཁོར་བ་དགྲོལ་བར་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་བ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས། མཚམས་ཆེན་པོ་བཅད་ཅིང་མཚམས་བུ་ཆུང་ཡང་བཅད་དེ། དཀྱིལ་འཁོར་བར་བློ་མཐུན་པར་བགྱིས་པ་དེའི་སླད་དུ། དགེ་འདུན་གྱིས་མཚམས་ཆེན་པོ་གཞིག་ཅིང་མཚམས་བུ་ཆུང་ཡང་གཞིག་སྟེ། དཀྱིལ་འཁོར་
Ka202b
བ་དགྲོལ་བར་མཛད་ན། ཚེ་དང་ལྡན་པ་གང་དག་མཚམས་ཆེན་པོ་གཞིག་ཅིང་མཚམས་བུ་ཆུང་ཡང་གཞིག་སྟེ། དཀྱིལ་འཁོར་བ་དགྲོལ་བར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག། འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མཚམས་ཆེན་པོ་བཤིག་ཅིང ། མཚམས་བུ་ཆུང་ཡང་བཤིག་ནས། དཀྱིལ་འཁོར་བ་བཀྲོལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། ། དེའི་འོག་ཏུ་དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་ཕ་ཕོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །མཚམས་
Ka203a
༄#། །བུ་ཆུང་གི་ཕྱོགས་བཞིའི་མཚན་མ་བརྟན་པོ། ཤར་ཕྱོགས་སུ་ནི་སེང་ལྡེང་གི་ཕུར་པ་བཏབ་པའམ། སྲང་བུ་བྲེས་པའམ། རྡོ་བཞག་པའམ། སྲོལ་གཏོད་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་སེང་ལྡེང་གི་ཕུར་པ་བཏབ་པའམ། སྲད་བུ་བྲེས་པའམ། རྡོ་བཞག་པའམ། སྲོལ་གཏོད་པ་ལ་སོགས་པའི་མཚན་མ་བརྟན་པོ་གཟུགས་པར་བྱའོ། །དེའི་འོག་ཏུ་གནས་མལ་བཤམས་པ་བྱས་ནས། གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་ཕ་བོང་གི་མཚན་མའམ། རྩིག་པའི་མཚན་མའམ། ཀ་བའི་མཚན་མའམ། ཤིང་ལྗོན་པའི་མཚན་མའམ། ར་བའི་མཚན་མའམ། བྱ་སྐྱིབས་
Ka203b
ཀྱི་མཚན་མའམ། ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །མཚམས་བུ་ཆུང་གི་ཕྱོགས་བཞིའི་མཚན་མ་བརྟན་པོ། ཤར་ཕྱོགས་སུ་ནི་སེང་ལྡེང་གི་ཕུར་པ་བཏབ་པའམ། སྲད་བུ་བྲེས་པའམ། རྡོ་བཞག་པའམ། སྲོལ་གཏོད་པ་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་སུ་ཡང་སེང་ལྡེང་གི་ཕུར་པ་བཏབ་པའམ། སྲད་བུ་བྲེས་པའམ། རྡོ་བཞག་པའམ། སྲོལ་གཏོད་པ་ལ་སོགས་པའི་མཚན་མ་བརྟན་པོ་བརྗོད་པར་བྱའོ། །དེའི་འོག་ཏུ་མཚམས་གཉི་གར་དགེ་འདུན་བཀོད་དེ། དགེ་སློང་ལས་བྱེད་པས་མཚམས་གཉི་གར་ཤིང་ངམ། དབྱུག་པའམ། སེག་གམ། རེ་ལྔེས་\་Lཌཱེཥ?\་མནན་ནས། གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདི་ན་དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མ་བརྟན་པོ་ལགས། ལྷོ་ཕྱོགས་སུ་ནི་ཀ་བའི་མཚན་མའམ། ཤིང་ལྗོན་པའི་མཚན་མ་བརྟན་པོ་ལགས། ནུབ་ཕྱོགས་སུ་ནི་ར་བའི་མཚན་མའམ། བྱ་སྐྱིབས་ཀྱི་མཚན་མ་བརྟན་པོ་ལགས། བྱང་ཕྱོགས་སུ་ནི་ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་ལགས། མཚམས་བུ་ཆུང་གི་
Ka204a
༄#། །ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་སེང་ལྡེང་གི་ཕུར་བ་བཏབ་པ་ལགས། ལྷོ་ཕྱོགས་སུ་ནི་སྲད་བུ་བྲེས་པ་ལགས། ནུབ་ཕྱོགས་སུ་ནི་རྡོ་བཞག་པ་ལགས། བྱང་ཕྱོགས་སུ་ནི་སྲོལ་གཏོད་པ་བརྟན་པོ་ལགས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་བཅད་ཅིང་མཚམས་བུ་ཆུང་ཡང་བཅད་དེ། དཀྱིལ་འཁོར་བར་བློ་མཐུན་བར་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདི་ན་དགེ་སློང་གནས་པ་དང ། གཉུག་མར་གནས་པ་རྣམས་ཀྱིས་མཚམས་ཆེན་པོའི་ཕྱོགས་བཞིའི་མཚན་མ་བརྟན་པོ་བརྗོད་པ། ཤར་ཕྱོགས་སུ་ནི་ཕ་བོང་གི་མཚན་མའམ། རྩིག་པའི་མཚན་མ་བརྟན་པོ་ལགས། ལྷོ་ཕྱོགས་སུ་ནི་ཀ་བའི་མཚན་མའམ། ཤིང་ལྗོན་པའི་མཚན་མ་བརྟན་པོ་ལགས། ནུབ་ཕྱོགས་སུ་ནི་ར་བའི་མཚན་མའམ། བྱ་སྐྱིབས་ཀྱི་མཚན་མ་
Ka204b
བརྟན་པོ་ལགས། བྱང་ཕྱོགས་སུ་ནི་ལམ་པོ་ཆེའི་མཚན་མའམ། ཁྲོན་པ་ལ་སོགས་པའི་མཚན་མ་བརྟན་པོ་ལགས། མཚམས་བུ་ཆུང་གི་ཕྱོགས་བཞིའི་མཚན་མ་བརྟན་པོ་བརྗོད་པ།་ཤར་ཕྱོགས་སུ་ནི་སེང་ལྡེང་གི་ཕུར་པ་བཏབ་པ་ལགས། ལྷོ་ཕྱོགས་སུ་ནི་སྲད་བུ་བྲེས་བ་ལགས། ནུབ་ཕྱོགས་སུ་ནི་རྡོ་བཞག་པ་ལགས། བྱང་ཕྱོགས་སུ་ནི་སྲོལ་གཏོད་པ་བརྟན་པོ་ལགས་ཏེ། དེའི་སླད་དུ་དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་བཅད་ཅིང་མཚམས་བུ་ཆུང་ཡང་བཅད་དེ། དཀྱིལ་འཁོར་བར་བློ་མཐུན་པར་མཛད་ན། ཚེ་དང་ལྡན་པ་གང་དག་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་བཅད་ཅིང ། མཚམས་བུ་ཆུང་ཡང་བཅད་དེ་དཀྱིལ་འཁོར་བར་བློ་མཐུན་པར་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་
Ka205a
༄#། །གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མཚན་མ་འདི་རྣམས་ཀྱི་ནང་དུ་གསོ་སྦྱོང་གཅིག་པའི་གནས་ཀྱི་སྡོམ་པས་འདི་ལྟ་སྟེ།་གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། གྲོང་དང་གྲོང་གི་ཉེ་འཁོར་མ་གཏོགས་པར་དགོན་པ་ལ་ཐུག་པ་དང ། གནས་མལ་ལ་ཐུག་པའི་བར་དུ་མཚམས་ཆེན་པོ་བཅད་ཅིང་མཚམས་བུ་ཆུང་ཡང་བཅད་དེ། དཀྱིལ་འཁོར་བར་བློ་མཐུན་པར་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་གང་དུ་མཚམས་ཆེན་པོ་དང ། མཚམས་བུ་ཆུང་ཡང་བཅད་དེ་དཀྱིལ་འཁོར་བར་བློ་མཐུན་པར་བྱས་པ་དེར། དགེ་སློང་རྣམས་ཀྱིས་འདུག་སྟེ། གསོ་སྦྱོང་བྱ་ཞིང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱའོ། །མི་མཐུན་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟར་གལ་ཏེ་འདོད་ན་བསྐྱེད་པར་ཡང་བྱའོ། །གལ་ཏེ་མི་འདོད་ན་བསྐྱུང་བར་བྱའོ། །དེའི་འོག་ཏུ་མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་མི་འབྲལ་བའི་གནང་བ་སྦྱིན་པར་བྱའོ། །འདི་ལྟར་སྦྱིན་པར་བྱ་སྟེ། མཚམས་བུ་ཆུང་གི་ནང་ནས་ཕྱིར་བྱུང་སྟེ། མཚམས་ཆེན་པོར་གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་
Ka205b
སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་ལ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས། མཚམས་ཆེན་པོ་བཅད་པ་ལས་གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་བགྱི་བའི་སླད་དུ། མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩོལ་ཏོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། འདི་ལྟ་སྟེ། གནས་འདིར་དགེ་འདུན་མཐུན་པས་གསོ་སྦྱོང་གཅིག་པའི་གནས་ཀྱི་སྡོམ་པས་མཚམས་ཆེན་པོ་བཅད་དེ། དེའི་སླད་དུ་དགེ་འདུན་གྱིས་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩོལ་ན། ཚེ་དང་ལྡན་པ་གང་དག་འདི་ལྟ་སྟེ། གནས་བསྡུ་བ་དང ། དགེ་སློང་རྣམས་བདེ་བ་ལ་རེག་པར་གནས་པར་བགྱི་བའི་སླད་དུ། མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་
Ka206a
༄#། །གོས་དག་དང་འབྲལ་བར་མི་འགྱུར་བའི་གནང་བ་སྩལ་བར་བཟོད་བ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས་མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་གང་དུ་མཚམས་ཆེན་པོའི་ནང་དུ་དགེ་སློང་ཐམས་ཅད་ཀྱི་ཆོས་གོས་དག་དང་འབྲལ་བར་མི་འགྱུར་བའི་གནང་བ་བྱིན་པ་དེར་དགེ་སློང་རྣམས་སྟོད་གཡོགས་དང་སྨད་གཡོགས་དང་བཅས་པས་འདོང་བར་བྱ་སྟེ། འདི་ལ་འགྱོད་པར་མི་བྱའོ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། མཚམས་མ་བཀུམ་པའི་གནས་ཀྱི་མཚམས་གང་ལགས། ཉེ་བར་འཁོར། རྩིག་པས་བསྐོར་བ་ཡིན་ན། རྩིག་པ་མཚམས་ཡིན་ལ། རྩིག་བས་མ་བསྐོར་ན་ཝ་ཁ་ནས་ཆུ་འཛག་པ་གང་དུ་བབ་པ་ཚུན་ཆད་དེ། དགེ་སློང་དེ་ན་འཁོད་པ་རྣམས་ཀྱིས་དེར་འདུག་སྟེ། གསོ་སྦྱོང་བྱ་ཞིང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱའོ། །མི་མཐུན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། གྲོང་གི་མཚམས་ཀྱི་གནས་
Ka206b
གང་ལགས། ཉེ་བར་འཁོར། ཉེ་འཁོར་གྱི་མཐའ་ཚུན་ཆད་དེ། དགེ་སློང་དེ་ན་འཁོད་པ་རྣམས་ཀྱིས་དེར་འདུག་སྟེ། གསོ་སྦྱོང་བྱ་ཞིང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱའོ། །མི་མཐུན་པར་བྱེད་ན་འགལ་ཚབས་ཅན་དུ་འགྱུར། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གྲོང་མ་མཆིས་པའི་དགོན་པའི་གནས་ཀྱི་མཚམས་གང་ལགས། ཉེ་བར་འཁོར། རྒྱང་གྲགས་ཀྱི་མཐའ་ཚུན་ཆད་དེ། དགེ་སློང་རྒྱང་གྲགས་ཀྱི་ནང་ན་འཁོད་པ་ཐམས་ཅད་ཀྱིས་གཅིག་ཏུ་འདུག་སྟེ། གསོ་སྦྱོང་བྱ་ཞིང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱའོ། །མི་མཐུན་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གསོ་སྦྱོང་གི་ལས་དུ་མཆིས། ཉེ་བར་འཁོར། བཞི་སྟེ། ཆོས་མ་ཡིན་པས་མི་མཐུན་པར་བྱེད་པ་དང ། ཆོས་མ་ཡིན་པས་མཐུན་པར་བྱེད་པ་དང ། ཆོས་ཀྱིས་མི་མཐུན་པར་བྱེད་པ་དང ། ཆོས་ཀྱིས་མཐུན་པར་བྱེད་པའོ། །དེ་ལ་གསོ་སྦྱོང་གི་ལས་ཆོས་དང་ལྡན་པ་ནི་གཅིག་སྟེ། འདི་ལྟ་སྟེ། ཆོས་ཀྱིས་མཐུན་པར་བྱེད་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་སོ་སོར་ཐར་པའི་མདོ་འདོན་པ་དུ་མཆིས། ཉེ་བར་འཁོར་ལྔ་སྟེ། གསོལ་བ་བྱས་ཏེ་གླེང་
Ka207a
༄#། །གཞི་བཏོན་ནས། ལྷག་མ་ཐོས་པས་སྒྲོགས་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །གསོལ་བ་བྱས་ཏེ་གླེང་གཞི་ཡང་བཏོན། ཕམ་པར་འགྱུར་བའི་ཆོས་བཞི་ཡང་བཏོན་ནས། ལྷག་མ་ཐོས་པས་སྒྲོགས་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །གསོལ་བ་བྱས་ཏེ་གླེང་བཞི་ཡང་བཏོན། ཕམ་པར་འགྱུར་བའི་ཆོས་བཞི་ཡང་བཏོན། དགེ་འདུན་ལྷག་མའི་ཆོས་བཅུ་གསུམ་ཡང་བཏོན་ནས། ལྷག་མཐོས་བས་སྒྲོགས་པར་བྱེད་ན། དགེ་འདུན་གྱིས་སོ་སོར་ཐར་བའི་མདོ་བཏོན་ཅིང་གསོ་སྦྱོང་བྱས་པ་ཡིན་ནོ། །གསོལ་བ་བྱས་ཏེ་གླེང་གཞི་ཡང་བཏོན། ཕམ་པར་འགྱུར་བའི་ཆོས་བཞི་ཡང་བཏོན། དགེ་འདུན་ལྷག་མའི་ཆོས་བཅུ་གསུམ་ཡང་བཏོན། མ་ངེས་པའི་ཆོས་གཉིས་ཀྱང་བཏོན་ནས། ལྷག་མ་ཐོས་པས་སྒྲོགས་པར་བྱེད་ན། དགེ་འདུན་གྱིས་སོ་སོར་ཐར་པའི་མདོ་བཏོན་ཅིང་གསོ་སྦྱོང་བྱས་པ་ཡིན་ནོ། །སོ་སོར་ཐར་པའི་མདོ་གདོན་པ་རྒྱས་པ་བཏོན་པ་ནི་ལྔ་པ་ཡིན་ནོ། །སྡོམ་ལ། གནས་དང་དབྱར་སྔ་ཕྱི་མ་དང ། །གློ་བུར་བ་དང་རྒྱུ་བ་དང ། །མཚན་ཡོལ་གསོ་སྦྱོང་གྱིས་ཤིག་དང ། ། སེམས་བསྐྱེད་པ་ཡིས་གསོ་སྦྱོང་བྱ། །འདི་ལྟ་སྟེ། གནས་ཤིག་ན། དགེ་སློང་རབ་ཏུ་མང་པོ་དག་འཁོད་པ་དེ་དག། འདི་ལྟར་དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ ། །དགེ་
Ka207b
སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་སྙམ་པ་ལས། དེ་དག་གི་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་སུ་ལ་ཡང་སོ་སོར་ཐར་པ་མི་སྣང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་གནས་བསྟབས་པ་དང ། གནས་མལ་བསྟབས་པ་དང ། ལས་བསྟབས་པ་དང ། རྙེད་པ་བསྟབས་པ་དང ། བསྙེན་བཀུར་བ་བསྟབས་པས་དགེ་སློང་གང་ལ་སོ་སོར་ཐར་པ་སྣང་བ་ཉེ་བར་བྱའོ། །གལ་ཏེ་དགེ་སློང་གང་ལ་སོ་སོར་ཐར་པ་སྣང་བ་ཞིག་རྙེད་ན། དེ་ལྟ་ན་ལེགས། འོན་ཏེ་མ་རྙེད་ན་དགེ་སློང་དེ་དག་གིས་གནས་དེ་ཉིད་དུ་གསོ་སྦྱོང་གཞན་ལ་བསྡད་པར་མི་བྱའོ། །སྡོད་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གནས་ཤིག་ན། དགེ་སློང་རབ་ཏུ་མང་པོ་དག་དབྱར་སྔ་མ་གནས་པར་ཁས་བླང་བར་འདོད་ཅིང་དེ་དག་འདི་ལྟར་དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ ། །དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་སྙམ་པ་ལས། དེ་དག་གིས་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་སུ་ལ་ཡང་སོ་སོར་ཐར་པ་མི་སྣང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་གནས་བསྟབས་པ་དང ། གནས་མལ་བསྟབས་པ་དང ། ལས་བསྟབས་པ་དང ། རྙེད་པ་བསྟབས་པ་དང ། བསྙེན་བཀུར་བ་བསྟབས་པས་དགེ་སློང་གང་ལ་སོ་སོར་ཐར་པ་སྣང་བ་གཉེར་བར་བྱའོ། །གལ་ཏེ་དགེ་སློང་གང་ལ་སོ་སོར་ཐར་པ་སྣང་བ་ཞིག་རྙེད་ན། དེ་ལྟ་ན་ལེགས། འོན་ཏེ་མ་རྙེད་ན་
Ka208a
༄#། །དགེ་སློང་དེ་དག་གིས་གནས་དེ་ཉིད་དུ་དབྱར་སྔ་མར་གནས་པར་ཁས་བླངས་པར་མི་བྱའོ། །ཁས་ལེན་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གནས་ཤིག་ན་དགེ་སློང་རབ་ཏུ་མང་པོ་དག་དབྱར་སྔ་མར་གནས་པར་ཁས་བླངས་ཤིང ། དེ་དག་འདི་ལྟར་དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ ། །དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་སྙམ་པ་ལས། དེ་དག་གི་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་སུ་ལ་ཡང་སོ་སོར་ཐར་པ་མི་སྣང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་གནས་བསྟབས་པ་དང ། གནས་མལ་བསྟབས་པ་དང ། ལས་བསྟབས་པ་དང ། རྙེད་པ་བསྟབས་པ་དང ། བསྙེན་བཀུར་བ་བསྟབས་པས་དགེ་སློང་གང་ལ་སོ་སོར་ཐར་པ་སྣང་བ་གཉེར་བར་བྱའོ། །གལ་ཏེ་དགེ་སློང་གང་ལ་སོ་སོར་ཐར་པ་སྣང་བ་ཞིག་རྙེད་ན། དེ་ལྟ་ན་ལེགས། འོན་ཏེ་མ་རྙེད་ན་དགེ་སློང་དེ་དག་གིས་གནས་དེ་ཉིད་དུ་དབྱར་སྔ་མར་གནས་པར་མི་བྱའོ། །གནས་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གནས་ཤིག་ན་དགེ་སློང་རབ་ཏུ་མང་པོ་དག་དབྱར་ཕྱི་མར་གནས་པར་ཁས་བླངས་པར་འདོད་ཅིང ། དེ་དག་འདི་ལྟར་དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ ། །དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་སྙམ་པ་ལས། དེ་དག་གིས་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་སུ་ལ་
Ka208b
ཡང་སོ་སོར་ཐར་པ་མི་སྣང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་གནས་བསྟབས་པ་དང ། གནས་མལ་བསྟབས་པ་དང ། ལས་བསྟབས་པ་དང ། རྙེད་པ་བསྟབས་པ་དང ། བསྙེན་བཀུར་བ་བསྟབས་པས་དགེ་སློང་གང་ལ་སོ་སོར་ཐར་པ་སྣང་བ་གཉེར་བར་བྱའོ། །གལ་ཏེ་དགེ་སློང་གང་ལ་སོ་སོར་ཐར་པ་སྣང་བ་ཞིག་རྙེད་ན། དེ་ལྟ་ན་ལེགས། འོན་ཏེ་མ་རྙེད་ན་དགེ་སློང་དེ་དག་གིས་གནས་དེ་ཉིད་དུ་དབྱར་ཕྱི་མར་གནས་པར་ཁས་བླངས་པར་མི་བྱའོ། །ཁས་ལེན་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གནས་ཤིག་ན་དགེ་སློང་རབ་ཏུ་མང་པོ་དག་དབྱར་ཕྱི་མར་གནས་པར་ཁས་བླངས་ཤིང ། དེ་དག་འདི་ལྟར་དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ ། །དགེ་སློང་ཆེ་གེ་མོ་ཞིག་ལ་སོ་སོར་ཐར་པ་སྣང་ངོ་སྙམ་པ་ལས། དེ་དག་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་སུ་ལ་ཡང་སོ་སོར་ཐར་པ་མི་སྣང་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་གནས་དེ་ཉིད་དུ་ཟླ་བ་གཉིས་སོ་སོར་བཏགས་ཏེ་གནས་པར་བྱའོ། །ཟླ་བ་གཉིས་འདས་ནས་དགེ་སློང་དེ་དག་གིས་གནས་བསྟབས་པ་དང ། གནས་མལ་བསྟབས་པ་དང ། ལས་བསྟབས་པ་དང ། རྙེད་པ་བསྟབས་པ་དང ། བསྙེན་བཀུར་བ་བསྟབས་པས་དགེ་སློང་གང་ལ་སོ་སོར་ཐར་པ་སྣང་བ་གཉེར་བར་བྱའོ། །གལ་ཏེ་དགེ་སློང་གང་ལ་སོ་སོར་ཐར་པ་སྣང་བ་ཞིག་རྙེད་ན། དེ་ལྟ་ན་ལེགས། འོན་ཏེ་མ་རྙེད་ན་དགེ་སློང་དེ་
Ka209a
༄#། །དག་གིས་གནས་དེ་ཉིད་དུ་གསོ་སྦྱོང་གཞན་ལ་བསྡད་པར་མི་བྱའོ། །སྡོད་པར་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། འདི་ལྟ་སྟེ། དགེ་སློང་གཉུག་མར་གནས་པ་དག་གིས་དགེ་སློང་གློ་བུར་བ་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་མཆིའོ་ཞེས་ཐོས་ན། དེ་དག་གིས་དེ་དག་ལ་ཇི་ལྟར་བསྒྲུབ་བར་བགྱི། ཉེ་བར་འཁོར། དགེ་སློང་དེ་དག་གིས་དགེ་སློང་གློ་བུར་བ་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་གི་དོན་དུ་དཔག་ཚད་ཕྱེད་དང་གསུམ་དུ་གདུགས་དང ། རྒྱལ་མཚན་དང ། བ་དན་ལ་སོགས་པ་དག་གིས་བསུ་བར་བྱའོ། །གལ་ཏེ་འགྲུབ་ན་དེ་ལྟ་ན་ལེགས། འོན་ཏེ་མི་འགྲུབ་ན་རྒྱང་གྲགས་ལྔར་གདུགས་དང ། རྒྱལ་མཚན་དང ། བ་དན་ལ་སོགས་པ་དག་གིས་བསུ་བར་བྱའོ། །གལ་ཏེ་འགྲུབ་ན་དེ་ལྟ་ན་ལེགས། འོན་ཏེ་མི་འགྲུབ་ན་དཔག་ཚད་ཕྱེད་དང ། རྒྱང་གྲགས་གསུམ་མམ། རྒྱང་གྲགས་སམ། རྒྱང་གྲགས་ཕྱེད་དམ། ཐ་ན་ཁྱམས་སུ་ཡང་གདུགས་དང ། རྒྱལ་མཚན་དང ། བ་དན་ལ་སོགས་པ་དག་གིས་བསུ་བར་བྱའོ། །ངག་གིས་བཤེས་པའི་ཚིག་གིས་བསུས་ནས། ལྷུང་བཟེད་དང ། ཆོས་གོས་དག་བླང་བར་བྱའོ། །ཁྲུས་བྱ་ཞིང་དགེ་འདུན་ལ་ཡང་སྣུམ་བག་གི་རྙེད་པ་འབུལ་བར་བྱའོ། །དེ་དག་ལ་གནས་བསྟབས་པ་
Ka209b
དང ། གནས་མལ་བསྟབས་པ་དང ། ལས་བསྟབས་པ་དང ། རྙེད་པ་བསྟབས་པ་དང ། བསྙེན་བཀུར་བ་བསྟབས་པ་དང ། ཆོས་མཉན་པ་སྦྱིན་པར་བྱའོ། །གལ་ཏེ་ལ་ལ་ཞིག་དེ་ན་འདི་སྐད་ཅེས་ཚེ་དང་ལྡན་པ་དག་རབ་ཏུ་བྱུང་བ་དག་ཏུ་འདྲེན། ཅིའི་ཕྱིར་དགེ་སློང་དེ་དག་ལ་ནི་མཆོད་པར་འོས་པར་བྱེད་ལ། ཁོ་བོ་ཅག་ལ་ནི་འོས་པར་མི་བྱེད་ཅེས་ཟེར་ན། དེ་ལ་འདི་སྐད་ཅེས་ཚེ་དང་ལྡན་པ་སྟོན་པ་འདས་པའི་གསུང་རབ་ལ་འདི་ནི་སྟོན་པའོ། །འདི་ནི་རྟེན་ཏེ། འདི་ལྟ་སྟེ། མདོ་སྡེ་དང ། འདུལ་བ་དང ། མ་མོའོ། །དེ་ཡང་ཚེ་དང་ལྡན་པ་དེ་དག་གིས་རྒྱ་ཆེར་བཀླགས་ཤིང་ཐོན་པས། དེའི་ཕྱིར་འདི་དག་ནི་མཆོད་པར་འོས་པ་ཡིན་གྱིས། ཁྱོད་ནི་མ་ཡིན་ནོ། །ཞེས་བརྗོད་པར་བྱའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་ལྷན་ཅིག་གནས་པ་དང ། ཉེ་གནས་དག་ལྗོངས་རྒྱུར་འདོང་པར་འདོད་ན། དེ་དག་ལ་མཁན་པོ་དང་སློབ་དཔོན་དག་གིས་རྣམ་པ་གང་གིས་ཀྱང་གནང་བར་མི་བྱའོ། །གལ་ཏེ་རྐྱེན་དེ་ལྟ་བུ་ཞིག་བྱུང་ན། ཚེ་དང་ལྡན་པ་དག་གནས་ག་གེ་མོ་ཞིག་ན། དགེ་སློང་གི་དགེ་འདུན་གྱི་གནས་བརྟན་དང་བཅས། སོ་སོར་ཐར་པ་དང་བཅས་ཤིང ། དགེ་སློང་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། དེས་པ་དགེ་བའི་ཆོས་ཅན་དག་འཁོད་ཀྱིས་དེ་དག་གིས་འགྱོད་པ་མ་སྐྱེས་པ་ནི་སྐྱེད་པར་མི་འགྱུར་ལ། སྐྱེས་པ་ནི་སེལ་བར་འགྱུར་གྱིས། དེར་དེངས་ཤིག་ཅེས་བརྗོད་པར་བྱའོ། །གལ་ཏེ་བསྟན་པ་དེ་ལས་གཞན་དུ་འཇུག་ན་འགལ་ཚབས་ཅན་
Ka210a
༄#། །དུ་འགྱུར་རོ། །དེ་ནས་བཅོམ་ལྡན་འདས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མཚན་མོ་ཡོལ་གྱིས་གསོ་སྦྱོང་གྱིས་ཤིག་།དེ་ནས་དགེ་སློང་ཞིག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ།་གནས་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་ཞིག་མཆིས་ན། དེ་ལ་བདག་ཅག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། དེའི་ཡོངས་སུ་དག་པ་བླང་བར་བྱའོ། །བཅོམ་ལྡན་འདས་ཀྱིས་དེའི་ཡོངས་སུ་དག་པ་བླང་བར་བྱའོ་ཞེས་བཀའ་སྩལ་ན། དགེ་སློང་དག་གིས་ཇི་ལྟར་བླང་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གཅིག་གིས་གཅིག་གི་དང ། གཅིག་གིས་གཉིས་ཀྱི་དང ། རབ་ཏུ་མང་པོ་རྣམས་ཀྱི་ཡང་རུང་སྟེ། དགེ་འདུན་གྱི་ནང་དུ་ཇི་སྙེད་ཀྱི་མིང་དག་བརྗོད་པར་ནུས་པའི་པར་དུའོ། ། དགེ་སློང་དག་ངས་དགེ་སློང་ཡོངས་སུ་དག་པ་འབུལ་བར་བྱེད་པའི་ཀུན་ཏུ་སྤྱད་པའི་ཆོས་རྣམས་བཅའ་བར་བྱ་སྟེ། དགེ་སློང་ཡོངས་སུ་དག་པ་འབུལ་བར་བྱེད་པས། བླ་གོས་ཕྲག་པ་གཅིག་ཏུ་
Ka210b
གཟར་ཏེ། མཆིལ་ལྷམ་གཉིས་ཕུད་ནས། རྒན་རིམ་བཞིན་དུ་ཕྱག་འཚལ་ཏེ། ཙོག་ཙོག་པོར་འདུག་ནས་ཐལ་མོ་སྦྱར་ཏེ། འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། བདག་དགེ་སློང་བྲོ་འཚལ་བ། སྡུག་བསྔལ་པ། བྲོ་ཚབས་ཆེ་བ་མིང་འདི་ཞེས་བགྱི་བའི་གསོ་སྦྱོང་ཡང་བཅོ་ལྔ་པ་ལགས་ཏེ། བདག་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བགྱི་བའི་བར་ཆད་ཀྱི་ཆོས་རྣམས་ཡོངས་སུ་དག་གོ་།ཞེས་བདག་མཆིའོ། །བདག་གི་གསོ་སྦྱོང་ཡང་ཡོངས་སུ་དག་སྟེ། ཡོངས་སུ་དག་པ་ཡང་བརྗོད་དོ། །བརྗོད་པ་ཡང་རིགས་པར་བགྱིད་དོ། །དེ་བཞིན་དུ་ལན་གཉིས་ལན་གསུམ་དུ་བཟླས། དགེ་སློང་ཡོངས་སུ་དག་པ་འབུལ་བས། གལ་ཏེ་ལུས་ཀྱི་རྣམ་པར་རིག་བྱེད་ཀྱིས་ཡོངས་སུ་དག་པ་འབུལ་བར་བྱེད་ན། ཡོངས་སུ་དག་པ་ཕུལ་བར་བརྗོད་པར་བྱའོ། །ངག་གི་རྣམ་པར་རིག་བྱེད་ཀྱིས་འབུལ་བར་བྱེད་ན། ཡོངས་སུ་དག་པ་ཕུལ་བར་བརྗོད་པར་བྱའོ། །ལུས་ཀྱི་རྣམ་པར་རིག་བྱེད་དང ། ངག་གི་རྣམ་པར་རིག་བྱེད་ཀྱིས་འབུལ་བར་བྱེད་ན། ཡོངས་སུ་དག་པ་ཕུལ་བར་བརྗོད་པར་བྱའོ། །ལུས་ཀྱི་རྣམ་པར་རིག་བྱེད་ཀྱིས་འབུལ་བར་མི་བྱེད། ངག་གི་རྣམ་པར་རིག་བྱེད་ཀྱིས་ཀྱང་འབུལ་བར་མི་བྱེད་ན།་དགེ་འདུན་ཐམས་ཅད་དེར་དོང་བར་བྱའོ། །ཡང་ན་དགེ་སློང་དེ་དགེ་འདུན་གྱི་ནང་དུ་བླང་བར་བྱའོ། །དགེ་འདུན་ཐམས་ཅད་དེར་འདོང་བར་མི་བྱེད་དམ། དགེ་སློང་དེ་དགེ་འདུན་གྱི་ནང་དུ་ལེན་པར་
Ka211a
༄#། །མི་བྱེད་པར་མི་མཐུན་པར་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་ཡོངས་སུ་དག་པ་འབུལ་བར་བྱེད་པས། ཀུན་ཏུ་སྤྱད་བའི་ཆོས་ཇི་ལྟར་བཅས་པ་རྣམས་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དག། ངས་དགེ་སློང་ཡོངས་སུ་དག་པ་ལེན་བའི་ཀུན་ཏུ་སྤྱད་པའི་ཆོས་རྣམས་བཅའ་བར་བྱ་སྟེ། དགེ་སློང་ཡོངས་སུ་དག་པ་ལེན་པས་ཡོངས་སུ་དག་པ་བླངས་ནས། རྒྱུག་པར་མི་བྱའོ། །མགྱོགས་པར་མི་བྱའོ། །མཆོང་བར་མི་བྱའོ། །ཕྱི་རོལ་ལ་མཆོང་བར་མི་བྱའོ། །འོབས་ལ་མཆོང་བར་མི་བྱའོ། །བང་རིམ་ལ་མཆོང་བར་མི་བྱའོ། །སྟེང་གི་ནམ་མཁའ་ལ་འདུག་བར་མི་བྱའོ། །མཚམས་ཀྱི་ཕྱི་རོལ་ཏུ་འགྲོ་བར་མི་བྱའོ། །གོམ་པ་གཅིག་གིས་སྐས་ཀྱི་རིམ་པ་གཉིས་ལ་ཐོད་རྒལ་དུ་འཛེག་པར་མི་བྱའོ། །གོམ་པ་གཅིག་གིས་ཐེམ་སྐས་ཀྱི་ཐེམ་པ་གཉིས་ལ་ཐོད་རྒལ་དུ་འཛེག་པར་མི་བྱའོ། །ཆུ་ལྐོག་མ་ནུབ་ཙམ་ལ་འབོག་པར་མི་བྱའོ། །གཉིད་ལོག་པར་མི་བྱའོ། །སྙོམས་པར་འཇུག་པར་མི་བྱའོ། །གཉིད་ལོག་པར་བྱེད་པ་དང ། སྙོམས་པར་འཇུག་པར་བྱེད་པ་ནི། རྒྱུ་གཉིས་ཀྱིས་སྨད་པར་བྱ་བ་ཡིན་ཏེ། ངོ་ཚ་མེད་པ་ཉིད་གང་ཡིན་པ་དང ། མ་ཀླས་པ་ཉིད་གང་ཡིན་པས་སོ། །གང་གི་ཚེ་དགེ་འདུན་གྱི་གནས་བརྟན་གྱིས་ཚེ་དང་ལྡན་པ་དག་མ་ལྷགས་པ་རྣམས་ཀྱི་ཡོངས་སུ་དག་པ་བརྗོད་ཅིང ། བརྗོད་པ་ཡང་རིག་པར་གྱིས་ཤིག་ཅེས་སྨྲས་པའི་ཚེ། དེས་དགེ་སློང་དྲུང་ན་འདུག་པའི་མདུན་དུ་འདུག་སྟེ། འདི་
Ka211b
སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བགྱི་བའི་གསོ་སྦྱོང་ཡང་བཅོ་ལྔ་པ་ལགས་ཏེ། གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བགྱི་བ་དེ་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་ཁོ་ན་ཉིད་མཆིའོ། །དེའི་གསོ་སྦྱོང་ཡང་ཡོངས་སུ་དག་གོ་།ཡོངས་སུ་དག་པ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ། །དེ་བཞིན་དུ་ལན་གཉིས་ལན་གསུམ་དུ་བཟླས། ཡང་ན་དེས་དགེ་འདུན་གྱིས་དབུས་སུ་རྒན་པའི་མཐར་འགྲེང་སྟེ། འདུད་པ་དང་བཅས་པས་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་དགོངས་སུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ།་གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བྱ་བའི་གསོ་སྦྱོང་ཡང་བཅོ་ལྔ་པ་ལགས་ཏེ། གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བགྱི་བ་དེ་བར་ཆད་ཀྱི་ཆོས་རྣམས་ཡོངས་སུ་དག་གོ་།ཞེས་ཁོན་ཉིད་མཆིའོ། །དེའི་གསོ་སྦྱོང་ཡང་ཡོངས་སུ་དག་གོ་།ཡོངས་སུ་དག་པ་ཡང་བརྗོད་དོ། །བརྗོད་པ་ཡང་རིག་པར་བགྱིའོ། །དགེ་སློང་ཡོངས་སུ་དག་པ་ལེན་པས་ཀུན་ཏུ་སྤྱད་པའི་ཆོས་ཇི་ལྟར་བཅས་པ་རྣམས་ཡང་དག་དང་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་
Ka212a
༄#། །ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་རེ་ཞིག་དགེ་སློང་ཡོངས་སུ་ངག་\་ཌཱG?\་པ་ལེན་པས་ཡོངས་སུ་དག་པ་བླངས་ཏེ། དེ་ཉིད་དུ་རྒྱུན་ཆད་ཅིང་དུས་བགྱིད་ན། ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། མ་བླངས་པ་ཡིན་ཏེ། ཡང་བླང་བར་བྱའོ། །ཁྱིམ་པ་ཉིད་དུ་གཡར་གྱིས་འཆེ་བར་བགྱིད་དམ། དགེ་ཚུལ་ཉིད་དམ། ཟ་མ་ཉིད་དམ། མ་ནིང་ཉིད་དམ། དགེ་སློང་མ་སུན་ཕྱུང་བ་ཉིད་དམ། མ་བསད་བ་ཉིད་དམ། ཕ་བསད་པ་ཉིད་དམ། དགྲ་བཅོམ་པ་བསད་བ་ཉིད་དམ། དགེ་འདུན་གྱི་དབྱེན་བགྱིས་པ་ཉིད་དམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ཉིད་དམ། མུ་སྟེགས་ཅན་ཉིད་དམ། མུ་སྟེགས་ཅན་ཞུགས་པ་ཉིད་དམ། རྐུ་ཐབས་སུ་གནས་པ་ཉིད་དམ། ཐ་དད་པར་གནས་པ་ཉིད་དང ། གནས་བར་མི་བགྱི་བ་ཉིད་དུ་གཡར་གྱིས་འཆེ་བར་བགྱིད་ན། ཡོངས་སུ་དག་བ་བླངས་པར་བརྗོད་པར་བགྱིའམ། མ་བླངས་བར་བརྗོད་བར་བགྱི། ཉེ་བར་འཁོར། མ་བླངས་པ་ཡིན་ཏེ། ཡང་བླང་བར་བྱའོ། །བཙུན་བ་རེ་ཞིག་དགེ་སློང་ཡོངས་སུ་དག་པ་ལེན་པས། ཡོངས་སུ་དག་པ་བླངས་ཏེ། ཤུལ་དུ་རྒྱུན་ཆད་ཅིང་དུས་བགྱིད་ན། ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། མ་བླངས་པ་ཡིན་ཏེ། ཡང་བླང་བར་བྱའོ། །ཁྱིམ་པ་ཉིད་དུ་གཡར་གྱིས་འཆེ་བར་བགྱིད་དམ། དགེ་ཚུལ་ཉིད་དམ། ཟ་མ་ཉིད་དམ། མ་
Ka212b
ནིང་ཉིད་དམ། དགེ་སློང་མ་སུན་ཕྱུང་བ་ཉིད་དམ། མ་བསད་པ་ཉིད་དམ། ཕ་བསད་པ་ཉིད་དམ། དགྲ་བཅོམ་པ་བསད་པ་ཉིད་དམ། དགེ་འདུན་གྱི་དབྱེན་བྱས་པ་ཉིད་དམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ཉིད་དམ། མུ་སྟེགས་ཅན་ཉིད་དམ། མུ་སྟེགས་ཅན་ཞུགས་པ་ཉིད་དམ། རྐུ་ཐབས་སུ་གནས་པ་ཉིད་དམ། ཐ་དད་པར་གནས་པ་ཉིད་དམ། གནས་པར་མི་བགྱི་བ་ཉིད་དུ་གཡར་གྱིས་འཆེ་བར་བགྱིད་ན། ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། མ་བླངས་པ་ཡིན་ཏེ། ཡང་བླང་བར་བྱའོ། །བཙུན་པ་རེ་ཞིག་དགེ་སློང་ཡོངས་སུ་དག་པ་ལེན་པས་ཡོངས་སུ་དག་པ་བླངས་ཏེ། དགེ་འདུན་གྱི་ནང་དུ་རྒྱུན་ཆད་ཅིང་དུས་བགྱིད་ན། ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། བླངས་པ་ཡིན་ཏེ། ཡང་བླང་བར་མི་བྱའོ། །ཁྱིམ་པ་ཉིད་དུ་གཡར་གྱིས་འཆེ་བར་བགྱིད་དམ། དགེ་ཚུལ་ཉིད་དམ། ཟ་མ་ཉིད་དམ། མ་ནིང་ཉིད་དམ། དགེ་སློང་མ་སུན་ཕྱུང་བ་ཉིད་དམ། མ་བསད་པ་ཉིད་དམ། ཕ་བསད་པ་ཉིད་དམ། དགྲ་བཅོམ་པ་བསད་པ་ཉིད་དམ། དགེ་འདུན་གྱི་དབྱེན་བགྱིས་པ་ཉིད་དམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ཉིད་དམ། མུ་སྟེགས་ཅན་ཉིད་དམ། མུ་སྟེགས་ཅན་ཞུགས་པ་ཉིད་དམ། རྐུ་ཐབས་སུ་གནས་པ་ཉིད་དམ། ཐ་དད་པར་གནས་པ་ཉིད་དམ། གནས་པར་མི་བགྱི་བ་ཉིད་དུ་གསར་གྱིས་འཆེ་བར་བགྱིད་ན། ཡོངས་སུ་དག་པ་བླངས་
Ka213a
༄#། །པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། བླངས་པ་ཡིན་ཏེ། ཡང་བླང་བར་མི་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གནས་གང་ན་དགེ་སློང་གཅིག་པུ་མཆིས་པ་དེས། གསོ་སྦྱོང་བཅོ་ལྔ་པ་དེ་ཉིད་ལ་ཇི་ལྟར་བསྒྲུབ་པར་བགྱི། ཉེ་བར་འཁོར། དགེ་སློང་དེས་གཙུག་ལག་ཁང་ཆག་ཆག་གདབ་པར་བྱ། ཕྱག་དར་བྱ། བ་ལང་གི་ལྕི་བ་གསར་པའི་བྱུག་པས་བྱུག་པར་བྱ། སེང་གེའི་ཁྲི་བཤམ་པར་བྱ། སྟན་བཤམ་པར་བྱ། མར་མེ་གཟུགས་པར་བྱ། ཆོས་མཉན་པ་སྦྱིན་པར་བྱའོ། །དེའི་འོག་ཏུ་ཕྱོགས་ཆེས་མཐོན་པོར་འདུག་སྟེ། ཕྱོགས་བཞིར་བལྟ་བར་བྱའོ། །དེར་དགེ་སློང་ཡོངས་སུ་དག་པ་ལྟ་བ་མཐུན་པ་ལ་ལ་དག་འོང་ན། འདི་སྐད་ཅེས། ཀྱེ་ཚེ་དང་ལྡན་པ་དག་།མྱུར་བ་མྱུར་བ་ཤོག་ཅིག། དེང་དགེ་འདུན་གྱི་གསོ་སྦྱོང་བཅོ་ལྔ་པ་ཡིན་ནོ་ཞེས་བརྗོད་པར་བྱ་ཞིང ། དེ་དག་དང་ལྷན་ཅིག་འདུག་སྟེ་གསོ་སྦྱོང་བྱའོ། །གལ་ཏེ་འགྲུབ་ན་དེ་ལྟ་ན་ལེགས། ཇི་སྟེ་མི་འགྲུབ་ན་དགེ་སློང་དེས་རང་གི་སྟན་ལ་འདུག་སྟེ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ཡིན་ལ། བདག་དགེ་སློང་མིང་འདི་ཞེས་བགྱི་བའི་གསོ་སྦྱོང་ཡང་བཅོ་ལྔ་པ་ཡིན་ཏེ། བདག་དགེ་སློང་མིང་འདི་ཞེས་བྱ་བ་བར་ཆད་ཀྱི་ཆོས་རྣམས་ཡོངས་སུ་དག་གོ་།ཞེས་ཀྱང་བདག་སྨྲས། བདག་ཡོངས་སུ་དག་པར་ལྟ་རྣམས་ཀྱིས་གཟུང་དུ་གསོལ། བདག་དགེ་སློང་མིང་འདི་ཞེས་བྱ་བས་ཚུལ་ཁྲིམས་ཀྱི་ཕུང་པོ་
Ka213b
ཡོངས་སུ་རྫོགས་པར་བྱ་བའི་ཕྱིར། དེང་གསོ་སྦྱོང་བྱིན་གྱིས་བརླབ་བོ། །གང་གི་ཚེ་དགེ་འདུན་གྱི་ཚོགས་པ་རྙེད་པ་དེའི་ཚེ། དགེ་འདུན་དང་ལྷན་ཅིག་ཏུ་གསོ་སྦྱོང་རྒྱ་ཆེར་ཉམས་སུ་མྱོང་བར་བྱ་ཞིང ། སོ་སོར་ཐར་བའི་མདོ་གདོན་པ་འདོན་པར་བྱའོ་སྙམ་དུ་སེམས་བསྐྱེད་པར་བྱ་ཞིང ། ཚིག་ཏུའང་བརྗོད་པར་བྱའོ། །དེ་བཞིན་དུ་ལན་གཉིས་ལན་གསུམ་དུ་བཟླས། གང་ན་དགེ་སློང་གཉིས་འཁོད་པ་དེར་ནི། རིམ་པ་དེ་ཉིད་ཀྱིས་གཅིག་ལ་གཅིག་བརྗོད་པར་བྱའོ། །གང་ན་དགེ་སློང་གསུམ་འཁོད་པ་དེར་ཡང ། རིམ་པ་དེ་ཉིད་ཀྱིས་གཅིག་ལ་གཅིག་བརྗོད་པར་བྱའོ། །གང་ན་དགེ་སློང་བཞི་འཁོད་པ་དེར་ནི། དེ་རྣམས་ཀྱིས་གསོལ་བ་བྱས་ཏེ། གསོ་སྦྱོང་བྱའོ། །དེར་ནི་ནད་བའི་ཡོངས་སུ་དག་པ་བླང་བར་མི་བྱའོ། །གང་ན་དགེ་སློང་ལྔའམ། ལྷག་པར་འཁོད་པ་དེར་ནི། དེ་རྣམས་ཀྱིས་གསོལ་བ་བྱས་ཏེ། གསོ་སྦྱོང་བྱའོ། །ནད་པའི་ཡོངས་སུ་དག་པ་ཡང་བླང་བར་བྱའོ།། །།འདུལ་བ་གཞི། བམ་པོ་བཅུ་གསུམ་པ། སྡོམ་ལ། རྒྱལ་པོས་དགེ་སློང་བཟུང་བ་དང ། །བྱ་བ་ཡོད་ཀྱིས་མ་ལྡང་དང ། །སྨྱོས་པ་གནང་བ་སྦྱིན་པ་དང ། །དྲན་པ་བཅུ་བོ་དག་ཡིན་ནོ། །འདི་ལྟ་སྟེ། རྒྱལ་པོའམ། ཆོམ་རྐུན་པའམ། གསོད་པའམ། ཕྱིར་རྒོལ་བའམ། དགྲ་བོ་རྣམས་ཀྱིས་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་བཟུང་ན། དགེ་སློང་དེའི་དོན་གྱི་ཕྱིར། དགེ་སློང་དེ་རྣམས་ཀྱིས་མངོན་སུམ་དུའམ། འཕྲིན་པ་བཏང་ཞིང ། དགེ་སློང་འདི་བདག་ཅག་གི་ཚངས་པ་མཚུངས་པར་སྤྱོད་པ་ཡིན་གྱིས། འདི་ཐོང་ཞིག་ཅེས་བརྗོད་བར་བྱའོ། །
Ka214a
༄#། །གལ་ཏེ་གཏོང་ན་དེ་ལྟ་ན་ལེགས། ཇི་སྟེ་མི་གཏོང་ན་དགེ་སློང་འདི་དང་བདག་ཅག་བྱ་བ་ཅུང་ཟད་ཅིག་ཡོད་ཀྱིས། དགེ་སློང་འདི་ཐོང་ཞིག་ཅེས་འཕྲིན་བ་གཉིས་པ་བཏང་བར་བྱའོ། །གལ་ཏེ་གཏོང་ན་དེ་ལྟ་ན་ལེགས། ཇི་སྟེ་མི་གཏོང་ན་དགེ་སློང་དེ་རྣམས་ཀྱིས་དཀྱིལ་འཁོར་བར་དོང་སྟེ་གསོ་སྦྱོང་བྱའོ། །དེའི་འོག་ཏུ་ཕྱི་དེ་ཉིན་པར་དགེ་སློང་དེ་ཐར་པར་བྱ་བའི་ཕྱིར་འབད་པར་བྱ་སྟེ། གལ་ཏེ་འབད་པར་བྱེད་ན་དེ་ལྟ་ན་ལེགས། ཇི་སྟེ་འབད་པར་མི་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གི་དགེ་འདུན་གྱི་གུང་ལ་གདན་བཤམ་པ་ཉིད་ལ་བཞུགས་ནས། དགེ་འདུན་གྱིས་སོ་སོར་ཐར་པ་བཏོན་ཏེ། གསོ་སྦྱོང་བྱས་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། དགེ་འདུན་གྱི་བྱ་བ་ཅུང་ཞིག་ཡོད་ཀྱིས་རེ་ཞིག་མ་ལྡང་ཞིག། དེ་ནས་དགེ་སློང་ཞིག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་གནས་ཤིག་ན། དགེ་སློང་བྲོ་ཚལ་བ། སྡུག་བསྔལ་བ། བྲོ་ཚབས་ཆེ་བ་ཞིག་མཆིས་པ་དེའི་ཡོངས་སུ་དག་པ་བླངས་ན། དེ་ལ་བདག་ཅག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེས་དགེ་སློང་བདག་ཉིད་ཡོངས་སུ་དག་པར་བྱ་བའི་ཕྱིར་ཡོངས་སུ་དག་པ་ཕུལ་བ་དེའི་འདུན་པ་
Ka214b
བླང་བར་བྱའོ། །བཅོམ་ལྡན་འདས་ཀྱིས་འདུན་པ་བླང་བར་བྱའོ་ཞེས་བཀའ་སྩལ་ན། དགེ་སློང་རྣམས་ཀྱིས་ཇི་ལྟར་བླང་བར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གཅིག་གིས་གཅིག་གི་དང ། གཅིག་གིས་གཉིས་ཀྱི་དང ། རབ་ཏུ་མང་པོ་རྣམས་ཀྱི་ཡང་རུང་སྟེ། དགེ་འདུན་གྱི་ནང་དུ་ཇི་སྙེད་ཀྱི་མིང་དག་བརྗོད་པར་ནུས་པའི་བར་དུའོ། །དགེ་སློང་དག་ངས་དགེ་སློང་འདུན་པ་འབུལ་བར་བྱེད་པའི་ཀུན་ཏུ་སྤྱོད་པའི་ཆོས་རྣམས་བཅའ་བར་བྱ་སྟེ། དགེ་སློང་འདུན་པ་འབུལ་བར་བྱེད་པས། བླ་གོས་ཕྲག་པ་གཅིག་ཏུ་གཟར་ཏེ། མཆིལ་ལྷ་མ་གཉིས་ཕུད་ནས། རྒན་རིམ་བཞིན་དུ་ཕྱག་འཚལ་ཏེ། ཙོག་ཙོག་པོར་འདུག་ནས་ཐལ་མོ་སྦྱར་ཏེ། འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། བདག་དགེ་སློང་བྱོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བགྱི་བའི་གསོ་སྦྱོང་ཡང་བཅོ་ལྔ་པ་ལགས་ཏེ། བདག་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བགྱི་བའི་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་བདག་མཆིའོ། །དགེ་འདུན་ཆོས་བཞིན་དུ་མཛད་པ་ལ་འདུན་པ་འབུལ་ལོ། །བདག་གི་གསོ་སྦྱོང་ཡང་ཡོངས་སུ་དག་གོ་།འདུན་པ་དང་ཡོངས་སུ་དག་པ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ། །དེ་བཞིན་དུ་ལན་གཉིས་ལན་གསུམ་དུ་བཟླས། དགེ་སློང་འདུན་བ་འབུལ་བས། གལ་ཏེ་ལུས་ཀྱི་རྣམ་པར་རིག་བྱེད་ཀྱིས་འདུན་པ་འབུལ་བར་བྱེད་
Ka215a
༄#། །ན།་འདུན་པ་ཕུལ་བར་བརྗོད་པར་བྱའོ། །ངག་གི་རྣམ་པར་རིག་བྱེད་ཀྱིས་འདུན་པ་འབུལ་བར་བྱེད་ན། འདུན་པ་ཕུལ་བར་བརྗོད་པར་བྱའོ། །ལུས་ཀྱི་རྣམ་པར་རིག་བྱེད་དང ། ངག་གི་རྣམ་པར་རིག་བྱེད་ཀྱིས་འདུན་པ་འབུལ་བར་བྱེད་ན་འདུན་པ་ཕུལ་བར་བརྗོད་པར་བྱའོ། །ལུས་ཀྱི་རྣམ་པར་རིག་བྱེད་ཀྱིས་ཀྱང་འབུལ་བར་མི་བྱེད། ངག་གི་རྣམ་པར་རིག་བྱེད་ཀྱིས་ཀྱང་འབུལ་བར་མི་བྱེད་ན། དགེ་འདུན་ཐམས་ཅད་དེར་འདོང་བར་བྱའོ། །ཡང་ན་དགེ་སློང་དེ་དགེ་འདུན་གྱི་ནང་དུ་བླང་བར་བྱའོ། །དགེ་འདུན་ཐམས་ཅད་དེར་འདོང་བར་མི་བྱེད་དམ། དགེ་སློང་དེ་དགེ་འདུན་གྱི་ནང་དུ་ལེན་པར་མི་བྱེད་པར་མི་མཐུན་པར་བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་འདུན་པ་འབུལ་བར་བྱེད་པས། ཀུན་ཏུ་སྤྱད་པའི་ཆོས་ཇི་ལྟར་བཅས་པ་རྣམས་ཡང་དག་པར་བླངས་ཏེ་མི་འཇུག་ན་འགལ་ཚབས་ཅན་དུ་འགྱུར་རོ། །དགེ་སློང་དག་ངས་དགེ་སློང་འདུན་པ་ལེན་པའི་ཀུན་ཏུ་སྤྱད་པའི་ཆོས་རྣམས་བཅའ་བར་བྱ་སྟེ། དགེ་སློང་འདུན་པ་ལེན་པས་འདུན་པ་བླངས་ནས། བརྒྱུག་པར་མི་བྱའོ།། མགྱོགས་པར་མི་བྱའོ། །མཆོང་བར་མི་བྱའོ། །ཕྱི་རོལ་ཏུ་མཆོང་བར་མི་བྱའོ། །འོབས་ལ་མཆོང་བར་མི་བྱའོ། །བང་རིམ་ལ་མཆོང་བར་མི་བྱའོ། །སྟེང་གི་ནམ་མཁའ་ལ་འདུག་པར་མི་བྱའོ། །མཚམས་ཀྱི་ཕྱི་རོལ་ཏུ་འགྲོ་བར་མི་བྱའོ། །གོམ་པ་གཅིག་གིས་སྐས་ཀྱི་རིམ་པ་གཉིས་ལ་ཐོད་རྒལ་དུ་འཛེག་པར་མི་བྱའོ། །གོམ་པ་གཅིག་གིས་ཐེམ་སྐས་ཀྱི་ཐེམ་པ་གཉིས་ལ་ཐོད་རྒལ་དུ་འཛེག་པར་མི་བྱའོ། །ཆུ་
Ka215b
ལྐོག་མ་ནུབ་ཙམ་ལ་འབོག་པར་མི་བྱའོ། །གཉིད་ལོག་པར་མི་བྱའོ། །སྙོམས་པར་འཇུག་པར་མི་བྱའོ། །གཉིད་ལོག་བར་བྱེད་པ་དང ། སྙོམས་པར་འཇུག་པར་བྱེད་པ་ནི། རྒྱུ་གཉིས་ཀྱིས་སྨད་པར་བྱ་བ་ཡིན་ཏེ། ངོ་ཚ་མེད་པ་ཉིད་གང་ཡིན་པ་དང ། མ་ཀླས་པ་ཉིད་གང་ཡིན་པས་སོ། །གང་གི་ཚེ་དགེ་འདུན་གྱི་གནས་བརྟན་གྱིས། ཚེ་དང་ལྡན་པ་དག་མ་ལྷགས་པ་རྣམས་ཀྱི་འདུན་པ་དང ། ཡོངས་སུ་དག་པ་བརྗོད་ཅིང ། བརྗོད་པ་ཡང་རིག་པར་གྱིས་ཤིག་ཅེས་སྨྲས་པའི་ཚེ། དེས་དགེ་སློང་དྲུང་ན་འདུག་པའི་འདུན་དུ་འདུག་སྟེ། འདི་སྐད་ཅེས་བརྗོད་བར་བྱའོ། །ཚེ་དང་ལྡན་པ་དགོངས་སུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། གནས་ག་གེ་མོ་ཞིག་ན། དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བྱ་བའི་གསོ་སྦྱོང་ཡང་བཅོ་ལྔ་པ་ལགས་ཏེ། གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བགྱི་བ་དེ་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་ཁོ་ན་ཉིད་མཆིའོ། །དགེ་འདུན་ཆོས་བཞིན་དུ་མཛད་པ་ལ་འདུན་པ་འབུལ་ལོ། །དེའི་གསོ་སྦྱོང་ཡང་ཡོངས་སུ་དག་གོ་།འདུན་པ་དང ། ཡོངས་སུ་དག་པ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ། །དེ་བཞིན་དུ་ལན་གཉིས་ལན་གསུམ་དུ་བཟླས། ཡང་ན་དེས་དགེ་འདུན་གྱི་དབུས་སུ་རྒན་པའི་མཐར་འགྲེང་སྟེ་འདུད་པ་དང་བཅས་པས། འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་དགོངས་སུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་བ་ལགས་ལ། གནས་ག་གེ་མོ་ཞིག་ན། དགེ་སློང་བྲོ་
Ka216a
༄#། །འཚལ་བ། སྡུག་བསྔལ་བ། བྲོ་ཚབས་ཆེ་བ་མིང་འདི་ཞེས་བགྱི་བའི་གསོ་སྦྱོང་ཡང་བཅོ་ལྔ་པ་ལགས་ཏེ། གནས་ག་གེ་མོ་ཞིག་ན། དགེ་སློང་བྲོ་འཚལ་བ། སྡུག་བསྔལ་བ།་བྲོ་ཚབས་ཆེ་བ་མིང་འདི་ཞེས་བགྱི་བ་དེ་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་ཁོ་ན་ཉིད་མཆིའོ། །དགེ་འདུན་ཆོས་བཞིན་དུ་མཛད་པ་ལ་འདུན་པ་འབུལ་ལོ། །དེའི་གསོ་སྦྱོང་ཡང་ཡོངས་སུ་དག་གོ།་འདུན་པ་དང་ཡོངས་སུ་དག་པ་ཡང་བརྗོད་དོ། །བརྗོད་པ་ཡང་རིག་པར་བགྱིད་དོ། །དགེ་སློང་འདུན་པ་ལེན་པས་ཀུན་ཏུ་སྤྱད་པའི་ཆོས་ཇི་ལྟར་བཅས་པ་རྣམས་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་རེ་ཞིག་དགེ་སློང་འདུན་པ་དང ། ཡོངས་སུ་དག་པ་ལེན་པས་འདུན་པ་དང་ཡོངས་སུ་དག་པ་བླངས་ཏེ། དེ་ཉིད་དུ་རྒྱུན་ཆད་ཅིང་དུས་བགྱིས་ན། འདུན་པ་དང་ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། མ་བླངས་པ་ཡིན་ཏེ། ཡང་བླང་བར་བྱའོ། །ཁྱིམ་པ་ཉིད་དུ་གཡར་གྱིས་འཆེ་བར་བགྱིད་དམ། དགེ་ཚུལ་ཉིད་དམ། ཟ་མ་ཉིད་དམ། མ་ནིང་ཉིད་དམ། དགེ་སློང་མ་སུན་ཕྱུང་བ་ཉིད་དམ། མ་བསད་པ་ཉིད་དམ། ཕ་བསད་པ་ཉིད་དམ། དགྲ་བཅོམ་པ་བསད་པ་ཉིད་དམ། དགེ་འདུན་གྱི་དབྱེན་བགྱིས་པ་ཉིད་དམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ཉིད་དམ། མུ་སྟེགས་ཅན་ཉིད་དམ། མུ་སྟེགས་
Ka216b
ཅན་ཞུགས་པ་ཉིད་དམ། རྐུ་ཐབས་སུ་གནས་པ་ཉིད་དམ། ཐ་དད་པར་གནས་པ་ཉིད་དམ། གནས་པར་མི་བགྱི་བ་ཉིད་དུ་གཡར་གྱིས་འཆེ་བར་བགྱི་ན། འདུན་པ་དང་ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། མ་བླངས་པ་ཡིན་ཏེ། ཡང་བླང་བར་བྱའོ། །བཙུན་པ་རེ་ཞིག་དགེ་སློང་འདུན་པ་དང་ཡོངས་སུ་དག་པ་ལེན་པས་འདུན་པ་དང་ཡོངས་སུ་དག་པ་བླངས་ཏེ། ཤུལ་དུ་རྒྱུན་ཆད་ཅིང་དུས་བགྱིད་ན། འདུན་པ་དང་ཡོངས་སུ་དག་བ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། མ་བླངས་པ་ཡིན་ཏེ། ཡང་བླང་བར་བྱའོ། །ཁྱིམ་པ་ཉིད་དུ་གཡར་གྱིས་འཆེ་བར་བགྱིད་དམ། དགེ་ཚུལ་ཉིད་དམ། ཟ་མ་ཉིད་དམ། མ་ནིང་ཉིད་དམ། དགེ་སློང་མ་སུན་ཕྱུང་བ་ཉིད་དམ། མ་བསད་པ་ཉིད་དམ། ཕ་བསད་པ་ཉིད་དམ། དགྲ་བཅོམ་པ་བསད་པ་ཉིད་དམ། དགེ་འདུན་གྱི་དབྱེན་བགྱིས་པ་ཉིད་དམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ཉིད་དམ། མུ་སྟེགས་ཅན་ཉིད་དམ། མུ་སྟེགས་ཅན་ཞུགས་པ་ཉིད་དམ། རྐུ་ཐབས་སུ་གནས་པ་ཉིད་དམ། ཐ་དད་པར་གནས་པ་ཉིད་དམ། གནས་པར་མི་བགྱི་བ་ཉིད་དུ་གཡེར་གྱིས་འཆེ་བར་བགྱིད་ན་འདུན་པ་དང་ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། མ་བླངས་པ་ཡིན་ཏེ། ཡང་བླང་བར་བྱའོ། །བཙུན་པ། རེ་ཞིག་དགེ་སློང་འདུན་པ་དང་ཡོངས་སུ་དག་པ་ལེན་པས་འདུན་པ་དང་ཡོངས་སུ་དག་པ་བླངས་ཏེ། དགེ་འདུན་གྱི་
Ka217a
༄#། །ནང་དུ་རྒྱུན་ཆད་ཅིང་དུས་བགྱིད་ན། འདུན་པ་དང་ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། བླངས་པ་ཡིན་ཏེ། ཡང་བླང་པར་མི་བྱའོ། །ཁྱིམ་པ་ཉིད་དུ་གཡར་གྱིས་འཆེ་བར་བགྱིད་དམ། དགེ་ཚུལ་ཉིད་དམ། ཟ་མ་ཉིད་དམ། མ་ནིང་ཉིད་དམ། དགེ་སློང་མ་སུན་ཕྱུང་བ་ཉིད་དམ། མ་བསད་པ་ཉིད་དམ། ཕ་བསད་པ་ཉིད་དམ། དགྲ་བཅོམ་པ་བསད་པ་ཉིད་དམ། དགེ་འདུན་གྱི་དབྱེན་བགྱིས་པ་ཉིད་དམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་ཉིད་དམ། མུ་སྟེགས་ཅན་ཉིད་དམ། མུ་སྟེགས་ཅན་ཞུགས་པ་ཉིད་དམ། རྐུ་ཐབས་སུ་གནས་པ་ཉིད་དམ། ཐ་དད་པར་གནས་པ་ཉིད་དམ། གནས་པར་མི་བགྱི་བ་ཉིད་དུ་གཡར་གྱིས་འཆེ་བར་བགྱིད་ན། འདུན་པ་དང་ཡོངས་སུ་དག་པ་བླངས་པར་བརྗོད་པར་བགྱིའམ། མ་བླངས་པར་བརྗོད་པར་བགྱི། ཉེ་བར་འཁོར། བླངས་པ་ཡིན་ཏེ། ཡང་བླང་བར་མི་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གནས་གང་ན་དགེ་སློང་གཅིག་པུ་མཆིས་པ། དེ་གསོ་སྦྱོང་བཅོ་ལྔ་པ་དེ་ཉིད་ལ་ཇི་ལྟར་བསྒྲུབ་པར་བགྱི། ཉེ་བར་འཁོར། དགེ་སློང་དེས་གཙུག་ལག་ཁང་ཆག་ཆག་གདབ་པར་བྱ། ཕྱག་དར་བྱ། བ་ལང་གི་ལྕི་བ་གསར་པས་བྱུག་པར་བྱ། སེང་གེའི་ཁྲི་བཤམ་པར་བྱ། སྟན་བཤམ་པར་བྱ། མར་མེ་གཟུགས་བར་བྱ། ཆོས་མཉན་པ་སྦྱིན་པར་བྱའོ། །དེའི་འོག་ཏུ་ཕྱོགས་ཆེས་མཐོན་པོར་འདུག་སྟེ།
Ka217b
ཕྱོགས་བཞིར་བལྟ་བར་བྱའོ། །དེར་དགེ་སློང་ཡོངས་སུ་དག་པ་ལྟ་བ་མཐུན་པ་ལ་ལ་དག་འོང་ན་འདི་སྐད་ཅེས། ཀྱེ་ཚེ་དང་ལྡན་པ་དག་མྱུར་བ་མྱུར་བར་ཤོག་ཅིག། དེང་དགེ་འདུན་གྱི་གསོ་སྦྱོང་བཅོ་ལྔ་པ་ཡིན་ནོ། ། ཞེས་བརྗོད་པར་བྱ་ཞིང་དེ་དག་དང་ལྷན་ཅིག་འདུག་སྟེ་གསོ་སྦྱོང་བྱའོ། །གལ་ཏེ་འགྲུབ་ན་དེ་ལྟ་ན་ལེགས། ཇི་སྟེ་མི་འགྲུབ་ན་དགེ་སློང་དེས་རང་གི་སྟན་ལ་འདུག་སྟེ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ཡིན་ལ། བདག་དགེ་སློང་མིང་འདི་ཞེས་བྱ་བའི་གསོ་སྦྱོང་ཡང་བཅོ་ལྔ་པ་ཡིན་ཏེ། བདག་དགེ་སློང་མིང་འདི་ཞེས་བྱ་བ་བར་ཆད་ཀྱི་ཆོས་རྣམས་ཡོངས་སུ་དག་གོ་ཞེས་ཀྱང་བདག་སྨྲ། བདག་ཡོངས་སུ་དག་པར་ལྷ་རྣམས་ཀྱིས་གཟུང་དུ་གསོལ། བདག་དགེ་སློང་མིང་འདི་ཞེས་བྱ་བས་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པར་བྱ་བའི་ཕྱིར་དེང་གསོ་སྦྱོང་བྱིན་གྱིས་བརླབ་བོ། །གང་གི་ཚེ་དགེ་འདུན་ཚོགས་པ་རྙེད་པ་དེའི་ཚེ། དགེ་འདུན་དང་ལྷན་ཅིག་ཏུ་གསོ་སྦྱོང་རྒྱ་ཆེར་ཉམས་སུ་མྱོང་བར་བྱ་ཞིང ། སོ་སོར་ཐར་བའི་མདོ་གདོན་པ་གདོན་བར་བྱའོ་སྙམ་དུ་སེམས་བསྐྱེད་པར་བྱ་ཞིང ། ཚིག་ཏུ་ཡང་བརྗོད་པར་བྱའོ། །དེ་བཞིན་དུ་ལན་གཉིས་ལན་གསུམ་དུ་བཟླས། གང་ན་དགེ་སློང་གཉིས་འཁོད་པ་དེར་ནི་རིམ་པ་དེ་ཉིད་ཀྱིས་གཅིག་ལ་གཅིག་བརྗོད་པར་བྱའོ། །གང་ན་དགེ་སློང་གསུམ་འཁོད་པ་དེར་ཡང་རིམ་པ་དེ་ཉིད་ཀྱིས་གཅིག་ལ་གཅིག་བརྗོད་པར་བྱའོ། །གང་ན་དགེ་སློང་བཞི་འཁོད་པ་དེར་ནི་དེ་རྣམས་ཀྱིས་གསོལ་བ་བྱས་ཏེ་གསོ་སྦྱོང་བྱའོ། །དེར་ནི་ནད་པའི་འདུན་པ་དང་ཡོངས་སུ་དག་བ་བླང་བར་མི་བྱའོ། །གང་ན་དགེ་སློང་
Ka218a
༄#། །ལྔའམ་ལྷག་པར་འཁོད་ན་དེ་རྣམས་ཀྱིས་གསོལ་བ་བྱས་ཏེ་གསོ་སྦྱོང་བྱའོ། །ནད་པའི་འདུན་པ་དང་ཡོངས་སུ་དག་པ་ཡང་བླང་བར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་ཚེ་དང་ལྡན་པ་བྱེ་མ་སྐྱེས་སྒྲེན་མོར་བྱུང་སྟེ། མྱོས་ཤིང་སེམས་འཁྲུགས་ཏེ། དེ་དང་དེར་འཁྱམ་ཞིང་དེ་དགེ་འདུན་གྱི་གསོ་སྦྱོང་གི་གནས་སུ་རེས་འགའ་ནི་འོང ། རེས་འགའ་ནི་མི་འོང ། དགེ་འདུན་དང་ལྷན་ཅིག་རེས་འགའ་ནི་གསོ་སྦྱོང་ཉམས་སུ་མྱོང་བར་བྱེད། རེས་འགའ་ནི་ཉམས་སུ་མྱོང་བར་མི་བྱེད། དགེ་འདུན་གྱི་ཆེད་དང་བྱ་བ་རྣམས་ལ་རེས་འགའ་ནི་འོང ། རེས་འགའ་ནི་མི་འོང ། དགེ་འདུན་དང་ལྷན་ཅིག་དགེ་འདུན་གྱི་ཆེད་དང ། དགེ་འདུན་གྱི་བྱ་བ་དག་རེས་འགའ་ནི་ཉམས་སུ་མྱོང་བར་བྱེད། རེས་འགའ་ནི་ཉམས་སུ་མྱོང་བར་མི་བྱེད་པས། དགེ་སློང་རྣམས་བདག་ཅག་མཐུན་པར་མ་གྱུར་ཅེས་ལས་རྣམས་མི་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཁྱེད་ཀྱིས་དགེ་སློང་བྱེ་མ་སྐྱེས་དང ། གཞན་ཡང་དེ་ལྟ་བུ་གང་ཡིན་པ་ལ་སྨྱོས་པའི་གནང་བ་བྱིན་ཅིག། འདི་ལྟར་བྱིན་པར་བྱ་སྟེ། གནས་མལ་བཤམ་པ་བྱས་ནས། གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས། དགེ་འདུན་ཐམས་ཅད་འདུག་ཅིང་མཐུན་པར་གྱུར་བ་ལ་དགེ་སློང་གཅིག་གིས་གསོལ་བ་བྱས་ཏེ་ལས་
Ka218b
བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་བྱེ་མ་སྐྱེས་སྒྲེན་མོར་བྱུང་ནས་སྨྱོས་ཤིང་སེམས་འཁྲུགས་ཏེ་དེ་དང་དེར་འཁྱམ་ཞིང་དགེ་འདུན་གྱི་གསོ་སྦྱོང་གི་གནས་སུ་རེས་འགའ་ནི་མཆི། རེས་འགའ་ནི་མི་མཆི། དགེ་འདུན་དང་ལྷན་ཅིག་གསོ་སྦྱོང་རེས་འགའ་ནི་ཉམས་སུ་མྱོང་བར་བྱེད། རེས་འགའ་ནི་ཉམས་སུ་མྱོང་བར་མི་བགྱིད། དགེ་འདུན་དང་ལྷན་ཅིག་དགེ་འདུན་གྱི་ཆེད་དང་བགྱི་བ་རྣམས་ལ་རེས་འགའ་ནི་མཆི། རེས་འགའ་ནི་མི་མཆི། དགེ་འདུན་དང་ལྷན་ཅིག་དགེ་འདུན་གྱི་ཆེད་དང་བགྱི་བ་རྣམས་རེས་འགའ་ནི་ཉམས་སུ་མྱོང་བར་བགྱིད། རེས་འགའ་ནི་ཉམས་སུ་མྱོང་བར་མི་བགྱིད་པས། དགེ་སློང་རྣམས་བདག་ཅག་མཐུན་པར་མ་གྱུར་ཅེས་ལས་རྣམས་མི་བགྱིད་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་བྱེ་མ་སྐྱེས་སྨྱོས་པ་ལ་སྨྱོས་པའི་གནང་བ་སྩལ་ཅིང་གལ་ཏེ་ཚུར་མཆི་ཡང་ཟློག་པར་མི་བགྱི། ཕར་མཆི་ཡང་ཟློག་པར་མི་བགྱི་བར་དགེ་སློང་བྱེ་མ་སྐྱེས་ཚུར་མཆིའམ། ཕར་མཆི་ཡང་རུང ། དགེ་འདུན་གྱིས་གསོ་སྦྱོང་དང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བགྱི་སྟེ། དེས་དགེ་འདུན་མི་མཐུན་པར་མི་འགྱུར་རོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་བྱེ་མ་སྐྱེས་འདི་ལྟར་སྒྲེན་མོར་བྱུང་ནས་སྨྱོས་ཤིང་སེམས་འཁྲུགས་ཏེ་དེ་དང་དེར་འཁྱམ་ཞིང་དགེ་འདུན་གྱི་གསོ་སྦྱོང་གི་གནས་སུ་རེས་འགའ་ནི་མཆི།
Ka219a
༄#། །རེས་འགའ་ནི་མི་མཆི། དགེ་འདུན་དང་ལྷན་ཅིག་གསོ་སྦྱོང་རེས་འགའ་ནི་ཉམས་སུ་མྱོང་བར་བགྱིད། རེས་འགའ་ནི་ཉམས་སུ་མྱོང་བར་མི་བགྱིད། དགེ་འདུན་དང་ལྷན་ཅིག་དགེ་འདུན་གྱི་ཆེད་དང་བགྱི་བ་རྣམས་ལ་རེས་འགའ་ནི་མཆི། རེས་འགའ་ནི་མི་མཆི། དགེ་འདུན་དང་ལྷན་ཅིག་དགེ་འདུན་གྱི་ཆེད་དང་དགེ་འདུན་གྱི་བགྱི་བ་རྣམས་རེས་འགའ་ནི་ཉམས་སུ་མྱོང་བར་བགྱིད། རེས་འགའ་ནི་ཉམས་སུ་མྱོང་བར་མི་བགྱིད་པས། དགེ་སློང་རྣམས་བདག་ཅག་མཐུན་པར་མ་གྱུར་ཅེས་ལས་རྣམས་མི་བགྱིད་ན། དགེ་འདུན་གྱིས་དགེ་སློང་བྱེ་མ་སྐྱེས་སྨྱོས་པ་ལ་སྨྱོས་པའི་གནང་བ་སྩལ་ཅིང ། གལ་ཏེ་ཚུར་མཆི་ཡང་ཟློག་པར་མི་བགྱི། ཕར་མཆི་ཡང་ཟློག་པར་མི་བགྱི་བར་དགེ་སློང་བྱེ་མ་སྐྱེས་ཚུར་མཆིའམ། ཕར་མཆི་ཡང་རུང ། དགེ་འདུན་གྱིས་གསོ་སྦྱོང་དང་དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བགྱི་སྟེ། དེས་དགེ་འདུན་མི་མཐུན་པར་མི་འགྱུར་བར་མཛད་ན། ཚེ་དང་ལྡན་པ་གང་དག་དགེ་སློང་བྱེ་མ་སྐྱེས་སྨྱོས་པ་ལ་སྨྱོས་པའི་གནང་བ་སྩལ་བར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་བྱེ་མ་སྐྱེས་སྨྱོས་པ་ལ་སྨྱོས་པའི་གནང་བ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །འདི་ལྟ་སྟེ། གསོ་སྦྱོང་བཅོ་ལྔ་བ་དེ་ཉིད་ལ་དགེ་སློང་ལྟུང་བ་དྲན་ན། དགེ་སློང་དེས་དགེ་
Ka219b
སློང་གི་མདུན་དུ་ལྟུང་བ་ཆོས་བཞིན་དུ་ཕྱིར་བྱ་སྟེ། དགེ་སློང་དེས་བླ་གོས་ཕྲག་པ་གཅིག་ཏུ་གཟར་ཏེ། མཆིལ་ལྷམ་གཉིས་ཕུད་ནས། རྒན་རིམ་བཞིན་དུ་ཕྱག་འཚལ་ནས། དགེ་སློང་གི་མདུན་དུ་ཙོག་ཙོག་པོར་འདུག་སྟེ། ཐལ་མོ་སྦྱར་བ་བཏུད་ནས་འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བ་ལ་ལྟུང་བ་འདི་ལྟ་བུ་འདི་བྱུང་སྟེ། བདག་དགེ་སློང་མིང་འདི་ཞེས་བགྱི་བ་ལྟུང་བ་དེ་དག་པའི་མཐའ་ཚུན་ཆད་ནས་བཟུང་སྟེ། ཚེ་དང་ལྡན་པའི་མདུན་དུ་མཐོལ་ལོ། །འཆགས་སོ། །མི་འཆབ་བོ། །མཐོལ་ཤིང་བཤགས་ན་བདག་བདེ་བ་ལ་རེག་པར་གནས་པར་འགྱུར་གྱི། མ་མཐོལ་མ་བཤགས་ན་ནི་མི་འགྱུར་རོ། །དེ་བཞིན་དུ་ལན་གཉིས་ལན་གསུམ་དུ་བཟླས། དེས་ལྟུང་བ་མཐོང་ངམ་ཞེས་བརྗོད་པར་བྱའོ། །མཐོང་ངོ ། །དེས་ཕྱིན་ཆད་སྡོམ་མམ་ཞེས་བརྗོད་པར་བྱའོ། །སྡོམ་མོ། ། དེ་བཞིན་དུ་ལན་གཉིས་ལན་གསུམ་དུ་བཟླས། ལེན་པས་ཐབས་ཡིན་ནོ་ཞེས་བརྗོད་པར་བྱའོ། །འཆགས་པས་ལེགས་སོ་ཞེས་བརྗོད་པར་བྱའོ། །དེའི་འོག་ཏུ་གསོ་སྦྱོང་བྱ་སྟེ། དགེ་སློང་དག་དེ་ལྟར་གསོ་སྦྱོང་བྱའི། ང་ནི་གསོ་སྦྱོང་གི་བར་གཅད་པར་མི་སྨྲའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་ལྟུང་བ་ལ་དོགས་པ་དང ། ཡིད་གཉིས་ཟ་བར་གྱུར་ན། དགེ་སློང་དེས་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་ལ་དྲིས་ཏེ། ལྟུང་བ་ལ་དོགས་པ་དང ། ཡིད་གཉིས་བསལ་ནས་དགེ་སློང་གི་མདུན་དུ་ཆོས་བཞིན་དུ་ཕྱིར་བྱའོ། །དེའི་འོག་ཏུ་གསོ་སྦྱོང་བྱ་སྟེ། དགེ་སློང་དག་དེ་ལྟར་གསོ་
Ka220a
༄#། །སྦྱོང་བྱའི། ང་ནི་གསོ་སྦྱོང་གི་བར་གཅད་པར་མི་སྨྲའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གིས་དགེ་འདུན་གྱི་ནང་དུ་ལྟུང་བ་དྲན་ན། དགེ་སློང་དེས་ལྟུང་བ་དེ་དགེ་སློང་དྲུང་ན་མོ་ལ་བྱིན་གྱིས་བརླབ་པར་བྱ་སྟེ། ཚེ་དང་ལྡན་པ་དགོངས་སུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། བདག་དགེ་སློང་མིང་འདི་ཞེས་བགྱི་བའི་གསོ་སྦྱོང་ཡང་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བ་དགེ་འདུན་གྱི་ནང་དུ་ལྟུང་བ་འདི་དང་འདི་ལྟ་བུ་ཞིག་དྲན་ཏེ། བདག་དགེ་སློང་མིང་འདི་ཞེས་བགྱི་བས་ལྟུང་བ་འདི་ཚེ་དང་ལྡན་པའི་མདུན་དུ་བྱིན་གྱིས་བརླབས་ལ་དེང་གསོ་སྦྱོང་བགྱིའོ། །སང་ནང་པར་ལྟུང་བ་དེ་ཆོས་བཞིན་དུ་སླར་བགྱིའོ་ཞེས་དེ་ལྟར་བྱིན་གྱིས་བརླབ་པར་བྱའོ། །དེའི་འོག་ཏུ་གསོ་སྦྱོང་བྱ་སྟེ། དགེ་སློང་དག་དེ་ལྟར་གསོ་སྦྱོང་བྱའི། ང་ནི་གསོ་སྦྱོང་གི་བར་གཅད་པར་མི་སྨྲའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་དགེ་འདུན་གྱི་ནང་དུ་ལྟུང་བ་ལ་དོགས་པ་དང ། ཡིད་གཉིས་ཟ་བར་གྱུར་ན། དགེ་སློང་དེས་ལྟུང་བ་དེ་དགེ་སློང་དྲུང་ན་མོ་ལ་བྱིན་གྱིས་བརླབ་པར་བྱ་སྟེ། ཚེ་དང་ལྡན་པ་དགོངས་སུ་གསོལ། །དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། བདག་དགེ་སློང་མིང་འདི་ཞེས་བགྱི་བའི་གསོ་སྦྱོང་ཡང་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བ་དགེ་འདུན་གྱི་ནང་དུ་ལྟུང་བ་འདི་དང ། འདི་ལྟ་བུ་ཞིག་ལ་ཡིད་གཉིས་སུ་གྱུར་ན་བདག་ལྟུང་བ་དེ་ཚེ་དང་ལྡན་པའི་མདུན་དུ་བྱིན་གྱིས་བརླབས་ལ་དེང་གསོ་སྦྱོང་བགྱིའོ། །སང་
Ka220b
ནང་པར་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་དྲིས་ཏེ། དོགས་བ་དང་ཡིད་གཉིས་བསལ་ལ་ལྟུང་བ་དེ་ཆོས་བཞིན་དུ་སླར་བགྱིའོ་ཞེས་དེ་ལྟར་བྱིན་གྱིས་བརླབ་བར་བྱའོ། །དེའི་འོག་ཏུ་གསོ་སྦྱོང་བྱ་སྟེ། དགེ་སློང་དག་དེ་ལྟར་གསོ་སྦྱོང་བྱའི། ང་ནི་གསོ་སྦྱོང་གི་བར་གཅད་པར་མི་སྨྲའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་སོ་སོར་ཐར་པའི་མདོ་འདོན་པས་དགེ་འདུན་གྱི་ནང་དུ་ལྟུང་བ་དྲན་ན། དགེ་སློང་དེས་ལྟུང་བ་དེ་རང་གི་སེམས་ཀྱིས་བྱིན་གྱིས་བརླབ་པར་བྱ་སྟེ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ཡིན་ལ། བདག་དགེ་སློང་སོ་སོར་ཐར་པའི་མདོ་འདོན་པ་མིང་འདི་ཞེས་བྱ་བའི་གསོ་སྦྱོང་ཡང་བཅོ་ལྔ་པ་ཡིན་ཏེ། བདག་དགེ་སློང་སོ་སོར་ཐར་པའི་མདོ་འདོན་པ་མིང་འདི་ཞེས་བྱ་བ་དགེ་འདུན་གྱི་ནང་དུ་ལྟུང་བ་འདི་དང་འདི་ལྟ་བུ་ཞིག་དྲན་ཏེ། བདག་དགེ་སློང་སོ་སོར་ཐར་པའི་མདོ་འདོན་པ་མིང་འདི་ཞེས་བྱ་བས། ལྟུང་བ་དེ་རང་གི་སེམས་ཀྱིས་བྱིན་གྱིས་བརླབས་ལ་དེང་གསོ་སྦྱོང་བྱའོ། །སང་ནང་པར་ལྟུང་བ་དེ་ཆོས་བཞིན་དུ་ཕྱིར་བྱའོ་ཞེས་དེ་ལྟར་བྱིན་གྱིས་བརླབ་པར་བྱའོ། །དེའི་འོག་ཏུ་གསོ་སྦྱོང་བྱ་སྟེ། དགེ་སློང་དག་དེ་ལྟར་གསོ་སྦྱོང་བྱའི། ང་ནི་གསོ་སྦྱོང་གི་བར་གཅད་པར་མི་སྨྲའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་སོ་སོར་ཐར་པའི་མདོ་འདོན་པ་དགེ་འདུན་གྱི་ནང་དུ་ལྟུང་བ་ལ་དོགས་པ་དང ། ཡིད་གཉིས་ཟ་བར་གྱུར་ན། དགེ་སློང་དེས་ལྟུང་བ་དེ་རང་གི་སེམས་ཀྱིས་བྱིན་གྱིས་བརླབ་པར་བྱ་སྟེ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ཡིན་ལ། བདག་དགེ་སློང་སོ་སོར་ཐར་
Ka221a
༄#། །པའི་མདོ་འདོན་པ་མིང་འདི་ཞེས་བྱ་བའི་གསོ་སྦྱོང་ཡང་བཅོ་ལྔ་པ་ཡིན་ཏེ། བདག་དགེ་སློང་སོ་སོར་ཐར་པའི་མདོ་འདོན་པ་མིང་འདི་ཞེས་བྱ་བ་དགེ་འདུན་གྱི་ནང་དུ་ལྟུང་བ་འདི་དང་འདི་ལྟ་བུ་ཞིག་ལ་ཡིད་གཉིས་སུ་གྱུར་ན། བདག་དགེ་སློང་སོ་སོར་ཐར་པའི་མདོ་འདོན་པ་མིང་འདི་ཞེས་བྱ་བས་ལྟུང་བ་དེ་རང་གི་སེམས་ཀྱིས་བྱིན་གྱིས་བརླབས་ལ་དེང་གསོ་སྦྱོང་བྱའོ། །སང་ནང་བར་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་དྲིས་ཏེ། དོགས་པ་དང་ཡིད་གཉིས་བསལ་ལ། ལྟུང་བ་དེ་ཆོས་བཞིན་དུ་ཕྱིར་བྱའོ་ཞེས་དེ་ལྟར་བྱིན་གྱིས་བརླབ་པར་བྱའོ། །དེའི་འོག་ཏུ་གསོ་སྦྱོང་བྱ་སྟེ། དགེ་སློང་དག་དེ་ལྟར་གསོ་སྦྱོང་བྱའི། ང་ནི་གསོ་སྦྱོང་གི་བར་གཅད་པར་མི་སྨྲའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་འདུན་ཐམས་ཅད་ལྟུང་བ་དང་བཅས་པར་གྱུར་ན། དགེ་སློང་དེ་རྣམས་ཀྱིས་གང་གི་མདུན་དུ་དེ་རྣམས་ལྟུང་བ་དེ་ཆོས་བཞིན་དུ་ཕྱིར་བྱ་བའི་དགེ་སློང་འགའ་ཞིག་གནས་གཞན་དུ་སོང་ལ། དགེ་སློང་གི་མདུན་དུ་ལྟུང་བ་དེ་ཆོས་བཞིན་དུ་ཕྱིར་བྱེད་པ་དེ་ལྟ་བུར་སྤྲོ་བར་བྱའོ།། གལ་ཏེ་འགྲུབ་ན་དེ་ལྟ་ན་ལེགས། ཇི་སྟེ་མི་འགྲུབ་ན་དགེ་སློང་དེ་རྣམས་ཀྱིས་གསོལ་བ་འབའ་ཞིག་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། བདག་ཅག་དགེ་འདུན་ཐམས་ཅད་ནི་ལྟུང་བ་དང་བཅས་པར་གྱུར་ན། གང་གི་མདུན་དུ་བདག་ཅག་ལྟུང་བ་དེ་ཆོས་བཞིན་དུ་སླར་བགྱི་བ་བདག་ཅག་ལས་དགེ་སློང་གནས་གཞན་དུ་མཆིས་ལ། དགེ་སློང་གི་
Ka221b
མདུན་དུ་ལྟུང་བ་དེ་ཆོས་བཞིན་དུ་སླར་བགྱིད་པར་སྤྲོ་བ་སུ་ཡང་མ་མཆིས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དེང་ལྟུང་བ་དེ་བྱིན་གྱིས་བརླབས་ཏེ་གསོ་སྦྱོང་མཛད་ལ། སླད་ཀྱིས་དགེ་སློང་གི་མདུན་དུ་ལྟུང་བ་དེ་ཆོས་བཞིན་དུ་སླར་མཛད་དོ། །འདི་ནི་གསོལ་བའོ། །དེའི་འོག་ཏུ་གསོ་སྦྱོང་བྱ་སྟེ། དགེ་སློང་དག་དེ་ལྟར་གསོ་སྦྱོང་བྱའི། ང་ནི་གསོ་སྦྱོང་གི་བར་གཅད་པར་མི་སྨྲའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་འདུན་ཐམས་ཅད་ལྟུང་བ་ལ་དོགས་པ་དང ། ཡིད་གཉིས་ཟ་བར་གྱུར་ན། དགེ་སློང་དེ་རྣམས་ཀྱིས་གང་གི་མདུན་དུ་དེ་རྣམས་ལྟུང་བ་དེ་ཆོས་བཞིན་དུ་དེ་ཕྱིར་བྱ་བའི་དགེ་སློང་འགའ་ཞིག་གནས་གཞན་དུ་སོང་ལ། དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་དྲིས་ཏེ། ལྟུང་བ་ལ་དོགས་པ་དང་ཡིད་གཉིས་བསལ་ནས། ཆོས་བཞིན་དུ་ཕྱིར་བྱེད་པ་དེ་ལྟ་བུར་སྤྲོ་བར་བྱའོ། །གལ་ཏེ་འགྲུབ་ན་དེ་ལྟ་ན་ལེགས། ཇི་སྟེ་མི་འགྲུབ་ན་དགེ་སློང་དེ་རྣམས་ཀྱིས་གསོལ་བ་འབའ་ཞིག་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་གསོ་སྦྱོང་བཅོ་ལྔ་པ་ལགས་ལ། བདག་ཅག་དགེ་འདུན་ཐམས་ཅད་ལྟུང་བ་ལ་དོགས་པ་དང་ཡིད་གཉིས་དང་བཅས་པར་གྱུར་ན། གང་གི་མདུན་དུ་བདག་ཅག་བཤགས་པར་བགྱི་བ་བདག་ཅག་ལས་དགེ་སློང་གནས་གཞན་དུ་མཆིས་ལ། དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་དྲིས་ཏེ། དོགས་པ་དང་ཡིད་གཉིས་
Ka222a
༄#། །བསལ་ལ། ལྟུང་བ་དེ་ཆོས་བཞིན་དུ་སླར་བགྱིད་པར་སྤྲོ་བ་སུ་ཡང་མ་མཆིས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དེང་ལྟུང་བ་དེ་བྱིན་གྱིས་བརླབས་ཏེ་གསོ་སྦྱོང་མཛད་ལ། སླད་ཀྱིས་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ལ་དྲིས་ཏེ། དོགས་པ་དང་ཡིད་གཉིས་བསལ་ལ། ལྟུང་བ་དེ་ཆོས་བཞིན་དུ་སླར་མཛད་དོ། །འདི་ནི་གསོལ་བའོ། །དེའི་འོག་ཏུ་གསོ་སྦྱོང་བྱ་སྟེ། དགེ་སློང་དག་དེ་ལྟར་གསོ་སྦྱོང་བྱའི། ང་ནི་གསོ་སྦྱོང་གི་བར་གཅད་པར་མི་སྨྲའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་གཅིག་པུ་མ་གཏོགས་པ་དགེ་འདུན་ཐམས་ཅད་ལྟུང་བ་དང་བཅས་པར་གྱུར་ན། དགེ་སློང་དེ་དགེ་སློང་གཏམ་འདྲེས་པ་དང ། ཕེབས་པར་སྨྲ་བ་དང ། སྨོས་འདྲིན་དང ། འགྲོགས་བཤེས་གང་ཡིན་པ་དེའི་དྲུང་དུ་སོང་སྟེ། འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་འདི་དང་འདི་ལྟ་བུ་བྱེད་པ་གང་ཡིན་པ་དེས་དེ་ལ་ཅིར་འགྱུར། ལྟུང་བ་དང་བཅས་པར་འགྱུར་རོ། །འོ་ན་ཚེ་དང་ལྡན་པས་ཀྱང་འདི་དང་འདི་ལྟར་བྱས་སམ། བྱས་སོ། །འོ་ན་ཚེ་དང་ལྡན་པ་ཡང་ལྟུང་བ་དང་བཅས་པ་ཡིན་ནོ། །ཚེ་དང་ལྡན་པ་དག་ཁོ་བོ་གཅིག་བུར་མ་ཟད་ཀྱི། དགེ་འདུན་ཐམས་ཅད་དོན་དེ་དང་ལྡན་པ་ཡིན་ནོ། །ཀྱེ་ཚེ་དང་ལྡན་པ་ཇེ་ཁྱོད་རང་གི་ལྟུང་བ་ཆོས་བཞིན་དུ་ཕྱིར་གྱིས་ཤིག། དགེ་འདུན་ཐམས་ཅད་ཀྱིས་ཁྱོད་ལ་ཅིར་འགྱུར་ཞེས་བརྗོད་པར་བྱའོ། །གལ་ཏེ་འཆགས་ན་དེས་དེ་གང་
Ka222b
དུ་དགེ་སློང་གཞན་དག་ཀྱང་མཐོང་ན། འཆགས་པར་འགྱུར་བའི་སྣང་བའི་ཕྱོགས་སུ་བཞག་སྟེ། འཆགས་སུ་གཞུག་པར་བྱའོ། །གལ་ཏེ་འགྲུབ་ན་དེ་ལྟ་ན་ལེགས། ཇི་སྟེ་མི་འགྲུབ་ན། དེས་དགེ་སློང་དེ་ལ་མི་འདོད་བཞིན་དུ་གླེང་བར་མི་བྱ། མི་འདོད་བཞིན་དུ་དྲན་པར་མི་བྱའོ། །མི་འདོད་བཞིན་དུ་གླེང་བར་བྱེད། མི་འདོད་བཞིན་དུ་དྲན་པར་བྱེད་ན་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ།་དགེ་སློང་གློ་བུར་དུ་འོངས་པ་གཅིག་པུ་མ་གཏོགས་པ་དགེ་འདུན་ཐམས་ཅད་ལྟུང་བ་དང་བཅས་པར་གྱུར་ན། དགེ་སློང་དེས་དགེ་སློང་གཏམ་འདྲེས་པ་དང ། ཕེབས་པར་སྨྲ་བ་དང ། སྨོས་འདྲིན་དང ། འགྲོགས་བཤེས་གང་ཡིན་པ་དེའི་དྲུང་དུ་སོང་སྟེ། འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་འདི་དང་འདི་ལྟར་བྱེད་པ་གང་ཡིན་པ་དེས་དེ་ལ་ཅིར་འགྱུར། ལྟུང་བ་དང་བཅས་པར་འགྱུར་རོ། །འོན་ཚེ་དང་ལྡན་པས་ཀྱང་འདི་དང་འདི་ལྟར་བྱས་སམ། བྱས་སོ། །འོན་ཚེ་དང་ལྡན་པ་ཡང་ལྟུང་བ་དང་བཅས་པ་ཡིན་ནོ། །ཚེ་དང་ལྡན་པ། ཁོ་བོ་གཅིག་པུར་མ་ཟད་ཀྱི། དགེ་འདུན་ཐམས་ཅད་དོན་དེ་དང་ལྡན་པ་ཡིན་ནོ། །ཀྱེ་ཚེ་དང་ལྡན་པ་ཇེ་ཁྱོད་རང་གི་ལྟུང་བ་ཆོས་བཞིན་དུ་ཕྱིར་གྱིས་ཤིག་།དགེ་འདུན་ཐམས་ཅད་ཀྱིས་ཁྱོད་ལ་ཅིར་འགྱུར། ཞེས་བརྗོད་བར་བྱའོ། །གལ་ཏེ་འཆགས་ན་དེས་དེ་གང་དུ་དགེ་སློང་གཞན་དག་ཀྱང་མཐོང་ན་འཆགས་པར་འགྱུར་བའི་སྣང་བའི་ཕྱོགས་སུ་བཞག་སྟེ། འཆགས་སུ་གཞུག་པར་བྱའོ། །གལ་ཏེ་འགྲུབ་ན་དེ་ལྟ་ན་ལེགས། ཇི་སྟེ་མི་འགྲུབ་ན་དེས་དགེ་སློང་ལ་མི་འདོད་བཞིན་དུ་གླེང་བར་མི་བྱ། མི་འདོད་བཞིན་དུ་དྲན་པར་མི་
Ka223a
༄#། །བྱའོ། །མི་འདོད་བཞིན་དུ་གླེང་པར་བྱེད། མི་འདོད་བཞིན་དུ་དྲན་པར་བྱེད་ན། འགལ་ཚབས་ཅན་དུ་འགྱུར་རོ། །སྡོམ་ལ། སྦྱར་བ་མང་དང་མི་མཐུན་དང ། །རྣམ་པར་རང་ནི་འགྲོ་བ་དང ། །ཡོངས་སུ་དག་པའི་གསོ་སྦྱོང་ངོ ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང ། སོ་སོར་ཐར་པའི་མདོ་འདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷགས་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ།་དགེ་སློང་གང་དག་མ་ལྷགས་པ་དག་ཡོད་ན་དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པར་གདོན་དུ་རུང་ངམ།
Ka223b
འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ།་དགེ་སློང་གཉུག་མར་གནས་པ་བཞིའམ་ལྷག་པ་དག་འདུག་ཅིང་མཐུན་པར་འགྱུར་བ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་ལ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ་གསོ་སྦྱོང་བྱེད་ཅིང།་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་བོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་
Ka224a
༄#། །དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང ། སོ་སོར་ཐར་པའི་མདོ་གདོན་པ་འདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པར་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ་གསོ་སྦྱོང་བྱ་ཞིང ། སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་
Ka224b
གནས་པ་མཉམ་པ་དག་ལྷགས་ན་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་བར་བྱའོ། །དགེ་སློང་སྔ་མ་དག་ལ་ནི། ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་བར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་པ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོག་གདོན་པ་འདོན་པར་བྱེད་པ་ལས་དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་བོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན།་དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་
Ka225a
༄#། །པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་
Ka225b
སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་
Ka226a
༄#། །ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཡིད་གཉིས་ཀྱིས་དོན་དུ་གཉེར་བར་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ཅན་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་
Ka226b
གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་གདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བདག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་
Ka227a
༄#། །སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐང་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་པར་གྱུར་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང ། སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་
Ka227b
གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་
Ka228a
༄#། །བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དེ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་
Ka228b
མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་བས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ།།
Ka229a
༄#། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་ངོ་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་
Ka229b
བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བརྡོགས་\་BཥཌཱོGཥ?\་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ།་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་
Ka230a
༄#། །ལ།་དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན།་དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་
Ka230b
ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་བ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་
Ka231a
༄#། །ན།་དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ།། །།འདུལ་བ་གཞི། བམ་པོ་བཅུ་བཞི་པ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷགས་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང ། སོ་སོར་ཐར་པའི་མདོ་གདོན་པ་འདོན་པར་བྱེད་པ་
Ka231b
ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཙན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་བར་བདག་ཅག་གིས་གསོལ་པ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་
Ka232a
༄#། །མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་དུ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་པར་
Ka232b
བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་
Ka233a
༄#། །ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་བ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་
Ka233b
གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་བ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་
Ka234a
༄#། །གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་
Ka234b
གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་
Ka235a
༄#། །བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་
Ka235b
འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་
Ka236a
༄#། །གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་བ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་བ་ན། དེ་དག་འདི་སྙམ་དུ་
Ka236b
སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱང་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་བ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་
Ka237a
༄#། །རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ།་དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་
Ka237b
གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན།་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་
Ka238a
༄#། །སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱི་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་
Ka238b
འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་པ་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་
Ka239a
༄#། །སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་
Ka239b
གདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་བ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་
Ka240a
༄#། །བར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅིག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་གདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་བ་ཆེས་ཉུང་བདག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་མོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང །
Ka240b
ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ཡས་ཉེས་པ་སྤོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་བའི་ཉེར་
Ka241a
༄#། །བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་
Ka241b
རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་བ་དེ་ཉིད་ལ། དགེ་སློང་གློ་བུར་དུ་འོངས་པ་
Ka242a
༄#། །དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན།་དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་མང་པོ་དག་ལྷགས་ན།་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་
Ka242b
གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་
Ka243a
༄#། །གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི། ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་
Ka243b
རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་བ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི། རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །
Ka244a
༄#། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི། ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སྦྱོང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་
Ka244b
རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་བར་བྱའོ། །དགེ་སློང་སྔ་མ་དག་ལ་ནི། དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི། རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་
Ka245a
༄#། །དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན།་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི། ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང །
Ka245b
ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་
Ka246a
༄#། །གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ།་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་
Ka246b
དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན།
Ka247a
༄#། །དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བ་སྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་
Ka247b
སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་
Ka248a
༄#། །མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྔོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་པ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས།
Ka248b
དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྔོགས་ལས་ཉེས་པ་སྦོམ་པོར་འགྱུར་རོ། །བར་སྡོམ་ལ། རྟོག་པ་དང་ནི་ཡིད་གཉིས་དབྱེན།། །།འདུལ་བ་གཞི། བམ་པོ་བཅོ་ལྔ་པ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་པ་དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ་ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་
Ka249a
༄#། །མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པའི་མདོ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་
Ka249b
དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པའི་མདོ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས་དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ་དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་
Ka250a
༄#། །རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་པ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཀྱང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལའང་འགལ་ཚབས་ཅན་དུ་མི་འགྱུར་རོ། ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་
Ka250b
མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་དག་རྙེད་ན་དེ་དག་གིས་ཀྱང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས་དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལའང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང་ཆོས་ཀྱི་འདུ་ཤེས་ཅན་མཐུན་
Ka251a
༄#། །པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་
Ka251b
གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན་དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་བ་ཆེས་ཉུང་བ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་
Ka252a
༄#། །པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་བ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་
Ka252b
གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང་ཁ་ཅིག་ནི་མདོང་བར་དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་བདག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་
Ka253a
༄#། །ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་དཀྱིལ་འཁོར་བར་སོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོར་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་
Ka253b
ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ཏེ། འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་
Ka254a
༄#། །ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་གང་དག་དོང་ནས་དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་
Ka254b
གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོང་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན།་དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་
Ka255a
༄#། །དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་
Ka255b
དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་བར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་གང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན་
Ka256a
༄#། །དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་
Ka256b
གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་
Ka257a
༄#། །མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་གང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན་དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་
Ka257b
བྱའོ། །དེ་ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནམ་པ་ཆེས་ཉུང་བ་
Ka258a
༄#། །དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་བའི་མདོ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མདོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་བདག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་
Ka258b
གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ།་གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་གང་དག་དོང་ནས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་
Ka259a
༄#། །བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མདོང་བར་དེའི་
Ka259b
འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་
Ka260a
༄#། །བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས་དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་བ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གྲལ་
Ka260b
རིམ་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་བ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་
Ka261a
༄#། །ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ།། ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་བ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་
Ka261b
དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བདག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་ཏུ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་
Ka262a
༄#། །སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་
Ka262b
ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོག་དོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚ་བས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞི་འམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་ཏུ་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་
Ka263a
༄#། །སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནིམ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་
Ka263b
ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷགས་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་བའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་
Ka264a
༄#། །པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་གང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཆབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་བ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་
Ka264b
ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བ་ཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་བ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་མཉམ་པ་དག་
Ka265a
༄#། །ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་
Ka265b
ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་
Ka266a
༄#། །འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས་དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་
Ka266b
སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་
Ka267a
༄#། །བརྙེད་\་Pཱ་RཎYཱེཌ?\་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས་དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་
Ka267b
ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་
Ka268a
༄#། །མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་
Ka268b
པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞི་འམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་གྲལ་རིམས་བཞིན་དུ་འཁོད་དེ། དེ་དག་དང་ལྷན་ཅིག་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་
Ka269a
༄#། །ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་གལ་ཏེ་རེ་ཞིག་ཚོགས་པ་རྙེད་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །ཇི་སྟེ་མ་རྙེད་ན་དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་
Ka269b
བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས་དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་དཀྱིལ་འཁོར་བར་དོང་སྟེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །བར་སྡོམ་ལ། གྲལ་རིམས་གསོལ་ཚོགས་དཀྱིལ་འཁོར་པའོ།། །།འདུལ་བ་གཞི། བམ་པོ་བཅུ་དྲུག་པ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་བ་དག་ལྷགས་ན། དེ་དག་གིས་ཡང་དེ་དག་གི་དོན་དུ་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་
Ka270a
༄#། །འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་
Ka270b
པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ།
Ka271a
༄#། །ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པའི་མདོ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་
Ka271b
ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞི་འམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་
Ka272a
༄#། །མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་
Ka272b
ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སམས་\་ཥཱེཾཥ?\་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་
Ka273a
༄#། །སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་བ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་
Ka273b
པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་བར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་བ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་
Ka274a
༄#། །པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན།
Ka274b
དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་གིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ།
Ka275a
༄#། །དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་
Ka275b
ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པའི་མདོ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ།། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན།
Ka276a
༄#། །དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ།་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྡ་\་ཥྞGཱ\་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་
Ka276b
དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང ། གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་བ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་དང ། གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན།
Ka277a
༄#། །དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་དང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་བ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་
Ka277b
སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་ནི་མ་དོང་བར་དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང །
Ka278a
༄#། །ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྤྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ།་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་
Ka278b
མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་མ་ལངས་ཤིང་དགེ་སློང་དག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་མར་གནས་པ་བཞིའམ། ལྷགས་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་ཁ་ཅིག་ནི་དོང ། ཁ་ཅིག་མ་དོང་བར་དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་དང་གཉུག་
Ka279a
༄#། །མར་གནས་པ་བཞིའམ། ལྷགས་པ་དག་འདུག་ཅིང་མཐུན་པར་གྱུར་པ་ན། དེ་དག་འདི་སྙམ་དུ་དགེ་སློང་གང་དག་མ་ལྷགས་པ་དག་ཡོད་དོ་སྙམ་དུ་མི་སེམས་ཤིང ། ཆོས་ཀྱི་འདུ་ཤེས་ཅན་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་འདུན་གྱིས་སོ་སོར་ཐར་པ་བཏོན་ཅིང་གསོ་སྦྱོང་བྱས་པ་ཡིན་ནོ། །འཁོར་དེ་ལངས་ཤིང་དགེ་སློང་དག་དོང་ནས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །བར་སྔོམ་ལ། གསོལ་བ་དང་ནི་མ་དོང་དང ། །ཁ་ཅིག་དོང་དང་ཐམས་ཅད་དོང ། །དགེ་སློང་གཉུག་མར་གནས་པ་དག་གི་ནི་ཚེས་བཅོ་ལྔ་པ་ཡིན་ལ། དགེ་སློང་གློ་བུར་དུ་འོངས་པ་ཆེས་ཉུང་བ་དག་གི་ནི། ཚེས་བཅུ་བཞིའམ། ཚེས་གཅིག་ཡིན་ན། གློ་བུར་དུ་འོངས་པ་དག་གིས་གཉུག་མར་གནས་པ་ཆེས་མང་པོ་དག་གི་རྗེས་སུ་འཇུག་པར་བྱའོ། །དགེ་སློང་གཉུག་མར་གནས་པ་དག་གི་ནི་ཚེས་བཅོ་ལྔ་པ་ཡིན་ལ། དགེ་སློང་གློ་བུར་དུ་འོངས་པ་མཉམ་པ་དག་གི་ནི་ཚེས་བཅུ་བཞིའམ། ཚོས་གཅིག་ཡིན་ན། གློ་བུར་དུ་འོངས་པ་དག་གིས་གཉུག་མར་གནས་པ་མཉམ་པ་དག་གི་རྗེས་སུ་འཇུག་པར་བྱའོ། །དགེ་སློང་གཉུག་མར་གནས་པ་ཆེས་ཉུང་བ་དག་གི་ནི་ཚེས་བཅོ་ལྔ་པ་ཡིན་ལ། དགེ་སློང་གློ་
Ka279b
བུར་དུ་འོངས་པ་ཆེས་མང་པོ་དག་གི་ནི་ཚེས་བཅུ་བཞིའམ། ཚེས་གཅིག་ཡིན་ན། གཉུག་མར་གནས་པ་དག་གིས་གློ་བུར་དུ་འོངས་པ་ཆེས་མང་པོ་དག་གི་རྗེས་སུ་འཇུག་པར་བྱའོ། །དགེ་སློང་གློ་བུར་དུ་འོངས་པ་དག་གི་ནི་ཚེས་བཅོ་ལྔ་པ་ཡིན་ལ། དགེ་སློང་གཉུག་མར་གནས་པ་ཆེས་ཉུང་བ་དག་གི་ནི་ཚེས་བཅུ་བཞིའམ། ཚེས་གཅིག་ཡིན་ན། གཉུག་མར་གནས་པ་དག་གིས་གློ་བུར་དུ་འོངས་པ་ཆེས་མང་པོ་དག་གི་རྗེས་སུ་འཇུག་པར་བྱའོ། །དགེ་སློང་གློ་བུར་དུ་འོངས་པ་དེ་དག་གི་ནི་ཚེས་བཅོ་ལྔ་པ་ཡིན་ལ། དགེ་སློང་གཉུག་མར་གནས་པ་མཉམ་པ་དག་གི་ནི་ཚེས་བཅུ་བཞིའམ། ཚེས་གཅིག་ཡིན་ན། གློ་བུར་དུ་འོངས་པ་དག་གིས་གཉུག་མར་གནས་པ་མཉམ་པ་དག་གི་རྗེས་སུ་འཇུག་པར་བྱའོ། །དགེ་སློང་གློ་བུར་དུ་འོངས་པ་དག་གི་ནི་ཚེས་བཅོ་ལྔ་ཡིན་ལ། དགེ་སློང་གཉུག་མར་གནས་པ་ཆེས་མང་པོ་དག་གི་ནི། ཚེས་བཅུ་བཞིའམ། ཚེས་གཅིག་ཡིན་ན། གློ་བུར་དུ་འོངས་པ་དག་གིས་གཉུག་མར་གནས་པ་ཆེས་མང་པོ་དག་གི་རྗེས་སུ་འཇུག་པར་བྱའོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་པ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་
Ka280a
༄#། །དུ་སེམས་ཤིང ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང་དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས་དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་འདུག་ཅིང་མཐུན་པར་གྱུར་པ་ན།་དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་
Ka280b
དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་
Ka281a
༄#། །ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་གིས་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ནས། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་
Ka281b
པ་གདོན་པར་བྱ་སྟི། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་བ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་ཕར་མི་རུང་ངོ ། །སྙམ་ནས་དེ་དག་གིས་དེ་དག་ལྷག་པའི་བསམ་པས་བཙལ་ཏེ། མ་རྙེད་ནས་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་
Ka282a
༄#། །དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཆན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་རྙེད་ན། དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་
Ka282b
སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་འདུག་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་
Ka283a
༄#། །གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན། མི་མཐུན་པའི་
Ka283b
འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་
Ka284a
༄#། །གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་མ་རྙེད་ནས། དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ།
Ka284b
ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། རྙེད་ན་དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་
Ka285a
༄#། །སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ནས། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་
Ka285b
བར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན། མི་མཐུན་པའི་འདུ་ཤེས་ཅན་དེ་དག་གིས་
Ka286a
༄#། །གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན།་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི། མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷགས་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་
Ka286b
དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། མ་རྙེད་ན་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་
Ka287a
༄#། །མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། གཞན་གྱི་ལྷུང་བཟེད་དང ། ཆོས་གོས་དང ། འཁར་བ་དང ། གཏུར་བུ་དང ། རིལ་བ་སྤྱི་བླུགས་དང ། འབྲུ་མར་སྣོད་དང ། ཞཝ་དང་ལྷམ་སྒྲོག་གུ་ཅན་དང ། མཆིལ་ལྷམ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། རྙེད་ན་དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས་གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་
Ka287b
ཏེ།་དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་
Ka288a
༄#། །ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དེ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས་ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་
Ka288b
དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་པའི་མདོ་གདོན་པ་འདོན་པར་བྱད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་
Ka289a
༄#། །མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། མ་རྙེད་ནས་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན།
Ka289b
དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། རྙེད་ན་དེ་དག་གིས་དེ་དང་ལྷན་ཅིག་འཁོད་དེ་གསོལ་བ་བྱས་ནས། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ།། །།འདུལ་བ་གཞི། བམ་པོ་བཅུ་བདུན་པ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་
Ka290a
༄#། །པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་
Ka290b
པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ།། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གིས་འཁར་པའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་བ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་
Ka291a
༄#། །པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ།་དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་
Ka291b
པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། མ་རྙེད་ན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་མཉམ་པ་དག་ལྷགས་ན།་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་རྙེད་ན། དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས། གསོ་སྦྱོང་བྱེད་ཅིང་སོ་སོར་ཐར་བའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་
Ka292a
༄#། །ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ།
Ka292b
དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་
Ka293a
༄#། །མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན། མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན།་དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོ་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་
Ka293b
ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི། རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན།་དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དེ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ།་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་མ་རྙེད་ན། དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གློ་བུར་དུ་འོངས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གཉུག་མར་གནས་པ་བཞིའམ། ལྷག་པ་དག་འདུག་
Ka294a
༄#། །ཅིང་མཐུན་པར་གྱུར་པ་ན། དེ་དག་གིས་དེ་ན་གློ་བུར་དུ་འོངས་པའི་རྣམ་པ་དང ། གློ་བུར་དུ་འོངས་པའི་རྟགས་དང ། གློ་བུར་དུ་འོངས་པའི་མཚན་མ་འདི་ལྟ་སྟེ། དགེ་སློང་གློ་བུར་དུ་འོངས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་རྙེད་ན། དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷགས་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་གདབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་
Ka294b
པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱའོ། །དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ།་གཙུག་ལག་ཁང་ཆག་ཆག་གདབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་
Ka295a
༄#། །དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན།་དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་
Ka295b
སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བའི་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་
Ka296a
༄#། །དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། མ་རྙེད་ནས་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྤྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་
Ka296b
གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། རྙེད་ན། དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་འགལ་ཚབས་ཅན་དུ་མི་འགྱུར་རོ། ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་
Ka297a
༄#། །དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་གདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་བར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དེ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་
Ka297b
གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་བ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན་དེ་དག་གིས་ཡང་གསོལ་བ་བྱས་
Ka298a
༄#། །ཏེ།་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ།་གསོ་སྦྱོང་བཅོ་ལྔ་པ་དེ་ཉིད་ལ་དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན་དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ།་གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་
Ka298b
ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་མ་རྙེད་ནས། དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་
Ka299a
༄#། །པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་རྙེད་ན། དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་
Ka299b
དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ།་གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས་ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་
Ka300a
༄#། །གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུས་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པར་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་
Ka300b
མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ནས། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན་དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་
Ka301a
༄#། །མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་མ་རྙེད་ནས། དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ།་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། གཙུག་ལག་ཁང་ཆག་ཆག་བཏབ་པ་དང ། ཕྱག་དར་བྱས་པ་དང ། ལྕི་བ་སར་པའི་བྱུག་པས་བྱུགས་པ་དང ། གནས་
Ka301b
མལ་བཤམས་པ་དང ། འབྲུ་མར་གྱི་མར་མེ་བུས་པ་དག་མཐོང་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། རྙེད་ན་དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་ཡང་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན་དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་
Ka302a
༄#། །པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་
Ka302b
དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི། ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་
Ka303a
༄#། །གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་
Ka303b
གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་མ་རྙེད་ནས། དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་ཉུང་བ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་ཡང་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་
Ka304a
༄#། །བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། རྙེད་ན་དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱེད་ན། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་
Ka304b
གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་
Ka305a
༄#། །དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་
Ka305b
འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་
Ka306a
༄#། །པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་མ་རྙེད་ན། དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་མཉམ་པ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན་དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་རྙེད་ན། དེ་དག་གིས་དེ་དག་དང་ལྷན་ཅིག་
Ka306b
ཏུ་འཁོད་དེ་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ན། དགེ་སློང་སྔ་མ་དག་ལ་འགལ་ཚབས་ཅན་དུ་མི་འགྱུར་རོ།། །།འདུལ་བ་གཞི། བམ་པོ་བཅོ་བརྒྱད་པ། འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་ཀྱང་རུང ། དེ་ཉིད་དུ་འདུག་ཀྱང་རུང ། སོ་སོར་གྱུར་ཀྱང་རུང ། ཐག་རིང་པོར་གྱུར་ཀྱང་རུང་སྙམ་ནས། དབྱེན་གྱིས་དོན་དུ་གཉེར་བ་དབྱེན་གྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་དབྱེན་གྱི་ཉེར་བསྡོགས་ལས་ཉེས་པ་སྦོམ་པོར་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་
Ka307a
༄#། །པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངམ། འོན་ཏེ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་སྙམ་ནས། ཡིད་གཉིས་ཀྱིས་དོན་དུ་གཉེར་བ་ཡིད་གཉིས་ཀྱི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་ཡིད་གཉིས་ཀྱི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་
Ka307b
པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། ཆོས་མ་ཡིན་པའི་འདུ་ཤེས་ཅན་མི་མཐུན་པའི་འདུ་ཤེས་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་པ་\་ཎཱ?\། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་མི་མཐུན་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་
Ka308a
༄#། །དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི། རྟོག་པའི་ཉེར་བསྡོགས་ལས་འགལ་ཚབས་ཅན་དུ་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་
Ka308b
ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ། མ་རྙེད་ནས་དེ་དག་གིས་གསོལ་བ་བྱས་ཏེ། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་པ་ལས། དེའི་འོག་ཏུ་དགེ་སློང་གཉུག་མར་གནས་པ་ཆེས་མང་པོ་དག་ལྷགས་ན། དེ་དག་གིས་ཡང་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་པར་བྱ་སྟེ། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་འགྱུར་རོ། །འདི་ལྟ་སྟེ། གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་གློ་བུར་དུ་འོངས་པ་བཞིའམ། ལྷག་པ་དག་འདུག་ཅིང་མཐུན་པར་གྱུར་པ་ན། དེ་དག་གིས་དེ་ན་གཉུག་མར་གནས་པའི་རྣམ་པ་དང ། གཉུག་མར་གནས་པའི་རྟགས་དང ། གཉུག་མར་གནས་པའི་མཚན་མ་འདི་ལྟ་སྟེ། དགེ་སློང་གཉུག་མར་གནས་པ་དག་གི་འཁར་བའི་སྒྲ་དང ། རྟིང་སྒྲ་དང ། སྐད་སེལ་བའི་སྒྲ་དང ། ལྡེ་མིག་གི་སྒྲ་དང ། ལྡེ་མིག་ཀྱོག་པོའི་སྒྲ་དང ། གཏང་རག་དག་ཐོས་ན། དེ་དག་འདི་སྙམ་དུ་སེམས་ཏེ། དགེ་སློང་གང་དག་མ་ལྷགས་པ་དག་ཡོད་ན། དགེ་སློང་གང་དག་མ་ལྷགས་པ་དེ་དག་མེད་པར་བདག་ཅག་གིས་གསོལ་བ་བྱས་ཏེ། གསོ་སྦྱོང་བྱ་ཞིང་སོ་སོར་ཐར་པའི་མདོ་གདོན་པ་གདོན་དུ་མི་རུང་ངོ་སྙམ་ནས། དེ་དག་གིས་དེ་དག་ལྷག་པའི་བསམ་པས་བཙལ་ཏེ་རྙེད་ན། དེ་དག་གིས་དེ་དག་དང་ལྷན་ཅིག་འཁོད་དེ་གསོལ་བ་བྱས་ནས། གསོ་སྦྱོང་བྱེད་ཅིང་སོ་སོར་ཐར་པའི་མདོ་གདོན་པ་འདོན་པར་བྱེད་ན། དགེ་སློང་སྔ་མ་དག་ལ་ནི་འགལ་ཚབས་ཅན་དུ་མི་
Ka309a
༄#། །འགྱུར་རོ། །བར་སྡོམ་ལ། དབྱེན་དང་ཡིད་གཉིས་མི་མཐུན་དང ། །རྟོག་དང་མ་རྙེད་རྙེད་པའོ། །དགེ་སློང་གས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་ནས། དགེ་སློང་དང་བཅས་པའི་གནས་གང་ན། དགེ་སློང་ཡོངས་སུ་དག་པ་ལྟ་བ་མཐུན་པ་དག་འཁོད་པར་འགྲོ་བར་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་ནས། དགེ་སློང་དང་བཅས་པའི་གནས་གང་ན། དགེ་སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། འཐབ་མོ་བྱེད་པ། རྩོད་པའི་གཞི་བྱེད་པ་དག་འཁོད་པར་གནོད་པ་བྱུང་བ་དང ། དགེ་འདུན་ཐམས་ཅད་དེར་འགྲོ་བར་མ་གཏོགས་པར་མི་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་ནས། དགེ་སློང་དང་བཅས་པའི་གནས་དང ། གནས་མ་ཡིན་པ་གང་ན། དགེ་སློང་ཡོངས་སུ་དག་པ་ལྟ་བ་མཐུན་པ་དག་འཁོད་པར་འགྲོ་བར་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་ནས། དགེ་སློང་དང་བཅས་པའི་གནས་དང ། གནས་མ་ཡིན་པ་གང་ན། དགེ་སློང་འཐབ་ཀྲོལ་བྱེད་པ། མཚང་འབྲུ་བར་བྱེད་པ། འཐབ་མོ་བྱེད་པ། འཐབ་པར་བྱེད་པ། རྩོད་པའི་གཞི་བྱེད་བ་དག་འཁོད་པར་གནོད་པ་བྱུང་བ་དང ། དགེ་འདུན་ཐམས་ཅད་དེར་འགྲོ་བ་མ་གཏོགས་པར་འགྲོ་བར་མི་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་
Ka309b
པའི་གནས་དང ། གནས་མ་ཡིན་པ་ནས། དགེ་སློང་དང་བཅས་པའི་གནས་དང ། གནས་མ་ཡིན་པ་གང་ན་དགེ་སློང་ཡོངས་སུ་དག་པ་ལྟ་བ་མཐུན་པ་དག་འཁོད་པར་འགྲོ་བར་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་དང ། གནས་མ་ཡིན་པ་ནས། དགེ་སློང་དང་བཅས་པའི་གནས་དང ། གནས་མ་ཡིན་པ་གང་ན་དགེ་སློང་འཐབ་ཀྲོལ་བྱེད་པ། མཚང་འབྲུ་བར་བྱེད་པ། འཐབ་མོ་བྱེད་པ། འཐབ་པར་བྱེད་པ། རྩོད་པའི་གཞི་བྱེད་པ་དག་འཁོད་པར་གནོད་པ་བྱུང་བ་དང ། དགེ་འདུན་ཐམས་ཅད་དེར་འགྲོ་བ་མ་གཏོགས་པར་འགྲོ་བར་མི་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་དང ། དགེ་སློང་དང་བཅས་པའི་གནས་མ་ཡིན་པ་དང ། དགེ་སློང་དང་བཅས་པའི་གནས་དང ། གནས་མ་ཡིན་པ་ནས། དགེ་སློང་མེད་པའི་གནས་གང་དུ་སོང་ན། ལུས་སམ་སེམས་ཀྱི་བདེ་བ་ལ་རེག་པར་འགྱུར་བ་དེར་འགྲོ་བར་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་དང ། དགེ་སློང་དང་བཅས་པའི་གནས་མ་ཡིན་པ་དང ། དགེ་སློང་དང་བཅས་པའི་གནས་དང་གནས་མ་ཡིན་པ་ནས། དགེ་སློང་མེད་པའི་གནས་སུ་གནོད་པ་བྱུང་བ་དང ། དགེ་འདུན་ཐམས་ཅད་དེར་འགྲོ་བ་མ་གཏོགས་བར་འགྲོ་བར་མི་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་དང ། དགེ་སློང་དང་བཅས་པའི་གནས་མ་ཡིན་པ་དང ། དགེ་སློང་དང་བཅས་པའི་གནས་དང་གནས་
Ka310a
༄#། །མ་ཡིན་པ་དང ། དགེ་སློང་མེད་པའི་གནས་ནས། དགེ་སློང་མེད་པའི་གནས་གང་དུ་སོང་ནས། ལུས་སམ་སེམས་ཀྱི་བདེ་བ་ལ་རེག་པར་འགྱུར་བ་དེར་འགྲོ་བར་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་དང ། དགེ་སློང་དང་བཅས་པའི་གནས་མ་ཡིན་པ་དང ། དགེ་སློང་དང་བཅས་པའི་གནས་དང་གནས་མ་ཡིན་པ་དང ། དགེ་སློང་མེད་པའི་གནས་ནས། དགེ་སློང་མེད་པའི་གནས་སུ་གནོད་པ་བྱུང་བ་དང ། དགེ་འདུན་ཐམས་ཅད་དེར་འགྲོ་བ་མ་གཏོགས་པར་འགྲོ་བར་མི་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་དང ། དགེ་སློང་དང་བཅས་པའི་གནས་མ་ཡིན་པ་དང ། དགེ་སློང་དང་བཅས་པའི་གནས་དང་གནས་མ་ཡིན་པ་དང ། དགེ་སློང་མེད་པའི་གནས་དང ། དགེ་སློང་མེད་བའི་གནས་མ་ཡིན་པ་ནས། དགེ་སློང་མེད་པའི་གནས་དང ། གནས་མ་ཡིན་པ་གང་དུ་སོང་ན། ལུས་སམ་སེམས་བདེ་བ་ལ་རེག་པར་འགྱུར་བ་དེར་འགྲོ་བར་བྱའོ། །དགེ་སློང་གིས་གསོ་སྦྱོང་བཅོ་ལྔ་པ་དེ་ཉིད་ལ། དགེ་སློང་དང་བཅས་པའི་གནས་དང ། དགེ་སློང་དང་བཅས་པའི་གནས་མ་ཡིན་པ་དང ། དགེ་སློང་དང་བཅས་པའི་གནས་དང་གནས་མ་ཡིན་པ་དང ། དགེ་སློང་མེད་པའི་གནས་དང ། དགེ་སློང་མེད་པའི་གནས་མ་ཡིན་པ་ནས། དགེ་སློང་མེད་པའི་གནས་དང་གནས་མ་ཡིན་པར་གནོད་པ་བྱུང་བ་དང ། དགེ་འདུན་ཐམས་ཅད་དེར་འགྲོ་བ་མ་གཏོགས་པར་འགྲོ་བར་མི་བྱའོ། །
Ka310b
དགེ་སློང་དང་བཅས་པའི་གནས་གང་ཞེ་ན། གང་ན་ལས་ཐམས་ཅད་སྣང་བའོ། །དགེ་སློང་དང་བཅས་པའི་གནས་མ་ཡིན་པ་གང་ཞེ་ན། གང་ན་ལས་ཐམས་ཅད་མི་སྣང་བའོ། །དགེ་སློང་དང་བཅས་པའི་གནས་དང་གནས་མ་ཡིན་པ་གང་ཞེ་ན། གང་ན་ལས་ཁ་ཅིག་ནི་སྣང་ལ། ཁ་ཅིག་ནི་མི་སྣང་བའོ། །དགེ་སློང་མེད་པའི་གནས་གང་ཞེ་ན། དགེ་སློང་མའི་གནས་སོ། །དགེ་སློང་མེད་པའི་གནས་མ་ཡིན་པ་གང་ཞེ་ན། མུ་སྟེགས་ཅན་གྱི་གནས་སོ། །དགེ་སློང་མེད་པའི་གནས་དང་གནས་མ་ཡིན་པ་གང་ཞེ་ན། བཀར་བའི་གནས་སོ། །དགེ་སློང་རྣམས་ཀྱིས་ནི་ཁྱིམ་པ་དག་དང་འདུས་ཤིང་འཁོད་ནས ། གསོ་སྦྱོང་དང ། དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་མི་བྱ། དགེ་སྦྱོང་དུ་ཁས་འཆེས་པ་རྣམས་དང་མ་ཡིན། ཟ་མ་རྣམས་དང་མ་ཡིན། མ་ནིང་རྣམས་དང་མ་ཡིན། དགེ་སློང་མ་སུན་བྱུང་བ་རྣམས་དང་མ་ཡིན། པ་བསད་པ་རྣམས་དང་མ་ཡིན། མ་བསད་པ་རྣམས་དང་མ་ཡིན། དགྲ་བཅོམ་པ་བསད་པ་རྣམས་དང་མ་ཡིན། དགེ་འདུན་གྱི་དབྱེན་བྱེད་པ་རྣམས་དང་མ་ཡིན། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་རྣམས་དང་མ་ཡིན། མུ་སྟེགས་ཅན་རྣམས་དང་མ་ཡིན། མུ་སྟེགས་ཅན་ཞུགས་པ་རྣམས་དང་མ་ཡིན། རྐུ་ཐབས་སུ་གནས་པ་རྣམས་དང་མ་ཡིན། ཐ་དད་དུ་གནས་པ་རྣམས་དང་མ་ཡིན་ཏེ། གནས་པར་མི་བྱ་བ་རྣམས་དང་འདུས་ཤིང་འཁོད་ནས་གསོ་སྦྱོང་དང ། དགག་དབྱེ་དང ། གསོལ་བ་དང ། གསོལ་
Ka311a
༄#། །བ་དང་གཉིས་དང ། གསོལ་བ་དང་བཞིའི་ལས་མི་བྱའི། ཐམས་ཅད་ཡོངས་སུ་དག་པ་དང ། ལྟ་བ་མཐུན་པ་དག་དང་འདུས་ཤིང་འཁོད་ནས་གསོ་སྦྱོང་དང ། དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱའོ། །ལས་མི་མཐུན་པ་དག་བྱས་ན་འགལ་ཚབས་ཅན་དུ་འགྱུར་རོ། །གསོ་སྦྱོང་གི་གཞི་རྫོགས་སོ།། །། དགག་དབྱེའི་གཞི་བསྡུས་པའི་སྡོམ་ལ། དགག་དབྱེ་ཆོས་མིན་དགེ་སློང་དང ། །བཟློས་དང་དབྱར་དང་ཕྱི་མའོ། །སྡོམ་ལ། དགག་དབྱེ་རྗེས་སུ་གནང་བ་དང ། །དགག་དབྱེ་བྱེད་པ་བསྐོ་བ་དང ། །ཆོས་དང་ཆོས་མིན་གཏོགས་པ་དང ། །ནད་པ་བསོ་བའི་ལས་རྣམས་སོ། །སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་དབྱར་བཞུགས་པར་དམ་བཞེས་སོ། །དེའི་ཚེ་དགེ་སློང་རབ་ཏུ་མང་པོ་དག་ལྗོངས་ཤིག་ཏུ་ཁྲིམས་སུ་བཅའ་བ་འདི་ལྟ་བུ་དག་བྱས་ནས། དབྱར་གནས་པར་དམ་བཅས་ཏེ། ཚེ་དང་ལྡན་པ་དག་བདག་ཅག་གི་ནང་ན་དགེ་སློང་གང་གིས་ཀྱང་དབྱར་གྱི་ནང་ལོགས་སུ་དགེ་སློང་ལ་ཚུལ་ཁྲིམས་ཉམས་ཤེའམ། ལྟ་བ་ཉམས་ཤེའམ། སྤྱོད་པ་ཉམས་ཤེའམ། འཚོ་བ་ཉམས་ཞེས་གླེང་བར་མི་བྱ། དྲན་པར་མི་བྱའོ། །བདག་ཅག་གི་ནང་ན། གང་གིས་ཆུ་རའི་བུམ་པའམ། ཁྲུས་ཀྱི་བུམ་པ་སྟོང་པ་སྐམ་པོ་ཆུ་མེད་པ་མཐོང་ན། གལ་ཏེ་གཅིག་པུས་ནུས་པར་གྱུར་ན། གཅིག་པུ་དེས་བཀང་ལ་གནས་ཇི་ལྟ་བ་བཞིན་དུ་གཞག་པར་བྱའོ། །གལ་ཏེ་
Ka311b
གཅིག་པུས་མི་ནུས་པར་གྱུར་ན། དགེ་སློང་ཅིག་ཤོས་ལ་ལག་བརྡའི་སྒྲ་བྱས་ཏེ། ལག་རུབ་ཀྱིས་གནས་ཇི་ལྟ་བ་བཞིན་དུ་བཞག་ནས། གཅིག་ལ་གཅིག་མི་སྨྲ་བར། ཁ་རོག་སྟེ་འགྲོ་བར་བྱའོ་ཞེས་དེ་ལྟ་བུའི་ཁྲིམས་སུ་བཅའ་བ་དག་བྱས་ནས་ལྗོངས་སུ་དབྱར་གནས་པར་དམ་བཅས་སོ། །དེ་ནས་དགེ་སློང་རབ་ཏུ་མང་པོ་དབྱར་ཟླ་བ་གསུམ་འདས་ནས། ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས། ལྷུང་བཟེད་དང་ཆོས་གོས་ཐོགས་ཏེ། ཕན་ཚུན་མི་སྨྲ་བར་མཉན་ཡོད་ག་ལ་བ་དེ་ལོགས་སུ་རྒྱུ་ཞིང་དོང་སྟེ། རིམ་གྱིས་རྒྱུ་ཞིང་དོང་བ་དང ། མཉན་ཡོད་དུ་ཕྱིན་ཏོ། །དེ་ནས་དགེ་སློང་རབ་ཏུ་མང་པོས་ལྷུང་བཟེད་དང་ཆོས་གོས་མཁོས་སུ་ཕ་བ་སྟེ། རྐང་པ་གཉིས་བཀྲུས་ནས། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འཁོད་དོ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་ནི་གློ་བུར་དུ་ལྷགས་པའི་དགེ་སློང་རྣམས་ལ་སོ་སོར་ཡང་དག་པར་དགའ་བར་མཛད་པ་འདིས་སོ་སོ་ཡང་དག་པར་དགའ་བར་མཛད་དེ། དགེ་སློང་དག་ཁྱེད་གང་ནས་འདིར་འོངས། ཁྱེད་གང་དུ་དབྱར་གནས་པར་དམ་བཅས་ཞེས་བྱ་བ་སྟེ། སངས་རྒྱས་བཅོམ་ལྡན་འདས་ཀྱིས་གློ་བུར་དུ་འོངས་པའི་དགེ་སློང་རྣམས་ལ་དགེ་སློང་དག་ཁྱེད་གང་ནས་འདིར་འོངས། ཁྱེད་གང་དུ་དབྱར་གནས་པར་དམ་བཅས་ཞེས་སོ་སོར་ཡང་དག་པར་དགའ་བར་མཛད་པ་དང ། བཙུན་པ་བདག་ཅག་ལྗོངས་ཤིག་ནས་ད་གཟོད་འདིར་
Ka312a
༄#། །མཆིས་ཏེ། བདག་ཅག་ལྗོངས་ཤིག་ཏུ་དབྱར་གནས་པར་དམ་བཅས་པ་ལགས་སོ། །དགེ་སློང་དག་ཁྱེད་ཅག་ལྗོངས་སུ་བདེ་བ་ལ་རེག་པར་དབྱར་གནས་པར་དམ་བཅས་སམ། ཁྱེད་ཅག་བསོད་སྙོམས་ཀྱིས་བྲེལ་བར་མ་གྱུར་མོད། བཙུན་པ་མེད་དེ། བདག་ཅག་ལྗོངས་ཤིག་ཏུ་བདེ་བ་ལ་རེག་པར་དབྱར་གནས་པར་དམ་བཅས་ཏེ་བདག་ཅག་བསོད་སྙོམས་ཀྱིས་ཀྱང་བྲེལ་བ་མ་མཆིས་ལགས་སོ། །དགེ་སློང་དག་ཁྱེད་ཅག་ཇི་ལྟ་བུ་ཞིག་ཏུ་ལྗོངས་སུ་བདེ་བ་ལ་རེག་པར་དབྱར་གནས་པར་དམ་བཅས། བསོད་སྙོམས་ཀྱིས་ཀྱང་བྲེལ་བར་མ་གྱུར། བཙུན་པ་འདི་ལ་བདག་ཅག་དགེ་སློང་རབ་ཏུ་མང་པོས་ལྗོངས་ཤིག་ཏུ་ཁྲིམས་སུ་བཅའ་བ་འདི་ལྟ་བུ་དག་བགྱིས་ནས་དབྱར་གནས་པར་དམ་བཅས་ཏེ། ཚེ་དང་ལྡན་པ་དག་བདག་ཅག་གི་ནང་ན་དགེ་སློང་གང་གིས་ཀྱང་དབྱར་གྱི་ནང་ལོགས་སུ་དགེ་སློང་ལ་ཚུལ་ཁྲིམས་ཉམས་ཤེའམ། ལྟ་བ་ཉམས་ཤེའམ། སྤྱོད་པ་ཉམས་ཤེའམ། འཚོ་བ་ཉམས་ཞེས་གླེང་བར་མི་བྱ། དྲན་པར་མི་བྱའོ། །བདག་ཅག་གི་ནང་ན་གང་གིས་ཆུ་རའི་བུམ་པའམ། ཁྲུས་ཀྱི་བུམ་པ་སྟོང་པ་སྐམ་པོ་ཆུ་མེད་པ་མཐོང་ན། གལ་ཏེ་གཅིག་པུས་ནུས་པར་གྱུར་ན། གཅིག་པུ་དེས་བཀང་ལ་གནས་ཇི་ལྟ་བ་བཞིན་དུ་གཞག་པར་བྱའོ། །གལ་ཏེ་གཅིག་པུས་མི་ནུས་པར་གྱུར་ན། དགེ་སློང་ཅིག་ཤོས་ལ་ལག་བརྡའི་སྒྲ་བྱས་ཏེ། ལག་རུབ་ཀྱིས་གནས་ཇི་ལྟ་བ་བཞིན་དུ་བཞག་ནས། གཅིག་ལ་གཅིག་མི་སྨྲ་བར་ཁ་རོག་སྟེ་འགྲོ་བར་བྱའོ་
Ka312b
ཞེས་བཙུན་པ་བདག་ཅག་གིས་ཁྲིམས་སུ་བཅའ་བ་དེ་ལྟ་བུ་དག་བགྱིས་ནས་ལྗོངས་ཤིག་ཏུ་དབྱར་གནས་པར་དམ་བཅས་ཏེ། བཅུན་པ་དེ་ལྟར་ན་བདག་ཅག་ལྗོངས་ཤིག་ཏུ་བདེ་བ་ལ་རེག་པར་དབྱར་གནས་པར་དམ་བཅས་ཤིང་བསོད་སྙོམས་ཀྱིས་ཀྱང་བྲེལ་བར་མ་གྱུར་ལགས་སོ། །སྐྱེས་བུ་གཏི་མུག་ཁྱེད་ཅག་གནས་མལ་ན་དགྲ་དང་ལྷན་ཅིག་གནས་པས། བདེ་བ་ལ་རེག་པར་དབྱར་གནས་པར་དམ་བཅས་སྙམ་སེམས་སམ། སྐྱེས་བུ་གཏི་མུག་དག་།འདི་ལྟ་སྟེ་མི་སྨྲ་བ་ནི་མུ་སྟེགས་ཅན་གྱི་རྒྱལ་མཚན་ཡིན་ནོ། །དེ་ལྟ་བས་ན་དགེ་སློང་གིས་མི་སྨྲ་བར་དམ་བཅའ་བར་མི་བྱའོ། །དགེ་སློང་གིས་མི་སྨྲ་བར་དམ་བཅས་ན་འགལ་ཚབས་ཅན་དུ་འགྱུར་རོ། །འོན་ཀྱང་དབྱར་གནས་པར་དམ་བཅས་པའི་དགེ་སློང་གིས་དགེ་འདུན་ལ་མཐོང་བ་དང ། ཐོས་པ་དང ། དོགས་པའི་གནས་གསུམ་གྱིས་དགག་དབྱེ་བྱའོ། ། བཅོམ་ལྡན་འདས་ཀྱིས་དབྱར་གནས་པར་དམ་བཅས་པའི་དགེ་སློང་གིས་དགེ་འདུན་ལ་མཐོང་བ་དང་ཐོས་པ་དང་དོགས་པའི་གནས་གསུམ་གྱིས་དགག་དབྱེ་བྱའོ་ཞེས་གསུངས་པ། དགེ་སློང་རྣམས་ཀྱིས་དགག་དབྱེ་ཇི་ལྟར་བྱ་བ་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། ཉི་མ་བདུན་ནམ་བརྒྱད་ན་དགག་དབྱེ་བྱེད་པར་འགྱུར་ན། ཉི་མ་འདི་སྙེད་ཅིག་ན་དགེ་འདུན་གྱི་དགག་དབྱེ་མཛད་པར་འགྱུར་རོ་ཞེས་སྤྱོད་ཡུལ་གྱི་གྲོང་ཁྱེར་དུ་གོ་བར་བྱའོ། །གནས་འཆའ་བའི་དགེ་སློང་རྣམས་ཀྱིས་མཆོད་རྟེན་དང ། མཆོད་རྟེན་གྱི་འཁོར་ས་རྣམས་སུ་མཆོད་པ་བྱ་བའི་ལས་ལ་ལྷག་པར་བརྩོན་པར་བྱ་སྟེ།
Ka313a
༄#། །དྲི་གཙང་ཁང་བྱི་དོར་བྱ། བརྒྱན་པར་བྱའོ། །གནས་པ་དང་གཉུག་མར་གནས་པའི་དགེ་སློང་རྣམས་ཀྱིས་གཙུག་ལག་ཁང་ཕྱག་དར་བྱས་ཆག་ཆག་བཏབ། བ་ལང་གི་ལྕི་བ་སར་པའི་བྱུག་པས་བྱུག་པར་བྱའོ། །དགེ་འདུན་ལ་རྙེད་པ་སྣུམ་བག་ཅན་དག་དབུལ་བར་བྱའོ། །དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་ཀྱིས་མཚན་ཐོག་ཐག་ཆོས་བཤད་པར་བྱའོ། །གལ་ཏེ་སྐྱ་རེངས་མ་ཤར་བར་དགག་དབྱེ་བྱ་མི་ནུས་པར་ཤེས་ན། དུས་ཤེས་པར་བྱ་སྟེ། ཅི་བདེར་བྱའོ། །དེ་ནས་དགག་དབྱེ་བྱེད་པའི་དགེ་སློང་གཅིག་གམ་གཉིས་སམ། མང་པོ་བསྐོ་བ་བྱ་སྟེ། ཆོས་ལྔ་དང་ལྡན་པའི་དགེ་སློང་དགག་དབྱེ་བྱེད་པར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། དགག་དབྱེ་དང ། དགག་དབྱེ་མ་ཡིན་པ་མི་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་དགག་དབྱེ་བྱེད་པར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ཆོས་ལྔ་དང་ལྡན་པའི་དགེ་སློང་ནི་དགག་དབྱེ་བྱེད་པར་མ་བསྐོས་པ་ནི་བསྐོ་བར་བྱའོ། །བསྐོས་པ་ནི་དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། དགག་དབྱེ་དང ། དགག་དབྱེ་མ་ཡིན་པ་ཤེས་པ་སྟེ།
Ka313b
ཆོས་འདི་ལྔ་དང་ལྡན་པའི་དགེ་སློང་ནི་དགག་དབྱེ་བྱེད་པར་མ་བསྐོས་པ་ནི་བསྐོ་བར་བྱའོ། །བསྐོས་པ་ནི་དབྱུང་བར་མི་བྱའོ། །བསྐོ་བ་ནི་འདི་ལྟར་བྱ་སྟེ། གནས་མལ་བཤམས་པ་བྱས་ལ། གཎྜཱི་བརྡུངས་ཏེ། དགེ་སློང་རྣམས་ལ་དྲིས་པའི་ཚིག་གིས་ཡང་དག་པར་བསྒོ་ལ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་དང ། རེ་ཞིག་དང་པོར་སྤྲོ་བར་བྱ་སྟེ་མིང་འདི་ཞེས་བྱ་བ་ཁྱོད་དབྱར་གནས་པའི་དགེ་འདུན་ལ་དགག་དབྱེ་བྱེད་པར་སྒྲོའམ། དེས་སྤྲོ་ཞེས་བརྗོད་པར་བྱའོ། །དེ་འོག་ཏུ་དགེ་སློང་གཅིག་གིས་གསོལ་བ་བྱས་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགག་དབྱེ་བགྱིད་པར་བསྐོས་ཏེ། དགག་དབྱེ་བགྱིད་པའི་དགེ་སློང་མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་འགྱུར་རོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་སྤྲོ་སྟེ། དེའི་སླད་དུ་དགེ་འདུན་གྱིས། དགེ་སློང་མིང་འདི་ཞེས་བགྱི་བ་དགག་དབྱེ་བགྱིད་པར་བསྐོ་ན། དགེ་སློང་མིང་འདི་ཞེས་བགྱི་བ་འདི་དབྱར་གནས་པའི་དགེ་འདུན་ལ་དགག་དབྱེ་བགྱིད་པར་བསྐོ་བར་ཚེ་དང་ལྡན་པ་གང་དག་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་
Ka314a
༄#། །ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི་དགེ་འདུན་ལ་དགག་དབྱེ་བགྱིད་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་དགག་དབྱེ་བྱེད་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགག་དབྱེ་བྱེད་པའི་དགེ་སློང་གིས་དགེ་འདུན་གྱི་ཆེད་དུ་འཇག་མ་དག་ཉེ་བར་གཞག་པར་བྱ་སྟེ། དེའི་འོག་ཏུ་བྲིམ་པར་བྱའོ། །གལ་ཏེ་གཅིག་པུ་ཞིག་ཡིན་ན། དེས་རྒན་རིམས་ཀྱི་མཐའ་ནས་བཟུང་སྟེ། གཞོན་རིམས་ཀྱི་མཐའི་བར་དུ་བྲིམ་པར་བྱའོ། །ཇི་སྟེ་གཉིས་ཡོད་ན།་གཅིག་གིས་ནི་རྒན་རིམས་ཀྱི་མཐའ་ནས་བྲིམ་པར་བྱའོ། །ཅིག་ཤོས་ཀྱིས་ནི་གཞོན་རིམས་ཀྱི་མཐའ་ནས་སོ། །འོན་ཏེ་མང་པོ་ཞིག་ཡོད་ན། གཅིག་གིས་ནི་རྒན་རིམས་ཀྱི་མཐའ་ནས་བྲིམ་པར་བྱའོ། །གཅིག་གིས་ནི་དབུས་ནས་སོ། །གཅིག་གིས་ནི་གཞོན་རིམས་ཀྱི་མཐའ་ནས་སོ། །དེའི་འོག་ཏུ་དགེ་འདུན་གྱི་གནས་བརྟན་གྱིས་གསོལ་བ་འབའ་ཞིག་གི་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ཏེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དེང་དགེ་འདུན་གྱིས་དགག་དབྱེ་མཛད་དོ། །འདི་ནི་གསོལ་བའོ། །དེ་ནས་དགག་དབྱེ་བྱེད་པའི་དགེ་སློང་གིས། དགེ་འདུན་གྱི་གནས་བརྟན་གྱི་མདུན་དུ་འགྲེང་བར་བྱ་སྟེ། དགེ་འདུན་གྱི་གནས་བརྟན་གྱིས་འདི་སྐད་ཅེས།
Ka314b
དགེ་འདུན་བཙུན་པ་རྣམས་གསན་དུ་གསོལ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བའི་དགག་དབྱེ་ཡང་བཅོ་ལྔ་པ་ལགས་ན། བདག་དགེ་སློང་མིང་འདི་ཞེས་བགྱི་བ་དགེ་འདུན་བཙུན་པ་རྣམས་ལ་མཐོང་བ་དང ། ཐོས་པ་དང ། དོགས་པའི་གནས་གསུམ་གྱིས་དགག་དབྱེ་བགྱིད་ཀྱིས། ཚེ་དང་ལྡན་པ་རྣམས་ཀྱིས་བདག་ལ་གདམས་སུ་གསོལ། ཚེ་དང་ལྡན་པ་རྣམས་ཀྱིས་བདག་ལ་རྗེས་སུ་བསྟན་དུ་གསོལ། ཚེ་དང་ལྡན་པ་རྣམས་ཀྱིས་བདག་རྗེས་སུ་གཟུང་དུ་གསོལ། ཚེ་དང་ལྡན་པ་རྣམས་ཀྱིས་ཐུགས་བརྩེ་བས་ཉེ་བར་བཟུང་སྟེ། བདག་ལ་ཐུགས་བརྩེ་བར་མཛད་དུ་གསོལ། ལྟུང་བ་ཤེས་ཤིང་མཐོང་ན། ཆོས་བཞིན་འདུལ་བ་བཞིན་སླར་བགྱིའོ། །ཞེས་དེ་ལྟར་ལན་གཉིས་དེ་ལྟར་ལན་གསུམ་དུ་བརྗོད་པར་བྱའོ། །དེ་བཞིན་དུ་དགེ་འདུན་གསར་བུའི་བར་གྱིས་དགག་དབྱེ་བྱའོ། །དེའི་འོག་ཏུ་དགག་དབྱེ་བྱེད་པའི་དགེ་སློང་རྣམས་ཀྱིས་དགག་དབྱེ་བྱ་སྟེ། གལ་ཏེ་དགག་དབྱེ་བྱེད་པའི་དགེ་སློང་གཉིས་ཡོད་ན། གཅིག་ལ་གཅིག་དགག་དབྱེ་བྱའོ། །ཇི་སྟེ་གཅིག་པུ་ཞིག་ཡིན་ན། དགེ་སློང་གཅིག་གི་མདུན་དུ་དགག་དབྱེ་བྱའོ། །དེའོ་འོག་ཏུ་དགེ་སློང་མ་རྣམས་དང ། དགེ་སློང་མ་རྣམས་དང ། དགེ་ཚུལ་དང ། དགེ་ཚུལ་མ་རྣམས་དགག་དབྱེ་བྱེད་དུ་གཞུག་གོ་།དེའི་འོག་ཏུ་དགག་དབྱེ་བྱེད་པའི་དགེ་སློང་གིས་རྒན་རིམས་ཀྱིས་མདུན་དུ་འདུག་སྟེ། དགེ་འདུན་གྱིས་དགག་དབྱེ་མཛད་ལགས་སོ་ཞེས་བརྗོད་པར་བྱའོ། །ཐམས་ཅད་ཀྱིས་དགག་དབྱེ་ལེགས་པར་མཛད་ཟིན་ཏོ། །དགག་དབྱེ་ཤིན་ཏུ་ལེགས་
Ka315a
༄#། །པར་མཛད་ཟིན་ཏོ་ཞེས་བརྗོད་པར་བྱའོ། །གལ་ཏེ་དེ་སྐད་ཅེས་སྨྲས་ན་ལེགས། ཇི་སྟེ་དེ་སྐད་ཅེས་མ་སྨྲས་ན་འགལ་ཆབས་ཅན་དུ་འགྱུར་རོ། །དེའི་འོག་ཏུ་དགག་དབྱེ་བྱེད་པའི་དགེ་སློང་གིས་ཁབ་བམ། གྲི་ཡང་རུང་ཁྱེར་ལ་རྒན་རིམས་ཀྱི་མདུན་དུ་འདུག་སྟེ། བཙུན་པ་དག་།དངོས་པོ་འདི་ཙམ་གྱིས་ཀྱང་དབྱར་གནས་པའི་དགེ་འདུན་ལ་དགག་དབྱེ་མཛད་པར་ཆུད་དོ་ཞེས་བརྗོད་པར་བྱའོ། །ཐམས་ཅད་ཀྱིས་ལེགས་པར་ཆུད་དོ། །ཤིན་ཏུ་ལེགས་པར་ཆུད་དོ་ཞེས་བརྗོད་པར་བྱའོ། །དེ་ན་གང་ཅུང་ཟད་ཅི་རྙེད་པ་ནི་དགེ་འདུན་རིལ་གྱིས་བགོ་བར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་དགག་དབྱེའི་ལས་དུ་མཆིས། ཉེ་བར་འཁོར་བཞི་ཡོད་དེ། ཆོས་མ་ཡིན་པས་མི་མཐུན་པར་དགག་དབྱེ་བྱེད་པ་དང ། ཆོས་མ་ཡིན་པས་མཐུན་པ་དང ། ཆོས་ཀྱིས་མི་མཐུན་པ་དང ། ཆོས་ཀྱིས་མཐུན་པའོ། །ཉེ་བར་འཁོར་དེ་ལ་དགག་དབྱེའི་ལས་ཆོས་དང་མཐུན་པ་ནི་གཅིག་ཡིན་ཏེ། འདི་ལྟ་སྟེ་ཆོས་ཀྱིས་མཐུན་པར་དགག་དབྱེ་བྱེད་པའོ། །དེ་ནས་བཅོམ་ལྡན་འདས་དགག་དབྱེ་བཅོ་ལྔ་པ་དེ་ཉིད་ལ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།་དགེ་སློང་དག་ནམ་ནངས་སུ་ཉེའི་དགག་དབྱེ་གྱིས་ཤིག་།དེ་ནས་དགེ་སློང་གཞན་ཞིག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ག་ལ་བ་དེར་ལོགས་སུ་
Ka315b
ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་གནས་ཤིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་ཞིག་མཆིས་ན། དེ་ལ་བདག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་བ། དགག་དབྱེ་བླང་བར་བྱའོ། །བཅོམ་ལྡན་འདས་ཀྱིས་དགག་དབྱེ་བླང་བར་བྱའོ་ཞེས་གསུངས་པ། དགེ་སློང་རྣམས་ཀྱིས་དགག་དབྱེ་ཇི་ལྟ་བླང་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གཅིག་གིས་གཅིག་གིའམ། གཅིག་གིས་གཉིས་ཀྱིའམ། མང་པོའི་ཡང་རུང ། ཇི་ཙམ་མིང་སྒྲོགས་ནུས་ཀྱི་བར་དུ་བླང་བར་བྱའོ། །ངས་དགག་དབྱེ་འབུལ་བའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགག་དབྱེ་འབུལ་བའི་དགེ་སློང་གིས་བླ་གོས་ཕྲག་པ་གཅིག་ཏུ་གཟར་ནས་མཆིལ་ལྷམ་ཕུད་དེ་རྒན་རིམས་བཞིན་དུ་འདུད་པ་དང་བཅས་ཙོག་པུར་འདུག་སྟེ། ཐལ་མོ་སྦྱར་ལ་ཚིག་འདི་སྐད་ཅེས། ཚེ་དང་ལྡན་པ་དག་དགོངས་སུ་གསོལ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ལ། བདག་དགེ་སློང་མིང་འདི་ཞེས་བགྱི་བའི་ཡང་དགག་དབྱེ་བཅོ་ལྔ་པ་ལགས་ཏེ། བདག་དགེ་སློང་མིང་འདི་ཞེས་བགྱི་བས་དགེ་འདུན་བཙུན་པ་རྣམས་ལ་མཐོང་བ་དང ། ཐོས་པ་དང ། དོགས་པའི་གནས་གསུམ་གྱིས་དགག་དབྱེ་བརྗོད་དོ། །བརྗོད་པ་ཡང་རིག་པར་བགྱིད་དོ་ཞེས་དེ་ལྟར་ལན་གཉིས། དེ་ལྟར་ལན་གསུམ་དུ་བརྗོད་པར་བྱའོ། །དགག་དབྱེ་འབུལ་བའི་དགེ་སློང་གིས་གལ་ཏེ་ལུས་ཀྱི་རྣམ་པར་རིག་བྱེད་ཀྱིས་དགག་དབྱེ་ཕུལ་ན། དགག་དབྱེ་ཕུལ་བ་ཞེས་བྱའོ། །ངག་གི་རྣམ་པར་རིག་བྱེད་ཀྱིས་ཕུལ་
Ka316a
༄#། །ན་དགག་དབྱེ་ཕུལ་བ་ཞེས་བྱའོ། །ལུས་ཀྱི་རྣམ་པར་རིག་བྱེད་དང ། ངག་གི་རྣམ་པར་རིག་བྱེད་ཀྱིས་འབུལ་མི་ནུས་ན། དགེ་འདུན་ཐམས་ཅད་དེར་འདོང་པར་བྱའོ། །ཡང་ན་དགེ་སློང་དེ་དགེ་འདུན་གྱི་ནང་དུ་བླང་བར་བྱའོ། །དགེ་འདུན་ཐམས་ཅད་དེར་མ་དོང་ངམ། དགེ་སློང་དེ་དགེ་འདུན་གྱི་ནང་དུ་མ་བླངས་ཏེ་མ་ཚོགས་པར་དགག་དབྱེ་བྱེད་ན་འགལ་ཚབས་ཅན་དུ་འགྱུར་རོ། །དགེ་སློང་དགག་དབྱེ་འབུལ་བས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །ངས་དགག་དབྱེ་ལེན་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགག་དབྱེ་ལེན་པའི་དགེ་སློང་གིས་དགག་དབྱེ་བླངས་ནས་བརྒྱུག་པར་མི་བྱའོ། །མགྱོགས་པར་མི་བྱའོ། །མཆོད་པར་མི་བྱ། ཕྱི་རོལ་ཏུ་མཆོང་བར་མི་བྱའོ། །འོབས་ལ་མཆོང་བར་མི་བྱ། བང་རིམ་ལ་མཆོང་བར་མི་བྱ། སྟེང་གི་ནམ་མཁའ་ལ་འདུག་པར་མི་བྱ། མཚམས་ཀྱི་ཕྱི་རོལ་ཏུ་འགྲོ་བར་མི་བྱ། གོམ་པ་གཅིག་གིས་སྐས་ཀྱི་གདང་བུ་གཉིས་ལ་འཛེག་པར་མི་བྱ། གོམ་པ་གཅིག་གིས་ཐེམ་སྐས་ཀྱི་རིམ་པ་གཉིས་ལ་གཟེག་པར་མི་བྱ། གཉིད་ལོག་པར་མི་བྱ། སྙོམས་པར་འཇུག་པར་མི་བྱའོ། །གཉིད་ལོག་གམ་སྙོམས་པར་ཞུགས་ན་རྒྱུ་གཉིས་ཀྱིས་སྨད་པར་འགྱུར་ཏེ། ངོ་ཚ་མེད་པ་གང་ཡིན་པ་དང ། ཁྱད་དུ་བསད་པ་གང་ཡིན་པའོ། །གང་གི་ཚེ་དགེ་འདུན་གྱི་གནས་བརྟན་གྱིས། ཚེ་དང་ལྡན་པ་དག་མ་ལྷགས་པ་རྣམས་ཀྱི་འདུན་པ་དང །
Ka316b
ཡོངས་སུ་དག་པར་བརྗོད་ཅིག་།བརྗོད་པ་ཡང་རིག་པར་གྱིས་ཤིག་ཅེས་སྨྲས་པ་ན། དེས་དགེ་སློང་དྲུང་ན་འདུག་པའི་མདུན་དུ་འདུག་སྟེ། ཚེ་དང་ལྡན་པ་དགོངས་སུ་གསོལ། གནས་ག་གེ་མོ་ཞིག་ན་དགེ་སློང་བྲོ་འཚལ་བ། སྡུག་བསྔལ་བ། བྲོ་ཚབས་ཆེ་བ་ཞིག་གནས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ལ། དགེ་སློང་དེའི་ཡང་དགག་དབྱེ་བཅོ་ལྔ་པ་ལགས་ཏེ། དགེ་སློང་མིང་འདི་ཞེས་བགྱི་བ་དེ། དགེ་འདུན་བཙུན་པ་རྣམས་ལ་མཐོང་བ་དང ། ཐོས་པ་དང ། དོགས་པའི་གནས་གསུམ་གྱིས་དགག་དབྱེ་བགྱིད་དེ། དགག་དབྱེ་བརྗོད་དོ། །བརྗོད་པ་ཡང་རིག་པར་བགྱིད་དོ་ཞེས་སྨྲོས་ཤིག་།དགག་དབྱེ་ལེན་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ། འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་རེ་ཞིག་དགག་དབྱེ་ལེན་པའི་དགེ་སློང་གིས་དགག་དབྱེ་བླངས་ནས། དེ་ཉིད་དུ་གུམ་ན་དགག་དབྱེ་བླངས་པ་ཞེས་བགྱིའམ། མ་བླངས་པ་ཞེས་བགྱི། ཉེ་བར་འཁོར་མ་བླངས་པ་ཞེས་བྱ་སྟེ་ཡང་བླང་བར་བྱའོ། །ཁྱིམ་པ་ཉིད་དུ་གཡར་གྱིས་འཆེའམ། དགེ་སྦྱོང་ཉིད་དུ་གཡར་གྱིས་འཆེའམ། མ་ནིང་ཉིད་དམ། ཟ་མ་ཉིད་དམ། དགེ་སློང་མ་སུན་ཕྱུང་བ་ཉིད་དམ། མ་བསད་པ་ཉིད་དམ། ཕ་བསད་པ་ཉིད་དམ། དགྲ་བཅོམ་པ་བསད་པ་ཉིད་དམ། དགེ་འདུན་གྱི་དབྱེན་བགྱིད་པ་ཉིད་དམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་ཉིད་དམ། མུ་སྟེགས་ཅན་ཉིད་དམ། མུ་སྟེགས་ཅན་ཞུགས་པ་
Ka317a
༄#། །ཉིད་དམ། རྐུ་ཐབས་སུ་གནས་པ་ཉིད་དམ། ཐ་དད་དུ་གནས་པ་ཉིད་དམ། གནས་བར་མི་བགྱི་བ་ཉིད་དུ་གཡར་གྱིས་འཆེ་བས་དགག་དབྱེ་བླངས་པ་ཞེས་བགྱིའམ། མ་བླངས་པ་ཞེས་བགྱི། ཉེ་བར་འཁོར་མ་བླངས་པ་ཞེས་བྱ་སྟེ་ཡང་བླང་བར་བྱའོ། །ཤུལ་ཁར་གུམ་ན་དགག་དབྱེ་བླངས་པ་ཞེས་བགྱིའམ། མ་བླངས་པ་ཞེས་བགྱི། ཉེ་བར་འཁོར་མ་བླངས་པ་ཞེས་བྱ་བས་ཡང་བླང་བར་བྱ་སྟེ། སྔར་གསོ་སྦྱོང་གི་གཞི་ལས་ཇི་སྐད་འབྱུང་བ་དེ་བཞིན་དུ་རྒྱས་པར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་གནས་གང་ཞིག་ན། དགེ་སློང་གཅིག་བུ་ཞིག་གནས་པ་དེས། དགག་དབྱེ་བཅོ་ལྔ་པ་དེ་ཉིད་ལ། ཇི་ལྟར་བསྒྲུབ་པར་བགྱི། ཉེ་བར་འཁོར་དགེ་སློང་དེས་དགག་དབྱེ་བཅོ་ལྔ་པ་དེ་ཉིད་ལ། གཙུག་ལག་ཁང་ཕྱག་དར་བྱ། ཆག་ཆག་གདབ། བའི་ལྕི་བ་སར་པའི་བྱུག་པས་བྱུག་པར་བྱའོ། །སེང་གེའི་ཁྲི་བཤམ་པར་བྱའོ། །སྟན་དག་གདིང་བར་བྱའོ། །ཇི་ཙམ་ནུས་ཀྱི་བར་དུ་ཆོས་བསྒྲག་པར་བྱའོ། །དེའི་འོག་ཏུ་ས་ཕྱོགས་མཐོན་པོ་ཞིག་ཏུ་འདུག་ལ། ཕྱོགས་བཞིར་བལྟ་བར་བྱའོ། །དེར་གལ་ཏེ་དགེ་སློང་ཡོངས་སུ་དག་པ་ལྟ་བ་མཐུན་པ་དག་ཅིག་འོངས་ན། དེ་དག་ལ་ཚེ་དང་ལྡན་པ་དག་མྱུར་བ་མྱུར་པར་ཚུར་སྤྱོན། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ཀྱིས་ཁྱོད་དང་ལྷན་ཅིག་འཁོད་ལ་དགག་དབྱེ་བྱའོ་ཞེས་སྨྲོས་ཤིག་།གལ་ཏེ་དེ་ལྟར་གྲུབ་ན་ལེགས། ཇི་སྟེ་དེ་ལྟར་མ་གྲུབ་ན་དགེ་སློང་
Ka317b
དེས་རང་གི་སྟན་ལ་འདུག་ལ་སེམས་འདི་ལྟར་བསྐྱེད་ཅིང་ཚིག་ཏུ་བརྗོད་དེ། དེང་དགེ་འདུན་གྱི་དགག་དབྱེ་བཅོ་ལྔ་པ་ལགས་ལ། བདག་དགེ་སློང་མིང་འདི་ཞེས་བགྱི་བའི་དགག་དབྱེ་ཡང་བཅོ་ལྔ་པ་ལགས་ན། བདག་དགེ་སློང་མིང་འདི་ཞེས་བགྱི་བའི་དགག་དབྱེ་བྱིན་གྱིས་བརླབ་བོ། །གང་གི་ཚེ་དགེ་འདུན་ཚོགས་པ་རྙེད་པ་དེའི་ཚེ། དགེ་འདུན་ཚོགས་པ་དང་ལྷན་ཅིག་དགག་དབྱེ་བགྱིའོ། །ཞེས་ལན་གཉིས་ལན་གསུམ་དུ་བྱིན་གྱིས་བརླབ་པར་བྱའོ། །གང་ན་དགེ་སློང་གཉིས་གནས་པ་དེར་ཡང་གོ་རིམས་ནི་འདི་ཉིད་ཀྱིས་གཅིག་ལ་གཅིག་བརྗོད་པར་བྱའོ། །གང་ན་དགེ་སློང་གསུམ་གནས་པ་དེར་ཡང་གོ་རིམས་ནི་འདི་ཉིད་ཀྱིས་ཕན་ཚུན་བརྗོད་པར་བྱའོ། །གང་ན་དགེ་སློང་བཞི་གནས་པར་ནི་དེ་དག་གིས་གསོལ་བ་བྱས་ལ། དགག་དབྱེ་བྱའོ། །དགག་དབྱེ་བྱེད་པའི་དགེ་སློང་ནི་བསྐོ་བར་མི་བྱའོ། །གང་ན་དགེ་སློང་ལྔ་གནས་པར་ནི་དེ་དག་གིས་གསོལ་བ་བྱས་ལ་དགག་དབྱེ་བྱའོ། །དགག་དབྱེ་བྱེད་པའི་དགེ་སློང་བསྐོ་བར་བྱའོ། །ནད་པའི་དགག་དབྱེ་ནི་བླང་བར་མི་བྱའོ། །གང་ན་དགེ་སློང་དྲུག་གམ་ལྷག་པ་དག་གནས་པར་ནི་དེ་དག་གིས་གསོལ་བ་བྱས་ལ་དགག་དབྱེ་བྱའོ། །དགག་དབྱེ་བྱེད་པའི་དགེ་སློང་བསྐོ་བར་བྱའོ། །ནད་པའི་དགག་དབྱེ་ཡང་བླང་བར་བྱའོ། །བར་སྡོམ་ལ། གནས་པར་དམན་བཅས་པ་ལ། །ཆོས་མ་ཡིན་པ་གཞག་པ་དང ། །ཚིག་གཅིག་པ་ཡི་དགག་དབྱེ་དང ། །གང་ཕྱིར་ཚིག་གཅིག་བྱ་བའོ། །དགག་དབྱེ་གཞག་པ་ཆོས་དང་མཐུན་པ་གཅིག་དང ། ཆོས་དང་མི་
Ka318a
༄#། །མཐུན་པ་གཅིག་དང ། དགག་དབྱེ་གཞག་པ་ཆོས་དང་མཐུན་པ་གསུམ་དང ། ཆོས་དང་མི་མཐུན་པ་གཅིག་དང ། དགག་དབྱེ་གཞག་པ་ཆོས་དང་མཐུན་པ་ལྔ་དང ། ཆོས་དང་མི་མཐུན་པ་གཅིག་གོ་།དགག་དབྱེ་གཞག་པ་ཆོས་དང་མཐུན་པ་གཅིག་དང ། ཆོས་དང་མི་མཐུན་པ་གཅིག་གང་ཞེ་ན། དགག་དབྱེ་ལན་གཅིག་བཟླས་པ་ལ་བརྗོད་པ་མ་རྫོགས་པར་དགག་དབྱེ་འཇོག་པ་ནི་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ནི་དགག་དབྱེ་འཇོག་པ་ཆོས་དང་མི་མཐུན་པ་སྟེ། འདི་ནི་དགག་དབྱེ་གཞག་པ་ཆོས་དང་མཐུན་པ་གཅིག་དང་ཆོས་དང་མི་མཐུན་པ་གཅིག་ཡིན་ནོ། །དགག་དབྱེ་གཞག་པ་ཆོས་དང་མཐུན་པ་གསུམ་དང ། ཆོས་དང་མི་མཐུན་པ་གཅིག་གང་ཞེ་ན། དགག་དབྱེ་ལན་གཉིས་བཟླས་པ་ལ། བཟླས་པ་དང་པོ་བརྗོད་པ་མ་རྫོགས་པར་དགག་དབྱེ་འཇོག་པ་ནི་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། ། བཟླས་པ་གཉིས་བརྗོད་པ་མ་རྫོགས་པར་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ནི་དགག་དབྱེ་འཇོག་པ་ཆོས་དང་མི་མཐུན་པ་སྟེ། དེ་ལྟར་དེ་དག་ནི་དགག་དབྱེ་འཇོག་པ་ཆོས་དང་མཐུན་པ་གསུམ་དང ། ཆོས་དང་མི་མཐུན་པ་གཅིག་ཡིན་ནོ། །དགག་དབྱེ་འཇོག་པ་ཆོས་དང་མཐུན་པ་ལྔ་དང ། ཆོས་དང་མི་མཐུན་
Ka318b
པ་གཅིག་གང་ཞེ་ན། དགག་དབྱེ་ལན་གསུམ་བཟླས་པ་ལ། བཟླས་པ་དང་པོ་བརྗོད་པ་མ་རྫོགས་པར་དགག་དབྱེ་འཇོག་པ་ནི། དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བཟླས་པ་གཉིས་པ་བརྗོད་པ་མ་རྫོགས་པར་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བཟླས་པ་གསུམ་པ་བརྗོད་པ་མ་རྫོགས་པར་དགག་དབྱེ་འཇོག་པ་ཡང་དགག་དབྱེ་འཇོག་པ་ཆོས་དང་མཐུན་པ་ཡིན་ནོ། །བརྗོད་པ་རྫོགས་ནས་དགག་དབྱེ་འཇོག་པ་ནི་དགག་དབྱེ་འཇོག་པ་ཆོས་དང་མི་མཐུན་པ་སྟེ། དེ་ལྟར་དེ་དག་ནི་དགག་དབྱེ་གཞག་པ་ཆོས་དང་མཐུན་པ་ལྔ་དང ། ཆོས་དང་མི་མཐུན་པ་གཅིག་ཡིན་ནོ། །དགག་དབྱེ་ལན་གཅིག་བཟླས་པ་ཡོད། དགག་དབྱེ་ལན་གཉིས་བཟླས་པ་ཡོད། དགག་དབྱེ་ལན་གསུམ་བཟླས་པ་ཡོད། ཚོགས་ཀྱི་དགག་དབྱེ་ཡོད་དོ། །དེ་ན་གང་ལ་དགག་དབྱེ་ལན་གཅིག་བཟླས་པ་ཡིན་ཞེ་ན། བར་སྡོམ་ལ། གཞང་འབྲུམ་ཆར་དང་རྒྱལ་པོ་དང ། །སྙན་དང་ཆོས་ནི་རྣམ་ངེས་དང ། །དགེ་འདུན་བར་ཆད་བྱེད་གཏོགས་པ། །ཡང་དག་བསྡུས་པའི་ཚོགས་ཡིན་ནོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། དགེ་སློང་གཞང་འབྲུམ་གྱིས་ཐེབས་པ་རབ་ཏུ་མང་པོ་འདུག་ཅིང་མཐུན་པར་གྱུར་པ་དང ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་
Ka319a
༄#། །གྱི་དགག་དབྱེ་བཅོ་ལྔ་པ་ཡིན་ལ། དགེ་སློང་རབ་ཏུ་མང་པོ་འདུག་ཅིང་མཐུན་པར་གྱུར་པ་འདི་དག་ཀྱང་གཞང་འབྲུམ་གྱིས་ཐེབས་པ་ཡིན་ཏེ། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། ཚེ་དང་ལྡན་པ་འདི་དག་རེག་པར་མི་གནས་པར་འགྱུར་བས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས་དེས་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པས་ནི་འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། བླ་གབ་མེད་པར་གནས་མལ་རབ་ཏུ་མང་པོ་བཀྲམ་ལ་ཆར་པ་འབབ་པའམ། འབབ་ཏུ་དོགས་པ་དང ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ།་དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། གནས་མལ་རབ་ཏུ་མང་པོ་ཞིག་ནི་བླ་གབ་མེད་པར་བཀྲམ་སྟེ། ཆར་པ་འབབ་པའམ། འབབ་ཏུ་དོགས་པ་ལ། གལ་ཏེ་བདག་གིས་དགག་དབྱེ་ལན་གསུམ་བཟླས་པ་དགག་དབྱེ་བྱས་ན་བདག་གིས་གནས་མལ་རྣམས་མ་གཤེར་བར་བརྟུལ་མི་ནུས་པས། མལ་བདག་གིས་དགག་དབྱེ་ལན་གཅིག་བཟླས་པ་དགག་དབྱེ་བྱའོ་སྙམ་ནས་དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་དགག་དབྱེ་
Ka319b
བཅོ་ལྔ་པ་དེ་ཉིད་ལ། རྒྱལ་པོ་དང ། བཙུན་མོ་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་མི་དག་དང་ཐབས་ཅིག་ཏུ་ཀུན་དགའ་ར་བར་ལྷགས་ལ། དེར་རྒྱལ་པོས་ཀྱང་དགེ་འདུན་ལ་གོས་དང་ཟང་ཟིང་གི་རྙེད་པ་མང་དུ་ཕུལ་ལ། བཙུན་མོ་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་གྱི་མི་དག་གིས་ཀྱང་དགེ་འདུན་ལ་གོས་དང ། ཟང་ཟིང་གི་རྙེད་པ་མང་དུ་ཕུལ་ལ། སྒྲོགས་པར་བྱེད་པའི་དགེ་སློང་གིས་ཀྱང་བསྒྲགས་པས། ནམ་རིང་ཞིག་ཟད་པར་གྱུར་པ་ལ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། རྒྱལ་པོ་འདི་ཡང་བཙུན་མོ་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་མི་དག་དང་ཐབས་ཅིག་ཏུ་ཀུན་དགའ་ར་བར་ལྷགས་ལ། འདིར་རྒྱལ་པོས་ཀྱང་དགེ་འདུན་ལ་གོས་དང ། ཟང་ཟིང་གི་རྙེད་པ་མང་དུ་ཕུལ། བཙུན་མོ་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་མི་རྣམས་ཀྱིས་ཀྱང་དགེ་འདུན་ལ་གོས་དང ། ཟང་ཟིང་གི་རྙེད་པ་མང་དུ་ཕུལ་ཏེ། སྒྲོགས་པར་བྱེད་པའི་དགེ་སློང་གིས་ཀྱང་བསྒྲགས་པས་མཚན་རིང་ཞིག་ཟད་པས། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། བདག་གིས་སྐྱ་རེངས་མ་ཤར་བར་དགག་དབྱེ་བྱ་མི་ནུས་པས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལེན་གཅིག་བཟླས་པས་དགག་དབྱེ་བྱེད་ན། དོན་
Ka320a
༄#། །དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་སྙན་པ་སྙན་པར་སྨྲ་བའི་དགེ་སློང་དེ་དག་གིས་ཆོས་སྙན་དགུ་བཏོན་པས་མཚན་རིང་ཞིག་ཟད་ལ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ་སྙན་པ་སྙན་པར་སྨྲ་བའི་དགེ་སློང་འདི་དག་གིས་ཆོས་སྙན་དགུ་བཏོན་པས་མཚན་རིང་ཞིག་ཟད་དེ། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། བདག་གིས་སྐྱ་རེངས་མ་ཤར་བར་དགག་དབྱེ་བྱ་མི་ནུས་པས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི་འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་ངག་གིས་ཆོས་རྣམ་པར་གཏན་ལ་འབེབས་པའི་གཏམ་གྱིས་མཚན་རིང་ཞིག་ཟད་པར་གྱུར་ཏེ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་འདི་དག་གིས་ཆོས་རྣམ་པར་གཏན་ལ་འབེབས་པའི་གཏམ་གྱིས་མཚན་རིང་ཞིག་ཟད་
Ka320b
དེ།་གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། བདག་གིས་སྐྱ་རེངས་མ་ཤར་བར་དགག་དབྱེ་བྱ་མི་ནུས་པས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་དེ་དགག་དབྱེ་བཅོ་ལྔ་པ་དེ་ཉིད་ལ། དགེ་འདུན་གྱི་ནང་དུ་རྩོད་པའི་ཆོས་བཞི་ལས་རྩོད་པ་གང་ཡང་རུང་བ་ཞིག་བྱུང་བར་གྱུར་ལ། དེ་ན་དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་དག་གིས་རྩོད་པ་དེ་རྩོད་པ་ཞི་བར་བྱེད་པའི་ཆོས་བདུན་གྱིས་རྩོད་པ་རྣམས་དུལ་བར་བྱེད། ཞི་བར་བྱེད། ཉེ་བར་ཞི་བར་བྱེད་པས་ནམ་རིང་ཞིག་ཟད་དེ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། དགེ་འདུན་གྱི་ནང་དུ་རྩོད་པའི་ཆོས་བཞི་ལས་རྩོད་པ་གང་ཡང་རུང་བ་ཞིག་བྱུང་བར་གྱུར་ཏེ། དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་འདི་དག་གིས་རྩོད་པ་དེ་རྩོད་པ་ཞི་བར་བྱེད་པའི་ཆོས་བདུན་གྱིས་དུལ་བར་བྱེད། ཞི་བར་བྱེད། ཉེ་བར་ཞི་བར་བྱེད་པས་མཚན་རིང་ཞིག་ཟད་པས་གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། བདག་གིས་སྐྱ་རེངས་མ་ཤར་བར་དགག་དབྱེ་བྱ་མི་ནུས་པས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་
Ka321a
༄#། །བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་རྒྱལ་པོ་དཔུང་གི་ཚོགས་ཡན་ལག་བཞི་པ་གོ་བསྐོན་པ་གླང་པོ་ཆེའི་ཚོགས་དང ། རྟ་བའི་ཚོགས་དང ། ཤིང་རྟ་བའི་ཚོགས་དང ། དཔུང་བུ་ཆུང་གི་ཚོགས་དང ། ཀུན་དགའ་ར་བའི་སྒོའི་བར་དུ་ལྷགས་ཏེ། སྤར་ཐབས་སུ་སྐུར་པ་སྒྲོགས་ཤིང ། ཤེས་ལྡན་དག་ཤཱཀྱའི་སྲས་ཀྱི་དགེ་སྦྱོང་རྣམས་ཟུང་ཞིག་།སོད་ཅིག་།ཆིངས་ཤིག་།སྤྱུགས་ཤིག་།ངའི་གླང་པོ་ཆེ་འཚོ་བ་དང ། རྟ་རྫི་དང ། ཤིང་རྟའི་སྲུང་བ་དང ། སོ་ཕག་སྐྱེད་པ་དང ། རྒྱལ་མཚན་ཐོགས་པ་དང ། འཕན་རིང་འཛིན་པ། སོ་སོར་རྒྱལ་པོའི་བྱ་བ་དང ། རྒྱལ་པོའི་བྱེད་པ་རྣམས་བྱེད་པར་འགྱུར་རོ་ཞེས་ཟེར་ལ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། རྒྱལ་པོ་དཔུང་གི་ཚོགས་ཡན་ལག་བཞི་པ་གོ་བསྐོན་པ་གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་དང ། ཀུན་དགའ་ར་བའི་སྒོའི་བར་དུ་ལྷགས་ཏེ། སྤར་ཐབས་སུ་སྐུར་བ་སྒྲོགས་ཤིང་ཁྱེད་ཀྱིས་ཤཱཀྱའི་སྲས་ཀྱི་དགེ་སྦྱོང་རྣམས་ཟུང་ཞིག་།སོད་ཅིག་།ཆིངས་ཤིག་།སྤྱུགས་ཤིག་།བདག་ཅག་གི་གླང་པོ་ཆེ་འཚོ་བ་དང ། རྟ་རྫི་དང ། ཤིང་རྟ་སྲུང་བ་དང ། སོ་ཕག་སྐྱེད་པ་
Ka321b
དང ། རྒྱལ་མཚན་ཐོགས་པ་དང ། འཕན་རིང་འཛིན་པ་སོ་སོར་རྒྱལ་པོའི་བྱེད་པ་དང ། རྒྱལ་པོའི་བྱ་བ་རྣམས་བྱེད་པར་འགྱུར་རོ་ཞེས་ཟེར་བས། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་བས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། ཆོམ་རྐུན་པ་དག་གྲོང་བཅོམ་པའམ། གྲོང་ཁྱེར་བཅོམ་པའམ། ཡུལ་བཅོམ་སྟེ། ཀུན་དགའ་ར་བའི་སྒོར་ལྷགས་ནས། བ་ལང་ངམ། མ་ཧེའམ། ར་དག་བསད་དེ་ཁྲག་གིས་ཡན་ལག་དག་བྱུགས་ནས། དགེ་སློང་དག་ལ་ཕོ་ཉ་བཏང་སྟེ། འཕགས་པ་རྣམས་བྱུང་ཞིག་།འདིར་བདག་ཅག་འཁོད་དགོས་སོ་ཞེས་ཟེར་ལ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། ཆོམ་རྐུན་པ་འདི་དག་ཀྱང་གྲོང་བཅོམ་པའམ། གྲོང་ཁྱེར་བཅོམ་པའམ། ཡུལ་བཅོམ་སྟེ། ཀུན་དགའ་ར་བའི་སྒོར་ལྷགས་ནས། བ་ལང་ངམ། མ་ཧེའམ། ར་དག་བསད་དེ། ཁྲག་གིས་ཡན་ལག་དག་བྱུགས་ནས། དགེ་སློང་རྣམས་ལ་ཕོ་ཉ་དག་བཏང་སྟེ། འཕགས་པ་རྣམས་བྱུང་ཞིག།
Ka322a
༄#། །འདིར་བདག་ཅག་རྣམས་འཁོད་དགོས་ཞེས་ཟེར་ཏེ། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་པས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། རྒན་ཞུགས་མི་ཤེས་པ་རྨོངས་པ་མི་གསལ་བ། མི་མཁས་པ་གཞན་ཞིག་གིས་སྤྱོད་ཡུལ་ལམ། སྤྱོད་ཡུལ་གྱི་ལམ་ཁར་རིགས་ཀྱི་བུད་མེད་དམ། རིགས་ཀྱི་ན་ཆུང་ལ་གཤེས་སམ། ཁ་ངན་སྨྲས་སམ། རེག་པས་མི་རྣམས་ཁྲོས་ཏེ། ཀུན་དགའ་ར་བའི་སྒོར་ལྷགས་ནས། སྦར་ཐབས་སུ་སྐུར་པ་སྒྲོགས་ཤིང ། ཤེས་ལྡན་དག་ཤཱཀྱའི་སྲས་ཀྱི་དགེ་སློང་རྣམས་ཟུང་ཞིག་།སོད་ཅིག་།ཆིངས་ཤིག་།སྤྱུགས་ཤིག་།རྒྱལ་པོའི་གླང་པོ་ཆེ་འཚོ་བ་དང ། རྟ་རྫི་དང ། ཤིང་རྟ་སྲུང་བ་དང ། སོ་ཕག་སྐྱེད་པ་དང ། རྒྱལ་མཚན་ཐོགས་པ་དང ། འཕན་རིང་འཛིན་པ་སོ་སོར་རྒྱལ་པོའི་བྱ་བ་དང ། རྒྱལ་པོའི་བྱེད་པ་རྣམས་བྱེད་པར་འགྱུར་རོ་ཞེས་ཟེར་ལ། དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། རྒན་ཞུགས་མི་ཤེས་པ་རྨོངས་པ་
Ka322b
མི་གསལ། མི་མཁས་པ། གཞན་ཞིག་གིས་སྤྱོད་ཡུལ་ལམ་སྤྱོད་ཡུལ་གྱི་ལམ་ཁར་རིགས་ཀྱི་བུད་མེད་དམ། རིགས་ཀྱི་ན་ཆུང་ལ་གཤེས་སམ་ཁ་ངན་སྨྲས་སམ། རེག་པས་མི་རྣམས་ཁྲོས་ཏེ། ཀུན་དགའ་ར་བའི་སྒོར་ལྷགས་ནས། སྦར་ཐབས་སུ་སྐུར་པ་སྒྲོགས་ཤིང་ཤེས་ལྡན་དག་ཤཱཀྱའི་སྲས་ཀྱི་དགེ་སྦྱོང་རྣམས་ཟུང་ཞིག་།སོད་ཅིག་།ཆིངས་ཤིག་།སྤྱུགས་ཤིག། རྒྱལ་པོའི་གླང་པོ་ཆེ་འཚོ་བ་དང ། རྟ་རྫི་དང ། ཤིང་རྟ་སྲུང་བ་དང ། སོ་ཕག་སྐྱེད་པ་དང ། རྒྱལ་མཚན་ཐོགས་པ་དང ། འཕན་རིང་འཛིན་པ་སོ་སོར་རྒྱལ་པོའི་བྱ་བ་དང ། རྒྱལ་པོའི་བྱེད་པ་རྣམས་བྱེད་པར་འགྱུར་རོ་ཞེས་ཟེར་ཏེ། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན་གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་པས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། ། དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་མི་མ་ཡིན་པ་གནས་པའི་ཕྱོགས་ཤིག་ཏུ་གཙུག་ལག་ཁང་བརྩིགས་ལ། རྒན་ཞུགས་མི་ཤེས་པ་རྨོངས་པ། མི་གསལ་བ། མི་མཁས་པ། གཞན་ཞིག་གིས་མི་རུང་བའི་ས་ཕྱོགས་སུ་བཤང་བ་དང ། གཅི་བ་དང ། མཆིལ་མ་དང ། སྣབས་དང ། སྐྱུགས་པ་དང ། འཁྲུ་བ་བོར་བ་དང ། མི་གཙང་བས་སྤགས་པའི་གནས་མལ་བཞག་
Ka323a
༄#། །པས་མི་མ་ཡིན་པ་རྣམས་ཁྲོས་ནས་སྤྱོད་ཡུལ་དང ། སྤྱོད་ཡུལ་གྱི་ལམ་ཁ་དང ། འཆག་ས་དང ། ཁྱམས་དང ། སྒོ་ཁང་རྣམས་སུ་འདུག་ནས་ཀྱང ། དགེ་སློང་རྣམས་ལ་འབབ་པར་བྱེད་དོ། །དེ་ལ་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་དེ་ཡིན་ལ། གཙུག་ལག་ཁང་འདི་ཡང་མི་མ་ཡིན་པ་རྣམས་གནས་པའི་ཕྱོགས་ཤིག་ཏུ་བརྩིགས་ལ། རྒན་ཞུགས་ཡི་ཤེས་པ་རྨོངས་པ་མི་གསལ་བ་མི་མཁས་པ་གཞན་ཞིག་གིས་མི་རུང་བའི་ཕྱོགས་སུ་བཤང་བ་དང ། གཅི་བ་དང ། མཆིལ་མ་དང ། སྣབས་དང ། སྐྱུགས་པ་དང ། འཁྲུ་བ་བོར་བ་དང ། མི་གཙང་བས་སྦགས་པའི་གནས་མལ་བཞག་པས་མི་མ་ཡིན་པ་རྣམས་ཁྲོས་ནས་སྤྱོད་ཡུལ་ལམ། སྤྱོད་ཡུལ་གྱི་ལམ་མམ། འཆག་སའམ། ཁྱམས་སམ། སྒོ་ཁང་རྣམས་སུ་འདུག་སྟེ། དགེ་སློང་དག་ལ་འབབ་པར་བྱེད་ཀྱིས། ཇི་སྟེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་ལན་གཅིག་བཟླས་པའི་དགག་དབྱེས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་གདུག་པ་གནས་པའི་ཕྱོགས་ཤིག་ཏུ་གཙུག་ལག་ཁང་བརྩིགས་
Ka323b
ལ།་དེ་ལ་རྒན་ཞུགས་མི་ཤེས་པ། རྨོངས་པ། མི་གསལ་བ་མི་མཁས་པ་གཞན་ཞིག་གིས་མི་རུང་བའི་ས་ཕྱོགས་སུ་བཤང་བ་དང ། གཅི་བ་དང ། མཆིལ་མ་དང ། སྣབས་དང ། སྐྱུགས་པ་དང ། འཁྲུ་བ་དག་པོར་ཞིང ། མི་གཙང་བས་སྦགས་པའི་གནས་མལ་བཞག་པས་གདུག་པ་ཁྲོས་ཏེ་སྤྱོད་ཡུལ་ལམ། སྤྱོད་ཡུལ་གྱི་ལམ་མམ། འཆག་སའམ། ཁྱམས་སམ། སྒོ་ཁང་རྣམས་སུ་འདུག་ནས་ཀྱང་དགེ་སློང་རྣམས་ལ་འབབ་པར་བྱེད། ཉལ་ཁྲི་དག་ཀྱང་སྐྱུར་བར་བྱེད་དོ། །དེ་ན་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ལ། གཙུག་ལག་ཁང་འདི་ཡང་གདུག་པ་གནས་པའི་ཕྱོགས་ཤིག་ཏུ་བརྩིགས་ལ། རྒན་ཞུགས་མི་ཤེས་པ་རྨོངས་པ་མི་གསལ་བ་མི་མཁས་པ་གཞན་ཞིག་གིས་མི་རུང་བའི་ཕྱོགས་སུ་བཤང་བ་དང ། གཅི་བ་དང ། མཆིལ་མ་དང ། སྣབས་དང ། སྐྱུགས་པ་དང ། འཁྲུ་བ་དག་བོར་ཞིང ། མི་གཙང་བས་སྦགས་པའི་གནས་མལ་བཞག་པས་གདུག་པ་ཁྲོས་ནས་སྤྱོད་ཡུལ་ལམ། སྤྱོད་ཡུལ་གྱི་ལམ་མམ། འཆག་སའམ། ཁྱམས་སམ། སྒོ་ཁང་རྣམས་སུ་འདུག་ནས། དགེ་སློང་དག་ལ་འབབ་པར་བྱེད། ཉལ་ཁྲི་དག་སྐྱུར་བར་བྱེད་ཀྱིས། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་
Ka324a
༄#། །དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི།་འདི་ལྟར་ཡང་ཀླུ་གནས་པའི་ཕྱོགས་ཤིག་ཏུ་གཙུག་ལག་ཁང་བརྩིགས་ལ། དེ་ན་རྒན་ཞུགས་མི་ཤེས་པ་རྨོངས་པ་མི་གསལ་བ་མི་མཁས་པ་གཞན་ཞིག་གིས་མི་རུང་བའི་ཕྱོགས་སུ་བཤང་བ་དང ། གཅི་བ་དང ། མཆིལ་མ་དང ། སྣབས་དང ། སྐྱུགས་པ་དང ། འཁྲུ་བ་དག་བོར་ཞིང ། མི་གཙང་བས་སྦགས་པའི་གནས་མལ་བཞག་པས། ཀླུ་ཁྲོས་ཏེ་སྤྱོད་ཡུལ་གྱི་ལམ་མམ། འཆག་སའམ། ཁྱམས་སམ། སྒོ་ཁང་དག་ཏུ་འདུག་ནས། དགེ་སློང་རྣམས་ལ་འབབ་པར་བྱེད། ཉལ་ཁྲི་དག་ཀྱང་སྐྱུར་བར་བྱེད་དོ། །དེ་ན་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ན། གཙུག་ལག་ཁང་འདི་ཡང་ཀླུ་གནས་པའི་ཕྱོགས་ཤིག་ཏུ་བརྩིགས་ལ། རྒན་ཞུགས་མི་ཤེས་པ། རྨོངས་པ། མི་གསལ་བ་མི་མཁས་པ་གཞན་ཞིག་གིས་མི་རུང་བའི་ཕྱོགས་སུ་བཤང་བ་དང ། གཅི་བ་དང ། མཆིལ་མ་དང ། སྣབས་དང ། སྐྱུགས་པ་དང ། འཁྲུ་བ་དག་བོར་ལ་མི་གཙང་བས་སྦགས་པའི་གནས་མལ་བཞག་པས་ཀླུ་ཁྲོས་ཏེ། སྤྱོད་ཡུལ་ལམ། སྤྱོད་ཡུལ་གྱི་ལམ་མམ། འཆག་སའམ། ཁྱམས་སམ། སྒོ་ཁང་རྣམས་སུ་འདུག་ནས། དགེ་སློང་རྣམས་ལ་འབབ་པར་བྱེད། ཉལ་ཁྲི་དག་
Ka324b
ཀྱང་སྐྱུར་བར་བྱེད་དེ། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱེད་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་ནགས་ཁྲོད་ཞིག་ཏུ་གཙུག་ལག་ཁང་བརྩིགས་པ་དང ། མེ་ཤོར་བས་གྲོང་དང་གྲོང་ཁྱེར་དང ། རྒྱལ་པོའི་ཕོ་བྲང་འཁོར་རྣམས་ཀྱང་སྲེག་ཅིང་འོང་སྟེ། སྤྱོད་ཡུལ་དང ། སྤྱོད་ཡུལ་གྱི་ལམ་ཁ་ཡང་ཚིག་།འཆགས་དང ། ཁྱམས་དང ། སྒོ་ཁང་ཡང་ཚིག། གཙུག་ལག་ཁང་དང ། གཙུག་ལག་ཁང་གི་ཉེ་འཁོར་ཡང་ཚིག་ལ་ཐུག་ནས། དེ་ན་དགེ་སློང་དགག་དབྱེ་བྱེད་པ་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ན། གཙུག་ལག་ཁང་འདི་ཡང་ནགས་ཁྲོད་ཞིག་ཏུ་བརྩིགས་ཏེ།་མེ་ཤོར་བས་གྲོང་དང ། གྲོང་ཁྱེར་དང ། རྒྱལ་པོའི་ཕོ་བྲང་འཁོར་རྣམས་ཀྱང་སྲེག་ཅིང་འོང་སྟེ། སྤྱོད་ཡུལ་དང ། སྤྱོད་ཡུལ་གྱི་ལམ་ཁ་ཡང་ཚིག་།འཆག་ས་དང ། ཁྱམས་དང ། སྒོ་ཁང་རྣམས་ཀྱང་ཚིག་།གཙུག་ལག་ཁང་དང་གཙུག་ལག་ཁང་གི་ཉེ་འཁོར་ཡང་ཚིག་ལ་ཐུག་པས་གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན་གཞི་དེས་བདག་གི་སྲོག་གི་བར་ཆད་
Ka325a
༄#། །དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས་དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ།། །།འདུལ་བ་གཞི། བམ་པོ་བཅུ་དགུ་པ། དོན་གཞན་ལ་དགག་དབྱེ་ལན་གཅིག་བཟླས་པ་ནི། འདི་ལྟར་ཡང་གཤོང་ཞིག་ཏུ་གཙུག་ལག་ཁང་བརྩིགས་པ་དང ། རི་གཟར་པོའི་ཁར་ཆར་མོ་ཆེ་བབ་པས། གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་ཡང་དེད་ཅིང་འོང་སྟེ། སྤྱོད་ཡུལ་དང ། སྤྱོད་ཡུལ་གྱི་ལམ་དང ། འཆག་ས་དང ། ཁྱམས་དང ། སྒོ་ཁང་ཡང་དེད་ལ་ཐུག་།གཙུག་ལག་ཁང་ཡང་གཤེར་བར་གྱུར་པ་དང ། དེ་ན་དགག་དབྱེ་བྱེད་པའི་དགེ་སློང་འདི་སྙམ་དུ་སེམས་ཏེ། དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ན། གཙུག་ལག་ཁང་འདི་ཡང་གཤོང་ཞིག་ཏུ་བརྩིགས་ཏེ། རི་གཟར་པོའི་ཁར་ཆར་མོ་ཆེ་བབ་པས། གྲོང་དང ། གྲོང་ཁྱེར་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་ཡང་དེད་ཅིང་འོང་སྟེ། སྤྱོད་ཡུལ་དང་སྤྱོད་ཡུལ་གྱི་ལམ་དང ། འཆག་ས་དང ། ཁྱམས་དང ། སྒོ་ཁང་ཡང་དེད་ལ་ཐུག་།གཙུག་ལག་ཁང་ཡང་གཤེར་པར་གྱུར་པས། གལ་ཏེ་བདག་གིས་དགག་དབྱེ་ལན་གསུམ་བཟླས་པས་དགག་དབྱེ་བྱས་ན་གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང །
Ka325b
ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གིས་དགག་དབྱེ་ལན་གཅིག་བཟླས་པས་དགག་དབྱེ་བྱའོ་སྙམ་ནས། དེ་དགག་དབྱེ་ལན་གཅིག་བཟླས་པས་དགག་དབྱེ་བྱེད་ན། དོན་དེ་ལ་དགག་དབྱེ་ལན་གཅིག་བཟླས་པ་ཡིན་ནོ། །དོན་གང་གི་ཕྱིར་དགག་དབྱེ་ལན་གཉིས་བཟླས་པ་ཡིན་ཞེ་ན། གང་ལ་དགག་དབྱེ་ལན་གསུམ་བཟླས་པས་སྐབས་མེད་པར་གྱུར་ན། དོན་དེ་ལ་དགག་དབྱེ་ལན་གཉིས་བཟླས་པ་ཡིན་ནོ། །དོན་གང་ལ་དགག་དབྱེ་ལན་གསུམ་བཟླས་པ་ཡིན་ཞེ་ན། རྣལ་དུ་གནས་པའི་གནས་སྐབས་ནའོ། །དོན་གང་ལ་ཚོགས་ཀྱི་དགག་དབྱེ་བྱ་ཞེ་ན། འདི་ལྟར་ཡང་དགོན་པ་འཁྲུགས་པ་དག་གི་འཇིགས་པ་བྱུང་ནས་ཡུལ་མི་རྣམས་ཀྱང་དེ་དང་དེ་དག་ཏུ་བྲོས་སོ། །དེ་ནས་དགེ་སློང་རྣམས་ཀྱང་གཏུར་བུ་དག་ཏུ་ཆོས་གོས་རྣམས་ཐུམ་པོ་བྱས་ཏེ། ཐོགས་ནས་ཕན་ཚུན་བལྟས་ཏེ། ཚེ་དང་ལྡན་པ་དག་དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་མོད་ཀྱི་གང་གི་ཚེ་དགེ་འདུན་མཐུན་པ་རྙེད་པ་དེའི་ཚེ་དགག་དབྱེ་བྱའོ་ཞེས་བརྗོད་ནས་འདོང་བར་བྱ་སྟེ། དོན་དེ་ལ་ཚོགས་ཀྱི་དགག་དབྱེ་ཞེས་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་འདི་ལྟར་ཡང་དགེ་སློང་རྣམས་ཀྱིས་འདི་ལྟ་བུའི་ཁྲིམས་སུ་བཅའ་བ་དག་བགྱིས་ནས། དབྱར་གནས་ཏེ་ཚེ་དང་ལྡན་པ་དག་བདག་ཅག་གི་ནང་དུ་སུ་ཡང་རུང ། དབྱར་གྱི་ནང་ལོགས་སུ་ཉེ་དུ་དག་འོང་ན། དགག་དབྱེ་སྦྱིན་པར་བྱའོ་ཞེས་མཆི་ན། བཙུན་པ་དགག་དབྱེ་སྩལ་བར་བགྱིའམ།
Ka326a
༄#། །མི་སྩལ་བར་བགྱི། ཉེ་བར་འཁོར་བྱིན་ཅིག་།ཇི་སྟེ་དངོས་པོ་བཞག་ལ་གང་ཟག་མ་ལགས་ན། དགག་དབྱེ་སྩལ་བར་བགྱིའམ། མི་སྩལ་བར་བགྱི། ཉེ་བར་འཁོར་མ་བྱིན་པར་དེ་ལ་ཚིག་འདི་སྐད་ཅེས་ཚེ་དང་ལྡན་པ་བདག་ཅག་དོན་འདི་ལ་འདུས་ཤིང་མཐུན་པར་གྱུར་པ་ནི་མ་ཡིན་ན། ཚེ་དང་ལྡན་པ་ཅིའི་ཕྱིར་དངོས་པོ་བཞག་སྟེ་གང་ཟག་མ་ཡིན། འོན་ཀྱང་བདག་ཉིད་ཤིན་ཏུ་རྣམ་པར་དག་པར་བྱ་བའི་ཕྱིར་དགག་དབྱེ་བྱོས་ཤིག་ཅེས་བཅོམ་ལྡན་འདས་ཀྱིས་བཀའ་སྩལ་ཀྱིས། གལ་ཏེ་འདོད་ན་ནི་འདུག་ལ་དགག་དབྱེ་བྱའོ་ཞེས་སྨྲོས་ཤིག་།གལ་ཏེ་གང་ཟག་བཞག་ལ་དངོས་པོ་མ་ལགས་ན། དགག་དབྱེ་སྩལ་བར་བགྱིའམ། མི་སྩལ་བར་བགྱི། ཉེ་བར་འཁོར་མ་སྦྱིན་པར་དེ་ལ་ཚིག་འདི་སྐད་ཅེས། ཚེ་དང་ལྡན་པ་བདག་ཅག་དོན་འདི་ལ་འདུས་ཤིང་མཐུན་པར་གྱུར་པ་ནི་མ་ཡིན་ན། ཚེ་དང་ལྡན་པ་ཅིའི་ཕྱིར་གང་ཟག་བཞག་སྟེ་དངོས་པོ་མ་ཡིན། འོན་ཀྱང་བདག་ཉིད་ཤིན་ཏུ་རྣམ་པར་དག་པར་བྱ་བའི་ཕྱིར་དགག་དབྱེ་བྱོས་ཤིག་ཅེས་བཅོམ་ལྡན་འདས་ཀྱིས་བཀའ་སྩལ་ཀྱིས། གལ་ཏེ་འདོད་ན་ནི་འདུག་ལ་དགག་དབྱེ་བྱའོ་ཞེས་སྨྲོས་ཤིག་།གལ་ཏེ་དངོས་པོ་དང་གང་ཟག་བཞག་ན་དགག་དབྱེ་སྩལ་བར་བགྱིའམ། མི་སྩལ་བར་བགྱི། ཉེ་བར་འཁོར་མ་སྦྱིན་པར་ཚེ་དང་ལྡན་པ་བདག་ཅག་དོན་འདི་ལ་འདུས་ཤིང་མཐུན་པར་གྱུར་པ་ནི་མ་ཡིན་ན། ཚེ་དང་ལྡན་པ་ཅིའི་ཕྱིར་གང་ཟག་དང་དངོས་པོ་བཞག་སྟེ་མ་ཡིན། འོན་ཀྱང་བདག་ཉིད་ཤིན་ཏུ་རྣམ་པར་དག་པར་བྱ་བའི་ཕྱིར་དགག་
Ka326b
དབྱེ་བྱོས་ཤིག་ཅེས་བཅོམ་ལྡན་འདས་ཀྱིས་བཀའ་སྩལ་ཀྱིས། གལ་ཏེ་འདོད་ན་འདུག་ལ་དགག་དབྱེ་བྱའོ་ཞེས་སྨྲོས་ཤིག་།གལ་ཏེ་དངོས་པོ་དང་གང་ཟག་མ་བཞག་ན། དགག་དབྱེ་སྩལ་བར་བགྱིའམ། མི་སྩལ་བར་བགྱི། ཉེ་བར་འཁོར་བྱིན་ཅིག་།སྡོམ་ལ། རྒྱལ་པོས་དགེ་སློང་བཟུང་བ་དང ། །དྲན་པར་བྱ་བ་བཅུ་པོ་དང ། །ལྟུང་བས་བདུན་པོ་བྱ་བ་དང ། །གླེང་བ་ཡིས་ནི་བདུན་པའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་དགེ་སློང་རྒྱལ་པོའམ། ཆོམ་རྐུན་ནམ། གཡོན་ཅན་ནམ། གསོད་པའམ། ཕྱིར་རྒོལ་བའམ། ཕས་ཀྱི་དགྲ་བོས་བཟུང་བར་གྱུར་ན། དེ་ལ་དགེ་སློང་དག་གིས་ཕོ་ཉ་བཏང་བར་བྱ་སྟེ། དགེ་སློང་འདི་བདག་ཅག་གི་ཚངས་པ་མཚུངས་པར་སྤྱོད་པ་ཡིན་གྱིས་འདི་ཐོང་ཞིག་ཅེས་སྤྲིངས་ཤིག་།གལ་ཏེ་བཏང་ན་ལེགས། ཇི་སྟེ་མ་བཏང་ན་ཕོ་ཉ་གཉིས་པ་གཏང་བར་བྱ་སྟེ། དགེ་སློང་འདི་བདག་ཅག་རྣམས་དང་ལྷན་ཅིག་ཏུ་བགྱི་བ་ཅུང་ཞིག་མཆིས་ཀྱིས་འདི་ཐོང་ཞིག་ཅེས་སྤྲིངས་ཤིག་།གལ་ཏེ་བཏང་ན་ལེགས། ཇི་སྟེ་མ་བཏང་ན་དགེ་སློང་རྣམས་དཀྱིལ་འཁོར་གྱི་ནང་དུ་ཞུགས་ལ་དགག་དབྱེ་བྱའོ། །དེའི་འོག་ཏུ་ཕྱི་དེ་ཉིན་པར་ནས་དགེ་སློང་དེ་ཐར་བར་བྱ་བའི་ཕྱིར་བརྩོན་པར་བྱའོ། །གལ་ཏེ་བརྩོན་པར་བྱས་ན་ལེགས། ཇི་སྟེ་བརྩོན་པར་མ་བྱས་ན་འགལ་ཚབས་ཅན་དུ་འགྱུར་རོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་དགེ་སློང་གིས་ལྟུང་བ་དྲན་ན། དགེ་སློང་དེས་ལྟུང་བ་དེ་དགེ་སློང་གི་མདུན་དུ་ཆོས་བཞིན་དུ་གྱིས་ལ་དེའི་འོག་ཏུ་དགག་དབྱེ་བྱའོ། །དགག་དབྱེ་ནི་འདི་ལྟར་བྱ་སྟེ། ངས་དགག་དབྱེའི་བར་ཆད་དུ་
Ka327a
༄#། །འགྱུར་བ་མི་སྨྲའི་ཞེས་བྱ་བར་སྔར་གསོ་སྦྱོང་གི་གཞིར་ཇི་སྐད་བསྟན་པ་བཞིན་བཅུ་ཚན་རྒྱས་པར་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། དགེ་སློང་གིས་ལྟུང་བ་ཤེས་ལ་ཇི་སྟེ། ཕས་ཕམ་པ་བྱུང་བ་ཤེས་ན། བསྐྲད་ལ་དགག་དབྱེ་བྱའོ། །གལ་ཏེ་དགེ་འདུན་ལྷག་མ་བྱུང་བར་ཤེས་ན། བྱིན་གྱིས་བརླབས་ལ་དགག་དབྱེ་བྱའོ། །གལ་ཏེ་ལྟུང་བྱེད་དང ། སོ་སོར་བཤགས་པ་དང ། ཉེས་བྱས་དག་བྱུང་བར་ཤེས་ན། བཤགས་ནས་དགག་དབྱེ་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་དངོས་པོ་མ་ངེས་པར་གྱུར་ནས། ཁ་ཅིག་ནི་ལྷག་མ་མེད་པར་འདུ་ཤེས་ལ། ཁ་ཅིག་ནི་ལྷག་མ་དང་བཅས་པར་འདུ་ཤེས་ན་དེ་ལ་གང་དག་ལྷག་མ་མེད་པར་འདུ་ཤེས་པ་དེ་དག་གིས་ནི་བསྐྲད་ནས་དགག་དབྱེ་བྱའོ། །གང་དག་ལྷག་མ་དང་བཅས་པར་འདུ་ཤེས་པ་དེ་དག་གིས་ནི་བྱིན་གྱིས་རློབ་ཏུ་བཅུག་ནས་དགག་དབྱེ་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་ལྟུང་བ་མ་ངེས་ཏེ། དེ་ལ་ཁ་ཅིག་ནི་བཤགས་པར་བྱའོ་ཞེས་ཟེར། ཁ་ཅིག་ནི་བསྡམ་པར་བྱའོ་ཞེས་ཟེར་ན། དེ་ལ་གང་དག་བཤགས་པར་བྱའོ་ཞེས་ཟེར་བ་དེ་དག་གིས་ནི་འཆགས་སུ་བཅུག་ནས་དགག་དབྱེ་བྱའོ། །གང་དག་བསྡམ་པར་བྱའོ་ཞེས་ཟེར་བ་དེ་དག་གིས་ནི་བསྡམ་པར་བྱེད་དུ་བཅུག་ནས་དགག་དབྱེ་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། དགེ་སློང་གིས་དགེ་སློང་ལ་གླེང་བར་བྱེད་ལ། གལ་ཏེ་གླེང་བ་པོ་ལུས་དང་ངག་མ་བསྡམས་པར་གྱུར་ན། དེ་ལྟ་བུའི་
Ka327b
གླེང་བ་པོ་ལ་བསྒོ་ཞིང་རབ་ཏུ་བསྒོ་ནས་དགག་དབྱེ་བྱའོ། །གལ་ཏེ་གླེང་བ་པོ་ལུས་ཀྱིས་བསྡམས་ལ། ངག་གིས་མ་ཡིན་པར་གྱུར་ན། དེ་ལྟ་བུའི་གླེང་བ་པོ་ལ་ཡང་བསྒོ་ཞིང་རབ་ཏུ་བསྒོ་ནས་དགག་དབྱེ་བྱའོ། །གལ་ཏེ་གླེང་བ་པོ་ངག་གིས་བསྡམས་ལ་ལུས་ཀྱིས་མ་ཡིན་པར་གྱུར་ན། དེ་ལྟ་བུའི་གླེང་བ་པོ་ལ་ཡང་བསྒོ་ཞིང་རབ་ཏུ་བསྒོ་ནས་དགག་དབྱེ་བྱའོ། །གལ་ཏེ་གླེང་བ་པོ་ལུས་དང་ངག་གིས་བསྡམས་པར་གྱུར་ལ། མདོ་སྡེ་མི་འཛིན། འདུལ་བ་མི་འཛིན། མ་མོ་མི་འཛིན་པ་ཡིན་ན། དེ་ལྟ་བུའི་གླེང་བ་པོ་ལ་བརྡ་སྤྲད་ཅིང ། ཡང་དག་པར་བརྡ་སྤྲད་ནས་དགག་དབྱེ་བྱའོ། །གལ་ཏེ་གླེང་བ་པོ་ལུས་དང་ངག་གིས་བསྡམས་ལ་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པར་གྱུར་ལ་མདོ་སྡེ་ལ་གསལ་བ་མ་ཡིན། འདུལ་བ་ལ་མཁས་པ་མ་ཡིན། མ་མོ་ལ་གསལ་བ་མ་ཡིན་ན། དེ་ལྟ་བུའི་གླེང་བ་པོ་ལ་ཡང་བརྡ་སྤྲད་ཅིང་ཡང་དག་པར་བརྡ་སྤྲད་ནས་དགག་དབྱེ་བྱའོ། །གལ་ཏེ་གླེང་བ་པོ་ལུས་དང་ངག་གིས་བསྡམས་ཤིང་མདོ་སྡེ་འཛིན་པ།་འདུལ་བ་འཛིན་པ། མ་མོ་འཛིན་པ། མདོ་སྡེ་ལ་གསལ་བ། འདུལ་བ་ལ་གསལ་བ། མ་མོ་ལ་གསལ་བ་ཡིན་ལ། མདོ་སྡེ་ལ་མི་བཟོ། འདུལ་བ་ལ་མི་བཟོ། མ་མོ་ལ་མི་བཟོ་བ་ཡིན་ན། དེ་ལྟ་བུའི་གླེང་བ་པོ་ལ་ཡང་བརྡ་སྤྲད་ཅིང་ཡང་དག་པར་བརྡ་སྤྲད་ནས་དགག་དབྱེ་བྱའོ། །གལ་ཏེ་གླེང་བ་པོ་ལུས་དང་ངག་གིས་བསྡམས་ཤིང ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ། མདོ་སྡེ་ལ་གསལ་བ། འདུལ་བ་ལ་གསལ་བ། མ་མོ་ལ་གསལ་བ། མདོ་སྡེ་
Ka328a
༄#། །ལ་བཟོ་བ། འདུལ་བ་ལ་བཟོ་བ། མ་མོ་ལ་བཟོ་བ་ཡིན་ལ། མདོ་སྡེ་ལ་མི་མཁས་པ། འདུལ་བ་ལ་མི་མཁས་པ། མ་མོ་ལ་མི་མཁས་པ་ཡིན་ན། དེ་ལྟ་བུའི་གླེང་བ་པོ་ལ་ཡང་བརྡ་སྤྲད་ཅིང་ཡང་དག་པར་བརྡ་སྤྲད་ནས་དགག་དབྱེ་བྱའོ། །གལ་ཏེ་གླེང་བ་པོ་ལ་ལུས་དང་ངག་གིས་བསྡམས་ཤིང་མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ། མདོ་སྡེ་ལ་གསལ་བ། འདུལ་བ་ལ་གསལ་བ། མ་མོ་ལ་གསལ་བ། མདོ་སྡེ་ལ་བཟོ་བ། འདུལ་བ་ལ་བཟོ་བ། མ་མོ་ལ་བཟོ་བ། མདོ་སྡེ་ལ་མཁས་པ། འདུལ་བ་ལ་མཁས་པ། མ་མོ་ལ་མཁས་པ་ཡིན་ན། གལ་ཏེ་ཆེད་དུ་བསམས་ཏེ།་དགེ་འདུན་གྱི་ནང་དུ་ཆོས་མ་ཡིན་པ་ལ་ཆོས་དང ། ཆོས་ལ་ཆོས་མ་ཡིན་པ་དང ། འདུལ་བ་མ་ཡིན་པ་ལ་འདུལ་བ་དང ། འདུལ་བ་ལ་འདུལ་བ་མ་ཡིན་པར་སྟོན་པ་ཡིན་ན། དེ་ལྟ་བུའི་གླེང་བ་པོ་ལ་ཡང་བརྡ་སྤྲད་ཅིང་ཡང་དག་པར་བརྡ་སྤྲད་ནས་དགག་དབྱེ་བྱའོ། །གལ་ཏེ་གླེང་བ་པོ་ལུས་དང་ངག་གིས་བསྡམས་པ་ཡིན་ལ་མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ། མདོ་སྡེ་ལ་གསལ་བ།་འདུལ་བ་ལ་གསལ་བ། མ་མོ་ལ་གསལ་བ། མདོ་སྡེ་ལ་བཟོ་བ། འདུལ་བ་ལ་བཟོ་བ། མ་མོ་ལ་བཟེ་བ། མདོ་སྡེ་ལ་མཁས་པ། འདུལ་བ་ལ་མཁས་པ། མ་མོ་ལ་མཁས་པ་ཡིན་ན། གལ་ཏེ་ཆེད་དུ་བསམས་པ་མ་ཡིན་པར་དགེ་འདུན་གྱི་ནང་དུ་ཆོས་མ་ཡིན་པ་ལ་ཆོས་དང ། ཆོས་ལ་ཆོས་མ་ཡིན་པ་དང ། འདུལ་བ་མ་ཡིན་པ་ལ་འདུལ་བ་དང ། འདུལ་བ་ལ་འདུལ་བ་མ་ཡིན་ནོ་ཞེས་སྟོན་པ་དེ་ལ་
Ka328b
འདི་སྐད་ཅེས་བརྗོད་པར་བྱ་སྟེ། ཚེ་དང་ལྡན་པ་གླེང་བ་པ་གང་གིས་སྨྲ། ཕས་ཕམ་པས་སམ། དགེ་འདུན་གྱི་ལྷག་མས་སམ། ལྟུང་བྱེད་ཀྱིས་སམ། སོ་སོར་བཤགས་བས་སམ། ཉེས་བྱས་ཀྱིས་སམ། མཚན་མོ་བྱས་པས་སམ། ཉིན་མོ་བྱས་པས་སམ། ལམ་དུ་བྱས་པས་སམ། མ་གོལ་བར་བྱས་པས་སམ། འགྲོ་བའིའམ། འགྲེང་བའིའམ། འདུག་བའི་འམ། ཉལ་བའིའམ། གལ་ཏེ་ཕམ་པས་ཡིན་གྱི། དགེ་འདུན་ལྷག་མས་མ་ཡིན། ལྟུང་བྱེད་ཀྱིས་མ་ཡིན། སོ་སོར་བཤགས་བསམ་ཡིན། ཉེས་བྱས་ཀྱིས་མ་ཡིན་ནམ། གལ་ཏེ་དགེ་འདུན་ལྷག་མས་ཡིན་གྱི། ཕས་ཕམ་པས་མ་ཡིན། ལྟུང་བྱེད་ཀྱིས་མ་ཡིན། སོ་སོར་བཤགས་པས་མ་ཡིན། ཉེས་བྱས་ཀྱིས་མ་ཡིན་ནམ། གལ་ཏེ་ལྟུང་བྱེད་ཀྱིས་ཡིན་གྱི། ཕས་ཕམ་པས་མ་ཡིན། དགེ་འདུན་ལྷག་མས་མ་ཡིན། སོ་སོར་བཤགས་པས་མ་ཡིན། ཉེས་བྱས་ཀྱིས་མ་ཡིན་ནམ། གལ་ཏེ་སོ་སོར་བཤགས་པས་ཡིན་གྱི། ཕས་ཕམ་པས་མ་ཡིན། དགེ་འདུན་ལྷག་མས་མ་ཡིན། ལྟུང་བྱེད་ཀྱིས་མ་ཡིན། ཉེས་བྱས་ཀྱིས་མ་ཡིན་ནམ། གལ་ཏེ་ཉེས་བྱས་ཀྱིས་ཡིན་གྱི། ཕས་ཕམ་པས་མ་ཡིན། དགེ་འདུན་ལྷག་མས་མ་ཡིན། ལྟུང་བྱེད་ཀྱིས་མ་ཡིན། སོ་སོར་བཤགས་པས་མ་ཡིན་ནམ། གལ་ཏེ་ཕས་ཕམ་པ་དང་པོས་ཡིན་གྱི། གཉིས་པས་མ་ཡིན། གསུམ་པས་མ་ཡིན། བཞི་པས་མ་ཡིན་ནམ། གལ་ཏེ་གཉིས་པས་ཡིན་གྱི། དང་པོས་མ་ཡིན། གསུམ་པས་མ་ཡིན། བཞི་པས་མ་ཡིན་ནམ། གལ་ཏེ་གསུམ་པས་ཡིན་གྱི། དང་པོས་མ་ཡིན། གཉིས་པས་མ་ཡིན། བཞི་པས་མ་ཡིན་
Ka329a
༄#། །ནམ། གལ་ཏེ་བཞི་པས་ཡིན་གྱི། དང་པོས་མ་ཡིན། གཉིས་པས་མ་ཡིན། གསུམ་པས་མ་ཡིན་ནམ། གལ་ཏེ་དགེ་འདུན་ལྷག་མ་དང་པོས་ཡིན་གྱི། གཉིས་པས་མ་ཡིན་ཞེས་བྱ་བ་ནས། བཅུ་གསུམ་པའི་བར་གྱིས་མ་ཡིན་ནམ། གལ་ཏེ་བཅུ་གསུམ་པའི་བར་གྱིས་ཡིན་གྱི། དང་པོས་མ་ཡིན། གཉིས་པས་མ་ཡིན། གསུམ་པས་མ་ཡིན་པ་ནས། བཅུ་གཉིས་པའི་བར་གྱིས་མ་ཡིན་པའམ། གལ་ཏེ་ལྟུང་བྱེད་དང་པོས་ཡིན་གྱི། གཉིས་པས་མ་ཡིན། གསུམ་པས་མ་ཡིན་པ་ནས། དགུ་བཅུ་བའི་བར་གྱིས་མ་ཡིན་པའམ། གལ་ཏེ་དགུ་བཅུ་པས་ཡིན་གྱི། དང་པོས་མ་ཡིན། གཉིས་པས་མ་ཡིན་པ་ནས། བརྒྱད་ཅུ་རྩ་དགུ་པའི་བར་གྱིས་མ་ཡིན་པའམ། གལ་ཏེ་སོ་སོར་བཤགས་པ་དང་པོས་ཡིན་གྱི། གཉིས་པས་མ་ཡིན། གསུམ་པས་མ་ཡིན། བཞི་པས་མ་ཡིན་ནམ། གལ་ཏེ་གཉིས་པས་ཡིན་གྱི། དང་པོས་མ་ཡིན། གསུམ་པས་མ་ཡིན། བཞི་པས་མ་ཡིན་ནམ། གལ་ཏེ་གསུམ་པས་ཡིན་གྱི། དང་པོས་མ་ཡིན། གཉིས་པས་མ་ཡིན། བཞི་པས་མ་ཡིན་ནམ། གལ་ཏེ་བཞི་པས་ཡིན་གྱི། དང་པོས་མ་ཡིན། གཉིས་པས་མ་ཡིན། གསུམ་པས་མ་ཡིན་ནམ། གལ་ཏེ་ཉེས་བྱས་དང་པོས་ཡིན་གྱི། གཉིས་པས་མ་ཡིན། གསུམ་པས་མ་ཡིན་པ་ནས། ཐ་མའི་བར་གྱིས་མ་ཡིན་ནམ། གལ་ཏེ་ཐ་མས་ཡིན་གྱི། དང་པོས་མ་ཡིན། གཉིས་པས་མ་ཡིན་པ་ནས། ཐ་ལྟག་གི་བར་གྱིས་མ་ཡིན་ནམ། གལ་ཏེ་ནུབ་མོ་བྱས་པས་ཡིན་གྱི། ཉིན་
Ka329b
པར་བྱས་པས་མ་ཡིན་ནམ། གལ་ཏེ་ཉིན་པར་བྱས་པས་ཡིན་གྱི། མཚན་མོ་བྱས་པས་མ་ཡིན་ནམ། གལ་ཏེ་ལམ་གོལ་པ་ན་བྱས་པས་ཡིན་གྱི། ལམ་དུ་བྱས་པས་མ་ཡིན་ནམ། གལ་ཏེ་ལམ་དུ་བྱས་པས་ཡིན་གྱི། ལམ་གོལ་བར་བྱས་པས་མ་ཡིན་ནམ། གལ་ཏེ་འགྲོ་བའི་ཡིན་གྱི། འདུག་པའི་མ་ཡིན། འགྲེང་བའི་མ་ཡིན། ཉལ་བའི་མ་ཡིན་ནམ། གལ་ཏེ་འདུག་པའི་ཡིན་གྱི། འགྲོ་བའི་མ་ཡིན། འགྲེང་བའི་མ་ཡིན། ཉལ་བའི་མ་ཡིན་ནམ། གལ་ཏེ་ཉལ་བའི་ཡིན་གྱི། འགྲོ་བའི་མ་ཡིན། འགྲེང་བའི་མ་ཡིན། འདུག་པའི་མ་ཡིན་ནམ། གལ་ཏེ་འགྲེང་བའི་ཡིན་གྱི། ཉལ་བའི་མ་ཡིན། འདུག་པའི་མ་ཡིན། འགྲོ་བའི་མ་ཡིན་ཞེས་གལ་ཏེ་གླེང་བ་པོ་ལ་དེ་ལྟར་ལེགས་པར་ཤིན་ཏུ་ཡང་དག་པར་རྨས། ཡང་དག་པར་བསྟན། ཡང་དག་པར་བརྟགས་པ་ན་གནས་ནས་གནས་སུ་སྦེད་པ་ནི་གླེང་བ་པོ་མ་ཡིན། གླེངས་པ་མ་ཡིན་ནོ། །གལ་ཏེ་གླེང་བ་པོ་དེ་ལྟར་ལེགས་པར་ཤིན་ཏུ་ཡང་དག་པར་རྨས། ཡང་དག་པར་བསྟན། ཡང་དག་པར་བརྟགས་པ་ན་གནས་ནས་གནས་སུ་སྦེད་པར་མི་བྱེད་ན། དེ་ནི་གླེང་བ་པོ་ཡིན། གླེངས་པ་ཡིན་ནོ། །གལ་ཏེ་གླེང་བ་པོ་གནས་ནས་གནས་སུ་མི་སྦེད་ན། གླེངས་པ་ཡིན་པས་འདི་སྐད་ཅེས་བརྗོད་པར་བྱ་སྟེ། ཆེ་དང་ལྡན་པ་དེའི་ཆེ་ལུས་ཀྱི་འདུ་བྱེད་དང ། ངག་གི་འདུ་བྱེད་དང ། ཡིད་ཀྱི་འདུ་བྱེད་གང་དག་ཡིན་པ་སྨྲོས་ཤིག། གལ་ཏེ་ཕས་ཕམ་པ་ཡིན་པར་ཤེས་ན། བསྐྲད་ལ་དགག་དབྱེ་བྱའོ། །གལ་ཏེ་དགེ་འདུན་གྱི་ལྷག་མ་ཡིན་པར་ཤེས་ན། བྱིན་གྱིས་བརླབས་ལ་དགག་དབྱེ་བྱའོ། །གལ་ཏེ་ལྟུང་བྱེད་
Ka330a
༄#། །དང ། སོ་སོར་བཤགས་པ་དང ། ཉེས་བྱས་ཡིན་པར་ཤེས་ན་བཤགས་ལ་དགག་དབྱེ་བྱའོ། །སྡོམ་ལ། མང་པོ་སྒྲེ་དང་བཞག་པ་དང ། །བྱ་དང་རྣམ་པ་ལྔ་པ་དང ། །འདོད་བས་རྣམ་གསུམ་བྱ་བ་དང ། །ཡོངས་སུ་དག་ལ་དགག་དབྱེ་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། གཉུག་མར་གནས་པའི་དགེ་སློང་ལྔའམ། ལྷག་པ་དག་འདུག་ཅིང་མཐུན་པར་གྱུར་པ་ལ། དེ་དག་འདི་སྙམ་དུ་སེམས་ཏེ་དགེ་སློང་མ་འོངས་པ་དག་ཡོད་དེ། དེ་དག་མ་འོངས་ཏེ་མེད་ཀྱང་བདག་ཅག་གིས་གསོལ་བ་བྱས་ཏེ། དགག་དབྱེ་བྱར་རུང་ངོ་སྙམ་ནས། རྟོག་པས་དོན་དུ་གཉེར་བ་རྟོག་པའི་ཡོ་བྱད་ཅན་དེ་དག་གིས་གསོལ་བ་བྱས་ཏེ། དགག་དབྱེ་བྱེད་ན་དེའི་འོག་ཏུ་གཉུག་མར་གནས་པའི་དགེ་སློང་ཉུང་ཟད་ཅིག་འོངས་ན་དེ་དག་གིས་ཡང་གསོལ་བ་བྱས་ཏེ། དགག་དབྱེ་བྱའོ། །དགེ་སློང་སྔ་མ་རྟོག་པའི་ཉེར་བསྡོགས་ཅན་དག་ལ་ནི་འགལ་ཚབས་ཅན་དུ་འགྱུར་རོ། །སྔར་གསོ་སྦྱོང་གི་གཞི་ལས་སྡོམ་གྱི་ཚིགས་སུ་བཅད་པ་ཇི་སྐད་གསུངས་པ་དེ་བཞིན་དུ་བརྗོད་པར་བྱའོ། །ཁྱད་པར་གཅིག་ཡོད་པ་ནི་དེར་གཉུག་མར་གནས་པའི་དགེ་སློང་བཞིའམ། ལྷག་པ་ཞིག་འདུག་ཅིང་མཐུན་པར་གྱུར་ལ་ཞེས་སྨོས་པ་འདི་ནི་ལྔའམ། ལྷག་པ་ཞེས་བརྗོད་པར་བྱ་བ་ཡིན་ནོ། །སྡོམ་ལ། དབྱར་གནས་པར་ནི་དམ་བཅས་པའི། །འཐབ་ཀྲོལ་དགེ་སློང་ཤེས་ནས་ཀྱང ། །བཤེས་པའི་ཚིག་གིས་བསུ་བྱ་དང ། །ངེས་པའི་ཟླ་བ་བཞི་པོ་དང ། །ནད་པ་དང་ནི་དངོས་པོ་སྟེ། །ཡང་དག་བསྡོམས་པའི་ཚོགས་ཡིན་ནོ། །
Ka330b
སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་རྣམས་ཀྱིས་དགེ་སློང་འཐབ་ཀྲོལ་བགྱིད་པ་མཚང་འབྲུ་བར་བགྱིད་པ་རྩོད་པར་བགྱིད་པ་འགྱེད་པར་བགྱིད་པ། རྩོད་པའི་གཞི་བགྱིད་པ་དག་མཆིའོ་ཞེས་ཐོས་ཏེ། དེ་དག་ངོ་ཚ་མ་མཆིས་པས་མཐོ་བཙམ་པ་ཉིད་དུ་བདག་ཅག་ལ་གླེང་བར་བགྱི། དྲན་པར་བགྱིད་དོ་སྙམ་ན། དེ་རྣམས་ཀྱིས་དེ་དག་ལ་ཇི་ལྟར་བསྒྲུབ་པར་བགྱི། ཉེ་བར་འཁོར་དགེ་སློང་དེ་རྣམས་ཀྱིས་གསོ་སྦྱོང་གི་ལས་གཉིས་སམ་གསུམ་འདས་པར་བྱས་ནས། དགག་དབྱེ་བྱའོ། །གལ་ཏེ་དེ་ལྟར་གྲུབ་ན་ལེགས། གལ་ཏེ་མ་གྲུབ་ན་དགེ་སློང་དེ་རྣམས་ཀྱིས་གནོད་པའི་ཆེད་ཀྱི་དཀྱིལ་འཁོར་གཉིས་སམ། གསུམ་ཁས་བླང་བར་བྱའོ། །གལ་ཏེ་དེ་ལྟར་གྲུབ་ན་ལེགས། གལ་ཏེ་མ་གྲུབ་ན་དགེ་སློང་དེ་རྣམས་ཀྱིས་བཤེས་པའི་ཚིག་གིས་བསུ་བར་བྱ། ལྷུང་བཟེད་དང་ཆོས་གོས་བླང་བར་བྱ་སྟེ། ལྷུང་བཟེད་དང ། ཆོས་གོས་དག་གིས་མགུ་ཞིང་རབ་ཏུ་མགུ་བར་བྱས་ལ། དགག་དབྱེ་བྱའོ། །གལ་ཏེ་དེ་ལྟར་གྲུབ་ན་ལེགས། གལ་ཏེ་མ་གྲུབ་ན་ཁྲུས་བྱ་སྟེ། ཁྲུས་བྱ་བས་མགུ་ཞིང་རབ་ཏུ་མགུ་བར་བྱས་ལ་དགག་དབྱེ་བྱའོ། །གལ་ཏེ་དེ་ལྟར་གྲུབ་ན་ལེགས། གལ་ཏེ་མ་གྲུབ་ན་ཆོས་བསྒྲག་པར་བྱ་སྟེ། ཆོས་བསྒྲགས་པས་མགུ་ཞིང་རབ་ཏུ་མགུ་བར་བྱས་ལ་དགག་དབྱེ་བྱའོ། །གལ་ཏེ་དེ་ལྟར་གྲུབ་ན་ལེགས། གལ་ཏེ་མ་གྲུབ་ན་ཉེ་བར་འཁོར་དགེ་སློང་དེ་དག་དཀྱིལ་འཁོར་གྱི་ནང་དུ་དོང་ལ་གསོ་སྦྱོང་བྱའོ། །གལ་ཏེ་དེ་དག་
Ka331a
༄#། །འདི་སྐད་ཅེས་ཚེ་དང་ལྡན་པ་དག་།དེང་དགེ་འདུན་གྱི་དགག་དབྱེ་བཅོ་ལྔ་པ་ཡིན་ན། ཁྱེད་ཅག་ཅིའི་ཕྱིར། གསོ་སྦྱོང་བྱེད་ཅེས་ཟེར་ན། དེ་དག་ལ་འདི་སྐད་ཅེས་བརྗོད་པར་བྱ་སྟེ། ཚེ་དང་ལྡན་པ་ཁྱེད་ཅག་ནི་གློ་བུར་དུ་འོངས་པ་ཡིན་ལ། དོན་འདི་ནི་གཉུག་མར་གནས་པའི་དགེ་སློང་རྣམས་ཀྱིའོ་ཞེས་སྨྲོས་ཤིག་།དེ་ནས་དེ་དག་འདི་སྙམ་དུ་ཚེ་དང་ལྡན་པ་འདི་དག་ནི་ངེས་པར་ཟླ་བ་བཞི་པའི་དགག་དབྱེ་བྱེད་དོ་སྙམ་དུ་སེམས་པ་དང ། དེའི་འོག་ཏུ་འཇིགས་པ་དང་བྲལ་ཞིང་ཕས་ཀྱི་རྒོལ་བ་དང་བྲལ་ནས་སླར་ཡང་དགག་དབྱེ་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། ནད་པས་མི་ན་བའི་དགག་དབྱེ་འཇོག་ན་ནད་པ་ལ་འདི་སྐད་ཅེས་ཚེ་དང་ལྡན་པ་ཁྱོད་ནི་ནད་པ་སྟེ། སྦྱོར་མི་བཟོད་ཀྱིས་འདུག་ཅིག་ཅེས་བརྗོད་པར་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། མི་ན་བས་ནད་པའི་དགག་དབྱེ་འཇོག་ན་མི་ན་བ་ལ་འདི་སྐད་ཅེས་ཚེ་དང་ལྡན་པ་དེ་ནི་ནད་པ་སྟེ། སྦྱོར་མི་བཟོད་ཀྱིས་ཁྱོད་ཚུར་ཞེས་བརྗོད་པར་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། ནད་པས་མི་ན་བའི་དགག་དབྱེ་ཕོ་ཉ་བཏང་སྟེ་འཇོག་ན་ཕོ་ཉ་ལ་འདི་སྐད་ཅེས། ཚེ་དང་ལྡན་པ་དེ་ནི་ན་བས་སྦྱོར་མི་བཟོད་ཀྱིས་ཁྱོད་འདུག་ཅིག་ཅེས་བརྗོད་པར་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་མིན་བས་ནད་པའི་དགག་དབྱེ་ཕོ་ཉ་བཏང་སྟེ་འཇོག་ན། ཕོ་ཉ་ལ་འདི་སྐད་ཅེས་ཚེ་དང་ལྡན་པ་དེ་ནི་ན་བས་སྦྱོར་མི་བཟོད་ཀྱིས། ཁྱོད་ཚུར་ཤོག་ཞེས་བརྗོད་པར་བྱའོ། །འདི་ལྟར་ཡང་དགག་དབྱེ་བཅོ་ལྔ་པ་དེ་
Ka331b
ཉིད་ལ། དངོས་པོ་ཤེས་ལ་གང་ཟག་མ་ཡིན་པ་དང ། གང་ཟག་ཤེས་ལ་དངོས་པོ་མ་ཡིན་པ་དང ། གང་ཟག་དང ། དངོས་པོ་ཤེས་པ་དང ། གང་ཟག་དང ། དངོས་པོ་མི་ཤེས་པ་སྟེ། དངོས་པོ་ཤེས་ལ་གང་ཟག་མ་ཡིན་པ་ཇི་ལྟ་བུ་ཞེ་ན། འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ། རྒན་ཞུགས་མི་ཤེས་པ་རྨོངས་པ་མི་གསལ་བ་མི་མཁས་པ་གཞན་ཞིག་གིས་སྤྱོད་ཡུལ་ལམ། སྤྱོད་ཡུལ་གྱི་ལམ་ཁར་རིགས་ཀྱི་བུད་མེད་དམ། རིགས་ཀྱི་ན་ཆུང་ལ་ཁྲོས་སམ། ཚིག་ངན་སྨྲས་པས། རེག་པར་གྱུར་པས་མི་རྣམས་ཁྲོས་ཏེ། ཀུན་དགའ་ར་བའི་སྒོར་འོངས་ནས། འདི་སྐད་ཅེས་འཕགས་པ་འདི་དག་ནི་མི་མཛེས་པ་མ་བརྟགས་པ་ཡིན་ཏེ། འཕགས་པ་དག་གིས་ཉེས་པ་འདི་དང་འདི་དག་བྱས་སོ་ཞེས་སྨྲས་ཀྱི་ཆེ་གེ་མོ་ཞིག་གིས་ཞེས་དེ་སྐད་དུ་མ་སྨྲས་པ་སྟེ། དེ་ལྟ་བུའི་ནི་དངོས་པོ་ཤེས་ལ་གང་ཟག་མ་ཡིན་ཞེས་བྱའོ། ། གང་ཟག་ཤེས་ལ་དངོས་པོ་མ་ཡིན་པ་ཇི་ལྟ་བུ་ཞེ་ན། འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་ཞེས་བྱ་བ་ནས། ཀུན་དགའ་ར་བའི་སྒོར་འོངས་ནས་འདི་སྐད་ཅེས་འཕགས་པ་འདི་དག་ནི་མི་མཛེས་པ་མ་བརྟགས་པ་ཞེས་བྱ་བའི་བར་སྔ་མ་བཞིན་ཏེ། འདི་ལྟར་འཕགས་པ་ཆེ་གེ་མོ་ཞེས་བྱ་བས་ཉེས་པ་བྱས་ཤེས་སྨོས་ཀྱིས། འདི་སྐད་དུ་འདི་དང་འདི་དག་བྱས་སོ་ཞེས་ནི་མི་སྨྲོས་པ་སྟེ། དེ་ལྟ་བུ་ནི་གང་ཟག་ཤེས་ལ་དངོས་པོ་མ་ཡིན་པའོ། །གང་ཟག་དང་དངོས་པོ་ཤེས་པ་ཇི་ལྟ་བུ་ཞེ་ན། འདི་ལྟར་ཡང་དགག་དབྱེ་བཅོ་ལྔ་པ་དེ་ཉིད་ལ་ཞེས་བྱ་བ་ནས། ཀུན་དགའ་ར་བའི་སྒོར་འོངས་ནས། འདི་སྐད་ཅེས་
Ka332a
༄#། །འཕགས་པ་འདི་དག་ནི་མི་མཛེས་པ་མ་བརྟགས་པ་ཞེས་པའི་བར་སྔ་མ་བཞིན་ཏེ། འཕགས་པ་ཆེ་གེ་མོ་ཞེས་བྱ་བས་ཉེས་པ་འདི་དང་འདི་དག་བྱས་སོ་ཞེས་སྨྲོས་པ་སྟེ། དེ་ལྟ་བུ་ནི་གང་ཟག་དང ། དངོས་པོ་ཤེས་པ་ཡིན་ནོ། །གང་ཟག་དང་དངོས་པོ་མི་ཤེས་པ་ཇི་ལྟ་བུ་ཞེ་ན། རྣམ་པ་འདི་དག་མ་གཏོགས་པའོ། །དགག་དབྱེའི་གཞི་རྫོགས་སོ།། །།དབྱར་གྱི་གཞི་བསྡུས་པའི་སྡོམ་ལ། དབྱར་གནས་པ་དང་བས་དང་ནི། །དབྱར་རལ་བ་དང་ལྔ་པོ་དང ། །སྨིག་དང་ལོ་མ་རྩཝ་མཆིལ་ལྷམ། །དབྱར་དང་ཀོ་ལྤགས་གཞི་དག་གོ་།སྡོམ་ལ། དབྱར་གནས་རྗེས་སུ་གནང་བ་དང ། །འཆར་ཀར་འགྲོ་བ་དག་དང་ནི། །བྱ་བ་ལ་ནི་ཞག་བདུན་དང ། །འགྲོ་བྱ་ཅི་ཞིག་བྱ་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་དབྱར་བཞུགས་པར་ཞལ་གྱིས་བཞེས་སོ། །དེའི་ཚེ་དགེ་སློང་དག་དབྱར་གྱི་ནང་ལོགས་སུ་ལྗོངས་རྒྱུ་ཞིང་དོང་ངོ ། །དེ་དག་དབྱར་གྱི་ནང་ལོགས་སུ་ལྗོངས་རྒྱུ་ཞིང་དོང་བ་དག་མི་སྦེད་ཅིང་མ་བསྲུངས་ལ་མ་སྦས་པར་གྱུར་པ་དག་ལ། མུ་སྟེགས་ཅན་རྣམས་ཤེས་ལྡན་དག་།ཤཱཀྱའི་བུའི་དགེ་སློང་འདི་དག་ནི་སྲོག་གཅོད་པ་ཡིན་ཏེ། སྲོག་གཅོད་བ་ལས་མ་ལོག་པ་རྣམ་པར་མ་ལོག་ཕྱིར་མ་ལོག་པ་འདི་དག་དབྱར་གྱི་ནང་ལོགས་སུ་ལྗོངས་རྒྱུ་ཞིང་འདོང་སྟེ། དབྱར་གྱི་ནང་ལོགས་སུ་ལྗོངས་རྒྱུ་ཞིང་འདོང་བ་ན། སྲོག་ཆགས་ཕྲ་མོ་དང ། ཤིན་ཏུ་ཕྲ་མོ་མང་པོའི་ཚོགས་རྣམས་བརྫིས་ནས་སྲོག་དང་བྲལ་བར་བྱས་སོ།།
Ka332b
རེ་ཞིག་བྱེའུ་ཁུག་རྟ་ཡང་དབྱར་ཟླ་བ་བཞི་རང་གི་ཚང་ན་ཞུམ་ཞུམ་པོར་བྱས། ཀུན་ཏུ་ཞུམ་ཞུམ་པོར་བྱས་ནས་བསྐུམས་ཤིང་བསྐུམས་ནས་འདུག་ན། དགེ་སྦྱོང་མགོ་རེག་འདི་དག་ནི་ཁས་ལེན་པ་ཙམ་ཡང་མི་ཤེས་ན། དགེ་སྦྱོང་མགོ་རེག་འདི་དག་ལ་བསོད་སྙོམས་སྦྱིན་པ་དང ། དེ་ལ་བྱ་བར་སེམས་ཕ་ལྟ་སུ་ཞིག་ཡོད་ཅེས་སྨོད་པར་བྱེད་འཕྱ་བར་བྱེད་ཁ་ཟེར་བར་བྱེད་པའི་སྐབས་དེ་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་སློང་གིས་དབྱར་གནས་པར་དམ་བཅའ་བར་བྱའོ། །བཅོམ་ལྡན་འདས་ཀྱིས་དགེ་སློང་གིས་དབྱར་གནས་པར་དམ་བཅའ་བར་བྱའོ་ཞེས་གསུངས་པ། དགེ་སློང་རྣམས་ཀྱིས་ཇི་ལྟར་གནས་པར་དམ་བཅའ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་ཀྱི་དབྱར་ཟླ་འབྲིང་པོའི་ཚེས་བཅོ་ལྔ་ལ་གཙུག་ལག་ཁང་ཆག་ཆག་བྱའོ། །ཕྱག་དར་བྱའོ། །བའི་ལྕི་བ་སར་པའི་བྱུག་པས་བྱུག་པར་བྱའོ། །གནས་མལ་ཐམས་ཅད་གཅིག་ཏུ་བསོགས་པར་བྱ་སྟེ། ཆུང་དུ་ན་རྐང་པ་བཀྲུས་པའི་ཆོལ་ཟངས་ཀྱང་མི་སྦའོ། །དེའི་འོག་ཏུ་གནས་མལ་སྟོབས་པའི་དགེ་སློང་བསྐོ་བར་བྱ་སྟེ། ཆོས་ལྔ་དང་ལྡན་པའི་དགེ་སློང་གནས་མལ་སྟོབས་པར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། གནས་མལ་བསྟབས་པ་དང་མ་བསྟབས་པ་མི་ཤེས་པ་སྟེ། ཆོས་
Ka333a
༄#། །འདི་ལྔ་དང་ལྡན་པའི་དགེ་སློང་གནས་མལ་སྟོབས་པར་མ་བསྐོས་པ་ནི་བསྐོ་བར་མི་བྱའོ། །བསྐོས་བ་ནི་དབྱུང་བར་བྱའོ། །ཆོས་ལྔ་དང་ལྡན་པའི་དགེ་སློང་གནས་མལ་སྟོབས་པར་མ་བསྐོས་པ་ནི་བསྐོ་བར་བྱའོ། །བསྐོས་པ་ནི་དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། གནས་མལ་བསྟབས་པ་དང་མ་བསྟབས་པ་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་གནས་མལ་སྟོབས་པར་མ་བསྐོས་པ་ནི་བསྐོ་བར་བྱའོ། །བསྐོས་པ་ནི་དབྱུང་བར་མི་བྱའོ། །བསྐོ་པ་ནི་འདི་ལྟར་བྱ་སྟེ། གནས་མལ་བཤམས་པ་བྱས་ལ་གནྜཱི་བརྡུངས་ཏེ་དགེ་སློང་རྣམས་ལ་དྲིས་པའི་ལན་གྱིས་ཡང་དག་པར་བསྒོ་ལ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་དང ། རེ་ཞིག་དང་པོར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད་དགེ་འདུན་ལ་དབྱར་གྱི་གནས་མལ་སྟོབས་པར་སྤྲོའམ། དེས་སྤྲོའོ། །ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ།། དགེ་འདུན་བཙུན་པ་རྣམས་གསན་དུ་གསོལ། གནས་མལ་སྟོབས་པའི་དགེ་སློང་མིང་འདི་ཞེས་བགྱི་བ་དགེ་འདུན་ལ་དབྱར་གྱི་གནས་མལ་སྟོབས་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བ་མཛོད་ཅིག་དང ། དགེ་འདུན་གྱིས་མིང་འདི་ཞེས་བགྱི་བ་དགེ་འདུན་ལ་གནས་མལ་སྟོབས་པར་བསྐོ་སྟེ། གནས་མལ་སྟོབས་པ་མིང་འདི་ཞེས་བགྱི་བ་དགེ་འདུན་ལ་
Ka333b
དབྱར་གྱི་གནས་མལ་སྟོབས་སོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གནས་མལ་སྟོབས་པ་དགེ་སློང་མིང་འདི་ཞེས་བགྱི་བ་དགེ་འདུན་ལ་དབྱར་གྱི་གནས་མལ་སྟོབས་པར་སྤྲོ་ན། མིང་འདི་ཞེས་བགྱི་བ་འདི་དགེ་འདུན་ལ་གནས་མལ་སྟོབས་པར་བསྐོ་སྟེ། གནས་མལ་སྟོབས་པ་མིང་འདི་ཞེས་བགྱི་བ་འདི་དགེ་འདུན་ལ་དབྱར་གྱི་གནས་མལ་སྟོབས་པར་བགྱིད་ཀྱིས། ཚེ་དང་ལྡན་པ་དག་ལས་གང་དག་མིང་འདི་ཞེས་བགྱི་བ་གནས་མལ་སྟོབས་པར་བསྐོ་བར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་མིང་འདི་ཞེས་བགྱི་བ་དགེ་འདུན་ལ་གནས་མལ་སྟོབས་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་གནས་མལ་སྟོབས་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། གནས་མལ་སྟོབས་པའི་དགེ་སློང་གིས་དགེ་འདུན་གྱི་ཆེད་དུ་ཚུལ་ཤིང་རྣམས་ཡོན་པོ་མ་ཡིན་པ་དང ། འཁྱོར་པོ་མ་ཡིན་པ་དང ། ཀྱར་ཀྱོར་མ་ཡིན་པ་དང ། དྲི་ཞིམ་པོ་དང ། རེག་ན་བདེ་བར་འགྱུར་བ་བསྟར་བར་བྱའོ། །དེའི་འོག་ཏུ་ནང་པར་སྔར་ལངས་ཏེ་གནས་མལ་བཤམས་པ་བྱས་ལ་གཎྜཱི་བརྡུངས་ནས། དགེ་སློང་རྣམས་ལ་དྲིས་པའི་ལན་གྱིས་ཡང་དག་པར་བསྒོ་ལ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་དང ། དགེ་སློང་གནས་མལ་སྟོབས་པས་ཚུལ་ཤིང་དྲི་ཞིམ་པོས་བསྐུས་ཏེ། སྤྲོག་མའི་ནང་དུ་རས་དཀར་པོ་བཏིང་བའི་སྟེང་དུ་བཞག་ནས་རྒན་རིམས་ཀྱི་མཐར་གཞག་པར་བྱའོ།།
Ka334a
༄#། །དེའི་འོག་ཏུ་ཁྲིམས་སུ་བཅའ་བ་དག་བརྗོད་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གནས་འདིར་ཁྲིམས་སུ་བཅའ་བ་འདི་དང་འདི་དག་མཆིས་ཀྱིས། ཚེ་དང་ལྡན་པ་དག་ཁྱེད་ཅག་ལས་གང་ཁྲིམས་སུ་བཅའ་བ་འདི་དང་འདིས་དབྱར་གནས་པར་དམ་བཅའ་བར་སྤྲོ་བ་དེ་ནི་ཚུལ་ཤིང་ལོང་ཞིག་།ཁྱེད་ཅག་ལས་དགེ་སློང་སུས་ཀྱང་དབྱར་གྱི་ནང་ལོགས་སུ་དགེ་སློང་ལ་གླེང་བར་མི་བྱ། དྲན་པར་མི་བྱའོ། །ཁྱེད་ཅག་ལས་སུ་ཡང་རུང་བ་འགའ་ཞིག་གིས་ཅུང་ཟད་ཤེས་ན། དེ་ད་སྨོས་ཤིག་།ཕྱིས་དབྱར་གྱི་ནང་ལོགས་སུ་མ་གླེང་ཞིག་།ཁྱེད་ཅག་ལས་སུ་དབྱར་གྱི་ནང་ལོགས་སུ་གླེང་བར་གྱུར་ན། དེ་དགེ་འདུན་གྱིས་ཕྱིས་བརྟག་པར་དགོངས་སོ། །དེའི་འོག་ཏུ་གནས་མལ་སྟོབས་པའི་དགེ་སློང་གིས་ཚུལ་ཤིང་བྲིམ་པར་བྱ་སྟེ། ཇེ་ཐོག་མར་སྟོན་པའི་ཚུལ་ཤིང་བླང་བར་བྱའོ། །དེའི་འོག་ཏུ་དགེ་འདུན་གྱི་གནས་བརྟན་གྱིས་སྟན་གྱི་སྟེང་ནས་སྤགས་ཏེ། ཚུལ་ཤིང་བླངས་ལ་དལ་གྱིས་གཞག་པར་བྱ་སྟེ། དགེ་འདུན་གསར་བུ་རྣམས་ཀྱི་བར་དུ་ཡང་དེ་བཞིན་དུ་བྱའོ། །དགེ་ཚུལ་རྣམས་ཀྱིས་ཚུལ་ཤིང་ནི་སློབ་དཔོན་ནམ་མཁན་པོས་བླང་བར་བྱའོ། །དེའི་འོག་ཏུ་གནས་བསྲུང་རྣམས་ཀྱི་ཡང་བླང་བར་བྱའོ། །དེའི་འོག་ཏུ་བགྲངས་ཏེ། གནས་འདིར་དགེ་སློང་འདི་སྙེད་ཅིག་གིས་ཚུལ་ཤིང་བླངས་སོ་ཞེས་སྨྲོས་ཤིག་།དེའི་འོག་ཏུ་གནས་མལ་སྟོབས་པའི་དགེ་སློང་གིས་ལྡེ་མིག་དང་ལྡེ་མིག་ཀྱོག་པོ་དག་བླངས་ལ་དགེ་འདུན་གྱི་གནས་བརྟན་གྱི་མདུན་དུ་འདུག་སྟེ། གནས་
Ka334b
བརྟན་གནས་ཁང་ཆེ་གེ་མོ་ནི་རྙེད་པ་དང་བཅས་པ་གོས་དང་བཅས་པ་ལགས་ཀྱིས། བཞེས་ཤིག་ཅེས་བརྗོད་བར་བྱའོ། །གལ་ཏེ་དེས་བླངས་ན། དགེ་འདུན་གྱི་གནས་བརྟན་གྱི་གནས་ཁང་གང་ཡིན་པ་དེ་གནས་བརྟན་གཉིས་པ་ལ་སྦྱིན་པར་བྱའོ། །གནས་བརྟན་གཉིས་པའི་གནས་ཁང་གང་ཡིན་པ་དེ་གནས་བརྟན་གསུམ་པ་ལ་སྦྱིན་པར་བྱ་སྟེ། དགེ་འདུན་གསར་བུའི་བར་གྱི་ཡང་དེ་བཞིན་དུ་བྱའོ། །གལ་ཏེ་དགེ་འདུན་གྱི་གནས་བརྟན་གྱིས་མ་བླངས་ན། གནས་བརྟན་གཉིས་པ་ལ་སྦྱིན་པར་བྱའོ། །གལ་ཏེ་གནས་བརྟན་གཉིས་པས་མ་བླངས་ན། གནས་བརྟན་གསུམ་པ་ལ་སྦྱིན་པར་བྱའོ། །གལ་ཏེ་གནས་བརྟན་གསུམ་པས་བླངས་པ་ལ། དགེ་འདུན་གྱི་གནས་བརྟན་སློང་ན་ཚིག་དང་པོ་ལ་སྦྱིན་པར་མི་བྱའོ། །ཚིག་གཉིས་པ་ལ་སྦྱིན་པར་མི་བྱའོ། །ཚིག་གསུམ་པ་ལ་སྦྱིན་པར་བྱ་སྟེ། དགེ་འདུན་གྱི་གནས་བརྟན་གྱིས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པར་བྱའོ། །དགེ་འདུན་གསར་བུའི་བར་དུ་དེ་བཞིན་དུ་བླངས་པ་ལ་གལ་ཏེ། དགེ་འདུན་གསར་བུ་གསུམ་པ་སློང་ན།་ཚིག་དང་པོ་ལ་སྦྱིན་པར་མི་བྱའོ། །ཚིག་གཉིས་པ་ལ་ཡང་སྦྱིན་པར་མི་བྱའོ། །ཚིག་གསུམ་པ་ལ་སྦྱིན་པར་བྱ་སྟེ། དགེ་འདུན་གསར་བུ་གསུམ་པས་ཀྱང་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པར་བྱའོ། །དགེ་སློང་རྣམས་ཀྱིས་གནས་ཁང་ཐམས་ཅད་བགོས་པ་དང ། གློ་བུར་དུ་ལྷགས་པའི་དགེ་སློང་རྣམས་ཕོངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གློ་བུར་དུ་ལྷགས་པའི་དགེ་སློང་རྣམས་ཀྱི་ཕྱིར་མ་བགོས་
Ka335a
༄#། །བའི་གནས་གཅིག་གཞག་པར་བྱའོ། །དགེ་སློང་རྣམས་ཀྱིས་སྒོ་ཁང་ཡང་བགོས་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྒོ་ཁང་བགོ་བར་མི་བྱའོ། །ཁྱམས་རྣམས་བགོས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱམས་བགོ་བར་མི་བྱའོ། །ཁྱམས་སྟོང་པ་རྣམས་སུ་ཁྲ་དང ། བྱེའུ་དང ། ཕུག་རོན་དག་གིས་ཚང་བཅའ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྐྲོད་པའི་དགེ་སློང་དག་བསྐོ་བར་བྱ་སྟེ། དེས་སོ་སོར་བལྟ་བར་བྱའོ། །གལ་ཏེ་སྒོ་ང་དག་མ་ལྷགས་པར་གྱུར་ན། བསྐྲད་པར་བྱའོ། །དེ་སྟེ་ལྷགས་ན་ནི་གཞག་པར་བྱའོ། །སྲིན་བུ་ཏྲེའི་བུ་ཀ་དང ། ཏྲེའི་ལ་ཏའི་ཚང་བཅས་ནས། བཅོམ་ལྡན་འདས་ཀྱིས་བཀའ་སྩལ་པ། སོ་སོར་བརྟགས་པར་བྱ་སྟེ། གལ་ཏེ་སྒོ་ང་མ་ལྷགས་པར་གྱུར་ན་བསྐྲད་པར་བྱའོ། །གལ་ཏེ་ལྷགས་པར་གྱུར་ན་སྐུད་པས་བཅིངས་ན་འཕེལ་བར་མི་འགྱུར་རོ། །དེ་ནས་གནས་མལ་བསྒོ་བར་བྱ་སྟེ། འདི་ལྟར་རེ་ཞིག་དངོས་པོ་ཉུང་ངུ་ཞིག་ཡིན་ན། རེ་རེ་སྦྱིན་པར་བྱའོ། །འོན་ཏེ་མང་པོ་ཞིག་ཡིན་ན་གཉིས་གཉིས་གསུམ་གསུམ་སྦྱིན་པར་བྱའོ། །དངོས་པོ་ཁ་ཅིག་ཆེན་པོར་གྱུར་པས། དགེ་སློང་རྒན་རབས་རྒན་རབས་དག་བྱི་དོར་བྱེད་པས་དུབ་ཅིང ། ངལ་བར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་དག་གནས་འཆའ་བ་རྣམས་ལ་སྦྱིན་པར་བྱའོ། །དེའི་འོག་ཏུ་གནས་མལ་སྟོབས་པའི་དགེ་སློང་གི་ཁྲིམས་སུ་བཅའ་བ་དག་བརྗོད་
Ka335b
པར་བྱ་སྟེ། དགེ་སློང་སུས་ཀྱང་དགེ་འདུན་གྱི་གནས་མལ་ལ་གདིང་བ་མེད་པར་ལོངས་སྤྱད་པར་མི་བྱ་སྟེ། མིང་ཐོགས་ཀྱི་གདིང་བས་མ་ཡིན། གདིང་བ་དྲི་མ་ཅན་གྱིས་མ་ཡིན། སེང་བས་མ་ཡིན་ནོ། །སྟུག་པོ་ཡིན་ན་རིམ་པ་གཅིག་གིས་སོ། །སེང་བ་ཡིན་ན་རིམ་པ་གཉིས་ཀྱིས་སོ། །ཁྱེད་ལས་གང་གིས་དགེ་འདུན་གྱི་གནས་མལ་ལོངས་སྤྱད་པར་བྱ་བ་མ་ཡིན་པར་ལོངས་སྤྱོད་ན། དེ་ལ་དགེ་འདུན་གྱིས་ཕྱིས་བརྟག་པར་བྱ་བར་དགོངས་སོ། །གནས་མལ་སྟོབས་པའི་དགེ་སློང་གིས་ཟླ་བ་ཕྱེད་ཕྱེད་ཅིང་གནས་མལ་ལ་སོ་སོར་བརྟག་པར་བྱའོ། །འདི་ལྟར་རེ་ཞིག་རྒན་པོ་དག་གིས་གནས་མལ་ལོངས་སྤྱོད་པར་བྱ་བ་མ་ཡིན་པར་ལོངས་སྤྱོད་པ་མཐོང་ན། དགེ་འདུན་ལ་གསོལ་ནས་སྦ་བར་བྱའོ། །འོན་ཏེ་གསར་བུ་ཞིག་གིས་མཐོང་ན་མཁན་པོའམ། སློབ་དཔོན་ལ་བརྗོད་དེ་སྦ་བར་བྱའོ། །དེའི་འོག་ཏུ་ཚོགས་ནས་སྦྱིན་བདག་ཆེ་གེ་མོ་ཞེས་བགྱི་བ་དང ། ཞལ་ཏ་བགྱིད་པ་ཆེ་གེ་མོ་ཞེས་བགྱི་བ་དང ། སྤྱོད་ཡུལ་གྱི་གྲོང་ག་གེ་མོ་ཞེས་བགྱི་བས། དགེ་འདུན་དབྱར་གནས་པར་དམ་བཅའ་བ་མཛད་དོ་ཞེས་བརྗོད་པར་བྱའོ། །དེའི་འོག་ཏུ་དགེ་སློང་རྣམས་ཀྱི་གནས་དང ། སྤྱོད་ཡུལ་བལྟས་ནས་སྐྱབས་ཡོད་པར་ཞུགས་ཏེ། དབྱར་གནས་པར་དམ་བཅའ་བར་བྱའོ། །གནས་ཇི་ལྟར་བརྟག་པར་བྱ་ཞེ་ན། ཇི་ག་བདག་ལ་གནས་འདིར་ཚངས་པ་མཚུངས་པར་སྤྱོད་པ་མཁས་པ་དག་གིས་གང་སྡུག་བསྔལ་བ་དང ། ཡིད་མི་བདེ་བ་མ་སྐྱེས་པ་མི་སྐྱེད་པར་འགྱུར་ཞིང ། སྐྱེས་པ་ཡང་མྱུར་བ་ཁོ་ནར་སོ་སོར་ཞི་བར་
Ka336a
༄#། །བྱེད་པར་འགྱུར་ལ། གང་བདེ་བ་དང ། ཡིད་བདེ་བ་མ་སྐྱེས་པ་སྐྱེད་པར་འགྱུར་ཞིང ། སྐྱེས་པ་ཡང་ལེགས་པར་རབ་ཏུ་རྗེས་སུ་སྲུང་བར་སེམས་པ་དང ། བདག་ན་བར་གྱུར་ན། ནད་གཡོག་བྱེད་པར་འགྱུར་བ་ལྟ་ཡོད་དམ་ཞེས། དེ་ལྟར་གནས་ལ་བརྟག་པར་བྱའོ། །སྤྱོད་ཡུལ་ལ་ཇི་ལྟར་བརྟག་པར་བྱ་ཞེ་ན། ཇི་ག་སྤྱོད་ཡུལ་གྱི་གྲོང་འདི་ན་བསོད་སྙོམས་སྟེར་བ་དང ། ན་བར་གྱུར་ན་ནད་གཡོག་དང ། སྨན་སྦྱིན་པར་གྱུར་པ་ལྟ་ཡོད་དམ། ཞེས་དེ་ལྟར་སྤྱོད་ཡུལ་ལ་བརྟག་པར་བྱའོ། །དེའི་འོག་ཏུ་སྐྱབས་ཡོད་པར་ཞུགས་ལ། དགེ་སློང་རྒན་རིམས་ཇི་ལྟ་པ་བཞིན་གྱི་མདུན་དུ་འདུད་པ་དང་བཅས་པས་ཙོག་ཙོག་པོར་འདུག་ལ་ཐལ་མོ་སྦྱར་ཏེ། འདི་སྐད་ཅེས་ཚེ་དང་ལྡན་པ་དགོངས་སུ་གསོལ། དེང་དགེ་འདུན་གྱི་དབྱར་ཉེ་བར་བསྒྲུབ་པ་དབྱར་ཟླ་འབྲིང་པོའི་ཚེས་བཅུ་དྲུག་ལགས་ལ། བདག་དགེ་སློང་མིང་འདི་ཞེས་བགྱི་བའི་དབྱར་ཉེ་བར་བསྒྲུབ་པ་ཡང་དབྱར་ཟླ་འབྲིང་པོའི་ཚེས་བཅུ་དྲུག་ལགས་ཏེ། བདག་མིང་འདི་ཞེས་བགྱི་བ་ནང་མཚམས་དང་བཅས་པའི་གནས་འདིར་གནས་རལ་བ་དང ། འདྲུམས་པ་འཆོས་པའི་སླད་དུ། སྦྱིན་བདག་ཆེ་གེ་མོ་ཞེས་བགྱི་བ་དང ། ཞལ་ཏ་བྱེད་པ་ཆེ་གེ་མོ་ཞེས་བགྱི་བ་དང ། སྤྱོད་ཡུལ་གྱི་གྲོང་ག་གེ་མོ་ཞེས་བགྱི་བར་དབྱར་སྔ་མ་ཟླ་བ་གསུམ་གནས་པར་དམ་བཅའོ། །བདག་དབྱར་འདི་ན་མཆིས་ཤིང་དབྱར་གྱི་གནས་ནི་འདི་ལགས་སོ་ཞེས་དེ་སྐད་ལན་གཉིས་དེ་སྐད་ལན་གསུམ་དུ་བཟླས་
Ka336b
ཏེ།་དེ་ལྟར་དགེ་སློང་རྣམས་ཀྱིས་དབྱར་གནས་པར་དམ་བཅའ་བར་བྱའོ། །དབྱར་གནས་པར་དམ་བཅས་པའི་དགེ་སློང་གིས་མཚམས་ཀྱི་ཕྱི་རོལ་ཏུ་འགྲོ་བར་མི་བྱའོ། །གལ་ཏེ་སོང་ན་དེར་གནས་པར་མི་བྱའོ། །བཅོམ་ལྡན་འདས་ཀྱིས་དབྱར་གནས་པར་དམ་བཅས་པའི་དགེ་སློང་གིས་མཚམས་ཀྱི་ཕྱི་རོལ་ཏུ་འགྲོ་བར་མི་བྱའོ། །གལ་ཏེ་སོང་ན་དེར་གནས་པར་མི་བྱའོ་ཞེས་གསུངས་པ་དང ། གླང་པོ་ཆེ་སྐྱོང་བ་ཞེས་བྱ་བའི་གྲོང་ན་ཁྱིམ་བདག་འཆར་ཀ་ཞེས་བྱ་བ་གནས་ཏེ། དེའི་ཁྱིམ་ན་རང་གི་འཆིང་བ་བག་མ་བླངས་ནས་དེས་གོས་ཀྱི་རྙེད་པ་དང་ཟས་ཀྱི་རྙེད་པ་མང་དུ་སྟ་གོན་བྱས་ཏེ། དེས་དགེ་སློང་རྣམས་ལ་ཕོ་ཉ་བཏང་ནས། འཕགས་པ་དག་ལོངས་སྤྱད་པ་དག་དབུལ་གྱིས་ཚུར་སྤྱོན་ཅིག་ཅེས་སྤྲིང་བ་དང ། དགེ་སློང་རྣམས་ཀྱིས་དྲི་བར་བརྩམས་ཏེ། གླང་པོ་ཆེ་སྐྱོང་བའི་གྲོང་དུ་ཇི་སྲིད་ཡོད། དེར་ནི་དཔག་ཚད་གསུམ་ལྷག་ཙམ་མཆིས་སོ། །བདག་ཅག་གིས་དེང་ཉིད་དོང་ལ་སླར་འཁོར་བར་ནུས་སམ་མི་ནུས་སྙམ་པ་ལས། དེ་དག་གིས་བསམས་པ། བཅོམ་ལྡན་འདས་ཀྱིས་དབྱར་གནས་པར་དམ་བཅས་པའི་དགེ་སློང་གིས་མཚམས་ཀྱི་ཕྱི་རོལ་ཏུ་འགྲོ་བར་མི་བྱའོ། །གལ་ཏེ་སོང་ན་དེར་གནས་པར་མི་བྱའོ་ཞེས་གསུངས་སོ་སྙམ་ནས། དེ་རྣམས་མ་སོང་ངོ ། །དེ་ནས་གླང་པོ་ཆེ་སྐྱོང་བའི་གྲོང་གི་ཉེ་འཁོར་དུ་དགེ་སློང་གང་དག་དབྱར་གནས་པར་དམ་བཅས་པ། དེ་དག་ལ་དེས་གོས་ཀྱི་རྙེད་བ་དང་ཟས་ཀྱི་རྙེད་པ་མང་དུ་ཕུལ་ལོ། །དེ་དག་དབྱར་ཟླ་བ་གསུམ་འདས་ཏེ། ཆོས་གོས་བྱས་པ་དང་ལྡན། ཆོས་གོས་
Ka337a
༄#། །ཟིན་པ་དང་ལྡན་ནས་ལྷུང་བཟེད་དང་ཆོས་གོས་ཐོགས་ཏེ། མཉན་ཡོད་གང་ན་བ་དེར་རྒྱུ་ཞིང་དོང་ནས་རིམ་གྱིས་རྒྱུ་ཞིང་དོང་བ་ན། མཉན་ཡོད་ན་ཕྱིན་ཏོ། །དེ་དག་དགེ་སློང་རྣམས་ཀྱིས་རྒྱང་རིང་པོ་ཁོ་ན་ནས་མཐོང་ནས་ཚེ་དང་ལྡན་པ་དག་འོངས་པ་ལེགས་སོ་འོངས་པ་ལེགས་སོ་ཞེས་ངལ་སོར་བཅུག་ནས་སྨྲས་པ། ཚེ་དང་ལྡན་པ་དག་ཁྱེད་གང་ནས་ད་འདིར་འོངས། གང་དུ་དབྱར་གནས་པར་དམ་བཅས། ཚེ་དང་ལྡན་པ་དག་བདག་ཅག་ནི་གླང་པོ་ཆེ་སྐྱོང་བའི་གྲོང་ནས་གཟོད་འདིར་འོངས་ཏེ། གླང་པོ་ཆེ་སྐྱོང་བའི་གྲོང་དུ་དབྱར་གནས་པར་དམ་བཅས་སོ། །ཚེ་དང་ལྡན་པ་དག་ཇི་ག་ཁྱེད་ཅག་གླང་པོ་ཆེ་སྐྱོང་བའི་གྲོང་དུ་བདེ་བ་རེག་པར་དབྱར་གནས་པར་དམ་བཅས་སམ། དེ་ན་ཁྱེད་བསོད་སྙོམས་ཀྱིས་བྲེལ་བར་མ་གྱུར་མོད། ཚེ་དང་ལྡན་པ་དག་བདེན་ཏེ། བདག་ཅག་གླང་པོ་ཆེ་སྐྱོང་བའི་གྲོང་དུ་བདེ་བ་ལ་རེག་པར་དབྱར་གནས་པར་དམ་བཅས་ཤིང་བསོད་སྙོམས་ཀྱིས་ཀྱང་བྲེལ་བར་མ་གྱུར་ཏོ། །ཚེ་དང་ལྡན་པ་དག་ཇི་ལྟ་བུ་ཞིག་ཏུ་ཁྱེད་ཅག་གླང་པོ་ཆེ་སྐྱོང་བའི་གྲོང་དུ་བདེ་བ་ལ་རེག་པར་དབྱར་གནས་པར་དམ་བཅས་ཤིང་བསོད་སྙོམས་ཀྱིས་ཀྱང་མ་བྲེལ། ཚེ་དང་ལྡན་པ་དག་གླང་པོ་ཆེ་སྐྱོང་བའི་གྲོང་དེ་ན་ཁྱིམ་བདག་འཆར་ཀ་ཞེས་བྱ་བ་ཞིག་གནས་ཏེ་དེའི་ཁྱིམ་ན་རང་གི་འཆིང་བ་བག་མ་བླངས་ནས། བདག་ཅག་ལ་དེས་གོས་ཀྱི་རྙེད་པ་དང ། ཟས་ཀྱི་རྙེད་པ་མང་དུ་ཕུལ་ཏེ། དེ་ལྟར་ན་ཚེ་དང་
Ka337b
ལྡན་པ་དག་བདག་ཅག་གླང་པོ་ཆེ་སྐྱོང་བའི་གྲོང་དུ་བདེ་བ་ལ་རེག་པར་དབྱར་གནས་པར་དམ་བཅས་ཏེ། བསོད་སྙོམས་ཀྱིས་ཀྱང་བྲེལ་བར་མ་གྱུར་ཏོ། །དེ་དག་གིས་སྨྲས་པ། ཚེ་དང་ལྡན་པ་དག་བདག་ཅག་ལ་ཡང་ཁྱིམ་བདག་དེས་ཕོ་ཉ་བཏང་ནས། འཕགས་པ་དག་ལོངས་སྤྱད་པ་དག་འབུལ་གྱིས། འདིར་སྤྱོན་ཅིག་ཅེས་སྤྲིང་པ་ལས། དེ་ལ་བདག་ཅག་གིས་གླང་པོ་ཆེ་སྐྱོང་བའི་གྲོང་དུ་ཇི་སྲིད་ཡོད་ཅེས་སྨྲས་ན། དེར་དཔག་ཚད་གསུམ་ལྷག་ཙམ་ཡོད་དོ་ཞེས་ཟེར་ནས་བདག་ཅག་གིས་བློ་སྐྱེས་པ། བཅོམ་ལྡན་འདས་ཀྱིས་དབྱར་གནས་པར་དམ་བཅས་པའི་དགེ་སློང་གིས་མཚམས་ཀྱི་ཕྱི་རོལ་ཏུ་འགྲོ་བར་མི་བྱའོ། །གལ་ཏེ་སོང་ན་དེར་གནས་པར་མི་བྱའོ་ཞེས་གསུངས་སོ་སྙམ་ནས་བདག་ཅག་མ་དོང་ངོ ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཀྱེ་མ་ངའི་ཉན་ཐོས་རྣམས་ནི་གོས་ཀྱི་རྙེད་པ་དང་ཟས་ཀྱི་རྙེད་པ་དག་འདོད་ཀྱིས། མ་ལ་ངས་དགེ་སློང་རྣམས་བདེ་བ་ལ་རེག་པར་གནས་པར་བྱ་བའི་ཕྱིར་དང ། སྦྱིན་བདག་གིས་སྦྱིན་པའི་ཆོས་ཡོངས་སུ་སྤྱད་པར་བྱ་བའི་ཕྱིར་ཞག་བདུན་རྗེས་སུ་གནང་བར་བྱ་སྟེ། དེ་ལྟ་བས་ན་རྗེས་སུ་གནང་སྟེ་བྱ་བའི་ཕྱིར། ཞག་བདུན་བྱིན་གྱིས་བརླབས་ལ་འགྲོ་བར་བྱའོ། བཅོམ་ལྡན་འདས་ཀྱིས་བྱ་བའི་ཕྱིར། ཞག་བདུན་བྱིན་གྱིས་བརླབས་ཏེ་འགྲོ་བར་བྱའོ་ཞེས་གསུངས་པ་དགེ་སློང་དག་གིས་གང་གི་བྱ་བའི་ཕྱིར་
Ka338a
༄#། །མ་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་གྱི་བྱ་བ་དང ། དགེ་བསྙེན་མའི་བྱ་བ་དང ། དགེ་སློང་གི་བྱ་བ་དང ། དགེ་སློང་མའི་བྱ་བ་དང ། དགེ་ཚུལ་གྱི་བྱ་བ་དང ། དགེ་ཚུལ་མའི་བྱ་བའི་ཕྱིར་རོ། །དགེ་བསྙེན་གྱི་བྱ་བ་གང་ཞེ་ན། འདི་ལྟར་ཡང་དགེ་བསྙེན་གྱི་ཁྱིམ་དུ་རང་གི་འཆིང་བ་བག་མ་བླངས་ཏེ། དེས་དེར་གོས་ཀྱི་རྙེད་པ་དང ། ཟས་ཀྱི་རྙེད་པ་མང་དུ་སྟ་གོན་བྱས་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་ལོངས་སྤྱོད་པ་དག་འབུལ་གྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ནས་དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་གྱིས་ཕྱོགས་བཞིའི་དགེ་སློང་གི་དགེ་འདུན་གྱི་ཕྱིར་གཙུག་ལག་ཁང་བརྩིགས་པར་འདོད་ནས། དེས་དེར་གོས་ཀྱི་རྙེད་པ་དང་ཟས་ཀྱི་རྙེད་པ་མང་དུ་སྟ་གོན་བྱས་ཏེ། དེས་དགེ་སློང་དག་ལ་ཕོ་ཉ་བཏང་ནས་འཕགས་པ་དག་ལོངས་སྤྱོད་པ་དབུལ་གྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་བསྙེན་གྱི་བྱ་བའི་ཕྱིར། དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་གྱིས་གཙུག་
Ka338b
ལག་ཁང་དེ་ཉིད་དུ་གནས་མལ་དབུལ་བར་འདོད་པར་གྱུར་ནས་དེས་དེར་གོས་ཀྱི་རྙེད་པ་དང ། ཟས་ཀྱི་རྙེད་པ་མང་དུ་སྟ་གོན་བྱས་ཏེ། དེས་དགེ་སློང་རྣམས་ལ་ཕོ་ཉ་བཏང་ནས་འཕགས་པ་དག་ལོངས་སྤྱོད་པ་དག་དབུལ་གྱིས། ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་གྱིས་གཙུག་ལག་ཁང་དེ་ཉིད་དུ་མཐུན་པའི་མཆོད་སྦྱིན་བརྟན་པོ་བཅའ་བར་འདོད་ནས། དེས་དེར་གོས་ཀྱི་རྙེད་པ་དང ། ཟས་ཀྱི་རྙེད་པ་མང་དུ་སྟ་གོན་བྱས་ཏེ། དེས་དགེ་སློང་རྣམས་ལ་ཕོ་ཉ་བཏང་ནས་འཕགས་པ་དག་ལོངས་སྤྱོད་པ་དག་དབུལ་གྱིས་ཚུར་སྦྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་གྱིས་གཙུག་ལག་ཁང་དེ་ཉིད་དུ་དེ་བཞིན་གཤེགས་པའི་སྐུ་གདུང་གི་མཆོད་རྟེན་བརྩིགས་པར་འདོད་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་ཚུར་སྤྱོན་ཅིག། ཆོས་ཀྱི་གྲོགས་མཛོད་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་གྱིས་མཆོད་རྟེན་དེ་
Ka339a
༄#། །ཉིད་ལ་སྲོག་ཤིང་གཟུགས་པ་དང ། གདུགས་གདགས་པ་དང ། རྒྱལ་མཚན་གཟུགས་པ་དང ། འཕན་གདགས་པ་དང ། དྲི་སྣ་ཚོགས་ཀྱིས་བྱུག་པ་དང ། ཙན་དན་གྱིས་བསྐུ་བ་དང ། གུར་གུམ་གྱི་བྱུག་པ་དག་དབུལ་བར་འདོད་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་ཚུར་སྤྱོན་ཅིག། བདག་གི་ཆོས་ཀྱི་གྲོགས་མཛོད་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་གྱིས་མདོ་སྡེ་རིས་བཞི་ལས་མདོ་སྡེའི་རིགས་གང་ཡང་རུང་བ་ཞིག་རྒྱས་པར་བཀླགས་སམ་བཏོན་པར་གྱུར་ནས། དེས་དེར་གོས་ཀྱི་རྙེད་པ་དང ། ཟས་ཀྱི་རྙེད་པ་མང་དུ་སྟ་གོན་བྱས་ཏེ་དགེ་སློང་དག་ལ་ཕོ་ཉ་བཏང་ནས། འཕགས་པ་དག་ལོངས་སྤྱོད་པ་དག་དབུལ་གྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་བསྙེན་གྱི་བྱ་བའི་ཕྱིར། དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་ཞིག་འགྱོད་པ་སྐྱེས་པར་གྱུར་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་འགྱོད་པ་སྐྱེས་པ་སོ་སོར་བསལ་གྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་
Ka339b
ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་ཞིག་སྡིག་པ་ཅན་གྱི་ལྟ་བར་སོང་བ་སྐྱེས་པར་གྱུར་ནས། དེས་དགེ་སློང་དག་ལ་ཕོ་ཉ་བཏང་སྟེ། འཕགས་པ་དག་སྡིག་པ་ཅན་གྱི་ལྟ་བར་སོང་བ་སྐྱེས་པ་དེ་སོ་སོར་བསལ་གྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་འདུན་གྱིས་དགེ་བསྙེན་ལ་ལྷུང་བཟེད་ཁས་དབུབ་པར་འདོད་པར་གྱུར་པ་དང ། དེས་དགེ་སློང་དག་ལ་ཕོ་ཉ་བཏང་སྟེ།་འཕགས་པ་དག་ཆོས་དང་མཐུན་པའི་ཕྱོགས་སྟེན་པར་བགྱིད་ཀྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་འདུན་གྱིས་དགེ་བསྙེན་ལ་ལྷུང་བཟེད་ཁས་དབུབ་པར་གྱུར་པ་དང ། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་ལྷུང་བཟེད་ཁས་ཕུབ་པ་བཏང་བར་གསོལ། ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །གཞན་ཡང་དགེ་བསྙེན་གྱི་བྱ་བ་འདི་ལྟ་སྟེ། དགེ་བསྙེན་ན་བ་སྡུག་བསྔལ་བ་ནད་ཚབས་ཆེ་བར་གྱུར་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་
Ka340a
༄#། །པ་དག་ཚུར་སྤྱོན་ཅིག་འགའ་སྩོལ་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་བསྙེན་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་བསྙེན་གྱི་བྱ་བ་ཡིན་ནོ། །དགེ་བསྙེན་མའི་བྱ་བ་གང་ཞེ་ན། དེ་དག་ཐམས་ཅད་དགེ་བསྙེན་མའི་བྱ་བ་ཡིན་ཏེ། རང་གི་འཆིང་བ་བག་མ་ལེན་པ་ནི་མ་གཏོགས་སོ། །དགེ་སློང་གི་བྱ་བ་གང་ཞེ་ན། འདི་ལྟ་སྟེ། དགེ་སློང་ཞིག་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའ་ར་བ་དབུལ་བར་འདོད་ནས། དེས་དེར་གོས་ཀྱི་རྙེད་པ་དང ། ཟས་ཀྱི་རྙེད་པ་མང་དུ་སྟ་གོན་བྱས་ན། དེས་དགེ་སློང་རྣམས་ལ་ཕོ་ཉ་བཏང་སྟེ། ཚེ་དང་ལྡན་པ་དག་ལོངས་སྤྱོད་པ་དག་འབུལ་གྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་སློང་གི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་གི་བྱ་བ་ཡིན་ནོ། །གཞན་ཡང་དགེ་སློང་གི་བྱ་བ་འདི་ལྟ་སྟེ། དགེ་སློང་གིས་ཀུན་དགའ་ར་བ་དེ་ཉིད་དུ་གཙུག་ལག་ཁང་དང ། གནས་མལ་དང ། འཚོ་བ་བརྟན་པོ་དང ། དེ་བཞིན་གཤེགས་པའི་སྐུ་གདུང་གི་མཆོད་རྟེན་ལ་དྲི་སྣ་ཚོགས་ཀྱི་བྱུག་པ་དང ། ཙན་དན་གྱི་བྱུག་པ་དང ། སྲོག་ཤིང་གཟུགས་པ་དང ། རྒྱལ་མཚན་གཟུགས་པ་དང ། མདོ་སྡེའི་རིས་བཞི་ལས་མདོ་སྡེའི་རིས་གང་ཡང་རུང་བ་དང ། འགྱོད་པ་དང ། སྡིག་པའི་ལྟ་བར་སོང་བ་སྐྱེས་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། ཚེ་དང་ལྡན་པ་དག་སྡིག་པའི་
Ka340b
ལྟ་བར་སོང་བ་སྐྱེས་པ་སོ་སོར་བསལ་གྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་སློང་གི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་གི་བྱ་བ་ཡིན་ཏེ། ཐམས་ཅད་གོང་མ་བཞིན་དུ་རྒྱས་པར་བརྗོད་པར་བྱའོ། །གཞན་ཡང་དགེ་སློང་གི་བྱ་བ་འདི་ལྟ་སྟེ། དགེ་འདུན་གྱིས་དགེ་སློང་ཞིག་ལ་ཆད་པའི་ལས་འདི་ལྟ་སྟེ། བསྡིགས་པའི་ལས་སམ། སྨད་པའི་ལས་སམ། བསྐྲད་པའམ། ཕྱིར་འགྱེད་པའམ། མི་སྣང་བར་གནས་ནས་དབྱུང་བའམ། ཕྱིར་མི་འཆོས་པ་གནས་ནས་དབྱུང་བའམ། སྡིག་པའི་ལྟ་བར་སོང་བ་མ་བཏང་བ་གནས་ནས་དབྱུང་བའི་ལས་དེ་ལྟ་བུ་བྱ་བར་འདོད་པར་གྱུར་པ་དང ། དེས་དགེ་སློང་རྣམས་ལ་ཕོ་ཉ་བཏང་སྟེ། ཚེ་དང་ལྡན་པ་དག་ཆོས་དང་མཐུན་པའི་ཕྱོགས་དང་མཐུན་པའི་བགྱིད་པར་འགྱུར་གྱིས་ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་སློང་གི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་གི་བྱ་བ་ཡིན་ནོ། །གཞན་ཡང་དགེ་སློང་གི་བྱ་བ་འདི་ལྟ་སྟེ། དགེ་འདུན་གྱིས་དགེ་སློང་གི་ཆད་པའི་ལས་འདི་ལྟ་སྟེ། བསྡིགས་པའི་ལས་སམ། སྨད་པའི་ལས་སམ། བསྐྲད་པའི་ལས་སམ། ཕྱིར་འགྱེད་པའི་ལས་སམ། མི་སྣང་བར་གནས་ནས་དབྱུང་བའམ། ཕྱིར་མི་འཆོས་པ་གནས་ནས་དབྱུང་བའམ། སྡིག་པའི་ལྟ་བར་སོང་བ་གནས་ནས་དབྱུང་བའི་ལས་དེ་ལྟ་བུ་བྱས་པ་དང ། དེས་དགེ་སློང་རྣམས་ལ་ཕོ་ཉ་བཏང་སྟེ།
Ka341a
༄#། །ཚེ་དང་ལྡན་པ་དག་འབྱིན་པར་འགྱུར་གྱིས། ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་སློང་གི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་གི་བྱ་བ་ཡིན་ནོ། །གཞན་ཡང་དགེ་སློང་གི་བྱ་བ་འདི་ལྟ་སྟེ། དགེ་སློང་ཞིག་ལ་དགེ་འདུན་གྱི་ལྷག་མའི་ལྟུང་བ་བྱུང་བར་གྱུར་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། ཚེ་དང་ལྡན་པ་དག་ཚུར་སྤྱོན། སྤོ་བ་སྩལ་དུ་གསོལ་ཞེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་སློང་གི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་གི་བྱ་བ་ཡིན་ནོ།། གཞན་ཡང་དགེ་སློང་གི་བྱ་བ་འདི་ལྟ་སྟེ། དགེ་སློང་གི་སྤོ་བ་རྫོགས་ནས་དེས་དགེ་སློང་རྣམས་ལ་ཕོ་ཉ་བཏང་སྟེ། ཚེ་དང་ལྡན་པ་དག་ཚུར་སྤྱོན། མགུ་བར་བགྱི་བ་སྩལ་དུ་གསོལ་ཞེས་སྤྲིང་ན།་ཞག་བདུན་བྱིན་གྱིས་བརླབས་ཏེ། དགེ་སློང་གི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་གི་བྱ་བ་ཡིན་ནོ། །གཞན་ཡང་དགེ་སློང་གི་བྱ་བ་འདི་ལྟ་སྟེ། དགེ་སློང་གིས་མགུ་བར་བྱ་བ་སྤྱད་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། ཚེ་དང་ལྡན་པ་དག་ཚུར་སྤྱོན། དབྱུང་བར་བགྱིར་གསོལ་ཞེས་སྤྲིང་ན། ཞག་བདུན་བྱིན་གྱིས་བརླབས་ཏེ། དགེ་སློང་གི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་གི་བྱ་བ་ཡིན་ནོ། །གཞན་ཡང་དགེ་སློང་གི་བྱ་བ་འདི་ལྟ་སྟེ། དགེ་སློང་ན་བ་སྡུག་བསྔལ་བ་ནད་ཚབས་ཆེ་བ་ཞིག་གིས་དགེ་སློང་རྣམས་ལ་ཕོ་
Ka341b
ཉ་བཏང་སྟེ། ཚེ་དང་ལྡན་པ་དག་ཚུར་སྤྱོན་ཅིག་འགའ་སྩོལ་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་སློང་གི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་གི་བྱ་བ་ཡིན་ནོ། །དགེ་སློང་མའི་བྱ་བ་གང་ཞེ་ན། དེ་དག་ཐམས་ཅད་དགེ་སློང་མའི་བྱ་བ་ཡིན་ཏེ། ཆད་པའི་ལས་ནི་མ་གཏོགས་སོ། །གཞན་ཡང་དགེ་སློང་མའི་བྱ་བ་འདི་ལྟ་སྟེ། དགེ་སློང་མ་ཞིག་ལ་ལྕི་བའི་ཆོས་ཀྱི་ལྟུང་བར་གྱུར་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་ཚུར་སྤྱོན། ཟླ་བ་ཕྱེད་ཀྱི་བར་དུ་མགུ་བར་བགྱི་བ་སྩལ་དུ་གསོལ་ཞེས་སྤྲིང་ན། ཞག་བདུན་བྱིན་གྱིས་བརླབས་ལ་དགེ་སློང་མའི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་མའི་བྱ་བ་ཡིན་ནོ། །དགེ་སློང་མའི་བྱ་བ་གང་ཞེ་ན། དེ་དག་ཐམས་ཅད་དགེ་སློང་མའི་བྱ་བ་ཡིན་ནོ། །གཞན་ཡང་དགེ་སློང་མའི་བྱ་བ་འདི་ལྟ་སྟེ། དགེ་སློང་མས་ལོ་གཉིས་ཀྱི་བར་དུ་བསླབ་པའི་ཆོས་དྲུག་དང ། རྗེས་སུ་མཐུན་པའི་ཆོས་དྲུག་བསླབ་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་དགེ་སློང་མ་བསྙེན་པར་རྫོགས་པར་མཛད་དུ་གསོལ། ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་སློང་མའི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་སློང་མའི་བྱ་བ་ཡིན་ནོ། །དགེ་ཚུལ་གྱི་བྱ་བ་གང་ཞེ་ན། དེ་དག་ཐམས་ཅད་དགེ་ཚུལ་གྱི་བྱ་བ་ཡིན་ནོ། །གཞན་ཡང་དགེ་ཚུལ་གྱི་བྱ་བ་གང་ཞེ་ན། འདི་ལྟ་སྟེ། དགེ་ཚུལ་ལོ་ཉི་ཤུ་
Ka342a
༄#། །ལོན་པར་གྱུར་ནས། དེས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་བསྙེན་པར་རྫོགས་པར་མཛད་དུ་གསོལ། ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་ཚུལ་གྱི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་ཚུལ་གྱི་བྱ་བ་ཡིན་ནོ། །དགེ་ཚུལ་མའི་བྱ་བ་གང་ཞེ་ན། དེ་དག་ཐམས་ཅད་དགེ་ཚུལ་མའི་བྱ་བ་ཡིན་ནོ། །གཞན་ཡང་དགེ་ཚུལ་མའི་བྱ་བ་འདི་ལྟ་སྟེ། དགེ་ཚུལ་མ་ཁྱིམ་སོ་བཟུང་བ་ལོ་བཅུ་གཉིས་ལོན་པའམ། གཞོན་ནུ་མ་ལོ་བཅོ་བརྒྱད་ལོན་ནས་དེས་དགེ་སློང་དག་ལ་ཕོ་ཉ་བཏང་སྟེ། འཕགས་པ་དག་ལོ་གཉིས་ཀྱི་བར་དུ་ཆོས་དྲུག་དང ། རྗེས་སུ་མཐུན་པའི་ཆོས་དྲུག་གི་བསླབ་པ་སྩལ་དུ་གསོལ། ཚུར་སྤྱོན་ཅིག་ཅེས་སྤྲིང་ན། ཞག་བདུན་བྱིན་གྱིས་བརླབས་ལ། དགེ་ཚུལ་མའི་བྱ་བའི་ཕྱིར་དགེ་སློང་འགྲོ་བར་བྱ་སྟེ། འདི་ནི་དགེ་ཚུལ་མའི་བྱ་བ་ཡིན་ནོ། །སྡོམ་ལ། ཁ་ཟས་སྨན་དང་གཡོག་དང་ནི། ། བུད་མེད་སྐྱེས་པ་མ་ནིང་དང ། །མཚན་མ་གཏེར་དང་གཉེན་དག་དང ། །བར་ཆད་ཀྱིས་ནི་འགྲོ་བྱ་བའོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན། བདག་ལ་བསོད་སྙོམས་སྟེར་བ་ནི་འགའ་ཡང་མེད་དེ། བདག་གིས་བསོད་སྙོམས་མ་རྙེད་པས་བདག་ཉོན་
Ka342b
མོངས་པའམ། ཤི་ན་བདག་གིས་མ་ཐོབ་པ་ཐོབ་པར་བྱ་བ་དང ། མ་རྟོགས་པ་རྟོགས་པར་བྱ་བ་དང ། མངོན་སུམ་དུ་མ་བྱས་པ་མངོན་སུམ་དུ་བྱ་བ་དེའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན། བདག་ནད་ཀྱིས་ཐེབས་ན་ན་བ་ལ་ནད་ཀྱི་སྨན་སྦྱིན་པ་ནི་འགའ་ཡང་མེད་དེ། བདག་གིས་སྨན་མ་རྙེད་པས་ཉོན་མོངས་པའམ། ཤི་ན་བདག་གིས་མ་ཐོབ་པ་ཐོབ་པར་བྱ་བ་དང ། མ་རྟོགས་པ་རྟོགས་པར་བྱ་བ་དང ། མངོན་སུམ་དུ་མ་བྱས་པ་མངོན་སུམ་དུ་བྱ་བ་དེའི་བར་ཆད་དུ་འགྱུར་གྱིས་མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན། བདག་ནད་ཀྱིས་ཐེབས་ན་ནད་གཡོག་བྱེད་བ་འགའ་ཡང་མེད་དེ། བདག་ལ་ནད་གཡོག་བྱེད་པ་མེད་པས་ཉོན་མོངས་པའམ་ཤི་ན། བདག་གིས་མ་ཐོབ་པ་ཐོབ་པར་བྱ་བ་དང ། མ་རྟོགས་པ་རྟོགས་པར་བྱ་བ་དང ། མངོན་སུམ་དུ་མ་བྱས་པ་མངོན་སུམ་དུ་
Ka343a
༄#། །བྱ་བ་དེའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས། དབྱར་རལ་ན་ལྟུང་བ་མེད་དོ།། །།འདུལ་བ་གཞི། བམ་པོ་ཉི་ཤུ་པ། འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གི་དྲུང་དུ་བུད་མེད་དག་འོངས་ཏེ། མི་འཚམ་པའི་གསོལ་བས་གསོལ་བ་འདེབས་ཏེ། འཕགས་པ་བཞུགས་ཤིག་།འཕགས་པ་དགྱེས་པར་མཛོད་ཅིག་།ཁྱོད་ལ་བདག་གིས་བསྙེན་བཀུར་བགྱིའོ། །ཁྱོད་ལ་བུ་མོ་དབུལ་ལོ།། ཁྱོད་ལ་མནའ་མ་དང ། ཁྱོད་ལ་བྲན་མོ་དང་ལས་བགྱིད་པ་དབུལ་ལོ། །དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན་བུད་མེད་འདི་བདག་གི་དྲུང་དུ་འོངས་ནས། མི་འཚམ་པའི་གསོལ་བས་གསོལ་བ་འདེབས་ཏེ། འཕགས་པ་བཞུགས་ཤིག་།འཕགས་པ་དགྱེས་པར་མཛོད་ཅིག་།ཁྱོད་ལ་བདག་གིས་བསྙེན་བཀུར་བགྱིའོ། །ཁྱེད་ལ་བུ་མོ་དབུལ་ལོ། །ཁྱོད་ལ་མནའ་མ་དང ། ཁྱོད་ལ་བྲན་མོ་དང་ལས་བགྱི་བ་དབུལ་ལོ་ཞེས་ཟེར་ཏེ། གལ་ཏེ་གནས་འདིར་བདག་དབྱར་གནས་ན།་གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་སྟེ། དེས་
Ka343b
དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གི་དྲུང་དུ་སྐྱེས་པ་ཞིག་འོངས་ནས་མི་འཚམ་པའི་གསོལ་བས་གསོལ་བ་འདེབས་ཏེ། འཕགས་པ་བཞུགས་ཤིག། འཕགས་པ་དགྱེས་པར་མཛོད་ཅིག། ཁྱོད་ལ་བདག་བསྙེན་བཀུར་བགྱིའོ། །ཁྱོད་ལ་བུ་མོ་དབུལ་ལོ། །ཁྱོད་ལ་མནའ་མ་དང ། ཁྱོད་ལ་བྲན་མོ་དང་ལས་བགྱིད་པ་དབུལ་ལོ། །དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན། བདག་གི་དྲུང་དུ་སྐྱེས་པ་འདི་ཡོངས་ནས། མི་འཚམ་པའི་གསོལ་བས་གསོལ་བ་འདེབས་ཏེ། འཕགས་པ་བཞུགས་ཤིག། འཕགས་པ་དགྱེས་པར་མཛོད་ཅིག། ཁྱོད་ལ་བདག་བསྙེན་བཀུར་བགྱིའོ། །ཁྱོད་ལ་བུ་མོ་དབུལ་ལོ། །མནའ་མ་དང་བྲན་མོ་དང ། ལས་བགྱིད་པ་དབུལ་ལོ་ཞེས་ཟེར་ཏེ། གལ་ཏེ་གནས་འདིར་བདག་དབྱར་གནས་ན་གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས་མ་ལ་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གི་དྲུང་དུ་མ་ནིང་ཞིག་འོངས་ནས། མི་འཚམ་བའི་གསོལ་བས་གསོལ་བ་འདེབས་ཏེ། འཕགས་
Ka344a
༄#། །པ་བཞུགས་ཤིག་།འཕགས་པ་དགྱེས་པར་མཛོད་ཅིག་།ཁྱོད་ལ་བདག་བསྙེན་བཀུར་བགྱིའོ། །ཁྱོད་ལ་བྲན་མོ་དང་ལས་བགྱིད་པ་དབུལ་ལོ། །དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན། བདག་གི་དྲུང་དུ་མ་ནིང་འདི་འོངས་ནས། མི་འཚམ་པའི་གསོལ་པས་གསོལ་བ་འདེབས་ཏེ་འཕགས་པ་བཞུགས་ཤིག་།འཕགས་པ་དགྱེས་པར་མཛོད་ཅིག་།ཁྱོད་ལ་བདག་བསྙེན་བཀུར་བགྱིའོ། །ཁྱོད་ལ་བདག་བྲན་མོ་དང ། ཁྱོད་ལ་ལས་བགྱིད་པ་དབུལ་ལོ་ཞེས་ཟེར་ཏེ། གལ་ཏེ་གནས་འདིར་བདག་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས་དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གིས་བུད་མེད་གཞོན་ནུ་མདོག་མཛེས་པ་ཆགས་པར་འོས་པ་ཞིག་མཐོང་ནས་ཚུལ་བཞིན་མ་ཡིན་པའི་ཡིད་ལ་བྱེད་པ་བཟུང་བར་གྱུར་ཏེ། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན། བུད་མེད་གཞོན་ནུ་མཛེས་པ་ཆགས་པར་འོས་པ་ཞིག་མཐོང་ནས། ཚུལ་
Ka344b
བཞིན་མ་ཡིན་པའི་ཡིད་ལ་བྱེད་པའི་མཚན་མ་བཟུང་བས་གནས་འདིར་བདག་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གིས་ནོར་གྱི་གཏེར་ཞིག་མཐོང་ངོ ། །དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན། བདག་གིས་འདིར་ནོར་གྱི་གཏེར་ཞིག་མཐོང་བས་གནས་འདིར་བདག་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གི་དྲུང་དུ་གཉེན་དག་འོངས་ནས། མི་འཚམ་པའི་གསོལ་བས་གསོལ་བ་འདེབས་ཏེ། འཕགས་པ་ཁྱོད་ཅིའི་ཕྱིར་མགོ་བྲེགས་ཤིང་ལྷུང་བ་ཟེད་ལག་ཏུ་ཐོགས་ཏེ། རིགས་ཀྱི་གྲོང་ནས་གྲོང་དུ་རྒྱུ་ཞིང་གོས་ངུར་སྨྲིག་གྲང་མོ་འདིས་ཀྱང་ལུས་གདུང་བར་བགྱི། འཕགས་པ་ཁྱོད་ཚུར་སྤྱོན་འདོད་པ་ལ་ཡོངས་སུ་སྤྱོད་ཅིག་།སྦྱིན་
Ka345a
༄#། །པ་དག་སྩོལ་ཅིག་།བསོད་ནམས་དག་གྱིས་ཤིག་།དེ་ན་དབྱར་གནས་པར་དམ་བཅས་བའི་དགེ་སློང་འདི་སྙམ་དུ་སེམས་ཏེ། བདག་གནས་འདིར་དབྱར་གནས་པར་དམ་བཅས་པས། དེ་བདག་གི་དྲུང་དུ་གཉེན་དག་འོངས་ནས། མི་འཚམ་པའི་གསོལ་བས་གསོལ་བ་འདེབས་ཏེ། འཕགས་པ་ཁྱོད་ཅིའི་ཕྱིར་མགོ་བྲེགས་ཤིང་ལྷུང་བཟེད་ལག་ཏུ་ཐོགས་ཏེ། རིགས་ཀྱིས་གྲོང་ནས་གྲོང་དུ་རྒྱུ་གོས་ངུར་སྨྲིག་གྲང་མོ་འདིས་ཀྱང་ལུས་གདུང་བར་བགྱི། འཕགས་པ་ཁྱོད་ཚུར་སྤྱོན་འདོད་པ་ལ་ཡོངས་སུ་སྤྱོད་ཅིག་།སྦྱིན་པ་དག་སྩོལ་ཅིག་།བསོད་ནམས་དག་གྱིས་ཤིག་ཅེས་ཟེར་ཏེ། གལ་ཏེ་གནས་འདིར་བདག་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས་མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་རྒྱལ་པོ་དཔུང་གི་ཚོགས་ཡན་ལག་བཞི་གོ་བསྐོན་པ་གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་ཅན་ཀུན་དགའ་ར་བའི་སྒོའི་བར་དུ་ལྷགས་ནས། སྤར་ཐབས་སུ་སྐུར་པ་སྒྲོགས་ཤིང་ཤེས་ལྡན་དག་ཤཱཀྱའི་བུའི་དགེ་སྦྱོང་དག་ཟུངས་ཤིག་ཅེས་བྱ་བ་ནས།
Ka345b
གོང་དུ་གསོ་སྦྱོང་གི་གཞིར་ཇི་སྐད་བསྟན་པ་དེ་བཞིན་དུ་རྒྱས་པར་རྫོགས་པར་བརྗོད་པར་བྱ་སྟེ། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན། རྒྱལ་པོ་དཔུང་གི་ཚོགས་ཡན་ལག་བཞི་གོ་བསྐོན་པ་གླང་པོ་ཆེའི་ཚོགས་དང ། རྟ་པའི་ཚོགས་ཅན་ཞེས་བྱ་བ་གོང་མ་བཞིན་ཏེ། གལ་ཏེ་གནས་འདིར་བདག་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས། དབྱར་རལ་ན་ལྟུང་བ་མེད་དོ། །འདི་ལྟར་ཡང་དགེ་སློང་གིས་སྐྱེས་པའམ། བུད་མེད་དམ་མ་ནིང་གང་ལ་བརྟེན་ནས་དབྱར་གནས་པར་དམ་བཅས་པར་གྱུར་པ་དེ་རྒྱལ་པོས་བཟུང་ངམ། བཙོན་དུ་བཟུང་ངམ། བསང་དམ། དེའི་ནོར་ཕྲོགས་སམ། རྒྱལ་པོའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་ལ་དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་སྐྱེས་པའམ། བུད་མེད་དམ། མ་ནིང་གང་ལ་བརྟེན་ནས་འདིར་དབྱར་གནས་པར་དམ་བཅས་པ་དེ་རྒྱལ་པོས་བཟུང་ངམ། བཙོན་དུ་བཟུང་ངམ། བསད་དམ། དེའི་ནོར་ཕྲོགས་སམ། རྒྱལ་པོའི་འཇིགས་
Ka346a
༄#། །པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་པས། གལ་ཏེ་བདག་གནས་འདིར་དབྱར་གནས་ན། གཞི་དེས་བདག་གི་སྲོག་གི་པར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་ཆོམ་རྐུན་པ་དག་གིས། གྲོང་བཅོམ་པའམ། གྲོང་ཁྱེར་བཅོམ་པའམ། ཡུལ་ལྗོངས་བཅོམ་ནས་ཀུན་དགའ་ར་བའི་སྒོར་ལྷགས་ཏེ། བ་ལང་བསད་དམ། མ་ཧེའམ། ར་བསད་པའི་ཁྲག་གིས་ཡན་ལག་བྱུགས་ནས་དགེ་སློང་རྣམས་ལ་ཕོ་ཉ་བཏང་སྟེ། འཕགས་པ་དག་ཕྱིར་བྱུང་ཞིག་།བདག་ཅག་འདིར་གནས་སོ་ཞེས་སྤྲིང་ན། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་གནས་འདིར་དབྱར་གནས་པར་དམ་བཅས་ན། ཆོམ་རྐུན་པ་འདི་དག་གྲོང་བཅོམ་པའམ། ཞེས་བྱ་བའི་བར་གོང་མ་བཞིན་ཏེ། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དགེ་སློང་གིས་བུད་མེད་དམ། སྐྱེས་པའམ། མ་ནིང་གང་ལ་བརྟེན་ནས། དབྱར་གནས་པར་དམ་བཅས་པར་གྱུར་བ་དེ། ཆོམ་རྐུན་པས་བཟུང་ངམ། བཙོན་དུ་བཟུང་ངམ།
Ka346b
བསད་དམ། དེའི་ནོར་ཕྲོགས་སམ། ཆོམ་རྐུན་པའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་ལ། དེ་ན་དབྱར་གནས་བར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་བུད་མེད་དམ། སྐྱེས་པའམ། མ་ནིང་གང་ལ་བརྟེན་ཏེ། དབྱར་གནས་པར་དམ་བཅས་པ་དེ། ཆོམ་རྐུན་པ་དག་གིས་བཟུང་ངམ། བཙོན་དུ་བཟུང་ངམ། བསད་དམ། དེའི་ནོར་ཕྲོགས་སམ། ཆོམ་རྐུན་པས་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་པས་གལ་ཏེ་བདག་གནས་འདིར་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས། དབྱར་རལ་ན་ལྟུང་བ་མེད་དོ། །འདི་ལྟར་ཡང་རྒན་ཞུགས་མི་ཤེས་པ་རྨོངས་པ་མི་གསལ་བ་མི་མཁས་པ་གཞན་ཞིག་གིས་སྤྱོད་ཡུལ་ལམ། སྤྱོད་ཡུལ་གྱི་ལམ་ཁར་རིགས་ཀྱི་བུད་མེད་དམ། རིགས་ཀྱི་ན་ཆུང་ལ་གཤེས་སམ། ཁ་ངན་སྨྲས་སམ། རེག་པས་མི་རྣམས་ཁྲོས་ཏེ། ཀུན་དགའ་ར་བའི་སྒོར་ལྷགས་ནས། སྤར་ཐབས་སུ་སྐུར་བ་སྒྲོགས་ཤིང་ཞེས་བྱ་བའི་བར་གོང་མ་བཞིན་ཏེ། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་
Ka347a
༄#། །ཡང་དགེ་སློང་གིས་བུད་མེད་དམ། སྐྱེས་པའམ། མ་ནིང་གང་ལ་བརྟེན་ནས། དབྱར་གནས་པར་དམ་བཅས་པར་གྱུར་པ་དེ་མི་རྣམས་ཀྱིས་བཟུང་ངམ། བཙོན་དུ་བཟུང་ངམ། བསད་དམ། དེའི་ནོར་ཕྲོགས་སམ། མི་མ་ཡིན་པའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་ལ། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་བུད་མེད་དམ། སྐྱེས་པའམ། མ་ནིང་གང་ལ་བརྟེན་ཏེ། གནས་འདིར་དབྱར་གནས་པར་དམ་བཅས་པ་དེ་མི་རྣམས་ཀྱིས་བཟུང་ངམ། བཙོན་དུ་བཟུང་ངམ། བསད་དམ། དེའི་ནོར་ཕྱོགས་སམ། མི་མ་ཡིན་པའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་པས་གལ་ཏེ་བདག་གནས་འདིར་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་མི་མ་ཡིན་པ་གནས་པའི་ཕྱོགས་ཤིག་ཏུ་གཙུག་ལག་ཁང་བརྩིགས་ལ་དེ་ན་རྒན་ཞུགས། མི་ཤེས་པ། རྨོངས་པ། མི་གསལ་བ། མི་མཁས་པ་གཞན་ཞིག་གིས་མི་རུང་བའི་
Ka347b
ཕྱོགས་ཤིག་ཏུ་བཤང་པ་དང ། གཅི་བ་ཞེས་བྱ་བའི་བར་གོང་མ་བཞིན་ཏེ། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དགེ་སློང་གིས་བུད་མེད་དམ། སྐྱེས་པའམ། མ་ནིང་གང་ལ་བརྟེན་ནས། དབྱར་གནས་པར་དམ་བཅས་པར་གྱུར་པ་དེ་མི་མ་ཡིན་པ་རྣམས་ཀྱིས་བཟུང་ངམ། བཙོན་དུ་བཟུང་ངམ། བསད་དམ།་དེའི་ནོར་ཕྲོགས་སམ། མི་མ་ཡིན་པའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་ལ། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་བུད་མེད་དམ། སྐྱེས་པའམ། མ་ནིང་གང་ལ་བརྟེན་ནས། འདིར་དབྱར་གནས་པར་དམ་བཅས་པ་དེ་མི་མ་ཡིན་པས་བཟུང་ངམ། བཙོན་དུ་བཟུང་ངམ། བསད་དམ། དེའི་ནོར་ཕྲོགས་སམ། མི་མ་ཡིན་པའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་བས། གལ་ཏེ་བདག་གནས་འདིར་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས། དབྱར་རལ་ན་ལྟུང་བ་མེད་དོ། །འདི་ལྟར་ཡང་གདུག་བ་གནས་བའི་ཕྱོགས་ཤིག་ཏུ་གཙུག་
Ka348a
༄#། །ལག་ཁང་བརྩིགས་ལ། དེ་ན་རྒན་ཞུགས་མི་ཤེས་པ་རྨོངས་པ་མི་གསལ་བ་མི་མཁས་པ་གཞན་ཞིག་གིས་མི་རུང་བའི་ཕྱོགས་ཤིག་ཏུ་བཤང་བ་དང ། གཅི་བ་དང ། མཆིལ་མ་དང ། སྣབས་དང ། སྐྱུགས་པ་དང ། འཁྲུ་བ་དག་བོར་ཞིང་མི་གཙང་བས་སྦགས་པའི་གནས་མལ་བཞག་པར་གྱུར་ནས། གདུག་པ་ཁྲོས་ཏེ། སྤྱོད་ཡུལ་ལམ། སྤྱོད་ཡུལ་གྱི་ལམ་ཁའམ། ཆག་སའམ། ཁྱམས་སའམ། སྒོ་ཁང་རྣམས་སུ་འདུག་ནས། དགེ་སློང་རྣམས་ལ་འབབ་པར་བྱེད་དེ། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། ཞེས་བྱ་བ་གོང་མ་བཞིན་ཏེ། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དགེ་སློང་གིས་བུད་མེད་དམ། སྐྱེས་པའམ་མ་ནིང་གང་ལ་བརྟེན་ཏེ་གནས་འདིར་དབྱར་གནས་པར་དམ་བཅས་པར་གྱུར་པ་དེ། གཏུམ་པོ་དག་གིས་བཟུང་ངམ། བཙོན་དུ་བཟུང་ངམ། བསད་དམ། གཏུམ་པོའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་ལ། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་བུད་མེད་དམ། སྐྱེས་པའམ། མ་ནིང་གང་ལ་བརྟེན་ཏེ། འདིར་དབྱར་གནས་པར་དམ་བཅས་པ་དེ་གཏུམ་པོ་རྣམས་ཀྱིས་བཟུང་ངམ། བཙོན་དུ་བཟུང་སྟེ། དེའི་ནོར་ཕྲོགས་སམ། གཏུམ་པོའི་འཇིགས་པས་ཡུལ་
Ka348b
འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་པས། གལ་ཏེ་བདག་གནས་འདིར་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་ཀླུ་གནས་པའི་ས་ཕྱོགས་ཤིག་ཏུ་གཙུག་ལག་ཁང་བརྩིགས་ཏེ། ཞེས་བྱ་བར་གོང་མ་བཞིན་ནོ། །དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས། དབྱར་རལ་ན་ལྟུང་བ་མེད་དོ། །འདི་ལྟར་ཡང་དགེ་སློང་གིས་བུད་མེད་དམ། སྐྱེས་པའམ། མ་ནིང་གང་ལ་བརྟེན་ནས་དབྱར་གནས་པར་དམ་བཅས་པར་གྱུར་པ་དེ། ཀླུ་རྣམས་ཀྱིས་བཟུང་ངམ། བཙོན་དུ་བཟུང་ངམ། བསད་དམ། དེའི་ནོར་ཕྲོགས་སམ། ཀླུའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་ལ། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་བུད་མེད་དམ། སྐྱེས་པའམ། མ་ནིང་གང་ལ་བརྟེན་ནས་འདིར་དབྱར་གནས་པར་དམ་བཅས་པ་དེ་ཀླུ་རྣམས་ཀྱིས་བཟུང་ངམ། བཙོན་དུ་བཟུང་ངམ། བསད་དམ། དེའི་ནོར་ཕྲོགས་སམ། ཀླུའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་པས། གལ་ཏེ་གནས་འདིར་བདག་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་
Ka349a
༄#། །ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་ནགས་ཁྲོད་གཅིག་ཏུ་གཙུག་ལག་ཁང་བརྩིགས་པ་ཞེས་བྱ་བའི་བར་གོང་མ་བཞིན་ཏེ། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དགེ་སློང་གིས་བུད་མེད་དམ། སྐྱེས་པའམ། མ་ནིང་གང་ལ་བརྟེན་ནས་དབྱར་གནས་པར་དམ་བཅས་པར་གྱུར་བ་དེ་མེས་ཚིག་གམ། དེའི་ནོར་མེས་ཚིག་གམ། མེའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་ལ། དེ་ན་དབྱར་གནས་པར་དམ་བཅས་པའི་དགེ་སློང་འདི་སྙམ་དུ་སེམས་ཏེ། བདག་བུད་མེད་དམ། སྐྱེས་པའམ། མ་ནིང་གང་ལ་བརྟེན་ཏེ་འདིར་དབྱར་གནས་པར་དམ་བཅས་པ་དེ་མེས་ཚིག་གམ། དེའི་ནོར་མེས་ཚིག་གམ། མེའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་པས། གལ་ཏེ་གནས་འདིར་བདག་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོའོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས། དབྱར་རལ་ན་ལྟུང་བ་མེད་དོ། །འདི་
Ka349b
ལྟར་ཡང་གཤོང་ཞིག་གིས་དབུས་སུ་གཙུག་ལག་ཁང་བརྩིགས་ལ་ཞེས་བྱ་བའི་བར་གོང་མ་བཞིན་ཏེ། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས། དབྱར་རལ་ན་ལྟུང་བ་མེད་དོ།། འདི་ལྟར་ཡང་དགེ་སློང་གིས་བུད་མེད་དམ། སྐྱེས་པའམ། མ་ནིང་གང་ལ་བརྟེན་ཏེ། དབྱར་གནས་པར་དམ་བཅས་པར་གྱུར་པ་དེ་ཆུས་ཁྱེར་རམ། དེའི་ནོར་ཆུས་ཁྱེར་རམ། ཆུའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་ལ་དེ་ན་དབྱར་གནས་པར་དམ་བཅས་བའི་དགེ་སློང་འདི་སྙམ་དུ་སེམས་ཏེ། བདག་བུད་མེད་དམ། སྐྱེས་པའམ། མ་ནིང་གང་ལ་བརྟེན་ནས་དབྱར་གནས་པར་དམ་བཅས་པ་དེ། ཆུས་ཁྱེར་རམ། དེའི་ནོར་ཆུས་ཁྱེར་རམ། ཆུའི་འཇིགས་པས་ཡུལ་འཁོར་གཞན་ནམ། ཡུལ་གཞན་དུ་བྲོས་སམ། ཤི་བར་གྱུར་པས་གལ་ཏེ་བདག་གནས་འདིར་དབྱར་གནས་ན། གཞི་དེས་བདག་གི་སྲོག་གི་བར་ཆད་དང ། དགེ་སྦྱོང་གི་ཚུལ་གྱི་བར་ཆད་དང ། ཚངས་པར་སྤྱོད་པའི་བར་ཆད་དུ་འགྱུར་གྱིས། མ་ལ་བདག་གནས་འདི་ནས་འགྲོ་འོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །སྡོམ་ལ། དབྱར་རལ་ལྟུང་བ་མེད་པ་དང ། །གནས་པར་དམ་ནི་བཅས་པ་དག་སྔ་མ་ཡི་ནི་བཅུ་གཉིས་དང ། །ཕྱི་མ་ཡི་ནི་བཅུ་གཉིས་སོ། །འདི་ལྟར་ཡང་དབྱར་གནས་པར་དམ་བཅས་བའི་དགེ་སློང་གིས་དགེ་སློང་ཞིག་དགེ་འདུན་གྱི་དབྱེན་བྱ་བ་རྩོལ་ཞིང་དེ་
Ka350a
༄#། །ལྟ་དེ་ལྟ་བུར་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང་གང་ཡང་གནས་འདིར་དབྱར་གྱི་ནང་ལོགས་ཉིད་དུ་དགེ་འདུན་བྱེ་བར་འགྱུར་བའི་གནས་འདི་ཡོད་པར་མཐོང་ནས། དེ་ན་དབྱར་གནས་པར་དམ་བཅས་བའི་དགེ་སློང་འདི་སྙམ་དུ་སེམས་ཏེ། གནས་འདིར་བདག་དབྱར་གནས་པར་དམ་བཅས་ན།་དགེ་སློང་འདི་དགེ་འདུན་གྱི་དབྱེན་བྱ་བར་རྩོལ་ཞིང ། དེ་ལྟ་དེ་ལྟ་བུར་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། གང་ཡང་གནས་འདིར་དབྱར་གྱི་ནང་ལོགས་ཉིད་དུ་དགེ་འདུན་བྱེ་བར་འགྱུར་བའི་གནས་འདི་ཡོད་དེ། གལ་ཏེ་གནས་འདིར་བདག་དབྱར་གནས་ན་གང་ཡང་མི་མཐུན་པའི་སེམས་སྐྱེས་སམ། མ་བརྟགས་པའི་ཚིག་བྱུང་ན། བདག་གིས་མ་ཐོབ་པ་ཐོབ་པར་བྱ་བ་དང ། མ་རྟོགས་པ་རྟོགས་པར་བྱ་བ་དང ། མངོན་སུམ་དུ་མ་བྱས་པ་མངོན་སུམ་དུ་བྱ་བའི་བར་ཆད་དུ་འགྱུར་བའི་གནས་འདི་ཡོད་པས། མ་ལ་བདག་གནས་འདི་ནས་འགྲོ་འོ་སྙམ་ནས། དེས་དེ་ལྟ་བུས་རྐྱེན་བྱས་ཏེ། གནས་དེ་ནས་སོང་བ་ལས་དབྱར་རལ་ན་ལྟུང་བ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གིས་གནས་ག་གེ་མོ་ཞིག་ཏུ། དགེ་སློང་ཞིག་གིས་དགེ་འདུན་གྱི་དབྱེན་བྱ་བར་རྩོལ་ཞིང་དེ་ལྟ་དེ་ལྟ་བུར་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་
Ka350b
པར་བྱེད། འཛིན་དུ་འཇུག་པར་བྱེད་ཅིང ། གང་ཡང་གནས་དེར་དབྱར་གྱི་ནང་ལོགས་ཉིད་དུ་དགེ་འདུན་བྱེ་བར་འགྱུར་བའི་གནས་འདི་ཡོད་པར་ཐོས་ལ། དགེ་སློང་དེ་དང་ནི་བདག་ཏུ་གཏམ་འདྲེས་པ། ཕེབས་བར་སྨྲ་བ། སྨོས་འདྲིན་པ། འགྲོགས་བཤེས་པ་ཡིན་གྱིས། གལ་ཏེ་བདག་དེར་སོང་ན། བདག་གིས་ཇི་ལྟར་གནས་དེར་དབྱར་གྱི་ནང་ལོགས་སུ་དགེ་འདུན་བྱེ་བར་མི་འགྱུར་བ་དེ་ལྟ་དེ་ལྟར་བྱ་ནུས་སོ་སྙམ་ནས་དགེ་སློང་གིས་ཞག་བདུན་བྱིན་གྱི་བརླབས་ལ་དགེ་འདུན་གྱི་བྱ་བའི་ཕྱིར་འགྲོ་བར་བྱ་སྟེ། གལ་ཏེ་དེར་སོང་ན་ལེགས། མ་སོང་ན་འགལ་ཚབས་ཅན་དུ་འགྱུར་རོ། །གལ་ཏེ་དགེ་འདུན་གྱི་བྱ་བའི་ཕྱིར་དེས་སོང་བ་ལས་ཞག་བདུན་འདས་ཏེ། དབྱར་རལ་ན་ལྟུང་པ་མེད་དོ། །འདི་ལྟར་ཡང་དབྱར་གནས་པར་དམ་བཅས་པའི་དགེ་སློང་གིས་གནས་ག་གེ་མོ་ཞིག་ཏུ་དགེ་སློང་ཞིག་གིས་དགེ་འདུན་གྱི་དབྱེན་བྱ་བ་རྩོལ་ཞིང་དེ་ལྟ་དེ་ལྟ་བུར་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། གང་ཡང་གནས་དེར་དབྱར་གྱི་ནང་ལོགས་ཉིད་དུ་དགེ་འདུན་བྱེ་བར་འགྱུར་བའི་གནས་འདི་ཡོད་པར་ཐོས་ལ། དགེ་སློང་དེ་དང་བདག་ཏུ་གཏམ་འདྲེས་པ་དང ། ཕེབས་པར་སྨྲ་བ་དང ། སྨོས་འདྲིན་པ་དང ། འགྲོགས་བཤེས་པ་མ་ཡིན་མོད་ཀྱི་འོན་ཀྱང་དགེ་སློང་དེ་གང་དང་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་པ། འགྲོགས་བཤེས་པའི་དགེ་སློང་དེ་དང་བདག་ཏུ་གཏམ་འདྲེས་པ། ཕེབས་པར་སྨྲ་བ། སྨོས་འདྲིན་པ། འགྲོགས་
Ka351a
༄#། །བཤེས་པ་ཡིན་གྱིས། བདག་དེར་སོང་ལ། བདག་གིས་ཇི་ལྟར་གནས་དེར་དབྱར་གྱི་ནང་ལོགས་སུ་དགེ་འདུན་བྱེ་བར་མི་འགྱུར་བ་དེ་ལྟ་དེ་ལྟར་བྱ་ནུས་སོ་སྙམ་ནས། དགེ་སློང་གིས་ཞག་བདུན་བྱིན་གྱིས་བརླབས་ལ། དགེ་འདུན་གྱི་བྱ་བའི་ཕྱིར་འགྲོ་བར་བྱ་སྟེ། གལ་ཏེ་སོང་ན་ལེགས། མ་སོང་ན་འགལ་ཚབས་ཅན་དུ་འགྱུར་རོ། །གལ་ཏེ་དགེ་འདུན་གྱི་བྱ་བའི་ཕྱིར་དེར་སོང་བ་ལས། ཞག་བདུན་འདས་ཏེ། དབྱར་རལ་ན་ལྟུང་བ་མེད་དོ། །འདི་ལྟར་ཡང་དགེ་སློང་གིས་གནས་ག་གེ་མོ་ཞིག་ཏུ་དབྱར་སྔ་མ་ཟླ་བ་གསུམ་གནས་པར་དམ་བཅས་པ་ལས་གནས་དེ་གཉིས་ན་རྙེད་པ་ནི་ཐུན་མོང ། གསོ་སྦྱོང་ནི་ཐ་དད་པ་དང ། དེ་འདི་སྙམ་དུ་སེམས་ཏེ། བདག་འདིར་གནས་ཀྱང་རྙེད་པ་ནི་དེར་ཟད། བདག་དེར་གནས་ཀྱང་རྙེད་པ་ནི་དེར་ཟད་དོ་སྙམ་ནས། དེ་དམ་བཅས་པར་མ་སོང་ན། དེའི་གནས་དེར་སྔ་མའི་ཟླ་བ་གསུམ་ཡང་མ་ཡིན་ལ། དམ་བཅས་པས་ཉེས་བྱས་སུ་ཡང་འགྱུར་རོ། །འདི་ལྟར་ཡང་དགེ་སློང་གིས་གནས་ག་གེ་མོ་ཞིག་ཏུ་སྔ་མའི་ཟླ་བ་གསུམ་གནས་པར་དམ་བཅས་ཏེ། དེ་དམ་བཅས་པ་སོང་ནས། ཚུལ་ཤིང་མ་བླངས་ལ་བྱ་བའི་ཕྱིར་དེ་སོང་ན་དེའི་གནས་དེར་སྔ་མའི་ཟླ་བ་གསུམ་ཡང་མ་ཡིན་ལ། དམ་བཅས་པས་ཉེས་བྱས་སུ་ཡང་འགྱུར་རོ། །འདི་ལྟར་ཡང་དགེ་སློང་གིས་གནས་ག་གེ་མོ་ཞིག་ཏུ་དབྱར་སྔ་མའི་ཟླ་བ་གསུམ་གནས་པར་དམ་བཅས་ཏེ། དེ་དམ་བཅས་
Ka351b
བར་སོང་ནས་ཚུལ་ཤིང་ནི་བླངས་ཀྱི་གནས་མལ་ནི་མ་བླངས་ལ་བྱ་བའི་ཕྱིར་དེ་སོང་ན། དེའི་གནས་དེར་སྔ་མའི་ཟླ་བ་གསུམ་ཡང་མ་ཡིན་ལ། དམ་བཅས་པས་ཉེས་བྱས་སུ་ཡང་འགྱུར་རོ། །འདི་ལྟར་ཡང་དགེ་སློང་གིས་གནས་ག་གེ་མོ་ཞིག་ཏུ་སྔ་མའི་ཟླ་བ་གསུམ་གནས་སོ་ཞེས་དམ་བཅས་ཏེ། དེ་དམ་བཅས་པར་སོང་ནས་ཚུལ་ཤིང་ཡང་བླངས་གནས་མལ་ཡང་བླངས་ཀྱི། དབྱར་གནས་པར་དམ་བཅས་ལ་བྱ་བའི་ཕྱིར་དེ་སོང་ན། དེའི་གནས་དེར་སྔ་མའི་ཟླ་བ་གསུམ་ཡང་མ་ཡིན་ལ། དམ་བཅས་པས་ཉེས་བྱས་སུ་ཡང་འགྱུར་རོ། །འདི་ལྟར་ཡང་དགེ་སློང་གིས་གནས་ག་གེ་མོ་ཞིག་ཏུ་སྔ་མའི་ཟླ་བ་གསུམ་གནས་པར་དམ་བཅས་ཏེ། དེ་དམ་བཅས་པར་སོང་ནས་ཚུལ་ཤིང་ཡང་བླངས་གནས་མལ་ཡང་བླངས། དབྱར་གནས་པར་དམ་བཅས་ལ་བྱ་བའི་ཕྱིར་བྱིན་གྱིས་མ་བརླབས་པར་ཞག་བདུན་མཚམས་ཀྱི་ཕྱི་རོལ་ཏུ་དེས་སོང་ན་དེའི་གནས་དེར་སྔ་མའི་ཟླ་བ་གསུམ་ཡང་མ་ཡིན་ལ། དམ་བཅས་པས་ཉེས་བྱས་སུ་ཡང་འགྱུར་རོ། །འདི་ལྟར་ཡང་དགེ་སློང་གིས་གནས་ག་གེ་མོ་ཞིག་ཏུ་སྔ་མའི་ཟླ་བ་གསུམ་གནས་སོ་ཞེས་དམ་བཅས་ལ། དེ་དམ་བཅས་པར་སོང་ནས། ཚུལ་ཤིང་ཡང་བླངས་གནས་མལ་ཡང་བླངས། དབྱར་གནས་པར་དམ་ཡང་བཅས་ནས་བྱ་བའི་ཕྱིར་ཞག་བདུན་བྱིན་གྱིས་བརླབས་ཏེ། མཚམས་ཀྱི་ཕྱི་རོལ་ཏུ་སོང་ན་དེའི་གནས་དེར་སྔ་མའི་ཟླ་བ་གསུམ་ཡང་ཡིན་ལ། དམ་བཅས་པ་ལ་ཉེས་བྱས་སུ་ཡང་མི་འགྱུར་ཏེ། གལ་ཏེ་བྱ་བ་དེ་ཉིད་ཀྱི་ཕྱིར་དེའི་ཞག་བདུན་འདས་པ་ལ་དབྱར་རལ་
Ka352a
༄#། །བའི་ལྟུང་བ་མེད་དོ། །བྱ་བའི་ཕྱིར་དྲུག་པོ་ཇི་ལྟ་བ་དེ་བཞིན་དུ་བྱ་བ་མ་ཡིན་པ་ཡང་དྲུག་གོ་།སྔ་མ་ཟླ་བ་གསུམ་ཇི་ལྟ་བ་དེ་བཞིན་ཕྱི་མ་ཡང་ཟླ་བ་གསུམ་མོ། །དབྱར་གྱི་གཞི་རྫོགས་སོ།། །།ཀོ་ལྤགས་ཀྱི་གཞིའི་སྡོམ་ལ། ལྡས་ནི་བསྙེན་པར་རྫོགས་པ་དང ། །གནས་མལ་ཆེ་དང་བེའུ་དང་ནི། །བཞོན་པ་ཁྲུས་དང་བ་ལང་འཇུག་།ཤིང་ལྷམ་རི་མོ་ཅན་ཡིན་ནོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་རྡོ་ཅན་ཞེས་བྱ་བའི་ཡུལ་གྱི་མཐའ་ན་གནས་པ་ཞེས་བྱ་བའི་གྲོང་ན་ཁྱིམ་བདག་སྟོབས་ཀྱི་སྡེ་ཞེས་བྱ་བ་ཕྱུག་པ་ནོར་མང་བ་ལོངས་སྤྱོད་ཆེ་བ་ཡོངས་སུ་བཟུང་བ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ་རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་འདུག་སྟེ། དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་ཀྱང་བུ་ཕོ་ཡང་མེད། བུ་མོ་ཡང་མེད་ནས། ལག་པ་འགྲམ་བ་ལ་གཏད་དེ་སེམས་ཁོང་དུ་ཆུད་ཅིང་བདག་ལ་བུ་ཕོ་ཡང་མེད་བུ་མོ་ཡང་མེད་པས། ནོར་རྫས་འདི་སྙེད་བདག་གིས་ཁྱིམ་དུ་བསགས་ཀྱང ། བདག་ཤི་ནས་བདོག་པ་ཐམས་ཅད་བདག་ལ་བུ་མེད་དོ་ཞེས་ནས། རྒྱལ་པོས་དབང་བྱས་བར་འགྱུར་རོ་སྙམ་དུ་སེམས་ཁོང་དུ་ཆུད་ཅིང་འདུག་གོ་།དེའི་མཛའ་
Ka352b
བཤེས་དང་ཉེ་དུ་དང་གཉེན་རྣམས་ཀྱིས་སྨྲས་པ། ཁྱོད་ཅིའི་ཕྱིར་སེམས་ཁོང་དུ་ཆུད་ལྷ་ལ་གསོལ་བ་བྱོས་ཤིག་དང ། ཁྱོད་ལ་བུ་ཡོད་པར་འགྱུར་རོ། །དེས་བསམས་པ། ལེགས་བ་ཞིག་སྨྲས་ཀྱིས། མ་ལ་བདག་གིས་བུའི་ཕྱིར་ལྷ་རྣམས་ལ་གསོལ་བ་བྱའོ་སྙམ་ནས། བུ་མེད་བ་དེ་བུ་མངོན་པར་འདོད་པའི་ཕྱིར། ཞི་བ་དང ། ཆུ་ལྷ་དང ། ལུས་ངན་དང ། བརྒྱ་བྱིན་དང ། ཚངས་པ་ལ་སོགས་པ་ལྷ་རྣམས་ལ་ཡང་གསོལ་བ་བྱེད་དོ། །འདི་ལྟ་སྟེ། ཀུན་དགའ་ར་བའི་ལྷ་དང ། ནགས་ཚལ་གྱི་ལྷ་དང ། བཞི་མདོའི་ལྷ་དང ། སུམ་མདོའི་ལྷ་དང ། གཏོར་མ་ལེན་པའི་ལྷ་དང ། ལྷན་ཅིག་སྐྱེས་བ་དང ། ཆོས་མཐུན་པ་དང ། རྟག་པར་རྗེས་སུ་འབྲང་བའི་ལྷ་ལ་ཡང་གསོལ་བ་འདེབས་སོ། །འཇིག་རྟེན་ན་གང་དག་གསོལ་བ་འདེབས་པའི་རྒྱུ་ལས་བུ་ཕོ་དང་བུ་མོ་སྐྱེ་བར་འགྱུར་པའི་གཏམ་དེ་ལྟ་བུ་གྲགས་ཏེ། དེ་ནི་དེ་ལྟ་མ་ཡིན་ཏེ། གལ་ཏེ་དེ་ལྟར་འགྱུར་དུ་ཟིན་ན་རེ་རེ་ལ་ཡང་འདི་ལྟ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འོན་ཀྱང་གནས་གསུམ་པོ་དག་མངོན་དུ་གྱུར་པ་ལས་བུ་ཕོ་དང ། བུ་མོ་སྐྱེ་བར་འགྱུར་ཏེ། གནས་གསུམ་གང་ཞེ་ན། འདི་ལྟར་ཕ་དང་མ་གཉིས་ཆགས་པར་གྱུར་ཅིང་འདུས་པ་དང ། མ་ཡང་རུང་ཞིང་ཟླ་མཚན་དང་ལྡན་པ་དང ། དྲི་ཟ་ཉེ་བར་གནས་པ་སྟེ། གནས་གསུམ་པོ་དེ་དག་མངོན་དུ་གྱུར་པ་ལས། བུ་ཕོ་དང་བུ་མོ་སྐྱེ་བར་འགྱུར་རོ། །དེ་དེ་ལྟར་གསོལ་བ་འདེབས་པ་ལྷུར་ལེན་ཅིང་འདུག་པ་ལས་སྲིད་པ་ཐ་མ་པའི་སེམས་
Ka353a
༄#། །ཅན་སྤྱོད་པ་ཚོལ་བ། ཐར་པའི་སྙིང་པོ་བཟུང་བ་མྱ་ངན་ལས་འདས་པ་ལ་མངོན་དུ་ཕྱོགས་པ། འཁོར་བ་ལས་ཕྱིར་ཕྱོགས་པ། སྲིད་པ་བའི་འགྲོ་བ་ཐམས་ཅད་དུ་འཆི་འཕོ་དང།་སྐྱེ་བ་དོན་དུ་མི་གཉེར་བ་ལུས་ཐ་མ་འཛིན་པ་ཞིག་ལྷའི་རིས་ཤིག་ནས། ཤི་འཕོས་ནས་དེའི་ཆུང་མའི་རུམ་དུ་ཞུགས་སོ། །བུད་མེད་མཁས་པའི་རང་བཞིན་ཅན་ཁ་ཅིག་ལམ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པ་ཤེས་ཤིང་ཆགས་པ་དང་བྲལ་བ་ཤེས་པ་དང ། དུས་ཤེས་ཤིང་ཟླ་མཚན་ཤེས་པ་དང ། མངལ་དུ་ཞུགས་པ་ཤེས་པ་དང ། གང་ལས་མངལ་དུ་ཞུགས་པ་དེ་ཡང་ཤེས་པ་དང ། བུ་ཕོ་ཤེས་ཤིང་བུ་མོ་ཤེས་པའོ། །གལ་ཏེ་ཁྱེའུར་འགྱུར་ན་དཀུ་གཡས་པར་རྟེན་ཅིང་གནས་སོ། །གལ་ཏེ་བུ་མོར་འགྱུར་ན་དཀུ་གཡོན་པར་རྟེན་ཅིང་གནས་སོ། །དེ་ཡིད་དགའ་ཞིང་མགུ་ནས་ཁྱིམ་ཐབ་ལ་སྨྲས་པ། རྗེའི་སྲས་དགྱེས་པ་བསྐྱེད་དུ་གསོལ། བདག་ལ་སེམས་ཅན་ཞུགས་པ་ནི་འདི་ལྟར་བདག་གི་དཀུ་གཡས་པར་རྟེན་ཅིང་གནས་པ་ལས་ན་གདོན་མི་ཟ་བར་ཁྱེའུར་འགྱུར་རོ། །དེ་ཡང་དགའ་ཞིང་མགུ་བས་ཆེད་དུ་བརྗོད་པས་ཆེད་དུ་བརྗོད་པ། འདི་ལྟར་བདག་གིས་ཡུན་རིང་མོ་ཞིག་ནས་མངོན་པར་འདོད་པའི་བུའི་ངོ་མཐོང་བར་འགྱུར་གྱིས། བདག་དང་མཐུན་པར་སྐྱེ་ཞིང ། མི་མཐུན་པར་མི་སྐྱེ་བ་དང ། བདག་གི་བྱ་བ་དག་བྱེད་པ་དང ། གསོས་པས་ཕྱིར་བསོ་བ་དང ། བགོ་སྐལ་ལ་སྤྱོད་པ་དང ། བདག་གི་རིགས་ཀྱི་བརྒྱུད་ཡུན་རིང་དུ་གནས་པར་
Ka353b
བསྒྲུབ་པ་དང ། བདག་ཅག་ཤི་ཞིང་དུས་ལ་བབ་པ་ན། ཉུང་དུའམ། མང་པོར་ཡང་རུང་སྦྱིན་པ་དག་བྱིན་ཞིང་བསོད་ནམས་དག་བྱས་ནས། འདི་དེ་གཉིས་གང་དུ་སྐྱེས་པ་དེར་འགྲོ་ཞིང་རྗེས་སུ་འགྲོ་བར་གྱུར་ཅིག་ཅེས་བདག་ཅག་གཉིས་ཀྱི་མིང་ནས་བརྗོད་ཅིང་ཡོན་བསྔོ་བ་བྱེད་པར་འགྱུར་རོ་ཞེས་སྨྲས་སོ། །དེ་ལ་སེམས་ཅན་ཞུགས་པར་ཤེས་ནས་གང་ཡང་མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར། སྟེང་གི་ཁང་བཟང་གི་གཞིར་གྲང་བ་ན་གྲང་བའི་ཡོ་བྱད་དང ། དྲོ་བ་ན་དྲོ་བའི་ཡོ་བྱད་དང ། སྨན་པས་བཅས་པའི་ཟས་ཧ་ཅང་མི་ཁ་བ་དང ། ཧ་ཅང་མི་སྐྱུར་བ་དང ། ཧ་ཅང་ལན་ཚཝ་མི་ཆེ་བ་དང ། ཧ་ཅང་མི་མངར་བ་དང ། ཧ་ཅང་མི་ཚ་བ་དང ། ཧ་ཅང་མི་བསྐ་བ་དང ། ཁ་བ་དང ། སྐྱུར་བ་དང ། མངར་བ་དང ། ཚ་བ་དང ། བསྐ་བ་རྣམས་སྤངས་པའི་ཟས་དང ། སེ་མོ་དོ་དང ། དོ་ཤལ་དག་གིས་བརྒྱན་པའི་ལུས་ལྷའི་བུ་མོ་དགའ་ཚལ་ན་རྣམ་པར་སྤྱོད་པ་བཞིན་དུ་ཁྲི་ནས་ཁྲི་དང་ཁྲིའུ་ནས་ཁྲིའུར་རྒྱུ་ཞིང་ཤོད་ཀྱི་ས་གཞིར་མི་འབབ་པ་སྟེ། སྒྲ་ཡིད་དུ་མི་འོང་བ་ཅུང་ཟད་ཀྱང་མི་གྲག་པར་བྱས་སོ། །དེ་ཟླ་བ་བརྒྱད་དམ་དགུ་འདས་ནས་ཁྱེའུ་གཟུགས་བཟང་བ་བལྟ་ན་སྡུག་པ་མཛེས་པ། པགས་པའི་མདོག་གསེར་འདྲ་བ་མགོ་གདུགས་ལྟ་བུ། ལག་པ་རིང་བ་དཔྲལ་བའི་དབྱེས་ཆེ་བ་སྨིན་མ་འཛར་བ། སྣའི་གཟེངས་མཐོ་བ། རིན་པོ་ཆེས་སྤྲས་པའི་རྣ་ཆ་རྣ་བ་ལ་བཏགས་པའི་ཁྱེའུ་ཞིག་བཙས་སོ། །གནས་པ་ཞེས་བྱ་བའི་གྲོང་ན། རིན་པོ་ཆེ་སྤྱོད་བ་ཇི་སྙེད་ཅིག་གནས་པ་དེ་དག་ཐམས་ཅད་ཁྱིམ་བདག་སྟོབས་ཀྱི་སྡེས་རིན་པོ་ཆེ་བརྟག་པའི་
Ka354a
༄#། །ཕྱིར་བཀུག་ནས་སྨྲས་པ། ཤེས་ལྡན་དག་རིན་པོ་ཆེ་རིན་ཐང་ཆོད་ཅིག་།དེ་དག་གིས་སྨྲས་པ། རིན་པོ་ཆེའི་རིན་ཐང་གཅད་པར་མི་ནུས་སོ། །ཆོས་ཉིད་ཀྱིས་རིན་ཐང་གཅད་པར་མི་ནུས་པའི་རིན་པོ་ཆེ་གང་ཡིན་པ་དེ་ནི་བྱེ་བ་རི་བ་ཡིན་པས་དེ་དག་གིས་སྨྲས་པ། ཁྱིམ་བདག་རིན་པོ་ཆེ་འདི་བྱེ་བ་རིའོ། །དེའི་ཉེ་དུ་དག་འདུས་ཤིང་ལྷགས་ནས། ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། མིང་འདོགས་པར་བྱེད་དེ། ཤེས་ལྡན་དག་ཁྱེའུ་ཡི་མིང་ཅིར་གདགས། གཉེན་དག་གིས་སྨྲས་པ། ཁྱེའུ་འདི་རིན་པོ་ཆེ་བྱེ་བ་རི་བས་སྤྲས་པའི་རྣ་ཆ་རྣ་བ་ལ་བཏགས་ཤིང ། རྒྱུ་སྐར་གྲོ་བཞིན་ལ་བཙས་པས་ཁྱེའུའི་མིང་གྲོ་བཞིན་སྐྱེས་རྣ་བ་བྱེ་བ་རིར་གདགས་སོ་ཞེས་དེའི་མིང་གྲོ་བཞིན་སྐྱེས་རྣ་བ་བྱེ་བ་རིར་བཏགས་སོ། །གང་གི་ཉི་མ་ལ་གྲོ་བཞིན་སྐྱེས་རྣ་བ་བྱེ་བ་རི་བཙས་པ་དེའི་ཉི་མ་ལ་ཁྱིམ་བདག་སྟོབས་ཀྱི་སྡེའི་མངག་གཞུག་པའི་ཁྱེའུ་གཉིས་བཙས་ཏེ། དེས་གཅིག་གི་མིང་ནི་བྲན་ཞེས་བྱ་བར་བཏགས་སོ། །གཅིག་གི་མིང་ནི་སྐྱོང་བ་ཞེས་བྱ་བ་བཏགས་སོ། །གྲོ་བཞིན་སྐྱེས་རྣ་བ་བྱེ་བ་རིམ་མ་བརྒྱད་ལ་རྗེས་སུ་གཏད་དེ་པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དི་མ་འཕྱི་བའི་མ་མ་གཉིས་དང ། རྩེ་\་BRཊZཱེ?\་གྲོགས་ཀྱི་མ་མ་གཉིས་ཏེ། མ་མ་བརྒྱད་ཀྱིས་དེ་འོ་མ་དང་ཞོ་དང་མར་སར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད།
Ka354b
སྐྱེད་པར་བྱེད་དེ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་བ་དེའི་ཚེ་ཡི་གེ་དང ། རྩིས་དང ། གྲངས་དང ། ལག་རྩིས་དང ། དབྱུང་བ་དང ། གཞུག་པ་དང ། གཞག་པ་དང ། ལེན་པ་དང ། གཞི་བརྟག་པ་དང ། ས་བརྟག་པ་དང ། རིན་པོ་ཆེ་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་དང ། ཤིང་བརྟག་པ་ལ་ཉེ་བར་ཞུགས་ཏེ། དེ་བརྟག་པ་བརྒྱད་རྣམས་ལ་བྱང་ཞིང་འབྱེད་པ་དང ། ཀློག་པ་ལ་གཡེར་པོར་གྱུར་ཏོ། །དེའི་ཕས་འདུག་པའི་ཁང་བ་གསུམ་པོ་དགུན་གྱི་དང ། དཔྱིད་ཀྱི་དང ། དབྱར་གྱི་བརྩིགས་སོ། །སྐྱེད་མོས་ཚལ་གསུམ་པོ་དགུན་གྱི་དང ། དཔྱིད་ཀྱི་དང ། དབྱར་གྱི་བརྩིགས་ནས། ཆུང་མ་གསུམ་པོ་ཆེན་མ་དང ། བར་མ་དང ། ཆུན་མ་ཉེ་བར་བཞག་ནས། དེ་སྟེང་གི་ཁང་བཟང་གི་གཞི་ལ་སྐྱེས་པ་མེད་པར་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཁྱིམ་བདག་སྟོབས་ཀྱི་སྡེ་ནི་རྟག་ཏུ་ཞིང་ལས་ཀྱི་མཐའ་ལ་འབད་དོ། །དེས་ཕ་དེ་རྟག་པར་ཞིང་ལས་ཀྱི་མཐའ་ལ་འབད་པ་མཐོང་ནས། དེ་ལ་སྨྲས་པ། ཡབ་ཁྱོད་ཅིའི་ཕྱིར་རྟག་ཏུ་ཞིང་ལས་ཀྱི་མཐའ་ལ་འབད། དེས་སྨྲས་པ། བུ་ཁྱོད་ཇི་ལྟར་སྟེང་གི་ཁང་བཟང་གི་གཞི་ན། སྐྱེས་པ་མེད་པར་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་བར་བྱེད་པ་དེ་བཞིན་དུ་ངས་ཀྱང་རྩེད་མོ་བྱས། དགའ་བར་བྱས། དགའ་མགུར་སྤྱད་ན། རིང་པོར་མི་ཐོགས་པར་བདག་ཅག་གི་ལོངས་སྤྱོད་
Ka355a
༄#། །འགྲིབས་ཤིང ། ཡོངས་སུ་ཟད་པ་དང ། གཏུགས་པར་འགྱུར་རོ། །དེས་སྨྲས་པ། ཡབ་གལ་ཏེ་དེ་ལྟ་ན་བདག་ཟོང་ཐོགས་ཏེ། ཡུལ་གྱི་མཐར་མཆིའོ། །བུ་རེ་ཞིག་ང་ལ་རིན་པོ་ཆེའི་རིགས་གལ་ཏེ། ཁྱོད་ཀྱིས་ཏིལ་དང་འབྲས་དང་རྒྱ་ཤུག་དང་མོན་སྲན་བཞིན་དུ་རིན་པོ་ཆེ་ཡོངས་སུ་སྤྱད་ཀྱང་རིན་པོ་ཆེ་དག་ཡོངས་སུ་ཟད་པར་མི་འགྱུར་བ་ང་ལ་ཡོད་དོ། །དེས་ཡང་དང་ཡང་དུ་སྨྲས་པ། ཡབ་བདག་ནི་ཟོང་ཐོགས་ལ། ཡུལ་གྱི་མཐར་མཆིའོ། །དེས་དེ་ངེས་པར་གལ་གྱིས་འཆུ་བར་ཤེས་ནས་གནང་ངོ ། །ཁྱིམ་བདག་སྟོབས་ཀྱི་སྡེས་གནས་པའི་གྲོང་དུ་དྲིལ་བསྒྲགས་ནས། གནས་པའི་གྲོང་ན། གནས་པའི་ཤེས་ལྡན་ཚོད་པ་དག་ཉོན་ཅིག་།གྲོ་བཞིན་སྐྱེས་རྣ་བ་བྱེ་བ་རི་རྒྱ་མཚོ་ཆེན་པོར་འཇུག་པར་འགྱུར་གྱིས་ཤེས་ལྡན་ཁྱེད་ལས་གང་ཞིག་གྲོ་བཞིན་སྐྱེས་རྣ་བ་བྱེ་བ་རི་དང་ལྷན་ཅིག་ཤོ་གམ་མེད་པ་དང ། གསེལ་བའི་རྡན་\་RཎGཱཎ\་པ་མི་དགོས་པ་དང ། གྲུ་བཙས་མི་དགོས་པར་རྒྱ་མཚོ་ཆེན་པོར་འཇུག་བར་སྤྲོ་བ་དེ་དག་རྒྱ་མཚོ་ཆེན་པོར་འགྲོ་བའི་ཟོང་སྡོགས་ཤིག་།ཚོང་པ་ལྔ་བརྒྱས་རྒྱ་མཚོ་ཆེན་པོར་འཇུག་པའི་ཟོང་སྟ་གོན་བྱས་སོ། །ཁྱིམ་བདག་སྟོབས་ཀྱི་སྡེས་ཚོང་པ་ལྔ་བརྒྱ་པོ་རང་གི་ཁྱིམ་དུ་མགྲོན་དུ་བོས་ཏེ། ཟན་བྱིན་ནས་སྨྲས་པ། ཤེས་ལྡན་ཚོང་པ་དག་ཉོན་ཅིག་།གྲོ་བཞིན་སྐྱེས་རྣ་བ་བྱེ་བ་རི་ཇི་ལྟར་བདག་གི་བུ་ཡིན་པ་དེ་བཞིན་དུ་ཁྱེད་ཀྱི་ཡང་ཡིན་གྱིས་འདི་ལ་ཁྱེད་རྣམས་ཀྱིས་གནོད་པ་སྤང་བར་བྱ་ཞིང་
Ka355b
ཕན་པ་ལ་སྦྱར་བར་བྱའོ། །དཔོན་པོ་བཀའ་བཞིན་འཚལ་ཞེས་ཚོང་པ་རྣམས་ཀྱིས་ཁྱིམ་བདག་སྟོབས་ཀྱི་སྡེའི་ལྟར་ཉན་ཏོ། །དེ་ནས་ཁྱིམ་བདག་སྟོབས་ཀྱི་སྡེས། གྲོ་བཞིན་སྐྱེས་རྣ་བ་བྱེ་བ་རི་ལ་འདི་སྐད་ཅེས་སྨྲས་སོ། བུ་ཁྱོད་ཀྱིས་ཇི་ལྟར་ང་ལས་ཚིག་མཉན་པར་བྱ་ཞིང་བསྒྲུབ་པར་བྱ་བར་སེམས་པ་དེ་བཞིན་དུ་ཚོང་པ་ལྔ་བརྒྱ་པོ་འདི་རྣམས་ཀྱི་ཡང་མཉན་པར་བྱ་ཞིང་བསྒྲུབ་དགོས་པ་སོམས་ཤིག་།ཁྱིམ་བདག་སྟོབས་ཀྱི་སྡེས་བསམས་པ། གྲོ་བཞིན་སྐྱེས་རྣ་བ་བྱེ་བ་རི་བཞོན་པ་ཅི་འདྲ་བ་ཞིག་གིས་གཏང་སྙམ་མོ། །དེས་བསམས་པ་གལ་ཏེ་གླང་པོ་ཆེའི་བཞོན་པས་འགྲོ་ན་ནི། དེ་ཤིན་ཏུ་བསྐྱང་དགའ་ཞིང་དགང་དཀའོ། །རྟ་ཡང་བསྐྱང་དཀའ་ལ་དགང་དཀའོ། །བོང་བུ་ནི་གསོ་སླ་ཞིང་དྲན་པ་དང་ལྡན་པས། བོང་བུའི་བཞོན་པས་གཏང་ངོ་སྙམ་ནས། དེས་དེ་ལ་སྨྲས་པ། བུ་གྲོགས་ཀྱི་ཐོག་མ་དང ། ཐ་མ་ནས་མ་འགྲོ་ཞིག་།གལ་ཏེ་ཆོམ་རྐུན་པ་མཐུ་དང་ལྡན་པར་གྱུར་ན་ནི་མགྲོན་པའི་ཐོག་མ་ནས་འཇོམས་སོ། །གལ་ཏེ་མཐུ་ཆུང་བར་གྱུར་ན་ནི་ཐ་མ་ནས་འཇོམས་ཀྱིས་ཁྱོད་ཚོང་པའི་དབུས་ནས་འགྲོ་བར་བྱ་སྟེ། དེད་དཔོན་བཅོམ་པས་ནི་ཚོང་པ་རྣམས་བཅོམ་པ་ཞེས་བྱའོ། །བྲན་དང་སྐྱོང་བ་ལ་སྨྲས་པ། ཁྱེད་གཉིས་ཀྱིས་རྣམ་གྲངས་གང་གི་ཀྱང ། གྲོ་བཞིན་སྐྱེས་རྣ་བ་བྱེ་བ་རི་གཏང་བར་མི་བྱའོ། །དེ་ནས་དུས་གཞན་ཞིག་ན་གྲོ་བཞིན་སྐྱེས་རྣ་བ་བྱེ་བ་རི་དགེ་མཚན་དང ། བཀྲ་ཤིས་དང ། བདེ་ལེགས་སུ་འགྱུར་བ་དག་བྱས་ནས། མའི་གན་དུ་སོང་སྟེ། ཡུམ་བདག་མཆི་ཕྱག་
Ka356a
༄#། །འཚལ་ལོ། །དེས་དུ་བར་བརྩམས་པ་དང ། དེས་སྨྲས་པ། ཡུམ་ཅིའི་ཕྱིར་བཤུམ། བུ་ཁྱོད་གསོན་པོར་ཁོ་མོ་དང་ནམ་ཞིག་ཕྲད་སྙམ་མོ། །དེས་བསམས་པ། བདག་བཀྲ་ཤེས་པར་བྱས་ཏེ་ཆས་པ་ལ། འདི་འདྲ་བའི་བཀྲ་མི་ཤིས་པ་སྨྲའོ་སྙམ་ནས། དེ་མི་བཟོད་པ་སྐྱེས་ཏེ། སྨྲས་པ། ངན་སོང་ལ་ཅིའི་ཕྱིར་མི་གཟིགས། དེས་སྨྲས་པ། བུ་ཁྱོད་ཀྱིས་དག་གིས་ལས་རྩུབ་པོ་ཕྱུང་གིས། ཉེས་པ་ལ་ཉེས་པར་ཤོགས་ཤིག་དང ། དེས་ན་ལས་དེ་ཉིད་བསྲབས་པ་དང ། ཡོངས་སུ་ཟད་པ་དང ། གཏུགས་པར་འགྱུར་རོ། །དེས་དེ་ལ་ཉེས་པ་ལ་ཉེས་པར་བཟོད་པར་གསོལ་ཏོ། །དེ་ནས་གྲོ་བཞིན་སྐྱེས་རྣ་བ་བྱེ་བ་རི་དགེ་མཚན་དང ། བཀྲ་ཤིས་དང ། བདེ་ལེགས་སུ་འགྱུར་བ་བྱས་ནས། ཤིང་རྟ་དང ། ཁུར་དང ། པང་ཚད་དང ། གཟེབ་རྣམས་དང ། རྔ་མོ་དང ། བ་ལང་དང ། བོང་བུ་རྣམས་ལ་ཟོང་མང་པོ་བཀལ་ནས་རྒྱ་མཚོ་ཆེན་པོར་ཆས་ཏེ། དེ་དག་རིམ་གྱིས་གྲོང་དང ། གྲོང་ཁྱེར་དང ། གྲོང་འདབ་དང ། ཚོང་འདུས་རྣམས་ནས་རྒྱུ་ཞིང་རྒྱ་མཚོ་ཆེན་པོའི་འགྲམ་དུ་ཕྱིན་ནས། རྒྱ་མཚོའི་གྲུ་བོ་ཆེ་ཕུན་སུམ་ཚོགས་པ་ཞིག་བསྒྲུབས་ཏེ། ནོར་བསྒྲུབ་པའི་ཕྱིར་རྒྱ་མཚོ་ཆེན་པོར་ཞུགས་པ་དང ། དེ་རྗེས་སུ་མཐུན་པའི་རླུང་གིས་བདས་ཏེ་རིན་པོ་ཆེའི་གླིང་དུ་ཕྱིན་ཏོ། །དེས་དེར་བརྟགས་བརྟགས་ནས། རིན་པོ་ཆེ་རྣམས་ཀྱིས་གྲུ་བོ་ཆེ་དཔེར་ན་ཏིལ་ལམ། འབྲས་སམ། རྒྱ་ཤུག་གམ། མོན་སྲན་བཞིན་དུ་བཀང་ནས་
Ka356b
དེ་རྗེས་སུ་མཐུན་པའི་རླུང་གིས་བདས་ཏེ་གྲུ་བོ་ཆེ་ཉེ་ཞོ་མེད་པར་འཛམ་བུའི་གླིང་དུ་ཕྱིན་ནས་ཚོང་པ་དེ་དག་རྒྱ་མཚོའི་འགྲམ་དེ་ཉིད་དུ་བྲང་བཏབ་བོ། །དེས་ཀྱང་བྲན་དང་སྐྱོང་བ་ཁྲིད་དེ་ཕྱོགས་གཅིག་ཏུ་དོང་ནས། འདུ་བ་དང་འགོད་པའི་རྩིས་བྱ་བར་བརྩམས་སོ། །ཕྱི་ཞིག་ནས་དེས་བྲན་ལ་སྨྲས་པ། བྲན་ཚོང་པ་རྣམས་ཅི་དག་བྱེད་ལྟོས་ཤིག་།དེ་དེར་སོང་ན། ཇི་ཙམ་ན་ཚོང་པ་རྣམས་གཉིད་ལོག་པ་མཐོང་ནས། དེ་ཡང་དེ་ཉིད་དུ་ཉལ་ལོ། བྲན་རིང་ཞིག་ཐོགས་ནས། དེས་སྐྱོང་བ་ལ་སྨྲས་པ། སྐྱོང་བ་ཚོང་པ་རྣམས་ཅི་དག་བྱེད་ལྟོས་ཤིག་།དེས་དེར་སོང་ན། ཇི་ཙམ་ན་ཚོང་པ་རྣམས་ཁལ་འགེལ་བ་མཐོང་ནས། དེས་ཀྱང་ཁལ་འགེལ་བར་བརྩམས་སོ། །བྲན་གྱིས་བསམས་པ། སྐྱོང་བས་དེད་དཔོན་སྦྲན་གྲང་སྙམ་མོ། །སྐྱོང་བས་བསམས་པ། བྲན་གྱིས་དེད་དཔོན་སྦྲན་གྲང་སྙམ་མོ། །ཚོང་པ་དེ་དག་ནི་ཁལ་བཀལ་ནས་དོང་ངོ ། །གྲོ་བཞིན་སྐྱེས་རྣ་བ་བྱེ་བ་རི་ནི་གཉིད་ཀྱིས་མྱོས་ནས་ཉལ་ལོ། །ཚོང་པ་དེ་རྣམས་དོང་བ་ལས་ཅི་ཙམ་ན་ནམ་ལངས་ནས་དེ་དག་གིས་སྨྲས་པ། ཤེས་ལྡན་དག་དེད་དཔོན་ག་རེ། དེད་དཔོན་སྔར་སོང་ངོ ། །སྔོན་དུ་སོང་ནས་དེད་དཔོན་ག་རེ་ཞེས་དྲིས་པ་དང་མཇུག་ནས་འོང ། མཇུག་ཏུ་སོང་སྟེ། དེད་དཔོན་ག་རེ། ཞེས་དྲིས་པ་དང ། བར་ནས་སོང་ངོ ། །བར་དུ་སོང་སྟེ་དྲིས་པ་ལས། གང་ན་ཡང་མི་སྣང་ནས་བྲན་གྱིས་སྨྲས་པ། བདག་གིས་བློ་སྐྱེས་པ་སྐྱོང་བས་དེད་དཔོན་སྦྲན་གྲང་སྙམ་མོ། །སྐྱོང་བས་ཀྱང་སྨྲས་པ། བདག་གིས་བློ་སྐྱེས་བ་བྲན་གྱིས་
Ka357a
༄#། །དེད་དཔོན་སྦྲན་གྲང་སྙམ་མོ། །ཤེས་ལྡན་དག་གང་ཡང་བདག་ཅག་གིས་དེད་དཔོན་བོར་ནས་འདོང་བ་ནི་བཟང་པོ་མ་ཡིན་གྱིས་ཕྱིར་དོང་གིས་ཚུར་ཤེག་།དེ་དག་གིས་སྨྲས་པ། ཤེས་ལྡན་དག་གང་གལ་ཏེ་བདག་ཅག་ཕྱིར་ལོག་ན། ཐམས་ཅད་ཚུལ་མ་ཡིན་པས་སྡུག་བསྔལ་པར་འགྱུར་གྱིས་ཚུར་ཤེག་།རེ་ཞིག་ནང་ཁྲིམས་ཤིག་བཅའ་བར་བྱ་སྟེ། གང་ཡང་བདག་ཅག་གིས་རྫས་རྣམས་མ་བྲུབས་ཀྱི་བར་དུ་རེ་ཞིག་སུས་ཀྱང་གྲོ་བཞིན་སྐྱེས་རྣ་བ་བྱེ་བ་རིའི་ཕ་མ་ལ་གཏམ་བསྙད་པར་མི་བྱའོ་ཞེས་དེ་རྣམས་ཀྱིས་ནང་ཁྲིམས་སུ་བཅའ་བ་དག་བྱས་ནས་དོང་ངོ ། །གྲོ་བཞིན་སྐྱེས་རྣ་བ་བྱེ་བ་རིའི་ཕ་མས་གྲོ་བཞིན་སྐྱེ་རྣ་བ་བྱེ་བ་རི་འོངས་སོ་ཞེས་ཐོས་ནས། དེ་གཉིས་བསུར་དོང་ནས་དེད་དཔོན་ག་རེ་སྔར་སོང་ངོ ། །དེ་གཉིས་སྔོན་དུ་སོང་ནས་དེད་དཔོན་ག་རེ་ཞེས་དྲིས་པ་དང ། མཇུག་ནས་འོང་ངོ ། །མཇུག་ཏུ་དོང་ནས་དེད་དཔོན་ག་རེ་ཞེས་དྲིས་པ་དང ། བར་ནས་སོང་ངོ་ཞེས་རྫས་རྣམས་བྲུབས་ཀྱི་པར་དུ་མགོ་རྨོངས་སུ་བཅུག་ནས། དེའི་འོག་ཏུ་སྨྲས་པ། ཡབ་ཡུམ་བདག་ཅག་གིས་དེད་དཔོན་བརྗེད་དོ། །དེ་གཉིས་ཀྱི་དྲུང་དུ་གཅིག་ཅིག་འོངས་ནས། ཡབ་ཡུམ་གྲོ་བཞིན་སྐྱེས་རྣ་བ་བྱེ་བ་རི་མཆིས་སོ་ཞེས་སྨྲས་པ་དང ། དེ་དག་གིས་དེ་ལ་རྔན་པ་བྱིན་ནས་བསུར་དོང་ན་མ་མཐོང་ངོ ། །ཡང་གཞན་ཞིག་འོངས་ནས་ཡབ་ཡུམ་གྲོ་བཞིན་སྐྱེས་རྣ་བ་བྱེ་བ་རི་མཆིས་སོ་ཞེས་སྨྲས་པ་དང ། དེ་དག་གིས་དེ་ལ་རྔན་པ་བྱིན་ནས་བསུར་
Ka357b
དོང་ན་ཅད་མ་མཐོང་སྟེ། དེ་ལྟར་སུ་ལ་ཡང་ཡིད་མི་ཆེས་སོ། །དེ་གཉིས་ཀྱིས་སྐྱེད་མོས་ཚལ་དང ། ལྷ་ཁང་དང ། འདུན་ཁང་རྣམས་སུ་གདུགས་དང ། དྲིལ་བུ་དང ། རྔ་ཡབ་རྣམས་ཕུལ་ནས་གལ་ཏེ་གྲོ་བཞིན་སྐྱེས་རྣ་བ་བྱེ་བ་རི་གསོན་པར་གྱུར་ན་མྱུར་དུ་འོང་བ་དང ། ལ་གོར་འོང་བར་གྱུར་ཅིག་།གལ་ཏེ་དུས་ལས་འདས་ཏེ་ཤི་འཕོས་པར་གྱུར་ན། འགྲོ་བའི་གནས་ཁྱད་པར་ཅན་དུ་སྐྱེ་བར་གྱུར་ཅིག་ཅེས་ཡི་གེར་བྲིས་སོ། དེ་གཉིས་ནི་མྱ་ངན་དང ། ངུད་མོས་ལོང་བར་གྱུར་ཏོ། །དེ་ཡང་ཉི་མ་འཆར་ཀའི་ཉི་ཟེར་གྱིས་ཕོག་ནས་སད་ན། དེ་ན་བོང་བུ་གཉིས་འདུག་པ་མ་གཏོགས་པར་ཚོང་པ་གང་ཡང་མ་མཐོང་ངོ ། །དེས་དེ་གཉིས་སྦྲེལ་ཏེ། དེད་དེ་སོང་བ་ན་རླུང་ལངས་པས་ལམ་བྱེ་མས་ཡོག་པ་བོང་བུ་དྲན་པ་དང་ལྡན་པས་ལམ་སྣས་སྣོམ་ཞིང་དལ་གྱིས་སོང་བ་དང ། དེ་ལྕག་གཟེར་བུ་ཅན་གྱིས་གཞུས་ཤིང་དེད་པ་ལས། དེ་གཉིས་ཀྱི་དྲན་པ་འཁྲུགས་ནས། ཤིང་སཱ་ལའི་དགོན་པ་ཞིག་ཏུ་ཕྱིན་ཏོ། །དེ་གཉིས་སྐོམ་པས་སྲོ་ཤི་ཞིང་ལྕེ་ཕྱུང་སྟེ་ཕན་ཚུན་འཐོམ་པ་དེས་མཐོང་ནས་སྙིང་རྗེ་སྐྱེས་ཏེ། དེས་བསམས་པ།་གལ་ཏེ་བདག་གིས་མ་བཞག་ན། འདི་དང་ལྷན་ཅིག་ཏུ་ཚུལ་མ་ཡིན་པས་སྡུག་བསྔལ་བར་འགྱུར་རོ་སྙམ་ནས། དེས་དེ་གཉིས་བོར་ཏེ་རྐང་བས་སོང་བ་ལས། དེས་ཇི་ཙམ་ནས་ལྕགས་ཀྱི་གྲོང་ཁྱེར་མཐོ་ཞིང་རྒྱ་ཆེ་བ་དེའི་སྒོ་ན་སྐྱེས་བུ་གནག་ལ་ཆེ་བ། མིག་དམར་བ་བྱིན་སྙིག་རློབ་ལག་ན་དབྱུག་པ་ཐོགས་པ་ཞིག་འདུག་པ་མཐོང་ནས། དེ་དེའི་དྲུང་དུ་སོང་སྟེ། ཀྱེ་ནང་རྗེ་འདི་ན་ཆུ་ཡོད་དམ། དེ་ཡང་
Ka358a
༄#། །ཅང་མི་སྨྲ་བར་འདུག་གོ་།དེས་ཡང་དྲིས་པ། ཀྱེ་ནང་རྗེ་འདི་ན་ཆུ་ཡོད་དམ། འོན་ཀྱང་དེ་ཅང་མི་སྨྲ་བར་འདུག་གོ་།དེས་དེར་ཞུགས་ཏེ། ཆུ་ཆུ་ཞེས་བྱ་བའི་སྒྲ་ཕྱུང་བ་དང ། ཡི་དྭགས་ལུས་སྡོང་དུམ་ཆིག་པ་འདྲ་བ། རུས་གོང་བསྒྲེང་བ་ལྟ་བུ་རང་གི་སྤུ་དང ། སྐྲས་ཡོག་པ་ལྟོ་རི་སུལ་ལྟར་འདུག་པ། ཁབ་ཀྱི་མིག་ཙམ་གྱི་ཁ་ཡོད་པ། བརྒྱ་སྟོང་དུ་མས་ཡོངས་སུ་བསྐོར་ནས་གྲོ་བཞིན་སྐྱེས་སྙིང་རྗེ་དང་ལྡན་པ་ཁྱོད་ཀྱིས་བདག་ཅག་སྐོམ་པ་ལ་ཆུ་ལུད་ཅིག་།དེས་སྨྲས་པ། ཤེས་ལྡན་དག་བདག་ཀྱང་ཆུ་སློང་ན། བདག་གིས་ཆུ་བླུད་དུ་ག་ལ་ཡོད། དེ་དག་གིས་སྨྲས་པ། གྲོ་བཞིན་སྐྱེས་ཡི་དྭགས་ཀྱི་གྲོང་ཁྱེར་འདི་ན་ཆུ་ག་ལ་ཡོད། བདག་ཅག་གིས་ལོ་བཅུ་གཉིས་ཀྱི་བར་དུ་ཆུ་ཆུ་ཞེས་བྱ་བའི་མིང་དེང་ཐོས་སོ། །ཤེས་ལྡན་དག་ཁྱེད་ཅག་སུ་ཞིག་།ལས་གང་གིས་འདིར་སྐྱེས།་གྲོ་བཞིན་སྐྱེས། འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བས་ཡིད་མི་ཆེས་སོ། །ཤེས་ལྡན་དག་བདག་གིས་མངོན་སུམ་དུ་མཐོང་ན། ཇི་ལྟར་ཡིད་མི་ཆེས་པར་འགྱུར། དེ་དག་གིས་ཚིགས་སུ་བཅད་དེ་སྨྲས་པ། བདག་ཅག་དག་རྩུབ་ཁྲོ་ལྡན་ཞིང ། །བདག་ཅག་སེར་སྣ་འཇུངས་བ་ཅན། །སྦྱིན་པ་ཅུང་ཟད་མ་བཏང་དེས། །བདག་ཅག་ཡི་དྭགས་འཇིག་རྟེན་ལྷགས། །གྲོ་བཞིན་སྐྱེས་ཁྱོད་བསོད་ནམས་ཀྱི་མཐུ་ཆེན་པོ་དང་ལྡན་གྱིས་སོང་ཞིག་།ཡི་དྭགས་ཀྱི་གྲོང་ཁྱེར་དུ་ཞུགས་པ་ལ་གསོན་པོར་འགྲོ་བ་འགའ་ཡང་ཁྱོད་ཀྱིས་མཐོང་བ་ཡོད་དམ། དེ་སོང་བ་དང ། ཇི་ཙམ་ན་སྐྱེས་བུ་དེ་
Ka358b
མཐོང་ནས། དེས་དེ་ལ་སྨྲས་པ། ཨེ་མའོ་བཞིན་བཟང ། ཁྱོད་ཀྱིས་ཁོ་བོ་ལ་འདི་ལྟ་སྟེ། འདི་ནི་ཡི་དྭགས་ཀྱི་གྲོང་ཁྱེར་ཡིན་ནོ་ཞེས་སྨྲས་པ་དང ། ཁོ་བོ་དེར་མི་འཇུག་པ་ཞིག་།དེས་སྨྲས་པ། གྲོ་བཞིན་སྐྱེས་ཁྱེད་བསོད་ནམས་ཀྱི་མཐུ་ཆེན་པོ་དང་ལྡན་གྱིས་སོང་ཞིག་།ཡི་དྭགས་ཀྱི་གྲོང་ཁྱེར་དུ་ཞུགས་པ་ལ་གསོན་བོར་འགྲོ་བར་འགའ་ཡང་ཁྱོད་ཀྱིས་མཐོང་བ་ཡོད་དམ། དེ་སོང་བ་ལས་ཇི་ཙམ་ན། ལྕགས་ཀྱི་གྲོང་ཁྱེར་མཐོ་ཞིང་རྒྱ་ཆེ་བ་ཞིག་གི་སྒོ་ན། སྐྱེས་བུ་གནག་ལ་ཆེ་བ། མིག་དམར་བ་བྱིན་སྙིང་རློ་བ་ལག་ན་དབྱིག་པ་ཐོགས་པ་ཞིག་འདུག་བ་མཐོང་ནས། དེ་དེའི་དྲུང་དུ་སོང་སྟེ། ཀྱེ་ནང་རྗེ་འདི་ན་ཆུ་ཡོད་དམ། དེ་ཅང་མི་སྨྲ་བར་འདུག་པ་དང ། དེ་ལ་ཡང་ཀྱེ་ནང་རྗེ་འདི་ན་ཆུ་ཡོད་དམ། དེ་འོན་ཀྱང་མི་སྨྲ་བར་འདུག་གོ་།དེས་དེར་ཞུགས་ཏེ། ཆུ་ཆུ་ཞེས་བྱ་བའི་སྒྲ་ཕྱུང་བ་དང ། ཡི་དྭགས་སྡོང་དུམ་ཚིག་པ་འདྲས་རུས་གོང་བསྒྲེང་བ་ལྟ་བུ་རང་གི་སྐྲ་དང་སྤུས་ཡོག་པ། ལྟོ་རི་སུལ་ལྟར་འདུག་པ། ཁབ་ཀྱི་མིག་ཙམ་གྱི་ཁ་ཡོད་པ་བརྒྱ་སྟོང་དུ་མས་ཡོངས་སུ་བསྐོར་ནས། གྲོ་བཞིན་སྐྱེས་སྙིང་རྗེ་དང་ལྡན་པ་ཁྱོད་ཀྱིས་བདག་ཅག་སྐོམ་པ་རྣམས་ལ་ཆུ་ལུད་ཅིག་།དེས་སྨྲས་པ། ཤེས་ལྡན་དག་བདག་ཉིད་ཀྱང་ཆུ་སློང་ན། བདག་གིས་ཆུ་བླུད་དུ་ག་ལ་ཡོད། དེ་དག་གིས་སྨྲས་པ། གྲོ་བཞིན་སྐྱེས་ཡི་དྭགས་ཀྱི་གྲོང་ཁྱེར་འདི་ན། ཆུ་ག་ལ་ཡོད། བདག་ཅག་གིས་ལོ་བཅུ་གཉིས་ལོན་ན་ཆུ་ཆུ་ཞེས་བྱ་བའི་སྒྲ་ཁྱོད་ལས་དེང་ཐོས་སོ། །ཤེས་ལྡན་དག་ཁྱེད་ཅག་སུ་ཞིག་།ལས་གང་གིས་འདིར་སྐྱེས། དེ་དག་གིས་སྨྲས་པ། གྲོ་བཞིན་སྐྱེས་
Ka359a
༄#། །འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བས་ཡིད་མི་ཆེས་སོ། །ཤེས་ལྡན་དག་བདག་གིས་མངོན་སུམ་དུ་མཐོང་ན། ཇི་ལྟར་ཡིད་མི་ཆེས་པར་འགྱུར། དེ་དག་གིས་ཚིགས་སུ་བཅད་དེ་སྨྲས་པ། ནད་མེད་རྒྱགས་པས་མྱོས་པ་དང ། །ལང་ཚོ་ལོངས་སྤྱོད་དྲེགས་མྱོས་ཏེ། །སྦྱིན་པ་ཅི་ཡང་མ་བཏང་བས། །བདག་ཅག་ཡི་དྭགས་འཇིག་རྟེན་ལྷགས། །གྲོ་བཞིན་སྐྱེས་ཁྱོད་བསོད་ནམས་ཀྱི་མཐུ་ཆེན་པོ་དང་ལྡན་པས་སོང་ཞིག་།ཡི་དྭགས་ཀྱི་གྲོང་ཁྱེར་དུ་ཞུགས་པ་ལ་གསོན་པོར་འགྲོ་བ་འགའ་ཡང་ཁྱོད་ཀྱིས་མཐོང་བ་ཡོད་དམ། དེ་སོང་བ་དང ། ཇི་ཙམ་ན་སྐྱེས་བུ་དེ་མཐོང་ནས་དེས་དེ་ལ་སྨྲས་པ། ཨེ་མའོ་བཞིན་བཟང་ཁྱོད་ཀྱིས་ཁོ་བོ་ལ་འདི་ལྟ་སྟེ། འདི་ནི་ཡི་དྭགས་ཀྱི་གྲོང་ཁྱེར་ཡིན་ནོ། །ཞེས་སྨྲས་པ་དང ། ཁོ་བོ་དེར་མི་འཇུག་པ་ཞིག་།དེས་སྨྲས་བ། གྲོ་བཞིན་སྐྱེས་ཁྱོད་བསོད་ནམས་ཀྱི་མཐུ་ཆེན་པོ་དང་ལྡན་པས་སོང་ཞིག་།ཡི་དྭགས་ཀྱི་གྲོང་ཁྱེར་དུ་ཞུགས་པ་ལ་གསོན་པོར་འགྲོ་བ་འགའ་ཡང་ཁྱོད་ཀྱིས་མཐོང་བ་ཡོད་དམ། དེ་སོང་བ་དང ། ཇི་ཙམ་ན་ཉི་མ་ནུབ་ཀའི་དུས་སུ་གཞལ་མེད་ཁང་ཞིག་མཐོང་སྟེ། དེ་ན་ལྷ་མོ་གཟུགས་བཟང་བ་མཛེས་པ། བལྟ་ན་སྡུག་པ་བཞི་དང ། སྐྱེས་བུ་གཟུགས་བཟང་བ་མཛེས་པ། བལྟ་ན་སྡུག་པ། དཔུང་རྒྱན་དང ། རྣ་ཆ་གདུབ་ཀོར་དང ། བྱུག་པ་དང ། ཕྲེང་བ་སྣ་ཚོགས་ཀྱིས་བརྒྱན་པ་གཅིག་དེ་དང་དེ་དག་ཏུ་ལྷན་ཅིག་ཏུ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དག་གིས་དེ་རྒྱང་རིང་པོ་ཁོ་ན་ནས་མཐོང་ནས་དེ་དག་གིས་སོ་
Ka359b
སོ་ནས་སྨྲ་བར་བརྩམས་པ། གྲོ་བཞིན་སྐྱེས་འོངས་པ་ལེགས་སོ། །མི་སྐོམ་མམ། མི་བཀྲེས་སམ། དེས་བསམས་པ། གདོན་མི་ཟ་བར་ལྷའམ། ཀླུའམ། གནོད་སྦྱིན་ཞིག་ཡིན་ནོ་སྙམ་ནས། བདག་སྐོམ་མོ། །བདག་བཀྲེས་སོ། །དེ་དག་གིས་ཁྲུས་བྱས་ནས་ཟན་བྱིན་ཏེ་དེ་གཞལ་མེད་ཁང་དེ་ཉིད་དུ་ཇི་ཙམ་ཉི་མ་མ་ཤར་གྱི་བར་དུ་འདུག་པ་དང ། དེ་ལ་དེ་དག་གིས་སྨྲས་པ། གྲོ་བཞིན་སྐྱེས་འདིར་ཉེས་དམིགས་དག་འབྱུང་བར་འགྱུར་གྱིས། བྱུང་ཤིག་།དེ་བྱུང་ནས་མཐའ་གཅིག་ཏུ་སོང་སྟེ་གནས་སོ། །དེ་ནས་ཕྱི་ཞིག་ན་ཉི་མ་ཤར་བའི་དུས་ཀྱི་ཚེ་གཞལ་མེད་ཁང་དེ་ཡང་མི་སྣང ། ལྷའི་བུ་མོ་ཡང་མི་སྣང་བར་གྱུར་ཏེ། ཁྱི་སྲེ་བོ་བཞི་ཞིག་བྱུང་ནས་དེ་དག་གིས་སྐྱེས་པ་དེ་ཁ་སྦུབ་ཏུ་བསྙལ་ཏེ། རྒྱབ་ཀྱི་ཤ་ལྤགས་ཁམ་ཚད་དུ་བཅད་དེ། ཇི་ཙམ་ཉི་མ་ནུབ་ཀྱི་བར་དུ་ཟོས་སོ། །དེའི་འོག་ཏུ་ཡང་གཞལ་མེད་ཁང་ཡང་སླར་བྱུང ། ལྷའི་བུ་མོ་ཡང་བྱུང་བར་གྱུར་ཏེ། སྐྱེས་པ་གཟུགས་བཟང་བ་མཛེས་པ། བལྟ་ན་སྡུག་པ། དཔུང་རྒྱན་དང ། རྣ་ཆ་གདུབ་ཀོར་དང ། བྱུག་པ་དང ། ཕྲེང་བ་སྣ་ཚོགས་ཀྱིས་བརྒྱན་པ། དེ་དང་དེ་དག་ཏུ་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དེ་དག་གི་དྲུང་དུ་སོང་ནས་ཤེས་ལྡན་དག་ཁྱེད་ཅག་སུ་ཞིག་།ལས་གང་གིས་འདིར་སྐྱེས། གྲོ་བཞིན་སྐྱེས་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བ་ཡིན་པས་ཡིད་མི་ཆེས་སོ། །ཤེས་ལྡན་དག་བདག་གིས་མངོན་སུམ་དུ་མཐོང་ན། ཇི་ལྟར་ཡིད་མི་ཆེས་པར་འགྱུར། གྲོ་བཞིན་སྐྱེས་བདག་གནས་པའི་གྲོང་གི་བཤན་པར་གྱུར་པ་ན་ལུག་བསད་པའི་ཤ་
Ka360a
༄#། །བཙོངས་པས་འཚོ་བར་བྱེད་པ་ལས་འཕགས་པ་ཀ་ཏྱཱ་ཡ་ན་ཆེན་པོས་བདག་ལ་ཐུགས་བརྩེ་བའི་ཕྱིར་བྱོན་ནས་བཞིན་བཟང་ལས་འདིའི་འབྲས་བུ་རྣམ་པར་སྨིན་བ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་གསུངས་ན། དེས་གསུངས་པ་དེ་བཞིན་དུ་བདག་གིས་མ་སྤངས་པ་དང ། དེས་བདག་ལ་སྤོང་དུ་གཞུག་པའི་ཕྱིར་ཡང་དང་ཡང་དུ་བཞིན་བཟང་ལས་འདི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་གསུངས་ནས་འོན་ཀྱང་བདག་གིས་མ་སྤངས་ནས། དེས་བདག་ལ་རྨས་པ།་བཞིན་བཟང་ཁྱོད་ཅི་ལུག་ཉིན་པར་རམ། ནུབ་མོ་གསོད། བདག་གིས་སྨྲས་པ། འཕགས་པ་ཉིན་བར་རོ། །དེས་ཅིའི་ཕྱིར་ནུབ་མོ་ཚུལ་ཁྲིམས་ཡང་དག་པར་མ་ནོད་པ་མི་བཟུང་ཞེས་གསུངས་ནས། དེ་ལས་བདག་གིས་ནུབ་མོ་ཚུལ་ཁྲིམས་ཡང་དག་པར་མནོས་ཏེ། བཟུང་བ་དེའི་ལས་ཀྱི་རྣམ་པར་སྨིན་པའི་འབྲས་བུས། ནུབ་མོ་འདི་ལྟ་བུའི་བདེ་བ་ཉམས་སུ་མྱོང་ངོ ། །གང་ཡང་ཉིན་པར་ལུག་བསད་པ་དེའི་ལས་ཀྱི་རྣམ་པར་སྨིན་པས་ཉིན་པར་འདི་ལྟ་བུའི་སྡུག་བསྔལ་ཉམས་སུ་མྱོང་ངོ ། །ཚིགས་སུ་བཅད་དེ་ཡང་སྨྲས་པ། ཉིན་པར་གཞན་གྱི་སྲོག་གཅོད་ཅིང ། །ནུབ་མོ་ཚུལ་ཁྲིམས་ཡོན་ཏན་ལྡན། །ལས་དེའི་འབྲས་བུ་བཟང་པོ་དང ། །སྡིག་ཏོ་འདི་ནི་མྱོང་བ་ཡིན། །གྲོ་བཞིན་སྐྱེས་ཁྱོད་གནས་པའི་གྲོང་དུ་འགྲོའམ། དེ་ན་བདག་གི་བུ་བཤན་པ་བགྱིད་པ་དེ་ལ། ཁྱོད་ཀྱི་ཕ་ངས་མཐོང་སྟེ། དེ་
Ka360b
ན་རེ། ལས་འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་པ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་ཟེར་རོ་ཞེས་གསུངས་ཤིག་།ཀྱེ་ནང་རྗེ། ཁྱོད་ཀྱིས་ཁེ་བོ་ལ་འཛམ་བུའི་གླིང་པའི་མི་རྣམས་ནི་ཡིད་ཆེས་བར་དཀའོ་ཞེས་སྨྲས་པས་ཡིད་ཆེས་པར་མི་འགྱུར་རོ། །གྲོ་བཞིན་སྐྱེས་གལ་ཏེ་ཡིད་མི་ཆེས་ན། དེ་ལ་ཁྱོད་ཀྱི་ཕ་དེ་ན་རེ། རལ་གྲིས་བསད་པའི་སའི་འོག་ན་གསེར་ཕྱེ་བུམ་པ་གང་བཞག་གིས་དེ་ཕྱུང་སྟེ། བདག་ཉིད་ལ་ཡུན་དུ་བདེ་བས་ཚིམ་པར་བྱ་བ་དང ། དུས་དུས་སུ་འཕགས་པ་ཀ་ཏྱཱ་ཡ་ན་ཆེན་པོ་ལ་བསོད་སྙོམས་ཕུལ་ལ་བདག་ཅག་གི་མིང་ནས་ཕྱུང་སྟེ། ཡོན་བསྔོ་བ་བྱོས་ཤིག་།དེས་ན་ལས་དེ་བསྲབས་པ་དང ། ཡོངས་སུ་ཟད་པ་དང ། གཏུགས་པར་འགྱུར་རོ་ཞེས་གསུངས་ཤིག་།དེ་སོང་བ་ལས་ཇི་ཙམ་ན། ཉི་མ་འཆར་ཀའི་དུས་སུ་གཞལ་མེད་ཁང་གཞན་ཞིག་མཐོང་སྟེ། དེ་ན་ལྷ་མོ་གཟུགས་བཟང་བ་མཛེས་བ་བལྟ་ན་སྡུག་བ་གཅིག་དང ། སྐྱེས་བ་གཟུགས་བཟང་བ་མཛེས་པ་བལྟ་ན་སྡུག་པ། དཔུང་རྒྱན་དང ། རྣ་ཆ་གདུབ་ཀོར་དང ། བྱུག་བ་དང ། ཕྲེང་བ་སྣ་ཚོགས་ཀྱིས་བརྒྱན་པ་གཅིག་དང་དེར་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དེ་དག་གིས་རྒྱང་རིང་པོ་ནས་མཐོང་ནས་སོ་སོ་ནས་སྨྲ་བར་བརྩམས་པ། གྲོ་བཞིན་སྐྱེས་འོངས་པ་ལེགས་སོ། །མི་སྐོམ་མམ། མི་བཀྲེས་སམ།་དེས་བསམས་པ། གདོན་མི་ཟ་བར་ལྷའམ། ཀླུའམ། གནོད་སྦྱིན་ཞིག་ཡིན་ནོ་སྙམ་ནས། བདག་སྐོམ་མོ། །བདག་བཀྲེས་སོ། །དེ་དག་གིས་དེ་ཁྲུས་བྱས་ནས་ཟན་བྱིན་ཏེ། དེ་གཞལ་མེད་ཁང་དུ་
Ka361a
༄#། །ཇི་ཙམ་ཉི་མ་ནུབ་ཀྱི་བར་འདུག་པ་དང ། དེ་ལ་དེ་དག་གིས་སྨྲས་པ། གྲོ་བཞིན་སྐྱེས་འདིར་ཉེས་དམིགས་དག་འབྱུང་བར་འགྱུར་གྱིས་བྱུང་ཞིག་།དེས་ཉེས་དམིགས་དག་མཐོང་ནས་བྱུང་སྟེ་མཐའ་ཅིག་ཏུ་འདུག་གོ་།དེའི་འོག་ཏུ་ཉི་མ་ནུབ་ཀའི་དུས་ཀྱི་ཚེ། དེ་ན་གཞལ་མེད་ཁང་ཡང་མི་སྣང ། ལྷ་མོ་དེ་ཡང་མི་སྣང་གི་།སྲིན་གྱི་མེ་ཆེན་པོ་ཞིག་བྱུང་སྟེ། དེས་སྐྱེས་བ་དེའི་ལུས་ལ་ལུས་ཀྱིས་ལན་བདུན་དུ་དཀྲིས་ནས་སྟེང་དུ་བྱུང་སྟེ། དེས་ནམ་ཉི་མ་མ་ཤར་བའི་བར་དུ་ཀླད་རྒྱས་ཟ་བར་བྱེད་དོ།། །།འདུལ་བ་གཞི། བམ་པོ་ཉི་ཤུ་རྩ་གཅིག་པ། དེ་ནས་དེའི་འོག་ཏུ་གཞལ་མེད་ཁང་ཡང་སླར་བྱུང ། ལྷ་མོ་དེ་ཡང་སླར་བྱུང་ནས། སྐྱེས་པ་གཟུགས་བཟང་བ་མཛེས་པ། བལྟ་ན་སྡུག་པ། དཔུང་རྒྱན་དང་རྣ་ཆ་གདུབ་ཀོར་དང ། བྱུག་པ་དང ། ཕྲེང་བ་སྣ་ཚོགས་ཀྱིས་བརྒྱན་པ། དེ་དང་དེར་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དག་གི་དྲུང་དུ་སོང་སྟེ། སོང་ནས་སྨྲས་པ། ཤེས་ལྡན་དག་ཁྱེད་ཅག་སུ་ཞིག་།ལས་གང་གིས་འདིར་སྐྱེས། གྲོ་བཞིན་སྐྱེས་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བས་ཡིད་མི་ཆེས་སོ། །བདག་གིས་མངོན་སུམ་དུ་མཐོང་ན་ཇི་ལྟར་ཡིད་མི་ཆེས་པར་གྱུར། དེས་སྨྲས་པ། གནས་པའི་གྲོང་ན་བདག་བྲམ་ཟེར་གྱུར་ཏེ་བྱི་བོ་བྱེད་པ་ལས། འཕགས་པ་ཀ་ཏྱཱ་ཡ་ན་ཆེན་པོས་བདག་ལ་ཐུགས་བརྩེ་བས་ཕྱིར་བྱོན་ནས་གསུངས་པ། བཞིན་བཟང་ལས་འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་
Ka361b
འོང་པ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་གསུངས་ནས། དེས་གསུངས་པ་བཞིན་དུ་བདག་གིས་མ་སྤངས་པ་དང ། དེས་བདག་ལ་སྤོང་དུ་གཞུག་པའི་ཕྱིར་ཡང་དང་ཡང་དུ་བཞིན་བཟང་ལས་འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་གསུངས་ན། འོན་ཀྱང་བདག་གིས་དེ་མ་སྤངས་སོ། །དེས་བདག་ལ་སྨྲས་པ། བཞིན་བཟང་ཁྱོད་ཉིན་བར་བྱི་བོ་ལ་འགྲོ་འམ། ནུབ་མོ། བདག་གིས་དེ་ལ་སྨྲས་པ། འཕགས་པ་ནུབ་མོའོ། །དེས་བཞིན་བཟང་ཅིའི་ཕྱིར་ཉིན་པར་ཚུལ་ཁྲིམས་ཡང་དག་པར་མནོས་ཏེ་མི་གཟུང ། དེས་ན་ལས་དེ་བསྲབས་པ་དང ། ཡོངས་སུ་ཟད་པ་དང ། གཏུགས་པར་འགྱུར་རོ་ཞེས་གསུངས་ནས་དེ་ལས་བདག་གིས་ཉིན་པར་ཚུལ་ཁྲིམས་ཡང་དག་པར་མནོས་ཏེ་བཟུང་ངོ ། །གང་ཡང་ཉིན་པར་ཚུལ་ཁྲིམས་ཡང་དག་པར་མནོས་ཏེ་བཟུང་བ་དེའི་ལས་ཀྱི་རྣམ་པར་སྨིན་པས་ཉིན་པར་བདེ་བ་འདི་ལྟ་བུ་ཉམས་སུ་མྱོང་ངོ ། །གང་ཡང་མཚན་མོ་བྱི་བོ་བྱེད་དུ་སོང་བ་དེའི་ལས་ཀྱི་རྣམ་པར་སྨིན་པས་མཚན་མོ་སྡུག་བསྔལ་འདི་ལྟ་བུ་ཉམས་སུ་མྱོང་བར་གྱུར་ཏོ། །ཚིགས་སུ་བཅད་དེ་ཡང་སྨྲས་པ། མཚན་མོ་བྱི་བོ་བྱེད་ལ་ཆགས། །ཉིན་པར་ཚུལ་ཁྲིམས་ཡོན་ཏན་ལྡན། །ལས་དེའི་འབྲས་བུ་བཟང་པོ་དང ། །སྡིག་ཏོ་འདི་ནི་མྱོང་བ་ཡིན། །གྲོ་བཞིན་སྐྱེས་ཁྱོད་གནས་པའི་གྲོང་དུ་འགྲོའམ། དེ་ན་བདག་གི་བུ་བྲམ་ཟེ་བྱི་བོ་བྱེད་པ་ལ། ཁྱོད་ཀྱི་ཕ་ངས་མཐོང་སྟེ། དེ་ན་རེ། ལས་འདིའི་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས། དམ་པ་མ་ཡིན་པའི་
Ka362a
༄#། །ཆོས་སྡིག་པ་སྤོངས་ཤིག་ཅེས་ཟེར་རོ་ཞེས་གསུངས་ཤིག་།དེས་སྨྲས་པ། ཀྱེ་ནང་རྗེ་ཁྱོད་ན་རེ། འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའོ་ཞེས་སྨྲས་པ། ཡིད་ཆེས་པར་མི་འགྱུར་རོ། །གྲོ་བཞིན་སྐྱེས་གལ་ཏེ་ཡིད་མི་ཆེས་ན། དེ་ལ་ཁྱོད་ཀྱི་ཕ་ན་རེ། མེ་ཐབ་ཀྱི་འོག་ན་གསེར་ཕྱེ་བུམ་པ་གང་བཞག་གིས་དེ་ཕྱུང་སྟེ། བདག་ཉིད་ལ་ཡུན་དུ་བདེ་བས་ཚིམ་པར་བྱ་བ་དང ། དུས་དུས་སུ་འཕགས་པ་ཀ་ཏྱཱ་ཡ་ན་ཆེན་པོ་ལ་བསོད་སྙོམས་ཕུལ་ལ་བདག་ཅག་གིས་མིང་ནས་ཕྱུང་སྟེ་ཡོན་བསྔོ་བ་བྱོས་ཤིག་དང ། དེས་ན་ལས་དེ་བསྲབས་པ་དང ། ཡོངས་སུ་ཟད་པ་དང ། གཏུགས་པ་འགྱུར་རོ་ཞེས་ཟེར་རོ་ཞེས་གསུངས་ཤིག་།དེ་སོང་པ་དང ། ཇི་ཙམ་ན་གཞལ་མེད་ཁང་གཞན་ཞིག་མཐོང་སྟེ། དེ་ན་བུད་མེད་གཟུགས་བཟང་བ་མཛེས་བ་བལྟ་ན་སྡུག་པ། དཔུང་རྒྱན་དང་རྣ་ཆ་གདུབ་ཀོར་དང ། བྱུག་པ་དང ། ཕྲེང་བ་སྣ་ཚོགས་ཀྱིས་བརྒྱན་པ་ཞིག་འདུག་པ་དེའི་ཁྲིའི་རྐང་པ་བཞི་ལ་ཡི་དྭགས་བཞི་བཏགས་ཤིང་འདུག་གོ་།དེས་དེ་རྒྱང་རིང་པོ་ནས་མཐོང་ནས་སྨྲས་པ། གྲོ་བཞིན་སྐྱེས་འོངས་པ་ལེགས་སོ་འོངས་པ་ལེགས་སོ།། མི་སྐོམ་མམ། མི་བཀྲེས་སམ། དེས་བསམས་པ། གདོན་མི་ཟ་བར་ལྷ་མོའམ། ཀླུ་མོའམ། གནོད་སྦྱིན་མ་ཞིག་ཡིན་ནོ་སྙམ་ནས། དེས་སྨྲས་པ། བདག་སྐོམ་མོ། །བདག་བཀྲེས་སོ། །དེས་དེ་ཁྲུས་བྱས་ནས་ཟན་བྱིན་ཏེ། དེ་ལ་སྨྲས་པ། གྲོ་བཞིན་སྐྱེས་གལ་ཏེ་ཁྱོད་ལ་འདི་དག་ཅུང་ཟད་སློང་ན། མ་བྱིན་ཅིག་ཅེས་སྨྲས་ནས། སེམས་ཅན་དེ་རྣམས་ཀྱིས་ལས་བདག་གིར་བྱ་བ་མངོན་སུམ་དུ་བྱ་བར་འདོད་ནས་གཞལ་
Ka362b
མེད་ཁང་གི་ནང་དུ་ཞུགས་ཏེ་འདུག་གོ་།དེ་དག་གིས་བསླང་བར་བརྩམས་ཏེ། གྲོ་བཞིན་སྐྱེས་སྙིང་རྗེ་དང་ལྡན་བ་ཁྱོད་ཀྱིས་བདག་ཅག་བཀྲེས་པས་ཉེན་པ་ལ་བྱིན་ཅིག་།དེས་གཅིག་ལ་ཁམ་གཅིག་བྱིན་པ་དང ། ཕུབ་མར་གྱུར་ཏོ། །ཡང་གཅིག་ལ་ཁམ་གཅིག་བྱིན་པ་དང ། ལྕགས་ཀྱི་ཐུ་ལུམ་ཟ་བར་གྱུར་ཏོ། །ཡང་གཅིག་ལ་ཁམ་གཅིག་བྱིན་པ་དང་དེ་རང་གི་ཤ་ལ་ཟ་བར་གྱུར་ཏོ། །ཡང་གཅིག་ལ་ཁམ་གཅིག་བྱིན་པ་དང ། རྣག་ཁྲག་ཏུ་གྱུར་ཏོ། །དེ་དྲི་ཚོར་ནས་བྱུང་སྟེ། གྲོ་བཞིན་སྐྱེས་ཁྱོད་ལ་ཁོ་མོས་མ་བཟློག་གམ། ཅིའི་ཕྱིར་འདི་དག་ལ་སྦྱིན། ཅི་ཁོ་མོའི་སྙིང་རྗེ་ལས་ཁྱོད་ཀྱི་སྙིང་རྗེ་ལྷག་གམ། དེས་སྨྲས་པ། སྲིང་མོ་འདི་དག་ཁྱོད་ཀྱི་ཅིར་འོངས། དེས་སྨྲས་པ་འདི་ནི་ཁོ་མོའི་ཁྱིམ་ཐབ་ཡིན། འདི་ནི་བུ་ཡིན། འདི་ནི་མནའ་མ་ཡིན། འདི་ནི་ཁོ་མོའི་བྲན་མོ་ཡིན་ནོ། །ཁྱེད་ཅག་སུ་དག་ཡིན། ལས་གང་གིས་འདིར་སྐྱེས། གྲོ་བཞིན་སྐྱེས་འཛམ་བུའི་གླིང་པའི་མི་རྣམས་ནི་ཡིད་ཆེས་པར་དཀའ་བས་ཡིད་མི་ཆེས་སོ། །སྲིང་མོ་བདག་གིས་མངོན་སུམ་དུ་མཐོང་ན་ཇི་ལྟར་ཡིད་མི་ཆེས་པར་འགྱུར། དེས་སྨྲས་པ། གྲོ་བཞིན་སྐྱེས་ཁོ་མོ་གནས་བ་ཞེས་བྱ་བའི་གྲོང་གི་བྲམ་ཟེ་མོར་གྱུར་པ་ན། རྒྱུ་སྐར་ལ་བབ་པའི་ནུབ་མོ་ཁ་ཟས་བསོད་པ་དག་སྟ་གོན་བྱས་པ་དང ། འཕགས་པ་ཀ་ཏྱཱ་ཡ་ན་ཆེན་པོ་ཁོ་མོ་ལ་ཐུགས་བརྩེ་བའི་ཕྱིར་གནས་པའི་གྲོང་དུ་བསོད་སྙོམས་ལ་གཤེགས་ཏེ། རིམ་གྱིས་ཁོ་མོའི་ཁྱིམ་དུ་བྱོན་པ་དང ། ཁོ་མོས་དེའི་སྐུ་མཛེས་ཤིང་ཐུགས་དང་བ་མཐོང་ངོ ། །མཐོང་ནས་ཀྱང་ཁོ་མོ་མངོན་པར་དད་པར་གྱུར་ཏེ། དེ་ལ་ཁོ་མོ་དད་པ་སྐྱེས་ནས་བསོད་
Ka363a
༄#། །སྙོམས་ཕུལ་ཏེ། ཁོ་མོའི་བློ་སྐྱེས་པ་དེ་ལ་ཁྱིམ་ཐབ་རྗེས་སུ་ཡི་རང་བ་འབུལ་དུ་བཅུག་ན་རབ་ཏུ་དགའ་བ་སྐྱེས་པར་འགྱུར་རོ་སྙམ་པ་ལས། དེ་ཁྲུས་བྱས་ཏེ་འོངས་པ་དང ། དེ་ལ་ཁོ་མོས་སྨྲས་པ། རྗེའི་སྲས་འཕགས་པ་ཀ་ཏྱཱ་ཡ་ན་ཆེན་པོ་ལ་ཁོ་མོས་བསོད་སྙོམས་ཕུལ་གྱིས་རྗེས་སུ་ཡི་རང་བ་ཕུལ་ཅིག་།དེ་ཁྲོས་ནས་སྨྲས་པ། ཇི་སྲིད་བྲམ་ཟེ་རྣམས་ལ་མ་ཕུལ། གཉེན་བཤེས་རྣམས་ལ་གཉེན་གྱི་སྲི་ཞུ་མ་བྱས་པར་ཇེ་ཁྱོད་ཀྱིས་དགེ་སྦྱོང་མགོ་རེག་དེ་ལ་བསོད་སྙོམས་ཀྱི་ཕུད་བྱིན་ནམ་ཞེས་དེ་མི་བཟོད་པ་སྐྱེས་ནས། དགེ་སྦྱོང་མགོ་རེག་དེ་ཅིའི་ཕྱིར་ཕུབ་མ་མི་འགམ་ཞེས་སྨྲས་པས། དེ་ལས་དེའི་རྣམ་པར་སྨིན་པས་ཕུབ་མ་འགམ་པར་གྱུར་ཏོ། །ཁོ་མོའི་བློ་སྐྱེས་པ། ཁྱིམ་ཐབ་ཀྱིས་རྗེས་སུ་ཡི་རང་བམ་ཕུལ་གྱིས། རེ་ཞིག་བུ་རྗེས་སུ་ཡི་རང་བ་འབུལ་དུ་བཅུག་ན་དགའ་བ་སྐྱེ་བར་འགྱུར་རོ་སྙམ་ནས། ཁོ་མོས་དེ་ལ་ཡང་སྨྲས་པ། བུ་འཕགས་པ་ཀ་ཏྱཱ་ཡ་ན་ཆེན་པོ་ལ་ཁོ་མོས་བསོད་སྙོམས་ཕུལ་གྱིས་རྗེས་སུ་ཡི་རང་བ་ཕུལ་ཅིག་།དེ་ཡང་ཁྲོས་ཏེ་སྨྲས་པ། ཇི་སྲིད་བྲམ་ཟེ་རྣམས་ལ་མ་བྱིན་པར། ཇེ་ཁྱོད་ཀྱིས་དགེ་སྦྱོང་མགོ་རེག་དེ་ལ་བསོད་སྙོམས་ཀྱི་ཕུད་སྦྱིན་ནམ་ཞེས་དེ་མི་བཟོད་པ་སྐྱེས་ནས་དགེ་སྦྱོང་མགོ་རེག་དེ་ཅིའི་ཕྱིར་ལྕགས་ཀྱི་ཐུ་ལུམ་མི་ཟ་ཞེས་སྨྲས་པས ། དེ་ལས་དེའི་རྣམ་པར་སྨིན་པས་ལྕགས་ཀྱི་ཐུ་ལུམ་ཟ་བར་གྱུར་ཏོ། །གྲོ་བཞིན་སྐྱེས་རྒྱུ་སྐར་ལ་བབ་པའི་ནུབ་མོ་གཉེན་དག་གིས་ཁོ་མོ་ལ་དབྱར་གཟིགས་ཤིག་བསྐུར་བ་དེ། ཁོ་མོས་མནའ་མ་ལ་
Ka363b
གཏད་ན། དེས་དབྱར་གཟིགས་བསོད་པ་བསོད་པ་དག་ནི་ཟོས་ལ། ངན་པ་དག་ཁོ་མོ་ལ་བྱིན་ནོ། །ཁོ་མོས་གཉེན་དེ་དག་ལ་ཁྱོད་ཅག་ལོ་ཉེས་སམ་ཅི། འདི་ལྟ་བུའི་དབྱར་གཟིགས་ངན་པ་བསྐུར། དེ་རྣམས་ཀྱིས་ཁོ་མོ་ལ་བདག་ཅག་གིས་དབྱར་གཟིགས་ངན་པ་ནི་མ་བསྐུར་ཏེ། དེ་ལྟ་མོད་ཀྱི་དབྱར་གཟིགས་བསོད་པ་ཞིག་བསྐུར་རོ་ཞེས་སྤྲིང་པ་འོངས་ནས། ཁོ་མོས་མནའ་མ་ལ་སྨྲས་པ། བག་གསར་ཁྱོད་ཀྱིས་དབྱར་གཟིགས་བསོད་པ་དག་ནི་ཟོས་ལ། ངན་པ་དག་ཁོ་མོ་ལ་མ་བྱིན་གྲང ། དེ་སྨྲས་པ། ཁྱོད་ཀྱིས་དབྱར་གཟིགས་ཟ་ན། བདག་རང་གི་ཤ་ཅིའི་ཕྱིར་མི་ཟ་ཞེས་སྨྲས་པས། དེ་ལས་དེའི་རྣམ་པར་སྨིན་པས་རང་གི་ཤ་ཟ་བར་གྱུར་ཏོ། །རྒྱུ་སྐར་ལ་བབ་པའི་ནུབ་མོ་ཁོ་མོས་བྲན་མོ་ལ་དབྱར་གཟིགས་བསོད་པ་དག་ཅིག་ལག་ཏུ་བསྐུར་ཏེ། གཉེན་བཤེས་ཀྱི་གན་དུ་བཏང་བ་ལས། དེས་ལམ་ཁར་དབྱར་གཟིགས་བསོད་པ་དག་ཟོས་ནས། དེ་དག་ལ་ངན་པ་དག་བྱིན་པ་དང ། དེ་དག་གིས་ཁོ་མོ་ལ་ཁྱོད་ལོ་ཉེས་སམ་ཅི། བདག་ཅག་ལ་དབྱར་གཟིགས་ངན་པ་དག་བསྐུར་ཞེས་སྤྲིང་བ་ཐོས་ནས། ཁོ་མོས་དེ་དག་ལ་ཁོ་མོས་ཁྱེད་ཅག་ལ་དབྱར་གཟིགས་ངན་པ་ནི་མ་བསྐུར་ཏེ། དེ་ལྟ་མོད་ཀྱི་དབྱར་གཟིགས་བསོད་པ་ཞིག་བསྐུར་རོ་ཞེས་སྤྲིང་ངོ ། །ཁོ་མོས་བྲན་མོ་ལ་དྲིས་པ། བྲན་མོ་དབྱར་གཟིགས་བསོད་པ་དག་ཁྱོད་ཀྱིས་ཟོས་ལ་དེ་དག་ལ་ངན་པ་དག་མ་བྱིན་གྲང ། དེས་སྨྲས་པ། ཁྱོད་ཀྱི་དབྱར་གཟིགས་ཟ་ན་རྣག་ཁྲག་ཅིའི་ཕྱིར་མི་འཐུང་ཞེས་སྨྲས་པས། དེ་ལས་དེའི་རྣམ་པར་སྨིན་པས་རྣག་ཁྲག་འཐུང་བར་གྱུར་ཏོ། །བདག་གི་བློ་སྐྱེས་པ། གང་
Ka364a
༄#། །དུ་སེམས་ཅན་འདི་དག་རང་རང་གི་ལས་ཀྱི་འབྲས་བུ་ཉམས་སུ་མྱོང་བར་འགྱུར་བ་དེར། ཉིང་མཚམས་སྦྱོར་ཞིང་ལྟ་བར་གྱུར་ཅིག་སྙམ་མོ། །ཁོ་མོས་གང་ཡང་འཕགས་པ་ཀ་ཏྱཱ་ཡན་ཆེན་པོ་ལ་བསོད་སྙོམས་ཕུལ་བས་སུམ་ཅུ་རྩ་གསུམ་པའི་ལྷའི་གནས་བཟང་པོར་སྐྱེ་བར་འགྱུར་བ་ལས། བདག་གིས་སྨོན་ལམ་ལོག་པར་བཏབ་པས་ད་ལྟར་ཡི་དྭགས་མཐུ་ཆེན་མོ་ཞིག་ཏུ་སྐྱེས་སོ། །གྲོ་བཞིན་སྐྱེས་ཡང་གནས་པ་ཞེས་བྱ་བའི་གྲོང་དུ་འགྲོ་ན། དེ་ན་ཁོ་མོའི་བུ་མོ་སྨད་འཚོང་བྱེད་པ་དེ་ལ་ཁྱོད་ཀྱི་ཕ་དང ། མ་དང ། མིང་པོ་དང ། མནའ་མ་དང ། བྲན་མོ་དག་ངས་མཐོང་སྟེ། དེ་དག་ན་རེ། ལས་འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་ཟེར་རོ་ཞེས་གསུངས་ཤིག་།སྲིང་མོ་ཁྱོད་ཉིད་ན་རེ་འཛམ་བུའི་གླིང་པའི་མི་རྣམས་ནི་ཡིད་ཆེས་པ་དཀའོ་ཞེས་སྨྲས་པས་ཡིད་ཆེས་པར་མི་འགྱུར་རོ། །དེས་སྨྲས་པ། གྲོ་བཞིན་སྐྱེས་གལ་ཏེ་ཡིད་མི་ཆེས་ན། ཁྱོད་ཀྱི་ཕའི་སྔོན་གྱི་ཁང་པ་ན་ལྕགས་ཟངས་གསེར་གྱིས་གང་བཟུང་བཞི་དང ། དབུས་ན་གསེར་གྱི་འཁར་པ་དང ། རིལ་པ་སྤྱི་བླུགས་ཤིག་ཡོད་ཀྱིས་དེ་དག་ཕྱུང་སྟེ། བདག་ཉིད་ལ་ཡུན་དུ་བདེ་བས་ཚིམ་པར་བྱ་བ་དང ། དུས་དུས་སུ་འཕགས་པ་ཀ་ཏྱཱ་ཡ་ན་ཆེན་པོ་ལ་བསོད་སྙོམས་དབུལ་ཞིང་བདག་ཅག་གི་མིང་ནས་ཕྱུང་སྟེ། ཡོན་བསྔོ་བ་བྱོས་ཤིག་དང ། དེ་ན་ལས་དེ་བསྲབས་པ་དང ། ཡོངས་སུ་ཟད་པ་དང ། གཏུགས་
Ka364b
པར་འགྱུར་རོ་ཞེས་ཟེར་རོ་ཞེས་གསུངས་ཤིག་།དེས་དེ་ལ་ཁས་བླངས་ཏེ། དེ་དེ་ལྟར་འཁྱམ་པ་ལ་ལོ་བཅུ་གཉིས་འདས་སོ། །དེས་དེ་ལ་སྨྲས་པ། གྲོ་བཞིན་སྐྱེས་ཁྱོད་གནས་པའི་གྲོང་དུ་འགྲོའམ། སྲིང་མོ་འགྲོའོ་ཞེས་དེ་གཞལ་མེད་ཁང་དེའི་ནང་དུ་ཞུགས་པ་དང ། དེས་ཡི་དྭགས་དེ་རྣམས་ལ་བསྒོ་བ། ཤེས་ལྡན་དག་དེང་ལ་གྲོ་བཞིན་སྐྱེས་རྣ་བ་བྱེ་བ་རི་ཉལ་བཞིན་དུ་གནས་པའི་གྲོང་གི་ཕའི་སྐྱེད་མོས་ཚལ་དུ་ཞོག་ལ་སླར་ཤེགས་ཤིག་།དེ་དག་གིས་དེ་གནས་པའི་གྲོང་དུ་ཕའི་སྐྱེད་མོས་ཚལ་དུ་བཞག་གོ་།དེ་གཉིད་སད་པ་དང ། ཇི་ཙམ་ན་དྲིལ་བུ་དང ། གདུགས་དང ། བསིལ་ཡབ་རྣམས་ཕུལ་ནས། གལ་ཏེ་གྲོ་བཞིན་སྐྱེས་རྣ་བ་བྱེ་བ་རི་གསོན་པོར་ཞིག་ན་ལ་གོར་འོང་ཞིང་མྱུར་དུ་འོང་བར་ཤོག་ཅིག་།འོན་ཏེ་དུས་ལས་འདས་ཏེ། ཤི་འཕོས་པར་གྱུར་ན། འགྲོ་བའི་གནས་ཁྱད་པར་ཅན་དུ་སྐྱེས་པར་གྱུར་ཅིག་ཅེས་ཡི་གེ་བྲིས་པ་མཐོང་ནས། དེས་བསམས་པ། འདི་ལྟར་བདག་ཕ་དང ། མས་ཤི་བའི་ཁོངས་སུ་བརྩིས་ན། ཅིའི་ཕྱིར་སླར་ཁྱིམ་དུ་འཇུག་།བདག་སོང་ལ་འཕགས་པ་ཀ་ཏྱཱ་ཡ་ན་ཆེན་པོའི་དྲུང་དུ་རབ་ཏུ་འབྱུང་བར་བྱའོ་སྙམ་མོ། །དེ་ནས་གྲོ་བཞིན་སྐྱེས་རྣ་བ་བྱེ་བ་རི། ཚེ་དང་ལྡན་པ་ཀ་ཏྱཱ་ཡ་ན་ཆེན་པོ་གང་ན་བ་དེར་སོང་བ་དང ། ཚེ་དང་ལྡན་པ་ཀ་ཏྱཱ་ཡ་ན་ཆེན་པོས་གྲོ་བཞིན་སྐྱེས་རྣ་བ་བྱེ་བ་རི་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་གྲོ་བཞིན་སྐྱེས་རྣ་བ་བྱེ་བ་རི་ལ་འདི་སྐད་ཅེས་སྨྲས་སོ། གྲོ་བཞིན་སྐྱེས་ཆུར་ཤོག་།གྲོ་བཞིན་སྐྱེས་ཁྱོད་འོངས་པ་ལེགས་སོ། །གྲོ་བཞིན་སྐྱེས་
Ka365a
༄#། །འཇིག་རྟེན་འདི་དང་འཇིག་རྟེན་ཕ་རོལ་མཐོང་ངམ། བཙུན་པ་ཀ་ཏྱཱ་ཡ་ན་ཆེན་པོ་མ་ཐོང་ངོ ། །བཙུན་པ་ཀ་ཏྱཱ་ཡ་ན་ཆེན་པ་བདག་ལགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་གནང་ན། བཙུན་པ་ཀ་ཏྱཱ་ཡ་ན་ཆེན་པོས་བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་ལ་སྤྱད་པར་འཚལ་ལོ། ། གྲོ་བཞིན་སྐྱེས་རེ་ཞིག་སྔོན་གྱི་དམ་བཅས་པ་དྲན་པར་བྱོས་ལ། ཐ་ན་ཇི་སྐད་སྦྲིང་\་ཥPRཱིཎG?\་ཞིང་བཟུང་བ་ཆུབ་པར་སྐྱོལ་ཅིག་།དེ་བཤན་པ་དེའི་དྲུང་དུ་སོང་ནས། བཞིན་བཟང་ཁྱོད་ཀྱི་ཕ་ངས་མཐོང་སྟེ། དེ་ན་རེ།་ལས་འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་ཟེར་རོ། །དེས་སྨྲས་པ། ཀྱེ་ནང་རྗེ་བདག་གི་ཕ་ནི་ཤི་ནས་དེང་ལོ་བཅུ་གཉིས་ལོན་ན། ཁྱོད་ཀྱིས་འཇིག་རྟེན་ཕ་རོལ་ནས་སླར་འོངས་པ་འགའ་ཡང་མཐོང་བ་ཡོད་དམ། བཞིན་བཟང་བདག་དེར་སོན་ཏོ། །དེ་ཡིད་མ་ཆེས་པ་དང ། བཞིན་བཟང་ཇི་སྟེ་ཡིད་མ་ཆེས་ན། དེ་ན་རེ།་ཁྱོད་ཀྱི་ཕའི་རལ་གྲིས་བསད་པའི་འོག་ན་གསེར་ཕྱེ་བུམ་པ་གང་བཞག་གིས་དེ་ཕྱུང་ལ། བདག་ཉིད་ལ་ཡུན་དུ་བདེ་བས་ཚིམ་པར་བྱ་བ་དང ། དུས་དུས་སུ་འཕགས་པ་ཀ་ཏྱཱ་ཡན་ཆེན་པོ་ལ་བསོད་སྙོམས་ཕུལ་ལ། བདག་ཅག་གིས་མིང་ནས་ཕྱུང་སྟེ། ཡོན་བསྔོ་བ་བྱོས་ཤིག་དང ། དེས་ན་ལས་དེ་བསྲབས་པ་དང ། ཡོངས་སུ་ཟད་པ་དང ། གཏུགས་པར་འགྱུར་རོ་ཞེས་ཟེར་རོ། །དེས་
Ka365b
བསམས་པ། བདག་གིས་སྔོན་ཆད་ནི་དེ་ལྟ་བུ་ལན་འགའ་ཡང་མ་ཐོས་ན། རེ་ཞིག་བལྟས་ཏེ། གལ་ཏེ་བྱུང་བར་གྱུར་ན། ཟེར་བ་དེ་ཐམས་ཅད་བདེན་ནོ་སྙམ་ནས། དེས་སོང་སྟེ་བརྐོས་ནས་ཇི་ཙམ་ན་མཐོང་བ་དང ། དེ་ཐམས་ཅད་དེ་ཁོ་ན་བཞིན་དུ་གྱུར་ཏེ། དེས་ཡིད་ཆེས་པར་གྱུར་ཏོ། །དེའི་འོག་ཏུ་བྱི་བོ་བྱེད་པ་དེའི་དྲུང་དུ་སོང་སྟེ། སོང་ནས་སྨྲས་པ། བཞིན་བཟང་ཁྱོད་ཀྱི་ཕ་ངས་མཐོང་སྟེ། དེ་ན་རེ། ལས་འདིའི་འབྲས་བུ་རྣམ་པར་སྨིན་པ་འདི་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་ཟེར་རོ། །དེས་སྨྲས་པ། ཀྱེ་ནང་རྗེ། བདག་གི་ཕ་ཤི་ནས་དེང་དུ་ལོ་བཅུ་གཉིས་ལོན་ན་ཁྱོད་ཀྱིས་འཇིག་རྟེན་ཕ་རོལ་ནས་འོངས་པ་འགའ་མཐོང་བ་ཡོད་དམ། བཞིན་བཟང་བདག་དེར་སོན་ཏོ། །ཡིད་མ་ཆེས་ནས་དེས་སྨྲས་པ། བཞིན་བཟང་གལ་ཏེ་ཡིད་མི་ཆེས་ན་ཕ་ན་རེ། ཁྱོད་ཀྱི་ཕའི་མེ་ཐབ་ཀྱི་འོག་ན་གསེར་ཕྱེ་བུམ་པ་གང་བཞག་གིས། དེ་ཕྱུང་ལ་བདག་ཉིད་ལ་ཡུན་དུ་བདེ་བས་ཚིམ་པར་བྱ་བ་དང ། དུས་དུས་སུ་འཕགས་པ་ཀ་ཏྱཱ་ཡ་ན་ཆེན་པོ་ལ་བསོད་སྙོམས་ཕུལ་ལ་བདག་ཅག་གི་མིང་ནས་ཕྱུང་སྟེ། ཡོན་བསྔོ་བ་བྱོས་ཤིག་དང ། དེ་ན་ལས་དེ་བསྲབས་པ་དང ། ཡོངས་སུ་ཟད་པ་དང ། གཏུགས་པར་འགྱུར་རོ་ཞེས་དེ་སྐད་ཟེར་རོ། །དེས་བསམས་པ། བདག་གིས་དེ་སྐད་སྔོན་ཆད་ནི། ལ་ན་འགའ་ཡང་མ་ཐོས་ན། གལ་ཏེ་བྱུང་བར་གྱུར་ན། ཟེར་བ་དེ་ཐམས་ཅད་བདེན་ནོ་སྙམ་ནས། དེས་སོང་སྟེ་བརྐོས་ནས་ཇི་ཙམ་ན་མཐོང་བ་དང ། དེ་ཐམས་ཅད་དེ་ཁོ་ན་
Ka366a
༄#། །བཞིན་དུ་གྱུར་ཏེ་དེས་ཡིད་ཆེས་པར་གྱུར་ཏོ། །དེའི་འོག་ཏུ་གྲོ་བཞིན་སྐྱེས་རྣ་བ་བྱེ་བ་རི་སྨད་འཚོང་མ་དེའི་དྲུང་དུ་སོང་སྟེ་སྨྲས་པ། སྲིང་མོ་ཁྱོད་ཀྱི་ཕ་དང ། མ་དང ། མིང་པོ་དང།་མནའ་མ་དང ། བྲན་མོ་དག་ངས་མཐོང་སྟེ། དེ་དག་ན་རེ། ལས་འདིའི་འབྲས་བུ་རྣམ་པར་སྨིན་པ་ནི་ཡིད་དུ་མི་འོང་བ་ཡིན་གྱིས་དམ་པ་མ་ཡིན་པའི་ཆོས་སྡིག་པ་སྤོངས་ཤིག་ཅེས་ཟེར་རོ། ། དེས་སྨྲས་པ། ཀྱེ་སྐྱེས་བུ་བདག་གི་ཕ་དང་མ་དག་ཤི་ནས་དེང་དུ་ལོ་བཅུ་གཉིས་ལོན་ན། ཁྱོད་ཀྱིས་འཇིག་རྟེན་ཕ་རོལ་ནས་འོངས་པ་འགའ་མཐོང་བ་ཡོད་དམ། དེས་སྨྲས་པ། བདག་དེར་སོན་ཏོ། །དེ་ཡིད་མ་ཆེས་པ་དང ། དེས་སྨྲས་པ། སྲིང་མོ་གལ་ཏེ་ཡིད་མི་ཆེས་ན། དེ་དག་ན་རེ། ཁྱོད་ཀྱི་ཕའི་སྔོན་གྱི་ཁང་པ་རྙིང་པ་ན་ལྕགས་ཟངས་གསེར་ཕྱེས་གང་བ་ཟུང་བཞི་དང ། དབུས་ན་གསེར་གྱི་འཁར་བ་དང་རིལ་བ་སྤྱི་བླུགས་ཡོད་ཀྱིས། དེ་དག་ཕྱུང་ལ་བདག་ལ་ཡུན་རིང་དུ་བདེ་བས་ཚིམ་པར་བྱ་བ་དང ། དུས་དུས་སུ་འཕགས་པ་ཀ་ཏྱཱ་ཡ་ན་ཆེན་པོ་ལ་བསོད་སྙོམས་ཕུལ་ལ། བདག་ཅག་གི་མིང་ནས་ཕྱུང་སྟེ། ཡོན་བསྔོ་བ་བྱོས་ཤིག་དང ། དེ་ན་ལས་དེ་བསྲབས་པ་དང ། ཡོངས་སུ་ཟད་པ་དང ། གཏུགས་པར་འགྱུར་རོ་ཞེས་ཟེར་རོ། །དེས་བསམས་པ། བདག་གིས་སྔོན་ཆད་ནི་དེ་ལྟ་བུ་ལན་འགའ་ཡང་མཐོས་ན་བལྟ་བར་བྱ་སྟེ། གལ་ཏེ་བྱུང་བར་གྱུར་ན་ཟེར་བ་དེ་ཐམས་ཅད་བདེན་ནོ་སྙམ་ནས་དེས་སོང་སྟེ་བརྐོས་ནས་ཇི་ཙམ་ན་མཐོང་བ་དང ། དེས་ཐམས་ཅད་
Ka366b
དེ་ཁོ་ན་བཞིན་དུ་གྱུར་ཏེ། དེས་ཡིད་ཆེས་པར་གྱུར་ཏོ། །གྲོ་བཞིན་སྐྱེས་རྣ་བ་བྱེ་བ་རིས་བསམས་པ། འཇིག་རྟེན་འདི་དག་ཐམས་ཅད་ནི། གསེར་གྱིས་ཡིད་ཆེས་ཀྱིས། བདག་ལ་ནི་འགའ་ཡང་ཡིད་ཆེས་པར་མ་གྱུར་ཏོ་སྙམ་ནས། དེས་འཛུམ་ཕྱུང་བ་དང ། དེ་བྱིས་པ་ན་མཆེ་བ་གསེར་གྱིས་བརྒྱན་པ་དེ། དེས་ངོ་ཤེས་པར་གྱུར་ནས། དཔོན་པོ་གྲོ་བཞིན་སྐྱེས་རྣ་བ་བྱེ་བ་རེ་ཡིན་ནམ། སྲིང་མོ་བདག་ནི་སྐྱེ་བོ་དག་གིས་དེ་ལྟར་ཤེས་སོ། །དེས་སོང་ནས་དེའི་ཕ་མ་ལ། ཡབ་ཡུམ་གྲོ་བཞིན་སྐྱེས་རྣ་བ་བྱེ་བ་རི་མཆིས་སོ་ཞེས་སྦྲན་པ་ནས་དུ་མ་ཞིག་གིས་སྦྲན་ན་ཡང་དེ་དག་ཡིད་མ་ཆེས་ནས། ཇི་ཙམ་ན་དེ་རང་ཉིད་འོངས་ཏེ། ཡབ་ཡུམ་ཕྱག་འཚལ་ལོ་ཞེས་སྨྲས་པ་དང ། དེ་དབྱིག་གི་ང་རོ་ཅན་ཞིག་པས་དེ་གཉིས་ཀྱི་སྐད་ལས་ངོ་ཤེས་ནས་དེ་གཉིས་ཀྱིས་དེའི་མགུལ་ནས་འཇུས་ཏེ་དུ་བར་བརྩམས་པ་དང ། དེ་གཉིས་མཆི་མ་བྱུང་བས་མིག་གི་ལིང་ཏོག་བྱིད་ནས་བལྟ་བར་བརྩམས་སོ། །དེས་སྨྲས་པ། ཡབ་ཡུམ་བདག་ཡང་དག་པར་ཁྱིམ་ནས་ཁྱིམ་མེད་པར་རབ་ཏུ་འབྱུང་གིས་གནང་བར་མཛོད་ཅིག་།དེ་གཉིས་ཀྱིས་སྨྲས་པ། བུ་ཁྱོད་ཀྱི་མྱ་ངན་དང་དུད་མོས་བདག་ཅག་མིག་ལྡོངས་པར་གྱུར་པ་ལས་ད་ཁྱོད་ཉིད་འོངས་ནས་བདག་ཅག་གི་མིག་སོར་ཆུད་ཀྱིས། བདག་ཇི་སྲིད་གསོན་པ་དེ་སྲིད་དུ་རབ་ཏུ་མ་འབྱུང་བར་ནམ་ཤི་བར་གྱུར་བ་དེའི་ཚེ་རབ་ཏུ་བྱུང་ཞིག་།དེས་ཚེ་དང་ལྡན་པ་ཀ་ཏྱཱ་ཡ་ན་ཆེན་པོའི་དྲུང་དུ་ཆོས་མཉན་པས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །ཕ་དང་མ་གཉིས་ཀྱང་སྐྱབས་སུ་འགྲོ་བ་དང་བསླབ་པའི་
Ka367a
༄#། །གཞི་རྣམས་ལ་བཀོད་དོ། །ལུང་བཞི་རྟོགས་པར་བྱས་ཏེ། ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱས་སོ། །ཕ་དང་མ་གཉིས་ཀྱང་བདེན་པ་རྣམས་ལ་བཀོད་དོ། །དུས་གཞན་ཞིག་ན། དེའི་ཕ་དང་མ་ཤི་ནས་དེས་ནོར་དེ་དག་ཕོངས་པ་དང་མགོན་མེད་པ་དང་བཀྲེས་པ་དང་ཉམས་ཐག་པ་རྣམས་ལ་བྱིན་ཏེ། བཀྲེན་པ་ཕལ་མོ་ཆེ་ཞིག་དབུལ་བོར་ནས། ཚེ་དང་ལྡན་པ་ཀ་ཏྱཱ་ཡ་ན་ཆེན་པོ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀ་ཏྱཱ་ཡ་ན་ཆེན་པོའི་རྐང་པ་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། གྲོ་བཞིན་སྐྱེས་རྣ་བ་བྱེ་བ་རིས་ཚེ་དང་ལྡན་པ་ཀ་ཏྱཱ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་ཀ་ཏྱཱ་ཡ་ན་ཆེན་པོ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་ཏེ། དགེ་སློང་གི་དངོས་པོ་གནང་ན། བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་འཚལ་ལོ། །ཚེ་དང་ལྡན་པ་ཀ་ཏྱཱ་ཡ་ན་ཆེན་པོས་དེ་རབ་ཏུ་ཕྱུང་ངོ ། །དེས་རབ་ཏུ་ཕྱུང་ནས། མ་མོ་རྟོགས་པར་བྱས་ཏེ། ཕྱིར་མི་འོང་བའི་འབྲས་བུ་མངོན་སུམ་དུ་བྱས་སོ། །རྡོ་ཅན་ཞེས་བྱ་བའི་ཡུལ་གྱི་མཐའ་ན་དགེ་སློང་གི་ཚོགས་ཉུང་སྟེ་གྲངས་བཅུར་བསྐང་བ་དཀའ་ནས། དེས་དེ་ཟླ་བ་གསུམ་དུ་དགེ་ཚུལ་དུ་བཞག་གོ་།ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་ཀྱི་ཉན་ཐོས་རྣམས་ཀྱི་འདུས་པ་ནི་གཉིས་སུ་གྱུར་ཏེ། འདུས་
Ka367b
པ་ཆེན་པོ་ནི་དབྱར་ཟླ་འབྲིང་པོའི་དབྱར་ཉེ་བར་བསྒྲུབ་པ་ལ་གང་ཡིན་པ་དང ། སྟོན་ཟླ་འབྲིང་པོའི་ཉ་ལ་གང་ཡིན་པའོ། །དེ་ལ་གང་དག་དབྱར་ཟླ་འབྲིང་པོའི་དབྱར་ཉེ་བར་བསྒྲུབ་པ་ལ་འདུས་པ་དེ་དག་ནི་ཡིད་ལ་བྱེད་པའི་ཁྱད་པར་དེ་དང་དེ་དག་བཟུང་ནས་ཆུབ་པར་བྱས་ཏེ། གྲོང་དང ། གྲོང་ཁྱེར་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དེ་དང་དེ་རྣམས་སུ་དབྱར་གནས་པར་དམ་འཆའོ། །གང་དག་སྟོན་ཟླ་འབྲིང་པོ་ཉ་ལ་འདུས་པ་དེ་དག་ནི། ཇི་ལྟར་རྟོགས་པ་དག་སྨྲས་ནས་གོང་མ་དག་འདྲི་བར་བྱེད་དེ་ཉན་ཐོས་ཆེན་པོ་རྣམས་ཀྱི་ཡང་དེ་དང་འདྲའོ། །དེ་ནས་ཚེ་དང་ལྡན་པ་ཀ་ཏྱཱ་ཡ་ན་ཆེན་པོའི་ལྷན་ཅིག་གནས་པ་དང ། ཉེ་གནས་ཀྱི་དགེ་སློང་དག་གིས་ཡིད་ལ་བྱེད་པའི་ཁྱད་པར་དེ་དང་དེ་དག་བཟུང་ནས་ཆུབ་པར་བྱས་ཏེ། གྲོང་དང ། གྲོང་ཁྱེར་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་འཁོར་དེ་དང་དེ་རྣམས་སུ་དབྱར་གནས་པར་དམ་བཅས་སོ། །དེ་དག་གིས་དབྱར་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས། ལྷུང་བཟེད་དང ། ཆོས་གོས་ཐོགས་ཏེ། ཚེ་དང་ལྡན་པ་ཀ་ཏྱཱ་ཡ་ན་ཆེན་པོ་གང་ན་བ་དེར་དོང་སྟེ་ཕྱིན་ནས། ཚེ་དང་ལྡན་པ་ཀ་ཏྱཱ་ཡ་ན་ཆེན་པོའི་རྐང་པ་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་ནས་དེ་དག་གིས་ཇི་ལྟར་རྟོགས་པ་དག་སྨྲས་ཏེ། གོང་མ་དག་ཀྱང་འདྲིའོ། །ཚོགས་ཀྱི་གྲངས་ཀྱང་བཅུར་བསྐངས་ནས། དེས་དེ་བསྙེན་པར་རྫོགས་པར་བྱས་སོ།།
Ka368a
༄#། །དེས་སྡེ་སྣོད་གསུམ་རྟོགས་པར་བྱས་ནས། ཉོན་མོངས་པ་ཐམས་ཅད་སྤངས་ཤིང ། དགྲ་བཅོམ་པ་མངོན་སུམ་དུ་བྱས་ཏེ། དགྲ་བཅོམ་པར་གྱུར་ནས་ཁམས་གསུམ་གྱི་འདོད་ཆགས་དང་བྲལ་བ་གྱོ་མོ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཉམ་པའི་སེམས། ཙན་དན་དང་སྟེའུར་མཉམ་པ། རིག་པས་མ་རིག་པའི་སྒོ་ངའི་སྦུབས་བྲལ་བ། རིག་པ་དང་མངོན་པར་ཤེས་པ་དང ། སོ་སོར་ཡང་དག་པར་རིག་པ་ཐོབ་པ། སྲིད་པ་དང ། རྙེད་པ་དང ། ཆགས་པ་དང ། བཀུར་སྟི་ལས་ཕྱིར་ཕྱོགས་པ། དབང་པོ་དང་ཉེ་དབང་པོའི་ལྷ་དང་བཅས་པ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ཀ་ཏྱཱ་ཡ་ན་ཆེན་པོའི་ལྷན་ཅིག་གནས་པ་དང ། ཉེ་གནས་ཀྱི་དགེ་སློང་རྣམས་ཀྱིས་ཚེ་དང་ལྡན་པ་ཀ་ཏྱཱ་ཡ་ན་ཆེན་པོ་ལ་བསྙེན་བཀུར་བྱས་ནས། ཚེ་དང་ལྡན་པ་ཀ་ཏྱཱ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །མཁན་པོ་ནི་བདག་ཅག་གིས་མཐོང་སྟེ། བསྙེན་བཀུར་ཡང་བགྱིས་ལགས་ཀྱིས། བཅོམ་ལྡན་འདས་ལ་བདག་ཅག་རྣམས་བསྙེན་བཀུར་བགྱིད་དུ་མཆིའོ། །བུ་དག་དེ་བཞིན་དུ་གྱིས་ཤིག་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་བསྙེན་བཀུར་བྱ་བ་ཁོ་ན་ཡིན་ནོ། །དེའི་ཚེ་གྲོ་བཞིན་སྐྱེས་རྣ་བ་བྱེ་བ་རི་འཁོར་དེ་ཉིད་ཀྱི་ནང་དུ་ཚོགས་ཤིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་
Ka368b
སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་ཚེ་དང་ལྡན་པ་ཀ་ཏྱཱ་ཡ་ན་ཆེན་པོ་ལ་འདི་སྐད་ཅེས་སྨྲས་སོ། །བདག་གིས་མཁན་པོ་ཡང་མཐོང ། བཅོམ་ལྡན་འདས་ཀྱི་ཆོས་ཀྱི་སྐུ་ནི་མཐོང་ན། གཟུགས་ཀྱི་སྐུ་མ་མཐོང་བས་མཁན་པོ་བཅོམ་ལྡན་འདས་ཀྱི་གཟུགས་ཀྱི་སྐུ་བལྟར་མཆིའོ། །བུ་དེ་བཞིན་དུ་གྱིས་ཤིག་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཐོང་བ་ནི་རྙེད་པ་དཀའ་སྟེ། དཔེར་ན་མེ་ཏོག་ཨུ་དུམ་ཝཱ་ར་དང་མཚུངས་སོ། །བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱོས་ལ་བདག་གི་ཚིག་འདིས་རེག་པར་སྤྱོད་དམ་ཞེས་བྱ་བའི་བར་དང ། ཞུ་བ་ལྔ་པོ་འདི་དག་ཀྱང་ཞུས་ཤིག་།བཙུན་པ་རྡོ་ཅན་ཞེས་བགྱི་བའི་ཡུལ་གྱི་མཐའ་ན་དགེ་སློང་ཉུང་བས་གྲངས་བཅུར་བསྐང་བ་དཀའ་ན། དེ་ལ་ཇི་ལྟར་བདག་གིས་བསྒྲུབ་པར་བགྱི། བཙུན་པ་བ་ལང་གི་རྗེས་ཀྱིས་ས་རྩུབ་པོར་གྱུར་བ་དང ། རྡོ་ཅན་ཞེས་བགྱི་བའི་ཡུལ་གྱི་མཐའ་ན་འདི་ལྟ་བུའི་གདིང་བ་དང ། དགབ་པ་འདི་ལྟ་སྟེ། ལུག་གི་པགས་པ་དང ། བའི་ཀོ་བ་དང ། རི་དྭགས་ཀྱི་པགས་པ་དང ། རའི་པགས་པ་ལས་བགྱིད་དོ། །ཇི་ལྟར་ཡུལ་གཞན་དག་ན། འདི་ལྟ་བུའི་གདིང་བ་དང་དག་བ་པ་འདི་ལྟ་སྟེ། བལ་སྟན་དང ། ཤིང་ཤུན་གྱི་སྟན་དང ། སྲིན་བལ་གྱི་སྟན་དང ། རས་བལ་གྱི་སྟན་དག་མཆིས་པ་དེ་བཞིན་དུ་རྡོ་ཅན་ཞེས་བགྱི་བའི་ཡུལ་གྱི་མཐའ་ན་འདི་ལྟ་བུའི་གདིང་བ་དང ། དགབ་པ་འདི་ལྟ་
Ka369a
༄#། །སྟེ།་ལུག་གི་པགས་པ་དང་ཞེས་བྱ་བ་གོང་མ་བཞིན་ནོ། །ཆུས་འདག་པར་འཚལ་བའི་མི་རྣམས་རྟག་པར་ཁྲུས་ལ་སྤྱོད་པ་དང ། དགེ་སློང་གིས་དགེ་སློང་ལ་ཆོས་གོས་བསྐུར་བ་ཚུ་རོལ་ནས་ནི་སྦགས་ལ། དེར་ནི་མ་མཆིས་ན། དེ་གང་ལ་སྤང་བའི་ལྟུང་བྱེད་དུ་འགྱུར་ཞེས་ཞུས་ཤིག་།ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རིས་ཅང་མི་སྨྲ་བས། ཚེ་དང་ལྡན་པ་ཀ་ཏྱཱ་ཡ་ན་ཆེན་པོ་ལས་མཉན་ཏོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རིས། ཚེ་དང་ལྡན་པ་ཀ་ཏྱཱ་ཡ་ན་ཆེན་པོའི་རྐང་པ་གཉིས་ལ་མགོ་བོས་ཕྱག་བྱས་ནས། ཚེ་དང་ལྡན་པ་ཀ་ཏྱཱ་ཡ་ན་ཆེན་པོའི་དྲུང་ནས་སོང་ངོ ། །དེ་ནས་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་དེ་ཉིད་ཀྱི་མཚན་མོ་འདས་ནས་སྔ་དྲོའི་དུས་སུ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ནས་གནས་པ་ཞེས་བྱ་བའི་གྲོང་དུ་བསོད་སྙོམས་ལ་ཞུགས་ཏེ། ཇི་ཙམ་ནས་རིམ་གྱིས་མཉན་ཡོད་དུ་ཕྱིན་ཏོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་ལྷུང་བཟེད་དང ། ཆོས་གོས་མཁོས་སུ་ཕབ་ནས། རྐང་པ་གཉིས་བཀྲུས་ཏེ། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དེ་བཞིན་གཤེགས་པ་དང་གྲོ་བཞིན་སྐྱེས་
Ka369b
རྣ་བ་བྱེ་བ་རི་གཙུག་ལག་ཁང་གཅིག་ཏུ་ཁྲི་ཤོམས་ཤིག་།ཚེ་དང་ལྡན་པ་ཀུན་དགའ་བོས་བཙུན་པ་བཀའ་བཞིན་འཚལ་ལོ་ཞེས་བཅོམ་ལྡན་འདས་ཀྱི་ལྟར་མཉན་ནས། དེ་བཞིན་གཤེགས་པ་དང།་གྲོ་བཞིན་སྐྱེས་རྣ་བ་བྱེ་བ་རི་གཙུག་ལག་ཁང་གཅིག་ཏུ་ཁྲི་བཤམས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་བཞིན་གཤེགས་པ་དང ། གྲོ་བཞིན་སྐྱེས་རྣ་བ་བྱེ་བ་རི་གཙུག་ལག་ཁང་གཅིག་ཏུ་ཁྲི་བཤམས་ལགས་ཏེ། བཅོམ་ལྡན་འདས་ད་དེའི་དུས་ལ་བབ་ལགས་སོ། །དེ་ནས་བཅོམ་ལྡན་འདས་དང ། གྲོ་བཞིན་སྐྱེས་རྣ་བ་བྱེ་བ་རི་གཙུག་ལག་ཁང་གང་ན་བ་དེར་གཤེགས་ཏེ། བྱོན་ནས་གཙུག་ལག་ཁང་གི་ཕྱི་རོལ་ཏུ་ཞབས་གཉིས་བཀྲུས་ཏེ། གཙུག་ལག་ཁང་དུ་ཞུགས་ནས་དགོངས་པ་མངོན་དུ་བཞག་སྟེ་བཞུགས་སོ། །ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་ཡང་གཙུག་ལག་ཁང་གི་ཕྱི་རོལ་དུ་རྐང་པ་གཉིས་བཀྲུས་ནས་གཙུག་ལག་ཁང་དུ་ཞུགས་ཏེ། སྐྱིལ་མོ་ཀྲུང་བཅས་ལུས་བསྲང་ནས་དྲན་པ་མངོན་དུ་ཕྱོགས་པར་བཞག་ནས་འདུག་སྟེ། བཅོམ་ལྡན་འདས་དང་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་འཕགས་པའི་མི་སྨྲ་བས། དེའི་མཚན་མོ་འདས་པར་མཛད་དོ། །དེ་ནས་བཅོམ་ལྡན་འདས་ཀྱིས་ནམ་ནངས་སུ་ཉེ་བ་ན། ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་ལ་བཀའ་སྩལ་པ། གྲོ་བཞིན་སྐྱེས་ཆོས་གང་ལ་
Ka370a
༄#། །བདག་གིས་མངོན་པར་ཤེས་ཏེ། མངོན་པར་སངས་རྒྱས་ནས་གསུངས་པ་ལ་ཁྱེད་སྤོབས་པར་གྱིས་ཤིག་།དེ་ནས་གྲོ་བཞིན་སྐྱེས་རྣ་བ་བྱེ་བ་རི་བཅོམ་ལྡན་འདས་ཀྱིས་སྐབས་ཕྱེ་བ་དང ། རྡོ་ཅན་ཞེས་བྱ་བའི་མཐའི་དབྱངས་ཀྱི་ང་རོས་ཆེད་དུ་བརྗོད་པ་དང ། ཕ་རོལ་འགྲོ་བྱེད་དང ། བདེན་པ་མཐོང་བ་དང ། རིག་གནས་ཀྱི་ཚིགས་སུ་བཅད་པ་དང ། ཐུབ་པའི་ཚིགས་སུ་བཅད་པ་དང ། གནས་བརྟན་གྱི་ཚིགས་སུ་བཅད་པ་དང ། གནས་བརྟན་མའི་ཚིགས་སུ་བཅད་པ་དང ། དོན་གྱི་ཚོམས་ཀྱི་མདོ་སྡེ་དག་གསང་བསྟོད་དེ་བཏོན་ཏོ། །དེ་ནས་བཅོམ་ལྡན་འདས་ཀྱིས་གྲོ་བཞིན་སྐྱེས་རྣ་བ་བྱེ་བ་རིས་བརྗོད་པ་རྫོགས་པར་མཁྱེན་ནས། ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རིལ་འདི་སྐད་ཅེས་བཀའ་སྩལ་ཏོ། །གྲོ་བཞིན་སྐྱེས་ཁྱོད་ཀྱིས་གང་ལ་བདག་གིས་མངོན་པར་ཤེས་ཏེ། མངོན་པར་སངས་རྒྱས་ནས་གསུངས་པའི་ཆོས་གྱ་ནོམ་པ་དང་སྙན་པར་བསྒྲགས་པ་ལེགས་སོ་ལེགས་སོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རི་འདི་སྙམ་དུ་སེམས་ཏེ། དེ་བཅོམ་ལྡན་འདས་ལ་བདག་གིས་མཁན་པོས་ཕྲིན་གསོལ་བ་སྨྲ་བའི་དུས་ལ་བབ་བོ་སྙམ་དུ་རིག་ནས། སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་རྡོ་ཅན་
Ka370b
ཞེས་བགྱི་བའི་ཡུལ་གྱི་མཐའ་གནས་པ་ཞེས་བགྱི་བའི་གྲོང་ན། བཙུན་པ་ཀ་ཏྱཱ་ཡ་ན་ཆེན་པོ་མཆིས་པ་དེ་བདག་གི་མཁན་པོ་ལགས་ཏེ། དེ་ཡང་བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་དང་ཉམ་ང་བ་མ་མཆིས་པས་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལགས་སོ། །གྲོ་བཞིན་སྐྱེས་དགེ་སློང་ཀ་ཏྱཱ་ཡ་ན་བདེ་བར་གྱུར་ཅིག་།ཞུ་བ་ལྔ་པོ་དག་ཀྱང་རྒྱས་པར་བརྗོད་པར་བྱའོ། །དེ་ནས་བཅོམ་ལྡན་འདས་ཀྱིས་གྲོ་བཞིན་སྐྱེས་རྣ་བ་བྱེ་བ་རི་ལ་འདི་སྐད་ཅེས་བཀའ་སྩལ་ཏོ། །གྲོ་བཞིན་སྐྱེས་རེ་ཞིག་ངས་ཞུ་བ་འདི་ལུང་བསྟན་པའི་དུས་ལ་མ་བབ་ཀྱིས། དགེ་འདུན་གྱི་ནང་དུ་ཞུ་བ་ཞུས་ཤིག་དང ། དེར་ཁྱོད་ཀྱིས་ཞུས་པ་ལུང་བསྟན་པའི་དུས་ལ་བབ་བོ། །དེ་ནས་བཅོམ་ལྡན་འདས་ནང་པར་སྔར་བཞེངས་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་ཞུགས་སོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་ཞེས་བྱ་བ་ནས་ཕྱོགས་གཅིག་ཏུ་འདུག་གོ་ཅེས་བྱ་བའི་བར་དུ་སྟེ། གྲོ་བཞིན་སྐྱེས་རྣ་བ་བྱེ་བ་རིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་རྡོ་ཅན་ཞེས་བགྱི་བའི་ཡུལ་གྱི་མཐའ་ན་གནས་པ་ཞེས་བགྱི་བའི་གྲོང་ན། བཙུན་པ་ཀ་ཏྱཱ་ཡ་ན་ཆེན་པོ་མཆིས་པ་དེ་བདག་གི་མཁན་པོ་ལགས་ཏེ། དེ་ཡང་བཅོམ་ལྡན་འདས་ཀྱི་ཞབས་ལ་ཞེས་བྱ་བ་ནས། བདེ་བ་ལ་རེག་པར་
Ka371a
༄#། །སྤྱོད་དམ་ཞེས་བྱ་བའི་བར་དུའོ། །ཞུ་བ་ལྔ་པོ་གོང་དུ་ཇི་སྐད་དུ་སྤང་བའི་ལྟུང་བྱེད་ཀྱི་བར་བརྗོད་པ་ཡང་རྒྱས་པར་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ་ཡུལ་མཐའ་འཁོབ་རྣམས་སུ་འདུལ་བ་འཛིན་པ་དང ། ལྔའི་ཚོགས་ཀྱིས་བསྙེན་པར་རྫོགས་པ་དང ། རྟག་ཏུ་ཁྲུས་བྱ་བ་དང ། མཆིལ་ལྷམ་རིམ་གཅིག་པ་འཆང་བར་བྱ་སྟེ། རིམ་གཉིས་པ་མ་ཡིན། རིམ་གསུམ་པ་མ་ཡིན་ནོ། །གལ་ཏེ་ཟད་པར་གྱུར་ན་ལྷན་པས་བཏབ་སྟེ་བཅང་བར་བྱའོ། །ཀོ་བ་བཅང་བར་བྱའོ། །དགེ་སློང་གིས་དགེ་སློང་ལ་ཆོས་གོས་བསྐུར་བ་ཚུ་རོལ་ནས་སྤགས་ལ་དེར་མ་ཕྱིན་ན། གང་ལ་ཡང་སྤང་བའི་ལྟུང་བྱེད་དུ་མི་འགྱུར་རོ། །བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡུལ་མཐའ་འཁོབ་རྣམས་སུ་འདུལ་བ་འཛིན་པ་དང་ལྔའི་ཚོགས་ཀྱིས་བསྙེན་པར་རྫོགས་པར་བྱའོ་ཞེས་གང་གསུངས་པ་དེ་ལ་དབུས་ནི་གང་ལགས། མཐའ་འཁོབ་ནི་གང་ལགས། ཉེ་བར་འཁོར་ཤར་ཕྱོགས་ན། ལི་ཁ་ར་ཤིང་འཕེལ་ཞེས་བྱ་བའི་གྲོང་ཡོད་པ་དེའི་ཤར་ཕྱོགས་ན་ལི་ཁ་ར་ཚང་ཚིང་ཞེས་བྱ་བའི་ཚལ་ཡོད་དེ་དེ་ནི་དབུས་སོ། །དེ་ཕན་ཆད་ནི་མཐའ་འཁོབ་བོ། །ལྷོ་ཕྱོགས་ན་འདམ་བུ་ཅན་ཞེས་བྱ་བའི་གྲོང་ཡོད་པ། དེའི་ཕ་རོལ་ན་འདམ་བུ་ཅན་ཞེས་བྱ་བའི་ཆུ་བོ་ཡོད་པ་དེ་ནི་དབུས་སོ། །དེ་ཕན་
Ka371b
ཆད་ནི་མཐའ་འཁོབ་བོ། །ནུབ་ཕྱོགས་ན་བྲམ་ཟེའི་གྲོང་ཀ་བ་དང ། ཉེ་བའི་ཀ་བ་དག་ཡོད་དེ་དེ་ནི་དབུས་སོ། །དེ་ཕན་ཆད་ནི་མཐའ་འཁོབ་བོ། །བྱང་ཕྱོགས་ན་ཨུ་ཤི་རིའི་རི་ཞེས་བྱ་བ་ཡོད་དེ་དེ་ནི་དབུས་སོ། །དེ་ཕན་ཆད་ནི་མཐའ་འཁོབ་བོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རིས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས། ཕྱུག་པ་ནོར་མང་བ་ལོངས་སྤྱོད་ཆེ་བའི་རིགས་དང ། རིན་པོ་ཆེས་སྤྲས་པའི་རྣ་ཆ་རྣ་བ་ལ་ཐོགས་ཤིང་བཙས་ལ་ངན་སོང་མཐོང་ཞིང ། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གྲོ་བཞིན་སྐྱེས་རྣ་བ་བྱེ་བ་རི་ཉིད་ཀྱི་སྔོན་གྱི་ཚེ་རབས་གཞན་རྣམས་སུ་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན། ཝཱ་ར་ཎཱ་སིའི་གྲོང་ཁྱེར་དུ་སྟོན་པ་འོད་སྲུང་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པ་འྲྫོགྶ་\?\་པའི་སངས་རྒྱས་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་ཞེས་བྱ་བའི་བར་འཇིག་རྟེན་དུ་འབྱུང་ངོ ། །ཝཱ་ར་ཎཱ་སིའི་གྲོང་ན་ཁྱོ་ཤུགས་གཉིས་ཤིག་ཡོད་པ་དེ་གཉིས་ཀྱིས་ཡང་དག་པར་རྫོགས་པའི་སངས་རྒྱས་འོད་སྲུང་ལས་སྐྱབས་སུ་འགྲོ་བ་དང །
Ka372a
༄#། །བསླབ་པའི་གཞི་རྣམས་མནོས་སོ། །གང་གི་ཚེ་ཡང་དག་པར་རྫོགས་པའི་སངས་རྒྱས་འོད་སྲུང་གིས་སངས་རྒྱས་ཀྱི་མཛད་བ་མཐའ་དག་མཛད་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་དང ། རྒྱལ་པོ་ཀྲི་ཀྲིས་དེའི་མཆོད་རྟེན་རིན་པོ་ཆེ་སྣ་བཞི་ལས་ཁོར་ཁོར་ཡུག་ཏུ་དཔག་ཚད་གང་ཙམ་ལ་འཕང་དུ་དཔག་ཚད་ཕྱེད་པ་ཞིག་བྱེད་དུ་བཅུག་ནས། དེ་ཞིག་ཅིང་གོགས་པ་དག་སླར་བཅོས་པའི་ཕྱིར་གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་དཔྱ་འདུ་བ་གང་ཡིན་པ་དེ་དག་དེས་མཆོད་རྟེན་དེ་ལ་ཕུལ་ལོ། ། གང་གི་ཚེ་རྒྱལ་པོ་ཀྲི་ཀྲི་ཤི་ནས་དེའི་བུ་ལེགས་སྐྱེས་ཞེས་བྱ་བ་དེ་རྒྱལ་སྲིད་ལ་བཞག་པ་དང ། དེའི་བློན་པོ་དག་གིས་དཔྱ་ཉུང་ཤས་ཤིག་ཕུལ་ལོ། །དེས་བློན་པོ་རྣམས་ལ་སྨྲས་པ། ཅིའི་ཕྱིར་ཁྱོད་ཀྱིས་ང་ལ་དཔྱ་ཉུང་དུ་ཞིག་ཕུལ། ངའི་ཡུལ་ནས་དཔྱ་མི་འདུའམ་ཞེས་སྨྲས་པ་དང ། དེ་དག་གིས་སྨྲས་པ། ལྷ་དཔྱ་དེ་ལས་འདུ་བ་ག་ལ་མཆིས། ལྷ་གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་དཔྱ་འདུ་བ་གང་ལགས་པ་དེ་དག་ནི། རྒྱལ་པོ་ཡབ་ཀྱིས་མཆོད་རྟེན་ཞིག་ཅིང་གོགས་པ་སླར་བཅོས་པའི་རྒྱུར་བཞག་གོ་།གལ་ཏེ་ལྷས་གནང་ན། དཔྱ་དེ་བདག་ཅག་གིས་དགུམ་མོ། །དེས་སྨྲས་པ། ཤེས་ལྡན་ངའི་ཡབ་ཀྱིས་གང་མཛད་པ་དེ་ནི་ཚངས་པས་བྱས་པའོ། །དེ་ནི་བརྒྱ་བྱིན་གྱིས་བྱས་པའོ། །དེ་དག་གིས་བསམས་པ། གལ་ཏེ་ལྷས་མི་གནང་ན་བདག་ཅག་གིས་ཅི་ནས་དཔྱ་དེ་དག་རང་འདུ་བར་
Ka372b
མི་འགྱུར་བ་དེ་ལྟར་བྱའོ་སྙམ་ནས། དེ་དག་གི་སྒོ་བཅད་དེ་བཞག་པས་ཕྱིན་ཆད་དཔྱ་འདུ་བ་ཆད་དོ། །མཆོད་རྟེན་དེ་ཡང་ཞིག་ཅིང་གོགས་པར་གྱུར་པ་དང ། ཁྱོ་ཤུག་དེ་གཉིས་རྒས་པ་གྱུར་པ་ན། མཆོད་རྟེན་དེ་ཉིད་ལ་བྱི་བདར་བྱེད་ཅིང་འདུག་གོ་།བྱང་ཕྱོགས་ནས་དེད་དཔོན་ཞིག་ཟོང་ཐོགས་ནས། ཝཱ་ར་ཎཱ་སིའི་གྲོང་དུ་ཕྱིན་པ་དང་དེས་མཆོད་རྟེན་ཞིག་ཅིང་གོགས་པར་གྱུར་པ་དེ་མཐོང་ངོ། །དེ་མཐོང་ནས་ཡབ་ཡུམ་མཆོད་རྟེན་འདི་སུའི་ལགས་ཞེས་དྲིས་སོ། །དེ་གཉིས་ཀྱིས་སྨྲས་པ། ཡང་དག་པར་རྫོགས་པའི་སངས་རྒྱས་འོད་སྲུང་གི་ཡིན་ནོ། །སུས་བགྱིས། རྒྱལ་པོ་ཀྲི་ཀྲིས་སོ། ། རྒྱལ་པོ་ཀྲི་ཀྲི་དེས་མཆོད་རྟེན་ཞིག་པ་དང་གོགས་པ་སླར་བཅོས་པའི་ཕྱིར་ཕུལ་བ་ཅུང་ཟད་མེད་དམ། དེ་གཉིས་ཀྱིས་སྨྲས་པ། ཕུལ་བ་ཡོད་དེ། གྲོང་ཁྱེར་གྱི་ཤར་ཕྱོགས་ཀྱི་སྒོ་ནས་དཔྱ་འདུ་བ་གང་དག་མཆོད་རྟེན་དེ་ཞིག་པ་དང ། གོགས་པ་བཅོས་པའི་ཕྱིར་ཕུལ་བ་ལས་རྒྱལ་པོ་ཀྲི་ཀྲི་ནོངས་ནས། དེའི་སྲས་ལེགས་སྐྱེས་ཞེས་བྱ་བ་དེ་རྒྱལ་སྲིད་ལ་བཞག་ནས། དེས་དཔྱ་འདུ་བ་དེ་བཅད་པས་མཆོད་རྟེན་དེ་ཞིག་ཅིང་གོགས་པར་གྱུར་ཏོ། །དེས་རིན་པོ་ཆེས་སྤྲས་པའི་རྣ་ཆ་རྣ་བ་ལས་ཕྲལ་ནས་དེས་དེ་གཉིས་ལ་བྱིན་ཏེ་སྨྲས་པ། ཡབ་ཡུམ་རིན་པོ་ཆེའི་རྣ་ཆ་འདིས་མཆོད་རྟེན་འདི་ཞིག་ཅིང་གོགས་པ་རྣམས་ཆོས་ཤིག་།བདག་ནམ་ཟོང་རྣམས་འགྱུར་ཏེ་འོངས་ནས་ཕྱིས་ཀྱང་སྦྱིན་ནོ། །དེ་གཉིས་ཀྱིས་དེ་བཙོངས་ནས་དེས་མཆོད་རྟེན་དེ་ཞིག་པ་དང ། གོགས་པ་སླར་བཅོས་ཏེ། ཁ་ཅིག་
Ka373a
༄#། །ནི་ལྷག་གོ་།དེ་ནས་དུས་ཕྱིས་ཤིག་ན་དེད་དཔོན་གྱིས་ཟོང་བསྒྱུར་ནས། སྤོགས་ཁྱེར་ཏེ་འོངས་སོ། །དེས་མཆོད་རྟེན་དེ་བལྟ་བས་མི་ངོམས་པ་ཞིག་ཏུ་མཐོང་ངོ ། །མཐོང་ནས་ཀྱང་དེའི་ཕྱིར་ཞིང་རབ་ཏུ་དགའ་བ་དང ། དང་བ་སྐྱེས་ཏེ་དྲིས་པ་ཡབ་ཡུམ་ཁྱེད་ཀྱི་སྐྱིན་པོ་ཅུང་ཟད་མ་བྱས་སམ། དེ་གཉིས་ཀྱིས་སྨྲས་པ། བུ་བདག་ཅག་གིས་སྐྱིན་པ་ཅུང་ཟད་ཀྱང་མ་བྱས་ཏེ། འོན་ཀྱང་ལྷག་པ་ཡང་ཡོད་དོ། །དེ་རབ་ཏུ་དང་བ་སྐྱེས་ནས། དེ་ལ་ཅི་ལྷག་པ་དང ། གཞན་ཡང་ཕུལ་ནས། མཆོད་པ་དང ། བཀུར་སྟི་ཆེར་བྱས་ཏེ། དགེ་བའི་རྩ་བ་འདིས། བདག་ཕྱུག་པ་དང ། ནོར་མང་བ་དང ། ལོངས་སྤྱོད་ཆེ་བའི་རིགས་སུ་སྐྱེ་བ་དང ། ཆོས་འདི་ལྟ་བུ་འཐོབ་པ་དང ། སྟོན་པ་འདི་ལྟ་བུ་ཁོ་ན་མཉེས་པར་བྱེད་ཀྱི། མི་མཉེས་པར་མི་བྱེད་པར་གྱུར་ཅིག་ཅེས་སྨོན་ལམ་བཏབ་བོ། །དགེ་སློང་དག་འདི་ཇི་སྙམ་དུ་སེམས། དེད་དཔོན་གང་ཡིན་པ་དེ་ནི་གྲོ་བཞིན་སྐྱེས་རྣ་བ་བྱི་བ་རི་འདི་ཉིད་ཡིན་ཏེ། འདིས་གང་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་བྱ་བ་བྱས་ཏེ།་སྨོན་ལམ་བཏབ་པའི་ལས་དེའི་རྣམ་པར་སྨིན་པས་ཕྱུག་པ་དང་ནོར་མང་བ་དང་ལོངས་སྤྱོད་ཆེ་བའི་རིགས་དང ། རིན་པོ་ཆེས་སྤྲས་པའི་རྣ་ཆ་རྣ་བ་ལ་ཐོགས་བཞིན་དུ་བཙས་ཤིང་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་ཉིད་མངོན་སུམ་དུ་བྱས་ཏེ། འདིས་ཡང་དག་པར་རྫོགས་པའི་སངས་རྒྱས་འོད་སྲུང་དང ། ཤུགས་མཉམ་པ། སྟོབས་མཉམ་
Ka373b
པ།་བརྩོན་པ་མཉམ་པ། མི་མཉམ་པ་དང་མཉམ་པ་བརྙེས་པའི་སྟོན་པ་ང་མཉེས་པར་བྱས་ཀྱིས་མ་མཉེས་པར་ནི་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན། གཅིག་ཏུ་དཀར་བ་རྣམས་ནི་དཀར་བ་ཡིན། འདྲེན་མ་རྣམས་ནི་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང ། འདྲེན་མ་རྣམས་ནི་སྤངས་ལ། ལས་གཅིག་ཏུ་དཀར་བ་ཁོ་ན་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །བཙུན་པ་ཚེ་དང་ལྡན་པ་གྲོ་བཞིན་སྐྱེས་རྣ་བ་བྱེ་བ་རིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་མཐོང་བས་ཆོས་འདི་ཉིད་ལ་ངན་སོང་དག་མཐོང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། འདིས་མ་ལ་ངག་གི་ལས་རྩུབས་པོ་སྨྲས་པ་དེའི་ལས་དེའི་རྣམ་པར་སྨིན་པས་མཐོང་བའི་ཆོས་ཉིད་ལ་ངན་སོང་དག་མཐོང་ངོ ། །སངས་རྒྱས་བཅོམ་ལྡན་འདས་རྒྱལ་པོ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་ཉེ་དགའ་དགེ་འདུན་གྱི་གསར་བུ་ཡིན་པས་དེ་གྲལ་རིམས་ཀྱི་ཁྲི་ལྡེག་པ་ཞིག་ཐོབ་པ་དང ། དེ་ཞིག་གིས་དོགས་པས་བླ་འོག་མ་བསྒྱུར་བས་ཉལ་ལོ། །དེས་བསམས་པ། བདག་ཉེ་དགའ་ཡིན་ན་ཁྲི་ལ་ཡང་ཆགས་སམ། གལ་ཏེ་མལ་ཆའམ། ཁྲི་མ་རྗེས་ན་ཉེ་དགའ་ཞེས་བྱ་བའི་མིང་ཡང་མི་འདོགས་སོ་སྙམ་ནས། དེ་ནང་པར་སྔར་ལངས་ཏེ།
Ka374a
༄#། །ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་དྲུང་དུ་སོང་བ་དང ། དེས་དེ་ལ་སྨྲས་པ། བཙུན་པ་ཉེ་དགའ་བྱོན་པ་ལེགས་སོ། །བྱོན་པ་ལེགས་སོ། །ཇི་ག་བཙུན་པ་ཉེ་དགའ་བདེ་བར་གཟིམས་སམ། དེས་སྨྲས་པ། གསུས་པོ་ཆེ་ཁྱོད་ཇི་སྙམ་དུ་སེམས། ཇི་ལྟར་བདག་མལ་སྟན་རིམ་པ་བརྒྱད་ལ་ཉལ་བ་བཞིན། ཉེ་དགའ་ཡང་དེ་བཞིན་སྙམ་མམ། ཁོ་བོ་དགེ་འདུན་གྱི་གསར་བུ་ཡིན་པས་ཁོ་བོ་གྲལ་རིམས་ཀྱིས་ཁྲི་ལྡེག་པ་ཞིག་ཐོབ་སྟེ། དེ་ཞིག་གིས་དོགས་ནས་ཁོ་བོས་བླ་འོག་ཀྱང་མི་བསྒྱུར་བར་ཉལ་ལོ། །བཙུན་པ་ཉེ་དགའ་མལ་སྟན་རིམ་པ་བརྒྱད་པོ་འདི་འདྲ་བ་བརྟགས་ལགས་སམ། ལེགས་པར་བརྟགས་པའོ། །ཤིན་ཏུ་བརྟགས་པའོ། །གང་དུ་བཀག་།སུས་བཀག་།གལ་ཏེ་བརྟགས་བ་ལགས་ན་དབུལ་གྱིས་སྣོམས་ལ་བཞུད་ཅིག་།ཉེ་དགས་སྨྲས་པ། གསུས་པོ་ཆེ་ཀོ་ས་ལའི་ཡུལ་རྣམས་ཁོ་བོ་དབང་ངམ་ཅི། གཙུག་ལག་ཁང་དུ་སྐྱོལ་ལ་བྱིན་ཅིག་།དེས་དེ་ལ་མི་བརྒྱད་བྱིན་ཏེ། དེ་ལ་བཞིས་ནི་མལ་སྟན་རྣམས་ཁྱེར། བཞིས་ནི་ཁྲི་ཁྱེར་ནས་དེ་དག་སྲང་གི་དབུས་ནས་དོང་བ་བྲམ་ཟེ་དང ། ཁྱིམ་བདག་དེ་དག་གིས་མཐོང་ངོ ། །མཐོང་ནས་ཀྱང་དྲིས་པ། ཤེས་ལྡན་དག་དེང་ལྷའི་གཟིམས་མལ་གང་དུ་བྱེད། ཉེ་དགས་སྨྲས་པ། ཉིད་ཀྱི་ཕོ་བྲང་དུའོ། །གཟིམས་མལ་འདི་གང་དུ་ཁྱེར། ཉེ་དགས་སྨྲས་པ་འདི་དག་ནི་བདག་གིས་ཐོབ་བོ། །
Ka374b
ཤེས་ལྡན་དག་དགེ་སྦྱོང་ཉེ་དགའ་ནི་འདོད་པའི་ཡོན་ཏན་གྱིས་དབྱེན་སྤྱོའམ་ཅི། ཞེས་དེ་དག་སྨོད་པར་བྱེད། གཞོག་འཕྱས་བྱེད། ཁ་ཟེར་བར་བྱེད་དོ། །དེ་གཙུག་ལག་ཁང་དུ་སོང་ནས་གཙུག་ལག་ཁང་དུ་ཆག་ཆག་བཏབ། ཕྱག་དར་བྱས་ནས། བའི་ལྕི་བ་སར་པའི་བྱུག་པས་བྱུགས་ཏེ། གནས་མལ་བཤམས་ནས་ཉལ་བར་བསམས་པ་དང ། བཅོམ་ལྡན་འདས་ཀྱིས་ཀྱང་ཕྱོགས་དེར་བྱོན་ཏོ། །དེ་དགའ་བ་སྐྱེས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གིས་གནས་མལ་ཅི་འདྲ་བར་མཆིས་གཟིགས་སུ་གསོལ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཐོག་མ་ཉིད་དུ་རུལ་བ་སྦེད་པ་ནི་སྐྱེས་བུ་གཏི་མུག་ཉེ་དགའ་ཡིན་པར་རིག་པར་བྱའོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་ཁྲི་སྟན་མཐོན་པོ་དང ། ཁྲི་སྟན་ཆེན་པོ་ལ་ཉལ་བ་ཡིན་ནོ། །དེ་ལྟ་བས་ན་དགེ་སློང་གིས་ཁྲི་སྟན་མཐོན་པོ་དང ། ཁྲི་སྟན་ཆེན་པོ་ལ་འདུག་པར་མི་བྱའོ། །འདུག་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཁྲི་སྟན་མཐོན་པོ་དང ། ཁྲི་སྟན་ཆེན་པོ་ལ་འདུག་པར་མི་བྱའོ། །ཞེས་གསུངས་པ་དང ། ཁྱིམ་བདག་གཞན་ཞིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་སྤྱན་དྲངས་ཏེ། དེ་ཁྲི་སྟན་མཐོན་པོ་དག་བཤམས་པར་བརྩམས་སོ། །ཚེ་
Ka375a
༄#། །དང་ལྡན་པ་ཀུན་དགའ་བོ་སྔོན་རོལ་ཉིད་དུ་སོན་པ་དང ། དེས་སྟན་མཐོན་པོ་དག་ཤོམ་པ་དེ་མཐོང་ནས། དེས་དེ་ལ་སྨྲས་པ། ཁྱིམ་བདག་སྟན་འདི་དག་ནི་དགེ་སློང་དང་འཚམ་པ་མ་ཡིན་གྱིས། སྡུས་ཤིག་།དེས་དེ་དག་བསྡུ་བར་བརྩམས་པ་ན། བཅོམ་ལྡན་འདས་ཀྱང་དེར་གཤེགས་སོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་འདི་ཅི་ཞིག་བྱེད། བཅོམ་ལྡན་འདས། ཁྱིམ་བདག་འདིས་ཆེན་པོ་ལ་འོས་པའི་གདན་དག་ཤོམ་ནས། བདག་གིས་ཁྱིམ་བདག་སྟན་འདི་དག་ནི་དགེ་སློང་དང་འཚམ་པ་མ་ཡིན་གྱིས་འདི་དག་སྡུས་ཤིག་ཅེས་བསྒོ་བ་དང ། དེ་དེ་དག་སྡུད་པ་ལགས་སོ། །ཀུན་དགའ་བོ་ཐམས་ཅད་ལ་འབྱོར་པ་ཡོད་པ་མ་ཡིན་གྱིས། ཀུན་དགའ་བོ་ཁྱིམ་བདག་སྟན་ཤོམ་པ་ལ་མ་ཟློག་ཅིག་།དེ་ལྟ་བས་ན་རྗེས་སུ་གནང་སྟེ། ཁྱིམ་དུ་ཁྲི་སྟན་མཐོན་པོ་ལ་འདུག་པར་བྱའི། དེར་ཉལ་བར་ནི་མི་བྱའོ། །གཙུག་ལག་ཁང་དུ་ནི་འདུག་པར་མི་བྱ་ཉལ་བར་མི་བྱ་སྟེ། འདུག་གམ་ཉལ་ན་འགལ་ཚབས་ཅན་དུ་འགྱུར་རོ། །ལྷོ་ཕྱོགས་ནས་དགེ་སློང་ཆོས་གོས་གསུམ་པ་གཞན་ཞིག་།བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་མཉན་ཡོད་དུ་འོངས་པ་དང ། དེའི་བགས་པའི་གདིང་བ་བཟང་པོ་ད་ཉེ་དགས་མཐོང་ནས།
Ka375b
དེས་དེ་ལ་སྨྲས་པ་བསོད་སྙོམས་པ་པགས་པ་ཁོ་བོ་ལ་བྱིན་ཅིག་།ཁོ་བོ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འགྲོའོ། །དེས་སྨྲས་པ། བཙུན་པ་ཉེ་དགའ་འགྲོ་ཡང་རུང་མི་འགྲོ་ཡང་རུང ། བདག་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འདིར་འོངས་སོ། །བསོད་སྙོམས་པ་ཁྱོད་ཇི་སྙམ་དུ་སེམས། ཉེ་དགས་འོ་ནི་འདྲ་བའི་པགས་པ་རྙེད་པར་མི་ནུས་སྙམ། ངའི་རྙེད་པ་ལ་ལྟོས་ཤིག་།བཙུན་པ་ཉེ་དགའ། བཙུན་པ་ཉེ་དགའ་ཁྱོད་ཀྱིས་གང་གི་ཕྱིར་ནུས་པ་དེའི་ཕྱིར་ཁོ་བོ་མི་འབུལ་ལོ། །ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་བ་ལང་གི་སྤྱན་བྱེད་པ་ཆེན་པོ་ཞེས་བྱ་བ་དང་ཚེ་དང་ལྡན་པ་ཉེ་དགའ་བཤེས་པས། དེ་དེའི་གན་དུ་སོང་བ་ན། ཇི་ཙམ་ན་སོས་ཀའི་དུས་སུ་བེའུ་བཀྲ་ཞིང་བཀྲ་བ་དག་བྱུང་ངོ ། །དེས་བེའུ་གཅིག་གིས་རྒྱབ་ཏུ་བྱུགས་པ་དང ། ཆེན་པོས་སྨྲས་པ། བཙུན་པ་ཉེ་དགའ་ཁྱོད་བེའུ་འདིའི་མའི་འོ་མ་གསོལ་བར་བཞེད་དམ་ཅི། དེས་སྨྲས་པ། དེ་ཡང་འདོད་མོད་ཀྱི་འདི་འདྲ་བའི་པགས་པ་དགེ་སློང་གང་ལ་ཡོད་པ་ནི་སེམས་ལས་ཆུང་ངུས་བདེ་བར་དགེ་བའི་ཕྱོགས་ལ་རབ་ཏུ་བརྩོན་པར་འགྱུར་རོ། །ཆེན་པོས་སྨྲས་པ། བཙུན་པ་ཉེ་དགའ་བཀའ་སྩལ་པས་འཛལ་གྱིས་བཞུད་ཅིག་།དེ་སོང་བ་དང་ཆེན་པོས་ཕྱུགས་རྫི་ལ་བསྒོ་བ། བེའུ་འདི་སོད་ལ་ཁྱོད་ཀྱིས་པགས་པ་ཁྱེར་ཏེ་བཙུན་པ་ཉེ་དགའ་ལ་ཕུལ་ཅིག་།དེས་བེའུ་དེ་བསད་ནས་པགས་པ་ཁྱེར་ཏེ་སོང་བ་དང ། བ་དེ་བེའུ་
Ka376a
༄#། །ལ་དུངས་པས་སྐད་འབྱིན་ཅིང་རྗེས་བཞིན་དུ་སོང་བ་ལས། དེ་རྒྱལ་བྱེད་ཀྱི་ཚལ་དུ་ཞུགས་པ་དང ། བ་དེ་རྒྱལ་བྱེད་ཀྱི་ཚལ་གྱི་སྒོ་ན་སྐད་འབྱིན་ཅིང་འདུག་གོ་།སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་སྨྲས་པ། ཀུན་དགའ་བོ། རྒྱལ་བྱེད་ཚལ་གྱི་སྒོ་ན་བ་འདི་ཅིའི་ཕྱིར་སྐད་འབྱིན་ཅིང་འདུག་།ཚེ་དང་ལྡན་པ་ཀུན་དགའ་བོས་གསོལ་པ། བཅོམ་ལྡན་འདས་བཙུན་པ་ཉེ་དགས་བེའུ་དེའི་པགས་པ་འཚལ་བའི་སླད་དུ་འགུམ་སྩལ་བས། དེས་ན་བ་དེ་རྒྱལ་བྱེད་ཀྱི་ཚལ་གྱི་སྒོ་ན་སྐད་འབྱིན་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་ཀོ་ལྤགས་འཆང་བ་ཡིན་གྱིས་དེ་ལྟ་བས་ན་དགེ་སློང་གིས་ཀོ་ལྤགས་བཅང་བར་མི་བྱའོ། །བཅངས་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་ཀོ་ལྤགས་བཅང་བར་མི་བྱའོ་ཞེས་གསུངས་པ་དང ། ཁྱིམ་བདག་གཞན་ཞིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་ན། ཁྱིམ་བདག་དེས་གདན་གཞན་བཤམ་དུ་མེད་ནས། དེས་ཀོ་ལྤགས་ཀྱི་གདན་དག་བཤམ་པར་བརྩམས་སོ། །ཚེ་དང་ལྡན་པ་ཀུན་དགའ་བོ་ནང་པར་སྔར་ལངས་ཏེ། ཁྱིམ་བདག་དེའི་ཁྱིམ་དུ་སོང་བ་
Ka376b
དང ། དེས་ཁྱིམ་བདག་དེ་ཀོ་ལྤགས་ཀྱི་གདན་དག་ཤོམ་པ་མཐོང་ནས་སྨྲས་པ། ཁྱིམ་བདག་སྟན་འདི་དག་ནི་དགེ་སློང་དང་འཚམ་པ་མ་ཡིན་གྱིས་འདི་དག་སྡུས་ཤིག་།དེས་བསྡུ་བར་བརྩམ་བརྩམས་པ་ན། བཅོམ་ལྡན་འདས་ཀྱང་དེར་གཤེགས་སོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ་ཡིན་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་འདི་ཅི་ཞིག་བྱེད། ཚེ་དང་ལྡན་པ་ཀུན་དགའ་བོས་གསོལ་པ། ཁྱིམ་བདག་དེས་གདན་གཞན་བཤམ་དུ་མ་འབྱོར་ནས། དེས་ཀོ་ལྤགས་ཀྱི་གདན་བཤམ་པ་དང ། བདག་གིས་ཁྱིམ་བདག་གདན་འདི་དག་ནི་དགེ་སློང་དང་འཚམ་པ་མ་ཡིན་གྱིས། འདི་དག་སྡུས་ཤིག་ཅེས་བསྒོ་ནས། དེ་སྟན་འདི་དག་སྡུད་པ་ལགས་སོ། །ཀུན་དགའ་བོ་ཐམས་ཅད་འབྱོར་པ་མེད་པས། ཀུན་དགའ་བོ་ཁྱིམ་བདག་སྟན་ཤོམ་པ་མ་ཟློག་ཅིག་།དེ་ལྟ་བས་ན་རྗེས་སུ་གནང་སྟེ། ཁྱིམ་དུ་ཀོ་ལྤགས་ཀྱི་སྟན་བཤམས་པ་ལ་འདུག་པར་བྱའི། ཉལ་བར་ནི་མི་བྱའོ། །གཙུག་ལག་ཁང་དུ་ནི་འདུག་པར་མི་བྱ། ཉལ་བར་མི་བྱ་སྟེ། འདུག་གམ་ཉལ་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །ཚེ་དང་ལྡན་པ་པི་ལིན་དའི་བུ་རབ་ཏུ་བྱུང་ཚུན་ཆད་ནས། རྟག་ཏུ་ནད་བུ་ཅན་ཉིད་དུ་གྱུར་ཏོ། །གཉེན་དག་དེའི་དྲུང་དུ་སོང་
Ka377a
༄#། །སྟེ་སོན་པ་དང ། དེས་དེ་དག་ལ་ཆོས་བཤད་དོ། །དེ་དག་གིས་ཚེ་དང་ལྡན་པ་པི་ལིན་དའི་བུ་ལས་ཆོས་མཉན་ནས། བུད་མེད་ཀྱི་གན་དུ་འོངས་ཏེ་སྨྲས་པ། འཕགས་པ་པི་ལིན་དའི་བུས་སྦྲང་རྩི་བཅིར་བ་ལྟ་བུར་ཆོས་སྙན་དགུ་ཞིག་བཤད་དོ། །དེ་དག་གིས་སྨྲས་པ། ཁྱེད་ཅག་གིས་ཚེ་དང་ལྡན་པ་དེ་ལས་ཆོས་མཉན་པ་ནི། སངས་རྒྱས་འབྱུང་བ་འབྲས་བུ་དང་བཅས་པ་ཡིན་ནོ། །ཁྱེད་ཅག་ཀྱང་ཉན་འདོད་ཅིང ། བདག་ཅག་དེར་མཆི་བར་ངོ་ཚའོ། །གལ་ཏེ་འཕགས་པ་བདག་ཅག་གི་འདིར་གཤེགས་ཏེ་ཆོས་བཤད་ན། བདག་ཅག་གིས་ཀྱང་དེ་བཞིན་དུ་མཉན་ནོ། །དེ་དག་གིས་སྨྲས་པ། བདག་ཅག་འཕགས་པ་པི་ལིན་དའི་བུའི་ཐད་དུ་སོང་ལ་ཞུ་བར་བྱའོ་ཞེས་དེ་དག་ཚེ་དང་ལྡན་པ་པི་ལིན་དའི་བུ་གང་ན་བ་དེར་སོང་སྟེ་ཕྱིན་ནས། སྨྲས་པ། འཕགས་པ་པི་ལིན་དའི་བུ་བུད་མེད་དག་ཆོས་ཐོས་པར་འཚལ་ལོ། །དེས་སྨྲས་པ། ཁོ་བོས་བཀག་གམ་ཅི། ཉོན་ཅིག་།དེ་དག་གིས་སྨྲས་པ། འཕགས་པ་བུད་མེད་དག་མཆིར་ངོ་ཚ་ལགས་སོ། །གལ་ཏེ་འཕགས་པ་པི་ལིན་དའི་བུ་དེ་ཉིད་དུ་གཤེགས་ཏེ། ཆོས་བཤད་ན་དེ་དག་ཉན་པར་འགྱུར་རོ། །དེས་སྨྲས་པ། ཤེས་ལྡན་དག་ཁོ་བོ་ན་བས་རྐང་པས་ནི་འགྲོ་མི་ནུས་སོ། །དེ་དག་གིས་སྨྲས་པ། འཕགས་པ་བཞོན་པས་གཤེགས། བཞིན་བཟང་དག་བཅོམ་ལྡན་འདས་ཀྱིས་རྗེས་སུ་མ་གནང་ངོ ། །སྐབས་དེ་བཅོམ་
Ka377b
ལྡན་འདས་ལ། དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། བཞོན་པས་འགྲོ་བར་བྱའོ། །བཅོམ་ལྡན་འདས་ཀྱིས་བཞོན་པས་འགྲོ་བར་བྱའོ་ཞེས་གསུངས་ནས། ཚེ་དང་ལྡན་པ་པི་ལིན་དའི་བུ་བཞོན་པ་ལ་ཞོན་ནས་ལྷན་ཅིག་གནས་པ་དང ། ཉེ་གནས་རྣམས་ཀྱིས་ཡོངས་སུ་བསྐོར་ཅིང་དོང་བ་དྲུག་སྡེ་རྣམས་ཀྱིས་མཐོང་ནས། དེ་དག་གིས་དྲིས་པ། ཤེས་ལྡན་དག་འགྲོ་བ་ཕ་བི་སུ་ཞིག་།དེ་དག་གིས་སྨྲས་པ། མཁན་པོ་ཡིན་ནོ། །ཅི་བཅོམ་ལྡན་འདས་ཀྱིས་བཞོན་པ་རྗེས་སུ་གནང་ངམ། རྗེས་སུ་གནང་ངོ ། །དྲུག་སྡེ་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་དགོངས་པ་ནི། ཤཱཀྱ་རྣམས་ཤིན་ཏུ་བཞོན་པས་རྐང་པས་འགྲོ་མི་ནུས་ཏེ། བཅོམ་ལྡན་འདས་ཀྱིས་བཞོན་པ་རྗེས་སུ་གནང་ངོ་སྙམ་ནས། དེ་རྣམས་ཀྱི་གསེར་དང ། དངུལ་དང ། བཻ་ཌཱུརྱ་དང ། ཤེལ་གྱིས་ཁྲ་བོར་བྱས་ཤིང་པདྨ་བཞིན་དུ་བྱི་དོར་བྱས་པའི་བཞོན་པ་དག་ཉེ་བར་བཞག་སྟེ། དེ་དག་བཞོན་པ་ལ་ཞོན་ནས་སྲང་གི་དབུས་ནས་ལག་པ་སྒྲེང་སྟེ། བྲམ་ཟེ་དང་ཁྱིམ་བདག་རྣམས་ལ་ནད་མེད་པར་གྱུར་ཅིག་ཅེས་ཟེར་ཞིང་དོང་ངོ ། །དེ་དག་གིས་སྨྲས་པ། འཕགས་པ་དག་ཅི། འདི་དག་བཅོམ་ལྡན་འདས་ཀྱིས་རྗེས་སུ་གནང་ངམ། རྗེས་སུ་གནང་ངོ ། །དེ་དག་གིས་འཕགས་པ་དགེ་སྦྱོང་ཁྱོད་ཅག་ནི་འདོད་པའི་ཡོན་ཏན་གྱིས་གཡེན་སྤྱོ་བ་ཡིན་ནོ། །ཞེས་སྨྲས་པའི་སྐབས་དེ། བཅོམ་ལྡན་
Ka378a
༄#། །འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་བཞོན་པས་འགྲོ་བ་ཡིན་ཏེ། དེ་ལྟ་པས་ན་དགེ་སློང་གིས་བཞོན་པས་འགྲོ་བར་མི་བྱའོ། །དེ་ཉིད་ཉེས་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བཞོན་པས་འགྲོ་བར་བྱ་བ་ནི་གཉིས་ཏེ། རྒས་འཁོགས་ནས་ཉམ་ཆུང་པ་དང ། ན་སྟེ་སྦྱོར་མི་བཟོད་པའོ། །དགེ་སློང་རྣམས་ལྗོངས་རྒྱུ་ཞིང་དོང་བ་ལས་དེ་དག་གིས་ཆོས་གོས་དང་ལྷུང་བཟེད་ཐོགས་ཏེ། ཆུ་རྒལ་བ་ན་དབུས་སུ་ཕྱིན་ནས་འགྲོ་མ་ནུས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་སློང་གིས་རྐྱལ་བསླབ་པར་བྱའོ།། བཅོམ་ལྡན་འདས་ཀྱིས་རྐྱལ་བསླབ་པར་བྱའོ་ཞེས་གསུངས་པ་དང ། དྲུག་སྡེ་རྣམས་ཀྱིས་ཆུ་བོ་ཨ་ཇི་ར་པ་ཏི་ལ་ཕར་ཡང་རྐྱལ། ཚུར་ཡང་རྐྱལ་པ་དང ། ཇི་ཙམ་ན་ཕྱུགས་རྫི་བུད་མེད་དག་འོངས་བ་དེ་དག་གིས་མཐོང་ནས་སྨྲས་པ། སྲིང་མོ་ཚུར་ཤོག་།ཁྱེད་ཅག་བདག་ཅག་གིས་བསྒྲལ་ལོ། །དེ་དག་གིས་དེ་དག་བསྒྲལ་བར་བརྩམས་པ་ན། དེ་དག་གིས་དེ་དག་གི་ཡན་ལག་དང་ཉིང་ལག་ལ་རེག་ཅིང་དེ་དག་གིས་དེ་དག་བསྒྲལ་ནས་སྨྲས་པ། སྲིང་མོ་དག་ཡང་ཚུར་ཤོག་།ཁོ་བོ་ཅག་གིས་ཕྱིར་ཡང་བསྒྲལ་ལོ། །དེ་དག་གིས་སྨྲས་པ། འཕགས་པ་དག་བདག་ཅག་གི་ཡན་ལག་དང་
Ka378b
ཉིང་ལག་དག་ལ་ཁྱིམ་ཐབ་ཀྱིས་ཀྱང་མ་རེག་ན། ཁྱེད་ཅག་གིས་རེག་པར་བྱས་པས་བདག་ཅག་སླར་ག་ལ་མཆི་ཞེས་དེ་དག་སྨོད་པར་བྱེད། འཕྱ་བར་བྱེད། ཁ་ཟེར་བར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི་དགེ་སློང་དག་བུད་མེད་ལ་རེག་པར་བྱེད་པ་ལས་ཡིན་གྱི། དེ་ལྟ་བས་ན། དགེ་སློང་གིས་བུད་མེད་ལ་རེག་པར་མི་བྱའོ། །རེག་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་བུད་མེད་ལ་རེག་པར་མི་བྱའོ་ཞེས་གསུངས་པ་དང ། གྲོང་ཁྱེར་གྱི་མི་རྣམས་སྐྱེད་མོས་ཚལ་ལ་དགའ་བས། དེ་རྣམས་སྐྱེད་མོས་ཚལ་དུ་དོང་བ་དང ། བུད་མེད་ཅིག་ཆུ་ལེན་དུ་སོང་བ་ལས་དེ་གྲེད་དེ་ཆུས་ཁྱེར་རོ། །དེ་ཚོལ་དུ་སོང་བའི་མི་དེས། དགེ་སློང་དག་མཐོང་ནས་འཕགས་པ་དག་གིས་བུད་མེད་ཆུས་ཁྱེར་བ་ཞིག་གཟིགས་སམ། མཐོང་སྟེ་ཆུས་ཁྱེར་བ་ཕ་བི་ཡིན་ནོ། །ཕ་བི་དེ་ད་ལྟར་ཤི་ལ་ཐུག་ན་ཉིན་ཐོག་ཐག་ཏུ་ཆུ་ལ་ལྟ་ཞིང་འཁོད་དམ་ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དབྱུང་བར་བྱའོ། །གཞན་དག་ན་རེ། ཐོངས་ཤིག་ཅེས་ཟེར་ན་གལ་ཏེ་མཐུ་ཡོད་པ་ཡིན་ན་གཏང་བར་བྱའོ། །གཞན་དག་གཡོ་བ་མེད་པར་གྱུར་ཏེ། དེ་དག་བྱེ་མ་སྤུངས་པ་ལ་ཁས་བུབ་ཏུ་བཞག་ནས་བོར་ཏེ་དོང་བ་དང་དེ་ཝས་ཟོས་སོ། །དེས་བོར་ཏེ་འགྲོ་བར་མི་བྱའོ། །དེ་དག་ཆགས་པ་
Ka379a
༄#། །སྐྱེས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཕྱོགས་གཞན་ཞིག་ཏུ་འདུག་ལ་གང་དག་ཁ་ཏོན་ཟློས་པ་དེ་དག་ནི་ཁ་ཏོན་བྱོས་ཤིག་།བསམ་གཏན་པ་གང་དག་ཡིན་པ་དེ་དག་གིས་ནི་ཡིད་ལ་བྱོས་ཤིག་།དྲོ་ཡོལ་དུ་དོགས་ན་དེ་ན་བ་ལང་རྫི་དང ། ཕྱུགས་རྫི་གང་དག་འཁོད་པ་དེ་དག་ལ་བཏད་ནས་འགྲོ་བར་བྱའོ། །དྲུག་སྡེ་དག་གིས་ཁྱིམ་བདག་གཞན་ཞིག་གིས་བའི་མཇུག་མ་ལ་བཟུང་ནས། བའི་འོ་མ་ཟད་ཟད་དུ་ཕར་རྐྱལ། ཚུར་རྐྱལ་ཏོ། །དེས་ཕྱུགས་བརྫི་ལ་དྲིས་པ། དེ་རིང་ཅིའི་ཕྱིར་འོ་མ་མེད། དེས་སྨྲས་པ། འཕགས་པ་དྲུག་སྡེ་དག་གིས་ཞེས་བྱ་བ་ནས། དེ་སྨོད་པར་བྱེད། འཕྱ་བར་བྱེད། ཁ་ཟེར་བར་བྱེད་ཅེས་བྱ་བའི་བར་གོང་མ་བཞིན་ཏེ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་བའི་མཇུག་མ་ལས་བཟུང་སྟེ་རྐྱལ་བར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་བའི་མཇུག་མ་ལས་བཟུང་སྟེ་རྐྱལ་བར་མི་བྱའོ་ཞེས་གསུངས་པ་དང ། དགེ་སློང་ཆུ་རྒལ་བ་དག་ཅིག་གླང་པོ་ཆེའི་མཇུག་མ་ནས་བཟུང་སྟེ། འགྲོ་བར་འདོད་པ་དག་ཕོངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མཇུག་མ་ཅན་ལྔའི་མཇུག་མ་ལས་བཟུང་སྟེ་འགྲོ་བར་བྱ་སྟེ། གླང་པོ་ཅང་ཤེས་དང ། རྟ་ཅང་ཤེས་དང ། ཁྱུ་མཆོག་དང ། མ་ཧེ་དང ། གཡག་གིའོ། །འོན་ཀྱང་རྐྱལ་པས་རྐྱལ་བར་བྱའོ། །བཅོམ་ལྡན་འདས་ཀྱིས་རྐྱལ་བས་རྐྱལ་བར་བྱའོ་ཞེས་གསུངས་པ་དང ། དྲུག་སྡེ་དག་གིས་
Ka379b
རྒྱལ་པ་བུད་མེད་དང་སྐྱེས་པ་ཉལ་པོ་བྱེད་པ་རི་མོར་བྲིས་ཤིང་པདྨ་ལྟར་བྱི་དོར་བྱས་པ་དག་བྱས་པ་དང ། དེ་དག་བྲམ་ཟེ་དང་ཁྱིམ་བདག་དག་གིས་མཐེང་\་ཾཊཿ ཱོཎG\་ནས་སྨྲས་པ། འཕགས་པ་འདི་ཅི་ལགས་དེ་དག་གིས་སྨྲས་པ། བཅོམ་ལྡན་འདས་ཀྱིས་རྐྱལ་པ་རྗེས་སུ་གནང་ངོ ། །འཕགས་པ་དགེ་སྦྱོང་ཁྱེད་ཅག་ནི་འདོད་པའི་ཡོན་ཏན་གྱིས་དབྱེན་སྤྱོ་བའམ་ཅི། ཞེས་དེ་དག་སྨོད་པར་བྱེད་པའི་སྐབས་དེ།་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སྦྱོང་གིས་རྐྱལ་བ་བུད་མེད་དང་སྐྱེས་པ་ཉལ་པོ་བྱེད་པ་རི་མོར་བྲིས་ཤིང ། པདྨ་ལྟར་བྱི་དོར་བྱས་པ་དག་བཅང་བར་མི་བྱའོ། །འོན་ཀྱང་རྐྱལ་པ་གཉིས་བཅང་བར་བྱ་སྟེ། རྩིས་བསྐུས་པ་དང ། རྐྱལ་སྐྱའོ། །ཁྱིམ་བདག་མགོན་མེད་ཟས་སྦྱིན་གྱིས་འཁོར་གྱི་ཁྱམས་ཤིག་བརྩིགས་པ་དང ། ཆོས་ཉན་པར་དགེ་སློང་ཤིང་གི་མཆིལ་ལྷམ་གྱོན་པ་དག་ལྷགས་ནས། དེ་དག་གི་ཤིང་གི་མཆིལ་ལྷམ་གྱིས་ས་གཞི་བསྟར་བ་དྲུད་ཅིང་རློགས་པར་གྱུར་ཏོ། ཁྱིམ་བདག་མགོན་མེད་ཟས་སྦྱིན་ནང་པར་སྔར་ལངས་ཏེ། བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འོངས་པ་དེས་མཐོང་ངོ ། །མཐོང་ནས་སྨྲས་པ། འཕགས་པ་ཅི། འདིར་མདང་གསུམ་རྒྱལ་པོ་གསལ་རྒྱལ་དཔུང་གི་ཚོགས་ཡན་ལག་བཞི་དང་དགོངས་བཏབ་བམ། དེ་དག་གིས་སྨྲས་པ། རྒྱལ་པོ་ནི་མ་ཡིན་མོད་ཀྱི། དགེ་སློང་ཤིང་གི་མཆིལ་ལྷམ་གྱོན་པ་དག་གཅིག་འོངས་ཏེ་དེ་དག་གིས་
Ka380a
༄#། །འདི་མ་རུང་བར་བྱས་སོ། །དེ་སྨོད་པར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་བ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་ཤིང་གི་མཆིལ་ལྷམ་འཆང་བ་ཡིན་གྱིས། དེ་ལྟ་བས་ན་དགེ་སློང་གིས་ཤིང་གི་མཆིལ་ལྷམ་བཅང་བར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་ཤིང་གི་མཆིལ་ལྷམ་བཅང་བར་མི་བྱའོ་ཞེས་གསུངས་པ་དང ། ཁྱིམ་དུ་དགེ་སློང་རྣམས་དབྱར་གནས་པར་དམ་བཅས་པ་ལས། དེ་དག་གིས་མཆིལ་ལྷམ་འདམ་གྱིས་རླན་པར་གྱུར་པའི་སྐབས་དེ།་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཁྱིམ་གྱི་ནང་དུ་ཤིང་གི་མཆིལ་ལྷམ་བཅང་བར་བྱའོ། །དགེ་སློང་གི་དགེ་འདུན་རྣམས་ལ་བྲམ་ཟེ་དང ། ཁྱིམ་བདག་དད་པ་ཅན་དག་གིས་ཤིང་གི་མཆིལ་ལྷམ་དག་ཕུལ་བ་དང ། དགེ་སློང་རྣམས་ཀྱིས་མ་བླངས་སོ། །དེ་དག་གིས་སྨྲས་པ། འཕགས་པ་དག་གང་གི་ཚེ། བཅོམ་ལྡན་འདས་འཇིག་རྟེན་དུ་མ་བྱུང་བའི་ཚེ་མུ་སྟེགས་ཅན་རྣམས་སྦྱིན་གནས་སུ་གྱུར་ཏོ་ཞེས་བྱ་བའི་བར་དུ་སྟེ། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་སྟེ། བླངས་ནས་དགེ་འདུན་གྱི་སྣམ་ཕྱིས་སམ། ཆབ་ཁུང་སར་གཞག་པར་བྱའོ།། སརྦ་མངྒ་ལཾ།།
Kha1b
༄##། །འདུལ་བ་གཞི། བམ་པོ་ཉི་ཤུ་གཉིས་པ། སྡོམ་ལ། སྨྱུག་མའི་ལོ་མ་གྲོ་བཞིན་དང ། །རྗེས་སུ་གནང་དང་བསྲུང་ཕྱིར་དང ། །དེ་བཞིན་བསེགས་སུ་བཅིངས་པ་དང་།། རྩེ་མོ་རྙེད་པ་སྤུ་གུ་ཅན། །བཅོམ་ལྡན་འདས་ཀྱིས། དགེ་སློང་གིས་ཤིང་གི་མཆིལ་ལྷམ་བཅང་བར་མི་བྱའོ། །ཞེས་གསུངས་ནས་དེ་དག་སྨྱུག་ལོའི་མཆིལ་ལྷམ་འཆང་བ་དང ། དེ་ཉིད་
Kha2a
༄##། །ཉེས་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྨྱུག་ལོའི་མཆིལ་ལྷམ་བཅང་བར་མི་བྱའོ། །དེ་དག་རྩཝ་མུན་ཛའི་མཆིལ་ལྷམ་འཆང་བ་དང ། དེ་ཉིད་ཉེས་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྩཝ་མུན་ཛའི་མཆིལ་ལྷམ་བཅང་བར་མི་བྱའོ། །དེ་དག་སྲད་བུའི་མཆིལ་ལྷམ་འཆང་བ་དང ། དེ་ཉིད་ཉེས་དམིགས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྲད་བུའི་མཆིལ་ལྷམ་བཅང་བར་མི་བྱའོ། །དགེ་སློང་དག་དྲེག་གིས་བཏབ་སྟེ་དེ་དག་ཤུ་བ་བྱུང་བས་ཀོ་བའི་མཆིལ་ལྷམ་རླན་པར་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང །
Kha2b
བཅོམ་ལྡན་འདས་ཀྱིས་བཀའ་སྩལ་པ། དྲེག་གིས་ཐེབས་པ་གང་ཡིན་པ་དེས། སྲད་བུའི་མཆིལ་ལྷམ་བཅང་བར་བྱའོ། གང་གི་ཚེ་གྲོ་བཞིན་སྐྱེས་བྱེ་བ་ཉི་ཤུ་པ་རབ་ཏུ་བྱུང་བ་དེའི་ཚེ་དེའི་རྐང་མཐིལ་ལ་གསེར་གྱི་ཁ་དོག་འདྲ་བའི་སྤུ་སོར་བཞི་ཙམ་ཡོད་པ་དེ། དྲུག་སྡེ་དག་གིས་མཐོང་ངོ ། །མཐོང་ནས་ཀྱང་དེ་དག་གིས་སྨྲས་པ། དགའ་བོ་ཉེ་དགའ། རེ་ཞིག་མར་སར་གྱི་གོང་བུ་འདྲ་བ་འདི། གཅིག་ཏུ་བརྩོན་པའི་བསྟན་པ་ལ་རབ་ཏུ་བྱུང་ནས་ཅི་ཞིག་བྱེད་ཅེས་སྨྲས་པ། དེས་ཐོས་སོ། །དེས་ཐོས་ནས་ང་རྒྱལ་སྐྱེས་ཏེ། ཚེ་དང་ལྡན་པ་ཀུན་དགའ་བོའི་དྲུང་དུ་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོ་ལ་དྲིས་པ། བཙུན་པ་ཀུན་དགའ་བོ། བཅོམ་ལྡན་འདས་ཀྱིས་གཅིག་ཏུ་བརྩོན་པའི་བསྟན་པ་ལ་ཏིང་ངེ་འཛིན་ཡུན་རིང་དུ་གནས་པར་གསུངས་པ་གང་ལགས། ཚེ་དང་ལྡན་པ་གྲོ་བཞིན་སྐྱེས། འཆག་པས་ཐོབ་པ་ཡིན་ནོ། །དེ་བསིལ་བའི་ཚལ་གྱི་དུར་ཁྲོད་དུ་སོང་ནས་འཆག་ས་བཅས་སོ། །དེ་འཆག་པ་ན། སྤུ་གསེར་གྱི་ཁ་དོག་འདྲ་བ་སོར་བཞི་ཙམ་པོ་དག་ཀྱང་
Kha3a
༄##། །ཟད་དོ། །དེའི་འོག་ཏུ་པགས་པ་རྡོལ། དེའི་འོག་ཏུ་ཁྲག་བྱུང་སྟེ། དེ་ཇི་སྲིད་འཆག་སའི་མགོ་གཅིག་ནས་གཅིག་ཤོས་སུ་སོང་གི་བར་དུ་དེའི་འཆག་སའི་མགོ་གཅིག་ན་ཡང་ཁཝ་དག་ཁྲག་འཐུང་ལ། གཉིས་པ་ན་ཡང་འཐུང་ངོ ། །ཆོས་ཉིད་ཀྱིས། སངས་རྒྱས་བཅོམ་ལྡན་འདས་རྣམས་བཞུགས་ཤིང་འཚོ་ལ་གཞེས་པ་ནི། དུས་དུས་སུ་ཆུ་བོར་རྒྱུ་བ་སྤྱོད་དོ་ཞེས་བྱ་བའི་བར་དུ་རྒྱས་པར་བྱ་སྟེ། སྐབས་འདིར་ནི། སངས་རྒྱས་བཅོམ་ལྡན་འདས་གཙུག་ལག་ཁང་དུ་རྒྱུ་ཞིང་གཤེགས་པ་ཡིན་པས། ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པའི་གཙུག་ལག་ཁང་གང་ན་བ་དེར་གཤེགས་པ་དང ། བཅོམ་ལྡན་འདས་ཀྱིས་གྲོ་བཞིན་སྐྱེས་བྱེ་བ་ཉི་ཤུ་པའི་འཆག་ས་གཟིགས་སོ། །གཟིགས་ནས་ཀྱང་སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་རྨེད་པ་ཡིན་པས། མཁྱེན་བཞིན་དུ་རྨེད་དེ།་སངས་རྒྱས་བཅོམ་ལྡན་འདས་ཀྱིས་ཆེ་དང་ལྡན་པ་ཀུན་དགའ་བོ་ལ་རྨེད་པ། ཀུན་དགའ་བོ། གཅིག་ཏུ་བརྩོན་པའི་འཆག་ས་འདི། དགེ་སློང་གང་གི་ཡིན། གྲོ་བཞིན་
Kha3b
སྐྱེས་བྱེ་བ་ཉི་ཤུ་པའི་ལགས་སོ། །ཀུན་དགའ་བོ། དེ་ལྟ་བས་ན། རྗེས་སུ་གནང་སྟེ་གྲོ་བཞིན་སྐྱེས་བྱེ་བ་ཉི་ཤུ་པས་རིམ་པ་གཅིག་པའི་མཆིལ་ལྷམ་བཅང་བར་བྱའོ། །རིམ་གཉིས་པ་མ་ཡིན། རིམ་གསུམ་པ་མ་ཡིན་ནོ། །གལ་ཏེ་རྡོལ་བར་གྱུར་ན། ལྷན་པས་བཏབ་སྟེ་བཅང་བར་བྱའོ། །དེ་ནས་ཚེ་དང་ལྡན་པ་ཀུན་དགའ་བོ་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་གང་ན་བ་དེར་སོང་སྟེ། སོན་ནས་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤེས་པར་གྱིས་ཤིག་།སྟོན་པས་ཁྱོད་ལ་མཆིལ་ལྷམ་རིམ་གཅིག་པ་རྗེས་སུ་གནང་སྟེ། རིམ་གཉིས་པ་མ་ཡིན། རིམ་གསུམ་པ་མ་ཡིན་ནོ་ཞེས་བྱ་བ་རྒྱས་པར་སྦྱར་རོ། །བཙུན་པ་ཀུན་དགའ་བོ། ཅི། དགེ་འདུན་ཐམས་ཅད་ལའམ། འོན་ཏེ་བདག་འབའ་ཞིག་ལ། ཁྱོད་འབའ་ཞིག་ལའོ། །བཙུན་པ་ཀུན་དགའ་བོ། སྟོན་པའི་བཀའ་མི་གཅོག་ན། གལ་ཏེ་བདག་གིས་བཅངས་ན་གཞི་དེས་བདག་ལ་ཚངས་པ་མཚུངས་པར་སྤྱོད་པ་དག།་ཨེ་མའོ་འགྲོ་བཞིན་སྐྱེས་བྱེ་བ་ཉི་ཤུ་པ་རབ་ཏུ་བྱུང་ནས་ལྟོགས་པ་ཞིག་རྙེད་དོ། །གང་ཡང་ཡུལ་ཙམ་པ་ཐུན་མོང་མ་ཡིན་པ་དང ། གླང་པོ་ཆེ་བདུན་གྱི་ཚོགས་སྤངས་ཏེ་རབ་ཏུ་བྱུང་ལ། དེང་མཆིལ་ལྷམ་ཐེག་གི་བ་ཙམ་ལ་ཆགས་པ་ལྟ་ཞེས་གླེང་བར་འགྱུར་ཏེ། དེ་ལྟ་མོད་ཀྱི། གལ་ཏེ་བཅོམ་ལྡན་འདས་ཀྱིས་བདག་ལ་ལྟོས་ཏེ་དགེ་འདུན་ཐམས་ཅད་ལ་རྗེས་སུ་གནང་ན། བདག་གིས་དེ་བཞིན་དུ་བཅང་བར་བགྱིའོ། །ཞེས་པའི་སྐབས་དེ།་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། གྲོ་བཞིན་སྐྱེས་བྱེ་བ་ཉི་ཤུ་པ་ལ་ལྟོས་ནས་དགེ་འདུན་ཐམས་ཅད་
Kha4a
༄#། །ཀྱིས་རིམ་གཅིག་པའི་མཆིལ་ལྷམ་བཅང་བར་བྱ་སྟེ། རིམ་གཉིས་པ་མ་ཡིན་ཞེས་རྒྱས་པར་སྦྱར་རོ། །བཅོམ་ལྡན་འདས་ཀྱི་སྤྱན་སྔ་ན་རྒན་ཞུགས་མཆིལ་ལྷམ་ཅན་གཞན་ཞིག་འཆག་པར་བྱེད་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་ཕར་སོང ། ངའི་སྤྱན་སྔ་ན་མ་འདུག་ཅིག་།དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། རེ་ཞིག་འཇིག་རྟེན་ཐམས་ཅད་ཀྱི་ཟང་ཟིང་དང་འདྲེས་པའི་སྟོན་པ་གང་ཡིན་པ། སྟོན་པ་དེའི་ཉན་ཐོས་རྣམས་ཀྱང་འདི་ལྟར་མྱུར་བ་མྱུར་བར་ལྟུང་བར་འགྱུར་བའི་བརྟུལ་ཞུགས་མི་སྤྱོད་ན། ང་འཇིག་རྟེན་ཐམས་ཅད་ཀྱི་ཟང་ཟིང་དང་བྲལ་བར་གནས་པ་ལྟ་སྨོས་ཀྱང་ཅི་དགོས། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་མཆིལ་ལྷམ་འཆང་བ་ཡིན་ཏེ། དེ་ལྟ་བས་ན། དགེ་སློང་གིས་མཆིལ་ལྷམ་བཅང་བར་མི་བྱའོ། །བཅོམ་ལྡན་འདས་ཀྱིས་དགེ་སློང་གིས་མཆིལ་ལྷམ་བཅང་བར་མི་བྱའོ། །ཞེས་གསུངས་པ་དང ། གར་མཁན་གཞན་ཞིག་རབ་ཏུ་བྱུང་བ་དེའི་ཆུ་སྣོད་ཆག་ནས། དེ་རྐང་པ་བཀྲུ་བའི་གནས་སུ་རྐང་པ་བཀྲུས་ནས་ཁའི་ནང་དུ་ཆུས་བཀང་སྟེ། རྨ་བྱའི་འགྲོས་སུ་སོང་བ་དེ་དྲུག་སྡེ་རྣམས་ཀྱིས་མཐོང་ནས། དེ་རྣམས་ཀྱིས་སྨྲས་པ། ཚེ་དང་ལྡན་པ་དག་།རོལ་མོའི་སྒྲ་མེད་པར་དགེ་སློང་གར་བྱེད་ཀྱི། རོལ་མོའི་སྒྲ་བྱའོ་ཞེས་དེ་རྣམས་ཀྱིས་ཁས་རོལ་མོའི་སྒྲ་བྱ་བར་བརྩམས་
Kha4b
སོ། །དེ་རྣམས་ལ་དགེ་སློང་དག་གིས་སྨྲས་པ། ཚེ་དང་ལྡན་པ་དག། ཅི་མ་གྲངས་པ་བྱེད་དམ། དེ་རྣམས་ཀྱིས་སྨྲས་པ། འདི་ལ་མ་གྲངས་སུ་ཅི་ཞིག་ཡོད། ཁྱེད་ཀྱིས་རོལ་མོའི་སྒྲ་མེད་པར་དགེ་སློང་གར་བྱེད་པ་མཐོང་ངམ་ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་ཡིན་པས། མཁྱེན་བཞིན་རྨེད་དེ། སངས་རྒྱས་བཅོམ་ལྡན་འདས་ཀྱིས་དགེ་སློང་དེ་ལ་རྨེད་པ། དགེ་སློང ། ཁྱོད་ཀྱིས་བསམ་པ་ཅི་ཞིག་གིས་དེ་ལྟ་བུ་བྱས། བཙུན་པ། གནས་མལ་བསྲུང་སླད་དུའོ། །དགེ་སློང་འདི། གནས་མལ་བསྲུང་བའི་ཕྱིར་དེ་ལྟ་བུར་བྱེད་པ་ལ་ལྟུང་བ་མེད་དོ། །དེ་ལྟ་བས་ན། རྗེས་སུ་གནང་སྟེ། གནས་མལ་བསྲུང་བའི་ཕྱིར་རིམ་གཅིག་པའི་མཆིལ་ལྷམ་བཅང་བར་བྱའོ། །རིམ་གཉིས་པ་མ་ཡིན། རིམ་གསུམ་པ་མ་ཡིན། གལ་ཏེ་རྡོལ་བར་གྱུར་ན། ལྷན་པས་བཏབ་སྟེ་བཅང་བར་བྱའོ། །བཅོམ་ལྡན་འདས་ཀྱིས་རིམ་གཅིག་པའི་མཆིལ་ལྷམ་བཅང་བར་བྱའོ། །ཞེས་གསུངས་པ་དང ། བསོད་སྙོམས་པ་གཞན་ཞིག་ལ་ཁྱིམ་བདག་ཅིག་དད་པར་གྱུར་ཏོ། །དེ་ནང་པར་སྔར་ལངས་ཏེ་མཆིལ་ལྷམ་མེད་པར་མཉན་ཡོད་དུ་བསོད་སྙོམས་ལ་ཞུགས་སོ། །དེ་མཆིལ་ལྷམ་མེད་པ་ཁྱིམ་བདག་དེས་མཐོང་ངོ ། །མཐོང་ནས་སྨྲས་པ། འཕགས་པ་ལ་མཆིལ་ལྷམ་མ་མཆིས་སམ། ཚུར་སྤྱོན། ལྷམ་མཁན་གྱི་དྲུང་དུ་བཞུད། མཆིལ་ལྷམ་ཞིག་འབུལ་དུ་སྩལ་ཏོ། །དེ་ལྷམ་མཁན་གྱི་དྲུང་དུ་སོང་ནས། དེས་ལྷམ་མཁན་ལ་སྨྲས་པ། ཀྱེ་ནང་རྗེ། འཕགས་པ་འདི་ལ་མཆིལ་ལྷམ་ཞིག་ཕུལ་ཅིག་ཅེས་བསྒོས་ནས་སོང་ངོ ། །དེའི་
Kha5a
༄#། །ཚེ་དགེ་སློང་རྣམས་དང ། ཤི་བ་རྣམས་དང་གཉིས་ཀྱི་ཕྱིར་མཆིལ་ལྷམ་རིམ་པ་གཅིག་པ་དག་བྱས་སོ། །དགེ་སློང་དེ་ཡང་དང་ཡང་དུ་ལྷམ་མཁན་གྱི་དྲུང་དུ་སོང་ཡང་མ་བྱིན་ནོ། ། དུས་གཞན་ཞིག་ན། ཁྱིམ་བདག་དེས་ཡང་དགེ་སློང་མཆིལ་ལྷམ་མེད་པ་མཐོང་ངོ ། །མཐོང་ནས་ཀྱང་སྨྲས་པ། འཕགས་པ། ཁྱོད་ལ་ལྷམ་མཁན་གྱི་མཆིལ་ལྷམ་མ་ཕུལ་ལམ། ཁྱིམ་བདག། ལྷམ་མཁན་ལ་བདེན་པར་སྨྲ་བ་དཀོན་པ་ཁྱོད་ཀྱིས་མ་ཐོས་སམ། ཡང་དང་ཡང་དུ་སོང་ཡང་མ་བྱིན་ནོ། །དེས་སྨྲས་པ། འཕགས་པ་ཚུར་སྤྱོན། ཁྱིམ་དུ་བཞུད། དེས་དེ་ཁྱིམ་དུ་ཁྲིད་ནས་ཁ་ཟས་བསོད་པས་ཚིམ་པར་བྱས་ཏེ། རིམ་པ་མང་པོ་ཅན་གྱི་མཆིལ་ལྷམ་ཞིག་བྱིན་ནོ། །དགེ་སློང་གིས་སྨྲས་པ། ཁྱིམ་བདག། བཅོམ་ལྡན་འདས་ཀྱིས་རྗེས་སུ་མ་གནང་ངོ ། །དེས་འཕགས་པ་བསྣམས་ཏེ། བཞུད་ལ། རིམ་གཅིག་པའི་མཆིལ་ལྷམ་མཛོད་ལ་གསོལ་ཅིག་།དེས་དེ་ཁྱེར་ཏེ་གནས་ཁང་དུ་སོང་ནས་དེས་དེ་དང་གྲི་བླངས་ཏེ་ཤིང་དྲུང་དུ་འདུག་ནས་དྲལ་བར་བརྩམས་སོ། །བཅོམ་ལྡན་འདས་ཀྱང་ཕྱོགས་དེར་བྱོན་ནས། དགེ་སློང་ཅི་བྱེད། བཅོམ་ལྡན་འདས་ཀྱིས་རིམ་པ་མང་པོ་ཅན་གྱི་མཆིལ་ལྷམ་བཀག་ན། བདག་ལ་རིམ་པ་མང་པོ་ཅན་འདི་ལྟ་བུ་གྲུབ་སྟེ། རིམ་གཅིག་པར་བགྱིས་ལ་བཅང་བར་བགྱིའོ། །དེ་ནས་བཅོམ་ལྡན་འདས་འདི་སྙམ་དུ་ཨེ་མའོ། །ངའི་ཉན་ཐོས་རྣམས་ལ་བྲམ་ཟེ་དང་ཁྱིམ་བདག་དད་པ་ཅན་དག་གིས་རིམ་པ་མང་པོའི་མཆིལ་ལྷམ་སྟེར་བ་ལྟ་སྙམ་དུ་དགོངས་ནས། དེ་ལྟ་བས་ན། རྗེས་སུ་གནང་སྟེ། མཆིལ་ལྷམ་རིམ་
Kha5b
པ་མང་པོ་ཅན་ཁྱིམ་པའི་དམན་མ་ཡིན་ཕན་ཆད་པ་བཅང་བར་བྱའོ། །ཚེ་དང་ལྡན་པ་ཉེ་བར་འཁོར་གྱིས་ཞུས་ཏེ་ཞེས་བྱ་བའི་བར་དུ་སྟེ། བཙུན་པ། བཅོམ་ལྡན་འདས་ཀྱིས་མཆིལ་ལྷམ་རིམ་པ་མང་པོ་ཅན་ཁྱིམ་པའི་དམན་མ་ཡིན་ཕན་ཆད་བཅང་བར་བྱའོ། །ཞེས་གསུངས་ན། བཙུན་པ། ཇི་ཙམ་གྱིས་ན། ཁྱིམ་པའི་དམན་མ་ལགས་པར་བརྗོད་པར་བགྱི། ཉེ་བར་འཁོར། ཐ་ན། གོམ་པ་བདུན་ནམ་བརྒྱད་བགོས་པར་གྱུར་ན་ཡང་ཡིན་ནོ། །གླེང་གཞི་ནི། ཡངས་པ་ཅན་ནོ། །དེའི་ཚེ་ཡངས་པ་ཅན་ན་འདི་ལྟ་བུའི་མཆིལ་ལྷམ་དག་བྱེད་དེ། འདི་ལྟ་སྟེ། ཁྲིག་ཁྲིག། ཚིག་ཚིག་ཆེམ་ཆེམ་ཞེས་ཟེར་བ་ལུག་རུ་འམ། བྱང་ཆུབ་ཀྱི་ཤིང་གི་ལོ་མ་ལྟ་བུ་ཁྲ་བོ། ཀཪྴ་པ་ཎ་ལྔ་རི་བ་དག་བྱེད་དོ། །དྲུག་སྡེ་དག་གིས་མཆིལ་ལྷམ་དག་གྱོན་པ་ཞིག་མཐོང་ནས་དེ་དག་གིས་རྟིང་པ་རྐང་པའི་མཐེ་བོས་མནན་ནས་ལྟག་པ་ནས་ཕུལ་ཏེ། ཁྱོད་ཀྱིས་སྦྱིན་པ་འདི་ཕུལ་བས་སེམས་ཀྱི་རྒྱན་དང ། སེམས་ཀྱི་ཡོ་བྱད་དང ། རྣལ་འབྱོར་གྱི་ཚོགས་དང ། དོན་གྱི་མཆོག་སངས་རྒྱས་ཉིད་ཐོབ་པར་གྱུར་ཅིག་ཅེས་བྱས་ནས་བླངས་པ་དང ། ཕྱོགས་ཀུན་ཏུ་འཕགས་པ་དག་ནི། ལྷམ་དེ་ལྟ་བུས་འཕྲོག་གོ། ཞེས་སྒྲ་གྲག་གོ། །རྒན་མོ་ཞིག་གིས་མག་པ་ཞིག་འོངས་པ་དང་དེ་ལ་དེས་མཆིལ་ལྷམ་ཞིག་བྱིན་ནས་འཕགས་པ་དག་མཆིལ་ལྷམ་འཕྲོག་གི་།ཇི་ནས་ཀྱང་འཕྲོག་པར་མི་འགྱུར་བར་བག་ཡོད་པར་གྱིས་ཤིག་ཅེས་བསྒོའོ། །བསོད་སྙོམས་པ་ཞིག་བསོད་སྙོམས་ཀྱི་ཕྱིར་ཞུགས་པ། དེས་མཐོང་ནས་དེ་ཁྱིམ་ཞིག་ཏུ་ཞུགས་སོ། །དེ་ཡང་དེ་ཉིད་དུ་ཞུགས་པ་
Kha6a
༄#། །དང།་དེ་ཁྱིམ་དེ་ནས་བྱུང་ནས་ཁྱིམ་གཞན་ཞིག་ཏུ་ཞུགས་སོ། །བསོད་སྙོམས་པས་ཀྱང་དེ་ཉིད་དུ་ཞུགས་པ་དང ། དེས་སྨྲས་པ། འཕགས་པ། ཁྱོད་དོན་ཅིའི་ཕྱིར་ཁོ་བོའི་རྗེས་བཞིན་རྗེས་བཞིན་དུ་འབྲང ། ཅི། མཆིལ་ལྷམ་འདི་འཕྲོག་པར་བཞེད་མོད། བཞིན་བཟང ། ཁྱོད་ཀྱི་མཆིལ་ལྷམ་ཁོ་བོ་མི་འཕྲོག་སྟེ། འོན་ཀྱང་ཁོ་བོ་བསོད་སྙོམས་ཀྱི་ཕྱིར་ཞུགས་སོ། །དེས་སྨྲས་པ།་འཕགས་པ། འཕྲོག་ཀྱང་རུང ། མི་འཕྲོག་ཀྱང་རུང་སྟེ། འོན་ཀྱང་ཕྱོགས་ཀུན་ཏུ་འཕགས་པ་ཁྱེད་ཅག་མཆིལ་ལྷམ་འཕྲོག་གོ་ཞེས་སྒྲ་གྲགས་སོ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་མཆིལ་ལྷམ་ཁྲིག་ཁྲིག་ཅེས་བྱ་བ་ནས། དེ་ལྟ་བས་ན། དགེ་སློང་གིས་མཆིལ་ལྷམ་ཁྲིག་ཁྲིག་ཟེར་བ་བཅང་བར་མི་བྱའོ། །ཞེས་བྱ་བའི་བར་རྒྱས་པར་སྦྱར་རོ། །དེ་ལྟ་བུ་བཅང་བར་མི་བྱའོ། །དགེ་སློང་གིས་དེ་ལྟ་བུའི་མཆིལ་ལྷམ་བཅངས་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་རྣམས་མཆིལ་ལྷམ་གྱིས་རྐང་པའི་བོལ་ལ་རྨ་བྱུང་བ། བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་ཁྱེད་ཅག་གིས་ཞབས་ཀྱི་བོལ་ཅི་ཞིག་གིས་རྨ་བྱུང་བར་གྱུར། མཆིལ་ལྷམ་གྱིས་སོ། །ཅི། ཁྱེད་ཅག་གིས་བསེགས་སུ་བཅིངས་ནས་མ་བཅིངས་སམ། བཅོམ་ལྡན་འདས་ཀྱིས་རྗེས་སུ་མ་གནང་ངོ ། །ཞེས་པའི་སྐབས་དེ། བཅོམ་ལྡན་འདས་
Kha6b
ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། བསེགས་སུ་བཅིངས་ནས་བཅང་བར་བྱའོ། །དགེ་སློང་རྣམས་བྱ་རྒོད་ཕུང་པོའི་རི་ལ་འཛེག་པ་ན།་རྐང་པའི་མཐེ་བོར་རྨ་བྱུང་ངོ ། །དེ་དག་བྲམ་ཟེ་དང་ཁྱིམ་བདག་གིས་མཐོང་ནས་སྨྲས་པ། ཁྱེད་ཅག་གི་ཞབས་ཀྱི་མཐེ་བོང་ཅི་ཞིག་གིས་རྨ་བྱུང ། བྱ་རྒོད་ཀྱི་ཕུང་པོའི་རི་ལ་འཛེག་པ་ནའོ། །ཅི། ཁྱེད་ཅག་གིས་མཆིལ་ལྷམ་གྱི་རྩེ་མོ་སྤུ་གུ་ཅན་མ་བཅངས་སམ། བཅོམ་ལྡན་འདས་ཀྱིས་རྗེས་སུ་མ་གནང་ངོ ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དགེ་སློང་གིས་མཆིལ་ལྷམ་གྱི་རྩེ་མོ་སྤུ་གུ་ཅན་བཅང་བར་བྱའོ། །དགེ་སློང་རྣམས་བྱ་རྒོད་ཕུང་པོའི་རི་ལས་བབས་པ་ན། རྐང་པའི་རྟིང་པ་རྨ་བྱུང་བ། བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་སྨྲས་པ། འཕགས་པ། ཁྱེད་ཅག་རྣམས་ཀྱི་ཞབས་ཀྱི་རྟིང་པ་ཅི་ཞིག་གིས་རྨ་བྱུང ། བྱ་རྒོད་ཀྱི་ཕུང་པོའི་རི་ལས་བབས་པ་ནའོ། །ཅི། ཁྱེད་ཅག་གིས་མཆིལ་ལྷམ་གྱི་རྟིང་པ་སྦུ་གུ་ཅན་མ་བཅངས་སམ། བཅོམ་ལྡན་འདས་ཀྱིས་རྗེས་སུ་མ་གནང་ངོ ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དགེ་སློང་གིས་མཆིལ་ལྷམ་གྱི་རྟིང་པ་སྤུ་གུ་ཅན་བཅང་བར་བྱའོ། །སྡོམ་ལ། མགུལ་ཆད་དང ། ནི་ཡུ་ཐུང་ལྷམ། །ཁ་ཁྲོད་དག་ཏུ་སྒྲོག་གུ་ཅན། །དོམ་གྱི་པགས་པ་
Kha7a
༄#། །གནང་བ་དང ། །སྨྱུང་བུ་འབྲེང་བུ་ཆུ་གྲིའོ། །གླེང་གཞི་ནི། མཉན་ཡོད་ནའོ། །དགེ་སློང་རྣམས་རྩཝའི་མྱུ་གུས་རྐང་པ་རྨ་བྱུང་བ་དག་།བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས།་སྨྲས་པ། འཕགས་པ་དག་།ཁྱེད་ཅག་གི་ཞབས་ཅི་ཞིག་གིས་རྨ་བྱུང ། རྩཝའི་མྱུ་གུས་སོ། །ཅི། ཁྱེད་ཅག་གིས་ལྷམ་མགུལ་ཆད་མ་བཅངས་སམ། བཅོམ་ལྡན་འདས་ཀྱིས་རྗེས་སུ་མ་གནང་ངོ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། ལྷམ་མགུལ་ཆད་བཅང་བར་བྱའོ། ། གང་གི་ཚེ་རྩཝའི་མྱུ་གུ་ཆེར་སྐྱེས་པ་དེའི་ཚེ་དགེ་སློང་རྣམས་ཀྱི་རྐང་པ་དེ་བས་ཀྱང་རྨ་ཆེར་བྱུང་བ། བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨྲས་པ། ཁྱེད་ཅག་གི་ཞབས་ཅི་ཞིག་གིས་རྨ་བྱུང ། དེ་རྣམས་ཀྱིས་སྨྲས་པ། རྩཝའི་མྱུ་གུ་དག་ཆེར་སྐྱེས་པས་བདག་ཅག་གི་རྐང་པ་དེ་བས་ཀྱང་རྨ་ཆེར་བྱུང་ངོ ། །འཕགས་པ་རྣམས། ཅི། ཁྱེད་ཅག་གིས་ལྷམ་ཡུ་ཐུང་མ་བཅངས་སམ། བཅོམ་ལྡན་འདས་ཀྱིས་རྗེས་སུ་མ་གནང་ངོ ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། ལྷམ་ཡུ་ཐུང་བཅང་བར་བྱའོ། །གང་གི་ཚེ་སྐྱེས་བུ་གཏི་མུག་འཕགས་སྐྱེས་པོས་སེར་སྐྱ་ན་གནས་པའི་ཤཱཀྱ་རྣམས་ཁ་བཏག་པ་ན། དེ་དག་ལས་ཁ་ཅིག་ནུབ་ཕྱོགས་སུ་དོང་པ་ནས། ཁ་ཅིག་བལ་
Kha7b
ཡུལ་གྱི་བར་དུ་དོང་ངོ ། །མཉན་ཡོད་པའི་དོན་མཐུན་དག་ཟོང་ཐོགས་ཏེ་བལ་ཡུལ་དུ་ལྷགས་པ་དང ། དེ་དག་གིས་དེ་རྣམས་མཐོང་ནས་སྨྲས་པ། ཤེས་ལྡན་དག་།ཁྱེད་ཅག་གང་ནས་ད་འདིར་ལྷགས། དེ་རྣམས་ཀྱིས་སྨྲས་པ། མཉན་ཡོད་ནས་སོ། །བདག་ཅག་གི་གཉེན་འཕགས་པ་ཀུན་དགའ་བོ་ཡོད་ན། ལན་འགའ་ཡང་འཕགས་པ་ཀུན་དགའ་བོ་འདིར་འོངས་ཏེ་བདག་ཅག་ལ་གཏམ་མ་དྲིས་སོ། །དེ་རྣམས་ཀྱིས་སྨྲས་པ།་བདག་ཅག་གིས། འཕགས་པ་ཀུན་དགའ་བོའི་དྲུང་དུ་སོང་ལ་སྦྲན་པར་བགྱིའོ། །དེ་རྣམས་ཀྱིས་ཟོང་རྣམས་བསྒྱུར་བའི་ཟོང་དག་ཁྱེར་ཏེ་མཉན་ཡོད་དུ་ལྷགས་ནས། དེ་རྣམས་ཀྱིས་འཕགས་པ་ཀུན་དགའ་བོ་ལ་སྨྲས་པ། འཕགས་པ་ཀུན་དགའ་བོ། ཁྱོད་ཀྱི་གཉེན་བལ་ཡུལ་ན་མཆིས་ཏེ། དེ་དག་ཁྱེད་མཐོང་བར་འཚལ་ལོ། །ཚེ་དང་ལྡན་པ་ཀུན་དགའ་བོ་ནི་གཉེན་ལ་གདུང་བ་ཡིན་པས། དེ་གཉེན་དག་བལྟ་བའི་ཕྱིར་བལ་ཡུལ་དུ་སོང་བ་ལས། དེ་ལྷགས་པས་ལག་པ་དང ། རྐང་པ་སེར་ག་བྱུང་བ་དང ། དེ་ལ་དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་ཀུན་དགའ་བོ། པདྨའི་འདབ་མ་རལ་བ་བཞིན་དུ་ཁྱོད་ཀྱི་ལག་པ་དང་རྐང་པ་ཅི་ཞིག་གིས་སེར་ག་བྱུང་བར་གྱུར། དེ་སྨྲས་པ། ལྷགས་པས་སོ། །ཁྱོད་ཀྱི་གཉེན་དག་ནི། ལྷམ་སྒྲོ་གུ་ཅན་ཅི་སྟེ་འཆང ། ཁྱོད་ཅིའི་ཕྱིར་མི་འཆང ། བཅོམ་ལྡན་འདས་ཀྱིས་རྗེས་སུ་མ་གནང་ངོ ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། ཡུལ་ཁ་བ་ཅན་རྣམས་སུ་ལྷམ་སྒྲོག་གུ་ཅན་བཅང་བར་
Kha8a
༄#། །བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། བཅོམ་ལྡན་འདས་ཀྱིས་ཡུལ་ཁ་བ་ཅན་རྣམས་ལྷམ་སྒྲོག་གུ་ཅན་བཅང་བར་བྱའོ། ། ཞེས་གསུངས་པ་གང་ལགས་པ། བཙུན་པ། ཇི་ཙམ་གྱིས་ཡུལ་ཁ་བ་ཅན་དུ་བརྗོད་པར་བགྱི། ཉེ་བར་འཁོར། གང་ན་སྣོད་དུ་ཆུ་འཁྱག་པ་ཡིན་ནོ། །དགེ་སློང་གཞན་ཞིག་ལ་རྔོན་པ་ཞིག་དད་པར་གྱུར་ནས། རྔོན་པ་དེས་དོམ་ལྤགས་ཤིག་རྙེད་པ་དགེ་སློང་དེ་ལ་ཕུལ་བ་དང ། དེས་མ་བླངས་སོ། །དེས་དགེ་སློང་དེའི་ཕྱི་བཞིན་འབྲང་ཞིང་སྨྲས་པ། འཕགས་པ། བདག་གིས་དོམ་ལྤགས་རྙེད་པ་ཁྱོད་ལ་འབུལ་གྱི། བཞེས་ཤིག་།དགེ་སློང་དེས་མ་བླངས་སོ། །བཅོམ་ལྡན་འདས་ཀྱང་ཕྱོགས་དེར་གཤེགས་ཏེ། སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་ཡིན་པས། མཁྱེན་བཞིན་དུ་རྨེད་དེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨེད་པ། ཀུན་དགའ་བོ། །དགེ་སློང་འོ་ནའི་ཕྱི་བཞིན་དུ་རྔོན་པ་ཕ་བི་ཅི་སྟེ་འབྲང ། བཙུན་པ། རྔོན་པ་དེས་དོམ་ལྤགས་ཤིག་རྙེད་ནས། དེས་དགེ་སློང་འོ་ནི་ལ་སྩལ་པ་ལས། དགེ་སློང་གིས་དེ་མ་བླངས་པ་དང ། རྔོན་པ་དེ་དགེ་སློང་འོ་ནའི་ཕྱི་བཞིན་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། རྔོན་པ་དད་པ་ཅན་ནི། དཀོན་ཏེ། གལ་ཏེ་བརྒྱའམ་སྟོང་ཞིག་དང་འཕྲད་ན། ཐམས་ཅད་གསོད་པ་ཡིན་པས་ན། དེ་བས་ན་གལ་ཏེ་རྔོན་པས་དོམ་ལྤགས་བྱིན་ན་བླང་བར་བྱའོ། །བླང་ནས་དྲི་གཙང་ཁང་གི་སྒོའམ། རྐང་པའི་འོག་ཏུ་གདིང་བར་བྱ་སྟེ། དོམ་ལྤགས་
Kha8b
ཐམས་ཅད་ནི། མིག་ལ་ཕན་ནོ། །དགེ་སློང་གཞན་ཞིག་གི་མཆིལ་ལྷམ་རལ་ནས། དེ་ལྷམ་རལ་ནས། དེ་ལྷམ་མཁན་གྱི་དྲུང་དུ་སོང་སྟེ་སོན་ནས། སྨྲས་པ། བཞིན་བཟང ། བདག་གི་མཆིལ་ལྷམ་རལ་པ་བརྒྱུས་ཏེ།་བདག་ལ་བྱིན་ཅིག་།ལྷམ་མཁན་གྱིས་བསམ་པ། ཤཱཀྱའི་སྲས་ཀྱི་དགེ་སློང་རྣམས་ནི། རྔན་པ་མེད་པར་ཚོལ་གྱི། ཡུན་རིང་དུ་བསྒྱངས་པ་དང ། རང་གི་བློ་སླར་ལོག་པར་འགྱུར་རོ། །སྙམ་ནས། འཕགས་པ།་བདག། བྲེལ་གྱི། སང་སྤྱོན་ཅིག་།དགེ་སློང་དེ་ཡང་དང་ཡང་དུ་ལྷམ་མཁན་དེའི་དྲུང་དུ་སོང་ཡང་དེས་བསྒྱངས་པ་དང ། དེ་མཛའ་བཤེས་དགེ་སློང་རྣམས་ཀྱིས་མཐོང་ནས་དེ་ལ་སྨྲས་པ། ཚེ་དང་ལྡན་པ། ཅི། དེ་ན་ཁྱོད་ཀྱི་ཟས་སྦྱོར་བའི་ཁྱིམ་ཡོད་དམ། འོན་ཏེ་གཉེན་གྱི་ཁྱིམ་ཡོད། དེས་སྨྲས་པ། དེ་ན་བདག་གི་ཟས་སྦྱོར་བའི་ཁྱིམ་ཡང་མེད། གཉེན་གྱི་ཁྱིམ་ཡང་མེད་མོད་ཀྱི། བདག་གི་མཆིལ་ལྷམ་རལ་ནས། བདག་གིས་དེ་ལ་བརྒྱུས་ཏེ་བྱིན་ཅིག་ཅེས་སྨྲས་ན། དེས་བསྒྱངས་སོ། །དེས་སྨྲས་པ། འཕགས་པ། ལྷམ་མཁན་ལ་བདེན་པར་སྨྲ་བ་དཀོན་པར་ཁྱོད་ཀྱིས་མ་ཐོས་སམ། འོན་ཀྱང་བདག་གིས་ཤེས་ཀྱི། གལ་ཏེ་བཅོམ་ལྡན་འདས་ཀྱིས་རྗེས་སུ་གནང་ན། བདག་གིས་དེ་ལ་བརྒྱུས་ཏེ་ཁྱོད་ལ་སྦྱིན་ནོ་ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གང་ཞིག་ཤེས་པ་ཡོད་ན། དེས་གང་དུ་གཞན་གྱིས་མཐོང་ན་མི་དད་པར་མི་འགྱུར་བ་དབེན་པའི་ཕྱོགས་སུ་འདུག་སྟེ་བརྒྱུ་བར་བྱའོ། །དེ་དེའི་དྲུང་དུ་སོང་སྟེ་སྨྲས་པ། བཅོམ་ལྡན་འདས་ཀྱིས་རྗེས་སུ་གནང་གི།
Kha9a
༄#། །རྒྱུས་ཤིག་།དེས་སྨྲས་པ། ཅི། འདི་དེ་བཞིན་དུ་བརྒྱུར་རུང་སྙམ་མམ། དེ་ལ་རེ་ཞིག་སྨྱུང་བུ་དང་དྲ་གྲི་དང ། འབྲེང་བུ་ཡང་དགོས་སོ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གང་ཞིག་ཤེས་པ་ཡོད་ན། དེས་སྨྱུང་བུ་དང་འབྲེང་བུ་ནི། བཅང་བར་བྱའོ། །དྲ་གྲི་ནི། བཅང་བར་མི་བྱའོ། །ཀོ་ལྤགས་ཀྱི་གཞི་རྫོགས་སོ།། །།སྨན་གྱི་གཞིའི་བསྡུས་པའི་སྡོམ་ལ། སྨན་དག་དང་ནི་སྡེ་ཅན་དང ། །རྒྱལ་པོའི་ཁབ་དང་འོད་མའི་ཚལ། །ཤིང་མཁན་ཨིད་ཙ་ནང་ག་ལ། །ཀམྤི་ལ་དང་སྔོན་རྒྱལ་པོའི། །གཞོན་ནུ་འཕེལ་དང་ནད་པ་དང ། །གཏམ་དུ་གྱུར་དང་སྡེར་བསྡུས་པའོ། །སྡོམ་ལ། སྨན་ནི་རྗེས་སུ་གནང་བ་དང ། །ཚིལ་དང་གཡན་པ་མིག་སྨན་དང ། །སྨྱོན་པ་དང་ནི་པི་ལིནྡ། །ནམ་གྲུ་དང་ནི་སྐྱུར་ཁུའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་དགེ་སློང་རྣམས་སྟོན་ཀའི་ནད་ཀྱིས་ཐེབས་ཏེ། དེ་རྣམས་སྟོན་ཀའི་ནད་ཀྱིས་བཏབ་པས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། ན་བས་ཉམས་དམས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་རྨེད་པ་སྟེ། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨེད་པ། ཀུན་དགའ་བོ། ཅིའི་ཕྱིར་ད་ལྟར་དགེ་སློང་འདི་རྣམས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། ན་བས་ཉམས་དམས་པར་གྱུར། ཚེ་དང་ལྡན་
Kha9b
པ་ཀུན་དགའ་བོས་གསོལ་པ། བཙུན་པ། དགེ་སློང་འདི་རྣམས་སྟོན་ཀའི་བྲོ་ནད་ཀྱིས་བཏབ་སྟེ། འདི་རྣམས་སྟོན་ཀའི་བྲོ་ནད་ཀྱིས་བཏབ་པས། སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། བྲོ་འཚལ་བས་ཉམས་དམས་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་ལྟ་བས་ན་རྗེས་སུ་གནང་སྟེ། དགེ་སློང་གིས་སྨན་སོ་སོར་བསྟེན་པར་བྱའོ། །བཅོམ་ལྡན་འདས་ཀྱིས་དགེ་སློང་གིས་སྨན་སོ་སོར་བསྟེན་པར་བྱའོ། །ཞེས་གསུངས་པ་དང ། དེ་རྣམས་དུས་སུ་ཟ་བ་ཡིན་པས་དུས་སུ་སྟེན་པར་བྱེད་ཀྱི། དུས་ལས་ཡོལ་བར་སྟེན་པར་མི་བྱེད་པས། དེ་རྣམས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། ན་བས་ཉམས་དམས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨེད་པ། ཀུན་དགའ་བོ། ངས་དགེ་སློང་གིས་སྨན་སོ་སོར་བསྟེན་པར་བྱའོ། །ཞེས་བཀའ་སྩལ་ན། འོན་ཀྱང་ད་ལྟར་དགེ་སློང་འདི་རྣམས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། ན་བས་ཉམས་དམས་པར་གྱུར་ཏམ། ཚེ་དང་ལྡན་པ་ཀུན་དགའ་བོས་གསོལ་པ། བཙུན་པ། བཅོམ་ལྡན་འདས་ཀྱིས་དགེ་སློང་གིས་སྨན་སོ་སོར་བསྟེན་པར་བྱའོ། ། ཞེས་གསུངས་པ། འདི་དག་དུས་སུ་འཚལ་བ་ལགས་པས་དུས་སུ་སྟེན་པར་བགྱིད་ཀྱི། དུས་ལས་ཡོལ་བར་མི་སྟེན་ཏེ། དེའི་སླད་དུ་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། བྲོ་
Kha10a
༄#། །འཚལ་བས་ཉམས་དམས་པར་གྱུར་ལགས་སོ། །ཀུན་དགའ་བོ། དེ་ལྟ་བས་ན། རྗེས་སུ་གནང་སྟེ། དགེ་སློང་རྣམས་ཀྱིས་སྨན་རྣམ་པ་བཞི་པོ། དུས་སུ་རུང་བ་དང ། ཐུན་ཚོད་དུ་རུང་བ་དང ། ཞག་བདུན་པ་དང ། འཚོ་བའི་བར་དུ་བཅང་བ་སོ་སོར་བསྟེན་པར་བྱའོ། །དེ་ལ་དུས་སུ་རུང་བ་ནི། ལྡེ་གུ་དང ། འབྲས་ཅན་དང ། ཟན་དྲོན་དང ། ཤ་དང ། སྣུམ་ཁུར་རོ། །ཐུན་ཚོད་དུ་རུང་བ་ནི། བཏུང་བ་རྣམ་པ་བརྒྱད་པོ། ཤིང་ཏོག་ཙོ་ཙའི་བཏུང་བ་དང ། ཆུ་ཤིང་གི་འབྲས་བུའི་བཏུང་བ་དང ། རྒྱ་ཤུག་གི་བཏུང་བ་དང ། ་ཤཝངྠའི་བཏུང་བ་དང ། ུ་དུམ་བ་རའི་བཏུང་བ་དང ། བ་རུ་ཤ་ཀའི་བཏུང་བ་དང ། རྒུན་འབྲུམ་གྱི་བཏུང་བ་དང ། འབྲ་གོའི་བཏུང་བ་དང ། བར་སྡོམ་ལ། ཙོ་ཙ་ཆུ་ཤིང་རྒྱ་ཤུག་དང ། ། ཤཝད་ཨུ་དུམ་བ་ར་དང ། །པ་རུ་ཤ་ཀ་རྒུན་འབྲུམ་དང ། །བརྒྱད་པ་ཡང་ནི་འབྲ་གོ་ཡིན། །ཞག་བདུན་པ་ནི། མར་དཀར་དང ། ཏིལ་མར་དང ། བུ་རམ་གྱི་དབུ་པ་དང ། སྦྲང་རྩི་དང ། ཤ་ཁ་རའོ། །འཚོ་བའི་བར་དུ་བཅང་བ་ནི། རྩ་བའི་སྨན་དང ། སྡོང་བུའི་སྨན་དང ། ལོ་མའི་སྨན་དང ། མེ་ཏོག་གི་སྨན་དང ། འབྲས་བུའི་སྨན་དང ། ཏྲང་ཆུ་ལྔ་དང ། ཐལ་བ་ལྔ་དང ། ལན་ཚཝ་ལྔ་དང ། བསྐ་བ་ལྔའོ། །དེ་ལ། རྩ་བའི་སྨན་ནི། གླ་སྒང་དང ། ཤུ་དག་དང ། ཡུང་ང་དང ། སྒེའུ་གཤེར་དང ། བོང་ང་དཀར་པོ་དང ། གཞན་ཡང ། རྩ་བའི་སྨན་གྱི་ནང་དུ་གཏོགས་པ། ཟས་ཀྱི་དོན་དུ་མི་འགྱུར་བ་གང་ཡིན་པའོ། །སྡོང་བུའི་སྨན་ནི། ཙནྡན་དང ། དབྱི་མོ་དང ། ཤུག་པ་དང ། ཐང་ཤིང་དང ། སླེ་ཏྲེས་དང ། སྐྱེར་པ་དང ། གཞན་ཡང ། སྡོང་བུའི་སྨན་གྱི་ནང་དུ་གཏོགས་པ་ཟས་ཀྱི་
Kha10b
དོན་དུ་མི་འགྱུར་བ་གང་ཡིན་པའོ། །ལོ་མའི་སྨན་ནི། པ་ཏོ་ལའི་ལོ་མ་དང ། བ་ཤ་ཀའི་ལོ་མ་དང ། ནིམ་པའི་ལོ་མ་དང ། ཀོ་ཤ་ཏ་ཀའི་ལོ་མ་དང ། སཔྟ་པ་རྣའི་ལོ་མ་དང ། གཞན་ཡང་ལོ་མའི་སྨན་གྱི་ནང་དུ་གཏོགས་པ།་ཟས་ཀྱི་དོན་དུ་མི་འགྱུར་བ་གང་ཡིན་པའོ། །མེ་ཏོག་གི་སྨན་ནི། མེ་ཏོག་ལྔ་པོ། བ་ཤ་ཀའི་མེ་ཏོག་དང ། ནིམ་པའི་མེ་ཏོག་དང ། དྷ་ཀའི་མེ་ཏོག་དང ། ཤ་ཏའི་མེ་ཏོག་དང ། པདྨ་ཀེ་ས་རའི་མེ་ཏོག་དང ། གཞན་ཡང ། མེ་ཏོག་གི་སྨན་གྱི་ནང་དུ་གཏོགས་པ། ཟས་ཀྱི་དོན་དུ་མི་འགྱུར་བ་གང་ཡིན་པའོ། །འབྲས་བུའི་སྨན་ནི། ཨ་རུ་ར་དང ། སྐྱུ་རུ་ར་དང ། བ་རུ་ར་དང ། ན་ལེ་ཤམ་དང ། པི་པི་ལིང་དང ། གཞན་ཡང་འབྲས་བུའི་སྨན་གྱི་ནང་དུ་གཏོགས་པ། ཟས་ཀྱི་དོན་དུ་མི་འགྱུར་བ་གང་ཡིན་པའོ། །ཏྲང་ཆུ་ལྔ་ནི། ཤིང་ཀུན་དང ། སྲ་རྩི་དང ། རྒྱ་སྐེགས་དང ། སྤྲ་ཚིལ་དང ། དྲོད་སྨན་ནོ། །དེ་ལ། ཤིང་ཀུན་ནི། ཤིང་ཀུན་གྱི་ཤིང་གི་ཏྲང་ཆུའོ། །སྲ་རྩི་ནི། ཤིང་སཱ་ལའི་ཏྲང་ཆུའོ། །རྒྱ་སྐེགས་ནི། །རྒྱ་སྐེགས་སོ། །སྤྲ་ཚིལ་ནི། སྤྲ་ཚིལ་ལོ། །དྲོད་སྨན་ནི། དེ་དག་ལས་གཞན་པའི་ཤིང་རྣམས་ཀྱི་ཏྲང་ཆུའོ། །ཐལ་བ་ལྔ་གང་ཞེ་ན། ནས་ཀྱི་ཐལ་པ་དང ། ནས་ཀྱི་ཕུབ་མའི་ཐལ་བ་དང ། ཤིང་ས་རྫི་ཀའི་ཐལ་བ་དང ། ཏིལ་གྱི་ཐལ་བ་དང ། ཤིང་འབའ་ཤི་ཀའི་ཐལ་བའོ། །ལན་ཚཝ་ལྔ་གང་ཞེ་ན། རྒྱམ་ཚཝ་དང ། ལན་ཚཝ་སྨུག་པོ་དང ། ཁ་རུ་ཚཝ་དང ། ལན་ཚཝ་དང ། རྒྱ་མཚོའི་ལན་ཚཝའོ། །བསྐ་བ་ལྔ་གང་ཞེ་ན། ཨ་མྲའི་བསྐ་བ་དང ། ནིམ་པའི་བསྐ་བ་དང ། འཛམ་བུའི་བསྐ་བ་དང ། ཤི་རི་ཤའི་བསྐ་བ་དང ། ཀོ་ཤམ་པའི་བསྐ་བའོ། །དེ་ལ། དུས་སུ་
Kha11a
༄#། །རུང་བ་གང་ཡིན་པ་དང ། ཐུན་ཚོད་དུ་རུང་བ་གང་ཡིན་པ་དང ། ཞག་བདུན་པ་གང་ཡིན་པ་དང ། འཚོ་བའི་བར་དུ་བཅང་བ་གང་ཡིན་པ་དེ། དུས་སུ་རུང་བ་དང་འདྲེས་པར་གྱུར་ན། དུས་སུ་སྤྱད་པར་བྱའི། །དུས་མ་ཡིན་པར་ལོངས་སྤྱད་པར་མི་བྱའོ། །དུས་སུ་རུང་བ་གང་ཡིན་པ་དང ། ཐུན་ཚོད་དུ་རུང་བ་གང་ཡིན་པ་དང ། ཞག་བདུན་པ་གང་ཡིན་པ་དང ། འཚོ་བའི་བར་དུ་བཅང་བ་གང་ཡིན་པ་དེ། གལ་ཏེ་ཐུན་ཚོད་དུ་རུང་བ་དང་འདྲེས་པར་གྱུར་ན། ཐུན་ཚོད་ལ་ཡོངས་སུ་སྤྱད་པར་བྱའི། ཐུན་ཚོད་ལས་འདས་པར་སྤྱད་པར་མི་བྱའོ། །ཞག་བདུན་པ་གང་ཡིན་པ་དང ། འཚོ་བའི་བར་དུ་བཅང་བ་གང་ཡིན་པ་དེ། ཞག་བདུན་པ་དང་འདྲེས་པར་གྱུར་ན། ཞག་བདུན་དུ་སྤྱད་པར་བྱའི། ཞག་བདུན་ལས་འདས་པར་སྤྱད་པར་མི་བྱའོ། །འཚོ་བའི་བར་དུ་བཅང་བ་ནི། འཚོ་བའི་བར་དུ་བཅང་བར་བྱིན་གྱིས་བརླབས་ནས་ཡོངས་སུ་སྤྱད་པར་བྱའོ། །བྱིན་གྱིས་བརླབ་པ་ནི། འདི་ལྟར་བྱ་སྟེ། ཟན་མ་ཟོས་པའི་མདུན་དུ་ལག་པ་གཉིས་བཀྲུས་ནས་བྱིན་ལེན་བྱས་ཏེ། དགེ་སློང་ཞིག་གི་འདུན་དུ་འདུག་ནས། འདི་སྐད་ཅེས་བརྗོད་པར་བྱའོ། །ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་པའི་སྨན་འདི། བདག་དང་ཚངས་པ་མཚུངས་པར་སྤྱོད་པ་རྣམས་ཀྱི་དོན་དུ་འཚོ་བའི་བར་དུ་བཅང་བར་བྱིན་གྱིས་བརླབ་པོ། །དེ་བཞིན་དུ་ལན་གཉིས་ལན་གསུམ་དུ་བརྗོད་དོ། །འཚོ་བའི་བར་དུ་བཅང་བར་བྱིན་གྱིས་བརླབ་པ་ཇི་ལྟ་བ་དེ་བཞིན་དུ་ཐུན་ཚོད་དུ་རུང་བ་
Kha11b
དང ། ཞག་བདུན་པ་ཡང་བྱིན་གྱིས་བརླབ་པར་བྱའོ། །གླེང་གཞི་ནི། མཉན་ཡོད་ནའོ། །དེ་ནས་དགེ་སློང་གཞན་ཞིག་རླུང་ནད་ཀྱིས་ཐེབས་ནས་སྨན་པའི་དྲུང་དུ་སོང་སྟེ། བཞིན་བཟང ། ཁོ་བོ་འདི་འདྲ་བའི་ནད་ཀྱིས་བཏབ་ན། སྨན་སྟོན་ཅིག་།དེས་སྨྲས་པ། འཕགས་པ། ཚིལ་སྟེན་ཅིག་དང ། ཁྱོད་སོས་པར་འགྱུར་རོ། །དགེ་སློང་གིས་སྨྲས་པ། བཞིན་བཟང ། ཅི། ཁོ་བོ་འདྲེ་ཡིན་ནམ། སྨན་པས་སྨྲས་པ། དགེ་སློང་ཁྱོད་ཀྱི་སྨན་འདི་ཡིན་ཏེ། གཞན་གྱིས་ནི་སོས་པར་མི་ནུས་སོ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྨན་པ་ན་རེ། དགེ་སློང་ཁྱོད་ཀྱི་སྨན་འདི་ཡིན་ཏེ། གཞན་གྱིས་ནི་སོས་པར་མི་ནུས་སོ། །ཞེས་སྨྲས་ན། ཚིལ་བསྟེན་པར་བྱའོ། །དགེ་སློང་དག་གིས་མ་ཤེས་ནས་སྨན་པ་ལ་དྲིས་པ་དང ། དེས་སྨྲས་པ། འཕགས་པ། ཁྱེད་ཅག་གི་སྟོན་པ་ཐམས་ཅད་མཁྱེན་པ་ཡིན་གྱི། དེ་ཁོ་ནའི་དྲུང་དུ་བཞུད་ལ་ཞུས་ཤིག་།སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཚིལ་ལྔ་སོ་སོར་བསྟན་པར་བྱ་སྟེ། ལྔ་གང་ཞེ་ན། ཉ་ཚིལ་དང ། སྦལ་པ་དཀར་པོའི་ཚིལ་དང ། ཆུ་སྲིན་བྱིས་པ་གསོད་ཀྱི་ཚིལ་དང ། དོམ་ཚིལ་དང ། ཕག་གི་ཚིལ་ལོ། །ཚིལ་འདི་ལྔ་དུས་མ་ཡིན་པར་བཙོས་པ་དང ། དུས་མ་ཡིན་པར་བཙགས་པ་དང ། དུས་མ་ཡིན་པར་བྱིན་ལེན་བྱས་པ་དང ། དུས་མ་ཡིན་པར་བྱིན་གྱིས་བརླབས་ན། ལོངས་སྤྱད་པར་མི་བྱའོ། །
Kha12a
༄#། །དུས་སུ་བཙོས་ལ་དུས་མ་ཡིན་པར་བཙགས། དུས་མ་ཡིན་པར་བྱིན་ལེན་བྱས། དུས་མ་ཡིན་པར་བྱིན་གྱིས་བརླབས་ན། ལོངས་སྤྱད་པར་མི་བྱའོ། །དུས་སུ་བཙོས། དུས་སུ་བཙགས་ལ། དུས་མ་ཡིན་པར་བྱིན་ལེན་བྱས། དུས་མ་ཡིན་པར་བྱིན་གྱིས་བརླབས་ན། སྤྱད་པར་མི་བྱའོ། །དུས་སུ་བཙོས། དུས་སུ་བཙགས། དུས་སུ་བྱིན་ལེན་བྱས་ལ། དུས་མ་ཡིན་པར་བྱིན་གྱིས་བརླབས་ནས་སྤྱད་པར་མི་བྱའོ། །དུས་སུ་བཙོས། དུས་སུ་བཙགས། དུས་སུ་བྱིན་ལེན་བྱས། དུས་སུ་བྱིན་གྱིས་བརླབས་ན། ཏིལ་མར་ལ་སྤྱོད་པ་བཞིན་དུ་ཞག་བདུན་དུ་སྤྱད་པར་བྱའོ། །དེ་ནས་དགེ་སློང་དེས་ཚིལ་ལོངས་སྤྱད་ནས་སོས་པར་གྱུར་ཏོ། །དེ་སོས་པར་གྱུར་པ་དང ། དེ་ཚིལ་གྱི་ལྷག་མ་དག་བོར་རོ། །ཇི་ཙམ་ན་དགེ་སློང་གཞན་ཞིག་དེ་འདྲ་བའི་ནད་ཀྱིས་ཐེབས་ནས། དེ་ཡང་སྨན་པའི་དྲུང་དུ་སོང་ནས་སྨྲས་པ། བཞིན་བཟང ། ཁོ་བོ་ལ་འདི་འདྲ་བའི་ནད་ཀྱིས་བཏབ་ཀྱི་སྨན་སྟོན་ཅིག་།དེས་དེ་ལ་ཡང་ཚིལ་བསྟན་པ་དང ། དེ་དགེ་སློང་དེའི་དྲུང་དུ་སོང་ནས་སྨྲས་པ། ཚེ་དང་ལྡན་པ། ཁྱོད་ཀྱིས་ཚིལ་སྤྱད་པ། ཁོ་བོ་ལ་ཡང་སྨན་པས་བསྟན་ན། ཚིལ་ལྷག་པ་ལྟ་ཅུང་ཟད་ཀྱང་ཡོད་དམ། དེས་སྨྲས་པ། བདོག་བདོག་པ་ལས་བདག་གིས་དེ་བོར་རོ། །མ་ལེགས་པ་ཞིག་བྱས་སོ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཚིལ་ལོངས་སྤྱད་པའི་ལྷག་མ་བོར་བར་མི་བྱ་སྟེ། འོན་ཀྱང་བཅང་བར་བྱའོ། །ངས་དགེ་སློང་ཚིལ་འཆང་བའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ།
Kha12b
ཚལ་འཆང་བའི་དགེ་སློང་གིས་ཚིལ་སྤྱད་པའི་ལྷག་མ་དགེ་སློང་གཞན་ལ་སྦྱིན་པར་བྱའོ། །གལ་ཏེ་མ་བྱིན་ན་སྨན་ཁང་དུ་གཞག་པར་བྱ་སྟེ། སུ་འདོད་པ་དེས་བླང་བར་བྱའོ། །ཚིལ་འཆང་བའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་ཡང་དག་པར་བླངས་ནས་འཇུག་པར་མི་བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་མཉན་ཡོད་ན་བཞུགས་སོ། །དེའི་ཚེ་དགེ་སློང་གཞན་ཞིག་གཡན་པའི་ནད་ཀྱིས་ཐེབས་ནས་དེ་སྨན་པའི་དྲུང་དུ་སོང་སྟེ། བཞིན་བཟང ། ཁོ་བོ་གཡན་པའི་ནད་ཀྱིས་ཐེབས་ཀྱི་སྨན་སྟོན་ཅིག་།དེས་སྨྲས་པ། འཕགས་པ། བསྐ་བ་སྟེན་ཅིག་དང་ཁྱོད་སོས་པར་འགྱུར་རོ། །བཞིན་བཟང ། ཅི་ཁོ་བོ་འདོད་པ་ལ་སྤྱོད་པ་ཡིན་ནམ། དེས་སྨྲས་པ། དགེ་སློང་ཁྱོད་ཀྱི་སྨན་འདི་ཡིན་ཏེ། གཞན་གྱིས་ནི་སོས་པར་མི་ནུས་སོ་ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང་ཞེས་བྱ་བ་ནས་གོང་མ་བཞིན་དུ་སྟེ། ཁྱོད་ཀྱི་སྟོན་པ་ནི་ཐམས་ཅད་མཁྱེན་པ་ཡིན་པས་དེ་ཁོ་ནས་མཁྱེན་པར་འགྱུར་རོ་ཞེས་པའི་སྐབས་དེ།་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། བསྐ་བ་ནི་ལྔ་སྟེ། ཨ་མྲའི་བསྐ་བ་ཞེས་བྱ་བ་ནས། གོང་མ་བཞིན་དུའོ། །དགེ་སློང་དེས་བསྐ་བ་དག་ལྡེ་གུར་བྱས་ཏེ་ལུས་ལ་བྱུགས་པ་ལས་རྨ་མཆེད་ནས། བཅོམ་ལྡན་འདས་ཀྱིས་བཀའ་སྩལ་པ། ཕྱེ་མ་བྱའོ། །དགེ་སློང་དག་གིས་རློན་པ་ལ་བཏབ་པས་རི་ལུར་གྱུར་པ་དང །
Kha13a
༄#། །བཅོམ་ལྡན་འདས་ཀྱིས་བཀའ་སྩལ་པ། བསྐམ་པར་བྱའོ། །དེ་དག་གིས་ཉི་མ་ལ་བསྐམས་པ་དང ། མཐུ་ཉམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཉི་མ་ལ་བསྐམ་པར་མི་བྱའོ། །དེ་དག་གིས་གྲིབ་མ་ལ་བསྐམས་པ་དང ། འོན་ཀྱང་རུལ་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཉི་མའི་གྲིབ་མར་བསྐམ་པར་བྱའོ། །དགེ་སློང་གིས་བསྐ་བས་ལུས་བྱུགས་ནས་བཀྲུས་ཏེ་བསྐ་བའི་བྱ་བ་མི་བྱེད་དོ། །བཅོམ་ལྡན་འདས་ཀྱིས་བཀའ་སྩལ་པ། ལག་པས་ཇི་ཙམ་ཆོག་གི་བར་དུ་དྲིལ་ནས་ཁྲུས་བྱའོ། །བཀྲུས་ནས་སླར་ཡང་བསྐ་བས་བསྐུས་ནས་བཀྲུས་ན། བསྐ་བའི་བྱ་བ་བྱེད་པར་འགྱུར་རོ། །དགེ་སློང་དེས་བསྐ་བས་བསྐུས་པ་དང་ནད་ཞི་བར་གྱུར་ཏོ། །དེས་བསྐ་བའི་ལྷག་མ་བོར་རོ། །ཇི་ཙམ་ན། དགེ་སློང་གཞན་ཞིག་དེ་འདྲ་བའི་ནད་ཀྱིས་ཐེབས་ནས་དེ་ཡང་སྨན་པའི་དྲུང་དུ་སོང་སྟེ་ཞེས་བྱ་བ་ནས་གོང་མ་བཞིན་དུ་སྟེ། ཁོ་བོས་དེ་ནི་བོར་རོ། །མ་ལེགས་པ་ཞིག་བྱས་སོ། །ཞེས་པའི་སྐབས་དེ།་བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ངས་བསྐ་བ་འཆང་བའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། བསྐ་བ་འཆང་བའི་དགེ་སློང་གིས། བསྐ་བ་སྤྱད་པའི་ལྷག་མ་དགེ་སློང་སུ་སློང་བ་དེ་ལ་སྦྱིན་པར་བྱའོ། །གལ་ཏེ་མ་བྱིན་ན། སྨན་ཁང་དུ་གཞག་པར་བྱའོ། །བསྐ་བ་འཆང་བའི་དགེ་སློང་གིས་ཀུན་ཏུ་སྤྱོད་
Kha13b
པའི་ཆོས་ཇི་ལྟར་བཅས་པ་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་གཞན་ཞིག་མིག་ནད་ཀྱིས་ཐེབས་ནས།་དེ་སྨན་པའི་དྲུང་དུ་སོང་སྟེ། བཞིན་བཟང ། ཁོ་བོ་མིག་ནད་ཀྱིས་ཐེབས་པར་གྱུར་ན། ཁོ་བོ་ལ་སྨན་སྟོན་ཅིག་།དེས་སྨྲས་པ། འཕགས་པ། མིག་སྨན་སོ་སོར་སྟེན་ཅིག་དང ། ཁྱོད་སོས་པར་འགྱུར་རོ། །བཞིན་བཟང ། ཅི། ཁོ་བོ་འདོད་པ་ལ་ལོངས་སྤྱོད་དམ། འཕགས་པ། ཁྱོད་ཀྱི་སྨན་འདི་ཡིན་ཏེ། གཞན་གྱིས་ནི། སོས་པར་མི་ནུས་སོ། །ཞེས་བྱ་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྨན་པ་ན་རེ། སྨན་འདི་ཡིན་ཏེ། གཞན་གྱིས་ནི་སོས་པར་མི་ནུས་སོ་ཞེས་ཟེར་ན། མིག་སྨན་བསྟེན་པར་བྱའོ། །དགེ་སློང་དག་གིས་མིག་སྨན་གང་བསྟེན་པར་བྱ་མ་ཤེས་ནས། དེ་དག་གིས་སྨན་པ་ལ་དྲིས་པ་དང ། དེས་སྨྲས་པ། འཕགས་པ། ཁྱོད་ཀྱི་སྟོན་པ་ཐམས་ཅད་མཁྱེན་པ་ཡིན་གྱི་ཞེས་བྱ་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མིག་སྨན་ནི། ལྔ་སྟེ། མེ་ཏོག་གི་མིག་སྨན་དང ། ཁུ་བའི་མིག་སྨན་དང ། ཕྱེ་མའི་མིག་སྨན་དང ། རི་ལུའི་མིག་སྨན་དང ། བཙག་ཡུག་རྣམས་ཀྱི་མིག་སྨན་ནོ། །དེ་ནས་དགེ་སློང་དེས་མིག་སྨན་དེ་བསྟེན་ནས་སོས་པར་གྱུར་ཏོ། །དེས་མིག་སྨན་གྱི་ལྷག་མ་གར་བབ་བབ་ཏུ་བཞག་
Kha14a
༄#། །པ་ལས། དེ་ཆུད་ཟོས་པར་གྱུར་ཏོ། །ཇི་ཙམ་ན། དགེ་སློང་གཞན་ཞིག་མིག་ནད་ཀྱིས་ཐེབས་ནས། དེས་ཀྱང་སྨན་པ་ལ་དྲིས་པ་དང ། དེས་དེ་ལ་ཡང་མིག་སྨན་དེ་ཉིད་བསྟན་ཏོ། །དེ་དགེ་སློང་དེའི་དྲུང་དུ་སོང་ནས། ཚེ་དང་ལྡན་པ། ཁོ་བོ་ཡང་མིག་ནད་ཀྱིས་བཏབ་པར་གྱུར་ན། ཁྱོད་ལ་མིག་སྨན་གྱི་ལྷག་མ་ཅུང་ཟད་ཡོད་དམ། དེ་བཙལ་བར་བརྩམས་པ་ལས། མ་རྙེད་ནས། དེས་སྨྲས་པ། ཚེ་དང་ལྡན་པ་མིག་སྨན་དེ་བདོག་བདོག་སྟེ། བཞག་པ་ལས་དེ་སྟོར་ཏོ། །ཞེས་ཟེར་བའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་མིག་སྨན་གར་བབ་བབ་ཏུ་གཞག་པར་མི་བྱའོ། །ངས་མིག་སྨན་འཆང་བའི་དགེ་སློང་གིས་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། མིག་སྨན་འཆང་བའི་དགེ་སློང་གིས་མིག་སྨན་རྣམས་སོ་སོར་ཕྱེ་ལ་གཞག་པར་བྱ་སྟེ། མེ་ཏོག་གི་མིག་སྨན་ནི། སྣོད་ཀྱི་ནང་དུའོ། །ཁུ་བའི་མིག་སྨན་ནི། གབ་ཚེའི་ནང་དུའོ། །ཕྱེ་མའི་མིག་སྨན་ནི། དོང་བུའི་ནང་དུའོ། །རི་ལུའི་མིག་སྨན་དང་བཙག་ཡུག་རྣམས་ཀྱི་མིག་སྨན་ནི། སྒྱེའུ་འམ།་ཐུན་པོར་སྐུད་པས་བཅིང་ལ། ཟུང་ང་ལ་གདགས་པར་བྱའོ། །མིག་སྨན་འཆང་བའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ནས་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །དེའི་ཚེ་ཚེ་དང་ལྡན་པ་བྱེ་མ་སྐྱེས་སེམས་འཁྲུགས་ཏེ་སྨྱོས་པར་གྱུར་ནས་དེ། དེ་དང་དེ་དག་ཏུ་འཕྱན་པ། ཇི་ཙམ་ན། བྲམ་ཟེ་དང་ཁྱིམ་བདག་
Kha14b
དག་གིས་མཐོང་སྟེ། དེ་དག་གིས་སྨྲས་པ། ཤེས་ལྡན་དག་།འདི་སུའི་བུ་ཞིག་ཡིན། གཞན་དག་གིས་སྨྲས་པ། ཁྱིམ་བདག་ཆེ་གེ་མོ་ཞིག་གིའོ། །དེ་དག་གིས་སྨྲས་པ། ཤཱཀྱའི་སྲས་ཀྱི་དགེ་སྦྱོང་མགོན་མེད་པ་རྣམས་ཀྱི་ནང་དུ་རབ་ཏུ་མ་བྱུང་ན། འདི་གཉེན་རྣམས་ཀྱིས་གསོ་བར་འགྱུར་པ་ཞིག་ཅེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟ་བས་ན། དགེ་སློང་བྱེ་མ་སྐྱེས་ཀྱི་དཔྱད་སྨན་པ་ལ་དྲིས་ལ་བྱོས་ཤིག་།སྨན་པའི་དྲུང་དུ་དོང་ནས། བཞིན་བཟང ། དགེ་སློང་ཞིག་འདི་འདྲ་བའི་ནད་ཀྱིས་ཐེབས་ཀྱི། དེའི་སྨན་སྟོན་ཅིག་།དེས་སྨྲས་པ། འཕགས་པ་དང ། ཤ་རྗེན་འཚལ་དུ་གསོལ་ཅིག་།དེས་སོས་པར་འགྱུར་རོ། །བཞིན་བཟང ། དེ་ཅི། འདྲེ་ཡིན་ནམ། འཕགས་པ། དེའི་སྨན་འདི་ལགས་ཏེ། གཞན་གྱིས་ནི། སོས་པར་མི་ནུས་སོ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྨན་པ་ན་རེ་དེའི་སྨན་འདི་ཡིན་ཏེ། གཞན་གྱིས་ནི་སོས་པར་མི་ནུས་སོ་ཟེར་ན། ཤ་རྗེན་པ་སྦྱིན་པར་བྱའོ། །དགེ་སློང་དག་གིས་དེ་བཞིན་དུ་བྱིན་པ་དང ། དེ་ཟར་མ་བཏུབ་བོ། །བཅོམ་ལྡན་འདས་ཀྱིས་བཀའ་སྩལ་པ། མིག་རས་ཀྱིས་བཀབ་ལ་སྦྱིན་པར་བྱའོ།། དེ་དག་གིས་བྱིན་ཏེ་བྱིན་མ་ཐག་ཏུ་རས་ཕྱེ་བ་དང ། དེས་ལག་པ་ལ་རེག་པ་མཐོང་ནས། དེ་ཞེ་ལོག་པས་སྐྱུགས་སོ། །བཅོམ་ལྡན་འདས་ཀྱིས་བཀའ་སྩལ་པ། མོད་ལ་རས་དབྱེ་བར་མི་བྱས་ཏེ། དེ་ལྟ་མོད་
Kha15a
༄#། །ཀྱི།་བཅའ་བ་བཟང་བ་གཙང་ཞིང་བསོད་པ་དག་མདུན་དུ་བཞག་ནས་གང་གི་ཚེ་ལག་པ་བཀྲུས་པ་དེའི་ཚེ་དེ་དབྱེ་བར་བྱའོ། །དེ་སོས་པར་གྱུར་པ་དང ། དེ་དེ་ཉིད་ལ་སྲེད་པར་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་གི་ཚེ་སོས་པར་གྱུར་པ་དེའི་ཚེ། བསླབ་པ་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་བྱའོ། །ལོངས་སྤྱོད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། རྒྱལ་པོའི་ཁབ་ནའོ། །ཚེ་དང་ལྡན་པ་པི་ལིནདའི་བུ་གང་གི་ཚེ་རབ་ཏུ་བྱུང་བ་དེ་ཚུན་ཆད་རྟག་ཏུ་ན་པ་དང ། ཟུག་གཟེར་མང་པོར་གྱུར་པ་དང ། དེ་ལ་དགེ་སློང་དག་གིས་སྨྲས་པ། གནས་བརྟན། ཁྱོད་ཀྱི་སྙུན་གྱི་ཟོ་ཇི་ལྟ། དེས་སྨྲས་པ། ཚེ་དང་ལྡན་པ་དག་།བདག་རྒྱུན་དུ་ན་བ་དང།་ཟུག་གཟེར་མང་པས་ཐེག་པའི་སྐབས་མེད་དོ། །གནས་བརྟན། ཁྱོད་སྔོན་ཅི་ཞིག་འཆང་བར་བྱེད། དེས་སྨྲས་པ། སྨན་གྱི་མཆན་ཁུག་གོ་།དེ་ཅིའི་ཕྱིར་མི་བཅང ། བཅོམ་ལྡན་འདས་ཀྱིས་རྗེས་སུ་མ་གནང་ངོ ། །ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དང ། དེ་ལྟ་བས་ན། རྗེས་སུ་གནང་སྟེ།་དགེ་སློང་གིས་སྨན་གྱི་མཆན་ཁུག་བཅང་བར་བྱའོ། །དགེ་སློང་དག་གིས་རྩ་བ་དང ། མེ་ཏོག་དང ། སྡོང་བུ་དང ། འབྲས་བུའི་སྨན་རགས་པ་དག་དེའི་ནང་དུ་བཅུག་པ་དང ། དེ་དག་རུལ་ནས། བཅོམ་
Kha15b
ལྡན་འདས་ཀྱིས་བཀའ་སྩལ་པ། དེ་དག་སྦམ་པའམ། བམ་པོར་བྱས་ཏེ་ཟུང་ང་ལ་གདགས་པར་བྱའོ། །དེ་དག་རུལ་ནས་བཅོམ་ལྡན་འདས་ཀྱིས་བཀའ་སྩལ་པ། དུས་དུས་སུ་བསྐམ་པར་བྱའོ། །དེ་དག་གིས་ཉི་མ་ལ་བསྐམས་པ་དང ། དེ་དག་མཐུ་ཆུང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཉི་མ་ལ་བསྐམ་པར་མི་བྱའོ། །དེ་དག་གིས་གྲིབ་མ་ལ་བསྐམས་པ་དང ། འོན་ཀྱང་རུལ་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གྲིབ་མ་ལ་བསྐམ་པར་མི་བྱའོ། །དེ་དག་གིས་གཏིང་ནས་དོང་བ་དང ། ཆར་པ་དང ། རླུང་བྱུང་སྟེ། མ་བསྡུས་ནས་བཅོམ་ལྡན་འདས་ཀྱིས་བཀའ་སྩལ་པ། བསྡུ་བར་བྱའོ། །བཅོམ་ལྡན་འདས་ཀྱིས་བསྡུ་བར་བྱའོ། །ཞེས་གསུངས་པ་དང ། དེ་དག་གིས་སུས་བསྡུ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པས་སོ། །ཁྱིམ་པ་མེད་ན། དགེ་སྦྱོང་གིས་སོ། །དགེ་སྦྱོང་མེད་ན། དགེ་སློང་ཉིད་ཀྱིས་བསྡུ་བར་བྱའོ། །དགེ་སློང་གིས་བསྡུས་པ་དང ། འདྲེས་པར་གྱུར་ནས། འདྲེས་སོ། །ཞེས་མ་ཟོས་པ་དང ། བཅོམ་ལྡན་འདས་ཀྱིས་བཀའ་སྩལ་པ། སོ་སོར་ཕྱེ་ནས་ལོངས་སྤྱད་པར་བྱ་སྟེ། དེ་ལ་འགྱོད་པར་མི་བྱའོ། །ངས། ན་བ་དག་ལ་རྗེས་སུ་གནང་བ་གང་ཡིན་པ་དེ་ཐམས་ཅད་མི་ན་བའི་གནས་སྐབས་ན་སྤྱོད་པར་མི་བྱའོ། །སྤྱོད་ན། འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །ཚེ་དང་ལྡན་པ་ནམ་གྲུ་གར་ཡང་སོམ་ཉི་ཟ་བས། དེའི་མིང་ནམ་གྲུ་སོམ་ཉི་ཅན་ནམ་གྲུ་སོམ་ཉི་ཅན་ཞེས་བྱ་བར་གྲགས་སོ། །དེ་སྔ་
Kha16a
༄#། །དྲོ་ཤམ་ཐབས་བགོས། ཆོས་གོས་དང་ལྷུང་བཟེད་ཐོགས་ནས་མཉན་ཡོད་དུ་བསོད་སྙོམས་ལ་ཞུགས་ཏེ། དེ་རིམ་གྱིས་བུ་རམ་བྱེད་པའི་གྲོང་དུ་ཕྱིན་པ་དང ། ཇི་ཙམ་ན། འབྲས་ཕྱེ་དང།་བུ་རམ་འབྲུ་བར་བྱེད་པ་མཐོང་ནས། དེས་སྨྲས་པ། ཤེས་ལྡན་དག། བུ་རམ་འབྲས་ཕྱེ་དང་མ་སྦྲུ་ཞིག་།འཕགས་པ། སྤྱི་བར་བགྱིད་པ་གཞན་འགའ་མཁྱེན་ནམ། ཁོ་བོས་སྤྱི་བ་གཞན་ཡང་མི་ཤེས་མོད་ཀྱི།་བདག་ཅག་དུས་མ་ཡིན་པར་ལོངས་སྤྱོད་དགོས་སོ། །འཕགས་པ། དུས་སུའམ་དུས་མ་ཡིན་པར་གསོལ་ཡང་རུང་སྟེ། དེའི་སྤྱི་པ་ནི། འདི་ལགས་ཏེ། གཞན་གྱིས་ནི་མི་འབྲུའོ། །ཇི་ཙམ་དུས་གཞན་ཞིག་ན། དགེ་འདུན་གྱི་བཅའ་བ་བུ་རམ་དག་རྙེད་པ་ན། དེས་མ་ཟོས་སོ། །དེའི་ལྷན་ཅིག་གནས་པ་དང ། ཉེ་གནས་དག་གིས་སྨྲས་པ། སློབ་དཔོན། དགེ་འདུན་གྱི་བཅའ་བ་བུ་རམ་ཞིག་རྙེད་ཀྱི། ལོངས་སྤྱད་དུ་གསོལ། དེས་སྨྲས་པ། བཞིན་བཟང ། ཟས་དང་འདྲེས་སོ། །དེ་དེ་དག་གིས་ཀྱང་ལོངས་མ་སྤྱད་པ་དང ། དེ་རྣམས་ལ་དགེ་སློང་གཞན་དག་གིས་སྨྲས་པ། ཚེ་དང་ལྡན་པ་དག་།དགེ་འདུན་གྱི་བཅའ་པ་བུ་རམ་ཞིག་རྙེད་ན། ཅི་སྟེ་ལོངས་མ་སྤྱད། དེ་དག་གིས་སྨྲས་པ། མཁན་པོའི་ཞལ་ནས་འདི་ཟས་དང་འདྲེས་སོ། །ཞེས་གསུང་ངོ ། །དེ་རྣམས་ཀྱིས་ཀྱང་ལོངས་མ་སྤྱད་དོ། །འཁོར་ཕལ་ཕོ་ཆེ་དང ། དགེ་འདུན་རིལ་ལས་ཀྱང་ཕལ་པོ་ཆེས་ལོངས་མ་སྤྱད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཟས་ཀྱིས་ཟས་ཀྱི་བྱ་བ་མི་བྱེད་པ་ནི། མི་
Kha16b
རྙེད་པས་འབྱུང་ཁུངས་ཡོངས་སུ་དག་པས་ལོངས་སྤྱད་པར་བྱ་སྟེ། འདི་ལ་འགྱོད་པར་མི་བྱའོ། །གླེང་གཞི་ནི། མཉན་ཡོད་ནའོ། །ཚེ་དང་ལྡན་པ་ནམ་གྲུ་སྔ་དྲོ་ཤམ་ཐབས་བགོས། ཆོས་གོས་དང ། ལྷུང་བཟེད་ཐོགས་ནས་མཉན་ཡོད་དུ་བསོད་སྙོམས་ལ་ཞུགས་ཏེ། རིམ་གྱིས་སྲང་ཞིག་ཏུ་ཕྱིན་པ་དང ། དེས་སྤོས་ཚོང་ཞིག་ཕྱེ་ལ་རེག་ནས་བུ་རམ་ལ་རེག་པར་བྱེད་པ་མཐོང་ནས་དེས་སྨྲས་པ། བཞིན་བཟང ། ཕྱེ་ལ་རེག་ནས་བུ་རམ་ལ་རེག་པར་མ་བྱེད། དུས་མ་ཡིན་པར་ཡང་བདག་ཅག་གིས་ལོངས་སྤྱད་དགོས་སོ། །དེས་སྨྲས་པ། འཕགས་པ། བདག་ལ་ཡང་དང་ཡང་དུ་སུག་ཆབ་གཏོང་བ་སུ་ཞིག་མཆིས། དུས་གཞན་ཞིག་ན།་དགེ་འདུན་གྱི་བཅའ་བ་བུ་རམ་ཞིག་རྙེད་པ་དང ། དེས་ལོངས་མ་སྤྱད་དོ། །ལྷན་ཅིག་གནས་པ་དང ། ཉེ་གནས་དག་གིས་སྨྲས་པ། སློབ་དཔོན། དགེ་འདུན་གྱི་བཅའ་བ་བུ་རམ་དག་རྙེད་ན། ཅི་སྟེ་མི་གསོལ།་དེས་སྨྲས་པ། བཞིན་བཟང ། འདི་ཟས་དང་འདྲེས་སོ། །དེ་རྣམས་ཀྱིས་ཀྱང་ལོངས་མ་སྤྱད་པ་དང ། དེ་རྣམས་ལ་དགེ་སློང་དག་གིས་སྨྲས་པ། ཚེ་དང་ལྡན་པ་དག་།དགེ་འདུན་གྱི་བཅའ་བ་བུ་རམ་ཞིག་རྙེད་ན། ཅི་སྟེ་མི་ཟ། དེ་རྣམས་ཀྱིས་སྨྲས་པ། མཁན་པོའི་ཞལ་ནས་འདི་ཟས་དང་འདྲེས་སོ་ཞེས་གསུང་ངོ ། །དེ་དག་གིས་ཀྱང་ལོངས་མ་སྤྱད་དོ། །འཁོར་ཕལ་པོ་ཆེ་དེ་དང ། དགེ་འདུན་རིལ་ལས་ཀྱང་ཕལ་ཆེས་ལོངས་མ་སྤྱད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཟས་ཀྱིས་ཟས་ཀྱི་བྱ་བ་མི་བྱེད་པ་མི་རྙེད་ཀྱི། ཁྱིམ་པས་ཡོངས་སུ་
Kha17a
༄#། །དག་པས་ལོངས་སྤྱད་པར་བྱ་སྟེ། དེ་ལ་འགྱོད་པར་མི་བྱའོ། །གླེང་གཞི་ནི། མཉན་ཡོད་ནའོ། །ཚེ་དང་ལྡན་པ་ཤཱ་རིའི་བུ་རླུང་ནད་ཀྱིས་ཐེབས་ནས། ཚེ་དང་ལྡན་པ་མོའུ་འགལ་གྱི་བུ་ཆེན་པོས་བསམ་པ། ཚེ་དང་ལྡན་པ་ཤཱ་རིའི་བུ་ལ། བདག་རང་གི་བློས་རིམ་གྲོ་ནི། ལན་མང་དུ་བྱས་མོད་ཀྱི། ལན་འགའ་ཡང་སྨན་པ་ལ་མ་དྲིས་ཀྱི། མ་ལ་ད་ནི་སྨན་པ་ལ་དྲིའོ། །སྙམ་ནས། དེ་སྨན་པའི་དྲུང་དུ་སོང་སྟེ། བཞིན་བཟང ། ཚེ་དང་ལྡན་པ་ཤཱ་རིའི་བུ་འདི་འདྲ་བའི་ནད་ཀྱིས་ཐེབས་པར་གྱུར་ན། དེའི་སྨན་སྟོན་ཅིག་།དེས་སྨྲས་པ། འཕགས་པ། སྐྱུར་ཁུའི་ནང་དུ་ལན་ཚཝ་སྩལ་ལ་གསོལ་ཅིག་དང ། སོས་པར་འགྱུར་རོ། །དེས་སྐྱུར་ཁུ་ནི། རྙེད་ན། ལན་ཚཝ་མེད་ནས། དེ་ལན་ཚཝ་བཙལ་བར་བརྩམས་པ་དང ། ཚེ་དང་ལྡན་པ་པོ་ལིནདའི་བུས་སྨྲས་པ། ཚེ་དང་ལྡན་པ་མོའུ་འགལ་གྱི་བུ། ང་ལ་ལན་ཚཝ་རཝ་གང་འཚོ་བའི་བར་དུ་བཅང་བར་བྱིན་གྱིས་བརླབས་པ་ཞིག་ཡོད་ཀྱི། གལ་ཏེ་བཅོམ་ལྡན་འདས་ཀྱིས་གནང་ན། སྦྱིན་ནོ། །ཞེས་སྨྲས་པ། ཚེ་དང་ལྡན་པ་ཤཱ་རིའི་བུས་ཐོས་ནས་དེས་སྨྲས་པ། ཚེ་དང་ལྡན་པ་མོའུ་འགལ་གྱི་བུ་ཆེན་པོ། ཁོ་བོ་འདི་སྙམ་དུ་སེམས་ཏེ། འཚོ་བའི་བར་དུ་བཅང་བ་དུས་སུ་རུང་བ་དང་འདྲེས་པ་ལོངས་སྤྱད་པར་མི་དབང་ངོ་སྙམ་མོ། །ཞེས་པའི་སྐབས་དེ། བཅོམ་ལྡན་འདས་ལ་ཚེ་དང་ལྡན་པ་མོའུ་འགལ་གྱི་བུ་ཆེན་པོས་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། མོའུ་འགལ་གྱི་བུ། མི་དབང་སྟེ། དུས་སུ་རུང་བ་གང་ཡིན་པ་དང ། ཐུན་ཚོད་དུ་རུང་བ་གང་ཡིན་པ་
Kha17b
དང།་ཞག་བདུན་པ་གང་ཡིན་པ་དང ། འཚོ་བའི་བར་དུ་བཅང་བ་གང་ཡིན་པ་དེ། གལ་ཏེ་དུས་སུ་རུང་བ་དང་འདྲེས་པར་གྱུར་ལ། གལ་ཏེ་བྱིན་གྱིས་ཀྱང་མ་བརླབས་ན། དུས་སུ་རུང་པ་དང་འདྲེས་པས། དུས་སུ་སྤྱད་པར་བྱའི། དུས་ལས་འདས་པར་མི་བྱའོ། །ཐུན་ཚོད་དུ་རུང་པ་གང་ཡིན་པ་དང ། ཞག་བདུན་པ་གང་ཡིན་པ་དང ། འཚོ་བའི་བར་དུ་བཅང་བ་གང་ཡིན་པ་དེ། གལ་ཏེ་ཐུན་ཚོད་དུ་རུང་བ་དང་འདྲེས་པར་གྱུར་ལ། གལ་ཏེ་བྱིན་གྱིས་མ་བརླབས་ན། ཐུན་ཚོད་དུ་རུང་བ་དང་འདྲེས་པས་ཐུན་ཚོད་དུ་སྤྱད་པར་བྱའོ། །ཐུན་ཚོད་ལས་འདས་པར་སྤྱད་པར་མི་བྱའོ། །ཞག་བདུན་པ་གང་ཡིན་པ་དང ། འཚོ་བའི་བར་དུ་བཅང་བ་གང་ཡིན་པ་དེ། ཞག་བདུན་པ་དང་འདྲེས་པར་གྱུར་ན། ཞག་བདུན་པ་དང་འདྲེས་པས་ཞག་བདུན་དུ་སྤྱད་པར་བྱའི། ཞག་བདུན་ལས་འདས་པར་སྤྱད་པར་མི་བྱའོ། །འཚོ་བའི་བར་དུ་བཅང་བ་གང་ཡིན་པ་དེ་ནི། ཇི་སྲིད་འཚོའི་བར་དུ་སྤྱད་པར་བྱ་སྟེ། གཞན་དུ་སྤྱོད་ན། འགལ་ཚབས་ཅན་དུ་འགྱུར་རོ།། །།སྡོམ་ལ། སྡེ་ཆེན་ཤ་དང་གཞང་འབྲུམ་དང ། །རླུང་ནད་ཅན་དང་གང་པོ་དང ། །མེས་བྱིན་དང་ནི་བེའི་ར་ཏོ། །སྤྲིན་ཆེན་བྱ་རོག་རྣམས་ཡིན་ནོ། །སངས་རྒྱས་བཅོམ་ལྡན་འདས་ཡུལ་ཀ་ཤི་ནས་ལྗོངས་རྒྱུ་ཞིང་གཤེགས་པ་ན། ཝཱ་ར་ཎཱ་སིར་བྱོན་ནས་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནང་ན་བཞུགས་སོ། །ཝཱ་ར་ཎཱ་སི་ན་ཁྱིམ་བདག་སྡེ་ཆེན་ཞེས་བྱ་བ་ཕྱུག་ཅིང་ནོར་མང་བ། ལོངས་སྤྱོད་ཆེ་བ་ཞིག་གནས་སོ། །དེའི་ཆུང་མ་ནི། སྡེ་ཆེན་མ་ཞེས་བྱའོ། །དེ་ཆུང་མ་དང་བཅས་ཏེ་
Kha18a
༄#། །དད་པ་བཟང་བ། དགེ་བའི་བསམ་པ་ཅན་ཡིན་ཏེ། དེས་བཅོམ་ལྡན་འདས་ཡུལ་ཀ་ཤི་ཞེས་བྱ་བ་ནས་ལྗོངས་རྒྱུ་ཞིང་གཤེགས་པ་ན། ཝཱ་ར་ཎཱ་སིར་བྱོན་ནས་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་ཡང་འདི་སྙམ་དུ་སེམས་ཏེ། བཅོམ་ལྡན་འདས་བདག་གི་ཁྱིམ་དུ་ལན་མང་དུ་སྤྱན་དྲངས་ཏེ་ཞལ་ཟས་ནི། གསོལ་ན། ཡོ་བྱད་ཐམས་ཅད་ཀྱིས་མ་བསྟབས་ཀྱི། མ་ལ་བདག་གིས་ད་བཅོམ་ལྡན་འདས་ལ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབ་པར་བྱའོ། །སྙམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས།་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས། ཁྱིམ་བདག་སྡེ་ཆེན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཁྱིམ་བདག་སྡེ་ཆེན། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་དེ། རྗེས་སུ་ཡི་རང་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་
Kha18b
ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དགེ་སློང་གི་དགེ་འདུན་དང་ཐབས་ཅིག་ལ་དགུང་ཟླ་གསུམ་དུ་ན་བཟའ་དང ། ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་སྤྱད་ཀྱི་རྐྱེན་སྨན་དང ། ཡོ་བྱད་རྣམས་འབུལ་ན། བདག་ལ་གནང་བར་མཛད་དུ་གསོལ། བཅོམ་ལྡན་འདས་ཀྱིས་ཁྱིམ་བདག་སྡེ་ཆེན་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་སྡེ་ཆེན་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་སྟན་ལས་ལངས་ཏེ་སོང་ངོ ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ཁྱིམ་བདག་སྡེ་ཆེན་གྱིས་ཟླ་བ་གསུམ་དུ་ན་བཟའ་དང ། ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་གསོས་ཀྱི་རྐྱེན་སྨན་དང ། ཡོ་བྱད་རྣམས་ཀྱིས་བསྙེན་བཀུར་ཁོ་ན་བྱས་ནས་སོ། །ཁྱིམ་བདག་སྡེ་ཆེན་གྱི་ཀུན་ཏུ་སྤྱོད་པ་ནི། ནང་པར་སྔར་ལངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། དགེ་སློང་རྣམས་ལ་ལྟ་བར་བྱེད་པ་ལས། དགེ་སློང་ན་བ། ནད་ཚབས་ཆེ་བ། སྡུག་བསྔལ་བའི་ནད་པ་གཞན་ཞིག་ཡོད་པ་དེ་ལ། སྨན་པས་ཤ་ཁུ་འཐུངས་ཤིག་ཅེས་བསྟན་ཏོ། །དེ་ནས་ཁྱིམ་བདག་སྡེ་ཆེན་དགེ་སློང་དེ་གང་ན་བ་དེར་སོང་སྟེ་སོན་ནས། རྐང་པ་གཉིས་ལ་མགོ་བོས་ཕྱག་བྱས་ཏེ་དྲིས་བ། འཕགས་པ། སྨན་པས་ཅི་བསྟན། དེས་སྨྲས་པ། ཤ་ཁུ་འཐུངས་ཤིག་ལོ། །དེ་ནས་ཁྱིམ་བདག་སྡེ་ཆེན་རང་གི་ཁྱིམ་དུ་སོང་སྟེ་ཆུང་མ་ལ་སྨྲས་པ། སློབ་དཔོན་ཆེ་གེ་མོ་ཞེས་བྱ་བ་ལ་
Kha19a
༄#། །སྨན་པས་ཤ་ཁུ་འཐུངས་ཤིག་ཅེས་བསྟན་གྱི། སྦྱོར་ལ་སྐུར་ཅིག་།དེས་བུ་མོ་ཞིག་ལ་རིན་བསྐུར་ནས་ཚོང་འདུས་སུ་བཏང་བ་ལས། དེའི་ཉིན་མོ་རྒྱལ་པོའི་སྲས་བལྟམས་ནས། དེ་དྲིལ་སྒྲོག་ཏུ་བཅུག་སྟེ། སུས་ཀྱང་སྲོག་གཅད་པར་མི་བྱའོ། །གང་གིས་སྲོག་བཅད་ན་ཆད་པས་གཅོད་པར་བཅད་དོ་ཞེས་བསྒོའོ། །དེ་ནས་རིན་གྱིས་ཀྱང་ཚོང་འདུས་སུ་ཤ་མ་རྙེད་ནས་དེ་ནས་བུ་མོ་དེས་དེ་ལྟར་གྱུར་པ་དག་།ཁྱིམ་བདག་སྡེ་ཆེན་ལ་རྒྱས་པར་བརྗོད་པ་དང ། ཁྱིམ་བདག་སྡེ་ཆེན་གྱི་ཆུང་མས་བསམ་པ། སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བདག་ཅག་གིས་ཡོ་བྱད་ཐམས་ཅད་ཀྱིས་བསྟབས་ན། གལ་ཏེ་དགེ་སློང་ཞིག་སྨན་མེད་པས་ཤི་བར་གྱུར་ན་མ་ལེགས་སོ་ཞེས་དེ་སྙམ་དུ་དཔྱད་ནས། གྲི་རྣོན་པོ་བླངས་ཏེ་ཁྱིམ་དུ་ཞུགས་ནས། བརླའི་ཤ་ལས་བཅད་དེ་བུ་མོ་ལ་བྱིན་ནས་བུ་ཤ་འདི་ཁུ་བར་བྱོས་ལ་འཕགས་པ་ཆེ་གེ་མོ་ཞེས་བྱ་བའི་དྲུང་དུ་ཁྱེར་ཅིག་།དེས་དེ་ཁྱེར་ནས་དགེ་སློང་གིས་ལོངས་སྤྱད་པ་ལས་སོས་པར་གྱུར་ཏོ།། །།འདུལ་བ་གཞི། བམ་པོ་ཉི་ཤུ་རྩ་གསུམ་པ། དགེ་སློང་དེས་འདི་ལྟར་བདག་ལ་ཁྱིམ་བདག་གི་ཆུང་མ་འདིས་རང་གིས་ཤས་བསྙེན་བཀུར་བྱས་པར་རིག་ནས་དེ་འདི་སྙམ་དུ་སེམས་ཏེ། བདག་དད་པས་བྱིན་པ་ལོངས་སྤྱད་ནས། གློས་ཕབ་སྟེ་འདུག་པ་ནི། རིགས་པ་མ་ཡིན་གྱི། མ་ལ་བདག་གིས་མ་ཐོབ་པ་ཐོབ་པར་བྱ་བ་དང ། མ་རྟོགས་པ་རྟོགས་པར་བྱ་བ་དང ། མངོན་སུམ་དུ་མ་བྱས་པ་མངོན་དུ་བྱ་བའི་ཕྱིར་བརྩོན་པར་བྱའོ།།
Kha19b
སྙམ་ནས། དེ་བརྩོན་འགྲུས་བརྩམ་པར་བརྩམས་ཏེ། དེ་བརྩོན་པ་དང ། འབད་པ་དང ། རྩལ་བ་བྱས་པས། འཁོར་བའི་འཁོར་ལོའི་ཆ་ལྔ་པ་གཡོ་བ་དང ། མི་གཡོ་བ་འདི་ཉིད་རིག་སྟེ་འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་དུ་ཟིལ་གྱིས་མནན་ནས། ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས་དགྲ་བཅོམ་པར་གྱུར་ཏེ། ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཉམ་པའི་སེམས། སྟེའུ་དང་ཙནྡན་དུ་མཉམ་པ། རིག་པས་མ་རིག་པའི་སྒོ་ངའི་སྦུབས་དྲལ་ཅིང ། རིག་པ་དང ། མངོན་པར་ཤེས་པ་དང ། སོ་སོར་ཡང་དག་པར་རིག་པ་ཐོབ་པ། སྲིད་པའི་རྙེད་པ་དང ། ཆགས་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །སྐབས་དེ་ལ། སངས་རྒྱས་བཅོམ་ལྡན་འདས་རྣམས་ནི། མི་མཁྱེན་པའམ། མི་གཟིགས་པའམ། ཐུགས་སུ་མ་ཆུད་པའམ། རྣམ་པར་མི་མཁྱེན་པ་ཅུང་ཟད་ཀྱང་མི་མངའོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ནས། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་གྱིས་བལྟས་ཏེ། ཁྱིམ་བདག་སྡེ་ཆེན་གྱི་ཁྱིམ་གང་ན་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་ཁྱིམ་
Kha20a
༄#། །བདག་སྡེ་ཆེན་ལ་བཀའ་སྩལ་པ། ཁྱིམ་བདག་།ཁྱིམ་བདག་གི་ཆུང་མ་སྡེ་ཆེན་མ་མི་སྣང་ན། ག་རེ། བཅོམ་ལྡན་འདས་སྤྱོད་ལམ་རྡོ་མི་ཐོགས་པས་ཕུགས་ན་མཆིས་སོ། །སངས་རྒྱས་བཅོམ་ལྡན་འདས་རྣམས་ཀྱི་ཆེ་བའི་བདག་ཉིད་ནི། བསམ་གྱིས་མི་ཁྱབ་པ་ཡིན་པས་བཅོམ་ལྡན་འདས་ཀྱིས། གང་གིས་ན་རྨ་དེ་མདོག་འདྲ་བ་དང ། པགས་པ་འདྲ་བ་དང ། བ་སྤུ་འདྲ་བར་འགྱུར་པ་དེ་ལྟར་བྱིན་གྱིས་བརླབས་སོ། །དེ་ནས་ཁྱིམ་བདག་སྡེ་ཆེན་གྱིས་ཆུང་མ་དད་པ་སྐྱེས་ཏེ་སྒོར་བྱུང་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཅི། ཁྱིམ་བདག་གི་ཆུང་མ་འདི། བྱང་ཆུབ་སེམས་དཔའི་སྤུངས་ཉམས་སུ་མྱོང་བར་བྱེད་དམ། དེས་ཚིགས་སུ་བཅད་དེ་གསོལ་པ། སྒྲིམ་མི་དགོས་པར་འཁོར་བ་ན། །ལུས་ནི་ཤིན་ཏུ་རྙེད་པར་སླའི། །བསྐལ་པ་བྱེ་བ་སྟོང་རྣམས་སུ། །སྦྱིན་གནས་ཤིན་ཏུ་རྙེད་པར་དཀའ། །དེ་ནས་ཁྱིམ་བདག་སྡེ་ཆེན་གྱིས་སངས་རྒྱས་ལ་སོགས་པའི་དགེ་སློང་གི་དགེ་འདུན་བདེ་བར་གཤེགས་པར་རིག་ནས། གཙང་ཞིང་བསོད་པའི་བཟའ་བ་དང་བཅའ་བ་རྣམས་རང་གི་ལག་ནས་སྟོབ་ཅིང་ཚིམ་པར་བྱེད་དོ། །རྣམ་གྲངས་སུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་།རང་གི་ལག་གིས་བསྟབས་ཤིང་ཚིམ་པར་བྱས་ཏེ། བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་
Kha20b
མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས། ཁྱིམ་བདག་སྡེ་ཆེན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་བཅོམ་ལྡན་འདས་གཙུག་ལག་ཁང་དུ་གཤེགས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཤ་རྣམས་ཀྱི་ནང་ན་ནི། འདི་ལྟ་སྟེ། མིའི་ཤ་ཐ་ཆད་ཡིན་ནོ། །དེ་ལྟ་བས་ན། དགེ་སློང་གིས་མི་ཤ་བཟའ་བར་མི་བྱའོ། །དགེ་སློང་གིས་མིའི་ཤ་ཟོས་ན། ལྟུང་བ་སྤོམ་པོར་འགྱུར་རོ། །གཞན་ཡང ། ངས་དགེ་འདུན་གྱི་གནས་བརྟན་གྱིས་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་འདུན་གྱི་གནས་བརྟན་གྱིས་དགེ་སློང་གི་ཤ་འབྲིམ་པར་བྱེད་ན། འདི་ཅིའི་ཤ་ཞེས་དྲི་བར་བྱའོ། །གལ་ཏེ་དགེ་འདུན་གྱི་གནས་བརྟན་གྱི་གནས་བརྟན་གྱིས་མ་སྤོབས་ན། གནས་བརྟན་གཉིས་པས་དྲི་བར་བྱའོ། །དགེ་འདུན་གྱི་གནས་བརྟན་གྱིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་ཐམས་ཅད་ཐེ་ཚོམ་སྐྱེས་ནས་ཐེ་
Kha21a
༄#། །ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཁྱིམ་བདག་སྡེ་ཆེན་གྱི་མཆིས་བྲང་གིས་རང་གི་ཤས་དགེ་སློང་འདི་ལ་བསྙེན་བཀུར་བགྱིས་ལ།་དགེ་སློང་འདིས་ཀྱང་སྡེ་ཆེན་མ་ལ་བརྟེན་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བགྱིས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་མ་ཡིན་གྱི། ཇི་ལྟར་འདིས་འདས་པའི་དུས་ན་ཡང ། དགེ་སློང་འདི་ལ་རང་གི་ཤས་བསྙེན་བཀུར་བྱས་ཏེ། འདིས་ཀྱང་དེ་ལ་བརྟེན་ནས་མངོན་པར་ཤེས་པ་ལྔ་མངོན་སུམ་དུ་བྱས་པ་དེ། ཤིན་ཏུ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །དགེ་སློང་དག་།སྔོན་བྱུང་བ། ཝཱ་ར་ཎཱ་སིའི་གྲོང་ན་ཁྱིམ་བདག་སྡེ་ཆེན་ཞེས་བྱ་བ་ཞིག་ཡོད་དེ། དེའི་ཆུང་མ་སྡེ་ཆེན་མ་ཞེས་བྱའོ། །ཇི་ཙམ་ན། བྲམ་ཟེ་ཚོགས་འདོན་དུ་བཅུག་པ་གཞན་ཞིག་བྲམ་ཟེའི་བུ་ལྔ་བརྒྱ་ཙམ་ལ་བྲམ་ཟེའི་གསང་ཚིག་འདོན་དུ་འཇུག་གོ་།དེ་ལ་ཁྱིམ་བདག་སྡེ་ཆེན་དད་པ་སྐྱེས་ཏེ། དེས་དེ་འཁོར་དང་བཅས་པ་ལ་ཡོ་བྱད་ཐམས་ཅད་ཀྱིས་བསྟབས་ཏེ། ཁྱིམ་བདག་སྡེ་ཆེན་གྱིས་བྲམ་ཟེ་དེ་འཁོར་དང་བཅས་པ་ལ་བཀུར་སྟི་ཁོ་ན་བྱས་སོ། །ཁྱིམ་བདག་དེའི་ཀུན་ཏུ་སྤྱོད་པ་ནི། ནང་བར་སྔར་ལངས་ཏེ། ནད་པ་རྣམས་ལ་ལྟ་བར་བྱེད་པ་ལས། ཇི་ཙམ་ན། བྲམ་ཟེའི་ཁྱེའུ་གཞན་ཞིག་ན་བ། སྡུག་བསྔལ་བ། ནད་ཚབས་ཆེ་བར་གྱུར་ནས། དེ་ལ་སྨན་པས་ཤ་ཁུ་འཐུངས་ཤིག་ཅེས་བསྟན་ཏོ། །དེ་ནས་ཁྱིམ་བདག་
Kha21b
སྡེ་ཆེན་བྲམ་ཟེའི་ཁྱེའུ་གང་ན་བ་དེར་སོང་སྟེ་སོན་ནས་ཕྱག་བྱས་ཏེ་དྲིས་པ། བྲམ་ཟེའི་ཁྱེའུ། ཁྱོད་ལ་སྨན་པས་ཅི་བསྟན། དེས་སྨྲས་པ། ཤ་ཁུ་འཐུངས་ཤིག་ལོ། །དེ་ནས་ཁྱིམ་བདག་སྡེ་ཆེན་ཁྱིམ་དུ་སོང་ནས། ཆུང་མ་ལ་སྨྲས་པ། བྲམ་ཟེའི་ཁྱེའུ་ཆེ་གེ་མོ་ཞེས་བྱ་བ་ལ་ཤ་ཁུ་འཐུངས་ཤིག་ཅེས་སྨན་པས་བསྟན་གྱི། དེ་སྦྱོར་ལ་སྐུར་ཅིག་།དེས་བུ་མོ་ཞིག་ལ་རིན་བསྐུར་ཏེ་ཚོང་འདུས་སུ་བཏང་ངོ ། །དེ་ཉིད་ཀྱི་ཉིན་མོ་རྒྱལ་པོའི་བུ་བཙས་ནས། དེས་དྲིལ་སྒྲོག་ཏུ་བཅུག་སྟེ། སུས་ཀྱང་སྲོག་གཅད་པར་མི་བྱའོ། །གང་གིས་སྲོག་བཅད་པར་གྱུར་ན། དེ་ཆད་པས་གཅོད་པར་བཅད་དོ་ཞེས་བསྒོའོ། །དེ་ནས་ཚོང་འདུས་སུ་རིན་གྱིས་ཀྱང་ཤ་མ་རྙེད་དོ། །དེ་ནས་བུ་མོ་དེས་དེ་ལྟར་གྱུར་པ་དག་།ཁྱིམ་བདག་སྡེ་ཆེན་གྱི་ཆུང་མ་ལ་རྒྱས་པར་སྨྲས་པ་དང ། ཁྱིམ་བདག་སྡེ་ཆེན་གྱི་ཆུང་མས་བསམ་པ། བྲམ་ཟེ་འཁོར་དང་བཅས་པ་འདི་ལ་བདག་ཅག་གིས་ཡོ་བྱད་ཐམས་ཅད་བསྟབས་ན། གལ་ཏེ་བྲམ་ཟེའི་ཁྱེའུ་ཞིག་སྨན་མེད་པས་དུས་བྱས་པར་གྱུར་ན་མ་ལེགས་སོ། །ཞེས་དེ་སྙམ་དུ་དཔྱད་ནས་གྲི་རྣོན་པོ་བླངས་ཏེ། ཁྱིམ་གྱི་ནང་དུ་ཞུགས་ནས་བརླའི་ཤ་ལས་བཅད་དེ་བུ་མོ་ལ་བྱིན་ནས། བུ། ཤ་འདི་ཁུ་བར་བྱོས་ལ། བྲམ་ཟེའི་ཁྱེའུ་ཆེ་གེ་མོ་ཞེས་བྱ་བའི་དྲུང་དུ་ཁྱེར་ཅིག་།དེས་ཁྱེར་ནས་བྲམ་ཟེའི་ཁྱེའུ་དེས་ལོངས་སྤྱད་ནས་སོས་པར་གྱུར་ཏོ། །བྲམ་ཟེའི་ཁྱེའུ་དེས། འདི་ལྟར་བདག་ལ་ཁྱིམ་བདག་གི་ཆུང་མ་དེས་རང་གི་ཤས་བསྙེན་བཀུར་བྱས་པར་རིག་ནས། དེ་འདི་སྙམ་དུ་སེམས་ཏེ། བདག་དད་པས་བྱིན་པ་ཡོངས་སུ་ལོངས་སྤྱད་ནས་བདག་གློས་ཕབ་སྟེ་འདུག་པ་ན། རིགས་པ་མ་ཡིན་གྱི།
Kha22a
༄#། །མ་ལ་བདག་གིས་མ་ཐོབ་པ་ཐོབ་པར་བྱ་བ་དང ། མ་རྟོགས་པ་རྟོགས་པར་བྱ་བ་དང ། མངོན་སུམ་དུ་མ་བྱས་པ་མངོན་སུམ་དུ་བྱ་བའི་ཕྱིར་བདག་གིས་འབད་པར་བྱའོ། །སྙམ་ནས། དེ་ནས་དེ་ཞི་བའི་ཕྱོགས་སུ་སོང་སྟེ། མངོན་པར་ཤེས་པ་ལྔ་མངོན་སུམ་དུ་བྱས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་སྡེ་ཆེན་ཞེས་བྱ་བའི་ཆུང་མ་གང་ཡིན་པ་དེ་ནི། ཁྱིམ་བདག་སྡེ་ཆེན་གྱི་ཆུང་མ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་གང་ཡིན་པ་དེ་ནི། དགེ་སློང་འདི་ཉིད་ཡིན་ཏེ། དེའི་ཚེ་ཡང་འདིས་དགེ་སློང་དེ་ལ་རང་གི་ཤས་བསྙེན་བཀུར་བྱས་ཏེ། འདིས་ཀྱང་དེ་ལ་བརྟེན་ནས་མངོན་པར་ཤེས་པ་ལྔ་མངོན་སུམ་དུ་བྱས་སོ། །ད་ལྟར་ཡང་འདིས་དགེ་སློང་འདི་ལ་རང་གི་ཤས་བསྙེན་བཀུར་བྱས་སོ། །དགེ་སློང་འདིས་ཀྱང་འདི་ལ་བརྟེན་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་སོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་གནག་པ་ཡིན། ལས་གཅིག་ཏུ་དཀར་བ་རྣམས་ཀྱི་ནི། གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི། འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ད་ཕྱིན་ཆད་ལས་གཅིག་ཏུ་གནག་པ་རྣམས་དང་འདྲེན་མ་ནི། སྤངས་ལ། ལས་གཅིག་ཏུ་དཀར་བ་ལ་བརྩལ་པར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །གླེང་གཞི་ནི། མཉན་ཡོད་ནའོ། །དེའི་ཚེ་ཡུལ་ཀོ་ས་ལའི་རྒྱལ་པོ་གསལ་རྒྱལ་གྱི་གླང་པོ་ཆེ་ཚོ་རྒུ་ཁ་བཏག་གོ་།མུ་གེའི་དུས་བྱུང་བས། བྲམ་ཟེ་དང་ཁྱིམ་
Kha22b
བདག་རྣམས་ཀྱིས་གླང་པོ་ཆེའི་ཤ་ཟ་བར་བརྩམས་སོ། །དྲུག་སྡེའི་དགེ་སློང་དག་།སྔ་དྲོ་ཤམ་ཐབས་པ་གོས། ལྷུང་བཟེད་དང་ཆོས་གོས་ཐོགས་ནས་མཉན་ཡོད་དུ་བསོད་སྙོམས་ལ་ཞུགས་སོ། །ཇི་ཙམ་ན། ཁྱིམ་བདག་གཞན་ཞིག་གིས་གླང་པོ་ཆེའི་ཤ་ཕྲུ་བར་བཅུག་སྟེ་འཚོད་ཅིང་འདུག་པའི་ཁྱིམ་དེར་དེ་དག་ཞུགས་པ་དང ། ཁྱིམ་བདག་གི་ཆུང་མས་སྨྲས་པ། འཕགས་པ། དབུལ་དུ་ཅུང་ཟད་ཀྱང་མ་མཆིས་ཀྱི། བཞུད་ཅིག་།དེ་དག་གིས་སྨྲས་པ། ཕྲུ་བ་འདིའི་ནང་ན་འཚོད་ཅིང་འདུག་ན། འཕགས་པ། འདི་ནི། གླང་པོ་ཆེའི་ཤ་ལགས་ན། ཅི། ཁྱེད་ཅག་ཀྱང་གླང་པོ་ཆེའི་ཤ་གསོལ་ལམ། ཁོ་བོ་ཅག་ནི། འཚོ་བ་ཁྱེད་ཅག་ལ་རག་ལས་པ་ཡིན་པས། གལ་ཏེ། ཁྱེད་ཟ་ན། ཁོ་བོ་ཅག་ལ་ཡང་བྱིན་ཅིག་།དེ་དག་ལ་ཕུལ་ནས། དེ་དག་གིས་ལྷུང་བཟེད་ཀྱི་སྣོད་བཀང་སྟེ་ཕྱིར་བྱུང་བ། དགེ་སློང་གཞན་དག་ཅིག་བསོད་སྙོམས་ལ་རྒྱུ་བ་དེ་དག་གིས་མཐོང་ངོ ། །མཐོང་ནས་དྲིས་པ། ཨེ་མ་དྲུག་སྡེ་དག་ལྷུང་བཟེད་ཀྱི་སྣོད་ཁེངས་ན། ཅི་ཡིན། དེ་དག་གིས་སྨྲས་པ། གླང་པོ་ཆེའི་ཤ་ཅུང་ཟད་རྙེད་དོ། །ཅི། ཁྱེད་ཅག་གླང་པོ་ཆེའི་ཤ་ཡང་ཟའམ། ཚེ་དང་ལྡན་པ་དག་།མུ་གེའི་དུས་བྱུང་བ་ལ། གལ་ཏེ་གཞན་མ་རྙེད་ན། ཅི། ཁོ་བོ་ཅག་ལྟོགས་ཏེ་འཆིའམ་ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།རྒྱལ་པོའི་གླང་པོ་ཆེ་ཚོ་རྒུ་ཁ་བཏག་ལ། གལ་ཏེ་ཁྱེད་ཀྱིས་གླང་པོའི་ཤ་ཟོས་པ་རྒྱལ་པོས་ཐོས་ན། ཁྱེད་ལ་མངོན་པར་དད་པའི་ལྷ་དང ། ཀླུ་དང ། མི་དང ། མི་མ་ཡིན་
Kha23a
༄#། །པ་གཞན་དག་ཀྱང་ཡོད་པས། འཕགས་པ་དག་གླང་པོ་ཆེའི་ཤ་ཟ་སྟེ། དེས་ན་བདག་གི་གླང་པོ་ཆེ་ཚོ་རྒུ་ཁ་བཏག་གོ་ཞེས་སེམས་པར་མི་འགྱུར་རམ། དགེ་སློང་དག་།དེ་ལྟ་བས་ན།་དགེ་སློང་དག་གིས་གླང་པོ་ཆེའི་ཤ་ལོངས་སྤྱད་པར་མི་བྱའོ། །ལོངས་སྤྱད་ན། འགལ་ཚབས་ཅན་དུ་འགྱུར་རོ། །གླང་པོ་ཆེའི་ཤ་ཇི་ལྟ་བ་བཞིན་རྟའི་ཤ་ཡང་དེ་དང་འདྲའོ། །སངས་རྒྱས་བཅོམ་ལྡན་འདས་ཡུལ་ཙམ་པ་ན། དྲང་སྲོང་གར་གའི་རྫིང་འགྲམ་ན་བཞུགས་སོ། །ཡུལ་ཙམ་པའི་ཀླུ་དད་པ་བཟང་བ། དགེ་བའི་བསམ་པ་ཅན་དེ། ཚེས་བརྒྱད་དང་བཅུ་བཞི་ལ་གནས་ནས་བྱུང་སྟེ། ཡན་ལག་བརྒྱད་དང་ལྡན་པའི་བསྙེན་གནས་བླངས་ནས། གནས་སྣང་བར་ལུས་ཆེན་པོར་བྱས་ཏེ་ལུས་བཏང་ནས་འདུག་ཅིང་འཇིག་རྟེན་ན་སེམས་ཅན་དག་གནས་པ་དག་ལ་ཅུང་ཟད་ཀྱང་གནོད་པའམ་སྐྲག་པར་མི་བྱེད་དོ། །མུ་གེའི་དུས་བྱུང་བས་ལས་ལ་མི་ལྟ་བའི་མི་ཕྱུགས་རྫི་རྣམས་དང ། ལུག་རྫི་རྣམས་དང ། རྩཝ་ཐུན་རྣམས་དང ། ཤིང་ཐུན་རྣམས་དང ། ལམ་གྱིས་འཚོ་བ་རྣམས་དང ། ལམ་གོལ་བས་འཚོ་བའི་མི་རྣམས་ཀྱིས། ཀླུའི་ཤ་ལ་དུམ་བུ་དུམ་བུར་བཅད་ནས་ལོངས་སྤྱོད་པར་བརྩམས་སོ། །དྲུག་སྡེའི་དགེ་སློང་དག་།སྔ་དྲོ་ཤམ་ཐབས་བགོས། ལྷུང་བཟེད་དང ། ཆོས་གོས་དག་ཐོགས་ནས་བསོད་སྙོམས་ལ་ཞུགས་པ་ལས། ཇི་ཙམ་ན། ཁྱིམ་བདག་གཞན་ཞིག་གིས་ཀླུའི་ཤ་ཕྲུ་བར་བཅུག་སྟེ་འཚོད་ཅིང་འདུག་པའི་ཁྱིམ་དེར་དེ་དག་ཞུགས་སོ། །ཁྱིམ་བདག་གི་ཆུང་མས་སྨྲས་པ། འཕགས་
Kha23b
པ།་དབུལ་དུ་ཅུང་ཟད་ཀྱང་མ་མཆིས་ཀྱི། བཞུད་ཅིག་།དེ་དག་གིས་སྨྲས་པ། ཕྲུ་བ་འདིའི་ནང་ན་འཚོད་ཅིང་འདུག་ན། འཕགས་པ། འདི་ནི། ཀླུའི་ཤ་ལགས་ན། ཅི། ཁྱེད་ཅག་ཀྱང་ཀླུའི་ཤ་གསོལ་ལམ། ཁོ་བོ་ཅག་ནི། འཚོ་བ་ཁྱེད་ཅག་ལ་རག་ལས་པ་ཡིན་པས། གལ་ཏེ་ཁྱེད་ཅག་ཟ་ན། ཁོ་བོ་ཅག་ལ་ཡང་བྱིན་ཅིག་།དེ་དག་ལ་ཕུལ་ནས། འཕགས་པ་རྣམས་ཀྱང་ལོངས་སྤྱོད་དོ་ཞེས་ཕལ་མོ་ཆེ་སྤྱད་པར་བརྩམས་སོ། །དེ་ནས་ཙམ་པའི་ཀླུའི་ཆུང་མ་འདི་སྙམ་དུ་སེམས་ཏེ། འཕགས་པ་འདི་དག་ཀྱང་ཀླུའི་ཤ་ལ་ལོངས་སྤྱད་པས། སྐྱེ་བོའི་ཚོགས་ཕལ་མོ་ཆེས་ལོངས་སྤྱད་ན། བདག་གི་ཁྱིམ་ཐབ་ཀྱིས་ཡུན་ཇི་སྲིད་ཅིག་སྡུག་བསྔལ་བརྣག་དགོས། བདག་གིས་འདིའི་ཕྱིར་འདི་ཁོ་ན་བྱའོ། །སྙམ་མོ། །དེ་ནས་ཙམ་པའི་ཀླུའི་ཆུང་མ་དེ། མཚན་མོ་འདས་ནས་ཁ་དོག་འཕགས་པས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། དེའི་ཚེ་ན་ཙམ་པའི་ཀླུའི་ཆུང་མའི་ཁ་དོག་གི་མཐུས་དྲང་སྲོང་གར་གའི་རྫིང་གི་ཉེ་འཁོར་ཐམས་ཅད་སྣང་བ་རྒྱ་ཆེན་པོས་ཁྱབ་པར་བྱས་སོ། །ཙམ་པའི་ཀླུའི་ཆུང་མ་ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གི་སྡུམ་ཐབ་དད་པ་བཟང་བ། དགེ་བའི་བསམ་པ་ཅན་དེ། ཚེས་བརྒྱད་དང་བཅུ་བཞི་ལ་གནས་ནས་བྱུང་སྟེ། ཡན་ལག་བརྒྱད་དང་ལྡན་པའི་བསྙེན་གནས་བླངས་ནས་ལུས་བཏང་སྟེ་མཆིས་ལ། འཇིག་རྟེན་ན་སེམས་ཅན་དག་གནས་པ་ལ་གནོད་པ་དང ། སྐྲག་པ་ཅུང་
Kha24a
༄#། །ཟད་ཀྱང་མི་བགྱིད་པ། མུ་གེའི་དུས་བྱུང་བས་ལས་ལ་མི་ལྟ་བའི་མི་ཕྱུགས་རྫི་རྣམས་དང ། ལུག་རྫི་རྣམས་དང ། རྩཝ་ཐུན་རྣམས་དང ། ཤིང་ཐུན་རྣམས་དང ། ལམ་གྱིས་འཚོ་བ་རྣམས་དང ། ལམ་གོལ་བས་འཚོ་བའི་མི་རྣམས་ཀྱིས་ཀླུའི་ཤ་དུམ་བུ་དུམ་བུར་བཀུམ་ནས་འཚལ་བ། འཕགས་པ་དག་གིས་གཟིགས་ནས་འཕགས་པ་རྣམས་ཀྱིས་ཀྱང་གསོལ་བར་བརྩམས་སོ། །འཕགས་པ་རྣམས་ཀྱིས་གསོལ་ལ་དེ་དག་གིས་ཀྱང་ཕལ་ཆེར་བཀུམ་ཞིང་འཚལ་བར་བརྩམས་ནས། བདག་གི་སྡུམ་ཐབ་ཀྱིས་ཡུན་ཇི་སྲིད་ཅིག་སྡུག་བསྔལ་བརྣག་འཚལ། ཀྱེ་མ། བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ། གང་གི་ཕྱིར་འཕགས་པ་དག་ཀླུའི་ཤ་མི་གསོལ་བར་དགོངས་པའི་རྒྱུ་ཅུང་ཞིག་བཅའ་བར་གསོལ། བཅོམ་ལྡན་འདས་ཀྱིས་ཙམ་པའི་ཀླུའི་ཆུང་མ་ལ་ཅང་མི་གསུང་བས་གནང་ངོ ། །དེ་ནས་ཙམ་པའི་ཀླུའི་ཆུང་མས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་དེ་ཉིད་ཀྱི་མཚན་མོ་འདས་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས། བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།མདང་སུམ་ངའི་སྤྱན་སྔར་ཙམ་པའི་ཀླུའི་ཆུང་མ་མཚན་མོ་འདས་ནས། ཁ་དོག་འཕགས་པས་ང་གང་ན་བ་དེར་འོངས་ཏེ་ཕྱིན་ནས། ངའི་ཞབས་གཉིས་ལ་མགོ་
Kha24b
བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཡང་དེའི་ཚེ་ཙམ་པའི་ཀླུའི་ཆུང་མའི་ཁ་དོག་གི་མཐུས་དྲང་སྲོང་གར་གའི་རྫིང་གི་ཉེ་འཁོར་ཐམས་ཅད་སྣང་བ་རྒྱ་ཆེན་པོས་ཁྱབ་པར་བྱས་སོ། །ཙམ་པའི་ཀླུའི་ཆུང་མ་ཕྱོགས་གཅིག་ཏུ་འདུག་ནས། ང་ལ་འདི་སྐད་ཅེས་གསོལ་ཏོ། །བཙུན་པ། བདག་གི་སྡུམ་ཐབ་དད་པ་བཟང་བ། དགེ་བའི་བསམ་པ་ཅན་དེ། ཚེས་བརྒྱད་དང་བཅུ་བཞི་ལ་རང་གི་གནས་ནས་བྱུང་སྟེ། ཡན་ལག་བརྒྱད་དང་ལྡན་པའི་བསྙེན་གནས་བླངས་ནས་ལུས་བཏང་སྟེ་མཆིས་ལ། འཇིག་རྟེན་ན་སེམས་ཅན་དག་གནས་པ་ལ་གནོད་པ་དང་སྐྲག་པ་ཅུང་ཟད་ཀྱང་མི་བགྱིད་པ་མུ་གེའི་དུས་བྱུང་བས་ལས་ལ་མི་ལྟ་བའི་མི་ཕྱུགས་རྫི་རྣམས་དང ། ལུག་རྫི་རྣམས་དང ། རྩཝ་ཐུན་རྣམས་དང ། ཤིང་ཐུན་རྣམས་དང ། ལམ་གྱིས་འཚོ་བ་རྣམས་དང ། ལམ་གོལ་བས་འཚོ་བའི་མི་རྣམས་ཀྱིས་ཀླུའི་ཤ་དུམ་བུ་དུམ་བུར་བཀུམ་ནས་འཚལ་ལོ། །དེ་དག་གིས་འཚལ་བ་དང ། འཕགས་པ་དག་གིས་ཀྱང་གསོལ་བར་བརྩམས་སོ། །འཕགས་པ་རྣམས་ཀྱིས་གསོལ་ཏོ་ཞེས་དེ་དག་གིས་ཆེར་བཀུམ་ཞིང་འཚལ་བར་བརྩམས་ན། བདག་གི་སྡུམ་ཐབ་ཡུན་ཇི་སྲིད་ཅིག་སྡུག་བསྔལ་བརྣག་འཚལ། ཀྱེ་མ། བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ། གང་གི་ཕྱིར་འཕགས་པ་དག་ཀླུའི་ཤ་མི་གསོལ་བར་དགོངས་པའི་རྒྱུ་ཅུང་ཞིག་བཅའ་བར་གསོལ་ཞེས་ཟེར་ནས། ངས་ཙམ་པའི་ཀླུའི་ཆུང་མ་ལ་ཅང་མི་གསུང་བས་གནང་ངོ ། །དེ་ནས་ཙམ་པའི་ཀླུའི་ཆུང་མས་ང་ཅང་མི་གསུང་བས་གནང་བར་རིག་ནས། ངའི་ཞབས་གཉིས་
Kha25a
༄#། །ལ་མགོ་བོས་ཕྱག་བྱས་ཏེ། དེ་ཉིད་དུ་མི་སྣང་བར་གྱུར་ཏོ། །གང་ལ་ད་ལྟ་ལྷ་དག་ཀྱང་ཤཱཀྱའི་སྲས་ཀྱི་དགེ་སྦྱོང་དེ་རྣམས་ནི། དགེ་བའི་ཆོས་རྣམས་ལས་ཉམས་སོ། །ཞེས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད་པ་འདི་ནི། བཟང་པོ་མ་ཡིན། རིགས་པ་མ་ཡིན་ཏེ། དགེ་སློང་དག་།དེ་ལྟ་བས་ན། དགེ་སློང་དག་གིས་ཀླུའི་ཤ་བཟའ་བར་མི་བྱའོ། །ཟ་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཡུལ་མ་ག་དྷའི་ལྗོངས་རྒྱུ་ཞིང་གཤེགས་པ་ན། རྒྱལ་པོའི་ཁབ་ཏུ་བྱོན་ནས། རྒྱལ་པོའི་ཁབ་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས། བཅོམ་ལྡན་འདས་ཡུལ་མ་ག་དྷའི་ལྗོངས་རྒྱུ་ཞིང་གཤེགས་ཏེ་རྒྱལ་པོའི་ཁབ་ཏུ་བྱོན་ནས། རྒྱལ་པོའི་ཁབ་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་འདི་སྙམ་དུ་སེམས་ཏེ། བཅོམ་ལྡན་འདས་བདག་གིས་ལན་མང་དུ་སྤྱན་དྲངས་ཏེ། ཞལ་ཟས་གསོལ་ན། ལན་འགའ་ཡང་ཟླ་ག་གསུམ་དུ་ཡོ་བྱད་ཐམས་ཅད་ཀྱིས་མ་བསྟབས་ཀྱི། མ་ལ་བདག་གིས་བཅོམ་ལྡན་འདས་ལ་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབས་ཤིང ། སྨན་པའི་རྒྱལ་པོ་འཚོ་བྱེད་ཀྱང་དབུལ་ལོ། །སྙམ་མོ། །དེ་ནས་རྒྱལ་པོའི་འབྱོར་བ་དང ། རྒྱལ་པོའི་མཐུ་ཆེན་པོས་བཅོམ་ལྡན་འདས་གང་ན་བདེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་
Kha25b
གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཡུལ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་ཏུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་དགུང་ཟླ་གསུམ་དུ་བསོད་སྙོམས་དང ། ན་བཟའ་ཆོས་གོས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་དང ། སྨན་པའི་རྒྱལ་པོ་འཚོ་བྱེད་འབུལ་ན། བདག་ལ་གནང་བར་མཛད་དུ་གསོལ། །བཅོམ་ལྡན་འདས་ཀྱིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཅང་མི་གསུང་བས་གནང་ངོ ། ། དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས། བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། སྟན་ལས་ལངས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་
Kha26a
༄#། །བོས་ཕྱག་བྱས་ནས་སོང་ངོ ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ཟླ་བ་གསུམ་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་ཐམས་ཅད་དང ། སྨན་པའི་རྒྱལ་པོ་འཚོ་བྱེད་ཀྱིས་རིམ་གྲོ་ཁོ་ན་བྱས་སོ། །ཡུལ་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ཡོ་བྱད་ཐམས་ཅད་དང ། སྨན་པའི་རྒྱལ་པོ་འཚོ་བྱེད་བསྟབས་སོ། །ཞེས་ཐོས་སོ། །ཐོས་ནས་ཀྱང་འདི་སྙམ་དུ་སེམས་ཏེ། དེ་ཡང་རྒྱལ་པོ་རྒྱལ་རིགས་ཀྱི་སྤྱི་བོ་ནས་དབང་བསྐུར་བ་ཡིན། བདག་ཀྱང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཡིན་ལ། དེའི་སྨན་པའི་རྒྱལ་པོ་ནི། འཚོ་བྱེད་ཡིན་ལ་བདག་གི་སྨན་པའི་རྒྱལ་པོ་ནི། རྒྱུན་ཤེས་ཀྱི་བུ་ཡིན་གྱི། གང་གི་ཚེ་བཅོམ་ལྡན་འདས་མཉན་ཡོད་ན་བྱོན་པ་དེའི་ཚེ། བདག་གིས་ཀྱང་བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ལ་ཡོ་བྱད་ཐམས་ཅད་དང ། སྨན་པའི་རྒྱལ་པོ་རྒྱུན་ཤེས་ཀྱི་བུ་བསྟབ་པར་བྱའོ། །སྙམ་མོ། །ཇི་ཙམ་ན། བཅོམ་ལྡན་འདས་རྒྱལ་པོའི་ཁབ་ཏུ་དབྱར་ཞུགས་ནས། དབྱར་གྱི་ཟླ་བ་གསུམ་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས། ལྷུང་བཟེད་དད་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱི་མདུན་གྱིས་བལྟས་ནས། མཉན་
Kha26b
ཡོད་དུ་བྱོན་ནས། མཉན་ཡོད་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་ནས་མཉན་ཡོད་དུ་བྱོན་ནས། མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཡུལ་ཀོ་ས་ལའི་ལྗོངས་རྒྱུ་ཞིང་གཤེགས་པ་ན། མཉན་ཡོད་དུ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་མཉན་ཡོད་ནས་བྱུང་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་ག་བར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
Kha27a
༄#། །དགེ་སློང་གི་དགེ་འདུན་དང་ཐབས་ཅིག་ལ་དགུང་ཟླ་གསུམ་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་དང ། སྨན་པའི་རྒྱལ་པོ་རྒྱུན་ཤེས་ཀྱི་བུ་དབུལ་ན། བདག་ལ་གནང་བར་མཛད་དུ་གསོལ། བཅོམ་ལྡན་འདས་ཀྱིས། ཀོ་ས་ལའི་རྒྱལ་པོ་གསལ་རྒྱལ་ལ་ཅང་མི་གསུང་བས་གནང་ངོ ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་སོང་ངོ ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཀོ་ས་ལའི་རྒྱལ་པོ་གསལ་རྒྱལ་གྱིས་ཟླ་བ་གསུམ་དུ་ཡོ་བྱད་ཐམས་ཅད་དང ། སྨན་པའི་རྒྱལ་པོ་རྒྱུན་ཤེས་ཀྱི་བུས། རིམ་གྲོ་ཁོ་ན་བྱས་སོ། །ཀོ་ས་ལའི་རྒྱལ་པོ་གསལ་རྒྱལ་གྱི་ཀུན་ཏུ་སྤྱོད་པ་ནི། ནང་པར་སྔར་ལངས་ཏེ། བཅོམ་ལྡན་འདས་ཀྱི་ཞབས་ལ་ཕྱག་བྱས་ནས། དགེ་སློང་ནད་པ་ལ་བལྟ་བ་ཡིན་ནོ། །ཇི་ཙམ་ན། དགེ་སློང་གཞན་ཞིག་གཞང་འབྲུམ་གྱིས་ཐེབས་ནས་དེ་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། ན་བས་ཉམས་དམས་པས་གྱུར་པ་དེ། ཀོ་ས་ལའི་རྒྱལ་པོ་གསལ་རྒྱལ་གྱིས་མཐོང་ནས་སྨྲས་པ། འཕགས་པ། ཁྱོད་ཅིའི་ཕྱིར་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། ན་བས་ཉམས་དམས་
Kha27b
པར་གྱུར། ལྷ། བདག་གཞང་འབྲུམ་གྱིས་ཐེབས་སོ། །དེ་ནས་རྒྱལ་པོས། སྨན་པའི་རྒྱལ་པོ་རྒྱུན་ཤེས་ཀྱི་བུ་ལ་བསྒོ་བ། དགེ་སློང་འདིའི་དཔྱད་བྱོས་ཤིག་།ལྷ། བཀའ་བཞིན་འཆེལ། དེ་མ་དད་པས། དེ་མ་བྱས་སོ། །ཇི་ཙམ་ན། རྒྱལ་པོས་ཡང་དགེ་སློང་དེ་མཐོང་ནས་དྲིས་པ། འཕགས་པ། ཁྱོད་རྒྱུན་ཤེས་ཀྱི་བུས་དཔྱད་མ་བགྱིས་སམ། ལྷ། མ་བགྱིས་སོ། །དེ་ནས་རྒྱལ་པོ་ཁྲོས་ཏེ། རྒྱུན་ཤེས་ཀྱི་བུ་ཕོ་ཉས་བཀུག་ནས་བསྒོ་བ། གལ་ཏེ་ཁྱོད་ཀྱིས་དགེ་སློང་འདིའི་དཔྱད་བྱས་ན། དེ་ལྟ་ན་ལེགས། གལ་ཏེ་མ་བྱས་ན། ཁྱོད་ཀྱི་དབང་ཐང་གཅད་དོ། །དེ་རང་བཞིན་གྱིས་མ་དད་པ་ཞིག་པས་ཆེས་འཁྲུགས་ནས་དགེ་སྦྱོང་མགོ་རེག་འདིའི་ཕྱིར་ལྷས་བདག་གི་དབང་ཐང་གཅོད་པར་འགྱུར་རོ། །ཞེས། དེས་དགེ་སློང་དེ་རྒྱལ་བུ་རྒྱལ་བྱེད་ཀྱི་ཚལ་གྱི་སྒོར་བཟོ་བཅོས་བྱས་ནས། དེ་དང་དེ་ནས་མཚོན་གྱི་ལས་བྱ་བར་བརྩམས་སོ། །དེ་ནས་དགེ་སློང་དེ། ཉམ་ང་བ་དང ། དོག་པ་དང ། གནོད་པ་ཐོབ་ཅིང་སྡུག་བསྔལ་རྩུབ་པ། ཚ་བ། མི་བཟད་པ། ཡིད་དུ་མི་འོང་བའི་ཚོར་བ་ཉམས་སུ་མྱོང་ནས་བསམ་པ། ཉམ་ང་བ། དོག་པ། གནོད་པ་ཐོབ་པ་ལ་བཅོམ་ལྡན་འདས་ཀྱིས་མ་དགོངས་པ་ལྟ་ཞིག། སྐབས་དེ་ལ། སངས་རྒྱས་བཅོམ་ལྡན་འདས་རྣམས་མི་མཁྱེན་པའམ། མི་གཟིགས་པའམ། ཐུགས་སུ་མི་ཆུད་པའམ། རྣམ་པར་མི་མཁྱེན་པ་ཅུང་ཟད་ཀྱང་མི་མངའོ། །དེ་ནས་བཅོམ་ལྡན་འདས་ཐུགས་རྗེ་ཆེན་པོས་བསྐུལ་ནས་ཕྱོགས་དེར་གཤེགས་པ་དང ། སྨན་
Kha28a
༄#། །པའི་རྒྱལ་པོ་རྒྱུན་ཤེས་ཀྱི་བུས། བཅོམ་ལྡན་འདས་ཕྱོགས་དེར་གཤེགས་པ་མཐོང་ངོ ། །མཐོང་ནས་ཀྱང་ཀུན་ནས་དཀྲིས་པ་དྲག་པོས། བཅོམ་ལྡན་འདས་ལ་སྨྲས་པ། དགེ་སྦྱོང་བྲན་མོའི་བུ་ཚུར་ཤོག་།ཉན་ཐོས་རྐུབ་ཕྱེ་བ་ལྟོས། དེ་ནས་བཅོམ་ལྡན་འདས་དེ་ཉིད་སླར་ལོག་སྟེ། གཙུག་ལག་ཁང་དུ་གཤེགས་ནས་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་འཛུམ་པ་མཛད་དོ། །འདི་ནི། ཆོས་ཉིད་ཡིན་ཏེ། གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ། ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་འབྱུང་ཞིང ། ཁ་ཅིག་ནི། འོག་ཏུ་འགྲོའོ། །ཁ་ཅིག་ནི། སྟེང་དུ་འགྲོའོ། །གང་དག་འོག་ཏུ་སོང་བ་དག་ནི། ཡང་སོས་དང ། ཐིག་ནག་དང ། བསྡུས་གཞོམ་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཆུ་བུར་རྡོལ་བ་དང ། སོ་ཐམ་ཐམ་དང ། ཀྱི་ཧུད་ཟེར་བ་དང ། ་ཆུ་ཟེར་བ་དང ། ུཏྤལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་པོ་རྣམས་སུ་སོང་སྟེ། ཚ་བའི་སེམས་ཅན་དམྱལ་བ་གང་དག་ཡིན་པ་དེ་དག་ལ་ནི། བསིལ་བར་འབབ་བོ། །གྲང་བའི་སེམས་ཅན་དམྱལ་བ་རྣམས་གང་དག་ཡིན་པ་དེ་དག་ལ་ནི། དྲོ་བར་འབབ་བོ། །དེས་སེམས་ཅན་དེ་རྣམས་
Kha28b
ཀྱི་སྡུག་བསྔལ་གྱི་ཁྱད་པར་དག་སོ་སོར་ཞི་བར་བྱས་སོ། །དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་།ཅི། བདག་ཅག་འདི་ནས་ཤི་འཕོས་པར་གྱུར་ཏམ། འོན་ཏེ་གཞན་དུ་སྐྱེས་པར་གྱུར་སྙམ་པ་ལ།་དེ་རྣམས་དད་པ་བསྐྱེད་པའི་ཕྱིར་བཅོམ་ལྡན་འདས་ཀྱིས་སྤྲུལ་པ་ཞིག་བཏང་ངོ ། །དེ་རྣམས་ཀྱིས་སྤྲུལ་པ་མཐོང་ནས་འདི་སྙམ་དུ་སེམས་ཏེ། ཤེས་ལྡན་དག་།བདག་ཅག་ནི། འདི་ནས་ཤི་འཕོས་པ་མེད་ལ་གཞན་དུ་སྐྱེས་པ་མེད་ཀྱིས་ཀྱང ། སྔོན་མ་མཐོང་བའི་སེམས་ཅན་འདིའི་མཐུས། བདག་ཅག་གི་སྡུག་བསྔལ་གྱི་ཁྱད་པར་རྣམས་སོ་སོར་ཞི་བར་བྱས་སོ། །ཞེས་དེ་རྣམས་སྤྲུལ་པ་ལ་སེམས་མངོན་པར་དད་པར་གྱུར་པས་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས། གང་དུ་བདེན་པ་རྣམས་མཐོང་བའི་སྣོད་དུ་གྱུར་པ་ལྷ་དང་མི་རྣམས་ཀྱི་ནང་དུ་ཉིང་མཚམས་སྦྱོར་བ་བཟུང་ངོ། །གང་དག་སྟེང་དུ་སོང་བ་དེ་དག་ནི། རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་པ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་པ་དང ། ཚངས་པ་ཆེན་པོ་དང ། འོད་ཆུང་དང ། ཚད་མེད་འོད་དང ། འོད་གསལ་བ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་སྐྱེས་དང ། འབྲས་བུ་ཆེ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་དང ། ཤིན་ཏུ་མཐོང་དང ། འོག་མིན་གྱི་ལྷ་རྣམས་ཀྱི་ནང་དུ་སོང་ནས། མི་རྟག་པ་དང ། སྡུག་བསྔལ་དང །
Kha29a
༄#། །སྟོང་པ་དང ། བདག་མེད་པའི་དབྱངས་སྒྲོག་ཅིང ། ཚིགས་སུ་བཅད་པ་འདི་གཉིས་ཀྱང་བསྒྲགས་སོ། །བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པས། །ཆོས་འདུལ་འདི་ལ་བརྩོན་གྱུར་ན། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །དེ་ནས་འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམས་བྱུལ་ནས། བཅོམ་ལྡན་འདས་ཉིད་ཀྱི་རྗེས་བཞིན་རྗེས་བཞིན་འགྲོའོ།། དེ་ལ། གལ་ཏེ་བཅོམ་ལྡན་འདས་ཀྱིས་འདས་པའི་ལས་རྣམས་ལུང་སྟོན་པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་སུ་ནུབ་པར་འགྱུར་རོ། །མ་འོངས་པ་ལུང་སྟོན་པར་བཞེད་ན་ནི། མདུན་ལོགས་སུ་ནུབ་པར་འགྱུར་རོ། །དམྱལ་བར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐིལ་དུ་ནུབ་པར་འགྱུར་རོ། །དུད་འགྲོར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་རྟིང་པར་ནུབ་པར་འགྱུར་རོ། །ཡི་དྭགས་སུ་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐེ་བོར་ནུབ་པར་འགྱུར་རོ། །མིར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་པུས་མོར་ནུབ་པར་འགྱུར་རོ། ། སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་ལུང་སྟོན་པར་བཞེད་ན་ནི། ཕྱག་གཡོན་པའི་མཐིལ་དུ་ནུབ་པར་འགྱུར་རོ། །འཁོར་ལོས་བསྒྱུར་བའི་རྒྱལ་པོར་ལུང་སྟོན་པར་བཞེད་ན་ནི། ཕྱག་
Kha29b
གཡས་པའི་མཐིལ་དུ་ནུབ་པར་འགྱུར་རོ། །ལྷ་རྣམས་སུ་ལུང་སྟོན་པར་བཞེད་ན་ནི། སྐུའི་ལྟེ་བར་ནུབ་པར་འགྱུར་རོ། །ཉན་ཐོས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། ཞལ་གྱི་ནང་དུ་ནུབ་པར་འགྱུར་རོ། །རང་བྱང་ཆུབ་ཏུ་ལུང་སྟོན་པར་བཞེད་ན་ནི། མཛོད་སྤུར་ནུབ་པར་འགྱུར་རོ། །ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་བཞེད་ན་ནི། དབུའི་གཙུག་ཏུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་ཞབས་མཐིལ་དུ་ནུབ་བོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ནས་ཞུས་པ། ཁ་དོག་སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱི་ནང་ནས་བྱུང་གྱུར་ལ། །ཇི་ལྟར་གདུགས་ནི་ཤར་བར་གྱུར་པ་བཞིན། །དེ་ཡིས་ཕྱོགས་རྣམས་ཀུན་ཏུ་སྣང་བར་བགྱིས།། ཡང་ཚིགས་སུ་བཅད་པ་དག་གསོལ་པ། རྒོད་བྲལ་ཞུམ་དང་རྒྱགས་པ་སྤངས་པ་ཡི། །སངས་རྒྱས་འགྲོ་ནང་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བསྟན་པ་ཉིད་སློབ་དུས་མཁྱེན་ནས། །རྒྱལ་བའི་དབང་པོ་ཐུབ་པ་སྐྱེས་ཀྱི་མཆོག་།ཉན་པར་འཚལ་བའི་ཉན་པ་པོ་རྣམས་ཀྱི། །ཐེ་ཚོམ་སྐྱེས་པ་གསུང་ཚིག་བརྟན་པ་དང ། །དམ་པ་བཟང་པོ་དག་གིས་བསལ་དུ་གསོལ། །ཚཝ་ཆུ་རི་བོ་ལྟ་བུར་བརྟན་པའི་མགོན། །རྫོགས་སངས་རྒྱས་རྣམས་གློ་བུར་འཛུམ་མི་སྟོན། །བརྟན་པ་ཅི་སླད་འཇུམ་པ་སྟོན་མཛད་པ། །སྐྱེ་བོ་ཕལ་ཆེན་
Kha30a
༄#། །འདི་དག་དེ་ཉན་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་དེ་བཞིན་ཏེ། དེ་དེ་བཞིན་ནོ། །ཀུན་དགའ་བོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མེད། རྐྱེན་མེད་པར་འཛུམ་པ་མི་སྟོན་ཏེ། ཀུན་དགའ་བོ། སྨན་པའི་རྒྱལ་པོ་རྒྱུན་ཤེས་ཀྱི་བུ་ཉམས་ཤིང་ཆུད་ཟོས་པར་གྱུར་ཏེ། དེས། དེ་བཞིན་གཤེགས་པ་མང་པོས་བཀུར་བའི་གདུང་རྒྱུད་ནས་བཟུང་སྟེ། སྤྱོད་པ་སྐྱོན་མི་མངའ་བ་ལ་བྲན་མོའི་བུ་ཞེས་སྨྲས་སོ། །དེ་དེང་ནས་ཞག་བདུན་ན་ཁྲག་དྲོན་དུ་སྐྱུགས་ཏེ།་དུས་བྱེད་པར་འགྱུར་ཏེ། ལུས་ཞིག་ནས་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །དགེ་སློང་དག་།དེ་བས་ན། རྒྱུན་ཤེས་ཀྱི་བུའམ། རྒྱུན་ཤེས་ཀྱི་བུ་འདྲ་བ་ལ་བསྙེན་བཀུར་བྱེད་དུ་མ་གཞུག་ཅིག་།གཞང་འབྲུམ་ཡང་གཅད་པར་མི་བྱའོ། །འོན་ཀྱང་གཞང་འབྲུམ་གྱི་དཔྱད་ནི། རྣམ་པ་གཉིས་ཀྱིས་བྱ་སྟེ། གསང་སྔགས་དང ། སྨན་གྱིས་སོ། །དགེ་སློང་གིས་གཞང་འབྲུམ་གཅོད་དམ། རྒྱུན་ཤེས་ཀྱི་བུ་འདྲ་བ་ལ་བསྙེན་བཀུར་བྱེད་དུ་འཇུག་ན། འགལ་ཚབས་ཅན་དུ་འགྱུར་རོ། །དགེ་སློང་དེ་རྒྱུན་ཤེས་ཀྱི་བུས་ཇི་ལྟར་གནོད་པ་དེ་ཉིད་ཀྱིས་དུས་ལས་འདས་པ་དེ་ལྟ་དེ་ལྟར་བྱས་སོ། །དེ་ནས་བློན་པོ་དག་གིས་རྒྱལ་པོ་གསལ་རྒྱལ་ལ་སྨྲས་པ། ལྷ། རྒྱུན་ཤེས་ཀྱི་བུས་ནི། བཅོམ་ལྡན་འདས་ལ་ཡང་བྲན་མོའི་བུ་ཞེས་ཚིག་ཏུ་སྨྲས་ལ། དགེ་སློང་དེ་
Kha30b
ཡང་ཇི་ལྟར་གནོད་པ་དེ་ཉིད་ཀྱིས་དུས་ལས་འདས་པ་དེ་ལྟ་དེ་ལྟར་བགྱིས་སོ། །དེ་ནས་རྒྱལ་པོ་ཆེ་ཐང་དུ་ཁྲོས་ནས་བློན་པོ་རྣམས་ལ་བསྒོ་བ། ཤེས་ལྡན་དག་།ངས་སྨན་པའི་རྒྱལ་པོ་རྒྱུན་ཤེས་ཀྱི་བུ་ཡོངས་སུ་བཏང་ཟིན་གྱི། དེངས་ཤིག། བློན་པོ་རྣམས་ཀྱིས་སྨྲས་པ། ལྷ། གུམ་ལགས་པ་དེ་དགུམ་ཅི་འཚལ། བཅོམ་ལྡན་འདས་ཉིད་ཀྱིས་ཞག་བདུན་ན་ཁྲག་དྲོད་དུ་སྐྱུགས་ནས་དུས་བྱེད་པར་འགྱུར་ཏེ།་ལུས་ཞིག་ནས་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །ཞེས་ལུང་བསྟན་ལགས་སོ། །རྒྱལ་པོས་སྨྲས་པ། གལ་ཏེ་དེ་ལྟར་གྱུར་ན། ངའི་ཡུལ་ནས་སྤྱུགས་ཤིག་།དེ་དག་གིས་དེ་སྤྱུགས་ནས། ཡུལ་གནས་བཅས་ཞེས་བྱ་བར་ཕྱིན་ནོ། །ཡུལ་གནས་བཅས་ན་གནས་པའི་ལྷ་རྣམས་ཀྱིས། སྐྱེས་བུ་གཏི་མུག། གང་གི་ཕྱིར་ཁྱོད་ཁམས་གསུམ་གྱི་མགོན་པོ་ལ། བྲན་མོའི་བུ་ཞེས་ཚིག་ཏུ་སྨྲས་པ། ཁྱོད་འདིར་གནས་སུ་ག་ལ་རུང་ཞེས་མང་དུ་སྤྱོས་ནས་བསྐྲད་དོ། །དེ་དེ་ནས་ཝཱ་ར་ཎཱ་སིར་སོང་ངོ ། །དེ་ནས་ཀྱང་བསྐྲད་ནས་ཡངས་པ་ཅན་དུ་སོང་ངོ ། །དེ་ནས་ཀྱང་བསྐྲད་ནས་ཡུལ་ཙམ་པར་སོང་ངོ ། །དེ་ནས་ཀྱང་བསྐྲད་ནས་རྒྱལ་པོའི་ཁབ་ཏུ་སོང་ངོ ། །དེ་ནས་ཀྱང་བསྐྲད་ནས་ཤིང་དྲུང་ཞིག་ན་གནས་སོ། །དེ་ནས་ཀྱང་ཤིང་ལ་གནས་པའི་ལྷ་རྣམས་ཀྱིས་བསྐྲད་ནས་འབབ་ཆུ་དང་མཚོ་དང་མཚེའུ་དག་གི་འགྲམ་ཞིག་ཏུ་སོང་བ་དང ། དེར་ཡང་སྐབས་མ་རྙེད་ནས། དེས་བསམ་པ། འཛམ་བུའི་གླིང་འདི་ན། རེ་ཞིག་ཝ་དག་གིས་ཀྱང་སྐབས་རྙེད་ན། བདག་གི་སྐབས་
Kha31a
༄#། །ཤིང་དྲུང་དང་མཚོ་དང་མཚེའུ་དག་ན་ཡང་མེད་དོ། །སྙམ་པ་དང ། དེ་ལ། གང་གིས་ན། ཁྲག་དྲོན་པོ་སྐྱུགས་ནས་དུས་ལས་འདས་པ་དེ་ལྟ་བུའི་ཀུན་ནས་དཀྲིས་པ་སྐྱེས་སོ། །དུས་ལས་འདས་མ་ཐག་ཏུ་མནར་མེད་པའི་སེམས་ཅན་དམྱལ་བ་ཆེན་པོར་སྐྱེས་སོ། །དེ་ནས་བཅོམ་ལྡན་འདས་ཀྱིས་བྱུང་བ་དེ་ལ་ཚིགས་སུ་བཅད་པ་དག་གསུངས་པ། མི་ཞིག་སྐྱེས་པར་གྱུར་པ་ཡི། །ཁ་ནས་སྟ་རེ་ཚིག་བྱུང་སྟེ། །ཉེས་པར་སྨྲ་བ་སྨྲ་ཚིག་དེས། །བདག་ཉིད་ལ་ནི་གཅོད་པར་བྱེད། །གང་ཞིག་སྨད་འོས་སྐྱེ་པོ་བསྔགས་བྱེད་ཅིང ། །བསྔགས་འོས་སྐྱེ་བོ་རྣམ་པར་སྨོད་བྱེད་པ། །དེ་ནི་ཁ་ཡི་ཉེས་པ་གང་གིས་ན། །བདེ་བ་འཐོབ་མི་འགྱུར་བའི་ཉེས་པ་གསོག་།འདིར་ནི་རྒྱན་པོས་རང་གི་ནོར་ཡལ་བ། །འདི་ནི་ཕུང་བ་ཅུང་ཟད་ཙམ་ཡིན་ཏེ། །བདེ་གཤེགས་རྣམས་ལ་ཡིད་ཀྱིས་གདུག་བསམ་པ། །གང་ཡིན་དེ་ནི་ཕུང་བ་ཆེན་པོ་ཡིན། །འཕགས་ལ་སྨོད་བྱེད་ལུས་དང་ངག་གི་ལས། །སྡིག་ཏོ་བྱས་ནས་ཆུ་བུར་རྡོལ་རྣམས་སུ། །ལོ་འབུམ་དག་དང་ཆུ་བུར་ཅན་དུ་ལོ། །བཞི་ཁྲི་ཚིག་སྟོང་གང་ཡིན་དམྱལ་དེར་འགྲོ། །སངས་རྒྱས་བཅོམ་ལྡན་འདས་ཡུལ་ཀ་ཤི་ནས་ལྗོངས་རྒྱུ་ཞིང་གཤེགས་པ་ན། གྲོང་རྡལ་མཚམས་མ་བཅད་པ་གཞན་ཞིག་ཏུ་དགོངས་བཏབ་ནས་བཞུགས་སོ། །དེ་ནས་བཅོམ་ལྡན་འདས་རླུང་ནད་ཀྱི་སྙུན་གྱིས་ཐེབས་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་
Kha31b
ཏེ།་བཅོམ་ལྡན་འདས་ལ་བདག་གིས་རང་གི་བློས་ནི། རིམ་གྲོ་ལན་མང་དུ་བྱས་ན། སྨན་པ་ལ་ལན་འགའ་ཡང་མ་དྲིས་ཀྱི། མ་ལ་བདག་གིས་ད་ནི་སྨན་པ་ལ་དྲིའོ། །སྙམ་སྟེ། དེ་སྨན་པའི་དྲུང་དུ་སོང་ནས་བཞིན་བཟང ། བཅོམ་ལྡན་འདས་འདི་ལྟ་བུའི་སྙུན་གྱིས་ཐེབས་ཀྱི། སྨན་སྟོན་ཅིག་།དེས་སྨྲས་པ། འཕགས་པ། གྲུ་གསུམ་ཆ་བ་མར་མང་པོས་སྩལ་བ་སྒྲོལ་ལ་གསོལ་ཅིག། སྙུན་གདངས་པར་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོ་རང་ཉིད་ཀྱིས་བྱས་ཏེ་བཙོས་ནས། བཅོམ་ལྡན་འདས་ལ་ཕུལ་ལོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨེད་པ། ཀུན་དགའ་བོ། འདི་ཅི་ཡིན། དེས་གསོལ་པ། བཙུན་པ། བདག་གི་གློ་བ་ལ་བསམ་ན། བཅོམ་ལྡན་འདས་ལ་བདག་གིས་རང་གི་བློས་ནི། རིམ་གྲོ་ལན་མང་དུ་བགྱིས་ན། སྨན་པ་ལ་ལན་འགའ་ཡང་མ་དྲིས་ཀྱི། མ་ལ་བདག་གིས་ད་ནི་སྨན་པ་ལ་དྲིའོ། །སྙམ་བགྱིད་ནས། བདག་གིས་སྨན་པ་ལ་སྨྲས་ན། དེའི་མཆིད་ནས་གྲུ་གསུམ་ཆབ་མར་མང་པོས་སྩལ་པ། སྒྲོལ་ལ་སྩོལ་ཅིག་དང ། སྙུན་གདངས་པར་འགྱུར་རོ། །ཞེས་མཆིད་ནས། དེ་ནས་བདག་གིས་བགྱིས་ཏེ།་བསྒྲལ་བ་ལགས་སོ། །ཀུན་དགའ་བོ། གང་དུ་བཙོས། མཚམས་ཀྱི་ནང་དུའོ། །གང་དུ་བཞག་།མཚམས་ཀྱི་ནང་དུའོ། །སུས་བཙོས། བདག་གིས་མཚམས་ཀྱི་ནང་དུའོ། །ཀུན་དགའ་བོ།
Kha32a
༄#། །མཚམས་ཀྱི་ནང་དུ་བཙོས་ལ། མཚམས་ཀྱི་ནང་དུ་བཞག་ཀྱང་ཞག་ལོན་པ་ལོངས་སྤྱད་པར་མི་བྱའོ། །མཚམས་ཀྱི་ནང་དུ་བཙོས་ལ། མཚམས་ཀྱི་ཕྱི་རོལ་ཏུ་ཞག་ལོན་པ་ཡང་ལོངས་སྤྱད་པར་མི་བྱའོ། །མཚམས་ཀྱི་ཕྱི་རོལ་ཏུ་བཙོས་ལ། མཚམས་ཀྱི་ནང་དུ་ཞག་ལོན་པ་ཡང་ལོངས་སྤྱད་པར་མི་བྱའོ། །མཚམས་ཀྱི་ཕྱི་རོལ་ཏུ་བཙོས་ལ་མཚམས་ཀྱི་ཕྱི་རོལ་དུ་ཞག་ལོན་ན་ཡང་ལོངས་སྤྱད་པར་མི་བྱའོ། །ཀུན་དགའ་བོ། མཚམས་ཀྱི་ནང་ཡང་རུང ། མཚམས་ཀྱི་ཕྱི་རོལ་ཏུ་ཡང་རུང་སྟེ། དགེ་སློང་གིས་བཙོས་པ་ནི། ཐམས་ཅད་ཀྱི་ཐམས་ཅད་དུ་ལོངས་སྤྱད་པར་མི་བྱའོ། །བཅོམ་ལྡན་འདས་ཀྱིས། དགེ་སློང་གིས་བཙོས་པ་ཐམས་ཅད་ཀྱི་ཐམས་ཅད་དུ་ལོངས་སྤྱད་པར་མི་བྱའོ། །ཞེས་གསུངས་པ་དང ། མཉན་ཡོད་ན་ཁྱིམ་བདག་གཞན་ཞིག་ཡོད་པ་དེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཁྱིམ་བདག་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་བའི་བར་དུའོ། །དེ་ནས་ཁྱིམ་བདག་དེ་སྟན་ལས་ལངས་
Kha32b
ཏེ།་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ་ཞེས་བྱ་བ་ནས་རྒྱས་པར་སྦྱར་ཏེ། ཇི་ཙམ་ན། སྤྱན་འདྲེན་གྱིས་དུས་ཚོད་གསོལ་པ།་བཙུན་པ། གདུགས་ཚོད་ལགས་ན། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེ་ནས་དགེ་སློང་གི་དགེ་འདུན་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ནས།་ཁྱིམ་ག་ལ་བ་དེར་དོང་ངོ ། །བཅོམ་ལྡན་འདས་ནི། བསོད་སྙོམས་བཞེས་ནས་རྫས་ཀྱིས་བསྒྲུབས་པའི་ཁྱིམ་ན་བཞུགས་སོ། །སངས་རྒྱས་བཅོམ་ལྡན་འདས་རྣམས་ནི། བསོད་སྙོམས་བཞེས་ནས་རྒྱུ་ལྔས་རྫས་ཀྱིས་བསྒྲུབས་པའི་ཁྱིམ་ན་བཞུགས་ཏེ། ལྔ་གང་ཞེ་ན། ནད་པ་ལ་གཟིགས་པར་བཞེད་པ་དང ། གནས་མལ་ལ་གཟིགས་པར་བཞེད་པ་དང ། ནང་དུ་ཡང་དག་འཇོག་ལ་བཞུགས་པར་བཞེད་པ་དང ། ལྷ་རྣམས་ལ་ཆོས་སྟོན་པར་བཞེད་པ་དང ། ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པ་ཡིན་ནོ། །སྐབས་འདིར་ནི། བཅོམ་ལྡན་འདས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པས་བསོད་སྙོམས་བཞེད་ནས་རྫས་ཀྱིས་བསྒྲུབས་པའི་ཁྱིམ་ན་བཞུགས་སོ། །ཚེ་དང་ལྡན་པ་ཀུན་དགའ་བོ་ནི། བཅོམ་ལྡན་འདས་ཀྱི་བསོད་སྙོམས་
Kha33a
༄#། །ནོད་པ་ཡིན་ཏེ། ཇི་ཙམ་ན། དེར་འབྲས་ཆན་མ་ཚོས་པ་ཞིག་ཕོག་པ་དང ། དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། བཅོམ་ལྡན་འདས་སྙུན་གདངས་ནས་རིང་པོ་མ་ལོན་ལ། འབྲས་ཆན་འདི་ཡང་མ་ཚོས་པ་ཞིག་པས་འདི་གལ་ཏེ་ལོངས་སྤྱད་ན་སྙུན་སླར་ལྡང་བར་འགྱུར་སྲིད་ཀྱི། བཅོམ་ལྡན་འདས་ཀྱིས་མ་གནང་ཡང ། འདི་ཉིད་ཀྱིས་རྐྱེན་བྱས་ནས་གནང་བར་འགྱུར་བའི་གནས་དེ་ཡོད་དོ་སྙམ་ནས། དེས་ཆུ་སྣོད་བླངས་ཏེ་ཆུས་བཏབ་ནས་ཇི་སྲིད་ཚོས་པ་དེ་སྲིད་དུ་བཙོས་སོ། །དེ་ནས་བཅོམ་ལྡན་འདས་ལ་གསོལ་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨེད་པ། ཀུན་དགའ་བོ། ཅི། དགེ་འདུན་ཐམས་ཅད་ཀྱི་འབྲས་ཆན་ཡང་འདི་འདྲའམ། བཙུན་པ། མ་ལགས་ཏེ། འོན་ཀྱང་མ་དྲལ་བ་ལགས་སོ། །འོ་ན། འདི་ག་ལས་འོངས། དེས་སྐབས་དེ། བཅོམ་ལྡན་འདས་ལ་རྒྱས་པར་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ལེགས་སོ། །ལེགས་སོ། །ངས་རྗེས་སུ་གནང་བ་གང་ཡིན་པ་དེ་ཡང་ཁྱོད་ཀྱིས་ཤེས་སོ། །དེ་ལྟ་བས་ན། རྗེས་སུ་གནང་སྟེ། དགེ་སློང་གིས་མ་ཚེས་པ་བྱིན་ལེན་བྱོས་ལ། བཙོས་ལ་ལོངས་སྤྱད་པར་བྱའོ། །བཅོམ་ལྡན་འདས་ཀྱིས་དགེ་སློང་གིས་མ་ཚོས་པ་བྱིན་ལེན་བྱོས་ལ། བཙོས་ཏེ་ལོངས་སྤྱད་པར་བྱའོ། །ཞེས་གསུངས་པ་དང ། དྲུག་
Kha33b
སྡེ་རྣམས་ཀྱིས་འབྲས་སྐམ་བྱིན་ལེན་བྱས་ཏེ། བཙོས་ནས་ལོངས་སྤྱད་པར་བརྩམས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། འབྲས་ཆན་སུམ་ཆ་ཚོས་པ་བྱིན་ལེན་བྱོས་ལ། བཙོས་ཏེ་ལོངས་སྤྱད་པར་བྱའོ། །ཚོད་མ་དང ། མེ་ཏོག་དང ། འབྲས་བུ་དང ། ཉ་དང ། ཤ་དག་ནི། ཁ་དོག་གྱུར་ན། བྱིན་ལེན་བྱས་ཏེ་ལོངས་སྤྱད་པར་བྱའོ། །འོ་མ་ལ་སོགས་པའི་རྫས་ཀྱི་ཁུ་བ་རྣམས། གང་གི་ཚེ་ལན་གཉིས་ལན་གསུམ་དུ་བསྐོལ་བར་གྱུར་པ་དེའི་ཚེ་བྱིན་ལེན་བྱས་ཏེ་བསྐོལ་ནས་སྤྱད་པར་བྱ་སྟེ། འདི་ལ་འགྱོད་པར་མི་བྱའོ། ། འདི་ལས་གཞན་དུ་ལོངས་སྤྱད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་གྲོང་ཁྱེར་སློ་མ་ལྟ་བུ་ཞེས་བྱ་བ་ན། ཁྱིམ་བདག་འབྱོར་པ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་སོ། །དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་ལ་སེམས་ཅན་ཞུགས་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས། ཁྱེའུ་གཟུགས་བཟང་བ། མཛེས་པ། བལྟ་ན་སྡུག་པ་ཞིག་
Kha34a
༄#། །བཙས་ནས། དེ་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། མིང་འདོགས་པར་བྱེད་དེ། ཁྱེའུ་འདིའི་མིང་ཅིར་གདགས། ཉེ་དུ་རྣམས་ཀྱིས་སྨྲས་པ། ཁྱེའུ་འདི། ཁྱིམ་བདག་འབྱོར་པའི་བུ་ཡིན་པས། དེ་ལྟ་བས་ན། ཁྱེའུའི་མིང་འབྱོར་ལེན་ཞེས་བྱ་བར་གདགས་སོ། །ཞེས་ཁྱེའུ་དེའི་མིང་འབྱོར་ལེན་ཞེས་བྱ་བར་བཏགས་སོ། །ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་བཙས་ནས། དེའི་མིང་ནི། འབྱོར་སྐྱོབ་ཅེས་བྱ་བར་བཏགས་སོ། །ཡང་དེའི་ཁྱེའུ་ཞིག་བཙས་ཏེ།་དེའི་མིང་ནི། འབྱོར་དགའ་ཞེས་བཏགས་སོ། །ཇི་ཙམ་དུས་གཞན་ཞིག་ན། ཁྱིམ་བདག་འབྱོར་བ་ནད་ཀྱིས་བཏབ་པར་གྱུར་ནས་དེ་ཤིན་ཏུ་ཚིག་རྩུབ་པོར་སྨྲ་སྟེ། དེས་ན། ཆུང་མ་དང ། བུས་ཀྱང་ཡལ་བར་བོར་རོ། །དེའི་མངག་གཞུག་བྱེད་པའི་བུ་མོ་ཞིག་ཡོད་པ་དེས་བསམ་པ། བདག་གི་ཇོ་བོས་ཐབས་བརྒྱ་སྟོང་དུ་མས་ལོངས་སྤྱོད་རྣམས་བསགས་ན། དེ་ནད་ཀྱིས་ཐེབས་པར་གྱུར་པ་དང ། ཆུང་མ་དང་བུས་ཀྱང་ཡལ་བར་བོར་རོ། །བདག་གིས་རྗེ་བོ་ཡལ་བར་འདོར་བ་ནི། བདག་ལ་རིགས་པ་མ་ཡིན་ནོ། །སྙམ་ནས། དེས་སྨན་པའི་དྲུང་དུ་སོང་སྟེ། ཇོ་བོ་ཁྱོད་ཀྱིས་ཁྱིམ་བདག་འབྱོར་པ་མཁྱེན་ཏམ། ཤེས་སོ། །དེ་ཅི་བྱ། དེ་འདི་འདྲ་བའི་བྲོ་ནད་ཅིག་གིས་ཐེབས་ཏེ། དེ་ཆུང་མ་དང་བུས་ཀྱང་ཡལ་བར་བོར་ན། དེའི་སྨན་སྟོན་ཅིག་།དེས་སྨྲས་པ། ཆུང་མ་དང་
Kha34b
བུ་དག་གིས་ཀྱང་ཡལ་བར་བོར་རོ། །ཞེས་ཁྱོད་ཉིད་ཟེར་ན། འོ་ན། དེ་ལ་སུ་ཞིག་རིམ་གྲོ་བྱེད། དེའི་རིམ་གྲོ་བདག་གིས་བགྱི་མོད་ཀྱི། ཅི་ནས་ཀྱང་སྨན་རིན་ཆུང་བ་ཞིག་སྟོན་ཅིག་།དེས། དེའི་སྨན་ནི། འདི་ཡིན་ནོ། །ཞེས་བསྟན་ཏོ། །དེ་ནས་དེས་བདག་རང་གི་རྒྱགས་ལས་ཀྱང་ཅུང་ཟད་སྦྱར། ཁྱིམ་དེ་ཉིད་ནས་ཀྱང་ཅུང་ཟད་བརྐུས་ནས། རིམ་གྲོ་བྱས་ཏེ་དེ་སོས་པར་གྱུར་ཏོ། །དེས་བསམ་པ། བདག་གི་ཆུང་མ་དང་བུས་ཀྱང་ཡལ་བར་བོར་ཏེ། འདི་ལྟར་བདག་གསོན་པོར་གྱུར་པ་ནི། བུ་མོ་འདིའི་མཐུ་ཡིན་གྱི། འདི་ལ་ཕན་གདགས་པར་བྱའོ། །སྙམ་ནས། དེས་དེ་ལ་སྨྲས་པ། བུ་མོ། ཁོ་བོ་ནི། ཆུང་མ་དང ། བུས་ཀྱང་ཡལ་བར་བོར་བ་ལས། ཁོ་བོ་ཅུང་ཟད་ཅིག་གསོན་པ་དེ་ཐམས་ཅད་ནི། ཁྱོད་ཀྱི་དྲིན་ཡིན་ན། ཁྱོད་མཆོག་ཅི་འདོད་པ་སྦྱིན་གྱི། སྨྲོས་ཤིག་།གལ་ཏེ་ཇོ་བོ། བདག་ཁྱོད་ཀྱི་ཐུགས་སུ་འཐད་པར་གྱུར་ན། བདག་ཁྱོད་དང་ལྷན་ཅིག་འགྲོགས་པར་འཚལ་ལོ། །དེས་སྨྲས་པ། ང་དང་ཁྱོད་ལྷན་ཅིག་འགྲོགས་པས་ཅི་བྱེད། ཀཪྴ་པ་ཎ་ལྔ་བརྒྱ་བྱིན་ལ་བྲན་ལས་དབྱུང་བར་བྱའོ། །དེས་སྨྲས་པ། ཇོ་བོ། བདག་རྒྱངས་བཀུམ་པར་མཆིས་ཀྱང་བྲན་མོ་ཁོ་ན་ལགས་པར་བས་ཏེ། གལ་ཏེ་རྗེའི་སྲས་ཁྱོད་དང་ལྷན་ཅིག་འགྲོགས་ན། དེ་ལྟ་ན། བྲན་མོར་མི་འགྱུར་ལགས་སོ། །དེས་གལ་གྱིས་ཆུ་བར་ཤེས་ནས་སྨྲས་པ། བུ་མོ་གང་གི་ཚེ་རུང་ཞིང་ཟླ་མཚན་དང་ལྡན་པར་གྱུར་པ་དེའི་ཚེ་ཁོ་བོ་ལ་སྦྲོན་ཅིག་།དེས་དུས་གཞན་ཞིག་ན། རུང་ཞིང་ཟླ་མཚན་དང་ལྡན་པར་གྱུར་ནས་དེས་དེ་ལ་སྦྲན་ཏོ། །དེ་ནས་
Kha35a
༄#། །ཁྱིམ་བདག་འབྱོར་པ་དང ། དེ་གཉིས་ལྷན་ཅིག་དགའ་མགུར་སྤྱད་པས། དེ་སེམས་ཅན་དང་ལྡན་པར་གྱུར་ཏོ། །གང་གི་ཉི་མ་ལ་སེམས་ཅན་ཞུགས་པར་གྱུར་པའི་ཉིན་དེ་ཁོ་ན་ནས་བཟུང་ནས། ཁྱིམ་བདག་འབྱོར་བའི་ནོར་ཐམས་ཅད་དང་ལས་ཀྱི་མཐའ་ཐམས་ཅད་ཡོངས་སུ་རྫོགས་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས་ཁྱེའུ་གཟུགས་བཟང་བ་མཛེས་པ། བལྟ་ན་སྡུག་པ། མདོག་གསེར་འདྲ་བ། མགོ་གདུགས་ལྟར་འདུག་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །དེ་བཙས་ནས་ལྷག་པར་ཁྱིམ་བདག་འབྱོར་པའི་དགོས་པ་ཐམས་ཅད་དང ། ལས་ཀྱི་མཐའ་ཐམས་ཅད་ཡོངས་སུ་རྫོགས་པར་གྱུར་ཏོ། །དེ་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་མིང་འདོགས་པར་བྱེད་དེ་ཞེས་བྱ་བ་ནས་གང་པོ་ཞེས་བྱ་བར་གདགས་སོ། །ཞེས་དེའི་མིང་གང་པོ་ཞེས་བཏགས་སོ། །ཞེས་བྱ་བའི་བར་གོང་མ་བཞིན་ནོ། །ཁྱེའུ་གང་པོ་མ་མ་བརྒྱད་ལ་རྗེས་སུ་གཏད་དེ། དྲི་མ་འཕྱི་བའི་མ་མ་གཉིས་དང་ཞེས་བྱ་བ་ནས་རྒྱས་པར་སྦྱར་ཏེ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ་ཞེས་བྱ་བའི་བར་དུའོ། །དེ་ཆེན་པོར་གྱུར་པ་དེའི་ཆེ་ཡི་གེ་དང ། རྩིས་དང ། གྲངས་དང ། ལག་རྩིས་དང ། དབྱུང་པ་དང ། གཞུག་པ་དང ། གཞག་པ་ལ་ཉེ་བར་ཞུགས་ཤིང །
Kha35b
བརྟག་པ་བརྒྱད་པོ་གཞི་བརྟག་པ་དང ། རས་བརྟག་པ་དང ། རིན་པོ་ཆེ་བརྟག་པ་དང ། ཤིང་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། གཞོན་ནུ་བརྟག་པ་དང ། གཞོན་ནུ་མ་བརྟག་པ་ལ་ཤིན་ཏུ་བྱང་ཞིང ། བརྟག་པ་གཞན་ཡང་བྱེད་པ་དང ། ཀློག་པ་ལ་མཁས་པ་དང ། སྤྱོད་པ་གསལ་བར་གྱུར་ཏོ། །དེ་ནས་ཁྱིམ་བདག་འབྱོར་པས་འབྱོར་ལེན་ལ་སོགས་པ་བུ་རྣམས་རིམ་བཞིན་དུ་ཁྱིམ་ཕུབ་པ་དང ། དེ་དག་ཆུང་མ་ལ་ལྷག་པར་ཆགས་པས། འཚོ་ནམ་ཡལ་བར་བོར་ཏེ་འཇོ་སྒེག་ལྷུར་ལེན་ཅིང་འཁོད་དོ། །དེ་ནས་ཁྱིམ་བདག་འབྱོར་པ། ལག་པ་ལ་འགྲམ་པ་གཏད་ནས་སེམས་ཁོང་དུ་ཆུད་ཅིང་འདུག་པ་དེ། བུ་རྣམས་ཀྱིས་མཐོང་ནས་དྲིས་པ། ཡབ། ཁྱོད་ཅིའི་སླད་དུ་ཕྱག་ལ་ཞལ་གཏད་ནས་སེམས་ཁོང་དུ་ཆུད་ཅིང་བཞུགས། དེས་སྨྲས་པ། བུ་དག། ང་ནི། ཇི་སྲིད་གསེར་འབུམ་མ་རྙེད་པ་དེ་སྲིད་དུ་ཁྱིམ་མ་ཕུབ་བོ། །ཁྱེད་ཅག་འཚོ་ནམ་ཡལ་བར་བོར་ནས་ཆུང་མ་ལ་ལྷག་པར་ཆགས་པས་འཇོ་སྒེག་ལྷུར་ལེན་ཅིང་འཁོད་དེ། ང་ཤི་ནས་ཁྱིམ་མྱ་ངན་གྱིས་གང་བར་འགྱུར་ན། ཇི་ལྟར་སེམས་ཁོང་དུ་ཆུད་པར་མི་འགྱུར། འབྱོར་ལེན་གྱིས། རིན་པོ་ཆེའི་རྣ་རྒྱན་ཐོགས་པ་ཕྲལ་ནས་ཤིང་གི་རྣ་རྒྱན་ཞིག་བཏགས་ཏེ། བདག་གིས་ཇི་སྲིད་གསེར་འབུམ་མ་གྲུབ་པ་དེ་སྲིད་དུ་རིན་པོ་ཆེའི་རྣ་རྒྱན་གདགས་པར་མི་བྱའོ། །ཞེས་དམ་བཅས་སོ། །གཅིག་གིས་ནི། རྒྱ་སྐེགས་ཀྱི་རྣ་རྒྱན་ནོ། །གཅིག་གིས་ནི། ཞ་ཉེའི་རྣ་རྒྱན་ནོ། །དེ་དག་གི་མིང་འབྱོར་ལེན་དང ། འབྱོར་སྐྱོབ་དང ། འབྱོར་དགའ་ཞེས་བྱ་བ་གང་ཡིན་པ་དེ་
Kha36a
༄#། །དག་ནུབ་པར་གྱུར་ནས། ཤིང་གི་རྣ་རྒྱན་ཅན། རྒྱ་སྐེགས་ཀྱི་རྣ་རྒྱན་ཅན། ཞ་ཉེའི་རྣ་རྒྱན་ཅན་ཞེས་བྱ་བར་མིང་གྲགས་སོ། །དེ་རྣམས་ཟོང་ཐོགས་ཏེ། རྒྱ་མཚོ་ཆེན་པོར་དོང་བ་དང ། གང་པོས་སྨྲས་པ། ཡབ། བདག་ཀྱང་རྒྱ་མཚོ་ཆེན་པོར་མཆིའོ། །དེས་སྨྲས་པ། བུ་ཁྱོད་བུས་པ་ཡིན་གྱི། འདི་ཉིད་དུ་འདུག་།ཚོང་ཁང་གི་བྱ་བ་དག་བྱོས་ཤིག་།ཅེས་དེ་ནི། དེ་ཉིད་དུ་འདུག་གོ་།དེ་རྣམས་ཀྱིས་ཀྱང་གྲུ་བོ་ཆེ་གྲུབ་ནས་ལྷགས་ཏེ། ལམ་གྱིས་དུབ་པ་ངལ་སོས་ནས་སྨྲས་པ། ཡབ། བདག་ཅག་གི་ཟོང་འདི་རྩིར་གསོལ། བརྩིས་ནས་རེ་རེས་ཀྱང་གསེར་འབུམ་འབུམ་རྙེད་པར་གྱུར་ཏོ། །གང་པོས་ཀྱང་དེ་ཉིད་དུ་ཆོས་དང་མཐུན་པར་བསྒྱུར་བ་གསེར་འབུམ་ལྷག་ཅིག་རྙེད་ནས། གང་བོས་ཀྱང་ཕའི་རྐང་པ་གཉིས་ལ་གཏུགས་ནས་སྨྲས་པ། ཡབ། བདག་གི་ཚོང་ཁང་ནས་བསྒྱུར་བའི་རྫས་ཀྱང་རྩིར་གསོལ། དེས་སྨྲས་པ། བུ་ཁྱོད་འདི་ཉིད་ན་འདུག་འདུག་ན། ཁྱོད་ལ་ཅི་ཞིག་རྩིར་ཡོད། དེས་སྨྲས་པ། ཡབ། འོན་ཀྱང་རྩིར་གསོལ། མཁྱེན་པར་འགྱུར་རོ། །བརྩིས་ནས་གང་པོ་ཡང་རིགས་པར་བསྒྲུབས་པ་བཞི་པོ་ཉིད་མ་གཏོགས་པ། གསེར་འབུམ་ལྷག་ཅིག་བྱུང་ངོ ། །ཁྱིམ་བདག་འབྱོར་པ། དགའ་བ་དང་ཡིད་བདེ་བ་སྐྱེས་ཏེ་བསམ་པ། སེམས་ཅན་འདི་ནི། བསོད་ནམས་ཀྱི་མཐུ་ཆེན་པོ་དང་ལྡན་པ་ཞིག་ལྟ་སྟེ། འདིས་འདི་ཉིད་ན་འདུག་བཞིན་དུ་གསེར་འབུམ་སྙེད་ཅིག་གྲུབ་བོ། །སྙམ་མོ། །ཇི་ཙམ་དུས་གཞན་ཞིག་ན། ཁྱིམ་བདག་འབྱོར་པ་ནད་ཀྱིས་བཏབ་པར་
Kha36b
གྱུར་ནས་དེས་བསམ་པ། བདག་ཤི་བ་དང་འདི་དག་འབྱེ་བར་འགྱུར་གྱི། ཐབས་ཤིག་བཤམ་པར་བྱའོ། །སྙམ་ནས། དེས་དེ་དག་ལ་སྨྲས་པ། བུ་དག། ཤིང་སྐམ་པོ་དག་ལྟ་གོན་གྱིས་ཤིག་།དེ་རྣམས་ཀྱིས་ཤིང་དག་སྟ་གོན་དག་བྱས་པ་དང ། དེས་སྨྲས་པ། མེ་བུས་ཤིག་།དེ་རྣམས་ཀྱིས་མེ་བུས་པ་དང ། དེས་སྨྲས་པ། མགལ་བ་རེ་རེ་ནས་ཕྱུང་ཞིག། དེ་རྣམས་ཀྱིས་མགལ་བ་རེ་རེ་ནས་ཕྱུང་བ་དང ། མེ་དེ་ཤི་བར་གྱུར་ཏོ། །དེས་སྨྲས་པ། བུ་དག། ཁྱོད་ཀྱིས་མཐོང་ངམ། ཡབ། མཐོང་ལགས་སོ། །དེས་ཚིགས་སུ་བཅད་པ་དག་སྨྲས་པ། མགལ་བ་ཚོགས་པས་མེ་འབར་ལྟར། །སྤུན་ཚོགས་པ་ཡང་དེ་བཞིན་ནོ། ། མགལ་བ་ཕྲལ་ན་ཤི་འགྱུར་བ། །མི་རྣམས་ཀྱང་ནི་དེ་དང་འདྲ། །བུ་དག་།ང་ཤི་ནས་ཁྱེད་ཅག་གིས་བུད་མེད་ཀྱི་ཚིག་མཉན་པར་མི་བྱའོ། །བུད་མེད་ཀྱིས་ནི་བཟའ་དག་འབྱེད། །སྔར་མ་རྣམས་ནི་ངག་གིས་འབྱེད་ངན་ལ་སྨྲས་པས་གསང་ཚིག་འཕེལ། །འདོད་པ་ཡིས་ནི་མཛའ་བཤེས་འབྱེད། །དེ་དག་གཞན་ནི། དོང་ངོ ། །འབྱོར་ལེན་དེ་ཉིད་ན་འདུག་པ་དང ། དེས་སྨྲས་པ། བུ་ཁྱོད་ཀྱིས་ཇི་ལྟར་གྱུར་ཀྱང་གང་པོ་གཏང་བར་མི་བྱ་སྟེ། སེམས་ཅན་འདི་ནི། བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་ནོ། །ཞེས་བསྒོ་སྟེ། བསགས་པ་ཀུན་གྱི་མཐའ་ཟད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་སྨྲས་ནས། དུས་ཀྱི་ཆོས་དང་ལྡན་པར་གྱུར་ཏོ། །དེ་རྣམས་ཀྱིས་དེ་རས་སྔོན་པོ་དང ། སེར་པོ་དང ། དམར་པོ་དང ། དཀར་པོ་རྣམས་ཀྱིས་ཁྱོགས་བརྒྱན་ཏེ།
Kha37a
༄#། །བཀུར་སྟི་ཆེར་བྱས་ནས་དུར་ཁྲོད་དུ་ཁྱེར་ཏེ་བསྲེགས་སོ། །དེ་ནས་མྱ་ངན་སངས་པ་བྱས་ནས་སྨྲས་པ། གང་གི་ཚེ་བདག་ཅག་གི་ཕ་གསོན་པ་དེའི་ཚེ་ནི་སྲོག་དེ་ལ་རག་ལས་ན། ད་དེ་དུས་ལས་འདས་ན། གལ་ཏེ་དེ་འཚོ་ནམ་ཡལ་བར་བོར་ཏེ་འདུག་ན། ཁྱིམ་ཞིག་པར་འགྱུར་ཞིང ། ཉེ་དུ་རྣམས་ཀྱིས་ཀྱང་དཔྱས་པར་འགྱུར་གྱི། མ་ལ་བདག་ཅག་ཟོད་ཐོགས་ཏེ། ཡུལ་གཞན་དུ་འདོང་ངོ ། །གང་པོས་སྨྲས་པ། གལ་ཏེ་དེ་ལྟ་ན་བདག་ཀྱང་མཆིའོ། །དེ་རྣམས་ཀྱིས་སྨྲས་པ། ཁྱོད་འདི་ཉིད་དུ་འདུག་ལ་ཚོང་ཁང་གི་བྱ་བ་དག་བྱོས་ཤིག་།ཁོ་བོ་ཅག་ཁོ་ན་འདོང་ངོ་ཞེས་དེ་རྣམས་ཀྱིས་ཟོང་ཁྱེར་ཏེ་ཡུལ་གཞན་དུ་དོང་ངོ་།། །།འདུལ་བ་གཞི། བམ་པོ་ཉི་ཤུ་བཞི་པ། གང་པོ་ལ་ནི་དགོས་པ་ཐམས་ཅད་གཏད་ནས་དེ་ཉིད་ན་གནས་སོ། །ཆོས་ཉིད་ཀྱིས། ཕྱུག་པའི་ཁྱིམ་བདག་ན་ཉིན་རེ་ཞིང་འགོད་པ་འབོག་པ་ཡིན་པས་དེ་དག་གི་ཆུང་མས་བྲན་མོ་དག་མངགས་ཏེ་འགོད་པ་ནོད་དུ་བཏང་བ་ལས། གང་པོ་ཚོང་པ་དང ། ཚོང་དཔོན་དང ། དེད་དཔོན་དང ། གཞན་ཡང་རྗེས་སུ་འཚོ་བ་དག་གིས་ཡོངས་སུ་བསྐོར་ཅིང་འདུག་སྟེ། དེ་དག་གིས་སྐབས་མ་རྙེད་དོ། །ཇི་ཙམ་ན། དེ་དག་ལངས་ཏེ་དོང་པར་གྱུར་པ་དེའི་ཚེ། དེ་དག་ལ་ཉིན་པར་གྱི་འགོད་པ་ཕོག་གོ། བུ་མོ་དེ་དག་རིང་ཞིག་ལོན་ཏེ་འོངས་པ་དང ། ཀྱེ་མ། བུ་མོ་ཁྱེད་ཅག་རིང་ཞིག་ཅིས་ཐོགས་ཞེས་སྤྱོས་པ་ལས། དེ་དག་གིས་སྨྲས་པ། གང་པོ་ཚོང་པ་དང ། ཚོང་དཔོན་དང །
Kha37b
དེད་དཔོན་དང ། གཞན་ཡང་རྗེས་སུ་འཚོ་བ་དག་གིས་ཡོངས་སུ་བསྐོར་ཅིང་ཉི་མའི་འོད་ཟེར་ལྟ་བུར་གཟི་བརྗིད་འབར་ཞིང་བཞུགས་ཏེ། གང་གི་ཚེ་དེ་དག་ལངས་ཏེ་མཆིས་པ་དེའི་ཚེ་ཕོག་གོ། དེ་དག་གིས་སྨྲས་པ། གང་དག་གི་ཁྱིམ་ན་བྲན་མོའི་བུ་དག་དབང་ཕྱུག་ལ་དབང་བྱེད་པ་དེ་དག་ལ་ཡོང་ཡང་དེ་ལྟར་འགྱུར་རོ། །འབྱོར་ལེན་གྱི་ཆུང་མས་བྲན་མོ་ལ་སྨྲས་པ། རིང་མོ་ཞིག་ཏུ་ཅིའི་ཕྱིར་ཐོགས་དེས་སྐབས་དེ་རྒྱས་པར་སྨྲས་པ་དང ། དེས་སྨྲས་པ། ཁྱོད་འོར་ཆེའོ། །ཁྱོད་ཀྱིས་དུས་ཤེས་པར་བྱོས་ལ་སོང་ཞིག་།དེས་དུས་ཤེས་པར་བྱས་ནས་སོང་བ་དང་མྱུར་དུ་ཐོབ་བོ། །གཞན་དག་ནི། རིང་དུ་ཐོགས་པར་གྱུར་ནས་དེ་དག་གིས་དེ་ལ་དྲིས་པ། ཁྱོད་ནི། ཅི་སྟེ་མྱུར་བར་འཁོར། དེས་ཐམས་ཅད་སྨྲས་ནས། དེ་དག་ཀྱང་དེ་དང་ལྷན་ཅིག་འདོང་བར་བརྩམས་སོ། །གང་པོ་ཡང་ཚོང་པ་དང ། ཚོང་དཔོན་དང ། དེད་དཔོན་དང ། གཞན་ཡང་རྗེས་སུ་འཚོ་བ་རྣམས་ཀྱིས་ཡོངས་སུ་བསྐོར་ཅིང་འདུག་པ་ལས། དེ་དག་ཀྱང་དོང་ནས་དེས་དེ་ལ་ཉིན་པར་གྱི་འགོད་པ་ཕོག་གོ་།དེ་དག་གིས་ཀྱང་མྱུར་དུ་ཐོབ་བོ། །དེ་དག་གི་ཇོ་མོ་དག་གིས་སྨྲས་པ། མྱུར་དུ་འཁོར་བ་འདི་ལ་རྒྱུ་ཅི་ཡོད། དེ་དག་གིས་སྨྲས་པ། ཇོ་མོ་ཐུ་མོ་སྙུན་མི་མངའ་བར་གྱུར་ཅིག། གང་གི་ཚེ་དེའི་བྲན་མོ་མཆིས་པ་དེའི་ཚེ་ཕོག་ལགས་ཀྱི། བདག་ཅག་དེ་དང་འགྲོགས་ཏེ་མཆིའོ། །དེ་དག་མི་བཟོད་པ་སྐྱེས་ནས་སྨྲས་པ། གང་དག་གི་ཁྱིམ་ན་བྲན་མོའི་བུ་དག་དབང་ཕྱུག་ལ་དབང་བྱེད་པ་དེ་དག་ལ་ཡོང་ཡང་དེ་ལྟར་འགྱུར་རོ། །ཇི་ཙམ་དུས་གཞན་
Kha38a
༄#། །ཞིག་ན། འབྱོར་ལེན་དང ། འབྱོར་སྐྱོབ་དང ། འབྱོར་དགའ་རྣམས་ལྷན་ཅིག་ཏུ་དགའ་ཞིང་མཐུན་རྒྱ་མཚོ་ཆེན་པོ་ནས་གྲུ་བོ་ཆེ་གྲུབ་སྟེ་འོངས་སོ། །འབྱོར་ལེན་གྱིས་ཆུང་མ་ལ་དྲིས་པ། བཟང་མོ། གང་པོས་ཁྱོད་ལེགས་པར་བསྐྱངས་སམ། དེས་སྨྲས་པ། ཇི་ལྟར་མིང་པོའམ། བུས་བགྱི་བ་བཞིན་དུ་ལེགས་པར་བགྱིས་སོ། །གཞན་དག་ལ་ཁྱིམ་ཐབ་དག་གིས་སྨྲས་པ་དང ། དེ་དག་གིས་སྨྲས་པ། གང་དག་གི་ཁྱིམ་ན་བྲན་མོའི་བུ་དབང་ཕྱུག་ལ་དབང་བགྱིས་པ་དེ་དག་ལ་ཡོང་ཡང་དེ་ལྟར་འགྱུར་ལགས་སོ། །དེ་དག་གིས་བསམ་པ། བུད་མེད་དག་ནི། མཛའ་བཤེས་ཀྱི་དབྱེན་དུ་འགྱུར་རོ་སྙམ་མོ། །ཇི་ཙམ་དུས་གཞན་ཞིག་ན། ཀ་ཤི་ཀའི་རས་ཀྱི་ཚོང་ཁང་གི་སྒོ་ཕྱེ་མ་ཐག་ཏུ་འབྱོར་ལེན་གྱི་བུ་འོངས་ནས། གང་པོས། དེ་ལ་ཀ་ཤི་ཀའི་རས་ཡུག་ཅིག་བསྐོན་ནོ། །མནའ་མ་དག་གིས་མཐོང་ནས་སྨྲས་པ། བུ། འདི་སུས་བྱིན། དེས་སྨྲས་པ། ཁུ་གུས་བྱིན་ནོ། །གཞན་དག་གིས་མཐོང་ནས་ཀྱང་རང་རང་གི་བུ་བཏང་བ་དང ། ཀ་ཤི་ཀའི་རས་ཀྱི་ཚོང་ཁང་གི་སྒོ་ནི། བཅད། རས་སྦོམ་པོ་དག་ཡོད་པའི་ཚོང་ཁང་གི་སྒོ་ཕྱེ་བ་ལ་དེ་དག་ཀྱང་མ་སྟེས་ཏེ་ཕྱིན་ནས། དེ་དག་ལ་གང་པོས་རས་སྦོམ་པོ་བདག་བསྐོན་ནོ། །དེ་དག་གིས་མཐོང་ནས་ཁྱིམ་ཐབ་དག་ལ་སྨྲས་པ། ཁྱེད་ཅག་གིས་གཟིགས་སམ། ཁ་ཅིག་ལ་ནི། ཀ་ཤི་ཀའི་རས་ཡུག་སྩལ་ལ། ཁ་ཅིག་ལ་ནི། རས་སྦོམ་པོ་དག་གོ། དེ་དག་གིས་
Kha38b
ལན་བཏབ་པ། ཅི། གདོན་མི་ཟ་བར་འདི་ལྟར་ཀ་ཤི་ཀའི་ཚོང་ཁང་གི་རས་ཀྱི་སྒོ་ནི། བཅད་ལ། རས་སྦོམ་པོའི་སྒོ་ཕྱེ་བ་ལ་བབ་པ་ཞིག་མ་ཡིན་གྲང ། དེ་དག་གིས་སྨྲས་པ། ད་དུང་ཡང་བརྟག་པར་བགྱིའོ། །ཇི་ཙམ་དུས་གཞན་ཞིག་ན། ཤ་ཁ་རའི་ཚོང་ཁང་གི་སྒོ་ཕྱེ་བ་ན་འབྱོར་ལེན་གྱི་བུ་འོངས་ནས། དེས་ཤ་ཁ་ར་ཕོར་བུ་གང་ཐོབ་སྟེ། དེས་དེ་ཁྱེར་ནས་ཁྱིམ་དུ་སོང་བ་དང ། མནའ་མ་དག་གིས་མཐོང་ནས་སྨྲས་པ། བུ། འདི་སུས་བྱིན། དེས་སྨྲས་པ། ཁུ་གུས་བྱིན་ནོ། །དེ་དག་གིས་ཀྱང་རང་རང་གི་བུ་བཏང་བ་དང ། ཤ་ཁ་རའི་ཚོང་ཁང་གི་སྒོ་ནི། བཅད། བུ་རམ་གྱི་ཚོང་ཁང་གི་སྒོ་ཕྱེ་བ་དང ། དེ་དག་ཀྱང་མ་སྟེས་ཏེ། བུ་རམ་གྱི་ཚོང་ཁང་གི་སྒོ་ཕྱེ་བའི་ཁར་འོངས་ནས་དེ་དག་གིས་བུ་རམ་ཞིག་ཐོབ་བོ། །དེ་དག་གིས་སྨྲས་པ། ཁྱོད་ཀྱིས་གཟིགས་སམ། གཅིག་ལ་ནི། ཤ་ཁ་ར་སྩལ་ལ། གཞན་ལ་བུ་རམ་སྩལ་ལོ། །དེ་དག་གིས་དེ་མཐོང་སྟེ། ཇི་ལྟར་ཁྱིམ་བགོ་བ་བྱེད་པར་སྩོལ་བ་དེ་ལྟར་ཁྱིམ་ཐབ་དག་བྱེ་ནས་དེ་དག་ཕན་ཚུན་གྲོས་བྱས་པ། བདག་ཅག་གི་ཁྱིམ་གཏན་ཞིག་གིས་བགོ་བར་བྱའོ། །གཅིག་གིས་སྨྲས་པ། ཕུ་བོ་ཆེན་པོ་སྦྲན་པ་སྙམ། གཅིག་གིས་སྨྲས་པ། རེ་ཞིག་ཇི་ལྟ་བགོ་བར་དཔྱད་དོ། །གཉིས་ཀྱིས་རང་གི་བློས་དཔྱད་པ། གཅིག་གིས་ནི། ཁྱིམ་ན་ཡོད་པ་དང་ཞིང་ན་ཡོད་པའོ། །གཅིག་གིས་ནི། ཚོང་ཁང་ན་ཡོད་པ་དང་ཡུལ་གཞན་ན་ཡོད་པའོ། །གཅིག་གིས་ནི་གང་པོའོ། །གལ་ཏེ་ཕུ་བོ་ཆེན་པོས། ཁྱིམ་ན་ཡོད་པ་དང་ཞིང་ན་ཡོད་པ་བླངས་ན། བདག་ཅག་གིས་
Kha39a
༄#། །ཚོང་ཁང་ན་ཡོད་པ་དང་ཡུལ་གཞན་ན་ཡོད་པས་རང་འཚོ་བར་ནུས་སོ། །འོན་ཏེ་ཚོང་ཁང་ན་ཡོད་པ་དང་ཡུལ་གཞན་ན་ཡོད་པ་བླངས་ན། འོན་ཀྱང་བདག་ཅག་གིས་ཁྱིམ་ན་ཡོད་པ་དང་ཞིང་ན་ཡོད་པས་རང་འཚོ་བར་བྱ་ཞིང ། གང་པོ་ཡང་མནར་བར་ནུས་སོ། །སྙམ་ནས། དེ་གཉིས་ཀྱིས་དེ་ལྟར་གྲོས་བྱས་ཏེ། འབྱོར་ལེན་གྱི་དྲུང་དུ་སོང་ནས་སྤུན་ཞིག་པར་འགྱུར་གྱི། བདག་ཅག་ཁྱིམ་བགོའོ། །དེས་སྨྲས་པ། ཁྱིམ་འཇིག་པར་བྱེད་པ་ནི། བུད་མེད་དག་ཡིན་པས། ལེགས་པར་བརྟགས་ཏེ་བྱ་བ་སྙམ། དེ་གཉིས་ཀྱིས་སྨྲས་པ། བདག་ཅག་གིས་བརྟགས་ཟིན་གྱི།་བགོའོ། །དེས་སྨྲས་པ། གལ་ཏེ་དེ་ལྟ་ན། གཟུ་བོ་མི་ལྔ་ཞིག་བོས་ཤིག་།དེ་གཉིས་ཀྱིས་སྨྲས་པ། བདག་ཅག་གིས་སྔ་མོ་ཞིག་ཏུ་བགོས་ཟིན་ན། གཟུ་བོ་མི་ལྔ་ཅི་དགོས་ཀྱི། གཅིག་གིས་ནི།་ཁྱིམ་ན་ཡོད་པ་དང་ཞིང་ན་ཡོད་པ་དག་གོ་།གཅིག་གིས་ནི། ཚོང་ཁང་ན་ཡོད་པ་དང་ཡུལ་གྱི་མཐའ་ན་ཡོད་པའོ། །གཅིག་གིས་ནི། གང་པོའོ། །དེས་སྨྲས་པ། ཅི། གང་པོ་ལ་སྐལ་པ་མི་སྦྱིན་ན་མ། དེ་གཉིས་ཀྱིས་སྨྲས་པ། བྲན་མོའི་བུ་དེ་ལ་བགོ་སྐལ་སུས་སྦྱིན། དེར་མ་བོས་ཀྱི། དེ་ཉིད་བདག་ཅག་གིས་བགོའོ། །གལ་ཏེ་ཁྱོད་བཞེད་ན། ཁྱོད་ཉིད་སྙོམས་ཤིག་།དེས་བསམ་པ། ཕ་ན་རེ། བདག་ཁྱོད་ཀྱིས་བདོག་པ་ཐམས་ཅད་ཡོངས་སུ་བཏང་ཡང་གང་པོ་གཏང་བར་མི་བྱའོ། །ཞེས་བསྒོ་བས། གང་པོ་བླང་བར་བྱའོ། །སྙམ་དུ་བསམ་ནས། སྨྲས་པ། གལ་ཏེ་དེ་ལྟ་ན། གང་
Kha39b
པོ་ནི། ཁོ་བོས་བཀུར་རོ། །ཁྱིམ་ན་ཡོད་པ་དང་ཞིང་ན་ཡོད་པ་དབང་བ་གང་ཡིན་པ་དེ་ནི། རིངས་པར་ཁྱིམ་དུ་སོང་ནས་སྨྲས་པ། མནའ་མཐུ་མོ་ཕྱུང་ཞིག་།དེའི་ཕྱིར་ཕྱུང་བ་དང ། སླར་ཡང་མ་འཇུག་ཅིག་།ཅིའི་ཕྱིར། བདག་ཅག་གིས་ཁྱིམ་དུ་གཏོགས་པ་བགོས་ཟིན་ཏོ། །ཚོང་ཁང་ན་ཡོད་པ་དང་ཡུལ་གཞན་ན་ཡོད་པ་དབང་བ་གང་དག་དེ་ཡང ། དེ་མ་ཐག་ཏུ་ཚོང་ཁང་དུ་སོང་ནས་སྨྲས་པ།་གང་པོ་མར་བོབས་ཤིག། དེས་བབས་པ་དང ། ད་ཕན་ཆད་མ་འཛེག་ཅིག་།ཅིའི་ཕྱིར། བདག་ཅག་གིས་ཁྱིམ་བགོས་ཏེ། ཡུལ་གཞན་ན་ཡོད་པ་དང་ཚོང་ཁང་ན་ཡོད་པ་ནི། བདག་གི་ཡིན་ནོ། །དེས་སྨྲས་པ། བདག་གི་བགོ་སྐལ་བྱིན་ཅིག་།དེས་སྨྲས་པ། ཁྱོད་བྲན་མོའི་བུ་ཡིན་ན། ཁྱོད་ལ་ཅིའི་ཕྱིར་བགོ་སྐལ་བྱིན། དེར་མ་ཟད། ཁྱོད་ཉིད་ཁོ་བོ་ཅག་གིས་བགོས་ཏེ། ཕུ་བོ་ཆེན་པོས་ཐོབ་བོ། །འབྱོར་ལེན་གྱི་ཆུང་མ་གང་པོ་དང་ལྷན་ཅིག་འགྲོགས་ཏེ་གཉེན་ཞིག་གི་ཁྱིམ་དུ་དོང་བ་དང ། བུས་པ་བཀྲེས་ནས་ངུ་བར་བརྩམས་སོ། །དེས་སྨྲས་པ། གང་པོ། བུས་པ་དག་ལ་གཡར་ཚུས་སྩོལ་ཅིག་།དེས་སྨྲས་པ། ཀཪྴ་པ་ན་ཕོག་ཅིག་།དེས་སྨྲས་པ། ཁྱོད་ཀྱིས་གསེར་འབུམ་སྙེད་ཀྱི་སྤོགས་བྱས་ན། བུས་པ་དག་གིས་གཡར་ཚུས་མ་མཆིས་པ་ལྟ། ཅི། ཁོ་བོས་ཁྱེད་ཅག་གིས་ཁྱིམ་འདི་འདྲ་བ་འཁོས་སུ་འབེབས་པར་འགྱུར་བར་ཤེས་སམ། གལ་ཏེ། ཁོ་བོས་ཤེས་པར་གྱུར་ན། གསེར་འབུམ་ཕྲག་དུ་མ་སྤགས་པ་ཞིག་།བུད་མེད་ཀྱི་གོས་ཀྱི་མཐར་མ་ཤ་
Kha40a
༄#། །ཀ་སྒྱུ་མ་ཅན་དག་ཐུམ་པོ་བྱེད་པ་དེ་ནི། ཆོས་ཉིད་ཡིན་ཏེ། དེས་མ་ཤ་ཀ་སྒྱུ་མ་ཅན་ཞིག་ཕོག་སྟེ། གཡར་ཚུས་བསྣམས་ཏེ་བྱོན་ཅིག་།དེས་དེ་ཁྱེར་ཏེ་ཚོང་འདུས་སུ་སོང་བ་ལས།་མི་ཞིག་གིས་རྒྱ་མཚོའི་རླབས་ཀྱིས་བདས་པའི་ཤིང་ལས་ཁུར་ཅིག་ཁྱེར་ཏེ་གྲང་བས་སྦྲེབས་ནས་འདར་ཞིང་འོང་བ་དེ། དེས་མཐོང་ནས་དྲིས་པ། ཀྱེ་ནང་རྗེ། ཅིའི་ཕྱིར་དེ་ལྟར་འདར། དེས་སྨྲས་པ། བདག་གིས་ཀྱང་མ་འཚལ་ཏེ། ཅུང་ཟད་དུ་ན་ཤིང་ཁུར་འདི་ཐོགས་ནས་བདག་འདི་འདྲ་བར་གྲང་བར་གྱུར་ཏོ། །དེ་ཤིང་བརྟག་པ་ལ་མཁས་པས། དེས་ཤིང་དེ་བརྟག་པར་བརྩམས་པ་དང ། དེ་ན་ཙནྡན་ས་མཆོག་ཡོད་པར་མཐོང་ནས། དེས་དེ་ལ་སྨྲས་པ། ཀྱེ་ནང་རྗེ། རིན་ཇི་ཙམ་དུ་བཙོང ། ཀཪྴ་པ་ཎ་ལྔ་བརྒྱར་རོ། །དེས་དེ་ཤིང་ཁུར་དེ་བླངས་ནས་ཙནྡན་ས་མཆོག་ཕྱུང་སྟེ། ཚོང་འདུས་སུ་སོང་ནས་སོག་ལེས་དུམ་བུ་བཞིར་གཤགས་ཏེ། དུམ་བུ་དེ་རྣམས་ཀཪྴ་པ་ཎ་སྟོང་དུ་བཙོང་ནས། དེ་ནས་དེ་ལ་ཀཪྴ་པ་ཎ་ལྔ་བརྒྱ་བྱིན་ཏེ། འདི་སྐད་ཅེས་སྨྲས་སོ། །ཁྱིམ་ག་གེ་མོ་ཞེས་བྱ་བ་ན་འབྱོར་ལེན་གྱི་ཆུང་མ་འདུག་གི་།དེར་ཤིང་ཁུར་འདི་ཁྱེར་ལ་གང་པོས་བསྐུར་བ་ཡིན་ནོ། །ཞེས་བྱོས་ཤིག་།དེས་དེ་ཁྱེར་ནས་ཇི་ལྟར་གྱུར་པ་དག་སྨྲས་པ་དང ། དེས་བྲང་བརྡུངས་ནས་སྨྲས་པ། འདི་ལྟར། དེ་ནོར་འཁྱམས་ན། ཤེས་རབ་ཀྱང་འཁྱམས་སམ། ཅི། བཙོ་བ་ཚོལ་དུ་བཏང་ན། བཙོ་རྒྱུ་གང་ཡིན་པ་དེ་ཉིད་མེད་པར་བུས་པ་བསྐུར་ཏོ། །ཇི་ཙམ་དུས་གཞན་
Kha40b
ཞིག་ན། གྲོང་ཁྱེར་སློ་མ་ལྟ་བུའི་རྒྱལ་པོ་ཚ་བའི་རིམས་ཆེན་པོས་ཐེབས་ནས། མྱོག་མྱོག་པོར་གྱུར་པ་དེ་ལ་སྨན་པས་ཙནྡན་ས་མཆོག་བསྟན་ཏོ། །དེ་ནས་བློན་པོ་རྣམས་ཀྱིས་ཙནྡན་ས་མཆོག་བཅལ་བར་བརྩམས་པ་དང ། དེ་རྣམས་ཀྱིས་ཚོང་འདུས་སུ་བརྒྱུད་པ་ལས་ཐོས་ནས། དེ་རྣམས་གང་པོའི་དྲུང་དུ་སོང་སྟེ་ཙནྡན་ས་མཆོག་ཡོད་དམ། ཡོད་དོ། །རིན་ཇི་ཙམ་དུ་བཙོང ། ཀཪྴ་པ་ཎ་སྟོང་ངོ ། །དེ་རྣམས་ཀྱིས། ཀཪྴ་པ་ཎ་སྟོང་གིས་ཉོས་ནས་རྒྱལ་པོ་ལ་བྱུགས་པ་དང་སོས་པར་གྱུར་ཏོ། །རྒྱལ་པོས་བསམ་པ། གང་གི་ཁྱིམ་ན་ཙནྡན་ས་མཆོག་ཡོད་པའི་ཁྱིམ་དེ་ཅི་འདྲ་བ་ཞིག་ཡིན་སྙམ་ནས།་རྒྱལ་པོས་བློན་པོ་རྣམས་ལ་རྨེད་པ། འདི་ག་ལས་འོངས། བློན་པོ་རྣམས་ཀྱིས་སྨྲས་པ། ལྷ། གང་པོ་ལས་སོ། །གང་པོ་འདིར་ཁུག་ཅིག་།དེར་ཕོ་ཉ་སོང་ནས་སྨྲས་པ། གང་པོ། ལྷས་བཀའ་སྩལ་ཏོ། །དེས་དཔྱད་པར་བརྩམས་པ། རྒྱལ་པོ་བདག་ལ་ཅིའི་ཕྱིར་བཀའ་སྩོལ། དེས་ཡང་བསམ་པ། དེ་ཙནྡན་ས་མཆོག་གིས་སྙུན་གདངས་པར་གྱུར་པས་དེའི་ཕྱིར་བདག་ལ་བཀའ་སྩལ་གྱི། ཙནྡན་ས་མཆོག་ཐམས་ཅད་ཁྱེར་ཏེ་འགྲོའོ། །སྙམ་ནས། དེས་ཙནྡན་ས་མཆོག་གི་དུམ་བུ་གསུམ་རས་ཀྱི་ནང་དུ་དཀྲིས་ཏེ། གཅིག་ལག་ཏུ་ཐོགས་ནས་རྒྱལ་པོའི་དྲུང་དུ་སོང་བ་དང ། རྒྱལ་པོས་སྨྲས་པ། གང་པོ། ཙནྡན་ས་མཆོག་ཅུང་ཟད་ཡོད་དམ། དེས་སྨྲས་པ། ལྷ། འདིར་མཆིས་སོ། །འདི་ལ་རིན་ཇི་ཙམ། གསེར་འབུམ་མོ། །གཞན་ཡང་ཡོད་དམ། ལྷ་མཆིས་སོ། །ཞེས་དེས་དུམ་བུ་གསུམ་ཆར་
Kha41a
༄#། །བསྟན་པ་དང ། རྒྱལ་པོས་བློན་པོ་རྣམས་ལ་བསྒོ་བ། གང་པོ་ལ་གསེར་བཞི་འབུམ་བྱིན་ཅིག། གང་པོས་སྨྲས་པ། ལྷ། གསུམ་གྱི་ནི་སྩོལ་ཅིག་།གཅིག་གི་ནི། ལྷ་ལ་སྐྱེས་སུ་འབུལ་ལོ། །གསུམ་གྱི་བྱིན་ནས། རྒྱལ་པོས་སྨྲས་པ། གང་པོ་ཁྱོད་ངའི་ཐུགས་སུ་འཐད་ཀྱི། མཆོག་ཅི་འདོད་པ་གསོལ་ཅིག་དང་སྦྱིན་ནོ། །ལྷ། གལ་ཏེ་ཐུགས་དང་འཐད་པར་གྱུར་ན། ལྷའི་ཡུལ་དུ་སུས་ཀྱང་མི་གཙེ་བར་མཆིས་པར་གསོལ། རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།དེང་ཕྱིན་ཆད་ཁྱེད་ཀྱིས་གཞོན་ནུ་རྣམས་ལ་བསྒོ་བར་བྱའོ། །གང་པོ་ལ་ནི་མ་ཡིན་ནོ། །ཇི་ཙམ་ན། ཚོང་པ་ལྔ་བརྒྱ་ཙམ་རྒྱ་མཚོ་ཆེན་པོའི་གྲུ་བོ་ཆེ་གྲུབ་ནས་གྲོང་ཁྱེར་སློ་མ་ལྟ་བུར་ལྷགས་སོ། །ཚོང་པའི་ཚོགས་ཀྱིས་ནང་ཁྲིམས་བཅས་པ། བདག་ཅག་སུས་ཀྱང་གཅིག་པུས་ཚོགས་ལས་གར་ཏེ་ཚོང་པའི་དྲུང་དུ་འགྲོ་བར་མི་བྱའོ། །གལ་ཏེ་སོང་ན། དེ་ལ་ཀཪྴ་པ་ཎ་དྲུག་ཅུ་དབབ་པོ། །བླངས་ཀྱང་ཚོགས་འདུས་ཏེ་བླང་བར་བྱའོ། །ཞེས་བཅས་སོ། །ཁ་ཅིག་གིས་སྨྲས་པ། གང་པོ་ཡང་སྦྲན་པ་སྙམ། ཁ་ཅིག་གིས་སྨྲས་པ། བཀྲེན་པ་དེ་ལ་སྦྲན་ན་ཅི་ཡོད། དེའི་ཚེ་གང་པོ་ཕྱིར་བྱུང་བ་ན། དེས་ཚོང་པ་ལྔ་བརྒྱ་ཙམ་རྒྱ་མཚོ་ཆེན་པོ་ནས་གྲུ་པོ་ཆེ་གྲུབ་ནས་གྲོང་ཁྱེར་སློ་མ་ལྟ་བུར་ཕྱིན་ནོ། །ཞེས་ཐོས་ནས་དེ་གྲོང་ཁྱེར་དུ་མ་ཞུགས་པ་ཉིད་དུ་དེ་དག་གི་དྲུང་དུ་སོང་སྟེ་དྲིས་པ། ཤེས་ལྡན་དག་།རྫས་འདི་དག་ཅི་ཡིན། དེ་རྣམས་ཀྱིས་སྨྲས་པ། འདི་དང་འདི་
Kha41b
དག་ཡིན་ནོ། །རིན་ཇི་ཙམ། དེད་དཔོན་གར་ཕྱིན་ཡང་ཁྱོད་ཁོ་ན་དྲི་བར་བས་སོ། །དེས་སྨྲས་པ། གལ་ཏེ་དེ་ཡིན་ཡང་འོན་ཀྱང་རིན་ཐང་སྨོས་ཤིག་།དེ་དག་གིས་གསེར་ས་ཡ་དང་བརྒྱད་འབུམ་དུ་རིན་བཏབ་བོ། །དེས་སྨྲས་པ། ཤེས་ལྡན་དག་།ཐག་བཅད་པའི་གསེར་སུམ་འབུམ་ཁྱེར་ཅིག་།ཟོང་འདི་དག་ནི། ཁོ་བོའི་ཡིན་ནོ། །ལྷག་མ་ནི། ནང་དུ་ཕྱིན་ནས་སྦྱིན་ནོ། །དེ་བཞིན་དུ་བགྱིའོ། །ཞེས་པ་དང ། དེས་གསེར་སུམ་འབུམ་ཡང་བླངས་ནས་ཐག་བཅད་པའི་ཕྱིར་བྱིན། རང་གི་རྒྱས་ཀྱང་བཏབ་སྟེ་སོང་ངོ ། །དེ་ནས་ཚོང་པའི་ཚོགས་ཀྱིས། ཚོང་པའི་གཡོག་གི་མི་དག་རྫས་ཅི་ཡོད་ལྟོས་ཤིག་ཅེས་མངགས་ནས། དེ་དག་སོང་སྟེ་དྲིས་པ། རྫས་འདི་དག་ཅི་ཡིན། འདི་དང་འདི་དག་ཡིན་ནོ། །བདག་ཅག་ལ་འདི་འདྲ་བས་ནི། མཛོད་དང་བང་བ་གང་བར་འདུག་གོ་།དེ་རྣམས་ཀྱིས་སྨྲས་པ། གང་ཡང་རུང ། མ་གང་ཡང་རུང་སྟེ། འོན་ཀྱང་འདི་བཙོང་ཟིན་ཏོ། །སུ་ཞིག་ལ། གང་པོ་ལའོ། །གང་པོ་ལ་བཙོང་ན། ཆེན་མོ་ཞིག་ཁུགས་མོད། དེ་རྣམས་ཀྱིས་སྨྲས་པ། དེས་ཐག་བཅད་པར་བྱིན་པ་གང་ཡིན་པ་དེ། ཁྱེད་ཀྱིས་རིན་དུ་ཡང་མི་སྦྱིན་ནོ། །དེས་ཐག་བཅད་པར་ཅི་བྱིན། གསེར་སུམ་འབུམ་མོ། །དེས་ཕུ་བོ་དེ་དག་ལས་བརྐུས་ཡང་དག་གོ་།དེ་རྣམས་སླར་ལོག་སྟེ་ཚོང་པའི་ཚོགས་ལ་སྨྲས་པ། རྫས་དེ་དག་ནི། བཙོང་ཟིན་ཏོ། །སུ་ཞིག་ལ། གང་པོ་ལའོ། །གང་པོ་ལ་བཙོང་ན། ཆེན་མོ་ཞིག་ཁུགས་མོད། །དེས་ཐག་བཅད་པར་བྱིན་པ་གང་ཡིན་པ་དེ་ཁྱེད་ཀྱིས་རིན་དུ་ཡང་
Kha42a
༄#། །མི་སྦྱིན་ནོ། །དེས་ཐག་བཅད་པར་ཅི་བྱིན། སྲང་སུམ་འབུམ་མོ། །དེས་སྤུན་དེ་དག་ལ་བརྐུས་ཡང་དག་གོ། དེ་རྣམས་ཀྱིས་དེ་བོས་ནས་སྨྲས་པ། གང་པོ། ཚོང་པའི་ཚོགས་ཀྱིས་ཁྲིམས་སུ་བཅས་པ། སུས་ཀྱང་གཅིག་པུས་ཟོང་མི་བླང་གི། ཚོང་པའི་ཚོགས་ཁོ་ན་བླང་བར་བྱའོ་ཞེས་བཅས་ན། ཁྱོད་ཀྱིས་ཅིའི་ཕྱིར་བླང ། དེས་སྨྲས་པ། ཤེས་ལྡན་དག། གང་གི་ཚེ་ཁྱེད་ཀྱིས་ཁྲིམས་སུ་བཅའ་བ་བྱས་པ་དེའི་ཚེ། ཅི། ཁོ་བོའམ་ཁོ་བོའི་ཕུ་ནུ་པོ་དག་ལ་བསྒོའམ། ཁྱོད་ཁོ་ནས་ཁྲིམས་སུ་བཅའ་བ་བྱས། ཁྱེད་ཅག་གཉིད་སྲུངས་ཤིག་།དེ་ནས་ཚོང་པའི་ཚོགས་ཁྲོས་ནས། ཀཪྴ་པ་ཎ་དྲུག་ཅུའི་ཕྱིར་བཟུང་སྟེ་ཉི་མ་ལ་བཞག་པ། རྒྱལ་པོའི་མི་གང་གིས་མཐོང་བ་དེ་དག་གིས་རྒྱལ་པོ་ལ་སྨྲས་པ་དང ། རྒྱལ་པོས་བསྒོ་བ། ཤེས་ལྡན་དག།་དེ་རྣམས་ཁུག་ཅིག་།དེ་དག་གིས་དེ་རྣམས་བཀུག་པ་དང ། རྒྱལ་པོས་སྨྲས་པ། ཤེས་ལྡན་དག་།ཁྱེད་ཅག་གིས་ཅིའི་ཕྱིར་གང་པོ་བཟུང་སྟེ་ཉི་མ་ལ་བཞག། ལྷ། ཚོང་བ་རྣམས་ཀྱིས་ཁྲིམས་སུ་བཅས་པ། སུས་ཀྱང་གཅིག་པུས་ཟོང་འཇལ་ཚོང་མི་བགྱིའོ། །ཞེས་བཅས་པ་ལས། འདི་གཅིག་པུས་འཇལ་ཚོང་བགྱིས་པས་སོ། །དེས་སྨྲས་པ། ལྷ། གང་གི་ཚེ་འདི་དག་གིས་ཁྲིམས་སུ་བཅའ་བ་བགྱིས་པ་དེའི་ཚེ་འདི་དག་གིས། ཅི། བདག་གམ། བདག་གི་ཕུ་ནུ་བོ་དག་ལ་བསྒོའམ། ཞེས་རྨེད་གསོལ། རྒྱལ་པོས་སྨྲས་པ། ཤེས་ལྡན་དག། གང་
Kha42b
པོའི་ཤགས་བཟང་ངོ ། །དེ་རྣམས་སྐྱེངས་ནས་དེ་བཏང་ངོ ། །ཇི་ཙམ་དུས་གཞན་ཞིག་ན། རྒྱལ་པོ་ལ་རྫས་ཤིག་གི་དགོས་པ་བྱུང་ནས། དེས་ཚོང་བའི་ཚོགས་བཀུག་སྟེ་བགོ་བ། ཤེས་ལྡན་དག་ང་ལ་རྫས་ཆེ་གེ་མོ་ཞེས་བྱ་བ་ཞིག་དགོས་ཀྱི། དེ་ང་ལ་ཕུལ་ཅིག་།དེ་རྣམས་ཀྱིས་སྨྲས་པ། ལྷ། གང་པོ་ལ་མཆིའོ། །དེས་སྨྲས་པ། ང་དེ་ལ་བཀའ་མི་སྩོལ་གྱི། ཁྱོད་ཉིད་ཀྱིས་དེ་ཉོས་ལ་ང་ལ་ཕུལ་ཅིག་།དེ་དག་གིས་གང་པོ་ལ་ཕོ་ཉ་བཏང་སྟེ། ཚོང་བའི་ཚོགས་འབོད་དོ་ཞེས་བྱས་སོ། །དེས་སྨྲས་པ། ཁོ་བོ་མི་འོང་ངོ ། །དེ་ནས་ཚོང་པའི་ཚོགས་ཐམས་ཅད་འདུས་ཏེ། དེའི་ཁྱིམ་དུ་སོང་ནས་སྒོར་བསྡད་དེ། དེ་ལ་འཕྲིན་བཏང་ནས། གང་པོ། ཚོང་པའི་ཚོགས་སྒོ་ན་སྡོད་ཀྱི། ཕྱུང་ཞིག་ཅེས་སྤྲིང་ངོ ། །དེ་ང་རྒྱལ་དང་ཉམ་བུ་ཤེད་དང་བཅས་པའི་དྲེགས་པས་བྱུང་བ་དང ། ཚོང་བའི་ཚོགས་ཀྱིས་སྨྲས་པ། དེད་དཔོན་ཇི་ལྟར་ཉོས་པ་བཞིན་དུ་ཟོང་བྱིན་ཅིག་།དེས་སྨྲས་པ། གལ་ཏེ་ཇི་ལྟར་ཉོས་པ་བཞིན་ཟོང་བྱིན་ན། ཁོ་བོ་ཚོང་པ་ཆེན་པོ་ཡིན་མོད། དེ་དག་གིས་སྨྲས་པ། རིན་ཉིས་འགྱུར་གྱི་བྱིན་ཅིག་དང ། ཚོང་པའི་ཚོགས་མཆོད་པར་འགྱུར་རོ། །དེས་བསམ་པ། ཚོང་བའི་ཚོགས་མཆོད་པར་བྱ་བ་ཡིན་ནོ་སྙམ་ནས། དེས་ས་ཡ་དང་ལྔ་འབུམ། རིན་ཉིས་འགྱུར་དུ་བྱིན་ནོ། ། ལྷག་མ་ནི། ཁྱིམ་དུ་སྦས་ནས་དེས་བསམ་པ། ཇི་ག། ཟིལ་པའི་ཐིགས་པས་བུམ་པ་དགང་བར་ནུས་སམ། རྒྱ་མཚོ་ཆེན་པོར་འཇུག་པར་བྱའོ། །སྙམ་ནས། རྒྱ་མཚོ་ཆེན་པོར་འཇུག་པར་བྱ་བའི་
Kha43a
༄#། །ཕྱིར་དེས་གྲོང་ཁྱེར་སློ་མ་ལྟ་བུར་དྲིལ་བསྒྲགས་ཏུ་བཅུག་པ། ཤེས་ལྡན་གྲོང་ཁྱེར་སློ་མ་ལྟ་བུ་ན་གནས་པའི་ཚོང་པ་དག་ཉོན་ཅིག་།དེད་དཔོན་གང་པོ་རྒྱ་མཚོ་ཆེན་པོར་འཇུག་པར་འགྱུར་གྱི། ཁྱེད་ཅག་ལས་གང་དག་དེད་དཔོན་གང་པོ་དང་ལྷན་ཅིག་ཤོ་གམ་མེད་པ་དང ། ལ་གཅན་པའི་གླ་མེད་པ་དང ། གྲུ་བཙས་མེད་པར་རྒྱ་མཚོ་ཆེན་པོར་འཇུག་པར་སྤྲོ་བ་དེ་དག་གིས་རྒྱ་མཚོ་ཆེན་པོར་འདོང་བའི་ཟོང་སྟ་གོན་བྱོས་ཤིག་།ཚོང་པ་ལྔ་བརྒྱ་ཙམ་གྱིས་རྒྱ་མཚོ་ཆེན་པོར་འདོང་བའི་ཟོང་སྟ་གོན་བྱས་སོ། །དེ་ནས་དེད་དཔོན་གང་པོ་དགེ་མཚན་དང ། བཀྲ་ཤིས་དང ། བདེ་ལེགས་སུ་འགྱུར་བ་དག་བྱས་ཏེ། འཁོར་ཚོང་པ་ལྔ་བརྒྱ་དང་རྒྱ་མཚོ་ཆེན་པོར་ཞུགས་པ་ལས་གྲུ་བོ་ཆེ་གྲུབ་ནས་གྲོང་ཁྱེར་སློ་མ་ལྟ་བུར་འཁོར་ཏོ། །དེ་ལྟ་བུར་ལན་དྲུག་གི་བར་དུ་རྒྱ་མཚོ་ཆེན་པོར་ཞུགས་པ་ལས་གྲུ་བོ་ཆེ་གྲུབ་ནས་སླར་འཁོར་ཏོ། །ཕྱོགས་ཀུན་ཏུ་གང་པོས་ལན་དྲུག་གི་བར་དུ་རྒྱ་མཚོ་ཆེན་པོར་ཞུགས་པ་ལས་གྲུ་བོ་ཆེར་གྲུབ་ནས་སླར་འཁོར་ཏོ། །ཞེས་སྒྲ་གྲགས་པ་དང ། མཉན་ཡོད་པའི་ཚོང་པ་དག་ཟོང་ཐོགས་ཏེ་གྲོང་ཁྱེར་སློ་མ་ལྟ་བུར་དོང་ནས། དེ་དག་ལམ་གྱིས་དུབ་པ་ངལ་སོས་ནས་དེད་དཔོན་གང་ན་བ་དེར་དོང་སྟེ་ལྷགས་ནས་སྨྲས་པ། དེད་དཔོན་རྒྱ་མཚོ་ཆེན་པོར་བཞུད་དམ། དེས་སྨྲས་པ། ཤེས་ལྡན་དག། ལན་དྲུག་གི་བར་དུ་རྒྱ་མཚོ་ཆེན་པོ་ནས་གྲུ་བོ་ཆེ་གྲུབ་སྟེ། སླར་འཁོར་བ་ལས་བདུན་
Kha43b
པར་འཇུག་པར་ཁྱེད་ཅག་གིས་མཐོང་བའམ། ཐོས་པ་འགའ་ཡོད་དམ། དེ་དག་གིས་སྨྲས་པ། གང་པོ། བདག་ཅག་བཤུལ་རིང་པོ་ནས་ཁྱེད་ཀྱི་ཆེད་དུ་ལྷགས་ཏེ། གལ་ཏེ་མི་འཇུག་ན། ཁྱོད་ཉིད་ཚད་མ་ཡིན་ནོ། །དེས་བསམ་པ། བདག་ལ་ནི་ནོར་གྱིས་ཅུང་ཟད་ཀྱང་མི་ཆོག་པ་མེད་ན། འདི་དག་གི་དོན་དུ་འགྲོ་བར་བྱའོ། །སྙམ་ནས། དེ་དེ་རྣམས་དང་ལྷན་ཅིག་ཏུ་རྒྱ་མཚོ་ཆེན་པོར་ཆས་སོ། །དེ་དག་གིས་ནམ་ཐོ་རངས་ཀྱི་དུས་སུ་ཆེད་དུ་བརྗོད་པ་དང ། ཕ་རོལ་འགྲོ་བྱེད་དང ། བདེན་པ་མཐོང་བ་དང ། གནས་བརྟན་པའི་ཚིགས་སུ་བཅད་པ་དང ། གནས་བརྟན་མའི་ཚིགས་སུ་བཅད་པ་དང ། རིག་གནས་པའི་ཚིགས་སུ་བཅད་པ་དང ། ཐུབ་པའི་ཚིགས་སུ་བཅད་པ་དང ། དོན་གྱི་ཚོམས་ཀྱི་མདོ་དག་གསང་བསྟོད་དེ་བཏོན་པ་དང ། དེས་དེ་དག་ཐོས་ནས་སྨྲས་པ། ཤེས་ལྡན་དག་།གླུ་བཟང་པོ་ཞིག་གིས་ལོངས་ཤིག་།དེ་རྣམས་ཀྱིས་སྨྲས་པ། དེད་དཔོན། དེ་དག་ནི། གླུ་མ་ལགས་སོ། །འོ་ན་ཅི། དེ་ནི། སངས་རྒྱས་ཀྱི་བཀའོ། །དེས། སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་ནས། བ་སྤུའི་ཁུང་བུ་ཐམས་ཅད་ནས་སྤུ་ཟིང་ཞེས་ཕྱེད་ནས། གུས་པ་དང་བཅས་པས་དྲིས་པ། ཤེས་ལྡན་དག་།སངས་རྒྱས་ཞེས་བྱ་བ་དེ་སུ་ཞིག་ཡིན། དེ་རྣམས་ཀྱིས་སྨྲས་པ། ཤཱཀྱའི་སྲས། དགེ་སྦྱོང་གོའུ་ཏ་མ། ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ནས་གོས་དུར་སྨྲིག་བགོས་ཏེ། ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེ་བླ་ན་མེད་པ་
Kha44a
༄#། །ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞིག་ཡོད་དེ། དེད་དཔོན། དེ་ནི་སངས་རྒྱས་ཞེས་བགྱིའོ། །ཤེས་ལྡན་དག། བཅོམ་ལྡན་འདས་དེ། ད་ལྟར་གང་ན་བཞུགས། དེད་དཔོན། །མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེས་དེ་སྙིང་ལ་བཟུང་ནས་དེ་རྣམས་དང་ལྷན་ཅིག་རྒྱ་མཚོ་ཆེན་པོར་ཞུགས་ཏེ་གྲུ་བོ་ཆེ་གྲུབ་ནས་སླར་ལྷགས་སོ། །དེའི་ཕུ་བོ་འབྱོར་ལེན་གྱིས་བསམ་པ། འདི་རྒྱ་མཚོ་ཆེན་པོར་འགྲོ་འགྲོ་བས་དུབ་བར་གྱུར་གྱི། འདིའི་ཁྱིམ་དབུབ་པར་བྱའོ། །སྙམ་ནས། དེས་དེ་ལ་སྨྲས་པ། ཁྱོད་ཀྱི་དོན་དུ་ཚོང་པ་དང ། ཚོང་དཔོན་གང་གི་བུ་མོ་བླང་པ་ཕུ་བོ་ལ་སྨྲོས་ཤིག་།དེས་སྨྲས་པ། བདག་འདོད་པ་མི་འཚལ་གྱི། གལ་ཏེ་གནང་ན། རབ་ཏུ་འབྱུང་ངོ ། །དེས་སྨྲས་པ། གང་གི་ཚེ་བདག་ཅག་ཁྱིམ་གྱི་འཚོ་ནམ་ལ་མ་ཞུགས་པ་དེའི་ཚེ་རབ་ཏུ་མི་འབྱུང་བར། ད་ཅིའི་ཕྱིར་དུ་རབ་ཏུ་འབྱུང ། དེས་སྨྲས་པ། དེའི་ཚེ་ནི། མི་རིགས་ལགས་སོ། །ད་ནི། རིགས་ལགས་སོ། །དེས་དེ་གདོན་མི་ཟ་བར་གལ་གྱིས་འཆུ་བར་ཤེས་ནས། གནང་ངོ ། །དེས་སྨྲས་པ། ཕུ་བོ། །རྒྱ་མཚོ་ཆེན་པོ་ན་ཉེས་དམིགས་ནི། མང་ལ། མནོག་ནི། ཆུང་ངོ ། །དེར་འཇུག་པ་ནི། མང་ལ། སླར་འཁོར་བ་ནི། ཉུང་བས་ཁྱོད་ཀྱིས་རྣམ་པ་ཐམས་ཅད་དུ་རྒྱ་མཚོ་ཆེན་པོར་འཇུག་པར་མི་བྱའོ། །ཁྱོད་ལ་རིགས་པས་བསྒྲུབས་པའི་
Kha44b
ནོར་ཕལ་མོ་ཆེ་ཡོད་ལ། ཁྱེད་ཀྱི་ནུ་བོ་དག་རིགས་པ་མ་ཡིན་པས་བསྒྲུབས་པ་ཡིན་པས། གལ་ཏེ་དེ་དག་ན་རེ། ལྷན་ཅིག་འཁོད་པར་བྱའོ་ཞེས་ཟེར་ན། འདུག་པར་མི་བྱའོ། །ཞེས་སྨྲས་ནས། རིམ་གྲོ་བ་གཅིག་ཁྲིད་དེ་མཉན་ཡོད་དུ་སོང་སྟེ། མཉན་ཡོད་ཀྱི་སྐྱེད་མོས་ཚལ་དུ་འདུག་ནས། ཁྱིམ་བདག་མགོན་མེད་ཟས་སྦྱིན་ལ་འཕྲིན་པ་བཏང་སྟེ། ཁྱིམ་བདག། དེད་དཔོན་གང་པོ་ཁྱིམ་བདག་ལྟ་བར་འདོད་ནས་སྐྱེད་མོས་ཚལ་ན་སྡོད་དོ་ཞེས་སྤྲིང་པ་དང ། མགོན་མེད་ཟས་སྦྱིན་གྱིས་བསམ་པ། གདོན་མི་ཟ་བར་ཆུའི་བཞོན་པས་དུབ། ད་ནི། ཐང་གི་བཞོན་པས་འོངས་སོ་སྙམ་མོ། །དེ་ནས་དྲིས་པ། ཀྱེ་ནང་རྗེ། ཟོང་ཇི་སྙེད་ཅིག་ཁྱེར། ང་ལ་ཟོང་ག་ལ་ཡོད། རིམ་གྲོ་བ་དང་གཉིས་སུ་སྟེ། དེ་དང་བདག་ཏུ་བས་སོ། །མགོན་མེད་ཟས་སྦྱིན་གྱིས་བསམ་པ། གང་བདག་གིས་སྐྱེས་བུ་དམ་པ་དེ་ལ་བཀུར་སྟི་མ་བྱས་པར་ཁྱིམ་དུ་འབོད་པ་ནི། བདག་རིགས་པ་དང་ལྡན་པ་མ་ཡིན་ནོ། །སྙམ་ནས། དེས་དེ་བཀུར་སྟི་ཆེན་པོས་ཁྱིམ་དུ་བོས་ནས་བསྐུ་མཉེ་བྱས་ཏེ་ཁྲུས་བྱས་ནས་ཟན་བྱིན་ཏེ་དགའ་བའི་གཏམ་བྱས་ཏེ་འདུག་ནས། མགོན་མེད་ཟས་སྦྱིན་གྱིས་དྲིས་པ། དེད་དཔོན། དགོས་པ་ཅི་ཞིག་ལ་འོངས། ཁྱིམ་བདག། བདག་ནི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང།་བསྙེན་པར་རྫོགས་པ་དགེ་སློང་གི་དངོས་པོ་འཚལ་ལོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས། རོ་སྟོད་བསྟོད་ནས་ལག་པ་གཡས་པ་བརྐྱང་སྟེ་ཆེད་དུ་བརྗོད་པ། ཀྱེ་མའོ་སངས་རྒྱས།
Kha45a
༄#། །ཀྱེ་མའོ་ཆོས། ཀྱེ་མའོ་དགེ་འདུན། ཀྱེ་མའོ་ཆོས་ལེགས་པར་གསུངས་པ་ཉིད་དེ་ལ་ནི། ད་སྐྱེས་བུ་གཙོ་བོ་འདི་ལྟ་བུ་ཡང ། རང་གི་སྐྱེ་བོ་དང ། གཉེན་བཤེས་ཀྱི་ཚོགས་རྒྱ་ཆེན་པོ་དང ། མཛོད་དང ། བང་མཛོད་རྒྱས་པ་རྣམས་ཀྱང་སྤངས་ནས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འདོད་པར་གྱུར་ཏོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས། དེད་དཔོན་གང་པོ་ཁྲིད་དེ། བཅོམ་ལྡན་འདས་གང་ན་པ་དེར་སོང་ངོ ། །དེའི་ཚེ་བཅོམ་ལྡན་འདས་དགེ་སློང་གི་འཁོར་བརྒྱ་ཕྲག་དུ་མའི་གུང་ལ་བཞུགས་ནས་ཆོས་འཆད་དོ། །བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་སྐྱེས་དང་བཅས་ཏེ་འོངས་པ་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱིམ་བདག་མགོན་མེད་ཟས་སྦྱིན་སྐྱེས་དང་བཅས་ཏེ་ད་ལྟར་འོང་ངོ ། །དེ་བཞིན་གཤེགས་པའི་སྐྱེས་ནི། འདི་ལྟ་བུ་མེད་དེ། འདི་ལྟ་སྟེ། འདུལ་བའི་སྐྱེས་བུའོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་དེད་དཔོན་གང་པོ་དང་ལྷན་ཅིག་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། དེད་དཔོན་གང་པོ་འདི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་
Kha45b
པར་རྫོགས་པ་དགེ་སློང་གི་དངོས་པོ་འཚལ་ན། དེ་བཅོམ་ལྡན་འདས་ཀྱིས་རབ་ཏུ་དབྱུང་བ་དང ། བསྙེན་པར་རྫོགས་པར་མཛད་དུ་གསོལ། བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཅང་མི་གསུང་བས་གནང་ངོ ། །དེ་ནས་བཅོམ་ལྡན་འདས་ཀྱིས་དེད་དཔོན་གང་པོ་ལ་བཀའ་སྩལ་པ། དགེ་སློང་ཚུར་ཤོག་།ཚངས་པར་སྤྱད་པ་སྤྱོད་ཅིག་ཅེས་བཅོམ་ལྡན་འདས་ཀྱིས་བཀའ་སྩལ་བའི་མོད་ཁོ་ནར་དེ་སྐྲ་བྱི་བ་དང ། སྣམ་སྦྱར་གྱོན་པར་གྱུར་ཏེ། སྐྲ་དང ། ཁ་སྤུ་ཞག་བདུན་སྐྱེས་པ་ཙམ་དང ། ལག་ན་ལྷུང་བཟེད་དང་བྱ་མ་བུམ་ཐོགས་པ་དང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །དེ་བཞིན་གཤེགས་པས་ཚུར་ཤོག་གསུངས་པ་ཡིས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་ནས་དུས་གཞན་ཞིག་ན། ཚེ་དང་ལྡན་པ་གང་བོ་བཅོམ་ལྡན་འདས་གང་ན་བ་དེར་སོང་སྟེ། ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་གང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ལས་བདག་གིས་མདོར་བསྡུས་པའི་ཆོས་ཐོས་པ་ཇི་ལྟ་བུས་གཅིག་པུ་དབེན་པ་བག་ཡོད་པ་དང ། རྟུན་པ་དང་ལྡན་ལ། བདག་ཉིད་ལ་བདག་ཉིད་གཏོད་ཅིང་
Kha46a
༄#། །གནས་པར་འགྱུར་བ་དེ་ལྟ་བུའི་ཆོས་མདོར་བསྡུས་པ་ལེགས་པར་བཤད་དུ་གསོལ། གཅིག་པུ་དབེན་པ་བག་ཡོད་པ་དང ། རྟུན་པ་དང་ལྡན་ལ་བདག་ཉིད་ལ་བདག་ཉིད་གཏོད་ཅིང་གནས་ན། རིགས་ཀྱི་བུ་དག་།གང་གི་ཕྱིར་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་ཡང་དག་པའི་དད་པ་ཁོ་ནས་ཁྱིམ་ནས། ཁྱིམ་མ་མཆིས་པར་རབ་ཏུ་འབྱུང་བར་བགྱིད་པ་ཚངས་པར་སྤྱོད་པའི་མཐའ་བླ་ན་མ་མཆིས་པ་དེ་མཐོང་བའི་ཆོས་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བགྱིས་ཏེ་བསྒྲུབས་ནས། བདག་གི་སྐྱེ་བ་ནི། ཟད་དོ། །ཚངས་པར་སྤྱོད་པ་ནི། སྤྱད་དོ། །བྱ་བ་ནི། བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་གོ་བར་བགྱིད་པའོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་གང་པོ་ལ་འདི་སྐད་ཅེས་བཀའ་སྩལ་ཏོ། །གང་པོ། ལེགས་སོ། །ལེགས་སོ། །གང་པོ། གང་ཁྱེད་འདི་སྐད་དུ་སྲིད་པ་འདི་ལས་གཞན་མི་ཤེས་སོ་ཞེས་བྱ་བ་ནས་དེ་ལྟ་བུའི་ཆོས་མདོར་བསྡུས་པ་ལེགས་པར་བཤད་དུ་གསོལ་ཞེས་བྱ་བའི་བར་སྨྲ་བ་ནི་ཡང་ལེགས་སོ་ཞེས་བྱ་བ་སྔ་མ་བཞིན་ཏེ། དེའི་ཕྱིར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །གང་པོ། མིག་གིས་རྣམ་པར་ཤེས་པར་བྱ་བའི་གཟུགས་སྡུག་པ་དང ། ཆགས་པ་དང ། དགའ་བ་དང ། ཡིད་དུ་འོང་བ་དང ། འདོད་པ་དང་ལྡན་པ་དང ། ཀུན་ཏུ་ཆགས་པར་འགྱུར་བ་
Kha46b
ཡོད་ལ། དེ་དག་གལ་ཏེ། དགེ་སློང་གིས་མཐོང་ནས་མངོན་པར་དགའ་བ་དང ། མངོན་པར་བསྟོད་པ་དང ། ལྷག་པར་ཆགས་པ་དང ། ལྷག་པར་ཞེན་ཅིང་གནས་ན། དེ་དག་ལ་མངོན་པར་དགའ་བ་དང ། མངོན་པར་བསྟོད་པ་དང ། ལྷག་པར་ཆགས་པ་དང ། ལྷག་པར་ཞེན་ཅིང་གནས་པ་དེ་ལ་ཀུན་ཏུ་དགའ་བ་འབྱུང་ངོ ། །ཀུན་ཏུ་དགའ་བ་ཡོད་ན། དགའ་བ་དང་ཡིད་བདེ་བར་འགྱུར་རོ། །དགའ་བ་དང་ཡིད་བདེ་བ་ཡོད་ན། ཀུན་ཏུ་ཆགས་པར་འགྱུར་རོ། །ཀུན་ཏུ་ཆགས་པ་ཡོད་ན། ཀུན་ཏུ་སྦྱོར་བར་འགྱུར་ཏེ། དགའ་བ་དང ། ཀུན་ཏུ་ཆགས་པ་དང ། ཀུན་ཏུ་སྦྱོར་བ་དང་ལྡན་པར་གྱུར་བའི་དགེ་སློང་ནི། གང་པོ།་མྱ་ངན་ལས་འདས་པ་ལས་རིང་དུ་གྱུར་པ་ཞེས་བྱའོ། །གང་པོ། རྣ་བས་རྣམ་པར་ཤེས་པར་བྱ་བའི་སྒྲ་དང ། སྣས་རྣམ་པར་ཤེས་པར་བྱ་བའི་དྲི་དང ། ལྕེས་རྣམ་པར་ཤེས་པར་བྱ་བའི་རོ་དང ། ལུས་ཀྱིས་རྣམ་པར་ཤེས་པར་བྱ་བའི་རེག་བྱ་དང ། ཡིད་ཀྱིས་རྣམ་པར་ཤེས་པར་བྱ་བའི་ཆོས་སྡུག་པ་དང ། ཆགས་པ་དང ། དགའ་བ་དང ། ཡིད་དུ་འོང་བ་དང ། འདོད་པ་དང་ལྡན་པ་དང ། ཀུན་ཏུ་ཆགས་པར་འགྱུར་བ་རྣམས་ཡོད་ལ། དེ་དག་གལ་ཏེ། དགེ་སློང་གིས་ཐོས་ནས་ཞེས་བྱ་བ་ནས་མྱ་ངན་ལས་འདས་པ་ལས་རིང་དུ་གྱུར་པ་ཞེས་བྱའོ། །ཞེས་བྱ་བའི་བར་སྔ་མ་བཞིན་ནོ། །གང་པོ། མིག་གིས་རྣམ་པར་ཤེས་པར་བྱ་བའི་གཟུགས་སྡུག་པ་དང ། ཆགས་པ་དང ། དགའ་བ་དང ། ཡིད་དུ་འོང་བ་དང ། འདོད་པ་དང་ལྡན་པ་དང ། ཀུན་ཏུ་ཆགས་པར་འགྱུར་བ་ཡོད་ལ། དེ་དག་གལ་ཏེ། དགེ་སློང་གིས་
Kha47a
༄#། །མཐོང་ནས་མངོན་པར་མི་དགའ་བ་དང ། མངོན་པར་མི་བསྟོད་པ་དང ། ལྷག་པར་མ་ཆགས་པ་དང ། ལྷག་པར་མ་ཞེན་ཅིང་གནས་ན། དེ་དག་ལ་མངོན་པར་མི་དགའ་བ་དང ། མངོན་པར་མི་བསྟོད་པ་དང ། ལྷག་པར་མ་ཆགས་པ་དང ། ལྷག་པར་མ་ཞེན་པར་གནས་པ་དེ་ལ་ཀུན་ཏུ་དགའ་བ་མི་འབྱུང་ངོ ། །ཀུན་ཏུ་དགའ་བ་མེད་ན། དགའ་བ་དང ། ཡིད་བདེ་བ་མེད་པར་འགྱུར་རོ། །དགའ་བ་དང་ཡིད་བདེ་བ་མེད་པ་ན། ཀུན་ཏུ་མ་ཆགས་པར་འགྱུར་རོ། །ཀུན་ཏུ་ཆགས་པ་མེད་ན། ཀུན་ཏུ་སྦྱོར་བ་མེད་པར་འགྱུར་རོ། །ཀུན་ཏུ་སྦྱོར་བ་མེད་ན། དགའ་བ་དང ། ཀུན་ཏུ་ཆགས་པ་དང ། ཀུན་ཏུ་སྦྱོར་བ་དང་མི་ལྡན་པའི་དགེ་སློང་ནི། གང་པོ། མྱ་ངན་ལས་འདས་པ་ལ་ཉེ་བར་གྱུར་པ་ཞེས་བྱའོ། །གང་པོ། རྣ་བས་རྣམ་པར་ཤེས་པར་བྱ་བའི་སྒྲ་དང ། སྣས་རྣམ་པར་ཤེས་པར་བྱ་བའི་དྲི་དང ། ལྕེས་རྣམ་པར་ཤེས་པར་བྱ་བའི་རོ་དང ། ལུས་ཀྱིས་རྣམ་པར་ཤེས་པར་བྱ་བའི་རེག་བྱ་དང ། ཡིད་ཀྱིས་རྣམ་པར་ཤེས་པར་བྱ་བའི་ཆོས་སྡུག་པ་དང ། ཆགས་པ་དང ། དགའ་བ་དང ། ཡིད་དུ་འོང་བ་དང ། འདོད་པ་དང་ལྡན་པ་དང ། ཀུན་ཏུ་ཆགས་པར་འགྱུར་བ་ཡོད་ལ། དེ་དག་གལ་ཏེ། དགེ་སློང་དག་གིས་ཐོས་ནས་ཞེས་བྱ་བ་ནས། དེ་ནི། མྱ་ངན་ལས་འདས་པ་ལ་ཉེ་བར་གྱུར་པ་ཞེས་བྱ་བའི་བར་གོང་མ་བཞིན་དུའོ། །གང་པོ། ངས་མདོར་བསྡུས་པའི་གདམས་ངག་འདིས་ཁྱོད་ལ་གདམས་ན། གང་དུ་གནས་པར་འདོད། གང་དུ་གནས་
Kha47b
བཅའ་བར་འདོད། བཙུན་པ། བཅོམ་ལྡན་འདས་ཀྱིས་མདོར་བསྡུས་པའི་གདམས་ངག་འདིས་བདག་ལ་གདམས་ལགས་པས། གྲོ་བཞིན་སྐྱེས་གནས་པའི་ཡུལ་གྱི་མཐར་མཆིས་པར་འཚལ་ལགས་སོ། །གང་པོ། གྲོ་བཞིན་སྐྱེས་གནས་པའི་ཡུལ་གྱི་མཐའི་མི་རྣམས་ནི། གཏུམ་པ། གཟུ་ལུམས་ཅན། རྩུབ་པ། གཤེ་བ། སྤྲོ་ཐུང་བ། འཕྱ་བ་ཡིན་ཏེ། གང་པོ། གལ་ཏེ་ཁྱོད་ལ་གྲོ་བཞིན་སྐྱེས་གནས་པའི་མཐའི་མི་རྣམས། མངོན་སུམ་དུ་སྡིག་པ། ཚོགས་པར་མི་དབྱུང་བའི་ཚིག་རྩུབ་པོས་གཤེ་བར་བྱེད། ཞེར་འདེབས་པར་བྱེད། འཕྱ་བར་བྱེད་ན། དེ་ལ་ཁྱོད་ཇི་སྙམ་དུ་བྱེད། བཙུན་པ། གལ་ཏེ་གྲོ་བཞིན་སྐྱེས་གནས་པའི་མཐའི་མི་རྣམས་བདག་ལ་མངོན་སུམ་དུ་སྡིག་པ། ཚོགས་པར་མི་དབྱུང་བའི་ཚིག་རྩུབ་པོས་གཤེ་བར་བགྱིད། ཞེར་འདེབས་པར་བགྱིད། འཕྱ་བར་བགྱིད་ན། དེ་ལ། བདག་གིས་འདི་སྙམ་དུ་སེམས་ཏེ། ཨེ་མའོ། །གྲོ་བཞིན་སྐྱེས་གནས་པའི་མཐའི་མི་རྣམས་ནི། རུང་བ་དག་ཡིན་ནོ། །ེ་མའོ། །གྲོ་བཞིན་སྐྱེས་གནས་པའི་མཐའི་མི་རྣམས་ནི། བློ་དང་ལྡན་པ་ཡིན་ཏེ། དེ་དག་བདག་ལ་སྡིག་པ། ཚོགས་པར་མི་དབྱུང་བའི་ཚིག་རྩུབ་པོས་གཤེ་བར་བྱེད། ཞེར་འདེབས་པར་བྱེད། འཕྱ་བར་བྱེད་ཀྱང ། ལག་པའམ། བོང་བས་མ་བརྒྱབ་སྙམ་མོ། །གང་པོ། གྲོ་བཞིན་སྐྱེས་གནས་པའི་མཐའི་མི་རྣམས་ནི། གཏུམ་པ་ཞེས་བྱ་བ་ནས་འཕྱ་བར་བྱེད་པ་ཡིན་ནོ། །ཞེས་བྱ་བའི་བར་གོང་མ་བཞིན་ཏེ། གང་པོ། གལ་ཏེ་གྲོ་བཞིན་སྐྱེས་
Kha48a
༄#། །གནས་པའི་མཐའི་མི་རྣམས་ཀྱིས་དབྱུག་པའམ། མཚོན་གྱིས་བརྒྱབ་ན། དེ་ལ་ཁྱོད་ཇི་སྙམ་བྱེད། བཙུན་པ། གལ་ཏེ་བདག་ལ་གྲོ་བཞིན་སྐྱེས་གནས་པའི་མཐའི་མི་རྣམས་ཀྱིས་དབྱུག་པ་འམ། མཚོན་གྱིས་བརྒྱབ་པར་གྱུར་ན། དེ་ལ་བདག་གིས་འདི་སྙམ་དུ་སེམས་ཏེ། ཀྱེ་མའོ། །གྲོ་བཞིན་སྐྱེས་གནས་པའི་མཐའི་མི་རྣམས་ནི། རུང་བ་དག་ཡིན་ནོ། ། ཀྱེ་མའོ། །གྲོ་བཞིན་སྐྱེས་གནས་པའི་མཐའི་མི་རྣམས་ནི། བློ་དང་ལྡན་པ་ཡིན་ཏེ། དེ་དག་བདག་ལ་དབྱུག་པ་འམ། མཚོན་གྱིས་བརྒྱབ་ཀྱང ། ཐམས་ཅད་ཀྱི་ཐམས་ཅད་དུ་སྲོག་དང་བྲལ་བར་མི་བྱེད་དོ་སྙམ་མོ། །གང་པོ། གྲོ་བཞིན་སྐྱེས་གནས་པའི་མཐའི་མི་རྣམས་ནི། གཏུམ་པ་ཞེས་བྱ་བ་ནས་འཕྱ་བར་བྱེད་པ་ཡིན་ནོ་ཞེས་བྱ་བའི་བར་དུ་སྟེ། གལ་ཏེ་གང་པོ། གྲོ་བཞིན་སྐྱེས་གནས་པའི་མཐའི་མི་རྣམས་ཀྱིས་ཁྱོད་ཐམས་ཅད་དུ་སྲོག་དང་བྲལ་བར་བྱེད་ན། དེ་ལ་ཁྱོད་ཇི་སྙམ་བྱེད། བཙུན་པ། གལ་ཏེ་བདག་ལ་གྲོ་བཞིན་སྐྱེས་གནས་པའི་མཐའི་མི་རྣམས་ཀྱིས། ཐམས་ཅད་དུ་སྲོག་དང་བྲལ་བར་བགྱིད་ན། དེ་ལ་བདག་ཉིད་འདི་སྙམ་དུ་སེམས་ཏེ། བཅོམ་ལྡན་འདས་ཀྱི་ཉན་ཐོས་ལུས་རྣག་ཅན་འདིས་སྐྱོ་བ་དང ། ངོ་ཚ་དང ། རྣམ་པར་སྨོད་པ་གང་དག་མཚོན་གྱིས་ཀྱང་འདེབས་པར་བྱེད། དུག་ཀྱང་ཟ་བར་བྱེད། ཐག་པས་ཀྱང་འགེགས་ཏེ་འཆི་བར་བྱེད། གཡང་ས་ནས་ཀྱང་མཆོངས་ཏེ་འཆི་བ་ཡོད་ན། ཀྱེ་མའོ། །གྲོ་བཞིན་སྐྱེས་གནས་
Kha48b
པའི་མཐའི་མི་རྣམས་ནི། རུང་བ་དག་ཡིན་ནོ། །ཀྱེ་མའོ། །གྲོ་བཞིན་སྐྱེས་གནས་པའི་མཐའི་མི་རྣམས་ནི། བློ་དང་ལྡན་པ་ཡིན་ཏེ། དེ་དག་བདག་གི་ལུས་རྣག་ཅན་འདི་ལས། ཚོགས་ཆུང་དུས་གྲོལ་བར་བྱེད་དོ་སྙམ་བསམ་པར་བགྱིའོ། །གང་པོ། ལེགས་སོ། །ལེགས་སོ། །གང་པོ་ཁྱོད། བཟོད་པ་དང་དེས་པ་འདི་དང་ལྡན་པར་གྲོ་བཞིན་སྐྱེས་གནས་པའི་ཡུལ་གྱི་མཐར་གནས་པར་ནུས་པ་ནི། ཁྱོད་ཀྱང་ལེགས་སོ། །གང་པོ་སོང་ལ། མ་བསྒྲལ་བ་རྣམས་ནི། སྒྲོལ་ཅིག་།མ་གྲོལ་བ་རྣམས་ནི། གྲོལ་ཅིག་།དབུགས་མ་ཕྱིན་པ་རྣམས་ནི། དབུགས་ཕྱུང་ཞིག་།ཡོངས་སུ་མྱ་ངན་ལས་མ་འདས་པ་རྣམས་ནི། ཡོངས་སུ་མྱ་ངན་ལས་ཟློ་ཞིག་།དེ་ནས་ཚེ་དང་ལྡན་པ་གང་པོ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་ཅིང་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་གང་པོ་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས་ཏེ། ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ཏེ། མཉན་ཡོད་དུ་བསོད་སྙོམས་ཀྱི་ཟས་ཀྱི་བྱ་བ་བྱས་ནས། ཟས་ཕྱི་མའི་བསོད་སྙོམས་ལས་སླར་ལོག་སྟེ། གནས་མལ་ཇི་ལྟར་ལོངས་སྤྱོད་པ་འཁོས་སུ་ཕབ་ནས་ལྷུང་བཟེད་དང་ཆོས་གོས་ཐོགས་ཏེ། གྲོ་བཞིན་སྐྱེས་གནས་པའི་ཡུལ་གྱི་མཐའ་གང་ན་བ་དེར་ཆས་ཏེ་རིམ་གྱིས་རྒྱུ་ཞིང་སོང་བ་ན། གྲོ་བཞིན་སྐྱེས་གནས་པའི་ཡུལ་གྱི་མཐར་ཕྱིན་ཏོ། དེ་ནས་ཚེ་དང་ལྡན་
Kha49a
༄#། །པ་གང་པོ། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་གྲོ་བཞིན་སྐྱེས་གནས་པའི་མཐར་བསོད་སྙོམས་ལ་ཞུགས་པ། རྔོན་པ་ཞིག་མདའ་གཞུ་ལག་ཏུ་ཐོགས་ཏེ་རི་དྭགས་གཤོར་དུ་འགྲོ་བ་དེས་མཐོང་ནས། དེས་བསམ་པ། དགེ་སྦྱོང་མགོ་རེག་འདི་མཐོང་བ་ནི། ཁ་རྗེ་མ་རུང་བར་བྱས་སོ། །སྙམ་དུ་བསམ་ནས། གཞུ་རྣ་དྲུང་དུ་བཀང་སྟེ། ཚེ་དང་ལྡན་པ་གང་པོ་གང་ན་བ་དེར་བརྒྱུགས་པ་དང ། དེ་ནས་ཚེ་དང་ལྡན་པ་གང་པོས་དེ་མཐོང་ངོ ། །མཐོང་ནས་ཀྱང་བླ་གོས་བསྙིལ་ཏེ་སྨྲས་པ། བཞིན་བཟང ། དགང་དཀའ་བ་འདིའི་དོན་དུ་ཞུགས་པས་འདི་ལ་སྣུན་ཅིག་།ཚིགས་སུ་བཅད་དེ་ཡང་སྨྲས་པ། གང་གི་དོན་དུ་མཁའ་ལ་བྱ་རྒྱུ་རི་དྭགས་རྙིས་ཟིན་གྱུར། །གཡུལ་ངོར་མདའ་མདུང་མདའ་བོ་ཆེ་ཐོགས་མི་རྣམས་འཆི་འགྱུར་ལ། །བཀྲེན་པ་ཉོན་མོངས་ཡུལ་ངན་རྒྱུ་ཞིང་མཆིལ་པས་ཉ་ཟིན་པ། །སྡིག་པ་རབ་མང་ལྟོ་འདིར་ཁྱོད་ཀྱིས་ཚམ་རིམས་མདའ་འཕོངས་ཤིག་།དེས་བསམ་པ།་རབ་ཏུ་བྱུང་བ་འདི་ནི། འདི་ལྟ་བུའི་བཟོད་པ་དང ། དེས་པ་དང་ལྡན་པ་ཡིན་ནོ། །ཅིའི་ཕྱིར་འདི་ལ་མདའ་འཕང་སྙམ་དུ་བསམ་ནས། དེ་སེམས་མངོན་པར་དད་པར་གྱུར་ཏེ། །དེ་ནས་ཚེ་དང་ལྡན་པ་གང་པོས་དེ་ལ་ཆོས་བཤད་དེ་སྐྱབས་སུ་འགྲོ་བ་དང ། བསླབ་པའི་གཞི་རྣམས་ལ་བཞག་པ་དང ། དེས་རི་ཁྲོད་པ་གཞན་ལྔ་བརྒྱ་ནི། དགེ་བསྙེན་དུ་བྱས། ལྔ་བརྒྱ་ནི།
Kha49b
དགེ་བསྙེན་མར་བྱས་ནས་གཙུག་ལག་ཁང་ལྔ་བརྒྱ་རྩིག་ཏུ་བཅུག་སྟེ། ཁྲི་དང་ཁྲིའུ་དང ། སྟན་ནང་ཚངས་ཅན་དང ། སྔས་ནང་ཚངས་ཅན་དང ། གོར་ཐབས་བརྒྱ་ཕྲག་དུ་མ་འབུལ་དུ་བཅུག་གོ་།ཟླ་བ་གསུམ་པོ་དེ་འདས་པ་དང ། དེས་རིག་པ་གསུམ་ལུས་ཀྱིས་མངོན་སུམ་དུ་བྱས་ནས་དགྲ་བཅོམ་པར་གྱུར་ཏེ། ཁམས་གསུམ་གྱི་འདོད་ཆགས་དང་བྲལ་བ་ཞེས་བྱ་བ་ནས་དབང་པོ་དང་ཉེ་དབང་པོའི་ལྷ་དང་བཅས་པ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་སུམ་དུ་སྨྲ་བར་བྱ་བར་གྱུར་ཏོ་ཞེས་བྱ་བའི་བར་དུའོ། །ཇི་ཙམ་དུས་གཞན་ཞིག་ན། ཤིང་གི་རྣ་ཆ་ཅན་གྱི་ནུ་བོ་གཉིས། ལོངས་སྤྱོད་བསྲབས་ཤིང་ཡོངས་སུ་ཟད་ལ་གཏུགས་པར་གྱུར་ནས། དེ་གཉིས་ཀྱིས་སྨྲས་པ། བྱུར་ལྟ་བུ་དེ། བདག་ཅག་གི་ཁྱིམ་ནས་སོང་གི། ཚུར་ཤོག་།ལྷན་ཅིག་གནས་པར་བྱའོ། །དེས་སྨྲས་པ། བྱུར་ལྟ་བུ་དེ་གང་ཞིག་ཡིན། གང་པོ་ཡིན་མོད། དེ་ནི། ཁོ་བོའི་ཁྱིམ་ནས་དཔལ་བྱུང་བ་ཡིན་གྱི། དེ་བྱུར་ལྟ་བུ་ནི། མ་ཡིན་ནོ། །དེ་གཉིས་ཀྱིས་སྨྲས་པ། དཔལ་ཡང་རུང ། བྱུར་ཡང་རུང ། ཚུར་ཤོག་།ལྷན་ཅིག་ཏུ་གནས་པར་བྱའོ། །དེས་སྨྲས་པ། ཁྱེད་ཅག་གི་ནོར་ནི། རིགས་པར་བསྒྲུབས་པ་མ་ཡིན་ལ་ཁོ་བོས་ནི། རིགས་པར་བསྒྲུབས་པ་ཡིན་པས། ཁྱེད་ཅག་དང་ཁོ་བོ་ལྷན་ཅིག་གནས་པར་མི་བྱའོ། །དེ་གཉིས་ཀྱིས་སྨྲས་པ། བྲན་མོའི་བུ་དེས་རྒྱ་མཚོ་ཆེན་པོར་ཡང་སོང་ཡང་སོང་ནས་ཁྱོད་ཀྱི་ལོངས་སྤྱོད་
Kha50a
༄#། །དག་བསྒྲུབས་པ། ཁྱོད་དེ་ལ་སྤྱོད་པས་རྒྱགས་སུ་ཟད། ཁྱོད་ཀྱིས་ནི། རྒྱ་མཚོ་ཆེན་པོར་འཇུག་པར་ག་ལ་ནུས། དེ་དེ་གཉིས་ལས་ང་རྒྱལ་བཟུང་ནས། ངེས་བསམ་པ། བདག་ཀྱང་རྒྱ་མཚོ་ཆེན་པོར་འཇུག་པར་བྱའོ་སྙམ་ནས་ཞེས་བྱ་བ་ནས་རྒྱ་མཚོ་ཆེན་པོར་ཞུགས་སོ། །ཞེས་བྱ་བའི་བར་གོང་མ་བཞིན་དུའོ། །ཇི་ཙམ་ན། གྲུ་བོ་ཆེ་དེ་རྗེས་སུ་མཐུན་པའི་རླུང་གིས་ཙནྡན་ས་མཆོག་གི་ཚལ་དུ་བདས་སོ། །ས་མཁན་གྱིས་སྨྲས་པ། ཤེས་ལྡན་དག་།ཙནྡན་ས་མཆོག་གི་ཚལ་ཞེས་གྲགས་པ་གང་ཡིན་པ་དེ་ནི། འདི་ཡིན་གྱི། འདི་ལས་འདོམས་ལ་ལོངས་ཤིག་།དེའི་ཚེ་ན། ཙནྡན་ས་མཆོག་གི་ཚལ་གྱི་དབང་པོ་གནོད་སྦྱིན་དབང་ཕྱུག་ཆེན་པོ་ཞེས་བྱ་བ་ཡིན་ཏེ། དེ་ཡང་གནོད་སྦྱིན་རྣམས་ཀྱི་གནོད་སྦྱིན་གྱི་མདུན་སར་སོང་ངོ ། ། དེ་ནས་ཙནྡན་ས་མཆོག་གི་ཚལ་སྟ་རེ་ལྔ་བརྒྱ་ཙམ་གྱིས་གཅོད་པར་བརྩམས་སོ། །གནོད་སྦྱིན་མི་དགའ་བ་ཞེས་བྱ་བས་ཙནྡན་ས་མཆོག་གི་ཚལ་སྟ་རེ་ལྔ་བརྒྱ་ཙམ་གྱིས་གཅོད་པ་མཐོང་ངོ ། ། མཐོང་ནས་ཀྱང་གནོད་སྦྱིན་དབང་ཕྱུག་ཆེན་པོ་གང་ན་བ་དེར་སོང་སྟེ་ཕྱིན་ནས། གནོད་སྦྱིན་དབང་ཕྱུག་ཆེན་པོ་ལ་འདི་སྐད་ཅེས་སྨྲས་སོ། །དཔོན་པོ་མཁྱེན་པར་མཛོད་ཅིག་།ཙནྡན་ས་མཆོག་གི་ཚལ་སྟ་རེ་ལྔ་བརྒྱ་ཙམ་གྱིས་འགུམ་ན། ཁྱོད་ཀྱི་འཕྲིན་ལས་སམ་བགྱི་བ་གང་ལགས་པ་དེ་མཛོད་ཅིག་།དེ་ནས་གནོད་སྦྱིན་དབང་ཕྱུག་ཆེན་པོ་གནོད་སྦྱིན་གྱིས་མདུན་མ་བྱས་ནས་མི་བཟོད་པ་
Kha50b
སྐྱེས་ཏེ། རླུང་ནག་པོ་ཆེན་པོ་འཇིགས་སུ་རུང་བ་བསླངས་ནས། ཙནྡན་ས་མཆོག་གི་ཚལ་གང་ན་བ་དེར་ཆས་སོ། །ས་མཁན་གྱིས་སྨྲས་པ། ཤེས་ལྡན་འཛམ་བུའི་གླིང་པའི་ཚོང་བ་དག་ཉོན་ཅིག། རླུང་ནག་པོ་ཆེན་པོ་འཇིགས་པ་ཞིག་ཡོད་དོ། །ཞེས་གྲགས་པ་གང་ཡིན་པ་དེ་ནི། འདི་ཡིན་གྱི། ངོ་ལོན་སོམས་ཤིག་།དེ་ནས་ཚོང་པའི་ཚོགས་དེ་རྣམས་འཇིགས་སྐྲག། ཕོངས་ཏེ་བ་སྤུའི་ཁུང་བུ་ཐམས་ཅད་ནས་སྤུ་ཟིང་ཞེས་བྱེད་ནས་ལྷ་རྣམས་ལ་གསོལ་བར་བྱེད་པར་རྩོམ་སྟེ། ཞི་བ་དང་ནི་ཆུ་ལྷ་ལུས་ངན་ནོར་ལྷ་སོགས། །ལྷ་མི་ལྟོ་འཕྱེ་གནོད་སྦྱིན་ལྷ་མིན་དབང་པོ་རྣམས། །བདག་ཅག་ཤིན་ཏུ་ཉམ་ཐག་འཇིགས་པར་གྱུར་ལགས་ཀྱི། །བསྙེངས་བྲལ་དེ་རིང་བདག་ཅག་རྣམས་ཀྱི་མགོན་མཛོད་ཅིག་།མི་རྣམས་ཁ་ཅིག་བདེ་སོགས་ཁྱོད་ལ་འདུད། །གཞན་དག་ཚངས་དད་ཁྱབ་འཇུག་ལྷ་ཆེན་དང ། སར་བརྟེན་ཤིང་དང་ཚལ་ལ་བརྟེན་པ་ལ། །ཤ་ཟའི་རླུང་གིས་ཟིན་པས་སྐྱབས་ཚོལ་འདུད། །ཤིང་གི་རྣ་ཆ་ཅན་སེམས་ལས་ཆུང་ངུས་འདུག་པ་དང ། ཚོང་པ་རྣམས་ཀྱིས་སྨྲས་པ། དེད་དཔོན། བདག་ཅག་ནི། སྡུག་བསྔལ་མི་ཟད་པ། ཉམ་ང་བར་གྱུར་ན། ཁྱོད་ཅིའི་ཕྱིར་སེམས་ལས་ཆུང་ངུར་འདུག་།དེས་སྨྲས་པ། ཤེས་ལྡན་དག་།ཁོ་བོ་ལ་ནུ་བོས་བསྒོ་བ། ཕུ་བོ་རྒྱ་མཚོ་ཆེན་པོར་ཞུགས་པ་ནི། གནོག་ཆུང་ལ་ཉེས་དམིགས་མང་བ་སྟེ། སྲེད་པས་ལྡོངས་པ་ཕལ་ཆེར་འཇུག་ཀྱང ། སླར་འཁོར་བ་ཉུང་བས་ཁྱོད་ཀྱིས་རྣམ་པ་གང་གིས་ཀྱང་རྒྱ་
Kha51a
༄#། །མཚོ་ཆེན་པོར་འཇུག་པར་མི་བྱའོ་ཞེས་བསྒོ་བ་ལས། ཁོ་བོས་དེའི་ཚིག་མ་མཉན་ཏེ། རྒྱ་མཚོ་ཆེན་པོར་ཞུགས་པས་ད་ཅི་བྱར་ཡང་མེད་དོ། །ཁྱོད་ཀྱི་ནུ་བོ་གང་ཡིན། གང་པོ་ཡིན་ནོ། །ཚོང་པའི་ཚོགས་རྣམས་ཀྱིས་སྨྲས་པ། ཤེས་ལྡན་དག་།འཕགས་པ་གང་པོ་དེ་ནི། བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་གྱི། དེ་ཉིད་ལ་བདག་ཅག་སྐྱབས་སུ་འགྲོ་བར་བྱའོ་ཞེས། དེ་ཐམས་ཅད་ཀྱིས་ཚིག་མཐུན་པར་འདི་སྐད་ཅེས། འཕགས་པ་གང་པོ་དེ་ལ་ཕྱག་འཚལ་ལོ། །འཕགས་པ་གང་པོ་དེ་ལ་ཕྱག་འཚལ་ལོ། །ཕྱག་འཚལ་ལོ། ། ཞེས་སྨྲས་སོ། །དེ་ནས་ཚེ་དང་ལྡན་པ་གང་པོ་ལ་མངོན་པར་དགའ་བའི་ལྷ་གང་ཡིན་པ་དེ་དག་ཚེ་དང་ལྡན་པ་གང་པོ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་གང་པོ་ལ་འདི་སྐད་ཅེས་སྨྲས་སོ། །འཕགས་པ། ཁྱོད་ཀྱི་གཅེན་ནི། སྡུག་བསྔལ་མི་ཟད་པ། ཉམ་ང་བར་གྱུར་གྱི། དགོངས་སུ་གསོལ། དེས་བསམ་སྟེ། དེ་ནས་སེམས་ཇི་ལྟར་མཉམ་པར་གཞག་ན། གྲོ་བཞིན་སྐྱེས་གནས་པའི་མཐའ་ནས་མི་སྣང་བར་གྱུར་ཏེ། རྒྱ་མཚོ་ཆེན་པོར་གྲུའི་དངོར་སྐྱིལ་མོ་ཀྲུང་བཅས་ནས་འདུག་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་རླུང་ནག་པོ་དེ་རི་རབ་ལ་ཕོག་སྟེ། རྡུགས་པ་བཞིན་དུ་སླར་ལོག་པར་གྱུར་ཏོ། །གནོད་སྦྱིན་དབང་ཕྱུག་ཆེན་པོས་བསམ་པ། སྔོན་ཆད་ནི། རླུང་ནག་པོས་གྲུ་གང་ལ་རེག་པ་དེ་ཤིང་བལ་
Kha51b
གྱི་འདའ་བུ་བཞིན་འཕངས་པ་དང ། འཇིག་པར་འགྱུར་ན། ད་རླུང་ནག་པོ་དེ་རི་རབ་ལ་ཕོག་སྟེ། རྡུགས་པ་བཞིན་དུ་སླར་ལོག་པར་གྱུར་པའི་རྒྱུ་གང་ཡིན་སྙམ་ནས། ཕན་ཚུན་དུ་བརྟག་པར་བརྩམས་པ་ལས་ཇི་ཙམ་ན། ཚེ་དང་ལྡན་པ་གང་པོ་གྲུའི་དངོར་སྐྱིལ་མོ་ཀྲུང་བཅས་ནས་འདུག་པ་མཐོང་ངོ ། །མཐོང་ནས་ཀྱང་དེས་སྨྲས་པ། འཕགས་པ་གང་པོ་མཐོ་འཚམ་སྟེ་ཅི་བགྱི། གང་པོས་སྨྲས་པ། རྒ་བའི་ཆོས་ཅན་ཁྱོད་ཉིད་ཀྱིས་ང་ལ་མཐོ་འཚམ་མམ། གལ་ཏེ་ངས་འདི་ལྟ་བུའི་ཡོན་ཏན་གྱི་ཚོགས་མ་ཐོབ་པར་གྱུར་ན། ཁྱོད་ཀྱིས་ངའི་ཕུ་བོ་མིང་ལུས་པར་བྱས་པར་འགྱུར་རོ། །དབང་ཕྱུག་ཆེན་པོས་སྨྲས་པ། འཕགས་པ། ཙནྡན་ས་མཆོག་འདི་ནི། འཁོར་ལོས་བསྒྱུར་བའི་རྒྱལ་པོའི་དོན་དུ་སྲུང་ལགས་སོ། །གང་པོས་སྨྲས་པ།་དཔོན་པོ་ཇི་སྙམ་དུ་སེམས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང ། འཁོར་ལོས་བསྒྱུར་བའི་རྒྱལ་པོ་གང་ཆེ། འཕགས་པ། ཅི། བཅོམ་ལྡན་འདས་འཇིག་རྟེན་དུ་བྱུང་ངམ། བྱུང་ངོ ། །གལ་ཏེ་དེ་ལྟ་ན། ད་གང་མ་གང་བ་དེ་ཁོངས་ཤིག་།དེ་ནས་ཚོང་པའི་ཚོགས་དེ་རྣམས་སྲོག་བྱིན་ཏེ། ཚེ་དང་ལྡན་པ་གང་པོ་ལ་སེམས་མངོན་པར་དད་ནས་གྲུ་དེ་ཙནྡན་ས་མཆོག་གིས་བཀང་སྟེ་ཆས་པ་དང ། རིམ་གྱིས་གྲོང་ཁྱེར་སློ་མ་ལྟ་བུར་ཕྱིན་ཏོ། །དེ་ནས་གང་པོས་ཕུ་བོ་ལ་སྨྲས་པ། གང་གི་མིང་གིས་གྲུ་བོ་ཆེ་གྲུབ་སྟེ་འོངས་པ་
Kha52a
༄#། །དེ་ནི། དེ་དབང་པས་ཁྱོད་ཀྱིས་རིན་པོ་ཆེ་ནི། ཚོང་པ་འདི་རྣམས་ལ་བགོས་ཤིག་།བདག་གིས་ནི། ཙནྡན་ས་མཆོག་འདི་རྣམས་ཀྱིས་བཅོམ་ལྡན་འདས་ཀྱི་ཕྱིར་ཙནྡན་གྱི་ཕྲེང་བའི་ཁང་བཟང་རྩིག་གོ་།དེས་ཚོང་པ་དེ་རྣམས་ལ་རིན་པོ་ཆེ་རྣམས་བགོས་སོ། །དེ་ནས་གང་པོས་ཙནྡན་ས་མཆོག་གི་ཁང་བཟང་ཞིག་རྩིག་པར་བརྩམས་ཏེ། དེས་བཟོ་བོ་དག་བཀུག་ནས། སྨྲས་པ། ཤེས་ལྡན་དག་།ཅི། ཉི་མ་རེ་རེ་ཞིང་ཀཪྴ་པ་ཎ་ལྔ་བརྒྱད་ལེན་ནམ། འོན་ཏེ་ཙནྡན་ས་མཆོག་གི་ཕྱེ་མ་ཕོ་སུམ་གང་ལེན། དེ་དག་གིས་སྨྲས་པ།་འཕགས་པ། ཙནྡན་ས་མཆོག་གི་ཕྱེ་མ་ཕོ་སུམ་གང་འཚལ་ལོ། །ཇི་ཙམ་ན། རིང་པོར་མི་ཐོགས་པར་ཙནྡན་གྱི་ཕྲེང་བའི་ཁང་བཟང་བརྩིགས་ཏེ་བྱི་དོར་ཐམས་ཅད་ཟིན་པར་གྱུར་ཏོ། །དེ་ན་ཞོགས་མ་དང་ཕྱེ་མའི་ལྷག་མ་གང་ཡིན་པ་དེ་དག་ཀྱང་བཏགས་ནས་དེ་ཉིད་ལ་ཞལ་ཞལ་དུ་བྱུགས་སོ། །དེས་སྤུན་དེ་རྣམས་ཕན་ཚུན་ཐམས་ཅད་བཟོད་པ་གསོལ་དུ་བཅུག་ནས་སྨྲས་པ། སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་སྤྱན་དྲོངས་ལ་ཞལ་ཟས་གསོལ་ཅིག་།འཕགས་པ་གང་པོ། བཅོམ་ལྡན་འདས་གང་ན་བཞུགས། མཉན་ཡོད་ནའོ། །ལམ་ཇི་སྲིད་མཆིས། མཉན་ཡོད་དུ་དཔག་ཚད་བརྒྱ་ལྷག་ཙམ་མོ། །རེ་ཞིག་རྒྱལ་པོ་ལ་བརྟག་པར་བགྱིའོ། །དེ་བཞིན་དུ་གྱིས་ཤིག་།དེ་དག་རྒྱལ་པོའི་དྲུང་དུ་དོང་ནས། ལྷ། བདག་
Kha52b
ཅག་ནི། སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་ཏེ་ཞལ་ཟས་གསོལ་བར་འཚལ་ན། ལྷས་བདག་ཅག་ལ་བསྟང་དུ་གསོལ། རུང་གི། དེ་བཞིན་དུ་བྱའོ། །དེ་ནས་ཚེ་དང་ལྡན་པ་གང་པོ་ཁང་སྟེང་དུ་འཛེགས་ནས་རྒྱལ་བྱེད་ཀྱི་ཚལ་ལོགས་སུ་ཁ་བལྟས་ཏེ། པུས་མོའི་ལྷ་ང་གཉིས་ས་ལ་བཙུགས་ཏེ་འདུག་ནས་མེ་ཏོག་གིས་གཏོར། བདུག་པས་བདུགས་ནས་ཁྱིམ་པ་ཞིག་གསེར་གྱི་བྱ་མ་བུམ་འཛིན་དུ་བཅུག་སྟེ་གསོལ་པ་འདེབས་པ་ལ་ཞུགས་པ། ཚུལ་ཁྲིམས་རྣམ་དག་ཤིན་ཏུ་རྣམ་དག་བློ། །ཞལ་ཟས་དུས་སུ་རྟག་ཏུ་དོན་གཟིགས་པ། །མགོན་མེད་གྱུར་པ་རབ་ཏུ་གཟིགས་ནས་ནི། །ཤིན་ཏུ་ཐུགས་བརྩེར་མཛད་དེ་གཤེགས་པར་གསོལ། །དེ་ནས་མེ་ཏོག་དེ་རྣམས་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་མེ་ཏོག་གི་ཁང་བཟང་དུ་བྱས་ཏེ། རྒྱལ་བུ་རྒྱལ་བྱེད་ཀྱི་ཚལ་དུ་རྒན་རིམ་བཞིན་དུ་གནས་པར་གྱུར་ཏོ། །བདུག་པ་ནི། སྤྲིན་ལྟར་སྤུངས་སོ། །ཆུ་ནི། བཻ་ཌཱུརྱའི་ཕུར་མ་ལྟ་བུར་གྱུར་ཏོ། །ཚེ་དང་ལྡན་པ་ཀུན་དགའ་བོ་མཚན་མ་ལ་མཁས་པ་ཡིན་པས་ཐལ་མོ་སྦྱར་བ་བྱས་ཏེ། བཅོམ་ལྡན་འདས་ལ་ཞུས་པ། བཙུན་པ། སྤྱན་འདྲེན་པ་གང་ནས་མཆིས། ཀུན་དགའ་བོ། གྲོང་ཁྱེར་སློ་མ་ལྟ་བུ་ནས་སོ། །བཙུན་པ། གྲོང་ཁྱེར་སློ་མ་ལྟ་བུར་ཇི་སྲིད་ཅིག་མཆིས། ཀུན་དགའ་བོ། དཔག་ཚད་བརྒྱ་ལྷག་ཙམ་ཡོད་ཀྱི། སོང་ལ། དགེ་སློང་རྣམས་ལ་ཁྱེད་ཅག་ལས་གང་དང་གང ། སང་
Kha53a
༄#། །གྲོང་ཁྱེར་སློ་མ་ལྟ་བུར་སོང་ནས་ཟས་ཟ་བར་སྤྲོ་བས་ཚུལ་ཤིང་ལོངས་ཤིག་ཅེས་སྒོས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ནས་ཚུལ་ཤིང་བླངས་ཏེ། བཅོམ་ལྡན་འདས་ཀྱི་སྤྱན་སྔར་འདུག་པ་དང ། བཅོམ་ལྡན་འདས་དང ། དགེ་སློང་གནས་བརྟན་གནས་བརྟན་རྣམས་ཀྱིས་ཚུལ་ཤིང་བླངས་སོ། །དེའི་ཚེ་ཡུལ་ཆུ་མིག་ཅན་ན་གནས་པའི་གནས་བརྟན་ཚེ་དང་ལྡན་པ་གང་པོ་ཤེས་རབ་ཀྱིས་རྣམ་པར་གྲོལ་བ་འཁོར་དེ་ཉིད་དུ་འདུས་ཏེ་འདུག་པར་གྱུར་པ་དེས་ཀྱང་ཚུལ་ཤིང་བླང་བར་བརྩམས་པ་དང ། དེ་ལ་ཚེ་དང་ལྡན་པ་ཀུན་དགའ་བོས་སླར་ཚིགས་སུ་བཅད་དེ་སྨྲས་པ། ཚེ་དང་ལྡན་པ་ཟན་འདི་ནི། །ཀོ་ས་ལ་བདག་པོའི་ཕོ་བྲང་ངམ། །རབ་སྦྱིན་ཁྱིམ་དང་རི་དྭགས་ཀྱི། །ཁྱིམ་གྱི་ཟས་ཀྱང་མ་ལགས་སོ། །གྲོང་ཁྱེར་སློ་མ་ཞེས་བྱ་བ། །དཔག་ཚད་བརྒྱ་ལྷག་མཆིས་པ་དེར། །རྫུ་འཕྲུལ་གྱིས་ནི་བཞུད་འཚལ་བས། །གང་པོ་ཁྱོད་ནི་མ་གསུངས་བཞུགས། །དེ་ཤེས་རབ་ཀྱིས་རྣམ་པར་གྲོལ་བ་ཡིན་གྱི། དེས་རྫུ་འཕྲུལ་མ་སྐྱེས་པས་དེ་འདི་སྙམ་དུ་སེམས་ཏེ། གང་གི་ཕྱིར་བདག་གི་ཉོན་མོངས་པའི་ཚོགས་མཐའ་དག་རྩལ་ཅིང་བོར་ལ་སྤངས་ཤིང་སོ་སོར་སྤངས་ན། བདག་མུ་སྟེགས་ཅན་དང་ཐུན་མོང་བའི་རྫུ་འཕྲུལ་ལ་སྒྱིད་ལུག་གམ་སྙམ་ནས། དེས་བརྩོན་འགྲུས་ལ་གནས་ཏེ། རྫུ་འཕྲུལ་བསྐྱེད་པས་ཇི་
Kha53b
སྲིད་ཚེ་དང་ལྡན་པ་ཀུན་དགའ་བོས་གནས་བརྟན་གསུམ་པ་ལ་ཚུལ་ཤིང་མ་བྱིན་པ་དེའི་བར་དུ་དེས་ལག་པ་གླང་པོ་ཆེའི་སྣ་ལྟ་བུ་བརྐྱངས་ནས་ཚུལ་ཤིང་བླངས་ཏེ། དེ་ནས་ཚིགས་སུ་བཅད་དེ་སྨྲས་པ། གོའུ་ཏམ་འདི་ནི་མངོན་ཤེས་དྲུག་པོ་ཉིད། །གྲགས་པ་དང་ནི་ཐོས་པས་འཐོབ་མིན་ལ། །ཚན་གྱི་ཡོན་ཏན་རྣམས་དང་ངག་དང་ནི། །ཡིད་སྨོན་ཆེན་པོས་ཀྱང་ནི་མ་ཡིན་གྱི། ། བདག་འདྲ་ཡོངས་སུ་རྟོགས་པར་བྱེད་པ་རྣམས། །རྒ་བས་དར་ཡལ་གྱུར་ཀྱང་ཞི་བ་དང ། །ཚུལ་ཁྲིམས་ལྷག་མཐོང་སྟོབས་དང་བསམ་གཏན་སྟོབས། །རྣམ་པ་དུ་མས་མངོན་ཤེས་དྲུག་ལྡན་འགྱུར། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། འདི་ནི། ངའི་དགེ་སློང་རྣམས་ཀྱི་མཆོག་ཡིན་ཏེ། ངའི་ཉན་ཐོས་མཆོད་པའི་ཚུལ་ཤིང་བླང་བ་ལ་དང་པོ་ཚུལ་ཤིང་ལེན་པ་རྣམས་ཀྱི་ནང་ན་འདི་ལྟ་སྟེ། ཡུལ་ཆུ་མིག་ཅན་ན་གནས་པའི་གནས་བརྟན་གང་པོ་མཆོག་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ། ངས་དགེ་སློང་དག་།ཁྱེད་ཀྱིས་དགེ་བ་མི་སྤྱོམ་པ་དང ། སྡིག་པ་མི་བཅབ་པར་གནས་པར་བྱའོ། །ཞེས་བཤད་མོད་ཀྱི། འོན་ཀྱང་གྲོང་ཁྱེར་དེ་ན་མུ་སྟེགས་པ་རྣམས་གནས་པས་ཁྱེད་ལས་གང་གིས་རྫུ་འཕྲུལ་གང་ཐོབ་པ་དེ། དེས་གྲོང་ཁྱེར་སློ་མ་ལྟ་བུར་སོང་ལ་ཟན་བཟའ་བར་བྱའོ། །ཞེས་སྒོས་ཤིག། བཙུན་པ། བཀའ་
Kha54a
༄#། །བཞིན་འཚལ་ཞེས། ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལས་ཉན་ནས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བཅོམ་ལྡན་འདས་ཀྱིས་འདི་སྐད་ཅེས། ངས་དགེ་སློང་རྣམས་ཀྱིས་དགེ་བ་མི་སྤྱོམ་པ་དང ། སྡིག་པ་མི་བཅབ་པར་གནས་པར་བྱའོ། །ཞེས་བཤད་མོད་ཀྱི་ཞེས་བྱ་བ་ནས་སོང་ལ་ཟན་བཟའ་བར་བྱའོ་ཞེས་བྱ་བའི་བར་གོང་མ་བཞིན་དུའོ། །རྒྱལ་པོས་གྲོང་ཁྱེར་སློ་མ་ལྟ་བུ་རྡོ་བ་དང ། གསེག་མ་དང ། གྱོ་མོ་རྣམས་སེལ་དུ་བཅུག་སྟེ། ཙནྡན་གྱི་ཆུས་ཆག་ཆག་བཏབ། དྲི་ཞིམ་པོའི་པོག་ཕོར་སྣ་ཚོགས་བཤམས། དར་གྱི་ཆུན་འཕྱང་མང་པོ་དཔྱངས། མེ་ཏོག་སྣ་ཚོགས་ཆལ་བར་བཀྲམ་སྟེ། དགའ་དགའ་ལྟར་བྱས་སོ། །གྲོང་ཁྱེར་སློ་མ་ལྟ་བུ་ལ་སྒོ་བཅོ་བརྒྱད་ཡོད་ལ། རྒྱལ་པོ་དེ་ལ་ཡང་བུ་བཅུ་བདུན་ཡོད་དེ། གྲོང་ཁྱེར་གྱི་སྒོ་རེ་རེ་སོ་སོར་རྒྱལ་པོའི་བུ་རྣམས་འབྱོར་པ་མཆོག་དང་བཀོད་དོ། །སྒོ་ཆེན་པོར་ནི། སློ་མ་ལྟ་བུའི་བདག་པོའི་རྒྱལ་པོ། རྒྱལ་པོའི་འབྱོར་པ་ཆེན་པོ་དང ། ཚེ་དང་ལྡན་པ་གང་པོ་དང ། ཤིང་གི་རྣ་ཆ་ཅན་དང ། རྒྱ་སྐེགས་ཀྱི་རྣ་ཆ་ཅན་དང ། ཞ་ཉེའི་རྣ་ཆ་ཅན་འདུག་གོ་།ཇི་ཙམ་ན། ལོ་མ་འབྲིམ་པ་དང ། ཤང་ཚེ་འབྲིམ་པ་དང ། སྣོད་སྤྱད་འབྲིམ་པ་དག་རྫུ་འཕྲུལ་གྱིས་ལྷགས་པ་རྒྱལ་པོས་མཐོང་ནས་སྨྲས་པ། ཅི། བཙུན་པ་གང་པོ། བཅོམ་ལྡན་འདས་གཤེགས་སམ། དེས་སྨྲས་པ། འདི་དག་ནི། ལོ་མ་
Kha54b
འབྲིམ་པ་དང ། ཤང་ཚེ་འབྲིམ་པ་དང ། སྣོད་སྤྱད་འབྲིམ་པ་ལགས་ཏེ། བཅོམ་ལྡན་འདས་མ་ལགས་སོ། །ཇི་ཙམ་ན། དགེ་སློང་གནས་བརྟན་གནས་བརྟན་རྣམས་བསམ་གཏན་ལ་སྙོམས་པར་ཞུགས་པ་རྣམ་པ་དུ་མས་ལྷགས་པ་དང ། རྒྱལ་པོས་ཡང་དྲིས་པ། ཅི། བཙུན་པ་གང་པོ། བཅོམ་ལྡན་འདས་གཤེགས་སམ། དེས་སྨྲས་པ། མ་ལགས་ཏེ། འདི་དག་ནི། དགེ་སློང་གནས་བརྟན་གནས་བརྟན་རྣམས་བསམ་གཏན་ལ་སྙོམས་པར་ཞུགས་པ། རྣམ་པ་དུ་མས་ལྷགས་པ་ལགས་སོ། །དེ་ནས་དགེ་བསྙེན་ཞིག་གིས་ཚིགས་སུ་བཅད་དེ་སྨྲས་པ། ཁ་ཅིག་སེང་གེ་སྟག་དང་གླང་པོ་ཆེ་རྟ་ཀླུ་དང་ཁྱུ་མཆོག་བཟང་པོ་བཅིབས། །ཁ་ཅིག་རིན་ཆེན་གཞལ་མེད་ཁང་དང་རི་དང་ཤིང་མཛེས་ཤིང་རྟ་འབར་ལ་བརྟེན། །གཞན་དག་ནམ་མཁའི་ངོས་ལས་ཆུ་འཛིན་གློག་གི་ཕྲེང་བས་བརྒྱན་པ་ལྟ་བུར་ནི། །རབ་ཏུ་དགྱེས་བཞིན་ལྷ་ཡི་ཕོ་བྲང་ལྟ་བུར་རྫུ་འཕྲུལ་དག་གིས་གཤེགས་པར་བརྩོན། །ཁ་ཅིག་ས་བརྟོལ་གྱེན་དུ་འབྱུང ། །ཁ་ཅིག་ནམ་མཁའི་དཀྱིལ་ནས་འབབ། །ཁ་ཅིག་སྟན་ལས་སྤྲུལ་པར་བྱེད། །རྫུ་འཕྲུལ་ལྡན་པའི་མཐུ་ལ་ལྟོས། །དེ་ནས་བཅོམ་ལྡན་འདས་ཀྱིས་གཙུག་ལག་ཁང་གི་ཕྱི་རོལ་ཏུ་ཞབས་གཉིས་བཀྲུས་ཏེ། གཙུག་ལག་ཁང་དུ་ཞུགས་ནས་གདན་བཤམས་པ་ཉིད་ལ་བཞུགས་ཏེ། སྐུ་དྲང་པོར་བསྲང་ནས་དགོངས་པ་མངོན་དུ་ཕྱོགས་པར་བཞག་གོ་།ཇི་ཙམ་ན། བཅོམ་ལྡན་འདས་ཀྱིས་མངོན་པར་འདུ་བྱེད་པ་
Kha55a
༄#། །དང་བཅས་པའི་ཞབས་ཀྱིས་དྲི་གཙང་ཁང་དུ་བཞག་པ་ན། ས་རྣམ་པ་དྲུག་ཏུ་གཡོས་པར་གྱུར་ཏེ། ས་ཆེན་པོ་འདི་གཡོས། རབ་ཏུ་གཡོས། ཀུན་ཏུ་གཡོས་ཀུན་ཏུ་རབ་ཏུ་གཡོས་སོ། །ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ་སྟེ། ཤར་ཕྱོགས་མཐོ་ན། ནུབ་ཕྱོགས་དམའ། ནུབ་ཕྱོགས་མཐོ་ན། ཤར་ཕྱོགས་དམ། །ལྷོ་ཕྱོགས་མཐོ་ན། བྱང་ཕྱོགས་དམའ། བྱང་ཕྱོགས་མཐོ་ན། ལྷོ་ཕྱོགས་དམའ། མཐའ་མཐོ་ན། དབུས་དམའ། དབུས་མཐོ་ན། མཐའ་དམའ་འོ། །རྒྱལ་པོས་ཚེ་དང་ལྡན་པ་གང་པོ་ལ་དྲིས་པ། འཕགས་པ་གང་པོ། འདི་ཅི་ཞིག་ལགས། དེས་སྨྲས་པ། བཅོམ་ལྡན་འདས་ཀྱིས་མངོན་པར་འདུ་བྱེད་པ་དང་བཅས་པའི་ཞབས་ཀྱིས་དྲི་གཙང་ཁང་དུ་བཞག་པ་དེས་ན། ས་རྣམ་པ་དྲུག་ཏུ་གཡོས་པར་གྱུར་པ་ལགས་སོ། །དེ་ནས་བཅོམ་ལྡན་འདས་ཀྱིས་གསེར་གྱི་འོད་ཟེར་གྱི་ཁ་དོག་ལྟ་བུའི་འོད་བཀྱེ་སྟེ། དེས་འཛམ་བུའི་གླིང་གསེར་ཞུན་མ་ལྟ་བུར་སྣང་བར་གྱུར་ཏོ། །ཡང་རྒྱལ་པོ་ངོ་མཚར་དུ་གྱུར་པས་མིག་ཕྱེ་ནས་དྲིས་པ། འཕགས་པ་གང་པོ། འདི་ཅི་ལགས། དེས་སྨྲས་པ། རྒྱལ་པོ་ཆེན་པོ། བཅོམ་ལྡན་འདས་ཀྱིས་གསེར་གྱི་ཁ་དོག་ལྟ་བུའི་འོད་ཟེར་བཀྱེ་བ་ལགས་སོ།། །།འདུལ་བ་གཞི། བམ་པོ་ཉི་ཤུ་ལྔ་པ། དེ་ནས་བཅོམ་ལྡན་འདས་དུལ་བ་འཁོར་དུལ་བ། ཞི་བ་འཁོར་ཞི་བ། དགྲ་བཅོམ་པ་ལྔ་བརྒྱ་དང་ཐབས་ཅིག་ཏུ་སློ་མ་ལྟ་
Kha55b
བུར་གཤེགས་སོ། །དེ་ནས་རྒྱལ་བུ་རྒྱལ་བྱེད་ཀྱི་ཚལ་ན་གནས་པའི་ལྷ་དེས་བ་ཀུ་ལའི་ཡལ་ག་ཞིག་བླངས་ཏེ། བཅོམ་ལྡན་འདས་ལ་གྲིབ་མ་བྱེད་ཅིང་རྗེས་བཞིན་རྗེས་བཞིན་དུ་སོང་བ་དང ། བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་མཁྱེན་ནས་དེ་དང་མཐུན་པའི་འཕགས་པའི་བདེན་པ་བཞི་རྟོགས་པར་འགྱུར་བའི་ཆོས་བཤད་པ་མཛད་དེ། ཐོས་ནས་ལྷ་དེ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པར་གྱུར་ཏོ། །ཇི་ཙམ་ན་ཕྱོགས་གཞན་ཞིག་ན། ཡུགས་ས་མོ་ལྔ་བརྒྱ་ཙམ་གནས་པ་དེ་དག་གིས། སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་མངའ་བ། རིན་པོ་ཆེའི་རི་བོ་འགྲོ་བ་ལྟ་བུར་ཀུན་ནས་བཟང་བ་མཐོང་ངོ ། །མཐོང་མ་ཐག་ཏུ་ཡང་དེ་རྣམས་བཅོམ་ལྡན་འདས་ལ་སེམས་དང་བ་ཆེན་པོ་སྐྱེས་སོ། །འདི་ནི་ཆོས་ཉིད་ཡིན་ཏེ། ཇི་ལྟར་དགེ་བའི་རྩ་བ་བསགས་པའི་རྒྱུ་ཅན་གྱི་སེམས་ཅན་གྱིས་དང་པོར་སངས་རྒྱས་མཐོང་བ་ལྟར་ལོ་བཅུ་གཉིས་སུ་ཞི་གནས་ཀྱི་སེམས་གོམས་པར་བྱས་པ་དང ། བུ་མེད་པས་བུ་རྙེད་པ་དང ། དབུལ་པོས་གཏེར་མཐོང་བ་དང ། རྒྱལ་སྲིད་ལ་མངོན་པར་དགའ་བ་རྒྱལ་སྲིད་ཀྱི་དབང་
Kha56a
༄#། །ཕྱུག་ཐོབ་པ་ནི། དེ་ལྟར་ཉམས་དགའ་བ་སྐྱེད་པ་མ་ཡིན་ནོ། །དེ་ནས་བཅོམ་ལྡན་འདས་ཀྱིས། དེ་རྣམས་ཀྱི་གདུལ་བའི་དུས་ལ་གཟིགས་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་རྣམས་ཀྱིས་ཀྱང་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང ། བག་ལ་ཉལ་དང ། ཁམས་དང་རང་བཞིན་མཁྱེན་ནས་ཞེས་བྱ་བ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ་ཞེས་བྱ་བའི་བར་གོང་མ་བཞིན་དུའོ། །དེ་རྣམས་ཀྱིས་བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ། བདག་ཅག་ལ་འདི་ལྟ་བུ་ནི། མས་མ་བགྱིས། ཕས་མ་ལགས། རྒྱལ་པོས་མ་ལགས། ལྷས་མ་ལགས། སྡུག་པས་མ་ལགས། རང་གི་སྐྱེ་བོ་དང་གཉེན་གྱི་ཚོགས་ཀྱིས་མ་ལགས། སྔོན་གྱི་འདས་པས་མ་ལགས། དགེ་སྦྱོང་དང་བྲམ་ཟེས་མ་ལགས་པ་གང་ལགས། བཅོམ་ལྡན་འདས་ཀྱིས་བདག་ཅག་ལ་མཛད་དེ། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་བོ་ལས་ནི། བསྒྲལ། ངན་སོང་གི་སྒོ་ནི། བཀུམ་ཐར་པ་དང་མཐོ་རིས་ཀྱི་སྒོ་ནི། ཕྱེ་ནས་བདག་ཅག་ལྷ་དང་མི་རྣམས་སུ་ནི་བཀོད་དེ། བཙུན་པ། བདག་ཅག་འཕགས་སོ། །མངོན་པར་འཕགས་སོ། །བདག་ཅག་བཅོམ་ལྡན་འདས་དང ། ཆོས་
Kha56b
དང ། དགེ་སློང་གི་དགེ་འདུན་ལ་སྐྱབས་སུ་མཆིས་ལགས་ཀྱི། བདག་ཅག་དགེ་བསྙེན་དུ་གཟུང་དུ་གསོལ། དེ་དག་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས། བདག་ཅག་ལ་ཅུང་ཟད་ཅིག་སྩོལ་ཅིག་དང ། དེ་ལ་བདག་ཅག་བགྱི་བ་དག་བགྱིའོ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་གྱིས་དབུ་སྐྲ་དང་སེན་མོ་བྲེགས་ཏེ་བྱིན་ནོ། །དེ་དག་གིས། བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་ཞིག་བརྩིགས་སོ། །དེ་ནས་རྒྱལ་བུ་རྒྱལ་བྱེད་ཀྱི་ཚལ་ན་གནས་པའི་ལྷ་གང་ཡིན་པ་དེས། མཆོད་རྟེན་དེའི་འཁོར་སར་བ་ཀུ་ལའི་ཡལ་ག་དེ་བསྐྱེད་དེ། བཅོམ་ལྡན་འདས་ལ་གསོལ་པ། བཅོམ་ལྡན་འདས། བདག་ནི། མཆོད་རྟེན་འདི་ལ་བགྱི་བ་བགྱིད་ཅིང་མཆིས་སོ། །ཞེས་དེ་དེ་ཉིད་ན་གནས་སོ། །དེ་ལ་ཁ་ཅིག་གིས་ནི། ཡུགས་ས་མོའི་མཆོད་རྟེན་ནོ་ཞེས་བྱ་བར་ཤེས་སོ། །ཁ་ཅིག་གིས་ནི། བ་ཀུ་ལའི་འཁོར་ས་ཞེས་བྱ་བར་ཤེས་ཏེ། མཆོད་རྟེན་ལ་ཕྱག་བྱེད་པའི་དགེ་སློང་དག་ད་དུང་ཡང་ཕྱག་བྱེད་དོ། །བཅོམ་ལྡན་འདས་གཤེགས་པ་དང ། ཇི་ཙམ་ན་བསྟི་གནས་གཞན་ཞིག་ན་དྲང་སྲོང་ལྔ་བརྒྱ་གནས་ཏེ། དེ་དག་གིས་ནི། བསྟི་གནས་དེ་མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པས། དེ་དག་དེས་རྒྱ་གས་ནས་ཅི་ཡང་མི་སེམས་སོ། །དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་གདུལ་བའི་དུས་ལ་གཟིགས་ནས།
Kha57a
༄#། །བསྟི་གནས་དེར་གཤེགས་ཏེ་བྱོན་པ་དང ། རྫུ་འཕྲུལ་གྱིས་བསྟི་གནས་དེའི་མེ་ཏོག་དང་འབྲས་བུ་ནི། བརླག་།ཆུ་ནི། བསྐམས། ནེའུ་གསིང་རྣམས་ནི། རློགས་འདུག་གནས་དག་ནི། བརྟིབ་བོ། །དེ་ནས་དྲང་སྲོང་དེ་དག་ལག་པ་འགྲམ་པར་གཏད་ནས་སེམས་ཁོང་དུ་ཆུད་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཅིའི་ཕྱིར་སེམས་ཁོང་དུ་ཆུད་ཅིང་འདུག་།དེ་རྣམས་ཀྱིས་གསོལ་པ། བཅོམ་ལྡན་འདས། བསོད་ནམས་ཀྱི་ཞིང་རྐང་གཉིས་ཁྱོད་འདིར་གཤེགས་ནས་བདག་ཅག་ནི། གནས་སྐབས་འདི་འདྲ་བར་གྱུར་ཏོ། ། བཅོམ་ལྡན་འདས་ཀྱིས་བཀའ་སྩལ་པ། དྲང་སྲོང་དག་།བསྟི་གནས་མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ་ཅི་སྟེ་མ་རུང ། ཇི་སྔོན་གྱི་ཇི་ལྟ་བ་དེ་བཞིན་དུ་བྱའམ། བཅོམ་ལྡན་འདས། མཛད་དུ་གསོལ། དེ་ནས་བཅོམ་ལྡན་འདས་ཀྱིས་རྫུ་འཕྲུལ་བརྟུལ་བ་དང ། སྔོན་གྱི་ཇི་ལྟ་བ་བཞིན་དུ་གྱུར་ཏོ། །དེ་ནས་དེ་དག་མཆོག་ཏུ་ཡ་མཚན་དུ་གྱུར་ནས། བཅོམ་ལྡན་ལ་སེམས་མངོན་པར་དད་པ་སྐྱེས་སོ། །དེ་ནས་བཅོམ་ལྡན་འདས་ཀྱིས། དྲང་སྲོང་ལྔ་བརྒྱ་པོ་དེ་དག་གི་བསམ་པ་དང ། བག་ལ་ཉལ་དང ། ཁམས་དང་རང་བཞིན་མཁྱེན་ནས། དེ་དང་མཐུན་པའི་ཆོས་བཤད་པ་མཛད་དེ། དེ་ཐོས་ནས་དེ་དག་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱས་ཏེ། རྫུ་འཕྲུལ་མངོན་པར་བསྒྲུབས་ནས། དེ་ནས་བཅོམ་ལྡན་འདས་གང་ན་བ་དེ་ལོགས་
Kha57b
སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་བ། དངོས་པོ་འཐོབ་པ་ལྟ་ན། བཅོམ་ལྡན་འདས་ཀྱི་སྤྱན་སྔར་བདག་ཅག་ཚངས་པར་སྤྱོད་པ་སྤྱད་པར་བགྱིའོ། །དེ་ནས་བཅོམ་ལྡན་འདས་ཀྱིས། དེ་དག་ལ་དགེ་སློང་ཚུར་ཤོག་།ཚངས་པར་སྤྱད་པ་སྤྱོད་ཅིག་ཅེས། བཅོམ་ལྡན་འདས་ཀྱིས་བཀའ་སྩལ་པའི་མོད་ལ་སྐྲ་དང་ཁ་སྤུ་བྱི་བ་དང་སྣམ་སྦྱར་གྱོན་པར་གྱུར་ཏེ། ལག་ན་ལྷུང་བཟེད་དང་བྱ་མ་བུམ་ཐོགས་པ་དང ། སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀའ་བར་གྱུར། །དེ་དག་གིས་འབད་པ་དང་བཅས་པས་བརྩོན་འགྲུས་བརྩམས་པས། འཁོར་བའི་འཁོར་ལོ་ཆ་ལྔ་པ་གཡོ་བ་དང ། མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཅེས་བྱ་བ་ནས་མངོན་དུ་སྨྲ་བར་བྱ་བར་གྱུར་ཏོ་ཞེས་བྱ་བའི་བར་གོང་མ་བཞིན་དུའོ། །དེ་དག་ལ་འདོམས་པར་བྱེད་པའི་དྲང་སྲོང་གང་ཡིན་པ་དེས་གསོལ་པ། བཅོམ་ལྡན་འདས། བདག་གི་ཆ་བྱད་འདིས་སྐྱེ་བོའི་ཚོགས་ཆེན་པོ་བསླུས་པ་དེ་དག་ཇེ་དད་པ་སྐྱེས་པར་བགྱིས་ལ་སླད་ཀྱིས་རབ་ཏུ་དབྱུང་བར་བགྱིའོ། །དེ་
Kha58a
༄#། །ནས་བཅོམ་ལྡན་འདས་དྲང་སྲོང་ལྔ་བརྒྱ་དང ། སྔོན་གྱི་དགེ་སློང་རྣམས་ཀྱིས་ཟླ་བ་ཁམ་པ་ལྟ་བུར་བསྐོར་ནས་དེ་ཉིད་རྫུ་འཕྲུལ་གྱིས་སྟེང་གི་ནམ་མཁའ་ལ་གཤེགས་ཏེ། རིམ་གྱིས་གཏུན་རི་ལ་བྱོན་ཏོ། །དེའི་ཚེ་གཏུན་རི་ལ་དྲང་སྲོང་ཤིང་གོས་ཅན་ཞེས་བྱ་བ་ཞིག་གནས་ཏེ། དྲང་སྲོང་དེས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ་ཞེས་བྱ་བ་ནས་ཀུན་ནས་མཛེས་པ་རྒྱང་རིང་པོ་ཁོ་ན་ནས་མཐོང་ངོ ། །ཞེས་བྱ་བའི་བར་གོང་མ་བཞིན་དུའོ། །མཐོང་མ་ཐག་ཏུ་དེ་བཅོམ་ལྡན་འདས་ལ་སེམས་མངོན་པར་དད་པར་གྱུར་ཏེ། དེ་དད་པ་སྐྱེས་ནས་བསམ་པ། མ་ལ་བདག་རི་ལས་བབས་ཏེ། བཅོམ་ལྡན་འདས་བལྟ་ཞིང་འགྲོར་ནི་བཅོམ་ལྡན་འདས་གདུལ་བ་ལ་གཟིགས་པས་འདས་པར་འགྱུར་གྱི། མ་ལ་བདག་ཉིད་མཆོང་བར་བྱའོ། །སྙམ་ནས། དེ་རི་ལས་བདག་ཉིད་མཆོངས་པ་དང ། སངས་རྒྱས་བཅོམ་ལྡན་འདས་རྣམས་ནི། བསྙེལ་བ་མི་མངའ་བའི་ཆོས་ཅན་ཡིན་པས། བཅོམ་ལྡན་འདས་ཀྱི་རྫུ་འཕྲུལ་གྱིས་བླངས་སོ། །དེ་ནས་བཅོམ་ལྡན་འདས་ཀྱིས། དེའི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་མཁྱེན་ནས་དེ་དང་མཐུན་པའི་ཆོས་བཤད་པ་མཛད་དེ། དེ་ཐོས་ནས་ཤིང་གོས་ཅན་གྱིས་ཕྱིར་མི་འོང་བའི་འབྲས་བུ་མངོན་སུམ་དུ་བྱས་ཏེ་རྫུ་འཕྲུལ་མངོན་པར་བསྒྲུབས་ནས། དེ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
Kha58b
བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན་ཞེས་བྱ་བ་ནས། བཅོམ་ལྡན་འདས་ཀྱིས། དགེ་སློང་ཚུར་ཤོག་ཅེས་བྱ་བས་རབ་ཏུ་བྱུང་ངོ ། །ཞེས་བྱ་བ་དང ། སངས་རྒྱས་དགོངས་པས་ལུས་གཟུགས་བཀབ་པར་གྱུར། །ཅེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ངའི་དགེ་སློང་དད་པས་རྣམ་པར་གྲོལ་བ་རྣམས་ཀྱི་མཆོག་ནི། འདི་ཡིན་ཏེ། འདི་ལྟ་སྟེ། དགེ་སློང་ཤིང་གོས་ཅན་ནོ། །དེ་ནས་བཅོམ་ལྡན་འདས་དགེ་སློང་སྟོང་གིས་ཡོངས་སུ་བསྐོར་ཏེ། ཆོ་འཕྲུལ་རྣམ་པ་སྣ་ཚོགས་མཛད་ཅིང་གྲོང་ཁྱེར་སློ་མ་ལྟ་བུར་གཤེགས་སོ། །བཅོམ་ལྡན་འདས་ཀྱིས་དགོངས་པ། གལ་ཏེ་སྒོ་གཅིག་ནས་ཞུགས་ན། གཞན་དག་གཞན་དུ་སེམས་པར་འགྱུར་བས། མ་ལ་ང་རྫུ་འཕྲུལ་ཁོ་ནས་འཇུག་པར་བྱའོ། །སྙམ་ནས། དེ་ནས་རྫུ་འཕྲུལ་གྱིས་སྟེང་གི་ནམ་མཁའ་ལས་གྲོང་ཁྱེར་སློ་མ་ལྟ་བུའི་དབུས་སུ་གཤེགས་སོ།། དེ་ནས་སློ་མ་ལྟ་བུའི་བདག་པོ་རྒྱལ་པོ་དང ། ཚེ་དང་ལྡན་པ་གང་པོ་དང ། ཤིང་གི་རྣ་ཆ་ཅན་དང ། རྒྱ་སྐེགས་ཀྱི་རྣ་ཆ་ཅན་དང ། ཞ་ཉེའི་རྣ་ཆ་ཅན་དང ། རྒྱལ་པོའི་སྲས་བཅུ་བདུན་པོ་དེ་དག་ཀྱང་རང་རང་གི་འཁོར་དང་སྲོག་ཆགས་བརྒྱ་སྟོང་ཕྲག་དུ་མ་བཅོམ་ལྡན་འདས་གང་ན་བ་དེར་སོང་ངོ ། །དེ་ནས་བཅོམ་ལྡན་འདས་སྲོག་ཆགས་བརྒྱ་སྟོང་ཕྲག་དུ་མས་ཞམ་རིང་བྱས་ཤིང་ཙནྡན་གྱི་ཕྲེང་བའི་
Kha59a
༄#། །ཁང་བཟང་གང་ན་བ་དེར་གཤེགས་ཏེ། བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་ཏེ། སྐྱེ་བོའི་ཚོགས་ཆེན་པོ་དེས་བཅོམ་ལྡན་འདས་མ་མཐོང་ངོ ། །ཙནྡན་གྱི་ཕྲེང་བའི་ཁང་བཟང་ཞིག་ལ་ཐུག་པ་དང ། བཅོམ་ལྡན་འདས་ཀྱིས་དགོངས་པ། གལ་ཏེ་ཙནྡན་གྱི་ཕྲེང་བའི་ཁང་བཟང་ཞིག་པར་གྱུར་ན། སྦྱིན་བདག་རྣམས་ཀྱི་བསོད་ནམས་ཀྱི་བར་ཆད་དུ་འགྱུར་གྱི། མ་ལ་ངས་འདི་ཤེལ་གྱི་རང་བཞིན་དུ་སྤྲུལ་པར་བྱའོ། །སྙམ་ནས། བཅོམ་ལྡན་འདས་ཀྱིས། དེ་ཇི་ལྟར་སྐྱེ་བོའི་ཚོགས་དེས་སངས་རྒྱས་ཀྱི་སྐུ་སྒྲིབ་པ་མེད་པར་མཐོང་བར་འགྱུར་བར་ཤེལ་གྱི་རང་བཞིན་དུ་སྤྲུལ་ཏོ། །དེ་ནས་འཁོར་དེ་དག་གི་བསམ་པ་དང ། བག་ལ་ཉལ་དང ། ཁམས་དང་རང་བཞིན་མཁྱེན་ནས་དེ་དང་འདྲ་བའི་ཆོས་བཤད་པ་མཛད་དེ། དེ་ཐོས་ནས་སྲོག་ཆགས་བརྒྱ་སྟོང་ཕྲག་དུ་མས་ཁྱད་པར་ཆེན་པོ་དག་རྟོགས་ཏེ། ཁ་ཅིག་གིས་ནི། ཐར་པའི་ཆ་དང་མཐུན་པའི་དགེ་བའི་རྩ་བ་བསྐྱེད། ཁ་ཅིག་གིས་ནི། ངེས་པར་འབྱེད་པའི་ཆ་དང་མཐུན་པ། ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལྷན་གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི། ཕྱིར་མི་འོང་བའི་འབྲས་བུ། ཁ་ཅིག་གིས་ནི། རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས། ཁ་ཅིག་གིས་ནི། ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་
Kha59b
ནི།་རང་སངས་རྒྱས་ཀྱི་བྱང་ཆུབ་ཏུའོ། །ཁ་ཅིག་གིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུའོ། །འཁོར་དེ་ཕལ་ཆེར་སངས་རྒྱས་ལ་གཞོལ་བ་དང ། ཆོས་ལ་འབབ་པ་དང ། དགེ་འདུན་ལ་བབ་པར་བཀོད་དོ། །དེ་ནས་ཤིང་གི་རྣ་ཆ་ཅན་དང ། རྒྱ་སྐེགས་ཀྱི་རྣ་ཆ་ཅན་དང ། ཞ་ཉེའི་རྣ་ཆ་ཅན་གྱིས། གཙང་ཞིང་བསོད་པའི་བཟའ་བ་དང ། བཅའ་བ་དག་སྟ་གོན་བྱས་ནས་གདན་བཤམས་ཏེ། ནོར་བུའི་ཆུ་སྣོད་བཞག་ནས། བཅོམ་ལྡན་འདས་ལ་སྤྱན་འདྲེན་གྱིས་དུས་ཚོད་གསོལ་པ། བཙུན་པ། གདུགས་ཚོད་ལགས་ཤིང་མཆིས་ན། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེའི་ཚེ་ཀླུའི་རྒྱལ་པོ་ནག་པོ་དང ། གཽ་ཏ་མ་ཞེས་བྱ་བ་རྒྱ་མཚོ་ཆེན་པོ་ན་གནས་པ་དེ་གཉིས་ཀྱིས་བསམ་པ། བཅོམ་ལྡན་འདས་གྲོང་ཁྱེར་སློ་མ་ལྟ་བུ་ན་ཆོས་འཆད་ཀྱི་དོང་ནས་མཉན་པར་བྱའོ་སྙམ་མོ། །དེ་ནས་དེ་གཉིས་ཀླུ་ལྔ་བརྒྱའི་འཁོར་དང་གྲོང་ཁྱེར་སློ་མ་ལྟ་བུར་ཆུ་བོ་ལྔ་བརྒྱ་ཕབ་ནས་ཆས་སོ། །སངས་རྒྱས་བཅོམ་ལྡན་འདས་རྣམས་ནི་བསྙེལ་བ་མི་མངའ་བའི་ཆོས་ཅན་ཡིན་པས། བཅོམ་ལྡན་འདས་ཀྱིས་དགོངས་པ། ཀླུའི་རྒྱལ་པོ་ནག་པོ་དང་གེ་ཏ་མ་འདི་གཉིས་གལ་ཏེ་གྲོང་ཁྱེར་སློ་མ་ལྟ་བུར་འོངས་པར་གྱུར་ན། ཡུལ་ཕུང་པར་བྱེད་པར་འགྱུར་རོ་སྙམ་ནས། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་བཀའ་སྩལ་པ། མོའུ་འགལ་གྱི་བུ། དེ་བཞིན་གཤེགས་པའི་རིངས་པའི་བསོད་སྙོམས་
Kha60a
༄#། །ལོངས་ཤིག་།མོའུ་འགལ་གྱི་བུ། དེ་ཅིའི་ཕྱིར་ཞེ་ན། རིངས་པའི་བསོད་སྙོམས་ནི། ལྔ་སྟེ། ལྔ་གང་ཞེ་ན། གློ་བུར་བ་དང ། འགྲོ་བར་ཆས་པ་དང ། ནད་པ་དང ། ནད་གཡོག་དང ། དགེ་བསྐོས་སོ། །སྐབས་འདིར་ནི། བཅོམ་ལྡན་འདས་དགེ་བསྐོས་སུ་དགོངས་ཏེ། བཅོམ་ལྡན་འདས་རྫུ་འཕྲུལ་གྱིས་དེ་ཉིད་ནས་སྟེང་གི་ནམ་མཁའ་ལས་གཤེགས་སོ། །བཅོམ་ལྡན་འདས་དང་མོའུ་འགལ་གྱི་བུ་གཉིས། ཀླུའི་རྒྱལ་པོ་ནག་པོ་དང ། གོའུ་ཏ་མ་གང་ན་བ་དེར་གཤེགས་ཏེ་བྱོན་ནས་བཀའ་སྩལ་པ། ཀླུའི་དབང་པོ། གྲོང་ཁྱེར་སློ་མ་ལྟ་བུ་ལ་སོམས་ལ། ཡུལ་ཕུང་པར་མ་བྱ་ཞིག་།དེ་གཉིས་ཀྱིས་གསོལ་པ། བཙུན་པ། བདག་ཅག་གང་སྲོག་ཆགས་གྲོག་སྦུར་ལ་ཡང་གནོད་པ་མི་བགྱིད་པ་དེ་ལྟ་བུའི་དད་པས་མཆིས་ན། སློ་མ་ལྟ་བུ་ན་གནས་པའི་སྐྱེ་བོའི་ཚོགས་ལ་ལྟ་སྨོས་ཀྱང་ཅི་འཚལ། དེ་ནས་བཅོམ་ལྡན་འདས་ཀྱིས། ཀླུའི་རྒྱལ་པོ་ནག་པོ་དང་གོའུ་ཏ་མ་ལ་དེ་ལྟ་བུའི་ཆོས་བཤད་པ་མཛད་དེ། དེ་ཐོས་ནས་སངས་རྒྱས་དང་ཆོས་དང་དགེ་འདུན་ལ་སྐྱབས་སུ་སོང་ཞིང་བསླབ་པའི་གཞི་རྣམས་བཟུང་ངོ ། །བཅོམ་ལྡན་འདས་ཀྱིས་ཞལ་ཟས་གསོལ་བའི་མཛད་པ་བརྩམས་པ་དང ། ཀླུ་རེ་རེ་ནས་བསམ་པ། ཀྱེ་མའོ། །བཅོམ་ལྡན་འདས་ལ་བདག་གིས་ཆུའི་བཏུང་བ་གསོལ་ལོ་སྙམ་མོ། །བཅོམ་ལྡན་འདས་ཀྱིས་དགོངས་པ།
Kha60b
གལ་ཏེ་གཅིག་གི་ཆུ་གསོལ་ན་ནི། དེས་ན་གཞན་དག་གཞན་དུ་སེམས་པར་འགྱུར་བས་ཐབས་ཤིག་བཤམ་པར་བྱའོ། །སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་བཀའ་སྩལ་པ། མོའུ་འགལ་གྱི་བུ་སོང་ལ། གང་ན་ཆུ་བོ་ལྔ་བརྒྱ་འདྲེས་པ་དེ་ལས་ཆུས་ལྷུང་བཟེད་ཁོངས་ལ་ཁྱེར་ཏེ་ཤོག་ཅིག་།བཙུན་པ། བཀའ་བཞིན་འཚལ། ཞེས་ཚེ་དང་ལྡན་པ་མོའུ་འགལ་གྱི་བུ་ཆེན་པོས། བཅོམ་ལྡན་འདས་ཀྱི་ལྟར་མཉན་ནས་གང་དུ་ཆུ་བོ་ལྔ་བརྒྱ་འདྲེས་པ་དེ་ནས་ཅུས་ལྷུང་བཟེད་བཀང་ནས་ཁྱེར་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ལྷུང་བཟེད་བཀང་བའི་ཆུ་ཕུལ་བ་དང ། བཅོམ་ལྡན་འདས་ཀྱིས་བཞེས་ཏེ་གསོལ་ལོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོས་བསམ་པ། བཅོམ་ལྡན་འདས་ཀྱིས་སྔོན་བཀའ་སྩལ་པ། དགེ་སློང་དག། ཕ་དང་མས་ནི། བུ་གསོས། བསྲིངས་བསྐྱེད་དེ་ནུ་མས་བསྣུན། འཛམ་བུའི་གླིང་གི་ཚོགས་སྟོན་པར་བྱེད་པ་ཡིན་པས་ཤིན་ཏུ་དགའ་བ་བྱེད་པ་སྟེ། བུས། ཕྲག་པ་གཅིག་ལ་ནི་མ་བཞག། གཅིག་ཤོས་ལ་ནི་ཕ་བཞག་ནས་ལོ་བརྒྱ་ཚང་བར་ཁུར་དུ་ཐོགས་སམ། ས་ཆེན་པོ་འདིའི་ནོར་བུ་དང ། མུ་ཏིག་དང ། བཻཌཱུརྱ་དང ། མན་ཤེལ་དང ། བྱི་རུ་དང ། དངུལ་དང ། གསེར་དང ། རྡོའི་སྙིང་པོ་དང ། སྤུག་དང ། པདྨ་རཱ་ག་དང ། དུང་གཡས་སུ་འཁྱིལ་བ་སྟེ། དེ་ལྟ་བུའི་དབང་ཕྱུག་ལ་བདག་པོར་བཅུག་ཀྱང་བུས་
Kha61a
༄#། །ཕ་མ་ལ་དེ་ཙམ་གྱིས་ཕན་ཐོགས་པའམ། ལན་ལོན་པར་མི་འགྱུར་གྱི། གང་གིས། ཕ་མ་དད་པ་མེད་པ་དད་པ་ཕུན་སུམ་ཚོགས་པ་ཡང་དག་པར་འཛིན་དུ་འཇུག་ལ། འདུལ་ཞིང་འཛུད་དེ། སོ་སོར་འགོད་པར་བྱེད་པ་དང ། ཚུལ་ཁྲིམས་འཆལ་བ་ཚུལ་ཁྲིམས་ཕུན་སུམ་ཚོགས་པ་དང ། སེར་སྣ་ཅན་གཏོང་བ་ཕུན་སུམ་ཚོགས་པ་དང ། ཤེས་རབ་འཆལ་བ་ཤེས་རབ་ཕུན་སུམ་ཚོགས་པ་ཡང་དག་པར་འཛིན་དུ་འཇུག་ལ། འདུལ་ཞིང་འཛུད་དེ། སོ་སོར་འགོད་པར་བྱེད་ན། དེ་ཙམ་གྱིས། བུས་ཕ་དང་མ་ལ་ཕན་ཐོགས་པ་དང་ལན་ལོན་པ་ཡིན་ནོ། །ཞེས་གསུངས་ན། བདག་གིས་ནི། མ་ལ་ལན་ཅི་ཡང་མ་ལོན་གྱི། མ་ལ་བདག་གིས་བདག་གི་མ་གང་དུ་སྐྱེས་པ་བསམ་མོ་སྙམ་ནས། བསམ་པ་ལ་ཞུགས་པ་དང ། འཇིག་རྟེན་གྱི་ཁམས་འོད་ཟེར་ཅན་དུ་སྐྱེས་པར་མཐོང་ངོ ། །དེས་ན། དེ་སུས་གདུལ་བ་ཡིན་པར་བརྟགས་ནས། བཅོམ་ལྡན་འདས་ཀྱིས་ཡིན་པར་མཐོང་ནས། དེ་འདི་སྙམ་དུ་སེམས་ཏེ། བདག་ལམ་རིང་པོ་ནས་འདིར་འོངས་པས། ཅི་ནས་ཀྱང་བདག་གིས་བཅོམ་ལྡན་འདས་ལ་དོན་འདི་གསོལ་ལོ་སྙམ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཙུན་པ། བཅོམ་ལྡན་འདས་ཀྱིས། སྔོན་དགེ་སློང་དག་།ཕ་དང་མ་ནི། བུ་ལ་ཤིན་ཏུ་དགའ་བ་བྱེད་པ་ཡིན་ནོ་ཞེས་གསུངས་ན། བདག་གི་མ་འཇིག་རྟེན་གྱི་ཁམས་འོད་ཟེར་ཅན་དུ་སྐྱེས་
Kha61b
ཏེ།་དེ་ཡང་བཅོམ་ལྡན་འདས་ཀྱིས་འདུལ་བར་འགྱུར་བ་ལགས་ན། བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ་འདུལ་བར་གསོལ། བཅོམ་ལྡན་འདས་ཀྱིས་བཀའ་སྩལ་པ། མོའུ་འགལ་གྱི་བུ། སུའི་རྫུ་འཕྲུལ་གྱིས་འདོང ། བཅོམ་ལྡན་འདས། བདག་གིའོ། །དེ་ནས་བཅོམ་ལྡན་འདས་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་རི་རབ་ཀྱི་རྩེ་མོ་ལ་གོམ་པ་པོར་ཞིང་གཤེགས་པ་དང ། ཞག་བདུན་གྱིས་འཇིག་རྟེན་གྱི་ཁམས་འོད་ཟེར་ཅན་དུ་བྱོན་ཏོ། །བུ་མོ་བཟང་མོ་དེས། ཚེ་དང་ལྡན་པ་མོའུ་འགལ་གྱི་བུ་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་དགའ་བ་དང་བཅས་པས་དེའི་དྲུང་དུ་སོང་སྟེ་སྨྲས་པ། ཀྱེ་མའོ། །ཡུན་རིང་པོ་ཞིག་ལོན་ནས་བུ་མཐོང་ངོ ། །ཀྱེ་མའོ། །ཡུན་རིང་མོ་རིང་མོ་ཞིག་ལོན་ནས་བུ་མཐོང་ངོ ། །དེ་ནས་སྐྱེ་བོའི་ཚོགས་ཆེན་པོས་སྨྲས་པ། ཤེས་ལྡན་དག་།རབ་ཏུ་བྱུང་བ་འདི་ནི། རྒན་ན། ཇི་ལྟར་བུ་མོ་འདི། དེའི་མ་ཡིན། ཚེ་དང་ལྡན་པ་མོའུ་འགལ་གྱི་བུ་ཆེན་པོས་སྨྲས་པ། ཤེས་ལྡན་དག་།ཁོ་བོའི་ལུས་འདི་འདིས་བསྐྱེད་དེ། དེས་ན་ཁོ་བོའི་མ་ཡིན་ནོ། །དེ་ནས་བཅོམ་ལྡན་འདས་ཀྱིས་བུ་མོ་བཟང་མོ་དེའི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་མཁྱེན་ནས། དེ་དང་མཐུན་པར་འཕགས་པའི་བདེན་པ་བཞི་རྟོགས་པར་འགྱུར་བའི་ཆོས་བཤད་པ་མཛད་དེ། དེ་ཐོས་ནས་བུ་མོ་བཟང་མོ་དེས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་
Kha62a
༄#། །མངོན་སུམ་དུ་བྱས་ཏེ། དེས་བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་དོ། །ཞེས་བྱ་བ་ནས་ལྷ་དང་མི་རྣམས་སུ་རབ་ཏུ་བཞག་ཅེས་བྱ་བའི་བར་གོང་མ་བཞིན་ནོ། །ཡང་སྨྲས་པ། ཉེས་པ་མང་པོར་ལྡན་པས་མི་བཟད་པའི། །ངན་སོང་ལམ་ནི་ཁྱོད་ཀྱི་མཐུས་བཅད་དོ། །མཐོ་རིས་འགྲོ་བ་བསོད་ནམས་བཟང་ལྡན་ཕྱེ། །མྱ་ངན་འདས་པའི་ལམ་ཡང་བདག་གིས་ཐོབ། །ཁྱོད་ལ་བརྟེན་ནས་ཤིན་ཏུ་རྣམ་དག་མིག་།ཉེས་དང་བྲལ་བས་དག་པ་དེང་འདིར་ཐོབ། །འཕགས་པ་དགྱེས་པའི་གོ་འཕང་ཞི་ཐོབ་ནས། །སྡུག་བསྔལ་རྒྱ་མཚོའི་ཕ་རོལ་བདག་གིས་བརྒལ། །འགྲོ་བར་ལྷ་མིན་ལྷ་དང་མིས་མཆོད་པ། །སྐྱེ་རྒ་འཆི་དང་ན་དང་རྣམ་བྲལ་བ། །སྲིད་པ་སྟོང་དུ་རྙེད་པར་རབ་དཀའ་བ། །ཐུབ་པ་ཁྱོད་མཐོང་དེང་འདིར་འབྲས་བུར་བཅས། ། བཙུན་པ། བདག་ནི། འཕགས་ཤིང་མངོན་པར་འཕགས་ཏེ། བདག་བཅོམ་ལྡན་འདས་དང ། ཆོས་དང ། དགེ་འདུན་ལ་སྐྱབས་སུ་མཆི་ལགས་ཀྱི། དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་བསམ་པ་ཐག་པས་སྐྱབས་སུ་མཆི་བར་མངོན་པར་སྤྲོ་ལགས་སོ། །བཅོམ་ལྡན་འདས་མོའུ་འགལ་གྱི་བུ་ཆེན་པོ་དང་ཐབས་ཅིག་ཏུ་དེང་བསོད་སྙོམས་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས། བུ་མོ་བཟང་པོ་དེ་ལ་ཅང་མི་གསུང་བས་གནང་ངོ ། །དེ་ནས་བུ་མོ་བཟང་མོས་བཅོམ་ལྡན་འདས་ཀྱིས་གནང་བར་རིག་
Kha62b
སྟེ། བཅོམ་ལྡན་འདས་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོ་གདན་ལ་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་སྟོབ་ཅིང་ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང ། བཅའ་བ་དག་།རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ནས། ཕྱག་གཉིས་བཅབས་ཏེ་ལྷུང་བཟེད་གྱུ་བར་རིག་ནས། སྟན་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་བཏིང་ནས་ཆོས་མཉན་པའི་ཕྱིར་འདུག་པ་དང ། དེ་ལ་བཅོམ་ལྡན་འདས་ཀྱིས་ཆོས་བཤད་དོ། །བཅོམ་ལྡན་འདས་ཀྱི་ལྷུང་བཟེད་ཚེ་དང་ལྡན་པ་མོའུ་འགལ་གྱི་བུ་ཆེན་པོས་བླངས་ཏེ་འཁྲུ་བར་བྱེད་པ་ན། བཅོམ་ལྡན་འདས་ཀྱིས་བཀའ་སྩལ་པ། མོའུ་འགལ་གྱིས་བུ། འདོང་ངམ། བཅོམ་ལྡན་འདས། གཤེགས་སོ། །སུའི་རྫུ་འཕྲུལ་གྱིས། བཅོམ་ལྡན་འདས་ཀྱིའོ། །གལ་ཏེ་དེ་ལྟ་ན། རྒྱལ་བྱེད་ཀྱི་ཚལ་སོམས་ཤིག་།བཅོམ་ལྡན་འདས། འོ་སྐོལ་བྱོན་ལགས་སམ། མོའུ་འགལ་གྱི་བུ། ཡུ་བུ་ཕྱིན་ཟིན་ཏོ། །དེ་ནས་ངོ་མཚར་དུ་དད་པའི་ཡིད་ཀྱིས་གསོལ་བ། བཅོམ་ལྡན་འདས། རྫུ་འཕྲུལ་འདིའི་མིང་ཅི་ལགས། མོའུ་འགལ་གྱི་བུ་ཡིད་མགྱོགས་ཡིན་ནོ། །བཙུན་པ། སངས་རྒྱས་ཀྱི་ཆོས་ཟབ་མོ་དེ་ལྟ་བུ་ནི། བདག་གི་གློ་བར་མ་ཆུད་དོ། །གལ་ཏེ་བདག་གིས་གློ་བར་ཆུད་པར་གྱུར་ན། བདག་གི་ལུས་ཏིལ་གྱི་ཕྱེ་མ་ལྟར་བགྱིས་ཀྱང་བླ་ན་
Kha63a
༄#། །མེད་པ་ཡང་དག་པར་རྫོགས་པའི་བྱང་ཆུབ་ཀྱི་སེམས་ལས་ཕྱིར་མི་ལྡོག་པར་འགྱུར་བ་ཞིག་ན། ད་ནི། ཤིང་ཚིག་པ་བཞིན་ཅིར་བགྱིར་ཡང་མ་མཆིས་སོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་གང་པོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཕྱུག་པ། ནོར་མང་བ། ལོངས་སྤྱོད་ཆེ་བའི་རིགས་སུ་སྐྱེས་ལགས། ལས་ཅི་ཞིག་བགྱིས་ན། དེས་བྲན་མོའི་མངལ་དུ་སྐྱེས་ཤིང་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།གང་པོ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་དག་བྱས་ཤིང་བསགས་པས། གང་པོས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་དག་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་
Kha63b
དང་དུས། །རྙེད་ནས་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་བསྐལ་བ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེ་གྲོང་ཁྱེར་ཝཱ་ར་ཎཱ་སིར་ཉེ་བར་བརྟེན་ཅིང་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ནས་སྡེ་སྣོད་གསུམ་པར་གྱུར་ཏེ། ཆོས་བཞིན་གྱིས་དགེ་འདུན་གྱི་ཞལ་ཏ་པ་བྱེད་དོ། །རེ་ཞིག་ཅིག་ན་དགྲ་བཅོམ་པ་ཞིག་ལ་དགེ་བསྐོས་བབ་སྟེ། དེས་གཙུག་ལག་ཁང་ཕྱག་དར་བྱ་བར་བརྩམས་པ་དང ། རླུང་ལངས་པས་ཕྱག་དར་ཕན་ཚུན་དུ་ཁྱེར་བར་གྱུར་ཏོ། །དེས་བསམ་པ། རེ་ཞིག་རླུང་ཞི་བར་གྱུར་གྱི་བར་དུ་གཞག་གོ་སྙམ་པ་ལས། ཇི་ཙམ་ན་གཙུག་ལག་ཁང་དེ་མ་ཕྱགས་པ་ཞལ་ཏ་པ་དེས་མཐོང་ནས།་དེ་ཀུན་ནས་དཀྲིས་པ་དྲག་པོས་ངག་རྩུབ་པོའི་ལས་ཕྱུང་བ། བྲན་མོའི་བུ་གང་ཞིག་དགེ་བསྐོས་བྱེད། དགྲ་བཅོམ་པ་དེས་མཐོང་ནས། དེས་བསམ་པ། འདི་ཀུན་ནས་དཀྲིས་པ་ཡིན་པས་རེ་ཞིག་བཞག་ལ་ཕྱིས་གོ་བར་བྱའོ། །སྙམ་ནས། གང་གི་ཚེ་ཀུན་ནས་དཀྲིས་པ་དང་བྲལ་བ་དེའི་ཚེ་དེའི་དྲུང་དུ་སོང་སྟེ་སྨྲས་པ། ཁྱོད་ཀྱིས་ཁོ་བོ་སུ་ཡིན་ཤེས་སམ། དེས་སྨྲས་པ། ཤེས་ཏེ། ཁྱོད་
Kha64a
༄#། །དང་ཁོ་བོ་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་བ་ཡིན་ནོ། །དེས་སྨྲས་པ། གལ་ཏེ་དེ་ལྟ་ཡིན་མོད་ཀྱི། ཁོ་བོས་ནི། རབ་ཏུ་བྱུང་བའི་བྱ་བ་བྱས་ཏེ། །ཁོ་བོ་ནི། འཆིང་བ་མཐའ་དག་ལས་གྲོལ་བ་ཡིན་ལ། ཁྱོད་ནི། འཆིང་བ་མཐའ་དག་གིས་བཅིངས་པ་ཡིན་པས། ཁྱོད་ཀྱིས་ངག་རྩུབ་པོའི་ལས་ཕྱུང་གི། ཉེས་པ་ལ་ཉེས་པར་ཤོགས་ཤིག་དང ། དེས་ན་ལས་དེ་སྲབ་པ་དང ། ཡོངས་སུ་ཟད་པ་དང ། གཏུགས་པར་འགྱུར་རོ། །དེས་ཉེས་པ་ལས་ཉེས་པར་བཤགས་པ། སེམས་ཅན་དམྱལ་བར་སྐྱེ་ཞིང་བྲན་མོའི་བུར་འགྱུར་བ་ལས། དེ་སེམས་ཅན་དམྱལ་བར་མ་སྐྱེས་པར་ཚེ་རབས་ལྔ་བརྒྱར་བྲན་མོའི་མངལ་དུ་སྐྱེས་ཏེ། ད་ལྟར་གྱི་བར་དུ་སྲིད་པ་ཐ་མ་ལ་ཡང་བྲན་མོའི་མངལ་དུ་སྐྱེས་པར་གྱུར་ཏོ། ། གང་ཡང་དགེ་འདུན་ལ་བསྙེན་བཀུར་བྱས་པ་དེས་ན། ཕྱུག་པ་དང ། ནོར་མང་བ་དང ། ལོངས་སྤྱོད་ཆེ་བའི་རིགས་སུ་སྐྱེས་སོ། །གང་ཡང་དེ་ན་བཀླགས་ཤིང་བཏོན་པས་ཕུང་པོ་ལ་མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་པར་འབྱུང་བ་ལ་མཁས་པར་བྱས་པ་དེས་ན། ངའི་བསྟན་པ་ལ་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་སུམ་དུ་བྱས་སོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་གཅིག་ཏུ་གནག་པ་ཡིན། གཅིག་ཏུ་དཀར་བ་རྣམས་ཀྱི་རྣམ་པར་སྨིན་
Kha64b
པ་ནི། གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི། འདྲེན་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་དང་འདྲེན་མ་རྣམས་ནི། སྤངས་ལ། ལས་གཅིག་ཏུ་དཀར་བ་ལ་བརྩམ་པར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །གླེང་གཞི་ནི། རྒྱལ་པོའི་ཁབ་ནའོ། །དེའི་ཚེ་རྒྱལ་པོའི་ཁབ་ན། ཀླུའི་རྒྱལ་པོ་གྲོག་མཁར་དང་རི་བོ་གནས་སོ། །དེ་ཉིད་ཀྱི་མཐུས། དཀའ་ཐུབ་ཀྱི་ཆུ་ལྔ་བརྒྱ་ཡང་རྟག་ཏུ་འབབ་ལ། ཆུ་མིག་དང ། མཚོ་དང ། མཚེའུ་རྣམས་ཀྱང་སྐམ་པར་མི་འགྱུར། ལྷས་དུས་དུས་སུ་ཆར་གྱི་རྒྱུན་ལེགས་པར་ཕབ་པས། ལོ་ཏོག་རྣམས་ཀྱང་ལྷག་པར་ལེགས་པར་འགྱུར་རོ། ། གང་གི་ཚེ་བཅོམ་ལྡན་འདས་ཀྱིས་ཀླུའི་རྒྱལ་པོ་དགའ་བོ་དང་ཉེ་དགའ་བོ་གཉིས་བཏུལ་བ་ན། དེ་གཉིས་རི་རབ་ཀྱི་བང་རིམ་ནས། ཉི་མ་རེ་རེ་ཞིང་བཅོམ་ལྡན་འདས་ལ་བསྙེན་བཀུར་བྱེད་དུ་འོང་ངོ། །དེ་ནས་ཀླུའི་རྒྱལ་པོ་གྲོག་མཁར་དང ། རི་བོ་འདི་སྙམ་དུ་སེམས་ཏེ། ཀླུའི་རྒྱལ་པོ་དགའ་བོ་དང ། ཉེ་དགའ་བོ་འདི་གཉིས། རི་རབ་ཀྱི་བང་རིམ་ནས་ཉི་མ་རེ་རེ་ཞིང་བཅོམ་ལྡན་འདས་ལ་བསྙེན་བཀུར་བྱེད་ཅིང་འོང་ན། བདག་ཅག་འདི་ཉིད་ན་གནས་བཞིན་དུ་བཅོམ་ལྡན་འདས་ལ་བསྙེན་བཀུར་མི་བྱེད་པ་ནི། བཟང་པོ་མ་ཡིན་གྱི། མ་ལ་བདག་ཅག་གིས་ཀྱང་བཅོམ་ལྡན་འདས་
Kha65a
༄#། །ལ་བསྙེན་བཀུར་བྱའོ། །སྙམ་ནས། དེ་གཉིས་བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱིས། དེ་གཉིས་ལ་དེ་འདྲ་བའི་ཆོས་བཤད་པ་མཛད་དེ། དེ་ཐོས་ནས་དེ་གཉིས་སངས་རྒྱས་ལ་སྐྱབས་སུ་དོང་ཞིང ། ཆོས་དང་དགེ་འདུན་ལའང་སྐྱབས་སུ་དོང་ནས་བསླབ་པའི་གཞི་རྣམས་བླངས་སོ། །གང་གི་ཚེ་བཅོམ་ལྡན་འདས་ལས་སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་པ་དེའི་ཚེ་ལུས་དང་ལོངས་སྤྱོད་ལྷག་པར་འཕེལ་བར་གྱུར་ཏོ། །དེ་གཉིས་བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་གསོལ་བ། བཅོམ་ལྡན་འདས་གང་གི་ཚེ་བདག་ཅག་གིས་བཅོམ་ལྡན་འདས་ལ་སྐྱབས་སུ་མཆིས་ཤིང ། བསླབ་པའི་གཞི་རྣམས་མནོས་པ་དེའི་ཚེ། ལུས་དང་ལོངས་སྤྱོད་ལྷག་པར་འཕེལ་བར་གྱུར་ལགས་སོ། །བཅོམ་ལྡན་འདས། གལ་ཏེ་བཅོམ་ལྡན་འདས་ཀྱིས་རྗེས་སུ་གནང་ན། བདག་རྒྱ་མཚོ་ཆེན་པོར་འཇུག་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀླུའི་དབང་པོ་དག་།ཁྱེད་རྒྱལ་པོའི་ཡུལ་ན་གནས་པ་ཡིན་གྱི། རྒྱལ་པོ་ལ་རྟོགས་ཤིག་།དེ་གཉིས་ཀྱིས་བསམ་པ་དང ། དོན་གྱིས་ན། བདག་ཅག་བཅོམ་ལྡན་འདས་ཀྱིས་
Kha65b
རྗེས་སུ་མ་གནང་ངོ་ཞེས་སྨྲས་ནས། དེ་ཉིད་ན་གནས་སོ། །ཀླུའི་རྒྱལ་པོ་གྲོག་མཁར་དང ། རི་བོའི་ཀུན་ཏུ་སྤྱོད་པ་ནི། གལ་ཏེ་ནུབ་མོ་བཅོམ་ལྡན་འདས་བལྟར་འགྲོ་ན་ནི། ལྷའི་བུའི་ཆ་བྱད་ཀྱིས་སོ། འོན་ཏེ་ཉིན་པར་ན་ནི། ཁྱིམ་བདག་གི་ཆ་བྱད་ཀྱིས་སོ། །དེ་གཉིས་ཁྱིམ་བདག་གི་ཆ་བྱད་དུ་བྱས་ཤིང་ཉིན་རེ་ཞིང་བཅོམ་ལྡན་འདས་ལ་བསྙེན་བཀུར་བྱེད་དོ། །རྒྱལ་པོ་གཟུགས་ཅན་སྙིང་པོ་རྒྱལ་རིགས་ཀྱི་མངོན་པའི་ང་རྒྱལ་ཅན་གྱི་ཀུན་དུ་སྤྱོད་པ་ནི། དེ་གང་གི་ཚེ་བཅོམ་ལྡན་འདས་བལྟ་བར་འགྲོ་བ་དེའི་ཚེ། འགའ་ཞིག་བདག་མཐོང་ན། ལྡང་བར་མི་བྱེད་པ་མེད་གྲང་ཞེས་མི་གནང་ཆེན་གཏོང་བར་བྱེད་དེ། དེས་མི་གནང་ཆེན་ཞིག་མངགས་ཏེ། ཀྱེ། ནང་རྗེ་སོང་ལ་བཅོམ་ལྡན་འདས་ལ་སུ་དག་བསྙེན་བཀུར་བྱེད་ལྟོས་ཤིག་།དེ་སོང་བ་ལས་ཇི་ཙམ་ན། ཁྱིམ་བདག་གཉིས་ཤིག་མཐོང་ནས་དེས་བསམ་པ། འདི་གཉིས་ནི། ལྷའི་ཡུལ་ན་གནས་པས་ཅིའི་ཕྱིར་ལྡང་བར་མི་བྱེད་སྙམ་ནས། དེས་རྒྱལ་པོ་ལ་སྨྲས་པ། ལྷ་ཁྱིམ་བདག་གཉིས་ཤིག་མཆིས་པ་ནི། ལྷའི་ཡུལ་ཉིད་ན་གནས་པ་ལགས་སོ། །རྒྱལ་པོ་གཟུགས་ཅན་སྙིང་པོས་བསམ་པ། དེ་གཉིས་ཀྱིས་བདག་མཐོང་ན་ཅིའི་ཕྱིར་ལྡང་བར་མི་བྱེད་ཀྱི། འགྲོའོ། །སྙམ་ནས་དེ་ནས་བཅོམ་ལྡན་འདས་གང་ན་བ་དེར་སོང་བ་དང ། ཀླུའི་རྒྱལ་པོ་གྲོག་མཁར་དང ། རི་བོས་རྒྱལ་པོ་གཟུགས་ཅན་སྙིང་པོ་མཐོང་ངོ ། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། རྒྱལ་
Kha66a
༄#། །པོ་གཟུགས་ཅན་སྙིང་པོ་མཆིས་ན། ཅི། རེ་ཞིག་རྒྱལ་པོ་ལ་བསྟི་སྟང་བགྱིའམ། འོན་ཏེ་ཆོས་ལ་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀླུའི་དབང་པོ་དག་།ཆོས་ལ་བསྟི་སྟང་བྱོས་ཤིག་།དམ་པའི་ཆོས་ལ་ནི། འདི་ལྟར། སངས་རྒྱས་བཅོམ་ལྡན་འདས་རྣམས་ཀྱང་བླ་མར་བྱེད་ལ། ཆོས་ལ་ནི་དགྲ་བཅོམ་པ་རྣམས་ཀྱང་བླ་མར་བྱེད་དོ། །ཚིགས་སུ་བཅད་དེ་བཀའ་སྩལ་པ། འདས་པའི་སངས་རྒྱས་གང་ཡིན་དང ། །མ་བྱོན་སངས་རྒྱས་གང་ཡིན་དང ། །ད་ལྟར་སངས་རྒྱས་གང་ཡིན་པ། །མང་པོའི་མྱ་ངན་འཇོམས་མཛད་པ། །བཞུད་དང་བཞུགས་དང་འབྱོན་འགྱུར་བ། །ཐམས་ཅད་དམ་ཆོས་བླ་མར་བྱེད། །འདི་ནི་སངས་རྒྱས་ཆོས་ཉིད་ཡིན། །དེ་བས་འདིར་བདག་ཕན་འདོད་པ། །བདག་ཉིད་ཆེན་པོར་འདོད་པ་ཡིས། །སངས་རྒྱས་བསྟན་པ་དྲན་བྱས་ཏེ། །དམ་པའི་ཆོས་ལ་བཀུར་སྟི་བྱ། །དེ་གཉིས་ཀྱིས་ལྡང་བ་མ་བྱས་སོ། །དེ་ནས་རྒྱལ་པོ་མི་བཟོད་པ་སྐྱེས་ཏེ། དེས་གསོལ་པ། བཅོམ་ལྡན་འདས་ཀྱིས་ཆོས་བཤད་དུ་གསོལ། བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། ཞེ་སྡང་དང་ནི་འཁྲུག་པ་དང ། །མ་དད་པ་ཡི་སེམས་ཀྱིས་ནི། །རྫོགས་པའི་སངས་རྒྱས་ཀྱིས་བཤད་པའི། །དམ་ཆོས་ཤེས་པར་མི་ནུས་སོ། །གང་གིས་ཁྲོས་དང་བག་མེད་པའི། །སེམས་ནི་དུལ་བར་བྱས་པ་དང ། །འདི་ལ་མནར་སེམས་སྤངས་པ་དེས། །ལེགས་པར་གསུངས་
Kha66b
པ་ཤེས་པར་འགྱུར། །རྒྱལ་པོས་བསམ་པ། ཁྱིམ་བདག་འདི་གཉིས་འོངས་པས། བཅོམ་ལྡན་འདས་ཀྱིས་བདག་གི་ཆོས་ཉན་པའི་བར་ཡང་ཆད་པར་གྱུར་ཏོ་སྙམ་ནས། དེ་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་སོང་ངོ ། །དེ་སོང་ནས་བློན་པོ་རྣམས་ལ་བསྒོ་བ། ཁྱིམ་བདག་འདི་གཉིས་གང་གི་ཚེ་བཅོམ་ལྡན་འདས་ཀྱི་སྤྱན་སྔ་ནས་དོང་བ་དེའི་ཚེ་ཁྱེད་གཉིས་ངའི་ཡུལ་ན་མ་འདུག་ཅིག་ཅེས་སྒོས་ཤིག་།དེ་གཉིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་སོང་བ་དང ། བློན་པོ་བདག་གིས་བསྒོ་བ། ལྷའི་ཞལ་ནས། ཁྱེད་ཅག་གཉིས་ངའི་ཡུལ་ན་མ་འདུག་ཅིག་ཅེས་གསུང་ངོ ། །དེ་གཉིས་ཀྱིས་སྨྲས་པ། བཀའ་བཞིན་འཚལ་མཆིའོ། །བསམ་པ། བདག་ཅག་གཉིས་ཀྱིས། ཡུན་རིང་པོ་ཞིག་ནས་བསམ་པ་གང་ཡིན་པ་དེ་ནི་ཚེགས་ཆུང་དུས་གྲུབ་བོ། །སྙམ་མོ། །དེ་ནས་འོད་པའི་ཆུ་ཆེན་པོ་ནས་ཕྱུང་ནས་གྲོག་མོ་ཆུང་ངུའི་ནང་དུ་ཞུགས་སོ། །གྲོག་མོ་ཆུང་དུ་ནས་གྲོག་མོ་ཆེན་པོར་རོ། །གྲོག་མོ་ཆེན་པོ་ནས་ཆུ་བྲན་དུའོ། །ཆུ་བྲན་ནས་ཆུ་ཆེན་པོར་རོ། །ཆུ་ཆེན་པོ་ནས་རྒྱ་མཚོ་ཆེན་པོར་ཏེ། གང་གི་ཚེ་རྒྱ་མཚོ་ཆེན་པོར་ཞུགས་པ་དེའི་ཚེ། དེ་གཉིས་ཕྱིར་ཞིང་ལུས་དང་ལོངས་སྤྱོད་ཤིན་ཏུ་འཕེལ་བར་གྱུར་ཏོ། །ཇི་ཙམ་དུས་གཞན་ཞིག་ན། རྒྱལ་པོའི་ཁབ་ཀྱི་དཀའ་ཐུབ་ཀྱི་ཆུ་ལྔ་བརྒྱ་དང ། ཆུ་མིག་དང ། མཚོ་དང ། མཚེའུ་རྣམས་ཀྱང་ཆུང་བ་དང ། ཡོངས་སུ་ཟད་པ་དང ། གཏུགས་པར་གྱུར་ལ་
Kha67a
༄#། །ཐུག་།ལྷས་ཀྱང་དུས་དུས་སུ་ཆར་གྱི་རྒྱུན་ལེགས་པར་མ་བབ་པས་ལོ་ཉེས་པར་གྱུར་ཏེ། མུ་གེ་ཉམ་ང་བ་དགོན་པ་སློང་མོ་བས་ཟས་རྙེད་པར་དཀའ་བ་བྱུང་བར་གྱུར་ཏོ། །རྒྱལ་པོས་བསམ་པ། རྒྱལ་པོའི་ཁབ་འདི་ན་ཀླུའི་རྒྱལ་པོ་རི་བོ་དང་གྲོག་མཁར་གནས་ཏེ། དེ་གཉིས་ཀྱི་མཐུས། དཀའ་ཐུབ་ཀྱི་ཆུ་ལྔ་བརྒྱ་ཡང་འབབ། ཆུ་མིག་དང ། མཚོ་དང ། མཚེའུ་རྣམས་ཀྱང་ཆུ་ཆེ། ལྷས་ཀྱང་དུས་སུ་ཆར་གྱི་རྒྱུན་ལེགས་པར་ཕབ་པ་ཉིད་ཀྱིས་ལོ་ཏོག་ལེགས་པར་རྒྱས་པར་གྱུར་ན། ད་ནི། དཀའ་ཐུབ་ཀྱི་ཆུ་ལྔ་བརྒྱ་དང ། ཆུ་མིག་དང ། མཚོ་དང ། མཚེའུ་རྣམས་ཀྱང་ཆུང་བ་དང ། ཡོངས་སུ་ཟད་པ་དང ། གཏུགས་པར་གྱུར་ལ་ཐུག་།ལྷས་ཀྱང་དུས་དུས་སུ་ཆར་གྱི་རྒྱུན་ལེགས་པར་མ་ཕབ་པས་ལོ་ཉེས་པར་གྱུར་ཏེ། མུ་གེ་ཉམ་ང་བ་དགོན་པ་སློང་མོ་བས་ཟས་རྙེད་པར་དཀའ་བ་བྱུང་བར་གྱུར་ན། ཀླུའི་རྒྱལ་པོ་རི་བོ་དང ། གྲོག་མཁར་ཤིའམ། བྱའི་རྒྱལ་པོ་ནམ་མཁའ་ལྡིང་གིས་ཁྱེར་བའམ། སྦྲུལ་ཁས་སྡིགས་ཀྱིས་བཟུང་བའམ། དེས་འཇིགས་ནས་བྲོས་པར་མ་གྱུར་གྲང ། དེ་ལྟ་མོད་ཀྱི། སངས་རྒྱས་བཅོམ་ལྡན་འདས་ནི། ཐམས་ཅད་མཁྱེན་པ། ཐམས་ཅད་གཟིགས་པ་ཡིན་གྱི། མ་ལ་བདག་གིས་བཅོམ་ལྡན་འདས་ལ་ཞུའོ། །སྙམ་དུ་བསམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ །
Kha67b
ཕྱོགས་གཅིག་ཏུ་འདུག་ནས། རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ལ་དོན་དེ་རྒྱས་པར་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། དེ་གཉིས་ནི། ཤི་བ་ཡང་མ་ཡིན། བྱའི་རྒྱལ་པོ་ནམ་མཁའ་ལྡིང་གིས་ཀྱང་མ་ཁྱེར། སྦྲུལ་ཁས་སྡིགས་ཀྱིས་ཀྱང་མ་བཟུང ། དེས་འཇིགས་པས་ཀྱང་མ་བྲོས་མོད་ཀྱི། རྒྱལ་པོ་ཁྱོད་ཉིད་ཀྱིས་ཡུལ་ནས་བསྐྲད་དོ། ། བཅོམ་ལྡན་འདས། བདག་གིས་དེ་གཉིས་མཐོང་བར་ཡང་མི་དྲན་ན། དེ་གཉིས་ཡུལ་ནས་བསྐྲད་པ་ལྟ་སྨོས་ཀྱང་ཅི་འཚལ། རྒྱལ་པོ་ཆེན་པོ། ངས་ཁྱོད་དྲན་པར་བྱའོ། །རྒྱལ་པོ་ཆེན་པོ་ཁྱོད་ཀྱིས་ཁྱིམ་བདག་གཉིས་ཤིག་ཡུལ་ནས་བསྐྲད་པ་དྲན་ནམ། བཅོམ་ལྡན་འདས། དྲན་ལགས་སོ། །དེ་གཉིས་ནི། ཀླུའི་རྒྱལ་པོ་རི་པོ་དང་གྲོག་མཁར་ཡིན་ནོ། །བཙུན་པ། དེ་གཉིས་གང་དུ་མཆིས། རྒྱ་མཚོ་ཆེན་པོར་དོང་ངོ ། །བདག་གི་ཡུལ་མ་རུང་བར་གྱུར་ལགས་སོ། །རྒྱལ་པོ་ཆེན་པོ། དེ་གཉིས་ལ་བཟོད་པ་བྱིན་ཅིག་དང ། མ་རུང་བར་མི་འགྱུར་རོ། །དེ་གཉིས་རྒྱ་མཚོ་ཆེན་པོ་ན་མཆིས་ན། ཇི་ལྟར་བཟོད་པ་སྩལ། དེ་གཉིས་ཚེས་བརྒྱད་དང ། བཅུ་བཞི་ལ་ཁྱིམ་བདག་གི་ཆ་བྱད་དུ་བྱས་ནས། ངའི་ཞབས་གཉིས་ལ་ཕྱག་འཚལ་དུ་འོངས་པ་དང ། ངས་རྟགས་བསྟན་གྱིས། ཁྱོད་ཀྱིས་བཟོད་པ་བྱིན་ཅིག་།བཅོམ་ལྡན་འདས། ཅི། བདག་གིས་རྐང་པ་གཉིས་ལ་གཏུགས་པར་བགྱིའམ། རྐང་པ་གཉིས་ལ་གཏུགས་པར་མི་བྱ་སྟེ། འོན་ཀྱང་ལག་པ་རྐྱོངས་ལ་ཀླུའི་དབང་པོ་བཟོད་པར་
Kha68a
༄#། །གསོལ་ལོ། །ཞེས་སྨྲོས་ཤིག་དང་བཟོད་པར་འགྱུར་རོ། །རྒྱལ་པོས་དེ་གཉིས་འོངས་པ་ལ་འབད་དེ་སྡོད་ཅིང་འདུག་པ་དང ། ཇི་ཙམ་ན། དེ་གཉིས་ཁྱིམ་བདག་གི་ཆ་བྱད་དུ་བྱས་ནས་བཅོམ་ལྡན་འདས་ཀྱི་སྤྱན་སྔར་འོངས་པ་དང ། དེ་མ་ཐག་ཏུ་རྒྱལ་པོ་ཡང་འོངས་ནས། བཅོམ་ལྡན་འདས་ཀྱིས་རྟགས་བསྟན་པ་དང ། རྒྱལ་པོས་ལག་པ་མངོན་དུ་བརྐྱངས་ནས་སྨྲས་པ། ཀླུའི་དབང་པོ་གཉིས་བཟོད་པར་གསོལ་ལོ། །རྒྱལ་པོ་ཆེན་པོ། བཟོད་པར་བགྱིའོ། །གལ་ཏེ་བཟོད་པར་གྱུར་ན། འདིར་སྤྱོན་ཅིག་།རྒྱལ་པོ་ཆེན་པོ་གང་གི་ཚེ་བཅོམ་ལྡན་འདས་ལས་བདག་ཅག་གིས་སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་པས་དེ་ཉིད་ཀྱི་ཚེ་བདག་ཅག་གི་ལུས་དང་ལོངས་སྤྱོད་སྐྱེས་ཏེ། གལ་ཏེ་ད་ཆེ་བཞིན་དུ་འདིར་འོངས་ན། ཡུལ་མ་ག་དྷ་རུ་ཡང་མི་ཤོང་བར་འགྱུར་རོ། །འོ་ན་ཡུལ་མ་ག་དྷ་མ་རུང་བར་འགྱུར་མོད། མ་རུང་བར་མི་འགྱུར་རོ། །ཇི་ལྟར་མི་འགྱུར། ཁྱོད་ཀྱིས་ཁོ་བོ་ཅག་གི་ཁང་བཟང་གཉིས་བརྩིགས་ལ། ཟླ་བ་དྲུག་ཅིང་དུས་མཆོད་ཀྱིས་ཤིག་དང ། ཁོ་བོ་ཅག་གི་འཁོར་བཞག་ལ། དུས་མཆོད་ཀྱི་ཚེ་ཡང་འདུ་བར་བྱའོ། །རྒྱལ་པོས་དེ་བཞིན་དུ་བྱེད་པ་དང ། དེ་གཉིས་ཀྱིས་འཁོར་དག་ཀྱང་བཞག་ལ། དུས་མཆོད་ཀྱང་རང་ཉིད་ཉམས་སུ་མྱོང་བར་བྱེད་དོ། །ཇི་ཙམ་དུས་གཞན་ཞིག་ན། དེ་དག་གི་འཁོར་བག་མེད་པར་གནས་པ་ན། ཀླུ་གདུག་པ་དག་གིས་གླགས་རྙེད་ནས།
Kha68b
དེ་དག་གིས་སེར་བ་དབབ་པར་བརྩམས་སོ། །རྒྱལ་པོའི་ཁབ་ན། བྲམ་ཟེ་སེར་བའི་སྔགས་ལ་མཁས་པ་གཞན་ཞིག་ཡོད་དེ། དེས་དེ་བབ་ཅིང་བབ་པ་དག་བཅད་པ་དང ། དེ་ལ་ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ཀྱིས་དབང་ཐང་བྱིན་ནོ། །ལྷོ་ཕྱོགས་ན། བྲམ་ཟེ་མེས་བྱིན་ཞེས་བྱ་བ་སེར་བའི་སྔགས་ལ་མཁས་པ་ཞིག་ཡོད་པ་དེས། བྱང་ཕྱོགས་ན། ཡུལ་ནུས་པ་ཅན་ཞེས་བྱ་བ་ཞིག་ཡོད་དེ། དེ་ན་རྒྱལ་པོ་སྡེ་མཆོག་ཅེས་བྱ་བ་རྒྱལ་སྲིད་བྱེད་དུ་འཇུག་གོ་།དེའི་ཡུལ་ན་ཀླུའི་རྒྱལ་པོ་རབ་མཛེས་ཀྱི་གནས་ཡོད་དེ། དེ་ན་སྨན་མཐུ་ཆེ་བ་ཕ་རོལ་གནོན་པ་ཡོད་པར་ཐོས་ནས། དེའི་ཆེད་འགྲོའོ། །ཞེས་དེ་ཆས་ཏེ། རིམ་གྱིས་རྒྱལ་པོའི་ཁབ་ཏུ་ཕྱིན་ནས། བྲམ་ཟེ་སེར་བའི་སྔགས་འཆང་བ་དེའི་གནས་སུ་ཞུགས་པ་དང ། ཇི་ཙམ་ན། སེར་བ་ཆེན་པོ་འབབ་པ་བྲམ་ཟེ་གཉུག་མར་གནས་པ་དེས་གཅད་པར་མ་ནུས་ནས། དེ་ཕྱིར་བྱུང ། ནང་དུ་ཞུགས་པར་བྱེད་པ་དང ། བྲམ་ཟེ་མེས་བྱིན་གྱིས་དྲིས་པ། མཁན་པོ། ཅིའི་སླད་དུ་མཁན་པོ་འདི་ཕྱིར་བྱུང ། ནང་དུ་ཞུགས་པར་མཛད་དེས་སྨྲས་པ། བུ། སེར་བ་ཆེན་པོ་བབ་པ་གཅད་པར་མ་ནུས་པར་བས་མོད། བདག་གིས་དགུམ་མོ། བུ་ལེགས་སོ། །དེ་ཆུ་ཉུང་ཞིག་ལ་བཟླས་ཏེ་གཏོར་བས་ཚལ་པ་བརྒྱར་གྱེས་སོ། །རྒྱལ་པོའི་ཁབ་ཀྱི་བྲམ་ཟེ་དང་ཁྱིམ་བདག་རྣམས་མཆོག་ཏུ་ངོ་མཚར་དུ་གྱུར་ནས་རྔན་པ་ཐོགས་ཏེ། བྲམ་ཟེ་དེའི་ཁྱིམ་དུ་དོང་ནས་སྨྲས་པ། མཁན་པོ། རྒྱལ་པོའི་ཁབ་ཀྱི་སྐྱེ་བོའི་ཚོགས་མངོན་པར་དགའ་བར་གྱུར་གྱི། རྔན་པ་
Kha69a
༄#། །ལོངས་ཤིག་།ཅིའི་ཕྱིར། ཁྱོད་ཀྱིས་སེར་བ་ཆེན་པོ་ཁུམས་པའི་སླད་དུའོ། །དེས་སྨྲས་པ། ཁོ་བོས་ནི། མ་བཅད་དེ། འོན་ཀྱང་བྲམ་ཟེ་འདིས་བཅད་དོ། །དེ་དག་བྲམ་ཟེ་དེའི་དྲུང་དུ་དོང་ནས་བྲམ་ཟེའི་ཁྱེའུ་འདི་ཉིད་དུ་འདུག་ཅིག་དང ། དབང་ཐང་སྦྱིན་ནོ། །དེ་བཞིན་དུ་གནས་པར་བྱའོ། །ཞེས་དེ་གནས་སོ། །དེས་སེར་བ་དེ་དུས་ཐ་གི་ཙམ་ཞིག་གི་བར་དུ་སྔགས་ཀྱིས་བགགས་ཏེ་མི་འབབ་པར་གྱུར་ཏོ། །རྒྱལ་པོའི་ཁབ་ཀྱི་བྲམ་ཟེ་དང ། ཁྱིམ་བདག་རྣམས་ཀྱིས་སྨྲས་པ། ཤེས་ལྡན་དག་།བདག་ཅག་ཉིད་ཀྱི་བསོད་ནམས་ཀྱིས་སེར་བ་མི་འབབ་ན། ཅིའི་ཕྱིར་དེ་ལ་དབང་ཐང་སྦྱིན་ཞེས་དེ་རྣམས་ཀྱིས་བཅད་དོ། །བྲམ་ཟེ་དེས་སྔགས་བརྟུལ་ནས་ཡུལ་ནུས་པ་ཅན་དུ་སོང་བ་དང་ཕྱིར་ཡང་སེར་བ་འབབ་པར་གྱུར་ཏོ། །དེ་རྣམས་བྲམ་ཟེ་དེའི་དྲུང་དུ་སོང་སྟེ་སྨྲས་པ། མཁན་པོ། བྲམ་ཟེའི་ཁྱེའུ་དེ་གར་མཆིས། དེས་སྨྲས་པ། ཁྱེད་ཅག་གིས་དེ་ལ་བཀུར་སྟི་མ་བྱས་པས་དེ་སོང་ངོ ། །མཁན་པོ། གལ་ཏེ་མཆིས་ན། བདག་ཅག་ལ་སྦྲོན་ཅིག་།དེ་བཞིན་དུ་བྱའོ། །དེ་ཡང་རིམ་གྱིས་རྒྱལ་པོ་སྡེ་མཆོག་གང་ན་བ་དེར་སོང་སྟེ་ཕྱིན་ནས། རྒྱལ་པོ་སྡེ་མཆོག་ལ་རྒྱལ་བ་དང ། ཚེ་སྤེལ་བ་དག་བྱས་ནས་སྨྲས་པ། ལྷ་ཁྱོད་ཀྱི་ཡུལ་ན་ཀླུའི་རྒྱལ་པོ་རབ་མཛེས་ཞེས་བགྱི་བ་མཆིས་པ་དེའི་གནས་ན། མོད་ལ་མཐུ་སྐྱེས་པ་ཞེས་བྱ་བའི་སྨན་མཆིས་ཀྱི། ལྷས་དེ་སྟོན་ཅིག་དང ། ལྷའི་སྐལ་བ་ཡང་དབུལ་བར་བགྱིའོ། །
Kha69b
རྒྱལ་པོས་སྨྲས་པ། ཀྱེ་བྲམ་ཟེ། ཀླུའི་རྒྱལ་པོ་རབ་མཛེས་ནི། གཏུམ་པོ་ཡིན་པས་དེས་ཁྱོད་བརླག་པར་མི་བྱེད་གྲང ། ལྷ། རེ་ཞིག་བདག་ལ་སྔགས་ཀྱི་མཐུ་དང་སྨན་གྱི་མཐུ་མཆིས་ཏེ། གལ་ཏེ་ཀླུའི་རྒྱལ་པོ་རབ་མཛེས་དང་འདྲ་བའི་ཀླུ་རྣམས་ཀྱིས་ཛམྦུའི་གླིང་འདི་ལྟ་སྟེ། བུ་རམ་ཤིང་གི་ཚལ་ལམ། འདམ་བུའི་ཚལ་བཞིན་གང་བར་གྱུར་ཀྱང ། བདག་གི་བ་སྤུ་གཅིག་ཀྱང་བསྐྱོད་པར་རྔོ་མི་ཐོགས་ན། ཀླུའི་རྒྱལ་པོ་རབ་མཛེས་ཀྱིས་ལྟ་སྨོས་ཀྱང་ཅི་འཚལ། འོན་ཀྱང་ལྷའི་མི་དགུམ་པ་ལ་ཐུག་པ་འགའ་མཆིས་སམ། བྲམ་ཟེ། ཡོད་དོ། །ལྷ། དཀྲི་ཞིག་དང ། དེས་དེའི་གནས་སྟོན་པར་འགྱུར་རོ། །དེ་ནས་རྒྱལ་པོས་མི་དེ་ལ་བོས་ཏེ་བསྒོ་བ། ཀྱེ་ནང་རྗེ། བྲམ་ཟེ་འདི་ལ་ཀླུའི་རྒྱལ་པོ་རབ་མཛེས་ཀྱི་གནས་སྟོན་ཅིག་།ལྷ། བཀའ་བཞིན་འཚལ་ཞེས་མི་དེས་རྒྱལ་པོའི་ལྟར་མཉན་ནས་བྲམ་ཟེ་དེ་ཁྲིད་དེ་ཆས་སོ། །ཇི་ཙམ་ན། མི་རིང་བ་ཞིག་ཏུ་བསྡད་ནས་དེ་ལ་སྨྲས་པ། བྲམ་ཟེ། ཚལ་སྔོ་ཞིང་སྔོ་བ་དག་སྦྲེངས་པ་ཕ་བི་མཐོང་ངམ། མཐོང་ངོ ། །དེ་ནི། ཀླུའི་རྒྱལ་པོ་རབ་མཛེས་ཀྱི་གནས་ཡིན་ནོ། །དེ་སོང་སྟེ། དེས་དེར་མོད་ལ་མཐུ་བསྐྱེད་པ་ཞེས་བྱ་བའི་སྨན་ལས་ཁུར་དུ་སྦྲགས་ནས་དེས་དེ་ཐོགས་ཏེ། ཡུལ་ནུས་པ་ཅན་དུ་སོང་ནས་རྒྱལ་པོ་སྡེ་མཆོག་གི་སྐལ་པ་བྱིན་ཏེ། རིམ་གྱིས་རྒྱལ་པོའི་ཁབ་ཏུ་ཕྱིན་ནས། བྲམ་ཟེ་དེ་ཉིད་ཀྱི་ཁྱིམ་དུ་ཞུགས་སོ། །དེ་ནས་དེས་རྒྱལ་པོའི་ཁབ་ཀྱི་བྲམ་ཟེ་དང་ཁྱིམ་བདག་རྣམས་ལ་སྦྲན་པ་དང ། དེ་དག་མཆོད་ཡོན་ཐོགས་ཏེ་ལྷགས་
Kha70a
༄#། །ནས།་བྲམ་ཟེའི་ཁྱེའུ་འདི་ཉིད་དུ་འདུག་ཅིག་།དབང་ཐང་སྦྱིན་ནོ། །དེས་སྨྲས་པ། ཁྱེད་ཅག་གིས་བཀུར་སྟི་མ་བྱས་པས་ཁོ་བོ་མི་འདུག་གོ་།དེ་རྣམས་ཀྱིས་དེ་གཞག་པར་གལ་གྱིས་འཆུ་བར་བརྩམས་ཏེ་གསོལ་བ་བཏབ་པ་དང ། ཁས་བླངས་ནས་དེ་དག་གིས་འཚོ་བའི་རིས་བཅད་དོ། །འཇིག་རྟེན་ནི། ཕུན་སུམ་ཚོགས་པ་འདོད་ཀྱི། རྒྱུད་པ་དང་མི་མཐུན་པས། དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན།་ཁྱེའུ་ཞིག་བཙས་ཏེ། དེས་དེའི་མིང་རི་བོ་ཅན་ཞེས་བྱ་བར་བཏགས་སོ། །དེ། ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བུ་མོ་ཞིག་བཙས་ཏེ། དེའི་མིང་ནི། སེར་བ་ཞེས་བྱ་བར་བཏགས་སོ། །བྲམ་ཟེ་མོ་ནི། འཁོར་བྲལ་ཞེས་བྱའོ། །མནའ་མ་ནི། ཀློག་ཅེས་བྱའོ། །དེས་བསམ་པ། ཡང་དང་ཡང་དུ་སེར་བ་གཅོད་ཅིང་ཅི་ལས་མེད་ཡུན་རིང་རབ་ཏུ་སྔགས་ཀྱིས་བགག་པར་བྱའོ། །ཞེས་དེས་ཡུན་རིང་པོར་སྔགས་ཀྱིས་བགག་པ་བྱས་ཏེ་བཞག་པས་སེར་བ་མི་འབབ་པར་གྱུར་ཏོ། །རྒྱལ་པོའི་ཁབ་ཀྱི་བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། བདག་ཁོ་ནའི་བསོད་ནམས་ཀྱི་མཐུས་སེར་བ་མི་འབབ་ན། ཅིའི་ཕྱིར་དབང་ཐང་སྦྱིན་ཞེས་དེ་རྣམས་ཀྱིས་བཅད་དོ། །བྲམ་ཟེ་དེ་ཕྲག་དོག་གིས་ཟིལ་གྱིས་ནོན་པས་བུ་ཡང་སྔགས་ཀྱི་ཚིག་རྣམས་འཛིན་
Kha70b
དུ་མ་བཅུག་གོ་།བདེ་བ་ལ་ཆགས་པས་ཁ་ཏོན་ཡང་མ་བྱས་ལ། སྨན་ཡང་སྐམ་དུ་མ་བཅུག་གོ་།དེས་སྔགས་ཀྱི་ཚིག་རྣམས་ནི། བསམ་ན་བརྗེད། སྨན་ནི། མ་བསྐམས་པས་རུལ་བར་གྱུར་ཏོ། །དེ་རྒྱལ་པོའི་ཁབ་ཀྱི་བྲམ་ཟེ་དང་ཁྱིམ་བདག་རྣམས་ལ་སྙིང་ན་ཆེས་ནས། དེ་རྣམས་ལ་ཀླན་ཀ་བཙལ་བའི་ཕྱིར་མུ་སྟེགས་ཀྱི་གནས་དང ། དཀའ་ཐུབ་ཀྱི་ཚལ་དེ་དང་དེ་དག་ཏུ་སོང་ནས་དྲིས་པ། ཤེས་ལྡན་དག་།གང་གིས་གང་བསམ་པ་དང ། གང་དོན་དུ་གཉེར་བ་དེ་ལ་ཐམས་ཅད་འགྲུབ་པར་འགྱུར་བའི་ཐབས་ལྟ་ཅི་ཡོད། དེ་ན་ཁ་ཅིག་གིས་སྨྲས་པ། མེར་ཞུགས་ཤིག་།ཁ་ཅིག་གིས་སྨྲས་པ། དུག་ཟོ་ཞིག་།ཁ་ཅིག་གིས་སྨྲས་པ། གཡང་ས་ནས་བདག་ཉིད་མཆོངས་ཤིག་།ཁ་ཅིག་གིས་སྨྲས་པ། བདག་རང་གི་སྐེ་ལ་ཐག་པ་ཐོགས་ཏེ། ཤིང་གི་ཡལ་ག་ལས་འཕྱང་དུ་ཆུག་ཅིག་།ཅེས་ཐམས་ཅད་ཀྱིས་འཆི་བའི་ཐབས་བསྟན་གྱི། ངེས་པར་འབྱུང་བའི་ཐབས་ནི། མ་ཡིན་པས། དེ་རིམ་གྱིས་འོད་མའི་ཚལ་དུ་སོང་ངོ ། །དེས་དགེ་སློང་ཞིག་མཐོང་ནས་དྲིས་པ། འཕགས་པ། གང་གིས་གང་བསམ་པ་དང་གང་དོན་དུ་གཉེར་བ་དེ་ལ་ཐམས་ཅད་འགྲུབ་པར་འགྱུར་བའི་ཐབས་ལྟ་འགའ་མཆིས་སམ། དེ་སྨྲས་པ། བཅོམ་ལྡན་འདས་ལས་རབ་ཏུ་ཕྱུང་ཞིག་།དེར་ཅི་ཞིག་བགྱི། དེར་ཇི་སྲིད་འཚོའི་བར་དུ་ཚངས་པར་སྤྱོད་པ་ཡང་སྤྱད་པར་བྱ། བསམ་གཏན་དང་གདོན་པ་དང་ལྡན་པར་ཡང་གནས་པར་བྱ་སྟེ། གལ་ཏེ་རེ་ཞིག་མཐོང་བའི་ཆོས་ཉིད་ལ་ཀུན་ཤེས་པ་ཐོབ་པ་ན། དེས་ན་དེ་ཉིད་ཁྱོད་ཀྱི་སྡུག་བསྔལ་
Kha71a
༄#། །གྱི་མཐར་ཕྱིན་པ་ཡིན་ནོ། །འོན་ཏེ་སྦྱོར་བའི་ལྷག་མ་དང་བཅས་བཞིན་དུས་བྱེད་ན། གང་བསམ་པ་དང ། གང་དོན་དུ་གཉེར་བ་དེ་ལ་ཐམས་ཅད་འགྲུབ་པར་འགྱུར་རོ། །འཕགས་པ། །དེ་ནི་རྔོ་མི་ཐོགས་ན། གཞན་ཡང་ཅུང་ཟད་ཅི་མཆིས། སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲོངས་ལ་གདུགས་ཚོད་གསོལ་ཅིག་།དེ་ཡང་རྔོ་མི་ཐོགས་ན། གཞན་བསྟན་དུ་གསོལ། བུམ་པ་བཟང་པོ་ལྟ་བུའི་ཉན་ཐོས་ཆེན་པོ་བཞི་སྤྱན་དྲོངས་ལ་གདུགས་ཚོད་གསོལ་ཏེ། སྨོན་ལམ་ཐོབ་ཅིག་དང ། གང་བསམ་པ་དང་གང་དོན་དུ་གཉེར་བ་དེ་ཐམས་ཅད་འགྲུབ་བོ། །འཕགས་པ། དེ་ནི། རྔོ་ཐོགས་ཀྱི། བགྱིའོ། །ཞེས་བུམ་པ་བཟང་པོ་ལྟ་བུའི་ཉན་ཐོས་ཆེན་པོ་བཞི་སྤྱན་དྲངས་ཏེ། གདུགས་ཚོད་གསོལ་ནས་སྨོན་ལམ་བཏབ་པ། དགེ་བའི་རྩ་བ་འདིས། རབ་མཛེས་ཀླུའི་གནས་ནས་བསད་ལ་བདག་དེར་སྐྱེ་ཞིང་དེ་ནས་རྒྱལ་པོའི་ཁབ་ཀྱི་མི་རྣམས་ལ་གནོད་པ་བྱེད་པར་གྱུར་ཅིག་།ཅེས་སྨོན་ལམ་བཏབ་བོ། །དེ་ལ་ཆུང་མས་དྲིས་པ། རྗེའི་སྲས། སྨོན་ལམ་ཅི་ཞིག་བཏབ། དགེ་བའི་རྩ་བ་འདིས། རབ་མཛེས་ཀླུའི་གནས་ནས་བསད་ལ་བདག་དེར་སྐྱེ་ཞིང་དེ་ནས་རྒྱལ་པོའི་ཁབ་ཀྱི་མི་རྣམས་ལ་གནོད་པ་བྱེད་པར་གྱུར་ཅིག་།ཅེས་སྨོན་ལམ་བཏབ་བོ། །ལེགས་ཏེ། བདག་ཀྱང་ཁྱོད་ཀྱི་ཆུང་མར་གྱུར་ཅིག་།བུས་སྨྲས་པ། བདག་ཀྱང་ཁྱོད་ཀྱི་བུར་གྱུར་ཅིག་།དེ་བཞིན་དུ་བུ་མོས་སྨྲས་པ། བདག་ཀྱང་
Kha71b
ཁྱོད་ཀྱི་བུ་མོར་གྱུར་ཅིག། དེ་བཞིན་དུ་མནའ་མས་སྨྲས་པ། བདག་ཀྱང་མནའ་མར་གྱུར་ཅིག། ཅེས་བྱས་ནས། དེ་རྣམས་ཁྱིམ་རྙིང་པ་ཞིག་ཏུ་ཞུགས་ཏེ་ཉལ་བ་དང ། སྤྲིན་ཁ་དོག་ལྔ་པ་ལས་ཆར་བབས་ཏེ། རྩིག་པ་འགྱེལ་བས་ནོན་ཏེ་ཁ་བཏག་གོ་།ཀླུ་རབ་མཛེས་ཤི་འཕོས་ནས་འཁོར་དྲུག་ཁྲི་དང་སྐྱེས་ནས། དེ་ཡང་རབ་མཛེས་ཞེས་བྱ་བར་གྲགས་སོ། །ཆུང་མ་འཁོར་བྲལ་ཞེས་བྱའོ། །བུ་ནི། རི་བོ་ཅན་ཞེས་བྱའོ། །བུ་མོ་ནི། སེར་བ་ཞེས་བྱའོ། །མནའ་མ་ནི། ཀློག་ཅེས་བྱའོ། །ཆོས་ཉིད་ཀྱིས། ཀླུའམ། ཀླུའི་བུ་མོ་སྐྱེས་ནས་རིང་པོ་མ་ལོན་པར་གནས་གསུམ་དྲན་པར་འགྱུར་ཏེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་ཡིན་པའོ། །དེས་བལྟས་ན། མི་ལས་ཤི་འཕོས་སོ། །གང་དུ་སྐྱེས་ཤེ་ན། ཀླུ་རྣམས་སུའོ། །ལས་གང་གིས་ཤེ་ན། སྨོན་ལམ་གྱི་དབང་གིས་སོ། །ཅིའི་ཕྱིར་སྙམ་ན། རྒྱལ་པོའི་ཁབ་ཀྱི་མི་རྣམས་ལ་གནོད་པ་བྱ་བའི་ཕྱིར་རོ། །དེས་བསམ་པ། ཅི། ལོ་ཏོག་ཇི་ལྟ་བ་བཞིན་དུ་སྐྱེས་པ་ལ་བྱ་ན། མི་རྣམས་ཀྱི་སྡུག་བསྔལ་སྐྱེ་བར་འགྱུར་རམ། འོན་ཏེ་མ་སྐྱེས་པ་རྣམས་ལ་འགྱུར་སྙམ་ན། དེས་ཇི་ལྟར་སྐྱེས་པ་ལ་བྱས་པ་ལྟར་མ་སྐྱེས་པ་ལ་ནི་དེ་ལྟར་མ་ཡིན་པར་མཐོང་ནས། དེས་འཁོར་རྣམས་ལ་བསྒོ་བ། ཤེས་ལྡན་ཚུར་ཤོག། ཡུལ་མ་ག་དྷར་དེངས་ལ་ཆར་པས་ལོ་ཏོག་ཐམས་ཅད་སྐྲུན་ཅིག། དེ་རྣམས་ཀྱིས་ལོ་ཏོག་ཐམས་ཅད་བསྐྲུན་པ་དང ། དེ་ནས་དྲུག་སྟོང་གི་འཁོར་དང ། གཤོལ་མདའ་ཙམ་གྱི་ཆར་
Kha72a
༄#། །གྱི་རྒྱུན་གྱིས་ཇི་ལྟར་ཡུལ་མ་ག་དྷར་སོག་མ་ཡང་ཁྱེར་བ་དེ་ལྟ་བུའི་ཆར་གྱི་རྒྱུན་དབབ་པར་བརྩམས་སོ། །དེ་ནས་དེ་དག་ཕན་ཚུན་དུ་སྨྲས་པ། སོག་མ་ཡང་ཀླུ་འདིས་འཕྲོག་གོ། ཞེས་དེའི་མིང་སོག་མ་མེད་ཅེས་བྱ་བར་ཐོགས་སོ། །སྡོམ་ལ། རྒྱལ་པོའི་ཁབ་དང་ནཱ་ལནྡ། །འོད་མའི་དབྱུག་པ་དམར་བུའི་གྲོང ། །ཆུ་བོ་གངྒཱ་སྤྲིན་བརྩེགས་དང ། །སྒྲ་ཆེན་ཡངས་པ་ཐ་མ་ཡིན། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལནད་ཀ་གནས་པ་ན་བཞུགས་སོ། །གང་གི་ཚེ་གཞོན་ནུ་མ་སྐྱེས་དགྲ་ལྷས་སྦྱིན་གྱིས་རྦད་ནས། ཕ་ཆོས་ཀྱི་རྒྱལ་པོ།་ཆོས་དང་ལྡན་པ་བསད་དེ་རང་ཉིད་ཀྱིས་ཅོད་པན་བཅིངས་ནས། རྒྱལ་པོར་ཞུགས་པ་དེའི་ཚེ་བཅོམ་ལྡན་འདས་ལ་བཀུར་སྟི་མ་ཡིན་པ་མང་པོ་བྱ་བར་བརྩམས་ཏེ། དགོངས་པ་མན་ཆད་བྱ་བའི་ཕྱིར་གླང་པོ་ཆེ་ནོར་སྐྱོང་དང ། ཁྱི་གཏུམ་པོ་ཟ་བ་དག་རྦད་པ་དང ། དེའི་མ། ལུས་འཕགས་མས་སྨྲས་པ། བུ། བཅོམ་ལྡན་འདས་ལ་བཀུར་སྟི་མ་ཡིན་པ་མ་བྱེད་ཅིག་།སངས་རྒྱས་བཅོམ་ལྡན་འདས་རྣམས་ནི། བཀུར་སྟི་མ་ཡིན་པས་བསྙེངས་པ་ཡིན་གྱི། རྒྱལ་པོའི་ཁབ་ནས་བཞུད་དེ་གནོད་པར་གྱུར་ཏ་རེ། བཅོམ་ལྡན་འདས་ཀྱི་མཐུས་ཡུལ་ཨངྒ་དང ། མ་ག་དྷ་རྣམས་འབྱོར་ཅིང་ཉམས་དགའ་བ་ཡིན་ནོ། །སྙིང་རྙོག་པ་ཅན་དེས་སྨྲས་པ། ཅི། གང་ན་བཅོམ་ལྡན་འདས་མེད་པའི་ཡུལ་དེ་དག་ཞིག་པ་དང ། སྟོངས་པར་གྱུར་ཏམ། དེ་ནས་
Kha72b
ཐམས་ཅད་ཀྱི་ཐམས་ཅད་དུ་བཟློག་ཀྱང་མ་བཏུབ་ནས། བཅོམ་ལྡན་འདས་ཀྱིས་དགོངས་པ། གཞོན་ནུ་མ་སྐྱེས་དགྲ་འདི། བསོད་ནམས་མ་ཡིན་པ་མང་དུ་གསོག་གི། ངས་འདི་གཞི་མེད་པའི་དད་པ་ལ་གཞག་ཏུ་རེ་ཞིག་དེའི་དུས་ལ་མ་བབ་པས་མཉན་ཡོད་དུ་གཤེགས་སོ། །སྙམ་ནས། དེ་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་མཉན་ཡོད་གང་ན་བ་དེར་རྒྱུ་ཞིང་གཤེགས་ཏེ་རིམ་གྱིས་རྒྱུ་ཞིང་གཤེགས་པ་ན་མཉན་ཡོད་དུ་བྱོན་ནས། མཉན་ཡོད་དུ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཐའི་རྒྱལ་ཕྲན་དག་གིས་བཅོམ་ལྡན་འདས་ལ་མ་སྐྱེས་དགྲས་བཀུར་སྟི་མ་ཡིན་པ་བྱས་པས་དེ་བཀུར་སྟི་མ་ཡིན་པས་བསྙེངས་ནས་རྒྱལ་པོའི་ཁབ་ནས་གཤེགས་ཏེ་མཉན་ཡོད་དུ་བྱོན་ཏོ། །ཞེས་ཐོས་ནས། དེ་དག་འདི་སྙམ་དུ་སེམས་ཏེ། རེ་ཞིག་རྒྱལ་པོ་སྡིག་ཅན་དེས། ཕ་ཆོས་ཀྱི་རྒྱལ་པོ། ཆོས་དང་ལྡན་པ་བསད་ན། དེས་ཀྱང་མཆོག་ནས་བཅོམ་ལྡན་འདས་ལྷ་དང ། ལྷ་མ་ཡིན་དང ། མི་རྣམས་ཀྱིས་མཆོད་པ་དེ་ལ་ཡང་བཀུར་སྟི་མ་ཡིན་པ་བྱས་ཏེ། སངས་རྒྱས་བཅོམ་ལྡན་འདས་རྣམས་ནི། བཀུར་སྟི་མ་ཡིན་པས་བསྙེངས་པ་ཡིན་པས། དེ་ནས་བཅོམ་ལྡན་འདས་རྒྱལ་པོའི་ཁབ་ནས་གཤེགས་ཏེ་མཉན་ཡོད་དུ་བྱོན་པར་གྱུར་པས། དེ་ཡོང་ཡེ་རྒྱལ་སྲིད་ལས་དབྱུང་བར་བྱའོ། །སྙམ་ནས་དེ་དག་གིས་ཕན་ཚུན་ཕོ་ཉས་བཟླུགས་ནས་བློ་གྲོས་གཅིག་ཏུ་བྱས་ཏེ། དཔུང་གི་
Kha73a
༄#། །ཚོགས་ཡན་ལག་བཞི་པ་གོ་བསྐོན་པ། གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་དང་རྒྱལ་པོའི་ཁབ་ཏུ་དོང་སྟེ། ལོ་བཅོམ་ནས་ཕྲུ་མར་བསྐོར་ཏེ་འཁོད་དེ། ཀླུའི་རྒྱལ་པོ་སོག་མ་མེད་ཀྱིས་ཀྱང་སེར་བའི་རྒྱུན་ཕབ་པས་ལོ་ཏོག་ལྷག་མ་རྣམས་མ་རུང་པར་བྱས་སོ། །དཀའ་ཐུབ་ཀྱི་ཆུ་ལྔ་བརྒྱ་དང ། ཆུ་མིག་དང ། མཚོ་དང ། མཚེའུ་རྣམས་བསྐམས་ལ་ཐུག་པས་མུ་གེ་བྱུང་བར་གྱུར་ཏོ། །ཆུ་ལྷག་མ་གཞན་དག་ཀྱང་མཐའི་རྒྱལ་ཕྲན་དག་གིས་དུག་གིས་མ་རུང་བར་བྱས་སོ། །དེ་ནས་མ་སྐྱེས་དགྲ་།སྡུག་བསྔལ་མི་བཟང་པ། རྩུབ་པ། ཉམ་ང་བར་གྱུར་པ་ལ་མི་མ་ཡིན་པ་དག་གིས་གླགས་རྙེད་དེ་རྨ་ལ་ཐལ་བས་བཏབ་པ་ལྟར་མི་ངས་གྱུང་སྟེ། ཁྱོགས་དང་ཁྱོགས་འདྲུད་པར་གྱུར་ཏེ། དེ་ནས་རྒྱལ་པོ་མ་སྐྱེས་དགྲ། གནོད་པ་བརྒྱ་ཕྲག་དུ་མས་སྙིང་དཀྲུགས་པས་ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་གོ་།དེ་ནས་ལུས་འཕགས་མས་སྨྲས་པ། བུ། ཅིའི་ཕྱིར་སེམས་ཁོང་དུ་ཆུད། ཡུམ། གནོད་པ་བརྒྱ་ཕྲག་དུ་མ་དག་བྱུང་བར་གྱུར་ཏོ། །བུ། ཁོ་མོས་སྔར་ཁྱོད་ལ་བཅོམ་ལྡན་འདས་ལ་བཀུར་སྟི་མ་ཡིན་པ་མ་བྱེད་ཅིག།། །།འདུལ་བ་གཞི། བམ་པོ་ཉི་ཤུ་དྲུག་པ། སངས་རྒྱས་བཅོམ་ལྡན་འདས་རྣམས་ནི། བཀུར་སྟི་མ་ཡིན་པས་བསྙེངས་པ་ཡིན་གྱི།
Kha73b
བཅོམ་ལྡན་འདས་རྒྱལ་པོའི་ཁབ་ནས་བཞུད་དེ་གནོད་པར་གྱུར་ཏ་རེ་ཞེས་མ་སྨྲས་སམ། དེ་ནི། འདི་ཡིན་ནོ། །ཡུམ། དེ་ལ་ཇི་ལྟར་བསྒྲུབ་པར་བགྱི། བུ། བཅོམ་ལྡན་འདས་ལ་བཟོད་པར་གསོལ་ཅིག། ཡུམ། བཅོམ་ལྡན་འདས་ཀྱི་སྤྱན་སྔར་མཆིས་པའི་རྔོ་མི་ཐོགས་ལགས་སོ། །བུ། ཁྱོད་ཀྱིས་སངས་རྒྱས་བཅོམ་ལྡན་འདས་རྣམས་ནི། ཙནྡན་དང་སྟེའུར་མཉམ་པ། ཁོང་ཁྲོ་བ་དང་རྗེས་སུ་ཆགས་པ་སྤངས་པ་ཡིན་ནོ། །ཞེས་མ་ཐོས་སམ། གལ་ཏེ་འགའ་ཞིག་གིས་བཅོམ་ལྡན་འདས་ཀྱི་ཕྱག་དཔུང་པ་གཅིག་ལ་སྟེའུས་འཇོག་པར་བྱེད་ལ། གཅིག་ཤོས་ལ་ཙནྡན་ས་མཆོག་གིས་ཉུག་པར་བྱེད་ན། དེ་ལ། བཅོམ་ལྡན་འདས་རྗེས་སུ་ཆགས་པ་ཡང་མི་མངའ། ཁོང་ཁྲོ་བ་ཡང་མི་མངའོ། །དེ་ནས་ལུས་འཕགས་མའི་བུ་རྒྱལ་པོ་མ་སྐྱེས་དགྲས་མི་ཞིག་ལ་སྨྲས་པ། ཀྱེ་ནང་རྗེ་ཚུར་ཤོག། ཁྱོད་བཅོམ་ལྡན་འདས་གང་ན་བ་དེར་སོང་ལ་སོན་ནས། ཁོ་བོའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། གནོད་པ་མི་མངའམ། སྟོབས་དང་བདེ་བ་ལ་རེག་པར་བཞུགས་སམ་ཞེས་སྙུན་གསོལ་ལ། འདི་སྐད་ཅེས་ཀྱང་གསོལ་ཅིག།་བཙུན་པ། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲའི་མཆིད་ནས། བཙུན་པ། བུ་ངན་པ་ནི། མཆིས་ཀྱི། ཕ་ངན་པ་ནི། མ་མཆིས་པས། བཅོམ་ལྡན་འདས་ཐུགས་
Kha74a
༄#། །བརྩེ་བ་ཉེ་བར་བཟུང་སྟེ། རྒྱལ་པོའི་ཁབ་ཏུ་གཤེགས་པར་གསོལ། གལ་ཏེ་བཅོམ་ལྡན་འདས་མ་གཤེགས་ན། རིང་པོར་མི་ཐོགས་པ་ཁོ་ནར་རྒྱལ་པོའི་ཁབ་ཀྱི་གྲོང་ཁྱེར་སྟོངས་ཏེ་མིང་ལུས་པར་འགྱུར་རོ། །ཞེས་གསོལ་ཅིག། ལྷ། བཀའ་བཞིན་འཚལ་ཞེས་མི་དེས་མ་ག་དྷའི་རྒྱལ་པོ་མ་སྐྱེས་དགྲའི་ལྟར་མཉན་ནས་ཆས་ཏེ། རིམ་གྱིས་མཉན་ཡོད་དུ་ཕྱིན་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་མི་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། གནོད་པ་ཆུང་ངམ། ཉམ་ང་བ་ཉུང་ངམ་ཞེས་བྱ་བ་ནས་བདེ་བ་ལ་རེག་པར་བཞུགས་སམ། ཞེས་སྙུན་གསོལ་ལགས་སོ། །ཞེས་བྱ་བའི་བར་གོང་མ་བཞིན་དུའོ། །ཀྱེ། མི་ཁྱོད་དང ། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་བདེ་བར་གྱུར་ཅིག། བཙུན་པ། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲའི་མཆིད་ནས། བཙུན་པ། བུ་ངན་པ་ནི། མཆིས་ཀྱི། ཕ་ངན་པ་ནི། མ་མཆིས་པས། བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ། རྒྱལ་པོའི་
Kha74b
ཁབ་ཏུ་གཤེགས་སུ་གསོལ། གལ་ཏེ་བཅོམ་ལྡན་འདས་མ་གཤེགས་ན་ཞེས་བྱ་བ་ནས་མིང་ལུས་པར་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཅང་མི་གསུང་བས་མི་དེ་ལ་གནང་ངོ ། །དེ་ནས་མི་དེ་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཇི་སྲིད་བཞེད་ཀྱི་བར་དུ་མཉན་ཡོད་དུ་བཞུགས་ནས། ཉན་ཐོས་ཀྱི་དགེ་འདུན་དང་ཐབས་ཅིག་ཏུ་རྒྱལ་པོའི་ཁབ་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་ན་ཡུལ་མ་ག་དྷར་བྱོན་ཏོ། །བཅོམ་ལྡན་འདས་ཀྱི་མཐུས་རླུང་གཏོང་བའི་ལྷའི་བུ་རྣམས་ཀྱིས་ནི། དུག་གིས་མ་རུང་བར་བྱས་པའི་ཆུ་དེ་དག་བསྐམས་སོ། །ཆར་པ་འབེབས་པའི་ལྷའི་བུ་རྣམས་ཀྱིས་ནི། ཡན་ལག་བརྒྱད་དང་ལྡན་པའི་ཆུས་བཀང་ངོ ། །ལྷ་རྣམས་ནི། ཆར་པ་འབེབས་པ་ལ་ཞུགས་སོ། །སངས་རྒྱས་ལ་མངོན་པར་དད་པའི་ལྷ་རྣམས་ཀྱིས་ནི། རྒྱལ་པོའི་ཁབ་ནས་མི་མ་ཡིན་པ་རྣམས་བསྐྲད་ནས་མི་ངས་ཞི་བར་འགྱུར་རོ། །མཐའི་རྒྱལ་ཕྲན་དག་གིས་ནི། བཅོམ་ལྡན་འདས་གཤེགས་པ་མཐོང་ནས་གྲོང་ཁྱེར་བསྐོར་བ་བཏང་སྟེ་དོང་ངོ ། །ཚོང་པ་རྣམས་ཀྱིས་ནི། ཟོང་དག་བཀྲམ་མོ། །བཟོ་ཕལ་པ་གཞན་དག་གིས་ནི། རང་རང་བྱེད་པར་བརྩམས་སོ། །ཡུལ་སོ་སོ་ན་གནས་པའི་ཚོང་པ་རྣམས་དང ། དེད་དཔོན་རྣམས་ནི། ཟོང་དང་འཇུག་པར་བརྩམས་སོ། །ལོ་ནི། ལེགས་པར་གྱུར་ཏོ། །ལམ་པོ་ཆེ་དང ། སྲང་དང ། སུམ་མདོ་དང ། བཞི་མདོ་རྣམས་སུ་
Kha75a
༄#། །ནི།་བཅོམ་ལྡན་འདས་ཀྱི་བདག་ཉིད་ཆེན་པོ་སྒྲོག་པར་གྱུར་ཏོ། །མུ་སྟེགས་པ་རྣམས་ནི་བག་འཁུམས་པར་གྱུར་ཏོ། །སྐྱེ་བོའི་ཚོགས་རྣམས་ནི། རབ་ཏུ་དགའ་བར་གྱུར་ཏོ། །ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས། བཅོམ་ལྡན་འདས་ཡུལ་མ་ག་དྷར་གཤེགས་སོ་ཞེས་ཐོས་སོ། །ཐོས་ནས་ཀྱང་སྙིང་དགའ་བ་དང ། མགུ་བ་དང ། རབ་ཏུ་དགའ་བ་དང ། དགའ་བ་རྒྱ་ཆེན་པོ་དང ། ཡིད་བདེ་བ་སྐྱེས་ནས། བློན་པོ་རྣམས་ལ་སྨྲས་པ། ཤེས་ལྡན་དག། དེངས་ལ། བཅོམ་ལྡན་འདས་ཀྱི་ཕྱིར་དཔག་ཚད་ཕྱེད་དང་གསུམ་གྱི་ལམ་བསྟར་བ་དང ། གྲོང་ཁྱེར་དག་བཟང་པོར་བྱོས་ཤིག་།རྒྱལ་པོའི་ཁབ་ཀྱི་གྲོང་ཁྱེར་ཐམས་ཅད་ཀྱང་རྡོ་བ་དང ། གསེག་མ་དང ། གྱོ་མོ་སེལ་ཏེ་ཙནྡན་གྱི་ཆུས་ཆག་ཆག་ཐོབ་ལ་དར་གྱི་ཆུན་འཕྱང་མང་པོ་པྱོངས་ཤིག་།དྲི་ཞིམ་པོའི་པོག་ཕོར་དག་ཤོམས་ལ། གདུགས་དང་རྒྱལ་མཚན་དག་ཚུགས་ཤིག་།བར་བར་དུ་མེ་ཏོག་གི་གཞལ་མེད་མཛེས་པ་དག་བྱོས་ཤིག།་ལྷ། བཀའ་བཞིན་འཚལ་ཞེས་བློན་པོ་རྣམས་ཀྱིས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲའི་ལྟར་མཉན་ནས་ཐམས་ཅད་རྒྱས་པར་བྱེད་དུ་བཅུག་གོ། དེ་ནས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ། རྒྱལ་པོ་ཆེན་པོའི་འབྱོར་པ་དང ། རྒྱལ་པོ་ཆེན་པོའི་མཐུས། བདག་ཉིད་དཔུང་གི་ཚོགས་ཡན་ལག་བཞི་དང་བསུར་སོང་
Kha75b
ངོ། །དེ་ནས་བཅོམ་ལྡན་འདས་དུལ་པ་འཁོར་དུ་བ། ཞི་བ་འཁོར་ཞི་བ། གྲོལ་བ་འཁོར་གྲོལ་བ། དབུགས་ཕྱིན་པ་འཁོར་དབུགས་ཕྱིན་པ། རྣམ་པར་དུལ་བ་འཁོར་རྣམ་པར་དུལ་བ། དགྲ་བཅོམ་པ་འཁོར་དགྲ་བཅོམ་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ། མཛེས་པར་འཁོར་མཛེས་པ། ཁྱུ་མཆོག་བ་ལང་གི་ཚོགས་ཀྱིས་བསྐོར་བ་ལྟ་བུ། གླང་པོ་ཆེ་གླང་པོ་ཆེའི་ཕྲུ་གུའི་ཚོགས་ཀྱིས་བསྐོར་བ་ལྟ་བུ། སེང་གེ་མཆེ་བ་ཅན་གྱི་ཚོགས་ཀྱིས་བསྐོར་བ་ལྟ་བུ། ངང་པའི་རྒྱལ་པོ་ངང་པའི་ཚོགས་ཀྱིས་བསྐོར་བ་ལྟ་བུ། ནམ་མཁའ་ལྡིང་འདབ་ཆགས་ཀྱི་ཚོགས་ཀྱིས་བསྐོར་བ་ལྟ་བུ། བྲམ་ཟེ་སློབ་མའི་ཚོགས་ཀྱིས་བསྐོར་བ་ལྟ་བུ། སྨན་པ་མཁས་པ་ནད་པའི་ཚོགས་ཀྱིས་བསྐོར་བ་ལྟ་བུ། དཔའ་བོ་དམག་གི་ཚོགས་ཀྱིས་བསྐོར་བ་ལྟ་བུ། ལམ་མཁན་འགྲོན་པོའི་ཚོགས་ཀྱིས་བསྐོར་བ་ལྟ་བུ། དེད་དཔོན་ཚོང་པའི་ཚོགས་ཀྱིས་བསྐོར་བ་ལྟ་བུ། ཚོང་དཔོན་རང་གི་སྐྱེ་བོས་བསྐོར་བ་ལྟ་བུ། རྒྱལ་ཕྲན་བློན་པོའི་ཚོགས་ཀྱིས་བསྐོར་བ་ལྟ་བུ། འཁོར་ལོས་བསྒྱུར་བ་བུ་སྟོང་གིས་བསྐོར་བ་ལྟ་བུ། ཟླ་བ་རྒྱུ་སྐར་གྱི་ཚོགས་ཀྱིས་བསྐོར་བ་ལྟ་བུ། ཉི་མ་འོད་ཟེར་སྟོང་གིས་བསྐོར་བ་ལྟ་བུ། ཡུལ་འཁོར་སྐྱོང་དྲི་པའི་ཚོགས་ཀྱིས་བསྐོར་བ་ལྟ་བུ། ལུས་འཕགས་པོ་གྲུལ་བུམ་གྱི་ཚོགས་ཀྱིས་བསྐོར་བ་ལྟ་བུ། མིག་མི་བཟང་ཀླུའི་ཚོགས་ཀྱིས་བསྐོར་བ་ལྟ་བུ། ནོར་སྦྱིན་གནོད་སྦྱིན་གྱི་ཚོགས་ཀྱིས་བསྐོར་
Kha76a
༄#། །བ་ལྟ་བུ། ཐག་བཟང་རིས་ལྷ་མ་ཡིན་གྱི་ཚོགས་ཀྱིས་བསྐོར་བ་ལྟ་བུ། བརྒྱ་བྱིན་སུམ་ཅུ་རྩ་གསུམ་པའི་ཚོགས་ཀྱིས་བསྐོར་བ་ལྟ་བུ། ཚངས་པ་ཚངས་རིས་ཀྱི་ཚོགས་ཀྱིས་བསྐོར་བ་ལྟ་བུ་རྒྱ་མཚོ་མི་གཡོ་བ་ལྟ་བུ། སྤྲིན་ཆུ་དང་བཅས་པ་ལྟ་བུ། གླང་པོ་ཆེ་དམ་པ་རྒྱགས་པ་དང་བྲལ་བ་ལྟར་དབང་པོ་རྣམས་ཤིན་ཏུ་དུལ་བསམ་གཡེང་པའི་སྤྱོད་པ་ཅན། སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། སྐུ་འོད་འདོམ་གང་གིས་བརྒྱན་པ། ཉི་མ་སྟོང་གི་འོད་ཟེར་བས་ལྷག་པ། རིན་པོ་ཆེའི་རི་བོ་འགྲོ་བ་ལྟར་ཀུན་ནས་མཛེས་པ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པ་གསུམ་དང ། དྲན་པ་ཉེ་བར་གཞག་པ་དང ། ཐུགས་རྗེ་ཆེན་པོ་དང་ལྡན་པ། དགེ་སློང་གི་དགེ་འདུན་རབ་ཏུ་མང་པོ་དང་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་དང ། ལྷ་བརྒྱ་སྟོང་ཕྲག་དུ་མས་ཞམ་རིང་བྱས་ཏེ་རྒྱལ་པོའི་ཁབ་ཀྱི་གྲོང་ཁྱེར་དུ་གཤེགས་སོ། །གང་གི་ཚེ་བཅོམ་ལྡན་འདས་རྒྱལ་པོའི་ཁབ་ཏུ་ཞུགས་ཏེ། མངོན་པར་འདུ་བྱེད་པ་དང་བཅས་པས། གྲོང་ཁྱེར་གྱི་སྒོའི་ཐེམ་པ་ལ་ཞབས་གཡས་པས་མནན་པ་དེའི་ཚེས་རྣམ་པ་དྲུག་ཏུ་གཡོས་པར་གྱུར་ཏེ། ས་ཆེན་པོ་འདི་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། ལྡེག་།རབ་ཏུ་ལྡེག་།ཀུན་ཏུ་རབ་ཏུ་ལྡེག་ཅིང ། ཤར་ཕྱོགས་
Kha76b
མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། མཐའ་མཐོ་ན་དབུས་དམའ། དབུས་མཐོ་ན་མཐའ་དམའ་བར་གྱུར་ཏོ། །འཇིག་རྟེན་འདི། འཇིག་རྟེན་གྱི་བར་དང་བཅས་པ་ཐམས་ཅད་ཀྱང་སྣང་བ་རྒྱ་ཆེན་པོས་གསལ་བར་གྱུར་ཏོ། །ལྷས་ཀྱང་བར་སྣང་ལ་རྔ་བརྡུངས་སོ། །ནམ་མཁའ་ལ་གནས་པའི་ལྷ་རྣམས་ཀྱིས་ནི། བཅོམ་ལྡན་འདས་ཀྱི་སྟེང་ནས་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། ་ཀ་རུའི་ཕྱེ་མ་དང ། རྒྱ་སྤོས་ཀྱི་ཕྱེ་མ་དང ། གུར་གུམ་གྱི་ཕྱེ་མ་དང ། ཏ་མ་ལའི་ལོ་མའི་ཕྱེ་མ་དང ། ལྷའི་མེ་ཏོག་མན་དཱ་ར་བ་དང ། གོས་དག་འཐོར་བར་བྱེད་དེ། བཅོམ་ལྡན་འདས་གྲོང་ཁྱེར་དུ་གཤེགས་པ་ན། དེ་ལྟ་བུའི་ཡ་མཚན་དག་བྱུང་བར་གྱུར་ཏོ། །གཞན་ཡང ། དོག་པ་དག་ནི། ཡངས་པར་གྱུར་ཏོ། །དམའ་བ་དག་ནི། མཐོ་བར་གྱུར་ཏོ། །མཐོ་བ་དག་ནི། ཕྱ་ལེ་བར་གྱུར་ཏོ། །གླང་པོ་ཆེ་དག་ནི། སྐད་འབྱིན་པར་གྱུར་ཏོ། །རྟ་དག་ཀྱང་སྐད་འབྱིན་པར་གྱུར་ཏོ། །ཁྱུ་མཆོག་དག་ཀྱང་སྐད་འབྱིན་པར་གྱུར་ཏོ། །ཁྱིམ་གྱི་ནང་ན་བཞག་པའི་སྣོད་སྣ་ཚོགས་དག་ནི། མ་བརྡུངས་པར་རང་སྒྲ་འབྱིན་པར་གྱུར་ཏེ། ལོང་བ་རྣམས་ཀྱིས་ནི། མིག་ཐོབ་པར་གྱུར་ཏོ། །འོན་པ་རྣམས་ནི། རྣ་བས་སྒྲ་ཐོས་པར་གྱུར་ཏོ། །ལྐུགས་པ་རྣམས་ནི། སྨྲ་ནུས་པར་གྱུར་ཏོ། །དབང་པོ་ལྷག་མ་མ་ཚང་བ་རྣམས་ནི། དབང་པོ་སོ་སོར་
Kha77a
༄#། །ཐོབ་པར་གྱུར་ཏོ། །ཆང་གིས་མྱོས་པ་རྣམས་ནི། མྱོས་པ་དང་བྲལ་བར་གྱུར་ཏོ། །དུག་འཐུངས་པ་དག་ཞི་བར་གྱུར་ཏོ། །ཕན་ཚུན་འཁོན་བྱུང་བ་རྣམས་ནི། མཛའ་བར་གྱུར་ཏོ། །སྦྲུམ་མ་དག་ནི། བདེ་བར་བཙས་པར་གྱུར་ཏོ། །བཙོན་དུ་བཅིངས་པ་དག་ནི། ཐར་པར་གྱུར་ཏོ། །ནོར་མེད་པ་དག་ནི། ནོར་རྙེད་པར་གྱུར་ཏོ། །དེ་ལྟ་བུའི་འབྱོར་པ་དེ་མཐོང་ནས། དགེ་བསྙེན་ཞིག་གིས་ཚིགས་སུ་བཅད་དེ་སྨྲས་པ། ཡུལ་གང་ཞིག་ཏུ་འཇིག་རྟེན་གཙོ་བོར་གཤེགས་པ་དེར། །ལོ་ཉེས་མི་ངས་དང་ནི་ཕྱི་དགྲའི་འཇིགས་པ་མེད། །ལྷ་རྣམས་ཆར་འབེབས་སྐྱེ་བོ་བསོད་ནམས་རབ་ཏུ་བྱེད། །དེར་ནི་ཡ་མཚན་རྒྱ་ཕྲག་གཞན་ཡང་འབྱུང་བར་འགྱུར། །དེ་ནས་བཅོམ་ལྡན་འདས་རྒྱལ་པོའི་ཁབ་ཏུ་ཞུགས་ཏེ། སྐྱེ་བོའི་ཚོགས་དབུགས་ཕྱུང་ནས་རྒྱལ་པོའི་ཁབ་ནས་བྱུང་སྟེ་འོད་མའི་ཚལ་དུ་གཤེགས་སོ། །དེ་ནས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད་ཅེས་བྱ་
Kha77b
བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་བསྟོད་དེ། རྗེས་སུ་ཡི་རང་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་གིས་དགུང་ཟླ་གསུམ་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་དང ། ཡོ་བྱད་འབུལ་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ལ་ཅང་མི་གསུང་བས་གནང་ངོ ། །དེ་ནས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས། བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་སྟན་ལས་ལངས་ཏེ་སོང་ངོ ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས། ཟླ་བ་གསུམ་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་དང ། སྙུན་དཔྱད་ཀྱི་རྐྱེན་སྨན་དང ། ཡོ་བྱད་རྣམས་ཀྱིས་བསྙེན་བཀུར་བྱས་སོ། །དེ་ནས་སངས་རྒྱས་ལ་མངོན་པར་དགའ་
Kha78a
༄#། །བའི་ལྷ་རྣམས་ཀྱིས། མི་ངས་དེ་བསྐྲད་ནས་རྒྱལ་པོའི་ཁབ་ནས་བྱུང་ནས་སྒྲ་སྒྲོག་ཅེས་བྱ་བའི་ནང་དུ་བྱུང་སྟེ་ཡངས་པ་ཅན་དུ་འདུག་ནས། ཡངས་པ་ཅན་གྱི་སྐྱེ་བོའི་ཚོགས་ལ་མི་ངས་བྱུང་བར་གྱུར་ཏེ་ཁྱོགས་དང་ཁྱོགས་འདྲུད་པར་གྱུར་ཏོ། །ཡངས་པ་ཅན་ན་བྲམ་ཟེ་མདུན་ན་འདོན་མདའ་བོ་ཆེ་ཞེས་བྱ་བ་ཞིག་གནས་པ་དེའི་རྨི་ལམ་ན། ཡངས་པ་ཅན་ན་གནས་པའི་ལྷ་ཞིག་གིས་སྨྲས་པ། གལ་ཏེ་མི་འདུལ་ཁ་ལོ་སྒྱུར་བའི་མཆོག་།ཤཱཀྱའི་རིགས་དག་པ་ཡི་བཅོམ་ལྡན་འདས། །ཡངས་པ་ཅན་དུ་གཤེགས་པར་གྱུར་ན་ནི། །གནོད་པ་རྣམས་ནི་རྣམ་པར་འཇིག་པར་འགྱུར། །དེས་ནམ་ལངས་ནས་ཡངས་པ་ཅན་གྱི་ལི་ཙ་བྱི་རྣམས་ལ་སྨྲས་པ། ཤེས་ལྡན་དག་།བདག་གི་རྨི་ལམ་འདི་འདྲ་བ་ཞིག་མཐོང་ངོ ། །དེ་རྣམས་ཀྱིས་སྨྲས་པ། ཤེས་ལྡན་དག། དེ་ལ་ཇི་ལྟར་བསྒྲུབ་པར་བྱ། དེས་བཅོམ་ལྡན་འདས་ཀྱི་སྤྱན་སྔར་ཕོ་ཉ་སུ་ཞིག་གཏང་ཞེས་ཕན་ཚུན་བགྲོ་བར་བརྩམས་པ་དང ། མདུན་ན་འདོན་དམའ་བོ་ཆེ་འདི་ཉིད་ཐམས་ཅད་དུ་ནུས་པ་ཡིན་ལ། བདག་ཅག་ལ་བྱམས་པ་ཡིན་གྱི། གཏང་ངོ ། །དེ་ལ་དེ་དག་གིས་སྨྲས་པ། བཅོམ་ལྡན་འདས་གང་ན་བ་དེར་སོང་ལ་ཕྱིན་ནས། བདག་ཅག་གི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱོས་ལ། གནོད་པ་ཆུང་ངམ། ཉམ་ང་བ་ཉུང་ངམ་ཞེས་བྱ་བ་ནས་སྙུན་གསོལ་ལ་ཞེས་བྱ་བའི་བར་གོང་མ་བཞིན་དུའོ། །འདི་སྐད་ཅེས་ཀྱང་གསོལ་
Kha78b
ཅིག་།བཙུན་པ། ཡངས་པ་ཅན་གྱི་ཚོགས་ཀྱི་མཆིད་ནས། བཅོམ་ལྡན་འདས་ཡངས་པ་ཅན་དུ་གཤེགས་སུ་གསོལ། གལ་ཏེ་བཅོམ་ལྡན་འདས་ཡངས་པ་ཅན་དུ་མ་གཤེགས་ན། རིང་པོར་མི་ཐོགས་པ་ཁོ་ནར་ཡངས་པ་ཅན་སྟོངས་ཤིང་མིང་ལུས་པར་འགྱུར་ཞེས་གསོལ་ཅིག་།དེས་སྨྲས་པ། ཤེས་ལྡན་དག་།ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ནི། ཁྱེད་ལ་ཡུན་རིང་དུ་གནོད་པ་བྱེད་པའི་ཕྱིར་རྒོལ་བ་དགྲ་བོར་གྱུར་པ་ཡིན་པས། བདག་ལ་གནོད་པ་བྱེད་པར་མི་འགྱུར་གྲང ། དེ་དག་གིས་ཚིགས་སུ་བཅད་དེ་སྨྲས་པ། ཡུལ་འཁོར་གཞན་དང་འགྱེད་པར་ཡང་།། ཕོ་ཉ་མི་གསོད་ཅེས་གྲག་ན། །ཁྱོད་ནི་རྒྱལ་བའི་ཕོ་ཉ་ཡིན། །ཀུན་གྱིས་མི་གསོད་སྨོས་ཅི་དགོས། །དེ་ནས་མདུན་ན་འདོན་མདའ་བོ་ཆེ། དགེ་མཚན་དང ། བཀྲ་ཤིས་དང ། བདེ་ལེགས་སུ་འགྱུར་བ་དག་བྱས་ཏེ། རིམ་གྱིས་རྒྱལ་པོའི་ཁབ་ཏུ་ཕྱིན་ནས། དེ་ལམ་གྱིས་དུབ་པ་བསལ་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་མདུན་ན་འདོན་མདའ་བོ་ཆེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། ཡངས་པ་ཅན་གྱི་ཚོགས་བཅོམ་ལྡན་འདས་གོའུ་ཏ་མའི་ཞབས་གཉིས་ལ་མགོ་བོས་ཕྱག་འཚལ་ཏེ། གནོད་པ་
Kha79a
༄#། །ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། གནོད་པ་མ་མཆིས་སམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལགས་སོ། །མདའ་བོ་ཆེ་ཁྱོད་དང ། ཡངས་པ་ཅན་གྱི་ཚོགས་བདེ་བར་གྱུར་ཅིག་།ཀྱེ་གོའུ་ཏ་མ། ཡངས་པ་ཅན་གྱི་ཚོགས་ཀྱི་མཆིད་ནས། བཅོམ་ལྡན་འདས་ཡངས་པ་ཅན་དུ་གཤེགས་སུ་གསོལ། གལ་ཏེ་བཅོམ་ལྡན་འདས་ཡངས་པ་ཅན་དུ་མ་གཤེགས་ན། རིང་པོར་མི་ཐོགས་པ་ཁོ་ནར་ཡངས་པ་ཅན་སྟོང་ཤིང་མིང་ཙམ་ལུས་པར་འགྱུར་རོ་ཞེས་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། མདའ་བོ་ཆེ། འདིར་ང་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས། ཟླ་བ་གསུམ་དུ་ཡོ་བྱད་ཐམས་ཅད་ཀྱིས་བསྟབས་པས་རྒྱལ་པོ་ལ་རྟོགས་ཤིག་།གལ་ཏེ་རྒྱལ་པོས་གནང་ན། ང་དེ་བཞིན་དུ་གཤེགས་པར་བྱའོ། །དེས་ཡངས་པ་ཅན་དུ་བཅོམ་ལྡན་འདས་ནི། འདི་སྐད་ཅེས་གསུང་ངོ ། །ཞེས་སྤྲིང་ངོ ། ། དེ་རྣམས་ཀྱིས་ཀྱང་སྤྲིང་པ། དེ་ཉིད་ཀྱི་ཕྱིར་ཁྱོད་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་གང་ན་བ་དེར་སོང་ལ་སོན་ནས་བདག་ཅག་གི་ཚིག་གིས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ལ་གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ། གནོད་པ་མ་མཆིས་སམ། སྟོབས་དང ། བདེ་བ་ལ་རེག་པར་གནས་
Kha79b
སམ་ཞེས་ཀྱང་དྲིས་ལ། འདི་སྐད་ཅེས། ལྷ། བཅོམ་ལྡན་འདས་ཡངས་པ་ཅན་དུ་གཤེགས་པར་བཅོམ་ལྡན་འདས་ལ་རྗེས་སུ་གནང་བར་མཛད་དུ་གསོལ། ལྷས་གལ་ཏེ་བཅོམ་ལྡན་འདས་ལ་རྗེས་སུ་མ་གནང་ན། རིང་པོར་མི་ཐོགས་པ་ཁོ་ནར་ཡངས་པར་ཅན་སྟོངས་ཤིང་མིང་ལུས་པར་འགྱུར་རོ། །ཞེས་སྨྲོས་ཤིག་།དེ་ནས་མདུན་ན་འདོན་མདའ་བོ་ཆེས་བསམ་པ། ཅི། རེ་ཞིག་རྒྱལ་པོ་ལ་བསྙེན་པར་བྱའམ། འོན་ཏེ་བློན་པོ་རྣམས་ལ་བྱ་སྙམ་དུ་བསམ་པ་དང ། དེ་འདི་སྙམ་དུ་སེམས་ཏེ། འགའ་ཞིག་གི་ངག་ལས་བསྙེན་པར་མི་བྱ་སྟེ། འོན་ཀྱང་བསྙེན་པར་བྱེད་པ་ལ་བསྙེན་པར་བྱའོ། ཞེས་འབྱུང་བས། མདོར་ན། བློན་པོ་རྣམས་ལ་བསྙེན་པར་བྱའོ། །སྙམ་ནས། དེས་བློན་པོ་རྣམས་ལ་བསྙེན་པར་བྱ་བར་བརྩམས་སོ། །དེ་ནས་བློན་པོ་རྣམས་ཀྱིས་སྨྲས་པ། མདུན་ན་འདོན་དགོས་པ་ཅི་ཞིག་ལ་འོངས། དེས་སྨྲས་པ། ཤེས་ལྡན་དག། ཁོ་བོ་ནི། བཅོམ་ལྡན་འདས་ཀྱི་ཕྱིར་ལྷ་ལ་གསོལ་བ་འདེབས་སུ་མཆིས་ཀྱི། ཁྱེད་ཅག་གིས་གྲོགས་མཛོད་ཅིག་།དེ་རྣམས་ཀྱིས་སྨྲས་པ།་དེ་བཞིན་དུ་བྱའི། ཁོ་བོ་ཅག་གིས་ཇི་ཙམ་ན་བོས་པ་དེའི་ཚེ་ཁྱོད་ཤོག་ཅིག། དེ་ནས་དེ་དག་གིས་སྐབས་ཤེས་ནས་བོས་པ་དང ། དེ་ནས་མདུན་ན་འདོན་མདའ་བོ་ཆེ། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་གང་ན་བ་དེར་སོང་སྟེ་སོན་ནས། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ལ་རྒྱལ་བ་དང ། ཚེ་སྤེལ་བ་དག་བྱས་ནས་ཕྱོགས་གཅིག་ཏུ་
Kha80a
༄#། །འདུག་གོ་།ཕྱོགས་གཅིག་ཏུ་འདུག་ནས་མདུན་ན་འདོན་མདའ་བོ་ཆེས། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ལྷ། ཡངས་པ་ཅན་གྱི་ཚོགས་ཀྱི་མཆིད་ནས། ལྷ་ལ་གནོད་པ་ཆུང་ངམ། རེག་པར་གནས་སམ་ཞེས་བྱ་བ་རྒྱས་པར་སྙུན་གསོལ་ལོ། །མདའ་བོ་ཆེ། ཁྱོད་དང ། ཡངས་པ་ཅན་གྱི་ཚོགས་བདེ་བར་གྱུར་ཅིག་།ལྷ། ཡངས་པ་ཅན་གྱི་ཚོགས་ཀྱི་མཆིད་ནས། འདི་སྐད་ཅེས། ལྷ། བཅོམ་ལྡན་འདས་ཡངས་པ་ཅན་དུ་གཤེགས་པར་བཅོམ་ལྡན་འདས་ལ་རྗེས་སུ་གནང་བ་མཛད་དུ་གསོལ། ལྷས་གལ་ཏེ་བཅོམ་ལྡན་འདས་ལ་རྗེས་སུ་མ་གནང་ན། རིང་པོར་མི་ཐོགས་པ་ཁོ་ནར་ཡངས་པ་ཅན་སྟོངས་ཤིང་མིང་ལུས་པར་འགྱུར་རོ། །ཞེས་མཆིའོ། །རྒྱལ་པོས་སྨྲས་པ། མདའ་བོ་ཆེ། ཁོ་བོས་ཡུན་རིང་མོ་ཞིག་ནས། ཀྱེ་མ། ཡངས་པ་ཅན་གྱི་གནས་སྟོངས་ཀྱང་ཅི་མ་རུང་སྙམ་དུ་བསམ་པ་སྟེ། གལ་ཏེ་ཡངས་པ་ཅན་གྱི་གནས་སྟོངས་པར་གྱུར་ན། ཁོ་བོ་ཡིད་ལ་བསམ་པ་ཚེགས་ཆུང་ངུས་རྫོགས་པར་མ་གྱུར་ཏམ། དེ་སྐད་ཅེས་སྨྲས་པ་དང ། མདའ་བོ་ཆེ་སོང་ངོ ། །བློན་པོ་རྣམས་ཀྱིས་སྨྲས་པ། ལྷ། བཅོམ་ལྡན་འདས་ཀྱིས་སེམས་ཅན་གཅིག་ཀྱང་ཡངས་སུ་བཏང་བ་ལྟ་མཆིས་སམ། ཤེས་ལྡན་དག། མེད་དོ། །དེ་ལྟ་ན། ལྷས། བཅོམ་ལྡན་འདས་ལ་བཀུར་སྟི་མ་ལགས་པ་བགྱིས་སོ། །ལྷས། བཅོམ་ལྡན་འདས་ལ་རྗེས་སུ་གནང་ཡང་རུང །
Kha80b
མ་གནང་ཡང་རུང་སྟེ། བཅོམ་ལྡན་འདས་ནི། ཡངས་པ་ཅན་གྱི་སེམས་ཅན་ལ་ཐུགས་བརྩེ་བའི་ཕྱིར་གཤེགས་པར་འགྱུར་བ་ཉིད་དོ། །རྒྱལ་པོས་སྨྲས་པ། ཤེས་ལྡན་དག། ཁོ་བོས་མ་ཤེས་ཀྱི། གལ་ཏེ་དེ་ལྟར་ན་ཁུག་ཅིག་།དེ་དག་གིས་མདའ་བོ་ཆེ་བཀུག་ནས་རྒྱལ་པོ་སྨྲས་པ། མདའ་བོ་ཆེ། ཁོ་བོས་དམ་བཅའ་སྟེ། བཅོམ་ལྡན་འདས་རྗེས་སུ་གནང་བར་བྱའོ། །གལ་ཏེ་ཁོ་བོས་བཅོམ་ལྡན་འདས་ལ་མཆོད་པ་དང ། བསྙེན་བཀུར་ཇི་འདྲ་བ་བྱས་པ་དེ་ཁོ་ན་འདྲ་བར་ཡངས་པ་ཅན་གྱི་ཚོགས་ཀྱི་བྱ་ན། དེ་ལྟ་ན་ཁོ་བོས་རྗེས་སུ་གནང་ངོ ། །དེས། ཡངས་པ་ཅན་རྣམས་ལ་རྒྱལ་པོས་འདི་སྐད་ཅེས་གསུང་ངོ ། །ཞེས་སྤྲིང་ངོ ། །དེ་རྣམས་ཀྱིས་སྨྲས་པ། རྒྱལ་པོ་མི་གཅིག་པུར་གྱུར་པས་བཅོམ་ལྡན་འདས་ལ་མཆོད་པ་དང ། བཀུར་སྟི་བྱེད་ན། བདག་ཅག་ཚོགས་སུ་གྱུར་པས་ཅི་སྟེ་མི་བྱ་ཞེས་དེ་དག་གིས་བཅོམ་ལྡན་འདས་གཤེགས་སུ་གསོལ་ཅིག་དང ། བདག་ཅག་གིས། བཅོམ་ལྡན་འདས་ལ་དེ་བས་ཀྱང་ཆེས་ཁྱད་པར་འཕགས་པའི་མཆོད་པ་དང ། བཀུར་སྟི་བགྱིའོ། །ཞེས་སྤྲིང་ངོ། །དེ་ནས་མདའ་བོ་ཆེས་དོན་དེ་དག་རྒྱལ་པོ་ལ་རིག་པར་བྱས་སོ། །དེ་ནས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས།
Kha81a
༄#། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་ཇི་སྲིད་འཚོའི་བར་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་དང་ཡོ་བྱད་རྣམས་ཀྱིས་བསྙེན་བཀུར་བགྱིད་པར་སྤྲོ་ལགས་མོད་ཀྱི། བཅོམ་ལྡན་འདས་སེམས་ཅན་རྣམས་ལ་ཐུགས་བརྩེ་བས་གནང་བར་མི་འགྱུར་ལགས་ན། བཅོམ་ལྡན་འདས། བདག་གི་གདུགས་ཚོད་གསོལ་བར་གནང་བར་མཛད་དུ་གསོལ། བཅོམ་ལྡན་འདས་ཀྱིས། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ལ་ཅང་མི་གསུང་བས་གནང་ངོ ། །དེ་ནས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས། བཅོམ་ལྡན་འདས་ཅང་མི་གསུང་བས་གནང་བར་རིག་ནས་སྟན་ལས་ལངས་ཏེ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་སོང་ངོ ། །དེ་ནས་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲས་དེ་ཉིད་ཀྱི་མཚན་མོ་ནས་ཞེས་བྱ་བ་ནས་བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུའོ། །གསེར་གྱི་བྱ་མ་བུམ་བླངས་ཏེ་བཅོམ་ལྡན་འདས་ལ་གསོལ་བ་འདེབས་པ་ལ་ཞུགས་པ། བཙུན་པ། བཅོམ་ལྡན་འདས་ཀྱིས་ཀླུ་གདུག་པ་དང ། གནོད་སྦྱིན་གདུག་པ་དེ་དང་དེ་རྣམས་ནི། བཏུལ་ལགས་ན། བཙུན་པ། ཀླུའི་རྒྱལ་པོ་སོག་མ་མེད།
Kha81b
འདི།་ཡུན་རིང་མོ་ཞིག་ནས་བདག་ཅག་ལ་ཤ་འཁོན་མ་མཆིས་པར་ནི། ཤ་འཁོན་བགྱིད། འགྲན་ཟླ་མ་མཆིས་པར་ནི། འགྲན་ཟླར་གྱུར། གནོད་པ་མ་མཆིས་པར་ནི། གནོད་པ་བགྱིད་པར་གྱུར་ཏེ།་ལོ་ཏོག་གང་དག་སྐྱེས་ཤིང་སྐྱེས་པ་རྣམས་ཆུད་གཟོན་པར་བགྱིད་ལགས་ན། བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ་ཀླུའི་རྒྱལ་པོ་སོག་མ་མེད་ལེགས་པར་གདུལ་བར་གསོལ། བཅོམ་ལྡན་འདས་ཀྱིས། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ལ་ཅང་མི་གསུང་བས་གནང་ངོ ། །དེ་ནས་བཅོམ་ལྡན་འདས་ཀྱིས། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲ་ལ་ཡོན་བསྔོ་བ་མཛད་ནས་གཤེགས་ཏེ་གཙུག་ལག་ཁང་དུ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། བྱང་ཕྱོགས་སུ་ཀླུའི་རྒྱལ་པོ་སོག་མ་མེད་འདུལ་དུ་འདོང་ངོ ། །བྱང་ཕྱོགས་ན་ནི། ཕན་ཡོན་ལྔ་ཡོད་དེ། ལྔ་གང་ཞེ་ན། མེ་ཏོག་ཕུན་སུམ་ཚོགས་པ་དང ། འབྲས་བུ་ཕུན་སུམ་ཚོགས་པ་དང ། ཆུ་ཕུན་སུམ་ཚོགས་པ་དང ། བསོད་སྙོམས་མོད་པ་དང ། སྐྱེ་བོའི་ཚོགས་དྲང་པོ་ཡོད་དོ། །ཞེས་གསུངས་ནས་བཅོམ་ལྡན་འདས་ནང་དུ་ཡང་དག་འཇོག་གི་ཕྱིར་གཙུག་ལག་ཁང་དུ་ཞུགས་སོ། །དེ་ནས་ལུས་འཕགས་མའི་བུ་ཡུལ་ག་དྷའི་རྒྱལ་པོ་མ་སྐྱེས་དགྲས། རྒྱལ་པོའི་ཁབ་ནས་ཆུ་བོ་གངྒཱའི་བར་གྱི་ལམ་དང་གྲོང་ཁྱེར་
Kha82a
༄#། །དག་ཆེ་ཐང་དུ་སྟོར་དུ་བཅུག་སྟེ། ལམ་རྡོ་བ་དང ། གསེག་མ་དང ། གྱོ་མོ་ཐམས་ཅད་བསལ་ནས་ཙནྡན་གྱི་ཆུས་ཆག་ཆག་བཏབ། དྲི་ཞིམ་པོ་སྣ་ཚོགས་ཀྱི་པོག་ཕོར་དག་བཤམས། དར་གྱི་ཆུན་འཕྱང་མང་པོ་དཔྱངས། བར་བར་དུ་མེ་ཏོག་གི་གཞལ་མེད་ཁང་དག་བྱས་སོ། །ཡངས་པ་ཅན་གྱི་ལི་ཙ་བྱི་རྣམས་ཀྱིས། ཆུ་བོ་གངྒཱ་ནས་ཡངས་པ་ཅན་གྱི་བར་དུ་དེ་བས་ལྷག་པར་ཁྱད་པར་དུ་འཕགས་པར་ལམ་དང་གྲོང་ཁྱེར་དག་སྟོར་དུ་བཅུག་གོ་།དེ་ནས་བཅོམ་ལྡན་འདས་དགོངས་ཀ་ནང་དུ་ཡང་དག་འཇོག་ལས་བཞེངས་ཏེ། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ནཱ་ལནད་གང་ན་བ་དེར་འདོང་ངོ ། །བཙུན་པ། བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། དེ་ནས་བཅོམ་ལྡན་འདས་དང ། ཡུལ་མ་ག་དྷའི་ལྗོངས་རྒྱུ་ཞིང་གཤེགས་པ་ན། ནཱ་ལནྡར་བྱོན་ནས། ནཱ་ལནད་ན་ཨ་མྲའི་ཚལ་དགག་དབྱེ་ཅན་ཞེས་བྱ་བ་ན་བཞུགས་སོ། །དེའི་ཚེ་ནཱ་ལནད་ན་ཀུན་ཏུ་རྒྱུ་འདམ་བུའི་ཚོང་པ་ཞེས་བྱ་བ། རྒས་པ། འཁོགས་པ། གཏུགས་པ། བཙས་ནས་ལོ་བརྒྱ་ཉི་ཤུ་ལོན་པ་ཞིག་གནས་པ་ལ། ནཱ་ལནདའི་བྲམ་ཟེ་དང ། ཁྱིམ་བདག་རྣམས་པ་ཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་དེ། དགྲ་བཅོམ་པར་བཀུར་རོ། །དེ་ནས་ཀུན་ཏུ་རྒྱུ་འདམ་བུའི་ཚོང་པའི་སྔོན་གྱི་གྲོགས་པོ་དང ། བློན་པོ་དང ། གཉེན་དང ། སྣག་གི་གཉེན་
Kha82b
མཚམས་སུ་གྱུར་པའི་ལྷ་གང་ཡིན་པ་དེ། འདི་སྙམ་དུ་སེམས་ཏེ། གལ་ཏེ་བདག་གིས་ཀུན་ཏུ་རྒྱུ་འདམ་བུའི་ཚོང་པ་ལ་འདི་སྐད་ཅེས། དྲང་སྲོང་ཁྱོད་ཚུར་ཤོག་།བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་ཅིག་།ཅེས་སྨྲས་ན། གང་ཡང་བདག་གི་ཚིག་མི་སྙན་པ་དེ་སྲིད་པས་མ་ལ་བདག་དེའི་དྲུང་དུ་སོང་སྟེ། ཡིད་ཀྱི་དྲི་བ་འཛིན་དུ་གཞུག་གོ་།སྙམ་ནས། དེ་ནས་ལྷ་དེ། ཀུན་ཏུ་རྒྱུ་འདམ་བུའི་ཚོང་པ་གང་ན་བ་དེར་སོང་སྟེ་ཕྱིན་ནས་ཀུན་ཏུ་འདམ་བུའི་ཚོང་པ་ལ་འདི་སྐད་ཅེས་སྨྲས་སོ། །དྲང་སྲོང་ཚུར་ཤོག་།ཁོ་བོ་ལས་ཡིད་ཀྱི་དྲི་བ་ལོངས་ལ་ཀུན་ཆུབ་པར་གྱིས་ཤིག་།ཇི་ལྟར་མཛའ་བོ་མ་ཡིན་པ་ལ་མཛའ་བོ་ལྟར་བཅོས་པ་ཡིན་པར་བལྟ་བར་བྱ། ཇི་ལྟར་བདག་དང་འདྲ་བའི་མཛའ་བོ་ཡིན་པར་རིག་པར་བྱ། ཅིའི་ཕྱིར་སྤོང ། ཇི་ལྟར་ནད་མེད་པ་འཐོབ། དྲང་སྲོང་གང་ཞིག་ཁྱོད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ་འདི་དག་ཚིག་གིས་ལུང་བསྟན་པས་སེམས་རངས་པར་བྱེད་པ་དེའི་ཐད་དུ་ཁྱོད་ཚངས་པར་སྤྱད་པ་སྤྱོད་ཅིག་།ཅེས་སྨྲས་ནས་དེ་ཉིད་དུ་མི་སྣང་བར་གྱུར་ཏོ། །དེ་ནས་ཀུན་ཏུ་རྒྱུ་འདམ་བུའི་ཚོང་པས། ལྷ་དེ་ལས་ཡིད་ཀྱི་དྲི་བ་བཟུང་སྟེ་ཀུན་ཆུབ་པར་བྱས་ནས། འོད་སྲུང་རྫོགས་བྱེད་གང་ན་བ་དེར་སོང་སྟེ་ཕྱིན་ནས་འོད་སྲུང་རྫོགས་བྱེད་ཀྱི་དྲུང་དུ། ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ། ཇི་ལྟར་མཛའ་བོ་མ་ཡིན་པ་ལ་མཛའ་བོ་ལྟར་བཅོས་པ་ཡིན་པར་བལྟ་བར་བྱ་ཞེས་བྱ་བ་ནས་ཇི་ལྟར་ནད་མེད་པ་འཐོབ་པར་འགྱུར་ཞེས་བྱ་བའི་བར་གོང་མ་
Kha83a
༄#། །བཞིན་དུའོ། །འོད་སྲུང་རྫོགས་བྱེད་ཀྱིས། དེའི་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ་རྣམས་ཀྱང་མི་ཤེས། རྣམ་པར་མི་ཤེས་ན། ལན་གླན་པ་ལྟ་སྨོས་ཀྱང་ཅི་དགོས། དེ་ནས་ཀུན་ཏུ་རྒྱུ་འདམ་བུའི་ཚོང་པ། འདི་སྙམ་དུ་སེམས་ཏེ། འོད་སྲུང་རྫོགས་བྱེད་ཀྱིས། བདག་གི་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ་རྣམས་ཀྱང་མི་ཤེས། རྣམ་པར་མི་ཤེས་ན། ལན་གླན་པ་ལྟ་སྨོས་ཀྱང་ཅི་དགོས་སྙམ་ནས། དེ་ཀུན་ཏུ་རྒྱུ་གནག་ལྷས་ཀྱི་བུ་དང ། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང ། མི་ཕམ་སྐྲའི་ལ་བ་ཅན་དང ། ཀ་ཏའི་བུ་ནོག་ཅན་དང ། གཅེར་བུ་པ་གཉེན་གྱི་བུ་གང་ན་བ་དེར་སོང་སྟེ་ཕྱིན་ནས། གཅེར་བུ་པ་གཉེན་གྱི་བུའི་མདུན་དུ་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ། ཇི་ལྟར་མཛའ་བོ་མ་ཡིན་པ་ལ་མཛའ་བོ་ལྟར་བཅོས་པ་ཡིན་པར་བལྟ་བར་བྱ་ཞེས་བྱ་བ་ནས་གཅེར་བུ་པ་གཉེན་གྱི་བུའི་བར་གྱིས་ཀྱང ། བདག་གིས་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ་རྣམས་ཀྱང་མི་ཤེས། རྣམ་པར་མི་ཤེས་ན། ལན་གླན་པ་ལྟ་སྨོས་ཀྱང་ཅི་དགོས་སྙམ་མོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་ཀུན་ཏུ་རྒྱུ་འདམ་བུའི་ཚོང་བ། འདི་སྙམ་དུ་སེམས་ཏེ། གང་ལ་ཡིད་ཀྱི་དྲི་བ་ཡིད་ཀྱིས་མངོན་པར་འདུས་བྱས་པ་འདི་དག་ཚིག་གིས་ལུང་བསྟན་པ་མི་ཐོབ་པ་དེ་འདྲ་བའི་རབ་ཏུ་བྱུང་བས་བདག་ལ་ཅི་ཞིག་བྱ། བདག་གི་ཉེ་དུ་རྣམས་ལ་
Kha83b
ལོངས་སྤྱོད་རྒྱ་ཆེར་ཡོད་པས། མ་ལ་བདག་འདུག་ལ་འདོད་པ་ལ་ཡང་ལོངས་སྤྱོད་ཅིང ། སྦྱིན་པ་ཡང་གཏང ། བསོད་ནམས་ཀྱང་བྱའོ། །སྙམ་མོ། །ཡང་དེའི་བློ་སྐྱེས་པ། མ་ལ་བདག། དགེ་སྦྱོང་གོའུ་ཏ་མ་གང་ན་བ་དེར་འགྲོ་བར་བྱའོ། །སྙམ་ནས་དེ་ཆས་པ་དང ། ཡང་བསམ་པ། རེ་ཞིག། དགེ་སྦྱོང་དང་བྲམ་ཟེ་རྒན་རབས་གང་ཡིན་པ་འདི་ལྟ་སྟེ། འོད་སྲུང་རྫོགས་བྱེད་ནས་གཅེར་བུ་པ་གཉེན་གྱི་བུའི་བར་གོང་མ་བཞིན་ཏེ། དེ་རྣམས་ཀྱིས་རེ་ཞིག་ཡིད་ཀྱི་དྲི་བ་ཡིད་ཀྱིས་མངོན་པར་འདུས་པ་རྣམས་ཀྱང་མི་ཤེས། རྣམ་པར་མི་ཤེས་ན། དགེ་སྦྱོང་གོའུ་ཏ་མ་ནི། གཞོན་པ། གསར་དུ་རབ་ཏུ་བྱུང་བ་ལྟ་སྨོས་ཀྱང་ཅི་དགོས་སྙམ་དུ་བསམ་སྟེ་སླར་ལྡོག་པར་འདོད་པ་ལས། ཡང ། དེ་འདི་སྙམ་དུ་སེམས་ཏེ། སྔོན་གྱི་ཀུན་ཏུ་རྒྱུ་རྙིང་པ། རྒན་པོ། འཁོགས་པ། སྤྱོད་པའི་སློབ་དཔོན་དག་ལས་བདག་གིས་དགེ་སློང་གཞོན་ནུ་ལ་བརྙས་པར་མི་བྱ། དགེ་སློང་གཞོན་ནུ་ལ་ཟིལ་གྱིས་མནན་པར་མི་བྱ་སྟེ། དགེ་སློང་གཞོན་ནུ་ཡང་དེ་ནི། དབང་ཆེ་བ། མཐུ་ཆེ་བར་གྱུར་པ་ཡིན་ནོ། ། ཞེས་ཐོས་སོ་སྙམ་དུ་བསམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་སྤྱན་སྔར་ཡིད་ཀྱི་ཞུ་བ་ཡིད་ཀྱིས་མངོན་པར་འདུས་བྱས་པ། ཇི་ལྟར་མཛའ་བོ་མ་ཡིན་པ་ལ་མཛའ་བོ་ལྟར་བཅོས་པ་ཡིན་པར་བལྟ་བར་བྱ་ཞེས་བྱ་བ་ནས་ཇི་ལྟར་ནད་མེད་པ་འཐོབ་ཅེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ཀུན་ཏུ་རྒྱུ་འདམ་
Kha84a
༄#། །བུའི་ཚོང་པའི་བསམ་པ་མཁྱེན་ནས། དེའི་ཚེ་ཚིགས་སུ་བཅད་དེ་བཀའ་སྩལ་པ། མཛའ་བོ་གཞན་ལ་རྣམ་པར་སྨོད་བྱེད་ཅིང ། །དེ་ནི་བདག་ཏུ་ཟད་དོ་ཞེས་སྨྲ་ལ། །ལས་ཀྱང་སླ་རྒུ་འདམ་ཞིང་བྱེད་པ་ད། །བདག་གི་བཤེས་མ་ཡིན་པར་ཤེས་པར་བྱ། །གང་ཞིག་བདེན་པ་མ་ཡིན་ཚིག་།མཛའ་བོ་དག་ལ་སྨྲ་བྱེད་ཅིང ། །སྨྲ་ལ་ལས་སུ་མི་བྱེད་པའང ། །མཁས་པ་རྣམས་ཀྱིས་ཡོངས་ཤེས་ཏེ། །དེ་ལྟ་བུ་ནི། མཛའ་བོ་མ་ཡིན་པ་ལ་མཛའ་བོ་ལྟར་བཅོས་པ་ཡིན་པར་ཤེས་པར་བྱའོ། །ཇི་ལྟར་བདག་དང་འདྲ་བའི་མཛའ་བོ་ཡིན་པར་རིག་པར་བྱ་ཞེ་ན། གང་ཞིག་རྟག་ཏུ་བདག་མེད་དབྱེ་བ་ཡི། །བསམ་པས་གླགས་ལྟ་དེ་ནི་མཛའ་མིན་གྱི། །གང་ཞིག་འདིར་ནི་སྙིང་དང་འདྲ་གྱུར་པར། །གཞན་གྱིས་མི་ཕྱེད་དེ་ནི་མཛའ་བོ་ཡིན། །དེ་ལྟ་བུ་ནི། བདག་དང་འདྲ་བའི་མཛའ་བོ་ཡིན་པར་རིག་པར་བྱའོ། །ཅིའི་ཕྱིར་སྤོང་ཞེ་ན། སྐྱེས་བུ་གཅེས་པ་མཐར་འབྱིན་ཅིང ། །འབྲས་བུ་ལྟ་བར་བྱེད་པ་ནི། །རབ་ཏུ་དགའ་བ་བསྐྱེད་པའི་གནས། །རབ་བསྔགས་འདྲེན་པའི་ཞི་བ་བསྒོམ། །དེ་དོན་དུ་གཉེར་བར་བསྒོམ་མོ། །ཇི་ལྟར་ནད་མེད་འཐོབ་ཅེ་ན། །རབ་ཏུ་དབེན་པའི་རོ་དང་ནི། །ཉེ་བར་ཞི་བའི་རོ་ཤེས་ནས། ། ཆོས་ལ་དགའ་བའི་རོ་འཐུང་བ། །ནད་མེད་སྡིག་པ་མེད་པར་འགྱུར། །དེ་ལྟར་ན། ནད་མེད་པ་འཐོབ་བོ། །དེ་ནས་ཀུན་ཏུ་རྒྱུ་འདམ་བུའི་ཚོང་པ་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་
Kha84b
མའི་ཐུགས་ཀྱིས་ནི། བདག་གི་བསམ་པ་མཁྱེན་ནོ། །སྙམ་དུ་རིག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གོའུ་ཏ་མ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བཅོམ་ལྡན་འདས་དགེ་སྦྱོང་གོའུ་ཏ་མའི་སྤྱན་སྔར་བདག་གིས་ཚངས་པར་སྤྱོད་པ་སྤྱད་པར་བགྱིའོ། །ཀུན་ཏུ་རྒྱུ་འདམ་བུའི་ཚང་པ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་སྟེ། དེ་ལྟར་རབ་ཏུ་བྱུང་ནས་ཚེ་དང་ལྡན་པ་དེས་ཞེས་བྱ་བ་ནས་སེམས་ཤིན་ཏུ་རྣམ་པར་གྲོལ་བའི་དགྲ་བཅོམ་པར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དམར་བུ་ཅན་གྱི་གྲོང་དུ་འདོང་ངོ ། །བཙུན་པ། བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་དམར་བུ་ཅན་གྱི་གྲོང་ཁྱེར་དང་རྒྱལ་པོའི་ཁབ་ཀྱི་བར་གྱི་དབུས་ན་རྒྱལ་པོའི་གནས་འོད་མའི་དབྱུག་པ་ཅན་ན་ནུབ་མོ་ཉེ་བར་བརྟེན་ཅིང་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ང་དང ། ཁྱེད་ཅག་ཁོ་ནས་འཕགས་པའི་བདེན་པ་བཞི་པོ་དག་མ་ཤེས། མ་མཐོང ། ཁོང་དུ་མ་ཆུད། སོ་སོར་མ་རྟོགས་པས། ལམ་རིང་པོ་
Kha85a
༄#། །འདིར་རྒྱུག་ཅིང་འཁོར་བར་གྱུར་ཏོ། །བཞི་པོ་དེ་དག་།གང་ཞེ་ན། ང་དང་ཁྱེད་ཅག་ཁོ་ནས་ཞེས་བྱ་བ་ནས་སྡུག་བསྔལ་འཕགས་པའི་བདེན་པ་མ་ཤེས། མ་མཐོང་ཞེས་བྱ་བའི་བར་གོང་མ་བཞིན་དུའོ། །ང་དང་ཁྱེད་ཅག་ཁོ་ནས་ཞེས་བྱ་བ་ནས་སྡུག་བསྔལ་ཀུན་འབྱུང་བ་དང ། སྡུག་བསྔལ་འགོག་པ་དང ། སྡུག་བསྔལ་འགོག་པར་འགྲོ་བའི་ལམ་མ་ཤེས། མ་མཐོང་ཞེས་བྱ་བའི་བར་གོང་མ་བཞིན་དུའོ། །ངས་སྡུག་བསྔལ་འཕགས་པའི་བདེན་པ་རྗེས་སུ་རྟོགས་ཤིང་སོ་སོར་རྟོགས་པས་སྲིད་པའི་སྲེད་པ་བཅད་པས་འཁོར་བའི་སྐྱེ་བ་ཟད་དེ། ད་ནི། སྲིད་པ་གཞན་མེད་དོ། །ངས་སྡུག་བསྔལ་ཀུན་འབྱུང་བ་དང ། སྡུག་བསྔལ་འགོག་པ་དང ། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་རྗེས་སུ་རྟོགས་ཤིང་སོ་སོར་རྟོགས་པས། སྲིད་པའི་སྲེད་པ་བཅད་པས་འཁོར་བའི་སྐྱེ་བ་ཟད་དེ། ད་ནི། སྲིད་པ་གཞན་མེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏོ། །བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །ང་དང་ཁྱེད་ཅག་ཁོ་ན་ཡིས། །འཕགས་པའི་བདེན་པ་བཞི་པོ་དག་།ཇི་ལྟ་བ་བཞིན་མ་མཐོང་བས། །ལམ་རིང་དུ་ནི་འཁོར་བར་གྱུར། །བདེན་པ་དེ་དག་མཐོང་ནས་ནི། །སྲིད་པའི་སྲེད་པ་བཅད་ནས་སུ། །འཁོར་བའི་སྐྱེ་བ་ཟད་པས་ན། །ད་ནི་སྲིད་པ་གཞན་མེད་དོ། །བཅོམ་ལྡན་འདས་ཀྱིས་དེ་སྐད་
Kha85b
ཅེས་བཀའ་སྩལ་ནས། དགེ་སློང་དེ་དག་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། །དམར་བུ་ཅན་གྱི་གྲོང་གང་ན་བར་འདོང་ངོ ། །བཙུན་པ། བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་དང ། ཡུལ་མ་ག་དྷའི་ལྗོངས་རྒྱུ་ཞིང་གཤེགས་པ་ན་དམར་བུ་ཅན་གྱི་གྲོང་གི་དམར་བུ་ཅན་གྱི་མཆོད་རྟེན་ན་བཞུགས་སོ། །དམར་བུ་ཅན་གྱི་གྲོང་གི་བྲམ་ཟེ་དང་ཁྱིམ་བདག་རྣམས་ཀྱིས། བཅོམ་ལྡན་འདས་ཡུལ་མ་ག་དྷའི་ལྗོངས་རྒྱུ་ཞིང་གཤེགས་ནས་དམར་བུ་ཅན་གྱི་གྲོང་དུ་བྱོན་ཏེ་དམར་བུ་ཅན་གྱི་མཆོད་རྟེན་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་ཚོགས་ནས་ཚོགས་དང ། ཁྱུ་ནས་ཁྱུར་འཕྲད་ཅིང་འདུས་ནས། དམར་བུ་ཅན་གྱི་གྲོང་ནས་བྱུང་སྟེ་བཅོམ་ལྡན་འདས་གང་ན་བ་དེར་སོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ཀྱིས། དམར་བུ་ཅན་གྱི་གྲོང་གི་བྲམ་ཟེ་དང ། ཁྱིམ་བདག་རྣམས་ལ་འདི་སྐད་ཅེས་བཀའ་སྩལ་ཏོ། །བྲམ་ཟེ་དང་ཁྱིམ་བདག་དག་།ལྔ་པོ་འདི་དག་ནི། བག་མེད་པའི་ཉེས་དམིགས་དག་ཡིན་ཏེ། ལྔ་གང་ཞེ་ན། བྲམ་ཟེ་དང་ཁྱིམ་བདག་དག། འདི་ལ། བག་མེད་པ་བག་
Kha86a
༄#། །མེད་པ་ལ་གནས་པའི་རྒྱུས། ལོངས་སྤྱོད་ཆེན་པོ་ལས་ཉམས་པར་འགྱུར་ཏེ། བྲམ་ཟེ་དང་ཁྱིམ་བདག་དག་།བག་མེད་པ་བག་མེད་པ་ལ་གནས་པའི་རྒྱུས།་ལོངས་སྤྱོད་ཆེན་པོ་ལས་ཉམས་པར་འགྱུར་བ་གང་ཡིན་པ་འདི་ནི། བག་མེད་པའི་ཉེས་དམིགས་དང་པོ་ཡིན་ནོ། །བྲམ་ཟེ་དང་ཁྱིམ་བདག་དག་།གཞན་ཡང ། བག་མེད་པ་བག་མེད་པ་ལ་གནས་པའི་རྒྱུས། ཕྱོགས་དང་ཕྱོགས་མཚམས་སུ་སྡིག་པ་དང ། བསྔགས་པ་མ་ཡིན་པ་དང ། གྲགས་པ་མ་ཡིན་པའི་སྒྲ་དང ། ཚིགས་སུ་བཅད་པ་གྲགས་པར་འགྱུར་ཏེ།་བྲམ་ཟེ་དང་ཁྱིམ་བདག་དག་།བག་མེད་པ་བག་མེད་པ་ལ་གནས་པའི་རྒྱུས། ཕྱོགས་དང་ཕྱོགས་མཚམས་སུ་སྡིག་པ་དང ། བསྔགས་པ་མ་ཡིན་པ་དང ། གྲགས་པ་མ་ཡིན་པའི་སྒྲ་དང ། ཚིགས་སུ་བཅད་པ་གྲགས་པར་འགྱུར་བ་གང་ཡིན་པ་འདི་ནི། བག་མེད་པའི་ཉེས་དམིགས་གཉིས་པ་ཡིན་ནོ། །བྲམ་ཟེ་དང་ཁྱིམ་བདག་དག་།གཞན་ཡང ། བག་མེད་པ་བག་མེད་པ་ལ་གནས་པའི་རྒྱུས། རྒྱལ་རིགས་ཀྱི་འཁོར་དུའང་རུང ། བྲམ་ཟེའི་འཁོར་དུའང་རུང ། ཁྱིམ་བདག་གི་འཁོར་དུའང་རུང ། དགེ་སྦྱོང་གི་འཁོར་དུའང་རུང ། འཁོར་གང་དང་གང་དུ་འགྲོ་བའི་འཁོར་དེ་དང་དེར་ཞུམ་ཞུམ་པོར་གྱུར་ནས་དགའ་བ་མེད་པ་དང ། བག་ཚ་བས་འགྲོ་བར་འགྱུར་ཏེ། བྲམ་ཟེ་དང་ཁྱིམ་བདག་དག་།བག་མེད་པ་ལ་གནས་པའི་རྒྱུས།
Kha86b
གང་དང་གང་དུ་ཞེས་བྱ་བ་ནས་བག་ཚ་བས་ཞེས་བྱ་བའི་བར་གོང་མ་བཞིན་དུའོ། །འདི་ནི། བག་མེད་པའི་ཉེས་དམིགས་གསུམ་པའོ། །བྲམ་ཟེ་དང་ཁྱིམ་བདག་དག་།གཞན་ཡང ། བག་མེད་པ་བག་མེད་པ་ལ་གནས་པའི་རྒྱུས། གང་དང་གང་དུ་ཞེས་བྱ་བ་ནས་བག་མེད་པའི་རྒྱུས་ཡིད་ལ་གཅགས་བཞིན་འཆི་བར་འགྱུར་ཏེ། བྲམ་ཟེ་དང་ཁྱིམ་བདག་དག་།བག་མེད་པ་བག་མེད་པ་ལ་གནས་པའི་རྒྱུས་ཡིད་ལ་གཅགས་བཞིན་འཆི་བར་འགྱུར་བ་གང་ཡིན་པ་འདི་ནི། བག་མེད་པའི་ཉེས་དམིགས་བཞི་པ་ཡིན་ནོ། །བྲམ་ཟེ་དང་ཁྱིམ་བདག་དག་།གཞན་ཡང ། བག་མེད་པ་བག་མེད་པ་ལ་གནས་པའི་རྒྱུས། ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། བྲམ་ཟེ་དང་ཁྱིམ་བདག་དག་།བག་མེད་པ་བག་མེད་པ་ལ་གནས་པའི་རྒྱུས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བ་གང་ཡིན་པ་འདི་ནི། བག་མེད་པའི་ཉེས་དམིགས་ལྔ་པ་ཡིན་ནོ། །བྲམ་ཟེ་དང་ཁྱིམ་བདག་དག་།ལྔ་པོ་འདི་དག་ནི། བག་ཡོད་པའི་ཕན་ཡོན་ཏེ། ལྔ་གང་ཞེ་ན། བྲམ་ཟེ་དང་ཁྱིམ་བདག་དག་།བག་ཡོད་པ་བག་ཡོད་པ་ལ་གནས་པའི་རྒྱུས། ལོངས་སྤྱོད་ཆེན་པོ་ལས་ཉམས་པར་མི་འགྱུར་ཏེ། བྲམ་ཟེ་དང་ཁྱིམ་བདག་དག་།བག་ཡོད་པ་བག་ཡོད་པ་ལ་གནས་པའི་རྒྱུས་ལོངས་སྤྱོད་ཆེན་པོ་ལས་ཉམས་པར་མི་འགྱུར་བ་གང་ཡིན་པ་
Kha87a
༄#། །འདི་ནི། བག་ཡོད་པའི་ཕན་ཡོན་དང་པོ་ཡིན་ནོ། །བྲམ་ཟེ་དང་ཁྱིམ་བདག་དག་།གཞན་ཡང ། བག་ཡོད་པ་བག་ཡོད་པ་ལ་གནས་པའི་རྒྱུས། ཕྱོགས་མཚམས་སུ་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་རྒྱ་ཆེན་པོ་གྲགས་པར་འགྱུར་ཏེ། བྲམ་ཟེ་དང་ཁྱིམ་བདག་དག་།བག་ཡོད་པ་བག་ཡོད་པ་ལ་གནས་པའི་རྒྱུས་ཕྱོགས་དང་ཕྱོགས་མཚམས་སུ་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་རྒྱ་ཆེན་པོ་གྲགས་པར་འགྱུར་བ་གང་ཡིན་པ་འདི་ནི། བག་ཡོད་པའི་ཕན་ཡོན་གཉིས་པ་ཡིན་ནོ། །བྲམ་ཟེ་དང་ཁྱིམ་བདག་དག་།གཞན་ཡང ། བག་ཡོད་པ་བག་ཡོད་པ་ལ་གནས་པའི་རྒྱུས། རྒྱལ་རིགས་ཀྱི་འཁོར་དུའང་རུང ། བྲམ་ཟེའི་འཁོར་དུའང་རུང ། ཁྱིམ་བདག་གི་འཁོར་དུའང་རུང ། དགེ་སྦྱོང་གི་འཁོར་དུའང་རུང ། འཁོར་གང་དང་གང་དུ་འགྲོ་བ་དེ་དང་དེར་ཞུམ་ཞུམ་པོར་མ་ཡིན་པ་དང ། དགའ་བ་དང ། བག་ཚ་བ་མེད་པས་འགྲོ་བར་འགྱུར་ཏེ། བྲམ་ཟེ་དང་ཁྱིམ་བདག་དག་།བག་ཡོད་པ་བག་ཡོད་པ་ལ་གནས་པའི་རྒྱུས་ཞེས་བྱ་བ་ནས་བག་ཚ་བ་མེད་པ་ཞེས་བྱ་བའི་བར་གོང་མ་བཞིན་དུ་གང་ཡིན་པ་འདི་ནི། བག་ཡོད་པའི་ཕན་ཡོན་གསུམ་པ་ཡིན་ནོ། །བྲམ་ཟེ་དང་ཁྱིམ་བདག་དག་།གཞན་ཡང ། བག་ཡོད་པ་བག་ཡོད་པ་ལ་གནས་པའི་རྒྱུས། ཡིད་ལ་གཅགས་པ་མེད་བར་འཆི་བར་འགྱུར་ཏེ། བྲམ་ཟེ་དང་
Kha87b
ཁྱིམ་བདག་དག། བག་ཡོད་པ་བག་ཡོད་པ་ལ་གནས་པའི་རྒྱུས་ཡིད་ལ་གཅགས་པ་མེད་པར་འཆི་བར་འགྱུར་བ་གང་ཡིན་པ་འདི་ནི། བག་ཡོད་པའི་ཕན་ཡོན་བཞི་པ་ཡིན་ནོ། །བྲམ་ཟེ་དང་ཁྱིམ་བདག་དག་།གཞན་ཡང ། བག་ཡོད་པ་བག་ཡོད་པ་ལ་གནས་པའི་རྒྱུས། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་སུ་སྐྱེས་པར་འགྱུར་ཏེ། བྲམ་ཟེ་དང་ཁྱིམ་བདག་དག་།བག་ཡོད་པ་བག་ཡོད་པ་ལ་གནས་པའི་རྒྱུས་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་སུ་སྐྱེས་པར་འགྱུར་བ་གང་ཡིན་པ་འདི་ནི། བག་ཡོད་པའི་ཕན་ཡོན་ལྔ་པ་ཡིན་ནོ། །དེ་ནས་དམར་བུ་ཅན་གྱི་གྲོང་གི་བྲམ་ཟེ་དང་ཁྱིམ་བདག་རྣམས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གི་གནས་སུ་དོ་མོད་བཞུགས་པར་གསོལ། བཅོམ་ལྡན་འདས་ཀྱིས་དམར་བུ་ཅན་གྱི་གྲོང་གི་བྲམ་ཟེ་དང་ཁྱིམ་བདག་རྣམས་ལ་ཅང་མི་གསུང་བས་གནང་ངོ ། །དེ་ནས་དམར་བུ་ཅན་གྱི་བྲམ་ཟེ་དང་ཁྱིམ་བདག་རྣམས་ཀྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །མ་ག་དྷའི་སྣ་ཆེན་པོ་ལ་གཏོགས་པ་དབྱར་བྱེད་ཀྱིས། དགེ་སྦྱོང་གོའུ་ཏ་མ་མ་ག་དྷའི་
Kha88a
༄#། །ལྗོངས་རྒྱུ་ཞིང་གཤེགས་པ་ན། དམར་བུ་ཅན་གྱི་གྲོང་དུ་གཤེགས་ནས་དམར་བུ་ཅན་གྱི་གྲོང་གི་དམར་བུ་ཅན་གྱི་མཆོད་རྟེན་ན་བཞུགས་ཏེ། དེ་ལ་དམར་བུ་ཅན་གྱི་གྲོང་གི་བྲམ་ཟེ་དང་ཁྱིམ་བདག་རྣམས་ཀྱིས་བཀུར་སྟི་བྱས་སོ། །ཞེས་ཐོས་སོ། །ཐོས་ནས་ཀྱང་རྟ་རྒོད་མ་དང་ལྡན་པའི་ཤིང་རྟ་ཐམས་ཅད་ནས་དཀར་བའི་ནང་དུ་ཞུགས་ནས།་གསེར་གྱི་བྱ་མ་བུམ་དང་རིལ་བ་སྤྱི་བླུགས་ཐོགས་ཏེ། བྲམ་ཟེའི་ཁྱེའུའི་ཚོགས་ཀྱིས་ཡོངས་སུ་བསྐོར་ཅིང ། བྲམ་ཟེའི་ཚོགས་ཀྱི་མདུན་གྱིས་བལྟས་ནས་དམར་བུ་ཅན་གྱི་གྲོང་ནས་བྱུང་སྟེ། བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་སོང་ངོ ། །དེ་ཇི་ཙམ་བཞོན་པའི་སའི་བར་དུ་བཞོན་པས་སོང་ནས། བཞོན་པ་ལས་བབས་ཏེ་རྐང་པས་ཀུན་དགའ་ར་བར་ཞུགས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱིས། མ་ག་དྷའི་སྣ་ཆེན་པོ་ལ་གཏོགས་པའི་བྲམ་ཟེ་དབྱར་བྱེད་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་འཛིན་དུ་འཇུག་པར་མཛད། ཡང་
Kha88b
དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ། ཅང་མི་གསུང་ངོ ། །དེ་ནས་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གོའུ་ཏ་མ་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་ཅང་མི་གསུང་བས་གནང་ངོ ། །དེ་ནས་མ་ག་དྷའི་སྣ་ཆེན་པོ་ལ་གཏོགས་པའི་བྲམ་ཟེ་དབྱར་བྱེད་ཀྱིས། བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་སོང་ནས་རིང་པོ་མ་ལོན་པར་ཐུགས་སུ་ཆུད་ནས་འདུག་གནས་གང་ན་བ་དེར་གཤེགས་ཏེ་བྱོན་ནས་འདུག་གནས་ཀྱི་ཕྱི་རོལ་དུ་ཞབས་གཉིས་བཀྲུས་ཏེ་འདུག་གནས་སུ་ཞུགས་ནས། གདན་བཤམས་པ་ཉིད་ལ་བཞུགས་ཏེ་སྐྱིལ་མོ་ཀྲུང་བཅས་ནས་སྐུ་དྲང་པོར་བསྲང་སྟེ་དགོངས་པ་མངོན་དུ་ཕྱོགས་པར་བཞག་གོ་།བཅོམ་
Kha89a
༄#། །ལྡན་འདས་འདུག་གནས་ན་ཉིན་པར་གྱི་གནས་པས་བཞུགས་པ་ན། ལྷའི་སྤྱན་རྣམ་པར་དག་པ་མིའི་ལས་འཕགས་པས་དམར་བུ་ཅན་གྱི་གྲོང་ན་མཐུ་ཆེ་བ་མཐུ་ཆེ་བའི་ལྷ་རྣམས་གནས་ཀྱིས་འབྲེ་བ་གཟིགས་སོ། །གཟིགས་ནས་ཀྱང་དགོངས་ཀ་ནང་དུ་ཡང་དག་འཇོག་ལས་བཞེངས་ཏེ་འདུག་གནས་ནས་བྱུང་ནས་འདུག་གནས་ཀྱི་གྲིབ་མ་ལ་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་ཀྱིས་དམར་བུ་ཅན་གྱི་གྲོང་གི་གྲོང་ཁྱེར་རྩིག་པར་བརྩོན་པ་སུ་ཡིན་ཅི་ཐོས། བཙུན་པ། བདག་གིས་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལགས་པར་ཐོས་སོ། །ཀུན་དགའ་བོ། ལེགས་སོ། །ལེགས་སོ། །མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ནི། མཁས་པ་ཡིན་ཏེ། འདི་ལྟར། སུམ་ཅུ་རྩ་གསུམ་པའི་ལྷ་རྣམས་དང་ལྷན་ཅིག་བགྲོས་པ་ལྟ་ཞིག་།ཀུན་དགའ་བོ། །འདི་ན་ང་འདུག་གནས་ན་ཉིན་པར་གྱི་གནས་པས་བཞུགས་པ་ན། ལྷའི་སྤྱན་རྣམ་པར་དག་པ་མིའི་ལས་འདས་པས། དམར་བུ་ཅན་གྱི་གྲོང་ན་མཐུ་ཆེ་བ་མཐུ་ཆེ་བའི་ལྷ་རྣམས་གནས་ཀྱིས་འབྲེ་བ་གཟིགས་སོ། །ཀུན་དགའ་བོ། །ཕྱོགས་གང་དུ་མཐུ་ཆེ་བ་མཐུ་ཆེ་བའི་ལྷ་རྣམས་ཀྱིས་གནས་ཀྱིས་བྲེས་བའི་ཕྱོགས་དེར་འདི་ལྟ་སྟེ། གནས་ཀྱི་
Kha89b
ཕྱིར་མཐུ་ཆེ་བ་མཐུ་ཆེ་བའི་མི་རྣམས་ཀྱི་སེམས་གཞོལ་བར་འགྱུར་རོ། །ཕྱོགས་གང་དུ་ལྷ་བར་མ་དང་ཕལ་བས་གནས་ཀྱིས་བྲེས་པའི་ཕྱོགས་དེར་ནི། འདི་ལྟ་སྟེ། གནས་ཀྱི་ཕྱིར་མི་བར་མ་དང་ཕལ་པ་རྣམས་ཀྱི་སེམས་གཞོལ་བར་འགྱུར་རོ། །ཀུན་དགའ་བོ། ཕྱོགས་འདིར་ནི། མཐུ་ཆེ་བ་མཐུ་ཆེ་བའི་ལྷ་རྣམས་ཀྱིས་གནས་ཀྱིས་བྲེས་པས་ཕྱོགས་འདིར་འདི་ལྟ་སྟེ། གནས་ཀྱི་ཕྱིར་དབང་ཆེ་བར་གྲགས་པ་དབང་ཆེ་བར་གྲགས་པའི་མི་རྣམས་ཀྱི་སེམས་གཞོལ་བར་འགྱུར་ཏེ། ཀུན་དགའ་བོ། ཡ་རབས་ཀྱི་གནས་ཀྱི་གནས་དང ། ཡ་རབས་ཀྱི་ཐ་སྙད་ཇི་སྙེད་པ་དང ། ཟོང་འགྲེམ་པ་རྣམས་ཀྱི་ནང་ན་ཡང་འདི་ལྟ་སྟེ། དམར་བུ་ཅན་གྱི་གྲོང་ཁྱེར་འདི་མཆོག་ཏུ་འགྱུར་རོ། །ཀུན་དགའ་བོ། །འདི་ལ་བར་ཆད་གསུམ་འབྱུང་བར་རིག་པར་བྱ་སྟེ། མེ་དང ། ཆུ་དང ། ནང་འཁྲུག་གིས་སོ། །དེ་ནས་མ་ག་དྷའི་སྣ་ཆེན་པོ་ལ་གཏོགས་པའི་བྲམ་ཟེ་དབྱར་བྱེད། དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་ཞེས་བྱ་བ་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་ཏེ། གསེར་གྱི་བྱ་མ་བུམ་ཐོགས་ཏེ་གསོལ་བ་འདེབས་ཤིང་སྤྱན་སྔར་འདུག་གོ་།འདི་སྐད་ཅེས་ཀྱང་གསོལ་ཏེ། ཀྱེ་གོའུ་ཏ་མ། སྦྱིན་པ་འདི་ལས་བསོད་ནམས་ཀྱི་རྒྱུ་མཐུན་པ་དང ། དགེ་བའི་རྒྱུ་མཐུན་པ་དང ། བདེ་བའི་གཞི་ཅི་མཆིས་པ་དེ། དམར་བུ་ཅན་ན་གནས་པའི་ལྷ་རྣམས་ཀྱི་ཡུན་རིང་པོའི་དོན་དང ། ཕན་པ་དང་བདེ་བའི་སླད་དུ་
Kha90a
༄#། །ཡོན་བསྔོ་བ་མཛད་དུ་གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། སྐྱེས་བུ་གང་ཟག་དད་པ་ཅན། །གང་ཞིག་ལྷ་རྣམས་མཆོད་བྱེད་པ། །སྟོན་པའི་བཀའ་བཞིན་བྱེད་པ་སྟེ། །དེ་ནི་སངས་རྒྱས་རྣམས་ཀྱིས་བསྔགས། །མཁས་ཤིང་ཡིད་ནི་གཞུངས་པ་ཡིས། །གང་གི་ཕྱོགས་སུ་གནས་འཆའ་བ། ། ཚུལ་ཁྲིམས་ལྡན་པ་བཤོས་གསོལ་ནས། །དེ་ཡི་འོག་ཏུ་ཡོན་བསྔོ་བྱ། །དེ་རྣམས་རྗེད་པས་རྗེད་འགྱུར་ཞིང ། །མཆོད་པས་ཀྱང་ནི་མཆོད་པར་འགྱུར། །དེ་ནས་ལྟོ་ནས་བྱུང་བ་ཡིན། །བུ་ལ་མ་བཞིན་འདི་ལ་བརྩེ། །ལྷ་རྣམས་བརྩེ་བས་སྐྱེས་བུས་ནི། །བདེ་བ་བཟང་པོ་མཐོང་བར་འགྱུར། །དེ་ནས་བཅོམ་ལྡན་འདས་ཀྱིས་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་མ་ག་དྷའི་སྣ་ཆེན་པོ་ལ་གཏོགས་པ་བྲམ་ཟེ་དབྱར་བྱེད་ཀྱིས། དེར་རྒྱུས་ལྷག་གང་ཡིན་པ་དེ་ཐམས་ཅད་སྦྱིན་པར་བཏང་ནས་བཅོམ་ལྡན་འདས་ཀྱི་རྗེས་བཞིན་རྗེས་བཞིན་དུ་འབྲང་ཞིང་འདི་སྙམ་དུ་སེམས་ཏེ་སེམས་ལས་མངོན་པར་འདུ་བྱེད་དེ། བཅོམ་ལྡན་འདས་གོའུ་ཏ་མ་དམར་བུ་ཅན་གྱི་གྲོང་གི་སྒོ་གང་ནས་ཕྱིར་གཤེགས་པ་དེ་ནི། བདག་
Kha90b
གིས་གོའུ་ཏ་མའི་སྒོ་ཞེས་གདགས་སོ། །ཆུ་བོ་གངྒཱའི་འཇུག་ངོགས་གང་ནས་བརྒལ་བ་དེ་ཡང་གོའུ་ཏ་མའི་འཇུག་ངོགས་ཞེས་གདགས་སོ། །སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་མ་ག་དྷའི་སྣ་ཆེན་པོ་ལ་གཏོགས་པའི་བྲམ་ཟེ་དབྱར་བྱེད་ཀྱི་བསམ་པ་མཁྱེན་ནས། དམར་བུ་ཅན་གྱི་གྲོང་གི་དབུས་ཐོག་ཐག་གཤེགས་ནས་བྱང་ཕྱོགས་སུ་རྒྱུ་སྟེ་ཆུ་བོ་གངྒཱ་གང་ན་བར་གཤེགས་སོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ། འདི་སྙམ་དུ་སེམས་ཏེ། མ་ལ་བདག་ཉིད་ཁོ་ནས་བཅོམ་ལྡན་འདས་མཆོད་པ་བྱ་བ་ལ་ལྷག་པར་སྤྲོ་བར་བྱའོ་སྙམ་དུ་བསམ་ནས། རྩིབས་བརྒྱ་དང་ལྡན་པའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་བ་དང ། ཡངས་པ་ཅན་གྱི་ལི་ཙ་བྱི་རྣམས་ཀྱིས་བསམ་པ། ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་འདི་བཅོམ་ལྡན་འདས་མཆོད་པ་ལ་རང་ཉིད་ལྷག་པར་སྤྲོ་བར་གྱུར་ན། ཅིའི་ཕྱིར་བདག་ཅག་གིས་སྤྲོ་བར་མི་བྱ་སྙམ་ནས། དེ་རྣམས་ཀྱིས་ཀྱང་རྩིབས་བརྒྱ་དང་ལྡན་པའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་ངོ ། །ཀླུ་རྣམས་ཀྱིས་བསམ་པ། རེ་ཞིག་མི་འདི་རྣམས་བཅོམ་ལྡན་འདས་མཆོད་པ་ལ་ལྷག་པར་སྤྲོ་བར་གྱུར་ན། བདག་ཅག་ཀླུ་རྣམས་ནི།་རྣམ་པར་ལྟུང་བའི་ལུས་ཅན་ཡིན་ན། ཅིའི་ཕྱིར་སྤྲོ་བར་མི་བྱ་སྙམ་ནས། དེ་དག་གིས་ཀྱང་རྩིབས་བརྒྱ་དང་ལྡན་པའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་ངོ །
Kha91a
༄#། །རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་བསམ་པ། རེ་ཞིག་མི་བསོད་ནམས་མངོན་སུམ་དུ་མ་མཐོང་བ་འདི་དག་ཀྱང་བཅོམ་ལྡན་འདས་མཆོད་པ་ལ་ལྷག་པར་སྤྲོ་བར་གྱུར་ན། མངོན་སུམ་དུ་མཐོང་བ་བདག་ཅག་གིས་ཅིའི་ཕྱིར་སྤྲོ་བར་མི་བྱ་སྙམ་ནས། དེ་དག་གིས་ཀྱང་རྩིབས་བརྒྱ་དང་ལྡན་པའི་ལྷའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་ངོ ། །སུམ་ཅུ་རྩ་གསུམ་པའི་ལྷ་རྣམས་ཀྱིས་བསམ་པ། ལྷ་དང་མི་འདི་རྣམས་བཅོམ་ལྡན་འདས་མཆོད་པ་ལ་སྤྲོ་བར་གྱུར་ན། བདག་ཅག་གིས་ཅིའི་ཕྱིར་སྤྲོ་བར་མི་བྱ་སྙམ་ནས། དེ་དག་གིས་ཀྱང་རྩིབས་བརྒྱ་དང་ལྡན་པའི་གདུགས་ལྔ་བརྒྱ་བཅོམ་ལྡན་འདས་ཀྱི་དབུའི་གཙུག་གི་སྟེང་དུ་བཟུང་ངོ ། །བཅོམ་ལྡན་འདས་ཀྱིས་དགོངས་པ། ཇི་ལྟར། འདི་དག་ཕྱིར་ཞིང་དད་པ་མངོན་པར་འཕེལ་བར་འགྱུར་བ་དེ་ལྟར་བྱིན་གྱིས་བརླབ་པོ། །སྙམ་ནས། དེ་ནས་བཅོམ་ལྡན་འདས་ཀྱིས། ཇི་ལྟར། རེ་རེའི་ཡིད་ལ་བཅོམ་ལྡན་འདས་ཀྱི་དབུའི་གཙུག་གི་སྟེང་ན་བདག་གདུགས་འཛིན་ཏོ། །སྙམ་པ་དེ་ལྟར་བྱིན་གྱིས་བརླབས་ཏེ། དེ་ནས་བཅོམ་ལྡན་འདས་མངོན་པར་རྫོགས་པར་བྱང་ཆུབ་པ་ལ་གདུགས་ཉིས་སྟོང་ལྔ་བརྒྱ། ལྷ་དང་མི་རྣམས་ཀྱིས་དབུའི་གཙུག་གི་སྟེང་དུ་བཟུང་ངོ ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཀྱིས་འཕྲིན་
Kha91b
ལས་ཅི་ཞིག་མཛད་ན། དེས་ན། བཅོམ་ལྡན་འདས་མངོན་པར་རྫོགས་པར་བྱང་ཆུབ་པ་ལ་གདུགས་ཉིས་སྟོང་ལྔ་བརྒྱ། ལྷ་དང་མི་རྣམས་ཀྱིས་དབུའི་གཙུག་གི་སྟེང་དུ་བཟུང་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ཉིད་ཀྱིས། སྔོན་གྱི་ཚེ་རབས་གཞན་ན་ལས་བྱས་ཤིང་བསགས་པ། ཚོགས་རྙེད་པ་ཞེས་བྱ་བ་ནས། །ལུས་ཅན་རྣམས་ལ་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་ནོ། །དགེ་སློང་དག་།སྔོན་བྱུང་བ། འཁོར་ལོས་བསྒྱུར་བའི་རྒྱལ་པོ། མཐའ་བཞིར་རྣམ་པར་རྒྱལ་བ། ཆོས་དང་ལྡན་པ། ཆོས་ཀྱི་རྒྱལ་པོ། རིན་པོ་ཆེ་སྣ་བདུན་དང་ལྡན་པ། ལེགས་མཐོང་ཆེན་པོ་ཞེས་བྱ་བ་བྱུང་སྟེ། རྒྱལ་པོ་དེ་ལ་བུ་སྟོང་དུ་གཅིག་གིས་མ་ཚང་བ་ཞིག་ཡོད་དོ། །རྒྱལ་པོ་དེའི་ཀུན་ཏུ་སྤྱོད་པ་ནི། བུ་བཙས་ཤིང་བཙས་པ་དག་ཕྱི་བཞིན་ཁྲིད་དེ་འཁྱམ་པར་བྱེད་དོ། །བཙུན་མོ་རྣམས་ཀྱིས་བསམ་པ། རྒྱལ་པོ་འདིའི་ཀུན་ཏུ་སྤྱོད་པ་ནི། སྲས་བཙས་ཤིང་བཙས་པ་དག་ཕྱི་བཞིན་ཁྲིད་ནས་འཁྱམ་པར་མཛད་པས་བདག་ཅག་བུ་ཡོད་བཞིན་དུ་བུ་མེད་པ་དང་འདྲའི། ད་ནི། ནད་ཁྲིམས་ཤིག་བཅའ་སྟེ། གལ་ཏེ་བདག་ཅག་ལས་འགའ་ཞིག་སེམས་ཅན་དང་ལྡན་པར་གྱུར་ན། དེས་རྒྱལ་པོ་ལ་གདགས་པར་མི་བྱའོ། །ཞེས་བཅས་སོ། །ཇི་ཙམ་ན། བཙུན་མོ་གཞན་ཞིག་སེམས་ཅན་དང་ལྡན་པར་གྱུར་ནས། དེ་དེ་དག་གིས་ཕྱོགས་དབེན་པ་ཞིག་ཏུ་བཞག་སྟེ། དེ་ཟླ་བ་བརྒྱད་དམ་དགུ་འདས་པ་དང །
Kha92a
༄#། །ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། པགས་པའི་མདོག་གསེར་འདྲ་བ། མགོ་གདུགས་ལྟ་བུ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །ཇི་ཙམ་ན། ཆེན་པོར་གྱུར་པ་དང ། བཙུན་མོ་དེ་དག་ཐམས་ཅད་ཁྱེའུ་དེ་ལ་བུའི་སྡུག་པ་སྐྱེས་སོ།། །།འདུལ་བ་གཞི། བམ་པོ་ཉི་ཤུ་བདུན་པ། དེ་ནས་དུས་གཞན་ཞིག་ན། རྒྱལ་པོ་ལེགས་མཐོང་ཆེན་པོ་ཤར་གྱི་ལུས་འཕགས་ཀྱི་གླིང་ནས་རིན་པོ་ཆེ་སྣ་བདུན་གྱིས་སྣ་དྲངས་ཤིང་ཁམས་ཀྱི་རྒྱལ་ཕྲན་སྟོང་གིས་ཡོངས་སུ་བསྐོར་ཏེ། བུ་སྟོང་དུ་གཅིག་གིས་མ་ཚང་བས་ཟླ་བ་ཁམ་པ་ལྟ་བུར་བསྐོར་ནས། གཟི་བརྗིད་ཉི་མའི་འོད་ཟེར་སྟོང་བས་ལྷག་པར་སྤ་ཞིང་འོངས་པ། གཞོན་ནུ་ཁང་བཟང་གི་སྟེང་ན་འདུག་པ་དེས་མཐོང་ནས། དེས་མ་ལ་དྲིས་པ། ཡུམ། མཆི་བ་ཕ་བི་སུ་ལགས། བུ། ཁྱོད་ཀྱི་ཡབ་རྒྱལ་པོ་ལེགས་མཐོང་ཆེན་པོ་ཡིན་ནོ། །ཡུམ། དེ་འདས་ན། བདག་རྒྱལ་པོར་འགྱུར་རམ། བུ། རྒྱལ་པོ་དེའི་སྲས་སྟོང་དུ་གཅིག་གིས་མ་ཆང་བ་ཞིག་ཡོད་པ་དེ་དག་ཐམས་ཅད་ཀྱི་ཕུ་བོ་གང་ཡིན་པ་དེ། དེ་འདས་ན་རྒྱལ་པོར་འགྱུར་ན། ཁྱོད་ནི། ཐམས་ཅད་ཀྱི་ནུ་བོ་ཡིན་ནོ། །དེས་སྨྲས་པ། ཡུམ། གལ་ཏེ་དེ་འདས་ན་བདག་རྒྱལ་པོར་མི་འགྱུར་ན། གནང་བར་མཛོད་ཅིག་དང ། བདག་དད་པ་ཡང་དག་པ་
Kha92b
ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བགྱིའོ། །བཙུན་མོ་དེ་དག་ཐམས་ཅད་ཀྱིས་སྨྲས་པ། བུ། ཁྱོད་ལ་བདག་ཅག་གི་བུའི་སྡུག་པ་ཉམས་སུ་མྱོང་གི་།དེ་ལྟར་མ་བྱེད་ཅིག་།ཡུམ། གདོན་མ་འཚལ་བར་རབ་ཏུ་འབྱུང་བར་བགྱིའོ། །དེ་དག་གིས་དེ་གདོན་མི་ཟ་བར་གལ་གྱིས་འཆུ་བར་ཤེས་ནས་སྨྲས་པ། བུ། གལ་ཏེ་དེ་ལྟ་ན། དམ་ཞིག་བཅས་ནས་གནང་བར་བྱ་སྟེ། གང་ཡང་ཁྱོད་ཀྱི་ཡོན་ཏན་གྱི་ཚོགས་ཅུང་ཟད་རྟོགས་ན། དེ་ཁྱོད་ཀྱིས་བདག་ཅག་ལ་སྨྲོས་ཤིག་།དེ་བཞིན་དུ་བགྱིའོ། །དེ་དེ་དག་གིས་གནང་ནས། དེ་མཐའ་གཅིག་ཏུ་སོང་སྟེ་མཁན་པོ་དང་སློབ་དཔོན་མེད་པར་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩཝ་བདུན་གྱི་ཆོས་བསྐྱེད་ནས་རང་བྱང་ཆུབ་མངོན་སུམ་དུ་བྱས་སོ། །རང་སངས་རྒྱས་དེས་བསམ་པ། བདག་གིས་མ་དེ་རྣམས་ལ་ཁས་བླངས་པ་སྨྲ་དགོས་པས། སོང་ལ་སྔོན་གྱི་དམ་བཅས་པ་མཐར་དབྱུང་ངོ ། །སྙམ་ནས། བདག་ཉིད་ཆེན་པོ་དེ་དག་ནི། ངག་གིས་ཆོས་མི་སྟོན་གྱི། ལུས་ཀྱིས་ཡིན་པས། དེས་དེ་རྣམས་ཀྱི་མདུན་དུ་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པ་དག་གི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི། རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས། དེ་དག་ཤིང་རྩ་བ་ནས་བཅད་པ་བཞིན་རྐང་པ་གཉིས་ལ་གཏུགས་ནས་སྨྲས་པ། འཕགས་པ། ཁྱོད་ཀྱིས་ཡོན་ཏན་གྱི་ཚོགས་འདི་ལྟ་བུ་རྟོགས་སམ། རྟོགས་སོ། །འཕགས་པ། ཁྱོད་ནི། བསོད་སྙོམས་བཞེད་པ་ལགས་ལ།
Kha93a
༄#། །བདག་ཅག་ཀྱང་བསོད་ནམས་འཚལ་བ་ལགས་ན། ཁྱོད་འདི་ཉིད་དུ་སྐྱེད་མོས་ཚལ་དུ་བཞུགས་ཤིག་དང ། བདག་ཅག་གིས་རྒྱུན་དུ་བསོད་སྙོམས་དབུལ་བར་བགྱིའོ། །རང་སངས་རྒྱས་དེས་ཁས་བླངས་ནས། དེ་དག་གིས་རང་སངས་རྒྱས་ལ་བསོད་སྙོམས་ཀྱིས་བསྙེན་བཀུར་བྱ་བར་བརྩམས་སོ། །རང་སངས་རྒྱས་དེས་བསམ་པ། བདག་གི་ལུས་རྣག་ཅན་འདིས། བྱ་བ་གང་ཡིན་པ་དེ་ནི་བྱས་ཀྱི། མ་ལ་བདག་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཇུག་གོ་།སྙམ་ནས། དེ་ནས་དེ་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་ཀྱང་བསྟན་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པ་ཞི་བའི་དབྱིངས་སུ་ཞུགས་སོ། །དེ་ནས་དེ་དག་གིས་ཤིང་དྲི་ཞིམ་པོ་ཐམས་ཅད་སྤུངས་ཏེ། སྤུངས་ནས་བསྲེགས་ཏེ་མེའི་ཕུང་པོ་དེ་འོ་མས་བསད་ནས་རུས་པ་དེ་དག་།གསེར་གྱི་བུམ་པའི་ནང་དུ་བཅུག་སྟེ་སྐྱེད་མོས་ཚལ་དེ་ཉིད་དུ་རུས་པའི་མཆོད་རྟེན་བརྩིགས་ཏེ། མགུལ་གདུབ་དང ། གདུ་བུ་རྒྱན་ཅན་དང ། གཞན་ཡང ། རྒྱན་རྣམ་པ་སྣ་ཚོགས་ཀྱིས་བརྒྱན་ཅིང ། གདུགས་དང ། རྒྱལ་མཚན་དང ། བ་དན་དག་བཙུགས་སོ། །དེ་ནས་དུས་གཞན་ཞིག་ན། རྒྱལ་པོ་ལེགས་མཐོང་ཆེན་པོ་བཙུན་མོའི་འཁོར་གྱིས་བསྐོར་ནས་
Kha93b
སོས་ཀའི་དུས་ལ་བབ་པ་ན། མེ་ཏོག་གི་ཤིང་རྣམས་ཁ་འབུས་ཤིང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། བྱ་ཀོ་ཀི་ལ་དང ། ཤང་ཤང་ཏེའུ་སྐད་འབྱིན་པའི་ཚལ་གསེབ་ཏུ་སྐྱེད་མོས་ཚལ་གྱི་གཞིར་སོང་ནས་དེ་སྐྱེད་མོས་ཚལ་དུ་འཁྱམས་པ་ལས། དགྲ་བཅོམ་པའི་མཆོད་རྟེན་དེ་མཐོང་ངོ ། །དེས་སྐྱེད་མོས་ཚལ་སྲུང་བའི་མི་ལ་སྨྲས་པ། ཀཝའི་ནང་རྗེ། འདི་ཅི་ཡིན། དེས་སྨྲས་པ། ལྷ། བདག་གིས་ནི། མ་འཚལ་ཏེ། འོན་ཀྱང་འདིའི་དོན་ནི། བཙུན་མོས་འཚལ་ཏོ། །དེ་ནས་དེས་བཙུན་མོའི་འཁོར་རྣམས་ལ་སྨྲས་པ་དང ། དེ་དག་གིས་རྐང་པ་གཉིས་ལ་གཏུགས་ཏེ་སྨྲས་པ། ལྷ། མི་འཇིགས་པ་སྩལ་དུ་གསོལ། །དེས་སྨྲས་པ། དེ་བཞིན་དུ་སྦྱིན་ནོ། །དེ་དག་གིས་སྐབས་དེ་རྒྱས་པར་སྨྲས་པ་དང ། རྒྱལ་པོས་སྨྲས་པ། ཁྱེད་ཅག་གིས། བུ་རྒྱལ་སྲིད་ལ་མངོན་པར་དགའ་ན། དེ་ཁོ་བོ་ལ་མ་གསོལ་བ་བཟང་པོ་མ་ཡིན་པ་ཞིག་བྱས་སོ། །གལ་ཏེ་གསོལ་བར་གྱུར་པ་དང ། ཁོ་བོ་དེ་ཁོ་ན་ལ་རྒྱལ་སྲིད་དབང་བསྐུར་བས་དབང་བསྐུར་བར་འགྱུར་བ་ཞིག་།འོན་ཀྱང་ངས་བདག་ཉིད་ཆེན་པོ་དེ་མྱ་ངན་ལས་འདས་པར་གྱུར་ཀྱང་གདུགས་དང ། ཅོད་པན་དང ། ཐོར་ཚུགས་གདགས་སོ། །ཞེས་དེ་ནས་དེ་བུ་ལ་བྱམས་པས་རང་སངས་རྒྱས་ཀྱི་མཆོད་རྟེན་དེ་ལ་གདུགས་དང ། ཅོད་པན་དང ། ཐོར་ཚུགས་རྣམས་བཏགས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་ཆེན་པོ་ལེགས་མཐོང་གང་ཡིན་པ་དེ་ནི། ང་ཉིད་
Kha94a
༄#། །ཡིན་ནོ། །གང་ཡང་ངས་དེ་ན་བུ་ལ་བྱམས་པས་རང་སངས་རྒྱས་ཀྱི་མཆོད་རྟེན་ལ་གདུགས་དང ། ཅོད་པན་དང ། ཐོར་ཚུགས་བཏགས་ཏེ། ལས་དེའི་རྣམ་པར་སྨིན་པས། ངས་འཁོར་ལོས་བསྒྱུར་བའི་རྒྱལ་པོ་ཉིས་སྟོང་ལྔ་བརྒྱ་བྱས་སོ། །ལས་དེ་ཁོ་ནའི་ལྷག་མས། ད་ལྟར་ང་མངོན་པར་རྫོགས་པར་བྱང་ཆུབ་པ་ན། ལྷ་དང་མི་རྣམས་ཀྱིས་རྩིབས་བརྒྱ་དང་ལྡན་པའི་གདུགས་ཉིས་སྟོང་ལྔ་བརྒྱ། དབུའི་གཙུག་གི་སྟེང་དུ་བཟུང་བར་གྱུར་ཏོ། །གལ་ཏེ། ངས་ཡོན་ཏན་གྱི་ཚོགས་འདི་ལྟ་བུ་མ་རྟོགས་པར་གྱུར་ན། གཞན་དུ་ཡང ། ངས་འཁོར་ལོས་བསྒྱུར་བའི་རྒྱལ་པོ་ཉིས་སྟོང་ལྔ་བརྒྱ་བྱེད་པར་འགྱུར་རོ། །དེ་ལྟ་བས་ན། ངའི་བསོད་ནམས་ཀྱི་རྣམ་པར་སྨིན་པ་ཅན་གང་ཡིན་པ་དེ། ངས་ཉན་ཐོས་རྣམས་ཀྱི་ལོངས་སྤྱོད་དུ་རྣམ་པར་སྨིན་པར་བསྔོས་ཏེ། གལ་ཏེ་མུ་ཏིག་བྲེ་གང་གིས་འབྲས་བྲེ་གང་ཁུགས་ཀྱང ། འོན་ཀྱང་ངའི་ཉན་ཐོས་རྣམས་ནི། བསོད་སྙོམས་ཀྱིས་ཕོངས་པར་མི་འགྱུར་རོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་གནག་པ་ཡིན་ལ་ཞེས་བྱ་བ་ནས་བརྩམ་པར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ལུས་འཕགས་མའི་བུ། ཡུལ་མ་ག་དྷའི་རྒྱལ་པོ་མ་སྐྱེས་དགྲས་
Kha94b
གྲུ་ཟམ་འཇུགས་སུ་བཅུག་པ་དང ། ཡངས་པ་ཅན་གྱི་ལི་ཙ་བྱི་རྣམས་ཀྱིས་ཀྱང་དེ་བཞིན་དུ་བཅོམ་ལྡན་འདས་ཀྱི་ཕྱིར་གྲུ་ཟམ་བཙུགས་སོ། །ཀླུ་རྣམས་ཀྱིས་བསམ་པ། བདག་ཅག་ཀླུ་རྣམས་ནི། རྣ་མ་པར་ལྟུང་བའི་ལུས་ཅན་ཡིན་པས། མ་ལ་བདག་ཅག་གིས་གདེངས་ཀའི་ཟམ་པས། བཅོམ་ལྡན་འདས་ཆུ་བོ་གངྒཱ་ལས་བསྒྲལ་བར་བྱའོ། །སྙམ་ནས་དེ་རྣམས་ཀྱིས་གདེངས་ཀའི་ཟམ་པ་བཙུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ཁྱེད་ཅག་ལས། གང་ཞིག་ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲའི་གྲུ་ཟམ་ལས་ཆུ་བོ་གངྒཱ་བརྒལ་བར་སྤྲོ་བ་དེ་ནི། དེ་ལས་རྒོལ་ཅིག་།གང་ཞིག་ཡངས་པ་ཅན་གྱི་ལི་ཙ་བྱི་རྣམས་ཀྱིས་གྲུ་ཟམ་བཙུགས་པ་ལས་སྤྲོ་བ་གང་ཡིན་པ་དེ་ཡང ། དེ་ལས་རྒོལ་ཅིག་།ང་ཡང་དགེ་སློང་ཀུན་དགའ་བོ་དང་ཐབས་ཅིག་ཀླུ་རྣམས་ཀྱི་གདེངས་ཀའི་ཟམ་པ་ལས་ཆུ་བོ་གངྒཱ་བརྒལ་བར་བྱའོ། །དེ་ན་ཁ་ཅིག་ནི། ལུས་འཕགས་མའི་བུ་ཡུལ་མ་ག་དྷའི་རྒྱལ་པོ་མ་སྐྱེས་དགྲའི་གྲུ་ཟམ་ལས་བརྒལ་ཏོ། །ཁ་ཅིག་ནི། ཡངས་པ་ཅན་གྱི་ལི་ཙ་བྱི་རྣམས་ཀྱི་གྲུ་ཟམ་ལས་སོ། །བཅོམ་ལྡན་འདས་ཀྱིས་ཀྱང་ཚེ་དང་ལྡན་པ་ཀུན་དགའ་བོ་དང་ཐབས་ཅིག་ཀླུ་རྣམས་ཀྱི་གདེངས་ཀའི་ཟམ་པ་ལས་བརྒལ་ཏོ། །དེ་ནས་དགེ་བསྙེན་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ། ཁ་ཅིག་ཟམ་པ་བཙུགས་ནས་ཆུ་བྲན་བོར་ཏེ་རྒྱ་མཚོ་བརྒལ། །སྐྱེ་བོ་རྣམས་ནི་གཟིངས་འཆའ་མཁས་པའི་སྐྱེ་བོ་
Kha95a
༄#། །རྣམས་ཆུ་བརྒལ། །སངས་རྒྱས་བཅོམ་ལྡན་བྲམ་ཟེ་བརྒལ་བར་གྱུར་ནས་སྐམ་ལ་བཞུགས། །དགེ་སློང་དག་འདིར་ཁྲུས་བྱེད་ཉན་ཐོས་རྣམས་ནི་གཟིངས་འཆའ་ན། གལ་ཏེ་ཀུན་ན་ཆུ་ཡོད་ཁྲོན་པའི་ཆུས་ནི་ཅི་ཞིག་བྱ། །སྲེད་པའི་རྩ་བ་བཅད་ནས་སུ་ཞིག་སྤྱོད་པ་ཚོལ་བར་བྱེད། །བཅོམ་ལྡན་འདས་ཀྱིས། ས་ཕྱོགས་གཞན་ཞིག་ན་མཐོ་ཞིང་མཐོ་བའི་ས་ཕྱོགས་ཤིག་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་རྒྱལ་པོ་སྒྲ་ཆེན་གྱི་ལྷའི་མཆོད་སྡོང་སྲིད་དུ་འདོམ་སྟོང་ཡོད་ལ། སྦོམ་དུ་འདོམ་དྲུག་ཅུ་ཡོད་པ། ཐམས་ཅད་གསེར་ལས་བྱས་པ། རིན་པོ་ཆེ་སྣ་ཚོགས་ཀྱིས་སྤྲས་པ་ཞིག་ཡོད་དེ། སྦྱིན་པ་དག་བྱིན། བསོད་ནམས་དག་བྱས་ནས་ཆུ་བོ་གངྒཱའི་ནང་དུ་བོར་བ་གང་ཡིན་པ་དེ། ལྟ་བར་འདོད་དམ། བཅོམ་ལྡན་འདས། དེ་ལྟ་བ་དེའི་དུས་ལ་བབ་ལགས་སོ། །བདེ་བར་གཤེགས་པ། དེའི་ཚོད་ལ་བབ་ལགས་ཏེ། བཅོམ་ལྡན་འདས་ཀྱིས་གང་མཆོད་སྡོང་དེ་བསྒྲེངས་ན། དགེ་སློང་རྣམས་ལྟ་བར་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་འཁོར་ལོ་དང ། བཀྲ་ཤིས་དང ། གཡུང་དྲུང་འཁྱིལ་བ་དང ། དྲ་བས་འབྲེལ་པ། བསོད་ནམས་བརྒྱ་ཕྲག་དུ་མས་བསྐྱེད་པ། འཇིགས་པ་རྣམས་དབུགས་འབྱིན་པར་མཛད་པའི་ཕྱག་གིས་ས་ལ་རེག་པར་མཛད་པ་དང ། ཀླུ་རྣམས་ཀྱིས་བསམ་པ། བཅོམ་ལྡན་འདས་ཅིའི་
Kha95b
ཕྱིར་ས་ལ་རེག་པར་མཛད་སྙམ་ན། མཆོད་སྡོང་གཟིགས་པར་བཞེད་པར་མཐོང་ངོ ། །དེ་ནས་དེ་དག་གིས་བསྒྲེངས་པ་དང ། དགེ་སློང་རྣམས་ཀྱིས་མཆོད་སྡོང་ལྟ་བར་བརྩམས་སོ། །ཚེ་དང་ལྡན་པ་ལེགས་ལྡན་ནི། འདོད་པ་ཆུང་བ་ཡིན་པས་མཐའ་གཅིག་ཏུ་སོང་ནས་ཕྱག་དར་ཁྲོད་པ་དག་འཚེམ་མོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།མཆོད་སྡོང་ནུབ་པར་འགྱུར་གྱི། རྟགས་ཟུངས་ཤིག་།ཅེས་པ་ལས། དེ་ནུབ་པར་གྱུར་ཏོ། །སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ། དགེ་སློང་རྣམས་མཆོད་སྡོང་ལ་ལྟ་བ་བགྱིད་ན། ཚེ་དང་ལྡན་པ་ལེགས་ལྡན་ནི། འདོད་པ་ཆུང་བས་མཐའ་གཅིག་ཏུ་མཆིས་ནས་ཕྱག་དར་ཁྲོད་པ་འཚེམ་པ་ལ་གཟིགས། ཅི་ལགས། རེ་ཞིག་འདོད་ཆགས་དང་བྲལ་བའི་སླད་དུའམ། འོན་ཏེ་སྔོན་བསྟེན་པའི་སླད་དུ་ལགས། གལ་ཏེ་རེ་ཞིག་འདོད་ཆགས་དང་བྲལ་བའི་སླད་དུ་ལགས་ན་ནི། །གཞན་ཡང ། འདོད་ཆགས་བྲལ་བ་ཞིག་མཆིས་ལགས་སོ། །འོན་ཏེ་སྔོན་བསྟེན་པའི་སླད་དུ་ལགས་ན་ནི། འདིས་གང་དུ་བསྟེན་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདོད་ཆགས་དང་བྲལ་བའི་ཕྱིར་ཡང་ཡིན་ལ། སྔོན་བསྟེན་པའི་ཕྱིར་ཡང་ཡིན་ནོ། །འདིས་སྔོན་གང་དུ་བསྟེན་ལགས། དགེ་སློང་དག། སྔོན་བྱུང་བ་རྒྱལ་པོ་རབ་སྒྲོག་ཅེས་བྱ་བ་ཞིག་བྱུང་སྟེ། དེ་ལྷའི་དབང་པོ་བརྒྱ་བྱིན་དང་གྲོགས་པོར་གྱུར་ཏོ། །དེ་བུ་འདོད་ཀྱང་བུ་
Kha96a
༄#། །མེད་ནས་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་སྟེ། ནོར་རྫས་མང་པོ་ཞིག་བསགས་ན། བདག་ལ་བུ་མེད་པས། བདག་ཤི་ན་རྒྱལ་པོའི་གདུང་རྒྱུད་ཆད་པར་འགྱུར་རོ། །སྙམ་མོ། །དེ་ནས་བརྒྱ་བྱིན་གྱིས་མཐོང་ནས་དྲིས་པ། གྲོགས་པོ། ཁྱོད་ཅིའི་ཕྱིར་ལག་པ་ལ་འགྲམ་པ་གཏད་ནས། སེམས་ཁོང་དུ་ཆུད་ཅིང་འདུག། དེས་སྨྲས་པ། ཀོའུ་ཤི་ཀ། ནོར་རྫས་འདི་སྙེད་ཅིག་བསགས་ན། བདག་ལ་བུ་མེད་པས། བདག་ཤི་ན་རྒྱལ་པོའི་གདུང་རྒྱུད་ཆད་པར་འགྱུར་བས་སོ། །བརྒྱ་བྱིན་གྱིས་སྨྲས་པ། གྲོགས་པོ། ཁྱོད་སེམས་ཁོང་དུ་ཆུད་པར་མ་བྱེད་ཅིག་།གལ་ཏེ་ལྷའི་བུ་འགའ་ཞིག་འཆི་འཕོའི་ཆོས་བྱུང་བར་གྱུར་ན། དེ་ཁྱོད་ཀྱི་བུར་བསྐོ་བར་བྱའོ། །ཆོས་ཉིད་ཀྱིས་ལྷའི་བུ་འཆི་འཕོའི་ཆོས་འབྱུང་བ་ལ་ནི། ལྟས་ལྔ་འབྱུང་བར་འགྱུར་ཏེ། གོས་མ་རྙིང་པ་རྣམས་རྙིང་པར་འགྱུར་བ་དང ། མེ་ཏོག་གི་ཕྲེང་བ་མ་རྙིང་པ་དག་རྙིང་པར་འགྱུར་བ་དང ། ལུས་ལས་དྲི་མི་ཞིམ་པ་འབྱུང་བར་འགྱུར་བ་དང ། མཆན་ཁུང་གཉིས་ནས་རྡུལ་འཛག་པ་དང ། རང་གི་སྟན་ལ་མི་དགའ་བར་འགྱུར་བའོ། །ཇི་ཙམ་ན། ལྷའི་བུ་ཞིག་ལ་སྔ་ལྟས་ལྔ་བྱུང་བར་གྱུར་ནས། དེ་ལ་ལྷའི་དབང་པོ་བརྒྱ་བྱིན་གྱིས་སྨྲས་པ། གྲོགས་པོ། རྒྱལ་པོ་རབ་སྒྲོག་གི་བཙུན་མོ་དམ་པའི་མངལ་དུ་ཉིང་མཚམས་སྦྱོར་ཅིག་།དེས་སྨྲས་པ། ཀོའུ་ཤི་ཀ། དེ་ནི། བག་མེད་པའི་གནས་ཡིན་ཏེ། ཀོའུ་ཤི་ཀ།
Kha96b
རྒྱལ་པོ་རྣམས་ནི། ཉེས་པ་མང་པོ་བྱེད་པ་ཡིན་པས། ཆོས་མ་ཡིན་པས་རྒྱལ་སྲིད་བྱས་ནས་སེམས་ཅན་དམྱལ་བར་གཞོལ་བར་གྱུར་ན། མི་རུང་ངོ ། །བརྒྱ་བྱིན་གྱིས་སྨྲས་པ། གྲོགས་པོ་ཁྱོད་ལ་ངས་དྲན་པར་བྱའོ། །ཀོའུ་ཤི་ཀ། ལྷ་རྣམས་ནི། དགའ་བ་མང་པོས་བག་མེད་པ་ཡིན་ནོ། །གྲོགས་པོ་དེ་ནི། བདེན་ན། འོན་ཀྱང་ཁོ་བོས་ཁྱོད་ལ་དྲན་པར་བྱའོ། །དེ་ནས་རྒྱལ་པོ་རབ་སྒྲོག་གི་བཙུན་མོ་དམ་པའི་མངལ་དུ་ཉིང་མཚམས་སྦྱར་ཏོ། །གང་གི་ཉི་མ་ཁོ་ན་ལ་ཉིང་མཚམས་བླངས་པ་དེའི་ཉི་མ་ཁོ་ན་ལ་སྐྱེ་བོའི་ཚོགས་ཆེན་པོས་སྒྲ་ཕྱུང་བར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས་ཁྱེའུ་ཞིག་བཙས་ཏེ་ཞེས་བྱ་བ་ནས་སྣའི་གཟེངས་མཐོ་བ་ཞེས་བྱ་བའི་བར་གོང་མ་བཞིན་ནོ། །དེའི་ཉེ་དུ་དག་འདུས་ཤིང་ཚོགས་ནས་མིང་འདོགས་པར་བྱེད་དེ། ཁྱེའུའི་མིང་ཅིར་གདགས། གཉེན་རྣམས་ཀྱིས་སྨྲས་པ།་གང་གི་ཉི་མ་ཁོ་ན་ལ་ཁྱེའུ་འདི་མའི་མངལ་དུ་ཞུགས་པ་དེའི་ཉི་མ་ཁོ་ན་ལ་སྐྱེ་བོའི་ཚོགས་ཆེན་པོས་སྒྲ་ཕྱུང་བར་གྱུར་པས། དེ་བས་ན། ཁྱེའུའི་མིང་སྒྲ་ཆེན་ཞེས་བྱ་བར་གདགས་སོ། །ཞེས་དེའི་མིང་སྒྲ་ཆེན་ཞེས་བྱ་བར་བཏགས་ཏེ། ཁྱེའུ་སྒྲ་ཆེན་མ་མ་བརྒྱད་ལ་རྗེས་སུ་གཏད་ནས་ཞེས་བྱ་བ་ནས་བརྟག་པ་བརྒྱད་དང ། དབྱེ་བ་དང ། ཀློག་པ་ལ་མཁས་ཤིང་ཤེས་ཉེན་ཅན་དུ་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་རྒྱལ་རིགས་སྤྱི་བོ་ནས་དབང་བསྐུར་ཅིང ། ཡུལ་གྱི་དབང་ཕྱུག་དང ། མཐུ་དང་བརྩོན་འགྲུས་ཐོབ་པ། སའི་དཀྱིལ་འཁོར་ཆེན་པོ་མངོན་པར་ཟིལ་གྱིས་མནན་
Kha97a
༄#། །ནས་གནས་པ་རྣམས་ཀྱི་བཟོའི་གནས་དང ། ལས་ཀྱི་གནས་ཐ་དད་པ་གང་ཡིན་པ་འདི་ལྟ་སྟེ། གླང་པོ་ཆེའི་གཉར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། མདའ་གཞུ་དང ། ཕྱིར་བསྣུར་བ་དང ། མདུན་དུ་བསྣུར་བ་དང ། ལྕགས་ཀྱུའི་སྒྱུར་ཐབས་དང ། ཞགས་པས་གདབ་པ་དང ། མདའ་བོ་ཆེ་འཕེན་པ་དང ། དབྱུག་པས་བརྡེག་པ་དང ། འཛིན་སྟངས་དང ། གོམ་སྟངས་དང ། གཅད་པ་དང ། དྲལ་བ་དང ། དབྱུག་པ་དང ། རྒྱང་ནས་ཕོག་པ་དང ། སྒྲ་དྲག་པར་ཕོག་པ་དང ། གནད་དུ་ཕོག་པ་དང ། མི་ཚོར་བར་ཕོག་པ་དང ། ཚབས་ཆེ་བ་དག་སྟེ། གནས་ལྔ་པོ། དེ་རྣམས་ལ་ཤིན་ཏུ་བྱང་བར་གྱུར་ཏོ། །ཆོས་ཉིད་ཀྱིས། རེ་ཞིག་ཕ་ཇི་ཙམ་གསོན་གྱི་བར་དུ་བུའི་མིང་མི་གྲགས་པ་ཡིན་ནོ། ། དུས་གཞན་ཞིག་ན། རྒྱལ་པོ་རབ་སྒྲོག་ཤི་ནས་སྒྲ་ཆེན་རྒྱལ་སྲིད་ལ་བཞག་པ་དང ། དེས་ཐ་གི་ཙམ་ཞིག་ཆོས་བཞིན་གྱིས་རྒྱལ་སྲིད་བྱེད་དུ་བཅུག་ནས་ཆོས་བཞིན་མ་ཡིན་པས་རྒྱལ་སྲིད་བྱེད་དུ་བཅུག་པར་གྱུར་ཏོ། །དེ་ནས་བརྒྱ་བྱིན་གྱིས་སྨྲས་པ། གྲོགས་པོ། ཁོ་བོས་ཁྱོད་རྒྱལ་པོ་རབ་སྒྲོག་གི་བུར་བསྐོས་ཏེ། ཆོས་བཞིན་མ་ཡིན་པས་རྒྱལ་སྲིད་མ་བྱེད་ཅིག་།སེམས་ཅན་དམྱལ་བར་གཞོལ་བར་གྱུར་ཏ་རེ་ཞེས་མ་བསྒོས་སམ། དེས་ཐ་གི་ཙམ་ཞིག་ཆོས་བཞིན་གྱིས་རྒྱལ་སྲིད་བྱེད་དུ་བཅུག་ནས་སླར་ཡང་ཆོས་བཞིན་མ་ཡིན་པས་རྒྱལ་སྲིད་བྱེད་དུ་
Kha97b
བཅུག་པར་གྱུར་ཏོ། །ལན་གཉིས་སུ་ཡང་བརྒྱ་བྱིན་གྱིས་སྨྲས་པ། གྲོགས་པོ། ཁོ་བོས་ཁྱོད་རྒྱལ་པོ་རབ་སྒྲོག་གི་བུར་བསྐོས་ཏེ། ཆོས་བཞིན་མ་ཡིན་པས་རྒྱལ་སྲིད་མ་བྱེད་ཅིག་།སེམས་ཅན་དམྱལ་བར་གཞོལ་བར་གྱུར་ཏ་རེ་ཞེས་མ་བསྒོས་སམ། དེས་སྨྲས་པ། ཀོའུ་ཤི་ཀ། བདག་ཅག་རྒྱལ་པོ་རྣམས་ནི། དགའ་བ་མང་པོས་བག་མེད་པས་སྐད་ཅིག་ཏུ་བརྗེད་པར་འགྱུར་གྱི། བདག་ལ་ཁྱོད་ཀྱིས་མཚན་མ་ཞིག་ཞོག་ཅིག་དང ། བདག་གིས་མཐོང་ནས་ངེས་པར་སྦྱིན་པ་དག་སྦྱིན། བསོད་ནམས་དག་བགྱིའོ། །དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་ལས་ཐམས་ཅད་པ་ལ་བསྒོ་བ། ལས་ཐམས་ཅད་པ། སོང་ལ་ཁྱོད་ཀྱིས་རྒྱལ་པོ་སྒྲ་ཆེན་གྱི་གནས་སུ་ལྷའི་འཁོར་གྱི་ཁྱམས་དང ། ལྷའི་མཆོད་སྡོང་སྲིད་དུ་འདོམ་སྟོང་ཡོད་པ། སྦོམ་དུ་འདོམ་དྲུག་ཅུ་ཡོད་པ། ཐམས་ཅད་གསེར་ལས་བྱས་ཤིང ། རིན་པོ་ཆེ་སྣ་ཚོགས་ཀྱིས་སྤྲས་པ་ཞིག་སྤྲུལ་ཅིག་།དེ་ནས་ལྷའི་བུ་ལས་ཐམས་ཅད་པས་རྒྱལ་པོ་སྒྲ་ཆེན་གྱི་གནས་སུ་ལྷའི་འཁོར་གྱི་ཁྱམས་དང ། ལྷའི་མཆོད་སྡོང་སྲིད་དུ་འདོམ་སྟོང་ཡོད་པ། སྦོམ་དུ་འདོམ་དྲུག་ཅུ་ཡོད་པ། ཐམས་ཅད་གསེར་ལས་བྱས་པ། རིན་པོ་ཆེ་སྣ་ཚོགས་ཀྱིས་སྤྲས་པ་ཞིག་སྤྲུལ་ཏོ། །དེ་ནས་རྒྱལ་པོ་སྒྲ་ཆེན་གྱིས་མཆོད་སྦྱིན་གྱི་ཁང་བ་རྩིག་ཏུ་བཅུག་ནས་རང་གི་ཞང་པོ་མྱ་ངན་མེད་ཅེས་བྱ་བ་མཆོད་སྡོང་གི་ཞལ་ཏ་བར་བཞག་གོ། དེ་ནས་མཆོད་སྡོང་ལ་འཛམ་བུའི་གླིང་ན་གནས་པའི་མི་ཐམས་ཅད་ལྟ་བར་སྤྲོ་བས་ལྷགས་
Kha98a
༄#། །ནས། ཟན་ཟོས་ཤིང་མཆོད་སྡོང་ལྟ་བས་རང་གི་ལས་སྒྲུབ་པར་མི་བྱེད་དོ། །དེ་ནས་ཞིང་ལས་ཀྱི་མཐའ་རྣམས་ཀྱི་བར་ཆད་བྱས་པས་རྒྱལ་པོའི་དཔྱ་ཐང་བཞིན་མིང་དུ་པར་གྱུར་ཏོ། །བློན་པོ་རྣམས་ཀྱིས་དཔྱ་ཉུང་དུ་ཕུལ་བ་དང ། རྒྱལ་པོ་སྒྲ་ཆེན་གྱིས་སྨྲས་པ། ཤེས་ལྡན་དག་།ཅིའི་ཕྱིར་དཔྱ་ཉུང་ཟད་ཅིག་དབུལ། ལྷ། འཛམ་བུའི་གླིང་ན་གནས་པའི་སྐྱེ་བོའི་ཚོགས་མཆིས་ནས་འཚལ་མ་འཚལ་ཞིང་མཆོད་སྡོང་ལ་ལྟ་ཞིང་མཆིས་ཏེ། རང་གི་ལས་གྲུབ་པར་མི་བགྱིད་པས། ཞིང་ལས་ཀྱི་མཐའ་རྣམས་ཀྱི་བར་ཆད་བགྱིས་པས། དཔྱ་ཐང་བཞིན་མི་འདུ་ལགས་སོ། །རྒྱལ་པོས་སྨྲས་པ། མཆོད་སྦྱིན་གྱི་ཁང་པ་དྲོལ་ཅིག་།དེ་རྣམས་ཀྱིས་དེ་དྲལ་ན་ཡང་དེ་བཞིན་དུ་སྐྱེ་བོའི་ཚོགས་དེ་རང་རང་གི་རྒྱགས་བླངས་ནས་ཟ་ཞིང་མཆོད་སྡོང་ལ་རྟོག་ཅིང་འདུག་སྟེ། རང་གི་ལས་སྒྲུབ་པར་མི་བྱེད་པས། ཞིང་ལས་ཀྱི་མཐའ་རྣམས་ཀྱི་བར་ཆད་བྱས་པས་དེ་བཞིན་རྒྱལ་པོའི་དཔྱ་ཐང་བཞིན་མི་འདུ་བར་གྱུར་ཏོ། །རྒྱལ་པོས་དྲིས་པ།་ཤེས་ལྡན་དག་།མཆོད་སྦྱིན་གྱི་ཁང་པ་དྲལ་ན། ཅི་ཕྱིར་ད་དུང་དཔྱ་ཉུང་བར་གྱུར། བློན་པོ་རྣམས་ཀྱིས་སྨྲས་པ། ལྷ། སྐྱེ་བོའི་ཚོགས་ཀྱིས་རང་རང་གི་རྒྱགས་བླངས་ནས་འཚལ་ཞིང་མཆོད་སྡོང་ལ་རྟོག་ཅིང་མཆིས་ཏེ། རང་གི་ལས་སྒྲུབ་པར་མི་བགྱིད་པས། ཞིང་ལས་ཀྱི་མཐའ་རྣམས་ཀྱི་བར་ཆད་བགྱིས་པས་དེས་ན་དཔྱ་ཉུང་བར་གྱུར་ཏོ། །དེ་ནས་རྒྱལ་པོ་སྒྲ་ཆེན་གྱིས་
Kha98b
སྦྱིན་པ་དག་བྱིན། བསོད་ནམས་དག་བྱས་ནས་མཆོད་སྡོང་དེ་ཆུ་བོ་གངྒཱའི་ནང་དུ་བོར་རོ། །དགེ་སློང་དག་།དེ་ཇི་སྙམ་དུ་སེམས། རྒྱལ་པོ་རབ་སྒྲོག་གི་ཞང་པོ་མྱ་ངན་མེད་ཅེས་བྱ་བ་གང་ཡིན་པ་དེ་ནི། དགེ་སློང་ལེགས་ལྡན་འདི་ཉིད་ཡིན་ཏེ། འདིས་སྔོན་འདི་བསྟེན་ཏོ། །བཙུན་པ། མཆོད་སྡོང་འདི་གང་དུ་ཞིག་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།མ་འོངས་པ་ན་མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པར་འགྱུར་ཏེ། མི་ཚེ་ལོ་བརྒྱད་ཁྲི་བ་རྣམས་ཀྱི་རྒྱལ་པོ་དུང་ཞེས་བྱ་བ་ཡང་དག་པར་སྡོམ་པ། འཁོར་ལོས་བསྒྱུར་བ་མཐའ་བཞིར་རྣམ་པར་རྒྱལ་བ། ཆོས་དང་ལྡན་པ་ཆོས་ཀྱི་རྒྱལ་པོ། རིན་པོ་ཆེ་སྣ་བདུན་དང་ལྡན་པ་ཞིག་འབྱུང་བར་འགྱུར་རོ། །དེའི་རིན་པོ་ཆེ་སྣ་བདུན་ནི། འདི་ལྟ་བུ་དག་འབྱུང་བར་འགྱུར་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་ནི། བློན་པོ་རིན་པོ་ཆེ་ཉིད་དོ། །དེ་ལ། བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པར་བྱེད་པ་སྟོང་ཡང་ཚང་བར་འབྱུང་བར་འགྱུར་ཏེ། དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་བ་སྔོ་བ་མེད་ཅིང་འཚེ་བ་མེད་པ་འདི་ཉིད་འཚེ་བ་མེད་ཅིང་མཚོན་གྱིས་འདེབས་པ་མེད་ལ། ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །རྒྱལ་པོ་དུང་གི་མདུན་ན་འདོན་བྲམ་ཟེ་ཚངས་པའི་ཚེ་ཞེས་
Kha99a
༄#། །བྱ་བ་ཞིག་འབྱུང་སྟེ། དེའི་ཆུང་མ་ནི། ཚངས་ལྡན་མ་ཞེས་བྱ་བ་ཞིག་འབྱུང་ངོ ། །དེ་བྱམས་པ་ཆད་མེད་པའི་ཡན་ལག་གིས་རྒྱས་པར་བྱས་པས། བུ་བྱམས་པ་ཞེས་བྱ་བ་ཞིག་བཙའ་བར་འགྱུར་རོ། །བྲམ་ཟེ་ཚངས་པའི་ཚེ། བྲམ་ཟེའི་ཁྱེའུ་བརྒྱད་ཁྲི་ལ་བྲམ་ཟེ་རྣམས་ཀྱི་གསང་ཚིག་ཀློག་ཏུ་འཇུག་གོ་།དེས་བྲམ་ཟེའི་ཁྱེའུ་དེ་རྣམས་བྱམས་པ་ལ་གཏད་ནས་བྲམ་ཟེའི་ཁྱེའུ་བྱམས་པས། བྲམ་ཟེའི་ཁྱེའུ་བརྒྱད་ཁྲི་པོ་རྣམས། བྲམ་ཟེ་རྣམས་ཀྱི་གསང་ཚིག་ཀློག་ཏུ་འཇུག་གོ། །དེ་ནས་རྒྱལ་པོ་ཆེན་པོ་བཞི་པོ་རྣམས་ཀྱིས་གཏེར་ཆེན་པོ་བཞི་པོ།་ཀ་ལིངྐ་ནས་དམར་སེར་ཏེ། །མི་ཐི་ལ་ནས་སྐྱ་བོའོ། །ས་འཛིན་ནས་ནི་ཨེ་ལའི་འདབ། །ཝཱ་ར་ཎཱ་སིའི་གྲོང་ན་དུང ། །མཆོད་སྡོང་འདི་ཡང་ཁྱེར་ནས་རྒྱལ་པོ་དུང་ལ་དབུལ་བར་འགྱུར་རོ། ། རྒྱལ་པོ་དུང་གིས་ཀྱང་བྲམ་ཟེ་ཚངས་པའི་ཆེ་ལ་སྦྱིན་པར་འགྱུར་རོ། །བྲམ་ཟེ་ཚངས་པའི་ཚེས་ཀྱང་བྲམ་ཟེའི་ཁྱེའུ་བྱམས་པ་ལའོ། །བྲམ་ཟེའི་ཁྱེའུ་བྱམས་པས་ཀྱང་བྲམ་ཟེའི་ཁྱེའུ་དེ་རྣམས་ལའོ། །དེ་ནས་བྲམ་ཟེའི་ཁྱེའུ་དེ་རྣམས་ཀྱིས་མཆོད་སྡོང་དེ་དུམ་བུ་དུམ་བུར་བཅད་ནས་འགྱེད་པར་འགྱུར་རོ། །དེ་ནས་བྲམ་ཟེའི་ཁྱེའུ་བྱམས་པས། མཆོད་སྡོང་དེའི་མི་རྟག་པ་ཉིད་མཐོང་ནས་དེ་ཉིད་ཀྱིས་སྐྱོ་བ་སྐྱེས་ནས་ནགས་སུ་འགྲོ་བར་འགྱུར་རོ། །གང་གི་ཉི་མ་ཁོ་ན་ལ་ལགས་སུ་སོང་བ་དེ་ཁོ་ནའི་ཉི་མ་ལ་བྱམས་པ་ཚད་མེད་པའི་ཡང་ལག་གིས་རྒྱས་པར་བྱས་ནས་བླ་ན་མེད་
Kha99b
པའི་ཡེ་ཤེས་ཐོབ་པར་འགྱུར་ཏེ། དེའི་མཚན། བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ། བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ་ཞེས་བྱ་བར་འགྱུར་རོ།། གང་གི་ཉི་མ་ཁོ་ན་ལ་ཡང་དག་པར་རྫོགས་པའི་སངས་རྒྱས་བྱམས་པས། བླ་ན་མེད་པའི་ཡེ་ཤེས་ཐོབ་པར་འགྱུར་བ་དེ་ཁོ་ནའི་ཉི་མ་ལ་རྒྱལ་པོ་དུང་གི་རིན་པོ་ཆེ་སྣ་བདུན་ནུབ་པར་འགྱུར་རོ། །རྒྱལ་པོ་དུང་ཡང་ཁམས་ཀྱི་རྒྱལ་ཕྲན་བརྒྱད་ཁྲིའི་འཁོར་དང ། བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ་རབ་ཏུ་བྱུང་བའི་རྗེས་སུ་རབ་ཏུ་འབྱུང་བར་འགྱུར་རོ། །དེའི་ཆུང་མ་རིན་པོ་ཆེ་ས་ག་ཞེས་བྱ་བ་ཡང ། བུད་མེད་བརྒྱད་ཁྲིའི་འཁོར་དང ། བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ་རབ་ཏུ་བྱུང་བའི་རྗེས་སུ་རབ་ཏུ་འབྱུང་བར་འགྱུར་རོ། །བྲམ་ཟེ་ཚངས་པའི་ཚེ་ཡང ། བྲམ་ཟེའི་ཁྱེའུ་བརྒྱད་ཁྲིའི་འཁོར་དང ། བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ་རབ་ཏུ་བྱུང་བའི་རྗེས་སུ་རབ་ཏུ་འབྱུང་བར་འགྱུར་རོ། །དེ་ནས་ཡང་དག་པར་རྫོགས་པའི་སངས་རྒྱས་བྱམས་པ། འཁོར་དགེ་སློང་འབུམ་ཕྲག་དགུ་བཅུ་རྩ་དྲུག་དང་རི་བྱ་གག་རྐང་གང་ན་བ་དེར་གཤེགས་པར་འགྱུར་རོ། །དེ་ན་དགེ་སློང་འོད་སྲུང་གི་རུས་པའི་ཚོགས་མ་ཞིག་པ་འདུག་པས། རི་བྱ་གག་རྐང ། བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པ་ལ་ཁ་དབྱེ་བར་འགྱུར་རོ། །དེ་ནས་བླ་ན་མེད་པ་ཡང་དག་པར་རྫོགས་པའི་སངས་རྒྱས་བྱམས་པས། དགེ་སློང་འོད་སྲུང་གི་
Kha100a
༄#། །རུས་པའི་ཚོགས་མ་ཞིག་པ་ཕྱག་གཡས་པས་བླངས་ནས། ཕྱག་གཡོན་པར་བཞག་སྟེ་ཉན་ཐོས་རྣམས་ལ་འདི་སྐད་ཅེས། དགེ་སློང་དག་།སྐྱེ་རྒུ་རྣམས་ཀྱི་ཚེ་ལོ་བརྒྱ་ཐུབ་པ་ན་སྟོན་པ་ཤཱཀྱ་ཐུབ་པ་ཞེས་བྱ་བ། འཇིག་རྟེན་དུ་བྱུང་བ་དེའི་ཉན་ཐོས་རྣམས་ལས་ཆོག་ཤེས་པ་དང ། འདོད་པ་ཆུང་བ་དང ། སྦྱངས་པའི་ཡོན་ཏན་རྣམས་ཀྱི་མཆོག་ནི། འོད་སྲུང་ཡིན་ནོ། །ཞེས་བསྟན་པ་གང་ཡིན་པ་དེ་ནི། འདི་ཡིན་ཏེ། ཤཱཀྱ་ཐུབ་པ་ཡོངས་སུ་མྱ་ངན་ལས་འདས་ནས་དེའི་བསྟན་པ་ཡང་འདིས་ཡང་དག་པར་བསྡུས་སོ། །ཞེས་ཆོས་སྟོན་པར་འགྱུར་རོ། །དེ་རྣམས་ཀྱིས་མཐོང་ནས་སྐྱོ་བ་སྐྱེས་ཏེ། འདི་འདྲ་བའི་ལུས་ཀྱིས་ཇི་ལྟར་འདི་ལྟ་བུའི་ཡོན་ཏན་གྱི་ཚོགས་ཐོབ་པར་གྱུར་སྙམ་ནས། དེ་རྣམས་སྐྱོ་བ་སྐྱེས་པ་དེ་ཉིད་ཀྱིས་དགྲ་བཅོམ་པ་མངོན་སུམ་དུ་བྱེད་པར་འགྱུར་ཏེ། འབུམ་ཕྲག་དགུ་བཅུ་རྩ་དྲུག་དགྲ་བཅོམ་པ་ཉིད་དང ། སྦྱངས་པའི་ཡོན་ཏན་མངོན་དུ་བྱ་བ་ལ་བརྩོན་པར་འགྱུར་རོ། །མཆོད་སྡོང་དེ་ནི། དེར་ཞིག་པར་འགྱུར་རོ། །བཙུན་པ། རྒྱུ་གང་དང་རྐྱེན་གང་གིས་དཀོན་མཆོག་གཉིས་འཇིག་རྟེན་དུ་འབྱུང་བར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། སྨོན་ལམ་གྱི་དབང་གིས་སོ། །བཅོམ་ལྡན་འདས་གང་དུ་སྨོན་ལམ་བཏབ་ལགས། དགེ་སློང་དག་།སྔོན་བྱུང་བ། ཡུལ་དབུས་སུ་རྒྱལ་པོ་གོས་སྦྱིན་ཞེས་བྱ་བ། འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་དང །
Kha100b
སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེའི་ཤིང་རྣམས་མེ་ཏོག་དང་འབྲས་བུ་རྟག་པ་དང ། ལྷས་དུས་དུས་སུ་ཆར་གྱི་རྒྱུན་ལེགས་པར་ཕབ་པས་ལྷག་པར་ལོ་ཏོག་རྣམས་ཕུན་སུམ་ཚོགས་པར་འགྱུར་ཏོ། །བྱང་ཕྱོགས་ན་རྒྱལ་པོ་ནོར་ལྡན་ཞེས་བྱ་བ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེའི་ཤིང་རྣམས་མེ་ཏོག་དང་འབྲས་བུ་རྟག་པ་དང ། ལྷས་དུས་དུས་སུ་ཆར་གྱི་རྒྱུན་ལེགས་པར་ཕབ་པས་ལྷག་པར་ལོ་ཏོག་རྣམས་ཕུན་སུམ་ཚོགས་པར་འགྱུར་ཏོ། །ཇི་ཙམ་དུས་གཞན་ཞིག་ན། རྒྱལ་པོ་གོས་སྦྱིན་གྱི་མདུན་ན་འདོན་ལས་ཁྱེའུ་སྤྱི་གཙུག་རིན་པོ་ཆེས་བརྒྱན་པ་ཞིག་བཙས་ཏེ། དེའི་བཙས་སྟོན་རྒྱ་ཆེར་བྱས་ནས། དེའི་མིང་རིན་ཆེན་གཙུག་ཏོར་ཅན་ཞེས་བཏགས་སོ། །དེ་དུས་གཞན་ཞིག་ན། རྒ་བ་དང ། ན་བ་དང ། འཆི་བ་ཡང་དག་པར་མཐོང་ནས་སྐྱེ་བ་སྐྱེས་ཏེ་ནགས་སུ་སོང་ངོ ། །གང་གི་ཉི་མ་ཁོ་ན་ལ་ནགས་སུ་སོང་བ་དེ་ཁོ་ནའི་ཉི་མ་ལ་དེས་བླ་ན་མེད་པའི་ཡེ་ཤེས་ཐོབ་ནས་དེའི་མིང་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ཞེས་བྱ་བར་གྱུར་ཏོ། །དེ་ནས་གཞན་ཞིག་ན། རྒྱལ་པོ་ནོར་ལྡན་སྟེང་གི་ཁག་བཟང་གི་གཞིར་སོང་སྟེ་བློན་པོའི་ཚོགས་ཀྱིས་བསྐོར་ནས་འདུག་གོ། །དེ་བློན་པོ་རྣམས་ལ་སྨྲས་པ། ཤེས་ལྡན་དག་།ངའི་ཅི་འདྲ་བ་དེ་
Kha101a
༄#། །ལྟར་རྒྱལ་པོ་གཞན་འགའི་ཡུལ་ན་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་རབ་ཏུ་གང་བ་དང ། ཤིང་རྣམས་མེ་ཏོག་དང་འབྲས་བུ་རྟག་པ་དང ། ལྷས་དུས་དུས་སུ་ཆར་གྱི་རྒྱུན་ལེགས་པར་ཕབ་པས་ལོ་ཏོག་རྣམས་ཕུན་སུམ་ཚོགས་པར་འགྱུར་བ་ལྟ་ཡོད་དམ། ཡུལ་དབུས་ནས་ཚོང་པ་ཟོང་ཐོགས་ཏེ་བྱང་ཕྱོགས་སུ་འོངས་པ་དེ་རྣམས་ཀྱིས་སྨྲས་པ། ལྷ། ཡུལ་དབུས་ན་རྒྱལ་པོ་གོས་སྦྱིན་ཞེས་བགྱི་བ་ཞིག་མཆིས་སོ། །རྒྱལ་པོ་ནོར་ལྡན་གྱིས་ཐོས་མ་ཐག་ཏུ་མི་བཟོད་པ་ཆེན་པོ་སྐྱེས་ཏེ། དེ་མི་བཟོད་པ་སྐྱེས་ནས་བློན་པོ་རྣམས་ལ་སྨྲས་པ། ཤེས་ལྡན་དག་།དཔུང་གི་ཚོགས་ཡན་ལག་བཞི་པ་གོ་སྐོན་ཅིག་དང་ཡུལ་འཁོར་གཞོམ་པར་བྱའོ། །དེ་ནས་རྒྱལ་པོ་ནོར་ལྡན་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས། ཡུལ་དབུས་སུ་དོང་ནས་ཆུ་བོ་གངྒཱའི་ལྷོ་ཕྱོགས་ཀྱི་འགྲམ་དུ་འཁོད་དོ། །རྒྱལ་པོ་གོས་སྦྱིན་གྱིས། རྒྱལ་པོ་ནོར་ལྡན་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས། ཡུལ་དབུས་སུ་འོངས་ཏེ་ཆུ་བོ་གངྒཱའི་ལྷོ་ཕྱོགས་ཀྱི་འགྲམ་ན་འཁོད་དོ། །ཞེས་ཐོས་སོ། །ཐོས་ནས་དེས་ཀྱང་དཔུང་གི་ཚོགས་ཡན་ལག་
Kha101b
བཞི་པ། གླང་པོ་ཆེ་བའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས། ཆུ་བོ་གངྒཱའི་བྱང་ཕྱོགས་ཀྱི་འགྲམ་ན་འདུག་གོ་།དེ་ནས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས། དེ་གཉིས་ཀྱི་འདུལ་བའི་དུས་མཁྱེན་ནས་ཆུ་བོ་གངྒཱའི་འགྲམ་དུ་ནུབ་མོ་ཉེ་བར་བརྟེན་ཅིང་བཞུགས་སོ། །དེ་ནས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་འཇིག་རྟེན་པའི་ཐུགས་བསྐྱེད་དོ། །ཆོས་ཉིད་ཀྱིས། གང་གི་ཚེ་སངས་རྒྱས་བཅོམ་ལྡན་འདས་རྣམས་ཀྱིས་འཇིག་རྟེན་པའི་ཐུགས་བསྐྱེད་པ་དེའི་ཚེ།་བརྒྱ་བྱིན་དང་ཚངས་པ་ལ་སོགས་པའི་ལྷ་རྣམས་ཀྱི་སེམས་ཀྱིས། བཅོམ་ལྡན་འདས་ཀྱི་དགོངས་པ་ཤེས་པར་འགྱུར་རོ། །དེ་ནས་བརྒྱ་བྱིན་དང་ཚངས་པ་ལ་སོགས་པའི་ལྷ་རྣམས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེར་སོང་སྟེ་ཕྱིན་ནས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་ནས་དེ་རྣམས་ཀྱི་ཁ་དོག་གི་མཐུས་སྣང་བ་རྒྱ་ཆེན་པོ་བྱུང་བར་གྱུར་པ། རྒྱལ་པོ་ནོར་ལྡན་གྱིས་མཐོང་ངོ ། །མཐོང་ནས་ཀྱང་བློན་པོ་རྣམས་ལ་དྲིས་པ། ཤེས་ལྡན་དག་།རྒྱལ་པོ་གོས་སྦྱིན་གྱི་ཡུལ་ན་སྣང་བ་ཆེན་པོ་བྱུང་བ་འདི། ཅི་ཡིན། དེ་རྣམས་ཀྱིས་སྨྲས་པ། ལྷ། རྒྱལ་པོ་གོས་སྦྱིན་གྱི་ཡུལ་དུ་ཡང་དག་པར་རྫོགས་པའི་སངས་རྒྱས་རིན་
Kha102a
༄#། །ཆེན་གཙུག་ཏོར་ཅན་བྱུང་སྟེ། དེ་ལ་བལྟ་བའི་ཕྱིར་བརྒྱ་བྱིན་དང ། ཚངས་པ་ལ་སོགས་པ་མཆིས་པ་དེས་ན། སྣང་བ་ཆེན་པོ་འདི་བྱུང་སྟེ། དེ་ནི། རྫུ་འཕྲུལ་ཆེ་ཞིང་མཐུ་ཆེ་བ་ལགས་པས། འདི་ནི། དེའི་མཐུ་ལགས་སོ། །རྒྱལ་པོ་ནོར་ལྡན་གྱིས་སྨྲས་པ། ཤེས་ལྡན་དག་།གང་གི་ཡུལ་དུ་གང་ལ་བརྒྱ་བྱིན་དང ། ཚངས་པ་ལ་སོགས་པ་ཡང་བལྟ་བའི་ཕྱིར་འོང་བའི་རྐང་གཉིས་བསོད་ནམས་ཀྱི་ཞིང་དེ་ལྟ་བུ་བྱུང་བ་དེ་ལ། བདག་གིས་གནོད་པ་ཅི་འདྲ་བ་ཞིག་བྱ་ཞེས། དེས་དེ་ལ་ཕོ་ཉ་བཏང་སྟེ། གྲོགས་པོ་ཁྱོད་ལ་བདག་ཅུང་ཟད་ཀྱང་མི་བྱེད་ཀྱི། ཚུར་སྤྱོན། ཁྱོད་ནི། བསོད་ནམས་ཀྱི་མཐུ་ཆེན་པོ་ཅན་ཞིག་པས་ཁྱོད་ཀྱི་ཡུལ་ན་གང་ལ་བརྒྱ་བྱིན་དང ། ཚངས་པ་ལ་སོགས་པ་ཡང་བལྟ་བའི་ཕྱིར་འོང་བ། རྐང་གཉིས་བསོད་ནམས་ཀྱི་ཞིང ། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་བཞུགས་སོ། །འོན་ཀྱང་ཁྱོད་ཀྱི་མགུལ་ནས་འཁྱུད་ནས་འགྲོ་བར་བྱ་སྟེ། དེ་ལྟ་ན། བདག་ཅག་ཕན་ཚུན་ཡིད་བདེ་བར་འགྱུར་རོ། །ཞེས་སྤྲིང་ངོ ། །རྒྱལ་པོ་གོས་སྦྱིན་ཡིད་མ་ཆེས་ནས། དེ་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེར་སོང་སྟེ་ཕྱིན་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། རྒྱལ་པོ་གོས་སྦྱིན་གྱིས། ཡང་དག་པར་རྫོགས་པའི་སངས་རྒྱས་
Kha102b
རིན་ཆེན་གཙུག་ཏོར་ཅན་ལ་འདི་སྐད་ཅེས་གསོལ་ཏོ། །བཙུན་པ། བདག་ལ་རྒྱལ་པོ་ནོར་ལྡན་གྱིས་སྤྲིང་པ། གྲོགས་པོ་སྡུག་པ་ཁྱོད་ལ་བདག་ཅག་ཅི་ཡང་མི་བྱེད་ཀྱི། ཚུར་ཤོག་།ཁྱོད་ཀྱི་མགུལ་པ་ནས་འཁྱུད་ནས་འགྲོ་བར་བྱ་སྟེ། དེ་ལྟ་ན། བདག་ཅག་ཕན་ཚུན་ཡིད་བདེ་བར་འགྱུར་ཞེས་མཆི་ན། དེ་ལ་བདག་གིས་ཇི་ལྟར་བསྒྲུབ་པར་བགྱི། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་བཀའ་སྩལ་པ། རྒྱལ་པོ་ཆེན་པོ་སོང་ཞིག་དང ། ཁྱོད་ལ་ལེགས་པར་འགྱུར་རོ། །བཅོམ་ལྡན་འདས། ཅི། བདག་གིས་དེའི་རྐང་པ་གཉིས་ལ་གཏུགས་པར་བགྱིའམ། རྒྱལ་པོ་ཆེན་པོ། རྒྱལ་པོ་དཔུང་ཆེན་པོ་རྣམས་ལ་ནི། གཏུགས་པར་བྱ་དགོས་སོ། །དེ་ནས་རྒྱལ་པོ་གོས་སྦྱིན་སྟན་ལས་ལངས་ཏེ། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་གཉིས་ལ་མགོ་བོས་ཕྱག་བྱས་ནས་ཆས་ཏེ། རྒྱལ་པོ་ནོར་ལྡན་གང་ན་བ་དེར་སོང་སྟེ་ཕྱིན་ནས། རྒྱལ་པོ་ནོར་ལྡན་གྱི་རྐང་པ་གཉིས་ལ་གཏུགས་སོ། །དེ་ནས་རྒྱལ་པོ་ནོར་ལྡན་གྱི་མགུལ་པ་ནས་འཁྱུད་དེ་ཡིད་གཅུགས་པར་བྱས་ཏེ་བཏང་ངོ ། །དེ་ནས་རྒྱལ་པོ་གོས་སྦྱིན་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེར་སོང་སྟེ་ཕྱིན་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། རྒྱལ་པོ་གོས་སྦྱིན་གྱིས་ཡང་དག་པར་རྫོགས་
Kha103a
༄#། །པའི་སངས་རྒྱས་རིན་ཆེན་གཙུག་ཏོར་ཅན་ལ་འདི་སྐད་ཅེས་གསོལ་ཏོ། །བཙུན་པ། རྒྱལ་པོ་ཐམས་ཅད་ཀྱིས་རྐང་པ་གཉིས་ལ་གཏུགས་པའི་རྒྱལ་པོ་གང་ལགས། རྒྱལ་པོ་ཆེན་པོ། འཁོར་ལོས་བསྒྱུར་བ་ཡིན་ནོ། །དེ་ནས་རྒྱལ་པོ་གོས་སྦྱིན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་རྒྱལ་པོ་གོས་སྦྱིན་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོ་གོས་སྦྱིན་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ཅང་མི་གསུང་བས་གནང་བར་རིག་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་སྤྱན་སྔ་ནས་དོང་ངོ ། །དེ་ནས་རྒྱལ་པོ་གོས་སྦྱིན་གྱིས། དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་།སྟ་གོན་བྱས་ཏེ། ནང་པར་སྔར་ལངས་ནས་གདན་བཤམས་ཏེ་ནོར་བུའི་ཆུ་སྣོད་བཞག་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་སྤྱན་འདྲེན་གྱིས་དུས་ཚོད་གསོལ་
Kha103b
པ།་བཙུན་པ། གདུགས་ཚོད་བཤམས་ལགས་ཤིང་མཆིས་ན། བཅོམ་ལྡན་འདས། ད་དེའི་དུས་ལ་བབ་པར་དགོངས་སུ་གསོལ། དེ་ནས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་སྔ་དྲོ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་གྱིས་བལྟས་ནས་རྒྱལ་པོ་གོས་སྦྱིན་གྱི་བཀད་ས་ག་ན་བ་དེར་གཤེགས་ཏེ། བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་གོས་སྦྱིན་གྱིས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང་བཅའ་བ་དང ། རང་གི་ལག་ནས་སྟོབ་ཅིང་ཚིམ་པར་བྱེད་དེ། རྣམ་པ་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་།རང་གི་ལག་ནས་བསྟབས་ཤིང་ཚིམ་པར་བྱས་སོ། །ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་གསོལ་ནས་ཕྱག་གཉིས་བཅབས་ཏེ་ལྷུང་བཟེད་གྱུ་བར་རིག་ནས་ཞབས་གཉིས་ལ་གཏུགས་ཏེ་སྨོན་ལམ་གདབ་པར་བརྩམས་པ། བཙུན་པ། སྦྱིན་པའི་དགེ་བའི་རྩ་བ་འདིས།་བདག་འཁོར་ལོས་བསྒྱུར་བའི་རྒྱལ་པོར་གྱུར་ཅིག་ཅེས་སྨྲས་ནས། དེ་མ་ཐག་ཏུ་དུང་ཡང་བུས་སོ། །དེ་ནས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་རྒྱལ་
Kha104a
༄#། །པོ་གོས་སྦྱིན་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་ཁྱོད། སྐྱེ་རྒུའི་ཚེ་ལོ་བརྒྱད་ཁྲི་ཐུབ་པ་ན་འཁོར་ལོས་བསྒྱུར་བའི་རྒྱལ་པོ་དུང་ཞེས་བྱ་བར་འགྱུར་རོ། །དེ་ནས་སྐད་ཆེན་པོའི་སྒྲ་དག་བྱུང་ངོ ། །རྒྱལ་པོ་ནོར་ལྡན་གྱིས་ཅ་ཅོའི་སྒྲ་དག་ཐོས་ནས་བློན་པོ་རྣམས་ལ་སྨྲས་པ། ཤེས་ལྡན་དག་།རྒྱལ་པོ་གོས་སྦྱིན་གྱི། ཡུལ་ན་ཅ་ཅོའི་སྒྲ་གྲགས་པ་དེ།་ཅི་ཞིག་ཡིན། དེ་རྣམས་ཀྱིས་ལེགས་པར་བརྟགས་ནས་སྨྲས་པ། ལྷ། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་རྒྱལ་པོ་གོས་སྦྱིན་འཁོར་ལོས་བསྒྱུར་བའི་རྒྱལ་པོར་ལུང་བསྟན་པས་སྐྱེ་བོའི་ཚོགས་དགའ་བ་དང ། མགུ་བ་དང ། རབ་ཏུ་དགའ་བས། དེས་ན། ཅ་ཅོའི་སྒྲ་གྲགས་པ་ལགས་སོ། །དེ་ནས་རྒྱལ་པོ་ནོར་ལྡན་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེར་སོང་སྟེ་ཕྱིན་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། རྒྱལ་པོ་ནོར་ལྡན་གྱིས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་འདི་སྐད་ཅེས་གསོལ་ཏོ། །བཙུན་པ།་འཁོར་ལོས་བསྒྱུར་བ་ཐམས་ཅད་ཀྱིས་རྐང་པ་གཉིས་ལ་གཏུགས་པར་བགྱི་བ་གང་ལགས། རྒྱལ་པོ་ཆེན་པོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
Kha104b
སངས་རྒྱས་ཡིན་ནོ། །དེ་ནས་རྒྱལ་པོ་ནོར་ལྡན་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ།་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་རྒྱལ་པོ་ནོར་ལྡན་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོ་ནོར་ལྡན་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ཅང་མི་གསུང་བས་གནང་བར་རིག་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་ཞབས་གཉིས་ལ་མགོ་བོས་ཕྱག་བྱས་ཏེ། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱི་སྤྱན་སྔ་ནས་སོང་ངོ ། །དེ་ནས་རྒྱལ་པོ་ནོར་ལྡན་གྱིས། དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག། སྟ་གོན་བྱས་ནས་ནང་པར་སྔར་ལངས་ཏེ་གདན་བཤམས་ཤིང་ནོར་བུའི་ཆུ་སྣོད་བཞག་ནས། ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་སྤྱན་འདྲེན་གྱིས་དུས་ཚོད་གསོལ་པ། བཙུན་པ། གདུགས་ཚོད་བཤམས་ལགས་ཤིང་མཆིས་ན། བཅོམ་ལྡན་འདས། ད་དེའི་དུས་ལ་བབ་པར་དགོངས་སུ་གསོལ། དེ་ནས་ཡང་དག་པར་རྫོགས་པའི་སངས་རྒྱས་རིན་
Kha105a
༄#། །ཆེན་གཙུག་ཏོར་ཅན་སྔ་དྲོ་ཤམ་ཐབས་མནམས། ལྷུང་བཟེད་དང་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་བལྟས་ཏེ་རྒྱལ་པོ་ནོར་ལྡན་གྱི་བཀད་ས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ནོར་ལྡན་གྱིས་ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང་བཅའ་བ་དག་།རང་གི་ལག་ནས་སྟོབ་ཅིང་ཚིམ་པར་བྱེད་དེ། རྣམ་པ་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་།རང་གི་ལག་ནས་བསྟབས་ཤིང་ཚིམ་པར་བྱས་སོ། །ཡང་དག་པར་རྫོགས་པའི་སངས་རྒྱས་རིན་པོ་ཆེན་གཙུག་ཏོར་ཅན་གྱིས་གསོལ་ནས་ཕྱག་བཅབས་ཏེ་ལྷུང་བཟེད་གྱུར་བར་རིག་ནས་ཞབས་གཉིས་ལ་གཏུགས་ཏེ། འཇིག་རྟེན་འདི་དག་ཐམས་ཅད་ལ་བྱམས་པ་ཚད་མེད་པའི་ཡན་ལག་གིས་རྒྱས་པར་བྱས་ནས་སྨོན་ལམ་གདབ་པར་བརྩམས་པ། དགེ་བའི་རྩ་བ་འདིས། བདག་འཇིག་རྟེན་གྱི་སྟོན་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་ཅིག་ཅེས་བཏབ་བོ། །ཡང་དག་པར་རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གྱིས་བཀའ་སྩལ་པ། རྒྱལ་པོ་ཆེན་
Kha105b
པོ་ཁྱོད། སྐྱེ་རྒུའི་ཚེ་ལོ་བརྒྱད་ཁྲི་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱམས་པ་ཞེས་བྱ་བར་འགྱུར་རོ། །དགེ་སློང་དག་།དེ་ལྟར་ན། སྨོན་ལམ་གྱི་དབང་གིས་དཀོན་མཆོག་གཉིས་གཅིག་ཅར་འཇིག་རྟེན་དུ་འབྱུང་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། གྲོང་སྤྱིལ་བུ་ཅན་ཞེས་བྱ་བ་གང་ན་བར་འདོང་ངོ ། །བཙུན་པ། བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། དེ་ནས་བཅོམ་ལྡན་འདས་ཡུལ་སྤོང་བྱེད་ཅེས་བྱ་བ་ནས་ལྗོངས་རྒྱུ་ཞིང་གཤེགས་པ་དང ། གྲོང་སྤྱིལ་བུ་ཅན་དུ་བྱོན་ཏེ་གྲོང་སྤྱིལ་བུ་ཅན་གྱི་གྲོང་གི་བྱང་ཕྱོགས་ཀྱི་ཤིཾ་ཤ་པའི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། འདི་དག་ནི། ཚུལ་ཁྲིམས་ཡིན་ནོ། །འདི་ནི། ཏིང་ངེ་འཛིན་ཡིན་ནོ། །འདི་ནི། ཤེས་རབ་ཡིན་ནོ། །དགེ་སློང་དག། ཚུལ་ཁྲིམས་གོམས་པར་བྱས་ན། ཏིང་ངེ་འཛིན་ཡུན་རིང་དུ་གནས་པར་འགྱུར་རོ། །ཏིང་ངེ་འཛིན་གོམས་པར་བྱས་ན། ཤེས་རབ་ཡུན་རིང་དུ་གནས་པར་འགྱུར་རོ། །ཤེས་རབ་གོམས་པར་བྱས་ན། འདི་ལྟ་སྟེ། འདོད་ཆགས་དང ། ཞེ་སྡང་དང ། གཏི་མུག་དག་ལས་སེམས་ཡང་དག་པ་ཁོ་ནར་རྣམ་པར་གྲོལ་བར་འགྱུར་རོ། །དེ་ལྟར་སེམས་ཡང་དག་པ་ཁོ་ནར་རྣམ་པར་གྲོལ་བའི་འཕགས་པའི་ཉན་ཐོས་
Kha106a
༄#། །ཀྱིས་ནི། བདག་གི་ཟག་པ་ནི། ཟད་དོ། །ཚངས་པར་སྤྱོད་པ་ནི། བསྟེན་ཏོ། །བྱ་བ་ནི། བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་ཡང་དག་པ་ཁོ་ནར་ཤེས་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སྒྲ་ཅན་གང་ན་བ་དེར་འདོད་ངོ ། །བཙུན་པ། བཀའ་བཞིན་འཚལ། ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་པ་དང་སྒྲ་ཅན་དུ་བྱོན་ནས། སྒྲ་ཅན་གྱི་དྲང་སྲོང་སྒྲ་སྒྲོག་གི་གནས་ན་བཞུགས་སོ།། དེའི་ཚེ་སྒྲ་ཅན་གྱི་སྐྱེ་བོའི་ཚོགས་ལ་མི་ངས་བྱུང་ནས། དེའི་ཚེ་དགེ་བསྙེན་བརྟན་པ་ཡང་ཤི། ཉེ་བ་དང ། ལྷག་པར་བརྩོན་པ་དང ། བརྩོན་པའི་ཁྱུ་མཆོག་དང ། མཛེས་པ་དང ། ཉེ་མཛེས་དང ། ཡིད་འོང་དང ། ཉེ་བར་ཡིད་འོང་དང ། བཟང་པོ་དང ། ཤིན་ཏུ་བཟང་དང ། གྲགས་པ་དང ། གྲགས་བྱིན་དང ། དགེ་བསྙེན་གྲགས་མཆོག་ཀྱང་ཤིའོ། །དེ་ནས་དགེ་སློང་རབ་ཏུ་མང་པོ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། སྒྲ་ཅན་དུ་བསོད་སྙོམས་ཀྱི་ཕྱིར་ཞུགས་སོ། །དགེ་སློང་རབ་ཏུ་མང་པོ་སྒྲ་ཅན་དུ་བསོད་སྙོམས་ཀྱི་ཕྱིར་རྒྱུ་བས་སྒྲ་ཅན་
Kha106b
གྱི་སྐྱེ་བོའི་ཚོགས་ལ་མི་ངས་བྱུང་སྟེ། དེའི་ཚེ་དགེ་བསྙེན་བརྟན་པ་ཡང་ཤི། ཉེ་བ་དང ། ལྷག་པར་བརྩོན་དང ། བརྩོན་པའི་ཁྱུ་མཆོག་དང ། མཛེས་པ་དང ། ཉེ་མཛེས་དང ། ཡིད་འོང་དང་ཉེ་བར་ཡིད་འོང་དང ། བཟང་པོ་དང ། ཤིན་ཏུ་བཟང་དང ། གྲགས་པ་དང ། གྲགས་སྦྱིན་དང ། དགེ་བསྙེན་གྲགས་མཆོག་ཀྱང་ཤིའོ། །ཞེས་ཐོས་སོ། །ཐོས་ནས་ཀྱང་སྒྲ་ཅན་དུ་བསོད་སྙོམས་ལ་རྒྱུས་ཏེ། ཟས་ཀྱི་བྱ་བ་བྱས་ནས་ཟས་ཕྱི་མའི་བསོད་སྙོམས་སྤངས་ཤིང ། ལྷུང་བཟེད་དང་ཆོས་གོས་འཁོས་སུ་ཕབ་ནས་རྐང་པ་གཉིས་བཀྲུས་ཏེ། བཅོམ་ལྡན་འདས་གང་ན་བ་དེར་དོང་ནས་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། དགེ་སློང་རབ་ཏུ་མང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་ཅག་དགེ་སློང་རབ་ཏུ་མང་པོས་འདིར་སྔ་དྲོ་ཤམ་ཐབས་འཚལ། ལྷུང་བཟེད་དང་ཆོས་གོས་ཐོགས་ནས་སྒྲ་ཅན་དུ་བསོད་སྙོམས་ཀྱི་ཕྱིར་ཞུགས་ཏེ། བཙུན་པ། བདག་ཅག་དགེ་སློང་རབ་ཏུ་མང་པོ་སྒྲ་ཅན་དུ་བསོད་སྙོམས་ཀྱི་ཕྱིར་རྒྱུ་བ་ན། སྒྲ་ཅན་འདིར་སྐྱེ་བོའི་ཚོགས་ལ་མི་ངས་བྱུང་ནས། དེའི་ཚེ་དགེ་བསྙེན་བརྟན་པ་ཡང་གུམ། ཉེ་བ་དང ། ལྷག་པར་བརྩོན་དང ། བརྩོན་པའི་ཁྱུ་མཆོག་དང ། མཛེས་པ་དང ། ཉེ་མཛེས་དང ། ཡིད་འོང་དང ། ཉེ་བར་ཡིད་འོང་དང ། བཟང་པོ་དང ། ཤིན་
Kha107a
༄#། །ཏུ་བཟང་བ་དང ། གྲགས་པ་དང ། གྲགས་སྦྱིན་དང ། དགེ་བསྙེན་གྲགས་མཆོག་ཀྱང་གུམ་མོ། །ཞེས་ཐོས་ལགས་ན། བཙུན་པ། དེ་རྣམས་ཀྱི་འགྲོ་བ་ནི། གང།་སྐྱེ་བ་ནི། གང ། མངོན་དུ་འགྲོ་བ་ནི། གང་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་བསྙེན་བརྟན་པ་ནི། ཐ་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་རྣམས་སྤངས་པས་རྫུས་ཏེ་སྐྱེས་ཏེ། །དེར་ཡོངས་སུ་མྱ་ངན་ལས་འདའ་ཞིང ། འཇིག་རྟེན་འདིར་ཡང་ཕྱིར་མི་ལྡོག་པའི་ཆོས་ཅན་གྱི་ཕྱིར་མི་འོང་བར་འགྱུར་རོ། །ཉེ་བ་དང ། ལྷག་པར་བརྩོན་དང ། བརྩོན་པའི་ཁྱུ་མཆོག་དང ། མཛེས་པ་དང ། ཉེ་མཛེས་དང ། ཡིད་འོང་དང ། ཉེ་བར་ཡིད་འོང་དང ། བཟང་པོ་དང ། ཤིན་ཏུ་བཟང་དང ། གྲགས་པ་དང ། གྲགས་སྦྱིན་དང ། དགེ་བསྙེན་གྲགས་མཆོག་ཀྱང་ཐ་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་སྤངས་པས་རྫུས་ཏེ་སྐྱེས་ཏེ། དེར་ཡོངས་སུ་མྱ་ངན་ལས་འདའ་ཞིང ། འཇིག་རྟེན་འདིར་ཡང་ཕྱིར་མི་འོང་བའི་ཆོས་ཅན་གྱི་ཕྱིར་མི་འོང་བར་འགྱུར་རོ། །དགེ་སློང་དག་།སྒྲ་ཅན་འདི་ཉིད་དུ་དགེ་བསྙེན་ཉིས་བརྒྱ་ལྔ་བཅུ་ལྷག་ཅིག་ཤི་བ་དེ་དག་ཀྱང་ཐ་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་རྣམས་སྤངས་པས་རྫུས་ཏེ་སྐྱེས་ཏེ།་དེར་ཡོངས་སུ་མྱ་ངན་ལས་འདའ་ཞིང ། འཇིག་རྟེན་འདིར་ཡང་ཕྱིར་མི་འོང་བའི་ཆོས་ཅན་གྱི་ཕྱིར་མི་འོང་བར་འགྱུར་རོ། །དགེ་སློང་དག་།སྒྲ་ཅན་འདི་ཉིད་དུ་དགེ་བསྙེན་སུམ་
Kha107b
བརྒྱ་ཤི་བ་དེ་དག་ནི། ཀུན་ཏུ་སྦྱོར་བ་གསུམ་ཡང་སྤངས་ལ། འདོད་ཆགས་དང ། ཞེ་སྡང་དང ། གཏི་མུག་དག་ཀྱང་བསྲབས་པའི་ཕྱིར་ལན་ཅིག་ཕྱིར་འོང་བ་ཡིན་ཏེ། འཇིག་རྟེན་འདིར་ལན་ཅིག་ཕྱིར་འོངས་ནས་སྡུག་བསྔལ་མཐར་བྱེད་པར་འགྱུར་རོ། །དགེ་སློང་དག་།གྲོང་ཁྱེར་སྒྲ་ཅན་འདི་ཉིད་དུ་དགེ་བསྙེན་ལྔ་བརྒྱ་ལྷག་ཅིག་ཤི་བ་དེ་དག་ནི། ཀུན་ཏུ་སྦྱོར་བ་གསུམ་སྤངས་པས་རྒྱུན་དུ་ཞུགས་པ། རྣམ་པར་མི་ལྟུང་བའི་ཆོས་ཅན། རྫོགས་པའི་བྱང་ཆུབ་ལ་ངེས་པར་གཞོལ་བ། རེ་ལྟར་ཐོགས་ན་སྲིད་པ་ལན་བདུན་པ་ཡིན་ཏེ། ལྷ་དང ། མི་རྣམས་ཀྱི་ནང་དུ་ལན་བདུན་དུ་ཉིང་མཚམས་སྦྱར་ཞིང་འཁོར་ནས་སྡུག་བསྔལ་མཐར་བྱེད་པར་འགྱུར་རོ། །དགེ་སློང་དག་།ཁྱེད་དུས་ལས་འདས་ཤིང་ཤི་བར་གྱུར་པ་རྣམས་དེ་བཞིན་གཤེགས་པ་ལ་ཞུ་བར་བྱེད་པ་ནི། དེ་བཞིན་གཤེགས་པ་ལ་མཐོ་འཚམ་པ་ཡིན་ཏེ། དེས་ན། དེ་བཞིན་གཤེགས་པ་བདེ་བར་མི་འགྱུར་རོ། །འོན་ཀྱང་སྐྱེ་བ་ཡོད་ན་འཆི་བའི་དུས་བྱེད་པ་ཡིན་ཏེ། ངོ་མཚར་ཅི་ཞིག་ཡོད། དེ་བཞིན་གཤེགས་པ་རྣམས་བྱུང་ཡང་རུང ། མ་བྱུང་ཡང་རུང ། ཆོས་རྣམས་ཀྱི་ཆོས་ཉིད་དང ། ཆོས་གནས་པ་ཉིད་དང ། ཆོས་ཀྱི་དབྱིངས་འདི་ནི། གནས་པ་སྟེ། དེ་དེ་བཞིན་གཤེགས་པ་ཉིད་ཀྱིས་མངོན་པར་མཁྱེན་པས་མངོན་པར་བྱང་ཆུབ་ནས་གསུངས་ཏེ། འདོགས་པར་མཛད། རབ་ཏུ་འཇོག་པར་མཛད། རྣམ་པར་འབྱེད་པར་མཛད། རྣམ་པར་འགྲེལ་བར་མཛད། གསལ་བར་མཛད། འཆད་པར་མཛད། ཡང་
Kha108a
༄#། །དག་པར་རབ་ཏུ་འཆད་པར་མཛད་པ་ཡིན་ཏེ། འདི་ལྟ་སྟེ། འདི་ཡོད་པས་འདི་འབྱུང ། འདི་སྐྱེས་པས་འདི་སྐྱེ་བར་འགྱུར་ཏེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག། སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་རབ་ཏུ་འབྱུང་བར་འགྱུར་ཏེ། དེ་ལྟར་ན། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ལྟ་སྟེ། འདི་མེད་ན་འདི་མི་འབྱུང་ལ། འདི་འགག་ན་འདི་འགག་པར་འགྱུར་ཏེ། འདི་ལྟ་སྟེ། མ་རིག་པ་འགག་པས་འདུ་བྱེད་འགག ། འདུ་བྱེད་འགག་པས་རྣམ་པར་ཤེས་པ་འགག་།རྣམ་པར་ཤེས་པ་འགག་པས་མིང་དང་གཟུགས་འགག་།མིང་དང་གཟུགས་འགག་པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགག་པས་རེག་པ་འགག་།རེག་པ་འགག་པས་ཚོར་བ་འགག་།ཚོར་བ་འགག་པས་སྲེད་པ་འགག་།སྲེད་པ་འགག་པས་ལེན་པ་འགག་།ལེན་པ་འགག་པས་སྲིད་པ་འགག་།སྲིད་པ་འགག་
Kha108b
པས་སྐྱེ་བ་འགག་།སྐྱེ་བ་འགག་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འགག་པར་འགྱུར་ཏེ། དེ་ལྟར་ན། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །དགེ་སློང་དག་།འོན་ཀྱང་ཁྱེད་ལ་ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་བཤད་ཀྱི། དེ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་གང་ཞེ་ན། སངས་རྒྱས་དང ། ཆོས་དང ། དགེ་འདུན་ལ་ཤེས་ནས་དད་པ་ནི། ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་ཡིན་ནོ། །འཕགས་པ་དགྱེས་པའི་ཚུལ་ཁྲིམས་ནི། ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་ཡིན་ཏེ། ངས་ཁྱེད་ལ་ཆོས་ཀྱི་མེ་ལོང་གི་ཆོས་ཀྱི་རྣམ་གྲངས་བཤད་དོ། །ཞེས་གང་གསུངས་པ་བཤད་པ་ནི། དེ་ཡིན་ནོ། ། མྲ་སྐྱོང་མས། བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་པ་ན་སྒྲ་ཅན་དུ་བྱོན་ནས་སྒྲ་ཅན་གྱི་དྲང་སྲོང་སྒྲ་སྒྲོག་གི་གནས་ན་བཞུགས་སོ། །ཞེས་ཐོས་སོ། ། ཐོས་ནས་ཀྱང་ཨ་མྲ་སྐྱོང་མ་དེ་ལ། ནེ་ཙོ་བཞིན་རྒྱས་ཞེས་བྱ་བ་མི་སྐད་ཤེས་པ་ཞིག་ཡོད་དེ། ནེ་ཙོ་བཞིན་རྒྱས་ལ་འདི་སྐད་ཅེས་སྨྲས་སོ། །བཞིན་རྒྱས་ཚུར་ཤོག་།ཁྱོད་བཅོམ་ལྡན་འདས་གང་ན་བ་དེར་སོང་ལ་ཕྱིན་ནས། ཁོ་མོའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱོས་ལ། གནོད་པ་ཆུང་ངམ། ཉམ་ང་བ་ཉུང་ངམ། བསྐྱོད་པ་ཡང་ངམ། འཚོའམ།
Kha109a
༄#། །གནོད་པ་མ་མཆིས་སམ། སྟོབས་དང ། བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལ་འདི་སྐད་ཅེས། ཨ་མྲ་སྐྱོང་མའི་མཆིད་ནས། བཙུན་པ། བཅོམ་ལྡན་འདས་ནམ་ཡངས་པ་ཅན་དུ་གཤེགས་པ་དེའི་ཚེ་ཐུགས་བརྩེ་བར་དགོངས་ཏེ། ཐོག་མར་བདག་གི་ཨ་མྲའི་ཚལ་དུ་གཤེགས་པར་གསོལ་ཞེས་ཀྱང་གསོལ་ཅིག་།དེ་ནས་ནེ་ཙོ་བཞིན་རྒྱས་ཀྱིས་ཨ་མྲ་སྐྱོང་མའི་ལྟར་མཉན་ནས། བཅོམ་ལྡན་འདས་གང་ན་བ་དེར་སོང་བ་དེ། ཡངས་པ་ཅན་གྱི་ལི་ཙ་བྱིའི་ཁྱེའུ་དག་གིས་མཐོང་ནས། དེ་དག་གིས་སྨྲས་པ། ཤེས་ལྡན་དག་།ནེ་ཙོ་འགྲོ་བ་འདི་ནི། སྨད་འཚོང་མའི་ཡིན་ནོ། །ཞེས་དེ་དག་གིས་དེ་ལ་མདའ་འཕངས་པར་བརྩམས་པ་ན། དེ་ཡང་དེ་དག་གི་སྟེང་དུ་བབས་སོ། །དེ་ནས་ནེ་ཙོ་དེས་ཚིགས་སུ་བཅད་དེ་སྨྲས་པ། ཡུལ་འཁོར་གཞན་དང་འགྱེད་པར་ཡང ། །ཕོ་ཉ་མི་གསོད་ཅེས་གྲགས་ན། བདག་ལྟ་རྒྱལ་བའི་ཕོ་ཉ་བས། ལུས་ཅན་ཀུན་གྱིས་ག་ལ་གསོད། །དེ་རྣམས་ཀྱིས་ཀྱང་ཚིགས་སུ་བཅད་དེ་སྨྲས་པ། ཁྱོད་ཀྱི་ཚིག་གིས་མདའ་འཕངས་པའང ། །ལྡོག་ན་བདག་ཅག་སྨོས་ཅི་དགོས། །ཁྱོད་ནི་རྫུ་འཕྲུལ་ཆེས་བསྐྱབས་པས། །འཇིགས་པ་མེད་པར་འགྲོ་བར་གྱིས། །དེ་ནས་ནེ་ཙོ་བཞིན་རྒྱས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ།
Kha109b
བཅོམ་ལྡན་འདས་ཀྱི་ཞབས་གཉིས་ལ་ཨ་མྲ་སྐྱོང་མ་མགོ་བོས་ཕྱག་འཚལ་ནས། གནོད་པ་ཆུང་ངམ། ཉམ་ང་པ་ཉུང་ངམ། བསྐྱོད་པ་ཡང་ངམ། འཚོའམ། གནོད་པ་མ་མཆིས་སམ། སྟོབས་དང ། བདེ་བ་ལ་རེག་པར་གནས་ཞེས་སྙུན་གསོལ་ལགས་སོ། །བཞིན་རྒྱས། ཁྱོད་དང་ཨ་མྲ་སྐྱོང་མ་བདེ་བར་གྱུར་ཅིག་།བཙུན་པ། ཨ་མྲ་སྐྱོང་མའི་མཆིད་ནས། བཅོམ་ལྡན་འདས་ནམ་ཡངས་པ་ཅན་དུ་གཤེགས་པ་དེའི་ཚེ་ཐུགས་བརྩེ་བ་ཉེ་བར་བཟུང་སྟེ། ཐོག་མར་བདག་གི་ཨ་མྲའི་ཚལ་དུ་གཤེགས་སུ་གསོལ། །ཞེས་དེ་སྐད་མཆི་ལགས་སོ། །བཅོམ་ལྡན་འདས་ཀྱིས། ནེ་ཙོ་བཞིན་རྒྱས་ལ་ཅང་མི་གསུང་བས་གནང་ངོ ། །དེ་ནས་ནེ་ཙོ་བཞིན་རྒྱས་ཀྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་བཅོམ་ལྡན་འདས་ལ་དད་པ་བསྐྱེད་ནས་སོང་བ་ལས་རིང་པོ་མ་ལོན་པ་ཁོ་ནར་འོལ་བས་སྲོག་དང་ཕྲལ་ཏེ་དུས་བྱས་ནས། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་སོ། །ཆོས་ཉིད་ཀྱིས། སྐྱེས་ནས་རིང་པོར་མ་ལོན་པའི་ལྷའི་བུའམ་ལྷའི་བུ་མོ་ནི། སེམས་གསུམ་སྐྱེ་བར་འགྱུར་ཏེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་ཡིན་པའོ། །དེས་བལྟས་ནས། དུད་འགྲོ་ལས་ཤི་འཕོས་པ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་པ་དང ། བཅོམ་ལྡན་འདས་ལ་སེམས་མངོན་པར་དད་པས་སོ། །
Kha110a
༄#། །དེ་ནས་སྔོན་ནེ་ཙོ་བྱེད་པའི་ལྷའི་བུ་འདི་སྙམ་དུ་སེམས་ཏེ། བདག་ཞག་ལོན་ནས་བཅོམ་ལྡན་འདས་ལ་བལྟ་བའི་ཕྱིར་འགྲོ་བ་ནི། བདག་རིགས་པ་མ་ཡིན་གྱི། ཅི་ནས་ཀྱང་བདག་ཞག་མ་ལོན་པ་ཁོ་ནར་བཅོམ་ལྡན་འདས་བལྟ་བའི་ཕྱིར་འགྲོའོ། །སྙམ་ནས། དེ་ནས་སྔོན་ནེ་ཙོ་བྱེད་པའི་ལྷའི་བུ་རྣ་ཆ་གདུབ་ཀོར་དྲི་མ་མེད་པ་གཡོ་བ་ཐོགས་ཤིང ། སེ་མོ་དོ་དང ། དོ་ཤལ་གྱིས་ལུས་བརྒྱན་ནས་དེ་ཉིད་ཀྱི་ནུབ་མོ་ལྷ་རྣམས་ཀྱི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མན་དཱ་ར་བའི་མེ་ཏོག་གིས་ཐུ་བ་བཀང་ནས།་ཤིན་ཏུ་འཕགས་ཤིང་མངོན་པར་འཕགས་པའི་ཁ་དོག་གིས། དེའི་ནུབ་མོ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་མེ་ཏོག་གིས་གཏོར་ཏེ། བཅོམ་ལྡན་འདས་ཀྱིས་སྤྱན་སྔར་འདུག་གོ། །དེའི་ཚེ་སྔོན་ནེ་ཙོ་བྱེད་པའི་ལྷའི་བུའི་ཁ་དོག་གི་མཐུས་སྣང་བ་རྒྱ་ཆེན་པོས་སྒྲ་སྒྲོག་གི་འདུག་གནས་ཐམས་ཅད་གསལ་བར་གྱུར་ཏོ།། །། འདུལ་བ་གཞི། བམ་པོ་ཉི་ཤུ་རྩ་བརྒྱད་པ། དེ་ནས་བཅོམ་ལྡན་འདས་ཀྱིས་སྔོན་ནེ་ཙོ་བྱེད་པའི་ལྷའི་བུའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་མཁྱེན་ནས། དེ་དང་མཐུན་པའི་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དེ། དེ་ཐོས་པས། ནེ་ཙོ་བྱེད་པའི་ལྷའི་བུས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་
Kha110b
བ་ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ་བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་པ། བཙུན་པ། འདི་ལྟ་བུ་ནི། བདག་ལ་མས་མ་བགྱིས་ཏེ། ཕས་མ་ལགས། སྡུག་པས་མ་ལགས། རང་གི་སྐྱེ་བོ་དང ། །གཉེན་གྱི་ཚོགས་ཀྱིས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། སྔ་མ་འདས་པ་རྣམས་ཀྱིས་མ་ལགས། དགེ་སྦྱོང་དང ། བྲམ་ཟེ་རྣམས་ཀྱིས་མ་ལགས་པ་གང་ལགས་པ། བཅོམ་ལྡན་འདས་ཀྱིས་བདག་ལ་མཛད་དེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ནས་ནི། རྐང་པ་དྲངས། ལྷ་དང་མི་རྣམས་ལ་ནི། རབ་ཏུ་བཞག་།འཁོར་བ་ལས་ནི། རིང་དུ་མཛད། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་བོ་ལས་ནི། བསྒྲལ། ངན་སོང་གི་སྒོ་རྣམས་ནི། བཀུམ། མཐོ་རིས་དང་ཐར་པའི་སྒོ་རྣམས་ནི། ཕྱེ། ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ལགས་ཏེ། བཙུན་པ། བདག་ནི། འཕགས་སོ། །མངོན་པར་འཕགས་སོ། །བདག་།བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བདག་།དགེ་བསྙེན་དུ་གཟུང་དུ་གསོལ། །དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་སྔོན་ནེ་ཙོ་བྱེད་པའི་ལྷའི་
Kha111a
༄#། །བུ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ཞིང་རྗེས་སུ་ཡི་རང་ནས། ཚོང་པ་ཟོང་རྙེད་པ་ལྟ་བུ་དང ། ཞིང་པ་ལོ་ཏོག་ལེགས་པ་ལྟ་བུ་དང ། དཔའ་བོ་གཡུལ་ངོར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་པ་བཞིན་དུ། འབྱོར་བ་གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་འབྱོར་པ་དེ་ཉིད་དང་རང་གི་གནས་སུ་སོང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཡངས་པ་ཅན་གང་ན་བ་དེར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱིས་ལྟར་མཉན་ནས། དེ་ནས་བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་པ་ན། ཡངས་པ་ཅན་དུ་བྱོན་ནས་ཡངས་པ་ཅན་གྱི་ཨ་མྲའི་ཚལ་ན་བཞུགས་སོ། ། མྲ་སྐྱོང་མས་བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་པ་ན་ཡངས་པ་ཅན་དུ་བྱོན་ནས་ཡངས་པ་ཅན་གྱི་བདག་གི་ཨ་མྲའི་ཚལ་ཁོ་ན་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་རྒྱན་ཐམས་ཅད་ཀྱིས་བརྒྱན་ནས་བུད་མེད་ཀྱི་འཁོར་གྱིས་ཡོངས་སུ་བསྐོར་ཏེ་བཞོན་པ་བཟང་པོ་ལ་ཞོན་ནས་ཡངས་པ་ཅན་ནས་བྱུང་སྟེ། བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་སྟེ། དེས་ཇི་ཙམ་བཞོན་པའི་སའི་བར་དུ་བཞོན་པས་སོང་ནས། བཞོན་པ་ལས་བབས་ཏེ་རྐང་པ་ཁོ་ནས་ཀུན་དགའ་ར་བར་ཞུགས་སོ། །དེའི་ཚེ་བཅོམ་ལྡན་
Kha111b
འདས་དགེ་སློང་གི་འཁོར་བརྒྱ་ཕྲག་དུ་མའི་གུང་ལ་ཆོས་འཆད་ཅིང་བཞུགས་པ་ན། བཅོམ་ལྡན་འདས་ཀྱིས་ཨ་མྲ་སྐྱོང་མ་རྒྱང་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང ། ཡང་དགེ་སློང་རྣམས་ལ་བཀའ་སྩལ་པ། ཨ་མྲ་སྐྱོང་མ་ཕ་བི་འོང་གི། བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པས་གནས་པར་གྱིས་ཤིག་།ངས་རྗེས་སུ་བསྟན་པ་ནི། འདི་ཡིན་ནོ། །ཇི་ལྟར་ན། དགེ་སློང་བརྩོན་འགྲུས་ལ་གནས་པ་ཡིན་ཞེ་ན། འདི་ལ། དགེ་སློང་གིས་སྡིག་པ་མི་དགེ་བའི་ཆོས་སྐྱེས་པ་རྣམས་སྤང་བའི་ཕྱིར་འདུན་པ་སྐྱེད་དོ། །འབད་དོ། །བརྩོན་འགྲུས་རྩོམ་མོ། །སེམས་རབ་ཏུ་འཛིན་ཏོ། །རབ་ཏུ་འཇོག་གོ། །སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི་ཕྱིར་འདུན་པ་སྐྱེད་དོ། །འབད་དོ། །བརྩོན་འགྲུས་རྩོམ་མོ། །སེམས་རབ་ཏུ་འཛིན་ཏོ། །རབ་ཏུ་འཇོག་གོ། །དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་འདུན་པ་སྐྱེད་དོ། །འབད་དོ། །བརྩོན་འགྲུས་རྩོམ་མོ། །སེམས་རབ་ཏུ་འཛིན་ཏོ། །རབ་ཏུ་འཇོག་གོ། །དགེ་བའི་ཆོས་སྐྱེས་པ་རྣམས་གནས་པ་དང ། ཉམས་པར་མི་འགྱུར་བ་དང ། གོམས་པ་ཡོངས་སུ་རྫོགས་པར་བྱ་བ་དང ། ཕྱིར་ཞིང་འབྱུང་བར་བྱ་བ་དང ། ཡེ་ཤེས་རྒྱ་ཆེན་པོ་མངོན་སུམ་དུ་བྱ་བའི་ཕྱིར་འདུན་པ་སྐྱེད་དོ། །འབད་དོ། །བརྩོན་འགྲུས་རྩོམ་མོ། །སེམས་རབ་ཏུ་འཛིན་ཅིང་རབ་ཏུ་འཇོག་པ་སྟེ། དེ་ལྟར་ན། དགེ་སློང་བརྩོན་འགྲུས་ཅན་ཡིན་ནོ། །ཇི་ལྟར་ན། དགེ་སློང་ཤེས་བཞིན་ཅན་ཡིན་ཞེ་ན། འདི་ལ། དགེ་སློང་གིས་འགྲོ་བ་དང་ལྡོག་པ་ལ་ཤེས་བཞིན་
Kha112a
༄#། །གྱིས་གནས་ཤིང་ལྟ་བ་དང ། རྣམ་པར་ལྟ་བ་དང ། བསྐུམ་པ་དང ། བརྐྱང་པ་དང ། སྣམ་སྦྱར་དང ། ཆོས་གོས་དང ། ལྷུང་བཟེད་ཐོགས་པ་དང ། འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དང ། གཉིད་མ་ལོག་པ་དང ། སྨྲ་བ་དང ། མི་སྨྲ་བ་དང ། གཉིད་ཀྱིས་སྙོམས་པས་དུབ་པ་རྣམས་ལ་ཤེས་བཞིན་གྱིས་གནས་པ་སྟེ། དེ་ལྟར་ན། དགེ་སློང་ཤེས་བཞིན་ཅན་ཡིན་ནོ། །ཇི་ལྟར་ན། དགེ་སློང་དྲན་པ་དང་ལྡན་པ་ཡིན་ཞེ་ན། འདི་ལ། དགེ་སློང་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པས་འཇིག་རྟེན་ལ་གནོད་སེམས་དང་ཡིད་མི་བདེ་བ་སྤངས་ནས་གནས་སོ། །ཕྱིའི་ལུས་དང ། ནང་དང་ཕྱིའི་ལུས་དང ། ནང་གི་ཚོར་བ་རྣམས་དང ། ཕྱིའི་ཚོར་བ་རྣམས་དང ། ནང་དང་ཕྱིའི་ཚོར་བ་རྣམས་དང ། ནང་གི་སེམས་དང ། ཕྱིའི་སེམས་དང ། ནང་དང་ཕྱིའི་སེམས་དང ། ནང་གི་ཆོས་རྣམས་དང ། ཕྱིའི་ཆོས་རྣམས་དང ། ནང་དང་ཕྱིའི་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པས་འཇིག་རྟེན་ལ་གནོད་སེམས་དང་ཡི་མི་བདེ་བ་སྤངས་ནས་གནས་པ་སྟེ། དེ་ལྟར་ན། དགེ་སློང་དྲན་པ་དང་ལྡན་པ་ཡིན་ནོ། །དགེ་སློང་དག་།ངས་ཨ་མྲ་སྐྱོང་མ་ཕ་བི་འོང་གི། བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པར་གནས་པར་གྱིས་ཤིག་།ངས་རྗེས་སུ་བསྟན་པ་ནི། འདི་ཡིན་ནོ། །ཞེས་
Kha112b
ངས་གང་གསུངས་པ་བཤད་པ་ནི། དེ་ཡིན་ནོ། །དེ་ནས་ཨ་མྲ་སྐྱོང་མ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱིས་ཨ་མྲ་སྐྱོང་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་ཏུ་འཇུག་པར་མཛད།་ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཨ་མྲ་སྐྱོང་མ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། །བཅོམ་ལྡན་འདས་ཀྱིས་ཨ་མྲ་སྐྱོང་མ་ལ་ཅང་མི་གསུང་བས་གནང་ངོ ། །དེ་ནས་ཨ་མྲ་སྐྱོང་མས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །ཡངས་པ་ཅན་གྱི་ལི་ཙ་བྱི་རྣམས་ཀྱིས། བཅོམ་
Kha113a
༄#། །ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་པ་དང ། ཡངས་པ་ཅན་དུ་བྱོན་ཏེ་ཡངས་པ་ཅན་གྱི་ཨ་མྲ་སྐྱོང་མའི་ཚལ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་སོ་སོ་ནས་ཤིང་རྟ་དང་རྟ་རྣམས་ལ་ཞོན་ཏེ། ཁ་ཅིག་ནི། རྟ་སྔོན་པོ་དང ། ཤིང་རྟ་སྔོན་པོ་དང ། སྲབ་སྐྱོགས་དང ། ལྕག་སྔོན་པོ་དང ། ཐོར་ཚུགས་དང ། གདུགས་དང ། རལ་གྲི་ཤུབས་སྔོན་པོ་དང ། རྔ་ཡབ་ནོར་བུའི་ཡུ་བ་ཅན་དང ། གོས་དང ། རྒྱན་དང ། བྱུག་པ་སྔོན་པོ་དང ། འཁོར་སྔོན་པོ། ཁ་ཅིག་ནི། རྟ་སེར་པོ་དང ། ཤིང་རྟ་སེར་པོ་དང ། སྲབ་སྐྱོགས་དང ། ལྕག་སེར་པོ་དང ། ཐོར་ཚུགས་དང ། གདུགས་དང ། རལ་གྲི་ཤུབས་སེར་པོ་དང ། རྔ་ཡབ་ནོར་བུའི་ཡུ་བ་ཅན་དང ། གོས་དང ། རྒྱན་དང ། བྱུག་པ་སེར་པོ་དང ། འཁོར་སེར་པོ། ཁ་ཅིག་ནི།་རྟ་དམར་པོ་དང ། ཤིང་རྟ་དམར་པོ་དང ། སྲབ་སྐྱོགས་དང ། ལྕག་དམར་པོ་དང ། ཐོར་ཚུགས་དང ། གདུགས་དང ། རལ་གྲི་ཤུབས་དམར་པོ་དང ། རྔ་ཡབ་ནོར་བུའི་ཡུ་བ་ཅན་དང ། གོས་དང ། རྒྱན་དང ། བྱུག་པ་དམར་པོ་དང ། འཁོར་དམར་པོ། ཁ་ཅིག་ནི། རྟ་དཀར་པོ་དང ། ཤིང་རྟ་དཀར་པོ་དང ། སྲབ་སྐྱོགས་དང ། ལྕག་དཀར་པོ་དང ། ཐོར་ཚུགས་དང ། གདུགས་དང ། རལ་གྲི་ཤུབས་དཀར་པོ་དང ། རྔ་ཡབ་ནོར་བུའི་ཡུ་བ་ཅན་དང ། གོས་དང ། རྒྱན་དང ། བྱུག་པ་དཀར་པོ་དང ། འཁོར་དཀར་པོར་ཆས་ཏེ། སྐད་མཐོན་པོ་དང ། སྐད་ཆེན་པོར་སླར་
Kha113b
ཁྱེད།་སླར་ཁྱེད་ཅེས་ཟེར་ཞིང་ཡངས་པ་ཅན་ནས་བྱུང་སྟེ། བཅོམ་ལྡན་འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་དོང་ངོ ། །བཅོམ་ལྡན་འདས་ཀྱིས་ཡངས་པ་ཅན་གྱི་ལི་ཙ་བྱི་རྣམས་རྒྱང་རིང་པོ་ཁོ་ན་ནས་འོང་བ་གཟིགས་སོ། །གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ཅག་ལས། སུས་སུམ་ཅུ་རྩ་གསུམ་པའི་ལྷ་རྣམས་སྐྱེད་མོས་ཚལ་གྱི་གནས་སུ་འགྲོ་བ་མ་མཐོང་བ་དེ་ཡངས་པ་ཅན་གྱི་ལི་ཙ་བྱི་རྣམས་ལ་ལྟོས་ཤིག་།དེ་ཅིའི་ཕྱིར་ཞེ་ན། དགེ་སློང་དག་།སུམ་ཅུ་རྩ་གསུམ་པའི་ལྷ་རྣམས་ཀྱང་ཇི་ལྟར་ད་ལྟར་གྱི་ཡངས་པ་ཅན་གྱི་ལི་ཙ་བྱི་དག་བཞིན་དུ་རྫུ་འཕྲུལ་འདི་དང ། འབྱོར་པ་འདི་དང ། ཆ་ལུགས་འདིས་སྐྱེད་མོས་ཚལ་གྱི་གནས་སུ་འགྲོའོ། །ཇི་ཙམ་བཞོན་པའི་སའི་བར་དུ་བཞོན་པས་སོང་ནས། བཞོན་པ་ལས་བབས་ཏེ་རྐང་པ་ཁོ་ནས་ཀུན་དགའ་ར་བར་ཞུགས་སོ། །དེ་ནས་ཡངས་པ་ཅན་གྱི་ལི་ཙ་བྱི་རྣམས་བཅོམ་ལྡན་འདས་ག་ལ་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། བཅོམ་ལྡན་འདས་ཀྱིས་ཡངས་པ་ཅན་གྱི་ལི་ཙ་བྱི་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་
Kha114a
༄#། །ཡང་དག་པར་བསྟན། ཡང་དག་པར་འཛིན་ཏུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེའི་ཚེ་བྲམ་ཟེའི་ཁྱེའུ་སེར་སྐྱའི་བུ་འཁོར་འདུས་པ་དེ་ཉིད་དུ་འདུག་པར་གྱུར་ཏོ། །དེ་ནས་བྲམ་ཟེའི་ཁྱེའུ་སེར་སྐྱའི་བུ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ནི། སྤོབས་ལགས་སོ། །བདེ་བར་གཤེགས་པ། བདག་ནི། སྤོབས་ལགས་སོ། །བཅོམ་ལྡན་འདས་ཀྱིས། སེར་སྐྱའི་བུ། ཁྱོད་སྤོབས་པར་གྱིས་ཤིག་།ཅེས་བཀའ་སྩལ་པ་དང ། དེ་ནས་བྲམ་ཟེའི་ཁྱེའུ་སེར་སྐྱའི་བུས་དེའི་ཚེ་ཚིགས་སུ་བཅད་དེ་གསོལ་པ། ཨངྒའི་རྒྱལ་པོ་ནོར་བུའི་གོ་འཆང་བ། །མ་གའི་རྒྱལ་པོས་རྙེད་པ་རབ་རྙེད་དེ། །དེ་ཡི་ཡུལ་དུ་བྱུང་བའི་སངས་རྒྱས་ནི། །གྲགས་པའི་སྒྲ་དག་གངས་ཀྱི་རི་བོ་བཞིན། །ཇི་ལྟར་པདྨ་བཟང་པོ་ལེགས་འཁྲུངས་པ། །དགོངས་ཀ་ཁ་བྱེ་དྲི་ཞིམ་ལྡན་པ་བཞིན། །བར་སྣང་ལ་ནི་ཉི་མ་ལྷག་གེ་བར། །སྣང་བ་ལྟ་བུར་ཉི་མའི་རྒྱུད་ལ་ལྟོས། །དེ་བཞིན་གཤེགས་པ་རྣམས་ཀྱི་ཤེས་རབ་སྟོབས། །ཇི་ལྟར་མཚན་མོ་མེ་འབར་ལྟ་བུ་ལྟོས། །དེ་ནི་མིག་བྱེད་སྣང་བར་བྱེད་པ་སྟེ། ལྷགས་པ་རྣམས་ཀྱི་ཐེ་ཚོམ་རྣམ་པར་འདུལ། །ལེ་ཙ་བྱི་ལྔ་བརྒྱས་བྲམ་ཟེའི་ཁྱེའུ་སེར་སྐྱའི་བུ་ལེགས་པར་སྨྲས་
Kha114b
སོ། །བྲམ་ཟེའི་ཁྱེའུ་སེར་སྐྱའི་བུ་ལེགས་པར་སྨྲས་སོ། །ཞེས་བླ་གོས་ལྔ་བརྒྱ་ལེགས་པར་སྨྲས་པའི་ཕྱིར་བྱིན་ནོ། །དེ་ནས་ཡངས་པ་ཅན་གྱི་ལི་ཙ་བྱི་རྣམས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། གནས་འཇོག་དག་།ང་སྔར་ཨ་མྲ་སྐྱོང་མས་སྤྱན་དྲངས་སོ། །བཙུན་པ། ཨ་མྲ་སྐྱོང་མ་དམན་པ། ཤེས་རབ་དམན་པ་དེས། བདག་ཅག་བསླུས་ལགས་ཏེ། དེས་ན། བདག་ཅག་གིས་བཅོམ་ལྡན་འདས་ཐོག་མ་ཉིད་དུ་བལྟ་བ་དང་བསྙེན་བཀུར་བགྱིད་ཅིང་མཆི་བའི་རྔོ་མ་ཐོགས་མོད་ཀྱི། ད་དུང་ཡང་བདག་ཅག་བཅོམ་ལྡན་འདས་དང་དགེ་སློང་གི་དག་འདུན་ལ་བསྙེན་བཀུར་འཚལ་ལོ། །བཅོམ་ལྡན་འདས་ཀྱིས་དེ་དག་ལ་གནས་འཇོག་།དེ་ནི། ལེགས་པར་སྨྲས་སོ། །ཞེས་བཀའ་སྩལ་ཏོ། །དེ་ནས་ཡངས་པ་ཅན་གྱི་ལི་ཙ་བྱི་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ནས། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱིས་སྤྱན་སྔ་ནས་དོང་ངོ ། །བྲམ་ཟེའི་ཁྱེའུ་སེར་སྐྱའི་བུ་ནི། དེ་ཉིད་དུ་འདུག་གོ་།དེ་ནས་བྲམ་ཟེའི་ཁྱེའུ་སེར་སྐྱའི་བུས་ཡངས་པ་ཅན་གྱི་ལི་ཙ་བྱི་རྣམས་དོང་ནས་
Kha115a
༄#། །རིང་པོ་མ་ལོན་པར་ཤེས་ནས་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བདེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། འདིར་བདག་ལ་ལི་ཙ་བྱི་ལྔ་བརྒྱས་བླ་གོས་ལྔ་བརྒྱ་ལེགས་པར་སྨྲས་པའི་ཕྱིར་སྩལ་བ་འདི་དག་།བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ་བཞེས་སུ་གསོལ། བཅོམ་ལྡན་འདས་ཀྱིས་བྲམ་ཟེའི་ཁྱེའུ་སེར་སྐྱའི་བུ་ལ་ཐུགས་བརྩེ་བ་ཉེ་བར་བཟུང་སྟེ། བླ་གོས་ལྔ་བརྒྱ་བཞེས་སོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་སེར་སྐྱའི་བུ་ལ་བཀའ་སྩལ་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་རྣམ་པ་ལྔ། འཇིག་རྟེན་དུ་འབྱུང་བར་འགྱུར་ཏེ། ལྔ་གང་ཞེ་ན། སེར་སྐྱའི་བུ། འདི་ལ། སྟོན་པ་དེ་བཞིན་གཤེགས་པ་དགྲ་བཅོམ་པ་ལ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་འབྱུང་ཞིང ། དེ་ཆོས་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་
Kha115b
བྱང་བ། ཚངས་པར་སྤྱོད་པ་སྟོན་པར་འགྱུར་ཏེ། སེར་སྐྱའི་བུ། འདི་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་འབྱུང་བ་དང་པོ་ཡིན་ནོ། །གང་དག་ཆོས་དེ་ཞེས་དང་བཅས་པས་ཉན་ཅིང་བླ་མར་བྱེད། དམ་པར་བྱེད། ཡིད་ལ་བྱེད་ཅིང་སེམས་རྩེ་གཅིག་ཏུ་རྣ་བ་བླགས་ནས་སེམས་ཐམས་ཅད་བསྡུས་ནས་ཉན་པར་བྱེད་པ་འདི་ནི། སེར་སྐྱའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་འབྱུང་བ་གཉིས་པ་ཡིན་ནོ། །ཆོས་དེ་གང་དག་གིས་ཐོས་ནས་དེ་ལྟ་དེ་ལྟར་སྒྲུབ་པར་བྱེད་པ་འདི་ནི། སེར་སྐྱའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་འབྱུང་བ་གསུམ་པ་ཡིན་ནོ། །ཆོས་དེ་གང་དག་གིས་ཐོས་ནས་དགའ་བ་དང ། མགུ་བ་དང ། ངེས་པར་འབྱུང་བ་དང་ལྡན་པའི་དགེ་བ་རྒྱ་ཆེན་པོ་འཐོབ་པ་འདི་ནི། སེར་སྐྱའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་འབྱུང་བ་བཞི་པ་ཡིན་ནོ། །ཆོས་དེ་གང་གིས་ཐོས་ནས་དོན་ཟབ་མོའི་གཞི་ཤེས་རབ་ཀྱིས་སོ་སོར་རྟོག་པར་བྱེད་པ་འདི་ནི། སེར་སྐྱའི་བུ། དེ་བཞིན་གཤེགས་པ་དགྲ་
Kha116a
༄#། །བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ན། ངོ་མཚར་རྨད་དུ་བྱུང་བའི་ཆོས་འཇིག་རྟེན་དུ་འབྱུང་བ་ལྔ་པ་ཡིན་ནོ། །སེར་སྐྱའི་བུ། སྐྱེས་བུ་དམ་པ་དག་ནི། བྱས་པ་གཟོ་བ་དང ། བྱས་པ་ཚོར་བ་ཅན་ཡིན་ནོ། །དེ་དག་ཅུང་ཟད་ཙམ་བྱས་ན་ཡང་ཆུད་གཟོན་པར་མི་བྱེད་ན། མང་པོ་ལྟ་སྨོས་ཀྱང་ཅི་དགོས། དེ་ལྟ་བས་ན། སེར་སྐྱའི་བུ། ཁྱོད་ཀྱིས་འདི་ལྟར་བྱས་པ་གཟོ་བ་དང ། བྱས་པ་ཚོར་བ་ཅན་དུ་བསླབ་པར་བྱ་སྟེ། ཅུང་ཟད་ཙམ་བྱས་ན་ཡང་ཆུད་མི་གཟོན་ན། མང་པོ་ལྟ་སྨོས་ཀྱང་ཅི་དགོས་ཏེ། སེར་སྐྱའི་བུ། ཁྱོད་ཀྱིས་དེ་ལྟ་བུར་བསླབ་པར་བྱའོ། །དེ་ནས་བྲམ་ཟེའི་ཁྱེའུ་སེར་སྐྱའི་བུ། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཨ་མྲ་སྐྱོང་མས་དེ་ཉིད་ཀྱི་མཚན་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་།སྟ་གོན་བྱས་ཏེ། ནང་པར་སྔར་ལངས་ནས་གདན་བཤམས་ཏེ་ནོར་བུའི་ཆུ་སྣོད་དག་བཞག་ནས། བཅོམ་ལྡན་འདས་ལ་སྤྱན་འདྲེན་གྱིས་དུས་ཚོད་གསོལ་བ། བཙུན་པ། གདུགས་ཚོད་བཤམས་ལགས་ན། བཅོམ་ལྡན་འདས། ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་སྔ་དྲོ་ཤམ་ཐབས་མན་པས། ལྷུང་བཟེད་དང་ན་བཟའ་ཆོས་གོས་དག་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་
Kha116b
ཅིང་དགེ་སློང་གི་དགེ་འདུན་གྱིས་མདུན་གྱིས་བལྟས་ནས། ཨ་མྲ་སྐྱོང་མའི་བཀད་ས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ།། དེ་ནས་ཨ་མྲ་སྐྱོང་མས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང་བཅའ་བ་དག་།རང་གི་ལག་ནས་སྟོབ་ཅིང་ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་།རང་གིས་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་སྟན་དམའ་བ་ཞིག་བླངས་ནས། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། དེ་ནས་བཅོམ་ལྡན་འདས་ཀྱིས་ཨ་མྲ་སྐྱོང་མས་སྦྱིན་པ་ཕུལ་བ་དེ་ལ་རྗེས་སུ་ཡི་རང་བས་རྗེས་སུ་ཡི་རང་པར་མཛད་དེ། སྦྱིན་ལ་དགའ་འགྱུར་སྐྱེ་བོ་སྟེན་བྱེད་ན། །སྙན་པ་ཐོབ་ཅིང་དེ་ཡི་གྲགས་པ་འཕེལ། །སེར་སྣ་མེད་ཅིང་ཚོགས་པར་འགྲོ་བ་དང ། །ཞུམ་པར་མི་འགྱུར་འཇིགས་པ་མེད་པར་འགྱུར། །དེ་ལྟ་བས་ན་མཁས་པ་བདེ་འདོད་པས། །སེར་སྣའི་དྲི་མ་སྤངས་ཏེ་སྦྱིན་པ་གཏོང ། །དེ་དག་ཡུན་རིང་སུམ་ཅུ་རྩ་གསུམ་གནས། །ལྷ་རྣམས་དང་ནི་སྐལ་པ་མཉམ་པར་དགའ། །སྦྱིན་གཏོང་དགེ་བྱེད་དེ་ནི་ཤི་འཕོས་ནས། །རང་གི་འོད་ཀྱིས་དགའ་བའི་ཚལ་ན་རྒྱུ། །དེ་ན་དེ་གཉིས་རྩེ་ཞིང་དགའ་བྱེད་པ། །འདོད་པའི་ཡོན་ཏན་ལྔ་པོ་དག་དང་ལྡན། །མ་བཅིངས་སྐྱོབ་པ་
Kha117a
༄#། །དེ་ཡི་གསུང་ཐོས་ནས། །བདེ་བར་གཤེགས་པའི་ཉན་ཐོས་མཐོ་རིས་དགའ། །དེ་ནས་བཅོམ་ལྡན་འདས་ཀྱིས་ཨ་མྲ་སྐྱོང་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། སྟན་ལས་ལངས་ཏེ་སོང་ངོ ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཡངས་པ་ཅན་གྱི་ལི་ཙ་བྱི་རྣམས་ཀྱིས་ལས་ཅི་ཞིག་བགྱིས་ན། དེས་ན་གལ་ཏེ་ལྷ་རྣམས་སུ་སྐྱེས་ན་ཡང་ལྷ་མཐུ་ཆེ་བར་གྱུར་ལ། གལ་ཏེ་མི་རྣམས་སུ་སྐྱེས་ན་ཡང་མི་མཐུ་ཆེན་པོར་གྱུར་ཅིང ། ད་ལྟར་སུམ་ཅུ་རྩ་གསུམ་པའི་ལྷ་རྣམས་ཀྱི་དཔེར་ཡང་བསྟན་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཡངས་པ་ཅན་གྱི་ལི་ཙ་བྱི་རྣམས་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། འདི་དག་ཉིད་ཀྱིས། ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར་ཏེ། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་
Kha117b
ཕུང་པོ་དང ། ཁམས་དང་སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ་བསྐལ་པ་བཟང་པོ་འདི་ཉིད་ལ། སྐྱེ་རྒུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན། སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་བར་གྱུར་ཏེ། དེ་འཁོར་དགེ་སློང་ཉི་ཁྲི་དང་གྲོང་ཁྱེར་ཝཱ་ར་ཎཱ་སིའི་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བསྟེན་ཅིང་བཞུགས་སོ། །དེའི་ཚེ་ཝ་ར་ཎཱ་སི་ན་དགེ་བསྙེན་ལྔ་བརྒྱ་གནས་སོ། །དེ་རྣམས་ཀྱི་རྒྱ་མཚོ་ཆེན་པོར་འདོང་བའི་ཟོང་སྟ་གོན་བྱས་ཏེ། རྒྱ་མཚོ་ཆེན་པོའི་གྲུ་བོ་ཆེ་བསྒྲུབས་ནས་རིམ་གྱིས་རྒྱ་མཚོ་ཆེན་པོར་ཞུགས་པ་དང ། རྗེས་སུ་མཐུན་པའི་རླུང་གིས་རིན་པོ་ཆེའི་གླིང་དུ་ཕྱིན་ཏོ། །དེ་ནས་རིན་པོ་ཆེ་རྣམས་ཀྱིས་གྲུ་བོ་ཆེ་ཡོངས་སུ་བཀང་ནས་ཆས་པ་དང ། དེ་ནས་རླུང་གིས་བདས་ནས་རྒྱ་མཚོ་ཆེན་པོའི་གླིང་ཞིག་ཏུ་ཕྱིན་ཏོ། །དེ་རྣམས་བྲེད་ཅིང་རེ་བ་མེད་པར་གྱུར་ནས། ཡང་དག་པར་རྫོགས་པའི་སངས་རྒྱས་འོད་སྲུང་གི་ཕྱིར་བྱེ་མ་ལས་མཆོད་རྟེན་བྱས་ནས་རིན་པོ་ཆེ་སྣ་ཚོགས་ཀྱི་མཆོད་པ་བྱས་སོ། །དེ་ནས་གཉིད་ལོག་པ་དང ། ལྷ་ཞིག་གིས་སྨྲས་པ། ཁྱེད་ཅག་མ་
Kha118a
༄#། །འཇིགས་པར་བག་ཡོད་པར་བྱོས་ཤིག་དང ། ཞག་བདུན་གྱི་ཉིན་པར་དུས་རླབས་འོང་བར་འགྱུར་ཏེ། དེ་ནས་ཁྱེད་ཅག་བདེ་ལེགས་སུ་འཛམ་བུའི་གླིང་དུ་ཕྱིན་པར་འགྱུར་རོ། །ནམ་ནངས་ནས་དེ་རྣམས་ཕན་ཚུན་དུ་སྨྲ་ཞིང་གྲོས་བྱ་བར་བརྩམས་ཏེ། ཤེས་ལྡན་དག་།བདག་ཅག་ལ་ལྷས་མི་འཇིགས་པ་བསྟན་པ་གང་ཡིན་པ་དེ་ནི། ཡང་དག་པར་རྫོགས་པའི་སངས་རྒྱས་འོད་སྲུང་གི་མཐུས་ཡིན་པས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་བདག་ཅག་གིས་རིན་པོ་ཆེ་ཕུལ་བ་དག་སླར་བླངས་ཏེ་འདོང་བ་ནི། མི་རིགས་སོ། །ཞེས་དེ་རྣམས་ཀྱིས་གཏུགས་ཏེ་སྨོན་ལམ་གདབ་པར་བརྩམས་པ། གང་ཡང་བདག་ཅག་གིས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་བསོད་ནམས་ཀྱི་ཞིང་བླ་ན་མེད་པ་ལ་བྱ་བ་བྱས་པའི་དགེ་བའི་རྩ་བ་འདིས། གལ་ཏེ་བདག་ཅག་ལྷ་རྣམས་སུ་སྐྱེས་པར་གྱུར་ན། བདག་ཅག་མཐུ་ཆེ་བ་ཁོ་ནར་གྱུར་ཅིག་།གལ་ཏེ་མིའི་ནང་དུ་མི་རྣམས་སུ་སྐྱེས་པར་གྱུར་ན། མཐུ་ཆེ་བ་དང ། མི་རྣམས་སུ་སྐྱེས་ན་ཡང་སུམ་ཅུ་རྩ་གསུམ་གྱི་ལྷ་རྣམས་ཀྱི་དཔེར་རུང་བར་གྱུར་ཅིག་ཅེས་བྱས་སོ། །དགེ་སློང་དག་།ཇི་སྙམ་དུ་སེམས། དགེ་བསྙེན་ལྔ་བརྒྱ་པོ་གང་ཡིན་པ་དེ་དག་ནི།་ལི་ཙ་བྱི་ལྔ་བརྒྱ་པོ་འདི་དག་ཉིད་ཡིན་ཏེ། འདི་དག་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཕྱིར་བྱེ་མའི་མཆོད་རྟེན་བྱས་ཤིང་རིན་པོ་ཆེ་དག་གིས་མཆོད་པ་བྱས་པས།
Kha118b
དེས་ན་མི་མཐུ་ཆེན་པོ་རྣམས་སུ་སྐྱེས་པར་གྱུར་ཏེ། སུམ་ཅུ་རྩ་གསུམ་པའི་ལྷ་རྣམས་ཀྱི་ཡང་དཔེར་རུང་བར་གྱུར་ཏོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་གནག་པ་ཡིན། འདྲེན་མ་རྣམས་ཀྱི་འདྲེན་མ་ཡིན། གཅིག་ཏུ་དཀར་བ་རྣམས་ཀྱི་ནི། གཅིག་ཏུ་དཀར་བ་ཡིན་ནོ། །དགེ་སློང་དག་།དེ་ལྟ་བས་ན། གང་ཡང་ལས་གཅིག་ཏུ་གནག་པ་རྣམས་དང ། འདྲེན་མ་རྣམས་ནི། སྤོངས་ལ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཡངས་པ་ཅན་གྱི་གྲོང་ཁྱེར་དུ་སོང་ལ་སྒོའི་ཐེམ་པ་ལ་རྐང་པ་ཞོག་ལ། གསང་སྔགས་ཀྱི་ཚིག་འདི་དང ། ཚིགས་སུ་བཅད་པ་འདི་སྨྲོས་ཤིག།་བི་ས་ར་ཏ། བི་སར་ཏ། བི་ས་ར་ཏ། བི་ས་ར་ཏ། སངས་རྒྱས་འཇིག་རྟེན་ལ་ཐུགས་བརྩེ་བ་ཅན་གྱིས་བཀའ་སྩལ་ཏོ། །སངས་རྒྱས་ཐམས་ཅད་ཀྱིས་དགོངས་པ། རང་སངས་རྒྱས་ཐམས་ཅད་ཀྱིས་དགོངས་པ། དགྲ་བཅོམ་པ་ཐམས་ཅད་ཀྱིས་བསམ་པ། སློབ་པ་ཐམས་ཅད་ཀྱིས་བསམ་པ། ཉན་ཐོས་ཐམས་ཅད་ཀྱིས་བསམ་པ། བདེན་པའི་ཚིག་སྨྲ་བ་ཐམས་ཅད་ཀྱིས་བསམ་པ། ཆོས་རྣམས་ཀྱིས་བསམ་པ། འདོད་པའི་དབང་ཕྱུག་གིས་བསམ་པ། ཚངས་པས་བསམ་པ། ཚངས་པ་སོ་སོས་བསམ་པ། དབང་པོས་བསམ་པ། ལྷས་བསམ་པ། ལྷ་མ་ཡིན་གྱི་དབང་པོས་བསམ་
Kha119a
༄#། །པ།་ལྷ་མ་ཡིན་ཐམས་ཅད་ཀྱིས་བསམ་པ། ལྷ་མ་ཡིན་གྱི་མངག་གཞུག་པས་བསམ་པ། འབྱུང་པོ་ཐམས་ཅད་ཀྱིས་བསམ་པ། བི་ས་ར་ཏ། བི་ས་ར་ཏ། བི་ས་ར་ཏ། བི་ས་ར་ཏ། སངས་རྒྱས་འཇིག་རྟེན་ལ་ཐུགས་བརྩེ་བ་ཅན་གྱིས་བཀའ་སྩལ་ཏོ། །མུཉྩ་ཏ། མུཉྩ་ཏ། ཡམས་ཀྱི་ནད་ཉེ་བར་ཞི་བར་འདུག་པར་གྱུར་ཅིག་།ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། སངས་རྒྱས་ལྷ་ཆེན་པོ། ལྷའི་ཡང་ལྷ། ལྷའི་བླ་མ་གཤེགས་ཏེ། དབང་པོ་དང་བཅས་པའི་ལྷ་རྣམས་དང ། ཚངས་པ་དང་བཅས་པ་རྣམས་དང ། དབང་བདག་དང་བཅས་པ་རྣམས་དང ། སྐྱེ་རྒུའི་བདག་པོ་དང་བཅས་པ་རྣམས་དང ། འཇིག་རྟེན་སྐྱོང་བ་བཞི་པོ་དག་ཀྱང་འཇུག་པར་འགྱུར་རོ། །ལྷ་བརྒྱ་སྟོང་ཕྲག་དུ་མ་དག་དང ། ལྷ་མ་ཡིན་གྱི་དབང་པོ་རྣམས་དང ། ལྷ་མ་ཡིན་བརྒྱ་སྟོང་ཕྲག་དུ་མ་དག་ཀྱང་འཇུག་པར་འགྱུར་རོ། །བཅོམ་ལྡན་འདས་ལ་མངོན་པར་དད་པའི་འབྱུང་པོ་བརྒྱ་སྟོང་ཕྲག་མང་པོ་དག་ཀྱང་སེམས་ཅན་ཐམས་ཅད་ཀྱི་དོན་གྱི་ཕྱིར་འཇུག་སྟེ། དེ་དག་གིས་ཁྱེད་རྣམས་ལ་གནོད་པ་བྱེད་པར་འགྱུར་གྱི། ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། མྱུར་དུ་བྱེར་ཅིག་།ཁྱེད་ཅག་ལས་གང་དག་སྡང་བའི་སེམས་དང་ལྡན་པ་དེ་དག་ནི། བརླག་པར་གྱུར་ཅིག་།གང་དག་བྱམས་པའི་སེམས་དང་ལྡན་ཞིང་ཉེས་པར་མི་འདོད་ལ་སྲུང་བར་འདོད་པ་དེ་དག་ནི། འཁོད་ཅིག་།དགོངས་པ་ལ་ཡང་འཇུག་པར་གྱུར་ཅིག། སངས་རྒྱས་འཇིག་རྟེན་ལ་
Kha119b
ཐུགས་བརྩེ་བ་ཅན་གྱིས་འདི་སྐད་ཅེས་བཀའ་སྩལ་ཏོ། །སུ་མུ་སུ་མུ། །སུ་མུ་སུ་མུ། སུ་མུ་རུ། སུ་མུ་རུ། སུ་མུ་རུ། སུ་མུ་རུ། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མི་རི་མི་རི་མི་རི་མི་རི། མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི། མུ་རུ་མི་རི་ཏི། རི་རི་རི་རི་རི་རི། རཱི་རཱི་རཱི་རཱི་རཱི་རཱི་ཏི། མི་རི་མི་རི། མི་རི་མི་རི། མི་རི་མི་རི་ཏི། ཧ་ས། མི་རི་མི་རི་ཏི། མི་རཱི་མི་རཱི། སཱི་སཱི་མི། ཀངྐ་ར། ཀངྐ་ར་ཏ། ཀངྐ་ར་ཏ། ཀངྐ་ར་ཏ། ཀངྐ་ར་ཏ། ཀ་ཙཱ་ཀངྐ་རཱ་ཀངྐ་ཀ་རཱ། ཀངྐ་རཱ། ཀངྐ་རཱ། ཀངྐ་རཱ། ཀངྐ་རཱ། ཀངྐ་རཱ། ཀངྐ་རཱ། ཀངྐ་རཱ་ཏི། ཀུ་རཱི་ཤེ། ཀངྐ་རཱི་ཤེ། ཀངྐ་རཱི་ཤེ། རི་རི་རི་རི་རི། རེ་ཕཱ་སཱ་རི། རི་ཕུ་རི་ཕུ། རི་ཕུ་རི་ཕུ་རི་ཕུ་རི་ཕུ་རི་ཕུ། ནཱ་ཐཱ་ནཱ་ཐཱ་ཐཱ། རི་ཕུ་རི་ཕུ། ནཱ་ཐཱ་ཐཱ་ནིར་རིར་གཙྪ་ཏ། རི་ཕུ་རི་ཕུ། ནིར་གཙྪ་ཏ། པ་ལ་ཡ་ཏེ། རི་ཕུ་རི་ཕུ། པ་ལ་ཡ་ཏ། སངས་རྒྱས་འཇིག་རྟེན་ལ་ཐུགས་བརྩེ་བ་ཅན། སེམས་ཅན་ཐམས་ཅད་ལ་ཕན་པར་ལྷག་པར་དགོངས་པ། བྱམས་པ་ལ་གནས་པ། ཐུགས་རྗེ་དང་དགའ་བ་ལ་གནས་པ། བཏང་སྙོམས་ལ་གནས་པ་གཤེགས་ཏེ། ལྷ་ཐམས་ཅད་དང ། འབྱུང་པོ་ཐམས་ཅད་ཀྱི་བླ་མ་སངས་རྒྱས་ཀྱིས་ཆོས་ཉིད་ཀྱི་ཡེ་ཤེས་ཀྱི་གསང་སྔགས་ཀྱི་ཚིག་གྲུབ་བའི་ཚིགས་སུ་བཅད་པ་འདི་དག་གསུངས་སོ། །གང་གིས་སྲེད་པའི་ཆགས་པ་དག་།རྣམ་པར་བཅོམ་ནས་འདུལ་མཛད་པ། །ཐུགས་ཞི་གནོད་པ་མི་མངའ་དེ། །ཁྱེད་ལ་བདེ་ལེགས་མཛད་པར་འགྱུར་
Kha120a
༄#། །འདྲེན་པ་གང་ཞིག་འགྲོ་བ་རྣམས། ཐར་པའི་ལམ་དུ་འཛུད་མཛད་ཅིང ། །ཆོས་རྣམས་ཐམས་ཅད་སྟོན་པ་དེ། །ཁྱེད་ལ་བདེ་ལེགས་མཛད་པར་འགྱུར། །སྟོན་པ་འགྲོ་བ་རྣམས་ཀྱི་རྟེན། །སེམས་ཅན་ཀུན་གྱི་དོན་གྱི་ཕྱིར། །གང་གིས་བདེ་བ་མངའ་མཛད་དེ། །ཁྱེད་ལ་བདེ་ལེགས་མཛད་པར་འགྱུར། །སྐྱོབ་པ་གང་ཞིག་བྱམས་པ་ཡི། །ཐུགས་ཀྱིས་འགྲོ་བ་འདི་དག་ཀུན། །བུ་གཅིག་བཞིན་དུ་རྟག་བསྐྱངས་དེ། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་འཁོར་བར་འཁོར་བ་ཡི། །སེམས་ཅན་ཀུན་གྱི་སྐྱོབ་གྱུར་པ། །གླིང་དང་དཔུང་གཉེན་གྱུར་པ་དེ། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་ཆོས་ཀུན་མངོན་སུམ་གྱུར། །གཙང་ཞིང་ས་བ་མི་མངའ་བ། །གསུང་གཙང་གཙང་བར་མཛད་པ་དེ། །ཁྱེད་ལ་བདེ་ལེགས་མཛད་པར་འགྱུར། །དཔའ་བོ་ཆེན་པོ་གང་སྐྱེས་པས། །ཕུན་སུམ་ཚོགས་དོན་འབྱོར་གྱུར་ཅིང ། །དོན་གྲུབ་ཚོགས་ཀྱང་གྲུབ་པ་དེ། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་སྐྱེས་པས་ས་རྣམས་དང ། །ནགས་ཚལ་བཅས་པར་རབ་གཡོས་ནས། །སེམས་ཅན་ཐམས་ཅད་རབ་དགའ་དེ། །ཁྱེད་ལ་བདེ་ལེགས་མཛད་པར་འགྱུར། །བྱང་ཆུབ་སྙིང་པོར་གང་ཞིག་གིས། །ས་རྣམས་རྣམ་དྲུག་གཡོས་གྱུར་ཅིང ། ། བདུད་ཡིད་མི་བདེར་གྱུར་བ་དེ། །ཁྱེད་ལ་བདེ་ལེགས་མཛད་པར་འགྱུར། །ཆོས་ཀྱི་འཁོར་ལོ་བསྐོར་བ་ན། །འཕགས་པའི་བདེན་པ་གསུངས་པ་གང ། །ཐུབ་པ་གྲགས་པ་བྱུང་བ་དེ། །ཁྱེད་ལ་བདེ་
Kha120b
ལེགས་མཛད་པར་འགྱུར། །གང་ཞིག་ཆོས་ཀྱི་ཡིད་འཕྲོག་པས། །མུ་སྟེགས་བྱེད་རྣམས་ཕམ་མཛད་ལ། །ཚོགས་ཀུན་དབང་དུ་མཛད་པ་དེ། །ཁྱེད་ལ་བདེ་ལེགས་མཛད་པར་འགྱུར། །སངས་རྒྱས་ཁྱེད་ལ་བདེ་ལེགས་མཛད། །བརྒྱ་བྱིན་ལྷར་བཅས་བདེ་ལེགས་དང ། །འབྱུང་པོ་ཀུན་གྱི་བདེ་ལེགས་ནི། །ཁྱེད་ལ་དུས་ཀུན་སྦྱིན་གྱུར་ཅིག་།སངས་རྒྱས་བསོད་ནམས་མཐུ་དག་དང ། །ལྷ་རྣམས་ཀྱིས་ནི་བསམ་པ་ཡིས། །ཁྱེད་རྣམས་དོན་འདོད་གང་ཡིན་པ། །དོན་དེ་དེ་རིང་གྲུབ་གྱུར་ཅིག་།རྐང་གཉིས་ཁྱེད་ཅག་བདེ་ལེགས་ཤོག་།རྐང་བཞི་ཁྱེད་ཅག་བདེ་ལེགས་ཤོག། ཁྱེད་ཅག་ལམ་འགྲོ་བདེ་ལེགས་ཤོག།་ཕྱིར་འོང་དག་ཀྱང་བདེ་ལེགས་ཤོག་།ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ལ་གནས་པར་ཤོག་།ཁྱེད་ཅག་ཀུན་ལ་བདེ་ལེགས་ཤོག་།ཁྱེད་ཅག་སྡིག་པར་མ་གྱུར་ཅིག ། སངས་རྒྱས་ལྷ་ནི་སྟོང་རྣམས་ཀྱིས། །ཡོངས་སུ་བསྐོར་ཏེ་གཤེགས་མཛད་ཀྱི། །སྡང་སེམས་ཅན་རྣམས་བྱེར་གྱུར་ཅིག་།སྙིང་རྗེའི་བདག་ཉིད་ཅན་རྣམས་འཁོད། །སངས་རྒྱས་རང་སངས་རྒྱས་རྣམས་དང། །དགྲ་བཅོམ་སློབ་པའི་བདེན་ཚིག་གིས། །འཇིག་རྟེན་མི་ཕན་བྱེད་པ་རྣམས། །གྲོང་ཁྱེར་འདི་ནི་གཏོང་གྱུར་ཅིག་།སེམས་ཅན་ཀུན་དང་སྲོག་ཆགས་ཀུན། །འབྱུང་པོ་ཀུན་དང་ཁྱེད་ཅག་ཀུན། ། བདེ་བ་འབའ་ཞིག་ལྡན་གྱུར་ཅིག་།ཐམས་ཅད་ནད་ནི་མེད་གྱུར་ཅིག་།ཀུན་གྱིས་བཟང་པོ་མཐོང་གྱུར་ཅིག་།གང་ཡང་སྡིག་པར་མ་གྱུར་ཅིག་།འབྱུང་པོ་གང་དག་འདིར་ནི་ལྷགས་གྱུར་ཅིང ། །སའམ་
Kha121a
༄#། །འོན་ཏེ་བར་སྣང་གནས་པ་རྣམས། །སྐྱེ་རྒུ་རྣམས་ལ་རྟག་ཏུ་བྱམས་བྱེད་ཅིང ། །ཉིན་དང་མཚན་དུ་ཆོས་ཀྱང་སྤྱོད་གྱུར་ཅིག་།ཅེས་རྗོད་ཅིག། བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། ཡངས་པ་ཅན་དུ་སོང་སྟེ། གྲོང་ཁྱེར་གྱི་ཐེམ་པ་ལ་རྐང་པ་བཞག་ནས། གསང་སྔགས་ཀྱི་ཚིག་འདི་དག་དང ། ཚིགས་སུ་བཅད་པ་འདི་དག་སྨྲས་སོ། །བི་ས་ར་ཏ། བི་ས་ར་ཏ། བི་ས་ར་ཏ། བི་ས་ར་ཏ། སངས་རྒྱས་འཇིག་རྟེན་ལ་ཐུགས་བརྩེ་བ་ཅན་གྱིས་བཀའ་སྩལ་ཏོ། །སངས་རྒྱས་ཐམས་ཅད་ཀྱིས་དགོངས་པ། རང་སངས་རྒྱས་ཐམས་ཅད་ཀྱིས་དགོངས་པ། དགྲ་བཅོམ་པ་ཐམས་ཅད་ཀྱིས་བསམ་པ། སློབ་པ་ཐམས་ཅད་ཀྱིས་བསམ་པ། ཉན་ཐོས་ཐམས་ཅད་ཀྱིས་བསམ་པ། བདེན་པའི་ཚིག་སྨྲ་བ་ཐམས་ཅད་ཀྱིས་བསམ་པ། ཆོས་རྣམས་ཀྱིས་བསམ་པ། འདོད་པའི་དབང་ཕྱུག་གིས་བསམ་པ། ཚངས་པས་བསམ་པ། ཚངས་པ་སོ་སོས་བསམ་པ། དབང་པོས་བསམ་པ།་ལྷས་བསམ་པ། ལྷ་མ་ཡིན་གྱི་དབང་པོས་བསམ་པ། ལྷ་མ་ཡིན་ཐམས་ཅད་ཀྱིས་བསམ་པ། ལྷ་མ་ཡིན་གྱི་མངག་གཞུག་པས་བསམ་པ། འབྱུང་པོ་ཐམས་ཅད་ཀྱིས་བསམ་པ། བི་ས་ར་ཏ། བི་ས་ར་ཏ། བི་ས་ར་ཏ། བི་ས་ར་ཏ། སངས་རྒྱས་འཇིག་རྟེན་ལ་ཐུགས་བརྩེ་བ་ཅན་གྱིས་བཀའ་སྩལ་ཏོ། །མུཉྩ་ཏ། མུཉྩ་ཏ། མ་འདུག་ཅིག་།ཡམས་ཀྱི་ནད་ཉེ་བར་ཞི་
Kha121b
བར་འདུག་པར་གྱུར་ཅིག་།ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། སངས་རྒྱས་ལྷ་ཆེན་པོ། ལྷའི་ཡང་ལྷ། ལྷའི་བླ་མ་གཤེགས་ཏེ། དབང་པོ་དང་བཅས་པའི་ལྷ་རྣམས་དང ། ཚངས་པ་དང་བཅས་པའི་ལྷ་རྣམས་དང ། དབང་བདག་དང་བཅས་པ་རྣམས་དང ། སྐྱེ་རྒུའི་བདག་པོ་དང་བཅས་པ་རྣམས་དང ། འཇིག་རྟེན་སྐྱོང་བ་བཞི་པོ་དག་ཀྱང་འཇུག་པར་འགྱུར་རོ། ། ལྷ་བརྒྱ་སྟོང་ཕྲག་དུ་མ་དག་དང ། ལྷ་མ་ཡིན་གྱི་དབང་པོ་རྣམས་དང ། ལྷ་མ་ཡིན་བརྒྱ་སྟོང་ཕྲག་དུ་མ་དག་ཀྱང་འཇུག་པར་འགྱུར་རོ། །བཅོམ་ལྡན་འདས་ལ་མངོན་པར་དད་པའི་འབྱུང་པོ་བརྒྱ་སྟོང་མང་པོ་དག་ཀྱང་སེམས་ཅན་ཐམས་ཅད་ཀྱི་དོན་གྱི་ཕྱིར་འཇུག་སྟེ། དེ་དག་གིས་ཁྱེད་རྣམས་ལ་གནོད་པ་བྱེད་པར་འགྱུར་གྱི། ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ།་མྱུར་དུ་བྱེར་ཅིག་།ཁྱེད་ཅག་ལས་གང་དག་སྡང་བའི་སེམས་དང་ལྡན་པ་དེ་དག་ནི། བརླག་པར་གྱུར་ཅིག་།གང་དག་བྱམས་པའི་སེམས་དང་ལྡན་ཞིང་ཉེས་པར་མི་འདོད་ལ། སྲུང་བ་བྱེད་པར་འདོད་པ་དེ་དག་ནི། འཁོད་ཅིག་།དགོངས་པ་ལ་ཡང་འཇུག་པར་གྱུར་ཅིག་།སངས་རྒྱས་འཇིག་རྟེན་ལ་ཐུགས་བརྩེ་བ་ཅན་གྱིས་འདི་སྐད་ཅེས་བཀའ་སྩལ་ཏོ། །སུ་མུ། སུ་མུ། སུ་མུ། སུ་མུ། སུ་མུ་རུ། སུ་མུ་རུ། སུ་མུ་རུ། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མུ་རུ་མུ་རུ། མི་རི་མི་རི། མི་རི་མི་རི། མི་རི་མུ་རུ། མི་རི་མུ་རུ། མི་རི་མུ་རུ། མི་རི་མུ་རུ།
Kha122a
༄#། །མི་རི་མུ་རུ། མི་རི་མུ་རུ། མི་རི་མུ་རུ། མི་རི་མུ་རུ། མི་རི་མུ་རུ། མི་རི་མུ་རུ། མི་རི་མུ་རུ། མི་རི་མུ་རུ། མི་རི་མུ་རུ། མི་རི་མུ་རུ། མི་རི་ཏི། རི་རི་རི་རི་རི་རི། རཱི་རཱི་རཱི་རཱི་རཱི་རཱི་ཏི། མི་རི་མི་རི། མི་རི་མི་རི། མི་རི་མི་རི་ཏི། ཧ་སི་མི་རི་མི་རི་ཏི། མི་རི་མི་རི། སི་སི་མི། ཀཾ་ཀ་ར། ཀཾ་ཀ་ར། ཀཾ་ཀ་ར། ཀཾ་ཀ་ར། ཀ་ཙཱ་ཀཾ་ཀ་རཱ། ཀཾ་ཀ་རཱ། ཀཾ་ཀ་རཱ། ཀཾ་ཀ་རཱ། ཀཾ་ཀ་རཱ། ཀཾ་ཀ་རཱ། ཀཾ་ཀ་རཱ། ཀཾ་ཀ་རཱ་ཏཱི། ཀུ་རཱི་ཤེ། ཀཾ་ཀ་རཱི་ཤེ། ཀཾ་ཀ་རཱི་ཤེ། རི་རི་རི་རི་རི་རི། རེ་ཕཱ་སཱ་རི། རི་ཕུ་རི་ཕུ་རི་ཕུ། རི་བུ། རི་ཕུ། རི་ཕུ། རི་ཕུ། ནཱ་ཐཱ་ཐཱ། རི་ཕུ་རི་ཕུ། ནཱ་ཐཱ་ཐཱ། ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། ནིར་གཙྪ་ཏ། པ་ལ་ཡ་ཐཱ། རི་ཕུ་རི་ཕུ། པ་ལ་ཡ་ཐཱ། སངས་རྒྱས་འཇིག་རྟེན་ལ་ཐུགས་བརྩེ་བ་ཅན། སེམས་ཅན་ཐམས་ཅད་ལ་ཕན་པར་ལྷག་པར་དགོངས་པ། བྱམས་པ་ལ་གནས་པ། ཐུགས་རྗེ་དང་དགའ་བ་ལ་གནས་པ། བཏང་སྙོམས་ལ་གནས་པ་གཤེགས་ཏེ། ལྷ་ཐམས་ཅད་དང་འབྱུང་པོ་ཐམས་ཅད་ཀྱི་བླ་མ།་སངས་རྒྱས་ཀྱིས་ཆོས་ཉིད་ཀྱི་ཡེ་ཤེས་ཀྱི་གསང་སྔགས་ཀྱི་ཚིག་གྲུབ་པའི་ཚིགས་སུ་བཅད་པ་འདི་དག་གསུངས་སོ། །གང་གིས་སྲེད་པའི་ཆགས་པ་དང ། རྣམ་པར་བཅོམ་ནས་འདུལ་མཛད་པ། །ཐུགས་ཞི་གནོད་པ་མི་མངའ་དེ། །ཁྱེད་ལ་བདེ་ལེགས་མཛད་པར་འགྱུར། །འདྲེན་པ་གང་ཞིག་འགྲོ་བ་རྣམས། །ཐར་པའི་ལམ་དུ་འཛུད་མཛད་ཅིང ། །ཆོས་རྣམས་ཐམས་ཅད་
Kha122b
སྟོན་པ་དེ། །ཁྱེད་ལ་བདེ་ལེགས་མཛད་པར་འགྱུར། །སྟོན་པ་འགྲོ་བ་རྣམས་ཀྱི་རྟེན། །སེམས་ཅན་ཀུན་གྱི་དོན་གྱི་ཕྱིར། །གང་གིས་བདེ་བ་མངའ་མཛད་དེ། །ཁྱེད་ལ་བདེ་ལེགས་མཛད་པར་འགྱུར། །སྐྱོབ་པ་གང་ཞིག་བྱམས་པ་ཡི། །ཐུགས་ཀྱིས་འགྲོ་བ་འདི་དག་ཀུན། །བུ་གཅིག་བཞིན་དུ་བརྟག་བསྐྱངས་དེ། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་འཁོར་བར་འཁོར་བ་ཡི། །སེམས་ཅན་ཀུན་གྱི་སྐྱོབ་གྱུར་པ། །གླིང་དང་དཔུང་གཉེན་གྱུར་པ་དེ། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་ཆོས་ཀུན་མངོན་སུམ་གྱུར། །གཙང་ཞིང་སླུ་བ་མི་མངའ་བ།། གསུང་གཙང་གཙང་བར་མཛད་པ་སྟེ། །ཁྱེད་ལ་བདེ་ལེགས་མཛད་པར་འགྱུར། །དཔའ་བོ་ཆེན་པོ་གང་སྐྱེས་པ། །ཕུན་སུམ་ཚོགས་དོན་འབྱོར་གྱུར་ཅིང ། །དོན་གྲུབ་ཚོགས་ཀྱང་གྲུབ་པ་དེ། །ཁྱེད་ལ་བདེ་ལེགས་མཛད་པར་འགྱུར། །གང་ཞིག་སྐྱེས་པས་ས་རྣམས་དང ། །ནགས་ཚལ་བཅས་པར་རབ་གཡོས་ནས། །སེམས་ཅན་ཐམས་ཅད་རབ་དགའ་དེ། །ཁྱེད་ལ་བདེ་ལེགས་མཛད་པར་འགྱུར། །བྱང་ཆུབ་སྙིང་པོར་གང་ཞིག་གིས། །ས་རྣམས་རྣམ་དྲུག་གཡོས་གྱུར་ཅིང ། །བདུད་ཡིད་མི་བདེར་གྱུར་པ་དེ། །ཁྱེད་ལ་བདེ་ལེགས་མཛད་པར་འགྱུར། །ཆོས་ཀྱི་འཁོར་ལོ་བསྐོར་བ་ན། །འཕགས་པའི་བདེན་པ་གསུངས་པ་གང ། །ཐུབ་པ་གྲགས་པ་འབྱུང་བ་དེ། །ཁྱེད་ལ་བདེ་ལེགས་མཛད་པར་འགྱུར། །གང་གིས་ཆོས་ཀྱི་ཡིད་འཕྲོག་པས། །མུ་
Kha123a
༄#། །སྟེགས་བྱེད་རྣམས་ཕམ་མཛད་ལ། །ཚོགས་ཀུན་དབང་དུ་མཛད་པ་དེ། །ཁྱེད་ལ་བདེ་ལེགས་མཛད་པར་འགྱུར། །སངས་རྒྱས་ཁྱེད་ལ་བདེ་ལེགས་མཛད། །བརྒྱ་བྱིན་ལྷར་བཅས་བདེ་ལེགས་དང ། །འབྱུང་པོ་ཀུན་གྱི་བདེ་ལེགས་ནི། །ཁྱེད་ལ་དུས་ཀུན་སྦྱིན་གྱུར་ཅིག་།སངས་རྒྱས་བསོད་ནམས་མཐུ་དག་དང ། །ལྷ་རྣམས་ཀྱིས་ནི་བསམ་པ་ཡིས། །ཁྱེད་རྣམས་དོན་འདོད་གང་ཡིན་པ། །དོན་དེ་དེ་རིང་གྲུབ་གྱུར་ཅིག་།རྐང་གཉིས་ཁྱེད་ཅག་བདེ་ལེགས་ཤོག་།རྐང་བཞི་ཁྱེད་ཅག་བདེ་ལེགས་ཤོག་།ཁྱེད་ཅག་ལམ་འགྲོ་བདེ་ལེགས་ཤོག་།ཕྱིར་འོང་དག་ཀྱང་བདེ་ལེགས་ཤོག་།ཉིན་མོ་བདེ་ལེགས་མཚན་བདེ་ལེགས། །ཉིན་མའི་གུང་ལ་གནས་པར་ཤོག་།ཁྱེད་ཅག་ཀུན་ཀྱང་བདེ་ལེགས་ཤོག། ཁྱེད་ཅག་སྡིག་པར་མ་གྱུར་ཅིག་།སངས་རྒྱས་ལྷ་ནི་སྟོང་རྣམས་ཀྱིས། །ཡོངས་སུ་བསྐོར་ཏེ་གཤེགས་མཛད་ཀྱི། སྡང་སེམས་ཅན་རྣམས་བྱེར་གྱུར་ཅིག་།སྙིང་རྗེའི་བདག་ཉིད་ཅན་རྣམས་འཁོད། །སངས་རྒྱས་རང་སངས་རྒྱས་རྣམས་དང ། །དགྲ་བཅོམ་པ་ཡི་བདེན་ཚིག་གིས། །འཇིག་རྟེན་མི་ཕན་བྱེད་པ་རྣམས། །གྲོང་ཁྱེར་འདི་ནི་གཏོང་གྱུར་ཅིག་།སེམས་ཅན་ཀུན་དང་སྲོག་ཆགས་ཀུན། །འབྱུང་པོ་ཀུན་དང་ཁྱེད་ཅག་ཀུན། །བདེ་བ་འབའ་ཞིག་ལྡན་གྱུར་ཅིག་།ཐམས་ཅད་ནད་ནི་མེད་གྱུར་ཅིག་།ཀུན་གྱིས་བཟང་པོ་མཐོང་གྱུར་ཅིག་།གང་ཡང་
Kha123b
སྡིག་པར་མ་གྱུར་ཅིག་།འབྱུང་པོ་གང་དག་འདིར་ནི་ལྷགས་གྱུར་ཅིང ། ས་འམ་འོན་ཏེ་བར་སྣང་གནས་པ་རྣམས། །སྐྱེ་རྒུ་རྣམས་ལ་རྟག་ཏུ་བྱམས་བྱེད་ཅིང ། །ཉིན་དང་མཚན་དུ་ཆོས་ཀྱང་སྤྱོད་གྱུར་ཅིག་།ཅེས་བརྗོད་པ་དང ། དེར་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་མི་ངས་ཞི་བར་གྱུར་ཏོ། །སྡོམ་ལ། འོད་མ་དང་ནི་དབུས་ཀྱི་གྲོང ། ། མི་ཐི་ལ་དང་ལུས་འཕགས་དང ། །སཱ་ལ་ཁྲོན་པ་ངན་སྤོང་བུ། །ངུར་སྨྲིག་གཙུག་ཕུད་བསྔགས་ལྡན་དང ། །གནག་ལྷས་དང་ནི་སྡིག་ཅན་དང ། །ཀུ་ཤའི་གྲོང་ཁྱེར་ཐ་མ་ཡིན། །དེ་ནས་བཅོམ་ལྡན་འདས་གྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། འོད་མ་ཅན་གྱི་གྲོང་གང་ན་བར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། དེ་ནས་བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་པ་དང ། འོད་མ་ཅན་གྱི་གྲོང་དུ་བྱོན་ནས། འོད་མ་ཅན་གྱི་གྲོང་གི་བྱང་ཕྱོགས་ཀྱི་གྲོང་ཤིཾ་ཤ་བའི་ཚལ་ན་བཞུགས་སོ། །དེའི་ཚེ་མུ་གེ་ཉམ་ང་བ། དགོན་པ་སློང་མོ་པས་ཟས་རྙེད་པར་དཀའ་བ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ད་ལྟར་འདིར་མུ་གེ་ཉམ་ང་བ། དགོན་པ་སློང་མོ་པས་ཟས་རྙེད་པར་དཀའ་བ་བྱུང་གི་།དགེ་སློང་དག་།ཚུར་ཁྱེད་ལས་སྨོས་འདྲིན་ཇི་ལྟ་བུ་ཡོད་པ་དང ། གཏམ་འདྲེས་པ་ཇི་ལྟ་བུ་ཡོད་པ་དང ། འགྲོགས་བཤེས་
Kha124a
༄#། །ཇི་ལྟ་བུ་ཡོད་པ་དེ་དག་ནི། ཡངས་པ་ཅན་གྱི་ཉེ་འཁོར་གྱི་སྤོང་བྱེད་ཀྱི་གྲོང་དུ་དབྱར་གནས་པར་དམ་ཆོས་ཤིག་།ང་ཡང་བསྙེན་བཀུར་བ་དགེ་སློང་ཀུན་དགའ་བོ་དང ། འོད་མ་ཅན་གྱི་གྲོང་འདི་ཉིད་དུ་དབྱར་གནས་པར་དམ་བཅས་ན་ཐམས་ཅད་བསོད་སྙོམས་ཀྱིས་ཕོངས་པར་མི་འགྱུར་གྲང ། བཙུན་པ། བཀའ་བཞིན་འཚལ་ཞེས་དགེ་སློང་དེ་རྣམས་ཀྱིས་བཅོམ་ལྡན་འདས་ཀྱི་ལྟར་མཉན་ནས་སྨོས་འདྲིན་ཇི་ལྟ་བུ་ཡོད་པ་དང ། གཏམ་འདྲེས་པ་ཇི་ལྟ་བུ་ཡོད་པ་དང ། གྲོགས་བཤེས་ཇི་ལྟ་བུ་ཡོད་པ་དག་ནི། ཡངས་པ་ཅན་གྱི་ཉེ་འཁོར་སྤོང་བྱེད་ཀྱི་གྲོང་དུ་དབྱར་གནས་པར་དམ་བཅས་སོ། །བཅོམ་ལྡན་འདས་ཀྱང་བསྙེན་བཀུར་བ་དགེ་སློང་ཀུན་དགའ་བོ་དང་འོད་མ་ཅན་གྱི་གྲོང་དེ་ཉིད་དུ་དབྱར་བཞུགས་པར་དམ་བཅས་སོ། ། དབྱར་གྱི་གནས་དེར་བཅོམ་ལྡན་འདས་སྙུན་ཚབས་ཆེན་པོ། མི་བཟོད་པ། དྲག་པོ་གྲོངས་ལ་ཐུག་པ་ཞིག་གིས་ཐེབས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་ནད་ཚབས་ཆེན་པོ། མི་བཟོད་པ། དྲག་པོ་ཤི་ལ་ཐུག་པས་ཐེབས་ལ། དགེ་སློང་གིས་དགེ་འདུན་ཡང་འཐོར་བར་གྱུར་ན། དགེ་སློང་གི་དགེ་འདུན་འཐོར་བ་ན། བདག་ཡོངས་སུ་མྱ་ངན་ལས་འདས་པ་ནི། བདག་གི་ཆ་མ་ཡིན་གྱི། མ་ལ་བདག་གིས་ཚོར་བ་གཅིག་པོ་དེ་བརྩོན་འགྲུས་ཀྱིས་བཅིལ་ལ། མཚན་མ་ཐམས་ཅད་ཡིད་ལ་མི་བྱ་བར་སེམས་ཀྱིས་ཏིང་
Kha124b
ངེ་འཛིན་མཚན་མ་མེད་པ་ལུས་ཀྱིས་མངོན་སུམ་དུ་བསྒྲུབས་ཏེ་གནས་པར་བྱའོ། །སྙམ་དུ་དགོངས་སོ། །དེ་ནས་བཅོམ་ལྡན་འདས་ཀྱིས་ཚོར་བ་གཅིག་པོ་དེ་བརྩོན་འགྲུས་ཀྱིས་སླར་བཅིལ་ནས།་མཚན་མ་ཐམས་ཅད་ཡིད་ལ་མི་མཛད་པས། སེམས་ཀྱི་ཏིང་ངེ་འཛིན་མཚན་མ་མེད་པ་སྐུས་མངོན་སུམ་དུ་མཛད་དེ་བསྒྲུབས་ནས་བཞུགས་ཏེ། དེས་ན་བཅོམ་ལྡན་འདས་ལྷག་པར་སྤྱོད་པ་དང ། ལྷག་པར་འཚོ་བར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་དགོངས་ཀ་ནང་དུ་ཡང་དག་འཇོག་ལས་ལངས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཙུན་པ། བཅོམ་ལྡན་འདས་སྙུན་ཚབས་ཆེན་པོ། མི་བཟད་པ། དྲག་པོ་གྲོངས་ལ་ཐུག་པས་ཐེབས་པ་གློ་བར་ཆུད་ནས། བདག་གི་ལུས་དུག་འཚལ་བ་བཞིན་དུ་ཕྱོགས་ཀྱང་བསླད། བདག་གིས་ཐོས་པའི་ཆོས་རྣམས་ཀྱང་བསྐྱུད་པར་གྱུར་ལགས་ཏེ། དེ་ལ་བདག་གློ་བ་རེ་བ་ན་རེ་ཞིག་བཅོམ་ལྡན་འདས་ཀྱིས་དགེ་སློང་གི་དགེ་འདུན་གྱི་སླད་དུ་ཞལ་ཆེམས་ཅུང་ཟད་བཀའ་མ་སྩལ་གྱི་བར་དུ། ཡོངས་སུ་མྱ་ངན་ལས་མི་འདའོ་སྙམ་དུ་བགྱིད་དོ། །ཀུན་དགའ་བོ། གང་ཞིག་འདི་སྙམ་དུ། དགེ་སློང་གི་དགེ་འདུན་ནི། བདག་གི་ཡིན་ཏེ། བདག་གིས་དགེ་
Kha125a
༄#། །སློང་གི་དགེ་འདུན་བསྟན་པར་བྱའོ། །བདག་གིས་དགེ་སློང་གི་དགེ་འདུན་དྲང་ངོ་སྙམ་དུ་སེམས་པ་དེ་ནི། དགེ་འདུན་གྱི་ཕྱིར་ཁ་ཆེམས་ཅུང་ཟད་སྨྲ་བར་འགྱུར་བ་ཉིད་ན། ཀུན་དགའ་བོ། ང་ལ་ནི་འདི་སྙམ་དུ་དགེ་སློང་གི་དགེ་འདུན་ནི། ངའི་ཡིན་ཏེ། ངས་དགེ་སློང་གི་དགེ་འདུན་བསྟན་པར་བྱའོ། །ངས་དགེ་སློང་གི་དགེ་འདུན་དྲང་ངོ་སྙམ་དུ་དགོངས་པ་མི་མངའ་ན། ངས་དགེ་སློང་གི་དགེ་འདུན་གྱི་ཕྱིར་ཞལ་ཆེམས་ཁོ་ན་ཅུང་ཟད་བསྟན་དུ་ཅི་ཡོད། གཞན་ཡང ། ཀུན་དགའ་བོ། ང་ལ་དགེ་སློང་གི་དགེ་འདུན་གྱི་རག་ལུས་པ་ཅི་ཞིག་ཡོད། ཀུན་དགའ་བོས། ངས་རྟག་ཏུ་གོམས་པར་བྱ་བའི་ཆོས་འདི་ལྟ་སྟེ། དྲན་པ་ཉེ་བར་གཞག་པ་བཞི་དང ། ཡང་དག་པར་སྤོང་བ་བཞི་དང ། རྫུ་འཕྲུལ་གྱི་རྐང་པ་བཞི་དང ། དབང་པོ་ལྔ་དང ། སྟོབས་ལྔ་དང ། བྱང་ཆུབ་ཀྱི་ཡན་ལག་བདུན་དང ། འཕགས་པའི་ལམ་ཡན་ལག་བརྒྱད་པ་ནི། བཤད་ཟིན་ཏོ།། །།འདུལ་བ་གཞི། བམ་པོ་ཉི་ཤུ་རྩ་དགུ་པ། ཀུན་དགའ་བོ། དེ་བཞིན་གཤེགས་པ་ལ་ནི། གང་ཞིག་གཞན་དག་གིས་ཤེས་ན་མི་རུང་བས། དེ་བཞིན་གཤེགས་པས་བཅབ་བོ། །སྙམ་དུ་དགོངས་པའི་སློབ་དཔོན་གྱི་དཔེ་མཁྱུད་མི་མངའོ། །ཀུན་དགའ་བོ། འོན་ཀྱང་གང་གི་ཚེ། དེ་བཞིན་གཤེགས་པ་སྙུན་ཚབས་ཆེན་པོ། མི་བཟད་པ། དྲག་པོ་གྲོངས་ལ་ཐུག་པས་ཐེབས། དེ་ལ་ང་འདི་སྙམ་
Kha125b
དུ་སེམས་ཏེ། བདག་ནད་ཚབས་ཆེན་པོ། མི་བཟོད་པ། དྲག་པོ་ཤི་ལ་ཐུག་པས་ཐེབས་ལ། དགེ་སློང་གི་དགེ་འདུན་ཡང་འཐོར་བར་གྱུར་ན། དགེ་སློང་གི་དགེ་འདུན་འཐོར་བ་ན། བདག་ཡོངས་སུ་མྱ་ངན་ལས་འདའ་བ་ནི། བདག་གི་ཆ་མ་ཡིན་གྱི། མ་ལ་བདག་གིས་ཚོར་བ་གཅིག་པོ་དེ་བརྩོན་འགྲུས་ཀྱིས་སླར་བཅིལ་ལ། མཚན་མ་ཐམས་ཅད་ཡིད་ལ་མི་བྱ་བར་སེམས་ཀྱི་ཏིང་ངེ་འཛིན་མཚན་མ་མེད་པ་ལུས་ཀྱིས་མངོན་སུམ་དུ་བསྒྲུབས་ནས་གནས་པར་བྱའོ། །སྙམ་ནས། ངས་ཚོར་བ་གཅིག་པུ་དེ་བརྩོན་འགྲུས་ཀྱིས་སླར་བཅིལ་ནས། མཚན་མ་ཐམས་ཅད་ཡིད་ལ་མི་མཛད་པར་སེམས་ཀྱི་ཏིང་ངེ་འཛིན་མཚན་མ་མེད་པ་སྐུས་མངོན་སུམ་དུ་བསྒྲུབས་ཏེ་བཞུགས་ཏེ། དེས་ན། དེ་བཞིན་གཤེགས་པ་ལྷག་པར་སྤྱོད་པ་དང་ལྡན་ཞིང་ལྷག་པར་འཚོ་བར་གྱུར་ཏོ། །གཞན་ཡང་ཀུན་དགའ་བོ། ད་ནི། དེ་བཞིན་གཤེགས་པའི་ན་ཚོད་ལོ་བརྒྱད་ཅུ་ལོན་པས། སྐུ་བགྲེས་འཁོགས་གཏུགས་པར་གྱུར་ཏེ། རྣམ་པ་གཉིས་ལ་བརྟེན་ནས་འཚོའོ། །དཔེར་ན། ཤིང་རྟ་རྙིང་པ་རྣམ་པ་གཉིས་ལ་བརྟེན་ནས་བརྟན་པ་དེ་བཞིན་དུ། དེ་བཞིན་གཤེགས་པ་ཡང་ན་ཚོད་ལོ་བརྒྱད་ཅུ་ལོན་པས། སྐུ་བགྲེས་འཁོགས་གཏུགས་པར་གྱུར་ཏེ། རྣམ་པ་གཉིས་ལ་བརྟེན་ནས་འཚོའོ། །དེ་ལྟ་བས་ན་ཀུན་དགའ་བོ་ཁྱོད་མྱ་ངན་མ་བྱེད་ཅིག་།ཉོན་མོངས་པར་མ་བྱེད་ཅིག་།སྨྲེ་སྔགས་མ་འདོན་ཅིག་།སྐྱེ་བ་དང ། བྱུང་བ་དང ། བྱས་པ་དང ། འདུས་བྱས་པ་དང །
Kha126a
༄#། །བསགས་པ་གང་ཡིན་པ་རྟེན་ཅིང་འབྲེལ་པར་འབྱུང་བ། རྣམ་པར་འགྱེས་པའི་ཆོས་ཅན་དེ་ལ་མི་འཇིག་པ་དེ་ལྟ་བུ་ལྟ་ག་ལ་རྙེད་དེ། དེ་ནི། གནས་མེད་དོ། ། ཀུན་དགའ་བོ། གང་ཡང་ངས་ཁྱོད་ལ་སྡུག་པ་དང ། ཕངས་པ་དང ། དགའ་བ་དང ། ཡིད་དུ་འོང་བ་ཐམས་ཅད་དང་འབྲལ་བ་དང ། འཇིག་པ་དང ། འགྱེས་པ་དང ། མི་ལྡན་པར་འགྱུར་བར་སྔ་ནས་བཤད་ཟིན་ཏོ། །ཀུན་དགའ་བོ། དེ་ལྟ་བས་ན། ད་ལྟའམ། ང་འདས་ཀྱང་རུང ། བདག་ཉིད་གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་དང་སྐྱབས་གཞན་གྱིས་མ་ཡིན་ནོ། །དེ་ཅིའི་ཕྱིར་ཞེ་ན། ཀུན་དགའ་བོ། ད་ལྟའམ། ང་འདས་ཀྱང་རུང ། གང་སུ་དག་བདག་ཉིད་གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་པར་བྱེད་ཀྱི། གླིང་གཞན་དང ། སྐྱབས་གཞན་གྱིས་ནི། མ་ཡིན་པ་དེ་དག་ནི། འདི་ལྟ་སྟེ། ངའི་ཉན་ཐོས་བསླབ་པ་འདོད་པ་རྣམས་ཀྱི་མཆོག་ཡིན་ནོ། །ཀུན་དགའ་བོ། ཇི་ལྟར་ན། དགེ་སློང་གིས་བདག་ཉིད་གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་དང ། སྐྱབས་གཞན་གྱིས་ནི་མ་ཡིན་ཞེ་ན། ཀུན་དགའ་བོ། འདི་ལ་དགེ་སློང་ནང་གི་ལུས་ལ་ལུས་ཀྱི་རྗེས་སུ་ལྟ་ཞིང ། བརྩོན་འགྲུས་དང ། ཤེས་བཞིན་དང ། དྲན་པ་
Kha126b
དང་ལྡན་པས། འཇིག་རྟེན་གནོད་སེམས་དང ། ཡིད་མི་བདེ་བ་སྤངས་ནས་གནས་སོ། །ཕྱིའི་ལུས་དང ། ནང་དང་ཕྱིའི་ལུས་དང ། ནང་གི་ཚོར་བ་རྣམས་དང ། ཕྱིའི་ཚོར་བ་རྣམས་དང ། ནང་དང་ཕྱིའི་ཚོར་བ་རྣམས་དང ། ནང་གི་སེམས་དང ། ཕྱིའི་སེམས་དང ། ནང་དང་ཕྱིའི་སེམས་དང ། ནང་གི་ཆོས་རྣམས་དང ། ཕྱིའི་ཆོས་རྣམས་དང ། ནང་དང་ཕྱིའི་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང ། བརྩོན་འགྲུས་དང ། ཤེས་བཞིན་དང ། དྲན་པ་དང་ལྡན་པས། འཇིག་རྟེན་ལ་གནོད་སེམས་དང ། ཡིད་མི་བདེ་བ་སྤངས་ནས་གནས་པ་སྟེ། ཀུན་དགའ་བོ། དགེ་སློང་འདི་ལྟ་བུ་ནི། བདག་ཉིད་གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་ཀྱི། གླིང་གཞན་དང ། སྐྱབས་གཞན་གྱིས་ནི། མ་ཡིན་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དབུས་ཀྱི་གྲོང་གང་ན་བར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་ཀྱིས་ཕྱོགས་གཞན་ཞིག་ཏུ་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ། སངས་རྒྱས་བཅོམ་ལྡན་འདས་རྣམས་འཛུམ་པར་མཛད་པ་དེའི་ཚེ། བཅོམ་ལྡན་འདས་ཀྱི་ཞལ་ནས་འོད་ཟེར་སྔོན་པ་དང ། སེར་པོ་དང ། དམར་པོ་དང ། དཀར་པོ་དག་བྱུང་ཞིང ། ཁ་ཅིག་ནི། འོག་ཏུ་འགྲོའོ། །ཁ་ཅིག་ནི་སྟེང་དུ་འགྲོའོ། །གང་དག་འོག་ཏུ་སོང་བ་དེ་དག་ནི། ཡང་སོས་དང ། ཐིག་
Kha127a
༄#། །ནག་དང ། བསྡུས་གཞོམ་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཆུ་བུར་རྡོལ་བ་དང ། སོ་ཐམས་ཐམས་དང ། ཀྱི་ཧུད་ཟེར་བ་དང ། ་ཆུ་ཟེར་བ་དང ། ུཏྤ་ལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་པོའི་སེམས་ཅན་དམྱལ་བ་རྣམས་སུ་སོང་ནས། ཚ་བའི་སེམས་ཅན་དམྱལ་བ་གང་དག་ཡིན་པ་དེ་དག་ལ་ནི། བསིལ་བར་འབབ་བོ། །གྲང་བའི་སེམས་ཅན་དམྱལ་བ་གང་དག་ཡིན་པ་དེ་དག་ལ་དྲོ་བར་འབབ་བོ། །དེས་སེམས་ཅན་དེ་རྣམས་ཀྱི་གནོད་པའི་ཁྱད་པར་དག་སོ་སོར་བཅིལ་ལོ། །དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་།ཅི། བདག་ཅག་འདི་ནས་ཤི་འཕོས་སམ། འོན་ཏེ་གཞན་ཏུ་སྐྱེས་སྙམ་པ་དང ། དེ་རྣམས་དང་པ་བསྐྱེད་པའི་ཕྱིར་བཅོམ་ལྡན་འདས་ཀྱིས་སྤྲུལ་པ་ཞིག་བཏང་ངོ ། །དེ་རྣམས་ཀྱིས་སྤྲུལ་པ་མཐོང་ནས་འདི་སྙམ་དུ་སེམས་ཏེ། ཤེས་ལྡན་དག་།བདག་ཅག་ནི།་འདི་ནས་ཤི་འཕོས་པ་ཡང་མེད་ལ། གཞན་དུ་སྐྱེས་པའང་མེད་མོད་ཀྱི། འོན་ཀྱང་སྔོན་མ་མཐོང་བའི་སེམས་ཅན་འདིའི་མཐུས་བདག་ཅག་གི་སྡུག་བསྔལ་གྱི་ཁྱད་པར་རྣམས་སོ་སོར་བཅིལ་ལོ། །ཞེས་དེ་རྣམས་སྤྲུལ་པ་ལ་སེམས་མངོན་པར་དང་པར་གྱུར་པས་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས། གང་དུ་བདེན་པ་རྣམས་ཀྱི་སྣོད་དུ་རུང་བར་
Kha127b
འགྱུར་བ། ལྷ་དང་མི་རྣམས་ཀྱི་ནང་དུ་ཉིང་མཚམས་སྦྱོར་བ་བཟུང་ངོ ། །གང་དག་སྟེང་དུ་སོང་བ་དེ་དག་ནི། རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་པ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་དང ། ཚངས་པ་ཆེན་པོ་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་རྣམས་སྐྱེས་དང ། འབྲས་བུ་ཆེ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་བ་དང ། ཤིན་ཏུ་མཐོང་བ་དང ། འོག་མིན་གྱི་ལྷ་རྣམས་ཀྱི་ནང་དུ་སོང་ནས་མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པའི་དབྱངས་སྒྲོག་ཅིང་ཚིགས་སུ་བཅད་པ་གཉིས་ཀྱིས་ཀྱང་བསྒྲགས་སོ། ། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པས། ། ཆོས་འདུལ་འདི་ལ་བརྩོན་གྱུར་ན། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །དེ་ནས་འོད་ཟེར་དེ་དག་གིས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱུལ་ནས། བཅོམ་ལྡན་འདས་ཀྱི་རྗེས་བཞིན་དུ་འགྲོའོ། །དེ་ལ་གལ་ཏེ་བཅོམ་ལྡན་འདས་ཀྱིས་འདས་པའི་ལས་ལུང་སྟོན་པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་
Kha128a
༄#། །སུ་ནུབ་པར་འགྱུར་རོ། །མ་འོངས་པ་ལུང་སྟོན་པར་བཞེད་ན་ནི། མདུན་ལོགས་སུ་ནུབ་པར་འགྱུར་རོ། །དམྱལ་བར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐིལ་དུ་ནུབ་པར་འགྱུར་རོ། །དུད་འགྲོར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་རྟིང་པར་ནུབ་པར་འགྱུར་རོ། །ཡི་དྭགས་སུ་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐེ་བོར་ནུབ་པར་འགྱུར་རོ། །མིར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་པུས་མོར་ནུབ་པར་འགྱུར་རོ། །སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་ལུང་སྟོན་པར་བཞེད་ན་ནི། ཕྱག་གཡོན་པའི་མཐིལ་དུ་ནུབ་པར་འགྱུར། འཁོར་ལོས་བསྒྱུར་བའི་རྒྱལ་པོར་ལུང་སྟོན་པར་བཞེད་ན་ནི། ཕྱག་གཡས་པའི་མཐིལ་དུ་ནུབ་པར་འགྱུར། ལྷར་སྐྱེ་བར་ལུང་སྟོན་པར་བཞེད་ན་ནི། ལྟེ་བར་ནུབ་པར་འགྱུར། ཉན་ཐོས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། ཞལ་གྱི་ནང་དུ་ནུབ་པར་འགྱུར། རང་སངས་རྒྱས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། མཛོད་སྤུར་ནུབ་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་བཞེད་ན་ནི། དབུའི་གཙུག་ཏུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་དབུའི་གཙུག་ཏུ་ནུབ་བོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ནས་ཞུས་པ། ཁ་དོག་སྣ་ཚོགས་སྟོང་གིས་བཀྲ་
Kha128b
བ་ཡི། །ཚོགས་རྣམས་ཞལ་གྱི་ནང་ནས་བྱུང་གྱུར་པ། །ཇི་ལྟར་གདུགས་ནི་ཤར་བར་གྱུར་པ་བཞིན། །དེ་ཡིས་ཕྱོགས་རྣམས་ཀུན་ཏུ་སྣང་བར་བགྱིས། །ཡང་ཚིགས་སུ་བཅད་པ་དག་གིས་གསོལ་པ། རྒོད་བྲལ་ཞུམ་དང་རྒྱགས་པ་སྤངས་པ་ཡི། །སངས་རྒྱས་འགྲོ་ནང་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པ། །རྩ་ལག་དུང་ལྟར་དཀར་འཛུམ་སྟོན་མི་མཛད། ། དེ་སླད་བརྟན་པ་ཉིད་བློས་དུས་མཁྱེན་ནས། །རྒྱལ་བའི་དབང་པོ་ཐུབ་པ་སྐྱེས་ཀྱི་མཆོག་།ཉན་པར་འཚལ་བའི་ཉན་པ་པོ་རྣམས་ཀྱི། །ཐེ་ཚོམ་སྐྱེས་པ་གསུང་ཚིག་བརྟན་པ་དང ། །དམ་པ་བཟང་པོ་དག་གིས་བསལ་དུ་གསོལ། །ཚཝ་ཆུའི་རི་བོ་ལྟ་བུར་བརྟན་པའི་མཆོག་།རྫོགས་སངས་རྒྱས་རྣམས་གློ་བུར་འཛུམ་མི་སྟོན། །བརྟན་པ་ཇི་སླད་འཛུམ་པ་སྟོན་མཛད་པ། །སྐྱེ་བོ་ཕལ་ཆེན་འདི་དག་དེ་ཉན་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་དེ་བཞིན་ནོ། །དེ་དེ་བཞིན་ཏེ། ཀུན་དགའ་བོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་དོ། །ཀུན་དགའ་བོ། ཁྱོད་ཀྱིས་ས་ཕྱོགས་འདི་མཐོང་ངམ། བཙུན་པ། འདི་མཐོང་ལགས་སོ། །ཀུན་དགའ་བོ། ཕྱོགས་འདིར་ཡང་དག་པར་རྫོགས་པའི་སངས་རྒྱས་གསུམ་བཞུགས་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས་མྱུར་བ་མྱུར་བར་བླ་གོས་བཞི་ལྟབ་ཏུ་བྱས་ཏེ་བཏིང་ནས་བཅོམ་ལྡན་འདས་ལ་
Kha129a
༄#། །འདི་སྐད་ཅེས་གསོལ་ཏོ། །བཅོམ་ལྡན་འདས་གདན་བཤམས་པ་ཁོ་ན་ལ་བཞུགས་ཤིག་དང ། ས་ཕྱོགས་འདིར་ཡང་དག་པར་རྫོགས་པའི་སངས་རྒྱས་བཞིས་ཡོངས་སུ་ལོངས་སྤྱད་པར་འགྱུར་ལགས་སོ། །བཅོམ་ལྡན་འདས་གདན་བཤམས་པ་ཉིད་ལ་བཞུགས་སོ། །སྐད་ཅིག་གཅིག་ལ་བཞུགས་ནས། ཚེ་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། གྲོང་ཁྱེར་མི་ཐི་ལ་གང་ན་བར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་ལུས་འཕགས་ཀྱི་ལྗོངས་རྒྱུ་ཞིང་གཤེགས་པ་ན། མི་ཐི་ལར་བྱོན་ནས། མི་ཐི་ལའི་ལྷ་ཆེན་པོ་ཨ་མྲའི་ཚལ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་ས་ཕྱོགས་གཞན་ཞིག་ཏུ་འཛུམ་པ་མཛད་དོ། །ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་འཛུམ་པ་མཛད་པ་མཐོང་ངོ ། །མཐོང་ནས་ཀྱང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ།་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མ་མཆིས་རྐྱེན་མ་མཆིས་པར་འཛུམ་པ་མི་མཛད་ན། བཙུན་པ། འཛུམ་པ་མཛད་པ་དེའི་རྒྱུ་གང་ལགས། རྐྱེན་གང་ལགས། ཀུན་དགའ་བོ། དེ་དེ་བཞིན་ནོ། །དེ་དེ་བཞིན་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མེད་རྐྱེན་མེད་
Kha129b
པར་འཇུམ་པ་མི་མཛད་དོ། །ཀུན་དགའ་བོ། སྔོན་བྱུང་བ་མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པར་གྱུར་ཏེ། མི་ཚེ་ལོ་བརྒྱད་ཁྲི་པ་རྣམས་ཀྱི་འཛམ་བུའི་གླིང་འདི་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ་གྲོང་དང ། གྲོང་རྡལ་དང ། ཡུལ་འཁོར་དང ། རྒྱལ་པོའི་ཕོ་བྲང་གི་བར་བྱ་གག་གི་འཕུར་སྟབས་ཀྱིས་ཆོད་པར་བྱུང་བར་གྱུར་ཏོ། །མི་ཚེ་ལོ་བརྒྱད་ཁྲི་པ་རྣམས་ལ། ལུས་ཀྱི་གནོད་པ་ནི། འདི་ལྟ་བུ་དག་འབྱུང་སྟེ། འདི་ལྟ་སྟེ། གྲང་བ་དང ། ཚ་བ་དང ། བཀྲེས་པ་དང ། སྐོམ་པ་དང ། འདོད་པ་དང ། ཡི་ག་ཆུས་པ་དང ། རྒ་བ་ཡིན་ནོ། །མི་ཚེ་ལོ་བརྒྱད་ཁྲི་པ་རྣམས་ཀྱི་བུ་མོ་ནི། བཙས་ནས་ལོ་ལྔ་བརྒྱ་ལོན་པ་དང ། ཁྱོ་ལ་གཏོང་བར་བྱེད་དེ། དཔེར་ན། ད་ལྟར་གྱི་ལོ་བཅོ་ལྔའམ། ལོ་བཅུ་དྲུག་ལོན་པ་བཞིན་ནོ། །ཀུན་དགའ་བོ། །མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན། འཁོར་ལོས་བསྒྱུར་བའི་རྒྱལ་པོ་ཆེན་པོ་ཞེས་བྱ་བ། མཐའ་བཞིར་རྣམ་པར་རྒྱལ་བ། ཆོས་དང་ལྡན་པ། ཆོས་ཀྱི་རྒྱལ་པོ། རིན་པོ་ཆེ་སྣ་བདུན་དང་ལྡན་པ་ཞིག་བྱུང་ངོ ། །དེའི་རིན་པོ་ཆེ་སྣ་བདུན་ནི། འདི་ལྟ་བུ་བྱུང་སྟེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་ནི། བློན་པོ་རིན་པོ་ཆེ་ཉིད་ཡིན་ནོ། །དེ་ལ་ཡང་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཡང་ཚང་བར་བྱུང་སྟེ། དེ་རྒྱ་མཚོ་ལ་ཐུག་པའི་ས་
Kha130a
༄#། །ཆེན་པོ་མ་ལུས་པ་གནོད་པར་བསྡོ་བ་མེད་ཅིང་འཚེ་བ་མེད་པ། འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པར་ཕབ་སྟེ་གནས་སོ། །དེ་ནས་རྒྱལ་པོ་ལྷ་ཆེན་པོའི་སྐྲ་དང་ཁ་སྤུ་འབྲེག་མཁན་གྱི་མིས་འཆོས་པ་ན། འབྲེག་མཁན་གྱི་མི་ལ་སྨྲས་པ། ཀྱེ་ནང་རྗེ། ངའི་དབུ་ལ་སྐྲ་དཀར་པོ་སྐྱེས་པ་ཁྱོད་ཀྱིས་མཐོང་བ་དང་ལྷའི་ཕོ་ཉ་བྱུང་བ་ཡིན་གྱི། དེའི་ཚེ་ངའི་སྙན་དུ་གསོལ་ཅིང ། ལྷ། བཀའ་བཞིན་འཚལ་ཞེས་འབྲེག་མཁན་གྱི་མིས། རྒྱལ་པོ་ལྷ་ཆེན་པོའི་ལྟར་མཉན་ཏོ། །དུས་གཞན་ཞིག་ན་འབྲེག་མཁན་གྱིས་རྒྱལ་པོ་ལྷ་ཆེན་པོའི་སྐྲ་དང་ཁ་སྤུ་འཆོས་པ་ན། རྒྱལ་པོ་ལྷ་ཆེན་པོའི་མགོ་ལ་སྐྲ་དཀར་པོ་སྐྱེས་པས་ལྷའི་ཕོ་ཉ་བྱུང་བར་མཐོང་ངོ ། །མཐོང་ནས་ཀྱང་རྒྱལ་པོ་ལྷ་ཆེན་པོ་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛད་དུ་གསོལ། ཁྱེད་ཀྱི་དབུ་ལ་སྐྲ་དཀར་པོ་སྐྱེས་པས་ལྷའི་ཕོ་ཉ་བྱུང་ལགས་སོ། །དེས་སྨྲས་པ། ཀྱེ་ནང་རྗེ། ཁྱོད་ཀྱི་སྐྲ་དཀར་པོ་དེ་དག་མི་འབྲེག་པར་དལ་གྱིས་དལ་བུ་དལ་བུས་ཕྱུང་ལ་ངའི་ལག་ཏུ་བྱིན་ཅིག། ལྷ། བཀའ་བཞིན་འཚལ་ཞེས་འབྲེག་མཁན་གྱིས་རྒྱལ་པོ་ལྷ་ཆེན་པོའི་ལྟར་མཉན་ནས། སྐྲ་དཀར་པོ་དེ་གསེར་གྱི་སྨང་ཚེར་གྱིས་མི་འབྲེག་པར་དལ་གྱིས་ཕྱུང་ནས། རྒྱལ་པོ་ལྷ་ཆེན་པོའི་ལག་པར་བཞག་གོ་།དེ་ནས་རྒྱལ་པོ་ལྷ་ཆེན་པོས་སྐྲ་དཀར་པོ་དེ་ལག་པ་གཉིས་ཀྱིས་དྲངས་ནས་ཚིགས་སུ་བཅད་དེ་སྨྲས་པ། ད་ནི་བདག་གི་མགོ་
Kha130b
བོ་ལ། །ན་ཚོད་འཇོམས་པའི་སྐྲ་སྐྱེས་ཏེ། །ལྷ་ཡི་ཕོ་ཉ་བྱུང་གྱུར་པས། །བདག་གི་རབ་བྱུང་དུས་ལ་བབ། །བདག་གིས་མི་རྣམས་ཀྱི་འདོད་པ་ནི། སྤྱད་ཟིན་གྱི། བདག་གིས་ལྷའི་འདོད་པ་དག་བཙལ་བའི་དུས་ལ་བབ་ཀྱི། མ་ལ་བདག་གིས་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་ལ། རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །སྙམ་ནས། དེ་ནས་རྒྱལ་པོ་ལྷ་ཆེན་པོས་གཞོན་ནུ་ཕོ་ཉས་བཀུག་ནས་འདི་སྐད་ཅེས་སྨྲས་སོ། །བུ་གཞོན་ནུ་ཤེས་པར་གྱིས་ཤིག། ངའི་མགོ་ལ་སྐྲ་དཀར་པོ་སྐྱེས་པས་ལྷའི་ཕོ་ཉ་བྱུང་བར་གྱུར་ཏོ། །ངས་མི་རྣམས་ཀྱི་འདོད་པ་སྤྱད་ཟིན་པས། ངས་ལྷའི་འདོད་པ་དག་བཙལ་བའི་དུས་ལ་བབ་སྟེ། ངས་བུ་གཞོན་ནུ་ཁྱོད་ལ་རྒྱ་མཚོའི་མཐའ་ཀླས་པའི་ས་ཆེན་པོ་འདི་གཏད་ཀྱི། དེ་ཁྱོད་ཀྱིས་ཆོས་བཞིན་གྱིས་རྗེས་སུ་བསྐྱང་བར་བྱའི། ཆོས་མ་ཡིན་པས་ནི། མ་ཡིན་ནོ། །འགའ་ཞིག་ཆོས་མ་ཡིན་པ་སྤྱོད་དམ་འདྲེན་མར་སྤྱོད་ན། ཁྱོད་ཀྱིས་ཡུལ་འཁོར་དུ་གནས་སུ་མ་གཞུག་ཅིག་།བུ་གཞོན་ནུ་གང་གི་ཚེ་ཁྱེད་ཀྱང་མགོ་ལ་སྐྲ་དཀར་པོ་སྐྱེས་པ་མཐོང་བ་དང་ལྷའི་ཕོ་ཉ་འོངས་པ་ཡིན་གྱི། དེའི་ཚེ་ཁྱོད་ཀྱིས་ཀྱང་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་ཆུག་ལ། རྒྱལ་པོའི་དྲང་སྲོང་གི་ཚངས་པར་སྤྱད་པ་སྤྱོད་ཅིག་།འདི་ལྟར། བུ་གཞོན་ནུ་ཁྱོད་ཀྱིས་དགེ་བའི་ལམ་ངེས་པ་སྲོལ་དོད་པ་དེ་ལྟ་བུའི་རྗེས་བསམ་པར་བྱའི། རྒྱུན་ཆད་པར་མ་བྱེད་ཅིག་།སྐྱེས་བུ་ཐ་ཤལ་དུ་གྱུར་ཏ་རེ། བུ་གཞོན་
Kha131a
༄#། །ནུ་འགའ་ཞིག་འདི་ལྟ་བུའི་སྐྱེས་བུ་བཟང་པོ་རྒྱུན་དུ་བྱུང་བའི་དགེ་བའི་ལམ་ངེས་པ་སྲོལ་དོད་པ་དེ་ལྟ་བུའི་རྗེས་མི་འཚོ་བ་གང་ཡིན་པ་དེ། དེ་རྣམས་ཀྱི་རྒྱུན་གཅོད་པ་ཡིན་ཞིང ། དེ་དེ་རྣམས་ཀྱི་ནང་ན་སྐྱེས་བུ་ཐ་ཤལ་དུ་གྱུར་པ་ཡིན་ནོ། །དེ་ལྟ་བས་ན། ང་ཁྱོད་ལ་འདི་སྐད་ཅེས། གང་གི་ཚེ་ཁྱོད་ཀྱིས་འདི་ལྟ་བུའི་སྐྱེས་བུ་བཟང་པོ་རྒྱུན་དུ་བྱུང་བའི་དགེ་བའི་ལམ་ངེས་པ་སྲོལ་དོད་པ་དེ་ལྟ་བུའི་རྗེས་སོབས་ལ་རྒྱུན་ཆད་པར་མ་བྱེད་ཅིག་།སྐྱེས་བུ་ཐ་ཤལ་དུ་གྱུར་པར་མ་བྱེད་ཅིག་ཅེས་སྨྲའོ། །དེ་ནས་རྒྱལ་པོ་ལྷ་ཆེན་པོས་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་ནས་མི་ཐི་ལའི་ལྷ་ཆེན་པོའི་ཨ་མྲའི་ཚལ་དེ་ཉིད་དུ་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །ཀུན་དགའ་བོ། རྒྱལ་པོ་ལྷ་ཆེན་པོས་གཞོན་ནུ་ཐུ་བོ་གང་ཡིན་པ་དེ། རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་ལ། དེའི་མིང་ཡང་འཁོར་ལོས་བསྒྱུར་བའི་རྒྱལ་པོ་ལྷ་ཆེན་པོ་ཞེས་བྱ་བ། མཐའ་བཞིར་རྣམ་པར་རྒྱལ་པ་ཞེས་བྱ་བ་ནས་གནས་སོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་རྒྱལ་པོ་ལྷ་ཆེན་པོའི་སྐྲ་དང་ཁ་སྤུ་འབྲེག་མཁན་གྱིས་མིས་འཆོས་པ་ན་ཞེས་བྱ་བ་ནས་དེ་དེ་རྣམས་ཀྱི་ནང་ན་སྐྱེས་བུ་ཐ་ཤལ་དུ་གྱུར་བ་ཡིན་ནོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་རྒྱལ་པོ་ལྷ་ཆེན་པོའི་གཞོན་ནུ་ཐོ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་ནས་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དེ། ཀུན་དགའ་བོ། བུ་
Kha131b
དང་ཚ་བོ་དང་ཡང་ཚ་དང་གསུམ་ཚ་ལ་སོགས་པ་དེ་ལྟར་བརྒྱུད་པས་ལྷ་ཆེན་པོ་བརྒྱད་ཁྲི་བཞི་སྟོང་མི་ཐི་ལའི་ལྷ་ཆེན་པོའི་ཨ་མྲའི་ཚལ་དེ་ཉིད་དུ་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །དེ་རྣམས་ཀྱི་ཐ་མ་རྒྱལ་པོ་མུ་ཁྱུད་ཅེས་བྱ་བ། ཆོས་ཀྱི་རྒྱལ་པོ། ཆོས་དང་ལྡན་པ། ཆོས་ལ་གནས་པའི་རྒྱལ་པོ་ཆེན་པོ་ཞིག་བྱུང་སྟེ། དེ་བཙུན་མོ་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་མི་དག་དང་ཆོས་སྤྱོད་དེ་སྦྱིན་པ་དག་གཏོང ། བསོད་ནམས་དག་བྱེད་ཅིང་བསྙེན་གནས་ལ་གནས་ཏེ་ཚུལ་ཁྲིམས་ཡང་དག་པར་བླངས་ནས་འདུག་གོ་།དེའི་ཚེ་ལྷའི་དབང་པོ་བརྒྱ་བྱིན། ལྷའི་མདུན་ས་ཆོས་བཟང་དུ་སུམ་ཅུ་རྩ་གསུམ་པའི་ལྷ་འདུས་ཤིང་འཁོད་པ་རྣམས་ཀྱི་མདུན་དུ་བསྔགས་པ་རྗོད་པར་བྱེད་དེ། གྲོགས་པོ་དག་།ལུས་འཕགས་ཀྱི་མི་རྣམས་ཀྱི་རྙེད་པ་ལེགས་པར་རྙེད་དེ། ལུས་འཕགས་ཀྱི་མི་དེ་རྣམས་ཀྱི་རྒྱལ་པོ་མུ་ཁྱུད་ནི། ཆོས་ཀྱི་རྒྱལ་པོ། ཆོས་དང་ལྡན་པ། ཆོས་ལ་གནས་པའི་རྒྱལ་པོ་ཆེན་པོ་དེ། བཙུན་མོ་དང་ཞེས་བྱ་བ་ནས་ཚུལ་ཁྲིམས་ཡང་དག་པར་བླངས་ཏེ་འདུག་གོ་།ཞེས་བྱ་བའི་བར་གོང་མ་བཞིན་དུའོ། །གྲོགས་པོ་དག་།ཁྱེད་ཅག་རྒྱལ་པོ་མུ་ཁྱུད་ལྟ་བར་འདོད་དམ། ཀོའུ་ཤི་ཀ། ཤིན་ཏུ་འཚལ་ལོ། །གྲོགས་པོ་དག་།དེའི་ཕྱིར་ཁྱོད་ཅག་སྡོད་ཅིག་དང ། ཁོ་བོས་རེ་ཞིག་རྒྱལ་པོ་མུ་ཁྱུད་ལྟའོ། །དེ་ནས་ལྷའི་དབང་པོ་བརྒྱ་བྱིན། དཔེར་ན། སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་བརྐྱང་བའམ། བརྐྱང་བ་ལས་བསྐུམ་
Kha132a
༄#། །པ་ཙམ་གྱིས་སུམ་ཅུ་རྩ་གསུམ་པའི་ལྷ་རྣམས་ཀྱི་ལྷའི་མདུན་ས་ཆོས་བཟང་ནས་མི་སྣང་བར་གྱུར་ཏེ། མི་ཐི་ལར་རྒྱལ་པོ་མུ་ཁྱུད་ཀྱི་ཁང་བཟང་དུ་འདུག་གོ་།འདི་སྐད་ཅེས་ཀྱང་སྨྲས་ཏེ། མུ་ཁྱུད། ཁྱོད་ལ་ལྷའི་མདུན་ས་ཆོས་བཟང་དུ་སུམ་ཅུ་རྩ་གསུམ་པའི་ལྷ་འདུས་ཤིང་འདུག་པ་རྣམས་བསྔགས་པ་བརྗོད་པ་ནི། ཁྱོད་ཀྱིས་རྙེད་པ་ལེགས་པར་རྙེད་དོ། །གྲོགས་པོ་ལུས་འཕགས་ཀྱི་མི་རྣམས་ཀྱིས་རྙེད་པ་ཞེས་བྱ་བ་ནས་ཚུལ་ཁྲིམས་ཡང་དག་པར་བླངས་ཏེ་འདུག་པར་བྱེད་དོ། །ཞེས་བྱ་བའི་བར་གོང་མ་བཞིན་དུའོ། །མུ་ཁྱུད། ཁྱོད་སུམ་ཅུ་རྩ་གསུམ་པའི་ལྷ་རྣམས་བལྟ་བའི་ཕྱིར་འགྲོ་འདོད་དམ། ཀོའུ་ཤི་ཀ། བདག་སུམ་ཅུ་རྩ་གསུམ་པའི་ལྷ་རྣམས་བལྟ་བའི་ཕྱིར་མཆི་བར་འཚལ་ལོ། །མུ་ཁྱུད། དེའི་ཕྱིར་སྡོད་ཅིག་དང ། རེ་ཞིག་ཁོ་བོས་ཁྱོད་ལ་རྟ་ཅང་ཤེས་སྟོང་དང་ལྡན་པའི་ཤིང་རྟ་བསྐུར་གྱི། དེའི་ནང་དུ་ཁྱོད་ཞུགས་ལ་མ་གཡོ་བར་ཤོག་ཅིག་།དེ་བཞིན་དུ་བགྱིའོ། །ཞེས་རྒྱལ་པོ་མུ་ཁྱུད་ཀྱིས་ལྷའི་དབང་པོ་བརྒྱ་བྱིན་གྱི་ལྟར་མཉན་ཏོ། །དེ་ནས་ལྷའི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ནས་ཁ་ལོ་སྒྱུར་བ་མ་ལ་གདུ་ལ་སྨྲས་པ། མ་ལ་གདུ། ཁྱོད་སོང་ལ་མྱུར་བ་ཁོ་ནར་རྟ་ཅང་ཤེས་སྟོང་དང་ལྡན་པའི་ཤིང་རྟ་བཤམས་ཏེ། རྒྱལ་པོ་མུ་ཁྱུད་གང་ན་བ་དེར་སོང་ལ་ཕྱིན་ནས་འདི་སྐད་ཅེས། མུ་ཁྱུད། ཁྱོད་ལ་ལྷའི་དབང་པོ་བརྒྱ་བྱིན་གྱིས། རྟ་ཅང་ཤེས་སྟོང་ལྡན་པའི་ཤིང་རྟ་
Kha132b
བསྐུར་བ་འདི་ཡིན་གྱི། འདིར་ཁྱོད་ཞུགས་ལ་མ་གཡོ་བར་ཤོག་ཅིག་ཅེས་སྨྲོས་ཤིག་།ཀོའུ་ཤི་ཀ། ཁྱོད་ཀྱིས་གསུངས་པ་ཤིན་ཏུ་བཟང་ངོ ། །ཞེས་ཁ་ལོ་སྒྱུར་བ་མ་ལ་གདུས་ལྷའི་དབང་པོ་བརྒྱ་བྱིན་གྱི་ལྟར་མཉན་ནས། མྱུར་བ་ཁོ་ནར་རྟ་ཅང་ཤེས་སྟོང་དང་ལྡན་པའི་ཤིང་རྟ་བཤམས་ནས། རྒྱལ་པོ་མུ་ཁྱུད་གང་ན་བ་དེར་སོང་སྟེ་ཕྱིན་པ་དང་འདི་སྐད་ཅེས་སྨྲས་སོ། །མུ་ཁྱུད་ཁྱོད་ལ་ལྷའི་དབང་པོ་བརྒྱ་བྱིན་གྱིས་རྟ་ཅང་ཤེས་སྟོང་དང་ལྡན་པའི་ཤིང་རྟ་བསྐུར་བ་འདི་ཡིན་གྱི། འདིར་ཁྱོད་ཞུགས་ལ་མ་གཡོ་བར་ཤོག་ཅིག་ཅེས་ཟེར་རོ། །ཀུན་དགའ་བོ། རྒྱལ་པོ་མུ་ཁྱུད་རྟ་ཅང་ཤེས་སྟོང་དང་ལྡན་པའི་ཤིང་རྟའི་ནང་དུ་མི་གཡོ་བར་ཞུགས་པ་དང ། དེ་ནས་ཁ་ལོ་སྒྱུར་བ་མ་ལ་གདུས་རྒྱལ་པོ་མུ་ཁྱུད་ལ་འདི་སྐད་ཅེས་སྨྲས་སོ། །མུ་ཁྱུད། ཁྱོད་ཀྱི་ཤིང་རྟ་གང་ལོགས་སུ་དྲང ། གང་ན་སེམས་ཅན་སྡིག་པའི་ལས་ཅན་རྣམས། སྡིག་པ་མི་དགེ་བའི་ལས་ཀྱི་རྣམ་པར་སྨིན་པ་སོ་སོར་ཉམས་སུ་མྱོང་བ་ལོགས་སུའམ། གང་ན་སེམས་ཅན་དགེ་བའི་ལས་ཅན་རྣམས། ལས་དགེ་བའི་རྣམ་པར་སྨིན་པ་སོ་སོར་ཉམས་སུ་མྱོང་བ་ལོགས་སུ་དྲང ། མ་ལ་གདུ། དེའི་ཕྱིར་ཁོ་བོས་གང་དུ་གཉི་ག་མཐོང་བར་འགྱུར་བ། གང་ན་སེམས་ཅན་སྡིག་པའི་ལས་ཅན་རྣམས། སྡིག་པ་མི་དགེ་བའི་ལས་ཀྱི་རྣམ་པར་སྨིན་པ་སོ་སོར་ཉམས་སུ་མྱོང་བ་དག་ཡོད་པ་དང ། གང་ན་སེམས་ཅན་དགེ་བའི་ལས་ཅན་རྣམས། ལས་དགེ་བའི་རྣམ་པར་སྨིན་པ་སོ་སོར་ཉམས་སུ་མྱོང་བ་དག་ཡོད་པ་དེར་ཤིང་རྟ་
Kha133a
༄#། །དྲོངས་ཤིག་།དེ་ནས་ཁ་ལོ་སྒྱུར་བ་མ་ལ་གདུས། རྒྱལ་པོ་མུ་ཁྱུད་ཀྱི་ཤིང་རྟ། གང་ན་སེམས་ཅན་སྡིག་པ་མི་དགེ་བའི་ལས་ཀྱི་རྣམ་པར་སྨིན་པ་སོ་སོར་ཉམས་སུ་མྱོང་བ་དག་ཡོད་པ་དང ། གང་ན་སེམས་ཅན་དགེ་བའི་ལས་ཅན་རྣམས། ལས་དགེ་བའི་རྣམ་པར་སྨིན་པ་སོ་སོར་ཉམས་སུ་མྱོང་བ་དག་ཡོད་པ་གཉི་ག་རྒྱལ་པོ་མུ་ཁྱུད་ཀྱིས་ཇི་ལྟར་མཐོང་བར་འགྱུར་བ་དེ་ལྟར་དྲངས་སོ། །ཀུན་དགའ་བོ། རྒྱལ་པོ་མུ་ཁྱུད་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ནས། རྒྱལ་པོ་མུ་ཁྱུད་ལྷའི་མདུན་ས་ཆོས་བཟང་དུ་ཞུགས་པ་དང་ལྷའི་དབང་པོ་བརྒྱ་བྱིན་གྱིས་རྒྱལ་པོ་མུ་ཁྱུད་ལ་སྟན་ཕྱེད་བསྟབས་ནས། རྒྱལ་པོ་མུ་ཁྱུད་དང་ལྷའི་དབང་པོ་བརྒྱ་བྱིན་སྟན་ཕྱེད་ཕྱེད་ལ་འཁོད་དོ། །ཀུན་དགའ་བོ། རྒྱལ་པོ་མུ་ཁྱུད་དང་ལྷའི་དབང་པོ་བརྒྱ་བྱིན་སྟན་ཕྱེད་ཕྱེད་ལ་འཁོད་པ་ན། ཁྱད་པར་རམ། བསམ་པའམ། ཐ་དད་དུ་བྱ་བ་མེད་ཀྱི། གཞན་དུ་ན་ལྷའི་དབང་པོ་བརྒྱ་བྱིན་ནི། མིག་འཛུམ་པར་མི་བྱེད་དོ། །དེ་ནས་ལྷའི་དབང་པོ་བརྒྱ་བྱིན་གྱིས་རྒྱལ་པོ་མུ་ཁྱུད་ལ་འདི་སྐད་ཅེས་སྨྲས་སོ། །མུ་ཁྱུད། འདི་ཉིད་དུ་འདུག་ལ་མུ་ཁྱུད་ཁྱོད་དགའ་བར་སྤྱོད་ཅིག་།འདོད་པའི་ཡོན་ཏན་ལྔ་འབྱོར་ཅིང་ལྡན་པ་ལ་རྩེད་མོ་བྱོས་ཤིག། དགའ་བར་སྤྱོད་ཅིག་།དགའ་མགུར་སྤྱོད་ཅིག་།དེ་ནས་རྒྱལ་པོ་མུ་ཁྱུད་ཀྱིས་དེའི་ཚེ་ཚིགས་སུ་བཅད་དེ་སྨྲས་པ། ཇི་ལྟར་སྣོད་དང་ཤིང་རྟ་དག་།རེ་ཞིག་དུས་ཀྱི་བརྙན་པོ་ལྟར། །གཞན་དག་
Kha133b
དབང་སྒྱུར་གང་ཡིན་པའི། །གནས་ཀྱང་དེ་དང་འདྲ་བ་ཡིན། །འདི་ནས་མི་ཐི་ལར་སོང་ལ། །དགེ་བ་མང་པོ་རྣམས་བྱ་སྟེ། །བསོད་ནམས་བྱས་ཤིང་འབྱོར་བྱས་ནས། །མཐོ་རིས་སུ་ནི་འགྲོ་བར་བྱ། །ཀུན་དགའ་བོ། དེའི་ཚེ་དེའི་དུས་ན་རྒྱལ་པོ་ལྷ་ཆེན་པོ་ཞེས་བྱ་བ་གང་གིས་དགེ་བའི་ལམ་ངེས་པ་དེ་ལ་ཞུགས་ཤིང ། གང་དགེ་བའི་ལམ་ངེས་པ་ལ་ཞུགས་པ་ལ་བརྟེན་ནས་ལྷ་ཆེན་པོ་བརྒྱད་ཁྲི་བཞི་སྟོང་མི་ཐི་ལའི་ལྷ་ཆེན་པོའི་ཨ་མྲའི་ཚལ་འདི་ཉིད་དུ་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་པར་གྱུར་པ་བྱུང་བ་གང་ཡིན་པ་དེ། གཞན་ཡིན་པ་སྙམ་དུ་སེམས་ན། ཁྱོད་ཀྱིས་དེ་ལྟར་མི་བལྟའོ། །དེ་ཅིའི་ཕྱིར་ཞེ་ན། ཀུན་དགའ་བོ། ང་ཉིད་དེའི་ཚེ་དེའི་དུས་ན་རྒྱལ་པོ་ལྷ་ཆེན་པོ་ཞེས་བྱ་བར་གྱུར་ཏེ། ང་ཉིད་ཀྱིས་དགེ་བའི་ལམ་ངེས་པ་དེ་སྲོལ་བཏོད་ཅིང ། དགེ་བའི་ལས་ངེས་པ་སྲོལ་དོད་པ་ལ་བརྟེན་ནས་ལྷ་ཆེན་པོ་བརྒྱད་ཁྲི་བཞི་སྟོང་གིས་མི་ཐི་ལ་འདི་ཉིད་ན་ལྷ་ཆེན་པོའི་ཨ་མྲའི་ཚལ་འདི་ཉིད་དུ་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །དེ་ཅིའི་ཕྱིར་ཞེ་ན། ཀུན་དགའ་བོ། །དེའི་ཚེ་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས་པར་གྱུར་ཏེ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་ལས་ཡོངས་སུ་མ་གྲོལ་ཞིང་སྡུག་བསྔལ་ལས་ཡོངས་སུ་མ་གྲོལ་ལོ་ཞེས་གསུང་ངོ ། །ཀུན་དགའ་བོ། ད་ནི། ང་ཉིད་འཇིག་རྟེན་དུ་སྟོན་པ་དེ་བཞིན་གཤེགས་པ་དགྲ་བཅོམ་པ་
Kha134a
༄#། །ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་སུ་གྱུར་ནས། འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་བས་སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་པ་དང ། ཡིད་མི་བདེ་བ་དང ། འཁྲུག་པ་ལས་ཡོངས་སུ་གྲོལ་ཞིང་སྡུག་བསྔལ་ལས་ཡོངས་སུ་གྲོལ་ལོ་ཞེས་གསུང་ངོ ། །ཀུན་དགའ་བོ། དེ་ལྟར་ན་ཡང་ངས་དགེ་བའི་ལམ་ངེས་པ་སྲོལ་གཏོད་པ་དེ་ལ་བརྟེན་ནས་སེམས་ཅན་སྐྱེ་བའི་ཆོས་ཅན་རྣམས་ནི། སྐྱེ་བའི་ཆོས་ཉིད་ལས་ཡོངས་སུ་གྲོལ་བར་འགྱུར། སེམས་ཅན་རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པའི་ཆོས་ཅན་རྣམས་ནི། འཁྲུག་པའི་ཆོས་ཉིད་ལས་ཡོངས་སུ་གྲོལ་བར་འགྱུར། ངས་དགེ་བའི་ལམ་ངེས་པ་ལ་ཞུགས་ཤིང ། དགེ་བའི་ལམ་ངེས་པ་ལ་ཞུགས་པ་དེ་ལ་བརྟེན་ནས་སེམས་ཅན་སྐྱེ་བའི་ཆོས་ཅན་ནས་སེམས་ཅན་འཁྲུག་པའི་ཆོས་ཅན་གྱི་བར་དག་འཁྲུག་པའི་ཆོས་ཉིད་ལས་ཡོངས་སུ་གྲོལ་བར་འགྱུར་བ་དེ་གང་ཡིན་ཞེ་ན། འདི་ལྟ་སྟེ། འཕགས་པའི་ལམ་ཡན་ལག་བརྒྱད་པ་ཡིན་ཏེ། འདི་ལྟ་སྟེ། ཡང་དག་པའི་ལྟ་བ་དང ། ཡང་དག་པའི་རྟོག་པ་དང ། ཡང་དག་པའི་ངག་དང ། ཡང་དག་པའི་ལས་ཀྱི་མཐའ་དང ། ཡང་དག་པའི་
Kha134b
འཚོ་བ་དང ། ཡང་དག་པའི་རྩོལ་བ་དང ། ཡང་དག་པའི་དྲན་པ་དང ། ཡང་དག་པའི་ཏིང་ངེ་འཛིན་ཏེ། འདི་ནི། ངས་དགེ་བའི་ལམ་ངེས་པ་ལ་ཞུགས་པ། དགེ་བའི་ལམ་ངེས་པ་ལ་ཞུགས་པ་དེ་ལ་བརྟེན་ནས་སེམས་ཅན་སྐྱེ་བའི་ཆོས་ཅན་ནས་གོང་མ་བཞིན་དུ་འཁྲུག་པའི་ཆོས་ཉིད་ལས་ཡོངས་སུ་གྲོལ་བར་འགྱུར་བའི་བར་ཡིན་ནོ། །ཀུན་དགའ་བོ། ཁྱོད་ཀྱིས་ཀྱང་དེ་བཞིན་དུ་དགེ་བའི་ལམ་ངེས་པ་སྲོལ་དོད་པ་དེ་ལྟ་བུའི་རྗེས་བསབ་པར་བྱ་ཡི། རྒྱུན་ཆད་པར་མ་བྱེད་ཅིག་།སྐྱེས་བུ་ཐ་ཤལ་དུ་གྱུར་པར་མ་བྱེད་ཅིག་།ཀུན་དགའ་བོ། གང་ལ་ལ་དེ་ལྟ་བུའི་ཉན་ཐོས་བཟང་པོ་རྒྱུན་དུ་བྱུང་བའི་དགེ་བའི་ལམ་ངེས་པ་སྲོལ་དོད་པ་དེ་ལྟ་བུའི་རྗེས་མི་འཚོབ་པ་དེ་ནི། དེ་རྣམས་ཀྱི་རྒྱུན་གཅོད་པ་ཡིན་ཞིང ། དེ་དེ་རྣམས་ཀྱི་སྐྱེས་བུ་ཐ་ཤལ་དུ་གྱུར་བ་ཡིན་ནོ། །དེ་བས་ན། ང་ཁྱོད་ལ་འདི་སྐད་དུ། ཅི་ནས་ཀྱང་ཁྱོད་ཀྱིས་དེ་ལྟ་བུའི་ཉན་ཐོས་བཟང་པོ་རྒྱུན་དུ་བྱུང་བའི་ལམ་ངེས་པ་སྲོལ་དོད་པ་དེ་ལྟ་བུ་དེའི་རྗེས་སུ་སོབས་ཤིག་།རྒྱུན་ཆད་པར་མ་བྱེད་ཅིག་།སྐྱེས་བུ་ཐ་ཤལ་དུ་གྱུར་པར་མ་བྱེད་ཅིག་ཅེས་སྨྲའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ལུས་འཕགས་གང་ན་བ་དེར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་ལུས་འཕགས་སུ་བྱོན་ནས་ལུས་འཕགས་ཀྱི་ཕྱོགས་གཞན་ཞིག་ཏུ་འཛུམ་པ་མཛད་དོ། །ཞེས་བྱ་བ་ནས་སངས་རྒྱས་བཞིའི་གདན་ཡིན་ནོ་ཞེས་བྱ་བ་དང །
Kha135a
༄#། །སྐད་ཅིག་བཞུགས་ནས་ཞེས་བྱ་བ་རྒྱས་པར་གོང་མ་བཞིན་ནོ། །ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ས་ལ་གང་ན་བར་འདོང་ངོ ། ། བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། བཅོམ་ལྡན་འདས་སྤོང་བྱེད་ནས་ལྗོངས་རྒྱུ་ཞིང་གཤེགས་པ་དང ། ས་ལར་བྱོན་ནས་ས་ལའི་བྲམ་ཟེའི་གྲོང་ན་བཞུགས་སོ། །དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ་ས་ལར་བསོད་སྙོམས་ལ་ཞུགས་སོ། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་མ་འདིས་ལའི་བྲམ་ཟེའི་གྲོང་ན་འདུག་སྟེ། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ས་ལར་བསོད་སྙོམས་ལ་ཞུགས་ཀྱི། མ་ལ་བདག་གིས་ས་ལའི་བྲམ་ཟེ་དང ། ཁྱིམ་བདག་རྣམས་ཇི་ལྟར་དགེ་སྦྱོང་གོའུ་ཏ་མས་ལྷུང་བཟེད་བཀྲུས་ཏེ་ས་ལར་བསོད་སྙོམས་ལ་ཞུགས་པ། བཀྲུས་པ་དེ་ཁོ་ན་བཞིན་བསོད་སྙོམས་ཁམ་འགའ་ཡང་མ་རྙེད་པར་ཕྱིར་ལྡོག་པ་དེ་ལྟ་དེ་ལྟར་བྱིན་གྱིས་པ་བརླབ་བོ། །སྙམ་མོ། །དེ་ནས་བདུད་སྡིག་ཅན་གྱིས་ས་ལའི་བྲམ་ཟེ་དང་ཁྱིམ་བདག་རྣམས་བཅོམ་ལྡན་འདས་ཀྱིས་ཇི་ལྟར་ལྷུང་བཟེད་བཀྲུས་ཏེ་ས་ལར་བསོད་སྙོམས་ལ་ཞུགས་པ། བཀྲུས་པ་དེ་ཁོ་ན་བཞིན་དུ་བསོད་སྙོམས་ཁམ་འགའ་ཡང་མ་རྙེད་པར་སླར་བྱོན་པ་དེ་ལྟ་དེ་ལྟར་བྱིན་གྱིས་བརླབས་སོ། །
Kha135b
དེ་ནས་བདུད་སྡིག་ཅན་གྱིས་བདག་ཉིད་བྲམ་ཟེའི་ཁྱེའུའི་ཆ་བྱད་དུ་མངོན་པར་སྤྲུལ་ནས། བཅོམ་ལྡན་འདས་ཀྱི་རྗེས་བཞིན་རྗེས་བཞིན་དུ་འབྲང་ཞིང་འདི་སྐད་ཅེས་ཀྱང་སྨྲས་སོ། །དགེ་སྦྱོང་དགེ་སྦྱོང ། བསོད་སྙོམས་ཁམ་འགའ་ཡང་མ་རྙེད་དམ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མ། ཉེ་བར་འོངས་པ་འདི་ནི། བདུད་སྡིག་ཅན་ཡིན་ཏེ། འདི་ལྟ་སྟེ། རྣམ་པར་དཀྲུག་པའི་ལས་བྱེད་དོ། །སྙམ་དུ་ཐུགས་སུ་ཆུད་ནས་ཚིགས་སུ་བཅད་དེ་བཀའ་སྩལ་པ། དེ་བཞིན་གཤེགས་ལ་ཁྱད་བསད་པས། །ཁྱོད་ཀྱིས་བསོད་ནམས་མིན་མང་བསགས། །སངས་རྒྱས་རྣམས་ནི་བརྒལ་དཀའ་བར། །སྡིག་ཅན་ཇི་ག་མི་ཤེས་སམ། ། དགེ་སྦྱོང ། དེའི་ཕྱིར་ན་སླར་ཡང་ས་ལར་བསོད་སྙོམས་ལ་བཞུད་ཅིག་དང ། ཅི་ནས་ཀྱང་བསོད་སྙོམས་རྙེད་པ་དེ་ལྟར་བགྱིའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ང་ལ་ཅི་ཡང་མི་བདོག་པ། །སྐྱེ་མ་ཤིན་ཏུ་བདེར་འཚོ་སྟེ། །འོད་གསལ་ལྷ་རྣམས་ཇི་ལྟ་བར། །དགའ་བ་ཡིན་ནི་ཟས་བཟའ་འོ། །ང་ལ་ཅི་ཡང་མི་བདོག་པ། །ཀྱེ་མ་ཤིན་ཏུ་བདེར་འཚོ་སྟེ། །འཇིག་ཚོགས་ལྟ་ལ་མི་བརྟེན་པས། །དགའ་བ་ཡིན་ནི་ཟས་བཟའ་འོ། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་མའི་སེམས་ཀྱི་བདག་གི་བསམ་པ་ཤེས་སོ། །སྙམ་དུ་རིག་ནས། སྡུག་བསྔལ་དང ། ཡིད་མི་བདེ་བ་དང ། འགྱོད་པས་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་ས་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྲོན་པ་ཅན་གང་ན་པར་འདོད་དོ། །བཙུན་པ།
Kha136a
༄#། །བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་ཁྲོན་པ་ཅན་དུ་བྱོན་ཏོ། །ཁྲོན་པ་ཅན་ན་བུད་མེད་གཞན་ཞིག་འཕྱང་ཐག་དང་ཆུ་སྣོད་ཁྱེར་ཏེ་ཁྲོན་པའི་དྲུང་དུ་སོང་བ་དང ། སྐྱེས་པ་གཞན་ཞིག་དེ་ལ་ཆགས་པའི་ཀུན་ནས་དཀྲིས་པའི་སེམས་ཀྱིས་རྗེས་བཞིན་རྗེས་བཞིན་དུ་འབྲང་བ་དང ། དེ་ཡང་ལྷག་པར་དེ་ལ་ཆགས་པས་དེ་གཉིས་ཕན་ཚུན་དུ་འཐམ་ཞིང་ཁྲོན་པར་དོང་ངོ ། །དེའི་བུ་ཁྱེའུ་ཆུང་ངུ་མ་ཞིག་དེ་དང་ལྷན་ཅིག་ཕྱི་བཞིན་འབྲང་ཞིང་སོང་ངོ ། །དེ་ནས་དེ་སྐྱེས་པ་ལ་རྟོག་ཅིང་ཆུ་སྣོད་བཏང་ངོ་སྙམ་སྟེ། ཁྱེའུ་ཆུང་དེའི་མགུལ་ན་ཐག་པས་བཏགས་ཏེ་བཏང་བ་ལས་ཤི་བར་གྱུར་ཏོ། །དེ་སྔོན་མ་ཐོས་པའི་ཚིགས་སུ་བཅད་པ་ཐོས་པ། འདོད་པ་ཁྱོད་རྩ་ངས་ཤེས་ཏེ།། རྟོག་པ་ལས་ནི་འདོད་པ་སྐྱེས། །ཁྱོད་ལ་རྟོག་པ་མ་བྱས་དང ། །དེ་ནས་ང་ལ་མི་འབྱུང་ངོ ། །བཅོམ་ལྡན་འདས་ཀྱང་ལམ་དེ་ནས་གཤེགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཚིགས་སུ་བཅད་པ་འདི་ཟུངས་ཤིག་།ཚིགས་སུ་བཅད་པ་འདི་ནི། འདས་པའི་ཡང་དག་པར་རྫོགས་པའི་སངས་རྒྱས་ཀྱིས་གསུངས་པ་ཡིན་ཏེ། འདི་སོ་སོའི་སྐྱེ་བོའི་ལག་ཏུ་འོངས་པས་མི་སྣང ། མི་གསལ། རྣམ་པར་མི་གསལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ངས་ཇི་ལྟར་སེམས་འདི་མྱུར་དུ་འགྱུར་བ་དེ་ལྟ་བུའི་ཆོས་ནི།
Kha136b
གཅིག་ཀྱང་མ་མཐོང་ངོ ། །དེ་ནས་བུད་མེད་དེ་བུའི་མྱ་ངན་གྱིས་གདུངས་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་པ་དང ། བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་མཁྱེན་ནས་དེ་དང་མཐུན་པའི་ཆོས་བཤད་པ་མཛད་དེ། དེ་ཐོས་པས་བུད་མེད་དེས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ། བདག་ལ་འདི་ལྟ་བུ་ནི། མས་མ་བགྱིས་ཏེ། ཕས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། སྔ་མ་འདས་པ་རྣམས་ཀྱིས་མ་ལགས། དགེ་སྦྱོང་དང་བྲམ་ཟེ་རྣམས་ཀྱིས་མ་ལགས། སྡུག་བས་མ་ལགས། རང་གི་སྐྱེ་བོ་དང་གཉེན་གྱི་ཚོགས་ཀྱིས་མ་ལགས་པ་གང་ལགས་པ། བཅོམ་ལྡན་འདས་ཀྱིས་བདག་ལ་མཛད་དེ། བདག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་ངན་སོང་རྣམས་ཀྱི་སྒོ་ནི་བཀུམ། མཐོ་རིས་དང་ཐར་པའི་སྒོ་རྣམས་ནི་ཕྱེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ནས་ནི། རྐང་པ་དྲངས། ལྷ་དང་མི་རྣམས་སུ་ནི། རབ་ཏུ་བཞག་།འཁོར་བ་ལས་ནི། ཐག་བསྲིངས། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་བོ་ལས་ནི། བསྒྲལ། ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ནི། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་
Kha137a
༄#། །དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ། བདག་ནི། འཕགས་སོ། །མངོན་པར་འཕགས་སོ། །བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆིས་ལགས་ཀྱི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ང་བྱང་ཆུབ་སེམས་དཔར་གྱུར་པ་ན། ཕྱོགས་འདི་ཉིད་དུ་དྲང་སྲོང་ངན་སྤོང་གི་བུས་གདན་དང་རྩ་བ་དང་འབྲས་བུ་ལ་སྤྱན་དྲངས་སོ། །ཕྱོགས་གཞན་ཞིག་ཏུ་ཡང་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ང་བྱང་ཆུབ་སེམས་དཔར་གྱུར་པ་ན། རྒ་བ་ལ་སོགས་པས་ཡིད་བྱུང་སྟེ།་ཕྱོགས་འདི་ཉིད་དུ་ལྷའི་དབང་པོ་བརྒྱ་བྱིན་རྔོན་པའི་ཆ་བྱད་དུ་བྱས་པ་ལ་ཀ་ཤི་ཀའི་རས་ཕྲན་བྱིན་ནས་གོས་ངུར་སྨྲིག་བླངས་པ་ཡིན་ཏེ། བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་ངུར་སྨྲིག་བླངས་པ་ཞེས་བྱ་བའི་མཆོད་རྟེན་བརྩིགས་ཏེ། ད་དུང་དུ་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་བྱེད་དོ། །ལྷའི་དབང་པོ་བརྒྱ་བྱིན་གྱིས་ཀྱང་ཀ་ཤི་ཀའི་རས་ཕྲན་སུམ་ཅུ་རྩ་གསུམ་པའི་ལྷའི་ནང་དུ་ཁྱེར་ཏེ་བཞག་ནས་ཀ་ཤི་ཀའི་དུས་མཆོད་ཆེན་པོ་བཙུགས་ཏེ། ད་དུང་དུ་ཡང་དེ་ལ་སུམ་ཅུ་རྩ་གསུམ་པའི་ལྷ་དག་བྱ་བ་བྱེད་དོ། །ཕྱོགས་གཞན་ཞིག་ཏུ་ཡང་བཅོམ་ལྡན་འདས་ཀྱིས་
Kha137b
བཀའ་སྩལ་པ། ཀུན་དགའ་བོ། ང་བྱང་ཆུབ་སེམས་དཔར་གྱུར་པ་ན། ཕྱོགས་འདིར་རལ་གྲི་ཨུཏྤ་ལ་སྔོན་པོ་འདྲ་བས་དབུ་སྐྲ་བྲེགས་ནས་སྟེང་གི་ནམ་མཁའ་ལ་འཕངས་པ་ཡིན་ཏེ། བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་དབུ་སྐྲ་བླངས་པ་ཞེས་བྱ་བའི་མཆོད་རྟེན་བརྩིགས་ཏེ། ད་དུང་དུ་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་བྱེད་དོ། །ལྷའི་དབང་པོ་བརྒྱ་བྱིན་གྱིས་ཀྱང་དབུ་སྐྲ་སུམ་ཅུ་རྩ་གསུམ་པའི་ལྷའི་ནང་དུ་ཁྱེར་ཏེ་བཞག་ནས་གཙུག་ཕུད་ཀྱི་དུས་མཆོད་ཆེན་པོ་བཙུགས་ཏེ། ད་དུང་དུ་ཡང་དེ་ལ་སུམ་ཅུ་རྩ་གསུམ་པའི་ལྷ་རྣམས་བྱ་བ་བྱེད་དོ། །ཕྱོགས་གཞན་ཞིག་ཏུ་ཡང་བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཕྱོགས་འདིར་རྟའི་རྒྱལ་པོ་བསྔགས་ལྡན་འདུན་པས་ཁྲིད་ནས་སླར་བཏང་བ་ཡིན་ཏེ། བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་བསྔགས་ལྡན་སླར་བཏང་བ་ཞེས་བྱ་བའི་མཆོད་རྟེན་བརྩིགས་ཏེ། ད་དུང་ངུ་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་བྱེད་དོ། །དེ་ནས་བཅོམ་ལྡན་འདས་ཡུལ་གནག་ལྷས་ཅན་དུ་བྱོན་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། གནག་ལྷས་ཅན་འདིར་རིགས་ཀྱི་བུ་འདུན་པ་བཙས་ནས་འདི་ཉིད་དུ་ཆེན་པོར་གྱུར་ཏོ། །དེ་ནས་བཅོམ་ལྡན་འདས་སྡིག་ཅན་དུ་བྱོན་ཏེ། སྡིག་ཅན་གྱི་གྱད་རྣམས་ཀྱིས་བཅོམ་ལྡན་འདས་སྡིག་ཅན་དུ་གཤེགས་སོ། །ཞེས་ཐོས་སོ། །ཐོས་ནས་ཀྱང་རྒན་རབས་རྒན་རབས་
Kha138a
༄#། །རྣམས་ཀྱིས་སྨྲས་པ། གཞོན་ནུ་གང་ཡིན་པ་དེ་དག་གིས་ལམ་བཟང་པོར་བྱོས་ཤིག་།བདག་ཅག་གིས་ནི། གྲོང་ཁྱེར་བཟང་པོར་བྱའོ། །དེ་ནས་གཞོན་ནུ་རྣམས་ཀྱིས་ལམ་བཟང་པོར་བྱ་བར་བརྩམས་པ་ན། དེ་རྣམས་ཀྱི་ཕ་བོང་ཞིག་མཐོང་ནས་དེ་རྣམས་ཀྱིས་དེ་དོར་བར་བརྩམས་པ་ལས། འདོར་བར་མ་ནུས་སོ། །བཅོམ་ལྡན་འདས་ཀྱང་ཕྱོགས་དེ་ཉིད་དུ་གཤེགས་ནས་བཀའ་སྩལ་པ། གནས་འཇོག་དག་།འདི་ཅི་བྱ། བཅོམ་ལྡན་འདས་ཀྱི་སླད་དུ་བཤུལ་བཟང་པོར་བགྱི་ལགས་ན། ཕ་བོང་འདི། དོར་བར་རྔོ་མ་ཐོགས་སོ། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེ་ལྟ་ན་ངས་འདོར་རམ། བཅོམ་ལྡན་འདས་འདོར་དུ་གསོལ། དེ་ནས་བཅོམ་ལྡན་འདས་ཀྱི་ཞབས་གཡས་པའི་མཐེ་བོས་ཕ་བོང་སྟེང་གི་ནམ་མཁའ་ལ་འཕགས་ཏེ། མིག་རྒྱང་གིས་ཀྱང་མི་སོད་པར་བོར་བ་དང ། དེའི་སྒྲས་གྱད་རྣམས་སྡངས་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་དག་།མ་འཇིགས་ཤིག། དེ་ནས་བཅོམ་ལྡན་འདས་ཀྱི་རྫུ་འཕྲུལ་གྱི་སྟོབས་ཀྱིས་ཕ་བོང་དེ་ཕྱེ་མར་བརླགས་ནས་རྡུལ་དབབ་པར་བརྩམས་སོ། །གྱད་རྣམས་ཀྱིས་གསོལ་པ། བཅོམ་ལྡན་འདས། རྡུལ་ག་ལས་འབབ་ལགས། བཅོམ་ལྡན་འདས་ཀྱིས། བཀའ་སྩལ་པ། དེ་བཞིན་གཤེགས་པས་ཕ་བོང་དེ་ཕྱེ་མར་བརླགས་པ་ཡིན་ནོ། །བཅོམ་ལྡན་འདས་མ་ལེགས་པ་ཞིག་བགྱིས་སོ། །ཅི། སླར་མཚམས་སྦྱར་རམ། བཅོམ་ལྡན་འདས། སླར་
Kha138b
མཚམས་སྦྱར་དུ་གསོལ། དེ་ནས་བཅོམ་ལྡན་འདས་ཀྱིས་མོས་པའི་སྟོབས་ཀྱིས་སླར་སྦྱར་ནས་གནས་ཇི་ལྟ་བ་བཞིན་དུ་བཞག་སྟེ། བཅོམ་ལྡན་འདས་ཀྱང་དེ་ཉིད་ན་བཞུགས་སོ། །གྱད་ལྔ་བརྒྱ་པོ་དེ་དག་ཀྱང་དེ་ཉིད་དུ་ཚོགས་ནས་གསོལ་པ། བཅོམ་ལྡན་འདས། བཅོམ་ལྡན་འདས་ཀྱིས་ཕ་བོང་དེ་སྟོབས་གང་གིས་འཕངས་ལགས། བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་དག་ཡབ་དང་ཡུམ་ལས་བྱུང་བའི་སྟོབས་ཀྱིས་སོ། །དེ་རྣམས་ཀྱིས་གསོལ་པ། སྟོབས་གང་གིས་ཕྱེ་མར་བརླགས་ལགས། བཅོམ་ལྡན་འདས་ཀྱིས་བཀའ་སྩལ་པ། རྫུ་འཕྲུལ་གྱི་སྟོབས་ཀྱིས་སོ། །གང་གིས་སླར་མཚམས་སྦྱོར་ལགས། མོས་པའི་སྟོབས་ཀྱིས་སོ། །བཅོམ་ལྡན་འདས་ཀྱི་ཡབ་དང་ཡུམ་ལས་བྱུང་བའི་སྟོབས་ཀྱི་ཚད་ཇི་ཙམ་ལགས། གནས་འཇོག་དག་།མི་བཅུའི་སྟོབས་གང་ཡིན་པ་དེ་ནི། གླང་ཕལ་བ་གཅིག་གི་ཡིན་ནོ། །གླང་ཕལ་པ་བཅུའི་སྟོབས་གང་ཡིན་པ་དེ་ནི། བ་མེད་སྔོན་པོ་གཅིག་གི་ཡིན་ནོ། །བ་མེན་སྔོན་པོ་བཅུའི་སྟོབས་གང་ཡིན་པ་དེ་ནི། གླང་པོ་ཆེ་ཕྲུ་གུ་གཅིག་གི་ཡིན་ནོ། ། གླང་པོ་ཆེ་ཕྲུ་གུ་བཅུའི་གང་ཡིན་པ་དེ་ནི། གླང་པོ་ཆེ་མོ་གཅིག་གི་ཡིན་ནོ། །གླང་པོ་ཆེ་མོ་བཅུའི་གང་ཡིན་པ་དེ་ནི། གླང་པོ་ཆེ་ཕལ་གཅིག་གི་ཡིན་ནོ། གླང་པོ་ཆེ་ཕལ་བཅུའི་གང་ཡིན་པ་དེ་ནི། གླང་པོ་ཆེ་མཆེ་བ་མེད་གཅིག་གི་ཡིན་ནོ། གླང་པོ་ཆེ་མཆེ་བ་མེད་བཅུའི་གང་ཡིན་པ་དེ་ནི། སྔོན་པོ་གཅིག་གི་ཡིན་ནོ། །སྔོན་པོ་བཅུའི་གང་ཡིན་པ་དེ་ནི། སེར་པོ་གཅིག་གི་ཡིན་ནོ། །སེར་པོ་བཅུའི་གང་ཡིན་
Kha139a
༄#། །པ་དེ་ནི། དམར་པོ་གཅིག་གི་ཡིན་ནོ། །དམར་པོ་བཅུའི་གང་ཡིན་པ་དེ་ནི། དཀར་པོ་གཅིག་གི་ཡིན་ནོ། །དཀར་པོ་བཅུའི་གང་ཡིན་པ་དེ་ནི། འབིགས་བྱེད་ཀྱི་གླང་པོ་གཅིག་གི་ཡིན་ནོ། །འབིགས་བྱེད་ཀྱི་གླང་པོ་ཆེ་བཅུའི་གང་ཡིན་པ་དེ་ནི། སྤོས་ཀྱི་གླང་པོ་ཆེ་གཅིག་གི་ཡིན་ནོ། སྤོས་ཀྱི་གླང་པོ་ཆེ་བཅུའི་གང་ཡིན་པ་དེ་ནི། ཚན་པོ་ཆེ་གཅིག་གི་ཡིན་ནོ། །ཚན་པོ་ཆེ་བཅུའི་གང་ཡིན་པ་དེ་ནི། ཚན་པོ་ཆེ་ཆེན་པོ་གཅིག་གི་ཡིན་ནོ། །ཚན་པོ་ཆེ་ཆེན་པོ་བཅུའི་གང་ཡིན་པ་དེ་ནི། རབ་གནོན་གཅིག་གི་ཡིན་ནོ། །རབ་གནོན་བཅུའི་གང་ཡིན་པ་དེ་ནི། སྟོབས་མཆོག་གཅིག་གི་ཡིན་ནོ། །སྟོབས་མཆོག་བཅུའི་གང་ཡིན་པ་དེ་ནི། སྲེད་མེད་ཀྱི་བུའི་སྟོབས་ཕྱེད་དོ། །སྲེད་མེད་ཀྱི་བུའི་སྟོབས་ཕྱེད་གཉིས་གང་ཡིན་པ་དེ་ནི། སྲེད་མེད་ཀྱི་བུའི་སྟོབས་ཡིན་ཏེ། དེ་དེ་བཞིན་གཤེགས་པའི་ཚིགས་དང་ཚིགས་ཕྲན་དག་ན་ཡོད་པས་གནས་འཇོག་དག་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། སྲེད་མེད་ཀྱི་བུའི་སྟོབས་ཀྱི་ཚོགས་ཅན་ཡིན་ནོ། །བར་སྡོམ་ལ། མི་དང་གླང་དང་བ་མེན་དང་ནི་དེ་བཞིན་གླང་ཆེན་ཕྲུ་གུ་དང ། །གླང་ཆེན་མོ་དང་ཕལ་དང་མཆེ་བ་མེད་དང་དེ་བཞིན་བཞི་ཚན་དང ། ། འབིགས་བྱེད་གླང་ཆེན་སྤོས་ཀྱི་གླང་ཆེན་དང་ནི་ཚན་པོ་ཆེ་གཉིས་དང ། །རབ་གནོན་དང་ནི་སྟོབས་མཆོག་དག་དང་སྲེད་མེད་བུ་ཡི་སྟོབས་གཉིས་སོ། །སྲེད་མེད་ཀྱི་བུའི་སྟོབས་གང་ལགས་
Kha139b
པ་འདི་དེ་བཞིན་གཤེགས་པའི་ཡབ་ཡུམ་ལས་བྱུང་བའི་སྟོབས་ལགས་ན། བཙུན་པ། ཡབ་དང་ཡུམ་ལས་བྱུང་བའི་སྟོབས་དང ། ཏིང་ངེ་འཛིན་གྱི་སྟོབས་དང ། མོས་པའི་སྟོབས་ལས། སྟོབས་གཞན་མཆིས་སམ། གནས་འཇོག་དག། ཡོད་དེ། འདི་ལྟ་སྟེ། བསོད་ནམས་ཀྱི་སྟོབས་ཞེས་བྱ་བ་ཡིན་ཏེ། གནས་འཇོག་དག་།བསོད་ནམས་ཀྱི་སྟོབས་དང་ལྡན་པས་དེ་བཞིན་གཤེགས་པས་བྱང་ཆུབ་ཀྱི་ཤིང་དྲུང་དུ་བདུད་འཁོར་འབྱུང་པོ་བྱེ་བ་སུམ་ཅུ་རྩ་དྲུག་ཅན་བཅོམ་ནས་བླ་ན་མེད་པའི་ཡེ་ཤེས་བརྙེས་སོ། །བཙུན་པ། ཡབ་དང་ཡུམ་ལས་བྱུང་བའི་སྟོབས་དང ། ཏིང་ངེ་འཛིན་གྱི་སྟོབས་དང ། མོས་པའི་སྟོབས་དང ། བསོད་ནམས་ཀྱི་སྟོབས་འདི་བས་ལྷག་པའི་སྟོབས་གཞན་ལྟ་མཆིས་ལགས་སམ། གནས་འཇོག་དག་།ཡོད་དེ། འདི་ལྟ་སྟེ། ཡེ་ཤེས་ཀྱི་སྟོབས་ཞེས་བྱ་བ་ཡིན་ཏེ། ཡེ་ཤེས་ཀྱི་སྟོབས་དང་ལྡན་པས། དེ་བཞིན་གཤེགས་པས་ཐོག་མ་མེད་པའི་དུས་ནས་བསགས་པའི་ཉོན་མོངས་པའི་ཚོགས་པོར། སྤངས་།བསལ་ཏེ་སོ་སོར་སྤངས་སོ། །བཙུན་པ།་ཡབ་དང་ཡུམ་ལས་བྱུང་བའི་སྟོབས་དང ། ཏིང་ངེ་འཛིན་གྱི་སྟོབས་དང ། མོས་པའི་སྟོབས་དང ། བསོད་ནམས་ཀྱི་སྟོབས་དང ། ཡེ་ཤེས་ཀྱི་སྟོབས་འདི་བས་ལྷག་པའི་སྟོབས་གཞན་ལྟ་མཆིས་ལགས་སམ། གནས་འཇོག་དག་།ཡོད་དེ། འདི་ལྟ་སྟེ། རྫུ་འཕྲུལ་གྱི་སྟོབས་ཞེས་བྱ་བ་ཡིན་ཏེ། གནས་འཇོག་དག་།རྫུ་འཕྲུལ་གྱི་སྟོབས་དང་ལྡན་པས། དེ་བཞིན་གཤེགས་པས་འོད་
Kha140a
༄#། །སྲུང་རྫོགས་བྱེད་ལ་སོགས་པ་སྟོན་པ་དྲུག་པོ་ཐམས་ཅད་མཁྱེན་པ་མ་ཡིན་པར་ཐམས་ཅད་མཁྱེན་པར་མངོན་པའི་ང་རྒྱལ་བྱེད་པ་དག་སྤོབས་པ་མེད་པར་བྱས་སོ། །བཙུན་པ། འདི་ལྟར། ཡབ་དང་ཡུམ་ལས་བྱུང་བའི་སྟོབས་དང ། ཏིང་ངེ་འཛིན་གྱི་སྟོབས་དང ། མོས་པའི་སྟོབས་དང ། བསོད་ནམས་ཀྱི་སྟོབས་དང ། ཡེ་ཤེས་ཀྱི་སྟོབས་དང ། རྫུ་འཕྲུལ་གྱི་སྟོབས་འདི་བས་ལྷག་པའི་སྟོབས་གཞན་ལྟ་མཆིས་ལགས་སམ། གནས་འཇོག་དག་།ཡོད་དེ། འདི་ལྟ་སྟེ། མི་རྟག་པའི་སྟོབས་ཞེས་བྱ་བ་ཡོད་དེ། གནས་འཇོག་དག་།མི་རྟག་པའི་སྟོབས་དང་ལྡན་པས། དེ་བཞིན་གཤེགས་པའི་ཡབ་དང་ཡུམ་ལས་བྱུང་བའི་སྟོབས་གང་ཡིན་པ་དང ། བསོད་ནམས་ཀྱི་སྟོབས་གང་ཡིན་པ་དང ། ཏིང་ངེ་འཛིན་གྱི་སྟོབས་གང་ཡིན་པ་དང ། མོས་པའི་སྟོབས་གང་ཡིན་པ་དང ། ཡེ་ཤེས་ཀྱི་སྟོབས་གང་ཡིན་པ་དང ། རྫུ་འཕྲུལ་གྱི་སྟོབས་གང་ཡིན་པ་དེ་དག་ཐམས་ཅད། ཤིང་སཱ་ལ་ཟུང་གི་བར་དུ་གཟི་མེད་པར་འགྱུར་རོ། །ཚིགས་སུ་བཅད་དེ་ཡང་བཀའ་སྩལ་པ། ཡེ་ཤེས་སྟོབས་དང་བསོད་ནམས་སྟོབས་དང་ནི། །རྫུ་འཕྲུལ་སྟོབས་དང་སྐུ་ཡི་སྟོབས་པས་ཀྱང ། །ང་ཡི་གཟི་བརྗིད་འཇོམས་པར་བྱེད་པ་ཡི། །མི་རྟག་ཉིད་ནི་ཆེས་སྟོབས་ལྡན་པར་འདོད། གང་དུ་གསེར་གྱི་རི་དབང་རྩེ་མོ་ལྟ་བུར་འདུག་པའི་སྐུ། །འདི་འདྲ་མི་རྟག་ཉིད་ཀྱི་གཟི་ཡིས་བཅོམ་ནས་འཇིག་འགྱུར་བ། །མི་རྟག་ཤིན་ཏུ་སྟོབས་དང་ལྡན་པར་
Kha140b
མཁས་པས་ཤེས་བྱ་སྟེ། །གང་དུ་མི་རྟག་ཉིད་ཀྱི་རྫི་བ་མེད་པ་དེ་ཐོབ་བྱ།། །།འདུལ་བ་གཞི། བམ་པོ་སུམ་ཅུ་པ། གནས་འཇོག་དག་།ད་ལྟར་གྱི་མི་རྣམས་ཚེ་དང ། ཁ་དོག་དང ། སྟོབས་དང ། ལོངས་སྤྱོད་ཀྱི་བར་དག་ཉམས་པ་ལ་ལྟོས། རྡོ་འདི་ནི། བསྐལ་པ་དང་པོའི་མི་རྣམས་ཀྱི་པང་ཚད་ཀྱི་རྡོ་ཡིན་ཏེ། འདི་ལ་ལག་རྗེས་ཀྱང་སྣང་ངོ ། །དེ་རྣམས་ཤིན་ཏུ་ཡ་མཚན་སྐྱེས་ནས། དེ་རྣམས་ཀྱི་སྟོབས་ཀྱི་དྲེགས་པ་གང་ཡིན་པ་དེ། མེད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་གྱད་དེ་རྣམས་ཀྱི་བསམ་པ་དང ། བག་ལ་ཉལ་དང ། ཁམས་དང་རང་བཞིན་མཁྱེན་ནས། །དེ་དང་མཐུན་པའི་འཕགས་པའི་བདེན་པ་བཞི་རྟོགས་པར་འགྱུར་བའི་ཆོས་བཤད་པ་མཛད་དེ། དེ་ཐོས་ནས་འཇིག་ཚོགས་ལ་ལྟ་བའི་རི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་རྣམས་ཀྱིས་བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ། འདི་ལྟ་བུ་ནི། བདག་ཅག་ལ་མས་མ་བགྱིས་ཏེ། ཕས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། སྔོན་གྱི་འདས་པས་མ་ལགས། དགེ་སྦྱོང་དང་བྲམ་ཟེས་མ་ལགས། སྡུག་པས་མ་ལགས། རང་གི་སྐྱེ་བོ་དང་གཉེན་གྱི་ཚོགས་ཀྱིས་མ་ལགས་པ་གང་ལགས་པ་བདག་ཅག་ལ་མཛད་དེ། བདག་ཅག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ཀྱི་གནས་ནས་ནི།
Kha141a
༄#། །རྐང་པ་དྲངས། ལྷ་དང་མི་རྣམས་སུ་ནི། རབ་ཏུ་བཀོད། འཁོར་བ་ལས་ནི། རིང་དུ་མཛད། ཐོག་མ་མེད་པ་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ། བདག་ཅག་ནི། འཕགས་སོ། །མངོན་པར་འཕགས་སོ། །དེ་ལྟ་བས་ན། བདག་ཅག་ནི། བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཀུ་ཤའི་གྲོང་ཁྱེར་གང་ན་བར་འདོད་ངོ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་གྲོང་ཁྱེར་སྡིག་པ་ཅན་དུ་མ་བཞུད་པར་ཀུ་ཤའི་གྲོང་ཁྱེར་གང་ན་བར་རྒྱུ་ཞིང་གཤེགས་ཏེ་རིམ་གྱིས་རྒྱུ་ཞིང་གཤེགས་པ་དང་ཀུ་ཤའི་གྲོང་ཁྱེར་དུ་བྱོན་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཀུ་ཤའི་གྲོང་ཁྱེར་འདིར་ཤིང་སཱ་ལ་ཟུང་གི་བར་དུ་རིང་པོ་མི་ཐོགས་པ་ཁོ་ནར་དེ་བཞིན་གཤེགས་པ་ཡོངས་སུ་མྱ་ངན་ལས་འདའ་བར་འགྱུར་རོ། །སྡོམ་ལ། སྟེའུ་དང་ལྷས་
Kha141b
བལྟས་ལུམྦི་ནི། །སེར་སྐྱ་དང་ནི་ཤིང་འདའ་དང ། །གསེར་ཐུབ་ཞིང་པ་ཆོས་གོས་དང ། །ཁྲུས་དང་བྱེ་ཅན་བཅུ་ཚོགས་ཡིན། །བཅོམ་ལྡན་འདས་སྒྲ་ངན་ན་སྒྲ་ངན་རྣམས་ཀྱི་གྲོང་རྡལ་ཁྲ་བོ་འདུལ་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངས་ཟག་པ་ཟད་པ་ཤེས་ཤིང་མཐོང་ནས་གསུངས་ཏེ། རྒྱས་པར་ཡང་དག་པར་ལྡན་པའི་ལུང་ལས་ཕུང་པོའི་ལེའུ་ལས་སྟེའུ་ལྟ་བུའི་མདོ་འབྱུང་བ་ཡིན་ནོ། །ལྷས་བལྟས་སུ་བྱོན་ནས་དེར་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ལྷས་བལྟས་འདིར་ཤཱཀྱ་ཤིན་ཏུ་བློ་གསལ་བཙས་ཏེ། འདི་ཉིད་དུ་ཆེན་པོར་གྱུར་ཏོ། །ལུམྦི་ནིར་གཤེགས་ནས་དེ་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ལུམྦི་ནིའི་ཚལ་འདིར་ང་བཙས་ནས་རིང་པོ་མ་ལོན་ཞིང་སུས་ཀྱང་མ་བསླངས་པར་གོམ་པ་བདུན་པོར་ནས་ངས་ཕྱོགས་བཞིར་བལྟས་ཏེ། ངའི་སྲིད་པའི་སྐྱེ་བའི་མཐའ་ནི། འདི་ཡིན་ནོ། །ཞེས་ཚིག་ཏུ་སྨྲས་སོ། །སེར་སྐྱའི་གནས་སུ་བྱོན་ནས། དེས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སེར་སྐྱའི་གནས་འདིར་རྒྱལ་པོ་ཟས་གཙང་བཙས་ཏེ་འདི་ཉིད་དུ་ཆེན་པོར་གྱུར་ཏོ། །ཤིང་བལ་གྱི་འདའ་བ་ཅན་དུ་བྱོན་ནས། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ཆོས་བཞིན་མ་ཡིན་པ་དང ། ཆོས་ཀྱི་འཁོར་བཤད་ཀྱི། ལེགས་པར་ཉོན་ལ་ཡིད་ལ་ཟུངས་ཤིག་དང་བཤད་དོ། །ཆོས་མ་ཡིན་
Kha142a
༄#། །པའི་འཁོར་གང་ཞེ་ན། འཁོར་གང་ཞིག་འདུན་པས་འགྲོ་བ་དང ། ཞེ་སྡང་དང ། གཏི་མུག་དང ། འཇིགས་པས་འགྲོ་བ་སྟེ། འདི་ནི། ཆོས་མ་ཡིན་པའི་འཁོར་ཞེས་བྱའོ། །ཆོས་ཀྱི་འཁོར་གང་ཞེ་ན། འཁོར་གང་ཞིག་འདུན་པས་འགྲོ་བ་མ་ཡིན། ཞེ་སྡང་གིས་མ་ཡིན། གཏི་མུག་གིས་མ་ཡིན། འཇིགས་པས་འགྲོ་བ་མ་ཡིན་པ་སྟེ། འདི་ནི། ཆོས་ཀྱི་འཁོར་ཞེས་བྱའོ། །དགེ་སློང་དག། ངས་ཁྱེད་ལ་ཆོས་མ་ཡིན་པ་དང ། ཆོས་ཀྱི་འཁོར་ངས་བཤད་དོ། །ཞེས་གང་གསུངས་པ་བཤད་པ་ནི། དེ་ཡིན་ནོ། །མཚམས་ཅན་གྱི་གྲོང་དུ་བྱོན་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། མཚམས་ཅན་གྱི་གྲོང་འདིར་ཡང་དག་པར་རྫོགས་པའི་སངས་རྒྱས་གསེར་ཐུབ་བལྟམས་ཏེ། འདི་ཉིད་དུ་ཡོངས་སུ་མྱ་ངན་ལས་འདས་སོ། །ཞིང་པའི་གྲོང་ཁྱེར་དུ་བྱོན་ནས་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ང་བྱང་ཆུབ་སེམས་དཔར་གྱུར་པ་ན་ཞིང་པའི་གྲོང་འདིར་ཡབ་ཟས་གཙང་གི་ལས་ཀྱི་མཐའ་རྣམས་ལ་བལྟས་ནས། ཤིང་ཛམྦུའི་གྲིབ་མ་ལ་ཟག་པ་མེད་པ་དང་འདྲ་བར་བསམ་གཏན་དང་པོ་ལ་སྙོམས་པར་བཞུགས་སོ། །ཕྱོགས་གཞན་ཞིག་ན་ཡང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཕྱོགས་འདིར་ཡང་དག་པར་རྫོགས་པའི་སངས་རྒྱས་གསེར་ཐུབ་ཀྱིས་ན་བཟའ་ཆོས་གོས་
Kha142b
བརྐྱང་པ་ཡིན་ནོ། །ཁྲུས་ཀྱི་གྲོང་དུ་བྱོན་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྲུས་ཀྱི་གྲོང་འདིར་ཡང་དག་པར་རྫོགས་པའི་སངས་རྒྱས་གསེར་ཐུབ་ཀྱིས་ཁྲུས་མཛད་པས། དེ་བས་ན། འདིའི་མིང་ཁྲུས་ཀྱི་གྲོང ། ཁྲུས་ཀྱི་གྲོང་ཞེས་བྱ་བར་གྲགས་སོ། །བྱེ་མ་ཅན་དུ་བྱོན་ནས་བྱེ་མ་ཅན་དུ་ཤིང་འཛེག་གི་ཤིང་ལྟ་བུའི་མདོའི་ལམ་གྱི་ཚོགས་རྒྱས་པར་བསྡུས་སོ། །སྡོམ་ལ། འདོད་པ་མཐུན་དང་ཤས་ཆེ་དང ། །ལོ་མ་བདུན་དང་འཆར་ཀ་དང ། །མཉན་ཡོད་གདུ་བུ་ས་ཅན་དང ། །སེང་གེའི་གྲོང་དང་གྲོང་གསར་དང ། །གྲོང་ཁྱེར་དང་ནི་ཁྲིའུ་བརྩེགས། །ཕྱི་མ་ནྱ་གྲོ་དྷ་གྲོང་སྟེ། །གྲོང་ཁྱེར་དེ་དག་བཅུ་གཉིས་གསུངས། །བཅོམ་ལྡན་འདས་འདོད་པ་མཐུན་པ་ན་འདོད་པ་མཐུན་པའི་ནགས་ཁྲོད་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ང་ཟླ་བ་གསུམ་པོ་འདི་ལ་ནང་དུ་ཡང་དག་འཇོག་པར་བཞེད་ཀྱི། ང་ལ་བསོད་སྙོམས་སྟོབ་པ་དང་བཅོ་ལྔ་པའི་གསོ་སྦྱོང་དེ་ཉིད་མ་གཏོགས་པར་དགེ་སློང་སུ་ཡང་མ་འོང་ཞིག་།བཅོམ་ལྡན་འདས་ཟླ་བ་གསུམ་པོ་དེ་ལ་ནང་དུ་ཡང་དག་འཇོག་ལ་ཞུགས་ནས་བསོད་སྙོམས་སྟོབ་པའི་དགེ་སློང་དང ། བཅོ་ལྔ་པའི་གསོ་སྦྱོང་དེ་ཉིད་མ་གཏོགས་པར་དགེ་སློང་སུ་ཡང་དེར་མི་འགྲོའོ། །དེ་ནས་བཅོམ་ལྡན་འདས་ཀྱིས་ཟླ་བ་གསུམ་པོ་དེ་ཁོ་ན་འདས་ནས། དགེ་སློང་གི་དགེ་འདུན་གྱི་གུད་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་
Kha143a
༄#། །བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ལ་གལ་ཏེ་གཞན་མུ་སྟེགས་ཅན་དང ། ཀུན་ཏུ་རྒྱུ་རྣམས་ཉེ་བར་ལྷགས་ནས་འདི་སྐད་ཅེས་འདི་སྟེ། དགེ་སྦྱོང་གོའུ་ཏ་མ་གནས་པ་གང་ཞིག་གིས་ཟླ་བ་གསུམ་པོ་འདི་ལ་ནང་དུ་ཡང་དག་བཞག་པར་གྱུར་ཅེས་འདྲི་ན། དེ་སྐད་ཅེས་དྲིས་པ་ལ་དབུགས་རྔུབ་པ་དང་འབྱུང་བས་བཞུགས་སོ། །ཞེས་བརྗོད་པར་བྱའོ། །དེ་ཅིའི་ཕྱིར་ཞེ་ན། དགེ་སློང་དག། ང་ནི། ཟླ་བ་གསུམ་པོ་འདི་ལ་དབུགས་རྔུབ་པ་དང ། དབུགས་འབྱུང་བ་དྲན་པའི་གནས་པས་ནང་དུ་ཡང་དག་བཞག་སྟེ། ངས་དྲན་བཞིན་དུ་དབུགས་རྔུབས་ན་ཡང་དྲན་བཞིན་དུ་རྔུབས་སོ། །སྙམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དྲན་བཞིན་དུ་དབུགས་ཕྱུང་ན་ཡང་དྲན་བཞིན་དུ་དབུགས་ཕྱུང་ངོ ། །སྙམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །རིང་པོ་དང ། ཐུང་ངུ་དང ། ལུས་ཐམས་ཅད་ཡང་དག་པར་མྱོང་ནས་དབུགས་རྔུབས་ན། ལུས་ཐམས་ཅད་ཡང་དག་པར་མྱོང་ནས་དབུགས་རྔུབས་སོ། །སྙམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ལུས་ཐམས་ཅད་ཡང་དག་པར་མྱོང་ནས་དབུགས་ཕྱུང་ན་ཡང་ལུས་ཐམས་ཅད་ཡང་དག་པར་མྱོང་ནས་དབུགས་ཕྱུང་ངོ། །སྙམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ལུས་ཀྱི་འདུ་བྱེད་ཤིན་ཏུ་སྦྱངས་ནས་དབུགས་རྔུབས་པ་དང ། ལུས་ཀྱི་འདུ་བྱེད་ཤིན་ཏུ་སྦྱངས་ནས་དབུགས་ཕྱུང་ན་ཡང་དབུགས་
Kha143b
ཕྱུང་ངོ ། །དབུགས་རྔུབས་སོ། །སྙམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཞེས་བྱ་བ་ནས། འགོག་པར་རྗེས་སུ་ལྟ་ཞིང་དབུགས་ཕྱུང་ངོ ། །སྙམ་དུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག། དེ་ལ་ང་འདི་སྙམ་དུ་སེམས་ཏེ། བདག་གིས་གནས་པ་རགས་པ་མངོན་པར་འདུས་བྱས་ཤིང་བསམ་གྱི། མ་ལ་བདག་གིས་གནས་པ་དེ་ཉིད་ལས་ཡང་དག་པར་འདས་ཏེ་བོར་ནས། ཆེས་ཕྲ་བ་འདིས་ལན་མང་དུ་གནས་པར་བྱའོ། །སྙམ་ནས་ངས་གནས་པ་དེ་ཉིད་ལས་ཡང་དག་པར་འདའ་བར་བྱ་བའི་ཕྱིར་བོར་ནས་གནས་པ་ཆེས་ཕྲ་བ་འདིས་ལན་མང་དུ་གནས་སོ། །དེ་ནས་ལྷ་གསུམ་ཞིག་ང་གང་ན་བ་དེར་འོངས་ཏེ་ཕྱིན་ནས་ལྷ་གཅིག་ནི། འདི་སྐད་ཅེས། དགེ་སྦྱོང་གོའུ་ཏ་མ་ནོངས་སོ། །ཞེས་ཟེར་རོ། །གཉིས་པ་ནི། འདི་སྐད་ཅེས། འདི་ནོངས་པ་ནི། མ་ཡིན་ཏེ། འོན་ཀྱང་ནོངས་པར་མཛད་པ་ཡིན་ནོ། །ཞེས་ཟེར་རོ། །ལྷ་གསུམ་པ་ནི། འདི་སྐད་ཅེས། ནོངས་པ་ཡང་མ་ཡིན། ནོངས་པར་མཛད་པ་ཡང་མ་ཡིན་ཏེ། འོན་ཀྱང་དགྲ་བཅོམ་པ་རྣམས་ཀྱི་གནས་པ་ནི། འདི་ལྟ་བུར་ཞི་བ་ཁོ་ན་ཡིན་ནོ། །ཞེས་ཟེར་རོ། །དགེ་སློང་དག། གང་ཡང་དག་པར་སྨྲ་བ་ན་འཕགས་པའི་གནས་པ་དང ། ལྷའི་གནས་པ་དང ། ཚངས་པའི་གནས་པ་དང ། མི་སློབ་པའི་གནས་པ་ཞེས་སྨྲ་བར་འགྱུར་བ་གང་ཡིན་པ་དེ་ནི། དེ་བཞིན་གཤེགས་པའི་གནས་པ་ཡིན་ཏེ། སློབ་པའི་གང་ཟག་རྣམས་མ་ཐོབ་པ་ཐོབ་པར་བྱ་བ་དང །
Kha144a
༄#། །མ་རྟོགས་པ་རྟོགས་པར་བྱ་བ་དང ། མངོན་སུམ་དུ་མ་བྱས་པ་མངོན་སུམ་དུ་བྱ་བའི་ཕྱིར་ཞུགས་པ་ཡིན། མི་སློབ་པའི་གང་ཟག་རྣམས་མཐོང་བའི་ཆོས་ཁོ་ན་ལ་བདེ་བར་གནས་པར་བྱ་བའི་ཕྱིར་ཞུགས་པ་ཡིན་ནོ། །དེ་ཡང་དག་པར་སྨྲ་བ་ན་དབུགས་རྔུབ་པ་དང ། དབུགས་འབྱུང་བའི་དྲན་པས་གནས་པ་སྨྲ་བར་འགྱུར་རོ། །དེ་ཅིའི་ཕྱིར་ཞེ་ན། དགེ་སློང་དག། དབུགས་རྔུབ་པ་དང་འབྱུང་བ་དྲན་པས་གནས་པ་ནི། འཕགས་པའི་གནས་པ་དང་ཞེས་བྱ་བ་ནས་མི་སློབ་པ་རྣམས་མཐོང་བའི་ཆོས་ལ་བདེ་བར་གནས་པའི་ཕྱིར་ཞུགས་པ་ཡིན་ནོ། །ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀོ་ས་ལ་ནས་ལྗོངས་རྒྱུ་ཞིང་གཤེགས་པ་ན། འདོད་པ་མཐུན་པར་བྱོན་ནས་འདོད་པ་མཐུན་པ་ན་འདོད་པ་མཐུན་པའི་ནགས་ཁྲོད་ན་བཞུགས་སོ། །དེའི་ཚེ་བྲམ་ཟེ་པདྨའི་སྙིང་པོ་ཞེས་བྱ་བ་ལ། ཀོ་ས་ལའི་རྒྱལ་པོ་གསལ་རྒྱལ་གྱིས་དཔྱ་རྒྱུ་རྩཝ་དང ། ཤིང་དང ། ཆུར་བཅས་པར་བྲམ་ཟེའི་སྦྱིན་གཏོང་དུ་བྱིན་ནས་ཤས་ཆེན་པོ་རྒྱས་པ་ལ་ལོངས་སྤྱོད་དོ། །བྲམ་ཟེ་པདྨའི་སྙིང་པོ་སློབ་མ་བྲམ་ཟེའི་ཁྱེའུ་མ་སྡུག་ཅེས་བྱ་བ་མང་དུ་ཐོས་པ། ཚིག་གསལ་བ། ཐགས་ཐོགས་མེད་པར་སྨྲ་བ་ཞིག་ཡོད་དེ། བྲམ་ཟེ་པདྨའི་སྙིང་པོའི་བྲམ་ཟེའི་ཁྱེའུ་ལྔ་བརྒྱ་ལ་བྲམ་ཟེ་རྣམས་ཀྱི་གསང་ཚིག་འདོན་དུ་འཇུག་གོ། བྲམ་ཟེའི་པདྨའི་སྙིང་པོས་དགེ་སློང་གོའུ་ཏ་མ་ཤཱཀྱའི་སྲས། ཤཱཀྱའི་རིགས་ལས་སྐྲ་དང་ཁ་སྤུ་
Kha144b
བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཤེས་ལྡན་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་རྒྱ་ཆེན་པོ་འདི་ལྟ་བུ་འདི་ཕྱོགས་དང་ཕྱོགས་མཚམས་སུ་གྲགས་ཏེ། འདི་ལྟར། བཅོམ་ལྡན་འདས་གོའུ་ཏ་མ་དེ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་དེ་ནི། འཇིག་རྟེན་ལྷ་དང་བཅས། བདུད་དང་བཅས། ཚངས་པ་དང་བཅས། དགེ་སྦྱོང་དང ། བྲམ་ཟེའི་སྐྱེ་རྒུ་དང་བཅས། ལྷ་དང་མིའི་སྐྱེ་རྒུ་དང་བཅས་པ་འདི་ལ་མཐོང་བའི་ཆོས་ཁོ་ན་ལ་རང་ཉིད་ཀྱིས་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་ངའི་ཟག་པ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། ། འདི་ལས་སྲིད་པ་གཞན་མི་ཤེས་སོ། །ཞེས་གོ་བར་བྱེད་པ་དེ། གསང་ཚིག་ལས་ཀྱང་འབྱུང་སྟེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་དེ་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་ནི། གཉིས་ལས་གཞན་དུ་མི་འགྱུར་ཏེ། གལ་ཏེ་ཁྱིམ་ན་གནས་ན་ནི། འཁོར་ལོས་བསྒྱུར་བའི་རྒྱལ་པོ། མཐའ་བཞིར་རྣམ་པར་རྒྱལ་བ། ཆོས་དང་ལྡན་པ་ཆོས་ཀྱི་རྒྱལ་པོ། རིན་པོ་ཆེ་སྣ་བདུན་དང་
Kha145a
༄#། །ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་ནི། འདི་ལྟ་བུ་དག་ཡིན་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་ནི། བློན་པོ་རིན་པོ་ཆེ་ཉིད་ཡིན་ནོ། །དེ་ལ་ཡང་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཡང་ཚང་བར་འབྱུང་བར་འགྱུར་ཞིང ། དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པ་གནོད་པར་བསྡོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བར་འཇིག་རྟེན་དུ་སྒྲ་རྣམ་པར་གྲགས་པར་འགྱུར་པ་དེ། ཀོ་ས་ལར་ལྗོངས་རྒྱུ་ཞིང་གཤེགས་པ་ན་འདོད་པ་མཐུན་པར་བྱོན་ནས། འདོད་པ་མཐུན་པ་ན་འདོད་པ་མཐུན་པའི་ནགས་ཁྲོད་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་བྲམ་ཟེའི་ཁྱེའུ་མ་སྡུག་ལ་སྨྲས་པ། མ་སྡུག་ཤེས་སམ། ཁོ་བོས་དགེ་སྦྱོང་གོའུ་ཏ་མ་ཤཱཀྱའི་སྲས། ཤཱཀྱ་རིགས་ལས་སྒྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་
Kha145b
མེད་པར་རབ་ཏུ་བྱུང་ནས་ཞེས་བྱ་བ་ནས་ཚངས་པར་སྤྱོད་པ་རབ་ཏུ་བསྟེན་ཏོ། །ཞེས་བྱ་བའི་བར་དུ་སྟེ། ཁོ་བོས་དེ་གསང་ཚིག་དག་ལས་བཏོན་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་དེ་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་ནི། གཉིས་ལས་གཞན་དུ་མི་འགྱུར་ཏེ། གལ་ཏེ་ཁྱིམ་ན་གནས་ན་ནི། འཁོར་ལོས་བསྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ་ཆོས་དང་ལྡན་པ། ཆོས་ཀྱི་རྒྱལ་པོ་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །ཞེས་བྱ་བའི་བར་དུ་སྟེ། དེ་ཀོ་ས་ལ་ནས་ལྗོངས་རྒྱུ་ཞིང་གཤེགས་པ་ན་འདོད་པ་མཐུན་པར་བྱོན་ནས་འདོད་པ་མཐུན་པ་ན་འདོད་པ་མཐུན་པའི་ནགས་ཁྲོད་ན་བཞུགས་སོ། །ཞེས་ཐོས་ཀྱི། བྲམ་ཟེའི་ཁྱེའུ། ཚུར་ཁྱོད་ཤེས་ལྡན་གོའུ་ཏ་མ་གང་ན་བ་དེར་སོང་ཞིག་དང་ཕྱིན་ནས་ཇི་ག་ཤེས་ལྡན་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་རྒྱ་ཆེན་པོ་ཕྱོགས་དང་ཕྱོགས་མཚམས་སུ་ཇི་ལྟར་གྲགས་པ་དེ་ཁོ་ན་བཞིན་ཡིན་ནམ་མ་ཡིན་པ་དང ། དེའི་མཚན་རྣམས་གྲགས་པ་ཡང་དག་པ་ཡིན་ནམ་མ་ཡིན། རང་ཉིད་ཀྱིས་རབ་ཏུ་ཤེས་པར་འགྱུར་གྲང ། བྲམ་ཟེའི་ཁྱེའུ་མ་སྡུག་གིས་བྲམ་ཟེ་པདྨའི་སྙིང་པོ་ལྟར་མཉན་ནས། ཤས་ཆེ་བའི་བྲམ་ཟེ་རྒན་རབས་རྒན་རབས་མང་པོ་དང་ལྷན་ཅིག་ཏུ་ཤས་ཆེ་བ་ནས་བྱུང་ནས། བཅོམ་ལྡན་འདས་གང་བ་ན་དེར་དོང་སྟེ་ལྷགས་ནས་ཕྱོགས་གཅིག་ཏུ་འདུག་གོ་།དེ་ནས་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་བཅོམ་ལྡན་
Kha146a
༄#། །འདས་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ།། ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱིས་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། བཅོམ་ལྡན་འདས་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་ལ་ཆོས་དང་ལྡན་པའི་གཏམ་གསུང་བ་ན། བྲམ་ཟེའི་ཁྱེའུ་མ་སྡུག་མཆིལ་ལྷམ་དང་བཅས་པས་འཆག་ཅིང་གློ་བུར་དུ་གཏམ་དག་གླེང་བར་བྱེད་ལ། གཏམ་མཐར་ཕྱིན་པར་མི་སྡོད་པར་མ་གུས་པས་སྙེམས་ཤིང་བཟློག་པར་སེམས་སོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ། ཁྱོད་བྲམ་ཟེ་གསུམ་རིག་པ་རྣམས་དང་ལྷན་ཅིག་གློ་བུར་གྱི་གཏམ་དེ་ལྟ་བུ་སྨྲའམ། ཀྱེ་དགེ་སྦྱོང་གོའུ་ཏ་མ། གཏམ་ཇི་ལྟ་བུ་ཞིག་།ཇི་ལྟར་དེ་བཞིན་གཤེགས་པ་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་ལ་ཆོས་དང་ལྡན་པའི་གཏམ་གསུང་བ་ན། ཁྱོད་མཆིལ་ལྷམ་དང་བཅས་པས་འཆག་ཅིང་གློ་བུར་དུ་གཏམ་དག་གླེང་བར་བྱེད་ལ། གཏམ་མཐར་ཕྱིན་པར་མི་སྡོད་པར་མ་གུས་པས་སྙེམས་ཤིང་སླར་བཟློག་
Kha146b
པར་སེམས་པ་ལྟ་བུའོ། །ཀྱེ་གོའུ་ཏ་མ། བྲམ་ཟེ་འགྲོ་བ་རྣམས་ནི། བྲམ་ཟེ་འགྲོ་བ་རྣམས་དང ། འགྲེང་བ་རྣམས་ནི། འགྲེང་བ་རྣམས་དང ། འདུག་པ་རྣམས་ནི། འདུག་པ་རྣམས་དང ། ཉལ་བ་རྣམས་ནི། ཉལ་བ་རྣམས་དང་ཕན་ཚུན་ལེགས་པར་སྨྲའི། དགེ་སྦྱོང་མགོ་རེག་ནག་པོའི་རྩ་ལག་ཕོ་རེང་གང་དག་ཡིན་པ་དེ་དག་དང་ཁོ་བོ་ལྷན་ཅིག་ཏུ་འདི་ལྟ་བུའི་གློ་བུར་གྱི་གཏམ་གླེང་དུ་རུང་སྟེ། དཔེར་ན། ད་ལྟར་ཤེས་ལྡན་གོའུ་ཏ་མ་དང་གླེང་བ་བཞིན་ནོ། །བྲམ་ཟེའི་ཁྱེའུ། ཁྱོད་དོན་དུ་གཉེར་བ་ལ་ཞུགས་ནས་འདིར་འོངས་ན། དེ་ལྟ་བུ་ནི། བསྙེན་བཀུར་མ་བྱས་པ་ལས་གཞན་ལ་མེད་པར་བྲམ་ཟེའི་ཁྱེའུ་མ་སྡུག་ནི། བླ་མའི་ཚོགས་དག་ལ་བསྙེན་བཀུར་མ་བྱས་པ་ཞིག་ཡིན་པ་ལྟ། དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་ལ་བཀུར་སྟི་མེད་པའི་ཚིག་གིས་སྤྱོས་པ་ན། ཁྲོས། འཁྲུགས། ནང་ཞིང་ཡིད་མ་རངས་ནས་བཅོམ་ལྡན་འདས་ལ་ཁ་བྱ་བར་འདོད། སྤོབས་པར་འདོད། རྩོད་པར་འདོད་དེ། འདི་ཙམ་གྱིས་དགེ་སྦྱོང་གོའུ་ཏ་མ་ལ་ཁ་བྱ་བ་དང ། སྤོབས་པ་དང ། རྩོད་པ་དང ། དྲན་པར་བྱས་པར་འགྱུར་རོ། །སྙམ་དུ་རིག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། ཤཱཀྱ་འདི་དག་ནི། ད་བྱུང་ཁོ་ན་ཡིན་ཏེ། ད་བྱུང་གི་རིགས་ཡིན་པས་བྲམ་ཟེ་རྣམས་ལ་བླ་མ་དང ། རི་མོ་དང ། མཆོད་པ་མི་བྱེད་དོ། །ཅི། བྲམ་ཟེའི་ཁྱེའུ། ཁྱོད་ལ་ཤཱཀྱ་རྣམས་ཀྱིས་གནོད་པ་ཅུང་ཟད་བྱས་སམ། ཀྱེ་གོའུ་ཏ་མ། དུས་གཅིག་ཅིག་ན་བདག་ཉིད་མཁན་པོའི་བྱ་བ་ཞིག་ལ་གྲོང་ཁྱེར་སེར་སྐྱའི་
Kha147a
༄#། །གཞིར་རྐང་པས་ཕྱིན་པ་ན། དེ་ན་བདག་ལ་ཤཱཀྱ་རྣམ་དང ། ཤཱཀྱ་མོ་རྣམས་ཁང་བཟང་གི་སྟེང་དུ་སོང་ནས་མཛུབ་ཀེར་གྱིས་སྟོན་པར་བྱེད་དེ། ཨེ་མའོ། །བྲམ་ཟེ་པདྨའི་སྙིང་པོའི་སློབ་མ་བྲམ་ཟེའི་ཁྱེའུ་མ་སྡུག་ཡིན་ནོ། །བྲམ་ཟེ་པདྨའི་སྙིང་པོའི་སློབ་མ་བྲམ་ཟེའི་ཁྱེའུ་མ་སྡུག་ཡིན་ནོ། །ཞེས་དེ་དག་བདག་ལ་མཛུབ་ཀེར་ཁོ་ནས་སྟོན་པར་བྱེད་ཀྱི། བདག་ལ་བཀུར་སྟི་དང ། བླ་མ་དང ། རི་མོ་དང ། མཆོད་པ་ནི། མི་བྱེད་དོ། །བྲམ་ཟེའི་ཁྱེའུ། རེ་ཞིག་བྱེའུ་ཁུག་རྟ་ཡང་རང་གི་ཚང་ན་འདུག་ན། ཇི་སྐད་འདོད་པར་སྐད་འབྱིན་ན། ཤཱཀྱ་རྣམས་ལྟ་སྨོས་ཀྱང་ཅི་དགོས། བྲམ་ཟེའི་ཁྱེའུ། འདི་ལྟ་སྟེ། གྲོང་ཁྱེར་སེར་སྐྱའི་གཞི་ནི། ཤཱཀྱ་རྣམས་ཀྱི་རང་གི་ཡིན་ནོ། །ཀྱེ་གོའུ་ཏ་མ། རིགས་ནི། འདི་བཞི་སྟེ། བྲམ་ཟེ་དང ། རྒྱལ་རིགས་དང ། རྗེའུའི་རིགས་དང ། དམངས་རིགས་སོ། །ཀྱེ་གོའུ་ཏ་མ། རིགས་བཞི་པོ་འདི་དག་ནི། བྲམ་ཟེ་རྣམས་ལ་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་དོ། །འོན་ཀྱང་ཤཱཀྱ་འདི་དག་ནི། ད་བྱུང་ཁོ་ན་ཡིན་ཏེ།་ད་བྱུང་གི་རིགས་ཡིན་པས་བྲམ་ཟེ་རྣམས་ལ་བཀུར་སྟི་དང ། བླ་མར་མི་བྱེད། རི་མོར་མི་བྱེད། མཆོད་པར་མི་བྱེད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མ་བྲམ་ཟེའི་ཁྱེའུ་མ་སྡུག་འདི། ཤཱཀྱ་རྣམས་ལ་ཨེ་མའོ། །ཤཱཀྱ་རྣམས་ནི། ད་བྱུང་ཡིན། ཨེ་མའོ། །ཤཱཀྱ་རྣམས་ནི། ད་བྱུང་གི་རིགས་ཡིན་པས་ཞེས་ད་བྱུང་ཡིན་པར་ཧ་ཅང་ཁ་ཟེར་བས། མ་ལ་ངས་འདིའི་སྔོན་
Kha147b
གྱི་རིགས་བརྒྱུད་པ་བཙལ་ལོ། །སྙམ་ནས། བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་གི་སྔོན་གྱི་རིགས་བརྒྱུད་བ་བཙལ་བ་དང ། བྲམ་ཟེའི་ཁྱེའུ་མ་སྡུག་ནི། ཤཱཀྱ་རྣམས་ཀྱི་བྲན་མོའི་བུར་གྱུར་ལ། ཤཱཀྱ་རྣམས་ནི། དེའི་ཇོ་བོའི་བུར་གྱུར་པར་གཟིགས་སོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེ་ཁྱེའུ། ཁྱོད་ཀྱི་རིགས་ཅི་ཡིན། གོའུ་ཏ་མ། མིག་མི་འཛུམ་གྱི་བུའོ། །བྲམ་ཟེའི་ཁྱེའུ། འདི་ནས་ངས་ཁྱོད་ཀྱི་སྔོན་གྱི་རིགས་བརྒྱུད་པ་བཙལ་ན། ཁྱོད་ནི། ཤཱཀྱ་རྣམས་ཀྱི་བྲན་མོའི་བུར་གྱུར་པར་མཐོང་ངོ ། །དེ་ནས་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། ཁྱོད་བྲམ་ཟེའི་ཁྱེའུ་མ་སྡུག་ལ་བྲན་མོའི་བུ་ཞེས་ཚིག་ཏུ་མ་གསུངས་ཤིག་།དེ་ཅིའི་སླད་དུ་ཞེ་ན། བྲམ་ཟེའི་ཁྱེའུ་མ་སྡུག་ནི། མང་དུ་ཐོས་པ། ཚིག་གསལ་བ། ཐགས་ཐོགས་མེད་པར་སྨྲ་བ་སྟེ། བྲམ་ཟེའི་ཁྱེའུ་མ་སྡུག་གིས་གཞི་འདི་ལ་ཤེས་ལྡན་གོའུ་ཏ་མ་ལ་ཆོས་དང་མཐུན་པའི་ལན་གདབ་པར་རྔོ་ཐོགས་སོ། །བྲམ་ཟེ་དག་།གལ་ཏེ་ཁྱེད་ཅག་འདི་སྙམ་དུ། བྲམ་ཟེའི་ཁྱེའུ་མ་སྡུག་ང་ལ་ཆོས་དང་མཐུན་པས་ལན་ལྡོན་ནུས་སོ། །སྙམ་དུ་སེམས་ན། ཁྱེད་ཅག་ཅང་མི་སྨྲ་བར་བྲམ་ཟེའི་ཁྱེའུ་མ་སྡུག་གཞི་འདི་ལ་ང་ལ་ཆོས་དང་མཐུན་པའི་ལན་འདེབས་སུ་ཆུག་ཅིག་།བྲམ་ཟེ་དག། ཁྱེད་ཅག་གལ་ཏེ་འདི་སྙམ་དུ། བྲམ་ཟེའི་ཁྱེའུ་མ་སྡུག་།གཞི་འདི་ལ་ང་ལ་ཆོས་དང་མཐུན་པས་ལན་འདེབས་མི་
Kha148a
༄#། །ནུས་སོ། །སྙམ་དུ་སེམས་ན། བྲམ་ཟེའི་ཁྱེའུ་མ་སྡུག་ཅང་མི་སྨྲ་བར་ཁྱེད་ཀྱིས་གཞི་འདི་ལ་ང་ལ་ཆོས་དང་མཐུན་པས་ལན་ཐོབ་ཅིག་།ཀྱེ་གོའུ་ཏ་མ། བྲམ་ཟེའི་ཁྱེའུ་མ་སྡུག་ཉིད་མང་དུ་ཐོས་པ། ཚིག་གསལ་བ། ཐགས་ཐོགས་མེད་པར་སྨྲ་བ་ལགས་ཏེ། བྲམ་ཟེའི་ཁྱེའུ་མ་སྡུག་གིས་གཞི་འདི་ལ་ཤེས་ལྡན་གོའུ་ཏ་མ་ལ་ཆོས་དང་མཐུན་པས་ལན་གདབ་པར་རྔོ་ཐོགས་ཀྱི། གཞན་གྱིས་ནི། མ་ལགས་སོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ། སྔོན་བྱུང་བ། རྒྱལ་པོ་བུ་རམ་ཤིང་སྐྱེས་ཞེས་བྱ་བ་ཞིག་བྱུང་སྟེ། རྒྱལ་པོ་བུ་རམ་ཤིང་སྐྱེས་ལ་བུ་ཞིག་ཡོད་པ། སྐར་མའི་གདོང་དང ། ལག་རྣ་དང ། གླང་པོ་ཆེའི་ཐལ་གོང་དང ། རྐང་རྒྱན་ལྡན་ནོ། །རྒྱལ་པོ་བུ་རམ་ཤིང་སྐྱེས་དེས། ཉེས་པ་འགའ་ཞིག་གི་ཕྱིར་སྤྱུགས་ནས། དེ་དག་རང་རང་གི་སྲིང་མོ་ཁྲིད་དེ་ཡུལ་འཁོར་གཞན་དང ། ཡུལ་གཞན་དུ་དོང་ནས་རིམ་གྱིས་གངས་ཅན་གྱི་ཕྱོགས་ཆུ་བོ་སྐལ་ལྡན་ཤིང་རྟའི་འགྲམ་ན་ཞེས་བྱ་བ་ནས་ཁྱེའུ་དང་བུ་མོ་དག་བཙས་སོ། །ཞེས་བྱ་བའི་བར་དུའོ། །དེ་ནས་རྒྱལ་པོ་བུ་རམ་ཤིང་སྐྱེས་ཀྱིས་བློན་པོ་རྣམས་ལ་སྨྲས་པ། ཀྱེ་གྲོང་པ་དག་།གཞོན་ནུ་རྣམས་དེ་ལྟར་བྱེད་ཕོད་དམ། ལྷ། རྔོ་ཐོགས་ལགས་སོ། །དེ་ནས་རྒྱལ་པོ་བུ་རམ་ཤིང་སྐྱེས་རོ་སྟོད་བསྟོད་ནས་ལག་པ་གཡས་པ་བརྐྱངས་ཏེ་ཆེད་དུ་བརྗོད་པས་ཆེད་དུ་བརྗོད་པ། ཀྱེ་མའོ། །གཞོན་ནུ་རྣམས་ཀྱིས་ཕོད་དོ། །ཞེས་སེམས་
Kha148b
ཅན་དབང་ཆེ་བར་གྲགས་པས་གཞོན་ནུ་རྣམས་ཀྱིས་ཕོད་དོ་ཞེས་ཚིག་ཏུ་སྨྲས་པས། ཤཱཀྱ་ཤཱཀྱ་ཞེས་བྱ་བར་གྲགས་སོ། །བྲམ་ཟེའི་ཁྱེའུ། ཁྱོད་ཀྱིས་ཤཱཀྱ་རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང ། དེ་དག་གི་རིགས་རྒྱུད་དེ་ཡིན་པར་ཅུང་ཟད་ཐོས་སམ། གོའུ་ཏ་མ། བདག་གིས། ཤཱཀྱ་རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང ། དེ་དག་གི་རིགས་རྒྱུད་དེ་ཡིན་པར་ཐོས་སོ། །བྲམ་ཟེའི་ཁྱེའུ། རྒྱལ་པོ་བུ་རམ་ཤིང་སྐྱེས་ཀྱི་བྲན་མོ་སྔོ་ཕོད་མ་ཞེས་བྱ་བ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་ཡོད་པ་དང ། དྲང་སྲོང་གདོལ་པའི་རིགས་ཤིག་དང་ལྷན་ཅིག་འདུས་ནས་དེ་གཉིས་འདུས་པ་ལས་ཁྱེའུ་ཞིག་བཙས་སོ། །གཞོན་ནུ་བཙས་མ་ཐག་ཏུ་ཚིག་ཏུ། ཡུམ། རེ་ཞིག་བདག་དྲིལ་ཕྱིས་དང་བཀྲུ་བ་གྱིས་ལ། མི་གཙང་བ་ལས་ཐར་པར་གྱིས་ཤིག་ཅེས་སྨྲས་སོ། །དེའི་ཚེ་ན་ཤ་ཟ་རྣམས་ཀྱི་མིང་མིག་འཛུམ་གྱི་བུ་ཞེས་བྱ་བ་ལ། གཞོན་ནུ་བཙས་མ་ཐག་ཏུ་ཚིག་ཏུ། ཡུམ། བདག་རེ་ཞིག་དྲིལ་ཕྱིས་དང་བཀྲུ་བ་གྱིས་ལ་མི་གཙང་བ་ལས་ཐར་པར་གྱིས་ཤིག་ཅེས་སྨྲས་པ་དང ། ཀྱེ་མའོ། །མིག་འཛུམ་གྱི་བུ་ཞིག་སྐྱེས་སོ། །ཞེས་མིག་འཛུམ་གྱི་བུ་མིག་འཛུམ་གྱི་བུ་ཞེས་བྱ་བར་གྲགས་སོ། །བྲམ་ཟེའི་ཁྱེའུ། ཁྱོད་ཀྱིས་མིག་འཛུམ་གྱི་བུ་རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང ། དེ་དག་གི་རིགས་རྒྱུད་དེ་ཡིན་པར་ཅུང་ཟད་ཐོས་སམ། དེ་སྐད་ཅེས་བཀའ་སྩལ་པ་དང ། བྲམ་ཟེའི་ཁྱེའུ་མ་སྡུག་ཅང་མི་སྨྲའོ། །
Kha149a
༄#། །ལན་གཉིས་ལན་གསུམ་དུ་ཡང་བཅོམ་ལྡན་འདས་ཀྱི་བྲམ་ཟེའི་ཁྱེའུ་མ་སྡུག་དེ་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ། ཁྱོད་ཀྱིས་མིག་འཛུམ་གྱི་བུ་རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང ། དེ་དག་གི་རིགས་རྒྱུད་དེ་ཡིན་པར་ཅུང་ཟད་ཐོས་སམ། ལན་གཉིས་ལན་གསུམ་དུ་ཡང་བྲམ་ཟེའི་ཁྱེའུ་མ་སྡུག་ཅང་མི་སྨྲའོ། །དེ་ནས་གནོད་སྦྱིན་ལག་ན་རྡོ་རྗེ། རྡོ་རྗེ་འབར་བ། རབ་ཏུ་འབར་བ། ཀུན་ཏུ་རབ་ཏུ་འབར་བ། མེ་ལྕེ་གཅིག་ཏུ་གྱུར་ཅིང་འབར་བ། བྲམ་ཟེའི་ཁྱེའུ་མ་སྡུག་གི་མགོ་བོའི་སྟེང་ན་འཛིན་ཅིང ། གལ་ཏེ་བྲམ་ཟེའི་ཁྱེའུ་མ་སྡུག་ལ་བཅོམ་ལྡན་འདས་ཀྱིས་ལན་གསུམ་གྱི་བར་དུ་རྨ་བ་རྨས་པ་ལས། རྣ་ལ་གཟོན་ཅིང་ལན་མ་གསོལ་བར་གྱུར་ན། རྡོ་རྗེ་འབར་བ། རབ་ཏུ་འབར་བ། ཀུན་ཏུ་འབར་བ། མེ་ལྕེ་གཅིག་ཏུ་གྱུར་ཅིང་འབར་བ་འདིས། སྤྱི་བོ་ཚལ་པ་བདུན་དུ་དགས་པར་བྱའོ། །སྙམ་པ་དང་གནོད་སྦྱིན་ལག་ན་རྡོ་རྗེ་དེ། བཅོམ་ལྡན་འདས་ཀྱིས་གཟིགས་ནས། སངས་རྒྱས་ཀྱི་མཐུས་བྲམ་ཟེ་མ་སྡུག་གིས་ཀྱང་མཐོང་ངོ ། །དེ་ནས་བྲམ་ཟེ་མ་སྡུག་དངངས་སྐྲག་བྱེད་ཅིང ། སྤུ་ཟིང་ཞེས་བྱེད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། མིག་འཛུམ་གྱི་བུ་རྣམས་དེ་ལས་སྐྱེས་པས་མགོ་འཛུགས་པ་དེ་ལགས་པ་དང ། དེ་དག་གི་རིགས་རྒྱུད་དེ་ལགས་པར་བདག་གིས་ཐོས་ལགས་སོ། །དེ་ནས་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་འདི་སྙམ་དུ་སེམས་ཏེ། བཙུན་པ་གོའུ་
Kha149b
ཏ་མས་འདི་སྐད་ཅེས། བྲམ་ཟེའི་ཁྱེའུ་མ་སྡུག་ནི། ཤཱཀྱ་རྣམས་ཀྱི་བྲན་མོའི་བུ་ཉིད་ཡིན་ལ། ཤཱཀྱ་རྣམས་ནི། དེའི་ཇོ་བོའི་བུ་ཡིན་ནོ། །ཞེས་གསུངས་པ་གང་ཡིན་པ་བདེན་ན། བདག་ཅག་ཤེས་ལྡན་གོའུ་ཏ་མས་གསུངས་པ་ལ་ཡིད་མ་ཆེས་པར་ཟད་དོ། །སྙམ་མོ། །དེ་ནས་བཅོམ་ལྡན་འདས་ཀྱིས་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་ལ་འདི་སྐད་ཅེས་བཀའ་སྩལ་ཏོ། །ཁྱེད་ཅག་བྲམ་ཟེའི་ཁྱེའུ་མ་སྡུག་ལ་བྲན་མོའི་བུ་ཞེས་ཧ་ཅང་ཚིག་ཏུ་མ་སྨྲ་ཞིག་།དེ་ཅིའི་ཕྱིར་ཞེ་ན། འདི་དེའི་ཚེ་དྲང་སྲོང་རྫུ་འཕྲུལ་ཆེ་བ། མཐུ་ཆེ་བ་ཞིག་ཏུ་གྱུར་པ་ལས། རྒྱལ་པོ་བུ་རམ་ཤིང་སྐྱེས་ཀྱིས་ཉེས་པ་འགའ་ཁོ་ནའི་ཕྱིར་བྲམ་ཟེའི་ཆད་པས་བཅད་དོ། །བྲམ་ཟེའི་ཆད་པས་བཅད་པ་དང་ཕྱིས་རྒྱལ་པོ་བུ་རམ་ཤིང་སྐྱེས་འཇིགས་སྐྲག་བྱེད། སྤུ་ཟིང་ཞེས་བྱེད་ནས་ལག་པ་གཡོན་པས་བུ་མོ་ཆེན་མོ་རྒྱན་ཐམས་ཅད་ཀྱིས་བརྒྱན་པ་བཟུང ། ལག་པ་གཡས་པས་གསེར་གྱི་བྱ་མ་བུམ་ཐོགས་ཏེ་དྲང་སྲོང་དེ་ལ་ཆུང་མར་བྱིན་ནས། དྲང་སྲོང་གིས་དེ་མ་བླངས་སོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་ལ་བྲན་མོའི་བུ་ཡིན་ནོ། །ཞེས་བཀའ་སྩལ་པས་ཞུམ་ཞུམ་པོར་གྱུར་ནས་ཕྲག་པ་བཅུམ། མགོ་སྨད་དེ་སྤོབས་པ་མེད་ཅིང་གཏད་ཁོང་དུ་ཆུད་ནས་ཅང་མི་སྨྲ་བར་གྱུར་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བྲམ་ཟེའི་ཁྱེའུ་མ་སྡུག་འདི། བྲན་མོའི་བུ་ཡིན་ནོ། །ཞེས་ངས་ཚིག་སྨྲས་པས་ཞུམ་ཞུམ་པོར་གྱུར་ནས་ཕྲག་པ་བཅུམ། མགོ་སྨད་དེ་སྤོབས་པ་མེད་ཅིང་གཏད་ཁོང་དུ་ཆུད་ནས་
Kha150a
༄#། །མི་སྨྲ་བར་གྱུར་གྱི། མ་ལ་ངས་འདི་ལ་ཕྱི་ནས་གཏམ་འདྲི་བར་བྱའོ། །སྙམ་དུ་དགོངས་ནས། བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ། དཔེར་ན། རྒྱལ་རིགས་གཞོན་ནུ་དང་བྲམ་ཟེའི་བུ་མོར་ལྷན་ཅིག་འདུས་པར་གྱུར་ཏེ། དེ་གཉིས་ལྷན་ཅིག་འདུས་པ་ལས། ཁྱེའུ་ཞིག་བཙས་ན། དེ་བྲམ་ཟེ་རྣམས་ལས་སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏ་མ། འཐོབ་ལགས་སོ། །དེ་ལ་རྒྱལ་རིགས་རྣམས་ཀྱིས་རྒྱལ་རིགས་ཀྱི་དབང་བསྐུར་བས་དབང་བསྐུར་རམ། ཀྱེ་གོའུ་ཏ་མ། དབང་བསྐུར་ལགས་ཏེ། དེ་ཅིའི་སླད་དུ་ཞེ་ན། སྤུན་གྱི་བུ་ལགས་པས་རྒྱལ་རིགས་རྣམས་ཀྱི་ཚ་བོ་དབང་བསྐུར་ལགས་སོ། །བྲམ་ཟེའི་ཁྱེའུ། དཔེར་ན། བྲམ་ཟེའི་གཞོན་ནུ་དང་རྒྱལ་རིགས་ཀྱི་བུ་མོར་ལྷན་ཅིག་འདུས་པར་གྱུར་ལ། དེ་གཉིས་ལྷན་ཅིག་འདུས་པ་ལས། ཁྱེའུ་ཞིག་བཙས་ནས། དེ་བྲམ་ཟེ་རྣམས་ལས་སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏ་མ། འཐོབ་ལགས་སོ། །དེ་ལ་རྒྱལ་རིགས་ཀྱི་དབང་བསྐུར་བས་དབང་བསྐུར་རམ། ཀྱེ་གོའུ་ཏ་མ། དབང་བསྐུར་ལགས་ཏེ། དེ་ཅིའི་སླད་དུ་ཞེ་ན། ཚ་བོ་ལགས་པའི་སླད་དུ་རྒྱལ་རིགས་རྣམས་ཀྱིས་ཚ་བོ་དབང་བསྐུར་ལགས་སོ། །བྲམ་ཟེའི་ཁྱེའུ། དཔེར་ན། རྒྱལ་རིགས་གཞོན་ནུ་རྒྱལ་རིགས་དག་གིས་ཉེས་པ་འགའ་ཁོ་ནའི་ཕྱིར་སྤྱུགས་པར་གྱུར་ན། དེ་བྲམ་ཟེ་རྣམས་ལས་
Kha150b
སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏམ། མི་འཐོབ་ལགས་སོ། །དེ་ལ་རྒྱལ་རིགས་ཀྱི་དབང་བསྐུར་བས་དབང་བསྐུར་རམ། ཀྱེ་གོའུ་ཏ་མ། དབང་བསྐུར་ཏེ། དེ་ཅིའི་སླད་དུ་ཞེ་ན། ཕུ་ནུ་བོ་ལགས་པའི་སླད་དུ་རྒྱལ་རིགས་རྣམས་ཀྱིས་ཕུ་ནུ་བོ་དབང་བསྐུར་ལགས་སོ། །བྲམ་ཟེའི་ཁྱེའུ། དཔེར་ན། བྲམ་ཟེ་གཞོན་ནུ་བྲམ་ཟེ་རྣམས་ཀྱིས་ཉེས་པ་འགའ་ཁོ་ནའི་ཕྱིར་སྤྱུགས་པར་གྱུར་ན། དེས་བྲམ་ཟེ་རྣམས་ལས་སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ། ཀྱེ་གོའུ་ཏ་མ། མི་འཐོབ་ལགས་སོ། །དེ་རྒྱལ་རིགས་རྣམས་ཀྱིས་རྒྱལ་རིགས་ཀྱི་དབང་བསྐུར་བས་དབང་བསྐུར་རམ། ཀྱེ་གོའུ་ཏ་མ། དབང་མི་བསྐུར་ཏེ། དེ་ཅིའི་སླད་དུ་ཞེ་ན། བྲམ་ཟེ་གདོལ་པ་ལགས་པའི་སླད་དུ་རྒྱལ་རིགས་རྣམས་བྲམ་ཟེ་གདོལ་པ་ལ་དབང་མི་བསྐུར་ལགས་སོ། །བྲམ་ཟེའི་ཁྱེའུ། དེ་ལྟར་ན། རུས་དང ། རིགས་དང ། གནད་ཀྱིས་རྒྱལ་རིགས་ཀྱི་རིགས་མཆོག་ཡིན་གྱི། བྲམ་ཟེ་ནི། མ་ཡིན་ནོ། །བྲམ་ཟེའི་ཁྱེའུ། ཚངས་པ་མི་མཇེད་ཀྱི་བདག་པོས་ཚིགས་སུ་བཅད་དེ་སྨྲས་པ། རུས་དང་འབྲེལ་བ་གང་ཡིན་པའི། །རྒྱལ་རིགས་རྐང་གཉིས་ནང་ན་བཙུན། །ལྷ་དང་མི་རྣམས་ནང་ན་ཡང ། །རིགས་དང་ཞབས་སུ་ལྡན་པ་བཙུན། །བྲམ་ཟེའི་ཁྱེའུ། ཚངས་པ་མི་མཇེད་ཀྱི་བདག་པོ་དེས་ཚིགས་སུ་བཅད་དེ་འདི་སྐད་ཅེས། རུས་དང་འབྲེལ་བ་གང་ཡིན་པའི། །རྒྱལ་རིགས་རྐང་གཉིས་ནང་ན་བཙུན། །ལྷ་དང་མི་རྣམས་ནང་ན་ཡང ། །རིགས་དང་ཞབས་
Kha151a
༄#། །སུ་ལྡན་པ་བཙུན། །ཞེས་སྨྲས་པ་ནི། ལེགས་པར་སྨྲས་པ་ཡིན་གྱི། ཉེས་པར་སྨྲས་པ་མ་ཡིན་ནོ། །ལེགས་པར་བསྙད་པ་ཡིན་གྱི། ཉེས་པར་བསྙད་པ་མ་ཡིན་ནོ། །དེ་ཅིའི་ཕྱིར་ཞེ་ན། བྲམ་ཟེའི་ཁྱེའུ། ང་ཡང་འདི་སྐད་ཅེས། རུས་དང་འབྲེལ་བ་གང་ཡིན་པའི། །རྒྱལ་རིགས་རྐང་གཉིས་ནང་ན་བཙུན། །ལྷ་དང་མི་རྣམས་ནང་ན་ཡང ། །རིག་དང་ཞབས་སུ་ལྡན་པ་བཙུན། ། ཞེས་གསུང་ངོ ། །བྲམ་ཟེའི་ཁྱེའུ། ཇི་སྙམ་དུ་སེམས། གང་ན་བག་མ་ལེན་པ་དང ། བག་མ་གཏོང་བ་ཡོད་པ་དེ་ནས། བྲམ་ཟེ་རྣམས་ཀྱིས་སྟན་ནམ། ཆུའམ། གསང་ཚིག་གམ། གདོན་པ་འཐོབ་བམ།་ཀྱེ་གོའུ་ཏ་མ། གང་ན་བག་མ་ལེན་པ་དང ། བག་མ་གཏོང་བ་མཆིས་པ་དེ་ནས། བྲམ་ཟེ་རྣམས་ཀྱིས་སྟན་ཏམ། ཆབ་བམ། གསང་ཚིག་གམ། གདོན་པ་འཐོབ་ལགས་སོ། །བྲམ་ཟེའི་ཁྱེའུ། གང་ན་བག་མ་ལེན་པ་དང ། བག་མ་གཏོང་བ་ཡོད་པ་དེ་ན། རིགས་ཀྱི་སྙེམས་པ་ཡང་ཡོད། རུས་ཀྱི་སྙེམས་པ་ཡང་ཡོད། བྲམ་ཟེའི་བུའི་སྙེམས་པ་ཡང་ཡོད་དོ། །བྲམ་ཟེའི་ཁྱེའུ། སེམས་ཅན་རིགས་ཀྱི་སྙེམས་པས་རྣམ་པར་བཅིངས་པ་དང ། རུས་ཀྱི་སྙེམས་པས་རྣམ་པར་བཅིངས་པ་དང ། བྲམ་ཟེའི་བུའི་སྙེམས་པས་རྣམ་པར་བཅིངས་པ་ཇི་སྙེད་པ་དེ་དག་རིག་པ་དང་ཞབས་སུ་ལྡན་པ་བླ་ན་མེད་པ་འདི་ཉིད་མངོན་སུམ་དུ་མ་བྱས་པ། མངོན་སུམ་དུ་བྱ་བའི་སྐལ་བ་མེད་ཀྱི། བྲམ་ཟེའི་བུ། རིགས་ཀྱི་སྙེམས་པ་སྤངས། རུས་ཀྱི་སྙེམས་པ་སྤངས། བྲམ་ཟེའི་
Kha151b
བུའི་སྙེམས་པ་སྤངས་ན། དེ་ལྟར་ན། རིག་པ་དང་ཞབས་སུ་ལྡན་པ་བླ་ན་མེད་པ་འདི་མངོན་སུམ་དུ་མ་བྱས་པ། མངོན་སུམ་དུ་བྱེད་པར་འགྱུར་རོ། །ཤེས་ལྡན་གོའུ་ཏ་མ་ལ་བདག་གང་སྔོན་ཡང་མ་བྱུང ། ཕྱིས་ཀྱང་མི་འབྱུང ། ད་ལྟར་ན་ཡང་མ་མཆིས་པ་དེ་ལྟ་བུར་དད་ལགས་ཀྱི། ཤེས་ལྡན་གོའུ་ཏ་མས་བདག་ལ་ཇི་ལྟར་རིག་པ་དང་ཞབས་འཚལ་བར་འགྱུར་པ་དེ་ལྟར་ཆོས་བཤད་དུ་གསོལ། བྲམ་ཟེའི་ཁྱེའུ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །བྲམ་ཟེའི་ཁྱེའུ། འདི་ལ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། ཆོས་བཤད་པ་ནི། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། རྣམ་པར་བྱང་བ། ཚངས་པར་སྤྱོད་པ་རབ་ཏུ་སྟོན་ཏེ། ཆོས་དེ་ཁྱིམ་བདག་གམ། ཁྱིམ་བདག་གི་བུས་མཉན་ནས། དེས་ཆོས་དེ་ཐོས་ནས་དད་པ་སོ་སོར་རྙེད་དོ། །དད་པ་སོ་སོར་རྙེད་པ་དེ་དག་དང་ལྡན་པས་འདི་ལ་སོ་སོ་ཡང་དག་པར་སློབ་པར་བྱེད་དེ། ཁྱིམ་གྱི་གནས་ནི། ཉམ་ང་བ། རྡུལ་དག་གི་གནས་ཡིན་ནོ། །རབ་ཏུ་བྱུང་བ་ནི། བླ་གབ་མེད་པ་ཡིན། ཁྱིམ་པ་ཁྱིམ་ན་གནས་པ་རྣམས་ཀྱིས་
Kha152a
༄#། །ཇི་སྲིད་འཚོའི་བར་དུ་ཚངས་པར་སྤྱོད་པ་གཅིག་ཏུ་སལ་གྱིས་དག་པ། ཡོངས་སུ་རྫོགས་པ། ཡོངས་སུ་དག་པ། རྣམ་པར་བྱང་བ་འདི་སྤྱད་པར་དཀའི། མ་ལ་བདག་གིས་སྐྲ་དང་ཁ་སྤུ་བྲེགས་ལ་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །སྙམ་ནས། དེ་དེ་བཞིན་རབ་ཏུ་བྱུང་ནས་ཚུལ་ཁྲིམས་ལ་གནས་པ་ཡིན་ཏེ། སོ་སོར་ཐར་པའི་སྡོམ་པས་བསྡམས་པ་ཡིན། སྤྱོད་པ་དང་སྤྱོད་ཡུལ་ཕུན་སུམ་ཚོགས་པས་ཁ་ན་མ་ཐོ་བ་ཕྲ་མོ་ཙམ་ལ་ཡང་འཇིགས་པར་ལྟ་བ་ཡིན། བསླབ་པའི་གཞི་རྣམས་བླངས་ཏེ་སློབ་པ་ཡིན་ནོ། །དེ་སྲོག་གཅོད་པ་སྤངས་ནས་སྲོག་གཅོད་པ་ལས་སླར་ལོག་པ་ཡིན་ཏེ། ཆད་པ་སྤངས་པ་ཡིན། མཚོན་ཆ་སྤངས་པ་ཡིན། འཛེམ་པ་དང་སྙིང་རྗེར་ལྡན་པ་ཡིན། སེམས་ཅན་སྲོག་ཆགས་སུ་གྱུར་པ་ཐམས་ཅད་ལ་ཆུང་ངུ་ན་སྲོག་ཆགས་གྲོག་སྦུར་ཡན་ཆད་སྲོག་གཅོད་པ་ལས་སླར་ལོག་པ་ཡིན་ནོ། །དེ་མ་བྱིན་པར་ལེན་པ་སྤངས་ནས་མ་བྱིན་པར་ལེན་པ་ལས་སླར་ལོག་པ་ཡིན་ཏེ། བྱིན་པ་ལེན་པ་ཡིན། བྱིན་པ་ལ་དགའ་བ་ཡིན། སྦྱིན་པ་ལྷུག་པར་གཏོང་བ་ལ་དགའ་བ་ཡིན་ཏེ། རྐུན་མ་ཡིན། འདོད་ཆེན་ཅན་མ་ཡིན། གཙང་བ་ཡིན། བདག་ཉིད་བསྲུངས་པས་མ་བྱིན་པར་ལེན་པ་ལས་སླར་ལོག་པ་ཡིན་ནོ། །དེ་མི་ཚངས་པར་སྤྱོད་པ་སྤངས་ནས་མི་ཚངས་པར་སྤྱོད་པ་ལས་སླར་ལོག་པ་ཡིན་ཏེ། ཚངས་པར་སྤྱོད་པ་ཡིན། སྤྱོད་པ་ངན་པ་སྤངས་པས་དག་པ་ཡིན། གཙང་བ་ཡིན། དྲི་ང་བ་མེད་
Kha152b
པ་ཡིན། འཁྲིག་པ་དང་བྲལ་བ་ཡིན། སྨད་རིགས་ཀྱི་ཆོས་དང་བྲལ་བ་ཡིན། མི་ཚངས་པར་སྤྱོད་པ་ལས་སླར་ལོག་པ་ཡིན་ནོ། །དེ་བརྫུན་དུ་སྨྲ་བ་སྤངས་ནས་བརྫུན་དུ་སྨྲ་བ་ལས་སླར་ལོག་པ་ཡིན་ཏེ། བདེན་པ་སྨྲ་བ་ཡིན། བདེན་པ་ལ་དགའ་བ་ཡིན། མཉན་པར་འོས་པ་ཡིན། ཡིད་ཆེས་པ་ཡིན། བརྟན་པ་ཡིན། འཇིག་རྟེན་ལ་མི་བསླུ་བ་ཡིན། བརྫུན་དུ་སྨྲ་བ་ལས་སླར་ལོག་པ་ཡིན་ནོ། ། དེ་ཕྲ་མ་སྤངས་ནས་ཕྲ་མ་ལས་སླར་ལོག་པ་ཡིན་ཏེ། དེ་ཚུ་བི་དག་ལས་མཉན་ཏེ། དེ་དག་དབྱེ་བའི་ཕྱིར་ཕ་བི་དག་ལ་སྨྲ་བ་མ་ཡིན། ཕ་བི་དག་ལས་མཉན་ཏེ། དེ་དག་དབྱེ་བའི་ཕྱིར་ཚུ་བི་དག་ལ་སྨྲ་བ་མ་ཡིན། བྱེ་བ་རྣམས་སྡུམ་བྱེད་པ་ཡིན། མཐུན་པ་རྣམས་ལ་གཟེངས་བསྟོད་པ་ཡིན། མཐུན་པ་ལ་དགའ་བ་ཡིན། མཐུན་པ་ལ་མགུ་བ་ཡིན། མཐུན་པར་བྱེད་པའི་ཚིག་སྨྲ་བ་ཡིན། ཕྲ་མ་ལས་ཕྱིར་ལོག་པ་ཡིན་ནོ། །དེ་ཚིག་རྩུབ་པོ་སྤངས་ནས་ཚིག་རྩུབ་པོ་ལས་ཕྱིར་ལོག་པ་ཡིན་ནོ། །དེ་གང་ལ་ཡང་ཚིག་གདུག་པ་དང ། རྩུབ་པ་དང ། ཕ་རོལ་ལ་མི་སྙན་པ་དང ། ཕ་རོལ་སྤ་བཀོང་བར་བྱེད་པ་དང ། སྐྱེ་བོ་མང་པོའི་ཡིད་ལ་མི་འཐད་པ་དང ། སྐྱེ་བོ་མང་པོའི་སྙིང་དུ་མི་སྡུག་པ་དང ། སྐྱེ་བོ་མང་པོ་མི་དགའ་བ་དང ། སྐྱེ་བོ་མང་པོའི་ཡིད་དུ་མི་འོང་བ་དང ། མཉམ་པར་གཞག་པ་མ་ཡིན་པ་དང ། མཉན་པར་འཇོག་པར་འགྱུར་བ་མ་ཡིན་པ་དེ་ལྟ་བུའི་ཚིག་སྤངས་པ་ཡིན། མི་ཚུགས་པ་དང ། རྣར་སྙན་པ་དང ། སྙིང་ཚིམ་པར་བྱེད་པ་དང ། དགའ་བར་བྱེད་པ་དང ། གྲོང་ཁྱེར་བ་དང ། སྙན་ཅིང་འཇེབས་པ་དང ། རྣམ་པར་
Kha153a
༄#། །གསལ་བ་དང ། རྣམ་པར་རིག་པར་བྱེད་པ་དང ། མཉན་པར་འོས་པ་དང ། མི་རྟེན་པ་དང ། འགལ་བ་མ་ཡིན་པ་དང ། ཐུག་པ་མེད་པ་དང ། སྐྱེ་བོ་མང་པོ་ལ་སྡུག་པ་དང ། སྐྱེ་བོ་མང་པོ་མགུ་བ་དང ། སྐྱེ་བོ་མང་པོ་དགའ་བ་དང ། སྐྱེ་བོ་མང་པོའི་ཡིད་དུ་འོང་བ་དང ། མཉམ་པར་གཞག་པ་དང ། མཉམ་པར་འཇོག་པར་འགྱུར་བ་དེ་ལྟ་བུའི་ཚིག་སྨྲ་བ་དང ། དེ་ཚིག་རྩུབ་པོ་སྤངས་ནས་ཚིག་རྩུབ་པོ་ལས་སླར་ལོག་པ་ཡིན་ནོ། །དེ་ཚིག་ཀྱལ་བ་སྤངས་ནས་ཚིག་ཀྱལ་བ་ལས་སླར་ལོག་པ་ཡིན་ཏེ། དེ་དུས་སུ་སྨྲས་པ་ཡིན་ཏེ། ཡང་དག་པར་སྨྲ་བ་ཡིན། དེ་ཁོ་ན་ཉིད་སྨྲ་བ་ཡིན། དོན་སྨྲ་བ་ཡིན། ཆོས་སྨྲ་བ་ཡིན། རྟོགས་པ་སྨྲ་བ་ཡིན། ཁོང་དུ་ཆུད་པར་བྱེད་པའི་ཚིག་སྨྲ་བ་ཡིན་ཏེ། དུས་སུ་དང ། འདྲེན་མ་མ་ཡིན་པ་དང ། གླེང་གཞི་དང་བཅས་པ་དང ། དན་རྟགས་དང་བཅས་པ་དང ། ཆོས་དང་དོན་དང་ལྡན་པ་ཡིན་ཏེ། ཚིག་ཀྱལ་བ་སྤངས་ནས་ཚིག་ཀྱལ་བ་ལས་སླར་ལོག་པ་ཡིན་ནོ། །དེ་ཉོ་ཚོང་སྤངས་ནས་ཉོ་ཚོང་ལས་སླར་ལོག་པ་ཡིན་ཏེ། དེ་གཞལ་ལུགས་ལ་གཡོ་བྱེད་པ་དང ། སྲང་ལ་གཡོ་བྱེད་པ་དང ། ཚད་ལ་གཡོ་བྱེད་པ་སྤངས་ནས་གཞལ་ལུགས་ལ་གཡོ་བྱེད་པ་དང ། སྲང་ལ་གཡོ་བྱེད་པ་དང ། ཚད་ལ་གཡོ་བྱེད་པ་ལས་སླར་ལོག་པ་ཡིན་ནོ། །དེ་གསུག་ལེན་པ་དང ། འདྲིད་པ་དང ། བསྡིགས་ནས་རང་གིར་བྱེད་པ་སྤངས་ནས་གསུག་ལེན་པ་དང ། འདྲིད་པ་དང ། བསྡིགས་ནས་རང་གིར་བྱེད་པ་ལས་སླར་ལོག་
Kha153b
པ་ཡིན་ནོ། །དེ་གསད་པ་དང ། བཅིང་བ་དང ། གཅད་པ་དང ། དབུགས་པ་དང ། རྡེག་པའི་བསམ་པ་སྤངས་ནས་གསོད་པ་དང ། འཆིང་བ་དང ། གཅོད་པ་དང ། འབིགས་པ་དང ། རྡེག་པ་ཉམས་སུ་མྱོང་བར་བྱེད་པ་ལས་སླར་ལོག་པ་ཡིན་ནོ། །དེ་འོད་དང་བུད་མེད་ཅན་དང་ལྷན་ཅིག་ཏུ་ཉལ་བ་སྤངས་ནས་འོད་དང་བུད་མེད་ཅན་དང་ལྷན་ཅིག་ཏུ་ཉལ་བ་ལས་སླར་ལོག་པ་ཡིན་ནོ། །དེ་ཞིང་གི་གཞི་དང ། ཁྱིམ་གྱི་གཞི་དང ། ཚོང་ཁང་གི་གཞི་ལེན་པ་སྤངས་ནས་དེ་ཞིང་གི་གཞི་དང ། ཁྱིམ་གྱི་གཞི་དང ། ཚོང་ཁང་གི་གཞི་ལེན་པ་ལས་སླར་ལོག་པ་ཡིན་ནོ། །དེ་གླང་པོ་ཆེ་དང ། རྟ་དང ། བ་ལང་དང ། ལུག་དང ། བྱ་གག་དང ། ཕག་ལེན་པ་སྤངས་ནས་དེ་གླང་པོ་ཆེ་དང ། རྟ་དང ། བ་གླང་དང ། ལུག་དང ། བྱ་གག་དང ། ཕག་ལེན་པ་ལས་སླར་ལོག་པ་ཡིན་ནོ། །དེ་བྲན་ཕོ་དང ། བྲན་མོ་དང ། ཞོ་ཤས་འཚོ་བ་ལེན་པ་སྤངས་ནས་བྲན་ཕོ་དང ། བྲན་མོ་དང ། ཞོ་ཤས་འཚོ་བ་ལེན་པ་ལས་སླར་ལོག་པ་ཡིན་ནོ། །དེ་ཆུང་མ་དང ། བུ་ཕོ་དང ། བུ་མོ་ལེན་པ་སྤངས་ནས་ཆུང་མ་དང ། བུ་ཕོ་དང ། སྐྱེས་པ་དང ། ཁྱེའུ་དང ། བུ་མོ་ལེན་པ་ལས་སླར་ལོག་པ་ཡིན་ནོ། །དེ་གསེར་དང་དངུལ་ལེན་པ་སྤངས་ནས་གསེར་དང ། དངུལ་ལེན་པ་ལས་སླར་ལོག་པ་ཡིན་ནོ། །དེ་འབྲུ་མ་ཉམས་པ་ལེན་པ་སྤངས་ནས་འབྲུ་མ་ཉམས་པ་ལེན་པ་ལས་སླར་ལོག་པ་ཡིན་ནོ། །དེ་ཟས་གཅིག་པ་ཡིན་ཏེ། ནུབ་མོའི་སྤངས་ཤིང་དུས་མ་ཡིན་པའི་ཁ་ཟས་སྤངས་པ་ཡིན། དུས་སུ་རྒྱུ་ཞིང་དུས་སུ་སྤྱོད་པས་སྦྱོར་བ་ལ་བརྩོན་པ་
Kha154a
༄#། །ཡིན།་དེ་ལུས་ཀྱི་བགོ་བ་རན་པས་ཆོག་ཤེས་ཤིང་ཚོད་ཟིན་པ་ཡིན། བསོད་སྙོམས་ལྟོ་འགྲངས་ཀྱིས་ཆོག་ཤེས་ཤིང་ཚོད་ཟིན་པ་ཡིན་ནོ། །དེ་ལུས་ཀྱི་བགོ་བ་རན་པས་ཆོག་ཤེས་ཤིང་ཚོད་ཟིན་པ་ཡིན་ཞིང ། བསོད་སྙོམས་ལྟོ་འགྲངས་ཀྱིས་ཆོག་ཤེས་ཤིང་ཚོད་ཟིན་པ་ཡིན་པས། གང་དང་གང་དུ་འགྲོ་བ་ན་ལྷུང་བཟེད་དང་བཅས། ཆོས་གོས་དང་བཅས་པས་འགྲོའོ། ། དཔེར་ན། འདབ་ཆགས་བྱ་གང་དང་གང་དུ་ལྡིང་བ་དེར་འདབ་མ་དང་བཅས། གཤོག་པ་དང་བཅས་ཏེ་ལྡིང་བ་དེ་བཞིན་དུ། དེ་ལུས་ཀྱི་བགོ་བ་རན་པས་ཆོག་ཤེས་ཤིང་ཚོད་ཟིན་པ་ཡིན། བསོད་སྙོམས་ལྟོ་འགྲངས་ཀྱིས་ཆོག་ཤེས་ཤིང་ཚོད་ཟིན་པ་ཡིན་ནོ། །དེ་ལུས་ཀྱི་བགོ་བ་རན་པས་ཆོག་ཤེས་ཤིང་ཚོད་ཟིན་པ་ཡིན་ཞིང ། བསོད་སྙོམས་ལྟོ་འགྲངས་ཀྱིས་ཆོག་ཤེས་ཤིང་ཚོད་ཟིན་པ་ཡིན་ཏེ། མ་སྡུག་།འདི་ལྟར། ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ས་བོན་གྱི་ཚོགས་དང ། འབྱུང་པོའི་ཚོགས་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། རྩ་བའི་ས་བོན་དང ། སྡོང་བུའི་ས་བོན་དང ། ཐོར་ཏོའི་ས་བོན་དང ། འགས་པའི་ས་བོན་དང ། ལྔ་པ་ནི། ས་བོན་གྱི་ས་བོན་ཉིད་དེ། དགེ་སྦྱོང་དང ། བྲམ་ཟེ་རྣམས་ཀྱི་ས་བོན་གྱི་ཚོགས་དང ། འབྱུང་པོའི་ཚོགས་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་
Kha154b
དག་སྤྱད་ནས་གསོག་འཇོག་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ། འདི་ལྟ་སྟེ། ཟས་ཀྱི་གསོག་འཇོག་དང ། སྐོམ་གྱི་གསོག་འཇོག་དང ། དྲིའི་གསོག་འཇོག་དང ། རོའི་གསོག་འཇོག་དང ། ལོ་མའི་གསོག་འཇོག་དང ། མེ་ཏོག་གི་གསོག་འཇོག་དང ། འབྲས་བུའི་གསོག་འཇོག་དང ། དགེ་སྦྱོང་དང ། བྲམ་ཟེའི་རྣམས་ཀྱི་གསོག་འཇོག་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ།། །།འདུལ་བ་གཞི། བམ་པོ་སུམ་བཅུ་གཅིག་པ། མ་སྡུག། འདི་ལྟར། ཡང་དགེ་སྦྱོང་དང ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། གནས་མལ་མཐོན་པོ་དང ། གནས་མལ་ཆེན་པོ་སྣ་ཚོགས་རྩོམ་པ་ལ་སྦྱོར་པར་བརྩོན་པས་གནས་པར་བྱེད་པ། འདི་ལྟ་སྟེ། སྟན་དང ། ཁྲི་དང ། ཁྲི་སྣམ་བུ་ཅན་དང ། རས་ཀྱི་སྣམ་བུ་ཅན་དང ། བེའུ་རས་ཀྱིས་གཡོགས་པ་དང ། རས་ཡུག་ཆེན་གྱིས་གཡོགས་པ་དང ། རས་ཁྲ་བོས་གཡོགས་པ་དང ། པ་ལེ་ལའི་རས་ཀྱིས་གཡོགས་པ་དང ། གླང་པོ་ཆེའི་འཐབ་སྟན་དང ། རྟའི་འཐབ་སྟན་དང ། ངོས་གཅིག་བལ་ལས་བྱས་པ་དང ། ངོས་གཉིས་ཀ་བལ་ལས་བྱས་པ་དང ། སྟོད་བལ་ལས་བྱས་པ་དང ། རྒྱབ་བལ་ལས་བྱས་པ་དང ། བལ་ལས་བྱས་པ་དང ། ཀ་ལིངྐའི་གོས་ཀྱིས་སྟེང་གཡོགས་དང ། གཡོགས་དང་བཅས་པའི་གོས་དང ། ཕྱོགས་གཉིས་སུ་སྔས་དམར་པོ་ལས་བྱས་པ་སྟེ། དགེ་སྦྱོང་དང ། བྲམ་ཟེ་རྣམས་ཀྱི་གནས་མལ་མཐོན་པོ་དང །
Kha155a
༄#། །གནས་མལ་ཆེན་པོ་རྩོམ་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག། འདི་ལྟར། ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་འཆང་བ་དང ། གཞག་པ་སྣ་ཚོགས་རྩོམ་པ་ལ་སྦྱོར་བར་བརྩོན་པས་ལ་གནས་པ། འདི་ལྟ་སྟེ། མཉེ་བ་དང ། བཀྲུ་པ་དང ། དྲིལ་ཕྱི་དང ། མེ་ཏོག་གི་ཕྲེང་བ་དང ། དྲི་དང ། བྱུག་པ་དང ། ཁ་དོག་འཆང་བ་དང ། སེན་མོའི་ཁ་དོག་སྒྱུར་བ་དང ། ཁར་ཕྱེ་མ་འདེབས་པ་དང ། གདོང་གི་བྱི་དོར་དང ། མེ་ལོང་ལ་ལྟ་བ་དང ། ལག་ངར་བརྒྱན་པ་དང ། གཙུག་ཏོར་འཆིང་བ་དང ། གདུགས་ཀྱི་རྩ་བ་སྦུ་གུ་ཅན་དང ། རལ་གྲི་དང ། རྔ་ཡབ་ནོར་བུའི་ཡུ་བ་ཅན་དང ། མཆིལ་ལྷམ་ཁྲ་བོ་དང ། གོས་གསར་པ་དང ། རས་གསར་པ་ཁ་ཚར་ཅན་འཆང་བའི་རང་བཞིན་ཅན་དག་སྟེ། དགེ་སྦྱོང་དང་བྲམ་ཟེ་རྣམས་ཀྱི་གཞག་པ་དང་འཆང་བ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག། འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ལྟད་མོ་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ། འདི་ལྟ་སྟེ། གླང་པོ་ཆེས་འགྱེད་པ་དང ། ཤིང་རྟས་འགྱེད་པ། དཔུང་བུ་ཆུང་གིས་འགྱེད་པ་དང ། དབྱུག་པས་འགྱེད་པ་དང ། ཁུ་ཚུར་གྱིས་འགྱེད་པ་དང ། གྲུ་མོས་འགྱེད་པ་དང ། ཁྱུ་མཆོག་གིས་འགྱེད་པ་དང ། མ་ཧེས་འགྱེད་པ་དང ། ར་འགྱེད་པ་དང ། ལུག་འགྱེད་པ་དང །
Kha155b
བྱ་གག་འཐབ་པ་དང ། མཆིལ་བ་འཐབ་པ་དང ། འུར་པ་འཐབ་པ་དང ། བྱ་གག་དང ། ཕུག་རོན་དང ། མཆིལ་པ་དང ། བུད་མེད་འཐབ་པ་དང ། སྐྱེས་པ་འཐབ་པ་དང ། གཞོན་ནུ་འཐབ་པ་དང ། གཞོན་ནུ་མ་འཐབ་པ་དང ། ཤིང་འཛེག་པ་དང ། བྲོ་གར་གྱི་ཚོགས་དང ། ཕྲག་པ་ནས་འགོང་པ་དང ། རྒྱལ་མཚན་གྱི་རྩེ་མོ་དང ། དཔུང་གི་ཚོགས་དང ། གཡུལ་བཤམས་པ་དང ། དམག་ཚོགས་ལ་བལྟ་བ་དང ། འདུས་པ་ཆེན་པོ་ལ་བལྟ་བར་འདོད་པ་སྟེ། དགེ་སྦྱོང་དང་བྲམ་ཟེ་རྣམས་ཀྱི་ལྟད་མོ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག། འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཉན་པ་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། གླང་པོ་ཆེའི་སྐད་དང ། རྟའི་སྐད་དང ། ཤིང་རྟའི་སྒྲ་དང ། དཔུང་བུ་ཆུང་གི་སྒྲ་དང ། རྔ་པ་ཊ་ཧའི་སྒྲ་དང ། རྔ་བོ་ཆེའི་སྒྲ་དང ། རོལ་མོ་ཚོགས་པའི་སྒྲ་དང ། གར་མཁན་གྱི་གླུ་སྒྲ་དང ། རོལ་མོའི་སྒྲ་དང ། འཁར་གསིལ་གྱི་སྒྲ་དང ། སེ་གོལ་གྱི་སྒྲ་དང ། ཐལ་མོའི་སྒྲ་དང ། བུམ་པའི་སྒྲ་དང ། རང་བཟོའི་སྒྲ་དང ། སྙན་དངགས་ཀྱི་སྒྲ་དང ། ཡིག་འབྲུ་སྣ་ཚོགས་དང ། ཚིག་དང་ཡི་གེ་སྣ་ཚོགས་དང ། འཇིག་རྟེན་རྒྱང་པན་དང་ལྡན་པ་དང ། གྲགས་པའི་གཏམ་ཉན་འདོད་པ་དག་སྟེ། དགེ་སྦྱོང་དང་བྲམ་ཟེ་རྣམས་ཀྱི་སྒྲ་སྣ་ཚོགས་ཉན་པ་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག། འདི་ལྟར། ཡང་དགེ་
Kha156a
༄#། །སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཨུག་ཤུད་དང ། ཁྲས་དང ། ཆོ་ལོ་རྩོམ་པ་ལ་སྦྱོར་བར་བརྩོན་པས་གནས་པ། འདི་ལྟ་སྟེ། མིག་བརྒྱད་པ་དང ། མིག་བཅུ་པ་དང ། ན་ཡའི་མིག་དང ། ཕྱོགས་ཕྱོགས་ནས་འགྱེད་པ་དང ། བུམ་པས་རྩེ་བ་དང ། ཀ་ལེ་དང ། ཀ་ཙ་ལེ་དང ། ཕག་གིས་རྩ་བ་དང ། ུག་ཤུད་དང ། གུལ་ཚབ་དང ། ཐུར་མ་དང ། ལག་རྒྱན་ནམ། ཁ་ཅིག་སྐུགས་ཇི་ལྟ་བར་འགྱེད་པ་སྟེ། དགེ་སྦྱོང་དང་བྲམ་ཟེ་རྣམས་ཀྱི་ཨུག་ཤུད་དང ། ཁྲས་དང ། ཆོ་ལོ་རྩོམ་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་གཏམ་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ། འདི་ལྟ་སྟེ། རྒྱལ་པོའི་གཏམ་དང ། དམག་གི་གཏམ་དང ། ཟས་ཀྱི་གཏམ་དང ། སྐོམ་གྱི་གཏམ་དང ། གོས་ཀྱི་གཏམ་དང ། ཚོང་འདུས་ཀྱི་གཏམ་དང ། སྨད་འཚོང་གི་གཏམ་དང ། ལམ་ངན་པ་རྗོད་པའི་གཏམ་དང ། རྒྱ་མཚོ་ཆེན་པོ་རྗོད་པའི་གཏམ་དང ། ལྗོངས་དང་སྣ་ཆེན་པོ་ལ་གཏོགས་པ་རྗོད་པའི་གཏམ་སྟེ། དགེ་སྦྱོང་དང་བྲམ་ཟེ་རྣམས་ཀྱི་གཏམ་སྣ་ཚོགས་རྩོམ་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་རྩོད་པ་སྣ་ཚོགས་རྩོམ་པ་ལ་སྦྱོར་བར་བརྩོན་བས་གནས་པ། འདི་ལྟ་སྟེ། ཇི་
Kha156b
ལྟར་ཁོ་བོས་ཆོས་འདུལ་བ་འདི་ཀུན་ཤེས་པ་དེ་བཞིན་དུ་ཁྱོད་ཀྱིས་ཀྱང་ཆོས་འདུལ་བ་འདི་ཀུན་ཤེས་མོད་ཀྱི། ཁྱོད་ཀྱིས་ནི། རིགས་པ་དང་ལྡན་པ་དང་འབྲེལ་བ་མ་ཡིན་ཏེ། སྔར་སྨྲ་བར་བྱ་བ་ནི་ཕྱིས་སྨྲས། ཕྱིས་སྨྲ་བར་བྱ་བ་ནི། སྔར་སྨྲས་ལ། ཁྱོད་ཀྱིས་ཧ་ཅང་མྱུར་བར་སྨྲས་པས་མི་གསལ་ལོ། །རྩོད་པ་མཇུག་བརྟུལ་གྱི། ཁྱོད་ཀྱིས་བརྩད་པའི་དོན་དུ་སྨྲས་པའི་ཚིག་དེ་ཐོང་ཞིག། ཚར་བཅད་པར་ཤེས་སམ། གལ་ཏེ་ལན་ཐེབས་པ་ལྟ་ན་དྲིས་དང ། སྨྲོས་ཤིག་ཅེས་བྱ་བ་དགེ་སྦྱོང་དང་བྲམ་ཟེ་རྣམས་ཀྱི་རྩོད་པ་སྣ་ཚོགས་རྩོམ་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཕོ་ཉར་འགྲོ་བ་དང ། གཏོང་བ་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། དེ་དག་རྒྱལ་པོའི་འམ། བློན་པོ་ཆེན་པོ་རྣམས་ཀྱིའམ། བྲམ་ཟེ་རྣམས་ཀྱིའམ། ཁྱིམ་བདག་རྣམས་ཀྱིའམ། གྲོང་མི་རྣམས་ཀྱིའམ། ཡུལ་མི་རྣམས་ཀྱིའམ། ཚོང་དཔོན་རྣམས་ཀྱིའམ། དེད་དཔོན་རྣམས་ཀྱི་ཕོ་ཉ་ཚུ་བི་ནས་ཁྲིད་དེ་ཕ་བིར་སྣ་འདྲེན་པར་བྱེད་པ་དང ། ཕ་བི་ནས་ཕོ་ཉ་ཁྲིད་དེ་ཚུ་བིར་སྣ་འདྲེན་པར་བྱེད་པ་སྟེ། དགེ་སྦྱོང་དང་བྲམ་ཟེ་རྣམས་ཀྱི་ཕོ་ཉར་འགྲོ་བ་དང ། གཏོང་བ་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག། འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་བས་བྱིན་པ་དག་སྤྱད་ནས་ཚུལ་འཆོས་པ་དང ། ཁ་གསག་དང ། གཞོགས་སློང་དང ། ཐོབ་ཀྱིས་འཇལ་བ་དང །
Kha157a
༄#། །རྙེད་པས་རྙེད་པ་སྒྲུབ་པ་པར་བྱེད་དེ། དགེ་སྦྱོང་དང་བྲམ་ཟེ་རྣམས་ཀྱི་ཚུལ་འཆོས་པ་དང ། ཁ་གསག་དང ། གཞོགས་སློང་དང ། ཐོབ་ཀྱིས་འཇལ་བ་དང ། རྙེད་པས་རྙེད་པ་སྒྲུབ་པར་བྱེད་པ་དེ་ལྟ་བུ་ལས་སླར་ལོག་པ་ཡིན་ནོ། །འདི་ལྟར་ཡང ། མ་སྡུག་།དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། གནམ་གྲུམ་པ་དང ། རྨ་མཚན་དང ། རྨི་ལམ་གྱི་མཚན་མ་དང ། མེས་ཚིག་པ་དང ། ཆུས་རེག་པ་དང ། བྱིས་པས་ཟོས་པ་དང ། འབེབས་པ་དང ། སྐད་ཉན་པ་དང ། འབྱུང་པོ་ཐམས་ཅད་ཀྱི་སྐད་དང ། ལུས་ཀྱི་དཔྱད་དང ། ཁྱིམ་སའི་དཔྱད་དང ། ནེ་ཙོའི་དཔྱད་དང ། བྱའི་དཔྱད་དང ། མཐེ་བོའི་དཔྱད་དང ། ཁ་ཅིག་སྐར་མའི་སྦྱོར་བ་བྱེད་དེ། དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། ཡུད་ཙམ་རྣམས་ཀྱི་སྤྱོར་བ་དང ། རྒྱུ་སྐར་ཤར་བ་དང ། རོ་བརྟག་པ་དང ། ཞི་བའི་ལས་དང ། རྒྱས་པའི་ལས་དང ། དྲག་པོའི་ལས་དང ། བསང་གཏོར་གྱི་ལས་དང ། ཡིག་འབྲུ་དང ། རྩིས་དང ། གྲངས་དང ། ལག་རྩིས་དང ། མེ་ལོང་གི་དཔྱད་ལ་སྦྱོར་བར་བྱེད་དེ། དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་འཚོ་བ་དེ་ལྟ་བུ་
Kha157b
ལས་སླར་ལོག་པ་ཡིན་ནོ། མ་སྡུག་།འདི་ལྟར་ཡང ། དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ། འདི་ལྟ་སྟེ། གསོ་བའི་དཔྱད་དང ། རྩ་བའི་སྨན་དང ། མིག་སྨན་སྦྱིན་པ་དང ། སྣུམ་བག་སྦྱིན་པ་དང ། རོ་སྦྱིན་པ་དང ། སྨན་སྦྱིན་པ་དང ། གཞོན་ནུའི་དཔྱད་དང ། གཞོན་ནུ་མའི་དཔྱད་དང ། སྨན་ལ་སྦྱོར་བར་བྱེད་པ་སྟེ། དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག། འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ། འདི་ལྟ་སྟེ། ནོར་བུའི་མཚན་ཉིད་དང ། དབྱུག་པའི་མཚན་ཉིད་དང ། རལ་གྲིའི་མཚན་ཉིད་དང ། མདའི་མཚན་ཉིད་དང ། མཚོན་ཆའི་མཚན་ཉིད་དང ། གླང་པོ་ཆེའི་མཚན་ཉིད་དང ། རྟའི་མཚན་ཉིད་དང ། ཁྱུ་མཆོག་གི་མཚན་ཉིད་དང ། མ་ཧེའི་མཚན་ཉིད་དང ། རའི་མཚན་ཉིད་དང ། ལུག་གི་མཚན་ཉིད་དང ། བྱ་གག་གི་མཚན་ཉིད་དང ། འུར་བའི་མཚན་ཉིད་དང ། མཆིལ་པའི་མཚན་ཉིད་དང ། བུད་མེད་ཀྱི་མཚན་ཉིད་དང ། སྐྱེས་པའི་མཚན་ཉིད་དང ། གཞོན་ནུའི་མཚན་ཉིད་དང ། གཞོན་ནུ་མའི་མཚན་ཉིད་དང ། ཚེ་ཐུང་བའི་རྟགས་དང ། ཚེ་རིང་བའི་རྟགས་དང ། སྐལ་བ་ཆུང་བའི་རྟགས་དང ། སྐལ་བ་ཆེ་བའི་རྟགས་དང ། བསོད་ནམས་ཆུང་བའི་རྟགས་དང ། བསོད་ནམས་ཆེ་བའི་རྟགས་དང ། མཐུ་ཆུང་བའི་རྟགས་དང ། མཐུ་
Kha158a
༄#། །ཆེ་བའི་རྟགས་དང ། ཇོ་བོའི་མཚན་ཉིད་དང ། བྲན་གྱི་མཚན་ཉིད་དེ། དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། ། མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ། འདི་ལྟ་སྟེ། སྨན་མས་གཅིག་ཅར་གཏོང་བ་དང ། སྦྲེངས་ཏེ་གཏོང་བ་དང ། སྐྱུག་པ་དང ། འཁྲུ་བ་དང ། སྟོད་དུ་འཁྲུ་བ་དང ། སྣར་བླུགས་པ་དང ། དུ་བ་རྔུབ་པ་དང ། དུགས་ཀྱི་ལས་དང ། བད་ཀན་གྱི་དཔྱད་དང ། ཕོ་བའི་དཔྱད་དང ། སྨྲེ་བ་དང ། ཕོལ་མིག་གི་དཔྱད་དང ། རི་དྭགས་འཁྱིལ་བ་དང ། བྱ་རོག་འཁྱིལ་བ་དང ། མཁུར་བ་འགུལ་བ་དང ། ལྕེ་སོས་ཆོད་པ་དང ། རོ་ལངས་དང ། རོ་ལངས་ཕྱེད་ལ་སྦྱོར་བར་བྱེད་དེ། དགེ་སྦྱོང་དང་བྲམ་ཟེ་རྣམས་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ། འདི་ལྟ་སྟེ། དགུག་པ་དང ། ཀུན་ཏུ་དགུག་པ་དང ། རྣམ་པར་དགུག་པ་དང ། ཀུན་ཏུ་རྨོངས་པ་དང ། རྣམ་པར་རྨོངས་པ་དང ། རྣམ་པར་འཐོར་བ་དང ། རྣམ་པར་འཇོམས་པའི་ཆོས་དང ། བདེ་བར་བྱེད་པ་དང ། སྡུག་བསྔལ་བར་བྱེད་པ་དང ། བུ་འཆགས་པར་བྱེད་པ་དང ། ཏིལ་གྱི་སྦྱིན་སྲེག་དང ། འབྲས་ཀྱི་སྦྱིན་སྲེག་དང ། ཚེར་མའི་སྦྱིན་སྲེག་དང ། རྫས་ཀྱི་
Kha158b
སྦྱིན་སྲེག་དང ། སྦྱིན་སྲེག་གི་སྦྱིན་སྲེག་དང ། ཉི་མ་ལ་བཀུར་སྟི་བྱ་བ་དང ། སྐར་མ་ལ་བཀུར་སྟི་བྱ་བ་དང ། ལྷ་ལ་བཀུར་སྟི་བྱ་བ་དང ། བཀུར་སྟིའི་གནས་ཆེན་པོ་ལ་བསྐུར་སྟི་བྱེད་པ་སྟེ། དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་སྣ་ཚོགས་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། འཇིགས་པར་འགྱུར་བ་དང ། ཞི་བར་འགྱུར་བ་དང ། ལོ་ཉེས་པར་འགྱུར་བ་དང ། ལོ་ལེགས་པར་འགྱུར་བ་དང ། ཆར་མི་འབབ་པར་འགྱུར་བ་དང ། ཆར་ལེགས་པར་འབབ་པར་འགྱུར་བ་དང ། ཡམས་ཀྱི་ནད་འབྱུང་བར་འགྱུར་བ་དང ། ཡམས་ཀྱི་ནད་འབྱུང་བར་མི་འགྱུར་བ་སྟེ། དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཡོན་པོའི་དཔྱད་སྣ་ཚོགས་ཀྱི་ལོག་པའི་འཚོ་བས་འཚོ་བར་བྱེད་པ། འདི་ལྟ་སྟེ། ཟུན་རྣམས་ཀྱི་རྒྱལ་པོ་རྒྱལ་བར་འགྱུར་ཞིང་ཕྱི་རོལ་རྣམས་ཀྱི་རྒྱལ་པོ་ཕམ་པར་འགྱུར་བ་དང ། ཕྱི་རོལ་པ་རྣམས་ཀྱི་རྒྱལ་པོ་རྒྱལ་བར་འགྱུར་ཞིང ། ཟུན་རྣམས་ཀྱི་རྒྱལ་པོ་ཕམ་པར་འགྱུར་བ་དང ། ཟུན་རྣམས་ཀྱི་རྒྱལ་པོ་གཡུལ་དུ་འཇུག་པར་འགྱུར་ཞིང ། ཕྱི་རོལ་པ་རྣམས་ཀྱི་རྒྱལ་པོ་འབྱུང་བར་འགྱུར་བ་དང ། ཕྱི་རོལ་པ་རྣམས་ཀྱི་རྒྱལ་པོ་གཡུལ་དུ་འཇུག་པར་
Kha159a
༄#། །འགྱུར་ཞིང ། ཟུན་རྣམས་ཀྱི་རྒྱལ་པོ་འབྱུང་བར་འགྱུར་བ་དག་སྟེ། དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། ། མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། ཉི་མ་དང་ཟླ་བདག་ལམ་དུ་འགྲོ་བ་དང ། ཉི་མ་དང་ཟླ་བ་དག་ལམ་གོལ་བར་འགྲོ་བ་དང ། ལམ་དུ་ཉི་མ་གཟས་ཟིན་པ་དང ། ཟླ་བ་གཟས་ཟིན་པ་དང ། སྐར་མདའ་ལྟུང་བ་དང ། ཕྱོགས་དམར་པོར་གྱུར་པ་དང ། བར་སྣང་ལས་སྒྲ་བྱུང་བ་དང ། ཉི་མ་དང་ཟླ་བ་འདི་གཉིས། འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བ། འཆར་བ་དང ། ནུབ་པ་དང ། བསྒྲིབས་པ་དང ། མ་བསྒྲིབས་པ་དང ། འདི་ལྟ་སྟེ། ལམ་དང་ལམ་གོལ་བ་དག་མངོན་པ་སྟེ།་དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །མ་སྡུག་།འདི་ལྟར། ཡང་དགེ་སྦྱོང་དང་བྲམ་ཟེ་ཁ་ཅིག་དད་པས་སྦྱིན་པ་དག་སྤྱད་ནས་ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ། འདི་ལྟ་སྟེ། ཉི་མ་དང་ཟླ་བ་དག་ལམ་དུ་འགྲོ་ན། འབྲས་བུ་འདི་ལྟ་བུར་འགྱུར་བ་དང ། ཉི་མ་དང་ཟླ་བ་དག་ལམ་གོལ་བར་འགྲོ་ན། འབྲས་བུ་འདི་ལྟ་བུར་འགྱུར་བ་དང ། ལམ་དུ་ཉི་མ་གཟས་ཟིན་པ་དང ། ཟླ་བ་གཟས་ཟིན་པ་དང ། སྐར་མདའ་ལྟུང་བ་དང ། ཕྱོགས་དམར་པོར་གྱུར་བ་དང ། བར་
Kha159b
སྣང་ལས་སྒྲ་བྱུང་ན། འབྲས་བུ་འདི་ལྟ་བུར་འགྱུར་བ་དང ། ཉི་མ་དང་ཟླ་བ་འདི་གཉིས། འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བ། འཆར་བ་དང་ནུབ་པ་དང ། བསྒྲིབས་པ་དང་མ་བསྒྲིབས་པ་དང ། འདི་ལྟ་སྟེ། ལམ་དང་ལམ་གོལ་བ་མངོན་ན། འབྲས་བུ་འདི་ལྟ་བུར་འགྱུར་བར་སྟོན་པ་སྟེ། དགེ་སྦྱོང་དང་བྲམ་ཟེ་རྣམས་ཀྱི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་ལྡན་པས་ནང་གི་བདེ་བ་ཁ་ན་མ་ཐོ་བ་མེད་པ་ཉམས་སུ་མྱོང་བར་སྤྱོད་ཅིང ། དེ་དབང་པོ་རྣམས་ཀྱི་སྒོ་བསྡམས་པ་དང ། ཀུན་ཏུ་བསྲུངས་པའི་དྲན་པ་དང ། འགྲུས་སྐྱོང་གི་དྲན་པ་དང ། ཡང་དྲན་པས་བསྲུངས་པས་གནས་སྐབས་མཉམ་པར་སྤྱོད་ཅིང་གནས་པ་ཡིན་ནོ། །དེ་མིག་གིས་གཟུགས་རྣམས་མཐོང་ནས་མཚན་མར་མི་འཛིན། མངོན་རྟགས་སུ་མི་འཛིན་ཏོ། །གཞི་གང་གི་ཕྱིར་ཞེ་ན། མིག་གི་དབང་པོའི་སྡོམ་པས་མ་བསྡམས་པར་གནས་པ་ནི། འཇིག་རྟེན་ལ་བརྣབ་སེམས་དང ། ཡིད་མི་བདེ་བ་དག་འབྱུང་བས་སྡིག་པ་མི་དགེ་བའི་ཆོས་རྣམས་སེམས་ཀྱི་རྗེས་སུ་འབྲང་བར་འགྱུར་རོ། །དེ་རྣམས་བསྡམ་པའི་ཕྱིར་བསྒྲུབ་ཅིང་བསྲུང་བར་མིག་གིས་དབང་པོས་མིག་གི་དབང་པོ་སྡོམ་པར་བྱེད་དོ། །དེ་བཞིན་དུ་རྣ་བས་སྒྲ་དང ། སྣམ་དྲི་དང ། ལྕེས་རོ་དང ། ལུས་ཀྱིས་རེག་བྱ་དང ། ཡིད་ཀྱིས་ཆོས་རྣམས་ཤེས་ནས་མཚན་མར་མི་འཛིན། མངོན་རྟགས་སུ་མི་འཛིན་ཏོ། །གཞི་གང་གི་ཕྱིར་ཞེ་ན། ཡིད་ཀྱི་དབང་པོའི་
Kha160a
༄#། །སྡོམ་པས་མ་བསྡམས་པར་གནས་པ་ནི། འཇིག་རྟེན་ལ་བརྣབ་སེམས་དང ། ཡིད་མི་བདེ་བ་དག་འབྱུང་བས་སྡིག་པ་མི་དགེ་བའི་ཆོས་རྣམས་སེམས་ཀྱི་རྗེས་སུ་འབྲང་བར་འགྱུར་རོ། །དེ་རྣམས་བསྡམ་པའི་ཕྱིར་ཡིད་ཀྱི་དབང་པོས་ཡིད་ཀྱི་དབང་པོ་སྡོམ་པར་བྱེད་དོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང ། དབང་པོ་རྣམས་ཀྱི་སྒོ་བསྡམས་པ་དེ་དང་ལྡན་པས་ནང་གི་བདེ་བ་ཁ་ན་མ་ཐོ་བ་མེད་པ་ཉམས་སུ་མྱོང་ཞིང ། དེ་འགྲོ་བ་དང་ལྡོག་པ་ལ་ཤེས་བཞིན་དུ་གནས་པ་ཡིན་ཏེ། ལྟ་བ་དང ། རྣམ་པར་ལྟ་བ་དང ། བསྐུམ་པ་དང ། བརྐྱང་བ་དང ། སྣམ་སྦྱར་དང ། ཆོས་གོས་དང ། ལྷུང་བཟེད་ཐོགས་པ་དང ། འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དང ། མི་ཉལ་བ་དང ། སྨྲ་བ་དང ། མི་སྨྲ་བ་དང ། གཉིད་ཀྱིས་དུབ་པ་བསལ་བ་ལ་ཤེས་བཞིན་དུ་གནས་པ་ཡིན་ནོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང ། དབང་པོ་རྣམས་ཀྱི་སྒོ་བསྡམས་པ་དེ་དང ། དྲན་པ་དང ། ཤེས་བཞིན་མཆོག་དེ་དང་ལྡན་པས་ནང་གི་བདེ་བ་ཁ་ན་མ་ཐོ་བ་མེད་པ་ཉམས་སུ་མྱོང་ཞིང ། དེ་གནས་མལ་དབེན་པ། དགོན་པ་དང ། ཤིང་དྲུང་དང ། ཁང་སྟོང་དག་ཏུ་གནས་པ་ཡིན་ཏེ། དགོན་པར་སོན་ཀྱང་རུང ། ཤིང་དྲུང་དུ་སོན་ཀྱང་རུང ། ཁང་སྟོང་དུ་སོན་ཀྱང་རུང་འདུག་སྟེ་སྐྱིལ་མོ་ཀྲུང་བཅས་ནས་ལུས་དྲུང་བོར་བསྲང་སྟེ་དྲན་པ་མངོན་དུ་ཕྱོགས་པར་བཞག་ནས་དེ་འཇིག་རྟེན་ལ་བརྣབ་སེམས་སྤངས་ཏེ། བརྣབ་སེམས་དང་
Kha160b
བྲལ་བའི་སེམས་ཀྱིས་ལན་མང་དུ་གནས་ཤིང་བརྣབ་སེམས་ལས་སེམས་ཡོངས་སུ་སྦྱོང་བ་ཡིན་ནོ། །འཇིག་རྟེན་ལ་གནོད་སེམས་དང ། རྨུགས་པ་དང ། གཉིད་དང ། རྒོད་པ་དང ། འགྱོད་པ་དང ། ཐེ་ཚོམ་སྤངས་ཏེ། ཡིད་གཉིས་ལས་བརྒལ་པ་ཡིན། ཐེ་ཚོམ་ལས་བརྒལ་བ་ཡིན། །དགེ་བའི་ཆོས་རྣམས་ལས་ངེས་པ་ཐོབ་པ་ཡིན། ཐེ་ཚོམ་ལས་སེམས་ཡོངས་སུ་སྦྱངས་བ་ཡིན་ནོ། །མ་སྡུག་།དཔེར་ན། མི་ཞིག་གིས་སྐྱིན་པོ་ཞིག་བླངས་ནས་ལས་ཀྱི་མཐའ་རྣམས་ལ་བརྩོན་པར་བྱས། དེའི་ལས་ཀྱི་མཐའ་དེ་རྣམས་གྲུབ་ནས། དེས་དེ་ལས་བུ་ལོན་དེ་ཡང་ཁྱེར་ལ། དེ་ལ་ཆུང་མ་གསོ་བ་ཆོག་ཙམ་ཞིག་ཀྱང་ཡོད་ནས། དེ་འདི་སྙམ་དུ་སེམས་ཏེ། བདག་གིས་སྐྱིན་པོ་བླངས་ནས་ལས་ཀྱི་མཐའ་རྣམས་ལ་བརྩོན་པར་བྱས་ཏེ། བདག་གིས་ལས་ཀྱི་མཐའ་དེ་རྣམས་གྲུབ་ནས་བདག་གིས་དེ་ལས་བུ་ལོན་ཡང་གཞལ་བདག་ལ་ཆུང་མ་གསོ་བ་ཆོག་ཙམ་ཞིག་ཀྱང་ཡོད་དོ། །སྙམ་སྟེ། དེ་གཞི་དེ་ལས་བདེ་བར་གྱུར། ཡིད་བདེ་བར་གྱུར་བ་དང ། མ་སྡུག་།དཔེར་ན། མི་ནད་པ་ནད་ཚབས་ཆེ་བ། སྡུག་བསྔལ་བ་ཞིག་ཡོད་ལ། དེ་ཟས་ཟོས་པ་ནི། ལུས་ལ་འཇུར་མི་བཏུབ། སྐོམ་འཐུངས་པ་ནི། ཁོང་དུ་གནོད་པར་གྱུར་པ་ལས། དེ་དུས་གཞན་ཞིག་ན་ནད་མེད་ཅིང་སྟོབས་དང་ལྡན་ལ་བདེ་བར་གྱུར་ཏེ། དེ་ཁ་ཟས་ཟོས་པ་འཇུར་བཏུབ། སྐོམ་འཐུངས་པ་ནི། ཁོང་དུ་གནོད་པར་མ་གྱུར་ནས། དེ་འདི་སྙམ་དུ་སེམས་ཏེ། འདི་ལྟར། བདག་སྔོན་ན་བ་ནད་ཚབས་ཆེ་བ། སྡུག་བསྔལ་བར་གྱུར་པ་ན། བདག་གིས་ཁ་ཟས་ཟོས་པ་ནི། ལུས་ལ་
Kha161a
༄#། །འཇུར་མི་བཏུབ། སྐོམ་འཐུངས་པ་ནི་ཁོང་དུ་གནོད་པར་གྱུར་པ་ལས། ད་ནི་འདི་ལྟར་བདག་ནད་མེད་ཅིང་སྟོབས་དང་ལྡན་པས་བདེ་བར་གྱུར་ཏེ། བདག་གིས་ཟས་ཟོས་པ་ནི་ལུས་ལ་འཇུར་བཏུབ། སྐོམ་འཐུངས་པ་ནི་ཁོང་དུ་གནོད་པར་མ་གྱུར་ཏོ་སྙམ་སྟེ། དེ་གཞི་དེ་ལས་བདེ་བ་དང ། ཡིད་བདེ་བར་གྱུར་པ་དང ། མ་སྡུག་།དཔེར་ན། མི་ཞིག་བྲན་དུ་གྱུར་ཏེ། མངག་གཞུག་པ་དང ། གོ་རེ་ལོང་བ་དང ། ལྟོ་ཁོལ་དང ། རང་དབང་མེད་པར་གྱུར་པ་ལས། དེ་དུས་གཞན་ཞིག་ན་བྲན་མི་བྱེད་པར་གྱུར་ཏེ། མངག་གཞུག་མི་བྱེད། གོ་རེ་ལོང་མི་བྱེད། ལྟོ་ཁོལ་མི་བྱེད་དེ། རང་དབང་ཡོད་ནས་དེ་འདི་སྙམ་དུ་སེམས་ཏེ། འདི་ལྟར། བདག་སྔོན་བྲན་དུ་གྱུར་པ་ན་མངག་གཞུག་པ་དང ། གོ་རེ་ལོང་བ་དང ། ལྟོ་ཁོལ་དང ། རང་དབང་མེད་པ་ལས། ད་ནི་བྲན་མི་བྱེད་པས་མངག་གཞུག་མི་བྱེད། གོ་རེ་ལོང་མི་བྱེད། རང་དབང་ཡོད་དོ་སྙམ་ནས་དེ་གཞི་དེ་ལས་བདེ་བར་གྱུར། ཡིད་བདེ་བར་གྱུར་པ་དང ། མ་སྡུག་།དཔེར་ན། མི་ཞིག་བཙོན་དུ་བཟུང་སྟེ། ལག་པ་ཕྱིན་ཀ་ལོག་ཏུ་དམ་དུ་བཅིངས་པར་གྱུར་པ་ལས། དེ་དེ་ལས་ནོར་གཞལ་བ་མེད་པར་བདེ་བར་ལེགས་པར་ཐར་ནས་དེ་འདི་སྙམ་དུ་སེམས་ཏེ། འདི་ལྟར། བདག་སྔོན་བཙོན་དུ་བཟུང་སྟེ་ལག་པ་ཕྱིན་ཀ་ལོག་ཏུ་དམ་དུ་བཅིངས་པར་གྱུར་པ་ལས། ད་ནི་དེ་ལས་བདག་ནོང་གཞལ་བ་མེད་པར་བདེ་བར་ལེགས་པར་ཐར་ཏེ་སྙམ་སྟེ། དེ་གཞི་དེ་ལས་
Kha161b
ཡིད་བདེ་བར་གྱུར་པ་དང ། མ་སྡུག་།དཔེར་ན། མི་ཞིག་འཇིགས་པ་ལས་བདེ་བ་དང ། ལོ་ཉེས་པ་ལས་ལོ་ལེགས་པར་གྱུར་ནས། དེ་འདི་སྙམ་དུ་སེམས་ཏེ། འདི་ལྟར། བདག་འཇིགས་པ་ལས་བདེ་བ་དང ། ལོ་ཉེས་པ་ལས་ལོ་ལེགས་པར་གྱུར་ཏོ་སྙམ་སྟེ། དེ་གཞི་དེ་ལས་བདེ་བར་གྱུར། དགའ་བར་གྱུར་བ་དེ་བཞིན་དུ། དེས་བདག་ཉིད་ཀྱི་སྒྲིབ་པ་ལྔ་པོ་སྐྱིན་པོ་ཇི་ལྟ་བ་དང ། ནད་ཇི་ལྟ་བ་དང ། བྲན་ཇི་ལྟ་བ་དང ། བཙོན་ཇི་ལྟ་བ་དང ། འཇིགས་པ་ཇི་ལྟ་བ་དེ་དག་སྤངས་པར་ཡང་དག་པར་རྗེས་སུ་མཐོང་ངོ ། །དེ་སྒྲིབ་པ་ལྔ་པོ་སེམས་ཉེ་བའི་ཉོན་མོངས་པར་བྱེད་པ། ཤེས་རབ་ཉམ་ཆུང་པར་བྱེད་པ། གནོད་པའི་ཕྱོགས་དང་མཐུན་པ། མྱ་ངན་ལས་འདས་པ་དང་མི་མཐུན་པ་དག་སྤངས་ནས་འདོད་པ་དག་ལས་དབེན། སྡིག་པ་མི་དགེ་བའི་ཆོས་རྣམས་ལས་དབེན། རྟོག་པ་དང་བཅས། དཔྱོད་པ་དང་བཅས། དབེན་པ་ལས་སྐྱེས་པའི་དགའ་བ་དང་བདེ་བ་ཅན། བསམ་གཏན་དང་པོ་རྫོགས་པར་བྱས་ཏེ་གནས་སོ། །དཔེར་ན། ཁྲུས་མཁན་ནམ། ཁྲུས་མཁན་གྱི་སློབ་མ་མཁས་པ་ཞིག་ཁམ་ཕོར་རམ། གཞོང་བུའམ། ཉ་ཕྱིས་ཀྱི་ནང་དུ་འདག་ཆལ་གྱི་ཕྱེ་མ་ཞིབ་མོ་ཆུས་ཡང་བཏབ་ཡང་བཏབ་སྟེ་སྤངས་ན། འདག་ཆལ་གྱི་གོང་བུ་དེ་གཤེར་གཤེར་དང་ལྡན། གཤེར་གྱིས་ཞེན་ཏེ། གཤེར་གྱིས་ཕྱི་ནང་ཁྱབ་པས་འབོ་བར་མི་འགྱུར། འཇིག་པར་མི་འགྱུར་བ་དེ་བཞིན་དུ། དགེ་སློང་དེའི་ལུས་དབེན་པ་ལས་སྐྱེས་པའི་དགའ་བའི་བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་
Kha162a
༄#། །སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། དབེན་པ་ལས་སྐྱེས་པའི་དགའ་བ་དང་བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་རྟོག་པ་དང་དཔྱོད་པ་དང་བྲལ་ཞིང ། ནང་ཡོངས་སུ་དང་སྟེ་སེམས་ཀྱི་རྒྱུད་གཅིག་ཏུ་གྱུར་པས། རྟོག་པ་མེད་པ། དཔྱོད་པ་མེད་པ། ཏིང་འཛིན་ལས་སྐྱེས་པའི་དགའ་བ་དང་བདེ་བ་ཅན། བསམ་གཏན་གཉིས་པ་རྫོགས་པར་བྱས་ཏེ་གནས་སོ། །དེ་འདི་ལྟར། ལུས་འདི་ལ་ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། །ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། ཏིང་འཛིན་ལས་སྐྱེས་པའི་དགའ་བ་དང་བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དཔེར་ན། རིའི་རྩེ་ན་བཀོད་མའི་མཚོ་ཕྲན་ཞིག་ཡོད་པར་གྱུར་ལ། དེར་ནི། ཤར་ཕྱོགས་ནས་ཀྱང་ཆུ་མི་འབབ་པར་གྱུར་ལ། ལྷོ་ཕྱོགས་ནས་མ་ཡིན། ནུབ་ཕྱོགས་ནས་མ་ཡིན། བྱང་ཕྱོགས་ནས་ཀྱང་ཆུ་མི་འབབ་ལ། དེར་ལྷས་ཀྱང་དུས་དུས་སུ་ཆར་གྱི་རྒྱུན་མི་འབེབས་ཏེ། གཞན་དུ་ན་བཀོད་མའི་མཚོ་ཕྲན་དེ་ཉིད་ནས་བཀོད་མའི་ཆུའམ། བཀོད་མའི་ཆུ་ཆེན་པོ་ལུད་ནས་བཀོད་མའི་མཚོ་ཕྲན་དེ་ཐམས་ཅད་ཆུ་བསིལ་བས་གང་བར་བྱེད། ཡོངས་སུ་གང་བར་བྱེད། ཤིན་ཏུ་གང་བར་བྱེད། ཡོངས་སུ་ཁྱབ་པར་བྱེད་དེ། བཀོད་མའི་མཚོ་ཕྲན་དེ་ཐམས་ཅད་འདི་ལྟ་
Kha162b
སྟེ། ཆུ་བསིལ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་བཞིན་དུ་ལུས་ལ་ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་དགའ་བའི་འདོད་ཆགས་དང་བྲལ་བས་བཏང་སྙོམས་ལ་གནས་ཤིང་དྲན་པ་དང་ཤེས་བཞིན་ཅན་ཡིན་ཏེ། བདེ་བ་ལུས་ཀྱིས་མྱོང་ལ། འཕགས་པ་རྣམས་ཀྱིས་གང་དེ་དྲན་པ་དང་ལྡན་པ། བདེ་བ་ལ་གནས་པ། བཏང་སྙོམས་པའོ། །ཞེས་བརྗོད་པ་སྟེ། དགའ་བ་མེད་པའི་བསམ་གཏན་གསུམ་པ་རྫོགས་པར་བྱས་ཏེ་གནས་སོ། །དེ་འདི་ལྟར། ལུས་འདི་ལ་དགའ་བ་མེད་པའི་བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། དགའ་བ་མེད་པའི་བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །འདི་ལྟ་སྟེ། དཔེར་ན། ཨུཏྤ་ལའམ། པདྨའམ། ཀུ་མུ་དའམ། པདྨ་དཀར་པོ་ཆུ་ལས་སྐྱེས་ཤིང་ཆུ་ནས་ཆེན་པོར་གྱུར་པ། རྩེས་བཏགས་ཤིང་འདུག་པ་དེ་དྲག་གི་རྩ་བ་ནས་རྩེ་མོའི་བར་གྱི་གསབ་གསེབ་ནི། འདི་ལྟ་སྟེ། ཆུ་བསིལ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་བཞིན་དུ་ལུས་ལ་དགའ་བ་མེད་པའི་བདེ་བས་མངོན་དུ་རླན་པར་བྱེད།
Kha163a
༄#། །ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། དགའ་བ་མེད་པའི་བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་བདེ་བ་ཡང་སྤངས་ཏེ། སྔ་ནས་སྡུག་བསྔལ་ཡང་སྤངས་ཤིང ། ཡིད་བདེ་བ་དང་ཡིད་མི་བདེ་བ་ཡང་ནུབ་པས་བདེ་བ་ཡང་མ་ཡིན། སྡུག་བསྔལ་ཡང་མ་ཡིན་པ། བཏང་སྙོམས་དང་དྲན་པ་ཡོངས་སུ་དག་པ་བསམ་གཏན་བཞི་པ་རྫོགས་པར་བྱས་ཏེ་གནས་སོ། །དེ་འདི་ལྟར། ལུས་འདི་ལ་ཡོངས་སུ་དག་པ་དང་རྣམ་པར་བྱང་བའི་སེམས་ཀྱིས་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དཔེར་ན། ཁྱིམ་བདག་གམ། ཁྱིམ་བདག་གི་བུས་རས་ཁྲུ་བརྒྱད་པའམ་དགུ་པས། དེ་མགོ་དང ། ལག་པ་དང ། རྐང་པ་གཡོགས་ན། དེའི་མགོ་དང ། ལག་པ་ནས་རྐང་པའི་བར་ལུས་ཐམས་ཅད་འདི་ལྟ་སྟེ། རས་གཙང་མ་ཡོངས་སུ་དག་པས་མ་གཡོགས་པའམ། གཡོགས་པར་མ་གྱུར་པ་ཅུང་ཟད་ཀྱང་མེད་དོ། །དེ་བཞིན་དུ་དེ་འདི་ལྟར། ལུས་འདི་ལ་ཡོངས་སུ་དག་པ་དང་རྣམ་པར་བྱང་བའི་སེམས་ཀྱིས་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་པ་དེའི་ལུས་ཐམས་ཅད་ལ་འདི་ལྟ་སྟེ། ཡོངས་སུ་དག་པ་དང་རྣམ་པར་བྱང་བའི་སེམས་ཀྱིས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །མ་སྡུག་།གང་གི་ཚེ་ཁོ་ན་འཕགས་པའི་ཉན་ཐོས་བདེ་བ་ཡང་སྤངས་ཏེ། སྔ་ནས་སྡུག་བསྔལ་
Kha163b
ཡང་སྤངས་ཤིང ། ཡིད་བདེ་བ་དང་ཡིད་མི་བདེ་བ་ཡང་ནུབ་པས་བདེ་བ་ཡང་མ་ཡིན། སྡུག་བསྔལ་ཡང་མ་ཡིན་པ། བཏང་སྙོམས་དང་དྲན་པ་ཡོངས་སུ་དག་པ་བསམ་གཏན་བཞི་པ་རྫོགས་པར་བྱས་ཏེ་གནས་པ་དེ་ཁོ་ནའི་སེམས་རྒོད་པ་མ་ཡིན། ཞུམ་པ་མ་ཡིན་ནོ། །རྒོད་པ་མེད་ཅིང་ཞུམ་པ་མེད་པས་མི་གཡོ་བར་གནས་པ་ཐོབ་པོ། །དཔེར་ན། ཁང་པ་བརྩེགས་མའམ། ཁང་པ་བརྩེགས་མའི་ཁྱམས་སུ་འབྲུ་མར་བུས་པ་དེའི་མེ་ལྕེ་དེ། རླུང་ནས་བྱ་དང ། མི་དང ། མི་མ་ཡིན་པའི་བར་གྱིས་མ་བསྐྱོད་ཅིང་མ་བསྒུལ་བ་དེའི་ཚེ་རྒོད་པ་མ་ཡིན། ཞུམ་པ་མ་ཡིན་ནོ། །རྒོད་པ་མེད་ཅིང་ཞུམ་པ་མེད་ཅིང་ཞུམ་པ་མེད་པར་གནས་པས་མི་གཡོ་བར་འབར་བ་དེ་བཞིན་དུ། མ་སྡུག་།གང་གི་ཚེ་འཕགས་པའི་ཉན་ཐོས་ཀྱིས་བདེ་བ་ཡང་སྤངས་ཏེ། སྔ་ནས་སྡུག་བསྔལ་ཡང་སྤངས་ཤིང ། ཡིད་བདེ་བ་དང་ཡིད་མི་བདེ་བ་ཡང་ནུབ་ནས། བདེ་བ་ཡང་མ་ཡིན། སྡུག་བསྔལ་ཡང་མ་ཡིན་པ། བཏང་སྙོམས་དང་དྲན་པ་ཡོངས་སུ་དག་པ་བསམ་གཏན་བཞི་པ་རྫོགས་པར་བྱས་ཏེ་གནས་པ་དེའི་ཚེ་དེའི་སེམས་རྒོད་པ་མ་ཡིན། ཞུམ་པ་མ་ཡིན་ནོ། །རྒོད་པ་མེད་ཅིང་ཞུམ་པ་མེད་པས་མི་གཡོ་བར་གནས་པ་ཐོབ་ནས། དེ་འདི་སྙམ་དུ་སེམས་ཏེ། བདག་གི་ལུས་ཀྱི་གཟུགས་འདི་ནི། རགས་པ་འབྱུང་བ་ཆེན་པོ་བཞིའི་རྒྱུ་ལས་བྱུང་བ་ཡིན་ཏེ། འདི་ལ་བདག་ཅག་གི་རྣམ་པར་ཤེས་པ་བརྟེན་ཅིང་འདི་ལ་གནས་ཏེ། འདི་ལ་ཁྱབ་པར་གནས་ཀྱི། མ་ལ་བདག་གི་ལུས་འདི་ལས་ཡིད་བསྐྱོད་དེ།
Kha164a
༄#། །ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་དང ། དམན་པ་མ་ཡིན་པ་ཞིག་མངོན་པར་སྤྲུལ་ལོ། །སྙམ་ནས། དེ་ལུས་དེ་ལས་ཡིད་བསྐྱོད་དེ་ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་དང ། དམན་པ་མ་ཡིན་པ་མངོན་པར་སྤྲུལ་པར་བྱེད་དོ། །མ་སྡུག་།དཔེར་ན། ནོར་བུ་བཻ་ཌཱུརྱ་བཟང་པོ་རིགས་དང་ལྡན་པ། གསལ་བ་དང་དྲི་མ་མེད་པ། ཚོ་ན་སྐུད་སྣ་ལྔ་པ་འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། ལེ་བརྒན་ལས་བརྒྱུས་པ་དེ། སྐྱེས་བུ་མིག་དང་ལྡན་པས་མཐོང་ན། འདི་ནི། སྐུད་པ་ཡིན་ནོ། །འདི་ནི། ནོར་བུ་ཡིན་ནོ། །འདི་ནི། སྐུད་པས་ནོར་བུ་བརྒྱུས་པ་ཡིན་ནོ། །ཞེས་ཤེས་པ་དེ་བཞིན་དུ། དེ་ལུས་དེ་ལས་ཡིད་བསྐྱོད་ནས་ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་དང ། དམན་པ་མ་ཡིན་པ་མངོན་པར་སྤྲུལ་པར་བྱེད་དོ། །མ་སྡུག་།དཔེར་ན། མི་ཞིག་གིས་རྩཝ་མུན་ཛ་ལས་ཐུར་མ་ཕྱུང་བ་དེ། སྐྱེས་བུ་མིག་དང་ལྡན་པས་མཐོང་ན། འདི་ནི། མུན་ཛ་ཡིན་ནོ། །འདི་ནི། ཐུར་མ་ཡིན་ཏེ། མུན་ཛ་ལས་ཐུར་མ་ཕྱུང་བ་ཡིན་ནོ། །ཞེས་ཤེས་པ་དེ་བཞིན་དུ། དེ་ལུས་དེ་ལས་ཡིད་བསྐྱོད་ནས་ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་དང ། དམན་པ་མ་ཡིན་པ་མངོན་པར་སྤྲུལ་པར་བྱེད་དོ། །མ་སྡུག་།དཔེར་ན། མི་ཞིག་གིས་ཟ་མ་ཏོག་ནས་སྤྲུལ་ཕྱུང་བ་ན། དེ་སྐྱེས་བུ་མིག་དང་ལྡན་པས་མཐོང་ན། འདི་ནི།
Kha164b
ཟ་མ་ཏོག་ཡིན་ནོ། །འདི་ནི། སྤྲུལ་ཡིན་ཏེ། ཟ་མ་ཏོག་ནས་སྤྲུལ་ཕྱུང་བ་ཡིན་ནོ། །ཞེས་ཤེས་པ་དེ་བཞིན་དུ། དེ་ལུས་དེ་ལས་ཡིད་བསྐྱོད་ནས་ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་དང ། དམན་པ་མ་ཡིན་པ་མངོན་པར་སྤྲུལ་པར་བྱེད་དོ། །མ་སྡུག་།དཔེར་ན། མི་ཞིག་གིས་རལ་གྲི་ཤུབས་ནས་ཕྱུང་བ་ན། དེ་སྐྱེས་བུ་མིག་དང་ལྡན་པས་མཐོང་ན། འདི་ནི། ཤུབས་ཡིན་ནོ། །འདི་ནི། རལ་གྲི་ཡིན་ཏེ། རལ་གྲི་ཤུབས་ནས་ཕྱུང་བ་ཡིན་ནོ། །ཞེས་ཤེས་པ་དེ་བཞིན་དུ། དེ་ལུས་དེ་ལས་ཡིད་བསྐྱོད་ནས་ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་དང ། དམན་པ་མ་ཡིན་པ་མངོན་པར་སྤྲུལ་པར་བྱེད་དོ། །དེ་དེ་ལྟར་མཉམ་པར་གཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང ། བྲལ་བ། དྲང་པོར་གྱུར་པ། ལས་སུ་རུང་བ། གནས་པ་མི་གཡོ་བ་ཐོབ་པ། རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་པར་གཏོད་པར་བྱེད་དེ། དེ་རྫུ་འཕྲུལ་གྱི་ཡུལ་རྣམ་པ་དུ་མ་ཉམས་སུ་མྱོང་བར་བྱེད་དེ། འདི་ལྟ་སྟེ། གཅིག་ཏུ་གྱུར་ནས་མང་པོར་གྱུར་པ་དང ། མང་པོར་གྱུར་ནས་གཅིག་ཏུ་གྱུར་པ་དང ། སྣང་བར་གྱུར་ཅིང་མི་སྣང་བའི་ཡེ་ཤེས་མཐོང་བ་ཉམས་སུ་མྱོང་བར་བྱེད་ཅིང ། རྩིག་པ་ལ་ཡང་ཐད་ཀར་འགྲོ། རི་ལ་ཡང་ཐད་ཀར་འགྲོ། ར་བ་ལ་ཡང་ཐད་ཀར་འགྲོའོ། །ལུས་ཀྱིས་ཐོགས་པ་མེད་པར་འགྲོ་བ་ནི། དཔེར་ན། ནམ་མཁའ་ལ་
Kha165a
༄#། །བྱ་བ་བཞིན་ནོ། །ས་ལ་ཡང་སྟེང་དུ་འགྲོ་བ་དང ། བྱེའུ་ཟུལ་བྱེད་དེ། དཔེར་ན། ཆུ་ལ་བྱ་བ་བཞིན་ནོ། །ཆུ་ལ་ཡང་རྒྱུན་ཕྱོགས་ལས་ལྡོག་པར་འགྲོ་སྟེ། དཔེར་ན། ས་ལ་བྱ་བ་བཞིན་ནོ། །ནམ་མཁའ་ལ་ཡང་སྐྱིལ་མོ་ཀྲུང་གིས་འགྲོ་སྟེ། དཔེར་ན། འདབ་ཆགས་བྱ་བཞིན་ནོ། །ཉི་མ་དང་ཟླ་བ། འདི་ལྟར་རྫུ་འཕྲུལ་ཆེ་ཞིང ། འདི་ལྟར་མཐུ་ཆེ་བ་འདི་གཉིས་ལ་ལག་པས་འཛིན་ཅིང་ཉུག་པར་བྱེད་ཅིང ། ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་སྒྱུར་རོ། །དཔེར་ན། གསེར་མགར་རམ། གསེར་མགར་གྱི་སློབ་མ་མཁས་པ་ཞིག་གིས་གསེར་ཤིན་ཏུ་ལས་སུ་རུང་བར་བྱས་པར་རིག་ནས་རྡུང་དུ་བྱ་བའི་རྣམ་པ་ཕུར་བུའམ། མགུལ་རྒྱན་ནམ། ལག་རྒྱན་ནམ། རྐང་རྒྱན་ནམ། གསོར་གདུབ་རྒྱའམ། གསེར་གྱི་ཕྲེང་བ་གང་དང་གང་བྱེད་འདོད་པ་དེ། མྱུར་བར་བྱེད་པ་དེ་བཞིན་དུ། དེ་འདི་ལྟར། མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ། གནས་པ་མི་གཡོ་བ་ཐོབ་པ། རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་དེ། འདི་ལྟ་སྟེ། གཅིག་ཏུ་གྱུར་ནས་མང་པོར་གྱུར་པ་དང་ཞེས་བྱ་བ་ནས་ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་སྒྱུར་རོ། །ཞེས་བྱ་བའི་བར་གོང་མ་བཞིན་དུའོ། །དཔེར་ན། རྫ་མཁན་ནམ། རྫ་མཁན་གྱི་སློབ་
Kha165b
མ་མཁས་པ་ཞིག་གིས་འཇིམ་པའི་གོང་བུ་ཤིན་ཏུ་ལས་སུ་རུང་བར་བྱས་པར་རིག་ནས་སྣོད་སྤྱད་ཀྱི་རྣམ་གྲངས་གང་སྒྲུབ་པར་འདོད་པ་དེ་ཁོ་ན་མྱུར་བ་མྱུར་བར་སྒྲུབ་པ་དེ་བཞིན་དུ། དེ་འདི་ལྟར། མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ་ཞེས་བྱ་བ་ནས་ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་སྒྱུར་རོ། ། ཞེས་བྱ་བའི་བར་གོང་མ་བཞིན་དུའོ། །དཔེར་ན། བ་སོ་མཁན་ནམ། བ་སོ་མཁན་གྱི་སློབ་མ་མཁས་པ་ཞིག་གིས་བ་སོ་ཤིན་ཏུ་ལས་སུ་རུང་པར་བྱས་བར་རིག་ནས་གཟུགས་ཀྱི་རྣམ་གྲངས་གང་དང་གང་སྒྲུབ་པར་འདོད་པ་དེ་ཁོ་ན་མྱུར་བ་མྱུར་བར་སྒྲུབ་པ་དེ་བཞིན་དུ། དེ་འདི་ལྟར། མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ་ཞེས་བྱ་བ་ནས་ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་སྒྱུར་རོ། །ཞེས་བྱ་བའི་བར་གོང་མ་བཞིན་དུའོ། །དེ་འདི་ལྟར། མཉམ་པར་གཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ། ལྷའི་རྣ་བ་ཤེས་པའི་མངོན་པར་ཤེས་པ་མངོན་སུམ་དུ་བྱ་བ་ལ་སེམས་མངོན་དུ་གཏོད་པར་བྱེད་དེ། དེ་ལྷའི་རྣ་བ་རྣམ་པར་དག་པ་མིའི་ལས་འདས་པས་མི་རྣམས་ཀྱིའམ། མི་མ་ཡིན་པ་རྣམས་ཀྱིའམ། གང་དག་རིང་པོའམ། གང་དག་ཉེ་བའི་སྒྲ་གཉི་ག་ཐོས་པར་བྱེད་དོ། །དཔེར་ན། མི་དུང་འབུད་པ་ཞིག་རི་བྲག་ཆེན་པོའི་ཁར་འཛེག་ནས་མཚན་མོ་
Kha166a
༄#། །ནམ་ཕྱེད་ཀྱི་དུས་སུ་དུང་བུས་ན། དེའི་སྒྲ་དེས་སའི་ཕྱོགས་ཐོགས་པ་མེད་པར་ཁྱབ་པར་འགྱུར་བ་དེ་བཞིན་དུ། དེ་འདི་ལྟར། མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ། ལྷའི་རྣ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་དེ། དེ་ལྷའི་རྣ་བ་རྣམ་པར་དག་པ་མིའི་ལས་འདས་པས་མི་རྣམས་ཀྱིའམ། མི་མ་ཡིན་པ་རྣམས་ཀྱིའམ། གང་དག་རིང་པོའམ། གང་དག་ཉེ་བའི་སྒྲ་གཉི་ག་ཐོས་པར་བྱེད་དོ། །དེ་འདི་ལྟར། མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ། སེམས་ཀྱི་རྣམ་གྲངས་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་པར་གཏོད་པར་བྱེད་དེ། དེས་སེམས་ཅན་གཞན་རྣམས་ཀྱི་དང ། གང་ཟག་གཞན་རྣམས་ཀྱི་རྣམ་པར་རྟོག་པ་དང ། རྣམ་པར་དཔྱོད་པའི་ཡིད། ཡིད་ཀྱིས་ཇི་ལྟ་བ་བཞིན་དུ་རབ་ཏུ་ཤེས་ཏེ། འདོད་ཆགས་དང་བཅས་པའི་སེམས་ལ་འདོད་ཆགས་དང་བཅས་པའི་སེམས་ཡིན་ནོ། ། ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །འདོད་ཆགས་དང་བྲལ་བའི་སེམས་ལ་འདོད་ཆགས་དང་བྲལ་བའི་སེམས་ཡིན་ནོ། །ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །
Kha166b
ཞེ་སྡང་དང་བཅས་པ་དང ། ཞེ་སྡང་དང་བྲལ་བ་དང ། གཏི་མུག་དང་བཅས་པ་དང ། གཏི་མུག་དང་བྲལ་བ་དང ། བསྡུས་པ་དང ། རྣམ་པར་གཡེང་བ་དང ། ཞུམ་པ་དང ། རབ་ཏུ་འཛིན་པ་དང ། ཆུང་ངུ་དང ། ཆེན་པོ་དང ། རྒོད་པ་དང ། རྒོད་པ་མ་ཡིན་པ་དང ། ཉེ་བར་ཞི་བ་དང ། ཉེ་བར་ཞི་བ་མ་ཡིན་པ་དང ། མཉམ་པར་བཞག་པ་དང ། མཉམ་པར་བཞག་པ་མ་ཡིན་པ་དང ། བསྒོམས་པ་དང ། བསྒོམས་པ་མ་ཡིན་པ་དང ། སེམས་རྣམ་པར་གྲོལ་བ་དང ། སེམས་རྣམ་པར་གྲོལ་བ་མ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དཔེར་ན། སྐྱེས་བུ་མིག་དང་ལྡན་པས་མེ་ལོང་གི་དཀྱིལ་འཁོར་ཡོངས་སུ་དག་པར་བྱས་ཏེ། རང་གི་བཞིན་གྱི་མཚན་མ་རྟོག་པར་བྱེད་པ་དེ་བཞིན་དུ། དེ་འདི་ལྟར། མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ། སེམས་ཀྱི་རྣམ་གྲངས་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་དེ་ཞེས་བྱ་བ་ནས་སེམས་ཤིན་ཏུ་རྣམ་པར་གྲོལ་བ་ལ་སེམས་ཤིན་ཏུ་རྣམ་པར་གྲོལ་བ་ཡིན་ནོ། །ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཞེས་བྱ་བའི་བར་གོང་མ་བཞིན་ཏེ། འདི་ནི། ཞབས་ཞེས་བྱའོ། །རིག་པ་གང་ཞེ་ན། དེ་འདི་ལྟར་མཉམ་པར་གཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ། སྔོན་གྱི་གནས་
Kha167a
༄#། །རྗེས་སུ་དྲན་པ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་པར་གཏོད་པར་བྱེད་དེ། དེ་སྔོན་གྱི་གནས་རྣམ་པ་དུ་མ་རྗེས་སུ་དྲན་ཏེ། འདི་ལྟ་སྟེ། སྐྱེ་བ་གཅིག་དང ། གཉིས་དང ། གསུམ་དང ། བཞི་དང ། ལྔ་དང ། དྲུག་དང ། བདུན་དང ། བརྒྱད་དང ། དགུ་དང ། བཅུ་དང ། ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུ་དང ། སྐྱེ་བ་བརྒྱ་དང ། སྐྱེ་བ་སྟོང་དང ། སྐྱེ་བ་བརྒྱ་སྟོང་དང ། སྐྱེ་བ་བརྒྱ་ཕྲག་དུ་མ་དང ། སྐྱེ་བ་སྟོང་ཕྲག་དུ་མ་དང ། སྐྱེ་བ་བརྒྱ་སྟོང་ཕྲག་དུ་མ་དང ། འཇིག་པའི་བསྐལ་པ་དང ། ཆགས་པའི་བསྐལ་པ་དང ། འཇིག་པ་དང་འཆགས་པའི་བསྐལ་པ་དང ། ཆགས་པའི་བསྐལ་པ་དུ་མ་དང ། འཇིག་པའི་བསྐལ་པ་དུ་མ་དང ། འཆགས་པ་དང་འཇིག་པའི་བསྐལ་པ་དུ་མ་རྗེས་སུ་དྲན་ཏེ། གང་དུ་བདག་སེམས་ཅན་འདི་དག་གི་ནང་དུ་སྐྱེས་པ་ན། མིང་ནི། འདི་ཞེས་བྱ། རིགས་ནི། འདི་ཞེས་བྱ། རུས་ནི། འདི་ཞེས་བྱ། ཁ་ཟས་ནི། འདི་ལྟ་བུ་ཞིག་ཟ་ཟ། བདེ་བ་དང་སྡུག་བསྔལ། འདི་ལྟ་བུ་ཞིག་མྱོང་ངོ ། །ཚེ་རིང་ཁྱད་ནི། འདི་ཙམ་ཞིག་།ཡུན་ནི། འདི་སྲིད་ཅིག་གནས་གནས། ཚེ་ནི། འདི་ཙམ་ཞིག་ཐུབ་བོ། །དེ་ནས་བདག་ཤི་འཕོས་ནས་ཆེ་གེ་མོ་ཞིག་ཏུ་སྐྱེས་སོ། །དེ་ནས་ཤི་འཕོས་ནས་ཡང་ག་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ནས་འདིར་སྐྱེས་སོ། །ཞེས་རྣམ་པ་དང་བཅས། ཡུལ་ཕྱོགས་དང་བཅས། གཞི་ཅི་ལས་གྱུར་པ་དང་བཅས་པར་སྔོན་གྱི་གནས་རྣམ་པ་དུ་མ་རྗེས་སུ་དྲན་ནོ། །དཔེར་ན། མི་ཞིག་གྲོང་ནས་
Kha167b
གྲོང་དུ་སོང་ལ། དེ་ནས་ཀྱང་གྲོང་གཞན་དུ་སོང་ནས་དེ་འདི་སྙམ་དུ་སེམས་ཏེ། བདག་གིས་གྲོང་ཆེ་གེ་མོ་ནས་ག་གེ་མོར་སོན་ཏེ། དེ་ནས་ཀྱང་གྲོང་ཁྱེར་ཆེ་གེ་མོར་རོ། །གྲོང་དེ་ནས་ནི་གྲོང་འདིར་འོངས་སོ། ། སྙམ་པ་དེ་བཞིན་དུ། དེ་འདི་ལྟར། མཉམ་པར་གཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ། སྔོན་གྱི་གནས་རྗེས་སུ་དྲན་པ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་དེ། དེ་སྔོན་གྱི་གནས་རྣམ་པ་དུ་མ་རྗེས་སུ་དྲན་ཏེ། འདི་ལྟ་སྟེ། སྐྱེ་བ་གཅིག་དང་ཞེས་བྱ་བ་ནས་རྣམ་པ་དང་བཅས། ཡུལ་ཕྱོགས་དང་བཅས་པར་སྔོན་གྱི་གནས་རྣམ་པ་དུ་མ་རྗེས་སུ་དྲན་ནོ། །ཞེས་བྱ་བའི་བར་གོང་མ་བཞིན་དུའོ།། །།འདུལ་བ་གཞི། བམ་པོ་སུམ་ཅུ་གཉིས་པ། དེ་འདི་ལྟར། མཉམ་པར་གཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ། འཆི་འཕོ་དང་སྐྱེ་བ་ཤེས་པ་མངོན་དུ་བྱ་བའི་མངོན་པར་ཤེས་པ་ལ་སེམས་མངོན་པར་གཏོད་པར་བྱེད་དེ། དེ་ལྷའི་མིག་རྣམ་པར་དག་པ་མིའི་ལས་འདས་པས། སེམས་ཅན་རྣམས་ཀྱི་འཆི་འཕོ་རྣམས་དང ། སྐྱེ་བ་རྣམས་དང ། ཁ་དོག་བཟང་པོ་རྣམས་དང ། ཁ་དོག་ངན་པ་རྣམས་དང ། དམན་པ་རྣམས་དང ། གྱ་ནོམ་པ་རྣམས་དང ། བདེ་འགྲོ་དང་ངན་འགྲོར་འགྲོ་བ་རྣམས་ཀྱང་མཐོང་ཞིང ། སེམས་
Kha168a
༄#། །ཅན་ལས་ཇི་ལྟ་བ་བཞིན་ཉེ་བར་འགྲོ་བ་རྣམས་ཡང་དག་པ་ཇི་ལྟ་བ་བཞིན་རབ་ཏུ་ཤེས་ཏེ། སེམས་ཅན་འདི་དག་ནི། ལུས་ཀྱི་ཉེས་པར་སྤྱོད་པ་དང་ལྡན། ངག་དང་ཡིད་ཀྱི་ཉེས་པར་སྤྱོད་པ་དང་ལྡན། འཕགས་པ་རྣམས་ལ་སྐུར་བ་འདེབས་པ་དང ། ལོག་པར་ལྟ་བ་དང ། ལོག་པར་ལྟ་བའི་ཆོས་ཀྱི་ལས་བླངས་པའི་རྒྱུས་རྒྱུ་དེ་དང་རྐྱེན་དེས། ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །སེམས་ཅན་འདི་དག་ནི། ལུས་ཀྱི་ལེགས་པར་སྤྱོད་པ་དང་ལྡན། ངག་དང་ཡིད་ཀྱི་ལེགས་པར་སྤྱོད་པ་དང་ལྡན་འཕགས་པ་རྣམས་ལ་སྐུར་པ་མི་འདེབས་པ་དང ། ཡང་དག་པར་ལྟ་བ་དང ། ཡང་དག་པར་ལྟ་བའི་ཆོས་ཀྱི་ལས་བླངས་པའི་རྒྱུས་རྒྱུ་དེ་དང་རྐྱེན་དེས། ལུས་ཞིག་ནས་བདེ་འགྲོ་མཐོ་རིས་ཀྱི་ལྷ་རྣམས་སུ་སྐྱེ་བར་འགྱུར་རོ། །དཔེར་ན། སྐྱེས་བུ་མིག་དང་ལྡན་པ་ཞིག་ལམ་པོ་ཆེའི་བཞི་མདོར་འདུག་ནས་སྐྱེ་བོའི་ཚོགས་ཆེན་པོ་འོང་བ་དང ། འདུག་པ་དང ། ཉལ་བ་དང ། ཐ་དད་པར་འགྲོ་བ་རྣམས་ཀྱང་མཐོང་བ་དེ་བཞིན་དུ། ལྷའི་མིག་རྣམ་པར་དག་པ། མིའི་ལས་འདས་པས་ཞེས་བྱ་བ་ནས་ལྷ་རྣམས་སུ་སྐྱེ་བར་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །དེ་མཉམ་པར་གཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ། ཟག་པ་ཟད་པ་ཤེས་པ་མངོན་
Kha168b
སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་དེ། དེ་འདི་ནི། སྡུག་བསྔལ་འཕགས་པའི་བདེན་པ་ཡིན་ནོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །འདི་ནི། སྡུག་བསྔལ་ཀུན་འབྱུང་བ་དང ། འདི་ནི། སྡུག་བསྔལ་འགོག་པ་དང ། འདི་ནི། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཡིན་ནོ། །ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །དེ་དེ་ལྟར་ཤེས་ཤིང་དེ་ལྟར་མཐོང་ནས། འདོད་པའི་ཟག་པ་ལས་སེམས་རྣམ་པར་གྲོལ་བ་དང ། སྲིད་པའི་ཟག་པ་དང ། མ་རིག་པའི་ཟག་པ་ལས་སེམས་རྣམ་པར་གྲོལ་བར་འགྱུར་རོ། །རྣམ་པར་གྲོལ་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་རྣམ་པར་གྲོལ་བའི་ཡེ་ཤེས་ཉིད་མཐོང་བར་འགྱུར་རོ། །དཔེར་ན། གྲོང་ངམ། གྲོང་རྡལ་དང་ཧ་ཅང་ཡང་ཐག་མི་རིང་པ་ཞིག་ན། མཚོ་ཕྲན་གཏིང་ཟབ་པས། ཆུ་གསལ་བ། དྭགས་པ། རྣམ་པར་དྭངས་པ་ཞིག་ཡོད་ལ། དེ་ལ་སྐྱེས་བུ་མིག་དང་ལྡན་པ་ཞིག་འགྲམ་དུ་འདུག་ནས་གསེག་མའམ། གྱོ་མོའམ། ཉའམ། རུས་སྦལ་ལམ། ཉ་ཕྱིས་སམ། དུང་རྣམས་མཐོང་བ་དེ་བཞིན་དུ། དེ་འདི་ལྟར། མཉམ་པར་གཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་པ་ཞེས་བྱ་བ་ནས་འདི་ལས་སྲིད་པ་གཞན་མི་ཤེས་སོ། །ཞེས་བྱ་བའི་བར་གོང་མ་བཞིན་ནོ། །འདི་ནི། རིག་པ་ཞེས་བྱ་སྟེ། གོང་མའི་ཞབས་དང་འདི་
Kha169a
༄#། །གཉིས་གཅིག་ཏུ་བསྡོམས་པ་ལ་རིག་པ་དང་ཞབས་ཞེས་བྱའོ། །བྲམ་ཟེའི་ཁྱེའུ། བླ་ན་མེད་པའི་རིག་པ་དང་ཞབས་སུ་ལྡན་བ་དེ། མངོན་སུམ་དུ་མ་བྱས་པ་མངོན་སུམ་དུ་བྱ་བ་ལ་ཐབས་མ་ཡིན་པ་བཞིར་རིག་པར་བྱ་སྟེ། བཞི་གང་ཞེ་ན། འདི་ལ། དགེ་སྦྱོང་དང་བྲམ་ཟེ་ཁ་ཅིག་བླ་ན་མེད་པའི་རིག་པ་དང་ཞབས་སུ་ལྡན་པ་འདི་ཉིད་མངོན་པར་མ་རྟོགས་པར་གྲོང་ནས་དགོན་པར་སོང་ནས་ཡལ་ག་དང ། ལོ་མའི་སྤྱིལ་བུ་བྱས་ཏེ་གནས་པར་བྱེད་དེ། འདི་ན། བདག་ཅག་རྩ་བ་དང ། འབྲས་བུས་འཚོ་བར་བྱའོ། །ཞེས་དེ་རྣམས་དེ་ན་རྩ་བ་དང་འབྲས་བུས་འཚོ་བར་བྱེད་པ་འདི་ནི། བྲམ་ཟེའི་ཁྱེའུ། བླ་ན་མེད་པའི་རིག་པ་དང་ཞབས་སུ་ལྡན་པ་འདི་མངོན་སུམ་དུ་མ་བྱས་པ་མངོན་སུམ་དུ་བྱ་བ་ལ་ཐབས་མ་ཡིན་པ་དང་པོ་ཡིན་པར་རིག་པར་བྱའོ། །བྲམ་ཟེའི་ཁྱེའུ། ཇི་སྙམ་དུ་སེམས། ངས་གང་བླ་ན་མེད་པའི་རིག་པ་དང་ཞབས་སུ་ལྡན་པ་དེའི་ཐབས་མ་ཡིན་པ་དང་པོ་འདི་བཤད་པ་དེ་ལ་ཁྱོད་སློབ་དཔོན་དང་བཅས་པ་སྣང་ངམ། ཀྱེ་གོའུ་ཏ་མ། མ་ལགས་སོ། །བྲམ་ཟེའི་ཁྱེའུ། གཞན་ཡང ། དགེ་སྦྱོང་ངམ། བྲམ་ཟེ་ཁ་ཅིག་བླ་ན་མེད་པའི་རིག་པ་དང་ཞབས་སུ་ལྡན་པ་འདི་ཉིད་མངོན་པར་མ་རྟོགས་པར་རྩ་བ་དང་འབྲས་བུའི་ཟས་དེ་རྣམས་སྤངས་ནས་མཐའ་གཅིག་ཏུ་སོང་སྟེ་ཡལ་ག་དང ། ལོ་མའི་སྤྱིལ་བུ་བྱས་ནས་གནས་པར་བྱེད་དེ། འདིར་བདག་ཅག་ལོ་མའི་ཟས་ཀྱིས་འཚོ་བར་བྱའོ། །ཞེས་དེ་རྣམས་དེ་ན་ལོ་མའི་ཟས་ཀྱིས་འཚོ་བར་བྱེད་པ་འདི་ནི། བྲམ་ཟེའི་ཁྱེའུ། བླ་
Kha169b
ན་མེད་པའི་རིག་པ་དང་ཞབས་སུ་ལྡན་པ་དེ་མངོན་སུམ་དུ་མ་བྱས་པ་མངོན་སུམ་དུ་བྱ་བ་ལ་ཐབས་མ་ཡིན་པ་གཉིས་པ་ཡིན་པར་རིག་པར་བྱའོ། །བྲམ་ཟེའི་ཁྱེའུ། གཞན་ཡང ། དགེ་སྦྱོང་ངམ། བྲམ་ཟེ་ཁ་ཅིག་བླ་ན་མེད་པའི་རིག་པ་དང་ཞབས་སུ་ལྡན་པ་འདི་ཉིད་མངོན་པར་མ་རྟོགས་པར་རྩ་བ་དང་འབྲས་བུའི་ཟས་དེ་དག་དང་ལོ་མའི་ཟས་དེ་དག་སྤངས་ནས་མཐའ་གཅིག་ཏུ་སོང་སྟེ་ཡལ་ག་དང ། ལོ་མའི་སྤྱིལ་བུ་བྱས་ནས་གནས་པར་བྱེད་དེ། འདི་ནི་བདག་ཅག་གསང་ཚིག་དག་གཞུང་དུ་བྱ་ཞིང ། རིག་བྱེད་དེ་དག་བསྡེབ་བོ། །ཞེས་དེ་རྣམས་གསང་ཚིག་དག་གཞུང་དུ་བྱེད་ཅིང་རིག་བྱེད་དག་སྡེབ་པ་སྟེ། འདི་ནི། བྲམ་ཟེའི་ཁྱེའུ། བླ་ན་མེད་པའི་རིག་པ་དང་ཞབས་སུ་ལྡན་པ་དེ་མངོན་སུམ་དུ་མ་བྱས་པ་མངོན་སུམ་དུ་བྱ་བ་ལ་ཐབས་མ་ཡིན་པ་གསུམ་པ་ཡིན་པར་རིག་པར་བྱའོ། །བྲམ་ཟེའི་ཁྱེའུ། གཞན་ཡང ། དགེ་སྦྱོང་ངམ། བྲམ་ཟེ་ཁ་ཅིག་བླ་ན་མེད་པའི་རིག་པ་དང་ཞབས་སུ་ལྡན་པ་འདི་ཉིད་མངོན་པར་མ་རྟོགས་པར་རྩ་བ་དང་འབྲས་བུའི་ཟས་དེ་དག་དང ། ལོ་མའི་ཟས་དེ་དག་དང ། གསང་ཚིག་གི་གཞུང་དང ། རིག་བྱེད་སྡེབ་པ་མངོན་པར་མ་རྟོགས་པར་དགོན་པ་ནས་གྲོང་མཐར་གནས་ནས་ཁྱིམ་སྒོ་བཞི་པ་བརྩིགས་ནས་གནས་པར་བྱེད་དེ། འདིར་བདག་ཅག་སྦྱིན་པ་དག་གཏང ། བསོད་ནམས་དག་བྱ་སྟེ། དགེ་སྦྱོང་དང་བྲམ་ཟེ་འོངས་ཤིང་ལྷག་པ་དག་ལ་ཅི་ནུས་ཅི་ཕོད་ཀྱིས་བསོད་སྙོམས་ཀྱིས་སོ་སོར་བསྟབ་བོ། །སྙམ་སྟེ། འདི་ནི། བྲམ་ཟེའི་ཁྱེའུ། བླ་ན་མེད་པའི་རིག་པ་དང་ཞབས་སུ་ལྡན་པ་མངོན་སུམ་དུ་མ་བྱས་པ་མངོན་
Kha170a
༄#། །སུམ་དུ་བྱ་བ་ལ་ཐབས་མ་ཡིན་པ་བཞི་པ་ཡིན་པར་རིག་པར་བྱའོ། །བྲམ་ཟེའི་ཁྱེའུ། ཇི་སྙམ་དུ་སེམས། ངས་བླ་ན་མེད་པའི་རིག་པ་དང་ཞབས་སུ་ལྡན་པ་མངོན་སུམ་དུ་མ་བྱས་པ་མངོན་སུམ་དུ་བྱ་བ་ལ་ཐབས་མ་ཡིན་པ་བཞི་བསྟན་པ་གང་ཡིན་པ་དེ་དག་ལ་ཁྱོད་སློབ་དཔོན་དང་བཅས་པ་སྣང་ངམ། ཀྱེ་གོའུ་ཏ་མ། མ་ལགས་སོ། །བྲམ་ཟེའི་ཁྱེའུ། དེ་ལྟར་ཁྱོད་ཀྱིས་རེ་ཞིག་དེའི་ཐབས་མ་ཡིན་པ་བཞི་ཡོངས་སུ་མ་རྫོགས་པར་ཅིའི་ཕྱིར་ཨེ་མའོ། །ཤཱཀྱ་རྣམས་ནི། ད་བྱུང་གི་རིགས་ཡིན་ནོ། །ེ་མའོ། །ཤཱཀྱ་རྣམས་ནི། ད་བྱུང་གི་རིགས་ཡིན་ནོ། །ཞེས་ཤཱཀྱ་རྣམས་ད་བྱུང་ཡིན་པའི་ཚིག་སྨྲ། བྲམ་ཟེའི་ཁྱེའུ། ཇི་སྙམ་དུ་སེམས། བྲམ་ཟེ་རྣམས་ཀྱི་བྲམ་ཟེའི་དྲང་སྲོང་རྙིང་པ། གསང་ཚིག་དག་བྱེད་པ། རིག་བྱེད་དག་འཇུག་པར་བྱེད་པ་བྱུང་བ་གང་དག་གི་གསང་ཚིག་རྙིང་པ་བསྟོད་པ། དབྱངས་སུ་བླང་བ་བསྡེབས་པ་ལ། ད་དུང་བྲམ་ཟེ་དེ་དག་དབྱངས་སུ་ལེན་ཅིང་འཆད་པར་བྱེད་པ་འདི་ལྟ་སྟེ། བརྒྱད་པ་དང ། གཡོན་ཕྱོགས་དང ། གཡོན་ཕྱོགས་ལྷ་དང ། སྣ་ཚོགས་བཤེས་དང ། མེ་འབར་དང ། ཉི་མའི་རིགས་དང ། བྷ་ར་དྷྭ་ཛ་དང ། གནས་འཇོག་དང ། འགྲོ་བ་སྐྱོང་གི་བུ་དང ། ངན་སྤོང་སྟེ། དེ་རྣམས་འདི་ལྟར། གྲོང་ཁྱེར་འོབས་རྩད་དང ། ཚེར་མ་ཅན་དག་བརྩིགས་ནས་གནས་པར་བྱེད་པ་ཡང ། དཔེར་ན།་ད་ལྟར་ཁྱོད་སློབ་དཔོན་དང་བཅས་པ་བཞིན་ནམ། ཀྱེ་གོའུ་ཏ་མ། མ་ལགས་སོ། །དེ་རྣམས་འདི་ལྟར། ཆེད་ཀར་རྒྱལ་མཚན་གྱི་རྩེ་མོ་དང ། དཔུང་གི་ཚོགས་དང ། དམག་གི་སྡེ་བཀོད་པ་ལ་ལྟད་
Kha170b
མོའི་རྣམ་པ་དུ་མ་དག་ཉམས་སུ་མྱོང་བར་བྱེད་པ་ཡང ། དཔེར་ན། ད་ལྟར་ཁྱོད་སློབ་དཔོན་དང་བཅས་པ་བཞིན་ནམ། ཀྱེ་གོའུ་ཏ་མ། མ་ལགས་སོ། །དེ་རྣམས་འདི་ལྟར། རྟ་རྒོད་མ་དང་ལྡན་པའི་ཤིང་རྟ་ཐམས་ཅད་ནས་དཀར་བའི་ནང་དུ་ཞུགས་ཏེ། གསེར་གྱི་དབྱུག་པ་དང ། རིལ་བ་སྤྱི་བླུགས་ཐོགས་ནས་བྲམ་ཟེའི་ཁྱེའུའི་ཚོགས་ཀྱིས་ཡོངས་སུ་བསྐོར་ཅིང་བྲམ་ཟེའི་ཁྱེའུའི་ཚོགས་ཀྱིས་མདུན་ནས་བལྟས་ཏེ་ལྗོངས་རྒྱུ་ཞིང་ཕྱིར་འབྱུང་བ་དང ། ལྡོག་པར་བྱེད་པ་ཡང ། དཔེར་ན། ད་ལྟར་ཁྱོད་སློབ་དཔོན་དང་བཅས་པ་བཞིན་རྣམ། ཀྱེ་གོའུ་ཏམ། མ་ལགས་སོ། །དེ་རྣམས་འདི་ལྟར། བཀུར་སྟི་བྱེད་པའི་བུད་མེད་ཅོད་པན་ཅན་དཔུང་པའི་སྤུ་ཀུ་བ་ལྟ་བུ། ནུ་མ་ཕོ་ལོང་ལྟ་བུ་དག་ལས་མཉེ་བ་དང ། ཁྲུས་དང ། དྲིལ་ཕྱི་བདག་གིར་བྱེད་པ་ཡང ། དཔེར་ན། ད་ལྟར་ཁྱོད་སཱོབ་དཔོན་དང་བཅས་པ་བཞིན་ནམ། ཀྱེ་གོའུ་ཏ་མ། མ་ལགས་སོ། །དེ་རྣམས་འདི་ལྟར། བུད་མེད་གསེར་གྱི་དཔུང་རྒྱན་ཅན། གསེར་གྱི་མགུལ་རྒྱན་ཐོགས་པ། ལེགས་པར་བརྒྱན་པ་རྣམས་དང་ལྷན་ཅིག་རྐང་པ་བརྐྱངས་ནས་ཇི་ཙམ་ཉི་མ་ཤར་གྱི་བར་དུ་ཉལ་བར་བྱེད་པ་ཡང ། དཔེར་ན། ད་ལྟར་ཁྱོད་སློབ་དཔོན་དང་བཅས་པ་བཞིན་ནམ། ཀྱེ་གོའུ་ཏ་མ། མ་ལགས་སོ། །བྲམ་ཟེའི་ཁྱེའུ་ལྟོས། ཁྱོད་ཀྱིས་མཁན་པོ་ལ་ཡང་ཉེས་པ་ཡོད་དེ། བྲམ་ཟེའི་ཁྱེའུ། གང་གི་ཚེ་བྲམ་ཟེ་པདྨའི་སྙིང་པོ་ཀོ་ས་ལའི་རྒྱལ་པོ་གསལ་རྒྱལ་བལྟར་སོང་བ་དེའི་ཚེ་རྩིག་པས་ཆོད་པ་དང ། ཡོལ་བས་ཆོད་པ་ལས་གཞན་དུ་མ་ཡིན་པར་ཅི་སྟེ་སྐྱེས་བུ་
Kha171a
༄#། །མཁས་པ་དེ་ལྟ་བུ། གང་ཁོ་ནའི་ཁ་ཟས་གཡོ་གཡོ་བ་ཟ་བ་དེ་ཉིད་ལ་མངོན་སུམ་དུ་འཕྲད་མི་ནུས། བྲམ་ཟེའི་ཁྱེའུ་ལྟོས། ཁྱོད་ལ་ཡང་ཉེས་པ་ཡོད་དེ། བྲམ་ཟེའི་ཁྱེའུ། སྔོན་བྱུང་བ། ཀོ་ས་ལའི་རྒྱལ་པོ་གསལ་རྒྱལ་རང་གི་རྒྱལ་པོའི་སྟན་ལ་འདུག་ནས་མི་ཞིག་ལ་སྨྲས་པ། ཀཝའི་ནང་རྗེ། དགོས་པ་འདི་དང་འདི་ལྟ་བུ་དག་ཅིག་བྱོས་ཤིག་།དེ་དང་དེ་དག་བྱས་ནས་འདི་དང་འདི་ལྟ་བུ་དག་ཅིག་དཔྱོད་ཅིག་ཅེས་སྨྲས་ནས། རྒྱལ་པོ་སྟན་ལས་ལངས་ཏེ་སོང་ངོ ། །དེ་ནས་མི་དེས་རྒྱལ་པོ་མེད་པའི་སྟན་ལ་འདུག་ནས་མི་གཞན་ཞིག་ལ་སྨྲས་པ། ཀཝའི་ནང་རྗེ། དགོས་པ་འདི་དང་འདི་ལྟ་བུ་དག་བྱོས་ཤིག་།དེ་དང་དེ་དག་བྱས་ནས་འདི་དང་འདི་ལྟ་བུ་དག་ཅིག་དཔྱོད་ཅིག་ཅེས་སྨྲས་ན། བྲམ་ཟེའི་ཁྱེའུ། འདི་ཇི་སྙམ་དུ་སེམས། ཇི་ག་རྒྱལ་པོ་མེད་པའི་སྟན་ལ་འདུག་ནས་རྒྱལ་པོའི་སྐད་ཟློས་ཤིང་རྒྱལ་པོའི་སྨྲ་དངགས་སུ་སྨྲ་བ་དེ། རྒྱལ་པོའམ། རྒྱལ་པོར་འོས་པ་ཡིན་ནམ། ཀྱེ་གོའུ་ཏ་མ། མ་ལགས་སོ། །བྲམ་ཟེའི་ཁྱེའུ། དེ་བཞིན་དུ་ཁྱོད་དྲང་སྲོང་རྣམས་ཀྱི་ཚིག་ཟློས་ཤིང་དྲང་སྲོང་རྣམས་ཀྱི་སྨྲ་དངགས་སུ་སྨྲ་བ་ཡང་དྲང་སྲོང་ངམ། དྲང་སྲོང་དུ་འོས་པ་ཡིན་ནམ། ཀྱེ་གོའུ་ཏ་མ། མ་ལགས་སོ། །བྲམ་ཟེའི་ཁྱེའུ། དེ་ལྟ་མོད་ཀྱི། དོན་གང་གི་ཕྱིར་འོངས་པའི་དོན་དེ་ལེགས་པར་རབ་ཏུ་ཡིད་ལ་ཟུངས་ཤིག་དང ། དེ་ནི། ཁྱོད་ལ་ཡུན་རིང་པོའི་དོན་དང ། ཕན་པ་དང ། བདེ་བར་འགྱུར་རོ། །དེ་ནས་བྲམ་ཟེའི་ཁྱེའུ་མ་སྡུག་གིས། བཅོམ་ལྡན་འདས་ཀྱི་སྐུ་ལ་སྐྱེས་བུ་
Kha171b
ཆེན་པོའི་མཚན་སུམ་ཅུ་རྩ་གཉིས་བརྟགས་པ་ན། སུམ་ཅུ་ནི། མཐོང་ན། གཉིས་པོ་འདོམས་ཀྱི་སྦ་བ་སྦུབས་སུ་ནུབ་པ་དང ། ལྗགས་ཤིན་ཏུ་རིང་ཞིང་སྲབ་པ་ལ་སོམ་ཉི་དང་ཐེ་ཚོམ་ཟ་ནས་དེས་ཚིགས་སུ་བཅད་དེ་གསོལ་པ། བདག་གིས་ཐུབ་པ་ཆེན་པོའི་མཚན། །སུམ་ཅུ་རྩ་གཉིས་ཐོས་པ་གང ། །དེ་ལ་གོའུ་ཏམ་ཁྱོད་ཀྱི་ནི། །སྐུ་ལ་གཉིས་ཤིག་མ་མཐོང་ན། །མི་མཆོག་འདོམས་ཀྱི་སྦ་བ་ནི། །ཅི་ལགས་སྦུབས་ཀྱིས་ཁེབས་གྱུར་ཏམ། །ལྗགས་བཟང་ཞེས་ནི་བགྱི་བ་ཡང ། །ཇི་ག་ཐུང་བ་མ་ལགས་གྲང ། །འཇིག་རྟེན་ན་ནི་རྫོགས་སངས་རྒྱས། །གྲགས་དང་ལྡན་རྣམས་མཐོང་དཀའ་བས། །ཞལ་ནས་ལྗགས་སྲབ་བརྐྱང་མཇེད་དེ། །བདག་གི་སོམ་ཉི་བསལ་བར་གསོལ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བྲམ་ཟེའི་ཁྱེའུ་མ་སྡུག་འདི། ངའི་སྐུ་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་རྟོག་པ་ན། སུམ་ཅུ་ནི། མཐོང་ན། གཉིས་པོ་འདོམས་ཀྱི་སྦ་བ་སྦུབས་སུ་ནུབ་པ་དང ། ལྗགས་ཤིན་ཏུ་རིང་ཞིང་སྲབ་པ་ལ་སོམ་ཉི་དང་ཐེ་ཚོམ་ཟ་ན། མ་ལ་ངས་ཇི་ལྟར་བྲམ་ཟེའི་ཁྱེའུ་མ་སྡུག་གིས་བདག་གི་འདོམས་ཀྱི་སྦ་བ་སྦུབས་སུ་ནུབ་པ་དང ། ལྗགས་ཤིན་ཏུ་རིང་ཞིང་སྲབ་པ་མཐོང་བར་འགྱུར་བ་དེ་ལྟ་བུའི་རྟགས་ཤིག་བྱའོ། །སྙམ་ནས། དེ་ནས་བཅོམ་ལྡན་འདས་ཀྱིས་དེ་ལྟ་བུའི་རྟགས་མཛད་ནས། བྲམ་ཟེའི་ཁྱེའུ་མ་སྡུག་གིས། བཅོམ་ལྡན་འདས་ཀྱི་འདོམས་ཀྱི་སྦ་བ་སྦུབས་སུ་ནུབ་པ་དང ། ཞལ་ནས་ལྗགས་བརྐྱང་བས་ཞལ་གྱི་དཀྱིལ་འཁོར་དབུ་སྐྲའི་བར་ཐམས་ཅད་ཁེབས་པ་མཐོང་
Kha172a
༄#། །ངོ། །མཐོང་ནས་ཀྱང་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་མ་ནི། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ་ཡིན་ཏེ། དེ་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་ནི། གཉིས་ལས་གཞན་དུ་མི་འགྱུར་ཏེ། གལ་ཏེ་ཁྱིམ་པ་ཁྱིམ་ན་གནས་ནས་འཁོར་ལོས་བསྒྱུར་བའི་རྒྱལ་པོ་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བྲམ་ཟེའི་ཁྱེའུ་མ་སྡུག་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རངས་ནས། བཅོམ་ལྡན་འདས་ཀྱིས་སྤྱན་སྔ་ནས་སོང་ངོ ། །དེའི་ཚེ་བྲམ་ཟེ་པདྨའི་སྙིང་པོ་ཁྱིམ་མཆོག་གི་མཐོན་པོ་ཞིག་ན་ཤས་ཆེ་བའི་བྲམ་ཟེ་རྒན་རབས་རྒན་རབས་རྣམས་དང་ལྷན་ཅིག་ཏུ་འདུས་ཤིང་འཁོད་པར་གྱུར་ཏོ། །བྲམ་ཟེའི་ཁྱེའུ་མ་སྡུག་ཀྱང་སྡོད་ཅིང་འདུག་པ་ལས། བྲམ་ཟེའི་ཁྱེའུ་མ་སྡུག་གིས་བྲམ་ཟེ་པདྨའི་སྙིང་པོ་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་བྲམ་ཟེ་པདྨའི་སྙིང་པོ་གང་ན་བ་དེར་སོང་སྟེ་ཕྱིན་ནས། བྲམ་ཟེ་པདྨའི་སྙིང་པོའི་རྐང་པ་གཉིས་ལ་མགོ་བོས་ཕྱག་བྱས་ཏེ། ཤས་ཆེ་བའི་བྲམ་ཟེ་གཞན་རྣམས་ལ་ཡང་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བྲམ་ཟེའི་ཁྱེའུ་མ་སྡུག་ལ་བྲམ་ཟེ་པདྨའི་སྙིང་པོས་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ། ཇི་ག་ཤེས་ལྡན་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་ཕྱོགས་དང་ཕྱོགས་མཚམས་སུ་རྒྱ་ཆེར་གྲགས་པ་ཇི་ལྟ་བ་དེ་ཁོ་
Kha172b
ན་བཞིན་དུ་ཡིན་ནམ། དེའི་མཚན་རྣམས་གྲགས་པ་ཡང་ཡང་དག་པ་ཡིན་ནམ། མཁན་པོ། མད་ལགས་ཏེ། ཤེས་ལྡན་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་ཕྱོགས་དང་ཕྱོགས་མཚམས་སུ་རྒྱ་ཆེར་གྲགས་པ་ཡང་ཇི་ལྟ་བ་དེ་ཁོ་ན་བཞིན་ལགས་ལ། དེའི་མཚན་རྣམས་གྲགས་པ་ཡང་ཡང་དག་པ་ལགས་སོ། །བྲམ་ཟེའི་ཁྱེའུ། ཁྱོད་ཤེས་ལྡན་གོའུ་ཏ་མ་དེ་དང་ལྷན་ཅིག་བར་སྐབས་ཀྱི་གཏམ་དག་བྱས་སམ། མཁན་པོ། བགྱིས་ལགས་སོ། །ཀྱེ་བྲམ་ཟེའི་ཁྱེའུ། དེའི་ཕྱིར་ཐམས་ཅད་ཁོ་བོ་ལ་རྒྱས་པར་སྨྲོས་ཤིག་།དེ་ནས་བྲམ་ཟེའི་ཁྱེའུ་མ་སྡུག་དེས་བཅོམ་ལྡན་འདས་དང་ལྷན་ཅིག་བར་སྐབས་ཀྱི་གཏམ་ཅི་སྨྲས་པ་དེ་ཐམས་ཅད་བྲམ་ཟེ་པདྨའི་སྙིང་པོ་ལ་རྒྱས་པར་སྨྲས་སོ། །དེ་སྐད་སྨྲས་པ་དང ། བྲམ་ཟེ་པདྨའི་སྙིང་པོ་ཁྲོས། རྔམས། འཁྲུགས་ཤིང་ཡིད་ལ་མ་བབ་པར་གྱུར་ནས་མཆིལ་ལྷམ་དང་བཅས་པའི་རྡོག་པས་བྲམ་ཟེའི་ཁྱེའུ་མ་སྡུག་གི་མགོ་ལ་བསྣུན་ནས་འདི་སྐད་ཅེས་ཀྱང་སྨྲས་སོ། །ེ་མའོ། །ཕོ་ཉ་བྱེད་པ། ཨེ་མའོ། །འཕྲིན་པ་བྱེད་པ། ཕོ་ཉ་བྱེད་པ་འདི་འདྲ་བ་དད་འཕྲིན་པ་བྱེད་པ་འདི་འདྲ་བས་ནི། བདག་ངན་སོང་དུ་ཡང་ལྷུང་བར་འགྱུར་ཏེ། བྲམ་ཟེའི་ཁྱེའུ། ཁྱོད་ཀྱིས་ཤེས་ལྡན་གོའུ་ཏ་མ་དེ་ལ་ཇི་ལྟ་ཇི་ལྟར་ཁྱད་དུ་བསད་ཅིང་ཁྱད་དུ་བསད་དེ་བཟློག་པར་སེམས་ལ་དེ་ལྟ་དེ་ལྟར་ཤེས་ལྡན་གོའུ་ཏ་མ་དེས་ཁོ་བོ་ཡང་དེ་དང་དེའི་ཁོང་དུ་བརྩི་བར་དགོངས་སོ། །ཤེས་ལྡན་དག་།དེང་ཁོ་ན་ཁོ་བོ་ཤེས་ལྡན་གོའུ་ཏ་མ་དེ་ལ་བལྟ་བ་དང་བསྙེན་བཀུར་བྱ་བའི་
Kha173a
༄#། །ཕྱིར་འགྲོར་དགོངས་ཐག་པས་མ་ནུས་པར་ཟད་དེ། འོན་ཀྱང་སང་ཤེས་ལྡན་གོའུ་ཏ་མ་དེ་ལ་བལྟ་བ་དང་བསྙེན་བཀུར་བྱ་བའི་ཕྱིར་འགྲོའོ། །དེ་ནས་བྲམ་ཟེ་པདྨའི་སྙིང་པོས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་བསྔོགས་ནས་ནང་པར་སྔར་ལངས་ཏེ། གཙང་ཞིང་བསོད་པའི་བཟའ་བ་དང་བཅའ་བ་དེ་དག་གིས་ཤིང་རྟ་བཀང་སྟེ་ཁྱེར་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གོའུ་ཏ་མ། བདག་གིས་གཙང་ཞིང་བསོད་པའི་བཟའ་བ་དང་བཅའ་བས་ཤིང་རྟ་བཀང་སྟེ་འཚལ་ཏེ་མཆིས་པ་འདི། ཤེས་ལྡན་གོའུ་ཏ་མས་ཐུགས་བརྩེ་བ་ཉེ་བར་བཟུང་སྟེ་བཞེས་སུ་གསོལ། དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱིས་སྣམ་ལོགས་ན་བསིལ་ཡབ་ཐོགས་ནས་བཅོམ་ལྡན་འདས་ལ་གཡོབ་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་འདོད་པ་མཐུན་པ་ན་དགེ་སློང་ཇི་སྙེད་ཅིག་ཉེ་བར་བརྟེན་ཅིང་གནས་པ་དེ་དག་ཐམས་ཅད་རིམ་གྲོའི་གནས་སུ་སྡུས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་
Kha173b
འདས་ཀྱི་ལྟར་མཉན་ནས་འདོད་པ་མཐུན་པ་ན་དགེ་སློང་ཇི་སྙེད་ཅིག་ཉེ་བར་བརྟེན་ཅིང་གནས་པ་དེ་དག་ཐམས་ཅད་རིམ་གྲོའི་གནས་སུ་བསྡུས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ།་འདོད་པ་མཐུན་པ་ན་དགེ་སློང་ཇི་སྙེད་ཅིག་ཉེ་བར་བརྟེན་ཅིང་མཆིས་པ་དེ་དག་ཐམས་ཅད་རིམ་གྲོའི་གནས་སུ་འདུས་ཤིང་མཆིས་ལགས་ཏེ། བཅོམ་ལྡན་འདས་དེ་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་རིམ་གྲོའི་གནས་གང་ན་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་བྲམ་ཟེ་པདྨའི་སྙིང་པོས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་ཟིན་པར་རིག་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་སྟོབ་ཅིང་ཚིམ་པར་བྱེད་དེ། རྣམ་པ་དུ་མར་གཙང་ཞིང་བསོད་པའི་བཟའ་བ་དང ། བཅའ་བདག་རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔ་ན་ཆོས་མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་བྲམ་ཟེའི་པདྨའི་སྙིང་པོའི་སྦྱིན་པ་དེ་ལ་རྗེས་སུ་ཡི་རང་བ་འདིས་རྗེས་སུ་ཡི་རང་བར་མཛད་དེ། སྦྱིན་
Kha174a
༄#། །སྲེག་མཆོད་སྦྱིན་རྣམས་ཀྱི་མཆོག་།སྡེབ་སྦྱོར་མཆོག་ནི་ཉི་མའི་ལྷ། །མི་ཡི་མཆོག་ནི་རྒྱལ་པོ་སྟེ། །རྒྱ་མཚོ་ཆུ་བོ་རྣམས་ཀྱི་མཆོག་།ཟླ་བ་རྒྱུ་སྐར་རྣམས་ཀྱི་གཙོ། །ཉི་མ་སྣང་བྱེད་རྣམས་ཀྱི་གཙོ། །སྟེང་དང་འོག་དང་ཐད་ཀར་ཡང ། །འགྲོ་བའི་འགྲོ་བ་ཇི་སྙེད་པ། །ལྷ་དང་བཅས་པའི་འཇིག་རྟེན་ན། །སྨྲ་བའི་མཆོག་ནི་རྫོགས་སངས་རྒྱས། །དེའི་ཚེ་བྲམ་ཟེ་པདྨའི་སྙིང་པོའི་ཡོན་བསྔོ་བ་མཛད་པ་ན་རྒན་ཞུགས་ཤིག་ཏིལ་གྱི་མར་ཁུ་ཟ་བར་བྱེད་དོ། །བྲམ་ཟེ་པདྨའི་སྙིང་པོས་ཡོན་བསྔོ་བ་མཛད་པ་ན་རྒན་ཞུགས་ཏིལ་གྱི་མར་ཁུ་ཟ་བ་དེ་མཐོང་ངོ ། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཅི་ལགས། ཉན་ཐོས་ཐམས་ཅད་ཤེས་ལྡན་གོའུ་ཏ་མའི་ཐུགས་མཉེས་པར་བགྱིས་པ་ལགས་སམ། བྲམ་ཟེ། འདི་ལ་ངེས་པ་མེད་དེ། ཁ་ཅིག་ནི། མཉེས་པར་བྱེད། ཁ་ཅིག་ནི། མཉེས་པར་མི་བྱེད་དོ། །ཀྱེ་གོའུ་ཏ་མ། འདི་ལྟར། ཁ་ཅིག་ནི། ཆོས་འཚལ། ཁ་ཅིག་ནི། ཏིལ་གྱི་མར་ཁུ་འཚལ་བ་གདའ་ལགས་སོ། །ཀྱེ་གོའུ་ཏ་མ། བདག་གིས་སློབ་མ་བྲམ་ཟེའི་ཁྱེའུ་མ་སྡུག་མཆིས་ལགས་སམ། བྲམ་ཟེ། འོངས་སོ། །ཤེས་ལྡན་གོའུ་ཏ་མ། དེ་དང་ལྷན་ཅིག་ཏུ་བཀའ་མཆིད་དག་བགྱིས་ལགས་སམ། བྲམ་ཟེ། བྱས་སོ། །གོའུ་ཏ་མ། དེའི་སླད་དུ་དེ་དང་ལྷན་ཅིག་བཀའ་མཆིད་ཇི་སྙེད་ཅིག་གླེང་པ་དེ་ཐམས་ཅད་བདག་ལ་རྒྱས་པར་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་དང་ལྷན་ཅིག་གཏམ་ཇི་སྙེད་
Kha174b
གླེང་པ་དེ་ཐམས་ཅད་བྲམ་ཟེ་པདྨའི་སྙིང་པོ་ལ་བཀའ་སྩལ་ཏོ། །དེ་ནས་བྲམ་ཟེ་པདྨའི་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། བྲམ་ཟེའི་ཁྱེའུ་མ་སྡུག་ནི། བུས་པའི་རང་བཞིན་མ་འཚལ་བ་ལགས་སོ། །ཀྱེ་གོའུ་ཏ་མ། ཁྱོད་ཀྱིས་བྲམ་ཟེའི་ཁྱེའུ་མ་སྡུག་ལ་བཟོད་པར་མཛོད་ཅིག་།བྲམ་ཟེ། བཟོད་དོ། །ཤེས་ལྡན་གོའུ་ཏ་མ། གང་གི་ཚེ་བདག་ཤིང་རྟའི་ནང་དུ་ཞུགས་པའམ། སྲབ་སྐྱོགས་འཛིན་པའམ། ལྕག་བསྒྲེང་བའམ། སྐད་ཆེན་པོར་མཆི་བ་གཟིགས་པ་དེའི་ཚེ། ང་ལ་བྲམ་ཟེ་པདྨའི་སྙིང་པོ་ཕྱག་འཚལ་ནས་གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལོ། །ཞེས་དེ་ལྟར་ཐུགས་སུ་ཆུད་པར་མཛད་དུ་གསོལ། ཀྱེ་ཤེས་ལྡན་གོའུ་ཏ་མ། གང་གི་ཚེ་བདག་སྲང་གི་དབུས་ནས་མཆིས་པའམ། མཆིལ་ལྷམ་ཕུད་པའམ། ཤུལ་གཟུར་བའམ། སུག་པ་བརྐྱང་པ་གཟིགས་པ་དེའི་ཚེ། ཤེས་ལྡན་གོའུ་ཏ་མ་བདག་ཕྱག་འཚལ་བར་གཟུང་དུ་གསོལ་ཞེས་བྱ་བ་ནས་རེག་པར་སྤྱོད་དམ་ཞེས་བྱའི་བར་གོང་མ་བཞིན་དུའོ། །ཀྱེ་ཤེས་ལྡན་གོའུ་ཏ་མ། གང་གི་ཚེ་བདག་འཁོར་གྱི་ནང་ན་མཆིས་པའམ། རང་པའམ། སྟན་ནམ། གཙུག་ཏོར་ལ་ནོམ་པ་གཟིགས་པ་དེའི་ཚེ། ཤེས་ལྡན་གོའུ་ཏ་མས་བདག་ཕྱག་འཚལ་བར་གཟུང་དུ་གསོལ་ཞེས་བྱ་བ་ནས་རེག་པར་སྤྱོད་དམ་ཞེས་བྱ་བའི་བར་གོང་མ་བཞིན་དུའོ། །ཀྱེ་གོའུ་ཏ་མ། དེ་ཅིའི་སླད་དུ་ཞེ་ན། བྲམ་ཟེ་རྣམས་ནི། གྲགས་པས་
Kha175a
༄#། །ལོངས་སྤྱོད་འཐོབ་ལགས་ཏེ། དེ་དག་ནི། གྲགས་པ་ཁོ་ནས་ལོངས་སྤྱད་འཚལ་ལོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མའོ། །བྲམ་ཟེ་པདྨའི་སྙིང་པོ་འདི་ནི། ང་རྒྱལ་ཤིན་ཏུ་ཆེ་བ་ཞིག་པས། མ་ལ་ངས་འདིའི་ང་རྒྱལ་སྤང་བའི་ཕྱིར་ཆོས་བཤད་དོ། །སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་བྲམ་ཟེ་པདྨའི་སྙིང་པོ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་འཛིན་ཏུ་འཇུག་པར་མཛད། ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱིས་ཆོས་དང་ལྡན་པའི་གཏམ་དུས་དང་པོར་བྱ་བ་གང་ཡིན་པ། འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་ཀྱི་མནོག་དང ། ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་ཕན་ཡོན་དང ། རྣམ་པར་བྱང་བའི་ཕྱོགས་ཀྱི་ཆོས་རྣམས་རྒྱ་ཆེར་ཡང་དག་པར་རབ་ཏུ་སྟོན་པར་མཛད་དོ། །བཅོམ་ལྡན་འདས་ཀྱིས་གང་གི་ཚེ་དེ་སྙིང་དགའ་བ་དང ། དགེ་བའི་སེམས་དང ། མགུ་བའི་སེམས་དང ། སྒྲིབ་པ་དང་བྲལ་བའི་སེམས་དང ། སྣོད་དུ་རུང་བ་དང ། མཐུ་དང་ལྡན་པ་དང ། ཡང་དག་ཕུལ་གྱི་ཆོས་ཀུན་ཤེས་པར་ནུས་པར་གཟིགས་པ་དེའི་ཚེ། སངས་རྒྱས་བཅོམ་ལྡན་འདས་རྣམས་ཀྱི་ཆོས་བཤད་པ་ཡང་དག་
Kha175b
ཕུལ་གང་ཡིན་པ། འདི་ལྟ་སྟེ། འཕགས་པའི་བདེན་པ་བཞི་པོ་སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་རྣམས་རྒྱས་པར་རབ་ཏུ་བསྟན་ཏེ། དཔེར་ན། གོས་དཀར་པོ་ནག་ནོག་མེད་ཅིང་གཙང་མ། ཁ་བསྒྱུར་བར་འོས་པ་ཚོན་རྩིའི་ནང་དུ་ལེགས་པར་ཚོན་རྩི་འཛིན་དུ་བཏུབ་པ་དེ་བཞིན་དུ། བྲམ་ཟེ་པདྨའི་སྙིང་པོ་བསྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་མངོན་པར་རྟོགས་སོ། །དེ་ནས་བྲམ་ཟེ་པདྨའི་སྙིང་པོས་ཆོས་མཐོང་བ་དང ། ཆོས་ཐོབ་པ་དང ། ཆོས་རིག་པ་དང ། ཆོས་ཀྱི་གཏིང་སླེབ་པ་དང ། སོམ་ཉི་ལས་བརྒལ་བ་དང ། ཐེ་ཚོམ་ལས་བརྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པའི་བསྟན་པ་ལ་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ནི།་འཕགས་སོ། །མངོན་པར་འཕགས་སོ། །བཅོམ་ལྡན་འདས་དང ། ཆོས་དང ། དགེ་འདུན་ལ་བདག་སྐྱབས་སུ་མཆི་ལགས་ཀྱི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྙེད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བྲམ་ཟེ་པདྨའི་སྙིང་པོ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ནས་རྗེས་སུ་ཡི་རང་སྟེ་
Kha176a
༄#། །བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་སྟན་ལས་ལངས་ཏེ་སོང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།སྐབས་སུ་བབ་པར་བྲམ་ཟེ་པདྨའི་སྙིང་པོ་འཕྱ་བར་བྱེད་ཀྱི། དེ་ལྟ་བས་ན་ཡོན་བསྔོ་བ་བྱེད་པ་ན། དགེ་སློང་གིས་བཟའ་བར་མི་བྱའོ། །ཟ་ན། འགལ་ཚབས་ཅན་དུ་འགྱུར་རོ། ། བཅོམ་ལྡན་འདས་ལོ་མ་བདུན་པར་བྱོན་ནས་ལོ་མ་བདུན་པར་སངས་རྒྱས་བཞི་རྣམས་ཀྱི་གདན་ཞེས་བྱ་བ་གོང་མ་བཞིན་དུ་རྒྱས་པར་སྦྱར་རོ། །བཅོམ་ལྡན་འདས་ཀོ་ས་ལའི་ལྗོངས་རྒྱུ་ཞིང་གཤེགས་པ་ན་འཆར་ཀར་བྱོན་ནས་འཆར་ཀ་ན་གནས་ཚེར་མ་ཅན་གྱི་ནགས་ན་བཞུགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་དགེ་སྦྱོང་གོའུ་ཏ་མ་ཀོ་ས་ལའི་ལྗོངས་རྒྱུ་ཞིང་གཤེགས་པ་ན་འཆར་ཀར་བྱོན་ནས་འཆར་ཀ་ན་གནས་ཚེར་མ་ཅན་གྱི་ནགས་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་མི་ཞིག་ལ་བསྒོ་བ། ཀཝའི་ནང་རྗེ། ཚུར་ཁྱོད་དགེ་སྦྱོང་གོའུ་ཏ་མ་གང་ན་བ་དེར་སོང་ལ་ངའི་ཚིག་འདི་དག་གིས་དགེ་སྦྱོང་གོའུ་ཏ་མའི་ཞབས་གཉིས་ལ་མགོ་བོས་ཕྱག་བྱོས་ལ་གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ། ཞེས་སྙུན་གསོལ་ལ། འདི་སྐད་དུ། ཀྱེ་ཤེས་ལྡན་གོའུ་ཏ་མ། ཀོ་ས་ལའི་རྒྱལ་པོ་གསལ་རྒྱལ་སང་བཅོམ་ལྡན་འདས་ལ་བལྟ་བར་མཆི་འཚལ་ན། ཤེས་ལྡན་གོའུ་ཏ་མས་འདི་ལྟར་སྔ་
Kha176b
ནས་ཐུགས་སུ་ཆུད་པར་མཛད་དུ་གསོལ། ཞེས་ཀྱང་གསོལ་ཅིག་།ལྷ། བཀའ་བཞིན་འཚལ་ཞེས་མི་དེས་ཀོ་ས་ལའི་རྒྱལ་པོ་གསལ་རྒྱལ་གྱི་ལྟར་མཉན་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་མི་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གོའུ་ཏ་མའི་ཞབས་གཉིས་ལ་ཀོ་ས་ལའི་རྒྱལ་པོ་གསལ་རྒྱལ་མགོ་བོས་ཕྱག་འཚལ་ནས་གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལགས་སོ། །ཀྱེ། སྐྱེས་བུ་ཁྱོད་དང་ཀོ་ས་ལའི་རྒྱལ་པོ་གསལ་རྒྱལ་བདེ་བར་གྱུར་ཅིག་།ཀྱེ། ཤེས་ལྡན་གོའུ་ཏ་མ། ཀོ་ས་ལའི་རྒྱལ་པོ་གསལ་རྒྱལ་སང་བཅོམ་ལྡན་འདས་ལ་བལྟ་བའི་ཕྱིར་མཆི་བར་འཚལ་ན། ཤེས་ལྡན་གོའུ་ཏ་མས་འདི་ལྟར་སྔ་ནས་ཐུགས་སུ་ཆུད་པར་མཛད་དུ་གསོལ། ཀྱེ་ནང་རྗེ། ང་ཉིད་ཀོ་ས་ལའི་རྒྱལ་པོ་གསལ་རྒྱལ་གྱིས་དུས་ལ་བབ་པར་ཤེས་པར་གྱིས་ཤིག་།དེ་ནས་མི་དེ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ནས་ཡི་རང་སྟེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་མི་དེ་སོང་ནས་རིང་པོ་མ་ལོན་པར་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱོད་སོང་ལ་གཙུག་ལག་ཁང་ཡངས་པ་ཞིག་ཏུ་སྟན་མང་དུ་ཤོམས་ཤིག་།ང་འདུག་ལ་དེང་ཉིད་ནས་ཀོ་ས་
Kha177a
༄#། །ལའི་རྒྱལ་པོ་གསལ་རྒྱལ་དང་འདུ་བར་བྱའོ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་གཙུག་ལག་ཁང་ཡངས་པ་ཞིག་ཏུ་སྟན་མང་དུ་བཤམས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། གཙུག་ལག་ཁང་ཡངས་པ་ཞིག་ཏུ་གདན་མང་དུ་བཤམས་ལགས་ཏེ། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་གཙུག་ལག་ཁང་ཡངས་པ་གང་ན་བ་དེར་གཤེགས་ཏེ་བྱོན་ནས་གདན་བཤམས་པ་ཉིད་ལ་བཞུགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་ལ་མི་དེས་རིག་པར་བྱས་ཏེ། སོང་ནས་རིང་པོ་མ་ལོན་པར་མི་གཞན་ཞིག་ལ་སྨྲས་པ། ཀཝའི་ནང་རྗེ། ཚུར་ཤོག་།ཁྱོད་ཀྱིས་བཞོན་པ་བཟང་པོ་མྱུར་དུ་གཏོད་ཅིག་།དེ་ལ་ཁོ་བོ་ཞོན་ལ་དེ་རིང་ཁོ་ན་དགེ་སྦྱོང་གོའུ་ཏ་མ་ལ་བལྟ་བའི་ཕྱིར་འགྲོའོ། །ལྷ། བཀའ་བཞིན་འཚལ་ཞེས་མི་དེས་ཀོ་ས་ལའི་རྒྱལ་པོ་གསལ་རྒྱལ་གྱི་ལྟར་མཉན་ཏེ། བཞོན་པ་བཟང་པོ་གཏད་ནས་ཀོ་ས་ལའི་རྒྱལ་པོ་གསལ་རྒྱལ་གང་ན་བ་དེར་སོང་སྟེ་ཕྱིན་པ་དང་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ། བཅིབས་པ་
Kha177b
བཟང་པོ་གཏད་ལགས་ཏེ། ལྷ། ད་དེའི་དུས་ལ་བབ་པར་དགོངས་སུ་གསོལ། དེའི་ཚེ་སྲིང་མོ་མཛེས་ལྡན་དང་ཉི་ལྡན་གཉིས་རྒྱལ་པོ་གསལ་རྒྱལ་གྱི་བཀད་སར་འོངས་པར་གྱུར་ཏེ། སྲིང་མོ་མཛེས་ལྡན་དང་ཉི་ལྡན་གཉིས་ཀྱིས་ལྷ་དེང་ཉིད་བཅོམ་ལྡན་འདས་ལ་བལྟ་བའི་ཕྱིར་བཞུད་དོ། །ཞེས་ཐོས་སོ། །ཐོས་ནས་ཀྱང་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ། གལ་ཏེ་དེང་ཉིད་བཅོམ་ལྡན་འདས་གཟིགས་པའི་ཕྱིར་གཤེགས་ན། ལྷ། འདི་ལྟར། བདག་ཅག་གི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་དབུས་ཕྱག་མཛོད་ལ། གནོད་པ་ཆུང་ངམ། ཉམ་ང་བ་ཉུང་ངམ།་འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པ་སྤྱོད་དམ་ཞེས་སྙུན་གསོལ་པར་གསོལ། དེ་བཞིན་དུ་བྱའོ། །ཞེས་ཀོ་ས་ལའི་རྒྱལ་པོ་གསལ་རྒྱལ་གྱིས་མཉན་ནས། དེ་ནས་ཀོ་ས་ལའི་རྒྱལ་པོ་གསལ་རྒྱལ་བཞོན་པ་བཟང་པོ་ལ་ཞོན་ཏེ་འཆར་ཀ་ནས་བྱུང་ནས་བཅོམ་ལྡན་འདས་ལ་བལྟ་བ་དང ། བཅོམ་ལྡན་འདས་ལ་བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་སྟེ། དེས་ཇི་ཙམ་གཞོན་པའི་སའི་བར་དུ་བཞོན་པས་སོང་ནས། བཞོན་པ་ལས་བབས་ཏེ་རྐང་པ་ཁོ་ནས་ཀུན་དགའ་ར་བར་ཞུགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་
Kha178a
༄#། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གོའུ་ཏ་མ། སྲིང་མོ་མཛེས་ལྡན་དང་ཉི་ལྡན་གཉིས་བཅོམ་ལྡན་འདས་གོའུ་ཏ་མའི་ཞབས་གཉིས་ལ་མགོ་བོས་ཕྱག་འཚལ་ཏེ། གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལགས་སོ། །སྲིང་མོ་མཛེས་ལྡན་དང་ཉི་ལྡན་གཉིས་ཀྱིས་ཕོ་ཉ་གཞན་མ་རྙེད་དམ། ཅི་ན། རྒྱལ་པོ་ཆེན་པོ་ཉིད་ལས་གཞན་མ་ཡིན། ཀྱེ་གོའུ་ཏ་མ། སྲིང་མོ་མཛེས་ལྡན་དང་ཉི་ལྡན་གཉིས་བདག་གི་བཀད་སར་མཆིས་པ་ན། དེང་ཉིད་ལྷ་བཅོམ་ལྡན་འདས་ལ་བལྟ་བའི་ཕྱིར་མཆི་འཚལ་ལོ། །ཞེས་ཐོས་སོ། །ཐོས་ནས་ཀྱང་བདག་ལ་འདི་སྐད་ཅེས་མཆི་སྟེ། ལྷ། གལ་ཏེ་དེང་ཉིད་བཅོམ་ལྡན་འདས་གཟིགས་པའི་ཕྱིར་བཞུད་པར་བཞེད་ན། བདག་ཅག་གི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་དབུས་ཕྱག་མཛོད་ལ་ཞེས་བྱ་བ་ནས་རེག་པར་སྤྱོད་དམ་ཞེས་བྱ་བའི་བར་གོང་མ་བཞིན་དུའོ། །རྒྱལ་པོ་ཆེན་པོ་ཁྱོད་དང་སྲིང་མོ་མཛེས་ལྡན་དང་ཉི་ལྡན་གཉིས་བདེ་བར་གྱུར་ཅིག་།རེ་ཞིག་གལ་ཏེ་ཞུ་པ་ལུང་བསྟན་པའི་སླད་དུ་སྐབས་ཕྱེ་ན། ཤེས་ལྡན་གོའུ་ཏ་མ་ལ་བདག་ཕྱོགས་གཞན་འགའ་ཞིག་ཞུ་ལགས་སོ། །རྒྱལ་པོ་ཆེན་པོ། ཅི་དང་ཅི་འདོད་པ་ཞུས་ཤིག་།ཀྱེ་གོའུ་ཏ་མ། བདག་གིས་ཁྱོད་འདི་སྐད་ཅེས། དགེ་སྦྱོང་ངམ། བྲམ་ཟེ་གཞན་གྱིས་ཐམས་ཅད་ཤེས་པའམ། མཐོང་བ་གང་ཡིན་པ་དེ་ནི། གནས་མ་ཡིན་ཞིང་གོ་སྐབས་མེད་
Kha178b
དེ།་གནས་མེད་དོ། །ཞེས་གསུང་ངོ ། །ཞེས་ཐོས་ན། གོའུ་ཏ་མ་ཁྱོད་ཀྱིས་དེ་སྐད་དུ་བཀའ་སྩལ་བར་དགོངས་ལགས་སམ། རྒྱལ་པོ་ཆེན་པོ། དེ་སྐད་དུ་སྨྲས་པར་མི་དྲན་ནོ། །དེའི་ཚེ་སྡེ་དཔོན་འཕགས་སྐྱེས་བོ་ཞེས་བྱ་བ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས། སྡེ་དཔོན་འཕགས་སྐྱེས་པོ་ལ་འདི་སྐད་ཅེས་སྨྲས་སོ། །སྡེ་དཔོན། ཉི་མ་སྔ་མ་དང ། ཚེས་སྔ་མའི་ཉི་མ་དག་ལ་རྒྱལ་པོའི་ཕོ་བྲང་དུ་རྒྱལ་པོ་དང ། བློན་པོ་དང ། རྒྱལ་པོའི་འཁོར་རྣམས་འདུས་ཏེ་འཁོད་པ་ན། གཏམ་དེ་ལྟ་བུ་སུས་གླེང་པ་དྲན་ནམ། ལྷ། དྲན་ཏེ། འདི་ལྟ་སྟེ། བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་ལགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་མི་ཞིག་ལ་སྨྲས་པ། ཀཝའི་ནང་རྗེ། ཚུར་ཁྱོད་བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་གང་ན་བ་དེར་སོང་ལ་ཕྱིན་ནས་བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་ལ་འདི་སྐད་ཅེས། ཀོ་ས་ལའི་རྒྱལ་པོ་གསལ་རྒྱལ་ཁྱོད་འབོད་དོ། །ཞེས་སྨྲོས་ཤིག། ལྷ། བཀའ་བཞིན་འཚལ་ཞེས་མི་དེས་ཀོ་ས་ལའི་རྒྱལ་པོ་གསལ་རྒྱལ་གྱི་ལྟར་མཉན་ནས་བཀྲ་ཤིས་ལྡན་གྱི་བྲམ་ཟེའི་ཁྱེའུ་ཡང་དག་རྒྱལ་བ་གང་ན་བ་དེར་སོང་སྟེ་ཕྱིན་ནས། བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་ལ་འདི་སྐད་ཅེས་སྨྲས་སོ། །ཀོ་ས་ལའི་རྒྱལ་པོ་གསལ་རྒྱལ་ཁྱོད་འབོད་དོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་མི་དེ་སོང་ནས་རིང་པོ་མ་ལོན་པར་རིག་ནས་བཅོམ་ལྡན་འདས་ལ་
Kha179a
༄#། །འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། འདི་ལ་ཁ་ཅིག་དོན་དང་ཚིག་ངན་པར་བཟུང་བ་འཛིན་པ་ལྟ་མཆིས་ལགས་སམ། རྒྱལ་པོ་ཆེན་པོ། ཡོད་དེ། དོན་དེ་བཞིན་ཁོ་ན་ཡིན་པ་ལས་དེ་གཞན་ཁོ་ན་ལ་གཞན་དག་ལ་སྨྲའོ། །ཤེས་ལྡན་གོའུ་ཏ་མས་ཇི་ལྟ་བུ་ཞིག་ཏུ་བཀའ་སྩལ་པར་དགོངས་ལགས། རྒྱལ་པོ་ཆེན་པོ། ངས་ནི། འདི་སྐད་དུ་དགེ་སྦྱོང་ངམ། བྲམ་ཟེ་གཞན་གྱིས་ཐམས་ཅད་ཤེས་པའམ། མཐོང་བ་གང་ཡིན་པ་དེ་ནི། གནས་མ་ཡིན་ཞིང་གོ་སྐབས་མེད་དེ། གནས་མེད་དོ། །ཞེས་བཀའ་སྩལ་པར་དྲན་ནོ། །ཤེས་ལྡན་གོའུ་ཏ་མ་དེ་སྐད་དུ་གསུངས་པ་ནི། རིགས་པའི་ཚུལ་ལགས་སོ། །ཤེས་ལྡན་གོའུ་ཏ་མས་དེ་སྐད་དུ་གསུངས་པ་ནི། ཤིན་ཏུ་རིགས་པའི་ཚུལ་ལགས་སོ། །རེ་ཞིག་གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་ན། ཤེས་ལྡན་གོའུ་ཏ་མ་ལ་བདག་ཞུ་བ་གཞན་ཡང་ཕྱོགས་འགའ་ཞིག་ཞུ་ལགས་སོ། །རྒྱལ་པོ་ཆེན་པོ། ཅི་དང་ཅི་འདོད་པ་ཞུས་ཤིག་།ཀྱེ་གོའུ་ཏ་མ། རིགས་ནི། བཞི་པོ་འདི་དག་སྟེ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་ལགས་ན། དེ་དག་ལ་ཁྱད་པར་རམ། བསམ་པའམ། ཐ་དད་དུ་བགྱི་བ་ཅུང་ཟད་མཆིས་སམ། རྒྱལ་པོ་ཆེན་པོ། ཡོད་དེ། དེ་ལ་བྲམ་ཟེའི་རིགས་གང་དག་ཡིན་པ་དང ། རྒྱལ་རིགས་གང་དག་ཡིན་པ་དེ་དག་ནི། འཇིག་རྟེན་གྱིས་མཐོན་པོར་བཀུར་བ་ཡིན་ནོ། །རྗེའུ་རིགས་གང་དག་ཡིན་པ་དང ། དམངས་རིགས་གང་དག་ཡིན་པ་དེ་དག་ནི།
Kha179b
འཇིག་རྟེན་གྱིས་དམའ་བར་བརྩི་བ་ཡིན་ནོ། །ཤེས་ལྡན་གོའུ་ཏ་མ་ལ་བདག་ཅག་མཐོང་བའི་ཆོས་ཀྱི་དོན་ལས་བརྩམས་ཏེ་ཞུ་བ་ནི། མི་ཞུ་ལགས་སོ། །འོན་ཀྱང་ཚེ་སླད་མའི་དོན་ལས་བརྩམས་ཏེ། ཞུ་བ་ཞུ་ལགས་སོ། །ཀྱེ་གོའུ་ཏ་མ། རིགས་ནི། བཞི་པོ་འདི་དག་སྟེ། བྲམ་ཟེ་དང ། རྒྱལ་རིགས་དང ། རྗེའུ་རིགས་དང ། དམངས་རིགས་ལགས་ན། དེ་དག་ལ་ཁྱད་པར་རམ། བསམ་པའམ། ཐ་དད་དུ་བགྱི་བ་འགའ་མཆིས་སམ། རྒྱལ་པོ་ཆེན་པོ། རིགས་ནི། བཞི་པོ་འདི་དག་སྟེ། རྒྱལ་རིགས་དང ། བྲམ་ཟེ་དང ། རྗེའུ་རིགས་དང ། དམངས་རིགས་ཡིན་ལ། དེ་དག་གིས་དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་གདམས་ངག་སྦྱིན་པ་དང ། རྗེས་སུ་སྟོན་པ་དང ། ཆོས་སྟོན་པ་རྙེད་ན། དེ་དག་ལ་འདི་ལྟ་སྟེ། མ་འོངས་པ་ཚེ་ཕྱི་མ་ལ་ཁྱད་པར་རམ། བསམ་པའམ། ཐ་དད་དུ་བྱ་བ་འགའ་ཡོད་དམ། ཀྱེ་གོའུ་ཏ་མ། རིགས་ནི། བཞི་པོ་འདི་དག་སྟེ། རྒྱལ་རིགས་དང ། བྲམ་ཟེ་དང ། རྗེའུ་རིགས་དང ། དམངས་རིགས་ལགས་ལ། དེ་དག་གིས་དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་གདམས་ངག་སྩོལ་བའམ། རྗེས་སུ་སྟོན་པའམ། ཆོས་སྟོན་པ་རྙེད་ན། དེ་དག་ལ་འདི་ལྟ་སྟེ། སྤངས་པ་ལ་ཁྱད་པར་རམ། བསམ་པའམ། ཐད་དུ་བགྱི་བ་འགའ་མཆིས་སམ། རྒྱལ་པོ་ཆེན་པོ། རིགས་ནི། བཞི་པོ་འདི་དག་སྟེ། རྒྱལ་རིགས་དང ། བྲམ་ཟེ་དང ། རྗེའུ་རིགས་དང ། དམངས་རིགས་ཡིན་ལ། དེ་དག་གིས། དེ་བཞིན་གཤེགས་པའམ། དེ་
Kha180a
༄#། །བཞིན་གཤེགས་པའི་ཉན་ཐོས་གདམས་ངག་སྦྱིན་པའམ། རྗེས་སུ་སྟོན་པའམ། ཆོས་སྟོན་པ་རྙེད་ན། དེ་དག་ལ་འདི་ལྟ་སྟེ། སྤངས་པ་ལ་ཁྱད་པར་རམ། བསམ་པའམ། ཐ་དད་དུ་བྱ་བ་འགའ་ཡོད་དམ། དེའི་ཕྱིར་རྒྱལ་པོ་ཆེན་པོ་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཅིག་།རྒྱལ་པོ་ཆེན་པོ། །དཔེར་ན། འདི་ལ་འདུལ་བ་བཞི་པོ།་གླང་པོ་ཆེ་འདུལ་བའམ། རྟ་འདུལ་བའམ། གླང་འདུལ་བའམ། སྐྱེས་པ་འདུལ་བ་ཞིག་ཡོད་ལ། དེ་ལས་འདུལ་བ་གཉིས་ནི། མ་དུལ་བ། རྣམ་པར་མ་དུལ་བར་གྱུར་ལ། གཉིས་ནི། ཤིན་ཏུ་དུལ་པ། ཤིན་ཏུ་རྣམ་པར་དུལ་བར་གྱུར་ན། རྒྱལ་པོ་ཆེན་པོ་ཇི་སྙམ་དུ་སེམས། འདུལ་བ་གཉིས་པོ་མ་དུལ་བ། རྣམ་པར་མ་དུལ་བ་དག་ཅིག་།རེ་ཞིག་མ་དུལ་བ་བཞིན་དུལ་བའི་སར་འགྲོ་བའམ། རྣམ་པར་མ་དུལ་བ་བཞིན་རྣམ་པར་དུལ་བའི་ཆ་སྟ་ལེན་པར་འགྱུར་རམ། ཀྱེ་གོའུ་ཏ་མ། མ་ལགས་སོ། །གང་ཡང་འདུལ་བ་གཉིས་པོ། ཤིན་ཏུ་དུལ་བ་དང ། ཤིན་ཏུ་རྣམ་པར་དུལ་བ་དེ་དག་།ཤིན་ཏུ་དུལ་བས་དུལ་བའི་གནས་སུ་འགྲོ་བའམ། ཤིན་ཏུ་རྣམ་པར་དུལ་བས་དུལ་བའི་ཆ་སྟ་ལེན་པར་འགྱུར་རམ། ཀྱེ་གོའུ་ཏ་མ། དེ་ལྟར་ལགས་སོ། །རྒྱལ་པོ་ཆེན་པོ། དེ་བཞིན་དུ་ས་གང་ཞིག་དད་པ་ཅན་གྱིས་ཐོབ་པར་བྱ་བ་དེ་མ་དད་པས་འཐོབ་པར་འགྱུར་བ་དེ་ནི། གནས་མེད་ལ། གཡོ་མེད་པ་དང ། སྐྱོན་མེད་པ་དང ། བརྩོན་འགྲུས་བརྩམས་པ་
Kha180b
དང ། ཤེས་རབ་ཅན་གྱིས་ཐོབ་པར་བྱ་བ་དེ། ཤེས་རབ་འཆལ་པས་ཐོབ་པ་དེ་ནི། གནས་མེད་ཀྱིས་གང་ཞིག་དད་པ་ཅན་གྱིས་ཐོབ་པར་བྱ་བ་དེ། དད་པ་ཅན་གྱིས་འཐོབ་པར་འགྱུར་བ་འདི་ནི་གནས་ཡོད་ལ། གཡོ་མེད་པ་དང ། སྐྱོན་མེད་པ་དང ། བརྩོན་འགྲུས་བརྩམས་པ་དང ། ཤེས་རབ་ཅན་གྱིས་འཐོབ་པར་བྱ་བ་དེ། ཤེས་རབ་ཅན་གྱི་འཐོབ་པར་འགྱུར་བའི་གནས་དེ་ནི། ཡོད་དོ། །ཀྱེ་གོའུ་ཏ་མ། རིགས་ནི། བཞི་པོ་འདི་དག་སྟེ། རྒྱལ་རིགས་དང ། བྲམ་ཟེ་དང ། རྗེའུ་རིགས་དང ། དམངས་རིགས་ལགས་ལ། དེ་དག་གིས་དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་གདམས་ངག་སྩོལ་བའམ། རྗེས་སུ་སྟོན་པའམ། ཆོས་སྟོན་པ་རྙེད་པར་གྱུར་ཅིང ། དེ་དག་གཙོ་བོའི་ཡན་ལག་ལྔ་དང་ལྡན་པར་གྱུར་ལ། དེ་དག་གིས་ཀྱང་མཉམ་མཚུངས་པར་སྤངས་པར་གྱུར་ན། དེ་དག་གི་རྣམ་པར་གྲོལ་བ་དང ། རྣམ་པར་གྲོལ་བ་ལ་ཁྱད་པར་རམ། བསམ་པའམ། ཐ་དད་དུ་བྱ་བ་འགའ་མཆིས་སམ། དེའི་ཕྱིར་རྒྱལ་པོ་ཆེན་པོ་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཅིག་།རྒྱལ་པོ་ཆེན་པོ། །དཔེར་ན། ཤར་ཕྱོགས་ནས་བྲམ་ཟེ་གཞོན་ནུ་ཞིག་འོངས་པ་དང ། དེ་ལ་འགའ་ཞིག་གིས་འདི་སྐད་དུ། གཞོན་ནུ་ཚུར། ཤིང་སཱ་ལ་སྐམ་པོ་ལས་གཙུབ་སྟན་བྱོས་ལ་སྟེང་དུ་གཙུབ་ཤིང་བཞག་སྟེ་མེ་དབྱུང་བའི་ཕྱིར་གཙུབས་ལ་ཕྱུང་ཞིག་ཅེས་སྨྲས་པ་དང ། དེ་ཤིན་སཱ་ལ་སྐམ་པོ་ལས་གཙུབ་སྟན་བྱས་ནས་སྟེང་དུ་གཙུབ་
Kha181a
༄#། །ཤིང་བཞག་སྟེ་མེ་དབྱུང་བའི་ཕྱིར་གཙུབས་ནས་མེ་ཕྱུང ། ལྷོ་ཕྱོགས་ནས་རྒྱལ་རིགས་གཞོན་ནུ་ཞིག་འོངས་པ་དང ། དེ་ལ་འགའ་ཞིག་གིས་འདི་སྐད་དུ། རྒྱལ་རིགས་གཞོན་ནུ་ཚུར། སྤ་སྐམ་པོ་ལས་གཙུབ་སྟན་བྱས་ལ་སྟེང་དུ་གཙུབ་ཤིང་བཞག་སྟེ་མེ་དབྱུང་བའི་ཕྱིར་གཙུབས་ལ་མེ་ཕྱུང་ཞིག་ཅེས་སྨྲས་པ་དང ། དེས་སྤ་སྐམ་པོ་ལས་གཙུབ་སྟན་བྱས་ནས་སྟེང་དུ་གཙུབ་ཤིང་བཞག་སྟེ་མེ་དབྱུང་བའི་ཕྱིར་གཙུབས་ནས་མེ་ཕྱུང ། ནུབ་ཕྱོགས་ནས་རྗེའུ་རིགས་གཞོན་ནུ་ཞིག་འོངས་པ་དང ། དེ་ལ་འགའ་ཞིག་གིས་འདི་སྐད་དུ། རྗེའུ་རིགས་གཞོན་ནུ་ཚུར། ཤུག་པ་སྐམ་པོ་ལས་གཙུབ་སྟན་བྱས་ལ་སྟེང་དུ་གཙུབ་ཤིང་བཞག་སྟེ་མེ་དབྱུང་བའི་ཕྱིར་གཙུབས་ལ་མེ་ཕྱུང་ཞིག་ཅེས་སྨྲས་པ་དང ། དེས་ཤུག་པ་སྐམ་པོ་ལས་གཙུབ་སྟན་བྱས་ནས་སྟེང་དུ་གཙུབ་ཤིང་བཞག་སྟེ་མེ་དབྱུང་བའི་ཕྱིར་གཙུབས་ནས་མེ་ཕྱུང ། བྱང་ཕྱོགས་ནས་དམངས་རིགས་གཞོན་ནུ་ཞིག་འོངས་པ་དང ། དེ་ལ་འགའ་ཞིག་གིས་འདི་སྐད་དུ། ཀྱེ་དམངས་རིགས་གཞོན་ནུ་ཚུར། ཙནྡན་སྐམ་པོ་ལས་གཙུབ་སྟན་བྱོས་ལ་སྟེང་དུ་གཙུབ་ཤིང་བཞག་སྟེ་མེ་དབྱུང་བའི་ཕྱིར་གཙུབས་ལ་མེ་ཕྱུང་ཞིག་ཅེས་སྨྲས་པ་དང ། དེས་ཙནྡན་སྐམ་པོ་ལས་གཙུབ་སྟན་བྱས་ནས་སྟེང་དུ་གཙུབ་ཤིང་བཞག་སྟེ་མེ་དབྱུང་བའི་ཕྱིར་གཙུབས་ནས་མེ་ཕྱུང་བ་དང ། དེ་དག་འགའ་ཞིག་གིས་གཅིག་ཏུ་བསྡུས་ནས་འདམ་བུ་བཅེར་བའམ། སོག་མའི་ཕུང་པོར་བཅུག་ན།
Kha181b
རྒྱལ་པོ་ཆེན་པོ་ཇི་སྙམ་དུ་སེམས། མི་རིགས་ཐ་དད་པས་ཤིང་སྣ་ཚོགས་ལས་ཕྱུང་བའི་མེ་དེ་ལས། ཇི་ག་མེད་འདི་ནི། འོད་དང་ལྡན་པ། ཁ་དོག་དང་ལྡན་པ། གསལ་བའོ།། །།འདུལ་བ་གཞི། བམ་པོ་སུམ་ཅུ་གསུམ་པ། མེ་འདི་ནི། དེ་ལྟ་མ་ཡིན་ནོ། །མེ་འདིས་ནི། མེའི་བྱ་བ་བྱེད་ནུས་སོ། །མེ་འདིས་ནི། མི་ནུས་སོ་ཞེས་བྱ་བའི་ཁྱད་པར་རམ། བསམ་པའམ། ཐ་དད་དུ་བྱ་བ་འགའ་ཡོད་དམ། འོན་ཏེ་མེ་དེ་ཐམས་ཅད་འོད་དང་ལྡན་པ། ཁ་དོག་དང་ལྡན་པ། གསལ་བ་ཡིན་ཞིང ། མེ་དེ་ཐམས་ཅད་ཀྱིས་མེའི་བྱ་བ་བྱེད་ནུས། ཀྱེ་གོའུ་ཏ་མ། ཞུགས་དེ་ཐམས་ཅད་འོད་དང་ལྡན་པ། ཁ་དོག་དང་ལྡན་པ། གསལ་བ་ལགས་ཤིང ། ཞུགས་དེ་ཐམས་ཅད་ཀྱིས་ཞུགས་ཀྱི་བགྱི་བ་བགྱིད་རྔོ་ཐོགས་ལགས་སོ། །རྒྱལ་པོ་ཆེན་པོ། དེ་བཞིན་དུ་བག་ཡོད་པས་ཐོབ་པ། གཙོ་བོས་གཙུབ་པའི་མེ་དེ་ལ་ནི། འདི་ལྟ་སྟེ། རྣམ་པར་གྲོལ་བ་དང ། རྣམ་པར་གྲོལ་བ་ལ་ཁྱད་པར་དང ། བསམ་པ་དང ། ཐ་དད་དུ་བྱ་བ་འགའ་ཡང་མེད་དོ། །ཤེས་ལྡན་གོའུ་ཏ་མས་དེ་སྐད་གསུངས་པ་ནི། རིགས་པའི་ཚུལ་ལགས་སོ། །རེ་ཞིག་ཞུ་བ་ལུང་བསྟན་པའི་སླད་དུ་སྐབས་ཕྱེ་ན། ཤེས་ལྡན་ཁྱོད་ལ་བདག་གཞན་ཡང་ཕྱོགས་འགའ་ཞིག་ཞུའོ། །རྒྱལ་པོ་ཆེན་པོ། ཅི་དང་ཅི་འདོད་པ་ཞུས་ཤིག་།ཀྱེ་གོའུ་ཏ་མ། ལྷ་རྣམས་མཆིས་སམ། རྒྱལ་པོ་ཆེན་པོ། ལྷ་གང་དག་ཡིན་པར་ཤེས། ལྷ་གང་དག་ཤ་འཁོན་དང་བཅས། འགྲན་ཟླ་དང་བཅས། གནོད་པ་དང་བཅས་ཤིང ། འདི་ལྟ་བུར་འོངས་ཤིང་
Kha182a
༄#། །འོང་བར་འགྱུར་བའམ། ལྷ་གང་དག་ཤ་འཁོན་མེད། འགྲན་ཟླ་མེད། གནོད་པ་མེད་ཅིང ། འདི་ལྟ་བུར་མི་འོངས་ཤིང་འོང་བར་མི་འགྱུར་བ་ཡིན། ལྷ་དེ་དག་ནི། རེ་ཞིག་དེར་བས། ལྷ་གང་དག་ཤ་འཁོན་དང་བཅས། འགྲན་ཟླ་དང་བཅས། གནོད་པ་དང་བཅས་ཤིང ། འདི་ལྟ་བུར་མཆིས་ཤིང་མཆི་བར་འགྱུར་བའི་ལྷ་དེ་དག་ཚེ་བས། སུག་ལས་བས། བསོད་ནམས་བས་ནས་གནས་དེ་ནས་འཆི་འཕོ་བར་འགྱུར་བ་དེ་ན། ལྷའམ་ལྷའི་བུས། ལྷའམ་ལྷའི་བུ་གནས་དེ་ནས་འཆི་འཕོ་བར་བགྱི་བའམ། སྤྱུག་པར་རྔོ་ཐོགས་ལགས་སམ། རྒྱལ་པོ་ཆེན་པོ། ། ལྷ་གང་དག་ཤ་འཁོན་དང་བཅས། འགྲན་ཟླ་དང་བཅས། གནོད་པ་དང་བཅས་ཤིང ། འདི་ལྟ་བུར་འོངས་ཤིང་འོང་བར་འགྱུར་བ་དེ་དག་།ལས་ཟད། ཚེ་ཟད། བསོད་ནམས་ཟད་ནས་གནས་དེ་ནས་འཆི་འཕོ་བར་འགྱུར་བ་དེ་ན། ལྷའམ་ལྷའི་བུས། ལྷའམ་ལྷའི་བུ་གནས་དེ་ནས་འཆི་འཕོ་བར་བྱ་བའམ། སྤྱུག་པར་མི་ནུས་སོ། །ཀྱེ་གོའུ་ཏ་མ། དེ་ན་ལྷ་གང་ཤ་འཁོན་དང་བཅས། འགྲན་ཟླ་དང་བཅས། གནོད་པ་དང་བཅས་ཤིང ། འདི་ལྟ་བུར་མཆིས་ཤིང་མཆི་བར་འགྱུར་བ་དེ་དག་གིས། ལྷ་གནོད་པ་མཆིས་པ་དེ་དག་གནས་དེ་ནས་འཆི་འཕོ་བར་བགྱི་བའམ། སྤྱུག་པའི་རྔོ་ཐོགས་ལགས་སམ། དེ་ནས་སྡེ་དཔོན་འཕགས་སྐྱེས་པོས་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །དགེ་སྦྱོང་གོའུ་ཏ་མ་ནི། འདི་སྐད་ཅེས། ལྷ་རྣམས་ནི། ཚེ་ལྷག་པར་རིང་པ། ལྷག་པར་
Kha182b
ཡུན་རིང་དུ་གནས་པ་ཡིན་ནོ། །ཞེས་གསུངས་པར་འགྱུར་བ་གང་ལགས་པའི་གནས་དེ་མཆིས་སོ། །དེའི་ཚེ་ཚེ་དང་ལྡན་པ་ཀུན་དགའ་བོ། བཅོམ་ལྡན་འདས་ཀྱི་སྣམ་ལོགས་ན་རྡུལ་ཡབ་ཐོགས་ནས་བཅོམ་ལྡན་འདས་ལ་གཡོབ་ཅིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། སྡེ་དཔོན་ལུས་འཕགས་པོ་འདི་ནི། ཀོ་ས་ལའི་རྒྱལ་པོ་གསལ་རྒྱལ་གྱི་བུ་ཡིན་ལ། བདག་ཀྱང་བཅོམ་ལྡན་འདས་ཀྱི་ཆོས་ཉིད་ཀྱི་སྲས་ཡིན་པས། སྲས་དང་བུ་ནི། ལྷན་ཅིག་གཏམ་བྱར་རུང་ངོ ། །སྙམ་དུ་རིག་ནས་སྡེ་དཔོན་ལུས་འཕགས་པོ་ལ་འདི་སྐད་ཅེས་སྨྲས་སོ། །སྡེ་དཔོན་ཇི་སྙམ་དུ་སེམས། ཀོ་ས་ལའི་རྒྱལ་པོའི་རང་གི་ཡུལ་ཡིན་ལ། དེ་ན་ཡང་དེའི་ཚིག་གིས་ཁྲིམས་སུ་བཅའ་བ་ལ་དབང་སྒྱུར་ན། སེམས་ཅན་དབང་ཆུང་ངུ་ཁ་ཅིག་།གནས་དེ་ནས་འཆི་འཕོ་བར་བྱ་བའམ། སྤྱུག་པར་ནུས་སམ། དགེ་སྦྱོང ། ནུས་སོ། །སྡེ་དཔོན་ཇི་སྙམ་དུ་སེམས། ཀོ་ས་ལའི་རྒྱལ་པོ་གསལ་རྒྱལ་གྱི་རང་གི་ཡུལ་མ་ཡིན་ལ། དེ་ན་ཡང་དེའི་ཚིག་གིས་ཁྲིམས་སུ་བཅའ་བ་ལ་དབང་མི་སྒྱུར་ན། ཀོ་ས་ལའི་རྒྱལ་པོ་གསལ་རྒྱལ་གྱིས་སེམས་ཅན་དབང་ཆུང་ངུ་ཁ་ཅིག་།གནས་དེ་ནས་འཆི་འཕོ་བར་བྱ་བའམ། སྤྱུག་པར་ནུས་སམ། དགེ་སྦྱོང ། ཀོ་ས་ལའི་རྒྱལ་པོ་གསལ་རྒྱལ་རང་གི་ཡུལ་མ་ཡིན་ལ།་དེ་ན་ཡང་དེའི་ཚིག་གིས་ཁྲིམས་སུ་བཅའ་བ་ལ་དབང་མི་སྒྱུར་ན། ཀོ་ས་ལའི་རྒྱལ་པོ་གསལ་རྒྱལ་གྱིས་སེམས་ཅན་དབང་ཆུང་ངུ་ཁ་ཅིག་།གནས་དེ་ནས་འཆི་འཕོ་བར་བྱ་བའམ་སྤྱུག་པར་མི་ནུས་
Kha183a
༄#། །སོ། །སྡེ་དཔོན། ཁྱོད་ཀྱིས་སུམ་ཅུ་རྩ་གསུམ་པའི་ལྷ་རྣམས་ཡོད་སྐད་ཐོས་སམ། དགེ་སྦྱོང ། ཀོ་ས་ལའི་བདག་པོ་རྒྱལ་པོ་འདི་ཉིད་ལས་ཐོས་སོ། །སྡེ་དཔོན་ཇི་སྙམ་དུ་སེམས། ཀོ་ས་ལའི་རྒྱལ་པོ་གསལ་རྒྱལ་གྱིས་སུམ་ཅུ་རྩ་གསུམ་པའི་ལྷ་རྣམས་གནས་དེ་ནས་འཆི་འཕོ་བར་བྱ་བའམ། སྤྱུག་པར་ནུས་སམ། དགེ་སྦྱོང ། རེ་ཞིག་ཀོ་ས་ལའི་རྒྱལ་པོ་གསལ་རྒྱལ་གྱིས་སུམ་ཅུ་རྩ་གསུམ་པའི་ལྷ་རྣམས་མཐོང་བ་ཡང་ཉམས་སུ་མི་མྱོང་ན། གནས་དེ་ནས་འཆི་འཕོ་བར་བྱ་བའམ། སྤྱུག་པ་ལྟ་སྨོས་ཀྱང་ཅི་དགོས། སྡེ་དཔོན། དེ་བཞིན་དུ་གནོད་པ་དང་བཅས་པའི་ལྷ་རྣམས་ཀྱིས། གནོད་པ་མེད་པའི་ལྷ་རྣམས་མཐོང་བ་ཡང་ཉམས་སུ་མི་མྱོང་ན། གནས་དེ་ནས་འཕོ་བར་བྱ་བའམ། སྤྱུག་པ་ལྟ་སྨོས་ཀྱང་ཅི་དགོས་ཏེ། དེ་ནི་གནས་མེད་དོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། དགེ་སྦྱོང་འདིའི་མིང་ཅི་ལགས། རྒྱལ་པོ་ཆེན་པོ། ཀུན་དགའ་བོ་ཡིན་ནོ། །ཤེས་ལྡན་ཀུན་དགའ་བོས་དེ་སྐད་དུ་སྨྲས་པ་ནི། རིགས་པའི་ཚུལ་ཡིན་ནོ། །ཤེས་ལྡན་ཀུན་དགའ་བོས་དེ་སྐད་དུ་སྨྲས་པ་ནི། ཤིན་ཏུ་རིགས་པའི་ཚུལ་ཡིན་ནོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །རེ་ཞིག་གལ་ཏེ་ཞུ་བ་ལུང་བསྟན་པའི་སླད་དུ། ཤེས་ལྡན་གོའུ་ཏ་མ་ལ་བདག་ཞུ་བ་གཞན་ཡང་ཕྱོགས་འགའ་ཞིག་ཞུ་ལགས་སོ། །རྒྱལ་པོ་ཆེན་པོ། གང་དང་གང་
Kha183b
འདོད་ཞུས་ཤིག་།ཀྱེ་གོའུ་ཏ་མ། ཅི་ལགས། ཚངས་པ་དེ་མཆིས་ལགས་སམ། རྒྱལ་པོ་ཆེན་པོ། ཚངས་པ་གང་ཡིན་པར་ཤེས་།ཚངས་པ་གང་ཞིག་གནོད་པ་དང་བཅས་པས་འདི་ལྟ་བུར་འོང་བར་འགྱུར་བའམ། ཚངས་པ་གང་ཞིག་གནོད་པ་མེད་པས་འདི་ལྟ་བུར་མི་འོང་ཞིང་འོང་བར་མི་འགྱུར་བ་ཡིན། ཀྱེ་གོའུ་ཏ་མ། བདག་ནི། དེ་ལ། ཚངས་པ་གང་ཞིག་གནོད་པ་མ་མཆིས་པས་འདི་ལྟ་བུར་མ་མཆི་ཞིང་མཆི་བར་མི་འགྱུར་བའི་ཚངས་པ་དེ་ལགས་པར་འཚལ་ལོ། །ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་དང་ལྷན་ཅིག་སྐབས་ཀྱི་གཏམ་དེ་ལྟ་བུ་གླེང་ངོ ། །དེ་ནས་མི་དེས་བཀྲ་ཤིས་ལྡན་གྱི་བུ། བྲམ་ཟེའུ་ཁྱེའུ་ཡང་དག་རྒྱལ་བ་ཁྲིད་ནས་ཀོ་ས་ལའི་རྒྱལ་པོ་གསལ་རྒྱལ་གང་ན་བ་དེར་སོང་སྟེ་ཕྱིན་ནས་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ། དེ་འདི་ལགས་སོ། །དེ་ནས་བཀྲ་ཤིས་པའི་བུ། བྲམ་ཟེའི་ཁྱེའུ་ཡང་དག་རྒྱལ་བས་ཀོ་ས་ལའི་རྒྱལ་པོ་གསལ་རྒྱལ་ལ་རྒྱལ་བ་དང་ཚེ་སྤེལ་བ་དག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཀྲ་ཤིས་ལྡན་གྱི་བུ། བྲམ་ཟེའི་ཁྱེའུ་ཡང་དག་རྒྱལ་བ་ཅན་ལ་ཀོ་ས་ལའི་རྒྱལ་པོ་གསལ་རྒྱལ་གྱིས་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ། ཉི་མ་སྔ་མ་དང ། ཚེས་སྔ་མ་ལ། རྒྱལ་པོའི་ཕོ་བྲང་དུ་རྒྱལ་པོ་དང ། བློན་པོ་དང ། འཁོར་རྣམས་འདུས་ཤིང་འདུག་པ་ན། དགེ་སྦྱོང་གོའུ་ཏ་མ་འདི་སྐད་ཅེས། དགེ་སྦྱོང་དང་བྲམ་ཟེ་གཞན་གྱིས་ཐམས་ཅད་ཤེས་པའམ། མཐོང་བ་གང་ཡིན་པ་དེ་ནི། གནས་མ་ཡིན་
Kha184a
༄#། །ཞིང་གོ་སྐབས་མེད་དེ། དེ་ནི། གནས་མེད་དོ། །ཞེས་གསུང་ངོ ། །ཞེས་པའི་གཏམ་དེ་ལྟ་བུ་སུས་སྨྲས་དྲན་ནམ། ལྷ། དྲན་ལགས་ཏེ། འདི་ལྟ་སྟེ། སྡེ་དཔོན་འཕགས་སྐྱེས་བོ་དེ་སྐད་མཆིའོ། །འདི་ལྟ་སྟེ། བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བའོ། །ཞེས་དེ་དག་ཕན་ཚུན་དེ་ལྟར་གནམ་ཁུངས་འབྱིན་པར་བྱེད་དོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱི་རིམ་གྲོ་བའི་མིས། ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ། གཤེགས་པའི་དུས་ལ་བབ་ལགས་སོ། །ལྷ། དུས་ལ་བབ་ལགས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གོའུ་ཏམ། བདག་གིས་ཐམས་ཅད་མཁྱེན་པ་ཉིད་ལས་བརྩམས་ཏེ་ཞུ་བ་ཞུས་པ་ཡང་ཤེས་ལྡན་གོའུ་ཏ་མས་བདག་ལ་ཐམས་ཅད་མཁྱེན་པ་ཉིད་ཞུ་བ་ཞུས་པ་ལུང་བསྟན་ལགས། འདིར་རིགས་རྣམ་པར་དག་པ་དང ། ལྷག་པའི་ལྷ་དང ། ལྷག་པའི་ཚངས་པ་ལས་བརྩམས་ཏེ་ཤེས་ལྡན་གོའུ་ཏ་མ་ལ་བདག་གིས་ཞུ་བ་ཞུས་པ་ཡང ། ཤེས་ལྡན་གོའུ་ཏ་མས་བདག་ལ་ལྷག་པའི་ཚངས་པ་ཞུ་བ་ཞུས་པ་ལུང་བསྟན་ལགས་ཏེ། ཤེས་ལྡན་གོའུ་ཏ་མ་ལ་བདག་གིས་ཞུ་བ་གང་དང་གང་ཞུས་པ་དེ་དང་དེ་ཁོ་ན། ཤེས་ལྡན་གོའུ་ཏ་མས་བདག་ལ་ཞུ་བ་ལུང་བསྟན་ལགས་པས། ཤེས་ལྡན་གོའུ་ཏ་མ་ལ་བདག་གིས་གཞན་གསོལ་དུ་ཅི་མཆིས། ཤེས་ལྡན་
Kha184b
གོའུ་ཏ་མ། བདག་ནི། བགྱི་བ་དང་སྒྲུབ་པ་མང་ལགས་བས། ད་མཆི་ལགས་སོ། །རྒྱལ་པོ་ཆེན་པོ། དེའི་དུས་ལ་བབ་པར་ཤེས་པར་གྱིས་ཤིག་།དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀོ་ས་ལ་ནས་ལྗོངས་རྒྱུ་ཞིང་གཤགས་པ་དང་མཉན་ཡོད་དུ་བྱོན་ནས། མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས། ཀོ་ས་ལ་ནས་ལྗོངས་རྒྱུ་ཞིང་གཤེགས་པ་དང་མཉན་ཡོད་དུ་བྱོན་ནས། མཉན་ཡོད་ན་བདག་ཁོ་ནའི་ཀུན་དགའ་ར་བ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་
Kha185a
༄#། །གསུང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ་ཞེས་བྱ་བ་ནས་སྟན་ཆེས་དམའ་བ་ཞིག་བླངས་ཏེ་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །བྲམ་ཟེ་དང་ཁྱིམ་བདག་རྣམས་ཀྱིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་སྐབས་སྐབས་སུ་གདུགས་ཚོད་གསོལ་བར་བྱེད་པ་ན། དགེ་སློང་རྣམས་ཀྱིས་ཐོག་མར་སྤྲང་པོ་རྣམས་ལ་ཁ་ཟས་ཅུང་ཟད་བྱིན་པ་དང ། བྲམ་ཟེ་དང་ཁྱིམ་བདག་རྣམས་འཕྱར་བར་བྱེད་པའི་སྐབས་དེ། བཅོམ་ལྡན་འདས་ལ།
Kha185b
དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རང་གིས་ལོངས་སྤྱད་ནས་ལྷུང་བཟེད་ཀྱི་ལྷག་མ་སྦྱིན་པར་བྱའོ། །དེ་ན་སྤྲང་པོ་གཉིས་པོ། བྲམ་ཟེའི་ཁྱེའུ་ཞིག་དང ། རྒྱལ་རིགས་ཀྱི་ཁྱེའུ་ཞིག་ཡོད་པ་ལས། བྲམ་ཟེའི་ཁྱེའུས་དུས་མ་ཤེས་ནས། དེ་དང་པོར་སློང་བར་བརྩམས་པ་ལས། དགེ་སློང་འགས་ཀྱང་ཅུང་ཟད་ཀྱང་མ་བྱིན་ནོ། །རྒྱལ་རིགས་ཀྱི་ཁྱེའུ་ཕྱི་ནས་སོང་བ་དང ། དེས་ཕལ་ཆེར་རྙེད་ནས། དེས་བྲམ་ཟེའི་ཁྱེའུ་ལ་སྨྲས་པ། ཁྱོད་ཀྱིས་ཅུང་ཟད་རྙེད་དམ། དེས་ཁྲོས་ནས་སྨྲས་པ། གལ་ཏེ་ཁོ་བོ་ལ་དབང་ཞིག་ཡོད་ན། ཤཱཀྱའི་སྲས་ཀྱི་དགེ་སྦྱོང་ཐམས་ཅད་མགོ་དྲུངས་ནས་བཅད་དེ་ས་ལ་འདེར་བ་ཞིག་།རྒྱལ་རིགས་ཀྱི་ཁྱེའུས་སྨྲས་པ། གལ་ཏེ་ཁོ་བོ་ལ་འབྱོར་བ་ཞིག་ཡོད་ན། ཁོ་བོས་ཉི་མ་རེ་རེ་ཞིང་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཞལ་ཟས་རོ་བརྒྱ་དང་ལྡན་པས་བསྟབ་པ་ཞིག་།དེ་གཉིས་དེ་ལྟར་གཅིག་ལ་གཅིག་སྨྲ་ཞིང་མཉན་ཡོད་ནས་བྱུང་ནས་ཤིང་དྲུང་ཞིག་ཏུ་ཉལ་བ་དང ། ཤིང་རྟས་འཁྱམས་པ་ཞིག་ཕྱོགས་དེར་འོངས་ཏེ། དེས་བྲམ་ཟེའི་ཁྱེའུ་དེའི་མགོ་བཅད་དོ། །དེ་ནས་བཅོམ་ལྡན་འདས་ཀྱིས་བྱུང་བ་དེ་ལ་ཚིགས་སུ་བཅད་དེ་བཀའ་སྩལ་པ། ཆོས་རྣམས་སྔོན་དུ་ཡིད་འགྲོ་ཡིད་གཙོ་ཡིན། །ཡིད་མགྱོགས་རབ་ཏུ་སྡང་བའི་ཡིད་ཀྱིས་ནི། །སྨྲས་སམ་བྱས་ན་དེ་ནས་སྡུག་བསྔལ་དེ། །འཐོབ་འགྱུར་འཁོར་ལོ་འཕྱན་པས་མགོ་བོ་བཅད། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པས་བཀའ་
Kha186a
༄#། །སྩལ་པ་དེའི་དོན་ཅི་ལགས། ཀུན་དགའ་བོ། ཁྱོད་ཀྱིས་བྲམ་ཟེའི་ཁྱེའུ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་སེམས་གདུག་པས་ཚིག་རྩུབ་པོ་ཕྱུང་བ་གང་ཡིན་པ་དེ། མཐོང་ངམ། བཅོམ་ལྡན་འདས། མཐོང་ལགས་སོ། །དེ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་སེམས་གདུག་པས་ཚིག་རྩུབ་པོ་ཕྱུང་ནས་མཉན་ཡོད་ནས་བྱུང་སྟེ་ཤིང་དྲུང་ཞིག་ཏུ་ཉལ་བ་དང ། ཤིང་རྟ་འཁྱམས་པས་དེའི་མགོ་བཅད་པར་གྱུར་ཏོ། །ངས་དེ་ལས་དགོངས་ནས། ཆོས་རྣམས་སྔོན་དུ་ཡིད་འགྲོ་ཡིད་གཙོ་ཡིན། །ཞེས་བྱ་བ་ནས་སྔ་མ་བཞིན་དུ། འཐོབ་འགྱུར་འཁོར་ལོ་འཕྱན་པས་མགོ་བོ་བཅད། །ཅེས་བྱ་བའི་བར་གསུངས་སོ། །དེའི་ཚེ་མཉན་ཡོད་ན་ཚོང་དཔོན་ཞིག་བུ་མེད་པར་ཤིའོ། །མཉན་ཡོད་ཀྱི་བྲམ་ཟེ་དང་ཁྱིམ་བདག་རྣམས་འདུས་ནས་སྨྲས་པ། སུ་ཞིག་ཚོང་དཔོན་དུ་གཞུག་།ཁ་ཅིག་གིས་སྨྲས་པ། སུ་བསོད་ནམས་ཀྱི་མཐུ་ཆེན་པོ་དང་ལྡན་པའོ། །ཇི་ལྟར་ཤེས་པར་བྱ། བརྟག་མོད་ཅེས་དེ་ནས་དེ་རྣམས་བརྟག་པར་བརྩམས་པ་ལས། དེ་རྣམས་ཀྱིས་རྒྱལ་རིགས་ཀྱི་ཁྱེའུ་དེ་ཤིང་གི་གྲིབ་མ་ལ་ཉལ་བ་ན། ཤིང་གཞན་རྣམས་ཀྱི་གྲིབ་མ་ཡོལ་བར་གཞོལ། ཡོལ་བར་འབབ། ཡོལ་བར་བབ་ན། ཤིང་དེའི་གྲིབ་མ་ནི། ཁྱེའུ་དེའི་ལུས་ལས་མ་ཡོལ་བར་མཐོང་ནས། དེ་རྣམས་ཀྱིས་དེ་བསླང་སྟེ་ཚོང་དཔོན་དུ་དབང་བསྐུར་བ་དང ། དེ་འདི་སྙམ་དུ་སེམས་ཏེ། བདག་ལ་དཔལ་གྱི་འབྱོར་བའི་སྐལ་
Kha186b
བ་ཅི་ཡོད་པ་དེ་དག་ཐམས་ཅད་ནི། སངས་རྒྱས་བཅོམ་ལྡན་འདས་ལ་བརྟེན་ཏེ་ཡིན་གྱི། མ་ལ་བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་གདུགས་ཚོད་ལ་སྤྱན་དྲང་ངོ ། ། སྙམ་ནས། དེ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ཀྱིས་ཚོང་དཔོན་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཚོང་དཔོན་དེ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ་ཞེས་བྱ་བ་ནས་སྟན་ཆེས་དམའ་བ་ཞིག་བླངས་ཏེ་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་
Kha187a
༄#། །ཉལ་དང ། ཁམས་དང ། རང་བཞིན་མཁྱེན་ནས་དེ་དང་མཐུན་པའི་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དེ་ཞེས་བྱ་བ་ནས་ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། བཙུན་པ། བདག་ནི། འཕགས་སོ། །མངོན་པར་འཕགས་སོ། །ཞེས་བྱ་བ་དང ། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་ཡང་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་ཁྱེའུ་ཚོང་དཔོན་དེ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་གཞེངས་ཏེ་གཤེགས་སོ། །དེ་ནས་བཅོམ་ལྡན་འདས་གཙུག་ལག་ཁང་དུ་གཤགས་ནས་དགེ་སློང་གི་དགེ་འདུན་གྱི་དགུང་ལ་གདན་བཤམས་པ་ལ་བཞུགས་ཏེ་ཚིགས་སུ་བཅད་དེ་བཀའ་སྩལ་པ། ཆོས་རྣམས་སྔོན་དུ་ཡིད་འགྲོ་ཡིད་གཙོ་ཡིན། །ཡིད་མགྱོགས་རབ་ཏུ་དང་བའི་ཡིད་ཀྱིས་ནི། །སྨྲས་སམ་བྱས་ན་དེ་ནས་བདེ་བ་དེ། །འཐོབ་འགྱུར་གྲིབ་
Kha187b
མ་ཡོལ་བར་མི་འགྱུར་བཞིན། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པས་བཀའ་སྩལ་པ་དེའི་དོན་ཅི་ལགས། ཀུན་དགའ་བོ། ཁྱོད་ཀྱིས་རྒྱལ་རིགས་ཀྱི་ཁྱེའུ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་སེམས་དང་བ་བསྐྱེད་པ་གང་ཡིན་པ་དེ་མཐོང་ངམ། བཅོམ་ལྡན་འདས། མཐོང་ལགས་སོ། །དེ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་སེམས་དང་བ་བསྐྱེད་ནས་མཉན་ཡོད་ནས་བྱུང་སྟེ་ཤིང་དྲུང་ཞིག་ཏུ་ཉལ་བ་ལས། མཉན་ཡོད་ཀྱི་བྲམ་ཟེ་དང་ཁྱིམ་བདག་དག་གིས་ཚོང་དཔོན་དུ་དབང་བསྐུར་ནས་དེ་མཐོང་བའི་ཆོས་ཁོ་ནས་ལོངས་སྤྱོད་མངོན་པར་འཕེལ་བར་གྱུར་ཏོ། །ངས་དེ་ལས་དགོངས་ནས། ཆོས་རྣམས་སྔོན་དུ་ཡིད་འགྲོ་ཡིད་གཙོ་ཡིན། །ཞེས་བྱ་བ་ནས་སྔ་མ་བཞིན་དུ། འཐོབ་འགྱུར་གྲིབ་མ་ཡོལ་བར་མི་འགྱུར་བཞིན། །ཞེས་བྱ་བའི་བར་གསུངས་སོ། །གདུ་བུ་ཅན་དུ་བྱོན་ནས། གདུ་བུ་ཅན་དུ་སངས་རྒྱས་བཞིའི་གདན་ཞེས་བྱ་བ་རྒྱས་པར་གོང་མ་བཞིན་དུའོ། །ས་ཅན་དུ་བྱོན་ནས་ས་ཅན་དུ་སངས་རྒྱས་བཞིའི་གདན་ཞེས་བྱ་བ་གོང་མ་བཞིན་དུའོ། །སེངྒེ་ཅན་གྱི་གྲོང་དུ་བྱོན་ནས། སེངྒེ་ཅན་གྱི་གྲོང་དུ་སངས་རྒྱས་བཞིའི་གདན་ཞེས་བྱ་བ་རྒྱས་པར་གོང་མ་བཞིན་དུའོ། །གྲོང་གསར་དུ་བྱོན་ནས་གྲོང་གསར་དུ་སངས་རྒྱས་བཞིའི་གདན་ཞེས་བྱ་བ་གོང་མ་བཞིན་དུའོ། །གྲོང་ཁྱེར་ཅན་དུ་བྱོན་ནས་གྲོང་ཁྱེར་ཅན་དུ་སངས་རྒྱས་བཞིའི་གདན་ཞེས་བྱ་བ་གོང་མ་བཞིན་དུའོ། །རྒྱལ་པོའི་ཁབ་ཏུ་བྱོན་ནས་
Kha188a
༄#། །དེའི་ཚེ་ཀུན་ཏུ་རྒྱུ་ཁྲིའུ་བརྩེགས་ཞེས་བྱ་བ། མ་ག་དྷ་བཟང་མོའི་རྫིང་གི་འགྲམ་ན་གནས་ཏེ། དེ་མཚན་མོ་མཆིལ་བས་ཉ་གཤོར་ཅིང་གཤོར་ཅིང་ཟ་བར་བྱེད་དོ། །དེ་ནམ་ནངས་ནས་ནི་ཁྲིའི་སྟེང་དུ་ཁྲིའུ་བཞག་པ་ལ་འདུག་ནས་ཚིགས་སུ་བཅད་པས་སྨྲ་སྟེ། ཆོས་ཀྱི་ཆོས་མཆོག་གིས་འཚེ་སྲོག་ཆགས་དག་།འགའ་ལ་ཡང་འཚེ་མི་བྱེད་དགེ་སྦྱོང་འགྱུར། ། ཞི་བའི་ཡིད་ཀྱིས་སྤོང་དང་བརྟུལ་ཞུགས་སྤྱད། །དུལ་བ་དེ་ནི་ཞི་བའི་རྗེས་སུ་མཐུན། །བཅོམ་ལྡན་འདས་ཀྱིས་དེ་འདུལ་བའི་དུས་མཁྱེན་ནས། དེའི་དྲུང་དུ་གཤེགས་ཏེ་བཀའ་སྩལ་པ། ཚིགས་བཅད་དེ་ནི་ཇི་ལྟ་བར། །གལ་ཏེ་ཁྱོད་ཀྱང་དེ་འདྲ་ན། །ཁྱོད་ཀྱང་དམ་པར་བརྩིར་རུང་ན། །སྤོང་བ་ཁྱོད་ནི་དེ་མི་འདྲ། །རེ་ཞིག་ཉེ་བར་ཞི་ཞིང་དུལ་བ་དང ། །སྲོག་ཆགས་འགའ་ལའང་འཚེ་བ་མ་བྱེད་པར། །ཞི་བའི་ཡིད་ཀྱིས་སྤོང་དང་བརྟུལ་ཞུགས་སྤྱོད། །དུལ་བ་དེ་ནི་ཞི་བའི་རྗེས་སུ་མཐུན། །གང་ལ་ལུས་དང་ངག་དང་ཡིད་ཀྱིས་ནི། །ཉེས་པར་བྱས་པ་ཡོད་པ་མ་ཡིན་ལ། །གང་ཞིག་གནས་གསུམ་དག་གིས་བསྡམས་གྱུར་པ། །དུལ་བ་དེ་ནི་ཞི་བའི་རྗེས་སུ་མཐུན། །དེ་ནས་ཀུན་ཏུ་རྒྱུ་ཁྲིའུ་བརྩེགས་ཀྱིས་བསམ་པ། དགེ་སྦྱོང་གོའུ་ཏ་མའི་ཐུགས་ཀྱིས་ནི། བདག་གི་སེམས་མཁྱེན་ཏོ། །སྙམ་དུ་རིག་ནས་མངོན་པར་དད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་མཁྱེན་ནས། དེ་དང་
Kha188b
མཐུན་པའི་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དེ། ཐོས་པས་ཀུན་ཏུ་རྒྱུ་ཁྲིའུ་བརྩེགས་ཞེས་བྱ་བ་ནས་ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དགེ་སློང་དག་གིས་དེ་ཁྲིའུའི་སྟེང་དུ་ཁྲིའུ་བཞག་པ་ལ་འདུག་པ་མཐོང་ནས། དགེ་སློང་ཞིག་གིས་ཁྲིའུའི་སྟེང་དུ་ཁྲིའུ་བཞག་སྟེ་ཆོས་ཉན་ན། དེ་བདེན་པའི་སྣོད་དུ་གྱུར་ཀྱང་བདེན་པ་མ་མཐོང་ནས་བཅོམ་ལྡན་འདས་ཀྱིས་དགོངས་པ། ཅིའི་ཕྱིར་དགེ་སློང་འདིས་བདེན་པ་མ་མཐོང་སྙམ་ན། མ་གུས་པས་ཡིན་པར་གཟིགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་ཁྲིའུའི་སྟེང་དུ་ཁྲིའུ་བཞག་ནས་འདུག་པ་ཡིན་ནོ། །སྙམ་ནས། དེ་ལྟ་བས་ན། དགེ་སློང་གིས་ཁྲིའུའི་སྟེང་དུ་ཁྲིའུ་བཞག་པ་ལ་འདུག་པར་མི་བྱའོ། །འདུག་ན། འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་རྒྱལ་པོའི་ཁབ་ནས་ནྱ་གྲོ་དྷར་བྱོན་ནས། དེ་ནས་སྔ་དྲོ་ཤམ་ཐབས་མནབས། ན་བཟའ་ཆོས་གོས་དང་ལྷུང་བཟེད་བསྣམས་ཏེ་ནྱ་གྲོ་དྷར་བསོད་སྙོམས་ལ་ཞུགས་པ་དང ། སེར་སྐྱའི་གཞིའི་བྲམ་ཟེའི་བུ་མེ་ཞིག་།ནྱ་གྲོ་དྷར་བག་མར་བཏང་བ་དང ། བྲམ་ཟེའི་གུ་མོས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པ།
Kha189a
༄#། །སྐུ་འོད་འདོམ་གང་གིས་བརྒྱན་པ་དང ། འོད་ཟེར་ཉི་མ་སྟོང་བས་ལྷག་པ། གཤེགས་པ་ན་རིན་པོ་ཆེའི་རི་བོ་འགྲོ་བ་ལྟར་ཀུན་ནས་བཟང་བ་མཐོང་ངོ ། །མཐོང་མ་ཐག་ཏུ་དེ་འདི་སྙམ་དུ་སེམས་ཏེ། བཅོམ་ལྡན་འདས་འདི་ནི། ཤཱཀྱའི་རིགས་དགའ་བ་ལས། འཁོར་ལོས་བསྒྱུར་བའི་རིགས་ཀྱི་རྒྱལ་སྲིད་ཀྱང་སྤངས། བཙུན་མོ་མང་པོ་དང ། མཛོད་དང ། བང་མཛོད་ཀྱི་འབྱོར་པ་རྣམས་ཀྱང་སྤངས་ནས་རབ་ཏུ་བྱུང་བ་དེ་ཡིན་ཏེ། དེ་ད་ལྟར་བསོད་སྙོམས་ལ་རྒྱུས། གལ་ཏེ་བདག་ལས་བསོད་སྙོམས་ཀྱི་ཟན་བཞེས་ན་ནི། དེ་ལ་བདག་གིས་དབུལ་ལོ། །སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་དེའི་སེམས་མཁྱེན་ནས་ལྷུང་བཟེད་ཟེད་དེ། སྲིང་མོ། གལ་ཏེ་ཁྱོད་ཀྱིས་ཡོངས་སུ་གཏང་ན། ལྷུང་བཟེད་འདིར་ཕུལ་ཅིག་།དེ་ནས་དེ་ལྷག་པར་དད་པ་སྐྱེས་ཏེ། བཅོམ་ལྡན་འདས་ཀྱི་ཐུགས་ཀྱིས་བདག་གི་སེམས་མཁྱེན་ཏོ། །སྙམ་དུ་རིག་ནས་དད་པ་དྲག་པོས་བཅོམ་ལྡན་འདས་ལ་བསོད་སྙོམས་ཀྱི་ཟན་ཕུལ་བ་དང ། དེ་ནས་བཅོམ་ལྡན་འདས་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ཞེས་བྱ་བ་ནས་མཛོད་སྤུར་ནུབ་པར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ། བཅོམ་ལྡན་འདས་ལ་ཞུས་པ། རྒྱུ་མ་མཆིས། རྐྱེན་མ་མཆིས་པར་ནི་ཞེས་བྱ་བ་ནས་འཛུམ་པ་མཛད་ཅེས་བྱ་བའི་བར་གོང་མ་བཞིན་དུའོ། །
Kha189b
ཀུན་དགའ་བོ། ཁྱོད་ཀྱིས་བྲམ་ཟེའི་བུ་མོ་གང་ཞིག་དད་པ་སྐྱེས་ནས་ང་ལ་བསོད་སྙོམས་ཀྱི་ཟན་ཕུལ་བ་དེ་མཐོང་ངམ། བཙུན་པ། མཐོང་ལགས་སོ། །ཀུན་དགའ་བོ། བྲམ་ཟེའི་བུ་མོ་དེ་དགེ་བའི་རྩ་བ་འདིས། བསྐལ་པ་བཅུ་གསུམ་དུ་ལོག་པར་འགྲོ་བར་མི་འགྱུར་ཞིང ། ལྷ་དང་མི་རྣམས་སུ་ཉིང་མཚམས་སྦྱར་ཅིང་འཁོར་ནས་སྲིད་པ་ཕྱི་མ་དང ། སྐྱེ་གནས་ཕྱི་མ་དང ། ལུས་ཕྱི་མ་དང ། བདག་གི་ངོ་བོ་ཐོབ་པ་ཕྱི་མ་ལ་རང་སངས་རྒྱས་ཤིན་ཏུ་ལེགས་སྨོན་ཞེས་བྱ་བར་འགྱུར་རོ། །ཀུན་ཏུ་བྲམ་ཟེའི་བུ་མོ་ཆེ་གེ་མོ་ཞིག་དད་པ་སྐྱེས་ནས་བཅོམ་ལྡན་འདས་ལ་བསོད་སྙོམས་ཟན་ཞིག་ཕུལ་བས། བཅོམ་ལྡན་འདས་ཀྱིས་དེ་རང་བྱང་ཆུབ་ཏུ་ལུང་བསྟན་ཏོ། །སྒྲ་གྲགས་སོ། །དེའི་ཁྱོ་མེ་ཏོག་དང་ཡམ་བསྲེག་ཤིང་གི་ཕྱིར་དགོན་པར་སོང་བ་དེས་བདག་གི་ཆུང་མས་དགེ་སྦྱོང་གོའུ་ཏ་མ་ལ་བསོད་སྙོམས་ཟན་ཞིག་ཕུལ་བས། དགེ་སྦྱོང་གོའུ་ཏ་མས། དེ་རང་བྱང་ཆུབ་ཏུ་ལུང་བསྟན་ཏོ། །ཞེས་ཐོས་སོ། །ཐོས་ནས་ཀྱང་མི་བཟོད་པ་སྐྱེས་ཏེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གོའུ་ཏ་མ། བདག་གི་སྡུམ་པར་བྱོན་ཏམ། བྲམ་ཟེ། སོན་ཏོ། །ཤེས་ལྡན་གོའུ་ཏ་མ་ལ་བདག་གི་མཆིས་བྲང་གིས་བསོད་སྙོམས་བཤོས་ཤིག་ཕུལ་ནས། ཁྱོད་ཀྱིས་དེ་རང་བྱང་ཆུབ་ཏུ་ལུང་བསྟན་སྐད་ན། མད་དམ། བྲམ་ཟེ། བདེན་ནོ། །ཀྱེ་གོའུ་ཏ་མ། ཁྱོད་འཁོར་ལོས་བསྒྱུར་བའི་རྒྱལ་སྲིད་སྤངས་ནས་རབ་ཏུ་བྱུང་ན། དེ་བསོད་
Kha190a
༄#། །སྙོམས་བཤོས་ཙམ་གྱི་སླད་དུ་ཇི་ལྟར་ཤེས་བཞིན་གྱི་རྫུན་གྱི་ཚིག་གསུངས། ས་བོན་འདི་ཙམ་གྱི་འབྲས་བུ་འདིའོ། །ཞེས་བགྱི་བ་ཁྱོད་ལ་སུ་ཞིག་ཡིད་ཆེས་པར་འགྱུར། བྲམ་ཟེ། དེའི་ཕྱིར་ཁྱོད་ཉིད་ལ་དྲིའི། །ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཅིག་།བྲམ་ཟེ་ཇི་སྙམ་དུ་སེམས། ཁྱོད་ཀྱི་ངོ་མཚར་རྨད་དུ་བྱུང་བའི་ཆོས་མཐོང་བ་འགའ་ཡོད་དམ། ཀྱེ་གོའུ་ཏ་མ། རེ་ཞིག་།ངོ་མཚར་རྨད་དུ་བྱུང་བའི་ཆོས་གཞན་ལྟ་ཞོག་།ནྱ་གྲོ་དྷ་འདི་ཉིད་དུ་ངོ་མཚར་རྨད་དུ་བྱུང་བའི་ཆོས་ཤིག་མཐོང་བ་དེ་རེ་ཞིག་གསོན་ཅིག་།ཀྱེ་གོའུ་ཏ་མ། ནྱ་གྲོ་དྷ་འདིའི་ཤར་ཕྱོགས་ན་ནྱ་གྲོ་དྷའི་ཤིང་ཆེན་པོ་ཞིག་མཆིས་ཏེ། དེའི་མིང་གིས་གྲོང་འདི་ནྱ་གྲོ་དྷ་ཞེས་བགྱིའོ། །དེའི་འོག་ན་ཤིང་རྟ་ལྔ་བརྒྱ་མ་རེག་ཅིང ། ཕན་ཚུན་མ་ཐུག་པར་མཆི་ལགས་སོ། །བྲམ་ཟེ། ནྱ་གྲོ་དྷ་དེའི་ས་བོན་ཚད་ཇི་ཙམ་ཞིག་ཡོད། ཅི། རེ་ཞིག་ཞིང་རྣང་ཙམ་མམ། ཀྱེ་གོའུ་ཏ་མ། མ་ལགས་སོ། །རེ་ལྡེ་ཙམ་མམ། ཏིལ་འདྲུ་བའི་འཁོར་ལོ་ཙམ་མམ། ཤིང་རྟའི་འཁོར་ལོ་ཙམ་མམ། བའི་ཀོ་བ་ཙམ་མམ། བིལ་བ་ཙམ་མམ། ཀ་པིད་ཐའི་འབྲས་བུ་ཙམ་མམ། ཀྱེ་གོའུ་ཏ་མ། མ་ལགས་སོ། །ཀྱེ་གོའུ་ཏ་མ། ཡེ་ཡུངས་ཀར་གྱི་བཞི་ཆ་ཙམ་མཆིས་ལགས་སོ། །བྲམ་ཟེ། ས་བོན་དེ་ཙམ་གྱིས་འབྲས་བུ་ཤིང་ཆེན་པོ་དེ་ཙམ་ཞིག་སྐྱེས་སོ། །ཞེས་བྱ་བ་ཁྱོད་ལ་སུ་ཞིག་ཡིད་ཆེས་པར་འགྱུར། ཤེས་ལྡན་གོའུ་ཏ་མ། ཡིད་ཆེས་ཀྱང་རུང ། མ་
Kha190b
ཆེས་ཀྱང་རུང ། བདག་གིས་མངོན་སུམ་དུ་གྱུར་ལགས་སོ། །ཀྱེ་གོའུ་ཏ་མ། རེ་ཞིག་ཞིང་སྣག་ཆེ་བ། སེར་སྨེ་བ། དོག་ས་ཚཝ་རྒོ་མ་མཆིས་པའི་ཕྱོགས་སུ་ས་བོན་གསར་བ་གྲུང་པོ་མ་ཉམས་པར་མཆིས་པ་ལ་དུས་དུས་སུ་ལྷས་ཆར་ཕབ་ན། དེས་ན་ཤིང་ནྱ་གྲོ་དྷ་ཆེན་པོ་འདིར་འཁྲུངས་ལགས་སོ། །དེ་ནས་བཅོམ་ལྡན་འདས་ཀྱིས་བྱུང་བ་དེ་ལ་ཚིགས་སུ་བཅད་དེ་བཀའ་སྩལ་པ། བྲམ་ཟེ་ཁྱོད་ཡིས་ཇི་ལྟ་བུར།། ཞིང་དང་ས་བོན་མངོན་སུམ་ལྟར། །དེ་བཞིན་ལས་ཀྱི་རྣམ་སྨིན་ཡང ། །དེ་བཞིན་གཤེགས་པའི་མངོན་སུམ་མོ། །ཇི་ལྟར་བྲམ་ཟེ་ཁྱོད་ཀྱིས་ས་བོན་ནི། །ཆུང་དང་ཤིན་ཏུ་ཤིང་ཆེན་དེ་མཐོང་བ། །བྲམ་ཟེ་ངས་ཀྱང་ས་བོན་ཆུང་ངུ་དང ། །ཕུན་སུམ་ཆེན་པོ་དེ་ཡང་དེ་བཞིན་མཐོང ། །དེ་ནས་བཅོམ་ལྡན་འདས་ཀྱི་ཞལ་ནས་ལྗགས་བརྐྱངས་པས་དབུ་སྐྲ་ལ་ཐུབ་པའི་བར་ཞལ་གྱི་དཀྱིལ་འཁོར་ཐམས་ཅད་གཡོགས་ནས། བྲམ་ཟེ་དེ་ལ་བཀའ་སྩལ་པ། བྲམ་ཟེ། དེ་ཇི་སྙམ་དུ་སེམས། གང་གི་ཞལ་ནས་ལྗགས་བྱུང་བས་ཞལ་གྱི་དཀྱིལ་འཁོར་ཐམས་ཅད་གཡོགས་པར་བྱེད་པ་དེ། ཇི་ག་འཁོར་ལོས་བསྒྱུར་བའི་རྒྱལ་པོ་རྒྱལ་སྲིད་སྟོང་གི་ཕྱིར་ཡང་ཤེས་བཞིན་དུ་རྫུན་གྱི་ཚིག་གསུང་ངམ། ཀྱེ་གོའུ་ཏ་མ། མ་ལགས་སོ། །བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། ང་ཡི་ལྔགས་ནི་སྒྱུ་མེད་བདེན་པས་བསྐྱེད་པ་དག་།ཇི་ག་མི་བདེན་པ་ནི་གསུང་བར་འགྱུར་སྲིད་དམ། །བྲམ་ཟེ་ང་ཡིས་ཇི་སྐད་བཤད་པ་དེ་བཞིན་པས། །དེ་བཞིན་གཤེགས་པ་ཡིན་ཞེས་རྟོགས་པར་བྱ་བའི་རིགས། །དེ་ནས་བྲམ་ཟེ་
Kha191a
༄#། །དེ་མངོན་པར་དད་ནས། དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་མཁྱེན་ནས་ཞེས་བྱ་བ་ནས་ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། བཙུན་པ། བདག་ནི། འཕགས་སོ། །མངོན་པར་འཕགས་སོ། །ཞེས་བྱ་བའི་བར་གོང་མ་བཞིན་དུའོ། །བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྔོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བྲམ་ཟེ་དེ། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་ནས་ཡི་རང་སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །སྡོམ་ལ། ཀིམ་པི་ལ་དང་སྦྲུལ་གདུག་དང་།། མ་ཐུ་ལ་དང་ཡུལ་འཁོར་སྐྱོང ། །གླང་ཆེན་གྲོང་དང་གྲོང་ཁྱེར་ཆེ། །སྲུག་ན་དང་ནི་བྲམ་ཟེའི་གྲོང ། །གྲོང་ཁྱེར་ནག་པོ་རོ་ཧི་ཏ། །གསིང་མ་ཅན་དང་དེ་བཞིན་དུ། །དགའ་བ་འཕེལ་བས་ཚོགས་སུ་ནི།་བྱས་ཏེ་ཡང་དག་བརྗེད་པ་ཡིན། །བཅོམ་ལྡན་འདས་ཀིམ་པི་ལར་བྱོན་ནས་ཀིམ་པི་ལའི་ནགས་ཁྲོད་ན་བཞུགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀིམ་པི་ལ་ལ་བཀའ་
Kha191b
སྩལ་པ། ཀིམ་པི་ལ། དྲན་པ་ཉེ་བར་གཞག་པ་བཞི་ལས་བརྩམས་ཏེ་སྒོམ་པ་ཁྱོད་ལ་བཤད་ཀྱི། དེ་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །ཞེས་དེ་སྐད་བཀའ་སྩལ་པ་ན།་ཚེ་དང་ལྡན་པ་ཀིམ་པི་ལ་ཅང་མི་སྨྲའོ། །ལན་གཉིས་སུ་ཡང་དེ་བཞིན། ལན་གསུམ་དུ་ཡང་དེ་བཞིན་བརྗོད་པར་བྱའོ། །དེ་ནས་ཚེ་དང་ལྡན་པ་ཀུན་དགའ་བོས་ཚེ་དང་ལྡན་པ་ཀིམ་པི་ལ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀིམ་པི་ལ། ཁྱོད་ལ་སྟོན་པ་གསུང་ངོ ། །ཚེ་དང་ལྡན་པ་ཀུན་དགའ་བོ། འཚལ་ཏོ། །ཚེ་དང་ལྡན་པ་གོའུ་ཏ་མ། རབ་ཏུ་འཚལ་ཏོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེའི་དུས་ལ་བབ་ལགས་སོ། །བདེ་བར་གཤེགས་པ། དེའི་དུས་ལ་བབ་ལགས་སོ། །བཅོམ་ལྡན་འདས་ཀྱིས་དགེ་སློང་རྣམས་ལ་དྲན་པ་ཉེ་བར་གཞག་པ་བཞི་ལས་བརྩམས་ཏེ་སྒོམ་པ་བཤད་ན། དེའི་སླད་དུ་དགེ་སློང་རྣམས་ཀྱིས་ཐོས་ནས་འཛིན་པར་འགྱུར་ལགས་སོ། །ཀུན་དགའ་བོ། དེའི་ཕྱིར་ལེགས་པར་ཉོན་ལ་ཡིད་ལ་ཟུངས་ཤིག་དང་བཤད་དོ། །འདི་ལ་དགེ་སློང་གང་ཡང་གྲོང་དང ། གྲོལ་རྡལ་ཞེས་བྱ་བ་དང ། དྲན་བཞིན་དུ་དབུགས་བརྔུབས་ན་དབུགས་བརྔུབས་སོ། །ཞེས་སློབ་སྟེ་ཞེས་བྱ་བ་ནས་འགོག་པའི་རྗེས་སུ་ལྟ་ཞིང་དབུགས་ཕྱུང་བ་སློབ་སྟེ་ཞེས་བྱ་བའི་བར་གོང་མ་བཞིན་དུའོ། །གང་གི་ཚེ་འཕགས་པའི་ཉན་ཐོས་དྲན་བཞིན་དུ་དབུགས་བརྔུབས་ན་དྲན་བཞིན་དུ་དབུགས་བརྔུབས་སོ། །ཞེས་སློབ་པ་ཞེས་བྱ་བ་ནས་ལུས་ཀྱི་
Kha192a
༄#། །འདུ་བྱེད་ཤིན་ཏུ་སྦྱངས་ཏེ་ལུས་ལ་ལུས་ཀྱི་རྗེས་སུ་ལྟ་ཞིང་དབུགས་ཕྱུང་ངོ ། །ཞེས་སློབ་སྟེ་ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་ལུས་ལ་ལུས་ཀྱི་རྗེས་སུ་ལྟ་ཞིང་གནས་སོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །ཀུན་དགའ་བོ། དཔེར་ན། ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་ཞིག་བརྩིགས་པར་གྱུར་ལ། དེ་ནས་ཤར་ཕྱོགས་ནས་བཞོན་པ་ཅན་ནམ། ཁྱོགས་སམ། ཤིང་རྟས་འཁྱམས་པ་ཞིག་འོངས་ན། ཀུན་དགའ་བོ། ཇི་སྙམ་དུ་སེམས། རྡུལ་གྱི་མཆོད་རྟེན་འཇིག་པར་འགྱུར་རམ། བཙུན་པ། འགྱུར་ལགས་སོ། །དེ་བཞིན་དུ་གང་གི་ཚེ་འཕགས་པའི་ཉན་ཐོས་དྲན་བཞིན་དུ་དབུགས་བརྔུབས་སོ། །ཞེས་བྱ་བ་ནས་ནང་གི་ཡིད་ལ་བྱེད་པ་ཡོད་པར་ཤེས་པ་ཞེས་བྱ་བའི་བར་གོང་མ་བཞིན་དུའོ། །གང་གི་ཚེ་འཕགས་པའི་ཉན་ཐོས་དགའ་བ་སོ་སོར་མྱོང་བ་ཞེས་བྱ་བ་ནས་སེམས་ཀྱི་འདུ་བྱེད་ཤིན་ཏུ་སྦྱངས་ཏེ། ཚོར་བ་རྣམས་ལ་ཚོར་བའི་རྗེས་སུ་ལྟ་ཞིང་དབུགས་ཕྱུང་ངོ ། །ཞེས་སློབ་བོ། །ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །དཔེར་ན། ཀུན་དགའ་བོ། ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་ཞིག་བརྩིགས་པར་གྱུར་ལ། དེ་ནས་ལྷོ་ཕྱོགས་ནས་བཞོན་པ་ཅན་ནམ། ཁྱོགས་སམ། ཤིང་རྟས་འཁྱམས་པ་ཞིག་འོངས་ན། ཞེས་བྱ་བ་ནས་ཚོར་བ་རྣམས་ལ་
Kha192b
ཚོར་བའི་རྗེས་སུ་ལྟའོ། །ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །གང་གི་ཚེ་འཕགས་པའི་ཉན་ཐོས་སེམས་སོ་སོར་མྱོང་བ་དང ། སེམས་རབ་ཏུ་དགའ་བ་དང ། སེམས་མཉམ་པར་འཇོག་པ་དང ། སེམས་རྣམ་པར་གྲོལ་བར་བྱེད་ཅིང་དབུགས་བརྔུབས་ན། སེམས་རྣམ་པར་གྲོལ་བར་བྱེད་ཅིང་དབུགས་བརྔུབས་སོ། །ཞེས་སློབ་པོ། སེམས་རྣམ་པར་གྲོལ་བར་བྱེད་ཅིང་དབུགས་ཕྱུང་ན། སེམས་རྣམ་པར་གྲོལ་བར་བྱེད་ཅིང་དབུགས་ཕྱུང་ངོ ། །ཞེས་སློབ་སྟེ། སེམས་ལ་སེམས་ཀྱི་རྗེས་སུ་ལྟའོ། །གང་གི་ཚེ་འཕགས་པའི་ཉན་ཐོས་གནས་པ་ན།་ནང་གི་ཡིད་ལ་བྱེད་པ་ཡོད་པར་ཤེས་ཏེ་མཆོད་རྟེན་དེ་ཉིད་ལ་ནུབ་ཕྱོགས་ནས་ཞེས་དཔེར་བྱའོ། །དེ་ལུས་དེ་དང ། ཚོར་བ་དེ་དང ། སེམས་དེ་ལ་བརྣབ་སེམས་དང ། ཡིད་མི་བདེ་བ་གཉིས་ཀ་ནུབ་པས། ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་བཏང་སྙོམས་སུ་གནས་སོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་ཏེ། དཔེར་ན། ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་བརྩིགས་པར་གྱུར་ལ། དེ་ནས་བྱང་ཕྱོགས་ནས་བཞོན་པ་ཅན་ནམ། ཁྱོགས་སམ། ཤིང་རྟས་འཁྱམས་པ་ཞིག་འོངས་ན། ཀུན་དགའ་བོ། ཇི་སྙམ་དུ་སེམས། རྡུལ་གྱི་མཆོད་རྟེན་འཇིག་པར་འགྱུར་རམ།་བཙུན་པ། དེ་ལྟར་འགྱུར་ལགས་སོ། །ཞེས་བྱ་བ་ནས་དེ་ལྟར་ཆོས་ལ་ཆོས་ཀྱི་རྗེས་སུ་ལྟ་བ་ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་
Kha193a
༄#། །པར་ཤེས་ཏེ། ཀུན་དགའ་བོ། དེ་ལྟར་ན། དྲན་པ་ཉེ་བར་གཞག་པ་བཞིའི་དབང་དུ་བྱས་ཏེ་བསྒོམས་པ་ཡིན་ནོ། །དེ་ནས་བཅོམ་ལྡན་འདས་རི་བོར་ཞིག་ཏུ་བྱོན་ཏོ། ། རི་བོར་དེ་ན་ཚེ་དང་ལྡན་པ་མོའུ་དགལ་གྱི་བུ་ཆེན་པོའི་ཞང་པོ་དྲང་སྲོང་རྣམས་ཀྱི་ནང་དུ་རབ་ཏུ་བྱུང་བ་དེ། ཚེ་དང་ལྡན་པ་མོའུ་དགལ་གྱི་བུ་ཆེན་པོས་འདུལ་བར་འགྱུར་བས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ། ཞང་པོ་ལ་སོམས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་བཅོམ་ལྡན་འདས་ཀྱི་ལྟར་མཉན་ཏེ། དེའི་གདུལ་བའི་དུས་ཤེས་ནས་དྲང་སྲོང་རྣམས་ཀྱི་བསྟི་གནས་སུ་འཇུག་པར་བརྩམས་སོ། །དེ་ནས་དྲང་སྲོང་དེས་སྨྲས་པ། དགེ་སྦྱོང་འདུག་ཅིག་།བྲམ་ཟེ་རྣམས་ཀྱི་བསྟི་གནས་འདིར་མ་འཇུག་ཅིག་།དེས་སྨྲས་པ། ང་ཡང་བྲམ་ཟེ་ཡིན་ནོ། །དྲང་སྲོང་དེས་ཚིགས་སུ་བཅད་དེ་སྨྲས་པ། བྲམ་ཟེ་ཁྱོད་ལ་བསང་བྱེད་མེད། བླུགས་གཟར་ཡང་ནི་ཡོད་མ་ཡིན། །ཁྱོད་ནི་མགོ་རེག་མེ་མཆོད་མིན། །བྲམ་ཟེ་བདག་ཅེས་ཅི་སྟེ་སྨྲ། །ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཀྱང་ཚིགས་སུ་བཅད་དེ་སྨྲས་པ། བྲམ་ཟེ་ང་ཡིན་ངོ་ཚ་ཤེས། །བསང་བྱེད་བླུགས་གཟར་ཤེས་རབ་ཉིད། །ཆུ་རྒྱུན་རྟག་འབབ་དད་པ་ནི། །ང་ཡི་རིལ་པ་སྤྱི་བླུགས་ཡིན། །ནང་དུ་ལེགས་པར་མཉམ་བཞག་པའི། །བདེན་པ་ཁོ་བོའི་མེ་མཆོད་དེ། །ཡང་དག་སྡོམ་དང་དུལ་བ་ཡིས། །ཉིན་
Kha193b
མཚན་དུ་ནི་སྦྱིན་སྲེག་བྱེད། །གལ་ཏེ་དེ་ལྟར་གྱུར་ན་ཡང ། །དགེ་སྦྱོང་མགོ་རེག་ལ་ནི། འདིར་སྐབས་མི་འབྱེད་དོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་རླུང་དང་ཆར་དྲག་བཏང་ནས་མཚོ་བྲན་དང་ཉེ་བ་ཞིག་ཏུ་སོང་ནས་ཤིང་ཞིག་གི་དྲུང་དུ་བརྟེན་ཅིང་འདུག་གོ་།དེ་ནས་ཀླུའི་རྒྱལ་པོ་དགའ་བོ་དང་ཉེ་དགའ་བོའི་འཁོར་ཞིག་གནས་པ་དེས་བསམ་པ། འདི་ནི། འཕགས་པ་མོའུ་དགལ་གྱི་བུ་ཆེན་པོ་ཡིན་ཏེ། ཀླུའི་རྒྱལ་པོ་དགའ་བོ་དང ། ཉེ་དགའ་བོ་གཉིས་ཀྱིས་བླ་མར་བྱ་བ་ཡིན་གྱི། མ་ལ་བདག་གིས་འདིའི་མཆོད་པ་བྱ་བ་ལ་བརྩོན་པར་བྱའོ། །སྙམ་སྟེ། ཀླུ་དེ་གནས་ནས་བྱུང་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོའི་ལུས་ལ་ལན་བདུན་དཀྲིས་ཏེ་སྟེང་ནས་མགོའི་གདེངས་ཀ་ཆེན་པོ་བྱས་ནས་འདུག་གོ་།དྲང་སྲོང་རྣམས་ཀྱི་ཆོས་ཉིད་ཀྱིས་གལ་ཏེ་སྡུག་བསྔལ་བ་ལམ་བསམ་ན། དྲང་སྲོང་གི་ཆོས་ལས་ཉམས་པར་འགྱུར་བས། དེ་ནས་དྲང་སྲོང་དེ་འདི་སྙམ་དུ་སེམས། རབ་ཏུ་བྱུང་བ་དེ། རླུང་དང་ཆར་དྲག་གིས་ཉེན་ནས་ཤི་བར་གྱུར་ཏེ། བདག་དྲང་སྲོང་གི་ཆོས་ལས་ཉམས་པར་གྱུར་ན་མི་རུང་ངོ ། །སྙམ་ནས། དེ་ནས་བསྟི་གནས་དེ་ནས་ཕྱིར་བྱུང་སྟེ་བལྟ་བར་བརྩམས་པ་ན། དེས་དེ་མཐོང་ནས་སྨྲས་པ། ཀྱེ་རབ་ཏུ་བྱུང་བ། ཁོ་བོ་ཅག་གི་བསྟི་གནས་སུ་ཞུགས་ཤིག་།དེས་སྨྲས་པ། དྲང་སྲོང་ཆེན་པོ། ཁྱོད་དྲང་སྲོང་གི་ཆོས་དེ་ལས་ཉམས་པར་གྱུར་ཏམ། དྲང་སྲོང་དེས་དེའི་ང་རོ་ལས་ངོ་ཤེས་ནས་སྨྲས་པ། འཕགས་པ། མོའུ་དགལ་གྱི་བུ་ཆེན་པོ་ལགས་སམ། དྲང་སྲོང ། བདག་སྐྱེ་བོས་
Kha194a
༄#། །དེ་ལྟར་ཤེས་སོ། །འཕགས་པ་དོན་ཅི་ཞིག་ལ་བྱོན། ཁྱོད་ཉིད་ཀྱི་གདུལ་བའི་དུས་ཤེས་ནས་འོངས་སོ། །ཚུར་སྤྱོན། བཅོམ་ལྡན་འདས་ཀྱི་དྲུང་དུ་བཞུད་དོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཞང་པོ་ཁྲིད་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གི་ཞང་པོ་དྲང་སྲོང་གི་ནང་དུ་རབ་ཏུ་བྱུང་བ་འདི་ལགས་ན། བཅོམ་ལྡན་འདས་ཀྱིས་འདི་ལ་ཆོས་བཤད་པའི་རིགས་སོ། །དེ་ནས་བཅོམ་ལྡན་འདས་ཀྱིས། དྲང་སྲོང་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་མཁྱེན་ནས་དེ་དང་མཐུན་པའི་ཆོས་བཤད་པ་མཛད་དེ། དེ་ཐོས་པས། དྲང་སྲོང་དེ་ཕྱིར་མི་འོང་བའི་འབྲས་བུ་མངོན་སུམ་དུ་བྱས་ནས། དེ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །བཅོམ་ལྡན་འདས་ཀྱིས། དེ་དགེ་སློང་ཚུར་ཤོག་ཅེས་བྱ་བས་རབ་ཏུ་ཕྱུང་
Kha194b
ངོ། །ཞེས་བྱ་བ་ནས། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །ཅེས་བྱ་བའི་བར་གོང་མ་བཞིན་དུའོ། །ཚེ་དང་ལྡན་པ་མོའུ་དགལ་གྱི་བུ་ཆེན་པོ་སོང་བ་དང ། ཀླུ་གཞོན་ནུ་དེ་གནས་དེ་ན་གཅིག་པུ་མི་དགའ་བར་གྱུར་ནས། དེ་ནས་རི་བོར་དེར་ཡམས་ཀྱི་ནད་དག་བཏང་སྟེ། བདག་ཉིད་དྲང་སྲོང་གི་ཆ་བྱད་དུ་མངོན་པར་སྤྲུལ་ནས་བསྟི་གནས་དེར་སོང་སྟེ་གནས་སོ། །དེ་ནས་རི་བོར་ན་གནས་པའི་སྐྱེ་བོའི་ཚོགས་དེ། བསྟི་གནས་དེར་ལྷགས་ནས་དེ་རྣམས་ཀྱིས་སྨྲས་པ། དྲང་སྲོང་ཆེན་པོ། བདག་ཅག་ལ་ཡམས་ཀྱི་ནད་བྱུང་ན། བདག་ཅག་གིས་ཇི་ལྟར་བགྱི། དྲང་སྲོང་གིས་སྨྲས་པ། ཕྱོགས་འདི་ཉིད་དུ་ཤོག་ལ་འདུག་ཅིག་དང་ཞི་བར་འགྱུར་རོ། །དེ་ནས་རི་བོར་ན་གནས་པའི་སྐྱེ་བོའི་ཚོགས་དེ། ཕྱོགས་དེར་ལྷགས་ནས་གནས་སོ། །ཕྱོགས་དེར་སྤྲུལ་གྱིས་གདུགས་བྱས་པས་སྦྲུལ་གདུགས། སྦྲུལ་གདུགས་ཞེས་བྱ་བར་གྲགས་ཏེ།་དད་པ་ཅན་རྣམས་ཀྱིས་གཙུག་ལག་ཁང་ཡོ་བྱད་ཐམས་ཅད་ཡོད་པ་ཞིག་བརྩིགས་སོ། །སངས་རྒྱས་བཅོམ་ལྡན་འདས་མ་ཐུལ་ན་འབབ་ཆུ་རབ་ཏུ་བཟང་ལྡན་ཞེས་བྱ་བའི་འགྲམ། སློབ་པ་རྣམས་ཀྱི་ཨ་མྲའི་ཚལ་ན་ཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། བདག་ཉིད་གླིང་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་
Kha195a
༄#། །ཀྱི་སྐྱབས་ལ་གནས་པར་བྱའི། གླིང་གཞན་མ་ཡིན། སྐྱབས་གཞན་མ་ཡིན་ནོ། །དགེ་སློང་དག་།ཁྱེད་ཀྱིས་བདག་ཉིད་གླིང་དག་དང ། བདག་ཉིད་སྐྱབས་དང ། ཆོས་ཀྱི་གླིང་དང ། ཆོས་ཀྱི་སྐྱབས་ཀྱིས་གནས་པར་བྱའི། གླིང་གཞན་མ་ཡིན་ཞིང ། སྐྱབས་གཞན་མ་ཡིན་པ་འདི་ལ་སོ་སོར་ཡང་དག་པར་བསླབ་པར་བྱའོ། །མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུགས་པ་རྣམས་ནི་ཇི་ལྟ་བུ་ཞིག་ཡིན། གང་ཞིག་ཡོད་ན། ཅི་ལ་བརྟེན་ནས། ཅི་ལ་མངོན་པར་ཞེན་ཏེ། བདག་ནི་ཅི་ཡིན་ཞེས་རྗེས་སུ་ལྟ་བ་རྣམས་ལ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་གང་དག་མ་སྐྱེས་པ་ནི་སྐྱེ་ཞིང ། །སྐྱེས་པ་རྣམས་ནི་ཕྱིར་ཞིང་འཕེལ་ཞིང་རྒྱས་པར་འགྱུར། བཙུན་པ། བཅོམ་ལྡན་འདས་ནི་ཆོས་རྣམས་ཀྱི་རྩ་བ་ལགས། བཅོམ་ལྡན་འདས་ནི་འདྲེན་པ་ལགས། བཅོམ་ལྡན་འདས་ནི་སྟོན་པ་ལགས་པས། བཅོམ་ལྡན་འདས་ཀྱིས་དོན་འདི་ཉིད་དགེ་སློང་རྣམས་ལ་བཤད་ན། བཅོམ་ལྡན་འདས་ལས་དགེ་སློང་རྣམས་ཀྱིས་ཐོས་ནས་འཛིན་པར་འགྱུར་ལགས་སོ། །དགེ་སློང་དག་།དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །དགེ་སློང་དག་།གཟུགས་ཡོད་ན། གཟུགས་ལ་བརྟེན་ནས་གཟུགས་ལ་མངོན་པར་ཞེན་ཏེ། གཟུགས་ནི་བདག་ཡིན་ནོ་ཞེས་རྗེས་སུ་ལྟ་བ་རྣམས་ལ་
Kha195b
མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་གང་དག་མ་སྐྱེས་པ་ནི་སྐྱེ་ཞིང ། སྐྱེས་པ་རྣམས་ནི་ཕྱིར་ཞིང་འཕེལ་ཞིང་རྒྱས་པར་འགྱུར། དགེ་སློང་དག། ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ཡོད་ན། རྣམ་པར་ཤེས་པ་ལ་བརྟེན་ནས་རྣམ་པར་ཤེས་པ་ལ་མངོན་པར་ཞེན་ཏེ། རྣམ་པར་ཤེས་པ་ནི་བདག་ཡིན་ནོ་ཞེས་རྗེས་སུ་ལྟ་བ་རྣམས་ལ་མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་གང་དག་མ་སྐྱེས་པ་ནི་སྐྱེ་ཞིང ། སྐྱེས་པ་རྣམས་ནི་ཕྱིར་ཞིང་འཕེལ་ཞིང་རྒྱས་པར་འགྱུར་རོ། །དགེ་སློང་དག། ཁྱེད་ཀྱིས་ལྟོས་ཤིག་ཅེས་བྱ་བ་ནས། དྲན་བཞིན་དུ་དབུགས་བརྔུབས་ན་བརྔུབས་སོ་ཞེས་སློབ་སྟེ། ཚོར་བ་ལ་ཚོར་བའི་རྗེས་སུ་ལྟའོ་ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་ཚོར་བ་ལ་ཚོར་བའི་རྗེས་སུ་ལྟ་ཞིང་གནས་སོ། །དེའི་ཚེ་འཕགས་པའི་ཉན་ཐོས་གནས་པ་ན། ནང་གི་ཡིད་ལ་བྱེད་པ་ཡོད་པར་ཤེས་ཏེ། དཔེར་ན། ཀུན་དགའ་བོ།་ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་ཞིག་བརྩིགས་པར་གྱུར་ལ། ལྷོ་ཕྱོགས་ནས་བཞོན་པ་ཅན་ནམ། ཁྱོགས་སམ། ཤིང་རྟས་འཁྱམས་པ་འོངས་ན་ཞེས་བྱ་བ་ནས་ཚོར་བ་ལ་ཚོར་བའི་རྗེས་སུ་ལྟའོ་ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །གང་གི་ཚེ་འཕགས་པའི་ཉན་ཐོས་སེམས་སོ་སོར་མྱོང་བ་
Kha196a
༄#། །དང ། སེམས་རབ་ཏུ་དགའ་བ་དང ། སེམས་མཉམ་པར་འཇོག་པ་དང ། སེམས་རྣམ་པར་གྲོལ་བར་བྱེད་ཅིང་དབུགས་བརྔུབས་སོ། །ཞེས་སློབ་པ་དང ། སེམས་རྣམ་པར་གྲོལ་བར་བྱེད་ཅིང་དབུགས་ཕྱུང་ན། སེམས་རྣམ་པར་གྲོལ་བར་བྱེད་ཅིང་དབུགས་ཕྱུང་ངོ ། །ཞེས་སློབ་སྟེ། སེམས་ལ་སེམས་ཀྱི་རྗེས་སུ་ལྟ་བ་དེའི་ཚེ་འཕགས་པའི་ཉན་ཐོས་སེམས་ལ་སེམས་ཀྱི་རྗེས་སུ་ལྟ་ཞིང་གནས་སོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་སོ། །དཔེར་ན། ནུབ་ཕྱོགས་ནས་ཁྱོགས་འོངས་པ་དེ་ཉིད་བྱའོ། །དེ་ལུས་དེ་དང ། ཚོར་བ་དེ་དང ། སེམས་དེ་ལ་བརྣབ་སེམས་དང ། ཡིད་མི་བདེ་བ་དེ་དག་ནུབ་པས། ཆོས་ལ་ཆོས་ཀྱི་རྗེས་སུ་ལྟ་ཞིང་བཏང་སྙོམས་སུ་གནས་སོ། །དེའི་ཚེ་འཕགས་པའི་ཉན་ཐོས་ཆོས་ལ་ཆོས་ཀྱི་རྗེས་སུ་ལྟ་ཞིང་གནས་སོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་བྱེད་པ་ཡོད་པར་ཤེས་ཏེ། འདི་ལྟ་སྟེ། ལམ་པོ་ཆེའི་བཞི་མདོར་རྡུལ་གྱི་མཆོད་རྟེན་ཞིག་བརྩིགས་པར་གྱུར་ལ། དེ་ནས་བྱང་ཕྱོགས་ནས་ནི། བཞོན་པ་ཅན་ནམ། ཁྱོགས་སམ། ཤིང་རྟས་འཁྱམས་པ་འོངས་ན། ཀུན་དགའ་བོ། ཇི་སྙམ་དུ་སེམས། རྡུལ་གྱི་མཆོད་རྟེན་འཇིག་པར་འགྱུར་རམ། བཙུན་པ། དེ་ལྟར་འགྱུར་ལགས་སོ། །ཞེས་བྱ་བ་ནས་དེ་ལྟར་ཆོས་རྣམས་ལ་ཆོས་ཀྱི་རྗེས་སུ་ལྟའོ། །ཞེས་བྱ་བའི་བར་གོང་མ་བཞིན་དུའོ། །དེའི་ཚེ་འཕགས་པའི་ཉན་ཐོས་གནས་པ་ན་ནང་གི་ཡིད་ལ་
Kha196b
བྱེད་པ་ཡོད་པར་ཤེས་ཏེ། ཀུན་དགའ་བོ། དེ་ལྟར་ན། དྲན་པ་ཉེ་བར་གཞག་པ་བཞི་ལ་བརྟེན་ནས་སྒོམ་པ་ཡིན་ནོ། །བཅོམ་ལྡན་འདས་ཡུལ་སྒྲ་ངན་ནས་ལྗོངས་རྒྱུ་ཞིང་གཤེགས་པ་ན། བང་མཛོད་སྟུག་པོ་ཅན་དུ་བྱོན་ནས་བང་མཛོད་སྟུག་པོ་ཅན་ན་བང་མཛོད་སྟུག་པོའི་ཚལ་ན་བཞུགས་སོ། །བང་མཛོད་སྟུག་པོ་ཅན་གྱི་བྲམ་ཟེ་དང ། ཁྱིམ་བདག་རྣམས་ཀྱིས། བཅོམ་ལྡན་འདས་ཡུལ་སྒྲ་ངན་ནས་ལྗོངས་རྒྱུ་ཞིང་གཤེགས་པ་ན། བང་མཛོད་སྟུག་པོ་ཅན་དུ་བྱོན་ནས་བང་མཛོད་སྟུག་པོ་ཅན་ན་བང་མཛོད་སྟུག་པོའི་ཚལ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་ཚོགས་ནས་ཚོགས་དང ། ཁྱུ་ནས་ཁྱུར་འདུས་ཤིང་འཕྲད་ནས་བང་མཛོད་སྟུག་པོ་ཅན་ནས་བྱུང་སྟེ། བཅོམ་ལྡན་འདས་གང་ན་བ་དེར་དོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་བཅོམ་ལྡན་འདས་ཀྱིས་བང་མཛོད་སྟུག་པོ་ཅན་གྱི་བྲམ་ཟེ་དང་ཁྱིམ་བདག་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ།། །།འདུལ་བ་གཞི། བམ་པོ་སུམ་ཅུ་བཞི་པ། དེའི་ཚེ་ཁྱིམ་བདག་གི་བུ་ཡུལ་འཁོར་སྐྱོང ། འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་འདི་སྙམ་དུ་སེམས་ཏེ། ཇི་ལྟར་བཅོམ་ལྡན་འདས་ཀྱིས་གསུངས་བའི་དོན་བདག་གིས་
Kha197a
༄#། །ཤེས་པ་ལྟར་ན། ཁྱིམ་པ་ཁྱིམ་ན་གནས་པས། ཇི་སྲིད་འཚོའི་བར་དུ་ཚངས་པར་སྤྱོད་པ་གཅིག་ཏུ་སལ་གྱིས་དག་པ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། རྣམ་པར་བྱང་བ་སྤྱད་པ་འདི་ནི། སླ་བ་མ་ཡིན་པས། མ་ལ་བདག་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ་སྙམ་མོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མར་བང་མཛོད་སྟུག་པོ་ཅན་གྱི་བྲམ་ཟེ་དང་ཁྱིམ་བདག་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་བང་མཛོད་སྟུག་པོ་ཅན་གྱི་བྲམ་ཟེ་དང་ཁྱིམ་བདག་རྣམས། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །ཁྱིམ་བདག་གི་བུ་ཡུལ་འཁོར་སྐྱོང་གིས་བང་མཛོད་སྟུག་པོ་ཅན་གྱི་བྲམ་ཟེ་དང་ཁྱིམ་བདག་རྣམས་དོང་ནས་རིང་པོ་མ་ལོན་པར་རིག་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བདག་
Kha197b
བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །ཁྱིམ་བདག་གི་བུ། ཕ་དང་མ་གཉིས་ཀྱིས་གནང་ངམ། བཙུན་པ། མ་གནང་ངོ ། །ཁྱིམ་བདག་གི་བུ། དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་རྣམས་ནི། ཕ་དང་མ་གཉིས་ཀྱིས་མ་གནང་བ་རབ་ཏུ་འབྱིན་པ་དང ། བསྙེན་པར་རྫོགས་པར་མི་བྱེད་དོ། །བཙུན་པ། བདག་གིས་ཅི་ནས་ཕ་དང་མས་གནང་བ་དེ་ལྟར་བགྱི་ལགས་སོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་ཡི་རང་ནས། རང་གི་ཁྱིམ་གང་ན་བ་དེར་སོང་སྟེ་ཕྱིན་པ་དང ། ཕ་དང་མ་ལ་འདི་སྐད་ཅེས་སྨྲས་སོ། །ཡབ་ཡུམ་མཁྱེན་པར་མཛོད་ཅིག་།བདག་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མ་མཆིས་པར་རབ་ཏུ་འབྱུང་བར་བགྱིའོ། །བུ་ཡུལ་འཁོར་སྐྱོང་ཤེས་པར་གྱིས་ཤིག་།ཁྱོད་ངེད་ཀྱི་བུ་གཅིག་པ། སྡུག་པ། ཡིད་དུ་འོང་བ། བཟོད་པ། མི་མཐུན་པ་མེད་པ་ཡིན་པས་ཁྱོད་ཤི་བར་གྱུར་ན། ངེད་མི་འདོད་བཞིན་དུ་འབྲལ་གྲང ། གསོན་བཞིན་དུ་ག་ལ་གཏང ། ཡབ་ཡུམ། གལ་ཏེ་རེ་ཞིག་གནང་ན། ལེགས། གལ་ཏེ་མ་གནང་ན། དེང་སླན་ཆད་འཚལ་མ་ཡང་མི་འཚལ། ཕྱག་ཀྱང་མི་འཚལ་ལོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་གིས་ཉི་མ་གཅིག་ཀྱང་ཟན་བཅད་པ་བྱས་སོ། ། གཉིས་དང་གསུམ་ནས་བདུན་གྱི་བར་དུ་ཟན་བཅད་པ་བྱས་སོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་གི་ཕ་དང་མས། ཁྱིམ་བདག་གི་བུ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །བུ་ཡུལ་
Kha198a
༄#། །འཁོར་སྐྱོང་ཤེས་པར་གྱིས་ཤིག་།ཁྱོད་ནི། ཤིན་ཏུ་གཞོན་པ། བདེ་བ་འདོད་པ་ཡིན་པས། ཁྱོད་ཀྱིས་སྡུག་བསྔལ་མི་ཤེས་ཏེ། ཚངས་པར་སྤྱོད་པ་སྤྱད་དཀའོ། ། རབ་ཏུ་དབེན་པ་བྱ་དཀའོ། །གཅིག་པ་ཉིད་ལ་མངོན་པར་དགའ་བ་དཀའོ། །གནས་མལ་དགོན་པ་དང ། ནགས་ཁྲོད་དང ། བས་མཐར་གནས་པ་ནི། བརྣག་དཀའོ། །བུ་ཡུལ་འཁོར་སྐྱོང ། ཚུར་འདུག་ལ་འདོད་པ་དག་ལ་ཡང་སྤྱོད་ཅིག་།སྦྱིན་པ་དག་ཀྱང་བྱིན་ཅིག། བསོད་ནམས་ཀྱང་གྱིས་ཤིག་།དེ་སྐད་སྨྲས་ན། ཁྱིམ་བདག་གི་བུ་ཡུལ་འཁོར་སྐྱོང་ཅང་མི་སྨྲའོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་གི་ཕ་དང་མས་ཉེ་དུ་རྣམས་ལ་བཅོལ་བ། ཀྱེ་ཉེ་དུ་དག། རེ་ཞིག་བུ་ཡུལ་འཁོར་སྐྱོང་སློངས་ཤིག། དེ་ནས་ཁྱིམ་བདག་གི་བུ་ཡུལ་འཁོར་སྐྱོང་གི་ཉེ་དུ་རྣམས་ཁྱིམ་བདག་གི་བུ་ཡུལ་འཁོར་སྐྱོང་གང་ན་བ་དེར་དོང་སྟེ་ཕྱིན་ནས། ཁྱིམ་བདག་གི་བུ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །བུ་ཡུལ་འཁོར་སྐྱོང་མཁྱེན་པར་མཛོད་ཅིག་།ཁྱོད་ནི། ཤིན་ཏུ་གཞོན་པས་བདེ་བ་བཞེད་པ་ལགས་ཞེས་བྱ་བ་ནས་བསོད་ནམས་དག་གྱིས་ཤིག་།ཅེས་བྱ་བའི་བར་གོང་མ་བཞིན་དུའོ། །དེ་སྐད་སྨྲས་ན། ཁྱིམ་བདག་གི་བུ་ཡུལ་འཁོར་སྐྱོང་ཅང་མི་སྨྲའོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་གི་ཕ་དང་མས་ཡུལ་འཁོར་སྐྱོང་གི་ནེའུ་ལྡང་རྣམས་ལ་བཅོལ་བ། ཀྱེ་གཞོན་ནུ་དག་།རེ་ཞིག་བུ་ཡུལ་འཁོར་སྐྱོང་སློངས་ཤིག། དེ་ནས་ཁྱིམ་བདག་གི་བུ་
Kha198b
ཡུལ་འཁོར་སྐྱོང་གི་ནེའུ་ལྡང་རྣམས་ཀྱིས། ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །ཀྱེ་སྲས་དེས་པ་ཡུལ་འཁོར་སྐྱོང་མཁྱེན་པར་མཛོད་ཅིག་།ཁྱོད་ནི། ཤིན་ཏུ་གཞོན་པས་བདེ་བ་བཞེད་པ་ལགས་ལ་ཞེས་བྱ་བ་ནས་བསོད་ནམས་དག་མཛོད་ཅིག་།ཅེས་བྱ་བའི་བར་སྔ་མ་བཞིན་དུའོ། །དེ་སྐད་སྨྲས་ན། ཁྱིམ་བདག་གི་བུ་ཡུལ་འཁོར་སྐྱོང་ཅང་མི་སྨྲའོ། །དེ་ནས་གཞོན་ནུ་དག་གིས། ཡུལ་འཁོར་སྐྱོང་གི་ཕ་དང་མ་ལ་འདི་སྐད་ཅེས་སྨྲས་སོ། །ཡབ་ཡུམ། སྲས་ཡུལ་འཁོར་སྐྱོང་འདི་གུམ་པས་ཅི་ཞིག་བགྱི། རབ་ཏུ་འབྱུང་དུ་གནོང་དང ། གལ་ཏེ་དགའ་བར་གྱུར་ན། འདི་གསོན་པོ་ཉིད་དུ་གཟིགས་པར་འགྱུར་ལ། གལ་ཏེ་མངོན་པར་མི་དགའ་བར་གྱུར་ན་ཡང ། བུའི་གནས་ཕ་མ་གཉིས་མ་ལགས་པ་གཞན་སུ་ཞིག་མཆིས། གཞོན་ནུ་དག། བདག་ཅག་ལ་གལ་ཏེ་རབ་ཏུ་བྱུང་ནས་ལྟ་བར་བྱེད་ན། དེ་བཞིན་དུ་གནང་བར་བྱའོ། །དེ་ནས་ཡུལ་འཁོར་སྐྱོང་གི་ནེའུ་ལྡང་དག་གིས། ཁྱིམ་བདག་གི་བུ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །དེས་པ་ཡུལ་འཁོར་སྐྱོང་མཁྱེན་པར་མཛོད་ཅིག་།ཕ་དང་མས་གནང་སྟེ། འདི་སྐད་ཅེས། གལ་ཏེ་བུ་རབ་ཏུ་བྱུང་ནས་ལྟ་བར་བྱེད་ནའོ། །ཞེས་ཀྱང་ཟེར་རོ། །ཤེས་ལྡན་དག་།བལྟ་བར་བྱའོ། །དེ་ནས་ཁྱིམ་བདག་གི་བུ་ཡུལ་འཁོར་སྐྱོང་རིམ་གྱིས་ལུས་ཀྱི་མཐུ་དང་སྟོབས་བསྐྱེད་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཁྱིམ་
Kha199a
༄#། །བདག་གི་བུ་ཡུལ་འཁོར་སྐྱོང་གིས་འདི་སྐད་ཅེས་གསོལ་ཏེ། །བཙུན་པ། བདག་ནི། ཕ་དང་མས་གནང་ལགས་ཀྱི། བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པ་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བཅོམ་ལྡན་འདས་ཀྱི་སྤྱན་སྔར་ཚངས་པ་སྤྱོད་པ་སྤྱད་པར་བགྱིའོ། །ཁྱིམ་བདག་གི་བུ་ཡུལ་འཁོར་སྐྱོང་གིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་གི་བུ་ཡུལ་འཁོར་སྐྱོང་རབ་ཏུ་ཕྱུང ། བསྙེན་པར་རྫོགས་པར་མཛད་ནས། བང་མཛོད་སྟུག་པོ་ཅན་དུ་ཇི་ཙམ་བཞེད་ཀྱི་བར་དུ་བཞུགས་ནས། མཉན་ཡོད་གང་ན་བ་དེར་རྒྱུ་ཞིང་གཤེགས་ཏེ་རིམ་གྱིས་རྒྱུ་ཞིང་གཤེགས་པ་དང ། མཉན་ཡོད་དུ་བྱོན་ནས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་བསྙེན་པར་རྫོགས་ཏེ་ལོ་བཅུ་ལོན་ནས་དགྲ་བཅོམ་པ་ཐོབ་སྟེ་རྣམ་པར་གྲོལ་བའི་དགའ་བ་དང་བདེ་བ་ཉམས་སུ་མྱོང་ནས་འདི་སྙམ་དུ་སེམས་ཏེ། སྔོན་བདག་ཁྱིམ་པར་གྱུར་པ་ན། ཕ་དང་མ་ལ་རབ་ཏུ་བྱུང་ནས་བལྟ་བར་བྱའོ། །ཞེས་ཁས་བླངས་པ་ཡོད་ཀྱི། མ་ལ་བདག་གིས་ཁས་བླངས་པ་དེ་མཐར་དབྱུང་ངོ ། །སྙམ་ནས། དེ་ནས་ཚེ་དང་ལྡན་པ་ཡུལ་འཁོར་སྐྱོང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་
Kha199b
འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཡུལ་འཁོར་སྐྱོང་གིས་འདི་སྐད་ཅེས་གསོལ་ཏོ།། བཙུན་པ། སྔོན་བདག་ཁྱིམ་པར་གྱུར་པ་ན། ཕ་དང་མ་ལ་བལྟ་བར་བགྱིའོ། །ཞེས་གཡར་གྱིས་བླངས་པས་བདག་གཡར་གྱིས་བླངས་པ་དེ་མཐར་འབྱིན་དུ་མཆིའོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ཚེ་དང་ལྡན་པ་ཡུལ་འཁོར་སྐྱོང་གི་སེམས་ཁྱབ་པར་མཛད་ཅིང ། ཁྱབ་པར་མཛད་ནས་ཐུགས་ལ་མཛད་ཅིང ། ཐུགས་ལ་མཛད་ནས་འདི་སྙམ་དུ་དགོངས་ཏེ། རིགས་ཀྱི་བུ་ཡུལ་འཁོར་སྐྱོང་ནི། སླར་ཡང་ཁྱིམ་ན་གནས་པའམ། གསོག་འཇོག་སྤྱོད་པས་འདོད་པ་དག་ལ་ལོངས་སྤྱོད་པའི་འོས་མ་ཡིན་ནོ། །སྙམ་དུ་མཁྱེན་ནས། ཚེ་དང་ལྡན་པ་ཡུལ་འཁོར་སྐྱོང་ལ་འདི་སྐད་ཅེས་བཀའ་སྩལ་ཏོ། །ཡུལ་འཁོར་སྐྱོང ། ཁྱོད་སོང་ལ་སེམས་ཅན་མ་བསྒྲལ་བ་རྣམས་ནི། སྒྲོལ་ཅིག། མ་གྲོལ་བ་རྣམས་ནི། གྲོལ་བར་གྱིས་ཤིག། དབུགས་མ་ཕྱིན་པ་རྣམས་ནི། དབུགས་ཕྱུང་ཞིག། ཡོངས་སུ་མྱ་ངན་ལས་མ་འདས་པ་རྣམས་ནི། ཡོངས་སུ་མྱ་ངན་ལས་ཟློས་ཤིག། དེ་ནས་ཚེ་དང་ལྡན་པ་ཡུལ་འཁོར་སྐྱོང ། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་
Kha200a
༄#། །མཉན་ཡོད་དུ་བསོད་སྙོམས་ལ་ཞུགས་ཏེ་མཉན་ཡོད་དུ་བསོད་སྙོམས་སྤྱད་ནས་ཟས་ཀྱི་བྱ་བ་བྱས་ཏེ། ཟས་ཕྱི་མའི་བསོད་སྙོམས་ལས་སླར་ལོག་ནས་གནས་མལ་ཇི་ལྟར་སྤྱད་པ་མཁོས་སུ་ཕབ་སྟེ། ལྷུང་བཟེད་དང་ཆོས་གོས་བླངས་ནས་བང་མཛོད་སྟུག་པོ་ཅན་གང་ན་པ་དེར་སོང་སྟེ། རིམ་གྱིས་སྤྱད་པ་སྤྱོད་ཅིང་རྒྱུ་བ་ན། བང་མཛོད་སྟུག་པོ་ཅན་དུ་ཕྱིན་ནས་བང་མཛོད་སྟུག་པོ་ཅན་གྱི་བང་མཛོད་སྟུག་པོའི་ཚལ་དུ་འདུག་གོ། དེ་ནས་ཚེ་དང་ལྡན་པ་ཡུལ་འཁོར་སྐྱོང ། དེ་ཉིད་ཀྱི་མཚན་མོ་འདས་ནས་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། བང་མཛོད་སྟུག་པོ་ཅན་དུ་བསོད་སྙོམས་ལ་ཞུགས་ནས། དེ་རིམ་གྱིས་བང་མཛོད་སྟུག་པོ་ཅན་ནས་བསོད་སྙོམས་ལ་རྒྱུ་བ་ན། རང་གི་ཁྱིམ་གང་ན་བ་དེར་སོང་ནས། དེའི་ཚེ་ཚེ་དང་ལྡན་པ་ཡུལ་འཁོར་སྐྱོང་གི་ཕ། བར་སྒོའི་ཁྱམས་ན་སྐྱེས་པ་སྐྲ་མཁན་གྱིས་སྐྲ་དང ། ཁ་སྤུ་འཆོས་པ་ན། ཚེ་དང་ལྡན་པ་ཡུལ་འཁོར་སྐྱོང་གི་ཕས། ཚེ་དང་ལྡན་པ་ཡུལ་འཁོར་སྐྱོང་སྒོ་དྲུང་ན་འདུག་པ་མཐོང་ངོ ། །མཐོང་ནས་ཀྱང་ཁ་ཟེར་བར་བྱེད་དེ། དགེ་སྦྱོང་མགོ་རེག་འོ་ནི་དག་གིས། ཁོ་བོའི་རིགས་ཀྱི་རྒྱུན་བཅད་དེ། འོ་ན་དག་གིས། ཁོ་བོའི་བུ་གཅིག་པ། སྡུག་པ། ཡིད་དུ་འོང་བ། བཟོད་པ། མི་མཐུན་པ་མེད་པ། ཡུལ་འཁོར་སྐྱོང་རབ་ཏུ་ཕྱུང ། བསྙེན་པར་རྫོགས་པར་བྱས་ན། དགེ་སྦྱོང་མགོ་རེག་འོ་ནི་རྣམས་ལ་སུ་ཞིག་བསོད་སྙོམས་སྦྱིན་པར་བྱ་བར་སེམས། དེ་ནས་
Kha200b
ཚེ་དང་ལྡན་པ་ཡུལ་འཁོར་སྐྱོང་གིས། རང་གི་ཁྱིམ་ནས་རྒྱ་གག་མ་གཏོགས་པ་སྦྱིན་པ་ཡང་མ་ཐོབ། བསྐྲད་ཀྱང་མ་བསྐྲད་པ་དང ། མྱུར་བ་མྱུར་བར་ཕྱིར་བྱུང་ངོ ། །དེའི་ཚེ་ཚེ་དང་ལྡན་པ་ཡུལ་འཁོར་སྐྱོང་གི་སྔོན་གྱི་བྲན་མོ་རྒན་མོ་ཞིག་།ཟན་དྲོན་རུལ་པ་ཞག་ལོན་པ་ཞིག་དོར་བའི་ཕྱིར་ཐོགས་ཏེ་སྒོར་བྱུང་བ་དང ། ཚེ་དང་ལྡན་པ་ཡུལ་འཁོར་སྐྱོང་གིས་སྔོན་གྱི་བྲན་མོ་རྒན་མོ་དེ་མཐོང་ངོ ། །མཐོང་ནས་ཀྱང་བྲན་མོ་རྒན་མོ་དེ་ལ་འདི་སྐད་ཅེས་སྨྲས་སོ། །སྲིང་མོ། གལ་ཏེ་ཟན་དྲོན་རུལ་བ་ཞག་ལོན་པ་འདོར་བ་ཡིན་ན། ཁོ་བོས་བཟའི། ལྷུང་བཟེད་འདིར་ཆུག་ཅིག་།འཕགས་པ་གསོལ་ཅིག་།དེ་ནས་སྔོན་གྱི་བྲན་མོ་རྒན་མོ་དེས་ཟན་དྲོན་རུལ་པ་ཞག་ལོན་པ་ལྷུང་བཟེད་དུ་འཇུག་པ་ན། ཚེ་དང་ལྡན་པ་ཡུལ་འཁོར་སྐྱོང་གི་ལག་པ་དང ། རྐང་པ་དང ། བཞིན་དང ། སྣ་དང ། སྨྲ་དངགས་དག་གི་མཚན་མ་ཤིན་ཏུ་ལེགས་པར་བཟུང་ནས། འདི་སྐད་ཅེས་ཀྱང་སྨྲས་སོ། །རྗེའི་སྲས། ཡུལ་འཁོར་སྐྱོང་ལགས་སམ། སྲིང་མོ། །ཁོ་བོ་སྐྱེ་བོ་དག་གིས་དེ་ལྟར་ཤེས་སོ། །དེ་ནས་སྔོན་གྱི་བྲན་མོ་རྒན་མོ་དེ། རིངས་པ་རིངས་པར། ཚེ་དང་ལྡན་པ་ཡུལ་འཁོར་སྐྱོང་གི་ཕ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཡུལ་འཁོར་སྐྱོང་གི་ཕ་ལ་འདི་སྐད་ཅེས་སྨྲས་སོ། །ཇོ་བོ་མཁྱེན་པར་མཛོད་ཅིག། སྲས་ཡུལ་འཁོར་སྐྱོང་བང་མཛོད་སྟུག་པོ་ཅན་དུ་བྱོན་ནས་རིང་མོ་ཞིག་ལགས་ན། ཉིད་ཀྱི་ཁབ་ཏུ་ནི། འབྱོན་མི་བཞེད་དོ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་གི་ཕས། ལག་པ་གཡོན་པས་སྐྲ་བསྡུས་ནས་རས་ཡུག་
Kha201a
༄#། །གཅིག་གི་སྨད་གཡོགས་བགོས་བཞིན་དུ་ཚེ་དང་ལྡན་པ་ཡུལ་འཁོར་སྐྱོང་གང་ན་བ་དེར་སོང་བ་དང ། དེའི་ཚེ་ཚེ་དང་ལྡན་པ་ཡུལ་འཁོར་སྐྱོང་རྩིག་དྲུང་ཞིག་ཏུ་འཇུག་ནས་ཟན་དྲོན་རུལ་པ་ཞག་ལོན་པ་ཟ་བར་བྱེད་པ་དང ། དེ་ནས་ཚེ་དང་ལྡན་པ་ཡུལ་འཁོར་སྐྱོང་གི་ཕས། ཚེ་དང་ལྡན་པ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །ཡུལ་འཁོར་སྐྱོང ། ཁྱོད་བང་མཛོད་སྟུག་པོ་ཅན་དུ་ཕྱིན་ནས་རིང་པོ་ཞིག་ལོན་ན། ཅིའི་ཕྱིར་རང་གི་ཁྱིམ་དུ་འཇུག་པར་མི་འདོད། ཟན་དྲོན་རུལ་བ་ཞག་ལོན་པ་ཁྱོད་ཀྱི་གྲེ་བར་ཡང་ཇི་ལྟར་འགྲོར་བཏུབ། ཁྱིམ་བདག། ཁྱོད་ཀྱི་ཁྱིམ་དུ་འོངས་ན། རྒྱ་གག་མ་གཏོགས་པ་སྦྱིན་པ་ཡང་མ་ཐོབ། བསྐྲད་ཀྱང་མ་བསྐྲད་པ་དང ། མྱུར་བ་མྱུར་བར་བྱུང་ངོ ། །བུ་ཡུལ་འཁོར་སྐྱོང་ཡིན་པར་ཁོ་བོས་མི་ཤེས་མོད། གལ་ཏེ་ཁོ་བོས་ཤེས་ན། དེ་སྐད་མི་སྨྲ་བ་ཞིག་།བུ་ཡུལ་འཁོར་སྐྱོང་བཟོད་པར་གསོལ་ལོ། །ཁྱིམ་བདག་བཟོད་དོ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་གི་ཕས། ཚེ་དང་ལྡན་པ་ཡུལ་འཁོར་སྐྱོང་ལ་ཡན་ལག་ཐམས་ཅད་ཀྱིས་འཁྱུད་པ་བྱས་ནས་རང་གི་ཁྱིམ་དུ་སྟན་བཤམས་པ་ཉིད་ལ་འདུག་ཏུ་བཅུག་གོ་།དེ་ནས་ཚེ་དང་ལྡན་པ་ཡུལ་འཁོར་སྐྱོང་གི་ཕས། ཡུལ་འཁོར་སྐྱོང་གི་མ་ལ་འདི་སྐད་ཅེས་སྨྲས་སོ། །བུ་ཡུལ་འཁོར་ཡུན་རིང་ཞིག་ལོན་ནས་ཁྱིམ་དུ་འོངས་ཀྱི། ཀྱེ་རེ་ཞིག་།ཁྱོད་བདག་ཉིད་ཀྱིས་སྣོད་དུ་ཚོས་ལ་སྟ་གོན་གྱིས་ཤིག་དང ། དེ་ལ་བུ་ཡུལ་འཁོར་སྐྱོང་ལོངས་སྤྱོད་བར་འགྱུར་རོ། །དེ་ནས་
Kha201b
ཚེ་དང་ལྡན་པ་ཡུལ་འཁོར་སྐྱོང་གི་མས། རང་ཉིད་ཀྱིས་སྣོད་དུ་བཅོས་ནས་སྟ་གོན་བྱས་སོ། །དེ་ནས་མི་ཞིག་གིས། ཚེ་དང་ལྡན་པ་ཡུལ་འཁོར་སྐྱོང་གི་མདུན་དུ་གསེར་གྱི་ཕུང་པོ་ཆེན་པོ། གལ་ཏེ་མི་གཅིག་ཕ་རོལ་ན་འགྲེང་ན། མི་གཅིག་ཚུར་རོལ་ན་འདུག་པ་མི་མཐོང་ལ། མི་གཅིག་ཚུ་རོལ་ན་འདུག་ན། གཅིག་ཕ་རོལ་ན་འགྲེང་བ་མི་མཐོང་བ་སྤུངས་སོ། །ཚེ་དང་ལྡན་པ་ཡུལ་འཁོར་སྐྱོང་གི་མས། ཚེ་དང་ལྡན་པ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །བུ་ཡུལ་འཁོར་སྐྱོང་ཁྱོད་ཀྱི་མ་ལ། བུད་མེད་རྣམས་ཀྱི་བུད་མེད་ཀྱི་ནོར་དང ། བུད་མེད་ཀྱི་བག་རྫོངས་དང ། བུད་མེད་ཀྱི་ཁུད་པ་ཞེས་བྱ་བ་གང་ཡིན་པ་ཡང་འདི་སྙེད་ཅིག་ཡོད་དོ། །གཞན་ཡང ། ཁྱོད་ཀྱི་ཕའི་ནི། མཚན་མས་ཐེབས་པའི་གསེར་དང ། ས་ལེ་སྦྲམ་ཡང་བརྒྱ་ཕྲག་དུ་མ་དང ། སྟོང་ཕྲག་དུ་མ་དང ། བརྒྱ་སྟོང་ཕྲག་དུ་མ་ཡོད་ན།་ཕལ་གཞན་ལྟ་སྨོས་ཀྱང་ཅི་དགོས། བུ་ཡུལ་འཁོར་སྐྱོང་ཚུར། ཁྱོད་འདུག་ལ་འདོད་པ་དག་ལ་ཡང་ཡོངས་སུ་སྤྱོད་ཅིག་།སྦྱིན་པ་དག་ཀྱང་ཐོང་ཞིག་།བསོད་ནམས་དག་ཀྱང་གྱིས་ཤིག་།ཁྱིམ་བདག་གི་ཆུང་མ་ཁྱོད་གལ་ཏེ་ཁོ་བོའི་ཚིག་ལ་དད་པས་མཉན་པར་བྱ་བར་སེམས་པ་ལྟ་ན། བདག་གིས་གདམས་ཤིང་རྗེས་སུ་བསྟན་ཏོ། །བུ་ཡུལ་འཁོར་སྐྱོང ། གདམས་ངག་སྩོལ་ཅིག་།བུ་ཡུལ་འཁོར་སྐྱོང་རྗེས་སུ་སྟོན་ཅིག་དང ། ཁྱོད་ཀྱི་ཚིག་ལ་བདག་དད་པས་མཉན་པར་བགྱིའོ། །སྙམ་དུ་སེམས་སོ། །ཁྱིམ་བདག་གི་ཆུང་མ་ཚུར། ཁྱོད་ཀྱིས་ཤ་ནའི་རས་སྒྱེ་གསར་པ་བྱོས་ལ། གསེར་
Kha202a
༄#། །དང་ས་ལེ་སྦྲམ་གྱིས་བཀང་སྟེ་ཤིང་རྟའི་ནང་དུ་ཆུག་ལ་ཆུ་བོ་གངྒཱའི་རྒྱུན་ཤུགས་དྲག་ཅིང་གཏིང་ཟབ་པ་གང་ན་ཡོད་པ་དེར་འོར་ཅིག། གཞི་དེ་ལས་ཁྱོད་ཀྱི་མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་སྐྱེ་བར་གྱུར་ཏ་རེ། དེ་ནས་ཚེ་དང་ལྡན་པ་ཡུལ་འཁོར་སྐྱོང་གི་མ་འདི་སྙམ་དུ་སེམས་ཏེ། བདག་གིས་དེ་ལྟ་བུའི་བྱ་བས་ཀྱང་བུ་ཡུལ་འཁོར་སྐྱོང་བཟློག་པར་བྱ་བ་མ་ནུས་སོ། །སྙམ་མོ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་གི་མས། མནའ་མ་ལ་བཅོལ་བ། ཀྱེ་བག་གསར། རེ་ཞིག་ཇི་ལྟ་བུའི་མཉེ་བ་རྣམས་ཀྱིས་མཉེས་པ་དང ། ཁྲུས་རྣམས་ཀྱིས་བཀྲུས་པ་དང ། དྲི་རྣམས་ཀྱིས་བྱུགས་པ་དང ། གོས་རྣམས་བསྐོན་པ་དང ། རྒྱན་རྣམས་ཀྱིས་བརྒྱན་པ་དང ། བདུག་པ་རྣམས་ཀྱི་བདུགས་པ་དང ། ཕྱེ་མ་རྣམས་ཀྱིས་གཏོར་བས། བུ་ཡུལ་འཁོར་སྐྱོང་དེ། སྔོན་ཁྱིམ་པར་གྱུར་པ་ན། དགའ་བ་དང ། ཡིད་དུ་འོང་བར་འགྱུར་བ་དེ་ལྟ་བུའི་མཉེ་བ་རྣམས་ཀྱིས་མཉེས་པ་དང ། ཁྲུས་རྣམས་ཀྱིས་བཀྲུས་པ་དང ། དྲི་རྣམས་ཀྱིས་བྱུགས་པ་དང ། གོས་རྣམས་བསྐོན་པ་དང ། རྒྱན་རྣམས་ཀྱིས་བརྒྱན་པ་དང ། བདུག་པ་རྣམས་ཀྱིས་བདུགས་པ་དང ། ཕྱེ་མ་རྣམས་ཀྱིས་གཏོར་བ་གྱིས་ལ། བུ་ཡུལ་འཁོར་སྐྱོང་གི་རྐང་པ་གཉིས་ལ་གཏུགས་ལ་འདི་སྐད་ཅེས། གང་གི་སླད་དུ་རྗེའི་སྲས་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་པ་ལྷའི་བུ་མོ་ཇི་ལྟ་བུ་ཞིག་།ཅེས་ཀྱང་སྨྲོས་ཤིག་།དེ་
Kha202b
ནས་ཚེ་དང་ལྡན་པ་ཡུལ་འཁོར་གྱི་ཆུང་མས། ཇི་ལྟ་བུའི་མཉེ་བ་རྣམས་ཀྱིས་མཉེས་པ་དང ། ཁྲུས་རྣམས་ཀྱིས་བཀྲུས་པ་དང ། དྲི་རྣམས་ཀྱིས་བྱུགས་པ་དང ། གོས་རྣམས་བསྐོན་པ་དང ། རྒྱན་རྣམས་ཀྱིས་བརྒྱན་པ་དང ། བདུག་པ་རྣམས་ཀྱིས་བདུགས་པ་དང ། ཕྱེ་མ་རྣམས་ཀྱིས་གཏོར་བས། ཚེ་དང་ལྡན་པ་ཡུལ་འཁོར་སྐྱོང ། སྔོན་ཁྱིམ་པར་གྱུར་པ་ན། དགའ་བ་དང ། ཡིད་དུ་འོང་བར་འགྱུར་བ་དེ་ལྟ་བུའི་མཉེ་བ་རྣམས་ཀྱིས་མཉེས་པ་དང ། ཁྲུས་རྣམས་ཀྱིས་བཀྲུས་པ་དང ། དྲི་རྣམས་ཀྱིས་བྱུགས་པ་དང ། གོས་རྣམས་བསྐོན་པ་དང ། རྒྱན་རྣམས་ཀྱིས་བརྒྱན་པ་དང ། བདུག་པ་རྣམས་ཀྱིས་བདུགས་པ་དང ། ཕྱེ་མ་རྣམས་ཀྱིས་གཏོར་བ་བྱས་ནས། ཚེ་དང་ལྡན་པ་ཡུལ་འཁོར་སྐྱོང་གི་རྐང་པ་གཉིས་ལ་གཏུགས་ཏེ་འདི་སྐད་ཅེས་སྨྲས་སོ། །རྗེའི་སྲས་གང་གི་སླད་དུ་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་པ་ལྷ་མོ་དེ། ཇི་ལྟ་བུ་ཞིག་ལགས། སྲིང་མོ། ཁོ་བོ་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་པ་ནི། ལྷའི་བུ་མོའི་ཆེད་དུ་མ་ཡིན་ནོ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས། སྔོན་གྱི་ཆུང་མ་ལ་སྲིང་མོ། ཞེས་ཚིག་ཏུ་སྨྲས་པས། བརྒྱལ་ནས་ས་ལ་འགྱེལ་ཏེ། དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས་ཕ་དང་མ་ལ་སྨྲས་པ། ཡབ་ཡུམ། གལ་ཏེ་ཁ་ཟས་བཏང་བ་ལགས་ན། ཅི། མི་སྩལ་ཏམ། བཏང་སྙོམས་སུ་བཞག་སྟེ། ཅི་མཐོ་འཚམ་ལགས་སམ། བུ་ཡུལ་འཁོར་སྐྱོང ། ལོངས་སྤྱོད་ཅིག་།ཅེས། དེ་ནས་ཚེ་དང་ལྡན་པ་ཡུལ་
Kha203a
༄#། །འཁོར་སྐྱོང་གི་ཕ་དང་མས། ཚེ་དང་ལྡན་པ་ཡུལ་འཁོར་སྐྱོང་ལ་གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་སྟོབ་ཅིང་ཚིམ་པར་བྱེད་དེ། རྣམ་གྲངས་དུ་མས་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་པས་བསྟབས་ཤིང་ཚིམ་པར་བྱས་སོ། །ཚེ་དང་ལྡན་པ་ཡུལ་འཁོར་སྐྱོང་གིས་ཟོས་ནས་ལག་པ་བཀྲུས་ཏེ།་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་འཁོད་དོ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས། དེའི་ཚེ་ཚིགས་སུ་བཅད་དེ་སྨྲས་པ། ལྟོས་ཤིག་ལུས་ནི་ནོར་བུ་དང ། །རྣ་རྒྱན་གྱིས་ནི་བཀྲ་བྱས་ཀྱང ། །ནད་དང་སླུ་བའི་ཆོས་ཅན་དེ། །བརྟན་པར་གནས་པ་ཡོད་མ་ཡིན། །སྐྲ་ཡི་ལན་བུ་བརྒྱད་ལྷས་ཤིང ། །མིག་ནི་མིག་སྨན་གྱིས་བསྐུས་པའང ། །བྱིས་པ་རྨོངས་པར་བྱེད་ནུས་ཀྱི། །ཕ་རོལ་ཚོལ་བ་མ་ཡིན་ནོ། །དྲི་རྣམས་ཀྱིས་ནི་ལུས་བསྐུས་ལ། །རྐང་པ་བཙག་གིས་བྱུགས་པ་ཡང ། །བྱིས་པ་རྨོངས་པར་བྱེད་ནུས་ཀྱི། །ཕ་རོལ་ཚོལ་བ་མ་ཡིན་ནོ། །མིག་སྨན་གསེར་གྱིས་བཀྲ་བྱས་ཤིང ། །རུལ་པའི་ལུས་ནི་བརྒྱན་པ་ཡང ། །བྱིས་པ་རྨོངས་པར་བྱེད་ནུས་ཀྱི། །ཕ་རོལ་ཚོལ་བ་མ་ཡིན་ནོ། །རི་དྭགས་འཆོར་བས་རྙི་བཙུགས་ནས། །རི་དྭགས་བཟུང་བར་མ་ནུས་ལྟར། །རྔོན་པ་འོ་དོད་འབོད་བཅུག་ལ། །ཟོས་ནས་གནས་སུ་འགྲོ་བར་བྱ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས། ཕ་དང་མ་ལ་ཆོས་དང་ལྡན་པའི་
Kha203b
གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་དེ་ཉིད་ནས་སྟེང་གི་ནམ་མཁའ་ལ་སོང་ངོ ། །དེ་ནས་ཚེ་དང་ལྡན་པ་ཡུལ་འཁོར་སྐྱོང་བང་མཛོད་སྟུག་པོ་ཅན་གང་ན་བ་དེར་སོང་སྟེ་ཕྱིན་ནས་བ་རུ་རའི་ཤིང་ཞིག་གི་དྲུང་དུ་ཉིན་པར་གནས་པར་བྱ་བའི་ཕྱིར་འདུག་གོ་།དེའི་ཚེ་རྒྱལ་པོ་ཀོའུ་རབ་བྱ། ཚེ་དང་ལྡན་པ་ཡུལ་འཁོར་སྐྱོང་གི་སྙན་པ་ཡང་སྒྲོག་ཅིང་གནས་ཏེ། ནམ་ཞིག་ན་བདག་ཤེས་ལྡན་ཡུལ་འཁོར་སྐྱོང་མངོན་སུམ་དུ་མཐོང་བར་འགྱུར། ནམ་ཞིག་ན་གལ་ཏེ་ཞུ་བ་ལུང་བསྟན་པའི་ཕྱིར་སྐབས་ཕྱེ་ན། བདག་ཕྱོགས་འགའ་ཞིག་ཞུ་བར་འགྱུར་སྙམ་མོ། །དེ་ནས་རྒྱལ་པོ་ཀོའུ་རབ་བྱས། ཚལ་སྲུང་བའི་མི་ལ་བསྒོ་བ། ཀཝ་ཡེ་ནང་རྗེ། ཁྱོད་སོང་ལ་མྱུར་དུ་བང་མཛོད་སྟུག་པོ་ཅན་གྱི་ཚལ་ཕྱག་དར་བྱོས་ཤིག་།སང་ང་དེར་སྐྱེད་མོས་ཚལ་གྱི་སར་འགྲོའོ། །ལྷ། བཀའ་བཞིན་འཚལ་ཞེས་སྐྱེས་པ་དེས། རྒྱལ་པོ་ཀོའུ་རབ་བྱའི་ལྟར་མཉན་ནས་བང་མཛོད་སྟུག་པོ་ཅན་གྱི་ཚལ་ཐམས་ཅད་ཕྱག་དར་བྱེད་པ་ན། མི་དེས་ཚེ་དང་ལྡན་པ་ཡུལ་འཁོར་སྐྱོང་བ་རུ་རའི་ཤིང་ཞིག་གི་དྲུང་ན་ཉིན་པར་གནས་པར་བྱ་བའི་ཕྱིར་འདུག་པ་མཐོང་ངོ ། །མཐོང་ནས་ཀྱང་དེ་འདི་སྙམ་དུ་སེམས་ཏེ། རྒྱལ་པོ་ཀོའུ་རབ་བྱ། གང་གི་སྙམ་པ་ཡང་དང་ཡང་དུ་སྒྲོག་ཅིང་གནས་ཏེ། ནམ་ཞིག་ན་བདག་ཤེས་ལྡན་ཡུལ་འཁོར་སྐྱོང་མངོན་སུམ་དུ་མཐོང་བར་འགྱུར། ནམ་ཞིག་ན་ཞུ་བ་ལུང་བསྟན་པའི་ཕྱིར་སྐབས་ཕྱེ་ན། བདག་ཕྱོགས་འགའ་ཞིག་ཞུ་བར་འགྱུར་
Kha204a
༄#། །སྙམ་པའི་ཤེས་ལྡན་ཡུལ་འཁོར་སྐྱོང་དེ་ནི། འདི་ཡིན་ཏེ། བང་མཛོད་སྟུག་པོ་ཅན་གྱི་འདི་ལྟ་བུ་ཞིག་ཏུ་ཕྱིན་གྱི། མ་ལ་བདག་གིས་རྒྱལ་པོ་ཀོའུ་རབ་བྱ་ལ་སྦྲན་པར་བྱའོ། །སྙམ་ནས། དེ་ནས་སྐྱེས་པ་དེ་རྒྱལ་པོ་ཀོའུ་རབ་བྱ་གང་ན་བ་དེར་སོང་སྟེ་ཕྱིན་ནས་རྒྱལ་པོ་ཀོའུ་རབ་བྱ་ལ་འདི་སྐད་ཅེས་སྨྲས་སོ། །ལྷ་གང་གི་སྙན་པ་ཡང་དང་ཡང་དུ་སྒྲོག་ཅིང་བཞུགས་ལ། ནམ་ཞིག་ན་བདག་ཤེས་ལྡན་ཡུལ་འཁོར་སྐྱོང་མངོན་སུམ་དུ་མཐོང་བར་འགྱུར། ནམ་ཞིག་ན་གལ་ཏེ་ཞུ་བ་ལུང་བསྟན་པའི་སྐབས་ཕྱེ་ན། བདག་ཕྱོགས་འགའ་ཞིག་ཞུ་བར་འགྱུར་སྙམ་པའི་ཤེས་ལྡན་ཡུལ་འཁོར་སྐྱོང་དེ་ནི། དེ་ལགས་ཏེ། བང་མཛོད་སྟུག་པོ་ཅན་གྱི་འདི་ལྟ་བུ་ཞིག་ཏུ་མཆིས་ལགས་ཏེ། ལྷས་དེའི་དུས་ལ་བབ་པར་དགོངས་སུ་གསོལ། དེ་ནས་རྒྱལ་པོ་ཀོའུ་རབ་བྱས། མི་གཞན་ཞིག་ལ་བསྒོ་བ། ཀཝ་ཡེ་ནང་རྗེ་ཚུར། བཞོན་པ་བཟང་པོ་མྱུར་དུ་སྡོགས་ཤིག་།དེ་ལ་ང་ཞོན་ནས་དེང་ཁོ་ནར་ཤེས་ལྡན་ཡུལ་འཁོར་སྐྱོང་བལྟ་བའི་ཕྱིར་འགྲོའོ། །ལྷ། བཀའ་བཞིན་འཚལ་ཞེས་མི་དེས། རྒྱལ་པོ་ཀོའུ་རབ་བྱའི་ལྟར་མཉན་ནས་བཞོན་པ་བཟང་པོ་མྱུར་དུ་བསྡོགས་ཏེ། རྒྱལ་པོ་ཀོའུ་རབ་བྱ་གང་ན་བ་དེར་སོང་སྟེ་ཕྱིན་པ་དང་རྒྱལ་པོ་ཀོའུ་རབ་བྱ་ལ་འདི་སྐད་ཅེས་སྨྲས་སོ། །ལྷ། ཆིབས་པ་བཟང་པོ་བསྡོགས་ལགས་ཏེ། ལྷ་ད་དེའི་དུས་ལ་བབ་པར་དགོངས་སུ་གསོལ། དེ་ནས་རྒྱལ་པོ་ཀོའུ་རབ་བྱ་བཞོན་པ་བཟང་པོ་ལ་ཞོན་ནས་བང་མཛོད་སྟུག་
Kha204b
པོ་ཅན་ནས་བྱུང་སྟེ་ཚེ་དང་ལྡན་པ་ཡུལ་འཁོར་སྐྱོང་ལ་བལྟ་བ་དང ། བསྙེན་བཀུར་བྱ་བའི་ཕྱིར་སོང་ནས། དེ་ཇི་ཙམ་བཞོན་པའི་སའི་བར་དུ་བཞོན་པས་སོང་སྟེ་བཞོན་པ་ལས་བབས་ནས་རྐང་པ་ཁོ་ནས་ཀུན་དགའ་ར་བར་ཞུགས་སོ། །ཚེ་དང་ལྡན་པ་ཡུལ་འཁོར་སྐྱོང་གིས་རྒྱལ་པོ་ཀོའུ་རབ་བྱ་རྒྱང་རིང་པོ་ཁོ་ན་ནས་འོང་བ་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་བྱོན་པ་ལེགས་སོ། ། ཚུར་སྤྱོན། རྒྱལ་པོ་ཆེན་པོ་ཁྱོད་ཉིད་ཀྱི་ཡུལ་ལགས་པས། བཞེད་ན་བདག་ཀྱང་སྟན་ལ་གཡར་དྲོངས་ཤིག་།ཀྱེ་ཡུལ་འཁོར་སྐྱོང ། བདག་གི་ཡུལ་ལགས་མོད་ཀྱི། འོན་ཀྱང་བདག་ཡུལ་འཁོར་སྐྱོང་གིས་བདག་སྟན་ལ་གཡར་དྲང་བར་འཚལ་ལོ། །རྒྱལ་པོ་ཆེན་པོ། གདན་མཆིས་ཀྱི། གལ་ཏེ་བཞེད་ན། བཞུགས་ཤིག། དེ་ནས་རྒྱལ་པོ་ཀོའུ་རབ་བྱ། ཚེ་དང་ལྡན་པ་ཡུལ་འཁོར་སྐྱོང་དང་ལྷན་ཅིག་།མངོན་དུ་ཡང་དག་པར་དགའ་བར་འགྱུར་བ་དང ། མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་རྒྱལ་པོ་ཀོའུ་རབ་བྱས། ཚེ་དང་ལྡན་པ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །ཤེས་ལྡན་ཡུལ་འཁོར་སྐྱོང ། གལ་ཏེ་རིགས་དམན་པའམ། ལོངས་སྤྱོད་རྣམས་ཡོངས་སུ་ཟད་པའམ། གཏུགས་པར་གྱུར་ན། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པར་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བ་ཡོད་ན། བདག་ཅག་རིགས་ནི། ཀོའུ་རབ་བྱ་ཡིན་ལ། ལོངས་སྤྱོད་ནི། རྒྱ་ཆེ་བ་ཡིན་གྱི། འདི་ལྟར། ཁོ་བོས་
Kha205a
༄#། །ཤེས་ལྡན་ཡུལ་འཁོར་སྐྱོང་ལ་ལོངས་སྤྱོད་ཀྱི་སྐལ་བ་བདག་ལས་བགོ་བཤའ་བྱའི། ཤེས་ལྡན་ཡུལ་འཁོར་སྐྱོང་ཚུར། ཁྱོད་འདུག་ལ་འདོད་པ་དག་ལ་ཡོངས་སུ་སྤྱོད་ཅིག་།སྦྱིན་པ་དག་ཐོང་ཞིག་།བསོད་ནམས་དག་གྱིས་ཤིག་།རྒྱལ་པོ་ཆེན་པོ། ཆ་མ་ལགས་པའི་མགྲོན་དུ་འབོད་པས་མགྲོན་དུ་འབོད་ཀྱི། འཚམ་པས་ནི། མ་ལགས་སོ། །ཁྱོད་ལྟ་བུས་བདག་འདྲ་བའི་སྐྱེས་བུ་མཁས་པ་འདི་ལྟ་བུའི་མགྲོན་དུ་འབོད་པས་མགྲོན་དུ་ཡང་མ་འབོད་ཅིག་།བདག་གིས་ཤེས་ལྡན་ཡུལ་འཁོར་སྐྱོང་དང་འཚམ་པའི་མགྲོན་དུ་འབོད་པས་མགྲོན་དུ་འབོད་པ་ཇི་ལྟ་བུ་ཞིག་ལགས་རྒྱལ་པོ་ཆེན་པོ་ཚུར་སྤྱོན། ཁྱོད་ཀྱིས་འདི་སྐད་ཅེས། ཀྱེ་ཡུལ་འཁོར་སྐྱོང ། ཁོ་བོའི་ཡུལ་འབྱོར་ཅིང་གནོད་པ་མེད་པ། བསྡོ་བ་མེད་ཅིང་འཚེ་བ་མེད་ལ། སློང་བ་པོའི་བསོད་སྙོམས་རྙེད་སླ་བ་ཡིན་གྱི། ཤེས་ལྡན་ཡུལ་འཁོར་སྐྱོང ། བང་མཛོད་སྟུག་པོ་ཅན་འདིར་མནོས་ཤིག་དང ། བདག་གིས་ཤེས་ལྡན་ཡུལ་འཁོར་སྐྱོང་ཆོས་བཞིན་གྱིས་བསྲུང་བ་དང ། བསྐྱབ་པ་དང ། སྦ་བར་བྱའོ། །ཞེས་བགྱི་བ་ལགས་ན། རྒྱལ་པོ་ཆེན་པོ། སེམས་མངོན་པར་དད་པ་གང་ལགས་པ་དེ་ཙམ་གྱིས་བགྱིས་ལགས་ཏེ་འཚལ་ལོ། །གཞན་ཡང ། གལ་ཏེ་ཞུས་པ་ལུང་བསྟན་པའི་ཕྱིར་སྐབས་ཕྱེ་ན། ཤེས་ལྡན་ཡུལ་འཁོར་སྐྱོང་ལ་བདག་ཞུ་ལགས་སོ། །རྒྱལ་པོ་ཆེན་པོ། །གསུངས་ཤིག་།ཐོས་ནས་ཁྱོད་ལ་རིག་པར་བགྱིའོ། །ཀྱེ་ཡུལ་འཁོར་སྐྱོང ། བཞི་པོ་འདི་དག་ནི། ཡོངས་སུ་ཉམས་པ་
Kha205b
ལགས་ཏེ། དེ་དག་གིས་ཡོངས་སུ་ཉམས་པའི་རིགས་ཀྱི་བུ་དག་།སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་རོ། །བཞི་གང་ཞེ་ན། འདི་ལྟ་སྟེ། རྒ་བས་ཡོངས་སུ་ཉམས་པ་དང ། ནད་ཀྱིས་ཡོངས་སུ་ཉམས་པ་དང ། ཉེ་དུས་ཡོངས་སུ་ཉམས་པ་དང ། ལོངས་སྤྱོད་ཀྱིས་ཡོངས་སུ་ཉམས་པའོ། །ཀྱེ་ཡུལ་འཁོར་སྐྱོང ། རྒ་བས་ཡོངས་སུ་ཉམས་པ་གང་ཞེ་ན། འདི་ལ། རིགས་ཀྱི་བུ་རྒས་འཁོགས། གཏུགས་པར་གྱུར་ནས་དེ་འདི་སྙམ་དུ་སེམས་ཏེ། ད་ནི། བདག་རྒས། འཁོགས། གཏུགས་པས། བདག་གིས་རེ་ཞིག་འདོད་པ་དག་བདོག་ཀྱང་ལོངས་སྤྱད་པར་སླ་བ་མ་ཡིན་ན། མི་བདོག་ན། ལྟ་སྨོས་ཀྱང་ཅི་དགོས། མ་ལ་བདག་སྐྲ་དང་ཁ་སྦུ་བྲེགས་ལ། གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ ། །སྙམ་ནས། དེ་རྒ་བའི་ཡོངས་སུ་ཉམས་པས་ཡོངས་སུ་ཉམས་པ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་སྟེ། འདི་ནི། རྒ་བས་ཡོངས་སུ་ཉམས་པ་ཞེས་བྱའོ། །ཤེས་ལྡན་ཡུལ་འཁོར་སྐྱོང་རྒ་བས་ཡོངས་སུ་ཉམས་པས་ཡོངས་སུ་ཉམས་པ་མ་ཡིན་ན། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །དེ་ཅིའི་ཕྱིར་ཞེ་ན། ཤེས་ལྡན་ཡུལ་འཁོར་སྐྱོང་ནི། གཞོན་ནུ་ཐོར་བུ་ལང་ཚོ་ལ་བབ་པ། སྐྲ་ནག་པ།
Kha206a
༄#། །ན་ཚོད་དར་ལ་བབ་པ་དང་ལྡན་པ་ཡིན་ཏེ། གང་གི་ཚེ། རྩེད་མོ་དང ། དགའ་བ་དང ། མ་གུ་བ་དང ། ཆ་བ་དང ། བརྒྱན་པའི་གནས་ལ་བརྩོན་པ་དང་ལྡན་པས་གནས་པར་བྱ་བ་དེའི་ཚེ། ཉེ་དུ་རྣམས་མཆི་མས་བརྣངས་ཤིང་ངུ་བཞིན་དང་བཅས་པས་མ་རངས་བཞིན། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ན། ཤེས་ལྡན་ཡུལ་འཁོར་སྐྱོང་གིས། ཅི་ཞིག་ཤེས། མཐོང ། ཐོས། རྟོགས་ནས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པ་རབ་ཏུ་བྱུང ། དེ་ལ་ནི། ཁོ་བོ་རངས་པ་མ་ཡིན་ཏེ། མི་བཟོད་དོ། །ཀྱེ་ཤེས་ལྡན་ཡུལ་འཁོར་སྐྱོང ། ནད་ཀྱིས་ཡོངས་སུ་ཉམས་པ་གང་ཞེ་ན། འདི་ལ། རིགས་ཀྱི་བུ་ན་བ། སྡུག་བསྔལ་པ།་ནད་ཚབས་ཆེ་བར་གྱུར་ནས་དེ་འདི་སྙམ་དུ་སེམས་ཏེ། བདག་ནི། ན་བ། སྡུག་བསྔལ་བ། ནད་ཚབས་ཆེ་བས། བདག་གིས་རེ་ཞིག་འདོད་པ་དག་བདོག་ཀྱང ། ལོངས་སྤྱད་པར་སླ་བ་མ་ཡིན་ན། མི་བདོག་ན། ལྟ་སྨོས་ཀྱང་ཅི་དགོས། མ་ལ་བདག་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་ཞེས་བྱ་བ་ནས་རབ་ཏུ་འབྱུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནད་ཀྱིས་ཡོངས་སུ་ཉམས་པས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་ཞེས་བྱ་བ་ནས་རབ་ཏུ་འབྱུང་ཞེས་བྱ་བའི་བར་གོང་མ་བཞིན་དུའོ། །འདི་ནི། ནད་ཀྱིས་ཡོངས་སུ་ཉམས་པ་ཞེས་བྱའོ། །
Kha206b
ཤེས་ལྡན་ཡུལ་འཁོར་སྐྱོང་ནི། ནད་ཀྱིས་ཡོངས་སུ་ཉམས་པས་ཡོངས་སུ་ཉམས་པ་མ་ཡིན་ན། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཞེས་བྱ་བ་ནས་རབ་ཏུ་བྱུང་ངོ ། ། ཞེས་བྱ་བའི་བར་གོང་མ་བཞིན་དུའོ། །དེ་ཅིའི་ཕྱིར་ཞེ་ན། ཤེས་ལྡན་ཡུལ་འཁོར་སྐྱོང ། གནོད་པ་མེད་ཅིང ། ནད་མེད་པའི་རང་བཞིན་ཅན་དང ། རན་པར་འཇུག་པའི་དྲོད་དང་ལྡན་པ་སྟེ། ཧ་ཅང་བསིལ་བ་མ་ཡིན་པ་དང ། ཧ་ཅང་ཚ་བ་མ་ཡིན་པ་དང ། ཁམས་སྙོམས་པས་གནོད་པ་མེད་པ་དང་ལྡན་པས་ཁྱོད་ཀྱིས་ཟོས་པ་དང ། འཐུངས་པ་དང ། འཆོས་པ་དང ། མྱངས་པ་རྣམས་ལེགས་པར་བདེ་བར་འཇུ་བར་འགྱུར་ན། ཤེས་ལྡན་ཡུལ་འཁོར་སྐྱོང ། དེ་ལ་ཅི་ཞིག་ཤེས། མཐོང་ཞེས་བྱ་བ་ནས་རབ་ཏུ་འབྱུང་ཞེས་བྱ་བའི་བར་གོང་མ་བཞིན་དུའོ། །དེ་ལ་ནི། ཁོ་བོ་རངས་པ་མ་ཡིན་ཏེ། མི་བཟོད་དོ། ། ཀྱེ་ཡུལ་འཁོར་སྐྱོང ། ཉེ་དུས་ཡོངས་སུ་ཉམས་པ་གང་ཞེ་ན། འདི་ལ། རིགས་ཀྱི་བུའི་ཉེ་དུ་རྣམས་རབས་ཆད། ཉེ་དུ་རྣམས་ཁ་བཏག་ནས་དེ་འདི་སྙམ་དུ་སེམས་ཏེ། བདག་གི་ཉེ་དུ་རྣམས་རབས་ཆད།་ཉེ་དུ་རྣམས་ཁ་བཏགས་པས། མ་ལ་བདག་སྐྲ་དང་ཁ་སྤུ་བྲེགས་ནས་ཞེས་བྱ་བ་ནས་རབ་ཏུ་འབྱུང་བ་ཞེས་བྱའོ། །ཞེས་བྱ་བའི་བར་གོང་མ་བཞིན་དུའོ། །དེ་ཉེ་དུས་ཡོངས་སུ་ཉམས་པས་ཡོངས་སུ་ཉམས་པ་སྐྲ་དང་ཁ་སྤུ་བྲེགས་ཏེ་ཞེས་བྱ་བ་ནས་རབ་ཏུ་འབྱུང་ངོ ། །ཞེས་བྱ་བའི་བར་གོང་མ་བཞིན་དུའོ། །འདི་ནི། ཉེ་དུས་ཡོངས་སུ་ཉམས་པ་ཞེས་བྱའོ། །ཤེས་ལྡན་ཡུལ་འཁོར་སྐྱོང་ནི། ཉེ་
Kha207a
༄#། །དུས་ཡོངས་སུ་ཉམས་པས་ཡོངས་སུ་ཉམས་པ་མ་ཡིན་ན། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །དེ་ཅིའི་ཕྱིར་ཞེ་ན། ཡུལ་འཁོར་སྐྱོང་གི་ཉེ་དུ་ནི། ཀོའུ་རབ་བྱའི་རིགས་ནས་བཟུང་སྟེ་བརྒྱུད་པ། བང་མཛོད་སྟུག་པོ་ཅན་འདི་ཉིད་ན་རྒྱས་པར་ཡོད་ན། ཤེས་ལྡན་ཡུལ་འཁོར་སྐྱོང་གིས། ཅི་ཞིག་ཤེས། མཐོང་ཞེས་བྱ་བ་ནས་རབ་ཏུ་བྱུང་ཞེས་བྱ་བའི་བར་གོང་མ་བཞིན་དུའོ། །དེ་ལ་ནི། ཁོ་བོ་རངས་པ་མ་ཡིན་ཏེ། མི་བཟོད་དོ། །ཀྱེ་ཡུལ་འཁོར་སྐྱོང ། ལོངས་སྤྱོད་ཀྱིས་ཡོངས་སུ་ཉམས་པ་གང་ཞེ་ན། འདི་ལ། རིགས་ཀྱི་བུའི་ལོངས་སྤྱོད་བསྲབས་པ་དང ། ཡོངས་སུ་ཟད་པ་དང ། གཏུགས་པར་གྱུར་ནས། དེ་འདི་སྙམ་དུ་སེམས་ཏེ། བདག་གི་ལོངས་སྤྱོད་ནི། བསྲབས་པ་དང ། ཡོངས་སུ་ཟད་པ་དང ། གཏུགས་པར་གྱུར་གྱི། མ་ལ་བདག་སྐྲ་དང ། ཁ་སྤུ་བྲེགས་ཏེ་ཞེས་བྱ་བ་ནས་རབ་ཏུ་འབྱུང་ངོ ། །ཞེས་བྱ་བའི་བར་དུའོ། །དེ་ལོངས་སྤྱོད་ཡོངས་སུ་ཉམས་པས་ཡོངས་སུ་ཉམས་པ་སྐྲ་དང་ཁ་སྤུ་བྲེགས་ཏེ་ཞེས་བྱ་བ་ནས་རབ་ཏུ་འབྱུང་ངོ ། །ཞེས་བྱ་བའི་བར་གོང་མ་བཞིན་དུའོ། །འདི་ནི། ལོངས་སྤྱོད་ཀྱིས་ཡོངས་སུ་ཉམས་པ་ཞེས་བྱའོ། །ཤེས་ལྡན་ཡུལ་འཁོར་སྐྱོང་ནི། ལོངས་སྤྱོད་ཡོངས་སུ་ཉམས་པས་ཡོངས་སུ་ཉམས་པ་མ་ཡིན་ན་ཞེས་བྱ་བ་ནས་རབ་ཏུ་བྱུང་ངོ ། །ཞེས་བྱ་བའི་བར་གོང་མ་བཞིན་དུའོ། །ཤེས་ལྡན་ཡུལ་འཁོར་སྐྱོང་ནི། བང་མཛོད་སྟུག་པོ་ཅན་
Kha207b
འདི་ན། རིགས་མཆོག་དང ། རིགས་བཟང་པོ་ཡིན་པས་འདི་ལྟ་སྟེ། ལོངས་སྤྱོད་ཆེན་པོ་དང་ལྡན་པ་ཡིན་ན། འདི་ལ་ཤེས་ལྡན་ཡུལ་འཁོར་སྐྱོང་གིས། ཅི་ཞིག་ཤེས། མཐོང ། ཐོས། རྟོགས་ནས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང ། དེ་ལ་ནི། ཁོ་བོ་རངས་པ་མ་ཡིན་ཏེ། མི་བཟོད་དོ། །རྒྱལ་པོ་ཆེན་པོ། བཞི་པོ་འདི་དག་།བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། ཡིད་འབྱུང་བའི་ལམ་དུ་གསུངས་ཏེ། ཡིད་འབྱུང་བ་དེ་དག་གིས་ཡིད་བྱུང་ནས། རིགས་ཀྱི་བུ་རྣམས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་ཏེ། རྒྱལ་པོ་ཆེན་པོ། འཇིག་རྟེན་འདི་ཐམས་ཅད་ནི། རྒ་བས་ཉེ་བར་ཁྲིད་པ་ཡིན། འཇིག་རྟེན་འདི་ནི། རྗེས་སུ་འགྲོ་བ་མེད་པས་སྐྱབས་མེད་པ་ཡིན། འཇིག་རྟེན་འདི་ནི། ཐམས་ཅད་བོར་ཏེ་འགྲོ་བར་འགྱུར་བས་བདོག་པ་མེད་པ་ཡིན། འཇིག་རྟེན་འདི་ནི། ངོམས་མི་ཤེས་ཏེ། སྲེད་པས་འཁོལ་བས་ཆོག་མི་ཤེས་པ་ཡིན་པར་བདག་གིས་ཤེས། མཐོང ། ཐོས། རྟོགས་ནས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །བདག་གིས། མདོར་བསྡུས་ཏེ་གསུངས་ཤིང་རྣམ་པར་མ་ཕྱེ་བ་འདིའི་དོན་རྒྱས་པར་འཚལ་བར་མི་འགྱུར་བས། ཤེས་ལྡན་ཡུལ་འཁོར་སྐྱོང་གིས། དོན་དེ་ཉིད་ཅི་ནས། བདག་གིས་
Kha208a
༄#། །ཤེས་ལྡན་ཡུལ་འཁོར་སྐྱོང་གིས་མདོར་བསྡུས་ཏེ་གསུངས་ཤིང་རྣམ་པར་མ་ཕྱེ་བ་འདི་ནི་དོན་རྒྱས་པར་འཚལ་བར་འགྱུར་བར་རྒྱས་པར་བཤད་དུ་གསོལ། ཤེས་ལྡན་ཡུལ་འཁོར་སྐྱོང་གིས་འདི་སྐད་ཅེས། འཇིག་རྟེན་འདི་ཐམས་ཅད་ནི། རྒ་བས་ཉེ་བར་ཁྲིད་པ་ཡིན་ནོ། །ཞེས་གསུངས་པ་གང་ཡིན་པ་དེ། ཤེས་ལྡན་ཡུལ་འཁོར་སྐྱོང་གིས་ཅི་ལས་དགོངས་ཏེ་གསུངས། དེའི་ཕྱིར་རྒྱལ་པོ་ཆེན་པོ་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཅིག་།རྒྱལ་པོ་ཆེན་པོ། ཇི་སྙམ་དུ་སེམས། གང་གི་ཚེ་ཁྱོད་ལོ་ཉི་ཤུའམ། ཉི་ཤུ་རྩ་ལྔ་ལོན་པར་གྱུར་པ་ན། ན་ཚོད་ཀྱིས་གཞོན་ནུ་ཐོར་བུ། ལང་ཚོ་ལ་བབ་པ། སྐྲ་ནག་པ། ཉམས་རྩལ་བདོ་བ་དང་ལྡན་པ་དེ་དང ། ད་ལྟར་གྱི་ལུས་སུ་འདི་ལྟ་སྟེ། ཚེའམ། ཁ་དོག་གམ། སྟོབས་སམ། ཤུགས་སམ། སྨྲ་དངགས་སམ། སྲིད་དུའམ། སྦོམ་དུ་མཉམ་ཞིང་མཚུངས་པར་མཐོང་ངམ། ཀྱེ་ཡུལ་འཁོར་སྐྱོང ། གང་གི་ཚེ་བདག་ལོ་ཉི་ཤུའམ། ལོ་ཉི་ཤུ་རྩ་ལྔ་ལོན་པར་གྱུར་པ་ན། ན་ཚོད་ཀྱིས་གཞོན་ནུ་ཐོར་བུ། ལང་ཚོ་ལ་བབ་པ། སྐྲ་ནག་པ། ཉམས་རྩལ་བདོ་བ་དང་ལྡན་པ་དེ་དང ། ད་ལྟར་གྱི་ལུས་སུ་འདི་ལྟ་སྟེ། ཚེའམ། ཁ་དོག་གམ། སྟོབས་སམ། ཤུགས་སམ། སྲིད་དུའམ། སྦོམ་དུའམ། སྨྲ་དངགས་སུ་མཉམ་ཞིང་མཚུངས་པར་མ་མཐོང་སྟེ། ད་ནི། བདག་ན་ཚོད་ཀྱིས་ལོ་བརྒྱད་ཅུ་ལོན་པས། རྒས་འཁོགས། གཏུགས་ཏ། བར་འགའ་བདག་འདུག་པ་དང ། ལངས་པ་
Kha208b
ཡང་གཞན་གྱི་བྱ་དགོས་སོ། །རྒྱལ་པོ་ཆེན་པོ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། འདི་ལས་དགོངས་ནས་འཇིག་རྟེན་འདི་ཐམས་ཅད་ནི། རྒ་བས་ཉེ་བར་ཁྲིད་པ་ཡིན་ནོ། །ཞེས་གསུངས་པ་དེ། བདག་གིས་ཤེས། མཐོང ། ཐོས། རྟོགས་ནས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ལ་ནི། བདག་རངས་ཏེ་བཟོད་དོ། །ཤེས་ལྡན་ཡུལ་འཁོར་སྐྱོང་གང་ལ་རངས་ཏེ་བཟོད་པ་དེ་ལ་བདག་ཀྱང་རངས་ཏེ་བཟོད་དོ། །གང་ཡང་ཤས་ལྡན་ཡུལ་འཁོར་སྐྱོང་འདི་སྐད་ཅེས། འཇིག་རྟེན་འདི་ནི། རྗེས་སུ་འགྲོ་བ་མེད་པས་སྐྱབས་མེད་པ་ཡིན་ནོ། །ཞེས་གསུངས་པ། བདག་ལ་ནི། བུ་དང ། ཆུང་མ་དང ། བྲན་དང ། ལས་བགྱིད་པ་དང ། བཞད་གད་པ་དང ། སྐྲ་མཁན་དང ། ཁྲུས་མཁན་དང ། འདུལ་སྦྱོང་མཁན་དང ། གླང་པོ་ཆེ་ལ་ཞོན་པ་དང ། རྟ་རྐྱ་དང ། ཤིང་རྟ་པ་དང ། བཤན་ཐོགས་དང ། གཞུ་འཛིན་པ་དང ། འདྲོལ་བུ་དང ། གོ་རེ་ལོང་བགྱིད་པ་དང ། བྲོ་གར་ལེན་པ་རྣམས་དང ། རྒྱལ་པོའི་བུ་དཔའ་བ། རྟུལ་ཕོད་པ། རབ་ཏུ་གནོན་ཚན་པོ་ཆེ་ཆེན་པོ་དང་ལྡན་པ། གང་དག་བདག་གི་གཤེད་མ་ཕྱིར་རྒོལ་བ་མི་མཛའ་བ་དག་མཆིས་པ་སླར་འཇོམས་པར་བགྱིད་པ་མཆིས་ན། འོན་ཀྱང་ཤེས་ལྡན་ཡུལ་འཁོར་སྐྱོང་འདི་སྐད་ཅེས། འཇིག་རྟེན་འདི་ནི། རྗེས་སུ་འགྲོ་བ་མེད་པས་སྐྱབས་མེད་པ་ཡིན་ནོ། །ཞེས་གསུངས་པ་དེ། ཤེས་ལྡན་ཡུལ་འཁོར་སྐྱོང་གིས་
Kha209a
༄#། །ཅི་ལ་དགོངས་ཏེ་གསུངས། རྒྱལ་པོ་ཆེན་པོ། དེའི་ཕྱིར་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་བ་དེ་བཞིན་དུ་ལན་ཐོབ་ཅིག་།རྒྱལ་པོ་ཆེན་པོ། ད་ལྟར་ཁྱོད་ལ་ལུས་ཀྱི་གནོད་པ་འགའ་མཆིས་སམ། ཀྱེ་ཡུལ་འཁོར་སྐྱོང ། བདག་ལ་མཆིས་ཏེ། ད་ལྟར་རླུང་གིས་རྒྱབ་ཏུ་གནོད་དོ། །རྒྱལ་པོ་ཆེན་པོ། གང་གི་ཚེ་རླུང་གིས་རྒྱབ་ཏུ་གནོད་པར་གྱུར་པ་དེའི་ཚེ། བདག་གི་བུ་དང ། ཆུང་མ་དང ། བྲན་དང ། ལས་བྱེད་པ་དང ། བཞད་གད་པ་དང ། སྐྲ་མཁན་དང ། ཁྲུས་མཁན་དང ། འདུལ་སྦྱོང་མཁན་དང ། གླང་པོ་ཆེ་ལ་ཞོན་པ་དང ། རྟ་རྐྱ་དང ། ཤིང་རྟ་པ་དང་བཤན་ཐོགས་དང ། གཞུ་འཛིན་དང ། འདྲོལ་བུ་དང ། གོ་རེ་ལོང་བྱེད་པ་དང ། བྲོ་གར་ལེན་པ་དང ། རྒྱལ་པོའི་བུ་དཔའ་བ། རྟུལ་ཕོད་པ། རབ་ཏུ་གནོན་ཚན་པོ་ཆེ་ཆེན་པོ་དང་ལྡན་པ་གང་དག་ཡིན་པ་ཚུར། བདག་ལ་སྐྱེས་ཤིང་བྱུང་བའི་སྡུག་བསྔལ་དྲག་པོ། རྩུབ་པ། ཚ་བ། མི་བཟོད་པ། ཡིད་དུ་མི་འོང་བའི་ཚོར་བ་རྣམས་ཆོམས་ཤིག་།ཅེས་བགྱིས་ན། འགྲུབ་བམ། ཀྱེ་ཡུལ་འཁོར་སྐྱོང ། མ་ལགས་སོ། །གང་གི་ཚེ་རླུང་གིས་བདག་གི་རྒྱབ་ཏུ་གནོད་པར་གྱུར་པ་དེའི་ཚེ། བདག་གི་བུ་དང ། ཆུང་མ་དང ། བྲན་དང ། ལས་བགྱིད་པ་དང ། བཞད་གད་པ་དང ། སྐྲ་མཁན་དང ། ཁྲུས་མཁན་དང ། འདུལ་སྦྱོང་མཁན་དང ། གླང་པོ་ཆེའི་གཉར་ཞོན་པ་དང ། རྟ་རྐྱ་དང ། ཤིང་རྟ་པ་དང ། བཤན་ཐོགས་དང ། གཞུ་འཛིན་དང ། འདྲོལ་བུ་དང ། གོ་རེ་ལོང་བགྱིད་པ་དང །
Kha209b
བྲོ་གར་ལེན་པ་དང ། རྒྱལ་པོའི་བུ་དཔའ་བ། རྟུལ་ཕོད་པ། རབ་ཏུ་གནོན་ཚན་པོ་ཆེ་ཆེན་པོ་དང་ལྡན་པ་གང་དག་ཡིན་པ་ཚུར་བདག་ལ་བྱུང་ཞིང་སྐྱེས་པའི་སྡུག་བསྔལ་དྲག་པོ་རྩུབ་པ། ཚ་བ། མི་བཟོད་པ། ཡིད་དུ་མི་འོང་བའི་ཚོར་བ་རྣམས་ཆོམས་ཤིག་།ཅེས་བགྱིས་ཀྱང་མི་འགྲུབ་ཀྱི། དེའི་ཚེ་བདག་འབའ་ཞིག་སྡུག་བསྔལ་དྲག་པོ། རྩུབ་བ། ཚ་བ། མི་བཟོད་པ། ཡིད་དུ་མི་འོང་བའི་ཚོར་བ་རྣམས་མྱོང་ངོ ། །རྒྱལ་པོ་ཆེན་པོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེ་འདི་ལས་དགོངས་ནས། འཇིག་རྟེན་འདི་ནི། རྗེས་སུ་འགྲོ་བ་མེད་དེ་སྐྱབས་མེད་པ་ཡིན་ནོ། །ཞེས་གསུངས་པ་དེ་བདག་གིས་ཤེས། མཐོང ། ཐོས། རྟོགས་ནས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ།་དེ་ལ་ནི། བདག་རངས་ཏེ་བཟོད་དོ། །ཤེས་ལྡན་ཡུལ་འཁོར་སྐྱོང་གང་ལ་རངས་ཏེ་བཟོད་པ་དེ་ལ་བདག་ཅག་ཀྱང་རངས་ཏེ་བཟོད་དོ། །གང་ཡང་ཤེས་ལྡན་ཡུལ་འཁོར་སྐྱོང་འདི་སྐད་ཅེས། འཇིག་རྟེན་འདི་ནི། ཐམས་ཅད་བོར་ནས་འགྲོ་བར་འགྱུར་བས་བདོག་པ་མེད་པ་ཡིན་ནོ། །ཞེས་གསུངས་པ། ཀྱེ་ཡུལ་འཁོར་སྐྱོང ། བདག་ཅག་ལ་བུ་དང ། ཆུང་མ་དང ། བྲན་དང ། ལས་བགྱིད་པ་དང་ཞེས་བྱ་བ་ནས་རྒྱལ་པོའི་བུ་རྣམས་མཆིས་ཏེ་ཞེས་བྱ་བའི་བར་གོང་མ་བཞིན་དུའོ། །གང་དག་བདག་མཚན་རྗེ་བཞིན་འབྲེང་ལ། འགྲེང་ན་འགྲེང་བ་དང ། ཉལ་ན་ཞུགས་ཚེ་བགྱིད་པ་དག་མཆིས་ན། འོན་ཀྱང་
Kha210a
༄#། །ཤེས་ལྡན་ཡུལ་འཁོར་སྐྱོང་འདི་སྐད་ཅེས། འཇིག་རྟེན་འདི་ནི། ཐམས་ཅད་བོར་ཏེ་འགྲོ་བར་འགྱུར་བས་བདོག་པ་མེད་པ་ཡིན་ནོ། །ཞེས་གསུངས་པ་དེ། ཤེས་ལྡན་ཡུལ་འཁོར་སྐྱོང་གིས་ཅི་ལས་དགོངས་ཏེ་གསུངས། རྒྱལ་པོ་ཆེན་པོ། དེའི་ཕྱིར་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཅིག་།རྒྱལ་པོ་ཆེན་པོ་ཇི་སྙམ་དུ་སེམས། གང་གི་ཚེ་སྐྱེ་བོ་མང་པོ་ལ་མི་སྡུག་པ། སྐྱེ་བོ་མང་པོ་མི་འདོད་པ། སྐྱེ་བོ་མང་པོ་མི་དགའ་བ། སྐྱེ་བོ་མང་པོའི་ཡིད་དུ་མི་འོང་བ། འཇིག་རྟེན་ཐམས་ཅད་ཀྱི་ཐུན་མོང་འདི་ལྟ་སྟེ། འཆི་བ་ཞེས་བྱ་བའི་ཆོས་དེ་འོངས་པར་གྱུར་པ་དེའི་ཚེ། བདག་གི་བུ་དང ། ཆུང་མ་དང ། བྲན་དང ། ལས་བྱེད་པ་ཞེས་བྱ་བ་ནས་རྒྱལ་པོའི་བུ་དག་ཚུར་ཞེས་བྱ་བའི་བར་དུའོ། །གང་དག་འཇིག་རྟེན་འདི་ནས་འཇིག་རྟེན་ཕ་རོལ་ཏུ་འགྲོ་བའི་ཕྱི་བཞིན་ཤོག་ཅིག་།ཅེས་བགྱིས་ན། འགྲུབ་བམ། ཀྱེ་ཡུལ་འཁོར་སྐྱོང་མ་ལགས་སོ། །ཀྱེ་ཡུལ་འཁོར་སྐྱོང ། གང་གི་ཚེ་སྐྱེ་བོ་མང་པོ་ལ་མི་སྡུག་པ། སྐྱེ་བོ་མང་པོ་མི་འདོད་པ། སྐྱེ་བོ་མང་པོ་མི་དགའ་བ། སྐྱེ་བོ་མང་པོའི་ཡིད་དུ་མི་འོང་བ། འཇིག་རྟེན་ཐམས་ཅད་ཀྱི་ཐུན་མོང་འདི་ལྟ་སྟེ། འཆི་བ་ཞེས་བྱ་བའི་ཆོས་དེ་འོངས་པར་གྱུར་པ་དེའི་ཚེ། བདག་གི་བུ་དང ། ཆུང་མ་དང ། བྲན་དང ། ལས་བགྱིད་པ་རྣམས་དང་ཞེས་བྱ་བ་ནས་རྒྱལ་པོའི་བུའི་བར་གང་དག་ཡིན་པ་ཚུར་ཞེས་བྱ་བའི་བར་དུའོ། །བདག་འཇིག་རྟེན་འདི་ནས་འཇིག་རྟེན་ཕ་རོལ་དུ་མཆི་བའི་ཕྱི་བཞིན་ཤོག་
Kha210b
ཅིག་ཅེས་བགྱིས་ཀྱང་མི་འགྲུབ་སྟེ། བདག་འབའ་ཞིག་འཇིག་རྟེན་འདི་ནས་འཇིག་རྟེན་ཕ་རོལ་ཏུ་མཆི་བར་འགྱུར་རོ། །རྒྱལ་པོ་ཆེན་པོ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཁྱེན་ཅིང་གཟིགས་པ་དེས། འདི་ལས་དགོངས་ནས་འཇིག་རྟེན་འདི་ནི། ཐམས་ཅད་བོར་ཏེ་འགྲོ་བར་འགྱུར་བས། བདོག་པ་མེད་པ་ཡིན་ནོ། །ཞེས་གསུངས་པ་དེ། བདག་གིས་ཤེས། མཐོང ། ཐོས། རྟོགས་ནས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ལ་ནི། བདག་རངས་ཏེ་བཟོད་དོ། ། ཤེས་ལྡན་ཡུལ་འཁོར་སྐྱོང་གང་ལ་རངས་ཏེ་བཟོད་པ་དེ་ལ་བདག་ཀྱང་རངས་ཏེ་བཟོད་དོ། །ཤེས་ལྡན་ཡུལ་འཁོར་སྐྱོང ། གང་ཡང་འདི་སྐད་ཅེས། འཇིག་རྟེན་འདི་ནི། ངོམས་མི་ཤེས་ཤིང་སྲེད་པས་བཀོལ་བས་ཆོག་མི་ཤེས་པ་ཡིན་ནོ། །ཞེས་གསུངས་པ། ཀྱེ་ཡུལ་འཁོར་སྐྱོང ། བདག་སྒྲ་ངན་རྒྱས་པའི་འདི་ཉིད་ལ་ཡོངས་སུ་སྤྱོད་ཅིང ། བཙུན་མོ་མང་པོ་དང ། མཛོད་དང ། བང་མཛོད་རྒྱས་པ་ལ་ཡོངས་སུ་ལོངས་སྤྱོད་ན། འོན་ཀྱང་ཤེས་ལྡན་ཡུལ་འཁོར་སྐྱོང་འདི་སྐད་ཅེས། འཇིག་རྟེན་འདི་ནི། ངོམས་མི་ཤེས་ཤིང་སྲེད་པས་བཀོལ་བས་ཆོག་མི་ཤེས་པ་ཡིན་ནོ། །ཞེས་གསུངས་པ་དེ། ཤེས་ལྡན་ཡུལ་འཁོར་སྐྱོང་གིས་ཅི་ལས་དགོངས་ཏེ་གསུངས། རྒྱལ་པོ་ཆེན་པོ། དེའི་ཕྱིར་ཁྱོད་ཉིད་ལ་དྲིའི། ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་ལན་ཐོབ་ཅིག་།རྒྱལ་པོ་ཆེན་པོ་ཇི་སྙམ་དུ་སེམས། ཁྱོད་འདི་ན་སྒྲ་ངན་རྒྱས་པ་
Kha211a
༄#། །ལ་ཡོངས་སུ་སྤྱོད་ཅིང ། བཙུན་མོ་མང་པོ་དང ། མཛོད་དང ། བང་མཛོད་རྒྱས་པ་ལ་ཡོངས་སུ་སྤྱོད་པ་ལས། ཤར་ཕྱོགས་ནས་མི་ཡིད་གཅུགས་པ། ཡིད་ཆེས་པ་བརྟན་པོ། འཇིག་རྟེན་ལ་མི་སླུ་བ་ཞིག་འོངས་ནས། དེ་འདི་སྐད་ཅེས། ལྷ། བདག་ཤར་ཕྱོགས་ནས་འདིར་མཆི་བ་ན། དེ་ན་བདག་གིས་ལྗོངས་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ།་སྐྱེ་བོ་དང་མི་མང་པོས་རབ་ཏུ་གང་བ་དག་ཅིག་མཐོང་སྟེ། ལྷ། ལྗོངས་དེ་དག་འདི་ལྟ་བུའི་དཔུང་དང ། འདི་ལྟ་བུའི་དབྱིག་དང ། འདི་ལྟ་བུའི་བཞོན་པས་དྲ་མ་དྲངས་ཏེ། བཞོན་པ་དང་ཆོམས་ནས་རྣལ་དུ་དགོད་པར་རུང་ངོ ། །ཞེས་སྨྲ་ན། རྒྱལ་པོ་ཆེན་པོ་ཇི་སྙམ་དུ་སེམས། ཁྱོད་ཡུལ་དེར་དྲ་མ་དྲངས་ཤིང ། དྲངས་ནས་བཅོམ་སྟེ་རྣལ་དུ་དགོད་དམ། ཁྱོད་ལྗོངས་དེ་དག་འདོད་དམ། ཀྱེ་ཡུལ་འཁོར་སྐྱོང ། གལ་ཏེ་བདག་གིས་ལྗོངས་དེ་དག། འདི་ལྟ་བུའི་དབྱིག་དང ། འདི་ལྟ་བུའི་དཔུང་དང ། འདི་ལྟ་བུའི་བཞོན་པས་དྲ་མ་དྲངས་པ་དང ། དྲ་མ་དྲངས་ནས་ཆོམས་པ་དང ། བཅོམ་ནས་རྣལ་དུ་དགོད་དུ་རུང་བར་ཤེས་ན། ལྗོངས་དེ་དག་ཏུ་དྲ་མ་དྲངས་ཤིང ། དྲ་མ་དྲངས་ནས་བཅོམ་ལ། བཅོམ་ནས་རྣལ་དུ་འགོད་དོ། །བདག་ལྗོངས་དེ་དག་ཀྱང་འཚལ་ལོ།། །།འདུལ་བ་གཞི། བམ་པོ་སུམ་ཅུ་ལྔ་པ། རྒྱལ་པོ་ཆེན་པོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་མཁྱེན་ཅིང་གཟིགས་པ་དེས། དེ་ལས་
Kha211b
དགོངས་ནས། འཇིག་རྟེན་འདི་ནི། ངོམས་མི་ཤེས་ཤིང་སྲེད་པས་བཀོལ་བས་ཆོག་མི་ཤེས་པ་ཡིན་ནོ། །ཞེས་གསུངས་པ་དེ་བདག་གིས་ཤེས། མཐོང ། ཐོས། རྟོགས་ནས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ལ་ནི། བདག་རངས་ཏེ་བཟོད་དོ། །ཤེས་ལྡན་ཡུལ་འཁོར་སྐྱོང ། ཁྱོད་གང་ལ་རངས་ཏེ་བཟོད་པ་དེ་ལ། བདག་ཀྱང་རངས་ཏེ་བཟོད་དོ། །ཚེ་དང་ལྡན་པ་ཡུལ་འཁོར་སྐྱོང་གིས་དེ་སྐད་ཅེས་སྨྲས་ནས། གནས་བརྟན་དགྲ་བཅོམ་པས་གཞན་ཡང་འདི་སྐད་ཅེས་སྨྲས་སོ། །འཇིག་རྟེན་དག་ན་ནོར་དང་ལྡན་པའི་མི། །དེ་དག་ཆགས་དང་བཅས་པས་གསོག་བྱེད་ཅིང ། །ནོར་རྣམས་རྙེད་ནས་གཏོང་བར་མི་བྱེད་ལ། །ཕྱིར་ཞིང་འདོད་པ་དོན་དུ་གཉེར་བ་མཐོང ། །མི་དབང་རྒྱ་མཚོ་མཐའ་ཡིས་གཏུགས་པའི་ས། །ཐག་བཅུག་བཅོམ་སྟེ་ཆམ་དུ་ཕབ་ནས་ནི། །རྒྱ་མཚོ་ཚུན་ཆད་ཀྱིས་ཀྱང་མི་ཆོག་སྟེ། །ཆགས་པས་ཕ་རོལ་དོན་དུ་གཉེར་བར་འབད། །མི་དབང་དེ་བཞིན་མི་གཞན་མང་པོ་དག་།ཡོངས་སུ་གཟུང་ལ་ངོམས་པ་ཡོད་མིན་པས། །ཆོག་མི་ཤེས་པས་རང་གི་ལུས་པོར་ཏེ། །སྲེད་དང་མ་བྲལ་བར་ནི་འཆི་བར་འགྱུར། །སྲོག་ནི་ཐེར་ཟུག་མ་ཡིན་ཚེ་ཐུང་སྟེ། །རྒ་བས་གཟིར་བ་ལ་ནི་སྐྱབས་ཡོད་མིན། །འཆི་བ་ལ་ནི་ནོར་རྗེས་འབྲང་མི་འགྱུར། །ཉེ་དུ་མ་ཡིན་གྲོགས་མིན་བུ་མ་ཡིན། །སྤུན་དང་སྲིང་མོ་དེ་བཞིན་གྲོགས་ཀུན་དང ། །སྙིང་དུ་སྡུག་པའི་ཚོགས་ནི་འདུས་ནས་ནི། །ཀྱེ་མ་ཀྱེ་ཧུད་འདི་ནི་ལྷར་གྱུར་ཅེས། །སྐྲ་བཤིག་མཆི་མ་ཅན་གྱི་གདོང་གིས་ངུ ། །དེ་ནི་རས་
Kha212a
༄#། །ཀྱིས་དཀྲིས་ཏེ་ཕྱུང་ནས་ནི། །མེ་འབར་ནས་ནི་དེ་ནས་སྲེག་པར་བྱེད། །རང་གི་ལས་ཀྱིས་སེམས་ཅན་དེ་ཁྲིད་ནས། །དེ་ཡི་ནོར་རྣམས་བགོ་སྐལ་སྤྱོད་པས་འཕྲོག་།འདི་ནི་སྐྱེ་བ་ན་ཡང་གཅིག་པུ་སྐྱེས། །འཆི་བ་ན་ཡང་གཅིག་པུ་འཆིར་འགྱུར་ཞིང ། །གཅིག་པུས་སྡུག་བསྔལ་ཉམས་སུ་འདིར་མྱོང་འགྱུར། །སྐྱེ་བོ་འཁོར་བར་གྲོགས་ཡོད་མ་ཡིན་ནོ། །ཕྱུག་པོའམ་ཡང་ན་བཀྲེན་བའམ་བརྟན་པོའམ། །བུས་པ་དེ་བཞིན་གཉིས་ཀས་རེག་མྱོང་ནས། །བརྟན་པོ་དེ་ཡིས་ནམ་ཡང་གཡོགས་མི་འགྱུར། །བུས་པ་བུས་པ་ཡིན་ཕྱིར་རྟག་ཏུ་གཡོ། །བློ་ཆུང་མི་མཁས་རྗེས་སུ་སློབ་བྱེད་ཅིང ། །དེ་ནས་ལས་རྣམས་གསུམ་པོ་བྱེད་འགྱུར་ཞིང ། །མངལ་དང་འཇིག་རྟེན་ཕ་རོལ་འགྲོ་བར་འགྱུར། །འཁོན་དང་རྗེས་འབྲེལ་སྡུག་བསྔལ་ལས་མི་འགྲོལ། །ཤེས་རབ་ནོར་རྣམས་ཀུན་གྱི་མཆོག་ཏུ་གསུངས། །དེ་ཡིས་བདག་ཉིད་ཤེས་པས་བདག་ཉིད་རིག་།སྲིད་དང་སྲིད་མིན་བདག་ཉིད་མ་རྟོགས་པས། །བླུན་པོ་སྡིག་པའི་ལས་རྣམས་བྱེད་པ་ཡིན། །ཕྲན་ཚེགས་ཐབས་སམ་ཡང་ན་ཆོས་མིན་པའམ། །མཐུ་ཡིས་གཞན་དག་ལས་ནི་གང་འཕྲོག་པ། །ཉེས་བྱས་ལས་བྱེད་འཁོར་བ་ལ་བརྟེན་ནས། །ཉིང་ཏོར་བརྒྱུད་པས་གྲོལ་བར་འགྱུར་མ་ཡིན། །ཇི་ལྟར་རྐུན་པོ་ཁྱིམ་འབིགས་བཟུང་ནས་ནི། །སྡིག་པའི་ལས་ཅན་རང་གི་ལས་ཀྱིས་བཅོམ། །དེ་བཞིན་སྐྱེ་རྒུ་ཉེས་བྱེད་འདི་དང་ནི། །འཇིག་རྟེན་ཕ་རོལ་རང་གི་ལས་ཀྱིས་བཅོམ། །ཤིང་ལས་ཤིང་ཐོག་བཞིན་དུ་མི་རྣམས་ནི། །
Kha212b
གཞོན་དང་བར་མ་རྒན་པོ་རྣམས་ཀྱང་ལྟུང ། །འདོད་པ་སྣ་ཚོགས་སྟུག་ཅིང་ཡིད་འོང་བ། །རང་བཞིན་དེ་ལྟ་བུ་ཡིས་སེམས་རབ་འཇོམས། །འདོད་པ་རྣམས་ཀྱིས་འདི་འཆིང་ཆགས་པར་འགྱུར། །འདོད་པ་ཡོད་ན་འཁོན་དང་འཇིགས་པ་སྐྱེ། །དེ་ལྟས་རྒྱལ་པོ་འདི་ནས་རབ་བྱུང་སྟེ། །དགེ་སྦྱོང་ཉིད་ནི་ཉམས་པ་མེད་མཆོག་ཡིན། །དེ་ནས་རྒྱལ་པོ་ཆེན་པོ་ཀོའུ་རབ་བྱ། ཚེ་དང་ལྡན་པ་ཡུལ་འཁོར་སྐྱོང་གིས་སྨྲས་པ་ལ་མངོན་པར་དགའ་སྟེ། ཡི་རང་ནས་རྐང་པ་གཉིས་ལ་མགོ་བོས་ཕྱག་བྱས་ཏེ་སྟན་ལས་ལངས་ནས་སོང་ངོ ། །བཅོམ་ལྡན་འདས་གླང་པོ་ཆེའི་གྲོང་རྡལ་དུ་བྱོན་པ་དང ། བྲམ་ཟེ་ཞིག་གིས། བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། འོད་ཟེར་ཉི་མ་སྟོང་བས་ལྷག་པ། རིན་པོ་ཆེའི་རི་བོ་འགྲོ་བ་ལྟར་ཀུན་ནས་བཟང་པ་དེ་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་བཅོམ་ལྡན་འདས་ཀྱི་སྤྱན་སྔར་སོང་ནས་ཚིགས་སུ་བཅད་པས་བསྟོད་པར་བརྩམས་པ། གསེར་གྱི་མདོག་ཅན་མིག་ཏུ་སྡུག་པ་དང ། །དགའ་བའི་འབྱུང་གནས་ཡོན་ཏན་ཀུན་དང་ལྡན། །མི་འདུལ་ཁ་ལོ་སྒྱུར་བ་ལྷ་ཡི་ལྷ། །སྲིད་པའི་རྒྱ་མཚོའི་ཕ་རོལ་བྱོན་པ་ལགས། །དེ་ནས་བཅོམ་ལྡན་འདས་ཀྱིས་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་ན་ཞེས་བྱ་བ་ནས་མཛོད་སྤུར་ནུབ་པར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་
Kha213a
༄#། །འདས་ལ་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་བ་བྱས་ནས་ཞུས་པ། ཁ་དོག་སྣ་ཚོགས་སྟོང་གིས་བཀྲ་བ་ཡིས། །ཞེས་བྱ་བ་ནས་ཀུན་དགའ་བོ། དེ་དེ་བཞིན་ཏེ། དེ་དེ་བཞིན་ནོ། །ཞེས་བྱ་བའི་བར་གོང་མ་བཞིན་དུའོ། །ཀུན་དགའ་བོ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་དོ། །ཀུན་དགའ་བོ། ཁྱོད་ཀྱིས་བྲམ་ཟེ་དེ་བཞིན་གཤེགས་པ་ལ་ཚིགས་སུ་བཅད་པས་བསྟོད་པ་གང་ཡིན་པ་མཐོང་ངམ། བཅོམ་ལྡན་འདས་མཐོང་ལགས་སོ། །འདི་དགེ་བའི་རྩ་བ་འདིས་བསྐལ་བ་ཉི་ཤུར་ལོག་པར་ལྟུང་བར་འགྲོ་བར་མི་འགྱུར་ཏེ། འོན་ཀྱང་ལྷ་དང་མི་རྣམས་སུ་ཉིང་མཚམས་སྦྱར་ཞིང་འཁོར་ནས་སྲིད་པ་ཕྱི་མ་དང ། སྐྱེ་གནས་ཕྱི་མ་དང ། ལུས་ཕྱི་མ་དང ། བདག་གི་ངོ་བོ་ཐོབ་པ་ཕྱི་མ་ལ། རང་སངས་རྒྱས་བསྟོད་འོས་ཞེས་བྱ་བར་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བྲམ་ཟེ་འདིས་བཅོམ་ལྡན་འདས་ལ་ཚིགས་སུ་བཅད་པ་གཅིག་གིས་བསྟོད་པ་དང ། བཅོམ་ལྡན་འདས་ཀྱིས་རང་བྱང་ཆུབ་ཏུ་ལུང་བསྟན་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་ལྟར་འབའ་ཞིག་ཏུ་མ་ཟད་ཀྱི། ཇི་ལྟར་འདིས་འདས་པའི་དུས་ན་ཡང་ང་ལ་ཚིགས་སུ་བཅད་པ་གཅིག་གིས་བསྟོད་པས། ངས་གྲོང་མཆོག་
Kha213b
ལྔ་བྱིན་པ་དེ། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །དགེ་སློང་དག་།སྔོན་བྱུང་བ། ཝཱ་ར་ཎཱ་སིའི་གྲོང་ཁྱེར་དུ་རྒྱལ་པོ་ཚངས་སྦྱིན་ཞེས་བྱ་བ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་རབ་ཏུ་གང་བ་ལ་རྒྱལ་སྲིད་བྱེད་དུ་འཇུག་སྟེ། དེ་ལྷག་པར་སྙན་དངགས་ལ་དགའ་བར་གྱུར་ཏོ། །ཝཱ་ར་ཎཱ་སི་ན་བྲམ་ཟེ་སྙན་དངགས་མཁན་གཞན་ཞིག་ཡོད་པ་དེ་ལ། བྲམ་ཟེ་མོས་སྨྲས་པ། བྲམ་ཟེ། གྲང་བའི་དུས་ལ་བབ་ཀྱི། རྒྱལ་པོ་དེའི་སྤྱན་སྔར་སོང་ལ་རྗེས་སུ་མཐུན་པའི་ལེགས་པར་སྨྲ་བ་འགའ་བྱོས་དང ། གལ་ཏེ་ན་གྲང་བའི་སྐྱབས་ཅུང་ཟད་འཐོབ་པར་འགྱུར་རོ། །དེ་སོང་བ་ལས་ཇི་ཙམ་ན། རྒྱལ་པོ་གླང་པོ་ཆེ་ལ་ཞོན་ནས་བྱུང་ངོ ། །བྲམ་ཟེ་དེས་བསམ་པ། ཅི། བདག་གིས་རྒྱལ་པོ་ལ་བསྟོད་དམ། འོན་ཏེ་གླང་པོ་ཆེ་དམ་པ་ལ་སྙམ་པ་ལས་དེ་འདི་སྙམ་དུ་སེམས་ཏེ། གླང་པོ་ཆེ་དམ་པ་འདི་ནི། འཇིག་རྟེན་ཐམས་ཅད་ཀྱིས་སྡུག་ཅིང་ཡིད་དུ་འོང་བ་ཡིན་ལ། རྒྱལ་པོ་ལ་ནི་ཁྱད་པར་དུ་ཡིན་པས། རེ་ཞིག་གླང་པོ་ཆེ་དམ་པ་མངོན་པར་བསྟོད་བར་བྱའོ། །སྙམ་ནས། དེས་ཚིགས་སུ་བཅད་དེ་སྨྲས་པ། ས་སྲུང་བུ་ཡི་ལུས་ཀྱི་ཤ་ཚུགས་ལྟར། །མཚན་མཆོག་ལྡན་པའི་གཟུགས་ནི་ཕུན་སུམ་ཚོགས། །མདོག་དང་ཚད་ཀྱིས་ལུས་ཀྱི་གཟུགས་ལེགས་པ། །གླང་ཆེན་དབང་པོ་བཀྲ་ཤིས་རབ་ཏུ་བསྔགས། །དེ་ནས་རྒྱལ་པོ་མངོན་པར་དགའ་ནས་ཚིགས་སུ་བཅད་དེ་སྨྲས་པ། ཁོ་བོའི་གླང་ཆེན་སྡུག་ཅིང་ཡིད་འོང་བ། །མི་རྣམས་མིག་འཕྲོག་དགའ་
Kha214a
༄#། །བ་སྐྱེད་པ་གང ། །དེ་ལ་ཁྱོད་ཀྱིས་བསྟོད་པའི་ཚིག་སྨྲས་ཀྱི། །ཁྱོད་ལ་གྲོང་གི་མཆོག་ནི་ལྔ་སྦྱིན་ནོ། །དགེ་སློང་དག་།དེའི་ཚེ་དེའི་དུས་ཀྱི་གླང་པོ་ཆེ་དམ་པ་གང་ཡིན་པ་དེ་ནི། ང་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེ་གང་ཡིན་པ་དེ་ནི། བྲམ་ཟེ་འདི་ཉིད་ཡིན་ཏེ། དེ་ན་ཡང་ང་ལ་འདིས་ཚིགས་སུ་བཅད་པ་གཅིག་གིས་བསྟོད་པས། ངས་འདི་ལ་གྲོང་མཆོག་ལྔ་བྱིན་ནོ། ། ད་ལྟར་ཡང་ང་ལ་འདིས་ཚིགས་སུ་བཅད་པ་གཅིག་གིས་བསྟོད་པས། ངས་ཡང་འདིར་རང་བྱང་ཆུབ་ཏུ་ལུང་བསྟན་ཏོ། །གྲོང་ཁྱེར་ཆེན་པོར་གཤེགས་ནས་གྲོང་ཁྱེར་ཆེན་པོར་སངས་རྒྱས་བཞིའི་གདན་ཞེས་བྱ་བའི་བར་རྒྱས་པར་གོང་མ་བཞིན་དུའོ། །ཡུལ་སྲུག་ནར་གཤེགས་པ་དང ། ཡུལ་སྲུག་ན་ན་བྲམ་ཟེ་དབང་པོ་ཞེས་བྱ་བ། གཟུགས་དང ། ལང་ཚོ་དང ། ཐོས་པས་རྒྱགས་པར་གྱུར་ནས་བདག་དང་འདྲ་བ་ནི། འགའ་ཡང་ཡོད་པ་མ་ཡིན་ནོ། །ཞེས་སྒྲོག་ཅིང་རྣམ་པར་སྒྲོག་གོ་།བཅོམ་ལྡན་འདས་ཀྱང་ཕྱོགས་གཞན་ཞིག་ན་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་ཏེ་ཆོས་འཆད་དོ། །བྲམ་ཟེ་དབང་པོ་ཞེས་བྱ་བས། དགེ་སྦྱོང་གོའུ་ཏ་མ་ཡུལ་སྲུག་ནར་བྱོན་ཏོ། །ཞེས་ཐོས་ནས། དེ་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་མ་གཟུགས་བཟང་བ། མཛེས་པ། བལྟ་ན་སྡུག་པ་ཞེས་ཐོས་ཀྱི། ཅི། བདག་ལས་ལྷག་པར་གཟུགས་བཟང་བ་ཡིན་ནམ། འོན་ཏེ་མ་ཡིན་བལྟར་འགྲོའོ། །སྙམ་ནས་དེ་བྱུང་བ་དང ། ཇི་ཙམ་ན་བཅོམ་ལྡན་འདས་སྐུ་སྐྱེས་བུ་ཆེན་པོའི་
Kha214b
མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། འོད་ཟེར་ཉི་མ་སྟོང་བས་ལྷག་པ། རིན་པོ་ཆེའི་རི་བོ་འགྲོ་བ་ལྟར་ཀུན་ནས་བཟང་བ་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་མ་ནི། བདག་པས་གཟུགས་ལྷག་པར་བཟང་མོད་ཀྱི། ཚད་ནི། ལྷག་པར་རིང་བ་ནི། མ་ཡིན་ནོ། །སྙམ་ནས། བཅོམ་ལྡན་འདས་དེའི་གཙུག་ཏོར་བལྟ་བར་བརྩམས་པ་དང ། ཇི་ཙམ་ན་མ་མཐོང་ནས་དེ་ཕྱོགས་ཤིན་ཏུ་མཐོ་བ་ཞིག་ལ་འཛེགས་ན། འོན་ཀྱང་མ་མཐོང་ངོ ། །དེ་ནས་བཅོམ་ལྡན་འདས་ཀྱིས་བྲམ་ཟེ་དབང་པོ་ལ་བཀའ་སྩལ་པ། བྲམ་ཟེ་ཉོན་མོངས་ཀྱི། ཐོང་ཞིག་།གལ་ཏེ་རི་རབ་ཀྱི་རྩེ་ལ་འཛེགས་ཏེ་བལྟས་ཀྱང་འོན་ཀྱང་ཆེས་ཉོན་མོངས་སུ་ཟད་ཀྱི། དེ་བཞིན་གཤེགས་པའི་གཙུག་ཏོར་ནི། མཐོང་བར་མི་འགྱུར་རོ། ། གཞན་ཡང ། ཁྱོད་ཀྱིས་ལྷ་དང་ལྷ་མ་ཡིན་དུ་བཅས་པའི་འགྲོ་བས། སངས་རྒྱས་བཅོམ་ལྡན་འདས་རྣམས་ཀྱི་གཙུག་ཏོར་མི་མཐོང་ངོ ། །ཞེས་ཐོས་སམ། འོན་ཀྱང་གལ་ཏེ་དེ་བཞིན་གཤེགས་པའི་སྐུའི་ཚད་མཐོང་བར་འདོད་ན། ཁྱོད་ཀྱིས་ཁྱིམ་ན་མེའི་སྦྱིན་སྲེག་བྱེད་པའི་འོག་ན། ཙནྡན་ས་མཆོག་ལས་བྱས་པའི་མཆོད་སྡོང་ཉིད་ཡོད་ཀྱི། དེ་ཕྱུང་ལ་གཞོལ་ཅིག་དང་དེ་བཞིན་གཤེགས་པ་ཡབ་དང་ཡུམ་ལས་འཁྲུངས་པའི་སྐུའི་ཚད་ནི། དེ་ཡིན་ནོ། །བྲམ་ཟེ་དབང་པོས་བསམ་པ། དེ་ཡང་ངོ་མཚར་ཞིག་སྟེ། བདག་གིས་ལན་འགའ་ཡང་མ་ཐོས་ན། སོང་སྟེ་བལྟའོ། །སྙམ་ནས། དེ་རིངས་པ་རིངས་པར་སོང་ནས་མེའི་
Kha215a
༄#། །སྦྱིན་སྲེག་བྱེད་པའི་ཐབ་ཀྱི་འོག་ཏུ་བརྐོ་བར་བརྩམས་པ་ལས། དེ་ཐམས་ཅད་དུ་དེ་བཞིན་དུ་གྱུར་ཏོ། །དེ་མངོན་པར་དད་པར་གྱུར་ནས་བསམ་པ། དགེ་སྦྱོང་གོའུ་ཏ་མ་ནི། གདོན་མི་ཟ་བར་ཐམས་ཅད་མཁྱེན་པ་ཡིན་གྱི། སོང་ལ་བསྙེན་བཀུར་བྱའོ། །སྙམ་ནས། དེ་དད་པ་སྐྱེས་ཏེ་བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང་བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ་ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་ཞེས་བྱ་བ་ནས་ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེས་བདེན་པ་མཐོང་ནས་སྨྲས་པ། བཅོམ་ལྡན་འདས་བདག་ནི། འཕགས་སོ། །མངོན་པར་འཕགས་སོ། །བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྔོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བྲམ་ཟེ་དབང་པོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་
Kha215b
འདི་སྐད་ཅེས་གསོལ་ཏོ། །གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་ཙནྡན་ས་མཆོག་གི་མཆོད་སྡོང་གི་དུས་མཆོད་བཤམས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་གནང་གི་།སོང་ལ་ཤོམས་ཤིག་།དེ་ནས་དེས་ས་ཕྱོགས་དབེན་པ་སྐབས་ཡོད་པ་ཞིག་ཏུ་རིམ་གྲོ་ཆེན་པོས་མཆོད་སྡོང་དེ་བསྒྲེངས་ནས་དུས་མཆོད་ཆེན་པོ་བཤམས་སོ། །བྲམ་ཟེ་དང་ཁྱིམ་བདག་གཞན་དག་གིས་ཀྱང ། རྟེན་དགེ་བར་གྱུར་ཅིག་།ཅེས་བྱ་བར་རིག་ནས་རྩཝ་ཀུ་ཤ་བཏགས་ཏེ། བྲམ་ཟེ་དབང་པོས་མཆོད་སྡོང་གི་དུས་མཆོད་བཤམས་པས་ན། དབང་པོའི་དུས་མཆོད་ཅེས་བྱ་བར་གྲགས་སོ། ། གང་གི་ཚེ་བཅོམ་ལྡན་འདས་ཀྱིས་མཉན་ཡོད་དུ་ཆོ་འཕྲུལ་ཆེན་པོ་བསྟན་པས། མུ་སྟེགས་ཅན་རྣམས་ནི། སྤ་བཀོང ། ལྷ་དང་མི་རྣམས་ནི། དགའ་བར་མཛད། སྐྱེ་བོ་དམ་པ་རྣམས་ནི། ཡི་རང་པར་མཛད་པ་དེའི་ཚེ། མུ་སྟེགས་ཅན་རྣམས་བྲོས་ནས་མཐའ་འཁོབ་ཏུ་གནས་ཤིང ། ཁ་ཅིག་ནི། བྲམ་ཟེའི་གྲོང་ཞེས་བྱ་བར་དོང་ནས་གནས་སོ། །དེའི་ཚེ་བཅོམ་ལྡན་འདས་ཀོ་ས་ལའི་ལྗོངས་རྒྱུ་ཞིང་གཤེགས་པ་ན་བྲམ་ཟེའི་གྲོང་དུ་གཤེགས་སོ། །མུ་སྟེགས་ཅན་རྣམས་ཀྱིས། དགེ་སྦྱོང་གོའུ་ཏ་མ་འོང་ངོ ། །ཞེས་ཐོས་སོ། །ཐོས་ནས་ཀྱང་རིངས་པ་རིངས་པར་བྲམ་ཟེ་དང་ཁྱིམ་བདག་རྣམས་ཀྱི་ཁྱིམ་དུ་དོང་སྟེ་ལྷགས་ནས་སྨྲས་པ། ཆོས་ཐོབ་པར་གྱུར་ཅིག་།ཆོས་ཐོབ་པར་གྱུར་ཅིག་།དེ་རྣམས་ཀྱིས་སྨྲས་པ། འཕགས་པ་དག་།དེ་ཅི་ཞིག་།ཁོ་བོ་ཅག་གིས་ཁྱེད་ཀྱི་ཕུན་སུམ་ཚོགས་པ་ནི། མཐོང་གི་།ཇི་སྲིད་རྒུད་པ་མི་
Kha216a
༄#། །མཐོང་བ་དེའི་བར་དུ་འགྲོ་བར་བྱའོ། །དེ་རྣམས་ཀྱིས་སྨྲས་པ། འཕགས་པ་དག་།བདག་ཅག་གི་རྒུད་པ་གང་ལགས། ཤེས་ལྡན་དག་།དགེ་སྦྱོང་གོའུ་ཏ་མ་འཁོར་སྟོང་ཉིས་བརྒྱ་ལྔ་བཅུ་དང་སྤུ་གྲིའི་སེར་བ་འབེབས་ཤིང་འོང་སྟེ། བུ་དང་བཅས་པ་དུ་མ་བུ་མེད་པར་འགྱུར་རོ། །དེ་རྣམས་ཀྱིས་སྨྲས་པ། འཕགས་པ་དག་།གང་གི་ཚེ་ཁོ་ནར་བཞུགས་ཤིང་གྲོགས་བགྱི་བ་ལ་ཐུག་པ་དེ་ཁོ་ནའི་ཚེ་བཞུད་པ་ནི། བཟང་པོ་མ་ལགས་ཏེ། བདག་ཅག་རྣམ་པ་ཐམས་ཅད་དུ་མ་རུང་ངོ ། །དེ་རྣམས་ཀྱིས་སྨྲས་པ། དམ་ཞིག་བཅའ་སྟེ། གལ་ཏེ་དགེ་སྦྱོང་གོའུ་ཏ་མ་གསོད་ན་ནི། འཁོད་པར་བྱའོ། །བཞུགས་ཤིག་།གསད་པར་བགྱིའོ། །ཞེས་དེ་རྣམས་ལག་ན་དབྱུག་པ་དང་གཞུ་ཐོགས། ཁུ་ཚུར་བཅངས། གོ་བགོས་ཏེ་བྱུང་བ་དང ། ལམ་གྱི་དབུས་ན་ཤཱཀྱ་རྒན་པོ་ཞིག་འདུག་པས་མཐོང་ནས་སྨྲས་པ། ཤེས་ལྡན་དག། གང་དུ་འདོང ། དེ་རྣམས་ཀྱིས་སྨྲས་པ། དགྲ་གསད་པའི་ཕྱིར་རོ། །ཁྱེད་ཅག་གི་དགྲ་སུ་ཡིན། དགེ་སྦྱོང་གོའུ་ཏ་མའོ། ། ཤེས་ལྡན་དག་།གལ་ཏེ་བཅོམ་ལྡན་འདས་དགྲ་ཡིན་ན། བྱམས་པ་གཞན་ཅི་འདྲ་བ་ཞིག་ཡིན། །ཤེས་ལྡན་དག་།སླར་ལོག་ཅིག་།དེ་རྣམས་ལྡོག་ཏུ་མ་བཏུབ་པ་དང ། དེས་བསམ་པ། འདི་དག་ནི། ཆོས་བཤད་པའི་འོས་སུ་འགྱུར་བ་མ་ཡིན་གྱི། རྣམ་པ་ཐམས་ཅད་དུ་ཕ་རོལ་གནོན་པ་ཞིག་བྱའོ། །སྙམ་ནས། དེས་རི་བྲག་ཏུ་ཞུགས་ནས་མེ་བཏང་བ་དང ། རི་བྲག་ཀུན་ཚིག་
Kha216b
ནས་ཅ་ཅོ་དང ། ཀུ་ཅོའི་སྒྲ་ཆེན་པོ་བྱུང་བ། དེ་རྣམས་ཀྱིས་ཐོས་ནས་སྡངས་ཏེ་སྨྲས་པ། ཤེས་ལྡན་དག་།བདག་ཅག་དང་དགེ་སྦྱོང་གོའུ་ཏ་མ་ནི། ཐག་རིང་པོ་ཁོ་ན་ཡིན་གྱི། རི་བྲག་འདིར་ནི་ཕུང་པོ་ཆེན་པོ་གཞན་འདི་བྱུང་སྟེ་རི་བྲག་བསྲེགས་ཀྱི། མེ་གསད་ཀྱི། སླར་ལྡོག་གོ་།ཞེས་དེ་རྣམས་ཀྱིས་གསད་པར་བརྩམས་པ་དང ། གསད་པར་མ་ནུས་པ་དང་བཅོམ་ལྡན་འདས་ཀྱང་དེ་ཉིད་དུ་བྱོན་ནས་བཀའ་སྩལ་པ། གནས་འཇོག་དག། འདི་ཅི་བྱེད། བཅོམ་ལྡན་འདས། རི་བྲག་རྣམས་ཞུགས་ཀྱིས་ཚིག་ན། དགུམ་པར་རྔོ་མ་ཐོགས་ལགས་སོ། །ངས་གསད་དམ། བཅོམ་ལྡན་འདས། འགུམ་དུ་གསོལ། བཅོམ་ལྡན་འདས་ཀྱིས་གསུང་ཕྱུང་མ་ཐག་ཁོ་ནར་ཡང་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་མེ་དེ་ཞི་བར་གྱུར་ཏོ། །དེ་རྣམས་མངོན་པར་དད་པར་གྱུར་ནས་གསོལ་བ། བཅོམ་ལྡན་འདས། ཅི་ཞིག་གི་སླད་དུ་གཤེགས་ལགས། ཁྱེད་ཅག་ཁོ་ན་རྗེས་སུ་གཟུང་བའི་ཕྱིར་རོ། །དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང ། བག་ལ་ཉལ་དང་ཁམས་དང ། རང་བཞིན་མཁྱེན་ནས་དེ་དང་འདྲ་བའི་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དེ་ཞེས་བྱ་བ་ནས། ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །ཞེས་བྱ་བའི་བར་གོང་མ་བཞིན་དུའོ། །དགེ་སློང་
Kha217a
༄#། །རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཤཱཀྱ་རྒན་པོ་འདིས་ཉེ་དུ་ལ་ཆགས་པས། བསོད་ནམས་མ་ལགས་པ་མང་དུ་བསགས་ཏེ་རི་བྲག་བསྲེགས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདིས་འདས་པའི་དུས་ན་ཡང་གཉེན་ལ་ཆགས་པས། བསོད་ནམས་མ་ཡིན་པ་མང་དུ་བསགས་ཏེ་རི་བྲག་བསྲེགས་པ་དེ། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །དགེ་སློང་དག་།སྔོན་བྱུང་བ། རི་བྲག་ཅིག་ན་སྤྲེའུ་ལྔ་བརྒྱའི་ཚོགས་གནས་པས། ལོ་ཏོག་སྐྱེས་ཤིང་སྐྱེས་པ་རྣམས་ཆུད་གཟན་ཏོ། །རི་བྲག་ན་གནས་པའི་སྐྱེ་བོའི་ཚོགས་འདུས་ནས་ཕན་ཚུན་དུ་གྲོས་བྱ་བར་བརྩམས་པ། ཤེས་ལྡན་དག་།སྤྲེའུ་རྣམས་ཀྱིས་ལོ་ཏོག་ལ་གནོད་པ་བྱེད་ན། དེ་ལ་ཇི་ལྟར་བསྒྲུབ་པར་བྱ། གཞན་དག་གིས་སྨྲས་པ། སྤྲེའུ་རྣམས་གསད་མོད། དེ་རྣམས་ཇི་ལྟར་གསད་པར་བྱ། རི་བྲག་གི་ཉེན་ཀོར་གྱི་ཤིང་ཐམས་ཅད་བཅད་དེ། ཤིང་ཏིན་ཏུ་ཀ་གཅིག་པུ་ཞིག་བཞག་ལ་ཉེ་འཁོར་རྣམས་ཚེར་མས་བསྐོར་དང ། དེ་ལ་བཟའ་བའི་ཕྱིར་སྤྲེའུ་རྣམས་འཛེག་པར་འགྱུར་ཏེ། དེ་ལྟར་གྱུར་དང ། དེར་དེ་རྣམས་གསད་པར་བྱའོ། །དེ་ནས་དེ་རྣམས་ཀྱིས་རི་བྲག་གི་ཉེན་ཀོར་གྱི་ཤིང་ཐམས་ཅད་བཅད་དེ། ཤིང་ཏིན་ཏུ་ཀ་གཅིག་པུ་བཞག་ནས་ཉེན་ཀོར་རྣམས་ཚེར་མའི་ར་བས་བསྐོར་ཏེ། སྲུང་མ་པའི་མི་བཞག་ནས་བསྒོ་བ། ཁྱེད་ཀྱིས་
Kha217b
གང་གི་ཚེ་སྤྲེའུ་རྣམས་ཚོགས་པར་གྱུར་པ་དེའི་ཚེ་ཁོ་བོ་ཅག་ལ་སྦྲོན་ཅིག་།དེ་ནས་དུས་གཞན་ཞིག་ན་ཤིང་ཏིན་ཏུ་ཀའི་མེ་ཏོག་དང་འབྲས་བུ་ཆགས་ཏེ་སྨིན་པ་དང་སྤྲེའུ་རྣམས་ཀྱིས་སྡེ་དཔོན་ལ་སྨྲས་པ། སྡེ་དཔོན། ཤིང་ཏིན་ཏུ་ཀ་སྨིན་ཅིང་མཆིས་ཀྱི། གསོལ་དུ་གཤེགས་སོ། །དེ་ནས་སྡེ་དཔོན་འཁོར་ལྔ་བརྒྱ་དང་ཤིང་ཏིན་ཏུ་ཀ་དེ་ལ་འཛེགས་ཏེ་ཤིང་ཏིན་ཏུ་ཀ་ལ་བཟའ་བར་བརྩམས་སོ། །དེ་ནས་སྲུང་མའི་མིས་རི་བྲག་ན་གནས་པའི་སྐྱེ་བོའི་ཚོགས་ལ་སྨྲས་པ། ཤེས་ལྡན་དག་།ཤིང་ཏིན་ཏུ་ཀ་ལ་སྤྲེའུ་ཐམས་ཅད་འཛེགས་ནས་ཟ་བར་བྱེད་ཀྱི། ཁྱེད་ཅག་གི་བྱ་བའམ་བྱེད་པ་གང་ཡིན་པ་དེ། གྱིས་ཤིག་།དེ་ནས་རི་བྲག་ན་གནས་པའི་སྐྱེ་བོའི་ཚོགས་ལག་ན་མདའ་གཞུ་དང་དགྲ་སྟ་ཐོགས། ཁུ་ཚུར་བཅངས་ཏེ་རིངས་པར་སོང་ནས་ཤིང་ཏིན་ཏུ་ཀ་གཅད་པར་བརྩམས་པ་དང ། དེ་ནས་སྤྲེའུ་དེ་རྣམས་བྲེད་དེ་མཆོང་བརྒལ་ཞིང་ཤིང་ཀ་ཕན་ཚུན་རྒྱུ་བར་བྱེད་དོ། །སྡེ་དཔོན་ནི། སེམས་ལས་ཆུང་ངུས་ཟ་བར་བྱེད་པ་དང་སྤྲེའུ་དེ་རྣམས་ཀྱིས་དེ་ལ་སྨྲས་པ། སྡེ་དཔོན། བདག་ཅག་ནི། སྡུག་བསྔལ་མི་བཟད་པ་ཉམ་ང་བ་ཐོབ་ཅིང་མཆིས་ཏེ་ཕན་ཚུན་དུ་རྒྱུ་ལགས་ན། ཁྱོད་ཅིའི་སླད་དུ་ཐུགས་ཁྲལ་ཆུང་ངུར་བཞུགས། དེས་ཚིགས་སུ་བཅད་དེ་སྨྲས་པ། བྱ་བ་མང་པོའི་མི་རྣམས་ལ། ། བྱ་བ་མིན་པའང་དེ་དང་འདྲ། །ཤིང་གི་འཕྲོ་ནི་མང་ཡོད་པས། །སེམས་ལས་བསྐྱུངས་ཏེ་བཟའ་བར་གྱིས། །དེ་ནས་ཡང་སྡེ་དཔོན་གྱི་ཕྲུ་གུ་ཞིག་རི་བྲག་དེ་ན་བཅིངས་ཏེ་འདུག་པ་དེ་ལག་པ་འགྲམ་པ་
Kha218a
༄#། །ལ་གཏད་ནས། སེམས་ཁོང་དུ་ཆུད་ཅིང་འདུག་པ་དང ། ཇི་ཙམ་ན་སྤྲེའུ་བཟང་པོ་ཞིག་ཕྱོགས་དེར་འོངས་པ་དང ། དེ་སེམས་ཁོང་དུ་ཆུད་པ་མཐོང་ནས་སྨྲས་པ། གྲོགས་པོ། ཅིའི་ཕྱིར་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད། དེས་སྨྲས་པ། ད་ལྟར་རི་བྲག་ན་གནས་པའི་སྐྱེ་བོའི་ཚོགས་ཐམས་ཅད་ཁོ་བོའི་ཉེ་དུ་གསོད་དུ་དོང་ན། ཅིའི་ཕྱིར་སེམས་ཁོང་དུ་ཆུད་པར་མི་འགྱུར། ཅིའི་ཕྱིར་ཁྱོད་ཀྱིས་ཕ་རོལ་གནོན་པ་མ་བྱས། བཅིངས་ན། ཇི་ལྟར་ཕ་རོལ་གནོན་པར་བྱ། ཁོ་བོས་ཁྱོད་དགྲོལ་ལོ། །ཞེས་དེས་དེ་བཀྲོལ་བ་དང ། དེ་ནས་དེས་རི་བྲག་དེར་མེ་བཏང་སྟེ་རི་བྲག་ཀུན་ཚིག་པས། ཅ་ཅོ་དང ། ཀུ་ཅོའི་སྒྲ་ཆེན་པོ་བྱུང་བ་དེ་རྣམས་ཀྱིས་ཐོས་ནས་སྡངས་ཏེ་སྨྲས་པ། ཤེས་ལྡན་དག་།བདག་ཅག་དང ། སྤྲེའུ་རྣམས་ནི། ཐག་རིང་པོ་ཁོ་ན་ཡིན་གྱི། ཕུང་པོ་ཆེན་པོ་གཞན་འདི་བྱུང་སྟེ་རི་བྲག་བསྲེགས་ཀྱི། མེ་གསད་ཀྱི། སླར་ལྡོག་གོ་།ཞེས་དེ་རྣམས་མེ་གསད་པའི་ཕྱིར་རྒྱུགས་པ་དང ། སྤྲེའུ་རྣམས་ཀྱང་ཤིང་ཏིན་ཏུ་ཀ་ལས་བབས་ནས་བྲོས་སོ། །དགེ་སློང་དག་།ཇི་སྙམ་དུ་སེམས། སྤྲེའུའི་ཕྲུ་གུ་གང་ཡིན་པ་དེ་ནི། ཤཱཀྱ་རྒན་པོ་འདི་ཉིད་ཡིན་ཏེ། དེ་ན་ཡང་འདིས་ཉེ་དུ་ལ་ཆགས་པས་རི་བྲག་བསྲེགས་ལ། ད་ལྟར་ཡང་འདིས་ཉེ་དུ་ལ་ཆགས་པས་རི་བྲག་བསྲེགས་སོ། །ནག་པོའི་གྲོང་ཁྱེར་དུ་གཤེགས་ནས་ནག་པོའི་གྲོང་ཁྱེར་དུ་སངས་རྒྱས་བཞིའི་གདན་ཞེས་བྱ་བ་རྒྱས་པར་གོང་མ་བཞིན་དུའོ། །རོ་ཧི་ཏ་
Kha218b
ཀར་བྱོན་ནས་རོ་ཧི་ཏ་ཀ་ན་གནོད་སྦྱིན་གླང་ཆེན་སྟོབས་ཀྱི་གནས་ན་བཞུགས་སོ། །དེའི་ཚེ་གནོད་སྦྱིན་གླང་ཆེན་སྟོབས། གནོད་སྦྱིན་རྣམས་ཀྱི་གནོད་སྦྱིན་གྱི་མདུན་སར་སོང་བ་དང ། གནོད་སྦྱིན་གླང་ཆེན་སྟོབས་ཀྱིས། བཅོམ་ལྡན་འདས་བསྐྱེད་པར་བྱོན་ནས་རོ་ཧི་ཏ་ཀ་ན་བདག་གི་གནས་ཁོ་ན་ན་བཞུགས་སོ། །ཞེས་ཐོས་སོ། །ཐོས་ནས་ཀྱང ། བཅོམ་ལྡན་འདས་ག་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་གནོད་སྦྱིན་གླང་ཆེན་སྟོབས་ལ། ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད་ཅེས་བྱ་བ་ནས། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནས་གནོད་སྦྱིན་གླང་ཆེན་སྟོབས་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དོ་མོད་བདག་གི་གནས་སུ་བཞུགས་པར་གནང་བར་མཛད་དུ་གསོལ། །བཅོམ་ལྡན་འདས་ཀྱིས་གནོད་སྦྱིན་གླང་ཆེན་སྟོབས་ལ་ཅང་མི་གསུང་བས་གནང་ངོ ། །དེ་ནས་གནོད་སྦྱིན་གླང་ཆེན་སྟོབས་ཀྱིས། བཅོམ་ལྡན་འདས་ཀྱི་ཕྱིར་གཙུག་ལག་ཁང་ལྔ་བརྒྱ་སྤྲུལ་ཏེ། སྟན་ནང་ཚངས་ཅན་དང ། སྔས་ནང་ཚངས་ཅན་དང ། གོར་བུ་ལྔ་བརྒྱ་
Kha219a
༄#། །དང ། ཞུགས་ལིང་ལྔ་བརྒྱ་བཤམས་སོ། །དེ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་ཐབས་གཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། །བཅོམ་ལྡན་འདས་ཀྱིས་གནོད་སྦྱིན་གླང་ཆེན་སྟོབས་ལ་ཅང་མི་གསུང་བས་གནང་ངོ ། །དེ་ནས་གནོད་སྦྱིན་གླང་ཆེན་སྟོབས་ཀྱིས། བཅོམ་ལྡན་འདས་ཅང་མི་གསུང་བས་གནང་བར་རིག་ནས་སྟན་ལས་ལངས་ཏེ་སོང་ནས་དེའི་ནེའུ་ཟླ་ཁ་ཆེ་ཡུལ་གྱི་གནོད་སྦྱིན་སྒྲ་སྒྲོག་ཅེས་བྱ་བ་དེ་ལ་དེས་བསྒོ་བ། ཁོ་བོས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲངས་ཀྱི། བྱང་ཕྱོགས་ཀྱི་འབྲས་བུ་རྣམས་སྐུར་ཅིག་།ཅེས་དེས་ཕོ་ཉ་བཏང་ནས། དེ་ཉིད་ཀྱི་མཚན་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས་ནང་པར་སྔར་ལངས་ཏེ་གཙུག་ལག་ཁང་ཆག་ཆག་དང་ཕྱག་དར་བྱས་ནས་གདན་བཤམས་ཏེ་ནོར་བུའི་ཆུ་སྣོད་བཞག་ནས་ཁང་སྐྱོང་གིས་གཎྜཱི་བརྡུངས་པ་དང ། གནོད་སྦྱིན་སྒྲ་སྒྲོག་གིས་རྒུན་འབྲུམ་གྱིས་སྐོན་པ་བཀང་སྟེ། གནོད་སྦྱིན་རྣམས་ཀྱི་ལག་ཏུ་བསྐུར་ཏེ། དེ་དག་གིས་གཙུག་ལག་ཁང་གི་དབུས་སུ་ཕུང་པོར་སྤུངས་ཏེ་བཞག་གོ་།དགེ་སློང་རྣམས་ཀྱིས་འབྲས་བུ་འདི་དག་ཅིའི་ཡིན་པ་དང ། ཇི་ལྟར་བརྟག་པར་བྱ་བ་མི་ཤེས་ནས་དེ་རྣམས་ཀྱིས་བཅོམ་ལྡན་འདས་ལ་ཞུས་པ་དང ། བཅོམ་ལྡན་འདས་ཀྱིས་བཀའ་སྩལ་
Kha219b
པ། དགེ་སློང་དག་།བྱང་ཕྱོགས་ཀྱི་ནགས་ཀྱི་འབྲས་བུ་རྒུན་འབྲུམ་ཞེས་བྱ་སྟེ། མེས་བརྟག་པ་བྱོས་ལ་རིམས་ཤིག་།དགེ་སློང་རྣམས་འབྲུམ་བུ་རེ་རེ་ནས་བྱེད་པ་དང ། ཤིན་ཏུ་ཡུན་རིང་དུ་ཐོགས་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཕུང་པོ་གཉིས་སམ་གསུམ་དུ་བྱོས་ལ་མེས་རེག་པར་བྱོས་ཤིག་།དེ་ནས་གནོད་སྦྱིན་གླང་ཆེན་སྟོབས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་ཞེས་བྱ་བ་ནས་སྟན་ཆེས་དམའ་བ་ཞིག་བླངས་ཏེ་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་གླང་ཆེན་སྟོབས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་པ་དང ། རྒུན་འབྲུམ་མང་དུ་ལྷག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། རྒུན་འབྲུམ་རྣམས་མཉེས་ལ་ཁུ་བ་བྲིམ་པར་བྱའོ། །འོན་ཀྱང་ལྷག་ནས། བཅོམ་ལྡན་འདས་ཀྱིས་བཀའ་སྩལ་པ། དྲོ་འཇར་བྱས་ཏེ་བཞག་པ་དང ། དགེ་འདུན་གྱི་དུས་མ་ཡིན་པའི་བཏུང་བར་འགྱུར་རོ། །དེ་ནས་བཅོམ་ལྡན་འདས་གཙུག་ལག་ཁང་གི་ཕྱི་རོལ་ཏུ་ཞབས་གཉིས་བཀྲུས་ནས་གཙུག་ལག་ཁང་དུ་ནང་དུ་ཡང་དག་འཇོག་གི་ཕྱིར་ཞུགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་
Kha220a
༄#། །ཏེ། ང་ནི་ཚེ་ཐུང་ངུའི་དུས་ལ་བྱུང་བས་མྱ་ངན་ལས་འདས་པའི་དུས་ལ་བབ་ན། གདུལ་བའི་དོན་བྱ་བ་ནི། རབ་ཏུ་མང་བས་གལ་ཏེ་ང་དགེ་སློང་ཀུན་དགའ་བོ་དང་ཐབས་གཅིག་ཏུ་བྱང་ཕྱོགས་སུ་གཤེགས་ན་ནི། གདུལ་བ་རྣམས་ཀྱི་དོན་བྱ་དཀའ་བར་འགྱུར་གྱི། མ་ལང་ང་གནོད་སྦྱིན་ལག་ན་རྡོ་རྗེ་དང་ལྷན་ཅིག་གཤེགས་པར་བྱའོ། །སྙམ་ནས། དེ་ནས་བཅོམ་ལྡན་འདས་ཀྱིས་གཙུག་ལག་ཁང་གི་ཕྱི་རོལ་ཏུ་ཚིགས་སུ་བཅད་པ་གཉིས་ཀྱིས་གནོད་སྦྱིན་ལག་ན་རྡོ་རྗེ་བོས་པ། དྲན་དང་ལྡན་རྣམས་བཟང་པོར་ཤོག་།དྲན་དང་ལྡན་རྣམས་རྟག་ཏུ་བཟང ། ཞི་བ་ཐོབ་པའི་སེམས་ཀྱིས་ནི། །དྲན་དང་ལྡན་པ་བདེ་བར་ཉལ། །དྲན་དང་ལྡན་རྣམས་བཟང་པོར་ཤོག་།དྲན་དང་ལྡན་རྣམས་རྟག་ཏུ་བཟང ། །རྒྱལ་དང་ཕ་རོལ་རྒྱལ་སྤངས་ནས། །དྲན་དང་ལྡན་པ་བདེ་བར་ཉལ། །བར་སྡོམ་ལ། སྤུངས་པ་ཅན་ན་སངས་རྒྱས་སྟོབས། །རེ་ཏུ་ཀ་ན་ཆོས་སྟོབས་ཏེ། །སིནྡྷུ་ན་ནི་ཕོར་ཆེན་ཞབས། །མགོ་རེག་སྤྱི་བླུགས་སོག་མ་མེད། །ཧུ་ལུ་ཀླུ་དང་དེ་བཞིན་ནགས། །གཉིས་འགྲོགས་དྲང་སྲོང་ཉམས་པ་དང ། །ཀན་ཐ་འབྲས་ཀྱི་གྲོང་ཁྱེར་དུ། །མཆོག་གི་མ་བཏུལ་དབང་ལྡན་རྫ། གསིང་མའི་གནོད་སྦྱིན་ཆེན་པོ་དང ། དེ་བཞིན་བརྩེགས་སྐྱོང་དགའ་འཕེལ་དང ། སྲིད་པའི་ལྷ་དང་གཏུམ་བྱེད་ཀྱི། །བུ་བདུན་རྣམས་ནི་བཏུལ་བ་དང ། །གནོད་སྦྱིན་ཕྱུགས་སྐྱོང་འགྲོ་མགྱོགས་དང ། །ནབ་སོའི་ཀླུ་ལ་གཟུགས་བརྙན་བཏང ། སྤུ་བུ་ཅན་
Kha220b
དང་སྦུབས་ཅན་བཏུལ། །མདུང་ཅན་གྱི་ནི་གྲོང་ཁྱེར་ན། །མདུང་ཅན་ཞེས་བྱའི་གནོད་སྦྱིན་མོ། །འབྲ་གོ་ཅན་དང་རྡུལ་མཆོད་རྟེན། །སོག་མེད་ཚོགས་སུ་བསྡུས་ཏེ་བརྗོད། །དེ་ནས་བཅོམ་ལྡན་འདས་ཀྱིས་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཚུར། བྱང་ཕྱོགས་སུ་ཀླུ་སོགས་མ་མེད་འདུལ་དུ་འདོང་ངོ ། །བཙུན་པ། བཀའ་བཞིན་འཚལ་ཞེས་གནོད་སྦྱིན་ལག་ན་རྡོ་རྗེ་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་གནོད་སྦྱིན་ལག་ན་རྡོ་རྗེ་དང་ཐབས་གཅིག་ཏུ་དེ་ཉིད་ནས་རྫུ་འཕྲུལ་གྱིས་ནམ་མཁའ་ལ་གཤེགས་པ་ན། བཅོམ་ལྡན་འདས་ཀྱིས་རྒྱང་རིང་པོ་ཁོ་ན་ཞིག་ན་ཚལ་སྔོ་ཞིང་སྔོ་བ་སྦྲེངས་པ་དག་གཟིགས་སོ། །གཟིགས་ནས་ཀྱང་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཁྱོད་ཀྱིས་ཚལ་སྔོ་ཞིང་སྔོ་བ་སྦྲེངས་པ་དག་མཐོང་ངམ། བཙུན་པ། མཐོང་ལགས་སོ། །དེ་ནི། ཨུ་ཤའི་རི་ཡིན་ཏེ། ང་ཡོངས་སུ་མྱ་ངན་ལས་འདས་ནས་ལོ་བརྒྱ་ལོན་པ་ན་ཞིག་ནས་དང་རྗེས་སུ་མཐུན་པ་རྣམས་ཀྱི་གནས་མལ་གྱི་མཆོག་།ཏ་མ་སའི་ཚལ་ཞེས་བྱ་བར་འགྱུར་རོ། །དེ་ནས་བཅོམ་ལྡན་འདས་སྤུངས་པ་ཅན་དུ་གཤེགས་སོ། །དེའི་ཚེ་སྤུངས་པ་ཅན་ན་གནོད་སྦྱིན་སངས་རྒྱས་སྟོབས་ཞེས་བྱ་བ་འདུག་པ། སྡིག་པའི་བསམ་པ་ཅན་ཞིག་གནས་པས། སྤུངས་ཅན་ན་གནས་པའི་སྐྱེ་བོའི་ཚོགས་ཀྱིས་མགུ་བར་བྱས་ཀྱང་དེ་དུས་དུས་སུ་གནོད་པ་བྱེད་དོ། །སྤུངས་པ་ཅན་ན་གནས་པའི་སྐྱེ་བོའི་ཚོགས་ཀྱིས་བཅོམ་ལྡན་འདས་སྤུངས་པ་ཅན་དུ་གཤེགས་ནས་ཕྱོགས་ཆེ་གེ་མོ་ན་
Kha221a
༄#། །བཞུགས་སོ། །ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། སྤུངས་པ་ཅན་ན་གནས་པའི་སྐྱེ་བོའི་ཚོགས་ལ་བཅོམ་ལྡན་འདས་ཀྱིས་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་ཏུ་འཇུག་པར་མཛད། ཡང་དག་པར་གཟེངས་བསྟོད་པར་མཛད་ཅེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནས་སྤུངས་པ་ཅན་ན་གནས་པའི་སྐྱེ་བོའི་ཚོགས་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་གསོལ་ཏོ། །བཙུན་པ། གནོད་སྦྱིན་སངས་རྒྱས་སྟོབས་འདི། བདག་ཅག་ལ་ཡུན་རིང་མོ་ཞིག་ནས་ཤ་འཁོན་མ་མཆིས་པར་ནི། ཤ་འཁོན་བགྱིས། འགྲན་ཟླ་མ་ལགས་པར་ནི། འགྲན་ཟླ་བགྱིས། གླགས་མ་བཙལ་བར་ནི། གླགས་ཚོལ་བར་བགྱིད་ལགས་ན། ཀྱེ་མའོ། །བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། གནོད་སྦྱིན་སངས་རྒྱས་སྟོབས་གདུལ་བར་གསོལ། དེའི་ཚེ་གནོད་སྦྱིན་སངས་རྒྱས་སྟོབས་འཁོར་དེ་ཉིད་དུ་འདུས་ཤིང་འདུག་པར་གྱུར་ནས། དེ་ནས་བཅོམ་ལྡན་འདས་ཀྱིས་གནོད་སྦྱིན་སངས་རྒྱས་
Kha221b
སྟོབས་ལ་བཀའ་སྩལ་པ། སངས་རྒྱས་སྟོབས། ཁྱོད་ཀྱིས་ཐོས་སམ། བཅོམ་ལྡན་འདས། བདག་གིས་ཐོས་ལགས་སོ། །སངས་རྒྱས་སྟོབས། ཁྱོད་ཀྱིས་ཐོས་སམ། བདེ་བར་གཤེགས་པ། བདག་གིས་ཐོས་ལགས་སོ། །དམ་པ་མ་ཡིན་པའི་ཆོས་སྡིག་པ་དེ་ལས་ལོག་ཅིག་།བཅོམ་ལྡན་འདས། བདག་ལྡོག་ལགས་སོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་སངས་རྒྱས་སྟོབས་སྐྱབས་སུ་འགྲོ་བ་དང ། བསླབ་པའི་གཞི་རྣམས་ལ་བཞག་གོ་།དེ་ནས་དེས་སྤུངས་པ་ཅན་ཞེས་བྱ་བའི་གནས་མལ་བརྩིགས་སོ། །བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་ཀྱང་ཡོ་བྱད་ཐམས་ཅད་ལྡན་པའི་གཙུག་ལག་ཁང་བརྩིགས་སོ། །བཅོམ་ལྡན་འདས་གཤེགས་པ་དང་གནོད་སྦྱིན་སངས་རྒྱས་སྟོབས་ཞབས་འབྲིང་དུ་ཆས་པ་ལས། བཅོམ་ལྡན་འདས་ཀྱིས་སླར་བཟློག་ནས་བཀའ་སྩལ་པ།་སྐྱེ་བོའི་ཚོགས་འདི་སྲུངས་ཤིག་ངས་ཀྱང་ང་ཡོངས་སུ་མྱ་ངན་ལས་འདས་ནས་ཀྱང་ཅི་ནས་སྤྱན་ལྡིངས་ཏེ་འབབ་པར་འགྱུར་བ་དེ་ལྟར་བྱིན་གྱིས་བརླབ་པར་བྱའོ། །གཞན་དག་གིས་ཀྱང་ཕྱོགས་དེར་མཆོད་རྟེན་བརྩིགས་པས། མཆོད་རྟེན་སྤུངས་པ་ཅན་ཞེས་བྱ་བར་གྲགས་སོ། །རེ་ཏུ་ཀར་བྱོན་ནས་རེ་ཏུ་ཀར་གནོད་སྦྱིན་ཆོས་སྟོབས་ཞེས་བྱ་བ་བཏུལ་ཏེ། དེས་རེ་ཏུ་ཀ་ཞེས་བྱ་བའི་གནས་མལ་བརྩིགས་སོ། །སིནྡྷུར་གཤེགས་པ་དང ། སིནྡྷུ་ན་མཉན་པ་གཞན་ཞིག་ཡོད་པ་དེ། བཅོམ་ལྡན་འདས་ཀྱི་རྫུ་འཕྲུལ་གྱི་ཆོ་འཕྲུལ་གྱིས་དད་པ་བསྐྱེད་དེ། དེ་ནས་དད་པ་སྐྱེས་ནས་བདེན་པ་རྣམས་ལ་བཞག་
Kha222a
༄#། །གོ།་གནོད་སྦྱིན་ཕོར་ཆེན་བཏུལ་ནས་ཞབས་གཉིས་ཀྱིས་བཅགས་པས། ཕོར་ཆེན་ཞབས་ཀྱིས་བཅགས་པ་ཞེས་བྱ་བར་གྲགས་སོ། །དེ་ནས་བཅོམ་ལྡན་འདས་དྲང་སྲོང་རྣམས་ཀྱི་བསྟི་གནས་སུ་གཤེགས་ནས། དེར་དྲང་སྲོང་མགོ་རེག་དང་རིལ་བ་སྤྱི་བླུགས་ཅན་བཏུལ་ནས། བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་གནས་མལ་རིལ་བ་སྤྱི་བླུགས་ཅན་ཞེས་བྱ་བ་བརྩིགས་སོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། ཀླུའི་རྒྱལ་པོ་སོག་མ་མེད་ཀྱི་གནས་གང་ན་བ་དེར་འདོང་ངོ ། །བཙུན་པ། བཀའ་བཞིན་འཚལ་ཞེས་གནོད་སྦྱིན་ལག་ན་རྡོ་རྗེས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་དང་ཀླུའི་རྒྱལ་པོ་སོག་མ་མེད་ཀྱི་གནས་སུ་གཤེགས་སོ། །ཀླུའི་རྒྱལ་པོ་སོག་མ་མེད་ཀྱིས་བཅོམ་ལྡན་འདས་གནས་སུ་གཤེགས་སོ། །ཞེས་ཐོས་སོ། །ཐོས་ནས་ཀྱང་ཁྲོས། འཁྲུགས། རྔམ། ཡི་མ་རང་ནས་སྟེང་གི་ནམ་མཁའ་ལ་མངོན་པར་འཕགས་ཏེ། སེར་བ་དང ། རྡུལ་གྱི་ཆར་དབབ་པར་བརྩམས་པ་དང ། བཅོམ་ལྡན་འདས་ཀྱིས་ཀླུ་འཁྲུགས་སོ། །ཞེས་བྱམས་པ་ལ་སྙོམས་པར་བཞུགས་པ་དང ། ཆར་པ་དེ་དག་ཨ་ཀ་རུའི་ཕྱེ་མ་དང ། ཏ་མ་ལའི་ཕྱེ་མར་གྱུར་ནས་འབབ་པར་བརྩམས་སོ། །དེ་ནས་འཁོར་ལོ་དང ། རྡོ་རྗེ་རྩེ་གཅིག་པ་དང ། མདའ་བོ་ཆེ་དང ། མདུང་ཐུང་ལ་སོགས་ཏེ། མཚོན་ཆ་རྣམས་དབབ་པར་བརྩམས་པ། དེ་དག་ཀྱང་
Kha222b
ལྷའི་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མན་དཱ་ར་བར་གྱུར་ནས་འབབ་པར་བརྩམས་སོ། །དེ་ནས་སོག་མ་མེད་ཀྱིས་ཁྲོ་བའི་མེས་དུ་བ་དབྱུང་བར་བརྩམས་པ་དང ། བཅོམ་ལྡན་འདས་ཀྱིས་ཀྱང་རྫུ་འཕྲུལ་གྱིས་དུད་པ་དབྱུང་བར་བརྩམས་སོ། །དེ་ནས་དེ་སྤུངས་དང ། རྒྱགས་པ་དང ། ང་རྒྱལ་བཅོམ་པར་གྱུར་ནས་གནས་སུ་ཞུགས་ཏེ་འདུག་གོ་།བཅོམ་ལྡན་འདས་ཀྱིས་དགོངས་པ། ཀླུ་གདུག་པ་རྣམས་འདུལ་བར་འགྱུར་བ་ནི། རྒྱུ་རྣམ་པ་གཉིས་ཀྱིས་ཏེ། འཇིགས་པ་དང ། འཁྲུགས་པས་ཡིན་གྱི། མ་ལ་ངས་འདི་འཇིགས་སུ་གཞུག་གོ་།སྙམ་དུ་ཐུགས་སུ་ཆུད་ནས་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། ཀླུའི་རྒྱལ་པོ་སོག་མ་མེད་འཇིགས་པར་གྱིས་ཤིག་།དེ་ནས་གནོད་སྦྱིན་ལག་ན་རྡོ་རྗེས་བཅོམ་ལྡན་འདས་ཀྱི་ལྟར་མཉན་ཏེ། རྡོ་རྗེ་རིའི་རྩེ་མོ་ལ་འཕངས་ནས་རིའི་རྩེ་མོ་བཤིག་སྟེ་ལྷུང་བ་དེས། ཀླུའི་རྒྱལ་པོ་སོག་མ་མེད་ཀྱི་གནས་ནོན་པར་གྱུར་ཏོ། །དེ་ནས་སོག་མ་མེད་སྡངས། སྐྲག་།ཕོངས་ནས་འབྲོས་པར་བརྩམས་པ་དང ། དེ་ནས་བཅོམ་ལྡན་འདས་ཀྱི་མེའི་ཁམས་ལ་སྙོམས་པར་ཞུགས་ནས་ཕྱོགས་ཐམས་ཅད་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ཏོ། །བཅོམ་ལྡན་འདས་ཀྱི་ཞབས་ཀྱི་དྲུང་ན་ཞི་ཞིང་བསིལ་བར་གྱུར་པ་མ་གཏོགས་པར་དེ་གང་དང་གང་དུ་སོང་བ་དེ་དང་དེ་ན་མི་མཐོང་ངོ ། །དེ་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་གཏུགས་
Kha223a
༄#། །ནས་གསོལ་པ། བཅོམ་ལྡན་འདས། ཅི། བདག་ལ་མཐོ་འཚམ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྒ་བའི་ཆོས་ཅན། ཅི་ངས་མཐོ་འཚམ་མམ། གལ་ཏེ་ངས་ཡོན་ཏན་གྱི་ཚོགས་འདི་ལྟ་བུ་དག་མ་ཐོབ་ན་ཁྱོད་ཀྱིས་ང་མིང་ལུས་པར་བྱས་པར་འགྱུར་རོ། །དེ་ནས་བཅོམ་ལྡན་འདས་ཀྱིས། ཕྱག་འཁོར་ལོ་དང ། བཀྲ་ཤིས་དང ། གཡུང་དྲུང་འཁྱིལ་པ་དང ། དྲ་བས་འབྲེལ་པ། བསོད་ནམས་བརྒྱ་ཕྲག་དུ་མས་བསྒྲུབས་པ། འཇིགས་པ་རྣམས་དབུགས་འབྱིན་པར་མཛད་པས་སྤྱི་བོ་ལ་རེག་པར་མཛད་ནས་བཀའ་སྩལ་པ། བཞིན་བཟང ། ཁྱོད་ཀྱིས་བུམ་པ་བཟང་པོ་ལྟ་བུའི་ཉན་ཐོས་ཆེན་པོ་བཞི་ལ་ཟས་བྱིན་ཏེ། སུམ་ཅུ་རྩ་གསུམ་གྱི་ལྷ་གྱ་ནོམ་པ་དག་གི་ནང་དུ་སྐྱེ་བར་འགྱུར་བ་ལས། ཁྱོད་ཀྱིས་སྨོན་ལམ་ལོག་བར་བཏབ་པས་དུད་འགྲོ་རྣམས་སུ་སྐྱེས་ཏེ། རྡེག་པ་དང་གསོད་པ་ལ་ཞེན་ཅིང་ཕ་རོལ་གྱི་སྲོག་འཕྲོག་པ་དང ། ཕ་རོལ་གྱི་སྲོག་ལ་གནོད་པར་བྱེད་པས་འཚོ་བར་བྱེད་ན། འདི་ནས་ཤི་འཕོས་ནས་སེམས་ཅན་དམྱལ་བ་མ་གཏོགས་པར་ཁྱོད་ཀྱི་འགྲོ་བ་ནི། གང་ཞིག་ཡིན། སྐྱེ་བ་ནི། གང་ཞིག་ཡིན། ཚེ་ཕྱི་མ་ནི། གང་ཞིག་ཡིན། བཅོམ་ལྡན་འདས། བདག་གིས་ཅི་ཞིག་བགྱི་བ་བཀའ་སྩལ་དུ་གསོལ། བཞིན་བཟང་ཚུར། ང་ལས་སྐྱབས་སུ་འགྲོ་བ་དང ། བསླབ་པའི་གཞི་རྣམས་བཟུང་ལ་ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ལ་མི་འཇིགས་པ་བྱིན་ཅིག་།བཙུན་པ། བདག་
Kha223b
དེང་སླན་ཆད་བཅོམ་ལྡན་འདས་ཀྱི་སྤྱན་སྔར་སྐྱབས་སུ་མཆི་བ་དང ། བསླབ་པའི་གཞི་རྣམས་མནོས་ནས་ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ལ་ཡང་མི་འཇིགས་པ་སྩལ་བར་བགྱིའོ། ། དེ་ནས་དེའི་ཆུང་མ་དང ། བུ་མོ་དང ། མནའ་མ་རྣམས་ཀྱིས་གསོལ་པ། བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་བདག་ཅག་ཀྱང་སྐྱབས་སུ་མཆི་ཞིང་བསླབ་པའི་གཞི་རྣམས་ནོད་ལགས་སོ། །བཅོམ་ལྡན་འདས་ཀྱིས་དེ་རྣམས་ལ་སྐྱབས་སུ་འགྲོ་བ་དང ། བསླབ་པའི་གཞི་རྣམས་བྱིན་ནོ། །དེའི་བུ་རི་བོས་གསོལ་པ། བཅོམ་ལྡན་འདས་བདག་ཀྱང་སྐྱབས་སུ་མཆི་བ་དང ། བསླབ་པའི་གཞི་རྣམས་ནོད་ལགས་སོ། །སོག་མ་མེད་ཀྱིས་གསོལ་པ། བཅོམ་ལྡན་འདས། བདག་ཅག་ཀླུ་རྣམས་ནི། མི་མཛའ་བ་མང་བ་ལགས་ཀྱི། རི་བོ་ལ་སྐྱབས་སུ་མཆི་བ་སྩལ་ཅིང ། བསླབ་པའི་གཞི་རྣམས་ནི། མི་དབོག་པར་གསོལ། འདི་དག་ཅག་སྲུང་བར་འགྱུར་ལགས་སོ། །བཅོམ་ལྡན་འདས་ཀྱིས་དེ་ལ་སྐྱབས་སུ་འགྲོ་བ་བྱིན་ནོ། །དེ་ནས་གནོད་སྦྱིན་ལག་ན་རྡོ་རྗེས། སོག་མ་མེད་གྲོགས་པོ་དང ། གཉེན་མེད་པ་དང ། མཛའ་བཤེས་རྣམས་འདུལ་བར་གྱུར་པ་མཐོང་ནས་ཡིད་རབ་ཏུ་དགའ་བས་གར་བྱས་ཏེ་སྨྲས་པ། ཁྲོས་པས་ལྕེ་བསྐྱོད་མགོ་མང་བསྐུལ་ནས་མཚོན་ཆའི་འཁོར་ལོ་འབེབས། །རང་གནས་སྐྱེས་བུ་རང་ལ་ཕྱོགས་པ་རི་མཐོ་རྩེ་ལྟ་བུ། །དུ་མའི་ཚོགས་ལྷགས་ངལ་ཆད་དབུགས་བརྫངས་བཟུར་ཅིང་ལྟ་བྱེད་པ། །སྦྲུལ་བདག་སོག་མ་མེད་དེ་
Kha224a
༄#། །དྲང་སྲོང་བཀའ་བཙན་རྣམས་ཀྱིས་བཏུལ། །དེ་ནས་བཅོམ་ལྡན་འདས་ཀྱིས་སོག་མ་མེད་འཁོར་དྲུག་ཁྲི་དང་བཅས་པ་བཏུལ་ནས་གདན་ལས་བཞེངས་ཏེ་གཤེགས་པ་དང ། བཅོམ་ལྡན་འདས་ཀྱིས་ཚལ་སྔོ་ཞིང་སྔོ་བ་སྦྲེངས་པ་དག་གཟིགས་སོ། །གཟིགས་ནས་ཀྱང་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། ཁྱོད་ཀྱིས་ཚལ་སྔོ་ཞིང་སྔོ་བ་སྦྲེངས་པ་དག་མཐོང་ངམ། བཙུན་པ། མཐོང་ལགས་སོ། །ལག་ན་རྡོ་རྗེ། དེ་ནི། ཁ་ཆེའི་ཡུལ་ཡིན་ཏེ། ང་ཡོངས་སུ་མྱ་ངན་ལས་འདས་ནས་ལོ་བརྒྱ་ལོན་ནས་དགེ་སློང་ཀུན་དགའ་བོའི་ལྷན་ཅིག་གནས་པ། དགེ་སློང་ཉི་མའི་གུང་ཞེས་བྱ་བ་འབྱུང་བར་འགྱུར་ཏེ། དེས་ཀླུ་གདུག་པ་ཧུ་ལུ་དུ་བཏུལ་ནས་ཐབས་བཤམས་ཏེ། དེ་ལས་སྐྱིལ་མོ་ཀྲུང་ཤོང་བའི་ས་བླངས་ནས་ཁ་ཆེའི་ཡུལ་ཀུན་ཏུ་བསྟན་པ་འཇོག་པར་འགྱུར་རོ། །ངའི་ལྷག་མཐོང་དང་རྗེས་སུ་མཐུན་པའི་གནས་མལ་གྱི་ནང་ན་འདི་ལྟ་སྟེ། ཁ་ཆེའི་ཡུལ་མཆོག་ཏུ་འགྱུར་ཏེ། གྲོང་ཁྱེར་དང ། གྲོང་རྡལ་དྲུག་ཁྲི་དང ། གྲོང་རྡལ་དྲུག་སྟོང་དང ། གྲོང་རྡལ་དྲུག་ཅུ་རྩ་གསུམ་པོ་འདི་རྣམས་ནི། ཁ་ཆེའི་ཡུལ་ཡིན་ནོ། །ཡུལ་གཉིས་འགྲོགས་སུ་དྲང་སྲོང་དང་གནོད་སྦྱིན་ཉམས་པ་འཁོར་དང་བཅས་པ་བཏུལ་ལོ། །ཡུལ་ཀན་ཐར་གནོད་སྦྱིན་མོ་འཁོར་དང་བཅས་པ་བཏུལ་ཏོ། །འབྲས་ཀྱི་གྲོང་ཁྱེར་དུ་བྱོན་ནས་འབྲས་ཀྱི་གྲོང་ཁྱེར་དུ་རྒྱལ་པོ་སྡེ་མཆོག་གི་མ་བདེན་པ་རྣམས་ལ་རབ་ཏུ་བཞག་གོ་།ཡུལ་དབང་ལྡན་དུ་བྱོན་ཏེ་དབང་ལྡན་ན་རྫ་མཁན་གཞན་
Kha224b
ཞིག་ཡོད་པ་དེ། བཟོས་ཤིན་ཏུ་རྒྱགས་ཏེ། སྣོད་རྣམས་བསྐམས་ནས་འཁོར་ལོ་ལས་འགོགས་པར་བྱེད་དོ། །བཅོམ་ལྡན་འདས་ཀྱིས་དེ་འདུལ་བའི་དུས་མཁྱེན་ནས། རྫ་མཁན་གྱི་ཆ་བྱད་ཉིད་དུ་མངོན་པར་སྤྲུལ་ཏེ། དེ་དང་ལྷན་ཅིག་གཏམ་བྱ་བར་བརྩམས་པ། ཁྱོད་ཀྱིས་སྣོད་ཅི་འདྲ་བ་དག་ཅིག་འཁོར་ལོ་ལས་འབེབས་པར་བྱེད། དེས་གསོལ་པ། བསྐམས་ནས་འབེབས་སོ། །ང་ཡང་བསྐམས་ནས་འབེབས་སོ། །ཁྱོད་དང་བདག་མཉམ་ལགས་སོ། །འདི་ཁོ་ནར་ཟད་དམ་ཅི། ང་ནི། སོ་བཏང་ནས་ཀྱང་འབེབས་སོ། །ཁྱོད་ལྷག་གོ་།སོ་བཏང་བ་འབའ་ཞིག་ཏུ་ཡང་མ་ཟད་དོ། །འོ་ན་ཅི་ཞེ་ན། གསེར་དང ། དངུལ་དང ། བཻཌཱུརྱ་དང ། ཤེལ་གྱི་རང་བཞིན་དུ་ཡང་བྱེད་དོ། །དེ་མངོན་པར་དད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་རྫ་མཁན་གྱི་ཆ་བྱད་མི་སྣང་བར་མཛད་དེ། རང་བཞིན་གྱི་ཆ་བྱད་དུ་ཞུགས་ནས་དེ་འཁོར་གྱི་སྐྱེ་བོ་དང་བཅས་ཏེ་བདེན་པ་རྣམས་ལ་རབ་ཏུ་བཀོད་དོ། །གསིང་མ་ཅན་དུ་གཤེགས་ནས་གསིང་མ་ཅན་དུ་གནོད་སྦྱིན་ཆེན་པོ་འཁོར་དང་བཅས་པ་སྐྱབས་སུ་འགྲོ་བ་དང ། བསླབ་པའི་གཞི་རྣམས་ལ་རབ་ཏུ་བཞག་གོ་།བརྩེགས་སྐྱོང་དུ་ཀླུ་བ་ལང་སྐྱོང་དང་དགར་བ་གཉིས་སོ། །དགའ་འཕེལ་དུ་གཤེགས་ནས་དགའ་འཕེལ་དུ་རྒྱལ་པོ་སྲིད་པའི་ལྷ་འཁོར་དང་བཅས་པ་དང ། གཏུམ་བྱེད་ཀྱི་བུ་བདུན་དང ། གནོད་སྦྱིན་ས་འཚོ་བདེན་པ་དག་ལ་རབ་ཏུ་བཀོད་དོ། །དེ་ན་མཚོ་ཆེན་པོ་ཡོད་པ་གང་ཡིན་པ་དེ་ན་འགྲོ་མགྱོགས་དང་ནབ་སོ་གཉིས་ཀླུའི་སྐྱེ་གནས་སུ་སྐྱེས་ཏེ་ལོ་བཅུ་གཉིས་འདས་
Kha225a
༄#། །ཤིང་སྟེང་དུ་བྱུང་སྟེ་འཁྲུག་པས་འདི་སྐད་ཅེས། བཅོམ་ལྡན་འདས་ཀྱིས་བདག་ཅག་ལ་ཆོས་མ་བཤད་པས། དེས་ན་བདག་ཅག་རྣམ་པར་ལྷུང་བ་ཀླུའི་སྐྱེ་གནས་སུ་སྐྱེས་ཀྱི།་ཅི་ནས་ཀྱང་བདག་ཅག་གིས་དེའི་བསྟན་པ་ཞིག་པར་བྱའོ། །ཞེས་སྨྲའོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀླུ་འགྲོ་མགྱོགས་དང་ནབ་སོ་ནི། འདི་ལྟར་མཐུ་ཆེ་ཞིང ། རྫུ་འཕྲུལ་ཆེ་བ་ཡིན་པས། ང་ཡོངས་སུ་མྱ་ངན་ལས་འདས་ནས་ངའི་བསྟན་པ་ཐལ་བར་བརླག་པར་འགྱུར་བ་གང་ཡིན་པའི་གནས་འདི་ཡོད་དོ། །སྙམ་དུ་མཁྱེན་ནས། བཅོམ་ལྡན་འདས་ཀླུ་འགྲོ་མགྱོགས་དང་ནབ་སོ་གཉིས་ག་ལ་བ་དེར་གཤེགས་ཏེ་བྱོན་ནས་འགྲོ་མགྱོགས་དང་ནབ་སོ་གཉིས་ལ་བཀའ་སྩལ་པ། འགྲོ་མགྱོགས་དང་ནབ་སོ། །ཚིག་བཞི་པའི་ཆོས་ཀྱི་རྣམ་གྲངས་ཞེས་བྱ་བ་ཡོད་པ་བཤད་ཀྱི། ཤེས་པར་བྱོས་ཤིག་།བཙུན་པ། བདག་ཅག་དམ་པའི་ཆོས་འཚལ་བར་བགྱིད་པ་སུ་ཞིག་མཆིས་སྙམ་དུ་རིག་ནས་དེ་ཉིད་དུ་སླར་ཞུགས་ཏེ། དེ་གཉིས་འདི་སྙམ་དུ་སེམས་སོ།། བཅོམ་ལྡན་འདས་ཀྱིས་བདག་ཅག་ལ་ཆོས་བཤད་ན། བདག་ཅག་གིས་རྣམ་པར་མ་ཤེས་སོ། །སྙམ་པ་དང ། བཅོམ་ལྡན་འདས་ཀྱིས་ཕྱོགས་དེར་སྐུའི་གཟུགས་བརྙན་བཏང་ནས་འགྲོ་མགྱོགས་དང་ནབ་སོ་གཉིས་ཀྱིས་དེ་ལ་བལྟས་ཤིང་བཅོམ་ལྡན་འདས་ད་དུང་བཞུགས་པ་ལྟ་ཞེས་སླར་ཡང་དང་ཡང་དུ་ཞུགས་སོ། །ཕྱོགས་དེ་ཉིད་དུ་བཅོམ་ལྡན་འདས་ཀྱིས་གནོད་སྦྱིན་མོ་སྤུ་བུ་ཅན་དང་
Kha225b
སྦུབས་ཅན་གཉིས་བཏུལ་ཏོ། །མདུང་ཅན་གྱི་གྲོང་ཁྱེར་དུ་གཤེགས་སོ། །མདུང་ཅན་གྱི་གྲོང་ཁྱེར་ན་གནོད་སྦྱིན་མོ་མདུང་ཅན་ཞེས་བྱ་བ་ཁྲོ་ཞིང་གཏུམ་ལ་གཟུ་ལུམས་ཅན་ཞིག་གནས་པས། མདུང་ཅན་གྱི་གྲོང་ཁྱེར་གྱི་བྲམ་ཟེ་དང ། ཁྱིམ་བདག་རྣམས་ཀྱི་བུ་བཙས་ཤིང་བཙས་པ་དག་ཟ་བར་བྱེད་དོ། །མདུང་ཅན་གྱི་གྲོང་ཁྱེར་གྱི་བྲམ་ཟེ་དང ། ཁྱིམ་བདག་རྣམས་ཀྱིས། བཅོམ་ལྡན་འདས་འདས་མདུང་ཅན་གྱི་གྲོང་ཁྱེར་དུ་གཤེགས་ནས་ཕྱོགས་ཆེ་གེ་མོ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་ཚོགས་ནས་ཚོགས་དང ། ཁྱུ་ནས་ཁྱུར་འཕྲད་ཅིང་འདུས་ནས་མདུང་ཅན་གྱི་གྲོང་ཁྱེར་ནས་བྱུང་སྟེ་བཅོམ་ལྡན་འདས་གང་ན་བ་དེར་སོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་མདུང་ཅན་གྱི་གྲོང་ཁྱེར་གྱི་བྲམ་ཟེ་དང ། ཁྱིམ་བདག་རྣམས་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནས་མདུང་ཅན་གྱི་གྲོང་ཁྱེར་གྱི་བྲམ་ཟེ་དང ། ཁྱིམ་བདག་རྣམས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། །།འདུལ་བ་གཞི། བམ་པོ་སོ་དྲུག་པ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་ཅག་གདུགས་
Kha226a
༄#། །ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ་ཞེས་བྱ་བ་ནས་བཅོམ་ལྡན་འདས་ཀྱིས་ཞལ་ཟས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུའོ། །གསེར་གྱི་བྱ་མ་བུམ་བླངས་ཏེ་བཅོམ་ལྡན་འདས་ཀྱི་སྤྱན་སྔར་གསོལ་བ་གདབ་པའི་ཕྱིར་འཁོད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཀླུ་གདུག་པ་དང་གནོད་སྦྱིན་གདུག་པ་དེ་དང་དེ་རྣམས་ནི། བཏུལ་ལགས་ན། བཙུན་པ། གནོད་སྦྱིན་མོ་མདུང་ཅན་ཞེས་བགྱི་བ་འདི། བདག་ཅག་ལ་ཡུན་རིང་མོ་ཞིག་ནས་ཤ་འཁོན་མ་མཆིས་པར་ནི། ཤ་འཁོད་དུ་བགྱིས། འགྲན་ཟླ་མ་ལགས་པར་ནི། འགྲན་ཟླ་བགྱིད། གླགས་མ་བཙལ་བར་ནི། གླགས་ཚོལ་བར་བགྱིད་དེ། བྱིས་པ་བཙས་ཤིང་བཙས་པ་རྣམས་འཕྲོག་པར་བགྱིད་ལགས་ན། ཀྱེ་མའོ། ། བཅོམ་ལྡན་འདས་ཐུགས་བརྩེ་བར་ཉེ་བར་བཟུང་སྟེ། གནོད་སྦྱིན་མོ་མདུང་ཅན་གདུལ་བར་གསོལ། དེའི་ཚེ་གནོད་སྦྱིན་མོ་མདུང་ཅན་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་མོ་མདུང་ཅན་ལ་བཀའ་སྩལ་པ། མདུང་ཅན་ཁྱོད་ཀྱིས་ཐོས་སམ། བཅོམ་ལྡན་འདས། བདག་གིས་ཐོས་ལགས་སོ། །མདུང་ཆེན། ཁྱོད་ཀྱིས་ཐོས་སམ། བདེ་བར་གཤེགས་པ།་བདག་གིས་ཐོས་ལགས་སོ། །དམ་པ་མ་ཡིན་པའི་ཆོས་སྡིག་པ་དེ་ལས་ལོག་ཅིག་།བཙུན་པ། དམ་ཞིག་བཅས་ཏེ། གལ་ཏེ་འདི་དག་བདག་ཅག་གི་སླད་དུ་གཙུག་ལག་ཁང་རྩིག་པར་བགྱིད་ན།
Kha226b
བདག་ལྡོག་པར་བགྱིའོ། །དེ་ནས་བཅོམ་ལྡན་འདས་ཀྱིས་མདུང་ཅན་གྱི་གྲོང་ཁྱེར་གྱི་བྲམ་ཟེ་དང་ཁྱིམ་བདག་རྣམས་ལ་བཀའ་སྩལ་པ། བྲམ་ཟེ་དང་ཁྱིམ་བདག་།ཁྱེད་ཀྱིས་ཐོས་སམ། བཅོམ་ལྡན་འདས། ཐོས་ལགས་སོ། །ཁྱེད་ཅག་གིས་ཇི་ལྟར་བསྒྲུབ་པར་བྱ། བཅོམ་ལྡན་འདས། རྩིག་ལགས་སོ། །བདེ་བར་གཤེགས་པ། རྩིག་ལགས་སོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་མོ་མདུང་ཅན་འཁོར་དང་བཅས་ཏེ་བཏུལ་ནས་གཤེགས་སོ། །འབྲ་གོ་ཅན་དུ་གཤེགས་པ་དང ། འབྲ་གོ་ཅན་ན་བྱིས་པ་ཆུང་ངུ་དག་ཅིག་རྡུལ་གྱི་མཆོད་རྟེན་ལ་རྩེ་བར་བྱེད་དོ། །བཅོམ་ལྡན་འདས་ཀྱིས་བྱིས་པ་ཆུང་ངུ་དག་རྡུལ་གྱི་མཆོད་རྟེན་ལ་རྩེ་བ་གཟིགས་སོ། །གཟིགས་ནས་ཀྱང ། ཡང་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། ཁྱོད་ཀྱིས་བྱིས་པ་ཆུང་ངུ་རྡུལ་གྱི་མཆོད་རྟེན་ལ་རྩེ་བ་དག་མཐོང་ངམ། བཙུན་པ། མཐོང་ལགས་སོ། །ལག་ན་རྡོ་རྗེ། ང་ཡོངས་སུ་མྱ་ངན་ལས་འདས་ནས་ལོ་བཞི་བརྒྱ་ལོན་པ་ན། འདིར་ཀུ་ཤ་ནའི་རིགས་ཀྱི་རྒྱལ་པོ་ཀ་ནི་སྐ་ཞེས་བྱ་བ་བྱེད་པར་འགྱུར་པ་དེས། ཕྱོགས་འདིར་མཆོད་རྟེན་བརྩིགས་པར་འགྱུར་ཏེ། དེའི་མིང་ཀ་ནི་སྐའི་མཆོད་རྟེན་ཞེས་བྱ་བར་འགྱུར་ཞིང ། ང་ཡོངས་སུ་མྱ་ངན་ལས་འདས་ན་ཡང་སངས་རྒྱས་ཀྱིས་བྱ་བ་བྱེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་རོ་ཧི་ཏ་ཀ་ནས་ཀླུའི་རྒྱལ་པོ་སོག་མ་མེད་ཀྱི་གནས་ཀྱི་བར་དུ་སྲོག་ཆགས་ས་ཡ་ཕྲག་བདུན་དང་འབུམ་ཕྲག་བདུན་བཏུལ་ནས་རོ་ཧི་ཏ་ཀར་གཤེགས་ཏེ། གཙུག་ལག་ཁང་དུ་ཞུགས་ནས་ནང་དུ་ཡང་དག་བཞག་གོ་།བཅོམ་ལྡན་
Kha227a
༄#། །འདས་དགོངས་ཀ་ནང་དུ་ཡང་དག་འཇོག་ལས་བཞེངས་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། དང་པོའི་རྒྱལ་སྲིད་གང་ན་བ་དེར་འདོང་ངོ ། ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ཀྱིས་སྔར་ནི། འདི་སྐད་ཅེས། ཀུན་དགའ་བོ། བྱང་ཕྱོགས་སུ་ཀླུའི་རྒྱལ་པོ་སོག་མ་མེད་འདུལ་དུ་འདོང ། བྱང་ཕྱོགས་ན་ནི། ཕན་ཡོན་རྣམ་པ་ལྔ་ཡོད་དོ། །ཞེས་གསུངས་ལ། ད་བཅོམ་ལྡན་འདས་ཀྱིས་འདི་སྐད་དུ། ཀུན་དགའ་བོ། དང་པོའི་རྒྱལ་སྲིད་གང་ན་བ་དེར་འདོང་ངོ ། ། ཞེས་གསུངས་ན། དེ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། །ང་གནོད་སྦྱིན་ལག་ན་རྡོ་རྗེ་དང་ཐབས་གཅིག་ཏུ་བྱང་ཕྱོགས་སུ་གཤེགས་ནས་ཏ་མ་སའི་ཚལ་རྣམས་ལུང་བསྟན་ཏོ། །ཞེས་བྱ་བ་ནས་རྡུལ་གྱི་མཆོད་རྟེན་ལུང་བསྟན་ཏོ། །ཞེས་བྱ་བའི་བར་དུའོ། །ཀུན་དགའ་བོ། རོ་ཧི་ཏ་ཀ་ནས་ཀླུའི་རྒྱལ་པོ་སོག་མ་མེད་ཀྱི་གནས་ཀྱི་བར་དུ་དེ་བཞིན་གཤེགས་པས།་སྲོག་ཆགས་ས་ཡ་ཕྲག་བདུན་དང ། འབུམ་ཕྲག་བདུན་བཏུལ་ཏོ། །བྱང་ཕྱོགས་ན་ནི། ཉེས་དམིགས་ལྔ་ཡོད་དོ། །མཐོ་ན་དམན་ཅན་དང ། སྡོང་དུམ་དང ། ཚེར་མས་གང་བ་དང ། རྡོ་བ་དང།་གསེག་མ་དང ། གྱོ་མོ་མང་བ་དང ། ཁྱི་ཟ་བ་དང ། བུད་མེད་གནས་ངན་ལེན་ཀུན་ཏུ་སྤྱོད་པའོ། །སྡོམ་ལ། དང་པོའི་རྒྱལ་སྲིད་རྟག་བཟང་དང ། བཅོམ་དང་ནི་ཨོ་ཏ་ལའི། །ཀུན་དགའ་
Kha227b
ར་བ་དགྲ་མཐའ་དང ། །ཚུགས་པར་དཀའ་དང་གངྒཱའི་ཆུ། །ཡི་དྭགས་དུས་དཔག་ཕྱི་མ་ཡིན། །དེ་ནས་བཅོམ་ལྡན་འདས་ཡུལ་དཔའ་སྡེ་ནས་ལྗོངས་རྒྱུ་ཞིང་གཤེགས་པ་ན་དང་པོའི་རྒྱལ་སྲིད་དུ་གཤེགས་ནས།་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཕྱོགས་འདིར་རྒྱལ་པོ་མང་པོས་བསྐུར་བ། དང་པོར་རྒྱལ་སྲིད་ཀྱི་དབང་བསྐུར་བས་དབང་བསྐུར་བ་དེ་ནི།་དང་པོའི་རྒྱལ་པོ་ཡིན་ནོ། །དེའི་ཕྱིར་འདི་དང་པོའི་རྒྱལ་སྲིད་ཅེས་བྱ་བར་གྲགས་སོ། །རྟ་བཟང་དུ་གཤེགས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཕྱོགས་འདིར་རྒྱལ་པོ་མང་པོས་བཀུར་བའི་རྟ་བཟང་པོ་རིན་པོ་ཆེ་བྱུང་སྟེ། དེའི་ཕྱིར་འདི་རྟ་བཟང་ཞེས་བྱ་བར་གྲགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། །བཅོམ་བརླག་གང་ན་བ་དེར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏེ། དེ་ནས་བཅོམ་ལྡན་འདས་བཅོམ་བརླག་ཏུ་གཤེགས་པ་དང ། བཅོམ་ལྡན་འདས་ཀྱིས་རྒྱང་རིང་པོ་ཁོ་ན་ཞིག་ན་ཚལ་སྔོ་ཞིང་སྔོ་བ་སྦྲེངས་པ་དག་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།་ཀུན་དགའ་བོ། །ཁྱོད་ཀྱིས་ཚལ་སྔོ་ཞིང་སྔོ་བ་སྦྲེངས་པ་ཕ་བི་མཐོང་ངམ། བཙུན་པ། མཐོང་ལགས་སོ། །ཀུན་དགའ་བོ། དེ་ནི། རི་བོ་རྩེ་མཐོན་ཞེས་བྱ་སྟེ། ང་ཡོངས་སུ་མྱ་ངན་ལས་འདས་ནས་ལོ་
Kha228a
༄#། །བརྒྱ་ལོན་པ་དང་བཅོམ་བརླག་ནས་གར་མཁན་དང ། དཔའ་བོ་ཞེས་བྱ་བ་སྤུན་གཉིས་ཀྱིས་དེ་ལ་གཙུག་ལག་ཁང་རྩིག་པར་འགྱུར་ཏེ། དེའི་མིང་གར་མཁན་དཔའ་བོ་ཞེས་བྱ་བར་འགྱུར་ཞིང ། ལྷག་མཐོང་དང་ཞི་གནས་ཀྱི་རྗེས་སུ་མཐུན་པའི་གནས་མལ་རྣམས་ཀྱི་མཆོག་ཏུ་འགྱུར་རོ། །ཀུན་དགའ་བོ། བཅོམ་བརླག་འདིར་སྤོས་ཚོང་གི་ཁྱེའུ་སྦས་པ་ཞེས་བྱ་བ་འབྱུང་བར་འགྱུར་ཏེ། དེའི་བུ་ཉེ་སྦས་ཞེས་བྱ་བ་སངས་རྒྱས་ཀྱི་མཚན་མེད་པ་ཞིག་བྱུང་བ་དེ། ང་ཡོངས་སུ་མྱ་ངན་ལས་འདས་ནས་ལོ་བརྒྱ་ལོན་པ་དང་བསྟན་པ་ལ་རབ་ཏུ་བྱུང་ནས་སངས་རྒྱས་ཀྱི་བྱ་བ་བྱེད་པར་འགྱུར་རོ། །དགེ་སློང་ཀུན་དགའ་བོའི་ལྷན་ཅིག་གནས་པ་ཉི་མའི་གུང་ཞེས་བྱ་བས། ཉེ་སྦས་དེ་རབ་ཏུ་འབྱིན་པར་འགྱུར་ཏེ། གདམས་ངག་སྟོན་པ་རྣམས་ཀྱི་ཕྱི་མ་ནི། ཉེ་སྦས་ཡིན་པར་འགྱུར་རོ། །གར་མཁན་དཔའ་བོ་དེ་ལ་ཕུག། སྲིད་དུ་ཁྲུ་བཅོ་བརྒྱད་པ། ཞེང་དུ་ཁྲུ་གཉིས་པ། འཕང་དུ་ཁྲུ་བདུན་པ་ཞིག་ཡོད་པར་འགྱུར་ཏེ། དེས་གང་དང་གང་དག་ལ་གདམས་ངག་བསྟན་ནས་དགྲ་བཅོམ་པ་མངོན་སུམ་དུ་བྱས་པ་དེ་དང་དེ་རྣམས་ཀྱིས། ཐུར་མ་སོར་བཞི་ཙམ་པ་རེ་རེ་ཕུག་དེའི་ནང་དུ་འདོར་བར་འགྱུར་རོ། །གང་གི་ཚེ་ཕུག་དེ། དགྲ་བཅོམ་པའི་ཐུར་མས་གང་བར་གྱུར་པ་དེའི་ཚེ། ཉེ་སྦས་ཡོངས་སུ་མྱ་ངན་ལས་འདའ་བར་འགྱུར་ཏེ། དེ་ཡོངས་སུ་མྱ་ངན་ལས་འདས་ནས་དགྲ་བཅོམ་པའི་ཐུར་མ་དེ་དག་ཉིད་སྤུངས་ནས་དེ་རྣམས་ཀྱིས་སྲེག་པར་བྱེད་དོ། །དགེ་སློང་རྣམས་ཐེ་ཚོམ་སྐྱེས་
Kha228b
ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཀྱིས་མ་འོངས་པ་ན་སྐྱེ་བོ་མང་པོ་ལ་སྙིང་བརྩེ་བ་དང ། ཚེ་དང་ལྡན་པ་ཉེ་སྦས་ལུང་བསྟན་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེའི་ཚེར་མ་ཟད། ཇི་ལྟར་འདི་འདས་པའི་དུས་ན་སྐྱེ་བོ་མང་པོ་ལ་ཕན་པའི་ཕྱིར་ཞུགས་པ་དེ། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་བཤད་དོ། །དགེ་སློང་དག་།སྔོན་བྱུང་བ། རི་རྩེ་མཐོན་པོ་འདི་ཉིད་ཀྱི་ངོས་གསུམ་ལ་རང་སངས་རྒྱས་དང ། དྲང་སྲོང་དང ། སྤྲེའུ་རྣམས་གནས་ཏེ། ངོས་གཅིག་ན་ནི། རང་སངས་རྒྱས་ལྔ་བརྒྱའོ། །གཉིས་པ་ལ་ནི། དྲང་སྲོང་ལྔ་བརྒྱའོ། །གསུམ་པ་ལ་ནི། སྤྲེའུ་ལྔ་བརྒྱའོ། །སྤྲེའུའི་སྡེ་དཔོན་གྱི་ཀུན་ཏུ་སྤྱོད་པ་ནི། སྤྲེའུའི་ཕྲུ་གུ་བཙས་ཤིང་བཙས་པ་དག་གསོད་པར་བྱེད་པ་ཡིན་ནོ། །དེ་ནས་སྤྲེ་མོ་དེ་དག་ཕྲུ་གུའི་མྱ་ངན་གྱིས་ནོན་པས་ཕན་ཚུན་གྲོས་བྱ་བར་བརྩམས་པ། ཤེས་ལྡན་སྤྲེ་མོ་དག། ཉོན་ཅིག་།བདག་ཅག་གི་ཕྲུ་གུ་བཙས་ཤིང་བཙས་པ་དག་།སྡེ་དཔོན་འདིས་གསོད་པར་བྱེད་ཀྱི། དེ་ལ་ཐབས་ཤིག་བཤམ་བར་བྱ་སྟེ། བདག་ཅག་ལས་སྤྲེ་མོ་གང་ཞིག་སྦྲུམ་པར་གྱུར་མ། དེས་སྡེ་དཔོན་ལ་བརྗོད་པར་མི་བྱའོ། །ཇི་ཙམ་དུས་གཞན་ཞིག་ནས་སྤྲེ་མོ་ཞིག་སྦྲུམ་པར་གྱུར་ནས། དེ་དེ་རྣམས་ཀྱིས་དབེན་པའི་ཕྱོགས་ཤིག་ཏུ་སྦས་ནས་རྩ་བ་དང་འབྲས་བུས་བསྙོད་དེ་སྤྲེའུའི་ཕྲུ་གུ་བྱུང་ནས། དེ་ཡང་དེ་རྣམས་ཀྱིས་དབེན་པའི་ཕྱོགས་ཤིག་ཏུ་བསྣུན་གསོས་བསྐྱེད་དེ། དེ་གང་གི་ཚེ་ཆེན་
Kha229a
༄#། །པོར་གྱུར་པ་དེའི་ཚེ། དེས་སྡེ་དཔོན་དེ་རང་གི་ཁྱུ་ནས་བསྐྲད་ནས་རི་བོ་རྩེ་མཐོན་ན་ཕན་ཚུན་དུ་འཁྱམས་པར་བརྩམས་སོ། །དེ་འཁྱམས་པ་ན་རང་སངས་རྒྱས་རྣམས་ཀྱི་སྒྲ་ཐོས་ནས། དེ་དེ་རྣམས་ཀྱི་དྲུང་དུ་སོང་སྟེ། གང་གི་ཚེ་བག་ཕེབས་པར་གནས་པར་གྱུར་པ་དེའི་ཚེ། དེ་རྣམས་ལ་རྩ་བ་དང ། ལོ་མ་དང ། མེ་ཏོག་དང ། འབྲས་བུ་དང ། སོ་ཤིང་དག་འབུལ་བར་བྱེད་དོ། །དེ་རྣམས་ཀྱིས་ཀྱང་དེ་ལ་ལྷུང་བཟེད་ཀྱི་ལྷག་མ་དག་འདོར་བར་བྱེད་དོ། །རང་སངས་རྒྱས་དེ་རྣམས་ཀྱིས་ཀུན་ཏུ་སྤྱོད་པ་ནི། ཟོས་ཤིང་ཟོས་ནས་སྐྱིལ་མོ་ཀྲུང་བཅས་ཏེ་འདུག་གོ། སྤྲེའུ་དེས་ཀྱང་དེ་རྣམས་ཀྱི་སྤྱོད་ལམ་མཐོང་ནས་སྐྱིལ་མོ་ཀྲུང་བཅས་ཤིང་འདུག་གོ། ཇི་ཙམ་དུས་གཞན་ཞིག་ན་རང་སངས་རྒྱས་དེ་རྣམས་འདི་སྙམ་དུ་སེམས་ཏེ། བདག་ཅག་གི་ལུས་རྣག་ཅན་འདིས་ཐོབ་པར་བྱ་བ་གང་ཡིན་པ་ནི། ཐོབ་ཟིན་གྱི། བདག་ཅག་གིས་ཞི་བ་མྱ་ངན་ལས་འདས་པའི་དབྱིངས་སུ་ཡོངས་འཇུག་གོ། སྙམ་ནས། དེ་རྣམས་འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱས་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་རྣམས་ལྡང་བའི་དུས་གང་ཡིན་པ་དེའི་ཚེ་མི་ལྡང་ནས་སྤྲེའུ་དེས་དེ་རྣམས་མ་མཐོང་བས་མི་དགའ་བར་གྱུར་ཏོ། །ཇི་ཙམ་ན་སྤྲེའུ་དེ་ཕུག་ཏུ་ཞུགས་ནས་རང་སངས་རྒྱས་དེ་རྣམས་ཀྱི་ཆོས་གོས་རྣམས་ནས་བསིགས་པར་བརྩམས་སོ། །དེ་ནས་ཕུག་དེ་ན་གནས་པའི་
Kha229b
ལྷ་གང་ཡིན་པ་དེ། འདི་སྙམ་དུ་སེམས་ཏེ། སྤྲེའུ་འདིས་རང་སངས་རྒྱས་ཀྱི་སྐུ་བཤིག་ནི། མི་རུང་ངོ ། །སྙམ་ནས་རྡོ་ལེབ་ཆེན་པོས་སྒོ་བཅད་ནས་འདུག་གོ། །དེ་ནས་སྤྲེའུ་དེ། མྱ་ངན་དང ། སྡུག་བསྔལ་དང ། སྨྲེ་སྔགས་བཏོན་ཏེ་སོང་ནས་རི་བོ་རྩེ་མཐོན་ལ་ཀུན་ནས་འཁྱམས་པ་ན། མི་རྣམས་འདོད་པས་མི་དགའ་བར་གྱུར་ཏེ་རྣ་བ་གཏོད་ཅིང་མིའི་སྒྲ་ཐོས་པར་འདོད་པ་ལས། དེས་དྲང་སྲོང་དེ་རྣམས་སྨྲ་བའི་སྒྲ་དག་ཐོས་ནས། དེ་མགྲོན་པོ་ལམ་སྟོར་བ་བཞིན་དུ་རིངས་པ་རིངས་པར་དེ་རྣམས་ཀྱི་དྲུང་དུ་སོང་ངོ ། །དྲང་སྲོང་དེ་དག་ཀྱང་དཀའ་ཐུབ་དྲག་པོས་གདུང་བར་བྱེད་དོ། །ཁ་ཅིག་ནི། ལག་པ་བསྒྲེངས་ནས་འདུག་གོ། ཁ་ཅིག་ནི། རྐང་པ་ཡ་གཅིག་གིས་སོ། །ཁ་ཅིག་ནི། གདུང་བ་ལྔས་གདུང་བར་བྱེད་དོ། །གང་གི་ཚེ་སྤྲེའུ་དེ་དེ་རྣམས་དང་ལྷན་ཅིག་བག་ཕེབས་པར་གནས་པར་གྱུར་པ་དེའི་ཚེ། དྲང་སྲོང་དེ་རྣམས་ལ་རྩ་བ་དང ། ལོ་མ་དང ། མེ་ཏོག་དང ། འབྲས་བུ་དང ། སོ་ཤིང་དག་སྦྱིན་པར་བྱེད་དོ། །དེ་རྣམས་ཀྱང་དེ་ལ་ཟས་ཀྱི་ལྷག་མ་དག་འདོར་བར་བྱེད་དོ། །དེས་དེ་རྣམས་ཀྱི་སྤྱོད་ལམ་དཀྲུགས་ཤིང ། རང་སངས་རྒྱས་ཀྱི་སྤྱོད་ལམ་སྟོན་པར་བྱེད་དེ། དེ་ན་གང་དག་ལག་པ་བསྒྲེང་བ་དེ་རྣམས་ཀྱི་ལག་པ་དག་ཕབ་ནས་སེ་གོལ་གྱི་སྒྲ་ཕྱུང་སྟེ་སྦྲན་ནས་མདུན་དུ་སྐྱིལ་མོ་ཀྲུང་བཅས་ཏེ་འདུག་གོ། གང་དག་རྐང་པ་ཡ་གཅིག་པ་དེ་རྣམས་ཀྱི་རྐང་བ་ཕབ་ནས་མདུན་དུ་སྐྱིལ་མོ་ཀྲུང་བཅས་ཏེ་འདུག་གོ། གང་དག་གདུང་བ་ལྔས་གདུང་བར་བྱེད་པ་དེ་རྣམས་ཀྱི་མེ་བསད་ནས་སེ་གོལ་གྱི་སྒྲ་ཕྱུང་སྟེ་མདུན་
Kha230a
༄#། །དུ་སྐྱིལ་མོ་ཀྲུང་བཅས་ཏེ་འདུག་གོ་།དེ་ནས་དྲང་སྲོང་དེ་རྣམས་ཀྱིས་གདམས་ངག་འབོགས་པ་ལ་སྨྲས་པ། མཁན་པོ། སྤྲེའུ་འདི་བདག་ཅག་གི་དཀའ་ཐུབ་ལ་བར་ཆད་བགྱིད་དོ། །ཞེས་དེ་རྣམས་ཀྱིས་དེ་ལ་རྒྱས་པར་སྨྲས་པ་དང ། དེས་སྨྲས་པ། ཤེས་ལྡན་དག། སྤྲེའུ་དེ་དག་ནི། དྲན་པ་དང་ལྡན་པ་ཡིན་ཏེ། གདོན་མི་ཟ་བར་འདིས་དྲང་སྲོང་ཁ་ཅིག་གི་སྤྱོད་ལམ་དེ་ལྟ་བུ་མཐོང་གི། ཁྱེད་ཅག་གིས་ཀྱང་སྐྱིལ་མོ་ཀྲུང་ཆོས་ལ་འདུག་ཅིག། དེ་རྣམས་ཀྱི་སྐྱིལ་མོ་ཀྲུང་བཅས་ཏེ་འདུག་པ་དང ། དེ་རྣམས་སྔོན་གྱི་དགེ་བའི་རྩ་བ་རྣམས་མངོན་དུ་གྱུར་ནས། དེ་རྣམས་ཀྱིས་མཁན་པོ་དང་སློབ་དཔོན་མེད་པའི་ཤེས་པས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་མཐུན་པའི་ཆོས་བསྐྱེད་ནས་རང་བྱང་ཆུབ་མངོན་སུམ་དུ་བྱས་སོ། །དེ་ནས་དེ་རྣམས་སྤྲེའུ་དེ་ལ་ཆོས་ལས་བྱུང་བའི་དད་པ་སྐྱེས་ནས་དེ་རྣམས་ཀྱིས་ལྗོངས་ནས་བསོད་སྙོམས་ལོ་ཐོག་གསར་པ་དང ། འབྲས་བུ་གསར་པ་དང ། དུས་གསར་གྱི་རྙེད་པ་གང་ཡིན་པ་དེ་རྣམས་ལས་དེ་ལ་ཐོག་མར་བྱིན་ནས། བདག་ཉིད་ལོངས་སྤྱོད་པར་བྱེད་དོ། །ཇི་ཙམ་དུས་གཞན་ཞིག་ན་སྤྲེའུ་དེ་དུས་ལས་འདས་སོ། །དེ་ནས་རང་བྱང་ཆུབ་དེ་རྣམས་ཀྱིས། ཡུལ་ཁམས་དང་ཕྱོགས་སྣ་ཚོགས་ན་ཡོད་པའི་ཤིང་དྲི་ཞིམ་པོ་རྣམས་བླངས་ཏེ། ཤིང་དྲི་ཞིམ་པོ་ཐམས་ཅད་ཀྱིས་ཕུང་པོར་སྤུངས་ནས་བསྲེགས་སོ། །དགེ་སློང་དག་།ཇི་སྙམ་དུ་སེམས། རང་བྱང་ཆུབ་རྣམས་དང་ལྷན་ཅིག་ཏུ་གནས་
Kha230b
པའི་སྤྲེའུ་གང་ཡིན་པ་དེ་ནི། ཉེ་སྦས་འདི་ཉིད་ཡིན་ཏེ། འདི་དེའི་ཚེ་ཡང་སྐྱེ་བོ་མང་པོ་ལ་ཕན་པའི་ཕྱིར་ཞུགས་སོ། །ད་ལྟར་ན་ཡང་ངས་འདི་སྐྱེ་བོ་མང་པོ་ལ་ཕན་པ་དང ། སྙིང་བརྩེ་བར་ལུང་བསྟན་ཏོ། ། དེ་ནས་བཅོམ་ལྡན་འདས་དཔའ་སྡེ་ནས་ལྗོངས་རྒྱུ་ཞིང་གཤེགས་ན། བཅོམ་བརླག་ཏུ་གཤེགས་པ་དང་བཅོམ་བརླག་གི་བྲམ་ཟེ་རྣམས་ཀྱིས། དགེ་སློང་གོའུ་ཏ་མ་བཅོམ་བརླག་ཏུ་ཕྱིན་ནས་དེ་ཤིན་ཏུ་རིགས་བཞི་པོ་རྣམ་པར་དག་པར་འདོད་དེ། འཆད་པར་བྱེད། འདོགས་པར་བྱེད། རབ་ཏུ་འཇོག་པར་བྱེད། རྣམ་པར་འཇོག་པར་བྱེད། བྱེ་བྲག་ཏུ་འབྱེད་པར་བྱེད། གསལ་བར་བྱེད། སྟོན་པར་བྱེད། ཡང་དག་པར་རབ་ཏུ་བསྟན་པར་བྱེད་དོ། །ཞེས་ཐོས་ནས། གལ་ཏེ་དེ་བཅོམ་བརླག་ཏུ་འདུག་ན། བདག་ཅག་གི་རྙེད་པ་དང ། བཀུར་སྟིའི་བར་ཆད་དུ་འགྱུར་ལ། དེ་ནི། བཀུར་སྟི་མ་ཡིན་པས་སྐྲག་གོ་།ཞེས་གྲག་གི་།གལ་ཏེ་དེ་ལ་འགའ་ཞིག་གིས་བཀུར་སྟི་མ་ཡིན་པ་བྱས་ན། དེ་ལྟ་ན་དེ་བཅོམ་བརླག་ཏུ་འདུག་པར་མི་འགྱུར་རོ། །གལ་ཏེ་དེ་ལ་མི་སྨད་རིགས་ཀྱིས་བཀུར་སྟི་མ་ཡིན་པ་བྱས་ན། ངོ་མཚར་དུ་མི་འཛིན་གྱི། གལ་ཏེ་དེ་ལ་སྐྱེས་བུ་གཙོ་བོ་འགའ་ཞིག་གིས་བཀུར་སྟི་མ་ཡིན་པར་བྱས་ན། དེས་ནི། ལེགས་པར་འགྱུར་ན། བདག་ཅག་གི་ནང་ན་སྐྱེས་བུ་གཙོ་བོ་སུ་ཞིག་ཡོད་སྙམ་མོ། །དེའི་ཚེ་བཅོམ་བརླག་ན་བྲམ་ཟེ་སྔོར་གྱུར་ཅེས་བྱ་བ། རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་ཕྱིན་པ། རང་གི་སྨྲ་བ་གསལ་བར་བྱེད་པ། ཕ་རོལ་གྱི་རྒོལ་བ་ཚར་
Kha231a
༄#། །གཅོད་པར་ནུས་པ། དེའི་ཚིག་བདེན་པའི་རྗེས་སུ་འབྲང་བ་ཞིག་ཡོད་དོ། །དེ་ནས་བཅོམ་བརླག་གི་བྲམ་ཟེ་རྣམ་འདུས་ཤིང་ཚོགས་ཏེ། སྔོར་གྱུར་གྱི་དྲུང་དུ་སོང་ནས་མཁན་པོ། །འདིར་དགེ་སྦྱོང་གོའུ་ཏ་མ་མཆིས་ནས། དེར་ཤིན་ཏུ་རིགས་བཞི་པོ་རྣམ་པར་དག་པ་ཞེས་བྱ་བ་ནས་ཡང་དག་པར་རབ་ཏུ་སྟོན་པར་བྱེད་དོ། །ཞེས་ཐོས་ཞེས་བྱ་བའི་བར་གོང་མ་བཞིན་དུའོ། །དེ་ནི། བཀུར་སྟི་མ་ཡིན་པས་སྐྲག་གོ་།ཞེས་གདའ་ན། གལ་ཏེ་དེ་ལ་འགའ་ཞིག་གིས་བཀུར་སྟི་མ་ལགས་པ་བགྱིས་ན། དེ་ལྟ་ན་དེ་བཅོམ་བརླག་ཏུ་མཆིས་པར་མི་འགྱུར་རོ། །གལ་ཏེ་དེ་ལ་མི་སྨད་རིགས་ཀྱིས་བཀུར་སྟི་མ་ལགས་པ་བགྱིས་ན། ངོ་མཚར་དུ་མི་འཛིན་གྱི། གལ་ཏེ་དེ་ལ་སྐྱེས་བུ་གཙོ་བོ་འགའ་ཞིག་གིས་བཀུར་སྟི་མ་ལགས་པ་བགྱིས་ན་ལེགས་པར་འགྱུར་ན། བདག་ཅག་གི་སྐྱེས་བུ་གཙོ་བོ་མཁན་པོ་མ་ལགས་པ་སུ་ཞིག་མཆིས། ཁྱོད་ཀྱིས་དེ་ལ་བཀུར་སྟི་མ་ལགས་པའི་ཚིག་གི་རྒྱ་ལྕག་གིས་སྤྱོ་བར་གསོལ། སྔོར་གྱུར་གྱིས་སྨྲས་པ། ཤེས་ལྡན་དག་།བདག་གི་ལྕེ་འདི་ནི། བདེན་པའི་རྗེས་སུ་འབྲང་བ་ཡིན་ཏེ། གལ་ཏེ་སྤྱོ་བར་འོས་པ་ཞིག་ན། སྤྱོའོ། །འོན་ཏེ་བསྟོད་པར་འོས་པ་ཞིག་ན། བསྟོད་དོ། །དེ་ནས་བྲམ་ཟེ་སྔོར་གྱུར། བཅོམ་བརླག་ན་གནས་པའི་བྲམ་ཟེ་རྒན་རབས་རྒན་རབས་རྣམས་ཀྱིས་མདུན་དུ་བདར་ནས་བཅོམ་ལྡན་འདས་ག་ལ་བ་དེར་སོང་བ་ན། བྲམ་ཟེ་སྔོར་གྱུར་གྱིས་རྒྱང་རིང་པོ་ཁོ་ན་ནས་བཅོམ་ལྡན་འདས་ཀྱི་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་
Kha231b
ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། འོད་ཟེར་ཉི་མ་སྟོང་བས་ལྷག་པ། རིན་པོ་ཆེའི་རི་བོ་འགྲོ་བ་ལྟར་ཀུན་ནས་བཟང་བ། ཤིང་དྲུང་ཞིག་ན་བརྟེན་ཅིང་ཞི་བའི་སྤྱོད་ལམ་གྱིས་བཞུགས་པ་མཐོང་ངོ ། །མཐོང་ནས་ཀྱང་ཡ་མཚན་སྐྱེས་ཏེ་མིག་བགྲད་དེ་བལྟས་ནས་བསྟོད་པར་བརྩམས་པ། ལུས་དང་ངག་དང་དབང་པོར་བཅས་པ་ཡི། །ཡིད་ཀྱིས་ཚུལ་བཞིན་རྩེ་གཅིག་བགྱིས་ནས་ནི། ཡོན་ཏན་རང་བཞིན་ཡོན་ཏན་རྒྱ་མཚོ་ཆེ། །ཁྱོད་ཀྱི་ཡོན་ཏན་ཕྱོགས་གཅིག་བརྗོད་པར་བགྱི། །སྨྲ་བ་རྣམས་ཀྱི་དམ་པ་རབ་མཆོག་ལགས། །སྐྱོན་མེད་དབང་པོ་ཤིན་ཏུ་མཉམ་པར་བཞག་།ཕ་རོལ་རྒོལ་བ་བརྩོན་པ་ཐམས་ཅད་ཀྱིས། །དོན་དམ་ཐུགས་སུ་ཆུད་ལ་བསྐྱོད་མི་ནུས། །ཁྱོད་ཀྱི་སྤྱོད་པ་ཤིན་ཏུ་རྫོགས་པ་ཉིད། བརྟུལ་ཞུགས་བསྒྲུབས་པས་བརྟུལ་ཞུགས་ཤིན་ཏུ་རྫོགས། སྟོབས་ལྡན་ཁྱོད་ཀྱི་ཏིང་འཛིན་ཟད་མེད་པས། །སྲེད་མེད་བུ་དང་རི་ཡི་རྒྱལ་པོ་བཞིན། །སྐྱེས་བུ་ཁྱུ་མཆོག་ཁྱོད་ལ་གནོད་མི་མངའ། །མི་ཞུམ་བསྙེངས་པ་མི་མངའ་དུབ་མི་མངའ། །འབྱུང་པོ་རྣམས་ལའང་མི་བཟོད་འགའ་མི་མངའ། །ཁྱོད་ནི་མ་ཆགས་འཐབ་པ་ག་ལ་མངའ། །བརྟབས་པ་མེད་ཅིང་ཧ་ཅང་ཞུམ་མི་མངའ། །གདུང་བ་མེད་ཅིང་དགྱེས་པའང་ཡོད་མི་མངའ། །རི་ཡི་བདག་པོ་ལྷུན་པོ་རབ་བརྟན་ལྟར། ། ཁྱོད་ཀྱི་ཐུགས་ནི་རྟག་ཏུ་དགེ་བ་ཉིད། །ཐུབ་པ་སྐྱེས་མཆོག་ཁམས་རྣམས་ཐམས་ཅད་ནས། །ཁྱོད་ཀྱི་ཡེ་ཤེས་ཡངས་པ་སྒྲིབ་མི་མངའ། །སྐྱེ་མཆེད་རྣམ་པ་སྣ་ཚོགས་དག་ལ་ནི། །མ་ཐོགས་ཉམས་ཤིང་ཟད་
Kha232a
༄#། །པ་མེད་པར་འཇུག་།ཐུབ་པ་ཁྱོད་ལ་གང་ལའང་སོམ་ཉི་མེད། །ཡིད་གཉིས་ཡོད་མིན་ཐེ་ཚོམ་ཡོད་མ་ཡིན། །ཁྱོད་ཉིད་ཀྱིས་ནི་མཆོག་དང་མཆོག་མིན་པ། །རིག་པས་ཐུགས་སུ་ཆུད་ནས་ཐམས་ཅད་མཁྱེན། །མཐོང་ན་དགའ་བར་འགྱུར་ལ་མཐོང་ན་ལེགས། །མཐོང་ན་ལེགས་པས་མཐོང་ན་མཁས་པ་དགའ། །ཁྱོད་ལ་དགའ་བ་དང་མི་དགའ་མཉམ་པས་ན། །རྟག་ཏུ་དགའ་བའི་སྤྱོད་ལམ་དེ་བཞིན་མཛོད། །ཁྱོད་ནི་སྙན་པའི་སྤོབས་པར་ལྡན་པ་ལགས། །འཛུམ་པའི་གསུང་དང་དྲན་ལྡན་བསྙེངས་པ་མེད། །མཁས་རྣམས་འདོད་པ་རབ་ཏུ་འཆད་པས་ན། །འཇིག་རྟེན་གསུམ་དུ་ཁྱོད་ཀྱི་གྲགས་པ་འབྱུང ། །མི་དང་ལྷ་དང་ལྷ་མིན་གནོད་སྦྱིན་དང ། །སྲིན་པོ་མང་དང་འཇིག་རྟེན་འདིར་མཁས་དང ། ཐུབ་པའི་དྲུང་དུ་ཡང་དང་ཡང་ལྷགས་ནས། །ཁྱོད་ལ་ཡང་དང་ཡང་ཞུ་མི་བཟོད་མེད། །ཁྱོད་ནི་སྙན་པའི་གསུང་གིས་དགའ་མཛད་པས། །མི་དང་ལྷ་དང་ལྷ་མིན་གནོད་སྦྱིན་དང ། །སྲིན་པོ་ཡིད་གཉིས་བསལ་རྣམས་ཐུབ་པ་ཆེ། །ཁྱོད་ཀྱི་ཞབས་ལ་ཕྱག་འཚལ་སླར་མཆིའོ། །བཞེངས་དང་བཞུགས་དང་གཤེགས་དང་བཞུད་པ་དང ། །མནལ་དང་མི་གསུང་ཡང་ན་གསུང་བ་འམ། །འོན་ཏེ་ལྷུང་བཟེད་ཆོས་གོས་བསྣམས་བ་དག་།གོའུ་ཏ་མ་ཁྱོད་ཀྱི་ཐམས་ཅད་མཛེས་པ་ཉིད། །ཐོགས་པ་མེད་མངའ་མི་མྱུར་མཉམ་པས་ན། །གསུང་ནི་སྙན་པའི་ཡོན་ཏན་རྣམས་དང་ལྡན། །མི་ཡི་མཆོག་ནི་དུས་སུ་གསུང་བས་ན། །གསུང་གི་ཟློས་པ་རྣམ་པར་སྤངས་པ་
Kha232b
ལགས། །འཇིག་རྟེན་ན་ནི་སྟོབས་དང་ལྡན་པར་གྲགས། །སྐྱེས་བུ་མཁྱེན་པ་སྐྱེས་བུ་ཁྱུ་མཆོག་གཙོ། །འཇིག་རྟེན་ལྷར་བཅས་འདི་ནི་མཐའ་དག་ལ། །ང་རྒྱལ་མི་མངའ་ཁྱད་དུ་གསོད་མི་མཛད། །མཛའ་བ་དང་ནི་མཛའ་བ་མ་ལགས་དང ། །མཐུན་པ་དང་ནི་མཐུན་པ་མ་ལགས་དང ། །གཡོ་དང་མི་གཡོ་རང་བཞིན་གནས་པ་ལ། །ངོ་མཚར་འཛིན་པ་ནམ་ཡང་མི་མངའོ། །སྨྲེ་སྔགས་འདོན་ཅིང་སྙིང་བརྩེར་སྨྲ་བ་དང ། །ཁ་ཆུ་འཛག་པས་ཉམ་ཐག་སྐད་འབྱིན་དང ། །ཡོངས་སུ་གདུངས་དང་རྣམ་པར་གདུངས་ལྡན་དང ། །འཇིགས་དང་རིམས་ནད་མྱ་ངན་གྱིས་ཉེན་པ། །སྡུག་བསྔལ་རྣམ་པ་བརྒྱ་ཡིས་གཙེས་པ་དང ། ཡུན་རིང་ནས་ནི་མགོན་མེད་བདེ་བ་མེད། །སྲིད་པའི་སྲེད་པར་ཞུགས་ཤིང་མུན་བསྒྲིབས་པའི། །འགྲོ་བ་འཁྲུགས་པ་ལ་ནི་རབ་གཟིགས་ནས། །བདག་ཉིད་རྣམ་པ་སྣ་ཚོགས་མཐུ་དག་གིས། །ཐུབ་པ་ཐུགས་རྗེ་ཆེན་པོ་འཇུག་མཛད་ཅིང ། །ཤཱཀྱ་སྐྱེས་ཀྱི་མཆོག་ནི་ཁྱོད་ཉིད་ཀྱིས། །ཕོངས་པར་གྱུར་རྣམས་དགྲོལ་ཕྱིར་བརྩོན་པ་མཛད། །སྲིད་པའི་སྡུག་བསྔལ་རྒྱུ་དང་བཅས་འདི་དང ། །སྲིད་པའི་སྡུག་བསྔལ་ཟད་པ་གང་མིན་དང ། །སྲིད་པའི་སྡུག་བསྔལ་འགོག་པར་འགྲོ་བ་ཡི། །ལམ་ནི་མཚུངས་པ་མེད་པ་ཁྱོད་ཀྱིས་བཤད། །རྣམ་པར་འདྲེན་པ་ཆེན་པོ་བརྩོན་འགྲུས་ཆེ། །རབ་མཆོག་ཕ་རོལ་སྨྲ་བ་རྣམས་ཀྱི་མཆོག་།འཇིག་རྟེན་གསུམ་ན་ཁྱོད་མཚུངས་མ་མཆིས་ན། །ཁྱོད་ལས་ལྷག་པ་ལྟ་ཞིག་ག་ལ་མཆིས། །ཁྱོད་ལ་ཁོང་ཁྲོ་རྗེས་སུ་ཆགས་མི་མངའ། །ཐུབ་པ་ཁྱོད་ལ་ཡོངས་སུ་ཟད་མི་མངའ།།
Kha233a
༄#། །སྡུག་དང་འགལ་དང་རྩོད་པ་བརྟུལ་ཞུགས་བཟང ། །ཁྱོད་ལ་མི་མངའ་རྟག་ཏུ་མི་མངའ་ལགས། །ཐུབ་པ་སྡུག་དང་མི་སྡུག་བདེ་བ་དང ། །སྡུག་བསྔལ་མཉམ་དང་དེ་བཞིན་མི་མཉམ་སྤངས། །དགའ་དང་མི་དགའ་བ་དག་བཟོད་མཛད་དེ། །ཡང་དག་བསྡམས་ཤིང་འདི་ན་ཉེར་ཞི་སྤྱོད། །སྨད་པ་བྱས་ཀྱང་གནོད་པ་མི་མངའ་ལ། །རབ་ཏུ་བསྔགས་པས་ཁེངས་པར་མི་འགྱུར་པས། །གྲགས་པ་གྲགས་པ་མ་ཡིན་ཁྱོད་ལ་མཉམ། །གླང་ཆེན་མཆེ་བར་ལྡན་པ་གཡུལ་ངོ་རུ། །འདོར་བ་དྲག་ཏུ་འཕངས་པའི་མདའ་དག་ལྟར། །སྐྱེ་བོ་སྡིག་ཅན་རྣམས་ཀྱིས་སྨྲས་པ་ཡི། །ཚིག་ངན་ཚིག་རྩུབ་དག་ཀྱང་བཟོད་པར་མཛད། །དྲང་སྲོང་ཁྱོད་སྙན་གསུང་ཞིང་ཚིག་ཀྱང་བཟོད། །ཤིན་ཏུ་ངན་དུ་སྨྲས་ཀྱང་མི་བཟོད་མེད། །སྨད་པར་སྨྲས་སམ་དགེ་བར་སྨྲས་ཀྱང་རུང ། །ཐུབ་པ་མཉམ་པ་ཉིད་དུ་གནས་པ་ལགས། །མཆོད་འོས་རྟག་པར་མི་དང་ལྷ་དག་དང ། །ལྷ་མིན་གནོད་སྦྱིན་སྲིན་པོ་རྣམས་དང་ནི། །དྲང་སྲོང་བདག་ཉིད་ཆེན་པོས་རྟག་མཆོད་ན། །ཁྱོད་ནི་ཐུགས་བརྟན་གཞན་དུ་འགྱུར་མི་མངའ། །འདི་བས་བདག་མཆོག་ཅེས་ཀྱང་རློམ་མི་མངའ། །འདི་བས་བདག་ཆུང་ཞེས་ཀྱང་རློམ་མི་མངའ། །བདག་ནི་འདི་དག་མཉམ་ཞེས་མི་རློམ་པས། །ཁྱོད་ལ་ང་རྒྱལ་རྣམ་པ་གསུམ་མི་མངའ། །བརྟན་དང་ལྡན་པ་བོང་བ་གསེར་དང་མཚུངས། །བཻ་ཌཱུརྱ་དང་གསེག་མ་གྱོ་མོར་མཚུངས། །ཐུབ་པ་ཆེན་པོ་ལྷ་དང་བཅས་པ་ཡི། །འགྲོ་བ་འདི་ནི་རྩཝ་ཤིང་འདྲ་བར་སྤྱོད། །ཟླ་བ་ཉི་མའི་འོད་ཟེར་དང་ཕྲད་ནས། །གྲང་དང་ཚ་བའི་རླུང་དག་ལངས་ན་
Kha233b
ཡང ། །རི་ཡི་དབང་པོ་ལྟ་བུར་བཟོད་མཛད་དེ། །ཐུགས་བརྟན་ཁྱོད་ལ་རབ་ཏུ་གནོད་མི་མངའ། །གཟིམས་ཆ་དང་ནི་སྩང་ནས་བཤོས་དང་ནི། །བླ་གོས་ཤམ་ཐབས་རྣམ་པ་སྣ་ཚོགས་དག་།ཐུབ་པ་ཟག་མེད་སོ། ། སོར་བརྟགས་ནས་ནི། །དེ་ཡི་དོན་དུ་སྟོན་པར་མཛད་པ་ལགས། །མགོན་པོ་བདག་ལ་མེད་ཅེས་ཐུགས་ངན་མེད། །མ་བཅིངས་ལེགས་གསུངས་བདག་གིར་འཛིན་མི་མངའ། །གནོད་པ་སྣ་ཚོགས་དག་ལས་ཡོངས་སུ་གྲོལ།་རྙེད་པ་རྙེད་ནའང་དགྱེས་པར་མི་འགྱུར་ལ། །དེ་མ་རྙེད་པས་ཀྱང་ནི་ཞུམ་མི་འགྱུར། །ཁྱད་དུ་གསོད་པ་བཟོད་པ་མཛད་ཅིང་འདིར། །བཀུར་སྟི་དག་ལའང་ཆགས་པ་མི་མངའ་ལགས། །ལྷ་གནས་རི་ཡི་ངོས་ལས་འཁྲུངས་པ་ཡི། །ཁྲག་ལྟར་དམར་པའི་ཙནྡན་མཆོག་དག་དང ། །མདའ་དང་རལ་གྲི་རྣོན་པོས་ཁྱོད་ཀྱི་ཐུགས། །ལན་འགའ་ཡང་ནི་འགྱུར་བ་མི་མངའ་ལགས། །དོན་མེད་གཏམ་ནི་གསུང་བར་མི་མཛད་གང ། །སྐྱེ་བོ་ངན་པས་བསྟེན་པའི་གཏན་མ་ལགས། རྙེད་པས་གཏམ་མིན་ཟང་ཟིང་བཅས་གཏམ་མིན། །བདག་ཉིད་ཆེ་རྣམས་མི་འདོད་མ་ལགས་ཀྱི། །གཏམ་གང་རབ་དབེན་བདེ་བ་སྐྱེད་བྱེད་ཅིང ། །རབ་ཏུ་ཞི་བ་འགའ་ཞིག་རབ་བརྗོད་པ། །ལྷ་ལས་འདས་པའི་གཏམ་ནི་གང་དག་ཅིག་།གསུང་ནས་སྡིག་པ་རྣམ་པར་འདུལ་བ་གསུང ། །སྙན་པ་རྣམས་དང་འབྲེལ་པ་རྣམས་དང་ནི། །ལེགས་པར་བཤད་དང་སྙིང་པོར་ལྡན་པ། ཡི། །རྣམ་པར་ངེས་པའི་གཏམ་དག་ཐུབ་པ་ཆེ། །འགྲོ་བའི་དོན་སླད་རབ་ཏུ་གསུང་བར་མཛད། །མི་མཁས་དག་དང་ལོག་པར་ལྟ་རྣམས་དང ། །གཟུ་ལུམས་ཅན་དང་དགའ་བར་ལྡན་རྣམས་དང ། །ཕྲ་མ་ཅན་དང་
Kha234a
༄#། །ཚིག་རྩུབ་རྒྱུ་ཅན་གང ། །དེ་དང་ལྷན་ཅིག་བཅོམ་ལྡན་ཁྱོད་མི་རྐྱེན། །མི་ནི་གང་དག་དྲང་ཞིང་སྒྱུ་མེད་པ། །བདེན་ལ་དགའ་ཞིང་དབང་པོ་ཐུལ་བ་དང ། །རྟག་ཏུ་ལེགས་པར་བརྟགས་ནས་བྱེད་པ་ནི། །དེ་དང་ལྷན་ཅིག་བཅོམ་ལྡན་ཁྱོད་མི་རྐྱེན། །ཆོས་མཁྱེན་ལུགས་མཁྱེན་གང་ཟག་མཁྱེན་པ་དང ། །དྲུག་པོ་མངོན་མཁྱེན་ཁྱེད་ལ་རྟག་ཕྱག་འཚལ། །ཐུབ་པ་ཞིང་མཁྱེན་མཆོག་དང་མཆོག་མིན་མཁྱེན། །ཚུལ་དང་ཚུལ་མིན་མཁྱེན་ཁྱོད་མགོས་ཕྱག་འཚལ། །ཁྱོད་ཀྱི་ཡོན་ཏན་རྒྱ་མཚོ་རྒྱ་ཆེན་ལེགས་མཐོང་ནས། །བདག་གིས་ཡོན་ཏན་ཕྱོགས་གཅིག་ཡོངས་སུ་བརྗོད་པར་བས། །འཕགས་པ་ཁྱོད་ཀྱི་ཡོན་ཏན་རྒྱ་མཚོའི་ཕ་རོལ་ནི། །རྟོགས་པར་རྔོ་ཐོགས་འགྲོ་བའི་ནང་ན་མི་མ་མཆིས། །དེ་ལྟ་བུ་ལ་སོགས་པ་བསྟོད་པ་ལྔ་བརྒྱས་བཅོམ་ལྡན་འདས་ལ་བསྟོད་ནས། དེ་ལྟར་མངོན་པར་དད་པར་གྱུར་པ་དང ། བཅོམ་ལྡན་འདས་ཀྱིས་སྔོར་གྱུར་ཇི་ལྟར་སྟན་དེ་ཉིད་ལ་འདུག་བཞིན་དུ་བདེན་པ་མཐོང་བར་འགྱུར་བའི་ཆོས་བཤད་པ་མཛད་དོ། །དེ་ནས་བྲམ་ཟེ་སྔོར་གྱུར་གྱིས་བཅོམ་ལྡན་འདས་ལ་བསྟོད་ནས་སོང་སྟེ་དེ་ལམ་དུ་ཞུགས་པ་ན་བཅོམ་བརླག་གི་བྲམ་ཟེ་རྣམས་ཀྱིས་ཚིག་གི་རྒྱ་ལྕག་གིས་པགས་པ་ལས་ཐལ་བ་ཙམ་དུ་བརྒྱད་དེ། མཁན་པོ་ཁྱོད་ལ་ཁོ་བོ་ཅག་གིས་དགེ་སྦྱོང་གོའུ་ཏ་མ་ལ་བཀུར་སྟི་མ་ཡིན་པ་བྱོས་ཤིག་།ཅེས་སྨྲས་ན། ཁྱེད་ད་གཟོད་སླར་བསྟོད་བསྟོད་དེ་འོང་ངམ། ཤེས་ལྡན་དག་།ཁོ་བོས་སྔར་ཁོ་བོའི་ལྕེ་ནི། བདེན་པའི་རྗེས་སུ་འབྲང་བ་ཡིན་ཏེ། གལ་ཏེ་སྨད་པར་འོས་པ་ཞིག་ན།
Kha234b
སྨོད་ལ། བསྟོད་པར་འོས་པ་ཞིག་ན། བསྟོད་དོ། །ཞེས་མ་སྨྲས་སམ། དགེ་སྦྱོང་གོའུ་ཏ་མ་ནི། བསྟོད་པར་འོས་བས་ཁོ་བོས་བསྟོད་དོ། །དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ནས་བཅོམ་བརླག་ཏུ་བསོད་སྙོམས་ལ་ཞུགས་པ་དང ། དེའི་ཚེ་བཅོམ་བརླག་ན་རྒྱུ་སྐར་གྱི་ནུབ་མོ་ལ་བབ་བོ། །དེ་ནས་བཅོམ་བརླག་ན་གནས་པའི་ལྷ་མོ་གང་ཡིན་པ་དེ། འདི་སྙམ་དུ་སེམས་ཏེ། གལ་ཏེ་དགེ་སྦྱོང་གོའུ་ཏ་མ་བཅོམ་བརླག་ཏུ་འོངས་ན། བདག་གི་རྒྱུ་སྐར་གྱི་ནུབ་མོ་ལ་བར་ཆད་བྱེད་པར་འགྱུར་རོ། །སྙམ་དུ་བསམ་ནས། བཅོམ་ལྡན་འདས་ཀྱིས་སྤྱན་སྔར་སྒྲེན་མོར་བྱུང་ནས་འདུག་གོ་།བཅོམ་ལྡན་འདས་ཀྱིས་བཀའ་སྩལ་པ། ལྷ་མོ། རེ་ཞིག་བུད་མེད་ནི། ཤིན་ཏུ་བཀབ་ཀྱང་བཟང་བ་མ་ཡིན་ན། སྒྲེན་མོ་ལྟ་སྨོས་ཀྱང་ཅི་དགོས། དེ་ནས་ལྷ་མོ་དེ་སྐྱེངས་ནས་ཕྱོགས་གཅིག་ཏུ་སོང་ངོ ། །དེ་ནས་བཅོམ་ལྡན་འདས་ཀྱིས་ལམ་ལས་གཟུར་ཏེ་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།བཅོམ་བརླག་ན་ནི། ཉེས་དམིགས་ལྔ་པོ་འདི་དག་ཡོད་དོ། །ལྔ་གང་ཞེ་ན། མཐོ་ན་དམན་དང ། སྡོང་དུམ་དང་ཚེར་མས་གང་བ་དང ། རྡོ་བ་དང་གསེག་མ་དང་གྱོ་མོ་མང་བ་དང ། དགོངས་ཀ་ཟ་བ་དང ། བུད་མེད་མང་བ་ཡིན་ནོ། །དེ་ནས་བཅོམ་ལྡན་འདས་མ་གཤེགས་པར་བཅོམ་བརླག་གི་གནོད་སྦྱིན་བོང་བུའི་གནས་གང་ན་བ་དེ་ལོགས་སུ་གཤེགས་ཏེ་བྱོན་ནས་གནོད་སྦྱིན་
Kha235a
༄#། །བོང་བུའི་གནས་བྱུལ་ཏེ་ཤིང་དྲུང་ཞིག་ཏུ་བརྟེན་ཅིང་ཉིན་མོའི་གནས་པའི་ཕྱིར་བཞུགས་སོ། །དེའི་ཚེ་གནོད་སྦྱིན་བོང་བུ་བོང་བུའི་གཟུགས་སུ་བྱས་ནས་འཕྱན་པ་དང ། དེ་ལ་ཁྱེའུ་དང ། བུ་མོ་དག་ཞོན་པ་དང ། དེས་དེ་དག་རྩེར་བཅུག་།དགའ་བར་བྱེད་དུ་བཅུག་ནས་ནགས་ཐིབས་པོར་སོང་ནས་ཟ་བར་བྱེད་པས། དེའི་མིང་གནོད་སྦྱིན་བོང་བུ། གནོད་སྦྱིན་བོང་བུ་ཞེས་བྱ་བར་གྲགས་སོ། །བཅོམ་བརླག་གི་བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས། བཅོམ་ལྡན་འདས་བསོད་སྙོམས་ལ་གཤེགས་པ་ལས། ལྷ་མོ་ཞིག་གིས་མཐོ་བ་ཙམ་པས། བཅོམ་བརླག་ཏུ་མ་གཤེགས་པར་གནོད་སྦྱིན་བོང་བུའི་གནས་སུ་གཤེགས་སོ། །ཞེས་ཐོས་སོ། །ཐོས་ནས་ཀྱང་གཙང་ཞིང་བསོད་པའི་བཟའ་བ་དང་བཅས་དག་སོ་སོ་ནས་སྣོད་དུ་བཙོས་ཤིང་བསྡོགས་ཏེ། ཤིང་རྟར་བཅུག་ནས་བཅོམ་ལྡན་འདས་གང་ན་བ་དེར་དོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་བཅོམ་བརླག་གི་བྲམ་ཟེ་དང ། ཁྱིམ་བདག་དད་པ་ཅན་རྣམས་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བྲམ་ཟེ་དང་ཁྱིམ་བདག་དད་པ་ཅན་རྣམས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་
Kha235b
དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ཅག་གིས་བཅོམ་ལྡན་འདས་ཀྱིས་སླད་དུ་འདིར་གཙང་ཞིང་བསོད་པའི་བཅའ་བ་དང ། བཟའ་བ་དག་གིས་ཤིང་རྟ་བཀང་སྟེ་འཚལ་ཏེ་མཆིས་ན། བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ། དེ་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།་ཀུན་དགའ་བོ། སོང་ལ་གནོད་སྦྱིན་བོང་བུའི་གནས་ན། དགེ་སློང་ཇི་སྙེད་ཉེ་བར་བརྟེན་ཅིང་གནས་པ་དེ་དག་ཐམས་ཅད་རིམ་གྲོའི་གནས་སུ་སྡུས་ཤིག་།བསོད་སྙོམས་ཡོངས་སུ་ལོངས་སྤྱོད་དུ་གཞུག་གོ་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་གནོད་སྦྱིན་བོང་བུའི་གནས་ན། དགེ་སློང་ཇི་སྙེད་ཉེ་བར་བརྟེན་ཅིང་གནས་པ་དེ་དག་ཐམས་ཅད་རིམ་གྲོའི་གནས་སུ་བསགས་ནས་བཅོམ་ལྡན་འདས་གང་ན་བ་དེ་ལོགས་སུ་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ། གནོད་སྦྱིན་བོང་བུའི་གནས་ན་དགེ་སློང་ཇི་སྙེད་ཉེ་བར་བརྟེན་ཅིང་མཆིས་པ་དེ་དག་ཐམས་ཅད་རིམ་གྲོའི་གནས་སུ་བསགས་ལགས་ཏེ། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། །དེ་ནས་བཅོམ་ལྡན་འདས་རིམ་གྲོའི་གནས་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་
Kha236a
༄#། །འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་བཅོམ་བརླག་གི་བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་ཞེས་བྱ་བ་ནས། ཕྱག་གཉིས་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱི་སྤྱན་སྔར་གསོལ་བ་གདབ་པའི་ཕྱིར་འཁོད་ནས་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ཀྱིས་ཀླུ་གདུག་པ་དང ། གནོད་སྦྱིན་གདུག་པ་དེ་དང་དེ་རྣམས་ནི། བཏུལ་ལགས་ན། བཙུན་པ།་གནོད་སྦྱིན་བོང་བུ་འདི། བདག་ཅག་ལ་ཡུན་རིང་མོ་ཞིག་ནས། ཤ་འཁོན་མ་མཆིས་པར་ནི། ཤ་འཁོན་བགྱིད། འགྲན་ཟླ་མ་ལགས་པར་ནི། འགྲན་ཟླ་བགྱིད། གླགས་མ་བཙལ་བར་ནི།་གླགས་ཚོལ་བར་བགྱིད་དེ། ངེས་བུ་བཙས་ཤིང་བཙས་པ་རྣམས་འཕྲོག་པར་བགྱིད་ལགས་ན། ཀྱེ་མའོ། །བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ། གནོད་སྦྱིན་བོང་བུ་གདུལ་བར་གསོལ།་དེའི་ཚེ་གནོད་སྦྱིན་བོང་བུ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་བོང་བུ་ལ་བཀའ་སྩལ་པ། བོང་བུ། ཁྱོད་ཀྱིས་ཐོས་སམ། བཅོམ་ལྡན་འདས། བདག་གིས་ཐོས་ལགས་སོ། །བོང་བུ། ཁྱོད་ཀྱིས་ཐོས་སམ། བདེ་བར་གཤེགས་པ། བདག་གིས་ཐོས་ལགས་སོ། །དམ་པ་མ་ཡིན་པའི་ཆོས་སྡིག་པ་ལས་ལོག་ཅིག་།བཅོམ་
Kha236b
ལྡན་འདས། གལ་ཏེ་བདག་གི་སླད་དུ་ཕྱོགས་བཞིའི་དགེ་སློང་གི་དགེ་འདུན་གྱི་གཙུག་ལག་ཁང་བརྩིགས་པར་དམ་འཆའ་བར་བགྱིད་ན། བདག་ལྡོག་གོ་།དེ་ནས་བཅོམ་ལྡན་འདས་ཀྱིས་བཅོམ་བརླག་གི་བྲམ་ཟེ་དང ། ཁྱིམ་བདག་དད་པ་ཅན་རྣམས་ལ་བཀའ་སྩལ་པ། བྲམ་ཟེ་དང་ཁྱིམ་བདག་།ཁྱེད་ཅག་གིས་ཐོས་སམ། བཅོམ་ལྡན་འདས། ཐོས་ལགས་ཏེ། རྩིག་གོ་།དེ་ནས་བཅོམ་ལྡན་འདས་ཀྱིས་གནོད་སྦྱིན་བོང་བུ་འཁོར་ལྔ་བརྒྱ་དང་བཏུལ་ཏོ། །བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས་དེའི་ཆེད་དུ་གཙུག་ལག་ཁང་ལྔ་བརྒྱ་བརྩིགས་སོ། །དེ་བཞིན་དུ་གནོད་སྦྱིན་མདའ་ཅན་དང ། གནོད་སྦྱིན་ནགས་ལྡན་དང ། གནོད་སྦྱིན་མོ་བསླང་རྙེད་མ་དང ། མཆུ་རྣམས་བཏུལ་ཏོ། །དེ་ནས་བཅོམ་ལྡན་འདས་རྫུ་འཕྲུལ་གྱིས་བཅོམ་བརླག་ཏུ་ཞུགས་སོ། །ཞུགས་ནས་གནོད་སྦྱིན་མོ་འགྲན་ཟླ་མ་འཁོར་ལྔ་བརྒྱ་དང་བཏུལ་ནས་དེའི་དོན་དུ་གཙུག་ལག་ཁང་ལྔ་བརྒྱ་བརྩིགས་སོ། །དེ་ནས་བཅོམ་ལྡན་འདས་ཀྱིས་བཅོམ་བརླག་གི་ནང་དང་ཕྱི་རོལ་དུ་གནོད་སྦྱིན་ཉིས་སྟོང་ལྔ་བརྒྱ་བཏུལ་ནས་དེའི་ཆེད་དུ་བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས་གཙུག་ལྷག་ཁང་ཉིས་སྟོང་ལྔ་བརྒྱ་བརྩིགས་སོ། །དེ་ནས་བཅོམ་ལྡན་འདས་ཨོ་ཏ་ལར་གཤེགས་ཏེ། ཨོ་ཏ་ལ་ན་ཨོ་ཏ་ལའི་ནགས་ཁྲོད་ན་བཞུགས་སོ། །དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་ཨོ་ཏ་ལའི་བུ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་གནས་སོ། །ཞེས་བྱ་བ་རྒྱས་པར་སྦྱར་རོ། །དེ་ནས་བཅོམ་ལྡན་འདས་སྔ་དྲོ་
Kha237a
༄#། །ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ། ཨོ་ཏ་ལ་ར་བསོད་སྙོམས་ལ་ཞུགས་པ་དང ། ཕྱོགས་གཞན་ཞིག་ན་ཞིང་པ་ལྔ་བརྒྱ་ཙམ་མགོ་བོ་རྡུལ་གྱིས་གཡོགས་ཤིང་ཤ་ནའི་རས་ཀྱིས་སྨད་གཡོགས་ནས་ཞིང་རྨོད་པ་ལས། ཞིང་པ་དེ་རྣམས་ཀྱིས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། གཟི་བརྗིད་ཀྱིས་མཛེས་པར་མཐོང་ངོ ། །ཞེས་བྱ་བ་རྒྱས་པར་སྦྱར་ཏེ། བཅོམ་ལྡན་འདས་ཀྱིས། དེ་རྣམས་ལ་ཆོས་བཤད་པས་ཞེས་བྱ་བ་ནས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །ཞེས་བྱ་བའི་བར་དུའོ། །དེ་ནས་རྨོན་པ་སྟོང་པོ་དེ་དག་གཉའ་ཤིང་དང ། རུ་དག་བཅད་ནས་བཅོམ་ལྡན་འདས་གང་ན་བ་དེ་ལོགས་སུ་དོང་སྟེ་ལྷགས་ནས། བཅོམ་ལྡན་འདས་ལ་ཡོངས་སུ་བསྐོར་ཏེ་འདུག་གོ། བཅོམ་ལྡན་འདས་ཀྱིས་དེ་རྣམས་ལ་ཚིག་གསུམ་གྱི་ཆོས་བཤད་པ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་ནས་ཞེས་བྱ་བ་ནས་བདེན་པ་མཐོང་ནས་རང་གི་གནས་སུ་དོང་ངོ ། །ཞེས་བྱ་བའི་བར་དུའོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཞིང་པ་ལྔ་བརྒྱ་བོ་འདི་རྣམས་ཀྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཞིང་པ་རྣམས་སུ་གྱུར་ནས་དབུལ་པོའི་ཁྱིམ་རྣམས་སུ་སྐྱེས་ཤིང ། འདི་རྣམས་ནི།
Kha237b
རྨོན་པར་གྱུར་ལགས། དགེ་སློང་དག། འདི་རྣམས་ཀྱིས་ལས་བྱས་ཤིང་བསགས་པ་ཞེས་བྱ་བ་རྒྱས་པར་སྦྱར་ཏེ། འདི་རྣམས་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་བ་ཡིན་ཏེ།་འདི་རྣམས་ཀྱིས་དེ་ན་ལེ་ལོས་དུས་འདས་པར་བྱས་པས། ལས་དེའི་རྣམ་པར་སྨིན་པས་ཞིང་པ་རྣམས་སུ་གྱུར་ཏོ། །རྨོན་པ་འདི་རྣམས་ཀྱིས་ཀྱང་དེ་ཉིད་ལ་རབ་ཏུ་བྱུང་བ་ནས་བསླབ་པའི་གཞི་ཕྲ་མོ་ཕྲ་མོ་རྣམས་ལ་གུས་པར་མ་བྱས་པས། ལས་དེའི་རྣམ་པར་སྨིན་པས་དུད་འགྲོ་རྣམས་སུ་སྐྱེས་སོ། །འདི་རྣམས་ཀྱིས་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་བ་གང་ཡིན་པ་དེའི་ལས་ཀྱི་རྣམ་པར་སྨིན་པས་ང་ལས་བདེན་པ་མཐོང་བར་བྱས་སོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་ཞེས་བྱ་བ་རྒྱས་པར་སྦྱར་རོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་ཨོ་ཏ་ལའི་བུས་དགེ་སྦྱོང་ཤཱཀྱའི་སྲས། ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་དཔའ་སྡེ་ནས་ལྗོངས་རྒྱུ་ཞིང་གཤེགས་པ་དང་ཨོ་ཏ་ལར་བྱོན་ནས་ཨོ་ཏ་ལའི་ནགས་ཁྲོད་ན་བཞུགས་ཏེ། ཤེས་ལྡན་དགེ་སྦྱོང་གོའུ་ཏ་མ་དེའི་དགེ་བ་དང ། གྲགས་པ་དང ། སྒྲ་དང ། ཚིགས་སུ་བཅད་པ་རྒྱ་ཆེན་པོ་འདི་ལྟ་བུ་འདི་དག་ཕྱོགས་དང་ཕྱོགས་མཚམས་སུ་གྲགས་པར་གྱུར་ཏེ། འདི་ལྟར། བཅོམ་ལྡན་འདས་དེ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་
Kha238a
༄#། །དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་དེ། འཇིག་རྟེན་ལྷ་དང་བཅས་པ། བདུད་དང་བཅས། ཚངས་པ་དང་བཅས་པའི་སྐྱེ་རྒུ་དགེ་སྦྱོང་དང་བྲམ་ཟེར་བཅས། ལྷ་དང་མི་དང་ལྷ་མ་ཡིན་དུ་བཅས་པ་རྣམས་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་རྫོགས་པར་བྱས་ནས་བདག་གི་ཟག་པ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་གོ་བར་བྱེད་ཅིང ། དེ་ཆོས་བཤད་པ་ནི། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། རྣམ་པར་བྱང་བ་འབའ་ཞིག་སྟོན་ཏོ། ། ཞེས་ཐོས་ནས། དགེ་སྦྱོང་དང་བྲམ་ཟེ་དེ་ལྟ་བུ་ལྟ་བ་ནི། ལེགས་པ་ཡིན། ཉེ་བར་འགྲོ་བ་ནི། ལེགས་པ་ཡིན། བསྙེན་བཀུར་བྱེད་པ་ནི། ལེགས་པ་ཡིན་ནོ། །སྙམ་དུ་བསམ་ནས། ཤིང་རྟ་རྟ་རྒོད་མ་དང་ལྡན་པ་ཐམས་ཅད་ནས་དཀར་བའི་ནང་དུ་ཞུགས་ཏེ་བྲམ་ཟེའི་ཁྱེའུའི་ཚོགས་ཀྱིས་ཡོངས་སུ་བསྐོར་ཅིང ། བྲམ་ཟེའི་ཁྱེའུའི་ཚོགས་ཀྱིས་མདུན་གྱིས་བལྟས་ནས་གསེར་གྱི་འཁར་བ་དང ། རིལ་བ་སྤྱི་བླུགས་ཐོགས་ཏེ་ཨོ་ཏ་ལ་ནས་བྱུང་ནས་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་སྟེ། དེ་ཇི་ཙམ་བཞོན་པའི་སའི་བར་དུ་བཞོན་པས་
Kha238b
སོང་ནས། བཞོན་པ་ལས་བབས་ཏེ། རྐང་པ་ཁོ་ནས་ཀུན་དགའ་ར་བའི་ནང་དུ་ཞུགས་ནས། བྲམ་ཟེ་ཤིང་སཱ་ལ་ཆེན་པོ་ལྟ་བུ་ཨོ་ཏ་ལས་བཅོམ་ལྡན་འདས་གང་ན་བ་དེ་ལོགས་སུ་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་བྲམ་ཟེ་ཤིང་སཱ་ལ་ཆེན་པོ་ལྟ་བུ་ཨོ་ཏ་ལས་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། དབང་པོ་ལྔ་པོ་སྤྱོད་ཡུལ་ཐ་དད་པ་དང ། ཡུལ་ཐ་དད་པ་ཅན། རང་རང་གི་སྤྱོད་ཡུལ་དང ། ཡུལ་ཉམས་སུ་མྱོང་བར་འགྱུར་གྱི། གཞན་གྱི་སྤྱོད་ཡུལ་དང ། ཡུལ་གཞན་ཉམས་སུ་མྱོང་བར་མི་འགྱུར་བ་འདི་ལྟ་སྟེ། མིག་གི་དབང་པོ་དང ། རྣ་བའི་དབང་པོ་དང ། སྣའི་དབང་པོ་དང ། ལྕེའི་དབང་པོ་དང་ལུས་ཀྱི་དབང་པོ་གང་དག་ལགས་པ་དེ་རྣམས་ཀྱི་སྤྱོད་ཡུལ་དང ། ཡུལ་ཉམས་སུ་མྱོང་བར་བགྱིད་པ་ནི། གང་ལགས། དེ་རྣམས་ཀྱི་རྟོན་པ་ཡང་གང་ལགས། བྲམ་ཟེ། དབང་པོ་ལྔ་པོ་སྤྱོད་ཡུལ་ཐ་དད་པ་དང ། ཡུལ་ཐ་དད་པ་ཅན་འདི་ལྟ་སྟེ། མིག་གི་དབང་པོ་དང ། རྣ་བའི་དབང་པོ་དང ། སྣའི་དབང་པོ་དང ། ལྕེའི་དབང་པོ་དང ། ལུས་ཀྱི་དབང་པོ་གང་དག་ཡིན་པ་དེ་རྣམས་ཀྱིས་སྤྱོད་ཡུལ་དང ། ཡུལ་ཉམས་སུ་མྱོང་བ་ནི། ཡིད་ཡིན་ནོ། །དེ་རྣམས་ཀྱི་རྟོན་པ་ཡང་ཡིད་ཡིན་ནོ། །ཀྱེ་གོའུ་ཏ་མ། ཡིད་ཀྱི་རྟོན་པ་གང་ལགས། བྲམ་ཟེ། ཡིད་ཀྱི་རྟོན་པ་ནི། དྲན་པ་ཡིན་ནོ། །ཀྱེ་གོའུ་ཏ་མ། དྲན་པའི་རྟོན་པ་གང་ལགས་
Kha239a
༄#། །བྲམ་ཟེ། དྲན་པའི་རྟོན་པ་ནི། དྲན་པ་ཉེ་བར་གཞག་པ་བཞི་ཡིན་ནོ། །ཀྱེ་གོའུ་ཏ་མ། དྲན་པ་ཉེ་བར་གཞག་པ་བཞིའི་རྟོན་པ་གང་ལགས། བྲམ་ཟེ། དྲན་པ་ཉེ་བར་གཞག་པ་བཞིའི་རྟོན་པ་ནི། བྱང་ཆུབ་ཀྱི་ཡན་ལག་བདུན་ཡིན་ནོ། །ཀྱེ་གོའུ་ཏ་མ། བྱང་ཆུབ་ཀྱི་ཡན་ལག་བདུན་གྱི་རྟོན་པ་གང་ལགས། བྲམ་ཟེ། བྱང་ཆུབ་ཀྱི་ཡན་ལག་བདུན་གྱི་རྟོན་པ་ནི། རིག་པ་དང ། རྣམ་པར་གྲོལ་བ་ཡིན་ནོ། །ཀྱེ་གོའུ་ཏ་མ། རིག་པ་དང་རྣམ་པར་གྲོལ་བའི་རྟོན་པ་གང་ལགས། བྲམ་ཟེ། རིག་པ་དང་རྣམ་པར་གྲོལ་བའི་རྟོན་པ་ནི། མྱ་ངན་ལས་འདས་པ་ཡིན་ནོ། །ཀྱེ་གོའུ་ཏ་མ། མྱ་ངན་ལས་འདས་པའི་རྟོན་པ་གང་ལགས། བྲམ་ཟེ། ཧ་ཅང་ཐལ་ཆེས་སོ། །ཧ་ཅང་ཐལ་ཆེས་སོ། །དྲི་བ་རྣམས་ཀྱི་མཐའ་གཟུང་བར་མི་ནུས་ཏེ། ངའི་དྲུང་དུ་ནི། ཡང་དག་པར་སྡུག་བསྔལ་ཟད་པར་བྱ་བ་དང ། སྡུག་བསྔལ་གྱི་མཐར་བྱ་བའི་ཕྱིར་ཚངས་པར་སྤྱོད་པ་མྱ་ངན་ལས་འདས་པར་ཉེ་བར་འགྲོ་བ་དང ། མྱ་ངན་ལས་འདས་པའི་མཐར་ཐུག་པ་ཅན་སྤྱོད་པར་བྱེད་དོ། །དེ་ནས་བྲམ་ཟེ་ཨོ་ཏ་ལའི་བུ་འདི་སྙམ་དུ་སེམས་ཏེ། འདི་ལ་གནོད་པ་ཅི་ཞིག་བྱ་སྙམ་མོ། །དེས་ཀྱང་སྔོན་དགེ་སྦྱོང་གོའུ་ཏ་མ་ཉན་ཐོས་ཀྱི་དགེ་འདུན་དང་བཅས་པ་གདུགས་ཚོད་གསོལ་ནས་སྨོན་ལམ་བཏབ་ན། དེས་ཅི་བསམ་པ་དང ། ཅི་གསོལ་བ་དེ་ཐམས་ཅད་སོ་སོར་འཐོབ་པར་འགྱུར་རོ། །ཞེས་ཐོས་སོ། །དེ་ནས་བྲམ་ཟེ་ཨོ་ཏ་ལའི་བུ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་
Kha239b
གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་གཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ་ཞེས་བྱ་བ་ནས། གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུའོ། ། སྟན་ཆེས་དམའ་བ་ཞིག་བླངས་ཏེ་བཅོམ་ལྡན་འདས་ཀྱི་སྤྱན་སྔར་འདུག་ནས་སྨོན་ལམ་ལོག་པར་གདབ་པར་བརྩམས་པ། བདག་གི་ཤཱཀྱའི་སྲས་ཀྱི་དགེ་སྦྱོང་ཇི་སྙེད་ཅིག་བཤོས་གསོལ་བ་འདི་ཐམས་ཅད་བདག་གི་སླད་དུ་གྱུར་ཅིག་།སྙམ་པ་དང ། དེ་ནས་བཅོམ་ལྡན་འདས་ཀྱི་ཐུགས་ཀྱིས་བྲམ་ཟེ་ཨོ་ཏ་ལའི་བུའི་བསམ་པ་མཁྱེན་ནས་བྲམ་ཟེ་ཨོ་ཏ་ལའི་བུ་ལ་འདི་སྐད་ཅེས་བཀའ་སྩལ་ཏོ། །བྲམ་ཟེ། ཁྱོད་ཀྱིས་མི་རུང་བའི་སེམས་བསྐྱེད་པ་དེ་ནི། འགྲུབ་པར་མི་འགྱུར་ཏེ། འདི་ལྟར། དགེ་སློང་འདི་ཐམས་ཅད་ནི། ཡང་སྲིད་པ་ཟད་པ་ཡིན་གྱི། སེམས་གཞན་སྐྱེད་ཅིག་ཅེས་བཀའ་སྩལ་ནས་བཅོམ་ལྡན་འདས་ཡོན་བསྔོ་བ་མཛད་དེ་གཤེགས་སོ། །དེ་ནས་བཅོམ་ལྡན་འདས་གཙུག་ལག་ཁང་དུ་གཤེགས་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ་།དགེ་སློང་དག་།བྲམ་ཟེ་ཨོ་ཏ་ལའི་བུས་སྨོན་ལམ་ལོག་པས་བསླང་བའི་སེམས་སྡིག་པ་ཅན་བསྐྱེད་ཀྱི། ཁྱེད་ཅག་གིས་ཟན་ཟོས་
Kha240a
༄#། །ནས་གཙུག་ལག་ཁང་གི་ཚིགས་སུ་བཅད་པ་བརྗོད་ཅིག་དང ། ལོག་པའི་སྨོན་ལམ་འགྲུབ་པར་མི་འགྱུར་རོ། །དེ་ནས་བཅོམ་ལྡན་འདས་དེ་ཉིད་ཀྱི་མཚན་མོ་འདས་ནས་ཕྱི་བཞིན་འབྲང་བའི་དགེ་སྦྱོང་ཚེ་དང་ལྡན་པ་ཀུན་དགའ་བོ་དང་ཡུལ་ཨོ་ཏ་ལར་བསོད་སྙོམས་ལ་ཞུགས་པ་དང ། ོ་ཏ་ལ་ན་བྲན་མོ་རྒན་མོ་ཀ་ཙང་ག་ལ་ཞེས་བྱ་བ་ཞིག་གནས་ཏེ། དེ་བུམ་པ་ཐོགས་ནས་ཆུ་འཆུར་ཁྲོན་པའི་དྲུང་དུ་སོང་བ་དང ། བཅོམ་ལྡན་འདས་ཀྱང་ཕྱོགས་དེར་གཤེགས་ཏེ། བཅོམ་ལྡན་འདས་ཀྱིས་དེ་གདུལ་བའི་དུས་མཁྱེན་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། །སོང་ལ་རྒན་མོ་ཕ་བི་ལ་བཅོམ་ལྡན་འདས་སྐྱེམས་ཀྱི། །ཆུ་ཕུལ་ཅིག་ཅེས་སྒོས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་རྒན་མོ་ཀ་ཙང་ག་ལ་གང་ན་བ་དེར་སོང་སྟེ་ཕྱིན་པ་དང ། རྒན་མོ་ཀ་ཙང་ག་ལ་ལ་འདི་སྐད་ཅེས་སྨྲས་སོ། །ཀ་ཙང་ག་ལ། བཅོམ་ལྡན་འདས་སྐྱེམས་ཀྱི་།ཆུ་ཕུལ་ཅིག་།དེས་སྨྲས་པ། འཕགས་པ། བདག་ཉིད་འཚལ་ཏེ་མཆིའོ། །དེ་ནས་ཀ་ཙང་ག་ལས་ཆུ་བུམ་པ་བཀང་ནས་རིངས་པ་རིངས་པར་བཅོམ་ལྡན་འདས་གང་ན་བ་དེར་སོང་བ་དང ། ཀ་ཙང་ག་ལས་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། འོད་ཟེར་ཉི་མ་སྟོང་བས་
Kha240b
ལྷག་པ། རིན་པོ་ཆེའི་རི་བོ་འགྲོ་བ་ལྟ་བུར་ཀུན་ནས་བཟང་བ་མཐོང་ངོ ། །མཐོང་མ་ཐག་ཏུ་ཡང་དེའི་བུའི་སྡུག་པ་སྐྱེས་ནས་དེས་ལག་པ་བསྒྲེངས་ཏེ་བུ་བུ་ཞེས་བཅོམ་ལྡན་འདས་ལ་འཁྱུད་པར་བརྩམས་པ་དང ། དགེ་སློང་རྣམས་ཀྱིས་དེ་བཟློག་གོ་།བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱོད་ཀྱིས་རྒན་མོ་འདི་མ་ཟློག་ཅིག་།དེ་ཅིའི་ཕྱིར་ཞེ་ན། འདི་ནི་ཚེ་རབས་ལྔ་བརྒྱར་ཡང ། །རྟག་ཏུ་ང་ཡི་ཡུམ་གྱུར་པས།། ང་ཡི་སྐུ་ལ་རེག་པ་ལས། །གལ་ཏེ་འདི་ནི་བཟློག་བྱས་ན། །དེའུ་རེ་མོད་ལ་ཁྲག་དྲོན་དག་།འདི་ཡི་ཁ་ནས་སྐྱུག་པར་འགྱུར། །བུ་ལ་གདུང་བ་འདི་མཐོང་ནས། །བྱས་པ་གཟོ་བ་རྗེས་དགོངས་ཏེ། །ཐུགས་རྗེ་དང་ནི་ཐུགས་བརྩེ་བས། །སྐུ་ལ་རེག་ཏུ་གནང་བར་བྱ། །བཅོམ་ལྡན་འདས་ཀྱིས་དེ་ལ་མགུལ་ནས་འཁྱུད་དུ་གནང་བས། དེ་བུ་ལ་ཆགས་པ་དང་བྲལ་ནས་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་མཁྱེན་ནས། བཅོམ་ལྡན་འདས་དེ་དང་མཐུན་པའི་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དེ། དེ་ཐོས་ནས་ཀ་ཙང་ག་ལས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེས་བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ། འདི་ལྟ་བུ་ནི། བདག་ལ་ཕས་མ་བགྱིས་ཏེ། མས་མ་ལགས་ཞེས་བྱ་བ་ནས་ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་
Kha241a
༄#། །རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་སོ། །ཞེས་བྱ་བའི་བར་གོང་མ་བཞིན་དུའོ། །ཚིགས་སུ་བཅད་པ་དག་གིས་ཀྱང་གསོལ་བ། མ་ལ་ལན་དུ་ཕན་འདོགས་པའི། །བུ་མཆོག་གིས་ནི་བགྱི་བ་གང ། །ཐར་ལ་སེམས་གཞོལ་འགྱུར་བ་དེ། །ཁྱོད་ཀྱིས་དེ་རིང་བདག་ལ་མཛོད། །ཁྱོད་ཀྱིས་བདག་ནི་ངན་འགྲོ་ལ། །དྲངས་ཏེ་མཐོ་རིས་ཐར་ལ་བཞག་།ཁྱོད་ཀྱིས་རྩོལ་བ་ཆེན་པོ་ཡིས། །དཀའ་བ་ལེགས་པར་མཛད་པ་ལགས། །ཅེས་གསོལ་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་དུས་གཞན་ཞིག་ན་ཀ་ཙང་ག་ལས་ཇོ་བོ་ལ་གསོལ་བ་བཏབ་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །བཅོམ་ལྡན་འདས་ཀྱིས་དེ་སྐྱེ་རྒུའི་བདག་མོ་ཆེན་མོ་ལ་གཏད་དོ། །དེ་ནས་དེས་རབ་ཏུ་ཕྱུང ། བསྙེན་པར་རྫོགས་པར་བྱས་ཏེ་གདམས་ངག་བྱིན་ནོ། །དེ་བརྩོན་འགྲུས་དང ། འབད་པ་དང ། བརྩལ་བ་བྱས་ནས་ཉོན་མོངས་པ་
Kha241b
ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་ནས་དགྲ་བཅོམ་མར་གྱུར་ཏེ། ཁམས་གསུམ་གྱི་འདོད་ཆགས་དང་བྲལ་བ་ཞེས་བྱ་བ་ནས་རྗེད་པར་བྱ་བར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ།། །།འདུལ་བ་གཞི། བམ་པོ་སོ་བདུན་པ། གང་གི་ཚེ་བཅོམ་ལྡན་འདས་ཀྱིས་དགེ་སློང་མ་རྣམས་ལ་བསྡུས་ཏེ་མདོར་བཀའ་སྩལ་ནས། གཙུག་ལག་ཁང་དུ་ནང་དུ་ཡང་དག་འཇོག་པའི་ཕྱིར་འཇུག་པར་མཛད་པ་དེའི་ཚེ། ཀ་ཙང་ག་ལས་དེ་རྒྱས་པར་ལུང་སྟོན་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་ཉན་ཐོས་དགེ་སློང་མ་མདོ་སྡེ་རྣམ་པར་འབྱེད་པར་བྱེད་པ་རྣམས་ཀྱི་ནང་ན། འདི་ལྟ་སྟེ། དགེ་སློང་མ་ཀ་ཙང་ག་ལ་འདི་མཆོག་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ།་ཀ་ཙང་ག་ལས་ཅི་ཞིག་བགྱིས་ན། དེས་ན། རྒས་ནས་རབ་ཏུ་བྱུང་བར་གྱུར། ལས་ཅི་ཞིག་བགྱིས་ན། དེས་ན། དབུལ་བ་དང ། བྲན་མོར་གྱུར། བཅོམ་ལྡན་འདས་ཀྱི་སྲིད་པ་ཐ་མ་པ་དེའི་མངལ་དུ་མ་བཟུང་བར་གྱུར། རབ་ཏུ་བྱུང་ནས་ཀྱང་དགྲ་བཅོམ་པ་མངོན་སུམ་དུ་བགྱིས་ཤིང ། བཅོམ་ལྡན་འདས་ཀྱིས་ཀྱང་མདོ་སྡེ་རྣམ་པར་འབྱེད་པར་བགྱིད་པ་རྣམས་ཀྱི་མཆོག་ཏུ་བསྟན་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དགེ་སློང་མ་ཀ་ཙང་ག་ལ་ཉིད་ཀྱིས་ལས་བྱས་ཤིང་ཚོགས་རྙེད་པ་དག་ཅེས་བྱ་བ་ནས། ལུས་ཅན་དག་ལ་འབྲས་བུ་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་
Kha242a
༄#། །དག། སྔོན་བྱུང་བ། བྱང་ཆུབ་སེམས་དཔའི་སྤྱོད་པ་ལ་གནས་པ་ན། འདི་ངའི་ཡུམ་དུ་གྱུར་ཏེ། གང་གི་ཚེ་ང་རབ་ཏུ་འབྱུང་བར་འདོད་པ་དེའི་ཚེ། འདིས་ང་བཟློག་པས། ལས་དེའི་རྣམ་པར་སྨིན་པས་རྒས་ནས་རབ་ཏུ་བྱུང་ངོ ། །ང་སྦྱིན་པ་གཏོང་བ་ན། འདིས་བར་ཆད་བྱས་པས། དེས་ན། དབུལ་བར་གྱུར་ཏོ། །ཇི་ལྟར་སྒྱུ་འཕྲུལ་ཆེན་མོ་ལྟར་འདིས་བསོད་ནམས་དབང་ཆེ་བར་གྲགས་པར་འགྱུར་བའི་ལས་མ་བྱས་ཏེ། དེས་ན། ངའི་སྲིད་པ་ཐ་མ་འདིའི་མངལ་དུ་མ་བཟུང་ངོ ། །ཡང་དག་པར་རྫོགས་པའི་སངས་རྒྱས་འོད་སྲུང་ལས་རབ་ཏུ་བྱུང་ནས། དགེ་སློང་མ་སློབ་པ་དང ། མི་སློབ་པ་རྣམས་ལ་བྲན་མོ། ཞེས་ཚིག་ཏུ་བརྗོད་པས། དེས་ན། བྲན་མོར་གྱུར་ཏོ། །དེ་ན་འདིས་གང་དག་བཀླགས་ཤིང་སྟོན་པས་ཕུང་པོ་ལ་མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་པར་འབྱུང་བ་ལ་མཁས་པ་དང ། གནས་དང་གནས་མ་ཡིན་པ་ལ་མཁས་པར་བྱས་པས། དེས་ན་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་སོ། །རབ་ཏུ་འབྱིན་པའི་མཁན་པོ་གང་ཡིན་པ་དེ། ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས་མདོ་སྡེ་རྣམ་པར་འབྱེད་པར་བྱེད་པ་རྣམས་ཀྱི་མཆོག་ཏུ་བསྟན་པ་དང ། དེས་ན་འདིས་ཀྱང་འཆི་བའི་དུས་ཀྱི་ཚེ་སྨོན་ལམ་བཏབ་པ། བདག་གིས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་ཡོན་གནས་བླ་ན་མེད་པ་ལ་ཚེ་ཇི་སྲིད་
Kha242b
ཅིག་ཏུ་ཚངས་པར་སྤྱོད་པ་སྤྱད་པ་ན། ཡོན་ཏན་གྱི་ཚོགས་འགའ་ཡང་མ་ཐོབ་ཀྱི། དགེ་བའི་རྩ་བ་འདིས་བདག་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས། བྲམ་ཟེའི་ཁྱེའུ་བླ་མ་ཞེས་བྱ་བ་གང་ཡིན་པ་དེ་ལ་བྲམ་ཟེ་ཁྱེའུ་ཁྱོད་སྐྱེ་རྒུའི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ། ། ཞེས་ལུང་བསྟན་པ་དེའི་བསྟན་པ་ལ་རབ་ཏུ་བྱུང་ནས། ཇི་ལྟར་བདག་གི་མཁན་པོ་འདི། ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས་མདོ་སྡེ་རྣམ་པར་འཕྱེད་པར་བྱེད་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ། བདག་ཀྱང་བཅོམ་ལྡན་འདས་ཤཱཀྱ་ཐུབ་པ་དེས་མདོ་སྡེ་རྣམ་པར་འབྱེད་པར་བྱེད་པ་རྣམས་ཀྱི་མཆོག་ཏུ་སྟོན་པར་གྱུར་ཅིག་།ཅེས་བྱས་ཏེ། དེའི་སྨོན་ལམ་གྱི་དབང་གིས། ངས་ད་ལྟར་མདོ་སྡེ་རྣམ་པར་འབྱེད་པར་བྱེད་པ་རྣམས་ཀྱི་མཆོག་ཏུ་བསྟན་ཏོ། །དགེ་སློང་དག་།དེ་ལྟ་བས་ན། གཅིག་ཏུ་ནག་པའི་ལས་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ་ཞེས་བྱ་བ་ནས་བརྩོན་པར་བྱའོ། །ཞེས་བྱ་བའི་བར་གོང་མ་བཞིན་དུ་སྟེ། དགེ་སློང་དག་།ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་དེ་སྐད་ཅེས་བཀའ་སྩལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཡུལ་དགྲ་མཐའ་གང་ན་བ་དེར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་
Kha243a
༄#། །ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་གཤེགས་པ་དང ། ཇི་ཙམ་ན་ཀུན་དགའ་ར་བ་ཞིག་ན་བྲམ་ཟེ་ཞིག་ཁྲོན་པ་ནས་ཆུ་བཅུས་ཤིང་ཀུན་དགའ་ར་བ་བཅུ་བར་བརྩམས་སོ། །བྲམ་ཟེ་དེས་རྒྱང་རིང་པོ་ཁོ་ན་ནས་བཅོམ་ལྡན་འདས་མཐོང་ངོ ། །མཐོང་ནས་ཀྱང་བསམ་པ། གལ་ཏེ་དགེ་སྦྱོང་གོའུ་ཏ་མ་ཀུན་དགའ་ར་བར་ཞུགས་ན། ཀུན་དགའ་ར་བ་དང ། ཆུ་མ་རུང་བར་འགྱུར་རོ། །སྙམ་དུ་བསམ་ནས། སྒོ་བཅད་དེ། དཔྱད་ཐག་དང་ཆུ་སྣོད་སྦས་ནས་འདུག་གོ་།དེ་ནས་བཅོམ་ལྡན་འདས་ཀྱི་རྫུ་འཕྲུལ་གྱིས་ཀུན་དགའ་ར་བར་ཞུགས་པ་དང ། གནོད་སྦྱིན་གྱི་སྡེ་དཔོན་ཆེན་པོ་ལྔ་ལེན་གྱིས་ཁྲོན་པ་དེ་བཟུང་ནས། ཀུན་དགའ་ར་བ་དེ་ཐམས་ཅད་ཆུས་གཡོགས་པར་བྱས་སོ། །དེ་ནས་བྲམ་ཟེ། དགེ་སྦྱོང་གོའུ་ཏ་མ་འདི་ནི། རྫུ་འཕྲུལ་ཆེ་ཞིང་མཐུ་ཆེ་བ་ཡིན་ནོ། །སྙམ་དུ་རིག་ནས་མངོན་པར་དད་པར་གྱུར་ཏེ་གསོལ་པ། ཤེས་ལྡན་གོའུ་ཏ་མ་ཚུར་སྤྱོན། དཔྱད་ཐག་ནི། འདི་ལགས། ཆབ་སྣོད་ནི། འདི་ལགས་ཀྱི། ཆབ་ཅི་བདེར་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། གལ་ཏེ་ཀུན་ན་ཆུ་ཡོད་ན། ཁྲོན་པའི་ཆུས་ཀོ་ཅི་ཞིག་བྱ། །འདིར་ནི་སྲིད་པའི་རྩ་བཅད་ནས། །གང་ཞིག་ཡོངས་སུ་བརྩལ་བར་སྤྱོད། །དེ་ནས་བཅོམ་ལྡན་འདས་ལ་བྲམ་ཟེ་དེས་འདི་སྐད་ཅེས་གསོལ་ཏོ། །བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་
Kha243b
པ་དགེ་སློང་གི་དངོས་པོ་ཐོབ་པ་ལྟ་ན་ཞེས་བྱ་བ་ནས། དགེ་སློང་ཚུར་ཤོག་ཅེས་བྱ་བས་རབ་ཏུ་ཕྱུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་ཕྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དེ་ནས་བརྩོན་འགྲུས་དང ། འབད་པ་དང ། བརྩལ་པ་བྱས་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་ནས་དགྲ་བཅོམ་པར་གྱུར་ཏེ་ཁམས་གསུམ་གྱི་འདོད་ཆགས་དང་བྲལ་བ་ཞེས་བྱ་བ་ནས་མངོན་དུ་སྨྲ་བར་བྱ་བར་གྱུར་ཏོ།། ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་དཔའ་སྡེ་ནས་ལྗོངས་རྒྱུ་ཞིང་གཤེགས་པ་དང་ཡུལ་དགྲ་མཐར་གཤེགས་ཏེ་དགྲ་མཐའ་ན་སྦུ་གུ་ཅན་གྱི་ཤིང་ནིམ་པའི་དྲུང་ན་བཞུགས་སོ། ། དེའི་ཚེ་དགྲ་མཐའ་ན་རྒྱལ་པོ་བྲམ་ཟེ་མེ་སྦྱིན་ཞེས་བྱ་བ་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་།རྒྱལ་པོ་བྲམ་ཟེ་མེ་སྦྱིན་གྱིས་དགེ་སྦྱོང་གོའུ་ཏ་མ་དཔའ་སྡེ་ནས་ལྗོངས་རྒྱུ་ཞིང་གཤེགས་པ་དང ། དགྲ་མཐར་བྱོན་ནས་དགྲ་མཐའ་ན་སྦུ་བུ་ཅན་གྱི་ཤིང་ནིམ་པའི་དྲུང་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་མ་ནི། མཐའི་རྒྱལ་པོ་ཐམས་ཅད་ཀྱིས་བཀུར་སྟི་བྱས། བླ་མར་བྱས། རྗེད་པར་བྱས། མཆོད་པར་བྱས་ཏེ་དགྲ་བཅོམ་པར་བཀུར་ལ། གལ་ཏེ་བདག་གིས་དགེ་སྦྱོང་
Kha244a
༄#། །གོའུ་ཏ་མ་ལ་བཀུར་སྟི་མ་བྱས་ན། མཐའི་རྒྱལ་ཕྲན་རྣམས། ཤེས་ལྡན་དག། ཀྱེ་མ་རྒྱལ་པོ་བྲམ་ཟེ་མེ་སྦྱིན་ནི། བྱིས་པ་ཡིན་ཏེ། དེའི་གྲོང་དང་ཞིང་ན་དགེ་སྦྱོང་གོའུ་ཏ་མ་ཉེ་བར་བརྟེན་ཅིང་བཞུགས་ན། བསྙེན་བཀུར་མ་བྱས་སོ། །ཞེས་སྨོད་པར་འགྱུར་གྱི། མ་ལ་བདག་གིས་དགེ་སྦྱོང་གོའུ་ཏ་མ་ཉན་ཐོས་ཀྱི་དགེ་འདུན་དང་བཅས་པ་ལ་ཡོ་བྱད་ཐམས་ཅད་ཀྱིས་བསྟབ་བོ། །སྙམ་དུ་བསམ་ནས། རྒྱལ་པོ་ཆེན་པོའི་འབྱོར་བ་དང ། རྒྱལ་པོ་ཆེན་པོའི་མཐུས་དགྲ་མཐའ་ནས་བྱུང་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ཀྱིས་རྒྱལ་པོ་བྲམ་ཟེ་མེ་སྦྱིན་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནས་རྒྱལ་པོ་བྲམ་ཟེ་མེ་སྦྱིན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡ་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གོའུ་ཏ་མ་ཉན་ཐོས་ཀྱི་དགེ་འདུན་དང་ཐབས་ཅིག་ལ་དགུང་ཟླ་གསུམ་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་
Kha244b
དཔྱད་ཀྱི་རྐྱེན་སྨན་གྱི་ཡོ་བྱད་རྣམས་འབུལ་ཞིང་མཆིས་ན། བདག་ལ་གནང་བར་མཛད་དུ་གསོལ། བཅོམ་ལྡན་འདས་ཀྱིས་རྒྱལ་པོ་བྲམ་ཟེ་མེ་སྦྱིན་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོ་བྲམ་ཟེ་མེ་སྦྱིན་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ནས་སྟན་ལས་ལངས་ཏེ་སོང་ངོ ། །དེ་རང་གི་ཁྱིམ་དུ་སོང་ནས་བློན་པོ་རྣམས་ལ་བསྒོ་བ། ཉི་མ་རེ་རེ་ཞིང་ལྔ་བརྒྱའི་བཟའ་བ་དང་བཅའ་བ་སྣ་བཅོ་བརྒྱད་དང ། སྲན་ཚོད་སྣ་ཚོགས་དང ། ཚོད་མ་རོ་དང་ལྡན་པ་དང ། འབྲས་ཆན་རབ་ཏུ་མང་པོར་ཆོས་ཤིག་།དགྲ་མཐར་དྲིལ་སྒྲོག་ཏུ་བཅུག་པ། དགེ་སྦྱོང་གོའུ་ཏ་མ་ཟླ་བ་གསུམ་དུ་གཞན་གྱིས་གདུགས་ཚོད་མ་གསོལ་ཅིག་།གང་ཞིག་གིས་གདུགས་ཚོད་གསོལ་ན། དེ་ནི། ཆད་པར་གསད་དོ། ། ཞེས་དེས་དེ་སྐད་དུ་དྲིལ་བསྒྲགས་ནས་ནུབ་མོ་ཉལ་བ་དང ། རྨི་ལམ་ན་བདག་གི་རྒྱུ་མས་དགྲ་མཐའི་གྲོང་ཁྱེར་ཐམས་ཅད་བསྐོར་བར་རྨིས་སོ། །རྨིས་ནས་ཀྱང་སྔངས་སྐྲག་བྱེད་ཅིང་སྤུ་ཟིང་ཞེས་བྱེད་ནས་མྱུར་བ་མྱུར་བར་མལ་ཆེན་པོ་ནས་ལངས་ཏེ། ལག་པ་ལ་འགྲམ་པ་གཏད་ནས་གཞི་འདི་ལས་བདག་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་མི་འགྱུར་གྲང་སྙམ་དུ་སེམས་ཁོང་དུ་ཆུད་ཅིང་འདུག་པ་ལས། དེ་ནམ་ནངས་ནས་བྲམ་ཟེ་མདུན་ན་འདོན་ལ་སྨྲས་པ། མཁན་པོ། །བདག་གིས་འདི་འདྲ་བའི་རྨི་ལམ་ཞིག་མཐོང་ན། དེ་ལ་ཇི་ལྟར་བསྒྲུབ་པར་བྱ། བྲམ་ཟེ་མདུན་ན་
Kha245a
༄#། །འདོན་གྱིས་བསམ་པ། ཇི་ལྟར་ལྷས་རྨི་ལམ་བཟང་པོ་ཞིག་རྨིས་ཏེ། གལ་ཏེ་བདག་དེ་དང་མཐུན་པར་བསྙད་ན། འདི་ལྷག་པར་ཡང་དགེ་སྦྱོང་གོའུ་ཏ་མ་ལ་དད་པ་སྐྱེད་པར་འགྱུར་གྱི། མ་ལ་བདག་གིས་འདི་ངན་པར་བསྙད་དོ། །སྙམ་དུ་བསམ་ནས་སྨྲས་པ། ལྷ། རྨི་ལམ་མི་བཟང་ལགས་སོ། །མཁན་པོ། འདིའི་འབྲས་བུ་ཅིར་འགྱུར། ལྷ། གདོན་མི་འཚལ་བར་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་འགྱུར་ལགས་སོ། །རྒྱལ་པོས་བསམ་པ། ཨེ་མའོ། །ཀྱི་ཧུད་བདག་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་མི་འགྱུར་གྲང་སྙམ་དུ་བསམ་ནས། བྲམ་ཟེ་མདུན་ན་འདོན་ལ་འདི་སྐད་ཅེས་སྨྲས་སོ། །གང་གིས་ན། ཁོ་བོ་རྒྱལ་སྲིད་ལས་ཉམས་པར་མི་འགྱུར་བ་དང ། སྲོག་གི་བར་ཆད་དུ་མི་འགྱུར་བའི་ཐབས་བཟང་པོ་ཅི་ཡོད། དེས་སྨྲས་པ། ལྷ། གལ་ཏེ་མི་གདའ་བའི་ཕྱོགས་སུ་ཟླ་བ་གསུམ་བཞུགས་ན། དེ་ནས་ལྷ་རྒྱལ་སྲིད་ལས་མི་ཉམས་ཤིང ། སྲོག་གི་བར་ཆད་དུ་མི་འགྱུར་ལགས་སོ། །དེ་ནས་རྒྱལ་པོ་བྲམ་ཟེ་མེ་སྦྱིན་གྱིས་བསམ་པ། གལ་ཏེ་དེ་ལྟ་ན། དེ་བྱ་སླ་བས་དྲིལ་སྒྲོག་ཏུ་གཞུག་གོ། སྙམ་ནས། དེས་ཡུལ་ཐམས་ཅད་དུ་དྲིལ་སྒྲོག་ཏུ་བཅུག་པ། ང་ལ་ཟླ་བ་གསུམ་དུ་བལྟ་ཞིང་ཉེ་བར་སུ་ཡང་མ་འོང་ཞིག། གང་ཞིག་འོངས་ན། དེ་ནི་ཆད་པར་གསད་དོ། །ཞེས་དྲིལ་སྒྲོག་ཏུ་བཅུག་ནས་ཟླ་བ་གསུམ་དུ་མི་སྣང་བའི་ཕྱོགས་ཤིག་ན་འདུག་གོ། ཚེ་དང་
Kha245b
ལྡན་པ་ཀུན་དགའ་བོ་ནང་པར་སྔར་ལངས་ཏེ། རྒྱལ་པོ་བྲམ་ཟེ་མེ་སྦྱིན་གྱི་ཁྱིམ་གང་ན་བ་དེར་སོང་བ་ལས། ཇི་ཙམ་ན་རྒྱལ་པོ་བྲམ་ཟེ་མེ་སྦྱིན་གྱི་ཞོ་ཤས་འཚོ་བ་རྣམས་སེམས་ལས་ཆུང་ངུས་འཁོད་པ་དག་མཐོང་ངོ། །མཐོང་ནས་ཀྱང་སྨྲས་པ། ཤེས་ལྡན་དག་།ཅི། སེམས་ལས་ཆུང་ངུས་འཁོད་དམ། དེ་རྣམས་ཀྱིས་སྨྲས་པ། འཕགས་པ་ཅི་ཞིག་བགྱིར་མཆིས། རྒྱལ་པོ་བྲམ་ཟེ་མེ་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཟླ་བ་གསུམ་དུ་ཡོ་བྱད་ཐམས་ཅད་ཀྱིས་མི་བསྟབ་བམ། ཁྱེད་ཅག་སེམས་ལས་ཆུང་ངུས་འཁོད་ནས་གདུགས་ཚོད་ཀྱང་སྟ་གོན་མི་བྱེད། གདན་ཡང་མི་ཤོམ་ན། ཅི། སངས་རྒྱས་ལ་སོགས་པ་དགེ་སློང་གི་དགེ་འདུན་གྱི་གདུགས་ཚོད་གཅོད་དམ། དེ་དག་གིས་སྨྲས་པ། འཕགས་པ་ཀུན་དགའ་བོ། ལྷས་ལྔ་བརྒྱ་རྣམས་ཀྱི་ཆེད་དུ་ཞལ་ཟས་བསོད་པ་མང་དུ་སྟ་གོན་བྱོས་ཤིག་ནི། བཀའ་སྩལ་གྱི། ཆེ་གེ་མོ་ཞིག་གི་དོན་དུའོ། །ཞེས་བཀའ་མ་སྩལ་ལགས་སོ། །ཤེས་ལྡན་དག། དེང་ལྷ་ལ་ཞུས་ཤིག་།འཕགས་པ། ལྷས་དྲིལ་སྒྲོག་ཏུ་སྩལ་པ། ད་ལ་ཟླ་བ་གསུམ་དུ་ལྟ་ཞིང་ཉེ་བར་སུའང་མ་འོང་ཞིག་།གང་ཞིག་འོངས་ན། དེ་ཆད་པར་གསད་དོ། །ཞེས་བསྒྲགས་ན། ཅི། བདག་ཅག་ལ་མགོ་བོ་གཉིས་མཆིས་སམ། བདག་ཅག་ནི། མི་ཞུ་ལགས་སོ། །དེ་ནས་ཚེ་དང་ལྡན་པ་ཀུན་དགའ་བོ། །བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་སྐབས་དེ་རྒྱལ་པར་གསོལ་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་
Kha246a
༄#། །དགའ་བོ། སོང་ལ་སྣམ་སྦྱར་ཐོགས་ཏེ་ཕྱི་བཞིན་འབྲང་བའི་དགེ་སྦྱོང་གཞན་ཞིག་དང་དགྲ་མཐའི་ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་ཤེས་ལྡན་དག་།ཁྱེད་ཅག་ལས་གང་དག་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཟླ་བ་གསུམ་དུ་ཞལ་ཟས་གསོལ་བར་སྤྲོ་བ་དེས། ཞལ་ཟས་གསོལ་ཅིག་ཅེས་སྦྲོན་ཅིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། སྣམ་སྦྱར་ཐོགས་ཏེ་ཕྱི་བཞིན་འབྲང་བའི་དགེ་སྦྱོང་གཞན་ཞིག་དང་དགྲ་མཐའི་ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་བསྒོ་བ། ཤེས་ལྡན་དག་།ཁྱེད་ཅག་ལས་གང་དག་སངས་རྒྱས་ལ་སོགས་པ་དགེ་སློང་གི་དགེ་འདུན་ཟླ་བ་གསུམ་དུ་ཞལ་ཟས་གསོལ་བར་སྤྲོ་བ་དེས། ཞལ་ཟས་གསོལ་ཅིག་།དགྲ་མཐའི་བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། འཕགས་པ་ཀུན་དགའ་བོ། བདག་ཅག་ལྟ་ཞིག་།རེ་རེས་ཀྱང་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཟླ་བ་གསུམ་དུ་ཞལ་ཟས་གསོལ་བར་སྤྲོ་ལགས་མོད་ཀྱི། རྒྱལ་པོ་སྡིག་པ་ཅན་འདིས་དྲིལ་སྒྲོག་ཏུ་སྩལ་པ། གཞན་སུས་ཀྱང་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་ཏེ་ཟླ་བ་གསུམ་དུ་ཞལ་ཟས་མ་གསོལ་ཅིག་།གང་ཞིག་གིས་ཞལ་ཟས་གསོལ་ན། དེ་ནི། ཆད་པར་གསད་དོ། །ཞེས་བསྒྲགས་ལགས་སོ། །ཇི་ཙམ་ན་བྱང་ཕྱོགས་ནས་དེད་
Kha246b
དཔོན་ཞིག་རྟ་ལྔ་བརྒྱ་ལ་ཁལ་བཀལ་ཏེ་དགྲ་མཐར་ཕྱིན་ནས་དེས་བསམ་པ། གལ་ཏེ་མོད་ལ་ཆས་ན། རྟ་རྣམས་ཀྱི་རྨིག་པ་དུབ་པས་འཐེང་བར་འགྱུར་ཞིང ། ལོམ་པར་ཡང་མི་འགྱུར་བས་འདི་ཉིད་དུ་གནས་པར་བྱའོ། །སྙམ་ནས། དེ་དེ་ཉིད་དུ་འདུག་ནས། དེས་རྟ་ཅང་ཤེས་ལ་ནི། ཆས་ནས་བྲེའུ་ཆུང་དོ། །རྟ་ལྷག་མ་རྣམས་ལ་ནི། བྲེའུ་ཆུང་རེ་རེ་ཐང་ཆད་དོ། །དེས་རྒྱལ་པོ་རྩིས་མགོ་འདི་དང་འདི་དག་བྱས་སོ། །ཞེས་ཐོས་ལ། ཚེ་དང་ལྡན་པ་ཀུན་དགའ་བོས་དེ་སྐད་དུ་སྨྲས་པ་ཡང་ཐོས་ནས། དེས་བསམ་པ། བདག་ནི། རྒྱལ་པོ་འདིའི་ཡུལ་ན་གནས་པ་མ་ཡིན་པས། བདག་ལ་རྒྱལ་པོས་ཅི་བྱར་ཡོད་སྙམ་དུ་རིག་ནས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །འཕགས་པ་ཀུན་དགའ་བོ། །བདག་གིས་རྟ་ཅང་ཤེས་ལ་ནི། ཆས་ནས་བྲེའུ་ཆུང་དོ། །རྟ་ལྷག་མ་རྣམས་ལ་ནི། བྲེའུ་ཆུང་རེ་རེའི་ཐང་ལགས་ན། གལ་ཏེ་བཅོམ་ལྡན་འདས་ནས་གསོལ་བར་སྤྲོ་ན། བཅོམ་ལྡན་འདས་ལ་ནི། བདག་གིས་ནས་བྲེའུ་ཆུང་ངོ ། །དགེ་སློང་ལྷག་མ་རྣམས་ལ་ནི། བྲེའུ་ཆུང་རེ་རེ་དབུལ་བར་བགྱིའོ། །དེ་ནས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་སྐབས་དེ་རྒྱས་པར་གསོལ་བ་དང ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ང་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་པའི་ལས་ང་ཉིད་ཀྱིས་བྱས་ཤིང་བསགས་པས། ང་ཉིད་ཀྱིས་ལས་བྱས་ཤིང་བསགས་པ་དག་
Kha247a
༄#། །གཞན་སུ་ཞིག་གིས་སོ་སོར་མྱོང་བར་འགྱུར་ཏེ། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། །སོང་ལ་དགེ་སློང་རྣམས་ལ་ཚུལ་ཤིང་བྲིམས་ཏེ། ཁྱེད་ཅག་ལས་གང་དེ་བཞིན་གཤེགས་པ་དང་ཐབས་ཅིག་དགྲ་མཐར་ཟླ་བ་གསུམ་དུ་ལོངས་སྤྱད་པར་སྤྲོ་བ་དེས། ཚུལ་ཤིང་ལོངས་ཤིག་ཅེས་སྒོས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་ཚུལ་ཤིང་བྲིམ་པར་བརྩམས་པ་ན། གང་ཡང་བཅོམ་ལྡན་འདས་དགེ་སློང་ལྔ་བ་རྒྱར་དགེ་སློང་གཉིས་ཀྱིས་མ་ཚང་བས་ཚུལ་ཤིང་བླངས་སོ། །ཚེ་དང་ལྡན་པ་ཤཱ་རིའི་བུས་གསོལ་བ། བཅོམ་ལྡན་འདས། བདག་ནི། བསེར་མའི་བྲོ་ནད་མཆིས་པས། དགུང་ཟླ་གསུམ་དུ་སྩང་ནས་ཀྱིས་ལོངས་སྤྱད་པར་མི་སྤྲོ་ལགས་སོ། །ཚེ་དང་ལྡན་པ་མོའུ་དགལ་གྱི་བུ་ཆེན་པོས་གསོལ་བ། བདག་ནི། འདིའི་བྲོ་གཡོག་ལགས་སོ། །དེ་ནས་བཅོམ་ལྡན་འདས་དགེ་སློང་ལྔ་བརྒྱར་དགེ་སློང་གཉིས་ཀྱིས་མ་ཚང་བ་དང་ཐབས་ཅིག་ཏུ་དབྱར་དགྲ་མཐར་བཞུགས་པར་ཞལ་གྱིས་བཞེས་སོ། །ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ནི། རི་བོ་རྩེ་གསུམ་གྱི་ཁར་སོང་སྟེ་དབྱར་གནས་པར་ཁས་བླངས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་ལྷའི་བདུད་
Kha247b
རྩིས་བསྟབས་སོ། །དེ་ནས་དེད་དཔོན་གྱིས་བཅོམ་ལྡན་འདས་ལ་ནི། ནས་བྲེའུ་ཆུང་དོ་དོ་འབུལ་ལོ། །དགེ་སློང་གཞན་རྣམས་ལ་ནི། ནས་བྲེའུ་ཆུང་རེ་རེའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དེ་བཞིན་གཤེགས་པའི་ཆེད་དུ་ནས་ལ་ཅི་ལེགས་སུ་བྱོས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་བཅོམ་ལྡན་འདས་ཀྱི་སྐུ་སྐལ་བླངས་ཏེ་བུད་མེད་རྒན་མོ་གཞན་ཞིག་གང་ན་ཡོད་པ་དེར་སོང་ནས་ཕྱིན་པ་དང ། བུད་མེད་དེ་ལ་འདི་སྐད་ཅེས་སྨྲས་སོ། །སྲིང་མོ། དེ་བཞིན་གཤེགས་པའི་ཆེད་དུ་ནས་ལ་ཅི་ལེགས་སུ་བྱ་ན། ཁྱོད་ནུས་སམ། དེས་སྨྲས་པ། འཕགས་པ། བདག་རྒན་མོས་རྔོ་ཐོགས་ཏེ། འོན་ཀྱང་བུ་མོ་འདི་གཞོན་ལགས་ཀྱི། འདི་ལ་སྩོལ་ཅིག་དང ། འདིས་ནི། ཅི་ལེགས་སུ་བགྱིད་པར་འགྱུར་རོ། །དེ་ནས་ཚེ་དང་ལྡན་པ་ཀུན་དགའ་བོ་དེའི་དྲུང་དུ་སོང་སྟེ་ཕྱིན་ནས་སྨྲས་པ། སྲིང་མོ། ཁྱོད་ཀྱིས་དེ་བཞིན་གཤེགས་པའི་ཆེད་དུ་ནས་ལ་ཅི་ལེགས་སུ་བྱེད་ནུས་སམ། དེས་སྨྲས་པ། འཕགས་པ། བདག་དང་དམ་ཞིག་བཅའ་སྟེ། གལ་ཏེ་བདག་ལ་ཚིག་འདི་འགའ་གསུང་བ་ལྟ་ན། ཅི་ལེགས་སུ་བགྱིའོ། །དེས་སྨྲས་པ། བྱི་དོར་གྱིས་ཤིག་དང་སྨྲའོ། །དེ་ནས་འདྲུ་ཞིང་དྲིས་པ། འཕགས་པ། སངས་རྒྱས་ཞེས་བགྱི་པ་འདི་ཅི་ལགས། ཚེ་དང་ལྡན་པ་ཀུན་དགའ་བོས་བསམ་པ། གལ་ཏེ་འདི་ལ་བདག་གིས་སངས་རྒྱས་ཀྱི་བསྔགས་པ་བརྗོད་ན། སངས་རྒྱས་ཀྱི་ཆོས་རྣམས་ནི། ཟབ་པ་ཡིན་པས། འདིས་ཤེས་པར་མི་འགྱུར་བའི་
Kha248a
༄#། །གནས་གང་ཡིན་པ་ཡོད་ཀྱི། མ་ལ་བདག་གིས་འདི་ལ་འཁོར་ལོས་བསྒྱུར་བའི་བསྔགས་པ་བརྗོད་པར་བྱའོ། སྙམ་དུ་བསམ་ནས་སྨྲས་པ། སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། རིན་པོ་ཆེ་སྣ་བདུན་ཡང་འཇིག་རྟེན་དུ་འབྱུང་བར་འགྱུར་ཏེ། བདུན་པོ་དེ་དག་གང་ཞེ་ན། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་ནི། བློན་པོ་རིན་པོ་ཆེ་ཡིན་ནོ། །སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། ཇི་ལྟ་བུ་ཞིག་འཇིག་རྟེན་དུ་འབྱུང་བར་འགྱུར་ཞེ་ན། སྲིང་མོ། འདི་ལ་རྒྱལ་རིགས་སྤྱི་བོ་ནས་དབང་བསྐུར་བ་གསོ་སྦྱོང་བཅོ་ལྔ་པ་དེ་ཉིད་ལ་མགོ་ཁྲུས་བྱས་ཏེ་སྨྱུང་བ་བྱས་ནས། དེ་སྟེང་གི་ཁང་བཟང་གི་གཞི་ལ་བློན་པོའི་ཚོགས་ཀྱིས་བསྐོར་ནས་འདུག་པ་ན། ཤར་ཕྱོགས་ནས་འཁོར་ལོ་རིན་པོ་ཆེ་ལྟེ་བ་དང་བཅས་པ། རྩིབས་སྟོང་དང་ལྡན་པ། མུ་ཁྱུད་དང་བཅས་པ། རྣམ་པ་ཐམས་ཅད་ཡོངས་སུ་རྫོགས་པ། མཛེས་པ། མཁན་བཟོས་མ་བྱས་པ། བཟང་པོ། ཐམས་ཅད་གསེར་ལས་བྱས་པ་ཞིག་འབྱུང་བར་འགྱུར་ཏེ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་གང་ཡིན་པ་འདིས། གསོ་སྦྱོང་བཅོ་ལྔ་པ་དེ་ཉིད་ཀྱི་ཚེ་ཞེས་བྱ་བ་ནས་ཐམས་ཅད་གསེར་ལས་བྱས་ཞེས་བྱ་
Kha248b
བ་ནས་དེ་ནི། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་ཐོས་སོ། །ཞེས་བྱ་བའི་བར་གོང་མ་བཞིན་དུའོ། །བདག་ནི། གདོན་མི་ཟ་བར་འཁོར་ལོས་བསྒྱུར་བའི་རྒྱལ་པོར་འགྱུར་རོ། །སྙམ་ནས། དེ་ནས་འཁོར་ལོས་བསྒྱུར་བའི་རྒྱལ་པོས་འཁོར་ལོ་རིན་པོ་ཆེ་དེ་བརྟག་པར་འདོད་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། འཁོར་ལོ་རིན་པོ་ཆེ་དེ་ལག་པ་གཉིས་ཀྱིས་བླངས་ནས་ལག་པ་གཡོན་པར་བཞག་སྟེ། ལག་པ་གཡས་པས་སྤོར་ཞིང ། ཀྱེ་འཁོར་ལོ་རིན་པོ་ཆེ། སྔོན་གྱི་འཁོར་ལོས་བསྒྱུར་བ་འཕགས་པའི་ལམ་སྲོལ་གང་ཡིན་པར་རྣམ་པར་རྒྱལ་བར་གྱུར་ཅིག་།རྣམ་པར་རྒྱལ་བར་གྱུར་ཅིག་།ཅེས་སྨྲའོ། །དེ་ནས་འཁོར་ལོ་རིན་པོ་ཆེ་དེ། འཁོར་ལོས་བསྒྱུར་བའི་རྒྱལ་པོས་སྤར་བ་དང་སྟེང་གི་ནམ་མཁའ་ལ་འཕགས་ནས་ཤར་ཕྱོགས་སུ་སྔོན་གྱི་འཁོར་ལོས་བསྒྱུར་ང་འཕགས་པའི་ལམ་སྲོལ་གང་ཡིན་པར་འགྲོ་བར་འགྱུར་རོ། །འཁོར་ལོ་རིན་པོ་ཆེ་དེའི་རྗེས་བཞིན་དུ་འཁོར་ལོས་བསྒྱུར་བའི་རྒྱལ་པོ་དཔུང་གི་ཚོགས་ཡན་ལག་བཞི་དང་ལྷན་ཅིག་ཏུ་འགྲོ་བར་འགྱུར་རོ། །ཕྱོགས་གང་དུ་འཁོར་ལོ་རིན་པོ་ཆེ་དེ་སྡོད་པ་དེར་འཁོར་ལོས་བསྒྱུར་བའི་རྒྱལ་པོ་དཔུང་གི་ཚོགས་ཡན་ལག་བཞི་དང་ལྷན་ཅིག་གནས་འདེབས་པར་འགྱུར་ཞིང ། ཤར་ཕྱོགས་ཀྱི་ཁམས་ཀྱི་རྒྱལ་ཕྲན་གང་དག་ཡིན་པ་དེ་དག་འཁོར་ལོས་བསྒྱུར་བའི་རྒྱལ་པོ་གང་ན་
Kha249a
༄#། །བ་དེར་སོང་སྟེ་ལྷགས་པ་དང ། འཁོར་ལོས་བསྒྱུར་བའི་རྒྱལ་པོ་ལ་འདི་སྐད་ཅེས། ལྷ་ཚུར་གཤེགས། ལྷ་བྱོན་པ་ལེགས་སོ། །ཡུལ་འཁོར་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ་གང་ལགས་པ་འདི་ནི། ལྷའི་ལགས་ཀྱི། ལྷས་རྗེས་སུ་བསྐྱང་དུ་གསོལ། བདག་ཅག་ནི། ལྷའི་བཀའ་བཞིན་བགྱིད་པ་ལགས་སོ། །ཞེས་སྨྲས་པ་དང ། དེའི་ཕྱིར་སྣ་བོ་དག་།ཁྱེད་ཅག་རང་རང་གི་ཡུལ་འཁོར་ཆོས་ཀྱིས་རྗེས་སུ་བསྐྱང་བར་བྱའི། ཆོས་མ་ཡིན་པས་ནི། མ་ཡིན་ནོ། །འགའ་ཞིག་ཆོས་མ་ཡིན་པ་སྤྱོད་དམ། འདྲེན་མར་སྤྱོད་པ་ཞིག་ཡོད་ན། ཁྱེད་ཀྱིས་དེ་ཡུལ་འཁོར་དུ་མ་བཞག་ཅིག་།དེ་ལྟ་ན་ཁྱོད་ཅག་ཁོ་བོའི་བཀའ་བཞིན་བྱེད་པ་ཡིན་ནོ། །དེ་ནས་འཁོར་ལོ་རིན་པོ་ཆེ་དེས་ཤར་ཕྱོགས་མངོན་པར་ཕབ་ནས་ཤར་ཕྱོགས་ཀྱི་རྒྱ་མཚོ་ཆེན་པོ་ནས་སླར་ལོག་སྟེ། ལྷོ་དང ། ནུབ་དང ། བྱང་ཕྱོགས་སུ་ཡང་སྔོན་གྱི་འཁོར་ལོས་བསྒྱུར་བ་འཕགས་པའི་ལམ་སྲོལ་གང་ཡིན་པར་འགྲོ་བར་འགྱུར་པས། དེ་ནས་འཁོར་ལོ་རིན་པོ་ཆེ་དེ་འཁོར་ལོས་བསྒྱུར་བའི་རྒྱལ་པོས་སྦར་བ་དང་སྟེང་གི་ནམ་མཁའ་ལ་འཕགས་ནས་བྱང་ཕྱོགས་སུ་སྔོན་གྱི་འཁོར་ལོས་བསྒྱུར་བ་འཕགས་པའི་ལམ་སྲོལ་གང་ཡིན་པར་འགྲོ་བར་འགྱུར་རོ། །འཁོར་ལོ་རིན་པོ་ཆེ་དེའི་རྗེས་བཞིན་དུ་འཁོར་ལོས་བསྒྱུར་བའི་རྒྱལ་པོ་དཔུང་གི་ཚོགས་ཡན་ལག་བཞི་དང་ལྷན་ཅིག་འགྲོ་བར་འགྱུར་རོ། །
Kha249b
ཕྱོགས་གང་དུ་འཁོར་ལོ་རིན་པོ་ཆེ་དེ་སྡོད་པ་དེར་འཁོར་ལོས་བསྒྱུར་བའི་རྒྱལ་པོ་ཡང་དཔུང་གི་ཚོགས་ཡན་ལག་བཞི་དང་ལྷན་ཅིག་གནས་འདེབས་པར་འགྱུར་ཞིང ། བྱང་ཕྱོགས་ཀྱི་ཁམས་ཀྱི་རྒྱལ་ཕྲན་གང་དག་ཡིན་པ་དེ་དག་འཁོར་ལོས་བསྒྱུར་བའི་རྒྱལ་པོ་གང་ན་བ་དེར་དོང་སྟེ་ལྷགས་པ་དང ། འཁོར་ལོས་བསྒྱུར་བའི་རྒྱལ་པོ་ལ་འདི་སྐད་ཅེས། ལྷ་ཚུར་གཤེགས། ལྷ་བྱོན་པ་ལེགས་སོ། །ཡུལ་འཁོར་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ་གང་ལགས་པ་འདི་ནི། ལྷའི་ལགས་ཀྱི། ལྷས་རྗེས་སུ་བསྐྱང་དུ་གསོལ། བདག་ཅག་ནི།་ལྷའི་བཀའ་བཞིན་བགྱིད་པ་ལགས་སོ། །ཞེས་སྨྲས་པ་དང ། དེའི་ཕྱིར་སྣ་བོ་དག་།ཁྱོད་ཅག་རང་རང་གི་ཡུལ་རྣམས་ཆོས་ཀྱིས་རྗེས་སུ་བསྐྱང་བར་བྱའི། ཆོས་མ་ཡིན་པས་ནི། མ་ཡིན་ནོ། ། འགའ་ཞིག་ཆོས་མ་ཡིན་པ་སྤྱོད་དམ། འདྲེན་མར་སྤྱོད་ན། ཁྱོད་ཀྱིས་ཡུལ་འཁོར་དུ་མ་བཞག་ཅིག་།དེ་ལྟ་ན་ཁྱེད་ཅག་ཁོ་བོའི་བཀའ་བཞིན་བྱེད་པ་ཡིན་ནོ། །དེ་ནས་འཁོར་ལོ་རིན་པོ་ཆེ་དེས་བྱང་ཕྱོགས་མངོན་པར་ཕབ་ནས་བྱང་ཕྱོགས་ཀྱི་རྒྱ་མཚོ་ཆེན་པོ་ནས་སླར་ལོག་སྟེ་རྒྱལ་པོའི་ཕོ་བྲང་དེ་ཉིད་དུ་ཕྱིན་ནས་དཀོར་ཁང་གི་སྟེང་དུ་སྲོག་ཤིང་བཙུགས་པ་བཞིན་དུ་གནས་སོ། །སྲིང་མོ། །འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། འཁོར་ལོ་རིན་པོ་ཆེ་དེ་ལྟ་བུ་འཇིག་རྟེན་དུ་འབྱུང་བར་འགྱུར་རོ། །སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། གླང་པོ་རིན་པོ་ཆེ་ཇི་
Kha250a
༄#། །ལྟ་བུ་ཞིག་འཇིག་རྟེན་དུ་འབྱུང་བར་འགྱུར་ཞེ་ན། སྲིང་མོ། འདི་ལ་འཁོར་ལོས་བསྒྱུར་བའི་གླང་པོ་ནི། ཐལ་ཀར་མེ་ཏོག་ཀུ་མུ་དའི་མདོག་ལྟ་བུ། ཡན་ལག་བདུན་ལེགས་པར་གནས་པ། གཟུགས་བཟང་པ། མཛེས་པ། བལྟ་ན་སྡུག་པ་ཡིན་ནོ། །འཁོར་ལོས་བསྒྱུར་བའི་རྒྱལ་པོས་འདི་མཐོང་ནས་སེམས་མངོན་པར་དད་པར་གྱུར་ནས། ཀྱེ་མའོ། གླང་པོ་རིན་པོ་ཆེ་བཟང་པོ་ཞིག་ཡིན་གྱི། མྱུར་དུ་དུལ་བར་འགྱུར་བར་བྱའོ། །སྙམ་ནས། དེ་ནས་འཁོར་ལོས་བསྒྱུར་བའི་རྒྱལ་པོས་གླང་པོ་འདུལ་སྦྱོང་མཁན་མཁས་པ། ཕོ་ཉས་བཀུག་ནས་འདི་སྐད་ཅེས་སྨྲའོ། །དེས་པ། ཁྱོད་ཀྱིས་གླང་པོ་རིན་པོ་ཆེ་འདི་མྱུར་བ་ཁོ་ནར་ལེགས་པར་དུལ་བར་བྱོས་ལ་ང་ལ་ཕུལ་ཅིག་།ལྷ། བཀའ་བཞིན་འཚལ་ཞེས་གླང་པོ་འདུལ་སྦྱོང་མཁན་མཁས་པས། འཁོར་ལོས་བསྒྱུར་བའི་རྒྱལ་པོའི་ལྟར་མཉན་ནས། གླང་པོ་རིན་པོ་ཆེ་དེ་ལ་བསླབ་པ་ཐམས་ཅད་ཉིན་ཞག་གཅིག་ལ་སློབ་པར་བྱེད་དེ། དེ་ལ་ཉིན་ཞག་གཅིག་ལ་བསླབ་པ་ཐམས་ཅད་སློབ་པ་ན། ཉིན་ཞག་གཅིག་གིས་བསླབ་པ་ཐམས་ཅད་ལོབས་ནས་དཔེར་ན། གླང་པོ་ཆེ་གཞན་རྣམས་ལོ་དུ་མ་དང ། ལོ་ཁྱུད་སྐོར་དུ་མར་བསླབ་པ་ཐམས་ཅད་བསླབ་ནས་བསླབ་པ་ཐམས་ཅད་ལོབས་པ་དེ་བཞིན་དུ། གླང་པོ་ཆེ་རིན་པོ་ཆེ་དེ་ལ་ཉིན་ཞག་གཅིག་ལ་བསླབ་པ་ཐམས་ཅད་བསླབ་པ་ན། ཉིན་ཞག་གཅིག་གིས་བསླབ་པ་ཐམས་ཅད་ལོབས་སོ། །དེ་དུལ་བར་རིག་ནས་
Kha250b
འཁོར་ལོས་བསྒྱུར་བའི་རྒྱལ་པོ་ལ་འབུལ་བར་བྱེད་དེ། ལྷ། གླང་པོ་རིན་པོ་ཆེ་བཟང་པོ་ནི། དུལ་ལགས་ཏེ། ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་འཁོར་ལོས་བསྒྱུར་བའི་རྒྱལ་པོས་གླང་པོ་རིན་པོ་ཆེ་དེ་བརྟག་པར་འདོད་ནས་ཉི་མ་འཆར་ཀའི་དུས་ཀྱི་ཚེ་གླང་པོ་རིན་པོ་ཆེ་ཆེ་དེ་ལ་ཞོན་ནས་རྒྱ་མཚོའི་མཐས་ཀླས་པའི་ས་ཆེན་པོ་བསྐོར་ཏེ། རྒྱལ་པོའི་ཕོ་བྲང་དེ་ཉིད་དུ་ཕྱིན་པ་ན་ཞལ་ཚུས་ལ་འབབ་སྟེ། སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། གླང་པོ་རིན་པོ་ཆེ་དེ་ལྟ་བུ་འཇིག་རྟེན་དུ་འབྱུང་བར་འགྱུར་རོ། །སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། རྟ་རིན་པོ་ཆེ་ཇི་ལྟ་བུ་ཞིག་འཇིག་རྟེན་དུ་འབྱུང་བར་འགྱུར་ཞེ་ན། སྲིང་མོ། འདི་ལ་འཁོར་ལོས་བསྒྱུར་བའི་རྒྱལ་པོའི་རྟ་ནི། ཐམས་ཅད་སྔོ་བ། མགོ་ནག་ཅིང ། རྔོག་མཇུག་སྟུག་པ། གཟུགས་བཟང་བ། མཛེས་པ། བལྟ་ན་སྡུག་པ་ཡིན་ཏེ། འཁོར་ལོས་བསྒྱུར་བའི་རྒྱལ་པོས་དེ་མཐོང་ནས་སེམས་མངོན་པར་དད་པར་གྱུར་ནས་ཀྱེ་མ་རྟ་རིན་པོ་ཆེ་བཟང་པོ་ཞིག་ཡིན་གྱི།་མྱུར་དུ་དུལ་བར་འགྱུར་བར་བྱའོ། །སྙམ་ནས། དེ་ནས་འཁོར་ལོས་བསྒྱུར་བའི་རྒྱལ་པོས་རྟ་མཁན་མཁས་པ་ཕོ་ཉས་བཀུག་སྟེ་འདི་སྐད་ཅེས་སྨྲའོ། །དེས་པ། ཁྱོད་ཀྱིས་རྟ་རིན་པོ་ཆེ་འདི་མྱུར་བ་ཁོ་ནར་ལེགས་པར་དུལ་བར་བྱས་ལ་ང་ལ་ཕུལ་ཅིག་།ལྷ། བཀའ་བཞིན་འཚལ་ཞེས་རྟ་མཁན་མཁས་པས་འཁོར་ལོས་བསྒྱུར་བའི་རྒྱལ་པོ་ལས་མཉན་ནས་རྟ་རིན་པོ་ཆེ་དེ་ལ་བསླབ་པ་ཐམས་ཅད་
Kha251a
༄#། །ཉིན་ཞག་གཅིག་ལ་སློབ་པར་བྱེད་དེ། དེ་ལ་བསླབ་པ་ཐམས་ཅད་ཉིན་ཞག་གཅིག་ལ་སློབ་ན། ཉིན་ཞག་གཅིག་གིས་བསླབ་པ་ཐམས་ཅད་ལོབས་པ་ནི། དཔེར་ན། རྟ་གཞན་རྣམས་ལོ་དུ་མ་དང ། ལོ་ཁྱུད་སྐོར་དུ་མར་བསླབ་པ་ཐམས་ཅད་བསླབས་ནས་བསླབ་པ་ཐམས་ཅད་ལོབས་པ་དེ་བཞིན་དུ། རྟ་རིན་པོ་ཆེ་དེ་ལ་ཉིན་ཞག་གཅིག་ལ་བསླབ་པ་ཐམས་ཅད་སློབ་པ་ན། ཉིན་ཞག་གཅིག་གིས་བསླབ་པ་ཐམས་ཅད་ལོབས་སོ། །དེ་དུལ་བར་རིག་ནས་འཁོར་ལོས་བསྒྱུར་བའི་རྒྱལ་པོ་ལ་འབུལ་བར་བྱེད་དེ། ལྷ། རྟ་རིན་པོ་ཆེ་བཟང་པོ་ནི། དུལ་ལགས་ཏེ། ལྷ་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་འཁོར་ལོས་བསྒྱུར་བའི་རྒྱལ་པོས་རྟ་རིན་པོ་ཆེ་བརྟག་པར་འདོད་ནས། ཉི་མ་འཆར་ཀའི་དུས་ཀྱི་ཚེ་རྟ་རིན་པོ་ཆེ་ལ་ཞོན་ནས་རྒྱ་མཚོའི་མཐའ་ཀླས་པའི་ས་ཆེན་པོ་བསྐོར་ཏེ་རྒྱལ་པོའི་ཕོ་བྲང་དེ་ཉིད་དུ་ཕྱིན་པ་ན་ཞལ་ཚུས་ལ་འབབ་སྟེ། སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། རྟ་རིན་པོ་ཆེ་དེ་ལྟ་བུ་འཇིག་རྟེན་དུ་འབྱུང་བར་འགྱུར་རོ། །སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། ནོར་བུ་རིན་པོ་ཆེ་ཇི་ལྟ་བུ་ཞིག་འཇིག་རྟེན་དུ་འབྱུང་བར་འགྱུར་ཞེ་ན། སྲིང་མོ། འཁོར་ལོས་བསྒྱུར་བའི་རྒྱལ་པོའི་ནོར་བུ་ནི། ཟུར་བརྒྱད་ཡོད་པ། བཻ་ཌཱུརྱ་བཟང་པོའི་རིགས་ཅན། དང་བ། གསལ་བ། རྣམ་པར་དང་བ་ཡིན་ཏེ། འཁོར་
Kha251b
ལོས་བསྒྱུར་བའི་རྒྱལ་པོའི་ཕོ་བྲང་ན་མེ་མར་གྱི་བྱ་བ་ཐམས་ཅད་ནོར་བུ་དེའི་འོད་ཀྱིས་བྱེད་དེ། །དེ་ནས་འཁོར་ལོས་བསྒྱུར་བའི་རྒྱལ་པོས་ནོར་བུ་རིན་པོ་ཆེ་བརྟག་པར་འདོད་ནས། མུན་ནག་སྨག་ཏུ་གྱུར་ལ། ལྷས་མཚན་མོ་ཆར་གྱི་རྒྱུན་དལ་བུ་དལ་བུས་འབེབས་ཤིང་གློག་འགྱུ་བའི་དུས་སུ་ནོར་བུ་རིན་པོ་ཆེ་དེ་རྒྱལ་མཚན་གྱི་རྩེ་མོ་ལ་བཞག་ནས་སྐྱེད་མོས་ཚལ་གྱི་ནང་དུ་དཔུང་གི་ཚོགས་ཡན་ལག་བཞི་དང་ལྷན་ཅིག་དོང་བ་ན། འཁོར་ལོས་བསྒྱུར་བའི་རྒྱལ་པོའི་དཔུང་གི་ཚོགས་ཡན་ལག་བཞི་བོ་ཇི་སྙེད་པ་ཐམས་ཅད་དང ། རྒྱང་གྲགས་ཕྱེད་ཁོ་ར་ཁོར་ཡུག་ཏུ་ནོར་བུའི་འོད་ཀྱིས་གསལ་བར་གྱུར་ཏེ། སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། ནོར་བུ་རིན་པོ་ཆེ་དེ་ལྟ་བུ་འཇིག་རྟེན་དུ་འབྱུང་བར་འགྱུར་རོ། །སྲིང་མོ། འཁོར་ལོས་བསྒྱུར་བའི་རྒྱལ་པོ་འཇིག་རྟེན་དུ་བྱུང་ན། བཙུན་མོ་རིན་པོ་ཆེ་ཇི་ལྟ་བུ་ཞིག་འཇིག་རྟེན་དུ་འབྱུང་བར་འགྱུར་ཞེ་ན། སྲིང་མོ། འདི་ལ་འཁོར་ལོས་བསྒྱུར་བའི་རྒྱལ་པོའི་བཙུན་མོ་ནི། གཟུགས་བཟང་བ། མཛེས་པ། བལྟ་ན་སྡུག་པ། ཧ་ཅང་མི་དཀར་བ། ཧ་ཅང་མི་སྔོ་བ། ཉ་ཁར་པ་ལྟར་པགས་པ་འཇམ་པ། ཧ་ཅང་མི་རིང་བ། ཧ་ཅང་མི་ཐུང་བ། བོང་རན་པ། ཧ་ཅང་མི་སྦོམ་པ། ཧ་ཅང་མི་སྐམ་པ། ཧ་ཅང་མི་ཚོ་བ། ཤ་བྲི་རན་པ་གང་ཡིན་པ་སྟེ། སྲིང་མོ། དེ་ནི། གྲང་བའི་ཚེ་ལུས་ལ་རེག་ན། དོ་བ། ཚ་བའི་ཚེ་ལུས་ལ་རེག་ན། བསིལ་བ། ཡུལ་
Kha252a
༄#། །ཀ་ལིངྐའི་གོས་ལྟར་རེག་ན་འཇམ་པའོ། །སྲིང་མོ། །དེའི་བ་སྤུའི་བུ་ག་ཐམས་ཅད་ནས་ནི་ཙནྡན་གྱི་དྲི་འབྱུང་ངོ ། །ཁ་ནས་ནི་ཨུཏྤལ་སྔོན་པོའི་དྲི་འབྱུང་ངོ ། །ཇི་སྲིད་ཀྱིས་ཚེ་དང་ལྡན་པ་ཀུན་དགའ་བོས་བཙུན་མོ་རིན་པོ་ཆེའི་བར་དུ་བཤད་པ་དེ་སྲིད་ཀྱིས་བུ་མོ་དེས་ཀྱང་ནས་ཀྱི་བྱ་བ་ཟིན་ནས་དེས་རྐང་པ་གཉིས་ལ་གཏུགས་ཏེ་སྨོན་ལམ་གདབ་པར་བརྩམས་པ། འཕགས་པ། དགེ་བའི་རྩ་བ་འདིས། བདག་འཁོར་ལོས་བསྒྱུར་བའི་བཙུན་མོ་རིན་པོ་ཆེར་གྱུར་ཅིག་།དེ་ནས་ཚེ་དང་ལྡན་པ་ཀུན་དགའ་བོས་ནས་བྱི་དོར་བྱས་པ་ཁྱེར་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་ཕུལ་ལོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ནས་འདི་སུ་ཞིག་གིས་བྱི་དོར་བྱས། བཙུན་པ། བྲམ་ཟེའི་བུ་མོ་ཆེ་གེ་མོ་ཞིག་གིས་བགྱིས་ལགས་སོ། །ཀུན་དགའ་བོ། ཁྱོད་བྲམ་ཟེའི་བུ་མོ་དེ་དང་ལྷན་ཅིག་སྐབས་ཀྱི་གཏམ་དག་བྱས་སམ། བཅོམ་ལྡན་འདས། བགྱིས་ལགས་སོ། །ཀུན་དགའ་བོ། དེས་ན། ཁྱོད་བྲམ་ཟེའི་བུ་མོ་དེ་དང་ལན་གཅིག་སྐབས་ཀྱི་གཏམ་ཇི་སྙེད་བྱས་པ་དེ་དག་ཐམས་ཅད་ང་ལ་རྒྱས་པར་གསོལ་ཅིག། དེ་ནས་ཚེ་དང་ལྡན་པ་ཀུན་དགའ་བོས་བྲམ་ཟེའི་བུ་མོ་དང་ལྷན་ཅིག་
Kha252b
སྐབས་ཀྱི་གཏམ་ཇི་སྙེད་བྱས་པ་དེ་དག་ཐམས་ཅད་བཅོམ་ལྡན་འདས་ལ་རྒྱས་པར་གསོལ་ཏོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱོད་ཀྱིས་ཅིའི་ཕྱིར་བུ་མོ་དེ་ལ་སངས་རྒྱས་ཀྱི་བསྔགས་པ་མ་བརྗོད། བཙུན་པ། བདག་གིས་འདི་སྙམ་དུ། སངས་རྒྱས་ཀྱི་ཆོས་ནི། ཟབ་པ་ལགས་པས། བུ་མོ་འདིས་རྟོགས་པར་མི་འགྱུར་བ་གང་ལགས་པའི་གནས་དེ་མཆིས་སོ། །སྙམ་དུ་བསམ་ནས། དེའི་སླད་དུ་བདག་གིས་དེ་ལ་འཁོར་ལོས་བསྒྱུར་བའི་བསྔགས་པ་བརྗོད་ལགས་སོ། །ཀུན་དགའ་བོ། ཁྱོད་ཀྱིས་མ་ལེགས་པ་ཞིག་བྱས་ཏེ། ཁྱོད་ཀྱིས་གལ་ཏེ་དེ་ལ་སངས་རྒྱས་ཀྱི་བསྔགས་པ་བརྗོད་པ་བྱས་ན། དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པའི་སེམས་བསྐྱེད་པར་འགྱུར་བ་གང་ཡིན་པའི་གནས་དེ་ཡོད་པ་ཞིག། ཀུན་དགའ་བོ། འོན་ཀྱང་བུ་མོ་དེ་འཁོར་ལོས་བསྒྱུར་བའི་རྒྱལ་པོའི་བཙུན་མོ་རིན་པོ་ཆེར་འགྱུར་རོ། །ཀུན་ཏུ་བྲམ་ཟེའི་བུ་མོ་ཆེ་གེ་མོ་ཞིག་བཅོམ་ལྡན་འདས་ཀྱི་དོན་དུ་ནས་བྱི་དོར་བྱས་པས། བཅོམ་ལྡན་འདས་ཀྱིས་དེ་འཁོར་ལོས་བསྒྱུར་བའི་རྒྱལ་པོའི་བཙུན་མོ་རིན་པོ་ཆེར་ལུང་བསྟན་ཏོ། །ཞེས་སྒྲ་གྲགས་པ་དག་བུ་མོ་ལྔ་བརྒྱར་གཉིས་ཀྱིས་མ་ཚང་བ་ཞིག་གིས་ཐོས་ནས་དགེ་སློང་ལྔ་བརྒྱར་དགེ་སློང་གཉིས་ཀྱིས་མ་ཚང་བ་རྣམས་ཀྱི་ནས་བྱི་དོར་བྱས་ཏེ།
Kha253a
༄#། །དེ་རྣམས་ཀྱིས་ཀྱང་སྨོན་ལམ་བཏབ་པ། བདག་ཅག་དེའི་འཁོར་དུ་གྱུར་ཅིག། ཇི་ཙམ་ན་བཅོམ་ལྡན་འདས་ཀྱིས་ནས་ཀྱི་བཤོས་གསོལ་པར་བརྩམས་པ་དང ། ཚེ་དང་ལྡན་པ་ཀུན་དགའ་བོ་ཡི་མུག་ནས། བཅོམ་ལྡན་འདས་ཀྱི་སྐུ་ཆེ་བ་རྒྱུད་པ་དེ་དང་དེ་རྣམས་སུ་ཕྱག་དང ། ཞབས་དང ། དབུ་ལ་སོགས་པ་བཅད་ཅིང་སྦྱིན་པ་བཏང་ནས་བསྐལ་པ་གྲངས་མེད་པ་གསུམ་གྱིས་ཐམས་ཅད་མཁྱེན་པ་ཉིད་བརྙེས་པ་དེ། ད་ནི། ནས་རུལ་པའི་བཤོས་གསོལ་བ་ལྟ་ཞེས་མཆི་མ་དབྱུང་བར་བརྩམས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་ཅིའི་ཕྱིར་མི་དགའ་ཞིང་མཆི་མ་གློག། བཙུན་པ། བཅོམ་ལྡན་འདས་འཁོར་ལོས་བསྒྱུར་བའི་རིགས་སུ་འཁྲུངས་ནས་རྒྱལ་སྲིད་སྤངས་ནས་རབ་ཏུ་བྱུང་སྟེ་ཕྱག་དང ། ཞབས་དང ། དབུ་ལ་སོགས་པ་བཀུམ་ཞིང་སྦྱིན་པ་བཏང་ནས་བསྐལ་པ་གྲངས་མེད་པ་གསུམ་གྱིས་ཐམས་ཅད་མཁྱེན་པ་ཉིད་བརྙེས་པ་དེ། ད་ནི། སྩང་ནས་རུལ་པའི་བཤོས་གསོལ་བ་ལྟ་སྙམ་བགྱིད་ལགས་མོད། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། དེ་བཞིན་གཤེགས་པའི་མཆེ་བའི་བར་ནས་ཕྱུང་བའི་ནས་ཀྱི་ཟན་ཟ་བར་འདོད་དམ། བཅོམ་ལྡན་འདས། འཚལ་ལགས་སོ། །དེ་ནས་བཅོམ་
Kha253b
ལྡན་འདས་ཀྱི་མཆེ་བའི་བར་ནས་ནས་ཀྱི་ཟན་ཕྱུང་སྟེ། ཚེ་དང་ལྡན་པ་ཀུན་དགའ་བོ་ལ་བྱིན་ནས། ཚེ་དང་ལྡན་པ་ཀུན་དགའ་བོས་བཟའ་བར་བརྩམས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཁྱོད་ཀྱིས་སྔོན་འདི་ལྟ་བུའི་རོ་མྱོང་བར་དྲན་ནམ། བཙུན་པ། བདག་འཁོར་ལོས་བསྒྱུར་བའི་རིགས་སུ་སྐྱེས་ཤིང་འཁོར་ལོས་བསྒྱུར་བའི་རིགས་ལས་ཆེན་པོར་གྱུར་ལགས་ན། ད་ལྟར་བཅོམ་ལྡན་འདས་ཀྱིས་མཆེ་བའི་བར་ནས་ཕྱུང་བའི་ནས་ཀྱི་བཤོས་འདི་ལྟ་བུའི་རོ་ནི། སྔོན་མྱོང་བར་མི་དྲན་ལགས་སོ། །ཀུན་དགའ་བོ། དེ་ལྟ་བས་ན། དེ་བཞིན་གཤེགས་པ་ལ་ནི། རོ་བྲོ་བའི་མཆོག་ཅེས་བྱ་བ། རོ་རྣམས་འཕྲོག་པ་ཡོངས་སུ་དག་པ་ཡོད་དེ། གལ་ཏེ་དེ་བཞིན་གཤེགས་པས་ཁ་ཟས་ཕལ་པ་ལ་ལོངས་སྤྱད་ན། དེ་ཡང་དེ་བཞིན་གཤེགས་པ་ལ་རོ་བརྒྱ་པར་འགྱུར་རོ། །ཀུན་ཏུ་རྒྱལ་པོ་བྲམ་ཟེ་མེ་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཟླ་བ་གསུམ་དུ་སྤྱན་དྲངས་ཏེ་མི་སྣང་བའི་ཕྱོགས་སུ་འདུག་ནས་བཅོམ་ལྡན་འདས་ནི། དགྲ་མཐའ་ན་ནས་གསོལ་ལོ། །ཞེས་སྒྲ་གྲགས་སོ། །མཐའི་རྒྱལ་པོ་རྣམས་ཀྱིས་ཀྱང་རྒྱལ་པོ་བྲམ་ཟེ་མེ་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཟླ་བ་གསུམ་དུ་སྤྱན་དྲངས་ཏེ་མི་སྣང་བའི་ཕྱོགས་སུ་འདུག་གོ་།བཅོམ་ལྡན་འདས་ནི། དགྲ་མཐའ་ན་ནས་གསོལ་ལོ། །ཞེས་ཐོས་ནས་དེ་རྣམས་ཀྱིས་རྒྱལ་པོ་བྲམ་ཟེ་མེ་སྦྱིན་ལ་ཕོ་ཉ་བཏང་བ་ལས། དེ་རྣམས་ནང་དུ་མ་ཆུད་དེ། སྒོ་ན་སྡོད་དོ། །
Kha254a
༄#། །ཁྱིམ་བདག་མགོན་མེད་ཟས་སྦྱིན་གྱིས་ཐོས་ནས་འབྲས་སཱ་ལུ་སོག་མའི་སྦུ་བུར་སྨིན་པ་ཤིང་རྟ་ལྔ་བརྒྱ་ཙམ་བཀང་སྟེ་བསྐུར་རོ། །དེ་ནས་བདུད་སྡིག་ཅན་དེ་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་མ་ལ་བདག་གིས་ལན་མང་པོ་ཞིག་མཐོ་བཙམ་པར་བྱས་ན། ལན་འགའ་ཡང་སྐབས་མ་རྙེད་ཀྱི་འདིར་ཡང་རེ་ཞིག་འདི་ལ་བརྒལ་བར་བྱའོ། །སྙམ་དུ་བསམ་ནས། ཚེ་དང་ལྡན་པ་ཀུན་དགའ་བོར་བདག་ཉིད་མངོན་པར་སྤྲུལ་ཏེ་ཤིང་རྟ་ལྔ་བརྒྱ་པོ་དེ་རྣམས་ཀྱི་མདུན་དུ་འདུག་ནས་སྨྲས་པ། ཤེས་ལྡན་དག། གར་འདོང ། དེ་རྣམས་ཀྱིས་སྨྲས་པ། འཕགས་པ་ཀུན་དགའ་བོ། རྒྱལ་པོ་བྲམ་ཟེ་མེ་སྦྱིན་གྱིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཟླ་བ་གསུམ་དུ་སྤྱན་དྲངས་ཏེ་མི་སྣང་བའི་ཕྱོགས་སུ་འདུག་ནས་བཅོམ་ལྡན་འདས་ནི། དགྲ་མཐའ་ན་ནས་གསོལ་ལོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཐོས་ནས། བཅོམ་ལྡན་འདས་ཀྱི་དོན་དུ་འབྲས་སཱ་ལུ་སོག་མའི་སྦུ་བུར་སྨིན་པ་ཤིང་རྟ་ལྔ་བརྒྱ་པོ་འདི་བསྐུར་བ་ལགས་སོ། །དེས་སྨྲས་པ། ཤེས་ལྡན་དག་།བཅོམ་ལྡན་འདས་ལ་ནི། ལྷ་དང ། ཀླུ་དང ། གནོད་སྦྱིན་རྣམས་མངོན་པར་དད་དེ། གལ་ཏེ་ནམ་མཁའ་ལ་བཅོམ་ལྡན་འདས་ཀྱིས་ལྷུང་བཟེད་ཟེད་ན། དེར་ཡང་སུམ་ཅུ་རྩ་གསུམ་པའི་ལྷ་རྣམས་ཀྱི་ལྷའི་བདུད་རྩིས་འགེངས་པར་བྱེད་ན། བཅོམ་ལྡན་འདས་ཅིའི་ཕྱིར་ནས་གསོལ། སླར་ལོག་ཅིག་།དེ་རྣམས་ཀྱིས་སྨྲས་པ། འཕགས་པ་ཀུན་དགའ་བོ། བདག་ཅག་ཆས་ལགས་ན། ད་ཅི་སྟེ་ལྡོག་།མཆིའོ། །
Kha254b
བདུད་ཀྱིས་བསམ་པ། བདག་གིས་འདི་དག་བཟློག་པར་མ་ནུས་ཀྱི། ཐབས་ཤིག་བཤམ་པར་བྱའོ། །ཞེས་དེ་སྟེང་གི་ནམ་མཁའ་ལ་འཕགས་ནས་ཆར་པ་ཤིང་རྟའི་སྲོག་ཤིང་ཙམ་གྱི་རྒྱུན་དབབ་པར་བརྩམས་ཏེ། དེས་རེ་ཞིག་རྟ་དེ་དག་གི་ལྟེ་བ་མན་ཆད་ནུབ་པ་ཙམ་གྱི་བར་དུ་ཆར་ཕབ་བོ། །དེ་ནས་ཤིང་རྟ་དེ་དག་གི་གླང་རྣམས་བཀྲོལ་ཏེ་དོང་ངོ ། །དེ་ན་བཅོམ་ལྡན་འདས་དགེ་སློང་ལྔ་བརྒྱར་གཉིས་ཀྱིས་མ་ཚང་བ་དང་ཐབས་ཅིག་ཏུ་དགྲ་མཐའ་ན་ནས་གསོལ་ལོ། །ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ནི། རི་རྩེ་གསུམ་པ་ལ་དབྱར་གནས་པར་ཁས་བླངས་ནས་ལྷའི་བདུད་རྩི་ལ་ལོངས་སྤྱོད་དོ། ། དེ་ནས་དེད་དཔོན་དེས་ཟླ་བ་གསུམ་འདས་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་སྐྱེད་མོས་ཚལ་དུ་གདུགས་ཚོད་ལ་སྤྱན་དྲངས་པ་དང ། བཅོམ་ལྡན་འདས་ཀྱིས་ཅང་མི་གསུང་བས་གནང་ངོ ། །ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་རི་བོ་རྩེ་གསུམ་པ་ལ་དབྱར་གནས་པ་ཡང་འོངས་སོ། །དེ་ནས་དེད་དཔོན་གྱིས་དེ་ཉིད་ཀྱི་མཚན་མོ་ནས་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་སྟ་གོན་བྱས་ཏེ་བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་སྨོན་ལམ་བཏབ་པར་བརྩམ་པ། དགེ་བའི་རྩ་བ་འདིས་བདག་འཁོར་ལོས་བསྒྱུར་བའི་རྒྱལ་པོར་གྱུར་ཅིང ། རྟ་ཅང་ཤེས་ནི། བུ་རྒྱལ་ཚབ་ཏུ་གྱུར་ཅིག་།རྟ་ལྔ་བརྒྱ་བོ་འདི་དག་ཀྱང་བུ་ལྔ་བརྒྱར་གྱུར་ཅིག །
Kha255a
༄#། །བཅོམ་ལྡན་འདས་ཀྱིས་བུ་མོ་བཙུན་མོ་རིན་པོ་ཆེར་ལུང་བསྟན་པ་གང་ལགས་པ་དེ་ནི། བདག་གི་བཙུན་མོ་རིན་པོ་ཆེར་གྱུར་ཅིག་།བུད་མེད་ལྔ་བརྒྱར་གཉིས་ཀྱིས་མ་ཚང་བ་གང་ལགས་པ་དེ་ནི། དེའི་འཁོར་དུ་གྱུར་ཅིག་།དེ་ནས་བཅོམ་ལྡན་འདས་ཀྱི་དེད་དཔོན་དེའི་བསམ་པ་ཐུགས་སུ་ཆུད་ནས་དེད་དཔོན་དེ་ལ་འདི་སྐད་ཅེས་བཀའ་སྩལ་པ། དེད་དཔོན། ཁྱོད་ནི། འཁོར་ལོས་བསྒྱུར་བའི་རྒྱལ་པོར་འགྱུར་རོ། །རྟ་ཅང་ཤེས་ནི། ཁྱོད་ཀྱི་བུ་རྒྱལ་ཚབ་ཏུ་འགྱུར་རོ། །རྟ་ལྔ་བརྒྱ་པོ་དེ་དག་ཀྱང་བུ་ལྔ་བརྒྱར་འགྱུར་རོ། །བུ་མོ་ནི། བཙུན་མོ་རིན་པོ་ཆེར་འགྱུར་རོ། །བུ་མོ་བུད་མེད་ལྔ་བརྒྱར་གཉིས་ཀྱིས་མ་ཚང་བ་དེ་དག་ཀྱང་དེ་འཁོར་དུ་འགྱུར་རོ། །དེ་ནས་བཅོམ་ལྡན་འདས་ཀྱིས་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། བྲམ་ཟེ་མེ་སྦྱིན་གྱི་དྲུང་དུ་སོང་ལ་ནད་མེད་པར་གྱུར་ཅིག་ཅེས་བྱོས་ལ་འདི་སྐད་ཅེས། རྒྱལ་པོ་ཆེན་པོ་ཁྱོད་ཀྱི་ཡུལ་དུ་ཁོ་བོས་ཟླ་བ་གསུམ་གནས་ཟིན་ཏེ་འགྲོའི་ཤེས་པར་གྱིས་ཤིག་ཅེས་སྨྲོས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། རྒྱལ་པོ་བྲམ་ཟེ་མེ་སྦྱིན་གྱི་ཁྱིམ་གང་ན་བ་དེར་སོང་བ་དང ། དེའི་ཚེ་རྒྱལ་པོ་བྲམ་ཟེ་མེ་སྦྱིན་བཀྲ་ཤིས་འོང་བ་ལ་སྡོད་ཅིང་འདུག་གོ་།དེ་ནས་ཚེ་དང་ལྡན་པ་ཀུན་དགའ་བོས་སྒོ་བའི་སྐྱེས་པ་ལ་སྨྲས་པ། ཀྱེ་ནང་རྗེ་ཚུར། ཁྱོད་རྒྱལ་པོ་བྲམ་ཟེ་མེ་སྦྱིན་གང་ན་བ་དེར་
Kha255b
སོང་ལ་ཕྱིན་ནས་རྒྱལ་པོ་བྲམ་ཟེ་མེ་སྦྱིན་ལ་འདི་སྐད་ཅེས་དགེ་སློང་ཀུན་དགའ་བོ་ལྷ་མཐོང་བར་འཚལ་ནས་སྒོ་ན་སྡོད་ཅིང་མཆིས་སོ། །ཞེས་སྨྲོས་ཤིག། འཕགས་པ། བཀའ་བཞིན་འཚལ་ཞེས་སྒོ་བའི་སྐྱེས་པས་ཚེ་དང་ལྡན་པ་ཀུན་དགའ་བོའི་ལྟར་ཉན་ནས། རྒྱལ་པོ་བྲམ་ཟེ་མེ་སྦྱིན་གང་ན་བ་དེར་སོང་སྟེ་ཕྱིན་ནས་རྒྱལ་པོ་བྲམ་ཟེ་མེ་སྦྱིན་ལ་འདི་སྐད་ཅེས་སྨྲས་སོ། །ལྷ། དགེ་སློང་འཕགས་པ་ཀུན་དགའ་བོ་ལྷའི་ཞལ་མཐོང་བར་འཚལ་ནས་སྒོ་ན་སྡོད་ཅིང་མཆིས་སོ། །དེས་སྨྲས་པ། ཀྱེ་སྐྱེས་བུ། ང་བཀྲ་ཤིས་འོང་བ་ལ་སྡོད་ཅིང་འདུག་གི། དགེ་སློང་ཀུན་དགའ་བོ་ནི། བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་ཏེ། དེ་ཉིད་ངའི་བཀྲ་ཤིས་སུ་གྱུར་ཅིག་།དེ་ལ་ནི། བཟང་པོ་ལྔ་ཡོད་དེ། མིང་བཟང་བ་དང ། གཟུགས་བཟང་བ་དང ། ཁ་དོག་བཟང་བ་དང ། སྤོབས་པ་བཟང་བ་དང ། སྒྲུབ་པ་བཟང་བ་ཡིན་གྱི། ནང་དུ་སྤྱོན་ཅིག་།ཤེས་ལྡན་ཀུན་དགའ་བོ་ལ་སུ་ཞིག་འགོག་།སྒོ་བས་ཚེ་དང་ལྡན་པ་ཀུན་དགའ་བོ་ལ་དེ་བཞིན་དུ་སྨྲས་ནས་ཚེ་དང་ལྡན་པ་ཀུན་དགའ་བོ་ནང་དུ་ཞུགས་སོ། །མཐའི་རྒྱལ་ཕྲན་གྱི་ཕོ་ཉ་དེ་རྣམས་ཀྱང་དེ་ཉིད་དང་ལྷན་ཅིག་ནང་དུ་ཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོས་རྒྱལ་པོ་བྲམ་ཟེ་མེ་སྦྱིན་ལ་ནད་མེད་པར་གྱུར་ཅིག། ཅེས་བྱས་ནས་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས། རྒྱལ་པོ་བྲམ་ཟེ་མེ་སྦྱིན་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ། བཅོམ་ལྡན་འདས་ཀྱི་ཞལ་ནས་ཁྱོད་ནད་མེད་པར་གྱུར་ཅིག་།རྒྱལ་པོ་ཆེན་པོ་ཁྱོད་ཀྱི་ཡུལ་དུ་ངས་ཟླ་བ་གསུམ་དུ་
Kha256a
༄#། །གནས་ཟིན་ཏེ་འགྲོའི་ཤེས་པར་གྱིས་ཤིག་།ཅེས་ཀྱང་བཀའ་སྩལ་ཏོ། །འཕགས་པ་ཀུན་དགའ་བོ། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །འཕགས་པ་ཀུན་དགའ་བོ། བཅོམ་ལྡན་འདས་དང་ཇི་ག་ཡུལ་དགྲ་མཐར་དབྱར་བདེ་བར་བཞུགས་སམ། བསོད་སྙོམས་ཀྱིས་འོ་བརྒྱལ་བར་མ་གྱུར་གྲང ། མཐའི་རྒྱལ་ཕྲན་གྱི་ཕོ་ཉ་དེ་དག་གིས་སྨྲས་པ། ལྷ། ཁྱོད་ནི། རྒྱལ་སྲིད་ལ་མི་རྟོག་པ་ལགས་ཏེ། འདི་ལྟར། བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ཟླ་བ་གསུམ་དུ་སྤྱན་དྲངས་ཏེ་མི་སྣང་བའི་ཕྱོགས་སུ་བཞུགས་ནས་བཅོམ་ལྡན་འདས་ནི། ཟླ་བ་གསུམ་དུ་ནས་རུལ་བའི་བཤོས་གསོལ་ལགས་སོ། །དེས་སྨྲས་པ། འཕགས་པ་ཀུན་དགའ་བོ། བཅོམ་ལྡན་འདས་ཀྱིས་ཟླ་བ་གསུམ་དུ་ནས་རུལ་བའི་བཤོས་གསོལ་བ་མད་དམ། རྒྱལ་པོ་ཆེན་པོ། མད་ལགས་སོ། །དེ་བརྒྱལ་ནས་ས་ལ་འགྱེལ་བ་དང ། ཆུ་མང་པོ་ཞིག་གཏོར་ནས་དབུགས་སླར་བྱུང་བ་དང་བློན་པོ་རྣམས་བཀུག་སྟེ་སྨྲས་པ། ཤེས་ལྡན་དག་།ངས་ཁྱེད་ཅག་རྣམས་ཉིན་རེ་ཞིང་ལྔ་བརྒྱའི་བཟའ་བ་དང ། བཅའ་བ་བསོད་པ་རབ་ཏུ་མང་པོ་སྟ་གོན་གྱིས་ཤིག་པར་མ་བསྒོས་སམ། དེ་རྣམས་ཀྱིས་སྨྲས་པ། ལྷ་དེ་ཁོ་ན་སྐད་བཀའ་སྩལ་པ་མཆིས་ཀྱི། ཆེ་གེ་མོ་ཞིག་ལ་སྩོལ་ཅིག་ཅེས་ནི། ཁྱོད་ཀྱིས་བཀའ་མ་སྩལ་ཏོ། །འོན་ཀྱང་ད་དུང་ཞལ་ཟས་སྟ་གོན་ཁོ་ན་བགྱིད་དོ། །དེ་ནས་རྒྱལ་པོ་བྲམ་ཟེ་མེ་སྦྱིན། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་བཅོམ་ལྡན་འདས་ཀྱི་ཞབས་གཉིས་ལ་
Kha256b
མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བཅོམ་ལྡན་འདས་ཀྱིས་རྒྱལ་པོ་བྲམ་ཟེ་མེ་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད་ཅེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནས་རྒྱལ་པོ་བྲམ་ཟེ་མེ་སྦྱིན་གྱིས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ནོངས་ལགས་སོ། །བདེ་བར་གཤེགས་པ། ནོངས་ལགས་སོ། །ཇི་ལྟར་ཡང་བྱིས་པ་ལགས། ཇི་ལྟར་ཡང་རྨོངས་པ་ལགས། ཇི་ལྟར་ཡང་མི་གསལ་བ་ལགས། ཇི་ལྟར་མི་མཁས་པ་ལགས་ཏེ། འདི་ལྟར། བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དགུང་ཟླ་བ་གསུམ་དུ་སྤྱན་དྲངས་ནས་མི་གདའ་བའི་ཕྱོགས་སུ་མཆིས་ལགས་སོ།། །།འདུལ་བ་གཞི། བམ་པོ་སོ་བརྒྱད་པ། བཅོམ་ལྡན་འདས་བདག་གིས་ནོངས་པ་དེ་གློ་བར་ཆུད་ཅིང་ནོངས་པར་མཐོང་ལགས་ན། ཐུགས་བརྩེ་བ་ཉེ་བར་བཟུང་སྟེ། ནོངས་པ་ལ་ནོངས་པར་གཟུང་དུ་གསོལ། རྒྱལ་པོ་ཆེན་པོ། ཁྱོད་ཀྱིས་ཉེས་པ་ལ་ཉེས་པར་ཁས་བླངས་ན། བདེན་ཏེ། ཇི་ལྟར་ན་ཡང་བྱིས་པ་ཡིན། ཇི་ལྟར་ན་ཡང་རྨོངས་པ་ཡིན། ཇི་ལྟར་ན་ཡང་མི་གསལ་བ་ཡིན། ཇི་ལྟར་ན་ཡང་མི་མཁས་པ་ཡིན་ཏེ། གང་ཡང་ཁྱོད་ཀྱིས་དེ་བཞིན་གཤེགས་པ་ཟླ་བ་གསུམ་དུ་སྤྱན་དྲངས་ནས་མི་སྣང་བའི་ཕྱོགས་ན་འདུག་གམ། རྒྱལ་པོ་ཆེན་པོ། གང་གི་ཕྱིར་ཁྱོད་ཀྱིས་ཉེས་པ་ཤེས་
Kha257a
༄#། །ཤིང་མཐོང་ལ། དེ་མཐོང་ནས་འཆགས་པར་བྱེད་ན། ཁྱོད་ཀྱི་དགེ་བའི་ཆོས་རྣམས་ཉམས་པར་མི་འགྱུར་གྱི། འཕེལ་བ་ཁོ་ནར་ཤེས་པར་བྱའོ། །རྒྱལ་པོ་ཆེན་པོ། །དེ་ཅིའི་ཕྱིར་ཞེ་ན། གང་ཡང་འགའ་ཞིག་ཉེས་པ་ཤེས་ཤིང་མཐོང་ལ། དེ་མཐོང་ནས་འཆགས་ཤིང་ཕྱིར་སྡོམ་པར་བྱེད་ན། དགེ་བའི་ཆོས་རྣམས་ཉམས་པར་མི་འགྱུར་གྱི། འཕེལ་བ་ཁོ་ནར་ཤེས་པར་བྱའོ། །དེ་ནས་བཅོམ་ལྡན་འདས་ལ་རྒྱལ་པོ་བྲམ་ཟེ་མེ་སྦྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་གིས་ཇི་སྲིད་འཚོ་བའི་བར་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། དེ་བཞིན་གཤེགས་པ་ནི། ཚེ་ཐུང་ངུའི་དུས་སུ་བྱུང་ཞིང ། གདུལ་བའི་དོན་བྱ་བ་ནི། རབ་ཏུ་མང་ལ་མྱ་ངན་ལས་འདས་པའི་དུས་ལ་ཡང་འབབ་པས་མི་གནང་ངོ ། ། གལ་ཏེ་དེ་ལྟ་ལགས་ན། བཅོམ་ལྡན་འདས་ལོ་བདུན་ནས་ཟླ་བ་བདུན་དང ། དགུང་བདུན་ཞིག་གནང་བར་མཛད་དུ་གསོལ། །བཅོམ་ལྡན་འདས་ཀྱིས་དེར་ཡང་མ་གནང་བ་དང ། བཅོམ་ལྡན་འདས་ལ་རྒྱལ་པོ་བྲམ་ཟེ་མེ་སྦྱིན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། དེ་
Kha257b
ནས་བཅོམ་ལྡན་འདས་ཀྱིས་དགོངས་པ། ངས་གལ་ཏེ་འདིའི་ཟས་གཅིག་ཀྱང་གསོལ་བར་མ་གནང་ན། རྒྱལ་པོ་བྲམ་ཟེ་མེ་སྦྱིན་ཁྲག་དྲོན་དུ་སྐྱུགས་ནས་དུས་ལས་འདའ་བར་འགྱུར་བ་གང་ཡིན་པ་དེའི་གནས་ཡོད་དོ། །སྙམ་དུ་དགོངས་ནས་བཅོམ་ལྡན་འདས་ཅང་མི་གསུང་བས་གནང་ངོ ། །དེ་ནས་རྒྱལ་པོ་བྲམ་ཟེ་མེ་སྦྱིན་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་ཆས་ཏེ་རང་གི་གནས་གང་ན་བ་དེར་སོང་སྟེ་ཕྱིན་པ་དང ། བློན་པོ་རྣམས་ལ་སྨྲས་པ། ཤེས་ལྡན་དག་།གང་གིས་ན་ཞལ་ཟས་འདི་ཐམས་ཅད་སངས་རྒྱས་ལ་སོགས་པ་དགེ་སློང་གི་དགེ་འདུན་གྱིས་ལོངས་སྤྱོད་པར་འགྱུར་བའི་ཐབས་བཟང་པོ་ཅི་ཡོད། དེ་རྣམས་ཀྱིས་སྨྲས་པ། ལྷ། ཞལ་ཟས་ཐམས་ཅད་དོགས་ལ་བཀྲམ་ལ། དགེ་སློང་རྣམས་ཀྱི་ཞབས་ཀྱིས་བཅགས་ན། དེ་དེ་ལྟར་ན། ཡོངས་སུ་ལོངས་སྤྱོད་པར་འགྱུར་ལགས་སོ། །དེས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་།ཁ་ཟས་ཇི་སྙེད་ཡོད་པ་འདི་ཐམས་ཅད་ས་ལ་ཀུན་ཏུ་ཁྲོམ་ཞིག་།དེ་རྣམས་ཀྱིས་ཐམས་ཅད་དུ་ཀུན་ཏུ་བཀྲམ་མོ། །དེ་ནས་རྒྱལ་པོ་བྲམ་ཟེ་མེ་སྦྱིན་གྱི་དེ་ཉིད་ཀྱི་མཚན་མོ་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་སྟ་གོན་བྱས་ནས་ཞེས་བྱ་བ་ནས་བཅོམ་ལྡན་འདས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །ཞེས་བྱ་བའི་བར་གོང་མ་བཞིན་དུའོ། །ཇི་ཙམ་ན། རྒན་ཞུགས་ཤིག་མི་བཟོད་པ་སྐྱེས་ཏེ་བདག་ཅག་ཟླ་བ་གསུམ་དུ་ནས་རུལ་པ་ཟོས་ན།
Kha258a
༄#། །ད་ནི།་རྒྱལ་པོ་སྡིག་ཅན་འདིའི་འབྱོར་པ་སྟོན་ཏོ། །སྙམ་དུ་བསམ་ནས། བཟའ་བ་དང ། བཅའ་བ་ས་ལ་བཀྲམ་པའི་སྟེང་དུ་རྡོག་པས་བསྣུན་པ་དང ། བྲམ་ཟེ་དང་ཁྱིམ་བདག་རྣམས། འཕགས་པ་རྣམས་ནི། བཟའ་བ་དང ། བཅའ་བ་ཁར་གཞུག་པའི་ཟས་ལ་རྐང་པས་རྫི་བར་བྱེད་དོ། །ཞེས་སྨོད་པར་བྱེད། འཕྱར་ཁ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་བཟའ་བ་དང ། བཅའ་བ་ཁར་གཞུག་པའི་ཟས་ལ་རྐང་པས་རེག་པར་བྱེད་པ་ཡིན་ནོ། །སྙམ་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་།དགེ་སློང་རྒན་ཞུགས་ཆེ་གེ་མོ་ཞིག་མི་བཟོད་པ་སྐྱེས་ནས་བཟའ་བ་དང ། བཅའ་བ་ཁར་གཞུག་པའི་ཟས་ས་ལ་བཀྲམ་པའི་སྟེང་དུ་རྡོག་པས་བསྣུན་པས། བྲམ་ཟེ་དང ། ཁྱིམ་བདག་རྣམས་སྨོད་པར་བྱེད། འཕྱར་ཀ་གཏོང་བར་བྱེད། ཁ་ཟེར་བར་བྱེད། དེ་ལྟ་བས་ན། དགེ་སློང་གིས་བཟའ་བ་དང ། བཅའ་བ་ཁར་གཞུག་པའི་ཟས་ལ་རྐང་པས་བཅག་པར་མི་བྱའོ། །བཅགས་ན། འགལ་ཚབས་ཅན་དུ་འགྱུར་རོ། །དེ་ནས་རྒྱལ་པོ་བྲམ་ཟེ་མེ་སྦྱིན་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པ་རིག་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་སྟོབ་ཅིང་ཚིམ་པར་བྱེད་དེ་ཞེས་བྱ་བ་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་
Kha258b
བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་རྒྱལ་པོ་བྲམ་ཟེ་མེ་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གདན་ལས་བཞེངས་ཏེ་གཤེགས་སོ། །དེ་ནས་དགེ་སློང་རབ་ཏུ་མང་པོ་དབྱར་ཟླ་བ་གསུམ་པོ་དག་འདས་ནས། ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས་བཅོམ་ལྡན་འདས་གང་ན་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་དགེ་སློང་རབ་ཏུ་མང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ཅག་གིས་ཡུལ་དགྲ་མཐའ་རྣམས་སུ་དགུང་ཟླ་གསུམ་མཆིས་ལགས་ཀྱི། བཙུན་པ། སྤྱིལ་བུ་གཞིག་ལགས་སོ། །དགེ་སློང་དག། ཁྱེད་ཀྱིས་སྤྱིལ་བུ་མ་ཞིག་ཅི་།སྤྱིལ་བུ་རྣམས་ཇི་སྲིད་དུ་ཡུན་རིང་དུ་གནས་པར་གྱུར་པ་དེ་སྲིད་དུ་སྦྱིན་བདག་གི་བསོད་ནམས་འཕེལ་བར་འགྱུར་བ་ཉིད་དང ། བསོད་ནམས་བསྐྱེད་པར་འགྱུར་བ་ཉིད་དོ། །བཞི་པོ་འདི་དག་ནི། སྦྱིན་པ་པོ་དང ། སྦྱིན་བདག་གི་བསོད་ནམས་ཀྱི་རྒྱུ་མཐུན་པ་
Kha259a
༄#། །དང།་དགེ་བའི་རྒྱུ་མཐུན་པ་དང ། བདེ་བའི་གཞི་ཡིན་པར་རིག་པར་བྱ་སྟེ། བཞི་གང་ཞེ་ན། དགེ་སློང་ཚུལ་ཁྲིམས་དང་ལྡན་ཞིང་དགེ་བའི་ཆོས་ལ་གནས་པ་ཞིག་།གང་གི་གཙུག་ལག་ཁང་ན་གནས་ཤིང ། སེམས་ཀྱི་ཏིང་འཛིན་ཚད་མེད་པའི་ལུས་ཀྱིས་མངོན་སུམ་དུ་བྱས་ནས་རྫོགས་པར་བྱས་ཏེ་གནས་ན། གཞི་དེ་ལས་སྦྱིན་པ་པོ་དང ། སྦྱིན་བདག་གི་བསོད་ནམས་ཀྱི་རྒྱུ་མཐུན་པ་དང ། དགེ་བའི་རྒྱུ་མཐུན་པ་དང ། བདེ་བའི་གཞི་དཔག་ཏུ་མེད་པར་རིག་པར་བྱའོ། །གཙུག་ལག་ཁང་ཇི་ལྟ་བར་ཆོས་གོས་དང ། བསོད་སྙོམས་དང ། གནས་མལ་ཡང་དེ་དང་འདྲ་སྟེ། བསོད་ནམས་ཀྱི་རྒྱུ་མཐུན་པ་དང ། དགེ་བའི་རྒྱུ་མཐུན་པ་དང ། བདེ་བའི་གཞི་བཞི་པོ་འདི་དག་དང་ལྡན་པའི་སྦྱིན་པ་དང ། སྦྱིན་བདག་གི་བསོད་ནམས་ཀྱི་ཚད་རེ་ཞིག་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུའི་རྣམ་པར་སྨིན་པ་འདི་ཙམ་མོ། །ཞེས་གཟུང་བར་མི་ནུས་ཏེ། འོན་ཀྱང་བསོད་ནམས་ཆེ་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། ། དཔེར་ན། ཆུ་བོ་ཆེན་པོ་ལྔ་པོ་འདི་ལྟ་སྟེ། གངྒཱ་དང ། ཡ་མུ་ན་དང ། སར་ཡུ་དང ། གནས་ལྡན་དང ། ཆེན་པོ་ཞེས་བྱ་བ་དེ་དག་འབབ་ཅིང་འདྲེས་པར་འགྱུར་བ་དེ་ལ་ནི། ཆུའི་ཚད་ཆུའི་བུམ་པའམ། ཆུ་བུམ་པ་བརྒྱའམ། ཆུ་བུམ་པ་སྟོང་ངམ། ཆུ་བུམ་པ་བརྒྱ་སྟོང་འདི་སྙེད་ཅེས་གཟུང་བར་མི་ནུས་ཏེ། འོན་ཀྱང་ཆུ་མང་བའི་ཕྱིར་ཆུའི་ཚོགས་ཆེན་པོ་ཞེས་བྱ་བའི་གྲངས་སུ་འགྲོ་བ་དེ་བཞིན་དུ། བསོད་
Kha259b
ནམས་ཀྱི་རྒྱུ་མཐུན་པ་དང ། དགེ་བའི་རྒྱུ་མཐུན་པ་དང ། བདེ་བའི་གཞི་བཞི་པོ་འདི་དག་དང་ལྡན་པའི་སྦྱིན་པ་པོ་དང ། སྦྱིན་བདག་གི་བསོད་ནམས་ཀྱི་ཚད་བསོད་ནམས་སམ། བསོད་ནམས་ཀྱིས་འབྲས་བུ་འམ།་བསོད་ནམས་ཀྱི་འབྲས་བུ་རྣམ་པར་སྨིན་པ་འདི་ཙམ་མོ། །ཞེས་གཟུང་བར་མི་ནུས་ཏེ། འོན་ཀྱང་བསོད་ནམས་ཆེ་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོའོ། །ཇི་ལྟར་རྒྱ་མཚོ་བཀྲ་ཤིས་གཙང་ལ་དག་།ངོགས་བདེ་རིན་ཆེན་འབྱུང་གནས་མཚོ་མཆོག་དེར། །མི་དང་རི་དྭགས་ཚོགས་ཀྱིས་བསྟེན་པ་ཡི། །ཆུ་བོ་སོ་སོ་ནས་འབབ་འདུ་བ་ལྟར། །དེ་བཞིན་གོས་དང་ཟས་སྐོམ་སྟེར་བའི་མི། །མལ་ཆ་སྟན་དང་གདིང་བ་སྦྱིན་བྱེད་ལ། །བསོད་ནམས་རྒྱུན་ནི་ཀུན་ནས་འདུ་འགྱུར་ཏེ། །དཔེར་ན་རྒྱ་མཚོར་ཆུ་ཀླུང་འབབ་པ་བཞིན། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། གང་གིས་ན་ཕྱག་དང ། ཞབས་དང ། དབུ་ལ་སོགས་པ་བཀུམ་པ་ལ་སོགས་པ་བསོད་ནམས་ཀྱི་ཚོགས་ཀྱིས་སློང་མོ་པའི་སྐྱེ་བོ་ཚིམ་པར་མཛད་དེ། བསྐལ་པ་གྲངས་མ་མཆིས་པ་གསུམ་དུ་སེམས་ཅན་གྱི་དོན་གྱི་སླད་དུ་བདག་ཉིད་འོ་བརྒྱལ་ནས་མཛད་པ་ཐམས་ཅད་མཛད་ལགས་པ། ཡུལ་དགྲ་མཐའ་ན་དགེ་སློང་ལྔ་བརྒྱར་གཉིས་ཀྱི་མ་ཚང་པ་དང་ཐབས་ཅིག་ཏུ་ནས་རུལ་པ་གསོལ་ལ། ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ནི། བདུད་རྩི་འཚལ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
Kha260a
༄#། །དག། དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་བྱས་ཤིང་བསགས་པ་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་།སྔོན་བྱུང་བ། སྐྱེ་རྒུའི་ཚེ་ལོ་བརྒྱད་ཁྲི་ཐུབ་པ་ན། འཇིག་རྟེན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ།་བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་འཇིག་རྟེན་དུ་བྱུང་སྟེ། དེ་འཁོར་དགེ་སློང་བརྒྱད་ཁྲི་དང་རྒྱལ་པོའི་ཕོ་བྲང་གཉེན་ལྡན་ཞེས་བྱ་བ་ན་ཉེ་བར་བརྟེན་ཅིང་བཞུགས་སོ། །དེའི་ཚེ་རྒྱལ་པོའི་ཕོ་བྲང་གཉེན་ལྡན་ན་ཚོགས་རྣམས་སློབ་པར་བྱེད་པའི་བྲམ་ཟེ་ཞིག་ལྔ་བརྒྱའི་ཚོགས་ལ་བྲམ་ཟེའི་གསང་ཚིག་འདོན་དུ་འཇུག་སྟེ། འཇིག་རྟེན་ཐམས་ཅད་ཀྱིས་ཀྱང་ལྷག་པར་བཀུར་སྟི་བྱས། རིམ་གྲོ་བྱས། རྗེད་པར་བྱས། མཆོད་པར་བྱས་ཏེ་དགྲ་བཅོམ་པར་བཀུར་རོ། ། གང་ཁོ་ན་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས། རྒྱལ་པོའི་ཕོ་བྲང་གཉེན་ལྡན་དུ་གཤེགས་པ་དེ་ཁོ་ན་ནས་བཟུང་སྟེ་དེ་ལ་སུ་ཡང་བཀུར་སྟིར་བྱ་བ་དང ། རིམ་གྲོར་བྱ་བ་དང ། རྗེད་པར་བྱ་བ་དང ། མཆོད་པར་བྱ་བ་མི་བྱེད་པ་དང ། དེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཉན་ཐོས་ཀྱི་དགེ་འདུན་དང་བཅས་པ་ལ་ཤིན་ཏུ་ཕྲག་དོག་སྐྱེས་པར་གྱུར་ཏོ། །ཇི་
Kha260b
ཙམ་ན། དགེ་སློང་སློབ་པ་དང ། མི་སློབ་པ་རབ་ཏུ་མང་པོ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་རྒྱལ་པོའི་ཕོ་བྲང་གཉེན་ལྡན་དུ་བསོད་སྙོམས་ལ་ཞུགས་པ་དང ། དེ་ནས་ཚོད་མ་རོ་སྣ་ཚོགས་དང་ལྡན་པ་དང ། འབྲས་ཆན་གྱིས་ལྷུང་བཟེད་བཀང་སྟེ་སླར་ལོག་པ་བྲམ་ཟེ་དེས་མཐོང་ནས་དྲིས་པ། ཀྱེ་དགེ་སློང་དག་།ཇི་འདྲ་བའི་བསོད་སྙོམས་ཤིག་རྙེད་བལྟའོ། །དེ་དག་དྲང་པོའི་རང་བཞིན་ཡིན་པས་བསྟན་པ་དང ། དེ་ཕྲག་དོག་གི་རང་བཞིན་ཅན་ཞིག་མི་བཟོད་པ་སྐྱེས་ནས་བྲམ་ཟེའི་ཁྱེའུ་རྣམས་ལ་བོས་ཏེ་སྨྲས་པ། དགེ་སྦྱོང་མགོ་རེག་འདི་དག་ནི། ཚོད་མ་རོ་སྣ་ཚོགས་དང་ལྡན་པ་དང ། འབྲས་ཆན་ཟ་བར་འོས་པ་མ་ཡིན་གྱི། ནས་རུལ་པ་ཟ་བར་འོས་པ་ཡིན་ནོ། །དེ་རྣམས་ཀྱིས་ཀྱང་རྗེས་སུ་ཡི་རང་ནས་མཁན་པོ། དེ་དེ་ལྟ་ལགས་ཏེ། དགེ་སྦྱོང་མགོ་རེག་འདི་དག་ནི། ཚོད་མ་རོ་སྣ་ཚོགས་དང་ལྡན་པ་དང ། འབྲས་ཆན་འཚལ་བར་འོས་པ་མ་ལགས་ཀྱི། ནས་རུལ་པ་འཚལ་བར་འོས་པ་ལགས་སོ། །དེ་ན་ཡང་བྲམ་ཟེའི་ཁྱེའུ་བཟང་པོ། དད་པ་ཅན། དགེ་བའི་བསམ་པ་ཅན་གཉིས་ཤིག་འདུག་པ་དེ་དག་གིས་མཁན་པོ། །དེ་སྐད་མ་གསུངས་ཤིག་།འདི་དག་ནི། བདག་ཉིད་ཆེན་པོ་སྟེ། ལྷའི་བདུད་རྩི་འཚལ་བར་འོས་པ་ལགས་ཀྱི། ནས་རུལ་བ་ནི། འོས་མ་ལགས་སོ། །ཞེས་སྨྲས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ན། དེ་བཞིན་གཤེགས་པ་རྣམ་པར་གཟིགས་ཀྱི་ཚོགས་རྣམས་ལ་སྨོད་པར་བྱེད་པ་གང་ཡིན་པ་དེ། ང་ཉིད་ཡིན་ནོ། །བྲམ་ཟེའི་ཁྱེའུ་ལྔ་བརྒྱར་གཉིས་ཀྱིས་
Kha261a
༄#། །མ་ཚང་བ་གང་ཡིན་པ་དེ་དག་ནི། དགེ་སློང་ལྔ་བརྒྱར་གཉིས་ཀྱིས་མ་ཚང་བ་འདི་དག་ཡིན་ནོ། །བྲམ་ཟེའི་ཁྱེའུ་བཟང་པོ། །དད་པ་ཅན། དགེ་བའི་བསམ་པ་ཅན་གཉིས་པོ་གང་ཡིན་པ་དེ་ནི། དགེ་སློང་ཤཱ་རིའི་བུ་དང ། མོའུ་དགལ་གྱི་བུ་འདི་གཉིས་ཡིན་ཏེ། ངས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཉན་ཐོས་སློབ་པ་དང ། མི་སློབ་པ་རྣམས་ལ་སེམས་གདུག་པས་ངག་གི་ལས་རྩུབ་མོ་ཕྱུང་བ་དང ། བྲམ་ཟེའི་ཁྱེའུ་ལྔ་བརྒྱར་གཉིས་ཀྱིས་མ་ཚང་བས་རྗེས་སུ་ཡི་རང་བ་དང ། གཉིས་ཀྱིས་རྗེས་སུ་ཡི་མ་རང་བ་གང་ཡིན་པའི་ལས་དེའི་རྣམ་པར་སྨིན་པས། བདེ་བར་ཡུལ་དགྲ་མཐར་དེ་བཞིན་གཤེགས་པ་དགེ་སློང་ལྔ་བརྒྱར་གཉིས་ཀྱིས་མ་ཚང་བ་དང་ཐབས་ཅིག་ཏུ་ནས་རུལ་བ་གསོལ་ཏོ། །ཤཱ་རིའི་བུ་དང ། མོའུ་དགལ་གྱི་བུ་གཉིས་ནི། ལྷའི་བདུད་རྩི་ལ་ལོངས་སྤྱོད་དོ། །དགེ་སློང་དག་།དེ་ལྟ་བས་ན། གཅིག་ཏུ་ནག་པ་རྣམས་ཀྱི་ལས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ་ཞེས་བྱ་བ་ནས། གཅིག་ཏུ་དཀར་བའི་ལས་རྣམས་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། །ཚུགས་ཀ་གང་ན་བ་དེར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། དེ་ནས་བཅོམ་ལྡན་འདས་ལྷོ་ཕྱོགས་
Kha261b
ལྔ་ལེན་ནས་ལྗོངས་རྒྱུ་ཞིང་གཤེགས་པ་དང ། ཚུགས་ཀར་གཤེགས་ནས་ཚུགས་ཀའི་ཆུ་བོ་གངྒཱའི་འགྲམ་ན་བཞུགས་སོ། །དེ་ནས་དགེ་སློང་ཞིག་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་དགེ་སློང་དེས་འདི་སྐད་ཅེས་གསོལ་ཏོ། །བཅོམ་ལྡན་འདས། ཇི་ལྟར་བཅོམ་ལྡན་འདས་ལས་བདག་གིས་མདོར་བསྡུས་པའི་ཆོས་ཐོས་ནས་གཅིག་ཏུ་དབེན་པ་བག་ཡོད་པ། རྟུལ་བ་དང་ལྡན་པ། བདག་ཉིད་གཏོང་བར་གནས་སོ། ། གཅིག་ཏུ་དབེན་པ། བག་ཡོད་པ། རྟུལ་བ་དང་ལྡན་པ། བདག་ཉིད་གཏོང་བར་གནས་པ་ན། གང་གི་ཕྱིར་རིགས་ཀྱི་བུ་རྣམས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བགྱིད་པ། ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བགྱིས་ཏེ་བསྒྲུབས་ནས་བདག་གི་སྐྱེ་བ་ཟད་དོ། ། ཚངས་པར་སྤྱོད་པ་ལ་བརྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་གོ་བར་བགྱིད་པའི་ཆོས་དེ་ལྟ་བུ་མདོར་བསྡུས་ཏེ་ལེགས་པར་བཤད་དུ་གསོལ་ཞེས་དེ་སྐད་ཅེས་གསོལ་པ་དང ། བཅོམ་ལྡན་འདས་ཆུ་བོ་གངྒཱ་གང་ན་བ་དེ་ལོགས་སུ་གཟིགས་པ་ལས། བཅོམ་ལྡན་འདས་ཀྱིས་ཆུ་བོ་གངྒཱའི་རྒྱུན་གྱིས་ཤིང་སྡོང་པོ་ཆེན་པོ་ཞིག་ཁྱེར་བ་གཟིགས་སོ། །གཟིགས་ནས་ཀྱང་དགེ་
Kha262a
༄#། །སློང་དེ་ལ་བཀའ་སྩལ་པ། དགེ་སློང ། ཁྱོད་ཀྱིས་ཆུ་བོ་གངྒཱའི་རྒྱུན་གྱིས་ཤིང་སྡོང་པོ་ཆེན་པོ་ཁྱེར་བར་མཐོང་ངམ། བཙུན་པ། མཐོང་ལགས་སོ། །གལ་ཏེ་འདི་ཚུ་རོལ་གྱི་འགྲམ་དུ་མ་ཆགས་ཕ་རོལ་གྱི་འགྲམ་དང ། དབུས་སུ་མ་ཆགས། སྐམ་ལ་མ་བྱུང ། མི་དང་མི་མ་ཡིན་པས་མ་བཟུང ། ཀློང་དུ་མ་ནུབ། ཁོང་རུལ་པར་མ་གྱུར་ན། དགེ་སློང ། ཤིང་སྡོང་པོ་ཆེན་པོ་དེ་ནི། རིམ་གྱིས་རྒྱ་མཚོར་གཞོལ་བར་འགྱུར། རྒྱ་མཚོར་འབབ་པར་འགྱུར། རྒྱ་མཚོར་བབ་པར་འགྱུར་བ་དེ་བཞིན་དུ་གལ་ཏེ་དགེ་སློང་ཁྱོད་ཀྱིས་ཚུ་རོལ་ལ་མ་ཆགས་ཞེས་བྱ་བ་ནས་ཁོང་རུལ་པར་མ་གྱུར་ན། དེ་ལྟར་ན། དགེ་སློང་ཁྱོད་རིམ་གྱིས་མྱ་ངན་ལས་འདས་པ་ལ་གཞོལ་བར་འགྱུར། མྱ་ངན་ལས་འདས་པ་ལ་འབབ་པར་འགྱུར། མྱ་ངན་ལས་འདས་པ་ལ་བབ་པར་འགྱུར་རོ། །བཙུན་པ། བདག་གིས་མ་འཚལ་ན། ཚུ་རོལ་གྱི་འགྲམ་ནི། ཅི་ལགས། ཕ་རོལ་གྱི་འགྲམ་ནི། ཅི་ལགས། དབུས་སུ་ཐོགས་པ་ནི། ཅི་ལགས། སྐམ་ལ་བྱུང་བ་ནི། ཅི་ལགས། མིས་བཟུང་བ་ནི། ཅི་ལགས། མི་མ་ལགས་པས་བཟུང་བ་ནི། ཅི་ལགས། ཀློང་དུ་ནུབ་པ་ནི། ཅི་ལགས། ཁོང་རུལ་པ་ནི། ཅི་ལགས། བཅོམ་ལྡན་འདས། ཇི་ལྟར་བཅོམ་ལྡན་འདས་ལས་བདག་གིས་མདོར་བསྡུས་པའི་ཆོས་ཐོས་ནས་ཞེས་བྱ་བ་ནས་འདི་ལས་སྲིད་པ་གཞན་མི་ཤེས་སོ། །ཞེས་བགྱི་བའི་ཆོས་དེ་ལྟ་བུ་མདོར་བསྡུས་ཏེ་ལེགས་པར་བདག་ལ་བཤད་
Kha262b
དུ་གསོལ་ཞེས་བྱ་བའི་བར་གོང་མ་བཞིན་དུའོ། །དགེ་སློང ། ཚུ་རོལ་གྱི་འགྲམ་ཞེས་བྱ་བ་དེ་ནི། ནང་གི་སྐྱེ་མཆེད་དྲུག་གི་ཚིག་བླ་དྭགས་ཡིན་ནོ། །ཕ་རོལ་གྱི་འགྲམ་ཞེས་བྱ་བ་དེ་ནི། ཕྱིའི་སྐྱེ་མཆེད་དྲུག་གི་ཚིག་བླ་དྭགས་ཡིན་ནོ། །དབུས་སུ་ཐོགས་པ་ཞེས་བྱ་བ་དེ་ནི། དགའ་བའི་འདོད་ཆགས་ཀྱི་ཚིག་བླ་དྭགས་ཡིན་ནོ། །སྐམ་ལས་བྱུང་བ་ཞེས་བྱ་བ་དེ་ནི། ངའོ་སྙམ་པའི་ང་རྒྱལ་གྱི་ཚིག་བླ་དྭགས་ཡིན་ནོ། །མིས་བཟུང་བ་ཞེས་བྱ་བ་ནི། འདི་ལྟར། འདི་ན་ལ་ལ་རབ་ཏུ་བྱུང་བ་དང ། ཁྱིམ་པ་འདྲེས་པར་གནས་ཏེ། དགའ་བ་མཚུངས་པ་དང ། བདེ་བ་མཚུངས་པ་དང ། བདེ་ན་བདེ་བ་དང ། སྡུག་བསྔལ་ན་སྡུག་བསྔལ་ཞིང ། འཕྲལ་གྱི་བྱ་བ་བྱུང་ཞིང་བྱུང་བ་རྣམས་ཡང་དག་པར་བླངས་ཏེ་མཐར་འབྱིན་པར་བྱེད་པ་ལྟ་བུ་ཡིན་ནོ། །མི་མ་ཡིན་པས་ཟིན་པ་ཞེས་བྱ་བ་ནི། འདི་ལྟར། འདི་ན་ལ་ལ་ཚུལ་ཁྲིམས་སམ། བརྟུལ་ཞུགས་སམ། དཀའ་ཐུབ་བམ། ཚངས་པར་སྤྱོད་པ་བསྟེན་པ་འདིས། བདག་ལྷའམ། ལྷ་གང་ཡང་རུང་བ་ཞིག་ཏུ་གྱུར་ཅིག་།ཅེས་སྨོན་ལམ་བཏབ་ནས་ཚངས་པར་སྤྱད་པ་སྤྱོད་པ་ལྟ་བུའོ། །ཀློང་དུ་ནུབ་པ་ཞེས་བྱ་བ་ནི། ཇི་ལྟར། འདི་ན་ལ་ལ་བསླབ་པ་ཕུལ་ནས་བབས་པ་ལྟ་བུ་ཡིན་ནོ། །ཁོང་རུལ་པ་ཞེས་བྱ་བ་ནི། ཇི་ལྟར། འདི་ན་ལ་ལ་ཚུལ་ཁྲིམས་འཆལ་བ། སྡིག་པའི་ཆོས་ཅན། ཁོང་མྱགས་ཤིང་ཕྱིར་འཛག་པ། ཤིང་རུལ་པ་ལྟ་བུར་གྱུར་པ། ལུང་བོད་ལྟར་སྤྱོད་པ་དང ། དགེ་སྦྱོང་མ་ཡིན་པར་དགེ་སྦྱོང་དུ་ཁས་འཆེ་བ། ཚངས་པར་སྤྱོད་
Kha263a
༄#། །པ་མ་ཡིན་པར་ཚངས་པར་སྤྱོད་པར་ཁས་འཆེ་བ་ཡོད་པ་ལྟ་བུ་ཡིན་ཏེ། དགེ་སློང ། ཁྱོད་ཀྱིས་གལ་ཏེ་དེ་བཞིན་དུ་ཚུ་རོལ་གྱི་འགྲམ་དུ་མ་ཐོགས་ཞེས་བྱ་བ་ནས་མྱ་ངན་ལས་འདས་པ་ལ་བབ་པར་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་དགེ་སློང་དེ་དག་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་དགེ་སློང་དེ་བཅོམ་ལྡན་འདས་ཀྱིས་ཤིང་སྡོང་པོ་ཆེན་པོའི་དཔེ་འདིའི་གདམས་ངག་གིས་གཏམས་ཏེ། གཅིག་པུ་དབེན་པ། བག་ཡོད་པ། རྟུལ་བ་དང་ལྡན་པ། བདག་ཉིད་གཏོད་བར་གནས་པ་ན། གང་གི་ཕྱིར་རིགས་ཀྱི་བུ་རྣམས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པར་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་ཚངས་པར་སྤྱོད་པའི་མཐའ་བླ་ན་མེད་པ་དེའི་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། ། ཚངས་པར་སྤྱོད་པ་ལ་བརྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་བྱ་བར་ཤེས་ནས་གོ་བར་བྱས་ཏེ། ཚེ་དང་ལྡན་པ་དེ། དགྲ་བཅོམ་པ་སེམས་ཤིན་ཏུ་རྣམ་པར་གྲོལ་བར་གྱུར་ཏོ། །དེའི་ཚེ་བཅོམ་ལྡན་འདས་དང་ཧ་ཅང་ཡང་མི་རིང་བ་ཞིག་ན་གནག་རྫི་དགའ་བོ་ཞེས་བྱ་བ་འདུག་པར་གྱུར་པ་འཁར་བ་ལ་བརྟེན་ནས་གནག་སྐྱོང་ཞིང་འདུག་པ་ལས། དེའི་འཁར་
Kha263b
བས་སྦལ་པ་ཞིག་བརྫིས་སོ། །དེ་གནད་རྣམས་ཆད་ལ་ཐུག་།ཚིགས་རྣམས་བྱེ་ལ་ཐུག་པ་དང་སེམས་བསྐྱེད་པ། གལ་ཏེ་བདག་གི་ལུས་འགུལ་ཏམ། སྐད་བྱུང་ན། གཞི་དེས་གནག་རྫི་དགའ་བོའི་གཏམ་གྱི་བར་ཆད་དུ་འགྱུར་རོ། །སྙམ་དུ་རིག་ནས། བཅོམ་ལྡན་འདས་ལ་མངོན་པར་དད་པར་བྱས་ནས་ཤི་བ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་སོ། །དེ་ནས་གནག་རྫི་དགའ་བོས་འཁར་བ་ཕྱོགས་གཅིག་ཏུ་བཞག་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་གནག་རྫི་དགའ་བོས་འདི་སྐད་ཅེས་གསོལ་ཏོ། །བཙུན་པ། བདག་ནི། ཚུ་རོལ་གྱི་འགྲམ་དུ་མི་ཆགས། ཕ་རོལ་གྱི་འགྲམ་དུ་མི་ཆགས། དབུས་སུ་མི་ཆགས། སྐམ་ལ་མི་འབྱུང ། མིས་མི་བཟུང ། མི་མ་ལགས་པས་མི་བཟུང ། ཀློང་དུ་མི་འབྱིང ། ཁོང་དུ་མི་འདྲུལ་བར་བགྱི་ལགས་ན། ལེགས་པར་གསུངས་པའི་ཆོས་འདུལ་བ་ལ་བདག་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །དགའ་བོ། ཁྱོད་ཀྱིས་བདག་པོ་རྣམས་ལ་གནག་གཏད་དམ། བཙུན་པ། མི་འཚལ་ལགས་ཏེ། དེ་ཅིའི་སླད་དུ་ཞེ་ན། བཙུན་པ། བ་རྣམས་ཀྱང་གཞོན་ལ་བེའུ་རྣམས་ཀྱང་ཚར་ལགས་ཏེ། སོ་སོའི་གནག་ར་འཚལ་བས། སོ་སོའི་གནས་སུ་མཆིས་ལགས་པས། བདག་ལེགས་པར་
Kha264a
༄#། །གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བདག་ནི། བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །དགའ་བོ། བ་རྣམས་ཀྱང་གཞོན་ལ། བེའུ་རྣམས་ཀྱང་ཚར་ཏེ། རང་རང་གི་གནག་ར་ཤེས་པས་རང་རང་གི་གནས་སུ་འགྲོ་བར་འགྱུར་མོད་ཀྱི། འོན་ཀྱང་གནག་རྫི་ཟས་དང ། གོས་བདག་གིར་བྱེད་པས་ནི། འདི་ལྟར། བདག་པོ་རྣམས་ལ་དེ་བྱ་དགོས་སོ། །དེ་ནས་གནག་རྫི་དགའ་བོས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་འཇིགས་སོ། །འཇིགས་སོ། །ཞེས་སྒྲ་ཆེན་པོ་འབྱིན་ཅིང་རྒྱུག་པར་བརྩམས་པ་དང ། ལམ་གྱི་བར་ནས་གནག་རྫི་ངོ་ཤེས་ལྔ་བརྒྱས་མཐོང་སྟེ། དེ་རྣམས་ཀྱིས་སྨྲས་པ། ཅི་ཞིག་གིས་འཇིགས། དེས་སྨྲས་པ། སྐྱེ་བས་འཇིགས་སོ། །རྒ་བས་འཇིགས་སོ། །འཆི་བས་འཇིགས་སོ། །དེ་རྣམས་ཀྱང་དེའི་ཕྱི་བཞིན་དུ་རྒྱུག་པར་བརྩམས་པ་དང ། གནག་རྫི་དང ། ཕྱུག་རྫི་དང ། རྩ་ཐུན་དང ། ཤིང་ཐུན་དང ། ལམ་གྱིས་འཚོ་བ་དང ། ལམ་གོལ་བར་འཚོ་བའི་མི་གཞན་དག་ཀྱང་དེ་རྣམས་མཐོང་ནས་རྒྱུག་པར་བརྩམས་སོ། །ལམ་གྱི་མདུན་ནས་འོངས་པ་རྣམས་ཀྱིས་དེ་དག་དེ་ལྟར་སྒྲ་འབྱིན་པ་མཐོང་ནས་དེ་རྣམས་ཀྱིས་དྲིས་པ། ཤེས་ལྡན་དག་།འདི་ཅི་ཞིག་།དེ་རྣམས་ཀྱིས་སྨྲས་པ། འཇིགས་སོ། །ཅི་ཞིག་གིས་འཇིགས། སྐྱེ་བས་འཇིགས་སོ། །རྒ་བས་འཇིགས་སོ། །འཆི་
Kha264b
བས་འཇིགས་སོ། །དེ་རྣམས་ཀྱིས་ཐོས་ནས་སླར་ལོག་གོ་།ཇི་ཙམ་ན་རི་བོར་དང་ཉེ་བ་ཞིག་ཏུ་ཕྱིན་པ་དང ། དེ་ནས་རི་བོར་དེ་ན་གནས་པའི་སྐྱེ་བོའི་ཚོགས་དེས། སྐྱེ་བོའི་ཚོགས་ཆེན་པོ་དེ་མཐོང་ནས་སྡངས་པས་ཕན་ཚུན་དུ་འདོང་བར་བྱེད་དེ། ཁ་ཅིག་ནི། བྲོས་སོ། །ཁ་ཅིག་ནི། རྫས་རྣམས་སྦེད་དོ། །ཁ་ཅིག་ནི། གོ་བགོས་ནས་འདུག་གོ་།མི་དཔའ་བོ་གཞན་དག་ཅིག་ཡོད་པ་དག་གིས་བསུ་ནས་དྲིས་པ། ཤེས་ལྡན་དག་།འདི་ཅི་ཞིག་།དེ་རྣམས་ཀྱིས་སྨྲས་པ། འཇིགས་སོ། །ཅི་ཞིག་གིས་འཇིགས། སྐྱེ་བས་འཇིགས་སོ། །རྒ་བས་འཇིགས་སོ། །འཆི་བས་འཇིགས་སོ། །དེ་ནས་རི་བོར་ན་གནས་པའི་སྐྱེ་བོའི་ཚོགས་དེ་བག་ཕེབས་སོ། །དེའི་ཚེ་ཚེ་དང་ལྡན་པ་ཤཱ་རིའི་བུ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་གནག་རྫི་དགའ་བོ་སོང་ནས་རིང་པོ་མ་ལོན་པར་རིག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ཀྱིས་ཅིའི་སླད་དུ་གནག་རྫི་དགའ་བོ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བར་འཚལ་བ་བཟློག་སྟེ་སྡུམ་པར་བཏང་ལགས། ཤཱ་རིའི་བུ། གནག་རྫི་དགའ་བོ་སླར་ཁྱིམ་པ་ཁྱིམ་ན་གནས་པ་གང་ཡིན་པ་དེ་ནི། གནས་མ་ཡིན་ཞིང་གོ་སྐབས་མེད་དོ། །གསོག་འཇོག་ཡོངས་སུ་སྤྱོད་པས་འདོད་པ་རྣམས་ལོངས་སྤྱོད་པར་འགྱུར་བ་དེ་ནི། གནས་མེད་དོ། །གནག་རྫི་དགའ་བོ་དེའུ་རེ་བདག་པོ་རྣམས་ལ་གནག་གཏད་དེ་འོང་བར་འགྱུར་ཞིང ། དེ་གང་གི་ཕྱིར་རིགས་ཀྱི་བུ་རྣམས་སྐྲ་དང་ཁ་སྤུ་
Kha265a
༄#། །བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་ཚངས་པར་སྤྱོད་པའི་མཐའ་བླ་ན་མེད་པ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་རྫོགས་པར་བྱས་ནས་སྐྱེ་བ་ཟད་དོ། །ཚངས་པར་སྤྱོད་པ་ལ་བརྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་གོ་པར་བྱེད་པར་འགྱུར་རོ། །དེ་ནས་དུས་གཞན་ཞིག་ན་གནག་རྫི་དགའ་བོས་བདག་པོ་རྣམས་ལ་གནག་གཏད་ནས་འཁོར་ལྔ་བརྒྱ་དང་བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། བཙུན་པ། བདག་གིས་བདག་པོ་རྣམས་ལ་གནག་གཏད་ལགས་ཏེ། བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །ལེགས་པར་གསུངས་པའི་ཆོས་འདུལ་བ་ལ་གནག་རྫི་དགའ་བོ་འཁོར་ལྔ་བརྒྱ་དང་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་གྱུར་ཏོ། །དེ་ལྟར་རབ་ཏུ་བྱུང་བ་དང ། ཚེ་དང་ལྡན་པ་དེ་ཞེས་བྱ་བ་ནས་སེམས་ཤིན་ཏུ་རྣམ་པར་གྲོལ་བར་གྱུར་ཅེས་བྱ་བའི་བར་གོང་མ་བཞིན་དུའོ། །ཆོས་ཉིད་ཀྱིས་ལྷའི་བུའམ། ལྷའི་བུ་མོ་སྐྱེས་ནས་རིང་པོར་མ་ལོན་པར་སེམས་གསུམ་སྐྱེ་བར་འགྱུར་ཏེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་
Kha265b
གིས་ཡིན་པའོ། །སྔོན་སྦལ་པ་བྱེད་བྱེད་པའི་ལྷའི་བུས་བལྟས་ན། དུད་འགྲོ་དག་ནས་ཤི་འཕོས་པ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་པ་དང ། བཅོམ་ལྡན་འདས་ལ་སེམས་མངོན་པར་དད་པས་ཡིན་ནས། དེ་འདི་སྙམ་དུ་སེམས་ཏེ། བདག་གིས་གང་ཡང་ཞག་ལོན་ནས་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོ་བ་ནི། བདག་གི་ཆ་མ་ཡིན་གྱི། མ་ལ་བདག་གིས་ཞག་མ་ལོན་པ་ཁོ་ནར་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོའོ། །སྙམ་མོ། །དེ་ནས་སྔོན་སྦལ་པ་བྱེད་པའི་ལྷའི་བུས་རྣ་ཆ་དྲི་མ་མེད་པ་གཡོ་བ་ཐོགས་ནས་ཞེས་བྱ་བ་ནས་གངྒཱའི་འགྲམ་ཐམས་ཅད་སྣང་བ་རྒྱ་ཆེན་པོས་གསལ་བར་བྱས་ཏེ་བཅོམ་ལྡན་འདས་ལ་མེ་ཏོག་གིས་གཏོར་ནས་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་སྔོན་སྦལ་པ་བྱེད་བྱེད་པའི་ལྷའི་བུའི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་མཁྱེན་ནས་དེ་དང་མཐུན་པ་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དེ། དེ་ཐོས་པས་ཞེས་བྱ་བ་ནས་ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ། བདག་ནི། འཕགས་སོ། །མངོན་པར་འཕགས་སོ། །ཞེས་བྱ་བའི་བར་གོང་མ་བཞིན་དུའོ། །བདག་བཅོམ་ལྡན་འདས་
Kha266a
༄#། །དང ། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་སྔོན་སྦལ་པ་བྱེད་བྱེད་པའི་ལྷའི་བུ་ཚོང་བ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཏོག་ལེགས་པ་ལྟ་བུ་དང ། དཔའ་བོ་གཡུལ་ལས་རྣམ་པར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཐར་པ་ལྟ་བུར་འབྱོར་པ་གང་གིས་བཅོམ་ལྡན་འདས་ཀྱི་སྤྱན་སྔར་འོངས་པའི་འབྱོར་པ་དེ་ཉིད་དང་རང་གི་གནས་སུ་སོང་ངོ ། །དགེ་སློང་རྣམས་ནམ་གྱི་ཆ་སྟོད་དང ། ནམ་གྱི་ཆ་སྨད་ལ་མི་ཉལ་བར་སྦྱོར་བ་ལ་བརྩོན་ཞིང་གནས་པ་དེ་རྣམས་ཀྱིས། བཅོམ་ལྡན་འདས་ཀྱི་སྤྱན་སྔ་ན་སྣང་བ་རྒྱ་ཆེན་པོ་མཐོང་ངོ ། །དེ་མཐོང་ནས་ཀྱང་ཐེ་ཚོམ་དུ་གྱུར་ནས་བཅོམ་ལྡན་འདས་ལ་ཞུས་པ་ཅི་ལགས། བཅོམ་ལྡན་འདས། མདང་བཅོམ་ལྡན་འདས་ལ་བལྟ་བའི་སླད་དུ་མི་མཇེད་ཀྱི་བདག་པོ་ཚངས་པའམ། ལྷ་རྣམས་ཀྱི་དབང་པོ་བརྒྱ་བྱིན་ནམ། འཇིག་རྟེན་སྐྱོང་བ་བཞི་མཆིས་སམ། དགེ་སློང་དག། ང་བལྟ་བའི་ཕྱིར་མི་མཇེད་ཀྱི་བདག་པོ་ཚངས་པ་འོངས་པ་ཡང་མ་ཡིན། ལྷ་རྣམས་ཀྱི་དབང་པོ་བརྒྱ་བྱིན་ཡང་མ་ཡིན། འཇིག་རྟེན་སྐྱོང་བ་བཞི་ཡང་མ་ཡིན་གྱི།་འོན་ཀྱང་གནག་རྫི་དགའ་བོའི་འཁར་བས་སྦལ་བ་བརྫིས་ཏེ་གནད་རྣམས་ཀྱང་ཆད་ལ་ཐུག་།ཚིགས་རྣམས་ཀྱང་བྱེ་ལ་ཐུག་པ་དང ། གནག་རྫི་དགའ་བོའི་གཏམ་བར་ཆད་པར་འགྱུར་རོ། །སྙམ་ནས་
Kha266b
མི་གཡོ་ཞིང་སྒྲ་མ་ཕྱུང་བར་འདུག་ནས་དེ་ལ་སེམས་མངོན་པར་དད་པར་བྱས་ནས་ཤི་བ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་པ་དེ། ང་ལ་བལྟ་བའི་ཕྱིར་འོངས་ནས་ངས་དེ་ལ་ཆོས་བཤད་ནས་བདེན་པ་མཐོང་སྟེ་རང་གི་གནས་སུ་སོང་བ་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། གནག་རྫི་དགའ་བོ་དང ། འཁོར་ལྔ་བརྒྱས་ལས་ཅི་ཞིག་བགྱིས་ན། གནག་རྫི་དག་གི་ནང་དུ་སྐྱེས་ཤིང ། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པའི་འབྲས་བུ་མངོན་སུམ་དུ་བགྱིས་པ་ལགས། སྔོན་སྦལ་པ་བྱེད་བྱེད་པའི་ལྷའི་བུས་ལས་ཅི་ཞིག་བགྱིས་ན། དེས་ན་སྦལ་པར་སྐྱེས་པར་གྱུར་ཅིང ། བདེན་པ་མཐོང་བར་བགྱིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་ཉིད་ཀྱིས་ལས་བྱས་ཤིང་བསགས་ལ་ཚོགས་རྙེད་པ་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་།སྔོན་བྱུང་བ། བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ་ཞེས་བྱ་བ་ནས། དེ་ཝཱ་ར་ཎཱ་སིའི་གྲོང་ཁྱེར་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །ཞེས་བྱ་བའི་བར་གོང་མ་བཞིན་དུའོ། །དེའི་གསུང་རབ་ལ་གནག་རྫི་དགའ་བོ་རབ་ཏུ་བྱུང་བ་སྡེ་སྣོད་གསུམ་པ། ཆོས་སྨྲ་བ། རིག་པ་དང་གྲོལ་བའི་སྤོབས་པ་ཅན། འཁོར་ལྔ་བརྒྱ་པ་རྩོད་པའི་ཆོས་ལ་མཁས་པ་ཞིག་སྟེ། དེ་དགེ་འདུན་
Kha267a
༄#། །གྱི་རྩོད་པ་བྱུང་ཞིང་བྱུང་བ་རྣམས་ཞི་བར་བྱེད་པ་དང ། དེ་ནས་དགེ་སློང་ཁེངས་པ་ང་རྒྱལ་ཅན་གཉིས་ཤིག་ལན་འགའ་ཡང་དེའི་དྲུང་དུ་མི་འདོང་ངོ ། །དུས་གཞན་ཞིག་ན་དེ་གཉིས་ཕན་ཚུན་དུ་རྩོད་པ་བྱུང་ནས་དོན་དེའི་ཕྱིར་དེ་གཉིས་དེའི་དྲུང་དུ་དོང་ནས་རྐང་པ་ལ་ཕྱག་བྱས་ཏེ་སྨྲས་པ། བདག་ཅག་གཉིས་ལ་འདི་དང་འདི་ལྟ་བུའི་རྩོད་པ་བྱུང་ན། ཞི་བར་མཛད་དུ་གསོལ། དེས་བསམ་བ།་གལ་ཏེ་བདག་གིས་འདི་གཉིས་ཀྱི་རྩོད་པ་དེང་ཁོ་ན་ཞི་བར་བྱས་ན། རག་མ་ལས་པས་འདི་གཉིས་ཕྱིས་འོང་བར་མི་འགྱུར་རོ། །སྙམ་ནས། དེས་དགེ་འདུན་ཐམས་ཅད་བསགས་ནས་རྩོད་པ་དེ་དགེ་འདུན་གྱི་ནང་དུ་གླེང་ནས་ཆད་པར་ནི། མ་བྱས་སོ། །ཕྱི་དེ་ཉིན་ཡང་དེ་ལ་རི་བོར་དུ་དགོས་པ་ཞིག་བྱུང་ནས་དེ་དེར་སོང་བ་དང ། དེ་ནས་དེ་གཉིས་ཀྱིས་ཐོགས་སོ། །ཞེས་དགེ་འདུན་གྱི་ནང་དུ་རྩོད་པ་དེ་གླེང་ནས་དེ་ནས་དགེ་འདུན་གྱིས་ཞི་བར་བྱས་སོ། །ཇི་ཙམ་ན། དགེ་སློང་སྡེ་སྣོད་གསུམ་པ་དེ། རི་བོར་དེ་ནས་འོངས་ཏེ་ལམ་གྱིས་དུབ་པ་བསལ་ནས་ལྷན་ཅིག་གནས་པ་དང་ཉེ་གནས་རྣམས་ལ་དྲིས་པ། རེ་ཞིག་རྩོད་པ་པ་དང ། རྩོད་ཟླ་གཉིས་མི་འོང་ངམ། དེ་རྣམས་ཀྱིས་སྨྲས་པ། མཁན་པོ། དེ་གཉིས་ཀྱི་རྩོད་པ་དེ། ཞི་བར་བགྱིས་ལགས་སོ། །སུ་ཞིག་གིས་ཞི་བར་བྱས། དགེ་འདུན་གྱིས་སོ། །ཇི་ལྟར་བྱས། དེ་རྣམས་ཀྱིས་རྒྱས་པར་སྨྲས་པ་དང ། དེས་ངག་རྩུབ་པོའི་ལས་ཕྱུང་བ། ཚེ་དང་ལྡན་པ་དག་མི་ཤེས་ཏེ། ཇི་ལྟར་གནག་རྫི་རྣམས་ཀྱི་ལྟར་རྩོད་པ་དེ་ཞི་བར་བྱས་སོ། །དེ་རྣམས་
Kha267b
ཀྱིས་ཀྱང་མཁན་པོ། དེ་དེ་བཞིན་ཏེ། ཇི་ལྟར། གནག་རྫི་རྣམས་ཀྱི་ལྟར་རྩོད་པ་ཞི་བར་བགྱིས་སོ། །ཞེས་མཐུན་པར་སྨྲས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དུས་ཀྱི་དགེ་སློང་སྡེ་སྣོད་གསུམ་པ་གང་ཡིན་པ་དེ་ནི། གནག་རྫི་དགའ་བོ་འདི་ཉིད་ཡིན་ནོ། །དེའི་ལྷན་ཅིག་གནས་པ་དང་ཉེ་གནས་ལྔ་བརྒྱ་པོ་གང་ཡིན་པ་དེ་དག་ནི། གནག་རྫི་ལྔ་བརྒྱ་པོ་འདི་དག་ཉིད་ཡིན་ནོ། །གང་ཡང་འདིས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཉན་ཐོས་ཀྱི་དགེ་འདུན་ལ་གནག་རྫི་ཞེས་བྱ་བའི་ཚིག་སྨྲས་ཤིང ། ལྷན་ཅིག་གནས་པ་དང་ཉེ་གནས་རྣམས་ཀྱིས་ཀྱང་མཐུན་པར་སྨྲས་པས། ལས་དེའི་རྣམ་པར་སྨིན་པས། ཚེ་རབས་ལྔ་བརྒྱར་འཁོར་ལྔ་བརྒྱ་དང་གནག་རྫི་རྣམས་སུ་སྐྱེས་པར་གྱུར་ཏོ། །གང་འདིས་བཀླགས་ཤིང་བཏོན་པས་ཕུང་པོ་ལ་མཁས་པ་དང ། ཁམས་ལ་མཁས་པ་དང ། སྐྱེ་མཆེད་ལ་མཁས་པ་དང ། རྟེན་ཅིང་འབྲེལ་བར་འབྱུང་བ་ལ་མཁས་པ་དང ། གནས་དང་གནས་མ་ཡིན་པ་ལ་མཁས་པར་བྱས་པས། ད་ལྟར་འདི་འཁོར་ལྔ་བརྒྱ་དང་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་སོ། །དགེ་སློང་དག། སྔོན་སྦལ་པ་བྱེད་པའི་ལྷའི་བུ་ཡང ། ཡང་དག་པར་རྫོགས་པའི་སངས་རྒྱས་འོད་སྲུང་ཁོ་ནའི་གསུང་རབ་ལ་དགེ་སློང་སྤོང་བ་པ་ཞིག་ཏུ་གྱུར་ཏེ་ལྗོངས་རྒྱུ་ཞིང་སོང་བ་དང ། རི་བོར་ཞིག་ན་གཙུག་ལག་ཁང་ཞིག་ཡོད་པ་དེར་སོན་ཏོ། །དེ་མཚན་མོའི་ཐུན་དང་པོ་ལ་སྐྱིལ་མོ་ཀྲུང་བཅས་ཏེ། ཡིད་ལ་བྱ་བ་གོམས་པར་བྱ་བར་བརྩམས་པ་དང ། ཇི་
Kha268a
༄#། །ཙམ་ན་འདོན་པ་བྱེད་པའི་དགེ་སློང་རྣམས་ཁ་ཏོན་བྱེད་པ་དང ། བསམ་གཏན་གྱི་ཚེར་མ་ནི་སྒྲ་ཡིན་པས་དེ་སྒྲས་སེམས་རྩེ་གཅིག་ཉིད་དུ་མ་བཏུབ་ནས་དེས་བསམ་པ། འདི་དག་ཁ་ཏོན་ཟེར་དུ་ཆུག་གུང་ཐུན་ལ་འདུག་པར་བྱའོ་སྙམ་ནས་གུང་ཐུན་ལ་ལངས་ཏེ་འདུག་པ་དང ། ཇི་ཙམ་ན་དགེ་སློང་གཞན་དག་ཁ་ཏོན་བྱེད་ནས་དེས་བསམ་པ། ཐུན་ཐ་མ་ལ་འདུག་པར་བྱའོ་སྙམ་ནས། དེ་ཐུན་ཐ་མ་ལ་ལངས་ཏེ་འདུག་པ་དང ། ཇི་ཙམ་ན་གཞན་དག་ལ་ཏོན་བྱེད་ནས་དེ་འདོད་ཆགས་དང་བྲལ་བ་མ་ཡིན་པས་ཀུན་ནས་དཀྲིས་པ་དྲག་པོ་སྐྱེས་ནས་དེས་སྨྲས་པ། འོད་སྲུང་གི་དགེ་སྦྱོང་འདི་རྣམས་ནི་སྦལ་པ་བཞིན་མཚན་ཐོག་ཐག་སྒྲ་འབྱིན་ཏོ་ཞེས་བྱས་སོ། །དགེ་སློང་དག། ཇི་སྙམ་དུ་སེམས། དགེ་སློང་སྤོང་བ་པ་གང་ཡིན་པ་དེ་ནི་སྔོན་སྦལ་པ་བྱེད་བྱེད་པའི་ལྷའི་བུ་འདི་ཉིད་ཡིན་ཏེ། གང་ཡང་འདིས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཉན་ཐོས་རྣམས་ལ་སྦལ་པ་ཞེས་ཚིག་ཏུ་སྨྲས་པས། ལས་དེའི་རྣམ་པར་སྨིན་པས་ཚེ་རབས་ལྔ་བརྒྱར་སྦལ་པར་སྐྱེས་པར་གྱུར་ཏེ། ད་ལྟའི་བར་དུ་ཡང་སྦལ་བར་སྐྱེས་པ་ཡིན་ནོ། །གང་ཡང་ང་ལ་སེམས་མངོན་པར་དད་པར་བྱས་པས། དེས་ན་རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་པར་གྱུར་ཏོ། །གང་ཡང་དག་པར་རྫོགས་པའི་སངས་རྒྱས་འོད་སྲུང་ལས་ཚངས་པར་སྤྱོད་པ་སྤྱད་པས། དེས་ན་ད་ལྟར་བདེན་པ་མཐོང་བར་བྱས་སོ། །དགེ་སློང་དག་།དེ་ལྟ་བས་ན། གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་
Kha268b
ནི་གཅིག་ཏུ་ནག་པ་ཡིན་ལ་ཞེས་བྱ་བ་ནས་བརྩོན་པར་བྱ་སྟེ། དགེ་སློང་དག། ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་དེ་སྐད་ཅེས་བཀའ་སྩལ་ཏོ་ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཆུ་བོ་གངྒཱ་བརྒལ་བ་དང ། དེ་ན་ངང་པ་དང ། ཉ་དང ། རུལ་སྦལ་ལྔ་བརྒྱས་བསྐོར་ཏེ་བསྐོར་བ་བྱས་སོ། །དེ་རྣམས་ལ་བཅོམ་ལྡན་འདས་ཀྱིས་ཚིག་གསུམ་གྱི་ཆོས་བཤད་པ་མཛད་དེ། བཞིན་བཟང་དག་།འདི་ལྟར་འདུ་བྱེད་ཐམས་ཅད་ནི་མི་རྟག་པའོ། །ཆོས་ཐམས་ཅད་ནི་བདག་མེད་པའོ། །མྱ་ངན་ལས་འདས་པ་ནི་ཞི་བ་ཡིན་པས། ང་ལ་སེམས་མངོན་པར་དད་པར་གྱིས་ལ། ཅི་ནས་ཀྱང་དུད་འགྲོའི་སྐྱེ་གནས་ལ་འདོད་ཆགས་དང་བྲལ་བར་གྱིས་ཤིག་།དེ་རྣམས་འདི་སྙམ་དུ་སེམས་ཏེ། གང་བདག་ཅག་གིས་བཅོམ་ལྡན་འདས་ལ་ཚིག་གསུམ་གྱི་ཆོས་ཐོས་ནས་ཁ་ཟས་ཟ་བར་བྱེད་པ་ནི་བདག་ཅག་གི་ཆ་མ་ཡིན་ནོ་སྙམ་ནས། དེ་རྣམས་ཀྱིས་ཁ་ཟས་བཅད་པ་དང ། དུད་འགྲོའི་སྐྱེ་གནས་སུ་སོང་བ་རྣམས་ནི་མེའི་ཤས་ཆེ་བས་དུས་ལས་འདས་ཏེ་ཤི་འཕོས་པ་དང་རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་སོ། །ཆོས་ཉིད་ཀྱིས། ལྷའི་བུའམ། ལྷའི་བུ་མོ་སྐྱེས་ནས་རིང་པོ་མ་ལོན་པར་སེམས་གསུམ་སྐྱེ་བར་འགྱུར་ཏེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་ཡིན་པའོ། །དེ་རྣམས་ཀྱིས་བལྟས་ན་དུད་འགྲོ་དག་ལས་ཤི་འཕོས་ནས་རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་པ་དང་ཞེས་བྱ་བ་ནས། མེ་ཏོག་མན་དཱ་ར་བས་ཐུ་བ་བཀང་སྟེ་བཅོམ་ལྡན་འདས་ཀྱི་ཉེ་འཁོར་དང ། ཆུ་བོ་གངྒཱ་སྣང་བས་
Kha269a
༄#། །གསལ་བར་བྱས་ནས་བཅོམ་ལྡན་འདས་ལ་མེ་ཏོག་གིས་གཏོར་ཏེ། བཅོམ་ལྡན་འདས་ལ་ཀུན་ནས་བསྐོར་ཏེ་འདུག་གོ་།བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་མཁྱེན་ནས། དེ་དང་འདྲ་བའི་འཕགས་པའི་བདེན་པ་བཞི་རྟོགས་པར་འགྱུར་བའི་ཆོས་བཤད་པ་མཛད་པས་ཞེས་བྱ་བ་ནས། ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་རྣམས་ཀྱིས་བདེན་པ་མཐོང་བ་དང ། དེས་ལན་གསུམ་དུ་བརྗོད་པས་ཆེད་དུ་བརྗོད་པ། བཙུན་པ། འདི་ལྟ་བུ་ནི། བདག་ཅག་ལ་ཕས་མ་བགྱིས་ཏེ། མས་མ་ལགས། རང་གི་སྐྱེ་བོ་དང ། གཉེན་གྱི་ཚོགས་དང ། སྡུག་པས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། སྔོན་གྱི་འདས་པས་མ་ལགས། དགེ་སྦྱོང་དང ། བྲམ་ཟེས་མ་ལགས་པ་གང་ལགས་པ། བཅོམ་ལྡན་འདས་ཀྱིས་བདག་ཅག་ལ་མཛད་དེ། སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ནས་ནི། རྐང་པ་དྲངས། ལྷ་དང་མི་རྣམས་སུ་ནི། རབ་ཏུ་བཀོད། འཁོར་བ་ལས་ནི། རིང་དུ་མཛད། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་ལས་ནི། བསྒྲལ། ངན་སོང་གི་སྒོ་རྣམས་ནི་བཀུམ། མཐོ་རིས་དང་ཐར་པའི་སྒོ་རྣམས་ནི། ཕྱེ། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་
Kha269b
ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ། བདག་ཅག་ནི། འཕགས་སོ། །མངོན་པར་འཕགས་སོ། །བདག་ཅག་སངས་རྒྱས་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོ་བའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་སྔོན་ཉ་དང ། ངང་པ་དང ། རུས་སྦལ་བྱེད་བྱེད་པའི་ལྷའི་བུ་དེ་རྣམས་ཚོང་པ་ཁེ་སྤོགས་རྙེད་པ་ལྟ་བུ་དང་ཞེས་བྱ་བ་ནས་རང་གི་གནས་སུ་དོང་ངོ ། །ཞེས་བྱ་བའི་བར་གོང་མ་བཞིན་དུའོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཉ་དང ། ངང་པ་དང ། རུས་སྦལ་འདི་རྣམས་ཀྱིས་ལས་ཅི་ཞིག་བགྱིས་ན། དེས་ན། ངང་པ་དང ། ཉ་དང ། རུས་སྦལ་རྣམས་སུ་སྐྱེས་ལགས། ལས་ཅི་ཞིག་བགྱིས་ན། དེས་ན། ལྷ་རྣམས་སུ་སྐྱེས་ནས་བདེན་པ་མཐོང་བར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ངང་པ་དང ། ཉ་དང ། རུས་སྦལ་འདི་དག་ཉིད་ཀྱིས་ལས་རྣམས་བྱས་ཤིང་བསགས་པ། ཚོགས་རྙེད་པ་དག་ནི། ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག། སྔོན་བྱུང་བ། བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ་ཞེས་བྱ་བ་ནས། དེ་ཝཱ་ར་ཎཱ་སིའི་གྲོང་ཁྱེར་ན་དྲང་
Kha270a
༄#། །སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །ཞེས་བྱ་བའི་བར་གོང་མ་བཞིན་དུའོ། །དེའི་བསྟན་པ་ལ་དེ་རྣམས་རབ་ཏུ་བྱུང་བར་གྱུར་ཏེ། དེ་ན་དགེ་སློང་དེ་རྣམས་ཀྱིས་བསླབ་པའི་གཞི་ཕྲ་མོ་རྣམས་དྲལ་བས། ལས་དེའི་རྣམ་པར་སྨིན་པས་ཉ་དང ། ངང་པ་དང ། རུས་སྦལ་རྣམས་སུ་སྐྱེས་པར་གྱུར་ཏོ། །གང་ཡང་ང་ལ་སེམས་མངོན་པར་དད་པར་བྱས་པ་དེས་ན་ལྷ་རྣམས་སུ་སྐྱེས་པར་གྱུར་ཏོ། །གང་ཡང་དག་པར་རྫོགས་པའི་སངས་རྒྱས་འོད་སྲུང་ལས་ཚངས་པར་སྤྱོད་པ་སྤྱད་པ་དེས་ན། བདེན་པ་མཐོང་བར་བྱས་སོ། །དགེ་སློང་དག། དེ་ལྟ་བས་ན། གཅིག་ཏུ་ནག་པའི་ལས་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ་ཞེས་བྱ་བ་ནས། བརྩལ་བར་བྱ་སྟེ། དགེ་སློང་དག། ཁྱེད་ཅག་གིས་དེ་ལྟ་བུ་ལ་བསླབ་པར་བྱའོ། །ཞེས་དེ་སྐད་ཅེས་བཀའ་སྩལ་ཏོ། ། ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཆུ་བོ་གངྒཱ་བརྒལ་པ་དང ། ཡི་དྭགས་སྔོན་དུ་མ་ཚིག་པ་ལྟ་བུ། ཀེང་རུས་བསྒྲེང་བ་ལྟ་བུ། རང་གི་སྐྲས་ལུས་གཡོགས་པ། ལྟོ་རི་སུལ་ལྟར་འདུག་པ། ཁ་ཁབ་ཀྱི་མིག་ཙམ་ཡོད་པ་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པ་ལྔ་བརྒྱ་ཙམ་གྱིས་ཡོངས་སུ་བསྐོར་ནས་དེ་རྣམས་ཀྱིས་ཐལ་མོ་སྦྱར་ཏེ་བཅོམ་ལྡན་འདས་ལ་གསོལ་པ། བཙུན་པ། བདག་ཅག་ཡི་དྭགས་རྣམས་ནི། རྣམ་པར་ལྟུང་བའི་ལུས་ཅན་རྣམས་ལགས་ཏེ། སྔོན་གྱི་ལས་ཀྱིས་ནོངས་པས་ཆབ་ཀྱང་མི་རྙེད་ལགས་ན། འཚལ་མ་མཐོང་བ་ལྟ་སྨོས་ཀྱང་
Kha270b
ཅི་འཚལ། ཁྱོད་ནི། ཐུགས་རྗེ་ཆེན་པོ་མངའ་བ་ལགས་ན། བདག་ཅག་ལ་ཆབ་སྩོལ་ཅིག་།བཅོམ་ལྡན་འདས་ཀྱིས་དེ་རྣམས་ལ་ཆུ་བོ་གངྒཱ་བསྟན་ནས། ཆུ་བསིལ་སྐྱེ་བོ་ཀུན་གྱིས་ཉེ་བར་སྤྱད་བྱ་བ། །སྐལ་ལྡན་ཤིང་རྟ་ཀླུང་ཆེན་འདི་ནི་གྲོང་ཁྱེར་དང ། །ཡུལ་འཁོར་དག་དང་གྲོང་ཁྱེར་ཚིམ་པར་བྱེད་ཅིང་འབབ། །ཞིང་རྣང་སཱ་ལུ་ཀུ་མུ་ད་དང ། ུཏྤལ་སྐྲུ་ན། །ཡི་དྭགས་རྣམས་ཀྱིས་གསོལ་པ། ཆུ་བོ་སྐྱེ་བོ་ཀུན་གྱིས་ཉེ་བར་སྤྱད་བགྱི་བ། །སྐལ་ལྡན་ཤིང་རྟ་འབབ་འདི་བདག་ཅག་རྣམས་ལ་བསྐམས། །འདི་ནི་ཁྲག་གི་དྲི་མས་གང་ཞིང་ལག་པ་ན། །དབྱུག་པ་དགྲ་སྟར་བཅས་པ་ཐོགས་པས་འདི་སྲུང་མཐོང ། །བཅོམ་ལྡན་འདས་ཀྱིས་གངྒཱའི་ལྷ་ལ་བཀའ་སྩལ་པ། ཁྱོད་ནི་གྲོང་དང་ཡུལ་འཁོར་གྲོང་ཁྱེར་ཚིམ་བྱེད་ཅིང ། །ཞིང་རྣང་སཱ་ལུ་ཀུ་མུ་ད་དང་ཨུཏྤལ་སྐྲུ་ན། །ཅི་ཕྱིར་ཡི་དྭགས་སྐོམ་པས་རབ་ཉེན་ཚིམ་མི་བྱེད། །ཁྱོད་ལ་བྱིས་པའི་སྐྱེ་བོ་སྡུག་བསྔལ་སྙིང་རྗེ་མེད། །གངྒཱའི་ལྷས་གསོལ་པ། བྱིས་པའི་སྐྱེ་བོ་ལ་བདག་འཇིགས་པས་མ་ལགས་ཤིང ། །ཚིག་རྩུབ་རྒྱུས་ཀྱང་མི་མཐུན་ཆབ་གཏོང་མི་བགྱིད་དེ། །ནོངས་བགྱིས་སྒྲིབ་པ་ཆེན་པོས་བསྒྲིབས་པ་འདི་དག་ལ། །ཆུ་བོ་བསྐམས་གྱུར་འདི་ལ་བདག་གིས་ཅི་ཞིག་ནོངས། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ། ཡི་དྭགས་རྣམས་ལ་ཆུ་བླུད་ཅིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་བཅོམ་ལྡན་འདས་ཀྱི་ལྟར་མཉན་ནས། ཡི་དྭགས་རྣམས་ལ་
Kha271a
༄#། །ཆུ་བླུད་པར་བརྩམས་པ་དང ། ཡི་དྭགས་དེ་རྣམས་ཀྱི་ཁ་ཁབ་ཀྱི་མིག་ཙམ་པོ་དག་བསྐྱེད་པར་མ་ནུས་སོ། །དེ་ནས་བཅོམ་ལྡན་འདས་ཀྱི་རྫུ་འཕྲུལ་གྱིས། དེ་རྣམས་ཀྱི་ཁ་བསྐྱེད་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཆུ་བླུད་པ་དང ། དེ་རྣམས་སྐོམ་པས་ཉེན་པས་མང་དུ་འཐུང་པས་ལྟོ་རྒྱས་པར་གྱུར་ཏོ། །དེ་ནས་བཅོམ་ལྡན་འདས་ལ་སེམས་དང་བ་བསྐྱེད་ནས་ཤིའོ། །ཞེས་བྱ་བ་ནས་བདེན་པ་མཐོང་ནས་རང་གི་གནས་སུ་སོང་ངོ ། །ཞེས་བྱ་བའི་བར་གོང་མ་བཞིན་དུའོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཡི་དྭགས་འདི་རྣམས་ཀྱིས་ལས་ཅི་ཞིག་བགྱིས་ན། དེས་ན་ཡི་དྭགས་རྣམས་སུ་སྐྱེས་ལགས། ལས་ཅི་ཞིག་བགྱིས་ན། དེས་ན། ལྷ་རྣམས་སུ་སྐྱེས་ནས་བདེན་པ་མཐོང་བར་བགྱིས་ལགས་།བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། འདི་དག་ཉིད་ཀྱིས་ལས་རྣམས་བྱས་ཤིང་བསགས་པ་ཚོགས་རྙེད་པ་དག་ནི། ཞེས་བྱ་བ་ནས། ལུས་ཅན་དག་ལ་འབྲས་བུ་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་།སྔོན་བྱུང་བ། བསྐལ་པ་བཟང་པོ་འདི་ཉིད་ལ། སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན་སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ་ཞེས་བྱ་བ་ནས། དེ་ཝཱ་ར་ཎཱ་སིའི་གྲོང་ཁྱེར་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །ཞེས་བྱ་བའི་བར་གོང་མ་བཞིན་དུའོ། །དེའི་ཉན་ཐོས་རྣམས་ཀྱི་དད་པ་ལས་བསླངས་ན་སངས་རྒྱས་དང ། ཆོས་དང ། དགེ་འདུན་ལ་བྱ་བ་བྱེད་དོ། །གང་གི་ཚེ་ཡང་དག་པར་རྫོགས་པའི་སངས་རྒྱས་བཅོམ་ལྡན་
Kha271b
འདས་འོད་སྲུང་གི་བསྟན་པ་རྒྱས་པར་མ་གྱུར་པ་དེའི་ཚེ་དད་པ་འདྲི་བའི་དགེ་སློང་ཡང་ཉུང་བར་གྱུར་ཏོ། །གང་གི་ཚེ་རྒྱས་པར་གྱུར་པ་དེའི་ཚེ། དད་པ་འདྲི་བའི་དགེ་སློང་ཡང་མང་བར་གྱུར་ཏོ། །ཇི་ཙམ་ན་འདུན་ཁང་ཞིག་ན་དགེ་བསྙེན་ལྔ་བརྒྱ་འགའ་ཞིག་གི་ཕྱིར་ལྷགས་ཤིང་འདུས་པར་གྱུར་པ་དང ། དད་པ་འདྲི་བའི་དགེ་སློང་རབ་ཏུ་མང་པོ་དག་དེ་རྣམས་ཀྱི་དྲུང་དུ་དོང་ནས་སྦྱིན་དུ་གཞུག་པར་འདོད་པ་ན། དེ་རྣམས་ཀྱིས་ཀུན་ནས་དཀྲིས་པ་དྲག་པོས་ངག་རྩུབ་པོའི་ལས་ཕྱུང་བ། འོད་སྲུང་གི་དགེ་སྦྱོང་འདི་རྣམས་ནི། ཡི་དྭགས་རྣམས་སུ་སྐྱེས་པ་བཞིན་རྟག་ཏུ་ལག་པ་ཟེད་པར་བྱེད་དོ། །ཞེས་སྨྲས་སོ། །དགེ་སློང་དག་།ཇི་སྙམ་དུ་སེམས། དགེ་བསྙེན་ལྔ་བརྒྱ་པོ་གང་དག་ཡིན་པ་དེ་དག་ནི། ཡི་དྭགས་ལྔ་བརྒྱ་པོ་འདི་དག་ཉིད་ཡིན་ཏེ། གང་ཡང་འདི་རྣམས་ཀྱིས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཉན་ཐོས་རྣམས་ལ་ཡི་དྭགས་ཀྱི་ཚིག་སྨྲས་པའི་ལས་དེའི་རྣམ་པར་སྨིན་པས་ཚེ་རབས་ལྔ་བརྒྱར་ཡི་དྭགས་རྣམས་སུ་སྐྱེས་པར་གྱུར་ཏེ། ད་ལྟའི་བར་དུ་ཡང་ཡི་དྭགས་རྣམས་སུ་སྐྱེས་པ་ཡིན་ནོ། །གང་ཡང་དེ་ལ་སེམས་མངོན་པར་དད་པར་བྱས་པ་དེས་ན། ལྷ་རྣམས་སུ་སྐྱེས་སོ། །གང་ཡང་དག་པར་རྫོགས་པའི་སངས་རྒྱས་འོད་སྲུང་ལ་སྐྱབས་སུ་འགྲོ་བ་དང ། བསླབ་པའི་གཞི་བླངས་པ་དེས་ན་བདེན་པ་མཐོང་བར་བྱས་སོ། །དགེ་སློང་དག་།དེ་ལྟ་བས་ན། གཅིག་ཏུ་ནག་པ་རྣམས་ཀྱི་ལས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ་ཞེས་བྱ་བ་ནས་བརྩལ་བར་བྱ་སྟེ། དགེ་སློང་དག་།ཁྱེད་ཅག་གིས་དེ་ལྟ་བུ་ལ་བསླབ་པར་བྱའོ། །ཞེས་དེ་སྐད་ཅེས་བཀའ་སྩལ་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཆུ་བོ་
Kha272a
༄#། །གངྒཱ་ལས་རྒལ་བ་ན། གླང་པོ་ཆེའི་སྟ་སྟངས་ཀྱིས་གཡས་ཕྱོགས་ནས། ཆུ་བོ་གངྒཱ་གཟིགས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཅིའི་སླད་དུ་གཡས་ཕྱོགས་ནས་ཆུ་བོ་གངྒཱ་ལ་གཟིགས་པར་མཛད། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཅག་ཆུ་བོ་གངྒཱའི་གླིང་གཞི་ཉན་པར་འདོད་དམ། བཅོམ་ལྡན་འདས་ད་དེའི་དུས་ལ་བབ་ལགས་སོ། །བདེ་བར་གཤེགས་པ་ད་དེའི་དུས་ལ་བབ་ལགས་ཏེ། བཅོམ་ལྡན་འདས་ཀྱིས་ཆུ་བོ་གངྒཱ་གླེང་གཞི་གང་ལགས་པ་ཤད་པ་ན། དགེ་སློང་རྣམས་ཉན་པར་འགྱུར་ལགས་སོ།། །།འདུལ་བ་གཞི། བམ་པོ་སོ་དགུ་པ། དགེ་སློང་དག་།སྔོན་བྱུང་བ་རྒྱལ་པོ་སྨྱུག་སྦམ་ཞེས་བྱ་བ། ཆོས་ཀྱི་རྒྱལ་པོ་ཆོས་དང་ལྡན་པ་ཞིག་བྱུང་སྟེ། དེའི་ཡུལ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ། ཤིང་མེ་ཏོག་དང་འབྲས་བུ་རྟག་པ། ལྷ་རྣམས་དུས་དུས་སུ་ཆར་འབེབས་པས། ས་གཞི་ལོ་ཏོག་དང་ལྡན་ཞིང་འཐབ་པ་དང ། འཐབ་མོ་དང ། རྩོད་པ་དང ། འཁྲུག་ལོང་དང ། ཆོམ་རྐུན་དང ། མུ་གེ་དང ། ནད་རྣམས་རབ་ཏུ་ཞི་བར་གྱུར་ལ། མི་རྣམས་རྟག་ཏུ་ཆོས་ལ་གཞོལ་བ་ན། ཆོས་ཀྱིས་རྒྱལ་སྲིད་བྱེད་དུ་འཇུག་གོ་།ཇི་ཙམ་ན་རྒྱལ་པོ་དེ་སོ་གའི་དུས་ལ་བབ་ནས་ཤིང་རྣམས་ཀྱི་མེ་ཏོག་ཁ་འབུས་ཤིང་ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་
Kha272b
དང ། ཁུ་བྱུག་དང ། ཤང་ཤང་ཏེའུ་རྣམས་སྐད་འབྱིན་པའི་ནགས་ཁྲོད་དུ། བཙུན་མོའི་འཁོར་གྱིས་ཡོངས་སུ་བསྐོར་ནས། སྐྱེད་མོས་ཚལ་གྱི་གནས་སུ་སོང་བ་དང ། ཇི་ཙམ་ན་མི་ལུས་གཉེར་མས་གང་བ། མགོ་སྐྱ་བ། ལུས་ཀྱི་ཡན་ལག་རྙིས་པ། དབང་པོ་རྒུད་པ། ཤ་སྐེམ་པ། ཞོ་ཤ་ཆུང་བ་ཞིག་འཁར་བ་ལ་བརྟེན་ནས་གོམ་པ་དལ་བུ་དལ་བུས་འགྲོ་བ་ཞིག་མཐོང་ངོ ། །དེ་ནས་རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།མི། ལུས་གཉེར་མས་གང་བ། མགོ་སྐྱ་བ་ཞེས་བྱ་བ་ནས། འཁར་བ་ལ་བརྟེན་ནས་འགྲོ་བ་འདི་ཅི་ཞིག་ཡིན་ཞེས་བྱ་བའི་བར་གོང་མ་བཞིན་དུའོ། །དེ་རྣམས་ཀྱིས་སྨྲས་པ། ལྷ། དེ་ནི། འདུ་བྱེད་རྣམས་དེངས་པས་རྒས་འཁོགས་པ་ཞེས་བགྱིའོ། །རྒྱལ་པོས་སྨྲས་པ། ཤེས་ལྡན་དག་།ང་ལ་ཡང་འདི་ལྟ་བུའི་ཆོས་འབྱུང་བར་འགྱུར་རམ། དེ་རྣམས་ཀྱིས་སྨྲས་པ། ལྷ། ཆོས་འདི་ནི། ཐུན་མོང་ལགས་སོ། །དེ་ནས་རྒྱལ་པོ་ཡིད་མི་བདེ་ཞིང་ཆས་པ་དང ། ཡང ། མི་སྐྱ་བོ་རྦབ་རྦབ་པོ། ལུས་གས་ཤིང་ཧྲུལ་ཧྲུལ་པོ། ལྟོ་རི་སུལ་ལྟར་འདུག་པ། རྨ་རྣག་གིས་གང་བ། ཡན་ལག་དང་ཉིང་ལག་རྣམས་ལས་འཛག་པ་ལྷན་པ་རྣམས་ཀྱིས་དཀྲིས་པ་ཞིག་།ཤུགས་རིང་པོ་རིང་པོར་འབྱིན་ཅིང ། འཁར་བ་ལ་བརྟེན་ནས་འཐེང་ཞིང་འགྲོ་བར་ཆས་པ་མཐོང་ངོ ། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་།མི་སྐྱ་བོ་སེང་པོ་ཞེས་བྱ་བ་ནས། འཐེང་ཞིང་འགྲོ་བར་ཆས་པ་འདི་ཅི་ཞིག་ཡིན་ཞེས་བྱ་བའི་བར་གོང་མ་བཞིན་དུའོ། །དེ་རྣམས་ཀྱིས་སྨྲས་པ། ལྷ། འདི་ནི། ནད་ཀྱིས་ཐེབས་པ་ཞེས་བགྱིའོ། །རྒྱལ་པོས་སྨྲས་པ། ཤེས་ལྡན་དག་
Kha273a
༄#། །ང་ལ་ཡང་འདི་ལྟ་བུའི་ཆོས་འབྱུང་བར་འགྱུར་རམ། བློན་པོ་རྣམས་ཀྱིས་སྨྲས་པ། ལྷ། ཆོས་འདི་ནི། ཐུན་མོང་ལགས་ཏེ། ཉེ་བར་སྤྱོད་པའི་ལས་བགྱིས་པ་རྣམས་ལ་སྔོན་གྱི་ལས་ཀྱི་ཉེས་པས་འབྱུང་བར་འགྱུར་རོ། །རྒྱལ་པོས་བསམ་པ། རྣམ་པ་ཐམས་ཅད་དུ་སྡིག་པ་མི་བྱའོ། །སྙམ་དུ་བསམ་ནས་ཆས་པ་དང ། ཡང་དེས། རས་སྔོན་པོ་དང ། སེར་པོ་དང ། དམར་པོ་དང ། དཀར་པོ་རྣམས་ཀྱིས་ཁྱོགས་བརྒྱན་ནས། གདུགས་དང ། རྒྱལ་མཚན་དང ། འཕན་དང ། དུང་དང ། རྔ་པ་ཊ་ཧ་དང ། སྐྱེས་པ་དང ། བུད་མེད་དང ། ཁྱེའུ་དང ། བུ་མོ་དག་བུན་ལོང་ཞིང་མི་བཞིས་བཏེག་ནས་འགྱོགས་མིས་ནི། སྣ་དྲངས། སྐྱེས་བུ་ལག་ན་ཤིང་ཐོགས་པ་དག་ནི། ཕྱི་བཞིན་འབྲང་ཞིང ། ཀྱི་ཧུད་ཕ། ཀྱི་ཧུད་སྡུག་པ། ཀྱི་ཧུད་སྤུན། ཀྱི་ཧུད་ཇོ་བོ་ཞེས་ཀུན་ཏུ་དུད་མོའི་སྒྲ་འདོན་པ་མཐོང་ངོ ། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག ། རས་སྔོན་པོ་དང ། སེར་པོ་དང ། དམར་པོ་དང ། དཀར་པོ་རྣམས་ཀྱིས་ཁྱོགས་བརྒྱན་ཅིང་ཞེས་བྱ་བ་ནས། དུད་མོའི་སྒྲ་འདོན་པ་འདི་ཅི་ཞིག་ཡིན་ཞེས་བྱ་བའི་བར་གོང་མ་བཞིན་དུའོ། །བློན་པོ་རྣམས་ཀྱིས་སྨྲས་པ། ལྷ། འདི་ནི། གུམ་པ་ཞེས་བགྱིའོ། །རྒྱལ་པོས་སྨྲས་པ། ཤེས་ལྡན་དག་།ང་ལ་ཡང་འདི་ལྟ་བུའི་ཆོས་འབྱུང་བར་འགྱུར་རམ། དེ་རྣམས་ཀྱིས་སྨྲས་པ། ལྷ། ཆོས་འདི་ནི་ཐུན་མོང་ལགས་སོ། །དེ་ནས་རྒྱལ་པོས། རྒས་པ་དང ། ནད་པ་དང ། ཤི་བ་ཡང་དག་པར་མཐོང་ནས་ཡིད་བྱུང་སྟེ། བདག་གིས་ཀྱང་འདི་ལྟ་བུའི་ལོངས་སྤྱོད་རྣམས་སྤང་དགོས་སོ། །སྙམ་ནས། སླར་ལོག་སྟེ་མྱ་ངན་གྱི་ཁང་པར་ཞུགས་ནས་འདུག་
Kha273b
གོ་།དེའི་ཡུལ་ན་བྲམ་ཟེ་དུས་དཔོག་ཅེས་བྱ་བ། ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་ཡོད་དེ། དེ་ཇི་ལྟར་རྒྱལ་པོས་རྒས་པ་དང ། ནད་པ་དང ། ཤི་བ་མཐོང་སྟེ། ཡིད་བྱུང་ནས་མྱ་ངན་གྱི་ཁང་པར་ཞུགས་ནས་འདུག་པ་ཐོས་སོ། །ཐོས་ནས་ཀྱང་བྲམ་ཟེ་བརྒྱ་སྟོང་དུ་མས་ཡོངས་སུ་བསྐོར་ཅིང ། ཤིང་རྟ་རྟ་རྒོད་མ་དང་ལྡན་པ་ཐམས་ཅད་ནས་དཀར་བའི་ནང་དུ་ཞུགས་ཏེ། གསེར་གྱི་འཁར་བ་དང ། རིལ་བ་སྤྱི་བླུགས་ཐོགས་ནས། རྒྱལ་པོ་སྨྱུག་སྦམ་གང་ན་བ་དེར་སོང་སྟེ་ཕྱིན་པ་དང ། རྒྱལ་པོ་ལ་བློན་པོ་རྣམས་ཀྱིས་སྨྲས་པ། ལྷ། བྲམ་ཟེ་དུས་དཔོག་ཆབ་སྒོ་ན་མཆིས་སོ། །དེ་ནས་རྒྱལ་པོ་ཕྱིར་བྱུང་ནས། དཀོར་ཁང་དུ་འདུག་པ་དང ། བྲམ་ཟེ་དུས་དཔོག་གིས། རྒྱལ་བ་དང་ཚེ་སྤེལ་བ་དག་བྱས་ཏེ་འདུག་ནས་སྨྲས་པ། ལྷ། ཅིའི་སླད་དུ་ཐུགས་ངན་གྱི་ཁང་པར་ཞུགས་ཏེ་བཞུགས། རྒྱལ་པོས། ཇི་ལྟར་གྱུར་པ་ཐམས་ཅད་བྲམ་ཟེ་དུས་དཔོག་ལ་རྒྱས་པར་སྨྲས་པ་དང ། དེས་སྨྲས་པ། ལྷ། འཇིག་རྟེན་ནི། རང་གི་ལས་ཀྱི་འབྲས་བུ་ལ་སྤྱོད་པ་ལགས་པས། འདི་ལ་ཐུགས་ངན་བགྱིར་མ་མཆིས་སོ། །སེམས་ཅན་ལེགས་པའི་ལས་བགྱིད་པ་རྣམས་ཀྱང་མཆིས་ཉེས་པའི་ལས་བགྱིད་པ་རྣམས་ཀྱང་མཆིས། གཉི་གའི་ལས་བགྱིད་པ་ཡང་མཆིས་ཏེ། འཁོར་ལོ་སྒྱུར་བ་རྣམས་ནི། རྟག་ཏུ་ལས་ལེགས་པ་བགྱིད་དེ། གུམ་ན་ཡང་ལྷ་རྣམས་སུ་སྐྱེ་བར་འགྱུར་རོ། །ལྷ་ཡང་འཁོར་ལོས་བསྒྱུར་བ་ལགས་ཏེ། མིའི་བདེ་བ་ཁྱད་པར་དུ་འཕགས་པ་བསྟར་ནས། ལྷའི་བདེ་བ་ཡང་ཉམས་སུ་བསྟར་བར་འགྱུར་མོད་ཀྱི། ལྷ། འོན་ཀྱང་མཐོ་རིས་ཀྱི་ཐེམ་སྐས་སུ་གྱུར་པ་མཆོད་སྦྱིན་
Kha274a
༄#། །ལ་བརྩོན་པར་མཛོད་ཅིག་།དེ་ནས་རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།ཡུལ་ཐམས་ཅད་དུ་དྲིལ་སྒྲོག་བཅུག་སྟེ། རྒྱལ་པོ་གཏན་པ་མེད་པའི་མཆོད་སྦྱིན་བྱེད་ཀྱི། ཁྱེད་ཤོག་ལ་ལོངས་སྤྱོད་ཅིག་ཅེས་སྒོས་ཤིག་།དེ་ནས་རྒྱལ་པོས་སྦྱིན་པའི་ཁང་པ་རྩིག་ཏུ་བཅུག་ནས། ཟས་འདོད་པ་རྣམས་ལ་ཟས། བཏུང་བ་འདོད་པ་རྣམས་ལ་བཏུང་བ་བྱིན་ནོ། །དེར་འབྲས་ཁུ་དབོ་བའི་དོང་དག་བྱས་ནས། དེར་དྲན་པོ་དག་བླུགས་པ་དང ། བསིལ་བར་གྱུར་པས་མ་དྲོས་པ་མ་དྲོས་པ་ཞེས་བྱ་བར་གྲགས་སོ། །དེའི་འབྲས་ཁུ་དང ། འབྲས་བཀྲུས་པའི་ཁུ་བ་ལོ་བཅུ་གཉིས་ཚང་བར་བཀང་བས་ལུད་པར་གྱུར་པའི་ཁ་དེ་ནས་འབབ་ཆུར་བབ་པས། འབྲས་ཁུའི་ཆུ་འབྲས་ཁུའི་ཆུ་ཞེས་བྱ་བར་གྲགས་སོ། །སྡོམ་ལ། གཞོན་ནུ་བསྐྱེད་དང་གླང་ཆེན་སྒྲ། དཔུང་རྒྱལ་ལྡན་དང་ནོར་བུ་ཅན། སཱ་ལ་སྟོབས་དང་སཱ་ལའི་སྟོབས། །གསེར་བྲེ་དང་ནི་གནས་བཅས་དང ། །ཐུག་པ་དང་ནི་མཉན་ཡོད་དང ། །མ་དྲོས་གྲོང་ཁྱེར་བིན་དུ་དང ། །ཡངས་པ་ཅན་ནི་ཐ་མ་ཡིན། །དེ་ནས་བཅོམ་ལྡན་འདས་ཡུལ་གཞོན་ནུ་བསྐྱེད་པར་གཤེགས་ནས། གཞོན་ནུ་བསྐྱེད་པར་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། །ཕྱོགས་འདིར་རྒྱལ་པོ་གསོ་སྦྱོང་འཕགས་ཞེས་བྱ་བ་བཙས་ནས་འདི་ཉིད་དུ་ཆེན་པོར་གྱུར་ཏོ། །དེས་ན་གྲོང་ཁྱེར་ཡང་གཞོན་ནུ་བསྐྱེད་པ་ཞེས་བྱ་བར་གྲགས་སོ། །ཀྲུང་ཀྲུང་སྒྲ་ཅན་དུ་གཤེགས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཀྲུང་ཀྲུང་སྒྲ་འདིར་རྒྱལ་པོ་
Kha274b
གསོ་སྦྱོང་འཕགས་ཀྱི་གླང་པོ་ཆེ་དམ་པས་ཀྲུང་ཀྲུང་ཞེས་བྱ་བའི་སྐད་ཕྱུང་བས། ཀྲུང་ཀྲུང་ཅན་ཞེས་བྱ་བར་གྲགས་སོ། །དཔུང་རྒྱན་ལྡན་དུ་གཤེགས་ནས། དཔུང་རྒྱན་ལྡན་གྱི་ཕྱོགས་ཤིག་ཏུ་འཛུམ་པ་མཛད་དོ་ཞེས་བྱ་བ་ནས། སངས་རྒྱས་བཞིའི་གདན་ཞེས་བྱ་བ་རྒྱས་པར་གོང་མ་བཞིན་དུའོ། །ནོར་བུ་ཅན་དུ་གཤེགས་ནས། ནོར་བུ་ཅན་དུ་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ནོར་བུ་ཅན་འདིར་བྱང་ཆུབ་སེམས་དཔས་ནོར་བུ་མང་པོའི་མཆོད་སྦྱིན་བྱས་པས་ནོར་བུ་ཅན་ཞེས་བྱ་བར་གྲགས་སོ། །སཱ་ལའི་སྟོབས་སུ་གཤེགས་ནས། སཱ་ལའི་སྟོབས་ཀྱི་ཕྱོགས་ཤིན་ཏུ་འཛུམ་པ་མཛད་ནས་ཞེས་བྱ་བ་ནས་སངས་རྒྱས་བཞིའི་གདན་ཞེས་བྱ་བ་རྒྱས་པར་གོང་མ་བཞིན་དུའོ། །གསེར་གྱི་བྲེར་གཤེགས་ནས། ཀུན་དགའ་བོ། གསེར་གྱི་བྲེ་འདིར་བྱང་ཆུབ་སེམས་དཔས་གསེར་མང་པོ་མཆོད་སྦྱིན་བྱས་པས། ད་དུང་ཡང་བྲམ་ཟེ་རྣམས་གསེར་བྲེས་འཇལ་ཞིང་འགྱེད་པས། གསེར་གྱི་བྲེ་གསེར་གྱི་བྲེ་ཞེས་བྱ་བར་གྲགས་སོ། །གནས་བཅས་སུ་གཤེགས་ནས། གནས་བཅས་སུ་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། གནས་བཅས་འདིར་རྒྱལ་པོ་གསོ་སྦྱོང་འཕགས་ཞེས་བྱ་བ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ་ན་རྒྱལ་སྲིད་བྱེད་དུ་འཇུག་གོ། །དེ་དུས་གཞན་ཞིག་ནི་སྤྱི་བོར་ཤ་རྨེན་འཇམ་ཞིང་ཤིན་ཏུ་འཇམ་པ་ཞིག་སྐྱེས་ཏེ། དཔེར་ན་ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་སྐྱེད་པར་མི་བྱེད་དོ། །དེ་ཡོངས་སུ་སྨིན་
Kha275a
༄#། །ནས་བརྟོལ་བ་ལས་གཞོན་ནུ་ཞིག་བྱུང་ནས་གཟུགས་བཟང་བ་མཛེས་པ། བལྟ་ན་སྡུག་པ། ལྤགས་པའི་མདོག་གསེར་འདྲ་བ་ཞེས་བྱ་བ་ནས། ཡན་ལག་ཐམས་ཅད་དང་ལྡན་པ་ཞེས་བྱ་བའི་བར་གོང་མ་བཞིན་དུའོ། །སྤྱི་བོ་སྐྱེས་སྤྱི་བོ་སྐྱེས་ཞེས་བྱ་བར་གྲགས་སོ། །རྒྱལ་པོ་གསོ་སྦྱོང་འཕགས་ཀྱིས་གཞོན་ནུ་བྱུང་མ་ཐག་ཏུ། བཙུན་མོའི་འཁོར་དྲུག་ཁྲིའི་ནང་དུ་བཀྲི་བ་དང ། མཐོང་མ་ཐག་ཏུ་བཙུན་མོ་དེ་ཐམས་ཅད་ཀྱི་ནུ་མ་ལས་འོ་མ་ཟགས་ནས་སོ་སོ་ནས་སྨྲས་པ། ང་ལས་ནུ་ང་ལས་ནུ་ཞེས་སྨྲས་པས། ང་ལས་ནུ་ང་ལས་ནུ་ཞེས་བྱ་བར་གྲགས་སོ། །དེ་ལ་ཁ་ཅིག་གིས་ནི། སྤྱི་བོ་སྐྱེས། ཁ་ཅིག་གིས་ནི། ང་ལས་ནུ་ཞེས་བྱ་བར་ཤེས་སོ། །གཞོན་ནུ་ང་ལས་ནུ་ཡུལ་ཞིག་ཏུ་སོང་བ་དང ། རྒྱལ་པོ་གསོ་སྦྱོང་འཕགས་ན་བར་གྱུར་ནས། དེ་རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུའི་སྨན་གྱིས་བཀུར་སྟི་བྱས་ཀྱང་དེ་སླར་ཐུ་བར་གྱུར་ནས། དེས་བློན་པོ་རྣམས་ལ་བསྒོ་བ། ཤེས་ལྡན་དག་མྱུར་དུ་གཞོན་ནུ་ལ་རྒྱལ་སྲིད་ཀྱི་དབང་བསྐུར་བས། དབང་སྐུར་ཅིག ། ལྷ་བཀའ་བཞིན་འཚལ་ཞེས་ནས་བློན་པོ་རྣམས་ཀྱིས་ཕོ་ཉས་བཏང་ནས་རྒྱལ་པོ་གསོ་སྦྱོང་འཕགས་སྙུང་བར་གྱུར་ནས། དེས་བཀའ་སྩལ་པ། གཞོན་ནུ་སྤྱན་དྲོངས་ལ་རྒྱལ་སྲིད་ཀྱི་དབང་བསྐུར་བ་ཉམས་སུ་མྱོང་བར་གྱིས་ཤིག་ཅེས་བྱུང་གི། དེ་བས་ན། གཞོན་ནུ་མྱུར་དུ་གཤེགས་པའི་རིགས་སོ་ཞེས་སྤྲིང་ངོ ། །དེ་ཆས་པ་ན། རྒྱལ་པོ་གསོ་སྦྱོང་འཕགས་ཤིའོ། །དེ་ནས་ཡང་བློན་པོ་རྣམས་ཀྱིས།
Kha275b
ཡང་དེ་ལ་ཕོ་ཉ་བཏང་སྟེ། གཞོན་ནུ་ཁྱོད་ཀྱི་ཡབ་ནོངས་ཀྱི། གཤེགས་ཏེ་རྒྱལ་སྲིད་བཞེས་སུ་གསོལ་ཞེས་སྤྲིང་བ་དང ། གཞོན་ནུ་ང་ལས་ནུས་བསམ་པ། བདག་གི་ཡབ་ནི་ནོངས་ན། བདག་དེར་ཅི་སྟེ་འགྲོ་སྙམ་དུ་བསམ་ནས། དེ་ཉིད་ན་འདུག་པ་དང ། ཡང་བློན་པོ་རྣམས་འདུས། བློན་པོའི་གཙོ་བོ་ཕོ་ཉར་བཏང་ནས། དེ་སོང་སྟེ་སྨྲས་པ། གཞོན་ནུ་གཤེགས་པ་ལ་རྒྱལ་སྲིད་བཞེས་སུ་གསོལ། །དེས་སྨྲས་པ། གལ་ཏེ་བདག་གིས་ཆོས་བཞིན་གྱིས་རྒྱལ་སྲིད་འཐོབ་ན། འདི་ཉིད་དུ་རྒྱལ་སྲིད་ཀྱི་དབང་བསྐུར་བ་འོང་བར་འགྱུར་རོ། །བློན་པོ་རྣམས་ཀྱིས་སྤྲིང་བ། ལྷ། རྒྱལ་སྲིད་ཀྱི་དབང་བསྐུར་བ་ལ་ནི། མང་དུ་འཚལ་ཏེ། རིན་པོ་ཆེའི་གཅལ་དང ། སེང་གེའི་ཁྲི་དང ། གདུགས་དང ། ཅོད་པན་དང ། དབུ་རྒྱན་གྱིས་ཕོ་བྲང་གི་ནང་དུ་རྒྱལ་སྲིད་དུ་དབང་བསྐུར་འཚལ་ལོ། །དེ་བས་ན། གཞོན་ནུ་འདི་ཉིད་དུ་གཤེགས་པའི་རིགས་སོ། །དེས་སྨྲས་པ། གལ་ཏེ་བདག་གིས་ཆོས་བཞིན་གྱིས་རྒྱལ་སྲིད་འཐོབ་པར་འགྱུར་ན། ཐམས་ཅད་འདི་ཉིད་དུ་འོང་གྲང ། གཞོན་ནུ་ང་ལས་ནུའི་མདུན་ནས་འགྲོ་བ་གནོད་སྦྱིན་ལྷ་གནས་ཞེས་བྱ་བ་དེས། རིན་པོ་ཆེའི་གཅལ་དང ། སེང་གེའི་ཁྲི་དེ་ཉིད་དུ་བླངས་སོ། །ཕོ་བྲང་ན་གནས་པ་རྣམས་ཀྱིས་ཀྱང་གདུགས་དང ། ཅོད་པན་དང ། དབུ་རྒྱན་ཁྱེར་ཏེ་རང་ལྷགས་ཏེ། ཕོ་བྲང་ན་གནས་པ་རང་ལྷགས་ཤིང་རང་ལྷགས་པས། གནས་བཅས་གནས་བཅས་ཞེས་བྱ་བར་གྲགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་མཉན་ཡོད་གང་ན་བ་དེར་འདོང་ངོ ། །བཙུན་པ། བཀའ་
Kha276a
༄#། །བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། དེ་ནས་བཅོམ་ལྡན་འདས་མཉན་ཡོད་ནས་རྒྱུ་ཞིང་གཤེགས་པ་དང ། ཇི་ཙམ་ནས་ཕྱོགས་ཤིག་ན། བྲམ་ཟེ་ཞིག་ཟན་མ་ཟོས་པར་ཞིང་རྨེད་པ་ན། དེའི་ཆེད་དུ་བུ་མོ་ཞིག་ཐུག་པ་ཁྱེར་ཏེ་འོངས་སོ། །བཅོམ་ལྡན་འདས་ཀྱང་ཕྱོགས་དེ་ཉིད་དུ་གཤེགས་སོ། །དེ་ནས་བྲམ་ཟེ་དེས། སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། འོད་ཟེར་ཉི་མ་སྟོང་བས་ལྷག་པ། རིན་པོ་ཆེའི་རི་བོ་འགྲོ་བ་ལྟར་ཀུན་ནས་བཟང་བ་མཐོང་ངོ ། །མཐོང་མ་ཐག་ཏུ་ཡང་དེ་བཅོམ་ལྡན་འདས་ལ་དད་པ་སྐྱེས་ཏེ། ཇི་ལྟར་དགེ་བའི་རྩ་བ་བསགས་པའི་སེམས་ཅན་ལ་ཐོག་མར་སངས་རྒྱས་མཐོང་བ་དེ་ལྟར་ནི། ལོ་བཅུ་གཉིས་སུ་ཞི་གནས་གོམས་པར་བྱས་པ་ལ་སེམས་ལས་སུ་རུང་བ་སྐྱེ་བ་དང ། བུ་མེད་པ་བུ་རྙེད་པ་དང ། དབུལ་པོས་ནོར་གྱི་གཏེར་མཐོང་བ་དང ། རྒྱལ་སྲིད་ལ་དགའ་བ་རྒྱལ་སྲིད་ཀྱི་དབང་བསྐུར་བ་ནི། དེ་ལྟ་མ་ཡིན་ནོ། །དེས་ཐུག་པ་དེ་ཁྱེར་ཏེ་མྱུར་བར་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གོའུ་ཏ་མ། འདི་ནི། ཐུག་པ་ལགས་ཏེ། གལ་ཏེ་ཤེས་ལྡན་གོའུ་ཏ་མ་བདག་ལ་ཐུགས་བརྩོན། །འཇམ་གསོལ་ཅིག་།དེ་ནས་བཅོམ་ལྡན་འདས་ཀྱིས་བྲམ་ཟེ་དེ་ལ་ཁྲོན་པ་རྙིང་པ་ཞིག་བསྟན་ནས། བྲམ་ཟེ་ཁྱོད་ཀྱིས་གལ་ཏེ་ཡོངས་སུ་བཏང་ན། ཁྲོན་པ་རྙིང་པ་འདིར་
Kha276b
ལུགས་ཤིག་།དེས་ཁྲོན་པ་རྙིང་པ་དེར་བླུགས་སོ། །དེས་ཁྲོན་པ་དེར་བླུགས་པ་དང ། འདི་ལྟར། ཡང་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་ཁྲོན་ལ་རྙིང་པ་དེ་ཐུག་པས་གང་ནས་རླངས་པ་འཐུལ་ཞིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྲམ་ཟེ་དེ་བོས་ནས། བྲམ་ཟེ་ཐུག་པ་བྲིམས་ཤིག་།དེས་བྲིམ་པར་བརྩམས་པ་ན། བཅོམ་ལྡན་འདས་ཀྱིས། ཇི་ལྟར་དགེ་འདུན་ཐམས་ཅད་ཀྱིས་འཐུངས་ཀྱང ། ཁྲོན་པ་རྙིང་པ་དེ་བཞིན་དུ་ཐུག་པས་གང་ན་རླངས་པ་འཐུལ་ཞིང་འདུག་པར་འགྱུར་པ་དེ་ལྟར་བྱིན་གྱིས་བརླབས་སོ། །དེ་ནས་བྲམ་ཟེ་དེ་ལྷག་པར་ཡང་མངོན་པར་དད་པར་གྱུར་ཏེ། བཅོམ་ལྡན་འདས་ཀྱི་ཞབས་ལ་ཕྱག་བྱས་ཏེ། ཆོས་མཉན་པའི་ཕྱིར་སྤྱན་སྔ་ན་འདུག་པ་དང ། བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང་རང་བཞིན་མཁྱེན་ནས། དེ་དང་འདྲ་བར་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པར་མཛད་པས་ཞེས་བྱ་བ་ནས་ཐོག་མ་མེད་པའི་དུས་ན་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ། བདག་ནི། འཕགས་སོ་ཞེས་བྱ་བའི་བར་གོང་མ་བཞིན་དུའོ། །བདག་ནི། བཅོམ་ལྡན་འདས་དང ། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བདག་དགེ་བསྙེན་དུ་གཟུང་དུ་གསོལ། །དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྔོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །
Kha277a
༄#། །དེ་ནས་བྲམ་ཟེ་དེ་ཚོང་པ་ཁེ་སྦོགས་རྙེད་པ་ལྟ་བུ་དང ། ཞིང་པ་ལོ་ཏོག་ལེགས་པ་ལྟ་བུ་དང ། དཔའ་བོ་གཡུལ་ངོར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཐར་པར་ལྟ་བུར་གྱུར་ནས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །ཇི་ཙམ་ན་ཞིང་དྲུང་དུ་ཕྱིན་པ་དང ། ཞིང་དེ་ལ་གསེར་གྱི་ནས་ཤ་སྟག་སྐྱེས་པར་མཐོང་ངོ ། །མཐོང་ནས་ཀྱང་ཡ་མཚན་སྐྱེས་ནས་མིག་བགྲད་དེ་ཚིགས་སུ་བཅད་པས་སྨྲས་པ། ཀྱེ་མ་ཡོན་ཏན་རང་བཞིན་ཞིང ། །ཉེས་ཀུན་རྣམ་པར་སྤངས་པ་ལ། །བདག་གིས་དེ་རིང་ས་བོན་བཏབ། །དེ་རིང་ཉིད་དུ་འབྲས་བུ་ཐོབ། །དེ་ནས་བྲམ་ཟེ་དེ། རིངས་པ་རིངས་པར་རྒྱལ་པོའི་དྲུང་དུ་སོང་ནས་སོན་པ་དང ། རྒྱལ་བ་དང ། ཚེ་སྤེལ་བ་དག་བྱས་ནས། རྒྱལ་པོ་ལ་སྨྲས་པ། ལྷ་བདག་གིས་སྲང་ནས་སྩལ་པ་དེ་ནས་གསེར་ཤ་སྟག་ཏུ་གྱུར་གྱི། དེ་ལ་སྤྱན་པ་ཞིག་བསྐོ་བར་གསོལ ། རྒྱལ་པོས་སྤྱན་པ་བསྐོས་ཏེ་བཏང་བ་དང ། བྲམ་ཟེས་ཕུང་པོར་བྱས་ཏེ་བགོས་པ་ལས། རྒྱལ་པོའི་སྐལ་བ་ནས་ཐ་མལ་པར་གྱུར་པས། སྤྱན་གྱིས་རྒྱལ་པོ་ལ་རིག་པར་བྱས་པ་དང ། རྒྱལ་པོས་བསྒོ་བ། ཡང་བགོས་ཤིག་།ཡང་བགོས་པ་དང ། དེ་བཞིན་དུ་རྒྱལ་པོའི་སྐལ་བ་ནི། ནས་ཐ་མལ་པར་གྱུར་ནས། དེ་ལྟར་ལན་བདུན་གྱི་བར་དུ་བགོས་ན། དེ་ཁོ་ན་བཞིན་དུ་ནས་སུ་གྱུར་པ་དང ། རྒྱལ་
Kha277b
བོ་ངོ་མཚར་སྐྱེས་ནས། དེ་བདག་ཉིད་སོང་སྟེ་བལྟས་ན། དེ་བཞིན་དུ་གྱུར་ནས། དེས་བྲམ་ཟེ་དེ་ལ་སྨྲས་པ། བྲམ་ཟེ། འདི་ནི། ཁྱོད་ཀྱི་བསོད་ནམས་ལས་སྐྱེས་པ་ཡིན་གྱི། རྒྱལ་པོའི་སྐལ་བ་ཐོང་ལ། ཁྱོད་ཀྱིས་ཅི་དཔགས་པ་དེ་ཁོ་བོ་ལ་བྱིན་ཅིག་།དེ་ནས་བྲམ་ཟེ་དེ་ཤིན་ཏུ་མགུ་བས་ཅི་བྱིན་པ་དེ་དག་གསེར་གྱི་ནས་ཤ་སྟག་ཏུ་གྱུར་ཏེ། །དེ་ནས་བཅོམ་ལྡན་འདས་གཤེགས་པ་དང ། ཇི་ཙམ་ན་ཕྱོགས་གཞན་ཞིག་ན། ཞིང་པ་སྐྱ་བོ་རྦབ་རྦབ་བོ། །རྐང་པ་དང་ལག་པ་སེར་ག་བྱུང་བ། ཤ་ནའི་རས་ཀྱི་སྨད་གཡོགས་གྱོན་པ་ལྔ་བརྒྱ་ཞིང་རྨེད་དོ། །རྨོན་པ་དེ་དག་ཀྱང་ལྕག་གཟེར་བུ་ཅན་གྱིས་བཞུས་པས། ལུས་སྨས་ཤིང་རྨ་བྱུང་བས་རྣག་འཛག་ལ། སྡམ་པ་འདོན་བཞིན་ཞིང་རྨེད་དོ། །ཞིང་པ་དེ་རྣམས་ཀྱིས། སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱས་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། འོད་ཟེར་ཉི་མ་སྟོང་བས་ལྷག་པ། རིན་པོ་ཆེའི་རི་བི་འགྲོ་བ་ལྟར་ཀུན་ནས་བཟང་བ་མཐོང་ངོ་ཞེས་བྱ་བ་ནས། དགེ་བའི་རྩ་བ་བསགས་པའི་སེམས་ཅན་རྣམས་ལ་ཐོག་མར་སངས་རྒྱས་མཐོང་བ་ནི་ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་གང་ན་བ་དེར་དོང་བ་དང ། བཅོམ་ལྡན་འདས་ཀྱིས། རྒྱང་རིང་པོ་ཁོ་ན་ནས་ཞིང་པ་རྣམས་འོང་བ་གཟིགས་སོ། །གཟིགས་ནས་ཀྱང་གདུལ་བའི་དོན་དུ་ལམ་ལས་བཟུར་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཞིང་པ་དེ་རྣམས་ཀྱིས་བཅོམ་ལྡན་འདས་ཀྱི་
Kha278a
༄#། །ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་ཞིང་པ་དེ་རྣམས་ཀྱིས་བསམ་པ་དང ། བག་ལ་ཉལ་དང ། ཁམས་དང་རང་བཞིན་མཁྱེན་ནས་དེ་དང་མཐུན་པའི་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དོ་ཞེས་བྱ་བ་ནས་ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ལྡན་ནས། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་རྣམས་ཀྱིས་བདེན་པ་མཐོང་ནས་ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ལེགས་པར་གསུངས་པའི་ཆོས་འདུལ་བ་ལ་བདག་ཅག་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། བདག་ཅག་།བཅོམ་ལྡན་འདས་ཀྱིས་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །བཅོམ་ལྡན་འདས་ཀྱིས་དེ་རྣམས་དགེ་སློང་ཚུར་ཤོག་ཅེས་བྱ་བས་རབ་ཏུ་ཕྱུང་ངོ་ཞེས་བྱ་བ་ནས། སངས་རྒྱས་དགོངས་པས་ལུས་གཟུགས་པ་བཀབ་པར་གྱུར། ཅེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱིས་དེ་རྣམས་ལ་གདམས་ངག་བྱིན་ནས། དེ་རྣམས་ཀྱིས་འབད་པ་དང ། རྩལ་བ་དྲག་པོ་ཞེས་བྱ་བ་ནས་མངོན་དུ་སྨྲ་བར་བྱ་བར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །གླང་དེ་དག་ཀྱང་གཉའ་ཤིང་དང ། རུ་ཐག་བཅད་ནས། བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས། བཅོམ་
Kha278b
ལྡན་འདས་ལ་ཀུན་ནས་བསྐོར་ནས་འདུག་པ་དང ། བཅོམ་ལྡན་འདས་ཀྱིས། དེ་རྣམས་ལ་ཚིག་གསུམ་གྱི་ཆོས་བཤད་པ་ཞེས་བྱ་བའི་བར་གོང་མ་བཞིན་དུ་སྟེ། དཔེར་ན། ཆུ་བོ་གངྒཱ་བརྒལ་ཏེ་གཤེགས་པ་ན། ངང་པ་དང ། ཉ་དང ། རུས་སྦལ་རྣམས་ཀྱིས་བདེན་པ་མཐོང་ནས་རང་གི་གནས་སུ་སོང་བ་བཞིན་ནོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། སྔོན་ཞིང་པ་བགྱིད་བགྱིད་པའི་དགེ་སློང་འདི་དག་གིས་ལས་ཅི་ཞིག་བགྱིས་ན། ལས་དེས་ཞིང་པར་གྱུར། བཅོམ་ལྡན་འདས་ཀྱིས་བསྟན་པ་ལ་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་སུམ་དུ་བགྱིས་ལགས། སྔོན་གླང་བགྱིད་བགྱིད་པའི་ལྷའི་བུ་འདི་དག་གིས་ཀྱང་ལས་ཅི་ཞིག་བགྱིས་ན། དེས་ན་གླང་རྣམས་སུ་སྐྱེས་ཤིང་བདེན་པ་མཐོང་བར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། འདི་དག་ཉིད་ཀྱིས་ལས་རྣམས་བྱས་ཤིང་བསགས་པ་ཚོགས་རྙེད་པ་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་།སྔོན་བྱུང་བ། བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ་ཞེས་བྱ་བ་ནས། དེ་ཝཱ་ར་ཎཱ་སིའི་གྲོང་ཁྱེར་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་བཞུགས་སོ། །ཞེས་བྱ་བའི་བར་གོང་མ་བཞིན་དུའོ། །དེའི་བསྟན་པ་ལ་ཞིང་པ་ལྔ་བརྒྱ་པོ་འདི་རྣམས་རབ་ཏུ་བྱུང་བར་གྱུར་ཏེ། དེ་ན་འདི་དག་གིས་མ་བཀླགས། མ་བཏོན། ཡིད་ལ་བྱ་བ་གོམས་པར་མ་བྱས་སོ། །འོན་ཀྱང་དད་པས་
Kha279a
༄#། །བྱིན་པ་ཟོས་ཤིང་ཟོས་ནས་འདུ་འཛི་ལ་ཆགས་ཏེ། ལེ་ལོས་དུས་འདས་པར་བྱས་སོ། །དགེ་སློང་དག་།ཇི་སྙམ་དུ་སེམས། དགེ་སློང་ལྔ་བརྒྱ་པོ་གང་ཡིན་པ་དེ་ནི། ཞིང་པ་ལྔ་བརྒྱ་པོ་འདི་དག་ཉིད་ཡིན་ནོ། །གཙུག་ལག་ཁང་གི་བདག་པོ་གང་ཡིན་པ་དེ་ནི། ཞིང་པ་འདི་དག་གང་གི་ཡིན་པའི་ཁྱིམ་བདག་འདི་ཉིད་ཡིན་ཏེ། གང་ཡང་འདི་དག་གི་གཙུག་ལག་ཁང་གི་བདག་པོས་དད་པས་བྱིན་པ་ཟོས་ནས། མ་བཀླགས། མ་བཏོན་ཡིད་ལ་བྱ་བ་གོམས་པར་མ་བྱས་ལ། འདུ་འཛི་ལ་ཆགས་ཏེ། ལེ་ལོས་འདས་པར་བྱས་པའི་ལས་དེས་ན། ཚེ་རབས་ལྔ་བརྒྱར་གཙུག་ལག་ཁང་གི་བདག་པོ་དེའི་ཞིང་པ་རྣམས་སུ་གྱུར་ཏེ། ད་ལྟའི་བར་དུ་ཡང་ཞིང་པར་སྐྱེས་པ་ཡིན་ནོ། །འདི་དག་གིས། ཡང་དག་པར་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་ནས་ཚངས་པར་སྤྱོད་པ་སྤྱད་པ་དེས་ན། ད་ལྟར་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་ཉིད་མངོན་སུམ་དུ་བྱས་སོ། །སྔོན་གླང་བྱེད་བྱེད་པའི་ལྷའི་བུ་འདི་རྣམས་ཀྱང་ཡང་དག་རྫོགས་པའི་སངས་རྒྱས་འོད་སྲུང་གི་བསྟན་པ་ལ་རབ་ཏུ་བྱུང་བར་གྱུར་ཏོ། །འདི་དག་གིས་དེ་ན་བསླབ་པའི་གཞི་ཕྲ་མོ་རྣམས་དྲལ་བས། ལས་དེས་ན་གླང་རྣམས་སྐུ་སྐྱེས་སོ། །གང་ཡང་ང་ལ་སེམས་མངོན་པར་དད་པར་བྱས་པ་དེས་ན། ལྷ་རྣམས་སུ་སྐྱེས་སོ། །གང་ཡང་དག་པར་རྫོགས་པའི་སངས་རྒྱས་འོད་སྲུང་ལ་ཚངས་པར་སྤྱོད་པ་སྤྱད་ཅིང་བསྲུང་བས་ད་ལྟར་ལྷའི་
Kha279b
བུར་གྱུར་ནས་བདེན་པ་མཐོང་བར་བྱས་སོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་ལས་ཀྱི་རྣམ་པར་སྨིན་པ་ནི། གཅིག་ཏུ་གནག་པ་ཡིན་ལ་ཞེས་བྱ་བ་ནས་བརྩལ་བར་བྱ་སྟེ། དགེ་སློང་དག་།ཁྱེད་ཅག་གིས་དེ་ལྟ་བུ་ལ་བསླབ་པར་བྱའོ་ཞེས་དེ་སྐད་ཅེས་བཀའ་སྩལ་ཅེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཆུ་མང་གང་ན་བ་དེར་འདོང་ངོ ། །བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱིས་ལྟར་མཉན་ནས། དེ་ནས་བཅོམ་ལྡན་འདས་ཆུ་མང་དུ་གཤེགས་པ་དང ། ཕྱོགས་གཞན་ཞིག་ན། བྲམ་ཟེ་ཞིག་ཞིང་རྨེད་དོ། །དེ་ནས་བྲམ་ཟེ་དེས། སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་བརྒྱན་པ་ཞེས་བྱ་བ་ནས་ཀུན་ནས་བཟང་པ་མཐོང་ངོ་ཞེས་བྱ་བའི་བར་གོང་མ་བཞིན་དུའོ། །དེས་བསམ་པ། གལ་ཏེ་ཤེས་ལྡན་གོའུ་ཏ་མའི་དྲུང་དུ་ཕྱག་འཚལ་དུ་སོང་ན་ནི། བདག་གི་ལས་འཆོར། འོན་ཏེ་ཕྱག་འཚལ་དུ་མ་སོང་ན་ནི། བསོད་ནམས་ཡོངས་སུ་ཉམས་པར་འགྱུར་ན། དེ་ལ་གང་གིས་ན། ལས་ཀྱང་མི་འཆོར་ལ། བསོད་ནམས་ཀྱང་ཡོངས་སུ་ཉམས་པར་མི་འགྱུར་བའི་ཐབས་བཟང་པོ་ཅི་ཡོད་སྙམ་པ་ལས། དེ་བློ་སྐྱེས་པ། འདི་ཉིད་ན་འདུག་བཞིན་དུ་ཕྱག་བྱས་ནས། དེ་ལྟ་ན་ལས་ཀྱང་མི་འཆོར་ལ། བསོད་ནམས་ཀྱང་ཡོངས་སུ་ཉམས་པར་མི་འགྱུར་རོ་སྙམ་ནས། དེས་ཇི་ལྟར་ལྕག་གཟེར་བུ་ཅན་ཉིད་ཐོགས་
Kha280a
༄#། །ཤིང་གནས་དེ་ཉིད་ན་འདུག་བཞིན་དུ། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ་ཞེས་ཕྱག་བྱས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། བྲམ་ཟེ་འདིས་ཉེས་ཏེ། ཕ་བི་ལ་ས་ཕྱོགས་འདི་ན། ཡང་དག་པར་རྫོགས་པའི་སངས་རྒྱས་འོད་སྲུང་གི་རིང་བསྲེལ་གྱི་ཚོགས་མ་ཞིག་པར་བཞུགས་སོ། སྙམ་པ་དེ་ལྟ་བུའི་སོ་སོ་རང་གི་རིག་པའི་ཡེ་ཤེས་ཤིག་ཡོད་པར་འགྱུར་ན། ངའི་སྤྱན་སྔར་འོངས་ཏེ་ཕྱག་བྱས་པ་ཞིག་།དེ་ལྟ་ན་ཕ་བིས་ཡང་དག་པར་རྫོགས་པའི་སངས་རྒྱས་གཉིས་ལ་ཕྱག་བྱས་པར་འགྱུར་བ་ཞིག་།དེ་ཅིའི་ཕྱིར་ཞེ་ན། ཀུན་དགའ་བོ། ཕྱོགས་འདི་ན་ཡང་དག་པར་རྫོགས་པའི་སངས་རྒྱས་འོད་སྲུང་གི་རིང་བསྲེལ་གྱི་ཚོགས་མ་ཞིག་པ་བཞུགས་པའི་ཕྱིར་རོ། །དེ་ནས་ཚེ་དང་ལྡན་པ་ཀུན་དགའ་བོས་མྱུར་བ་མྱུར་བར་བླ་གོས་བཞི་བལྟབ་ཏུ་བྱས་ཏེ་བཏིང་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། གདན་བཤམས་པ་ཉིད་ལ་བཞུགས་སུ་གསོལ། དེ་ནས་ས་ཕྱོགས་འདིར་ཡང་དག་པར་རྫོགས་པའི་སངས་རྒྱས་གཉིས་ཀྱིས་ལོངས་སྤྱད་པར་འགྱུར་ལགས་ཏེ། གང་ཡང་དག་པར་རྫོགས་པའི་སངས་རྒྱས་འོད་སྲུང་དང ། གང་ཡང་ད་ལྟར་བཅོམ་ལྡན་འདས་ཀྱིས་སོ། །བཅོམ་ལྡན་འདས་ཀྱིས་གདན་བཤམས་པ་ཉིད་ལ་བཞུགས་སོ། །བཞུགས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ཡང་དག་པར་
Kha280b
རྫོགས་པའི་སངས་རྒྱས་འོད་སྲུང་གི་རིང་བསྲེལ་གྱི་ཚོགས་མ་ཞིག་པ་རྣམས་བལྟ་བར་འདོད་དམ། བཅོམ་ལྡན་འདས། ད་དེའི་དུས་ལ་བབ་ལགས་སོ། །བདེ་བར་གཤེགས་པ། ད་དེའི་དུས་ལ་བབ་ལགས་ཏེ། བཅོམ་ལྡན་འདས་ཀྱིས། ཡང་དག་པར་རྫོགས་པའི་སངས་རྒྱས་འོད་སྲུང་གི་རིང་བསྲེལ་གྱི་ཚོགས་མ་ཞིག་པ་གང་དགེ་སློང་རྣམས་ལ་བསྟན་པ་མཐོང་ལགས་ན། དགེ་སློང་རྣམས་སེམས་མངོན་པར་དད་པར་འགྱུར་ལགས་སོ། །བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་དེ། ཆོས་ཉིད་ཀྱིས། གང་གི་ཚེ་སངས་རྒྱས་བཅོམ་ལྡན་འདས་རྣམས་ཀྱིས་འཇིག་རྟེན་པའི་ཐུགས་བསྐྱེད་པ་དེའི་ཚེ་སྲོག་ཆགས་གྲོག་སྦུར་རྣམས་ཀྱིས་ཀྱང་བཅོམ་ལྡན་འདས་ཀྱི་དགོངས་པ་སེམས་ཀྱིས་ཤེས་པར་འགྱུར་བས། ཀླུ་རྣམས་ཀྱིས་བསམ་པ། བཅོམ་ལྡན་འདས་ཀྱིས་ཅི་ཞིག་གི་ཕྱིར་འཇིག་རྟེན་པའི་ཐུགས་བསྐྱེད་པ་མཛད་སྙམ་ནས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་རིང་བསྲེལ་གྱི་ཚོགས་མ་ཞིག་པ་གཟིགས་པར་བཞེད་པར་མཐོང་ནས། དེ་ནས་དེ་རྣམས་ཀྱིས་ཡང་དག་པར་རྫོགས་པའི་སངས་རྒྱས་འོད་སྲུང་གི་རང་བསྲེལ་གྱི་ཚོགས་མ་ཞིག་པར་ཕྱུང་བ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།རྟགས་ཟུངས་ཤིག་།ནུབ་པར་འགྱུར་རོ། །ཞེས་པ་དང་ནུབ་བོ། །རྒྱལ་པོ་གསལ་རྒྱལ་གྱིས། བཅོམ་ལྡན་འདས་ཀྱིས་ཡང་དག་པར་རྫོགས་པའི་སངས་རྒྱས་འོད་སྲུང་གི་རིང་བསྲེལ་གྱི་ཚོགས་མ་ཞིག་པ། ཉན་ཐོས་རྣམས་ལ་བསྟན་ཏོ་ཞེས་ཐོས་སོ། །
Kha281a
༄#། །ཐོས་ནས་ཀྱང་ངོ་མཚར་སྐྱེས་ནས། བཙུན་མོ་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་མི་རྣམས་དང་ལྷན་ཅིག་ཆས་སོ། །དེ་བཞིན་དུ་ལུས་འཕགས་པོ་དང ། ཁྱིམ་བདག་མགོན་མེད་ཟས་སྦྱིན་དང ། དྲང་སྲོང་སྦྱིན་དང ། སོ་ཕག་མཁན་རྙིང་པ་དག་དང ། རི་དྭགས་འཛིན་གྱི་མ་ས་ག་དང ། སྲོག་ཆགས་བརྒྱ་སྟོང་ཕྲག་དུ་མ་ངོ་མཚར་སྐྱེས་ཏེ་ཆས་སོ། །ཁ་ཅིག་།སྔོན་གྱི་དགེ་བའི་རྩ་བས་ཡང་དག་པར་བསྐུལ་བ་དང ། ཇི་ཙམ་ན་དེ་མི་སྣང་བར་གྱུར་ཏོ། །དེ་རྣམས་ཀྱིས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་དེའི་རིང་བསྲེལ་གྱི་ཚོགས་མ་ཞིག་པ་ནུབ་པར་གྱུར་ཏོ། །ཞེས་ཐོས་སོ། །ཐོས་ནས་ཀྱང་ཡང་དེ་རྣམས་ཀྱིས་བདག་ཅག་འདིར་ལྷགས་པ་དག་ནི་དོན་མེད་པར་གྱུར་ཏོ། །ཞེས་སྡུག་བསྔལ་བ་དང ། ཡིད་མི་བདེ་བ་སྐྱེས་སོ། །དགེ་བསྙེན་ཞིག་གིས་ས་ཕྱོགས་དེར་བསྐོར་བ་བྱས་ནས། སེམས་ལ་སེམས་ཀྱིས་འདི་སྙམ་དུ་མངོན་པར་འདུས་བྱས་ཏེ། བདག་གིས་འདི་ལ་གོམ་པ་པོར་བས་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང ། དེ་ནས་བཅོམ་ལྡན་འདས་ཀྱིས་སྐྱེ་བོའི་ཚོགས་ཆེན་པོ་དེའི་འགྱོད་པ་སྐྱེས་པ་བསལ་བའི་ཕྱིར་དང ། དགེ་བསྙེན་དེའི་བསམ་པ་ཡང་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། མཁས་པ་གང་ཞིག་རབ་ཏུ་སེམས་དང་བས། །སངས་རྒྱས་མཆོད་རྟེན་དག་ལ་གོམ་འདོར་ན། །ཛམྦུ་ཆུ་བོའི་གསེར་གྱི་སྲང་ཚད་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །དགེ་བསྙེན་
Kha281b
གཞན་ཞིག་གིས་ཡང་ས་ཕྱོགས་དེར་འཇིམ་པའི་གོང་བུ་གཅིག་བཞག་ནས། སེམས་ཀྱིས་འདི་སྙམ་དུ་མངོན་པར་འདུས་བྱས་ཏེ། རེ་ཞིག་།གོམ་པ་བོར་བའི་བསོད་ནམས་ཀྱང་དེ་སྙེད་དུ་བཅོམ་ལྡན་འདས་ཀྱིས་གསུངས་ན། འདི་ལ་འཇིམ་པའི་གོང་བུ་བཞག་པའི་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང ། དེ་ནས་བཅོམ་ལྡན་འདས་ཀྱིས་དགེ་བསྙེན་དེའི་བསམ་པ་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། གང་ཞིག་རབ་དང་སེམས་ཀྱིས་སངས་རྒྱས་ཀྱི། །མཆོད་རྟེན་ལ་ནི་འཇིམ་གོང་འཇོག་བྱེད་ན། །ཛམྦུ་ཆུ་བོའི་གསེར་གྱི་གོང་བུ་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །དེ་ཐོས་ནས་སྲོག་ཆགས་བརྒྱ་སྟོང་ཕྲག་དུ་མདག་གས་ཀྱང་འཇིམ་པའི་གོང་བུ་བཅེར་ཏོ། །གཞན་དག་གིས་དེ་ལ་མེ་ཏོག་སིལ་མས་གཏོར་ནས། སེམས་ཀྱིས་འདི་སྙམ་དུ་མངོན་པར་འདུས་བྱས་པ། གོམ་པ་བོར་བ་དང ། འཇིམ་པའི་གོང་བུའི་བསོད་ནམས་ཀྱང་དེ་སྙེད་དུ་བཅོམ་ལྡན་འདས་ཀྱིས་གསུངས་ན། བདག་ཅག་གི་མེ་ཏོག་སིལ་མ་རྣམས་ལ་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང ། དེ་ནས་བཅོམ་ལྡན་འདས་ཀྱིས་དེའི་བསམ་པ་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། གང་ཞིག་རབ་དང་སེམས་ཀྱིས་སངས་རྒྱས་ཀྱི། །མཆོད་རྟེན་མེ་ཏོག་སིལ་མ་སྤུངས་པས་འཐོར། །ཛམྦུ་ཆུ་བོའི་གསེར་གྱི་བྲེ་བོ་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །གཞན་དག་གིས་དེ་ལ་མེ་ཏོག་གི་ཕྲེང་བས་བསྐོར་བ་བྱས་ནས། སེམས་ཀྱིས་མངོན་པར་འདུས་བྱས་པ། མེ་ཏོག་སིལ་མ་རྣམས་ཀྱི་བསོད་ནམས་དེ་སྙེད་
Kha282a
༄#། །དུ་བཅོམ་ལྡན་འདས་ཀྱིས་གསུངས་ན། བདག་ཅག་གིས་མེ་ཏོག་གི་ཕྲེང་བས་བསྐོར་བ་ལ་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང ། དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། མཁས་པ་གང་ཞིག་རབ་ཏུ་སེམས་དང་བས། །སངས་རྒྱས་མཆོད་རྟེན་མེ་ཏོག་ཕྲེང་བསྐོར་བ། །ཛམྦུ་ཆུ་བོའི་གསེར་གྱི་སྒྲོམ་དག་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །གཞན་དག་གིས་དེ་ལ་མར་མེའི་ཕྲེང་བ་ཕུལ་ནས། སེམས་ཀྱིས་མངོན་པར་འདུས་བྱས་པ། མེ་ཏོག་ཕྲེང་བས་བསྐོར་བའི་བསོད་ནམས་དེ་སྙེད་དུ་བཅོམ་ལྡན་འདས་ཀྱིས་གསུངས་ན། བདག་ཅག་གིས་མེ་མར་ཕུལ་བའི་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང ། དེ་ནས་བཅོམ་ལྡན་འདས་ཀྱིས་དེ་དག་གི་བསམ་པ་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། མཁས་པ་གང་ཞིག་རབ་ཏུ་སེམས་དང་བས། །སངས་རྒྱས་མཆོད་རྟེན་མར་མེ་འབུལ་བྱེད་ན། །ཛམྦུ་ཆུ་བོའི་གསེར་སྲང་བྱེ་བ་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །གཞན་དག་གིས་དེ་ལ་དྲི་ཆུས་ཆག་ཆག་བཏབ་ནས་སེམས་ཀྱིས་མངོན་པར་འདུས་བྱས་པ། མར་མེ་ཕུལ་བའི་བསོད་ནམས་དེ་སྙེད་དུ་བཅོམ་ལྡན་འདས་ཀྱིས་གསུངས་ན། བདག་ཅག་གིས་དྲིའི་ཆུས་ཆག་ཆག་བཏབ་པའི་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང ། དེ་ནས་བཅོམ་ལྡན་
Kha282b
འདས་ཀྱིས་དེ་རྣམས་ཀྱི་བསམ་པ་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། མཁས་པ་གང་ཞིག་རབ་ཏུ་སེམས་དང་བས། །སངས་རྒྱས་མཆོད་རྟེན་དྲི་ཆུས་འཐོར་བྱེད་ན། །ཛམྦུ་ཆུ་བོའི་གསེར་གྱི་ཕུང་པོ་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །གཞན་དག་གིས་དེ་ལ་གདུགས་དང ། རྒྱལ་མཚན་དང ། འཕན་བཏགས་ནས་སེམས་ཀྱིས་མངོན་པར་འདུས་བྱས་པ། གོམ་པ་བོར་བ་དང ། འཇིམ་གོང་བཞག་པ་དང ། མེ་ཏོག་སིལ་མས་གཏོར་བ་དང ། མེ་ཏོག་ཕྲེང་བས་བསྐོར་བ་དང ། མེ་མར་ཕུལ་བ་དང ། དྲི་ཆུས་གཏོར་བའི་བསོད་ནམས་དེ་སྙེད་དུ་བཅོམ་ལྡན་འདས་ཀྱིས་གསུངས་ན། བདག་ཅག་གིས་གདུགས་དང ། རྒྱལ་མཚན་དང ། འཕན་བཏགས་པའི་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང ། དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། རབ་དང་སེམས་ཀྱིས་སངས་རྒྱས་མཆོད་རྟེན་ལ། །གདུགས་དང་རྒྱལ་མཚན་འཕན་ནི་འདོགས་བྱེད་ན། །གསེར་ནི་རི་བོ་ལྷུན་པོ་དང་མཉམ་པ། །སྟོང་ཕྲག་བརྒྱ་ཡང་དེ་དང་མཉམ་པ་མིན། །རྒྱ་མཚོ་ལྟ་བུའི་རྫོགས་སངས་རྒྱས། །དེ་བཞིན་གཤེགས་པ་ཚད་མེད་པ། །དེད་དཔོན་བླ་ན་མེད་པ་ལ། །ཡོན་དུ་བཤད་པ་དེ་ཡིན་ནོ། །དེ་རྣམས་འདི་སྙམ་དུ། དེ་ལ་རེ་ཞིག་བཅོམ་ལྡན་འདས་ཡོངས་སུ་མྱ་ངན་ལས་འདས་པ་ལ་བྱ་བ་བྱས་པའི་བསོད་ནམས་དེ་སྙེད་དུ་བཅོམ་ལྡན་འདས་ཀྱིས་གསུངས་ན། བཞུགས་
Kha283a
༄#། །པ་ལ་བསོད་ནམས་ཇི་སྙེད་ཅིག་ཏུ་འགྱུར་སྙམ་པ་དང ། དེ་ནས་བཅོམ་ལྡན་འདས་ཀྱིས་དེ་རྣམས་ཀྱིས་བསམ་པ་ཐུགས་སུ་ཆུད་ནས་ཚིགས་སུ་བཅད་དེ་གསུངས་པ། འདི་ན་སེམས་རབ་དང་བྱས་ནས། །གང་ཞིག་བཞུགས་དང་གང་ཞིག་ནི། །མྱ་ངན་འདས་ལ་མཆོད་བྱེད་པ། །བསོད་ནམས་མཉམ་སྟེ་ཁྱད་པར་མེད། །འདི་ལྟར་སངས་རྒྱས་བསམ་མི་ཁྱབ། ། སངས་རྒྱས་ཆོས་ཀྱང་བསམ་མི་ཁྱབ། །བསམ་མི་ཁྱབ་ལ་དད་རྣམས་ཀྱི། །རྣམ་པར་སྨིན་པའང་བསམ་མི་ཁྱབ། །ཡང་དག་པར་རྫོགས་པའི་སངས་རྒྱས་ཆོས་ཀྱི་འཁོར་ལོ་ཐོགས་པ་མེད་པར་བསྐོར་བ། བསམ་གྱིས་མི་ཁྱབ་པ་དེ་དག་གི་ཡོན་ཏན་ནི། རྟོགས་པར་མི་ནུས་སོ། །དེ་ནས་བཅོམ་ལྡན་འདས་ཀྱིས་སྐྱེ་བོའི་ཚོགས་ཆེན་པོ་དེ་ལ། གང་ཐོས་ན་སྲོག་ཆགས་བརྒྱ་སྟོང་ཕྲག་དུ་མས་ཁྱད་པར་ཆེན་པོ་ཐོབ་སྟེ། ཁ་ཅིག་གིས་ནི། ཉན་ཐོས་ཀྱི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི། རང་སངས་རྒྱས་ཀྱི་བྱང་ཆུབ་ཏུ། ཁ་ཅིག་གིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད། ཁ་ཅིག་གིས་ནི། དྲོ་བར་གྱུར་པ་ཐོབ། ཁ་ཅིག་གིས་ནི། རྩེ་མོ། ཁ་ཅིག་གིས་ནི། བདེན་པ་དང་མཐུན་པའི་བཟོད་པ་དག་།ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི། ལན་གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི། ཕྱིར་མི་འོང་བའི་འབྲས་བུ། ཁ་ཅིག་གིས་ནི། ཉོན་མོངས་པ་ཐམས་
Kha283b
ཅད་སྤངས་ནས་དགྲ་བཅོམ་པ་ཉིད་མངོན་སུམ་དུ་བྱས། འཁོར་དེ་ལས་ཕལ་ཆེར་ནི། སངས་རྒྱས་ལ་གཞོལ་བ། ཆོས་ལ་འབབ། དགེ་འདུན་ལ་བབ་པར་བཀོད་པ་དེ་ལྟ་བུའི་ཆོས་བཤད་པ་མཛད་དོ། ། བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས། ཕྱོགས་དེ་ཉིད་དུ་དུས་སྟོན་བཙུགས་པ་དང ། དེ་ནས་ཆུ་མང་དུས་སྟོན་ཅན་ཆུ་མང་དུས་སྟོན་ཅན་ཞེས་བྱ་བར་གྲགས་སོ། །དེ་ནས་བཅོམ་ལྡན་འདས་ཡུལ་ཀོ་ས་ལ་ནས་ལྗོངས་རྒྱུ་ཞིང་གཤེགས་པ་དང ། མཉན་ཡོད་དུ་བྱོན་ནས། མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀོ་ས་ལ་ནས་ལྗོངས་རྒྱུ་ཞིང་གཤེགས་པ་དང་མཉན་ཡོད་དུ་བྱོན་ནས། མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་གྱི་བདག་གི་ཀུན་དགའ་ར་བ་ན་བཞུགས་སོ། ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད་ཅེས་བྱ་བ་ནས། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་དུའོ། །དེ་ནས་ཁྱིམ་བདག་མགོན་མེད་ཟས་སྦྱིན་སྟན་ལས་ལངས་ཏེ་
Kha284a
༄#། །ཞེས་བྱ་བ་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ་ཞེས་བྱ་བ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས། ནང་པར་སྔར་ལངས་ཏེ་སྟན་བཏིང་ནས་ནོར་བུའི་ཆུ་སྣོད་སྟ་གོན་བྱས་ནས་ཞེས་བྱ་བའི་བར་གོང་མ་བཞིན་ཏེ། བཅོམ་ལྡན་འདས་ལ་སྤྱན་འདྲེན་གྱིས་གདུགས་ཚོད་གསོལ་པ། བཙུན་པ། གདུགས་ཚོད་ལགས་ཤིང་མཆིས་ན། བཅོམ་ལྡན་འདས། དེའི་དུས་ལ་བབ་པར་དགོངས་སུ་གསོལ། སྒོ་སྲུང་གི་མི་ལ་བསྒོ་བ་ན། ཀྱེ་ནང་རྗེས། རེ་ཞིག། སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་མ་གསོལ་གྱི་བར་དུ་གཞན་མུ་སྟེགས་པ་དག་ནང་དུ་མ་གཏང་ཞིག་།དེའི་འོག་ཏུ་མུ་སྟེགས་པ་ལ་སྦྱིན་ནོ། །ཇོ་བོ། བཀའ་བཞིན་འཚལ་ཞེས་སྒོ་སྲུང་གི་མིས་ཁྱིམ་བདག་མགོན་མེད་ཟས་སྦྱིན་ལས་ཉན་ཏོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་གྱིས་བལྟས་ནས་ཞེས་བྱ་བ་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་
Kha284b
ནས་ཚེ་དང་ལྡན་པ་འོད་སྲུང་ཆེན་པོ་དགོན་པའི་གནས་མལ་ཞིག་ནས། སྐྲ་དང་ཁ་སྤུ་རིང་ཞིང་ཆོས་གོས་ངན་པ་ཞིག་གྱོན་ཏེ་རྒྱལ་བྱེད་དུ་འོངས་ཏེ། དེས་བལྟས་ན་རྒྱལ་བྱེད་ཀྱི་ཚལ་སྟོང་པར་འདུག་ནས། དེས་དགེ་བསྐོས་ལ་དྲིས་པ། སངས་རྒྱས་ལ་སོགས་པ་དགེ་སློང་གི་དགེ་འདུན་གང་དུ་བཞུད། དེས་སྨྲས་པ། ཁྱིམ་བདག་མགོན་མེད་ཟས་སྦྱིན་གྱིས་སྤྱན་དྲངས་སོ། །དེས་བསམ་པ། དེ་ཉིད་དུ་བསོད་སྙོམས་བཟའ་ཞིང་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བསྙེན་བཀུར་བྱའོ་སྙམ་ནས། དེ་ཁྱིམ་བདག་མགོན་མེད་ཟས་སྦྱིན་གྱི་ཁྱིམ་དུ་སོང་བ་དང ། སྒོ་སྲུང་གིས་སྨྲས་པ། འཕགས་པ། ནང་དུ་མ་བཞུད་པར་བཞུགས་ཤིག་།ཅིའི་ཕྱིར། ཁྱིམ་བདག་མགོན་མེད་ཟས་སྦྱིན་གྱི་མཆིད་ནས་རེ་ཞིག་།སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་མ་གསོལ་གྱི་བར་དུ་གཞན་མུ་སྟེགས་པ་དག་ནང་དུ་མ་གཏང་ཞིག་།དེའི་འོག་ཏུ་མུ་སྟེགས་པ་རྣམས་ལ་སྦྱིན་ནོ། །ཞེས་བསྒོ་ལགས་སོ། །ཚེ་དང་ལྡན་པ་འོད་སྲུང་ཆེན་པོས་བསམ་པ། གང་བྲམ་ཟེ་དང་ཁྱིམ་བདག་དག་གིས་བདག་ལ་དགེ་སྦྱོང་ཤཱཀྱའི་སྲས་ཀྱི་དགེ་སྦྱོང་ཡིན་ནོ། །ཞེས་བྱ་བར་མ་ཤེས་པ་དེ་ནི། བདག་གི་རྙེད་པ་ལེགས་པར་རྙེད་ཀྱི། སོང་ལ་སྐྱེ་བོ་བཀྲེན་པ་རྣམས་ལ་སྙིང་རྗེ་བྱའོ། །སྙམ་དུ་བསམ་སྟེ། སྐྱེད་མོས་ཚལ་དུ་སོང་ནས་དེས་བསམ་པ། དེང་བདག་གིས་སུ་ཞིག་རྗེས་སུ་གཟུང་བར་བྱ་སྙམ་པ་དང ། རེ་ཞིག་ཅིག་ཏུ་ན་གྲོང་ཕྱི་ཉུག་མ་མཛེས་ཐེབས་པ། ལུས་ཞིག་ཅིང་ལུས་
Kha285a
༄#། །ལས་རྣག་ཁྲག་འཛག་པ་ཞིག་།སློང་མོ་ལ་རྒྱུ་ཞིང་འདུག་ནས་དེའི་དྲུང་དུ་དེ་སོང་བ་དང ། དེས་ཀྱང་བསླངས་ན་འབྲས་བུ་ཞིག་རྙེད་ནས། དེས་ཚེ་དང་ལྡན་པ་འོད་སྲུང་ཆེན་པོ་ལུས་མཛེས་པ་དང ། སེམས་དང་ཞིང ། སྤྱོད་ལམ་ཞི་བར་མཐོང་ནས་དེས་བསམ་པ། ངེས་པར་བདག་གིས་ཡོན་གནས་འདི་ལྟ་བུ་ལ་བྱ་བ་མ་བྱས་པས། དེས་ན་བདག་འདི་ལྟ་བུའི་གནས་སུ་གྱུར་གྱི། གལ་ཏེ་འཕགས་པ་འོད་སྲུང་ཆེན་པོས་བདག་ལ་ཐུགས་བརྩེ་བའི་ཕྱིར་འབྲས་ཁུ་བཞེས་ན། བདག་གིས་འདི་དབུལ་ལོ། །སྙམ་པ་དང ། དེ་ནས་ཚེ་དང་ལྡན་པ་འོད་སྲུང་ཆེན་པོས་དེའི་བསམ་པ་སེམས་ཀྱིས་ཤེས་ནས། ལྷུང་བཟེད་བཟེད་དེ། སྲིང་མོ། གལ་ཏེ་ཁྱོད་ཀྱིས་བཏང་བ་ཡིན་ན། ལྷུང་བཟེད་འདིར་ལུགས་ཤིག་།དེ་ནས་དེས་སེམས་མངོན་པར་དད་པར་བྱས་ནས་ལྷུང་བཟེད་དེར་བླུགས་པ་དང ། སྦྲང་མ་ཞིག་ལྷུང་ངོ ། །དེས་དེ་དབྱུང་བར་བརྩམས་པ་དང ། འབྲས་ཁུ་དེའི་ནང་དུ་སོར་མོ་གཅིག་ཆད་དེ་ལྷུང་ངོ ། །དེས་བསམ་པ། འཕགས་པས་བདག་གི་སེམས་བསྲུང་བའི་ཕྱིར་མ་ཕོར་ཟད་ཀྱི། འོན་ཀྱང་གསོལ་ནི་མི་གསོལ་ལོ། །སྙམ་པ་དང ། ཚེ་དང་ལྡན་པ་འོད་སྲུང་ཆེན་པོས་དེའི་བསམ་པ་སེམས་ཀྱི་ཤེས་ནས། དེའི་མངོན་སུམ་ཁོ་ནར་འབབ་པའི་རྩིག་དྲུང་ཞིག་ཏུ་འདུག་ནས་འཐུངས་པ་དང་དེས་བསམ་པ། ཅུང་ཟད་དུ་ན་བདག་གིས་སེམས་བསྲུང་བའི་ཕྱིར་གསོལ་གྱི། འོན་ཀྱང་འདིས་ཟས་ཀྱི་གོ་ཆོད་པར་ནི་མི་བྱེད་དོ། །སྙམ་པ་དང ། དེ་ནས་ཚེ་
Kha285b
དང་ལྡན་པ་འོད་སྲུང་ཆེན་པོས་དེའི་བསམ་པ་སེམས་ཀྱིས་ཤེས་ནས། གྲོང་ཕྱི་ཉུག་མ་དེ་ལ་འདི་སྐད་ཅེས་སྨྲས་སོ། །སྲིང་མོ་རབ་ཏུ་དགའ་བ་སྐྱེད་ཅིག་དང ། ཁྱོད་ཀྱིས་བྱིན་པའི་ཟས་འདིས་ཁོ་བོ་ཉིན་ཞག་གཅིག་འདའ་བར་བྱའོ། །དེ་ལྷག་པར་དགའ་བ་སྐྱེས་ནས་བདག་གིས་འཕགས་པ་འོད་སྲུང་ཆེན་པོ་ལ་བསོད་སྙོམས་བསྟབས་ན་བཞེས་སོ། །སྙམ་ནས་ཚེ་དང་ལྡན་པ་འོད་སྲུང་ཆེན་པོ་ལ་སེམས་དང་བ་བསྐྱེད་ནས་ཤི་པས།་དགའ་ལྡན་གྱི་ལྷའི་རིགས་སུ་སྐྱེས་སོ། །ལྷ་རྣམས་ཀྱི་དབང་པོ་བརྒྱ་བྱིན་གྱིས་དེའི་འབྲས་ཁུ་ཞིག་ཕུལ་ནས་སེམས་མངོན་པར་དད་པར་བྱས་ནས་ཤི་བ་མཐོང་ན། གང་དུ་སྐྱེས་པ་མ་མཐོང་ནས་དེས་སེམས་ཅན་དམྱལ་བར་བརྟག་པར་བརྩམས་ན་ཡང་མ་མཐོང ། དུད་འགྲོ་དང ། ཡི་དྭགས་དང ། མི་དང ། རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་པ་རྣམས་སུ་ཡང་མ་མཐོང་སྟེ། འདི་ལྟར། ལྷ་རྣམས་ཀྱི་ཤེས་པ་མཐོང་བ་ནི། འོག་ཏུ་འཇུག་གི་།གོང་དུ་མི་འཇུག་གོ། །།འདུལ་བ་གཞི། བམ་པོ་བཞི་བཅུ་པ། དེ་ནས་ལྷ་རྣམས་ཀྱི་དབང་པོ་བརྒྱ་བྱིན། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ། འོད་སྲུང་བདག་ཉིད་ཆེན་པོ་ཅན། །བསོད་སྙོམས་ཕྱིར་ནི་རྒྱུ་བ་ན། །འོད་སྲུང་འབྲས་ཁུ་ཕུལ་བ་ཡི། །བུད་མེད་དེ་ནི་གར་དགའ་ལགས། ། བཅོམ་ལྡན་འདས་ཀྱིས་བཀའ་སྩལ་པ། དགའ་ལྡན་ཞེས་བྱའི་ལྷ་དེ་རྣམས། །འདོད་པ་ཐམས་ཅད་འབྱོར་པ་སྟེ། །འོད་སྲུང་འབྲས་ཁུ་ཕུལ་བ་ཡི། །བུད་མེད་དེ་ནི་དེ་ན་དགའ། །དེ་ནས་ལྷ་རྣམས་ཀྱི་
Kha286a
༄#། །དབང་པོ་བརྒྱ་བྱིན་འདི་སྙམ་དུ་སེམས་ཏེ། རེ་ཞིག་མི་འདི་དག་ནི། བསོད་ནམས་མངོན་སུམ་དུ་མ་མཐོང་ན་ཡང་སྦྱིན་པ་དག་གཏོང ། བསོད་ནམས་དག་བྱེད་ན། བདག་བསོད་ནམས་དག་མངོན་སུམ་དུ་མཐོང་ཞིང་རང་གི་བསོད་ནམས་ཀྱི་འབྲས་བུ་ལ་གནས་པ་ཀོ། ཅིའི་ཕྱིར་སྦྱིན་པ་དག་མི་གཏང ། བསོད་ནམས་དག་མི་བྱ་སྙམ་ནས། འཕགས་པ་འོད་སྲུང་ཆེན་པོ་འདི་ནི། སྡུག་པ་དང ། མགོན་མེད་པ་བཀྲེན་པ་དང ། ཕོངས་པ་ལ་ཐུགས་བརྩེ་བ་ཡིན་གྱི། མ་ལ་བདག་གིས་འདི་ལ་བསོད་སྙོམས་བསྟབ་པར་བྱའོ། །སྙམ་དུ་བསམ་ནས། བཀྲེན་པའི་སྲང་དུ་ཁྱིམ་ཤག་ཤིག་ཏུ་འདུག་པར་ལྷང་ལྷོང་རྡོལ་པ་ཤིན་ཏུ་མི་བཟང་བ་ཞིག་སྤྲུལ་ནས། བདག་ཉིད་ཐ་ག་པ་སྐྲ་ཡེགས་པ། ཤ་ནའི་རས་ཀྱི་སྨད་གཡོགས་གྱོན་པ། རྐང་ལག་སེར་ག་བྱུང་བ་ཞིག་ཏུ་སྤྲུལ་ནས་རས་འཐག་པར་བརྩམས་སོ། །ལྷ་མོ་བདེ་སོགས་ཀྱང་ཐ་ག་པའི་ཆུང་མའི་ཆ་བྱད་དུ་བྱས་ནས་རས་སྐུད་འཇུ་བར་བརྩམས་སོ། །དེའི་ཕྱོགས་གཅིག་ཏུ་ནི། ལྷའི་ཞལ་ཟས་ཞིག་གི་སྟ་གོན་བྱས་ཏེ་བཞག་པ་དང ། དེ་ནས་ཚེ་དང་ལྡན་པ་འོད་སྲུང་ཆེན་པོ། བཀྲེན་པ་དང ། མགོན་མེད་པ་དང ། ཕོངས་པའི་སྐྱེ་བོ་རྣམས་ལ་རྗེས་སུ་བརྩེ་བའི་ཕྱིར་རིམ་གྱིས་ཁང་པ་དེར་ཕྱིན་ནས། འདི་ནི། སྡུག་བསྔལ་བ་ཞིག་གོ་།ཞེས་ལྷུང་བཟེད་བཟེད་ནས་སྒོར་བསྡད་པ་དང ། ལྷ་རྣམས་ཀྱི་དབང་པོ་བརྒྱ་བྱིན་གྱིས་ལྷའི་ཞལ་ཟས་ཀྱིས་བཀང་ངོ ། །དེ་ནས་ཚེ་དང་ལྡན་པ་འོད་སྲུང་ཆེན་པོ་འདི་སྙམ་དུ། འདི་ཟས་ལྷ་ཡི་བདུད་རྩི་ལ། །ཁྱིམ་གྱི་སྤུངས་མི་འདི་ཙམ་པས། །ཤིན་ཏུ་འགལ་ལོ་ཞེས་བསམ་སྟེ། །
Kha286b
བདག་གི་སྙིང་ལ་ཐེ་ཚོམ་སྐྱེས། །འདི་ནི། ཆོས་ཉིད་ཡིན་ཏེ། དགྲ་བཅོམ་པ་རྣམས་ནི། མ་བསམ་པར་ཡེ་ཤེས་མཐོང་བ་མི་འཇུག་པས། བསམ་པ་ལ་ཞུགས་པ་དང ། ཇི་ཙམ་ན། ལྷ་རྣམས་ཀྱི་དབང་པོ་བརྒྱ་བྱིན་ཡིན་པར་མཐོང་ནས། དེས་སྨྲས་པ། ཀཽ་ཤི་ཀ། འདི་ལྟར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཁྱོད་ཀྱི་ཡུན་རིང་པོ་ནས་རྗེས་སུ་འབྲེལ་བའི་ཐེ་ཚོམ་དང་སོམ་ཉིའི་ཟུག་རྔུ་རྩ་ནས་ཕྱུང་ཟིན་ན། ཅིའི་ཕྱིར། སྐྱེ་བོ་སྡུག་བསྔལ་བའི་བར་ཆད་བྱེད། འཕགས་པ་འོད་སྲུང་ཆེན་པོ། སྐྱེ་བོ་སྡུག་བསྔལ་བའི་བར་ཆད་ཅི་སྟེ་བགྱིད། རེ་ཞིག་མི་འདི་རྣམས་ནི། བསོད་ནམས་དག་མངོན་སུམ་དུ་མ་མཐོང་ན་ཡང་སྦྱིན་པ་དག་གཏོང ། བསོད་ནམས་དག་བགྱིད་ན། བདག་བསོད་ནམས་དག་མངོན་སུམ་དུ་མཐོང་ཞིང་རང་གི་བསོད་ནམས་ཀྱི་འབྲས་བུ་ལ་གནས་པ་ཀོ། ཅིའི་ཕྱིར་སྦྱིན་པ་དག་མི་གཏོང ། བསོད་ནམས་དག་མི་བགྱིད། བཅོམ་ལྡན་འདས་ཀྱང ། བསོད་ནམས་དག་ནི་བྱ་དགོས་ཏེ། །བསོད་ནམས་མ་བྱས་སྡུག་བསྔལ་འགྱུར། །བསོད་ནམས་དག་ནི་བྱས་པ་ཡིས། །འཇིག་རྟེན་འདི་དང་ཕ་རོལ་དགའ། །ཞེས་མ་གསུངས་སམ། དེ་ཕྱིན་ཆད་ཚེ་དང་ལྡན་པ་འོད་སྲུང་ཆེན་པོས་བསམ་ནས། ཁྱིམ་རྣམས་སུ་བསོད་སྙོམས་ལ་འགྲོ་བར་བརྩམས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་ནམ་མཁའ་ལ་འདུག་བཞིན་དུ། ལྷའི་ཞལ་ཟས་ཀྱིས་ཚེ་དང་ལྡན་པ་འོད་སྲུང་གི་ལྷུང་བཟེད་འགེངས་པ་དང ། ཚེ་དང་ལྡན་པ་འོད་སྲུང་ཆེན་པོས་ཀྱང་ལྷུང་བཟེད་ཁ་ཕུབ་པས་བཟའ་བ་དང་བཏུང་བ་བོ་བར་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་
Kha287a
༄#། །རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་གི་ལྷུང་བཟེད་ཀྱི་ཁ་གཡོགས་བཅང་བར་བྱའོ། །གྲོང་ཕྱི་ཉུག་མཆེ་གེ་མོ་ཞེས་བྱ་བས་འཕགས་པ་འོད་སྲུང་ཆེན་པོ་ལ་འབྲས་ཁུ་གསོལ་ནས། དེ་དགའ་ལྡན་གྱི་ལྷ་རྣམས་ཀྱི་རིས་སུ་སྐྱེས་སོ། །ཞེས་ཀུན་ཏུ་སྒྲ་གྲགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་གྲོང་ཕྱི་ཉུག་མ་ཆེ་གེ་མོ་ཞེས་བྱ་བས་འཕགས་པ་འོད་སྲུང་ཆེན་པོ་ལ་འབྲས་ཁུ་གསོལ་ནས། དགའ་ལྡན་གྱི་ལྷའི་རིས་སུ་སྐྱེས་སོ། །ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད་ཅེས་བྱ་བ་ནས། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་ནོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འཕགས་པ་འོད་སྲུང་ཆེན་པོའི་སླད་དུ་དགུང་བདུན་དུ་བདག་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ།
Kha287b
བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ཅང་མི་གསུང་བས་གནང་ངོ ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས་ནང་པར་སྔར་ལངས་ཏེ་སྟན་བཏིང་ནས། ནོར་བུའི་ཆུ་སྣོད་བཞག་ནས། བཅོམ་ལྡན་འདས་ལ་སྤྱན་འདྲེན་གྱིས་དུས་ཚོད་གསོལ་ཞེས་བྱ་བ་ནས། རང་གི་ལག་ནས་སྟོབ་ཅིང་ཚིམ་པར་བྱེད་དེ་ཞེས་བྱ་བའི་བར་གོང་མ་བཞིན་ནོ། །མུ་ལྟོ་བ་ཞིག་རྒན་གྲལ་ལོགས་ན་འདུག་པ། རྒྱལ་པོ་འདི། བསོད་ནམས་མངོན་སུམ་དུ་མཐོང་ཞིང ། རང་གི་བསོད་ནམས་ཀྱི་འབྲས་བུ་ལ་གནས་པ་ཡིན་པས། བསོད་ནམས་དག་གིས་ངོམ་མི་ཤེས་པར་བྱིན་པ་དག་གཏོང ། བསོད་ནམས་དག་བྱེད་དོ། །ཞེས་སེམས་མངོན་པར་དད་པར་གྱུར་ཏོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་རང་གི་ལག་ནས་བསྟབས་ཤིང་ཚིམ་པར་བྱས་ཏེ། བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། སུའི་མིང་ནས་
Kha288a
༄#། །བརྗོད་དེ་ཡོན་བསྔོ་བར་བྱ། ཅི། ཁྱོད་ཀྱིའམ། འོན་ཏེ་ཁྱོད་པས་བསོད་ནམས་ཆེས་མང་དུ་བསྐྱེད་པ་གང་ཡིན་པ་ཞིག་གི་།རྒྱལ་པོས་བསམ་པ། བདག་གི་བསོད་སྙོམས་བཅོམ་ལྡན་འདས་ཀྱིས་ཡོངས་སུ་ལོངས་སྤྱད་པས། བདག་པས་བསོད་ནམས་ཆེས་མང་དུ་བསྐྱེད་པ་གཞན་ལྟ་སུ་ཡོད་སྙམ་དུ་བསམ་ནས་གསོལ་པ། བཅོམ་ལྡན་འདས་བདག་པས་བསོད་ནམས་ཆེས་མང་དུ་བསྐྱེད་པ་གང་ལགས་པ་དེའི་མིང་ནས་བརྗོད་ཅིང ། བཅོམ་ལྡན་འདས་ཀྱིས་ཡོན་བསྔོ་བ་མཛད་དུ་གསོལ། དེ་ནས་བཅོམ་ལྡན་འདས་ཀྱིས། མུ་ལྟོ་བ་དེའི་མིང་ནས་བརྗོད་ཅིང་ཡོན་བསྔོ་བ་མཛད་དོ། །དེ་བཞིན་དུ་ཉི་མ་དྲུག་གི་བར་དུ་མཛད་པ་དང ། ཉི་མ་དྲུག་པ་ལ་རྒྱལ་པོ་ལག་པ་ལ་འགྲམ་པ་གཏད་ནས། བཅོམ་ལྡན་འདས་ནི། བདག་གི་བསོད་སྙོམས་ལོངས་སྤྱད་ཅིང ། ཡོན་བསྔོ་བ་ནི།་མུ་ལྟོ་བའི་མིང་ནས་བརྗོད་ནས་མཛད་དོ། །སྙམ་སྟེ། སེམས་ཁོང་དུ་ཆུད་ཅིང་འདུག་པ་དེ། བློན་པོ་རྣམས་ཀྱིས་མཐོང་ནས། དེ་རྣམས་ཀྱིས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་དེ་ཐུགས་མི་དགྱེས་ཤིང་བཞུགས། རྒྱལ་པོས་སྨྲས་པ། ཤེས་ལྡན་དག། དེ་ལྟར་བཅོམ་ལྡན་འདས་ནི། ངའི་བསོད་སྙོམས་ཡོངས་སུ་ལོངས་སྤྱད་ན། ཡོན་བཤད་པ་ནི། མུ་ལྟོ་བའི་མིང་ནས་བརྗོད་ཅིང་མཛད་ན། ཅི་སྟེ་སེམས་ཁོང་དུ་ཆུད་ཅིང་མི་འདུག་།དེ་ནས་བློན་པོ་རྒན་པོ་ཞིག་གིས་སྨྲས་པ། ལྷ། ཐུགས་ཁྲལ་ཆུང་ངུར་བཞུགས་ཤིག་དང་བདག་གིས་སང་ཅི་ནས་ཀྱང་བཅོམ་
Kha288b
ལྡན་འདས་ཀྱིས་ལྷ་ཁོ་ནའི་མཚན་ནས་བརྗོད་དེ་ཡོན་བསྔོ་བ་མཛད་པ་དེ་ལྟར་བགྱིའོ། །དེས་ཞོ་ཤས་འཚོ་བ་རྣམས་ལ་བསྒོ་བ་ཁྱོད་ཀྱིས་སང་ཁ་ཟས་ཆེས་བསོད་པ་དང ། རབ་ཏུ་མང་པོ་སྟ་གོན་གྱིས་ལ།་བྲིམ་པ་ཡང་འདི་ལྟར། ཅི་ནས་ཀྱང་ཕྱེད་ནི་དགེ་སློང་རྣམས་ཀྱི་ལྷུང་བཟེད་ནང་དུ་འགྲོ་ལ། ཕྱེད་ནི། ས་ལ་བོ་བར་གྱིས་ཤིག་།དེ་དག་གིས། ཕྱི་དེ་ཉིན་ཁ་ཟས་ཆེས་བསོད་པ་དང ། ཆེས་རབ་ཏུ་མང་བ་བཤམས་ཏེ། དེ་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས་བྲིམ་པར་བརྩམས་ཏེ། ཕྱེད་ནི། དགེ་སློང་རྣམས་ཀྱི་ལྷུང་བཟེད་དུ་བླུགས། ཕྱེད་ནི། ས་ལ་ཕོའོ། །དེ་ནས་མུ་ལྟོ་བས་ས་ལ་ཕོ་བ་རྣམས་བསྡུ་བའི་ཕྱིར་བརྒྱུགས་པ་དང ། དེ་ཕྱག་ཚང་འབྲིམ་པ་དག་གིས་སླར་བསྐྲད་དོ། །དེ་ནས་མུ་ལྟོ་བ་དེས་སྨྲས་པ། གལ་ཏེ་རྒྱལ་པོ་འདི་ལ་ནོར་རྫས་རབ་ཏུ་མང་པོ་ཡོད་ན། བདག་ཅག་ལྟ་བུ་སྡུག་བསྔལ་བ། སློང་བ་གང་ཡིན་པ་དེ་དག་ལ་ཅིའི་ཕྱིར་མི་སྦྱིན། ཁ་ཟས་འདི་བོར་བས་ཅི་ཕན་ཞེས། མུ་ལྟོ་བ་དེ་སེམས་འཁྲུགས་པས་སྔོན་གྱི་ཇི་ལྟ་བ་དེ་ལྟར་སེམས་དད་པར་བྱ་མ་ནུས་སོ། །དེ་ནས་རྒྱལ་པོས་སངས་རྒྱས་ལ་སོགས་པ་དགེ་སློང་གི་དགེ་འདུན་དེ་རྣམས་གདུགས་ཚོད་གསོལ་ཟིན་པ་དང ། བཅོམ་ལྡན་འདས་བདག་གི་མིང་ནས་སྨོས་ཏེ་ཡོན་བསྔོ་བ་ནི། མི་མཛད་དོ། །སྙམ་ནས། ཡོན་བསྔོ་བ་མ་ཉན་པ་ཁོ་ནར་ཁྱིམ་དུ་སོང་ངོ ། །དེ་ནས་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་གྱི་མིང་ནས་སྨོས་ཏེ་ཡོན་བསྔོ་བ་འདི་སྐད་དུ་མཛད་དེ། གླང་པོ་རྟ་
Kha289a
༄#། །དང་ཤིང་རྟ་དཔུང་བུ་ཆུང ། །ཞོན་ནས་གྲོང་ཁྱེར་ཡུལ་བཅས་འཁོལ་བྱེད་པ། །ཟན་དྲོན་ལན་ཚཝ་དག་གིས་མ་བཏབ་ཅིང ། །སྣུམ་བག་མེད་པའི་མཐུ་ནི་ཡིན་པར་ལྟོས། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་གྱི་ཕོ་བྲང་དུ་གདུགས་ཚོད་ལན་མང་དུ་གསོལ་ནས། མིང་ནས་བརྗོད་དེ་ཡོན་བསྔོ་བ་མཛད་ན། འདི་ལྟ་བུའི་ཡོན་བསྔོ་བ་མཛད་པ་ནི། བདག་གིས་སྔོན་ཆད་ནི། ལན་འགའ་ཡང་མ་ཐོས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཀོ་ས་ལའི་རྒྱལ་པོ་གསལ་རྒྱལ་གྱི་ནས་ཀྱི་ངར་ཐུག་ལན་ཚཝས་མ་བཏབ་པ་ལས་བརྩམས་ཏེ་ལས་ཀྱི་རྒྱུ་བ། ཁྱོད་ཉན་པར་འདོད་དམ། བཅོམ་ལྡན་འདས། ད་དེའི་དུས་ལ་བབ་ལགས་སོ། །བདེ་བར་གཤེགས་པ་ད་དེའི་དུས་ལ་བབ་ལགས་ཏེ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་གྱི་ནས་ཀྱི་ངར་ཐུག་ལ་ཚཝས་མ་སྩལ་བ་ལས་བརྩམས་ཏེ་ལས་ཀྱི་རྒྱུ་བ་བཤད་པ། བཅོམ་ལྡན་འདས་ལས་དགེ་སློང་རྣམས་ཀྱིས་ཐོས་ན་འཛིན་པར་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། སྔོན་བྱུང་བ་རི་བོར་ཞིག་ན་ཁྱིམ་བདག་ཅིག་གནས་པ་དེས། རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་གཟུགས་
Kha289b
བཟང་བ། མཛེས་པ། བལྟ་ན་སྡུག་པ་ཞེས་བྱ་བ་ནས་བསྐྱེད་བསྲིངས་ཏེ་དེ་ཆེན་པོར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །ཇི་ཙམ་ན། ཁྱིམ་བདག་དེས་ཆུང་མ་ལ་སྨྲས་པ། བཟང་མོ། བདག་ཅག་གི་བུ་ལོན་འདེད་པ་དང ། ནོར་འཕྲོག་པ་སྐྱེས་ཀྱི། བདག་ཟོང་ཐོགས་ཏེ་ཡུལ་གཞན་དུ་འགྲོའོ། །དེས་སྨྲས་པ། རྗེའི་སྲས། དེ་བཞིན་མཛོད་ཅིག་།དེས་ཟོང་ཐོགས་ཏེ་ཡུལ་གཞན་ཞིག་ཏུ་སོང་བ་ལས། དེ་དེ་ཉིད་དུ་མ་སྟེས་ཏེ་ཤི་བར་གྱུར་ཏོ། །དེ་མཆེད་པོ་མི་བདོག་པ་ཞིག་པས་དེའི་ཁྱིམ་གྱི་ནོར་རྣམས་ཟད་པས། དེའི་བུ་ཡང་སྡུག་བསྔལ་བར་གྱུར་པ་དང ། ཁྱིམ་བདག་དེའི་གཏན་གྲོགས་ཤིག་ཡོད་པ་དེས་དེ་ལ་སྨྲས་པ། ཁྱེའུ་ཁོ་བོའི་ཞིང་ལས་དག་བྱོས་ཤིག་དང ། ངས་ཁྱོད་ཀྱི་ཟན་སྦྱར་བར་བྱའོ། །དེས་དེའི་ཞིང་ལས་དག་བྱ་བར་བརྩམས་ནས། དེས་ཀྱང་དེའི་ཟན་སྦྱར་ཏོ། །ཇི་ཙམ་དུས་གཞན་ཞིག་ན། དུས་སྟོན་ལ་བབས་ནས་ཁྱེའུ་དེའི་མས་བསམ་པ། དེང་ནི། ཁྱིམ་བདག་གི་ཆུང་མ་མཛའ་བཤེས་དང ། གཉེན་དང ། ཉེ་དུ་དང ། དགེ་སྦྱོང་དང ། བྲམ་ཟེའི་སྐྱེ་བོ་རྣམས་ཟན་སྦྱིན་པས་བྲེལ་བར་འགྱུར་གྱི། སྔ་འཚོགས་སུ་སོང་ལ། ཁྱེའུ་དེའི་ཟན་བསྐྱལ་ལོ། །སྙམ་ནས། དེ་སྔ་འཚོགས་སུ་སོང་ནས། ཁྱིམ་བདག་གི་ཆུང་མ་ལ་དོན་དེ་དག་གོ་བར་བྱས་པ་དང ། དེ་ཁྲོས་ནས་སྨྲས་པ། རེ་ཞིག་དགེ་སྦྱོང་དང ། བྲམ་ཟེ་དང ། ཉེ་དུ་རྣམས་ཀྱང་ད་དུང་མ་བྱིན་པར་མངག་གཞུག་པ་ཁྱེའུ་ལ་སྦྱིན་ནམ། རེ་ཞིག་དེ་རིང་ནི། སྡོད་ཅིག་།སང་ཉིས་འགྱུར་དུ་སྦྱིན་ནོ། །དེ་ནས་ཁྱེའུ་དེའི་མས་བསམ་པ། ཁྱེའུ་བཀྲེས་པར་མ་གྱུར་གྲང་སྙམ་ནས། བདག་ཉིད་ཀྱི་ནས་ཀྱི་
Kha290a
༄#། །ཟན་དྲོན་ལན་ཚཝས་མ་བཏབ་པ་འདི་བསྐྱལ་ལོ། སྙམ་མོ། །དེས་དེ་ཁྱེར་ནས་ཞིང་ཐོག་ཏུ་སོང་བ་དང ། ཁྱེའུ་དེས་དེ་རྒྱང་མི་རིང་བ་ཞིག་ནས་མཐོང་ནས་དེས་སྨྲས་པ། ཡུམ། ཞིམ་པོ་ཅུང་ཟད་མ་མཆིས་སམ། དེས་སྨྲས་པ། བུ། དེ་རིང་ནི། ཟན་ནར་མ་གང་ཡིན་པ་དེ་ཉིད་ཀྱང་མེད་དོ། །ཡུམ། ཅི་སྟེ་ལགས། དེས་བུ་ལ་ཁྱིམ་བདག་གི་ཆུང་མ་ཇི་སྐད་དུ་ཟེར་བ་དེ་དག་ཐམས་ཅད་རྒྱས་པར་བསྙད་ནས། ཟན་དྲོན་ལན་ཚཝས་མ་བཏབ་པ་འདི་ཡང་ཁོ་མོ་ཉིད་ཀྱིས་ཁྱེར་ཏེ་འོངས་ཀྱི། བུ། འདི་ཟོ་ཞིག་ཅེས་སྨྲས་པ་དང ། དེས་སྨྲས་པ། ཞོག་ལ་བཞུད་ཅིག་།དེས་བཞག་སྟེ་སོང་ངོ ། །སངས་རྒྱས་རྣམས་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་ཞིང་ངན་པ་ལ་སྙིང་བརྩེ་བ་ཅན། བས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་བས། ཇི་ཙམ་ན། རང་སངས་རྒྱས་ཤིག་ཕྱོགས་དེར་ཕྱིན་པ་དང ། དེས་དེ་ལུས་མཛེས་པ་དང ། སེམས་དང་བ་དང ། སྤྱོད་ལམ་ཞི་བར་མཐོང་ནས་དེས་བསམ་པ། གདོན་མི་ཟ་བར་བདག་གིས་ཡོན་གནས་ཡང་དག་པ་འདི་ལྟ་བུ་ལ་བྱ་བ་མ་བྱས་པ་དེས་ན། བདག་འདི་འདྲའི་གནས་སྐབས་སུ་གྱུར་གྱི། གལ་ཏེ་བདག་ལས་ཟན་དྲོན་ལན་ཚཝས་མ་བཏབ་པ་འདི་བཞེས་ན། བདག་གིས་དེ་ལ་དབུལ་བར་བྱའོ། སྙམ་པ་དང ། དེ་ནས་རང་སངས་རྒྱས་དེས་སྐྱེས་བུ་བཀྲེན་པ་དེའི་བསམ་པ་སེམས་ཀྱིས་ཤེས་ནས་ལྷུང་བཟེད་བཟེད་དེ། བཞིན་བཟང་གལ་ཏེ་ཁྱོད་ཀྱིས་བཏང་བ་ཡིན་ན། ལྷུང་བཟེད་འདིར་ཆུག་ཅིག།
Kha290b
དེ་ནས་དེས་དད་པ་དྲག་པོས་ཟན་དྲོན་ལན་ཚཝས་མ་བཏབ་པ་རང་སངས་རྒྱས་དེ་ལ་ཕུལ་ལོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱེའུ་བཀྲེན་པ་གང་ཡིན་པ་དེ་ནི། ཀོ་ས་ལའི་རྒྱལ་པོ་གསལ་རྒྱལ་འདི་ཉིད་ཡིན་ཏེ། དེའི་ཚེ་དེའི་དུས་ན་འདིས་རང་སངས་རྒྱས་ལ་ཟན་དྲོན་ལན་ཚཝས་མ་བཏབ་པ་ཕུལ་བ་གང་ཡིན་པའི་ལས་དེས་ན། ལན་དྲུག་།སུམ་ཅུ་རྩ་གསུམ་པའི་ལྷ་རྣམས་ཀྱི་རྒྱལ་སྲིད་ཀྱི་དབང་ཕྱུག་ལ་དབང་བྱས་སོ། །མཉན་ཡོད་འདི་ཉིད་དུ་ཡང་ལན་དྲུག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་ཏོ། །ལས་ཀྱི་ལྷག་མ་དེ་ཉིད་ཀྱིས་དེ་ལྟར་ཡང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བར་གྱུར་ཏེ། ངས་འདིའི་ཟན་དྲོན་གྱི་རྣམ་པར་སྨིན་པ་རྫོགས་པ་དེ་ལ་དགོངས་ནས། གླང་པོ་རྟ་དང་ཤིང་རྟ་དཔུང་བུ་ཆུང ། །ཞོན་ནས་གྲོང་ཁྱེར་ཡུལ་བཅས་འཁོལ་བྱེད་པ། །ཟན་དྲོན་ལན་ཚཝ་དག་གིས་མ་བཏབ་ཅིང ། ། སྣུམ་བག་མེད་པའི་མཐུ་ནི་ཡིན་པར་ལྟོས། །ཞེས་གསུངས་སོ། །བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་གྱི་ཟན་དྲོན་ལན་ཚཝས་མ་བཏབ་པ་ལས་བརྩམས་ནས་ལས་ཀྱི་རྒྱུ་བཤད་དོ། ། ཞེས་ཀུན་ཏུ་སྒྲ་གྲགས་པ། ཀོ་ས་ལའི་རྒྱལ་པོ་གསལ་རྒྱལ་གྱིས་ཐོས་ནས། དེ་བཅོམ་ལྡན་འདས་གང་ན་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱིས་རྒྱལ་པོ་གསལ་རྒྱལ་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་
Kha291a
༄#། །ངོ་ཞེས་བྱ་བའི་བར་གོང་མ་བཞིན་དུའོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ།་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་དགུང་ཟླ་གསུམ་དུ་ན་བཟའ་དང ། ཆོས་གོས་དང ། བསོད་སྙོམས་དང ། སྙུན་གསོས་ཀྱི་རྐྱེན་སྨན་གྱི་ཡོ་བྱད་རྣམས་འབུལ་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ཅང་མི་གསུང་བས་གནང་ངོ ། །དེ་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཀོ་ས་ལའི་རྒྱལ་པོ་གསལ་རྒྱལ་གྱིས་ཟླ་བ་གསུམ་དུ་ཞལ་ཟས་རོ་བརྒྱ་དང་ལྡན་པ་གསོལ་ནས། དགེ་སློང་རེ་རེ་ལ་ཡང་འབུམ་རི་བའི་གོས་རེ་རེ་བསྐོན་ཏེ། འབྲུ་མར་གྱི་བུམ་པ་བྱེ་བ་བསགས་ནས་མར་མེའི་ཕྲེང་བ་བལྟམ་པར་བརྩམས་སོ། །དེ་ན་གདུགས་ཚོད་ཀྱི་ཁ་དང ། མཆོད་པའི་ཚེ་ཅ་ཅོའི་སྒྲ་ཆེན་པོ་གྲགས་པ་དང ། ཇི་ཙམ་ན། གྲོང་ཉུག་མ་ཤིན་ཏུ་སྡུག་བསྔལ་བ་ཞིག་།རྫའི་ཆག་དུམ་ཞིག་ཐོགས་ཏེ་སློང་བ་ལ་ཞུགས་པ་དེས། སྒྲ་ཆེན་པོ་དང་སྒྲ་མཐོན་པོ་ཐོས་སོ། །ཐོས་ནས་ཀྱང་དྲིས་པ། ཤེས་ལྡན་དག། སྒྲ་མཐོན་པོ་དང་སྒྲ་ཆེན་པོ་འདི་ཅི་ཞིག་ཡིན། གཞན་དག་གིས་སྨྲས་པ། ཀོ་ས་ལའི་རྒྱལ་པོ་གསལ་རྒྱལ་གྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཟླ་བ་གསུམ་དུ་
Kha291b
གདུགས་ཚོད་གསོལ་ནས། དགེ་སློང་རེ་རེ་ལ་ཡང་འབུམ་རི་བའི་གོས་རེ་རེ་བསྐོན་ཏེ། འབྲུ་མར་གྱི་བུམ་པ་བྱེ་བ་བསགས་ཏེ། མར་མེའི་ཕྲེང་བ་གཏོང་བར་རྩོམ་པ་ཡིན་ནོ། །དེ་ནས་གྲོང་ཉུག་མ་དེ། འདི་སྙམ་དུ་སེམས་ཏེ། ཀོ་ས་ལའི་རྒྱལ་པོ་གསལ་རྒྱལ་འདི། བསོད་ནམས་ཀྱིས་ངོམས་མི་ཤེས་ནས་ད་དུང་ཡང་སྦྱིན་པ་དག་གཏོང ། བསོད་ནམས་དག་བྱེད་ན། མ་ལ་བདག་གིས་ཀྱང་འགའ་ཞིག་ལས་བསླངས་ལ།་བཅོམ་ལྡན་འདས་ལ་མེར་མེར་ཞིག་བལྟམ་མོ། །སྙམ་ནས་དེས་བསླངས་པའི་འབྲུ་མར་ཉུང་ཟད་པོ་གྱོ་རལ་གྱི་ནང་དུ་བླུགས་ཏེ། བཅོམ་ལྡན་འདས་ཀྱི་འཆག་སའི་སླད་དུ་མར་མེ་བལྟམ་ནས་ཞབས་གཉིས་ལ་གཏུགས་ཏེ་སྨོན་ལམ་བཏབ་པ། དགེ་བའི་རྩ་བ་འདིས། ཇི་ལྟར་སྟོན་པ་བཅོམ་ལྡན་འདས་ཤཱཀྱ་ཐུབ་པ་འདི་སྐྱེ་རྒུའི་ཚེ་ལོ་བརྒྱ་ཐུབ་པ་ན། འཇིག་རྟེན་དུ་བྱུང་བ་དེ་བཞིན་དུ་བདག་ཀྱང་སྐྱེ་རྒུའི་ཚེ་ལོ་བརྒྱ་ཐུབ་པ་ན། སྟོན་པ་ཤཱཀྱ་ཐུབ་པ་ཞེས་བྱ་བ་ཁོ་ནར་འགྱུར་ཞིང ། ཡང ། ཇི་ལྟར་འདིའི་ཟུང་མཆོག་དང་ཟུང་བཟང་པོ། ཤཱ་རིའི་བུ་དང་མོའུ་འགལ་གྱི་བུ་དང ། ཉེ་གནས་དགེ་སློང་ཀུན་དགའ་བོ་དང ། ཡབ་ཟས་གཙང་དང ། ཡུམ་ལྷ་མོ་སྒྱུ་འཕྲུལ་ཆེན་མོ་དང ། སྲས་གཞོན་ནུ་སྒྲ་གཅན་ཟིན་བཟང་པོ་དང ། གྲོང་ཁྱེར་སེར་སྐྱའི་གཞི་ལགས་པ་དེ་བཞིན་དུ། བདག་གི་ཡང་ཟུང་མཆོག་དང་ཟུང་བཟང་པོ་ཤཱ་རིའི་བུ་དང་མོའུ་འགལ་གྱི་བུ་དང ། ཉེ་གནས་དགེ་སློང་ཀུན་དགའ་བོ་དང ། ཡབ་ཟས་གཙང་དང ། ཡུམ་ལྷ་མོ་སྒྱུ་འཕྲུལ་ཆེན་མོ་དང ། སྲས་གཞོན་ནུ་སྒྲ་གཅན་ཟིན་བཟང་པོ་དང ། གྲོང་ཁྱེར་སེར་
Kha292a
༄#། །སྐྱའི་གཞིར་འགྱུར་ཞིང ། ཇི་ལྟར་ཡང ། བཅོམ་ལྡན་འདས་འདི་སྐུ་གདུང་གསེས་ནས་ཡོངས་སུ་མྱ་ངན་ལས་འདས་པ་དེ་བཞིན་དུ། བདག་ཀྱང་སྐུ་གདུང་གསེས་ནས་ཡོངས་སུ་མྱ་ངན་ལས་འདའ་བར་གྱུར་ཅིག་།ཅེས་བྱས་སོ། །ཇི་ཙམ་ན། མར་མེ་དེ་དག་ཐམས་ཅད་ནི། ཤིའོ། །དེས་བཏང་བའི་མར་མེ་ནི། འབར་ཞིང་འདུག་གོ་།ཆོས་ཉིད་ཀྱིས། སངས་རྒྱས་བཅོམ་ལྡན་འདས་རྣམས་ཇི་སྲིད་ནང་དུ་ཡང་དག་མ་བཞག་པ་དེ་སྲིད་དུ། སངས་རྒྱས་བཅོམ་ལྡན་འདས་རྣམས་ཀྱི་ཉེ་གནས་རྣམས་ནང་དུ་ཡང་དག་མི་འཇོག་པས། ཚེ་དང་ལྡན་པ་ཀུན་དགའ་བོས་བསམ་པ། སངས་རྒྱས་བཅོམ་ལྡན་འདས་རྣམས་འོད་ལ་མནལ་བར་མཛད་པ་དེ་ནི། གནས་མ་ཡིན་ཞིང་གོ་སྐབས་མེད་པས་མ་ལ་བདག་གིས་མར་མེ་དེ་གསད་པར་བྱའོ། །སྙམ་ནས་དེས་ལག་པས་གསད་པར་བརྩམས་པ་ལས་མ་ནུས་སོ། །དེ་ནས་ཆོས་གོས་ཀྱི་གྲ་དང ། དེ་ནས་བསིལ་ཡབ་ཀྱིས་གཡབ་ན། འོན་ཀྱང་གསད་པར་མ་ནུས་སོ། །བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་འདི་ཅི་བྱེད། དེས་གསོལ་པ། བཅོམ་ལྡན་འདས། བདག་གི་གློ་བ་ལ་བསམ་པ། སངས་རྒྱས་བཅོམ་ལྡན་འདས་རྣམས་འོད་ལ་མནལ་བར་མཛད་པ་ནི། གནས་མ་མཆིས་ཤིང་གོ་སྐབས་མ་མཆིས་ཀྱི། མ་ལ་བདག་གིས་ཞུགས་མར་དགུམ་མོ། །སྙམ་ན། བདག་གིས་དེ་སུག་པས་དགུམ་པར་བརྩམས་ན། རྔོ་མ་
Kha292b
ཐོགས་སོ། །དེ་ནས་ཆོས་གོས་ཀྱི་གྲཝ་དང ། དེ་ནས་བསིལ་གཡབ་ཀྱིས་གཡབ་ན། འོན་ཀྱང་རྔོ་མ་ཐོགས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དུབ་པར་མ་བྱེད་ཅིག། གལ་ཏེ་རྣམ་པར་འཐོར་བའི་རླུང་ལངས་ན། དེས་ཀྱང་གསད་པར་མི་ནུས་ན། ལག་པ་དང ། ཆོས་གོས་ཀྱི་གྲཝ་དང ། བསིལ་གཡབ་ཀྱིས་ལྟ་སྨོས་ཀྱང་ཅི་དགོས། འདི་ལྟར། མར་མེ་འདི་ནི། བུ་མོ་འདིས་སེམས་ཀྱིས་མངོན་པར་འདུ་བྱེད་པ་ཆེན་པོས་བུས་པ་ཡིན་ནོ། །གཞན་ཡང ། ཀུན་དགའ་བོ། བུ་མོ་འདི་ནི། སྐྱེ་རྒུ་རྣམས་ཀྱི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་ཞིང ། དེའི་ཟུང་མཆོག་དང ། ཟུང་བཟང་པོ། ཤཱ་རིའི་བུ་དང་མོའུ་འགལ་གྱི་བུ་དང ། ཉེ་གནས་དགེ་སློང་ཀུན་དགའ་བོ་དང ། ཡབ་ཟས་གཙང་དང ། ཡུམ་ལྷ་མོ་སྒྱུ་འཕྲུལ་ཆེན་མོ་དང ། སྲས་གཞོན་ནུ་སྒྲ་གཅན་ཟིན་བཟང་པོ་དང ། གྲོང་ཁྱེར་སེར་སྐྱའི་གཞི་ཞེས་བྱ་བར་འགྱུར་ལ། དེ་སྐུ་གདུང་གསེས་ནས་ཡོངས་སུ་མྱ་ངན་ལས་འདའ་བར་འགྱུར་རོ། །གྲོང་ཉུག་མ་ཆེ་གེ་མོ་ཞེས་བྱ་བས་བཅོམ་ལྡན་འདས་ཀྱིས་འཆག་སའི་སླད་དུ་མར་མེ་བཏང་བས། དེ་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། །ཞེས་ཀུན་ཏུ་སྒྲ་གྲགས་པ། བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་ཐོས་ནས། དེའི་མ་འོངས་པའི་ཡོན་ཏན་ལ་བསམ་ནས། ཡོ་བྱད་ཐམས་ཅད་ཀྱིས་བསྟབས་
Kha293a
༄#། །སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་ཐོས་ནས། དེ་ནས་ངོ་མཚར་སྐྱེས་ཏེ། འབྲུ་མར་བུམ་པ་སྟོང་བསྡོགས་ནས་མར་སྣ་ཚོགས་སུ་སྦྲེངས་ཏེ། རིན་པོ་ཆེ་སྣ་བཞིའི་མར་མེ་འཆག་སའི་སླད་དུ་བུས་སོ། །དེ་ནས་བཅོམ་ལྡན་འདས་ཀྱི་སྤྱན་སྔར་སོང་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གིས་འཕགས་པ་འོད་སྲུང་ཆེན་པོ་མཆོད་པའི་སླད་དུ། བཅོམ་ལྡན་འདས་དགུང་བདུན་གྱི་བར་དུ་གདུགས་ཚོད་ལ་སྤྱན་དྲངས་ནས། བཅོམ་ལྡན་འདས་ཀྱིས་བདག་གི་སྔོན་གྱི་འཚལ་མ་དྲོན་པོ་ལན་ཚཝས་མ་སྩལ་པ་ལས་བརྩམས་ཏེ་ལས་ཀྱི་རྒྱུ་བ་ལུང་བསྟན་ནས། ཡང ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ། བདག་གིས་དགུང་ཟླ་གསུམ་དུ་གདུགས་ཚོད་གསོལ་ནས། དགེ་སློང་རེ་རེ་ལ་ཡང་འབུམ་རི་བའི་གོས་ཕྲུགས་རེ་བསྐོན་ཏེ། འབྲུ་མར་བུམ་པ་བྱེ་བ་བསྔོགས་ཏེ་ཕྲེང་བར་སྦྲེངས་ནས་ཞུགས་མར་བལྟམ་ལགས་ན། བཅོམ་ལྡན་འདས་ཀྱིས། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་མ་བསྟན་ལགས་ན། བཅོམ་ལྡན་འདས། བདག་ཀྱང་འཇིག་རྟེན་གྱི་གཙོ་བོ། འདྲེན་པར་འགྱུར་བ་ལྟ་ན། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ན་ལེགས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི། ཟབ་པ། ཟབ་པར་སྣང་བ། མཐོང་བར་དཀའ་བ། རྟོགས་པར་དཀའ་བ། བརྟག་པར་
Kha293b
བྱ་བ་མ་ཡིན་པ། རྟོག་གེའི་སྤྱོད་ཡུལ་མ་ཡིན་པ། ཞིབ་མོར་བརྟག་པའི་རྟོགས་པ་དང ། མཁས་པ་དང ། མཛངས་པས་རིག་པར་བྱ་བ་ཡིན་ཏེ། དེ་ནི། ཁྱོད་ཀྱི་སྦྱིན་པ་ལན་གཅིག་བྱས་པས་ཐོབ་པར་སླ་བ་མ་ཡིན་ཏེ། སྦྱིན་པ་ལན་བརྒྱས་མ་ཡིན། སྦྱིན་པ་ལན་སྟོང་གིས་མ་ཡིན། སྦྱིན་པ་ལན་བརྒྱ་ཕྲག་སྟོང་གིས་མ་ཡིན་ནོ། །འོན་ཀྱང་རྒྱལ་པོ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདོད་ན། སྦྱིན་པ་དག་ཀྱང་སྦྱིན། བསོད་ནམས་དག་ཀྱང་བྱ་ཞིང ། དགེ་བའི་བཤེས་གཉེན་དག་ཀྱང་བསྟེན་པར་བྱ། བསྙེན་པར་བྱ། བསྙེན་བཀུར་བྱའོ། །རྒྱལ་པོ་ཆེན་པོ། ཁྱེད་ཀྱིས་དེ་བཞིན་དུ་སྦྱིན་པ་དག་ནི། བཏང ། བསོད་ནམས་དག་ནི། བྱས་ཤིང ། དགེ་བའི་བཤེས་གཉེན་དག་ཀྱང་བསྟེན། བསྙེན་བཀུར་བྱས་ན། དེ་ལྟ་ན། ཁྱོད་ནམ་ཞིག་ན་འཇིག་རྟེན་གྱི་གཙོ་བོ། འདྲེན་པར་འགྱུར་གྲང ། དེ་སྐད་ཅེས་བཀའ་སྩལ་པ་དང ། ཀོ་ས་ལའི་རྒྱལ་པོ་གསལ་རྒྱལ་མཆི་མ་བླགས་ཏེ་དུས་སོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས། གོས་ཀྱི་མཐའ་མས་མཆི་མ་ཕྱིས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་ན། སྦྱིན་པ་ཇི་སྙེད་ཅིག་སྩལ། བསོད་ནམས་ཇི་སྙེད་ཅིག་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། རེ་ཞིག་འདས་པའི་བསྐལ་པ་གཞན་རྣམས་ལྟ་ཞོག་གི། བསྐལ་པ་བཟང་པོ་འདི་ལ་ང་བླ་ན་མེད་པ་ཡང་དག་པར་རྫོགས་པའི་བྱང་
Kha294a
༄#། །ཆུབ་དོན་དུ་གཉེར་བས་རྣམ་གྲངས་དུ་མར་སྦྱིན་པ་བཏང་བ་དང ། བསོད་ནམས་བྱས་པ་དེ་དག་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང ། བཤད་དོ། །བར་སྡོམ་ལ། ང་ལས་ནུ་དང་ལེགས་མཐོང་ཆེ། །དུས་དཔོག་ཀུ་ཤ་གདོལ་པ་དང ། །ལྷ་ཆེན་པོ་དང་མུ་ཁྱུད་རྒྱལ། །མེ་ལོང་གདོང་དང་ནོར་བཟང་དང ། །ཐམས་ཅད་སྒྲོལ་དང་འདུམ་བྱེད་དོ། །རྒྱལ་པོ་ཆེན་པོ། སྔོན་བྱུང་བ། སྐྱེ་རྒུ་རྣམས་ཀྱི་ཚེ་ལོ་དཔག་ཏུ་མེད་པ་ན། རྒྱལ་པོ་གསོ་སྦྱོང་འཕགས་ཞེས་བྱ་བ་བྱུང་བར་གྱུར་ཏེ། དེའི་སྤྱི་བོར་ཤ་རྨེན་འཇམ་ཞིང་ཤིན་ཏུ་འཇམ་པ་ཞིག་སྐྱེས་པ། དཔེར་ན། ཤིང་བལ་གྱི་འདའ་བའམ། རས་བལ་གྱི་འདའ་བ་ལྟ་བུར་གནོད་པ་ཅུང་ཟད་ཀྱང་མི་སྐྱེད་དོ། །དེ་ཡོངས་སུ་སྨིན་ནས་རྡོལ་བ་ལས། གཞོན་ནུ་གཟུགས་བཟང་པོ་མཛེས་པ། བལྟ་ན་སྡུག་པ། པགས་པའི་མདོག་གསེར་འདྲ་བ། མགོ་གདུགས་ལྟར་འདུག་པ།་ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ། ཡན་ལག་དང་ཉིང་ལག་ཐམས་ཅད་དང་ལྡན་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པའི་ལུས་དང་ལྡན་པའི་ཞིག་བྱུང་ངོ ། །བྱུང་མ་ཐག་ཏུ་བཙུན་མོའི་འཁོར་གྱི་ནང་དུ་བཀྲི་བ་དང ། རྒྱལ་པོ་གསོ་སྦྱོང་འཕགས་ཀྱི་བཙུན་མོ་བརྒྱད་ཁྲིས་གཞོན་ནུ་མཐོང་ནས། ནུ་མ་རྣམས་ལས་འོ་མ་ཟགས་པ་དང།་བུད་མེད་རེ་རེས་ཀྱང་ལས་ནུ་ང་ལས་ནུ་ཞེས་སྨྲས་པ། དེའི་མིང་ང་ལས་ནུ་ང་ལས་ནུ་ཞེས་བྱ་བར་གྱུར་ཏོ། །གཞན་དག་ན་རེ། འདི་ནི། སྤྱི་བོ་ལས་སྐྱེས་པས། དེའི་ཕྱིར་གཞོན་ནུའི་མིང་སྤྱི་བོ་སྐྱེས་
Kha294b
ཞེས་བྱའོ། །ཞེས་ཟེར་ཏོ། །དེ་ན་ཁ་ཅིག་གིས་ནི། ང་ལས་ནུ་ཞེས་བྱ་བར་ཤེས་སོ། །ཁ་ཅིག་གིས་ནི་སྤྱི་བོ་སྐྱེས་ཞེས་བྱ་བར་ཤེས་སོ། །གཞོན་ནུ་ང་ལས་ནུ་གཞོན་ནུའི་རྩེད་མོས་རྩེ་བ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །རྒྱལ་ཚབ་ལ་གནས་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །གཞོན་ནུ་ང་ལས་ནུ་ཡུལ་ཞིག་ཏུ་སོང་སྟེ། དེ་ཡུལ་དུ་ཕྱིན་པ་དང ། རྒྱལ་པོ་གསོ་སྦྱོང་འཕགས་ན་བར་གྱུར་ནས། དེ་རྩ་བ་དང ། སྡོང་བུ་དང།་ལོ་མ་དང ། མེ་ཏོག་དང ། འབྲས་བུའི་སྨན་གྱིས་བསྙེན་བཀུར་བྱས་ན་ཡང་ཕྱིར་ཐུ་བ་ཁོ་ནར་གྱུར་ནས་དེས་བློན་པོ་རྣམས་ལ་བསྒོ་བ། ཤེས་ལྡན་དག། མྱུར་དུ་གཞོན་ནུ་ལ་རྒྱལ་སྲིད་ཀྱི་དབང་བསྐུར་བས་དབང་སྐུར་ཅིག། །ལྷ། བཀའ་བཞིན་འཚལ་ཞེས་བློན་པོ་རྣམས་ཀྱིས་ཕོ་ཉ་བཀུག་སྟེ། རྒྱལ་པོ་གསོ་སྦྱོང་འཕགས་སྙུང་ནས། དེས་གཞོན་ནུ་སྤྱན་དྲོངས་ལ། རྒྱལ་སྲིད་ཀྱི་དབང་བསྐུར་བ་ཉམས་སུ་མྱོང་བར་གྱིས་ཤིག། ཅེས་བཀའ་སྩལ་གྱི། གཞོན་ནུ་མྱུར་དུ་བྱོན་པའི་རིགས་སོ། །ཞེས་སྤྲིང་ངོ ། །དེ་ཆས་པ་དང ། རྒྱལ་པོ་གསོ་སྦྱོང་འཕགས་ཤིའོ། །དེ་ནས་བློན་པོ་དག་གིས། ཡང་ཕོ་ཉ་གཞན་ཞིག་བཏང་བ་ལ། གཞོན་ནུ་ཁྱོད་ཀྱི་ཡབ་ནི། ནོངས་ཀྱི། ཚུར་སྤྱོན། རྒྱལ་སྲིད་བཞེས་ཤིག། ཅེས་སྤྲིང་ངོ ། །གཞོན་ནུ་ང་ལས་ནུས་བསམ་པ། གལ་ཏེ་བདག་གི་ཡབ་ནོངས་ན། དེར་སོང་ཡང་ཅི་ཕན་སྙམ་དུ་བསམ་ནས་དེ་ཉིད་ན་འདུག་གོ། བློན་པོ་རྣམས། ཡང་འདུས་ནས་བློན་པོ་ཞིག་ཕོ་ཉར་བཏང་བ་དང ། དེ་སོང་ནས་སྨྲས་པ། གཞོན་ནུ་རྒྱལ་སྲིད་བཞེས་ཤིག། །དེས་སྨྲས་པ། གལ་ཏེ་ཁོ་བོས་ཆོས་དང་མཐུན་པར་རྒྱལ་སྲིད་འཐོབ་པར་འགྱུར་ན།
Kha295a
༄#། །རྒྱལ་སྲིད་ཀྱི་དབང་བསྐུར་བ་འདི་ཉིད་དུ་འོང་བར་འགྱུར་རོ། །བློན་པོ་རྣམས་ཀྱིས་སྤྲིང་པ། ལྷ་རྒྱལ་སྲིད་ཀྱི་དབང་བསྐུར་བ་ལ་ནི་མང་དུ་འཚལ་ཏེ། རིན་པོ་ཆེའི་གཅལ་དང ། སེང་གེའི་ཁྲི་དང ། གདུགས་དང ། ཅོད་པན་དང ། དབུ་རྒྱན་གྱིས་ཕོ་བྲང་གི་ནང་དུ་རྒྱལ་སྲིད་ཀྱི་དབང་བསྐུར་བར་བགྱི་འཚལ་བས། དེ་ལྟ་བས་ན། གཞོན་ནུ་འདི་ཉིད་དུ་བྱོན་པའི་རིགས་སོ། །དེས་སྨྲས་པ། ངས་ཆོས་དང་མཐུན་པར་རྒྱལ་སྲིད་འཐོབ་པ་ལྟ་ན། ཐམས་ཅད་འདི་ཉིད་དུ་འོང་བར་འགྱུར་རོ། །གཞོན་ནུ་ང་ལས་ནུའི་མདུན་ནས་འགྲོ་བ་གནོད་སྦྱིན་ལྷ་གནས་ཞེས་བྱ་བ་དེས། རིན་པོ་ཆེའི་གཅལ་དང ། སེང་གེའི་ཁྲི་དེ་ཉིད་དུ་བླངས་སོ། །ཕོ་བྲང་ན་གནས་པ་རྣམས་ཀྱིས་ཀྱང ། གདུགས་དང ། ཅོད་པན་དང ། དཔུང་རྒྱན་ཁྱེར་ནས་རང་དེ་ཉིད་དུ་ལྷགས་ཏེ་ཕོ་བྲང་འཁོར་བ་རང་ལྷགས་པས། གནས་དེའི་མིང ། གནས་བཅས་གནས་བཅས་ཞེས་བྱ་བར་གྲགས་སོ། །ཕྱིས་བློན་པོ་དེ་རྣམས་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་མི་རྣམས་ཀྱིས་ནི། དབང་བསྐུར་བ་ཁྱེར་ཏེ་དེང་ནས་དེ་རྣམས་ཀྱིས་སྨྲས་པ། ལྷ། དབང་བསྐུར་བ་བཞེས་སུ་གསོལ། དེས་སྨྲས་པ། ང་མི་རྣམས་ཀྱིས་ཅོད་པན་བཅིང་ངམ། གལ་ཏེ་ཆོས་ཀྱིས་རྒྱལ་སྲིད་འཐོབ་ན། མི་མ་ཡིན་པ་རྣམས་ཀྱིས་ཅོད་པན་འཆིང་གྲང ། ཇི་ཙམ་ན། དེ་མི་མ་ཡིན་པ་རྣམས་ཀྱིས་ཅོད་པན་བཅིངས་པ་དང ། དེའི་རིན་པོ་ཆེ་སྣ་བདུན་བྱུང་བ་འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་
Kha295b
བདག་རིན་པོ་ཆེ་དང ། བདུན་པ་བློན་པོ་རིན་པོ་ཆེ་ཉིད་དོ། །དེ་ལ་བུ་དཔའ་བ་རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པར་བྱེད་པ་སྟོང་ཡང་ཚང་བར་བྱུང་ངོ ། །ཡངས་པ་ཅན་གྱི་ཉེན་ཀོར་ན་ནགས་ཚལ་སྟུག་པོ་དགའ་དགའ་ལྟར་འདུག་པ་ཞིག་ཡོད་པ་དེ་ན། དྲང་སྲོང་མངོན་པར་ཤེས་པ་ལྔ་དང་ལྡན་པ་ལྔ་བརྒྱ་བསམ་གཏན་བྱེད་དོ། །ནགས་ཚལ་སྟུག་པོ་དེ་ན་ཡང་བྱ་ཀར་རབ་ཏུ་མང་པོ་དག་ཅིག་ཀྱང་གནས་སོ། །བསམ་གཏན་གྱི་ཚེར་མ་ནི། སྒྲ་ཡིན་པས། བྱ་ཀར་རྣམས་ལྡིང་ཞིང་སྐད་འབྱིན་པར་བྱེད་པ་དང ། དེ་ན་དྲང་སྲོང་བཞིན་ངན་ཞེས་བྱ་བ་ཞིག་ཡོད་པ་དེ་འཁྲུགས་པས། དེས་བྱ་ཀར་རྣམས་ཀྱི་འདབ་གཤོག་རྣམས་ལྷགས་པར་ཤོག་ཅིག་ཅེས་དམོད་པ་བོར་རོ། །དེ་རྣམས་དྲང་སྲོང་འཁྲུགས་པས་འདབ་གཤོག་རྣམས་ལྷགས་པར་གྱུར་ཏོ། །དེ་ནས་དེ་རྣམས་རྐང་པས་འགྲོ་བར་བརྩམས་པ་དང ། རྒྱལ་པོ་དེ་ཡང་ལྗོངས་གྱུར་སོང་བས། བྱ་དཀར་རྣམས་རྐང་པས་འགྲོ་བ་མཐོང་ངོ ། །དེ་ནས་དེས་བློན་པོ་རྣམས་ལ་དྲིས་པ། ཅིའི་ཕྱིར་བྱ་དཀར་འདི་རྣམས་རྐང་པས་འགྲོ་བར་གྱུར། བློན་པོ་རྣམས་ཀྱིས་སྨྲས་པ། ལྷ། བསམ་གཏན་གྱི་ཚེར་མ་ནི། སྒྲ་ལགས་པས། དྲང་སྲོང་འཁྲུགས་པ་དག་གིས་འདི་རྣམས་ལ་དམོད་པ་བོར་བ་དང ། དེ་ནས་དྲང་སྲོང་འཁྲུགས་པས་འདི་རྣམས་ཀྱི་འདབ་གཤོག་རྣམས་ལྷག་པར་གྱུར་ཏོ། །དེ་ནས་རྒྱལ་པོས་སྨྲས་པ། གང་དག་སེམས་ཅན་རྣམས་ལ་སྙིང་བརྩེ་བ་མེད་པའི་དྲང་སྲོང་འདི་ལྟ་བུ་ཡང་ཡོད་པ་ལྟ་ཞེས་སྨྲས་ནས། ཤེས་ལྡན་དག། དེངས་ལ་དྲང་སྲོང་རྣམས་ལ། ཁྱེད་ཅག་ངའི་ཡུལ་ན་མ་འདུག་ཅིག་ཅེས་སྒོས་
Kha296a
༄#། །ཤིག་ཅེས་སྨྲས་སོ། །དེ་ནས་བློན་པོ་དྲང་སྲོང་གི་ཐད་དུ་དོང་ནས་བསྒོ་བ། རྒྱལ་པོའི་ཞལ་ནས། ཁྱེད་ཅག་ངའི་ཡུལ་ན་མ་འདུག་ཅིག་ཅེས་བཀའ་སྩལ་ཏོ། །དྲང་སྲོང་རྣམས་ཀྱིས་བསམ་པ། རྒྱལ་པོ་འདི་ནི། གླིང་བཞི་ལ་དབང་བ་ཡིན་པས། རི་རབ་ཀྱི་བང་རིམ་དུ་འགྲོའོ། །སྙམ་ནས། དེ་རྣམས་དེར་དོང་སྟེ་གནས་སོ། །རྒྱལ་པོ་ང་ལས་ནུའི་མི་རྣམས་ནི། སེམས་པར་བྱེད་པ་དང ། འཇལ་བར་བྱེད་པ་དང ། ཉེ་བར་རྟོག་པར་བྱེད་པ་ཡིན་ཏེ། དེ་དག་གིས་བསམ་ཞིང་ཉེ་བར་བརྟགས་ནས། བཟོའི་གནས་དང་ལས་ཀྱི་གནས་ཐ་དད་པ་རྣམས་བྱ་བར་བརྩོན་པས། དེ་རྣམས་སེམས་པར་བྱེད་པ་དང ། འཇལ་བར་བྱེད་པ་དང ། ཉེ་བར་རྟོག་པར་བྱེད་པ་ཡིན་པའི་ཕྱིར་མིང་ཤེད་ལས་སྐྱེས་ཤེད་ལས་སྐྱེས་ཞེས་བྱ་བར་གྲགས་སོ། །དེ་རྣམས་ཀྱིས་ཞིང་ལས་དག་བྱ་བར་བརྩམས་པ་དང ། རྒྱལ་པོ་ལྗོངས་རྒྱུར་སོང་བས་མི་དེ་རྣམས་ཞིང་ལས་དག་བྱེད་པར་མཐོང་ནས། དེས་བློན་པོ་རྣམས་ལ་སྨྲས་པ། མི་འདི་རྣམས་ཅི་ཞིག་བྱེད། བློན་པོ་རྣམས་ཀྱིས་སྨྲས་པ། ལྷ། སྨན་དུ་འགྱུར་བར་བགྱི་བའི་སླད་དུ་ལོ་ཐོག་ལ་སོགས་པ་སྐྲུན་པ་ལགས་སོ། །རྒྱལ་པོས་སྨྲས་པ། ཅི། བདག་གི་རྒྱལ་སྲིད་ཀྱི་མི་རྣམས་ཞིང་ལས་བྱེད་དམ། དེ་ནས་དེས་སྨྲས་པ། ལྷས་ས་བོན་གྱི་རིགས་ཉི་ཤུ་རྩ་བདུན་གྱི་ཆར་ཕོབས་ཤིག་ཅེས་བྱས་པ་དང ། རྒྱལ་པོ་ང་ལས་ནུས་སེམས་བསྐྱེད་མ་ཐག་ཏུ། ལྷས་ས་བོན་གྱི་རིགས་ཉི་ཤུ་རྩ་བདུན་གྱི་ཆར་ཕབ་བོ། །རྒྱལ་པོ་ང་ལས་ནུས་ཡུལ་མི་རྣམས་ལ་དྲིས་པ། འདི་དག་སུའི་བསོད་ནམས་ཀྱིས་
Kha296b
བྱུང ། དེ་རྣམས་ཀྱིས་སྨྲས་པ། ལྷའི་ཡང་ལགས། བདག་ཅག་གི་ཡང་ལགས་སོ། །ཡང ། མི་དེ་རྣམས་རས་བལ་གྱི་ཞིང་རྨོ་བར་བརྩམས་པ་དང ། ཡང ། རྒྱལ་པོ་ང་ལས་ནུ་ལྗོངས་རྒྱུར་སོང་བས་མཐོང་ནས། དེ་ནས་བློན་པོ་རྣམས་ལ་སྨྲས་པ། མི་འདི་རྣམས་ཅི་ཞིག་བྱེད། བློན་པོ་རྣམས་ཀྱིས་སྨྲས་པ། ལྷ། མི་འདི་རྣམས་ནི། རས་བལ་གྱི་ཞིང་རྨོད་ལགས་སོ། །རྒྱལ་པོས་སྨྲས་པ། ཅི་ཞིག་ཏུ་དགོས། དེ་རྣམས་ཀྱིས་སྨྲས་པ། ལྷ། གོས་བགྱི་བའི་སླད་དུའོ། །དེ་ནས་རྒྱལ་པོ་ང་ལས་ནུས་སྨྲས་པ། ཅི། ངའི་རྒྱལ་སྲིད་ཀྱི་མི་རྣམས་རས་བལ་གྱི་ཞིང་རྨེད་དམ། ལྷས་རས་བལ་ཁོ་ནའི་ཆར་ཕོབས་ཤིག་ཅེས་བྱས་པ་དང ། རྒྱལ་པོ་ང་ལས་ནུས་སེམས་བསྐྱེད་མ་ཐག་ཏུ། ལྷས་རས་བལ་ཁོ་ནའི་ཆར་ཕབ་བོ། །རྒྱལ་པོས་ཡུལ་མི་རྣམས་ལ་དྲིས་པ། འདི་དག་སུའི་བསོད་ནམས་ཀྱིས་བྱུང ། དེ་རྣམས་ཀྱིས་སྨྲས་པ། ལྷའི་ཡང་ལགས། བདག་ཅག་གི་ཡང་ལགས་སོ། །ཡང་མི་དེ་རྣམས་རས་བལ་དེ་རྣམས་འཁལ་བར་བརྩམས་པ་དང ། རྒྱལ་པོས་སྨྲས་པ། མི་འདི་དག་ཅི་ཞིག་བྱེད། བློན་པོ་རྣམས་ཀྱིས་སྨྲས་པ། ལྷ། སྐུད་པ་འཚལ་བའི་སླད་དུ་རས་བལ་དེ་འཁལ་ལགས་སོ། །རྒྱལ་པོས་སྨྲས་པ། ཅི། ངའི་རྒྱལ་སྲིད་ཀྱི་མི་རྣམས་རས་སྐུད་འཁལ་ལམ། ལྷས་རས་སྐུད་ཀྱི་ཆར་ཁོ་ན་ཕོབས་ཤིག་ཅེས་བྱས་པ་དང ། རྒྱལ་པོ་ང་ལས་ནུས་སེམས་བསྐྱེད་མ་ཐག་ཏུ། ལྷས་རས་སྐུད་ཁོ་ནའི་ཆར་ཕབ་བོ། །རྒྱལ་པོ་དེས་སྨྲས་པ། འདི་དག་སུའི་བསོད་ནམས་ཀྱིས་བྱུང ། དེ་རྣམས་ཀྱིས་སྨྲས་པ། ལྷའི་
Kha297a
༄#། །ཡང་ལགས། བདག་ཅག་གི་ཡང་ལགས་སོ། །དེ་ནས་རིམ་གྱིས་རས་འཐག་པར་བརྩམས་པ་དང ། རྒྱལ་པོས་སྨྲས་པ། འདི་དག་ཅི་ཞིག་བྱེད། དེ་རྣམས་ཀྱིས་སྨྲས་པ། ལྷ། གོས་སུ་བགྱི་བའི་སླད་དུ་རས་འཐག་ལགས་སོ། །རྒྱལ་པོས་བསམ་པ། ཅི། ངའི་རྒྱལ་སྲིད་ཀྱི་མི་རྣམས་རས་འཐག་གམ་སྙམ་ནས། ལྷས་རས་ཉིད་ཀྱི་ཆར་ཕོབས་ཤིག་།ཅེས་བྱས་པ་དང ། རྒྱལ་པོ་ང་ལས་ནུས་སེམས་བསྐྱེད་མ་ཐག་ཏུ། ལྷས་རས་ཉིད་ཀྱི་ཆར་ཕབ་བོ། །རྒྱལ་པོས་དྲིས་པ། འདི་དག་སུའི་བསོད་ནམས་ཀྱིས་བྱུང ། དེ་རྣམས་ཀྱིས་སྨྲས་པ། ལྷའི་ཡང་ལགས། བདག་ཅག་གི་ཡང་ལགས་སོ། །རྒྱལ་པོས་བསམ་པ། མི་འདི་རྣམས་ནི། བདག་གི་བསོད་ནམས་དག་གི་མཐུ་རབ་ཏུ་མི་ཤེས་ཏེ། བདག་ལ་ཛམྦུའི་གླིང་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བ་ཡང་ཡོད། བདག་ལ་རིན་པོ་ཆེ་སྣ་བདུན་འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བཙུན་མོ་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་བ་བློན་པོ་རིན་པོ་ཆེ་ཡང་ཡོད། བདག་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པར་བྱེད་པ་སྟོང་ཡང་ཚང་བར་ཡོད་ཀྱི། ཀྱེ་མ། བདག་གི་ཕོ་བྲང་གི་ནང་དུ་རིན་པོ་ཆེའི་ཆར་འབབ་ཅིང ། དེ་ལས་ཕྱི་རོལ་ཏུ་ནི་ཀཪྴ་པ་ཎ་འགའ་ཡང་མི་འབབ་པར་གྱུར་ཅིག་།སྙམ་པ་དང ། རྒྱལ་པོ་ང་ལས་ནུས་སེམས་བསྐྱེད་མ་
Kha297b
ཐག་ཏུ། ཕོ་བྲང་གི་ནང་དུ་ཞག་བདུན་དུ་རིན་པོ་ཆེའི་ཆར་བབ་ལ། ཕྱི་རོལ་ཏུ་ནི་ཀཪྴ་པ་ནི་འགའ་ཡང་མ་བབ་སྟེ། ཇི་ལྟར་མཐུ་ཆེན་པོ། རྫུ་འཕྲུལ་ཆེན་པོ། བསོད་ནམས་བྱས་པ། དགེ་བ་བྱས་པ། རང་གི་བསོད་ནམས་ཀྱི་འབྲས་བུ་སོ་སོར་ཉམས་སུ་མྱོང་བ་བཞིན་ནོ། །རྒྱལ་པོས་སྨྲས་པ། འདི་དག་སུའི་བསོད་ནམས་ཀྱིས་བྱུང ། དེ་རྣམས་ཀྱིས་སྨྲས་པ། ལྷའི་ལགས་སོ། །རྒྱལ་པོས་སྨྲས་པ། ཤེས་ལྡན་དག་།ཁྱེད་ཀྱིས་ཉེས་ཏེ། གལ་ཏེ་ཁྱོད་ཀྱིས་ལྷའི་བསོད་ནམས་ཀྱིས་ལགས་སོ། །ཞེས་སྨྲས་པ་དང ། ངས་ཛམྦུའི་གླིང་མཐའ་དག་ཏུ་རིན་པོ་ཆེའི་ཆར་འབེབས་པར་འགྱུར་བ་ཞིག་།འོན་ཀྱང་ཁྱེད་ལས་རིན་པོ་ཆེ་སུ་འདོད་པ་དེས། རིན་པོ་ཆེ་ཅི་འདོད་པ་དག་ལོངས་ཤིག་།དེ་ནས་རྒྱལ་པོ་ང་ལས་ནུ་དེ། རྒྱལ་སྲིད་ཆེན་པོའི་དབང་བྱེད་དུ་འཇུག་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །ང་ལས་ནུའི་མདུན་ནས་འགྲོ་བ་གནོད་སྦྱིན་ལྷ་གནས་ཞེས་བྱ་བ་དེ་ལ་རྒྱལ་པོས་སྨྲས་པ། གང་ངས་བཀའ་སྩལ་དགོས་པ། བཀའ་འོག་ཏུ་མ་ཆུད་པའི་གླིང་གཞན་འགའ་ལྟ་ཡོད་དམ། ལྷ་གནས་ཀྱིས་སྨྲས་པ། ལྷ། ཤར་གྱི་ལུས་འཕགས་ཞེས་བགྱི་བའི་གླིང ། འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ་མཆིས་ཀྱི། ལྷ་དེར་གཤེགས་ཏེ་བཀའ་སྩལ་ཏུ་གསོལ། དེ་ནས་རྒྱལ་པོ་ང་ལས་ནུ་འདི་སྙམ་དུ་སེམས་ཏེ། བདག་ལ་ཛམྦུའི་གླིང ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པས་གང་བ་ཡང་ཡོད། བདག་ལ་རིན་པོ་ཆེ་སྣ་བདུན་འདི་ལྟ་སྟེ། འཁོར་ལོ་རིན་
Kha298a
༄#། །པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་བློན་པོ་རིན་པོ་ཆེ་ཡང་ཡོད། བདག་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཡང་ཚང ། བདག་གི་ཕོ་བྲང་གི་ནང་དུ་ཡང་རིན་པོ་ཆེའི་ཆར་ཞག་བདུན་དུ་བབས་ན། ཤར་གྱི་ལུས་འཕགས་ཞེས་བྱའི་གླིང་ཞིག་ཡོད་ཅེས་གྲག་གི་།མ་ལ་བདག་དེར་ཡང་སོང་ལ་རྗེས་སུ་བསྟན་པར་བྱའོ། །སྙམ་པ་དང ། སེམས་བསྐྱེད་མ་ཐག་ཏུ་རྒྱལ་པོ་ང་ལས་ནུ་དཔུང་གི་ཚོགས་བྱེ་བ་བརྒྱད་འབུམ་དང་ཐབས་ཅིག་ཏུ་བུ་སྟོང་གིས་ཡོངས་སུ་བསྐོར་ཏེ། མདུན་ནས་འགྲོ་བ་རིན་པོ་ཆེ་སྣ་བདུན་དང་ནམ་མཁའ་ལ་འཕགས་ཏེ། རྒྱལ་པོ་ང་ལས་ནུ་ཤར་གྱི་ལུས་འཕགས་ཀྱི་གླིང་དུ་ཆས་ནས་རྒྱལ་པོ་ང་ལས་ནུ་ཤར་གྱི་ལུས་འཕགས་ཀྱི་གླིང་དུ་གནས་ཏེ། རྒྱལ་པོ་ང་ལས་ནུ་ཇི་ལྟར་སེམས་ཅན་བསོད་ནམས་བྱས་པ། དགེ་བ་བྱས་པ། མཐུ་ཆེན་པོ། རྫུ་འཕྲུལ་ཆེན་པོས་རང་གི་བསོད་ནམས་ཀྱི་འབྲས་བུ་ཉམས་སུ་མྱོང་བ་ལྟར། ཤར་གྱི་ལུས་འཕགས་ཀྱི་གླིང་དུ་ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་རྗེས་སུ་བསྟན་པར་བྱས་སོ། །དེ་ཤར་གྱི་ལུས་འཕགས་ཀྱི་གླིང་ན་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །ཡང་རྒྱལ་པོ་ང་ལས་ནུས། གནོད་སྦྱིན་ལྷ་གནས་ལ་སྨྲས་པ། བཀའ་འོག་ཏུ་མ་ཆུད་པའི་གླིང་གཞན་འགའ་ལྟ་
Kha298b
འདོད་དམ། ལྷ་གནས་ཀྱིས་སྨྲས་པ། ལྷ། ནུབ་ཀྱི་བ་ལང་སྤྱོད་ཅེས་བྱ་བའི་གླིང ། འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ་མཆིས་ཀྱི། ལྷ་དེར་ཡང་གཤེགས་ཏེ་རྗེས་སུ་བསྟན་དུ་གསོལ།། །།འདུལ་བ་གཞི། བམ་པོ་ཞེ་གཅིག་པ། དེ་ནས་རྒྱལ་པོ་ང་ལས་ནུ་འདི་སྙམ་དུ་སེམས་ཏེ། བདག་ལ་ཛམྦུའི་གླིང ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ་ཡོད། བདག་གི་ཕོ་བྲང་གི་ནང་དུ་ཡང་རིན་པོ་ཆེའི་ཆར་ཞག་བདུན་དུ་བབས། བདག་གིས་ཤར་གྱི་ལུས་འཕགས་ཀྱི་གླིང་དུ་ཡང་ཕྱིན། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་བདག་གིས་ཤར་གྱི་ལུས་འཕགས་ཀྱི་གླིང་དུ་རྗེས་སུ་བསྟན་ན། ནུབ་ཀྱི་བ་ལང་སྤྱོད་ཅེས་བྱ་བའི་གླིང་ཞིག་ཡོད་ཅེས་གྲག་གི། མ་ལ་བདག་དེར་ཡང་སོང་ལ་རྗེས་སུ་བསྟན་པར་བྱའོ། །སྙམ་པ་དང ། སེམས་བསྐྱེད་མ་ཐག་ཏུ་རྒྱལ་པོ་ང་ལས་ནུ་དཔུང་གི་ཚོགས་བྱེ་བ་བརྒྱད་འབུམ་དང་ཐབས་ཅིག་ཏུ་བུ་སྟོང་གིས་ཡོངས་སུ་བསྐོར་ནས། མདུན་ནས་འགྲོ་བ་རིན་པོ་ཆེ་སྣ་བདུན་དང་སྟེང་གི་ནམ་མཁའ་ལ་འཕགས་ཏེ། རྒྱལ་པོ་ང་ལས་ནུ་ནུབ་ཀྱི་བ་ལང་སྤྱོད་ཀྱི་གླིང་དུ་ཆས་ནས་རྒྱལ་པོ་ང་ལས་ནུ་ནུབ་ཀྱི་བ་ལང་སྤྱོད་ཀྱི་གླིང་དུ་གནས་ཏེ། རྒྱལ་པོ་ང་ལས་ནུས་ཇི་ལྟར་སེམས་ཅན་བསོད་ནམས་བྱས་པ། དགེ་བ་བྱས་པ། མཐུ་ཆེན་པོ། རྫུ་འཕྲུལ་ཆེན་
Kha299a
༄#། །པོ།་རང་གི་བསོད་ནམས་ཀྱི་འབྲས་བུ་ཉམས་སུ་མྱོང་བ་ལྟར། ནུབ་ཀྱི་བ་ལང་སྤྱོད་ཀྱི་གླིང་དུ་ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་རྗེས་སུ་བསྟན་པར་བྱས་སོ། །དེ་ནུབ་ཀྱི་བ་ལང་སྤྱོད་ཀྱི་གླིང་ན་རྗེས་སུ་བསྟན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །ཡང ། རྒྱལ་པོ་ང་ལས་ནུས། གནོད་སྦྱིན་ལྷ་གནས་ལ་སྨྲས་པ། བཀའ་འོག་ཏུ་མ་ཆུད་པའི་གླིང་གཞན་འགའ་ལྟ་ཡོད་དམ། ལྷ་གནས་ཀྱི་སྨྲས་པ། ལྷ། བྱང་གི་སྒྲ་མི་སྙན་ཞེས་བགྱི་བའི་གླིང ། འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་ལ། གཞན་ཡང ། མི་དེ་དག་ནི། བདག་གིར་བགྱི་བ་མ་མཆིས་པ། ཡོངས་སུ་འཛིན་པ་མ་མཆིས་པ་ཞིག་མཆིས་ཀྱི། ཀྱེ་མ། ལྷ། དེར་ཡང་གཤེགས་ཏེ། ཉིད་ཀྱི་དཔུང་གི་ཚོགས་ལ་རྗེས་སུ་བསྟན་དུ་གསོལ། །དེ་ནས་རྒྱལ་པོ་ང་ལས་ནུ་འདི་སྙམ་དུ་སེམས་ཏེ། བདག་ལ་ཛམྦུའི་གླིང ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ་ཡོད། བདག་གི་ཕོ་བྲང་གི་ནང་དུ་རིན་པོ་ཆེའི་ཆར་ཞག་བདུན་དུ་ཕབས། བདག་ཤར་གྱི་ལུས་འཕགས་ཀྱི་གླིང་དུ་ཡང་སོང་སྟེ། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་བདག་གིས་ཤར་གྱི་ལུས་འཕགས་ཀྱི་གླིང་དུ་རྗེས་སུ་བསྟན། བདག་ནུབ་ཀྱི་བ་ལང་སྤྱོད་ཀྱི་གླིང་དུ་ཡང་སོང་སྟེ།
Kha299b
ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་བདག་གིས་ནུབ་ཀྱི་བ་ལང་སྤྱོད་ཀྱི་གླིང་དུ་རྗེས་སུ་བསྟན་ན། བྱང་གི་སྒྲ་མི་སྙན་ཞེས་བྱ་བའི་གླིང ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་རབ་ཏུ་གང་ལ། གཞན་ཡང ། མི་དེ་དག་ནི། བདག་གིར་བྱ་བ་མེད་པ། ཡོངས་སུ་འཛིན་པ་མེད་པ་ཞིག་ཡོད་ཅེས་གྲག་གི། མ་ལ་བདག་དེར་ཡང་སོང་ལ། རང་གི་དཔུང་གི་ཚོགས་ལ་རྗེས་སུ་བསྟན་པར་བྱའོ། །སྙམ་པ་དང ། སེམས་བསྐྱེད་མ་ཐག་ཏུ་རྒྱལ་པོ་ང་ལས་ནུ་དཔུང་གི་ཚོགས་བྱེ་བ་བརྒྱད་འབུམ་དང་ཐབས་ཅིག་ཏུ་བུ་སྟོང་གིས་ཡོངས་སུ་བསྐོར་ནས། མདུན་ནས་འགྲོ་བ་རིན་པོ་ཆེ་སྣ་བདུན་དང་ནམ་མཁའ་ལ་འཕགས་ཏེ་ཆས་པ་དང ། རྒྱལ་པོ་ང་ལས་ནུས་རི་རབ་ཀྱི་ངོས་ལོགས་ནས་ས་ཕྱོགས་དཀར་ཞིང་དཀར་བ་དག་མཐོང་ངོ ། །མཐོང་ནས་ཀྱང་གནོད་སྦྱིན་ལྷ་གནས་ལ་སྨྲས་པ། ལྷ་གནས། ས་ཕྱོགས་དཀར་ཞིང་དཀར་བ་ཕ་བི་ཅི་ཞིག་ཡིན། ལྷ། དེ་ནི། བྱང་གི་སྒྲ་མི་སྙན་གྱི་མི་རྣམས་ཀྱི་མ་རྨོས་མ་བཏབ་པའི་འབྲས་སཱ་ལུའི་འབྲུ་ལགས་ཏེ། འདི་ལྟར། བྱང་གི་སྒྲ་མི་སྙན་པའི་མི་རྣམས་ནི། མ་རྨོས་མ་བཏབ་པའི་འབྲས་སཱ་ལུའི་འབྲུ་ལ་ལོངས་སྤྱོད་པ་ལགས་པས། ལྷ་ཡང་དེར་གཤེགས་ནས་མ་རྨོས་མ་བཏབ་པའི་འབྲས་སཱ་ལུའི་འབྲུ་ལ་ལོངས་སྤྱོད་པར་འགྱུར་ལགས་སོ། །རྒྱལ་པོ་ང་ལས་ནུས་ཐོས་ནས་ཡང ། བློན་
Kha300a
༄#། །པོ་རྣམས་ལ་སྨྲས་པ། སྣ་བོ་དག་།ཁྱེད་ཀྱིས་ས་ཕྱོགས་དཀར་ཞིང་དཀར་བ་དག་མཐོང་ངམ། ལྷ། མཐོང་ལགས་སོ། །སྣ་བོ་དག་།དེ་ནི། བྱང་གི་སྒྲ་མི་སྙན་གྱི་མི་རྣམས་ཀྱི་མ་རྨོས་མ་བཏབ་པའི་འབྲས་སཱ་ལུའི་འབྲུ་ཡིན་ཏེ། འདི་ལྟར། བྱང་གི་སྒྲ་མི་སྙན་པའི་མི་རྣམས་ནི། མ་རྨོས་མ་བཏབ་པའི་འབྲས་སཱ་ལུའི་འབྲུ་ལ་ལོངས་སྤྱོད་པ་ཡིན་པས། ཁྱེད་ཅག་ཀྱང་དེར་སོང་ནས་མ་རྨོས་མ་བཏབ་པའི་འབྲས་སཱ་ལུའི་འབྲུ་ལ་ལོངས་སྤྱོད་པར་འགྱུར་རོ། །རྒྱལ་པོ་ང་ལས་ནུ་ཆས་པ་ན། རི་རབ་ཀྱི་ངོས་ལོགས་ན་བཀྲ་ཤིང་བཀྲ་བའི་ཤིང་ལྗོན་པའི་ཕྲེང་བ་བཀོད་པ་བཞིན་དུ་གྱུར་པ་དག་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང ། ཡང་གནོད་སྦྱིན་ལྷ་གནས་ལ་སྨྲས་པ། ལྷ་གནས། བཀྲ་ཞིང་བཀྲ་བའི་ཤིང་ལྗོན་པ་ཕྲེང་བ་བཀོད་པ་བཞིན་དུ་གྱུར་པ་ཕ་བི་ཅི་ཞིག་ཡིན། ལྷ། དེ་རྣམས་ནི། བྱང་གི་སྒྲ་མི་སྙན་གྱི་མི་རྣམས་ཀྱི་དཔག་བསམ་གྱི་ཤིང་ལགས་ཏེ། འདི་ལྟར། བྱང་གི་སྒྲ་མི་སྙན་གྱི་མི་རྣམས་ནི། དཔག་བསམ་གྱི་གོས་འཚལ་ལགས་སོ། ། རྒྱལ་པོ་ང་ལས་ནུས་ཐོས་ནས་ཡང་བློན་པོ་རྣམས་ལ་སྨྲས་པ། སྣ་བོ་དག་།ཁྱེད་ཀྱིས་བཀྲ་ཞིང་བཀྲ་བའི་ཤིང་ལྗོན་པ་ཕྲེང་བ་བཀོད་པ་བཞིན་དུ་གྱུར་པ་དག་མཐོང་ངམ། ལྷ། མཐོང་ལགས་སོ། ། སྣ་བོ་དག་།དེ་རྣམས་ནི། བྱང་གི་སྒྲ་མི་སྙན་གྱི་མི་རྣམས་ཀྱི་དཔག་བསམ་གྱི་གོས་ཀྱི་ཤིང་ཡིན་ཏེ། འདི་ལྟར། བྱང་གི་སྒྲ་མི་སྙན་གྱི་མི་རྣམས་ནི། དཔག་བསམ་གྱི་ཤིང་གི་གོས་གྱོན་པ་ཡིན་
Kha300b
གྱི།་ཁྱོད་ཀྱང་དེར་སོང་ནས། དཔག་བསམ་གྱི་ཤིང་གི་གོས་གྱོན་པར་འགྱུར་རོ། །རྒྱལ་པོ་ང་ལས་ནུ་བྱང་གི་སྒྲ་མི་སྙན་དུ་སོང་སྟེ། རྒྱལ་པོ་ང་ལས་ནུ་བྱང་གི་སྒྲ་མི་སྙན་དུ་འདུག་ནས། རྒྱལ་པོ་ང་ལས་ནུས་ཇི་ལྟར་སེམས་ཅན་བསོད་ནམས་བྱས་པ། དགེ་བ་བྱས་པ། མཐུ་ཆེན་པོ། རྫུ་འཕྲུལ་ཆེན་པོས་རང་གི་བསོད་ནམས་ཀྱི་འབྲས་བུ་མྱོང་བ་ལྟར། བྱང་གི་སྒྲ་མི་སྙན་གྱི་གླིང་དུ་ལོ་མང་པོ་དང།་ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་རང་གི་དཔུང་གི་ཚོགས་རྣམས་ལ་རྗེས་སུ་བསྟན་ཏོ། །དེ་དེ་ན་རང་གི་དཔུང་གི་ཚོགས་ལ་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །ཡང ། རྒྱལ་པོ་ང་ལས་ནུས་གནོད་སྦྱིན་ལྷ་གནས་ལ་སྨྲས་པ། བཀའ་འོག་ཏུ་མ་ཆུད་པའི་གླིང་གཞན་འགའ་ལྟ་ཡོད་དམ། ལྷ། མ་མཆིས་སོ། །འོན་ཀྱང་སུམ་ཅུ་རྩ་གསུམ་པའི་ལྷ་ཚེ་རིང་བ། ཁ་དོག་དང་ལྡན་པ། བདེ་བ་མང་ཞིང་གཞལ་མེད་ཁང་མཐོན་པོ་ན་ཡུན་རིང་དུ་གནས་པ་དག་མཆིས་ཀྱི། ཀྱེ་མ། ལྷ་སུམ་ཅུ་རྩ་གསུམ་པའི་ལྷ་རྣམས་ལ་གཟིགས་སུ་བཞུད་ཅིག་།དེ་ནས་རྒྱལ་པོ་ང་ལས་ནུ་འདི་སྙམ་དུ་སེམས་ཏེ། བདག་ལ་ཛམྦུའི་གླིང ། འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོ་དང ། མི་མང་པོས་གང་བ་ཡང་ཡོད། བདག་ལ་རིན་པོ་ཆེ་སྣ་བདུན་འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་
Kha301a
༄#། །པ་བློན་པོ་རིན་པོ་ཆེ་ཡང་ཡོད། བདག་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཡང་ཚང ། བདག་གི་ཕོ་བྲང་གི་ནང་དུ་ཡང་རིན་པོ་ཆེའི་ཆར་ཞག་བདུན་བབས། བདག་ཤར་གྱི་ལུས་འཕགས་ཀྱི་གླིང་དུ་ཡང་སོང་སྟེ། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་བདག་གིས། ཤར་གྱི་ལུས་འཕགས་ཀྱི་གླིང་དུ་རྗེས་སུ་བསྟན། བདག་ནུབ་ཀྱི་བ་ལང་སྤྱོད་ཀྱི་གླིང་དུ་ཡང་སོང་སྟེ། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་བདག་གིས་ནུབ་ཀྱི་བ་ལང་སྤྱོད་ཀྱི་གླིང་དུ་རྗེས་སུ་བསྟན། བདག་བྱང་གི་སྒྲ་མི་སྙན་གྱི་གླིང་དུ་ཡང་སོང་སྟེ། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་བདག་གིས་བྱང་གི་སྒྲ་མི་སྙན་གྱི་གླིང་དུ་རང་གི་དཔུང་གི་ཚོགས་ལ་རྗེས་སུ་བསྟན་ན། སུམ་ཅུ་རྩ་གསུམ་པའི་ལྷ་ཚེ་རིང་བ། ཁ་དོག་དང་ལྡན་པ། བདེ་བ་མང་ཞིང་གཞལ་མེད་ཁང་མཐོན་པོ་ན་ཡུན་རིང་དུ་གནས་པ་དག་ཅིག་ཡོད་ཅེས་གྲག་གི་།མ་ལ་བདག་སུམ་ཅུ་རྩ་གསུམ་པའི་ལྷ་རྣམས་བལྟ་བའི་ཕྱིར་འགྲོའོ། །སྙམ་པ་དང ། སེམས་བསྐྱེད་མ་ཐག་ཏུ། རྒྱལ་པོ་ང་ལས་ནུ་དཔུང་གི་ཚོགས་བྱེ་བ་བརྒྱད་འབུམ་དང་ཐབས་ཅིག་ཏུ་བུ་སྟོང་གིས་ཡོངས་སུ་བསྐོར་ནས། མདུན་ནས་འགྲོ་བ་རིན་པོ་ཆེ་སྣ་བདུན་དང་སྟེང་གི་ནམ་མཁའ་ལ་འཕགས་ཏེ་ཆས་སོ། །རིའི་རྒྱལ་
Kha301b
པོ་རི་རབ་ནི། གསེར་གྱི་རི་བོ་བདུན་གྱིས་བསྐོར་བ་ཡིན་པས། དེ་ནས་རྒྱལ་པོ་ང་ལས་ནུ་གསེར་གྱི་རི་བོ་མུ་ཁྱུད་འཛིན་ལ་གནས་ཏེ། དེ་དེ་ན་རང་གི་དཔུང་གི་ཚོགས་ལ་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །རི་བོ་མུ་ཁྱུད་འཛིན་ནས་གསེར་གྱི་རི་བོ་རྣམ་པར་འདུད་ལ་འདུག་སྟེ། དེ་དེ་ན་རང་གི་དཔུང་གི་ཚོགས་ལ་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །རི་བོ་རྣམ་པར་འདུད་ནས་གསེར་གྱི་རི་བོ་རྟ་རྣ་ལ་འདུག་སྟེ། དེ་དེ་ན་རང་གི་དཔུང་གི་ཚོགས་ལ་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །རི་བོ་རྟ་རྣ་ནས་གསེར་གྱི་རི་བོ་བལྟ་ན་སྡུག་ལ་འདུག་སྟེ། དེ་དེ་ན་རང་གི་དཔུང་གི་ཚོགས་ལ་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །རི་བོ་བལྟ་ན་སྡུག་ནས་གསེར་གྱི་རི་བོ་སེང་ལྡེང་ཅན་ལ་འདུག་སྟེ། དེ་དེ་ན་རང་གི་དཔུང་གི་ཚོགས་ལ་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །རི་བོ་སེང་ལྡེང་ཅན་ནས་གསེར་གྱི་རི་བོ་གཤོལ་མདའ་འཛིན་ལ་འདུག་སྟེ། དེ་དེ་ན་རང་གི་དཔུང་གི་ཚོགས་ལ་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །རི་བོ་གཤོལ་མདའ་འཛིན་ནས་གསེར་གྱི་རི་བོ་གཉའ་ཤིང་འཛིན་ལ་འདུག་སྟེ། དེ་དེ་ན་རང་གི་དཔུང་གི་ཚོགས་ལ་རྗེས་སུ་སྟོན་པ་ལ་བརྒྱ་བྱིན་དྲུག་ཤི་འཕོས་པ་ལོན་ནོ། །བར་སྡོམ་ལ། མུ་ཁྱུད་འཛིན་དང་རྣམ་པར་འདུད། །དེ་བཞིན་རི་བོ་རྟ་རྣ་དང ། །བལྟ་ན་སྡུག་དང་སེང་ལྡེང་ཅན་།གཤོལ་མདའ་འཛིན་དང་གཉའ་ཤིང་འཛིན། །རི་བོ་གཉའ་ཤིང་འཛིན་ནས་སྟེང་གི་
Kha302a
༄#། །ནམ་མཁའ་ལ་འཕགས་ཏེ་ཆས་པ་ན། རི་རབ་ཀྱི་བང་རིམ་དེ་ལ་དྲང་སྲོང་ལྔ་བརྒྱ་པོ་དེ་རྣམས་གནས་ཏེ། དེ་རྣམས་ཀྱིས་རྒྱལ་པོ་དེ་འོང་བ་མཐོང་ནས། དེ་རྣམས་ཀྱིས་སྨྲས་པ། ཤེས་ལྡན་དག་།རྒྱལ་པོ་འཐབ་ཀྲོལ་ཅན་འདིར་འོང་ངོ ། །དེ་ན་དྲང་སྲོང་བཞིན་ངན་ཞེས་བྱ་བ་དེ་ཁྱོར་བར་ཆུ་བླུགས་ཏེ་གཏོར་བས་དཔུང་གི་ཚོགས་རྣམས་ཐོགས་པར་གྱུར་པ་དང ། དེའི་མདུན་ནས་བློན་པོ་རིན་པོ་ཆེ་འགྲོ་བས། དེས་དྲང་སྲོང་དེ་རྣམས་ལ་སྨྲས་པ། བྲམ་ཟེ་ཁྲོ་བ་དོར་བར་གྱིས། །འདི་ནི་ཀུན་ལ་འགྲུབ་པ་ཡིན། །འདི་ནི་མི་དབང་ང་ལས་ནུ། །བྱ་ཀར་དེ་དག་མ་ཡིན་ནོ། །ཇི་ཙམ་ན། རྒྱལ་པོ་ང་ལས་ནུ་ཕྱོགས་དེར་ཕྱིན་ནས་སྨྲས་པ། དཔུང་གི་ཚོགས་འདི་སུ་ཞིག་གིས་བཀག་།བློན་པོ་རིན་པོ་ཆེས་སྨྲས་པ། དྲང་སྲོང་རྣམས་ཀྱིས་སོ། །རྒྱལ་པོས་སྨྲས་པ། དྲང་སྲོང་འདི་རྣམས་ནང་ན་ཅི་ཞིག་ལ་དགའ། དེས་སྨྲས་པ། ལྷ། རལ་པ་ལ་དགའ་ལགས་སོ། །རྒྱལ་པོས་སྨྲས་པ། འདི་རྣམས་རལ་པ་བྱི་ནས། བདག་གི་མདུན་ནས་འགྲོ་བར་གྱུར་ཅིག་།ཅེས་བྱས་པ་དང ། དེ་ནས་དེ་རྣམས་ཀྱི་རལ་པ་བྱི་ནས་ལག་ན་མདའ་གཞུ་ཐོགས་ཏེ་མདུན་དུ་རྒྱུག་པར་བརྩམས་པ་དང ། བུད་མེད་རིན་པོ་ཆེས་རྒྱལ་པོ་ལ་གསོལ་པ། ལྷ། དྲང་སྲོང་འདི་རྣམས་ནི། དཀའ་ཐུབ་ཅན་ལགས་ན། འདི་དག་ཅི་བགྱི། ཐོང་ལགས། རྒྱལ་པོས་བཏང་བ་དང ། དེ་རྣམས་ཀྱིས་སླར་ཡང་བརྩོན་འགྲུས་ལ་གནས་ནས་མངོན་པར་ཤེས་པ་ལྔ་མངོན་སུམ་དུ་བྱས་
Kha302b
སོ། །རྒྱལ་པོ་ང་ལས་ནུ་ཡང་དཔུང་གི་ཚོགས་དང་ནམ་མཁའ་ལ་འཕགས་ཏེ་ཆས་སོ། །རི་རབ་རིའི་རྒྱལ་པོ། དཔག་ཚད་བརྒྱད་ཁྲི་ནི། འོག་ཏུ་གསེར་གྱི་ས་གཞི་ལ་ཐུག་པར་འདུག་གོ། དཔག་ཚད་བརྒྱད་ཁྲི་ནི། ཆུའི་སྟེང་དུ་བྱུང་སྟེ། དེ་ལྟར་དཔག་ཚད་འབུམ་དྲུག་ཁྲི་ཡོད་དོ། །དེའི་ངོས་རེ་རེ་ལ་ཡང་དཔག་ཚད་བརྒྱད་ཁྲི་ཡོད་དོ། །དེ་ནི། ཁོ་ར་ཁོར་ཡུག་ཏུ་དཔག་ཚད་སུམ་འབུམ་ཉི་ཁྲི་ཡོད་དེ། རིན་པོ་ཆེ་སྣ་བཞིའི་རང་བཞིན། བཟང་པོ། མཛེས་པ། བལྟ་ན་སྡུག་པ་ཡིན་ནོ། །དེའི་སྟེང་ན་ལྷ་སུམ་ཅུ་རྩ་གསུམ་པ་རྣམས་གནས་ཏེ། སུམ་ཅུ་རྩ་གསུམ་པའི་ལྷ་རྣམས་ཀྱི་སྲུང་མ་ལྔ་པོ། ཆུ་ལ་གནས་པའི་ཀླུ་རྣམས་དང ། གནོད་སྦྱིན་ལག་ན་ཡོལ་གོ་ཐོགས་པ་རྣམས་དང ། ཕྲེང་ཐོགས་རྣམས་དང ། རྟག་ཏུ་མྱོས་རྣམས་དང ། རྒྱལ་པོ་ཆེན་པོ་བཞི་རྣམས་བཀོད་པ་ལས། ཆུ་ན་གནས་པ་རྣམས་ཀྱིས། རྒྱལ་པ་ང་ལས་ནུའི་དཔུང་གི་ཚོགས་རྣམས་བཀག་པ་དང ། ཇི་ཙམ་ན་རྒྱལ་པོ་ང་ལས་ནུབ་ཕྱོགས་དེར་ཕྱིན་ནས་སྨྲས་པ། དཔུང་གི་ཚོགས་འདི་སུ་ཞིག་གིས་བཀག་།དེ་རྣམས་ཀྱིས་སྨྲས་པ། ལྷ། ཆབ་ན་གནས་པའི་ཀླུ་རྣམས་ཀྱིས་སོ། །རྒྱལ་པོས་སྨྲས་པ། བདག་དུད་འགྲོ་རྣམས་དང་གཡུལ་འགྱེད་དམ། དེས་སྨྲས་པ། ཆུ་ལ་གནས་པའི་ཀླུ་འདི་དག་ཉིད་དག་ཉིད་བདག་གི་མདུན་ནས་འགྲོ་བར་གྱུར་ཅིག་།ཅེས་བྱས་པ་དང ། དེ་ནས་རྒྱལ་པོ་ང་ལས་ནུའི་མདུན་ནས་འགྲོ་བར་ཆས་སོ། །ཇི་ཙམ་ན། ཀླུ་དེ་རྣམས་རྒྱལ་པོ་ང་ལས་ནུའི་མདུན་ནས་རྒྱུག་ཅིང་ལྷ་ལག་ན་ཡོལ་གོ་ཐོགས་ཀྱི་དྲུང་དུ་ཕྱིན་པ་དང ། དེ་རྣམས་ཀྱིས་དེ་
Kha303a
༄#། །དག་ལ་དྲིས་པ། ཤེས་ལྡན་དག་ཅི་སྟེ་རྒྱུག་།དེ་རྣམས་ཀྱིས་སྨྲས་པ། འདིར་མིའི་རྒྱལ་པོ་འོང་ངོ ། །དེ་ནས་ཀླུ་དེ་རྣམས་དང ། ལྷ་ལག་ན་ཡོལ་གོ་ཐོགས་པ་རྣམས་ལོག་ནས་ཡང་དཔུང་གི་ཚོགས་དེ་ཐོགས་པར་བྱས་སོ། །ཇི་ཙམ་ན། རྒྱལ་པོ་ང་ལས་ནུ་འོངས་ནས། དེས་སྨྲས་པ། དཔུང་གི་ཚོགས་འདི་སུ་ཞིག་གིས་བཀག་།དེས་སྨྲས་པ། ལྷ་ལག་ན་ཡོལ་གོ་ཐོགས་འདི་རྣམས་ཀྱིས་དཔུང་གི་ཚོགས་བཀག་ལགས་སོ། །རྒྱལ་པོ་ང་ལས་ནུས་སྨྲས་པ། ལྷ་ལག་ན་ཡོལ་གོ་ཐོགས་འདི་དག་ཉིད་བདག་གི་མདུན་ནས་འགྲོ་བར་གྱུར་ཅིག་།དེ་ནས་དེ་རྣམས་མདུན་ནས་རབ་ཏུ་རྒྱུག་སྟེ། ཇི་ཙམ་ན། ཀླུ་དེ་རྣམས་དང་ལྷན་ཅིག་ལྷ་ཕྲེང་ཐོགས་རྣམས་ཀྱི་དྲུང་དུ་ཕྱིན་པ་དང ། དེ་རྣམས་ཀྱིས་དེ་དག་ལ་དྲིས་པ། ཤེས་ལྡན་དག་ཅི་སྟོ་རྒྱུག་།དེ་དག་གིས་སྨྲས་པ། མིའི་རྒྱལ་པོ་འདིར་འོང་ངོ ། །དེ་ནས་ལྷ་དང་ཀླུ་དེ་རྣམས་ཡང་ལོག་ནས། དཔུང་གི་ཚེགས་ཐོགས་པར་བྱས་པ་དང ། རྒྱལ་པོ་ཕྱོགས་དེར་ཕྱིན་ནས། དེས་སྨྲས་པ། དཔུང་གི་ཚོགས་འདི་སུ་ཞིག་གིས་བཀག་།དེས་སྨྲས་པ། ལྷ། ལྷ་ཕྲེང་ཐོགས་རྣམས་ཀྱིས་སོ། །རྒྱལ་པོས་སྨྲས་པ། ལྷ་ཕྲེང་ཐོགས་འདི་དག་ཉིད་བདག་གི་མདུན་ནས་འགྲོ་བར་གྱུར་ཅིག་།དེ་ནས་དེ་རྣམས་མདུན་ནས་རྒྱུག་པར་བརྩམས་སོ། །དེ་རྣམས་ཀྱིས་བརྒྱུགས་ནས། ལྷ་རྟག་ཏུ་མྱོས་རྣམས་ཀྱི་དྲུང་དུ་ཕྱིན་པ་དང ། དེ་རྣམས་ཀྱིས་དེ་དག་ལ་དྲིས་པ། ཤེས་ལྡན་དག་ཅི་སྟེ་རྒྱུག་།དེ་དག་གིས་སྨྲས་པ། མིའི་རྒྱལ་པོ་
Kha303b
འདིར་འོང་ངོ ། །དེ་ནས་དེ་རྣམས་ལོག་ནས། ཡང་དཔུང་གི་ཚོགས་དེ་ཐོགས་པར་བྱས་པ་དང ། རྒྱལ་པོ་ཕྱོགས་དེར་ཕྱིན་ནས་དེས་སྨྲས་པ། དཔུང་གི་ཚོགས་འདི་སུ་ཞིག་གིས་བཀག་།དས་སྨྲས་པ། ལྷ། ལྷ་རྟག་ཏུ་མྱོས་རྣམས་ཀྱིས་སོ། །རྒྱལ་པོས་སྨྲས་པ། ལྷ་རྟག་ཏུ་མྱོས་འདི་དག་ཉིད་བདག་གི་མདུན་ནས་འགྲོ་བར་གྱུར་ཅིག་།དེ་ནས་དེ་རྣམས་མདུན་ནས་བརྒྱུགས་སོ། །དེ་རྣམས་ཀྱིས་བརྒྱུགས་ནས། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ལྷ་རྣམས་ཀྱི་དྲུང་དུ་ཕྱིན་པ་དང ། དེ་རྣམས་ཀྱིས་དེ་དག་ལ་དྲིས་པ། ཤེས་ལྡན་དག་ཅི་སྟེ་རྒྱུག་།མིའི་རྒྱལ་པོ་འདིར་འོང་ངོ ། །རྒྱལ་ཆེན་བཞི་རྣམས་ཀྱིས་བསམ་པ། སེམས་ཅན་འདི་ནི། བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་ཏེ། དེ་དགག་པར་མི་ནུས་སོ། །སྙམ་ནས། དེ་ནས་རྒྱལ་ཆེན་བཞིའི་རིས་ཀྱི་ལྷ་དེ་རྣམས་ཀྱིས་སུམ་ཅུ་རྩ་གསུམ་པའི་ལྷ་རྣམས་ལ། འདིར་མིའི་རྒྱལ་པོ་ང་ལས་ནུ་འོང་ངོ ། །ཞེས་སྦྲན་ཏོ། །སུམ་ཅུ་རྩ་གསུམ་པའི་ལྷ་རྣམས་ཀྱིས་བསམ་པ། སེམས་ཅན་འདི་ནི། བསོད་ནམས་ཀྱི་མཐུ་ཆེན་པོ་དང་ལྡན་པ་ཡིན་པས། དེ་བཟློག་པར་མི་བྱ་ཡི། མཆོད་ཡོན་གྱིས་བསུ་བར་བྱའོ། །སྙམ་ནས། དེ་ནས་སུམ་ཅུ་རྩ་གསུམ་པའི་ལྷ་དེ་རྣམས་ཀྱིས། མཆོད་ཡོན་གྱིས་བསུའོ། །རྒྱལ་པོ་ང་ལས་ནུ་རི་རབ་ཀྱི་རྩེ་ལ་འཛེག་པ་ན། ཚལ་སྔོ་ཞིང་སྔོ་བའི་ཕྲེང་བ་སྤྲིན་སྤུངས་པ་ལྟ་བུ་མཐོན་པོ་དག་མཐོང་ངོ ། །མཐོང་ནས་ཀྱང་གནོད་སྦྱིན་ལྷ་གནས་ལ་སྨྲས་པ། ལྷ་གནས། ཚལ་སྔོ་བའི་ཕྲེང་བ་སྤྲིན་སྤུངས་པ་ལྟ་བུ་མཐོན་པོ་ཕ་བི་དག་ཅི་ཞིག་ཡིན། ལྷ། དེ་ནི། སུམ་
Kha304a
༄#། །ཅུ་རྩ་གསུམ་པའི་ལྷ་རྣམས་ཀྱི་ཤིང་ཡོངས་འདུ་ས་བརྟོལ་ཞེས་བགྱི་བ་རྣམས་ལགས་ཏེ། སུམ་ཅུ་རྩ་གསུམ་པའི་ལྷ་རྣམས་དབྱར་ཟླ་བ་བཞི་ལྷའི་འདོད་པའི་ཡོན་ཏན་ལྔ་དང་འབྱོར་ཅིང་ལྡན་པར་དེ་ན་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་དོ། །ལྷ་ཡང་དེར་བྱོན་ནས་ལྷའི་འདོད་པའི་ཡོན་ཏན་ལྔ་དང་འབྱོར་ཅིང་ལྡན་པར་རོལ་པར་མཛད། དགྱེས་པར་མཛད། དགྱེས་མགུར་སྤྱད་པར་མཛོད་ཅིག་།རྒྱལ་པོ་ང་ལས་ནུས་ཐོས་ནས་ཡང་བློན་པོ་རྣམས་ལ་སྨྲས་པ། སྣ་བོ་དག་།ཁྱེད་ཅག་གིས་ཚལ་སྔོ་ཞིང་སྔོ་བའི་ཕྲེང་བ་སྤྲིན་སྤུངས་པ་ལྟ་བུ་མཐོན་པོ་དག་མཐོང་ངམ། ལྷ། མཐོང་ལགས་སོ། །སྣ་བོ་དག་།དེ་ནི། སུམ་ཅུ་རྩ་གསུམ་པའི་ལྷ་རྣམས་ཀྱི་ཤིང་ཡོངས་སུ་འདུ་ས་བརྟོལ་ཞེས་བྱ་བ་ཡིན་ཏེ། སུམ་ཅུ་རྩ་གསུམ་པའི་ལྷ་རྣམས་དབྱར་ཟླ་བ་བཞི་ལྷའི་འདོད་པའི་ཡོན་ཏན་ལྔ་དང་འབྱོར་ཅིང་ལྡན་པར་དེ་ན་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱི། སྣ་བོ་དག་།ཁྱེད་ཅག་ཀྱང་དེར་ཕྱིན་ནས་འདོད་པའི་ཡོན་ཏན་ལྔ་དང་འབྱོར་ཅིང་ལྡན་པར་རྩེ་བར་གྱིས། དགའ་བར་གྱིས། དགའ་མགུར་སྤྱོད་པར་གྱིས་ཤིག་།ཡང ། རྒྱལ་པོ་ང་ལས་ནུས་རི་རབ་ཀྱི་རྩེ་ན་དཀར་ཞིང་དཀར་བ་སྤྲིན་སྤུངས་པ་ལྟ་བུ་མཐོན་པོ་ཞིག་མཐོང་ངོ ། །མཐོང་ནས་ཀྱང་གནོད་སྦྱིན་ལྷ་གནས་ལ་སྨྲས་པ། ལྷ་གནས། དཀར་ཞིང་དཀར་བ་སྤྲིན་སྤུངས་པ་ལྟ་བུ་མཐོན་པོ་ཕ་བི་ཅི་ཞིག་ཡིན། ལྷ། དེ་ནི། སུམ་ཅུ་རྩ་གསུམ་པའི་ལྷ་
Kha304b
རྣམས་ཀྱི་མདུན་ས་ཆོས་བཟང་ལགས་ཏེ། སུམ་ཅུ་རྩ་གསུམ་པའི་ལྷ་རྣམས་དང ། རྒྱལ་ཆེན་བཞི་རྣམས་དེར་འདུས་ཤིང་ཚོགས་ནས། ལྷ་དང་མི་རྣམས་ཀྱི་དོན་སེམས་པར་བགྱིད། འཇལ་བར་བགྱིད། ཉེ་བར་རྟོག་པར་བགྱིད་དེ། ལྷ་ཡང་དེར་བཞུད་པར་འགྱུར་རོ། །རྒྱལ་པོ་ང་ལས་ནུས་བློན་པོ་རྣམས་ལ་སྨྲས་པ། སྣ་བོ་དག་།ཁྱེད་ཅག་གིས་དཀར་ཞིང་དཀར་པ་སྤྲིན་སྤུངས་པ་ལྟ་བུ་མཐོན་པོ་མཐོང་ངམ། ལྷ་མཐོང་ལགས་སོ། །སྣ་བོ་དག་།དེ་ནི། སུམ་ཅུ་རྩ་གསུམ་པའི་ལྷ་རྣམས་ཀྱི་མདུན་ས་ཆོས་བཟང་ཞེས་བྱ་བ་ཡིན་ཏེ། སུམ་ཅུ་རྩ་གསུམ་པའི་ལྷ་རྣམས་དང ། རྒྱལ་ཆེན་བཞི་རྣམས་དེར་འདུས་ཤིང་ཚོགས་ནས་ལྷ་དང་མི་རྣམས་ཀྱི་དོན་སེམས་པར་བྱེད། འཇལ་བར་བྱེད། ཉེ་བར་རྟོག་པར་བྱེད་དེ། སྣ་བོ་དག་།ཁྱེད་ཅག་ཀྱང་དེར་འགྲོ་བར་འགྱུར་རོ། །སུམ་ཅུ་རྩ་གསུམ་པའི་ལྷ་རྣམས་ཀྱི་གྲོང་ཁྱེར་བལྟ་ན་སྡུག་ཅེས་བྱ་བ་ནི། ཆུ་དང་ཞེང་དུ་དཔག་ཚད་ཉིས་སྟོང་ལྔ་བརྒྱ་ཡོད་དེ། ཁོ་ར་ཁོར་ཡུག་ཏུ་དཔག་ཚད་ཁྲི་ཡོད་པ། གསེར་གྱི་ར་བ་རིམ་པ་བདུན་གྱིས་ཡོངས་སུ་བསྐོར་བ་སྟེ། ར་བདེ་དེ་རྣམས་ཀྱི་འཕང་དུ་ནི། དཔག་ཚད་ཕྱེད་དང་གསུམ་ཡོད་དོ། །ར་བདེ་རྣམས་ལ་ལྕོག་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། བཻཌཱུརྱ་ལས་བྱས་པ་དང ། ཤེལ་ལས་བྱས་པ་དག་བཏགས་སོ། ། སྐར་ཁུང་ཁ་ཡར་ལྟ་བ་དང ། མར་ལྟ་བ་དག་ཀྱང་བཏོད་དོ། །གྲོང་ཁྱེར་བལྟ་ན་སྡུག་གི་ནང་གི་སའི་ཕྱོགས་ནི། བཟང་པོ། མཛེས་པ། བལྟ་ན་སྡུག་པ། བཀྲ་བ། ཤིན་ཏུ་བཀྲ་བ། ཚོན་བརྒྱ་རྩ་གཅིག་
Kha305a
༄#། །གིས་བཀྲ་བར་བྱས་པ། དཔེར་ན། རས་བལ་གྱི་འདའ་བའམ། ཤིང་བལ་གྱི་འདའ་བ་ལྟ་བུར་འཇམ་པ། ཤིན་ཏུ་འཇམ་པ། རྐང་པས་མནན་ན་ནེ་མ་ཞེས་བྱེད་ལ། རྐང་པ་བཏེག་ན་པར་ཞེས་བྱེད་པ། ལྷའི་མེ་ཏོག་མནྡཱ་ར་བའི་ཕུང་པོ་པུས་མོ་ནུབ་ཙམ་བཀྲམ་པ་སྟེ། རླུང་ལངས་པས་མེ་ཏོག་རྙིང་པ་རྣམས་ཁྱེར་ལ། མེ་ཏོག་གསར་པ་རྣམས་འབབ་པར་བྱེད་དོ། །བལྟ་ན་སྡུག་གི་གྲོང་ཁྱེར་ལ་སྒོ་དགུ་བརྒྱ་དགུ་བཅུ་རྩ་དགུ་ཡོད་དེ། སྒོ་རེ་རེ་ན་གནོད་སྦྱིན་གོས་སྔོན་པོ་ཅན་གོ་ཆ་བགོས་པ། མདའ་གཞུ་སྐྱས་ཀོར་ཐོགས་པ་ལྔ་བརྒྱ། འདི་ལྟར་སུམ་ཅུ་རྩ་གསུམ་པའི་ལྷ་རྣམས་བསྲུང་བ་དང ། བསྐྱབ་པ་དང ། མཛེས་པར་བྱ་བའི་ཕྱིར་གནས་སོ། །གྲོང་ཁྱེར་བལྟ་ན་སྡུག་གི་སྲང་གི་སྲིད་དུ་ནི། དཔག་ཚད་ཉིས་སྟོང་ལྔ་བརྒྱ་ཡོད་ལ། རྒྱར་ནི། དཔག་ཚད་བཅུ་གཉིས་ཡོད་དེ། བཟང་པོ། མཛེས་པ། བལྟ་ན་སྡུག་པ། གསེར་གྱི་ཕྱེ་མས་བརྡལ་བ། ཙནྡན་གྱི་ཆུས་ཆག་ཆག་བཏབ་པ། གསེར་གྱི་དྲ་བས་བྲེས་པ། དེའི་ཕྱོགས་ཀུན་ན་རྫིང་བུ་རྣམ་པ་སྣ་ཚོགས་ཡོད་དེ། རྫིང་བུ་དེ་རྣམས་ཕ་གུ་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པས་བསྐོར་ཏོ། །རྫིང་བུ་དེ་རྣམས་ཀྱི་ཐེམ་སྐས་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པ་ཡིན་ནོ། །རྫིང་བུ་དེ་རྣམས་ལན་ཀན་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་
Kha305b
བྱས་པ་དང ། བཻཌཱུརྱ་ལས་བྱས་པ་དང ། ཤེལ་ལས་བྱས་པས་བསྐོར་ཅིང ། གསེར་ལས་བྱས་པའི་ལན་ཀན་གྱི་གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་དངུལ་ལས་བྱས་པ་དང ། དངུལ་ལས་བྱས་པའི་ལན་ཀན་གྱི་གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་གསེར་ལས་བྱས་པ་དང ། བཻ་ཌཱུརྱ་ལས་བྱས་པའི་ལན་ཀན་གྱི་གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་ཤེལ་ལས་བྱས་པ་དང ། ཤེལ་ལས་བྱས་པའི་ལན་ཀན་གྱི་གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་བཻཌཱུརྱ་ལས་བྱས་པ་ཡིན་ནོ། །རྫིང་བུ་དེ་རྣམས་ཆུ་སྦྲང་རྩི་ལྟར་མངར་ཞིང་བསིལ་བས་གང་ལ། ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོས་གང་ཞིང ། ཆུ་ལ་གནས་པའི་བྱ་རྣམ་པ་སྣ་ཚོགས་འདོད་རྒུར་སྒྱུར་བའི་གཟུགས་ཅན་རྣམས་ཀྱིས་སྙན་ཅིང་འཇེབས་ལ་ཡིད་དུ་འོང་བའི་སྒྲ་སྐད་འབྱིན་པར་བྱེད་དོ། །དེའི་ཕྱོགས་ཀུན་ན་མེ་ཏོག་གི་ཤིང་དང ། འབྲས་བུའི་ཤིང་དང ། དབུ་རྒྱན་སྐྱེ་བ་དག་།ཤིན་ཏུ་དབྱིབས་ལེགས་ཤིང་ལེགས་པར་སྐྱེས་པ་ནི། དཔེར་ན། ཕྲེང་བ་མཁན་ནམ། ཕྲེང་བ་མཁན་གྱི་སློབ་མ་མཁས་པ་ཞིག་གིས། རྣ་རྒྱན་དུ་བྱ་བའི་ཕྱིར་མེ་ཏོག་གི་ཕྲེང་བ་ལེགས་པར་བགྱུས་པ་བཞིན་ནོ། །ཐང་ལ་གནས་པའི་བྱ་རྣམ་པ་སྣ་ཚོགས་འདོད་རྒུར་སྒྱུར་བའི་གཟུགས་ཅན་རྣམས་ཀྱང་སྙན་ཅིང་འཇེབས་པའི་སྒྲ་སྐད་འབྱིན་ནོ། །གྲོང་ཁྱེར་བལྟ་ན་སྡུག་ན་དཔག་བསམ་གྱི་གོས་ཀྱི་ཤིང་ལྗོན་པ་རྣམ་པ་བཞི་པོ། སྔོན་པོ་དང ། སེར་པོ་དང །
Kha306a
༄#། །དམར་པོ་དང ། དཀར་པོ་རྣམས་ལས་དཔག་བསམ་གྱི་ཤིང་ལྗོན་པ་ལས་བྱུང་བའི་གོས་རྣམ་པ་བཞི་པོ། སྔོན་པོ་དང ། སེར་པོ་དང ། དམར་པོ་དང ། དཀར་པོ་རྣམས་ཏེ་ལྷའམ། ལྷའི་བུ་མོ་དག། ཇི་ལྟ་བུ་འདོད་པའི་སེམས་བསྐྱེད་མ་ཐག་ཏུ་དེ་ལྟ་བུ་ལག་ཏུ་ཐོབ་པར་འགྱུར་རོ། །རྒྱན་གྱི་ཤིང་རྣམ་པ་བཞི་པོ་རྣམས་ལས། རྒྱན་རྣམ་པ་བཞི་པོ། ལག་པའི་རྒྱན་དང ། རྐང་པའི་རྒྱན་དང ། སྨད་ཀྱི་རྒྱན་དང ། སྣང་བར་བྱ་བའི་རྒྱན་ནོ། །ལྷའི་བུའམ། ལྷའི་བུ་མོ་དག་།ཇི་ལྟ་བུ་འདོད་པའི་སེམས་བསྐྱེད་མ་ཐག་ཏུ་དེ་ལྟ་བུ་ལག་ཏུ་ཐོབ་པར་འགྱུར་རོ། རོལ་མོའི་ཆ་བྱད་རྣམ་པ་བཞི་པོ། པི་ཝང་དང ། གླིང་བུ་དང ། པི་ཝང་རྒྱུད་གསུམ་པ་དང ། སྒྲ་སྙམ་རྣམས་ལས། ལྷའམ་ལྷའི་བུ་མོས། ཇི་ལྟ་བུ་འདོད་པའི་སེམས་བསྐྱེད་མ་ཐག་ཏུ་དེ་ལྟ་བུ་ལག་ཏུ་ཐོབ་པར་འགྱུར་རོ། །ལྷའི་ཁ་ཟས་རྣམ་པ་བཞི་པོ། སེར་པོ་དང ། སྔོན་པོ་དང ། དམར་པོ་དང ། དཀར་པོ་རྣམས་ལས། ལྷའམ་ལྷའི་བུ་མོས། ཇི་ལྟ་བུ་འདོད་པའི་སེམས་བསྐྱེད་མ་ཐག་ཏུ་དེ་ལྟ་བུ་ལག་ཏུ་ཐོབ་པར་འགྱུར་རོ། །ཁང་པ་དང ། ཁང་པ་བརྩེགས་མ་དང ། བསིལ་ཁང་དང ། ཁྱམས་དང ། སྐར་ཁུང་དང ། མཐོངས་ཁུང་ཅན་བུད་མེད་ཀྱི་ཚོགས་དང ། ལྷ་མོའི་ཚོགས་འདུ་བའི་གནས་དག་ཡོད་དོ། །དེ་ན་བཏུང་བ། སྦྲང་རྩིའི་བཏུང་བ་དང ། མ་དྷ་བའི་བཏུང་བ་དང ། ཀ་དམ་བྷ་རའི་བཏུང་བ་དང ། རོལ་མོའི་སྒྲ་སྐད་རྣམས་ཀྱིས་སུམ་ཅུ་
Kha306b
རྩ་གསུམ་པའི་ལྷ་རྣམས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། རང་གི་བསོད་ནམས་ཀྱི་འབྲས་བུ་ཉམས་སུ་མྱོང་བར་བྱེད་དོ། །སུམ་ཅུ་རྩ་གསུམ་པའི་ལྷ་རྣམས་ཀྱི་ལྷའི་མདུན་ས་ཆོས་བཟང་ཞེས་བྱ་བ། སྲིད་དུ་དཔག་ཚད་སུམ་བརྒྱ། རྒྱར་དཔག་ཚད་སུམ་བརྒྱ་སྟེ། ཁོ་ར་ཁོར་ཡུག་ཏུ་དཔག་ཚད་དགུ་བརྒྱ་ཡོད་པ། བཟང་པོ། མཛེས་པ། བལྟ་ན་སྡུག་པ། ཤེལ་གྱི་རྒྱུ་ལས་བྱུང་བ་སྟེ། གྲོང་ཁྱེར་དེ་ལས་དཔག་ཚད་དང་ཕྱེད་དང་བཞི་གྱེན་དུ་འཕགས་སོ། །དེར་སུམ་ཅུ་རྩ་གསུམ་པའི་ལྷ་རྣམས་ཀྱི་སྟན་བཤམས་པ་ནི། ཉེ་དབང་པོ་སུམ་ཅུ་རྩ་གཉིས་དང ། སུམ་ཅུ་རྩ་གསུམ་པའི་ལྷ་རྣམས་ཀྱི་དབང་པོ་བརྒྱ་བྱིན་གྱི་སྟན་དག་སོ་སོར་བཤམས་སོ། །རྒྱལ་པོ་ང་ལས་ནུའི་སྟན་ནི། དེ་དག་ཐམས་ཅད་ཀྱི་འཇུག་ཁོ་ནར་བཤམས་སོ། །དེ་ནས་སུམ་ཅུ་རྩ་གསུམ་པའི་ལྷ་རྣམས་མཆོད་ཡོན་ཐོགས་ཏེ། རྒྱལ་པོ་ང་ལས་ནུ་བསུའོ། །དེ་ན་སེམས་ཅན་བསོད་ནམས་ཀྱི་རྣམ་པར་སྨིན་པས་དབང་ཆེ་བར་གྲགས་པ་གང་ཡིན་པ་དེ་དག་ནི། རིམ་གྱིས་ནང་དུ་ཞུགས་སོ། །ལྷག་མ་རྣམས་ནི། ཕྱི་རོལ་ཏུ་འཁོད་པ་དང ། རྒྱལ་པོ་ང་ལས་ནུས་བསམ་པ། སྟན་བཤམས་པ་གང་དག་ཡིན་པ་འདི་རྣམས་ལས། སྟན་ཐ་མ་གང་ཡིན་པ་ནི། གདོན་མི་ཟ་བར་བདག་གི་སྟན་ཡིན་ནོ། །སྙམ་ནས། དེ་ནས་རྒྱལ་པོ་ང་ལས་ནུ་འདི་སྙམ་དུ། ཀྱེ་མའོ། །ལྷ་རྣམས་ཀྱི་དབང་པོ་བརྒྱ་བྱིན་གྱིས་སྟན་ཕྱེད་བདག་ལ་བསྟབས་ཀྱང་ཅི་མ་རུང་སྙམ་དུ་བསམ་པ་དང ། སེམས་བསྐྱེད་མ་ཐག་ཏུ། རྒྱལ་པོ་ཆེན་པོ་ལྷ་རྣམས་ཀྱི་དབང་པོ་བརྒྱ་བྱིན་གྱིས།
Kha307a
༄#། །རྒྱལ་པོ་ང་ལས་ནུ་ལ་སྟན་ཕྱེད་བསྟབས་ནས། རྒྱལ་པོ་ང་ལས་ནུ་ལྷའི་དབང་པོ་བརྒྱ་བྱིན་གྱི་སྟན་ཕྱེད་ལ་འདུག་གོ། རྒྱལ་པོ་ཆེན་པོ་རྒྱལ་པོ་ང་ལས་ནུ་དང ། ལྷ་རྣམས་ཀྱི་དབང་པོ་བརྒྱ་བྱིན་སྟན་ཅིག་ལ་འདུག་པ་ན། འདི་ལྟ་སྟེ། སྲིད་དུའམ། ཞེང་དུའམ། ཁ་དོག་རྒྱས་པའམ། སྨྲེ་ངག་ལ་ཁྱད་པར་རམ། ཐ་དད་དུ་བྱ་བ་ཅུང་ཟད་ཀྱང་མེད་དེ། གཞན་དུ་ན། ལྷ་རྣམས་ཀྱི་དབང་པོ་བརྒྱ་བྱིན་ནི། མིག་མི་འཛུམ་མོ། །རྒྱལ་པོ་ཆེན་པོ་རྒྱལ་པོ་ང་ལས་ནུ་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་ན་འདུག་པ་ལ། བརྒྱ་བྱིན་སུམ་ཅུ་རྩ་དྲུག་ཤི་འཕོས་པ་ལོན་ནོ། །ཡང ། དེ་ན་ལྷ་རྣམས་ལ། ལྷ་དང་ལྷ་མ་ཡིན་གཡུལ་འགྱེད་པ་འབྱུང་སྟེ། དེ་ལ། གལ་ཏེ་ལྷ་མ་ཡིན་རྣམས་ཕམ་པར་གྱུར་ན་ནི། ལྷ་མ་ཡིན་དེ་རྣམས་གྲོང་ཁྱེར་གྱི་སྒོ་བཅད་ནས་ར་བའི་ཁ་བསྐོར་ནས་འདུག་གོ། འོན་ཏེ་ལྷ་རྣམས་ཕམ་པར་གྱུར་ན་ནི། ལྷ་དེ་རྣམས་ཁང་པའི་སྒོ་རྣམས་བཅད་ནས་ར་བའི་ཁ་བསྐོར་ནས་འདུག་གོ་།ཇི་ཙམ་ན། ལྷ་མ་ཡིན་རྣམས་དཔུང་གི་ཚོགས་ཡན་ལག་བཞི་པ་གོ་བསྐོན་ནས་གཅན་རིམ་པ་ལྔ་དྲལ་ཏེ། ལྷ་རྣམས་ཀྱི་དབང་པོ་བརྒྱ་བྱིན་གྱི་དྲུང་དུ་གཡུལ་འགྱེད་དུ་འོངས་པ་དང ། གནོད་སྦྱིན་རྣམས་ཀྱིས་ལྷ་རྣམས་ཀྱི་ལྷའི་དབང་པོ་བརྒྱ་བྱིན་ལ་སྨྲས་པ། ཀོའུ་ཤི་ཀ་མཁྱེན་པར་མཛོད་ཅིག་།ལྷ་མ་ཡིན་རྣམས་ཀྱིས་གཅན་རིམ་པ་ལྔ་དྲལ་ཏེ་ཉེ་བར་མཆིས་ཀྱི། ཁྱོད་ཀྱི་བགྱི་བ་དང ། བཤམ་པ་གང་ལགས་པ་དེ་
Kha307b
མཛོད་ཅིག་།དེ་ནས་ལྷ་རྣམས་ཀྱི་དབང་པོ་བརྒྱ་བྱིན་དཔུང་གི་ཚོགས་ཡན་ལག་བཞི་གོ་བགོས་ནས། ལྷ་མ་ཡིན་དང་གཡུལ་སྤྲད་པའི་ཕྱིར་སྤགས་པ་རྒྱལ་པོ་ང་ལས་ནུས་མཐོང་ནས་སྨྲས་པ། བཞུགས་ཤིག་།བདག་ཉིད་མཆིའོ། །བརྒྱ་བྱིན་གྱིས་སྨྲས་པ། དེ་བཞིན་མཛོད་ཅིག་།དེ་ནས་རྒྱལ་པོ་ང་ལས་ནུ་དཔུང་གི་ཚོགས་བྱེ་བ་བརྒྱད་འབུམ་དང་སྟེང་གི་ནམ་མཁའ་ལ་འཕགས་ནས། གཞུ་རྒྱུད་ཀྱི་སྒྲ་སྦྲེངས་སོ། །ལྷ་མ་ཡིན་རྣམས་ཀྱིས་དེ་ཐོས་ནས་སྨྲས་པ། འདི་སུའི་གཞུ་རྒྱུད་ཀྱི་སྒྲ་ཡིན། དེ་རྣམས་ཀྱིས་འདི་ནི། རྒྱལ་པོ་ང་ལས་ནུའི་གཞུ་རྒྱུད་ཀྱི་སྒྲ་ཡིན་ནོ། །ཞེས་ཐོས་སོ། ། ཐོས་ནས་ཀྱང་ངོ་མཚར་སྐྱེས་པར་གྱུར་ཏོ། །ཇི་ཙམ་ན། རྒྱལ་པོ་ང་ལས་ནུས་སྤགས་པ་དང ། ཆོས་ཉིད་ཀྱིས་ལྷ་མ་ཡིན་དེ་རྣམས་གཡུལ་འགྱེད་པའི་ཤིང་རྟ་དག་ནམ་མཁའ་ལ་ཐད་ཀ་ཐད་ཀར་འདུག་སྟེ། གང་གི་ཡང་མཐོ་དམན་མེད་པ་ཡིན་པ་ལས། རྒྱལ་པོ་ང་ལས་ནུའི་ནི། ལྷ་མ་ཡིན་ཐམས་ཅད་ཀྱི་ལྟག་ན་ནམ་མཁའ་ལ་འཕགས་ནས་འདུག་གོ་།ལྷ་མ་ཡིན་དེ་རྣམས་ཀྱིས་སྨྲས་པ། བདག་ཅག་གི་ལྟག་ན་ནམ་མཁའ་ལ་སྤགས་ཏེ་འདུག་པ་འདི། སུ་ཞིག་ཡིན། དེ་རྣམས་ཀྱིས། འདི་ནི། མིའི་རྒྱལ་པོ་ང་ལས་ནུ་ཞེས་བྱ་བ་ཡིན་ནོ། །ཞེས་ཐོས་སོ། །ཐོས་ནས་ཀྱང་དེ་རྣམས་ཀྱིས་བསམ་པ། གང་གི་ཤིང་རྟ་བདག་ཅག་གི་ལྟག་ཏུ་ནམ་མཁའ་ལས་འགྲོ་བའི་སེམས་ཅན་འདི་ནི། བསོད་ནམས་ཀྱི་རྣམ་པར་སྨིན་པས་དབང་ཆེ་བར་གྲགས་པ་ཡིན་ནོ། །སྙམ་ནས། དེ་རྣམས་ཕམ་
Kha308a
༄#། །པར་གྱུར་ཏེ། འཇིགས་སྐྲག་ཅིང་བཅོམ་པས་རྒྱབ་བསྟན་ནས་ལྷ་མ་ཡིན་རྣམས་ཀྱི་གནས་སུ་ཞུགས་སོ། །རྒྱལ་པོ་ང་ལས་ནུས་སྨྲས་པ། གང་རྒྱལ། བློན་པོ་རྣམས་ཀྱིས་སྨྲས་པ། ལྷ་རྒྱལ་ལགས་སོ། །རྒྱལ་པོས་བསམ་པ། སུམ་ཅུ་རྩ་གསུམ་པའི་ལྷ་རྣམས་པས་ནི། བདག་ལྷག་གོ་།སྙམ་མོ། །དེ་ནས་རྒྱལ་པོ་ང་ལས་ནུ་འདི་སྙམ་དུ་སེམས་ཏེ། བདག་ལ་ཛམྦུའི་གླིང ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་རབ་ཏུ་གང་བ་ཡང་ཡོད། བདག་ལ་ཤར་གྱི་ལུས་འཕགས་དང ། ནུབ་ཀྱི་བ་ལང་སྤྱོད་དང ། བྱང་གི་སྒྲ་མི་སྙན་གྱི་གླིང་ཡང་ཡོད། བདག་ལ་རིན་པོ་ཆེ་སྣ་བདུན་འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བཙུན་མོ་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་བློན་པོ་རིན་པོ་ཆེ་ཡང་ཡོད། བདག་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པར་བྱེད་པ་སྟོང་ཡང་ཆང་བར་ཡོད། བདག་གི་ཕོ་བྲང་གི་ནང་དུ་ཡང་གསེར་གྱི་ཆར་ཞག་བདུན་དུ་བབས། བདག་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་ཡང་ཕྱིན། ལྷའི་མདུན་ས་ཆོས་བཟང་དུ་ཡང་ཞུགས། ལྷ་རྣམས་ཀྱི་དབང་པོ་བརྒྱ་བྱིན་ཀྱང་བདག་ལ་སྟན་ཕྱེད་བསྟབས་ཀྱི། ཀྱེ་མའོ། །བདག་གིས་ལྷ་རྣམས་ཀྱི་
Kha308b
དབང་པོ་བརྒྱ་བྱིན་གནས་འདི་ནས་ཕྱུང་ལ། བདག་ཁོ་ནས་ལྷ་དང་མི་རྣམས་ཀྱི་རྒྱལ་སྲིད་ཀྱི་དབང་ཕྱུག་ལ་དབང་བྱའོ། །སྙམ་པ་དང ། སེམས་བསྐྱེད་མ་ཐག་ཏུ། རྒྱལ་པོ་ཆེན་པོ་རྒྱལ་པོ་ང་ལས་ནུ་འབྱོར་པ་དེ་ལས་ཡོངས་སུ་ཉམས་ཏེ། ཛམྦུའི་གླིང་དུ་འོངས་ནས་ནད་ཚབས་ཆེན་པོ་ཞིག་གིས་ཐེབས་ཏེ་སྡུག་བསྔལ་མི་ཟད་པ་འཆི་བ་ལ་ཐུག་པ་མྱོང་བ་དང ། དེ་ནས་རྒྱལ་པོ་ང་ལས་ནུའི་བློན་པོ་དང ། རྩིས་པ་དང ། རྒྱལ་སྲིད་འབུལ་བའི་སྣ་ཆེན་པོ་ལ་གཏོགས་པ་དང་གསང་སྔགས་ཀྱིས་ལྷན་ཅིག་འཚོ་བར་བྱེད་པ་རྣམས། རྒྱལ་པོ་ང་ལས་ནུ་ག་ལ་བ་དེར་སོང་སྟེ་ཕྱིན་པ་དང ། རྒྱལ་པོ་ང་ལས་ནུ་ལ་འདི་སྐད་ཅེས་སྨྲས་སོ། །ལྷ་འདས་ནས་ཡུལ་འཁོར་གྱི་མི་སླད་མ་རྣམས། ཤེས་ལྡན་དག་།རྒྱལ་པོ་ང་ལས་ནུས། ནོངས་པའི་དུས་ཀྱི་ཚེ་ཅི་ཞིག་གསུངས་ཞེས་འདྲི་ན། དེ་སྐད་དུ་འདྲི་བ་དེ་དག་ལ་བདག་ཅག་གིས་ཇི་སྐད་དུ་ལན་གདབ་པར་བགྱི། སྣ་བོ་དག། ང་འདས་ནས། གལ་ཏེ་ཁྱེད་ཅག་ལ་སྐྱེ་བོ་ཕྱི་མ་རྣམས་ཉེ་བར་འོངས་ནས་དེ་སྐད་དུ་འདྲི་བར་བྱེད་ན། འདྲི་བ་དེ་དག་ལ་ཁྱེད་ཀྱིས་ལན་འདི་སྐད་ཅེས་ཐོབ་ཅིག་།ཤེས་ལྡན་དག། རྒྱལ་པོ་ང་ལས་ནུ་ནི། རིན་པོ་ཆེ་སྣ་བདུན་དང་ཡང་ལྡན། མིའི་འབྱོར་པ་རྣམ་བཞི་གླིང་བཞིར་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་།སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་ཡང་སོང་ནས། འདོད་པའི་ཡོན་ཏན་རྣམ་པ་ལྔ་པོ་དག་གིས་མི་ངོམས་བཞིན་དུ་
Kha309a
༄#། །ནོངས་སོ། །ཞེས་ཟེར་རོ། །ཞེས་གྱིས་ཤིག་།ཚིགས་སུ་བཅད་པ་དག་ཀྱང་སྨྲས་པ། ཀཪྴ་པ་ཎའི་ཆར་བབས་ཀྱང ། །འདོད་པ་དག་ལ་ངོམས་པ་མེད། མཁས་པས་འདོད་པ་མནོག་ཆུང་ཞིང ། །སྡུག་བསྔལ་མང་པོར་ཤེས་ནས་ནི། །ལྷ་ཡི་འདོད་པ་རྣམས་ལ་ཡང ། །དགའ་བར་འགྱུར་བ་མེད་པ་ཉིད། །ཡང་དག་རྫོགས་པའི་སངས་རྒྱས་ཀྱི། ཉན་ཐོས་སྲེད་པ་ཟད་ལ་དགའ། །གངས་ཀྱི་རི་དང་མཉམ་པ་ཡི། །གསེར་གྱི་རི་བོར་གྱུར་ཀྱང་ནི། །གཅིག་གི་ནོར་དུའང་དེ་མི་ཆོག་།མཁས་པས་དེ་ལྟར་ཤེས་པར་བྱ། །གང་ཞིག་གཞི་འདིས་སྡུག་བསྔལ་རྟོག་པ་དེ། །འདོད་པ་དག་ལ་གཞར་ཡང་ཇི་ལྟར་དགའ། །འཇིག་རྟེན་ནོར་དག་ཟུག་རྡུར་རྟོགས་ནས་ནི། །བསྟན་པས་དེ་ཉིད་གདུལ་ཕྱིར་བསླབ་པར་བྱ། །རྒྱལ་པོ་ཆེན་པོ། དེ་ལྟ་བས་ན། རྣམ་གྲངས་དེས་ན་འདིས། ཁྱོད་ཀྱིས་འདི་ལྟར་གང་མིའི་འཇིག་རྟེན་ན་འདོད་པའི་ཡོན་ཏན་ལྔས་ངོམས་ཤིང་ཆོག་ཤེས་ཏེ་འཆི་བར་འགྱུར་བའི་མི་གང་དག་ཡིན་པ་དེ་དག་ནི། ཉུང་གི་།མིའི་འཇིག་རྟེན་ན་འདོད་པའི་ཡོན་ཏན་ལྔས་མི་ངོམས་ཤིང་ཆོག་མི་ཤེས་ཏེ་འཆི་བར་འགྱུར་བ་ནི། ཆེས་མང་བར་རིག་པར་བྱའོ། །དེ་ནས་རྒྱལ་པོ་ང་ལས་ནུས་གཏན་པ་མེད་པའི་མཆོད་སྦྱིན་བཏང་ནས། ཚིགས་སུ་བཅད་དེ་སྨྲས་པ། འཇིག་རྟེན་ཕ་རོལ་ཡང་ཤེས་ཤིང ། །ཚེ་ཐུང་བར་ནི་ཤེས་བྱས་ནས། །བསོད་ནམས་དག་ནི་བྱ་བ་སྟེ། །བསོད་ནམས་མ་
Kha309b
བྱས་སྡུག་བསྔལ་འགྱུར། །དེ་བས་བསོད་ནམས་འདོད་པ་ཡིས། །སྦྱིན་པ་ཚུལ་བཞིན་བཏང་བྱས་ན། །འཇིག་རྟེན་འདི་དང་ཕ་རོལ་ཏུ། །སྦྱིན་པ་བྱས་པ་དགའ་བར་འགྱུར། །ཇི་ཙམ་ན། གྲོང་མི་དང ། ཡུལ་མི་རྣམས་ཀྱིས། རྒྱལ་པོ་ང་ལས་ནུ་ན་སྟེ་ཤི་ལ་ཐུག་ཅིང་འདུག་གོ་།ཞེས་ཐོས་སོ། །ཐོས་ནས་ཀྱང་ཡང་སྲོག་ཆགས་བརྒྱ་སྟོང་དུ་མ་དག་།རྒྱལ་པོ་ང་ལས་ནུ་བལྟ་བའི་ཕྱིར་ཉེ་བར་སོང་བ་དང ། རྒྱལ་པོས་སྐྱེ་བོའི་ཚོགས་རྣམས་ལ་འདོད་པ་རྣམས་ཀྱི་ཉེས་དམིགས་ཀྱི་གཏམ་ཡང་བྱས། ཁྱིམ་ན་གནས་པའི་ཉེས་དམིགས་དང ། དེ་བཞིན་དུ་འདོད་པ་སྨད་པ་ཡང་བཤད་དེ། དེ་ཐོས་ནས་སྲོག་ཆགས་བརྒྱ་སྟོང་དུ་མ་དག་ཁྱིམ་གྱི་གནས་སྤངས་ནས་དྲང་སྲོང་རྣམས་ཀྱི་ནང་དུ་རབ་ཏུ་བྱུང་སྟེ། ནགས་ཚལ་དུ་འདུག་ནས། ཚངས་པའི་གནས་བཞི་བསྒོམས་པས། འདོད་པ་རྣམས་ལ་འདུན་པ་སྤངས་ཏེ། དེ་ལ་མང་དུ་གནས་པས་ཚངས་པའི་འཇིག་རྟེན་དུ་སྐལ་པ་མཉམ་པར་སྐྱེས་སོ། །རྒྱལ་པོ་ཆེན་པོ་རྒྱལ་པོ་ང་ལས་ནུས། ཇི་སྲིད་གཞོན་ནུ་རྩེ་བའི་ས་ན་རྩེས་པ་དང ། ཇི་སྲིད་རྒྱལ་ཚབ་བྱས་པ་དང ། ཇི་སྲིད་ཛམྦུའི་གླིང་དུ་རྒྱལ་སྲིད་ཆེན་པོ་བྱས་པ་དང ། ཇི་སྲིད་ཤར་གྱི་ལུས་འཕགས་དང ། ནུབ་ཀྱི་བ་ལང་སྤྱོད་དང ། བྱང་གི་སྒྲ་མི་སྙན་དང ། གསེར་གྱི་རི་བོ་བདུན་ལ་གནས་པ་དང ། ཇི་སྲིད་དུ་སུམ་ཅུ་རྩ་གསུམ་གྱི་ལྷ་རྣམས་ཀྱི་གནས་སུ་སོང་སྟེ་གནས་ལ་དེའི་བར་ལ་བརྒྱ་བྱིན་བརྒྱད་ཅུ་རྩ་བཞི་ཤི་འཕོས་པ་ལོན་ནོ། །རྒྱལ་པོ་ཆེན་པོ། ལྷ་རྣམས་ཀྱི་དབང་པོ་བརྒྱ་བྱིན་གྱི་
Kha310a
༄#། །ཚེའི་ཚད་ནི། མི་རྣམས་ཀྱི་ལོ་བརྒྱ་གང་ཡིན་པ་དེ་ནི། སུམ་ཅུ་རྩ་གསུམ་པའི་ལྷ་རྣམས་ཀྱི་ཉིན་ཞག་གཅིག་ཡིན་ནོ། །ཉིན་ཞག་དེ་སུམ་ཅུ་ལ་ཟླ་བ་གཅིག་ཟླ་བ་བཅུ་གཉིས་ལ་ལོ་གཅིག་ཏུ་བརྩིས་པའི་ལྷ་རྣམས་ཀྱི་ལོ་སྟོང་ནི། སུམ་ཅུ་རྩ་གསུམ་པའི་ལྷ་རྣམས་ཀྱི་ཚེའི་ཚད་ཡིན་ཏེ། དེ་ལ། མིའི་ལྟར་བགྲང་ན། ལོ་བྱེ་བ་ཕྲག་གསུམ་དང་དྲུག་ཁྲི་ཡོང་ངོ ། །རྒྱལ་པོ་ཆེན་པོ། གང་གི་ཚེ་རྒྱལ་པོ་ང་ལས་ནུས་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་སྟེ། འདི་སྐད་ཅེས། ཀྱེ་མའོ། །བདག་ལ་ལྷ་རྣམས་ཀྱི་དབང་པོ་བརྒྱ་བྱིན་གྱིས་སྟན་ཕྱེད་བསྟབས་ཀྱང་ཅི་མ་རུང་སྙམ་དུ་སེམས་བསྐྱེད་པ་དེའི་ཚེ་དེའི་དུས་ཀྱི་བརྒྱ་བྱིན་ནི། དགེ་སློང་འོད་སྲུང་ཡིན་ནོ། །གང་གི་ཚེ་རྒྱལ་པོ་ང་ལས་ནུས་འདི་ལྟ་བུའི་སེམས་བསྐྱེད་དེ། མ་ལ་བདག་གིས་ལྷ་རྣམས་ཀྱི་དབང་པོ་བརྒྱ་བྱིན་གནས་འདི་ནས་ཕྱུང་ལ། བདག་ཉིད་ལྷ་དང་མི་རྣམས་ཀྱི་རྒྱལ་སྲིད་ཀྱི་དབང་ཕྱུག་ལ་དབང་བྱའོ། །སྙམ་པ་དེའི་ཚེ་དེའི་དུས་ཀྱི་ལྷ་རྣམས་ཀྱི་དབང་པོ་བརྒྱ་བྱིན་ནི། ཡང་དག་པར་རྫོགས་པའི་སངས་རྒྱས་འོད་སྲུང་ཡིན་ཏེ། སེམས་ཅན་ཤིན་ཏུ་དབང་ཆེར་གྲགས་པ་ལ་ངན་སེམས་བསྐྱེད་པ་དེས་ན། འབྱོར་པ་དེ་ལས་ཉམས་ནས་འཛམ་བུའི་གླིང་དུ་འོངས་ཏེ། ནད་ཚབས་ཆེན་པོས་ཐེབས་ཤིང་འཆི་བ་ལ་ཐུག་པའི་ཚོར་བ་མི་ཟད་པ་མྱོང་བར་གྱུར་ཏོ། །རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་
Kha310b
རྒྱལ་པོ་ལས་ནུ་གང་ཡིན་པ་དེ་ནི། ང་ཉིད་ཡིན་ཏེ། གང་ཡང་ངས་སེམས་ཅན་དེ་སྙེད་ཅིག་ལ་ཕན་པ་བྱས་པ་ན། དེས་བླ་ན་མེད་པའི་ཡེ་ཤེས་མ་ཐོབ་བོ། །འོན་ཀྱང་དེ་དག་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། རྒྱལ་པོ་ང་ལས་ནུས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་སེམས་བསྐྱེད་མ་ཐག་ཏུ་དགུང་བདུན་དུ་ཕོ་བྲང་ནང་དུ་གསེར་གྱི་ཆར་བབ་ལགས། རྒྱལ་པོ་ཆེན་པོ། སྔོན་བྱུང་བ། འདས་པའི་དུས་ན། འཇིག་རྟེན་དུ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཐམས་ཅད་ཟིལ་གནོན་ཅེས་བྱ་བ་བྱུང་སྟེ། དེའི་ཚེ་ཚོང་དཔོན་གྱི་བུ་ཁྱིམ་ཕུབ་ནས་རིང་པོ་མ་ལོན་པ་ཞིག་གནས་སོ། །ཡུལ་དེ་ན་ཆོས་ལུགས་ཀྱིས། བག་མར་བཏང་ནས་རིང་པོར་མ་ལོན་པར་བག་རྫོངས་བཏབ་སྟེ། ཁྱིམ་ཐབ་ལ་གཏོང་བའི་བག་མ་གང་ཡིན་པ་རིན་པོ་ཆེ་སྣ་བཞི་ལས་བྱས་པའི་མེ་ཏོག་གིས་བརྒྱན་ནས་ཁྱིམ་ཐབ་ལ་གཏོང་ལ། ཁྱིམ་ཐབ་དེས་ཀྱང་དེ་ཁྲིད་ནས་རང་གི་ཁྱིམ་དུ་འགྲོ་བས། ཚོང་དཔོན་གྱི་བུ་དེས། རིན་
Kha311a
༄#། །པོ་ཆེ་སྣ་བཞི་ལས་བྱས་པའི་མེ་ཏོག་ཐོགས་ནས་བཞོན་པ་ལ་ཞོན་ཏེ་རང་གི་ཁྱིམ་དུ་ཆས་སོ། །དེ་ཆས་པ་ལས་རེ་ཞིག་ཅིག་ན། ལམ་ན་ཚུར་ཡང་དག་པར་རྫོགས་པའི་སངས་རྒྱས་ཐམས་ཅད་ཟིལ་གནོན་ལྗོངས་རྒྱུ་ཞིང་བྱོན་ཏོ། །དེས་དེ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པ། བལྟ་བས་ཆོག་མི་ཤེས་པ་མཐོང་ནས་ཤིན་ཏུ་དད་པ་སྐྱེས་སོ། །དེ་ནས་དེ་དད་པས་བརླན་པའི་སེམས་ཀྱིས་བཞོན་པ་ལས་བབས་ནས་རིན་པོ་ཆེ་སྣ་བཞི་ལས་བྱས་པའི་མེ་ཏོག་དེ་རྣམས་ཀྱིས་ཡང་དག་པར་རྫོགས་པའི་སངས་རྒྱས་ཐམས་ཅད་ཟིལ་གནོན་ལ་གཏོར་རོ། །ཡང་དག་པར་རྫོགས་པའི་སངས་རྒྱས་ཐམས་ཅད་ཟིལ་གནོན་གྱིས། མེ་ཏོག་དེ་དག་ཇི་ལྟར་ཤིང་རྟའི་འཕང་ལོ་ཙམ་ཤ་སྟག་ཏུ་གྱུར་ནས། གཤེགས་ན་ཡང་ཕྱི་བཞིན་འོང་ཞིང ། བཞུགས་ན་ཡང་འདུག་པ་དེ་ལྟ་བུར་བྱིན་གྱིས་བརླབས་པ་དང ། དེ་དད་པ་སྐྱེས་ནས་ཚིགས་སུ་བཅད་དེ་སྨྲས་པ། སྦྱིན་པ་ཆེན་པོར་གྱུར་པ་འདི་ཡིས་ནི། །འགྲོ་བའི་ནང་དུ་རང་བྱུང་སངས་རྒྱས་ཤོག་།བརྒལ་ནས་སྔོན་གྱི་རྒྱལ་བས་མ་བསྒྲལ་བའི། །སྐྱེ་བོའི་ཚོགས་རྣམས་བདག་གིས་སྒྲོལ་གྱུར་ཅིག་།དྲང་སྲོང་ཆེ་ཀུན་ཟིལ་གནོན་བཅོམ་ལྡན་ལ། །ང་ཡིས་གསེར་གྱི་མེ་ཏོག་བཟང་གཏོར་ནས། །གོ་འཕང་མཆོག་འདི་འདོད་ནས་དེ་ཡི་ཚེ། །ང་ཡིས་སྨོན་ལམ་རྒྱ་ཆེན་བཏབ་པ་ཡིན། །བསོད་ནམས་དེ་ཉིད་ཀྱི་ནི་རྣམ་སྨིན་གྱིས། །ལེགས་
Kha311b
མཐོང་ཆེན་པོ་ང་ཡི་གྲོང་ཁྱེར་ཡང ། །གསེར་ལས་བྱས་པ་དགའ་དགའ་ལྟར་འདུག་པ། །ཕོ་བྲང་རྩཝ་ཅན་ཞེས་ནི་བྱ་བར་གྱུར། །རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་ཚོང་དཔོན་གྱི་བུ་དེ་ནི། ང་ཉིད་ཡིན་ནོ། །གང་ཡང་ངས་ཡང་དག་པར་རྫོགས་པའི་སངས་རྒྱས་ཐམས་ཅད་ཟིལ་གནོན་ལ་སེམས་དང་བ་བསྐྱེད་ནས་རིན་པོ་ཆེ་སྣ་བཞིའི་མེ་ཏོག་གིས་གཏོར་བའི་ལས་དེའི་རྣམ་པར་སྨིན་པས། ངའི་ཕོ་བྲང་གི་ནང་དུ་ཞག་བདུན་དུ་གསེར་གྱི་ཆར་བབ་པོ། །བཙུན་པ། རྒྱལ་པོ་ང་ལས་ནུས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། གླིང་བཞི་པ་རྣམས་སུ་རྒྱལ་སྲིད་ཀྱི་དབང་ཕྱུག་ལ་དབང་བགྱིས་པ་ནས་སུམ་ཅུ་རྩ་གསུམ་པའི་ལྷ་རྣམས་ཀྱི་བར་དུ་མཆིས་ལགས། རྒྱལ་པོ་ཆེན་པོ། སྔོན་བྱུང་བ། འདས་པའི་དུས་ན། འཇིག་རྟེན་དུ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་བྱུང་སྟེ། དེ་ལྗོངས་རྒྱུ་ཞིང་གཤེགས་པ་ན། རིམ་གྱིས་རྒྱལ་པོའི་ཕོ་བྲང་གཉེན་ལྡན་དུ་བྱོན་ཏོ། །དེ་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས། སྔ་དྲོ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ནས། རྒྱལ་པོའི་ཕོ་བྲང་གཉེན་ལྡན་དུ་བསོད་སྙོམས་ལ་ཞུགས་སོ། །དེ་ནས་འབྲུ་འཚོང་བའི་ཚོང་པ་ཞིག་
Kha312a
༄#། །གིས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དེ། བལྟ་བས་ཆོག་མི་ཤེས་པ་མཐོང་ནས་ལྷག་པར་དད་པ་སྐྱེས་ཏེ། དེ་དད་པ་སྐྱེས་ནས་སྲན་མུད་ག་ལ་སྤར་བས་བཅུས་ཏེ་ལྷུང་བཟེད་དུ་བླུགས་པ་དང ། དེ་ལས་སྲན་མུད་ག་ལ་འབྲུམ་བུ་བཞི་ཞིག་ལྷུང་བཟེད་དུ་སོང་ངོ ། །འབྲུམ་བུ་གཅིག་ནི། ལྷུང་བཟེད་ཀྱི་ཁར་ཕོག་ནས་ས་ལ་ལྷུང་ངོ ། །ལྷག་མ་རྣམས་ནི། ལྷུང་བཟེད་ཀྱི་ནང་དུ་མ་སོང་བ་ཉིད་དུ་ས་ལ་བོའོ། །དེ་ནས་ཚོང་པ་དེ་དད་པ་སྐྱེས་ནས་སྨོན་ལམ་བཏབ་པ། སྦྱིན་པ་ཆེན་པོར་གྱུར་པ་འདི་ཡིས་ནི། །འགྲོ་བའི་ནང་དུ་རང་བྱུང་སངས་རྒྱས་ཤོག་།བརྒལ་ནས་སྔོན་གྱི་རྒྱལ་བས་མ་བསྒྲལ་བའི། །སྐྱེ་བོའི་ཚོགས་རྣམས་བདག་གིས་སྒྲོལ་གྱུར་ཅིག། ཅེས་བཏབ་བོ། ། འདུལ་བ་གཞི། བམ་པོ་ཞེ་གཉིས་པ། རྒྱལ་པོ་ཆེན་པོ་ཇི་སྙམ་དུ་སེམས། དེའི་ཚེ་དེའི་དུས་ཀྱི་འབྲུ་འཚོང་བའི་ཚོང་པ་གང་ཡིན་པ་དེ་ནི། ང་ཉིད་ཡིན་ཏེ། ང་དེ་ན་གང་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་དད་པ་སྐྱེས་ཏེ། སྲན་མུད་ག་ལ་སྤར་བས་བཅུས་ནས་ལྷུང་བཟེད་དུ་བླུགས་པ་དང ། དེ་ལས་སྲན་མུད་ག་ལ་འབྲུམ་བུ་བཞི་ཞིག་ལྷུང་བཟེད་དུ་སོང་ངོ ། །ལྷག་མ་རྣམས་ནི། ས་ལ་བོའོ། །དེས་དེའི་རྣམ་པར་སྨིན་པས། གླིང་བཞི་རྣམས་སུ་རྒྱལ་སྲིད་ཀྱི་དབང་ཕྱུག་ལ་དབང་བྱས་སོ། །གང་ཡང་དེ་ནས་སྲན་མུད་ག་
Kha312b
འབྲུམ་བུ་གཅིག་གིས་ལྷུང་བཟེད་ཀྱི་ཁར་ཕོག་ནས་ས་ལ་ལྷུང་བའི་ལས་ཀྱི་རྣམ་པར་སྨིན་པས། སུམ་ཅུ་རྩ་གསུམ་པའི་ལྷ་རྣམས་ཀྱི་བར་དུ་སོན་ཏོ། །རྒྱལ་པོ་ཆེན་པོ། གང་སྲན་མུད་ག་ལྷུང་བཟེད་དུ་བླུགས་པ་ས་ལ་མ་ལྷུང་ན། ལས་དེའི་རྣམ་པར་སྨིན་པས་ལྷ་དང་མི་རྣམས་ཀྱི་བར་ལ་རྒྱལ་སྲིད་ཀྱི་དབང་ཕྱུག་ལ་དབང་བྱེད་པར་འགྱུར་རོ། །དེའི་ཚེ་དེའི་དུས་ཀྱི་འབྲུ་འཚོང་བའི་ཚོང་པ་གང་ཡིན་པ་དེ་ནི། ང་ལས་ནུ་དེ་ཉིད་ཡིན་ནོ། །དེ་ལྟར་ན། རྒྱལ་པོ་ཆེན་པོ། སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་ཅན་ལ་བྱ་བ་བྱས་པ་ནི། འབྲས་བུ་དང ། ཕན་ཡོན་ཤིན་ཏུ་ཆེན་པོར་འགྱུར་རོ། །རྒྱལ་པོ་ཆེན་པོ། དེ་ལྟ་བས་ན། འདི་ལྟར། སངས་རྒྱས་བཅོམ་ལྡན་འདས་ལ་བྱ་བ་བྱའོ། །ཞེས་བསླབ་པར་བྱའོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་རྣམས་ལ་ཕན་པ་བྱས་པ་གང་ཡིན་པ་དེ་ཉོན་ཅིག། རྒྱལ་པོ་ཆེན་པོ། སྔོན་བྱུང་བ་རྒྱལ་པོ་ལེགས་མཐོང་ཆེན་པོ་ཞེས་བྱ་བ། འཁོར་ལོ་སྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ། ཆོས་ཀྱི་རྒྱལ་པོ་ཆོས་དང་ལྡན་པ། རིན་པོ་ཆེ་སྣ་བདུན་དང ། མི་རྣམས་འབྱོར་པ་བཞི་དང་ལྡན་པ་ཞིག་བྱུང་ངོ ། །རྒྱལ་པོ་ལེགས་མཐོང་ཆེན་པོ་རིན་པོ་ཆེ་སྣ་བདུན་པོ་གང་དག་དང་ལྡན་ཞེ་ན། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བཙུན་མོ་རིན་
Kha313a
༄#། །པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་ནི། བློན་པོ་རིན་པོ་ཆེ་ཡིན་ནོ། །རྒྱལ་པོ་ལེགས་མཐོང་ཆེན་པོ་མི་རྣམས་ཀྱི་འབྱོར་པ་བཞི་པོ་གང་དག་དང་ལྡན་ཞེ་ན། ཚེ་རིང་ཞིང་ཡུན་རིང་དུ་གནས་པ་ཡིན་ཏེ། དེ་གཞོན་ནུའི་རྩེད་མོས་རྩེ་བ་ལ་ལོ་བརྒྱད་ཁྲི་བཞི་སྟོང་ལོན་ནོ། །རྒྱལ་ཚབ་བྱེད་པ་ལ་ལོ་བརྒྱད་ཁྲི་བཞི་སྟོང་ལོན་ནོ། །རྒྱལ་སྲིད་ཆེན་པོ་བྱེད་པ་ལ་ལོ་བརྒྱད་ཁྲི་བཞི་སྟོང་ལོན་ནོ། །རྒྱལ་པོ་ཆེན་པོའི་དྲང་སྲོང་གི་ཚངས་པར་སྤྱོད་པ་ལ་ལོ་བརྒྱད་ཁྲི་བཞི་སྟོང་ལོན་ནོ། །རྒྱལ་པོ་ལེགས་མཐོང་ཆེན་པོ་ཚེ་རིང་ཞིང་ཡུན་རིང་དུ་གནས་པ་གང་ཡིན་པ་འདི་ནི། རྒྱལ་པོ་ལེགས་མཐོང་ཆེན་པོའི་འབྱོར་པ་ཞེས་བྱའོ། །གཞན་ཡང ། རྒྱལ་པོ་ལེགས་མཐོང་ཆེན་པོ་ནི། གཟུགས་བཟང་བ། མཛེས་པ། བལྟ་ན་སྡུག་པ་ཡིན་ཏེ།་མིའི་ཁ་དོག་ལས་འདས་པ། ལྷའི་ཁ་དོག་ནི། མ་ཐོབ་པ་སྟེ། རྒྱལ་པོ་ལེགས་མཐོང་ཆེན་པོ། གཟུགས་བཟང་བ། མཛེས་པ། བལྟ་ན་སྡུག་པ་གང་ཡིན་པ་འདི་ནི། རྒྱལ་པོ་ལེགས་མཐོང་ཆེན་པོའི་འབྱོར་པ་ཞེས་བྱའོ། །གཞན་ཡང ། རྒྱལ་པོ་ལེགས་མཐོང་ཆེན་པོ་ནི། གནོད་པ་ཆུང་ཞིང་ནད་མེད་པའི་རང་བཞིན་ཅན་ཡིན་ཏེ། ཕོ་བ་ཧ་ཅང་བསིལ་པ་མ་ཡིན་ཞིང་ཧ་ཅང་དྲོ་བ་མ་ཡིན་པ། དྲོད་སྙོམས་པ་དང ། དུས་ཀུན་ཏུ་བདེ་བ་དང ། གནོད་པ་མེད་པ་དང་ལྡན་པས་ཟོས་པ་དང ། འཐུངས་པ་དང ། འཆོས་པ་དང ། མྱངས་པ་རྣམས་ལེགས་
Kha313b
པར་བདེ་བར་འཇུ་བར་འགྱུར་ཏེ། རྒྱལ་པོ་ལེགས་མཐོང་ཆེན་པོ་གནོད་པ་ཆུང་ཞིང་ནད་མེད་པའི་རང་བཞིན་ཅན་གང་ཡིན་པ་འདི་ནི། རྒྱལ་པོ་ལེགས་མཐོང་ཆེན་པོའི་འབྱོར་པ་ཞེས་བྱའོ། །གཞན་ཡང ། རྒྱལ་པོ་ལེགས་མཐོང་ཆེན་པོ་ནི། གྲོང་མི་དང ། ཡུལ་མི་རྣམས་ཀྱི་སྙིང་དུ་སྡུག་ཅིང་ཡིད་དུ་འོང་བ་ཡིན་ཏེ། དཔེར་ན། བུ་རྣམས་ལ་ཕ་བཞིན་ཏེ། རྒྱལ་པོ་ཆེན་པོ་དུས་གཅིག་ཅིག་ན། རྒྱལ་པོ་ལེགས་མཐོང་ཆེན་པོ་སྐྱེད་མོས་ཚལ་གྱི་གནས་སུ་སོང་བ་ན། ཤིང་རྟ་སྒྱུར་བ་ལ་སྨྲས་པ། ཤིང་རྟ་སྒྱུར་བ། རེ་ཞིག་ཤིང་རྟ་རིམ་གྱིས་དལ་བུ་དལ་བུས་སྒྱུར་ཅིག་།ངས་གྲོང་མི་དང ། ཡུལ་མི་རྣམས་ལ་ཡུན་རིང་དུ་ལྟའོ། །གྲོང་མི་དང ། ཡུལ་མི་རྣམས་ཀྱིས་ཀྱང་ཤིང་རྟ་སྒྱུར་བ་ལ་སྨྲས་པ། ཤིང་རྟ་སྒྱུར་བ། རེ་ཞིག་ཤིང་རྟ་རིམ་གྱིས་དལ་བུ་དལ་བུས་སྒྱུར་ཅིག་དང ། བདག་ཅག་ཀྱང་ལྷ་ལ་ཡུན་རིང་དུ་ལྟའོ། །རྒྱལ་པོ་ལེགས་མཐོང་ཆེན་པོ། ཡུལ་མི་དང ། གྲོང་མི་རྣམས་ཀྱི་སྙིང་དུ་སྡུག་ཅིང་ཡིད་དུ་འོང་བ་གང་ཡིན་པ་འདི་ནི། རྒྱལ་པོ་ལེགས་མཐོང་ཆེན་པོའི་འབྱོར་པ་ཞེས་བྱའོ། །དེ་ནས་དུས་གཞན་ཞིག་ན། གྲོང་མི་དང ། ཡུལ་མི་རྣམས་གསེར་དང ། དངུལ་དང ། ནོར་བུ་རིན་པོ་ཆེ་དང ། ལ་བ་རིན་པོ་ཆེ་མང་པོ་དག་ཐོགས་ནས། རྒྱལ་པོ་ལེགས་མཐོང་ཆེན་པོ་གང་ན་བ་དེར་དོང་སྟེ་ཕྱིན་པ་དང ། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷའི་སླད་དུ་བདག་ཅག་གིས་གསེར་དང ། དངུལ་དང །
Kha314a
༄#། །ནོར་བུ་རིན་པོ་ཆེ་དང ། ལ་བ་རིན་པོ་ཆེ་མང་པོ་འདི་དག་འཚལ་ཏེ་མཆིས་ལགས་ན། ལྷ་ཐུགས་བརྩེ་བའི་སླད་དུ་འདི་དག་བཞེས་སུ་གསོལ། སྣ་བོ་དག། ངའི་ཡུལ་ན་འདི་འདྲ་བའི་ནོར་གྱི་རིགས་ཡོད་པས་མི་འདོད་དོ། །ཞེས་སྨྲས་ནས། ལེན་དུ་མ་བཏུབ་བོ། །གྲོང་མི་དང ། ཡུལ་མི་རྣམས་ཀྱིས་ལན་གཉིས། ལན་གསུམ་དུ་རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷའི་སླད་དུ་བདག་ཅག་གིས་གསེར་དང ། དངུལ་དང ། ནོར་བུ་རིན་པོ་ཆེ་དང ། ལ་བ་རིན་པོ་ཆེ་འདི་དག་འཚལ་ཏེ་མཆིས་ལགས་ན། ལྷ་ཐུགས་བརྩེ་བའི་སླད་དུ་འདི་དག་བཞེས་སུ་གསོལ། རྒྱལ་པོའི་ལེགས་མཐོང་ཆེན་པོས་ཀྱང་ལན་གཉིས། ལན་གསུམ་དུ་གྲོང་མི་དང ། ཡུལ་མི་རྣམས་ལ་འདི་སྐད་ཅེས་སྨྲས་སོ། །སྣ་བོ་དང ། ངའི་ཡུལ་ན་འདི་འདྲའི་ནོར་གྱི་རིགས་ཡོད་པས་མི་འདོད་དོ། །ཞེས་སྨྲས་ནས་ལེན་དུ་མ་བཏུབ་བོ། །དེ་ནས་གྲོང་མི་དང་ཡུལ་མི་རྣམས་འདི་སྙམ་དུ་སེམས་ཏེ། བདག་ཅག་གིས་ལྷའི་ཕྱིར་གསེར་དང ། དངུལ་དང ། ནོར་བུ་རིན་པོ་ཆེ་དང ། ལ་བ་རིན་པོ་ཆེ་རབ་ཏུ་མང་པོ་སྟ་གོན་བྱས་ལ། དེ་བདག་ཅག་གིས་བླངས་ཏེ་སླར་སོ་སོའི་གནས་སུ་འདོང་བ་ནི། བདག་ཅག་གི་ཚུལ་མ་ཡིན་པས། མ་ལ་བདག་ཅག་གིས་རྒྱལ་པོ་ལེགས་མཐོང་ཆེན་པོའི་མདུན་དུ་གསེར་དང ། དངུལ་གྱི་ཕུང་པོ་ཆེར་སྤུངས་ལ། མཐའ་གཅིག་ཏུ་ནོར་བུ་རིན་པོ་ཆེ་དང ། ལ་བ་རིན་པོ་ཆེ་བཞག་ནས་འདི་དག་ནི། ལྷ་
Kha314b
ཁྱོད་ཀྱི་དཀོར་གྱི་རིགས་ལགས་སོ། །ཞེས་སྨྲས་ཏེ་མི་ལྟ་བར་འདོང་ངོ ། །སྙམ་ནས། དེ་ནས་གྲོང་མི་དང ། ཡུལ་མི་རྣམས་ཀྱིས། རྒྱལ་པོ་ལེགས་མཐོང་ཆེན་པོའི་མདུན་དུ་རིན་པོ་ཆེ་དང ། གསེར་ཕུང་པོ་ཆེན་པོར་སྤུངས་ནས། མཐའ་གཅིག་ཏུ་ནོར་བུ་རིན་པོ་ཆེ་དང ། ལ་བ་རིན་པོ་ཆེ་བཞག་སྟེ། འདི་དག་ནི། ལྷ་ཁྱོད་ཀྱི་དཀོར་གྱི་རིགས་ལགས་སོ། །ཞེས་སྨྲས་ནས་མི་ལྟ་བར་དོང་ངོ ། །དེ་ནས་རྒྱལ་པོ་ལེགས་མཐོང་ཆེན་པོ། འདི་སྙམ་དུ་སེམས་ཏེ། བདག་གི་ནོར་གྱི་རིགས་ནི། ཆོས་བཞིན་གྱིས་རྙེད་པ་ཡིན་གྱི། ཆོས་མ་ཡིན་པས་ནི་མ་ཡིན་པས། མ་ལ་བདག་གིས་ཆོས་དང་མཐུན་པའི་ཁང་བཟང་བརྩིག་གོ་སྙམ་པ་དང ། མཐའི་རྒྱལ་ཕྲན་བརྒྱད་ཁྲི་བཞི་སྟོང་གིས། རྒྱལ་པོ་ལེགས་མཐོང་ཆེན་པོ་ཆོས་དང་མཐུན་པའི་ཁང་བཟང་རྩིག་པར་སྤྲོའོ་ཞེས་ཐོས་སོ། །ཐོས་ནས་ཀྱང་རྒྱལ་པོ་ལེགས་མཐོང་ཆེན་པོ་གང་ན་བ་དེར་དོང་སྟེ་ཕྱིན་པ་དང ། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷ། ཆོས་དང་མཐུན་པའི་ཁང་བཟང་རྩིག་པ་ལ་ཐུགས་ཀྱི་འཕྲིན་ལས་བསྐྱང་དུ་གསོལ། ལྷའི་ཆོས་དང་མཐུན་པའི་ཁང་བཟང་བདག་ཅག་གིས་བརྩིག་པར་བགྱིའོ། །སྣ་བོ་དག་།ཁོ་བོའི་ཡུལ་ན་འདི་འདྲ་བའི་ནོར་གྱི་རིགས་ཡོད་པས་མི་དགོས་སོ། །ཞེས་སྨྲས་ནས་མ་གནང་ངོ ། །དེ་ནས་ཁམས་ཀྱི་རྒྱལ་ཕྲན་བརྒྱད་ཁྲི་བཞི་སྟོང་གིས། རྒྱལ་པོ་ལེགས་མཐོང་ཆེན་པོའི་རྐང་པ་ལ་གཏུགས་ནས། ཁ་ཅིག་གིས་ནི། གོས་ཀྱི་མཐའ་ནས་བཟུང ། ཁ་ཅིག་གིས་ནི། རྒྱལ་
Kha315a
༄#། །པོ་ལེགས་མཐོང་ཆེན་པོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། རྒྱལ་པོ་ལེགས་མཐོང་ལ་འདི་སྐད་ཅེས་སྨྲས་སོ། །ལྷ། ཆོས་དང་མཐུན་པའི་ཁང་བཟང་རྩིག་པ་ལ་ཐུགས་ཀྱི་འཕྲིན་ལས་བསྐྱང་དུ་གསོལ། ལྷའི་ཆོས་དང་མཐུན་པའི་ཁང་བཟང་བདག་ཅག་གིས་བརྩིག་པར་བགྱིའོ། །རྒྱལ་པོ་ལེགས་མཐོང་ཆེན་པོས། ཁམས་ཀྱི་རྒྱལ་ཕྲན་བརྒྱད་ཁྲི་བཞི་སྟོང་ལ་ཅང་མི་སྨྲ་བས་གནང་ངོ ། །དེ་ནས་ཁམས་ཀྱི་རྒྱལ་པོ་བརྒྱད་ཁྲི་བཞི་སྟོང་གིས། རྒྱལ་པོ་ལེགས་མཐོང་ཆེན་པོ་ཅང་མི་སྨྲ་བས་གནང་བར་རིག་ནས། རང་རང་གི་གནས་སུ་དོང་སྟེ། གསེར་དང ། དངུལ་མང་པོ་དང ། རིན་པོ་ཆེའི་ཀ་བ་རེ་རེ་ཁྱེར་ནས། རྒྱལ་པོ་ལེགས་མཐོང་ཆེན་པོ་གང་ན་བ་དེར་དོང་སྟེ་ཕྱིན་ནས། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷའི་ཆོས་དང་མཐུན་པའི་ཁང་བཟང་བདག་ཅག་གིས་གང་དུ་ཇི་ཙམ་ཞིག་རྩིག་ལགས། གྲོང་པ་དག་།ཁྱེད་ཀྱིས་དེའི་ཕྱིར་རྩཝ་ཅན་གྱི་ཤར་ཕྱོགས་སུ་ཆོས་དང་མཐུན་པའི་ཁང་བཟང་ཆུར་དཔག་ཚད་གཅིག། རྒྱར་དཔག་ཚད་གཅིག་པ་ཞིག་རྩིགས་ཤིག་།དེ་ནས་ཁམས་ཀྱི་རྒྱལ་ཕྲན་བརྒྱད་ཁྲི་བཞི་སྟོང་གིས་རྩཝ་ཅན་གྱི་ཤར་ཕྱོགས་སུ་ཆོས་དང་མཐུན་པའི་ཁང་བཟང་རྒྱར་དཔག་ཚད་གཅིག། ཆུར་དཔག་ཚད་གཅིག་པ་ཞིག་བརྩིགས་ཏེ། ཆོས་དང་མཐུན་པའི་ཁང་བཟང་གི་ཀ་རྟེན་གྱི་གཞི་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། བཻ་
Kha315b
ཌཱུརྱ་ལས་བྱས་པ་དང ། ཤེལ་ལས་བྱས་པ་བྲེས་སོ། །ཆོས་དང་མཐུན་པའི་ཁང་བཟང་ལ་ཀ་བ་རྣམ་པ་བཞི་པོ། །གསེར་ལས་བྱས་པ་དང ། ཞེས་བྱ་བ་ནས། ཤེལ་ལས་བྱས་པའི་བར་དག་བཙུགས་སོ། །གསེར་ལས་བྱས་པའི་ཀ་བའི་རྟེན་དང ། ཀ་གཞུ་དང ། བྲེ་ཕུལ་དང ། གདུང་ནི། དངུལ་ལས་བྱས་སོ། །དངུལ་ལས་བྱས་པའི་ནི། གསེར་ལས་བྱས་སོ། །བཻ་ཌཱུརྱ་ལས་བྱས་པའི་ནི། ཤེལ་ལས་བྱས་སོ། །ཤེལ་ལས་བྱས་པའི་ཀ་བའི་ཀ་རྟེན་དང ། ཀ་གཞུ་དང ། བྲེ་ཕུལ་དང ། གདུང་ནི། བཻ་ཌཱུརྱ་ལས་སོ། །ཆོས་དང་མཐུན་པའི་ཁང་བཟང་ལ་ཕྱི་ཚེ་རྣམ་པ་བཞི་པོ། གསེར་ལས་བྱས་པ་ནས་ཤེལ་ལས་བྱས་པའི་བར་དག་བྲེས་སོ། །ཆོས་དང་མཐུན་པའི་ཁང་བཟང་ལ་ཕྱམ་རྣམ་པ་བཞི་པོ། གསེར་ལས་བྱས་པ་ནས་ཤེལ་ལས་བྱས་པའི་བར་བཞིའོ། །ཆོས་དང་མཐུན་པའི་ཁང་བཟང་ལ་གདུང་རིང་རྣམ་པ་བཞི་པོ། གསེར་ལས་བྱས་པ་ནས་ཤེལ་ལས་བྱས་པའི་བར་བྲེས་སོ། །ཆོས་དང་མཐུན་པའི་ཁང་བཟང་ལ་བ་གམ་རྣམ་པ་བཞི་པོ། གསེར་ལས་བྱས་པ་ནས་ཤེལ་ལས་བྱས་པའི་བར་བཏགས་སོ། །ཆོས་དང་མཐུན་པའི་ཁང་བཟང་ལ་སྤང་ལེབ་རྣམ་པ་བཞི་པོ། གསེར་ལས་བྱས་པ་ནས་ཤེལ་ལས་བྱས་པའི་བར་གྱིས་གཡོགས་སོ། །ཆོས་དང་མཐུན་པའི་ཁང་བཟང་ལ་ཐེམ་སྐས་རྣམ་པ་བཞི་པོ། གསེར་ལས་བྱས་པ་ནས་ཤེལ་ལས་བྱས་པའི་བར་བརྩིགས་སོ། །ཆོས་དང་མཐུན་པའི་ཁང་བཟང་ལ་ལན་ཀན་རྣམ་པ་བཞི་པོ། གསེར་ལས་བྱས་པ་
Kha316a
༄#། །ནས་ཤེལ་ལས་བྱས་པའི་བར་གྱིས་བསྐོར་ཏོ། །གསེར་ལས་བྱས་པའི་ལན་ཀན་གྱི་གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་ནི། དངུལ་ལས་བྱས་སོ། ། དངུལ་ལས་བྱས་པའི་ནི། གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་གསེར་ལས་བྱས་སོ། །ཤེལ་ལས་བྱས་པའི་ནི། གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་བཻ་ཌཱུརྱ་ལས་བྱས་སོ། །ཡང ། ཆོས་དང་མཐུན་པའི་ཁང་བཟང་ལ་ཁང་པ་བརྩེགས་མ་བརྒྱད་ཁྲི་བཞི་སྟོང་བརྩིགས་ཏེ། ཁང་པ་བརྩེགས་མ་རྣམ་པ་བཞི་པོ། གསེར་ལས་བྱས་པ་ནས་ཤེལ་ལས་བྱས་པའི་བར་རྣམས་ལ། གསེར་ལས་བྱས་པའི་ཁང་པ་བརྩེགས་མར་ནི། དངུལ་ལས་བྱས་པའི་ཁྲི་ལྷས་མ་ཅན། མགོ་ན་ཀ་ཤི་ཀའི་རས་ཀྱི་གདིང་བ་ཅན་དང ། སྟན་ནང་ཚངས་ཅན་གྱི་གདིང་བ་ཅན་དང ། ཟ་བུག་གི་གདིང་བ་ཅན་དང ། ར་མོ་ནིག་གི་གདིང་བ་ཅན་དང ། ཀ་ལིངྐའི་རས་ཕྲན་གྱི་གདིང་བ་ཅན་སྟེང་གཡོགས་དང་བཅས་པ། ཕྱོགས་གཉིས་སུ་སྔས་དམར་པོ་བཅུག་པའི་བར་དག་བཤམས་སོ། །དངུལ་ལས་བྱས་པ་ལ་ནི། གསེར་ལས་བྱས་པའོ། །བཻ་ཌཱུརྱ་ལས་བྱས་པ་ལ་ནི། ཤེལ་ལས་བྱས་པའོ། །ཤེལ་ལས་བྱས་པ་ལ་ནི། བཻ་ཌཱུརྱ་ལས་བྱས་པའི་ཁྲི་ལྷས་མ་ཅན་ནས་ཕྱོགས་གཉིས་སུ་སྔས་དམར་པོ་བཅུག་པའི་བར་དག་བཤམས་སོ། །གསེར་ལས་བྱས་པའི་ཁང་པ་བརྩེགས་མའི་མདུན་དུ་ནི། དངུལ་ལས་
Kha316b
བྱས་པའི་ཤིང་ཏ་ལ་ལོ་མ་དང ། མེ་ཏོག་དང ། འབྲས་བུ་གསེར་ལས་བྱས་པ་སྦྲེངས་སོ། །དངུལ་ལས་བྱས་པའི་མདུན་དུ་ནི། གསེར་ལས་བྱས་པའོ། །བཻ་ཌཱུརྱ་ལས་བྱས་པའི་མདུན་དུ་ནི། ཤེལ་ལས་བྱས་པའོ། །ཤེལ་ལས་བྱས་པའི་མདུན་དུ་བཻ་ཌཱུརྱ་ལས་བྱས་པ་ལོ་མ་དང ། མེ་ཏོག་དང ། འབྲས་བུ་ཤེལ་ལས་བྱས་པ་སྦྲེངས་སོ། །ཤིང་ཏ་ལ་དེ་རྣམས་རླུང་གིས་བསྐྱོད་པ་ན། འདི་ལྟ་བུའི་སྒྲ་ཡིད་དུ་འོང་བ་འབྱུང་སྟེ། དཔེར་ན། སྐྱེས་བུ་མཁས་པ་སིལ་སྙན་ཡན་ལག་ལྔ་དང་ལྡན་པ་ཡང་དག་པར་ལེགས་པར་བསྒྲགས་པ་བཞིན་ནོ། །ཆོས་དང་མཐུན་པའི་ཁང་བཟང་ལ་གསེར་གྱི་བྱེ་མ་བདལ་ཅིང ། ཙནྡན་གྱི་ཆུས་ཆག་ཆག་བཏབ་ལ། གསེར་གྱི་དྲ་བ་དང ། གསེར་གྱི་དྲིལ་བུ་གཡེར་ཁ་བརྒྱུས་པས་བཏགས་སོ། །དེ་ནས་ཁམས་ཀྱི་རྒྱལ་ཕྲན་བརྒྱད་ཁྲི་བཞི་སྟོང་གིས། ཆོས་དང་མཐུན་པའི་ཁང་བཟང་གི་བྱ་བ་ཐམས་ཅད་ཟིན་པར་རིག་ནས། ཆོས་དང་མཐུན་པའི་ཁང་བཟང་གི་མདུན་དུ་ཆོས་དང་མཐུན་པའི་རྫིང་ཆུར་དཔག་ཚད་གཅིག་།རྒྱར་དཔག་ཚད་གཅིག་པ་ཞིག་བརྐོས་ཏེ། ཆོས་དང་མཐུན་པའི་རྫིང་དུ་ཕ་གུ་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པས་བརྩིགས་སོ། །ཆོས་དང་མཐུན་པའི་རྫིང་ལ་ཐེམ་སྐས་རྣམ་པ་བཞི་པོ། གསེར་ལས་བྱས་པ་ནས་ཤེལ་ལས་བྱས་པའི་བར་གྱིས་བརྩིགས་སོ། །ཆོས་དང་མཐུན་པའི་རྫིང་ལ་ལན་ཀན་རྣམ་པ་བཞི་པོ་གསེར་ལས་བྱས་པ་ནས་ཤེལ་ལས་
Kha317a
༄#། །བྱས་པའི་བར་གྱིས་བསྐོར་ཏེ། གསེར་ལས་བྱས་པའི་ལན་ཀན་གྱི་གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་དངུལ་ལས་བྱས་སོ། །དངུལ་ལས་བྱས་པའི་ནི། གསེར་ལས་བྱས་སོ། །བཻ་ཌཱུརྱ་ལས་བྱས་པའི་ནི། ཤེལ་ལས་བྱས་སོ། །ཤེལ་ལས་བྱས་པའི་ནི། གཟུངས་གཟེར་དང ། གདང་བུ་དང ། ལན་ཀན་གྱི་རྟེན་མ་བཻ་ཌཱུརྱ་ལས་བྱས་སོ། །ཆོས་དང་མཐུན་པའི་རྫིང་དུ་ཆུ་ནས་སྐྱེ་བོའི་མེ་ཏོག་རྣམ་པ་སྣ་ཚོགས་འདི་ལྟ་སྟེ། ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། དྲི་ཞིམ་དང ། དྲི་ངད་འཇམ་དང ། དུས་ཚིགས་ཐམས་ཅད་དང ། དུས་ཐམས་ཅད་པའི་མེ་ཏོག། སྐྱེ་བོ་ཐམས་ཅད་ལ་དགག་པ་མེད་པ་བསྐྱེད་དོ། །ཆོས་དང་མཐུན་པའི་རྫིང་གི་འགྲམ་གཉིས་སུ་ཐང་ལས་སྐྱེས་པའི་མེ་ཏོག་རྣམ་པ་སྣ་ཚོགས་འདི་ལྟ་སྟེ། ཨ་ཏི་མུཀྟ་ཀ་དང ། ཙམྤ་ཀ་དང ། པ་ཏ་ལ་དང ། པ་རི་ཤ་ཀ་དང ། མ་ལི་ཀ་དང ། ན་བ་མ་ལི་ཀ་དང ། ཡིད་དུ་འོང་དང ། ཡུ་ཏི་ཀ་དང ། དྷ་ནུ་ཀ་རི་དང ། དུས་ཚིགས་ཐམས་ཅད་པ་དང ། དུས་ཐམས་ཅད་པའི་མེ་ཏོག། སྐྱེ་བོ་ཐམས་ཅད་ལ་དགག་པ་མེད་པ་དག་བསྐྱེད་དོ། །ཆོས་དང་མཐུན་པའི་རྫིང་དུ་གསེར་གྱི་གཅལ་བཀྲམ་ཞིང ། ཙནྡན་གྱི་ཆུས་བཀང་ལ། གསེར་གྱི་དྲ་བ་དང ། གསེར་གྱི་དྲིལ་བུ་གཡེར་ཁ་བརྒྱུས་པས་བྲེས་སོ། །དེ་ནས་ཁམས་ཀྱི་རྒྱལ་ཕྲན་བརྒྱད་ཁྲི་བཞི་སྟོང་གིས། ཆོས་དང་མཐུན་པའི་རྫིང་གི་བྱ་བ་ཐམས་ཅད་ཟིན་པར་རིག་ནས། ཆོས་དང་མཐུན་པའི་རྫིང་གི་མདུན་
Kha317b
དུ་ཆོས་དང་མཐུན་པའི་ཤིང་ཏ་ལའི་ཚལ་ཆུར་དཔག་ཚད་གཅིག་པ། རྒྱར་དཔག་ཚད་གཅིག་ཞིག་བཙུགས་ཏེ། ཆོས་དང་མཐུན་པའི་ཤིང་ཏ་ལའི་ཚལ་དུ་ཏ་ལ་རྣམ་པ་བཞི་པོ། གསེར་ལས་བྱས་པ་ནས། ཤེལ་ལས་བྱས་པའི་བར་བཙུགས་པ་ལ། གསེར་ལས་བྱས་པའི་ནི། ལོ་མ་དང ། མེ་ཏོག་དང ། འབྲས་བུ་དངུལ་ལས་བྱས་པ་བཙུགས་སོ། །དངུལ་ལས་བྱས་པའི་ནི། གསེར་ལས་བྱས་སོ། ། གསེར་ལས་བྱས་པའི་ནི། བཻ་ཌཱུརྱ་ལས་བྱས་སོ། །བཻ་ཌཱུརྱ་ལས་བྱས་པའི་ནི། ལོ་མ་དང ། མེ་ཏོག་དང ། འབྲས་བུ་ཤེལ་ལས་བྱས་པ་བཙུགས་སོ། །ཡང ། ཤིང་ཏ་ལའི་ཚལ་དེ་རྣམས་རླུང་གིས་བསྐྱོད་པ་ན། འདི་ལྟ་བུའི་སྒྲ་ཡིད་དུ་འོང་བ་འབྱུང་བར་འགྱུར་ཏེ། དཔེར་ན། སྐྱེས་བུ་མཁས་པས་སིལ་སྙན་ཡན་ལག་ལྔ་དང་ལྡན་པ་ཡང་དག་པར་ལེགས་པར་བསྒྲགས་པ་བཞིན་ནོ། །ཆོས་དང་མཐུན་པའི་ཤིང་ཏ་ལའི་ཚལ་ལ་ལན་ཀན་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། རིན་པོ་ཆེ་ལས་བྱས་པ་དང ། ཤེལ་ལས་བྱས་པས་བསྐོར་ཏེ། གསེར་ལས་བྱས་པའི་ལན་ཀན་གྱི་གཟུངས་གསེར་དང ། གདང་བུ་དང ། ལན་ཀན་གྱི་རྟེན་མ་ནི། དངུལ་ལས་བྱས་པ་བསྐོར་ཏོ། །ཞེས་བྱ་བའི་བར་གོང་མ་བཞིན་ནོ། །ཆོས་དང་མཐུན་པའི་ཤིང་ཏ་ལའི་ཚལ་ན་གསེར་གྱི་གཅལ་བཀྲམ་ཞིང ། ཙནྡན་གྱི་ཆུས་ཆག་ཆག་བཏབ་ལ། གསེར་གྱི་དྲ་བ་གསེར་གྱི་དྲིལ་བུ་གཡེར་ཁ་བརྒྱུས་པ་བྲེས་སོ། །དེ་ནས་ཁམས་ཀྱི་རྒྱལ་ཕྲན་བརྒྱད་ཁྲི་བཞི་སྟོང་གིས་ཆོས་དང་མཐུན་པའི་
Kha318a
༄#། །ཁང་བཟང་དང ། ཆོས་དང་མཐུན་པའི་རྫིང་དང ། ཆོས་དང་མཐུན་པའི་ཤིང་ཏ་ལའི་ཚལ་གྱི་བྱ་བ་ཐམས་ཅད་ཟིན་པར་རིག་ནས། རྒྱལ་པོ་ལེགས་མཐོང་ཆེན་པོ་གང་ན་བ་དེར་དོང་སྟེ་ལྷགས་པ་དང ། རྒྱལ་པོ་ལེགས་མཐོང་ཆེན་པོ་ལ་འདི་སྐད་ཅེས་སྨྲས་སོ། །ལྷའི་ཆོས་དང་མཐུན་པའི་ཁང་བཟང་དང ། ཆོས་དང་མཐུན་པའི་རྫིང་དང ། ཆོས་དང་མཐུན་པའི་ཤིང་ཏ་ལའི་ཚལ་ཡང་བགྱིས་ལགས་ཏེ། ལྷ། ད་དེའི་དུས་ལ་བབ་པར་དགོངས་ཤིག་།དེ་ནས་རྒྱལ་པོ་ལེགས་མཐོང་ཆེན་པོ། འདི་སྙམ་དུ་སེམས་ཏེ། འདི་ལྟར། ཁང་བཟང་འདི་ཉིད་དུ་ཐོག་མར་བདག་ཁོ་ན་གནས་པ་ནི། བདག་གི་ཆ་མ་ཡིན་གྱི། མ་ལ་བདག་གིས་བདག་གི་ཡུལ་ན་དགེ་སྦྱོང་དང ། བྲམ་ཟེ་དང ། ཚུལ་བཟང་པོར་བཀུར་བ་གང་དག་གནས་པ་དེ་དག་ལ་ཆོས་དང་མཐུན་པའི་ཁང་བཟང་དུ་ཟན་བྱིན་ལ། རེ་རེ་ལ་ཡང་རས་བཅོས་བུ་གསར་པ་ཟུང་རེ་རེ་བསྐོན་སྙམ་ནས། དེ་ནས་རྒྱལ་པོ་ལེགས་མཐོང་ཆེན་པོས། ཆོས་དང་མཐུན་པའི་ཁང་བཟང་དུ་རང་སངས་རྒྱས་ལྔ་བརྒྱ་ལ་ཟན་བྱིན་ཏེ། རེ་རེ་ལ་ཡང་རས་བཅོས་བུ་ཟུང་རེ་བསྐོན་ནས། ཚིགས་སུ་བཅད་དེ་སྨྲས་པ། མཁས་པས་ནོར་ནི་མང་པོ་དག་།རྙེད་ནས་བག་མེད་མི་བྱ་སྟེ། །ཚུལ་ཁྲིམས་ལྡན་པ་གང་དག་ལ། །ཡོན་གྲུབ་འགྱུར་བ་རྣམས་ལ་སྦྱིན། །དེ་ལྟར་ཡིད་གཞུངས་དད་པ་ཅན། །མ་ཆགས་སེམས་ཀྱིས་འདིར་སྦྱིན་ནས། །མཁས་པ་འཇིག་རྟེན་མནོག་མེད་པ། །བདེ་བ་ཅན་དུ་སྐྱེ་བར་འགྱུར། །རྒྱལ་པོ་
Kha318b
ཆེན་པོ། དེའི་ཚེ་དེའི་དུས་ཀྱི་རྒྱལ་པོ་ལེགས་མཐོང་ཆེན་པོ་ཞེས་བྱ་བ། འཁོར་ལོས་བསྒྱུར་བའི་རྒྱལ་པོ་གླིང་བཞི་ལ་དབང་བ། རིན་པོ་ཆེ་སྣ་བདུན་དང ། མི་རྣམས་ཀྱི་འབྱོར་པ་བཞི་དང་ལྡན་པར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། ང་ཉིད། དེའི་ཚེ་དེའི་དུས་ན་རྒྱལ་པོ་ལེགས་མཐོང་ཆེན་པོ་ཞེས་བྱ་བ། འཁོར་ལོས་བསྒྱུར་བའི་རྒྱལ་པོ་གླིང་བཞི་ལ་དབང་བ།་རིན་པོ་ཆེ་སྣ་བདུན་དང ། མི་རྣམས་ཀྱི་འབྱོར་པ་རྣམ་པ་བཞི་དང་ལྡན་པར་གྱུར་ཏོ། །རྒྱལ་པོ་ཆེན་པོ། ངས་སྦྱིན་པའམ། སྦྱིན་པའི་བགོ་བཤའ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་པ་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྦྱིན་པ་དག་བཏང ། བསོད་ནམས་དག་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་ཅེས་བྱ་བ་ཞིག་བྱུང་བར་གྱུར་པས། དེས་བྲམ་ཟེ་རྣམས་ལ་སྦྱིན་པ་འདི་ལྟ་བུ་བྱིན་ཏེ། གླང་པོ་ཆེ་གསེར་གྱིས་བརྒྱན་པ། གསེར་གྱིས་མཛེས་པར་བྱས་པ། གསེར་གྱི་རྒྱལ་མཚན་ཅན། གསེར་གྱི་དྲ་བས་གཡོགས་པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །རྟ་གསེར་གྱིས་བརྒྱན་པ། གསེར་གྱིས་མཛེས་པར་བྱས་པ། གསེར་གྱི་དྲ་བས་གཡོགས་
Kha319a
༄#། །པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། ཤིང་རྟ་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པ། སེངྒེའི་པགས་པས་གཡོགས་པ། གུང་ལྤགས་ཀྱིས་གཡོགས་པ། ཨར་མོ་ནིག་གིས་གཡོགས་པ། རྣམ་པར་རྒྱལ་བྱེད་ཀྱི་བ་དན་ཅན་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། །གསེར་གྱི་སྣོད་དངུལ་སིལ་མས་བཀང་བ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་ནོ། །དངུལ་གྱི་སྣོད་གསེར་ཕྱེས་བཀང་བ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པར་བྱིན་ནོ། ཁྲི་རྣམ་པ་བཞི་པོ། གསེར་ལས་བྱས་པ་དང ། དངུལ་ལས་བྱས་པ་དང ། བཻ་ཌཱུརྱ་ལས་བྱས་པ་དང ། ཤེལ་ལས་བྱས་པ་ལྷས་མ་ཅན། མགོན་ཀ་ཤི་ཀའི་རས་བཏིང་བ། སྟན་ནང་ཚངས་ཅན་བཏིང་བ། སྟན་ཆེན་པོ་བཏིང་བ། ཀ་ལིངྐའི་གོས་ཀྱིས་སྟེང་གཡོགས་པ། སྟེང་གཡོགས་བརྩེགས་མ་ཅན། ཕྱོགས་གཉིས་སུ་སྔས་དམར་པོ་བཤམས་པ་བརྒྱད་ཁྲི་བཞི་སྟོང་དང ། རས་ཟུང་རྣམ་པ་བཞི་པོ། ཀ་ཤི་ཀའི་རས་ཕྲན་དང ། ཟར་མའི་རས་ཕྲན་དང ། དཱུ་བུ་ལའི་རས་ཕྲན་དང ། ཀོ་ཏམ་པའི་རས་ཕྲན་ཟུང་བརྒྱད་ཁྲི་བཞི་སྟོང་དང ། བ་གསེར་གྱི་རཝ་ཅན། རྨིག་པ་དངུལ་ལས་བྱས་པ། བེའུ་སྤུ་མཐུན་དང་བཅས་པ། ཁར་བའི་ཟོ་བ་ཅན། རས་བཅོས་བུ་ཕྲུགས་ཀྱིས་གཡོགས་པ་བརྒྱད་ཁྲི་བཞི་སྟོང་དང ། བུ་མོ་གསེར་གྱི་དཔུང་བརྒྱན་དང ། མགུལ་རྒྱན་
Kha319b
ཐོགས་པ། ལེགས་པར་བརྒྱན་པ་བརྒྱད་ཁྲི་བཞི་སྟོང་བྲམ་ཟེ་རྣམས་ལ་སྦྱིན་པ་བྱིན་ན། ཟས་དང ། སྐོམ་དང ། བཟའ་བ་དང ། བཅའ་བ་དང ། བལྡག་པ་དང ། བཞི་པ་ལྟ་སྨོས་ཀྱང་ཅི་དགོས། རྒྱལ་པོ་ཆེན་པོ། བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་དེ་ལྟ་བུའི་སྦྱིན་པའི་བྱིན་པ་འདི་བས་ནི། གང་གིས་ཕྱི་རོལ་པའི་དྲང་སྲོང ། འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་ན། སྦྱིན་པ་དེ་བས་སྦྱིན་པ་འདི་འབྲས་བུ་ཆེས་ཆེའོ། །རྒྱལ་པོ་ཆེན་པོ། བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་བྱིན་པ་གང་ཡིན་པ་འདི་དང ། གང་གིས་ཕྱི་རོལ་པའི་དྲང་སྲོང ། འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་བས། གང་གིས་སོ་སོའི་སྐྱེ་བོ་ཛམྦུའི་ཚལ་ན་འདུག་པ་གཅིག་ལ་ཟན་བྱིན་ན། སྦྱིན་པ་དེ་བས་སྦྱིན་པ་འདིའི་འབྲས་བུ་ཆེས་ཆེའོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་རྣམས་ལ་སྦྱིན་པ་དེ་ལྟ་བུ་བྱིན་པ་གང་ཡིན་པ་འདི་དང ། གང་གིས་ཕྱི་རོལ་པའི་དྲང་སྲོང ། འདོད་པ་རྣམས་ལས་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་བས། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་གཅིག་ལ་ཟན་བྱིན་ན། སྦྱིན་པ་དེ་བས་སྦྱིན་པ་འདིའི་འབྲས་བུ་ཆེས་ཆེའོ། །དེ་ལ་སོགས་པ་རྒྱས་པར་ཐམས་ཅད་ལ་བརྩམས་ནས་ཐམས་ཅད་བརྗོད་པར་བྱ་སྟེ། མཇུག་ཁྲོན་བྲི་བར་བྱའོ། །གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པར་བརྒྱ་ལ་ཟན་བྱིན་
Kha320a
༄#། །པ་བས། གང་གིས་རྒྱུན་དུ་ཞུགས་པ་གཅིག་ལ་ཟན་བྱིན་ན། སྦྱིན་པ་དེ་བས་སྦྱིན་པ་འདིའི་འབྲས་བུ་ཆེས་ཆེ་བའོ། །གང་གིས་རྒྱུན་དུ་ཞུགས་པ་བརྒྱ་ལ་ཟན་བྱིན་པ་བས། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་གཅིག་ལ་ཟན་བྱིན་ན། སྦྱིན་པ་དེ་བས་སྦྱིན་པ་འདིའི་འབྲས་བུ་ཆེས་ཆེ་བའོ། །གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་བས། གང་གིས་ལན་གཅིག་ཕྱིར་འོང་བ་གཅིག་ལ་ཟན་བྱིན་ན། སྦྱིན་པ་དེ་བས་སྦྱིན་པ་འདིའི་འབྲས་བུ་ཆེས་ཆེ་བའོ། །གང་གིས་ལན་གཅིག་ཕྱིར་འོང་བ་བརྒྱ་ལ་ཟན་བྱིན་པ་བས། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་གཅིག་ལ་ཟན་བྱིན་ན། སྦྱིན་པ་དེ་བས་སྦྱིན་པའི་འབྲས་བུ་ཆེས་ཆེ་བའོ། ། གང་གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་བས། གང་གིས་ཕྱིར་མི་འོང་བ་གཅིག་ལ་ཟན་བྱིན་ན། དེ་བས་སྦྱིན་པ་འདིའི་འབྲས་བུ་ཆེས་ཆེ་བའོ། ། གང་གིས་ཕྱིར་མི་འོང་བ་བརྒྱ་བས། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་གཅིག་ལ་ཟན་བྱིན་ན། སྦྱིན་པ་དེ་བས་སྦྱིན་པ་འདིའི་འབྲས་བུ་ཆེས་ཆེའོ། །གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་བས་ནི། གང་གིས་དགྲ་བཅོམ་པ་གཅིག་ལ་ཟན་བྱིན་ན། སྦྱིན་པ་དེ་བས་སྦྱིན་པ་འདིའི་འབྲས་བུ་ཆེས་ཆེའོ། །གང་གིས་དགྲ་
Kha320b
བཅོམ་པ་བརྒྱ་ལ་ཟན་བྱིན་པ་བས། གང་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའི་ར་བ་ཕུལ་ན། སྦྱིན་པ་དེ་བས་སྦྱིན་པ་འདིའི་འབྲས་བུ་ཆེས་ཆེའོ། །གང་གིས་ཀུན་དགའ་ར་བ་དེ་ཉིད་དུ་གཙུག་ལག་ཁང་རྩིག་ཏུ་བཅུག་ན། དེ་བས་འདིའི་འབྲས་བུ་ཆེས་ཆེའོ། །གང་གིས་གཙུག་ལག་ཁང་དེ་ཉིད་དུ་གནས་མལ་འདི་ལྟ་སྟེ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་དག་ཕུལ་ན། དེ་བས་འདིའི་འབྲས་བུ་ཆེས་ཆེའོ། །གང་གིས་གཙུག་ལག་ཁང་དེ་ཉིད་དུ་གཏན་གྱི་རྐྱེན་རིས་བཅད་དེ་རྗེས་སུ་མཐུན་པའི་མཆོད་སྦྱིན་བཙུགས་ན། དེ་བས་འདིའི་འབྲས་བུ་ཆེས་ཆེའོ། །གང་གིས་སངས་རྒྱས་ལ་སྐྱབས་སུ་སོང་ཞིང ། ཆོས་དང་དགེ་འདུན་ལ་སྐྱབས་སུ་སོང་ནས་བསླབ་པའི་གཞི་རྣམས་བླངས་ན། དེ་བས་འདིའི་འབྲས་བུ་ཆེས་ཆེའོ། །གང་གིས་བྱམས་པའི་སེམས་དང་ལྡན་པ་ཞེས་བྱ་བ་རྒྱས་པར་སྦྱར་ཏེ། དེ་བས་འདིའི་འབྲས་བུ་ཆེས་ཆེའོ། །རྒྱལ་པོ་ཆེན་པོ། བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་གིས་བྲམ་ཟེ་དེ་རྣམས་ལ་སྦྱིན་པ་དེ་ལྟ་བུ་བྱིན་པ་གང་ཡིན་པ་འདི་དང ། གང་གིས་ཕྱི་རོལ་པའི་དྲང་སྲོང ། འདོད་པ་རྣམས་ལ་འདོད་ཆགས་དང་བྲལ་བ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་ལ་ཟན་བྱིན་པ་དང ། གང་གིས་རྒྱུན་དུ་ཞུགས་པ་བརྒྱ་དང ། གང་གིས་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱ་བའི་འཕྱིར་ཞུགས་པ་བརྒྱ་དང ། གང་གིས་ལན་གཅིག་ཕྱིར་འོང་བ་བརྒྱ་དང ། གང་
Kha321a
༄#། །གིས་ཕྱིར་མི་འོང་བའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་དང ། གང་གིས་ཕྱིར་མི་འོང་བ་བརྒྱ་དང ། གང་གིས་དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་བརྒྱ་དང ། གང་གིས་དགྲ་བཅོམ་པ་བརྒྱ་དང ། གང་གིས་ཕྱོགས་བཞིའི་དགེ་སློང་གི་དགེ་འདུན་ལ་ཀུན་དགའ་ར་བ་ཕུལ་བ་དང ། གང་གིས་ཀུན་དགའ་ར་བ་ཉིད་དུ་གཙུག་ལག་ཁང་རྩིག་ཏུ་བཅུག་པ་དང ། གང་གིས་གཙུག་ལག་ཁང་དེ་ཉིད་དུ་གནས་མལ་འདི་ལྟ་སྟེ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། ལ་བ་དང ། སྔས་དང ། གོར་བུ་དག་ཕུལ་བ་དང ། གང་གིས་གཙུག་ལག་ཁང་དེ་ཉིད་དུ་གཏན་གྱི་རྐྱེན་རིས་བཅད་དེ་རྗེས་སུ་མཐུན་པའི་མཆོད་སྦྱིན་འཛུགས་པ་དང ། གང་གིས་སངས་རྒྱས་ལ་སྐྱབས་སུ་འགྲོ་།ཆོས་དང་དགེ་འདུན་ལ་སྐྱབས་སུ་འགྲོ་ཞིང་བསླབ་པའི་གཞི་རྣམས་བླངས་པ་དང ། གང་གིས་བྱམས་པའི་སེམས་དང་ལྡན་པ་ཞེས་བྱ་བ་རྒྱས་པ་བས། གང་ཞིག་འདུ་བྱེད་ཐམས་ཅད་མི་རྟག་པར་རྗེས་སུ་ལྟ་ཞིང་ཟད་པར་རྗེས་སུ་ལྟ། འདོད་ཆགས་དང་བྲལ་བར་རྗེས་སུ་ལྟ། འགོག་པར་རྗེས་སུ་ལྟ། ངེས་པར་འབྱུང་བར་རྗེས་སུ་ལྟ་ཞིང་གནས་ན། སྦྱིན་པ་དེ་བས་འདིའི་འབྲས་བུ་ཆེས་ཆེའོ། །རྒྱལ་པོ་ཆེན་པོ། དེ་ལྟ་བས་ན། ཁྱོད་ཀྱིས་འདི་ལྟར་བསླབ་པར་བྱ་སྟེ། འདུ་བྱེད་ཐམས་ཅད་ལ་མི་རྟག་པར་རྗེས་སུ་ལྟ་ཞིང་གནས་པར་བྱའོ། །ཟད་པར་རྗེས་སུ་ལྟ་བ་དང ། འདོད་ཆགས་དང་བྲལ་བར་རྗེས་སུ་ལྟ་བ་དང ། འགོག་པར་རྗེས་སུ་ལྟ་བ་དང ། ངེས་པར་འབྱུང་
Kha321b
པར་རྗེས་སུ་ལྟ་ཞིང་གནས་པར་བྱའོ། །ཞེས་ཁྱོད་ཀྱིས་དེ་ལྟར་བསླབ་པར་བྱའོ། །རྒྱལ་པོ་ཆེན་པོ། དེ་ལྟར་བྲམ་ཟེ་ཤིང་སཱ་ལ་ཆེན་པོ་དུས་དཔོག་དེས། བྲམ་ཟེ་རྣམས་ལ་སྦྱིན་པ་དག་བཏང ། བསོད་ནམས་དག་བྱས་ནས། ཚིགས་སུ་བཅད་དེ་སྨྲས་པ། སྦྱིན་པ་བྱིན་པས་བདེ་བར་འགྱུར། །སྦྱིན་པ་བྱིན་པས་འཇིགས་པ་མེད། །ལྷ་དང་མི་ཡི་ནང་དག་ན། །སྦྱིན་པ་ཡིས་ནི་ལེགས་པར་མཆོད། །དེ་བས་འབྱོར་པ་འདོད་པ་དང ། །དབང་ཕྱུག་དང་ནི་ལྷ་ཡུལ་དང ། །ཐར་པ་འདོད་པས་རྟག་ཏུ་ནི། །འཇིགས་པ་མེད་པར་སྦྱིན་པ་བཏང ། །རྒྱལ་པོ་ཆེན་པོ། དེའི་ཚེ་དེའི་དུས་ཀྱི་བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་ཅེས་བྱ་བར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། དེའི་ཚེ་དེའི་དུས་ན། ང་ཉིད་བྲམ་ཟེ་ཤིང་སཱ་ལ་ཆེན་པོ་ལྟ་བུ་དུས་དཔོག་ཅེས་བྱ་བར་གྱུར་ཏེ། ངས་དེ་ན་བྲམ་ཟེ་རྣམས་ལ་དེ་ལྟ་བུའི་སྦྱིན་པ་བྱིན་ནོ། །རྒྱལ་པོ་ཆེན་པོ། ངས་སྦྱིན་པའམ། སྦྱིན་པའི་བགོ་བཤའ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་སྦྱིན་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར། སྦྱིན་པ་དག་བཏང ། བསོད་ནམས་དག་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། རྒྱལ་པོ་ལ་ཉེ་ཅན་ཞེས་བྱ་བ། མཐུ་དང་ལྡན་པ་ཞིག་
Kha322a
༄#། །བྱུང་སྟེ། ལྷ་རྣམས་ཀྱི་དབང་པོ་བརྒྱ་བྱིན་གྱི་སྙིང་དུ་སྡུག་པ་གྲོགས་པོར་གྱུར་པ་ལས། དེ་ལ་བུ་ཕོ་ཡང་མེད། བུ་མོ་ཡང་མེད་ནས། དེ་ལག་པ་འགྲམ་པ་ལ་གཏད་ནས་བདག་གི་འབྱོར་པ་དང ། དབང་ཕྱུག་འདི་འདྲ་ན། བུ་ཕོ་ཡང་མེད། བུ་མོ་ཡང་མེད་པས། བདག་འདས་ན། གདུང་རྒྱུད་ཆད་པར་འགྱུར་རོ། །སྙམ་ནས། སེམས་ཁོང་དུ་ཆུད་ཅིང་འདུག་པ། ལྷ་རྣམས་ཀྱི་དབང་པོ་བརྒྱ་བྱིན་གྱིས་མཐོང་ནས་སྨྲས་པ། གྲོགས་པོ། ཁྱོད་ཅིའི་ཕྱིར་ལག་པ་ལ་འགྲམ་པ་གཏད་ནས་སེམས་ཁོང་དུ་ཆུད་ཅིང་འདུག། དེས་སྨྲས་པ། ཀོའུ་ཤི་ཀ། བདག་གི་འབྱོར་པ་དང ། དབང་ཕྱུག་འདི་འདྲ་ན། བུ་ཕོ་ཡང་མེད། བུ་མོ་ཡང་མེད་པས། བདག་འདས་ན། གདུང་རྒྱུད་ཆད་པར་འགྱུར་རོ། །དེས་སྨྲས་པ། གྲོགས་པོ། ཁོ་བོས་ཁྱོད་ལ་སྨན་ཞིག་བསྐུར་གྱི་བཙུན་མོ་རྣམས་ལ་ལུད་ཅིག་དང ། དེས་ན་ཁྱོད་བུ་ཕོ་དང ། བུ་མོ་ཡོད་པར་འགྱུར་རོ། །ལྷ་རྣམས་ཀྱི་དབང་པོ་བརྒྱ་བྱིན་རི་སྤོས་ངད་ལྡན་ལ་སོང་ནས་སྨན་བླངས་ཏེ། རྒྱལ་པོ་དེ་ལ་བསྐུར་བ་དང ། རྒྱལ་པོས་བཙུན་མོ་རྣམས་ལ་སྨན་འདི་འཐུངས་ཤིག་ཅེས་བསྐུར་བ་ལས། རྒྱལ་པོ་དེའི་བཙུན་མོ་དམ་པ་གཉིད་ཀྱིས་ལོག་པ་དང ། དེ་དག་གིས་དེ་མ་བསླངས་པར། སྨན་འཐུངས་པས། དེ་དག་ཐམས་ཅད་སེམས་ཅན་དང་ལྡན་པར་གྱུར་ཏོ། །དེ་ནས་ཕྱི་ཞིག་ན། བཙུན་མོ་དམ་པ་དེ་ལངས་ནས། དེས་དེ་རྣམས་སེམས་ཅན་དང་ལྡན་པར་མཐོང་སྟེ། དེས་སྨྲས་པ། ཁྱེད་ཅག་གིས་ཅི་ཞིག་བྱས་ན། དེས་ན་སེམས་
Kha322b
ཅན་དང་ལྡན་པར་གྱུར། དེ་རྣམས་ཀྱིས་སྨྲས་པ། ལྷས་ཁོ་མོ་ཅག་ལ་སྨན་ཞིག་བཏུང་བའི་ཕྱིར་བྱིན་ནོ། །ཁྱེད་ཅག་གིས་ཅིའི་ཕྱིར་ཁོ་མོ་མི་བསླང་བར་བཏུང ། དེ་ལྟ་མོད་ཀྱི། སྨན་སྣོད་ཅི་ཞིག་ནས་ཁྱེར་ཏེ་འོངས། ཀུ་ཤའི་ཐུམ་པོར་བཅུག་ནས་སོ། །རྩཝ་དེ་གང་ན་འདུག་།འོ་ནི། ཡིན་ནོ། །དེས་ཀུ་ཤ་བཀྲུས་ནས་འཐུངས་པ་དང ། དེ་ཡང་སེམས་ཅན་དང་ལྡན་པར་གྱུར་ཏོ། །དེ་རྣམས་ཟླ་བ་བརྒྱད་དམ་དགུ་འདས་པ་དང ། དེ་དག་ཐམས་ཅད་བུས་པ་བཙས་སོ། །དེའི་བཙུན་མོ་དམ་པ་ལས་ནི། བུ་ཕོ་མཚན་ངན་པ་བཅོ་བརྒྱད་དང་ལྡན་པ། བཞིན་སེངྒེའི་གདོང་པ་ལྟ་བུ། ཚན་པོ་ཆེ་ཆེན་པོའི་མཚན་དང་ལྡན་པ་ཞིག་བཙས་ནས། དེའི་བཙས་སྟོན་རྒྱ་ཆེར་བྱས་ཏེ། ཀུ་ཤ་ཞེས་བྱ་བར་བཏགས་སོ། །རྒྱལ་པོ་དེ་བུ་གཞན་རྣམས་མཐོང་ན་ནི། དགའ་བར་འགྱུར་ལ། དེ་ནི། མི་སྡུག་པས་ཞེ་སྡང་སྐྱེ་བར་འགྱུར་རོ། །ཁམས་ཀྱི་རྒྱལ་ཕྲན་དག་གིས་སྨྲས་པ། ཤེས་ལྡན་དག་།བདག་ཅག་ཐམས་ཅད་རྒྱལ་པོ་ལ་ཉེ་ཅན་ཆེན་པོ་འདིས་ཐིབས་ཀྱིས་མནན་གྱི། དེ་རྒྱལ་སྲིད་ལས་དབྱུང་གི། འདོང་ངོ་ཞེས་དེ་རྣམས་ཀྱིས་དཔུང་གི་ཚོགས་ཡན་ལག་བཞི་དང་འོངས་ནས། དེའི་གྲོང་ཁྱེར་བསྐོར་ཏེ་འདུག་གོ། རྒྱལ་པོ་ལ་ཉེ་ཅན་ཆེན་པོ་ནི། དེ་རྣམས་དང་ལྷན་ཅིག་གཡུལ་སྤྲོད་མ་ཕོད་ནས། དེ་སྒོ་རྣམས་བཅད་དེར་བའི་ཁ་ནས་སྦྲེངས་ཏེ་འདུག་གོ། ཀུ་ཤ། མའི་དྲུང་དུ་སོང་ནས་སྨྲས་པ། ཡུམ། ཅིའི་སླད་དུ་སྒོ་རྣམས་བཀུམ། ཁྱོད་ཀྱི་ཡབ་ཁམས་ཀྱི་རྒྱལ་ཕྲན་དག་དང་ལྷན་ཅིག་གཡུལ་སྤྲོད་མ་ཕོད་ནས།
Kha323a
༄#། །དེ་སྒོ་རྣམས་བཅད་དེ་འདུག་པ་ཡིན་ནོ། །ཡུམ། བདག་འདི་དག་དང་ལྷན་ཅིག་གཡུལ་སྤྲད་ཀྱི། བདག་ལ་རྒྱལ་པོས་ཤིང་རྟ་སྩལ་དུ་གསོལ། བུ། ཁྱོད་དེའི་སྙིང་དུ་མི་སྡུག་ཅིང་ཞེ་སྡང་སྐྱེ་བར་འགྱུར་ན། དེ་ཇི་ག་ཁྱོད་ལ་ཤིང་རྟ་སྟེར་ཏམ། ཡུམ། བཞུད་ཅིག། བཞུད་ནས་གཞོན་ནུ་ཀུ་ཤ་འདི་དག་དང་ལྷན་ཅིག་གཡུལ་སྤྲོད་པར་འགྱུར་གྱི། ཤིང་རྟ་སྩོལ་ཅེས་གསུངས་ཤིག་།དེ་སོང་ནས་རྒྱལ་པོ་ལ་སྨྲས་པ། ལྷ། གཞོན་ནུའི་མཆིད་ནས། བདག་འདི་དག་དང་ལྷན་ཅིག་གཡུལ་སྤྲད་ཀྱི། ཤིང་རྟ་སྩོལ་ཅིག་མཆིའོ། །དེས་དེ་ལ་ཤིང་རྟ་བྱིན་པ་དང ། དེ་དོང་པ་གཉིས་ཐོགས་ནས་ཤིང་རྟར་ཞུགས་ཏེ་འབྱུང་བར་བརྩམས་པ་ན་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམ་པ། ཁམས་ཀྱི་རྒྱལ་ཕྲན་འདི་དག་ནི། མཐུ་དང་ལྡན་པ་ཡིན་ལ། གཞོན་ནུ་ཀུ་ཤ་བསྐལ་པ་བཟང་པོའི་བྱང་ཆུབ་སེམས་དཔའ་འདི། ཉོན་མོངས་པར་འགྱུར་གྱི། འདིའི་གྲོགས་བྱའོ། །སྙམ་ནས། དེས་དེ་ལ་དུང་དང ། འཁོར་ལོ་དང ། བེ་ཅོན་བྱིན་ནས། བྱང་ཆུབ་སེམས་དཔའ་འདི་དག་གིས་ཁྱོད་འཚོ་བར་གྱིས་ཤིག་།དེ་སྒོ་ཕྱེ་ནས་བྱུང་སྟེ། དེ་ནམ་དུང་འབུད་པ་དེའི་ཚེ། དུང་གི་སྒྲས་དཔུང་རྣམས་སྐྲག་ནས། ཁ་ཅིག་ནི། སྒྲ་དེས་འོན་པར་གྱུར་ཏོ། །ཁ་ཅིག་ནི། རྣ་བ་བཀབ་ནས་བྲོས་སོ། །ནམ་འཁོར་ལོའམ། བེ་ཅོན་འཕངས་པ་དེའི་ཚེ། དེ་དག་ས་ལ་འགྱེལ་བར་གྱུར་ཏོ། །དེས་དམག་གི་ནང་དུ་སོང་ནས་དུང་བུས་པ་ན། དེ་དག་ཐམས་ཅད་ཀྱི་རྣ་བ་རྡོལ་བར་གྱུར་ནས་དེ་
Kha323b
རྣམས་ཀྱིས། སྐྱེས་བུ་འདི་ནི། སྲིན་པོ་ཡིན་ནོ། །ཞེས་བྱས་ནས་བྲོས་སོ། །དེས་རིལ་ཕབ་ནས་ཕའི་དྲུང་དུ་སོང་སྟེ། ལྷ། བདག་གིས་རྒྱལ་པོ་ཐམས་ཅད་ཕམ་པར་བགྱིས་ཏེ། ཡུལ་བསྒྲུབས་ལགས་སོ།། རྒྱལ་པོ་ལ་ཉེ་ཅན་ཆེན་པོས་ཐོས་ནས་མགུ་སྟེ། དེས་བསམ་པ། གཞོན་ནུ་ཀུ་ཤ་མཐུ་དང་ལྡན་པ། བརྩོན་འགྲུས་ཕུན་སུམ་ཚོགས་པ་ཡིན་ན། ཅིའི་ཕྱིར་བདག་གིས་འདི་ལ་མི་དགའ་བ་བསྐྱེད་སྙམ་ནས། དེ་དེ་ལ་དགའ་བ་བསྐྱེད་པར་བརྩམས་སོ། །དེས་བུ་དེ་རྣམས་ཁྱིམ་ཕུབ་ནས། ཀུ་ཤའི་ཆུང་མ་ཡང་བསླང་བ་དེ་བརྩམས་པ་དང ། དེ་དག་ཐམས་ཅད་ཀྱིས་སྨྲས་པ། ཀུ་ཤ་མ་གཏོགས་པ་ལ་བུ་མོ་སྦྱིན་ནོ། །རྒྱལ་པོ་གཞན་ཞིག་གིས་རྒྱལ་པོ་གཞན་གྱི་བུ་མོ་ཞིག་བསླངས་ཏེ་བག་མར་མ་བླངས་པའི་བར་དེར། རྒྱལ་པོ་ལ་ཉེ་ཅན་ཆེན་པོས། བུ་གཞན་གྱི་ཆེད་ཡིན་པའི་ཐབས་ཤིག་གིས་བསླངས་ནས་བུ་མོ་དེ་ཀུ་ཤ་ལ་བྱིན་ནས། རྒྱུ་སྐར་དང ། ཉི་ཚོད་དང ། ཡུད་ཙམ་དག་བསྟུན་ཏེ། གཞོན་ནུ་ཀུ་ཤའི་ཁྱིམ་ཕུབ་བོ། །རྒྱལ་པོས་སྨྲས་པ། ཤེས་ལྡན་དག། སུས་ཀྱང་གཞོན་ནུ་ཀུ་ཤ་ལ་མེ་ལོང་མ་སྟོན་ཅིག། ཆུར་འཇུག་པའི་ཁྲུས་མ་ཡིན་པའི་ཁྲུས་ཀྱི་ཁྲུས་བྱོས་ཤིག་།ཉིན་པར་ཆུང་མའི་དྲུང་དུ་མ་གཏོང་ཞིག། གཞོན་ནུ་ཀུ་ཤ་སྤུན་རྣམས་དང་ལྷན་ཅིག་རྩེ་བ་ཆུང་མ་དེས་མཐོང་ནས། དེས་སྨྲས་པ། གཞོན་ནུ་རྣམས་ཀྱི་དབུས་ན་རྩེད་མོ་བྱེད་པའི་ཤ་ཟ་ཕ་བི་སུ་ཞིག་ཡིན། དེ་ནི། ཁྱོད་ཀྱི་ཁྱིམ་ཐབ་ཡིན་ནོ། །ཅི། ཁོ་མོའི་ཁྱིམ་ཐབ་འདི་འདྲ་བ་ཞིག་གམ། ཕྱི་ཞིག་ན་ཡང་དེས་གཞོན་ནུ་རྣམས་དང་ལྷན་ཅིག་ཆུ་
Kha324a
༄#། །ན་རྩེ་བའི་བར་དག་མཐོང་ནས། དེ་བཞིན་དུ་བདག་གི་ཁྱིམ་ཐབ་ཅི་འདྲ་བ་ཞིག་སྙམ་སྟེ། དེས་བསམ་པ། མངོན་སུམ་དུ་བྱའོ། །སྙམ་ནས། དེས་མེ་མར་བུས་ཏེ་ཕྲུ་བས་བཀབ་ནས་བཞག་གོ། དེ་ཡང་ཆུང་མའི་དྲུང་དུ་འོངས་པ་དང ། དེས་ཀྱང་བསྟན་པ་ལས། མཚན་ངན་པ་བཅོ་བརྒྱད་དང་ལྡན་པ། བཞིན་སེང་གེའི་གདོང་པ་འདྲ་བ་ཞིག་མཐོང་ནས། དེས་སྨྲས་པ། ཤ་ཟ། ཤ་ཟ་ཞེས་བྱས་ནས་བྲོས་སོ། །རྒྱལ་པོ་ལ་ཉེ་ཅན་ཆེན་པོ་ལ། རི་བོར་པ་གཞན་ཞིག་ལོག་ནས། དེས་གཞོན་ནུ་ཀུ་ཤ་སོང་ལ་རི་བོར་པ་རྣམས་ཕོབས་ཅིག་ཅེས་བཏང་ནས། དེ་དེར་སོང་བ་དང ། ཀུ་ཤའི་ཆུང་མས། ཕ་དང་མ་ལ། ཁྱེད་ཅག་སའི་སྟེང་ན་སྐྱེས་པ་མེད་དམ། ཅི་ན་ཁྱེད་ཀྱིས་བདག་ཤ་ཟ་ལ་སྦྱིན། གལ་ཏེ་བདག་བཀུམ་ན་དེ་ལྟ་ན་ལེགས། གལ་ཏེ་མི་བཀུམ་ན་ནི། ཁོ་མོ་རང་འཆིའོ་ཞེས་སྤྲིང་བ་དང ། དེ་དག་གིས་དེ་ཁྲིད་དོ། །གཞོན་ནུ་ཀུ་ཤས་ཀྱང་རི་བོར་དེ་ཕབ་སྟེ་འོངས་པ་དང ། དེས་མ་ལ་དྲིས་པ། ཡུམ། བདག་གི་མཆིས་བྲང་དེ་གར་མཆིས། དེས་སྨྲས་པ། ཕ་མས་ཁྲིད་དོ། །ཅིའི་སླད་དུ། ཁྱོད་ཤ་ཟ་ཡིན་སྙམ་ནས་སོ། །ཡུམ་མཆིས་ལ་དེ་དགུག་པར་བགྱིའོ། །དེ་བཞིན་དུ་གྱིས་ཤིག་།དེ་དུང་དང ། འཁོར་ལོ་དང ། བེ་ཅོན་ཁྱེར་ཏེ་དེར་སོང་བ་ལས། ཇི་ཙམ་ན། རི་བོར་གཞན་ཞིག་ན། སྐྱེ་བོའི་ཚོགས་ཆེན་པོ་སེང་གེས་འཇིགས་པས། སྒོ་རྣམས་བཅད་དེ་ཕྱོགས་སུ་ལྟ་ཞིང་འཁོད་པ་དང ། གཞོན་ནུ་ཀུ་ཤས་སྨྲས་པ། ཅིའི་ཕྱིར་དེ་ལྟར་
Kha324b
འདུག། སེང་གེའི་འཇིགས་པས་སོ། །ཅི་སྟེ་མི་གསད། མི་ནུས་མོད། གལ་ཏེ་བདག་གིས་བསད་ན། བདག་ལ་ཅི་སྦྱིན། དཔུང་གི་ཚོགས་ཡན་ལག་བཞི་པའི་ཕྱེད་དོ། །གཞོན་ནུ་ཀུ་ཤས་སེང་གེའི་དྲུང་དུ་ཉེ་བར་སོང་ནས་དུང་བུས་པ་དང ། དེའི་རྣ་བ་རྡོལ་དེ་ཤི་ནས། དེས་དེ་ཁྱེར་ཏེ་རི་བོར་དུ་སོང་ནས། ཤེས་ལྡན་དག་།སེང་གེ་དེ་ནི། འདི་ཡིན་ནོ། །དཔུང་གི་ཚོགས་ཡན་ལག་བཞི་པའི་ཕྱེད་ཁྱེར་ཅིག་།དེས་སྨྲས་པ། ཁྱེད་ཅག་ཉིད་ཀྱི་ལག་ཏུ་ཞོག་ལ། སླར་འོངས་ན་བྱིན་ཅིག་།དེ་རི་བོར་གང་ན་ཆུང་མ་དེ་ཡོད་པའི་རི་བོར་དེར་སོང་ནས་མེ་ཏོག་ཕྲེང་རྒྱུད་མཁན་ཞིག་གི་དྲུང་དུ་ཕྱིན་པ་དང ། དེས་སྨྲས་པ།་ཁྱོད་འདྲ་བ་སུ་ཞིག། དེས་སྨྲས་པ། མེ་ཏོག་ཕྲེང་རྒྱུད་མཁན་གྱི་བུ་ཡིན་ནོ། །ཁྱོད་ཀྱི་མིང་ཅི་ཡིན། སྤོང་བྱེད་དོ། །བྱང་ཆུབ་སེམས་དཔའ་རྣམས་ནི། བཟོའི་གནས་དང ། ལས་ཀྱི་གནས་དེ་དང་དེ་རྣམས་ལ་མཁས་པ་ཡིན་པས། དེས་མེ་ཏོག་ཕྲེང་ལེགས་པར་བརྒྱུད་པ་དང ། མེ་ཏོག་རྒྱུད་མཁན་དེས། བུ་མོ་དེ་ལ་མེ་ཏོག་ཕྲེང་བ་དེ་བྱིན་ནོ། །དེས་སྨྲས་པ། འདི་འདྲ་བའི་མེ་ཏོག་ཕྲེང་བ་ནི། ཁྱེད་ཀྱིས་སྔོན་ལན་འགའ་ཡང་མ་བརྒྱུས་ན། འདི་ལ་རྒྱུ་ཅི་ཡོད། བདག་གི་སློབ་མས་བརྒྱུས་སོ། །ཁྱོད་ཀྱི་སློབ་མ་དེ་བལྟའོ། །དེས་ནི། དེར་ཁྲིད་པ་དང ། དེས་མཐོང་ནས། དེས་བསམ་པ། ཤ་ཟ་འདི་གང་ནས་འོངས་པ་ཞིག་སྙམ་ནས། དེས་ཤ་ཟ། ཤ་ཟ་ཞེས་སྒྲ་ཕྱུང་སྟེ། དེ་བསྐྲད་པ་ལས། གཡོས་མཁན་ཞིག་གི་དྲུང་དུ་ཕྱིན་པ་དང ། དེས་སྨྲས་པ། ཁྱོད་སུ་ཞིག། ཁོ་བོ་གཡོས་མཁན་གྱི་བུ་ཡིན་ནོ། །
Kha325a
༄#། །ཁྱོད་ཀྱི་མིང་ཅི་ཡིན། སྣོད་དྲི་ཞིམ་ཞེས་བྱའོ། །དེས་བཙོ་བ་དང ། བསྲེག་པ་ལེགས་པར་བྱས་པ་དང ། གཡོས་མཁན་དེས་ཀྱང ། བུ་མོ་དེ་ལ་བཅོས་པ་དང ། བསྲེགས་པ་དེ་བསྟབས་སོ། །དེས་སྨྲས་པ། ཀྱེ་ནང་རྗེ། བཙོ་བ་དང ། བསྲེག་པ་ལེགས་པ་འདི། སུས་གཡོས། བདག་གི་སློབ་མས་གཡོས་སོ། །ཁྱོད་ཀྱི་སློབ་མ་དེ་བལྟའོ། །ཞེས་བྱ་བ་ནས་དེ་ནས་ཀྱང་བསྐྲད་དོ། །ཞེས་བྱ་བའི་བར་དུ་སྟེ། སྨན་པ་ཞིག་གི་དྲུང་དུ་ཕྱིན་པ་ལས། དེས་སྨྲས་པ། ཁྱོད་སུ་ཞིག་།སྨན་པའི་བུ་ཡིན་ནོ། །ཁྱོད་ཀྱི་མིང་ཅི་ཡིན། རྒྱུན་ཤེས་ཀྱི་བུ་ཞེས་བྱའོ། །བུ་མོ་དེ་ཀླད་ནད་ཀྱིས་ཐེབས་པར་གྱུར་པ་དང ། སྨན་པས་གསོ་མ་ནུས་ནས། སྨན་པ་སེམས་ཁོང་དུ་ཆུད་ཅིང་འདུག་གོ་།དེས་སྨྲས་པ། མཁན་པོ། ཅིའི་ཕྱིར་སེམས་ཁོང་དུ་ཆུད་ཅིང་འདུག་།རྒྱལ་པོའི་བུ་མོ་ཀླད་ནད་ཀྱིས་ཐེབས་ན། ཁོ་བོས་གསོ་བར་མ་ནུས་སོ། །བདག་མཆིས་ལགས་སོ། །ལེགས་སོ་ཞེས་དེ་སོང་བ་དང ། དེས་མཐོང་ནས་དེས་སྨྲས་པ། ཤ་ཟ་འདི་གང་ནས་འོངས། ཡང་བསམ་པ། གལ་ཏེ་འགའ་ཞིག་སྨྲས་ན། སོས་པར་མ་བྱས་ཀྱི། གང་གི་ཚེ་བདག་སོས་པར་གྱུར་པ་དེའི་ཚེ་སྨྲའོ། །སྙམ་ནས། དེ་སོས་པར་གྱུར་ནས། ཤ་ཟ། ཤ་ཟ་ཞེས་སྒྲ་ཕྱུང་སྟེ། དེས་དེ་བསྐྲད་པ་ལས། བློན་པོ་རྣམས་ཀྱི་དྲུང་དུ་ཕྱིན་པ་དང ། ཁྱོད་སུ་ཞིག་།ཁོ་བོ་སྟོང་ཐུབ་བོ། །དེ་རྣམས་ཀྱིས་དེ་དྲུང་དུ་བཞག་གོ་།སྔོན་དབང་པོའི་རྒྱལ་པོའི་བུ་གང་ཡིན་པ་དེས། བདག་གིས་སྔོན་རྒྱལ་པོའི་བུ་མོ་ཐོབ་པ་གང་ཡིན་པ་དེ། གཞོན་ནུ་
Kha325b
ཀུ་ཤས་བོར་ཏེ། རང་གི་ཁྱིམ་དུ་སོང་ངོ ། །ཞེས་ཐོས་ནས། དེས་རྒྱལ་པོ་དེ་ལ་གལ་ཏེ་རེ་ཞིག་ཁོ་བོ་ལ་བུ་མོ་བྱིན་ན་ནི། དེ་ལྟ་ན་ལེགས། གལ་ཏེ་མ་བྱིན་ན་ནི། རྒྱལ་སྲིད་སྟོར་བར་བྱའོ། །ཞེས་སྤྲིང་པ་དང།་དེས་སྨྲས་པ། ཁོ་བོའི་བུ་མོ་འདི་ནི། རྒྱལ་པོ་ལ་ཉེ་ཅན་ཆེན་པོའི་བུ་རྒྱལ་བུ་གཞོན་ནུ་ཀུ་ཤ་ལ་བྱིན་ཟིན་པས། ཇི་ལྟར་གཞན་ལ་སྦྱིན། དེ་དཔུང་གི་ཚོགས་ཡན་ལག་བཞི་དང་འོངས་ནས། རྒྱལ་པོའི་ཕོ་བྲང་བསྐོར་ཏེ་འདུག་གོ། རྒྱལ་པོ་དེ་ནི། དེ་དང་ལྷན་ཅིག་གཡུལ་སྤྲོད་མ་ཕོད་ནས། དེས་སྒོ་དག་བཅད་ནས་འདུག་གོ། གཞོན་ནུ་ཀུ་ཤས་བློན་པོ་རྣམས་ལ་སྨྲས་པ། ཤེས་ལྡན་དག་ཅིའི་ཕྱིར་སྒོ་རྣམས་བཅད། དེ་རྣམས་ཀྱིས་དེ་ལ་རྒྱས་པར་སྨྲས་པ་དང ། གཞོན་ནུ་ཀུ་ཤས་སྨྲས་པ། གལ་ཏེ་ཁོ་བོ་ལ་རྒྱལ་པོའི་སྲས་མོ་བྱིན་ན། ཁོ་བོས་དེ་དང་ལྷན་ཅིག་གཡུལ་སྤྲོད་དོ། ། དེ་རྣམས་ཀྱིས་རྒྱལ་པོ་ལ་སྨྲས་པ་དང ། དེས་སྨྲས་པ། བུ་མོ་འདི། ངས་ལ་ཉེ་ཅན་ཆེན་པོའི་བུ་ལ་བྱིན་ཟིན་ན། ངས་ཇི་ལྟར་འདི་ལ་སྦྱིན། ད་ལྟར་གྱི་ཁྲག་ཁྲུག་འདི་ཡང་བུ་མོ་ཁོ་ནའི་ཕྱིར་ཡིན་ནོ། །བློན་པོ་རྣམས་ཀྱིས་སྨྲས་པ། ལྷ། སུ་རྒྱལ་བར་འགྱུར་གཏོལ་མ་མཆིས་ཀྱི། རེ་ཞིག་འདི་དེ་རྣམས་དང་ལྷན་ཅིག་གཡུལ་སྤྲོད་དུ་སྩོལ་ཅིག་དང ། དེ་ན་སྐོལ་གྱིས་དུས་མཁྱེན་པར་འགྱུར་རོ། །རྒྱལ་པོས་སྨྲས་པ། དེ་བཞིན་དུ་གྱིས་ཤིག། བློན་པོ་རྣམས་ཀྱིས་སྨྲས་པ། སྟོང་ཐུབ་ཇི་སྐད་དུ་སྨྲས་པ་དེ་བཞིན་དུ་བྱའོ། །དེ་ནས་བཞོན་ནུ་ཀུ་ཤས་མདའ་ལྔ་བརྒྱ་ཤོང་བའི་དོང་པ་གཉིས་
Kha326a
༄#། །ཐོགས་ནས། དུང་དང ། འཁོར་ལོ་དང ། བེ་ཅོན་ཁྱེར་ཏེ་བྱུང་ནས། དེས་དུང་བུས་པ་དང ། དེ་རྣམས་ཀྱི་རྣ་བ་རྡོལ་ནས་བྲོས་སོ། །རྒྱལ་པོའི་བུ་མོ་དེས་བསམ་པ། གཞོན་ནུ་ཀུ་ཤ་འདི་ནི། བརྩོན་འགྲུས་དང ། ཕ་རོལ་གནོན་པ་ཆེན་པོ་དང་ལྡན་པ་ཡིན་ན། ཅིའི་ཕྱིར་བདག་གིས་འདི་ལ་དགའ་བར་མི་བྱ་སྙམ་ནས། དེ་དེ་ལ་དགའ་བ་བསྐྱེད་ནས། རྒྱལ་པོ་ལ་འདི་སྐད་ཅེས་སྨྲས་སོ། །ཇི་སྐད་ཞལ་གྱིས་བཞེས་པ་དེ་མཛོད་ཅིག་།བུ། ངས་ཁྱོད་ཀུ་ཤ་ལ་བྱིན་ནོ། །དེས་སྨྲས་པ། ཡབ། གཞོན་ནུ་ཀུ་ཤ་དེ་ནི། འདི་ཉིད་ལགས་སོ། །བུ། གལ་ཏེ་དེ་ལྟ་ན་སོང་ཞིག ། ཅེས་ངེས་དེ་ལ་ཡན་ལག་བཞི་པའི་དཔུང་གི་ཚོགས་བྱིན་ནས། བཀུར་སྟི་ཆེར་བྱས་ཏེ་བཏང་ངོ ། །དེ་རི་བོར་དེར་ཕྱིན་ནས་དེ་རྣམས་ལ་སྨྲས་པ། ཤེས་ལྡན་དག་།ཁོ་བོའི་དཔུང་གི་ཚོགས་ཡན་ལག་བཞི་པའི་ཕྱེད་བྱིན་ཅིག་།དེ་རྣམས་ཀྱིས་སྨྲས་པ། གཞོན་ནུ་དཔུང་གི་ཚོགས་ཡན་ལག་བཞི་ཁྱེར་བའི་ཆུ་བྲུག་པ་གང་ཡིན་པ་དེ་ལྟ་བུ་བྱུང་ངོ ། །དེ་ན་ཧ་ཅང་མི་རིང་བ་ཞིག་ན་ལུག་དག་ཅིག་རྒྱུ་ནས། གཞོན་ནུ་ཀུ་ཤས་ཚིགས་སུ་བཅད་དེ་སྨྲས་པ། ལོ་ནི་དྲུག་ཅུ་ལོན་པའི་གླང ། །གླང་ཆེན་གང་དུ་ཁྱེར་གྱུར་པ། །དེར་ནི་བ་ལང་ལུག་ཁྱེར་བར། །རྗེས་སུ་དཔག་ནས་ཤེས་པར་བྱའོ།། །།འདུལ་བ་གཞི། བམ་པོ་ཞེ་གསུམ་པ། གལ་ཏེ་རེ་ཞིག་བྱིན་ན། དེ་ལྟ་ན་ནི། ལེགས། གལ་ཏེ་མ་བྱིན་ན། རྔམས་ལ་གཏུགས་སོ། །དེ་རྣམས་ཀྱིས་དེ་ལ་བྱིན་ནས། དེ་འབབ་ཆུ་དང་ཉེ་བ་ཞིག་ཏུ་བཏབ་ནས། ངལ་
Kha326b
བས་ཁྲུས་བྱ་བའི་ཕྱིར་ཆུར་ཞུགས་པ་དང ། དེ་ན་དེས་རང་གི་བཞིན་གྱི་གཟུགས་བརྙན་མཐོང་ནས་དེས་བསམ་པ། མཚན་ངན་པ་རྣམ་པ་བཅོ་བརྒྱད་དང་ལྡན་ཞིང ། བཞིན་སེངྒེའི་གདོང་པ་འདྲ་བ་ཡིན་ཏེ།་དེ་ཉིད་ཀྱི་ཕྱིར་རྒྱལ་པོའི་བུ་མོ་འདི་བདག་ལ་མི་དགའ་བ་ཡིན་གྱི། བདག་འདྲ་བ་ནི། གསོན་ན་ཅི་རུང ། སོང་ལ་བདག་འཆིའོ་སྙམ་ནས། དེ་ནགས་ཐིབས་པོ་ཞིག་ཏུ་ཞུགས་ནས། བདག་ཉིད་འགེགས་པར་བརྩམས་པ་དང ། ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམ་པ། འདི་ནི། བསྐལ་པ་བཟང་པོའི་བྱང་ཆུབ་སེམས་དཔའ་ཡིན་ན། གཟུགས་བཟང་པོ་དང་མི་ལྡན་པས། བདག་ཉིད་གསོད་པར་བྱེད་ཀྱི། དེའི་ཡིད་ལ་རེ་བ་རྫོགས་པར་བྱའོ། །སྙམ་ནས། བརྒྱ་བྱིན་གྱིས་སྨྲས་པ། གཞོན་ནུ་ཡི་མ་ཆད། བདག་ཉིད་གསོད་པར་མ་བྱེད་པ་གཙུག་གི་ནོར་བུ་འདི་མགོ་ལ་ཐོགས་ཤིག་དང།་ཡིད་ལ་རེ་བ་ཡོངས་སུ་རྫོགས་པར་འགྱུར་རོ། །ཞེས་སྨྲས་ནས་སོང་ངོ ། །གཞོན་ནུ་ཀུ་ཤ་ཁྱིམ་དུ་འཇུག་པར་བརྩམས་པ་དང ། སྒོ་སྲུང་གི་མིས་འདི་ནི། གཞོན་ནུ་ཀུ་ཤའི་ཕོ་བྲང་ཡིན་གྱི། མ་འཇུག་ཅིག་།ཅེས་བཟློག་གོ་།དེ་སྨྲས་པ། ཀུ་ཤ་དེ་ནི། ང་ཡིན་ནོ། །དེ་ཡིད་མ་ཆེས་ནས། དེས་གཙུག་གི་ནོར་བུ་ཕྲལ་བ་དང ། སྔོན་གྱི་ཇི་ལྟ་བ་བཞིན་དུ་གྱུར་ནས། དེ་ཡིད་ཆེས་སོ། ། གཞོན་ནུ་ཀུ་ཤས་བསམ་པ། འདི་ཉིད་དུ་འདུག་གོ་།སྙམ་ནས། དེས་ཕ་ལ་ཡང་མཁྱེན་པར་མཛོད་ཅིག་།འདི་ཉིད་དུ་མཆིས་སོ་ཞེས་སྤྲིང་པ་དང ། ལྷ་རྣམས་ཀྱི་དབང་པོ་བརྒྱ་བྱིན་གྱིས་དེ་ལ་
Kha327a
༄#། །གཏེར་བཞིའི་འབྱུང་ཁུངས་བསྟན་ནས། དེས་གྲོང་ཁྱེར་དེ་རིན་པོ་ཆེ་སྣ་བཞི་ལས་བྱེད་དུ་བཅུག་གོ་།གཞོན་ནུ་ཀུ་ཤ་གནས་པས་ཀུ་ཤ་ཅན་ཞེས་གྲགས་སོ། །དེ་ནི། སྟོབས་ཀྱི་འཁོར་ལོས་བསྒྱུར་བའི་རྒྱལ་པོ་ཀུ་ཤ་ཞེས་བྱ་བར་གྱུར་ཏེ། དེས་གྲོང་ཁྱེར་དྲུག་ཁྲིར་མཆོད་སྦྱིན་གྱི་གནས་བརྩིགས་ཏེ། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་བྲམ་ཟེ་རྣམས་ལ་སྦྱིན་པ་བཏང་སྟེ། དེ་བདག་ཉིད་ཀྱི་མཆོད་སྦྱིན་ཕུན་སུམ་ཚོགས་པ་མཐོང་ནས། ཚིགས་སུ་བཅད་དེ་སྨྲས་པ། ལྷ་དང་མི་ཡི་ནང་དག་ཏུ། །བདག་གི་འབྱོར་པ་མཐོང་ནས་ནི། །གང་གིས་ཕུན་སུམ་འཐོབ་པ་ཡི། སྦྱིན་པ་སུ་ཞིག་སྦྱིན་མི་ཕྱེད། །གང་གིས་སྐྱེས་བུ་བརྒྱ་ཕྲག་ཐིབས་མནན་ཅིང ། །སེར་སྣ་དགྲ་བོར་གྱུར་པ་ཟིལ་མནན་ནས། །འཇིག་རྟེན་ཕ་རོལ་འཇིགས་པས་སྦྱིན་གཏོང་སྟེ། །བདག་ནི་དཔའ་བོའི་དཔའ་རབ་ཡིན་པར་སེམས། །གང་ཞིག་ལག་ན་མཚོན་ཐོགས་གཡུལ་ངོར་འཇུག་།དེ་ནི་དཔའ་བོ་མིན་ཞེས་ཐུབ་རྣམས་གསུང ། །གང་དག་འཇིགས་པ་མེད་པར་སྦྱིན་གཏོང་བ། །དེ་དག་དཔའ་བོ་ཡིན་ཞེས་ཀུན་མཁྱེན་གསུང ། །རྒྱལ་པོ་ཆེན་པོ། དེའི་ཚེ་དེའི་དུས་ན། སྟོབས་ཀྱི་འཁོར་ལོས་བསྒྱུར་བའི་རྒྱལ་པོ་ཀུ་ཤ་ཞེས་བྱ་བར་གྱུར་པ། གང་གིས་གྲོང་ཁྱེར་དྲུག་ཁྲིར་སྦྱིན་པ་དག་བཏང ། བསོད་ནམས་དག་བྱས་པ་དེ་གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་
Kha327b
ཉིད་དེའི་ཚེ་དེའི་དུས་ན་སྟོབས་ཀྱི་འཁོར་ལོས་བསྒྱུར་བའི་རྒྱལ་པོ་ཀུ་ཤ་ཞེས་བྱ་བ་དེར་གྱུར་ཏེ། ངས་དེ་ན་གྲོང་ཁྱེར་དྲུག་ཁྲིར་མཆོད་སྦྱིན་གྱི་གནས་བརྩིགས་ནས། སྦྱིན་པ་དག་བཏང ། བསོད་ནམས་དག་བྱས་སོ། །རྒྱལ་པོ་ཆེན་པོ། ངའི་སྦྱིན་པའམ། སྦྱིན་པའི་བགོ་བཤའ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་བར་གྱུར་ཏོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། རྒྱལ་པོ་ཀུ་ཤས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་མཚན་མི་སྡུག་པ་བཅོ་བརྒྱད་དང་ལྡན་ཞིང ། ཕྱུག་པ། ནོར་མང་བ། ལོངས་སྤྱོད་ཆེ་བའི་རིགས་སུ་སྐྱེས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཀུ་ཤ་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། དགེ་སློང་དག། ཀུ་ཤ་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར།
Kha328a
༄#། །མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ། རི་བོར་གཞན་ཞིག་ན། ཁྱིམ་བདག་ཅིག་གནས་ཏེ། དེ་བཟའ་བ་དང ། བཅའ་བ་རབ་ཏུ་མང་པོ་ཁྱེར་ཏེ། སྐྱེད་མོས་ཚལ་དུ་སོང་ངོ ། །སངས་རྒྱས་བཅོམ་ལྡན་འདས་རྣམས་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་པ་དང ། ངན་པ་ལ་སྙིང་བརྩེ་བ་ཅན། བས་མཐའི་གནས་མལ་དག་ལ་དགའ་བ། འཇིག་རྟེན་གྱི་ཡོན་གནས་གཅིག་བུ་དག་འབྱུང་བར་འགྱུར་རོ། །དེ་ནས་རང་སངས་རྒྱས་ཤིག་ལྗོངས་རྒྱུ་ཞིང་སོང་བ་ན། སྐྱེད་མོས་ཚལ་དེར་ཕྱིན་པ་ཁྱིམ་བདག་དེས་མཐོང་ནས། དེ་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་རབ་ཏུ་བྱུང་བ་འདི་སྐྲོད་ཅིག་།དེ་དག་སྐྲོད་མ་ཕོད་པ་དང་ཁྱིམ་བདག་དེ་ཉིད་ལངས་ཏེ་བཟུང་ནས་བསྐྲད་དེ། སེང་གེའི་གདོང་ཅན་མཚན་ངན་བཅོམ་བརྒྱད་དང་ལྡན་པ་ཁྱོད་གར་འགྲོ་ཞེས་ཀྱང་སྨྲས་སོ། །རང་སངས་རྒྱས་དེས་བསམ་པ། ཉོན་མོངས་འདི། གཏན་དུ་རྨས་ཤིང་ཉམས་ན་མི་རུང་ངོ ། །སྙམ་དུ་རིག་ནས། སྟེང་གི་ནམ་
Kha328b
མཁའ་ལ་ཞེས་བྱ་བ་ནས་དེས་བཀུར་སྟི་བྱས་ཏེ་ཞེས་བྱ་བའི་བར་དུ་རྒྱས་པར་སྦྱར་ཏེ། ཇི་ཙམ་ན། རྐང་པ་གཉིས་ལ་གཏུགས་ནས་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་ངག་རྩུབ་པོའི་ལས་ཕྱུང་བ་གང་ཡིན་པ་དེའི་ལས་དེ་བདག་གིས་མྱོང་བར་མ་གྱུར་ཅིག་།གང་ཡང་བྱ་བ་བྱས་པའི་དགེ་བའི་རྩ་བ་འདིས་བདག་ཕྱུག་ཅིང་ནོར་མང་བ་དང ། ལོངས་སྤྱོད་ཆེ་བའི་རིགས་སུ་སྐྱེ་བར་གྱུར་ཅིག་།ཅེས་བྱས་སོ། །དགེ་སློང་དག་།ཇི་སྙམ་དུ་སེམས། ཁྱིམ་བདག་གང་ཡིན་པ་དེ། ཀུ་ཤ་གཞོན་ནུ་འདི་ཉིད་ཡིན་ཏེ། དེ་ནི། འདིས་རང་སངས་རྒྱས་ལ་ངག་རྩུབ་པོའི་ལས་ཕྱུང་བས། ལས་དེའི་རྣམ་པར་སྨིན་པས་མཚན་ངན་པ་བཅོ་བརྒྱད་དང་ལྡན་ཞིང ། བཞིན་སེང་གེའི་གདོང་འདྲ་བར་གྱུར་ཏོ། །གང་ཡང་བྱ་བ་བྱས་པ་དེའི་ལས་ཀྱི་རྣམ་པར་སྨིན་པས་སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་གྱུར་ཏོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་གནག་པར་འགྱུར་ཞིང ། འདྲེན་མ་རྣམས་ཀྱི་ནི།་འདྲེན་མར་འགྱུར། གཅིག་ཏུ་དཀར་བ་རྣམས་ཀྱི་ནི། གཅིག་ཏུ་དཀར་བར་འགྱུར་རོ། །དེ་ལྟ་བས་ན། དགེ་སློང་དག་།འདི་ལྟར་བསླབ་པར་བྱ་སྟེ། ལས་གང་དག་གཅིག་ཏུ་གནག་པ་རྣམས་དང་འདྲེན་མ་རྣམས་ནི། སྤངས་ལ། གཅིག་ཏུ་དཀར་བའི་ལས་རྣམས་ཁོ་ན་ལ་རྩོལ་བར་བྱའོ། །ཞེས་དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །གཞན་ཡང ། རྒྱལ་
Kha329a
༄#། །པོ་ཆེན་པོ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྦྱིན་པ་དག་བཏང ། བསོད་ནམས་དག་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ཡུལ་ཀ་ལིངྐ་ཞེས་བྱ་བར་གདོལ་བའི་རྒྱལ་པོ་ཕུར་བུ་གསུམ་པ་ཞེས་བྱ་བ། འཁོར་གདོལ་པ་བརྒྱ་ཕྲག་དུ་མ་དང ། འཁོར་གདོལ་པ་སྟོང་ཕྲག་དུ་མ་དང ། འཁོར་གདོལ་པ་བརྒྱ་སྟོང་དུ་མ་ཡོད་པ། བྱམས་པའི་བདག་ཉིད། སྙིང་རྗེ་ཅན། སེམས་ཅན་ཐམས་ཅད་ལ་ཕན་པ། སྙིང་བརྩེ་བ་ཞིག་བྱུང་སྟེ། དེའི་ཡུལ་དུ་ནམ་ལོ་ཉེས་བྱུང་བ་དེའི་ཚེ་བདེན་པ་གསོལ་བས། ལྷས་ཆར་པ་འབེབས་པས། ལན་འགའ་ཡང་ལོ་ཉེས་འབྱུང་བར་མི་འགྱུར་རོ། །དེ་དྲང་སྲོང་གི་ནང་དུ་རབ་ཏུ་བྱུང་ནས། དེས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དེའི་ཚེ་ཡུལ་ཝཱ་ར་ཎཱ་སི་ན་རྒྱལ་པོ་ཚངས་སྦྱིན་ཞེས་བྱ་བ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང ། མི་ཕལ་པོ་ཆེས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་།ཇི་ཙམ་དུས་གཞན་ཞིག་ན། ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་བོ། །ཞེས་ལུང་བསྟན་ཏོ། །དེ་ནས་རྒྱལ་པོ་ཚངས་སྦྱིན་གྲོང་ཁྱེར་ཝཱ་ར་ནཱ་སིར་དྲིལ་སྒྲོག་ཏུ་བཅུག་པ། ཝཱ་ར་ཎཱ་སི་ན་གནས་པའི་ཤེས་ལྡན་གྲོང་ཁྱེར་པ་དག་ཉོན་ཅིག་།ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་བོ། །ཞེས་ལུང་བསྟན་གྱི། ཁྱེད་ཅག་ལས། གང་དག་ལ་
Kha329b
དུས་དེ་ཙམ་གྱི་བཟའ་བ་ཡོད་པ་དེ་ནི། འདུག་ཅིག་།གང་དག་ལ་མེད་པ་དེ་ནི། དེངས་ཤིག་།དེ་ནས་སྐྱེ་བོའི་ཚོགས་ཆེན་པོ་དེ་དག་མུ་གེས་དུས་མ་ཡིན་པར་འཆི་བས་འཇིགས་སྐྲག་ནས། གྲོས་བྱ་བར་བརྩམས་པ། ཤེས་ལྡན་དག་།རྒྱལ་པོས་ཡུལ་རྣམས་སུ་འདི་ལྟ་བུའི་དྲིལ་སྒྲོག་ཏུ་བཅུག་ན། དེ་ཇི་ལྟར་བསྒྲུབ་པར་བྱ། གང་དུ་འདོང ། དེ་རྣམས་ཀྱིས་གདོལ་པའི་ཡུལ་ན།་གདོལ་པའི་རིགས་ལས་བྱུང་བའི་དྲང་སྲོང་ཞིག་ཡོད་དེ། དེའི་བདེན་པ་གསོལ་བས། ལྷས་ཆར་འབེབས་སོ། །ཞེས་ཐོས་ནས། དེ་ནས་ལོ་བཅུ་གཉིས་ཀྱི་བར་གྱི་བཟའ་བ་མེད་པ་གང་ཡིན་པ་དེ་རྣམས་གདོལ་པའི་ཡུལ་དུ་དོང་པ་དང ། གདོལ་པའི་རིགས་ལས་བྱུང་བའི་དྲང་སྲོང་གི་བུ་གདོལ་བའི་རྒྱལ་པོ་དེས། སྐྱེ་བོའི་ཚོགས་དེའི་བཟའ་བ་དང་བཏུང་བ་ལོ་བཅུ་གཉིས་སུ་སྦྱར་ན།་མུ་གེ་རྒྱུན་ཆགས་ཁོ་ནར་བྱུང་ནས། རྒྱལ་པོ་ཚངས་སྦྱིན་གྱིས་བློན་པོ་རྣམས་ལ་དྲིས་པ། སྐྱེ་བོའི་ཚོགས་དེ་དག་གང་དུ་སོང ། བློན་པོ་རྣམས་ཀྱིས་སྨྲས་པ། ལྷ། ཡུལ་ཀ་ལིངྐ་ན་གདོལ་པའི་རྒྱལ་པོ་ཕུར་བུ་གསུམ་པ་ཞེས་བགྱི་བ། བྱམས་པའི་བདག་ཉིད། སྙིང་རྗེ་ཅན། སེམས་ཅན་ཐམས་ཅད་ལ་ཕན་པ། བྱམས་པ་ཞིག་མཆིས་ཏེ། དེའི་བདེན་པ་གསོལ་བས་ལྷས་ཆར་འབེབས་པས། དེར་སྐྱེ་བོའི་ཚོགས་ཆེན་པོ་མཆིས་སོ། །རྒྱལ་པོས་སྨྲས་པ། ཤེས་ལྡན་དག་།མུ་གེ་ཆེན་པོ་འདི་ནི། མུ་གེའི་བསྐལ་པ་བར་མ་དང་འདྲ་བ་ཡིན་ན། དེ་ལ་ཇི་ལྟར་བསྒྲུབ་
Kha330a
༄#། །པར་བྱ། དེ་རྣམས་ཀྱིས་སྨྲས་པ། ལྷ། གདོལ་པའི་ཡུལ་གྱི་རྒྱལ་པོ་གང་ལགས་པ་དེ་དྲང་སྲོང་གི་ནང་དུ་རབ་ཏུ་བྱུང་ངོ་ཞེས་ཐོས་ལགས་ཀྱི། དེ་ལ་གསོལ་པ་མཛོད་ཅིག་།དེ་ནས་རྒྱལ་པོ་ཚངས་སྦྱིན་གདོལ་བའི་ཡུལ་དུ་སོང་ནས། དྲང་སྲོང་དེ་ལ་གསོལ་བ་གདབ་པར་བརྩམས་པ། དྲང་སྲོང་ཆེན་པོ། བདག་གི་ཡུལ་དུ་མུ་གེ་ཆེན་པོ་མུ་གེའི་བསྐལ་པ་བར་མ་དང་འདྲ་བ་བྱུང་ན། དེ་ལ་བདེན་པ་གསོལ་བའི་རིགས་སོ། །དེས་བདེན་པ་གསོལ་བར་བརྩམས་པ། ཁྱི་འཚེད་རིགས་ལས་སྐྱེས་པ་ཡིན། །ཞེ་སྡང་མེད་ཅིང་འཚེ་མེད་པ། །གདོལ་པ་ཕུར་བུ་གསུམ་པ་ཞེས། །ལྷ་དང་མི་ལ་གྲགས་པ་ཡིས། །སེམས་ཅན་ཀུན་ལ་བྱམས་པའི་སེམས། །སྐྱོན་མེད་རབ་ཏུ་བསྒོམས་བདག་གི་།བདེན་ཚིག་དེས་ནི་སྐྱེ་རྒུ་འདི། །ཀླུས་ནི་ཚིམ་པར་བྱེད་གྱུར་ཅིག་།གང་ཕྱིར་སྐྱེས་པ་ཚུན་ཆད་ནས། །བྱམས་པའི་སེམས་ནི་རབ་བསྒོམས་པ། །བདེན་པའི་ཚིག་དེས་སྐྱེ་རྒུ་དག། ཀླུས་ནི་ཚིམ་པར་བྱེད་གྱུར་ཅིག་།དེ་ནས་བདེན་པ་གསོལ་པས། ཡུལ་ཝཱ་ར་ཎཱ་སིར་ལྷས་ཆར་ཕབ་ནས། མུ་གེ་རྒྱུན་ཆད་ཅིང་ལོ་ལེགས་པར་གྱུར་ཏོ། །དེ་ནས་ཝཱ་ར་ཎཱ་སི་ན་གནས་པའི་སྐྱེ་བོའི་ཚོགས་དེ་གདོལ་པའི་ཡུལ་ནས་ཝཱ་ར་ཎཱ་སིར་ལྷགས་སོ། །རྒྱལ་པོ་ཆེན་པོ། དེའི་ཚེ་དེའི་དུས་ན། གདོལ་པའི་རྒྱལ་པོ་ཕུར་བུ་གསུམ་པ་ཞེས་བྱ་བ། བྱམས་པའི་བདག་ཉིད་སྙིང་རྗེ་ཅན། སེམས་ཅན་ཐམས་
Kha330b
ཅད་ལ་ཕ་ན་པ། སྙིང་བརྩེ་བ་ཅན་ཞིག་བྱུང་བ་དེའི་བདེན་པ་གསོལ་བས། ལྷས་ཆར་ཕབ་ནས་མུ་གེ་རྒྱུན་ཆད་ཅིང་ལོ་ལགས་པར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། གདོལ་པའི་རྒྱལ་པོ་ཕུར་བུ་གསུམ་པ་ཞེས་བྱ་བ། བྱམས་པའི་བདག་ཉིད་སྙིང་རྗེ་ཅན། སེམས་ཅན་ཐམས་ཅད་ལ་ཕན་པ་དང ། སྙིང་བརྩེ་བ་ཅན། དེས་བདེན་པ་གསོལ་བས་ལྷས་ཆར་འབེབས་པ་དེ་ཡིན་པར་གྱུར་ཏོ། །རྒྱལ་པོ་ཆེན་པོ། ངས་སྦྱིན་པའམ། སྦྱིན་པའི་བགོ་བཤའ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་པའི་ཕྱིར་སྦྱིན་པ་དག་བཏང ། བསོད་ནམས་དག་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ཡུལ་མི་ཐི་ལར། རྒྱལ་པོ་ལྷ་ཆེན་པོ་ཞེས་བྱ་བ། འཁོར་ལོས་བསྒྱུར་པའི་རྒྱལ་པོ། མཐའ་བཞིར་རྣམ་པར་རྒྱལ་པ། ཆོས་དང་ལྡན་པ། ཆོས་ཀྱི་རྒྱལ་པོ། རིན་པོ་ཆེ་སྣ་བདུན་དང་ལྡན་པ་ཞིག་བྱུང་སྟེ། དེའི་རིན་པོ་ཆེ་སྣ་བདུན་ནི། འདི་ལྟ་བུ་དག་ཡིན་ཏེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་
Kha331a
༄#། །རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་བློན་པོ་རིན་པོ་ཆེའོ། །དེ་ལ་བུད་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཡང་ཚང་བར་ཡོད་ཅིང ། དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་བསྔོ་བ་མེད་ཅིང ། འཚེ་བ་མེད་པ། འདི་ཉིད་ཆད་པ་མེད་ཅིང ། མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་སོ། །དེ་ནས་རྒྱལ་པོ་ལྷ་ཆེན་པོའི་སྐྲ་མཁན་གྱི་མི། སྐྲ་དང་ཁ་སྤུ་འཆོས་པ་ན། སྐྲ་མཁན་གྱི་མི་ལ་སྨྲས་པ། ཀྱེ་ནང་རྗེ། ཁྱོད་ཀྱིས་གང་གི་ངའི་མགོ་ལས་གཤིན་རྗེའི་ཕོ་ཉ་སྐྲ་དཀར་སྐྱེས་པ་དེའི་ཚེ་ང་ལ་སྦྲོན་ཅིག་།ལྷ། བཀའ་བཞིན་འཚལ། ཞེས་སྐྲ་མཁན་གྱི་མིས། རྒྱལ་པོ་ལྷ་ཆེན་པོའི་ལྟར་མཉན་ཏོ། །དུས་གཞན་ཞིག་ན། སྐྲ་མཁན་གྱི་མིས། རྒྱལ་པོ་ལྷ་ཆེན་པོའི་སྐྲ་དང་ཁ་སྤུ་འཆོས་པ་ན། རྒྱལ་པོ་ལྷ་ཆེན་པོ་མགོ་ལས་གཤིན་རྗེའི་ཕོ་ཉའི་སྐྲ་དཀར་སྐྱེས་པ་མཐོང་ངོ ། །མཐོང་ནས་ཀྱང་ཡང་རྒྱལ་པོ་ཆེན་པོ་ལྷ་ཆེན་པོ་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛོད་ཅིག་།དབུ་ལ་གཤིན་རྗེའི་ཕོ་ཉ་དབུ་སྐྲ་དཀར་པོ་སྐྱེས་ལགས་སོ། །ཀྱེ་ནང་རྗེ། དེའི་ཕྱིར་ཁྱོད་ཀྱིས་སྐྲ་དཀར་དེ་དག་རིམ་གྱིས་དལ་བུ་དལ་བུས་ཕྱུང་ལ། ངའི་ལག་པར་བྱིན་ཅིག་།ལྷ། །བཀའ་བཞིན་འཚལ། ཞེས་སྐྲ་མཁན་གྱི་མིས་རྒྱལ་པོ་ལྷ་
Kha331b
ཆེན་པོའི་ལྟར་མཉན་ནས། སྐྲ་སྐྱ་བོ་དེ་དག་གསེར་གྱི་སྨང་ཚེར་གྱིས་རིམ་གྱིས་དལ་བུ་དལ་བུས་ཕྱུང་ནས། རྒྱལ་པོ་ལྷ་ཆེན་པོའི་ལག་ཏུ་བཞག་གོ་།དེ་ནས་རྒྱལ་པོ་ལྷ་ཆེན་པོས་སྐྲ་སྐྱ་བོ་དེ་དག། ལག་པ་གཉིས་ཀྱིས་བརྐྱངས་ནས། ཚིགས་སུ་བཅད་དེ་སྨྲས་པ། བདག་གི་མགོ་ལ་ཀླད་ཀྱི་སྐྲ། །ལང་ཚོ་འཕྲོག་པ་སྐྱེས་པ་ན། །གཤིན་རྗེའི་ཕོ་ཉ་བྱུང་གྱུར་གྱི། །བདག་ནི་རབ་བྱུང་དུས་ལ་བབ། །བདག་གིས་མི་རྣམས་ཀྱི་འདོད་པ་ནི། སྤྱད་ཟིན་ཏེ། ལྷ་རྣམས་ཀྱི་འདོད་པ་བཙལ་བའི་དུས་ལ་བབ་ཀྱི། མ་ལ་བདག་གི་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་ལ། རྒྱལ་པོའི་དྲང་སྲོང་གི་ཚངས་པར་སྤྱད་པ་སྤྱོད་དོ། །སྙམ་མོ། །དེ་ནས་རྒྱལ་པོ་ལྷ་ཆེན་པོས་གཞོན་ནུ་ཐུ་བོ་ཤོས་ཕོ་ཉས་བཀུག་ནས་འདི་སྐད་ཅེས་སྨྲས་སོ། །གཞོན་ནུ་ཤེས་པར་གྱིས་ཤིག་།ངའི་མགོ་ལ་གཤིན་རྗེའི་ཕོ་ཉ་སྐྲ་དཀར་སྐྱེས་ཏེ། ངས་མི་རྣམས་ཀྱི་འདོད་པ་ནི། སྤྱད་ཟིན་པས། ལྷ་རྣམས་ཀྱི་འདོད་པ་བཙལ་པའི་དུས་ལ་བབ་སྟེ། བུ། གཞོན་ནུ་ཁྱོད་ལ་ངས་རྒྱ་མཚོ་ལ་ཐུག་པའི་ས་ཆེན་པོ་འདི་གཏད་ཀྱི། ཁྱོད་ཀྱིས་འདི་ལ་ཆོས་བཞིན་གྱིས་བསྐྱང་བར་བྱའི། ཆོས་མ་ཡིན་པས་ནི། མ་ཡིན་ནོ། །འགའ་ཞིག་ཆོས་མ་ཡིན་པ་སྤྱོད་དམ། འདྲེན་མར་སྤྱོད་ན། ཁྱོད་ཀྱི་ཡུལ་དུ་གནས་སུ་མ་གཞུག་ཅིག་།བུ། གཞོན་ནུ་ཁྱོད་ཀྱིས་ཀྱང་གང་གི་ཚེ་མགོ་ལ་གཤིན་རྗེའི་ཕོ་ཉ་སྐྲ་དཀར་སྐྱེས་པར་མཐོང་བ་དེའི་ཚེ་ཁྱོད་ཀྱིས་ཀྱང་གཞོན་ནུ་ཐུ་བོ་ཤོས་རྒྱལ་སྲིད་ཀྱི་དབང་
Kha332a
༄#། །ཕྱུག་ལ་དབང་བྱེད་དུ་ཆུག་ལ། རྒྱལ་པོའི་དྲང་སྲོང་གི་ཆད་པར་སྤྱད་པ་སྤྱོད་ཅིག་།ཅི་ནས་ཀྱང་ཁྱོད་ཀྱིས་དགེ་བའི་ལམ་ངེས་པ་འདི་ལྟ་བུ་ལ་ཞུགས་པའི་རྗེས་སུ་འཇུག་པར་བྱའི། རྒྱུན་ཆད་པར་མི་བྱ་ཞིང་སྐྱེས་བུ་ཐ་ཤལ་དུ་གྱུར་པར་མི་བྱའོ། །བུ། གཞོན་ནུ་འགའ་ཞིག་སྐྱེས་བུ་བཟང་པོ་ཡོད་པའི་དུས་འདི་ལྟ་བུ་ལ། དགེ་བའི་ལམ་ངེས་པ་འདི་ལྟ་བུ་ལ་ཞུགས་པའི་རྗེས་སུ་འཇུག་པར་བྱེད་པ་གང་ཡིན་པ་དེ་ནི། དེ་རྣམས་ཀྱི་རྒྱུན་ཆད་པར་མི་བྱེད་པ་ཡིན། དེ་ནི། དེ་རྣམས་ཀྱི་སྐྱེས་བུ་ཐ་ཤལ་མ་ཡིན་པར་འགྱུར་རོ། །བུ། གཞོན་ནུ་འགའ་ཞིག་སྐྱེས་བུ་བཟང་པོ་ཡོད་པའི་དུས་འདི་ལྟ་བུ་ལ། དགེ་བའི་ལམ་ངེས་པར་འདི་ལྟ་བུ་ལ་ཞུགས་པའི་རྗེས་སུ་འཇུག་པར་མི་བྱེད་པ་གང་ཡིན་པ་དེ་ནི། དེ་རྣམས་ཀྱི་རྒྱུན་ཆད་པར་བྱེད་པ་ཡིན། །དེ་ནི། དེ་རྣམས་ཀྱི་སྐྱེས་བུ་ཐ་ཤལ་ཡིན་ནོ། །དེ་ལྟ་བས་ན། ང་ཁྱོད་ལ་དེ་སྐད་དུ་ཅི་ནས་ཀྱང་ཁྱོད་ཀྱིས་དགེ་བའི་ལམ་ངེས་པ་འདི་ལྟ་བུ་ལ་ཞུགས་པའི་རྗེས་སུ་འཇུག་པར་བྱ་ཞིང ། རྒྱུན་ཆད་པར་མི་བྱ་ཞིང ། སྐྱེས་བུ་ཐ་ཤལ་དུ་གྱུར་པར་མི་བྱའོ། །ཞེས་སྨྲས་སོ། །དེ་ནས་རྒྱལ་པོ་ལྷ་ཆེན་པོས་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་ནས། ཡུལ་བཅོམ་བརླག་འདི་ཉིད་ཀྱི་ལྷ་ཆེན་པོའི་ཨ་མྲའི་ཚལ་འདི་ཉིད་དུ་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །རྒྱལ་པོ་ལྷ་ཆེན་པོའི་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་པ་
Kha332b
གང་ཡིན་པ་དེ་ཡང ། རྒྱལ་པོ་ལྷ་ཆེན་པོ་ཞེས་བྱ་བ། འཁོར་ལོས་བསྒྱུར་བའི་རྒྱལ་པོ། མཐའ་བཞིར་རྣམ་པར་རྒྱལ་བ་ཞེས་བྱ་བ་ནས་གནས་སོ། །ཞེས་བྱ་བའི་བར་གོང་མ་བཞིན་ནོ། །དེ་ནས་རྒྱལ་པོ་ལྷ་ཆེན་པོའི་སྐྲ་དང་ཁ་སྤུ་དག་སྐྲ་མཁན་གྱི་མིས་འཆོས་པ་ན་ཞེས་བྱ་བ་ནས། སྐྱེས་བུ་ཐ་ཤལ་དུ་གྱུར་པར་མི་བྱའོ། །ཞེས་བྱ་བའི་བར་གོང་མ་བཞིན་ནོ། །དེ་ནས་རྒྱལ་པོ་ལྷ་ཆེན་པོས་གཞོན་ནུ་ཐུ་བོ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་ནས་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །དེ་ལྟར་བུ་དང ། ཚ་བོ་དང ། ཡང་ཚ་བརྒྱུད་པས་ལྷ་ཆེན་པོ་བརྒྱད་ཁྲི་བཞི་སྟོང་གིས་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །དེ་ནས་རྒྱལ་པོ་ལྷ་ཆེན་པོ་བདག་ཉིད་མཆོད་སྦྱིན་ཕུན་སུམ་ཚོགས་པར་མཐོང་ནས་ཚིགས་སུ་བཅད་དེ་སྨྲས་པ། ལྷ་དང་མི་ཡི་ནང་དག་ཏུ། །དབང་ཕྱུག་དོན་དུ་གཉེར་བ་དང ། །དབུལ་བའི་འཇིགས་པས་སྐྲག་པ་ཡིས། །ཅི་ནུས་ཀྱིས་ནི་སྦྱིན་པ་གཏང ། །འཇིག་རྟེན་ན་ནི་སྦྱིན་བྱེད་མཆོད། །སྦྱིན་བྱེད་ལྷ་ཡི་ནང་མཆོད་དོ། །བྱ་ཡིས་འབྲས་ལྡན་ཤིང་བཞིན་དུ། །འབྱུང་པོ་ཀུན་གྱི་སྐྱབས་འོས་ཡིན། །རྒྱལ་པོ་ཆེན་པོ། དེའི་ཚེ་དེའི་དུས་ན། རྒྱལ་པོ་ལྷ་ཆེན་པོ་ཞེས་བྱ་བ། འཁོར་ལོས་བསྒྱུར་བའི་རྒྱལ་པོ་གང་གིས་དགེ་བའི་ལམ་ངེས་པ་དེ་སྲོལ་བཏོད་ཅིང ། དགེ་བའི་ལམ་ངེས་པ་སྲོལ་བཏོད་པ་དེ་ལ་བརྟེན་ནས་ལྷ་ཆེན་པོ་བརྒྱད་ཁྲི་བཞི་སྟོང་གིས་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་པ་དེ།
Kha333a
༄#། །གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། ང་ཉིད་དེའི་ཚེ་དེའི་དུས་ན། འཁོར་ལོས་བསྒྱུར་བའི་རྒྱལ་པོ་ལྷ་ཆེན་པོ་ཞེས་བྱ་བར་གྱུར་ཏོ། །ང་ཉིད་ཀྱིས། དགེ་བའི་ལས་ཀྱི་ལམ་ངེས་པ་དེ་སྲོལ་བཏོད་ཅིང ། དགེ་བའི་ལམ་ངེས་པ་སྲོལ་བཏོད་པ་དེ་ལ་བརྟེན་ནས་ལྷ་ཆེན་པོ་བརྒྱད་ཁྲི་བཞི་སྟོང་གིས་རྒྱལ་པོའི་དྲང་སྲོང་གི་ཚངས་པར་སྤྱོད་པ་སྤྱད་དོ། །རྒྱལ་པོ་ཆེན་པོ། ངས་སྦྱིན་པའམ། སྦྱིན་པའི་བགོ་བཤའ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྦྱིན་པ་དག་བཏང ། བསོད་ནམས་དག་བྱས་པ་གང་ཡིན་པ་དེ། ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ཡུལ་མི་ཐི་ལ་འདི་ཉིད་དུ་དེ་རྣམས་ཀྱི་ཐ་མ་ཤོས་རྒྱལ་པོ་མུ་ཁྱུད་ཅེས་བྱ་བ། ཆོས་ཀྱི་རྒྱལ་པོ། ཆོས་དང་ལྡན་པ། ཆོས་ལ་གནས་པའི་རྒྱལ་པོ་ཞིག་བྱུང་སྟེ། དེ་བཙུན་མོ་དང ། གཞོན་ནུ་དང ། བློན་པོ་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་མི་རྣམས་དང་ལྷན་ཅིག་ཏུ་ཆོས་སྤྱོད་ཅིང་སྦྱིན་པ་དག་གཏོང ། བསོད་ནམས་དག་བྱེད་པ། བསྙེན་གནས་ལ་ཉེ་བར་གནས་པ། ཚུལ་ཁྲིམས་ཡང་
Kha333b
དག་པར་བླངས་ཏེ་གནས་སོ། །དེའི་ཚེ་ལྷ་རྣམས་ཀྱི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷ་རྣམས་ཀྱི་གུང་ལ་ལྷ་རྣམས་མདུན་ས་ཆོས་བཟང་དུ་ཚོགས་ཤིང་ལྷ་རྣམས་ལ་བསྔགས་པ་བརྗོད་དེ། གྲོགས་པོ་དག་།ལུས་འཕགས་ཀྱི་མི་རྣམས་ཀྱི་རྙེད་པ་ནི། ལེགས་པར་རྙེད་དེ། ལུས་འཕགས་ཀྱི་མི་དེ་རྣམས་ཀྱི་རྒྱལ་པོ་མུ་ཁྱུད་ནི། ཆོས་ཀྱི་རྒྱལ་པོ། ཆོས་དང་ལྡན་པ། ཆོས་ལ་གནས་པའི་རྒྱལ་པོ་ཆེན་པོ་ཡིན་ཏེ། དེ་བཙུན་མོ་དང་ཞེས་བྱ་བ་ནས་ལྷན་ཅིག་ཏུ་ཆོས་སྤྱོད་ཅིང་ཚུལ་ཁྲིམས་ཡང་དག་པར་བླངས་ཏེ་གནས་སོ། །ཞེས་བྱ་བའི་བར་གོང་མ་བཞིན་ནོ། །གྲོགས་པོ་དག་།ཁྱེད་ཅག་རྒྱལ་པོ་མུ་ཁྱུད་བལྟ་བར་འདོད་དམ། ཀོའུ་ཤི་ཀ། མཆོག་ཏུ་འཚལ་ལོ། །གྲོགས་པོ་དག་།དེའི་ཕྱིར་ཁྱེད་ཅག་སྡོད་ཅིག་དང ། ཁོ་བོས་ཇེ་རྒྱལ་པོ་མུ་ཁྱུད་བརྟག་པར་བྱའོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན། དཔེར་ན། སྐྱེས་བུ་མཐུ་དང་ལྡན་པའི་ལག་པ་བསྐུམ་པ་ལས་བརྐྱང་བའམ། བརྐྱང་བ་ལས་བསྐུམ་པ་ཙམ་གྱིས་ལྷ་རྣམས་ཀྱི་དབང་པོ་བརྒྱ་བྱིན། སུམ་ཅུ་རྩ་གསུམ་པའི་ལྷ་རྣམས་ཀྱི་ནང་ནས་མི་སྣང་བར་གྱུར་ཏེ། མི་ཐི་ལར་རྒྱལ་པོ་མུ་ཁྱུད་ལྡན་གྱི་ཁང་བཟང་དུ་ཕྱིན་ནས་འདི་སྐད་ཅེས་སྨྲས་སོ། །མུ་ཁྱུད་ལྡན། ཁྱོད་ཀྱིས་རྙེད་པ་ནི། ལེགས་པར་རྙེད་དེ། གང་གི་ཕྱིར་སུམ་ཅུ་རྩ་གསུམ་པའི་ལྷ་རྣམས་ལྷའི་མདུན་ས་ཆོས་བཟང་དུ་ཚོགས་ཤིང་འདུས་པ་རྣམས། ཁྱོད་ཀྱི་བསྔགས་པ་རྗོད་པར་བྱེད་དེ།
Kha334a
༄#། །གྲོགས་པོ་དག་།ལུས་འཕགས་ཀྱི་མི་རྣམས་ཀྱིས་རྙེད་པ་ཞེས་བྱ་བ་ནས། ཚུལ་ཁྲིམས་ཡང་དག་པར་བླངས་ཏེ་གནས་སོ། །ཞེས་བྱ་བའི་བར་གོང་མ་བཞིན་ནོ། །མུ་ཁྱུད་ཁྱོད། སུམ་ཅུ་རྩ་གསུམ་པའི་ལྷ་རྣམས་ལ་བལྟ་ཞིང་འགྲོ་འདོད་དམ། ཀོའུ་ཤི་ཀ། བདག་སུམ་ཅུ་རྩ་གསུམ་པའི་ལྷ་རྣམས་ལ་བལྟ་ཞིང་མཆི་འཚལ་ལོ། །མུ་ཁྱུད་དེའི་ཕྱིར་ཁྱོད་སྡོད་ཅིག་།ཁོ་བོས། ཇེ་ཅང་ཤེས་སྟོང་ལྡན་གྱི་ཤིང་རྟ་ཁྱོད་ལ་བསྐུར་གྱི། དེར་ཁྱོད་ཞུགས་ལ་མ་གཡོ་བར་ཤོག་ཅིག་།རྒྱལ་པོ་མུ་ཁྱུད་ཀྱིས་དེ་བཞིན་འཚལ་ལོ། །ཞེས་ལྷ་རྣམས་ཀྱི་དབང་པོ་བརྒྱ་བྱིན་ལས་མཉན་ཏེ། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ནས། ཁ་ལོ་སྒྱུར་བ་མ་ལ་གདུ་ལ་སྨྲས་པ། མ་ལ་གདུ། ཁྱོད་སོང་ལ། ཅང་ཤེས་སྟོང་ལྡན་གྱི་ཤིང་རྟ་མྱུར་དུ་ཆོས་ལ། རྒྱལ་པོ་མུ་ཁྱུད་གང་ན་བ་དེར་སོང་སྟེ་ཕྱིན་ནས། འདི་སྐད་ཅེས། མུ་ཁྱུད་ལ་ལྷ་རྣམས་ཀྱི་དབང་པོ་བརྒྱ་བྱིན་གྱིས། ཅང་ཤེས་སྟོང་ལྡན་གྱི་ཤིང་རྟ་བསྐུར་བ་འདི་ཡིན་གྱི་དེར་ཁྱོད་ཞུགས་ལ་མི་གཡོ་བར་ཤོག་ཅིག་།ཅེས་བྱོས་ཤིག་།ཀོའུ་ཤི་ཀ། ཁྱོད་ཀྱིས་གསུངས་པས་ཤིན་ཏུ་མ་ནོངས་སོ། །ཞེས་ཁ་ལོ་སྒྱུར་བ་མ་ལ་གདུས། ལྷ་རྣམས་ཀྱི་དབང་པོ་བརྒྱ་བྱིན་ལས་མཉན་ནས་མྱུར་དུ་ཅང་ཤེས་སྟོང་ལྡན་གྱི་ཤིང་རྟ་བཅོས་ཏེ། རྒྱལ་པོ་མུ་
Kha334b
ཁྱུད་གང་ན་བ་དེར་སོང་ནས་ཕྱིན་པ་དང ། འདི་སྐད་ཅེས་སྨྲས་སོ། །མུ་ཁྱུད། ཁྱོད་ལ་ལྷ་རྣམས་ཀྱིས་དབང་པོ་བརྒྱ་བྱིན་གྱིས་ཅང་ཤེས་སྟོང་ལྡན་གྱི་ཤིང་རྟ་བསྐུར་བ་འདི་ཡིན་གྱི། འདིར་ཁྱོད་ཞུགས་ལ་མ་གཡོ་བར་ཤོག་ཅིག་།ཅེས་མཆིའོ། །རྒྱལ་པོ་ཆེན་པོ། རྒྱལ་པོ་མུ་ཁྱུད་ཅང་ཤེས་རྟ་སྟོང་ལྡན་གྱི་ཤིང་རྟར་ཞུགས་པ་དང ། དེ་ནས་ཁ་ལོ་སྒྱུར་བ་མ་ལ་གདུ་རྒྱལ་པོ་མུ་ཁྱུད་ལ་སྨྲས་པ། ཁྱོད་ཀྱི་ཤིང་རྟ་གང་ནས་དྲང ། གང་ན། སེམས་ཅན་སྡིག་པའི་ལས་ཅན་རྣམས་སྡིག་པ་མི་དགེ་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བ་ནས་སམ། གང་ན། སེམས་ཅན་དགེ་བའི་ལས་ཅན་རྣམས་ལས་དགེ་བའི་རྣམ་པར་སྨིན་པ་ཉམས་སུ་མྱོང་བ་ནས་དྲང ། མ་ལ་གདུ། དེའི་ཕྱིར་གང་ན། སེམས་ཅན་སྡིག་པའི་ལས་ཅན་རྣམས། སྡིག་པ་མི་དགེ་བའི་རྣམ་པར་སྨིན་པ་ཉམས་སུ་མྱོང་བ་ཡོད་པ། གང་ན་སེམས་ཅན་དགེ་བའི་ལས་ཅན་རྣམས། ལས་དགེ་བའི་རྣམ་པར་སྨིན་པ་ཉམས་སུ་མྱོང་བ་དག་ཡོད་པར་གཉིས་ཀ་བལྟའི། དེ་དག་གང་ན་བ་དེ་ལོགས་སུ་ཤིང་རྟ་དྲོངས་ཤིག་།དེ་ནས་ཁ་ལོ་སྒྱུར་བ་མ་ལ་གདུ། རྒྱལ་པོ་མུ་ཁྱུད་ཀྱིས་ཅི་ནས་ཀྱང་གང་ན་སེམས་ཅན་སྡིག་པ་མི་དགེ་བའི་ལས་ཀྱི་རྣམ་པར་སྨིན་པ་ཉམས་སུ་མྱོང་བ་ཡོད་པ་དང ། གང་ན་སེམས་ཅན་དགེ་བའི་ལས་ཅན་རྣམས། ལས་དག་པའི་རྣམ་པར་སྨིན་པ་ཉམས་སུ་མྱོང་བ་ཡོད་པ་གཉི་ག་མཐོང་བར་འགྱུར་བ་དེ་ལྟར་རྒྱལ་པོ་མུ་ཁྱུད་ལྡན་གྱི་ཤིང་རྟ་དྲངས་སོ། །རྒྱལ་པོ་མུ་ཁྱུད་
Kha335a
༄#། །སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་ཕྱིན་ནས་རྒྱལ་པོ་མུ་ཁྱུད་ལྷ་རྣམས་ཀྱི་མདུན་ས་ཆོས་བཟང་དུ་ཞུགས་པ་དང ། ལྷ་རྣམས་ཀྱི་དབང་པོ་བརྒྱ་བྱིན་གྱིས་རྒྱལ་པོ་མུ་ཁྱུད་ལ་སྟན་ཕྱེད་བསྟབས་ནས། རྒྱལ་པོ་མུ་ཁྱུད་དང ། ལྷ་རྣམས་ཀྱི་དབང་པོ་བརྒྱ་བྱིན་སྟན་ཕྱེད་ལ་འདུག་།རྒྱལ་པོ་ཆེན་པོ། རྒྱལ་པོ་མུ་ཁྱུད་དང ། ལྷ་རྣམས་ཀྱི་དབང་པོ་བརྒྱ་བྱིན་སྟན་ཕྱེད་ཕྱེད་ལ་འདུག་པ་ན། ཁྱད་པར་རམ། བསམ་པའམ། ཐ་དད་དུ་བྱ་བ་ཅུང་ཟད་ཀྱང་མེད་དེ། གཞན་དུ་ན། ལྷ་རྣམས་ཀྱི་དབང་པོ་བརྒྱ་བྱིན་ནི། མིག་མི་འཛུམ་པར་ཟད་དོ། །དེ་ནས་རྒྱལ་པོ་མུ་ཁྱུད་ཀྱིས་བདག་ཉིད་ཀྱི་མཆོད་སྦྱིན་ཕུན་སུམ་ཚོགས་པ་མཐོང་ནས། དེའི་ཚེ་ཚིགས་སུ་བཅད་དེ་སྨྲས་པ། དགེ་ལས་བྱས་དང་དེ་བཞིན་དུ། མི་དགེ་བ་ཡི་ལས་མཐོང་ནས། །མི་གང་བག་མེད་བྱེད་པ་དེ། །སྐྱེས་བུ་ཐ་ཤལ་སྙིང་རེ་རྗེ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས། རྒྱལ་པོ་མུ་ཁྱུད་ལ་འདི་སྐད་ཅེས་སྨྲས་སོ། །མུ་ཁྱུད། ཁྱོད་འདི་ཉིད་དུ་འདུག་ལ་དགའ་བ་སྤྱོད་ཅིག་།འདོད་པའི་ཡོན་ཏན་ལྔ་འབྱོར་ཅིང་ལྡན་པས་རྩེ་མོ་བྱོས་ཤིག་།དགའ་བར་སྤྱོད་ཅིག་།དགའ་མགུར་སྤྱོད་ཅིག་།དེས་ཚིགས་སུ་བཅད་དེ་སྨྲས་པ། ཇི་ལྟར་སྣོད་དང་ཤིང་རྟ་དག་།བརྙས་པ་རེ་ཞིག་དུས་ཡིན་ལྟར། དེ་དང་འདྲ་བར་གནས་འདི་ཡང ། །དབང་ནི་གཞན་དག་སྒྱུར་བས་བདག་།འདི་ནས་མི་ཐི་ལར་སོང་ནས། །དགེ་བ་མང་པོ་རྣམས་བྱ་ཞིང ། །
Kha335b
བསོད་ནམས་ཕུན་སུམ་ཚོགས་བྱས་ནས། །དེ་ནས་མཐོ་རིས་འོང་བར་བྱ། །དེ་མི་ཐི་ལར་འོངས་ནས་སྦྱིན་པ་དག་བཏང ། བསོད་ནམས་དག་བྱས་ནས་ཚིགས་སུ་བཅད་དེ་སྨྲས་པ། གང་ཚེ་རྒྱལ་རིགས་བྲམ་ཟེ་དང ། །རྗེའུ་རིགས་དམངས་རིགས་གདོལ་པ་དང ། །ཀླ་ཀློ་ཕོངས་ལ་སྦྱིན་པ་ནི། །སྦྱིན་པ་དམ་པ་རྣམས་ཀྱིས་བསྔགས། །མུ་གེའི་ཚེ་ན་སྦྱིན་བྱིན་ཞིང ། །སྐྱེ་བོ་དམ་པ་ཚིམ་བྱས་ནས། །ངན་སོང་རྣམས་སྤངས་འདི་དང་ནི། །མཐོ་རིས་སུ་ཡང་བཀུར་བ་ཡིན། །ཕན་ཡོན་འདི་ནི་ཤེས་ནས་ཀྱང ། །མཁས་པ་རྣམས་ཀྱིས་སྦྱིན་པ་གཏང ། །སྦྱིན་པ་ཡིས་ནི་ཐར་པ་དང ། དབང་ཕྱུག་ལྷ་གནས་འབྱོར་པར་འགྱུར། །རྒྱལ་པོ་ཆེན་པོ། དེའི་ཚེ་དེའི་དུས་ན་འཁོར་ལོས་བསྒྱུར་བའི་རྒྱལ་པོ་མུ་ཁྱུད་ཅེས་བྱ་བ་གང་གིས་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ནས་ལྷ་རྣམས་ཀྱི་དབང་པོ་བརྒྱ་བྱིན་གྱི་སྟན་ཕྱེད་དང ། ལྷ་རྣམས་ཀྱི་འདོད་པའི་ཡོན་ཏན་ལྔས་བསྟབས་ནས། དེས་མི་ཐི་ལར་འོངས་ནས་གྲོང་ཁྱེར་གྱི་སྒོ་བཞིར་མཆོད་སྦྱིན་གྱི་གནས་བརྩིགས་ནས་སྦྱིན་པ་དག་བཏང ། བསོད་ནམས་དག་བྱས་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། འཁོར་ལོས་བསྒྱུར་བའི་རྒྱལ་པོ་མུ་ཁྱུད་ཅེས་བྱ་བ་གང་གིས་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ནས། ལྷ་རྣམས་ཀྱི་དབང་པོ་བརྒྱ་བྱིན་གྱི་སྟན་ཕྱེད་དང ། ལྷ་རྣམས་ཀྱི་འདོད་པའི་ཡོན་ཏན་ལྔས་བསྟབས་པ་ཡིན་པར་གྱུར་ཏེ། ང་ཉིད་དེ་ནས་མི་ཐི་ལར་
Kha336a
༄#། །སོང་ནས། གྲོང་ཁྱེར་གྱི་སྒོ་བཞིར་མཆོད་སྦྱིན་གྱི་གནས་བརྩིགས་ཏེ། སྦྱིན་པ་དག་བྱིན། བསོད་ནམས་དག་བྱས་སོ། །རྒྱལ་པོ་ཆེན་པོ། ངས་སྦྱིན་པའམ། སྦྱིན་པའི་བགོ་བཤའ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །དེའི་འོག་ཏུ་རྒྱལ་པོ་ཀུན་དགའ་བོ་ཞེས་བྱ་བ། མཐུ་དང་ལྡན་པ་ཞེས་བྱ་བའི་བར་དུ་རྒྱས་པར་སྦྱར་ཏེ། དེ་ལ་བུ་གཅིག་དང་གཉིས་ནས་ལྔའི་བར་དག་བཙས་པ་ལས། དེའི་བུ་ཐ་ཆུང་གང་ཡིན་པ་དེའི་གདོང་མེ་ལོང་འདྲ་བས། དེའི་མིང་མེ་ལོང་གདོང་ཞེས་བྱ་བར་གྲགས་སོ། །དེ་དག་ཐམས་ཅད་བསྲིངས་བསྐྱེད་དེ་ཆེན་པོར་གྱུར་ཏེ། གཞོན་ནུ་མེ་ལོང་གདོང་ནི། ཤིན་ཏུ་དེས་པ་དང ། ཤིན་ཏུ་དུལ་བ་ཡིན་ནོ། །དེ་དག་གཞན་ནི། གཏུམ་པ། གཟུ་ལུམས་ཅན། རྩུབ་པ་ཡིན་ནོ། །དེ་དག་ཐམས་ཅད་ཕའི་དགོས་པ་ཞིག་གི་ཕྱིར་འདུས་ན། ཤེས་རབ་ཀྱིས་ཅུང་ཟད་ཀྱང་སོ་སོར་རྟོག་པ་མེད་དོ། །གཞོན་ནུ་མེ་ལོང་གདོང་ནི། །དྲི་བ་ཟབ་མོ་དག་ལ། རང་གི་ཤེས་རབ་ཀྱིས་དཔྱོད་པར་བྱེད་དོ། །རྒྱལ་པོ་ཀུན་དགའ་བོ་ནད་ཀྱིས་ཐེབས་ནས། དེས་བསམ་པ་གང་རྒྱལ་སྲིད་བྱེད་དུ་གཞུག་།གལ་ཏེ་བདག་གིས་ཕུ་བོ་གོང་མ་བཞི་ལས་གང་ཡང་རུང་བ་ཞིག་།རྒྱལ་པོ་བྱེད་དུ་བཅུག་ན་
Kha336b
དེ་རྣམས་གཏུམ་པ། གཟུ་ལུམས་ཅན། རྩུབ་པ་ཡིན་པས། ཚུལ་མ་ཡིན་པས་ཡུལ་མི་རྣམས་ལ་གནོད་པ་བྱེད་པར་འགྱུར་རོ། །གལ་ཏེ་གཞོན་ནུ་མེ་ལོང་གདོང་རྒྱལ་སྲིད་བྱེད་དུ་བཅུག་ན་ནི། ཉེ་དུ་རྣམས་ཀྱིས་ད། རྒྱལ་པོ་འདིས། སྲས་ཐུ་བོ་རྣམས་བཞག་ནས་སྲས་ཐ་ཆུང་རྒྱལ་སྲིད་བྱེད་དུ་འཇུག་པ་ཅིའི་ཐ་ཚིག་།ཅེས་སྨོད་པར་འགྱུར་བས། ཐབས་ཤིག་བཤམ་མོ། །སྙམ་ནས་དེས་རིན་པོ་ཆེ་གསུམ་དང ། བཙུན་མོའི་འཁོར་ཞེས་བྱེད་པ་དང ། ཤེས་རབ་ཀྱིས་སོ་སོར་བརྟག་པར་བྱ་བ་དྲུག་བཞག་ནས། དེས་བློན་པོ་རྣམས་ལ་སྨྲས་པ། ཀྱེ་སྣ་བོ་དག་།ང་འདས་ན། ཁྱེད་ཅག་གིས་གཞོན་ནུ་རྣམས་རེ་རེ་ནས་བརྟག་པར་བྱ་སྟེ། སུས་ནོར་བུའི་ལྷམ་ཟུང་བགོས་ན། འཚམ་པར་འགྱུར་བ་དང ། སེང་གེའི་ཁྲི་ལ་འདུག་ན། མི་གཡོ་བར་འདུག་པ་དང ། དབུ་རྒྱན་མགོ་ལ་ཐོགས་ན། མི་གཡོ་བར་འདུག་པ་དང ། བཙུན་མོའི་འཁོར་ཞེས་བྱེད་པ་དང ། ཤེས་རབ་ཀྱིས་སོ་སོར་བརྟག་པར་བྱ་བ་དྲུག་པོ། ནང་གི་གཏེར་དང ། ཕྱིའི་གཏེར་དང ། ཕྱི་ནང་གི་གཏེར་དང ། ཤིང་གི་རྩེ་མོའི་གཏེར་དང ། རིའི་རྩེ་མོའི་གཏེར་དང ། ཆུ་འགྲམ་གྱི་གཏེར་ཏེ། སུ་འདི་དག་ཐམས་ཅད་དང་ལྡན་པར་གྱུར་པ་དེ། ང་འདས་ནས་ཁྱེད་ཅག་གིས་ཆུག་ཅིག་ཅེས་སྨྲས་ནས། བསགས་པ་ཀུན་གྱི་མཐའ་འཛད་ཅིང ། །མཐོན་པོའི་མཐའ་ནི་ལྟུང་བར་འགྱུར། །ཞེས་བྱ་བ་ཡིན་པས་ཤིའོ། །བློན་པོ་དེ་རྣམས་ཀྱིས། གཞོན་ནུ་ཕུ་བོ་ཤོས་ལ་ནོར་བུའི་ལྷམ་ཟུང་དུ་བསྐོན་
Kha337a
༄#། །ན།་ཇི་ལྟར་ཡང་དེ་དང་མི་འཚམ་མོ། །སེང་གེའི་ཁྲི་ལ་བཞག་ན། གཡོས་སོ། །དབུ་རྒྱན་བཏགས་ན། རབ་ཏུ་གཡོས་སོ། །བཙུན་མོའི་འཁོར་གྱིས་ཀྱང་ཞེས་མ་བྱས་སོ། །ཤེས་རབ་ཀྱིས་སོ་སོར་བརྟག་པར་བྱ་བ་དྲུག་།སྨྲས་ན། མ་ཤེས་ཏེ། ནུ་བོ་ཕྱི་མ་རྣམས་ཀྱང་དེ་བཞིན་ནོ། །གཞོན་ནུ་མེ་ལོང་གདོང་ལ་ནོར་བུའི་ལྷམ་ཟུང་དུ་བསྐོན་ན། ཤིན་ཏུ་འཚམ་པར་འདུག་གོ་།སེངྒེའི་ཁྲི་ལ་འདུག་ན། མི་གཡོ་བར་འདུག་གོ་།དབུ་རྒྱན་ཐོགས་ན། སྤྱི་གཙུག་རྒྱས་པར་འདུག་གོ་།བཙུན་མོའི་འཁོར་གྱིས་ཀྱང་ཞེས་བྱས་པ་དང ། བློན་པོ་རྣམས་ཀྱིས་སྨྲས་པ། ད་དུང་ཤེས་རབ་ཀྱིས་སོ་སོར་བརྟག་པར་བྱ་བ་དྲུག་པོ། ནང་གི་གཏེར་དང ། ཕྱིའི་གཏེར་དང ། ཕྱི་ནང་གི་གཏེར་དང ། ཤིང་གི་རྩེ་མོའི་གཏེར་དང ། རིའི་རྩེ་མོའི་གཏེར་དང ། ཆུ་འགྲམ་གྱི་གཏེར་ཤེས་པར་བྱ་དགོས་སོ། །མེ་ལོང་གདོང་གིས་བསམ་པ། ནང་གི་གཏེར་ཞེས་བྱ་བ། ནང་གི་གཏེར་ཅི་ཞེ་ན། ཐེམ་པའི་ནང་རོལ་ན་ཡོད་པའི་གཏེར་ཡིན་ནོ། །ཕྱིའི་གཏེར་ཞེས་བྱ་བ། ཕྱིའི་གཏེར་ཅི་ཞེ་ན། ཕྱིའི་གཏེར་ཞེས་བྱ་བ་ནི། ཐེམ་པའི་ཕྱི་རོལ་ན་ཡོད་པའི་གཏེར་ཡིན་ནོ། །ཕྱི་ནང་གི་གཏེར་ཞེས་བྱ་བ་ནི། ཅི་ཡིན་ཞེ་ན། ཐེམ་པའི་འོག་ན་ཡོད་པའི་གཏེར་ཡིན་ནོ། ཤིང་གི་རྩེ་མོའི་གཏེར་ཞེས་བྱ་བ། ཤིང་གི་རྩེ་མོའི་གཏེར་ཅི་ཞེ་ན། རྒྱལ་པོ་དེ་བཞུགས་པའི་ཤིང་དེའི་གྲིབ་མས་ཉི་མའི་གུང་ལ་གང་དུ་ཁྱབ་པ་དེ་ན་ཡོད་པའི་གཏེར་ཡིན་ནོ། །
Kha337b
རིའི་རྩེ་མོའི་གཏེར་ཞེས་བྱ་བ་ནི། རྒྱལ་པོ་དེ་རོལ་བའི་རྫིང་དེ་ན་ཁྲུས་ཀྱི་རྡོ་ལེབ་དེའི་འོག་ན་ཡོད་པའི་གཏེར་ཡིན་ནོ། །ཆུ་འགྲམ་གྱི་གཏེར་ཞེས་བྱ་བ་ནི། ཁྱིམ་གྱི་ཆུ་གང་དུ་འབབ་པ་དེའི་སྟོར་ཁུང་གི་མཐའ་ན་ཡོད་པའི་གཏེར་ཡིན་ནོ། །བློན་པོ་དེ་རྣམས་ཀྱིས་ཐམས་ཅད་སོ་སོར་བརྟགས་ན་དེ་དག་བྱུང་ནས། དེ་རྣམས་ཀྱིས་དེ་རྒྱལ་པོར་དབང་བསྐུར་ཏེ། རྒྱལ་པོ་མེ་ལོང་གདོང་ཞེས་བྱ་བ། མཐུ་དང་ལྡན་པར་གྱུར་ཏོ། ། རི་བོར་གཞན་ཞིག་ན། བྲམ་ཟེ་དབྱུག་གུ་ཅན་ཞེས་བྱ་བ་ཞིག་གནས་པ་དེས། ཁྱིམ་བདག་ཅིག་ལས་གླང་དག་ཅིག་བརྙས་ཏེ། ཞིང་རྨོས་ནས་གླང་དེ་དག་དེད་དེ་ཁྱིམ་བདག་དེའི་ཁྱིམ་དུ་སོང་བ་དང ། ཇི་ཙམ་ན། ཁྱིམ་བདག་དེ་དྲོ་ལ་བབ་ནས། བྲམ་ཟེ་དབྱུག་གུ་ཅན་གྱིས་གླང་ཕུགས་སུ་བཏང་བ་ལས། སྒོ་གཞན་ཞིག་ནས་བྱུང་སྟེ་སེང་ངོ ། །ཁྱིམ་བདག་དེ་ཟན་ཟོས་ནས་ལངས་ན། གང་ན་ཡང་གླང་མི་སྣང་ནས། དེས་དབྱུག་གུ་ཅན་བཟུང་ནས། གླང་ག་རེ། དེས་སྨྲས་པ། ཁྱིམ་དུ་མ་བཅུག་གམ། ཁྱོད་ཀྱིས་ཁོ་བོའི་གླང་འཕྲོག་གི། ཁོ་བོ་ལ་གླང་སླར་བྱིན་ཅིག་།དེས་སྨྲས་པ། ཁོ་བོས་མ་འཕྲོག་གོ་།དེས་སྨྲས་པ། རྒྱལ་པོ་མེ་ལོང་གདོང་འདི་ནི། ཤེས་རབ་དང་ལྡན་པ་ཡིན་གྱི། དེའི་དྲུང་དུ་དོང་བ་དང ། དེས་དོན་འདི་མཁས་ཏེ་བདག་ཅག་ལ་རིགས་མི་རིགས་སྟོན་པར་འགྱུར་རོ། །ཞེས་དེ་གཉིས་ཆས་པ་དང ། མི་ཞིག་གིས་རྟ་རྒོད་མ་ཞིག་བྲོས་ནས། དེས་དབྱུག་གུ་ཅན་ལ་སྨྲས་པ། རྟ་རྒོད་མ་འོ་ནི། ཁོ་ག་ཅིག་།དེས་སྨྲས་པ། ཇི་ལྟར་དགག་།ཅི་ནུས་པས་སོ།
Kha338a
༄#། །དེས་རྡོ་བ་ཞིག་བླངས་ཏེ། མགོར་བསྣུན་པས་དེ་ཤི་བར་གྱུར་ཏོ། །མི་དེས་སྨྲས་པ། ཁོ་བོའི་རྟ་རྒོད་མ་ཁྱོད་ཀྱིས་བསད་ཀྱི་ཁོ་བོ་ལ་རྟ་རྒོད་མ་གཅིག་བྱིན་ཅིག་།ཅིའི་ཕྱིར་རྟ་རྒོད་མ་སྦྱིན། དེས་སྨྲས་པ། ཚུར་ཤོག་།རྒྱལ་པོ་མེ་ལོང་གདོང་གི་གན་དུ་འདོང་དང ། དེས་བདག་ཅག་གི་ཞལ་ཆེ་སྦྱོང་བར་འགྱུར་རོ། །ཞེས་དེ་དག་དེར་དོང་བ་དང ། དབྱུག་གུ་ཅན་དེ་འབྲོས་པར་བརྩམས་སོ། །དེས་རྩིག་པ་ཞིག་གི་ཁ་ནས་བདག་ཉིད་མཆོངས་པ་དང ། དེའི་ཞོད་ན་ཐ་ག་པ་ཞིག་ཐགས་འཐག་ཅིང་འདུག་པ་དེའི་སྟེང་དུ་ལྟུང་བས་ཐ་ག་པ་ཤི་ནས། དབྱུག་གུ་ཅན་ཡང་ཐ་ག་པའི་ཆུང་མས་བཟུང་ནས། ཁོ་བོའི་ཁྱིམ་ཐབ་ཁྱོད་ཀྱིས་བསད་ཀྱི། ཁོ་མོའི་ཁྱིམ་ཐབ་བྱིན་ཅིག་།ཁོ་བོས་ཁྱོད་ཀྱི་ཁྱིམ་ཐབ་ག་ལ་སྦྱིན། དེས་སྨྲས་པ། ཚུར་རྒྱལ་པོ་མེ་ལོང་གདོང་གི་དྲུང་དུ་འདོང་དང ། དེས་བདག་ཅག་གི་ཞལ་ཆེ་གཅོད་པར་འགྱུར་རོ། །ཞེས་དེ་རྣམས་ཆས་པ་དང ། ལམ་གྱི་བར་དེ་ན་ཆུ་བོ་གཏིང་ཟབ་མོ་ཞིག་ཡོད་པ་དེ་ལ་ཤིང་མཁན་ཞིག་ཁ་ན་སྟེའུ་ཐོགས་ཏེ། ཕས་ཚུར་བརྒལ་བ་དེ་ལ་དབྱུག་གུ་ཅན་དེས་སྨྲས་པ། ཆུ་ཆེ་ཆུང་ཇི་ཙམ། སྟེའུ་བཏང་སྟེ་སྨྲས་པ། ཆུ་གཏིང་ཟབ་བོ། །སྟེའུ་དེ་ཆུར་ལྷུང་ནས། དེས་དབྱུག་གུ་ཅན་ད་བཟུང་སྟེ། ཁྱོད་ཀྱིས་བའི་སྟེའུ་ཆུར་བསྐུར་རོ། །ངས་མ་བསྐུར་རོ། །ཚུར་རྒྱལ་པོ་མེ་ལོང་གདོང་གི་དྲུང་དུ་འདོང་དང ། དེས་བདག་ཅག་གི་ཞལ་ཆེ་སྦྱོང་བར་འགྱུར་
Kha338b
རོ། །དེ་རྣམས་ངལ་བས་དབྱུག་གུ་ཅན་ཁྲིད་དེ། ཆང་འཚོང་ཞིག་གི་ཁྱིམ་དུ་ཞུགས་པ་དང ། ཆང་འཚོང་མ་ལ་ཁྱེའུ་ཞིག་བཅས་པ། དེས་ཁྱེའུ་དེ་གོས་ཀྱིས་བཀབ་སྟེ་བསྙལ་བ་དེ་ལ་དབྱུག་གུ་ཅན་འདུག་གོ་།དེས་ཁྱེའུ་ཡོད། ཁྱེའུ་ཡོད་ཅེས་སྨྲས་ནས། ཇི་ཙམ་ན་བལྟས་ན་ཤི་བར་གྱུར་ནས། དེས་དབྱུག་གུ་ཅན་དེ་བཟུང་ནས། ཁྱོད་ཀྱིས་ཁོ་མོའི་བུ་བསད་ཀྱི། ཁོ་མོའི་བུ་བྱིན་ཅིག་།དེས་སྨྲས་པ། ཁོ་བོས་ནི། མ་བསད་པ་ན། ཅིའི་ཕྱིར་ཁོ་བོས་ཁྱེད་ཀྱི་བུ་སྦྱིན། དེས་སྨྲས་པ། ཚུར་རྒྱལ་པོ་མེ་ལོང་གདོང་གི་དྲུང་དུ་འདོང་ངོ ། །ཞེས་དེ་རྣམས་ཆས་པ་དང ། ཇི་ཙམ་ན།་ཕྱོགས་གཞན་ཞིག་ན་ཤིང་སྐམ་ལ་ཁཝ་ཞིག་འདུག་པ་དེས། དབྱུག་གུ་ཅན་མཐོང་ནས་སྨྲས་པ། གང་དུ་འགྲོ། ཁོ་བོ་ནི། མི་འགྲོ་ན། འདི་དག་གིས་ཁོ་བོ་ཁྲིད་དོ། །གང་དུ། མེ་ལོང་གདོང་གི་དྲུང་དུའོ། །འོ་ན་ཁོ་བོའི་འཕྲིན་ཡང་ཁྱེར་ལ། རྒྱལ་པོ་མེ་ལོང་གདོང ། ཕྱོགས་ག་གེ་མོ་ཞིག་ན། ཤིང་ལོ་མ་བསྐམས་པ་ཞིག་མཆིས་པ་དེ་ལ་ཁཝ་ཞིག་མཆིས་ཏེ། དེའི་མཆིད་ནས། ཤིང་ལོ་མ་སྔོ་ཞིང་སྣུམ་པ་གཞན་དག་མཆིས་བཞིན་དུ་དེ་ལ་བདག་དགའ་བར་མི་འགྱུར་གྱི། འདི་ལ་བདག་མཆིས་ན་བདེ་བ་ཅི་ལས་གྱུར་ཅེས་གྱིས་ཤིག་།དེ་རྣམས་ཆས་པ་ལས། རི་དྭགས་ཤིག་གིས་དབྱུག་གུ་ཅན་མཐོང་ནས་དེས་སྨྲས་པ། དབྱུག་གུ་ཅན་གང་དུ་འགྲོ། ཁོ་བོ་ནི། གང་དུ་ཡང་མི་འགྲོ་ན། འདི་དག་གིས་ཁོ་བོ་ཁྲིད་དོ། །གང་དུ། མེ་ལོང་གདོང་གི་དྲུང་དུའོ།།
Kha339a
༄#། །ཁོ་བོའི་འཕྲིན་ཡང་ཁྱེར་ལ། གནས་གཞན་དག་ན་གསིང་མ་དང ། རྩཝ་སྔོན་པོ་དག་མཆིས་བཞིན་དུ་བདག་དེ་དག་ལམ་དད་པ་ལ་རྒྱུ་ཅི་ཞིག་མཆིས་ཞེས་གྱིས་ཤིག་།དེ་དག་ཆས་པ་དང ། ཇི་ཙམ་ན། སྲེག་པ་ཞིག་གིས་མཐོང་ནས་སྨྲས་པ། གང་དུ་འདོང་ཞེས་བྱ་བ་ནས། འོ་ན་ཁོ་བོའི་འཕྲིན་ཡང་ཁྱེར་ཅིག་ཅེས་བྱ་བར་གོང་མ་བཞིན་དུ་སྟེ། བདག་ཕྱོགས་གཅིག་ཏུ་ནི། སྲེག་པའི་སྐད་འབྱིན་ལ། ཕྱོགས་གཞན་དུ་ནི། སྐད་གཞན་འབྱིན་པ་འདི་ལ་རྒྱུ་ཅི་ཞིག་མཆིས་ཞེས་གྱིས་ཤིག།། །།འདུལ་བ་གཞི། བམ་པོ་ཞེ་བཞི་པ། ཕྱོགས་གཞན་ཞིག་ན་སྦྲུལ་ཞིག་གིས་མཐོང་ནས་ཞེས་བྱ་བ་ནས། འོ་ན་ཁོ་བོའི་འཕྲིན་ཡང་ཁྱེར་ཅིག་ཅེས་བྱ་བའི་བར་གོང་མ་བཞིན་དུ་སྟེ། བདག་ཕུག་ནས་ནི། བདེ་བར་འབྱུང་ལ། སླར་ནི། སྡུག་བསྔལ་གྱིས་འཇུག་པར་འགྱུར་བ་འདི་ལ་རྒྱུ་ཅི་ཞིག་མཆིས་ཞེས་གྱིས་ཤིག་།སྦྲུལ་ཞིག་དང་ནེའུ་ལེ་གཉིས་ཕན་ཚུན་མི་མཐུན་ཞིང་འཐབ་པར་བྱེད་པ་ཞེས་བྱ་བ་ནས། འོ་ན་བདག་ཅག་གི་འཕྲིན་ཡང་ཁྱེར་ཅིག་ཅེས་བྱ་བའི་བར་གོང་མ་བཞིན་དུ་སྟེ། བདག་ཅག་ཉིན་པར་གཅིག་གིས་གཅིག་མཐོང་ནས་འཐབ་མོ་བགྱིད་ཀྱི། དགའ་བར་མི་འགྱུར་བ་འདི་ལ་རྒྱུ་ཅི་ཞིག་མཆིས་ཞེས་གྱིས་ཤིག་།བག་གསར་གཞོན་ནུ་མ་ཞིག་གིས་ཞེས་བྱ་བ་ནས། དེས་སྨྲས་པ། འོ་ན་བདག་ཅག་གི་འཕྲིན་ཡང་ཁྱེར་ཅིག་ཅེས་བྱ་བའི་བར་གོང་མ་བཞིན་དུ་སྟེ། གང་གི་ཚེ་བདག་
Kha339b
ཕའི་ཁྱིམ་ན་མཆིས་པ་དེའི་ཚེ་ན། གྱོས་པོའི་ཁྱིམ་འཚལ་ལ། གང་གི་ཚེ་གྱོས་པོའི་ཁྱིམ་ན་མཆིས་པ་དེའི་ཚེ་ནི། ཕའི་ཁྱིམ་འཚལ་བ་འདི་ལ་རྒྱུ་ཅི་ཞིག་མཆིས་ཞེས་གྱིས་ཤིག་།དེ་རྣམས་ཆས་ནས། རྒྱལ་པོ་མེ་ལོང་གདོང་ག་ལ་བ་དེར་དོང་སྟེ་ཕྱིན་ནས་དབྱུག་གུ་ཅན་གྱིས། རྒྱལ་པོ་ལ་རྒྱལ་བ་དང་ཚེ་སྤེལ་བ་དག་བྱས་ནས་ཕྱོགས་གཅིག་ཏུ་འདུག་གོ། གཞན་དག་གིས་ཀྱང་རྐང་པ་གཉིས་ལ་མགོ་བོས་ཕྱག་བྱས་ཏེ་འཁོད་པ་དང ། རྒྱལ་པོས་དབྱུག་གུ་ཅན་ལ་དྲིས་པ། ཁྱོད་ཅི་ལ་འོངས། ལྷ། བདག་ནི། ཁྲིད་དོ། །ཅི་ཞིག་གི་ཕྱིར། དབྱུག་གུ་ཅན་གྱིས་ཁྱིམ་བདག་དང་ཅི་ཞིག་ལས་རྩོད་པ་དེ་ཐམས་ཅད་སྨྲས་སོ། །རྒྱལ་པོས་ཁྱིམ་བདག་ལ་དྲིས་པ། ཁྱོད་ཀྱིས་གླང་མཐོང་ངམ། མཐོང་ལགས་སོ། །དབྱུག་གུ་ཅན་ཁྱོད་ཀྱིས་གླང་ཕུགས་སུ་བསྐྲད་དམ། ལྷ། བསྐྲད་ལགས་སོ། །རྒྱལ་པོས་སྨྲས་པ། གང་གིས་ཕྱིར་གོ་བར་མ་བྱས་བས། དབྱུག་གུ་ཅན་འདིའི་ལྕེ་ཆོད་ཅིག་།གང་གི་ཕྱིར་འདི་ཡང་གླང་མ་བཏགས་པས་མིག་ཕྱུང་ཞིག་།ཁྱིམ་བདག་གིས་སྨྲས་པ། རྣམ་པ་གཅིག་ཏུ་བདག་གི་གླང་སྟོར། རྣམ་པ་གཉིས་སུ་བདག་གི་མིག་དབྱུང་བ་བས། དབྱུག་གུ་ཅན་རྒྱལ་མི་བསྔོའོ། །མི་དེས་སྨྲས་པ། ལྷ། དབྱུག་གུ་ཅན་འདིས། བདག་གི་རྟ་རྒོད་མ་ཞིག་བཀུམ་མོ།། ཇི་ལྟར་བསད། དེས་རྒྱས་པར་སྨྲས་པ་དང ། རྒྱལ་པོས་སྨྲས་པ། གང་གི་ཕྱིར་ཇི་ལྟར་ནུས་པ་དེ་བཞིན་དུ་ཁོག་ཅིག་།ཅེས་སྨྲས་པས། མི་འདིའི་ལྕེ་ཆོད་ཅིག་།གང་གི་ཕྱིར་རྡོ་བས་མི་སྣུན་
Kha340a
༄#། །པར་གཞན་གྱིས་དགག་མི་ནུས་པ་མེད་པས། དབྱུག་གུ་ཅན་འདི་ཡང་ལག་པ་ཆོད་ཅིག་།མི་དེས་སྨྲས་པ། རྣམ་པ་གཅིག་ཏུ་བདག་གི་རྟ་རྒོད་མ་བཀུམ། རྣམ་པ་གཉིས་སུ་བདག་གི་ལྕེ་བཅད་པ་བས། དབྱུག་གུ་ཅན་རྒྱལ་མི་བསྔོའོ། །ཐ་ག་པའི་ཆུང་མས་རྒྱས་པར་སྨྲས་པ་དང ། རྒྱལ་པོས་སྨྲས་པ། འདི་ཉིད་ཁྱོད་ཀྱི་ཁྱིམ་ཐབ་ཏུ་ཁྱེར་ཅིག་དེས་སྨྲས་པ། རྣམ་པ་གཅིག་ཏུ་ནི། འདིས་བདག་གི་སྡུམ་ཐབ་བཀུམ། །རྣམ་པ་གཉིས་སུ་ནི། འདི་སྡུམ་ཐབ་ཏུ་འགྱུར་བ་བས། དབྱུག་གུ་ཅན་རྒྱལ་མི་བསྔོའོ། །ཤིང་མཁན་གྱིས་རྒྱས་པར་སྨྲས་པ་དང ། རྒྱལ་པོས་སྨྲས་པ། གང་གི་ཕྱིར་སྟེའུ་ཆུའི་དབུས་སུ་བོར་ནས་ཚིག་སྨྲས་པས། ཤིང་མཁན་འདི་ལྕེ་ཆོད་ཅིག་།དབྱུག་གུ་ཅན་འདིའི་ཡང་ཆུའི་གཏིང་ཟབ་པར་མཐོང་བཞིན་དུ་ཤིང་མཁན་ལ། དྲིས་པས་མིག་དབྱུང་ངོ ། །ཤིང་མཁན་གྱིས་སྨྲས་པ། རྣམ་པ་གཅིག་ཏུ་བདག་གི་སྟེའུ་སྟོར། རྣམ་པ་གཉིས་སུ་བདག་གི་ལྕེ་བཅད་པ་བས། དབྱུག་གུ་ཅན་རྒྱལ་མི་བསྔོའོ། །ཆང་འཚོང་མས་རྒྱས་པར་སྨྲས་པ་དང ། རྒྱལ་པོས་སྨྲས་པ། གང་གི་ཕྱིར་འདིས་བུ་ཐམས་ཅད་ཀྱི་ཐམས་ཅད་གོས་ཀྱིས་གཡོགས་ནས་བསྙལ་བས། ཆང་འཚོང་མ་འདི་ལག་པ་ཆོད་ཅིག་།དབྱུག་གུ་ཅན་ཡང་མ་བརྟགས་པར་གཞན་གྱི་སྟན་ལ་འདུག་པས་འདིའི་མིག་ཕྱུང་ཞིག་།དེས་སྨྲས་པ།
Kha340b
རྣམ་པ་གཅིག་ཏུ་བདག་གི་བུ་བཀུམ། རྣམ་པ་གཉིས་སུ་བདག་གི་སུག་པ་བཀུམ་པ་བས། དབྱུག་གུ་ཅན་རྒྱལ་མི་བསྔོའོ། །དབྱུག་གུ་ཅན་གྱིས་ཁཝའི་ཐན་སྨྲས་པ་དང ། རྒྱལ་པོས་སྨྲས་པ། དབྱུག་གུ་ཅན། ཁཝ་དེ་ལ་ཁྱོད་ཀྱི་ཕྱོགས་དེ་ན། རི་བོར་ཅིག་ཡོད་པའི་གྲོང་གི་བདག་པོར་གྱུར་པ་ན་ཤིང་སྐམ་པོ་དེའི་དྲུང་ན་གཏེར་ཡོད་ཀྱི། དེ་འགའ་ཞིག་ལ་བྱིན་ཏེ་སོང་ཞིག་དང་བདེ་བར་འགྱུར་རོ། ། ཞེས་སྒོས་ཤིག་།རི་དྭགས་ཀྱི་ཐན་སྨྲས་པ་དང ། ཁྱོད་ཀྱི་རི་དྭགས་ལ། རི་དྭགས་ཁྱོད་དེ་ན་ཤིང་ཡོད་པ་དེའི་ཁ་ནས་སྦྲང་རྩིའི་ཐིགས་པ་འཛག་སྟེ། དེ་ཟགས་པས་རྩཝ་དང ། གསིང་མ་མང་པོར་གྱུར་པ་ལ། ཁྱོད་ཟ་ཟ་བ་སྦྲང་མ་དེ་སོང་ཟིན་གྱི། རོ་ལ་ཆགས་པར་མ་བྱེད་ཅིག་།ཚུལ་མ་ཡིན་པས་སྡུག་བསྔལ་བར་གྱུར་ཏ་རེ་ཞེས་སྨྲོས་ཤིག་།སྲེག་པའི་ཐན་སྨྲས་པ་དང ། རྒྱལ་པོས་སྨྲས་པ། གང་དུ་སྲེག་པ་དེ་སྲེག་པའི་སྐད་འབྱིན་པའི་ཕྱོགས་དེ་ན་གཏེར་མེད་ཀྱི། གང་དུ་སྐད་གཞན་འབྱིན་པ་དེ་ན་གཏེར་ཡོད་པས། ཁྱོད་ཀྱིས་གཏེར་འགའ་ཞིག་ལ་སྟོན་ལ། ཚུལ་མ་ཡིན་པས་སྡུག་བསྔལ་བར་གྱུར་པ་ན་མི་རུང་གི་གཞན་དུ་སོང་ཞིག་ཅེས་སྒོས་ཤིག་།དེས་སྦྲུལ་དང་ནེའུ་ལེའི་ཐན་སྨྲས་པ་དང ། རྒྱལ་པོས་སྨྲས་པ། དེ་གཉིས་ལ་ཁྱེད་ཅག་མིར་གྱུར་པ་ན་སྤུན་གཉིས་ཤིག་ཏུ་སྐྱེས་ཏེ། དེ་ན་གཅིག་གིས་སྨྲས་པ། ནོར་བགོའོ། །གཅིག་ཤོས་སེར་སྣའི་ཟིལ་གྱིས་ནོན་པས་མ་བགོས་སོ། །དེ་ལ། གཅིག་ནི། ལྷག་པའི་ཆགས་པར་བྱས་པས་སྦྲུལ་དུ་
Kha341a
༄#། །སྐྱེས་སོ། །གཅིག་ཤོས་ཀྱང་ནོར་ལ་ཐེན་ཏེ་ལྷག་པར་ཆགས་པར་བྱས་པས་ནེའུ་ལེར་སྐྱེས་སོ། །དེ་བས་ན། ཁྱེད་ཅག་གིས་ནོར་དེ་དག་།དགེ་སྦྱོང་ངམ། བྲམ་ཟེ་དག་ལ་བྱིན་ལ། གནས་དེ་འོར་ཅིག་དང ། བདེ་བར་འགྱུར་རོ། །ཞེས་སྒོས་ཤིག་།སྦྲུལ་གྱི་ཐན་སྨྲས་པ་དང ། རྒྱལ་པོས་སྨྲས་པ། ཁྱོད་ཀྱིས། སྦྲུལ་དེ་ལ་ཁྱོད་ལྟོགས་ཤིང་ཉམ་ཆུང་བར་གྱུར་པས་ནི། ཕུག་ནས་བདེ་བར་ཕྱིར་འབྱུང་ལ། ཁ་ཟས་ཕལ་མོ་ཆེ་ཟོས་ནས་ནི། སྡུག་བསྔལ་བས་ཕུག་ཏུ་འཇུག་པ་ཡིན་གྱི། ཁྱོད་ཀྱིས་ཁ་ཟས་ལ་ཇི་ཙམ་དུ་སྤྱོད་པ་དྲོད་ཟིན་པར་བྱས་ན། ཁྱོད་བདེ་བར་གནས་པར་འགྱུར་རོ། །ཞེས་སྒོས་ཤིག་།བག་གསར་གཞོན་ནུ་མའི་ཐན་སྨྲས་པ་དང ། རྒྱལ་པོས་སྨྲས་པ། ཁྱོད་ཀྱིས་བག་གསར་གཞོན་ནུ་མ་དེ་ལ། ཁྱོད་ཀྱི་ཕ་མའི་ཁྱིམ་ན་ནི། འགྲོགས་བཤེས་ཤིག་གནས་ཏེ། གང་གི་ཚེ་ཁྱོད་གྱོས་པོའི་ཁྱིམ་ན་འདུག་པའི་ཚེ་ན་འགྲོགས་བཤེས་དེ་འདོད་དོ། །གང་གི་ཚེ་ཕ་མའི་ཁྱིམ་ན་གནས་པ་དེའི་ཚེ་ན་ཁྱིམ་ཐབ་འདོད་དེ། ཁྱོད་ཚུལ་མ་ཡིན་པའི་སྡུག་བསྔལ་བར་གྱུར་ན། མི་རུང་གི། གནས་གཅིག་ཐོང་ལ། གཅིག་ལེགས་པར་བཟུང་བར་བྱོས་ཤིག་ཅེས་སྒོས་ཤིག་།བག་གསར་གཞོན་ནུ་མ་དེ་དང ། སྤྲུལ་གྱིས་ཇི་སྐད་བསྟན་པ་བཞིན་བྱས་སོ། །སྦྲུལ་དང་ནེའུ་ལེ་དག་དང ། ཁཝས་ནི། ནོར་དབྱུག་གུ་ཅན་ལ་བྱིན་ནོ། །ལྷག་མ་རྣམས་ཀྱིས་ཀྱང་ཇི་སྐད་བསྟན་པ་དེ་བཞིན་མཉན་ཏོ། །བློན་པོ་རྣམས་ཀྱིས་སྨྲས་པ།
Kha341b
ཀྱེ་མའོ། །ལྷ་ལ་འདི་ལྟ་བུའི་སྤོབས་པ་ཡང་མངའ་བ་ལྟ། རྒྱལ་པོ་དགའ་བ་དང་མགུ་བས་གྲོང་ཁྱེར་གྱི་སྒོ་བཞི་རྣམས་སུ་སྦྱིན་གཏོང་གི་ཁང་པ་བརྩིགས་ནས་སྦྱིན་པའི་ཞལ་ཏ་པའི་མི་དག་བཞག་གོ ། དེའི་ཚེ་མུ་གེ་ལོ་བཅུ་གཉིས་སུ་བྱུང་སྟེ། དེས་མུ་གེ་ལོ་བཅུ་གཉིས་སུ་བྱུང་བ་ན། སྲོག་ཆགས་བརྒྱ་སྟོང་ཕྲག་དུ་མ་དག་གི་ཁ་ཟས་སྦྱར་ཏོ། །དེས་བདག་ཉིད་ཀྱི་མཆོད་སྦྱིན་ཕུན་སུམ་ཚོགས་པ་མཐོང་ནས་ཚིགས་སུ་བཅད་དེ་སྨྲས་པ། བློ་ལྡན་ཆོས་དང་མཐུན་པ་ཡིས། ནོར་རྙེད་བསག་པར་མི་བྱ་སྟེ། །ཚུལ་ཁྲིམས་ཕུན་སུམ་ཚོགས་པ་ཡི། །ཡོན་གནས་ལ་ནི་ཡོན་དུ་དབུལ། །དགེ་སྦྱོང་བྲམ་ཟེ་དེས་པ་དང ། །ཕོངས་པ་ལེགས་པར་ཚིམ་བྱས་ན། །ཤེས་རབ་ཅན་དེ་ལུས་ཞིག་ནས། །ལྷ་ཡི་ནང་དུ་སྐྱེ་བར་འགྱུར། །མཁས་པས་དེ་ལྟར་ཤེས་བྱས་ནས། །དད་ལྡན་ཆགས་པ་མེད་སེམས་ཀྱིས། །ཡོན་གནས་རྣམས་ལ་བྱིན་པ་ནི། །དཔའ་བོ་སེར་སྣ་མེད་པས་བསྔགས། །རྒྱལ་པོ་ཆེན་པོ། དེའི་ཚེ་དེའི་དུས་ན། རྒྱལ་པོ་མེ་ལོང་གདོང་ཞེས་བྱ་བ། མཐུ་དང་ལྡན་པ་གང་གིས་མུ་གེ་ལོ་བཅུ་གཉིས་སུ་བྱུང་བ་ན། སྲོག་ཆགས་བརྒྱ་སྟོང་ཕྲག་དུ་མའི་ཁ་ཟས་སྦྱར་བ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། རྒྱལ་པོ་མེ་ལོང་གདོང་ཞེས་བྱ་བ་མཐུ་དང་ལྡན་པ་དེར་གྱུར་ཏེ། ངས་མུ་གེ་ལོ་བཅུ་གཉིས་སུ་བྱུང་བ་ན། སྲོག་ཆགས་བརྒྱ་སྟོང་ཕྲག་དུ་མ་དག་གི་ཁ་ཟས་སྦྱར་ཏོ། །རྒྱལ་པོ་ཆེན་པོ། ངས་སྦྱིན་པའམ།
Kha342a
༄#། །སྦྱིན་པའི་བགོ་བཤང་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྦྱིན་པ་དག་བྱིན། བསོད་ནམས་དག་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། འཁོར་ལོས་སྒྱུར་བའི་རྒྱལ་པོ་ནོར་བཟང་ཞེས་བྱ་བ་ཞིག་བྱུང་སྟེ། དེས་གྲོང་ཁྱེར་བརྒྱད་ཁྲི་བཞི་སྟོང་དུ་མཆོད་སྦྱིན་གྱི་གནས་བརྩིགས་ཏེ། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་སྦྱིན་པ་དག་བྱིན། བསོད་ནམས་དག་བྱས་ཏེ། དེས་བདག་ཉིད་ཀྱི་མཆོད་སྦྱིན་ཕུན་སུམ་ཚོགས་པ་མཐོང་ནས་ཚིགས་སུ་བཅད་དེ་སྨྲས་པ། ལྷ་དང་མི་ཡི་ནང་དག་ཏུ། བདག་གི་འབྱོར་བ་མཐོང་ནས་ནི། གང་གིས་ཕུན་སུམ་ཐོབ་པ་ཡི། །སྦྱིན་པ་སུ་ཞིག་སྦྱིན་མི་བྱེད། །གང་གིས་སྐྱེས་བུ་བརྒྱ་ཕྲག་ཐིབས་མནན་ཅིང ། །སེར་སྣ་དགྲ་བོར་གྱུར་པ་ཟིལ་མནན་ནས། འཇིག་རྟེན་ཕ་རོལ་འཇིགས་པས་སྦྱིན་གཏོང་སྟེ། བདག་ནི་དཔའ་བོའི་དཔའ་རབ་ཡིན་པར་སེམས། །གང་ཞིག་ལག་ན་མཚོན་ཐོགས་གཡུལ་ངོར་འཇུག་།དེ་ནི་དཔའ་བོ་མིན་ཞེས་ཐུབ་རྣམས་གསུང ། །གང་དག་འཇིགས་
Kha342b
པ་མེད་པར་སྦྱིན་གཏོང་བ། །དེ་དག་དཔའ་བོ་ཡིན་ཞེས་ཀུན་མཁྱེན་གསུང ། །རྒྱལ་པོ་ཆེན་པོ། དེའི་ཚེ་དེའི་དུས་ན། འཁོར་ལོས་བསྒྱུར་བའི་རྒྱལ་པོ་ནོར་བཟང་ཞེས་བྱ་བ་གང་གིས། གྲོང་ཁྱེར་བརྒྱད་ཁྲི་བཞི་སྟོང་དུ་མཆོད་སྦྱིན་གྱི་གནས་བརྩིགས་ཏེ། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་སྦྱིན་པ་དག་བྱིན། བསོད་ནམས་དག་བྱས་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། འཁོར་ལོས་བསྒྱུར་བའི་རྒྱལ་པོ་ནོར་བཟང་ཞེས་བྱ་བ་དེར་གྱུར་ཏེ། ང་ཉིད་ཀྱིས་དེ་ན་གྲོང་ཁྱེར་བརྒྱད་ཁྲི་བཞི་སྟོང་དུ་མཆོད་སྦྱིན་གྱི་གནས་བརྩིགས་ཏེ། ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་སྦྱིན་པ་དག་བྱིན། བསོད་ནམས་དག་བྱས་སོ། །རྒྱལ་པོ་ཆེན་པོ། ངས་སྦྱིན་པའམ་སྦྱིན་པའི་བགོ་བཤའ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྦྱིན་པ་དག་བྱིན། བསོད་ནམས་དག་བྱས་ཏེ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མ་ཐོབ་པ་གང་ཡིན་
Kha343a
༄#། །པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ཡུལ་ལྔ་ལེན་པར་རྒྱལ་པོ་གཉིས་བྱུང་སྟེ། བྱང་ཕྱོགས་ཀྱི་ལྔ་ལེན་པ་དང ། ལྷོ་ཕྱོགས་ཀྱི་ལྔ་ལེན་པའོ། །དེ་ལ། བྱང་ཕྱོགས་ཀྱི་ལྔ་ལེན་པ་ནོར་ཅན་ཞེས་བྱ་བ། གྲོང་ཁྱེར་གླང་པོ་ཆེའི་ཁྱིམ་ཞེས་བྱ་བ་ན་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་པ་དང ། ཁྲག་ཁྲུག་དང ། འགྱེད་པ་དང ། ཆོམ་རྐུན་མེད་པ། ནད་རབ་ཏུ་ཞི་བར་གྱུར་པ། འབྲས་སཱ་ལུ་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ་ན། ཆོས་ཀྱི་རྒྱལ་པོ་ཆོས་དང་ལྡན་པ་དང ། ཆོས་བཞིན་གྱིས་རྒྱལ་སྲིད་བྱེད་དུ་འཇུག་གོ། །གྲོང་ཁྱེར་དེ་ན་ཡང་མཚོ་ཆེན་པོ་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོས་གང་བ། ངང་པ་དང ། ངུར་པ་དང ། བྱ་ཀ་རནད་པས་མཛེས་པར་བྱས་པ། ཡིད་དུ་འོང་བ་ཡོད་དོ། །མཚོ་དེ་ན་ཀླུའི་བུ་སྐྱེ་བ་སྣ་ཚོགས་པ་ཞེས་བྱ་བ་གནས་ཏེ། དེས་དུས་དུས་སུ་ཆར་གྱི་རྒྱུན་ལེགས་པར་ཕབ་པས། ས་གཞི་ལྷག་པར་ལོ་ཏོག་ཕུན་སུམ་ཚོགས་པར་གྱུར་ཏོ། །ཡུལ་ཡང་བཟའ་བ་དང ། བཏུང་བ་ཤིན་ཏུ་མོད་ལ། འཇིག་རྟེན་ཡང་སྒྲིབ་པ་དང ། མཆོད་པ་དང ། བསྙེན་བཀུར་དང ། ལྡན་པས། དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་རྣམས་ལ་ཁ་ཟས་སྦྱིན་པར་བྱེད་དོ། །ལྷོ་ཕྱོགས་ཀྱི་ལྔ་ལེན་པའི་རྒྱལ་པོ་ནི། ཆོས་མ་ཡིན་པ་ལྷག་པར་གནས་པ།
Kha343b
གཏུམ་པ། གཟུ་ལུམས་ཅན། སྤྲོ་ཐུང་བ་ཞིག་པས། ཆོས་མ་ཡིན་པས་རྒྱལ་སྲིད་བྱེད་ཅིང ། ཆད་པ་དང ། བརྡེག་པ་དང ། འཚོག་པ་དང ། གསོད་པ་དང ། འཛིན་པ་དང ། འཆིང་བ་དང ། སུ་མི་འདོད་དང ། ཁོང་སྒྲིལ་དང ། གནོད་པ་སྣ་ཚོགས་ཀྱིས་ཡུལ་ན་གནས་པའི་སྐྱེ་བོ་རྣམས་ལ་རྟག་ཏུ་སྐྲག་པར་བྱེད་དོ། །དེ་ཆོས་མ་ཡིན་པ་ལ་ལྷག་པར་གནས་པས་དེར་ལྷ་ཡང་དུས་དུས་སུ་ཆར་གྱི་རྒྱུན་ལེགས་པར་མི་འབེབས་སོ། །དེས་ན་སྐྱེ་བོའི་ཚོགས་དེ་འཇིགས་པ་དང ། ཡི་ཆད་པས་རང་གི་སྲོག་ལ་མི་ལྟ་བར་ཡུལ་ཡོངས་སུ་སྤངས་ཏེ། བྱང་ཕྱོགས་ཀྱི་ཡུལ་ལྔ་ལེན་པའི་རྒྱལ་པོའི་ཡུལ་དུ་དོང་ནས་གནས་སོ། །ཇི་ཙམ་དུས་གཞན་ཞིག་ན། ལྷོ་ཕྱོགས་ཀྱི་ལྔ་ལེན་པའི་རྒྱལ་པོ་རི་དྭགས་འཆོར་བའི་ཚུལ་དུ་བྱས་ནས་ཡུལ་རྣམས་བརྟག་པའི་ཕྱིར་བྱུང་བ་དང ། གྲོང་རྡལ་དང ། གྲོང་ཁྱེར་གང་ཡིན་པ་དག་ནི། སྟོང་པར་གྱུར་ཅིང ། སྐྱེད་མོས་ཚལ་དང ། ལྷ་ཁང་རྣམས་ནི། ཞིག་རལ་དུ་གྱུར་པ་མཐོང་ངོ ། །མཐོང་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་།ཅིའི་ཕྱིར་གྲོང་རྡལ་དང ། གྲོང་ཁྱེར་འདི་སྟོངས་པར་གྱུར་ཅིང་སྐྱེད་མོས་ཚལ་དང ། ལྷ་ཁང་རྣམས་ནི། ཞིག་རལ་དུ་གྱུར། སྐྱེ་བོའི་ཚོགས་དེ་དག་ནི། གང་དུ་དོང ། བློན་པོ་རྣམས་ཀྱིས་སྨྲས་པ། ལྷ། བྱང་ཕྱོགས་ཀྱི་ལྔ་ལེན་པའི་རྒྱལ་པོ་ནོར་ཅན་གྱི་ཡུལ་དུ་མཆིས་སོ། །ཅིའི་ཕྱིར། ལྷ། མི་འཇིགས་པ་སྩལ་དུ་གསོལ། །ཤེས་ལྡན་སྦྱིན་གྱི། སྨྲོས་
Kha344a
༄#། །ཤིག་།དེ་ནས་དེ་རྣམས་ཀྱིས་སྨྲས་པ། ལྷ། བྱང་ཕྱོགས་ཀྱི་ལྔ་ལེན་པའི་རྒྱལ་པོ་ཆོས་བཞིན་གྱིས་རྒྱལ་སྲིད་བགྱིད་པས། དེའི་ཡུལ་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོ་དང་མི་མང་པོས་གང་ཞིང ། འཐབ་པ་དང ། རྩོད་པ་དང ། ཁྲག་ཁྲུག་དང ། འགྱེད་པ་དང ། ཆོམ་རྐུན་མ་མཆིས་ལ། ནད་རབ་ཏུ་ཞི་བར་གྱུར་པ། འབྲས་སཱ་ལུ་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ། འཇིག་རྟེན་ལ་ཡང་སྦྱིན་པ་དང ། མཆོད་པ་དང ། བསྙེན་བཀུར་དང་ལྡན་པས། དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་རྣམས་ལ་ཁ་ཟས་སྩོལ་བར་བགྱིད་དོ། །ལྷ་ནི། གཏུམ་པ། གཟུ་ལུམས་ཅན། སྤྲོ་ཐུང་བས། ཆད་པ་དང ། རྡེག་པ་དང ། འཚོག་པ་དང ། གསོད་པ་དང ། འཛིན་པ་དང ། འཆིང་བ་དང ། སུ་མི་འདོད་དང ། ཁོང་སྒྲིལ་བ་དང ། གནོད་པ་སྣ་ཚོགས་ཀྱིས་ཡུལ་མི་རྣམས་ལ་རྟག་ཏུ་སྐྲག་པར་མཛད་པས། དེ་ན། སྐྱེ་བོའི་ཚོགས་དེ་འཇིགས་ཤིང་ཡི་ཆད་ནས་བྱང་ཕྱོགས་ཀྱི་ལྔ་ལེན་པའི་རྒྱལ་པོའི་ཡུལ་དུ་མཆིས་ལགས་སོ། །ལྷོ་ཕྱོགས་ཀྱི་ལྔ་ལེན་པའི་རྒྱལ་པོས་སྨྲས་པ། ཤེས་ལྡན་དག་གང་གིས་ན། སྐྱེ་བོའི་ཚོགས་དེ། སླར་འོངས་ནས་གྲོང་རྡལ་དང ། གྲོང་ཁྱེར་འདི་དག་ཏུ་གནས་པར་འགྱུར་བའི་ཐབས་བཟང་པོ་ཅི་ཡོད། བློན་པོ་རྣམས་ཀྱིས་སྨྲས་པ། ལྷ། གལ་ཏེ་བྱང་ཕྱོགས་ཀྱི་ལྔ་ལེན་
Kha344b
པའི་རྒྱལ་པོ་བཞིན་དུ་ཆོས་བཞིན་གྱིས་རྒྱལ་སྲིད་མཛད་དེ། བྱམས་པའི་སེམས་དང ། ཕན་པའི་སེམས་དང ། ཐུགས་བརྩེ་བའི་སེམས་ཀྱིས་ཡུལ་བསྐྱངས་ན། རིང་པོར་མི་ཐོགས་པར་སྐྱེ་བོའི་ཚོགས་དེ་སླར་མཆིས་ནས་གྲོང་རྡལ་དང ། གྲོང་ཁྱེར་འདི་རྣམས་སུ་གནས་པར་འགྱུར་ལགས་སོ། །ལྷོ་ཕྱོགས་ཀྱི་ལྔ་ལེན་པའི་རྒྱལ་པོས་སྨྲས་པ། ཤེས་ལྡན་དག་།གལ་ཏེ་དེ་ལྟ་ན།་ངས་ཀྱང་བྱང་ཕྱོགས་ཀྱི་ལྔ་ལེན་པའི་རྒྱལ་པོ་བཞིན་དུ་ཆོས་བཞིན་རྒྱལ་སྲིད་བྱས་ཏེ། བྱམས་པའི་སེམས་དང ། ཕན་པའི་སེམས་དང ། སྙིང་བརྩེ་བའི་སེམས་ཀྱིས་ཡུལ་བསྐྱང་བར་བྱའི། ཁྱེད་ཀྱིས་ཅི་ནས་ཀྱང་སྐྱེ་བོའི་ཚོགས་དེ་སླར་འོངས་ནས་གྲོང་རྡལ་དང ། གྲོང་ཁྱེར་འདི་རྣམས་སུ་གནས་པར་འགྱུར་བ་དེ་ལྟར་གྱིས་ཤིག་།ལྷ། ཡོན་ཏན་གཞན་ཡང་འདི་ལྟ་བུ་མཆིས་ཏེ། གྲོང་ཁྱེར་དེ་ན་མཚོ་ཆེན་པོ་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོས་གང་བ། ངང་པ་དང ། ངུར་བ་དང ། བྱ་ཀ་རནད་པས་མཛེས་པར་བགྱིས་པ། དེ་ན་ཀླུའི་བུ་སྐྱེ་བ་སྣ་ཚོགས་པ་ཞེས་བགྱི་བ་ཞིག་གནས་ཏེ། དེས་དུས་དུས་སུ་ཆར་གྱི་རྒྱུན་ལེགས་པར་ཕབ་པས། ལོ་ཏོག་ལྷག་པར་ཕུན་སུམ་ཚོགས་པར་གྱུར་ཏོ། །དེ་ནས་གཞི་ལྷག་པར་ལོ་ཏོག་དང ། ལྡན་པས་ཡུལ་ཡང་བཟའ་བ་དང་བཏུང་བ་ཤིན་ཏུ་མོད་ལགས་སོ། །རྒྱལ་པོས་སྨྲས་པ། ཤེས་ལྡན་དག་།གང་གིས་ནི། ཀླུའི་བུ་དེ། འདིར་ཁུགས་པར་འགྱུར་བའི་ཐབས་ལྟ་ཅི་ཡོད།
Kha345a
༄#། །ལྷ།་རིག་སྔགས་དང ། གསང་སྔགས་འཆང་དག་གིས་དེ་ཁུགས་པར་འགྱུར་གྱི། དེ་དག་བཙལ་དུ་གསོལ། དེ་ནས་རྒྱལ་པོས་གསེར་གྱི་ཐུམ་པོ་རྒྱལ་མཚན་གྱི་རྩེ་མོ་ལ་བཅིངས་ནས་ཡུལ་ཐམས་ཅད་དུ་དྲིལ་བསྒྲགས་ཏེ། གང་གིས་བྱང་ཕྱོགས་ལྔ་ལེན་པའི་ཡུལ་ནས་ཀླུའི་བུ་སྐྱེ་བ་སྣ་ཚོགས་པ་ཁུགས་ན། དེ་ལ་གསེར་གྱི་ཐུམ་པོ་འདི་སྦྱིན་ནོ། ། བཀུར་སྟི་ཆེན་པོས་ཀྱང་བཀུར་སྟི་བྱའོ། །ཇི་ཙམ་ན། སྤྲུལ་ཁས་སྡིགས་པ་ཞིག་བློན་པོ་རྣམས་ཀྱི་དྲུང་དུ་སོང་ནས་སྨྲས་པ། བདག་ལ་གསེར་གྱི་ཐུམ་པོ་འདི་སྩལ་ན། བདག་གིས་ཀླུའི་བུ་སྐྱེ་བ་སྣ་ཚོགས་པ་འཕྲོག་སྟེ། ཁྲིད་དེ་མཆིའོ། །བློན་པོ་རྣམས་ཀྱིས་སྨྲས་པ། འདི་ཁྱེར་ཅིག་།དེས་སྨྲས་པ། ཁྱེད་ཅག་གང་ལ་ཡིད་ཆེས་ཤིང་ཡིད་བརྟན་པ་དེའི་ལག་ཏུ་བཞག་ལ། ཀླུའི་བུ་སྐྱེ་བ་སྣ་ཚོགས་པ་ཁྲིད་དེ་མཆིས་ནས་འཚལ་ལོ། །དེ་བཞིན་དུ་གྱིས་ཤིག་།དེ་ནས་སྤྲུལ་ཁས་སྡིགས་པ་དེས། མི་ཡིད་བརྟན་དུ་རུང་བའི་ལག་ཏུ་གསེར་གྱི་ཐུམ་པོ་གཏད་ནས་གླང་པོའི་ཁྱིམ་གྱི་གྲོང་ཁྱེར་དུ་སོང་ངོ ། །དེ་ནས་དེས་མཚོ་དེའི་ཁོ་ར་ཁོར་ཡུག་ཏུ་བརྟགས་ནས། མཚན་མ་ལ་མཁས་པ་ཞིག་པས་ཀླུའི་བུ་སྐྱེ་བ་སྣ་ཚོགས་པ་དེ་ནི། ཕྱོགས་འདི་ཁོ་ན་ཉིད་ན་འདུག་གོ་།སྙམ་ནས། དེ་ནས་དེ་གཏོར་མ་དང་ཡོ་བྱད་ཀྱི་ཕྱིར་སླར་སོང་ནས། བློན་པོ་རྣམས་ལ་སྨྲས་པ། བདག་ལ་གཏོར་མ་དང་ཡོ་བྱད་རྣམས་
Kha345b
སྩོལ་ཅིག་དང ། ཞག་བདུན་གྱི་ཉིན་པར་ཀླུའི་བུ་དེ་འཕྲོག་སྟེ་ཁྲིད་དེ་མཆིའོ། །སྦྲུལ་ཁས་སྡིགས་པ་དེ་ཡང་དེས་མཐོང་ནས། དེ་ནི། བདག་འཕྲོག་ཏུ་འོངས་ཏེ། ཞག་བདུན་གྱི་བར་བདག་འཕྲོག་ནས། ཕ་མ་དང་བྲལ་བ་ལས་བྱུང་བའི་སྡུག་བསྔལ་ཆེན་པོ་བདག་གིས་མྱོང་བར་འགྱུར་ན། ཇི་ལྟར་བྱ། སུ་ལ་སྐྱབས་བཙལ་སྙམ་པ་དང ། ཡང ། མཚོ་དེ་ནས་ཧ་ཅང་ཡང་མི་རིང་བ་ཞིག་ན། རྔོན་པ་སྲན་ཅན་དང ། སྤང་ལེབ་ཅན་གཉིས་གནས་ཏེ། དེ་གཉིས་མཚོ་དེའི་དྲུང་ན་གནས་བཅས་ནས་གང་དག་སྐམ་ལ་ཡོད་པའི་སྲོག་ཆགས་རི་བོང་དང ། ལྡང་སྐོ་ཀ་དང ། ཕག་ལ་སོགས་པ་མཚོ་དེ་ལ་འཐུང་དུ་འགྲོ་བ་དང ། གང་ཡང་ཆུ་ན་ཡོད་པ་ཉ་དང ། རུས་སྦལ་དང ། སྦལ་པ་ལ་སོགས་པ་བསད་ཅིང་འཚོ་བར་བྱེད་པ་ལས། དེ་ན་ཡང་སྲན་ཅན་ནི། ཤིའོ། །སྤང་ལེབ་ཅན་ནི། གསན་ནོ། །ཀླུའི་བུ་སྐྱེ་བ་སྣ་ཚོགས་པས་བསམ་པ། རྔོན་པ་སྤང་ལེབ་ཅན་མ་གཏོགས་པ་སྐྱབས་གཞན་མེད་དོ། །སྙམ་ནས། དེ་ནས་མིའི་ཆ་བྱད་དུ་བྱས་ཏེ། རྔོན་པ་སྤང་ལེབ་ཅན་གྱི་དྲུང་དུ་སོང་ནས་སྨྲས་པ། ཀྱེ་ནང་རྗེ། རྒྱལ་པོ་ནོར་ཅན་གྱི་ཡུལ་གྱི་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ་ཞེས་བྱ་བ་ནས། འབྲས་སཱ་ལུ་དང ། བུ་རམ་ཤིང་དང ། བལ་གླང་དང ། མ་ཧེ་ཕུན་སུམ་ཚོགས་པ་ཞེས་བྱ་བའི་བར་གོང་མ་བཞིན་དུ་སྟེ། སུའི་མཐུ་ལས་གྱུར་པ། ཇི་ག་ཁྱོད་ཀྱིས་ཤེས་སམ། དེས་སྨྲས་པ།
Kha346a
༄#། །ཤེས་ཏེ། རྒྱལ་པོ་དེ་ཆོས་དང་ལྡན་པས་ཆོས་བཞིན་གྱིས་རྒྱལ་སྲིད་བྱེད་དེ། བྱམས་པའི་སེམས་དང ། ཕན་པའི་སེམས་དང ། བརྩེ་བའི་སེམས་ཀྱིས་ཡུལ་བསྐྱངས་པས་སོ། །དེས་སྨྲས་པ། ཅི་དེ་འབའ་ཞིག་གམ། གཞན་གྱིས་ཀྱང་ཡིན། རྔོན་པས་སྨྲས་པ། གཞན་གྱི་ཡོན་ཏན་ཞིག་ཀྱང་ཡོད་དེ། མཚོ་འདི་ན་ཀླུའི་བུ་སྐྱེ་བ་སྣ་ཚོགས་ཅན་ཞེས་བྱ་བ་གནས་ཏེ། དེས་དུས་དུས་སུ་ཆར་གྱི་རྒྱུན་ལེགས་པར་ཕབ་པས་ལྷག་པར་ལོ་ཏོག་ཕུན་སུམ་ཚོགས་པར་གྱུར་ཏོ། །དེ་ན་ས་གཞི་ལྷག་པར་ལོ་ཏོག་དང་ལྡན་པས་ཡུལ་ཡང་བཟའ་བ་དང ། བཏུང་བ་མོད་པར་གྱུར་ཏོ། །སྐྱེ་བ་སྣ་ཚོགས་པས་སྨྲས་པ། གལ་ཏེ་འགའ་ཞིག་གིས་ཀླུའི་བུ་དེ་ཡུལ་འདི་ནས་འཕྲོག་ན། ཀླུའི་བུ་དེ་ཅིར་འགྱུར། རུང་བར་མི་འགྱུར་ཏེ། དེ་ཕ་མ་དང་བྲལ་བ་ལས་བྱུང་བའི་སྡུག་བསྔལ་མྱོང་བར་འགྱུར་རོ། །རྒྱལ་པོ་དང་ཡུལ་མིས་འཕྲོག་ན། དེ་ལ་ཁྱོད་ཀྱིས་ཇི་ལྟར་བྱ། སྲོག་དང་དབྲལ་བར་བྱའོ། །ཁྱོད་ཀྱིས་ཀླུའི་བུ་དེ་གང་ཡིན་པ་ཤེས་སམ། མི་ཤེས་སོ། །དེ་ཉིད་ང་ཡིན་ན། ལྷོ་ཕྱོགས་ལྔ་ལེན་པའི་སྤྲུལ་ཁས་སྡིགས་པ་ང་འཕྲོག་པར་བྱེད་དེ། དེ་གཏོར་མ་དང ། ཡོ་བྱད་ཀྱི་ཕྱིར་སླར་སོང་ནས་ཞག་བདུན་གྱི་ཉིན་པར་འོང་བར་འགྱུར་ཏེ། འོངས་ནས་མཚོ་ངོགས་སུ་སེང་ལྡེང་གི་ཕུར་བུ་གྲཝ་བཞིར་བཙུགས་པ། ཚོན་སྐུད་སྣ་ཚོགས་ཀྱིས་བྲེས་ཏེ། གསང་སྔགས་རྗོད་པར་བྱེད་ཀྱི། དེ་ནས་ཧ་ཅང་
Kha346b
ཡང་མི་རིང་པ་ཞིག་ཏུ་ཁྱོད་མི་མངོན་པར་འདུག་ལ། གང་གི་ཚེ་དེས་ཆོ་ག་དེ་ལྟ་བུ་བྱ་བར་གྱུར་པ་དེའི་ཚེ་མཚོའི་ནང་གི་ཆུ་ཁོལ་ཞིང་ལུད་པར་འགྱུར་ཏེ། ང་ཡང་འབྱུང་གི། དེའི་ཚེ་ཁྱོད་ཀྱིས་སྦྲུལ་ཁས་སྡིགས་པ་དེའི་གནད་དུ་མདས་བསྣུན་ལ་དེ་མ་ཐག་ཏུ་དྲུང་དུ་སོང་སྟེ་གསང་སྔགས་སླར་སྡུས་ཤིག་།མ་བསྡུས་ན། ཁྱོད་ཀྱི་མགོ་དྲུང་ནས་བཅད་དེ། ས་ལ་བོར་ར་རེ་ཞེས་སྨྲོས་ཤིག་།གལ་ཏེ་དེས་གསང་སྔགས་རྣམས་མ་བསྡུས་པར་སྲོག་དང་བྲལ་ཏེ་ཤི་ན་ནི། ཁོ་བོ་ཇི་སྲིད་འཚོའི་བར་དུ་གསང་སྔགས་ཀྱི་ཞགས་པས་བཅིངས་པར་འགྱུར་རོ། །རྔོན་པས་སྨྲས་པ། གལ་ཏེ་ཁྱོད་གཅིག་པ་ལ་ཕན་ཐོགས་ན་ཡང་དེ་བཞིན་དུ་ཁོ་བོ་ཁོ་ནས་བྱས་ན། ཡུལ་མཐའ་དག་ལ་ཕན་པ་ལྟ་སྨོས་ཀྱང་ཅི་དགོས་ཏེ། ཁོ་བོས་སྐྱབས་བྱའི་སོང་ཞིག། དེ་ནས་ཀླུའི་བུ་དེས་དེ་ལ་དབེན་པའི་ཕྱོགས་ཤིག་བསྟན་ནས། ཇི་ཙམ་ན་རྔོན་པ་དེ་ཞག་བདུན་གྱི་ཉིན་པར་ཕྱོགས་དབེན་པར་བདག་ཉིད་གབ་སྟེ་འདུག་པ་དང ། སྦྲུལ་ཁས་སྡིགས་དེ་ཡང་འོངས་ནས། གཏོར་མ་དང་ཡོ་བྱད་ཀྱི་ཆོ་ག་བྱ་བར་རྩོམ་སྟེ། དེས་ཕྱོགས་བཞིར་སེང་ལྡེང་གི་ཕུར་བུ་བཞི་བཙུགས། ཚོན་སྐུད་སྣ་ཚོགས་ཀྱིས་བྲེས་ཏེ་གསང་སྔགས་བརྗོད་དོ། །དེ་ནས་ཆུ་དེ་ཁོལ་དུ་ཆ་བ་དང ། རྔོན་པས་གནད་དུ་མདས་བསྣུན་ནས་རལ་གྲི་ཤུབས་ནས་ཕྱུང་སྟེ་སྨྲས་པ། ཁྱོད་ཀྱིས་ངེད་ཀྱི་ཡུལ་ན་གནས་པའི་ཀླུའི་བུ་གསང་སྔགས་ཀྱིས་དབྲོག་གམ། གསང་སྔགས་སླར་སྡུས་ཤིག།
Kha347a
༄#། །མ་བསྡུས་ན། ཁྱོད་ཀྱི་མགོ་དྲུང་ནས་བཅད་དེ་ས་ལ་བོར་ར་རེ། དེ་ནས་སྦྲུལ་ཁས་སྡིགས་པས་སྡུག་བསྔལ་ཉམས་སུ་མྱོང་བས་ཉམ་ཐག་ཅིང ། འཆི་བའི་འཇིགས་པས་སྐྲག་ནས་གསང་སྔགས་བརྟུལ་བ་དང ། རྔོན་པས་དེ་མ་ཐག་པར་དེ་བསད་དོ། །དེ་ནས་ཀླུའི་བུ་གསང་སྔགས་ཀྱི་ཞགས་པས་བཅིངས་པ་ལས་ཐར་ཏེ། མཚོ་ནས་བྱུང་ནས་རྔོན་པ་ལ་འཁྱུད་དེ་འདི་སྐད་ཅེས་སྨྲས་སོ། །ཁྱོད་ནི་ཁོ་བོའི་མ་ཡིན་ལ། ཁྱོད་ནི། ཁོ་བོའི་ཕ་ཡིན་ཏེ། འདི་ལྟར། ཁྱོད་ལ་བརྟེན་པས་ཁོ་བོ་ཕ་མ་དང་བྲལ་བ་ལས་བྱུང་བའི་སྡུག་བསྔལ་མ་སྐྱེས་སོ། །ཚུར་ཤོག། གནས་སུ་འདོད་ངོ ། །ཞེས་དེས་དེ་གནས་སུ་ཁྲིད་དེ་སོང་ནས། བཟའ་བ་དང ། བཏུང་བ་རྣམ་པ་སྣ་ཚོགས་ཀྱིས་ཚིམ་པར་བྱས་ཏེ། རིན་པོ་ཆེ་དག་བསྟབས་ནས་མ་དང་ཕ་ལ་སྨྲས་པ། ཡབ་ཡུམ། འདི་ནི། བདག་གི་སྙིང་དུ་སྡུག་པ། སྐྱབས་དང་གཉེན་དུ་གྱུར་པ་ལགས་ཏེ། འདིའི་མཐུས། བདག་ཁྱེད་དང ། ལྷན་ཅིག་པ་ལས་བྲལ་བར་མ་གྱུར་ཏོ། །དེ་དག་གིས་ཀྱང་དེ་ལ་དམ་པ་སྦྱིན་པར་བྱེད་དེ། རིན་པོ་ཆེ་རྣམ་པ་སྣ་ཚོགས་བྱིན་ནས་དེས་དེ་རྣམས་ཁྱེར་ཏེ་མཚོ་དེ་ནས་བྱུང་ངོ ། །མཚོ་དེ་དང་ཧ་ཅང་མི་རིང་བ་ཞིག་ན། བསྟི་གནས་མེ་ཏོག་དང ། འབྲས་བུ་ཕུན་སུམ་ཚོགས་པ། བྱ་སྣ་ཚོགས་སྐད་འབྱིན་པ་ཞིག་ཡོད་དེ། དེ་ན་དྲང་སྲོང་བྱམས་པ་དང་སྙིང་རྗེའི་བདག་ཉིད་ཅན། སེམས་ཅན་རྣམས་ལ་སྡུག་པར་འཛིན་པ་ཞིག་གནས་སོ། །དེ་
Kha347b
ནས་རྔོན་པ་དེ་དྲང་སྲོང་དེའི་དྲུང་དུ་དུས་གསུམ་དུ་འགྲོ་བར་རྩོམ་ཞིང ། དེ་ལ་ཀླུའི་བུ་སྐྱེ་བ་སྣ་ཚོགས་པ་དང་ལྷན་ཅིག་ཇི་ལྟར་གྱུར་པ་དེ་དག་ཐམས་ཅད་རྒྱས་པར་སྨྲས་སོ། །དེ་ནས་དྲང་སྲོང་དེས་སྨྲས་པ། ཁྱོད་ལ་རིན་པོ་ཆེ་དང་གསེར་ཅི་དགོས། དེའི་གནས་ན་དོན་ཡོད་པ་ཞེས་བྱ་བའི་ཞགས་པ་ཡོད་ཀྱི་དེ་སློངས་ཤིག། དེ་ནས་རྔོན་པ་དེ་དོན་ཡོད་པའི་ཞགས་པ་ལ་ཆགས་པ་སྐྱེས་ནས། དྲང་སྲོང་གི་ཚིག་མཉན་ཏེ་སླར་ཀླུའི་གནས་སུ་སོང་བ་དང ། དེ་ནས་ཇི་ཙམ་ན། ཀླུའི་ཁང་པའི་སྒོ་ན་དོན་ཡོད་པའི་ཞགས་པ་དེ་མཐོང་ནས་ཀྱང་དེ་འདི་སྙམ་དུ་སེམས་ཏེ། བདག་འདོད་པའི་ཞགས་པ་གང་ཡིན་པ་དེ་ནི། འདི་ཁོ་ན་ཡིན་ནོ། །སྙམ་ནས། ཀླུའི་གནས་སུ་ཞུགས་སོ། །དེ་ནས་ཀླུའི་བུ་སྐྱེ་བ་སྣ་ཚོགས་པ་དང ། ཀླུ་གཞན་རྣམས་ཀྱིས་ཡང་དག་པར་དགའ་བ་དང་མགུ་བ་དག་བྱས་ནས་རིན་པོ་ཆེ་དག་བསྟབས་པ་དང ། དེས་སྨྲས་པ། ཁོ་བོ་ལ་ནི། རིན་པོ་ཆེ་མི་དགོས་ཀྱི། འོན་ཀྱང་དོན་ཡོད་པའི་ཞགས་པ་འདི་ཁོ་བོ་ལ་བྱིན་ཅིག་།སྐྱེ་བ་སྣ་ཚོགས་པས་སྨྲས་པ། ཁྱོད་ལ་འདི་ཅི་དགོས་ཁོ་བོ་ཅག་ལ་ནི། དགོས་པ་སྟེ། གང་གི་ཚེ་ནམ་མཁའ་ལྡིང་གིས་གནོད་པ་བྱས་པ་དེའི་ཚེ་འདིས་ཁོ་བོ་ཅག་སྲུང་བར་འགྱུར་རོ། །རྔོན་པས་སྨྲས་པ། ཁྱེད་ཅག་ལ་ནི། ནམ་མཁའ་ལྡིང་གི་གནོད་པ་ལན་འགའ་ཞིག་འབྱུང་བ་ན། འདི་དགོས་ཀྱི། ཁོ་བོ་ལ་ནི། དུས་ཀུན་ཏུ་དགོས་ཀྱི་གལ་ཏེ་ལེགས་པ་བྱས་པ་དང ། ཕན་བཏགས་པ་དྲན་པ་ལྟ་ན། བྱིན་ཅིག། ཀླུའི་བུ་
Kha348a
༄#། །སྐྱེ་བ་སྣ་ཚོགས་པ་འདི་སྙམ་དུ་སེམས་ཏེ། འདིས་བདག་ལ་ཕན་ཆེར་བཏགས་ཀྱི། ཕ་མ་ལ་བརྟགས་ཏེ་སྦྱིན་ནོ། །སྙམ་ནས། དེས་ཕ་མ་ལ་བརྟགས་ཏེ་ཞགས་པ་དེ་བྱིན་ནོ། །དེ་ནས་རྔོན་པ་དེ་བདག་ཐོབ་པ་བཞིན་དུ་བདེ་བ་དང ། ཡིད་བདེ་བས་ཚིམ་ནས། དོན་ཡོད་པའི་ཞགས་པ་ཁྱེར་ཏེ། ཀླུའི་གནས་ནས་བྱུང་ནས་རང་གི་ཁྱིམ་དུ་སོང་ངོ ། །ཇི་ཙམ་དུས་གཞན་ཞིག་ན། རྒྱལ་པོ་ནོར་ཅན་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་ཕོ་ཡང་མེད། བུ་མོ་ཡང་མེད་ནས། ལག་པ་འགྲམ་པ་ལ་གཏད་དེ། བདག་གི་ཁྱིམ་དུ་ནོར་ཟས་འདི་སྙེད་ཅིག་བསགས་ཀྱང ། བདག་ལ་བུ་ཕོ་ཡང་མེད། བུ་མོ་ཡང་མེད་པས། བདག་འདས་ན། བདག་གི་རྒྱུད་འཆད་ཅིང་ཡུལ་འཆོར་བ་དང ། བདོག་པ་རིལ་ཡང་རྒྱལ་པོ་གཞན་གྱིས་དབང་བྱ་བར་འགྱུར་རོ། །སྙམ་ནས། སེམས་ཁོང་དུ་ཆུད་ཅིང་འདུག་པ་དང ། དེ་ལ་དགེ་སྦྱོང་དང ། བྲམ་ཟེ་དང ། གྲོགས་པོ་དང ། མཛའ་བཤེས་དང ། ཉེ་དུ་རྣམས་ཀྱིས་སྨྲས་པ། ལྷ། ཅིའི་སླད་དུ་ཐུགས་མི་དགྱེས། དེ་སྐབས་དེ། དེ་རྣམས་ལ་རྒྱས་པར་སྨྲས་པ་དང ། དེ་རྣམས་ཀྱིས་སྨྲས་པ། ལྷ་རྣམས་ལ་གསོལ་བ་མཛོད་ཅིག་དང ། ཁྱོད་ལ་སྲས་མཆིས་པར་འགྱུར་རོ། །དེ་བུ་མེད་དེ། བུ་མངོན་པར་འདོད་པས་ཞི་བ་དང ། ཆུ་ལྷ་དང །
Kha348b
ལུས་ངན་དང ། ནོར་ལྷ་ལ་སོགས་པ་ལ་གསོལ་བ་འདེབས་ཤིང ། ལྷའི་བྱེ་བྲག་གཞན་ཡང ། འདི་ལྟ་སྟེ། ཀུན་དགའ་ར་བའི་ལྷ་དག་དང ། ནགས་ཚལ་གྱི་ལྷ་དག་དང ། བཞི་མདོའི་ལྷ་དག་དང ། སུམ་མདོའི་ལྷ་དག་དང ། གཏོར་མ་ལེན་པའི་ལྷ་དག་དང ། ལྷན་ཅིག་སྐྱེས་པ་དང ། ཆོས་དང་མཐུན་པ་དག་དང ། རྟག་ཏུ་རྗེས་སུ་འབྲང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན།་གང་གསོལ་བ་འདེབས་པའི་རྒྱུ་ལས་བུ་དང་བུ་མོ་དག་སྐྱེའོ། །ཞེས་བྱ་བའི་གཏམ་དེ་ལྟ་བུ་ཡོད་དེ། དེ་ནི། དེ་ལྟ་བུ་མ་ཡིན་ཏེ། གལ་ཏེ་དེ་ལྟར་འགྱུར་དུ་ཟིན་ན། རེ་རེ་ལ་ཡང་འདི་ལྟ་སྟེ། དཔེར་ན། འཁོར་ལོས་བསྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འོན་ཀྱང་གནས་གསུམ་པོ་དག་མངོན་པར་གྱུར་པ་ལས། བུ་ཕོ་དང་བུ་མོ་དག་སྐྱེ་བར་འགྱུར་རོ། །གསུམ་པོ་དེ་དག་གང་ཞེ་ན། ཕ་དང་མ་དག་ཆགས་པར་གྱུར་ཅིང་འདུས་པ་དང ། མ་དུས་ལ་བབ་ཅིང་ཟླ་མཚན་དང་ལྡན་པ་དང ། དྲི་ཟ་ཉེ་བར་གནས་ཤིང་འཇུག་འདོད་པ་སྟེ། གནས་གསུམ་པོ་དེ་དག་མངོན་དུ་གྱུར་པ་ལས། བུ་ཕོ་དང་བུ་མོ་དག་སྐྱེ་བར་འགྱུར་རོ། །དེ་དེ་ལྟར་གསོལ་བ་འདེབས་པ་ལྷུར་ལེན་ཅིང་འདུག་པ་ན། བསྐལ་པ་བཟང་པོའི་བྱང་ཆུབ་སེམས་དཔའ་ཞིག་བཙུན་མོ་དམ་པ་དེའི་མངལ་དུ་ཞུགས་སོ། །བུད་མེད་མཁས་པའི་རང་བཞིན་ཅན་ཁ་ཅིག་ལ་མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་གྱུར་པ་ཤེས་ཤིང་ཆགས་པ་དང་བྲལ་བ་ཤེས་པ་
Kha349a
༄#། །དང ། དུས་ཤེས་ཤིང་ཟླ་མཚན་ཤེས་པ་དང ། མངལ་དུ་ཞུགས་པ་ཤེས་པ་དང ། གང་ལས་མངལ་དུ་ཞུགས་པ་དེ་ཡང་ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ།་གལ་ཏེ་ཁྱེའུ་ཡིན་ན། དཀུ་གཡས་པར་བརྟེན་ཅིང་འདུག་ལ། གལ་ཏེ་བུ་མོ་ཡིན་ན། དཀུ་གཡོན་པར་བརྟེན་ཅིང་འདུག་གོ། དེ་ཡིད་དགའ་ཞིང་ཡིད་དགའ་ནས། ཁྱོ་ལ་སྨྲས་པ། རྗེའི་སྲས། བདག་ལ་སེམས་ཅན་ཞུགས་པར་གྱུར་པ་ནི། འདི་ལྟར། བདག་གི་དཀུ་གཡས་པར་བརྟེན་ཅིང་མཆིས་པ་ལས་ན། ངེས་པར་ཁྱེའུར་འགྱུར་གྱི། དགྱེས་པ་བསྐྱེད་དུ་གསོལ།་དེ་ཡང་ཡིད་དགའ་ནས་རོ་སྟོད་བསྲང་སྟེ་ལག་པ་གཡས་པ་བརྐྱངས་ནས། འདི་སྐད་ཅེས། ཁོ་བོ་ཡུན་རིང་པོ་ནས་མངོན་པར་འདོད་པ་བུའི་ངོ་མཐོང་བ་དང ། ཁོ་བོ་དང་མཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང ། ཁོ་བོའི་བྱ་བ་དག་བྱེད་པ་དང ། གསོས་པས་ཕྱིར་གསོ་བ་དང ། བགོ་སྐལ་ལ་སྤྱོད་པ་དང ། ཁོ་བོ་རིགས་རྒྱུད་ལ་ཡུན་རིང་དུ་གནས་པར་བསྒྲུབ་པ་དང ། བདག་ཅག་ཤི་ཞིང་དུས་ལ་བབ་པ་དག་ལ་ཉུང་དུའམ། མང་པོ་ཡང་རུང་བའི་སྦྱིན་པ་དག་བྱིན། བསོད་ནམས་དག་བྱས་ནས། འདི། དེ་གཉིས་གང་དུ་སྐྱེས་པ་དེར་འགྲོ་ཞིང་རྗེས་སུ་འགྲོ་བར་གྱུར་ཅིག། ཅེས་མིང་གིས་ཡོན་བསྔོ་བ་བྱེད་པར་གྱུར་ཅིག་ཅེས་ཆེད་དུ་བརྗོད་པ་རྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས། འདི་ལྟ་སྟེ། མངལ་ན་གནས་པ་ཡོངས་སུ་སྨིན་
Kha349b
པར་བྱ་བའི་ཕྱིར་སྟེང་གི་ཁང་བཟང་གི་གཞིར་གྲང་བ་ན་གྲང་བའི་ཡོ་བྱད་དག་དང ། དྲོ་བ་ན་དྲོ་བའི་ཡོ་བྱད་དག་དང ། སྨན་པས་བསྟན་པའི་ཁ་ཟས་ཧ་ཅང་མི་ཁ་བ་དང ། ཧ་ཅང་མི་སྐྱུར་བ་དང ། ཧ་ཅང་ལན་ཚཝ་མི་ཆེ་བ་དང ། ཧ་ཅང་མི་མངར་བ་དང ། ཧ་ཅང་མི་ཚ་བ་དང ། ཧ་ཅང་མི་བསྐ་བ་དང ། ཁ་བ་དང ། སྐྱུར་བ་དང ། ལན་ཚཝ་དང ། མངར་བ་དང ། ཚ་བ་དང ། བསྐ་བ་སྤངས་པའི་ཟས་དག་དང ། དོ་ཤལ་དང ། སེ་མོ་དོ་དང ། རྒྱན་གྱིས་ཀླུབས་པའི་ལུས། ལྷའི་བུ་མོ་དགའ་བའི་ཚལ་ན་རྣམ་པར་སྤྱོད་པ་ལྟ་བུ་དང ། ཁྲི་ནས་ཁྲིར་དང ། ཁྲིའུ་ནས་ཁྲིའུར་དང ། ཞོད་ཀྱིས་གཞིར་མི་འབབ་པ་དང ། དེས་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་ཉམ་བག་ཏུ་བཞག་གོ། དེ་ཟླ་བ་བརྒྱད་དམ་དགུ་འདས་པ་དང ། ཁྱེའུ་གཟུགས་བཟང་བ་བལྟ་ན་སྡུག་པ། མཛེས་པ།་གསལ་བ། གསེར་གྱི་མདོག་འདྲ་བ། མགོ་བོ་གདུགས་ལྟར་འདུག་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །དེ་བཙས་པ་ན། ཀུན་དགའ་བར་འགྱུར་བའི་རྔ་བརྡུངས་བ་རྒྱལ་པོས་ཐོས་ནས་སྨྲས་པ། དེ་ཅིའི་ཕྱིར་ཡིན། བཙུན་མོ་རྣམས་ཀྱིས་རྒྱལ་པོ་ལ་སྨྲས་པ། ལྷ་དགྱེས་པ་བསྐྱེད་དུ་གསོལ། ཁྱོད་ཀྱི་སྲས་པོ་ཞིག་བལྟམས་སོ། །དེ་ནས་རྒྱལ་པོས་གྲོང་ཁྱེར་དེ་ཐམས་ཅད་རྡོ་བ་དང ། གསེག་མ་དང ། གྱོ་མོ་བསལ་ཏེ། བྱི་
Kha350a
༄#། །དོར་བྱས་ནས། ཙནྡན་གྱི་ཆུས་ཆག་ཆག་བཏབ། རྒྱལ་མཚན་དང ། བ་དན་བསྒྲེང ། ཤིན་ཏུ་དྲི་ཞིམ་པོའི་པོག་པོར་དག་བཤམས། མེ་ཏོག་སིལ་མ་སྣ་ཚོགས་ཀྱིས་དགའ་དགའ་ལྟར་བཀྲམ་སྟེ་བསྒོ་བ། དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་རྣམས་ལ་སྦྱིན་པ་བྱིན་ཅིག། བཙོན་ཐམས་ཅད་ཁྱེ་ཞིག། དེའི་ཕྱིར་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་པ་ན། བློན་པོ་རྣམས་ཀྱིས་སྨྲས་པ། ཁྱེའུ་འདི། རྒྱལ་པོ་ནོར་ཅན་གྱི་སྲས་ལགས་པས། ཁྱེའུའི་མིང་ནོར་བཟང་དུ་གདགས་སོ། །ཞེས་དེའི་མིང་ནོར་བཟང་ཞེས་བྱ་བར་བཏགས་སོ། །ཁྱེའུ་ནོར་བཟང་མ་མ་བརྒྱད་པོ། པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དེ། དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང ། ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་བསྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་སློབ་ཏུ་བཅུག་སྟེ་ཞེས་བྱ་བ་ནས་བརྟག་པ་བརྒྱད་དང ། དབྱེ་བ་དང ། ཀློག་པ་ལ་མཁས་པ་དང ། སྤྱོད་པ་གསལ་བར་གྱུར་ཏོ། །ཞེས་
Kha350b
བྱ་བའི་བར་གོང་མ་བཞིན་ནོ། །དེ་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། ལྗོངས་ཀྱི་དབང་ཕྱུག་དང ། མཐུ་དང ། བརྩོན་འགྲུས་ཐོབ་པ། ས་ཆེན་པོའི་དཀྱིལ་འཁོར་འདི་མངོན་པར་རྒྱལ་བར་བྱས་ཏེ་གནས་པ་རྣམས་ཀྱི་བཟོའི་གནས་དང ། ལས་ཀྱི་གནས་ཞེས་བྱ་བ་ནས་གནས་ལྔ་ལ་བྱང་བར་གྱུར་ཏོ། །ཞེས་བྱ་བའི་བར་གོང་མ་བཞིན་ཏེ། དེའི་ཕས་ཆུང་མ་གསུམ་པོ་ཆེ་མ་དང ། འབྲིང་མ་དང ། ཆུན་མ་དག་བཞག་ཅིང་གནས་པའི་ཁང་པ་རྣམ་པ་གསུམ་པོ། དགུན་གྱི་དང ། དཔྱིད་ཀྱི་དང ། དབྱར་གྱི་རྣམས་བརྩིགས་ནས། སྐྱེད་མོས་ཚལ་རྣམ་པ་གསུམ་པོ། དགུན་གྱི་དང ། དཔྱིད་ཀྱི་དང ། དབྱར་གྱི་དག་བཙུགས་སོ། །དེ་ནས་གཞོན་ནུ་ནོར་བཟང་སྟེང་གི་ཁང་བཟང་གི་གཞི་ལ་སྐྱེས་པ་མེད་པར་སོང་ནས་སིལ་སྙན་རྣམས་ཀྱིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ཇི་ཙམ་དུས་གཞན་ཞིག་ན། རྔོན་པ་སྤང་ལེབ་ཅན་རི་དྭགས་ཚོལ་ཞིང་དེ་དང་དེ་དག་ཏུ་རྒྱུ་བ་ན། རི་བོ་གཞན་ཞིག་ལ་ཕྱིན་པ་དང ། དེས་རི་བོ་དེའི་ཞོད་ན། དྲང་སྲོང་གི་བསྟི་གནས་མེ་ཏོག་དང ། འབྲས་བུ་ཕུན་སུམ་ཚོགས་པ། བྱ་སྣ་ཚོགས་རྒྱུ་བ། དེ་ན་མཚོ་ཆེན་པོ་ཨུཏྤ་ལ་དང ། ཀུ་མུ་ད་དང ། པདྨ་དཀར་པོས་གཡོགས་པ། ངང་པ་དང ། བྱ་ཀ་རནད་བ་དང ། ངུར་བས་མཛེས་པ་དེ་མཐོང་ནས། དེ་བསྟི་གནས་དེར་འཁྱམ་པར་བརྩམས་པ་ལས། ཇི་ཙམ་ན། དྲང་སྲོང་སྐྲ་དང ། ཁ་སྤུ་དང ། སེན་མོ་དང ། སྤུ་རྣམས་
Kha351a
༄#། །རིང་བ། ལུས་རླུང་དང་ཚ་བས་གདུངས་པ། ཤིང་གོས་གྱོན་པ་ཞིག་ཤིང་དྲུང་དུ་གནས་བཅས་ཏེ། རྩཝའི་སྤྱིལ་བུ་ན་འདུག་པ་མཐོང་ངོ ། །མཐོང་ནས་ཀྱང་རྐང་པ་ལ་མགོ་བོས་ཕྱག་བྱས་ཏེ་ཐལ་མོ་སྦྱར་ནས་དྲིས་པ། ལེགས་ལྡན། ཕྱོགས་འདིར་ཁྱོད་བཞུགས་ནས། ཡུན་ཇི་སྲིད་ཅིག་ལགས། ལོ་བཞི་བཅུ་ལོན་ནོ། །ཁྱོད་ཀྱི་ཡུན་དེ་སྲིད་ཅིག་ཏུ་ཕྱོགས་འདིར་ལོན་ནོ། །ངོ་མཚར་རྨད་དུ་བྱུང་བའི་ཆོས་འགའ་ལྟ་གཟིགས་པའམ། གསན་པ་ལྟ་མཆིས་སམ། དྲང་སྲོང་ཞི་བའི་བདག་ཉིད་དེས། དལ་བུ་དལ་བུས་སྨྲས་པ། བཞིན་བཟང་ཁྱོད་ཀྱིས་མཚོ་འདི་མཐོང་ངམ། ལེགས་ལྡན་མཐོང་ལགས་སོ། །འདི་ནི། །ཚངས་པ་འདུ་བའི་རྫིང་ཞེས་བྱ་སྟེ། ཨུཏྤ་ལ་དང ། ཀུ་མུ་ད་དང ། པདྨ་དཀར་པོས་གང་བ་དང ། བྱ་སྣ་ཚོགས་ཀྱི་ཚོགས་ཀྱིས་བསྟེན་པ། ཁ་བ་དང ། དངུལ་དང ། བ་མོའི་མདོག་ལྟ་བུའི་ཆུས་ཤིན་ཏུ་གང་བ། ཤིན་ཏུ་དྲི་ཞིམ་པའི་མེ་ཏོག་གིས་བསྐོར་བའི་ཆུའི་རྫིང་འདིར་ཚེས་བཅོ་ལྔ་ལ་མིའམ་ཅིའི་རྒྱལ་པོ་ལྗོན་པའི་བུ་མོ་ཡིད་འཕྲོག་མ་ཞེས་བྱ་བ། མིའམ་ཅི་མོ་ལྔ་བརྒྱས་ཡོངས་སུ་བསྐོར་ནས། མགོ་ཁྲུས་དང་བསྐུ་མཉེ་སྣ་ཚོགས་དང་འོངས་ནས་ཁྲུས་བྱེད་དོ། །དེ་ཁྲུས་བྱེད་པའི་ཚེ་བྲོ་གར་དང ། གླུ་དང ། རོལ་མོའི་སྒྲ་ཉན་པས་བྱ་དང ། རི་དྭགས་ཀྱང་ཡིད་འཕྲོག་པར་བྱེད་དོ། །ཁོ་བོ་ཡང་དེའི་སྒྲ་ཐོས་ནས་དགའ་བ་དང ། ཡིད་བདེ་བ་ཆེན་པོས་ཞག་བདུན་འདའ་བར་བྱེད་དེ།
Kha351b
བཞིན་བཟང་ཁོ་བོས་ངོ་མཚར་རྨད་དུ་བྱུང་བ་འདི་མཐོང་ངོ ། །དེ་ནས་རྔོན་པ་སྤང་ལེབ་ཅན་འདི་སྙམ་དུ་སེམས་ཏེ། བདག་གིས་ཀླུ་ལས་དོན་ཡོད་པའི་ཞགས་པ་ཐོབ་པ་སྟེ། དེ་མིའམ་ཅིའི་བུ་མོ་ཡིད་འཕྲོག་མ་ལ་གདབ་བོ། །སྙམ་ནས། དེ་དུས་གཞན་ཞིག་ན། ཚེས་བཅོ་ལྔ་ལ་དོན་ཡོད་པའི་ཞགས་པ་ཁྱེར་ཏེ། མཚོ་འགྲམ་དང་ཉེ་བར་མེ་ཏོག་དང ། འབྲས་བུ་དང ། ལོ་མ་ཚང་ཚིང་ཞིག་ཏུ་འཁྲས་ནས་གཅིག་ཏུ་བསྒྲིམས་པས་བྱ་ར་བྱེད་ཅིང་འདུག་གོ་།ཇི་ཙམ་ན། ཡིད་འཕྲོག་མ་མིའམ་ཅི་མོ་ལྔ་བརྒྱས་ཡོངས་སུ་བསྐོར་ཏེ། དེ་འདྲ་བའི་འབྱོར་བ་ཉིད་ཀྱིས་ཚངས་པ་འདུ་བའི་རྫིང་དུ་ཁྲུས་ཀྱི་ཕྱིར་ཞུགས་པ་དང ། རྔོན་པ་སྤང་ལེབ་ཅན་གྱིས་དེ་མ་ཐག་ཏུ་དོན་ཡོད་པའི་ཞགས་པ་བཏབ་པ་ལས། དེས་མིའམ་ཅི་མོ་ཡིད་འཕྲོག་མ་ཟིན་ཏོ། །དོན་ཡོད་པའི་ཞགས་པས་ཟིན་ནས། མཚོའི་ནང་ན་མཆོང་བརྒལ་ཞིང་འཇིགས་པའི་སྒྲ་ཡང་ཕྱུང་བ་དང ། མིའམ་ཅི་མོའི་ཚོགས་ལྷག་མས་དེ་ཐོས་ནས། ཕན་ཚུན་བརྒྱུགས་ཏེ་མིའམ་ཅི་མོ་ཡིད་འཕྲོག་མ་ལ་བརྟག་པར་བརྩམས་པ་ལས་བཟུང་བར་མཐོང་ངོ ། །མཐོང་ནས་ཀྱང་སྐྲག་ནས་བྲོས་སོ། །རྔོན་པ་དེས། མཆོག་ཏུ་གཟུགས་བཟང་མོ། །བལྟ་ན་སྡུག་པ་དེ་མཐོང་ངོ ། །མཐོང་ནས་ཀྱང་གཟུང་བའི་ཕྱིར་དྲུང་དུ་གཏུགས་པ་དང ། དེས་སྨྲས་པ། མ་རབས་ཁྱོད་ནི་ང་ལ་མ་རེག་ཅིག་།ཁྱོད་ཀྱི་འདི་ནི་ཐོག་ཏུ་བབ་མ་ཡིན། །ང་ནི་གཟུགས་བཟང་རྒྱལ་གྱི་འོས་ཡིན་པས། །འཛིན་པ་ལེགས་པར་འགྱུར་བ་མ་ཡིན་ནོ། །རྔོན་པས་སྨྲས་པ། གང་
Kha352a
༄#། །དེ་ཁྱོད་མ་བཟུང་ན་འབྲོས་པར་འགྱུར་རོ། །དེས་སྨྲས་པ། ཁོ་མོ་མི་འབྲོས་ཀྱི། གལ་ཏེ་ཡིད་མི་ཆེས་ན། འདིའི་མཐུས་ཁོ་མོ་སྟེང་གི་ནམ་མཁའ་ལ་འགྲོའི་གཙུག་གི་ནོར་བུ་འདི་ཟུངས་ཤིག་།རྔོན་པས་སྨྲས་པ། སུ་ཤེས། དེས་དེ་ལ་གཙུག་གི་ནོར་བུ་བྱིན་ནས། སྨྲས་པ། གཙུག་གི་ནོར་བུ་འདི་སུའི་ལག་པ་ན་གནས་པ་དེའི་དབང་དུ་ཁོ་མོ་འགྱུར་རོ། ། དེ་ནས་རྔོན་པས་ནོར་བུ་དེ་བླངས་ཏེ། ཞགས་པས་བཅིངས་བཞིན་དུ་ཁྲིད་དེ་སོང་ངོ ། །དེའི་ཚེ་གཞོན་ནུ་ནོར་བཟང་རི་དྭགས་འཆོར་དུ་ཆས་པ་དང ། རྔོན་པ་དེས་གཞོན་ནུ་ནོར་བཟང་གཟུགས་བཟང་པོ། །མཛེས་པ། བལྟ་ན་སྡུག་པ་མཐོང་ངོ ། །མཐོང་ནས་ཀྱང་དེ་འདི་སྙམ་དུ་སེམས་ཏེ། འདི་ནི། རྒྱལ་བུ་གཞོན་ནུ་ཡིན་ལ། འདི་ཡང ། མཆོག་ཏུ་གཟུགས་བཟང་མོ། །བལྟ་ན་སྡུག་པ་ཡིན་ཏེ། གལ་ཏེ་འདི་མཐོང་ན། བཙན་ཐབས་སུ་ཁྱེར་བར་འགྱུར་གྱི། མ་ལ་བདག་གིས་འདི་སྐྱེས་ཀྱི་ཚུལ་དུ་བདག་ཉིད་ཀྱིས་དབུལ་ལོ། །སྙམ་ནས། དེ་ནས་དེ་ཞགས་པས་བཅིངས་བཞིན་དུ། རྒྱལ་པོ་གཞོན་ནུ་ནོར་བཟང་གང་ན་བ་དེར་ཁྲིད་སོང་ནས་ཕྱིན་པ་དང ། རྐང་པ་གཉིས་ལ་གཏུགས་ཏེ་སྨྲས་པ། ལྷ། བདག་གིས་བུད་མེད་རིན་པོ་ཆེ་འདི་སྐྱེས་སུ་འཚལ་ཏེ་མཆིས་ན། བཞེས་སུ་གསོལ། རྒྱལ་བུ་གཞོན་ནུ་ནོར་བཟང་གིས། མིའམ་ཅི་མོ་ཡིད་འཕྲོག་མ། གཟུགས་བཟང་མོ། བལྟ་ན་སྡུག་པ། མཛེས་པ། ཁ་དོག་རྒྱས་པ། མཆོག་
Kha352b
དང་ལྡན་པ། ཡོན་ཏན་ཐམས་ཅད་འདུས་པ། བུད་མེད་ཀྱི་མཚན་བཅོ་བརྒྱད་ཀྱིས་བརྒྱན་པ། ཡུལ་གྱི་མི་བས་བཟང་པ། ནུ་མ་གསེར་གྱི་བུམ་པ་དང ། རུས་སྦལ་ལྟར་རྒྱས་ཤིང ། རློ་བ་དང ། མཁྲང་ཞིང་མཁྲེགས་པས་ཤིན་ཏུ་ལེགས་པར་ཟླུམ་པ་ལྟེམ་པ། མིག་མཐོང་མཐིང་ལ་རྩ་དམར་ཞིང་དཀྱུས་རིང་ལ་པདྨ་གཞོན་ནུ་འདྲ་བ། སྣའི་གཟེགས་རིང་ཞིང་མཐོ་བ། མ་མཆུ་བྱི་རུ་དང ། ནོར་བུ་དང ། རིན་པོ་ཆེ་དང ། བིམ་པའི་འབྲས་བུའི་དབྱིབས་འདྲ་བ། འགྲམ་པ་མ་རྙོང་ཞིང་ཡོངས་སུ་རྒྱས་པ། མཁུར་ཚོས་ལྷག་པར་དགའ་བར་བྱེད་པའི་རི་མོའི་ཐིག་ལེ་ཅན། སྨིན་མ་རིམ་གྱིས་མཛེས་ཤིང་འཛར་ལ་བུང་བའི་ཚོགས་ལྟར་གནག་པ། དཔུང་པ་ཟླ་བ་དྲི་མ་མེད་པ་ལྟར་རྒྱས་ལ་རིང་བ། ལྟོ་གཉེར་མ་ཟབ་མོ་གསུམ་དང་ལྡན་ཞིང་ཡིད་ཙམ་རྙོང་བ། ནུ་མའི་གཡུར་གྱི་རོ་སྟོད་བགས་ཀྱིས་འདུད་ལ། དཀུ་ཤིང་རྟའི་ཡན་ལག་ལྟར་དབྱིབས་ཤིན་ཏུ་མཛེས་པ། ལག་པ་ཆུ་ཤིང་གི་སྙིང་པོ་འདྲ་བ། བརླ་བྱིན་གྱིས་ཕྲ་བ་ཟླུམ་པས་མཛེས་པ། རྩ་ཤིན་ཏུ་མི་མངོན་ཞིང་གྱ་གྱུ་མེད་པས་ཡན་ལག་ཐམས་ཅད་མཛེས་པ། ནོར་བུ་མང་པོའི་མགོ་རྒྱན་དང ། མགུལ་གདུབ་དང ། རྐང་གདུབ་དང ། གདུབ་བུ་དང ། དོ་ཤལ་དང ། སེ་མོ་དོའི་སྒྲས་འགྱིང་ཞིང་འགྲོ་བ། སྐྲ་གནག་ལ་འཇམ་པ། བདེ་སོགས་ལྟར་རྐང་པ་རྐང་གདུབ་ཀྱིས་བརྒྱན་ཅིང་གསེར་གྱི་འོག་པག་ཅན། ལྟོ་ཕྱང་དེ་བ། དོ་ཤལ་མང་པོ་དཔྱངས་པ། མདོག་གསེར་གཙོ་མ་ལྟར་བཟང་བ་མཐོང ། མཐོང་
Kha353a
༄#། །མ་ཐག་ཏུ་གཞོན་ནུ་ནོར་བཟང་འདོད་ཆགས་ཀྱི་ཞགས་པ། ཆུ་ཟླ་དྲི་མ་མེད་ཅིང ། གསལ་བ་གཡོ་བའི་རང་བཞིན་ལྟ་བུར་གཟུང་དཀའ་བ། རླུང་ཆུ་རླབས་དང་བཅས་པའི་ཆུ་སྲིན་ལྟ་བུར་རྟོགས་པར་དཀའ་བ། ནམ་མཁའ་ལྡིང་དང་རླུང་གི་ཤུགས་དང་འདྲ་བར་འགྲོ་བ་ཤིང་བལ་གྱི་འདའ་བ་ལྟ་བུར་མྱུར་དུ་འགྱུར་བ། སྤྲེའུ་ལྟར་ས་གཅིག་ན་མི་འདུག་པས་གཡོ་ཞིང་གཙབ་ཡབ་ཅན་གྱིས་ནི་དམ་དུ་ཟིན། འདོད་ཆགས་ཀྱི་མདའ་རྟག་ཏུ་ཉོན་མོངས་བསྟེན་པ་ལ་གོམས་པའི་འདོད་ཆགས་ཀྱི་བདེ་བ་རོ་མྱང་བ་ལ་བརྐམ་པ། ཉོན་མོངས་པ་ཐམས་ཅད་ཀྱི་ཡུལ་ངན་འགྲོའི་གཡང་ས་ལས་མི་ལྡོག་པ། བཟང་མོ་ལ་རྗེས་སུ་ཆགས་པའི་སེམས་ཀྱིས་ཤིན་ཏུ་དྲི་མ་ཅན་དུ་བྱས་པ། འཕྲད་པས་འདོད་པས་ཤིན་ཏུ་དབྱུང་མི་བཟོད་པའི་སྒྲ་འབྱིན་པ། ཚུལ་བཞིན་མ་ཡིན་པའི་གཞུས་འཕངས་པས་ནི། སྙིང་ལ་ཕོག་སྟེ། མེའི་ནང་དུ་ཕྱེ་མ་ལེབ་བཞིན་དུ་དེ་ཉིད་དུ་འགྱེལ་ཏོ། །སྨྲས་པ། དབྱར་གྱི་ཆར་སྤྲིན་ནང་ནས་གློག་ནི་འགྱུ་བ་ལྟར། ། བཞིན་རས་ཟླ་བ་འདྲ་དེ་ནོར་བཟང་གིས་མཐོང་སྟེ། །དེ་ལ་ཆགས་པའི་འདོད་པ་སྟེག་ཚོལ་ལས་བྱུང་བའི། །འདོད་ཆགས་མདའ་ཡིས་དེ་ཡི་སེམས་ལ་ཕོ་ག། །།འདུལ་བ་གཞི། བམ་པོ་ཞེ་ལྔ་པ། དེ་ནས་རྒྱལ་བུ་ནོར་བཟང་གིས་ཡིད་འཕྲོག་མ་དེ་ཁྲིད་དེ་གླང་པོའི་ཁྱིམ་གྱི་གྲོང་ཁྱེར་དུ་སོང་ནས། རྔོན་པ་དེ་ལ་ཡང་གྲོང་ཁྱེར་མཆོག་གཅིག་བྱིན་ནོ། །དེ་ནས་གཞོན་ནུ་ནོར་བཟང་ཡིད་
Kha353b
འཕྲོག་མ་དང་ལྷན་ཅིག་སྟེང་གི་ཁང་བཟང་གི་གཞིར་དོང་ནས་ལྷན་ཅིག་ཏུ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད། ཡིད་འཕྲོག་མའི་གཟུགས་དང ། ན་ཚོད་དང ། བསྙེན་བཀུར་བརྒྱ་ཕྲག་དུ་མའི་ཡོན་ཏན་གྱིས་གཞོན་ནུ་ནོར་བཟང་གི་སེམས་ཇི་ལྟར་དེ་དང་སྐད་ཅིག་ཀྱང་འབྲལ་མི་ཕོད་པ་དེ་ལྟར་འཕྲོག་གོ། ཇི་ཙམ་དུས་གཞན་ཞིག་ན། བྲམ་ཟེ་གཉིས་ཤིག་ལྗོངས་རྒྱུ་ཞིང་འོངས་པ་ལས། དེ་ལས་གཅིག་ནི། རྒྱལ་པོ་ལ་རྟེན་བཅས་སོ། །གཉིས་པ་ནི། གཞོན་ནུ་ནོར་བཟང་ལའོ། །རྒྱལ་པོ་ལ་བརྟེན་བཅས་པ་གང་ཡིན་པ་དེ་ནི། རྒྱལ་པོས་མདུན་ན་འདོན་དུ་བཅུག་སྟེ། ལོངས་སྤྱོད་ཀྱི་སྐལ་བ་ཡང་བྱིན་ནོ། །གཞོན་ནུ་ནོར་བཟང་གི་གང་ཡིན་པ་དེ་ལ་ནི། དེས་ལོངས་སྤྱོད་ཀྱི་སྐལ་བ་ཙམ་ཞིག་བྱིན་པ་དང ། སྨྲས་པ། གཞོན་ནུ་གང་གི་ཚེ་ཡབ་འདས་ནས་ཁྱོད་རྒྱལ་པོར་བཅུག་པ་དེའི་ཚེ། བདག་ལ་ཅི་ཞིག་བགྱི། གཞོན་ནུ་ནོར་བཟང་གིས་སྨྲས་པ། ཇི་ལྟར་ཁྱོད་ཀྱི་གྲོགས་པོ་བྲམ་ཟེ། ངའི་ཡབ་ཀྱིས་མདུན་ན་འདོན་དུ་བཅུག་པ་དེ་བཞིན་དུ། ཁྱོད་ཀྱང་ངའི་མདུན་ན་འདོན་དུ་གཞུག་གོ། ཞེས་བྱ་བའི་གཏམ་དེ་གཅིག་ནས་གཅིག་ཏུ་བརྒྱུད་དེ། བྲམ་ཟེ་མདུན་ན་འདོན་དེས་ཐོས་ནས། དེ་འདི་སྙམ་དུ་སེམས་ཏེ། ངས་ཅི་ནས་གཞོན་ནུ་ཉིད་ཀྱིས་ཀྱང་རྒྱལ་སྲིད་མི་ཐོབ་པ་དེ་ལྟར་བྱ་ན། མདུན་ན་འདོན་དུ་གཞུག་པ་ལྟ་སྨོས་ཀྱང་ཅི་དགོས་སྙམ་མོ། །ཇི་ཙམ་དུས་གཞན་ཞིག་ན་རྒྱལ་པོ་དེའི་ཡུལ་དུ་རི་བོར་པ་ཞིག་བསྔོ་བར་གྱུར་ནས། རྒྱལ་པོས་དེ་
Kha354a
༄#། །འབེབས་སུ་དམག་ཁ་ཆེན་ཞིག་བཏང་བ་ལས་དེ་བཅོམ། རྣམ་པར་བཅོམ་སྟེ་ཕམ་པར་བྱས་ནས་སླར་ལོག་གོ་།དེ་བཞིན་དུ་ཁ་ཆེ་བདུན་གྱི་བར་བཏང་བ་ལས། དེ་རྣམས་ཀྱང་བཅོམ། རྣམ་པར་བཅོམ་སྟེ་ཕམ་པར་བྱས་ནས་སླར་ལྷགས་སོ། །རྒྱལ་པོ་ལ་བློན་པོ་རྣམས་ཀྱིས་གསོལ་པ། ལྷ། ཅིའི་སླད་དུ་རང་གི་དཔུང་ཉམས་ཤིང་གཞན་གྱི་མཐུ་སྐྱེད་པར་མཛད། གང་ཡང་ལྷའི་ཡུལ་ན་མཚོན་གྱིས་འཚོ་བ་ཇི་སྙེད་མཆིས་པ་ཐམས་ཅད་དགུག་ཏུ་གསོལ། བྲམ་ཟེ་མདུན་ན་འདོན་གྱིས་བསམ་པ། གཞོན་ནུ་ནོར་བཟང་གསད་པའི་ཐབས་བྱ་བའི་དུས་ནི། འདི་ཡིན་ནོ། །སྙམ་ནས། དེ་ནས་རྒྱལ་པོ་ལ་གསོལ་པ། ལྷ་དེ་ལྟ་བུས་ནི། དབབ་པར་རྔོ་མི་ཐོགས་སོ། །རྒྱལ་པོས་སྨྲས་པ། ཇི་ལྟར་བྱ། ང་ཉིད་ཁོ་ན་འགྲོའམ། མདུན་ན་འདོན་གྱིས་སྨྲས་པ། ཅིའི་སླད་དུ་ལྷ་ཉིད་གཤེགས། གཞོན་ནུ་ནོར་བཟང་འདི་ནི། དར་ལ་བབ་ཅིང་མཐུ་རྩལ་སྙེམས་པ་དང་ལྡན་པ་ལགས་པས། དམག་འདི་རྣམས་དང་ལྷན་ཅིག་ཏུ་དགྱེར་གསོལ། རྒྱལ་པོས་སྨྲས་པ། དེ་བཞིན་དུ་བྱའོ། །ཞེས། དེ་ནས་རྒྱལ་པོས་གཞོན་ནུ་བཀུག་ནས་བསྒོ་བ། གཞོན་ནུ། དམག་དང་ལྷན་ཅིག་ཏུ་དེངས་ལ་རི་བོར་རྣམས་ཕོབ་ཅིག་ལྷ་བཀའ་བཞིན་འཚལ་ཞེས་གཞོན་ནུ་ནོར་བཟང་གིས་རྒྱལ་པོ་ལས་མཉན་ནས་བཙུན་མོ་རྣམས་ཀྱི་གན་དུ་སོང་སྟེ། ཡིད་འཕྲོག་མ་མཐོང་བ་དང ། དེས་ཐམས་ཅད་བརྗེད་པར་གྱུར་
Kha354b
ཏོ། །དེ་ནས་ཡང་རྒྱལ་པོས་བསྒོ་བ་དང ། ཡང ། དེ་མཐོང་མ་ཐག་ཏུ་ཐམས་ཅད་བརྗེད་པར་གྱུར་ཏོ། །དེ་ནས་མདུན་ན་འདོན་གྱིས་རྒྱལ་པོ་ལ་སྨྲས་པ། ལྷ། གཞོན་ནུ་ནོར་བཟང་ནི། ཡིད་འཕྲོག་མ་ལ་ལྷག་པར་ཆགས་པས་མཆི་བར་རྔོ་མི་ཐོགས་ཀྱི། དམག་བསྡོགས་ལ་གཞོན་ནུ་བཙུན་མོ་རྣམས་ཀྱི་ནང་ནས་བྱུང་བ་དང ། ཅི་ནས་ཀྱང་ཡིད་འཕྲོག་མའི་དྲུང་དུ་མི་མཆི་བར་ཐལ་བྱུང་གཏང་བར་བགྱིའོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་།དཔུང་གི་ཚོགས་སྟ་གོན་གྱིས་ཤིག་།བློན་པོ་རྣམས་ཀྱི་རྒྱལ་པོ་ལས་མཉན་ནས། དཔུང་གི་ཚོགས་གླང་པོ་ཆེ་དང ། རྟ་དང ། ཤིང་རྟ་དང ། དཔུང་བུ་ཆུང་ཕུན་སུམ་ཚོགས་པ། འཚོག་ཆས་གོ་མཚོན་རྣམ་པ་དུ་མ་དང་ལྡན་པ་དག་སྟ་གོན་བྱས་སོ། །དེ་ནས་གཞོན་ནུ་ཕྱིར་བྱུང་བ་དང་བསྒོ་བ། གཞོན་ནུ་དཔུང་གི་ཚོགས་སྟ་གོན་བྱས་ཀྱི་སོང་ཞིག་།དེས་སྨྲས་པ། ལྷ། ཡིད་འཕྲོག་མ་ལ་བལྟས་ཏེ་མཆི་བར་བགྱིད། རྒྱལ་པོས་སྨྲས་པ། གཞོན་ནུ་ཐོགས་པར་འགྱུར་གྱི་མ་ལྟ་ཞིག་།ཡབ། གལ་ཏེ་དེ་ལྟར་ན། མ་ལ་བལྟས་ཏེ་མཆིའོ། །གཞོན་ནུ་མ་ལ་ལྟོས་ཤིག་།དེས་ཡིད་འཕྲོག་མའི་གཙུག་གི་ནོར་བུ་ཁྱེར་ནས། མའི་དྲུང་དུ་སོང་སྟེ་རྐང་པ་གཉིས་ལ་གཏུགས་ཏེ་སྨྲས་པ། ཡུམ། བདག་རི་བོར་བ་རྣམས་འབེབས་སུ་མཆི་ལགས་ཀྱི། གཙུག་གི་ནོར་བུ་འདི། ཁྱོད་ཀྱིས་ཤིན་ཏུ་དབེན་པར་སྦོས་ལ། ཡིད་
Kha355a
༄#། །འཕྲོག་མ་འགུམ་པ་ལ་ཐུག་པ་མ་ལགས་པར་ཇི་ལྟར་གྱུར་ཀྱང་མ་སྩོལ་ཅིག་།ཅེས་དེས་དེ་སྐད་མ་ལ་བསྒོས་ནས་མཆི་ཕྱག་བྱས་ཏེ། དམག་གི་དཔུང་གི་ཚོགས་དང ། རོལ་མོའི་སྒྲ་སྣ་ཚོགས་དང་ཆས་ཏེ་རིམ་གྱིས་ཡུལ་འདས་ནས། རི་བོར་བ་དེ་དང་ཧ་ཅང་མི་རིང་བ་ཞིག་ན་ཤིང་ལྗོན་པ་ཞིག་གི་དྲུང་དུ་བཏབ་སྟེ་འདུག་གོ་།དེའི་ཚེ་རྒྱལ་པོ་ཆེན་པོ་རྣམ་ཐོས་ཀྱི་བུ་འཁོར་གནོད་སྦྱིན་དུ་མ་དང ། འཁོར་གནོད་སྦྱིན་བརྒྱ་ཕྲག་དུ་མ་དང་འཁོར་གནོད་སྦྱིན་སྟོང་ཕྲག་དུ་མ་དང ། འཁོར་གནོད་སྦྱིན་བརྒྱ་སྟོང་ཕྲག་དུ་མ་དང་ལམ་དེ་ནས་གནོད་སྦྱིན་རྣམས་ཀྱི་གནོད་སྦྱིན་གྱི་མདུན་སར་ཆས་སོ། །དེ་ལ་མ་དེ་ནས་ཆས་པ་ན། ནམ་མཁའི་ལམ་ལ་ཐོགས་པར་གྱུར་ནས། དེ་འདི་སྙམ་དུ་སེམས་ཏེ། བདག་གིས་ལམ་འདི་ནས་ལན་མང་པོ་ཞིག་ཏུ་སོང་ན་བདག་གི་བཞོན་པ་ལན་འགའ་ཡང་ཐོགས་པར་མ་གྱུར་ན། གང་གིས་ན། དེ་ལྟར་ཐོགས་པ་འདི་ལྟ་རྒྱུ་ཅི་ཡོད་སྙམ་པ་ལས། དེས་གཞོན་ནུ་ནོར་བཟང་མཐོང་ནས། དེ་འདི་སྙམ་དུ་སེམས་ཏེ། འདི་ནི། བསྐལ་པ་བཟང་པོའི་བྱང་ཆུབ་སེམས་དཔའ་ཡིན་ཏེ། དམག་ལ་ཆས་པས་ཉོན་མོངས་པར་འགྱུར་གྱི། འདིའི་གྲོགས་བྱས་ཏེ་རི་བོར་པ་འདི་རྣམས་སྲོག་ཆགས་འགའ་ཡང་གནོད་པར་མི་འགྱུར་བར་དབབ་པོ། །སྙམ་དུ་བསམ་ནས་གནོད་སྦྱིན་གྱི་སྡེ་དཔོན་ཆེན་པོ་ལྔ་ལེན་ལ་སྨྲས་པ། ལྔ་ལེན་ཚུར་ཤོག་།ཁྱོད་ཀྱིས་
Kha355b
གཞོན་ནུ་ནོར་བཟང་རི་བོར་པ་རྣམས་དང་གཡུལ་མ་བཀྱེ་བར་སྲོག་ཆགས་འགའ་ལ་ཡང་གནོད་པར་མི་བྱ་བར་ཕོབས་ཅིག་།གནོད་སྦྱིན་གྱི་སྡེ་དཔོན་ཆེན་པོ་ལྔ་ལེན་གྱིས། བཀའ་བཞིན་འཚལ་ཞེས་རྒྱལ་པོ་ཆེན་པོ་རྣམ་ཐོས་ཀྱི་བུ་ལས་མཉན་ནས། ལྷའི་ཡན་ལག་བཞི་པའི་དཔུང་གི་ཚོགས་ཤིང་ཏ་ལའི་ཚད་ཙམ་གྱི་སྐྱེས་པ་དང ། རིའི་ཚད་ཙམ་གྱི་གླང་པོ་ཆེ་དང ། གླང་པོ་ཆེའི་ཚད་ཙམ་གྱི་རྟ་དང ། གཞལ་མེད་ཁང་གི་ཚད་ཙམ་གྱི་ཤིང་རྟ་རྣམས་སྤྲུལ་ཏོ། །དེ་ནས་རལ་གྲི་དང ། ཐོ་བ་དང ། མདའ་བོ་ཆེ་དང ། མདུང་དང ། འཁོར་ལོ་དང ། མདུང་ཐུང་དང ། མདའ་དང ། དགྲ་སྟ་ལ་སོགས་ཏེ། མཚོན་ཆའི་ཁྱད་པར་རྣམ་པ་སྣ་ཚོགས་དང ། སིལ་དཀྲོལ་གྱི་སྒྲ་རྣམ་པ་སྣ་ཚོགས་འབྱིན་པས་འཇིགས་པ་ཆེན་པོ་སྟོན་ཅིང ། ལྔ་ལེན་མཐུ་ཆེན་པོ་ཚོགས་རྣམས་དང་རི་བོར་དུ་ཕྱིན་པ་དང ། གླང་པོ་ཆེ་དང ། རྟ་དང ། ཤིང་རྟའི་སྒྲ་དང ། སིལ་དཀྲོལ་གྱི་སྒྲ་སྣ་ཚོགས་དང ། གནོད་སྦྱིན་རྣམས་ཀྱི་རང་བཞིན་གྱི་མཐུས། ར་བ་དག་རལ་བར་གྱུར་ཏོ། །དེ་ནས་རི་བོར་ན་གནས་པ་དེ་རྣམས་ཀྱི་དཔུང་གི་ཚོགས་དེ་དག། ར་བ་དག་རལ་བ་མཐོང་ནས། མཆོག་ཏུ་ངོ་མཚར་སྐྱེས་ཏེ་དྲིས་པ། དཔུང་གི་ཚོགས་འདི་གང་ནས་འོངས། དེ་རྣམས་ཀྱིས་སྨྲས་པ། མྱུར་དུ་སྒོ་ཕྱེ་ཞིག་།གཞོན་ནུ་ནོར་བཟང་འདིའི་མཇུག་ནས་འོང་སྟེ། དཔུང་གི་ཚོགས་འདི་ནི། དེའི་ཡིན་ནོ། །གལ་ཏེ་མྱུར་དུ་མ་ཕྱེ་ན་ཐམས་ཅད་རྨེག་མེད་པར་འགྱུར་རོ། །དེ་རྣམས་
Kha356a
༄#། །ཀྱིས། བདག་ཅག་རྒྱལ་ལ་མི་ལྡོག་སྟེ། །གཞོན་ནུ་བློ་དང་ལྡན་ལ་མིན། །རྒྱལ་པོའི་ཞོ་ཤས་འཚོ་རྣམས་ཀྱིས། །བདག་ཅག་འཇིགས་ཤིང་སྐྲག་གྱུར་མེད། །ཅེས་སྨྲས་ནས། དེ་རྣམས་ཀྱིས་སྒོ་ཕྱེ་སྟེ། དེ་ནས་རྒྱལ་མཚན་དང ། བ་དན་བསྒྲེང་ནས། བུམ་པ་གང་བ་དང ། རོལ་མོའི་སྒྲ་སྣ་ཚོགས་ཀྱིས་གཞོན་ནུ་ནོར་བཟང་བསུའོ། །དེས་ཀྱང་དབུགས་ཕྱུང་ནས་དེ་རྣམས་བགྲང་བ་ལས་སྣ་བོ་བསྐོས་ཏེ་དཔྱ་ཐང་བཅད། གཏེའུ་ཡང་བཟུང་ངོ ། །དེ་ནས་རི་བོར་པ་དེ་རྣམས་ཆམ་དུ་ཕབ་ནས། གཞོན་ནུ་ནོར་བཟང་སླར་ལོག་གོ། རྒྱལ་པོ་ནོར་ཅན་གྱིས་དེ་ཉིད་ཀྱིས་ནུབ་མོ་རྨི་ལམ་ན་བྱ་རྒོད་ཅིག་འོངས་ཏེ། རྒྱལ་པོའི་ལྟོ་དྲལ་ནས་རྒྱུ་མ་གཟངས་ཏེ་གྲོང་ཁྱེར་དེ་ཐམས་ཅད་ཀྱི་མཐའ་བསྐོར་བ་དང ། རིན་པོ་ཆེ་སྣ་བདུན་གྱི་ཁྱིམ་དུ་འོངས་པར་མཐོང་ནས། དེ་ནས་རྒྱལ་པོ་འཇིགས་ཤིང་སྐྲག་།མི་དགའ་ཞིང་སྤུ་ཟིང་ཞེས་བྱེད་ནས། མྱུར་བ་མྱུར་བར་ལངས་ཏེ་མལ་ཆེན་པོ་ལ་འདུག་ནས་ལག་པ་འགྲམ་པ་ལ་གཏད་དེ། གཞི་འདི་ལས་བདག་རྒྱལ་སྲིད་ལས་ཉམས་པའམ། སྲོག་གི་བར་ཆད་དུ་མི་འགྱུར་གྲང་སྙམ་ནས། སེམས་ཁོང་དུ་ཆུད་ཅིང་འདུག་པ་ལས། དེ་ནམ་ནངས་ནས། རྨི་ལམ་དེ་བྲམ་ཟེ་མདུན་ན་འདོན་ལ་སྨྲས་པ་དང ། དེས་བསམ་པ། ལྷས། རྨི་ལམ་དེ་ལྟ་བུ་མཐོང་བ་ནི། གདོན་མི་ཟ་བར་གཞོན་ནུས་རི་བོར་པ་རྣམས་ཕམ་པར་བྱས་ཀྱི། ལོག་པ་བཞིན་དུ་བསྟན་པར་བྱའོ། །སྙམ་ནས་སྨྲས་
Kha356b
པ།་ལྷ། ཁྱེད་ཀྱི་རྨི་ལམ་དུ་གཟིགས་པ་ནི། བཟང་པོ་མ་ལགས་ཏེ། གདོན་མི་འཚལ་བར་གཞི་འདི་ལས་ལྷའི་རྒྱལ་སྲིད་ལས་ཉམས་པའམ། སྐུ་ཚེའི་བར་ཆད་དུ་འགྱུར་ལགས་སོ། །འོན་ཀྱང་འདི་ཟློག་པའི་ཐབས་མཆིས་ཏེ། དེ་ཡང་བྲམ་ཟེ་རྣམས་ཀྱི་གསང་ཚིག་ལས་མཐོང་ངོ ། །ཟློག་པའི་ཐབས་དེ་ཅི་ཡིན། ལྷ། སྐྱེད་མོས་ཚལ་དུ་རྫིང་དབྱིབས་ལེགས་པ། ཚད་ལ་བབ་པ་བགྱིས་ལ། དེ་ནས་རྡོ་ཐལ་གྱིས་བྱུགས་ཏེ་ལེགས་པར་བསྟར་ནས། རི་དྭགས་ཕྲ་མོ་རྣམས་ཀྱི་ཁྲག་གིས་བཀང་ལ། དེ་ནས་ལྷས་ཁྲུས་ལ་གཤེགས་པ་ན། རྫིང་དེ་ལ་ཐེམ་སྐས་གཅིག་ལས་འཇུག་པར་བགྱིའོ། ། གཅིག་ལས་ཞུགས་ནས་གཉིས་ལ་འཛེག་པར་བགྱིའོ། །གཉིས་པ་ལས་ཞུགས་ནས་གསུམ་པ་ལ་འཛེག་པར་བགྱིའོ། །གསུམ་པ་ལས་ཞུགས་ནས་བཞི་པ་ལ་འཛེག་པར་བགྱིའོ། །དེ་ནས་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་ཕྱིན་པ་བཞིས་ལྷའི་ཞབས་ལྕེས་བལྡགས་ལ། མི་མ་ཡིན་པའི་ཚིལ་གྱི་བདུག་པས་བདུག་གོ། དེ་ལྟར་ན། ལྷའི་དངོས་སྡིག་འབྱང་ཞིང་ཡུན་རིང་པོར་རྒྱལ་སྲིད་སྐྱོང་བར་འགྱུར་རོ། །རྒྱལ་པོས་སྨྲས་པ། དེ་དག་ཐམས་ཅད་ནི། ནུས་ན། འདི་ལྟར། མི་མ་ཡིན་པའི་ཚིལ་བུ་འདི་ནི། ཤིན་ཏུ་དཀོན་ནོ། །མདུན་ན་འདོན་གྱིས་སྨྲས་པ། །ལྷ། མོད་པ་གང་ལགས་པ་དེ། དཀོན་ལགས་སམ། རྒྱལ་པོས་སྨྲས་པ། དེ་ཇི་ལྟ་བུ་ཞིག་ཡིན། མདུན་ན་འདོན་གྱིས་སྨྲས་པ། ལྷ། ཡིད་འཕྲོག་མ་འདི། མི་མ་ལགས་པ་མ་ལགས་སམ། རྒྱལ་པོས་སྨྲས་
Kha357a
༄#། །པ།་མདུན་ན་འདོན། འདི་ལ་གཞོན་ནུའི་སྲོག་འདུག་གི་དེ་སྐད་མ་སྨྲ་ཞིག། དེས་སྨྲས་པ། ལྷ། ཁྱིམ་གྱི་ཕྱིར་ནི་འགའ་གཏང་སྟེ། །གྲོང་རྡལ་ཕྱིར་ནི་ཁྱིམ་གཏང་ངོ་།། ཡུལ་ལྗོངས་ཕྱིར་ནི་གྲོང་རྡལ་ཏེ། །བདག་གི་ཕྱིར་ནི་ས་གཏང་ངོ ། །ཞེས་བགྱི་བ་མ་གསན་ཏམ། རྒྱལ་པོ་བདག་ཉིད་བརྟན་གྱུར་ནས། །གཞོན་ནུ་བློ་ལྡན་དེ་ལ་ནི། །གཞན་ཞིག་སྩལ་བར་སྤྱོད་གྲང་གི་།ཡིད་འཕྲོག་འདི་ནི་དགུམ་པར་མཛོད། །བདག་ཉིད་ལ་མངོན་པར་ཆགས་པ་ནི། མི་བྱེད་པ་ཅི་ཡང་མེད་པས། དེས་ཁས་བླངས་སོ། །དེ་ནས་མདུན་ན་འདོན་གྱིས་ཇི་སྐད་བསྟན་པ་བཞིན་དུ་བྱ་བར་བརྩམས་ཏེ། རྫིང་བརྐོས་ནས་རྔོ་ཐལ་གྱིས་བྱུགས་ཤིང་ལེགས་པར་བསྟར་ནས། རི་དྭགས་ཕྲ་མོ་རྣམས་ཀྱི་ཁྲག་གསོག་པ་ལ་ཞུགས་སོ། །སྦྱོར་བ་དེ། ནོར་བཟང་གི་བཙུན་མོའི་སྐྱེ་བོས་ཤེས་ནས། དེ་རྣམས་དགའ་བ་དང ། ཡིད་བདེ་བ་སྐྱེས་ཏེ། བདག་ཅག་ལང་ཚོ་ལ་བབ་ཅིང ། གཟུགས་ཕུན་སུམ་ཚོགས་པ་ཡིན་པས། ད་ནི། བདག་ཅག་དང ། གཞོན་ནུ་ནོར་བཟང་དུ་ཡོངས་སུ་དགའ་མགུར་སྤྱོད་པར་འགྱུར་རོ། །ཞེས་དེ་རྣམས་རབ་ཏུ་དགའ་བར་བྱེད་པ་དེ་དག། ཡིད་འཕྲོག་མས་མཐོང་ནས་དྲིས་པ། ཁྱེད་ཅག་ཅིའི་ཕྱིར་ལྷག་པར་དགའ། ཇི་ཙམ་ན། གཞན་ཞིག་གིས་ཡིད་འཕྲོག་མ་ལ་ཇི་ལྟར་གྱུར་པ་རྒྱས་པར་སྨྲས་པ་དང ། ཡིད་འཕྲོག་མ་སྡུག་བསྔལ་བ་དང ། ཡིད་མི་བདེ་བ་སྐྱེས་ནས་གཞོན་ནུ་
Kha357b
ནོར་བཟང་གི་མ་གང་ན་བ་དེར་སོང་སྟེ། རྐང་པ་གཉིས་ལ་གཏུགས་ནས་སྙིང་རྗེ་རྗེ་སྐད་དུ་སྒྲ་གཅོམ་ཆུང་ངུས་དོན་དེ་དལ་བུས་སྨྲས་པ་དང ། དེས་སྨྲས་པ། གལ་ཏེ་དེ་ལྟར་ན། ལེགས་པར་རྟོགས་ཤིག། བདག་གིས་ཀྱང་བརྟག་གོ། ཡིད་འཕྲོག་མས་བརྟགས་ནས་ཡང་སྨྲས་པ་དང ། དེས་བརྟགས་ན་ཡང་བདེན་པར་མཐོང་ནས། དེ་ནས་དེས་གཙུག་གི་ནོར་བུ་དེ་དང་གོས་ཤིག། ཡིད་འཕྲོག་མ་ལ་བྱིན་ནས་སྨྲས་པ། བུ་མོ་ཁྱོད་དུས་ལ་མ་བབ་པར་མ་འགྲོ་ཞིག། དེ་ལྟར་ན། ཁོ་མོ་ལ་ཁམ་མཆུ་འབྱུང་བར་མི་འགྱུར་རོ་།དེ་ནས་རྒྱལ་པོ་ཇི་སྐད་བསྟན་པའི་རིམ་པ་བཞིན་དུ་ཁྲུས་ལ་ཆས་ཏེ་ཁྲག་གིས་གང་བའི་རྫིང་བུར་ཞུགས་ནས་བྱུང་བ་དང ། དེ་ནས་དེའི་རྐང་པ་གཉིས་ལ་བྲམ་ཟེ་རྣམས་ཀྱི་ལྕེས་བལྡགས་སོ། །ཇི་ཙམ་ན། མིའམ་ཅི་མོ་ཁྲིད་དེ་ཤོག་ཅིག་ཅེས་བསྒོ་བ་དང ། དེ་མ་ཐག་ཁོ་ནར་ཡིད་འཕྲོག་མ་ནམ་མཁའ་ལ་འཕགས་ཏེ་ཚིགས་སུ་བཅད་དེ་སྨྲས་པ། བདག་ནི་རེག་དང་འཕྲད་པ་དང ། །བདག་ནི་བགད་དང་བརྩེས་པ་ལས། །བལ་གླང་མོ་བཏགས་ཐར་པ་ལྟར།། ད་ནི་བདག་མོ་འགྲོ་བར་བྱ། །རྒྱལ་པོས་ཀྱང་ནམ་མཁའི་ལམ་ནས་འགྲོ་བ་མཐོང་ནས། དེ་སྐྲག་སྟེ་མདུན་ན་འདོན་ལ་སྨྲས་པ། གང་གི་ཕྱིར་འབད་པར་བྱ་བ་དེ་མ་གྲུབ་པར། མིའམ་ཅི་ཡིད་འཕྲོག་མ་བྲོས་སོ། །མདུན་ན་འདོན་གྱིས་སྨྲས་པ། ལྷ། ད་ནི། དོན་གྲུབ་སྟེ། དངོས་སྡིག་དང་བྲལ་ལགས་སོ། །དེ་ནས་ཡིད་འཕྲོག་ནམ་མཁའི་ལམ་ལས་འགྲོ་བ་ན། འདི་སྙམ་དུ་སེམས་ཏེ། གང་ཡང་
Kha358a
༄#། །བདག་གནས་སྐབས་འདི་ཐོབ་པ་དེ་ནི། དྲང་སྲོང་དེས་བསྟན་པ་ལས་གྱུར་གྱི། གལ་ཏེ་དེས་མ་བསྟན་ན་ནི། བདག་གཟུང་ཞིང་འགྲོ་བར་མི་འགྱུར་བ་ཞིག་།དེ་ལྟ་བས་ན། རེ་ཞིག་དྲང་སྲོང་དེའི་དྲུང་དུ་འགྲོའོ། །སྙམ་ནས། དེ་དེའི་བསྟི་གནས་སུ་སོང་ནས་རྐང་པ་གཉིས་ལ་ཕྱག་བྱས་ནས་དྲང་སྲོང་ལ་སྨྲས་པ། དྲང་སྲོང་ཆེན་པོ་ཁྱོད་ཀྱིས་བསྟན་པས། བདག་བཟུང་སྟེ་མཆིས་ནས། མིའི་རེག་པ་རྣམས་ཐོབ་ཅིང་སྲོག་གི་བར་ཆད་དུ་ཅུང་ཞིག་གིས་མ་གྱུར་ཏོ་།དེ་བས་གསོལ་བ་ནི། གལ་ཏེ་བརྒྱ་ཞིག་ལ་གཞོན་ནུ་ནོར་བཟང་བདག་ཚོལ་ཞིང་མཆིས་ན། དེ་ལ་བདག་གི་སོར་གདུབ་སྩོལ་ལ། འདི་སྐད་ཀྱང་གསུང་བའི་རིགས་སོ། །གཞོན་ནུ། ལམ་ཡང་བགྲོད་པར་དཀའ་སྟེ། ཉོན་མོངས་པར་འགྱུར་གྱི་སླར་བཞུད་ཅིག་།གལ་ཏེ་བཟློག་ཀྱང་མཆིས་སུ་མ་བཏུབ་ན། དེ་ལ་ལམ་བསྟན་པའི་རིགས་ཀྱི། གཞོན་ནུ་ཡིད་འཕྲོག་མས་བསྟན་པ། བྱང་ཕྱོགས་ལོགས་ན་རི་ནག་པོ་གསུམ་མཆིས་སོ། །དེ་དག་བརྒལ་བའི་ཕ་རོལ་ན་ཡང་གསུམ་མོ། ། དེ་དག་བརྒལ་བའི་ཕ་རོལ་ན་ཡང་གསུམ་མཆིས་སོ། །དེ་དག་བརྒལ་བ་དང ། རིའི་རྒྱལ་པོ་གངས་ཅན་མཆིས་སོ། །དེའི་བྱང་ཕྱོགས་ན་ནི། རི་བོ་ཕུར་པའི་རྩེ་མཆིས་སོ། །དེ་ནས་ལམ་ཆུ་སྒྲ་ཅན་དང ། སེང་ལྡེང་ཅན་དང ། རྒྱུད་གཅིག་པ་དང ། རྡོ་རྗེ་ཅན་དང ། འདོད་རྒུར་སྒྱུར་བའི་གཟུགས་ཅན་དང ། ཕུར་བའི་དབྱིབས་དང ། ས་སྲུང་བུའི་དབྱིབས་དང ། མི་གཡོ་བ་དང ། རབ་
Kha358b
གྲོལ་ཏེ། རི་བོ་དེ་དག་ཁྱོད་ཀྱིས་རྒོལ་ཅིག་།དེ་ལ་རི་བོ་སེང་ལྡེང་ཅན་དང ། རྒྱུད་གཅིག་པ་དང ། ཕུར་པའི་དབྱིབས་ལ་ནི། ཕུག་ནས་འཇུག་།རྡོ་རྗེ་ཅན་ལ་ནི། བྱའི་རྒྱལ་པོས་འཇུག་སྟེ། ཐབས་འདི་དག་གིས་རི་བོ་དེ་རྣམས་བརྒལ་བར་བགྱིའོ། །འཁྲུལ་འཁོར་ར་གདོང་ཅན་དང ། ལུག་ལྟ་བུ་དང ། སྐྱེས་བུ་སྲིན་པོ་སེར་སྐྱའི་གཟུགས་ཅན་དག་ཀྱང་གཞོམ་པར་བགྱིའོ། །ཕུག་ན་སྦྲུལ་ཁ་ཆུའི་རྒྱུན་ཆེན་པོའི་ཤུགས་ཀྱིས་རྒྱུག་པ་ཞིག་མཆིས་ཏེ། དེ་ནི། ཞོ་ཤས་གཞོམ་པར་བགྱིའོ། །གང་ན་སྦྲུལ་ནི་ནག་པོ་ཞིག་།ཕུག་ན་ཕྱེད་འདུག་མཐོང་ནས་ནི། །བདག་གི་སླད་དུ་གཞུ་བརྡུངས་ལ། །མདའ་ཡིས་བསྣུན་ཏེ་གསད་པར་གྱིས། །གང་ནས་ལུག་གཉིས་ཕན་ཚུན་ནས། །རྡུང་བར་བྱེད་པ་མཐོང་ན་ནི། །དེ་གཉིས་རཝ་རེ་བཅག་མཛོད་དང ། །ལམ་ནི་རྙེད་པར་འགྱུར་ལགས་སོ། །འཇིགས་པ་ཆེ་སྐྱེད་མཚོན་ཐོགས་པའི། །ལྕགས་ཀྱི་སྐྱེས་པ་གཉིས་མཐོང་ན། །དེ་གཉིས་ལས་ནི་གཅིག་བརྡེགས་དང ། །ལམ་ནི་རྙེད་པར་འགྱུར་ལགས་སོ། །སྲིན་མོ་ལྕགས་ཀྱི་མཆུ་ཅན་ཞིག་།ཁ་འཛུམ་གདངས་པར་བགྱིད་གཟིགས་ན། །དེ་ཚེ་དེ་ཡི་དཔྲལ་བ་ལ། །ཕུར་པ་དག་གིས་གདབ་པར་མཛོད། །དེ་བཞིན་ཁྲོན་པ་ཀློང་དྲག་འཁྱིལ། །དྲུག་ཅུའི་ཁྲུ་ཅན་ལ་ཁྱོད་མཆོངས། །སྐྲ་མིག་སེང་གེའི་ལྟར་སེར་ཞིང ། །མི་བཟད་བསྙེན་པར་དཀའ་བ་ཡི། །གནོད་སྦྱིན་དང་ནི་སྲིན་པོ་དང ། །གཞུ་བཀང་སྟེ་ནི་གསད་མཛོད་ལ། །ཆུ་སྲིན་འཛིན་
Kha359a
༄#། །ཁྲིས་གང་བ་ཡི། །ཆུ་བོ་མང་པོ་བརྒལ་མཛོད་ཅིག། ནང་གི་ཕྱེ་མ་ལེབ་གདུངས་དང ། །སྣ་ཚོགས་དུད་མོ་རྒོད་པ་དང ། །སྦྲུལ་ཅན་འོད་མ་ཅན་གྱི་ཀླུང ། །ནང་ག་ན་ནི་སྲིན་མོ་ཁྲོ། །ཕྱེ་མ་ལེབ་ན་མི་མ་ཡིན། །གདུངས་པ་ན་ནི་འཛིན་ཁྲི་མང ། །སྣ་ཚོགས་ཅན་ན་འདོད་རྒྱུར་གཟུགས། །དུད་མོར་མའི་མ་ཅི་ཡི་བྲན། །རྒོད་པ་ན་ནི་མིའམ་ཅིའི། མནའ་མ་སྦྲུལ་མང་སྦྲུལ་ཅན་ན། །འོད་མ་ཅན་ཀླུང་ཤལ་མ་ཡི། །ནང་ག་ལ་ནི་བརྟན་པར་བྱ། །ཕྱེ་མ་ལེབ་ལ་བརྟུལ་ཕོད་བྱ། །གདུངས་པར་འཛིན་ཁྲི་ཁ་བཅིང་ངོ ། །སྣ་ཚོགས་ཅན་དུ་ཀླུ་སྣ་ཚོགས། །དུད་མོ་ཅན་དུ་ཡིད་བདེ་བས། །རྒོད་བྱེད་དུ་ནི་མི་སྨྲ་བའི། །སྦྱོར་བས་ཀུན་ཏུ་རྒལ་བར་མཛོད། །སྦྲུལ་ཅན་དུ་ནི་སྦྲུལ་དུག་གི། སྔགས་ཀྱི་སྦྱོར་དང་འོད་མ་ཅན། །ཀླུང་དུ་མཚོན་རྣོན་གདབ་པ་ཡི། །སྦྱོར་བས་ཀུན་ཏུ་རྒལ་བར་མཛོད། །ཆུ་བོ་རྣམས་བརྒལ་ནས་གཅན་པོའི་གནས་ན་གནོད་སྦྱིན་ལྔ་བརྒྱ་ཡོད་པ་དེ་རྣམས་ལ་སྲན་ཚུགས་ཏེ། གཞོམ་པར་མཛོད་ཅིག། དེ་ནས་ནི། མི་འམ་ཅིའི་རྒྱལ་པོའི་ཕོ་བྲང་མཆིས་སོ། །ཞེས་གསུངས་ཤིག། དྲང་སྲོང་དེ་ལ་ཡིད་འཕྲོག་མས་དེ་སྐད་སྨྲས་ནས། རྐང་པ་གཉིས་ལ་མགོ་བོས་གཏུགས་ཏེ་དེ་ནས་སོང་ངོ ། །ཇི་ཙམ་ན་གཞོན་ནུ་ནོར་བཟང་གིས་རི་བོར་དེ་ཕབ་ནས་སྐྱེས་ཁྱེར་ཏེ། གླང་པོའི་གྲོང་ཁྱེར་དུ་འོངས་སོ། །ཞེས་རྒྱལ་པོས་ཐོས་ནས་མཆོག་ཏུ་དགའ་བ་སྐྱེས་སོ། །དེ་ནས་གཞོན་ནུ་ངལ་སོས་ནས།
Kha359b
ཕའི་དྲུང་དུ་སོང་སྟེ་ཕྱག་བྱས་ནས་མདུན་དུ་འདུག་པ་དང ། རྒྱལ་པོས་མཆོག་ཏུ་དགའ་བར་འགྱུར་བའི་གཏམ་བྱས་ནས་སྨྲས་པ། གཞོན་ནུ། ཁྱོད་བདེ་བར་འོང་སམ། ལྷ། ཁྱོད་ཀྱི་བཀའ་དྲིན་གྱིས་རི་བོར་པ་ཕབ་སྟེ་གཏེའུ་བཟུང ། སྣ་བོ་བསྐོས་ལགས་ཏེ། དཔྱ་དང་སྐྱེས་ཀྱང་འདི་དག་ལགས་ཀྱི། ཕྱག་མཛོད་དུ་གཞུག་ཏུ་གསོལ། རྒྱལ་པོས་སྨྲས་པ། བུ། ལེགས་པར་བྱས་ཀྱི་བཞེས་སོ། །དེ་ནས་གཞོན་ནུས་ཕ་ལ་ཕྱག་བྱས་ནས་ཆས་པ་དང ། རྒྱལ་པོས་སྨྲས་པ། གཞོན་ནུ་སྐྱེས་ལ་ལྷན་ཅིག་ཁོ་ནར་ལོངས་སྤྱད་ཀྱི་འདུག་ཅིག་།ལྷ། བདག་གིས་ཡིད་འཕྲོག་མ་མ་མཐོང་ནས་ཡུན་རིང་ཞིག་ལགས་པས་མཆིས་ལགས་སོ། །གཞོན་ནུ། དེང་འགྲོ་བ་བཤོལ་ལ། སང་སོང་ཞིག། དེ་གལ་གྱིས་འཆུ་ཞིང་འདི་སྐད་ཅེས་སྨྲས་སོ། །ཡབ། ངེས་པར་དེར་ཉིད་བདག་མཆིས་ལགས་སོ། །རྒྱལ་པོ་ཅང་མི་སྨྲ་བར་འདུག་གོ་།དེ་ནས་གཞོན་ནུ་རང་གི་ཁྱིམ་དུ་སོང་ན། བཙུན་མོའི་ཕོ་བྲང་གི་སྒོ་དཔལ་གྱིས་སྟོང་པར་མཐོང་ནས། དེ་སེམས་ཁོང་དུ་ཆུད་བཞིན་དུ་ཞུགས་ན། ཡིད་འཕྲོག་མ་མ་མཐོང་ནས། སྙིང་སྟོར་ཏེ་ཕན་ཚུན་དུ་རྒྱུ་ཞིང ། ཡིད་འཕྲོག་མ། ཡིད་འཕྲོག་མ་ཞེས་སྒྲ་ཕྱུང་ངོ ། །ཇི་ཙམ་ན་བཙུན་མོ་རྣམས་ཚོགས་ནས། བཙུན་མོ་དེ་རྣམས་གཏམ་རླུང་ལ་བསྐུར་བ་དང ། དེའི་སྙིང་ལ་ཟུག་རྔུས་ཟུགས་པས། ཡང་ནས་ཡང་དུ་དྲིས་པས། དེ་རྣམས་ཀྱིས་ཇི་ལྟར་གྱུར་པ་སྨྲས་སོ། །དེ་མྱ་ངན་གྱིས་ཡིད་བློང་བར་གྱུར་ཏོ། །བུད་མེད་དེ་རྣམས་
Kha360a
༄#། །ཀྱིས་སྨྲས་པ། ལྷ། བཙུན་མོའི་འཁོར་འདི་ན་དེ་བས་བུད་མེད་ཤིན་ཏུ་ཁྱད་པར་དུ་འཕགས་པ་དག་མཆིས་ན། ཅིའི་སླད་དུ་ཐུགས་ངན་མཛད། དེས་ཕ་སྙིང་རྗེ་མེད་ཅིང་བྱས་པ་ཆུད་གཟོན་པ་ཐོས་ནས། མའི་དྲུང་དུ་སོང་སྟེ་རྐང་པ་གཉིས་ལ་གཏུགས་ནས་སྨྲས་པ། ཡུམ། ཡིད་བཞིན་ཡོན་ཏན་ལྡན་གྱུར་ཅིང ། །གཟུགས་མཛེས་ཕུན་སུམ་ཚོགས་པ་ཡི། ། ཡིད་འཕྲོག་མ་ནི་མི་གདའ་ན། །བདག་ཡིད་འཕྲོག་མ་གང་དུ་མཆིས། །ཡིད་ཀྱིས་རབ་ཏུ་རྒྱུག་སྙམ་ནའང ། །བདག་གི་ཡིད་ནི་ཀུན་ཏུ་རྨོངས། །དེ་དང་བྲལ་བར་གྱུར་པ་ཡིས། །སྙིང་ནི་ཤིན་ཏུ་གདུངས་པ་ཉིད། །བདག་གི་ཡིད་དུ་འོང་ཞིང་ཡིད་འཕྲོག་ལ། །ཡིད་དུ་འཐད་ཅིང་ཡིད་ལ་དགའ་བ་ཡི། །ཡིད་འཕྲོག་དང་བྲལ་བདག་ལུས་གདུངས་པ་ཡི། །བདག་གི་སྡུག་བསྔལ་འདི་ནི་གང་ནས་མཆིས། །དེས་སྨྲས་པ། བུ། ཡིད་འཕྲོག་མ་སྡུག་བསྔལ་མི་བཟད་པ་ཉམ་ང་བར་གྱུར་ནས་ཁོ་མོས་བཏང་ངོ ། །ཡུམ། ཇི་ལྟར་གྱུར། དེས་ཇི་ལྟར་གྱུར་པ་ཐམས་ཅད་རྒྱས་པར་སྨྲས་པ་དང ། དེས་ཕ་སྙིང་རྗེ་མེད་ཅིང་བྱས་པ་མི་གཟོབ་ཡིན་ནོ། །ཞེས་སྨྲས་ནས། ཡང་སྨྲས་པ། ཡུམ། གང་དུ་མཆིས། བཤུལ་ནི། གང་ནས། དེས་སྨྲས་པ། གང་དུ་ཡིད་འཕྲོག་སོང་བ་ཡི། །ལམ་དེ་རི་དང་དྲང་སྲོང་དང ། །སེང་གེ་དག་གིས་རྟག་བསྙེན་ཅིང ། །ཆོས་ཀྱི་རྒྱལ་པོ་གནས་པ་ཡིན། །དེ་ཡིད་འཕྲོག་མ་དང་བྲལ་བའི་སྡུག་བསྔལ་གྱིས་མི་བཟད་
Kha360b
བར་ཉམ་ཐག་ཅིང་སྙིང་རྗེ་རྗེ་སྐད་དུ་བླ་ཞིང་སྨྲེ་སྔགས་འདོན་པ། ཡིད་བཞིན་ཡོན་ཏན་ལྡན་གྱུར་པའི། །ཡིད་འཕྲོག་མ་ནི་མི་གདའ་ན། །ཞེས་བྱ་བ་ནས། བདག་གི་སྡུག་བསྔལ་འདི་ནི་གང་ནས་འོངས། ། ཞེས་བྱ་བའི་བར་གོང་མ་བཞིན་དུའོ། །དེ་ནས་མས་སྨྲས་པ། བུ། བཙུན་མོའི་འཁོར་འདི་ན་དེ་བས་ཆེས་ཁྱད་པར་དུ་འཕགས་པའི་བུད་མེད་དག་ཡོད་ན། ཅིའི་ཕྱིར་མྱ་ངན་བྱེད། གཞོན་ནུས་སྨྲས་པ། ཡུམ། དེ་མ་རྙེད་པར་བདག་དགའ་བར་ག་ལ་འགྱུར། དེས་དེ་དབུགས་ཕྱུང་ཡང་འོན་ཀྱང་མྱ་ངན་གྱིས་གདུངས་ནས་དེའི་ཁུངས་ཚོལ་ཞིང་ཕན་ཚུན་དུ་བཙལ་བར་བརྩམས་ཏེ་དེའི་བློ་སྐྱེས་པ། གང་ཁོ་ན་ལས་ཐོབ་པ་དེ་ཉིད་ལ་རེ་ཞིག་དྲིའོ། །སྙམ་ནས། དེས་རྔོན་པ་སྤང་ལེབ་ཅན་གྱི་དྲུང་དུ་སོང་སྟེ་དྲིས་པ། ཁྱོད་ཀྱིས་ཡིད་འཕྲོག་མ་གང་ནས་རྙེད། དེས་སྨྲས་པ། རི་བོ་ཆེ་གེ་མོའི་ངོས་ལ་དྲང་སྲོང་ཞིག་གནས་ཏེ། དེའི་བསྟི་གནས་ན་ཚངས་པ་འདུ་བ་ཞེས་བགྱི་བའི་རྫིང་མཆིས་ཏེ། དེར་ཁྲུས་ལ་ཞུགས་པ་ལས། དྲང་སྲོང་གིས་བསྟན་ནས་རྙེད་དོ། །དེས་བསམ་པ། དེ་ནི། དྲང་སྲོང་གི་དྲུང་དུ་སོང་དང་དེ་ལས་ཁུངས་ཕྱིན་པར་འགྱུར་རོ། །སྙམ་མོ། །རྒྱལ་པོས་གཞོན་ནུ་ཡིད་འཕྲོག་མ་དང་བྲལ་བས་ཤིན་ཏུ་ཡིད་བློང་བའི་གཏམ་དེ་ཐོས་སོ། །དེ་ནས་རྒྱལ་པོས་སྨྲས་པ། གཞོན་ནུ་ཁྱོད་ཡིད་བློང་དུ་ཅི་ཡོད། ད་ནི། དེ་བས་ཁྱད་པར་དུ་འཕགས་པའི་ཆུང་མ་སྦྱིན་ནོ། །དེས་སྨྲས་པ། ཡབ། བདག་ནི། དེ་མ་ལགས་པའི་མཆིས་བྲང་གི་འཁོར་དང་མཆིས་པར་རྔོ་མི་ཐོགས་ལགས་
Kha361a
༄#། །སོ། །རྒྱལ་པོས་དེ་ལ་ལན་དུ་མ་སྨྲས་ཀྱང་མ་བཟློག་གོ་།དེ་ནས་རྒྱལ་པོས་གྲོང་ཁྱེར་གྱི་སྒོ་དང ། ར་བའི་ཁར་ཅི་ནས་ཀྱང་གཞོན་ནུ་ཕྱིར་མི་འཆོར་བར་བྱ་བའི་ཕྱིར་སྐྱེས་བུ་སྲུང་མ་དག་བཀོད་དོ། །དེ་ནས་གཞོན་ནུ་ནི། །མཚན་ཐོག་ཐག་མི་ཉལ་བར་གྱུར་ཏོ། །ལྔ་པོ་འདི་དག་ནི། མཚན་མོ་ཅུང་ཟད་ཉལ་གྱི། ཕལ་ཆེར་མི་ཉལ་ཏེ། ལྔ་གང་ཞེ་ན། སྐྱེས་པ་བུད་མེད་ལ་ཆགས་པས་སེམས་བཅིངས་པ་དང ། བུད་མེད་སྐྱེས་པ་ལ་ཆགས་པ་དང ། སྲོག་ཆགས་ངུར་པ་དང ། ཆོམ་རྐུན་པའི་ར་བགོ་དང ། དགེ་སློང་བརྩོན་འགྲུས་བརྩམས་པ་ཡིན་ནོ། །ཞེས་གསུངས་སོ། །དེ་ནས་གཞོན་ནུ་འདི་སྙམ་དུ་སེམས་ཏེ། གལ་ཏེ་བདག་སྒོ་ནས་སོང་ན་རྒྱལ་པོའི་སྒོ་སྲུང་གི་སྲུང་མ་གཏུམ་པོ་དག་ཡོད་དེ། དེ་རྣམས་ཀྱིས་བདག་ཆད་བས་གཅོད་པའམ། སྲོག་དང་བྲལ་བར་བྱེད་པར་འགྱུར་གྱི། ཅི་ནས་ཀྱང་མ་ལ་བདག་སྲུང་མ་མེད་པའི་ལམ་ནས་འགྲོའོ། །སྙམ་ནས། དེ་མཚན་མོ་ལངས་ཏེ། ཨུཏྤ་ལ་སྔོན་པོའི་ཕྲེང་བས་མགོ་བོ་བཅིངས་པའི་ཕྲེང་བ་རྒྱལ་མཚན་ལ་བརྟགས་ནས། གང་ན་སྲུང་མའི་མི་མེད་པ་དེ་ནས་བབས་པ་ན་ཟླ་བ་ཤར་ཏོ། །དེ་ནས་དེས་ཟླ་བ་ལ་བལྟས་ནས་ཡིད་འཕྲོག་མ་དང་བྲལ་བའི་སྨྲེ་སྔགས་འདི་ལྟ་བུ་དག་འདོན་པར་བྱེད་དེ།་ཟླ་ཉ་རྒྱུ་སྐར་རྒྱལ་པོ་མཚན་མོ་གསལ་མཛད་ཀྱེ། །ཁྱོད་ནི་སྣར་མའི་མིག་ཏུ་སྡུག་པ་དེད་དཔོན་བཟང ། །ཅིག་བདག་གི་སྡུག་པ་ཨུཏྤལ་ལྟ་བུའི་མིག་།ཡིད་འཕྲོག་ཅེས་བགྱི་ཁྱོད་ཀྱིས་ས་སྟེང་
Kha361b
གཟིགས་ལགས་སམ། ཞེས་སྨྲས་ནས། སྔོན་གྱི་དགའ་པ་ཉམས་སུ་མྱོང་བ་དྲན་ཞིང་སོང་བ་ལས། རི་དྭགས་མོ་ཞིག་མཐོང་ནས་དེ་ལ་ཡང་སྨྲས་པ། ཀྱེ་མ་རི་དྭགས་མོ་ཁྱོད་རྩཝ་ཆུ་ལོ་མ་ཟ། ཁྱོད་ནི་ལེགས་འགྱུར་བ་དེར་སྤྱོད་བདག་ནི་རྔོན་པ་མིན། །རི་དྭགས་མོ་ལྟར་མིག་དཀྱུས་རིང་བས་གཟུགས་བཟང་བ། །བདག་གི་ཡིད་འཕྲོག་ཅེས་བྱ་ཁྱོད་ཀྱིས་མཐོང་གྱུར་ཏམ། །དེ་དེ་ནས་སོང་སྟེ་ཕྱོགས་གཞན་ཞིག་ཏུ་ཕྱིན་པ་དང ། ཚལ་མེ་ཏོག་དང ། འབྲས་བུ་མཛེས་པར་བྱས་པའི་སྙིང་པོ་ལ་བུང་བ་དག་ལོངས་སྤྱོད་པ་མཐོང་ནས། དེ་ནས་བུང་བ་ཞིག་ལ་སྨྲས་པ། སྦྲང་རྩིའི་བུང་བ་རི་བོ་མཐོན་མཐིང་ལྟ་བུའི་མཆོག་།སྨྱུག་མའི་སྦུབས་དང་པདྨ་དག་ལ་གནས་འཆའ་བ། །སྐྲ་ཡི་ཚོགས་རིང་ཁ་དོག་བུང་བ་ལྟར་གནག་པ། །བདག་གི་ཡིད་འཕྲོག་ཅེས་བྱ་ཁྱོད་ཀྱིས་མཐོང་གྱུར་ཏམ། །ཕྱོགས་དེ་ནས་ཀྱང་སོང་བ་དང ། སྦྲུལ་ཞིག་མཐོང་ངོ ། །མཐོང་ནས་ཀྱང་སྨྲས་པ། ཀྱེ་མའི་སྦྲུལ་ནག་ཤིང་ལོ་ལྟ་བུར་ལྕེ་གཡོ་ཞིང ། །མིག་དང་ཁ་ཡི་ནང་ནས་དུད་པའི་ཚོགས་འབྱིན་པ། །ཁྱོད་ཀྱི་གདུག་པའི་མེ་དང་འདོད་ཆགས་མེར་མི་མཚུངས། །བདག་གི་ཡིད་འཕྲོག་ཅེས་བྱ་ཁྱོད་ཀྱིས་མཐོང་གྱུར་ཏམ། །དེ་ནས་ཀྱང་ཕྱོགས་གཞན་ཞིག་ཏུ་སོན་པ་དང ། ཚལ་གཞན་ཞིག་ན་ཁུ་བྱུག་སྒྲ་འབྱིན་པ་ཞིག་མཐོང་ངོ ། ། མཐོང་ནས་ཀྱང་ཁུ་བྱུག་དེ་ལ་ཡང་སྨྲས་པ། ཀྱེ་མ་ཁུ་བྱུག་ཚལ་མཆོག་ལྗོན་ཤིང་ལ་གནས་པ། །འདབ་ཆགས་ཚོགས་ཀྱི་རྒྱལ་པོ་བུད་མེད་ཡིད་འཕྲོག་པ། །ུཏྤལ་སྔོན་པོ་ལྟ་བུར་དྲི་མེད་མཛེས་
Kha362a
༄#། །པའི་མིག་།བདག་གི་ཡིད་འཕྲོག་ཅེས་བྱ་ཁྱོད་ཀྱིས་མཐོང་གྱུར་ཏམ། །ཕྱོགས་དེ་ནས་ཀྱང་སོང་བ་དང ། ཤིང་མྱ་ངན་འཚང་བྱ་བ་མེ་ཏོག་ཐམས་ཅད་རྒྱས་པ་ཞིག་མཐོང་ནས། མིང་གི་རྣམ་གྲངས་བཀྲ་ཤིས་ཞེས་བརྗོད་པ། །ལྗོན་པ་རྣམས་ཀྱི་རྒྱལ་པོ་ཆེར་གྱུར་པ། །ཡིད་འཕྲོག་མྱ་ངན་གྱིས་ནི་བློང་བ་བདག་།ཐལ་མོ་སྦྱར་ན་ཁྱོད་ཀྱིས་མྱ་ངན་སོལ། །དེ་དེ་ལྟར་ཡིད་བློང་ཞིང་རིམ་གྱིས་དྲང་སྲོང་དེའི་བསྟི་གནས་སུ་ཕྱིན་ནས། །དེས་དྲང་སྲོང་དེ་ལ་དུལ་བ་དང་བཅས་པས་ཕྱག་བྱས་ནས་སྨྲས་པ། བཟོད་འཕགས་གོས་སུ་ཤིང་ཤུན་དང་ནི་གཡང་གཞི་མནབས། །རྩ་བ་མྱུ་གུ་སྐྱུ་རུ་བིལ་བ་ཀ་བདེ་གསོལ། །དྲང་སྲོང་མགོས་བཏུད་ཕྱག་འཚལ་བདག་གི་ཡིད་འཕྲོག་མ། །ཁྱོད་ཀྱིས་གཟིགས་སམ་ཁྱོད་ནི་བདག་ལ་མྱུར་དུ་གསུངས། །དེ་ནས་དྲང་སྲོང་དེས་གཞོན་ནུ་ནོར་བཟང་ལ། བྱོན་པ་ལེགས་ཞེས་བྱ་བ་དང ། སྟན་བཏིང་བྱ་བ་ལ་སོགས་པ་སྔར་བྱ་བས་ཡང་དག་པར་དགའ་བ་བྱས་ནས་སྨྲས་པ། སྨིན་མ་འཛར་བའི་སྨིན་ཚུགས་མཐོན་མཐིང་བཞིན་ལེགས་མཐོང་ན་དགའ་བའི་གཟུགས་འཆང་བ། །བཞིན་རས་ཟླ་བ་ཉ་འདྲ་ཨུཏྤལ་སྔོན་པོ་ལྟ་བུའི་མིག་དེ་བདག་གིས་མཐོང ། །དཔོན་ཁྱོད་བག་བརྐྱང་བཞུགས་ཏེ་རྩ་བ་འབྲས་བུ་སྣ་ཚོགས་གསོལ་བར་མཛོད་ཅིག་དང ། །སླད་ཀྱིས་བདེ་བླག་འབྱོན་འགྱུར་འདི་ལ་བདག་གི་ཡིད་ལ་ཐེ་ཚོམ་ཡོང་མ་མཆིས། །སྨིན་མ་བཟང་མོས་འདི་སྐད་ཚིག་སྨྲས་ཏེ། །གཞོན་ནུ་ཁྱོད་ལ་སྲེད་
Kha362b
པས་བདག་མི་བདེ། །ནགས་ཁྲོད་གནས་པའང་སྡུག་བསྔལ་ཆེན་པོ་སྟེ། །གཤེགས་པར་གྱུར་ན་ངེས་པར་བདག་མཐོང་ངོ ། །དེས་སོར་གདུབ་རྒྱན་འདི་བྱིན་ནས་སྨྲས་པ། ལམ་ཡང་ལ་བགྲོད་དཀའ་བས་ཉོན་མོངས་པར་འགྱུར་གྱི་སླར་ལོག་ཅིག་།གལ་ཏེ་བཟློག་ཀྱང་འདུག་ཏུ་མ་བཏུབ་ན། དེ་ལ་ལམ་བསྟན་པའི་རིགས་སོ། །དེས་ཡང་འདི་སྐད་ཅེས་བསྟན་ཏེ། བྱང་ཕྱོགས་ན་རི་ནག་པོ་གསུམ་ཡོད་དོ། །དེ་དག་བརྒལ་བའི་ཕ་རོལ་ན་ཡང་གསུམ། དེ་དག་བརྒལ་བའི་ཕ་རོལ་ན་ཡང་གསུམ་ཡོད་དེ། དེ་དག་བརྒལ་བ་དང ། རིའི་རྒྱལ་པོ་གངས་ཅན་ཞེས་བྱ་བ་ཡོད་དེ། ཕྱོགས་དེ་ནས་སྨན་འདི་དག་བླང་བར་བྱ་སྟེ། འདི་ལྟ་སྟེ། ཤིན་ཏུ་འོ་མ་འཛག་ཅེས་བྱ་བའི་སྨན་ཡོད་དེ། དེ་མར་ལ་བཙོས་ནས་བཏུང་བར་བྱའོ། །དེས་ན་སྐོམ་པ་དང་བཀྲེས་པ་མེད་ཅིང ། དྲན་པ་དང་མཐུ་སྟོབས་འཕེལ་བར་འགྱུར་རོ། །སྤྲེའུ་ཞིག་ཀྱང་བཀྲི་བར་བྱ། གསང་སྔགས་དག་ཀྱང་བསླབ་པར་བྱ། གཞུ་མདའ་དང་ཆས་པ་དང ། ནོར་བུ་འོད་དང་ལྡན་པ་དང ། དུག་གསོད་པ་སྨན་དུག་སེལ་བ་དང ། ལྕགས་ཀྱི་ཕུར་པ་གསུམ་དང ། པི་ཝང་ཡང་བཅང་བར་བྱའོ། །རིའི་རྒྱལ་པོ་གངས་ཅན་གྱི་བྱང་ཕྱོགས་ན། རི་བོ་ཕུར་པའི་རྩེ་ཡོད་དོ། །དེ་ནས་ལམ་ཆུ་སྒྲ་ཅན་དང ། སེང་ལྡེང་ཅན་དང ། རྒྱུད་གཅིག་པ་དང ། རྡོ་རྗེ་ཅན་དང ། འདོད་རྒྱུར་སྒྱུར་བའི་གཟུགས་ཅན་དང ། ཕུར་པའི་དབྱིབས་དང ། ས་སྲུང་བུའི་དབྱིབས་དང ། མི་གཡོ་བ་དང་རབ་གྲོལ་ལོ། །ཁྱོད་ཀྱིས་རི་དེ་དག་བརྒལ་དགོས་ཏེ། དེ་ལ་རི་བོ་སེང་ལྡེང་ཅན་ལ་ནི། ཕུག་ནས་འཇུག་རྒྱུད་གཅིག་པ་དང ། ཕུར་པའི་
Kha363a
༄#། །དབྱིབས་ལ་ཡང་ཕུག་ནས་འཇུག་།རྡོ་རྗེ་ཅན་ལ་ནི་བྱའི་རྒྱལ་པོས་འཇུག་སྟེ། ཐབས་འདི་དག་གིས་རི་རྣམས་བརྒལ་བར་བྱའོ། །འཁྲུལ་འཁོར་ང་གདོང་ཅན་དང ། ལུག་ལྟ་བུ་དང ། སྐྱེས་བུ་སྲིན་པོ་སེར་སྐྱའི་གཟུགས་ཅན་དག་གཞོམ་པར་བྱའོ། །ཕུག་ན་སྦྲུལ་ཁ་ཆུའི་རྒྱུན་ཆེན་པོའི་ཤུགས་ཀྱིས་རྒྱུག་པ་ཞིག་མཆིས་ཏེ། དེ་ནི། ཞོ་ཤས་གཞོམ་པར་བྱའོ། །གང་ན་སྦྲུལ་ནི་ནག་པོ་ཞིག། ཕུག་ན་ཕྱེད་འདུག་མཐོང་ནས་ནི། །བདག་གི་སླད་དུ་གཞུ་བརྡུངས་ལ། །མདའ་ཡིས་བསྣུན་ཏེ་གསད་པར་གྱིས། །གང་ལ་ལུག་གཉིས་ཕན་ཚུན་ནས། །རྡུང་བར་བྱེད་པ་མཐོང་ན་ནི། །དེ་གཉིས་རཝ་རེ་བཅད་མཛོད་དང ། །ལམ་ནི་རྙེད་པར་འགྱུར་ལགས་སོ། །འཇིགས་པ་ཆེ་སྐྱེས་མཚོན་ཐོགས་པའི། །ལྕགས་ཀྱི་སྐྱེས་པ་གཉིས་མཐོང་ན། །དེ་གཉིས་ལས་ནི་གཅིག་བརྡེགས་དང ། །ལམ་ནི་རྙེད་པར་འགྱུར་ལགས་སོ། །སྲིན་མོ་ལྕགས་ཀྱི་མཆུ་ཅན་ཞིག་།ཁ་འཛུམ་གདངས་པར་བགྱིད་གཟིགས་ན། །དེ་ཚེ་དེ་ཡི་དཔྲལ་བ་ལ། །ཕུར་པ་དག་གིས་གདབ་པར་མཛོད། ། དེ་བཞིན་ཁྲོན་པ་ཀློང་ཁྲག་འཁྱིལ། །དྲུག་ཅུའི་ཁྲུ་ཅན་ལ་ཁྱོད་མཆོངས། །སྐྲ་མིག་སེང་གེའི་ལྷར་སེར་ཞིང ། །མི་བཟད་བསྙེན་པར་དཀའ་བ་ཡི། །གནོད་སྦྱིན་དང་ནི་སྲིན་པོ་དག། གཞུ་བཀང་དེ་ནི་གསད་མཛོད་ལ། །ཆུ་སྲིན་འཛིན་ཁྲིས་གང་བ་ཡི། །ཆུ་བོ་མང་པོ་རྒལ་མཛོད་ཅིག་།ནང་གི་ཕྱེ་མ་ལེབ་གདུངས་དང ། །སྣ་ཚོགས་དུད་མ་དགོད་པ་དང ། །སྦྲུལ་ཅན་འོད་མ་ཅན་གྱི་ཀླུང ། །ནང་ག་ན་
Kha363b
ནི་སྲིན་མོ་ཁྲོ། །ཕྱེ་མ་ལེབ་ན་མི་མ་ཡིན། །གདུངས་པ་ན་ནི་འཛིན་ཁྲི་མང ། །སྣ་ཚོགས་ཅན་ན་འདོད་སྒྱུར་གཟུགས། །ངུད་མོར་མི་འམ་ཅི་ཡི་བྲན། །དགོད་པ་ན་ནི་མིའམ་ཅིའི། །མནའ་མ་སྦྲུལ་ཅན་སྦྲུལ་མང་ན། །འོད་མ་ཅན་ཀླུང་ཤལ་མ་ལི། །ནང་ག་ན་ནི་བརྟན་པར་བྱ། །ཕྱེ་མ་ལེབ་ལ་རྟུལ་ཕོད་བྱ། །གདུང་བར་འཛིན་ཁྲི་ཁ་བཅིང་ངོ ། །སྣ་ཚོགས་ཅན་དུ་ཀླུ་སྣ་ཚོགས། །དུད་མོ་ཅན་དུ་ཡིད་བདེ་བས། ། དགོད་བྱེད་དུ་ནི་མི་སྨྲ་བའི། །སྦྱོར་བས་ཀུན་ཏུ་རྒལ་བར་མཛོད། །སྦྲུལ་ཅན་དུ་ནི་སྦྲུལ་དུག་གི་།སྔགས་ཀྱི་སྦྱོར་དང་འོད་མ་ཅན། །ཀླུང་དུ་མཚོན་རྣོན་གདབ་པ་ཡི། །སྦྱོར་བ་ཀུན་ཏུ་རྒལ་བར་མཛོད། །ཆུ་བོ་རྣམས་བརྒལ་ནས་གཅན་པའི་གནས་ན་གནོད་སྦྱིན་ལྔ་བརྒྱ་ཡོད་པ་དེ་རྣམས་ལ་སྲན་བཙུགས་ཏེ་གཞོམ་པར་མཛོད་ཅིག་།དེ་ནས་ནི་མིའམ་ཅིའི་རྒྱལ་པོའི་ཕོ་བྲང་མཆིས་སོ། ། ཞེས་གསུངས་ཤིག་།དེ་ནས་གཞོན་ནུ་ནོར་བཟང་གིས་ཇི་སྐད་བསྟན་པའི་སྨན་པ་དང ། གསང་སྔགས་དང ། སྨན་དུག་སེལ་གྱི་སྦྱོར་བ་རྣམས་བཙལ་བའི་ཕྱིར་དྲང་སྲོང་དེའི་རྐང་པ་ལ་མགོ་བོས་ཕྱག་བྱས་ནས་སོང་ངོ ། །དེ་ནས་དེས་སྤྲེའུ་མ་གཏོགས་པར་ཇི་སྐད་བསྟན་པ་ཐམས་ཅད་སྟ་གོན་བྱས་ནས། དེ་ནས་དེ་རྣམས་ཁྱེར་ཏེ། ཡང་དྲང་སྲོང་དེའི་དྲུང་དུ་སོང་བ་དང ། དེས་དེ་ལ་སྤྲེའུ་བྱིན་ནས་སྨྲས་པ། གཞོན་ནུ། །འབད་པ་འདིས་ཅི་བྱ། ཡིད་འཕྲོག་མ་འདིས་ཅི་ཞིག་དགོས། ཁྱོད་གཅིག་པུ་ནི། གྲོགས་མེད་པས་ལུས་གདོན་མི་ཟ་བར་འགྱུར་གྱི་ཐོང ། གཞོན་ནུས་སྨྲས་པ། དྲང་སྲོང་ཆེན་པོ། བདག་
Kha364a
༄#། །ནི།་གདོན་མི་ཟ་བར་མཆིའོ། །དེ་ཅིའི་སླད་དུ་ཞེ་ན། མཁའ་ལ་ཟླ་བ་རྒྱུ་བ་གྲོགས་ཤིག་ག་ལས་མཆིས། །མཆེ་བའི་མཐུ་སྟོབས་ལྡན་པའི་རི་དྭགས་གཙོ་བོ་དང ། ། མེ་ཡིས་ནགས་སྲེག་པ་ན་གྲོགས་ཤིག་ག་ལས་མཆིས། །བདག་ལྟ་བུ་ལ་གྲོགས་པོ་མཐུ་ལྡན་ཅི་ཞིག་འཚལ། །ཀྱེ་ཅི་རྒྱ་མཚོ་ཆེ་ཆུར་འཇུག་པར་མི་བགྱིའམ། །ཅི་ལགས་སྦྲུལ་གྱིས་ཟིན་ཅེས་གསོ་བར་མི་བགྱིའམ། །སེམས་ཅན་སྤུངས་ཅན་གྱིས་བསྟན་བརྩོན་འགྲུས་ཆེར་བརྩམས་ཏེ། །གལ་ཏེ་འབད་དེ་མ་རུངས་འདི་ལ་ཉེས་པ་མེད། །དེ་ནས་གཞོན་ནུ་ནོར་བཟང་ཡིད་འཕྲོག་མས་བསྟན་པའི་རྣམ་པ་སྣ་ཚོགས་དང་ཆས་ཏེ། རིམ་གྱིས་རི་དང ། ཆུ་བོ་དང ། ཕུག་དང ། གཡང་ས་ལ་སོགས་པར་སྨན་དང ། གསང་སྔགས་དང ། སྨན་དུག་སེལ་གྱི་སྦྱོར་བས་རྒྱལ་བར་བྱས་ནས་མི་འམ་ཅིའི་རྒྱལ་པོ་ལྗོན་པའི་གྲོང་ཁྱེར་དང་ཉེ་བ་ཞིག་ཏུ་སོན་པ་དང ། གཞོན་ནུས། གྲོང་ཁྱེར་དཔལ་དང་ལྡན་པ། སྐྱེད་མོས་ཚལ་གྱི་ཚལ་མེ་ཏོག་དང ། འབྲས་བུ་སྣ་ཚོགས་དང་ལྡན་པས་མཛེས་པར་བྱས་པ། བྱ་སྣ་ཚོགས་ཀྱིས་བསྟེན་པ། རྫིང་བུ་དང ། མཚེའུ་རིང་པོ་དང ། གྲུ་བཞི་དང ། མིའམ་ཅི་མོ་རྣམས་ཀྱིས་བསྐོར་བ་དེ་ལ། མིའམ་ཅི་མོ་རྣམས་ཆུ་ལེན་དུ་འོང་བ་མཐོང་ནས། དེ་ནས་གཞོན་ནུ་ནོར་བཟང་གིས་དེ་རྣམས་ལ་སྨྲས་པ། ཆུ་མང་པོ་འདིས་ཅི་ཞིག་བྱ། དེ་རྣམས་ཀྱིས་སྨྲས་པ། མིའམ། ཅིའི་རྒྱལ་པོ་ལྗོན་པའི་སྲས་མོ་ཡིད་འཕྲོག་མ་ཞེས་བགྱི་བ་ཞིག་མཆིས། དེ་མིའི་
Kha364b
ལག་ཏུ་སོན་པར་གྱུར་པས་དེའི་མིའི་དྲི་བཤལ་བ་ལགས་སོ། །གཞོན་ནུ་ནོར་བཟང་གིས་དྲིས་པ། ཅི། བུམ་པ་འདི་དག་ཐམས་ཅད་ཀྱིས་དུས་གཅིག་ཏུ་དེའི་སྟེང་ནས་ལྡུགས་སམ། འོན་ཏེ་རིམ་གྱིས། དེ་རྣམས་ཀྱིས་སྨྲས་པ། རིམ་གྱིས་སོ། །དེས་བསམ་པ། ཐབས་འདི་བཟང་སྟེ། སོར་གདུབ་ཀྱི་རྒྱ་འདི་བུམ་པ་གཅིག་གི་ནང་དུ་གཞུག་གོ། སྙམ་ནས། དེས་མིའམ་ཅི་མོ་གཅིག་གི་བུམ་པར་མ་ཚོར་བར་བཅུག་ནས་མིའམ་ཅི་མོ་དེ་ལ་སྨྲས་པ། ཁྱོད་ཀྱིས་བུམ་པ་འདིས་ཐོག་མར་ཡིད་འཕྲོག་མ་ལ་ཁྲུས་བྱོས་ཤིག། དེས་བསམ་པ། གདོན་མི་ཟ་བར་འདི་ལ་དགོས་པ་ཞིག་ཡོད་པར་འགྱུར་རོ། །སྙམ་ནས། དེ་ནས་དེས་བུམ་པ་དེ་ཐོག་མར་ཡིད་འཕྲོག་མའི་སྤྱི་བོར་བླུགས་པ་ལས། ཇི་ཙམ་ན་སོར་གདུབ་ཀྱི་རྒྱ་པང་དུ་ལྷུང་བ་དང ། ཡིད་འཕྲོག་མས་དེ་འཕྲིགས་སོ། །དེ་ནས་མིའམ་ཅི་མོ་ལ་དྲིས་པ། འདིར་མི་འགའ་ཞིག་མ་འོངས་སམ། དེས་སྨྲས་པ། མཆིས་སོ། །སོང་ལ་དེ་དབེན་པ་ཞིག་ཏུ་ཞོག་ཅིག་།དེས་དེ་ནང་དུ་ཁྲིད་ནས་དབེན་པ་ཞིག་ཏུ་བཞག་གོ་།དེ་ནས་ཡིད་འཕྲོག་མས་ཕའི་རྐང་པ་གཉིས་ལ་གཏུགས་ཏེ་སྨྲས་པ། ཡབ། གལ་ཏེ་བདག་གི་ཁྱིམ་ཐབ་བགྱིད་པ། གཞོན་ནུ་ནོར་བཟང་དེ་མཆིས་ན། དེ་ལ་ཁྱོད་ཀྱིས་ཅི་ཞིག་བགྱི། དེས་སྨྲས་པ། དེ་མི་ཡིན་ཏེ། ཅིར་ཡང་མི་མཁོ་བས། ངས་དེ་དུམ་བུ་བརྒྱར་བྱས་ཏེ་ཕྱོགས་བཞིར་གཏོར་ཏེ་གཏོང་ངོ ། །ཡིད་འཕྲོག་མས་སྨྲས་པ། ཡབ། མིར་གྱུར་པས་འདིར་ག་ལ་མཆིས། བདག་ཉིད་དེ་སྐད་མཆི་བར་བས་སོ། །དེ་ནས་མིའམ་
Kha365a
༄#། །ཅིའི་རྒྱལ་པོ་ལྗོན་པ་ཀུན་ནས་དཀྲིས་པ་དང་བྲལ་ཏེ། དེ་ཀུན་ནས་དཀྲིས་པ་དང་བྲལ་ནས་སྨྲས་པ། གལ་ཏེ་གཞོན་ནུ་དེ་འོངས་ན། ངས་ཁྱོད་རྒྱན་ཐམས་ཅད་ཀྱིས་བརྒྱན་པ། ནོར་དང ། ཡོ་བྱད་མང་པོ་དང ། མིའམ་ཅི་མོ་སྟོང་གིས་ཡོངས་སུ་བསྐོར་ཏེ་དེ་ལ་ཆུང་མའི་དོན་དུ་སྦྱིན་ནོ། །དེ་ནས་ཡིད་འཕྲོག་མ་དགའ་བ་དང ། མགུ་བ་དང ། རབ་ཏུ་དགའ་བས། གཞོན་ནུ་ནོར་བཟང་ལྷའི་རྒྱན་གྱིས་བརྒྱན་ནས་མིའམ། ཅིའི་རྒྱལ་པོ་ལྗོན་པ་ལ་བསྟན་ཏོ། །དེ་ནས་མིའམ་ཅིའི་རྒྱལ་པོ་ལྗོན་པས། གཞོན་ནུ་ནོར་བཟང་གཟུགས་བཟང་པོ། མཛེས་པ། བལྟ་ན་སྡུག་པ། ཁ་དོག་རྒྱས་པ་མཆོག་དང་ལྡན་པ་མཐོང་ངོ ། །མཐོང་ནས་ཤིན་ཏུ་ངོ་མཚར་དུ་གྱུར་ཏེ་དེ་ནས་དེ་བགམ་པར་འདོད་ནས་གསེར་གྱི་སྡོང་པོ་བདུན་དང ། ཤིང་ཏ་ལ་བདུན་དང ། རྔ་བོ་ཆེ་བདུན་དང ། ཕག་བདུན་བཙུགས་སོ། །གཞོན་ནུ་ནོར་བཟང་ནི། བྱང་ཆུབ་སེམས་དཔའ་ཡིན་ལ། བྱང་ཆུབ་སེམས་དཔའ་རྣམས་ནི། བཟོའི་གནས་དང ། ལས་ཀྱི་གནས་དེ་དང་དེ་དག་ལ་མཁས་པ་ཡིན་ནོ། །ལྷ་རྣམས་ཀྱང་དེ་དག་ལ་གེགས་མེད་པར་བྱ་བའི་ཕྱིར་བརྩོན་པར་བྱེད་དོ། །དེ་ནས་བྱང་ཆུབ་སེམས་དཔའ་གར་དང ། གླུ་དང ། པི་ཝང་དང ། འཁར་རྔ་དང ། ཤིན་ཏུ་སྒྲ་སྙན་དང ། པི་ཝང་རྒྱུད་གསུམ་པ་དང ། རྫ་རྔ་ལ་སོགས་པ་རྣམས་ཀྱིས་བསྒྲུབས་པའི་སིལ་སྙན་རྣམ་པ་སྣ་ཚོགས་ཀྱི་སྒྲའི་ཁྱད་པར་ནི། ཀུན་ནས་འབུད་ཅིང ། མིའམ་ཅི་སྟོང་ཕྲག་དུ་མས་ནི། ཡོངས་སུ་བསྐོར་ནས་རལ་གྲི་ཨུཏྤ་ལ་སྔོན་པོའི་
Kha365b
འདབ་མ་འདྲ་བ་ཐོགས་ཏེ། མིའམ་ཅིའི་རྒྱལ་པོ་ལྗོན་པ་མཐོང་བར་གསེར་གྱི་སྡོང་པོའི་དྲུང་དུ་སོང་ནས། ཆུ་ཤིང་ལ་གཅོད་པ་བཞིན་དུ་སྡོང་པོ་དེ་དུམ་བུ་དུམ་བུར་བཅག་པར་བརྩམས་ཏེ། དེ་ནས་དེ་ཏིལ་འབྲུ་ཙམ་དུ་བརླགས་སོ། །མདས་ནི། ཤིང་ཏ་ལ་བདུན་དང ། རྔ་བདུན་དང ། ཕག་བདུན་གཙང་མར་ཕྱུང་སྟེ་རི་རབ་བཞིན་དུ་མི་གཡོ་བར་གནས་སོ། །དེ་ནས་ནམ་མཁའ་ལ་གནས་པའི་ལྷ་དང ། མིའམ་ཅིའི་བརྒྱ་སྟོང་ཕྲག་དུ་མས་ཨ་ལ་ལ་ཞེས་ཅ་ཅོ་དང ། ག་ཞའི་སྒྲ་ཆེན་པོ་ཕྱུང་ངོ ། །མིའམ་ཅིའི་རྒྱལ་པོ་ལྗོན་པས་མཐོང་ཞིང་ཐོས་ནས་ཤིན་ཏུ་ངོ་མཚར་དུ་གྱུར་ཏོ། །དེ་ནས་མིའམ་ཅི་མོ་ཡིད་འཕྲོག་མ་འདྲ་བ་ཤ་སྟག་སྟོང་གི་དབུས་སུ་ཡིད་འཕྲོག་མ་བཞག་སྟེ་གཞོན་ནུ་ནོར་བཟང་ལ་སྨྲས་པ། གཞོན་ནུ། ཚུར་ཡིད་འཕྲོག་མ་ངོ་ཤེས་པར་གྱིས་ཤིག་།དེ་ནས་གཞོན་ནུ་ནོར་བཟང་གིས། དེ་ངོ་ཤེས་པར་བྱ་བའི་ཕྱིར་ཚིགས་སུ་བཅད་པའི་དབྱངས་ཀྱིས་སྨྲས་པ། ཇི་ལྟར་ཁྱོད་ནི་ལྗོན་པའི་བུ་ཡིན་ལ། །ཁོ་བོའི་སྡུག་པ་ཡིད་འཕྲོག་ཡིན་ཞེས་ན། །བདེན་པ་འདི་ཡིས་མྱུར་བ་ཁོ་ནར་ནི། །ཡིད་འཕྲོག་གོམ་པས་མྱུར་དུ་འགྲོ་བར་ཤོག་།དེ་ནས་དེ་མ་ཐག་ཏུ་གོམ་པས་སོང་བ་དང ། མིའམ་ཅི་རྣམས་ཀྱིས་སྨྲས་པ། ལྷ། གཞོན་ནུ་ནོར་བཟང་འདི་ནི། སྟོབས་དང ། བརྩོན་འགྲུས་དང ། ཕ་རོལ་གནོན་པ་ཤིན་ཏུ་ཚོགས་པ་ལགས་ཏེ། ཡིད་འཕྲོག་མ་དང་ཐབ་རིར་བབ་ལགས་ན། ཅིའི་སླད་དུ་འདི་ལ་མཐོ་བཙམ། འདི་ལ་ཡིད་འཕྲོག་མ་སྩོལ་ཅིག་།དེ་ནས་
Kha366a
༄#། །མིའམ་ཅིའི་རྒྱལ་པོ་ལྗོན་པ་མིའམ་ཅིའི་ཚོགས་རྣམས་ཀྱི་རྗེས་སུ་བསྔགས་པ་དང ། མིའམ་ཅི་རྣམས་ཀྱི་འདུན་པས་གཞོན་ནུ་ནོར་བཟང་ལ་རྗེས་བཀུར་སྟི་ཆེན་པོ་བྱས་ནས་ཡིད་འཕྲོག་མ་ལྷའི་རྒྱན་རྣམས་ཀྱིས་བརྒྱན་ཏེ་ལག་པ་གཡོན་པས་བཟུང ། གསེར་གྱི་བྱ་མ་བུམ་ལག་པ་གཡས་པས་བཟུང་ནས། གཞོན་ནུ་ནོར་བཟང་གི་དྲུང་དུ་སོང་སྟེ་སྨྲས་པ། གཞོན་ནུ།་ཡིད་འཕྲོག་མ་འདི་མིའམ་ཅི་མོ་སྟོང་གིས་ཡོངས་སུ་བསྐོར་ཏེ། ཁོ་བོས་ཁྱོད་ཀྱི་ཆུང་མའི་ཕྱིར་བྱིན་གྱི། མི་རྣམས་ནི། ངོ་མི་རྟག་པ་ཡིན་གྱི་ཇི་ལྟར་ཡང་འདི་མི་དོར་ཅིག་།ཡབ། བཀའ་བཞིན་འཚལ་ཞེས་གཞོན་ནུ་ནོར་བཟང་གིས། མིའམ་ཅིའི་རྒྱལ་པོ་ལྗོན་པ་ལས་མཉན་ནས། མིའམ་ཅིའི་གནས་ཀྱི་ཁང་པ་ན་ཡིད་འཕྲོག་མ་དང་ལྷན་ཅིག་སྐྱེས་པ་མེད་པར་སིལ་སྙན་རྣམས་ཀྱིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་དུས་གཞན་ཞིག་ན་རང་གི་ཡུལ་དྲན་ནས་ཕ་མ་དང་བྲལ་བ་ལས་བྱུང་བའི་སྡུག་བསྔལ་གྱི་མྱ་ངན་གྱིས་གདུངས་པར་གྱུར་ནས། ཡིད་འཕྲོག་མ་ལ་སྨྲས་པ། ཕ་མ་དང་བྲལ་བ་ལས་བྱུང་བའི་སྡུག་བསྔལ་གྱིས་ནོན་པར་གྱུར་ཏོ། །དེ་ནས་ཡིད་འཕྲོག་མས། དེ་ལྟར་གྱུར་པ་དག་ཕ་ལ་རྒྱས་པར་སྨྲས་སོ། །དེས་སྨྲས་པ། གཞོན་ནུ་དང་ལྷན་ཅིག་སོང་ལ། མི་རྣམས་ནི། སླུ་བར་བྱེད་པ་ཡིན་གྱིས། ཁྱོད་ཀྱིས་བག་ཡོད་པར་གྱིས་ཤིག་།དེ་ནས་མིའམ་ཅིའི་རྒྱལ་པོ་ལྗོན་པས་ནོར་བུ་
Kha366b
དང ། མུ་ཏིག་དང ། གསེར་ལ་སོགས་པ་མང་དུ་བརྫངས་ཏེ་བཏང་ནས། དེ་ཡིད་འཕྲོག་མ་དང་ལྷན་ཅིག་ཏུ་སྟེང་གི་ནམ་མཁའི་ལམ་ལ། མིའམ་ཅིའི་ཤུགས་ཀྱིས་ཆས་པ་ན། རིམ་གྱིས་གླང་པོའི་ཁྱིམ་གྱི་གྲོང་ཁྱེར་དུ་ཕྱིན་ཏོ། །དེ་ནས་གླང་པོའི་ཁྱིམ་གྱི་གྲོང་ཁྱེར་རྡོ་བ་དང ། གསེག་མ་དང ། གྱོ་མོ་རྣམས་བསལ་ནས། ཙནྡན་གྱི་ཆུས་ཆག་ཆག་བཏབ། དར་གྱི་ཆུན་འཕྱང་དཔྱངས། རྒྱལ་མཚན་དང ། བ་དན་བཙུགས། ཤིན་ཏུ་དྲི་ཞིམ་པོའི་པོག་པོར་ངག་བཤམས། མེ་ཏོག་རྣམ་པ་སྣ་ཚོགས་བཀྲམ་སྟེ་དགའ་དགའ་ལྟར་བྱས་སོ། །དེ་ནས་གཞོན་ནུ་མའི་གཙོ་བོ་སྟོང་ཕྲག་དུ་མས་ཡོངས་སུ་བསྐོར་ཅིང ། ཡིད་འཕྲོག་མ་དང་ལྷན་ཅིག་ཏུ་གླང་པོའི་ཁྱིམ་གྱི་གྲོང་ཁྱེར་དུ་ཞུགས་སོ། །དེ་ནས་ལམ་གྱིས་དུབ་པའི་ངལ་སོས་ནས་རིན་པོ་ཆེ་རྣམ་པ་སྣ་ཚོགས་དག་ཁྱེར་ཏེ། ཕའི་དྲུང་དུ་སོང་ནས། རྒྱལ་པོའི་སྟན་གྱི་གློ་ཞིག་ཏུ་འདུག་སྟེ། མིའམ་ཅིའི་གྲོང་ཁྱེར་དུ་སོང་བ་དང ། འོངས་པ་རྣམས་རྒྱས་པར་སྨྲས་སོ། །དེ་ནས་རྒྱལ་པོ་ནོར་ཅན་གྱིས། འདི་ནི། ཤིན་ཏུ་སྟོབས་དང ། བརྩོན་འགྲུས་དང ། ཕ་རོལ་གནོན་པ་ཅན་ནོ། །ཞེས་བྱ་བར་རིག་ནས། རྒྱལ་པོའི་དབང་བསྐུར་བས་དབང་བསྐུར་རོ། །གཞོན་ནུ་ནོར་བཟང་གིས་བསམ་པ། གང་བདག་ཡིད་འཕྲོག་མ་དང་ལྷན་ཅིག་ཚོགས་པ་དང ། རྒྱལ་སྲིད་ཀྱི་དབང་བསྐུར་བ་ཐོབ་པར་གྱུར་པ་འདི་ནི། སྔོན་བྱས་པའི་རྒྱུའི་ཁྱད་པར་ཡིན་གྱི། མ་ལ་ད་ཡང་བདག་གིས་སྦྱིན་པ་དག་ནི་གཏང ། བསོད་ནམས་དག་ནི། བྱའོ་
Kha367a
༄#། །སྙམ་ནས། དེས་གླང་པོའི་ཁྱིམ་གྱི་གྲོང་ཁྱེར་དུ་ལོ་བཅུ་གཉིས་སུ་གཏན་པ་མེད་པའི་མཆོད་སྦྱིན་བྱས་སོ། །རྒྱལ་པོ་ཆེན་པོ། དེའི་ཚེ་དེའི་དུས་ན། གཞོན་ནུ་ནོར་བཟང་ཞེས་བྱ་བར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། ང་ཉིད་དེའི་ཚེ་དེའི་དུས་ན་བྱང་ཆུབ་སེམས་དཔའི་སྤྱད་པ་སྤྱོད་པ་ན་རྒྱལ་པོ་ནོར་བཟང་ཞེས་བྱ་བར་གྱུར་ཏོ། །ངས་གང་ཡིད་འཕྲོག་མའི་ཕྱིར་སྟོབས་དང ། བརྩོན་འགྲུས་དང ། ཕ་རོལ་གནོན་པར་བསྟན་ནས། ལོ་བཅུ་གཉིས་སུ་གཏན་པ་མེད་པའི་མཆོད་སྦྱིན་བྱས་པ་དེས། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མ་ཐོབ་མོད་ཀྱི། འོན་ཀྱང་སྦྱིན་པ་དེ་དང ། བརྩོན་འགྲུས་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ། རྐྱེན་ཙམ་དང ། ཚོགས་ཙམ་ཡིན་ནོ།། རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྦྱིན་པ་དག་བཏང ། བསོད་ནམས་དག་བྱས་པ་གང་ཡིན་པ་དེ་ཉོན་ཅིག། རྒྱལ་པོ་ཆེན་པོ། སྔོན་བྱུང་བ། ཐམས་ཅད་ཅེས་བྱ་བའི་གྲོང་རྡལ་གྱི་གྲོང་ཁྱེར་ན། རྒྱལ་པོ་ཐམས་ཅད་ཀྱི་བཤེས་གཉེན་ཞེས་བྱ་བ་ཞིག་རྒྱལ་སྲིད་བྱེད་དུ་འཇུག་སྟེ། འབྱོར་པ་དང་རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང ། མི་མང་པོས་རབ་ཏུ་གང་བ་ན། འཐབ་པ་དང ། འཐབ་མོ་དང ། ཁྲག་ཁྲུག་དང ། འགྱེད་པ་རྣམས་རབ་ཏུ་ཞི་བ་ཞེས་
Kha367b
བྱ་བ་ནས་ཆོས་བཞིན་གྱིས་རྒྱལ་སྲིད་བྱེད་དུ་འཇུག་གོ་།ཞེས་བྱ་བའི་བར་གོང་མ་བཞིན་དུའོ། །དེ་དུས་གཞན་ཞིག་ན་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་བཙུན་མོ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ། དགུ་འདས་ནས། ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། པགས་པའི་མདོག་གསེར་འདྲ་བ། མགོ་གདུགས་ལྟར་འདུག་པ། དཔུང་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ་ཞེས་བྱ་བ་ནས་གནས་ལྔ་ལ་བྱང་བར་གྱུར་ཏོ། །ཞེས་བྱ་བའི་བར་གོང་མ་བཞིན་ནོ། །གཞོན་ནུ་ཐམས་ཅད་སྒྲོལ་དད་པ་བཟང ། དགེ་བའི་བསམ་པ་ཅན། བདག་ལ་ཕན་པ་དང ། གཞན་ལ་ཕན་པར་ཞུགས་པ། སྙིང་རྗེ་ཅན། བདག་ཉིད་ཆེན་པོ། ཆོས་འདོད་པ། སྐྱེ་རྒུ་རྣམས་ལ་བྱམས་པ། ཐམས་ཅད་སྦྱིན་པ། ཐམས་ཅད་གཏོང་བ། ཆགས་པ་མེད་པར་གཏོང་བ།་གཏོང་བ་ཆེན་པོ་ལ་ཞུགས་པ་ཡིན་ནོ། །དེའི་གཏོང་བ་རྒྱ་ཆེན་པོ་ཐོས་ནས། དཔག་ཚད་བརྒྱ་ནས་ཀྱང་དོན་དུ་གཉེར་བའི་སྐྱེ་བོ་འོངས་ཏེ། ཐམས་ཅད་ཀྱང་ཡིད་ལ་རེ་བ་རྫོགས་པར་བྱས་ནས་གཏོང་ངོ ། །དེ་ནས་རེ་ཞིག་ཅིག་ན། བྱང་ཆུབ་སེམས་དཔའ་ཤིང་རྟ་ནོར་བུ་དང ། གསེར་དང ། དངུལ་དང ། རྡོ་རྗེ་དང ། བཻ་ཌཱུརྱ་དང ། སྤུག་དང ། པདྨ་རཱ་ག་དང ། ིནྡྲ་ནཱི་ལས་འབར་
Kha368a
༄#། །བར་བྱས་པ། ཙནྡན་ས་མཆོག་གི་སྙིང་པོ་ལས་བསྒྲུབས་པ། སེངྒེ་དང ། སྟག་དང ། གུང་གི་པགས་པས་གཡོགས་པ། རྟ་རླུང་གི་ཤུགས་ལྟར་མགྱོགས་པ། གསེར་དང ། དངུལ་གྱི་དྲིལ་བུ་གཡེར་ཀའི་སྒྲ་འཁྲོལ་པ་བཞི་དང་ལྡན་པ་མཆོག་གི་ནང་དུ་ཞུགས་ནས། གྲོང་ཁྱེར་དམ་པ་ནས་སྐྱེད་མོས་ཚལ་དུ་མངོན་དུ་སོང་ངོ ། །དེ་ནས་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་ཤེས་པ་ཁ་ཅིག་གིས་ཐམས་ཅད་སྒྲོལ་མངོན་དུ་བསུ་ནས་སྨྲས་པ། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་ཅིག་།ཡང་སྨྲས་པ། ཁྱོད་ནི་འཇིག་རྟེན་ཐམས་ཅད་དུ། །ཐམས་ཅད་གཏོང་ཞེས་རྣམ་པར་གྲགས། །བྲམ་ཟེ་རྣམས་ལ་ཤིང་རྟ་འདི། །ཁྱོད་ཀྱིས་སྦྱིན་པར་གཏང་བའི་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་ཐམས་ཅད་སྒྲོལ། ཤིང་རྟ་དེ་ལས་མྱུར་བ་མྱུར་བར་བབས་ཏེ། སྙིང་དགའ་བ་དང ། མགུ་བ་དང ། རབ་ཏུ་དགའ་བས་བྲམ་ཟེ་དེ་དག་ལ་ཤིང་རྟ་དེ་བྱིན་ནས་སྨྲས་པ། བདག་གིས་ཇི་ལྟར་བྲམ་ཟེ་ལ། །མཆོག་ཏུ་དགའ་བས་ཤིང་རྟ་བཏང ། །དེ་བཞིན་བདག་གིས་སྲིད་པ་གསུམ། །བཏང་ནས་བྱང་ཆུབ་མཆོག་རེག་ཤོག།། །།འདུལ་བ་གཞི། བམ་པོ་ཞེ་དྲུག་པ། དེ་དུས་གཞན་ཞིག་ན། གླང་པོ་ཆེའི་མཆོག་རྒྱལ་སྲིད་འཕེལ་ཞེས་བྱ་བ། མེ་ཏོག་ཀུན་མུ་ད་དང ། ཁ་བ་དང ། དངུལ་དང ། སྤྲིན་དཀར་པོ་ལྟ་བུའི་མདོག་ཅན་
Kha368b
བདུན་ལེགས་པར་གནས་ཤིང ། རྐང་ལག་ལེགས་པར་གནས་པ། གླང་པོ་ཆེ་ས་སྲུང་གི་བུ་ལྟར་འགྱིང་ཞིང་འགྲོ་བ། རང་བཞིན་གྱི་མཚན་མཆོག་གིས་བརྒྱན་པ། མཐོང་ན་བཀྲ་ཤིས་པ་ལ་ཞོན་ནས། ཤིན་ཏུ་སྡུག་པའི་བྲན་དང ། མཛའ་བཤེས་དང ། གཡོག་རྣམས་ཕྱི་བཞིན་འབྲང་ཞིང་ཟླ་བ་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ་བཞིན་དུ་སོས་ཀའི་དུས་ལ་བབ་པས།་ཤིང་རྣམས་མེ་ཏོག་ཁ་འབུས་ཤིང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་ཏེའུ་སྒྲ་འབྱིན་པའི་ནགས་ཚལ་གྱི་སྐྱེད་མོས་ཚལ་གྱི་སར་སོང་བ་དང ། དེ་ནས་ཕྱིར་རྒོལ་བས་རྦད་པའི་བྲམ་ཟེ་ཁ་ཅིག་གཞོན་ནུ་ཐམས་ཅད་སྒྲོལ་གྱི་དྲུང་དུ་རིངས་པ་རིངས་པར་འོངས་ནས། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་ཅིག་ཅེས་སྨྲས་ནས། ཡང་སྨྲས་པ། ལྷ་མིན་ལྷར་བཅས་འཇིག་རྟེན་དུ། །ཁྱོད་ནི་ཐམས་ཅད་གཏོང་ཞེས་གྲགས། །ཁྱོད་ཀྱི་གླང་པོ་མཆོག་འདི་ནི། །བདག་ཅག་རྣམས་ལ་སྩལ་བའི་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་གླང་པོའི་མཆོག་དེ་ལས་མྱུར་བ་མྱུར་བར་བབས་ནས། དགའ་བ་དང ། མགུ་བ་དང ། རབ་ཏུ་དགའ་བའི་ཡིད་ཀྱིས་དེ་དག་ལ་གླང་པོའི་མཆོག་དེ་བྱིན་ནས་སྨྲས་པ། བདག་གིས་ཇི་ལྟར་བྲམ་ཟེ་ལ། །མཆོག་ཏུ་དགའ་བས་གླང་ཆེན་བཏང ། །དེ་བཞིན་བདག་གིས་སྲིད་པ་གསུམ།།
Kha369a
༄#། །བཏང་ནས་བྱང་ཆུབ་མཆོག་རེག་ཤོག་།རྒྱལ་པོ་ཐམས་ཅད་ཀྱི་བཤེས་གཉེན་གྱིས། ཁྱོད་ཀྱི་སྲས་ཐམས་ཅད་སྒྲོལ་གྱིས་གླང་པོའི་མཆོག་རྒྱལ་སྲིད་འཕེལ་ཞེས་བྱ་བ་ཕྱིར་རྒོལ་བས་རྦད་པའི་བྲམ་ཟེ་རྣམས་ལ་སྦྱིན་ནོ། །ཞེས་ཐོས་སོ། །ཐོས་ནས་ཀྱང་རྒྱལ་པོ་ཐམས་ཅད་བཤེས་གཉེན་ཤིན་ཏུ་ཁྲོས། འཁྲུགས་ནས། གཞོན་ནུ་ཐམས་ཅད་སྒྲོལ་བཀུག་སྟེ་སྨྲས་པ། གཞོན་ནུ། ཁྱོད་ངའི་ཡུལ་ན་མ་འདུག་པར་སོང་ཞིག། དེ་ནས་གཞོན་ནུ་ཐམས་ཅད་སྒྲོལ་ཕས་སྤངས་པ་དང་བསམ་པ། བདག་གིས་བྱང་ཆུབ་ཀྱི་ཕྱིར་འབད་པ་བྱས་པ་དང ། འཇིག་རྟེན་ཐམས་ཅད་རྗེས་སུ་གཟུང་བའི་ཕྱིར་བརྩོན་འགྲུས་ཀྱི་གོ་ཆ་བགོས་པས། གླང་པོ་ཆེན་པོ་དེ་ཡང་བཏང་སྟེ། དེ་བས་ཁྱིམ་ན་གནས་པས་ནི། །ཅི་ནུས་པར་ནི་སྦྱིན་པར་གཏང ། །དཀའ་ཐུབ་གནས་སུ་བརྟེན་ནས་ནི། །ངེས་པར་མཆོག་དག་བྱ་བ་ཡིས། །བསླངས་ནས་མི་སྦྱིན་ཞེས་བྱ་བའི། །ཚིག་ནི་སྨྲ་བར་མི་ཕོད་ཀྱི། ། དེ་བས་བདག་ནི་ཁྱིམ་སྤངས་ཏེ། །དཀའ་ཐུབ་གནས་སུ་རབ་ཏུ་འགྲོ་།བྱང་ཆུབ་སེམས་དཔའ་དེ་ལྟར་སྙིང་ལ་མནའ་མཐོ་བཅད་ནས་ཆུང་མ་རྒྱགས་སྦྱིན་མའི་དྲུང་དུ་སོང་སྟེ། དེ་དག་རྒྱས་པར་སྨྲས་སོ། །དེ་ནས་རྒྱགས་སྦྱིན་མས་ཐོས་མ་ཐག་ཏུ་སྡུག་པ་དང་བྲལ་བར་དོགས་པའི་སྙིང་གིས་ཐལ་མོ་སྦྱར་ཏེ་བྱང་ཆུབ་སེམས་དཔའ་ལ་སྨྲས་པ། རྗེའི་སྲས་
Kha369b
གལ་ཏེ་དེ་ལྟ་ན། བདག་ཀྱང་དཀའ་ཐུབ་ཀྱི་ནགས་སུ་མཆི་སྟེ། བདག་ནི། རྗེའི་སྲས་དང་བྲལ་ན། སྐད་ཅིག་ཙམ་ཡང་འཚོ་བར་རྔོ་མི་ཐོགས་ལགས་སོ། །དེ་ཅིའི་སླད་དུ་ཞེ་ན། ནམ་མཁའ་ཟླ་བས་སྟོངས་པར་གྱུར་པ་དང ། །ཇི་ལྟར་ས་ནི་ལོ་ཏོག་གིས་སྟོངས་དང ། །པདྨ་ཆུ་ཡིས་སྟོངས་པར་གྱུར་པ་ལྟར། །བུད་མེད་ཁྱིམ་ཐབ་ཀྱིས་སྟོངས་དེ་བཞིན་ནོ། །བྱང་ཆུབ་སེམས་དཔས་སྨྲས་པ། བདག་ཅག་མཐར་གདོན་མི་ཟ་བར་འབྲལ་བར་འགྱུར་ཏེ། འདི་ནི། འཇིག་རྟེན་གྱི་རང་བཞིན་ཡིན་ནོ། །ཁྱོད་ནི། བཟའ་བ་དང ། བཏུང་བ་དང ། མལ་ཆ་དང ། བགོ་བ་མཆོག་ལ་གོམས་པས་ལུས་ཤིན་ཏུ་སྐྱིད་དེ་བ་ཡིན། དཀའ་ཐུབ་ཀྱི་ནགས་ན་ནི། རྩཝ་དང ། ལོ་མ་བཏིང་བར་ནི། ཉལ། རྩཝ་དང ། མེ་ཏོག་དང ། འབྲས་བུ་ནི་ཟ། རྩཝ་དུར་བ་དང ། ཟུག་རྔོ་དང ། རྩཝ་དང ། ཚེར་མས་གང་བའི་ས་ལ་ནི། རྒྱུ། ཡང་དང་ཡང་དུ་ཟ་གཅིག་པ་ལ་ནི་བརྟེན། བདག་ཉིད་སྐྱེ་བོ་ཐམས་ཅད་ལ་ནི། བརྟེན་དགོས། གློ་བུར་དུ་འོངས་པ་ཐམས་ཅད་མཆོད་སྦྱིན་ལ་ནི། འབོད་དགོས་ལ། དེ་ན་ཡང་གདོན་མི་ཟ་བར་ཅི་ནུས་ཀྱིས་སྦྱིན་པ་གཏོང་སྟེ། དེ་ལ་ཁྱོད་ཀྱིས་ཅུང་ཟད་ཀྱང་མི་འགྱོད་པར་བྱ་དགོས་སོ། །དེ་བས་ན། རེ་ཞིག་ད་དུང་ཡང་ལེགས་པར་སོམས་ཤིག་།རྒྱགས་སྦྱིན་མས་སྨྲས་པ། རྗེའི་སྲས། བདག་རྡོ་ཅི་ཐོགས་ཀྱིས་རྗེའི་སྲས་ཀྱི་རྗེས་སུ་སྒྲུབ་ལགས་སོ། །བྱང་ཆུབ་སེམས་དཔས་སྨྲས་པ། གལ་ཏེ་
Kha370a
༄#། །དེ་ལྟ་ན། དམ་བཅས་པ་དེ་ཁྱོད་ཀྱིས་དྲན་པར་བྱོས་ཤིག་།དེ་ནས་བྱང་ཆུབ་སེམས་དཔའ་ཕའི་དྲུང་དུ་སོང་ནས་མགོ་བོས་ཕྱག་བྱས་ཏེ། ཡབ་ཅིག་བདག་གིས་སྦྱིན་པར་གླང་ཆེན་སྩལ། །ནོངས་པ་གང་ལགས་ས་བདག་བཟོད་པར་གསོལ། །བདག་ནི་གྲོང་ནས་དགོན་པར་མཆིས་ལགས་ཀྱི། །མི་ཡི་དབང་པོ་ཕྱག་མཛོད་སྟོངས་མ་གྱུར། །དེ་ནས་རྒྱལ་པོ་བུ་དང་བྲལ་བའི་སྡུག་བསྔལ་གྱིས་དབུགས་བརྣངས་ཏེ་སྐད་འདར་འདར་པོར་སྨྲས་པ། བུ། སྦྱིན་པའི་བློ་བོར་ལ་འདུག་ཅིག་།བྱང་ཆུབ་སེམས་དཔས་སྨྲས་པ། ས་ནི་རི་དང་བཅས་པར་ཡང ། །གལ་ཏེ་ལྡོག་པར་འགྱུར་གདའ་ཡི། །ས་བདག་བདག་ནི་སྦྱིན་པ་ལས། །སེམས་ནི་ལྡོག་པར་མི་བགྱིད་དོ། །ཞེས་སྨྲས་ནས་སོང་ངོ ། །དེ་ནས་བུ་དང ། བྲན་མོ་དང ། ཆུང་མ་དང་ལྷན་ཅིག་ཤིང་རྟའི་ནང་དུ་ཞུགས་ཏེ། གྲོང་ཁྱེར་དམ་པ་དེ་ནས་བྱུང་ནས་ཕོ་བྲང་འཁོར་གྱི་མི་དང ། ཡུལ་མི་མྱ་ངན་བྱེད་པ་བརྒྱ་སྟོང་རྗེས་སུ་འབྲང་བཞིན་སོང་ངོ ། །དེ་ནས་མི་ཞིག་གིས་དུ་ཞིང་སྨྲེ་སྔགས་འདོན་པའི་སྒྲ་དེ་ཡང་ཐོས། སྐྱེ་བོའི་ཚོགས་ཆེན་པོ་གྲོང་ཁྱེར་གྱི་སྒོར་བྱུང་བ་ཡང་མཐོང་ནས། མི་ཞིག་ལ་དྲིས་པ། ཀྱེ་ནང་རྗེ། སྐྱེ་བོའི་ཚོགས་ཆེན་པོ་ཆོ་ངེས་འདེབས་པ་འདི་རྒྱུ་ཅི་ལས་གྱུར། དེས་སྨྲས་པ། ཤེས་ལྡན་དག། ཅི། མི་ཤེས་སམ། འདི་ལྟར་མི་ཡི་དབང་པོས་ཉིད་ཀྱི་སྲས་པོ་ཆེ་བ་བཟང ། །བརྟན་པའི་ངང་ཚུལ་
Kha370b
རབ་ཏུ་སྦྱིན་ལ་དགའ་བ་འདི་ནི་སྤྱུགས། །དེ་ནི་བུ་དང་ཆུང་མར་བཅས་ཏེ་ནགས་མཐར་ཆགས་པ་ལས། །ཕོ་བྲང་འཁོར་བ་རྣམས་འདུས་ཤིན་ཏུ་སྙིང་རྗེས་ཆོ་ངེས་འདེབས། །དེ་ནས་བྱང་ཆུབ་སེམས་དཔས་གྲོང་ཁྱེར་དམ་པ་དེ་ནས་བྱུང་བའི་ཕོ་བྲང་འཁོར་གྱི་མི་རྣམས་ལ་ཅི་རིགས་པར་མངོན་དུ་སོང་ནས་སྨྲས་པ། ཤེས་ལྡན་དག། སླར་དེངས་ཤིག། སླར་དེངས་ཤིག། འདི་ལྟར། ཤིན་ཏུ་ཡུན་རིང་པོ་ནས་སྡུག་པ་དང་འགྲོགས་པ་ཡང་མཇུག་ཏུ་གདོན་མི་ཟ་བར་འབྲལ་བའི་མཐའ་ཅན་དུ་འགྱུར་ཏེ། གཉེན་གྱི་སྐྱེ་བོ་དང་འགྲོགས་པ་ནི། ལམ་ཁའི་ངལ་བསོ་བའི་བསྟི་གནས་ཀྱི་ཤིང་དང་འདྲ་བས་གདོན་མི་ཟ་བར་སྡུག་པ་དང་བྲལ་བར་འགྱུར་རོ། །དེ་ཅིའི་ཕྱིར་ཞེ་ན། འཇིག་རྟེན་ཀུན་ན་སྐྱེ་བོ་དབང་མེད་དོ། །མཛའ་བ་རྣམས་དང་བྲལ་བར་འགྱུར་བསམ་ནས། །ཁྱོད་ཀྱིས་ས་སྟེང་འབད་པ་ཐམས་ཅད་ཀྱིས། །ཞི་ཕྱིར་བློ་གྲོས་མི་གཡོ་བརྟན་པར་གྱིས། །དེ་ནས་དཔག་ཚད་སུམ་བརྒྱ་འདས་པ་དང ། བྱང་ཆུབ་སེམས་དཔའ་མཐོང་ནས་བྲམ་ཟེ་ཞིག་མངོན་དུ་འོངས་ཏེ་སྨྲས་པ། ཀྱེ་རྒྱལ་རིགས་གཞོན་ནུ། བདག་ནི། ཁྱོད་ཀྱི་ཡོན་ཏན་ཐོས་ནས་འདི་ནས་དཔག་ཚད་སུམ་བརྒྱ་ཙམ་གྱི་ཡུལ་ནས་འདིར་མཆིས་ལགས་ཀྱི། ཁྱོད་ཀྱིས་ཤིང་རྟ་མཆོག་འདིས་བདག་ངལ་བ་འབྲས་བུ་མཆིས་པར་བགྱི་བའི་རིགས་སོ། །དེ་ནས་རྒྱགས་སྦྱིན་མ་མི་བཟོད་པ་སྐྱེས་ནས། ཚིག་བརླང་པོས་བྲམ་ཟེ་དེ་ལ་སྨྲས་པ། ཨེ་མའོ་ནགས་
Kha371a
༄#། །ནའང་མི་དབང་སྲས་ལ་སློང་བ་གང ། །བྲམ་ཟེ་འདི་ནི་ཤིན་ཏུ་བརྩེ་བ་མེད་པའི་བློ། །མི་དབང་སྲས་པོ་མི་དབང་དཔལ་ལས་ཉམས་གྱུར་པ། །འདི་ལ་འདིར་ནི་སྙིང་རྗེ་ཇིག་མི་སྐྱེའམ། །བྱང་ཆུབ་སེམས་དཔས་སྨྲས་པ། ཁྱོད་ཀྱིས་བྲམ་ཟེ་མ་སྤྱོ་ཞིག་།དེ་ཅིའི་ཕྱིར་ཞེ་ན། རྒྱགས་སྦྱིན་གལ་ཏེ་ནོར་འདོད་ལེན་པ་འདི་དག་མེད་གྱུར་ན། །ཀུན་སྦྱིན་མེད་པར་མི་གང་ཞིག་གིས་ས་སྟེང་བྱང་ཆུབ་འཐོབ། །སྦྱིན་སོགས་ཕ་རོལ་ཕྱིན་དྲུག་ཚུལ་གྱིས་ཡོན་ཏན་མཆོག་ཅན་གྱི། །བྱང་ཆུབ་སེམས་དཔའ་རྣམས་ཀྱིས་ཀུན་མཁྱེན་ཉིད་མཆོག་རྟག་ཏུ་འཐོབ། །དེ་ནས་བྱང་ཆུབ་སེམས་དཔའ་མཆོག་ཏུ་དགའ་བས་ཡང་རྟ་དང་ལྡན་པའི་ཤིང་རྟ་དེ་བྲམ་ཟེ་དེ་ལ་བྱིན་ནས་སྨྲས་པ། བྲམ་ཟེ་སེར་སྣ་དྲི་མ་སེལ་བྱེད་པ། །ཤིང་རྟ་རབ་ཏུ་བྱིན་པ་འདི་ཡིས་འདིར། །བདག་ནི་དྲང་སྲོང་ཆེ་མཆོག་གིས་བསྐོར་བའི། །ཟག་མེད་ཆོས་ཀྱི་ཤིང་རྟ་ཆེ་བསྐོར་ཤོག་།དེ་ནས་ཐམས་ཅད་སྒྲོལ་གྱིས་སྙིང་རབ་ཏུ་དགའ་བས་ཤིང་རྟའི་མཆོག་དེ་ཡང་བྲམ་ཟེ་ལ་བྱིན་ནས་གཞོན་ནུ་ནག་པོ་ཕྲག་པ་ལ་ཁྱེར། རྒྱགས་སྦྱིན་མ་ནི། གཞོན་ནུ་མ་དྲ་བ་ཅན་ཁྱེར་ནས་དཀའ་ཐུབ་ཀྱི་ནགས་ལོགས་སུ་ཆས་པ་དང ། རིམ་གྱིས་དཀའ་ཐུབ་ཀྱི་ནགས་སུ་ཕྱིན་ཏོ། །དེ་ནས་ཐམས་ཅད་སྒྲོལ་དཀའ་ཐུབ་ཚལ་དེར་རང་གི་སྙིང་མགུ་བར་བྱེད་པའི་བརྟུལ་ཞུགས་བླངས་ཏེ་གནས་སོ། །ཇི་ཙམ་ན་རྒྱགས་སྦྱིན་མ་རྩ་བ་དང་འབྲས་བུའི་
Kha371b
ཕྱིར་དཀའ་ཐུབ་ཀྱི་ནགས་ནས་སོང་བ་དང ། བྲམ་ཟེ་ཞིག་ཐམས་ཅད་སྒྲོལ་གྱི་དྲང་དུ་འོངས་ནས་སྨྲས་པ། རྒྱལ་རིགས་གཞོན་ནུ། ཁྱོད་རྒྱལ་བར་གྱུར་ཅིག་།བདག་ཅག་བཀོལ་བ་མ་མཆིས་པས། །སྤར་ཤུགས་ལྷན་ཅིག་འཁྱམས་བགྱིད་ན། །དེ་ཡི་དོན་དུ་བུས་པ་གཉིས། །ཁྱོད་ཀྱིས་བདག་ལ་སྦྱིན་པའི་རིགས། །དེ་སྐད་ཅེས་སྨྲས་པ་དང ། དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ། བུ་སྡུག་པ་གཏོང་བ་ལ་ཆུང་ཞིག་སེམས་ཤིང་འདུག་པ་དང ། དེ་ནས་བྲམ་ཟེ་དེས། བྱང་ཆུབ་སེམས་དཔའ་ཐམས་ཅད་སྒྲོལ་ལ་སྨྲས་པ། ཀྱེ་རྒྱལ་རིགས་གཞོན་ནུ། བདག་གིས་ཁྱོད་ཐམས་ཅད་སྟེར་བའོ་ཞེས་ཐོས་ན། འདི་ལྟར། ཁྱོད་ལ་བདག་གིས་བསླངས་པ་དེ་ལ་ཅི་ཞིག་དཔྱད་དུ་ཡོད། ཁྱོད་ནི་ཀུན་སྟེར་སྙིང་རྗེ་ཡི། །བདག་ཉིད་ཅན་དུ་ས་སྟེང་གྲགས། །ཇི་ལྟར་གྲགས་པ་དེ་བཞིན་དུ། །ཁྱོད་ཀྱིས་རྟག་ཏུ་བྱ་བའི་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་ཐམས་ཅད་སྒྲོལ་གྱིས། བྲམ་ཟེ་དེ་ལ་སྨྲས་པ། ཀྱེ་བྲམ་ཟེ་ཆེན་པོ། རང་གི་སྲོག་ནི་བཏང་བ་ལའང ། །ལན་འགའ་དཔྱོད་པ་མ་མྱོང་ན། །རང་གི་བུ་ནི་བཏང་བ་ལ། །བདག་བློ་གཞན་དུ་གྱུར་ཅི་སྨོས། །བྲམ་ཟེ་ཆེན་པོ། དེ་ལྟ་མོད་ཀྱི། བདག་གིས་ནགས་སུ་བསྐྱེད་པ་ཡི། །བུས་པ་འདི་གཉིས་ཡོངས་སྤངས་ན། །མ་དང་བྲལ་བའི་ཉོན་མོངས་པ། །འདི་དག་ཇི་ལྟར་གནས་སྙམ་མོད། །གཞོན་ནུ་ཤིན་ཏུ་བརྩེ་མེད་པས། །བུས་པ་
Kha372a
༄#། །བཏང་ལ་བདག་མིན་ཞེས། །ཁ་ཅིག་བདག་ལ་འཕྱར་འོང་གི་།བྲམ་ཟེ་བདག་ནི་ཁྲིད་ན་ལེགས། །དེ་ནས་བྲམ་ཟེ་དེས། ཐམས་ཅད་སྒྲོལ་ལ་སྨྲས་པ། ཀྱེ་རྒྱལ་རིགས་གཞོན་ནུ། རྒྱལ་པོ་ཆེན་པོའི་རིགས་སུ་སྐྱེས་པ། ས་འདི་ཐམས་ཅད་དུ་ཡོན་ཏན་གྲགས་པ། སྲོག་ཆགས་ཐམས་ཅད་ལ་སྙིང་བརྩེ་བས་བྱམས་པར་ཞུགས་པ། སྦྱིན་པ་དང ། མཆོད་པ་དང ། བཀུར་སྟིས་སྤོས་ཀྱི་གླང་པོ་ཆེ་ལྟ་བུ། དགེ་སྦྱོང་དང ། བྲམ་ཟེ་དང ། གློ་བུར་བའི་སྐྱེ་བོ་ལ་མཆོད་པར་བྱེད་པ། སྐྱེ་བོ་བཀྲེན་པ་དང ། ཕོངས་པ་དང ། མགོན་མེད་པ་དང ། ལྟོགས་པ་ཡོངས་སུ་སྡུད་པ། ཐམས་ཅད་ཀྱི་རེ་བ་ཡོངས་སུ་རྫོགས་པར་བྱེད་པ། མཐོང་ན་དོན་ཡོད་པ། ཁྱོད་ཀྱིས་བདག་འོངས་པ་ནོམ་པ་མེད་པའམ། ལམ་གྱིས་དུབ་པ།་འབྲས་བུ་མེད་པའམ། མཐོང་བ་དོན་མེད་པའམ། རེ་བ་དང ། ཡུན་རིང་པོ་ནས་བརྣག་བརྣག་པའི་འདོད་པ་འབྲུ་འབྲས་བུ་མེད་པར་བྱ་བ་གང་ཡིན་པ་དེ་ནི། ཆ་མ་ཡིན་ཏེ། ཁྱོད་ཀྱིས། མེད་དོ། །ཞེས་བྱ་བའི་ཚིག་གིས་ཁོ་བོའི་ཡིད་ལ་རེ་བའི་ཀུན་ཏུ་རྟོག་པའི་རྟ་བཏབ་ན། མྱུར་དུ་ལྡོག་པར་འགྱུར་རོ། །དེ་བས་ན་ཁྱོད་ཀྱིས་བདག་གི་ཡིད་ལ་རེ་བ་ཡོངས་སུ་རྫོགས་པར་བྱས་ནས་གཏང་བའི་རིགས་སོ། །དེ་ཅིའི་ཕྱིར་ཞེ་ན། ཆུ་གཏེར་གོས་སུ་གྱོན་ཞིང་གཟའ་མིག་མཚུངས་མེད་པ། །རི་བོ་མཆོག་རྒྱས་ནུ་མར་ལྡན་པའི་རོ་སྟོད་ཅན། །གྲོང་ཁྱེར་
Kha372b
གྲོང་རྡལ་བཅས་པའི་ས་ལ་བཙལ་བྱས་ཀྱང ། མཆེ་བཟང་ཁྱོད་དང་མཚུངས་པའི་གཏོང་ཕོད་ཡོད་མ་ཡིན། །དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ་གྱིས་བྲམ་ཟེའི་ཚིག་དེ་ཐོས་ནས། བུ་ལ་ཆགས་པའི་བློང་བས་འདི་དག་སེམས་པར་བྱེད་དེ། གལ་ཏེ་རེ་ཞིག་བུ་གཉིས་པོ། །བྲམ་ཟེར་བྱིན་ན་བུ་དང་ནི། །བྲལ་བ་ལས་བྱུང་སྡུག་བསྔལ་དག་།བདག་དང་རྒྱགས་སྦྱིན་གྱིས་ཐོབ་འགྱུར། །འོན་ཀྱང་འདི་ལ་མི་བྱིན་ན། །བརྟུལ་ཞུགས་ལས་ཀྱང་ཉམས་འགྱུར་ཞིང ། །བྲམ་ཟེ་འདི་ནི་ཚི་ཆད་དེ། །ཇི་ལྟར་འོངས་པ་བཞིན་དུ་འགྲོ། ཉིས་ན་བུ་བྲལ་ཉམ་ཐག་པའི། །མྱ་ངན་ས་སྟེང་བདག་གིས་བླངས། །དེ་བཞིན་མ་བྱས་དམ་བཅས་པ། །ཞིག་ཅིང་བརྟུལ་ཞུགས་ཉམས་པར་འགྱུར། །དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ་གྱིས། སྡུག་པའི་བུ་གཉིས་ངེས་པར་གཏང་བར་ཆད་ནས་སྨྲས་པ། ཀྱེ་ཁོ་བོས། དཀའ་སྤྱད་བརྒྱ་ཡིས་འཇིག་རྟེན་སྡུག་བསྔལ་གྱི། །རྒྱ་མཚོ་ཆེན་པོས་སོ་སོར་འཇིགས་བྱེད་པ། །གཏིང་མི་དཔོག་པར་རབ་ཏུ་བྱིང་བ་དག། ཕ་རོལ་བརྒལ་ཕྱིར་ལམ་གྱི་ཟམ་སྟེགས་བཅའ། །ཟླ་བ་དྲི་མེད་ཉ་བའི་བཞིན་རས་ཅན། །མ་ཞུམ་ཁ་ནས་དེ་སྐད་ཚིག་སྨྲས་ནས། །མཆི་མ་རླན་ཆུས་མིག་ནི་གང་གྱུར་པའི། །བྱིས་པ་གཉིས་ནི་བྲམ་ཟེ་དེ་ལ་བྱིན། །ཡང་སྨྲས་པ། བུ་འདི་བྱིན་པའི་འབྲས་བུ་ནི། །རྒྱ་ཆེན་བདག་གིས་ཐོབ་གྱུར་ནས། །དེས་ནི་འཁོར་བའི་རྒྱ་མཚོ་ལས། །འཇིག་རྟེན་རྣམས་ནི་བསྒྲལ་བར་བྱ། །
Kha373a
༄#། །བུས་པ་གཞོན་ནུ་དག་བྱིན་མ་ཐག་ཏུ་ས་འདི་རྣམ་པ་དྲུག་ཏུ་གཡོས་སོ། །དེ་ནས་ས་གཡོས་པ་དེ། ཚལ་དེ་ན་གནས་པའི་དཀའ་ཐུབ་ཅན་རྣམས་དངངས་ནས་ཕན་ཚུན་སྨྲས་པ། ས་ནི་མི་བཟད་གཡོས་གྱུར་པ། །འདི་ནི་སུ་ཡི་མཐུ་ལྟས་ཡིན། །གང་གི་མཐུ་ནི་འདི་འདྲ་བ། །ཤིན་ཏུ་གསལ་བར་ཤེས་པར་བྱ། །དེ་ནས་གནས་འཇོག་དང་རུས་གཅིག་པ་རྒན་པོ་དཀའ་ཐུབ་ཅན། ལྟས་ཤེས་པ་ལ་མཁས་པ་གཞན་ཞིག་ཡོད་པ་དེས། དྲང་སྲོང་དེ་རྣམས་ལ་དོན་དེ་གོ་བར་བྱས་པ། གདོན་མི་ཟ་བར་དཀའ་ཐུབ་ཀྱི་ནགས་ན་འདུག་པའི་བུ་བྱིས་པ། འབྲས་བུ་དང་ཆུ་འཐུང་བ། ཡིད་དུ་འོང་བ། མིག་ཏུ་སྡུག་པར་བྱེད་པ་གཉིས། ཐམས་ཅད་སྒྲོལ་གྱིས་སྐྱེ་བོ་སྡུག་བསྔལ་གྱིས་ཉམ་ཐག་པ་ཡོངས་སུ་ཐར་པར་བྱ་བའི་ཕྱིར་སྤངས་ཏེ། དེས་ན། ས་གཡོས་པར་གྱུར་ཏོ། །དེ་ནས་བུས་པ་གཞོན་ནུ་དེ་གཉིས་ཀྱིས་ཕས་སྙིང་ནས་ཡོངས་སུ་བཏང་བའི་བློ་རིག་ནས། སྙིང་རྗེ་རྗེ་སྐད་དུ་དུ་ཞིང་ཐལ་མོ་གཉིས་སྦྱར་ནས་ཐམས་ཅད་སྒྲོལ་གྱི་རྐང་པ་གཉིས་ལ་གཏུགས་ཏེ་སྨྲས་པ། ཡབ་ཅིག་ཡུམ་ནི་མ་མཆིས་པར། །ཁྱོད་ནི་བདག་ཅག་སྩོལ་བཞེད་པ། །རེ་ཞིག་དེ་ནི་མཐོང་གྱུར་ནས། །དེ་ནས་བདག་ཅག་སྩལ་དུ་གསོལ། ། དེ་ནས་བྱང་ཆུབ་སེམས་དཔའ་ཡིད་ལ་གཅགས་པའི་སྡུག་བསྔལ་གྱིས་ངོམ་ཟུམ་གནག་ཅིང ། མཆི་མ་འཛག་བཞིན་དེ་གཉིས་ལ་འཁྱུད་ནས་སྨྲས་པ། བུ་དག། ང་ཡི་སྙིང་དུ་མི་སྡུག་མིན།།
Kha373b
སྙིང་བརྩེ་སྙིང་རྗེ་མེད་མིན་ཏེ། །འཇིག་རྟེན་ཀུན་ལ་ཕན་པའི་ཕྱིར། །ཡོན་ཏན་མཐོང་ནས་བཏང་བ་ཡིན། །ཅི་ནས་ང་ཡིས་བྱང་ཆུབ་མཆོག་།ཞི་བ་རང་གིས་ཐོབ་ནས་ནི། །སྡུག་བསྔལ་རྒྱ་མཚོ་ལ་གནས་པའི། །རྟེན་མེད་འཇིག་རྟེན་རྣམས་བསྒྲལ་ལོ། །དེ་ནས་བུས་པ་གཞོན་ནུ་དེ་དག་གིས་ཕས་སྙིང་ནས་ཡོངས་སུ་བཏང་བའི་བློ་རིག་ནས། ཕའི་རྐང་པ་གཉིས་ལ་ཕྱག་འཚལ་ཏེ་ཐལ་མོ་སྦྱར་ནས་སྙིང་རྗེ་རྗེ་སྐད་དང ། སྨ་བབ་པའི་ཚིག་གིས་དལ་བུས་སྨྲས་པ། གལ་ཏེ་ཁྱོད་ཀྱིས་ཐག་བཀུམ་ན། །མ་ལ་བདག་ཅག་གཉིས་ཀྱི་འཕྲིན། །ཁྱོད་ཀྱིས་བཟོད་པ་མཛོད་ཅིག་ཅེས། །ཡབ་ཅིག་ཁྱོད་ཀྱིས་གསུང་དུ་གསོལ། །ཡབ། གཞན་ཡང ། བྱིས་པར་གྱུར་པས་བླ་མ་ཁྱོད་ལ་ནོངས་པ་བགྱིས་པ་གང ། །གལ་ཏེ་ལ་ལར་ཐུགས་ལ་མི་འབབ་ཚིག་འགའ་སྨྲས་པའམ། ། གུས་པར་མཉན་པས་ཡོངས་སུ་མཉེས་པ་ཉིད་དུ་མ་བགྱིས་པ། །དེ་ནི་བྱིས་པའི་ནོངས་པ་ལགས་ཞེས་བཟོད་པ་མཛད་དུ་གསོལ། །དེ་སྐད་ཅེས་སྨྲས་ནས། ཕ་ལ་ཕྱག་འཚལ་ཏེ་ལན་གསུམ་དུ་བསྐོར་བ་བྱས་ནས། མིག་མཆི་མས་གང་བཞིན་དུ་བླ་མ་ལ་སྨྲ་བར་ཡིད་ལ་ཆགས་པས་ཡང་དང་ཡང་ཕྱིར་ལྟ་ཞིང་བསྟི་གནས་དེ་ནས་བྱུང་སྟེ་སོང་ངོ ། །དེ་ནས་བྱང་ཆུབ་སེམས་དཔའ་བྱིས་པ་གཞོན་ནུའི་ཚིག་ཤིན་ཏུ་སྙིང་རྗེར་རུང་བ་དེ་དག་གིས་སྙིང་བློང་ནས། ཡིད་ཀྱིས་བྱང་ཆུབ་ཏུ་སྨོན་ལམ་བཏབ་སྟེ། དཀའ་ཐུབ་ཀྱི་ཚལ་གྱི་ལོ་མའི་སྤྱིལ་བུར་ཞུགས་སོ། །བྱིས་
Kha374a
༄#། །པ་གཞོན་ནུ་དག་དོང་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་གཡོས་སོ། །ལྷ་སྟོང་ཕྲག་དུ་མ་ཡང་བར་སྣང་ལ་ཅ་ཅོ་དང ། གཞའི་སྒྲ་འབྱིན་ཅིང ། ེ་མའོ་རབ་སྦྱིན་བདག་ཉིད་ཆེ། །བུས་པ་འདི་གཉིས་བཏང་ནས་ཀྱང ། །གང་གི་ཡིད་ནི་འགྱུར་མེད་པ། །དེ་ཡི་ངེས་པ་རྨད་གཅིག་གོ་།དེ་ནས་རྒྱགས་སྦྱིན་མ་རྩ་བ་དང་འབྲས་བུ་རྣམས་ཁྱེར་ཏེ་བསྟི་གནས་ལོགས་སུ་ཆས་པ་ལས། ས་ཆེ་ཐང་དུ་གཡོས་པ་དེས་མྱུར་བ་ཁོ་ནར་བསྟི་གནས་དེ་ཉིད་དུ་སོང་བ་དང ། ལྷ་གཞན་ཞིག་གིས་རྒྱགས་སྦྱིན་མ་བྱང་ཆུབ་སེམས་དཔའ་ཐམས་ཅད་ཐར་པར་བྱ་བར་བརྩོན་པ་བྱས་པའི་སྦྱིན་པའི་ཕ་རོལ་ཏུ་ཕྱིན་པའི་བར་ཆད་བྱེད་པར་འགྱུར་དུ་འོང་ངོ ། །སྙམ་ནས། སེངྒེ་མོ་ཞིག་གི་གཟུགས་སུ་བསྒྱུར་ཏེ་ལམ་བཀག་ནས་འདུག་པ་དང ། རྒྱགས་སྦྱིན་མས་རི་དྭགས་ཀྱི་རྒྱལ་པོའི་ཆུང་མ་དེ་ལ་སྨྲས་པ། རི་དྭགས་རྒྱལ་པོའི་ཆུང་མ་སྒེག་སྒེག་མ། །ཁོ་མོའི་ལམ་འདི་བཀག་ནས་ཅི་སྟེ་འདུག་།ཇི་ལྟར་བདག་ནི་མི་འཕྱོ་ངེས་ཤེས་ན། །ལམ་ལས་ཟུར་ཏེ་མྱུར་དུ་འགྲོ་བར་གྱིས། །གཞན་ཡང ། ཁྱོད་ཀྱང་རི་དྭགས་རྒྱལ་པོའི་ཆུང་མ་ལ། །བདག་ཀྱང་མི་ཡི་དབང་པོ་སེང་གེ་ཡི། །བཙུན་མོ་ཡིན་པས་ཆོས་ཀྱི་སྤུན་གྱུར་གྱི། །རི་དྭགས་རྒྱལ་མོས་བདག་གི་ལམ་ཕྱེ་ཞིག་།དེ་སྐད་ཅེས་སྨྲས་པ་དང ། ལྷ་སེང་གེའི་གཟུགས་སུ་བསྒྱུར་བ་དེ་ཡང་ལམ་དེ་ནས་ལོགས་ཤིག་ཏུ་སོང་ངོ ། །དེ་ནས་
Kha374b
རྒྱགས་སྦྱིན་མས་བཀྲ་མི་ཤིས་པའི་ལྟས་དག་མཐོང་ནས། ཡུད་ཙམ་ཞིག་བསམ་པ། ཇི་ལྟར་བར་སྣང་ལ་དུད་མོའི་སྒྲ་གྲགས་པ་དང ། ཇི་ལྟར་ཡང་ཚལ་ན་གནས་པའི་ལྷ་རྣམས་མྱ་ངན་བྱེད་པའི་སྒྲ་གྲགས་པ་ལས་ན། གདོན་མི་ཟ་བར་བསྟི་གནས་སུ་མ་ལེགས་པ་ཞིག་བྱུང་བར་གྱུར་ཏོ། །སྙམ་ནས་སྨྲས་པ། ཇི་ལྟར་བདག་མིག་འགུལ་བ་དང ། །ཇི་ལྟར་བྱ་སྐད་འབྱིན་པ་དང ། །ཇི་ལྟར་བདག་ནི་དོགས་པ་ལས། །བུས་པ་དེ་གཉིས་བཏང་བར་ངེས། །ཇི་ལྟར་ས་འདི་གཡོས་པ་ལས། །བདག་གི་སྙིང་ནི་འདར་བ་དང ། །ཇི་ལྟར་ལུས་ཀྱང་རྨྱ་བ་ལས། །བུས་པ་དེ་གཉིས་བཏང་བར་ངེས། །ཞེས་དེ་ལྟ་བུའི་མི་ལེགས་པ་བརྒྱ་སྟོང་དག་སེམས་ཤིང་བསྟི་གནས་སུ་སོང་ནས་བསྟི་གནས་སུ་ཞུགས་ཏེ་མི་དགའ་བཞིན་བལྟས་ན། བུ་དེ་གཉིས་མ་མཐོང་ནས། དེ་ནས་རྨོངས་ཤིང་སྙིང་འདར་ནས། བསྟི་གནས་ཀྱི་གཞི་དེའི་རྗེས་བཞིན་དུ་སེམས་ཏེ། ཕྱོགས་འདི་ན་ནི། གཞོན་ནུ་ནག་པོ་སྲིང་མོ་དང་ལྷན་ཅིག་རི་དྭགས་ཀྱི་ཕྲུ་གུ་དང་རྟག་ཏུ་རྩེ་རྩེ། འདི་ནི། དེ་གཉིས་ཀྱི་ས་རྡུལ་ལས་བྱས་པའི་ཁྱིམ་ཡིན། འདི་ནི། དེ་གཉིས་ཀྱི་རྩེ་མོའི་ཆ་བྱད་ཡིན་ན། དེ་གཉིས་ནི། མི་སྣང་ན། གལ་ཏེ་ཞིག་ན་བདག་གིས་མ་མཐོང་གི་།ལོ་མའི་སྤྱིལ་བུར་ཞུགས་ནས་ཉལ་ལྟར་སྲིད་དམ་སྙམ་དུ་དེ་ལྟར་སྙིང་ལ་རེ་ཞིང་བུ་མཐོང་བར་འདོད་པས། རྩ་བ་དང ། འབྲས་བུ་ཕྱོགས་གཅིག་ཏུ་བཞག་ནས། མིག་མཆི་མས་གང་བཞིན་དུ་ཁྱིམ་ཐབ་ཀྱི་རྐང་པ་གཉིས་ལ་གཏུགས་ཏེ་སྨྲས་པ། རྗེའི་སྲས། ཁྱེའུ་དང་
Kha375a
༄#། །བུ་མོ་གཉིས་གང་དུ་མཆིས། ཐམས་ཅད་སྒྲོལ་གྱིས་སྨྲས་པ། ཁོ་བོའི་དྲུང་དུ་བྲམ་ཟེ་ཞིག་།རེ་བས་ཡང་དག་འོངས་གྱུར་ནས། །བུས་པ་དེ་གཉིས་དེ་ལ་བྱིན། །དེ་ལ་རྗེས་སུ་ཡི་རང་རིགས། །དེ་སྐད་ཅེས་སྨྲས་པ་དང ། རྒྱགས་སྦྱིན་མ་རི་དྭགས་མོ་མདའ་དུག་ཅན་ཞིག་གིས་ཕོག་པ་བཞིན་དུ་ས་ལ་འགྱེལ་ནས། ཉ་ཆུའི་གནས་ནས་བྱུང་བ་བཞིན་དུ་ནི། འགྲེ་ལྡོག་པར་བྱེད། ཀྲུང་ཀྲུང་བུ་སྟོར་བ་བཞིན་དུ་ནི། སྙིང་རྗེ་རྗེ་སྐད་དུ་ངུ ། བ་བེའུ་ཤི་བ་བཞིན་དུ་ནི། འབའི་སྒྲ་ཚོགས་འདོན་ཅིང་སྨྲས་པ། པདྨ་གཞོན་ནུ་ལྟ་བུའི་བྱད་བཞིན་ཅན། ། ལག་པ་པདྨའི་འདབ་ལྟར་གཞོན་ཤ་ཅན། །བདག་གི་བུ་གཉིས་སྡུག་བསྔལ་མ་མྱོང་བ། །འགྲོ་བ་གང་དུ་སོང་ནས་སྡུག་བསྔལ་གྱུར། །རི་དྭགས་བུ་ལྟར་དྲང་ཞིང་རི་དྭགས་མིག་།རི་དྭགས་ལྷན་ཅིག་བསྟི་གནས་དགའ་དགའ་ན། །དེ་རིང་བདག་གི་བུ་གཉིས་ཇི་ལྟ་བུར། །གཞན་གྱི་དབང་གིས་དོང་ཞིང་སྡུག་བསྔལ་གྱུར། །མིག་ནི་མཆི་མས་གང་བའི་མིག་གིས་ནི། །སྙིང་རྗེས་དུ་བ་ཤིན་ཏུ་སྡུག་བསྔལ་བ། །དེ་རིང་བདག་གིས་ལེགས་པར་མ་མཐོང་བས། །སྐྱེ་བོ་བཀྲེན་པའི་ནང་ན་སྡུག་པས་འཚོ། །དེ་གཉིས་བདག་གི་པང་ནས་བསྐྱེད་བསྐྱེད་པ། །ཟས་སུ་རྩ་བ་མེ་ཏོག་འབྲས་བུ་ཟ། །བཟོད་དང་གནམ་པས་བླ་མ་བརྟག་དཀའ་བ། །བདག་གི་བུ་གཉིས་ཤིན་ཏུ་སྡུག་བསྔལ་ལོ། དེ་གཉིས་མ་དང་ཉེ་དུ་བྲལ་བ་དང ། །རྩ་ལག་རྣམས་ཀྱིས་གཟུ་ལུམ་སྤངས་པ་ལས། །སྐྱེ་བོ་སྡིག་ཅན་ངན་དང་
Kha375b
འཕྲད་གྱུར་ནས། །བདག་གི་བུ་གཉིས་ཤིན་ཏུ་སྡུག་བསྔལ་ལོ། །སྐོམ་ཞིང་བཀྲེས་པས་བདག་ཉིད་རྟག་གདུངས་ན། །དེ་གཉིས་ཡིད་དབང་གིས་འགྲོ་བར་འགྱུར། །བྲན་དུ་གྱུར་པས་གདོན་མི་ཟ་བར་ནི། །དེ་གཉིས་ཉམ་ཐག་སྡུག་བསྔལ་ཡོངས་སུ་གཟིར། །བདག་གིས་ངེས་པར་ཚེ་རབས་གཞན་དག་ཏུ། །སྲོག་ཆགས་སྡུག་པ་བརྒྱ་དང་བྲལ་བ་ཡི། །སྡིག་ལས་ཤིན་ཏུ་མི་བཟད་འདིར་བྱས་པ་དེས་ན་བ་བེའུ་མེད་བཞིན་ཆོ་ངེས་འདེབས། །བདེན་ཚིག་གང་གིས་བདག་ནི་རྟག་ཏུ་ཡང ། །སེམས་ཅན་ཀུན་ལ་ཡིད་ནི་མཉམ་གྱུར་པ། །བདེན་ཚིག་དེས་ནི་བདག་གི་བུ་གཉིས་པོ། །བྲན་དུ་གྱུར་པ་ལས་ནི་ཐར་ཕར་ཤོག་།རྒྱགས་སྦྱིན་མས་བུས་པ་གཞོན་ནུ་དེ་དག་གིས་བསྐྱེད་ཅིང་བསྲིངས་པའི་ཤིང་གང་ཡིན་པ་དེ་དག་ལོ་མ་ཐིབ་བེ་འདུག་པར་མཐོང་ནས། སྙིང་དུ་སྡུག་ནས་འཁྱུད་དེ་སྨྲས་པ། བུས་པས་རིལ་བ་ཆུང་ངུས་ཆུ་བཅུས་པའི། །ལོ་མ་རྣམས་ལས་ཐིགས་པ་འཛག་པ་ཡི། །ལྗོན་ཤིང་རྣམས་ནི་སེམས་དང་བཅས་པ་བཞིན། །བུས་པ་ནུ་ཞོ་མ་བླུད་ལྟ་བུར་ངུ ། །ཡང་བུས་པ་གཞོན་ནུ་དེ་གཉིས་དང་རྩེ་རྩེ་བའི་རི་དྭགས་ཀྱི་ཕྲུ་གུ་བསྟི་གནས་ན་འདུག་པ་རྣམས་མཐོང་ནས་མི་དགའ་སྟེ། སྙིང་རྗེ་རྗེ་སྐད་ཀྱི་ཚིག་གིས་དལ་བུས་སྨྲས་པ། དེ་ཡི་ནེའུ་ཟླ་མཐོང་བར་འདོད་པ་གང ། །གནས་སུ་མ་ཚུགས་མཚོན་ཅིང་ཚོལ་བྱེད་པ། །རི་དྭགས་ཕྲུ་གུ་རྒྱུ་བ་འདི་དག་ཀྱང ། །བདག་གི་སྡུག་བསྔལ་མི་ཆུང་གཞན་ཡིན་ནོ། །དེ་ནས་བུས་པ་གཞོན་ནུ་དེ་དག་ལམ་གང་ནས་དོང་བའི་ལམ་དེ་རྗེས་བཅད་
Kha376a
༄#། །དང ། བུས་པ་གཞོན་ནུ་དེ་གཉིས་ཀྱི་རྗེས་དྲང་པོར་མ་བྱུང་གི་།གྱ་གྱུས་གང་བར་མཐོང་ནས་ལྷགས་པར་ཡང་སྡུག་བསྔལ་གྱིས་གདུངས་ནས་སྨྲས་པ། ཇི་ལྟར་འཐེན་པའི་རྗེས་བྱུང་དང ། །ལ་ལར་མྱུར་དུ་སོང་བ་ལས། །བརྡེགས་ཏེ་ཁྲིད་པར་གདོན་མི་ཟ། །ཀྱེ་མ་བྲམ་ཟེ་བརྩེ་མེད་མཆོག་།མགུལ་ནི་དབུགས་ཀྱིས་བརྫངས་ཤིང་སྐད་ཀྱང་འཛེར། །མ་མཆུ་མཛེས་པ་འདར་ཞིང་བདག་གི་བུ། །རི་དྭགས་བཞིན་དུ་མིག་ཀྱང་རིག་རིག་སྟེ། །རྐང་པ་འཇམ་པོས་ཇི་ལྟར་སོང་ཞིག་གུ། དེ་ནས་བྱང་ཆུབ་སེམས་དཔས་དེ་དེ་ལྟར་སྨྲེ་སྔགས་འདོན་པའི་བདག་ཉིད་དེ་མཐོང་ནས། མི་རྟག་པ་ཉིད་དང་ལྡན་པའི་ཚིག་དེ་དང་དེ་དག་གིས་རྣམ་གྲངས་མང་པོར་གོ་བར་བྱས་ནས་སྨྲས་པ། ཁོ་བོས་བུ་གཉིས་གྲགས་པ་ཡིས། །བཏང་བ་མ་ཡིན་སྡང་བས་མིན། ། སེམས་ཅན་ཀུན་ལ་ཕན་དོན་དུ། །གཏང་བར་དཀའ་བའི་བུ་དེ་བཏང ། །མཆོག་ཏུ་གཏང་དཀའི་བདག་ཉིད་དང ། །བུ་ནོར་ཆུང་མ་རྣམས་བཏང་ནས། །སེམས་དཔའ་ཆེན་པོས་ཚུལ་བཞིན་དུ། ། བྱང་ཆུབ་མཆོག་ནི་ཐོབ་པར་འགྱུར། །རྒྱགས་སྦྱིན་བདག་གིས་གཏོང་བ་ལ་བརྟན་གཏང་དཀའ་བའི། །བུས་པ་དེ་གཉིས་འཇིག་རྟེན་ཐར་པའི་དོན་དུ་བཏང ། །བདག་དང་ཆུང་མ་བཞོན་དང་ནོར་ཡང་བཏང་བྱས་ཏེ། །ཀུན་ལ་ཐམས་ཅད་གཏང་བའི་བློ་གྲོས་ང་ལ་ཡོད། །དེ་ནས་རྒྱགས་སྦྱིན་མས་སེམས་བརྟན་ཏེ་བྱང་ཆུབ་སེམས་དཔའ་ལ་སྨྲས་པ། ཁྱོད་ལ་བར་ཆད་མི་བགྱིད་ཀྱི། །ཁྱོད་བློ་
Kha376b
གཞན་དུ་མ་འགྱུར་ཞིག་།གལ་ཏེ་བདག་ཀྱང་སྩོལ་བཞེད་ན། །དོགས་པ་མེད་པར་བདག་སྩོལ་ཅིག་།གཞན་ཡང ། དཔའ་བོ་གང་ཕྱིར་ཉིད་ཀྱི་ཕྱིར། །སྡུག་པས་ཆགས་པ་བཏང་བ་ཡི། ། དོན་དེ་མྱུར་དུ་ཐོབ་ནས་ནི། །སྲིད་ལས་འགྲོ་བ་བསྒྲལ་བར་མཛོད། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས། བྱང་ཆུབ་སེམས་དཔའ་དང་རྒྱགས་སྦྱིན་མ་བརྩོན་འགྲུས་ཤིན་ཏུ་རྨད་དུ་བྱུང་བ་དང ། ཤིན་ཏུ་བྱ་དཀའ་བར་རིགས་ནས་སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་ཏེ་སྟེང་གི་ནམ་མཁའ་ལས་བསྟི་གནས་དེར་ལྷགས་ནས་སྣང་བ་རྒྱ་ཆེན་པོས་ནགས་དེ་གསལ་བར་བྱས་ཏེ། ནམ་མཁའ་ལ་འདུག་བཞིན་དུ་བྱང་ཆུབ་སེམས་དཔའ་ལ་སྨྲས་པ། འདི་ལྟར་འཇིག་རྟེན་རྨོངས་པ་བློ་ངན་གཞུང་གིས་བཅིངས་པའི་བློ་གྲོས་ཅན། །ལོངས་སྤྱོད་ལ་ཆགས་སྙིང་གི་ཞགས་པ་བུ་ཡིས་བཅིངས་པའི་ནང་ན་ཡང ། །ཁྱབ་བདག་ཁྱོད་གཅིག་ཆགས་པ་མེད་པས་དགའ་བ་བསྐྱེད་པའི་བུ་གཏོང་བས། །ངེས་པར་གོ་འཕང་བདེ་དང་ཞི་བ་དྲི་མེད་རྒ་བ་མེད་པ་འཐོབ། །དེ་སྐད་ཅེས་བྱང་ཆུབ་སེམས་དཔའ་སྤྲོ་བ་བསྐྱེད་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམ་པ། འདི་གཅིག་པུ་གཡོག་དང་བྲལ་ན་ཉོན་མོངས་པར་འགྱུར་གྱི། མ་ལ་བདག་གིས་རྒྱགས་སྦྱིན་མ་བསླང་ངོ། །སྙམ་ནས་བྲམ་ཟེའི་ཆ་བྱད་དུ་བསྒྱུར་ཏེ་བྱང་ཆུབ་སེམས་དཔའི་དྲུང་དུ་སོང་ནས། ཡང་བྱང་ཆུབ་སེམས་དཔའ་ལ་སྨྲས་པ། ཡན་ལག་ཀུན་བཟང་ཁྱིམ་ཐབ་ལས། །འཕྱོ་བ་མེད་ཅིང་སྙིང་ཉེ་བ། །
Kha377a
༄#། །རིགས་ན་བསྔགས་པའི་སྲིང་མོ་འདི། །བདག་ལ་བྲན་མོའི་དོན་དུ་སྩོལ། །དེ་ནས་རྒྱགས་སྦྱིན་མ་མི་བཟོད་པ་སྐྱེས་ནས། བྲམ་ཟེ་ལ་སྨྲས་པ། ངོ་ཚ་མེད་ཅིང་བརྐམ་པ་ཁྱོད། །འདི་ན་བྲམ་ཟེ་ཐ་ཤལ་ཏེ། །ཁྱོད་ལྟ་འཕྱོན་མ་མི་བྱེད་ཅིང ། །དམ་ཆོས་དགའ་བ་ང་འདོད་དམ། །དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ། སྙིང་རྗེ་དང་ལྡན་པའི་སྙིང་གིས་རྒྱགས་སྦྱིན་མ་ལ་བརྟག་པར་བརྩམས་པ་དང ། དེ་ནས་རྒྱགས་སྦྱིན་མས་བྱང་ཆུབ་སེམས་དཔའ་ལ་སྨྲས་པ། བདག་ནི་བདག་ལ་གཡར་ངན་མེད། །དེ་བཞིན་བདག་ལ་ལྟ་མ་ལགས། ། གཅིག་པུ་ཇི་ལྟར་བཞུགས་འགྱུར་ཞེས། །དེ་ལྟར་ཁྱོད་སླད་གཡར་ངན་བགྱིད། །དེ་ནས་བྱང་ཆུབ་སེམས་དཔས་རྒྱགས་སྦྱིན་མ་ལ་སྨྲས་པ། གོ་འཕང་མི་བཟད་མྱ་ངན་མེད་པ་ཚོལ་བདག་ལ། །ས་སྟེང་འདིར་ནི་རྒྱགས་སྦྱིན་མྱ་ངན་བྱ་མི་དགོས། །ཁྱོད་ནི་མྱ་ངན་མེད་པར་བྲམ་ཟེ་འདི་རྗེས་འབྲོངས། །བདག་ནི་རི་དྭགས་འཆི་བ་བཞིན་དུ་བསྟི་གནས་འཐེན། །དེ་སྐད་ཅེས་སྨྲས་པ་དང ། དགའ་བ་དང ། མགུ་བ་དང ། ཡིད་རབ་ཏུ་དགའ་བས་བསམ་པ་དང ། སྦྱིན་པ་འདི་ནི་ནགས་ཚལ་འདིར། །བདག་གི་སྦྱིན་པ་ཐ་མ་ཡིན། །རྒྱགས་སྦྱིན་འདི་ཡང་ཡོངས་བཏང་ནས། ། ཡོངས་སུ་བཟུང་བ་མེད་པར་འགྱུར། །སྙམ་དུ་རིག་ནས། རྒྱགས་སྦྱིན་མ་ལག་པ་ནས་བཟུང་སྟེ་བྲམ་ཟེ་དེ་ལ་སྨྲས་པ། བདག་གི་མཆིས་བྲང་སྡུག་པ་འདི། །སྙིང་ནས་སྙིང་ཉེ་བསྒོ་བ་ཉན། །ཡ་
Kha377b
རབས་ཚུལ་ཅན་སྙན་པར་སྨྲ། །བྲམ་ཟེ་མཆོག་ཁྱོད་བཞེས་སུ་གསོལ། །དེ་ནས་མཆེ་བ་བཟང་པོ་ཡི། །ཆུང་མ་བྱང་ཆུབ་འདོད་ཕྱིར་བཏང ། །ཆུ་ལ་གྲུ་ནི་ཇི་ལྟ་བར། །ས་ནི་མཐའ་དག་རྣམ་དྲུག་གཡོས། །དེ་ནས་རྒྱགས་སྦྱིན་མ་བྲམ་ཟེའི་དབང་དུ་གྱུར་ཏེ། ཁྱོད་དང ། བུ་དང ། བུ་མོ་དང་བྲལ་བའི་སྡུག་བསྔལ་གྱིས་ཉམ་ཐག་ནས་དབུགས་བརྫངས་པས་སྒྲ་ངར་ངར་པོར་འགག་བཞིན་འདི་སྐད་ཅེས་སྨྲས་སོ། །བདག་གིས་ཚེ་རབས་སྔ་མ་ལ། །ཅི་འདྲ་བ་ཡི་ལས་ངན་བྱས། །དེ་ནས་བ་བེའུ་ཤི་བ་བཞིན། །སྐྱེ་བོ་མེད་པའི་ནགས་ནང་དུ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྲམ་ཟེའི་ཆ་བྱད་མི་སྣང་བར་བྱས་ཏེ་རང་བཞིན་གྱི་ཆ་བྱད་དུ་གནས་ནས་རྒྱགས་སྦྱིན་མ་ལ་སྨྲས་པ། སྐལ་བཟང་བདག་ནི་བྲམ་ཟེ་མ་ཡིན་མི་ཡང་མ་ཡིན་གྱི། །བདག་ནི་ལྷ་ཡི་དབང་པོ་བརྒྱ་བྱིན་ལྷ་མིན་འཇོམས་བྱེད་དེ། །ཁྱོད་ཀྱི་འདུལ་བ་མཆོག་ཏུ་གྱུར་པ་འདི་ཡིས་བདག་མགུ་ཡི། །བདག་ལས་དམ་པ་གང་ཞིག་འདོད་པ་དེ་འདིར་སྨྲ་བར་གྱིས། །དེ་ནས་དེའི་ཚིག་གིས་རྒྱགས་སྦྱིན་མ་ཡིད་བདེ་བ་སྐྱེས་ནས་བརྒྱ་བྱིན་ལ་ཕྱག་འཚལ་ནས་སྨྲས་པ། སྤྱན་སྟོང་ལྡན་པ་བདག་གི་བུ། །བྲན་གྱུར་པ་ལས་ཐར་མཛད་ཅིང ། །མེས་པོའི་དྲུང་དུ་ཕྱིན་པར་ཡང ། །སུམ་ཅུ་རྩ་གསུམ་བདག་པོས་མཛོད། ། དེ་སྐད་ཅེས་སྨྲས་ནས། ཡང་དབང་པོ་ཆེན་པོ་བསྟི་གནས་སུ་ཞུགས་ནས་བྱང་ཆུབ་སེམས་དཔའི་དྲུང་དུ་སོང་སྟེ། རྒྱགས་སྦྱིན་མ་ལག་པ་གཡོན་པ་ནས་བ་ཟུང་ནས་བྱང་ཆུབ་སེམས་དཔའ་ལ་སྨྲས་
Kha378a
༄#། །པ།་བདག་གིས་ཁྱོད་ལ་རྒྱགས་སྦྱིན་འདི། །གཡོག་གི་ཕྱིར་ནི་སྦྱིན་པར་བྱ། །ཁྱོད་ཀྱིས་སུ་ལའང་མ་སྦྱིན་ཅིག་།བཞག་པ་བྱིན་ན་སྨད་པར་འགྱུར། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས། བྲམ་ཟེ་ཁྱེའུ་དང ། བུ་མོ་ཁྱེར་བ་དེ། ཇི་ལྟར་གྲོང་ཁྱེར་གཞན་ཞིག་ཡིན་ནོ། །སྙམ་ནས་གྲོང་ཁྱེར་དེ་ཉིད་དུ་སོང་ནས། བུས་པ་གཞོན་ནུ་དེ་དག་བཙོང་བར་བརྩམས་པ་དེ་ལྟ་བུར་རྨོངས་པར་བྱས་སོ། །ཇི་ཙམ་ན་བློན་པོ་རྣམས་ཀྱིས་མཐོང་ནས་རྒྱལ་པོ་ལ་སྨྲས་པ། ལྷ། ཁྱོད་ཀྱི་དཔོན་པོ་ནག་པོ་དང ། །དྲ་བ་ཅན་དང་དེ་གཉིས་ནི། །བྲམ་ཟེ་ཤིན་ཏུ་མ་རུངས་པས། ། གྲོང་ཁྱེར་མཆོག་འདིར་འཚོང་ཞིང་མཆིས། །དེ་སྐད་ཐོས་ནས། རྒྱལ་པོ་དེ་སེམས་མི་དགའ་ནས་སྨྲས་པ། གཞོན་ནུ་གཉིས་མྱུར་དུ་སྟོན་ཅིག་།བློན་པོ་རྣམས་ཀྱིས་སྐད་ཕྱུང་བ་དང ། གྲོང་ཁྱེར་བ་རྣམས་མྱུར་དུ་རྒྱལ་པོའི་དྲུང་དུ་ཉེ་བར་ལྷགས་སོ། །ཇི་ཙམ་ན་བློན་པོ་གཞན་ཞིག་གིས། རྒྱལ་པོའི་དྲུང་དུ་ཁྲིད་པ་དང ། མི་ཡི་དབང་པོ་མངོན་ཕྱོགས་ཁྲིད་པའི་ཚ་བོ་གོས་མེད་ཅིང ། །ལུས་རྦེག་དྲི་མ་ཅན་གྱི་ལུས་དེ་དེ་ཡིས་མཐོང་ནས་ནི། །མོད་ལ་སེང་གེའི་ཁྲི་ལས་ས་ཡི་སྟེང་དུ་ལྷུང་གྱུར་ཏེ། །ཕོ་བྲང་འཁོར་མི་བློན་ཚོགས་བུད་མེད་དག་ཀྱང་དུ་བར་གྱུར། །དེ་ནས་རྒྱལ་པོས་བློན་པོ་རྣམས་ལ་སྨྲས་པ།་གང་ཞིག་ནགས་ན་གནས་ན་ཡང ། །སྦྱིན་ལ་མངོན་པར་དགའ་བའི་ཡིད། །མིག་བཟང་དེ་ནི་མྱུར་དུ་འདིར། །ཆུང་མ་དང་བཅས་དགུག་པར་གྱིས། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་
Kha378b
གྱིས་བྱང་ཆུབ་སེམས་དཔའ་ལ་ཕྱག་བྱས་ནས་རང་གི་གནས་སུ་སོང་ངོ ། །ཕྱི་ཞིག་ན་རྒྱལ་པོ་ཐམས་ཅད་བཤེས་གཉེན་ཤི་བ་དང་བྲམ་ཟེ་དང ། བློན་པོ་དང ། གྲོང་མི་དང ། ཡུལ་མི་རྣམས་ལྷན་ཅིག་ཏུ་བསྟི་གནས་དེར་སོང་ནས་བྱང་ཆུབ་སེམས་དཔའ་ལ་གསོལ་བ་བཏབ་སྟེ་རང་གི་གྲོང་ཁྱེར་དུ་བོས་ནས་རྒྱལ་པོར་བཅུག་གོ། དེ་ནས་རྒྱལ་པོ་ཐམས་ཅད་སྒྲོལ་ཐམས་ཅད་གཏོང་ཞེས་བྱ་བར་གྱུར་ཏོ། །དེས་དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་དང ། མཛའ་བོ་དང ། ཉེ་དུ་དང ། གཉེན་གཤེས་དང ། ཞོ་ཤས་འཚོ་བ་རྣམས་ལ་སྦྱིན་པ་རྣམ་པ་དུ་མ་དག་སྦྱིན་ནས་ཚིགས་སུ་བཅད་དེ་སྨྲས་པ། བྱང་ཆུབ་དོན་དུ་གཉེར་བ་ཡིས། །རྒྱལ་རིགས་བྲམ་ཟེ་རྗེའུ་རིགས་དང ། །དམངས་རིགས་གདོལ་པ་གཡུང་པོ་ལའང ། །འཇིགས་པ་མེད་པར་སྦྱིན་པ་བཏང ། །གསེར་དང་དངུལ་དང་བ་ལང་དང ། །རྟ་དང་ནོར་བུའི་རྣ་རྒྱན་དང ། །དེ་བཞིན་ལས་དག་བྱེད་པའི་བྲན། །ཚུལ་ཁྲིམས་ཕུན་སུམ་ཚོགས་ལ་སྦྱིན། །ཆགས་པ་མེད་པའི་སེམས་ཀྱིས་ནི། །བུ་དང་བུ་མོ་ཡོངས་བཏང་ནས། །འཇིག་རྟེན་འདི་དང་ཕ་རོལ་ཏུ། །མི་ཡི་དག་པ་ཐོབ་པར་འགྱུར། །རྒྱལ་པོ་ཆེན་པོ། དེའི་ཚེ་དེའི་དུས་ཀྱི་རྒྱལ་པོ་ཐམས་ཅད་སྒྲོལ་ཞེས་བྱ་བར་གྱུར་པ་གང་གིས་དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་དང ། མཛའ་བོ་དང ། ཉེ་དུ་དང ། གཉེན་བཤེས་དང ། ཞོ་ཤས་འཚོ་བ་རྣམས་ལ་སྦྱིན་པ་རྣམ་པ་དུ་མ་དག་བྱིན། བསོད་ནམས་དག་བྱས་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། ང་
Kha379a
༄#། །ཉིད་དེའི་ཚེ་དེའི་དུས་ན་རྒྱལ་པོ་ཐམས་ཅད་སྒྲོལ་ཞེས་བྱ་བ་དེར་གྱུར་ཏེ། ང་ཉིད་ཀྱིས་དེ་ན་དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་དང ། མཛའ་བོ་དང ། ཉེ་དུ་དང ། གཉེན་བཤེས་དང ། ཞོ་ཤས་འཚོ་བ་རྣམས་ལ་སྦྱིན་པ་རྣམ་པ་དུ་མ་དག་བྱིན། བསོད་ནམས་དག་བྱས་སོ། །རྒྱལ་པོ་ཆེན་པོ། ངའི་སྦྱིན་པའམ། སྦྱིན་པའི་བགོ་བཤའ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྦྱིན་པ་དག་བཏང ། བསོད་ནམས་དག་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ཐམས་ཅད་ཅེས་བྱ་བའི་གྲོང་རྡལ་གྱི་གྲོང་ཁྱེར་རྒྱལ་པོ་ཐམས་ཅད་ཀྱི་བཤེས་གཉེན་ཞེས་བྱ་བ་ཞིག་བྱུང་བར་གྱུར་ཏེ། དེ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང ། མི་མང་པོས་རབ་ཏུ་གང་བ། འཐབ་པ་དང ། འཐབ་མོ་དང ། ཁྲག་ཁྲུག་དང ། བྱེད་པ་དང ། ཆོམ་རྐུན་དང ། ནད་རབ་ཏུ་ཞི་བ། འབྲས་སཱ་ལུ་དང ། བུ་རམ་ཤིང་དང ། བ་ལང་ཕུན་སུམ་ཚོགས་པ་མ་བུ་གཅིག་པ་ལ་བྱམས་པ་བཞིན་དུ་རྒྱལ་སྲིད་བྱེད་དུ་འཇུག་སྟེ། ཆོས་བཞིན་གྱིས་རྒྱལ་སྲིད་བྱེད་དུ་འཇུག་གོ།
Kha379b
དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་གཟུགས་བཟང་བ། མཛེས་པ། བལྟ་ན་སྡུག་པ། པགས་པའི་མདོག་གསེར་འདྲ་བ། མགོ་གདུགས་ལྟར་འདུག་པ། དཔུང་པ་རིང་བ། དཔྲལ་བའི་དབྱེས་ཆེ་བ་ཞིག་བཙས་ཏེ། དེའི་ཉེ་དུ་རྣམས་འདུས་ནས། ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །ཤེས་ལྡན་དག་།གཞོན་ནུ་འདི་ནི། རྒྱལ་པོ་ཐམས་ཅད་བཤེས་གཉེན་གྱི་བུ་ཡིན་པས། གཞོན་ནུ་ཐམས་ཅད་སྒྲོལ་ཞེས་བྱ་བར་གདགས་སོ། །ཞེས་གཞོན་ནུ་ཐམས་ཅད་སྒྲོལ་དུ་མིང་བཏགས་ནས། མ་མ་བརྒྱད་ལ་གཏད་དེ་ཞེས་བྱ་བ་ནས་གནས་ལྔ་རྣམས་ལ་བྱང་བར་གྱུར་ཏོ། །ཞེས་བྱ་བའི་བར་གོང་མ་བཞིན་ནོ། །དེ་གང་ཅི་སློང་བ་ཐམས་ཅད་སློང་བ་པོ་དག་ལ་སྦྱིན་པར་བྱེད་པས་དེའི་མིང་ཐམས་ཅད་གཏོང་བ། ཐམས་ཅད་གཏོང་བ་ཞེས་བྱ་བར་གྲགས་སོ། །ཁམས་ཀྱི་རྒྱལ་ཕྲན་གྱི་བུ་མོ་རྒྱགས་སྦྱིན་མ་ཞེས་བྱ་བ་ཞིག་ཡོད་པ་དེ། དེའི་ཆེད་དུ་བསླངས་ནས་དཔལ་གྱི་འབྱོར་པ་ཆེན་པོས་བག་མར་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཇི་ཙམ་ན་ཁྱེའུ་ཞིག་བཙས་པ་དང ། དེའི་མིང་ནག་པོ་ཞེས་བྱ་བར་བཏགས། ཡང་དེ་དང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་མོ་ཞིག་བཙས་ཏེ། དེའི་མིང་དྲ་བ་ཅན་ཞེས་བྱ་བར་བཏགས་སོ། །རྒྱལ་པོ་
Kha380a
༄#། །ཐམས་ཅད་ཀྱི་བཤེས་གཉེན་ལ་གླང་པོ་ཆེའི་མཆོག་བཀྲ་ཤིས་ལྡན་ཞེས་བྱ་བ་ཡོད་དེ། དེའི་མཐུས་ཁམས་ཀྱི་རྒྱལ་ཕྲན་རྣམས་སྤ་འགོང་བར་བྱེད་དོ། །དེས་ཐམས་ཅད་སྒྲོལ་ལ་སྨྲས་པ། བུ། བདག་གིས་གང་ཅུང་ཟད་ཁམས་ཀྱི་རྒྱལ་ཕྲན་རྣམས་སྤ་འགོང་བར་བྱེད་པ་དེ་དག་ཐམས་ཅད་ཀྱང་གླང་པོ་ཆེའི་མཆོག་འདིའི་མཐུ་ཡིན་གྱི། ཁྱོད་ཐམས་ཅད་གཏོང་ན་ཡང་གླང་པོའི་མཆོག་བཀྲ་ཤིས་ལྡན་ནི། ཞོག་ཅིག་།ཁམས་ཀྱི་རྒྱལ་ཕྲན་རྣམས་ཀྱིས་སྨྲས་པ། གང་གི་མཐུས་ན་བདག་ཅག་ཐམས་ཅད་རྒྱལ་པོ་ཐམས་ཅད་བཤེས་གཉེན་འདིས་ཟིལ་གྱིས་མནན། ཁ་ཅིག་གིས་སྨྲས་པ། རྒྱལ་པོ་ཐམས་ཅད་བཤེས་གཉེན་ལ་གླང་པོའི་མཆོག་བཀྲ་ཤིས་ལྡན་ཞེས་བྱ་བ་ཞིག་ཡོད་དེ། དེའི་མཐུས་བདག་ཅག་འདིས་ཟིལ་གྱིས་མནན་ཏོ། །དེ་དག་གིས་སྨྲས་པ། གང་གིས་ན་གླང་པོའི་མཆོག་དེ་དགུག་པའི་ཐབས་བཟང་པོ་ལྟ་ཅི་ཡོད། བློན་པོ་རྣམས་ཀྱིས་སྨྲས་པ། ལྷ། རྒྱལ་པོ་ཐམས་ཅད་བཤེས་གཉེན་གྱི་བུ་ཐམས་ཅད་སྒྲོལ་ཞེས་བགྱི་བ་དེ། མི་སྦྱིན་པའམ། མི་གཏོང་བ་ཅི་ཡང་མ་མཆིས་ཏེ། དེ་ཅི་སློང་པ་དེ་ཐམས་ཅད་སྦྱིན་པས། དེའི་མིང་ཐམས་ཅད་གཏོང་བ། ཐམས་ཅད་གཏོང་བ་ཞེས་བྱ་བར་གྲགས་ཀྱི། བྲམ་ཟེ་དག་ཅིག་མངགས་དང་དེ་རྣམས་ཀྱིས་བསླངས་ན། ཁུགས་པར་འགྱུར་རོ། །དེ་རྣམས་ཀྱིས་བྲམ་ཟེ་དག་བཀུག་ནས་སྨྲས་པ། བྲམ་ཟེ་དག །
Kha380b
དེངས་ལ། ཐམས་ཅད་ཅེས་བྱ་བའི་གྲོང་རྡལ་ན་ཐམས་ཅད་སྒྲོལ་ཞེས་བྱ་བ་ལས་གླང་པོའི་མཆོག་སློངས་ཤིག་།དེ་དག་མངགས་ནས། ཐམས་ཅད་ཀྱི་གྲོང་རྡལ་དུ་དོང་ངོ ། །གཞོན་ནུ་ཐམས་ཅད་སྒྲོལ་གླང་པོའི་མཆོག་།མེ་ཏོག་ཀུན་ད་དང ། ཀུ་མུ་ཏ་དང ། ཁབ་དང ། དངུལ་དང ། སྤྲིན་དཀར་པོའི་མདོག་ལྟ་བུ་མཆེ་བ་དྲུག་པ། བདུན་ལེགས་པར་གནས་པ། གླང་པོ་ཆེས་སྲུང་གི་བུ་ལྟར་འགྱིང་ཞིང་འགྲོ་བ།་རང་བཞིན་གྱི་མཚན་མཆོག་གིས་བརྒྱན་པ། མཐོང་ན་བཀྲ་ཤིས་པ་ལ་ཞོན་ནས། ཤིན་ཏུ་སྡུག་པའི་བྲན་དང ། གྲོགས་པོ་དང ། གཡོག་རྣམས་ཕྱི་བཞིན་འབྲང་ཞིང ། ཟླ་བ་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ་བཞིན། གྲོང་ཁྱེར་ནས་བྱུང་ནས་སྐྱེད་མོས་ཚལ་ལོགས་སུ་སོང་ངོ ། །དེ་ནས་མངགས་པ་དེ་དག་གིས་གཞོན་ནུ་ཐམས་ཅད་སྒྲོལ་མངོན་དུ་བསུས་ནས་སྨྲས་པ། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་ཅིག་།ཡང་སྨྲས་པ། ལྷ་མིན་ལྷར་བཅས་འཇིག་རྟེན་དུ། །ཁྱོད་ནི་ཐམས་ཅད་གཏོང་ཞེས་གྲགས། །ཁྱོད་ཀྱི་གླང་པོ་མཆོག་འདི་ནི། །བདག་ཅག་རྣམས་ལ་སྩལ་བའི་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་གླང་པོའི་མཆོག་དེ་ལས་བབས་ནས། དགའ་བ་དང ། མགུ་བ་དང ། རབ་ཏུ་དགའ་བའི་ཡིད་ཀྱིས་བྲམ་ཟེ་དེ་དག་ལ་གླང་པོའི་མཆོག་དེ་བསྟན་ནས་སྨྲས་པ། ཇི་ལྟར་བདག་རབ་དགའ་བས་དེང ། །བྲམ་ཟེ་རྣམས་ལ་གླང་ཆེན་གཏང ། །དེ་བཞིན་བདག་གིས་སྲིད་པ་གསུམ། །བཏང་ནས་བྱང་ཆུབ་མཆོག་རེག་ཤོག་།བློན་པོ་རྣམས་
Kha381a
༄#། །ཀྱིས་རྒྱལ་པོ་ཐམས་ཅད་བཤེས་གཉེན་ལ་སྨྲས་པ། ལྷ། ཁྱོད་ཀྱི་སྲས་ཐམས་ཅད་སྒྲོལ་གྱིས། གླང་པོའི་མཆོག་བཀྲ་ཤིས་ལྡན་ཞེས་བགྱི་བ། ཕྱིར་རྒོལ་བས་མངགས་པ་ལ་སྩལ་ཏོ། །རྒྱལ་པོས་ཐོས་ནས་ཤིན་ཏུ་ཁྲོས། འཁྲུགས་ཏེ་བསྒོ་བ། ཤེས་ལྡན་དག་།དེངས་ལ། ཐམས་ཅད་སྒྲོལ་ཁྲིད་དེ་ཤོག་ཅིག་།དེ་རྣམས་ཀྱིས་ཁྲིད་དེ་འོངས་པ་དང ། རྒྱལ་པོ་ཐམས་ཅད་བཤེས་གཉེན་གྱིས། ཐམས་ཅད་སྒྲོལ་ལ་སྨྲས་པ། གཞོན་ནུ། ཁོ་བོས་ཁྱོད་ལ་གང་ཅུང་ཟད་ཁམས་ཀྱི་རྒྱལ་ཕྲན་རྣམས་སྤ་འགོང་བར་བྱེད་པ་དེ་ཐམས་ཅད་ནི། གླང་པོའི་མཆོག་འདིའི་མཐུ་ཡིན་གྱི། ཁྱོད་ཐམས་ཅད་གཏོང་ན་ཡང་གླང་པོའི་མཆོག་འདི་ཞོག་ཅིག་ཅེས། སྔ་མོ་ཞིག་ཏུ་མ་བསྒོའམ། ཅིའི་ཕྱིར་ཁྱོད་ཀྱིས་གླང་པོའི་མཆོག་ཡོངས་སུ་བཏང ། དེས་མཉན་ནས་སྨྲས་པ། ཡབ། བསླངས་ན་ཇི་ལྟར་མི་སྩལ། ཅི། ཇི་སྙེད་བསླངས་པ་དེ་ཐམས་ཅད་དེ་སྦྱིན་ནམ། ཚིགས་སུ་བཅད་དེ་སྨྲས་པ། ཁྱིམ་ན་གནས་པའི་སྐྱེས་བུ་ཡིས། ། ཅི་རིགས་པར་ནི་སྦྱིན་པ་གཏང ། །འོན་ཏེ་ནགས་སུ་སོང་ན་ནི། །ངེས་པ་ཡིན་ནི་མཆོག་བྱའོ། །ཡབ། གལ་ཏེ་སྦྱིན་པ་དག་གཏང ། བསོད་ནམས་དག་བགྱིར་མ་མཆིས་ན། དཀའ་ཐུབ་ཀྱི་ནགས་སུ་བརྟན་པར་བགྱིའོ། །གཞོན་ནུ། དེ་བཞིན་དུ་གྱིས་ཤིག་།བྱང་ཆུབ་སེམས་དཔས་རྒྱགས་སྦྱིན་མའི་དྲུང་དུ་སོང་སྟེ་སྨྲས་པ། རྒྱགས་སྦྱིན་མ། བདག་ནི། དཀའ་ཐུབ་ཀྱི་ནགས་
Kha381b
སུ་གནས་ཀྱི། ཁྱོད་ཁྱིམ་ན་བག་ཡོད་པར་གནས་ཤིག་།དེས་སྨྲས་པ། རྗེའི་སྲས་དང་ཐབས་ཅིག་དཀའ་ཐུབ་ཀྱི་ནགས་སུ་གནས་པར་བགྱིའོ། །རྒྱགས་སྦྱིན་མ། བྱང་ཆུབ་སེམས་དཔའ་རྣམས་ནི། སྦྱིན་པ་ལ་དགའ་བས། གལ་ཏེ་ཁྱོད་འགའ་ཞིག་སློང་ན། བྱིན་པར་འགྱུར་རོ། །རྗེའི་སྲས། གལ་ཏེ་ཁྱོད་ཀྱིས་བཏང་ན་སྩལ་དུ་གསོལ། བྱང་ཆུབ་སེམས་དཔས་སྨྲས་པ། ཁྱོད་ཀྱིས་དམ་བཅས་པ་དེ་དྲན་པར་བྱོས་ཤིག་།དེ་ནས་བྱང་ཆུབ་སེམས་དཔའ་པའི་དྲུང་དུ་སོང་ནས་མགོ་བོས་ཕྱག་བྱས་ཏེ་སྨྲས་པ། ཡབ་ཅིག་བདག་གིས་སྦྱིན་སླད་གླང་ཆེན་བཏང ། །ནོངས་པ་གང་ལགས་ས་བདག་བཟོད་པར་གསོལ། །བདག་ནི་གྲོང་ནས་དགོན་པར་མཆིས་ལགས་ཀྱི། མི་དབང་ཁྱོད་ཀྱི་ཕྱག་མཛོད་སྟོངས་མ་གྱུར། །དེ་ནས་རྒྱལ་པོ་བུ་དང་བྲལ་བའི་བློང་བས་མཆི་མས་བརྣངས་ནས་སྨྲས་པ། བུ། སྦྱིན་པ་དང ། དཀའ་ཐུབ་ཀྱི་ནགས་ཀྱི་བློ་གྲོས་འདི་ཟློག་ཅིག་།བྱང་ཆུབ་སེམས་དཔས་སྨྲས་པ། ས་ནི་རི་དང་བཅས་པར་ཡང ། །གལ་ཏེ་ལྡོག་པར་འགྱུར་གདའ་ཡི། །ས་བདག་བདག་ནི་སྦྱིན་པ་ལས། །སེམས་ནི་ལྡོག་པར་མི་བགྱིད་དོ། །ཞེས་སྨྲས་ནས་སོང་སྟེ། བྱང་ཆུབ་སེམས་དཔའ་བུ་དང ། བུ་མོ་དང ། ཆུང་མ་དང་ལྷན་ཅིག་ཤིང་རྟ་མཆོག་གི་ནང་དུ་ཞུགས་ནས་དཀའ་ཐུབ་ཀྱི་ནགས་སུ་ཆས་སོ། །དེ་ནས་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་ཤེས་པ་ཁ་ཅིག་གིས། ཐམས་ཅད་སྒྲོལ་བསུས་ནས་སྨྲས་པ། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་
Kha382a
༄#། །ཅིག་།ཁྱོད་ནི་འཇིག་རྟེན་ཐམས་ཅད་དུ། ཐམས་ཅད་གཏོང་ཞེས་རྣམ་པར་གྲགས། །བྲམ་ཟེ་དག་ལ་ཤིང་རྟ་འདི། །ཁྱོད་ཀྱིས་སྦྱིན་པར་གཏང་བའི་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་ཐམས་ཅད་སྒྲོལ་ཤིང་རྟའི་མཆོག་དེ་ལས་བབས་ནས་དགའ་བ་དང ། མགུ་བ་དང ། རབ་ཏུ་དགའ་བའི་སྙིང་གིས་བྲམ་ཟེ་དག་ལ་ཤིང་རྟའི་མཆོག་དེ་བསྟན་ནས་སྨྲས་པ། ཇི་ལྟར་བདག་རབ་དགའ་བས་དེང ། །བྲམ་ཟེ་རྣམས་ལ་ཤིང་རྟ་བཏང ། །དེ་བཞིན་བདག་གིས་སྲིད་པ་གསུམ། །བཏང་ནས་བྱང་ཆུབ་མཆོག་རེག་ཤོག་།དེ་ནས་བྱང་ཆུབ་སེམས་དཔའ་རྟ་ལ་ཞོན་ནས་རྒྱགས་སྦྱིན་མ་དང་ལྷན་ཅིག་སོང་བ་དང ། དེ་ནས་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་ཤེས་པ་ཁ་ཅིག་གིས་ཐམས་ཅད་སྒྲོལ་བསུས་ནས་སྨྲས་པ། རྒྱལ་རིགས་གཞོན་ནུ། ཁྱོད་རྒྱལ་བར་གྱུར་ཅིག་།ཁྱོད་ནི་འཇིག་རྟེན་ཐམས་ཅད་དུ། །ཐམས་ཅད་གཏོང་ཞེས་རྣམ་པར་གྲགས། །བྲམ་ཟེ་རྣམས་ལ་རྟ་འདི་ནི། །ཁྱོད་ཀྱིས་སྦྱིན་པར་གཏང་བའི་རིགས། །དེ་སྐད་ཅེས་སྨྲས་པ། བྱང་ཆུབ་སེམས་དཔའ་ཐམས་ཅད་སྒྲོལ་རྟ་དེ་ལས་བབས་ནས་དགའ་བ་དང ། མགུ་བ་དང ། རབ་ཏུ་དགའ་བའི་སྙིང་གིས་བྲམ་ཟེ་དེ་རྣམས་ལ་རྟ་དེ་བསྟན་ནས་སྨྲས་པ། ཇི་ལྟར་བདག་རབ་དགའ་བས་དང ། །བྲམ་ཟེ་རྣམས་ལ་རྟ་བཏང་བ། །དེ་བཞིན་བདག་གིས་སྲིད་པ་གསུམ། །བཏང་ནས་བྱང་ཆུབ་མཆོག་རེག་ཤོག་།དེ་ནས་བྱང་ཆུབ་སེམས་དཔས་ནི། ནག་པོ་ཁྲིད་།རྒྱགས་
Kha382b
སྦྱིན་མས་ནི། དྲ་བ་ཅན་ཁྲིད་དེ་རྐང་པས་དོང་ནས། བྱང་ཆུབ་སེམས་དཔས་གངས་རིའི་སུལ་མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ་ཞིག་ཏུ་སོང་སྟེ། བྱང་ཆུབ་སེམས་དཔའ་ནི། བསམ་གཏན་བྱེད་དོ། །རྒྱགས་སྦྱིན་མས་ནི། འབྲས་བུས་བསྙེན་བཀུར་བྱེད་དོ། །རི་བོར་གཞན་ཞིག་ན་བྲམ་ཟེ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། །དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཁྱེའུ་མཚན་ངན་པ་བཅོ་བརྒྱད་དང་ལྡན་པ་ཞིག་བཙས་པ། ངན་ཏོ་རེ་ཞེས་སྒྲ་འབྱིན་པས། དེའི་མིང་ངན་ཏོ་རེ། ངན་ཏོ་རེ་ཞེས་བྱ་བར་གྱུར་ཏོ། །རི་བོར་གཞན་ཞིག་ན། བྲམ་ཟེ་རིག་བྱེད་བཞི་ཤེས་པ་ཞིག་གནས་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཇི་ཙམ་ན་བུ་མོ་གཟུགས་བཟང་མོ། མཛེས་མ། བལྟ་ན་སྡུག་པ་ཞིག་བཙས་ཏེ། བསྲིངས་བསྐྱེད་ནས་ཆེན་མོར་གྱུར་པ་དང ། བྲམ་ཟེ་དེས། བདག་གི་བུ་མོ་འདི་བྱད་གཟུགས་སམ། རིགས་སམ། བཟོའམ། ནོར་གྱི་ཕྱིར་ནི། སུ་ལའང་མི་སྦྱིན་ནོ། །འོན་ཀྱང་སུ་ཞིག་བདག་ལས་རིག་བྱེད་བཞི་ཀློག་པ་ཞིག་ཡོད་ན། བདག་གིས་དེ་ལ་འདི་སྦྱིན་པར་བྱའོ། །ཞེས་དམ་བཅས་སོ། །དེ་ནས་ངན་ཏོ་རེ་གསང་ཚིག་དོན་དུ་གཉེར་ཞིང ། གསང་ཚིག་ཚོལ་བ་བྲམ་ཟེ་དེའི་གན་དུ་སོང་སྟེ་ཕྱིན་ནས་སྨྲས་པ། མཁན་
Kha383a
༄#། །པོའི་ཞབས་ལ་བདག་བཀུར་སྟི་བགྱིད་པར་འཚལ་ལགས་སོ། །ཅིའི་ཕྱིར། རིག་བྱེད་བཀླག་པའི་སླད་དུའོ། །དེ་བཞིན་དུ་གྱིས་ཤིག་།དེ་དེ་ལས་རིག་བྱེད་བཀླག་པར་བརྩམས་པ་ལས། དེ་ཡིད་གཞུངས་པའི་རང་བཞིན་ཅན་ཞིག་ཡིན་པས། དེས་རིང་པོ་མ་ལོན་པར་རིག་བྱེད་རྣམ་པ་བཞི་ལ་བྱང་བར་གྱུར་ཏོ། །བྲམ་ཟེ་དེས་བསམ་པ། བདག་གིས་དམ་བཅས་པ་ནི། བདག་གི་བུ་མོ་འདི་རིགས་སམ་ཞེས་བྱ་བ་རྒྱས་པར་སྦྱར་ཏེ། བྲམ་ཟེའི་ཁྱེའུ་འདིས་བདག་ལས་རིག་བྱེད་བཞི་བྱང་བར་བྱས་པ་ཡིན་ན། མཚན་ངན་པ་བཅོ་བརྒྱད་དང་ལྡན་པ་ཡིན་ཏེ། གལ་ཏེ་འདིས་བུ་མོ་མ་འདོད་ན་ནི། ལེགས་སོ། །སྙམ་ནས། དེས་དེ་ལ་སྨྲས་པ། བྲམ་ཟེའི་ཁྱེའུ། བདག་གིས་བུ་མོ་འདི། བྱད་གཟུགས་སམ། རིགས་སམ། བཟོའམ། ནོར་གྱི་ཕྱིར་སུ་ལ་ཡང་མི་སྦྱིན་ཏེ། འོན་ཀྱང་སུ་ཞིག་བདག་ལས་རིག་བྱེད་བཞི་ཀློག་པ་ཞིག་ཡོད་ན། བདག་གིས་དེ་ལ་འདི་སྦྱིན་པར་བྱའོ། །ཞེས་དམ་བཅས་པ་ལས། བདག་ལས་ཁྱོད་ཀྱིས་རིག་བྱེད་བཞི་བྱང་བར་བྱས་པ་ལས། ཁྱོད་ལ་བུ་མོ་འདི་ཆུང་མར་སྦྱིན་ནོ། །དེས་སྨྲས་པ། བཀྲ་ཤིས་པར་གྱུར་ཅིག་།བླང་བར་བགྱིའོ། །ཞེས་དེས་དེ་ལ་དཔལ་གྱི་འབྱོར་བ་ཆེན་པོས་བག་མར་བཏང་ནས་སྨྲས་པ། བྲམ་ཟེའི་ཁྱེའུ། ཆུང་མ་ཁྲིད་ལ་རང་གི་ཁྱིམ་དུ་སོང་ཞིག་།དེས་ཆུང་མ་དེ་ཁྲིད་དེ་རང་གི་ཁྱིམ་དུ་སོང་བ་དང ། དེས་དེ་ལ་སྨྲས་པ། རྗེའི་སྲས། བདག་ནི། ཤིན་ཏུ་གཞོན་པས། ལས་བགྱིད་རྔོ་མི་ཐོགས་ཀྱི། བདག་ལ་བཀོལ་
Kha383b
བ་སྩོལ་ཅིག་།དེས་དེ་ལ་སྨྲས་པ། བཟང་མོ། ཁོ་བོ་ལ་བཀོལ་བ་ག་ལ་མཆིས། དེས་སྨྲས་པ། རྗེའི་སྲས། ཐམས་ཅད་ཅེས་བགྱི་བའི་གྲོང་རྡལ་ན་རྒྱལ་པོ་ཐམས་ཅད་ཀྱི་བཤེས་གཉེན་ཞེས་བགྱི་བ་དེའི་སྲས་ཐམས་ཅད་སྒྲོལ་ཞེས་བགྱི་བ་དེ། གང་ཅུང་ཟད་ཅི་སློང་བ་དེ་ཐམས་ཅད་སྩོལ་གྱི། དེ་ལ་བདག་གི་བཀོལ་བ་སློངས་ཤིག་།བཟང་མོ། གལ་ཏེ་དེ་ལྷན་ལྷན་ཅིག་ཏུ་འདོང་ངོ ། །དེ་ནས་ངན་ཏོ་རེ་ཐམས་ཅད་ཀྱི་གྲོང་རྡལ་དུ་ཕྱིན་ནས་དྲིས་པ། གཞོན་ནུ་ཐམས་ཅད་སྒྲོལ་གང་ན། དེ་དག་གིས་སྨྲས་པ། དཀའ་ཐུབ་ཀྱི་ནགས་ན་གནས་སོ།། །།འདུལ་བ་གཞི། བམ་པོ་ཞེ་བདུན་པ། དེ་ནས་ངན་ཏོ་རེ་ཆུང་མ་དང་ལྷན་ཅིག་དཀའ་ཐུབ་ཀྱི་ནགས་སུ་སོང་བ་དང ། དེའི་ཚེ་རྒྱགས་སྦྱིན་མ་མེ་ཏོག་དང ། འབྲས་བུའི་ཕྱིར་སོང་ངོ ། །དེ་ནས་བྲམ་ཟེ་ངན་ཏོ་རེ་རྒྱགས་སྦྱིན་མ་མེ་ཏོག་དང ། འབྲས་བུའི་ཕྱིར་སོང་བ་དང་ཐམས་ཅད་སྒྲོལ་གྱི་དྲུང་དུ་འོངས་ནས་སྨྲས་པ། ཆུ་གཏེར་གོས་སུ་གྱོན་ཞིང་གཟའ་མིག་མཚུངས་མེད་པ། །རི་བོ་མཆོག་རྒྱས་ནུ་མར་ལྡན་པའི་རོ་སྟོད་ཅན། གྲོང་ཁྱེར་གྲོང་རྡལ་བཅས་པའི་ས་ལ་བཙལ་བྱས་ཀྱང ། མཆེ་བཟང་ཁྱོད་དང་མཚུངས་པར་གཏོང་ཕོད་ཡོད་མ་ཡིན། བདག་ཅག་བཀོལ་བ་མ་མཆིས་པས། །སྦ་ཤུགས་ལྷན་ཅིག་འཁྱམས་བགྱིད་ན། །ཁྱོད་ཀྱིས་རྗེས་སུ་བརྩེ་བགྱིས་ཏ། །བདག་ལ་བཀོལ་བ་སྩལ་བའི་རིགས། །ཁོ་བོ་ལ་བཀོལ་བ་ག་ལ་ཡོད། དེ་དང་ཧ་ཅང་མི་རིང་བ་ཞིག་ན་ནག་པོ་དང ། དྲ་བ་ཅན་རྩེ་ཞིང་འདུག་པ་དང ། དེས་སྨྲས་པ། བུས་པ་གཞོན་ནུ་འོ་ནི་
Kha384a
༄#། །དག་སྦྱིན་ཅིག་།དེ་སྐད་ཅེས་སྨྲས་པ་དང ། དེ་ནས་བྱང་ཆུབ་སེམས་དཔའ་བུ་སྡུག་པ་ཡོངས་སུ་གཏོང་བ་ལ་ཡུད་ཙམ་ཞིག་སེམས་པར་གྱུར་ཏོ། །དེ་ནས་བྲམ་ཟེ་དེས་ཐམས་ཅད་སྒྲོལ་ལ་སྨྲས་པ། ཀྱེ་རྒྱལ་རིགས་གཞོན་ནུ། ཁོ་བོས་ཁྱོད་ཐམས་ཅད་གཏོང་བའོ། །ཞེས་ཐོས་ནས་དེའི་ཕྱིར་ཁོ་བོ་ཁྱོད་ལ་སློང་ན། འདི་ལ་ཁྱོད་ཀྱིས་དཔྱད་དུ་ཅི་ཞིག་ཡོད། སྙིང་རྗེ་ཡི་ནི་བདག་ཉིད་ཁྱོད། །ཐམས་ཅད་གཏོང་བར་ས་སྟེང་གྲགས། །ཇི་ལྟར་གྲགས་པ་དེ་བཞིན་དུ། །ཁྱོད་ཀྱིས་ས་སྟེང་བྱ་བའི་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔས་བྲམ་ཟེ་དེ་ལ་འདི་སྐད་ཅེས་སྨྲས་སོ། །རང་གི་སྲོག་ནི་གཏོང་བ་ལའང ། བདག་གིས་རེས་འགའང་མ་དཔྱད་ན། །རང་གི་བུ་ནི་གཏང་བ་ལ། །བདག་བློ་གཞན་འགྱུར་སྨོས་ཅི་དགོས། །བྲམ་ཟེ་ཆེན་པོ། དེ་ལྟ་མོད་ཀྱི། བདག་གིས་ནགས་སུ་བསྐྱེད་བསྐྱེད་པའི། །བུས་པ་འདི་གཉིས་ཡོངས་སྤངས་ན། །མ་དང་བྲལ་བའི་ཉོན་མོངས་པ། །འདི་དག་ཇི་ལྟར་གནས་སྙམ་མོད། །གཞོན་ནུ་ཤིན་ཏུ་བརྩེ་མེད་པས། །བུས་པ་བཏང་ལ་བདག་མིན་ཞེས། །ཁ་ཅིག་བདག་ལ་འཕྱར་འོང་གི། །བྲམ་ཟེ་བདག་ནི་ཁྲིད་ན་ལེགས། །དེ་ནས་བྲམ་ཟེ་དེས་བྱང་ཆུབ་སེམས་དཔའ་ལ་འདི་སྐད་ཅེས་སྨྲས་སོ། །ཀྱེ་རྒྱལ་རིགས་གཞོན་ནུ། རྒྱལ་པོ་ཆེན་པོའི་རིགས་སུ་སྐྱེས་པ། ས་འདི་ཐམས་ཅད་དུ་ཡོན་ཏན་གྲགས་པ། སྲོག་ཆགས་ཐམས་ཅད་ལ་སྙིང་བརྩེ་བས་བྱམས་པར་ཞུགས་པ། སྦྱིན་པ་དང ། མཆོད་པ་དང ། བཀུར་སྟིས་
Kha384b
སྤོས་ཀྱི་གླང་པོ་ཆེ་ལྟ་བུ། དགེ་སྦྱོང་དང ། བྲམ་ཟེ་དང ། གློ་བུར་དང ། སྐྱེ་བོ་བླ་མ་ལ་མཆོད་པ་དང ། བཀྲེན་པ་དང ། མགོན་མེད་པ་དང ། ཕོངས་པ་རྣམས་ཡོངས་སུ་འཛིན་པ། ཐམས་ཅད་ཀྱི་རེ་བ་ཡོངས་སུ་རྫོགས་པར་བྱེད་པ། མཐོང་ན་དོན་ཡོད་པ་ཁྱོད་ཀྱིས། བདག་འོངས་པ་ནོམ་པ་མེད་པའམ། ལམ་གྱིས་དུབ་པ་འབྲས་བུ་མེད་པའམ། མཐོང་ན་དོན་མེད་པའམ། རེ་བ་དང ། ཡུན་རིང་པོ་ནས་བརྣག་པའི་འདོད་པ་འབྲས་བུ་མེད་པར་བྱ་བ་གང་ཡིན་པ་དེ་ནི། ཆ་མ་ཡིན་ཏེ། ཁྱོད་ཀྱིས་མེད་དོ་ཞེས་བྱ་བའི་ཚིག་གིས་ཁོ་བོ་ཡིད་ལ་རེ་བ་ཀུན་ཏུ་རྟོག་པའི་རྟ་བཏབ་ན། མྱུར་དུ་ལྡོག་པར་འགྱུར་རོ། །དེ་བས་ན། ཁྱོད་ཀྱིས་བདག་གི་རེ་བ་ཡོངས་སུ་རྫོགས་པར་བྱས་ཏེ་གཏང་བའི་རིགས་སོ། །བྱང་ཆུབ་སེམས་དཔས་སྨྲས་པ། བྲམ་ཟེ། གལ་ཏེ་དེ་ལྟ་ན་ཡོངས་སུ་གཏང་ངོ ། །བུས་པ་གཞོན་ནུ་དག་བཏང་མ་ཐག་ཏུ། སྟོང་གསུམ་གྱི་སྟོང་ཆེན་པོའི་འཇིག་རྟེན་ཁམས་འདི་རྣམ་པ་དྲུག་ཏུ་གཡོས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམ་པ། རྒྱགས་སྦྱིན་མ་བྱང་ཆུབ་སེམས་དཔའི་སྦྱིན་པའི་བར་ཆད་བྱེད་པར་འགྱུར་དུ་འོང་ངོ ། །སྙམ་ནས་སེང་གེ་མོ་ཞིག་གི་གཟུགས་སུ་བསྒྱུར་ཏེ་ལམ་བཀག་ནས་འདུག་པ་དང ། དེ་ནས་རྒྱགས་སྦྱིན་མས་སྨྲས་པ། རི་དྭགས་རྒྱལ་པོའི་ཆུང་མ་སྒེག་སྒེག་མ། །ཁྱོད་ནི་ཅི་སྟེ་ལམ་བཀག་འདུག་པར་བྱེད། །གལ་ཏེ་བདག་ནི་མི་འཕྱོ་བདེན་ཞེ་ན། ལམ་ལས་ཟུར་ཏེ་མྱུར་དུ་འགྲོ་བར་གྱིས། ཁྱོད་ཀྱང་རི་དྭགས་རྒྱལ་པོའི་ཆུང་མ་ལ། བདག་ཀྱང་མི་ཡི་དབང་པོ་སེང་གེ་ཡི། །བཙུན་
Kha385a
༄#། །མོ་ཡིན་པས་ཆོས་ཀྱི་སྤུན་གྱུར་གྱི། །རི་དྭགས་རྒྱལ་པོའི་ཆུང་མས་བདག་ལམ་ཕྱེ། །དེ་སྐད་ཅེས་སྨྲས་པ་དང ། རི་དྭགས་ཀྱི་རྒྱལ་མོ་དེ་ལམ་དེ་ནས་ལོགས་ཤིག་ཏུ་སོང་ངོ ། ། དེ་ནས་རྒྱགས་སྦྱིན་མ་བསྟི་གནས་གང་ན་པ་དེར་སོང་བ་དང་ནག་པོ་དང ། དྲ་བ་ཅན་གང་ན་ཡང་མ་མཐོང་ནས། བྱང་ཆུབ་སེམས་དཔའི་དྲུང་དུ་སོང་སྟེ་སྨྲས་པ། རྗེའི་སྲས། བུས་པ་གཞོན་ནུ་གཉིས་གང་ན་མཆིས། བྱང་ཆུབ་སེམས་དཔས་སྨྲས་པ། ཁོ་བོའི་དྲུང་དུ་བྲམ་ཟེ་ཞིག་།རེ་བས་ཡང་དག་འོངས་གྱུར་ནས། །བུས་པ་དེ་གཉིས་དེ་ལ་བྱིན། །དེ་ལ་རྗེས་སུ་ཡི་རང་རིགས། །དེ་བརྒྱལ་ནས་ས་ལ་འགྱེལ་བ་དང ། དེ་ལ་ཆུ་མང་པོས་བཏབ་ནས་བརྟས་ཏེ་སྨྲས་པ། རྗེའི་སྲས། བུས་པ་གཞོན་ནུ་དཀའ་ཐུབ་ཀྱི་ནགས་ནས་བསྐྲུན་པ་བདེ་བའི་བདག་ཉིད་ཅན་དེ་དག་།ཁྱོད་ཀྱིས་ཅིའི་སླད་དུ་ཡོངས་སུ་སྤངས། དེ་ནས་བྱང་ཆུབ་སེམས་དཔས་རང་གི་ལུས་ལས་བླ་གོས་ཕུད་དེ་རྒྱགས་སྦྱིན་མ་ལ་སྨྲས་པ། ཅི། ང་དེ་གཉིས་ལ་བྱམས་པ་མེད་སྙམ་མམ། ངའི་བ་སྤུའི་ཁུང་བ་ཐམས་ཅད་ནས་གས་ཏེ་ཁྲག་ཕྱུང་བ་ལ་ལྟོས། ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམ་པ། བསྐལ་པ་བཟང་པོའི་བྱང་ཆུབ་སེམས་དཔའ་སྦྱིན་པ་ལ་དགའ་བས་གལ་ཏེ་འགའ་ཞིག་གིས་རྒྱགས་སྦྱིན་མ་བསླངས་ཏེ་དེ་ལ་བྱིན་ན། གཡོག་བྱེད་པ་མེད་པར་འགྱུར་རོ། །སྙམ་དུ་བསམ་ནས། བདག་ཉིད་བྲམ་ཟེའི་ཁྱེའུ་ཞིག་གི་ཆ་བྱད་དུ་སྤྲུལ་ནས་བྱང་ཆུབ་སེམས་དཔའི་
Kha385b
མདུན་དུ་འདུག་སྟེ་སྨྲས་པ། གྲོགས་པོ། གཡོག་བྱིན་ཅིག་།བྱང་ཆུབ་སེམས་དཔས་སྨྲས་པ། བདག་ལ་གཡོག་ག་ལ་ཡོད། བརྒྱ་བྱིན་གྱིས་སྨྲས་པ། རྒྱགས་སྦྱིན་མ་བྱིན་ཅིག་།བྱང་ཆུབ་སེམས་དཔས་རྒྱགས་སྦྱིན་མའི་གདོང་དུ་བརྟག་པར་བརྩམས་པ་དང ། རྒྱགས་སྦྱིན་མས་བྱང་ཆུབ་སེམས་དཔའི་བསམ་པ་ཤེས་ནས་སྨྲས་པ། རྗེའི་སྲས། གལ་ཏེ་ཁྱོད་ཀྱིས་བདག་ཉིད་བཏང་ན། སྩལ་དུ་གསོལ། བྱང་ཆུབ་སེམས་དཔས་སྨྲས་པ། བྲམ་ཟེ་ཁྱོད་ལ་སྦྱིན་ནོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས། བྲམ་ཟེའི་ཁྱེའུའི་ཆ་བྱད་མི་སྣང་བར་བྱས་ནས་རང་གི་ཆ་བྱད་དུ་འདུག་ནས་སྨྲས་པ། དྲང་སྲོང ། བདག་གི་རྒྱགས་སྦྱིན་མ་འདི། ཁྱོད་ལ་བཅོལ་གྱི། ཁྱོད་ཀྱིས་སུ་ལ་ཡང་མ་སྦྱིན་ཅིག་།རྒྱགས་སྦྱིན་མས་བརྒྱ་བྱིན་གྱི་རྐང་པ་གཉིས་ལ་མགོ་བོས་གཏུགས་ཏེ་སྨྲས་པ། ཀོའུ་ཤི་ཀ། ཅི་ནས་ཀྱང་བུས་པ་གཞོན་ནུ་དེ་གཉིས་བྲན་ཉིད་དུ་མི་འགྱུར་བ་དེ་ལྟར་མཛོད་ཅིག་།ལྷ་རྣམས་ཀྱི་དབང་པོ་བརྒྱ་བྱིན་གྱིས་དེ་བཞིན་དུ་བྱའོ། །ཞེས་སྨྲས་ནས། དེ་ཉིད་དུ་མི་སྣང་བར་གྱུར་ཏོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས། བུས་པ་གཞོན་ནུ་ཁྱེར་བའི་བྲམ་ཟེ་ཇི་ལྟར་ཐམས་ཅད་ཀྱི་གྲོང་རྡལ་དུ་འཚོང་བར་བརྩམས་པ་དེ་ལྟར་རྨོངས་པར་བྱས་སོ། །དེ་གཉིས་རྒྱལ་པོའི་ཞོ་ཤས་འཚོ་བ་རྣམས་ཀྱིས་མཐོང་ནས་དེ་རྣམས་རྒྱལ་པོའི་དྲུང་དུ་སོང་སྟེ་སྨྲས་པ། བུས་པ་ནག་པོ་དང་དྲ་བ་ཅན་ནི། བྲམ་ཟེ་ཞིག་ཚོང་དུས་ན་འཚོང་ཞིང་མཆིས་ལགས་སོ། །དེས་བསྒོ་བ། ཤེས་ལྡན་དག་།དེངས་ལ་ཁྲིད་དེ་ཤོག་
Kha386a
༄#། །ཅིག་།དེ་གཉིས་ཁྲིད་དེ་འོངས་པ་དང ། རྒྱལ་པོས་སྲང་ལ་གཞལ་ཏེ་མཉམ་དུ་གསེར་གྱིས་བླུས་སོ། །རྒྱལ་པོ་དེས་བློན་པོ་རྣམས་ལ་བསྒོ་བ། ཤེས་ལྡན་དག་།གང་ཞིག་ཁྱེའུ་དང་བུ་མོ་ཡངས་སུ་གཏང་བར་བྱེད་པ་དེ་ལ་གཞན་ཡོངས་སུ་གཏང་བར་མི་བྱ་བ་ཅི་ཡོད། གཞོན་ནུ་དེ་ཁུག་ཅིག་དང ། རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་གཞུག་གོ། བློན་པོ་རྣམས་ཀྱིས་དེ་དཀའ་ཐུབ་ཀྱི་གནས་ནས་བཀུག་སྟེ། དེ་རྒྱལ་པོའི་རྒྱལ་སྲིད་ཀྱི་དབང་ཕྱུག་ལ་བཞག་ནས་དེས་གྲོང་ཁྱེར་གྱི་སྒོ་བཞིར་མཆོད་སྦྱིན་གྱི་གནས་ཀྱི་ཁང་པ་བརྩིགས་ནས་ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་སྦྱིན་པ་དག་བྱིན། བསོད་ནམས་དག་བྱས་ཏེ། དེས་བདག་ཉིད་ཀྱི་མཆོད་སྦྱིན་གྱི་ཕུན་སུམ་ཚོགས་པ་མཐོང་ནས་ཚིགས་སུ་བཅད་དེ་སྨྲས་པ། བྱང་ཆུབ་བསོད་ནམས་དོན་གཉེར་བས། །དགེ་སྦྱོང་རྣམས་དང་བྲམ་ཟེ་དང ། །དམངས་རིགས་གདོལ་པ་གཡུང་པོ་ལའང ། །འཇིགས་པ་མེད་པར་སྦྱིན་པ་བྱིན། །གསེར་དང་དངུལ་དང་བ་ལང་དང ། །རྟ་དང་ནོར་བུ་རྒྱན་རྣམས་དང ། །དེ་བཞིན་ལས་དག་བྱེད་པའི་བྲན། །ཚུལ་ཁྲིམས་ལྡན་པ་རྣམས་ལ་སྦྱིན། །ཆགས་པ་མེད་པའི་སེམས་ཀྱིས་ནི། །བུ་དང་བུ་མོ་ཡོངས་བཏང་བས། །འཇིག་རྟེན་འདི་དང་ཕ་རོལ་ཏུ། །མི་ཡི་དག་པ་འཐོབ་པར་འགྱུར། །རྒྱལ་པོ་ཆེན་པོ། དེའི་ཚེ་དེའི་དུས་ན་རྒྱལ་པོ་ཐམས་ཅད་སྒྲོལ་ཞེས་བྱ་བར་གྱུར་པ་གང་གིས་བུ་དང་ཆུང་མ་ཡོངས་སུ་བཏང་བ་དེ། གཞན་ཞིག་ཡིན་སྙམ་ན།
Kha386b
ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན་རྒྱལ་པོ་ཐམས་ཅད་སྒྲོལ་ཞེས་བྱ་བར་གྱུར་ཏེ། ངས་དེ་ན་བུ་དང་ཆུང་མ་ཡོངས་སུ་བཏང་ངོ ། །རྒྱལ་པོ་ཆེན་པོ། །ངས་བུ་དང་ཆུང་མ་ཡོངས་སུ་བཏང་བ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་སྦྱིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྦྱིན་པ་དག་བྱིན། བསོད་ནམས་དག་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ཝཱ་ར་ཎཱ་སི་ཞེས་བྱ་བའི་གྲོང་ཁྱེར་དུ་རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དེ། དེ་འབྱོར་བ་དང ། རྒྱས་པ་དང ། ཞེས་བྱ་བ་ནས་ཆོས་བཞིན་གྱིས་རྒྱལ་སྲིད་བྱེད་དོ། །ཞེས་བྱ་བའི་བར་གོང་མ་བཞིན་དུའོ། །ཇི་ཙམ་ན་ལྟས་མཁན་དག་གིས་ཝཱ་ར་ཎཱ་སིར་ལོ་བཅུ་གཉིས་སུ་ཆར་པ་མི་འབབ་བོ། །ཞེས་ལུང་བསྟན་ཏོ། །དེ་ནས་རྒྱལ་པོ་ཚངས་སྦྱིན་གྱིས་རང་གི་ཡུལ་དུ་དྲིལ་སྒྲོག་ཏུ་བཅུག་པ། དེའི་ཡུལ་ན་གནས་པའི་ཤེས་ལྡན་གྲོང་ཁྱེར་བ་དག་ཉོན་ཅིག་།ལྟས་མཁན་དག་གིས་ལོ་བཅུ་གཉིས་སུ་ཆར་མི་འབབ་པར་ལུང་བསྟན་གྱི། ཁྱེད་ཅག་ལས་གང་དག་ལ་ལོ་བཅུ་གཉིས་སུ་བཟའ་བ་དང་བཏུང་བ་ཡོད་པ་དེ་རྣམས་ནི། འདུག་ཅིག་།གཞན་རྣམས་ནི། བཟའ་བ་དང་བཏུང་བ་མོད་པའི་ཡུལ་དུ་དེངས་ཤིག་།ལོ་ལེགས་པར་གྱུར་པ་དང་སླར་ཡང་ཤོག་ཅིག་།དེའི་ཚེ་ཝཱ་ར་ཎཱ་སིའི་
Kha387a
༄#། །གྲོང་ཁྱེར་ན་ཁྱིམ་བདག་འདུམ་བྱེད་ཅེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་སོ། །དེས་མངན་བཀུག་སྟེ་སྨྲས་པ། ཀྱེ་ནང་རྗེ། བང་བ་ན་བདག་འཁོར་གྱི་སྐྱེ་བོ་དང་བཅས་པ་ལོ་བཅུ་གཉིས་ཀྱི་རྒྱགས་ཐུབ་པ་ཡོད་དམ། འོན་ཏེ་མེད། དེས་སྨྲས་པ། ཇོ་བོ། མཆིས་སོ། །དེ་ནས་ཁྱིམ་བདག་འདུམ་བྱེད་འཁོར་དང་བཅས་པ་ནི། འདུག་གོ། སྐྱེ་བོའི་ཚོགས་གཞན་ནི། བཟའ་བ་དང་བཏུང་བ་མོད་པའི་ཡུལ་དུ་དོང་ངོ ། །སངས་རྒྱས་འབྱུང་བ་མེད་པ་ན་འཇིག་རྟེན་དུ་རང་སངས་རྒྱས་དམན་པ་དང ། ངན་པ་ལ་སྙིང་བརྩེ་བ་ཅན། བས་མཐའི་གནས་མལ་དག་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་བས། ཇི་ཙམ་ན་ཝཱ་ར་ཎཱ་སི་དེའི་ཕྱོགས་གཅིག་ཏུ་རང་སངས་རྒྱས་ལྔ་བརྒྱ་གནས་སོ། །ཕྱོགས་གཞན་ཞིག་ཏུ་ཡང་རང་སངས་རྒྱས་ལྔ་བརྒྱའོ། །དེ་ནས་རང་སངས་རྒྱས་ལྔ་བརྒྱ་པོ་དག་སྔ་དྲོ་ཤམ་ཐབས་བགོས། ལྷུང་བཟེད་དང ། ཆོས་གོས་ཐོགས་ཏེ་ཁྱིམ་བདག་འདུམ་བྱེད་ག་ལ་བ་དེར་དོང་སྟེ་ལྷགས་པ་དང ། ཁྱིམ་བདག་འདུམ་བྱེད་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ཀྱིས་རབ་ཏུ་བྱུང་བ་ལྔ་བརྒྱ་ལ་ལོ་བཅུ་གཉིས་སུ་བསོད་སྙོམས་འབུལ་ནུས་སམ། དེས་སྨྲས་པ། འཕགས་པ་དག་།རེ་ཞིག་མངན་ལ་རྨས་ཏེ་བགྱིའོ། །དེས་མངན་བཀུག་སྟེ་སྨྲས་པ། ཀྱེ་ནང་རྗེ། བདག་འཁོར་དང་བཅས་
Kha387b
པ་དང ། རབ་ཏུ་བྱུང་བ་ལྔ་བརྒྱ་པོ་འདི་རྣམས་ཀྱི་ལོ་བཅུ་གཉིས་ཀྱི་རྒྱགས་ཐུབ་པ་ཡོད་དམ། དེས་སྨྲས་པ། ཇོ་བོ། མཆིས་སོ། །དེ་ནས་རང་སངས་རྒྱས་ལྔ་བརྒྱ་པོ་དེ་རྣམས་ལ་ཁས་བླངས་སོ། །ཇི་ཙམ་ན་ཕྱི་དྲོའི་དུས་སུ་རང་སངས་རྒྱས་ལྔ་བརྒྱ་པོ་གཞན་ཡང་ལྷགས་ནས་ཁྱིམ་བདག་འདུམ་བྱེད་ལ། ཁྱིམ་བདག་།རང་སངས་རྒྱས་ལྔ་བརྒྱ་པོ་འདི་དག་ལ་ཁྱོད་ཀྱིས་ལོ་བཅུ་གཉིས་སུ་བསོད་སྙོམས་དབུལ་བར་ནུས་སམ་ཞེས་བསླངས་པ་དང ། དེས་སྨྲས་པ། འཕགས་པ་དག་།ཁྱེད་ཅག་ལ་གཡར་གྱིས་བླངས་ལགས་ན། ཡང་བསླང་ཅི་འཚལ། དེ་རྣམས་ཀྱིས་སྨྲས་པ། ཁྱིམ་བདག། དེ་དག་ཀྱང་གཞན་ལ། བདག་ཅག་ཀྱང་གཞན་ཡིན་ནོ། །དེས་སྨྲས་པ། འཕགས་པ་དག་།གལ་ཏེ་དེ་ལྟ་ན། དེ་རི་ཞིག་མངན་ལ་རྨས་ཏེ་བགྱིའོ། །དེས་མངན་བཀུག་སྟེ་སྨྲས་པ། ཀྱེ་ནང་རྗེ། བདག་འཁོར་དང་བཅས་པ་དང ། རབ་ཏུ་བྱུང་བ་སྟོང་གི་ལོ་བཅུ་གཉིས་ཀྱི་རྒྱགས་ཐུབ་པ་ཡོད་དམ། དེས་སྨྲས་པ། ཇོ་བོ། མཆིས་སོ། །དེ་ནས་ཁྱིམ་བདག་དེས་རང་སངས་རྒྱས་ལྔ་བརྒྱ་པོ་དེ་རྣམས་ལ་ཁས་བླངས་ཏེ་ཞུས་པ། ཁྱེད་ཅག་གི་དུས་གང་ལགས། དེ་རྣམས་ཀྱིས་སྨྲས་པ། གུང་ཚིགས་མ་ཡོལ་བའོ། །དེ་ནས་ཁྱིམ་བདག་འདུམ་བྱེད་ཀྱིས། སྦྱིན་པའི་ཁང་པ་བརྩིགས་ནས་སྦྱིན་པའི་ཞལ་ཏ་བའི་མི་དག་ཀྱང་བསྐོས། དུས་ཚོད་བརྗོད་པ་དག་ཀྱང་བསྐོས་ཏེ། དེས་ཉི་མ་རེ་རེ་ཞིག་རང་སངས་རྒྱས་སྟོང་ལ་བསོད་སྙོམས་འབུལ་དུ་བཅུག་གོ་།མུ་གེ་དེ་ཡང་ལོ་བསྟུད་མ་ཁོ་ནར་བར་ཡེ་མ་ཆད་ནས། དེ་ནས་ཁྱིམ་བདག་དེས་རང་སངས་
Kha388a
༄#། །རྒྱས་རྣམས་ལ་ཞུས་པ། འཕགས་པ་དག་།ལྷས་ཆར་འབེབས་པར་འགྱུར་རམ། ཆར་འབེབས་པར་འགྱུར་རོ། །བདག་གིས་ས་བོན་སྩལ་ཏམ། ཐོབ་ཅིག་།དེ་དག་གིས་ས་བོན་བཏབ་བོ། །ལྷ་རྣམས་ཀྱི་དབང་པོ་བརྒྱ་བྱིན་གྱི་ཤེས་པ་མཐོང་བ་ནི། འོག་ཏུ་འཇུག་པ་ཡིན་གྱི། དེས་བསམ་པ། འཇིག་རྟེན་ན་ཡོན་གནས་གང་ཇི་སྙེད་པ་དེ་རྣམས་ཀྱི་མཆོག་ནི། རང་སངས་རྒྱས་རྣམས་ཡིན་ལ། སྦྱིན་བདག་གང་ཇི་སྙེད་པ་དེ་རྣམས་ཀྱི་མཆོག་ནི། ཁྱིམ་བདག་འདུམ་བྱེད་ཡིན་གྱི། བདག་གིས་འདི་དག་གི་གྲོགས་བྱའོ། །སྙམ་ནས། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་དབང་པོ་ཆེན་པོའི་ཆར་ཕབ་པ་དང ། ལོ་ཏོག་དེ་རྣམས་ཀུ་བར་སྐྱེས་སོ། །དེ་ནས་སྐྱེ་བོའི་ཚོགས་དེ་རྣམས་ཀྱིས། རང་སངས་རྒྱས་རྣམས་ལ་ཞུས་པ། འཕགས་པ་དག། བདག་ཅག་གི་ལོ་ཏོག་བསྐྲུན་པ་གང་ལགས་པ་དེ་དག་ཀུ་བར་སྐྱེས་པར་གྱུར་ན། དེ་ལ་ཇི་ལྟར་བསྒྲུབ་པར་བགྱི། དེ་རྣམས་ཀྱིས་སྨྲས་པ། མ་བཅད་པར་སྐྲུན་ཅིག་།དེ་རྣམས་ཀྱིས་བསྐྲུན་པ་ལས། མེ་ཏོག་དང ། འབྲས་བུ་རྫ་མའི་ཚད་ཙམ་ཆགས་སོ། །དེ་ནས་དེ་རྣམས་ཀྱིས་རང་སངས་རྒྱས་དེ་དག་ལ་རྒྱས་པར་སྨྲས་པ་དང ། དེ་རྣམས་ཀྱིས་སྨྲས་པ། མ་གཅད་ཅིག་དང ། རང་ཉིད་སྨིན་ནས་གས་པར་འགྱུར་རོ། ། ཇི་ཙམ་ན་དེ་རྣམས་སྨིན་ནས་གས་པ་དང ། གང་གིས་ས་བོན་ཇི་ལྟ་བུ་བཏབ་པ་དེ་དེའི་ཁོ་ན་ལྟ་བུ་ཤ་སྟག་གིས་གང་བར་གྱུར་ཏོ། །དེ་ནས་མུ་གེ་རྒྱུན་ཆད་ནས་ལོ་ལེགས་པར་གྱུར་ནས་ཡུལ་ཕྱོགས་
Kha388b
སྣ་ཚོགས་ན་གནས་པའི་སྐྱེ་བོའི་ཚོགས་དང ། སྲོག་ཆགས་གང་དག་མུ་གེས་འཇིགས་སྐྲག་ནས་དོང་བ་རྣམས་ཀྱང་ཡུལ་ཝཱ་ར་ཎཱ་སིར་འོངས་སོ། །དེ་ནས་མུ་གེ་རྒྱུན་ཆད་དེ་ལོ་ལེགས་པར་གྱུར་ནས། ཁྱིམ་བདག་འདུམ་བྱེད་ཀྱིས་དེ་ན་རང་སངས་རྒྱས་སྟོང་ལ་གཙང་ཞིང་བསོད་པའི་བཟའ་བ་དང་བཅའ་བ་སྣ་ཚོགས་དང ། ཚོད་མ་རོ་དང་ལྡན་པ་རྣམས་ཀྱིས་ཚིམ་པར་བྱས་ཏེ། ཚིགས་སུ་བཅད་དེ་སྨྲས་པ། བློ་ལྡན་མཁས་པས་ནོར་དང་ནི། །དད་པ་ཤེས་རབ་རྙེད་ནས་ནི། །སྐྱེས་བུ་དེ་ཡིས་རྟག་པར་ཡང ། །འདོད་ཆགས་བྲལ་ལ་ཡོན་དབུལ་ལོ། །རྫུ་འཕྲུལ་ལྡན་ཞིང་འོད་དང་ལྡན། །ཁ་དོག་ལྡན་ཞིང་གྲགས་ལྡན་པའི། །བརྟན་རྣམས་གང་གིས་བཤོས་གསོལ་པ། །དེ་ཡི་རིགས་ནི་བདེ་བར་འཕེལ། །དེ་ལྟར་ཚུལ་ཁྲིམས་ཕུན་ཚོགས་པའི། །ཡོན་གནས་དག་ལ་ཡོན་ཕུལ་ན། །འཇིག་རྟེན་འདི་དང་ཕ་རོལ་དུ། །བདེ་བ་དག་ཏུ་འགྱུར་བ་ཉིད། །རྒྱལ་པོ་ཆེན་པོ། དེའི་ཚེ་དེའི་དུས་ན་ཁྱིམ་བདག་འདུམ་བྱེད་ཅེས་བྱ་བར་གྱུར་པ་གང་གིས་མུ་གེ་ལོ་བཅུ་གཉིས་སུ་བྱུང་བ་ན། རང་སངས་རྒྱས་སྟོང་ལ་བསོད་སྙོམས་སྦྱར་ཅིང ། དེའི་གྲོགས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱས་པ་དེ་གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། ཁྱིམ་བདག་འདུམ་བྱེད་ཅེས་བྱ་བ་དེར་གྱུར་ཏོ། ང་ཉིད་ཀྱིས་དེ་ན་མུ་གེ་ལོ་བཅུ་གཉིས་སུ་བྱུང་བ་ན། རང་སངས་རྒྱས་སྟོང་ལ་བསོད་སྙོམས་སྦྱར་བས། ངའི་གྲོགས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱས་སོ། །རྒྱལ་པོ་
Kha389a
༄#། །ཆེན་པོ། ངའི་སྦྱིན་པའམ། སྦྱིན་པའི་བགོ་བཤའ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་སྦྱིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །སྡོམ་ལ། སྤྲིན་ཤུགས་དབང་པོ་སྤྲུལ་མགོ་གཉིས། །དེ་བཞིན་ཆུ་སྲེག་ནེ་ཙོ་དང ། །སྟོན་མོ་རུས་སྦལ་སྡེ་བཟང་དང ། །དེད་དཔོན་ཚོགས་སུ་བསྡུས་པ་ཡིན། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་རྣམས་རྗེས་སུ་བཟུང་བ་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། འཛམ་བུའི་གླིང་གི་དོན་མཐུན་པ་རབ་ཏུ་མང་པོ་དག་ཅིག་རྒྱ་མཚོའི་གྲུ་བོ་ཆེ་བསྒྲུབས་ཏེ་རྒྱ་མཚོ་ཆེན་པོར་འཇུག་པར་འདོད་ནས། དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་།བདག་ཅག་རྒྱ་མཚོ་ཆེན་པོར་ཞུགས་པ་རྣམས་འདི་ལྟ་སྟེ་གཅིག་ལ་གཅིག་ཕན་ཐོགས་པར་མངོན་པ་མེད་ཀྱི། མ་ལ་བདག་ཅག་ནོར་ཚོལ་བ་རྣམས་སོ་སོ་ནས་ཕོངས་པ་ན་དགོས་པ། རྐྱལ་གྱི་ཆ་སྤྱད་དག་ཁྱེར་ཏེ་རྒྱ་མཚོ་ཆེན་པོར་འཇུག་པར་བྱའོ། །ཞེས་དེ་ལྟར་ཆད་བཅད་ནས་ནོར་ཚོལ་བ་རྣམས་སོ་སོ་ནས་ཕོངས་པ་ན་དགོས་པ། རྐྱལ་གྱི་ཆ་བྱད། ཁ་ཅིག་གིས་ནི། ཤིང་ཤལ་མ་ལའི་སྤང་ལེབ། ཁ་ཅིག་གིས་ནི། རས་སྒྱེ་ནང་ཚངས་ཅན། ཁ་ཅིག་གིས་ནི་ཀུ་བ་བརྒྱུས་པ། ཁ་ཅིག་གིས་ནི། ར་རྐྱལ་ཁྱེར་ཏེ་རྒྱ་
Kha389b
མཚོ་ཆེན་པོར་ཞུགས་སོ། །དེ་རྣམས་རྒྱ་མཚོ་ཆེན་པོའི་དབུས་སུ་ཕྱིན་པ་དང་ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བོ་ཆེ་བཤིག་གོ་།གྲུ་བོ་ཆེ་བ་ཤིག་པ་དང་དེ་རྣམས་རྐྱལ་པ་རེ་རེ་ལ་ཞོན་ཏེ་ཆུ་ཇི་ལྟ་བ་བཞིན་དུ་ཁྱེར་ཏེ་དོང་བ་ལས། དེ་རྣམས་ཀྱི་ལས་ཀྱི་རྣམ་པར་སྨིན་པ་ལས་བྱུང་བའི་རླུང་བྱང་ཕྱོགས་ནས་ལངས་ཏེ། དེས་ལྷོ་ཕྱོགས་ཀྱི་འགྲམ་དུ་ཁྱེར་བ་དང ། དེ་ན་བུད་མེད་གཟུགས་བཟང་མོ། མཛེས་མ། བལྟ་ན་སྡུག་པ་དག་ཡོད་དེ། དེ་དག་གིས་འདི་སྐད་ཅེས་སྨྲས་སོ། །ཇོ་བོ་དག་།ཚུར་སྤྱོན། བཞིན་བཟང་དག་།ཚུར་སྤྱོན། བདག་ཅག་ཇོ་བོ་མ་མཆིས་པ་རྣམས་ཀྱི་ཇོ་བོ་དང ། ཁྱིམ་ཐབ་མ་མཆིས་པ་རྣམས་ཀྱི་ཁྱིམ་ཐབ་དང ། གནས་མ་མཆིས་པ་རྣམས་ཀྱི་གནས་དང ། གླིང་མ་མཆིས་པ་རྣམས་ཀྱི་གླིང་དང ། མགོན་མ་མཆིས་པ་རྣམས་ཀྱི་མགོན་དང ། སྐྱབས་མ་མཆིས་པ་རྣམས་ཀྱི་སྐྱབས་དང ། རྟེན་མ་མཆིས་པ་རྣམས་ཀྱི་རྟེན་མཛོད་ཅིག་།འདི་དག་ནི་ཁྱེད་ཀྱི་ཟས་ཀྱི་ཁང་པ་དང ། སྐོམ་གྱི་ཁང་པ་དང ། གོས་ཀྱི་ཁང་པ་དང ། གནས་མལ་གྱི་ཁང་པ་དང ། དགའ་བར་འགྱུར་བའི་ཀུན་དགའ་ར་བ་དང ། དགའ་བར་འགྱུར་བའི་ཚལ་དང ། དགའ་བར་འགྱུར་བའི་རྫིང་དང ། འཛམ་བུ་གླིང་གི་རིན་པོ་ཆེ་རབ་ཏུ་མང་བོ་འདི་ལྟ་སྟེ། ནོར་བུ་དང ། མུ་ཏིག་དང ། བཻ་ཌཱུརྱ་དང ། དུང་དང ། མན་ཤེལ་དང ། བྱི་རུ་དང ། དངུལ་དང ། གསེར་དང ། རྡོའི་སྙིང་པོ་དང ། སྤུག་དང ། པདྨ་རཱ་ག་དང ། དུང་གཡས་སུ་འཁྱིལ་བ་དག་ལགས་ཀྱི། ཁྱེད་ཚུར་སྤྱོན། བདག་ཅག་དང་ལྷན་ཅིག་ཏུ་རྩེད་མོ་བགྱི། དགའ་བར་
Kha390a
༄#། །བགྱི། དགའ་མགུར་སྤྱད་པར་བགྱིའོ། །ཁྱེད་ཅག་ལ་སུ་ཡང་སྨོས་ཀྱང་ལྷོ་ཕྱོགས་ཀྱི་ལམ་དུ་མ་བཞུད་ཅིག་།དེ་དག་བུད་མེད་དེ་རྣམས་དང་ལྷན་ཅིག་ཏུ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་དག་དེ་རྣམས་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་ཕོ་དང་བུ་མོ་དག་བཙས་སོ། །དེ་ནས་ཚོང་པ་མཁས་པའི་རང་བཞིན་ཅན་ཞིག་འདི་སྙམ་དུ་སེམས་ཏེ། ཅིའི་ཕྱིར་བུད་མེད་དེ་དག་གིས་ལྷོ་ཕྱོགས་ཀྱི་ལམ་ལྷག་པར་སྲུང་བར་སེམས། མ་ལ་བདག་གིས་བུད་མེད་གང་དང་ལྷན་ཅིག་ཉལ་བ་དེ་མལ་དུ་གཉིད་ལོག་པར་རིག་ནས། བགས་ཀྱིས་དལ་བུ་དལ་བུས་མལ་ནས་བབས་ལ་ལྷོ་ཕྱོགས་ཀྱི་ལམ་དུ་འགྲོའོ། །སྙམ་ནས། དེ་དེ་ལྟར་ངེས་པར་བྱས་ནས་བུད་མེད་གང་དང་ལྷན་ཅིག་ཉལ་བ་དེ་གཉིད་ཀྱིས་ལོག་པར་རིག་ནས། བགས་ཀྱིས་དལ་བུ་དལ་བུས་མལ་ནས་བབས་ཏེ་རལ་གྲི་རྣོན་པོ་མཆན་དུ་ཐོགས་ནས་ལྷོ་ཕྱོགས་ཀྱི་ལམ་དུ་སོང་བ་དང ། དེ་དེ་ན་སྐྱེ་བོའི་ཚོགས་ཆེན་པོ་སྨྲེ་སྔགས་འདོན་པའི་སྒྲ། ཀྱི་ཧུད་མ། ཀྱི་ཧུད་ཕ། ཀྱི་ཧུད་སྲིང་མོ། ཀྱི་ཧུད་སྤུན། ཀྱི་ཧུད་འཛམ་བུའི་གླིང་བཀྲ་བས་སྤངས་སམ། འདི་ལྟར་འཛམ་བུའི་གླིང་ན་རེ་སྐྱིད་ཅེས་སྒྲ་འབྱིན་པ་དག་ཐོས་སོ། །ཐོས་ནས་ཀྱང་དེ་འཇིགས་པར་གྱུར། རྨོངས་པར་གྱུར། སྐྱི་བུང་ཞེས་བྱེད་པར་གྱུར་ཏོ། །དེ་ནས་ཚོང་བ་མཁས་པའི་རང་བཞིན་ཅན་དེས། འཇིགས་པ་དང ། སྐྱི་བུང་ཞེས་བྱེད་པ་དེ་ཤིན་ཏུ་ལེགས་པར་བསལ་ནས་ལྷོ་ཕྱོགས་
Kha390b
ཀྱི་ལམ་དེ་ཁོ་ནའི་རྗེས་སུ་སོང་བ་དང ། དེས་དེ་ན་ལྕགས་ཀྱི་མཁར་ཆེན་པོ་མཐོ་ཞིང་རྒྱ་ཆེ་བ་ཞིག་མཐོང་ནས། དེས་གྲོང་ཁྱེར་དེའི་མཐའ་ཁོ་ར་ཁོར་ཡུལ་ཏུ་བསྐོར་ན། ཅི་ནས་ཀྱང་སྒོ་ཅུང་ཟད་ཅིག་རྙེད་གྲང་སྙམ་ནས། དེས་གྲོང་ཁྱེར་དེའི་མཐའ་ཁོ་ར་ཁོར་ཡུག་ཏུ་བསྐོར་བ་དང ། ཆུང་དུ་ན་བྱི་ལའམ་སྤྲུལ་འཛུལ་པའི་སྒོ་ཙམ་ཡང་མ་རྙེད་དོ། །དེ་ན་ཤིང་ཤི་རི་ཤ་ཞེས་བྱ་བ་སྤོམ་ལ་རིང་བ་ཞིག་མཐོང་ནས། དེ་ནས་ཚོང་པ་མཁས་པའི་རང་བཞིན་ཅན་དེས། ཤིང་ཤི་རི་ཤ་དེ་ལ་པགས་ཀྱིས་དེ་དལ་བུ་དལ་བུས་འཛེགས་ནས་སྐྱེ་བོའི་ཚོགས་ཆེན་ལ་འདི་སྐད་ཅེས་སྨྲས་སོ། །ཤེས་ལྡན་དག་།ཅིའི་ཕྱིར་ཀྱི་ཧུད་མ། ཀྱི་ཧུད་ཕ། ཀྱི་ཧུད་སྲིང་མོ། ཀྱི་ཧུད་སྤུན། ཀྱི་ཧུད་འཛམ་བུའི་གླིང་བཀྲ་བས་སྤངས་སམ། འདི་ལྟར་འཛམ་བུའི་གླིང་ན་རེ་སྐྱིད་ཅེས་ཤིན་ཏུ་སྨྲེ་སྔགས་འདོན། དེ་རྣམས་ཀྱིས་སྨྲས་པ། ཀྱེ་ནང་རྗེ། བདག་ཅག་འཛམ་བུའི་གླིང་གི་དོན་འཐུན་ནོར་ཚོལ་བ་རབ་ཏུ་མང་པོ་དག་ཅིག་རྒྱ་མཚོའི་གྲུ་བོ་ཆེ་བསྒྲུབས་ཏེ་རྒྱ་མཚོ་ཆེན་པོར་འཇུག་པར་འདོད་པ་ལས། བདག་ཅག་འདི་སྙམ་དུ་སེམས་ཏེ། ཤེས་ལྡན་དག་།བདག་ཅག་རྒྱ་མཚོ་ཆེན་པོར་ཞུགས་པ་རྣམས་འདི་ལྟ་སྟེ། གཅིག་ལ་གཅིག་ཕན་འདོགས་པར་མངོན་པ་མེད་ཀྱི། མ་ལ་བདག་ཅག་ནོར་ཚོལ་བ་རྣམས་སོ་སོ་ནས་ཕོངས་པ་ན་དགོས་པ། རྐྱལ་གྱི་ཆ་བྱད་དག་ཁྱེར་ཏེ་རྒྱ་མཚོ་ཆེན་པོར་འཇུག་པར་བྱའོ། །ཞེས་དེ་ལྟར་ཆད་བཅད་ནས་ནོར་ཚོལ་བ་རྣམས་སོ་སོ་ནས་ཕོངས་པ་ན་དགོས་པ་རྐྱལ་གྱི་ཆ་བྱད། ཁ་ཅིག་གིས་ནི། ཤིང་ཤལ་མ་ལའི་སྤང་ལེབ། ཁ་ཅིག་གིས་
Kha391a
༄#། །ནི།་རས་སྒྱེ་ནང་ཚངས་ཅན། ཁ་ཅིག་གིས་ནི། ཀུ་བ་བརྒྱུས་པ། ཁ་ཅིག་གིས་ནི། ར་རྐྱལ་ཁྱེར་ཏེ་རྒྱ་མཚོ་ཆེན་པོར་ཞུགས་སོ། །བདག་ཅག་རྒྱ་མཚོ་ཆེན་པོའི་དབུས་སུ་ཕྱིན་པ་དང་ཆུ་སྲིན་ཉའི་རིགས་ཀྱིས་གྲུ་པོ་ཆེ་བཤིག་གོ་།གྲུ་བོ་ཆེ་བཤིག་ནས་བདག་ཅག་རྐྱལ་པ་རེ་རེ་ལ་ཞོན་ཏེ་ཆུ་ཇི་ལྟ་བ་བཞིན་ཁྱེར་ཏེ་དོང་བ་ལས། བདག་ཅག་གི་ལས་ཀྱི་རྣམ་པར་སྨིན་པ་ལས་བྱུང་བའི་རླུང་བྱང་ཕྱོགས་ནས་ལངས་ཏེ། དེས་བདག་ཅག་ལྷོ་ཕྱོགས་ཀྱི་འགྲམ་དུ་ཁྱེར་བ་དང ། དེ་ན་བུད་མེད་གཟུགས་བཟང་མོ། མཛེས་མ། བལྟ་ན་སྡུག་པ་དག་ཡོད་དེ། དེ་དག་གིས་འདི་སྐད་ཅེས་སྨྲས་སོ། །ཇོ་བོ་དག་ཚུར་སྤྱོན། བཞིན་བཟང་དག་ཚུར་སྤྱོན། བདག་ཅག་ཇོ་བོ་མ་མཆིས་པ་རྣམས་ཀྱི་ཇོ་བོ་དང ། ཁྱིམ་ཐབ་མ་མཆིས་པ་རྣམས་ཀྱི་ཁྱིམ་ཐབ་དང ། གནས་མ་མཆིས་པ་རྣམས་ཀྱི་གནས་དང ། གླིང་མ་མཆིས་པ་རྣམས་ཀྱི་གླིང་དང ། མགོན་མ་མཆིས་པ་རྣམས་ཀྱི་མགོན་དང ། སྐྱབས་མ་མཆིས་པ་རྣམས་ཀྱི་སྐྱབས་དང ། རྟེན་མ་མཆིས་པ་རྣམས་ཀྱི་རྟེན་མཛོད་ཅིག་།འདི་དག་ནི་ཁྱེད་ཀྱི་ཟས་ཀྱི་ཁང་པ་དང ། སྐོམ་གྱི་ཁང་པ་དང ། གོས་ཀྱི་ཁང་པ་དང ། གནས་མལ་གྱི་ཁང་པ་དང ། དགའ་བར་འགྱུར་བའི་ཀུན་དགའ་ར་བ་དང ། དགའ་བར་འགྱུར་བའི་ཚལ་དང ། དགའ་བར་འགྱུར་བའི་རྫིང་དང ། འཛམ་བུའི་གླིང་གི་རིན་པོ་ཆེ་རབ་ཏུ་མང་པོ་འདི་ལྟ་སྟེ། ནོར་བུ་དང ། མུ་ཏིག་དང ། བཻ་ཌཱུརྱ་དང ། དུང་དང ། མན་ཤེལ་དང ། བྱི་རུ་དང ། དངུལ་དང ། གསེར་དང ། རྡོའི་སྙིང་པོ་
Kha391b
དང ། སྦུག་དང ། པདྨ་རཱ་ག་དང ། དུང་གཡས་སུ་འཁྱིལ་བ་དག་ལགས་ཀྱི། ཁྱེད་ཚུར་སྤྱོན། བདག་ཅག་དང་ལྷན་ཅིག་རྩེད་མོ་བགྱི། དགའ་བར་བགྱི། དགའ་མགུར་སྤྱད་པར་བགྱིའོ། །ཁྱེད་ཅག་ལས་སུ་ཡང་སྨྱོས་ཀྱང་ལྷོ་ཕྱོགས་ཀྱི་ལམ་དུ་མ་བཞུད་ཅིག་།བདག་ཅག་བུད་མེད་དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། བདག་ཅག་དེ་དག་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཁྱེའུ་དང་བུ་མོ་དག་བཙས་ཏེ། ཇི་སྲིད་འཛམ་བུའི་གླིང་གི་དོན་མཐུན་གཞན་རྣམས་ཀྱི་རྒྱ་མཚོའི་གྲུ་བོ་ཆེ་ཞིག་གོ། ཞེས་མ་ཐོས་པ་དེ་སྲིད་དུ་བུད་མེད་དེ་དག་དང་བདག་ཅག་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། གང་གི་ཚེ་བུད་མེད་རྣམས་ཀྱིས་འཛམ་བུའི་གླིང་གི་དོན་མཐུན་རབ་ཏུ་མང་པོ་གཞན་དག་ཀྱང་རྒྱ་མཚོ་ཆེན་པོའི་དབུས་སུ་ཕྱིན་པ་དང ། ཆུ་སྲིན་ཉའི་རིགས་ཀྱིས་རྒྱ་མཚོའི་གྲུ་བོ་ཆེ་བཤིག་གོ་།ཞེས་ཐོས་ནས། དེ་ནས་བདག་ཅག་གི་དྲུང་དུ་འོངས་ཏེ་ཁ་ཅིག་ནི། ཟོས་སོ། ། སྐྱེས་པ་ཟ་བར་བྱེད་པ་ན་ལྷག་རོལ་སྐྲའམ། སྤུའམ། སེན་མོའམ། སོ་ལུས་པ་གང་དག་ཡིན་པ་དེ་དག་ཀྱང་མ་ལུས་པར་ཟ་བར་བྱེད་དོ། །དེ་རྣམས་ཟ་བར་བྱེད་པ་ན་ཁྲག་དྲོན་པོའི་ཐིགས་པ་ས་ལ་ལྷུང་བ་གང་དག་ཡོད་ན་ཡང་དེ་དག་ཀྱང་སོར་མོའི་རྩེ་མོ་རྣམས་ཀྱིས་བྲུད་དེ་ས་དང་བཅས་པར་ཁར་འཇུག་པར་བྱེད་དོ། །བདག་ཅག་ཁ་ཅིག་ནི། ལྕགས་ཀྱི་མཁར་འདིར་བཅུག་གོ། །ཀྱེ་ནང་རྗེ། འདི་དག་ནི། མིའི་
Kha392a
༄#། །བུད་མེད་མ་ཡིན་ཏེ། སྲིན་མོ་ཡིན་གྱི་འདི་དག་ལས་བདག་ཉིད་སྲུང་ཤིག་།དེ་སྐད་ཅེས་སྨྲས་པ་དང ། ཚོང་པ་མཁས་པའི་རང་བཞིན་ཅན་གྱིས། སྐྱེ་བོའི་ཚོགས་ཆེན་པོ་དེ་དག་ལ་འདི་སྐད་ཅེས་སྨྲས་སོ། །གང་གིས་ན། ཁྱེད་ཅག་དང ། བདག་ཅག་ལེགས་པ་དང ། བདེ་བར་འཛམ་བུའི་གླིང་དུ་ཕྱིན་པར་འགྱུར་བའི་ཐབས་འགའ་ཅི་ཡོད། དེ་རྣམས་ཀྱིས་འདི་སྐད་ཅེས་སྨྲས་སོ། །ཀྱེ་ནང་རྗེ། རེ་ཞིག་བདག་ཅག་གང་གིས་ན། ལེགས་པ་དང ། བདེ་བར་འཛམ་བུའི་གླིང་དུ་ཕྱིན་པར་འགྱུར་བའི་ཐབས་ནི། ཅུང་ཟད་ཀྱང་ཁོ་བོ་ཅག་ལ་མེད་དེ། དེ་ཅིའི་ཕྱིར་ཞེ་ན། གལ་ཏེ་བདག་ཅག་གིས་འདི་སྙམ་དུ། ཀྱེ་མ་བདག་ཅག་གིས་ལྕགས་ཀྱི་མཁར་འདི་ལས་བརྒལ་ཏེ་འབྲོས་སོ། །སྙམ་དུ་བསམ་ན། དེའི་ཉིས་འགྱུར་རམ། དེའི་སུམ་འགྱུར་གྱིས་མཐོན་པོར་འགྱུར་རོ། །གལ་ཏེ་བདག་ཅག་གིས་འདི་སྙམ་དུ། ཀྱེ་མ་བདག་ཅག་གིས་ལྕགས་ཀྱི་མཁར་འདི་ལས་བརྒལ་ཏེ་འབྲོས་སོ། །སྙམ་དུ་བསམ་ན། དེའི་ཉིས་འགྱུར་རམ། དེའི་སུམ་འགྱུར་གྱིས་ཞེང་དུ་སྐྱེ་བར་འགྱུར་ཏེ། དེ་ལྟར་རེ་ཞིག་བདག་ཅག་ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་འགྱུར་བའི་ཐབས་བདག་ཅག་ལ་མེད་དོ། །འོན་ཀྱང་གང་གིས་ན། ཁྱེད་ཅག་ནི། སླར་ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་འགྱུར་བའི་ཐབས་ཡོད་དེ། འདི་ན་བདག་ཅག་གི་བར་སྣང་ལ་རྒྱུ་བའི་ལྷ་རྣམས། ཀྱེ་མ་འཛམ་བུའི་གླིང་གི་དོན་མཐུན་རྣམས་གསོ་སྦྱོང་བཅོ་ལྔ་པ་དེ་ཉིད་ལ། བྱང་ཕྱོགས་ཀྱི་གསེབ་ལམ་
Kha392b
གང་ན་རྟའི་རྒྱལ་པོ་སྤྲིན་གྱི་ཤུགས་ཅན། མ་རྨོས་མ་བཏབ་པའི་འབྲས་སཱ་ལུ་ཟ་བ། བདེ་བ་དང ། ནད་མེད་པ་དང ། སྟོབས་དང་ལྡན་པས་དབང་པོ་རྣམས་ཚིམ་པ། མགོ་འཕང་བསྟོད་དེ་ཕ་རོལ་ཏུ་འགྲོ་བ་ནི། སུ་ཡོད། སུ་ནི། ཕ་རོལ་དུ་བཀྲི། སུ་ནི། འཛམ་བུའི་གླིང་དུ་ལེགས་པ་དང་བདེ་བར་ཕྱིན་པར་བྱ་ཞེས་ཆེད་དུ་བརྗོད་པ་ཆེད་དུ་བརྗོད་པ་ཡོད་པར་མི་འགྲོ་བ་ནི། བྱིས་པའོ། །ཞེས་སྒྲ་འབྱིན་པ་ཐོས་ཀྱི། ཁྱེད་དེའི་དྲུང་དུ་དེངས་ལ་འདི་སྐད་ཅེས། བདག་ཅག་ཕ་རོལ་ཏུ་མཆིའོ། །བདག་ཅག་ཕ་རོལ་དུ་མཆི་སྟེ། བདག་ཅག་ཕ་རོལ་དུ་བཀྲི་ཞིང་ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་མཛད་དུ་གསོལ་ཞེས་སྨྲོས་ཤིག་།དེ་ནས་ཚོང་པ་མཁས་པའི་རང་བཞིན་ཅན་གྱིས། སྐྱེ་བོའི་ཚོགས་ཆེན་པོ་དེས་སྨྲས་པ་ཤིན་ཏུ་ལེགས་པར་བཟུང་སྟེ་ཆུབ་པར་བྱས་ནས། བགས་ཀྱིས་དལ་བུ་དལ་བུས་ཤིང་ཤི་རི་ཤ་ལས་བབས་ནས་གཡས་ཕྱོགས་ཀྱི་ལམ་དེ་ཉིད་དུ་སོང་སྟེ་བུད་མེད་གང་དང་ལྷན་ཅིག་ཉལ་བ་དེ། མལ་ན་གཉིད་ཀྱིས་ལོག་པར་རིག་ནས། བགས་ཀྱིས་དལ་བུ་དལ་བུས་ཉལ་ལོ། །དེ་ནས་ཚོང་པ་མཁས་པའི་རང་བཞིན་ཅན་གྱིས། དེ་ཉིད་ཀྱི་མཚན་མོ་འདས་པ་དང ། ནང་པར་སྔར་ལངས་ནས་འཛམ་བུ་གླིང་གི་དོན་མཐུན་རབ་ཏུ་མང་པོ་གང་ན་བ་དེར་སོང་སྟེ་ཕྱིན་པ་དང ། འཛམ་བུའི་གླིང་གི་དོན་མཐུན་རབ་ཏུ་མང་པོ་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དང ། རེ་ཞིག་གང་ན་སྐྱེད་མོས་ཚལ་དབེན་པ་ཡོད་པ་ཞིག་ཏུ་ཤོག་ཅིག་དང ། ཁོ་བོས་ཁྱེད་ཅག་དང་ལྷན་ཅིག་གསང་སྟེ་གླེང་དགོས་
Kha393a
༄#། །པ་ཅུང་ཞིག་ཡོད་ཀྱི། ཁྱེད་སུ་ཡང་སྨྱོས་ཀྱང་ཁྱེའུའམ་བུ་མོ་ནི། ཁྲིད་དེ་མ་འོངས་ཤིག་།ཤེས་ལྡན་དག། དེ་བཞིན་དུ་བགྱིའོ། །ཞེས་འཛམ་བུའི་གླིང་གི་དོན་མཐུན་རབ་ཏུ་མང་པོ་རྣམས་ཀྱིས་མཉན་ཏོ། །དེ་ནས་འཛམ་བུའི་གླིང་གི་དོན་མཐུན་རབ་ཏུ་མང་པོ་རྣམས་སྐྱེད་མོས་ཚལ་རབ་ཏུ་དབེན་པ་གང་ན་བ་དེར་དོང་པ་དང ། དེ་ནས་ཚོང་པ་མཁས་པའི་རང་བཞིན་ཅན་གྱིས་སྐྱེ་བོའི་ཚོགས་ཆེན་པོ་དེ་དང་ལྷན་ཅིག་སྐབས་ཀྱི་གཏམ་ཇི་སྙེད་གླེང་པ་དེ་དག་།འཛམ་བུའི་གླིང་གི་དོན་འཐུན་རབ་ཏུ་མང་པོ་རྣམས་ལ་རྒྱས་པར་སྨྲས་ནས་འདི་སྐད་ཅེས་ཀྱང་སྨྲས་ཏེ། འདི་དག་ནི། བུད་མེད་མ་ཡིན་ཏེ། འདི་དག་སྲིན་མོ་ཡིན་གྱི། ཤེས་ལྡན་དག་།འདི་ལས་བདག་ཉིད་སྲུང་བར་གྱིས་ཤིག་།དེ་ནས་འཛམ་བུའི་གླིང་གི་དོན་འཐུན་རབ་ཏུ་མང་པོ་རྣམས་དེ་བཞིན་དུ་གསོ་སྦྱོང་བཅོ་ལྔ་པ་ཉིད་ལ་བྱང་ཕྱོགས་གསེབ་ལམ་གང་ན་རྟའི་རྒྱལ་པོ་སྤྲིན་གྱི་ཤུགས་ཅན། མ་རྨོས་མ་བཏབ་པའི་འབྲས་སཱ་ལུ་ཟ་བ། བདེ་བ་དང ། ནད་མེད་པ་དང ། སྟོབས་དང་ལྡན་པས་དབང་པོ་རྣམས་ཚིམ་པ། མགོ་འཕང་བསྟོད་དེ་ཕ་རོལ་ཏུ་འགྲོ་བ་ནི། སུ་ཞིག་ཡོད། སུ་ནི། ཕ་རོལ་ཏུ་བཀྲི། སུ་ནི། ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་བྱ་ཞེས་ཆེད་དུ་བརྗོད་པ་ཆེད་དུ་བརྗོད་པ་ཡོད་པར་སོང་བ་དང ། ཚོང་པ་རྟ་རྫིའི་རིགས་ཤིག་གིས་རྟའི་རྒྱལ་པོའི་སྤྲིན་གྱི་ཤུགས་ཅན་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་འཛམ་བུའི་གླིང་གི་དོན་འཐུན་རབ་ཏུ་མང་པོ་ལ་འདི་སྐད་ཅེས་སྨྲས་སོ། །
Kha393b
ཤེས་ལྡན་དག་།རྟའི་རྒྱལ་པོ་སྤྲིན་གྱི་ཤུགས་ཅན་ནི། ཕ་བི་ཡིན་ཏེ། ཕ་བིའི་དྲུང་དུ་དོང་ལ་འདི་སྐད་ཅེས། བདག་ཅག་ཕ་རོལ་ཏུ་མཆིའོ། །བདག་ཅག་ཕ་རོལ་ཏུ་མཆི་སྟེ། བདག་ཅག་ཕ་རོལ་ཏུ་བཀྲི་ཞིང ། བདག་ཅག་ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་མཛད་དུ་གསོལ་ཞེས་སྨྲའོ། །དེ་ནས་ཚོང་པ་མཁས་པའི་རང་བཞིན་ཅན་གྱིས་དོན་འཐུན་རབ་ཏུ་མང་པོ་ལ་འདི་སྐད་ཅེས་སྨྲས་སོ། །ཤེས་ལྡན་དག། བདག་གིས་ཇི་ལྟར་སྐྱེ་བོའི་ཚོགས་ཆེན་པོ་དེས་སྨྲས་པའི་དོན་གོ་བ་ལྟར་ན། འདི་ནི། བདག་ཅག་གིས་རྟའི་རྒྱལ་པོ་སྤྲིན་གྱི་ཤུགས་ཅན་དེའི་དྲུང་དུ་དོང་ནས་འདི་སྐད་ཅེས། བདག་ཅག་ཕ་རོལ་དུ་མཆིའོ། །བདག་ཅག་ཕ་རོལ་ཏུ་མཆི་སྟེ། བདག་ཅག་ཕ་རོལ་ཏུ་བཀྲི་ཞིང ། བདག་ཅག་ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་མཛད་དུ་གསོལ་ཞེས་སྨྲ་བའི་དུས་ལ་བབ་པ་མ་ཡིན་ནོ། །འོན་ཀྱང་གང་གི་ཚེ་རྟའི་རྒྱལ་པོ་སྤྲིན་གྱི་ཤུགས་ཅན་གྱིས་མ་རྨོས་མ་བཏབ་པའི་འབྲས་སཱ་ལུ་ཟོས་ནས་ཞེས་བྱ་བ་ནས་འཛམ་བུའི་གླིང་དུ་ཕྱིན་པར་བྱ་ཞེས་བྱ་བའི་བར་གོང་མ་བཞིན་དུ་སྟེ། དེ་ནི། བདག་ཅག་རྟའི་རྒྱལ་པོ་སྤྲིན་གྱི་ཤུགས་ཅན་གྱི་དྲུང་དུ་དོང་ལ་འདི་སྐད་ཅེས། བདག་ཅག་ཕ་རོལ་ཏུ་མཆིའོ། །བདག་ཅག་ཕ་རོལ་ཏུ་མཆི་སྟེ། བདག་ཅག་ཕ་རོལ་ཏུ་བཀྲི་ཞིང ། བདག་ཅག་ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་མཛད་དུ་གསོལ་ཞེས་དེ་སྐད་དུ་སྨྲ་བའི་དུས་ལ་བབ་པ་ཡིན་ནོ། །དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས་མ་རྨོས་མ་བཏབ་པའི་འབྲས་སཱ་ལུ་ཟོས་ནས་ཞེས་བྱ་བ་ནས་སུ་ནི།
Kha394a
༄#། །ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་བྱ་ཞེས་བྱ་བའི་བར་གོང་མ་བཞིན་དུའོ། །དེ་ནས་འཛམ་བུའི་གླིང་གི་དོན་འཐུན་རབ་ཏུ་མང་པོ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་རྟའི་རྒྱལ་པོའི་སྤྲིན་གྱི་ཤུགས་ཅན་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། རྟའི་རྒྱལ་པོ་སྤྲིན་གྱི་ཤུགས་ཅན་ལ་འདི་སྐད་ཅེས་སྨྲས་སོ། །བདག་ཅག་ཕ་རོལ་ཏུ་མཆིའོ། །བདག་ཅག་ཕ་རོལ་ཏུ་མཆི་སྟེ། བདག་ཅག་ཕ་རོལ་ཏུ་བཀྲི་ཞིང ། བདག་ཅག་ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་མཛད་དུ་གསོལ། །དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས། འཛམ་བུའི་གླིང་གི་དོན་འཐུན་རབ་ཏུ་མང་པོ་ལ་ལེགས་པར་རབ་ཏུ་གཏམས་ཤིང་རྗེས་སུ་བསྟན་པ། ཤེས་ལྡན་དག་།བུད་མེད་དེ་དག་ལྷག་པར་གཟུགས་བཟང་བ། ལྷག་པར་མཛེས་པ། ལྷག་པར་བལྟ་ན་སྡུག་པར་བྱས་ན་ཁྱེའུ་དང ། བུ་མོ་རྣམས་ཁྲིད་དེ་འོངས་ཤིང ། དེ་རྣམས་འདི་སྐད་ཅེས། ཇོ་བོ་དག་ཚུར་སྤྱོན། བཞིན་བཟང་དག་ཚུར་སྤྱོན་ཞེས་བྱ་བ་ནས་བདག་ཅག་དང་ལྷན་ཅིག་རྩེ་བར་བགྱི། དགའ་བར་བགྱི། དགའ་མགུར་སྤྱོད་བར་བགྱིའོ། །ཞེས་བྱ་བའི་བར་གོང་མ་བཞིན་ནོ། །འོན་ཏེ་ཁྱེད་ཅག་ལ་འགའ་ཞིག་གིས་ཅུང་ཟད་སྨྲས་ཏེ་བདག་ཅག་མི་དགོས་ན། རང་རང་གི་བུ་དག་ཁྲིད་དེ་དེངས་ཤིག་ཅེས་ཟེར་བ་དེ་ལ། ཁྱེད་ཅག་ལས་གང་དག་འདི་སྙམ་དུ། བདག་ཅག་གི་ཆུང་མའམ། བུ་ཕོའམ། བོ་མོའམ། བདག་གི་ཟས་ཀྱི་ཁང་པའམ། སྐོམ་གྱི་ཁང་པའམ། གོས་ཀྱི་ཁང་
Kha394b
པའམ། གནས་མལ་གྱི་ཁང་པའམ། དགའ་བར་འགྱུར་བའི་ཀུན་དགའ་ར་བའམ། དགའ་བར་འགྱུར་བའི་རྫིང་ངམ། འཛམ་བུའི་གླིང་གི་རིན་པོ་ཆེ་རབ་ཏུ་མང་པོ་འདི་ལྟ་སྟེ། ནོར་བུ་དང ། མུ་ཏིག་དང ། བཻ་ཌཱུརྱ་དང་ཞེས་བྱ་བ་ནས་དུང་གཡས་སུ་འཁྱིལ་བ་ཞེས་བྱ་བའི་བར་གོང་མ་བཞིན་དུ་སེམས་ཕན་ཆད། དེ་དག་ཁོ་བོའི་རྒྱབ་བམ། རོ་སྟོད་ལ་ཞོན་ཡང་ཤིང་ཏོག་གི་འབྲས་བུ་སྨིན་པ་རྩ་བ་ཆད་པ་བཞིན་དུ་ལྟུང་བར་འགྱུར་ཞིང ། བུད་མེད་དེ་རྣམས་འོངས་ནས་ཟ་བར་འགྱུར་ཏེ། དེ་དག་སྐྱེས་པ་ཟ་བར་བྱེད་པ་ན། ཁྲག་དྲོན་པོའི་ཐིགས་པ་ས་ལ་ལྟུང་བ་གང་དག་ཡིན་པ་དེ་དག་ཀྱང་སོར་མོའི་རྩེ་མོས་ས་དང་བཅས་ཏེ་བྲུད་ནས་ཁར་འཇུག་གོ། ཁྱེད་ཅག་ལས་གང་དག་འདི་སྙམ་དུ། བདག་གི་ཆུང་མའམ། བུའམ། བུ་མོའམ་ཞེས་བྱ་བ་ནས་དུང་གཡས་སུ་འཁྱིལ་བ་ཞེས་བྱ་བའི་བར་གོང་མ་བཞིན་དུ་མི་སེམས་ན། དེ་རྣམས་ཁོ་བོའི་སྤུའི་རྩེ་མོ་བྱེ་བའི་ཆ་ལ་བརྟེན་ཀྱང་ལྷུང་བར་མི་འགྱུར་ཏེ། དེ་དག་ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་འགྱུར་རོ། །དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས། འཛམ་བུའི་གླིང་གི་ཚོང་པ་རབ་ཏུ་མང་པོ་ལ་ལེགས་པར་རབ་ཏུ་གཏམས་ཤིང་རྗེས་སུ་བསྟན་ནས་རྒྱབ་སྨད་དོ། །དེ་ནས་འཛམ་བུའི་གླིང་གི་ཚོང་པ་རབ་ཏུ་མང་པོས་རྟའི་རྒྱལ་པོ་སྤྲིན་གྱི་ཤུགས་ཅན་ལ། ཁ་ཅིག་ནི། རོ་སྟོད་དུ། ཁ་ཅིག་ནི། རྒྱབ་ཏུ། ཁ་ཅིག་ནི། གཉའ་བར་རོ། །ཁ་ཅིག་ནི། མཇུག་མ་ལ་འཇུས་སོ། །དེ་ནས་རྟའི་རྒྱལ་པོ་སྤྲིན་གྱི་ཤུགས་ཅན་གྱིས་རིམ་གྱིས་ལུས་ཀྱི་མཐུ་དང ། སྟོབས་དང ། བརྩོན་འགྲུས་ཡང་དག་པར་བསྐྱེད་ནས་
Kha395a
༄#། །དེ་ཉིད་ནས་སྟེང་གི་ནམ་མཁའ་ལ་སོང་བ་དང ། དེ་ནས་བུད་མེད་ལྷག་པར་གཟུགས་བཟང་བ། ལྷག་པར་མཛེས་པ། ལྷག་པར་བལྟ་ན་སྡུག་པ་རྣམས་ཀྱིས་ཁྱེའུ་དང་བུ་མོ་རྣམས་ཁྲིད་དེ་ལྷགས་ནས་འདི་སྐད་ཅེས། ཇོ་བོ་དག་ཚུར་སྤྱོན། བཞིན་བཟང་དག་ཚུར་སྤྱོན་ཞེས་བྱ་བ་ནས་བདག་ཅག་དང་ལྷན་ཅིག་རྩེད་མོ་བགྱི། དགའ་བར་བགྱི། དགའ་མགུར་སྤྱད་པར་བགྱིའོ། །ཞེས་བྱ་བའི་བར་གོང་མ་བཞིན་དུའོ། །འོན་ཏེ་ཁྱེད་ཅག་ལ་འགའ་ཞིག་ཅུང་ཟད་སྨྲས་ཏེ་ཁོ་མོ་ཅག་མི་དགོས་ན། རང་རང་གི་ཁྱེའུ་དང་བུ་མོ་རྣམས་ཁྲིད་དེ་དེངས་ཤིག་ཅེས་སྨྲ་བ་དེ་ལ་གང་དག་འདི་སྙམ་དུ། བདག་གི་ཆུང་མའམ། བུ་ཕོའམ། བུ་མོའམ། བདག་གི་ཟས་ཀྱི་ཁང་པའམ་ཞེས་བྱ་བ་ནས་དུང་གཡས་སུ་འཁྱིལ་བ་ཞེས་བྱ་བའི་བར་གོང་མ་བཞིན་དུ་སེམས་བསྐྱེད་པ་དེ་དག་ནི། རྟའི་རྒྱལ་པོ་སྤྲིན་གྱི་ཤུགས་ཅན་གྱི་རོ་སྟོད་དང་རྒྱབ་ཏུ་ཞོན་ཡང ། ཤིང་ཏོག་གི་འབྲས་བུ་སྨིན་པ་རྩ་བ་ཆད་པ་བཞིན་དུ་དེ་ནས་སླར་ལྷུང་བར་གྱུར་བ་དང ། བུད་མེད་དེ་རྣམས་དེ་དག་གི་དྲུང་དུ་དོང་སྟེ་ཕྱིན་ནས་ཟ་བར་བྱེད་དེ། སྐྱེས་པ་རྣམས་ཟ་བར་བྱེད་པ་ན། ལྷག་མ་ལུས་པ་གང་ཡིན་པ་འདི་ལྟ་སྟེ། སྐྲའམ་ཞེས་བྱ་བ་ནས་ས་དང་འདྲེན་མར་བྲུད་དེ་ཁར་འཇུག་པར་བྱེད་དོ། །ཞེས་བྱ་བའི་བར་གོང་མ་བཞིན་དུའོ། །གང་དག་འདི་སྙམ་དུ། བདག་གི་ཆུང་མའམ། བདག་གི་བུ་ཕོའམ་བདག་གི་བུ་མོའམ། ཞེས་བྱ་བ་ནས་དུང་གཡས་སུ་འཁྱིལ་པ་ཞེས་བྱ་བའི་བར་དུ་སྟེ། དེ་ལྟར་མི་སེམས་པ་རྣམས་ནི། འདི་ལྟར། རྟའི་རྒྱལ་པོ་སྤྲིན་གྱི་ཤུགས་ཅན་གྱི་སྤུའི་རྩེ་མོའི་ཆ་ཤས་ལ་འཇུས་པ་
Kha395b
ཡང ། ལེགས་པ་དང་བདེ་བར་འཛམ་བུའི་གླིང་དུ་ཕྱིན་པར་གྱུར་ཏོ། །རྒྱལ་པོ་ཆེན་པོ། དེ་བཞིན་དུ་གང་དག་འདི་སྙམ་དུ། བདག་ནི། མིག་ཡིན་ནོ། །མིག་ནི། བདག་གི་ཡིན་ནོ། །བདག་ནི། རྣ་བ་དང ། སྣ་དང ། ལྕེ་དང ། ལུས་དང ། ཡིད་ཡིན་ནོ། །ཡིད་ནི། བདག་གི་ཡིན་ནོ། །བདག་ནི། གཟུགས་ཡིན་ནོ། །གཟུགས་ནི། བདག་གི་ཡིན་ནོ། །བདག་ནི། སྒྲ་དང ། དྲི་དང ། རོ་དང ། རེག་དང ། བདག་ནི། ཆོས་ཡིན་ནོ། ། ཆོས་ནི། བདག་གི་ཡིན་ནོ། །བདག་ནི། སའི་ཁམས་ཡིན་ནོ། །སའི་ཁམས་ནི། བདག་གི་ཡིན་ནོ། །བདག་ནི། ཆུའི་ཁམས་དང ། མེའི་ཁམས་དང ། རླུང་གི་ཁམས་དང ། ནམ་མཁའི་ཁམས་དང ། བདག་ནི། རྣམ་པར་ཤེས་པའི་ཁམས་ཡིན་ནོ། །རྣམ་པར་ཤེས་པའི་ཁམས་ནི། བདག་གི་ཡིན་ནོ། །བདག་ནི། གཟུགས་ཀྱི་ཕུང་པོ་ཡིན་ནོ། །གཟུགས་ཀྱི་ཕུང་པོ་ནི། བདག་གི་ཡིན་ནོ། །བདག་ནི། ཚོར་བ་དང ། འདུ་ཤེས་དང ། འདུ་བྱེད་དང ། བདག་ནི། རྣམ་པར་ཤེས་པའི་ཕུང་པོ་ཡིན་ནོ། །རྣམ་པར་ཤེས་པ་ནི། བདག་གི་ཡིན་ནོ། །སྙམ་དུ་སེམས་ན། དེ་རྣམས་སྡུག་བསྔལ་འཐོབ་པར་འགྱུར་ཏེ། སྲིན་མོའི་ནང་དུ་ཚོང་པ་བཞིན། རྒྱལ་པོ་ཆེན་པོ། གང་དག་འདི་སྙམ་དུ། བདག་ནི། མིག་ཡིན་ནོ། །མིག་གི་ནི། བདག་གི་ཡིན་ནོ། །ཞེས་བྱ་བ་ནས་རྣམ་པར་ཤེས་པའི་ཕུང་པོ་ནི་བདག་གི་ཡིན་ནོ། །ཞེས་བྱ་བའི་བར་གོང་མ་བཞིན་དུ་སྟེ། དེ་ལྟར་མི་སེམས་ན། དེ་རྣམས་བདེ་བ་འཐོབ་པར་འགྱུར་ཏེ། སྤྲིན་གྱི་ཤུགས་ཀྱིས་ཚོང་པ་བཞིན། །སངས་རྒྱས་བསྟན་ལ་བླུན་པོའི་མི། །གང་དག་དད་པར་མི་བྱེད་པ། །དེ་རྣམས་སྡུག་བསྔལ་འཐོབ་
Kha396a
༄#། །འགྱུར་ཏེ། །སྲིན་པོའི་ནང་དུ་ཚོང་པ་བཞིན། །ཤེས་རབ་ཅན་གྱི་མི་གང་དག། སངས་རྒྱས་བསྟན་ལ་དད་བྱེད་པ། །བདེ་བར་ཕ་རོལ་འགྲོ་འགྱུར་ཏེ། །སྤྲིན་གྱི་ཤུགས་ཀྱིས་ཚོང་པ་བཞིན། །རྒྱལ་པོ་ཆེན་པོ་ཇི་སྙམ་དུ་སེམས། དེའི་ཚེ་དེའི་དུས་ན་རྟའི་རྒྱལ་པོ་སྤྲིན་གྱི་ཤུགས་ཅན་དུ་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། རྟའི་རྒྱལ་པོ་སྤྲིན་གྱི་ཤུགས་ཅན་ཞེས་བྱ་བར་གྱུར་ཏོ། །རྒྱལ་པོ་ཆེན་པོ། དེའི་ཚེ་ངས་སེམས་ཅན་རྣམས་ལ་ཕན་པ་བྱས་པ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་སེམས་ཅན་རྣམས་ལ་ཕན་པ་བྱས་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་རྗེས་སུ་བཟུང་བར་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། །ཡུལ་ཝཱ་ར་ཎཱ་སི་དང་ཧ་ཅང་ཡང་མི་རིང་བ་ཞིག་ན། དྲང་སྲོང་བྱམས་པའི་བདག་ཉིད་སྙིང་རྗེ་ཅན། སེམས་ཅན་ལ་བྱམས་པ་ཞིག་གནས་སོ། །དེའི་བསྟི་གནས་དང་ཧ་ཅང་ཡང་མི་རིང་བ་ཞིག་ན། ཁྱིམ་བདག་ཞིང་པ་གཉིས་ཤིག་ཞིང་རྨེད་པ་ལས། དེ་གཉིས་ཕན་ཚུན་རྩོད་པ་བྱུང་བར་གྱུར་ཏེ། དེ་ན་གཅིག་ཁྲོས་པ་དང་གཅིག་ཤོས་ཀྱང་སླར་ཁྲོས་སོ། །གཅིག་གིས་བརྒྱབ་པ་
Kha396b
དང་གཅིག་ཤོས་ཀྱིས་ཀྱང་སླར་བརྒྱབ་བོ། །དེ་གཉིས་ཀ་ཡང་དྲང་སྲོང་གི་དྲུང་དུ་དོང་ནས། དྲང་སྲོང་དེ་ལ་གཅིག་གིས་དབང་བཙུགས་པ་དང ། གཅིག་ཤོས་ཀྱིས་ཀྱང་བཙུགས་སོ། །དེ་གཉིས་རྒྱལ་པོའི་དྲུང་དུ་སོང་བ་དང ། རྒྱལ་པོས་དེ་གཉིས་ལ་སྨྲས་པ། ཁྱེད་གཉིས་ལ་དཔང་སུ་ཡོད། གཅིག་གིས་སྨྲས་པ། ལྷ། བདག་གི་དཔང་དྲང་སྲོང་ལགས་སོ། །གཅིག་ཤོས་ཀྱིས་སྨྲས་པ། བདག་གི་དཔང་ཡང་དེ་ཁོ་ན་ལགས་སོ། །དེ་ནས་རྒྱལ་པོས་དྲང་སྲོང་བོས་ཏེ་དྲིས་པ། དྲང་སྲོང་ཆེན་པོ། འདི་གཉིས་སྔར་གང་གིས་ཉེས། དྲང་སྲོང་གིས་སྨྲས་པ། ལྷ། གལ་ཏེ་འཁོར་ལོས་བསྒྱུར་བའི་བཀའ་ཁྲིམས་ཀྱིས་ཞལ་ཆེ་བཅད་ན། དེ་ལྟ་ན་བདག་གིས་དབང་བགྱིའོ། །གཞན་དུ་ནི་མ་ལགས་སོ། །རྒྱལ་པོས་སྨྲས་པ། དེ་བཞིན་དུ་བྱའོ། །དེ་ནས་དྲང་སྲོང་གིས་སྨྲས་པ། ལྷ། གཅིག་ཁྲོས་པ་དང་གཅིག་བཤོས་ཀྱང་སླར་ཁྲོས་སོ། །གཅིག་གིས་བརྒྱབ་པ་དང་གཅིག་ཤོས་ཀྱིས་ཀྱང་སླར་བརྒྱབ་བོ། །རྒྱལ་པོས་སྨྲས་པ། འོ་ན་གཉིས་ཀ་ཆད་པས་གཅད་དོ། །དྲང་སྲོང་གིས་སྨྲས་པ། ལྷ། ཁྱོད་ལ་བདག་གིས་སྔར་ལྷ་གལ་ཏེ་འཁོར་ལོས་བསྒྱུར་བའི་བཀའ་ཁྲིམས་ཀྱིས་ཞལ་ཆེ་བཅད་ན། དེ་ལྟ་ན་བདག་གིས་དབང་བགྱིའོ། །གཞན་དུ་ནི་མ་ལགས་སོ། །ཞེས་མ་གསོལ་ཏམ། རྒྱལ་པོས་སྨྲས་པ། དྲང་སྲོང་ཆེན་པོ། འཁོར་ལོས་བསྒྱུར་བའི་ཞལ་ཆེ་ཇི་ལྟར་གཅོད། དྲང་སྲོང་གིས་སྨྲས་པ། ལྷ། འཁོར་ལོས་བསྒྱུར་བའི་རྒྱལ་པོ་ནི། གནོད་པ་ལས་ཟློག་ཅིང ། ཕན་པ་ལ་སྦྱོར་བར་བགྱིད་དོ། །དེ་ནས་རྒྱལ་པོས་སྨྲས་པ། གཉིས་ཀ་དེངས་ལ་ད་
Kha397a
༄#། །ཕྱིན་ཆད་དེ་ལྟར་མ་བྱེད་ཅིག་།རྒྱལ་པོ་ཆེན་པོ། དེའི་ཚེ་དེའི་དུས་ན། དྲང་སྲོང་དུ་གྱུར་པ་གང་གིས་ཆོས་བཞིན་གྱིས་དབང་བྱས་པ་དེ་གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན་ཞེས་བྱ་བ་ནས་ང་ཉིད་ཀྱིས་ཆོས་བཞིན་གྱིས་དབང་དེ་བྱས་སོ། །ཞེས་བྱ་བའི་བར་གོང་མ་བཞིན་དུའོ། །རྒྱལ་པོ་ཆེན་པོ། ངས་ཆོས་བཞིན་གྱིས་དབང་བྱས་བ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྟོགས་སོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངས་ཆོས་བཞིན་གྱིས་དཔང་བྱས་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཞེས་བྱ་བ་ནས་ཚོགས་ཙམ་ཡིན་ནོ། །ཞེས་བྱ་བའི་བར་གོང་མ་བཞིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་མ་ངེས་པའི་ཕུང་པོ་ལ་གནས་པ་ན་རང་གི་སྲོག་ཡོངས་སུ་བཏང་ནས་སེམས་ཅན་མང་པོ་རྗེས་སུ་བཟུང་བ་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ནགས་ཚང་ཚིང་ཞིག་ན་སེང་གེ་རལ་པ་ཅན་ཞིག་གནས་སོ། །ལམ་དེ་ནས་དོན་འཐུན་ལྔ་བརྒྱ་ཙམ་དོང་ནས་དེ་དག་གི་ཅ་ཅོའི་སྒྲས་དུས་བསྐུལ་བས། སྦྲུལ་ཆེན་པོ་ཞགས་པ་ལྟ་བུ་ཞེས་བྱ་བ་ཞིག་གློ་བུར་དུ་ལངས་ནས། དེས་དོན་འཐུན་ཚོང་དཔོན་དང་བཅས་པ་བསྐོར་བ་དང ། དེ་རྣམས་སྐྲག་ནས་སྒྲ་འབྱིན་ཅིང ། ཞི་བ་དང ། ཆུ་ལྷ་དང ། ལུས་ངན་དང ། དབང་ཕྱུག་ལ་སོགས་པ་ལྷ་རྣམས་ལ་གསོལ་བ་བཏབ་པ་དང ། དེ་ནས་སེང་གེས་
Kha397b
སྒྲ་དེ་ཐོས་སོ། །ཐོས་ནས་ཀྱང་ཕྱོགས་དེར་འོངས་པ་དང ། ཇི་ཙམ་ན་སྦྲུལ་ཆེན་པོ་ཞགས་པ་ལྟ་བུ་ཞས་བྱ་བས། དོན་འཐུན་ལྔ་བརྒྱ་ཙམ་བསྐོར་བ་མཐོང་ངོ ། །དེ་དང་ཧ་ཡང་མི་རིང་བ་ཞིག་ན། གླང་པོའི་ཕྲུ་གུ་ཞིག་ཀྱང་རྒྱུ་ཞིང་འདུག་པ་དང ། དེ་དེའི་དྲུང་དུ་སོང་སྟེ་སྨྲས་པ། གྲོགས་པོ། སྦྲུལ་ཆེན་པོ་ཞགས་པ་ལྟ་བུ་ཞེས་བྱ་བས་དོན་མཐུན་ལྔ་བརྒྱ་བསྐོར་ན། དེ་རྣམས་ཀྱི་དོན་གྱི་ཕྱིར་རང་གི་སྲོག་ཡོངས་སུ་གཏང་བར་ཁྱོད་སྤྲོའམ། ཇི་ལྟ་བུ་ཞིག་བྱ། བདག་གི་རྐང་པ་ཁྱོད་ཀྱི་ཀླད་པར་བཞག་ལ་ཐལ་མོ་སྦྲུལ་ཆེན་པོ་ལ་བསྣུན་པ་དང ། བདག་གི་རྐང་པ་བརྟན་པའི་ཤུགས་ཀྱིས་ནི། ཁྱོད་འཆི་བར་འགྱུར་རོ། ། ཐལ་ལྕག་གིས་ནི། སྦྲུལ་ལོ། །སྦྲུལ་ཆེན་པོའི་ཁ་ཆུས་རེག་པས་ནི། བདག་ཀྱང་འཆི་བར་འགྱུར་རོ། །གླང་པོ་ཆེའི་ཕྲུ་གུས། དེ་བཞིན་དུ་བྱའོ། །ཞེས་ཁས་བླངས་ནས། སེང་གེས་གླང་པོ་ཆེའི་ཕྲུ་གུའི་སྟེང་དུ་རྐང་པ་བཞག་ནས་ཐལ་མོས་སྦྲུལ་ཆེན་པོ་ལ་བསྣུན་པ་དང ། སེང་གེས་རྐང་པ་བརྟན་པའི་ཤུགས་ཀྱིས་ནི་གླང་པོ་ཆེའི་ཕྲུ་གུ་ཤི་།ཐལ་མོས་ཀྱང་སྦྲུལ་ཆེན་པོ་ཤི་།སྦྲུལ་ཆེན་པོའི་ཁ་ཆུས་ཀྱང་རི་དྭགས་ཀྱི་རྒྱལ་པོ་སེང་གེ་ཤི་སྟེ། འགྲོ་བ་གསུམ་ཆར་ཡང་ངོ ། །དོན་འཐུན་གྱི་ཚོགས་ཆས་པ་དང་ལྷ་ཞིག་གིས་སྨྲས་པ། བསྐལ་པ་བཟང་པོའི་བྱང་ཆུབ་སེམས་དཔས་ཁྱེད་ཀྱི་ཕྱིར་རང་གི་སྲོག་ཡོངས་སུ་བཏང་ནས་སྐྱབས་བྱས་ཀྱི། རེ་ཞིག་དེའི་ལུས་ལ་མཆོད་པ་བྱོས་ལ་ཕྱིར་དེངས་ཤིག། དེ་ནས་དེ་རྣམས་ཀྱིས་དེའི་རུས་པ་བསྲེགས་ཏེ་རུས་པ་ལ་མཆོད་པ་བྱས་སོ། །རྒྱལ་པོ་ཆེན་པོ། དེའི་ཚེ་དེའི་དུས་ན། རི་དྭགས་ཀྱི་
Kha398a
༄#། །རྒྱལ་པོ་སེང་གེ་ཞེས་བྱ་བ་ནས་ངས་དོན་འཐུན་ལྔ་བརྒྱ་པོ་དེ་དག་སྦྲུལ་ཆེན་པོ་ལས་རང་གི་སྲོག་བཏང་ནས་ཐར་པར་བྱས་སོ། །ཞེས་བྱ་བའི་བར་སྔ་མ་བཞིན་ནོ། །རྒྱལ་པོ་ཆེན་པོ། ངས་སེམས་ཅན་རྣམས་རྗེས་སུ་བཟུང་བ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། ཞེས་བྱ་བ་ནས་ངས་སེམས་ཅན་རྣམས་རྗེས་སུ་བཟུང་བ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །ཞེས་བྱ་བའི་བར་གོང་མ་བཞིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་གསོད་པ་ལ་ཡང་བྱམས་པ་བསྒྲུབས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ནགས་ཁྲོད་ཅིག་ན་བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ། བྱ་མགོ་གཉིས་ལ་སེམས་ཐ་དད་པ་ཞིག་ཏུ་གྱུར་ཏོ། །དེ་ལ། གཅིག་ནི། ཆོས་ཅན་ཞེས་བྱའོ། །གཅིག་ཤོས་ནི། ཆོས་མིན་ཞེས་བྱའོ། ། ཇི་ཙམ་དུས་གཞན་ཞིག་ན། ཆོས་ཅན་གྱིས་བདུད་རྩིའི་འབྲས་བུ་ཞིག་ཟོས་སོ། །ཆོས་མིན་གྱིས་ནི། དུག་གི་འབྲས་བུ་ཞིག་ཟོས་པ་ལས། གཉིས་ཀ་ཡང་དུག་གི་མཐུས་ཀུན་ཏུ་མྱོས་པར་གྱུར་ནས་ཕན་ཚུན་རྩོད་པར་བརྩམས་པ་དང ། གཅིག་གིས་ལོག་པར་སྨོན་ལམ་བཏབ་པ། ཁྱོད་ཀྱི་སྐྱེ་བ་གང་དང་གང་དུ་སྐྱེས་པའི་སྐྱེ་བ་དེ་དང་དེར་གསོད་པ་དང ། ཕྱིར་རྒོལ་བ་དང ། དགྲ་བོར་གྱུར་ཅིག་ཅེས་
Kha398b
བྱས་སོ། །གཅིག་ཤོས་ཀྱིས་ཀྱང་སྨྲས་པ། བདག་ནི། ཁྱོད་ལ་ཐམས་ཅད་དུ་བྱམས་པའི་སེམས་དང ། ཕན་པའི་སེམས་དང ། སྙིང་བརྩེ་བའི་སེམས་སུ་གྱུར་ཅིག་ཅེས་བྱས་སོ། །རྒྱལ་པོ་ཆེན་པོ། དེ་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཆོས་ཅན་གང་ཡིན་པ་དེ་ནི། ང་ཉིད་ཡིན་ནོ། །ཆོས་མིན་གང་ཡིན་པ་དེ་ནི། ལྷས་སྦྱིན་ཡིན་ནོ། །རྒྱལ་པོ་ཆེན་པོ། ངའི་བྱམས་པའི་སེམས་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་བྱམས་པའི་སེམས་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ།། །།འདུལ་བ་གཞི། བམ་པོ་ཞེ་བརྒྱད་པ། རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་གྱི་སྐྱབས་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ཆུ་གླིང་ཞིག་གི་འགྲམ་ན་བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་ན། ཆུ་སྲེག་རྣམས་ཀྱི་ནང་དུ་སྐྱེས་ནས་ཆུ་སྲེག་ལྔ་བརྒྱའི་དཔོན་དུ་གྱུར་ཏོ། །ཇི་ཙམ་ན་ཆུ་སྲེག་རྒན་པོ་ཞིག་།ཆུ་སྲེག་དེ་རྣམས་ཀྱི་སྒོ་ང་དང ། ཕྲུ་གུ་རྣམས་ཐབས་ཀྱིས་སྔར་ཟོས་ནས། དལ་བུ་དལ་བུས་འཆག་ཅིང ། རེས་འགའ་བྱ་བ་མེད་པ་ན་རྐང་པ་གཅིག་བསྐུམས་ནས་འདུག་གོ་།དེ་ནས་ཆུ་སྲེག་དེ་རྣམས་བུ་དང་བྲལ་བ་ལས་བྱུང་བའི་སྡུག་བསྔལ་གྱིས་གདུངས་ནས་དཔོན་པོའི་དྲུང་དུ་སོང་སྟེ། རིས་མཐུན་པའི་སྐད་གཉུག་མས་ངུ་བར་བརྩམས་པ་དང །
Kha399a
༄#། །དེ་ནས་དཔོན་པོས་རང་གི་ཁྱུ་རྣམས་དེ་ལྟར་སྡུག་བསྔལ་བར་མཐོང་ནས་ཆུ་གླིང་ཀུན་ནས་བྱུལ་བར་བརྩམས་པ་དང ། ཆོས་ཉིད་ཀྱིས་བྱང་ཆུབ་སེམས་དཔའ་རྣམས་ནི། ལུས་ཀྱིས་རྣམ་པར་ལྟུང་བར་འགྱུར་གྱི། སེམས་ཀྱིས་ནི། མ་ཡིན་པས། དེས་ཆུ་སྲེག་རྒན་པ་དེ་དལ་བུ་དལ་བུས་འཆག་ཅིང ། ཕྱོགས་གཅིག་ཏུ་སོང་ནས་རྐང་པ་གཅིག་བཙུགས་ཏེ་གནས་པ་མཐོང་ནས། བྱང་ཆུབ་སེམས་དཔས་འཕྲིགས་པ། འདི་ནི། རང་གི་རིགས་ཀྱི་ཕྱིར་རྒོལ་བ། རང་བཞིན་ངན་པ་ཡིན་ནོ། །སྙམ་དུ་རིག་ནས་ཚིགས་སུ་བཅད་དེ་སྨྲས་པ། བདག་གི་སྒོ་ང་ཕྲུ་གུ་དང ། །རུས་ཆགས་རྣམས་ཀྱང་ཟོས་ནས་ནི། །རྐང་པ་གཅིག་བཙུགས་འདུག་པ་དེ། །ཀྱེ་མ་ཁྱོད་ཀྱི་བརྟུལ་ཞུགས་ཡིན། །ཁ་ཅིག་སྨྲ་བ་ཡང་བདེན་ཏེ། །གོམ་པ་དལ་བུས་འདོར་བྱེད་ཅིང ། །དལ་བུ་དལ་བུས་སྨྲ་བ་དང ། །གཉའ་བ་གྱུར་གྱུར་བྱེད་པ་ནི། །དེ་ནི་ངན་གཡོའི་མཚན་ཉིད་ཡིན། །དེས་བསམ་པ། དཔོན་པོ་འདིས་ནི། བདག་གི་རྒྱུས་ཤེས་སོ། །སྙམ་དུ་རིག་ནས་དེ་ཉིད་ལ་སྐྱབས་སུ་སོང་ངོ ། །དེ་ནས་དཔོན་པོས་སྨྲས་པ། ཁུ་གུ། ནམ་ཆུ་སྲེག་གི་ཚོགས་རྣམས་འཁྲུགས་པར་མ་གྱུར་པ་དེའི་བར་དུ་ཁྱོད་ཀྱི་སེམས་བདེ་བར་གྱིས་ཤིག་།དེ་ནས་ཆུ་སྲེག་རྒན་པོ་དེ་བྲོས་ནས་ཆུ་སྲེག་དེ་རྣམས་བདེ་བར་གྱུར་ཏོ། །རྒྱལ་པོ་ཆེན་པོ། དེའི་ཚེ་དེའི་དུས་ན་ཆུ་སྲེག་གི་དཔོན་པོར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན་ཆུ་སྲེག་གི་དཔོན་པོ་དེར་གྱུར་ཏོ། །རྒྱལ་པོ་ཆེན་པོ། ངས་སེམས་
Kha399b
ཅན་རྗེས་སུ་བཟུང་བ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངས་སེམས་ཅན་རྗེས་སུ་བཟུང་བ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་རྗེས་སུ་བཟུང་བར་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ནགས་ཚང་ཚིང་ཞིག་ན་བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་ན། ནེ་ཙོ་མི་སྐད་སྨྲ་བ་ཞིག་ཏུ་གྱུར་ཏོ། །དེའི་ཚེ་ཝཱ་ར་ཎཱ་སིར་རྒྱལ་པོ་ཚངས་སྦྱིན་ཞེས་བྱ་བར་གྱུར་པ་དེ། ཆོས་མ་ཡིན་པས་རྒྱལ་སྲིད་བྱེད་དུ་འཇུག་གོ་།དེ་ནས་ནེ་ཙོ་ཉིན་རེ་ཞིང་རྒྱལ་པོ་དེའི་ཁང་པའི་པུ་ཤུའི་སྟེང་ན་ཡིབ་ཅིང ། རྒྱལ་པོ་ཆེན་པོ། ཆོས་མ་ཡིན་པས་རྒྱལ་སྲིད་མ་མཛད་ཅིག་ཅེས་སྨྲའོ། །རྒྱལ་པོ་དེ་དེ་དང་ལྷན་ཅིག་གཅུགས་པར་གྱུར་པ་དང ། དེ་ནས་དེས་རྒྱལ་པོ་དེ་དཀའ་ཐུབ་ཀྱི་གནས་ལྔ་ལ་རབ་ཏུ་བཞག་ནས་ཆོས་བཞིན་གྱིས་རྒྱལ་སྲིད་བྱེད་པ་ལ་ཞུགས་ནས། དེ་རི་དྭགས་དང ། བྱ་ཐམས་ཅད་ལ་མི་འཇིགས་པ་བྱིན་ནོ། །རྒྱལ་པོ་ཆེན་པོ། དེའི་ཚེ་དེའི་དུས་ན་ནེ་ཙོར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། ནེ་ཙོ་མི་སྐད་སྨྲ་བ་དེ་ཡིན་པར་གྱུར་ཏོ། །རྒྱལ་པོ་ཆེན་པོ། ངས་སེམས་ཅན་ལ་ཕན་པ་བྱས་པ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་
Kha400a
༄#། །སྟེ།་འོན་ཀྱང་ངས་སེམས་ཅན་ལ་ཕན་པ་བྱས་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པར་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་གསོད་པ་ལ་བྱམས་པའི་སེམས་བསྐྱེད་པ་གང་ཡིན་པ་དེ་ཉོན་ཅིག། རྒྱལ་པོ་ཆེན་པོ། སྔོན་བྱུང་བ། ཡུལ་ཀ་ཤི་ཞེས་བྱ་བ་ན་རྒྱལ་པོ་ཚངས་སྦྱིན་ཞེས་བྱ་བ་ཞིག་རྒྱལ་སྲིད་བྱེད་དེ། དེ་རྟག་ཏུ་ལུས་འཕགས་ཀྱི་ཡུལ་འདོད་པ་ཁོ་ནའི་ཕྱིར་ལུས་འཕགས་ཀྱི་རྒྱལ་པོ་དང་མི་མཐུན་པར་གྱུར་ཏོ། །ལུས་འཕགས་ཀྱི་རྒྱལ་པོ་དེ་ནི། དེ་བས་ཁྱད་ཞུགས་པའི་མཐུ་དང་ལྡན་ཡང་ཡུལ་དེ་མི་འདོད་པས། རྟག་ཏུ་དེ་ལ་བྱམས་པའི་སེམས་དང ། ཕན་པའི་སེམས་དང ། སྙིང་བརྩེ་བས་གནས་སོ། །འོན་ཀྱང་དེ་སྲེད་པས་འཁོལ་བས་ཡུལ་དེ་ཁོ་ན་འདོད་པའི་ཕྱིར་དེ་དཔུང་གི་ཚོགས་ཡན་ལག་བཞི་པ་གོ་བསྐོན་ནས་ལུས་འཕགས་ཀྱི་རྒྱལ་པོ་དང་གཡུལ་སྤྲད་པའི་ཕྱིར་ཆས་སོ། །དེ་ནས་ལུས་འཕགས་ཀྱི་རྒྱལ་པོས་ཐོས་ནས། དཔག་ཚད་ཕྱེད་དང་གསུམ་གྱི་ལམ་བསྟར་དུ་བཅུག་སྟེ། གྲོང་ཁྱེར་དེ་ཐམས་ཅད་རྡོ་བ་དང ། གསེག་མ་དང ། གྱོ་མོ་བསལ་ནས་རྒྱལ་མཚན་དང་བ་དན་ནི། བསྒྲེངས། དར་གྱི་ཆུན་འཕྱང་མང་པོས་ནི། དཔྱངས། དྲི་ཞིམ་པོའི་པོག་ཕོར་ནི། བཤམས། ཙནྡན་གྱི་ཆུའི་ཆག་ཆག་གིས་བཏབ་ཅིང ། མེ་ཏོག་སིལ་མ་སྣ་ཚོགས་ཀྱིས་དགའ་དགའ་ལྟར་བྱས་ནས་གཙང་ཞིང་བསོད་པའི་བཟའ་
Kha400b
བ་རབ་ཏུ་མང་པོ་དག་སྟ་གོན་བྱས་ཏེ། གྲོང་མི་དང ། བློན་པོ་རྣམས་བསུར་བཀྱེ་ནས་མགུ་བར་འགྱུར་བ་བརྒྱ་ཕྲག་དག་སྤྲིང་བ་ཐོས་པ་དང ། རྒྱལ་པོ་ཚངས་སྦྱིན་ཀུན་ནས་དཀྲིས་པ་དང་བྲལ་ཏེ། དེ་ནས་བསམ་པ། ལུས་འཕགས་ཀྱི་རྒྱལ་པོ་ལ་སོ་སོར་ཡང་དག་པར་དགའ་བར་འགྱུར་བ་ཞིག་བྱས་ཏེ་སླར་ལྡོག་གོ་།སྙམ་དུ་བསམ་ནས་ལུས་འཕགས་ཀྱི་རྒྱལ་པོའི་དྲུང་དུ་སོང་བ་དང ། ལུས་འཕགས་ཀྱི་རྒྱལ་པོས་བཀུར་སྟི་ཆེན་པོས་བསུས་ནས་ནང་དུ་ཁྲིད་དེ། ཁ་ཟས་བསོད་པ་རྣམས་ཀྱིས་ཚིམ་པར་བྱས་ནས་ཚིགས་སུ་བཅད་དེ་སྨྲས་པ། རྒྱལ་དབང་བདག་ལ་བཟོད་པར་མཛོད། །ཁྱེད་ལ་བདག་ནི་རྟག་ཏུ་འདུད། །བདག་ནི་གྲོགས་པོར་གྱུར་ལགས་ན། །ཁྱེད་ཀྱིས་བདག་ནི་བརྩེ་བར་མཛོད། །དེས་ཀྱང་ཚིགས་སུ་བཅད་དེ་སྨྲས་པ། བཟོད་པ་ཡི་ནི་གཞུ་བརྡུངས་ནས། །ཁྲོ་དང་ང་རྒྱལ་འཇོམས་པ་ཡི། །ཡོན་ཏན་ལྡན་པའི་མདའ་གཅིག་གིས། །ཁྱོད་ཀྱིས་བདག་ཅག་རིལ་བཅོམ་མོ། །དེ་ནས་དེ་གཉིས་ཕན་ཚུན་ཡིད་གཅུགས་པར་གྱུར་ནས། རྒྱལ་པོ་ཚངས་སྦྱིན་ཡང་རང་གི་ཡུལ་དུ་སོང་ངོ ། །ལུས་འཕགས་ཀྱི་ཡུལ་མི་རྣམས་ཀྱང་འཇིགས་པ་དང་བྲལ་བར་གྱུར་ཏོ། །རྒྱལ་པོ་ཆེན་པོ། དེའི་ཚེ་དེའི་དུས་ན། ལུས་འཕགས་ཀྱི་རྒྱལ་པོར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། ང་ཉིད་དེའི་ཚེ་དེའི་དུས་ན། ལུས་འཕགས་ཀྱི་རྒྱལ་པོ་དེ་ཡིན་པར་གྱུར་ཏོ། །རྒྱལ་པོ་ཆེན་པོ། ངས་ཡིད་ཀྱི་དྲེགས་པ་བཅོམ་པ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་ཡིད་ཀྱི་དྲེགས་པ་
Kha401a
༄#། །བཅོམ་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཞེས་བྱ་བ་ནས་ཚོགས་ཙམ་ཡིན་ནོ། །ཞེས་བྱ་བའི་བར་གོང་མ་བཞིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་གྱི་དོན་ཆེན་པོར་བྱས་པ་གང་ཡིན་པ་དེ་ཉོན་ཅིག། རྒྱལ་པོ་ཆེན་པོ། སྔོན་བྱུང་བ། བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་ན་རྒྱ་མཚོའི་རུས་སྦལ་གྱི་དཔོན་པོ་ཞིག་ཏུ་གྱུར་ཏོ། །ཇི་ཙམ་ན་དེད་དཔོན་འཁོར་ལྔ་བརྒྱ་པ་ནོར་ཚོལ་བ་ཞིག་།རྒྱ་མཚོའི་གྲུ་བོ་ཆེ་བསྒྲུབས་ནས་རྒྱ་མཚོ་ཆེན་པོར་ཞུགས་པ་ལས། ཇི་ཙམ་ན་གྲུ་དེ་ཆུ་སྲིན་ཉའི་རིགས་ཀྱིས་བཤིག་ནས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །དེ་ནས་རུས་སྦལ་དེས་ཚོང་པ་ལྔ་བརྒྱ་རྒྱབ་ཏུ་བསྐྱོན་ནས་རྒྱ་མཚོ་ཆེན་པོ་ལས་བསྒྲལ་ཏོ། །རྒྱལ་པོ་ཆེན་པོ། དེའི་ཚེ་དེའི་དུས་ན། རྒྱ་མཚོའི་རུས་སྦལ་གྱི་དཔོན་པོར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། རྒྱ་མཚོའི་རུས་སྦལ་གྱི་དཔོན་པོ་དེར་གྱུར་ཏོ། ། རྒྱལ་པོ་ཆེན་པོ། ངས་སེམས་ཅན་རྗེས་སུ་བཟུང་བ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངས་སེམས་ཅན་རྗེས་སུ་བཟུང་བ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཞེས་བྱ་བ་ནས་ཚོགས་ཙམ་ཡིན་ནོ། །ཞེས་བྱ་བའི་བར་གོང་མ་བཞིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་
Kha401b
བྱང་ཆུབ་དོན་དུ་གཉེར་བའི་ཕྱིར་སེམས་ཅན་ལ་ཕན་པ་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ལུས་འཕགས་ཀྱི་རྒྱལ་པོའི་བློན་པོ་ལྔ་བརྒྱ་བྱུང་བ་ལས། དེ་ན་སྡེ་ཅན་དང ། སྡེ་བཟང་ཞེས་བྱ་བ་སྤུན་གཉིས་ཤིག་བློན་པོའི་གཙོ་བོ་བྱེད་པ་ལས། སྡེ་ཅན་གྱིས་སྡེ་བཟང་ལ་རྟག་ཏུ་ཀླན་ཀ་ཚོལ་ཞིང་གནོད་པ་བྱ་བ་ལ་ཞུགས་སོ། །སྡེ་བཟང་ནི། དེ་ལ་རྟག་ཏུ་ཕན་པར་བྱ་བ་ལ་ཞུགས་སོ། ། རྒྱལ་པོའི་བློན་པོ་དང ། གྲོང་མི་རྣམས་ཀྱིས་ཀྱང་སྡེ་བཟང་གི་ཆེད་དུ་སྡེ་ཅན་དང་སྡུམས་བྱས་ཀྱང་གནས་སྐབས་ཐམས་ཅད་དུ་གནོད་པ་བྱེད་པ་ལས་ལྡོག་ཏུ་མ་བཏུབ་བོ། །དེ་ནས་ལུས་འཕགས་ཀྱི་རྒྱལ་པོས་མང་པོ་ཞིག་སྤྱོས་ནས་ཡུལ་ནས་བསྐྲད་དོ། །དེ་ཝཱ་ར་ཎཱ་སིར་སོང་ནས་རྒྱལ་པོ་ཚངས་སྦྱིན་གྱིས་བློན་པོའི་གཙོ་བོར་བཅུག་གོ། དེ་ནས་དུས་གཞན་ཞིག་ན་ལོང་བར་གྱུར་ཏོ། ཞེས་ནུ་བོ་སྡེ་བཟང་གིས་ཐོས་ནས། རྒྱལ་པོ་ལ་གསོལ་བ་བྱས་ཏེ་ཝཱ་ར་ཎཱ་སིར་སོང་ནས་མིག་ཕྱེ་བ་དང ། སྐྱེ་བོའི་ཚོགས་ཆེན་པོས། སྡེ་བཟང་འདི་ལྟ་བུ། གང་གིས་ན་མཐུས་ཕུ་བོ་ལོང་བར་བྱ་བའི་རིགས་ན། སྙིང་རྗེ་དང་ལྡན་པ་འདིས་དེའི་མིག་ཕྱེའོ། །ཞེས་སྡེ་བཟང་ལ་སེམས་དགའ་བར་གྱུར་ཏོ། །རྒྱལ་པོ་ཆེན་པོ། དེའི་ཚེ་དེའི་དུས་ན། བློན་པོའི་གཙོ་བོ་སྡེ་བཟང་ཞེས་བྱ་བར་གྱུར་པ་གཞན་ཞིག་ཡིན་སྙམ་ན་ཞེས་བྱ་བ་ནས་འོན་ཀྱང་ངས་སེམས་ཅན་རྗེས་སུ་བཟུང་བ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཞེས་བྱ་བ་ནས་ཚོགས་ཙམ་ཡིན་ནོ། །ཞེས་བྱ་བའི་བར་གོང་མ་བཞིན་དུའོ། །རྒྱལ་པོ་ཆེན་པོ། གཞན་ཡང ། ངས་བླ་ན་
Kha402a
༄#། །མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་རྗེས་སུ་བཟུང་བར་བྱས་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། ཚོང་ཁང་ཞིག་ན། དེད་དཔོན་གཉིས་ཤིག་གནས་པ་ལས་དེ་གཉིས་ཤིང་རྟ་ལྔ་བརྒྱ་ལྔ་བརྒྱ་དང ། ཉོ་ཚོང་ལ་དགོན་པའི་ལམ་ཞིག་ཏུ་ཞུགས་པ་དང ། དེ་གཉིས་འདི་སྙམ་དུ་སེམས་ཏེ། བདག་ཅག་དགོན་པའི་ནང་ནས་འདོད་པ་རྣམས་འདི་ལྟ་སྟེ། གཅིག་ལ་གཅིག་ཕན་འདོགས་པར་མངོན་པ་མེད་ཀྱི། མ་ལ་བདག་ཅག་གིས་ཤིང་རྟ་པའི་འགྲོན་པ་རབས་གཉིས་སུ་བཅད་ལ། དགོན་པའི་ལམ་དུ་འཇུག་པར་བྱའོ། །སྙམ་ནས། དེ་གཉིས་ཀྱིས་ཤིང་རྟ་པའི་འགྲོན་པ་རབས་གཉིས་སུ་བཅད་ནས་དགོན་པའི་ལམ་དུ་ཞུགས་སོ། །དེ་ལ་དེད་དཔོན་གཅིག་ནི། ཤིང་རྟ་པ་ལྔ་བརྒྱ་དང་དགོན་པའི་ལམ་གྱི་མགོན་འདུག་གོ། དེད་དཔོན་གཅིག་ཤོས་ནི། ཤིང་རྟ་པ་ལྔ་བརྒྱ་དང་དགོན་པའི་ལམ་དུ་ཞུགས་སོ། །དེད་དཔོན་གྱི་མི་ཚོང་བའི་མདུན་ནས་འགྲོ་བས། སྐྱེས་བུ་ནག་པོ་མིག་ཆེ་ལ་དམར་བ། བོང་བུའི་ཤིང་རྟར་ཞུགས་པ། འཁོར་ལོ་རྫབ་ཀྱིས་གཡོགས་པ། གོས་རླན་པ། སྐྲ་གཤེར་བ། མེ་ཏོག་ཀུ་མུ་དའི་ཕྲེང་བས་མགོ་བོ་བཅིངས་པ། མགོ་འདྲེན་དང ། དཀྱུས་མ་དག་དབྱངས་སུ་ལེན་པ་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་པ། ཀྱེ་ནང་རྗེ། ཅི། དགོན་པའི་ལམ་དུ་ལྷས་ཆར་ཕབ་ནས་རྩཝ་དང་ཆུ་གསར་པ་མང་དུ་སྐྱེས་སམ། ཀྱེ་ནང་རྗེ། བདེན་ཏེ། དགོན་པའི་ལམ་དུ་ལྷས་ཆར་ཕབ་ནས་རྩཝ་དང་ཆུ་གསར་པ་བསྐྱེད་ཀྱི། ཤེས་
Kha402b
ལྡན་དག། རྩཝ་དང ། ཆུ་རྙིང་པས་ཁལ་རྣམས་དུབ་པར་མ་བྱས་པར་འོར་ཅིག་།ཁྱེད་ཅག་རྩཝ་དང ། ཆུ་གསར་པ་ལ་ལོངས་སྤྱོད་དང ། བདེ་བ་དང ། ལེགས་པར་དགོན་པའི་ལམ་མ་རྟོལ་བ་ལྷག་མ་ཡང་རྟོལ་བར་འགྱུར་རོ། །དེ་ནས་དེད་དཔོན་གྱི་མི་འགྲོན་པ་གང་ན་བ་དེར་སོང་སྟེ་ཕྱིན་པ་དང ། འགྲོན་པ་དེ་དག་ལ་འདི་སྐད་ཅེས་སྨྲས་སོ། །ཤེས་ལྡན་དག། ཤེས་པར་གྱིས་ཤིག་།ཁོ་བོ་ཚོང་པ་རྣམས་ཀྱི་མདུན་ནས་འགྲོ་བ་ན། འདི་ན་སྐྱེས་བུ་ནག་པོ། མིག་ཆེ་ལ་དམར་བ། བོང་བུའི་ཤིང་རྟར་ཞུགས་པ། འཁོར་ལོ་རྫབ་ཀྱིས་གཡོགས་པ། གོས་རླན་པ། སྐྲ་གཤེར་བ། མེ་ཏོག་ཀུ་མུ་དའི་ཕྲེང་བས་མགོ་བོ་བཅིངས་པ། མགོ་འདྲེན་པ་དང ། དཀྱུས་མ་དག་དབྱངས་སུ་ལེན་པ་མཐོང་ངོ ། །མཐོང་ནས་ཀྱང་འདི་སྐད་ཅེས། ཀྱེ་ནང་རྗེ། ཅི། དགོན་པའི་ལམ་དུ་ལྷས་ཆར་ཕབ་ནས་རྩཝ་དང ། ཆུ་གསར་པ་མང་དུ་སྐྱེས་སམ་ཞེས་བྱས་པ་དང ། དེས་འདི་སྐད་ཅེས། ཀྱེ་ནང་རྗེ། བདེན་ཏེ། དགོན་པའི་ལམ་དུ་ལྷས་ཆར་ཕབ་ནས་རྩཝ་དང་ཆུ་གསར་པ་བསྐྱེད་ཀྱི། ཤེས་ལྡན་དག་།རྩཝ་དང ། ཆུ་རྙིང་པས་ཁལ་རྣམས་དུབ་པར་མ་བྱས་པར་འོར་ཅིག་།ཁྱེད་ཅག་རྩཝ་དང ། ཆུ་གསར་པ་ལ་ལོངས་སྤྱོད་དང ། བདེ་བ་དང ། ལེགས་པར་དགོན་པའི་ལཾ་མ་རྟོལ་བ་ལྷག་མ་ཡང་རྟོལ་བར་འགྱུར་རོ། །ཞེས་ཟེར་གྱི། བདག་ཅག་གི་ཁལ་རྣམས་མ་དུབ་པར་རྩཝ་དང ། ཆུ་བོར་ལ། བདག་ཅག་རྩཝ་དང ། ཆུ་གསར་པ་ལ་ལོངས་སྤྱད་ནས། བདེ་བ་དང ། ལེགས་པར་དགོན་པའི་ལཾ་མ་རྟོལ་བ་ལྷག་མ་ཡང་རྟོལ་བར་བྱའོ་ཞེས་དེ་རྣམས་ཀྱིས་རྩ་དང ། ཆུ་རྙིང་པ་བོར་ཏེ་
Kha403a
༄#། །དགོན་པའི་ལམ་དུ་ཞུགས་པ་ལས། དེ་རྣམས་དོང་ནས་ཞག་གཅིག་ལོན་ཡང ། རྩཝ་དང ། ཆུ་གསར་པ་མ་རྙེད་དོ། །ཞག་གཉིས་དང་གསུམ་དང ། བདུན་གྱི་བར་དུ་སོང་ཡང་རྩཝ་དང ། ཆུ་གསར་པ་མ་རྙེད་དོ། །དེ་ནས་འགྲོན་པས་ཞག་བདུན་ལོན་པ་དང ། གནོད་སྦྱིན་མི་ཟན་གྱིས་ཚུལ་མ་ཡིན་པས་ཁ་བཏག་གོ། དེ་ནས་དེད་དཔོན་གཅིག་ཤོས་འདི་སྙམ་དུ་སེམས་ཏེ། ཚོང་པ་དག་དོང་ནས་དེང་དུ་ཞག་བདུན་ལོན་སྙམ་དུ་བསམ་ནས་དགོན་པའི་ལམ་དེར་ཞུགས་པ་ལས། དེད་དཔོན་གྱི་མི་ཚོང་པའི་མདུན་ནས་འགྲོ་བས་སྐྱེས་བུ་ནག་པོ་མིག་ཆེ་ལ་དམར་བ། བོང་བུའི་ཤིང་རྟར་ཞུགས་པ། འཁོར་ལོ་རྫབ་ཀྱིས་གཡོགས་པ། གོས་རླན་པ། སྐྲ་གཤེར་བ། མེ་ཏོག་ཀུ་མུ་དའི་ཕྲེང་བས་མགོ་བོ་བཅིངས་པ་མགོ་འདྲེན་དང ། དཀྱུས་མ་དག་དབྱངས་སུ་ལེན་པ་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །ཀྱེ་ནང་རྗེ། ཅི། དགོན་པའི་ནང་དུ་ལྷས་ཆར་ཕབ་ནས། རྩ་དང ། ཆུ་གསར་པ་དག་མང་དུ་སྐྱེས་སམ། ཀྱེ་ནང་རྗེ། བདེན་ཏེ། དགོན་པའི་ལམ་དུ་ལྷས་ཆར་ཕབ་ནས། རྩཝ་དང་ཆུ་གསར་པ་མང་དུ་བསྐྱེད་ཀྱི། ཤེས་ལྡན་དག། རྩཝ་དང ། ཆུ་རྙིང་པས་ཁལ་རྣམས་དུབ་པར་མ་བྱ་བར་འོར་ཅིག་།ཁྱེད་ཅག་རྩཝ་དང ། ཆུ་གསར་པ་ལ་ལོངས་སྤྱོད་དང ། བདེ་བ་དང ། ལེགས་པར་དགོན་པའི་ལམ་མ་རྟོལ་བ་ལྷག་མ་ཡང་རྟོལ་བར་འགྱུར་རོ། །དེ་ནས་དེད་དཔོན་གྱི་མི་དེ། འགྲོན་པ་གང་ན་བ་དེར་སོང་སྟེ་ཕྱིན་པ་དང ། འགྲོན་པ་ལ་འདི་སྐད་ཅེས་སྨྲས་སོ། །
Kha403b
ཤེས་ལྡན་དག། ཤེས་པར་གྱིས་ཤིག་།ཁོ་བོ་ཚོང་པའི་མདུན་ནས་འགྲོ་བ་ན། འདིར་སྐྱེས་བུ་ནག་པོ་ཞེས་བྱ་བ་ནས་མགོ་འདྲེན་དང ། དཀྱུས་མ་དག་དབྱངས་སུ་ལེན་པ་མཐོང་ངོ ། །མཐོང་ནས་ཀྱང་ཞེས་བྱ་བའི་བར་གོང་མ་བཞིན་དུ་སྟེ། འདི་སྐད་ཅེས། ཀྱེ་ནང་རྗེ། ཅི། དགོན་པའི་ལམ་དུ་ལྷས་ཆར་ཕབ་ནས་རྩཝ་དང ། ཆུ་གསར་པ་མང་དུ་སྐྱེས་སམ་ཞེས་བྱས་པ་དང ། དེ་འདི་སྐད་ཅེས། ཀྱེ་ནང་རྗེ། བདེན་ཏེ། དགོན་པའི་ལམ་དུ་ལྷས་ཆར་ཕབ་ནས་ཞེས་བྱ་བ་ནས་རྟོལ་བར་འགྱུར་རོ། །ཞེས་ཟེར་ཞེས་བྱ་བའི་བར་སྔ་མ་བཞིན་དུའོ། །ཤེས་ལྡན་དག། རེ་ཤིག་བདག་ཅག་གིས་ཇི་སྲིད་རྩཝ་དང ། ཆུ་གསར་པ་མ་རྙེད་ཀྱི་བར་དུ་རྩཝ་དང་ཆུ་རྙིང་པ་མི་འདོར་རོ། །དེ་རྣམས་དོང་ནས་ཞག་གཅིག་ལོན་ན་ཡང་རྩཝ་དང་ཆུ་གསར་པ་མ་རྙེད་དོ། །ཞག་གཉིས་དང ། གསུམ་དང ། བདུན་གྱི་བར་དུ་སོང་ན་ཡང་རྩཝ་དང ། ཆུ་གསར་པ་མ་རྙེད་པ་ལས། དེད་དཔོན་གྱི་མིས་མདུན་ན་འགྲོན་པ་གནོད་སྦྱིན་མི་ཟན་གྱིས་ཚུལ་མ་ཡིན་པས་ཁ་བཏག་པ་མཐོང་ངོ ། །མཐོང་ནས་ཀྱང་འདི་སྐད་ཅེས་ཀྱེ་མའོ། །དེད་དཔོན་གྱི་མི་ནི། བུས་པ་སྟེ། དེས་འགྲོན་པ་ཚུལ་མ་ཡིན་པས་ཁ་བཏག་གི་མེད་དོ། །ཞེས་སྨྲས་སོ། །དེ་ནི། བདེ་བ་དང་ལེགས་པར་དགོན་པའི་ལམ་རྟོལ་བར་གྱུར་ཏོ། །དེའི་ཚེ་དེའི་དུས་ཀྱི་དེད་དཔོན་ཕྱི་མ་ཤོས་གང་ཡིན་པ་དེ་ནི། ང་ཉིད་ཡིན་ནོ། །རྒྱལ་པོ་ཆེན་པོ། ངས་སེམས་ཅན་རྗེས་སུ་བཟུང་བ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངས་སེམས་
Kha404a
༄#། །ཅན་རྗེས་སུ་བཟུང་བ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཞེས་བྱ་བ་ནས་ཚོགས་ཙམ་ཡིན་ནོ། །ཞེས་བྱ་བའི་བར་གོང་མ་བཞིན་ནོ། །སྡོམ་ལ། མཆེ་བ་དྲུག་དང་རི་བོང་དང ། །ཕ་དང་མ་དང་ཆུ་སྐྱེས་དག། ཚལ་ཚིག་གླང་པོ་ཀླུ་དང་ནི། །ཡུལ་འཁོར་སྐྱོང་ལ་སོགས་པའོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་རྣམས་ལ་བྱམས་པའི་སེམས་བསྐྱེད་པ་གང་ཡིན་པ་དེ། ཉོན་ཅིག། རྒྱལ་པོ་ཆེན་པོ། སྔོན་བྱུང་བ། ནགས་ཚང་ཚིང་རི་དང་འབབ་ཆུ་མང་པོས་གང་བ། རྩཝ་སྔོན་པོ་དང ། གེལ་བ་དང ། ཤིང་སཱ་ལ་དང ། པ་ལ་ཤས་མཛེས་པར་བྱས་པའི་ཕྱོགས་ཤིག་ན། བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་ན་གླང་པོ་ཆེའི་རྒྱལ་པོ་མཆེ་བ་དྲུག་པ་ཞིག་ཏུ་གྱུར་ཏོ། །དེའི་ཆུང་མ་བན་གླང་མོ་བཟང་མོ་ཞེས་བྱ་བ། བན་གླང་མོ་ཐམས་ཅད་ཀྱི་ནང་ན་མཆོག་ཏུ་བྱུང་བ་དེ་དང ། དེ་ལྷན་ཅིག་ཁྱུ་ལས་གར་ཏེ་ཕྱོགས་གཞན་ཞིག་ཏུ་དགའ་མགུར་རྒྱུ་ཞིང་གནས་པ་ལས། ཇི་ཙམ་ན་བན་གླང་མོ་མཆོག་།མཆོག་ཏུ་ཡིད་འཕྲོག་མ་གཞན་ཞིག་ཡིད་ལའང་མི་བསམ་པ་ལས། གླང་པོ་ཆེའི་རྒྱལ་པོ་མཆེ་བ་དྲུག་པའི་དྲུང་དུ་ཕྱིན་ཏོ། །དེ་ནས་དེ་ཡང་མཁས་པའི་ཡོན་ཏན་དང་ལྡན་པ་ཞིག་པས་གླང་པོ་ཆེ་དེ་ཇི་ལྟར་དེ་ལ་ཆགས་པའི་སེམས་དང་འབྲེལ་བས། དེ་འགྲོ་ན་ཡང་ཕྱིས་བཞིན་འབྲང ། འདུག་ནའང་འདུག་པར་འགྱུར་བ་དེ་ལྟ་དེ་ལྟ་བུར་བསྙེན་
Kha404b
བཀུར་བྱས་སོ། །དེ་ནས་བན་གླང་མོ་བཟང་མོ། ཕྲག་དོག་གི་སྐྱོན་གྱིས་མི་བཟོད་པ་སྐྱེས་ནས་བན་གླང་མོ་དེ་ལ་ཀླན་ཀ་ཚོལ་བར་གྱུར། གླང་པོ་ཆེ་མཆེ་བ་དྲུག་པ་ལ་ཡང་ཤིན་ཏུ་ཚིག་པ་ཟའོ། །གནས་སྐབས་ཐམས་ཅད་དུ་ནམ་ཡང་གླགས་མ་རྙེད་པ་དེའི་ཚེ། སྨོན་ལམ་ལོག་པར་གདབ་པར་བརྩམས་པ། གང་དུ་གླང་པོ་ཆེ་བྱས་པ་ཆུད་གསོན་པ་འདིའི་སྲོག་གཅོད་པར་འགྱུར་བ་དེར་སྐྱེ་བར་གྱུར་ཅིག། ཅེས་སྨོན་ལམ་བཏབ་ནས་དེས་རི་ཁ་ནས་བདག་ཉིད་མཆོངས་ཏེ་ཤི་བ་ལས། ལུས་འཕགས་ཀྱི་རྒྱལ་པོའི་བཙུན་མོ་དམ་པའི་མངལ་དུ་སྐྱེས་ནས། ཟླ་བ་དགུ་འདས་ནས་བུ་མོ་ཞིག་བཙས་ཏེ་སྐྱེད་བསྲིངས་ནས་ཆེན་མོར་གྱུར་ཏོ། །གང་གི་ཚེ་བག་མར་གཏང་རན་པ་དེའི་ཚེ་ཡུལ་ཀ་ཤིའི་རྒྱལ་པོ་ཚངས་སྦྱིན་ལ་བྱིན་ཏེ། དེས་བཙུན་མོ་དམ་པར་བྱས་སོ། །དེས་ཚེ་རབས་སྔོན་མའི་ཤ་འཁོན་ཡོད་པས། བྱ་ར་བ་རྣམས་ཀྱིས་གླང་པོ་ཆེ་མཆེ་བ་དྲུག་པ་བྱ་རས་སོད་པར་བྱེད་དུ་བཅུག་སྟེ། དེ་ནས་དེས་རྒྱལ་པོ་ཚངས་སྦྱིན་ལ་སྨྲས་པ། ལྷ། ཕྱོགས་ཆེ་གེ་མོ་ཞིག་ན། གླང་པོ་ཆེ་མཆེ་བ་དྲུག་པ་མཆིས་ཞེས་མཆི་ན། དེའི་མཆེ་བ་བདག་ལ་འཚལ་བ་ཞིག་མཆིས་ཀྱི། ལྷས་གྲོང་མི་རྣམས་ལ་བཀའ་སྩལ་ཏུ་གསོལ། དེ་ནས་རྒྱལ་པོས་ཡུལ་ཐམས་ཅད་ན་གནས་པའི་རྔོན་པ་རྣམས་བཀུག་སྟེ་བསྒོ་བ། ཤེས་ལྡན་དག། དེངས་ལ། ཕྱོགས་ཆེ་གེ་མོ་ཞིག་ན། གླང་པོ་ཆེ་མཆེ་བ་དྲུག་པ་ཞིག་འདུག་པ་དེའི་མཆེ་བ་དགོས་ཀྱི། མྱུར་དུ་ཁྱེར་ཏེ་ཤོག་ཅིག། ལྷ། བཀའ་བཞིན་དུ་འཚལ་ཞེས་རྔོན་པ་དེ་རྣམས་ཀྱིས་རྒྱལ་པོ་ཚངས་སྦྱིན་ལས་མཉན་ཏོ། །དེ་ནས་
Kha405a
༄#། །རྔོན་པ་དེ་རྣམས་ཀྱི་སྡེ་དཔོན་གང་ཡིན་པ་དེས། རྔོན་པ་དེ་རྣམས་ལ་སྨྲས་པ། ཤེས་ལྡན་དག། རང་རང་གི་ལས་ལ་འབད་ཅིང་འདུག་ཅིག་དང་ཁོ་བོ་ཁོ་ན་འགྲོའོ། །ཞེས། དེས་གཏོར་མའི་ཆོ་ག་བྱས། གོ་བགོས། མདའ་དུག་ཅན་ལག་ལ་ཐོགས། གཞུ་བརྡུངས་ཏེ་གླང་པོ་ཆེ་ཚོལ་ཞིང་སོང་བ་ལས། ཕྱོགས་དེར་ཕྱིན་པ་དང་དེས། དེ་ཁྱུ་ལས་གར་ཏེ་ཆུང་མ་དང་ལྷན་ཅིག་དགའ་མགུར་རྒྱུ་ཞིང་བག་བརྐྱང་སྟེ་འདུག་པ་མཐོང་ངོ ། །སྨྲས་པ། ཨུཏྤལ་པདྨ་བདོ་བའི་ཆུ་ལྡན་ཡུལ་ཕྱོགས་སུ། །གླང་ཆེན་དམ་པ་མེ་ཏོག་ཀུན་ད་ཟླ་བ་དང ། །བ་ཡི་འོ་མ་དང་ནི་བ་མོའི་མདོག་ཅན་དེ། །གངས་རི་བརྩེགས་པ་འགྲོ་བ་ལྟ་བུར་དེ་ཡིས་མཐོང ། །གླང་ཆེན་མཆོག་གི་དབང་པོ་ཟླ་བ་འདྲ་བ་དེའི། །མཆེ་བ་དྲུག་པོ་ཟླ་བའི་འོད་ཟེར་ལྟར་སྤ་བ། །པདྨ་དཀར་པོའི་ཕུང་ཆེན་གྱེན་དུ་འཕགས་པ་ལ། །པདྨའི་རྩ་ལག་དྲི་མེད་སྡུག་ཅིག་རྟེན་ཀོ་ལྟ། །དེ་ནས་རྔོན་པ་དེས་ལུས་ལ་གོས་ངུར་སྨྲིག་བགོས། མདའ་གཞུ་མཆན་དུ་བཅུག་ནས་འཁྲི་ཤིང་ཚང་ཚིང་གི་ནང་ནས་འཇབ་ཅིང་གོམ་པ་བརྟན་ཏེ་དལ་བུས་ཉེ་བར་སོང་བ་དང ། དེ་ནས་བན་གླང་མོ་དེས་རྒྱང་རིང་པོ་ཁོ་ན་ནས་མཐོང་ནས་དེས། ཁྱིམ་ཐབ་དེ་ལ་སྨྲས་པ། ལྷ། ཚུར་སྤྱོན། མི་ཞིག་མཆི་ཡི་གཞན་དུ་བཞུད་དོ། །དེས་སྨྲས་པ། མི་ཅི་འདྲ་བ་ཞིག་།དེས་སྨྲས་པ། གོས་ངུར་སྨྲིག་ཅན་ཞིག་གོ་།བྱང་ཆུབ་སེམས་དཔས་སྨྲས་པ། གལ་ཏེ་དེ་ལྟ་ཡིན་ཏེ། ཅི་སྟེ་དེ་ལ་ངུར་སྨྲིག་ཡོད་ན། བག་མ་ཚ་ཞིག་།ངུར་སྨྲིག་ལས་ནི། མི་
Kha405b
དགེ་བ་མི་འབྱུང་ངོ ། །དེ་ཅིའི་ཕྱིར་ཞེ་ན། འདི་ན་སྙིང་རྗེའི་བདག་ཉིད་བྱམས་པའི་ཡིད་ལྡན་པ། །གཞན་གསོད་དགའ་བ་སྤངས་པ་རྣམས་ཀྱི་རྒྱལ་མཚན་ཏེ། །ཟླ་བས་སིམ་པ་འབའ་ཞིག་བྱེད་ཀྱིས་གདུང་མིན་ལྟར། །འདི་ལས་འཇིགས་པ་མི་འབྱུང་འདི་ལས་ཞི་བ་ཐོབ། །དེ་ནས་བན་གླང་མོ་དེ་དང་བྱང་ཆུབ་སེམས་དཔའ་དེ་ཡང་བག་ཚ་བ་མེད་པར་རྒྱུ་བར་བརྩམས་པ་ལས། དེ་ནས་རྔོན་པ་དེས་ཚང་ཚིང་གི་ནང་དུ་ཞུགས་ནས་མདའ་དུག་ཅན་གྱིས་གནད་དུ་བསྣུན་ཏོ། །དེ་ནས་བན་གླང་མོ་དེས་བྱང་ཆུབ་སེམས་དཔའ་ལ་སྨྲས་པ། ལྷ། ཅི། ད་ཆོས་གོས་ཅན་ལས་བསྙེངས་པ་བྱུང་ངམ་མ་བྱུང ། བྱང་ཆུབ་སེམས་དཔས་སྨྲས་པ། སྙིང་གི་སྡུག་པ་མ་བྱེད་མ་བྱེད་ཅིག། ཉེས་འདི་ཐུབ་པའི་ན་བཟའ་འདིའི་མིན་གྱི། །ཉེས་འདི་ཉོན་མོངས་དབང་དུ་སོང་བ་ཡི། །སེམས་ལྡན་སྙིང་རྗེ་རྣམ་པར་སྤངས་པ་ཡི། །སྐྱེ་བོ་མ་རྨོངས་སེམས་ལྡན་རྟོག་པ་ཅན། །སུ་ཡིས་གསེར་གྱིས་གཡོགས་པའི་ལྕགས་ལ་ནི། །མི་རྣམས་སླུ་བར་བྱེད་ཅེས་བསམ་ནས་སུ། །གསེར་དེ་ལྕགས་དང་འདྲ་བ་ཉིད་དུ་ལྟ། །འདི་ཡི་མདའ་དང་གཞུ་དང་ཡིད་གདུག་པ། །གང་ཡིན་དེ་ནི་གདུག་པ་ཉིད་དུ་ཤེས། །ངུར་སྨྲིག་མཆོག་ཏུ་ཞི་བ་འདི་ཡང་ནི། །རྟག་ཏུ་ཞི་བ་ཉིད་དུ་བློ་ཡིས་རྟོགས། །དེ་ནས་བན་གླང་མོ་དེ་མི་བཟོད་པ་སྐྱེས་ནས་ཁྱིམ་ཐབ་ལ་སྨྲས་པ། བདག་ནི། ཚིག་འདི་དག་གིས་བདེ་བར་བསྐྲུན་པ་ཁྱོད་གསོད་པ་བཏང་སྙོམས་སུ་བགྱིད་རྔོ་མི་ཐོགས་པས། བདག་གིས་འདིའི་ཡན་ལག་དང ། ཉིང་ལག་རྣམས་སྤྲུགས་གཡེང་དབུག་གཤེག་གཞོམ་པར་བགྱིའོ། །དེ་
Kha406a
༄#། །ནས་བྱང་ཆུབ་སེམས་དཔས་འཛུམ་ཕྱུང་སྟེ་སྨྲས་པ། ཨེ་མའོ། ཉོན་མོངས་པའི་འབྱུང་པོ་གསོ་བའི་བྱང་ཆུབ་སེམས་དཔའི་ཆུང་མའི་མངོན་པར་ཞེན་པ་རུང་བ་མ་ཡིན་ནོ།། ཅི། འདི་ཡང་མི་ཤེས་སམ། འབྱུང་པོ་གདོན་གྱིས་ཐེབས་པ་སེམས་རྨོངས་པ། །ནད་པ་དེས་ནི་སྨན་པ་མི་བཀུར་ཏེ། །དེ་ལ་སྨན་པ་གནོད་པ་མི་བྱེད་ཀྱི། །འབྱུང་པོ་དེ་ཉིད་ཟིལ་གྱིས་མནན་ནས་འཇོམས། །དེ་བཞིན་ཉོན་མོངས་གདོན་གྱིས་ཐེབས་པ་ཡི། །སྐྱེ་བོ་སེམས་རྨོངས་འདི་ནི་སྡིག་རབ་བྱེད། །དེ་ལ་བདག་ཤེས་ཉོན་མོངས་གནོད་བྱེད་ཀྱི། །ཉོན་མོངས་པ་ཡིས་ཕམ་བྱས་རྣམས་ལ་མིན། །ལྷན་ཅིག་སྤྱོད་མ་བདག་གིས་བྱང་ཆུབ་ཐོབ་ནས་སྲིད་གསུམ་འདི། །གྲགས་པས་ཀུན་བཀང་ཉོན་མོངས་གཡོ་ཅན་དྲན་འདུལ་བརྟན་པ་དང ། །དྲང་པོ་འཇོམས་བྱེད་ཁྱེར་\?\་བརླགས་བཅད་དང་བཏགས་ཅིང་བསྐམས་པ་དང ། །རབ་ཏུ་བསྐམས་པས་རིང་པོ་མི་ཐོགས་ཤིན་ཏུ་ཚར་གཅད་བྱ། །དེ་ནས་བྱང་ཆུབ་སེམས་དཔའི་ཚིག་རྣམས་ཀྱིས་བ་ན་གླང་མོ་དེ་སྙིང་རྩེ་བྲི་བར་བྱས་པས་ཅང་མི་སྨྲ་བར་འདུག་གོ་།དེ་ནས་གླང་པོ་ཆེའི་ཚོགས་དེ། བྱང་ཆུབ་སེམས་དཔའི་དྲུང་དུ་འོང་བ་དང ། བྱང་ཆུབ་སེམས་དཔས་བསམ་པ། གླང་པོ་ཆེ་འདི་དག་གིས་འདི་ཉིད་དུ་རྔོན་པ་འདི་ལ་གནོད་པ་བསྐྱེད་ན་མི་རུང་ངོ ། །སྙམ་མོ། །འདི་ནི། ཆོས་ཉིད་ཡིན་ཏེ། བཅོམ་ལྡན་འདས་བྱང་ཆུབ་སེམས་དཔའ་རྣམས་ནི། ལུས་ཀྱིས་ལོག་པར་ལྟུང་བར་འགྱུར་གྱི། སེམས་ཀྱིས་ནི་མ་ཡིན་
Kha406b
པས། དེ་རྔོན་པ་དེའི་མདུན་དུ་སོང་ནས། མིའི་སྐད་ཀྱིས་མ་འཇིགས་ཤིག་ཅེས་སྨྲས་ཏེ། དབུགས་ཕྱུང་ནས་བྲང་འོག་ཏུ་སྦས་ཏེ་འདུག་གོ། གླང་པོ་ཆེ་དེ་རྣམས་ཀྱང་སྙད་ཅིག་བཏགས་ནས་ཕྱོགས་དེ་ནས་གཞན་དུ་བཏང་ངོ ། །གླང་པོ་ཆེ་རྣམས་དོང་བ་དང ། དེས་རྔོན་པ་ལ་སྨྲས་པ། ཀྱེ་ནང་རྗེ། ཤེས་པར་གྱིས་ཤིག་།གླང་པོ་ཆེ་རྣམས་དོང་གི། ད་ནི། རང་གི་དགོས་པ་བྱོས་ཤིག་།རྔོན་པས་བསམ་པ། བདག་འདྲ་བའི་མི་ནི། ཐ་ཤལ་ཡིན་ཏེ། བདག་ལ་དུད་འགྲོའི་སྐྱེས་གནས་སུ་སོང་བ་འདིས་ཀྱང་ཡོན་ཏན་འདི་ལྟ་བུ་དག་གིས་དད་པ་བསྐྱེད་དོ། །སྙམ་ནས། དེ་སྐད་ཕྱུང་སྟེ་ངུས་པ་དང ། དེ་ནས་བྱང་ཆུབ་སེམས་དཔས་སྨྲས་པ། ཀྱེ་ནང་རྗེ། ཅིའི་ཕྱིར་དུ། རྔོན་པས་སྨྲས་པ། བརྒྱབ་བོ། །བྱང་ཆུབ་སེམས་དཔའ་མི་དགའ་ནས་བསམ་པ། མ་ལ་བདག་གིས་སྐྱབས་བྱས་པའི་ཚེ་གནོད་པར་གྱུར་པའམ། བན་གླང་མོ་འདིས་བདག་གསོད་པ་ལ་མི་བཟོད་པ་སྐྱེས་པས། འདི་ལ་མི་དགའ་བ་ཅུང་ཟད་ཅིག་བྱས་པར་གྱུར་ཏམ་སྙམ་ནས། རྔོན་པ་དེ་ལ་སྨྲས་པ། ཀྱེ་ནང་རྗེ། ཁྱོད་སུ་ཞིག་གིས་བརྒྱབ། དེ་ནས་རྔོན་པ་དེ་མིག་མཆི་མའི་དབའ་རླབས་ཀྱིས་གང་བཞིན་དུ་སྨྲས་པ། གླང་ཆེན་དབང་པོ་ཁྱོད་ཀྱི་ནི། །ལུས་ལ་བདག་གི་མདའ་ཡིས་བརྒྱབ། །ཁྱོད་ཀྱི་ཡོན་ཏན་ཚོགས་ཀྱི་མདས། །བདག་གི་སེམས་ལ་བརྒྱབ་པར་གྱུར། ། དུག་ཅན་མདའ་ཡིས་ཕོག་པ་ཡི། །ལུས་རྣམས་སྐྱེས་པར་འགྱུར་བ་སྟེ། །ཡོན་ཏན་གྱི་ནི་མདས་ཕོག་པའི། །མི་མཁས་རྣམས་ནི་སྐྱེ་མི་འགྱུར། །གཤེད་མ་ལ་ཡང་སྙིང་རྗེ་བ། །འདི་འདྲ་གང་ལ་ཡོད་
Kha407a
༄#། །གྱུར་པ། །ཡོན་ཏན་རྒྱ་མཚོ་ཁྱོད་ཀྱི་ནི། །ཡོན་ཏན་དེང་བརྗོད་སུ་ཡིས་ནུས། །མདོར་ན་བདག་ནི་མི་སྙམ་པའི། །བློ་ཡང་བདག་ལ་མི་འབྱུང་གི། བདག་ལུས་ཡོན་ཏན་གྱིས་སྟོང་པ། །འདི་ལ་ཚིག་བ་ཟ་བ་སྐྱེས། །མི་ཡི་ཤ་ཚུགས་ལྡན་ཡང་བདག་།དུད་འགྲོའི་སྐྱེ་གནས་སོང་བ་ཡིན། །གླང་ཆེན་མཆོག་ཁྱོད་དུད་འགྲོ་ཡི། །སྐྱེ་གནས་ཤ་ཚུགས་འཆང་ཡང་མི། །ཤ་ཚུགས་ཙམ་གྱིས་དུད་འགྲོའམ། །མིར་ཡང་བརྩི་བ་མ་ཡིན་གྱི། །གང་ལ་ཡོན་ཏན་ཉེར་དམིགས་པ། །དེ་ནི་མི་ཞེས་བྱ་བར་དྲན། །བྱང་ཆུབ་སེམས་དཔས་སྨྲས་པ། ཡོན་ཏན་གྱིས་བསྟོད་པར་བྱེད་པའི་ཚིག་གིས་གཏམ་གྱི་བར་ཆད་བྱེད་པ་ཐོང་ལ། དོན་ཅི་ཞིག་གི་ཕྱིར་ཁྱོད་ཀྱིས་ང་ལ་མདས་བསྣུན་པ་མྱུར་དུ་སྨྲོས་ཤིག་།དེས་སྨྲས་པ། རྒྱལ་པོའི་ནན་ཏུར་གྱིས་བདག་གིས་བྱ་བ་མ་ཡིན་པ་འདི་བྱས་ཏེ། ཁྱོད་ལས་དགོས་པ་ཞིག་ཡོད་དོ། །བྱང་ཆུབ་སེམས་དཔས་སྨྲས་པ། གལ་ཏེ་དེ་ལྟ་ན་དལ་བུས་ཐོང་ལ། ལག་པ་གཉིས་ནི་མྱུར་རྐྱོང་ལ། །ཅི་འདོད་པ་ནི་བླང་བར་གྱིས། །བྱང་ཆུབ་སེམས་དཔའ་རྣམས་ལ་ནི། །མི་གཏོང་ཅུང་ཟད་མེད་པས་ལོངས། །བདག་གི་ཤ་འདི་བཅད་ནས་འཁྱེར་བའམ། །མཆེ་བ་རྣམས་ཀྱང་འདོད་པར་བྱེད་ལ་རག་།འདི་ནི་གཞན་ལ་བརྩེ་བའི་ཕྱིར་བསྐྱེད་པས། །ལུས་འདི་ལ་ནི་ཇི་ལྟར་དགའ་བར་གྱིས། །མྱ་ངན་འདས་པའི་གྲོང་ཁྱེར་འཇུག་ནུས་ཀྱང ། །འཁོར་བ་བགྲོད་དཀའ་བདག་ནི་ཞུགས་པ་གང ། །ཐམས་ཅད་མཁྱེན་པ་ཉིད་ཀྱི་གཞིར་གྱུར་པ། །གཞན་ལ་
Kha407b
བརྩེ་བ་དེ་ཡི་རྒྱུ་ཡིན་ནོ། །དེ་ནས་རྔོན་པ་དེ་ངོ་ཚ་བ་སྐྱེས་ཀྱང ། རྒྱལ་པོའི་ནན་ཏུར་ལ་བསམ་ནས་སྨྲས་པ། ཁྱོད་ཀྱི་མཆེ་བ་རྣམས་དགོས་ལགས་སོ། །བྱང་ཆུབ་སེམས་དཔས་སྨྲས་པ། དལ་གྱིས་ཕྱུང་ལ་ཁྱེར་ཅིག་།དེས་སྨྲས་པ། ཁྱོད་ཉིད་ཀྱིས་ཐུགས་དཔག་མཛོད་ཅིག་།བདག་ནི་ཁྱོད་ཀྱི་མཆེ་བ་འབྱིན་མི་ཕོད་དོ། །དེ་ཅིའི་ཕྱིར་ཞེ་ན། གལ་ཏེ་སྙིང་རྗེའི་བདག་ཉིད་ཅན། །ཁྱོད་ཀྱི་མཆེ་བ་རྣམས་ཕྱུང་ན། །བྱམས་པའི་མེ་ཡིས་ངེས་བསྲེགས་ནས། །བདག་གི་ལག་གཉིས་མི་ལྟུང་ངམ། །བྱང་ཆུབ་སེམས་དཔས་སྨྲས་པ། གལ་ཏེ་དེ་ལྟ་ན། ང་ཉིད་ཀྱིས་ཕྱུང་ལ་སྦྱིན་ནོ། །ཞེས་དེ་ནས་དེས་མཆེ་བ་རྩ་བ་ཤིན་ཏུ་རིང་དུ་ཟུག་པ་དག་ཕྱུང་བ་དང་བདག་ཉིད་ཆེན་པོ་དེ་ལས་ཁྲག་ཕྱུང་སྟེ། དེ་མཐོང་ནས་གཞན་དག་གིས་དཔེར་བྱས་པ། མཆེ་བ་བཏོན་པ་ལས་བྱུང་ཁྲག་གིས་མཐོང་ཀ་ཀུན་ནས་བཤོས་པ་དེའི། །མེ་ཏོག་ཀུ་མུ་ཏ་བཀྲམ་མདོག་ལྟ་བུ་ཡི་ལུས་དེ་དཔལ་ལྡན་རྣམ་པར་མཛེས། །རི་སྟེང་ཁ་བས་ཁེབས་པའི་རི་བོ་འོད་ཟེར་མཛེས་དང་ལྡན་གྱུར་པའི། །རྩེ་མོ་ཚོན་རྩི་བཙག་གིས་ཁ་བསྒྱུར་ཆུ་ཡིས་གསབ་གསེབ་གཏོར་བ་བཞིན། །དེ་ནས་བྱང་ཆུབ་སེམས་དཔས་བདག་ཉིད་སྤྲོ་བསྲིང་བའི་ཕྱིར་སྨྲས་པ། སྙིང་ཁྱོད་ད་ནི་བརྟན་པར་མནོས་ཤིག་རྨོངས་སུ་ཅི་ཞིག་ཡོད། །ཕོངས་པར་གྱུར་དང་མགོན་མེད་འཇིག་རྟེན་ལ་ཡང་བལྟ་བར་གྱིས། །ཁྱོད་ནི་སྐྱེ་བོ་འཆི་བའི་དབང་དུ་སོང་བ་རྣམས་ཀྱི་མགོན། །དེ་ལྟས་འདིར་ནི་དེ་ཞུམ་བྱ་བའི་ཆ་མ་ཡིན། །བར་སྐབས་དེར་ནམ་མཁའི་ངོས་ཀྱང་ཡ་མཚན་གྱིས་ཡིད་རངས་པའི་ལྷ་རྣམས་ཀྱིས་གང ། ཡ་
Kha408a
༄#། །མཚན་རྣམ་པ་སྣ་ཚོགས་ཀྱང་བྱུང་ངོ ། །དེ་ནས་ལྷ་ཞིག་གིས་བྱང་ཆུབ་སེམས་དཔའི་ལས་ཤིན་ཏུ་དཀའ་བ་སྤྱོད་པ་དེ་མཐོང་ནས་སྨྲས་པ། གྲོགས་པོ། བདག་ཉིད་ཆེན་པོའི་གནས་གང་ཡིན་པ་འདི་ནི། ཡ་མཚན་ཆེ་སྟེ། མཆེ་བ་རྣམས་ནི་ཕྱུང་བ་ཡི། །ཚོར་བས་ཉམ་ཐག་གྱུར་ཀྱང་དེ། །ལྷག་པའི་བསམ་དང་ལྡན་པའི་སེམས། །བྱང་ཆུབ་ལས་ཀྱང་མི་ལྡོག་གོ་།དེ་ནས་ལྷ་གཞན་ཞིག་གིས་དེ་ལ་སྨྲས་པ། མཆེ་བ་ཕྱུང་བ་ལས་བྱུང་བའི། །སྡུག་བསྔལ་རང་གིས་མྱོང་ཡང་དེའི། །སྙིང་རྗེ་དམྱལ་བ་ལ་གནས་པའི། །སེམས་ཅན་རྣམས་ལ་མངོན་འཕེལ་བ། །གང་དག་ཡིན་པ་དེ་ཡི་སེམས། །བྱང་ཆུབ་ལས་ལྡོག་ག་ལ་འགྱུར། །དེ་ནས་བྱང་ཆུབ་སེམས་དཔས་མཆེ་བ་དེ་དག་ཕྱུང་ནས་རང་ཉིད་ཐོགས་ཏེ་ཅང་མི་སྨྲ་བར་འདུག་གོ། དེ་ནས་རྔོན་པ་མི་དགའ་བ་སྐྱེས་ཏེ། ཅི། འདིས་རང་གི་མཆེ་བ་དེ་དག་བཟུང་ནས་སྦྱིན་པར་གཏོང་མི་འདོད་དམ་སྙམ་མོ། །དེ་ནས་བྱང་ཆུབ་སེམས་དཔས་དེའི་བསམ་པ་ཤེས་ནས། མེ་ཏོག་ཀུན་ད་ལྟ་བུའི་སྣ་མངོན་དུ་བརྐྱངས་ནས། གྲོགས་པོ། བག་མ་ཚ་ཞིག་ཅེས་སྨྲས་ཏེ། ཀུ་མུ་ཏ་དང་ཟླ་བ་དང ། པདྨའི་རྩ་འདྲ་མཆེ་བའི་མཆོག། དྲུག་པོ་འདི་དག་ཁྱོད་སྦྱིན་ཞེས། །བདག་གིས་བཟུང་གི་བདེ་བར་འདུག་།སྐད་ཅིག་ཙམ་ཞིག་སྡོང་ཅིག་དང ། །ལེན་པ་པོ་དང་ཉེ་བར་ནི། །དེ་ཡི་བར་གྱི་སྡུག་བསྔལ་གྱིས། །གདུངས་པའི་ཡིད་རབ་དང་བར་བྱ། །གལ་ཏེ་ཁྱོད་ནི་ཅི་སྟེ་བདག་བརྟགས་ནས། །ཁྱོད་ཀྱིས་སེམས་ནི་རབ་ཏུ་དང་བར་བྱ། །བདག་ནི་གསོད་འཁུ་གཡོན་ཅན་ངོ་ཚ་མེད། །དེ་ལ་གོ་བར་གྱིས་ཤིག་སྙམ་སེམས་ན། །ཁྱོད་ཀྱི་
Kha408b
ཉེས་སྤྱད་གདུག་དང་གཞུ་གདུག་པ། །དེ་དང་མདའ་རྣོན་ཁྱད་དུ་བསད་ནས་ནི། །ངུར་སྨྲིག་འཕགས་པའི་རྒྱལ་མཚན་གྱུར་པ་དེ། །མཐོང་ནས་ཡིད་ནི་རབ་ཏུ་དང་བར་བྱ། །སྦྱིན་པ་ཁ་ཅིག་ལེན་པ་ལས་འདག་སྟེ། །དེ་བཞིན་གཞན་ནི་སྦྱིན་པ་པོ་ལས་འདག་།དེ་ཡི་ཕྱིར་ན་འདིར་ནི་རང་སེམས་ལས། །ཡོན་གྱི་དག་པ་ཡང་དག་བསྐྱེད་པར་འབད། །དེ་ནས་བྱང་ཆུབ་སེམས་དཔས་འདི་ནི། འདོད་ཆགས་དང་བྲལ་བའི་རྒྱལ་མཚན་ཡིན་ནོ། །སྙམ་ནས། ངུར་སྨྲིག་དེ་ཉིད་ལ་རྟོག་ཅིང་སེམས་རབ་ཏུ་དང་བར་བྱས་ཏེ། མཆེ་བ་རྣམས་རང་གི་ལག་ནས་བྱིན་ནས་སྨྲས་པ། དུག་ཅན་མདའ་ཡིས་ཕོག་ནས་བདག་གི་སྙིང་ལ་ནི། །མི་དགའ་ཅུང་ཟད་མ་གྱུར་བདེན་པ་གང་ཡིན་པའི། །བདེན་པ་དེ་ཡིས་ཡང་དག་བྱང་ཆུབ་མཆོག་ཐོབ་ནས། །འགྲོ་བ་ཉམ་ཐག་སྡུག་བསྔལ་དག་ལས་ཡོངས་ཐར་བྱ། །རྒྱལ་པོ་ཆེན་པོ། དེ་ཇི་སྙམ་དུ་སེམས། དེའི་ཚེ་དེའི་དུས་ན་གླང་པོ་ཆེའི་རྒྱལ་པོ་མཆེ་བ་དྲུག་པར་གྱུར་པ་དེ་གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། གླང་པོ་ཆེའི་རྒྱལ་པོ་མཆེ་བ་དྲུག་པ་ཞེས་བྱ་བར་གྱུར་ཏོ། །རྒྱལ་པོ་ཆེན་པོ། དེ་ན་ངས་བྱམས་པའི་སེམས་ཉེ་བར་བསྒྲུབས་པ་དང ། བྱ་དཀའ་བའི་སྦྱིན་པ་ཡོངས་སུ་བཏང་བས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་སྙམ་ན། དེ་ལྟར་མི་བལྟ་སྟེ། འོན་ཀྱང་ང་ཉིད་བྱམས་པའི་སེམས་དང ། གཏང་དཀའི་སྦྱིན་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་
Kha409a
༄#། །ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་རི་བོང་དུ་གྱུར་པ་ན། དྲང་སྲོང་ལ་བདག་ཉིད་ཀྱི་ཤ་བྱིན་པ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། འདས་པ་ན་རི་ཁྲོད་ཆུ་མིག་དང ། མེ་ཏོག་དང ། འབྲས་བུ་དང ། རྩ་བ་ཕུན་སུམ་ཚོགས་པ་ཞིག་ན་དྲང་སྲོང་དཀའ་ཐུབ་དྲག་པོ་ཅན། འབྲས་བུ་དང ། རྩ་བ་དང ། ཆུ་སྤྱོད་པ། གཡང་གཞི་དང ། ཤིང་ཤུན་གྱོན་པ། སྦྱིན་སྲེག་བྱེད་པ་ཞིག་གནས་སོ། །དྲང་སྲོང་དེའི་གྲོགས་པོ་རི་བོང་མི་སྐད་དུ་སྨྲ་བ་ཞིག་ཡོད་དེ། དེ་ཉིན་པར་དྲང་སྲོང་གི་དྲུང་དུ་སོང་ནས་སོན་པ་དང་ཕྱག་བྱས་ཏེ། གཏམ་རྣམ་པ་སྣ་ཚོགས་ཀྱིས་ཡང་དག་པར་མགུ་བར་བྱེད་པས། དེ་གཉིས་ཕ་དང་བུ་ཁོ་ན་བཞིན་སྡུག་པས་གནས་པར་གྱུར་ཏོ། །ཇི་ཙམ་དུས་འདས་པ་དང་ཐན་ཆེན་བྱུང་སྟེ། དེས་འབབ་ཆུ་དང ། ཀླུང་རྣམས་ཆུ་ཆུང་བར་གྱུར་ཅིང ། ཤིང་རྣམས་མེ་ཏོག་དང ། འབྲས་བུར་མི་ལྡན་པར་གྱུར་ཏོ། །དེ་ནས་དྲང་སྲོང་དེ་བསྟི་གནས་དེ་ན་ཁ་ཟས་དང་བྲལ་བ་ལྷག་པར་དགའ་བར་མ་གྱུར་ནས། དེ་གཡང་གཞི་དང ། ཤིང་ཤུན་རྣམས་བསྡུ་བར་བརྩམས་སོ། །དེ་ནས་རི་བོང་གིས་དེ་དེ་ལྟ་བུ་ལ་ཞུགས་པ་མཐོང་ནས་དྲིས་པ། དྲང་སྲོང་ཆེན་པོ། གང་དུ་བཞུད། དྲང་སྲོང་གིས་སྨྲས་པ། གྲོང་འདབ་ཏུ་སོང་ལ་དེར་བཅོས་པའི་བསོད་སྙོམས་ཀྱིས་འཚོ་བར་བྱའོ། །དེ་ནས་དེས་དྲང་སྲོང་གི་ཚིག་ཐོས་ནས་གདུང་བ་སྐྱེས་ཏེ་ཕ་མ་དང་བྲལ་བར་སེམས་ཤིང ། རྐང་པ་
Kha409b
གཉིས་ལ་གཏུགས་ནས། དྲང་སྲོང་དེ་ལ་སྨྲས་པ། བདག་མ་དོར་ཅིག་།གཞན་ཡང་ཁྱིམ་ན་གནས་པ་ནི། ཉེས་པ་དུ་མས་དཀྲུགས་པ་ལགས་ལ། དགོན་པ་ན་གནས་པ་ནི། ཡོན་ཏན་དུ་མ་ཕུན་སུམ་ཚོགས་པ་ལགས་སོ། །དེས་ལན་དུ་མ་སྨྲས་ན་ཡང་ལྡོག་ཏུ་མ་བཏུབ་ནས་དེ་ནས་རི་བོང་གིས་སྨྲས་པ། གལ་ཏེ་དེས་ན། འོན་ཀྱང་རེ་ཞིག་དེང་ལ་གཞེས་ལ། ཇི་ལྟར་དགྱེས་པ་བཞིན་དུ་སང་བཞུད་ཅིག་།དེ་ནས་དྲང་སྲོང་དེ། འདི་སྙམ་དུ་སེམས་ཏེ། འདིས་དེ་རིང་ངེས་པར་བདག་ཁ་ཟས་ལ་མགྲོན་དུ་འབོད་པར་འདོད་དེ། འདི་ལྟར་དུད་འགྲོའི་སྐྱེ་གནས་སུ་སོང་བའི་སྲོག་ཆགས་འདི་དག་ནི། གསོག་པ་ལ་བརྩོན་པ་ཡིན་ནོ། །སྙམ་ནས། དེས་དེ་ལ་ཁས་བླངས་སོ། །དེ་ནས་མེའི་སྤྱད་པ་བྱས་ནས་ཁ་ཟས་ཀྱི་དུས་ལ་བབ་པ་དང ། རི་བོང་སོང་ནས་དྲང་སྲོང་དེ་ལ་བསྐོར་བ་བྱས་ཏེ་བཟོད་པར་གསོལ་བར་བརྩམས་པ། དྲང་སྲོང་ཆེན་པོ། བདག་དུད་འགྲོའི་སྐྱེ་གནས་སུ་སྐྱེས་པས་བླང་བ་དང ། དོར་བ་མ་འཚལ་ནས་ཁྱོད་ལ་ནོངས་པ་ཅུང་ཟད་ཅི་བགྱིས་པ་བདག་ལ་བཟོད་པར་མཛོད་ཅིང ། ཅེས་སྨྲས་ནས་དེ་མ་ཐག་ཏུ་མེའི་ནང་དུ་མཆོངས་སོ། །དེ་ནས་དྲང་སྲོང་དེ་མི་དགའ་བ་སྐྱེས་ཏེ། ངོམ་ཟུམ་གནག་ལ་མཆི་མ་ཟག་ཅིང་བུ་སྡུག་པ་གཅིག་པུ་ལ་བྱ་བ་བཞིན་དུ་འཁྱུད་ནས་སྨྲས་པ། བུ། འདི་ཅི་ཞིག་བྱེད་པར་བརྩམས། རི་བོང་གིས་སྨྲས་པ། དྲང་སྲོང་ཆེན་པོ། དགོན་པར་དགྱེས་པར་མཛོད་ལ། བདག་གི་ཤས་ཉིན་ཞག་གཅིག་གི་འཚོ་བ་མཛོད་ཅིག་།གཞན་ཡང ། ནགས་སུ་སྐྱེས་པའི་རི་བོང་ལ་ཏིལ་དག་དང ། མོན་སྲན་སྡེའུ་དང ། འབྲས་
Kha410a
༄#། །ཐུག་ཆེན་པོ་ཅི་མ་མཆིས། བདག་གི་ལུས་ནི་ཞུགས་སུ་ལེགས་པར་བསྒྲལ་བ་འདི། །འདི་རུ་གསོལ་ལ་དེང་ལ་དཀའ་ཐུབ་ནགས་སུ་བཞུགས་པར་མཛོད། །དེ་ནས་དྲང་སྲོང་དེས་རི་བོང་གི་ཚིག་ཐོས་ནས་མི་དགའ་བ་སྐྱེས་ཏེ་སྨྲས་པ། གལ་ཏེ་དེ་ལྟ་ན། ཁྱོད་དགའ་བ་ལྟར་ཅི་བྱུང་བ་བྱུང ། འདི་ཉིད་དུ་སྲོག་དོར་བར་བྱས་ཏེ་གྲོང་གི་མཐར་མི་འགྲོའོ། །རི་བོང་གིས་ཚིག་དེ་ཐོས་ནས། ཡིད་དགའ་བར་གྱུར་ཏེ། མགོ་བསྟོད་ནས་ནམ་མཁའི་ངོས་ལོགས་སུ་བལྟས་ཏེ་གསོལ་བ་འདེབས་པར་ཞུགས་ཤིང་སྨྲས་པ། དགོན་པ་ལ་ནི་གནས་བཅས་ཏེ། །བདག་ཉིད་དབེན་པ་ལ་དགའ་ན། ། བདེན་པའི་ཚིག་ནི་འདི་ཡིས་ནི། །དབང་ཆེན་ལྷ་ཡིས་ཆར་ཕོབ་ཅིག། ཅེས་སྨྲས་པའི་མོད་ལ། བྱང་ཆུབ་སེམས་དཔའི་མཐུས་དབང་པོ་ཆེན་པོའི་གནས་གཡོས་པར་གྱུར་ཏོ། །ལྷ་རྣམས་ཀྱི་ཤེས་པ་མཐོང་བ་ནི། འོག་ཏུ་འཇུག་པ་ཡིན་པས་ཅི་ལས་གྱུར་བལྟས་ན། བྱང་ཆུབ་སེམས་དཔའི་མཐུ་ཡིན་ནས། ཇི་ཙམ་ན་ལྷ་རྣམས་ཀྱི་དབང་པོ་བརྒྱ་བྱིན་གྱིས་དབང་ཕྱུག་ཆེན་པོའི་ཆར་ཕབ་སྟེ། དེས་བསྟི་གནས་དེ་སླར་རྩཝ་དང ། ཤིང་གེལ་པ་དང ། སྨན་དང ། མེ་ཏོག་དང ། འབྲས་བུ་ཕུན་སུམ་ཚོགས་པར་གྱུར་ཏོ། །དེ་ནས་དྲང་སྲོང་དེས་དགེ་བའི་བཤེས་གཉེན་རི་བོང་ལ་བརྟེན་ནས་དེ་ན་གནས་ཏེ། མངོན་པར་ཤེས་པ་ལྔ་མངོན་སུམ་དུ་བྱས་སོ། །དེ་ནས་དྲང་སྲོང་གིས་སྨྲས་པ། ཀྱེ་རི་བོང ། བྱ་དཀའ་བའི་བརྩོན་འགྲུས་འདི་དང ། སྙིང་རྗེ་འདི་ལྟ་བུས་ཅི་ཞིག་དོན་དུ་གཉེར། དེས་སྨྲས་པ། འཇིག་རྟེན་ལོང་བ།
Kha410b
འདྲེན་པ་མེད་པ། ཡོངས་སུ་འདྲེན་པ་མེད་པ། སེམས་ཅན་མ་བསྒྲལ་བ་རྣམས་སྒྲོལ་བ་དང ། མ་གྲོལ་བ་རྣམས་དགྲོལ་བ་དང ། དབུགས་མ་བྱིན་པ་རྣམས་དབུགས་འབྱིན་པ་དང ། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་ཟློ་བའི་སངས་རྒྱས་སུ་འགྱུར་བར་བྱའོ། །དེ་ནས་དྲང་སྲོང་དེས་ཚིག་འདི་ཐོས་ནས་རི་བོང་ལ་སྨྲས་པ། གང་གི་ཚེ་ཁྱེད་སངས་རྒྱས་སུ་གྱུར་པ་དེའི་ཚེ་བདག་ལ་ཡང་དགོངས་ཤིག་།རི་བོང་གིས་སྨྲས་པ། དེ་བཞིན་དུ་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ན་རི་བོང་དུ་གྱུར་པ་གང་ཡིན་པ་དེ་ནི། ང་ཉིད་ཡིན་ཏེ། དེའི་ཚེ་དེའི་དུས་ན་རི་བོང་དེར་གྱུར་ཏེ། རྒྱལ་པོ་ཆེན་པོ། དེ་ན་ངས་བྱ་དཀའ་བ་བདག་ཉིད་ཡོངས་སུ་བཏང་བས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། དེ་ལྟར་མི་བལྟ་སྟེ། འོན་ཀྱང་ངའི་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་ཕ་དང་མ་ལོང་བ་ཕྲག་པས་ཁྱེར་བ་གང་ཡིན་པ་དེ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ་འདས་པའི་དུས་ན། ཝཱ་ར་ཎཱ་སིའི་གྲོང་ཁྱེར་དུ་རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དེ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང ། མི་མང་པོས་གང་བ། འཐབ་པ་དང ། འཐབ་མོ་དང ། ཁྲག་ཁྲུག་དང ། འགྱེད་པ་དང ། ཆོམ་རྐུན་མེད་ཅིང་ནད་རབ་ཏུ་ཞི་བར་གྱུར་པ།
Kha411a
༄#། །འབྲས་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ་ལ་ཆོས་ཀྱི་རྒྱལ་པོ། ཆོས་དང་ལྡན་པ། ཆོས་བཞིན་གྱིས་རྒྱལ་སྲིད་བྱེད་དོ། །དེའི་མདུན་ན་འདོན་གྱི་བྲམ་ཟེའི་བུ་ལྗང་གུ་ཞེས་བྱ་བ། རིག་པའི་གནས་བཅོ་བརྒྱད་ཀྱི་ཕ་རོལ་ཏུ་ཕྱིན་པ། དད་པ་བཟང་བ། དགེ་བའི་བསམ་པ་ཅན། བདག་ལ་ཕན་པ་དང ། གཞན་ལ་ཕན་པར་ཞུགས་པ། སྙིང་རྗེ་ཅན། ཕ་དང་མ་ལ་སྲི་ཞུ་བྱེད་པ་ཡོད་དེ། བུ་ནི། གཅིག་པུ་དེར་ཟད་ལ། ཕ་དང་མ་དེ་དག་ཀྱང་རྒས་ནས་མིག་ཉམས་ཏེ་ལྡོངས་ལ་ཐུག་པ་དང ། དེ་ནས་དེའི་ཕ་མས་རྒྱལ་པོ་ཚངས་སྦྱིན་ལ་གསོལ་པ། རྒྱལ་པོ་ཆེན་པོ། གཞོན་ནུ་ལྗང་གུ་འདི་མདུན་ན་འདོན་དུ་དབང་བསྐུར་དུ་གསོལ། བདག་ཅག་དཀའ་ཐུབ་ཀྱི་ནགས་སུ་མཆི་ལགས་སོ། །དེ་ནས་རྒྱལ་པོ་ཚངས་སྦྱིན་གྱིས་ལྗང་གུ་ལ་སྨྲས་པ། ལྗང་གུ་།ཁྱོད་མདུན་ན་འདོན་གྱིས་ཤིག་།དེས་སྨྲས་པ། རྒྱལ་པོ་ཆེན་པོ། བདག་མདུན་ན་འདོན་མི་འཚལ་ཏེ། བདག་ནི། རྒས་པ། ཉམ་ཆུང་བ། དབང་པོ་ཉམས་པ་རྣམས་ཀྱི་རིམ་གྲོ་འཚལ་བ་ལགས་སོ། །དེ་ནས་ལྗང་གུས་ཁྱིམ་ན་གནས་པ་དང་མདུན་ན་འདོན་མཆིལ་མའི་ཐལ་བ་བཞིན་དུ་སྤངས་ནས་ཕ་མའི་གྲོགས་སུ་ནགས་ན་གནས་སོ། །དེ་ནང་པར་ལངས་ནས་སྔར་ཕ་མ་གཉིས་ལ་སོ་ཤིང་དང ། ཆུ་གཙང་མས་བསྙེན་བཀུར་བྱེད་དོ། །དེ་ནས་དེའི་འོག་ཏུ་ལྷ་ལ་མེའི་སྦྱིན་སྲེག་གིས་མཆོད་སྦྱིན་བྱས་ནས་ཕྱིས་འབྲས་བུ་དང ། རྩ་བའི་ཕྱིར་ནགས་ཁྲོད་དུ་འཇུག་གོ་།དེ་ནས་འབྲས་བུ་དང ། རྩ་བ་དང ། ཆུ་བསིལ་བ་ཁྱེར་ཏེ་ཕ་མ་ལ་བྱིན་ནས། དེའི་
Kha411b
འོག་ཏུ་ཕྱོགས་གཅིག་ཏུ་སོང་ནས་བསམ་གཏན་ལ་བརྩོན་པར་གནས་ཏེ། རིམ་པ་དེ་ལྟ་བུས་དུས་འདའ་བར་བྱེད་དོ། །ཇི་ཙམ་ཉི་མ་གཞན་ཞིག་ལ་ནང་པར་སྔར་ལངས་ཏེ། ཕ་དང་མའི་རྐང་པ་གཉིས་ལ་ཕྱག་བྱས་ནས་གསོལ་ཏེ། རྨི་ལམ་དུ་ཡང་མཐོང་བ་རིག་པར་བྱེད་ཅིང་སྨྲས་པ། བདག་གི་གཡར་ལམ་སྦྲུལ་ནག་པོས། །བདག་ལུས་ཤིན་ཏུ་ཟོས་པ་དང ། །བདག་ནི་ཞགས་པ་ནག་པོ་ཡིས། །བཅིངས་ནས་ལྷོ་ཕྱོགས་ཁྲིད་པ་རྨིས། །གཡར་ལམ་འཇིགས་བྱེད་མཐོང་དག་གི་།སྙིང་ལ་དོགས་པ་དེང་བདག་ལ། །བླ་མ་དང་བྲལ་ཤིན་ཏུ་ནི། །མི་བཟད་འབྱུང་བར་འགྱུར་སྙམ་བགྱིད། །ཇི་ཙམ་ན་ཕ་མ་དེ་གཉིས་ཀྱིས་དབུགས་ཕྱུང་ནས་ཉི་མ་ལ་ཁ་བལྟས་ཏེ་འདུག་ནས། བདེན་པས་གསོལ་བ་བཏབ་སྟེ་རིལ་བ་ཁྱེར་ནས་ཆུ་ལེན་དུ་སོང་ངོ ། །དེའི་ཚེ་རྒྱལ་པོ་ཚངས་སྦྱིན་རི་དྭགས་འཆོར་དུ་ཆས་ཏེ་དཀའ་ཐུབ་ཀྱི་ནགས་དེར་ཞུགས་པ་དང ། རྒྱལ་པོ་དེ་སྒྲ་གྲགས་པར་ཕོག་པ་ཞིག་སྟེ། དེས་རི་དྭགས་ཀྱི་སྒྲ་ལྟ་བུ་ཞིག་ཐོས་ནས་གཞུ་རྣ་དྲུང་དུ་བཀང་སྟེ་མདའ་འཕངས་པས། ལྗང་གུའི་སྙིང་གར་ཕོག་པར་གྱུར་ཏོ། །དེ་ནས་མདའ་གནད་དུ་ཕོག་པས་ས་ལ་འགྱེལ་ཀྱང་དེ་རང་གི་སྡུག་བསྔལ་ཁྱད་དུ་བསད་ནས་ཕ་མ་ཁོ་ནའི་མྱ་ངན་བྱེད་ཅིང་སྨྲས་པ། མདའ་གཅིག་བསྣུན་པས་བདག་དང་ནི། །དབང་པོ་ཉམས་པར་གྱུར་པ་ཡི། །ཕ་དང་དེ་བཞིན་མ་དག་དང ། །བདག་ཅག་སྐྱེ་བོ་གསུམ་བསད་དོ། །དེ་ནས་རྒྱལ་པོས་དེ་ཐོས་ནས་འོངས་ཏེ་དྲིས་པ། ཅི་སྟེ་ངའི་མདའ་གཅིག་བསྣུན་པས་སྐྱེ་བོ་གསུམ་བསད། དེ་ནས་ལྗང་གུས་སྙིང་རྗེ་རྗེ་སྐད་དུ་དུས་ནས་རྒྱལ་པོ་ལ་སྨྲས་པ། བདག་པས་ཆེས་ནི་
Kha412a
༄#། །ཉམ་ཆུང་བའི། །ཕ་མ་ཡང་ནི་ལྡོངས་པར་གྱུར། །བདག་ཀྱང་མདའ་ཡིས་བསྣུན་པས་ན། །སྐྱེ་བོ་གསུམ་ནི་འཆི་བར་འགྱུར། །དེ་ནས་རྒྱལ་པོ་འཇིགས་ཤིང་སྐྲག་ལ་དངངས་ནས་ལྗང་གུ་ལ་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ། ངས་ཉེས་པ་བྱས་ཏེ། མ་ཤེས་ནས་མདའ་འཕངས་ཀྱི། ང་ལ་དམོད་པ་འདོར་དུ་མི་གཞུག་པར་ཕ་མ་ལ་གསོལ་བ་བྱ་བའི་རིགས་སོ། །དེ་ནས་ལྗང་གུས་གུས་པ་དང་བཅས་པས། རྒྱལ་པོ་དབུགས་འབྱིན་པར་བྱེད་དེ། རྒྱལ་པོ་ཆེན་པོ། བདག་དང་ཉེ་བར་མཆིས་པ་རྣམས་ལ་དབང་ཞིག་མཆིས་ན། སྙིང་རྗེ་ཅན་དང ། སྐྱེ་བོ་ལ་བྱམས་པ་དང ། འཇིག་རྟེན་ཕ་རོལ་ལ་བལྟ་བ་ལགས་པས། དམོད་པས་མ་བསྙེངས་ཤིག་།ཡང་སྨྲས་པ། བདག་གི་བླ་མ་གང་ན་བར། །རིལ་བ་འདི་ནི་སྣོམས་མཛོད་ཅིག་།དེ་དག་གི་ནི་རྐང་བཀྲུ་བ། །ཐ་མ་འདི་ནི་ལགས་པར་འགྱུར། །བདག་གི་ཚིག་གིས་རྐང་པ་ལ་ཕྱག་མཛོད་ལ་འདི་སྐད། རིང་པོར་མི་ཐོགས་པར་མཐར་ནི། གདོན་མི་ཟ་བར་འབྲལ་བར་འགྱུར་རོ། །ཞེས་ཀྱང་གསུངས་ཤིག་།དེ་ནས་རྒྱལ་པོ་རང་ཁོ་ནས་རིལ་བ་ཁྱེར་ཏེ་ནགས་ཁྲོད་དུ་ཆས་པ་དང ། དེའི་ཚེ་ཕྱོགས་བཞིར་མི་མ་ཡིན་པ་ཆེ་ཐང་དུ་འཁྲུགས་པར་གྱུར་ཏོ། །དེ་ནས་ལོང་བ་དེ་གཉིས་གཅིག་ལ་གཅིག་སྨྲས་པ། ལྗང་གུ་འདི་ནི། མཚོའི་འགྲམ་དུ་རིང་མོ་ཞིག་ལོན་ནོ། །དེ་ནས་དེའི་མས་སྨྲས་པ། ད་ལྟར་ཁོ་མོའི་ལྗང་གུ་དེ། །པདྨ་ཨུཏྤལ་གང་བའི་མཚོ། །ངང་པ་སྒྲ་སྙན་འབྱིན་པ་ན། །རི་དྭགས་ལྷན་ཅིག་རྩེ་བར་བྱེད། །དེ་ནས་རྒྱལ་པོས་དྲུང་དུ་
Kha412b
ཕྱིན་པ་དང ། དེའི་རྟིང་སྒྲ་ལས་དྲང་སྲོང་དེ་དག་གིས་སྨྲས་པ། སྙིང་དུ་སྡུག་ཅིང་མཐོང་དགའ་བ། །ལྗང་གུ་ཅི་སྟེ་ནང་དུ་འཇུག་།ཕ་མ་ཉམ་ཆུང་བཀྲེས་པ་ཡིས། །ཉམ་ཐག་པ་ལ་ཅི་ཞིག་གཙེ། །དེ་ཡིད་མ་དགའ་ནས་སྙིང་རྗེ་རྗེ་སྐད་དུ་སྨྲས་པ། ཁོ་བོ་ནི། ལྗང་གུ་མ་ཡིན་གྱི། ཁོ་བོ་རྒྱལ་པོ་ཚངས་སྦྱིན་ནོ། །བྱོན་པ་ལེགས་ཚུར་ཁྱོད་བདེའམ། །གདན་འདི་ལ་ནི་བཞུགས་ཤིག་དང ། །ལྗང་གུ་ཆབ་དང་འབྲས་བུ་དག་།ཐོགས་ནས་དེའུ་རེ་འདིར་མཆིའོ། །མི་དབང་ལྗང་གུ་ཞེས་བགྱི་བ། །ཡོན་ཏན་རྣམས་ལྡན་རང་བཞིན་བྱམས། །དེ་ཡི་བྱམས་པའི་སྟོབས་ཀྱིས་འདིར། །རི་དྭགས་དང་ནི་བྱ་རྣམས་གནས། །དེ་ནས་རྒྱལ་པོས་དྲང་སྲོང་གི་རྐང་པ་གཉིས་ལ་གཏུགས་ནས། མཆི་མ་ཟག་ཅིང་སྐད་འདར་འདར་པོར་སྨྲས་པ། ལྗང་གུ་ནི། ནགས་ཚལ་འདིའི་ནང་དུ་སྙིང་ལ་མདས་ཕོག་སྟེ། སྲོག་གི་ལྷག་མ་ཅུང་ཟད་ཅིག་ལུས་ཤིང་འདུག་གོ་།རིལ་བ་ཆུས་བཀང་བ་འདི་ནི། དེས་བསྐུར་ཏེ། འདིས་ཁྱེད་གཉིས་ཀྱི་རྐང་པའི་ཁྲུས་ཐ་མ་མཛོད་ཅིག་།དེ་གཉིས་ཀྱིས་ཐོས་ནས་བརྒྱལ་ཏེ་སའི་སྟེང་དུ་འགྱེལ་ཏོ། །དེ་ནས་རྒྱལ་པོ་ཚངས་སྦྱིན་གྱིས་ཆུས་གཏོར་ནས་བསླང་བ་དང ། དེ་གཉིས་སྙིང་རྗེ་རྗེ་སྐད་དུ་སྨྲེ་སྔགས་འདོན་པ། རྒྱལ་པོ་ཆེན་པོ། དེ་འགུམ་པས་བདག་ཅག་ཀྱང་འགུམ་དུ་བས་སོ། །དེ་ལྟ་མོད་ཀྱི། ཕྱོགས་གང་ན་མཆིས་པ་དེར་བདག་ཅག་ཁྲིད་ཅིག་དང ། ཅི་ནས་བུ་དེ་མ་གུམ་པ་ལ་རེག་པར་བགྱིའོ། །དེ་ནས་རྒྱལ་པོས་ཁྱོ་ཤུག་གཉི་ག་ཁྲིད་དེ་ཕྱོགས་དེར་ཕྱིན་པ་དང ། དེའི་སྲོག་གི་ལྷག་མ་ཅུང་ཞིག་ལུས་ནས། དེ་ནས་དེའི་ཕ་མས། ལྗང་གུའི་ལུས་ལ་ཀུན་དུ་
Kha413a
༄#། །བྱུགས་ནས་སྨྲས་པ། སྡུག་པ་འདི་ནི་སུ་ཡིས་བསྐྱེད། །ལྗོན་ཤིང་དམ་པ་སུ་ཡིས་བཅད། །དེ་ནས་རྒྱལ་པོས་རྐང་པ་གཉིས་ལ་གཏུགས་ནས་སྨྲས་པ། ཁོ་བོས་སྡིག་པའི་ལས་ཀྱིས་སུ། །ནགས་ཚལ་ནང་ནས་རྒྱུ་བ་ན། །ཁྱེད་ཅག་གི་ནི་བུ་གཅིག་པ། །འདི་ནི་མདའ་ཡིས་བསྣུན་པར་གྱུར། །དེ་ནས་དེའི་ཕ་མ་དག་སྙིང་རྗེ་རྗེ་སྐད་དུ་སྨྲེ་ཞིང་བདེན་པས་གསོལ་པར་བྱེད་པ། བུ་ཁྱོད་ཀྱིས་ནི་ཕ་མ་ལ། །བསྙེན་བཀུར་ལྷ་ལ་མེ་ཡི་ནི། །སྦྱིན་སྲེག་བྱས་པའི་བདེན་པ་གང ། །དེས་ནི་དུག་ཀྱང་ཞི་བར་ཤོག། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱི་གནས་གཡོས་པར་གྱུར་ནས། དེས་ས་གཡོས་པ་འདི་ཅི་ལས་གྱུར་ཅེས་བརྟགས་ན། བསྐལ་པ་བཟང་པོའི་བྱང་ཆུབ་སེམས་དཔའ་གནད་དུ་མདས་ཕོག་སྟེ། དུག་གིས་གློངས་པས་སྡུག་བསྔལ་བར་གྱུར་པ་མཐོང་ངོ ། །དེ་ནས་གནས་ནས་བབས་ནས་བདུད་རྩི་བཏབ་སྟེ་ཕ་མའི་བདེན་པའི་ཚིག་གང་ཡིན་པ་དང ། ལྷ་རྣམས་ཀྱི་དབང་པོའི་མཐུ་གང་ཡིན་པ་དང ། ཟུག་རྔུ་ཕྱུང་བ་གང་ཡིན་པ་དེས། རྨ་ཡང་རུབ། དུག་གི་ཤུགས་དེ་ཡང་ཞི་ནས་ལྗང་གུ་སྡུག་བསྔལ་དེ་ལས་ཡོངས་སུ་ཐར་ནས་ཡུན་རིང་པོར་ཕ་དང་མ་གཉིས་ལ་བསྙེན་བཀུར་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ན་ལྗང་གུ་ཞེས་བྱ་བར་གྱུར་པ་གང་ཡིན་པ་དེ་ནི། ང་ཉིད་ཡིན་ཏེ། རྒྱལ་པོ་ཆེན་པོ། ངས་ཕ་མ་གཉིས་ལ་བསྙེན་བཀུར་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན།
Kha413b
ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ།། །།འདུལ་བ་གཞི། བམ་པོ་ཞེ་དགུ་པ། རྒྱལ་པོ་ཆེན་པོ། གཞན་ཡང་ངས་སེམས་ཅན་ལ་ཕན་པ་བྱས་པ་དེ་ཉོན་ཅིག་།འཇིག་རྟེན་གྱི་འདུ་ཤེས་ཀྱིས་ཕ་མ་དག་སྨྱུང་བ་ལ་འཇོག་པར་བྱེད། མེར་འཇུག་པ་དང ། ཆུར་འཇུག་པར་བྱེད་པ། དམ་པ་མ་ཡིན་པའི་ཆོས་དེ། ངས་ཐམས་ཅད་ཀྱི་ཐམས་ཅད་དུ་བཅད་དོ། །རྒྱལ་པོ་ཆེན་པོ། གཞན་ཡང་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་པའི་ཕྱིར་ཉན་ཐོས་དུ་མ་མངོན་པར་ཤེས་པ་ལྔ་ལ་བཀོད་པ་གང་ཡིན་པ་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། འདས་པའི་དུས་ན་ཝཱ་ར་ཎཱ་སིའི་གྲོང་ཁྱེར་དུ་རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དེ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་པ་དང ། འཐབ་མོ་དང ། ཁྲག་ཁྲུག་དང ། འགྱེད་པ་དང ། ཆོམ་རྐུན་མེད་ཅིང ། ནད་རབ་ཏུ་ཞི་བ། འབྲས་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་ན། བུ་གཅིག་པ་ལ་བྱ་བ་བཞིན་དུ་རྒྱལ་སྲིད་བྱེད་དུ་འཇུག་གོ། རྒྱལ་པོ་ཚངས་སྦྱིན་དེའི་ཆུང་མ་ནི། ཚངས་ལྡན་མ་ཞེས་བྱའོ། །རྫིང་ནི། ཚངས་ལྡན་ཞེས་བྱའོ། །རྒྱལ་པོ་ཚངས་སྦྱིན་བུ་མེད་ཅིང་བུ་མངོན་པར་འདོད་ནས། ཞི་བ་དང ། ཆུ་ལྷ་དང ། ལུས་ངན་དང ། བརྒྱ་བྱིན་དང ། ཚངས་པ་ལ་སོགས་པ་ལྷའི་ཁྱད་པར་ལ་གསོལ་བ་འདེབས་ཤིང ། འདི་ལྟ་སྟེ། ཀུན་
Kha414a
༄#། །དགའ་ར་བའི་ལྷ་དག་དང ། ཚལ་གྱི་ལྷ་དག་དང ། བཞི་མདོའི་ལྷ་དག་དང ། སུམ་མདོའི་ལྷ་དག་དང ། གཏོར་མ་ལེན་པའི་ལྷ་དག་དང ། ལྷན་ཅིག་སྐྱེས་པ་དང ། ཆོས་མཐུན་པ་དང ། རྟག་ཏུ་རྗེས་སུ་འབྲང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན་གང་དག་གསོལ་པ་འདེབས་པའི་རྒྱུ་ལས། བུ་ཕོ་དང ། བུ་མོ་དག་སྐྱེའོ། །ཞེས་བྱ་བའི་གཏམ་དེ་ལྟ་བུ་ཡོད་དོ། ། དེ་ནི། དེ་ལྟ་མ་ཡིན་ཏེ། གལ་ཏེ་དེ་ལྟར་འགྱུར་དུ་ཟིན་ན། རེ་རེ་ལ་ཡང་འདི་ལྟ་སྟེ། དཔེར་ན། འཁོར་ལོས་བསྒྱུར་བའི་རྒྱལ་པོ་བཞིན་དུ་བུ་སྟོང་ཡོད་པར་འགྱུར་རོ། །འོན་ཀྱང་གནས་གསུམ་པོ་དག་མངོན་དུ་གྱུར་པ་ལས། མའི་མངལ་དུ་བུ་འཆགས་པར་འགྱུར་ཏེ། གསུམ་པོ་དེ་དག་གང་ཞེ་ན། ཕ་དང་མ་གཉིས་ཆགས་པར་གྱུར་ཅིང་འདུས་པ་དང ། མ་ཡང་རུང་ཞིང་ཟླ་མཚན་དང་ལྡན་པ་དང ། དྲི་ཟ་ཉེ་བར་གནས་པ་སྟེ། གནས་གསུམ་པོ་དེ་དག་མངོན་དུ་གྱུར་པ་ལས། བུ་ཕོ་དང ། བུ་མོ་དག་སྐྱེ་བར་འགྱུར་རོ། །དེ་དེ་ལྟར་གསོལ་བ་འདེབས་པ་ལྷུར་ལེན་ཅིང་འདུག་པ་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་པ། དམ་བཅས་པ་ལ་བརྟེན་པའི་སེམས་ཅན་ཞིག་།སེམས་ཅན་དམྱལ་བ་ནས་ཤི་འཕོས་ཏེ། བཙུན་མོ་ཚངས་ལྡན་མའི་མངལ་དུ་ཞུགས་སོ། ། བུད་མེད་མཁས་པའི་རང་བཞིན་ཅན་ལ་ལ་ལ། མ་འདྲེས་པའི་ཆོས་ལྔ་ཡོད་དེ། ལྔ་གང་ཞེ་ན། སྐྱེས་པ་ཆགས་པར་གྱུར་པ་ཤེས་ཤིང་ཆགས་པ་དང་བྲལ་པ་ཤེས་པ་དང ། དུས་ཤེས་ཤིང་ཟླ་
Kha414b
མཚན་ཤེས་པ་དང ། མངལ་ན་གནས་པ་ཞུགས་པ་ཤེས་པ་དང ། གང་ལས་མངལ་ན་གནས་པ་ཞུགས་པ་དེ་ཤེས་པ་དང ། ཁྱེའུ་ཤེས་ཤིང་བུ་མོ་ཤེས་པ་སྟེ། གལ་ཏེ་ཁྱེའུ་ཡིན་ན། དཀུ་གཡས་པར་བརྟེན་ཅིང་འདུག་ལ། གལ་ཏེ་བུ་མོ་ཡིན་ན། དཀུ་གཡོན་པར་བརྟེན་ཅིང་འདུག་གོ་།དེ་ཡིད་དགའ་ཞིང་ཡིད་དགའ་ནས་ཁྱིམ་ཐབ་ལ་སྨྲས་པ། རྗེའི་སྲས། བདག་ལ་སེམས་ཅན་ཞུགས་པར་གྱུར་པ་ན། འདི་ལྟར། བདག་གི་དཀུ་གཡས་པར་བརྟེན་ཅིང་མཆིས་པས། ངེས་པར་ཁྱེའུར་འགྱུར་གྱི། དགྱེས་པ་བསྐྱེད་དུ་གསོལ། དེ་ཡང་ཡིད་དགའ་ཞིང་ཡིད་དགའ་ནས་ཁོ་བོ་ཡུན་རིང་པོ་ནས་མངོན་པར་འདོད་པའི་བུའི་ངོ་བོ་མཐོང་བ་དང ། ཁོ་བོ་དང་མཐུན་པར་སྐྱེ་ཞིང ། མི་མཐུན་པར་མི་སྐྱེ་བ་དང ། ཁོ་བོའི་བྱ་བ་དག་བྱེད་པ་དང ། གསོས་པས་ཕྱིར་གསོ་བ་དང ། བགོ་སྐལ་ལ་སྤྱོད་པ་དང ། ཁོ་བོའི་རིགས་རྒྱུད་ཡུན་རིང་དུ་གནས་བར་སྒྲུབ་པ་དང ། བདག་ཅག་ཤི་ཞིང་དུས་ལ་བབ་པ་དག་ལ་ཉུང་ངུའམ། མང་པོ་ཡང་རུང་བའི་སྦྱིན་པ་དག་བྱིན་ཞིང་བསོད་ནམས་དག་བྱས་ནས། འདི་དེ་གཉིས་གང་དུ་སྐྱེས་པ་དེར་འགྲོ་ཞིང ། རྗེས་སུ་འགྲོ་བར་གྱུར་ཅིག་།ཅེས་མིང་གིས་ཡོན་བསྔོ་བར་བྱེད་པར་གྱུར་ཅིག་།ཅེས་ཆེད་དུ་རྗོད་པར་བྱེད་དོ། །དེ་ལ་སེམས་ཅན་ཞུགས་པར་རིག་ནས་འདི་ལྟ་སྟེ། མངལ་ན་གནས་པ་ཡོངས་སུ་སྨིན་པར་བྱ་བའི་ཕྱིར་སྟེང་གི་ཁང་བཟང་གི་གཞིར་གྲང་བ་ན་གྲང་བའི་ཡོ་བྱད་དག་དང ། དྲོ་བ་ན་དྲོ་བའི་ཡོ་བྱད་དག་དང ། སྨན་པས་བཅས་པའི་ཁ་ཟས་ཧ་ཅང་མི་གྲང་བ་དང ། ཧ་ཅང་མི་དྲོ་བ་དང ། ཧ་ཅང་མི་ཁ་བ་དང །
Kha415a
༄#། །ཧ་ཅང་མི་སྐྱུར་བ་དང ། ཧ་ཅང་ལན་ཚཝ་མི་ཆེ་བ་དང ། ཧ་ཅང་མི་མངར་བ་དང ། ཧ་ཅང་མི་ཚ་བ་དང ། ཧ་ཅང་མི་བསྐ་བ་དང ། ཁ་བ་དང ། སྐྱུར་བ་དང ། ལན་ཚཝ་དང ། མངར་བ་དང ། ཚཝ་བ་དང ། བསྐ་བ་དག་རྣམ་པར་སྤངས་པའི་ཟས་དག་དང ། དོ་ཤལ་དང ། སེ་མོ་དོ་དང ། རྒྱན་གྱིས་ཀླུབས་པའི་ལུས་ལྷའི་བུ་མོ་དགའ་བའི་ཚལ་ན་རྣམ་པར་སྤྱོད་པ་ལྟ་བུ་དང ། ཁྲི་ནས་ཁྲིར་དང ། ཁྲིའུ་ནས་ཁྲིའུར་རྒྱུ་ཞིང ། ཤོད་ཀྱི་ས་གཞིར་མི་འབབ་པ་དང ། དེས་སྒྲ་ཡིད་དུ་མི་འོང་བ་ཅུང་ཟད་ཀྱང་མི་ཐོས་པར་གནོད་པ་མེད་པ་ཉིད་དུ་རིམ་གྲོ་བྱེད་དུ་བཅུག་གོ་།དེ་ནས་བཙུན་མོ་ཚངས་ལྡན་མ་དུས་གཞན་ཞིག་ན་འདི་ལྟ་བུའི་འདོད་པ་སྐྱེས་ཏེ། ཀྱེ་མའོ། །ལྷས་གྲོང་ཁྱེར་གྱི་ཤར་སྒོར་སྦྱིན་པ་དག་བཏང ། བསོད་ནམས་བྱས་ཤིང ། ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་དང ། དབུས་དང ། སུམ་མདོ་རྣམས་སུ་ཡང་སྦྱིན་པ་དག་བཏང ། བསོད་ནམས་དག་བྱས་ལ། བཙོན་ཐམས་ཅད་ཐར་པར་བྱས་ཀྱང་ཅི་མ་རུང་སྙམ་པ་དང ། དེ་ནས་རྒྱལ་པོ་ཚངས་སྦྱིན་གྱིས། བཙུན་མོ་ཚངས་ལྡན་མ་ལས་མཉན་ནས། གྲོང་ཁྱེར་གྱི་ཤར་སྒོར་སྦྱིན་པ་དག་བྱིན། བསོད་ནམས་དག་བྱས་སོ། །ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་ཀྱི་སྒོ་དང ། གྲོང་ཁྱེར་གྱི་དབུས་དང ། སུམ་མདོ་རྣམས་སུ་ཡང་སྦྱིན་པ་དག་བྱིན། བསོད་ནམས་དག་བྱས་ནས་བཙོན་ཐམས་ཅད་ཐར་པར་བྱས་སོ། །གཞན་ཡང ། བཙུན་མོ་ཚངས་ལྡན་མ་འདི་ལྟ་བུའི་འདོད་པ་སྐྱེས་
Kha415b
ཏེ།་ཀྱེ་མའོ། བདག་ལྷ་དང་ཐབས་ཅིག་གྲུ་བོ་ཆེའི་ལྡིང་ཁང་དུ་ཞུགས་ཏེ་ཚངས་ལྡན་གྱི་རྫིང་དུ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱང་ཅི་མ་རུང་སྙམ་པ་དང ། དེ་ནས་རྒྱལ་པོ་ཚངས་སྦྱིན་གྱིས་བཙུན་མོ་ཚངས་ལྡན་མ་ལས་མཉན་ན། བཙུན་མོ་ཚངས་ལྡན་མ་དང་ཐབས་ཅིག་ཏུ་གྲུ་བོ་ཆེའི་ལྡིང་ཁང་དུ་ཞུགས་ནས་ཚངས་ལྡན་གྱི་རྫིང་ན་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། གྲུ་དེ་ཉིད་དུ་ཁྱེའུ་གཟུགས་བཟང་པོ། བལྟ་ན་སྡུག་པ། མཛེས་པ། པགས་པའི་མདོག་གསེར་འདྲ་བ། མགོ་བོ་གདུགས་ལྟ་བུ་དང་ལྡན་པ། ལག་པ་རིང་བ། དཔྲལ་བའི་དབྱེས་ཆེ་བ། སྨིན་མ་འཛར་བ། སྣའི་གཟེངས་མཐོ་བ། སྐྱེ་བ་དྲན་པ་ཞིག་བཙས་སོ། །དེ་བཙས་པ་ན་དེའི་ཉེ་དུ་དག་ལྷགས་ཤིང་འདུས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུའི་མིང་ཅིར་གདགས་ཞེས་དེའི་མིང་འདོགས་པར་བྱེད་དེ། ཁྱེའུ་འདི་ནི། ཆུའི་ནང་དུ་བཙས་པ་ཡིན་པས། ཁྱེའུ་ཆུ་སྐྱེས་ཞེས་བྱ་བར་བཏགས་སོ། །གཞོན་ནུ་ཆུ་སྐྱེས་མ་མ་བརྒྱད་པོ། པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དོ། །དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་།དང ། གཞན་ཡང ། ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་བསྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་
Kha416a
༄#། །དུ་སྐྱེད་པར་བྱེད་དོ། །དེ་ནས་གཞོན་ནུ་ཆུ་སྐྱེས་འདི་སྙམ་དུ་སེམས་ཏེ། བདག་གང་ནས་ཤི་འཕོས་སྙམ་ན། སེམས་ཅན་དམྱལ་བ་ནས་སོ། །ལས་ཅི་ཞིག་བྱས་ན། དེས་ན་སེམས་ཅན་དམྱལ་བར་སྐྱེས་སྙམ་ན། རྒྱལ་ཚབ་ལོ་དྲུག་ཅུ་བྱས་པས་སོ། །ད་ལྟ་གང་དུ་སྐྱེས་སྙམ་ན། མིའི་རྒྱལ་པོའི་རིགས་སུ་སྐྱེས་ཏེ། གལ་ཏེ་སླར་ཡང་རྒྱལ་སྲིད་བྱས་ན། སླར་ཡང་སེམས་ཅན་དམྱལ་བར་གཞོལ་བར་འགྱུར་བས། མ་ལ་བདག་གིས་ཅི་ནས་ཀྱང་ཐབས་ཤིག་བྱའོ། །སྙམ་ནས། དེས་འཕྱེ་བོར་རྫུས་ཏེ་འདུག་གོ། གང་གི་ཉི་མ་ལ་གཞོན་ནུ་ཆུ་སྐྱེས་བཙས་པ་དེ་ཉིད་ཀྱི་ཉིན་པར་བློན་པོ་ལྔ་བརྒྱའི་བུ་ཡང་བཙས་སོ། །དེ་ནས་ཉིན་རེ་ཞིང་གཞོན་ནུ་རྣམས་རྒྱལ་པོ་ཚངས་སྦྱིན་བལྟ་བའི་ཕྱིར་འོང་ངོ ། །དེ་ནས་དུས་གཞན་ཞིག་ན་གཞོན་ནུ་དེ་རྣམས་མཆོང་བ་དང ། རྒྱུག་ནུས་པར་གྱུར་ཏོ། ། དེ་ནས་རྒྱལ་པོ་ཚངས་སྦྱིན་འདི་སྙམ་དུ་སེམས་ཏེ། གལ་ཏེ་གཞོན་ནུ་ཆུ་སྐྱེས་འཕྱེ་བོར་མ་གྱུར་ན། དེ་ཡང་དེ་ཙམ་མཆོང་བ་དང ། རྒྱུག་ནུས་པར་གྱུར་པ་ཞིག་།འོན་ཀྱང་བདག་གིས་འདི་འཕྱེ་བོར་གྱུར་བཞིན་རྒྱལ་སྲིད་ཀྱི་དབང་ཕྱུག་ལ་གཞག་གོ། སྙམ་མོ། །དེ་ནས་གཞོན་ནུ་ཆུ་སྐྱེས་འདི་སྙམ་དུ་སེམས་ཏེ། རྒྱལ་པོ་འདི་ནི། དོན་མེད་པ་ལ་གཙིགས་ཆེར་འཛིན་པས། མ་ལ་བདག་ལྐུགས་པ་ཉིད་དུ་རྫུའོ། །སྙམ་ནས། དེས་ཐབས་བྱ་བར་ལྐུགས་པ་ཉིད་དུ་རྫུས་ཏེ་འདུག་གོ་།དེ་ནས་དུས་གཞན་ཞིག་ན་གཞོན་ནུ་དེ་རྣམས་སྨྲ་ཤེས་པར་གྱུར་ཏོ། །དེ་ནས་རྒྱལ་པོ་ཚངས་
Kha416b
སྦྱིན་འདི་སྙམ་དུ་སེམས་ཏེ། གལ་ཏེ་གཞོན་ནུ་ཆུ་སྐྱེས་ལྐུགས་པར་མ་གྱུར་དང ། དེ་ཡང་དེ་ཙམ་སྨྲ་ཤེས་པར་གྱུར་པ་ཞིག་སྙམ་མོ། །དེའི་མིང་གཞོན་ནུ་ཆུ་སྐྱེས། གཞོན་ནུ་ཆུ་སྐྱེས་བྱ་བ་དེ་ནུབ་པར་གྱུར་ཅིང ། གཞོན་ནུ་ལྐུགས་འཕྱེ། གཞོན་ནུ་ལྐུགས་འཕྱེ་ཞེས་བྱ་བར་གྲགས་སོ། །དེ་ནས་དུས་གཞན་ཞིག་ན་རྒྱལ་པོ་ཚངས་སྦྱིན་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་པ་དང ། བློན་པོ་རྣམས་ཀྱིས་སྨྲས་པ། ལྷ། ཅིའི་སླད་དུ་ཕྱག་ལ་ཞལ་གཏད་ནས་ཐུགས་མི་དགྱེས་ཤིང་བཞུགས། །རྒྱལ་པོས་སྨྲས་པ། དེ་ལྟར་རྒྱལ་སྲིད་ཀྱི་དབང་ཕྱུག་འདི་འདྲ་བ་ཐོབ་པ་ན། བུ་ཕོ་ཡང་མེད། བུ་མོ་ཡང་མེད་པས་ང་ཤི་ན་གདུང་རྒྱུད་ཆད་པར་འགྱུར་ལ། བུ་གཅིག་ཡོད་པ་གང་ཡིན་པ་དེ་ཡང་ལྐུགས་ཤིང་འཕྱེ་བོར་གྱུར་ན། ད་ང་ཉིད་ཅིའི་ཕྱིར་སེམས་ཁོང་དུ་ཆུད་པར་མི་འགྱུར། བློན་པོ་དག་གིས་སྨན་པ་རྣམས་བསྡུས་ཏེ། སྨན་པ་རྣམས་ཀྱིས་བལྟས་ནས་སྨྲས་པ། ལྷ། གཞོན་ནུ་འདི་ནི། དབང་པོ་གསལ་ཞིང ། འདི་ལ་ནད་ཀྱི་རིགས་ཅུང་ཟད་ཀྱང་མ་མཆིས་པར་མཐོང་ན། འོན་ཀྱང་སྐྲག་པ་ཞིག་མཛོད་ཅིག་།དེ་ནས་རྒྱལ་པོ་ཚངས་སྦྱིན་གྱིས་གཤེད་མ་པ་བཀུག་ནས་གསང་སྟེ་བསྒོ་བ། ངའི་གཞོན་ནུ་ལྐུགས་འཕྱེ་སྐྱེ་བོའི་ཚོགས་ཆེན་པོའི་མངོན་སུམ་དུ་སྤོང་གི། ཁྱེད་ཅག་རྣམས་ཀྱིས་མ་གསོད་ཅིག་།ལྷ། བཀའ་བཞིན་འཚལ་ཞེས། དེ་ནས་གཤེད་མ་པའི་མི་རྣམས་ཀྱིས་རྒྱལ་པོ་ཚངས་སྦྱིན་ལ་མཉན་ནས། གཞོན་ནུ་ལྐུགས་འཕྱེ་ཤིང་རྟར་
Kha417a
༄#། །བཅུག་སྟེ། ཝཱ་ར་ཎཱ་སིའི་དབུས་ཐོག་ཐག་ཁྲིད་པ་དང ། དེ་ནས་གཞོན་ནུ་ལྐུགས་འཕྱེས་ཝཱ་ར་ཎཱ་སི་འབྱོར་ཅིང་རྒྱས་པ་མཐོང་ནས་འདི་སྐད་ཅེས་སྨྲས་སོ། །ཅི། ཝཱ་ར་ཎཱ་སི་འདི་སྟོང་པ་ཡིན་ནམ། འོན་ཏེ་གནས་པ་ཞིག་ཡོད། གཤེད་མ་པའི་མི་རྣམས་ཀྱིས་གཞོན་ནུ་ལྐུགས་འཕྱེ་རྒྱལ་པོ་ལ་ཕུལ་ནས། ལྷ། གཞོན་ནུ་འདིས་ནི། འདི་སྐད་ཀྱི་ཚིག་སྨྲས་སོ། །དེ་ནས་རྒྱལ་པོ་ཚངས་སྦྱིན་གྱིས་གཞོན་ནུ་ལྐུགས་འཕྱེ་པང་དུ་བླངས་ནས་འདི་སྐད་ཅེས་སྨྲས་སོ། །སུ་ཞིག་གསད། སུ་ཞིག་སྲོག་དང་དབྲལ། སུ་ལ་ཅི་ཞིག་སྦྱིན་།དེ་སྐད་ཅེས་སྨྲས་ན། གཞོན་ནུ་ལྐུགས་འཕྱེ་ཅང་མི་སྨྲའོ། །ཡང་རྒྱལ་པོ་ཚངས་སྦྱིན་གྱིས་གཤེད་མ་པ་རྣམས་ལ་སྨྲས་པ། ངས་གཞོན་ནུ་ཡོངས་སུ་སྤངས་སོ། །ལྷ། བཀའ་བཞིན་འཚལ་ཞེས་གཤེད་མ་པའི་མི་རྣམས་ཀྱིས་སླར་ཡང་གཞོན་ནུ་ལྐུགས་འཕྱེ་ཤིང་རྟར་བཅུག་ནས་ཝཱ་ར་ཎཱ་སིའི་དབུས་ཐོག་ཐག་ཁྲིད་པ་དང ། གཞོན་ནུ་ལྐུགས་འཕྱེས་མི་རོ་ཞིག་མི་བཞིས་ཁྱེར་བ་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །འདི་ཅི། ཤི་བ་ཉིད་ཤིའམ། འོན་ཏེ་གསོན་པོ་ཤི། གཤེད་མ་རྣམས་ཀྱིས་སླར་ཡང་གཞོན་ནུ་ལྐུགས་འཕྱེ་རྒྱལ་པོ་ལ་ཕུལ་ནས། ལྷ། གཞོན་ནུ་འདིས་ནི། འདི་སྐད་ཀྱི་ཚིག་སྨྲས་སོ། །རྒྱལ་པོ་ཚངས་སྦྱིན་གྱིས་ཡང་གཞོན་ནུ་པང་དུ་བླངས་ནས་འདི་སྐད་ཅེས་སྨྲས་སོ། །སུ་ཞིག་གསད། སུ་ཞིག་གཏག །
Kha417b
སུ་ཞིག་སྲོག་དང་དབྲལ། སུ་ལ་ཅི་ཞིག་སྦྱིན། དེ་སྐད་ཅེས་སྨྲས་ན། གཞོན་ནུ་ལྐུགས་འཕྱེ་ཅང་མི་སྨྲའོ། །ཡང་རྒྱལ་པོ་ཚངས་སྦྱིན་གྱིས་གཤེད་མ་པ་རྣམས་ལ་སྨྲས་པ། ངས་གཞོན་ནུ་ཡོངས་སུ་སྤངས་སོ། །ལྷ། བཀའ་བཞིན་འཚལ་ཞེས་གཤེད་མ་པའི་མི་རྣམས་ཀྱིས་སླར་ཡང་གཞོན་ནུ་ཞ་བོ་ལྐུགས་པ་ཤིང་རྟར་བཅུག་ནས་ཝཱ་ར་ཎཱ་སིའི་དབུས་ཐོག་ཐག་དྲངས་པ་དང ། གཞོན་ནུ་ལྐུགས་འཕྱེས་འབྲས་ཀྱི་ཕུང་པོ་ཆེན་པོ་ཞིག་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །འབྲས་ཀྱི་ཕུང་པོ་ཆེན་པོ་འདི། གལ་ཏེ་དང་པོ་ཉིད་ནས་མ་ཟོས་དང་དྲུང་ཟུག་པར་འགྱུར་བ་ཞིག། གཤེད་མ་པ་རྣམས་ཀྱིས་སླར་ཡང ། གཞོན་ནུ་ཞ་བོ་ལྐུགས་པ་རྒྱལ་པོ་ལ་ཕུལ་ནས། ལྷ། གཞོན་ནུ་འདིས་ནི། འདི་སྐད་ཀྱི་ཚིག་སྨྲས་སོ། །སླར་ཡང་རྒྱལ་པོ་ཚངས་སྦྱིན་གྱིས་གཞོན་ནུ་ལྐུགས་འཕྱེ་པང་དུ་བླངས་ནས་འདི་སྐད་ཅེས་སྨྲས་སོ། །སུ་ཞིག་གསད། སུ་ཞིག་སྲོག་དང་བྲལ། སུ་ལ་ཅི་ཞིག་སྦྱིན། དེ་སྐད་ཅེས་སྨྲས་ན། གཞོན་ནུ་ལྐུགས་འཕྱེ་ཅང་མི་སྨྲའོ། །ཡང་རྒྱལ་པོ་ཚངས་སྦྱིན་གྱིས་གཤེད་མ་པ་རྣམས་ལ་སྨྲས་པ། ཤེས་ལྡན་དག་།ངས་གཞོན་ནུ་ཡོངས་སུ་སྤངས་ཀྱི། དེང་ལ་མྱུར་དུ་གཞོན་ནུ་ཚལ་གྱི་ནང་དུ་དོང་བརྐོས་ཏེ་ཆུག་ཅིག་།ལྷ། བཀའ་བཞིན་འཚལ་ཞེས་གཤེད་མ་པའི་མི་རྣམས་ཀྱིས་གཞོན་ནུ་ལྐུགས་འཕྱེ་ཤིང་རྟར་བཅུག་ནས་དུར་ཁྲོད་ཆེན་པོ་གང་ན་བ་དེར་སོང་སྟེ་ཕྱིན་པ་དང ། དོང་རྐོ་བར་བརྩམས་སོ། །དེ་ནས་གཞོན་ནུ་ལྐུགས་འཕྱེས་ཚིགས་སུ་བཅད་དེ་སྨྲས་པ།
Kha418a
༄#། །ཁ་ལོ་སྒྱུར་ཁྱོད་ཅི་ཡི་ཕྱིར། །དོང་ནི་མྱུར་དུ་རྐོ་བྱེད་པའི། །དོང་དེ་ཅི་བྱ་ཞེས་དྲི་ཡི། །མྱུར་དུ་ང་ལ་སྨྲ་བར་གྱིས། །ཁ་ལོ་སྒྱུར་བས་སྨྲས་པ། རྒྱལ་པོའི་སྲས་བོ་བཙས་པ་ནི། ཞ་བོ་ལྐུགས་པ་སྨྲ་མི་ཤེས། །དེས་འདི་ཚལ་ཁྲོད་མྱུར་དུ་ནི། །དོང་བརྐོས་ཆུག་ཅེས་བཀའ་སྩལ་ཏོ། །དེ་ནས་གཞོན་ནུ་ལྐུགས་འཕྱེ་འདི་སྙམ་དུ་སེམས་ཏེ། འདི་དག་ནི། གདུག་པ། ལག་དམར་གསོད་པ་དང་གཅོད་པ་ལ་ཆགས་པ། གཞན་གྱི་སྲོག་འཕྲོག་པ། ཕ་རོལ་གྱི་སྲོག་གཅོད་པར་བྱེད་པས་འཚོ་བར་བྱེད་པ་ཡིན་ནོ། །སྙམ་ནས། དེ་འཇིགས་ཤིང་བརྒྱལ་ན། འདི་དག་གིས་བདག་གསད་པར་འགྱུར་རོ། །སྙམ་དུ་རིག་ནས། གཤེད་མ་པ་རྣམས་ལ་སྨྲས་པ། ལྷས་གལ་ཏེ་བདག་ལ་མཆོག་ཅིག་གནང་ན། བདག་རྐང་གིས་གྲོང་ཁྱེར་དུ་འཇུག་ཅིང་ཚིག་ཀྱང་སྨྲའོ། །གཤེད་མ་པའི་མི་རྣམས་ཀྱིས་རྒྱལ་པོའི་དྲུང་དུ་སོང་ནས་རྒྱས་པར་སྨྲས་པ་དང ། རྒྱལ་པོས་སྨྲས་པ། གལ་ཏེ་གཞོན་ནུ་རྒྱལ་སྲིད་འདོད་ན་ཡང ། ངས་དེང་གཞོན་ནུ་ལ་སྦྱིན་པར་བྱའོ། །དེ་ནས་རྒྱལ་པོ་ཚངས་སྦྱིན་ཡིད་དགའ་ཞིང ། །ཡིད་དགའ་ནས་བློན་པོ་རྣམས་ལ་བསྒོ་བ། ཤེས་ལྡན་དག་།དེངས་ལ་གྲོང་ཁྱེར་ཐམས་ཅད་རྡོ་བ་དང ། གསེག་མ་དང ། གྱོ་མོ་རྣམས་མྱུར་དུ་སོལ་ལ། པོག་གི་དུད་པ་དང ། ཕྱེ་མས་འཁྲིགས་པར་བྱས་ཏེ། རྒྱལ་མཚན་དང་བ་དན་སྒྲེང་ལ། མེ་ཏོག་སྣ་ཚོགས་ཀྱི་སིལ་མ་ཁྲོམ་ཞིག་ཅེས་བསྒོའོ། །ས་བདག་རྣམས་
Kha418b
ནི།་ཚིག་གིས་འགྲུབ་ལ། ལྷ་རྣམས་དང ། རྣལ་འབྱོར་པ་རྣམས་ནི། སེམས་བསྐྱེད་མ་ཐག་ཏུ་ཐམས་ཅད་འགྲུབ་ཅེས་བྱ་བས། ལྷ། བཀའ་བཞིན་འཚལ་ཞེས་བློན་པོ་རྣམས་ཀྱིས་རྒྱལ་པོ་ལས་མཉན་ནས། གྲོང་ཁྱེར་ཐམས་ཅད་རྡོ་བ་དང ། གསེག་མ་དང ། གྱོ་མོ་རྣམས་བསལ་ཅིང ། པོག་གི་དུད་པ་དང ། ཕྱེ་མས་འཁྲིགས་པར་བྱས་ནས། རྒྱལ་མཚན་དང་བ་དན་བསྒྲེང་སྟེ། མེ་ཏོག་སྣ་ཚོགས་ཀྱི་སིལ་མ་བཀྲམ་མོ། །གཞོན་ནུ་ལྐུགས་འཕྱེ་རྐང་པས་གྲོང་ཁྱེར་དུ་འཇུག་པ་ན། ཡ་མཚན་སྐྱེས་པའི་སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་འདུས་སོ། །དེ་ནས་གཞོན་ནུ་ལྐུགས་ཕྱེ་རྐང་གིས་གྲོང་ཁྱེར་དུ་ཞུགས་ནས་རྒྱལ་པོ་ཚངས་སྦྱིན་གང་ན་བ་དེར་སོང་སྟེ་ཕྱིན་པ་དང ། རྒྱལ་པོ་ཚངས་སྦྱིན་གྱི་རྐང་པ་གཉིས་ལ་གཏུགས་ནས་དེའི་ཚེ་ཚིགས་སུ་བཅད་དེ་སྨྲས་པ། མི་དབང་བདག་ནི་ལྐུགས་འཕྱེ་དང ། །བླུན་པོ་བློ་མི་གསལ་མ་ལགས། །རྣམ་པར་གསལ་བར་བགྱིད་པ་ཡིས། །ཚིག་གིས་གསལ་བར་བགྱིད་པ་ལགས། །མི་དབང་བདག་ནི་ལྐུགས་འཕྱེ་དང ། །བློན་པོ་བློ་མི་ལྡན་མ་ལགས། །དབང་པོ་རྣམས་ནི་ཚང་བ་དང ། །གསལ་བ་དག་དང་ལྡན་པ་ལགས། །རྒྱལ་པོས་སྨྲས་པ། བུ། ཅིའི་ཕྱིར་ཆིག་མི་འབྱིན་ཅིང་རྐང་གིས་མི་འགྲོ། །ལྷ། དེའི་སླད་ནས་གསོན་ཅིག་།བདག་གིས་སྔོན་གྱི་ཚེ་རབས་དྲན། །ལོ་ནི་དྲུག་ཅུའི་བར་དུ་ནི། །མི་ཡི་ནང་ན་རིགས་བརྒྱུད་པའི། །རྒྱལ་ཚབ་བདག་གིས་བགྱིས་པ་གང ། །ལོ་ནི་དྲུག་ཁྲིའི་བར་དག་ཏུ། །དམྱལ་བའི་ནང་དུ་མི་བཟད་སྨིན། །དམྱལ་བའི་སྡུག་བསྔལ་མི་
Kha419a
༄#། །བཟད་པ། །དྲག་པོ་འཇིགས་བྱེད་དེ་དྲན་ནས། །དམྱལ་བར་ཡང་མཆི་མི་རུང་བས་།རྒྱལ་སྲིད་ལ་ནི་མངོན་མི་དགའ། །ཡབ་ཅིག་གནང་བར་མཛོད་ཅིག་དང ། །ད་ནི་རབ་ཏུ་དབྱུང་བར་བགྱི། །རྒྱལ་པོས་སྨྲས་པ། །བུ། དྲང་སྲོང་རྣམས་ཀྱིས་གང་དཀའ་ཐུབ་ཅུང་ཟད་ཅི་བྱས་པ་དང ། མཆོད་སྦྱིན་དང་སྦྱིན་སྲེག་ཅི་བྱས་པ་དེ་དག་ཐམས་ཅད་ནི། རྒྱལ་སྲིད་ཀྱི་ཕྱིར་ཡིན་ན། ཁྱོད་ཅིའི་ཕྱིར་རྒྱལ་སྲིད་ལག་མཐིལ་དུ་འོངས་པ་སྤངས་ཏེ་རབ་ཏུ་འབྱུང ། དེ་ནས་གཞོན་ནུ་ལྐུགས་འཕྱེས་དེའི་ཚེ་ཚིགས་སུ་བཅད་དེ་སྨྲས་པ། ཀིམ་པའི་འབྲས་བུ་འདྲ་བ་ཡི། ། འདོད་པ་རྣམས་ནི་སྤྱོད་མི་འཚལ། །བདུད་རྩིའི་འབྲས་བུའི་རོ་ལྟ་བུའི། །ཚངས་པར་སྤྱོད་པ་སྤྱད་པར་བགྱི། །རྒྱལ་པོས་སྨྲས་པ། བུ། བདེ་བ་གང་ཅི་ཉམས་སུ་མྱོང་བ་དེ་ཐམས་ཅད་ནི། རྒྱལ་སྲིད་ཀྱི་ཡིན་ན། ཅིའི་ཕྱིར་ཁྱོད་རྒྱལ་སྲིད་ཀྱི་བདེ་བ་སྤངས་ཏེ་རབ་ཏུ་འབྱུང ། གཞོན་ནུ་ལྐུགས་འཕྱེས་དེའི་ཚེ་ཚིགས་སུ་བཅད་དེ་སྨྲས་པ། གང་ལས་སྡུག་བསྔལ་རབ་འབྱུང་བའི། །བདེ་དེ་བདེའི་སྙམ་མི་བགྱི། །གང་ལས་བདེ་བར་རབ་སྐྱེས་པའི། །སྡུག་བསྔལ་སྡུག་བསྔལ་སྙམ་མི་བགྱིད། །ཡབ་ཅིག་བདག་ལ་གནང་བར་མཛོད། །དཀའ་ཐུབ་ནགས་སུ་མཆི་བར་བགྱི། །རྒྱལ་པོས་སྨྲས་པ། བུ། རེ་ཞིག་ཁང་བཟང་གི་གཞི་པོག་གི་དུད་པ་དང་ཕྱེ་མས་འཁྲིགས་པ། མེ་ཏོག་སྣ་ཚོགས་བཀྲམ་པར་མལ་འཇམ་པོ་སྟེང་གཡོགས་བཟང་པོ་ཅན་བཤམས་པ་ལ། གང་
Kha419b
ནས་ཀྱང་འཇིགས་པ་མེད་པར་ནི། ཉལ། རོལ་མོའི་སྒྲ་སྙན་པས་ནི། སད། གོས་འཇམ་པོ་ནི། བགོ། ཟས་ཞིམ་པོ་ནི། ཟ། བཏུང་བ་ཞིམ་པོ་ནི། བཏུང་བར་བྱའོ། །དགོན་པར་ནི། རབ་ཏུ་བྱུང་བས་རྟག་ཏུ་ཤིང་དྲུང་དུ་རྩཝའི་གདིང་བ་དང ། ལོ་མའི་གདིང་བ་ལ། འཇིགས་ཤིང་བག་ཚ་བའི་སེམས་ཀྱིས་གཅན་གཟན་གདུག་པ་རྣམས་དང་ལྷན་ཅིག་ཉལ། ལྕེ་སྤྱང་གི་སྒྲས་ནི། སད། གཡང་གཞི་དང ། ཤིང་ཤུན་གྱི་གོས་ནི་གྱོན། རྩ་བ་དང་འབྲས་བུ་ནི། ཟ། ཆུ་དྲོན་པོ་དང ། ཆུ་རྙོག་མ་ཅན་གྱི་བཏུང་བ་ནི། བཏུང་དགོས་ན། ཁྱོད་ཅིའི་ཕྱིར་རྒྱལ་སྲིད་སྤངས་ཏེ་རབ་ཏུ་འབྱུང ། དེ་ནས་གཞོན་ནུ་ལྐུགས་འཕྱེས་དེའི་ཚེ་ཚིགས་སུ་བཅད་དེ་སྨྲས་པ། ནགས་ན་ཤིང་ཤུན་གཡང་གཞི་གྱོན་ཅིང་འབྲས་བུ་ཟ། །གཅན་གཟན་གདུག་པ་རྣམས་དང་ལྷན་ཅིག་གདུག་པ་བླའི། །མཁས་པ་འཇིག་རྟེན་ཕ་རོལ་དག་གིས་འཇིགས་པ་ཡིས། །རྒྱལ་སྲིད་ཕྱིར་ནི་གསོད་དང་རྡེག་དང་འཆིང་མི་རུང ། །ཡབ་ཅིག་བདག་ལ་གནང་བར་མཛོད། །དཀའ་ཐུབ་ནགས་སུ་མཆིས་པར་བགྱི། །རྒྱལ་པོས་སྨྲས་པ། །བུ་རེ་ཞིག་ངའི་ཐེ་ཚོམ་གསུམ་པོ་འདི་དག་ཆོད་ཅིག་།དེའི་འོག་ཏུ་ཁྱོད་རབ་ཏུ་འབྱུང་བར་མི་དཀའ་བར་འགྱུར་རོ། །གང་ཁྱོད་ཀྱིས་ཝཱ་ར་ཎཱ་སིའི་འབྱོར་ཅིང་རྒྱས་པ་མཐོང་ནས་ཝཱ་ར་ཎཱ་སི་འདི་ཅི་སྟོང་པ་ཡིན་ནམ། འོན་ཏེ་གནས་པ་ཞིག་ཡོད་ཅེས་སྨྲས་པ། དེ་ཁྱོད་ཀྱིས་ཅི་ཞིག་ལས་བསམ་སྟེ་སྨྲས། ལྷ། དེའི་སླད་དུ་གསོན་ཅིག་།ལྷས་བདག་ནོངས་པ་མ་མཆིས་པར་དགུམ་
Kha420a
༄#། །པར་བཀའ་སྩལ་ན། འགས་ཀྱང་གཞོན་ནུ་འདི་ཅིའི་ཕྱིར་གསད་ཅེས་ཆོས་ཀྱི་ཚིག་མ་སྨྲས་བདེ་ལས་བསམ་སྟེ་བདག་གིས་སྨྲས་ལགས་སོ། །བཟང་ངོ ། །གང་ཁྱོད་ཀྱིས་མི་རོ་མཐོང་ནས། །ཅི་འདི། ཤི་བ་ཉིད་ཤིའམ། འོན་ཏེ་གསོན་པོ་ཤི་ཞེས་སྨྲས་པ་དེ་ཅི་ལས་བསམ་སྟེ་སྨྲས། ལྷ། དེའི་སླད་དུ་གསོན་ཅིག་།གང་ཞིག་ཉེས་པར་བགྱིད་པའི་ལས་བགྱིད་བགྱིད་ནས་གུམ་པ་དེ་ནི། གུམ་པ་ཉིད་གུམ་པ་ལགས་ལ། གང་ཞིག་ལེགས་པར་བགྱིད་པའི་ལས་བགྱིད་བགྱིད་དེ་གུམ་པ་དེ་ནི། གསོན་པོར་གུམ་པ་ལགས་པ་དེ་ལས་བསམ་ནས་བདག་གིས་སྨྲས་ལགས་སོ། །བཟང་ངོ ། །གང་ཁྱོད་ཀྱིས་འབྲས་ཀྱི་ཕུང་པོ་ཆེན་པོ་མཐོང་ནས་འབྲས་ཀྱི་ཕུང་པོ་ཆེན་པོ་འདི། །དང་པོ་ཉིད་ནས་མ་ཟོས་དང་དྲུང་ཟུག་པར་འགྱུར་བ་ཞིག་ཅེས་སྨྲས་པ་དེ། ཅི་ལས་བསམ་སྟེ་སྨྲས། ལྷ། དེའི་སླད་དུ་གསོན་ཅིག་།ཞིང་པ་འདི་རྣམས་ཀྱིས་འབྲས་བུན་བླངས་ཏེ་འཚལ་ནས་ལས་བགྱིད་ཅིང ། དེ་དག་ལོ་ཏོག་སྨིན་ནས་འབྲས་ཀྱི་ཕུང་པོ་ཆེན་པོ་བཅེར་ནས་བུ་ལོན་པ་རྣམས་ལ་འཇལ་ཏེ། དེ་ལྟར་ན། དེ་དག་གི་དྲུང་དེ་ནི། སྔ་ནས་འཚལ་བ་ཉིད་ལགས་སོ། །དེ་བཞིན་དུ་དགེ་བ་བཅུའི་ལས་ཀྱི་ལམ་གྱིས་མི་ཉིད་ཐོབ་ལ། དེ་ཐོབ་ནས་དགེ་བའི་ལས་ཀྱིས་ལམ་མི་གསོག་ན། དེ་ལྟར་ན། དེའི་སྔོན་གྱི་དགེ་བ་དེ་རྒྱུན་ཆད་པར་འགྱུར་རོ། །དགེ་བའི་རྩ་བ་དེ་རྒྱུན་ཆད་ན། བདེ་འགྲོ་ལས་ཉམ་ཤིང་ངན་འགྲོར་གནས་པར་འགྱུར་བ་དེ་
Kha420b
ལས་བསམ་ནས་བདག་གིས་སྨྲས་ལགས་སོ། །དེ་ནས་རྒྱལ་པོས་བུའི་ཚིག་ཐོས་ནས། མཆི་མས་བརྣངས་བཞིན་བུ་ལ་འཁྱུད་དེ་སྨྲས་པ། བརྟུལ་ཞུགས་ངེས་ལོངས་རང་གི་ཆོས་སྤྱོད་ཅིག་།བདག་ཀྱང་ཁྱོད་ཀྱི་སློབ་མར་ཁས་བླང་ངོ ། །དེ་ནས་རྒྱལ་པོ་ཚངས་སྦྱིན་གྱིས་བློན་པོ་རྣམས་ལ་སྨྲས་པ། ཤེས་ལྡན་དག་།གལ་ཏེ་གཞོན་ནུ་ལྐུགས་འཕྱེ་རབ་ཏུ་མ་བྱུང་ན། ཅིར་འགྱུར། །ལྷ། རྒྱལ་པོར་འགྱུར་རོ། །ཁྱོད་ཅག་གི་བུ་རྣམས་ཅིར་འགྱུར། ལྷ། དེའི་གཡོག་ཏུ་འགྱུར་རོ། །དེ་རབ་ཏུ་བྱུང་ན། ཁྱེད་ཅག་གི་བུ་རྣམས་ཅིའི་ཕྱིར་རབ་ཏུ་མི་འབྱུང ། །ལྷ། བཀའ་ཅི་སྩལ་ཏུ་བས་སོ། །དེའི་ཚེ་ཝཱ་ར་ཎཱ་སི་དང་ཧ་ཅང་མི་རིང་བའི་བསྟི་གནས་ཤིག་ཡོད་དེ། དེ་ན་དྲང་སྲོང་བྱམས་པའི་བདག་ཉིད། སྙིང་རྗེ་ཅན། སྙིང་བརྩེ་བ། སེམས་ཅན་ཐམས་ཅད་ལ་བྱམས་པ་ཞིག་གནས་སོ། །དེ་ནས་གཞོན་ནུ་ལྐུགས་འཕྱེས་འཁོར་ལྔ་བརྒྱ་དང་འབྱོར་པ་ཆེན་པོས་དྲང་སྲོང་དེ་ལས་རབ་ཏུ་བྱུང་ནས། དེས་དེ་ལ་གདམས་ངག་བྱིན་ཏེ། དེས་འབད་པ་དང ། བརྩལ་བ་དང ། བརྩོན་འགྲུས་དྲག་པོས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དེ་ནས་དུས་གཞན་ཞིག་ན་དྲང་སྲོང་དེ་དུས་ཀྱི་ཆོས་དང་ལྡན་པར་གྱུར་ནས། གཞོན་ནུ་ལྐུགས་འཕྱེས་དྲང་སྲོང་དེའི་རོ་དྲི་སྣ་ཚོགས་ཀྱི་ཤིང་ཕུང་པོར་སྤུངས་ནས་བསྲེགས་ཏེ་མཆོད་པ་དང་བཀུར་སྟི་ཚེར་བྱས་སོ། །གཞོན་ནུ་ལྐུགས་འཕྱེས་བྲམ་ཟེའི་ཁྱེའུ་ལྔ་བརྒྱ་པོ་དེ་རྣམས་ལ་གདམས་ངག་བྱིན་ནས་དེ་རྣམས་ཀྱིས་འབད་པ་དང ། བརྩལ་
Kha421a
༄#། །བ་དང ། བརྩོན་འགྲུས་དྲག་པོས་མངོན་པར་ཤེས་པ་ལྔ་མངོན་སུམ་དུ་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་གཞོན་ནུ་ལྐུགས་འཕྱེས་རྒྱལ་སྲིད་ལག་མཐིལ་དུ་འོངས་པ་ཡོངས་སུ་སྤངས་ཏེ་བྲམ་ཟེའི་ཁྱེའུ་ལྔ་བརྒྱ་དང་མངོན་པར་ཤེས་པ་ལྔ་མངོན་སུམ་དུ་བྱས་པ་གང་ཡིན་པ་དེ་ནི། ང་ཉིད་ཡིན་ནོ། །རྒྱལ་པོ་ཆེན་པོ། ངས་སེམས་ཅན་ཐམས་ཅད་ལ་ཕན་པ་བྱས་པ་དང ། རྒྱལ་སྲིད་སྤངས་པ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངས་སེམས་ཅན་ལ་ཕན་པ་བྱས་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་རི་དྭགས་དང་བྱའི་ཚོགས་མེའི་འཇིགས་པ་ལས་ཐར་པར་བྱས་པ་གང་ཡིན་པ་དེ། ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། འདས་པའི་དུས་ན་ནགས་ཚལ་སྟུག་པོ་རི་དང ། ཆུ་དང ། རྩཝ་སྔོན་པོ་དང ། གེལ་བ་དང ། ཤིང་སཱ་ལ་དང ། པ་ལ་ཤ་རྣམས་ཀྱིས་མཛེས་པར་བྱས་པ་ཞིག་གི་ཚལ་གསེབ་ན། བྱའི་ཚོགས་ཆེན་པོ་ཞིག་གནས་སོ། །ཚལ་སྟུག་པོ་དེ་ན་ཡང་ཤིང་གཉིས་ཕན་ཚུན་དྲུད་པས་མེ་བྱུང་བར་གྱུར་ཏོ། །དེ་ནས་བྱའི་ཚོགས་གང་དག་འཕུར་ནུས་པ་དེ་དག་ནི། དོང་
Kha421b
ངོ ། །འཕུར་མི་ནུས་པ་གང་ཡིན་པ་དང ། སྒོ་ང་རྣམས་ནི། དེ་ཉིད་དུ་བོར་རོ། །དེའི་ཚེ་བྱང་ཆུབ་སེམས་དཔའ་སྲེག་པ་ཞིག་ཏུ་སྐྱེས་སོ། །བྱང་ཆུབ་སེམས་དཔས་མེ་ཆེན་པོ་སྲེག་ཅིང་རྒྱང་རིང་པོ་ཁོ་ན་ནས་འོང་བ་མཐོང་ངོ ། །མཐོང་ནས་ཀྱང་དེ་སེམས་ཅན་དེ་རྣམས་ལ་སྙིང་བརྩེ་བ་ཆེན་པོ་སྐྱེས་སོ། །དེ་ནས་བྱང་ཆུབ་སེམས་དཔའ་འདི་སྙམ་དུ་སེམས་སོ། །བདག་གིས་སེམས་ཅན་སྡུག་བསྔལ་བར་གྱུར་པ་འདི་རྣམས་ཀྱི་དོན་ལ་བརྩོན་པར་མ་བྱས་ན། བདག་གསོན་ཏེ་ཡང་ཅི་རུང ། བདག་གིས་སེམས་ཅན་རྣམས་འཁོར་བ་ལས་ཇི་ལྟར་བསྒྲལ་བར་བྱ་སྙམ་དུ་བསམ་ནས། བྱང་ཆུབ་སེམས་དཔའ་འདབ་མ་ཆུས་གཤེར་བར་བྱས་ནས་མེའི་ཕུང་པོའི་སྟེང་གི་ནམ་མཁའ་ལ་འདུག་ནས་འདབ་མ་སྤྲུག་ཅིང་ཚིགས་སུ་བཅད་དེ་སྨྲས་པ། འདི་དག་འདབ་མ་ཡོད་མོད་ཀྱི། །འདི་དག་འཕུར་བར་མི་ནུས་སོ། །འདི་དག་རྐང་པ་ཡོད་མོད་ཀྱི། །འདི་དག་འགྲོ་བར་མི་ནུས་སོ། །འདི་དག་ཕ་མ་འཕུར་ཏེ་དོང ། །མེ་ནི་མ་གཡོ་བར་འདུག་ཅིག་།བྱམས་པ་ཤིན་ཏུ་བསྒོམས་པ་ཡི། །བདེན་པའི་ཚིག་ནི་གང་ཡིན་པ། །བདེན་པའི་ཚིག་ནི་དེ་ཡིས་སུ། །མེ་ནི་མ་གཡོ་བར་འདུག་ཅིག་།ལྷ་རྣམས་ཀྱི་དབང་པོ་བརྒྱ་བྱིན་གྱིས། བྱང་ཆུབ་སེམས་དཔའ་སེམས་ཅན་ལ་ཕན་པར་བྱེད་པ་དེ་མཐོང་ངོ ། ། མཐོང་ནས་ཀྱང་མི་དགའ་བར་གྱུར་ཏེ། འདིས་བདག་ཉིད་ཡོངས་སུ་བཏང་བས། དེ་རྣམས་ལ་ཕན་པ་ཅི་ཞིག་ནུས། གཞན་ཡང་བསྐལ་པ་བཟང་པོའི་བྱང་ཆུབ་སེམས་དཔའ་འདི་སེམས་ཅན་
Kha422a
༄#། །རྣམས་ལ་ཕན་པ་བྱེད་པ་ལ་སྐྱོ་བར་འགྱུར་གྱི་མ་ལ་བདག་གིས་འདིའི་གྲོགས་བྱའོ། །སྙམ་ནས། ལྷ་རྣམས་ཀྱི་དབང་པོ་བརྒྱ་བྱིན་གྱིས་ཆར་ཆེན་པོ་རབ་ཏུ་ཕབ་པས། མེ་དེ་རབ་ཏུ་ཞི་བར་གྱུར་ཏོ། །དེས་ན་སེམས་ཅན་དེ་ཐམས་ཅད་མེའི་འཇིགས་པ་ལས་ཐར་པར་གྱུར་ཏོ། །རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་སྲེག་པ་གང་ཡིན་པ་དེ་ནི། ང་ཉིད་བྱང་ཆུབ་སེམས་དཔའི་སྤྱད་པ་སྤྱོད་པ་དེ་ཡིན་ནོ། །རྒྱལ་པོ་ཆེན་པོ། དེ་ན་ངའི་བྱང་ཆུབ་སེམས་དཔའི་སྤྱོད་པས་སེམས་ཅན་ལ་ཕན་པ་བྱས་པ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང་ངས་སེམས་ཅན་ལ་ཕན་པ་བྱས་ཏེ་བློན་པོ་ལྔ་བརྒྱ་རང་གི་ཤ་དང་ཁྲག་གིས་ཚིམ་པར་བྱས་པ་གང་ཡིན་པ་དེ། ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། འདས་པའི་དུས་ན་ཝཱ་ར་ཎཱ་སིའི་གྲོང་ཁྱེར་དུ་རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དོ། །དེའི་བློན་པོ་ལྔ་བརྒྱ་ཡོད་པ་ལས། ཁམས་ཀྱི་རྒྱལ་ཕྲན་རྣམས་ཀྱིས་བློན་པོ་ལྔ་བརྒྱ་པོ་དེ་རྣམས་ཁ་ཕྱུང་བའི་གླེང་གཞི་དེ་དག་རྒྱལ་པོས་ཐོས་ནས། རྒྱལ་པོ་དེ་ཡང་ཆོས་དང་ལྡན་པ། སྙིང་བརྩེ་བ་ཅན། ཆོས་འདོད་པ། སྐྱེ་བོ་ལ་བྱམས་པ། བདག་ལ་ཕན་པ་དང ། གཞན་ལ་ཕན་པར་ཞུགས་པ་ཞིག་
Kha422b
པས། དེས་བསམ་པ། འདི་དག་བསད་དེ་ཅི་རུང་སྙམ་ནས། དེས་དེ་རྣམས་སྤྱུགས་ཏེ། དེ་རྣམས་སྨྱགས་བཅད་དེ་དོང་བ་ལས། བྱེ་གླིང་ཞིག་ལ་ཕྱིན་ཏོ། །དེ་ན་དེ་རྣམས་སྐོམ་པས་ཉེན་ནས་ཕན་ཚུན་བརྟགས་ན། ཆུ་གང་ན་ཡང་མ་མཐོང་ནས་དེ་རྣམས་ཀྱིས་མགྲིན་གཅིག་ཏུ་སྒྲ་བྱུང་བ་དང ། དེའི་ཚེ་བྱང་ཆུབ་སེམས་དཔའ་གླང་པོ་ཆེ་རྣམས་ཀྱི་ནང་དུ་ཡན་ལག་བདུན་ལེགས་པར་གནས་པ། གླང་པོ་ཆེ་ས་སྲུང་གི་བུའི་ཤ་ཚུགས་ལྟ་བུ་ཞིག་ཏུ་སྐྱེས་པ་དེའི་བསོད་ནམས་ཀྱི་མཐུས། རི་སུལ་དག་མེ་ཏོག་དང ། འབྲས་བུ་ཕུན་སུམ་ཚོགས་ཤིང ། རྫིང་དང ། མཚེའུ་དང ། ཆུ་འབབ་པ་དང་ལྡན་ནོ། གླང་པོ་ཆེའི་གཙོ་བོ་དེས་ཐག་རིང་པོ་ན་གནས་བཞིན་དུ་ཚོར་ནས་དེས་སྣ་ཆུས་བགང་ནས་བརྒྱུགས་ཏེ། དེས་བློན་པོ་དེ་རྣམས་ཀྱི་དྲུང་དུ་ཕྱིན་པ་དང་དབུགས་ཕྱུང་ནས། ཆུས་དེ་རྣམས་ཀྱི་ཁ་བཤལ་ཏེ་རྒྱབ་ཏུ་ཞོན་དང ། རི་སུལ་དེར་བཙུད་དེ། འབྲས་བུ་དང ། རྩ་བ་དང ། ཆུས་ཚིམ་པར་བྱས་ཤིང ། ལམ་གྱིས་དུབ་པ་བསལ་ནས། དེ་ནས་དེས་དེ་རྣམས་ལ་སྨྲས་པ། རི་སུལ་འདིའི་ཕ་རོལ་ངོས་ན་གླང་པོ་ཆེའི་གཙོ་བོའི་རོ་ཞིག་ཡོད་ཀྱི། དེའི་རྒྱུ་ལྟོ་ཁྲུས་ཏེ་ཆུས་ཁོང་ལ། རྩ་བ་དང ། འབྲས་བུ་དག་བསྡུས་ཏེ་དེངས་ཤིག་དང་དེ་ལྟར་ན་འབྲོག་འདི་རྟོལ་བར་འགྱུར་རོ། །དེ་སྐད་ཅེས་བསྟན་ནས། དེ་ནས་གླང་པོ་ཆེའི་གཙོ་བོ་དེ། རི་དེ་ལ་འཛེགས་ནས་སེམས་བསྐྱེད་སྨོན་ལམ་བཏབ་པ། ཇི་ལྟར་བདག་གིས་སྡུག་བསྔལ་ཉམ་ང་བ་འདི་ལས་ཡོངས་སུ་བསྐྱབས་པ་དང ། འབྲོག་
Kha423a
༄#། །འདི་ལས་རྟོལ་བའི་ཐབས་བསྟན་པ་དང ། འདི་དག་གི་དོན་དུ་རང་གི་སྲོག་ཕངས་པ་ཡོངས་སུ་བཏང་བ་དེ་བཞིན་དུ། བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། བདག་གིས་འདི་དག་ཉིད་འཁོར་བའི་དགོན་པ་ལས་སྒྲོལ་བར་གྱུར་ཅིག་།ཅེས་སྨྲས་ནས། གླང་པོ་ཆེ་དེས་ལག་པ་གཉིས་ཀྱིས་སྣ་བརྫིས་ནས། བདག་ཉིད་རི་དེའི་ཁ་ནས་མཆོངས་པ་དང ། གླང་པོ་ཆེའི་གཙོ་བོ་ལུས་ཆེན་པོ་ལྷུང་མ་ཐག་ཏུ། མོད་ལ་ཤི་བར་གྱུར་ཏོ། །བློན་པོ་དེ་རྣམས་ཀྱིས་བཙལ་བ་ན་མཐོང་སྟེ། དེ་རྣམས་གནས་དེར་སོང་ནས་དེ་རྣམས་ཀྱིས་གླང་པོ་ཆེའི་གཙོ་བོ་དེ་མཐོང་བ་དང་གཅིག་ལ་གཅིག་སྨྲས་པ། གླང་པོ་ཆེའི་གཙོ་བོ་གང་གིས་བདག་ཅག་གི་སྲོག་འབྱིན་པ་དེ་ནི། འདི་ཡིན་ཏེ། གལ་ཏེ་འདིའི་སྟེང་དུ་ལག་པ་བཞག་ན། ཇི་ལྟར་བདག་ཅག་གི་ལག་པ་ས་ལ་ལྟུང་བར་མི་འགྱུར། དེ་ནས་གནས་གཙང་མའི་ལྷ་རྣམས་ཀྱིས། བདག་ཉིད་ཆེན་པོ་འདིས་གང་གི་དོན་དུ་སྲོག་ཡོངས་སུ་བཏང་བའི་ཡིད་ལ་རེ་བ་ཡོངས་སུ་རྫོགས་པར་གྱིས་ཤིག་།ཅེས་སྒྲ་ཕྱུང་ངོ ། །དེ་ནས་བློན་པོ་དེ་རྣམས་ཀྱིས། གླང་པོ་ཆེའི་གཙོ་བོ་དེའི་རྒྱུ་ལྟོ་ཕྱུང་ནས་བཀྲུས་ཏེ་ཆུས་བཀང་ནས་རྩབ་དང ། འབྲས་བུ་རྣམས་ཁྱེར་ནས་གླང་པོ་ཆེའི་གཙོ་བོ་དེའི་རོ་ལ་མཆོད་པ་བྱས་ནས། འབྲོག་དེ་རྟོལ་ནས་ཕྱིས་སྨོན་ལམ་བཏབ་པ། ཇི་ལྟར་བདག་ཉིད་ཆེན་པོ་འདིས། བདག་ཅག་རྣམས་རྗེས་སུ་གཟུང་བའི་ཕྱིར་རང་གི་སྲོག་ཡོངས་
Kha423b
སུ་བཏང་བ་དང ། བདག་ཅག་འབྲོག་འདི་ལས་ཡོངས་སུ་བསྐྱབས་པ་དེ་བཞིན་དུ། བདག་ཉིད་ཆེན་པོ་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་བདག་ཅག་འཁོར་བའི་འབྲོག་ཆེན་པོ་ལས་ཡོངས་སུ་ཐར་པར་བྱེད་པར་གྱུར་ཅིག་།ཅེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་གླང་པོ་ཆེའི་གཙོ་བོ་གང་ཡིན་པ་དེ་ནི། ང་ཉིད་ཡིན་ནོ། །རྒྱལ་པོ་ཆེན་པོ། ངས་བདག་ཉིད་ཡོངས་སུ་བཏང་བ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངས་བདག་ཉིད་ཡོངས་སུ་བཏང་བ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཅམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སྲོག་ཆགས་སྟོང་ཕྲག་མང་པོ་རང་གི་ཤས་ཚིམ་པར་བྱས་ཀྱང་ངའི་སེམས་ཉམས་པ་མེད་པ་གང་ཡིན་པ་དེ། ཉོན་ཅིག ། རྒྱལ་པོ་ཆེན་པོ། སྔོན་བྱུང་བ། འདས་པའི་དུས་ན། ཀླུ་གཞོན་ནུ་ཙམ་པ་སྐྱེས་ཞེས་བྱ་བ། དང་པ་བཟང་བ། དགེ་བའི་བསམ་པ་ཅན་དེ། ཚེས་བརྒྱད་དང ། བཅུ་བཞི་ལ་གནས་ནས་བྱུང་ནས་ཡན་ལག་བརྒྱད་དང་ལྡན་པའི་གསོ་སྤྱོང་བླངས་ཏེ་གནས་གསལ་བར་ལུས་ཆེན་པོར་བྱས་ནས་ལུས་བཏང་སྟེ་གནས་ཤིང ། འཇིག་རྟེན་ན་འགྲོ་བ་དང ། གནས་པ་ལ་ཅུང་ཟད་ཀྱང་གནོད་པ་མི་བྱེད་
Kha424a
༄#། །དོ། །ལོ་ཉེས་བྱུང་ནས་ལས་ལ་མི་ལྟ་བའི་མི། གནག་རྫི་དང ། ཕྱུག་རྫི་དང ། ཤིང་འཐུན་དང ། ལམ་གྱིས་འཚོ་བ་དང ། ལམ་གོལ་བས་འཚོ་བའི་མི་རྣམས་ཀྱིས། ཀླུའི་ཤ་ལས་བཅད་ཅིང་བཅད་ཅིང་བཟའ་བར་བརྩམས་ཏེ། དེ་ན་ངས་དུས་མང་པོར་རང་གི་ཤས་ཚིམ་པར་བྱས་ན་ཡང་ངའི་སེམས་མ་ཉམས་སོ། །རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་ཀླུ་གཞོན་ནུ་ཙམ་པ་སྐྱེས་གང་ཡིན་པ་དེ་ནི། ང་ཉིད་ཡིན་ནོ། །རྒྱལ་པོ་ཆེན་པོ། ངས་རང་གི་ཤ་ཡོངས་སུ་བཏང་བ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་ལ་ཕན་པ་བྱས་པ་གང་ཡིན་པ་དེ། ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། མཚོ་ཆེན་པོ་མ་དྲོས་པ་ན། ངང་པ་རྣམས་ཀྱི་སྡེ་དཔོན་ཡུལ་འཁོར་སྐྱོང་ཞེས་བྱ་བ་ཞིག་བྱུང་བར་གྱུར་ཏོ། །དེ་ལ་བུ་གཉིས་ཡོད་དེ། གང་བ་དང ། བཞིན་རྒྱས་ཞེས་བྱ་སྟེ། ཕུ་བོ་ནི། གང་བའོ། །ནུ་བོ་ནི། བཞིན་རྒྱས་སོ། །གང་བ་ནི། གཏུམ་པ། གཟུ་ལུམས་ཅན། བརླང་བ་ཞིག་པས། རྒྱུན་ཁོ་ནར་ངང་པ་རྣམས་ལ་སྡིག་པར་བྱེད་དེ། ཁ་ཅིག་ལ་སྒྲོ་འབྱིན། ཁ་ཅིག་ལ་སྡེར་མོས་རྨ་འབྱིན་ཏེ། དེ་ལྟ་བུ་དང ། གནོད་པ་གཞན་ཡང་བརྒྱ་ཕྲག་
Kha424b
དག་བྱས་ནས་ངང་པ་རྣམས་ངང་པའི་སྡེ་དཔོན་ཡུལ་འཁོར་སྐྱོང་གི་དྲུང་དུ་སོང་ནས་ཉི་མ་རེ་རེ་ཞིང་ཡང་གོ་བར་བྱེད་པ་དང ། དེས་བསམ་པ། གང་བ་ནི། གཏུམ་པ། གཟུ་ལུམས་ཅན། བརླང་པ་ཡིན་ཏེ། གལ་ཏེ་འདི་རྒྱལ་ཚབ་ཏུ་བཅུག་ན། བདག་འདས་པ་དང ། འདིས་ངང་པའི་ཁྱུ་བཤིག་པར་འགྱུར་གྱི། འདི་ལ་ཐབས་ཤིག་བཤམ་པར་བྱའོ། །སྙམ་ནས། དེས་གང་བ་དང ། བཞིན་རྒྱས་གཉིས་ཀ་བཀུག་སྟེ་སྨྲས་པ། འབབ་ཆུའི་དོང་དང ། མཚོ་དང ། མཚེའུ་རྣམས་བལྟས་ཏེ་ངའི་དྲུང་དུ་ཐོག་མར་སུ་འོངས་པ་དེ། ངས་ངང་པ་རྣམས་ཀྱི་སྡེ་དཔོན་དུ་གཞུག་གོ། དེ་གཉིས་ཕན་ཚུན་འགྲན་པས་འཁོར་ལྔ་བརྒྱ་ལྔ་བརྒྱ་དང་དོང་བ་ལས། དེ་གཉིས་ཀྱིས་འབབ་ཆུའི་དོང་དང ། མཚོ་དང ། མཚེའུ་རྣམས་ཕན་ཚུན་དུ་བལྟས་ནས། དེ་གཉིས་རིམ་གྱིས་ཝཱ་ར་ཎཱ་སིའི་གྲོང་ཁྱེར་དུ་ཕྱིན་ཏོ། །དེའི་ཚེ་ཝཱ་ར་ཎཱ་སིའི་གྲོང་ཁྱེར་ན་རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དེ། འབྱོར་བ་དང ། རྒྱས་པ་དང་ཞེས་བྱ་བ་ནས་སྐྱེ་བོ་དང་མི་མང་པོས་རབ་ཏུ་གང་བ་ཞེས་བྱ་བའི་བར་དུ་སྟེ། ཝཱ་ར་ཎཱ་སིའི་སྐྱེད་མོས་ཚལ་ན་དེའི་རྫིང་ཚངས་ལྡན་ཞེས་བྱ་བ། མཚོ་བས་ཁྱད་པར་དུ་འཕགས་པར་ཟབ་པ་ཞིག་ཡོད་དེ། དེ་ལས་ཆུ་ལས་སྐྱེ་བའི་མེ་ཏོག་རྣམ་པ་སྣ་ཚོགས་བསྐྱེད་ཅིང ། ཕྱོགས་བཞི་འཁོར་བར་ཡང་མེ་ཏོག་དང ། འབྲས་བུའི་ཤིང་སྟོང་ཕྲག་དུ་མ་དག་བསྐྲུན་ནས། དེ་ཨུཏྤལ་དང ། པདྨ་དང ། ཀུ་མུ་ད་དང ། པདྨ་དཀར་པོས་ཁེབས་ལ། ཤིང་རྣམ་པ་དུ་མས་སྟུག་པོར་བརྒྱན་ནས་བྱ་རྣམ་པ་མང་པོ་དག་སྐད་འབྱིན་ཏོ། །དེའི་འབྱོར་
Kha425a
༄#། །པ་དེ་མཐོང་ནས། གང་བ་ངང་པ་ལྔ་བརྒྱས་ཡོངས་སུ་བསྐོར་ཏེ་བབས་ནས། ཅི་དགར་རྒྱུ་ཞིང ། དེས་རྩེ་བར་བརྩམས་སོ། །བཞིན་རྒྱས་ལ་ཡང་རང་གི་ཁྱུས་སྨྲས་པ། ཁྱོད་ཀྱང་བོགས་ལ་རྩེད་མོ་མཛོད། དེས་སྨྲས་པ། རེ་ཞིག་རྒྱལ་སྲིད་ཇེ་བླངས་ལ། དེ་ནས་ཕྱིས་འོངས་ཏེ་རྩེ་བར་བྱའོ། །ཞེས་དེས་མྱུར་བར་སོང་ནས་རྒྱལ་སྲིད་བླངས་ཏེ། དེ་ནས་ངང་པ་ལྔ་བརྒྱས་ཡོངས་སུ་བསྐོར་ནས་ཝཱ་ར་ཎཱ་སིར་ལྷགས་ཏེ་ཚངས་ལྡན་གྱི་རྫིང་དུ་བབས་ནས་རྩེ་བར་བརྩམས་ཏེ། དེ་དེ་ལྟ་བུའི་བག་ཡོད་པས་གནས་པ། སྐྱེ་བོའི་ཚོགས་ཀྱིས་མཐོང་ནས་ཡ་མཚན་སྐྱེས་ཏེ། ཨེ་མ་ཧོ། ངང་པའི་སྡེ་དཔོན་མཆོག་ཏུ་བལྟ་ན་སྡུག་པའི་གཟུགས་ཅན་གང་ནས་འདིར་འོངས། ཚངས་ལྡན་གྱི་རྫིང་གི་རྒྱུན་དུ་གྱུར་ཅིང ། ཆུ་ན་རྒྱུ་བའི་བྱ་ཐམས་ཅད་གཟུགས་མཛེས་པས་ཟིལ་གྱིས་མནན་ཏེ། འཇིག་རྟེན་དགའ་བ་བསྐྱེད་ཅིང་དགའ་མགུར་གནས་སོ། །དེ་ནས་ཝཱ་ར་ཎཱ་སི་ན་གནས་པའི་སྐྱེ་བོའི་ཚོགས་ཐམས་ཅད་ཀྱིས་ཐོས་ནས། ཚངས་ལྡན་གྱི་རྫིང་བུའི་མཐའ་ཡོངས་སུ་བསྐོར་ཏེ། དེ་བག་སྐྱོང་ཞིང་གནས་པ་དང ། གཟུགས་མཛེས་པ་ལ་བལྟ་ཞིང་གནས་སོ། །བློན་པོ་རྣམས་ཀྱིས་རྒྱལ་པོ་ལ་རིག་པར་བྱས་པ། ལྷ། ངང་པའི་སྡེ་དཔོན་ཞིག་ག་ཞིག་ཅིག་ནས་མཆིས་ནས། དེ་ཚངས་ལྡན་གྱི་རྫིང་དུ་འཁོར་བརྒྱ་ཕྲག་དུ་མ་དང་བབས་ཏེ་ཆུ་ན་རྒྱུ་བའི་བྱ་ཐམས་ཅད་གཟུགས་མཛེས་པས་ཟིལ་གྱིས་མནན་ནས། འཇིག་རྟེན་དགའ་བ་བསྐྱེད་ཅིང ། བག་བརྐྱང་སྟེ་གནས་ཤིང་མཆིས་སོ། །
Kha425b
རྒྱལ་པོས་སྨྲས་པ། ཤེས་ལྡན་དག། གལ་ཏེ་དེ་ལྟར་གྱུར་ན་བྱ་བ་རྣམས་ཁུག་ཅིག་།དེ་རྣམས་ཀྱིས་བཀུག་ནས། རྒྱལ་པོས་སྨྲས་པ། ཤེས་ལྡན་དག། ཚངས་ལྡན་གྱི་མཚོ་ན་བྱ་མཆོག་ཏུ་གཟུགས་མཛེས་པ། བལྟ་ན་སྡུག་པ། ངང་པའི་སྡེ་དཔོན་ཞིག་ག་ཞིག་ཅིག་ནས་འོངས་སོ། །ཞེས་ཐོས་ཀྱི། ཁྱེད་ཅག་གིས་དེ་གཅིག་པུ་མ་སྣད་པར་རྙིས་བཟུང་ལ་ངའི་དྲུང་དུ་ཁྱེར་ཏེ་ཤོག་ཅིག ། དེས་དེ་རྙི་མ་ཆག་ཏུ་འཇམ་པོས་རྨ་མ་བྱུང་བར་བཟུང་བ་དང ། དེས་ཚིགས་སུ་བཅད་དེ་སྨྲས་པ། བདག་ནི་དམ་པོས་རྙིས་བཟུང་བས། མི་ཡི་དབང་སོང་བྱར་མེད་ཀྱི། །ཅི་ནས་ངང་པའི་ཁྱུ་དག་ནི། །མྱུར་དུ་མ་དྲོས་འདེང་བར་གྱིས། །ངང་པ་ལྔ་བརྒྱར་གཅིག་གིས་མ་ཚང་བ་ནི། བྲོས་སོ། །དེ་ནས་གཅིག་པུ་རྙིས་བཟུང་བས་མྱ་ངན་གྱིས་ནོན་ཅིང་གནས་པ་དེ། བྱ་བ་རྣམས་ཀྱིས་མཐོང་ནས་ངོ་མཚར་སྐྱེས་ཏེ། རྒྱལ་པོས་འཇིགས་ནས་མ་སྣད་པ་དང ། མ་ཤི་བར་དེ་དག་གི་ངང་པའི་སྡེ་དཔོན་དེ་ཁྱེར་ནས་རྒྱལ་པོའི་དྲུང་དུ་སོང་ངོ ། པས་རང་ཉིད་སོང་ངོ ། །གཅིག་ཤོས་དེ་ཡང་གཟུང་བཞིན་དུ་ཆགས་པའི་རྙིས་བཅིངས་པས་རང་ཉིད་སོང་ངོ ། །ངང་པའི་སྡེ་དཔོན་རྒྱལ་པོ་ལ་ཕུལ་བ་དང ། རྒྱལ་པོས་སྨྲས་པ། ཤེས་ལྡན་དག་།གཅིག་ཤོས་འདི། ཅི་སྟེ་ཁྱེར་ཏེ་འོངས། དེ་རྣམས་ཀྱིས་སྨྲས་པ། ལྷ། བདག་ཅག་གིས་ནི། འདི་མ་བཟུང་ན། འོན་ཀྱང་རང་ཉིད་མཆིས་ལགས་སོ། །རྒྱལ་པོ་མཆོག་ཏུ་ངོ་མཚར་དུ་གྱུར་ཏེ་དད་པ་ཆེན་པོ་སྐྱེས་སོ། །དེ་ནས་རྒྱལ་པོས་ངང་པའི་དེ་དཔོན་སེང་གེའི་ཁྲི་སྟེང་དུ་བཞག་གོ། །དེ་ནས་ངང་
Kha426a
༄#། །པའི་སྡེ་དཔོན་གྱིས་མིའི་སྐད་ཀྱིས་གང་ཐོས་ནས་རྒྱལ་པོ་འཁོར་དང་བཅས་པ་དགེ་བ་བཅུའི་ལས་ཀྱི་ལམ་ལ་བཀོད་པ་དེ་ལྟ་བུའི་ཆོས་བཤད་པ་བྱས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།དེངས་ལ། ཝཱ་ར་ཎཱ་སིའི་གྲོང་ཁྱེར་དུ་དྲིལ་སྒྲོག་ཏུ་ཆུག་ལ། ངའི་ཡུལ་ན་ཆུ་ན་རྒྱུ་བའི་སྲོག་ཆགས་རྣམས་སུས་ཀྱང་མ་གསོད་ཅིག་།དེ་རྣམས་ཀྱིས་དྲིལ་སྒྲོག་ཏུ་བཅུག་ནས། སུ་ཡང་ཆུ་ན་རྒྱུ་བའི་སྲོག་ཆགས་མ་གསོད་ཅིག་།བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་ངང་པའི་སྡེ་དཔོན་བཞིན་རྒྱས་གང་ཡིན་པ་དེ་ནི། ང་ཉིད་ཡིན་ཏེ། དེ་ན་ངས་སེམས་ཅན་དེ་སྙེད་ལ་ཕན་པ་བྱས་སོ། །རྒྱལ་པོ་ཆེན་པོ། ངས་སེམས་ཅན་ལ་ཕན་པ་བྱས་པ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངས་སེམས་ཅན་ལ་ཕན་པ་བྱས་པ་དེས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་ལ་ཕན་པ་བྱས་ཏེ་དགེ་བ་ལ་བཙུད་པ་གང་ཡིན་པ་དེ། ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། སྟོན་པ་མིག་མཛེས་ཞེས་བྱ་བ། ཕྱི་རོལ་པའི་མུ་སྟེགས་རྫུ་འཕྲུལ་དང་ལྡན་པ། འདོད་པ་རྣམས་ལས་འདོད་ཆགས་དང་བྲལ་བ་ཞིག་བྱུང་སྟེ།
Kha426b
སྟོན་པ་མིག་མཛེས་ཀྱི་ཉན་ཐོས་བརྒྱ་ཕྲག་དུ་མ་དང ། སྟོང་ཕྲག་དུ་མ་དང ། བརྒྱ་སྟོང་ཕྲག་དུ་མ་བྱུང་ངོ ། །སྟོན་པ་མིག་མཛེས་ཉན་ཐོས་རྣམས་ལ་ཆོས་སྟོན་པ་ནི། ཤིན་ཏུ་ཟད་པར་འགྱུར་བ་མ་ཡིན། ཤིན་ཏུ་དྲི་མ་མེད་པར་འགྱུར་བ་མ་ཡིན། ཤིན་ཏུ་ཚངས་པར་སྤྱོད་པ་ལ་གནས་པར་འགྱུར་བ་མ་ཡིན་ཏེ། ཚངས་པའི་འཇིག་རྟེན་དང་སྐལ་བ་མཉམ་པའི་བར་ཡིན་ནོ། །སྟོན་པ་མིག་མཛེས་ཀྱི་ཉན་ཐོས་ཐམས་ཅད་ཀྱི་ཐམས་ཅད་དུ་བསླབ་པ་ཡོངས་སུ་རྫོགས་པ་གང་ཡིན་པ་དེ་དག་ནི། ཚངས་པའི་གནས་པ་བཞི་བསྒོམས་ནས། འདོད་པ་རྣམས་ལ་འདོད་པའི་འདུན་པ་སྤངས་ཏེ། དེ་ལ་ལན་མང་དུ་གནས་ཤིང ། ཚངས་པའི་འཇིག་རྟེན་དང་སྐལ་བ་མཉམ་པར་སྐྱེས་སོ། །ཐམས་ཅད་ཀྱི་ཐམས་ཅད་དུ་མ་ཡིན་པ་གང་དག་ཡིན་པ་དེ་ལས། ཁ་ཅིག་ནི། འཕྲུལ་དགར་རོ། །ཁ་ཅིག་ནི། དགའ་ལྡན་དུ། ཁ་ཅིག་ནི། སུམ་ཅུ་རྩ་གསུམ་པ་དང ། རྒྱལ་ཆེན་བཞིའི་རིས་དང ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་དང ། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དང ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་རྣམས་དང་སྐལ་བ་མཉམ་པར་སྐྱེས་སོ། །དེ་ནས་སྟོན་པ་མིག་མཛེས་འདི་སྙམ་དུ་སེམས་ཏེ། གལ་ཏེ་བདག་ཉན་ཐོས་རྣམས་དང་ལྷན་ཅིག་འགྲོ་བ་མཉམ་པ་དང ། སྐྱེ་བ་མཉམ་པ་དང ། ཚེ་ཕྱི་མ་མཉམ་པ་ནི། འོས་པ་མ་ཡིན་གྱི། མ་ལ་བདག་གིས་གོང་དུ་བསམ་གཏན་གཉིས་པ་བྱམས་པས་བསྒོམ་པར་བྱའོ། །སྙམ་ནས། དེ་བསམ་གཏན་གཉིས་པ་བསྒོམས་པས་འོད་གསལ་གྱི་ལྷ་རྣམས་དང་སྐལ་བ་མཉམ་
Kha427a
༄#། །པར་སྐྱེས་པར་གྱུར་ཏོ། །རྒྱལ་པོ་ཆེན་པོ། དེའི་ཚེ་དེའི་དུས་ན། སྟོན་པ་མིག་མཛེས་ཞེས་བྱ་བར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། ང་ཉིད་དེའི་ཚེ་དེའི་དུས་ན། སྟོན་པ་མིག་མཛེས་ཞེས་བྱ་བ། ཕྱི་རོལ་པའི་མུ་སྟེགས་རྫུ་འཕྲུལ་དང་ལྡན་པ། འདོད་པ་རྣམས་ལས་འདོད་ཆགས་དང་བྲལ་བ་ང་ཡིན་པར་གྱུར་ཏེ། ང་ཉིད་ཀྱི་ཉན་ཐོས་བརྒྱ་ཕྲག་དུ་མ་དང ། སྟོང་ཕྲག་དུ་མ་དང ། བརྒྱ་སྟོང་ཕྲག་དུ་མ་བྱུང་བར་གྱུར་པའི་ཉན་ཐོས་རྣམས་ལ་ང་ཉིད་ཀྱིས། ཤིན་ཏུ་ཟད་པར་འགྱུར་བ་མ་ཡིན། ཤིན་ཏུ་དྲི་མ་མེད་པར་འགྱུར་བ་མ་ཡིན། ཤིན་ཏུ་ཚངས་པར་སྤྱོད་པ་ལ་གནས་པར་འགྱུར་བ་མ་ཡིན་གྱི། ཚངས་པའི་འཇིག་རྟེན་དང་སྐལ་བ་མཉམ་པའི་བར་གྱི་ཆོས་བཤད་དོ། །རྒྱལ་པོ་ཆེན་པོ། ཇི་སྙམ་དུ་སེམས། ངས་སེམས་ཅན་ལ་ཕན་པ་བྱས་པ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་སེམས་ཅན་ལ་ཕན་པ་བྱས་པ་གང་ཡིན་པ་དེ་ནི་ཉོན་ཅིག་།རྒྱལ་པོ་ཆེན་པོ། སྔོན་བྱུང་བ། སྟོན་པ་ལྐུགས་འཕྱེ་ཞེས་བྱ་བ། ཕྱི་རོལ་པའི་མུ་སྟེགས་རྫུ་འཕྲུལ་དང་ལྡན་པ། འདོད་པ་རྣམས་ལ་འདོད་ཆགས་དང་བྲལ་བ་ཞིག་བྱུང་
Kha427b
པར་གྱུར་ཏོ། །དེ་བྲམ་ཟེའི་ཁྱེའུ་ལྔ་བརྒྱ་སློབ་པར་བྱེད་དོ། །དེ་ནས་དུས་གཞན་ཞིག་ན་སྟོན་པ་ལྐུགས་འཕྱེ་འདི་སྙམ་དུ་སེམས་ཏེ། ཅིའི་ཕྱིར་བྲམ་ཟེའི་ཁྱེའུ་འདི་རྣམས་ཀྱིས་མངོན་པར་ཤེས་པ་ལྔ་མངོན་སུམ་དུ་མ་བྱས་སྙམ་མོ། །དེ་ཡང་འདི་སྙམ་དུ་སེམས་ཏེ། འདི་རྣམས་གཡང་གཞི་དང ། ཤིང་ཤུན་དང་དབྱུག་གུ་དང ། རིལ་བ་སྤྱི་ལུགས་དང ། བླུགས་གཟར་གྱི་སྣོད་ལྷག་པར་འཆང་ཞིང ། ཚོད་རྔད་དང ། ུཏྤལའི་རྩ་བ་སྦྱོར་བ་ལ་བརྩོན་པར་གནས་པ་ལས་གྱུར་ཏོ། །སྙམ་མོ། །དེ་ནས་སྟོན་པ་ལྐུགས་འཕྱེས་འདི་སྙམ་དུ་སེམས་ཏེ། གལ་ཏེ་བྲམ་ཟེའི་ཁྱེའུ་རྣམས་ལ་ནན་ཏུར་ཞིག་མ་བྱས་ན་དབྲལ་བར་དཀའོ། །སྙམ་མོ། །བྱང་ཆུབ་སེམས་དཔའ་རྣམས་ཀྱི་གདུལ་བ་ལ་མཁས་པ་ནི། བླ་ན་མེད་པ་ཡིན་པས། དེ་ནས་སྟོན་པ་ལྐུགས་འཕྱེས། བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་ཟླ་བ་གསུམ་པོ་འདི་དག་ལ། ཁོ་བོ་ནང་དུ་ཡང་དག་འཇོག་འདོད་ཀྱིས། ཁོ་བོ་ལ་འབྲས་བུ་དང ། རྩ་བ་སྟོབ་པའི་བྲམ་ཟེའི་ཁྱེའུ་གཅིག་དང ། གསོ་སྦྱོང་བཅོ་ལྔ་པ་དེ་ཉིད་མ་གཏོགས་པར་བྲམ་ཟེའི་ཁྱེའུ་སུ་ཡང་མ་འོངས་ཤིག་།བྲམ་ཟེའི་ཁྱེའུ་དེ་རྣམས་ཀྱིས་ཀྱང་ཁྲིམས་སུ་བཅས་པ། བདག་ཅག་ལས། དབྱར་གྱི་ནང་ལོགས་སུ་རྩ་བ་དང ། འབྲས་བུ་སྟོབ་པའི་བྲམ་ཟེའི་ཁྱེའུ་གཅིག་དང ། གསོ་སྦྱོང་བཅོ་ལྔ་པ་དེ་ཉིད་མ་གཏོགས་པར་བྲམ་ཟེའི་ཁྱེའུ་སུ་ཡང་མཁན་པོ་བལྟ་ཞིང་འགྲོ་བར་མི་བྱའོ། །བདག་ཅག་ལས། དབྱར་གྱི་ནང་ལོགས་སུ་རྩ་བ་དང །
Kha428a
༄#། །འབྲས་བུ་སྟོབ་པའི་བྲམ་ཟེའི་ཁྱེའུ་གཅིག་དང ། གསོ་སྦྱོང་བཅོ་ལྔ་པ་དེ་ཉིད་མ་གཏོགས་པར་གང་ཞིག་མཁན་པོ་བལྟ་ཞིང་སོང་བར་གྱུར་ན། དེ་ནི། བདག་ཅག་གིས་ཉེས་པ་ཅན་དུ་བརྩིའོ། །ཞེས་བྱས་ནས། སྟོན་པ་ལྐུགས་འཕྱེ་ཟླ་བ་གསུམ་པོ་དེ་ལ་ནང་དུ་ཡང་དག་འཇོག་ལ་ཞུགས་པ་དང ། རྩ་བ་དང ། འབྲས་བུ་སྟོབ་པའི་བྲམ་ཟེའི་ཁྱེའུ་གཅིག་དང ། གསོ་སྦྱོང་བཅོ་ལྔ་པ་དེ་ཉིད་མ་གཏོགས་པར་བྲམ་ཟེའི་ཁྱེའུ་སུ་ཡང་དེའི་དྲུང་དུ་མི་འགྲོའོ། །སྟོན་པ་ལྐུགས་འཕྱེས་རྒྱང་རིང་པོ་ཁོ་ན་ནས་རི་དྭགས་ཤིག་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །རི་དྭགས་འོངས་པ་ལེགས་སོ། །ཚུར་རི་དྭགས་ཁྱོད་དང ། ཁོ་བོ་ནི། མཚུངས་ཏེ། ཁྱོད་ཀྱང་ཟས་ལྟོ་འགྲངས་ཅམ་གྱིས་ཆོག་ཅིང་ཀུན་ཏུ་ཆོག་ལ། ཁོ་བོ་ཡང་ལྟོ་འགྲངས་ཙམ་གྱིས་ཆོག་ཅིང་ཀུན་ཏུ་ཆོག་ན། འདི་ན་ཁ་ཅིག་ནི། དེ་ལྟ་མ་ཡིན་ཏེ། ཧ་ཅང་ཚོད་རྔད་དང ། ུཏྤ་ལའི་རྩ་བ་སྦྱོར་བ་ལ་བརྩོན་པར་གནས་སོ། །དེ་ནས་བྲམ་ཟེའི་ཁྱེའུ་དེ་རྣམས་འདི་སྙམ་དུ་སེམས་ཏེ། གདོན་མི་ཟ་བར་མཁན་པོ་ནི། བརྟུལ་ཞུགས་རྫོགས་པར་གྱུར་ཏེ། འདི་ལྟར། མཁན་པོ་རི་དྭགས་དང་ལྷན་ཅིག་སྨྲ་བར་བྱེད་དོ། །སྙམ་དུ་སེམས་ནས། སྟོན་པ་ལྐུགས་འཕྱེས་གང་ན་བ་དེར་དོང་སྟེ་ལྷགས་པ་དང ། སྟོན་པའི་རྐང་པ་གཉིས་ལ་མགོ་བོས་ཕྱག་འཚལ་ནས་ཕྱོགས་གཅིག་ཏུ་འདུག་གོ་།དེ་ནས་སྟོན་པ་ལྐུགས་འཕྱེ་ཅང་མི་སྨྲའོ། །དེ་ནས་བྲམ་ཟེའི་ཁྱེའུ་དེ་རྣམས་འདི་སྙམ་དུ་སེམས་ཏེ། གདོན་མི་ཟ་བར་མཁན་པོ་
Kha428b
ནི། བརྟུལ་ཞུགས་རྫོགས་པར་གྱུར་ཏེ། འདི་ལྟར། མཁན་པོ་རི་དྭགས་དང་ལྷན་ཅིག་སྨྲ་བར་བྱེད་དོ། །སྙམ་དུ་བསམ་ནས། སྟོན་པ་ལྐུགས་འཕྱེ་ནི། གང་གི་ཕྱིར་རི་དྭགས་དང་ལྷན་ཅིག་སྨྲ་བར་བྱེད་ཀྱི། མི་རྣམས་དང་ནི་མ་ཡིན་ནོ། །ཞེས་སྨྲས་ནས་སྟན་ལས་ལངས་ཏེ་དོང་ངོ ། །དེ་ནས་རི་དྭགས་ཀྱི་བརྟུལ་ཞུགས་ཅན་ཞིག་།སྟོན་པ་ལྐུགས་འཕྱེ་གང་ན་བ་དེར་སོང་བ་དང ། སྟོན་པ་ལྐུགས་འཕྱེས་རྒྱང་རིང་པོ་ཁོ་ན་ནས་རི་དྭགས་ཀྱི་བརྟུལ་ཞུགས་ཅན་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །རི་དྭགས་ཀྱི་བརྟུལ་ཞུགས་ཅན་ཁྱོད་འོངས་པ་ལེགས་སོ། །ཚུར་ཁྱོད་དང ། ཁོ་བོ་ནི། མཚུངས་ཏེ། ཁྱོད་ཀྱང་གཡང་གཞི་གཅིག་ཐོགས། ཁོ་བོ་ཡང་གཡང་གཞི་གཅིག་ཐོགས། ཁྱོད་ཀྱང་རིལ་བ་དང ། དབྱུག་གུ་དང ། བླུགས་གཟར་གྱི་སྣོད་རེ་རེ་ཐོགས། ཁོ་བོ་ཡང་རེ་རེ་ཐོགས། ཁྱོད་ཀྱང་བསོད་སྙོམས་ལྟོ་འགྲངས་ཙམ་གྱིས་ཆོག་ཅིང་ཀུན་ཏུ་ཆོག་ལ། ཁོ་བོ་ཡང་བསོད་སྙོམས་ལྟོ་འགྲངས་ཙམ་གྱིས་ཆོག་ཅིང་ཀུན་ཏུ་ཆོག་ན། འདི་ན་ཁ་ཅིག་ནི། དེ་ལྟ་མ་ཡིན་ཏེ། གཡང་གཞི་དང ། ཤིང་ཤུན་དང ། དབྱུག་གུ་དང ། རིལ་བ་དང ། བླུགས་གཟར་གྱི་སྣོད་ལྷག་པ་འཆང་ཞིང ། ཧ་ཅང་ཚོད་རྔད་དང ། ཁྲེ་རྒོད་དང ། ུཏྤལའི་རྩ་བ་སྦྱོར་བ་ལ་བརྩོན་པར་གནས་སོ། །དེ་ནས་བྲམ་ཟེའི་ཁྱེའུ་དེ་རྣམས་འདི་སྙམ་དུ་སེམས་ཏེ། ཇི་ལྟར། མཁན་པོ་འདོད་ཆེན་ཆེ་བ་ལ་ནི། རྣམ་པར་སྨོད་ལ། འདོད་ཆེན་ཆུང་བ་ལ་ནི། བསྟོད་པས་དོན་གྱིས་ན། མཁན་པོས་བདག་ཅག་ལ་ནན་
Kha429a
༄#། །ཏུར་བྱས་ཀྱི། མ་ལ་བདག་ཅག་གིས་གཡང་གཞི་དང ། ཤིང་ཤུན་དང ། དབྱུག་གུ་དང ། རིལ་བ་དང ། བླུགས་གཟར་གྱི་སྣོད་ལྷག་པ་ཆུ་བོ་རྟག་འབབ་ཀྱི་ནང་དུ་བོར་ལ། མཁན་པོ་གང་ན་བ་དེར་འདོང་ངོ ། །ཞེས་དེ་རྣམས་ཀྱིས་གཡང་གཞི་དང ། ཤིང་ཤུན་དང ། དབྱུག་གུ་དང ། རིལ་བ་དང ། བླུགས་གཟར་གྱི་སྣོད་ལྷག་པ་རྣམས་ཆུ་བོ་རྟག་འབབ་ཀྱི་ནང་དུ་བོར་ནས། རྒྱུད་གཙང་བ་དང ། སྤྱོད་པ་གཞུང་བཞིན་དུ་བྱས་ནས་སྟོན་པ་ལྐུགས་འཕྱེ་གང་ན་བ་དེར་དོང་སྟེ་ལྷགས་པ་དང ། སྟོན་པ་ལྐུགས་འཕྱེའི་རྐང་པ་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།སྟོན་པ་ལྐུགས་འཕྱེས་བྲམ་ཟེའི་ཁྱེའུ་དེ་རྣམས་ཀྱི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཤེས་ནས། ཇི་ལྟར་བྲམ་ཟེའི་ཁྱེའུ་ལྔ་བརྒྱ་པོ་དེ་དག་གིས་མངོན་པར་ཤེས་པ་ལྔ་མངོན་སུམ་དུ་བྱས་པ་དེ་ལྟ་བུའི་ཆོས་བཤད་པ་བྱས་སོ། །རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་སྟོན་པ་ལྐུགས་འཕྱེ་གང་ཡིན་པ་དེ་ནི། ང་ཉིད་ཡིན་ནོ། །རྒྱལ་པོ་ཆེན་པོ། ངས་སེམས་ཅན་ལ་ཕན་པ་བྱས་པ་གང་ཡིན་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་
Kha429b
པའི་ཕྱིར་བྱང་ཆུབ་སེམས་དཔའི་སྤྱོད་པས་སེམས་ཅན་ལ་ཕན་པ་བྱས་པ་གང་ཡིན་པ་དེ། ཉོན་ཅིག་།རྒྱལ་པོ་ཆེན་པོ། སྔོན་བྱུང་བའི་མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པར་གྱུར་ཏོ། །མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན། འཛམ་བུའི་གླིང་འདི་ཉིད་འབྱོར་བར་གྱུར་ཅིང་ཞེས་བྱ་བ་རྒྱས་པར་ཇི་སྐད་ཆོས་ལྡན་གྱི་མདོ་ལས་འབྱུང་བ་ལྟ་བུའོ། །ཇི་ཙམ་ན། མི་ཚེ་ལོ་བརྒྱད་ཁྲི་ཐུབ་པ་རྣམས་ལ་ལུས་ཀྱི་གནོད་པ་འདི་ལྟ་བུ་བྱུང་སྟེ། འདི་ལྟ་སྟེ། གྲང་བ་དང ། ཚ་བ་དང ། བཀྲེས་པ་དང ། སྐོམ་པ་དང ། འདོད་པ་དང ། ཟ་བ་དང ། རྒ་བའོ། །མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན། རྒྱལ་པོ་བྱེད་ལྡན་ཞེས་བྱ་བ་བྱུང་སྟེ། རྒྱལ་པོ་བྱེད་ལྡན་གྱི་སྐྱེད་མོས་ཚལ་གྱི་གནས་ན་ཤིང་ནྱ་གྲོ་དྷའི་རྒྱལ་པོ་ཤིན་ཏུ་རབ་གནས་ཞེས་བྱ་བ་ཞིག་ཡོད་དོ། །ནྱ་གྲོ་དྷའི་རྒྱལ་པོ་ཤིན་ཏུ་རབ་གནས་ཀྱི་དྲུང་ན་བྲམ་ཟེ་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད་ཅེས་བྱ་བ། བྲམ་ཟེའི་ཁྱེའུ་ལྔ་བརྒྱ་ཙམ་ལ། བྲམ་ཟེ་རྣམས་ཀྱི་གསང་ཚིག་ཀློག་ཏུ་འཇུག་གོ། དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད་གཅིག་པུ་དབེན་པར་སྡོད་ནས་སེམས་ལ་སེམས་ཀྱི་རྟོག་པ་འདི་ལྟ་བུ་སྐྱེས་ཏེ། མི་རྣམས་ནི། ཚེ་ཐུང་ལ་ཚེ་ཕྱི་མར་འགྲོ་དགོས་ཏེ། སྐྱེས་པ་ལ་མི་འཆི་བ་མེད་པས། དགེ་བ་བྱ་ཞིང་ཚངས་པར་སྤྱོད་པ་སྤྱད་དགོས་ན། འོན་ཀྱང་ད་ལྟར་མི་འདི་དག་ནི། འདི་ལྟ་སྟེ། དོན་སྤྱད་པ་དང ། བསོད་ནམས་སྤྱད་པ་དང ། དགེ་བ་སྤྱད་པ་ལ་སེམས་ལས་ཆུང་དུ། སེམས་ལས་ཆུང་ངུར་གནས་པར་བྱེད་ཀྱི།
Kha430a
༄#། །མ་ལ་བདག་སྐྲ་དང་ཁ་སྤུ་བྲེགས་ལ། གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ། །སྙམ་མོ། །དེ་ནས་བྲམ་ཟེའི་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད་ཀྱིས་བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་།ཤེས་པར་གྱིས་ཤིག་།འདི་ན་ཁོ་བོ་གཅིག་པུ་ཞེས་བྱ་བ་ནས་རབ་ཏུ་འབྱུང་ངོ ། །ཞེས་བྱ་བའི་བར་རྒྱས་པར་སྦྱར་རོ། །བྲམ་ཟེའི་ཁྱེའུ་དག་།བདག་ནི། སྐྲ་དང་ཁ་སྤུ་བྲེགས་ཏེ་ཞེས་བྱ་བ་ནས་རབ་ཏུ་འབྱུང་ན། ཤེས་ལྡན་དག་ཅི་བྱེད། ཀྱེ་མཁན་པོ། བདག་ཅག་གིས་གང་ཅུང་ཟད་ཅི་འཚལ་བ་དེ་ཐམས་ཅད་ནི། ཤེས་ལྡན་མཁན་པོ་ལ་བརྟེན་ནས་ལགས་པས། གལ་ཏེ་ཤེས་ལྡན་མཁན་པོ་སྐྲ་དང་ཁ་སྤུ་བྲེགས་ཞེས་བྱ་བ་ནས་རབ་ཏུ་འབྱུང་ན། བདག་ཅག་ཀྱང་ཤེས་ལྡན་མཁན་པོ་རབ་ཏུ་བྱུང་བའི་རྗེས་སུ་རབ་ཏུ་འབྱུང་བར་བགྱིའོ། །བྲམ་ཟེའི་ཁྱེའུ་དག་།དེའི་དུས་ལ་དབབ་པར་ཤེས་པར་གྱིས་ཤིག་།དེ་ནས་བྲམ་ཟེའི་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད་སྐྲ་དང་ཁ་སྤུ་བྲེགས་ནས་ཞེས་བྱ་བ་ནས་རབ་ཏུ་བྱུང་ཞེས་བྱ་བའི་བར་དུ་སྟེ། བྲམ་ཟེའི་ཁྱེའུ་ལྔ་བརྒྱ་པོ་དེ་རྣམས་ཀྱང་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། བྲམ་ཟེ་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད་རབ་ཏུ་བྱུང་བའི་རྗེས་སུ་རབ་ཏུ་བྱུང་ངོ ། །དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད་ཀྱིས་མྱ་ངན་ལས་འདའ་བར་མི་འགྱུར་བའི་སྒྲིབ་པ་ལ་སྤངས་ནས་ཞེས་བྱ་བ་ནས་རྒྱས་པར་བྱམས་
Kha430b
པ་དང་ལྡན་པའི་སེམས་ཞེས་བྱ་བ་དང ། རྒྱས་པར་སྙིང་རྗེ་དང ། དགའ་བ་དང ། བཏང་སྙོམས་ཀྱི་བར་དུ་བརྗོད་པར་བྱ་སྟེ། བཏང་སྙོམས་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད་ཀྱི་མིང ། བྲམ་ཟེ་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད། བྲམ་ཟེ་ཤིང་སཱ་ལ་ཆེན་པོ་ལྟ་བུ་རྩིབས་ཀྱི་མུ་ཁྱུད་ཅེས་བྱ་བའི་མིང་གང་ཡིན་པ་ནུབ་པར་གྱུར་ཅིང ། སྟོན་པ་རྩིབས་ཀྱི་མུ་ཁྱུད་ཅེས་བྱ་བར་གྲགས་སོ། །དེ་ནས་སྟོན་པ་རྩིབས་ཀྱི་མུ་ཁྱུད་ཀྱིས་བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་།མི་རྣམས་ནི། ཚེ་ཐུང་བ། ཉོན་མོངས་པ། རིང་པོར་མི་ཐོགས་པ་ཡིན་ལ། དེ་ཡང་སྡུག་བསྔལ་དང་ལྡན་ནོ། །དཔེར་ན། རྩཝའི་རྩེ་མོ་ལ་ཆགས་པའི་ཟིལ་པ་ནི། ཉི་མ་ཤར་བའི་ཚེ་མྱུར་བར་ལྡང་ཞིང་རིང་པོར་མི་གནས་སོ། །བྲམ་ཟེའི་ཁྱེའུ་དག་།དེ་བཞིན་དུ་མི་རྣམས་ཀྱི་ཚེ་ཡང་ཟིལ་པ་དང་འདྲ་བ་རིང་པོར་མི་ཐོགས་པར་ཉོན་མོངས་པ་ཡིན་ལ། དེ་ཡང་སྡུག་བསྔལ་དང་ལྡན་ནོ། །དཔེར་ན། ཆུ་ལ་རི་མོ་མཁན་གྱིས་རི་མོ་བྲིས་པ་ནི། མྱུར་དུ་འཇིག་ཅིང་རིང་པོར་མི་གནས་སོ། །བྲམ་ཟེའི་ཁྱེའུ་དག། དེ་བཞིན་དུ་མི་རྣམས་ཀྱི་ཚེ་ཡང་ཆུའི་རི་མོ་བཞིན་དུ་རིང་པོར་མི་གནས་པ། ཉོན་མོངས་པ་ཡིན་ལ། དེ་ཡང་སྡུག་བསྔལ་དང་ལྡན་ནོ། །དཔེར་ན། ཆུ་ལ་དབྱུག་པས་ཁྲམ་
Kha431a
༄#། །བཏབ་པ་ནི། མྱུར་དུ་འཇིག་ཅིང་རིང་པོར་མི་གནས་སོ། །དེ་བཞིན་དུ་ཚེ་ཡང་དབྱུག་པས་བྲིས་པ་ལྟ་བུ་ཡིན་ནོ། །དཔེར་ན། ཁོར་ཡུག་ཆུར་བོར་བ་ནི། མྱུར་དུ་འབྱིང་ཞིང་རིང་པོར་མི་གནས་སོ། །དེ་བཞིན་དུ་ཚེ་ཡང་ཁོར་ཡུག་ལྟ་བུ་ཡིན་ནོ། །དཔེར་ན། རྡོ་རྗེ་ཆུར་བོར་བ་ནི། མྱུར་དུ་འབྱིང་ཞིང་རིང་པོར་མི་གནས་སོ། །དེ་བཞིན་དུ་ཚེ་ཡང་རྡོ་རྗེ་ཆུར་བོར་བ་ལྟ་བུ་ཡིན་ནོ། །དཔེར་ན།་དབྱུག་པ་གནམ་དུ་འཕངས་པ་ནི། མྱུར་དུ་ལྟུང་ཞིང་རིང་པོར་མི་གནས་སོ། །དེ་བཞིན་དུ་ཚེ་ཡང་དབྱུག་པ་གནམ་དུ་འཕངས་པ་ལྟ་བུ་ཡིན་ནོ། །དཔེར་ན། ཐགས་བཅས་པ་ཇི་ཙམ་བཏགས་པ་དེ་ཙམ་དུ་བཏག་པར་བྱ་བ་རྟིང་ལ་ཐུག་པར་འགྱུར་རོ། །དེ་བཞིན་དུ་སྲོག་ཀྱང་བཏག་པར་བྱ་བ་རྟིང་ལ་ཐུག་པ་ལྟ་བུ་ཡིན་ནོ། །དཔེར་ན། གསད་པར་ཁྲིད་པའི་ཕྱུགས་ནི། གོམ་པ་རེ་རེ་བོར་ཞིང་གསད་པ་ལ་ཉེ་བ་ཡིན་ནོ། །དེ་བཞིན་དུ་ཚེ་ཡང་གསད་པའི་ཕྱུགས་ལྟ་བུ་ཡིན་ནོ། །དཔེར་ན། གསད་པར་ཁྲིད་པའི་མི་ནི། གོམ་རེ་རེ་བོར་ཞིང་གསད་པ་ལ་ཉེ་བ་ཡིན་ནོ། །དེ་བཞིན་དུ་ཚེ་ཡང་གསད་པའི་མི་ལྟ་བུ་ཡིན་ནོ། །དཔེར་ན། ཤའི་ཁམ་ཚད་ཅིག་ཟངས་ཆུ་མང་པོའི་ནང་དུ་བཅུག་སྟེ། འོག་ནས་མེ་སྦར་ན། མྱུར་དུ་གོར་བར་འགྱུར་ཞིང་རིང་པོར་མི་གནས་སོ། །དེ་བཞིན་ཚེ་ཡང་ཤའི་ཁམ་ཚད་ལྟ་བུ་ཡིན་ནོ།། །།འདུལ་བ་གཞི། བམ་པོ་ལྔ་བཅུ་པ། དཔེར་ན། རི་ལས་འབབ་པའི་ཆུ་བོ་གཏིང་ཟབ་པ། ཤུགས་དྲག་པ། ཐག་རིང་པོར་འབབ་
Kha431b
པ།་ཤིང་རྩི་འདེད་པར་བྱེད་པ་ནི། ཉིན་ཞག་དེ་དག་འདས་ཤིང ། སྐད་ཅིག་དང ། ཐང་གཅིག་དང ། ཡུད་ཙམ་དེ་དག་འདས་ན། ཆུའི་གནས་པ་དང ། འཇིག་པ་མི་མངོན་ནོ། །དེ་བཞིན་དུ་མི་རྣམས་ཀྱི་ཚེ་ཡང་ཆུ་བོའི་རྒྱུན་ལྟ་བུ་སྟེ། རིང་པོར་མི་ཐོགས་པར་ཉོན་མོངས་པ་ཡིན་ལ། དེ་ཡང་སྡུག་བསྔལ་དང་ལྡན་ནོ། །བྲམ་ཟེའི་ཁྱེའུ་དག། བདག་ནི་བྱམས་པ་དང་ལྡན་པ་ཞེས་བྱ་བ་ནས། རྒྱས་པར་སྙིང་རྗེ་དང ། དགའ་བ་དང ། བཏང་སྙོམས་དང་ལྡན་པའི་སེམས་ཞེས་བྱ་བ་ནས་གནས་སོ། །ཞེས་བྱ་བའི་བར་དུའོ། །བྲམ་ཟེའི་ཁྱེའུ་དག། ཚུར་ཁྱེད་ཀྱིས་ཀྱང་བྱམས་པ་དང་ལྡན་པའི་སེམས་དང ། སྙིང་རྗེ་དང ། དགའ་བ་དང ། བཏང་སྙོམས་དང་ལྡན་པའི་སེམས་ཀྱི་བར་གྱིས་གནས་པར་གྱིས་ཤིག་།རྒྱལ་པོ་ཆེན་པོ། སྟོན་པ་རྩིབས་ཀྱི་མུ་ཁྱུད་དེ། དེ་ཙམ་དུ་ཚེ་རིང ། དེ་ཙམ་དུ་རིང་དུ་གནས། དེ་ཙམ་གྱིས་ཚེའི་མཐར་ཐུག་པ་ཡང་རེ་ཞིག་།དགེ་སློང་དག་ལ་མི་རྣམས་ནི། ཚེ་ཐུང་བ། རིང་པོར་མི་ཐོགས་པ། ཉོན་མོངས་པ་ཡིན་ལ། དེ་ཡང་སྡུག་བསྔལ་དང་ལྡན་ནོ། །ཞེས་བྱ་བ་དེ་ལྟ་བུའི་ཆོས་སྟོན་ནོ། །རྒྱལ་པོ་ཆེན་པོ། དེ་ཇི་སྙམ་དུ་སེམས། དེའི་ཚེ་དེའི་དུས་ན་སྟོན་པ་རྩིབས་ཀྱི་མུ་ཁྱུད་ཅེས་བྱ་བར་གྱུར་པ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ང་ཉིད་དེའི་ཚེ་དེའི་དུས་ན། སྟོན་པ་རྩིབས་ཀྱི་མུ་ཁྱུད་ཅེས་བྱ་བར་གྱུར་ཏོ། །རྒྱལ་པོ་ཆེན་པོ། ངས་སེམས་ཅན་རྣམས་ལ་ཕན་པ་བྱས་པ་དེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་
Kha432a
༄#། །བལྟ་སྟེ། འོན་ཀྱང་ངའི་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །སྟོན་པ་མིག་མཛེས་ཇི་ལྟ་བར། བྲམ་ཟེའི་ཁྱེའུ་འཇོམས་བྱེད་དང ། གླང་པོ་སྐྱོང་ཡང་དེ་དང་འདྲའོ། །རྒྱལ་པོ་ཆེན་པོ། གཞན་ཡང ། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་ན། ང་བྱང་ཆུབ་སེམས་དཔའི་སྤྱོད་པ་ལ་ཤེས་རབ་ཆེན་པོ་དང ། སྤོབས་པ་ཆེན་པོར་གྱུར་ནས་སེམས་ཅན་ལ་ཕན་པ་བྱས་པ་གང་ཡིན་པ་དེ་ཉོན་ཅིག། རྒྱལ་པོ་ཆེན་པོ། སྔོན་བྱུང་བ། རྒྱལ་པོ་ཕྱོགས་བདག་ཅེས་བྱ་བ་ཞིག་བྱུང་སྟེ། རྒྱལ་པོ་ཕྱོགས་བདག་གི་པུ་གཞོན་ནུ་རྡུལ་ཕྲན་ཞེས་བྱ་བ་ཞིག་བྱུང་ངོ ། །རྒྱལ་པོ་ཕྱོགས་བདག་ལ་བྲམ་ཟེ་ཤིང་སཱ་ལ་ཆེན་པོ་ལྟ་བུ་གནག་ལྷས་སྐྱེས་ཞེས་བྱ་བ་ཞིག་ཡོད་དེ། བྲམ་ཟེ་ཤིང་སཱ་ལ་ཆེན་པོ་ལྟ་བུ་གནག་ལྷས་སྐྱེས་ཀྱི་བུ་བྲམ་ཟེའི་ཁྱེའུ་མེ་གསོ་ཞེས་བྱ་བ་མཁས་པ། གསལ་བ། ཡིད་གཞུངས་པ། གཞུང་དང་མཐུན་པར་སྤྱོད་པའི་ཤེས་རབ་དང་ལྡན་པ་ཞིག་ཡོད་དེ། འདི་ལྟར། དེ་ནི། ཕ་བྲམ་ཟེ་གནག་ལྷས་སྐྱེས་ཞིང་ལས་ཀྱི་མཐའ་གང་ཡིན་པ་དེ་རྣམས་བྲམ་ཟེའི་ཁྱེའུ་མེ་གསོལ་འདྲི་ཞིང་བྱེད་དོ། །དོན་བྱ་བའི་དོན་ངེས་པར་བརྟག་པ་གང་ཡིན་པ་དེ་རྣམས་ཀྱང་བྲམ་ཟེའི་ཁྱེའུ་མེ་གསོ་ལ་དྲིས་ནས་བྱེད་ཀྱི། མ་དྲིས་པར་ནི་མ་ཡིན་ནོ། །གཞོན་ནུ་རྡུལ་ཕྲན་དང ། རྒྱལ་པོའི་འཁོར་རྒྱལ་རིགས་དྲུག་གི་གྲོངས་པོ་དང ། སྙིང་དུ་སྡུག་པ་དང ། ནེའུ་ཟླ་ཡང་ཡིན་
Kha432b
ནོ། །གང་གི་ཚེ་རྒྱལ་པོ་ཕྱོགས་བདག་རྩེ་འདོད་པའམ། དགའ་བར་འདོད་པའམ། དགའ་མགུར་སྤྱོད་འདོད་པར་གྱུར་པ་དེའི་ཚེ། དེས་དགོས་པ་ཐམས་ཅད་དང ། ལས་སུ་བྱ་བ་ཐམས་ཅད་བྲམ་ཟེ་གནག་ལྷས་སྐྱེས་ལ་སླར་གཏད་ནས། སྟེང་གི་ཁང་བཟང་གི་གཞི་ལ་སྐྱེས་པ་མེད་པར་སོང་སྟེ། རོལ་མོ་རྣམས་ཀྱིས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ནས་དུས་གཞན་ཞིག་ན་བྲམ་ཟེ་གནག་ལྷས་སྐྱེས་ཤིའོ། །དེ་ཤི་བ་ན་རྒྱལ་པོ་ཕྱོགས་བདག་ཤིན་ཏུ་སྡུག་བསྔལ་ཞིང ། ཡིད་མི་བདེ་བར་གྱུར་ཏོ། །སྡུག་བསྔལ་ཞིང་ཡིད་མི་བདེ་བའི་ཚོར་བ་ཉམས་སུ་མྱོང་ནས། ཀྱི་ཧུད་བྲམ་ཟེ་གནག་ལྷས་སྐྱེས་ཤི་བས། བདག་ཆེ་ཐང་དུ་དམས་པར་གྱུར་ཏོ། །ཀྱི་ཧུད་བྲམ་ཟེ་གནག་ལྷས་སྐྱེས་ཤི་བས་བདག་ཉིད་ཤིན་ཏུ་ཆེ་ཐང་དུ་དམས་པར་གྱུར་ཏོ་ཞེས་ཟེར་རོ། །དེ་ནས་གཞོན་ནུ་རྡུལ་ཕྲན་རྒྱལ་པོ་ཕྱོགས་བདག་གང་ན་དེར་སོང་སྟེ་ཕྱིན་པ་དང ། རྒྱལ་པོ་ཕྱོགས་བདག་ལ་འདི་སྐད་ཅེས་སྨྲས་སོ། །ལྷ། ཅིའི་སླད་དུ་བྲམ་ཟེ་གནག་ལྷས་སྐྱེས་གུམ་པས་ཤིན་ཏུ་སྡུག་བསྔལ་ཞིང་ཐུགས་ལ་གཅགས་པར་གྱུར་ཏེ། སྡུག་བསྔལ་ཞིང་ཐུགས་ལ་གཅགས་པའི་ཚོར་བ་ཉམས་སུ་མྱོང་བར་མཛད། གཞོན་ནུ། ཁོ་བོ་གང་གི་ཚེ་རྩེ་འདོད་པའམ། དགའ་བར་འདོད་པའམ་དགའ་མགུར་སྤྱོད་པར་འདོད་པ་གྱུར་པ་དེའི་ཚེ། ཁོ་བོའི་དགོས་པ་ཐམས་ཅད་དང ། ལས་སུ་བྱ་བ་ཐམས་ཅད་བྲམ་ཟེ་གནག་ལྷས་སྐྱེས་ལ་སླར་གཏད་ནས། སྟེང་གི་ཁང་བཟང་གི་གཞི་ན་སྐྱེས་པ་མེད་པར་སོང་ནས་རོལ་མོ་རྣམས་ཀྱིས་རྩེ་
Kha433a
༄#། །བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །ད་ནི། ཁོ་བོ་འདི་སྙམ་དུ་སེམས་ཏེ། ཀྱི་ཧུད་བྲམ་ཟེ་གནག་ལྷས་སྐྱེས་ཤི་བས་བདག་ཆེ་ཐང་དུ་དམས་པར་གྱུར་ཏོ། །ཀྱི་ཧུད་བྲམ་ཟེ་གནག་ལྷས་སྐྱེས་ཤི་བས་བདག་ཤིན་ཏུ་ཆེ་ཐང་དུ་དམས་པར་གྱུར་ཏོ། །སྙམ་མོ། །ལྷ། བྲམ་ཟེ་གནག་ལྷས་སྐྱེས་གུམ་པས་ཤིན་ཏུ་སྡུག་བསྔལ་ཞིང་ཐུགས་མི་དགྱེས་པར་གྱུར་ཏེ་སྡུག་བསྔལ་ཞིང་ཐུགས་མི་དགྱེས་པའི་ཚོར་བ་ཉམས་སུ་མྱོང་བར་མ་མཛད་ཅིག་།དེ་ཅིའི་སླད་དུ་ཞེ་ན། ལྷ། བྲམ་ཟེ་གནག་ལྷས་ཀྱི་བུ་བྲམ་ཟེའི་ཁྱེའུ་མེ་གསོ་ཞེས་བགྱི་བ་མཁས་པ། གསལ་བ།་ཡིད་གཞུངས་པ། གཞུང་དང་མཐུན་པར་སྤྱོད་པའི་ཤེས་རབ་དང་ལྡན་པ་ཞིག་མཆིས་ཏེ། འདི་ལྟར། དེའི་ཕ་བྲམ་ཟེ་གནག་ལྷས་སྐྱེས་ཀྱི་ལས་ཀྱི་མཐའ་བགྱིས་པ་གང་ལགས་པ་དེ་དག་ཀྱང་བྲམ་ཟེའི་ཁྱེའུ་མེ་གསོ་ལ་དྲིས་ནས་བགྱིད་ཀྱི། མ་དྲིས་པར་ནི། མ་ལགས་སོ། །དོན་དུ་བགྱི་བའི་དོན་ངེས་པར་བརྟག་པ་གང་ལགས་པ་དེ་དག་ཀྱང ། བྲམ་ཟེའི་ཁྱེའུ་མེ་གསོ་ལ་དྲིས་ནས་བགྱིད་ཀྱི། མ་དྲིས་པར་ནི། མ་ལགས་སོ། །ལྷ། དེ་ལྟ་ལགས་པས། ཕ་གནག་ལྷས་སྐྱེས་ཀྱི་ལས་ཐབས་སུ་དབང་བསྐུར་དུ་གསོལ། དེ་ནས་རྒྱལ་པོ་ཕྱོགས་བདག་གིས། བྲམ་ཟེའི་ཁྱེའུ་མེ་གསོ་ཕོ་ཉས་བཀུག་ནས་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ། ཁྱོད་ངས་དེད་ཕྱིན་ཆད་ནས་ཕ་གནག་ལྷས་སྐྱེས་ཀྱི་ལས་ཐབས་སུ་བཅུག་གོ་།བཀའ་བཞིན་འཚལ་ཞེས་བྲམ་ཟེའི་ཁྱེའུ་མེ་གསོས་མཉན་ཏོ།།
Kha433b
དེ་ནས་བྲམ་ཁྱེའུ་ཁྱེའུ་མེ་གསོ་དེ། ཕ་བྲམ་ཟེ་གནག་ལྷས་སྐྱེས་བྱེད་བྱེད་པའི་ཞིང་ལས་ཀྱི་མཐའ་གང་ཡིན་པ་དེ་རྣམས་ཀྱང་བྱེད་དོ། །དེའི་ཕ་བྲམ་ཟེ་གནག་ལྷས་སྐྱེས་དོན་དུ་བྱ་བའི་དོན་ངེས་པ་ཅན་རྟོག་རྟོག་པ་གང་ཡིན་པ་དེ་དག་ཀྱང་དེ་ངེས་པར་རྟོག་གོ་།དེ་ནས་བྲམ་ཟེའི་ཁྱེའུ་མེ་གསོའི་མིང ། བྲམ་ཟེའི་ཁྱེའུ་མེ་གསོ་ཞེས་བྱ་བ་གང་ཡིན་པ་དེ་ནུབ་པར་གྱུར་ཅིང ། བྲམ་ཟེ་གནག་ལྷས་སྐྱེས། བྲམ་ཟེ་གནག་ལྷས་སྐྱེས་ཞེས་བྱ་བར་གྲགས་སོ། །དེ་ནས་བྲམ་ཟེ་གནག་ལྷས་སྐྱེས་ཀྱིས། རྒྱལ་པོའི་འཁོར་རྒྱལ་རིགས་དྲུག་ཕོ་ཉས་བཀུག་ནས་འདི་སྐད་ཅེས་སྨྲས་སོ། །ཤེས་ལྡན་དག་།ཚུར་ཁྱེད་གཞོན་ནུ་རྡུལ་ཕྲན་གང་ན་བ་དེར་དོང་ལ་ཕྱིན་པ་དང ། གཞོན་ནུ་རྡུལ་ཕྲན་ལ་རྒྱལ་བ་དང་ཚེ་སྤེལ་བ་དག་བྱོས་ལ། གཞོན་ནུ་རྡུལ་ཕྲན་ལ་འདི་སྐད་ཅེས། ཇི་ལྟར་རྡུལ་ཕྲན་ཁྱོད་བདེ་ན། དེ་བཞིན་དུ་བདག་ཅག་ཀྱང་བདེ་ཞིང ། ཇི་ལྟར་རྡུལ་ཕྲན་ཁྱོད་སྡུག་བསྔལ་ན། དེ་བཞིན་དུ་བདག་ཅག་ཀྱང་སྡུག་བསྔལ་བར་འགྱུར་ལ། རྒྱལ་པོའི་འཁོར་རྒྱལ་རིགས་དྲུག་པོ་ནི། རྡུལ་ཕྲན་ཁྱོད་ཀྱི་གྲོགས་པོ་དང ། སྙིང་དུ་སྡུག་པ་དང ། ནེའུ་ཟླ་ཡིན་གྱི། རྡུལ་ཕྲན་ཁྱོད། གལ་ཏེ་ཡབ་འདས་ནས་ཡབ་ཀྱི་རྒྱལ་སྲིད་ཀྱི་དབང་ཕྱུག་ལ་བཞག་ན། ཅི་ནས་ཀྱང་བདག་ཅག་ལ་ལོངས་སྤྱོད་དག་ལས། ལོངས་སྤྱོད་ཀྱི་བགོ་བཤའ་མཛོད་ཅིག་ཅེས་གྱིས་ཤིག། མཁན་པོ་།བཀའ་བཞིན་འཚལ་ཞེས་རྒྱལ་པོའི་འཁོར་རྒྱལ་རིགས་དྲུག་གིས། བྲམ་ཟེ་གནག་ལྷས་སྐྱེས་ལས་མཉན་ནས་གཞོན་ནུ་རྡུལ་ཕྲན་གང་ན་བ་དེར་དོང་
Kha434a
༄#། །སྟེ་ཕྱིན་པ་དང ། གཞོན་ནུ་རྡུལ་ཕྲན་ལ་རྒྱལ་བ་དང ། ཚེ་སྤེལ་བ་དག་བྱས་ནས། གཞོན་ནུ་རྡུལ་ཕྲན་ལ་འདི་སྐད་ཅེས་སྨྲས་སོ། །ཇི་ལྟར་རྡུལ་ཕྲན་ཁྱོད་བདེ་ན། དེ་བཞིན་དུ་བདག་ཅག་བདེ་ཞིང ། ཇི་ལྟར་རྡུལ་ཕྲན་ཁྱོད་སྡུག་བསྔལ་ན། དེ་བཞིན་དུ་བདག་ཅག་སྡུག་བསྔལ་བར་འགྱུར་ལ། རྒྱལ་པོའི་འཁོར་རྒྱལ་རིགས་དྲུག་ནི། རྡུལ་ཕྲན་ཁྱོད་ཀྱི་གྲོགས་པོ་དང ། སྙིང་དུ་སྡུག་པ་དང ། ནེའུ་ཟླ་ལགས་ཀྱི། རྡུལ་ཕྲན་ཁྱོད། གལ་ཏེ་ཡབ་འདས་ནས། རྒྱལ་སྲིད་ཀྱི་དབང་ཕྱུག་ལ་བཞག་ན། ཅི་ནས་ཀྱང་བདག་ཅག་ལ་ལོངས་སྤྱོད་དག་ལས། ལོངས་སྤྱོད་ཀྱི་བགོ་བཤའ་མཛོད་ཅིག་།དེ་བཞིན་དུ་བྱའོ། །ཞེས་གཞོན་ནུ་རྡུལ་ཕྲན་གྱིས་མཉན་ཏོ། །དེ་ནས་དུས་གཞན་ཞིག་ན་རྒྱལ་པོ་ཕྱོགས་བདག་དུས་ལས་འདས་ཏེ་ཤི་བར་གྱུར་ན། བློན་པོའི་ཚོགས་རྣམས་དང ། སྣ་ཆེན་པོ་ལ་གཏོགས་པ་དང ། རྒྱལ་ཁྲིམས་འདོད་པ་རྣམས་དང ། གསང་ཚིག་ལྷན་ཅིག་འདོན་པ་རྣམས་ཀྱིས། གཞོན་ནུ་རྡུལ་ཕྲན་ཕའི་རྒྱལ་སྲིད་ཀྱི་དབང་ཕྱུག་ལ་བཞག་ཅིང ། དེ་རྒྱལ་སྲིད་ལ་དབང་བསྐུར་བའི་ཕྱིར་དབང་བསྐུར་རོ། །དེ་ནས་གཞོན་ནུ་རྡུལ་ཕྲན་གྱི་མིང ། གཞོན་ནུ་རྡུལ་ཕྲན་ཅེས་བྱ་བ་གང་ཡིན་པ་དེ་ནུབ་ཅིང ། རྒྱལ་པོ་རྡུལ་ཕྲན་ཞེས་བྱ་བར་གྲགས་སོ། །དེ་ནས་རྒྱལ་པོ་རྡུལ་ཕྲན་གྱིས། བྲམ་ཟེ་གནག་ལྷས་སྐྱེས་ཕོ་ཉས་བཀུག་ནས་འདི་སྐད་ཅེས་སྨྲས་སོ། །མཁན་པོས་ངའི་ཡབ་ལ་ཇི་ལྟར་རྗེས་སུ་སྟོན་པ་དེ་ལྟར་ང་ལའང་ད་ཕྱིན་ཆད་རྗེས་སུ་སྟོན་པར་བྱ་བར་སོམས་ཤིག་།བཀའ་
Kha434b
བཞིན་འཚལ་ཞེས་བྲམ་ཟེ་གནག་ལྷས་སྐྱེས་ཀྱིས་མཉན་ཏོ། །དེ་ནས་བྲམ་ཟེ་གནག་ལྷས་སྐྱེས་ཀྱིས། རྒྱལ་པོའི་འཁོར་རྒྱལ་རིགས་དྲུག་ཕོ་ཉས་བཀུག་སྟེ་འདི་སྐད་ཅེས་སྨྲས་སོ། །ཤེས་ལྡན་དག་།ཁྱེད་ཅག་རྒྱལ་པོ་རྡུལ་ཕྲན་གང་ན་བ་དེར་དོང་ལ་ཕྱིན་པ་དང ། རྒྱལ་པོ་རྡུལ་ཕྲན་ལ་རྒྱལ་བ་དང ། ཚེ་སྤེལ་བ་དག་བྱོས་ལ་འདི་སྐད་ཅེས། ལྷ། ལྷ་གཞོན་ནུར་གྱུར་པ་ན་བདག་ཅག་སྤྱན་སྔར་མཆིས་ནས་འདི་སྐད་ཅེས། ཇི་ལྟར་རྡུལ་ཕྲན་ཁྱོད་བདེ་ན། དེ་བཞིན་དུ་བདག་ཅག་བདེ་ཞིང ། ཇི་ལྟར་རྡུལ་ཕྲན་ཁྱོད་སྡུག་བསྔལ་ན། དེ་བཞིན་དུ་བདག་ཅག་སྡུག་བསྔལ་བར་འགྱུར་ལ། རྒྱལ་པོའི་འཁོར་རྒྱལ་རིགས་དྲུག་པོ་ནི།་རྡུལ་ཕྲན་ཁྱོད་ཀྱི་གྲོགས་པོ་དང ། སྙིང་དུ་སྡུག་པ་དང ། ནེའུ་ཟླ་ལགས་ཀྱི། རྡུལ་ཕྲན་ཁྱོད། གལ་ཏེ་ཡབ་འདས་ཏེ་ཡབ་ཀྱི་རྒྱལ་སྲིད་ཀྱི་དབང་ཕྱུག་ལ་བཞག་ན། ཅི་ནས་ཀྱང་བདག་ཅག་ལ་ལོངས་སྤྱོད་དག་ལས། ལོངས་སྤྱོད་ཀྱི་བགོ་བཤའ་མཛོད་ཅིག་ཅེས་གསོལ་པ་དགོངས་སམ་ཞེས་སྨྲོས་ཤིག། གལ་ཏེ་འདི་སྐད་ཅེས། ངས་དྲན་ནོ། །ཟེར་ན། ལྷ། ད་ནི། དེའི་དུས་ལ་བབ་པ་ལགས་སོ། ། ཞེས་སྨྲོས་ཤིག་།འོན་ཏེ་དེས་འདི་སྐད་ཅེས་ཆེན་པོ་ནང་ཡངས་ལ་ཕྱི་ཤིང་རྟའི་དབྱིབས་ལྟར་འདུག་པ་འདི་ཆ་བདུན་དུ་འགེད་པ་སུ་ཞིག་ཡོད་ཅེས་ཟེར་ན། ལྷ། གནག་ལྷས་སྐྱེས་མ་ལགས་པ་གཞན་སུ་ཡང་མ་མཆིས་སོ། །ཞེས་སྨྲོས་ཤིག། མཁན་པོ། བཀའ་བཞིན་འཚལ་ཞེས་རྒྱལ་པོའི་འཁོར་རྒྱལ་རིགས་དྲུག་གིས། བྲམ་ཟེ་གནག་ལྷས་སྐྱེས་ལས་མཉན་ནས། རྒྱལ་པོ་རྡུལ་ཕྲན་གང་ན་བ་དེ་ན་
Kha435a
༄#། །དོང་སྟེ་ཕྱིན་པ་དང ། རྒྱལ་པོ་རྡུལ་ཕྲན་ལ་རྒྱལ་བ་དང ། ཚེ་སྤེལ་བ་དག་བྱས་ནས། རྒྱལ་པོ་རྡུལ་ཕྲན་ལ་འདི་སྐད་ཅེས་སྨྲས་སོ། །ལྷ། ལྷ་སྔོན་གཞོན་ནུར་གྱུར་པ་ན། བདག་ཅག་སྤྱན་སྔར་མཆིས་ནས་འདི་སྐད་ཅེས། ཇི་ལྟར་རྡུལ་ཕྲན་ཁྱོད་བདེ་ན། །དེ་བཞིན་དུ་བདག་ཅག་བདེ་ཞིང ། ཇི་ལྟར་རྡུལ་ཕྲན་ཁྱོད་སྡུག་བསྔལ་ན། དེ་བཞིན་དུ་བདག་ཅག་སྡུག་བསྔལ་བར་འགྱུར་ལ།་བདག་ཅག་རྒྱལ་པོའི་འཁོར་རྒྱལ་རིགས་དྲུག་པོ་ནི། རྡུལ་ཕྲན་ཁྱོད་ཀྱི་གྲོགས་པོ་དང ། སྙིང་དུ་སྡུག་པ་དང ། ནེའུ་ཟླ་ལགས་ཀྱི། རྡུལ་ཕྲན་ཁྱོད། གལ་ཏེ་ཡབ་འདས་ཏེ་ཡབ་ཀྱི་རྒྱལ་སྲིད་ཀྱི་དབང་ཕྱུག་ལ་བཞག་ན། ཅི་ནས་ཀྱང་བདག་ཅག་ལ་ལོངས་སྤྱོད་དག་ལས། ལོངས་སྤྱོད་ཀྱི་བགོ་བཤའ་མཛོད་ཅིག་ཅེས་གསོལ་པ་དགོངས་ལགས་སམ། ཤེས་ལྡན་དག། ངས་དྲན་ནོ། །ལྷ། ད་ནི། དེའི་དུས་ལ་བབ་ལགས་སོ། །འོ་ན་ས་ཆེན་པོ་ནང་ཡངས་ལ་ཕྱི་ཤིང་རྟའི་དབྱིབས་ལྟར་འདུག་པ་འདི་ཆ་བདུན་དུ་འགེད་པ་སུ་ཞིག་ཡོད། ལྷ། གནག་ལྷས་སྐྱེས་མ་ལགས་པ་གཞན་མ་མཆིས་སོ། །དེ་ནས་རྒྱལ་པོ་རྡུལ་ཕྲན་གྱིས། བྲམ་ཟེ་གནག་ལྷས་སྐྱེས་ཕོ་ཉས་བཀུག་ནས་འདི་སྐད་ཅེས་སྨྲས་སོ། །མཁན་པོ། ཁྱོད་ཀྱིས་ས་ཆེན་པོ་འདི་ནང་ཡངས་ལ་ཕྱི་ཤིང་རྟའི་དབྱིབས་ལྟར་འདུག་པ་འདི་ཆ་བདུན་དུ་འགེད་ནུས་སམ། ལྷ། ལེགས་པར་རྔོ་ཐོགས་སོ། །དེ་ནས་བྲམ་ཟེ་གནག་ལྷས་སྐྱེས་ཀྱིས་རྒྱལ་པོ་རྡུལ་ཕྲན་ལས་མཉན་ནས་དཀྱིལ་དང་དཀྱིལ་ན་ཡུལ་ཁོར་བུ་ཆུང་དང ། ཁོར་བུ་
Kha435b
ཆུང་ཡོད་པ་གང་དག་ཡིན་པ་དེ་དག་རྒྱལ་པོ་རྡུལ་ཕྲན་གྱི་རིས་སུ་བཅད་པ་དང ། དེས་རྒྱལ་པོ་རྡུལ་ཕྲན་ཡིད་རངས་པར་གྱུར་ཏེ། བྲམ་ཟེ་གནག་ལྷས་སྐྱེས་ཀྱིས། ཁོ་བོའི་རིགས་ཇི་ལྟ་བུ་ཞིག་ཏུ་བཅད་ན། དེ་ལྟར་དཔེར་ན། མཁས་པ། གསལ་བ། བྱེ་བྲག་ཤེས་པས་བྱས་པ་ལྟ་བུར་གྱུར་ཏོ། །ཞེས་ཡིད་རངས་པ་ཡང་གོ་བར་བྱས་སོ། །ཡུལ་ཁོར་བུ་ཆུང་གཞན་གང་ཡིན་པ་དེ་དག་ཀྱང་རྒྱལ་པོའི་འཁོར་རྒྱལ་རིགས་དྲུག་གི་རིགས་སུ་བཅད་པ་དང ། དེས་རྒྱལ་པོའི་འཁོར་རྒྱལ་རིགས་དྲུག་ཀྱང་ཡིད་རངས་པར་གྱུར་ཏེ། བྲམ་ཟེ་གནག་ལྷས་སྐྱེས་ཀྱིས་ཇི་ལྟ་བུ་ཞིག་ཏུ་བགོས་ན། ཇི་ལྟར་མཁས་པ། གསལ་བ། བྱེ་བྲག་ཤེས་པས་བྱས་པ་བཞིན་དུ་ཁོ་བོ་ཅག་གིས་ཡུན་རིང་པོ་ནས་བསམ་བསམ་པའི་ཡུལ་དེ་དག་ད་ཁོ་བོ་ཅག་གི་རིགས་སུ་བཅད་ཅེས་ཡིད་རངས་པ་ཡང་གོ་བར་བྱས་སོ། །དེ་ནས་རྒྱལ་པོའི་ཞིམ་རིང་རྒྱལ་རིགས་དྲུག་གིས། བྲམ་ཟེ་གནག་ལྷས་སྐྱེས་ལ་འདི་སྐད་ཅེས་སྨྲས་སོ། །མཁན་པོ། རྒྱལ་པོ་རྡུལ་ཕྲན་ལ་ཇི་ལྟར་རྗེས་སུ་སྟོན་པ་དེ་བཞིན་དུ། དེང་སླན་ཆད་བདག་ལ་ཡང་ཁྱོད་ཀྱིས་རྗེས་སུ་བསྟན་པར་དགོངས་སུ་གསོལ། དེ་བཞིན་དུ་བྱའོ། །ཞེས་བྲམ་ཟེ་གནག་ལྷས་སྐྱེས་མཉན་ཏོ། །དེ་ནས་བྲམ་ཟེ་གནག་ལྷས་སྐྱེས་རྒྱལ་པོ་རྡུལ་ཕྲན་དང ། རྒྱལ་པོའི་འཁོར་རྒྱལ་རིགས་དྲུག་དང ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་བདུན་དང ། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་བདུན་དང ། ཁྱིམ་བདག་ཤིང་སཱ་ལ་ཆེན་པོ་ལྟ་བུ་བདུན་དང ། ཐབས་རིར་བབ་པའི་ཆུང་མ་བཞི་བཅུ་ལ་རྗེས་སུ་སྟོན་ཏོ། །བྲམ་ཟེའི་ཁྱེའུ་ལྔ་
Kha436a
༄#། །བརྒྱ་ཙམ་ལ་བྲམ་ཟེའི་གསང་ཚིག་ཀློག་ཏུ་འཇུག་གོ། འདུལ་སྦྱོང་མཁན་དང ། གླང་པོ་ཆེ་ལ་ཞོན་པ་དང ། རྟ་ལ་ཞོན་པ་དང ། རལ་གྲི་འཛིན་སྟངས་མཁན་དང ། གཞུ་འཛིན་པ་དང ། ཞམ་འབྲིང་བྱེད་པ་དང ། གོ་རེ་ལོང་བྱེད་པ་དང ། བྲོ་གར་ལེན་པ་དང ། རྒྱལ་པོའི་བུ་རྟུལ་ཕོད་པ། དཔའ་བ། རབ་གནོན་ཚན་པོ་ཆེ་དང་ལྡན་པ་རྣམས་དང ། སེམས་སྲུང་བ་དང ། སྐྲ་མཁན་དང ། ཁྲུས་བྱེད་པ་དུ་མ་ལ་ཡང་རྗེས་སུ་སྟོན་པར་བྱེད་དོ། །དེ་ནས་བྲམ་ཟེ་གནག་ལྷས་སྐྱེས་ཀྱི་མིང ། བྲམ་ཟེ་གནག་ལྷས་སྐྱེས་བྲམ་ཟེ་གནག་ལྷས་སྐྱེས་ཞེས་བྱ་བའི་མིང་གང་ཡིན་པ་དེ་ནུབ་པར་གྱུར་ཅིག། བྲམ་ཟེ་ཆེན་པོ་གནག་ལྷས་སྐྱེས། བྲམ་ཟེ་ཆེན་པོ་གནག་ལྷས་སྐྱེས་ཞེས་བྱ་བར་གྲགས་སོ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས། བྲམ་ཟེ་རྣམས་ཀྱིས་ནི། ཚངས་པར་བཀུར་རོ། །རྒྱལ་པོས་ནི། ལྷར་བཀུར་རོ། ། གྲོང་མི་དང ། ཡུལ་མི་རྣམས་ཀྱིས་ནི། རྒྱལ་པོར་བཀུར་རོ། །བྲམ་ཟེ་རྣམས་ཀྱིས་ནི། འདི་སྙམ་དུ་ཤེས་ཏེ། བྲམ་ཟེ་ཆེན་པོ་གནག་ལྷས་སྐྱེས་ཀྱིས་ཚངས་པའི་ལམ་མཐོང་སྟེ། ཚངས་པའི་ལམ་ཤེས་ཤིང་མཐོང་ནས། མཐའ་དག་རྫོགས་པར་བྱས་ཏེ་གནས་སོ། །སྙམ་མོ། །རྒྱལ་པོ་དང ། གྲོང་མི་དང ། ཡུལ་མི་རྣམས་ཀྱིས་ཀྱང ། འདི་སྙམ་དུ་ཤེས་ཏེ། བྲམ་ཟེ་ཆེན་པོ་གནག་ལྷས་སྐྱེས་ཀྱིས་ཚངས་པའི་ལམ་ཤེས་ཤིང ། ཚངས་པའི་ལམ་མཐོང་སྟེ། ཚངས་པའི་ལམ་ཤེས་ཤིང་མཐོང་ནས་མཐའ་དག་རྫོགས་པར་བྱས་ཏེ་གནས་སོ་སྙམ་མོ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས། འདི་སྙམ་དུ་
Kha436b
སེམས་ཏེ། བདག་ད་ལྟར་བྲམ་ཟེ་རྣམས་ཀྱིས་ནི། ཚངས་པར་བཀུར། རྒྱལ་པོས་ནི། ལྷར་བཀུར། གྲོང་མི་དང ། ཡུལ་མི་རྣམས་ཀྱིས་ནི། རྒྱལ་པོར་བཀུར། བྲམ་ཟེ་རྣམས་ནི། འདི་སྙམ་དུ་ཤེས་ཏེ། བྲམ་ཟེ་ཆེན་པོ་གནག་ལྷས་སྐྱེས་ཀྱིས་ཚངས་པའི་ལམ་མཐོང་སྟེ། ཚངས་པའི་ལམ་ཤེས་ཤིང་མཐོང་ནས་མཐའ་དག་རྫོགས་པར་བྱས་ཏེ་གནས་སོ། །སྙམ་མོ། །རྒྱལ་པོ་དང ། གྲོང་མི་དང ། ཡུལ་མི་རྣམས་ཀྱིས་ཀྱང ། འདི་སྙམ་དུ་ཤེས་ཏེ། བྲམ་ཟེ་ཆེན་པོ་གནག་ལྷས་སྐྱེས་ནི། ཚངས་པའི་ལམ་ཤེས་ཤིང ། ཚངས་པའི་ལམ་མཐོང་སྟེ། ཚངས་པའི་ལམ་ཤེས་ཤིང་མཐོང་ནས་མཐའ་དག་རྫོགས་པར་བྱས་ཏེ་གནས་པར་བྱས་སོ། །སྙམ་མོ། །བདག་གིས་ནི་ཚངས་པའི་ལམ་ཡང་མི་ཤེས། བདག་ནི། ཚངས་པའི་ལམ་ཤེས་ཤིང་མཐོང་ནས་མཐའ་དག་རྫོགས་པར་བྱས་ཏེ་གནས་པ་ཡང་མ་ཡིན་ན། བདག་གི་ཕ་བྲམ་ཟེ་གནག་ལྷས་སྐྱེས་ལས། བྲམ་ཟེ་གང་ཞིག་དབྱར་ཟླ་བ་བཞི་པོ་དག་ལ་དབེན་པར་སྙིང་རྗེའི་བསམ་གཏན་གྱིས་གནས་ན། དེའི་དྲུང་དུ་ཚངས་པ་འོང་བར་འགྱུར་རོ།། ཞེས་ཐོས་ཀྱི། མ་ལ་བདག་གིས་དབྱར་ཟླ་བ་བཞི་པོ་དག་ལ་དབེན་པར་སྙིང་རྗེའི་བསམ་གཏན་གྱིས་གནས་པར་བྱའོ། །སྙམ་མོ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས་ཀྱིས། རྒྱལ་པོ་རྡུལ་ཕྲན་ལ་འདི་སྐད་ཅེས་སྨྲས་སོ། །ལྷ། རེ་ཞིག་རྗེས་སུ་སྟོན་པ་གཞན་ཞིག་བཙལ་དུ་གསོལ། བདག་ནི། དབྱར་ཟླ་བ་བཞི་པོ་དག་ལ་དབེན་པར་སྙིང་རྗེའི་བསམ་གཏན་གྱིས་གནས་པར་འཚལ་ལོ། །མཁན་
Kha437a
༄#། །པོ།་ད་དེའི་དུས་ལ་བབ་པར་མཁྱེན་པར་མཛོད་ཅིག་།རྒྱལ་པོའི་འཁོར་རྒྱལ་རིགས་དྲུག་དང ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་བདུན་དང ། བྲམ་ཟེ་ཤིང་སཱ་ལ་ཆེན་པོ་ལྟ་བུ་བདུན་དང ། ཁྱིམ་བདག་ཤིང་སཱ་ལ་ཆེན་པོ་ལྟ་བུ་བདུན་དང ། ཐབས་རིར་བབ་པའི་ཆུང་མ་བཞི་བཅུ་ལ་སྨྲས་པ། ཤེས་ལྡན་དག་།རེ་ཞིག་མ་གཡེང་བར་བག་ཡོད་པས་ཁྱིམ་ན་འཁོད་ཅིག་།བདག་ནི། དབྱར་གྱི་ཟླ་བ་བཞི་པོ་དག་ལ་དབེན་པར་སྙིང་རྗེའི་བསམ་གཏན་གྱིས་གནས་པར་འདོད་དོ། །རྗེའི་སྲས། ད་དེའི་དུས་ལ་བབ་ལགས་སོ། །བྲམ་ཟེའི་ཁྱེའུ་ལྔ་བརྒྱ་པོ་དེ་དག་ལ་སྨྲས་པ། བྲམ་ཟེའི་ཁྱེའུ་དག་།རེ་ཞིག་ཇི་སྐད་ཐོས་པ་དང ། ཇི་སྐད་བསྟན་པ་དང ། ཇི་ལྟར་ཀུན་ཆུབ་པར་བྱས་པའི་རིག་པ་དག་ཟུངས་ཤིག་།ལྷོགས་ཤིག། བདག་ནི། དབྱར་ཟླ་བ་བཞི་པོ་དག་ལ་དབེན་པར་སྙིང་རྗེའི་བསམ་གཏན་གྱིས་གནས་པར་འདོད་དོ། །མཁན་པོ། ད་དེའི་དུས་ལ་བབ་ལགས་སོ། །འདུལ་སྦྱོང་མཁན་དང ། གླང་པོ་ཆེ་ལ་ཞོན་པ་དང ། རྟ་ལ་ཞོན་པ་དང ། ཤིང་རྟ་བ་དང ། རལ་གྲི་འཛིན་སྟངས་མཁན་དང ། གཞུ་འཛིན་པ་དང ། ཞམ་འབྲིང་བྱེད་པ་དང ། གོ་རེ་ལོང་བྱེད་པ་དང ། བྲོ་གར་ལེན་པ་དང ། རྒྱལ་པོའི་བུ་རྟུལ་ཕོད་པ། དཔའ་བ། རབ་གནོན་ཚན་པོ་ཆེ་དང་ལྡན་པ་རྣམས་དང ། སེམས་སྲུང་བ་དང ། སྐྲ་མཁན་དང ། ཁྲུས་བྱེད་པ་དུ་མ་ལ་སྨྲས་པ། ཤེས་ལྡན་དག་།རེ་ཞིག་རྗེས་སུ་སྟོན་པ་གཞན་ཚོལ་ཅིག་།ཁོ་བོ་ནི། དབྱར་ཟླ་བ་བཞི་པོ་དག་ལ་དབེན་པར་སྙིང་རྗེའི་བསམ་གཏན་གྱིས་གནས་པར་འདོད་དོ། །
Kha437b
མཁན་པོ། ད་དེའི་དུས་ལ་བབ་ལགས་སོ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས་ཀྱིས་གྲོང་ཁྱེར་གྱི་ཤར་ཕྱོགས་སུ་ཁང་བཟང་ཞིག་བརྩིགས་ནས། དབྱར་ཟླ་བ་བཞི་པོ་དག་ལ་དབེན་པར་སྙིང་རྗེའི་བསམ་གཏན་གྱིས་གནས་པ་ལས། དེའི་དྲུང་དུ་ཚངས་པ་མ་འོངས་སོ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས་ཀྱིས་དབྱར་གྱི་ཟླ་བ་བཞིར་ཞག་གཅིག་གིས་མ་ལོན་པ་དང ། འདི་སྙམ་དུ་སེམས་ཏེ། བདག་གི་ཕ་བྲམ་ཟེ་གནག་ལྷས་སྐྱེས་ལས་དབྱར་ཟླ་བ་བཞི་པོ་དག་ལ་དབེན་པར་སྙིང་རྗེའི་བསམ་གཏན་གྱིས་གནས་ན་དེའི་དྲུང་དུ་ཚངས་པ་འོང་བར་འགྱུར་རོ། །ཞེས་ཐོས་ན། བདག་གི་དྲུང་དུ་ཚངས་པ་མ་འོངས་སོ། །སྙམ་མོ། །དེ་ནས་ཚངས་པ་མི་མཇེད་ཀྱི་བདག་པོས། བྲམ་ཟེ་ཆེན་པོ་གནག་ལྷས་སྐྱེས་ཀྱི་བསམ་པ་སེམས་ཀྱིས་ཤེས་ནས། དཔེར་ན། སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་བརྐྱང་པའམ། བརྐྱང་པ་ལས་བསྐུམ་པ་ཙམ་གྱིས། ཚངས་པ་མི་མཇེད་ཀྱི་བདག་པོ། ཚངས་པའི་འཇིག་རྟེན་ནས་མི་སྣང་བར་གྱུར་ཅིག། བྲམ་ཟེ་ཆེན་པོ་གནག་ལྷས་སྐྱེས་ཀྱི་ཁང་བཟང་དུ་འོངས་སོ། །དེའི་ཚེ་ཚངས་པ་མི་མཇེད་ཀྱི་བདག་པོའི་ཁ་དོག་གི་མཐུས། ཁང་བཟང་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །བྲམ་ཟེ་ཆེན་པོ་གནག་ལྷས་སྐྱེས་ཀྱིས་ནམ་གྱི་ཆ་སྨད་ལ་བབ་པ་དང ། ཁང་བཟང་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་པ་མཐོང་ངོ ། །མཐོང་ནས་ཀྱང་དེའི་ཚེ་ཚིགས་སུ་བཅད་དེ་སྨྲས་པ། འདི་འདྲ་བ་ཡི་ཁ་དོག་ནི། །བདག་གིས་མ་མཐོང་མ་ཐོས་ན། །གཟུགས་བཟང་ཁ་དོག་ལྡན་པ་ཡི། །གྲོགས་པོ་ཁྱོད་ནི་
Kha438a
༄#། །སུ་ཞིག་ཡིན། །གང་ལ་ལྷར་བཅས་ཚངས་རིས་དང ། །དེ་བཞིན་རིས་ནི་གཞན་དག་གིས། །གཞོན་ནུ་རབ་ཤེས་དེ་ལྟ་བུར། །གནག་ལྷས་སྐྱེས་ཀྱིས་ང་ཤེས་བྱོས། །ཚངས་པས་ཁྱོད་ལ་འདུད་བགྱིད་ཅིང ། །བཀུར་སྟི་ཡང་ནི་བགྱིད་ལགས་ཀྱི། །བདག་གི་ཚིག་རྣམས་གསན་མཛོད་ལ། །མྱུར་དུ་གནང་བར་མཛད་དུ་གསོལ། །གནག་ལྷས་སྐྱེས་པ་ཁྱོད་ཀྱིས་ནི། །སྨྲས་པའི་ཚིག་དེ་བཟུང་བར་བྱས། །ཚེ་འདིའི་དོན་ནི་གང་ཡིན་དང ། །ཕྱི་མའི་དོན་ནི་གང་ཡིན་པ། །ཡིད་ལ་བསམ་པ་དེ་དག་ནི། །བྲམ་ཟེ་ང་ལ་དྲིས་ཤིག་དང ། །དྲིས་པ་དེ་དང་དེ་དག་ནི། །ང་ཡིས་ཁྱོད་ལ་གཏན་ལ་དབབ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས། འདི་སྙམ་དུ་སེམས་ཏེ། རེ་ཞིག་བདག་གིས་མཐོང་བའི་ཆོས་ཀྱི་དོན་གྱིས་ཐོབ་པར་བྱ་བ་གང་ཡིན་པ་དེ་ནི། བདག་གིས་ཐོབ་ཀྱི། མ་ལ་བདག་གིས་ཚེ་ཕྱི་མའི་དོན་ལས་བརྩམས་ཏེ་དྲི་བར་བྱའོ། །སྙམ་ནས་དེའི་ཚེ་ཚིགས་སུ་བཅད་དེ་སྨྲས་པ། བློ་ལ་བསྡོགས་པའི་ཡིད་གཉིས་ཐེ་ཚོམ་དག་།ཚངས་པ་ཀུན་འགེད་གཞོན་ནུ་ལ་འདྲི་བ། །གང་དུ་གནས་ཤིང་གང་ལ་བསླབ་བྱས་ན། །ཚངས་པའི་འཇིག་རྟེན་མི་འཆི་འཐོབ་པར་འགྱུར། །བྲམ་ཟེ། མི་ཡི་ནང་ན་ངའོ་སྙམ་སྤངས་ཤིང ། །གཅིག་པོར་གྱུར་པ་སྙིང་རྗེར་མོས་པ་དང ། །དྲི་ང་མེད་ཅིང་འཁྲིག་ལས་ཆགས་བྲལ་བ། །འདི་ལ་གནས་ཤིང་འདི་ཉིད་ལ་བསླབ་ན། །མི་ཡིས་ཚངས་པའི་འཇིག་རྟེན་འཆི་མེད་འཐོབ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས། འདི་སྙམ་དུ་
Kha438b
སེམས་ཏེ། ཚངས་པས་བཤད་པ། བྲམ་ཟེ། མི་ཡི་ནང་ན་ངའོ་སྙམ་སྤངས་ཤིང ། །ཞེས་བྱ་བ་འདིའི་དོན་ཡང་བདག་གིས་ཀུན་ཤེས། ཚངས་པས་བཤད་པ། གཅིག་པུར་གྱུར་པ་སྙིང་རྗེར་མོས་པ་དང ། །ཞེས་བྱ་བ་འདིའི་དོན་ཡང་དག་གིས་ཀུན་ཤེས་ན། ཚངས་པས་བཤད་པ། དྲི་ང་མེད་ཅིང་འཁྲིག་ལས་ཆགས་བྲལ་བ། །ཞེས་བྱ་བ་འདི་དོན་བདག་གིས་མི་ཤེས་སོ། །སྙམ་དུ་བསམ་ནས། དེའི་ཚེ་ཚིགས་སུ་བཅད་དེ་སྨྲས་པ། ཚངས་པ་མིའི་ནང་དྲི་ང་གང་ཞིག་ལས། །འཇིག་རྟེན་ཀུན་ན་ངོགས་ཀྱི་འབབ་ཆུ་ལྟར། །གང་གིས་བསྒྲིབས་ན་ངན་སོང་སྒྲིབ་པ་ཅན། །ཚངས་པ་འཐོབ་འགྱུར་ལམ་ནི་མི་ཤེས་པའོ། །ཁྲོ་དང་རྫུན་དང་འཁོན་དང་རྣམ་འཚེ་དང ། །འཇུངས་དང་མངོན་པའི་ང་རྒྱལ་མི་བཟོད་དང ། །ཆགས་དང་ཞེ་སྡང་དེ་བཞིན་གཏི་མུག་དང ། །ཕྲག་དོག་སེར་སྣ་དག་དང་འཚིག་པ་སྟེ། །དེ་དག་བྲམ་ཟེ་མིའི་ནང་དྲི་ང་ཡིན། །འཇིག་རྟེན་ཀུན་ན་ངོགས་ཀྱི་འབབ་ཆུ་ལྟར། །དེ་ཡིས་བསྒྲིབས་ན་ངན་སོང་སྒྲིབ་པ་ཅན། །ཚངས་པ་འཐོབ་འགྱུར་ལམ་ནི་མི་ཤེས་སོ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས་འདི་སྙམ་དུ་སེམས་ཏེ། ཇི་སྐད་དུ་བདག་གིས་ཚངས་པས་སྨྲས་པའི་དོན་ཤེས་པ་ལྟར་ན། ཁྱིམ་པ་ཁྱིམ་ན་གནས་པས་ཇི་སྲིད་འཚོ་བའི་བར་དུ། ཚངས་པར་སྤྱོད་པ་སལ་གྱིས་དག་པ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། རྣམ་པར་བྱང་བ་སྤྱད་པ་འདི་ནི། སླ་བ་མ་ཡིན་པས། མ་ལ་བདག་གིས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་
Kha439a
༄#། །འབྱུང་བར་བྱའོ། །སྙམ་མོ། །དེ་ནས་ཚངས་པ་མི་མཇེད་ཀྱི་བདག་པོས། བྲམ་ཟེ་ཆེན་པོ་གནག་ལྷས་སྐྱེས་ཀྱི་བསམ་པ་སེམས་ཀྱིས་ཤེས་ནས་ཚིགས་སུ་བཅད་དེ་སྨྲས་པ། ཚངས་པར་སྐྱེ་བར་བྱ་བའི་ཕྱིར། །འདི་ལ་འབད་པ་བརྟན་པར་གྱིས། །ཆོས་འདི་དག་པ་གཡུང་དྲུང་ཡིན། །ཞེས་སྨྲས་ནས། ཚངས་པ་མི་མཇེད་ཀྱི་བདག་པོ་དེ་ཉིད་དུ་མི་སྣང་བར་གྱུར་ཏོ། །དེ་ནས་དབྱར་ཟླ་བ་བཞི་པོ་དག་འདས་ནས་རྒྱལ་པོ་རྡུལ་ཕྲན་བྲམ་ཟེ་ཆེན་པོ་གནག་ལྷས་སྐྱེས་གང་ན་བ་དེར་སོང་སྟེ་ཕྱིན་པ་དང ། བྲམ་ཟེ་ཆེན་པོ་གནག་ལྷས་སྐྱེས་གང་ན་བ་དེར་སོང་སྟེ། བྲམ་ཟེ་ཆེན་པོ་གནག་ལྷས་སྐྱེས་ཀྱི་རྐང་པ་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་པར་དང ། རྒྱལ་པོ་རྡུལ་ཕྲན་ལ་བྲམ་ཟེ་ཆེན་པོ་གནག་ལྷས་སྐྱེས་ཀྱིས་འདི་སྐད་ཅེས་སྨྲས་སོ། །ས་བདག་རྒྱལ་ཆེན་རྡུལ་ཕྲན་ཁྱོད། །བདག་གི་ཚིག་ནི་གསན་པར་མཛོད། །གནག་ལྷས་སྐྱེས་བདག་མི་སྤྲོ་ཡི། །རྒྱལ་སྲིད་ཉིད་ཀྱིས་བསྐྱང་དུ་གསོལ། །དེ་ནས་རྒྱལ་པོ་རྡུལ་ཕྲན་གྱིས་ཚིགས་སུ་བཅད་དེ་སྨྲས་པ། ཁྱོད་ཀྱི་འདོད་པ་མི་ཆོག་པ། །གང་ཡིན་དེ་ཡང་ཁྱོད་ལ་བསྐང ། །ཁྱོད་ལ་འཚེ་བ་དེ་གསད་ཀྱི། །གནག་ལྷས་སྐྱེས་ཀྱིས་བདག་མ་སྤང ། །རྒྱལ་པོ་བདག་འདོད་མི་ཆོག་མིན། །བདག་ལ་འཚེ་བ་འང་མ་མཆིས་ཏེ། །མི་མ་ཡིན་པའི་ཚིག་ཐོས་ནས། །ཁྱིམ་གྱི་གཞི་ལ་མི་སྤྲོའོ། །གང་ལས་ཐོས་ནས་བྲམ་ཟེ་ཁྱོད། །འདིར་ནི་བདག་དང་འདོད་སྤོང་བ། །མི་མ་ཡིན་པ་དེ་ཅི་འདྲ། །དྲི་ཡི་དེ་
Kha439b
ནི་བདག་ལ་སྨྲོས། །སྙིང་རྗེ་ཡི་ནི་གནས་པ་ཡིས། །རབ་དབེན་བསམ་གཏན་བྱེད་པ་ན། །དེ་ནས་ཚངས་པ་མདུན་དུ་འོངས། །ཐ་དད་ཕྱོགས་ནི་སྣང་བར་བྱས། །བདག་གིས་དེ་ཡི་ཚིག་ཐོས་ནས། །ཁྱིམ་གྱི་གཞི་ལ་མི་སྤྲོའོ། །བྲམ་ཟེ་གང་དུ་འགྲོ་བ་དེར། །ཁོ་བོ་ཡང་ནི་འགྲོ་བྱ་ཞིང ། །ཁྱོད་ཀྱི་ཉན་ཐོས་འགྱུར་བར་གྱིས། །གནག་ལྷས་སྐྱེས་ཁྱོད་སྟོན་པ་མཛོད། །གང་ལ་སོ་སོའི་སྐྱེ་བོ་རྣམས། །ཆགས་པའི་འདོད་པ་དེ་དག་སྤོངས། །འདོད་པ་རྣམས་ལ་མི་བལྟ་ཞིང ། །བདེན་པའི་ཆོས་ལ་གནས་པར་མཛོད། །ཚངས་པར་སྐྱེ་བར་བགྱི་སླད་དུ། །ནོར་བུ་དག་པ་བཻཌཱུརྱ། །ཇི་ལྟར་མ་བཅོས་དྲི་མེད་ལྟའི། །ཚངས་པར་སྤྱོད་པ་སྤྱད་པར་བགྱི། །མཁན་པོ། ད་དེའི་དུས་ལ་བབ་པར་མཁྱེན་པར་མཛོད་ཅིག། དེ་ནས་བྲམ་ཟེ་ཆེན་པོ་གནག་ལྷས་སྐྱེས་ཀྱིས། རྒྱལ་པོའི་འཁོར་རྒྱལ་རིགས་དྲུག་རྣམས་ལ་སྨྲས་པ། ཤེས་ལྡན་དག། བདག་ནི། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས། དད་པས་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན། ཤེས་ལྡན་དག་ཅི་བྱེད། མཁན་པོ། ལོ་བདུན་དུ་གཞེས་ཤིག་དང ། ལོ་བདུན་འདས་ནས་བདག་ཅག་བུ་དང་སྤུན་དང ། གཞན་དག་རྒྱལ་སྲིད་ཀྱི་དབང་ཕྱུག་ལ་བཀོད་ནས་མཁན་པོ་རབ་ཏུ་བྱུང་བའི་རྗེས་སུ་རབ་ཏུ་འབྱུང་ངོ ། །ཤེས་ལྡན་དག་ལོ་བདུན་ལྟ་ཧ་ཅང་ཡང་ཐོགས་ཆེས་སོ། །གཞན་ཡང ། འདོད་པ་རྣམས་ནི། ཆགས་པར་འགྱུར་བ། ལོངས་སྤྱོད་རྣམས་ནི་རྒྱགས་པར་འགྱུར་བ། སྲོག་འཆད་པ་ནི། ཤེས་པར་དཀའ་བ་ཡིན་པས། ལོ་བདུན་འདས་ན་ཡང་ཤེས་ལྡན་
Kha440a
༄#། །དག་རབ་ཏུ་འབྱུང་ངམ་མི་འབྱུང་གཏོལ་མེད་པས། རེ་ཞིག་ཁོ་བོ་རབ་ཏུ་འབྱུང་ངེ ། །མཁན་པོ། དྲུག་གམ། ལྔའམ། བཞིའམ། གསུམ་མམ། གཉིས་སམ། གཅིག་གམ། ཟླ་བ་བདུན་ནམ། དྲུག་གམ། ལྔའམ། བཞིའམ། གསུམ་མམ། གཉིས་སམ། གཅིག་གམ། ཞག་བདུན་ཞིག་གཞེས་ཤིག་དང ། ཞག་བདུན་འདས་ནས་བདག་ཅག་བུ་དང ། སྤུན་དང ། གཞན་དག་རྒྱལ་སྲིད་ཀྱི་དབང་ཕྱུག་ལ་བཀོད་ནས་མཁན་པོ་རབ་ཏུ་བྱུང་བའི་རྗེས་སུ་རབ་ཏུ་འབྱུང་བར་བགྱིའོ། །ཤེས་ལྡན་དག་།ཞག་བདུན་ལྟ་རིང་པོ་ཡང་མི་ཐོགས་ན། འོན་ཀྱང་འདོད་པ་རྣམས་ནི། ཆགས་པར་འགྱུར་བ། ལོངས་སྤྱོད་རྣམས་ནི་རྒྱགས་པར་འགྱུར་བ། སྲོག་འཆད་པ་ནི། ཤེས་པར་དཀའ་བ་ཡིན་པས། ཞག་བདུན་འདས་ན་ཡང་ཤེས་ལྡན་དག་རབ་ཏུ་འབྱུང་ངམ། མི་འབྱུང་གཏོལ་མེད་པས། རེ་ཞིག་བདག་རབ་ཏུ་འབྱུང་ངོ ། །མཁན་པོ། ད་དེའི་དུས་མཁྱེན་པར་མཛོད་ཅིག། དེ་ནས་བྲམ་ཟེ་ཆེན་པོ་གནག་ལྷས་སྐྱེས་ཀྱིས། རྒྱལ་རིགས་ཤིང་སཱ་ལ་ཆེན་པོ་ལྟ་བུ་བདུན་དང ། བྲམ་ཟེ་ཤིང་སཱ་ལ་ཆེན་པོ་ལྟ་བུ་བདུན་དང ། ཁྱིམ་བདག་ཤིང་སཱ་ལ་ཆེན་པོ་ལྟ་བུ་བདུན་དང ། ཐབས་རི་ར་བབ་པའི་ཆུང་མ་བཞི་བཅུ་ལ་སྨྲས་པ། ཤེས་ལྡན་དག་།བདག་ནི། སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན། ཤེས་ལྡན་དག་ཅི་བྱེད། རྗེའི་སྲས། བདག་ཅག་
Kha440b
བཙུན་མོ་བགྱི་བའི་དུས་ན་ནི། བཙུན་མོ། གྲོགས་བགྱི་བའི་དུས་ན་ནི། གྲོགས་ལགས་པས། རྗེའི་སྲས་གལ་ཏེ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན། རྗེའི་སྲས་རབ་ཏུ་བྱུང་བའི་རྗེས་སུ་བདག་ཀྱང་རབ་ཏུ་འབྱུང་བར་བགྱིའོ། །ཤེས་ལྡན་དག་།ད་དེའི་དུས་ལ་བབ་པར་ཤེས་པར་གྱིས་ཤིག་།དེ་ནས་བྲམ་ཟེ་ཆེན་པོ་གནག་ལྷས་སྐྱེས་ཀྱིས། བྲམ་ཟེའི་ཁྱེའུ་ལྔ་བརྒྱ་ཙམ་ལ་སྨྲས་པ། ཤེས་ལྡན་དག་།བདག་ནི། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན། ཤེས་ལྡན་དག་ཅི་བྱེད། མཁན་པོ། བདག་ཅག་གང་ཅུང་ཟད་ཅི་འཚལ་བ་དེ་ཐམས་ཅད་ནི། མཁན་པོ་ལ་བརྟེན་ཏེ་ལགས་ཀྱི། གལ་ཏེ་མཁན་པོ་སྐྲ་དང ། ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ན། མཁན་པོ་རབ་ཏུ་བྱུང་བའི་རྗེས་སུ་བདག་ཅག་ཀྱང་རབ་ཏུ་འབྱུང་བར་བགྱིའོ། །ཤེས་ལྡན་དག་།ད་དེའི་དུས་ལ་བབ་པར་ཤེས་པར་གྱིས་ཤིག་།འདུལ་སྦྱོར་མཁན་དང ། གླང་པོ་ཆེ་ལ་ཞོན་པ་དང ། རྟ་ལ་ཞོན་པ་དང ། ཤིང་རྟ་པ་དང ། རལ་གྲི་འཛིན་སྟངས་མཁན་དང ། གཞུ་འཛིན་པ་དང ། ཞམ་འབྲིང་བྱེད་པ་དང ། གོ་རེ་ལོང་བྱེད་པ་དང ། བྲོ་གར་ལེན་པ་དང ། རྒྱལ་པོའི་བུ་དཔའ་བ། རྟུལ་ཕོད་པ། རབ་གནོན་ཚན་པོ་ཆེ་དང་ལྡན་པ་རྣམས་དང ། སེམས་སྲུང་བ་དང ། སྐྲ་མཁན་དང ། ཁྲུས་བྱེད་པ་དུ་མ་ལ་སྨྲས་པ།
Kha441a
༄#། །ཤེས་ལྡན་དང ། །བདག་ནི། ཞེས་བྱ་བ་ནས། སྐྲ་དང ། ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ན། ཞེས་བྱ་བའི་བར་གོང་མ་བཞིན་དུ་སྟེ། མཁན་པོ་རབ་ཏུ་བྱུང་བའི་རྗེས་སུ་བདག་ཅག་ཀྱང་རབ་ཏུ་འབྱུང་བར་བགྱིའོ། །ཤེས་ལྡན་དག་།དེའི་དུས་ལ་དབབ་པར་ཤེས་པར་གྱིས་ཤིག་།དེ་ནས་བྲམ་ཟེ་ཆེན་པོ་གནག་ལྷས་སྐྱེས་སྐྲ་དང ། ཁ་སྤུ་བྲེགས་ཏེ། གོས་ངུར་སྨིག་བགོས་ནས་དད་པ་ཡང་དག་བ་ཁོ་ན་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །རྒྱལ་པོ་རྡུལ་ཕྲན་ཡང་འཁོར་བརྒྱ་ཕྲག་དུ་མ་དང ། འཁོར་སྟོང་ཕྲག་དུ་མ་དང ། འཁོར་བརྒྱ་སྟོང་ཕྲག་དུ་མ་དང་སྐྲ་དང་ཁ་སྦུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་བྲམ་ཟེ་ཆེན་པོ་གནག་ལྷས་སྐྱེས་རབ་ཏུ་བྱུང་བའི་རྗེས་སུ་རབ་ཏུ་བྱུང་ངོ ། །རྒྱལ་པོའི་འཁོར་རྒྱལ་རིགས་དྲུག་དང ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་བདུན་དང ། བྲམ་ཟེ་ཤིང་སཱ་ལ་ཆེན་པོ་ལྟ་བུ་བདུན་དང ། ཁྱིམ་བདག་ཤིང་སཱ་ལ་ཆེན་པོ་ལྟ་བུ་བདུན་དང ། ཐབས་རིར་བབ་པའི་ཆུང་མ་བཞི་བཅུ་ཡང་སྐྲ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་བྲམ་ཟེ་ཆེན་པོ་གནག་ལྷས་སྐྱེས་རབ་ཏུ་བྱུང་བའི་རྗེས་སུ་རབ་ཏུ་བྱུང་ངོ ། །བྲམ་ཟེའི་ཁྱེའུ་ལྔ་བརྒྱ་ཙམ་ཡང་སྐྲ་དང་ཁ་སྦུ་བྲེགས་ནས་གོས་ངུར་སྨྲིག་བགོས་ནས་བྲམ་ཟེ་ཆེན་པོ་གནག་ལྷས་སྐྱེས་རབ་ཏུ་བྱུང་བའི་རྗེས་སུ་རབ་ཏུ་བྱུང་ངོ ། །
Kha441b
གླང་པོ་ཆེ་ལ་ཞོན་པ་དང ། རྟ་ལ་ཞོན་པ་དང ། ཤིང་རྟ་པ་དང ། རལ་གྲི་འཛིན་སྟངས་པ་དང ། གཞུ་འཛིན་པ་དང ། ཞམ་འབྲིང་བྱེད་པ་དང ། གོ་རེ་ལོང་བྱེད་པ་དང ། བྲོ་གར་ལེན་པ་དང ། རྒྱལ་པོའི་བུ་དཔའ་བ། རྟུལ་ཕོད་པ། རབ་གནོན་ཚན་པོ་ཆེ་དང་ལྡན་པ་རྣམས་དང ། སེམས་སྲུང་བ་དང ། སྐྲ་མཁན་དང ། ཁྲུས་བྱེད་པ་རྣམས་ཀྱང་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། བྲམ་ཟེ་ཆེན་པོ་གནག་ལྷས་སྐྱེས་རབ་ཏུ་བྱུང་བའི་རྗེས་སུ་རབ་ཏུ་བྱུང་ངོ ། །བྲམ་ཟེ་ཆེན་པོ་གནག་ལྷས་སྐྱེས་དེ་ལྟར་རབ་ཏུ་བྱུང་ནས་ཉོན་མོངས་པའི་སྒྲིབ་པ་ལྔ་པོ། སེམས་ཉེ་བར་ཉོན་མོངས་པར་བྱེད་པ། ཤེས་རབ་ཉམ་ཆུང་བར་བྱེད་པ། གནོད་པར་བྱེད་པའི་ཕྱོགས་དང་མཐུན་པ། མྱ་ངན་ལས་མི་འདའ་བར་བྱེད་པ་རྣམས་སྤངས་ནས་བྱམས་པ་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ། ཁྱབ་པ་ནས། རྫོགས་པར་བྱས་ཏེ་གནས་སོ། །དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བཞི་པ་དང ། བླ་དང ། འོག་དང ། ཐད་ཀར་རྣམ་པ་ཐམས་ཅད་དུ་འཇིག་རྟེན་འདི་ཐམས་ཅད་བྱམས་པ་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་བཞིན་དུ་སྙིང་རྗེ་དང ། དགའ་བ་དང ། བཏང་སྙོམས་དང་ལྡན་པའི་སེམས་འཁོན་
Kha442a
༄#། །མེད་པ། འགྲན་ཟླ་མེད་པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ། ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བཞི་པ་དང ། བླ་དང ། འོག་དང ། ཐད་ཀར་རྣམ་པ་ཐམས་ཅད་དུ་འཇིག་རྟེན་འདི་ཐམས་ཅད་བཏང་སྙོམས་དང་ལྡན་པའི་སེམས་འཁོན་མེད་པ། འགྲན་ཟླ་མེད་པ། གནོད་པ་མེད་པ། ཡངས་པ། རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་སོ། །དེ་ནས་བྲམ་ཟེ་ཆེན་པོ་གནག་ལྷས་སྐྱེས་ཀྱི་མིང ། བྲམ་ཟེ་ཆེན་པོ་གནག་ལྷས་སྐྱེས། བྲམ་ཟེ་ཆེན་པོ་གནག་ལྷས་སྐྱེས་ཞེས་བྱ་བའི་མིང་གང་ཡིན་པ་དེ་ནུབ་པར་གྱུར་ཅིང ། སྟོན་པ་གནག་ལྷས་སྐྱེས་ཞེས་བྱ་བར་གྲགས་སོ། །དེ་ནས་སྟོན་པ་གནག་ལྷས་སྐྱེས་འཁོར་བརྒྱ་ཕྲག་དུ་མ་དང ། འཁོར་སྟོང་ཕྲག་དུ་མ་དང ། འཁོར་བརྒྱ་སྟོང་ཕྲག་དུ་མ་དང ། གྲོང་རྡལ་ནས་གྲོང་རྡལ་དང ། གྲོང་ཁྱེར་ནས་གྲོང་ཁྱེར་དུ་ལྗོངས་རྒྱུ་ཞིང་དོང་ངོ ། །དེའི་ཚེ་སྐྱེ་པའམ། བུད་མེད་དག་ལས་ཉེས་པ་འགའ་བྱུང་ན། སྟོན་པ་གནག་ལྷས་སྐྱེས་ཕྱོགས་གང་ན་འདུག་པའི་ཕྱོགས་དེ་ལོགས་སུ་ཐལ་མོ་སྦྱར་བ་བཏུད་ནས། སྟོན་པ་གནག་ལྷས་སྐྱེས་དེ་ལ་ཕྱག་འཚལ་ལོ། །ཕྱག་འཚལ་ལོ། །སྟོན་པ་གནག་ལྷས་སྐྱེས་དེ་ལ་ཕྱག་
Kha442b
འཚལ་ལོ། །ཕྱག་འཚལ་ལོ། །སྟོན་པ་གནག་ལྷས་སྐྱེས་དེ་ལ་ཕྱག་འཚལ་ལོ། །ཕྱག་འཚལ་ལོ། །ཞེས་ཆེད་དུ་བརྗོད་པ་ལན་གསུམ་ཆེད་དུ་བརྗོད་དོ། །མདུན་ན་འདོན་བདུན་འབྱུང་བ་གང་ཡིན་པ་དེ་ནི། རལ་གྲིས་འཚོ་དང་ཚངས་སྦྱིན་དང ། །སྣ་ཚོགས་ཟ་དང་དེ་བཞིན་ས། །རྡུལ་ཅན་ཡུལ་འཁོར་སྐྱོང་གཉིས་གཉིས། །དེ་ཚེ་སྐྱེ་བོ་དེ་བདུན་འབྱུང ། །ཀ་ལིངྐ་ན་མཆེ་བའི་ཁྱིམ། །རྡོ་མང་ན་ནི་སྐེམ་བྱེད་དེ། །སྲུང་བྱེད་ན་ནི་མ་ཧེ་ལྡན། །ངྒར་ཙམ་པ་རིས་སུ་བཅད། །ལུས་འཕགས་ན་ནི་མི་ཐི་ལ། །སྟང་ཟིལ་ཅན་ན་མ་རུངས་པ། །ཝཱ་ར་ཎཱ་སིར་ཀ་ཤི་སྟེ། །གནག་ལྷས་སྐྱེས་ཀྱིས་རིས་བཅད་དེའོ། །རྒྱལ་པོ་ཆེན་པོ། ཇི་སྙམ་དུ་སེམས། །དེའི་ཚེ་དེའི་དུས་ཀྱི་སྟོན་པ་གནག་ལྷས་སྐྱེས་གང་ཡིན་པ་དེ་ནི། ང་ཉིད་ཡིན་ནོ། །རྒྱལ་པོ་ཆེན་པོ། ངས་སེམས་ཅན་ལ་ཕན་པ་བྱས་པ་དེས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ། །སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་ངའི་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་རྒྱུ་ཙམ་དང ། རྐྱེན་ཙམ་དང ། ཚོགས་ཙམ་ཡིན་ནོ། །བཙུན་པ། བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཐོག་མར་ཐུགས་གང་དུ་བསྐྱེད་ལགས། རྒྱལ་པོ་ཆེན་པོ། སྔོན་བྱུང་བ། རྒྱལ་པོ་འོད་ལྡན་ཞེས་བྱ་བ་བྱུང་སྟེ། དེའི་ཡུལ་དུ་གླང་པོ་རིན་པོ་ཆེ། མེ་ཏོག་ཀུ་མུ་ཏའི་མདོག་ལྟར་དཀར་བ། ཡན་ལག་བདུན་ཤིན་ཏུ་གནས་པ། གཟུགས་བཟང་བ། མཛེས་པ་བལྟ་ན་སྡུག་པ་ཞིག་བྱུང་ངོ ། །དེ་ནས་རྒྱལ་པོ་འོད་ལྡན་གྱིས། གླང་པོ་འདུལ་མཁན་མཁས་པ་ཕོ་ཉས་
Kha443a
༄#། །བཀུག་ནས་འདི་སྐད་ཅེས་སྨྲས་སོ། །མཁས་པ་དེས་པ། ཁྱོད་ཀྱིས་གླང་པོ་ཆེ་དམ་པ་འདི། མྱུར་དུ་ལེགས་པར་དུལ་བར་བྱོས་ལ་ང་ལ་ཕུལ་ཅིག་།ལྷ། བཀའ་བཞིན་འཚལ་ཞེས་གླང་པོ་འདུལ་མཁན་མཁས་པས། རྒྱལ་པོ་འོད་ལྡན་ལས་མཉན་ནས་གླང་པོ་ཆེ་དམ་པ་དེ། འདུལ་བར་བྱེད་དེ། དེ་དུལ་བར་རིག་ནས་རྒྱལ་པོ་འོད་ལྡན་ལ་ཕུལ་ཏེ། ལྷའི་གླང་པོ་ཆེ་དམ་པ་ནི། དུལ་ལགས་པས། ལྷ། ད་དེའི་དུས་ལ་བབ་པར་མཁྱེན་པར་མཛད་དུ་གསོལ། །དེ་ནས་རྒྱལ་པོ་འོད་ལྡན་གླང་པོ་ཆེ་དམ་པ་དེ་ལ་ཞོན་ཏེ། གླང་པོ་འདུལ་མཁན་ཡང་གོང་དུ་ཞོན་ནས་རི་དྭགས་འཆོར་དུ་སོང་ངོ ། །ཇི་ཙམ་ན་གླང་པོ་ཆེ་དེས། ནགས་ཀྱི་བལ་གླང་མོའི་དྲི་ཚོར་ནས། དེས་དྲི་དེའི་རྗེས་བཞིན་རྒྱུགས་སོ། །དེ་ནས་རྒྱལ་པོ་གླང་པོ་ཆེ་རླུང་ལྟར་མགྱོགས་པས་ཁྱེར་བ་དང ། གླང་པོ་ཆེ་འདུལ་མཁན་ལ་སྨྲས་པ། ཀྱེ་གླང་པོ་འདུལ་མཁན། །ནམ་མཁའ་འགུལ་བ་འདྲ་ཞིང་ཕྱོགས་ཀུན་མྱུར་དུ་འདུལ་བར་འགྲོ་བ་འདྲ། ས་ནི་མཐའ་དག་འཁོར་ལོ་བཞིན་འཁོར་ཤིང་རྣམས་མཁའ་ལ་འཁོར་བ་འདྲ། གླང་པོའི་དབང་པོ་གངས་རི་འགྲོ་བ་ལྟ་བུ་འདི་རྒྱུག་མཐོང་ནས་ནི། །རི་བོ་འདི་རྒྱུགས་སྙམ་ནས་རི་རྣམས་གྱ་ཚོམ་མྱུར་དུ་རྒྱུག་པ་འདྲ། །ཀྱེ་གླང་པོ་ཆེ་འདུལ་མཁན་གླང་པོ་ཆེའི་དབང་པོ་ཐུལ་ཅིག་།ཐུལ་ཅིག་།གླང་ཆེན་དབང་པོ་ཚར་གཅད་པར། །བཟང་པོ་རབ་ཏུ་འབད་པར་གྱིས། །གླང་ཆེན་གཉའ་རེངས་ཁྱེར་བ་ཡིས། །ཁོ་བོ་ཇིར་འགྱུར་གཏོལ་མེད་ཁྱེར། །གླང་པོ་ཆེ་འདུལ་བས་
Kha443b
སྨྲས་པ། ལྷ། དྲང་སྲོང་དམ་པས་སྨྲས་པའི་གསང་སྔགས་བཟླས་བགྱི་ཞིང ། །འདི་ལ་ལྕགས་ཀྱུས་ཚར་བཅད་འབད་པ་ཡང་བགྱི་ན། འཆི་བར་ངེས་པར་རྣམས་ཀྱིས་ཚེ་ཡིས་མན་བཞིན་དུ། །གླང་པོ་འདི་ནི་བདག་སྟོབས་ཟིལ་གྱིས་མནན་ནས་མཆི། །མི་ཡི་དབང་པོ་ལྕགས་ཀྱུའམ། །ཞགས་པའམ་ཡང་ན་ལྕགས་གིས་ཀྱང ། །འདོད་ཆགས་གཉའ་རེངས་ཁྱེར་བའི་སེམས། །ཚར་གཅད་ནུས་པ་མ་ལགས་སོ། །འདོད་ཆགས་སེམས་ཀྱི་ཟུག་རྔུ་ནི། །ཇི་ཞིག་ལྟར་ན་སྐྱེ་འགྱུར་ཏེ། །ཚུལ་འགའ་ཞིག་གིས་རྒྱས་འགྱུར་ལ། །འགའ་ཞིག་གིས་ཀྱང་ཞི་བར་འགྱུར། །གང་གི་ཚེ་གླང་པོའི་འདུལ་མཁན་དེས་གླང་པོ་ཆེ་དམ་པ་དེ། གནས་ཐམས་ཅད་དུ་བཟློག་པར་མ་ནུས་པ་དེའི་ཚེ་རྒྱལ་པོ་ལ་སྨྲས་པ། ལྷ། གླང་པོ་ཆེ་འདི་ནི། འཁྲུལ་གྱི། ཤིང་གི་ཡལ་ག་ལ་འཇུས་མཛོད་ཅིག་།དེ་ནས་རྒྱལ་པོ་དང་འདུལ་མཁན་ཤིང་གི་ཡལ་ག་ལ་འཇུས་ཏེ་འདུག་གོ་།དེ་ནས་དེའི་ཤི་བ་ལས་ཐར་ཏེ་བདེ་བར་གྱུར་ནས། རྒྱལ་པོས་འདུལ་མཁན་ལ་སྨྲས་པ། ཁྱོད་ཀྱིས་གླང་པོ་ཆེ་དམ་པ་མ་ཐུལ་བར་ང་ལ་ཕུལ་ལོ། །དེས་སྨྲས་པ། ལྷ། འདི་བདག་གིས་ཤིན་ཏུ་དུལ་བར་བགྱིས་ཏེ། འོན་ཀྱང་ནགས་ཀྱི་བལ་གླང་མོའི་དྲི་ཚོར་ནས་ཉན་དུ་མ་བཏུབ་ལགས་སོ། །ལྷ་དེ་ལྟ་ལགས་མོད་ཀྱི། དཔྱད་དྲན་ནས་རིང་པོར་མི་ཐོགས་པར་མཆི་བར་འགྱུར་རོ། ། དེ་ནས་གླང་པོ་ཆེ་དེ་མྱོས་པ་དང་བྲལ་བར་གྱུར་ནས། ཞག་བདུན་ལོན་པ་དང་དཔྱད་རྗེས་སུ་དྲན་ནས་རང་ཉིད་གནས་སུ་འོངས་ཏེ་འདུག་གོ་།དེ་ནས་གླང་པོ་ཆེ་འདུལ་མཁན་གྱིས། རིངས་པ་རིངས་པར་
Kha444a
༄#། །རྒྱལ་པོ་ལ་སྨྲས་པ། ལྷ། གླང་པོ་ཆེ་དེ་ནི། མཆིས་ལགས་སོ། །རྒྱལ་པོས་སྨྲས་པ། ཁྱོད་ཀྱིས་ནི། འདི་མ་ཐུལ་ཏོ། །ལྷ། ཐུལ་ལགས་སོ། །ཅི་མངོན། ལྷའི་སྤྱན་སྔར་བབ་པར་བགྱིའོ། །ཞེས་དེས་ལྕགས་ཀྱི་ཐུ་ལུམ་སོ་མལ་དུ་ཚོས་པར་བསྲེགས་པ་ཞིག་དཔྱད་ཀྱི་སར་ཁྱེར་ཏེ་ལེན་དུ་གཞུག་པར་བརྩམས་སོ། །དེ་ནས་དེས་བག་ཚ་བ་མེད་པས་བླང་བར་བརྩམས་པ་དང ། གླང་པོ་འདུལ་མཁན་གྱིས་སྨྲས་པ། ལྷ། ལེན་དུ་ནི་བཏབ་ན། འོན་ཀྱང་འགུམ་པར་འགྱུར་རོ། །རྒྱལ་པོས་སྨྲས་པ། ཀྱེ་མཁས་པ། དེ་ལྟར་ཤིན་ཏུ་དུལ་བ་འདིས་བདག་ཅག་གི་གཡེངས་པ་འདི་ལ་རྒྱུ་ཅི་ཞིག་ཡོད། ལྷ། བདག་གིས་སྔར་ལུས་ཐུལ་གྱི། སེམས་ནི། མ་ལགས་སོ། །ཞེས་མ་གསོལ་ཏམ། བདག་ནི། ལུས་འདུལ་བ་ལགས་ཀྱི། སེམས་འདུལ་བ་ནི། མ་ལགས་སོ། །རྒྱལ་པོས་སྨྲས་པ། སེམས་འདུལ་བ་འགའ་ཡོད་པར་ཁྱོད་ཀྱིས་མཐོང་ངམ། དེ་ལྷས་བསྐུལ་ནས་སྨྲས་པ། ལྷ། ལུས་འདུལ་བ་སེམས་འདུལ་བ་སངས་རྒྱས་བཅོམ་ལྡན་འདས་རྣམས་མཆིས་སོ། །འདོད་པའི་རྒྱུས་བྱུང་ཉེས་གཞོམ་ཕྱིར། །མང་པོ་བརྩམས་པར་བྱེད་མོད་ཀྱི། །མི་ནུས་པར་ནི་ཤེས་ནས་ཀྱང ། །བརྩོན་འགྲུས་ཉམས་ནས་ལྡོག་པར་བྱེད། །དེ་དང་དེར་ནི་དེ་ལྟ་བུའི། ། འབད་པ་རྣམ་པ་མང་བྱས་ཀྱང ། །འདོད་པའི་འདོད་ཆགས་ནགས་ཚལ་གྱི། །རྩ་ནས་ཕྱིན་པར་མི་འགྱུར་རོ། །འདོད་པ་གཞོམ་པར་འདོད་པ་ནི། །ཁ་ཅིག་ཡུལ་རྣམས་སྤོང་བར་བྱེད། །དེ་གཞོམ་འདོད་
Kha444b
པ་གཞན་དག་ནི། །དགའ་བཞིན་དབང་པོ་ཚིམ་པར་བྱེད། །ལྷ་དང་ལྷ་མིན་མི་དང་སེང་གེ་སྟག་དང་སྦྲུལ་དག་དང ། །སྲིན་བུ་ཕྱེ་མ་ལེབ་དང་འཇིག་རྟེན་འདི་དག་ཀུན། །འདོད་པའི་ཞགས་པ་ཤིན་ཏུ་ཕྲ་མོ་རྣམས་ཀྱིས་ཡིད་བཅིངས་ནས། །སྲིད་འགྲོའི་ཐིབས་པོ་འདིར་ནི་འཁོར་ལོ་བཞིན་དུ་ཤིན་ཏུ་འཁོར། །བདག་ནི་སྣ་ཚོགས་ཐབས་ཀྱི་འདི་ལྟ་བུར། །གཟུགས་བཟང་ཕུན་སུམ་ཚོགས་པའི་གླང་པོ་འདུལ། །རྒྱལ་པོ་གཟུགས་ཅན་མ་ལགས་ཕྲ་སེམས་ནི། །དྲང་སྲོང་ཆབ་རླུང་འཚལ་བས་མ་ཐུལ་ཏོ། །གླང་ཆེན་འདུལ་བ་གཟུགས་མེད་ཕྲ་བའི་སེམས། །དྲང་སྲོང་ཆུ་རླུང་ཟ་བས་མ་ཐུལ་ན། །གང་གི་དབང་དུ་གཟུགས་མེད་སེམས་འགྱུར་དེ། ། མི་ཡི་འཇིག་རྟེན་དག་ན་ཡོད་དམ་ཀྱེ། །གང་གི་དབང་དུ་གཟུགས་མེད་སེམས་འགྱུར་ཏེ། །ལྷ་གཅིག་མི་ཡི་འཇིག་རྟེན་ན་མཆིས་ཏེ། །རྒྱལ་པོ་ཆེན་པོ་སངས་རྒྱས་མཐུ་བོ་ཆེ། །ཉོན་མོངས་སྤངས་པ་དཔའ་བོ་སྟོབས་ལྡན་པ། །དེ་དང་གང་དག་དེ་འདྲར་རྗེས་འབྲང་བ། །དེ་དབང་འདིར་ནི་གཟུགས་མེད་སེམས་འགྱུར་རོ། །དེ་ནས་རྒྱལ་པོ་འོད་ལྡན་གྱིས། །སངས་རྒྱས་བཅོམ་ལྡན་འདས་རྣམས་ཀྱི་བརྩོན་འགྲུས་དང་སྟོབས་ཐོས་ནས། སྦྱིན་པ་དག་བྱིན། བསོད་ནམས་དག་བྱས་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྨོན་ལམ་བཏབ་པ། སྦྱིན་པ་རྒྱ་ཆེན་གྱུར་པ་འདི་ཡིས་སུ། །འགྲོ་བར་རང་བྱུང་སངས་རྒྱས་གྱུར་ནས་ནི། །སྔོན་གྱི་རྒྱལ་དབང་རྣམས་ཀྱི་མ་བསྒྲལ་བ། །སྐྱེ་བོའི་ཚོགས་དག་བདག་གིས་བསྒྲལ་བར་བྱ། །བདག་གིས་སྐྱེ་རྒྱུ་ལེགས་བསྐྱབས་ལས་བྱུང་ངམ། །བཏང་བ་ལས་བྱུང་བ་བསོད་ནམས་ཡོད་པ་གང ། །དེས་ནི་
Kha445a
༄#། །སངས་རྒྱས་ཉིད་ཐོབ་འཇིག་རྟེན་དག་།འདོད་པའི་རིམས་ནད་ལས་ནི་ཐར་པར་བྱ། །རྒྱལ་པོ་ཆེན་པོ། ཇི་ཙམ་དུ་སེམས། །དེའི་ཚེ་དེའི་དུས་ཀྱིས་རྒྱལ་པོ་འོད་ལྡན་དུ་གྱུར་པ་གང་ཡིན་པ་དེ་ནི། དེའི་ཚེ་དེའི་དུས་ན་ནང་ཉིད་དེ་ཡིན་ཏེ། །ངས་དེར་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །བཙུན་པ། བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་ཕྱིར་ཡང་དག་པར་རྫོགས་པའི་སངས་རྒྱས་གང་ལ་ཐོག་མར་བསོད་སྙོམས་ཕུལ་ལགས། རྒྱལ་པོ་ཆེན་པོ། སྔོན་བྱུང་བ་ཡངས་པ་ཞེས་བྱ་བའི་གྲོང་ཁྱེར་ཡོད་དེ། ཡངས་པའི་གྲོང་ཁྱེར་དུ་རྫ་མཁན་ཡངས་པའི་འོད་ཅེས་བྱ་བ་ཞིག་བྱུང་ངོ ། །དེའི་ཚེ་སྟོན་པ་ཤཱཀྱ་ཐུབ་པ་ཞེས་བྱ་བ་འཇིག་རྟེན་དུ་བྱུང་ཞེས་བྱ་བ་ནས་སངས་རྒྱས་བཅོམ་ལྡན་འདས་ཞེས་བྱ་བའི་བར་གོང་མ་བཞིན་དུའོ། །དེའི་ཚེ་མཆོག་ཟུང་དང ། བཟང་པོ་ཟུང་ནི། ཤཱ་རིའི་བུ་དང ། མོའུ་དགལ་གྱི་བུ་ཞེས་བྱའོ། །རིམ་གྲོ་བྱེད་པ་ནི། དགེ་སློང་ཀུན་དགའ་བོ་ཞེས་བྱའོ། །དེ་ནས་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དགེ་སློང་གི་ཚོགས་ཀྱིས་ཡོངས་སུ་བསྐོར་ནས་ལྗོངས་རྒྱུ་ཞིང་གཤེགས་པ་ན་ཡངས་པའི་གྲོང་ཁྱེར་དུ་བྱོན་པ་དང ། དེ་རླུང་ཤས་ཆེས་པའི་སྙུན་གྱིས་ཐེབས་ནས། དེས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་རྫ་མཁན་ཡངས་པའི་འོད་ལས་མར་དང ། ཏིལ་མར་དང ། བུ་རམ་ཆུ་ཁྱེར་ཏེ་ཤོག་ཅིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ནས། རྫ་མཁན་ཡངས་པའི་འོད་གང་ན་བ་དེར་སོང་སྟེ་ཕྱིན་པ་དང ། རྫ་མཁན་ཡངས་པའི་འོད་ལ་འདི་སྐད་
Kha445b
ཅེས་སྨྲས་སོ། །ཡངས་པའི་འོད་ཤེས་པར་གྱིས་ཤིག་།བཅོམ་ལྡན་འདས་རླུང་ཤས་ཆེ་བའི་སྙུན་གྱིས་ཐེབས་ཏེ། དེ་ལ་མར་དང ། ཏིལ་མར་དང ། བུ་རམ་ཆུ་དགོས་སོ། །དེ་ནས་རྫ་མཁན་ཡངས་པའི་འོད་ཀྱིས་ཚེ་དང་ལྡན་པ་ཀུན་དགའ་བོ་ལས་མཉན་ནས་མར་དང ། ཏིལ་མར་དང ། བུ་རམ་ཆུ་ཁྱེར་ཏེ་བུ་དང་ལྷན་ཅིག་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་གང་ན་བ་དེར་དོང་སྟེ་ཕྱིན་པ་དང ། མར་དང ། ཏིལ་མར་གྱིས་བཅོམ་ལྡན་འདས་ཀྱིས་སྐུ་བྱུགས་ནས། ཆུ་འཇམ་པོས་སྐུ་ཁྲུས་བྱས་ཏེ་བུ་རམ་ཆུའི་བཏུང་བ་གསོལ་ཏོ། །དེས་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་བཟོད་ཅིང་འཚོ་བར་གྱུར་ཏོ་།དེ་ནས་རྫ་མཁན་ཡངས་པའི་འོད་ཀྱིས་དེའི་ཞབས་གཉིས་ལ་གཏུགས་ནས་སྨོན་ལམ་གདབ་པར་བརྩམས་པ། བདག་ཀྱང་རབ་ཏུ་སྦྱིན་པ་འདི་ཡིས། ཤཱཀྱའི་རིགས་སྐྱེས་པ། ཡོན་ཏན་རིགས་དང་རུས་དག་མཉམ་པའི་སངས་རྒྱས་ཉིད་གྱུར་ཅིང ། །བདག་གིས་ཚངས་པའི་འཇིག་རྟེན་བར་གྱི་ཉམ་ཐག་འཆི་བ་ཡི། །ཕ་རོལ་ཞི་བ་རྒྱ་ཆེན་འཇིགས་པ་མེད་པར་སྒྲོལ་བར་ཤོག་།དེའི་བུས་ཀྱང་སྨོན་ལམ་བཏབ་པ། བདག་ཀྱང་ལས་འདིས་ནི། གཟུགས་མེད་པའི་ཆོས་རྣམས་རྟོགས་པ་དང་བཅོམ་ལྡན་འདས་ཀྱི་རིམ་གྲོ་བྱེད་པར་འགྱུར་ཅིག་།ཅེས་བྱས་སོ། །རྒྱལ་པོ་ཆེན་པོ། ཇི་སྙམ་དུ་སེམས། དེའི་ཚེ་དེའི་དུས་ཀྱི་རྫ་མཁན་ཡངས་པའི་འོད་གང་ཡིན་པ་དེ་ནི། ང་ཉིད་ཡིན་ཏེ། དེར་ངས་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཐོག་མར་བསོད་སྙོམས་ཕུལ་ལོ། །དེའི་ཚེ་དེའི་དུས་ཀྱིས་བུ་གང་ཡིན་པ་དེ་ནི། ཀུན་དགའ་བོ་ཡིན་ནོ།། །།
Kha446a
༄#། །འདུལ་བ་གཞི། བམ་པོ་ང་གཅིག་པ། བཙུན་པ། བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བའི་སླད་དུ་ཡང་དག་པར་རྫོགས་པའི་སངས་རྒྱས་ཇི་སྙེད་ཅིག་ལ་བསྙེན་བཀུར་བགྱིས་ལགས། རྒྱལ་པོ་ཆེན་པོ། རེ་ཞིག་གྲངས་མེད་པ་དང་པོ་ལ། སངས་རྒྱས་ཤཱཀྱ་ཐུབ་པ་ནས། །འདྲེན་པ་ཡུལ་འཁོར་སྐྱོང་གི་བར། །དེའི་བར་བདུན་ཁྲི་ལྔ་སྟོང་གི་།སངས་རྒྱས་རྣམས་ནི་ངས་མཆོད་དོ། །གྲངས་མེད་གཅིག་ནི་འདས་པ་ཡི། །རྒྱལ་བ་ངས་ནི་མཆོད་བྱས་ཏེ། །སངས་རྒྱས་ཉིད་ནི་འདོད་པའི་ཕྱིར། །ང་ལ་སྐྱོ་བའི་སེམས་མེད་དོ། །རྒྱལ་པོ་ཆེན་པོ། གྲངས་མེད་པ་གཉིས་པ་ལ་ནི། སངས་རྒྱས་མར་མེ་མཛད་ནས་ནི། །དབང་པོའི་རྒྱལ་མཚན་ཐུབ་པའི་བར། །བདུན་ཁྲི་དྲུག་སྟོང་དག་གི་ནི། །སངས་རྒྱས་རྣམས་ནི་ང་ཡིས་མཆོད། །གྲངས་མེད་གཉིས་པོ་ཚང་པར་ནི། །རྒྱལ་བ་ང་ཡིས་མཆོད་བྱས་ཏེ། སྐྱེ་བ་དེ་དང་དེ་དག་ཏུ། །ང་ལ་སྐྱོ་བའི་སེམས་མེད་དོ། །གྲངས་མེད་པ་གསུམ་པ་ལ་ཡང ། །སངས་རྒྱས་ལེགས་མཛད་ནས་བཟུང་སྟེ། ། སངས་རྒྱས་འོད་སྲུང་བར་དག་ཏུ། །བདུན་ཁྲི་བདུན་སྟོང་ང་ཡིས་མཆོད། །གྲངས་མེད་གསུམ་པོ་དེ་ལ་ནི། །རྒྱལ་བ་ངས་ནི་མཆོད་བྱས་ཏེ། །བྱང་ཆུབ་ཕྱིར་ནི་སྤྱོད་པ་ན། །དེའི་ཚེ་ང་ལ་སྐྱོ་སེམས་མེད། །ང་ནི་བྱང་ཆུབ་སེམས་དཔའ་ན། །སངས་རྒྱས་མཆོག་ནི་དེ་དག་མཆོག་།འཇིག་རྟེན་འདྲེན་པ་དེ་ཀུན་གྱིས། །ང་ནི་སངས་རྒྱས་ཉིད་དུ་བསྟན། །ངས་ནི་སྔོན་བསམ་གང་ཡིན་པ། །ང་ཡི་སྨོན་
Kha446b
ལམ་ཐམས་ཅད་རྫོགས། །ངས་ནི་སངས་རྒྱས་ཁུར་བོར་ཏེ། སེམས་ཅན་རྣམས་ནི་རྗེས་སུ་བཟུང ། །དེ་ནས་ཀོ་ས་ལའི་རྒྱལ་པོ་གསལ་རྒྱལ། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱིས་སྤྱན་སྔ་ནས་སོང་ངོ ། །དེ་ནས་སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཞུས་པ། འཇིག་རྟེན་གཙོ་བོ་རྣམ་འདྲེན་པ། །ཐུབ་པ་ཁྱོད་ཀྱི་བྱང་ཆུབ་ཐུགས། །ཐོག་མར་གང་དུ་བསྐྱེད་པ་དག་།སྐལ་ལྡན་ཆེན་པོ་བདག་ལ་གསུངས། །ཁྱོད་སྔོན་བྱང་ཆུབ་སྤྱོད་པ་ན། ། སངས་རྒྱས་ཇི་སྙེད་དུས་གང་དུ། །ཇི་ལྟ་བུར་ནི་བསྙེན་བཀུར་མཛད། །མི་མཆོག་དེ་ནི་བདག་ལ་གསུངས། །ཀུན་དགའ་བོ་ཡི་ཚིག་གསན་ནས། །རྐང་གཉིས་དམ་པ་རྫོགས་སངས་རྒྱས། །འགྲོ་ལ་ཐུགས་རྗེ་མཛད་ནས་སུ། །ཐུབ་པས་བྱང་ཆུབ་སྤྱོད་པ་གསུངས། །སངས་རྒྱས་འདོད་ཆགས་བྲལ་ཐོས་ཤིང ། །གླང་པོ་དྲེགས་པའི་ཤེས་ཆེན་དང ། །འཇིག་རྟེན་སྡུག་བསྔལ་གྱུར་མཐོང་ནས། །ངས་ནི་བྱང་ཆུབ་སེམས་བསྐྱེད་དོ། །མི་དབང་འོད་ལྡན་གྱུར་པ་ན། ངས་ནི་བྱང་ཆུབ་འདོད་པའི་ཕྱིར། །ངས་ནི་བརྟན་པོར་དམ་བཅས་ཏེ། །སྔོན་མེད་པ་ཡི་སྦྱིན་པ་བཏང ། །ང་ནི་རྫ་མཁན་གྱུར་པ་ན། སངས་རྒྱས་ཤཱཀྱ་ཐུབ་མཐོང་ནས། །བྱང་ཆུབ་ཕྱིར་ནི་ཐོག་མར་ངས། །མར་དང་ཏིལ་མར་གྱིས་མཆོད་དོ། །སྔོན་གྱི་སྐྱེ་བ་གཞན་དག་ཏུ། །ཚོང་དཔོན་བུ་མོར་གྱུར་པ་ན། །སངས་རྒྱས་ཀཽ་དི་ནྱ་མཐོང་ནས། །ངས་ནི་མར་མེའི་སྦྱིན་པ་བྱས། །
Kha447a
༄#། །སངས་རྒྱས་གཞན་གྱིས་མ་ཐུལ་བའི། །ང་སྔོན་སྡེ་སྣོད་གསུམ་པ་ལས། དགེ་སློང་དགེ་འདུན་རྩོད་པ་ལ། །དགེ་འདུན་ལ་ནི་བུད་མེད་སྨྲས། །ཚིག་གི་ཉེས་བྱས་བྱུང་བས་ན། །མོད་ལ་བུད་མེད་ཉིད་དུ་གྱུར། །སླར་ཡང་སེམས་དད་བྱས་པས་ནི། །སྐྱེས་པ་ཉིད་ནི་ཐོབ་པར་གྱུར། །སྔོན་གྱི་སྐྱེ་བ་གཞན་དག་ཏུ། །ང་ནི་རྒྱལ་པོའི་སྲས་གྱུར་ཚེ། །གཅེན་པོ་རིན་ཆེན་གཙུག་ཏོར་ལ། །མར་མེའི་སྦྱིན་པས་མཆོད་བྱས་ཤིང ། །ངས་ནི་ཟླ་གསུམ་དྲུག་ཅུ་རུ། །བདེ་མཛད་ཀྱི་ནི་ཞམ་རིང་བྱས། །ངས་ནི་མྱ་ངན་འདས་པ་དེའི། །མཆོད་རྟེན་ལ་ནི་ནོར་ཀུན་ཕུལ། །ང་ནི་ཚོང་དཔོན་གྱུར་པ་ན། །སྒྲ་བརྙན་དབྱངས་ལ་ཟླ་གསུམ་མཆོད། །དེ་ཡི་མཆོད་རྟེན་མཐོང་པོ་ནི། །དགུ་བཅུ་རྩ་གཅིག་རྩིག་ཏུ་བཅུག་།ང་ནི་བྲམ་ཟེར་གྱུར་པ་ན། །སངས་རྒྱས་དཔལ་འབྱུང་མཐོང་ནས་དགའ། ། ལེགས་པར་ཐལ་སྦྱར་དེ་ནས་ཡང ། །མི་མཆོག་ལ་ནི་མཆོད་པ་བྱས། །ང་སྔོན་བྲམ་ཟེར་གྱུར་པ་ན། །བསྟན་བཅོས་དུ་མ་འཇིགས་མེད་ཚེ། །སངས་རྒྱས་ཕན་པར་བཞེད་མཛད་པ། །ང་ཡི་སྟན་ལ་སྤྱན་དྲངས་སོ། །སྔོན་ནི་དཀའ་ཐུབ་ལྡན་པ་ཡི། །དྲང་སྲོང་ཆོས་ལ་གནས་གྱུར་ཚེ། །སངས་རྒྱས་ཀཽའུ་ནི་ནྱ་མཐོང་ནས། །ངས་ནི་རི་བོའི་ཁ་ནས་མཆོངས། །དྲང་སྲོང་གྱུར་ནའང་ཡིད་དགའ་བས།། སངས་རྒྱས་བལྟ་ན་སྡུག་མཐོང་ནས། །རྩ་བ་དང་ནི་འབྲས་བུའི་ཕྱིར། །བསྟི་གནས་བཞུགས་པ་ངས་སྤྱན་དྲངས། །འཇིག་རྟེན་འདྲེན་པ་སྤྱན་མཛེས་ལ། །དྲང་སྲོང་གྱུར་ཚེ་བཀུར་སྟི་བྱས། །ཤིང་
Kha447b
ཤུན་ཡིད་དུ་འོང་བ་ཡིས། །ངས་ནི་མི་ཡི་མཆོག་བཀབ་བོ། །ང་ནི་རྒྱལ་པོར་གྱུར་པ་ན། །ཡན་ལག་བཞི་པའི་དཔུང་སྤངས་ནས། །བྱང་ཆུབ་འདོད་པའི་ཆེད་དུ་ངས། །ཡུལ་འཁོར་སྐྱོང་གི་ཞམ་འབྲིང་བྱས། །སངས་རྒྱས་ཤཱཀྱ་ཐུབ་པ་ནས། །འདྲེན་པ་ཡུལ་འཁོར་སྐྱོང་གི་བར། །བདུན་ཁྲི་དང་ནི་ལྔ་སྟོང་གི། །སངས་རྒྱས་ལ་ནི་ང་ཡིས་མཆོད། །གྲངས་མེད་གཅིག་ནི་འདས་པ་ཡི། །རྒྱལ་བ་ངས་ནི་མཆོད་བྱས་ཏེ། །བྱང་ཆུབ་ཕྱིར་ནི་སྤྱོད་པ་ན། །དེ་ཚེ་ང་ལ་སྐྱོ་སེམས་མེད། །གྲངས་མེད་པ་དང་པོའོ། །བྲམ་ཟེའི་ཁྱེའུར་གྱུར་དེའི་ཚེ། །འོད་དང་གྲགས་པར་ལྡན་པ་ཡི། །སངས་རྒྱས་མར་མེ་མཛད་མཐོང་ནས། །ུཏྤལ་སྔོན་པོ་བདུན་གྱིས་མཆོད། །ང་ནི་རྒྱལ་པོར་གྱུར་པ་ན། །དཀའ་ཐུབ་སྤྱོད་ཅེས་བྱ་བ་ཡི། །སངས་རྒྱས་མཚན་མངའ་མཐོང་ནས་ནི། །མི་མཆོག་ལ་ནི་བླ་རེས་མཆོད། །རྒྱལ་པོར་གྱུར་ཚེ་མུན་འཇོམས་པའི། །སྐལ་ཆེན་ལ་ནི་རིན་པོ་ཆེ། །སྣ་ཚོགས་བཀྲ་བའི་རོལ་མོ་ཡིས། །མཆོད་པ་དག་གིས་བཞེངས་གསོལ་ཏོ། །ཀུན་དགའ་མི་དབང་གྱུར་པས། །སེངྒེ་སེངྒེའི་རྟ་ལ་མངའ་ལ། །རིན་ཆེན་ཡུ་བ་ཅན་གདུགས་ཀྱིས། །མི་མཆོག་ལ་ནི་མཆོད་པ་བྱས། །རྒྱལ་པོར་གྱུར་ཚེ་གྲོང་ཁྱེར་ནི། །སྟོང་ཕྲག་དྲུག་ཅུ་རྣམས་སུ་ཡང ། །མི་ཡི་ཉི་མ་བདེ་མཛད་ནི། །སྤྱན་དྲངས་ནས་ནི་མཆོད་པ་བྱས། །འཇིག་རྟེན་འདྲེན་པ་མི་དབང་ལ། །བསྲོ་ཁང་ལས་དང་དེ་བཞིན་དུ། ། ཀར་ནག་པོའི་དྲི་དག་གིས། །བྲམ་ཟེར་གྱུར་ཚེ་ཞམ་འབྲིང་བྱས། །གྲོང་ཁྱེར་རྒྱལ་སྲིད་འཕེལ་བར་ནི། །བྲམ་ཟེའི་སངས་རྒྱས་སུམ་ཅུ་པོ། །གཙུག་ཏོར་ཅན་ཞེས་འཇིག་རྟེན་གྲགས། །རྒྱལ་པོར་གྱུར་ཚེ་མཆོད་པ་བྱས། །གྲོང་ཁྱེར་འབྲས་འཕེལ་དག་ཏུ་ནི། །སངས་
Kha448a
༄#། །རྒྱས་ཉི་ཤུ་རྩ་ལྔ་ལ། །ང་ནི་ཚོང་དཔོན་གྱུར་པ་ན། །ཚངས་པར་སྤྱོད་པས་མཆོད་པ་བྱས། །གྲོང་ཁྱེར་དགའ་བ་དེ་ཉིད་དུ། །ང་ནི་ཚོང་དཔོན་གྱུར་པའི་ཚེ། །སངས་རྒྱས་གཙུག་ཏོར་འཇིག་རྟེན་གྲགས། །གཙུག་ལག་ཁང་གིས་མཆོད་པ་བྱས། །ཚོང་དཔོན་གྱུར་ཏེ་རྒྱལ་བ་དྲུག་།མཆོད་ཕྱིར་གླང་ཆེན་རྟ་གསེར་དང ། །བུད་མེད་རྣམས་དང་ནོར་བུ་ཡི། །རྒྱན་གྱིས་སྐྱེད་མོས་ཚལ་བྱས་སོ། །རྒྱལ་པོར་གྱུར་ཚེ་ངང་པ་ཡིས། །གྲོང་ཁྱེར་ཡིད་འོང་དེ་ཉིད་དུ། །བྱང་ཆུབ་དོན་དུ་གཉེར་བ་ངས། །གཙུག་ཏོར་ཅན་ལ་སྐྲ་བྲེགས་སོ། །ཀུན་དགའ་བྲམ་ཟེར་གྱུར་པ་ན། །ཐུབ་ཆེན་མ་འགག་དེ་ལ་ནི། །བྱང་ཆུབ་དོན་དུ་གཉེར་བ་ངས། །འབྲས་བུ་མཆོག་གིས་མཆོད་པ་བྱས། །ཚོང་དཔོན་དུ་ནི་གྱུར་པ་ན། །འཇིག་རྟེན་འདྲེན་པ་སྤྱན་མཛེས་ལ། །ནོར་བུ་རིན་ཆེན་གྱིས་མཆོད་ཅིང ། །གཙུག་ལག་ཁང་ན་ཉམས་དགས་མཆོད། །དེད་དཔོན་དུ་ནི་གྱུར་པ་ན། །བྱང་ཆུབ་ཤིང་གི་དྲུང་ན་ནི། །སངས་རྒྱས་ལེགས་འཁྲུགས་བཞུགས་མཐོང་ནས། །ཐོག་མར་བསོད་སྙོམས་ལ་སྤྱན་དྲངས། །ང་ནི་དེད་དཔོན་གྱུར་པ་ན། བྱང་ཆུབ་ཤིང་དྲུང་ཐུབ་པ་ནི། །འཇིག་རྟེན་དགའ་མཛད་བློ་བཟང་མཐོང ། །འཁོར་ནི་སྟོང་དང་རབ་ཏུ་བྱུང ། །ང་ནི་དེད་དཔོན་གྱུར་པ་ན། །སངས་རྒྱས་ཙནྡན་འོད་དཔག་མེད། །ཆུ་འཇམ་དང་ནི་ཏིལ་མར་དང ། བུ་རམ་ལ་ནི་སྤྱན་དྲངས་སོ། །ཀུན་དགའ་རྒྱལ་པོར་གྱུར་པ་ན། །ཚངས་སྦྱིན་གྲགས་པ་ཆེན་པོ་པ། །འདྲེན་པ་ལ་ནི་ཞལ་ཟས་དང ། །ཐམས་ཅད་སྦྱིན་པས་མཆོད་པ་བྱས། །བྲམ་ཟེར་ཡང་ནི་གྱུར་པ་ན། །ཐུགས་རྗེ་ཆེན་པོ་འོད་ཟེར་ཅན། །ཐུབ་
Kha448b
པ་རྐང་གཉིས་མཆོག་མཐོང་ནས། །སྨྲ་བའི་རྒྱལ་མཚན་གྱིས་མཆོད་དོ། །རྒྱལ་པོར་གྱུར་ནས་སངས་རྒྱས་ནི། །དོན་དམ་གཟིགས་པ་གྲོང་མཆོག་ཏུ། །འཇུག་པ་དེ་ལ་ཏ་ལ་ཡི། །ལོ་མའི་བསིལ་ཡབ་མཆོད་པ་བྱས། །ང་ནི་ཚོང་དཔོན་གྱུར་པ་ན། །འཇིག་རྟེན་གསལ་མཛད་སངས་རྒྱས་ནི། །ཤཱཀྱ་ཐུབ་པ་མེ་ཏོག་གི་།སིལ་མ་སྣ་ཚོགས་དྲི་སྦྱར་མཆོད། །གྲོང་ཁྱེར་མཆོག་ཏུ་མཐོར་འཕགས་པའི། །མི་མཆོག་འཇུག་པར་མཐོང་ནས་ནི། །རོལ་མོ་རྣམས་ཀྱི་སྒྲ་དག་དང ། །མེ་ཏོག་རྣམས་ཀྱི་མཆོད་པ་བྱས། །རྒྱལ་པོར་གྱུར་ཚེ་དད་པ་ཡིས། །སངས་རྒྱས་དམ་པ་ཞེས་བྱ་བ། །སྲིད་པའི་མཚོ་ལས་བརྒལ་བ་ལ། །ཐོག་མར་ཤིང་རྟ་དག་གིས་བསྟབས། །ང་ནི་རྒྱལ་པོར་གྱུར་པ་ན། །གཙོ་བོའི་ཆེད་དུ་ལམ་བསྟར་ཅིང ། །དཔག་ཚད་བརྒྱ་ནི་གང་བར་ཡང ། །མེ་ཏོག་ཁང་བརྩེགས་མཆོད་པ་བྱས། །སངས་རྒྱས་དགྲ་ཞི་མཛད་པ་ནི། །གྲོང་ཁྱེར་གཤེགས་ཞེས་ངས་ཐོས་ནས། །ལམ་ནི་རྒྱལ་མཚན་ཡོངས་བཀང་སྟེ། ། རྒྱལ་པོའི་འབྱོར་བས་བསུ་བ་བྱས། །ང་ནི་མཉན་པར་གྱུར་པ་ན། །ཤིང་རྟའི་ཡན་ལག་ཆུ་འགྲམ་དུ། །བྱོན་པ་ངས་ནི་མཐོང་ནས་ནི། །ཐུབ་པ་ཆུ་ཡི་རྒྱུན་ལས་བསྒྲལ། །དེད་དཔོན་གྱུར་ཚེ་དད་པ་ཡི། །ཤིང་རྟ་སྐལ་ལྡན་ཆེན་པོ་ནི། །ངས་ནི་གྲུ་ཟམ་བཏགས་ནས་ཀྱང ། །མཚོ་ཆེན་ལས་ནི་བསྒྲལ་བ་བྱས། །ང་ནི་རྒྱལ་པོར་གྱུར་པ་ན། །རྐང་གཉིས་དམ་པ་སངས་རྒྱས་ནི། །ཚངས་པ་ཙནྡན་ས་མཆོག་གི། །ཀ་བར་ལྡན་པའི་ཁང་པས་མཆོད། །རྒྱལ་པོར་གྱུར་ཚེ་སངས་རྒྱས་ནི། །བཅོམ་ལྡན་ཚངས་པའི་ཚེ་མཆོད་ཅིང ། །སྨན་སྦྱིན་རྒྱལ་མཚན་བསྒྲེངས་ནས་ནི། །ངས་ནི་ཡམས་ཀྱི་ནད་ཞི་བྱས། །ཙནྡན་ལྡན་ལ་ཆར་མེད་ཚེ། །རྒྱལ་པོ་ལྟ་བུའི་སྐུ་ཁྲུས་བྱས། །དེ་ཚེ་ལྷས་ནི་ཆར་ཕབ་
Kha449a
༄#། །པས། །སྐྱེ་བོ་རྣམས་ནི་སྐྱབས་སུ་དོང ། །ང་ནི་རྒྱལ་པོར་གྱུར་པ་ན། །སངས་རྒྱས་བཅོམ་ལྡན་ཟླ་བ་ལ། །མཆོད་ནས་ངས་ནི་བྱམས་བསྒོམས་པས། །བདུད་ཀྱིས་བཏང་བའི་ཡམས་ནད་ཞི། ། མི་ཡི་དབང་པོར་སྔོན་གྱུར་ཚེ། །ངས་ནི་བྱང་ཆུབ་འདོད་པའི་ཕྱིར། །སངས་རྒྱས་དབང་པོ་འདུལ་བ་ལ། །ཆོ་འཕྲུལ་ཕྱིར་ནི་གསོལ་བ་བཏབ། །རྒྱལ་པོ་དག་ཏུ་གྱུར་པ་ན། །རིན་ཆེན་རི་བོ་འོད་ཆེན་ལྡན། །འཁོར་ནི་བརྒྱ་སྟོང་ཕྲག་མང་པོ། །མཐོང་ནས་ལོ་ལྔར་མཆོད་པ་བྱས། །བྲམ་ཟེར་གྱུར་ཚེ་དད་པ་ཡིས། །སངས་རྒྱས་དོན་ཀུན་བསྒྲུབས་པ་ནི། །མཚན་དང་ལྡན་པ་མཐོང་ནས་ཀྱང ། །ངས་ནི་བསྟོད་པ་ལྔ་བརྒྱ་བྱས། །བྲམ་ཟེར་གྱུར་ཚེ་ཡིད་དགའ་བས། །སངས་རྒྱས་དབང་པོ་རྒྱལ་མཚན་མཐོང ། །ངས་ནི་ཐལ་མོ་ལེགས་སྦྱར་ཏེ། །དམ་པ་སྩོལ་བའི་འོད་ཅེས་གསོལ། །སངས་རྒྱས་མར་མེ་མཛད་པ་ནས། །ཐུབ་པ་དབང་པོ་རྒྱལ་མཚན་བར། །བདུན་ཁྲི་དང་ནི་དྲུག་སྟོང་གི། །སངས་རྒྱས་རྣམས་ནི་ང་ཡིས་མཆོད། །གྲངས་མེད་གཉིས་པ་ཚང་བར་ནི། །རྒྱལ་བ་ང་ཡིས་མཆོད་བྱས་ཏེ། །བྱང་ཆུབ་ཕྱིར་ནི་སྤྱོད་པ་ན། །དེ་ཚེ་ང་ལ་སྐྱོ་སེམས་མེད། །གྲངས་མེད་པ་གཉིས་པའོ། སངས་རྒྱས་བདེ་མཛད་དམ་པ་ལ། །རྒྱལ་པོར་གྱུར་ཚེ་མཆོད་བྱས་ནས། །མྱ་ངན་འདས་ནས་མཆོད་རྟེན་བརྩིགས། །རྒྱལ་སྲིད་རབ་ཏུ་ཞི་བར་བྱས། །རྒྱལ་པོར་གྱུར་ཚེ་དང་བས་ནི། །སངས་རྒྱས་གང་པོ་རེ་སྐོང་ལ། །ཚུལ་དང་འདྲ་བར་མཆོད་བྱས་ཏེ། །ཆོས་ཀྱི་རྒྱལ་པོ་ཞེས་བསྒྲགས་སོ། །སངས་རྒྱས་ཐམས་ཅད་ཟིལ་གནོན་ལ། །ཚོང་དཔོན་གྱུར་ཚེ་ལེགས་པར་ནི། །རིམ་གྲོ་བྱས་ཤིང་མི་མཆོག་ལ། །དེ་བཞིན་གསེར་གྱི་མེ་ཏོག་གཏོར། །ང་
Kha449b
ནི་ཚོང་དཔོན་གྱུར་པ་ན། །སངས་རྒྱས་རིན་ཆེན་གཙུག་ཏོར་ཅན། །ཐུབ་ཆེན་གྲོང་མཆོག་གཤེགས་དེ་ལ། །གསེར་གྱི་དྲ་བས་མཆོད་པ་བྱས། །ང་ནི་ཚོང་དཔོན་གྱུར་པ་ན། །པདྨ་དམ་པ་དཔའ་ཆེན་པོ། །རྒྱལ་པོར་གྲགས་པའི་གྲོང་མཆོག་ཏུ། །དངུལ་གྱི་མེ་ཏོག་སིལ་མས་གཏོར། །ང་ནི་བྲམ་ཟེར་གྱུར་པ་ན། །སངས་རྒྱས་གྲགས་མཆོག་སློབ་མི་ཡི། །དགེ་འདུན་གྱིས་ནི་མདུན་བལྟས་པ། །མཐོང་ནས་མི་མཆོག་གནས་ཀྱིས་མཆོད།། ང་ནི་རྒྱལ་པོར་གྱུར་པ་ན། །ལེགས་གསུང་བྱང་ཆུབ་ཤིང་དྲུང་དུ། །བཞུགས་པ་ངས་མཐོང་གླང་པོ་རྟ། །ཤིང་རྟ་དཔུང་བུ་ཆུང་གིས་བསྲུངས། །སངས་རྒྱས་དྲི་མེད་ཐུབ་ཆེན་ལ། །ཚོང་དཔོན་གྱུར་ཚེ་བསྲོ་ཁང་དང ། །མཆོད་རྟེན་ལས་དང་མར་མེས་ནི། །དེ་ཡི་ཚེ་ན་རྣམ་པར་མཆོད། །སངས་རྒྱས་སད་མཛད་རྡོ་ལེབ་སྟེང ། །སྙོམས་པར་བཞུགས་པ་མཐོང་ནས་ནི། །དད་པས་རོལ་མོའི་སྒྲ་ཀུན་དང ། །རྒྱལ་པོའི་འབྱོར་པས་བཞེངས་གསོལ་ཏོ། ། ཚོང་དཔོན་དུ་ནི་གྱུར་པ་ན། །འཇིག་རྟེན་དགའ་མཛད་དགྲ་ཐུལ་བ། །སངས་རྒྱས་སྤྱོད་པས་གཤེགས་པ་ན། །ལམ་ནི་སྣ་ཚོགས་བརྒྱན་པས་མཆོད། །ཚོང་དཔོན་གྱུར་ཚེ་ཡིད་དགའ་བས། །གནས་མཆོག་གཤེགས་པ་ཐོས་ནས་ནི། །སྐྱེད་མོས་ཚལ་ནི་བརྒྱན་བྱས་ནས། །ངས་ནི་གཙུག་ལག་ཁང་བརྩིགས་སོ། །སངས་རྒྱས་བཅོམ་ལྡན་སྐར་འོད་ལ། །བྱང་ཆུབ་འདོད་པའི་དད་པས་ངས། །རྒྱལ་པོའི་མཛོད་ནི་ཐམས་ཅད་ལས། །ནོར་བུ་རིན་ཆེན་རྣམས་ཀྱིས་མཆོད། །ང་ནི་རྒྱལ་པོར་གྱུར་པའི་ཚེ། །ཏོག་གིས་བདུད་རྣམས་བཅོམ་བྱས་ནས། །ཆོས་ཀྱི་རྒྱལ་སྲིད་བསྒྲགས་པ་ན། །ངས་ནི་རྒྱལ་མཚན་ཁོ་ན་བཙུགས། །བྷ་ར་དྷྭ་ཛ་བློ་ལྡན་པ། །བྲམ་ཟེ་མྱ་
Kha450a
༄#། །ངན་འདས་པ་ལ། །རྒྱལ་པོ་ངས་ནི་རིལ་བ་དང ། །དབྱུག་གུ་གཙུག་ལག་ཁང་ཆེན་བྱས། །ང་ནི་དེད་དཔོན་གྱུར་པ་ན། །སངས་རྒྱས་འདྲེན་པ་དོན་གཟིགས་པ། །གསེར་དང་ནོར་བུ་མུ་ཏིག་དང ། །དྲི་ཡི་སྙིང་པོ་རྣམས་ཀྱིས་མཆོད། །སངས་རྒྱས་དོན་ཀུན་གྲུབ་པ་ནི། །སངས་རྒྱས་སྤྱོད་པས་གཤེགས་པ་ན། །རྒྱལ་པོར་གྱུར་ཚེ་དཔུང་དག་གིས། །ཚོགས་ཀུན་གྱིས་ནི་མཆོད་པ་བྱས། །སངས་རྒྱས་དོན་དམ་གཟིགས་པ་ནི། །གྲོང་ཁྱེར་དམ་པར་གཤེགས་པ་ན། །རྒྱལ་པོར་གྱུར་ཚེ་རོལ་མོ་དང ། །མེ་ཏོག་ཀུན་གྱིས་མཆོད་པ་བྱས། །ང་ནི་དེད་དཔོན་གྱུར་པ་ན། །སངས་རྒྱས་སྐར་རྒྱལ་རྐང་གཉིས་མཆོག་།དྲི་ཡི་སྙིང་པོ་དེ་བཞིན་དུ། ། རྩ་བའི་དྲི་རྣམས་རབ་ཏུ་གཏོར། །རིན་ཆེན་བཀྲ་བའི་ཕུག་ན་ཡང ། །སངས་རྒྱས་སྐར་རྒྱལ་ལ་ནི་ངས། །དེ་ཚེ་ཚིགས་བཅད་གཅིག་བསྟོད་པས། །བསྐལ་པ་དགུ་ནི་ཕྱིར་བསྙིལ་ཏོ། །འབྲུ་ཚོང་དུ་ནི་གྱུར་པ་ན། །སངས་རྒྱས་བཅོམ་ལྡན་རྣམ་གཟིགས་ལ། །དེ་ཚེ་བྱང་ཆུབ་སྤྱོད་པའི་ཕྱིར། །མུད་ག་སྤར་གང་ཕུལ་བས་མཆོད། །ཚོང་དཔོན་གྱུར་ཚེ་ངས་མཆོད་པ། །སངས་རྒྱས་མཆོག་ནི་གཙུག་ཏོར་ཅན། །ཐུབ་པ་ཉན་ཐོས་ཚོགས་བཅས་པ། །ཞལ་ཟས་ཀྱིས་ནི་ཟླ་གསུམ་མཆོད། །ཚོང་དཔོན་དུ་ནི་གྱུར་པའི་ཚེ། །འཇིག་རྟེན་འདྲེན་པ་ཐམས་ཅད་སྐྱོབ། །སྐལ་ཆེན་ཉན་ཐོས་བཅས་པ་ལ། །ཞལ་ཟས་ཀྱིས་ནི་གུས་པར་མཆོད། །ཚོང་དཔོན་གྱུར་ཚེ་དད་པ་ཡིས། །སངས་རྒྱས་འཁོར་བ་འཇིག་པ་ནི། །བདོག་པ་ཀུན་ལ་སྤྱན་དྲངས་ནས། །ཚངས་པར་སྤྱོད་ཕྱིར་བློ་གྲོས་བསྐྱེད། །ཚོང་དཔོན་དུ་ནི་གྱུར་པ་ན། །ཡང་དག་སངས་རྒྱས་གསེར་ཐུབ་ལ། །གཙུག་
Kha450b
ལག་ཁང་བརྩིགས་དད་པ་ཡིས། །ཁྱིམ་མེད་པར་ནི་རབ་ཏུ་བྱུང ། །བྲམ་ཟེའི་ཁྱེའུ་ནི་བླ་མའི་ཚེ། །དགའ་སྐྱོང་གི་ནི་ཚིག་ཐོས་ནས། །འོད་སྲུང་རྐང་གཉིས་མཆོག་ལས་ནི། །རབ་ཏུ་འབྱུང་བའི་བློ་བསྐྱེད་དོ། ། བྱམས་པ་དྲང་སྲོང་གྱུར་པ་ན། །རྒྱལ་པོར་གྱུར་ནས་རིམ་གྲོ་བྱས། །བྱས་པ་གཟོ་བ་རྗེས་དྲན་ནས། །དེ་ནས་ང་ལ་སླར་མཆོད་དོ། །གང་ཡང་སངས་རྒྱས་བདེ་མཛད་ནས། །སངས་རྒྱས་འོད་སྲུང་བར་དུ་ནི། ། ངས་ནི་བདུན་ཁྲི་བདུན་སྟོང་གི། །རྒྱལ་བ་རྣམས་ནི་མཆོད་པ་བྱས། །གྲངས་མེད་གསུམ་པོ་ཚང་བར་ནི། །རྒྱལ་བ་ངས་ནི་མཆོད་བྱས་ཏེ། །སྔོན་ནི་བྱང་ཆུབ་སྤྱོད་པ་ན། །ང་ལ་སྐྱོ་བའི་སེམས་མེད་དོ། །ང་ནི་བྱང་ཆུབ་སེམས་དཔའི་ཚེ། །སངས་རྒྱས་མཆོག་ནི་དེ་རྣམས་མཆོད། །ང་ནི་དེ་དག་ཐམས་ཅད་ཀྱིས། །འཇིག་རྟེན་མདུན་དུ་ལུང་བསྟན་ཏོ། །ངས་ནི་སྔོན་བསམ་གང་ཡིན་པ། །ང་ཡི་སྨོན་ལམ་ཐམས་ཅད་རྫོགས། །ང་ནི་སངས་རྒྱས་ཁུར་བོར་ཏེ། སེམས་ཅན་རྣམས་ནི་རྗེས་སུ་བཟུང ། །ཤི་བིའི་རྒྱལ་པོར་ང་གྱུར་ཏེ། །སྦྱིན་པ་དག་ནི་ཐམས་ཅད་བཏང ། །ང་ནི་དུས་དཔོག་གྱུར་པའི་ཚེ། །སྦྱིན་པའི་ཕ་རོལ་ཕྱིན་པ་རྫོགས། །རྒྱ་མཚོའི་ཚོང་བར་གྱུར་པ་ན། །ཚུལ་ཁྲིམས་ཕ་རོལ་ཕྱིན་དོན་དུ། །སྲོག་ཆགས་རྣམས་ནི་མ་བཏང་ཞིང ། །ངས་ནི་རང་གི་ཤ་བཏང་ངོ ། །ང་སྔོན་དྲང་སྲོང་གྱུར་པ་ན། །བཟོད་པའི་ཕ་རོལ་རྫོགས་བྱའི་ཕྱིར། །ཡན་ལག་རྣམས་ནི་གཏུབས་པ་ཡིས། །ང་ཡི་བཟོད་པ་ཡོངས་སུ་རྫོགས། །མི་མ་ཡིན་མོའི་སྐྱེས་རབས་དང ། དེ་བཞིན་རྒྱ་མཚོ་བསྐམས་པ་དང ། །དེ་བཞིན་བདག་ནི་བདེན་དགའ་བའི། །བརྩོན་འགྲུས་ཕ་རོལ་ཕྱིན་པ་རྫོགས། །སྨན་ཆེན་བློན་
Kha451a
༄#། །པོར་གྱུར་པ་དང ། གནག་ལྷས་སྐྱེས་སུ་ང་གྱུར་ཚེ། །ཤེས་རབ་ཕ་རོལ་ཕྱིན་རྫོགས་ནས། །དེ་བཞིན་རྔ་བོ་ཆེ་ཡང་བསྒྲགས། །བྲམ་ཟེ་རབ་འབར་གྱུར་པ་ན། །རལ་པར་འདབ་ཆགས་ཚང་བཅས་ཀྱང ། །བསམ་གཏན་ལས་ནི་མ་ལངས་པར། །བསམ་གཏན་ཕ་རོལ་ཕྱིན་བརྩོན་བྱས། །སྙིང་རྗེ་ཡོངས་སུ་བསྒོམས་བྱས་ཤིང ། །ཕ་རོལ་ཕྱིན་པ་དྲུག་རྫོགས་པས། །ཁུར་ལྕི་བ་ནི་ངས་བོར་ཏེ། །དམ་བཅས་པ་ཡང་རྫོགས་པར་བྱས། །ང་དང་སངས་རྒྱས་གང་ཕྲད་ནས། །མཆོད་པ་བྱས་པའི་མི་མཆོག་ནི། །དེ་ཀུན་མྱ་ངན་འདས་པར་གཤེགས། །ང་ནི་བྱང་ཆུབ་ལ་བཞག་གོ་།རྒྱལ་པོ་འོད་ལྡན་དབང་པོ་ནས། ། ཐུབ་པ་དབང་པོ་རྒྱལ་མཚན་བར། །སེམས་ཅན་བྱེ་བ་ཕྲག་སྟོང་ནི། །སྲིད་པའི་མཚོ་ལས་བསྒྲལ་བ་བྱས། །འཇིག་རྟེན་གཙོ་བོ་རྣམ་འདྲེན་པ། རྫོགས་སངས་རྒྱས་ཏེ་ལྷ་མིར་བཅས། །འཇིག་རྟེན་འདི་ནི་བསྒྲལ་བ་དང ། །སྒྲོལ་བར་མཛད་པ་སྨོས་ཅི་དགོས། །ངས་ནི་འཇིག་རྟེན་དོན་གྱི་ཕྱིར། །མྱ་ངན་འདས་ནའང་ཆོས་ཀྱི་གྲུ་།བརྟན་པ་དག་ནི་བཅའ་བྱས་ཏེ། །བརྒྱ་སྟོང་ཕྲག་ནི་བསྒྲལ་བར་བྱ། །མི་གང་སངས་རྒྱས་སྐྱབས་སོང་ཞིང ། །མྱ་ངན་འདས་ཀྱང་སངས་རྒྱས་ལ། །བྱ་བ་བྱེད་པའི་སྐྱེས་བུ་དེ། །འཇིག་རྟེན་དག་ནི་སྐྱིད་དེ་བ། །གང་དག་དེ་བཞིན་གཤེགས་རྒྱལ་ལ། །བྱ་བ་ཅུང་ཟད་བྱེད་པ་ནའང་དེ། །མཐོ་རིས་སྣ་ཚོགས་བགྲོད་ནས་ནི། །བདུད་རྩིའི་གོ་འཕང་འཐོབ་པར་འགྱུར། །ཡང་དག་ཇི་བཞིན་འདི་ཐོས་ནས། །དགེ་བ་བུངས་ནི་བསྐྱེད་དེ་བྱ། །ང་ནི་མྱ་ངན་འདས་འོག་ཏུ། །སྲིད་པའི་རྒྱ་མཚོར་འཁྱམས་ས་རེ། །
Kha451b
སངས་རྒྱས་མང་པོའི་སྐབས་རྫོགས་སོ། །སངས་རྒྱས་འོད་ལྡན་དང ། ཤཱཀྱ་ཐུབ་པ་དང ། ཀོའུ་དི་ནྱ་དང ། འཇིག་རྟེན་འདྲེན་དང ། གཞན་གྱིས་མི་ཐུབ་དང ། རིན་ཆེན་གཙུག་ཏོར་དང ། བདེ་མཛད་དང ། སྒྲ་སྙན་དང ། དཔལ་འབྱུང་དང ། ཕན་བཞེད་དང ། ཀོའུ་དི་ནྱ་དང ། བལྟ་ན་སྡུག་པ་དང ། སྤྱན་མཛེས་དང ། ཡུལ་འཁོར་སྐྱོང་དང ། མར་མེ་མཛད་དང ། དཀའ་ཐུབ་མཛད་དང ། མུན་སེལ་དང ། བདེ་མཛད་དང ། དབང་ཆེན་དང ། གཙུག་ཏོར་ཅན་དང ། མ་འགག་པ་དང ། སྤྱན་མཛེས་དང ། ལེགས་འཁྲུངས་དང ། ཡིད་བཟང་དང ། ཙནྡན་དང ། ཚངས་སྦྱིན་དང ། འོད་ཟེར་ཅན་དང ། དོན་དམ་གཟིགས་དང ། ཤཱཀྱ་ཐུབ་པ་དང ། མཐོར་འཕགས་དང ། དམ་པ་དང ། གཙོ་བོ་དང ། དགྲ་ཞི་མཛད་དང ། ཤིང་རྟའི་ཡན་ལག་དང ། སྐལ་ལྡན་ཤིང་རྟ་དང ། ཚངས་པ་དང ། ཚངས་པའི་ཚེ་དང ། ཙནྡན་དང ། དབང་པོ་དང ། དབང་པོ་འདུལ་དང ། རིན་ཆེན་རི་བོ་དང ། དོན་ཐམས་ཅད་གྲུབ་པ་དང ། ཐ་མ་དབང་པོའི་རྒྱལ་མཚན་དང ། བཟོད་པ་མཛད་དང ། རྫོགས་ལྡན་དང ། ཐམས་ཅད་ཟིལ་གནོན་དང ། རིན་ཆེན་གཙུག་ཕུད་དང ། པདྨ་དམ་པ་དང ། གྲགས་པ་དམ་པ་དང ། གསུང་སྙན་དང ། དྲི་མ་མེད་དང ། སད་མཛད་དང ། དགྲ་ཐུལ་དང ། གནས་འཇོག་དང ། སྐར་འོད་དང ། ཏོག་དང ། དྲང་སྲོང་དང ། བྷ་ར་དྷྭ་ཛ་དང ། དོན་གཟིགས་དང ། དོན་དམ་གཟིགས་དང ། དོན་ཐམས་ཅད་གཟིགས་དང ། རྒྱལ་དང ། སྐར་རྒྱལ་དང ། རྣམ་པར་གཟིགས་དང ། གཙུག་ཏོར་ཅན་དང ། ཐམས་ཅད་སྐྱོབ་དང ། ལོག་པར་དད་སེལ་དང ། གསེར་ཐུབ་དང ། འོད་སྲུང་དང ། ཤཱཀྱ་ཐུབ་པ་དང ། ཐ་མ་
Kha452a
༄#། །བྱམས་པའོ། །སངས་རྒྱས་རྣམས་ཀྱི་མཚན་རྫོགས་སོ།། །།སངས་རྒྱས་བཅོམ་ལྡན་འདས་ལ་བཀུར་སྟི་བྱས། བླ་མར་བྱས་ཞེས་བྱ་བ་གོང་མ་བཞིན་དུ་སྟེ། དེ་ཉན་ཐོས་ཀྱི་དགེ་འདུན་དང་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་གཞན་མུ་སྟེགས་ཅན། ཀུན་ཏུ་རྒྱུ་རབ་ཏུ་མང་པོ་རྟོག་ཁང་དུ་ལྷགས་ཤིང་འདུས་པར་གྱུར་ནས་སྐབས་ཀྱི་གཏམ་འདི་ལྟ་བུ་དག་གླེང་བར་བྱེད་དེ། ཤེས་ལྡན་དག་ཤེས་པར་གྱིས་ཤིག་།སྔོན་ནི། བདག་ཅག་ལ་རྒྱལ་པོ་དང ། བློན་པོ་དང ། བྲམ་ཟེ་དང ། ཁྱིམ་བདག་དང ། གྲོང་མི་དང ། ཡུལ་པ་དང ། ཚོང་པ་དང ། ཚོང་དཔོན་དང ། དེད་དཔོན་རྣམས་ཀྱིས་བཀུར་སྟི་བྱས། བླ་མར་བྱས། རྗེད་པར་བྱས་པས། གོས་དང ། བསོད་སྙོམས་དང ། གནས་མལ་དང ། ནད་ཀྱི་རྐྱེན་སྨན་གྱི་ཡོ་བྱད་རྣམས་ཀྱང་རྙེད་པ་ལས། ད་ནི། དགེ་སྦྱོང་གོའུ་ཏ་མ་འཇིག་རྟེན་དུ་བྱུང་བ་ལ་བཀུར་སྟིར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད་ཅེས་བྱ་བ་ནས་སྨན་དང ། ཡོ་བྱད་རྣམས་ཞེས་བྱ་བའི་བར་གོང་མ་བཞིན་ནོ། །དེས་ན་དེ་ལྟར་བདག་ཅག་གི་རྙེད་པ་དང་བཀུར་སྟི་ཐམས་ཅད་ཀྱི་ཐམས་ཅད་དུ་ཆད་ན། དེ་ལ་བདག་ཅག་གིས་ཇི་ལྟར་བྱ། དེ་ན་ཁ་ཅིག་གིས་སྨྲས་པ། ཚངས་པར་སྤྱོད་པ་ལ་མི་ཚངས་པར་སྤྱད་པ་སྐྱོན་ཡིན་པས། དེ་ལ་སྐྱོན་འདི་གདགས་སོ། །ཁ་ཅིག་གིས་སྨྲས་པ། ཇི་ལྟ་བུ་ཞིག་བྱ། དེ་རྣམས་ཀྱིས་སྨྲས་པ། བདག་ཅག་གི་ནང་ན་ཀུན་ཏུ་རྒྱུ་གཟུགས་བཟང་
Kha452b
མོ། མཛེས་པ། བལྟ་ན་སྡུག་པ་གང་ཡིན་པ་དེ་ལ། སྲིང་མོ་དག་།ཚུར་དགེ་སྦྱོང་གོའུ་ཏ་མ་ལ་སྐུར་བ་ཐོབ་ཅིག་ཅེས་སྤྲོ་བར་བྱའོ། །བདག་ཅག་གི་ནང་ན་ཀུན་ཏུ་རྒྱུ་གཟུགས་བཟང་མོ། མཛེས་པ། བལྟ་ན་སྡུག་པ་གང་ཡིན་བྲམ་ཟེའི་བུ་མོ་རྩཝ་མི་ཡིན་ནོ། །དེ་ལ་སྤྲོ་བ་བསྐྱེད་དོ། །ཞེས་དེ་རྣམས་ཀྱིས་དེ་ཕོ་ཉས་བཀུག་སྟེ་སྨྲས་པ། སྲིང་མོ་ཤེས་པར་གྱིས་ཤིག་།སྔོན་ནི། བདག་ཅག་གིས་བཀུར་སྟི་དང་ཞེས་བྱ་བ་ནས་ནད་ཀྱི་རྐྱེན་སྨན་གྱི་ཡོ་བྱད་རྣམས་ཞེས་བྱ་བའི་བར་གོང་མ་བཞིན་དུའོ། །ད་ནི། དགེ་སྦྱོང་གོའུ་ཏ་མ་འཇིག་རྟེན་དུ་བྱུང་བས། འཇིག་རྟེན་དེ་ལ་བཀུར་སྟི་བྱེད་པས་བདག་ཅག་གི་རྙེད་པ་དང ། བཀུར་སྟི་ཐམས་ཅད་ཀྱི་ཐམས་ཅད་དུ་ཆད་པར་གྱུར་ན། ཁྱོད་ཀྱིས་ཡལ་བར་འདོར་རམ། བྲམ་ཟེའི་བུ་མོ་ཀུན་ཏུ་རྒྱུ་རྩཝ་མིས་སྨྲས་པ། འཕགས་པ་དག་བདག་གིས་དེ་ལ་ཇི་ལྟར་བགྱི་ལགས། སྲིང་མོ། ཁྱོད་ཀྱིས་ཉེ་དུ་རྣམས་ཀྱི་ཆེད་དུ་དགེ་སྦྱོང་གོའུ་ཏ་མ་ལ་ཁོ་མོ་དང་ལྷན་ཅིག་ཏུ་མི་ཚངས་པར་སྤྱད་དོ། །ཞེས་ཁྱོད་སྐུར་པ་འདེབས་པར་སྤྲོའམ། དེ་ལྟ་ན། བདག་གི་རྙེད་པ་དང ། བཀུར་སྟི་སྔོན་གྱི་བཞིན་དུ་འགྱུར་རོ། །དེ་སྐད་ཅེས་སྨྲས་པ་དང ། བྲམ་ཟེའི་བུ་མོ་ཀུན་ཏུ་རྒྱུ་རྩཝ་མིས། གཞན་མུ་སྟེགས་ཅན་དང ། ཀུན་ཏུ་རྒྱུ་རབ་ཏུ་མང་པོ་ལ་འདི་སྐད་ཅེས་སྨྲས་སོ། །འཕགས་བ་དག་།དགེ་སྦྱོང་གོའུ་ཏ་མ་ལ་ནི། སྐུར་པ་འདེབས་པར་བདག་མི་སྤྲོའོ། །སྲིང་མོ། ཁྱོད་ཇི་ཙམ་དུ་དགེ་སྦྱོང་གོའུ་ཏ་མ་ལ་སྐུར་པ་འདེབས་པར་མི་སྤྲོ་བ་དེ་ཙམ་དུ་བདག་ཅག་དང་གཏམ་འདྲེ་བར་མི་བྱ། ཕེབས་པར་སྨྲ་བར་མི་བྱ། བལྟ་བར་མི་བྱ། རྣམ་པར་བལྟ་བར་མི་བྱ་ཞིང ། ཁྱོད་གནས་ཐམས་ཅད་དུ་འདུག་ཏུ་མི་གཞུག་སྟེ། འགྱོད་པ་དེ་ཉིད་
Kha453a
༄#། །ཀྱིས་དུས་བྱས་ནས་སེམས་ཅན་དམྱལ་བ་རྣམས་སུ་འགྱུར་བ་གང་ཡིན་པའི་གནས་དེ་ཡོད་དོ། །བུད་མེད་ནི། ཤེས་རབ་ཆུང་བ་ཡིན་པས། དེ་སྐྲག་ནས་སྨྲས་པ། འཕགས་པ།་བདག་གིས་ཇི་ལྟར་བུ་ཞིག་བགྱི། སྲིང་མོ། ཚུར་ཁྱོད་རྒྱལ་བུ་རྒྱལ་བྱེད་ཚལ་དུ་རྒྱུན་དུ་སོང་ལ་དུས་ཐག་གི་ཙམ་ལོན་ནས་དགེ་སྦྱོང་གོའུ་མ་ལ་སྐུར་པ་ཐོབ་ཅིག་།དེ་ཉི་མ་རེ་རེ་ཞིང་ལངས་ཏེ་རྒྱལ་བུ་རྒྱལ་བྱེད་ཀྱི་ཚལ་དུ་སོང་ངོ ། །ཇི་ཙམ་ན་ལྟོ་ལ་སྣོད་གཅིག་བཅིངས་ནས་བཅོམ་ལྡན་འདས་གང་ན་བ་དེར་སོང་ངོ ། །དེའི་ཚེ་བཅོམ་ལྡན་འདས་འཁོར་བརྒྱ་ཕྲག་དུ་མའི་གུང་ལ་ཆོས་འཆད་ཅིང་བཞུགས་སོ། །བཅོམ་ལྡན་འདས་ཀྱིས་བྲམ་ཟེའི་བུ་མོ་ཀུན་ཏུ་རྒྱུ་རྩཝ་མི་རྒྱང་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་འདི་སྙམ་དུ་དགོངས་ཏེ། ང་ཉིད་ཀྱིས་ལས་རྣམས་བྱས་ཤིང་བསགས་པ། ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བ་རྣམས། གཞན་སུ་ཞིག་གིས་སོ་སོར་མྱོང་བར་འགྱུར་སྙམ་མོ། །དེ་ནས་བྲམ་ཟེའི་བུ་མོ་ཀུན་ཏུ་རྒྱུ་རྩཝ་མི། བཅོམ་ལྡན་འདས་ཀྱི་སྤྱན་སྔར་འདུག་ནས་གསོལ་པ། བདག་ནི་འདི་རུ་སྦྲུམ་བགྱིས་ནས། །ཆགས་པར་འགྱུར་ཞིང་དགའ་འགྱུར་བ། །སྙན་ཅིང་འཇེབས་པའི་གསུང་དབྱངས་ཀྱིས། །ད་ལྟར་ཆོས་ནི་གསུང་མཛད་དམ། །བཅོམ་ལྡན་འདས་ཀྱིས་བཀའ་སྩལ་པ། ཡང་དག་མིན་པ་སྨྲ་བ་དམྱལ་བར་འགྲོ་།བྲམ་ཟེའི་བུ་མོ་རྩཝ་མིས་གསོལ་པ། གང་གིས་བྱས་ནས་མ་བྱས་ཞེས་སྨྲ་བའང ། །བཅོམ་ལྡན་
Kha453b
འདས་ཀྱིས་བཀའ་སྩལ་པ། དམན་པའི་ཆོས་ཅན་མི་ནི་དེ་གཉི་ག་།ཕ་རོལ་དག་ཏུ་འདྲ་བར་འགྲོ་བར་འགྱུར། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་ཏེ། ཀྱེ་མའོ། །བྲམ་ཟེའི་བུ་མོ་རྩཝ་མི་འདི་ནི། བཅོམ་ལྡན་འདས་དང ། དགེ་སློང་གི་དགེ་འདུན་ལ་ཡུན་རིང་པོ་ནས་མཐོ་འཚམ་པར་བྱེད་དོ། །སྙམ་དུ་བསམ་ནས། རྫུ་འཕྲུལ་གྱིས་སྣོད་དེ་ས་ལ་ལྷུང་བར་བྱས་སོ། །དེ་ནས་བྲམ་ཟེའི་བུ་མོ་རྩཝ་མི་སྐྱེངས་ནས་རིངས་པ་རིངས་པར་སླར་སོང་ངོ ། །དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ཀོ་ས་ལའི་རྒྱལ་པོ་གསལ་རྒྱལ་ལ་ཆོས་ཀྱི་དབང་དུ་བགྱི་བའི་བཀའ་མཆིད་ཀྱང་བཀའ་སྩལ། གང་དུ་ཐོག་མར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཐུགས་བསྐྱེད་པ་ཡང་ལུང་བསྟན། ཡང་དག་པར་རྫོགས་པའི་སངས་རྒྱས་ཇི་སྙེད་ཅིག་ལ་བསྙེན་བཀུར་བགྱིས་པ་ཡང་བཀའ་སྩལ་ལགས་པས། ཅི་ནས་བདག་ཅག་མཚོ་ཆེན་པོ་མ་དྲོས་པར་མཆིས་ལ། བཅོམ་ལྡན་འདས་ཀྱི་སྤྱན་སྔར་རང་རང་གི་ལས་ཀྱི་རྒྱུ་བ་ལུང་བསྟན་པར་བགྱིའོ། །བཅོམ་ལྡན་འདས་ཀྱིས། དགེ་སློང་གནས་བརྟན་གནས་བརྟན་རྣམས་ལ་ཅང་མི་གསུང་བས་གནང་ངོ ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་འཚོ་ཞིང་གཞེས་པ་རྣམས་ཀྱི་གདོན་མི་ཟ་བར་མཛད་པ་ནི། བཅུ་སྟེ། བཅུ་གང་ཞེ་ན། ཇི་སྲིད་སངས་རྒྱས་སུ་ལུང་བསྟན་པ་དང ། སེམས་ཅན་འགས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དང ། སངས་རྒྱས་ཀྱིས་འདུལ་བར་
Kha454a
༄#། །བྱ་བ་ཐམས་ཅད་བཏུལ་བ་དང ། ཉན་ཐོས་ཀྱི་མཆོག་ཟུང་གཅིག་ཏུ་བསྟན་པ་དང ། མཚམས་བཅད་པ་དང ། སྐུ་ཚེའི་ལྔ་ཆ་བཏང་བ་དང ། མཉན་ཡོད་དུ་ཆོ་འཕྲུལ་ཆེན་པོ་རྣམ་པར་བསྟན་པ་དང ། གྲོང་ཁྱེར་གསལ་བར་ལྷ་ལས་གཤེགས་པ་བསྟན་པ་དང ། ཡབ་དང་ཡུམ་གཉིས་བདེན་པ་དག་ལ་བཀོད་པ་དང ། མཚོ་ཆེན་པོ་མ་དྲོས་པར་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་སྔོན་གྱི་ལས་ཀྱི་རྒྱུ་བ་བསྟན་པ་མ་མཛད་པ་དེ་སྲིད་དུ་སངས་རྒྱས་བཅོམ་ལྡན་འདས་རྣམས་ཡོངས་སུ་མྱ་ངན་ལས་མི་འདའོ། །དོན་འདི་ལ་ནི། བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་མཚོ་ཆེན་པོ་མ་དྲོས་པར་སྔོན་གྱི་ལས་ཀྱི་རྒྱུ་བ་ལུང་བསྟན་པར་བཞེད་ནས་དགེ་སློང་རྣམས་ལ་བཀའ་སྩལ་བ། དགེ་སློང་དག་།མཚོ་ཆེན་པོ་མ་དྲོས་པ་གང་ན་བར་འདོང ། དེར་རང་རང་གི་སྔོན་གྱི་ལས་ཀྱི་རྒྱུ་བ་ལུང་བསྟན་པར་བྱའོ། །བཙུན་པ། བཀའ་བཞིན་འཚལ་ཞེས་དགེ་སློང་རྣམས་ཀྱིས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་ལྡན་འདས་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་དང་ཐབས་ཅིག་ཏུ་མཉན་ཡོད་ནས་མི་སྣང་བར་གྱུར་ཏེ་མཚོ་ཆེན་པོ་མ་དྲོས་པར་གཤེགས་སོ། །གནོད་སྦྱིན་གཏུམ་པོ་མི་བཟད་གནས་པ་ཡིད་འོང་ཞིང ། །མེ་ཏོག་སྣ་ཚོགས་ཤིང་གིས་རྣམ་པར་མཛེས་བྱས་པ། །དེ་ལས་རྒྱ་མཚོ་དུག་ཅན་དག་ཏུ་འགྲོ་བ་ཡི། །ཆུ་བོ་ཆེན་པོ་བཞི་པོ་འདི་དག་ཕྱོགས་བཞིར་འབབ། །གང་ག་སིནྡྷུ་དེ་བཞིན་པཀྵུ་དང ། །སི་ཏ་དེ་དག་རྫུ་འཕྲུལ་
Kha454b
སྟོབས་ཐོབ་པ། །མ་གཏོགས་མི་རྣམས་ཀྱིས་ནི་མི་བགྲོད་པ། །དེར་ནི་ཐུབ་པ་དགེ་འདུན་བཅས་པར་བཞུགས། །དེ་ནས་བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་དེ། ཆོས་ཉིད་ཀྱིས། གང་གི་ཚེ་སངས་རྒྱས་བཅོམ་ལྡན་འདས་རྣམས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་པ་དེའི་ཚེ་སྲོག་ཆགས་གྲོག་སྦུར་ཡན་ཆད་ཀྱི་སེམས་ཀྱིས། བཅོམ་ལྡན་འདས་ཀྱི་དགོངས་པ་ཤེས་པར་འགྱུར་བས། དེ་ནས་ཀླུའི་རྒྱལ་པོ་དགའ་བོ་དང ། ཉེ་དགའ་བོ་གཉིས་ཀྱིས་བསམ་པ། ཅིའི་ཕྱིར་བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་སྙམ་ན། མཚོ་ཆེན་པོ་མ་དྲོས་པར་ལས་ཀྱི་རྒྱུ་བ་ལུང་བསྟན་པར་བཞེད་པར་མཐོང་ངོ ། །དེ་ནས་དེ་གཉིས་ཀྱིས་མཚོ་ཆེན་པོ་མ་དྲོས་པའི་ནང་དུ་པདྨ་འདབ་མ་སྟོང་དང་ལྡན་པ། ཤིང་རྟའི་འཕང་ལོ་ཙམ། བཟང་པོ་ཐམས་ཅད་གསེར་ལས་བྱས་པ། སྡོང་པོ་ནི། རིན་པོ་ཆེ། གེ་སར་ནི། རྡོ་རྗེ་ལས་བྱས་པ། པདྨ་སྟོང་ཕྲག་དུ་མས་ཡོངས་སུ་བསྐོར་བ་ཞིག་སྤྲུལ་པ་དང ། བཅོམ་ལྡན་འདས་དགེ་སློང་གི་དགེ་འདུན་གྱི་གུང་ལ་པདྨའི་སྙིང་པོ་དེ་ལ་བཞུགས་སོ། །དགེ་སློང་གནས་བརྟན་གནས་བརྟན་རྣམས་ཀྱང་པདྨ་གཞན་རྣམས་ཀྱི་སྙིང་པོ་ལ་འཁོད་དོ། །དེའི་ཚེ་ཚེ་དང་ལྡན་པ་ཤཱ་རིའི་བུ་བྱ་རྒོད་ཀྱི་ཕུང་པོའི་རི་ལ་སྣམ་སྦྱར་འདྲུབ་བོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་བ། མོའུ་དགལ་གྱི་བུ། སོང་ལ་རབ་ཏུ་བྱུང་བའི་ཟླ་བོ་ཁྲིད་དེ་ཤོག་ཅིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་མོའུ་དགལ་ཆེན་པོ་མ་དྲོས་པ་ནས་
Kha455a
༄#། །མི་སྣང་བར་གྱུར་ཅིང ། བྱ་རྒོད་ཀྱི་ཕུང་པོའི་རི་ལ་ཚེ་དང་ལྡན་པ་ཤཱ་རིའི་བུའི་མདུན་དུ་འདུག་སྟེ། འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་ར་དྭ་ཏིའི་བུ། སྟོན་པ་དགྲ་བཅོམ་པ་ལྔ་བརྒྱར་གཅིག་གིས་མ་ཚང་བ་དང་ཐབས་ཅིག་ཏུ་མཚོ་ཆེན་པོ་མ་དྲོས་པ་ན་སྔོན་གྱི་ལས་ཀྱི་རྒྱུ་བ་ལུང་བསྟན་པར་བཞེད་ནས་ཁྱོད་ལ་གཞེས་ཀྱི། ཚུར་ཤོག་།འདོང ། དེས་སྨྲས་པ། ཚེ་དང་ལྡན་པ་མོའུ་དགལ་གྱི་བུ་ཆེན་པོ། རེ་ཞིག་སྣམ་སྦྱར་དྲུབས་ལ། དེ་ནས་ཕྱིས་འགྲོའོ། །དེས་སྨྲས་པ། གྲོགས་བྱའོ། །དེ་བཞིན་དུ་གྱིས་ཤིག་།དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་རྫུ་འཕྲུལ་གྱིས་སོར་མོ་ལྔ་ཆར་གྱིས་དྲུབ་པར་བརྩམས་པ་དང ། ཚེ་དང་ལྡན་པ་ཤཱ་རིའི་བུས་སྨྲས་པ། ཚེ་དང་ལྡན་པ་མོའུ་དགལ་གྱི་བུ་ཆེན་པོ། འོ་ན་ལྟ་བུ་དྲུབ་ཟིན་ཏུ་ཟད་མོ། དེས་སྨྲས་པ། ཚེ་དང་ལྡན་པ་ཤཱ་རིའི་བུ། གལ་ཏེ་ཁྱོད་མི་འགྲོ་ན། མཐུས་བཀུར་བར་བྱའོ། །དེ་ནས་ཚེ་དང་ལྡན་པ་ཤཱ་རིའི་བུས། སྐེ་རགས་རྒྱ་ཅང་ཕྲོལ་ནས་སྨྲས་པ། ཚེ་དང་ལྡན་པ་མོའུ་དགལ་གྱི་བུ་ཆེན་པོ། ཁྱོད་བཅོམ་ལྡན་འདས་ཀྱིས་རྫུ་འཕྲུལ་གྱི་མཐུ་ཅན་རྣམས་ཀྱི་མཆོག་ཏུ་བསྟན་པ་ཡིན་ན། རེ་ཞིག་ཁྱོད་ཀྱིས་འདི་ཁྱེར་ལ། དེ་ནས་ཕྱིས་ཁོ་བོ་ཁྱེར་ཅིག་།དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེ་དྲངས་པ་དང ། ཚེ་དང་ལྡན་པ་ཤཱ་རིའི་བུས་བསམ་པ། འདི་ནི་མཐུ་ཆེ་ཞིང་རྫུ་འཕྲུལ་ཆེ་བ་ཡིན་པས། གལ་ཏེ་འདི་འཁྱེར་བར་འགྱུར་བའི་གནས་འདི་ཡོད་དོ། །སྙམ་ནས། དེས་དེ་བྱ་རྒོད་ཕུང་པོའི་རིའི་སྤྱི་ལ་བཏགས་སོ། །ཚེ་དང་ལྡན་པ་མོའུ་དགལ་གྱི་བུ་
Kha455b
ཆེན་པོས་དེ་དྲངས་པ་དང ། བྱ་རྒོད་ཀྱི་ཕུང་པོའི་རི་འགུལ་བར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་བསམ་པ། འདིས་བྱ་རྒོད་ཀྱི་ཕུང་པོའི་རི་ཡང་འཁྱེར་བར་འགྱུར་གྱི། མ་ལ་བདག་གིས་རིའི་རྒྱལ་པོ་རི་རབ་ལ་གདགས་སོ། །སྙམ་ནས། དེས་དེ་རིའི་རྒྱལ་པོ་རི་རབ་ལ་བཏགས་པ་ལས། ཡང་ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེ་དྲངས་པ་དང ། རིའི་རྒྱལ་པོ་རི་རབ་དང ། ཀླུའི་རྒྱལ་པོ་དགའ་བོ་དང ། ཉེ་དགའ་བོ་དག་ཀྱང་གཡོས་པར་གྱུར། མ་དྲོས་པ་ཡང་ཀུན་ནས་འཁྲུགས་ཤིང ། དགེ་སློང་གནས་བརྟན་གནས་བརྟན་རྣམས་ཀྱང་ལྡེག་པར་གྱུར་ནས་པདྨའི་སྙིང་པོ་ལ་འདུག་བཞིན་དུ་དེ་རྣམས་ཀྱིས་བཅོམ་ལྡན་འདས་ལ་ཞུས་པ། བཙུན་པ། ཅིའི་སླད་དུ་ཀླུའི་རྒྱལ་པོ་དགའ་བོ་དང ། ཉེ་དགའ་བོ་གཉིས་གཡོས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགའ་བོ་དང་ཉེ་དགའ་བོ་གཉིས་གཡོས་པ་མ་ཡིན་ཏེ། འོན་ཀྱང་ཉན་ཐོས་ཆེན་པོ་གཉིས་རྫུ་འཕྲུལ་གྱིས་རྣམ་པར་འཕྲུལ་པར་བྱེད་དོ། །ཚེ་དང་ལྡན་པ་ཤཱ་རིའི་བུས་བསམ་པ། རིའི་རྒྱལ་པོ་རི་རབ་འདི་ཡང་འཁྱེར་བར་འགྱུར་གྱི། མ་ལ་བདག་གིས་བཅོམ་ལྡན་འདས་ཀྱི་པདྨའི་སྡོང་པོ་ལ་གདགས་སོ། །སྙམ་ནས། དེས་བཅོམ་ལྡན་འདས་ཀྱི་པདྨའི་སྡོང་པོ་ལ་བཏགས་པས་མ་འགུལ་བར་འདུག་གོ་།གང་གི་ཚེ་དེའི་རྫུ་འཕྲུལ་ལ་རྫུ་འཕྲུལ་གྱིས་རྡུགས་པ་དེའི་ཚེ། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུ། ཁྱོད་ཀྱིས་རྫུ་འཕྲུལ་གྱིས་རྣམ་པར་རྩེས་པ་བྱས་ཟིན་གྱི་ཚུར་ཤོག་།འདོང ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་སོང་ཞིག་དང ། ཁོ་བོ་འོང་ངོ ། །ཞེས་བྱས་ནས་
Kha456a
༄#། །ཇི་སྲིད་ཚེ་དང་ལྡན་པ་མོའུ་འགལ་གྱི་བུ་ཆེན་པོ་མ་ཕྱིན་པ་དེའི་བར་དུ་ཚེ་དང་ལྡན་པ་ཤཱ་རིའི་བུས་སྔར་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་པདྨའི་སྙིང་པོ་ལ་འདུག་པ་དང ། དེའི་འོག་ཏུ་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཕྱིན་པས། ཚེ་དང་ལྡན་པ་ཤཱ་རིའི་བུ་མཐོང་ནས་དེས་སྨྲས་པ། ཚེ་དང་ལྡན་པ་ཤཱ་རིའི་བུ་འོངས་སམ། ཚེ་དང་ལྡན་པ། ཁོ་བོ་འོངས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ནི། རྫུ་འཕྲུལ་དང་ལྡན་པ་རྣམས་ཀྱི་མཆོག་ཏུ་བསྟན་པ་ལགས་ན། འོན་ཀྱང་ཚེ་དང་ལྡན་པ་ཤཱ་རིའི་བུའི་རྫུ་འཕྲུལ་གྱིས་ཕམ་པར་བགྱིས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་ཀྱི། ཇི་ལྟར་འདིས་འདས་པའི་དུས་ན་ཡང་བཟོས་ཕམ་པར་བྱས་པ་དེ་ཉོན་ཅིག་།དགེ་སློང་དག་།སྔོན་བྱུང་བ། ཡུལ་དབུས་སུ་རི་མོ་མཁན་གྱི་སློབ་དཔོན་ཞིག་བྱུང་ངོ ། །དེ་དགོས་པ་འགའ་ཞིག་གི་ཕྱིར་ཡུལ་དབུས་ནས་ཡུལ་ནས་ཅན་ཞེས་བྱ་བར་སོང་ངོ ། །དེ་དེ་ན་འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་ཞིག་གི་ཁྱིམ་དུ་ཞུགས་པ་ལས། དེ་དེ་ཉལ་བའི་རིམ་གྲོ་བར་འཁྲུལ་འཁོར་ལས་བུ་མོ་ཞིག་བྱས་ནས་བཏང་ངོ ། །དེས་དེའི་རྐང་པ་གཉིས་བགྲུས་ནས་འདུག་གོ། དེ་ནས་དེས་སོང་ཞིག་ཅེས་སྨྲས་ན། དེ་ཅང་མི་སྨྲ་བར་འདུག་གོ། དེས་བསམ་པ། གདོན་མི་ཟ་བར་འདི་བདག་དང་དགའ་མགུར་སྤྱོད་
Kha456b
པའི་ཕྱིར་བཏང་ངོ ། །སྙམ་ནས། དེས་དེའི་ལག་པ་ནས་བཟུང་སྟེ་དྲངས་པ་ལས། ཇི་ཙམ་ཞིག་ནས་ཤིང་བྲུལ་གྱི་ཕུང་པོར་གྱུར་ཏོ། །དེ་སྐྱེངས་ནས་བསམ་པ། བདག་གཅིག་པུ་ཞིག་ཏུ་སྐྱེངས་པར་བྱས་ཀྱི། མ་ལ་བདག་གིས་ནི། འདི་རྒྱལ་པོ་འཁོར་དང་བཅས་པའི་ནང་དུ་སྐྱེངས་པར་བྱའོ། །སྙམ་ནས། དེས་སྒོའི་ངོས་ལོགས་ལ་རང་གི་གཟུགས་བརྙན་འགེགས་པ་ཞིག་བྲིས་ཏེ། སྒོ་ཕག་ཏུ་ཡིབ་ནས་འདུག་གོ་།དེ་ལྡང་བའི་དུས་གང་ཡིན་པ་དེ་ལས་བྲལ་བ་དང ། དེ་ནས་འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་གྱིས་བསམ་པ། རིང་ཞིག་ལོན་ན། ཅིའི་ཕྱིར་དེ་སྒོར་མ་བྱུང་སྙམ་དུ་སེམས་ཏེ། དེར་སོང་བ་ལས། ཇི་ཙམ་ན་འགེགས་ཏེ་ཤི་བ་མཐོང་ངོ ། །དེས་བསམ་པ། ཅིའི་ཕྱིར་འདིས་བདག་ཉིད་སྲོག་དང་བྲལ་བར་བྱས་སྙམ་པ་ལས། དེས་འཁྲུལ་འཁོར་ཞིག་ནས་ཤིང་བྲུལ་གྱི་ཕུང་པོར་འདུག་པ་མཐོང་ནས། དེ་འདི་སྙམ་དུ་སེམས་ཏེ། བདག་ཉིད་སྐྱེངས་པས་འགེགས་སོ། །སྙམ་མོ། །ཡུལ་ནས་ཅན་གྱི་ཀུན་ཏུ་སྤྱོད་པ་ནི། གང་སུའི་ཁྱིམ་ཡང་རུང ། དེར་མི་གློ་བུར་བ་ཤི་ན། ཇི་སྲིད་རྒྱལ་པོ་ལ་མ་མཐོལ་བ་དེ་སྲིད་དུ་དེས་དེ་ལ་རིམ་གྲོ་མི་བྱེད་དོ། །དེ་ནས་དེ་རྒྱལ་པོའི་དྲུང་དུ་སོང་སྟེ་མཐོལ་བ། ལྷ། ཡུལ་དབུས་ནས་རི་མོ་མཁན་གྱི་སློབ་དཔོན་ཞིག་མཆིས་ཏེ། དེ་བདག་གིས་སྡུམ་པར་གནས་པ་ལས། དེ་ལ་བཀུར་སྟི་བགྱི་བའི་སླད་དུ་བདག་གིས་འཁྲུལ་འཁོར་ལས་བུ་མོ་ཞིག་བགྱིས་ཏེ་བཏང་བ་དང ། དེས་དེ་ལག་པ་ནས་བཟུང་སྟེ་དྲངས་པས་ཤིང་གི་ཕུང་པོར་མཆིས་པ་དང ། དེ་སྐྱེངས་ནས་བདག་ཉིད་འགེགས་ལགས་ན། ལྷ། དེ་ལ་གཡར་
Kha457a
༄#། །སྔ་འབྲིམ་པ་ཞིག་གཏང་དུ་གསོལ། དེ་ནས་བདག་གིས་རིམ་གྲོ་བགྱི་ལགས་སོ། །དེ་ནས་རྒྱལ་པོས་ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག། དེངས་ལ་གཡར་སྔ་རིམས་ཤིག་།དེ་རྣམས་དོང་ནས་དེ་མཐོང་ངོ ། །དེས་བསམ་པ། བདག་གིས་ཇི་ལྟར་ཟུང་ང་ལས་དབབ་པར་བྱའོ། །སྙམ་མོ། །གཞན་དག་གིས་སྨྲས་པ། འགེགས་ཐག་ཆོད། སྟ་རེ་ཁྱེར་ཏེ་ཐག་པ་གཅད་པར་བརྩམས་པ་ལས། ཇི་ཙམ་ན་རྩིག་པ་ཡིན་པར་མཐོང་ནས། དེ་ནས་འཁྲུལ་འཁོར་མཁན་གྱི་སློབ་དཔོན་དེ་སྐྱེངས་པར་གྱུར་ཏོ། །དེ་དེ་ལྟར་སྐྱེངས་པར་གྱུར་པ་དང ། རི་མོ་མཁན་གྱི་སློབ་དཔོན་དེ། སྒོ་ལྐོག་ནས་ཕྱུང་སྟེ་སྨྲས་པ། ཀྱེ་ནང་རྗེ། ཁྱོད་ཀྱིས་ནི། ཁོ་བོ་གཅིག་པུ་ཞིག་ཏུ་སྐྱེངས་པར་བྱས་ཏེ། ཁྱོད་ནི། རྒྱལ་པོ་འཁོར་དང་བཅས་པའི་ནང་དུ་སྐྱེངས་པར་བྱས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་རི་མོ་མཁན་གྱི་སློབ་དཔོན་གང་ཡིན་པ་དེ་ནི། དགེ་སློང་ཤཱ་རིའི་བུ་འདི་ཉིད་ཡིན་ཏེ། དེ་ན་ཡང་འདིས་འདི་བཟོས་ཕམ་པར་བྱས་སོ། །ད་ལྟར་ཡང་འདིས་འདི་རྫུ་འཕྲུལ་གྱིས་ཕམ་པར་བྱས་སོ། །གཞན་ཡང ། འདི་ལྟར། འདིས་འདི་བཟོས་ཕམ་པར་བྱས་པ་དེ་ཉོན་ཅིག་།དགེ་སློང་དག་།སྔོན་བྱུང་བ། རི་བོར་གཞན་ཞིག་ན་རི་མོ་མཁན་གྱི་སློབ་དཔོན་གཉིས་ཤིག་བྱུང་བ་ལས། རྩོད་པར་གྱུར་ཏེ་གཅིག་གིས་སྨྲས་པ། ང་ནི། བཟོ་ལེགས་པར་ཤེས་སོ། །གཅིག་ཤོས་ཀྱིས་སྨྲས་པ། ང་ནི། དེ་བས་ཀྱང་ལྷག་པར་ལེགས་
Kha457b
པར་ཤེས་སོ། །དེ་གཉིས་ཕན་ཚུན་འགྲན་པར་གྱུར་ནས་རྒྱལ་པོའི་དྲུང་དུ་དོང་སྟེ། དེའི་རྐང་པ་གཉིས་ལ་གཏུགས་ཏེ་གཅིག་གིས་སྨྲས་པ། ལྷ། བདག་ནི། བཟོ་ལེགས་པར་འཚལ་ཏོ། ། གཅིག་ཤོས་ཀྱིས་ཀྱང་སྨྲས་པ། ལྷ། བདག་ནི། དེ་བས་ཀྱང་ལྷག་པར་ལེགས་པར་འཚལ་ཏོ། །རྒྱལ་པོས་དེ་གཉིས་ལ་སྒོ་ཁང་བསྟན་ནས་ཁྱེད་གཉིས་གང་མཁས་ནི། ངས་མི་ཤེས་མོད་ཀྱི། འོན་ཀྱང་གཅིག་གིས་ནི། རྩིག་ངོས་གཅིག་ལ་བྲིས་ལ། གཅིག་ཤོས་ཀྱིས་ཀྱང་གཅིག་ལ་བྲིས་ཤིག་དང ། དེ་ལྟ་ན་ཁྱེད་ཅག་གཉིས་གང་བཟོ་ལེགས་པར་ཤེས་པ་ངས་ལེགས་པར་ཤེས་པར་འགྱུར་རོ། །དེ་གཉིས་ཀྱི་བར་ཡོལ་བས་བཅད་ནས། རི་མོ་བྲི་བར་བརྩམས་ཏེ། དེ་ལ་གཅིག་གིས་ཟླ་བ་དྲུག་གིས་རི་མོའི་ལས་ཟིན་ཏོ། །གཅིག་ཤོས་ཀྱིས་ནི་ཟླ་བ་དྲུག་ཏུ་རྩིག་ངོས་བསྟར་ཏོ། ། རི་མོའི་ལས་ཟིན་པ་གང་ཡིན་པ་དེ། རྒྱལ་པོའི་དྲུང་དུ་སོང་སྟེ་སོན་པ་དང་སྨྲས་པ། ལྷ། བདག་གིས་རི་མོའི་ལས་བགྱིས་ལགས་ན། སྤྱན་སྔར་བྲིམ་དུ་གསོལ། དེ་ནས་རྒྱལ་པོའི་བློན་པོ་དང་ལྷན་ཅིག་སྒོར་བྱུང་ནས་མཐོང་བ་དང ། རི་མོའི་ལས་མཁས་སོ། །ཞེས་ཤིན་ཏུ་མགུའོ། །གཅིག་ཤོས་ཀྱིས་ཀྱང་རྐང་པ་གཉིས་ལ་གཏུགས་ཏེ་སྨྲས་པ། དེ་བདག་གི་རི་མོའི་ལས་ལ་གཟིགས་སུ་གསོལ། དེས་བར་ཆད་ཀྱི་ཡོལ་བ་བཤུས་པ་དང་གཅིག་གི་གཟུགས་བརྙན་དེ་ལ་ཤར་བ་རྒྱལ་པོས་མཐོང་ནས། རི་མོའི་ལས་ལ་ལྷག་པར་འདི་མཁས་སོ། །ཞེས་ཤིན་ཏུ་ཡ་མཚན་སྐྱེས་སོ། །
Kha458a
༄#། །དེ་ནས་དེས་སླར་ཡོལ་བས་བར་བཅད་ནས་རྐང་པ་གཉིས་ལ་གཏུགས་ཏེ་སྨྲས་པ། ལྷ། འདི་ནི། རི་མོའི་ལས་མ་ལགས་ཏེ། འོན་ཀྱང་རྩིག་ངོས་བསྟར་བ་ལགས་སོ། །དེ་ནས་རྒྱལ་པོ་དེ་ཡ་མཚན་སྐྱེས་ནས་སྨྲས་པ། འདི་ནི། བཟོ་ལ་ལྷག་པར་མཁས་པ་ཡིན་ནོ། །དགེ་སློང་དག་།ཇི་སྙམ་དུ་སེམས། གང་གིས་ཟླ་བ་དྲུག་ཏུ་རྩིག་ངོས་བསྟར་བ་དེ་ནི། དགེ་སློང་ཤཱ་རིའི་བུ་འདི་ཉིད་ཡིན་ནོ། །གང་གིས་ཟླ་བ་དྲུག་ཏུ་རི་མོའི་ལས་བྱས་པ་དེ་ནི། དེའི་ཚེ་དེའི་དུས་ན་དགེ་སློང་མོའུ་དགལ་གྱི་བུ་འདི་ཉིད་དེ་ཡིན་ཏེ། དེ་ན་ཡང་འདིས་འདི་བཟོས་ཕམ་པར་བྱས་སོ། །ད་ལྟར་ཡང་འདིས་འདི་རྫུ་འཕྲུལ་གྱིས་ཕམ་པར་བྱས་སོ། །གཞན་ཡང ། ཇི་ལྟར་འདིས་འདི་ཕམ་པར་བྱས་པ་དེ་ཉོན་ཅིག་།དགེ་སློང་དག་།སྔོན་བྱུང་བ། ཝཱ་ར་ཎཱ་སིའི་གྲོང་ཁྱེར་དུ་དྲང་སྲོང་དུང་དང ། བྲིས་པ་ཞེས་བྱ་བ་གཉིས་ཤིག་ཉེ་བར་བརྟེན་ཅིང་གནས་སོ། །ཇི་ཙམ་དུས་གཞན་ཞིག་ན་ལྷས་ཆར་ཕབ་པས་རྫབ་ཏུ་གྱུར་ཏེ། དུང་དྲེད་དེ་རྫབ་ཏུ་རྡེག་འཆོས་ནས་རིལ་བ་ཆག་པར་གྱུར་ཏོ། །དེ་ནས་དེས་དམོད་པ་བོར་པ། རང་བཞིན་ངན་པ་ཁྱོད་ཀྱིས་ད་ཕན་ཆད་ལོ་བཅུ་གཉིས་སུ་ཆར་མི་འབེབས་པར་གྱུར་ཅིག། ཅེས་བྱས་སོ། །རྒྱལ་པོ་ཚངས་སྦྱིན་དང ། ཝཱ་ར་ཎཱ་སི་ན་གནས་པའི་སྐྱེ་བོའི་ཚོགས་ཀྱིས་ཐོས་ནས། དེ་ནས་དེ་རྣམས་དེའི་དྲུང་དུ་སོང་སྟེ་གསོལ་བ་བཏབ་པ། དྲང་སྲོང་ཆེན་པོ། དེ་ལྟར་མ་མཛད་ཅིག། དེས་སྨྲས་པ། བདག་གིས་རང་བཞིན་ངན་པ་ལ་བཟོད་པར་མི་ནུས་ཏེ། བདག་གིས་དམོད་པས་བཅོམ་པ་དེས། ལོ་བཅུ་གཉིས་སུ་ཆར་
Kha458b
མི་འབབ་པར་འགྱུར་རོ། །དེ་ནས་རྒྱལ་པོ་ཚངས་སྦྱིན་དང ། སྐྱེ་བོའི་ཚོགས་དེས་བྲིས་པ་ལ་གསོལ་བ་བཏབ་ནས་དེས་གསོལ་བ་བྱས་ཏེ་ལྷས་ཆར་ཕབ་བོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་དུང་གང་ཡིན་པ་དེ་ནི། དགེ་སློང་མོའུ་དགལ་གྱི་བུ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲིས་པ་གང་ཡིན་པ་དེ་ནི། དགེ་སློང་ཤཱ་རིའི་བུ་ཡིན་ཏེ། དེ་ན་ཡང་འདིས་འདི་རྫུ་འཕྲུལ་གྱིས་ཕམ་པར་བྱས་སོ། །གཞན་ཡང ། ཇི་ལྟར་འདིས་འདི་རྫུ་འཕྲུལ་གྱིས་ཕམ་པར་བྱས་པ་དེ་ཉོན་ཅིག་།བྲིས་པས་དགོས་པ་འགའ་ཞིག་གི་ཕྱིར་དུང་གི་རྐང་པ་གཉིས་ལ་གཏུགས་པ་ལས། དུང་གི་རྐང་པ་གཉིས་ཀྱིས་རལ་པ་མནན་པ་དང་བྲིས་པས་སྨྲས་པ། ཉི་མ་འཆར་ཁའི་དུས་ཀྱི་ཚེ་ཁྱོད་ཀྱི་སྤྱི་བོ་གས་པར་གྱུར་ཅིག་།དུང་གིས་སྨྲས་པ། དེ་ལྟར་ན་ཉི་མ་འཆར་བར་མ་གྱུར་ཅིག་།ཅེས་བྱས་པ་དང ། འཇིག་རྟེན་དུ་ནམ་སྲོས་པར་གྱུར་ཏོ། །དེ་ནས་རྒྱལ་པོ་དང ། བྲམ་ཟེ་དང ། ཁྱིམ་བདག་གིས་དུང་ལ་གསོལ་བ་བཏབ་པ། དྲང་སྲོང་ཆེན་པོ། དེ་ལྟ་བུ་མ་མཛད་ཅིག་།དེས་སྨྲས་པ། ཉི་མ་ཤར་བར་གྱུར་ན། གདོན་མི་ཟ་བར་བདག་གི་མགོ་འགས་པར་འགྱུར་རོ། །བྲིས་པས་དེ་ལ་སྨྲས་པ། གལ་ཏེ་དེ་ལྟ་ན། འཇི་བ་ལས་བྱས་པའི་མགོ་ཞིག་བྱོས་ཤིག་།ཇི་ཙམ་ན་འཇི་བ་ལས་དུང་གི་མགོ་ཞིག་བྱས་པ་ལས། ཉི་མ་ཤར་བ་དང་གས་པར་གྱུར་ཏོ། །དགེ་སློང་དག་།ཇི་སྙམ་དུ་སེམས། དུང་གང་ཡིན་པ་དེ་ནི། དགེ་སློང་མོའུ་དགལ་གྱི་བུ་འདི་ཉིད་ཡིན་ནོ། །བྲིས་པ་གང་ཡིན་པ་དེ་ནི། དགེ་སློང་ཤཱ་རིའི་བུ་འདི་ཉིད་དེ་ཡིན་ཏེ། དེ་ན་ཡང་འདིས་ཕམ་
Kha459a
༄#། །པར་བྱས་སོ། །གཞན་ཡང ། ཇི་ལྟར་ཕམ་པར་བྱས་པ་དེ་ཉོན་ཅིག་།ཡུལ་དབུས་སུ་བསོ་མཁན་གྱི་སློབ་དཔོན་ཞིག་བྱུང་ནས། བ་སོ་འབྲས་ཙམ་བྲེའུ་ཆུང་གང་ཁྱེར་ནས་ཡུལ་ནས་ཅན་དུ་སོང་སྟེ། དེ་རི་མོ་མཁན་གྱི་སློབ་དཔོན་ཞིག་གི་ཁྱིམ་དུ་ཞུགས་ན། དེ་ཡང་སྟོང་པར་འདུག་ན་དེའི་ཆུང་མ་ལ་སྨྲས་པ། གྲོགས་པོའི་ཆུང་མ། འབྲས་བྲེའུ་ཆུང་གང་པོ་འདི་ཚོས་ལ་བྱིན་ཅིག། ཅེས་དེ་བཞག་སྟེ་སོང་ངོ ། །དེས་བཙོ་བར་བརྩམས་པ་ལས། ཤིང་ཟད་པར་གྱུར་ཀྱང་མ་ཚོས་སོ། །དེ་ནས་དེའི་ཁྱིམ་ཐབ་འོང་ནས་སྨྲས་པ། བཟང་མོ། འདི་ཅི་ཞིག་ཡིན། དེས་རྒྱས་པར་སྨྲས་པ་དང ། དེས་དེ་བརྟགས་པ་ལས། བ་སོ་འབྲས་ཙམ་ཤ་སྟག་ཏུ་མཐོང་ནས། དེས་དེ་ལ་ཅོ་འདྲི་བར་སྨྲས་པ། བཟང་མོ། འདི་ཚཝ་ཆུ་ཡིན་གྱི། ཆུ་བཟང་པོ་གཞན་ཞིག་ཁྱེར་ཏེ་འོངས་དང ། དེས་འབྲས་འདི་ཚོས་པར་འགྱུར་རོ། །དེས་བ་སོ་མཁན་གྱི་སློབ་དཔོན་ལ། ཆུ་བཟང་པོ་ཞིག་ཁྱེར་ཏེ་ཤོག་ཅིག་ཅེས་སྨྲས་པ། དེས་དེ་ལ་སྨྲས་ནས། དེས་ཕྱོགས་གཞན་ཞིག་ཏུ་རྫིང་བུ་ཞིག་བྲིས་ཏེ། དེར་ཁྱི་རོ་བམ་བ་ཞིག་ཀྱང་བྲིས་སོ། །དེ་ནས་བ་སོ་མཁན་གྱི་སློབ་དཔོན་དེ་བུམ་པ་ཁྱེར་ནས་རྫིང་བུ་ཡིན་ནོ། །སྙམ་ནས། ཕྱོགས་དེར་ཕྱིན་ཏེ་ཁྱི་རོ་བམ་པ་མཐོང་བ་དང ། དེས་སྣ་བཀབ་ནས་བརྟག་པར་བརྩམས་པ་ལས། ཇི་ཙམ་ན་དེའི་ཆུ་སྣོད་དེ་ཆག་ནས་བ་སོ་མཁན་གྱི་སློབ་དཔོན་དེ་སྐྱེངས་པར་གྱུར་ཏོ། །དགེ་སློང་དག་།ཇི་སྙམ་དུ་སེམས། བ་སོ་མཁན་གྱི་སློབ་དཔོན་གང་ཡིན་པ་དེ་ནི། དགེ་སློང་མོའུ་དགལ་གྱི་བུ་འདི་ཉིད་ཡིན་ནོ། །རི་མོ་མཁན་གྱི་སློབ་དཔོན་གང་ཡིན་པ་དེ་ནི།
Kha459b
དགེ་སློང་ཤཱ་རིའི་བུ་འདི་ཉིད་དེ་ཡིན་ནོ། །འོན་ཀྱང་དེ་བཞིན་གཤེགས་པས་བརྙེས་པའི་བསམ་གཏན་དང ། ཏིང་ངེ་འཛིན་དང ། སྙོམས་པར་འཇུག་པ་གང་ཡིན་པ་དེ་དག་གི་མིང་ཡང་རང་སངས་རྒྱས་རྣམས་ཀྱིས་མི་ཤེས་སོ། །རང་སངས་རྒྱས་རྣམས་ཀྱིས་ཐོབ་པ་གང་དག་ཡིན་པ་དེ་དག་གི་མིང་ཡང་དགེ་སློང་ཤཱ་རིའི་བུས་མི་ཤེས་སོ། །དགེ་སློང་ཤཱ་རིའི་བུས་ཐོབ་པ་གང་དག་ཡིན་པ་དེ་དག་གི་མིང་ཡང་དགེ་སློང་མོའུ་དགལ་གྱི་བུས་མི་ཤེས་སོ། །དགེ་སློང་མོའུ་དགལ་གྱི་བུས་ཐོབ་པ་གང་ཡིན་པ་དེ་དག་གི་མིང་ཡང་ཉན་ཐོས་གཞན་རྣམས་ཀྱིས་མི་ཤེས་ཏེ། དགེ་སློང་མོའུ་དགལ་གྱི་བུ་བས། དགེ་སློང་ཤཱ་རིའི་བུ་རྫུ་འཕྲུལ་ཆེ་ཞིང་མཐུ་ཆེ་མོད་ཀྱི། དེས་མང་དུ་གནས་པ་ལ་དགོངས་ནས་ངས་རྫུ་འཕྲུལ་ཅན་རྣམས་ཀྱི་མཆོག་ཏུ་བསྟན་ཏོ། །ཤཱ་རིའི་བུ་དང ། མོའུ་དགལ་གྱི་བུའི་ལེའུའོ།། །།དེ་ནས་ཚེ་དང་ལྡན་པ་འོད་སྲུང་ཆེན་པོ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ་སྨྲས་པ། དེ་ནི་དེར་སོང་སྔོན་ནས་སྤྱད་པ་དང ། །རྗེ་མཐུན་ཚིག་དག་ཤིན་ཏུ་སྒྲོག་པ་ན། །གང་ཞིག་བྱས་པས་འབྲས་བུ་ཆེ་མྱོང་བ། ། ཆུང་ངུ་གཅིག་པུ་དེ་ནི་མྱུར་དྲན་ནས། །ཇི་ལྟར་སེང་གེ་རི་ཡི་ཕུག་གནས་པ། །འཇིགས་པ་མེད་པར་སྤྱོད་ཡུལ་འགྲོ་བ་ལྟར། །མཚུངས་པ་མེད་པའི་ཉན་ཐོས་འོད་སྲུང་དེ། །སྔོན་གྱི་གནས་ནས་སྤྱད་པ་སྒྲོག་བྱེད་པ། །ཟག་མེད་ཐ་བ་མེད་པ་རྣམ་གྲོལ་སེམས། །ཉོན་མོངས་མེད་པར་གནས་པ་སྐྱོན་མེད་ཡིད། །དེ་ལ་ཆོས་མཆོག་ཡོད་པར་ཡིད་ཆེས་ནས། །དེ་ཡི་ཆོས་ལ་ཡིད་ཀྱིས་སྨོན་བྱས་ཏེ། །རང་སངས་
Kha460a
༄#། །རྒྱས་ལ་བདག་གིས་ཡོན་དུ་ནི། །ཁྲེ་རྒོད་བྲེའུ་ཆུང་གང་ཞིག་རབ་ཕུལ་བས། །དེ་འདྲ་བ་དང་ཀུན་ཏུ་ཕྲད་གྱུར་ཅིང ། །སྨོན་པས་སྒྲ་མི་སྙན་དུ་སྐྱེས་པ་ནི། །ལས་དེ་གཅིག་པུ་ཉིད་ཀྱི་འབྲས་བུ་ཡིས། །ལུས་ཅན་བདག་གིར་འཛིན་མེད་ཚེ་རིང་བ། །ཁྱད་པར་འགྲོ་ཞིང་སྤྱོད་པ་མི་དམན་པ། །སྒྲ་མི་སྙན་དུ་ལན་སྟོང་སྐྱེས་པར་གྱུར། །ལས་དེ་གཅིག་པུ་ཉིད་ཀྱི་འབྲས་བུ་ཡིས། །ལན་སྟོང་སུམ་ཅུ་རྩ་གསུམ་པར་སྐྱེས་ཏེ། མེ་ཏོག་ཕྲེང་རྒྱན་བྱུག་པ་སྣ་ཚོགས་དང ། །མཐུ་ཆེན་ལུས་མཛེས་པ་དང་ལྡན་པར་གྱུར། །དེ་ནས་འཕོས་བདག་སྒྲ་མི་སྙན་དུ་སྐྱེས། །སླར་ཡང་ལྷ་དགེ་དགའ་བར་བྱེད་པ་དང ། །སེམས་ཀྱི་སྨོན་ལམ་དབང་གིས་སླར་ཡང་བདག། མི་ནི་དགེ་བ་རྣམས་ཀྱི་ནང་དུ་སྐྱེས། །ལས་དེ་གཅིག་པུ་ཉིད་ཀྱི་འབྲས་བུས་བདག། བྲམ་ཟེ་སཱ་ལ་ཆེན་པོའི་རིགས་སྐྱེས་ཏེ། །ནོར་མང་སྐྱེས་པ་བུད་མེད་རྣམས་ཀྱིས་བཀུར། །འདོད་པའི་ཡོན་ཏན་ལྔ་དོན་མི་གཉེར་ཡང ། །བདག་གིས་སྟོན་པ་ལན་འགའ་མ་མཐོང་ཞིང ། །མཚུངས་མེད་ཉན་ཐོས་བདག་གིས་མ་མཐོང་ནས། ། བདག་གིས་སེང་རས་ཚེམ་གྱོན་འཇིག་རྟེན་ན། །དགྲ་བཅོམ་རྣམས་ལ་ཕྱག་འཚལ་རབ་ཏུ་བྱུང ། །བདག་ནི་དེ་ལྟར་རབ་ཏུ་བྱུང་བ་དང ། །རྒྱལ་བ་བུ་མང་མཆོད་རྟེན་ན་བཞུགས་མཐོང ། །ཐུབ་ཞབས་ཕྱག་འཚལ་བཅོམ་ལྡན་བདག་གི་སྟོན། །བདག་ནི་ཁྱོད་ཀྱི་ཉན་ཐོས་གྱུར་ཅེས་གསོལ། །འོད་སྲུང་ཇི་སྐད་སྨྲས་བཞིན་བྱས་ཏེ་འདིར། །ཁྱོད་སྟོན་ང་ཡིན་ང་ཡི་ཉན་ཐོས་ཁྱོད། །གལ་ཏེ་སྡུག་
Kha460b
བསྔལ་ཀུན་ལས་ཐར་འདོད་ན། །ཁྱོད་ཀྱིས་སྙན་པར་བཤད་པའི་ཆོས་སྙན་ཉོན། །གང་ཡང་དག་ལ་སྐྱེས་མཆོག་སྐྱོབ་པ་ནི། །ཐུགས་རྗེ་ཆེན་པོ་ཡིས་ནི་ཆོས་བཤད་པ། །བསམ་གཏན་བཞི་སྟོབས་དབང་པོ་བྱང་ཆུབ་ཀྱི། །ཡན་ལག་ལམ་གྱི་ཡན་ལག་རྣམ་པར་ཐར། །དེ་དག་བསྒོམ་པ་བདག་གིས་དགའ་མགུར་ཐོབ། །ཟག་པ་ཟད་ཅིང་ལུས་ཀྱི་ཐ་མ་བཟུང ། །ལུས་ཀྱི་ཐ་མ་འཛིན་པ་རྡུལ་མེད་པ། །དྲང་པོ་འདི་དག་དང་ནི་བདག་གིར་ཕྲད། །དེ་བཞིན་གཤེགས་རྒྱལ་ཕུན་སུམ་ཚོགས་པ་གསུངས། །ཚུལ་ཁྲིམས་ལྡན་པ་གང་འདོད་འགྲུབ་པར་འགྱུར། །བདག་གི་ཡིད་ལ་ཅི་དང་ཅི་བསམ་པ། །ཐམས་ཅད་གྲུབ་སྟེ་སྲིད་པའི་ཐ་མ་འདི། །བདག་གི་སྐྱེ་བ་ཟད་ཅིང་འཆིང་བ་དང ། །སྲེད་པ་ཀུན་ནས་ལངས་པ་ཉིད་བཅད་དེ། །བདག་ནི་ཆོས་རྒྱལ་ཐུགས་ལས་སྐྱེས་པའི་སྲས། །ཉོན་མོངས་ཚོགས་རྣམས་ཟད་པས་མྱ་ངན་འདའ། །བདག་ནི་ཐམས་ཅད་གཟིགས་པ་ཡིས། །སྦྱངས་ལ་གནས་པ་མཆོག་ཏུ་བསྟེན། །ཟག་པ་མེད་ཅིང་ཉེས་པ་བསལ། །གོ་འཕང་མི་གཡོ་བདག་གིས་ཐོབ། །གནས་བརྟན་འོད་སྲུང་དེ་ལྟ་བུར། །མ་དྲོས་པ་ཡི་མཚོ་ཆེན་དུ། །དགེ་སློང་དགེ་འདུན་མདུན་འདུག་ནས། །རང་གི་ལས་ནི་ལུང་བསྟན་ཏོ། །འོད་སྲུང་གི་ལེའུ་སྟེ། །དང་པོའོ།། །།འདུལ་བ་གཞི། བམ་པོ་ང་གཉིས་པ། དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུས་ལས་ཅི་ཞིག་བྱས་ན། ལས་དེའི་རྣམ་པར་སྨིན་པས། ཤེས་རབ་ཆེན་པོ་དང ། སྤོབས་པ་ཆེན་པོ་དང་ལྡན་པར་
Kha461a
༄#། །གྱུར། དེས་སྨྲས་པ། བདག་གིས་དགོན་པར་རང་སངས་རྒྱས། །དྲང་སྲོང་དགེ་སྦྱོང་ཞིར་གྱུར་པ། །སྐལ་དང་ལྡན་པ་ཆོས་གོས་ནི། །དེ་ཚེ་རྙིང་པ་གྱོན་པ་མཐོང ། །དེ་ལ་བདག་གིས་སེམས་དད་པས། །བང་བརྒྱུགས་ནས་ཀྱང་ཆོས་གོས་ནི། །དྲུབས་ཤིང་ཁ་བསྒྱུར་དེ་བཞིན་དུ། །དེ་ལ་ཡང་དང་ཡང་དུ་གཏུགས། །དེ་ནས་བདག་ལ་ཐུགས་བརྩེའི་ཕྱིར། །དེ་ནི་བར་སྣང་ལ་འཕགས་ནས། །རང་གི་གཟི་བརྗིད་ཀྱིས་འབར་ཞིང ། །དེ་ནས་མཁའ་ལ་གཤེགས་པར་གྱུར། །བདག་གིས་ཐལ་མོ་སྦྱར་བྱས་ནས། །ཇི་ལྟར་བདག་ནི་འདི་འདྲ་བར། །དབང་རྣོན་ཤེས་རབ་ཆེར་ཤོག་ཅེས། །དེ་ལྟ་བུ་ནི་སྨོན་ལམ་བཏབ། ། བདག་ནི་ཕྱུག་པོའི་རིགས་སུ་འམ། །མ་རབས་དག་ཏུ་མི་སྐྱེ་བར། །བར་མའི་རིགས་སུ་སྐྱེ་འགྱུར་ཞིང ། །རྟག་ཏུ་རབ་བྱུང་མང་བར་ཤོག་།དགེ་བའི་རྩ་བ་དེས་ན་བདག་།བདག་ནི་ཚེ་རབས་ལྔ་བརྒྱར་ཡང ། ། མི་ཡི་རྙེད་པ་ཐོབ་ནས་ནི། །ཁྱིམ་མེད་པར་ནི་རབ་ཏུ་བྱུང ། །བདག་གི་སྐྱེ་བ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་བྱས། །ཤཱཀྱ་སེང་གེའི་བསྟན་པ་ལ། །བདག་གིས་རབ་བྱུང་ཐོབ་ནས་ནི། །མྱ་ངན་འདས་པ་བསིལ་གྱུར་བའི། །དགྲ་བཅོམ་པ་ཡང་བདག་གིས་ཐོབ། །བཙུན་པ་བདག་གིས་ཟླ་ཕྱེད་ཀྱིས། །འགྲོ་བའི་ཕ་རོལ་ཕྱིན་པ་ཐོབ། །དགེ་སློང་དགེ་འདུན་གུང་བཞུགས་ནས། །སྟོན་པས་བདག་ནི་མངོན་སུམ་དུ། །ཆོས་ཀྱི་འཁོར་ལོ་རྗེས་བསྐོར་བ། །ཤེས་རབ་ཅན་གྱི་གཙོ་བོར་བསྟན། །ཤེས་རབ་ཆེན་པོ་ཤཱ་རིའི་བུ། །དགེ་སློང་དགེ་འདུན་མདུན་ནས།
Kha461b
མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ཤཱ་རིའི་བུའི་ལེའུ་སྟེ། གཉིས་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མོའུ་དགལ་གྱི་བུ་ཆེན་པོ། །ཚེ་དང་ལྡན་པ་ཤཱ་རིའི་བུས་ནི། རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ད་ནི། ཁྱོད་ཀྱིས་ཀྱང་རང་གི་ལས་ཀྱི་རྒྱུ་བ་ལུང་སྟོན་ཅིག། དེ་སྐད་ཅེས་སྨྲས་པ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོས། དགེ་སློང་གནས་བརྟན་གནས་བརྟན་རྣམས་ལ་འདི་སྐད་ཅེས་སྨྲས་སོ། །བདག་སྔོན་དྲང་སྲོང་གྱུར་པའི་ཚེ། །ནགས་མཐའི་དགོན་པར་གནས་པ་ན། །དེར་ནི་སྐྱེས་པ་ཞིག་འོངས་ནས། །བདག་ལ་རབ་བྱུང་གསོལ་བ་འདེབས། །བདག་གིས་རྒྱུགས་ནས་དེ་ཡི་སྐྲ། །བྲེགས་ནས་ཀྱང་ནི་ཆོས་གོས་དག་།ཁ་དོག་བསྒྱུར་ནས་དེ་ལ་བྱིན། །དེ་ཡིད་དགའ་གྱུར་དེ་ཡི་ཚེ། །ཕྱོགས་གཅིག་ཏུ་ནི་ཉེར་སོང་ནས། །སྐྱིལ་མོ་ཀྲུང་བཅས་འདུག་ནས་དེས། །རང་བྱང་ཆུབ་ནི་རེག་གྱུར་ཏེ། །དེ་ནས་མཁའ་ལ་སོང་བར་གྱུར། །བདག་གིས་དད་བསྐྱེད་ཉེར་སོང་སྟེ། །དེ་ནས་ཐལ་མོ་ལེགས་སྦྱར་ཏེ། །དེ་ནས་རྫུ་འཕྲུལ་མཆོག་གསོལ་ཞིང ། །སྨོན་ལམ་གདབ་པ་བྱས་པ་ནི། །དྲང་སྲོང་ཆེ་འདི་ཅི་འདྲ་བའི། །བདག་གི་རྫུ་འཕྲུལ་དེ་འདྲར་ཤོག་།དགེ་བའི་རྩ་བ་དེ་ཡིས་ནི། །གང་དང་གང་དུ་སྐྱེས་པར་ནི། །བསོད་ནམས་བྱས་པས་མཛེས་པ་ཡི། །ལྷ་དང་མི་ནི་རྣམས་སུ་གྱུར། །བདག་གི་སྲིད་པ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་
Kha462a
༄#། །པར་བྱས། །ཤཱཀྱ་སེང་གེའི་བསྟན་པ་ལ། །བདག་གིས་རབ་བྱུང་ཐོབ་ནས་ནི། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ནི་བདག་གིས་ཐོབ། །ཐམས་ཅད་གཟིགས་པས་རྫུ་འཕྲུལ་ཅན། །རྣམས་ཀྱི་མཆོག་ཏུ་བདག་བསྟན་ཏོ། །དགེ་བ་ཆུང་ངུ་བྱས་པས་ནི། །བདེ་བ་མང་པོ་ཉམས་སུ་མྱོང ། །མི་དགེ་བ་ཡི་ལས་གང་ཡིན། །བདག་གིས་ལུང་བསྟན་མཉན་པར་གྱིས། །གྲོང་མཆོག་རྒྱལ་པོའི་ཁབ་ཏུ་ནི། །བདག་ནི་ཚོང་དཔོན་ཁྱེའུ་གྱུར་ནས། །ཁྱིམ་གྱི་ཕྱི་རོལ་རྩེ་རྩེ་ནས། །ཟན་གྱི་ཕྱིར་ཡང་ཞུགས་པ་ལས། །དེ་ན་ཕ་མ་གཉིས་ཀ་ནི། །དབེན་པར་འདུག་པ་བདག་གིས་མཐོང ། །དེ་གཉིས་མཐོང་ནས་བདག་བརྡེགས་ཤིང ། །སྐྱེངས་པས་ཀྱང་ནི་སྤྱོ་བ་བྱས། །ཕ་དང་མ་ནི་གཉིས་ཀ་ལ། །ཡིད་ཀྱི་ཉེས་པ་བྱས་པ་ནི། །གང་ཚེ་ཆེན་པོར་གྱུར་པ་ན། །འདམ་བུ་བཅོམ་པ་བཞིན་གསད་སྙམ། །བདག་གི་ཡིད་ཀྱིས་ཉེས་བྱས་ཀྱི། །ལུས་ཀྱིས་བྱས་པ་མ་ཡིན་ན། །བདག་ནི་དམྱལ་བ་ཐིག་ནག་ཏུ། །སྡུག་བསྔལ་མི་བཟད་ཉམས་སུ་མྱོང ། །དེ་ཡི་ལས་ཀྱི་ལྷག་མ་ཡི། །བདག་གི་སྲིད་པ་ཐ་མ་འདིར། །མུ་སྟེགས་གཞན་གྱི་དགེ་སྦྱོང་གིས། །འདམ་བུ་བཅོམ་བཞིན་བདག་གཏོག་འགྱུར། །བདག་ནི་སྡུག་བསྔལ་དེ་ཉིད་ཀྱིས། །ཤི་བར་གྱུར་ཏེ་དེ་ནས་ནི། །ལས་རྣམས་ཀྱི་ནི་ལྷག་མ་ཡང ། །ཐ་མ་ཟད་པར་འགྱུར་བ་ཡིན། ། དེ་བས་ཕ་དང་མ་དག་ལ། །སེམས་ནི་རབ་ཏུ་དད་པར་བྱ། །སེམས་དད་པ་ཡི་རྒྱུ་ཡིས་ནི། །སེམས་ཅན་འགྲོ་བ་བཟང་པོར་འགྲོ་།དེ་ལྟར་གནས་བརྟན་པང་ནས་སྐྱེས། །དགེ་སློང་དགེ་འདུན་མདུན་འདུག་ནས།།
Kha462b
མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །པང་ནས་སྐྱེས་ཀྱི་ལེའུ་སྟེ། གསུམ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་མཛེས་ལྡན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མཛེས་ལྡན། ཚེ་དང་ལྡན་པང་ནས་སྐྱེས་ཀྱི་རང་གི་ལས་ཀྱི་རྒྱུ་བ་བསྟན་ཟིན་གྱི། ད་ནི། ཚེ་དང་ལྡན་པ་མཛེས་ལྡན་གྱིས་ཀྱང་རང་གི་ལས་ཀྱི་རྒྱུ་བ་ལུང་སྟོན་ཅིག། དེ་ནས་ཚེ་དང་ལྡན་པ་མཛེས་ལྡན་གྱིས། དགེ་སློང་གི་དགེ་འདུན་གྱི་མདུན་དུ་རང་གི་ལས་ཀྱི་རྒྱུ་བ་ལུང་བསྟན་པ། དགེ་འདུན་ཀུན་དགར་བདག་སོན་ན། །ཁྱམས་དེའི་ཕྱག་དར་མཐོང་ནས་ནི། །བདག་གིས་ཕྱགས་མ་བླངས་ནས་སུ།། དེ་ཚེ་དགའ་བས་ཕྱག་དར་བྱས། །དེ་ནས་བདག་གི་སེམས་དད་པས། །ཁྱམས་དེ་གཙང་མར་མཐོང་ནས་ནི། །ཇི་ལྟར་ཁྱམས་དེ་གཙང་བ་ལྟར། །ཉོན་མོངས་མེད་པར་གྱུར་ཅིག་སྨྲས། །དགེ་བའི་རྩ་བ་དེ་ཡིས་ན། ། གང་དང་གང་དུ་སྐྱེས་པར་ཡང ། །བདག་གི་གཟུགས་ནི་བཟང་བ་དང ། །བལྟ་ན་སྡུག་ཅིང་མཛེས་པར་གྱུར། །དེ་ཡི་ལས་ཀྱི་ལྷག་མས་ནི། །བདག་གི་ལུས་ནི་ཐ་མ་ལ། །བདག་གི་ཕ་དང་མ་གཉིས་ཀྱིས། །བདག་མིང་མཛེས་ལྡན་ཁོ་ནར་བཏགས། །མཛེས་ལྡན་བདག་ནི་བཙས་གྱུར་ཏེ། །གང་ཚེ་གཉེན་ཚོགས་མདུན་ཕྱིན་པ། །དེ་ཚེ་གཉེན་ནི་ཐམས་ཅད་ཀྱིས། །མགུ་ཞིང་ཡིད་དགའ་བཀུར་སྟི་བྱས། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་བྱས། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །བདག་གིས་ཉོན་མོངས་མེད་གྱུར་ཅེས། །སྨོན་ལམ་བཏབ་པ་གང་ཡིན་པ། །བྱ་བ་
Kha463a
༄#། །བྱས་ཏེ་ཉོན་མོངས་མེད། །དགྲ་བཅོམ་ཟག་པ་མེད་པ་ཡིན། །འཛམ་བུའི་གླིང་ནི་ཐམས་ཅད་ཀྱང ། །ཀ་ཤིའི་གོས་ཀྱིས་ཕྱགས་པ་བས། །གང་གིས་འདོད་ཆགས་བྲལ་བ་ཡི། །དྲང་སྲོང་འཆག་གཅིག་ཕྱགས་པའོ། །འཛམ་བུའི་གླིང་ན་དྲང་སྲོང་གི། འཆགས་ཐམས་ཅད་ཕྱགས་པ་བས། །གང་གིས་ཕྱོགས་བཞིའི་དགེ་འདུན་གྱི། །རེ་ལྡེ་ཙམ་དག་ཕྱགས་པའོ། །འཛམ་བུའི་གླིང་ན་དགེ་འདུན་གྱི། །ཀུན་དགའ་ར་བ་ཀུན་ཕྱགས་པས། །གང་གིས་རྒྱལ་བའི་མཆོད་རྟེན་ནི། །ཁྲུ་གང་ཙམ་ཞིག་ཕྱགས་པའོ། །བདག་ཉིད་ཀྱིས་ནི་གང་རྟོགས་པའི། །ཁྱད་པར་དེ་དག་ཤེས་བྱས་ནས། །བདེ་གཤེགས་མཆོད་རྟེན་ཕྱགས་ནས་ནི། །སེམས་ཀྱང་རབ་ཏུ་དང་བར་གྱིས། །དེ་ལྟས་རྫོགས་པའི་སངས་རྒྱས་ཀྱིས། །ཡོན་ཏན་མང་པོ་ཤེས་པ་ཡིས། །མཆོད་རྟེན་རྣམས་ལ་བཀུར་སྟི་བྱོས། ། འབྲས་བུ་ཆེན་པོ་དག་ཏུ་འགྱུར། །བཙུན་པ་བདག་གིས་དགེ་བ་ནི། །གང་བྱས་དྲན་པ་འདི་ལགས་ཏེ། །དེ་ཡི་འབྲས་བུ་སྡུག་པ་དང ། །འདོད་པ་ཡིད་འོང་ཉམས་སུ་མྱོང ། །དེ་བས་རྒྱལ་བའི་མཆོད་རྟེན་ལ། །མཆོད་པ་དག་ནི་བཟང་པོ་གྱིས། །བཙུན་པ་འདི་ནི་བསོད་རྣམས་ཞིང ། །དམ་པ་བླ་ན་མེད་པ་ཡིན། །རྫོགས་སངས་དེ་བཞིན་གཤེགས་པའམ། །སངས་རྒྱས་རྣམས་ཀྱི་ཉན་ཐོས་ལ། །སེམས་ནི་རབ་ཏུ་དང་བྱས་པའི། །ཡོན་ནི་ཆུང་ངུར་འགྱུར་མ་ཡིན། །དེ་ལྟར་གནས་བརྟན་མཛེས་ལྡན་གྱིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་
Kha463b
ལས་ནི་ལུང་བསྟན་ཏོ། །མཛེས་ལྡན་གྱི་ལེའུ་སྟེ། བཞི་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། །ཚེ་དང་ལྡན་པ་སྣ་མའི་མེ་ཏོག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་སྣ་མའི་མེ་ཏོག་།ཚེ་དང་ལྡན་པ་མཛེས་ལྡན་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ད་ནི། ཚེ་དང་ལྡན་པས་ཀྱང་རང་གི་ལས་ཀྱི་རྒྱུ་བ་ལུང་སྟོན་ཅིག་།སྣ་མའི་མེ་ཏོག་རྣ་རྒྱན་བྱས། །མགོ་ལ་མེ་ཏོག་ཕྲེང་བཅིངས་ནས། །ནེའུ་ཟླ་རྣམས་ཀྱིས་ཡོངས་བསྐོར་ཏེ། །སྐྱེད་མོས་ཚལ་གྱི་གནས་སུ་བྱུང ། །དེ་ན་ཐུབ་པ་ཆེན་པོ་པ། །རྣམ་པར་གཟིགས་ཀྱི་མཆོད་རྟེན་ལ། །སྐྱེ་བོའི་ཚོགས་ཆེན་ཐམས་ཅད་ནས། །ལེགས་པར་མཆོད་པ་བདག་གིས་མཐོང ། །དེ་ནས་ནེའུ་ཟླ་རྣམས་ཁྲིད་ནས། །རང་རང་གི་ནི་ཕྲེང་བ་ཀུན། །སེམས་ནི་དད་པར་བྱས་ནས་སུ། །མཆོད་རྟེན་དེ་ལ་གདགས་པ་བྱས། །དེ་ན་བདག་གིས་དེ་དག་དང ། །སྐྱེ་བོ་མང་པོ་གཞན་མཐོང་ནས། །སྣ་མ་རྣ་བ་ལས་ཕྲལ་ཏེ། །དེ་ཚེ་མཆོད་རྟེན་གདགས་པ་བྱས། །དགེ་བའི་རྩ་བ་དེས་ན་བདག་།གང་དང་གང་དུ་སྐྱེ་བར་ཡང ། །བསོད་ནམས་བྱས་པས་མཛེས་པ་ཡི། །ལྷ་དང་མི་ནི་རྣམས་སུ་གྱུར། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་བྱས། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ནི་བདག་གིས་ཐོབ། །མེ་ཏོག་གཅིག་ནི་བཏང་བས་ན། །ལོ་ནི་བྱེ་བ་བརྒྱ་ཕྲག་ཏུ། །བདག་གིས་ལྷ་ཡི་ལོངས་སྤྱད་ནས། །དེ་ཡི་ལྷག་མས་མྱ་ངན་འདས། །བཙུན་པ་གལ་ཏེ་སངས་རྒྱས་ཀྱི། །ཡོན་ཏན་ཕལ་ཆེར་འཚལ་གྱུར་ནས།།
Kha464a
༄#། །སེམས་ནི་ཤིན་ཏུ་དང་བ་ཡིས། །ཕྱིར་ཞིང་བསྙེན་བཀུར་བགྱིས་པ་ཞིག་།དེ་ལྟས་རྫོགས་པའི་སངས་རྒྱས་ཀྱི། །ཡོན་ཏན་མང་པོ་ཤེས་པ་ཡིས། །མཆོད་རྟེན་རྣམས་ལ་བཀུར་སྟི་བྱོས། །འབྲས་བུ་ཆེན་པོ་དག་ཏུ་འགྱུར། །རྫོགས་སངས་དེ་བཞིན་གཤེགས་པའམ། །སངས་རྒྱས་རྣམས་ཀྱི་ཉན་ཐོས་ལ། །སེམས་ནི་རབ་ཏུ་དང་བྱས་པའི། །ཡོན་ནི་ཆུང་བར་འགྱུར་མ་ཡིན། །བཙུན་པ་བདག་གིས་དགེ་བ་ནི། །གང་བྱས་དྲན་པ་འདི་ལགས་ཏེ། །དེ་ཡི་འབྲས་བུ་སྡུག་པ་དང ། །འདོད་པ་ཡིད་འོང་ཉམས་སུ་མྱོང ། །ལས་ཀྱི་རྣམ་པར་སྨིན་པ་དེས། །ཡང་སྲིད་སྐྱེ་པ་ཟད་པ་དང ། །ཉོན་མོངས་བཅོམ་ནས་བསིལ་གྱུར་པའི། །བདག་ནི་དགྲ་བཅོམ་མྱ་ངན་འདས། །བདག་ནི་ཡང་སྲིད་ཉལ་བ་དང ། །འཁོར་བ་གང་དུ་འང་ཉལ་བ་ཡིན། །བདག་གི་སྐྱེ་བ་ཐ་མ་ནི། །འདི་ཡིན་ལེན་པ་མེད་པར་འགྱུར། །དེ་ཉིད་ཀྱི་ནི་རྒྱུ་ཡིས་བདག་།སྣ་མའི་མེ་ཏོག་མིང་འདི་གདགས། །སྡུག་བསྔལ་ཀུན་ལས་བདག་གྲོལ་ཞིང ། །སྲིད་པའི་མཚོ་ལས་བརྒལ་བར་གྱུར། །དེ་ལྟར་གནས་བརྟན་སྣ་མ་ནི། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །སྣ་མའི་མེ་ཏོག་གི་ལེའུ་སྟེ། ལྔ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། །ཚེ་དང་ལྡན་པ་བྱེ་བ་ཉི་ཤུ་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་བྱེ་བ་ཉི་ཤུ་པ། །ཚེ་དང་ལྡན་
Kha464b
པ་སྣ་མའི་མེ་ཏོག་གིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པས་ཀྱང་ད་ནི། རང་གི་ལས་ཀྱི་རྒྱུ་བ་ལུང་སྟོན་ཅིག་།ཚེ་དང་ལྡན་པ་བྱེ་བ་ཉི་ཤུ་པས་ལས་ཅི་ཞིག་བྱས་ན། ལས་དེས། བཅོམ་ལྡན་འདས་ཀྱིས་བརྩོན་འགྲུས་རྩོམ་པ་རྣམས་ཀྱི་མཆོག་ཏུ་བསྟན། དེས་སྨྲས་པ། རྣམ་པར་གཟིགས་ཀྱི་གསུང་རབ་ལ། །རྒྱལ་པོའི་ཕོ་བྲང་བཤེས་ལྡན་དུ། །བདག་གིས་ཕྱོགས་བཞིའི་དགེ་འདུན་གྱི། ། གནས་ཁང་གཅིག་ཅིག་བརྩིགས་ནས་ནི། །བདག་གིས་གནས་ཁང་དེ་ཡི་གཞིར། །རས་ཕྲན་རྣམས་ཀྱིས་ས་གཞི་གཡོགས། །སེམས་དགའ་བ་དང་ཡིད་བདེ་བས། །དེ་ཚེ་སྨོན་ལམ་བཏབ་པ་ནི། །རྫོགས་སངས་རྒྱས་ནི་མཉེས་བྱས་ཏེ། །བསྙེན་པར་རྫོགས་པ་ཐོབ་ནས་ནི། །མྱ་ངན་འདས་པ་ཕྱོགས་ཞི་བ། །རྒ་མེད་གོ་འཕང་རེག་པར་ཤོག་།བདག་གི་བསོད་ནམས་དེས་ནི་བདག་།བསོད་ནམས་བྱས་པས་མཛེས་པ་ཡི། །བསྐལ་པ་དགུ་བཅུར་ལྷ་དང་ནི། །མི་རྣམས་སུ་ནི་འཁོར་བར་གྱུར། །དེ་ནས་ལས་ཀྱི་ལྷག་མས་ནི། །བདག་གི་ལུས་ནི་ཐ་མ་ལ། །ཙམ་པར་ཚོང་དཔོན་མཆོག་གི་ཡང ། །བུ་གཅིག་པར་ནི་བདག་སྐྱེས་སོ། །བདག་ནི་བཙས་མ་ཐག་ཏུ་ཡང ། །ཕ་ཡིས་ཐོས་ནས་འདུན་གྱུར་པ། །གཞོན་ནུ་ལ་ནི་བདག་གི་ནོར། །བྱེ་བ་ཉི་ཤུ་སྦྱིན་པར་བྱ། །བདག་གི་རྐང་མཐིལ་གཉིས་ཀའི་སྤུ། །ཤིན་ཏུ་ཕྲ་ཞིང་མཉེན་པ་དང ། །རེག་ན་བདེ་ཞིང་འཇམ་པ་ཡི། །ཤིང་བལ་འདབ་ལྟའི་སོར་བཞི་སྐྱེས། །འདས་པའི་བསྐལ་བ་དགུ་བཅུ་དང ། །བསྐལ་པ་གཅིག་འདི་ལྷག་པར་ནི། །ས་གཞི་གདིང་
Kha465a
༄#། །བས་མ་གཡོགས་པར། །རྐང་པ་འཇོག་ནི་མ་མྱོང་ངོ ། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་བྱས། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །ཐམས་ཅད་གཟིགས་པས་བརྩོན་འགྲུས་ཅན། །རྣམས་ཀྱི་མཆོག་ཏུ་བདག་བསྟན་ཏོ། །ཟག་མེད་ཉེས་པ་སྤངས་པ་ཡི། །གོ་འཕང་མི་གཡོ་བདག་གིས་ཐོབ། །གནས་བརྟན་བྱེ་བ་ཉི་ཤུ་པ། །དགེ་སློང་དགེ་འདུན་མདུན་འདུག་ནས། །དེ་ལྟར་མ་དྲོས་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །བྱེ་བ་ཉི་ཤུ་པའི་ལེའུ་སྟེ། དྲུག་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། །ཚེ་དང་ལྡན་པ་ངག་དབང་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ངག་དབང ། ཚེ་དང་ལྡན་པ་བྱེ་བ་ཉི་ཤུ་པས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི།་ཚེ་དང་ལྡན་པས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེས་སྨྲས་པ། འདས་པའི་བསྐལ་པ་དགུ་བཅུར་ནི། །བསོད་ནམས་བྱས་པས་མཛེས་པ་ཡི། །ལྷ་རྣམས་དང་ནི་མིར་སྐྱེས་ཏེ། །བདག་གིས་ངན་འགྲོ་མི་ཤེས་སོ། །བདག་གིས་དགེ་བ་མི་ཤེས་ཏེ། །ཕན་ཚུན་ཟླ་ལྟས་འབབ་ཞིག་གིས། །རྣམ་པར་གཟིགས་ཀྱི་མཆོད་རྟེན་ནི། །མཐོང་ནས་དེ་ཚེ་བསྙེན་བཀུར་བྱས། །འགྲོན་བུ་དྲུག་ཅུ་རྣམས་ཀྱིས་ནི། །དྲི་དང་ཕྲེང་བ་བྱུག་ཉོས་ཏེ། །མཆོད་རྟེན་ལ་ནི་གདགས་བྱས་པས། །བདག་ན་ནི་ལོག་པར་ལྟུང་མ་གྱུར། །དགེ་བ་ཆུང་ངུ་བྱས་པས་ནི། །བདེ་བ་མང་པོ་ཉམས་
Kha465b
སུ་མྱང ། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །གལ་ཏེ་རྫོགས་སངས་རྒྱས་གྱུར་ལ། མཆོད་རྟེན་དེ་ལ་བདག་གིས་སུ། །བཀུར་སྟི་བྱས་པར་གྱུར་ན་ནི། ། ལེགས་པར་མང་བྱེད་འགྱུར་བ་ཞིག་།དེ་ལྟས་རྫོགས་པའི་སངས་རྒྱས་ཀྱི། །ཡོན་ཏན་མང་པོ་ཤེས་པ་ཡིས། །མཆོད་རྟེན་བཀུར་སྟི་བྱོས་ཤིག་དང ། །འབྲས་བུ་ཆེན་པོ་དག་ཏུ་འགྱུར། །ཐམས་ཅད་གཟིགས་པས་མང་ཐོས་དང ། །སྣ་ཚོགས་གཏམ་དང་དགེ་བ་ཡིས། །སྤོབས་ལྡན་ཚིགས་བཅད་བྱེད་པ་ནི། །རྣམས་ཀྱི་མཆོག་ཏུ་བདག་བསྟན་ཏོ། །དེ་ལྟར་གནས་བརྟན་ངག་དབང་ནི། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ངག་དབང་གི་ལེའུ་སྟེ། བདུན་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་བྷ་ར་དྷྭ་ཛ་བསོད་སྙོམས་ལེན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་བྷ་ར་དྷྭ་ཛ་བསོད་སྙོམས་ལེན་ལ་ཚེ་དང་ལྡན་པ་ངག་དབང་གིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། །ཚེ་དང་ལྡན་པས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་བྷ་ར་དྷྭ་ཛ་བསོད་སྙོམས་ལེན་གྱིས་འདི་སྐད་ཅེས་སྨྲས་སོ། །བདག་ནི་ཚོང་དཔོན་བུར་གྱུར་ནས། །ཕ་ཡི་ཁྱིམ་ན་དབང་བྱེད་ཚེ། །བདག་གིས་ཕ་ནི་ཡིད་བསྲུབས་ཤིང ། །མ་ལ་ལོག་པ་མི་མཐུན་བྱས། །ཕ་དང་སྲིང་མོ་སྤུན་དང་ནི། །བྲན་དང་ལས་བྱེད་རྣམས་ལ་ཡང ། །ཟས་
Kha466a
༄#། །དང་སྐོམ་གྱིས་ཚིམ་བྱས་ཀྱང ། །མ་ལ་སྤྱོ་བ་བྱས་ནས་སུ། །བདག་ནི་སེར་སྣས་ཟིལ་ནོན་པས། །མ་ལ་ཟས་ནི་མ་བྱིན་པར། །ཁྲོས་པས་ཚིག་ཏུ་སྨྲས་པ་ནི། །ཟས་སུ་རྡོ་བ་ཟོ་ཞིག་བྱས། །ལས་ཀྱི་རྣམ་པར་སྨིན་པ་དེས། །རབ་ཏུ་ཚ་དང་ཐིག་ནག་གི་།དམྱལ་བར་ལན་མང་ལྷུང་ནས་ནི། །སྡུག་བསྔལ་མི་ཉུང་ཐོབ་པར་གྱུར། །དམྱལ་བ་དེ་ནས་ཤི་འཕོས་ནས། །མི་ཡི་སྲིད་པ་ཐོབ་པ་ནས། །ལས་ཀྱི་རྣམ་པར་སྨིན་པ་དེས། །བདག་ནི་རྡོ་བ་ཟ་བར་གྱུར། །སྐྱེ་བ་དེ་དང་དེ་དག་ཏུ། །བདག་གི་རྡོ་བ་མ་ཟོས་ཤིང ། །དེ་བཞིན་བཀྲེས་སྐོམ་སྡུག་བསྔལ་གྱིས། །བདག་ནི་འཆི་བའི་དུས་བྱས་སོ། །བདག་གི་སྐྱེ་བ་ཐ་མ་ནི། །མི་སྲིད་ཐོབ་པ་འདི་ཡིན་ཏེ། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་བྱས། །ཤཱཀྱ་སེང་གེའི་བསྟན་པ་ལ། །བདག་གིས་རབ་བྱུང་ཐོབ་ནས་ནི། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །ཐམས་ཅད་གཟིགས་པས་སེང་གེ་ཡི། །སྒྲ་སྒྲོག་པ་ཡི་མཆོག་ཏུ་བསྟན། །བདག་གིས་ཉོན་མོངས་ཐམས་ཅད་སྤངས། །ཉོན་མོངས་བྲལ་བས་ཟག་པ་མེད། །ད་དུང་དུ་ཡང་བཙུན་པ་དག་།དེ་ལྟར་རྫུ་འཕྲུལ་ལྡན་ལགས་ན། །ཕུག་ན་བདག་གི་ཟས་མཆིས་པ། །རྡོ་བ་ཉིད་དུ་གྱུར་ལགས་སོ། །བཙུན་པ་བདག་གིས་སྡིག་པ་ནི། །གང་བགྱིས་དྲན་པ་འདི་ལགས་ཏེ། །ལས་རྣམས་ཆུད་མི་ཟ་བས་ན། །དེ་ཡི་འབྲས་བུ་ཉམས་སུ་མྱོང ། །བྷ་ར་དྷཱ་ཛ་བསོད་སྙོམས་ལེན། །དགེ་སློང་དགེ་འདུན་མདུན་འདུག་ནས།།
Kha466b
མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །བྷ་ར་དྷྭ་ཛ་བསོད་སྙོམས་ལེན་གྱི་ལེའུ་སྟེ། བརྒྱད་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་ལེགས་འོངས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ལེགས་འོངས། ཚེ་དང་ལྡན་པ་བྷ་ར་དྷྭ་ཛ་བསོད་སྙོམས་ལེན་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་ལེགས་འོངས་ཀྱིས་ཀྱང་ང་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་ལེགས་འོངས་ཀྱིས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། རྒྱལ་པོའི་ཕོ་བྲང་བཤེས་ལྡན་དུ། །ཚོང་དཔོན་བུ་ཕོར་གྱུར་ནས་ནི། །བདག་ནི་ནོར་དང་འབྲུ་མང་ཞིང ། །སྐྱེ་བོའི་ཚོགས་ཀྱིས་བཀུར་བ་དང ། །རྒྱལ་པོ་དང་ནི་གྲོང་མི་དང ། །གསང་ཚིག་བརྗོད་པ་རྣམས་ཀྱིས་བཀུར། །བལྟ་ན་སྡུག་ཅིང་མཛེས་པ་དང ། །དར་ལ་བབ་པ་གཟུགས་ཀྱིས་རྒྱགས། །དེ་ནས་བདག་ནི་ཤིང་རྟར་ཞུགས། །སྐྱེ་བོའི་ཚོགས་ཀྱིས་མདུན་བྱས་ནས། །འདོད་པ་ཀུན་དང་ལྡན་གྱུར་ཅིང ། །སྐྱེད་མོས་ཚལ་གྱི་གནས་སུ་བྱུང ། །སྐྱེད་མོས་ཚལ་དེར་དགེ་སྦྱོང་ནི། །དབང་པོ་ལེགས་པར་བསྡམས་པ་དང ། །དབང་པོ་ཞི་བས་རྒྱུ་བྱེད་པ། །ཆོས་གོས་རྙིང་པ་ཅན་ཞིག་མཐོང ། །དགེ་སྦྱོང་དེ་མཐོང་བདག་གིས་ནི། །ཡིད་མི་བདེ་བ་སྐྱེ་གྱུར་ཏེ། །དེ་སྐྱོན་མེད་ཀྱང་མི་སྡུག་ནས། །སྨད་ཅིང་སྤྱོ་བ་བྱས་ནས་ནི། །ཁ་དོག་ངན་ཅིང་འཇིགས་པར་སྣང ། །མཛེ་ཅན་ལུས་ནི་ལུས་རྨ་ཅན། །ཤ་བྲི་ངན་ཅིང་རྩ་ཐོན་པ། །རབ་ཏུ་བྱུང་འདི་སུ་ཡི་ཡིན། །ངག་གི་ཉེས་པ་སྤྱད་པ་
Kha467a
༄#། །དང ། །ལས་ཀྱི་རྣམ་པར་སྨིན་པ་དེས། །དེ་ནས་ཤི་འཕོའི་དུས་བྱས་ནས། །དམྱལ་བ་རྣམས་སུ་སྐྱེ་བར་གྱུར། །དམྱལ་བ་ནས་ནི་ཤི་འཕོས་བདག་།ཁ་དོག་ངན་ཅིང་སྡུག་བསྔལ་ལྡན། །མཛེ་ཅན་ལུས་ནི་ལུས་རྨ་ཅན། །ཤ་བྲི་ངན་ཅིང་རྩ་ཐོན་གྱུར། །ལག་ན་གྱོ་མོ་ཐོགས་ཤིང་རྒྱུ། །ཤ་ནི་རས་ཀྱི་སྨད་གཡོགས་བྱོན། །ཕྱག་དར་ཕུང་པོའི་སྟེང་ན་ཉལ། །གནས་མེད་མགོན་མེད་སྐྱོབ་པ་མེད། །ཟས་ཀྱི་ཆེད་དུ་སྤྲང་བ་ན། །གང་དང་གང་དུ་སོང་ན་ཡང ། །དབྱུག་པ་ཅན་གྱིས་ཕྱིར་ལྡོག་ཅིང ། །དེ་དག་བདག་ལ་སྨོད་པར་བྱེད། །དེ་ལྟར་ཚེ་རབས་ལྔ་བརྒྱར་ནི། །གང་དང་གང་དུ་སྐྱེས་པ་དེར། །བཀྲེས་དང་སྐོམ་པའི་སྡུག་བསྔལ་གྱིས། །བདག་ནི་འཆི་བའི་དུས་བྱས་སོ། །སེམས་ཅན་ཀུན་གྱིས་བདག་གི་མིང ། །ཉེས་འོངས་པ་ཞེས་སྨད་པ་བྱས། །ཀུན་གྱིས་ཡིད་དུ་མི་འོངས་པས། །དེ་ཚེ་སྨད་པ་བྱེད་པར་གྱུར། །བདག་གིས་རྫོགས་པའི་སངས་རྒྱས་ནི། །དགེ་སློང་དགེ་འདུན་མདུན་གྱིས་བྱས། །སྐྱེ་བོའི་ཚོགས་ནི་ཆེན་པོ་ལ། །དམ་པའི་གནས་ནི་སྟོན་པ་མཐོང ། །སྐྱེ་བོའི་ཚོགས་དེ་མཐོང་ནས་ནི། །ཇི་ཙམ་འདོད་པའི་ཟས་དང་སྐོམ། །རྙེད་པར་གྱུར་ན་སྟེར་སྙམ་ནས། །མྱུར་དུ་རྒྱུགས་ཏེ་ཕྱིན་པ་དང ། །སྐྱེ་བོའི་ཚོགས་ནི་ཆོས་ཀྱི་ཕྱིར། །འདུག་པ་དེ་ནི་མཐོང་ནས་ཀྱང ། །ཟས་སྦྱིན་པ་ནི་མེད་དོ་ཞེས། །བདག་ནི་རེ་ཆད་སླར་ལོག་གོ་།དེ་ནས་ཐུབ་པ་ཐུགས་རྗེ་ཅན། །མགོན་པོས་བདག་ལ་བཀའ་སྩལ་པ། །འོངས་པ་ལེགས་ཚུར་ཁྱོད་བདེ་འམ། །སྟན་འདི་ལ་ནི་ཁྱོད་འདུག་ཅིག་།བདག་
Kha467b
ནི་དགའ་བ་ཐོབ་གྱུར་ནས། །ཐལ་མོ་ལེགས་སྦྱར་དེའི་འོག་ཏུ། །སྟོན་པའི་ཞབས་ལ་ཕྱག་བྱས་ནས། །ཕྱོགས་གཅིག་ཏུ་ནི་བདག་འདུག་གོ་།དེ་ནས་སྟོན་པ་ཐུགས་རྗེ་ཅན། །གོའུ་ཏམ་རྗེས་སུ་ཐུགས་བརྩེ་བས།། རིམ་པ་བཞིན་གྱི་གཏམ་གསུངས་པས། །བདག་ནི་བདེན་པ་མཐོང་བར་བགྱིས། །བདེན་པ་མཐོང་ནས་ཐུབ་ཆེན་ལ། །དེ་ནས་བདག་གིས་རབ་འབྱུང་གསོལ། །གོའུ་ཏམ་ཐུགས་རྗེ་ཆེན་པོས་བདག་།རྗེས་སུ་བརྩེ་བས་རབ་ཏུ་བྱུང ། །འཇིག་རྟེན་གྱི་ནི་འདྲེན་པ་ཡིས། །བདག་མིང་ལེགས་འོངས་ཞེས་བཏགས་ཤིང ། །མེ་ཡི་ཁམས་ལ་སྙོམས་འཇུག་པ། །རྣམས་ཀྱི་མཆོག་ཏུ་བདག་བསྟན་ཏོ། །དེ་ལྟར་གནས་བརྟན་ལེགས་འོངས་ཀྱིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ལེགས་འོངས་ཀྱི་ལེའུ་སྟེ། དགུ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་དགའ་ཡོད་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དགའ་ཡོད། ཚེ་དང་ལྡན་པ་ལེགས་འོངས་ཀྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་དགའ་ཡོད་ཀྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་དགའ་ཡོད་ཀྱིས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། གྲོང་མཆོག་རྒྱལ་པོའི་ཁབ་ཏུ་ནི། །ཚོང་དཔོན་ཕྱུག་པོར་གྱུར་པ་ན། །དེ་ན་མུ་གེ་བྱུང་གྱུར་ནས། །དྲང་སྲོང་རྣམས་ནི་གསོ་སྐལ་བགོས། །དེ་ནས་བདག་གི་གསོ་སྐལ་དུ། །སྐལ་དང་ལྡན་པའི་རང་སངས་རྒྱས། །ཟག་པ་མེད་པ་བསིལ་གྱུར་པའི། །དྲང་སྲོང་མཛེས་པ་གཅིག་ཅིག་བྱོན།།
Kha468a
༄#། །སེམས་ནི་སེར་སྣའི་སྐྱོན་ཅན་གྱིས། །བདག་གི་སྡིག་པ་བསམ་པ་ནི། །ད་ལྟའི་དུས་སུ་དགེ་སྦྱོང་འདི། །ལོ་བདུན་དུ་ནི་སུ་ཞིག་གསོ། །ཁྱི་ཡི་གཅིན་ནི་བསྐོལ་བ་ཡིས། །དེ་ནས་འབྲས་ཀྱི་ཆན་བཙོས་ཏེ། །དེ་ན་དྲང་སྲོང་ཟ་རུ་བཅུག་།དེ་ཚེ་དེ་ནི་འཆི་དུས་བྱས། །སྡིག་པའི་ལས་ནི་དེ་བྱས་པས། །བསྡུས་གཞོམ་དང་ནི་ངུ་འབོད་དང ། །དེ་བཞིན་ཚ་བ་རབ་ཚ་བའི། །དམྱལ་བ་རྣམས་སུ་ཡུན་རིང་བཙོས། །དམྱལ་བ་ལས་ནི་ཤི་འཕོས་བདག་།མི་ཡི་སྲིད་པ་ཐོབ་ན་ཡང ། །ནད་བུ་ཅན་ལ་གཞན་དབང་དང ། །སྡུག་བསྔལ་གྱིས་ནི་བདག་དུས་བྱས། །དེ་ལྟར་ཚེ་རབས་ལྔ་བརྒྱར་ནི། །གང་དང་གང་དུ་སྐྱེས་པ་ན། །མི་སྡུག་ནད་དང་མི་བཟད་པས། །རྟག་ཏུ་བདག་ནི་དུས་བྱས་སོ། །བདག་གི་སྐྱེ་བ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །རྫོགས་སངས་བླ་ན་མེད་པ་ཡི། ། དེད་དཔོན་འདི་ནི་མཉེས་པར་བྱས། །ཤཱཀྱ་སེང་གེའི་བསྟན་པ་ལ། །བདག་གི་རབ་བྱུང་ཐོབ་ནས་ནི། །མྱ་ངན་འདས་པ་བསིལ་གྱུར་པ། །དགྲ་བཅོམ་པ་ཡང་བདག་གིས་ཐོབ། །བཙུན་པ་ད་ལྟར་ན་ཡང་བདག་།རྫུ་འཕྲུལ་ལྡན་ཞིང་ཟག་མེད་ཀྱང ། །ནད་བུ་ཅན་ལ་འགྲེ་ལྡོག་པ། །དེ་ལྟ་བུས་ནི་བདག་འཚོའོ། །དེ་ལྟར་གནས་བརྟན་དགའ་ཡོད་ཀྱིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །མ་འགག་པའི་གྲོགས་པོ་དགའ་ཡོད་ཀྱི་ལེའུ་སྟེ། བཅུ་པའོ།། །།སྡོམ་ནི། འོད་སྲུང་ཤཱ་རིའི་བུ་དང་ནི། །མོའུ་
Kha468b
དགལ་བུ་དང་མཛེས་ལྡན་དང ། །སྣ་མ་གྲོ་བཞིན་ངག་དབང་དང ། །བསོད་སྙོམས་ལེགས་འོངས་དགའ་ཡོད་དོ། །དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་གྲགས་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་གྲགས་པ། ཚེ་དང་ལྡན་པ་དགའ་ཡོད་ཀྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་གྲགས་པས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་གྲགས་པས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། བདག་སྔོན་དགོན་པའི་དྲང་སྲོང་གྱུར། །གྲོང་དུ་བསོད་སྙོམས་ཕྱིར་སོང་ན། །རྣམ་པར་སྔོས་པའི་བམ་པ་ཡི། །བུད་མེད་ཀྱི་ནི་རོ་ཞིག་མཐོང ། ། བདག་གིས་ཚུལ་བཞིན་བརྟག་བྱས་ཏེ། །སྐྱིལ་མོ་ཀྲུང་བཅས་འདུག་ནས་ནི། །རྩེ་གཅིག་ཤིན་ཏུ་མཉམ་བཞག་པས། །དེར་ནི་མི་སྡུག་སྒོམ་པ་བྱས། །བདག་འདུག་པ་ལས་དེ་ཡི་ལྟོ། །རྡོལ་ནས་འཇིགས་པའི་སྒྲ་བྱུང་བ། །ཐོས་པར་གྱུར་ནས་བདག་ཀྱང་ནི། །ཏིང་ངེ་འཛིན་ལ་ལངས་པར་གྱུར། །དེ་ཡི་ལྟོ་ན་ཡོད་པ་ཡི། །ངན་སྐྱུགས་དང་ནི་ཁྲག་དང་ནི། །རུལ་པའི་དྲི་དང་མི་གཙང་བ། །ཀུན་ནས་རབ་ཏུ་འཛག་པ་མཐོང ། །རྒྱུ་མ་གཉེ་མ་མཁལ་མ་དང ། །སྙིང་དང་དེ་བཞིན་གློ་བ་དང ། །སྲིན་བུ་བརྒྱ་ཕྲག་ཟ་བྱེད་ནས། །སླར་ཡང་སེམས་ནི་མཉམ་པར་བཞག་།དེ་ཅི་འདྲ་བར་འདི་དེ་འདྲ། །འདི་ཅི་འདྲ་བར་དེ་དེ་འདྲ། །ཕྱི་ཡི་རོ་ནི་མཐོང་གྱུར་ནས། །རང་གི་ལུས་ལ་གཏོད་པར་བྱེད། །དེ་ནས་ཏིང་འཛིན་ལས་ལངས་ནས། །བསྟི་གནས་སུ་ནི་སླར་ལོག་སྟེ། །དེ་ཚེ་བསོད་སྙོམས་མ་སྤྱད་དེ། །ཟས་ཀྱང་བཟའ་བ་མ་བྱས་སོ། །གང་ཚེ་བདག་ཡང་གྲོང་ཁྱེར་དུ།།
Kha469a
༄#། །ཟས་ཀྱི་ཆེད་དུ་ཞུགས་པ་ན། །ཡིད་འཕྲོག་པ་ཡི་གཟུགས་མཐོང་ནས། །དེ་ལ་མི་གཙང་བསྒོམས་བྱས་པ། །དེ་ཡི་རོ་ནི་ཅི་འདྲ་བར། །གཟུགས་གཏོགས་དེ་ཀུན་དེ་འདྲ་སྟེ། ། ཁོག་པ་མི་གཙང་བས་གང་བ། །ཐམས་ཅད་སྨད་པ་ཡིན་ནོ་ཞེས། །དེ་ལྟར་ཡང་དང་ཡང་བསྒོམས་པས། །བདག་གིས་འདོད་ཆགས་བྲལ་བ་ཐོབ། །ཚངས་པའི་གནས་པ་ཚད་མེད་པ། །བཞི་པོ་ལེགས་པར་བསྒོམས་བྱས་པས། །དེ་ནས་འཆི་བའི་དུས་བྱས་ཏེ། །ཚངས་པ་ཡི་ནི་འཇིག་རྟེན་སྐྱེས། །ཚངས་པའི་འཇིག་རྟེན་ཤི་འཕོས་བདག་།ཝཱ་ར་ཎཱ་སིའི་གྲོང་དུ་སྐྱེས། །ཚོང་དཔོན་མཆོག་གི་བུ་གཅིག་པར། །དཔལ་དང་བདག་ཉིད་དེར་སྐྱེས་ཏེ། །ཀུན་ལ་སྡུག་ཅིང་ཡིད་འོང་བ། །མཐར་ཕྱིན་གནས་ནི་ཐོབ་པར་གྱུར། །བདག་ནི་ཉིན་མོ་ཡོངས་རྒྱུ་ཞིང ། །མཚན་མོ་དག་ཉི་ཉལ་བར་བྱེད། །མྱུར་བར་དེ་ནས་ལངས་པ་ན། །དེ་ན་བུད་མེད་མང་པོ་དག། །རྫ་རྔ་དང་ན་རྔི་ཆེན་དང ། །འཁར་རྔའི་པི་ཝང་སྔས་བཙུགས་ནས། །སྒྲེན་མོར་བླ་རྡོལ་བྱེད་པ་དང ། །ལག་བརྐྱང་ནས་ནི་གཉིད་ལོག་མཐོང་།། དེ་ནས་བདག་གི་སྔོན་གྱི་རྒྱུ། །མཐུ་ཆེན་པོ་ནི་སྐྱེས་པར་གྱུར། །བདག་ལ་དེ་ནས་བུད་མེད་ལ། །དུར་ཁྲོད་མི་གཙང་འདུ་ཤེས་བྱུང ། །དེ་ནས་སྐྱོ་བར་གྱུར་ནས་ནི། །བདག་གིས་སྡང་བའི་ཚིག་སྨྲས་པ། །གྲོགས་པོས་བདག་ནི་གཅེས་གྱུར་ཏེ། །ཀུན་ནས་འཚེ་བས་རེག་པར་གྱུར། །དེ་ནས་མལ་ནས་ལངས་ནས་ནི། །ཁང་བཟང་ནས་ནི་ཤོད་དུ་བབས། །ལྷས་ནི་རྗེས་སུ་སྙིང་བརྩེ་བས། །བདག་
Kha469b
གི་སྒོ་ནི་རྣམ་པར་ཕྱེ། །གྲོང་ཁྱེར་ནས་ནི་མངོན་བྱུང་ནས། །འབབ་ཆུའི་ངོགས་སུ་ཉེ་བར་སོང ། །བདག་གིས་ཕ་རོལ་འགྲམ་ན་ནི། །དགེ་སྦྱོང་དབང་པོ་བསྡམས་པ་མཐོང ། །བདག་གིས་དགེ་སྦྱོང་དེ་མཐོང་ནས། །སྒྲ་གསང་བསྟོད་དེ་སྨྲས་པ་ནི། །དགེ་སྦྱོང་དག་ནི་གཙེས་གྱུར་ཏེ། །གྲོགས་པོ་བདག་ལ་འཚེ་བས་རེག་།དེ་ནས་སྟོན་པས་བདག་ལ་ཡང ། །དེ་ཚེ་བདུད་རྩིའི་ཚིག་གསུངས་པ། །གཞོན་ནུ་མ་འཇིགས་ཁྱོད་ཚུར་ཤོག་།འདིར་ནི་ཁྱེད་ལ་འཚེ་བ་མེད། །བདག་གིས་ནོར་བུའི་ལྷམ་ཕུད་དེ། །འབབ་ཆུ་ཡི་ནི་ངོགས་བརྒལ་ནས། །སངས་རྒྱས་གང་ཟག་ཟླ་མེད་པ། །ཐུགས་རྗེ་ཅན་གྱི་སྤྱན་སྔར་སོང ། །དེ་ནས་བདག་སྒོམ་ཐུགས་ཆུད་ནས། །གང་ཟག་ཟླ་མེད་སྟོན་པ་དེས། །སྙན་པའི་ཆོས་ནི་བཀའ་སྩལ་པ། །དེ་ནི་སོ་སོར་བདག་གིས་རྟོགས། །དེ་ནས་བདག་གིས་བདེན་མཐོང་ནས།། ཐུབ་ཆེན་རབ་བྱུང་གསོལ་བ་བཏབ། །གོའུ་ཏམ་ཐུགས་རྗེ་ཆེན་པོ་ཡིས། །ཐུགས་བརྩེ་བ་ཡིས་རབ་ཏུ་ཕྱུང ། །མཚན་གཅིག་ལོན་ནས་དེ་ནས་ནི། །ཉི་མ་འཆར་ཁ་ཙམ་ན་ནི། །བདག་གི་ཟག་པ་ཀུན་ཟད་ཅིང ། །བདག་ནི་བསིལ་གྱུར་མྱ་ངན་འདས། །དེ་ལྟར་གནས་བརྟན་གྲགས་པ་ནི། དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །གནས་བརྟན་གྲགས་པའི་ལེའུ་སྟེ། བཅུ་གཅིག་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚོ་དང་ལྡན་པ་དཔལ་སྐྱེད་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དཔལ་
Kha470a
༄#། །སྐྱེད།་ཚེ་དང་ལྡན་པ་གྲགས་པས། རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་དཔལ་སྐྱེད་ཀྱིས་ཀྱང་ང་རང་གི་ལས་ཀྱི་རྒྱུ་བ་ལུང་སྟོན་ཅིག ། དེ་ནས་ཚེ་དང་ལྡན་པ་དཔལ་སྐྱེད་ཀྱིས། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། ཝཱ་ར་ཎཱ་སིའི་གྲོང་ཁྱེར་དུ། །སྟོན་པ་འོད་སྲུང་མྱ་ངན་འདས། །རྒྱལ་པོ་ཀྲི་ཀྲིས་རིན་ཆེན་ལས། །བྱས་པའི་མཆོད་རྟེན་ཆེན་པོ་བརྩིགས། །རྒྱལ་པོ་ཀྲི་ཀྲིའི་གྲགས་ལྡན་བུ། །བདག་ནི་ཐུ་བོར་གྱུར་པ་ན། །བདག་གིས་ཐོག་མར་གདུགས་ཀྱིས་ནི། །རྒྱལ་བའི་མཆོད་རྟེན་ལ་གདགས་བྱས། །དགེ་བའི་ལས་ནི་དེ་བྱས་པས། །གང་དང་གང་དུ་སྐྱེས་པ་ན། །བསོད་ནམས་བྱས་པའི་མཛེས་པ་ཡི། །ལྷ་དང་མི་ནི་རྣམས་སུ་གྱུར། །སྐྱེ་བ་དེ་དང་དེ་དག་ཏུ། །ཕྱུག་ཅིང་ལོངས་སྤྱོད་ཆེ་བ་དང ། །ནོར་དང་འབྲུར་ནི་ལྡན་པ་ཡི། །བདག་ནི་ཡོན་བདག་ཆེན་པོར་གྱུར། །བདག་གིས་ཚེ་རབས་ལྔ་བརྒྱར་ནི། །སྦྱིན་པ་མི་ཉུང་བཏང་བྱས་ཏེ། །སློང་བ་པ་དང་དགེ་སྦྱོང་དང ། །བྲམ་ཟེ་སོ་སོར་ཚིམ་པར་བྱས། །ཤིན་ཏུ་དད་པའི་སེམས་ཀྱིས་ནི། །འདོད་ཆགས་བྲལ་ཞིང་ཟག་མེད་པ། །ཐ་བ་མེད་པའི་རང་སངས་རྒྱས། །ལྔ་བརྒྱ་པོ་དག་ཚིམ་པར་བྱས། །དགེ་བའི་ལས་ནི་དེ་བྱས་པས། །སྲིད་པ་ཐ་མ་འདི་ལ་ནི། །ཤཱཀྱ་ཕྱུག་པོའི་རིགས་སུ་སྐྱེས། །བཙས་མ་ཐག་ཏུ་ཚིག་སྨྲས་པ། །ཁྱིམ་འདི་ན་ནི་ནོར་འབྲུ་དག་།ཇི་ག་ཅུང་ཟད་ཅིག་ཡོད་དམ། འདི་ལྟར་སྦྱིན་པ་ངས་བཏང་ངོ ། །དབུལ་པོ་རྣམས་སུ་ཚིམ་པར་བྱས། །དབུལ་
Kha470b
པོ་རྣམས་ལ་ཟས་བྱིན་དང ། །གཏོང་བས་ངོམས་པར་འགྱུར་བ་མེད། །ཇི་ག་ནོར་ལྟ་ཡོད་དམ་ཁྱེད། །བདག་ལ་མྱུར་དུ་ལེགས་པར་སྨྲོས། །དེ་དག་བདག་གི་ཚིག་ཐོས་ནས། །ཡིད་སྐྱོ་བར་ནི་གྱུར་ནས་སུ། ། མ་མ་གཏོགས་པར་ཕྱོགས་དང་ནི། །ཕྱོགས་སུ་རྣམ་པར་རྒྱུག་པར་བྱེད། །མ་ནི་བུ་ལ་བྱམས་པ་ཡིས། །དེ་ཚེ་བདག་ལ་འདི་སྐད་སྨྲས། །ལྷའམ་མི་འམ་གནོད་སྦྱིན་ནམ། །ཁྱོད་སུ་བདག་ལ་མྱུར་དུ་སྨྲོས། །མ་གཅིག་ཁྱོད་ཀྱི་བུ་བདག་ནི། །མི་ལགས་སྲིན་པོ་མ་ལགས་ཏེ། །སྦྱིན་བདག་ཚེ་རབས་དྲན་པས་ན། །རྟག་ཏུ་སྦྱིན་པ་གཏོང་ལ་སྤྲོ། །བདག་གི་ཚིག་དེ་མས་ཐོས་ནས། །ཡིད་ནི་དགའ་བར་གྱུར་ནས་ཀྱང ། །དབུགས་འབྱིན་བྱེད་ཅིང་སྨྲས་པ་ནི། །བུ་གཅིག་ཅི་དགར་སྦྱིན་པ་མཐོང ། །ཡོ་བྱད་མང་པོ་རྣམས་ཀྱིས་ཀྱང ། །བདག་ལ་མས་ནི་གསོ་བ་བྱས། །ཀུན་ལ་སྡུག་ཅིང་ཡོད་འོང་བ། །བདག་ནི་ལྟ་བས་ངོམས་མི་མྱོང ། །བདག་ནི་བཙས་མ་ཐག་ཏུ་ཡང ། །ཁྱིམ་དེ་ནོར་དང་འབྲུ་རྣམས་དང ། །གསེར་དང་བྲན་དང་ལས་བྱེད་པ། །རྣམས་ཀྱང་རྟག་ཏུ་འཕེལ་བར་གྱུར། །དཔལ་སྐྱེད་ཁྱེའུ་ཞིག་བཙས་གྱུར་ལ། །བཙས་མ་ཐག་ཏུ་སྨྲས་པས་ན། །བདག་གི་མིང་ནི་གཉེན་རྣམས་ཀྱིས། །དཔལ་སྐྱེད་ཅེས་ནི་བྱ་བར་བཏགས། །དེ་ནས་བདག་གིས་སྦྱིན་བཏང་ཞིང ། །དབུལ་པོ་རྣམས་ནི་ཚིམ་བྱས་ཏེ། །རྫོགས་པའི་སངས་རྒྱས་མཉེས་བྱས་ནས། །ཁྱིམ་མེད་པར་ནི་རབ་ཏུ་བྱུང ། །བདག་ནི་འཚོ་མེད་འཇིགས་པའམ། །བུ་ལོན་ཉེན་པས་རབ་བྱུང་མིན། །དེ་ཚེ་དད་པས་རབ་བྱུང་ནས། །མངོན་ཤེས་དྲུག་པོ་བདག་
Kha471a
༄#། །གིས་ཐོབ། །བདག་ནི་རྒྱལ་པོ་བློན་པོ་དང ། །དེ་བཞིན་གྲོང་མི་རྣམས་ཀྱིས་མཆོད། །ཟས་དང་བཏུང་བ་གོས་དང་ནི། །གནས་མལ་ཡང་ནི་རྙེད་པར་གྱུར། །དེ་ལྟར་གནས་བརྟན་དཔལ་སྐྱེད་ཀྱིས། དགེ་སློང་གནས་བརྟན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །དཔལ་སྐྱེད་ཀྱི་ལེའུ་སྟེ། བཅུ་གཉིས་པའོ།། །།དེར་དགེ་སློང་གནས་བརྟན་གནས་བརྟན་རབ་ཏུ་མང་པོ་རྣམས་ཀྱིས། ཚེ་དང་ལྡན་པ་བ་ཀུ་ལ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་བ་ཀུ་ལ། ཚེ་དང་ལྡན་པ་དཔལ་སྐྱེད་ཀྱིས། རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་བ་ཀུ་ལས་ཀྱང ། ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་བ་ཀུ་ལས། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། རྒྱལ་པོའི་ཕོ་བྲང་བཤེས་ལྡན་དུ། །བདག་སྔོན་སྤོས་འཚོང་གྱུར་པ་ལ། །རྣམ་པར་གཟིགས་ཀྱི་གསུང་རབ་ཀྱི། །དགེ་སློང་དགེ་འདུན་སྤྱན་དྲངས་ནས། །ཁྱེད་ཅག་ཇི་སྙེད་བཞེད་པ་ཡི། །སྙུན་སྨན་བདག་གིས་དབུལ་བགྱིས་ཏེ། །ཤུན་པ་རྩ་བ་འབྲས་བུའི་སྨན། །དགེ་འདུན་བདག་གིས་ཚིམ་པར་བགྱིས། །དགེ་འདུན་གཡར་ནི་སྤྱན་དྲངས་ནས། །བདག་ལ་དགེ་སློང་གཅིག་ཅིག་གིས། ། རུ་ར་གཅིག་མ་གཏོགས་པར། །དེ་ནས་འགའ་ཡང་སློང་བ་མེད། །བསྐལ་པ་དགུ་བཅུ་རྩ་གཅིག་ཏུ། །བདག་ནི་ལོག་པར་ལྟུང་མ་གྱུར། །སྨན་སྦྱིན་པ་ཡི་རྣམ་སྨིན་ནི། །མཐུ་ཆེན་འདི་ལ་བལྟ་བར་གྱིས། །དགེ་བ་ཆུང་ངུ་
Kha471b
བྱས་པས་ནི། །བདེ་བ་མང་པོ་ཉམས་སུ་མྱོང ། ། རུ་ར་ནི་གཅིག་བྱིན་པས། །ཡུན་རིང་མཐོ་རིས་རྣམས་སུ་དགའ། །དེ་ནས་ལས་ཀྱི་ལྷག་མས་ནི། །བདག་གིས་མི་ཡི་སྲིད་ཐོབ་ནས། །ཡུལ་འཁོར་བསོད་སྙོམས་ལེན་པ་དག་།སློབ་པ་ན་ཡང་མ་མྱོང་ངོ ། །ནུབ་གསུམ་ཁོ་ནས་རིག་པ་ནི། །གསུམ་པོ་བདག་གིས་མངོན་སུམ་བྱས། །ངན་ངོན་གྱིས་ནི་འཚོ་བྱས་ཤིང ། །ཕྱག་དར་ཁྲོད་ཀྱི་ཆོས་གོས་འཆང ། །ཁྱིམ་པའམ་རབ་ཏུ་བྱུང་བ་དང ། །བདག་ནི་འདྲེས་པར་མི་གནས་ཏེ། །བདག་གི་ཚེ་ནི་ལོ་བརྒྱ་དང ། །དྲུག་ཅུ་ལྷག་ཅིག་ལོན་ན་ཡང ། །དེ་ཙམ་བར་དུའང་བདག་གིས་ནི། །ན་བར་མངོན་པར་མི་དྲན་ཏེ། །བཙུན་པ་བདག་གིས་དགེ་བ་ནི། ། ཆུང་ངུ་བགྱིས་པ་འདི་དྲན་ཏེ། །དེ་ཡི་འབྲས་བུ་ཡིད་འོང་འདོད། །བདེ་བ་བྱུང་བ་ཉམས་སུ་མྱོང ། །དེ་ལྟར་གནས་བརྟན་པ་ཀུ་ལས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །བ་ཀུ་ལའི་ལེའུ་སྟེ། བཅུ་གསུམ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་གནས་བརྟན་ཞེས་བྱ་བ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་གནས་བརྟན། ཚེ་དང་ལྡན་པ་བ་ཀུ་ལས། རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་གནས་བརྟན་གྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་གནས་བརྟན་ཞེས་བྱ་བས། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། སྔོན་གྱི་ཚེ་རབས་གཞན་རྣམས་སུ། །བདག་ནི་ལྷམ་མཁན་གྱུར་པ་ན། །མུ་གེ་བྱུང་ནས་དེ་ན་བདག་།ཀོ་བའི་རས་མ་
Kha472a
༄#། །རྣམས་འཚོད་དོ། །བཟའ་བར་བྱ་བ་ཁོ་ནའི་ཕྱིར། །ཀོ་བའི་རས་མ་འཚོད་པ་ལས། །དགེ་སྦྱོང་གཞན་ཞིག་ཟས་ཀྱི་ཕྱིར། །བསོད་སྙོམས་ལ་ནི་བྱོན་པ་དང ། །དེ་ལ་བདག་གིས་སེམས་དད་པས། །ཀོ་རས་ཀྱི་ནི་ཐུག་པ་བྱིན། །དགེ་སྦྱོང་དེས་ནི་ལོངས་སྤྱད་ནས། །དེ་ནི་ནམ་མཁར་འཕགས་པར་གྱུར། །བདག་ནི་རབ་ཏུ་དགའ་གྱུར་ནས། །ཐལ་མོ་ལེགས་པར་སྦྱར་བྱས་ཏེ། །དེ་ནས་གང་དང་གང་དུ་ནི། །སོང་བ་ཀུན་ཏུ་འབྲང་བྱས་སོ། །དགའ་བ་རྒྱ་ཆེན་ཐོབ་ནས་ཀྱང ། །དེ་ཚེ་སྨོན་ལམ་བཏབ་པ་ནི། །གནས་བརྟན་འདི་ལྟ་བུ་དང་བདག། ལྷན་ཅིག་འདུག་པར་གྱུར་པར་ཤོག་།དགེ་སློང་འདི་ཡི་ལས་གྱིས་ནི། །དྲི་མེད་ཆོས་ནི་གང་རེག་པ། །བདག་གིས་ཆོས་དེ་རེག་གྱུར་ཅེས། །དེ་ཚེ་སྨོན་ལམ་བཏབ་པར་གྱུར། །ཁ་དོག་ལྡན་པ་མ་ཡིན་ཞིང ། །དྲི་ནི་སྨན་པར་གྱུར་པ་དང ། །རོ་དང་ལྡན་པ་མ་ཡིན་པའི། །སྦྱིན་པ་དེ་ཚེ་བདག་གིས་བཏང ། །དགེ་བ་ཆུང་ངུ་བྱས་པས་ཀྱང ། །བདེ་བ་མང་པོ་མྱོང་བར་གྱུར། །བསོད་ནམས་བྱས་པའི་མཛེས་པ་ཡིས།། ལྷ་དང་མི་ནི་རྣམས་སུ་གྱུར། །བདག་གི་སྐྱེ་བ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་བྱས། །བདག་གི་སྨོན་ལམ་གང་བཏབ་པའི། ། བྱང་ཆུབ་དམ་པ་འདི་རེག་སྟེ། །བདག་གིས་ད་ལྟར་བསིལ་གྱུར་པའི། །མྱ་ངན་འདས་པ་ལེགས་པར་ཐོབ། །དེ་ནས་གནས་བརྟེན་ཆེན་པོ་ནི། །གནས་བརྟེན་ཞེས་བྱ་མཐུ་ཆེན་གྱི། །མ་དྲོས་པ་ཡི་
Kha472b
མཚོ་ཆེན་དུ། །རང་གི་ལས་ནི་ལུང་བསྟན་ཏོ། །གནས་བརྟན་ཞེས་བྱའི་ལེའུ་སྟེ། བཅུ་བཞི་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་ལྟེང་རྒྱས་འོད་སྲུང་ལ་སོགས་པ་གནས་བརྟན་གསུམ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་།གནས་བརྟན་གནས་བརྟན་ཞེས་བྱ་བས། རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་དག་གིས་ཀྱང ། ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་དེ་རྣམས་ཀྱིས་ཀྱང་རང་གི་ལས་ཀྱི་རྒྱུ་བ་ལུང་བསྟན་པར་བརྩམས་པ། བདག་ཅག་གསུམ་ནི་སྤུན་གྱུར་ནས། །ལྷན་ཅིག་ཚོང་དཔོན་གྱུར་པ་ན། །འོད་སྲུང་མཆོད་རྟེན་རལ་པ་ལ། །ཤག་ཤིག་འདུས་པ་མཐོང་གྱུར་ནས། །ཚོང་པ་ཐམས་ཅད་བསྡུས་ནས་ནི། །དེས་ན་སླར་ཡང་གསར་པར་བརྩིགས། །སྤུན་རྣམས་དག་ནི་ལྷན་ཅིག་ཏུ། ། གདུགས་གསུམ་ཞིག་ནི་གདགས་པར་བྱས། །དགེ་བའི་ལས་ནི་དེ་བྱས་པས། །མཐོ་རིས་གནས་སུ་ཡུན་རིང་དགའ། །མི་རྣམས་སུ་ནི་སླར་འོངས་ནས། །ཕྱུག་པོའི་རིགས་ཅན་དག་ཏུ་སྐྱེས། །རྫོགས་པའི་སངས་རྒྱས་མ་མཐོང་ནས། །མུ་སྟེགས་གཞན་ལས་རབ་ཏུ་བྱུང ། །ནེ་རཉྫ་ནའི་ཆུ་ངོགས་སུ། །ཆོ་འཕྲུལ་མཛད་པ་མཐོང་ནས་ནི། །དེ་ནས་དེ་ལ་རབ་བྱུང་ཕྱིར། །བདག་ཅག་གིས་ཀྱང་གསོལ་བ་བཏབ། །དེ་ནས་ཐུགས་རྗེ་ཅན་གྱི་ནི། །ཐུགས་བརྩེས་བདག་ཅག་རབ་ཏུ་ཕྱུང ། །བདག་ཅག་ག་ཡས་མགོར་སོན་ནས། །གོའུ་ཏ་མ་ཡི་བསྟན་པ་ཐོས། །དེ་ནས་བརྩོན་འགྲུས་བརྩམས་པས་ནི། །མྱ་ངན་
Kha473a
༄#། །འདས་པ་དམ་པ་ཐོབ། །དེ་ལྟར་སྟོན་པ་བཀུར་བྱས་ཤིང ། །དེ་ཚེ་མཆོད་རྟེན་མངོན་བཏུད་པས། །བདག་ཅག་ཀུན་ནི་རབ་བྱུང་ནས། །བསིལ་བར་གྱུར་ཏེ་མྱ་ངན་འདས། །ལྟེང་རྒྱས་དང་ནི་ཆུ་ཀླུང་དང ། །ག་ཡ་འོད་སྲུང་གནས་བརྟན་གསུམ། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ལྟེང་རྒྱས་དང ། ཆུ་ཀླུང་དང ། ག་ཡ་འོད་སྲུང་རྣམས་ཀྱི་ལེའུ་སྟེ།་བཅོ་ལྔ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་གྲགས་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་གྲགས་པ། ཚེ་དང་ལྡན་པ་ལྟེང་རྒྱས་དང ། ཆུ་ཀླུང་དང ། ག་ཡ་འོད་སྲུང་རྣམས་ཀྱིས། རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་གྲགས་པས་ཀྱང ། ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་གྲགས་པས་ཀྱང་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། བདག་སྔོན་དྲི་འཚོང་གྱུར་པ་ན། །དྲི་རྣམས་འཚོང་ལ་མཁས་གྱུར་པས། །དེ་ནི་དེ་ཚེ་ཉོ་བའི་ཕྱིར། །བུད་མེད་གཞོན་ནུ་མ་དག་འོངས། །དེར་ནི་བདག་གི་གཟུགས་ལྡན་མའི། །བུད་མེད་འོངས་པ་མཐོང་ནས་ནི། །འདྲན་བརྐྱང་གི་ནི་ཚིག་སྨྲ་ཞིང ། །ཆགས་པའི་སེམས་ཀྱིས་རེག་པར་བྱས། །འདུ་ཞིང་ལྷན་ཅིག་འཁོད་པའམ། །མི་ཚངས་སྤྱོད་པ་སྤྲོ་མེད་ཀྱང ། །མ་བརྟགས་གཞན་གྱི་བུད་མེད་ལ། །ལག་པས་རེག་པར་བྱས་པས་ན། །ལས་ཀྱི་རྣམ་པར་སྨིན་པ་དེས། །སེམས་ཅན་དམྱལ་བ་རྣམས་
Kha473b
སུ་སྐྱེས། །སླར་ཡང་མིང་ནི་འོངས་པ་ན། །ལག་པ་གཡས་པ་བསྐམས་པར་གྱུར། །དེ་ལྟར་ཚེ་རབས་ལྔ་བརྒྱར་ནི། །གང་དང་གང་དུ་སྐྱེས་པ་ན། །རྟག་ཏུ་བདག་གི་ལག་པ་ནི། །གཡས་པ་ཞ་ཞིང་རྣམ་པར་བསྐམས། །བདག་གིས་སངས་རྒྱས་མཉེས་བྱས་ནས། །ཁྱིམ་མེད་པར་ནི་རབ་ཏུ་བྱུང ། །མྱ་ངན་འདས་པ་བདེར་གྱུར་པའི། །དགྲ་བཅོམ་པ་ཡང་བདག་གིས་ཐོབ། །བཙུན་པ་བདག་གིས་མི་དགེ་བ། ། གང་བགྱིས་དྲན་པ་འདི་ལགས་ཏེ། །ལས་རྣམས་ཆུད་མི་ཟ་བས་ནི། །དེ་ཡི་འབྲས་བུ་ཉམས་སུ་མྱོང ། །ད་དུང་དུ་ཡང་བདུན་པ་དག། བདག་ནི་རྫུ་འཕྲུལ་ལྡན་གྱུར་ནའང ། །ལག་པ་གཡས་འདི་ཇི་ལྟ་བར། །གཡོན་པ་དེ་ལྟ་མ་ལགས་སོ། །སྐྱེས་པའམ་བུད་མེད་གང་ཡང་རུང ། །བྱི་བ་བྱེད་པ་གང་ཡིན་པ། །སེམས་ཅན་དམྱལ་བར་སྐྱེས་གྱུར་ནས། །དེ་ནི་སྡུག་བསྔལ་ཚོར་བ་མྱོང ། །མཁས་པ་བློ་དང་ལྡན་པའི་མིས། །རབ་འབར་མེ་ནི་ཇི་ལྟ་བར། །གཞན་གྱི་བུད་མེད་རྣམས་སྤང་ཞིང ། །རང་གི་ཆུང་མས་ཆོག་པར་གྱིས། །གཞན་གྱི་བུད་མེད་མཐོང་ནས་ནི། །སྐྱེས་པ་གང་ཞིག་དེ་ལ་ཆགས། །དམྱལ་བའི་ཚོར་བས་ཉེན་པ་ཡིས། །སྡུག་བསྔལ་མང་པོ་མྱོང་བར་འགྱུར། །བདག་གིས་དེ་ལྟར་སྡིག་བྱས་པས། །སྔོན་གྱི་ཚེ་རབས་གཞན་དག་ཏུ། །ཡུན་རིང་དམྱལ་བ་དེ་ཡི་ནི། །འབྲས་བུ་མི་ཉུང་ཉམས་སུ་མྱོང་།། བདག་གི་སྐྱེ་བ་ཐ་མ་འདི། །བླ་ན་མེད་པའི་གནས་ཐོབ་ནས། །སྡུག་བསྔལ་ཀུན་ལས་བདག་གྲོལ་ཞིང ། །བསིལ་བར་གྱུར་ཅིང་མྱ་ངན་འདས། །དེ་ལྟ་བས་ན་བདེ་འདོད་ཅིང ། །སྡུག་བསྔལ་ཉིད་ནི་མི་འདོད་
Kha474a
༄#། །པས། །གཞན་གྱི་བུད་མེད་བགྲོད་མི་བྱ། །དེ་ལྟར་སྡུག་བསྔལ་མི་འགྱུར་རོ། །དེ་ནས་གནས་བརྟན་གྲགས་པ་ནི། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །གནས་བརྟན་གྲགས་པའི་ལེའུ་སྟེ། བཅུ་དྲུག་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། །ཚེ་དང་ལྡན་པ་མེ་སྐྱེས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མེ་སྐྱེས། ཚེ་དང་ལྡན་པ་གྲགས་པས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་མེ་སྐྱེས་ཀྱི་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་མེ་སྐྱེས་ཀྱི། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། རྒྱལ་པོའི་ཕོ་བྲང་བཤེས་ལྡན་དུ། །རྣམ་པར་གཟིགས་ཀྱི་ཚངས་སྤྱོད་ཚེ། །ཉོན་མོངས་མེད་ཅེས་བྱ་བ་ཡི། །ཚོང་དཔོན་ནོར་མང་ཞིག་ཏུ་གྱུར། །ཐུབ་ཆེན་རྣམ་པར་གཟིགས་པ་ཡི། །འཁོར་ནི་སྟོང་ཕྲག་བརྒྱ་དག་དང ། །དྲུག་བཅུ་རྩ་གཉིས་ཡོད་པར་གྱུར། །དེ་ཚེ་རྒྱལ་པོ་བཤེས་ལྡན་དང ། ། བདག་གིས་མི་ཡི་ཁྱུ་མཆོག་ནི། །ཟླ་བ་གསུམ་དུ་སྤྱན་དྲངས་ནས། །ཕྱིར་ཞིང་བཤོས་ཐང་བསྐྱེད་པ་ཡིས། །ཚོགས་དང་བཅས་ཏེ་ཚིམ་པར་བྱས། །བདག་གིས་སངས་རྒྱས་ཟླ་གསུམ་དུ། །བཤོས་གསོལ་དེ་ནས་བཤེས་ལྡན་གྱིས། །དེ་ཚེ་རྗེས་གཅོད་སྟོན་མོ་ནི། །བཟའ་བཅའ་དང་ནི་ན་བཟའ་དང ། །གནས་མལ་དག་དང་ལྡན་པ་གསོལ། །དེ་ནས་སྐྱེད་མོས་ཚལ་བསྟར་བ། །རྒྱལ་པོ་དེས་
Kha474b
ནི་ཕུལ་བར་གྱུར། །དེ་བཞིན་དགེ་སློང་རེ་རེ་ལ། །གོས་ཀྱིས་ཀུན་ནས་གཡོགས་པའི་སྟན། །བརྒྱ་སྟོང་དག་དང་དེ་ཡི་ཏེས། །གསེར་གྱི་དྲ་བས་གཡོགས་པ་ཡི། །གླང་པོ་ཤིན་ཏུ་ལེགས་བརྒྱན་པ། །མི་ཉུང་བ་དག་སྦྱིན་པར་བཏང ། །དགེ་སློང་རེ་རེའི་སྤྱི་བོར་ནི། །དེ་ཚེ་གདུགས་ཀྱང་འཛིན་པར་བྱས། །དེ་ན་བུད་མེད་ལེགས་བརྒྱན་བུས། །ཙནྡན་ཨ་ཀ་རུས་བསྐུས་པ། །དེ་ཚེ་དགེ་སློང་རེ་རེ་ལ་ཡང ། །བསྙེན་བཀུར་དག་ནི་བྱེད་དུ་བཅུག། རྒྱལ་པོ་དེ་ནི་དེ་ལྟ་བུའི། །རྗེས་གཅོད་པ་ཡི་བཀུར་སྟི་བྱས། །དྲང་སྲོང་གཙོ་བོ་རྣམ་པར་འདྲེན། །རྒྱལ་པོས་ཚིམ་པར་བྱས་པ་དང ། །སྟན་དེ་ཕུན་སུམ་ཚོགས་མཐོང་ནས། །དེ་ནས་བདག་གིས་བསམ་པ་ནི། །བདག་ལ་བཟའ་དང་བཅའ་ཡོད་ཀྱང ། །འདི་འདྲ་བ་ཡི་སྟན་མེད་དེ། །ཕུན་སུམ་ཚོགས་པ་འདི་འདྲ་དང ། །གླང་པོ་བདག་ལ་ག་ལ་བདོག་།ལྷ་ཡི་དབང་པོ་དབང་བསྒྱུར་བ། །བརྒྱ་བྱིན་བདག་གི་དྲུང་དུ་འོངས། །དེ་ནས་བརྒྱ་བྱིན་བདག་ལ་སྨྲས། །ཁྱོད་ཀྱི་གྲོགས་ནི་ངས་བྱ་ཞེས། །དེས་ནི་ལྷ་ཡི་སྐྱེད་མོས་ཚལ། །མཛེས་ཤིང་ཡིད་དུ་འོང་བ་སྦྲུལ། །ལྷ་ཡི་གདན་ནི་བཤམས་ནས་ནི། །ལྷ་ཡི་གཡོགས་པ་རྣམས་ཀྱིས་གཡོགས། །དེ་ནས་བདག་གིས་བཅོམ་ལྡན་འདས། །རྣམ་གཟིགས་འཇིག་རྟེན་གྱིས་བཀུར་བ། །མི་མཆོག་དེ་ནི་ཉན་ཐོས་བཅས། །གདུགས་ཚོད་ལ་ནི་སྤྱན་དྲངས་ནས། །ས་སྲུང་ལ་སོགས་གླང་པོ་རྣམས། །ལྷ་ཡི་རྒྱན་གྱིས་ལེགས་བརྒྱན་པ། །དགེ་སློང་རེ་རེའི་སྤྱི་བོར་ནི། །དེ་ཚེ་གདུགས་དག་འཛིན་པར་བྱས། །དེ་ནས་རྣམ་པར་འདྲེན་པ་ནི། །ལྷ་ཡི་ཞལ་ཟས་རྣམས་ཀྱིས་བསྟབས། །ཐུབ་པ་ཉན་ཐོས་ཐབས་ཅིག་ལ། །བདག་གིས་ལྷ་
Kha475a
༄#། །ཡི་གོས་ཀྱིས་གཡོགས། །དགེ་བའི་ལས་ནི་དེ་བྱས་པས། །བདེ་བ་མང་པོ་ཉམས་སུ་མྱོང ། །བསོད་ནམས་བྱས་པས་ལྷ་དང་ནི། །མི་ཡི་ནང་དུ་མཛེས་གྱུར་པ། །བསྐལ་པ་དགུ་བཅུ་རྩ་གཅིག་ཏུ། །ངན་འགྲོ་བདག་གིས་མི་ཤེས་སོ། །རྣམ་པར་གཟིགས་པ་དཔལ་ལྡན་པའི། །དྲང་སྲོང་ཆེན་པོ་བསྙེན་བཀུར་བས། །བདག་གི་སྐྱེ་བ་ཐ་མ་འདི། །རྒྱལ་པོའི་ཁབ་ཏུ་བདག་སྐྱེས་སོ། ། གཟུགས་ཅན་སྙིང་པོའི་གྲོང་ཁྱེར་དུ། །ནོར་ཆེན་ཕྱུག་པོའི་ཁྱིམ་དུ་ནི། །རྒྱལ་པོ་གཟུགས་ཅན་སྙིང་པོ་ནི། །དེ་ཚེ་བདག་རྗེད་བཀུར་སྟི་བྱས། །བློན་པོ་རྣམས་དང་གྲོང་མི་ལ། །ཀུན་ནས་སྡུག་ཅིང་ཡིད་དུ་འོང ། །ལྷ་ཡི་འདོད་པས་རྟག་ཏུ་ནི། །སྲིད་པ་འདིར་ནི་བདག་ཚིམ་བྱས། །མིར་གྱུར་ན་ཡང་ལྷ་རྣམས་ཀྱི། །འདོད་པ་ཡིད་འོང་ཉམས་སུ་མྱོང ། །དེ་ནས་དེད་དཔོན་བླ་ན་མེད། །སངས་རྒྱས་རྣམ་པར་འདྲེན་པ་པོ། །ཐུབ་པ་ཆེན་པོ་ཐུགས་བརྩེ་བས། །རྒྱལ་པོའི་ཁབ་ཏུ་གཤེགས་པར་གྱུར། །སངས་རྒྱས་ཤེས་རབ་ཆེན་པོ་ནི། །རྒྱལ་པོའི་ཁབ་བྱོན་བདག་གིས་ཐོས། །བཅོམ་ལྡན་ཐུབ་དེ་གང་ན་བར། །དགའ་བའི་ཡིད་ཀྱིས་སོང་བ་དང ། །འཇིག་རྟེན་གསལ་བ་འོད་མཛད་པ། །སྒྲོན་མ་འཛིན་པ་མཐོང་ནས་ནི། །དེ་ཚེ་བབས་ཏེ་རྐང་པས་ནི། །ཐུབ་པའི་སྤྱན་སྔར་སོང་ནས་ཀྱང ། །ཐུབ་པ་ཆེ་ལ་བདག་མགུ་བས། །ཞབས་གཉིས་ལ་ནི་མགོས་ཕྱག་བྱས། །སྐྱེས་མཆོག་ལ་ནི་ཕྱག་བྱས་ནས། །ཕྱོགས་གཅིག་ཏུ་ནི་འདུག་ནས་སུ། །འགྲོ་བས་བསྙེན་བཀུར་བྱས་པ་ཡི། །དཔལ་ཆེན་བདུད་ཀྱི་
Kha475b
འཆིང་བ་བཅད་།དེད་དཔོན་མི་ཡི་ཉི་མ་ལ། །རིང་པོར་མ་ཐོགས་མཉེས་པར་བྱས། །འཇིག་རྟེན་སྟོན་པ་བླ་ན་མེད། །དེས་ནི་བདག་ལ་ཐུགས་བརྩེ་བས། །འཕགས་པའི་བདེན་པ་རྣམས་བཤད་དེ། །དེ་ཚེ་བདག་གིས་སོ་སོར་རྟོགས། །དེ་ནས་བདག་གིས་ཐུགས་རྗེ་ཅན། །རྫོགས་སངས་རྒྱས་ལ་འདི་སྐད་གསོལ། །དཔའ་བོ་བདག་ནི་རབ་འབྱུང་ཞིང ། །བསྙེན་པར་རྫོགས་པ་ཐོབ་པར་འཚལ། །དེ་ནས་ཤེས་རབ་དམ་པ་ཅན། །སངས་རྒྱས་གང་ཟག་ཟླ་མེད་པས། །དགེ་སློང་ཚུར་ཤོག་ཅེས་གསུངས་པས། །བདག་ནི་བསྙེན་པར་རྫོགས་པར་གྱུར། །དེས་ན་བདག་ནི་བག་ཡོད་ཅིང ། །བརྩོན་འགྲུས་བསམ་གཏན་བརྟན་པོ་ཡིས། །བདུད་རྩི་མྱ་ངན་འདས་ཞི་བའི། །གནས་ཀྱི་དམ་པ་རེག་པར་གྱུར། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་བྱས། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །སྲིད་པར་འཁོར་བར་སྐྱེ་བ་དང ། །འཆི་བ་རྣམས་ལས་བདག་གྲོལ་ཞིང ། །མྱ་ངན་སྨྲེ་སྔགས་འདོན་པ་ལས། །ཐམས་ཅད་དུ་ནི་བདག་གྲོལ་ཏོ། །དེ་ལྟར་གནས་བརྟན་མེ་སྐྱེས་ཀྱིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །མེ་སྐྱེས་ཀྱི་ལེའུ་སྟེ། བཅུ་བདུན་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་ཡུལ་འཁོར་སྐྱོང་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཡུལ་འཁོར་སྐྱོང ། ཚེ་དང་ལྡན་པ་མེ་སྐྱེས་ཀྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་
Kha476a
༄#། །དང་ལྡན་པ་ཡུལ་འཁོར་སྐྱོང་གིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་ཡུལ་འཁོར་སྐྱོང་གིས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ།་ཀ་ཤའི་ཡུལ་འཁོར་དར་བྱེད་པ། །རྒྱལ་པོ་ཀྲི་ཀྲི་ཞེས་བྱ་བྱུང ། །རྒྱལ་པོ་ཀྲི་ཀྲིའི་བུ་ཐ་ཆུང ། །དེ་ཡི་ཚེ་ན་བདག་གྱུར་ཏོ། །འོད་སྲུང་དཔལ་དང་ལྡན་པ་ཡི། །མཆོད་རྟེན་ཆེན་པོ་བརྩིགས་པ་དང ། །ཕ་ཡི་ཡིད་ནི་བསྲུང་བའི་ཕྱིར། །དེ་ལ་གདུགས་བུ་ཆུང་ཞིག་ཕུལ། །དགའ་བའི་ཡིད་ཀྱིས་མཆོད་རྟེན་ལ། །གདུགས་ནི་གདགས་པ་བྱས་པ་དེས། །རབ་བྱུང་རྫོགས་པའི་སངས་རྒྱས་དང ། །ལྷན་ཅིག་འགྲོགས་གྱུར་སྨོན་ལམ་བཏབ། །དགེ་བའི་ལས་ནི་དེ་བྱས་པས། །གང་དང་གང་དུ་སྐྱེས་པར་ནི། །བསོད་ནམས་བྱས་པས་མཛེས་པ་ཡི། །ལྷ་དང་མི་ནི་རྣམས་སུ་གྱུར། །བདག་གི་སྐྱེ་བ་ཐ་མ་འདི། །བང་མཛོད་སྟུག་པོར་བདག་སྐྱེས་ཏེ། །དེར་ཡང་ཚོང་དཔོན་ཁྱིམ་དུ་སྐྱེས། །རིགས་ཀྱི་བུ་གཅིག་བུར་གྱུར་ཏེ། །མི་དབང་ཀོའུ་རབ་བྱ་དང་ནི། །དེ་བཞིན་ཀུན་སྡུག་ཡིད་དུ་འོང ། །དེ་བཞིན་ཡུལ་མི་རྣམས་དང་ནི། །བདག་ནི་གཉེན་ཚོགས་ཡིད་དུ་འོང ། །མཛེས་ཤིང་བལྟ་ན་སྡུག་པ་དང ། །གཟུགས་བཟང་ཤིན་ཏུ་དབྱིབས་ལེགས་ཤིང ། །མི་ཡི་འབྱོར་པ་རྣམས་ཀྱིས་ནི། །འདོད་པ་ཐམས་ཅད་ཕུན་སུམ་ཚོགས། །སྟོན་པ་དགའ་ཞིང་ཡིད་འོང་བ། །བང་མཛོད་སྟུག་པོར་གཤེགས་པ་ནི། །བདག་གིས་མཐོང་ནས་སེམས་དད་པ། །རབ་ཏུ་འབྱུང་བར་གསོལ་བ་བཏབ། །སྟོན་པ་གང་ཟག་ཟླ་མེད་དེ། །བསམ་པ་ཀུན་ལ་མཁས་གྱུར་
Kha476b
པས། །བདག་གི་བསམ་པ་དེས་མཁྱེན་ནས། །རབ་ཏུ་བྱུང་བ་ལས་བཟློག་པ། །ཕ་མ་དག་གིས་མ་གནང་བའི། །གང་ཟག་དགེ་ཡང་སངས་རྒྱས་རྣམས། །རབ་ཏུ་འབྱིན་པར་མི་མཛད་ཀྱི། །སོང་ལ་བདག་ཉིད་ཐར་པར་གྱིས། །དེ་ནས་ཁྱིམ་དུ་བདག་སོང་ནས། །ཕ་མ་གཉིས་ལ་སྨྲས་པ་ནི། །ཡབ་ཅིག་གནང་བར་མཛོད་ཅིག་བདག་།ཁྱིམ་མ་མཆིས་པར་རབ་ཕྱུང་ངོ ། །ཕ་མས་བདག་ལས་ཐོས་ནས་ནི། །དེ་ཚེ་ཡིད་མི་བདེར་གྱུར་ནས། །བུ་གཅིག་ཁྱོད་ནི་བདག་ཅག་གཉིས། །ཤི་བར་གྱུར་ནའང་མི་གནང་ངོ ། །དེ་ཐོས་ནས་ནི་བདག་གིས་སུ། །གལ་ཏེ་མི་གནང་འདི་ཉིད་དུ། །ཟས་མི་འཚལ་བར་བདག་འགུམ་ཞེས། །ས་ལ་ཡང་ནི་ཉལ་བར་བྱས། །དེ་ཚེ་དཀར་པོའི་ཆོས་དག་གིས། །བསྐུལ་ནས་རབ་འབྱུང་དོན་གཉེར་ཞིང ། །ཐར་པར་འདོད་པས་ཞག་དྲུག་ཏུ། །ཟན་མ་ཟོས་པར་འདུག་པ་དང ། །དེ་ནས་བདག་དང་མཛའ་བ་ཡི། །ནེའུ་ཟླས་ཕ་མ་ལ་སྨྲས་པ། །འདི་ནི་གནང་བར་གྱུར་ན་ལེགས། །ཁྱེད་ལ་ཤི་བས་ཅི་ཞིག་བྱ། །གལ་ཏེ་འདི་ནི་རབ་བྱུང་བར། །དགའ་ན་ཕྱིས་ཀྱང་ཁྱེད་ཅག་གིས། །གསོན་པོ་ཉིད་དུ་བལྟས་པས་ཆོག་།ཤི་བར་གྱུར་ན་ཅི་ཞིག་རུང ། །གལ་ཏེ་རབ་ཏུ་བྱུང་བ་ལ། །འདི་ནི་དགའ་བར་མ་གྱུར་ན། །ཁྱེད་ཀྱིར་ཟད་མོད་ཕ་མ་ལས། །གཞན་ནི་བུ་གནས་ག་ལ་ཡོད། །བདག་གི་སྙན་སྨྲ་ནེའུ་ཟླ་ལ། ། ཕ་མ་གཉིས་ཀྱིས་སྨྲས་པ་ནི། །གལ་ཏེ་རབ་བྱུང་ལྟ་བྱེད་ན། །དེ་ལྟ་ན་གཏང་གཞན་དུ་མིན། །དེ་ནས་ནེའུ་ཟླ་བདག་གི་དྲུང ། །ཉེ་བར་འོངས་ནས་སྨྲས་པ་ནི། །མཁས་པ་ཁྱོད་ནི་ཕ་མ་ཡིས། །རབ་ཏུ་
Kha477a
༄#། །འབྱུང་བར་གནང་བ་ནི། །ཁྱོད་ལ་ཕ་མ་གཉིས་ན་རེ། །གལ་ཏེ་རབ་ཏུ་བྱུང་ནས་ཁྱོད། །ཕྱིས་ཀྱང་ལྟ་བར་བྱེད་ན་ནི། །བུ་གཅིག་སོང་ལ་རབ་ཏུ་བྱུང ། །ལེགས་ཞེས་བདག་གིས་མཉན་བྱས་ཏེ། །དེ་ནས་ཉམས་ནི་རྟས་བྱས་ནས། །སྟོན་པའི་སྤྱན་སྔར་སོང་ནས་ནི། །འདི་སྐད་ཅེས་ནི་ཚིག་གསོལ་ཏོ། །བཙུན་པ་བདག་ནི་གནང་ལགས་ན། །ཐུབ་ཆེན་ཁྱོད་ཀྱི་བསྟན་པ་ལ། བདེ་གཤེགས་རབ་འབྱུང་གསོལ་འདེབས་ན། །རྒྱལ་བ་བདག་ནི་རབ་ཏུ་བྱུང ། །དེ་ནས་བདག་ནི་རབ་བྱུང་ནས། །སྟོན་པའི་བསྟན་ལ་འདི་ལྟར་གནས། །བདག་གི་ཀུན་སྦྱོར་ཐམས་ཅད་ཟད། །ཟག་པ་རྣམས་ནི་བཅོམ་པར་གྱུར། །བདག་གིས་གདུགས་གཅིག་བཏང་བས་ནི། །བདེ་བ་མང་པོར་མྱོང་བར་གྱུར། །བསོད་ནམས་བྱས་པས་མཛེས་པ་ཡི། །ལྷ་དང་མི་ནི་རྣམས་སུ་གྱུར། །ཐམས་ཅད་གཟིགས་པས་དགོན་པ་པ། །རྣམས་ཀྱི་མཆོག་ཏུ་བདག་བསྟན་ཏོ། །མྱ་ངན་འདས་པ་བསིལ་གྱུར་བའི། །དགྲ་བཅོམ་པ་ཡང་བདག་གིས་ཐོབ། །དེ་ལྟར་ཐུགས་རྗེ་ཆེ་རྒྱལ་ལ། །ཡིད་ནི་རབ་ཏུ་དང་བྱས་ཏེ། །མཆོད་རྟེན་ལ་ནི་བཀུར་སྟི་བྱོས། །འཇིགས་པ་ཆེ་ལས་རྣམ་ཐར་གྱིས། །གནས་བརྟན་ཕྱག་དར་ཁྲོད་པ་ནི། །ཡུལ་འཁོར་སྐྱོང་ཞེས་གྲགས་པ་ཡིས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ཡུལ་འཁོར་སྐྱོང་གི་ལེའུ་སྟེ། བཅོ་བརྒྱད་པའོ།། །།འདུལ་བ་གཞི། བམ་པོ་ང་གསུམ་པ། དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་
Kha477b
པ་ས་ག་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཡུལ་འཁོར་སྐྱོང་གིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པས་གས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པས་གས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། རྒྱལ་པོའི་ཁབ་ཀྱི་ཚོང་དཔོན་གྱི། །གཙོ་བོ་ནོར་ཆེན་བདག་གྱུར་ཏོ། །དབྱར་གྱི་དུས་སུ་དྲང་སྲོང་ནི། །ལྔ་བརྒྱ་དག་ནི་ཉེ་བར་བྱོན། །དེར་ནི་ཚོང་དཔོན་ལྔ་བརྒྱ་ཡང། །ཐམས་ཅད་འདུས་པར་གྱུར་ནས་ནི། །ཀུན་གྱི་དྲང་སྲོང་རེ་རེ་ཞིག་།ཁྱིམ་ཁྱིམ་དུ་ནི་བགོ་བར་བྱ། །རང་གི་དོན་དུ་ཁ་ཟས་ནི། །ཇི་ལྟ་བུ་དག་གཡོ་བྱེད་པ། །དཀའ་ཐུབ་ཅན་དེ་རེ་རེ་ལའང ། །རྟག་ཏུ་དེ་འདྲ་ཁོ་ན་སྦྱིན། །དེའི་ནང་དྲང་སྲོང་རྒན་པོ་གང ། །དེ་ནི་བདག་གི་སྐལ་བར་འོངས། །ཚོང་དཔོན་མཆོག་ལ་དེ་བཞིན་དུ། །ཐུབ་པ་མཆོག་དེ་འཚམ་པར་གྱུར། །བདག་ལ་ལྔ་བརྒྱ་བ་ཡི་ཟས། །སྣོད་གང་ནས་ནི་འདྲེན་བྱེད་པ། །དེ་འདྲ་བ་ཡི་ཁ་ཟས་ཉིད། །བདག་གིས་དགེ་སློང་དེ་ལ་བྱིན། །དེ་ནས་དེ་ལ་བདག་ལ་ནི། །སེར་སྣ་ཤིན་ཏུ་མི་བཟད་སྐྱེས། །འདི་ལྟ་བུ་ཡི་ཁ་ཟས་ནི། །བདག་གི་ཆུང་མར་བྱིན་མ་མྱོང། །སྲིང་མོ་མ་ཡིན་དེ་བཞིན་དུ། །བུ་དང་བུ་མོ་དག་དང་ནི། །ཕུ་ནུ་ལའང་མ་བྱིན་ན། །དགེ་སློང་འདི་ལ་ཟླ་གསུམ་དུ། །སྦྱིན་པ་ལྟ་ཞིག་སྨོས་ཅི་དགོས། །བདག་ནི་ལྔ་བརྒྱ་པོ་དག་གིས། །གོད་ཚེགས་ཆེན་པོ་འདིར་འགྱུར་གྱི། །མ་ལ་བདག་གིས་དགེ་སྦྱོང་འདི། །གསད་པ་ལ་ནི་བརྩོན་བྱས་ཏེ། །འདི་ནི་ཤི་བའི་དུས་བྱས་ན། །བདག་ལ་འགོད་པ་མི་འབྱུང་ཞེས། །དེ་ནས་བདག་གི་སྡིག་སེམས་ཀྱིས། །རྟ་
Kha478a
༄#། །ཡི་གཅིན་ནི་བསྐོལ་བྱས་ཏེ། །ཉེས་མེད་པར་ནི་གསད་བྱ་བར། །ཁ་ཟས་རྣམས་དང་ལྷན་ཅིག་བྱིན། །དེར་ནི་ཟོས་མ་ཐག་ཏུ་ཡང ། །མི་བཟད་པ་ཡི་ནད་ལངས་ཏེ། །རྒྱུ་མ་གཉེ་མ་མཁལ་མ་དག། །རོ་སྨད་ནས་ནི་ཟགས་པར་གྱུར། །ཐུབ་པ་ཆོས་ཀྱི་ཡོན་ཏན་དགའ། །ཤེས་བཞིན་དེ་ནས་དུས་ལས་འདས། །ལྷ་དང་གནོད་སྦྱིན་གཅིག་ལ་གཅིག་།སྒྲ་ནི་ཤིན་ཏུ་སྒྲོག་བྱེད་པ། །ཀྱེ་མའོ་ཚོང་དཔོན་འདི་རེ་སྡིག་།འདི་ཡིས་ཐུབ་པ་རང་སངས་རྒྱས། །བསིལ་བར་གྱུར་ཅིང་ཟག་མེད་པ། །དབང་ལྡན་འདི་ནི་གྲོངས་པར་གྱུར། །ཉེ་དུ་རྣམས་ཀྱང་འཁྲུགས་ནས་ནི། །དེ་ནས་བདག་ལ་སྨོད་བྱེད་པ། །གང་ཕྱིར་ཐུབ་པ་འདི་བསད་པས། །ཁྱེད་ཀྱིས་བསོད་ནམས་མིན་མང་བསྐྱེད། །ཉེ་དུ་རྣམས་ཀྱི་ཚིག་ཐོས་ནས། །བདག་ཀྱང་ཡིད་མི་བདེར་གྱུར་ནས། །དྲང་སྲོང་དེ་དག་བསགས་ནས་ནི། །དེ་ནས་བདག་གིས་ཉེས་པ་བཤགས། །བཟོད་པ་གསོལ་ནས་དེ་ནས་ཡང ། །ཉེས་པ་ཐམས་ཅད་སོ་སོར་བཤགས། །ལྔ་བརྒྱ་ལ་ནི་ཞལ་ཟས་ཀྱིས། །གུས་དང་བཅས་པས་ཚིམ་པར་བྱས། །བདག་གིས་སྡིག་པ་དེ་བཤགས་ནས། །བཟོད་གསོལ་དྲང་སྲོང་དེ་དག་ནི། །ཟས་དང་བཏུང་བས་ཚིམ་བྱས་ནས། །དེ་ཚེ་སྨོན་ལམ་བཏབ་པ་ནི། །གནས་བརྟན་འདི་འདྲ་དག་དང་ནི། །བདག་ནི་ལྷན་ཅིག་འགྲོགས་པར་ཤོག་།ཇི་ལྟར་འདི་ཀུན་གྲོལ་གྱུར་པ། །དེ་བཞིན་འཆིང་ལས་གྲོལ་བར་ཤོག་།བཀྲེན་པ་རྣམས་ཀྱི་
Kha478b
ཁྱིམ་དུ་བདག་།ལན་འགའང་སྐྱེ་བར་མ་གྱུར་ཅིག་།བདག་གི་སེམས་ནི་ལན་འགའ་ཡང ། །སེར་སྣ་སྐྱེ་བར་མ་གྱུར་ཅིག་།བདག་གིས་རང་སངས་རྒྱས་བསད་པའི། །ཤིན་ཏུ་མི་བཟད་ལས་བྱས་པས། །དེ་ནས་འཆི་འཕོའི་དུས་བྱས་ནས། །དམྱལ་བ་རྣམས་སུ་སྐྱེས་ནས་ནི། །ཡུན་རིང་ལོ་ནི་སྟོང་དག་ཏུ། །སྡུག་བསྔལ་ཚོར་བ་ཉམས་སུ་མྱོང ། །སླར་ཡང་མིར་ནི་འོངས་པ་ན། །ཕྱུག་ཅིང་ནོར་ཆེན་གྱུར་པ་དང ། །འཇིག་རྟེན་རྣམས་ཀྱིས་མཆོད་བཀུར་ནའང ། །བདག་ནི་མྱུར་དུ་འཆིར་འགྱུར་ཞིང ། །རྟག་ཏུ་བདག་ནི་ནང་གྲོལ་དག་།འཛག་པས་ཤི་བའི་དུས་བྱས་སོ། །ཁྱིམ་པའི་རྟགས་རྣམས་སྤངས་ནས་ནི། །ཁྱིམ་མེད་པར་ནི་རབ་ཏུ་བྱུང ། །བསྟན་ལ་བརྩོན་འགྲུས་བྱས་པས་ན། །འདོད་ཆགས་ཐམས་ཅད་ཡང་དག་བཏོན། །གང་ཚེ་ལེན་པ་མེད་པ་ཡི། །མྱ་ངན་འདས་པར་བདག་གྱུར་ནའང། །རྒྱུ་མ་གཉེ་མ་མཁལ་མ་ནང ། །དེ་དག་ཀྱང་ནི་འཛག་པར་གྱུར། །བདག་གིས་སྡིག་ལས་བྱས་པ་དང ། །དགེ་བའི་ལས་བྱས་གང་ཡིན་པ། །དགེ་དང་སྡིག་པ་དེ་དག་གི་།འབྲས་བུ་དེ་དག་ཉམས་སུ་མྱོང ། །མཉན་ཡོད་དབུས་ན་སྐྱེས་པ་ཡི། །དགེ་སློང་མཐུ་ཆེན་ས་གས་ནི། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ས་གའི་ལེའུ་སྟེ། བཅུ་དགུ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་འོད་སྲུང་བྱིན་པ་ཅན་ལ་འདི་སྐད་ཅེས་སྨྲས་སོ། །ཚེ་དང་ལྡན་
Kha479a
༄#། །པ་འོད་སྲུང་བྱིན་པ་ཅན། དགེ་སློང་ས་གས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ད་ཚེ་དང་ལྡན་པ་འོད་སྲུང་བྱིན་པ་ཅན་གྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་འོད་སྲུང་བྱིན་པ་ཅན་གྱིས། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། མུ་གེ་དག་ནི་བྱུང་བ་ན། །གྲོང་ཁྱེར་བ་ནི་མཐའ་དག་གིས། །ལོ་བདུན་ཚང་བར་དགེ་སློང་གི་།དགེ་འདུན་དག་ནི་སྤྱན་དྲངས་སོ། །དེ་ནས་བདག་གི་སྐལ་བར་ནི། །རང་སངས་རྒྱས་ནི་སྐལ་ལྡན་པ། །བསིལ་བར་གྱུར་ཅིང་ཟག་མེད་པའི། །ཐུབ་པ་མཛེས་པ་གཅིག་ཅིག་འོངས། །བདག་གིས་དམ་བཅས་བྱས་པ་ནི། །ལས་མི་བྱེད་ན་བུ་དང་ནི། །ནང་མི་ཡང་རུང་སུ་ལ་ཡང ། །བདག་གིས་ཟན་ནི་མི་སྦྱིན་ནོ། །དེ་ལྟར་རྣམ་པར་བསམ་ནས་ནི། །བདག་གིས་སྡིག་པའི་བློ་བསམ་པ། །དགེ་སློང་ལས་མི་བྱེད་པ་འདི། །བདག་གིས་ཅི་སྟེ་ཟས་སྦྱིན་ཞེས། །དེ་ནས་དྲང་སྲོང་བདག་འགྲོགས་ནས། །ཞིང་ལས་མཐའ་རྣམས་བལྟ་བའི་ཕྱིར། །མཐའ་དག་ཏུ་ནི་བསྐོར་ནས་སུ། །དེ་ཡི་འོག་ཏུ་ཟས་ཟར་བཅུག། ལས་ཀྱི་རྣམ་པར་སྨིན་པ་དེས། །བསྡུས་གཞོམ་དང་ནི་ཚ་བ་ཡི། །དམྱལ་བ་རྣམས་སུ་སྐྱེས་ནས་ནི། །སྡུག་བསྔལ་ཁོ་ནའི་ཚོར་བ་ཐོབ། །དམྱལ་བ་རྣམས་ནས་ཤི་འཕོས་བདག་།གང་དང་གང་དུ་སྐྱེས་པར་ནི། །དེ་ཚེ་བརྩོན་པ་མང་བྱས་ནའང ། །སྡུག་བསྔལ་ཁོ་ནས་ཟས་རྙེད་དོ། །བདག་གི་སྐྱེ་བ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །རྫོགས་སངས་བླ་ན་མེད་པ་ཡི། །དེད་དཔོན་འདི་ནི་མཉེས་པར་
Kha479b
བྱས། །ཡང་དག་དད་པས་རབ་བྱུང་ནས། །བདག་གི་ཟག་པ་རྣམས་བཅོམ་སྟེ། །བདག་གི་མངོན་ཤེས་དྲུག་རེག་ནས། །དགྲ་བཅོམ་ཉིད་ཀྱང་ཐོབ་པར་གྱུར། །ད་དུང་དུ་ཡང་བཙུན་པ་བདག་།འདི་ལྟར་རྫུ་འཕྲུལ་ལྡན་ལགས་ནའང ། །ད་ལྟ་ལན་མང་སོང་ནས་ནི། །སྡུག་བསྔལ་གྱིས་ནི་ཟས་བསྒྲུབ་བོ། །ལམ་ནི་རིང་པོར་སོང་ནས་ཀྱང ། །བདག་ནི་ཟས་དག་སྒྲུབ་པ་ན། །གང་ཚེ་བདག་ནི་དུབ་གྱུར་ནས། ། དེ་ཡི་འོག་ཏུ་ཟས་འགྲུབ་བོ། །རུས་ནི་འོད་སྲུང་ལས་ཀྱི་མིང ། །བྱིན་པ་ཅན་ནི་མཐུ་ཆེན་པོ། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །འོད་སྲུང་བྱིན་པ་ཅན་གྱི་ལེའུ་སྟེ། ཉི་ཤུ་པའོ།། །།སྡོམ་ནི། གྲགས་ལྡན་དང་ནི་དཔལ་སྐྱེད་དང ། །བ་ཀུ་ལ་དང་གསུམ་གྲགས་དང ། །མི་སྐྱེས་དང་ནི་ཡུལ་འཁོར་སྐྱོང ། །ས་ག་འོད་སྲུང་བྱིན་པ་ཅན། །དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་ལམ་ཕྲན་བསྟན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ལམ་ཕྲན་བསྟན། ཚེ་དང་ལྡན་པ་འོད་སྲུང་བྱིན་པ་ཅན་གྱིས། །རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་ལམ་ཕྲན་བསྟན་གྱིས། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། སྔོན་གྱི་ཚེ་རབས་གཞན་རྣམས་སུ། །བདག་ནི་ཕག་རྫིར་གྱུར་པ་ན། །ཕག་རྣམས་ཁ་ནི་བཅིངས་ནས་སུ། །འབབ་ཆུ་ལས་ནི་སྒྲོལ་བར་བྱེད། །འབབ་ཆུ་ལས་ནི་བསྒྲལ་བའི་ཕྱིར། །བདག་གིས་ཆུ་དབུས་
Kha480a
༄#། །ཕྱིན་པ་དང ། །བསྐྱོད་པར་གྱུར་པས་དབུགས་བསུབས་ནས། །ཕག་རྣམས་ཐམས་ཅད་ཤི་བར་གྱུར། །སྐྱོབ་པ་མེད་ཅིང་མགོན་མེད་པས། །བདག་ཀྱང་འབབ་ཆུས་ཁྱེར་བ་ལས། །དྲང་སྲོང་རྗེས་སུ་བརྩེ་བ་དག་།འོངས་ནས་བདག་ནི་ཕྱུང་བར་གྱུར། །དེ་དག་གིས་བདག་དེ་ལས་བསྒྲལ། །དེ་ནས་བདག་གིས་རབ་ཏུ་ཕྱུང ། །བདག་གིས་གདམས་ངག་མེད་པར་ནི། ། འདུ་ཤེས་མེད་ལ་སྙོམས་པར་ཞུགས། །དེ་ནས་འཆི་བའི་དུས་བྱས་ནས། །ལྷ་རྣམས་སུ་ནི་བདག་སྐྱེས་ཏེ། །ལྷ་ཡི་འཇིག་རྟེན་ཤི་འཕོས་ནས། །བདག་གིས་མི་ཡི་སྲིད་པ་ཐོབ། །རྫོགས་པའི་སངས་རྒྱས་མཉེས་བྱས་ནས། །ཁྱིམ་མེད་པར་ནི་རབ་ཏུ་བྱུང ། །རྨོངས་ཤིང་གཡེར་པོ་མ་ཡིན་པས། །བཤད་པ་བདག་གིས་མ་རྟོགས་སོ། །བཙུན་པ་བདག་གིས་ཟླ་གསུམ་དུ། །ཚིགས་བཅད་གཅིག་ལ་ཞུགས་ནས་ནི། །ཚིག་བཞི་པ་ཡི་རྐང་པ་གཅིག་།རྟོགས་པས་འདོད་ཆགས་ཀུན་བཏོན་ཏོ། །བཙུན་པ་དེ་ལྟར་བདག་གིས་ནི། །ལས་གང་བགྱིས་པ་དྲན་ལགས་ཏེ། །བསྐལ་པ་མི་ཉུང་ཡུན་རིང་དུ། །འཁོར་བ་འདི་ནི་བདུག་གིས་བརྒྱུགས། །འཇིག་རྟེན་མགོན་པོའི་སྤྱན་སྔར་ནི། །ལམ་ཕྲན་བསྟན་གྱིས་དཀར་ནག་ལས། །མ་དྲོས་པ་ཡི་མཚོ་ཆེན་དུ། །ལུང་བསྟན་པ་ནི་བྱས་པ་ཡི། །ལམ་ཕྲན་བསྟན་གྱི་ལེའུ་སྟེ། ཉི་ཤུ་གཅིག་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་སྦྲུལ་ཁོལ་ལ་འདི་སྐད་
Kha480b
ཅེས་སྨྲས་སོ། །ཚེ་དང་ལྡན་པ་སྦྲུལ་ཁོལ། ཚེ་དང་ལྡན་པ་ལམ་ཕྲན་བསྟན་གྱིས། རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་སྦྲུལ་ཁོལ་གྱིས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། སངས་རྒྱས་འོད་སྲུང་མྱ་ངན་འདས། །ཐོག་མར་བྱུང་བའི་དགེ་སྦྱོང་ནི། །སྡེ་སྣོད་གསུམ་ལྡན་མང་དུ་ཐོས། །ཆོས་ཀྱི་སེར་སྣ་ཅན་དུ་གྱུར། །དགེ་སློང་གཞན་དག་ཤེས་གྱུར་ནས། །བདག་དང་མཚུངས་པར་འགྱུར་འོང་ཞེས། །བདག་གིས་དགེ་སློང་རྣམས་ལ་ཆོས། །མ་བཏོན་ཅིང་ནི་མ་བཤད་དོ། །བདག་གི་དྲུང་དུ་དགེ་སློང་གང་།། ཉེ་བར་འོངས་ནས་འདི་བྱེད་ནའང ། །ཐམས་ཅད་གདམས་ངག་མ་བྱིན་པར། །ཐམས་ཅད་དུ་ནི་སྤྱོས་ཤིང་བཀྱེ། །དགེ་སློང་རྣམས་ནི་ཉེར་འོངས་ནས། །དེ་ཚེ་བདག་ལ་བཀུར་སྟི་བྱེད། །ཆོས་ནི་རབ་ཏུ་མི་སྟོན་པ། །ཁྱོད་ཀྱི་དེ་ནི་བཟང་མིན་ཟེར། །དེ་ནས་འཆི་བའི་དུས་བབ་ཚེ། །བདག་གིས་ཆོས་ནི་གཞན་དག་ལ། །མ་བསྟན་དེ་ནི་ལེགས་མིན་ཞེས། །བདག་ནི་ཡིད་ལ་འགྱོད་པར་གྱུར། །ཚེ་ཡི་ལྷག་མ་ཉུང་ངུ་ཞིག་།ཞག་བདུན་ལུས་ནས་བདག་གིས་ནི། །རབ་ཏུ་བྱུང་བ་རྣམས་བསགས་ཏེ། །དེ་ནས་ཉེས་པ་བཤགས་པར་བྱས། །བདག་གིས་ཉེས་པ་བཤགས་བྱས་ཤིང ། །སེར་སྣ་དེ་ནི་རྣམ་བསལ་ནས། །དེ་ཚེ་བདག་གིས་ནུབ་བདུན་དུ། །དོན་བཟང་པོ་ཡི་ཆོས་བཤད་དོ། །བདག་གི་བློ་ལ་ཅི་ལྕོགས་པས། །ལེགས་པར་བཤད་པའི་ཆོས་ཐོས་ནས། །ཕན་ཚུན་འདོམས་ཤིང་གཅིག་ལ་
Kha481a
༄#། །གཅིག་།སྨྲ་བར་ཡང་ནི་བྱེད་དུ་བཅུག་།དེ་ཚེ་བདག་གིས་ནུབ་བདུན་དུ། །ཆོས་ནི་ཅུང་ཟད་ཅིག་བཤད་པས། །འདོད་པ་ཐམས་ཅད་འབྱོར་པ་ཡི། །ལྷ་ཡི་འཇིག་རྟེན་དག་ཏུ་དགའ། །ལྷ་ཡི་འཇིག་རྟེན་ཤི་འཕོས་ཏེ། །བདག་གིས་མི་ཡི་སྲིད་ཐོབ་ནས། །གྲོང་ཁྱེར་སེར་སྐྱའི་གཞི་དག་ཏུ། །ཤཱཀྱའི་རྒྱལ་པོའི་རིགས་སུ་སྐྱེས། །ནོར་ཆེན་ལོངས་སྤྱོད་ཆེན་པོ་དང ། གཟུགས་བཟང་བལྟ་ན་སྡུག་པ་དང ། །ཐམས་ཅད་ལ་ཐུག་ཡིད་འོང་ཞིང ། །ཕུན་སུམ་ཚོགས་པའི་མཐར་ཕྱིན་ཏོ། །ཁྱིམ་རེ་ནས་ནི་སྐྱེས་པ་རེ། །ཁྱིམ་མེད་པར་ནི་རབ་བྱུང་ལས། །འདོད་པའི་ལོངས་སྤྱོད་འབྱོར་པས་ན། །བདག་ནི་རབ་བྱུང་མ་བཏུབ་པོ། །རྫོགས་སངས་གང་ཟག་ཟླ་མེད་པས། །བདག་ཉིད་ལ་ནི་ཐུགས་བརྩེའི་ཕྱིར། །ཡང་དང་ཡང་དུ་རབ་བྱུང་བ། །ཡང་དག་ལེན་པར་སྐུལ་མ་མཛད། །དེ་ནས་དེད་དཔོན་བླ་མེད་པ། །སངས་རྒྱས་ལ་ནི་བདག་གིས་གསོལ། །རེ་ཞིག་བདག་གིས་ལོ་བདུན་དུ། །སྦྱིན་པ་མི་ཉུང་གཏང་བར་བགྱི། ། བདག་གིས་སྦྱིན་པ་དག་བཏང་ནས། །ལོ་བདུན་ལོན་པར་གྱུར་པ་དང ། །ཤེས་རབ་མཆོག་ཅན་ཁྱོད་ལས་ནི། །དེ་ནས་བདག་གིས་རབ་ཏུ་འབྱུང ། །ལོ་བདུན་དག་ནི་ཐོགས་ཆེས་ལ། །ཚེ་ནི་ཅུང་ཟད་ཙམ་ཡིན་པས། །སང་ཉིད་འཆི་ཡང་སུས་ཤེས་ཀྱི། །དེ་རིང་ཉིད་དུ་བརྟུལ་ཏེ་གྱིས། །བདག་གིས་གུས་པས་སངས་རྒྱས་ཀྱི། །གསུང་ནི་སླར་ལྡོག་མ་བྱས་པར། །བཙུན་པ་བདག་
Kha481b
ནི་དགུང་བདུན་ན། །ཐུགས་བརྩེས་རབ་ཏུ་བྱུང་བར་མཛོད། །བདག་གིས་ཞག་བདུན་སྦྱིན་བཏང་སྟེ། །ཕོངས་པ་དག་ནི་ཚིམ་བྱས་ནས། །བདག་གི་ཕྱིར་ནི་ཉེ་དུ་དག་།གྲོང་ཁྱེར་དུ་ནི་མེལ་ཚེ་བཙུགས། །སྣང་བ་ཆེན་པོ་རྣམས་ཀྱིས་ནི། །གྲོང་ཁྱེར་མཆོག་ནི་གསལ་བར་བྱས། །སྐྱེ་བོ་དག་གིས་མ་ཚོར་བར། །རབ་བྱུང་ཕྱིར་ནི་སྔོན་དུ་བྱུང ། །བདག་ནི་དད་པས་རབ་བྱུང་ནས། །རྒྱལ་བའི་བསྟན་ལ་བརྩོན་བྱས་ཏེ། །ལོ་ནི་ཉི་ཤུ་ལྔ་ལོན་ཡང ། །སེམས་མཉམ་པ་ཡང་མ་ཐོབ་བོ། །དེ་ནས་བདག་གིས་སྡིག་པའི་སེམས། །འདོད་ལ་ཞེན་པ་སྐྱེས་པ་ནི། །བདུད་རྩི་རྟོགས་པར་མ་གྱུར་གྱི། །དམན་པར་སླར་ནི་བདག་ལྡོག་སྙམ། །དེ་ནས་ངོ་ཚ་ཁྲེལ་ཡོད་པ། །དོན་ཆེན་དག་ནི་སྐྱེས་གྱུར་པ། །བདག་ལ་ཉེ་དུའི་ཚོགས་སྨོད་ཅིང ། །སྐྱོན་དུ་ཡང་ནི་བགྲང་འགྱུར་བ། །དེས་ནི་བདག་དང་འཚམ་མིན་ཞིང ། །དེ་ནི་བཟང་པོ་མ་ཡིན་གྱི། །བདག་ལྟ་གསོན་ནའང་ཅི་རུ་རུང ། །མཚོན་གྱིས་གདབ་པར་བྱའོ་སྙམ། །མཚོན་རྣོན་བདག་གིས་བླངས་ནས་སུ། །སྐྱིལ་མོ་ཀྲུང་ནི་བཅས་ནས་ཀྱང ། །མཚོན་ནི་སྐྱེ་ལ་གཏད་པ་ལས། །དེ་ནས་སེམས་ནི་རྣམ་པར་གྲོལ། །བདག་སེམས་ཐ་བ་ལས་གྲོལ་ནས། །ཡང་དང་ཡང་དུ་བརྗོད་པ་ནི། །ེ་མའོ་སངས་རྒྱས་ཆོས་དགེ་འདུན། །ེ་མའོ་ཆོས་ཉིད་ཨེ་རེ་བཟང ། ། སྔོན་ནི་བདག་གི་འདུ་ཤེས་གང ། །སོ་སོའི་སྐྱེ་བོ་ཤི་བླ་སྙམ། །བདག་གིས་སྲོག་ལ་མ་བལྟས་པས། །ཞི་བ་དམ་པ་ཐོབ་པར་གྱུར། །སྔོན་ནི་འཁུམས་པར་གྱུར་པ་ཡིས། །དམ་ཆོས་སེར་སྣ་བྱས་པ་
Kha482a
༄#། །གང། །བཙུན་པ་དེ་ཡི་འབྲས་བུ་ནི། །སྡུག་བསྔལ་བ་ཡིས་རྣམ་པར་གྲོལ། །བདག་གིས་འཆི་བའི་དུས་ན་ཆོས། །དམ་པ་རབ་བསྟན་གང་ཡིན་པའི། །ལས་ཀྱི་རྣམ་པར་སྨིན་པ་དེས། །ཕུན་སུམ་ཚོགས་པའི་ཕ་རོལ་ཕྱིན། །ཤཱཀྱའི་བུ་ཕོ་དབང་པོ་རྟུལ། །སྦྲུལ་ཁོལ་མཐུ་ཆེན་ལྡན་པས་ནི། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །སྦྲུལ་ཁོལ་གྱི་ལེའུ་སྟེ། ཉི་ཤུ་རྩ་གཉིས་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་མ་འགག་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མ་འགག་པ། །ཚེ་དང་ལྡན་པ་སྦྲུལ་ཁོལ་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། །ཚེ་དང་ལྡན་པ་མ་འགག་པས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་མ་འགག་པས་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། སྔོན་ནི་ཕྲག་ཁུར་ཁྱེར་བ་ཡི། །རྩཝ་འཐུན་དབུལ་པོར་གྱུར་པ་ན། །བདག་གིས་དགེ་སྦྱོང་གྲགས་ལྡན་པ། །ཉོན་མོངས་བཅོམ་ལ་བསོད་སྙོམས་ཕུལ། །ཤཱཀྱའི་རིགས་ལ་བདག་སྐྱེས་ནའང ། །བདག་ནི་མ་འགག་ཡིན་པར་ཤེས། །རོལ་མོ་གླུ་ལ་མཁས་གྱུར་པ། །ཕེག་སྒྲ་ཕྱད་པས་བསླང་བ་ན། །རྫོགས་སངས་ག་ལས་བསྙེངས་མེད་པ། །སྟོན་པ་བདག་གིས་མཐོང་བར་གྱུར། །མཐོང་ནས་བདག་ནི་སེམས་དད་པས། །ཁྱིམ་མེད་པར་ཡང་རབ་ཏུ་བྱུང ། །བདག་གིས་དེ་ཡི་གསུང་ཐོས་ནས། །བསྟན་ལ་དགའ་བས་གནས་གྱུར་ཏེ། །རྟག་ཏུ་ཕ་རོལ་གནོན་བརྟན་
Kha482b
ཞིང། །གཟབ་པའི་བདག་ཉིད་བརྩོན་འགྲུས་བརྩམས། །སངས་རྒྱས་བསྟན་པ་མཐར་ཕྱུང་ནས། །རིག་པ་གསུམ་ནི་རྗེས་སུ་ཐོབ། །བདག་སྔོན་གང་ན་འདུག་པ་ཡི། །སྔོན་གྱི་གནས་ནི་ཤེས་གྱུར་ཏེ། །སུམ་ཅུ་རྩ་གསུམ་ལྷ་རྣམས་སུ། །བདག་གིས་ལན་བདུན་སྐྱེ་བ་བླངས། །སླར་ཡང་མི་ཡི་ནང་དུ་ནི། །མི་ཡི་དབང་པོ་ལན་བདུན་བྱས། །དེ་ཚེ་འཛམ་ཚལ་དབང་ཕྱུག་གི་།རྒྱལ་རིགས་སྤྱི་བོར་དབང་བསྐུར་ཏོ། ། འདིར་ནི་བདུན་དང་དེར་བདུན་ཏོ། །བདག་གི་ལན་ནི་བཅུ་བཞིར་འཁོར། །བདག་སྔོན་གང་ན་འདུག་པ་ཡི། །གནས་ནི་སྔོན་དུ་ཤེས་གྱུར་ཏེ། །ལས་ཀྱི་འབྲས་བུ་དེ་ལྟ་བུ། །བདག་གིས་དེ་ཚེ་ཉམས་སུ་མྱོང ། །གང་དང་གང་དུ་སྐྱེས་པ་ན། །དགའ་བ་དག་གིས་རྒྱུ་བར་བྱེད། །སེམས་ཅན་རྣམས་ཀྱི་འཆི་འཕོ་དང ། །འོང་བ་དང་ནི་འགྲོ་བ་དང ། །འདི་ལྟ་བུ་དང་གཞན་གྱུར་ཤེས། །འཕགས་པའི་ཡན་ལག་ལྔ་ལྡན་དགའ། །ཡན་ལག་ལྔ་པའི་ཏིང་འཛིན་ལ། །ཞི་བ་ཕྱོགས་གཅིག་གོམས་བྱས་ཤིང ། །ཤིན་ཏུ་སྦྱངས་ཐོབ་ལམ་གྱིས་ནི། །ལྷ་ཡི་སྤྱན་ནི་རྣམ་པར་སྦྱངས། །སྟོན་པ་འཇིག་རྟེན་བླ་མེད་ཀྱི། །བདག་གི་ཀུན་རྟོགས་མཁྱེན་ནས་ཀྱང ། །ཡིད་ལས་བྱུང་བའི་སྐུ་ཡིས་ནི། །བདག་དྲུང་རྫུ་འཕྲུལ་གྱིས་བྱོན་ནས། །སྟོན་པ་སྤྲོས་མེད་ལ་དགྱེས་པས། །སྤྲོས་པ་དང་ནི་བྲལ་བ་བཤད། ། བདག་གིས་དེ་ཡི་གསུང་ཐོས་ནས། །བསྟན་ལ་དགའ་བས་གནས་གྱུར་ཏེ། །རྟག་པར་ཕ་རོལ་གནོན་བརྟན་ཞིང ། །གཟབ་པའི་བདག་ཉིད་བརྩོན་འགྲུས་བརྩམས། །སངས་རྒྱས་བསྟན་པ་མཐར་ཕྱུང་
Kha483a
༄#། །ནས། །རིག་པ་གསུམ་ནི་རྗེས་སུ་ཐོབ། །འཆི་བའང་མངོན་པར་མི་དགའ་ཞིང ། །འཚོ་བའང་མངོན་པར་མ་དགའ་སྟེ། །ཤེས་བཞིན་དྲན་དང་ལྡན་པ་ཡིས། །དུས་ལ་སོ་སོར་རྟོག་པར་བྱེད། །ཡངས་པའི་འོད་མའི་གྲོང་ཁྱེར་གྱི། །འོད་མ་ཚང་ཚིང་དེའི་དྲུང་དུ། །བདག་གི་སྲོག་ནི་ཟད་ནས་ཀྱང ། །ཟག་མེད་མྱ་ངན་འདའ་བར་འགྱུར། །བདག་གིས་བསོད་སྙོམས་བྱིན་པས་ནི། །འབྲས་བུ་ཐོབ་པ་འདི་ཡིན་ཏེ། །རྫོགས་སངས་གང་ཟག་ཟླ་མེད་པའི། །སྟོན་པ་བདག་གིས་མཉེས་པར་བྱས། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །ཐམས་ཅད་གཟིགས་པས་བསོད་ནམས་ཅན། །རྣམས་ཀྱི་མཆོག་ཏུ་བདག་བསྟན་ཏོ། །དེ་ལྟར་གནས་བརྟན་མ་འགག་པས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །མ་འགག་པའི་ལེའུ་སྟེ། ཉི་ཤུ་རྩ་གསུམ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། །ཚེ་དང་ལྡན་པ་རི་དྭགས་འཛིན་གྱི་བུ་ནག་པོ་ལ་འདི་སྐད་ཅེས་སྨྲས་སོ་།ཚེ་དང་ལྡན་པ་ནག་པོ། །ཚེ་དང་ལྡན་པ་མ་འགག་པས། །རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་རི་དྭགས་འཛིན་གྱི་བུ་ནག་པོས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། བུ་རམ་སྦྱོར་བའི་ཁང་པ་ན། །བུར་མ་ཤིང་རྣམས་བཙིར་བ་ལས། །རང་སངས་
Kha483b
རྒྱས་ནི་སྐལ་ལྡན་པ། །ནད་པ་གསོར་རུང་ཞིག་འོངས་ནས། །བདག་གིས་ཐུབ་པ་ནུབ་བདུན་དུ། །བུ་རམ་ཏིལ་མར་བསྙེན་བཀུར་བྱས། །སྐལ་ལྡན་ཞག་བདུན་འདས་པ་དང ། །དེ་ནས་དེ་ཡིས་མཁའ་ལ་འཕགས། ། དེ་ནས་བྲན་དེ་ཉེར་འོངས་ནས། །བདག་ལ་སྨྲས་པར་གྱུར་པ་ནི། །ཡོན་གནས་རབ་ཏུ་བྱུང་གྱུར་བ། །དེ་ལྟ་བུ་ནི་སོང་བར་གྱུར། །དྲང་སྲོང་མཁའ་ལས་སོང་ངོ་ཞེས། །བདག་གིས་དེ་ལ་ཚིག་ཐོས་ནས། །སེམས་མགུ་བ་དང་ཡིད་བདེ་བས། །དེ་ཡི་ཚེ་ན་དད་པར་བྱས། །སེམས་རབ་དང་བ་དེ་དང་ནི། །བུ་རམ་སྦྱིན་པར་བཏང་བ་དེས། །བསོད་ནམས་བྱས་པས་མཛེས་པ་ཡི། །ལྷ་དང་མི་ནི་རྣམས་སུ་གྱུར། །བདག་གི་སྐྱེ་བ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །རྫོགས་སངས་བླ་ན་མེད་པ་ཡིས། །དེད་དཔོན་འདི་ནི་མཉེས་པར་བྱས། །ཤཱཀྱ་སེང་གེའི་བསྟན་པ་ལ། །བདག་གིས་རབ་བྱུང་ཐོབ་ནས་ནི། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །ད་དུང་དུ་ཡང་བཙུན་པ་དག་།བདག་གིས་ཆོས་གོས་བསོད་སྙོམས་དང ། །ཡོ་བྱད་དང་ནི་གནས་མལ་གྱི། །རྙེད་པ་མང་པོ་རྙེད་པར་གྱུར། །བདག་ནི་ཆོས་གོས་འདྲུབ་པ་ན། །བུ་རམ་བཏུང་བ་བླུད་པའི་ཕྱིར། །བདག་ལ་བུ་རམ་སྣོད་བཞི་ཞིག་།དགོས་སོ་སྙམ་དུ་བསམ་པ་དང ། །རྒྱལ་པོ་གཟུགས་ཅན་སྙིང་པོ་ལ། །དེ་ནས་ལྷ་ཡིས་སྨྲས་པ་ནི། །རི་དྭགས་འཛིན་བུ་ནག་པོ་ལ། །བུ་རམ་བཏུང་བ་བྱིན་ཅིག་དང ། །མི་ཡི་དབང་པོ་ཁྱོད་ཀྱིས་ནི། །བུ་རམ་བཏུང་བ་དོན་ཆེན་འགྱུར། །འཚོ་བྱེད་ཨ་མྲའི་ཚལ་དུ་ནི། །རི་དྭགས་བུ་ལ་བུ་རམ་སྐྱོལ། །རྒྱལ་པོའི་མཆོག་ནི་མཐུ་ཆེན་
Kha484a
༄#། །པོ། །གཟུགས་ཅན་སྙིང་པོ་བདག་ལ་ནི། །སྣོད་ཆེན་བུ་རམ་གྱིས་བཀང་བ། །བཞི་པོ་དག་ནི་བསྐུར་བར་གྱུར། །དེ་ནས་དེས་ནི་བུ་རམ་དག་།རོ་དང་ལྡན་པ་ཁྱེར་འོངས་ནས། །སྟོང་ནི་ཉིས་བརྒྱ་ལྔ་བཅུ་ཡི། །དགེ་སློང་དགེ་འདུན་ཚིམ་པར་བྱས། །རི་དྭགས་འཛིན་བུ་དགྲ་བཅོམ་པ། །མངོན་ཤེས་དྲུག་ལྡན་མཐུ་ཆེན་པོ། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །རི་དྭགས་འཛིན་གྱི་བུ་ནག་པོའི་ལེའུ་སྟེ། ཉི་ཤུ་རྩ་བཞི་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། །ཚེ་དང་ལྡན་པ་སྒྲ་གཅན་ཟིན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་སྒྲ་གཅན་ཟིན། ཚེ་དང་ལྡན་པ་རི་དྭགས་འཛིན་གྱི་བུ་ནག་པོས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་སྒྲ་གཅན་ཟིན་གྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་སྒྲ་གཅན་ཟིན་གྱིས། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། །བདག་སྔོན་ལུས་འཕགས་མི་ཐི་ལའི། །བདག་པོ་རྒྱལ་པོར་གྱུར་པ་ན། །དགོས་པ་ཞིག་གི་ཕྱིར་འདུག་ནས། །སྐྱེ་བོ་རྗེས་སུ་བསྟན་པ་ན། །དེ་ནས་དྲང་སྲོང་དཀའ་ཐུབ་ཆེ། །གཟི་བརྗིད་མཆོག་འཇིགས་འོངས་གྱུར་ཏེ། །དེ་ནི་ཉེ་བར་འོངས་ནས་ཀྱང ། །བདག་ལ་འདི་སྐད་ཚིག་སྨྲས་སོ། །ས་བདག་བདག་ནི་རྐུན་མ་སྟེ། །བདག་གིས་མ་བྱིན་ཆབ་འཚལ་གྱི། །རྐུན་པོའི་ཆད་པ་ཇི་ལྟ་བར། །ཁྱོད་ཀྱིས་དེ་བཞིན་གཅད་དུ་གསོལ། །དྲང་སྲོང་ཆོས་ཀྱི་ཡོན་ཏན་དགའ། །དེ་ལ་བདག་གིས་དེར་སྨྲས་པ། །ཁྱོད་ལ་ཆུ་ནི་གནང་བར་བྱས། །ཁྱོད་ནི་སོང་ལ་ཅི་བདེར་
Kha484b
སྤྱོད། །རྒྱལ་པོ་བདག་གི་འགྱོད་པ་ནི། །དེ་ལྟས་བསལ་བའི་རྔོ་མི་ཐོགས། །བདག་ལ་ཆད་པས་གཅད་མཛོད་དང ། །འགྱོད་པ་དག་དང་འཕྲལ་བར་འགྱུར། །བདག་གིས་དེ་ནི་སྐྱེད་མོས་ཚལ། །གཞིར་ནི་ཞག་དྲུག་སྤང་བ་བྱས། །དེ་ནི་ཞག་དྲུག་ལོན་ནས་ཕྱིར། །རང་གི་བསྟི་གནས་གནས་སུ་སོང ། །ཞེ་སྡང་མེད་པའི་སེམས་ཀྱིས་ནི། །སྡིག་པ་བདག་གིས་བྱས་པས་ཀྱང ། །རབ་ཏུ་ཚ་དང་ཐིག་ནག་ཏུ། །ལོ་ནི་དྲུག་ཅུ་རྣམས་སུ་བཙོས། །དེ་ནས་ལས་ཀྱི་ལྷག་མས་ནི། །བདག་གི་ལུས་ནི་ཐ་མ་ལ། །མ་ཡི་མངལ་དུ་ལོ་དྲུག་ནི། །ཚང་པར་ཡང་ནི་འདུག་པར་གྱུར། །བདག་ནི་ཞེ་སྡང་མེད་བཞིན་དུ། །ལུས་དང་ངག་གི་ལས་བྱས་པས། །ལས་རྣམས་ཆུད་མི་ཟ་བས་ན། །དེ་ཡི་འབྲས་བུ་ཉམས་སུ་མྱོང ། །དེ་ལྟར་གནས་བརྟན་སྒྲ་གཅན་ཟིན། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །སྒྲ་ཅན་ཟིན་གྱི་ལེའུ་སྟེ། ཉི་ཤུ་རྩ་ལྔ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། །ཚེ་དང་ལྡན་པ་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དགའ་བོ། །ཚེ་དང་ལྡན་པ་སྒྲ་གཅན་ཟིན་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་དགའ་བོས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་དགའ་བོས་ཀྱང་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། རྣམ་པར་གཟིགས་ཀྱི་གསུང་རབ་ལ། བདག་གིས་ལན་གཅིག་ཁྲུས་བྱས་ཏེ། དགེ་སློང་དགེ་འདུན་ཁྲུས་བྱས་ནས། དེ་ཚེ་སྨོན་ལམ་བཏབ་པ་ནི། །གནས་བརྟན་འདི་ལྟ་བུ་དག་དང ། །བདག་ནི་ལྷན་ཅིག་འགྲོགས་པར་ཤོག་།དག་
Kha485a
༄#། །ཅིང་དྲི་མ་མེད་པ་དང ། །ཉོན་མོངས་མེད་ཅིང་ཟག་བྲལ་ཤོག་།ཁ་དོག་བཟང་པོ་དག་དང་ནི། །གཟུགས་བཟང་གྱུར་ཅིག་སྨོན་ལམ་བཏབ། །དེ་ནས་འཆི་འཕོའི་དུས་བྱས་ནས། །ལྷ་རྣམས་སུ་ནི་སྐྱེས་པར་གྱུར། །བདག་ནི་གསེར་གྱི་མདོག་འདྲ་བའི། །མི་དང་ལྷ་ནི་རྣམས་སུ་གྱུར། །གང་དང་གང་དུ་སྐྱེས་བར་ནི། །ལོངས་སྤྱོད་ཆེན་པོས་ཤིན་ཏུ་གནས། །རང་སངས་རྒྱས་ཀྱི་མཆོད་རྟེན་ནི། །ཤིན་ཏུ་དཀར་པོ་བདག་གིས་བརྩིགས། །དེ་ནས་བྱུག་པས་ཐམས་ཅད་ནི། །སེར་པོར་གྱུར་པ་དེ་ལྟར་བྱུགས། །དེ་ནས་མཚན་རྣམས་འདོད་པའི་ཕྱིར། །གསེར་གྱི་མདོག་ཏུ་འགྱུར་པ་དང ། །གསེར་བཟང་དབྱིབས་ནི་ལེགས་འགྱུར་བར། །སྨོན་ལམ་དུ་ནི་གདབ་པ་བྱས། །དག་པའི་ལས་ནི་དེ་བྱས་པས། །གྲོང་ཁྱེར་ཝཱ་ར་ཎཱ་སིར་ནི། །ཀ་ཤིའི་རྒྱལ་པོ་ཀྲི་ཀྲི་ཡི། །བུ་ཕོ་འབྲིང་པོར་བདག་སྐྱེས་སོ། །འོད་སྲུང་མཆོད་རྟེན་མཐོང་ནས་ནི། །དེ་ནས་དད་པའི་སེམས་བསྐྱེད་དེ། །མཆོད་རྟེན་དེ་ལ་བདག་གིས་ནི། གདུགས་འབྲིང་ཞིག་ནི་གདགས་པ་བྱས། །ཁྲུས་དེ་དང་ནི་བསྲོ་གང་དང ། །ཡུང་གི་བྱུག་པས་བྱུགས་པ་དང། །གདུགས་ནི་གདགས་པ་བྱས་པ་ཡི། །བདེ་བ་མང་པོ་ཉམས་སུ་མྱོང ། །དེ་ནས་ལས་ཀྱི་ལྷག་མས་ནི། །བདག་གི་ཡང་སྲིད་ཐ་མ་འདིར། །ཤཱཀྱའི་རྒྱལ་པོའི་རིགས་སྐྱེས་ནས། །སངས་རྒྱས་སྐྱོབ་པའི་མཆེད་དུ་གྱུར། །བདག་གི་ལུས་ནི་འདི་ལ་ཡང ། །སྐྱེས་བུ་ཆེན་པོའི་མཚན་ཡོད་པ། །སུམ་ཅུ་ལྷག་པ་མ་ཡིན་པའི། །སུམ་ཅུ་དམན་པ་མ་ཡིན་པའོ། །ཤཱཀྱ་སེང་གེའི་བསྟན་པ་ལ།།
Kha485b
བདག་གིས་རབ་བྱུང་ཐོབ་ནས་ནི། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །ཐམས་ཅད་གཟིགས་པས་མཛེས་པ་ཡི། །རྣམས་ཀྱི་མཆོག་ཏུ་བདག་བསྟན་ཏོ། །ཉེས་བསལ་ཟག་པ་ཟད་ནས་ནི། །གོ་འཕང་དམ་པ་ཐོབ་པར་གྱུར། །དེ་ལྟར་གནས་བརྟན་དགའ་བོས་ནི། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །དགའ་བོའི་ལེའུ་སྟེ།་ཉི་ཤུ་རྩ་དྲུག་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་གྱད་བུ་ནོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་གྱད་བུ་ནོར། །ཚེ་དང་ལྡན་པ་དགའ་བོས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་གྱད་བུ་ནོར་གྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་གྱད་བུ་ནོར་ཀྱིས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ།་འདི་ནས་བདག་སྔོན་ཚོང་པ་ནི། །ཉ་པ་ཞེས་ནི་བྱ་བར་གྱུར། །ཚོང་པའི་ལམ་དུ་ཞུགས་པ་ན། དབང་དུ་གྱུར་ཅིང་ཟག་མེད་པ། །ཉོན་མོངས་མེད་པའི་རང་སངས་རྒྱས། །དྲང་སྲོང་ཞིག་ནི་མགྲོན་པར་འོངས། །དེ་ཡི་བར་དུ་བདག་གིས་ནི། །རྟག་པར་ཟས་ལ་མགྲོན་དུ་བོས། །གང་དུ་བྲང་ནི་འདེབས་འགྱུར་པ། །དེར་ནི་གདིང་བ་དག་ཀྱང་བཤམས། །རྐང་པའི་ཆུ་དང་ཏིལ་མར་དང ། །དེ་ཡི་མར་མེ་དག་ཀྱང་བཤམས། ། ཇི་སྲིད་ལམ་ཡོད་དེ་སྲིད་དུ། །བདག་གིས་དེ་ལ་བཀུར་སྟི་བྱས། །ཚོང་པ་རྣམས་ཀྱིས་རིམ་བཞིན་དུ། །རྒྱ་མཚོའི་འགྲམ་དུ་ཕྱིན་པ་དང ། །དགེ་སློང་གྲུ་དྲུང་ཉེར་འོངས་ནས། །བདག་གིས་དེ་ལ་སྨྲས་པ་ནི།
Kha486a
༄#། །བཙུན་པ་རྒྱ་མཚོ་འདི་ལ་ནི། །ནོར་གྱི་སླད་དུ་བཞུད་དམ་ཅི། །བཙུན་པ་བདག་ཅག་ཕོངས་པས་ན། །འདོད་པ་དག་གི་ཕྱིར་ཡང་ནི། །རྒྱ་མཚོ་ཆེན་པོའི་ཚུ་ཚོགས་ལ། །ཉེན་ཅན་དུ་ནི་འཇུག་པར་བྱེད། །བདག་ལ་དགེ་སློང་དེས་སྨྲས་པ། །བདག་ནི་མྱ་ངན་འདས་པ་ཡིན། །ཁྱེད་ཅག་གཉེན་ཀུན་ལྷན་ཅིག་ཏུ། །ནོར་ཆེན་བསོད་ནམས་ཆེ་བདེར་གྱུར། །དེ་ཚེ་དེ་ལ་བདག་གིས་ནི། །རབ་དགས་ཆོས་གོས་བཟང་པོ་ཕུལ། །མགོ་བོས་ཕྱག་ནི་བྱས་ནས་ཡང ། །དེ་ལ་བསྐོར་བ་དག་བྱས་སོ། །དེ་ནས་བདག་ལ་ཐུགས་བརྩེའི་ཕྱིར། །དེ་ནི་ཆོས་གོས་བླངས་ནས་ནི། །དེ་དག་ཐམས་ཅད་བལྟ་བཞིན་དུ། །དེ་ཡི་འོག་ཏུ་མཁའ་ལ་འཕགས། །ཆོ་འཕྲུལ་བྱེད་པ་དེ་མཐོང་ནས། །དེ་ཚེ་བདག་ནི་སྐྱོ་གྱུར་ནས། །བདག་གིས་ཐལ་མོ་སྦྱར་བྱས་ཏེ། །དེ་ནས་སྨོན་ལམ་བཏབ་པ་ནི། །གནས་བརྟན་འདི་ལྟ་བུ་དག་དང ། །བདག་ནི་ལྷན་ཅིག་འགྲོགས་པར་ཤོག་།འདི་ཡི་ཆོས་ནི་གང་དག་ཐོབ། །དེ་དག་བདག་གིས་ཐོབ་པར་ཤོག་།རྫོགས་སངས་རྒྱས་ནི་མཉེས་བྱེད་ཅིང ། །རབ་ཏུ་བྱུང་བ་ཐོབ་པ་དང། །དགེ་འདུན་ལ་ཡང་རྫུ་འཕྲུལ་གྱིས། །རྣམ་འཕྲུལ་བཀུར་སྟི་བྱེད་པར་ཤོག་།དགེ་བའི་རྩ་བ་དེ་ཡིས་ནི། །ལྷ་ཡི་འཇིག་རྟེན་རབ་ཏུ་དགའ། །མི་ཡི་འཐོབ་པ་ཐོབ་ནས་ཀྱང ། །བདེ་བ་རྒྱ་ཆེན་ཉམས་སུ་མྱོང ། །སྐྱེ་བ་དེ་དང་དེ་དག་ཏུ། །བདག་ནི་ནོར་ཆེན་ཕྱུག་པ་དང ། །བསོད་ནམས་བྱས་པས་མཛེས་པ་ཡི། །ལྷ་དང་མི་ནི་རྣམས་སུ་གྱུར། །བསྐལ་པ་ཐ་མ་འདི་ལ་ནི། །སྲིད་པ་ཐ་མ་འདི་
Kha486b
ལ་ཡང ། །ཀུ་ཤི་ཞེས་བྱའི་གྱད་རྣམས་ཀྱི། །གྱད་ཀྱི་བུར་ནི་བདག་སྐྱེས་ཏེ། །བལྟ་ན་སྡུག་ཅིང་མཛེས་པ་དང ། །གཟུགས་བཟང་སྤྱོད་པ་མཛེས་པ་དང ། །ཐམས་ཅད་ལ་སྡུག་ཡིད་འོང་ཞིང ། །ཕུན་སུམ་ཚོགས་པ་མཐར་ཕྱིན་ཏོ། །སངས་རྒྱས་ཤཱཀྱ་སེང་གེ་ནི། །བླ་ན་མེད་པ་མཉེས་པར་བྱས། །མཐོང་ནས་བདག་སེམས་དད་བྱས་ཏེ། །ཁྱིམ་མེད་པར་ནི་རབ་ཏུ་བྱུང ། །མ་ག་དྷ་ཡི་རི་རྒྱུད་ནས། །འོད་མའི་ཚལ་དུ་གནས་བཅས་ནས། །དགེ་སློང་དགེ་འདུན་མཐོ་འཚམ་པའི། །ཉན་ཐོས་དག་ཅིག་དེར་ལྷགས་ཏེ། །གནས་མལ་དག་ནི་བསྐོས་ན་ཡང ། །དགེ་སློང་རྣམས་ལ་སྤྱོ་བྱེད་དེ། །རྣམ་པར་འཚེ་ཞིང་སྐྲོད་པ་དང། །ཡང་དང་ཡང་དུ་གཤེ་བར་བྱེད། །ཚངས་པ་མཚུངས་སྤྱོད་རྣམས་མཐོང་ནས། །བདག་ནི་སྙིང་རྗེ་བར་གྱུར་ཏེ། །བདག་ནི་ཟག་པ་ཟད་གྱུར་ཀྱང ། །ཉིད་ཀྱིས་དགེ་སློང་བསྙེན་བཀུར་བྱ། །བདག་གིས་བརྩོན་འགྲུས་བརྩམས་ནས་ནི། །བསྟན་པ་འདི་ལ་བརྩོན་བྱས་པས། །དགྲ་བཅོམ་བདག་གིས་ཐོབ་ནས་ནི། །མངོན་ཤེས་དྲུག་ལ་དབང་བྱས་སོ། །སྟོན་པའི་སྤྱན་སྔར་སོང་ནས་ནི། །ཐུབ་ལ་མགོ་བོས་ཕྱག་བྱས་ཏེ།། ཐལ་མོ་སྤྱི་བོར་སྦྱར་ནས་སུ། །སྐྱེས་བུ་དམ་པ་ལ་གསོལ་བ། །འདོད་ཆགས་གཏི་མུག་གིས་མ་ལགས། །བྱམས་སེམས་གུས་དང་བཅས་པ་ཡིས། །ཐུབ་པ་བདག་ནི་དགེ་སློང་གི་།རིམ་གྲོ་བགྱིད་པ་གནང་བར་མཛོད། །ཕ་རོལ་སེམས་ལ་མཁས་པ་ཡི། །སྟོན་པས་བདག་གསོལ་མཁྱེན་ནས་ནི། །ཉིད་ཀྱིས་དགེ་སློང་དགེ་འདུན་མདུན། །གཉུག་མའི་རིམ་གྲོ་བྱེད་དུ་བཅུག་།བྱམས་པའི་ལུས་ཀྱིས་
Kha487a
༄#། །ལས་དང་ནི། །དེ་བཞིན་ངག་དང་ཡིད་ཀྱིས་ཀྱང ། །བདག་གིས་རྟག་ཏུ་སེམས་སྨད་ནས། །དགེ་སློང་དགེ་འདུན་རིམ་གྲོ་བྱས། །སྤྱོད་པ་ལ་ནི་ཞུགས་པ་དང ། །ལམ་ནས་འོངས་པའི་དགེ་སློང་དག་།བདག་གིས་མཐོང་ནས་དགའ་བ་དག་།སོ་སོར་ཡིད་ནི་བདེ་གྱུར་ན། །ཏིལ་མར་རབ་འབར་ལྟ་བུ་ཡི། །བདག་གིས་སོར་ལྔའི་སྒྲོན་མ་ཡི། །རྫུ་འཕྲུལ་རྣམ་པར་བསྟན་བྱས་ནས། །གནས་མལ་དག་ནི་འཆའ་བར་བྱེད། །དགེ་སློང་གང་དག་བདག་གི་ནི། །ཆོ་འཕྲུལ་འདི་ནི་བལྟ་འདོད་ན། །ནམ་ནི་སྲོས་པར་གྱུར་པ་དང ། །མུན་ཁུང་བདག་དྲུང་ལྷགས་ནས་ནི། ། དེ་རྣམས་ལ་ནི་ཅི་རིགས་པར། །བྱམས་སེམས་གུས་དང་བཅས་པ་ཡི། །གནས་མལ་དག་ནི་འཆའ་བྱེད་ཅིང ། །སྐྱེ་བོ་མང་པོ་སྐྱོ་བ་བསྐྱེད། །བདག་གིས་བསམ་པ་གང་ཡིན་དང ། །བདག་གིས་སྨོན་ལམ་གང་བཏབ་པ། །བདག་གི་བཟང་པོ་དེ་གྲུབ་ཅིང ། །གོ་འཕང་མི་གཡོ་བདག་གིས་ཐོབ། །དེ་ལྟ་བུར་ནི་གྱད་བུ་ནོར། །ཟག་པ་མེད་ཅིང་དབང་གྱུར་པས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །གྱད་བུ་ནོར་གྱི་ལེའུ་སྟེ། ཉི་ཤུ་བདུན་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་ཉེ་སྡེ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉེ་སྡེ།་ཚེ་དང་ལྡན་པ་གྱད་བུ་ནོར་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱིས། ཚེ་དང་ལྡན་པ་ཉེ་སྡེས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་ཉེ་སྡེས་དེའི་ཚེ་རང་གི་ལས་
Kha487b
ཀྱི་རྒྱུ་བ་ལུང་སྟོན་པར་བྱེད་དེ། །འདས་པ་དག་གི་དུས་ན་བདག་།རྔོན་པ་དག་ཏུ་གྱུར་པ་ན། །ནགས་ཆེན་ཉམས་དགར་བྱུལ་བ་དང ། །རི་དྭགས་རྣམ་པ་སྣ་ཚོགས་མཐོང ། །དུག་གིས་བསྐུས་པའི་མདའ་རྣམས་དང ། །གཞུ་ཡི་ཚོགས་དག་བླངས་ནས་ནི། །རི་དྭགས་མང་པོའི་རི་ཡི་རྫོང ། །དེ་དང་དེར་ནི་བདག་གིས་རྒྱུས། །བདག་གིས་རི་དྭགས་རྣམས་མཐོང་ནས། །གདུག་པའི་སེམས་ནི་ཉེར་བཞག་ནས། །དུག་གིས་བསྐུས་པའི་མདའ་རྣམས་ཀྱིས། །རི་དྭགས་མང་པོ་རབ་ཏུ་བསྣུན། །བདག་གི་ལག་ན་གཞུ་དང་ནི། །དུག་གིས་བསྐུས་པའི་མདའ་སེལ་བཞིན། །རང་སངས་རྒྱས་ཤིག་ལྗོན་ཤིང་གི། དྲུང་ན་བཞུགས་པ་མཐོང་བར་གྱུར། །བདག་གི་དགེ་སྦྱོང་དེ་མཐོང་ནས། །དེ་ཚེ་ཡིད་ནི་མི་བདེར་གྱུར། །དེ་ནས་ཐུབ་པ་གནོད་མེད་པའི། །ལུས་ལ་མདས་ནི་བསྣུན་པར་གྱུར། །དེ་ཡི་འོག་ཏུ་དགེ་སློང་དེ། །མདའ་ཡི་ཟུག་རྔུའི་སྡུག་བསྔལ་ལྡན། །ཤིང་དེ་ཉིད་ཀྱི་དྲུང་དུ་ནི། །ལེན་པ་མེད་པར་མྱ་ངན་འདས། །རྩུབ་པའི་ལས་དེ་བྱས་པས་ན། །སེམས་ཅན་དམྱལ་བར་སྐྱེས་ནས་ནི། །དེ་ལ་ལོ་ནི་སྟོང་ཕྲག་ཏུ། །བདག་གིས་སྡུག་བསྔལ་ཚོར་བ་མྱོང ། །དེ་ནས་དམྱལ་ལས་ཤི་འཕོས་ནས། །དུད་འགྲོའི་སྐྱེ་གནས་སོང་ནས་ནི། །རི་ཡི་རྫོང་ནི་དེ་ཉིད་དུ། །བདག་ནི་རི་དྭགས་རྣམས་སུ་སྐྱེས། །རྟག་ཏུ་འཇིགས་ཤིང་བག་ཚ་ཞིང ། ། བཀྲེས་ཤིང་སྐོམ་པས་ཉེན་པས་ན། །རིད་ཅིང་ཤིན་ཏུ་སྡུག་བསྔལ་པས། །བདག་ནི་དེ་དང་དེར་རྒྱུའོ། །རྫོང་དེར་རྔོན་པ་གདུག་པ་ནི། །ཤིན་ཏུ་མི་བཟད་པ་རྣམས་ཀྱིས། །དུག་གིས་བསྐུས་པའི་མདའ་
Kha488a
༄#། །རྣོན་གྱིས། །བདག་གིས་ལུས་ལ་བསྣུན་པར་གྱུར། །བདག་འགྱེལ་དེ་དག་གིས་མཐོང་ནས། །བདག་ནི་གསོན་ཞིང་འགུལ་བཞིན་དུ། །མཚོན་གྱིས་ཡན་ལག་རྣམས་ཀྱི་ཤ། བཅད་ནས་དེ་རྣམས་ཁྱེར་ཞིང་འདོང ། །བདག་ནི་ས་ཕྱོགས་དེ་ཉིད་དུ། །ཤ་ཡི་ཆེད་དུ་བསད་བྱས་ཏེ། །དེ་ལྟར་ཚེ་རབས་ལྔ་བརྒྱར་ནི། །སྡུག་བསྔལ་མང་པོ་བསྒྲུབས་པ་ཡིན། །རི་བོ་དེ་ཉིད་ངོས་ནས་ནི། ། དཀའ་ཐུབ་ལྡན་ལ་མཐུ་ཆེ་ཞིང ། །རྫུ་འཕྲུལ་ཆེ་གཟི་མི་བཟད་པའི། །དྲང་སྲོང་རབ་ཏུ་མང་པོ་མཐོང ། །བདག་གིས་དྲང་སྲོང་དེ་མཐོང་ནས། །དེ་ནས་བྱམས་པའི་སེམས་བསྒོམས་ཏེ། །བློ་བཟང་བྱམས་དང་ལྡན་པ་ལ། །ཡང་དང་ཡང་དུ་བལྟ་བྱས་སོ། །དཀའ་ཐུབ་ལྡན་པ་དེ་རྣམས་ལ། །བདག་གིས་གུས་བཅས་སེམས་དད་བྱས། །དགེ་བའི་རྩ་བ་དེ་ཡིས་ནི། །བདག་གིས་མི་ཡི་སྲིད་པ་ཐོབ། ཟས་དོན་གཉེར་བའི་སློང་བ་ནི། །རང་སངས་རྒྱས་ཤིག་མཐོང་ནས་ནི། །གུས་པ་ཡིས་ནི་རྟག་པར་དེ། །བདག་གིས་ཟས་མལ་སྤྱན་དྲངས་སོ། །བཙུན་པ་དེ་ཚིམ་བྱས་ནས་སུ། །དེ་ཚེ་སྨོན་ལམ་བཏབ་པ་ནི། །དྲང་སྲོང་འདི་ལྟ་བུ་དག་དང ། །བདག་ནི་ལྷན་ཅིག་འགྲོགས་པར་ཤོག་།རྫོགས་སངས་རྒྱས་ནི་མཉེས་བྱེད་ཅིང ། །བདག་གིས་རབ་བྱུང་ཐོབ་ནས་ནི། །འཇིགས་ཤིང་སྐྲག་པ་མེད་པ་ཡི། །ཟག་པ་མེད་ལ་གནས་པར་ཤོག་།དགེ་བའི་ལས་དེ་བྱས་པས་ན། །ལྷ་ཡི་འཇིག་རྟེན་རབ་ཏུ་དགའ། །མི་ཉིད་རྙེད་པ་ཐོབ་ནས་ཀྱང ། །ཕྱུག་ཅིང་ནོར་ནི་མང་བར་གྱུར། །རྫོགས་སངས་གང་ཟག་ཟླ་མེད་པ། །སྟོན་
Kha488b
པ་བདག་གིས་མཉེས་པར་བྱས། །བདག་གིས་ཤཱཀྱ་ཐུབ་མཐོང་ནས། །ཁྱིམ་མེད་པར་ནི་རབ་ཏུ་བྱུང ། །དད་པས་རབ་ཏུ་བྱུང་ནས་ཀྱང ། །བསྟན་ལ་དགའ་བས་གནས་བྱས་པས། །བདག་གིས་དགྲ་བཅོམ་ཐོབ་ནས་ནི། །མངོན་ཤེས་དྲུག་ལ་དབང་བྱས་སོ། །ད་དུང་དུ་ཡང་བཙུན་པ་དག་།བདག་ནི་ཐམས་ཅད་དབང་གྱུར་ནའང ། །ཕུག་གི་ནང་དུ་ཞུགས་ནས་སུ། །འཆི་བར་ཉེ་བར་གྱུར་པ་ན། །སྦྲུལ་དུག་ཤིན་ཏུ་མི་བཟད་པ། །བདག་གི་ལུས་ལ་འབབ་པར་གྱུར། །བཙུན་པ་བདག་གིས་ཉེས་སྤྱད་པས། །གང་བགྱིས་དྲན་པ་འདི་ལགས་ཏེ། །ལས་ནི་ཆུད་མི་ཟ་བས་ན། །དེ་ཡི་འབྲས་བུ་ཉམས་སུ་མྱོང ། །དེ་ལྟར་གནས་བརྟན་ཉེ་སྡེ་ཡིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ཉེ་དེའི་ལེའུ་སྟེ། ཉི་ཤུ་རྩ་བརྒྱད་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་བཟང་ལྡན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་བཟང་ལྡན། ཚེ་དང་ལྡན་པ་ཉེ་སྡེས། རང་གི་ལས་ཀྱི་རྒྱུ་བ་ལུང་བསྟན་ཟིན་གྱིས། ཚེ་དང་ལྡན་པ་བཟང་ལྡན་གྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་བཟང་ལྡན་ཤཱཀྱའི་རྒྱལ་པོས། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། དགོན་པ་ཤིན་ཏུ་འཇིགས་ཆེན་གྱི། །མུ་གེ་དག་ནི་བྱུང་བ་ན། །རང་གི་ཟས་ནི་དོན་གཉེར་བ། །སློང་བ་པོ་ནི་ལྔ་བརྒྱ་ཡི། །དེ་རྣམས་ཀུན་གྱི་དཔོན་གྱུར་ཅིང ། །དེ་དག་ཀུན་གྱིས་གཙོར་བཀུར་ཏེ། །དེ་རྣམས་ཀུན་གྱིས་བསླངས་པ་ཡི། །ཟས་ནི་བདག་ལ་དབུལ་བར་
Kha489a
༄#། །བྱེད། །དེ་དག་བཟང་ངམ་ངན་པའང་རུང ། །ཐོབ་པ་བདག་ལ་འགེད་པར་བྱེད། །བདག་གིས་ཚིག་གིས་གནས་པས་ན། །དེ་དག་བདག་ལ་བརྙས་མི་བྱེད། །མི་ཞིག་སྣུམ་ཁུར་ཞིག་ཁྱེར་ནས། །ཚོང་འདུས་ནང་ནས་འགྲོ་བ་ལས། །བདག་གིས་དེ་ལ་མཐུས་འཕྲོག་སྟེ། །ཁྱེར་ནས་དེ་ནས་སོང་བ་དང ། །དེ་ནས་བདག་གིས་བརྒྱུགས་པ་དང ། །ཕྱི་བཞིན་དུ་ནི་བསྙེགས་མ་བྱུང ། །སྨྱག་བཅད་བྲོས་པར་གྱུར་པ་ན། །དེ་དག་གིས་ནི་བཟུང་མ་ནུས། །འབབ་ཆུའི་ཕ་རོལ་བརྒལ་ནས་ནི། །བདག་ནི་ཕྱོགས་གཅིག་འདུག་ནས་སུ། །འགའ་ཞིག་འོང་བར་འགྱུར་སྙམ་ནས། །མཐའ་དག་ཏུ་ནི་ལྟ་བར་བྱས། །སྣུམ་ལ་གཡོས་ལེགས་བྱས་ཟིན་པའི། །སྣུམ་ཁུར་བདག་གིས་ཟོས་ནས་ནི། །དེ་ནས་བདག་གིས་ལྟོ་འགྲངས་པས། །ཉིན་ཞག་གཅིག་ནི་ཐུབ་འགྱུར་སྙམ། །དེ་ནས་སྐལ་ལྡན་རང་སངས་རྒྱས།། ཡང་སྲིད་སྐྱེ་བ་ཟད་གྱུར་པ། །རྫུ་འཕྲུལ་ཆེ་གཟི་མི་བཟད་པ། །དྲང་སྲོང་འཇིགས་པ་ཞིག་འོངས་སོ། །བདག་གི་སེམས་ལ་བསམ་པ་ནི། །སྡུག་བསྔལ་བཀྲེན་པར་གྱུར་པ་ནི། །སྔོན་ཆད་བསོད་ནམས་མ་བྱས་པས། །དེས་བདག་འདི་ལྟར་བཀྲེན་པར་གྱུར། །མ་ལ་བདག་གིས་དགེ་སྦྱོང་འདི། །སྣུམ་ཁུར་གཙང་མ་འདི་སྦྱིན་ཏེ། །བདག་ནི་ལྟོགས་པས་ཤི་བླ་ཡི། །འདི་ལྟར་བཀྲེན་པ་མི་རུང་ངོ ། །དེ་ལ་བདག་སེམས་དད་བྱས་ནས། །ཡིད་མགུ་བ་དང་རངས་པ་ཡིས། །དགེ་སློང་དམ་པ་མཆོད་འོས་པའི། །ཡོན་གནས་དེ་ལ་སྣུམ་ཁུར་ཕུལ། །སྐལ་ལྡན་གྱིས་ནི་དེ་བླངས་ནས། །བདག་ཉིད་ལ་ནི་སྙིང་
Kha489b
བརྩེའི་ཕྱིར། །དེ་ཉིད་དུ་ནི་ལོངས་སྤྱད་ནས། །དེ་ནས་མཁའ་ལ་འཕགས་པར་གྱུར། །དེ་ནས་སྨོན་ལམ་བཏབ་པ་ནི། །བདག་ནི་བཀྲེན་པར་མི་འགྱུར་ཞིང ། །ཁ་དོག་བཟང་པོ་རྣམས་དང་ནི། །རིགས་བཙུན་པ་ཡང་དོན་དུ་གཉེར། །གནས་བརྟན་འདི་ལྟ་བུ་དག་དང ། །བདག་ནི་ལྷན་ཅིག་འགྲོགས་པར་ཤོག་།ཁྱོད་ཉིད་ཀྱིས་ནི་གང་རྟོགས་པ། །དེ་འདྲའི་ཆོས་ནི་ཤེས་པར་ཤོག་།དགེ་བའི་ལས་དེ་བྱས་པས་ན། །བདེ་བ་མང་པོ་ཉམས་སུ་མྱོང ། །བསོད་ནམས་བྱས་པས་མཛེས་པ་ཡི། །ལྷ་དང་མི་རྣམས་སུ་ཡང་གྱུར། །ལྷ་དང་མི་ཡི་རྒྱལ་སྲིད་ཀྱང ། །བདག་གིས་མང་པོ་ཉམས་སུ་མྱོང ། །ལས་དེ་ཡིས་ནི་ལན་འགའ་ཡང ། །བདག་ནི་ངན་འགྲོར་མ་སོང་ངོ ། །དེ་ནས་ལས་ཀྱི་ལྷག་མས་ནི། །བདག་གི་ཡང་སྲིད་ཐ་མ་འདིར། །ཤཱཀྱ་རྣམས་ཀྱི་གྲོང་མཆོག་ཏུ། །རིགས་བཙུན་པར་ནི་བདག་སྐྱེས་སོ། །བདག་གི་སྐྱེ་བ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །ཡང་དག་སངས་རྒྱས་བླ་མེད་པ། །ཤཱཀྱ་སེངྒེ་འདི་མཉེས་བྱས། །གང་ཚེ་སངས་རྒྱས་བཅོམ་ལྡན་འདས། །ཉེ་དུ་གནས་སུ་གཤེགས་པ་ན། །དེ་ཚེ་བདག་ནི་ཉེ་དུ་ཡི། །མདུན་དུ་བདར་ནས་རབ་ཏུ་བྱུང ། །བདག་གི་སྨོན་པ་གང་ཡིན་པ། །དེ་ནི་བདག་གིས་ཡོངས་རྫོགས་ཏེ། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །རྒྱལ་པོའི་རྒྱུད་ལས་རབ་བྱུང་བ། །སངས་རྒྱས་ཉེ་དུ་བཟང་ལྡན་གྱིས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ཤཱཀྱའི་རྒྱལ་པོ་བཟང་ལྡན་གྱི་ལེའུ་སྟེ། ཉི་ཤུ་དགུ་པའོ།། །།དེ་
Kha490a
༄#། །ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་མཛེས་བཟང་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མཛེས་བཟང ། ཚེ་དང་ལྡན་པ་ཤཱཀྱའི་རྒྱལ་པོ་བཟང་ལྡན་གྱིས། རང་གི་ལས་ཀྱི་རྒྱུ་བ་ལུང་བསྟན་ཟིན་གྱིས། ཚེ་དང་ལྡན་པ་མཛེས་བཟང་གིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་མཛེས་བཟང་གིས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། །སྐྱོབ་པ་ལོག་པར་དད་སེལ་གྱི། །མཆོད་རྟེན་ཞིག་ནི་བརྩིགས་པ་ན། །དེ་ཚེ་བདག་ནི་མཁར་ལན་པ། །གླ་མིར་གྱུར་ཏེ་དེ་ནས་ནི། །བདག་གིས་མཆོད་རྟེན་བརྩིགས་པ་ལ། །ཡང་དང་ཡང་དུ་དཔྱད་པ་ནི། །མཆོད་རྟེན་འདི་ནི་ཆེ་ཆེས་པས། །ནམ་ཞིག་ན་ནི་ཐར་པར་འགྱུར། །མཆོད་རྟེན་འདི་ནི་དཔངས་དམའ་ཞིང ། །ཆུང་ངུ་ཞིག་ཏུ་བྱས་གྱུར་ན། ། འགོད་པ་ཆུང་ཞིང་ཉོན་མོངས་མེད། །མྱུར་དུ་མཐར་ཡང་ཕྱིན་པར་འགྱུར། །ལས་ཀྱི་རྣམ་སྨིན་དེ་དང་ནི། །ངག་གི་ཉེས་པ་སྤྱད་པ་དེས། །དེ་ནས་འཆི་འཕོའི་དུས་བྱས་ཏེ། །དམྱལ་བ་རྣམས་སུ་སྐྱེས་པར་གྱུར། །དམྱལ་བ་ནས་ནི་ཤི་འཕོས་བདག་།གང་དང་གང་དུ་སྐྱེས་པར་ནི། །ཁ་དོག་ངན་ཅིང་བོང་ཆུང་ལ། །བདག་ནི་ཡོངས་ཀྱིས་སྨད་པར་གྱུར། །འོད་སྲུང་གི་ནི་གསུང་རབ་ཆེ། །སྔོན་ནི་ཁུ་བྱུག་ཕོར་གྱུར་ནས། །ཝཱ་ར་ཎཱ་སིའི་ལམ་གྱི་བར། །ཚལ་སྟུག་པོ་ཡི་ནང་ན་གནས། །དེ་ན་འཇིག་རྟེན་རབས་གསལ་མཛད། །དགེ་སློང་དགེ་འདུན་མདུན་བྱས་ཏེ། །བདག་གིས་འཇམ་དབྱངས་སྐད་ཕྱུང་
Kha490b
ཞིང། །ནམ་མཁའ་ལས་ནི་དེ་བསྐོར་ཏོ། །ཇི་ཙམ་ཡང་དག་སངས་རྒྱས་ནི། །བསོད་སྙོམས་དོན་ཕྱིར་གཤེགས་མཐོང་ནས། །འབྱུང་བ་དང་ནི་གཤེགས་པ་ལས། །རྟག་ཏུ་ཡང་ནི་བསྐོར་བ་བྱས། །དགེ་བའི་རྩ་བ་དེ་ཡིས་ནི། །བདག་གིས་མི་ཡི་སྲིད་ཐོབ་ནས། །རྫོགས་པའི་སངས་རྒྱས་བླ་མེད་པ། །དེད་དཔོན་འདི་ནི་མཉེས་པར་བྱས། །ཤཱཀྱ་སེང་གེའི་བསྟན་པ་ལ། །བདག་གིས་རབ་བྱུང་ཐོབ་ནས་ནི། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །བདག་ནི་ཐམས་ཅད་གཟིགས་པ་ཡིས། །འཇམ་དབྱངས་རྣམས་ཀྱི་མཆོག་དང་ནི། །མང་དུ་ཐོས་དང་ཆོས་འཛིན་དང ། །དགེ་བའི་སྤོབས་པ་ཅན་དུ་བསྟན།། ལྷའམ་ཡང་ན་མི་ཡང་རུང ། །འཁོར་བཞི་པོ་དག་བདག་ལས་ནི། །སྙན་ཅིང་འཇེབས་པའི་ཆོས་ཐོས་ནས། །ཐམས་ཅད་རབ་ཏུ་དགའ་བར་གྱུར། །དགེ་བ་ཉུང་ངུ་བྱས་པ་དང ། །མི་དགེ་མང་པོ་བྱས་པ་ཡི། །ལས་རྣམས་ཆུད་མི་ཟ་བས་ན། །དེ་ཡི་འབྲས་བུ་ཉམས་སུ་མྱོང ། །དེ་ལྟར་གནས་བརྟན་མཛེས་བཟང་གིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །མཛེས་བཟང་གི་ལེའུ་སྟེ། སུམ་ཅུ་པའོ།། །།སྡོམ་ནི། ལམ་ཕྲན་སྦྲུལ་ཁོལ་མ་འགག་དང ། །ནག་པོ་ལྔ་པ་སྒྲ་གཅན་དང ། །དགའ་བོ་ནོར་དང་ཉེ་སྡེ་དང ། །བཟང་ལྡན་དང་ནི་མཛེས་བཟང་ངོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་གནས་འཇོག་སྦྲང་རྩི་ཅན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་གནས་འཇོག་སྦྲང་རྩི་ཅན། །ཚེ་དང་ལྡན་པ་མཛེས་
Kha491a
༄#། །བཟང་གིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་གནས་འཇོག་སྦྲང་རྩི་ཅན་གྱིས་ཀྱང ། ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་གནས་འཇོག་སྦྲང་རྩི་ཅན་གྱིས། དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། བདག་ནི་སྔོན་ནི་ཡངས་པ་ཡི། །སྤྲ་ཆེན་སྤྲེའུ་དབང་གྱུར་པ་ན། །ལྷུང་བཟེད་མང་པོ་མཐོང་ནས་ནི། །རྒྱལ་བའི་ལྷུང་བཟེད་བླངས་པ་ལས། །དགེ་སློང་རྣམས་ཀྱིས་བདག་བཀག་ནས། །དེ་ནས་བཅོམ་ལྡན་བཀའ་སྩལ་པ། །འདི་ནི་ལྷུང་བཟེད་མི་གཅོག་གི་།དགེ་སློང་རྣམས་ཀྱིས་མ་དགག་ཅིག་།སྟོན་པའི་ལྷུང་བཟེད་ཁྱེར་ནས་ནི། །ཤིང་གི་ཁར་ནི་འཛེགས་ནས་ནི། །སྦྲང་རྩིས་ཡོངས་སུ་བཀང་ནས་ཀྱང ། །དལ་བུས་རིམ་གྱིས་བབས་ནས་ནི། །ལྷུང་བཟེད་སྦྲང་རྩི་ཅན་ཐོགས་ཏེ། །སྟོན་པ་ལ་ནི་ཕུལ་བ་ལས།། སྟོན་པས་སྲོག་ཆགས་བཅས་པར་ནི། །མཁྱེན་ཏེ་བདག་ལས་མ་བཞེས་ནས། །བདག་གིས་ཕྱོགས་གཅིག་སོང་ནས་ནི། །དེ་ལ་སྲོག་ཆགས་ཡོད་མཐོང་ནས། །སྲོག་ཆགས་མེད་པར་གཙང་བྱས་ཏེ། །སྟོན་པ་ལ་ནི་ཕུལ་བ་དང ། །འོན་ཀྱང་བཅོམ་ལྡན་འདས་ཀྱིས་ནི། །བདག་ལས་སྦྲང་རྩི་མ་བཞེས་པ། །མ་བརྟགས་ཐུགས་སུ་ཆུད་ནས་ནི། །བདེ་བར་གཤེགས་པས་མ་བཞེས་སྙམ། །དེ་ནས་ལྷུང་བཟེད་སྦྲང་རྩི་ཅན། །དེ་ཚེ་བདག་གིས་ཆུས་བཏབ་ནས། །སེམས་ནི་མགུ་བར་དགའ་བ་ཡིས། །རྫོགས་སངས་རྒྱས་ལ་ཕུལ་བ་ལས། །དེ་ནས་གང་ཟག་ཟླ་མེད་པ། །སྟོན་པའི་
Kha491b
ཕྱག་འཇམ་གཉིས་ཀྱིས་སུ། །བདག་ལས་ལྷུང་བཟེད་བཞེས་ནས་ནི། །དེ་ནི་ཉན་ཐོས་རྣམས་ལ་གཏད། །བདག་ནི་རབ་ཏུ་དགའ་གྱུར་ནས། །ཐལ་མོ་ལེགས་པར་སྦྱར་བྱས་ཏེ། །དེ་ནས་ཆོས་རྒྱལ་སྤྱན་སྔ་ནས། །གར་བྱེད་ཅིང་ནི་དེ་ནས་སོང ། །དེ་ནས་སྨོན་ལམ་བཏབ་པ་ནི། །མི་ཉིད་དག་ནི་ཐོབ་ནས་སུ། །སྟོན་པ་འདི་ལ་བསྟེན་ནས་སུ། །བྱང་ཆུབ་དམ་པ་འདི་རེག་ཤོག་།དགེ་བའི་རྩ་བ་དེས་ན་བདག། མི་ཡི་སྲིད་པ་ཐོབ་ནས་ནི། །རྫོགས་པའི་སངས་རྒྱས་བླ་མེད་པ། །དེད་དཔོན་འདི་ནི་མཉེས་པར་བྱས། །ཤཱཀྱ་སེང་གེའི་བསྟན་པ་ལ། །བདག་གིས་རབ་བྱུང་ཐོབ་ནས་ཀྱང ། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །བདག་ནི་དགྲ་བཅོམ་དབང་སྒྱུར་ཅིང ། །མངོན་ཤེས་དྲུག་ལྡན་རྫུ་འཕྲུལ་ཆེ། །དགེ་སློང་རྣམས་ཀྱིས་བདག་ལ་ནི། །གནས་འཇོག་སྦྲང་རྩི་ཅན་དུ་ཤེས། །བསོད་ནམས་བྱས་པས་གྲགས་ལྡན་པ། །བདག་ནི་རྟག་ཏུ་བཀུར་ཞིང་མཆོད། །དགེ་སློང་དགེ་འདུན་ཡོངས་བསྐོར་ནས། །བདག་ནི་རྒྱུ་ཞིང་སོང་བ་ན། །དེ་ནས་དགོན་པའི་ལམ་དུ་ནི། །དགེ་སློང་དགེ་འདུན་སྐོམ་གྱུར་ནས། །དེ་ནི་སེམས་ལ་སྨོན་པ་ནི། །དེ་རིང་སྦྲང་རྩི་རྙེད་གྱུར་ཅིག་།དེ་ནས་མི་མ་ཡིན་རྣམས་ཀྱིས། །བདག་སོན་ཤེས་ཏེ་ཕྱོགས་བཞི་ནས། །སྦྲང་རྩི་ཁུར་གྱིས་བླངས་ནས་སུ། །དེ་དག་ཏུ་ནི་འབུལ་བར་བྱེད། །བདག་གིས་སྦྲང་རྩི་ཅི་དགོས་པ། །བཟང་པོ་དག་ལས་བླངས་ནས་ནི། །དགེ་སློང་དགེ་འདུན་ཚིམ་བྱས་ཏེ། །དེས་ནི་ལྷག་པར་ལེགས་པར་གྱུར། །འདས་
Kha492a
༄#། །མ་ཐག་པའི་སྐྱེ་བ་ལ། །སྤྲེའུའི་རྒྱལ་པོ་དེ་བྱས་པས། །ལོག་པར་ལྟུང་ནས་བདག་འཕོས་ནས། །འཆི་མེད་གོ་འཕང་རིག་གྱུར་ཏེ། །ཇི་སྐད་བདག་གིས་སྨོན་པ་ཡིས། །ཐམས་ཅད་འབྱོར་བ་ཉིད་དུ་གྱུར། །སྟོན་པ་བཀུར་སྟི་བྱས་པ་འདིར། །རང་གི་དོན་ནི་ཡོངས་སུ་རྫོགས། །བཙུན་པ་བདག་གིས་དགེ་བ་གང ། །བགྱིས་པ་དྲན་པ་འདི་ལགས་ཏེ། །དེ་ཡི་འབྲས་བུ་སྡུག་པ་དང ། །བདེ་འབྱུང་འདོད་པ་ཉམས་སུ་མྱོང ། །དེ་ལྟར་གནས་འཇོག་སྦྲང་རྩི་ཅན། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །གནས་འཇོག་སྦྲང་རྩི་ཅན་གྱི་ལེའུ་སྟེ།་སུམ་ཅུ་གཅིག་པའོ།། །།འདུལ་བ་གཞི། བམ་པོ་ང་བཞི་པ། དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་རྒྱུ་ཅན་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་རྒྱུ་ཅན། ཚེ་དང་ལྡན་པ་གནས་འཇོག་སྦྲང་རྩི་ཅན་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱིས། ཚེ་དང་ལྡན་པ་རྒྱུ་ཅན་གྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་རྒྱུ་ཅན་གྱིས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། བཤེས་ལྡན་གྲོང་དུ་བདག་གིས་སྔོན། །བསྐལ་པ་དགུ་བཅུ་རྩ་གཅིག་ན། །སངས་རྒྱས་རྣམ་པར་གཟིགས་པ་ནི། །གྲོང་ཁྱེར་དམ་པར་འཇུག་པ་མཐོང། །ཐུགས་རྗེ་ཆེ་ལྡན་མཐོང་ནས་ནི། །མེ་ཏོག་སིལ་མས་གཏོར་ནས་དེར། །མེ་ཏོག་རྩ་བས་ཡར་བཏེག་ཅིང ། །གྱེན་དུ་ཁ་བལྟས་ཁང་བཟང་གནས། །དེ་ནས་བདག་ནི་རབ་དགའ་བས། །ཐུབ་པའི་
Kha492b
ཞབས་ལ་མགོས་གཏུགས་ནས། །ཐལ་མོ་ལེགས་པར་སྦྱར་ནས་ནི། །དེ་ལ་བསྐོར་བ་བྱས་པར་གྱུར། །བདག་གིས་ཆོས་ནི་མ་ཐོས་ཤིང ། །བདག་ནི་སྐྱབས་སུ་མ་སོང་བར། །སེམས་དད་ཉིན་གཅིག་བྱས་ནས་ནི། །བདེ་གཤེགས་དྲུང་ནས་བདག་སོང་ངོ ། །མཐུ་ཆེན་རྣམ་པར་གཟིགས་པ་ལ། །དགེ་བའི་ལས་དེ་བྱས་པ་ན། །བསྐལ་པ་དགུ་བཅུ་རྩ་གཅིག་ཏུ། །ངན་འགྲོ་མངོན་པར་མི་ཤེས་སོ། །བདག་ནི་ལྷ་ལུས་རབ་དགའ་ཞིང ། །ལྷ་ཡི་འདོད་པ་ཡང་དག་འབྱོར། །མི་ཉིད་རྙེད་པ་ཐོབ་ནས་ཀྱང ། །བདག་ནི་ནོར་ཆེན་ཕྱུག་པོར་གྱུར། །བདག་གི་སྐྱེ་བ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །ནོར་ཆེ་ལོངས་སྤྱོད་ཆེ་བ་ཡི། །བྲམ་ཟེ་རྣམས་ཀྱི་རིགས་སུ་གྱུར། །སྒྲ་ངེས་སྦྱོར་དང་ཤེས་གསལ་བཅས། །སྐྱེས་བུ་ཆེན་པོའི་མཚན་དང་ནི། །ཚིག་གི་དོན་བཅས་སྟོན་པ་ཡི། །གསང་ཚིག་རྣམས་ཀྱི་ཕ་རོལ་ཕྱིན། །བྲམ་ཟེ་ལྔ་བརྒྱ་རྣམས་ལ་ནི། །ཚལ་དུ་གསང་ཚིག་བརྗོད་པའི་ཕྱིར། །བྲམ་ཟེ་རྣམས་ཀྱིས་ཡོངས་བསྐོར་ནས། །བདག་ནི་ཁྱིམ་ནས་བྱུང་བ་ལས། །བདག་གིས་རྫོགས་པའི་སངས་རྒྱས་ནི། །དགེ་སློང་དགེ་འདུན་མདུན་བདར་ནས། །དཔའ་བོ་ཆེན་པོ་མ་ག་དྷའི། །གྲོང་མཆོག་ཏུ་ནི་འཇུག་པ་མཐོང ། །བདག་གིས་ཐུགས་རྗེ་ལྡན་མཐོང་ནས། །ཡིད་དགའ་བར་ནི་གྱུར་པ་དང ། །སྔོན་གྱི་རྒྱུ་ནི་དེ་དག་གིས། །མཚན་རྣམས་ལ་ནི་བརྟགས་པ་ལས། །འཇིག་རྟེན་མགོན་པོའི་མཚན་རྣམས་ནི། །སུམ་ཅུ་རྩ་གཉིས་ཡོངས་རྫོགས་ཤིང ། །དཔེ་བྱད་རྣམས་ཀྱིས་མཛེས་པ་ཡི། །གྲགས་དང་ལྡན་པ་མཐོང་བར་གྱུར། །མཚན་དང་ལྡན་པ་
Kha493a
༄#། །དེ་མཐོང་ནས། །མགོ་བོ་ཡིས་ནི་ཕྱག་བྱས་ཏེ། །ཕྱོགས་གཅིག་འདུག་ནས་གུས་པས་ནི། །འདྲེན་པ་དེ་ལ་མངོན་བསྟོད་པ། །ཇི་ལྟར་གསང་ཚིག་ལ་གདའ་བ། །ཁྱོད་ལ་དེ་བཞིན་དེ་གདའ་བས། །ཁྱོད་སངས་རྒྱས་པར་ཐེ་ཚོམ་མེད། །འཇིག་རྟེན་གྱི་ནི་སྟོན་པ་མཆོག་།ཁྱོད་ནི་ཚངས་པ་བརྒྱ་བྱིན་ཁྱོད། །ཁྱོད་ལས་ལྷག་པ་མ་མཆིས་ཏེ། །ཁྱོད་ནི་ཉི་མ་ཁྱབ་འཇུག་ལགས། །ཁྱོད་ནི་འཇིག་རྟེན་བླ་ན་མེད། །རྒྱལ་བ་ཁྱོད་འདྲའང་མ་མཐོང་ན། །ལྷག་པ་ལྟ་ཞིག་ག་ལ་ཞིག་།ལྷ་དང་བཅས་པའི་འཇིག་རྟེན་ན། །ཁྱོད་ནི་རྒྱལ་བ་བདུད་ཟིལ་གནོན། །ཁྱོད་ནི་མགོན་མེད་རྣམས་ཀྱི་གནས། །རྟེན་མེད་རྣམས་ཀྱི་སྐྱབས་ཀྱང་ལགས། །ཁྱོད་ཀྱི་ཉན་ཐོས་ཉིད་དུ་མཆིས། །ཁྱོད་ནི་བདག་གི་སྐྱབས་མཛོད་ཅིག་།དེ་ནས་གསེར་གྱི་མཆོད་སྡོང་ལྟའི། །ཕྱག་ནི་དེ་ཡིས་བརྐྱང་མཛད་དེ། །རྒྱལ་བའི་ཕྱག་ནི་སྨན་མཛད་ནས། །བདག་གི་མགོ་ལ་ཀུན་དུ་བྱུགས། །ཡིད་ནི་རབ་ཏུ་དད་བྱས་པས། །ཁྱོད་ཀྱིས་བསོད་ནམས་མང་པོ་བསྐྱེད། །སེམས་ནི་རབ་ཏུ་དང་རྣམས་ཀྱིས། །ཡོན་ཆུང་བར་ནི་མི་འགྱུར་རོ། །ཡོན་གནས་བླ་ན་མེད་པ་ཡི། །སངས་རྒྱས་ལ་ནི་ཁྱོད་ཀྱིས་བསྟེན། །བྲམ་ཟེའི་ཁྱེའུས་མཆོད་སྦྱིན་ཕྱག་།ཞིང་རབ་ལ་ནི་ས་བོན་བཏབ། །ངན་སོང་གི་ནི་ལམ་བཅད་པས། །ཁྱོད་ལ་ངན་འགྲོའི་འཇིགས་པ་མེད། །བྲམ་ཟེའི་ཁྱེའུའི་བདུད་རྩི་ཡི། །སྒོ་ཕྱེ་བར་ནི་དོགས་མེད་བྱོས། །ཁྱོད་ནི་རབ་ཏུ་འབྱུང་འདོད་ན། །རལ་པ་ཀུན་ནི་མྱུར་སྤོངས་ཏེ། །ང་ཡི་སྤྱན་སྔར་
Kha493b
རབ་བྱུང་ལ། །བྲམ་ཟེ་ཐ་བ་མེད་པར་གྱིས། །བདག་ནི་ཆོས་ཉིད་ལ་དགའ་ནས། །དེ་ན་སློབ་མའི་ཚོགས་སྨྲ་བ། །ཁྱོད་ནི་བྲམ་ཟེར་གྱུར་ཟིན་ནི། །ཇི་ལྟར་དགེ་སྦྱོང་མགོ་རེག་འགྱུར། །དཀར་པོའི་རིགས་འདི་སྤངས་ནས་ནི། ། ནག་པའི་རིགས་འདི་ཁས་ལེན་ནམ། །འཇིག་རྟེན་ན་ནི་བྲམ་ཟེ་གཙོ། །ཕ་རོལ་ཕྱིན་ཅིང་ཚངས་པ་ཡི། །སྙིང་དང་ཁ་ནས་སྐྱེས་པ་ཡི། །བྲམ་ཟེ་ཚངས་པས་སྤྲུལ་པ་ཡིན། །ཁྱེད་ཅག་ཀུན་ནི་མི་ཤེས་པ། །འདི་ན་བདག་ཅག་གསང་ཚིག་གི་།དེ་རིང་རེག་ཅིང་ཕ་རོལ་ཕྱིན། །བདག་ནི་ཤེས་རབ་མཐའ་ཡས་ཀྱིས། །གསུངས་པ་ཇི་ལྟར་ཤེས་པ་བཞིན། །དེ་བཞིན་དུ་ནི་བདག་བྱེད་ཀྱི། །གང་དག་དེར་འགྲོ་མི་འདོད་པ། །ཅི་སེམས་ཇི་ལྟར་འདོད་པ་བཞིན། །གར་དགར་དེ་ནི་འདོང་ལ་རག་།བདག་ནི་གསང་ཚིག་དོན་མི་གཉེར། །ལྟོས་པར་ཡང་ནི་མི་བྱེད་དོ། །དེ་ནས་བདག་གི་སློབ་མའི་ཚོགས། །མཆི་མས་བརྣངས་ཤིང་ངུ་བཞིན་གྱིས། །སྙིང་རྗེ་རྗེ་སྐད་སྨྲས་ནས་ནི། །དེ་ནས་དེ་རྣམས་ཕྱོགས་ཕྱོགས་དོང ། །དེ་ནས་ཐུགས་རྗེ་ཆེ་ལྡན་པའི། །ཐུབ་པས་བདག་ལ་གསུངས་པ་ནི། །དགེ་སློང་ཚུར་ཤོག་བཀའ་སྩལ་པས། །བདག་ནི་བསྙེན་པར་རྫོགས་པར་གྱུར། །ཁྱིམ་རྣམས་ནས་ནི་ཁྱིམ་མེད་པར། །ཡང་དག་དད་པས་རབ་ཏུ་བྱུང ། །སངས་རྒྱས་བསྟན་པ་ཆུབ་བྱས་ནས། །མངོན་པར་ཤེས་ཀུན་རེག་གྱུར་ཏེ། །སྔོན་གྱི་གནས་ནི་རྗེས་སུ་དྲན། །ལྷ་ཡི་མིག་ནི་རྣམ་པར་དག་།བདག་སྔོན་གང་ན་འདུག་པ་ཡི། །འཆི་འཕོ་སྐྱེ་བ་ཤེས་པར་གྱུར། །ཟག་པ་ཟད་པ་ཐོབ་པས་ན། །བདག་གིས་རྫུ་འཕྲུལ་མངོན་དུ་བྱས། །དེ་ལྟར་གནས་བརྟན་རྒྱུ་ཅན་གྱིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་
Kha494a
༄#། །མཚོ་ཆེན་དུ། །རང་གི་ལས་ནི་ལུང་བསྟན་ཏོ། །གནས་བརྟན་རྒྱུ་ཅན་གྱི་ལེའུ་སྟེ། སུམ་ཅུ་གཉིས་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་ཀོའུ་ཌི་ནྱ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀོའུ་ཌི་ནྱ། ཚེ་དང་ལྡན་པ་རྒྱུ་ཅན་གྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་ཀོའུ་ཌི་ནྱས་ཀྱང ། ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་ཀོའུ་ཌི་ནྱས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། སྔོན་ནི་མཐུ་ཆེན་འོད་སྲུང་གི་།དམ་པའི་ཆོས་ནི་ནུབ་པ་ན། །ཉན་ཐོས་ཐམས་ཅད་འདུས་ནས་སུ། །ཕན་ཚུན་དག་ཏུ་སྨྲས་པ་ནི། །སྟོན་པ་ཐུགས་བརྩེ་འོད་སྲུང་ནི། །མྱ་ངན་འདས་པས་ངེས་པར་ཡང ། །རབ་ཏུ་བྱུང་བ་སྲབ་གྱུར་ཅིང ། །དམ་ཆོས་ཀྱང་ནི་སྟོན་མི་འགྱུར། །བདག་ཅག་ཇི་སྐད་ཐོས་པའི་ཆོས། ། ཕན་ཚུན་ཡང་དག་གསལ་བྱས་ནས། །སངས་རྒྱས་བསྟན་ལ་སྤྲོ་བ་དང ། །བརྩོན་འགྲུས་བརྩམས་པས་གནས་པར་བྱ། །དེ་དག་རི་ལ་འཛེགས་ནས་ནི། །ཟག་པ་ཟད་པ་མ་ཐོབ་པར། །རེ་ཞིག་འདི་ནས་མི་ལྡང་ཞེས། །རྩཝ་ཡི་གདིང་བ་དག་ལ་འཁོད། །སྲོག་ལ་ཡང་ནི་མི་བལྟ་བར། །བརྩོན་འགྲུས་བརྩམས་ཏེ་གནས་པ་ན། །བདུན་གྱིས་མངོན་པར་ཤེས་ལ་རེག་།དགེ་སློང་དག་ནི་མྱ་ངན་འདས། །དེ་ཡི་བདུན་པ་བདག་ཡིན་ཏེ། །དབང་པོ་རྟུལ་ཞིང་བསོད་ནམས་ཆུང ། །སྙོམས་མེད་སྦྱོར་ལ་བརྩོན་པ་ཡི། །སོ་སོའི་སྐྱེ་བོས་འཆི་དུས་བྱས། །བདག་གིས་བརྩོན་འགྲུས་མ་བཏང་ཞིང ། །དེ་བཞིན་རབ་ཏུ་
Kha494b
བརྩོན་གནས་པས། །དགའ་ལྡན་རྣམས་དང་སྐུལ་མཉམ་པའི། །ལྷ་ཡི་འཇིག་རྟེན་རྣམས་སུ་སྐྱེས། །དེ་ནས་ཤཱཀྱ་སེང་གེ་ཡི། །ཐུབ་ཆེན་བྱང་ཆུབ་སེམས་དཔའ་མཐོང ། །ཐུབ་པ་ལྷ་ཡི་ཚོགས་ལ་ནི། །སྐྱོ་བར་འགྱུར་བའི་ཆོས་སྟོན་མཛད། །བདག་གིས་དེ་ཡི་ཆོས་བཤད་པ། །ཐོས་ནས་རྩེ་གཅིག་ཡིད་གྱུར་ཏེ། །དམ་ཆོས་ཡིད་ལ་བྱེད་པ་ནི། །ལན་འགའང་རྣམ་པར་མ་སྤངས་སོ། །ལྷ་ཡི་འཇིག་རྟེན་བདག་སོན་ནས། །གྲོང་ཁྱེར་སེར་སྐྱ་ཞེས་བྱ་བའི། །ཀོའུ་ཌི་ནྱ་རུས་བྲམ་ཟེ་ཡི། །རིགས་ཅན་དུ་ནི་སྐྱེས་པར་འགྱུར། །བྱང་ཆུབ་སེམས་དཔའ་གྲགས་ཆེན་ལྡན། །ཟས་གཙང་སྲས་པོར་གྱུར་ནས་ནི། །དད་པས་བྱུང་ནས་དཀའ་སྤྱོད་པ། །སྤྱད་པར་གྱུར་པ་དེ་ཡི་ཚེ། །རྒྱལ་པོའི་མཆོག་ནི་ཟས་གཙང་གིས། །བདག་བཀུག་ནས་ཀྱང་སྨྲས་པ་ནི། །རབ་ཏུ་བྱུང་བ་འདོད་པར་གྱིས། །དེར་ནི་དེ་ཡི་ནད་གཡོགས་བྱོས། །དེ་ཚེ་བདག་གིས་ཡིད་དད་པས། ། བྱང་ཆུབ་སེམས་དཔའི་རིམ་གྲོ་བྱས། །ལམ་འདི་རྣམ་དག་འགྱུར་མིན་ཞེས། །ཡིད་བྱུང་ནས་ནི་གཤེགས་པར་གྱུར། །གང་ཚེ་ཤཱཀྱ་ཐུབ་པས་ནི། །ཆོས་ཀྱི་འཁོར་ལོ་བསྐོར་བ་ན། །ཀུན་གྱི་ཐོག་མར་བདག་གིས་ནི། །དེ་ཡི་དམ་ཆོས་རྟོགས་པར་གྱུར། །འོད་སྲུང་གི་ནི་གསུང་རབ་ལ། །ཚངས་པར་སྤྱོད་ལ་བདག་གིས་གནས། །སངས་རྒྱས་བདག་གིས་མཉེས་བྱས་ཤིང ། །ཟག་པ་ཟད་པ་ཐོབ་པར་གྱུར། །དེ་ལྟར་གནས་བརྟན་ཀོའུ་ཌི་ནྱས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །ཀོའུ་ཌི་ནྱའི་ལེའུ་སྟེ། སུམ་ཅུ་གསུམ་པའོ།། །།དེ་ནས་དགེ་སློང་གནས་བརྟན་
Kha495a
༄#། །གནས་བརྟན་རྣམས་ཀྱིས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཉེ་བར་འཁོར། །ཚེ་དང་ལྡན་པ་ཀོའུ་དི་ནྱས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་ཉེ་བར་འཁོར་གྱིས་ཀྱང་ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་ཉེ་བར་འཁོར་གྱིས་ཀྱང་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། བདག་ནི་སྔོན་གྱི་ཚེ་རབས་ན། ། ཝཱ་ར་ཎཱ་སིའི་རྒྱལ་ཁབ་ཏུ། །རྒྱལ་པོ་ཚངས་སྦྱིན་ཞེས་བྱ་བའི། །འབྲེག་མཁན་དུ་ནི་གྱུར་པ་ན། །དེ་ཡི་སྐྲ་དང་ཁ་སྤུ་རྣམས། །འབྲེག་ཅིང་འཆོས་པར་བྱེད་པ་ན། །དེ་ནས་མངོན་པར་རངས་གྱུར་ནས། །བགོ་བ་དག་ནི་བདག་ལ་ཕྱིན། །གུས་དང་བཅས་པའི་སྡུག་སེམས་ཀྱིས། །རྒྱལ་པོའི་རིམ་གྲོ་བྱེད་པ་ན། །མཉེས་ནས་དེ་ནས་དེ་ལ་ནི། །མ་ཐོས་པ་ཡི་ཚིགས་བཅད་བསྒྲགས། །འདོད་པ་རྣམས་ནི་མནོག་ཆུང་ཞིང ། །སྡིག་པའི་རྩ་བ་མྱ་ངན་རྩ། །རྣམ་པར་སྨིན་པ་རྩུབ་པ་ཡི། །བྲམ་ཟེའི་ཁྱེའུ་གང་ཞིག་གིས། །འདོད་པའི་ཡོན་ཏན་སྤངས་ནས་ནི། །རབ་བྱུང་ཐོབ་པ་ལེགས་ཐོབ་ཡིན། །མ་ཐོས་ཚིགས་བཅད་དེ་ཐོས་ནས། །དེ་ནས་སྐྱོ་བར་གྱུར་པ་དང ། །རྒྱལ་པོ་བདག་ལ་གནང་བར་མཛོད། །ཁྱིམ་མ་མཆིས་པར་རབ་འབྱུང་ངོ ། །དེ་ནས་རྒྱལ་པོས་བདག་ལ་སྨྲས། །གལ་ཏེ་རབ་ཏུ་བྱུང་ནས་ཀྱང ། །ཕྱིས་ཀྱང་བདག་ལ་ལྟ་བ་ཡི། ། ཁས་བླངས་པ་ནི་བྱ་བའི་རིགས། །རྒྱལ་དབང་ཁྱོད་ལ་བདག་གིས་ནི། །དེ་བཞིན་བགྱི་བར་དམ་བཅའ་ཡི། །བདག་རབ་བྱུང་ནས་སླར་ཡང་ནི། །བལྟ་བར་བདག་ལ་ཐུགས་ཆེས་མཛོད། །དེ་ནས་
Kha495b
རྒྱལ་པོས་གནང་ནས་ནི། །བདག་གིས་དགོན་པའི་ནགས་སོང་ནས། །གཞུང་ཅན་དྲུང་དུ་ཉེར་སོང་སྟེ། །ཁྱིམ་མེད་པར་ནི་རབ་ཏུ་བྱུང ། །ཇི་ལྟར་རིགས་པར་རབ་བྱུང་ནས། །ཚངས་པའི་གནས་པ་བཞི་པོ་ཡི། ། ཚད་མེད་པ་ལ་རབ་བསྒོམས་པས། །བདག་གིས་འདོད་ཆགས་བྲལ་བ་ཐོབ། །རྒྱལ་པོ་དེ་ཡི་ཚེ་ལ་ནི། །དེ་ཚེ་བདག་མིང་གངྒཱ་སྐྱོང ། །འབྱོར་པ་ཆེ་ཞིང་མཐུ་ཡང་ཆེ། །སྐྱེ་བོའི་ཚོགས་ཀྱིས་མཆོད་པར་གྱུར། ། གཞུང་ཅན་དྲུང་དུ་སོང་ནས་ནི། །མགོ་བོ་ཡིས་ནི་ཕྱག་བྱས་ཏེ། །བདག་གིས་ཕྱོགས་གཅིག་འདུག་ནས་ནི། །འདི་སྐད་ཀྱི་ནི་ཚིག་སྨྲས་སོ། །སློབ་དཔོན་བདག་གི་ཚིག་གསོན་ཅིག་།མི་ཡི་དབང་པོ་ཚངས་སྦྱིན་ལ། །སླར་ཡང་བལྟ་བར་བགྱི་བ་ཡི། །དམ་བཅས་པ་ནི་ཅུང་ཞིག་མཆིས། །གནང་བར་བྱའོ་བྲམ་ཟེ་ཁྱོད། །ཝཱ་ར་ཎཱ་སིའི་གྲོང་ཁྱེར་སོང ། །ཁྱོད་ནི་བརྫུན་དུ་མི་འགྱུར་བར། །དམ་བཅས་པ་ཡིས་མཐར་ཕྱུང་ཞིག་།གནང་བར་བྱ་ཡི་ཁྱོད་སོང་ལ། །ཁོ་བོ་ཡི་ནི་ཚིག་བཞིན་གྱིས། །འདི་ནས་སོང་ལ་མིའི་དབང་པོ། །ཚངས་སྦྱིན་དད་པ་བསྐྱེད་པར་གྱིས། །གཞུང་ཅན་གྱིས་ནི་བདག་གནང་ནས། །དྲང་སྲོང་བསྐོར་བ་བྱས་ནས་ནི། །ཝཱ་ར་ཎཱ་སིའི་གྲོང་ཁྱེར་དུ། །རིམ་བཞིན་དུ་ནི་སོང་བ་ལས། །དེ་བཞིན་དེར་ནི་བདག་འོངས་ཞེས། །ཚངས་སྦྱིན་ཉིད་ཀྱིས་ཐོས་ནས་ནི། །རྒྱལ་པོའི་འབྱོར་བ་ཆེན་པོས་ནི། །བདག་གི་དྲུང་དྲུ་ཉེ་བར་འོངས། །ཤིང་རྟ་ལས་བབས་བདག་གི་ནི། །རྐང་པ་གཉིས་ལ་མགོས་ཕྱག་བྱས། །ཕྱོགས་གཅིག་ཏུ་ནི་འདུག་པར་གྱུར། །འདོད་པ་རྣམས་ལས་བརྒལ་གྱུར་པས། །དེ་ལ་ཆོས་ནི་བཤད་པ་
Kha496a
༄#། །དང ། །རྒྱལ་པོས་ཐོས་ནས་ཡིད་དགའ་བ། །འདོད་པ་དོན་དུ་མི་གཉེར་གྱུར། །རྒྱ་ཆེའི་སེམས་དང་ཡིད་དགའ་ནས། །ཚངས་སྦྱིན་གྱིས་ནི་འདི་སྐད་སྨྲས། །བདག་འདོད་དོན་དུ་གཉེར་མིན་པས། །བདག་ཀྱང་རབ་ཏུ་འབྱུང་བར་བྱ། །རྒྱལ་པོ་ཚུར་སྤྱོན་དགོན་པའི་ནགས། །དབེན་པ་དག་ཏུ་བཞུད་པར་བགྱི། །བྲམ་ཟེ་དྲང་སྲོང་གཞུང་ཅན་གྱི། །དྲུང་དུ་ཉེ་བར་བཞུད་པར་མཛོད། །རྒྱལ་པོ་དེས་ནི་བུ་ཐུ་བོ། །འཇིགས་མེད་རྒྱལ་སྲིད་ལ་བཞག་སྟེ། །རྒྱལ་མཆོག་རྒྱལ་སྲིད་སྤངས་ནས་ནི། །ཁྱིམ་མེད་པར་ཡང་རབ་ཏུ་བྱུང ། །ནང་མི་དང་ནི་བློན་ཆེན་དང ། །གྲོང་ཁྱེར་བ་ནི་ཐམས་ཅད་དང ། ། གཉེན་གྱི་ཚོགས་ཀྱིས་ཡོངས་བསྐོར་ནས། །རབ་ཏུ་འབྱུང་ཕྱིར་མངོན་དུ་བྱུང ། །གཞུང་ཅན་དྲུང་དུ་སོང་ནས་ནི། །མགོ་བོས་ཕྱག་ནི་བྱས་ནས་ཀྱང ། །རྒྱལ་པོས་ཐལ་མོ་སྦྱར་ནས་ནི། །རབ་ཏུ་འབྱུང་བར་གསོལ་བ་བཏབ། །སྟོང་ཕྲག་དག་ནི་དུ་མ་དང ། །ཁྱིམ་མེད་པར་ཡང་རབ་ཏུ་བྱུང ། །སྐྲ་དང་ཁ་སྤུ་བྲེགས་ནས་ཀྱང ། །ངུར་སྨྲིག་གོས་ནི་བགོས་པར་གྱུར། །གཞུང་ཅན་ཤིན་ཏུ་མཉམ་བཞག་པས།། ཚངས་པའི་འཇིག་རྟེན་སྐྱེ་འགྱུར་བ། །ཚངས་པའི་གནས་པ་བཞི་པོ་ཡི། །ཆོས་ནི་ཀུན་ལ་བཤད་པར་བྱས། །གུས་དང་བཅས་པའི་བྱམས་སེམས་ཀྱིས། །རྒྱལ་པོ་དེ་ཡི་རིམ་གྲོ་བྱས། །དེ་ནས་འཆི་འཕོའི་དུས་བྱས་ཏེ། །འོད་གསལ་རྣམས་སུ་སོང་བར་གྱུར། །འོད་གསལ་ནས་ནི་ཤི་འཕོས་ནས། །སླར་ཡང་འདིར་ནི་འོངས་པ་ན། །གང་དང་གང་དུ་སྐྱེས་པར་ནི། །ནོར་ཆེ་བ་དང་ཕྱུག་པོར་གྱུར། །ལྷ་
Kha496b
རྣམས་དང་ནི་མི་རྣམས་ཀྱི། །བདེ་བ་མང་པོ་ཉམས་སུ་མྱོང ། །དུས་ཀྱི་མཐའ་མ་འདི་ལ་ནི། །བདག་གི་ལུས་ཀྱི་ཐ་མ་ལ། །ཤཱཀྱ་རྣམས་ཀྱི་ཡུལ་དུ་ནི། །གྲོང་ཁྱེར་སེར་སྐྱ་ཞེས་བྱར་སྐྱེས། །སྤྱོད་ཡུལ་སྤྱོད་པ་ཕུན་ཚོགས་པའི། །ཤཱཀྱ་རྣམས་ཀྱི་འབྲེག་མཁན་གྱུར། །ཤཱཀྱ་སྲས་ཐུགས་བརྩེའི་བདག་ཉིད་ཅན། །ཉན་ཐོས་བཅས་ལ་རིམ་གྲོ་བྱས། །རྒྱལ་པོ་ཆེན་པོའི་འབྱོར་པས་ནི། །རབ་ཏུ་བྱུང་བར་མངོན་བྱུང་བ། །དེ་རྣམས་བདག་གིས་སྐྲ་བྲེགས་ནས། །འདི་སྐད་ཀྱི་ནི་ཚིག་སྨྲས་སོ། །དཔོན་པོ་འཚོ་བ་མ་སྩལ་ན། །བདག་ནི་ཇི་ལྟར་འཚོ་བར་གྱུར། །དེ་ཡི་རྒྱན་ནི་གང་ཡིན་དང ། །གོས་རྣམས་གྱོན་པ་གང་ཡིན་པ། །འདི་ནི་ཁྱོད་ཀྱི་འཚོ་བ་ཞེས། །དེས་ནི་ཀུན་དགའ་བདག་ལ་བྱིན། །རིན་ཆེན་མང་པོ་བཏགས་ནས་ནི། །དེ་ལ་བདག་ནི་སྐྱོ་གྱུར་ནས། །འདི་དག་ཐམས་ཅད་སྤངས་ནས་ནི། །བདག་ནི་རབ་བྱུང་གསོལ་བ་བྱ། །བཀྲེན་པ་བདག་ལ་འདི་ལྟ་བུའི། །རིན་ཆེན་རྣམས་ཀྱིས་ཅི་ཞིག་བྱ། །གཞན་འགའ་ཞིག་གིས་ཐོས་ན་ནི། །སྲོག་ལ་གདོན་ལྟོ་ཟ་བར་འགྱུར། །བདག་གིས་ཉིད་ཀྱི་སྣོད་སྤྱད་ནི། །གང་ཡིན་ཤིང་ལ་བཏགས་ནས་སུ། །བོར་ནས་བདག་གིས་ཁྱིམ་དག་ནས། །བྱུང་སྟེ་ངེས་པར་འབྱུང་བར་བྱས། །བདག་ནི་རིན་ཆེན་དོན་གཉེར་མིན། །བདག་ཀྱང་རབ་ཏུ་འབྱུང་བར་བྱས། །བདག་གིས་ཚིག་དེ་ཤཱཀྱ་ཡི། །རྒྱལ་པོས་ཐོས་ནས་འདི་སྐད་སྨྲས། ། ཁྱེད་ནི་ཐོག་མར་རབ་བྱུང་དང ། །རྒན་པ་ཉིད་དུ་ཁྱོད་འགྱུར་རོ། །རྗེས་སུ་ཐུགས་བརྩེར་དགོངས་ནས་ནི། །བདག་ལ་དགེ་སློང་ཚུར་ཤོག་གསུངས། །བདག་ནི་ཐོག་མར་རབ་ཏུ་བྱུང ། །དེ་ནས་རྒྱལ་རིགས་
Kha497a
༄#། །རབ་བྱུང་ནས། །བདག་གི་རྐང་ལ་ཕྱག་བྱས་པས། །ཤཱཀྱ་དེ་རྣམས་ང་རྒྱལ་བོར། །དེ་ལྟར་བདག་ནི་རབ་བྱུང་བས། །མངོན་པར་ཤེས་པ་དྲུག་ལ་རེག་།དགྲ་བཅོམ་མངོན་ཤེས་དྲུག་ལྡན་ཞིང ། །བདག་ནི་འདུལ་བའི་ཕ་རོལ་ཕྱིན། །སྟོན་པ་ཉིད་ཀྱིས་འདུལ་བ་འཛིན། །རྣམས་ཀྱི་མཆོག་ཏུ་བསྔགས་པ་སྟེ། །མ་དྲོས་པ་ཡི་མཚོ་ཆེན་དུ། །ཉེ་བར་འཁོར་གྱིས་ལས་ལུང་བསྟན། ། ཉེ་བར་འཁོར་གྱི་ལེའུ་སྟེ། སུམ་ཅུ་བཞི་པའོ།། །།དེ་ནས་འཇིག་རྟེན་མགོན་པོས་ནི། །གནས་བརྟན་འོད་བྱེད་ལ་གསུངས་པ། །ཁྱོད་ཀྱིས་སྔོན་བྱས་གང་ཡིན་པའི། །རང་གི་ལས་ནི་ལུང་སྟོན་ཅིག་།རྒྱལ་བའི་གསུང་དབྱངས་ཐོས་ནས་ནི། །སྔོན་ཆད་བདག་གིས་གང་བགྱིས་པའི། །རང་གི་ལས་ནི་དྲན་པ་གང ། །དེ་ནས་ཐུབ་པའི་སྤྱན་སྔར་གསོལ། །འཇིག་རྟེན་གཙོ་བོ་སྐྱོབ་པ་པོ། ། སངས་རྒྱས་པདྨོ་བླ་མ་ཡི། །མཆོད་རྟེན་ཚལ་སྟུག་བཞུགས་པ་ཡི། །རི་དྭགས་གདུག་པ་རྣམས་ཀྱིས་བསྟེན། །མཆོད་རྟེན་དེ་ལ་ཕྱག་བགྱིད་པ། །རྔོ་ཐོགས་པ་ནི་འགའ་མ་མཆིས། །མི་དེ་རྣམས་ནི་བསོད་ནམས་དང ། །སྡིག་པ་རབ་ཏུ་མ་འཚལ་ཏོ། །བདག་གིས་སོང་ནས་ཤིང་རྣམས་དང ། །རྩཝ་རྣམས་བསལ་བ་བགྱིས་ནས་ནི། །ཕྱགས་མ་དག་ནི་བླངས་ནས་ཀྱང ། །དེ་ནས་ཐམས་ཅད་ཕྱག་དར་བགྱིས། །བསྐོར་བ་བརྒྱད་དང་ཕྱག་བགྱིས་ཏེ། །མཆོད་པ་བགྱིས་ནས་སླར་ལོག་ལགས། །དགེ་བའི་རྩ་བ་དེས་ན་བདག། ལྷ་རྣམས་སུ་ནི་སྐྱེས་པ་ན། །འདོད་པ་ཐམས་ཅད་འབྱོར་གྱུར་
Kha497b
ཅིང ། །སུམ་ཅུ་རྩ་གསུམ་རྣམས་སུ་དགའ། །ལྷ་ཡུལ་ལྷ་ཡི་རྒྱལ་སྲིད་ནི། །སུམ་ཅུ་རྩ་དྲུག་བར་དུ་བགྱིས། །དེ་ནས་བདག་གི་གནས་མཆིས་པ། །གསེར་གྱི་འོད་ནི་ཤིན་ཏུ་གསལ། །རྒྱར་ནི་དཔག་ཚད་སུམ་ཅུ་དྲུག་།ཁོར་ཡུག་དཔག་ཚད་དྲུག་ཅུ་ཐམ། །རྒྱལ་བའི་མཆོད་རྟེན་དེ་ཕྱགས་ནས། །ངོ་མཚར་བྱུང་བ་གཞན་ཡང་ནི། །མི་ཡི་ནང་དུ་མི་དབང་ནི། །ལན་བདུན་བར་དུ་བགྱིས་པར་གྱུར། ། རྒྱལ་བའི་མཆོད་རྟེན་དེ་ཕྱགས་ནས། །ངོ་མཚར་བྱུང་བ་གཞན་ཡང་ནི། །བདག་གི་ལུས་ཀྱི་གཟི་བརྗིད་ནི། །གསེར་གྱི་ཁ་དོག་ལྟ་བུར་གྱུར། །རྒྱལ་བའི་མཆོད་རྟེན་དེ་ཕྱགས་ནས་།ངོ་མཚར་བྱུང་བ་གཞན་ཡང་ནི། །བྲམ་ཟེ་དང་ནི་རྒྱལ་རིགས་དང ། །རིགས་གཉིས་སུ་ནི་བདག་སྐྱེས་ལགས། །རྒྱལ་བའི་མཆོད་རྟེན་ཕྱགས་ནས་ནི། །བདག་ལ་ངོ་མཚར་གཞན་བྱུང་བ། །ཁྱོགས་དང་གླང་ཆེན་སྟེང་དང་ནི། །བཞོན་པ་མཆོག་ནི་རྣམས་ཀྱིས་མཆིས། །རྒྱལ་བའི་མཆོད་རྟེན་ཕྱགས་ནས་ནི། །བདག་ལ་ངོ་མཚར་གཞན་བྱུང་བ། །བདག་གི་མདུན་ན་སྡོང་དུམ་དང ། །ཚེར་མ་གྱོ་མོ་རང་ཉིད་སེལ། །རྒྱལ་བའི་མཆོད་རྟེན་དེ་ཕྱགས་ནས། །ངོ་མཚར་བྱུང་བ་གཞན་ཡང་ནི། །སྐད་ཅིག་ཙམ་ཡང་བདག་གིས་སུ། །བྲོ་འཚལ་བར་ནི་མི་དྲན་ལགས། །རྒྱལ་བའི་མཆོད་རྟེན་ཕྱགས་ནས་ནི། །བདག་ལ་ངོ་མཚར་གཞན་བྱུང་བ། །གང་དང་གང་དུ་བདག་མཆི་བར། །ཀུན་ཏུ་བཀྲ་ཤིས་ཕུན་སུམ་ཚོགས། །རྒྱལ་བའི་མཆོད་རྟེན་དེ་ཕྱགས་ནས། །ངོ་མཚར་བྱུང་བ་གཞན་ཡང་ནི། །
Kha498a
༄#། །རྟག་ཏུ་བཀུར་ཞིང་མཆོད་པས་ན། །ལྷ་ཡི་སྤྱོད་པ་ལྟ་བུ་མཆིས། །སྐྱོབ་པའི་མཆོད་རྟེན་ཕྱགས་ནས་ནི། །ངོ་མཚར་བྱུང་བ་གཞན་ཡང་ནི། །བདག་གི་ལུས་ལ་ལན་འགའ་ཡང ། །གནོད་པ་བྱུང་བར་མི་དྲན་ལགས། །དེ་ལྟར་སངས་རྒྱས་སངས་རྒྱས་ཆོས། །དྲི་མ་མེད་པ་བསམ་མི་ཁྱབ། །བསམ་མི་ཁྱབ་ལ་མངོན་དད་པའི། །རྣམ་པར་སྨིན་པའི་འབྲས་བུ་ཆེ། །དེ་བས་རྒ་ཤི་ཟད་པ་དང ། །ཕུན་སུམ་འབྱོར་པ་འདོད་པས་ནི། །རྒྱལ་བ་ཡི་ནི་མཆོད་རྟེན་ལ། །མཆོད་པ་བླ་ན་མེད་པ་གྱིས། །བཙུན་པ་བདག་གིས་དགེ་བ་གང ། །བགྱིས་པ་དྲན་པ་འདི་ལགས་ཏེ། །དེ་ཡི་འབྲས་བུ་ཡིད་འོང་ཞིང ། །བདེ་འབྱུང་འདོད་པ་ཉམས་སུ་མྱོང ། །དེ་ལྟར་དགེ་སློང་འོད་བྱེད་ཀྱིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་དུ། །རང་གི་ལས་ནི་ལུང་བསྟན་ཏོ། །འོད་བྱེད་ཀྱི་ལེའུ་སྟེ། སུམ་ཅུ་རྩ་ལྔ་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། ཚེ་དང་ལྡན་པ་ནམ་གྲུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ནམ་གྲུ། །ཚེ་དང་ལྡན་པ་འོད་བྱེད་ཀྱིས་རང་གི་ལས་ཀྱི་རྒྱུ་བ་ལུང་བསྟན་ཟིན་གྱི། ཚེ་དང་ལྡན་པ་ནམ་གྲུས་ཀྱང ། ད་རང་གི་ལས་ཀྱི་རྒྱུ་བ་ལུང་སྟོན་ཅིག་།དེ་ནས་ཚེ་དང་ལྡན་པ་ནམ་གྲུས་དེའི་ཚེ་རང་གི་ལས་ཀྱི་རྒྱུ་བ་ལུང་སྟོན་པར་བྱེད་དེ། འདི་ནས་བསྐལ་བ་བྱེ་བའི་སྔོན། །སངས་རྒྱས་ཀུན་ཟིལ་གནོན་དེ་ལ། །བདག་གིས་དགེ་བ་གང་བགྱིས་པ། །བཙུན་པ་བདག་གིས་དྲན་ལགས་ཏེ། །བརྒྱ་སྟོང་ཕྲག་ནི་དུ་མ་ཡི། །ཉན་ཐོས་རྣམས་
Kha498b
ཀྱིས་མདུན་བདར་ནས། །རྒྱལ་པོའི་ཕོ་བྲང་དཔེ་མེད་དུ། །སྐྱེས་བུ་དམ་པ་གཤེགས་པ་ནི། །བདག་ཀྱང་དགོས་པ་ཞིག་གི་ཕྱིར། །གྲོང་ཁྱེར་གཞན་ནས་དེར་ཕྱིན་ནས། །དེ་ན་རྫོགས་པའི་སངས་རྒྱས་ནི། །མཚན་མཆོག་སུམ་ཅུ་རྩ་གཉིས་ལྡན། །མེ་དང་ནོར་བུ་གློག་འོད་དང ། །ཉི་མ་ཟླ་བའི་འོད་འདྲ་མཐོང ། །འོད་ཀུན་ཟིལ་གྱིས་མནན་ནས་ནི། །སངས་རྒྱས་གཟི་བརྗིད་ཁྱད་པར་འཕགས། །གཟི་བརྗིད་མེ་དཔུང་ལྟ་བུ་སྟེ། །སྔོན་མ་མཐོང་བ་མཐོང་ནས་ནི། །བདག་གི་མདུན་ན་འདུག་པ་ཡི། །བྲམ་ཟེ་ཞིག་ལ་དྲིས་པ་དང ། །དྲིས་པ་བདག་ལ་འདི་སྐད་སྨྲས། །འདི་ནི་སངས་རྒྱས་རྣམ་འདྲེན་པ། །ལྷ་དང་མི་མཆོག་རྫོགས་སངས་རྒྱས། །ཟླ་མེད་པ་ཡི་གང་ཟག་ཡིན། །བདག་གིས་སངས་རྒྱས་སྒྲ་ཐོས་ནས། །དེ་ཚེ་བདག་ནི་རབ་དགར་གྱུར། །དགའ་ཞིང་མགུ་བ་སྐྱེས་པས་ནི། །ལུས་ནི་ཐམས་ཅད་བདེ་བར་གྱུར། །མི་མ་ཡིན་རྣམས་ལྷ་ཡུལ་གྱི། །རོལ་མོའི་སྒྲ་རྣམས་འབྱིན་པ་ཐོས། །ལྷ་ཡི་ཙནྡན་ཕྱེ་མ་ཡང ། །གྲོང་ཁྱེར་དམ་པ་དེ་རུ་བབ། །ཁ་ཅིག་ཨུཏྤལ་ཙམ་པ་གཞན། །དེ་བཞིན་པ་རི་ཤ་ཀ་དང ། གཞན་དག་ཙནྡན་ཕྱེ་མ་འཐོར། ། བདག་ནི་ཐལ་མོ་སྦྱར་བྱས་ནས། །ཡིད་ནི་མགུ་ཞིང་རངས་པ་ཡིས། །ནམ་མཁའ་ལ་ནི་འཕགས་ཏེ་གནས། །དགའ་དང་རབ་ཏུ་དགའ་བ་ཡིས། །ལུས་ཀུན་ཏུ་ནི་ཁྱབ་པར་གྱུར། །དྲི་དང་ཕྲེང་བ་ལ་སོགས་ཕྱིར། །མཐའ་དག་ཏུ་ནི་བརྒྱུགས་པ་ལས། །དེ་ཡི་ཚེ་ན་བསྐོར་ཀྱང་ནི། །མེ་ཏོག་གཅིག་ཀྱང་མ་རྙེད་དོ། །དེ་ཚེ་དེ་ན་བདག་གིས་ནི། །ཧ་ཅང་རིང་བ་མ་ཡིན་པར། །གདུགས་བྱེད་པ་ཡི་ཚོང་ཁང་ན། །དུང་ལྟར་
Kha499a
༄#། །དཀར་བའི་གདུགས་ཤིག་མཐོང ། །གདུགས་ཕྱིར་བདག་གིས་དེ་ལ་ནི། །གསོལ་བཏབ་ནས་ནི་གདུགས་བླངས་ཏེ། །སེམས་ནི་རབ་ཏུ་དང་བ་ཡིས། །སངས་རྒྱས་ལ་ནི་གདུགས་བཟུང་ངོ ། །བདག་གི་ལག་ནས་གདུགས་ཤོར་བ། །བར་སྣང་དག་ལ་མངོན་འཕགས་ནས། །སྟོན་པ་གཤེགས་ནས་གདུགས་འགྲོ་ཞིང ། །བཞུགས་པ་ན་ཡང་སྡོད་པར་གྱུར། །ནམ་མཁའི་ངོས་ལ་སྤྲིན་ལྟ་བུར། །སངས་རྒྱས་ལ་ནི་གྲིབ་མ་བྱེད། །ཐུབ་པའི་སྐུ་ནི་མི་འདོར་བ། །བར་སྣང་ལ་ནི་འདུག་པར་གྱུར། །དེ་ནས་བདག་དང་སྐྱེ་བོ་གཞན། །ཆོ་འཕྲུལ་རྣམས་ལ་བརྟགས་ནས་ནི། །ཐལ་མོ་ལེགས་པར་སྦྱར་ནས་ཏེ། །དེ་བཞིན་གཤེགས་པ་ལ་མགོས་ཕྱག་བྱས། །དེ་ནས་རྫོགས་པའི་སངས་རྒྱས་དང ། །ཉན་ཐོས་མཚན་མ་བཟུང་ནས་ནི། །རྗེས་སུ་དྲན་པས་ཡིད་དགའ་ཞིང ། །ཁྱིམ་གྱི་ལས་ཀྱི་མཐའ་བྱས་སོ། །ཀྱེ་མའོ་ཐོབ་པ་ལེགས་ཐོབ་སྟེ། །སངས་རྒྱས་མཐོང་ནས་དྲན་པ་རྙེད། །ཡོན་ཏན་བླ་ན་མེད་པ་ནི། །རྫོགས་སངས་རྒྱས་ལ་བདག་གིས་ཕུལ། །ཡོན་གནས་བླ་ན་མེད་པ་ལ། །བདག་གིས་གདུགས་ཕུལ་གང་ཡིན་པའི། །དགེ་བ་དེས་ན་བདག་ལ་ནི། །རིན་ཆེན་བདུན་དང་ལྡན་པར་གྱུར། །དེ་ནས་སུམ་ཅུ་རྩ་གསུམ་པའི། །ལྷ་ཡི་ནང་དུ་བདག་སྐྱེས་ཏེ། །ལྷ་ཡི་རྒྱལ་པོར་བདག་གྱུར་ནས། །ལྷ་ནི་བྱེ་བ་རྣམས་ཀྱིས་མཆོད། །སླར་ཡང་མིར་ནི་འོངས་པ་ན། །སྟོབས་ཀྱིས་བསྒྱུར་བའི་རྒྱལ་གྱུར་ཅིང ། །ནོར་ཆེན་བརྩོན་འགྲུས་ཆེ་བ་སྟེ། །རྒྱལ་པོ་རྣམས་ཀྱིས་མདུན་གྱིས་བལྟས། །བདག་
Kha499b
གིས་ལས་འདི་བྱས་པས་ནི། །ཡང་དང་ཡང་དུ་འཁོར་བ་ནའང ། །བདག་བྱེད་པ་ཡི་ལས་དེ་ནི། །ལན་འགའང་བར་ནི་མ་བཅད་དོ། །དེ་ལྟ་བུ་ཡི་ཡོན་གནས་ལ། །བདག་གིས་དད་པས་ཕུལ་བ་ཡིས། །དགེ་བའི་ལས་དེ་བྱས་པས་ན། །ངན་འགྲོར་སོང་བ་མི་དྲན་ནོ། །བདག་གི་སྐྱེ་བ་ཐ་མ་ནི། །མི་ཡི་སྲིད་ཐོབ་འདི་ཡིན་ཏེ། །ཡང་དག་སངས་རྒྱས་བླ་མེད་པ། །དེད་དཔོན་འདི་ནི་མཉེས་པར་བྱས། །ཤཱཀྱ་སེང་གེའི་བསྟན་པ་ལ། །བདག་གིས་རབ་བྱུང་ཐོབ་ནས་ནི། །མྱ་ངན་འདས་པ་བསིལ་གྱུར་པའི། །དགྲ་བཅོམ་པ་ཡང་བདག་གིས་ཐོབ། །བདུད་ཀྱི་ལུས་ནི་ལུས་ཆེན་པོ། །རི་བོ་ལྟ་བུར་དཔག་ཚད་ཙམ། །ནམ་མཁའ་ལས་ནི་སྤྲིན་ལྟ་བུར། །མདོག་མི་སྡུག་པ་སྤྲུལ་པ་དང ། །དེ་ནས་བདག་གི་གཡེང་བྱེད་པ། །འདི་ཀོ་སུ་ཞིག་སྙམ་པ་ལས། །འདི་ནི་མཐོ་འཚམ་བྱེད་པ་ཡི། །བདུད་ཡིན་པར་ནི་མྱུར་དུ་ཤེས། །སྡིག་ཅན་ཁྱོད་ནི་ཅི་དགར་ཟད། །ལུས་ནི་ཁོར་ཡུག་གཅིག་ལྟ་བུར། །མགོ་ཡང་ལྷུན་པོ་ལྟ་བུར་ནི། །བྱས་ཏེ་འདིར་ནི་འོང་ལ་རག་།བདག་ནི་དགྲ་བཅོམ་དབང་གྱུར་པ། །རིག་གསུམ་ལྡན་པའི་དགེ་སྦྱོང་སྟེ། །སངས་རྒྱས་ཀྱིས་གསུངས་གང་ཡིན་པའི། །བདེ་བར་གནས་པ་རྣམས་ཀྱང་ཐོབ། །བསོད་སྙོམས་བྱས་པ་ལན་གཅིག་གིས། །ཞག་བདུན་དུ་ཡང་འདུག་ནས་ནི། །རྣམ་པར་གྲོལ་བའི་དགའ་མྱོང་བ། །དེ་ལྟ་བུ་དག་བདག་གིས་བསྒོམས། །བཙུན་པ་བདག་གིས་དགེ་བ་ནི། ། གང་བགྱིས་དྲན་པ་འདི་ལགས་ཏེ། །དེ་ཡི་འབྲས་བུ་ཡིད་འོང་ཞིང ། །བདེ་འབྱུང་འདོད་པ་ཉམས་སུ་མྱོང ། །དེ་ལྟར་ནམ་གྲུ་བློ་ལྡན་གྱིས། །དགེ་སློང་དགེ་འདུན་མདུན་འདུག་ནས། །མ་དྲོས་པ་ཡི་མཚོ་ཆེན་
Kha500a
༄#། །དུ། །རང་གི་ལས་ནི་ལུང་བསྟན་ཏོ། །ནམ་གྲུའི་ལེའུ་སྟེ། སུམ་ཅུ་རྩ་དྲུག་པའོ།། །།དེ་ནས་དགེ་སློང་གནས་བརྟན་གནས་བརྟན་རྣམས་ཀྱིས། རང་རང་གི་ལས་ཀྱི་རྒྱུ་བ་ལུང་བསྟན་ཟིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ཅག་གིས་རང་རང་གི་ལས་ཀྱི་རྒྱུ་བ་ལུང་བསྟན་ལགས་ཀྱི། བཅོམ་ལྡན་འདས་ཀྱིས་ཀྱང་ད་ཉིད་ཀྱི་འཕྲིན་ལས་ཀྱི་རྒྱུ་བ་ལུང་བསྟན་པའི་རིགས་སོ་ལགས། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། དེས་ན་བྱང་ཆུབ་མངོན་པར་རྫོགས་པར་སངས་རྒྱས་ན་ཡང་གོར་མའི་དུམ་བུས་ཞབས་ཀྱི་མཐེ་བོ་རྨ་ཕྱུང་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་རྣམས་བྱས་ཤིང་བསགས་པ། །ཚོགས་རྙེད་པ་ཞེས་བྱ་བས་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་ནོ། །དགེ་སློང་དག་།སྔོན་བྱུང་བ་རི་བོར་ཞིག་ན། ཁྱིམ་བདག་ཅིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཅེས་བྱ་བ་ནས་ཁྱེའུ་ཞིག་བཙས་ནས་བསྐྱེད་བསྲིངས་ཏེ་ཆེན་པོར་གྱུར་ཏོ། །ཞེས་བྱ་བའི་བར་གོང་མ་བཞིན་ནོ། །དེའི་མ་ཤི་ནས། དེ་ནས་ཁྱིམ་བདག་དེས་ཆུང་མ་གཞན་ཞིག་བླངས་ཏེ། དེ་དེ་དང་ལྡན་ཅིག་རྩེ་བར་བྱེད་ཅེས་བྱ་བ་ནས། དེ་ལས་ཀྱང་ཁྱེའུ་ཞིག་བཙས་
Kha500b
སོ། །ཞེས་བྱ་བའི་བར་དུའོ། །དེ་ནས་ཁྱིམ་བདག་དེས་ཁྱེའུ་ཕུ་བོ་ཤོས་ཆུང་མ་བླངས་ནས། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཁྱེའུ་དང ། བུ་མོ་མང་དུ་བཙས་སོ། །ཇི་ཙམ་དུས་ཕྱིས་ཞིག་ན་ཁྱིམ་བདག་ཆུང་མ་དང་བཅས་ཏེ་ཤི་ནས། བུ་དེ་ཕུ་བོ་ཉིད་ཀྱི་དྲུང་དུ་སོང་བ་དང ། ཆུང་མས་སྨྲས་པ། རྗེའི་སྲས། ཁྱེའུ་འདི་ཁྱོད་ཀྱི་ཅིར་མཆི་ལགས། དེས་སྨྲས་པ། སྤུན་དུ་འོང་ངོ ། །རྗེའི་སྲས། ཅི་འདི་ཡང་ཁྱིམ་གྱི་བགོ་སྐལ་དབང་ངམ། འདི་ལ་ཡང་ཕྱེད་ལ། བདག་ཅག་ལ་ཡང་ཕྱེད་ཡིན་ནོ། །རྗེའི་སྲས། འདི་ནི། མི་གཅིག་པ་ལགས་ན། ཇི་ལྟར་འདི་ལ་ཡང་ཕྱེད་ལ། བདག་ཅག་མང་པོ་ལ་ཡང་ཕྱེད་ལགས། བཟང་མོ། འདི་ནི། འཇིག་རྟེན་གྱི་ཆོས་ཡིན་ནོ། །རྗེའི་སྲས། གལ་ཏེ་དེ་ལྟ་ན། འདི་ཁུམས་ཤིག་།བཟང་མོ། ནོར་གྱི་ཕྱིར་ནུ་བོ་གསད་དུ་ག་ལ་རུང ། དེས་དེ་ལ་ཡང་དང་ཡང་དུ་སྨྲས་པ་དང ། འདོད་པ་ལ་བརྟེན་པས་ནི་སྡིག་པའི་ལས་མི་བྱ་བ་ཅི་ཡང་མེད་པས་དེས་ཁང་བླངས་སོ། །དེས་བསམ་པ། གལ་ཏེ་གྲོང་དུ་གསད་ན་ནི། སྐྱེ་བོ་མང་པོས་ཚོར་བར་འགྱུར་གྱི། དགོན་པར་གསད་བར་བྱའོ། སྙམ་ནས། དེས་དེ་བོས་ཏེ་སྨྲས་པ། ནུ་བོ། མེ་ཏོག་དང ། ཡམ་བསྲེག་ཤིང་གི་ཕྱིར་དགོན་པར་འདོང་ངོ ། །དེ་དེ་དང་ལྷན་ཅིག་དགོན་པར་དོང་བ་ལས། དེ་ནས་དེས་རི་ཕུག་ཏུ་རྡོས་བསྣུན་ཏེ་བསད་དོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ན་གང་གིས་ཁྱིམ་བདག་གི་བུ་གཡས་ཁྱིམ་གྱི་ནུ་བོ་དེ་དགོན་པར་རྡོས་གསོད་པ་དེ་ནི། ང་ཉིད་ཡིན་ཏེ། ངས་གཡས་
Kha501a
༄#། །ཁྱིམ་གྱི་ནུ་བོ་ནོར་གྱི་ཕྱིར་དགོན་པར་རྡོས་བསྣུན་ཏེ་བསད་པ་གང་ཡིན་པ་དེའི་ལས་ཀྱི་རྣམ་པར་སྨིན་པས། ང་ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་སེམས་ཅན་དམྱལ་བ་རྣམས་སུ་བཙོས་སོ། །ལས་དེ་ཁོ་ནའི་ལྷག་མས། དེ་བཞིན་གཤེགས་པ་ང་མངོན་པར་རྫོགས་པར་བྱང་ཆུབ་ན་ཡང་ཞབས་ཀྱི་མཐེ་བོ་རྡོའི་དུམ་བུས་རྨ་ཕྱུང་བར་གྱུར་ཏོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས། བཅོམ་ལྡན་འདས་ཀྱི་ཞབས་ལ་སེང་ལྡེང་གི་ཚལ་པ་ཟུག་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་རྣམས་བྱས་ཤིང་བསགས་པ། ཚོགས་རྙེད་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་ནོ། །དགེ་སློང་དག་།སྔོན་བྱུང་བ། གནས་ཤིག་ན། དེད་དཔོན་གཉིས་ཤིག་གནས་པ་ལས། དེ་གཉིས་ཀྱིས་གྲུ་བོ་ཆེ་ལེགས་པར་བསྒྲུབས་ནས། ནོར་བསྒྲུབ་པའི་ཕྱིར་རྒྱ་མཚོ་ཆེན་པོར་ཞུགས་པ་དང ། རྗེས་སུ་མཐུན་པའི་རླུང་གིས་རིན་པོ་ཆེའི་གླིང་དུ་ཕྱིན་ཏོ། །དེ་ན་གཅིག་ནི། བག་ཡོད་པར་རིན་པོ་ཆེ་རྣམས་ཀྱིས་གྲུ་བཀང་ངོ ། །གཅིག་ཤོས་ཀྱིས་ནི། བག་མེད་པར་རོ། །དེ་གཉིས་ཆས་པ་ལས་ཇི་ཙམ་ན། དེའི་གྲུ་བག་མེད་པར་བཀང་བ་དེ་བྱིང་བར་གྱུར་ཏོ། །གྲུ་བྱིང་བ་དེས་སྨྲས་པ། བདག་འོ་ནིར་
Kha501b
ཆུག་ཅིག་།དེས་དེ་སྲང་ལ་གཅལ་ཏེ། རིན་པོ་ཆེ་ལས་བོར་ནས་གྲུ་བོ་ཆེར་བཅུག་གོ་།དེ་དེར་ཞུགས་ནས་བསམ་པ། འདི་ནི། དོན་གྲུབ་པས་འགྲོ་ལ། བདག་ནི། དོན་མེད་པར་འདི་ལྟ་མི་སྲིད་ཀྱི། འདི་གྲུ་དབུག་པར་བྱའོ། །སྙམ་ནས། དེས་དབེན་པར་དལ་བུས་དབུག་པར་བརྩམས་པ་ལས། དེད་དཔོན་དེས་རིག་ནས་སྨྲས་པ། དེད་དཔོན་གྲུ་མ་དབུག་ཅིག་།ཐམས་ཅད་ཚུལ་མ་ཡིན་པས་སྡུག་བསྔལ་བར་གྱུར་ཏ་རེ། ཕྲག་དོག་ལ་མངོན་པར་ཞེན་པའི་བློ་ཅན་དེ། སླར་བཟློག་ཀྱང་མ་བཏུབ་ནས་དེ་ནས་དེས་མདུང་ཐུང་གིས་བསད་དོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ན། དེད་དཔོན་གང་གིས་དེད་དཔོན་གསོད་པ་དེ་ནི།་ང་ཉིད་ཡིན་ཏེ། ངས་དེད་དཔོན་མདུང་ཐུང་གིས་བསད་པ་གང་ཡིན་པ་དེའི་ལས་ཀྱི་རྣམ་པར་སྨིན་པས། ང་ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་སེམས་ཅན་དམྱལ་བ་རྣམས་སུ་བཙོས་སོ། །ལས་དེའི་ལྷག་མ་ཁོ་ནས། དེ་བཞིན་གཤེགས་པ་མངོན་པར་རྫོགས་པར་བྱང་ཆུབ་ན་ཡང་ཞབས་ལ་སེང་ལྡེང་གི་ཚལ་པ་ཟུག་པར་གྱུར་ཏོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས། ཡུལ་ས་ལར་ཇི་ལྟར་ལྷུང་བཟེད་པ་བཀྲུས་པས་ཞུགས་པའི་ལྷུང་བཟེད་བཀྲུས་པ་དེ་ཁོ་ན་བཞིན་དུ་ཕྱིར་གཤེགས་ཏེ་བསོད་སྙོམས་གཅིག་ཀྱང་མ་རྙེད་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་བྱས་ཤིང་བསགས་པ། ཚོགས་རྙེད་པ་ཞེས་
Kha502a
༄#། །བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་ནོ། །དགེ་སློང་དག་།སྔོན་བྱུང་བ་ཝཱ་ར་ཎཱ་སིའི་གྲོང་ཁྱེར་ན། བྲམ་ཟེའི་ཁྱེའུ་ཞིག་གནས་སོ། །སངས་རྒྱས་རྣམས་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ་ཅན། བས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་རོ། །དེའི་ཚེ་རང་སངས་རྒྱས་ཉོན་མོངས་འཇོམས་ཞེས་བྱ་བ་འཇིག་རྟེན་དུ་བྱུང་ནས། ཝཱ་ར་ཎཱ་སིའི་གྲོང་ཁྱེར་ན་དྲང་སྲོང་སྨྲ་བ་རི་དྭགས་ཀྱི་ནགས་ན་ཉེ་བར་བརྟེན་ཅིང་གནས་སོ། །དེ་སྔ་དྲོ་ཤམ་ཐབས་བགོས། ཆོས་གོས་བགོས། ལྷུང་བཟེད་ཐོགས་ཏེ། ཝཱ་ར་ཎཱ་སིར་བསོད་སྙོམས་ལ་བཞུགས་སོ། །བྲམ་ཟེའི་ཁྱེའུ་ཞིག་ཀྱང་ཟས་ཀྱི་ཕྱིར་བསོད་སྙོམས་ལ་ཁྱིམ་ཞིག་ཏུ་ཞུགས་པ་ལས།་དེས་ཟས་མ་ཐོབ་ནས་དེ་ཕྱིར་བྱུང་ངོ ། །རང་སངས་རྒྱས་ཉོན་མོངས་མེད་ཀྱིས་ཁྱིམ་དེར་བསོད་སྙོམས་ལ་ཞུགས་སོ། །བྲམ་ཟེའི་ཁྱེའུ་དེས་དེ་ཞུགས་པ་མཐོང་ནས། དེས་བསམ་པ། རབ་ཏུ་བྱུང་བ་དེ་ཅི་དག་བྱེད་བལྟའོ། །སྙམ་ནས། དེ་སླར་ལོག་སྟེ། དེའི་ཕྱི་བཞིན་དུ་འབྲང་ཞིང་སྒོ་ཕག་ཏུ་བསྡད་པ་ལས། ཇི་ཙམ་ན་ཁྱིམ་བདག་གི་ཆུང་མས་རང་སངས་རྒྱས་དེ་ལུས་མཛེས་ཤིང་སེམས་དང་བ་མཐོང་ནས། དེ་ནས་དེ་དད་པ་སྐྱེས་ཏེ། དེའི་ལྷུང་བཟེད་གཙང་ཞིང་བསོད་པའི་བཟའ་བ་དང ། བཅའ་བས་བཀང་ངོ ། །དེས་དེ་ཐོགས་ཏེ་ཕྱིར་བྱུང་བ་བྲམ་ཟེའི་ཁྱེའུ་དེས་མཐོང་ནས་
Kha502b
སྨྲས་པ།་ཀྱེ་རབ་ཏུ་བྱུང་བ། རེ་ཞིག་ཁྱོད་ཀྱིས་བསོད་སྙོམས་ཅི་འདྲ་བ་ཞིག་གྲུབ་བལྟའོ། །དེ་མ་བསམ་པར་ཡེ་ཤེས་མཐོང་བ་མི་འཇུག་པས་དེས་བསྟན་ཏོ། །དེ་ནས་ཕྲག་དོག་ལ་མངོན་པར་ཞེ་ན་པའི་བློ་ཅན་དེས། དེའི་ལག་པར་ཐལ་མོས་བསྣུན་པ་དང ། ལྷུང་བཟེད་ལྷུང་བས་ཁ་ཟས་རྣམས་ས་ལ་བོ་བ་དང ། བྲམ་ཟེའི་ཁྱེའུ་དེས་རྡོག་པས་བརྫིས་སོ། །རང་སངས་རྒྱས་དེས་དེ་ལ་སྨྲས་པ།་བཞིན་བཟང་ཁྱོད་ཀྱིས་ཅིའི་ཕྱིར་ཁ་ཟས་རྣམས་ཆུད་གཟན། ཅི་སྟེ་ཁྱོད་སློང་བར་གྱུར་ན། ངས་སྦྱིན་པར་འགྱུར་བ་ཞིག་།དེས་རང་སངས་རྒྱས་དེ་ལ་སྨད་པ་མང་དུ་བྱས་ནས་སླར་ལོག་པ་དང ། དྲང་སྲོང་སྨྲ་བ་རི་དྭགས་ཀྱི་ནགས་སུ་སོང་ནས་འདུག་གོ་།དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེ་གང་ཡིན་པ་དེ་ནི། ང་ཉིད་ཡིན་ཏེ། ཕྲག་དོག་ལ་མངོན་པར་ཞེན་པའི་བློ་ཅན་རང་སངས་རྒྱས་ཀྱི་ཟས་བཅད་པ་བྱས་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ལོ་མང་པོ་ཞེས་བྱ་བ་ནས་སེམས་ཅན་དམྱལ་བ་རྣམས་སུ་བཙོས་སོ། །ཞེས་བྱ་བའི་བར་གོང་མ་བཞིན་ནོ། །ལས་ཀྱི་ལྷག་མ་དེ་ཁོ་ནས་ད་ལྟར་ང་མངོན་པར་རྫོགས་པར་བྱང་ཆུབ་ན་ཡང་ཡུལ་ས་ལར་ཟན་བཅད་པ་བྱས་སོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས་ཀུན་ཏུ་རྒྱུ་མོ་མཛེས་མས་ཡང་དག་པ་མ་ལགས་པས་སྐུར་བ་བཏབ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་
Kha503a
༄#། །གཞན་རྣམས་སུ་ལས་རྣམས་བྱས་ཤིང་བསགས་པ། ཚོགས་རྙེད་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་ནོ། །དགེ་སློང་དག་།སྔོན་བྱུང་བ། སྐྱེ་རྒུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཞེས་བྱ་བའི་བར་དུ་སྟེ། སངས་རྒྱས་བཅོམ་ལྡན་འདས་དེའི་གསུང་རབ་ལ་སྤུན་གཉིས་ཤིག་རབ་ཏུ་བྱུང་བར་གྱུར་ཏེ། གནས་འཇོག་དང ། བྷ་ར་དྷྭ་ཛ་ཞེས་བྱའོ། །དེ་ནས་གནས་འཇོག་གིས་བརྩོན་པ་དང ། འབད་པ་དང ། བརྩལ་བ་བྱས་པས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་ཉིད་མངོན་སུམ་དུ་བྱས་སོ། །བྷ་ར་དྷྭ་ཛས་ཀྱང་བཀླགས་ཤིང་བསྟན་པས་སྡེ་སྣོད་གསུམ་ལ་བྱང་བར་གྱུར་ཏོ། །སྡེ་སྣོད་གསུམ་གྱི་ཆོས་ཀྱི་གཏམ་ལ་རིག་པ་དང ། གྲོལ་བའི་སྤོབས་པ་དང་ལྡན་པར་གྱུར་ཏོ། །དེས་ཇི་ཙམ་ན་ཁྱིམ་བདག་ཅིག་ལ་བསྐུལ་ནས། དེས་དེའི་ཆེད་དུ་གཙུག་ལག་ཁང་ཡོ་བྱད་ཐམས་ཅད་དང་ལྡན་པ་ཞིག་རྩིག་ཏུ་བཅུག་གོ་།དེ་ནས་དེས་ཕུ་པོ་གནས་འཇོག་ལ་སྤྲིང་བ། ལྷན་ཅིག་འཁོད་ཀྱི། ཤོག་ཅིག་།དེས་ཐོས་ནས་འོངས་སོ། །དེ་ནས་ཁྱིམ་བདག་དེས་སྤྱོད་ལམ་ཞི་བ། ལུས་མཛེས་པ། སེམས་དང་བ་དེ་མཐོང་ངོ ། །མཐོང་ནས་མངོན་པར་དད་པར་གྱུར་ཏེ། དེ་ནས་དད་པ་སྐྱེས་ནས། ཁ་ཟས་བསོད་པས་ཚིམ་པར་བྱས་ཏེ། ཆེན་པོ་ལ་འོས་པའི་རས་ཟུང་གཅིག་བསྐོན་ཏོ། །དེ་ནས་བྷ་ར་དྷྭ་ཛ་ཕྲག་
Kha503b
དོག་སྐྱེས་ནས་བདག་ནི། འདིའི་ཐམས་ཅད་ལ་སྔོན་དུ་འགྲོ་བ་ཡིན་ན། བདག་ལ་ནི། འདིས་ལན་འགའ་ཡང་རས་མ་བྱིན། འདི་ནི། འོངས་ནས་རིང་པོ་མ་ལོན་པ་ཁོ་ནར་རས་ཟུང་བསྐོན་ནོ། །སྙམ་ནས། དེ་ཕུ་བོ་གནས་འཇོག་ལ་ཉེས་པའི་གླགས་ཚོལ་བར་གྱུར་ཏོ། །དེས་དེ་ཚོར་ནས་བསམ་པ། འདི་ནི། ཕྲག་དོག་གི་རང་བཞིན་ཅན་ཡིན་པས། གལ་ཏེ་འདི་ལ་བདག་གིས་རས་ཟུང་འདི་མ་བྱིན་པར་གྱུར་ན། ལྷག་པར་ཡང་མི་དགའ་བ་མྱོང་བར་འགྱུར་རོ། །སྙམ་ནས། དེ་ནས་དེ་ལ་བྱིན་ན། འོན་ཀྱང་དེ་ཉེས་པའི་གླགས་ཚོལ་བ་ལྷུར་ལེན་ཅིང་འདུག་གོ་།ཁྱིམ་བདག་དེའི་མངག་གཞུག་མ་བུ་མོ་ཞིག་གཙུག་ལག་ཁང་དེར་སོང་ཞིང་བྱི་དོར་གྱི་ལས་བྱེད་དོ། །བྷ་ར་དྷྭ་ཛས་དེ་ལ་སྨྲས་པ། བུ་མོ། ཁོ་བོས་རས་ཟུང་འདི་ཁྱོད་ལ་སྦྱིན་གྱི། ཁྱོད་ཀྱིས་ཁོ་བོའི་ཚིག་བཞིན་བྱོས་ཤིག་དེས་སྨྲས་པ། འཕགས་པ། བདག་གིས་ཅི་ཞིག་བགྱི། ཁྱོད་ཁོ་བོའི་རས་ཟུང་འདི་གྱོན་ལ་ཁྱིམ་གྱི་བྱི་དོར་གྱི་ལས་བྱོས་ཤིག་།གལ་ཏེ་ཁྱིམ་བདག་གིས་ཁྱོད་ཀྱི་རས་ཟུང་འདི་ག་ལས་འོངས་ཞེས་འདྲི་བ་དང ། འཕགས་པ་གནས་འཇོག་གིས་བདག་ལ་སྩལ་ཏོ། །ཞེས་སྨྲོས་ཤིག་།གལ་ཏེ་ཅིའི་ཕྱིར་འདྲི་བ་དང ། དཔོན་པོ། སྐྱེས་པ་རྣམས་ཀྱིས་བུད་མེད་རྣམས་ལ་ཅིའི་སླད་དུ་སྩོལ་བ་དེ་ཡང་འདྲིའམ་ཞེས་སྨྲེས་ཤིག་།དེ་ནས་དེས་ཇི་སྐད་བསྒོ་བ་བཞིན་དུ་ཐམས་ཅད་བྱས་པ་དང ། དེ་ནས་ཁྱིམ་བདག་དེས་གནས་འཇོག་ལ་མ་དད་པ་བསྐྱེད་པ་དང ། བདག་ཉིད་ཆེན་པོ་དེ་དག་ནི།
Kha504a
༄#། །བཀུར་སྟི་མ་ཡིན་པས་སྐྲག་པས་ཏེ་ལངས་ཏེ་སོང་ངོ ། །དགེ་སློང་དག་།ཇི་སྙམ་དུ་སེམས། །དེའི་ཚེ་དེའི་དུས་ཀྱི་བྷ་ར་དྷྭ་ཛ་གང་ཡིན་པ་དེ་ནི། ང་ཉིད་ཡིན་ཏེ། ངས་དེ་ན་དགྲ་བཅོམ་པ་ལ་ཡང་དག་པ་མ་ཡིན་པས་སྐུར་པ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ལོ་མང་པོ་དང་ཞེས་བྱ་བ་ནས། སེམས་ཅན་དམྱལ་བ་རྣམས་སུ་བཙོས་སོ། །ཞེས་བྱ་བའི་བར་གོང་མ་བཞིན་དུའོ། །ད་ལྟར་ང་མངོན་པར་རྫོགས་པར་བྱང་ཆུབ་པ་ན་ཡང་ཀུན་ཏུ་རྒྱུ་མོ་མཛེས་མས་ཡང་དག་པ་མ་ཡིན་པས་སྐུར་པ་བཏབ་བོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས། བྲམ་ཟེའི་བུ་མོ་རྩཝ་མེས་ཡང་དག་པ་མ་ལགས་པས་སྐུར་བ་བཏབ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་རྣམས་བྱས་ཤིང་བསགས་པ། ཐུན་མོང་དང་ཐུན་མོང་མ་ཡིན་པ། ཚོགས་རྙེད་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་ནེ། །ཐུན་མོང་གང་ཞེ་ན། དགེ་སློང་དག་།སྔོན་བྱུང་བ། ཝཱ་ར་ཎཱ་སི་ན་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་གི་ཕ་རོལ་ཏུ་ཕྱིན་པ་ཞིག་།བྲམ་ཟེའི་ཁྱེའུ་ལྔ་བརྒྱ་ལ་བྲམ་ཟེ་རྣམས་ཀྱི་གསང་ཚིག་སྟེན་ཏེ། དེ་ཝཱ་ར་ཎཱ་སི་ན་གནས་པའི་སྐྱེ་བོའི་ཚོགས་ཀྱིས་ལྷག་པར་བཀུར་སྟི་བྱས། བླ་མར་བྱས། རྗེད་ཅིང་མཆོད་དེ་དགྲ་
Kha504b
བཅོམ་པར་བཀུར་རོ། །ཇི་ཙམ་ན་དྲང་སྲོང་མངོན་པར་ཤེས་པ་ལྔ་དང་ལྡན་པ་ཞིག་ལྗོངས་རྒྱུ་ཞིང་སོང་བ་ལས་ཝཱ་ར་ཎཱ་སིར་ཕྱིན་པ་དང ། ཝཱ་ར་ཎཱ་སི་ན་གནས་པའི་སྐྱེ་བོའི་ཚོགས་ཀྱིས་ལུས་མཛེས་པ་ང།་སེམས་དང་བ་མཐོང་ངོ ། །མཐོང་ནས་ཀྱང་སྐྱེ་བོའི་ཚོགས་ཐམས་ཅད་མངོན་པར་དད་པར་གྱུར་ཏེ། གང་གི་སྦྱིན་པའམ། བྱ་བའམ། འཇིག་རྟེན་ཕ་རོལ་གྱི་ཆེད་ཡོད་པ་གང་ཡིན་པ་དེ། དེ་ལ་བྱེད་དེ། །དེ་ནས་བྲམ་ཟེ་དེའི་རྙེད་པ་དང ། བཀུར་སྟི་ནུབ་པར་གྱུར་ནས་དྲང་སྲོང་དེ་ལ་ཕྲག་དོག་སྐྱེས་ནས་ཕྲག་དོག་ལ་མངོན་པར་ཞེན་པའི་བློས། བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་འདི་ནི།་དྲང་སྲོང་མ་ཡིན་ཏེ། འོན་ཀྱང་འདི་ནི། འདོད་པ་ལ་ལོངས་སྤྱོད་པ་ཡིན་ནོ། །དེ་རྣམས་ཀྱིས་སྨྲས་པ། མཁན་པོ། །དེ་དེ་བཞིན་ཏེ། འདི་ནི། འདོད་པ་ལ་ལོངས་སྤྱོད་པ་ལགས་ཀྱི། འདི་ནི། དྲང་སྲོང་མ་ལགས་སོ། །དེ་ནས་དེ་རྣམས་ཀྱིས་ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་བྲམ་ཟེ་དང ། ཁྱིམ་བདག་གི་ཁྱིམ་རྣམས་སུ་སྨྲས་པ། འདི་ནི། དྲང་སྲོང་མ་ཡིན་ཏེ། འོན་ཀྱང་འདོད་པ་ལ་ལོངས་སྤྱོད་པ་ཡིན་ནོ། །སྐྱེ་བོའི་ཚོགས་ཆེན་པོས་ཐོས་ནས། མ་དད་པ་བསྐྱེད་པ་དང ། དེ་བཀུར་སྟི་མ་ཡིན་པས་སྐྲག་ནས་ཝཱ་ར་ཎཱ་སིར་སོང་ངོ ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེ་གང་ཡིན་པ་དེ་ནི། ང་ཉིད་ཡིན་ནོ། །བྲམ་ཟེའི་ཁྱེའུ་ལྔ་བརྒྱ་པོ་གང་ཡིན་པ་དེ་ནི། དགེ་སློང་ལྔ་བརྒྱ་པོ་འདི་དག་ཉིད་ཡིན་ནོ། །ངས་དྲང་སྲོང་ལ་ཡང་
Kha505a
༄#། །དག་པ་མ་ཡིན་པས་སྐུར་པ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ཞེས་བྱ་བ་ནས་སེམས་ཅན་དམྱལ་བ་རྣམས་སུ་བཅོས་སོ། །ཞེས་བྱ་བའི་བར་གོང་མ་བཞིན་ནོ། །ལས་ཀྱི་ལྷག་མ་དེ་ཁོ་ནས་ད་ལྟར་མངོན་པར་རྫོགས་པར་བྱང་ཆུབ་ན་ཡང་དགེ་སློང་ལྔ་བརྒྱ་དང་ཐབས་ཅིག་ལ་བྲམ་ཟེའི་བུ་མོ་རྩ་མིས་ཡང་དག་པ་མ་ཡིན་པས་སྐུར་བ་བཏབ་སྟེ། དེ་ནི། ཐུན་མོང་ཞེས་བྱའོ།། །།སརྦ་མངྒ་ལཾ།།
Ga1b
༄##། །འདུལ་བ་གཞི། བམ་པོ་ང་ལྔ་པ། ཐུན་མོང་མ་ཡིན་པ་གང་ཞེ་ན། དགེ་སློང་དག། སྔོན་བྱུང་བ་ཝཱ་ར་ཎཱ་སིའི་གྲོང་ཁྱེར་དུ། རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། འབྱོར་པ་དང་ཞེས་བྱ་བ་ནས་རྒྱས་པར་བྱ་སྟེ། དེའི་ཚེ་སྨད་ཚོང་མ་བཟང་མོ་ཞེས་བྱ་བ་དང ། སྐྱེས་བུ་གཡོན་ཅན་པདྨའི་རྩ་ལག་ཅེས་བྱ་བ་ཞིག་གནས་སོ། །དེས་དེ་དགའ་མགུར་སྤྱད་པའི་ཕྱིར་གོས་
Ga2a
༄#། །དང ། རྒྱན་རྣམས་བསྐུར་བ་དང ། དེས་གོས་དང་རྒྱན་རྣམས་བགོས་ནས་སོང་བ་ལས། སྐྱེས་པ་གཞན་ཞིག་ཀྱང་དོང་ཚེ་ལྔ་བརྒྱ་ཐོགས་ཏེ་འོངས་ནས། བཟང་མོ། དགའ་མགུར་སྤྱོད་ཀྱི། ཚུར་ཤོག་ཅེས་སྨྲས་སོ། །དེས་བསམས་པ། གལ་ཏེ་སོང་ན་ནི། དོང་ཚེ་ལྔ་བརྒྱ་ཡང་མི་ཐོབ་ལ། ཁྱིམ་དུ་འོངས་པ་བོར་ཏེ་གཞན་དུ་འགྲོ་བ་འདི་ནི། གསོལ་ཀ་མི་ཡང་བར་ཡང་འགྱུར་རོ། །སྙམ་ནས། དེས་བུ་མོ་མངག་གཞུག་མ་ལ་སྨྲས་པ། སོང་ལ་པདྨའི་རྩ་ལག་ལ་ཇོ་བོ་རེ་ཞིག་བདག་གིས་སྟ་གོན་མ་བགྱིས་ཀྱི། སླད་ཀྱིས་མཆིའོ་ཞེས་ཟེར་རོ། །ཞེས་སྨྲོས་ཤིག། དེ་དེའི་གན་དུ་སོང་ནས་སྨྲས་སོ། །སྐྱེས་པ་དེ་ཡང་བྱ་བ་མང་པོ་ཞིག་
Ga2b
པས་དགའ་མགུར་སྤྱད་ནས། སྲོད་ཉིད་ལ་ཕྱིར་སོང་ངོ ། །དེས་བསམ་པ། ཐུན་མོང་དུ་ཡོད་པས་བདག་གིས་དེའི་སེམས་ཀྱང་སྲུང་ནུས་སོ། །སྙམ་ནས། དེས་ཡང་བུ་མོ་དེ་ལ་སྨྲས་པ། སོང་ལ། པདྨའི་རྩ་ལག་ལ། ཇོ་མོ་སྟ་གོན་བགྱིས་ལགས་ན། སྐྱེད་མོས་ཚལ་གང་དུ་མཆི་ཞིག་ཅེས་མཆིའོ། །ཞེས་སྨྲོས་ཤིག་།དེའི་དྲུང་དུ་སོང་ནས་སྨྲས་པ་དང ། དེས་སྨྲས་པ། ཁྱོད་ཀྱི་ཇོ་མོ། སྐད་ཅིག་གིས་ནི། སྟ་གོན་བྱས། སྐད་ཅིག་གིས་ནི། སྟ་གོན་མ་བྱས། བུ་མོ་དེ་ཡང་དེ་དང་རིགས་མི་འཕྲོད་པས། དེས་སྨྲས་པ། རྗེའི་སྲས། དེས་སྟ་གོན་བགྱིས་ཏེ། འོན་ཀྱང་ཁྱོད་ཀྱི་གོས་དང ། རྒྱན་རྣམས་ཀྱིས་སྐྱེས་པ་གཞན་དང་ལྷན་ཅིག་དགའ་མགུར་སྤྱད་དོ། །དེ་འདོད་ཆགས་ཀྱིས་ཀུན་ནས་དཀྲིས་པ་གང་ཡིན་པ་དེ་དང་བྲལ། གནོད་སེམས་ཀྱིས་ཀུན་ནས་དཀྲིས་པ་ནི། སྐྱེས་པར་གྱུར་ཏེ། དེ་མི་བཟོད་པ་སྐྱེས་ནས་སྨྲས་པ། བུ་མོ། བཟང་མོའི་དྲུང་དུ་སོང་ལ། པདྨའི་རྩ་ལག་ན་རེ། སྐྱེད་མོས་ཚལ་ག་གེ་མོ་ཞིག་ཏུ་ཤོག་ཅིག་ཅེས་ཟེར་རོ་ཞེས་སྨྲོས་ཤིག་།དེས་སོང་ནས་བཟང་མོ་ལ་སྨྲས་པ་དང ། དེ་ནས་དེ་སྐྱེད་
Ga3a
༄#། །མོས་ཚལ་དེར་སོང་བ་དང ། སྐྱེས་བུ་གཡོན་ཅན་པདྨའི་རྩ་ལག་གིས་སྨྲས་པ། ཁྱོད་ཁོ་བོའི་གོས་དང་རྒྱན་གྱིས་གཞན་དང་ལྷན་ཅིག་དགའ་མགུར་ཡོངས་སུ་སྤྱད་པ་ཇི་ག་རིགས་སམ། དེས་སྨྲས་པ། རྗེའི་སྲས། འདི་ནི། བདག་གིས་ནོངས་ལགས་ཏེ། འོན་ཀྱང་བུད་མེད་ནི། རྟག་ཏུ་སྐྱོན་ཅན་ལགས་ཀྱི། བཟོད་པར་མཛོད་ཅིག་།དེ་ནས་དེས་མི་བཟོད་པ་སྐྱེས་ནས། རལ་གྲི་ཤུབས་ནས་ཕྱུང་སྟེ་སྲོག་དང་བྲལ་ལོ། །དེ་ནས་བུ་མོ་དེས། ཇོ་མོ་བསད་དོ། །ཇོ་མོ་བསད་དོ་ཞེས་ཀུ་ཅོའི་སྒྲ་ཆེན་པོ་བཏོན་པ་དེ། སྐྱེ་བོའི་ཚོགས་ཆེན་པོས་ཐོས་ནས་བརྒྱུགས་སོ། །དེ་ཙམ་ན་སྐྱེད་མོས་ཚལ་དེ་ན། རང་སངས་རྒྱས་ལེགས་སྨོན་ཞེས་བྱ་བ་བསམ་གཏན་བྱེད་དོ། ། དེ་ནས་སྐྱེས་བུ་གཡོན་ཅན་པདྨའི་རྩ་ལག་དེས་སྐྲག་ནས། རལ་གྲི་ཁྲག་ཅན་རང་སངས་རྒྱས་ལེགས་སྨོན་གྱི་དྲུང་དུ་པོར་ནས། སྐྱེ་བོའི་ཚོགས་ཆེན་པོ་དེ་ཉིད་ཀྱི་ནང་དུ་ཞུགས་སོ། །སྐྱེ་བོའི་ཚོགས་ཆེན་པོས་རལ་གྲི་ཁྲག་ཅན་མཐོང་ནས། རབ་ཏུ་བྱུང་བ་འདིས་བཟང་མོ་སྲོག་དང་བྲལ་ལོ། །ཞེས་དེ་ནས་རང་སངས་རྒྱས་དེ་ཀུན་ནས་བསྐོར་
Ga3b
ནས། མི་བཟོད་པ་བསྐྱེད་དེ་སྨྲས་པ། ཀྱེ། རབ་ཏུ་བྱུང་བ་དྲང་སྲོང་གི་རྒྱལ་མཚན་བསྲེལ་ནས་འདི་འདྲ་བའི་ལས་བྱེད་དམ། དེས་སྨྲས་པ། ཅི་ཞིག་བྱས། དེ་རྣམས་ཀྱིས་སྨྲས་པ། ཁྱོད་ཀྱིས་བཟང་མོ་དང་ལྷན་ཅིག་དགའ་མགུར་སྤྱད་ནས། དེ་སྲོག་དང་ཕྲལ་ལོ། །དེས་སྨྲས་པ། རྣ་བས་མི་བཟོད་དོ། །ང་ནི། ལས་འདི་མི་བྱེད་དོ། །དེས་རྣ་བས་མི་བཟོད་པའི་ཚིག་སྨྲས་ཀྱང་སྐྱེ་བོའི་ཚོགས་ཆེན་པོ་དེས་ལག་པ་ཕྱིན་ཀ་ལོག་ཏུ་དམ་དུ་བཅིངས་ནས་རྒྱལ་པོ་ལ་ཕུལ་ཏེ། ལྷ། རབ་ཏུ་བྱུང་བ་འདིས་བཟང་མོ་དང་ལྷན་ཅིག་དགའ་མགུར་སྤྱད་ནས། དེ་སྲོག་དང་བྲལ་ལགས་སོ། །རྒྱལ་པོ་དག་མི་རྟོག་པ་ཡིན་པས། དེས་སྨྲས་པ། གལ་ཏེ་དེ་ལྟ་ན། རབ་ཏུ་བྱུང་བ་འདི་ངས་སྤངས་ཀྱི། དེངས་ལ་སོད་ཅིག། དེ་ནས་དེའི་མགུལ་ནས་མེ་ཏོག་ཀཱ་ར་བཱི་རའི་ཕྲེང་བ་བཏགས་ནས། གཤེད་མ་གོས་སྔོན་པོ་གྱོན་པ། མཚོན་ཐོགས་པ་རྣམས་ཀྱིས་ཡོངས་སུ་བསྐོར་ནས། ལམ་པོ་ཆེ་དང ། ཚོང་དུས་དང ། བཞི་མདོ་དང ། སུམ་མདོ་རྣམས་སུ་བསྒྲགས་ཏེ། གྲོང་ཁྱེར་ནས་སྐྱེད་མོས་ཚལ་ལོགས་སུ་ཁྲིད་དོ། །དེ་ནས་སྐྱེས་བུ་གཡོན་ཅན་པདྨའི་རྩ་ལག་གི་བློ་སྐྱེས་པས། རབ་ཏུ་བྱུང་བ་དཀའ་ཐུབ་ཅན། སྐྱོན་མེད་པ། ཉེས་པ་མི་བྱེད་པ་འདི་ལ་ཡང་དག་པ་མ་ཡིན་པས་སྐུར་པ་བཏབ་པས། ད་འདི་གསད་པ་ལ་ཐུག་ན། བདག་གིས་ཡལ་བར་དོར་བ་ནི། བདག་གི་ཆ་མ་ཡིན་ནོ། །སྙམ་དུ་བསམ་ནས། སླར་ལོག་སྟེ། རྒྱལ་པོའི་དྲུང་དུ་སོང་ནས། རྐང་པ་གཉིས་ལ་གཏུགས་
Ga4a
༄#། །ཏེ་སྨྲས་པ། ལྷ། རབ་ཏུ་བྱུང་བ་འདིས་ནི། ལས་འདི་མ་བགྱིས་ཏེ། སྡིག་པའི་ལས་འདི་ནི། བདག་གིས་བགྱིས་ཀྱི། རབ་ཏུ་བྱུང་བ་འདི་གཏང་བར་གསོལ། དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་སྐྱེས་པ་གཡོན་ཅན་པདྨའི་རྩ་ལག་གང་ཡིན་པ་དེ། ང་ཉིད་ཡིན་ཏེ། ངས་རང་སངས་རྒྱས་ལ་ཡང་དག་པ་མ་ཡིན་པས་སྐུར་པ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ལོ་མང་པོ་དང་ཞེས་བྱ་བ་ནས་སེམས་ཅན་དམྱལ་བ་རྣམས་སུ་བཙོས་སོ་ཞེས་བྱ་བའི་བར་གོང་མ་བཞིན་དུའོ། །ལས་ཀྱི་ལྷག་མ་དེ་ཁོ་ནས། ད་ལྟར་ང་མངོན་པར་རྫོགས་པར་བྱང་ཆུབ་པ་ན་ཡང་བྲམ་ཟེའི་བུ་མོ་རྩཝ་མིས་ཡང་དག་པ་མ་ཡིན་པས་སྐུར་བ་བཏབ་སྟེ། འདི་ནི། ཐུན་མོང་མ་ཡིན་པའོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས། ཡུལ་དགྲ་མཐར་དགེ་སློང་གཉིས་ཀྱིས་ལྔ་བརྒྱར་མ་ཚང་བའི་དགེ་སློང་རྣམས་དང་ཐབས་ཅིག་ནས་རུལ་གསོལ་ལ། ཚེ་དང་ལྡན་པ་ཤཱ་རིའི་བུ་དང ། མོའུ་འགལ་གྱི་བུ་གཉིས་ནི། ལྷའི་ཞལ་ཟས་ལ་ལོངས་སྤྱད་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ཉིད་ཀྱིས་ཚེ་རབས་གཞན་རྣམས་སུ་ལས་རྣམས་བྱས་ཤིང་བསགས་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་དུའོ། །དགེ་སློང་དག་།སྔོན་བྱུང་བ་སྐྱེ་རྒུ་རྣམས་ཀྱིས་ཚེ་ལོ་
Ga4b
བརྒྱད་ཁྲི་ཐུབ་པ་ན། འཇིག་རྟེན་དུ་སྟོན་པ་རྣམ་པར་གཟིགས་ཞེས་བྱ་བ་ཞིག་བྱུང་ནས་ཞེས་བྱ་བ་ནས་སངས་རྒྱས་བཅོམ་ལྡན་འདས་ཞེས་བྱ་བའི་བར་གོང་མ་བཞིན་དུའོ། །དེས་འཁོར་དྲུག་ཁྲི་དང་ལྗོངས་རྒྱུ་ཞིང་གཤེགས་པ་ན། རྒྱལ་པོའི་ཕོ་བྲང་བཤེས་ལྡན་དུ་བྱོན་ཏོ། །བཤེས་ལྡན་དེའི་བྲམ་ཟེ་ཞིག་།བྲམ་ཟེའི་ཁྱེའུ་ལྔ་བརྒྱ་ལ། བྲམ་ཟེ་རྣམས་ཀྱི་གསང་ཚིག་ཀློག་ཏུ་འཇུག་གོ་།དེས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་འཁོར་ལྔ་བརྒྱ་དག་མཐོང་ནས། དེས་བྲམ་ཟེའི་ཁྱེའུ་རྣམས་ལ་སྨྲས་པ། ཤེས་ལྡན་དག་།དགེ་སྦྱོང་མགོ་རེག་འདི་དག་ལྷའི་ཞལ་ཟས་ལ་ལོངས་སྤྱོད་པའི་འོས་མ་ཡིན་གྱི། ནས་རུལ་བ་ཟ་བའི་འོས་ཡིན་ནོ། །དེ་རྣམས་ཀྱིས་ཀྱང་རྗེས་སུ་ཡི་རང་བ་བྱས་ཏེ། མཁན་པོ། དེ་མད་དེ། དགེ་སྦྱོང་མགོ་རེག་འདི་དག་ནི། ལྷའི་ཞལ་ཟས་ལ་ལོངས་སྤྱོད་པའི་འོས་མ་ལགས་ཀྱི། ནས་རུལ་པ་འཚལ་བའི་འོས་ལགས་སོ། །དེ་ནས་ཡང་བྲམ་ཟེའི་ཁྱེའུ་དཀར་པོ་ཅན་གཉིས་ཤིག་གིས་སྨྲས་པ། མཁན་པོས་ནི་མ་ལེགས་པ་ཞིག་གསུངས་ཏེ། བདག་ཉིད་ཆེན་པོ་འདི་དག་ནི། ལྷའི་ཞལ་ཟས་ལ་ལོངས་སྤྱོད་པའི་འོས་ལགས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེ་ལྔ་བརྒྱ་ཅན་གག་ཡིན་པ་དེ་ནི། ང་ཉིད་ཡིན་ཏེ། ངས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཉན་ཐོས་ཀྱི་དགེ་འདུན་དང་བཅས་པ་ལ་ངག་གི་ལས་རྩུབ་མོས་ཕྱུང་བ་གང་ཡིན་པ་དེའི་ལས་ཀྱི་རྣམ་པར་སྨིན་པས། ང་ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་
Ga5a
༄#། །སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་ནས་རུལ་པ་ཟོས་སོ། །ལས་ཀྱི་ལྷག་མ་དེ་ཁོ་ནས་ད་ལྟར་མངོན་པར་རྫོགས་པར་བྱང་ཆུབ་པ་ན་ཡང་མཐར་དགེ་སློང་གཉིས་ཀྱིས་ལྔ་བརྒྱར་མ་ཚང་བའི་དགེ་སློང་རྣམས་དང་ཐབས་ཅིག་ནས་རུལ་པ་ལ་ལོངས་སྤྱད་དོ། །བྲམ་ཟེའི་ཁྱེའུ་གཉིས་པོ་གང་ཡིན་པ་དེ་ནི། དགེ་སློང་ཤཱ་རིའི་བུ་དང ། མོའུ་འགལ་གྱི་བུ་འདི་དག་ཉིད་ཡིན་ནོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས་ལོ་དྲུག་ཏུ་དཀའ་བ་སྤྱད་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་རྣམས་བྱས་ཤིང་བསགས་པ་དག་ནི་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་ནོ། །དགེ་སློང་དག་།སྔོན་བྱུང་བ། ལྗོངས་ཀྱི་གྲོང་རྡལ་བེའི་བྷི་ཌིངྒི་ཞེས་བྱ་བ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང ། མི་མང་པོས་རབ་ཏུ་གང་བ་ཞིག་ཡོད་དེ། དགེ་སློང་དག་།ལྗོངས་ཀྱི་གྲོང་རྡལ་བེའི་བྷི་ཌིངྒི་ན། རྫ་མཁན་དགའ་སྐྱོང་ཞེས་བྱ་བ་སྣགས་རྒྱས་ལ་མངོན་པར་དད་པ། ཆོས་དང་དགེ་འདུན་ལ་མངོན་པར་དད་པ། སངས་རྒྱས་ལ་སྐྱབས་སུ་སོང་བ། ཆོས་དང་དགེ་འདུན་ལ་སྐྱབས་སུ་སོང་བ། སངས་རྒྱས་ལ་གཅིག་ཏུ་བྱེད་པ། ཆོས་དང་དགེ་འདུན་ལ་གཅིག་ཏུ་བྱེད་པ། སངས་རྒྱས་ལ་ཡིད་གཉིས་དང་ཐེ་
Ga5b
ཚོམ་མེད་པ། ཆོས་དང་དགེ་འདུན་ལ་ཡིད་གཉིས་དང་ཐེ་ཚོམ་མེད་པ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་ལ་ཡིད་གཉིས་དང་ཐེ་ཚོམ་མེད་པ། བདེན་པ་མཐོང་བ། འབྲས་བུ་ཐོབ་པ། ལོ་མ་དང་གཏུན་སྤངས་པ་ཞིག་བྱུང་སྟེ། དེ་གང་ན་ཆུས་བརྐོས་པའམ། བྱི་བྲུན་མ་གཏོགས་པ་རང་གི་ལག་གིས་ས་ལ་མི་རྐོ་ཞིང་རྐོར་མི་འཇུག་གོ་།དེ་ནས་རང་གིས་ས་བླངས་ནས། སྲོག་ཆགས་མེད་པའི་ཆུས་སྦྲུས་ཏེ་སྣོད་རྣམས་བྱས་ནས། མཐའ་གཅིག་ཏུ་བཞག་སྟེ། འདི་སྐད་ཅེས་འཕགས་པའམ། བཞིན་བཟང་དག་།འདིར་ཏིལ་ལམ། འབྲས་སམ། སྲན་མུད་ག་ཚལ་ཚོ་དག་མཐའ་གཅིག་ཏུ་ཞོག་ལ། ཁྱེད་ཅག་ལས་གང་ཞིག་སྣོད་གང་དགོས་པ་དེ་དེས་ལོངས་ལ། དེངས་ཤིག་ཅེས་སྨྲས་ནས། དེ་ནས་ཕ་མ་ལོང་བ་གཉིས་གསོ་ཞིང་དུས་སུ་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསོད་སྙོམས་འབུལ་ལོ། །བྲམ་ཟེའི་ཁྱེའུ་བླ་མའི་གྲོགས་པོ་དང ། སྙིང་དུ་སྡུག་པ་དང ། ནེའུ་ཟླ་ཡང་ཡིན་ནོ། །དགེ་སློང་དག་།ལྗོངས་ཀྱི་གྲོང་རྡལ་བེའི་བྷི་ཌིངྒ་ན་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཞེས་བྱ་བ། ཕྱུག་ཅིང་ནོར་མང་ལ་ལོངས་སྤྱོད་ཆེ་བ་ཞིག་བྱུང་སྟེ། བེའི་བྷི་ཌིངྒས་རྒྱས་པ། འདུ་ཐང་དང་བཅས། རྩཝ་ཤིང་དང ། འབབ་ཆུར་བཅས་པ། རྒྱལ་པོ་ཀྲི་ཀྲིས་བྲམ་ཟེའི་སྦྱིན་པར་བྱིན་པ་ལ་ཡོངས་སུ་སྤྱོད་དོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷའི་སློབ་མ་བྲམ་ཟེའི་ཁྱེའུ་བླ་མ་ཞེས་བྱ་བ། ཕ་དང་མའི་རིགས་དང་ལྡན་པ། མོ་ཕྱོགས་ནས་དག་པ། མེས་པོའི་ཕྱོགས་དང ། ཕྱི་མོའི་ཕྱོགས་ཟུང་བདུན་བརྒྱུད་ཀྱི་བར་བཟུང་སྟེ། རིགས་ལ་གཏམ་གྱིས་མ་ཕོག་པ།
Ga6a
༄#། །ཀློག་ཏུ་འཇུག་པ། གསང་ཚིག་འཛིན་པ་རིག་བྱེད་གསུམ་པོ་སྒྲ་ངེས་པར་སྦྱོར་བ་དང ། ཤེས་གསལ་དང་བཅས་པའི་ཡི་གེ་རབ་ཏུ་འབྱེད་པ་དང་བཅས་པ་དང ། ལྔ་པ་དེ་ལྟ་བུ་བྱུང་བ་ཅན་རྣམས་ཀྱི་ཕ་རོལ་ཏུ་ཕྱིན་ཅིང་ལུང་སྟོན་པར་བྱེད་པ། གཟུགས་བཟང་བ། ལྟ་ན་སྡུག་པ། མཛེས་པ་ཞིག་ཡོད་དེ། བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷའི་བྲམ་ཟེའི་ཁྱེའུ་ལྔ་བརྒྱ་ཙམ་ལ། བྲམ་ཟེ་རྣམས་ཀྱི་གསང་ཚིག་ཀློག་ཏུ་འཇུག་གོ། རྫ་མཁན་དགའ་སྐྱོང་གི་གྲོགས་པོ་དང ། སྙིང་དུ་སྡུག་པ་དང ། ནེའུ་ཟླ་ཡང་ཡིན་ནོ། །དེ་ནས་རྫ་མཁན་དགའ་སྐྱོང་ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་སོང་སྟེ་ཕྱིན་པ་དང ། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་ཕྱོགས་གཅིག་ཏུ་འདུག་པ་དང ། ཡང་དག་པར་རྫོགས་པའི་སངས་རྒྱས་འོད་སྲུང་གིས། རྫ་མཁན་དགའ་སྐྱོང་ལ། ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་འཇུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་རྫ་མཁན་དགའ་སྐྱོང ། ཡང་དག་པར་རྫོགས་པའི་
Ga6b
སངས་རྒྱས་འོད་སྲུང་གིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། སྟན་ལས་ལངས་ཏེ་སོང་ངོ ། །དེའི་ཚེ་བྲམ་ཟེའི་ཁྱེའུ་བླ་མ་རྟ་རྒོད་མ་དང་ལྡན་པའི་ཤིང་རྟ་ཐམས་ཅད་ནས་དཀར་བའི་ནང་དུ་ཞུགས་ཏེ། གསེར་གྱི་རིལ་བ་དང ། དབྱུག་པ་ཐོགས་ནས། བྲམ་ཟེའི་ཁྱེའུའི་ཚོགས་ཀྱིས་ཡོངས་སུ་བསྐོར་ཅིང ། བྲམ་ཟེའི་ཁྱེའུའི་ཚོགས་ཀྱིས་མདུན་དུ་བདར་ནས། བེའི་བྷི་ཌིངྒ་ཕྱི་རོལ་ཏུ་བྲམ་ཟེ་རྣམས་ཀློག་ཏུ་འཇུག་པར་འདོད་ནས། བེའི་བྷི་ཌིངྒ་གནས་ནས་བྱུང་བ་དང ། བྲམ་ཟེའི་ཁྱེའུ་བླ་མས། རྫ་མཁན་དགའ་སྐྱོང་ཐག་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་ད་གཟོད་ག་ལས་འོངས། དེས་པ་བླ་མ། ཁོ་བོ་ནི། འོ་ནི་ནས་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འགྲོའི། དེས་པ་བླ་མ་ཚུར་ཤོག་།བདག་ཅག་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང་ངོ ། །དེས་པ་དགའ་སྐྱོང ། ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་པ་ཐོངས་ཤིག་།དགེ་སྦྱོང་མགོ་རེག་དེ་ལ་བྱང་ཆུབ་ག་ལ་ཡོད། བྱང་ཆུབ་ནི། མཆོག་ཏུ་དཀའ་བ་ཡིན་ནོ། །དེས་པ་བླ་མ། དགེ་སྦྱོང་མགོ་རེག་དེ་ལ་བྱང་ཆུབ་ག་ལ་ཡོད། །བྱང་ཆུབ་ནི། མཆོག་ཏུ་དཀའ་བ་ཡིན་ནོ་ཞེས་དེ་སྐད་མ་སྨྲ་ཞིག། འོན་ཀྱང་བཅོམ་ལྡན་འདས་དེ་ཉིད་སངས་རྒྱས་ཡིན་ཏེ། འདིས་ཆོས་ཐམས་ཅད་སངས་རྒྱས་སོ། །དེས་པ་བླ་མ་ཚུར། བདག་ཅག་ཡང་
Ga7a
༄#། །དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང ། བྲམ་ཟེའི་ཁྱེའུ་བླ་མས་ལན་གཉིས་ལན་གསུམ་དུ་ཡང་རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཐོངས་ཤིག་།སངས་རྒྱས་འོད་སྲུང་ཞེས་བྱ་བ་ནས་བྱང་ཆུབ་མཆོག་ཏུ་དཀའོ་ཞེས་བྱ་བའི་བར་གོང་མ་བཞིན་དུའོ། །རྫ་མཁན་དགའ་སྐྱོང་གིས་ཀྱང་ལན་གཉིས་ལན་གསུམ་དུ་བྲམ་ཟེའི་ཁྱེའུ་བླ་མ་ལ་འདི་སྐད་ཅེས་སྨྲས་སོ། །དེས་པ་བླ་མ། ཁྱོད་དེ་སྐད་མ་སྨྲ་བར་ཞེས་བྱ་བ་ནས་བསྙེན་བཀུར་བྱེད་དུ་ཞེས་བྱ་བའི་བར་དུའོ། །དེ་ནས་རྫ་མཁན་དགའ་སྐྱོང་གིས་བྲམ་ཟེའི་ཁྱེའུ་བླ་མའི་ཤིང་རྟ་ལ་འཛེགས་ནས། བྲམ་ཟེའི་ཁྱེའུ་བླ་མའི་ཅོ་ཏོ་ནས་བཟུང་སྟེ་འདི་སྐད་ཅེས་སྨྲས་སོ། །དེས་པ་བླ་མ་ཚུར། ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང ། དེ་ནས་བྲམ་ཟེའི་ཁྱེའུ་བླ་མ་འདི་སྙམ་དུ་སེམས་ཏེ། ཨེ་མའོ། །སངས་རྒྱས་ནི། མཆོག་མ་ཡིན་པ་མ་ཡིན་ཞིང ། ཆོས་བསྟན་པ་ཡང་མཆོག་མ་ཡིན་པ་མ་ཡིན་པས། དེ་ལྟར་རྫ་མཁན་དགའ་སྐྱོང་ཡུན་རིང་པོ་ནས་གཏུམ་པོ་མ་ཡིན། གཟུ་ལུམས་ཅན་མ་ཡིན། བརླང་པོ་མ་ཡིན། བསྲི་བ་མེད་པ་མ་ཡིན་པ་དེས། བདག་གི་སྐྲ་རྣམས་ནས་བཟུང་བར་གྱུར་ཏོ། །སྙམ་དུ་རིག་ནས། རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང ། དེ་ཙམ་བྱ་བ་ལ་ཐུག་གམ། དེས་པ་བླ་མ། དེ་ཙམ་བྱ་བ་ལ་ཐུག་ཆེས་སོ། །དེས་པ་དགའ་སྐྱོང ། དེ་ལྟ་ན་ཐོངས་ཤིག་དང ། ཡང་
Ga7b
དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང་ངོ ། །དེ་ནས་རྫ་མཁན་དགའ་སྐྱོང་དང ། བྲམ་ཟེའི་ཁྱེའུ་བླ་མ་ཤིང་རྟ་གཅིག་གི་ནང་དུ་ཞུགས་ནས། ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་དོང་སྟེ། དེ་གཉིས་ཀྱིས་ཇི་ཙམ་བཞོན་པའི་སའི་བར་དུ་བཞོན་པས་སོང་ནས་བཞོན་པ་ལས་བབས་ཏེ། རྐང་པ་ཁོ་ནས་ཀུན་དགའ་ར་བའི་ནང་དུ་ཞུགས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་ཕྱིན་པ་དང ། དེ་ནས་རྫ་མཁན་དགའ་སྐྱོང་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། བྲམ་ཟེའི་ཁྱེའུ་བླ་མ་ནི། བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ། ཕྱོགས་གཅིག་ཏུ་འདུག་གོ། དེ་ནས་རྫ་མཁན་དགའ་སྐྱོང་གིས་ཐལ་མོ་སྦྱར་བ་བཏུད་དེ། ཡང་དག་པར་རྫོགས་པའི་སངས་རྒྱས་འོད་སྲུང་ལ་འདི་སྐད་ཅེས་གསོལ་ཏོ། །བཙུན་པ། བྲམ་ཟེའི་ཁྱེའུ་བླ་མ་འདི། སངས་རྒྱས་ལ་མངོན་པར་མ་དད་ཅིང ། ཆོས་དང་དགེ་འདུན་ལ་མངོན་པར་མ་དད་ལགས་ན། བཅོམ་ལྡན་འདས་ཀྱིས་ཇི་ལྟར་བྲམ་ཟེའི་ཁྱེའུ་བླ་མ་འདི་སངས་རྒྱས་ལ་མངོན་པར་དད་ཅིང ། ཆོས་དང་དགེ་འདུན་ལ་མངོན་པར་དད་པར་འགྱུར་བ་དེ་ལྟ་བུའི་ཆོས་ལེགས་པར་བཤད་དུ་གསོལ། དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་གིས། བྲམ་ཟེའི་ཁྱེའུ་བླ་མ་ལ་ཆོས་དང་ལྡན་པའི་
Ga8a
༄#། །གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་བྲམ་ཟེའི་ཁྱེའུ་བླ་མས། རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང ། ཁྱོད་ཆོས་འདུལ་བ་འདི་ལྟ་བུ་ཐོས་ནས། ཅིའི་ཕྱིར་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་མི་འབྱུང ། དེས་པ་བླ་མ། ཁོ་བོ་འདི་ལྟར་ཕ་མ་ལོང་བ་གཉིས་གསོ་བ་དང ། ཡང་དག་པར་རྫོགས་པའི་སངས་རྒྱས་འོད་སྲུང་ལ་དུས་དུས་སུ་བསོད་སྙོམས་འབུལ་བ་ཁྱོད་ཀྱིས་མི་ཤེས་སམ། དེས་པ་བླ་མ། ཁྱོད་རབ་ཏུ་ཕྱུང་ཞིག་།ཁོ་བོ་ནི། རེ་ཞིག་རབ་ཏུ་མི་འབྱུང་ངོ ། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་ལ། རྫ་མཁན་དགའ་སྐྱོང་གིས་འདི་སྐད་ཅེས་གསོལ་ཏོ། །བཙུན་པ། བྲམ་ཟེའི་ཁྱེའུ་བླ་མ་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། བཅོམ་ལྡན་འདས་ཀྱིས་ཐུགས་བརྩེ་བས་ཉེ་བར་བཟུང་སྟེ་རབ་ཏུ་འབྱུང་བ་དང ། བསྙེན་པར་རྫོགས་པར་མཛད་དུ་གསོལ། བྲམ་ཟེའི་ཁྱེའུ་བླ་མས་ལེགས་པར་གསུངས་པའི་ཆོས་
Ga8b
འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་གྱུར་ཏོ། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་རབ་ཏུ་ཕྱུང་ཞིང ། བསྙེན་པར་རྫོགས་པར་མཛད་ནས། བེའི་བྷི་ཌིངྒར་ཇི་ཙམ་བཞེད་ཀྱི་བར་དུ་བཞུགས་ནས། ཝཱ་ར་ཎཱ་སི་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང ། ཝཱ་ར་ནཱ་སེར་བྱོན་ཏོ། །རྒྱལ་པོ་ཀྲི་ཀྲིས་ཡང་དག་པར་རྫོགས་པའི་སངས་རྒྱས་འོད་སྲུང་ཡུལ་ཀ་ཤི་ཀ་ནས་ལྗོང་རྒྱུ་ཞིང་གཤེགས་པ་དང ། ཝཱ་ར་ཎཱ་སིར་གཤེགས་ཏེ། ཝཱ་ར་ཎཱ་སིའི་དྲང་སྲོང་སྨྲ་བ་རི་དྭགས་ཀྱི་ནགས་ན་བཞུགས་སོ། ། ཞེས་ཐོས་སོ། །ཐོས་ནས་ཀྱང་ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་སོང་སྟེ་ཕྱིན་ནས། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། ཡང་དག་པར་རྫོགས་པའི་སངས་རྒྱས་འོད་སྲུང་གིས། རྒྱལ་པོ་ཀྲི་ཀྲི་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ་རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་རྒྱལ་པོ་ཀྲི་ཀྲི་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་
Ga9a
༄#། །ལ་བཙུགས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། ཡང་དག་པར་རྫོགས་པའི་སངས་རྒྱས་འོད་སྲུང་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་སང་བདག་གིས་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། ཡང་དག་པར་རྫོགས་པའི་སངས་རྒྱས་འོད་སྲུང་གིས་རྒྱལ་པོ་ཀྲི་ཀྲི་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོ་ཀྲི་ཀྲིས་ཡང་དག་པར་རྫོགས་པའི་སངས་རྒྱས་འོད་སྲུང་ཅང་མི་གསུང་བས་གནང་བར་རིག་ནས། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ་སྟན་ལས་ལངས་ཏེ་སོང་ངོ ། །དེ་ནས་རྒྱལ་པོ་ཀྲི་ཀྲིས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང ། བཅའ་བ་རྣམས་སྟ་གོན་བྱས་ནས། ནང་པར་སྔ་བར་ལངས་ཏེ་གདན་བཤམས། ནོར་བུའི་ཆུ་སྣོད་བཞག་ནས། ཡང་དག་པར་རྫོགས་པའི་སངས་རྒྱས་འོད་སྲུང་ལ་དུས་ཚོད་གསོལ་པ། བཙུན་པ། གདུགས་ཚོད་བཤམས་ལགས་ཤིང་མཆིས་ན། བཅོམ་ལྡན་འདས། ང་དེའི་དུས་ལ་བབ་པར་དགོངས་སུ་གསོལ། དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང ། སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང ། ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་དུ་བདར་ཏེ། རྒྱལ་པོ་ཀྲི་ཀྲིའི་བཀད་ས་གང་ན་བ་དེར་
Ga9b
གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ཀྲི་ཀྲིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་ཟིན་པར་རིག་ནས། གཙང་ཞིང་བསོད་པའི་བཟའ་བ་དང ། བཅའ་བ་རྣམས་ཀྱིས་རང་གི་ལག་ནས་སྟོབ་ཅིང་ཚིམ་པར་བྱེད་དེ། གཙང་ཞིང་བསོད་པའི་བཟའ་བ་དང ། བཅའ་བ་རྣམས་ཀྱིས་རང་གི་ལག་ནས་བསྟབས་ཤིང་ཚིམ་པར་བྱས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་གསོལ་བ་བཏབ་པ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་གིས་དགུང་ཟླ་གསུམ་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་དབུལ་ཞིང་བདག་གིས་བཅོམ་ལྡན་འདས་ཀྱི་སླད་དུ་གཙུག་ལག་ཁང་ལྔ་བརྒྱ་ཙམ་བརྩིག་ཅིང ། ཁྲི་དང ། ཁྲིའུ་དང ། སྟན་ནང་ཚངས་ཅན་དང ། སྔས་ནང་ཚངས་ཅན་དང ། གོར་བུ་ལྔ་བརྒྱ་ཙམ་དབུལ་ཞིང ། འབྲས་སྦུབས་སུ་སྨིན་པ་དེ་ལྟ་བུ་འདིས་བཅོམ་ལྡན་འདས་དགེ་སློང་གི་དགེ་འདུན་ལ་བསྙེན་བཀུར་བགྱིད་ལགས་ན། གནང་བར་མཛད་དུ་གསོལ། རྒྱལ་པོ་ཆེན་པོ། ཇི་ཙམ་སེམས་མངོན་པར་དད་པར་བྱས་པ་དེ་ཙམ་གྱིས་བྱས་ཟིན་གྱི། ཆོག་གོ་།ལན་གཉིས་གསུམ་དུ་ཡང ། ཡང་དག་
Ga10a
༄#། །པར་རྫོགས་པའི་སངས་རྒྱས་འོད་སྲུང་ལ་རྒྱལ་པོ་ཀྲི་ཀྲིས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་ཞེས་བྱ་བ་ནས་བདག་ལ་གནང་བར་མཛད་དུ་གསོལ་ཞེས་བྱ་བའི་བར་གོང་མ་བཞིན་དུའོ། །ལན་གཉིས་ལན་གསུམ་དུ་ཡང ། ཡང་དག་པར་རྫོགས་པའི་སངས་རྒྱས་འོད་སྲུང་གིས་རྒྱལ་པོ་ཀྲི་ཀྲི་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ། ཇི་ཙམ་སེམས་མངོན་པར་དད་པར་བྱས་པ་དེ་ཙམ་གྱིས་བྱས་ཟིན་གྱི། ཆོག་གོ། དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་ལ་རྒྱལ་པོ་ཀྲི་ཀྲིས་འདི་སྐད་ཅེས་གསོལ་ཏོ། །བཙུན་པ། བཅོམ་ལྡན་འདས་ལ་བསྙེན་བཀུར་བགྱིད་པ། དཔེར་ན། ད་ལྟར་གྱི་བདག་འདྲ་བ་གཞན་འགའ་ལྟ་མཆིས་ལགས་སམ། རྒྱལ་པོ་ཆེན་པོ། ཁྱོད་ཉིད་ཀྱི་ཡུལ་ན། པའི་བྷི་ཌིངྒ་ཞེས་བྱ་བའི་གྲོང་ཡོད་དེ། དེ་ན་རྫ་མཁན་དགའ་སྐྱོང་ཞེས་བྱ་བ། སངས་རྒྱས་ལ་མངོན་པར་དད་པ་ཞེས་བྱ་བ་ནས་གནས་སོ་ཞེས་བྱ་བའི་བར་གོང་མ་བཞིན་དུའོ། །དེས་ཕ་མ་ལོང་བ་གཉིས་གསོ་ཞིང ། དུས་དུས་སུ་ང་ལ་ཡང་བསོད་སྙོམས་ཀྱིས་སྟོབ་པར་བྱེད་དོ། །རྒྱལ་པོ་ཆེན་པོ། དུས་གཅིག་ཅིག་ན། ང་བེའི་བྷི་ཌིངྒའི་ལྗོངས་ཀྱི་གྲོང་རྡལ་ན་ཉེ་བར་བརྟེན་ཅིང་བཞུགས་ནས། སྔ་དྲོ་ཤམ་ཐབས་མནབས་ཏེ། ལྷུང་བཟེད་དང་ཆོས་
Ga10b
གོས་བསྣམས་ནས། བེའི་བྷི་ཌིངྒ་ལྗོངས་ཀྱི་གྲོང་རྡལ་དུ་བསོད་སྙོམས་ལ་ཞུགས་ཏེ། ངས་བེའི་བྷི་ཌིངྒར་བསོད་སྙོམས་སྤྱོད་ཅིང ། རྫ་མཁན་དགའ་སྐྱོང་གི་ཁྱིམ་གང་ན་བ་དེར་གཤེགས་པ་དང ། དེའི་ཚེ་རྫ་མཁན་དགའ་སྐྱོང་དགོས་པ་ཞིག་ལ་ཕྱི་ལོགས་སུ་སོང་ནས་ངས་རྫ་མཁན་དགའ་སྐྱོང་གི་སྒོ་འཕར་ལ་རིམ་གྱིས་དལ་བུ་དལ་བུས་བརྡུངས་པ་ལས། རྫ་མཁན་དགའ་སྐྱོང་གི་ཕ་དང་མས་སྒོ་འཕར་ལ་བརྡུངས་པའི་སྒྲ་ཐོས་སོ། །ཐོས་ནས་ཀྱང་འདི་སྐད་ཅེས་སྨྲས་སོ། །འཕགས་པ་འདི་སུ་ཞིག། བཞིན་བཟང་འདི་སུ་ཞིག་།རྫ་མཁན་དགའ་སྐྱོང་གི་སྒོ་འཕར་ལ་རྡུང ། དེ་གཉིས་ལ་ངས་འདི་སྐད་ཅེས་སྨྲས་ཏེ། ང་ནི། ཡང་དག་པར་རྫོགས་པའི་སངས་རྒྱས་འོད་སྲུང་ཡིན་ཏེ། བསོད་སྙོམས་བཞེད་དོ། །དེ་གཉིས་འདི་སྐད་ཅེས་སྨྲས་སོ། །འཕགས་པ་ནང་དུ་སྤྱོན་ཅིག་བཞིན་བཟང་ནང་དུ་སྤྱོན་ཅིག་།ཁྱོད་ལ་རིམ་གྲོ་བགྱིད་པ་ནི། སླད་རོལ་དུ་མཆིས་ཀྱི། ཕྲུ་བ་ན་ཟན་དྲོན་དང ། རྫེའུ་ན་སྲན་ཚོད་མཆིས་ཀྱི། ཉིད་ཀྱིས་བཞེས་ཏེ་ལོངས་སྤྱད་དུ་གསོལ། རྒྱལ་པོ་ཆེན་པོ། ངས་བྱང་གི་སྒྲ་མི་སྙན་གྱི་དུས་བྱིན་གྱིས་བརླབས་ནས། ཕྲུ་བ་ན་ཟན་དྲོན་དང ། རྫེའུ་ན་སྲན་ཚོད་ཡོད་པ། ང་ཉིད་ཀྱིས་བླངས་ནས་ལོངས་སྤྱད་དོ། །དེ་ནས་ཕྱི་ཞིག་ན་རྫ་མཁན་དགའ་སྐྱོང་འོངས་ནས། ཕྲུ་བ་ན་ཟན་དྲོན་དང ། རྫེའུ་ན་སྲན་ཚོད་ཡོད་པ་ཟོས་པར་མཐོང་ནས། ཕ་དང་མ་ལ་འདི་སྐད་ཅེས་སྨྲས་སོ། །ཡབ་ཡུམ། ཕྲུ་བའི་ཟན་དྲོན་དང ། རྫེའུའི་སྲན་ཚོད་
Ga11a
༄#། །སུ་ཞིག་གིས་འཚལ་ལགས། དེ་གཉིས་ཀྱིས་འདི་སྐད་ཅེས་སྨྲས་སོ། །དགའ་སྐྱོང་ཁྱོད་འདི་ནས་ཕྱིར་བྱུང་བ་ན། བདག་ཅག་གིས་སྒོ་འཕར་ལ་བརྡུངས་པའི་སྒྲ་ཞིག་ཐོས་སོ། །ཐོས་ནས་ཀྱང་འདི་སྐད་ཅེས་སྨྲས་སོ། །འཕགས་པ་འདི་སུ་ཞིག། བཞིན་བཟང་འདི་སུ་ཞིག། སྒོ་འཕར་ལ་རྡུང ། དེས་འདི་སྐད་ཅེས་གསུངས་སོ། །ང་ནི། ཡང་དག་པར་རྫོགས་པའི་སངས་རྒྱས་འོད་སྲུང་ཡིན་ཏེ། བསོད་སྙོམས་བཞེད་དོ། །དེ་ལ་བདག་གིས་འདི་སྐད་ཅེས་གསོལ་ཏོ། །འཕགས་པ་ནང་དུ་སྤྱོན་ཅིག། བཞིན་བཟང་ནང་དུ་སྤྱོན་ཅིག། ཁྱོད་ལ་རིམ་གྲོ་བགྱིད་པ་ནི། སླད་རོལ་དུ་མཆིས་ཀྱི། ཕྲུ་བ་ན་ཟན་དྲོན་དང ། རྫེའུ་ན་སྲན་ཚོད་མཆིས་ཀྱི། ཉིད་ཀྱིས་བཞེས་ལ་ལོངས་སྤྱད་དུ་གསོལ། དེས་དེ་དག་ལོངས་སྤྱད་པར་གྱུར་ཏོ། །དེ་ནས་རྫ་མཁན་དགའ་སྐྱོང་འདི་སྙམ་དུ་སེམས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གིས་བདག་གི་ཁྱིམ་དུ་ཤིན་ཏུ་བག་ཕབ་ཅིང་འདྲིས་པར་གྱུར་པ་ནི། བདག་གིས་རྙེད་པ་ལེགས་པར་རྙེད་དོ། །སྙམ་ནས། དགའ་བ་དང ། རབ་ཏུ་དགའ་བས་སྐྱིལ་མོ་ཀྲུང་བཅས་ཏེ་ཞག་བདུན་འདས་པར་བྱས་སོ། །ཟླ་བ་ཕྱེད་ཀྱི་བར་དུ་ཡང་དེའི་ལྷན་ཅིག་ལྡན་པའི་དགའ་བ་ལས་ཀྱིས་མི་འདོར་ཞིང ། དེ་རྟག་ཏུ་ལུས་ལ་བར་ཆད་མེད་པར་འདུག་གོ། འདི་ལྟར། སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་
Ga11b
མཐུས་ཞག་བདུན་གྱི་བར་དུ་ཕ་དང་མ་གཉིས་ཀྱི་ཕྲུ་བའི་ཟན་དྲོན་དང ། རྫེའུའི་སྲན་ཚོད་ཀྱང་དེ་བཞིན་དུ་འདུག་གོ། རྒྱལ་པོ་ཆེན་པོ། དུས་གཅིག་ན། ང་བེའུ་བྷི་ཌིངྒ་ལྗོངས་ཀྱི་གྲོང་རྡལ་དུ་ཉེ་བར་བརྟེན་ཏེ། དབྱར་གནས་པར་དམ་བཞེས་པ་དང ། ངའི་གཙུག་ལག་ཁང་དུ་ཆར་འབེབས་པའི་ལྷས་ཐོག་མར་ཆར་ཕབ་པར་གྱུར་ཏོ། །དེའི་ཚེ་རྫ་མཁན་དགའ་སྐྱོང་གི་ལས་བྱེད་པའི་ཁང་པ་རྩཝ་གསར་པས་གཡོགས་སོ། །ངས་ཞམ་འབྲིང་བྱེད་པ་དགེ་སློང་རྣམས་ལ་བཀའ་སྩལ་པ། དགེ་སློང་དག། ཁྱེད་ཅག་དེངས་ལ། རྫ་མཁན་དགའ་སྐྱོང་གི་ལས་བྱེད་པའི་ཁང་པའི་གཡོགས་མས། ངའི་གཙུག་ལག་ཁང་གཡོགས་ཤིག། བཙུན་པ། བཀའ་བཞིན་འཚལ་ཞེས་དགེ་སློང་དེ་རྣམས་ཀྱིས་ང་ལས་ཉན་ནས། རྫ་མཁན་དགའ་སྐྱོང་གི་ལས་བྱེད་པའི་ཁང་པའི་གཡོགས་མ་འཆུ་བར་བྱེད་པ་ན། དེའི་ཚེ་རྫ་མཁན་དགའ་སྐྱོང་དགོས་པ་འགའ་ཞིག་ལ་ཕྱི་རོལ་དུ་སོང་ངོ ། །རྫ་མཁན་དགའ་སྐྱོང་གི་ཕ་དང་མ་གཉིས་ཀྱིས། ལས་བྱེད་པའི་ཁང་པའི་གཡོགས་མ་འཆུ་བའི་སྒྲ་ཐོས་སོ། ། ཐོས་ནས་ཀྱང་འདི་སྐད་ཅེས་སྨྲས་སོ། །འཕགས་པ་འདི་སུ་ཞིག། བཞིན་བཟང་འདི་སུ་ཞིག། ལས་བྱེད་པའི་ཁང་པའི་གཡོགས་མ་འཆུ། དེ་རྣམས་ཀྱིས་འདི་སྐད་ཅེས་སྨྲས་སོ། །ཁོ་བོ་ཅག་ནི། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞམ་འབྲིང་བའི་དགེ་སློང་དག་ཡིན་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་དུ་ཆར་འབེབས་
Ga12a
༄#། །པའི་ལྷས་ཐོག་མར་ཆར་ཕབ་པས་ཁོ་བོ་ཅག་གིས་འདི་བཤུས་ཏེ་དེ་གཡོགས་སོ། །དེ་གཉིས་ཀྱིས་འདི་སྐད་ཅེས་སྨྲས་སོ། །ཁྱེད་ལ་རིམ་གྲོ་བགྱིད་པ་ནི། སླད་རོལ་དུ་མཆིས་ཀྱི། འཕགས་པ་དག་སྣོམས་ཤིག། བཞིན་བཟང་དག་སྣོམས་ཤིག། དེ་ནས་དགེ་སློང་དེ་རྣམས་ཀྱིས་ལས་བྱེད་པའི་ཁང་པ་བཤུས་ནས་ངའི་གཙུག་ལག་ཁང་གཡོགས་སོ། །དེ་ནས་ཕྱི་ཞིག་ནི་རྫ་མཁན་དགའ་སྐྱོང་འོངས་ནས། རྫ་མཁན་དགའ་སྐྱོང་གིས། ལས་བྱེད་པའི་ཁང་པའི་གཡོགས་མ་བཤུས་པ་མཐོང་ངོ ། །མཐོང་ནས་ཀྱང་ཕ་དང་མ་ལ་འདི་སྐད་ཅེས་སྨྲས་སོ། །ཡབ་ཡུམ། ལས་བྱེད་པའི་ཁང་པ་འདི། སུ་ཞིག་གིས་བཤུས། དེ་གཉིས་ཀྱིས་འདི་སྐད་ཅེས་སྨྲས་སོ། །འདི་ནས་ཁྱོད་ཕྱི་ལོགས་སུ་སོང་བ་ན། བདག་ཅག་གིས་ལས་བྱེད་པའི་གཡོགས་མ་འཆུ་བའི་སྒྲ་ཐོས་སོ། །ཐོས་ནས་ཀྱང་འདི་སྐད་ཅེས་སྨྲས་སོ། །འཕགས་པ་འདི་སུ་ཞིག། བཞིན་བཟང་འདི་སུ་ཞིག། ལས་བྱེད་པའི་ཁང་པ་འཆུ། དེ་རྣམས་ཀྱིས་འདི་སྐད་ཅེས་སྨྲས་སོ། ། ཁོ་བོ་ཅག་ནི། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞམ་འབྲིང་བ་དགེ་སློང་དག་ཡིན་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་དུ་ཆར་འབེབས་པའི་ལྷས་ཐོག་མར་ཆར་ཕབ་པས། ཁོ་བོ་ཅག་གིས་འདི་བཤུས་ལ་དེ་གཡོག་གོ། དེ་རྣམས་ལ་བདག་ཅག་གིས་འདི་སྐད་ཅེས་སྨྲས་སོ། །ཁྱེད་ཅག་ལ་རིམ་གྲོ་བགྱིད་པ་ནི། སླད་རོལ་དུ་མཆིས་
Ga12b
ཀྱི། འཕགས་པ་དག་སྣོམས་ཤིག། བཞིན་བཟང་དག་སྣོམས་ཤིག། དེ་རྣམས་ཀྱིས་ལས་བྱེད་པའི་ཁང་པ་དེ་བཤུས་སོ། །དེ་ནས་རྫ་མཁན་དགའ་སྐྱོང་འདི་སྙམ་དུ་སེམས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གིས་བདག་གི་ཁྱིམ་དུ་ཤིན་ཏུ་བག་ཕབ་ཅིང་འདྲིས་པར་གྱུར་པ་ནི། བདག་གི་རྙེད་པ་ལེགས་པར་རྙེད་དོ་ཞེས་བྱ་བ་ནས་ཞག་བདུན་དུ་ཞེས་བྱ་བའི་བར་གོང་མ་བཞིན་དུའོ།། འདི་ལྟར། སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་ལྷ་རྣམས་ཀྱི་ལྷའི་མཐུས། རྫ་མཁན་དགའ་སྐྱོང་གི་ཕ་མའི་དབྱར་གྱི་གནས་དེར། ལས་བྱེད་པའི་ཁང་པར་ཆར་པ་ཐིགས་པ་གཅིག་ཀྱང་མ་བབ་བོ། །རྒྱལ་པོ་ཆེན་པོ་ཁྱོད་ནི། ཡང་དག་པར་རྫོགས་པའི་སངས་རྒྱས་འོད་སྲུང་ཟླ་བ་གསུམ་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་འབུལ་ན། མ་གནང་ངོ ། །ཞེས་ཁྱོད་ཀྱི་སེམས་གཞན་དུ་འགྱུར་གྱི། དགའ་སྐྱོང་ནི། ལས་བྱེད་པའི་ཁང་པའི་གཡོགས་མ་བཤུས་ཀྱང་སེམས་གཞན་དུ་མ་གྱུར་ཏོ། །བཙུན་པ། རྫ་མཁན་དགའ་སྐྱོང་གིས་ནི། ཐོབ་པ་ལེགས་པར་ཐོབ་པ་ལགས་ཏེ། བཅོམ་ལྡན་འདས་ཀྱིས་དེའི་སྡུམ་པར་ཤིན་ཏུ་བག་ཕབ་ཅིང་འདྲིས་པར་གྱུར་ལགས་སོ། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་གིས་རྒྱལ་པོ་ཀྲི་ཀྲིའི་སྦྱིན་པ་དེ་ལ་རྗེས་སུ་ཡི་རང་བ་འདིས་རྗེས་སུ་ཡི་རང་བར་མཛད་དེ། སྦྱིན་སྲེག་མཆོད་སྦྱིན་རྣམས་ཀྱི་
Ga13a
༄#། །མཆོག་།སྡེབ་སྦྱོར་མཆོག་ནི་ཉི་མའི་ལྷ། །མི་ཡི་མཆོག་ནི་རྒྱལ་པོ་སྟེ། །རྒྱ་མཚོ་ཆུ་བོ་རྣམས་ཀྱི་མཆོག། ཟླ་བ་རྒྱུ་སྐར་རྣམས་ཀྱི་གཙོ། །ཉི་མ་སྣང་བྱེད་རྣམས་ཀྱི་གཙོ། །སྟེང་དང་འོག་དང་ཐད་ཀར་ཡང ། །འགྲོ་བའི་འགྲོ་བ་ཇི་སྙེད་པ། །ལྷ་དང་བཅས་པའི་འཇིག་རྟེན་ན། །སྨྲ་བའི་མཆོག་ནི་རྫོགས་སངས་རྒྱས། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་གིས། རྒྱལ་པོ་ཀྲི་ཀྲི་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་བཅོམ་ལྡན་འདས་གཤེགས་ནས་རིང་པོ་མ་ལོན་པར་རྒྱལ་པོ་ཀྲི་ཀྲིས་མི་ཞིག་ལ་སྨྲས་པ། ཀཝའི་ནང་རྗེ། ཁྱོད་སོང་ལ་སྦུབས་སུ་སྨིན་པའི་འབྲས་ཀྱིས་ཤིང་རྟ་ལྔ་བརྒྱ་ཙམ་ཁོངས་ལ། རྫ་མཁན་དགའ་སྐྱོང་གང་ན་བ་དེར་སོང་སྟེ་ཕྱིན་པ་དང ། འདི་སྐད་ཅེས། དེས་པ་དགའ་སྐྱོང ། རྒྱལ་པོ་ཀྲི་ཀྲིས་ཁྱོད་ལ་སྦུབས་སུ་སྨིན་པའི་འབྲས་ཀྱིས་བཀང་བའི་ཤིང་རྟ་ལྔ་བརྒྱ་ཙམ་པོ་འདི་དག་བསྐུར་གྱི། འདིས་ཁྱོད་ཀྱི་ཕ་མ་ལོང་བ་གཉིས་གསོ་བ་དང ། ཡང་དག་པར་རྫོགས་པའི་སངས་རྒྱས་འོད་སྲུང་ལ་དུས་དུས་སུ་བསོད་སྙོམས་འབུལ་བ་དང ། བདག་ཉིད་ཀྱང་ལེགས་པར་བདེ་བས་ཚིམ་པར་བྱོས་ཤིག། ལྷ། བཀའ་བཞིན་འཚལ་ཞེས་མི་དེས་རྒྱལ་པོ་ཀྲི་ཀྲི་ལས་ཉན་ནས། སྦུབས་སུ་སྨིན་པའི་
Ga13b
འབྲས་ཀྱིས་ཤིང་རྟ་ལྔ་བརྒྱ་ཙམ་བཀང་སྟེ། རྫ་མཁན་དགའ་སྐྱོང་གང་ན་བ་དེར་སོང་ནས་ཕྱིན་པ་དང ། རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང ། རྒྱལ་པོ་ཀྲི་ཀྲིས་ཁྱོད་ལ་སྦུབས་སུ་སྨིན་པའི་འབྲས་ཀྱིས་བཀང་བའི་ཤིང་རྟ་ལྔ་བརྒྱ་ཙམ་པོ་འདི་དག་བསྐུར་གྱི། འདིས་ཁྱོད་ཀྱི་ཕ་མ་ལོང་བ་གཉིས་གསོ་བ་དང ། ཡང་དག་པར་རྫོགས་པའི་སངས་རྒྱས་འོད་སྲུང་ལ་བསོད་སྙོམས་དབུལ་བ་དང ། བདག་ཉིད་ཀྱང་ལེགས་པར་བདེ་བས་ཚིམ་པར་བྱོས་ཤིག་ཅེས་གསུང་ངོ ། །ཀྱེ་ནང་རྗེ། རྒྱལ་པོ་ཀྲི་ཀྲི་ནི། དགོས་པ་མང་ཞིང་བྱ་བ་མང་བ་ཡིན་ལ། བདག་ནི། དགོས་པ་ཉུང་ཞིང་བྱ་བ་ཉུང་བ་ཡིན་ནོ། །ཞེས་སྨྲས་ནས་མ་བླངས་སོ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་བླ་མ་གང་ཡིན་པ་དེ་ནི། ང་ཉིད་ཡིན་ཏེ། ངས་གང་ཟག་ལ་སྐུར་གྱི། བྱང་ཆུབ་ལ་མ་ཡིན་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་བྱང་ཆུབ་ཀྱི་སྙིང་པོར་དཀའ་བ་ལོ་དྲུག་སྤྱད་དོ། །གལ་ཏེ་ངས་བྱང་ཆུབ་ལ་སྐུར་པར་གྱུར་ན། ངས་སླར་ཡང་བསྐལ་པ་གྲངས་མེད་པ་གསུམ་དུ་བྱང་ཆུབ་ཀྱི་ཆེད་དུ་བདག་ཉིད་ཤིན་ཏུ་དུབ་པར་འགྱུར་རོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས་མངོན་པར་རྫོགས་པར་བྱང་ཆུབ་ན་ཡང ། བཅོམ་ལྡན་འདས་ལ་འཁྲུ་བའི་སྙུན་གྱིས་ཐེབས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་རྣམས་
Ga14a
༄#། །བྱས་ཤིང་བསགས་པ་ཞེས་བྱ་བ་ནས་འབྲས་བུ་དག་ཏུ་འགྱུར་བ་ཉིད་ཅེས་བྱ་བའི་བར་གོང་མ་བཞིན་ནོ། །དགེ་སློང་དག། སྔོན་བྱུང་བ། རི་བོར་ཞིག་ན་སྨན་བ་ཞིག་ཡོད་པ་ལས། དེ་ན་ཁྱིམ་བདག་ཅིག་གི་བུ་ནད་ཀྱིས་ཐེབས་ནས་དེས་སྨན་པ་དེ་བཀུག་སྟེ་དྲིས་ནས། དེས་དེ་ལ་སྨན་བྱིན་པས་སོས་པར་གྱུར་ན། ཁྱིམ་བདག་དེས་དེ་ལ་རྔན་པ་མ་བྱིན་ནོ། །ཁྱིམ་བདག་གི་བུ་དེ་ལན་གསུམ་གྱི་བར་དུ་ནད་ཀྱིས་ཐེབས་ཏེ། སྨན་པ་དེས་ལན་གསུམ་གྱི་བར་དུ་སོས་པར་བྱས་ཀྱང ། དེས་དེ་ལ་རྔན་པ་མ་བྱིན་ནས། དེ་ནས་སྨན་པ་དེ་ཀུན་ནས་དཀྲིས་པ་དྲག་པོས་མ་བཟོད་པར་གྱུར་ནས་བསམ་པ། ཁྱིམ་བདག་གི་བུ་འདི་བདག་གིས་ལན་གསུམ་གྱི་བར་དུ་དཔྱད་བྱས་ཀྱང ། འདིས་ཅུང་ཟད་ཀྱང་ལན་དུ་ཕན་མ་བཏགས་ཀྱི། ད་ནི། བརྒྱ་ལ་ནད་ཀྱིས་ཐེབས་པར་གྱུར་པ་དང ། དེ་ལ་སྨན་མ་ཡིན་པ་གང་ཞིག་གིས། དེའི་ནང་གྲོལ་རྣམས་དུམ་བུ་དུམ་བུར་འཛག་པར་འགྱུར་བ་དེ་ལྟ་བུ་སྦྱིན་ནོ། །སྙམ་པ་ལས། ཇི་ཙམ་ན། ཁྱིམ་བདག་དེའི་བུ་མ་སྟེས་ཏེ་སླར་ན་བར་གྱུར་པ་ལས། སྨན་པ་དེས་མི་བཟོད་པ་སྐྱེས་པས། དེ་ལ་སྨན་མ་ཡིན་པ་བྱིན་ནས། དེས་ནང་གྲོལ་རྣམས་དུམ་བུ་དུམ་བུར་ཟག་སོ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་སྨན་པ་གང་ཡིན་པ་དེ་ནི། ང་ཉིད་ཡིན་ཏེ། ངས་ངན་སེམས་ཀྱིས་ཁྱིམ་བདག་གི་བུ་ལ་སྨན་མ་ཡིན་པ་བྱིན་པས། དེས་ནང་གྲོལ་རྣམས་དུམ་བུ་དུམ་བུར་ཟགས་པ་གང་ཡིན་པ་དེའི་ལས་ཀྱི་རྣམ་པར་
Ga14b
སྨིན་པས་ལོ་མང་པོ་ཞེས་བྱ་བ་ནས་སེམས་ཅན་དམྱལ་བ་རྣམས་སུ་བཙོས་སོ། །ཞེས་བྱ་བའི་བར་གོང་མ་བཞིན་དུའོ། །ལས་དེའི་ལྷག་མ་དེ་ཁོ་ནས་ད་ལྟར་མངོན་པར་རྫོགས་པར་བྱང་ཆུབ་ན་ཡང་འཁྲུ་བའི་སྙུན་གྱིས་ཐེབས་སོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས། ཤཱཀྱ་རྣམས་བཀུམ་པ་ན། བཅོམ་ལྡན་འདས་ཀྱི་དབུ་སྙུན་རབ་ཏུ་དྲག་པོས་ཐེབས་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་བཞིན་གཤེགས་པ་ཉིད་ཀྱིས་སྔོན་ཚེ་རབས་གཞན་རྣམས་སུ་འདི་དག་བྱས་ཤིང་བསགས་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་དུའོ། །དགེ་སློང་དག། སྔོན་བྱུང་བ་ཆུ་བོ་གཉེན་ལྡན་གྱི་འགྲམ་ན་ཉ་པ་ལྔ་བརྒྱ་བརྟེན་ཅིང་གནས་ཏེ། དེ་རྣམས་ཀྱིས་ཉ་ཤིན་ཏུ་ཆེ་བ་གཉིས་ཤིག་ཇི་ལྟར་གཉེན་ལྡན་གྱི་ནང་དུ་ཞུགས་ཏེ་ཉལ་བ་ཟིན་པ་དང ། དེ་དག། འདི་སྙམ་དུ་སེམས་ཏེ། གལ་ཏེ་འདི་གཉིས་བསད་ན། ཤ་ལོམ་པར་མི་འགྱུར་ཞིང་རུལ་བར་འགྱུར་རོ། །སྙམ་ནས་དེ་རྣམས་ཀྱིས་དེ་གཉིས་ཕུར་པ་ལ་བཏགས་ནས་བཞག་གོ། གང་གི་ཚེ་ལན་འགའ་ཞིག་གི་ཉོ་བ་འོངས་པ་དེའི་ཚེ་བཅད་ཅིང་བཅད་ཅིང་སྦྱིན་པར་བྱེད་དོ། །དེ་གཉིས་ཀྱི་ལུས་ལ་གཅོད་པ་ན། སྡུག་བསྔལ་གྱི་ཚོར་བས་ཉེན་པས་རང་གི་རིས་མཐུན་པའི་སྐད་འབྱིན་པས་འབོ་སྒྲ་འདོན་པར་བྱེད་དོ། །དེ་ན་ཉ་པའི་ཁྱེའུ་གཅིག་ཅིག་དེ་གཉིས་ཀྱི་ཤ་གཅོད་པ་ན། ཡང་དང་ཡང་དུ་འབོ་སྒྲ་འདོན་པ་ལ་
Ga15a
༄#། །དགའ་བར་གྱུར་ཏོ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་ཉ་བའི་ཁྱེའུ་གང་ཡིན་པ་དེ་ནི། ང་ཡིན་ཏེ། ངས་ཉ་གསོད་པར་བྱད་པ་ལ་དགའ་བ་སྐྱེད་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ང་ལོ་མང་པོ་ཞེས་བྱ་བ་ནས་ཀླད་པ་ན་བར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །ལས་ཀྱི་ལྷག་མ་དེ་ཁོ་ནས་ད་ལྟར་མངོན་པར་རྫོགས་པར་བྱང་ཆུབ་ན་ཡང་ཤཱཀྱ་རྣམས་བསད་པ་ན། ཀླད་ནད་རབ་ཏུ་དྲག་པོས་ཐེབས་པར་གྱུར་ཏོ། །བཙུན་པ། བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས་མངོན་པར་རྫོགས་པར་བྱང་ཆུབ་ན་ཡང ། བཅོམ་ལྡན་འདས་ཀྱི་སྐུ་རྒྱབ་བསེར་མའི་སྙུན་གྱིས་ཐེབས་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་བཞིན་གཤེགས་པ་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་འདི་དག་བྱས་ཤིང་བསགས་པས་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་དུའོ། །དགེ་སློང་དག། སྔོན་བྱུང་བ་གྱད་གཅིག་གིས་ཡུལ་ལྗོངས་ཀྱི་གྱད་ཐམས་ཅད་བརྡབས་ནས་རྒྱལ་པོའི་ཕོ་བྲང་དུ་ཕྱིན་པ་དང ། རྒྱལ་པོའི་ཕོ་བྲང་དེ་ན་རྒྱལ་པོའི་གྱད་སྟོབས་དང་ཕ་རོལ་གནོན་པ། ཐུབ་རླག་པ་ཞིག་ཡོད་དེ། དེ་དེ་དང་ལྷན་ཅིག་རྒྱལ་མཚན་གྱི་ཕྱིར་སྟོབས་འགྱེད་པ་ལ་ཞུགས་སོ། །གྱད་དེ་དག་གི་ཀུན་ཏུ་སྤྱོད་པ་ནི། ལག་པ་ནས་བཟུང་བ་ནས་གྱད་ཀྱིས་གྱད་ཤེས་པ་ཡིན་པས། དེ་ནས་རྒྱལ་པོའི་གྱད་དེས། ཡུལ་
Ga15b
ལྗོངས་ཀྱི་གྱད་འདི་ནི། བདག་པས་སྟོབས་ཆེའོ། །ཞེས་བྱ་བར་ཤེས་ནས་དེས་སྨྲས་པ། ནེའུ་ཟླ། བདག་གི་འདི་ནི། རིགས་བརྒྱུད་ཀྱིས་འོངས་པ་ཡིན་གྱི། ཁྱོད་བདག་ཉིད་འགྱེལ་བར་བྱོས་ཤིག་དང ། བདག་ལ་ནི། གྲགས་པར་ཟད་ལ། རུ་མཚོན་ནི། ཁྱོད་ཀྱི་ཡིན་པར་འགྱུར་རོ། །དེས་ཁས་བླངས་པ་དང་དེས་དེ་མནན་ཏོ། །དེས་རུ་མཚོན་བླང་བར་བརྩམས་པ་དང ། དེས་སྨྲས་པ། ནེའུ་ཟླ། སྒྱུའམ་མཐུས་རྒྱལ་བ་དོན་དུ་གཉེར་བ་ཡིན་པ་ལས། ཁྱོད་ངས་སྒྱུས་བསླུས་ན། ཅིའི་ཕྱིར་རུ་མཚོན་སྦྱིན། བདག་ཉིད་ཆེན་པོ་དེ་ང་རྒྱལ་བཅོམ་པ་ཞིག་པས། ལན་གསུམ་གྱི་བར་དུ་གྱད་དེ་དང་ལྷན་ཅིག་འགྱེད་པར་ཞུགས་པ་ན། ཡང་དེ་ལ་བསླུ་བར་བརྩམས་པ་ན། ནེའུ་ཟླ། ཁྱོད་ལ་རུ་མཚོན་གྱིས་ཅི་ཞིག་བྱ། བདག་སྲིང་མོ་ཕྱུགས་ཆུང་མ་ཁྱིམ་ཐབ་ལ་མ་སོང་བ་ཞིག་ཡོད་པ་དེ། ཁྱོད་ལ་སྦྱིན་གྱི། བདག་ཉིད་འགྱེལ་བར་བྱོས་ཤིག། བསླུས་པ་དེ་དེའི་ཆུང་མས་ཐོས་ནས། དེས་སྨྲས་པ། རྗེའི་སྲས། སྔ་མའི་གླེང་གཞི་དག་དགོངས་སམ། དེ་ནས་དེ་ཆུང་མས་ང་རྒྱལ་བསྐྱེད་ནས་ཀུན་ནས་དཀྲིས་པ་དྲག་པོས་དེ་བཏེག་སྟེ་བརྡབས་པས། དེ་སྒལ་ཚིགས་ཆག་ནས་ཤིའོ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་ཡུལ་ལྗོངས་ཀྱི་གྱད་གང་ཡིན་པ་དེ་ནི། ང་ཉིད་ཡིན་ཏེ། ངས་ངན་སེམས་བསྐྱེད་ནས་ཀུན་ནས་དཀྲིས་པ་དྲག་པོས་རྒྱལ་པོའི་གྱད་སྒལ་ཚིགས་བཅག་པ་གང་ཡིན་པ་དེའི་ལས་ཀྱི་རྣམ་པར་སྨིན་པས། ང་ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་
Ga16a
༄#། །ཕྲག་མང་པོ་རྣམས་སུ་སེམས་ཅན་དམྱལ་བ་རྣམས་སུ་བཙོས་སོ། །ལས་ཀྱི་ལྷག་མ་དེ་ཁོ་ནས་ད་ལྟར་མངོན་པར་རྫོགས་པར་བྱང་ཆུབ་ན་ཡང་ངའི་སྒལ་ཚིགས་རླུང་ནད་ཀྱིས་ཐེབས་པར་གྱུར་ཏོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་དང་ཞེས་བྱ་བ་ནས་བརྩམ་པར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་ནོ།། །།འདུལ་བ་གཞི། བམ་པོ་ང་དྲུག་པ། ཐམས་ཅད་ཟིལ་གནོན་ཐམས་ཅད་གཟིགས། །ཐུབ་པ་འཇིག་རྟེན་ཀུན་ལ་སྨན། །སྲེད་པ་ཐམས་ཅད་ཟད་པ་བརྙེས། །སྦྱོར་བ་ཀུན་གྱི་མཐར་ཕྱིན་མཛད། །ཐམས་ཅད་མཁྱེན་ཅིང་ཐམས་ཅད་རིག། ཐུབ་ཆེན་ཐམས་ཅད་མངོན་པར་མཁྱེན། །འཁོན་དང་འཇིགས་པ་ཀུན་ལས་འདས། །ཆོས་ཀུན་གྱི་ནི་ཕ་རོལ་གཤེགས། །བསམ་པ་ཀུན་ལ་མཁས་པ་པོ། །སྲེད་པ་ཐམས་ཅད་རབ་ཏུ་བཅོམ། །སེམས་ཅན་ཀུན་ལ་ཕན་དགོངས་པ། །མདུད་པ་ཐམས་ཅད་རབ་ཏུ་གྲོལ། །བག་ལ་ཉལ་ཀུན་བཅད་ནས་ནི། །འཆིང་བ་ཐམས་ཅད་ཡང་དག་བཅད། །སེམས་ཅན་ཀུན་གྱི་མཆོག་རབ་སྟེ། །ཐུབ་པ་ཆོས་རྣམས་སྟོན་པར་མཛད། །སེམས་དཔའ་ཆེན་པོ་ཤེས་རབ་ཆེ། །བརྩོན་འགྲུས་ཆེན་པོ་གྲགས་བ་ཆེ། །ཆོས་ཆེན་འོད་ནི་ཆེན་པོ་པ། །ཆོས་ཆེན་དོན་གྱི་ཕ་རོལ་གཤེགས། །ཀླུ་ཆེན་སེང་གེ་ཆེན་པོ་པ། །དགེ་སློང་ཆེན་པོ་དྲང་སྲོང་ཆེ། །ཤེས་རབ་ཆེན་པོའི་རལ་གྲི་མཚོན། །ཉོན་མོངས་ཆེན་པོ་རབ་
Ga16b
ཏུ་བཅོམ། །སྟོབས་དང་བརྩོན་འགྲུས་རབ་ཏུ་ཆེ། །བརྟན་པ་ཆེན་པོ་ཕ་རོལ་གནོན། །བྱང་ཆུབ་ཆེན་པོ་བརྙེས་པ་གང ། །དགྲ་ཆེན་རྣམས་ལས་རྣམ་པར་རྒྱལ། །ནད་ཆེན་པོ་ཡི་དཔྱད་མཛད་པས། །བཅོམ་ལྡན་སྨན་པ་ཆེན་པོ་ལགས། །འདོད་ཆགས་ཆེན་པོ་ཟིལ་གནོན་ལ། །སྨན་ཆེན་པོ་ནི་སྩོལ་བ་པོ། །འཁོར་བ་ཆེན་པོའི་བཙོན་ར་ན། །འཆིང་བ་ཆེན་པོས་བཅིངས་རྣམས་ལ། །ཐུགས་རྗེ་ཆེན་པོ་དང་ལྡན་པས།། འཆིང་བ་ཀུན་ལས་གྲོལ་བར་མཛད། །སྐྱེས་བུ་ཆེན་པོ་ལྷ་ཆེན་པོ། །ཚོགས་རྣམས་ཀྱི་ནི་ཚོགས་ཆེན་ལྡན། །སྦྱིན་པའི་མཆོག་ནི་སྦྱིན་ཆེན་པོ། །ཞི་བ་ཆེན་པོ་གོ་འཕང་རེག་།སེམས་ཅན་མཆོག་སྟེ་དྲང་སྲོང་མཆོག་།དེ་བཞིན་རྣམ་པར་འདྲེན་མཆོག་བརྙེས། །ཉན་ཐོས་མཆོག་ནི་ཕུན་སུམ་ཚོགས། །ཆོས་ཀྱི་མཆོག་ནི་རབ་སྟོན་པ། །ཤིན་ཏུ་མཉམ་པར་བཞག་པའི་མཆོག་།ཡོན་གནས་རྣམས་ཀྱི་མཆོག་ཏུ་འོས། །རྣམ་པར་གྲོལ་བ་རྣམས་ཀྱི་མཆོག་།མཚན་ནི་མཆོག་རབ་ཀུན་དང་ལྡན། །བཅོམ་ལྡན་སྲིད་ལས་རབ་ཏུ་གྲོལ། །སྲིད་པའི་དགའ་བ་ལས་འཕགས་པ། །སྲིད་པའི་འདོད་ཆགས་ཀུན་ནས་བཅད། །སྲིད་པའི་སྲེད་པ་རབ་ཏུ་བཅོམ། །ཆོས་ཆེན་པོ་ནི་བསྒོམས་པས་ན། །འཇིགས་དང་འཇིགས་སུ་རུང་བ་སྤངས། །ཀླུ་ཡི་རྒྱལ་པོ་རྣམས་ཀྱི་གནས། །མ་དྲོས་པ་ཡི་མཚོ་ཆེན་དུ། །ཐམས་ཅད་བྱ་བ་བྱས་པ་ཡི། །ཉན་ཐོས་རྣམས་ཀྱིས་མདུན་བྱས་ཏེ། །ལྔ་བརྒྱ་རྣམས་དང་ཐབས་ཅིག་ཏུ། །རྫུ་འཕྲུལ་གྱིས་ནི་མཁའ་ལ་གཤེགས། །ཆུ་བོ་དེ་ཡི་འགྲམ་དག་ཏུ། །སྨྲ་བའི་མཆོག་ནི་བཞུགས་ནས་
Ga17a
༄#། །ནི། །རྗེས་སུ་བརྩེ་བ་ཐུགས་རྗེ་ཅན། །ལུས་ཅན་ཀུན་ལ་ཕན་མཛད་པས། །མཚོ་ལ་གཟིགས་ནས་དགེ་སློང་ལ། །འདི་སྐད་ཅེས་ནི་བཀའ་སྩལ་ཏོ། །ངས་ནི་སྡིག་པ་གང་བྱས་དང ། །ང་ཡི་ཚིག་འདི་མཉན་པར་གྱིས། །ངས་ནི་སྔོན་གྱི་ཚེ་རབས་སུ། །གཡོན་ཅན་པདྨའི་རྩ་ལག་གྱུར། །རང་སངས་རྒྱས་ནི་ལེགས་སྨོན་ཏེ། །སྐྱོན་མེད་ལ་ནི་སྐུར་བ་བཏབ། ། སྐྱེ་བོའི་ཚོགས་ཆེན་ལྷགས་ནས་སུ། །ཐུབ་པ་ཆོས་ཀྱི་ཡོན་ཏན་དགའ། །བཅིང་བ་དམ་པོས་དེ་བཅིངས་ནས། །གྲོང་ཁྱེར་ནས་ནི་ཕྱུང་བ་དང ། །དགེ་སྦྱོང་བཅིང་བས་དམ་བཅིངས་ནས། ། སྡུག་བསྔལ་གྱུར་ཏེ་ང་ཡིས་མཐོང ། །དེ་ལ་སྙིང་རྗེ་བསྐྱེད་ནས་ཀྱང ། །ང་ཉིད་ཀྱིས་ནི་ཐར་པར་བྱས། །ལས་ཀྱི་རྣམ་པར་སྨིན་པ་དེས། །དམྱལ་བ་རྣམས་སུ་ཡུན་རིང་འཕངས། །སླར་ཡང་མིར་ནི་འོངས་པ་ན། །ངས་ནི་སྐུར་བ་ཐོབ་པར་གྱུར། །དེ་ནས་ལས་ཀྱི་ལྷག་མས་ཀྱང ། །ང་ཡི་ཡང་སྲིད་ཐ་མ་ལ། །མུ་སྟེགས་རྣམས་ཀྱིས་མཛེས་མའི་ཕྱིར། །ཡང་དག་མ་ཡིན་སྐུར་བ་བཏབ། ། ང་སྔོན་བྲམ་ཟེར་གྱུར་པ་ན། །གསང་ཚིག་འཛིན་ཅིང་མང་ཐོས་པ། །བྲམ་ཟེ་ལྔ་བརྒྱ་རྣམས་ལ་ནི། །ཚལ་ན་གསང་ཚིག་བརྗོད་པའི་ཚེ། །མངོན་ཤེས་ལྔ་ལྡན་རྫུ་འཕྲུལ་ཆེ། །བྱིན་ཆེན་དྲང་སྲོང་དེར་འོངས་པ། །བཀུར་སྟི་བྱེད་པ་ངས་མཐོང་ནས། །སྐྱོན་མེད་ལ་ནི་སྐུར་བ་བཏབ། །དྲང་སྲོང་འདི་ནི་འདོད་སྤྱོད་ཅེས། །ངས་ནི་བྲམ་ཟེའི་ཁྱེའུ་ལ་སྨྲས། །བྲམ་ཟེའི་ཁྱེའུ་རྣམས་ང་ཡི་ཚིག །
Ga17b
ཐོས་ནས་རྗེས་སུ་ཡི་རང་ཞིང ། །དེ་ནས་བྲམ་ཟེའི་ཁྱེའུ་རྣམས་ཀྱིས། །ཁྱིམ་དང་ཁྱིམ་དུ་སློང་བ་ན། །དྲང་སྲོང་འདི་ནི་འདོད་སྤྱོད་ཅེས། །སྐྱེ་བོ་མང་པོ་དག་ལ་སྨྲས། །ལས་ཀྱི་རྣམ་པར་སྨིན་པ་དེས། ། དགེ་སློང་ལྔ་བརྒྱ་དག་དང་ཡང ། །མཛེས་མ་ཁོ་ནའི་རྒྱུ་ལས་ནི། །སྐུར་པ་དག་ནི་ཐོབ་པར་གྱུར། །སངས་རྒྱས་ཐམས་ཅད་ཟིལ་གནོན་གྱི། །ཉན་ཐོས་གྱུར་བ་གནས་འཇོག་བུ། །དེ་ཚེ་དགེ་སྦྱོང་དེ་ལ་ནི། ། ངས་ནི་མི་བདེན་སྐུར་པ་བཏབ། །སྡིག་པའི་ལས་དེ་བྱས་པས་ན། །མི་བཟད་ངན་འགྲོར་སོང་ནས་ནི། །སེམས་ཅན་དམྱལ་བ་རྣམས་སུ་སྐྱེས། །སྡུག་བསྔལ་ཚོར་བ་ཉམས་སུ་མྱོང ། །དེ་ནས་ལས་ཀྱི་ལྷག་མས་ནི། །ང་ལ་བྲམ་ཟེ་རྩཝ་མིས་འདིར། །སྐྱེ་བོའི་ཚོགས་ནི་འདུས་པ་ན། །ཡང་དག་མ་ཡིན་སྐུར་པ་བཏབ། །ནོར་གྱི་ཕྱིར་ནི་སྐྱོན་མེད་པར། །ངས་ནི་གཡས་ཁྱིམ་ནུ་བོ་ནི། །རི་ཡི་གསེབ་ཏུ་བཅུག་ནས་སུ། །ངས་ནི་རྡོ་བ་དག་གིས་བསྣུན། །ལས་ཀྱི་རྣམ་པར་སྨིན་པ་དེས། །དམྱལ་བ་དག་ཏུ་ཡུན་རིང་འཕངས། །རབ་ཏུ་ཚ་དང་ཐིག་ནག་གི། །སྡུག་བསྔལ་ཚོར་བ་མྱོང་བར་གྱུར། །དེ་ནས་ལས་ཀྱི་ལྷག་མས་ནི། །ལྷ་སྦྱིན་གྱིས་ནི་རྡོ་འཕངས་ཏེ། །ང་ཡི་ཞབས་ཀྱི་མཐེ་བོ་ནི། །རྡོ་བའི་དུམ་བུས་རྨ་ཡང་ཕྱུང ། །རྒྱ་མཚོ་ཡི་ནི་གྲུ་བོ་ཆེས། །རྒྱ་མཚོ་ལ་ནི་འགྲོ་བ་ན། །གྲུ་ན་འདུག་པའི་ཚོང་པ་ནི། །མདུང་ཐུང་རྣོན་པོས་བསད་པར་གྱུར། །ལས་ཀྱི་རྣམ་པར་སྨིན་པ་དེས། །དམྱལ་བ་རྣམས་སུ་ཡུན་རིང་འཕངས། །དེ་ཡི་ལས་ཀྱི་ལྷག་མས་ངའི། །ཞབས་ལ་ཚལ་པ་ཟུག་པར་གྱུར། །སྔོན་ནི་ཉ་པའི་གྲོང་
Ga18a
༄#། །ཁྱེར་གྱི། །ཉ་པའི་བུར་ནི་གྱུར་པ་ན། །ཉ་རྣམས་གསོད་པར་བྱེད་པ་དང ། །ཡིད་དགའ་བ་ནི་སྐྱེས་པར་གྱུར། །ལས་ཀྱི་རྣམ་པར་སྨིན་པ་དེས། །ང་ནི་དམྱལ་བར་ཡུན་རིང་འཕངས། །རབ་ཏུ་ཚ་དང་ཐིག་ནག་དང ། །སྡུག་བསྔལ་མང་པོ་མྱོང་བར་གྱུར། །དེ་ནས་ལས་ཀྱི་ལྷག་མས་ནི། །གང་གི་ཚེ་ན་འཕགས་སྐྱེས་བོ། །ཤཱཀྱ་རྣམས་ནི་གསོད་པ་ན། །ཀླད་པ་མི་བཟད་ནད་ཀྱིས་ཐེབས། །རྣམ་པར་གཟིགས་ཀྱི་གསུང་རབ་ཀྱི། །ཉན་ཐོས་ཡོངས་སུ་སྨད་བྱས་ཏེ། ཁྱེད་ནི་ནས་དག་ཟ་བར་འོས། །ཁྱེད་ལ་འབྲས་ནི་མི་རིགས་ཞེས། །ངག་གི་ཉེས་པར་སྤྱད་པ་དང ། །ལས་ཀྱི་རྣམ་པར་སྨིན་པ་དེས། །དམྱལ་བའི་ཐིག་ནག་རྣམས་སུ་ནི། །སྡུག་བསྔལ་མང་པོ་ཉམས་སུ་མྱོང ། །དེ་ནས་ལས་ཀྱི་ལྷག་མས་ནི། །དགྲ་མཐར་དབྱར་ནི་གནས་བཅས་ཏེ། །བྲམ་ཟེ་ཡིས་ནི་སྤྱན་དྲངས་ཚེ། །ཟླ་བ་གསུམ་དུ་ནས་དག་ཟོས། །ང་ནི་སྨན་པར་གྱུར་པ་ན། །ཚོང་དཔོན་བུ་ཕོ་འཁྲུར་འཇུག་ཚེ། །ནད་ཀྱིས་སྡུག་བསྔལ་གྱུར་པ་ལ། །སྨན་མ་ཡིན་པ་ངས་བྱིན་ནོ། །ལས་ཀྱི་རྣམ་པར་སྨིན་པ་དེས། །སྡུག་བསྔལ་མང་པོ་ཉམས་སུ་མྱོང ། །དེ་ནས་ལས་ཀྱི་ལྷག་མས་ནི། །དེ་འདྲའི་འཁྲུ་བའི་ནད་ཀྱིས་ཐེབས། །སྔོན་གྱི་ཚེ་རབས་གཞན་རྣམས་སུ། ། ང་ནི་མཐུ་ཅན་གྱད་གྱུར་ཚེ། །སྟོབས་དག་འགྱེད་པར་བྱེད་པ་ན། །ངས་ནི་གྱད་ཀྱི་བུ་ཞིག་བསད། །ལས་ཀྱི་རྣམ་པར་སྨིན་པ་དེས། །སྡུག་བསྔལ་མང་པོ་ཉམས་སུ་མྱོང ། །དེ་ནས་ལས་ཀྱི་
Ga18b
ལྷག་མས་ནི། །འདི་ན་ང་ཡི་རྒྱབ་བསྙུང་ངོ ། །སྔོན་ནི་ངན་སྤོང་བུར་གྱུར་པ། །དགའ་སྐྱོང་ལ་ནི་སྨྲས་པ་ནི། །མགོ་རེག་ངས་མཐོང་ཅི་ཞིག་བྱ། །འདི་ལ་བྱང་ཆུབ་ཡོད་མ་ཡིན། །ངག་གི་ཉེས་པར་སྤྱོད་པ་དང ། ། ལས་ཀྱི་རྣམ་པར་སྨིན་པ་དེས། །འདིར་ཡང་མིར་ནི་འོངས་པ་ན། །ཁྱིམ་མེད་པར་ནི་རབ་བྱུང་ནས། །བྱང་ཆུབ་མཆོག་ནི་འདོད་པའི་ཕྱིར། །ལྟེང་རྒྱས་འགྲམ་དུ་ལོ་དྲུག་ཏུ། །མཆོག་ཏུ་དཀའ་བ་སྤྱད་པ་ངས། །སྡུག་བསྔལ་མང་པོ་ཉམས་སུ་མྱོང ། །སེམས་ཅན་ཀུན་གྱི་རབ་མཆོག་གིས། །ཆོས་ཀྱི་དམ་པ་ཐུགས་ཆུད་ནས། །སྡིག་པའི་ལས་ནི་གང་མཛད་པ། །ཚོགས་ཀྱི་མཆོག་ལ་བཀའ་སྩལ་ཏོ། ། ཐམས་ཅད་ཟིལ་གནོན་སྟོབས་བརྙེས་ཀྱིས། །དགེ་སློང་དགེ་འདུན་གུང་བཞུགས་ནས། མ་དྲོས་པ་ཡི་མཚོ་ཆེན་དུ། །ཉིད་ཀྱི་འཕྲིན་ལས་ལུང་བསྟན་ཏོ། །དེ་བཞིན་གཤེགས་པའི་ལེའུའོ།། །། སྡོམ་ནི། །གནས་འཇོག་སྦྲང་རྩི་ཅན་དང་ནི། །རྒྱུ་ཅན་ཀོའུ་ཌི་ནྱ་ཉེ་བར་འཁོར། །འོད་བྱེད་དང་ནི་ནམ་གྲུ་སྟེ། །ཕྱི་མ་བདེ་བར་གཤེགས་པ་ཡིན། །མ་དྲོས་པའི་ཚིགས་སུ་བཅད་པའོ། །དེ་ནས་བཅོམ་ལྡན་འདས་དགྲ་བཅོམ་པ་ལྔ་བརྒྱ་དང་ཐབས་ཅིག་ཏུ་མཚོ་ཆེན་པོ་མ་དྲོས་པར་འཕྲིན་ལས་ཀྱི་རྒྱུ་བ་ལུང་བསྟན་ནས། མ་དྲོས་པ་ནས་མི་སྣང་བར་མཛད་དེ། མཉན་ཡོད་ཀྱི་རི་དྭགས་འཛིན་གྱི་མའི་སྔོན་གྱི་ཀུན་དགའ་ར་བའི་ཁང་བཟང་ན་བཞུགས་སོ། །རི་དྭགས་འཛིན་གྱི་མ་ས་གས། བཅོམ་ལྡན་འདས་མཚོ་ཆེན་པོ་མ་དྲོས་པ་ནས་མི་སྣང་བར་མཛད་དེ། མཉན་ཡོད་དུ་གཤེགས་ནས།
Ga19a
༄#། །མཉན་ཡོད་ཀྱི་བདག་གི་ཁང་བཟང་ཁོ་ན་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་མཉན་ཡོད་ནས་བྱུང་ནས། བཅོམ་ལྡན་འདས་གང་ན་བ་དེར་སོང་སྟེ་ཞེས་བྱ་བ་ནས་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་དུའོ། །དེ་ནས་རི་དྭགས་འཛིན་གྱི་མ་ས་ག་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མཚོ་ཆེན་པོ་མ་དྲོས་པར་རང་རང་གི་ལས་ཀྱི་རྒྱུ་བ་ལུང་བསྟན་པའི་དགྲ་བཅོམ་པ་ལྔ་བརྒྱ་གང་དག་ལགས་པ་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། བཅོམ་ལྡན་འདས་ཀྱིས་གནང་བར་མཛད་དུ་གསོལ། །རི་དྭགས་འཛིན་གྱི་མ་ས་གས་གནང་བར་རིག་ནས་ཞེས་བྱ་བ་ནས་བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུ་སྟེ། སྟན་ཆེས་དམའ་བ་ཞིག་བླངས་ནས་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།དེ་ནས་བཅོམ་ལྡན་འདས་ཀྱིས། རི་དྭགས་འཛིན་གྱི་མ་ས་ག་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་གཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་ནས་གཙུག་ལག་ཁང་དུ་བྱོན་པ་དང ། དགེ་སློང་གི་དགེ་
Ga19b
འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།རི་དྭགས་འཛིན་གྱི་མ་ས་ག་ལ་མ་རྫོགས་པར་ཡོད་དེ། དེས་དགེ་སློང་གི་དགེ་འདུན་སྤྱན་དྲངས་ཏེ་གདུགས་ཚོད་གསོལ་ན། འོན་ཀྱང་དགེ་འདུན་གྱི་ཆེད་དུ་ཡོན་མ་ཕུལ་ལོ། །དེ་ནས་བཅོམ་ལྡན་འདས་ཀོ་ས་ལར་ལྗོངས་རྒྱུ་ཞིང་གཤེགས་པ་ན། གྲོང་ཁྱེར་ཐིགས་པ་ཅན་དུ་བྱོན་ནས་གྲོང་ཁྱེར་ཐིགས་པ་ཅན་གྱི་བྱང་ཕྱོགས་ཀྱི་གྲོང་ཁྱེར་ཤིཾ་ཤ་པའི་ཚལ་ན་བཞུགས་སོ། །གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ཀྱིས། བཅོམ་ལྡན་འདས་ཀོ་ས་ལ་ནས་ཞེས་བྱ་བ་ནས་ཤིཾ་ཤ་པའི་ཚལ་ན་བཞུགས་སོ། །ཞེས་ཐོས་སོ། །ཞེས་བྱ་བའི་བར་གོང་མ་བཞིན་དུའོ། །ཐོས་ནས་ཀྱང་ཚོགས་ནས་ཚོགས་དང ། ཁྱུ་ནས་ཁྱུར་འཕྲད་ཅིང་འདུས་ཏེ། གྲོང་ཁྱེར་ཐིགས་པ་ཅན་ནས་བྱུང་ནས། བཅོམ་ལྡན་འདས་གང་ན་བ་དེར་དོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། ཞེས་བྱ་བའི་བར་གོང་མ་བཞིན་དུའོ། །དེ་ནས་གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་ཅག་གི་སྡུམ་པར་གདུགས་
Ga20a
༄#། །ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས། གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལ་ཅང་མི་གསུང་བས་གནང་ངོ ། །དེ་ནས་གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ཀྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེ་ནས་ཡི་དྭགས་རུས་གོང་སྦྲེལ་བ་བསྒྲེང་པ་ལྟ་བུ། རང་གི་སྐྲས་གཡོགས་པ། ལྟོ་རི་ཙམ། ཁ་ཁབ་ཀྱི་མིག་ཙམ། འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་པ་ལྔ་བརྒྱ་བཅོམ་ལྡན་འདས་གང་ན་བ་དེར་སོང་སྟེ་ལྷགས་པ་དང ། བཅོམ་ལྡན་འདས་ལ་ཀུན་ནས་ཡོངས་སུ་བསྐོར་ཏེ་འདུག་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་འདི་དག་ནི། བདག་ཅག་གི་ཉེ་དུར་གྱུར་པ་ལགས་ན། ཀྱེ་མ། བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། བདག་ཅག་ཁོ་ནའི་མིང་ནས་ཡོན་བསྔོ་བ་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ངས་དམ་ཞིག་བཅའ་སྟེ། གལ་ཏེ་ཁྱེད་ཅག་ཆ་བྱད་འདི་ཉིད་ཀྱིས་ཡོན་བསྔོ་བ་བྱེད་པའི་ཚེ་འོང་ན་ནི། ཁྱེད་ཅག་གི་མིང་ནས་ཡོན་བསྔོ་བ་བྱའོ། །དེ་རྣམས་ཀྱིས་གསོལ་བ། བཅོམ་ལྡན་འདས་གཡར་ཚ་ལགས་ན། ཇི་ལྟར་མཆི་ལགས། དེ་ནས་བཅོམ་ལྡན་འདས་
Ga20b
ཀྱིས། དེའི་ཚེ་ཚིགས་སུ་བཅད་པས་བཀའ་སྩལ་པ། ངོ་ཚ་མེད་ལ་ངོ་ཚ་བྱེད། །ངོ་ཚ་བ་ལ་ངོ་མི་ཚ། །འཇིགས་པ་མེད་ལ་འཇིགས་པར་ལྟ། །འཇིགས་པ་ལ་ནི་མི་འཇིགས་ལྟ། །ལོག་པའི་ལྟ་བ་བླངས་པས་ན། །སེམས་ཅན་རྣམས་ནི་ངན་འགྲོར་འགྲོ། །ངོ་ཚ་བ་ངོ་ཚ་དང ། །ངོ་ཚ་མེད་ལ་ངོ་མི་ཚེ། །མི་འཇིགས་པ་ལ་མི་འཇིགས་ལྟ། །འཇིགས་པ་ལ་ནི་འཇིགས་ལྟ་བའི། །ཡང་དག་ལྟ་བ་བླངས་པ་ཡིས། །སེམས་ཅན་རྣམས་ནི་བདེ་འགྲོར་འགྲོ། །དེ་རྣམས་ཀྱིས་གསོལ་བ། བཅོམ་ལྡན་འདས། གལ་ཏེ་དེ་ལྟར་ན་མཆི་ལགས་སོ། །དེ་ནས་གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ཀྱིས། དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས་ཞེས་བྱ་བ་ནས་སྟན་ཆེས་དམའ་བ་ཞིག་བླངས་ཏེ། ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།ཞེས་བྱ་བའི་བར་གོང་མ་བཞིན་དུའོ། །ཡི་དྭགས་ལྔ་བརྒྱ་པོ་དེ་དག་འོངས་པ་དང ། དེ་ནས་གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ཀྱིས། ཡི་དྭགས་རྣམས་མཐོང་ནས་འབྲོས་པར་བརྩམས་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཤེས་ལྡན་དག་།ཅིའི་ཕྱིར་འབྲོས། དེ་རྣམས་ཀྱིས་གསོལ་པ། བཅོམ་ལྡན་འདས་ཡི་དྭགས་འོ་ནི་དག་མཆི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཚུར་ཤོག་།འདི་དག་ནི། ཁྱེད་ཅག་གི་ཉེ་དུ་ཡིན་ནོ། །གལ་ཏེ་ཁྱེད་ཅག་གིས་གནང་ན། ངས་འདི་རྣམས་ཀྱི་མིང་གིས་ཡོན་
Ga21a
༄#། །བསྔོའོ། །དེ་རྣམས་ཀྱིས་གསོལ་བ། བཅོམ་ལྡན་འདས། རུང་ལགས་སོ། །དེ་ནས་བཅོམ་ལྡན་འདས་ཀྱིས་ཡན་ལག་ལྔ་དང་ལྡན་པའི་གསུང་དབྱངས་ཀྱིས། དེ་རྣམས་ཀྱི་མིང་ནས་ཡོན་བསྔོ་བ་མཛད་དེ། སྦྱིན་པ་འདི་ཡིས་བསོད་ནམས་གང ། །དེ་ནི་ཡི་དྭགས་རྗེས་འགྲོ་ཞིང ། །འདི་དག་ཡི་དྭགས་འཇིག་རྟེན་ནི། །མི་བཟད་པ་ནས་མྱུར་ལྡང་ཤོག་།དེ་ཡིས་གོས་དང་སྐོམ་དང་ཟས།། གནས་མལ་རྣམ་པ་སྣ་ཚོགས་པ། །དུས་ཀུན་དུ་ནི་མི་ཟད་པར། །དེ་རྣམས་ལ་ནི་གྲུབ་པར་ཤོག། དེ་ནས་བཅོམ་ལྡན་འདས་ཀྱིས་གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་རྟོག་ཁང་དུ་ལྷགས་ཤིང་ཚོགས་ནས། འདི་ལྟ་བུའི་སྐབས་ཀྱི་གཏམ་དག་གླེང་བར་བྱེད་དེ། ཀྱེ། དགེ་སྦྱོང་གོའུ་ཏ་མ་ནི། འདོད་ཞེན་ཆེ་ཞིང ། དེའི་ཉན་ཐོས་རྣམས་ཀྱང་འདོད་ཞེན་ཆེ་བ་ཡིན་ནོ། །ཁ་ཅིག་གིས་སྨྲས་པ། ཤེས་ལྡན་དག་།དགེ་སྦྱོང་གོའུ་ཏ་མ་ནི། འདོད་ཞེན་ཆུང་ཞིང ། དེའི་ཉན་ཐོས་རྣམས་ཀྱང་འདོད་ཞེན་ཆུང་སྟེ། མུ་སྟེགས་ཅན་རྣམས་ནི། དེ་ལྟ་མ་ཡིན་ནོ། །དེའི་ཚེ་བྲམ་ཟེ་སྨྲ་འདོད་ཀྱི་སེང་གེ་ཞེས་བྱ་བ། འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་
Ga21b
ནས་བྲམ་ཟེ་སྨྲ་འདོད་ཀྱི་སེང་གེས། གྲོང་ཁྱེར་ཐིགས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལ་འདི་སྐད་ཅེས་སྨྲས་སོ། །དགེ་སྦྱོང་གོའུ་ཏ་མ་འདོད་ཞེན་ཆེའམ། འདོད་ཞེན་ཆུང་བ་དང ། དེའི་ཉན་ཐོས་རྣམས་འདོད་ཞེན་ཆེའམ། འདོད་ཞེན་ཆུང་བ་ངས་ཁྱེད་ཅག་ཡིད་ཆེས་པར་བྱའོ། །དེ་ནས་བྲམ་ཟེ་སྨྲ་འདོད་ཀྱི་སེང་གེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཤེས་ལྡན་གོའུ་ཏ་མ་དགེ་སློང་གི་དགེ་འདུན་དང་ཐབས་ཅིག་ལ་བདག་གི་བཅའ་བ་བུ་རམ་ཞིག་འབུལ་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས། བྲམ་ཟེ་སྨྲ་འདོད་ཀྱི་སེང་གེ་ལ་ཅང་མི་གསུང་བས་གནང་ངོ ། །དེ་ནས་བྲམ་ཟེ་སྨྲ་འདོད་ཀྱི་སེང་གེས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།བྲམ་ཟེ་སྨྲ་འདོད་ཀྱི་སེང་གེ་ཀླན་ཀ་ཚོལ་བས་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་བཅའ་བ་བུ་རམ་ལ་སྤྱན་དྲངས་ཀྱི། ཁྱེད་ཅག་ལས་གང་གིས་ཇི་ཙམ་གཡོགས་པ་དེས་དེ་ཙམ་ཞིག་བླང་བར་བྱའོ། །བྲམ་ཟེ་སྨྲ་འདོད་ཀྱི་སེང་གེ་ལ་བུ་རམ་འཚོང་བའི་ཁང་པ་ལྔ་བརྒྱ་ཡོད་པ་ནས། དེས་བུ་རམ་གྱི་ཁང་པ་རེ་རེ་ནས་བུ་རམ་གྱི་སྣོད་བླངས་ཏེ། བུ་རམ་གྱི་སྣོད་ལྔ་བརྒྱ་ཁྱེར་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ལ་འདི་
Ga22a
༄#། །སྐད་ཅེས་གསོལ་ཏོ། །ཤེས་ལྡན་གོའུ་ཏ་མ། བུ་རམ་བསྔོགས་ན། ཉན་ཐོས་ཀྱི་དགེ་འདུན་དང་ཐབས་ཅིག་ཏུ་བཞུགས་ཏེ་ལོངས་སྤྱད་དུ་གསོལ། དེ་ནས་བཅོམ་ལྡན་འདས་ཕྱག་དང་ལྷུང་བཟེད་བཅབས་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་བྲམ་ཟེ་སྨྲ་འདོད་ཀྱི་སེང་གེས་བུ་རམ་གྱི་སྣོད་གཅིག་བླངས་ཏེ་བྲིམ་པར་བརྩམས་པ་དང ། བཅོམ་ལྡན་འདས་ཀྱིས་ཇི་ལྟར་དགེ་སློང་གི་དགེ་འདུན་གྱི་བར་དུ་བྲིམས་ཀྱང་ལྷག་པས་ཐམས་ཅད་དེ་ཁོ་ན་བཞིན་དུ་འདུག་པ་དེ་ལྟར་བྱིན་གྱིས་བརླབས་སོ།། དེ་ནས་བྲམ་ཟེ་སྨྲ་འདོད་ཀྱི་སེང་གེ་མངོན་པར་དད་པར་གྱུར་ཏོ། །དེ་ནས་དེ་དད་པ་སྐྱེས་ནས་ཕྱོགས་མཐའ་དག་ཏུ་སྒྲ་བསྒྲགས་པ། ཤེས་ལྡན་གོའུ་ཏ་མ་ནི། འདོད་ཞེན་ཆུང་ཞིང ། དེའི་ཉན་ཐོས་རྣམས་ཀྱང་འདོད་ཞེན་ཆུང་བ་ཡིན་ནོ། །དེ་ནས་དེས་མུ་སྟེགས་ཅན་རྣམས་བུ་རམ་ལ་ལོངས་སྤྱོད་དུ་གཞུག་པའི་ཕྱིར་མགྲོན་དུ་བོས་པ་དང ། དེ་རྣམས་ཀྱིས་བུ་རམ་བག་མེད་པར་བླངས་ནས། ཁ་ཅིག་གིས་ནི་ལོངས་སྤྱད་དོ། །ཁ་ཅིག་གིས་ནི། སྣོད་བཀང་ནས་བོར་ཞིང་ཁྱེར་ཏེ་སོང་ངོ ། །དེ་ནས་བྲམ་ཟེ་སྨྲ་འདོད་ཀྱི་སེང་གེས་སྨྲས་པ། སྐྱེས་བུ་བླུན་པོ་ཁྱེད་ཅག་ཁོ་ན་འདོད་ཞེན་ཆེ་བ་ཡིན་ལ། དགེ་སྦྱོང་གོའུ་ཏ་མ་ནི། འདོད་ཞེན་ཆུང་ཞིང ། དེའི་ཉན་ཐོས་རྣམས་ཀྱང་འདོད་ཞེན་ཆུང་བ་ཡིན་ནོ། །ཞེས་སྨྲས་ནས། བཅོམ་ལྡན་འདས་ལ་ལྷག་པར་
Ga22b
ཡང་མངོན་པར་དད་པར་གྱུར་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་དང་ལྷན་ཅིག་མངོན་དུ་ཞེས་བྱ་བའི་བར་གོང་མ་བཞིན་དུ་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། ལེགས་པར་གསུངས་པའི་ཆོས་འདུལ་བ་ལ་བདག་ཅེས་བྱ་བ་ནས་ཚངས་པར་སྤྱད་པར་བགྱིའོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་ཚུར་ཤོག་ཅེས་བྱ་བ་ནས་དགེ་སློང་ཚུར་ཤོག་།ཚངས་པར་སྤྱད་པ་སྤྱོད་ཅིག་ཅེས་གསུངས་པས་ཞེས་བྱ་བ་ནས། སངས་རྒྱས་དགོངས་པས་ལུས་གཟུགས་བཀབ་བར་གྱུར། །ཅེས་བྱ་བའི་པར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་བ། དེ་ལྟ་བས་ན་རྗེས་སུ་གནང་སྟེ། དུས་སམ། དུས་མ་ཡིན་པའམ། ན་བ་འམ། མི་ན་བས་བུ་རམ་ལ་ལོངས་སྤྱད་པར་བྱ་སྟེ། འདི་ལ་འགྱོད་པར་ནི། མི་བྱའོ། །ཚེ་དང་ལྡན་པ་སྨྲ་འདོད་ཀྱི་སེང་གེ་རོ་མྱགས་པའི་དྲི་མི་ཞིམ་པས། སེམས་རྩེ་གཅིག་པ་ཉིད་མ་ཐོབ་ནས། བཅོམ་ལྡན་འདས་ཀྱིས་དགོངས་པ། དགེ་སློང་སྨྲ་འདོད་ཀྱི་སེང་གེ་ནི། སྲིད་པ་ཐ་མ་པ་ཡིན་ན། ཅིའི་ཕྱིར་བདེན་པ་མ་མཐོང་སྙམ་དུ་དགོངས་ན། ལུས་རུལ་བའི་དྲི་མི་ཞིམ་པ་ལས་གྱུར་བར་གཟིགས་སོ།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ། དགེ་སློང་སྨྲ་འདོད་ཀྱི་སེང་གེའི་གཙུག་ལག་ཁང་དྲི་དང ། མེ་ཏོག་གི་ཕྲེང་བ་དང ། བདུག་
Ga23a
༄#། །པ་དང ། ཕྱེ་མ་རྣམས་ཀྱིས་གཏོར་ལ། གནས་མལ་ལ་ཡང་བདུག་པས་བདུག་ཅིང ། མེ་ཏོག་དྲི་ཞིམ་པོས་བརྒྱན་པའི་མེ་ཏོག་གི་གདུགས་བྲེས་ཤིག་།བཙུན་པ། བཀའ་བཞིན་འཚལ་ཞེས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །ཇི་ཙམ་ན། དེ་བསོད་སྙོམས་ལ་སོང་བ་དེའི་བར་དུ། དེའི་གཙུག་ལག་ཁང་དུ་སོང་ནས། བཅོམ་ལྡན་འདས་ཀྱིས་བཀའ་སྩལ་པ་དེ་བཞིན་ཐམས་ཅད་བྱས་སོ། །དེ་ནས་ཚེ་དང་ལྡན་པ་སྨྲ་འདོད་ཀྱི་སེང་གེ་བསོད་སྙོམས་ལ་བརྒྱུས་ནས། གཙུག་ལག་ཁང་དུ་འོངས་པ་དང་ལྷའི་འབྱོར་པ་མཐོང་ནས། དེ་ནས་དགའ་བའི་ཡིད་ཀྱིས་བསོད་སྙོམས་ལ་ལོངས་སྤྱད་དེ། ཟས་ཀྱི་བྱ་བ་བྱས་ནས། གཙུག་ལག་ཁང་གི་ཕྱི་རོལ་ཏུ་རྐང་པ་གཉིས་བཀྲུས་ཏེ་གཙུག་ལག་ཁང་དུ་ཞུགས་ནས། སྐྱིལ་མོ་ཀྲུང་བཅས་ཏེ་ལུས་དྲང་པོར་བསྲངས་ནས་དྲན་པ་མངོན་དུ་ཕྱོགས་པར་བཞག་སྟེ་འདུག་པ་དང ། དྲི་ཞིམ་པོ་མནམ་ནས་དེའི་སེམས་མཉམ་པར་གཞག་པར་སྐྱེས་སོ། །དེ་ནས་དེས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་ནས་ཞེས་བྱ་བ་ནས་མངོན་དུ་སྨྲ་བར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་དགེ་སློང་དང ། ངའི་ཉན་ཐོས་སྡུག་པས་རྣམ་པར་གྲོལ་བ་རྣམས་ཀྱི་མཆོག་ནི། འདི་ལྟ་སྟེ། དགེ་སློང་སྨྲ་འདོད་ཀྱི་སེང་གེ་འདི་ཡིན་ནོ། །དགེ་སློང་
Ga23b
རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། དགེ་སློང་གཞན་རྣམས་ནི། མི་སྡུག་པས་རྣམ་པར་གྲོལ་ན། ཚེ་དང་ལྡན་པ་སྨྲ་འདོད་ཀྱི་སེང་གེ་སྡུག་པས་རྣམ་པར་གྲོལ་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། འདི་ནི། ཚེ་རབས་ལྔ་བརྒྱ་བསྟུད་མར་སུམ་ཅུ་རྩ་གསུམ་གྱི་ལྷ་རྣམས་ནས་ཤི་འཕོས་ཤིང་དེ་ཉིད་དུ་སྐྱེས་ཏེ། ད་ལྟར་གྱི་སྲིད་པ་ཐ་མ་མི་རྣམས་སུ་སྐྱེས་པ་ན། ལུས་རུལ་བའི་དྲི་མནམ་པས་སེམས་རྩེ་གཅིག་པ་མ་གྲུབ་པའོ། །དྲི་ཞིམ་པོའི་དྲི་མནམ་ནས་སེམས་མཉམ་པ་ཐོབ་ནས་སྡུག་པས་རྣམ་པར་གྲོལ་བ་ཐོབ་པར་གྱུར་ཏོ། །གལ་ཏེ་འདི་ལ་ཐབས་འདི་མ་བྱས་པར་གྱུར་ན། དྲོ་བར་གྱུར་བ་ཡང་འདིས་བསྐྱེད་པར་མི་འགྱུར་རོ། །དེ་ལྟ་བས་ན། རྗེས་སུ་གནང་སྟེ། གཞན་གང་ཞིག་སྡུག་པ་འདི་ལྟ་བུས་རྣམ་པར་གྲོལ་བར་འགྱུར་བ་དེས་རིམ་པ་དེ་ལྟ་བུ་བྱ་སྟེ། འདི་ལ་འགྱོད་པར་ནི་མི་བྱའོ། །དེ་ནས་བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ་ཡངས་པ་ཅན་དུ་བྱོན་ནས། ཡངས་པ་ཅན་གྱི་སྤྲེའུ་རྫིང་གི་འགྲམ་ན། ཁང་པ་བརྩེགས་པའི་གནས་ན་བཞུགས་སོ། །ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ཀྱིས། བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ་ཡངས་པ་ཅན་དུ་བྱོན་ནས། ཡངས་པ་ཅན་གྱི་སྤྲེའུ་རྫིང་གི་འགྲམ་ན། ཁང་པ་བརྩེགས་པའི་གནས་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་གཅིག་ཏུ་འདུས་ནས་སྨྲས་པ།
Ga24a
༄#། །ཤེས་ལྡན་དག་།བཅོམ་ལྡན་འདས་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ་ཡངས་པ་ཅན་དུ་བྱོན་ནས། ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་བཞུགས་སོ། །ཞེས་གྲག་གི་།གལ་ཏེ་བདག་ཅག་རེ་རེ་ནས་བཅོམ་ལྡན་འདས་སྤྱན་དྲངས་ཏེ་གདུགས་ཚོད་གསོལ་ན་ནི། བཅོམ་ལྡན་འདས་སླར་གཤེགས་དང་གཞན་གྱི་སྐབས་མི་རྙེད་པར་འགྱུར་བས། དེ་ལ་ཁྲིམས་ཤིག་བཅའ་སྟེ། ཅི་ནས་ཀྱང་ཚོགས་ཤིང་འདུས་པ་ཁོ་ནས་བཅོམ་ལྡན་འདས་གདུགས་ཚོད་གསོལ་གྱི། མི་གཅིག་པུས་ནི་མ་ཡིན་ནོ།། ཞེས་དེ་རྣམས་ཀྱིས་ཁྲིམས་སུ་བཅའ་བ་དག་བྱས་ནས་བཞག་གོ་།དེའི་ཚེ་ཡངས་པ་ཅན་ན་བསོད་ནམས་ཆེན་པོ་དང་ལྡན་པ་བཞི་གནས་ཏེ། ནོར་ཅན་དང ། ནོར་ཅན་གྱི་ཆུང་མ་དང ། ནོར་ཅན་ཅན་གྱི་བུ་དང ། ནོར་ཅན་གྱི་མནའ་མའོ། །དེ་དག་གི་ཁྱིམ་དུ་ནི། ལྷ་དང་མི་རྣམས་ཀྱི་གཡང་བབས་པར་གྱུར་ཏོ། །དེ་རྣམས་ཀྱིས་ཁྲིམས་སུ་བཅས་པ་དེ་མ་ཐོས་པར་ཁྱིམ་བདག་ནོར་ཅན་གྱིས། བཅོམ་ལྡན་འདས་གང་ཡུལ་སྤོང་བྱེད་ནས་ལྗོངས་རྒྱུ་ཞིང་གཤེགས་ཏེ་ཡངས་པ་ཅན་དུ་བྱོན་ནས། ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་བཞུགས་སོ།། ཞེས་ཐོས་སོ། །ཐོས་ནས་ཀྱང་ཡངས་པ་ཅན་ནས་བྱུང་ནས། བཅོམ་ལྡན་འདས་གང་ན་བ་དེར་སོང་སྟེ་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །ཞེས་བྱ་
Ga24b
བའི་བར་གོང་མ་བཞིན་དུའོ། །དེ་ནས་ཁྱིམ་བདག་ནོར་ཅན་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ཅང་མི་གསུང་པས་ཁྱིམ་བདག་ནོར་ཅན་ལ་གནང་ངོ ། །དེ་ནས་ཁྱིམ་བདག་ནོར་ཅན་གྱིས། བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ཡངས་པ་ཅན་ནས་བྱུང་ནས། བཅོམ་ལྡན་འདས་གང་ན་བ་དེར་སོང་སྟེ་ཞེས་བྱ་བ་ནས་བཅོམ་ལྡན་འདས་དགེ་སློང་གི་དགེ་འདུན་རྣམས་དང་ཐབས་ཅིག་ཏུ་སང་བདག་ཅག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ་ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་གི་བུ་དག། ང་སྔར་ཁྱིམ་བདག་ནོར་ཅན་གྱིས་སྤྱན་དྲངས་ཟིན་ཏོ། །དེ་རྣམས་ཀྱིས་སྨྲས་པ། ཤེས་ལྡན་དག། ཁྱིམ་བདག་ནོར་ཅན་གྱིས་ནི། ཚོགས་ཀྱི་ཁྲིམས་བཅས་པ་ལས་འདས་པར་བྱས་སོ། །ཁ་ཅིག་གིས་སྨྲས་པ། ཅི་སྟེ་དེ་འདས་པར་བྱེད། གདོན་མི་ཟ་བར་དེས་ཁྲིམས་བཅས་པ་མ་ཐོས་
Ga25a
༄#། །སོ། །འོན་ཀྱང་བདག་ཅག་པས་དེ་ནི་སྐྱེས་བུ་དམ་པ་ཡིན་པས། གདུགས་ཚོད་གསོལ་དུ་ཆུག་།བདག་ཅག་གིས་ནི། གནངས་གདུགས་ཚོད་གསོལ་ལོ། །དེ་ནས་ཚེ་དང་ལྡན་པ་ཀུན་དགའ་བོ་ནང་བར་སྔར་ལངས་ཏེ། ལྷུང་བཟེད་དང་ཆོས་གོས་ཐོགས་ནས། ཁྱིམ་བདག་ནོར་ཅན་གྱི་ཁྱིམ་གང་ན་བ་དེར་སོང་སྟེ་ཕྱིན་ནས། ཤར་སྒོ་ནས་ཞུགས་པ་དང ། ཇི་ཙམ་ན།་གདན་མ་བཤམས་ཤིང་ཞལ་ཟས་རྣམས་སྟ་གོན་མ་བྱས་པ་མཐོང་ནས། དེ་ནས་ཁྱིམ་བདག་ནོར་ཅན་ལ་འདི་སྐད་ཅེས་སྨྲས་སོ། །ཁྱིམ་བདག་།ཁྱོད་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་སྤྱན་དྲངས་ནས་སྙིང་ལས་ཆུང་ངུས་གནས་སམ། དེས་སྨྲས་པ། འཕགས་པ་ཀུན་དགའ་བོ། ཅི་སྟེ་དེ་སྐད་གསུང ། ཁྱིམ་བདག། གདན་མ་བཤམས་ཤིང་ཞལ་ཟས་རྣམས་སྟ་གོན་མ་བྱས་པ་མཐོང་ངོ ། །འཕགས་པ་ཁྱོད་ཆབ་སྒོ་གང་ནས་ཞུགས། ཁྱིམ་བདག། ཤར་ནས་སོ། །འཕགས་པ་ལྷོ་ནས་ཞུགས་ཤིག་།དེ་ཞུགས་པ་ལས། ཇི་ཙམ་ན་ལྷའི་གདན་བཤམས་ཤིང ། ལྷའི་ཞལ་ཟས་རྣམས་སྟ་གོན་བྱས་པ་ཡང་མཐོང་ངོ ། །མཐོང་ནས་ཀྱང་ཤིན་ཏུ་ངོ་མཚར་སྐྱེས་པར་གྱུར་ཏོ། །དེ་ནས་ཁྱིམ་བདག་ནོར་ཅན་གྱི་སྤྱན་འདྲེན་གྱིས། བཅོམ་ལྡན་འདས་ལ་དུས་ཚོད་གསོལ་བ། བཙུན་པ། གདུགས་ཚོད་བཤམས་ཤིང་མཆིས་ན། བཅོམ་ལྡན་འདས། ད་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་བྱ་བ་ནས་བཅོམ་ལྡན་འདས་
Ga25b
ཀྱིས་གསོལ་ཟིན་ནས། ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ་ཆོས་མཉམ་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ། ཞེས་བྱ་བའི་བར་གོང་མ་བཞིན་དུའོ། །དེ་ནས་ནོར་ཅན་གྱི་ཆུང་མ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་རྣམས་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ཅང་མི་གསུང་བས་ནོར་ཅན་གྱི་ཆུང་མ་ལ་གནང་ངོ ། །གནང་ནས་ཀྱང་ཁྱིམ་བདག་ནོར་ཅན་ལ་ཆོས་བཤད་པ་མཛད་ནས་གདན་ལས་བཞེངས་ཏེ་གཤེགས་སོ། །ནོར་ཅན་གྱི་ཆུང་མས་ཀྱང་ཞལ་ཟས་རྣམས་སྟ་གོན་བྱས་སོ། ། དེ་ནས་ཚེ་དང་ལྡན་པ་ཀུན་དགའ་བོ་ནང་པར་སྔར་ལངས་ཏེ། ལྷུང་བཟེད་དང་ཆོས་གོས་ཐོགས་ནས། ཁྱིམ་བདག་ནོར་ཅན་གྱི་ཁྱིམ་གང་ན་བ་དེར་སོང་སྟེ་ཕྱིན་ནས་ལྷོ་སྒོ་ནས་ཞུགས་ནས། གདན་མ་བཤམས་ཤིང་ཞལ་ཟས་རྣམས་ཀྱང་སྟ་གོན་མ་བྱས་པར་མཐོང་ངོ ། །མཐོང་ནས་ཀྱང་ནོར་ཅན་གྱི་ཆུང་མ་ལ་འདི་སྐད་ཅེས་སྨྲས་སོ། །ཁྱིམ་བདག་གི་ཆུང་མ། སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་ནས་ཅི། སྙིང་ལས་ཆུང་ངུས་གནས་སམ། དེས་སྨྲས་པ། འཕགས་པ། ཅི་སྟེ་དེ་སྐད་གསུང ། གདན་མ་བཤམས་ཤིང་ཞལ་ཟས་རྣམས་ཀྱང་སྟ་གོན་མ་བྱས་པར་མཐོང་
Ga26a
༄#། །ངོ། །འཕགས་པ། ཁྱེད་ཆབ་སྒོ་གང་ནས་ཞུགས། ལྷོ་ནས་སོ། །འཕགས་པ་ཤར་ནས་ཞུགས་ཤིག་།ཇི་ཙམ་ན། གདན་བཟང་པོ་བཤམས་ཤིང ། ཞལ་ཟས་བསོད་པ་སྟ་གོན་བྱས་པ་ཡང་མཐོང་ངོ ། །མཐོང་ནས་ཀྱང་ཤིན་ཏུ་ངོ་མཚར་སྐྱེས་པར་གྱུར་ཏོ། །དེ་ནས་ནོར་ཅན་གྱི་ཆུང་མའི་སྤྱན་འདྲེན་གྱིས། བཅོམ་ལྡན་འདས་ལ་དུས་ཚོད་གསོལ་པ། བཙུན་པ། གདུགས་ཚོད་བཤམས་ལགས་ཤིང་མཆིས་ན། བཅོམ་ལྡན་འདས། ད་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་བྱ་བ་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།ཞེས་བྱ་བའི་བར་གོང་མ་བཞིན་དུའོ། །དེ་ནས་ནོར་ཅན་གྱི་བུ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ཅང་མི་གསུང་བས་ནོར་ཅན་གྱི་བུ་ལ་གནང་ངོ ། །དེ་ནས་བཅོམ་ལྡན་འདས་ཀྱིས་ནོར་ཅན་གྱི་ཆུང་མ་ལ་ཆོས་བཤད་པ་མཛད་ནས་གཤེགས་སོ། །ནོར་ཅན་གྱི་བུས་ཀྱང་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་སོ། །དེ་ནས་ཚེ་དང་ལྡན་པ་ཀུན་
Ga26b
དགའ་བོ་ནང་པར་སྔར་ལངས་ཏེ། ལྷུང་བཟེད་དང་ཆོས་གོས་ཐོགས་ཏེ། ནོར་ཅན་གྱི་ཁྱིམ་གང་ན་བ་དེར་སོང་སྟེ་ཕྱིན་ནས། ལྷོ་སྒོ་ནས་ཞུགས་ནས། གདན་མ་བཤམས་ཤིང ། ཞལ་ཟས་སྟ་གོན་མ་བྱས་པ་ཡང་མཐོང་ངོ ། །མཐོང་ནས་ཀྱང་ནོར་ཅན་གྱི་བུ་ལ་འདི་སྐད་ཅེས་སྨྲས་སོ། །ཁྱིམ་བདག་གི་བུ། སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་སྤྱན་དྲངས་ནས་ཅི། སྙིང་ལས་ཆུང་ངུས་གནས་སམ། དེས་སྨྲས་པ། འཕགས་པ། ཅི་སྟེ་དེ་སྐད་གསུང ། གདན་མ་བཤམས་ཤིང་ཞལ་ཟས་སྟ་གོན་མ་བྱས་པ་མཐོང་ངོ ། །འཕགས་པ། ཁྱེད་ཆབ་སྒོ་གང་ནས་ཞུགས། ལྷོ་ནས་སོ། ། འཕགས་པ་ནུབ་ནས་ཞུགས་ཤིག་།ཇི་ཙམ་ན། གདན་བཟང་པོ་བཤམས་ཤིང ། ཞལ་ཟས་བསོད་པ་སྟ་གོན་བྱས་པ་ཡང་མཐོང་ངོ ། །མཐོང་ནས་ཀྱང་ཤིན་ཏུ་ངོ་མཚར་སྐྱེས་པར་གྱུར་ཏོ། །དེ་ནས་ནོར་ཅན་གྱི་བུའི་སྤྱན་འདྲེན་གྱིས། བཅོམ་ལྡན་འདས་ལ་དུས་ཚོད་གསོལ་པ། བཙུན་པ། གདུགས་ཚོད་བཤམས་ལགས་ཤིང་མཆིས་ན། བཅོམ་ལྡན་འདས། ད་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་བྱ་བ་ནས་ཕྱག་བཅབས་ཏེ་ལྷུང་བཟེད་གྱུར་བར་རིག་ནས། སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།ཞེས་བྱ་བའི་བར་གོང་མ་བཞིན་དུའོ། །དེ་ནས་ནོར་ཅན་གྱི་མནའ་མ་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
Ga27a
༄#། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ཅང་མི་གསུང་བས་ནོར་ཅན་གྱི་མནའ་མ་ལ་གནང་ངོ ། །དེ་ནས་བཅོམ་ལྡན་འདས་ཀྱིས་ནོར་ཅན་གྱི་བུ་ལ་ཆོས་བཤད་པ་མཛད་ནས་གཤེགས་སོ། །དེ་ནས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས། བཅོམ་ལྡན་འདས་གང་ན་བ་དེར་སོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས་ཅང་མི་གསུང་ངོ ། །ཞེས་བྱ་བའི་བར་གོང་མ་བཞིན་དུའོ། ། དེ་ནས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ། སང་བདག་ཅག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་གི་བུ་དག་།ང་སྔར་ནོར་ཅན་གྱི་མནའ་མས་སྤྱན་དྲངས་ཟིན་ཏོ། །དེ་ནས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་
Ga27b
རྣམས་རྔམ་ནས་སྨྲས་པ། ཤེས་ལྡན་དག་།ནོར་ཅན་གཅིག་པུ་ལ་ནོར་ཡོད་ཀྱི། བདག་ཅག་ལ་མེད་དམ། ཅི་ན་དེས། སངས་རྒྱས་ལ་སོགས་པ་དགེ་སློང་གི་དགེ་འདུན་ཉི་མ་རེ་རེ་གདུགས་ཚོད་གསོལ་ཞིང ། བདག་ཅག་ཁོ་ནས་སྐབས་མ་ཐོབ་པར་གྱུར། དེ་ལ་ཇི་ལྟར་བསྒྲུབ་པར་བྱ། གཞན་དག་གིས་སྨྲས་པ། གང་གི་ཚེ་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ཟིན་ནས་གཤེགས་པར་གྱུར་པ་དེའི་ཚེ། དེའི་ཁྱིམ་རྡོ་བ་རེ་རེ་ནས་བཀོགས་ཏེ་བཤིག་གོ་།དེ་ནས་ཚེ་དང་ལྡན་པ་ཀུན་དགའ་བོ་ནང་པར་སྔར་ལངས་ཏེ། ལྷུང་བཟེད་དང་ཆོས་གོས་ཐོགས་ནས། ཁྱིམ་བདག་ནོར་ཅན་གྱི་ཁྱིམ་གང་ན་བ་དེར་སོང་སྟེ་ཕྱིན་ནས་ནུབ་སྒོ་ནས་ཞུགས་ནས། གདན་མ་བཤམས་ཤིང་ཞལ་ཟས་ཀྱང་སྟ་གོན་མ་བྱས་པར་མཐོང་ངོ ། །མཐོང་ནས་ཀྱང་ནོར་ཅན་གྱི་མནའ་མ་ལ་འདི་སྐད་ཅེས་སྨྲས་སོ། །ནོར་ཅན་གྱི་མནའ་མ། སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་སྤྱན་དྲངས་ནས་ཅི། སྙིང་ལས་ཆུང་དུས་གནས་སམ། དེས་སྨྲས་པ། འཕགས་པ། ཅི་སྟེ་དེ་སྐད་གསུང ། གདན་མ་བཤམས་ཤིང་ཞལ་ཟས་རྣམས་ཀྱང་སྟ་གོན་མ་བྱས་པར་མཐོང་ངོ ། །འཕགས་པ་ཆབ་སྒོ་གང་ནས་ཞུགས། ནུབ་ནས་སོ། །འཕགས་པ་བྱང་ནས་ཞུགས་ཤིག་།དེ་ནས་བྱང་ནས་ཞུགས་ན། ཇི་ཙམ་ན། ལྷའི་གདན་བཤམས་ཤིང ། ལྷའི་ཞལ་ཟས་སྟ་གོན་བྱས་པ་མཐོང་ངོ ། །མཐོང་ནས་ཀྱང་ཤིན་ཏུ་ངོ་མཚར་སྐྱེས་པར་གྱུར་ཏེ། དེ་ནས་ནོར་ཅན་གྱི་མནའ་མའི་
Ga28a
༄#། །སྤྱན་འདྲེན་གྱིས་བཅོམ་ལྡན་འདས་ལ་དུས་ཚོད་གསོལ་པ། བཙུན་པ། གདུགས་ཚོད་བཤམས་ཤིང་མཆིས་ན། བཅོམ་ལྡན་འདས། ད་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་བྱ་བ་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་ཐམས་ཅད་འདུས་ནས་ཁྱིམ་བདག་ནོར་ཅན་གྱི་སྒོ་ན་འདུག་གོ་།དེ་ནས་བཅོམ་ལྡན་འདས་ཀྱིས་ཁྱིམ་བདག་ནོར་ཅན་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག ། ཡངས་པ་ཅན་གྱི་ཚོགས་རྔམ་ནས་སྒོ་ན་འདུག་སྟེ། དེ་དག་གིས་ཁྱོད་ལ་གནོད་པ་བྱས་པར་འགྱུར་དུ་འོང་གི་།སོང་ལ་བཟོད་པ་མཛོད་ཅིག་།དེ་ཕྱིར་བྱུང་ནས་བཟོད་པ་གསོལ་བར་བརྩམས་པ་དང ། དེ་རྣམས་ཀྱིས་སྨྲས་པ། ཁྱིམ་བདག་།ཅི། ཁྱོད་གཅིག་པུ་ལ་ནོར་ཡོད་དམ། གང་གི་ཕྱིར་ཁྱོད་ཀྱིས་ཉིན་རེ་ཞིང་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་གདུགས་ཚོད་གསོལ་ཏེ།་ཁོ་བོ་ཅག་གིས་སྐབས་མི་རྙེད་པར་བྱེད། དེས་སྨྲས་པ། ཤེས་ལྡན་དག་།བདག་གིས་ཚོགས་ཀྱི་ཁྲིམས་སུ་བཅས་པ་མ་ཐོས་ཀྱི། དེ་བས་ན། ཚོགས་ཀྱིས་བཟོད་པར་བྱ་བའི་རིགས་སོ། །གཞན་དག་གིས་སྨྲས་པ། ཤེས་ལྡན་དག་།སྐྱེས་བུ་འདི་ནི། དམ་པ་ཡིན་པས། འདི་ལ་བཟོད་པར་བྱའོ། །ཞེས་དེ་རྣམས་བཟོད་པར་གྱུར་པ་དང ། དེས་སྨྲས་པ། གལ་ཏེ་དེ་ལྟ་ན་ནང་དུ་ཞུགས་ཤིག །
Ga28b
དེ་རྣམས་ཁྱིམ་དུ་ཞུགས་པ་དང ། གདན་བཟང་པོ་བཤམས་ཤིང་ཞལ་ཟས་བསོད་པ་རྣམས་སྟ་གོན་བྱས་པ་ཡང་མཐོང་ངོ ། །མཐོང་ནས་ཀྱང་ཤིན་ཏུ་ངོ་མཚར་སྐྱེས་པར་གྱུར་ནས། སྨྲས་པ། ཁྱིམ་བདག ། ཁྱེད་འབའ་ཞིག་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་གདུགས་ཚོད་གསོལ་བར་འོས་ཀྱི། ཁོ་བོ་ཅག་ནི། མ་ཡིན་ནོ། །དེས་དེ་རྣམས་ལ་རིན་པོ་ཆེ་དག་བྱིན་པ་དང ། དེ་རྣམས་ཀྱིས་མ་བླངས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། རིན་པོ་ཆེ་འདི་དག་ནི། རྙེད་པར་དཀའ་བ་ཡིན་གྱི། ལོངས་ཤིག་།དེ་རྣམས་ཀྱིས་བླངས་པ་ལས། གང་གིས་ཅི་འདྲ་བ་བླངས་པ་དེའི་ཁ་དོག་དེ་འདྲ་བ་ཁོ་ནར་སྣང་བར་གྱུར་ཏོ། །དེ་ནས་ནོར་ཅན་གྱི་མནའ་མས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང ། བཅའ་བ་དག་གིས་ཞེས་བྱ་བ་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།ཞེས་བྱ་བའི་བར་གོང་མ་བཞིན་དུའོ། ། དེ་ནས་བཅོམ་ལྡན་འདས་ཀྱིས་ནོར་ཅན་དང ། ནོར་ཅན་གྱི་ཆུང་མ་དང ། ནོར་ཅན་གྱི་བུ་དང ། ནོར་ཅན་གྱི་མནའ་མ་རྣམས་ཀྱི་བསམ་པ་དང ། བག་ལ་ཉལ་དང ། ཁམས་དང་རང་བཞིན་མཁྱེན་ནས། གང་ཐོས་ན་ནོར་ཅན་དང ། ནོར་ཅན་གྱི་ཆུང་མ་དང ། ནོར་ཅན་གྱི་བུ་དང ། ནོར་ཅན་གྱི་མནའ་མ་རྣམས་ཀྱིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་
Ga29a
༄#། །འབྲས་བུ་མངོན་སུམ་དུ་བྱས་པ་དེ་ལྟ་བུར་འཕགས་པའི་བདེན་པ་བཞི་སོ་སོར་རྟོགས་པར་བྱེད་པའི་ཆོས་བཤད་པ་མཛད་དེ། དེ་རྣམས་ཀྱིས་བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ་ཞེས་བྱ་བ་ནས་བདག་ཅག་ནི། མངོན་པར་འཕགས་སོ། །ཞེས་བྱ་བའི་བར་གོང་མ་བཞིན་དུའོ། །བདག་ཅག་བཅོམ་ལྡན་འདས་དང ། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱི། བཅོམ་ལྡན་འདས་ཀྱིས་བདག་ཅག་དགེ་བསྙེན་དུ་གཟུང་དུ་གསོལ། ཇི་སྲིད་འཚོ་བའི་བར་དུ་སྲོག་དང་ཡང་བསྔོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བཅོམ་ལྡན་འདས་ཀྱིས། ནོར་ཅན་དང ། ནོར་ཅན་གྱི་ཆུང་མ་དང ། ནོར་ཅན་གྱི་བུ་དང ། ནོར་ཅན་གྱི་མནའ་མ་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་ཏུ་འཇུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ།། །། འདུལ་བ་གཞི། བམ་པོ་ང་བདུན་པ། དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ནོར་ཅན་དང ། ནོར་ཅན་གྱི་མཆིས་བྲང་དང ། ནོར་ཅན་གྱི་བུ་དང ། ནོར་ཅན་གྱི་མནའ་མ་རྣམས་ཀྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་
Ga29b
སུ་སྐྱེས་ཤིང ། ལྷ་དང་མི་རྣམས་ཀྱི་དཔལ་ཉམས་སུ་མྱོང་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་རྣམས་ཁོ་ནས་ལས་རྣམས་བྱས་ཤིང་བསགས་པ་ཚོགས་རྙེད་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་ནོ། །དགེ་སློང་དག་།སྔོན་བྱུང་བ། ཝཱ་ར་ཎཱ་སི་ན་མེ་ཏོག་ཕྲེང་རྒྱུན་མཁན་ཞིག་ཡོད་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་སོ། །དེས་དེར་ཡང་རིགས་མཉམ་པ་ལས་ཆུང་མ་བླངས་སོ། །དེ་དུས་ཕྱི་ཞིག་ན་བཀྲེན་ཞིང་ཤིན་ཏུ་བཀྲེན་པར་གྱུར་ནས། དེ་དང ། བུ་དང ། ཆུང་མ་དང ། མནའ་མས་བརྩོན་པ་ཆེན་པོས་འབད་པས་དར་ཡུག་གཅིག་ཅིག་གྲུབ་ནས། དེ་ནས་མེ་ཏོག་ཕྲེང་རྒྱུད་མཁན་ཡང་དེ་བགོས་ནས་རྒྱལ་པོ་ལ་མེ་ཏོག་ཕྲེང་འབུལ། མེ་ཏོག་ཕྲེང་རྒྱུད་མཁན་གྱི་ཆུང་མ་ཡང་དེ་ཉིད་བགོས་ནས་བཙུན་མོ་ལ་འབུལ། མེ་ཏོག་ཕྲེང་རྒྱུད་མཁན་གྱི་བུ་ཡང་དེ་ཉིད་བགོས་ནས་གཞོན་ནུ་རྣམས་ལ་འབུལ། མེ་ཏོག་ཕྲེང་རྒྱུད་མཁན་གྱི་མནའ་མ་ཡང་དེ་ཉིད་བགོས་ནས་རྒྱལ་པོའི་མནའ་མ་རྣམས་ལ་མེ་ཏོག་ཕྲེང་འབུལ་བར་བྱེད་དོ། །སངས་རྒྱས་རྣམས་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་པ་དང ། ངན་པ་ལ་སྙིང་བརྩེ་བ། གནས་མལ་བས་མཐའ་ལ་བརྟེན་པ།
Ga30a
༄#། །འཇིག་རྟེན་གྱི་ཡོན་གནས་གཅིག་བུ་དག་འབྱུང་བར་འགྱུར་བས། ཇི་ཙམ་ན། རང་སངས་རྒྱས་ཤིག་ལྗོངས་རྒྱུ་ཞིང་འགྲོ་བ་ན། ཉི་མ་ནུབ་ཀའི་དུས་སུ་ཝཱ་ར་ཎཱ་སིར་ཕྱིན་ནས་མེ་ཏོག་ཕྲེང་རྒྱུད་མཁན་དེའི་ཁྱིམ་གྲོང་ཁྱེར་གྱི་སྒོ་ན་འདུག་པ་དེའི་ལྡུམ་རར་ནུབ་མོ་གནས་བཏབ་སྟེ་མེའི་ཁམས་ལ་སྙོམས་པར་ཞུགས་སོ། །དེ་ནས་མེ་ཏོག་ཕྲེང་རྒྱུད་མཁན་དེས། མེའི་ཕུང་པོ་འབར་བ་ལར་བུར་མཐོང་ནས་དེ་དད་པ་སྐྱེས་ཏེ་ཆུང་མ་ལ་སྨྲས་པ་དང་དེ་ཡང་དད་པར་གྱུར་ཏོ། །དེས་བུ་ལ་སྨྲས་པ་དང་དེ་ཡག་དད་པར་གྱུར་ཏོ། །དེས་མནའ་མ་ལ་སྨྲས་པ་དང་དེ་ཡང་དད་པར་གྱུར་ཏོ། །དེ་ནས་དེ་རྣམས་ཀྱིས་གྲོས་བྱ་བར་བརྩམས་པ་དང ། བདག་ཅག་སང་ཟན་མ་ཟོས་ཀྱང་བླ། འདུས་ལ་རབ་ཏུ་བྱུང་བ། ཞི་བ། ཞི་བའི་བདག་ཉིད་ཅན་འདིར་བཤོས་གསོལ་ལོ། །དེ་ནས་ནམ་ལངས་ནས། དེ་རྣམས་ཀྱིས་དེ་ལ་བསོད་སྙོམས་ཕུལ་ལོ། །མེ་ཏོག་ཕྲེང་རྒྱུད་མཁན་གྱིས་སྨྲས་པ། བཟང་མོ། ཁོ་བོའི་རས་ཀྱི་བགོ་སྐལ་གང་ཡིན་པ་དེ་ནི། རབ་ཏུ་བྱུང་བ་འདི་ལ་དབུལ་ལོ། །དེས་སྨྲས་པ། རྗེའི་སྲས། བདག་གི་ཡང་དབུལ་ལོ། །བུས་སྨྲས་པ། བདག་གི་ཡང་དབུལ་ལོ། །མནའ་མས་སྨྲས་པ། བདག་གི་ཡང་དབུལ་ལོ། །དེས་དེ་རྣམས་འདུས་ནས་དེ་ལ་རས་བསྐོན་ཏོ། །བདག་ཉིད་ཆེན་པོ་དེ་དག་ནི། ལུས་ཀྱིས་ཆོས་སྟོན་གྱི། ཚིག་གིས་མ་ཡིན་པས། དེ་ནས་བདག་ཉིད་ཆེན་པོ་དེ་དེ་རྣམས་ལ་སྙིང་བརྩེ་བའི་ཕྱིར་ནམ་
Ga30b
མཁའ་ལ་འཕགས་ནས། འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་རྣམས་ནི། རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས། ཤིང་རྩ་བ་ནས་བཅད་པ་བཞིན་དུ་རྐང་པ་གཉིས་ལ་གཏུགས་ཏེ་སྨོན་ལམ་གདབ་པར་བརྩམས་པ། བདག་ཅག་གིས་ཡོང་ནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་འདིས། བདག་ཅག་ཕྱུག་ཅིང་ནོར་མང་ལ། ལོངས་སྤྱོད་ཆེ་བའི་རིགས་སུ་སྐྱེ་ཞིང ། བདག་ཅག་གི་ཁྱིམ་དུ་ལྷ་དང ། མིའི་གཡང་འབབ་པར་གྱུར་ཅིག་།འདི་ལ་བུའི་ཆོས་རྣམས་ཀྱང་ཐོབ་ནས། འདི་བས་ཁྱད་པར་འཕགས་པའི་སྟོན་པ་མཉེས་པར་བྱེད་ཀྱི། མི་མཉེས་པར་བྱེད་པར་མ་གྱུར་ཅིག་།ཅེས་བྱས་སོ། །དེ་ནས་རང་སངས་རྒྱས་ཀྱིས་དེ་རྣམས་ལ་སྙིང་བརྩེ་བས་རྫུ་འཕྲུལ་བྱས་ནས་རྒྱལ་པོའི་ཁབ་ཀྱི་སྟེང་ན་ཕར་ཆས་ཏེ་སོང་བ་དང ། དེའི་གྲིབ་མས་རྒྱལ་པོའི་སྟེང་དུ་བབ་པ་དང ། དེ་གདོང་བསྟོད་དེ་བལྟ་བར་བརྩམས་པ་དང ། བདག་ཉིད་ཆེན་པོ་དེ་མཐོང་ནས་དེས་བསམ་པ། བདག་ཉིད་ཆེན་པོ་འདིས། ཡང་སུ་ཞིག་གི་བཀྲེན་པའི་རྩ་བ་ཕྱུང་བར་གྱུར་སྙམ་མོ། །མེ་ཏོག་ཕྲེང་རྒྱུད་མཁན་དེ་རྒྱལ་པོ་ལ་མེ་ཏོག་འབུལ་བའི་དུས་གང་ཡིན་པ་དེ་ལས་ཐེག་གེ་ཙམ་ཞིག་ཡོལ་ལོ། །རྒྱལ་པོ་ཡང་མེ་ཏོག་ལ་སྡོད་ཅིང་འདུག་གོ་།དེ་ནས་མེ་ཏོག་ཕྲེང་རྒྱུད་མཁན་དེ། རྒྱལ་པོའི་ཞོ་ཤས་འཚོ་བ་རྣམས་ཀྱིས་བཀུག་པ་དང ། རྒྱལ་པོས་དེ་ལ་སྨྲས་པ། ཅིའི་ཕྱིར་ཁྱོད་ཀྱིས་མེ་ཏོག་དེ་རིང་དུས་ལས་ཡོལ།
Ga31a
༄#། །དེས་ཇི་ལྟར་གྱུར་པ་རྒྱས་པར་སྨྲས་པ་དང ། དེ་ནས་རྒྱལ་པོས་ཇི་སྙེད་གྱོན་པ་བྱིན་ནོ། །དེ་བཞིན་དུ་མེ་ཏོག་ཕྲེང་རྒྱུད་མཁན་གྱི་ཆུང་མ་ལ་ནི། བཙུན་མོ་རྣམས་ཀྱིས་ཇི་སྙེད་གྱོན་པ་བྱིན་ནོ། །མེ་ཏོག་ཕྲེང་རྒྱུད་མཁན་གྱི་བུ་ལ་ནི། གཞོན་ནུ་རྣམས་ཀྱིས་སོ། །མེ་ཏོག་ཕྲེང་རྒྱུད་མཁན་གྱི་མནའ་མ་ལ་ནི། རྒྱལ་པོའི་མནའ་མ་རྣམས་ཀྱིས་ཏེ། དེ་མཐོང་བའི་ཆོས་དེ་ཉིད་ལ་ནོར་གྱི་མེ་ཏོག་མངོན་པར་གྲུབ་པར་གྱུར་ཏེ། དབུལ་བ་མེད་པར་གྱུར་ཏོ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་མེ་ཏོག་ཕྲེང་རྒྱུད་མཁན་གང་ཡིན་པ་དེ་ནི། ནོར་ཅན་འདི་ཉིད་ཡིན་ནོ། །མེ་ཏོག་ཕྲེང་རྒྱུད་མཁན་གྱི་ཆུང་མ་གང་ཡིན་པ་དེ་ནི། ནོར་ཅན་གྱི་ཆུང་མ་ཡིན་ནོ། །མེ་ཏོག་ཕྲེང་རྒྱུད་མཁན་གྱི་བུ་གང་ཡིན་པ་དེ་ནི། ནོར་ཅན་གྱི་བུ་ཡིན་ནོ། །མེ་ཏོག་ཕྲེང་རྒྱུད་མཁན་གྱི་མནའ་མ་གང་ཡིན་པ་དེ་ནི། ནོར་ཅན་གྱི་མནའ་མ་ཡིན་ཏེ། འདི་དག་གིས་རང་སངས་རྒྱས་ལ་བྱ་བ་བྱས་ཤིང ། སྨོན་ལམ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས། ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེས་ནས། ཁྱིམ་དུ་ལྷ་དང་མིའི་གཡང་བབས་པར་གྱུར་ཏོ། །ངའི་སྤྱན་སྔ་ནས་ཀྱང་བདེན་པ་མཐོང་བར་བྱས་ཏེ། ང་རང་སངས་རྒྱས་བྱེ་བ་བརྒྱ་སྟོང་བས་ཁྱད་པར་དུ་འཕགས་པའི་སྟོན་པ། འདི་དག་གིས་མཉེས་པར་བྱས་ཀྱི། མི་མཉེས་པར་ནི་མ་ཡིན་ནོ། །དགེ་སློང་དག། དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་ཞེས་བྱ་བ་ནས་
Ga31b
བརྩམ་པར་བྱ་སྟེ། དགེ་སློང་དག། ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་པའི་བར་གོང་མ་བཞིན་དུའོ། །དེ་ནས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལྷག་པར་ཡང་མངོན་པར་དད་པར་གྱུར་ནས་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་ཅག་གིས་དགུང་ཟླ་གསུམ་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་དང་ཡོ་བྱད་རྣམས་འབུལ་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ཅང་མི་གསུང་བས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལ་གནང་ངོ ། །དེ་ནས་ཡངས་པ་ཅན་གྱི་ཁྱིམ་བདག་དང ། བྲམ་ཟེ་རྣམས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་སྟན་ལས་ལངས་ཏེ་དོང་ངོ ། །དེ་ནས་ཡངས་པ་ཅན་གྱི་བྲམ་ཟེ་དང་ཁྱིམ་བདག་རྣམས་ཀྱིས། དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་སྟ་གོན་བྱས་ཏེ་ཞེས་བྱ་བ་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ་ཆོས་མཉན་པའི་ཕྱིར་བཅོམ་ལྡན་འདས་ཀྱི་སྤྱན་སྔར་འདུག་གོ་།ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན།
Ga32a
༄#། །ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ཉིད་དུ་ཉི་མ་གཉིས་སམ། གསུམ་གྱི་བར་དུ་འདས་སོ། །ཡངས་པ་ཅན་གྱི་བྲམ་ཟེ་དང ། ཁྱིམ་བདག་རྣམས་ཀྱི་འཁོར་རྒྱ་ཆེན་པོ་མུ་གེ་དང་བཅས་པའི་དུས་བྱུང་བས། དེ་རྣམས་ཀྱི་ཉེ་དུ་དག་ཟས་ཀྱི་ཕྱིར་ཉི་མ་རེ་རེ་ཞིང་འོང་བས་དེ་དག་གིས་གཙེས་པར་གྱུར་ནས། དགེ་སློང་རྣམས་ལ་སྨྲས་པ། འཕགས་པ་དག། མུ་གེ་དང་བཅས་པའི་དུས་བྱུང་བས། བདག་ཅག་གི་ཉེ་དུ་དག་སྐྲུར་མཆིས་ཏེ། དེ་རྣམས་ལ་བདག་ཅག་གདུགས་གཅིག་བཞིན་སྩོལ་བས། ཁྱེད་ཅག་དང་དེ་རྣམས་ལ་ཁྱབ་པར་རྔོ་མི་ཐོགས་ན། ཀྱེ་འཕགས་པ་དག། བདག་ཅག་གིས་ཡོ་བྱད་རྣམས་དབུལ་གྱི། ཞལ་ཏ་ཁོ་ན་མཛོད་ཅིག། དགེ་སློང་རྣམས་ཀྱིས་སྨྲས་པ།་བཅོམ་ལྡན་འདས་ལ་ཞུས་ཏེ་བྱའོ། །ཞེས་དགེ་སློང་རྣམས་ཀྱིས་སྐབས་དེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། དགེ་སློང་རྣམས་ཀྱིས་ཞལ་ཏ་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཟས་ཀྱི་ཞལ་ཏ་བྱའོ་ཞེས་གསུངས་པས། དེ་རྣམས་ཀྱིས་ཞལ་ཏ་བྱ་བར་བརྩམས་ཏེ། ཇི་ཙམ་ན། སྟེང་གཡོགས་མེད་པར་ཐུག་པ་འཚེད་པའི་ཞལ་ཏ་བྱས་པ་ལས། ལྷས་ཆར་ཕབ་པས་དེས་མ་རུང་བར་གྱུར་པའི་སྐབས་དེ། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྟེང་གཡོགས་
Ga32b
མེད་པར་བཙོ་བར་མི་བྱའོ། །སྒོ་ཁང་དང ། ཁྱམས་སུ་འཚེད་པར་བྱེད་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྒོ་ཁང་དང ། ཁྱམས་སུ་བཙོ་བར་མི་བྱའོ། །དགེ་སློང་དག། དེ་ལྟ་བས་ན། རུང་བའི་གནས་ཀྱི་གཞིར་མི་རུང་བ་ནི། བཅུ་པོ་འདི་དག་སྟེ། འདི་རྣམས་སུ་ཟས་ཀྱི་ཞལ་ཏ་མི་བྱའོ། །བཅུ་གང་ཞེ་ན། སྟེང་གཡོགས་མེད་པ་དང ། སྒོ་ཁང་དང ། ཁྱམས་དང ། བསྲོ་ཁང་དང ། ཁྲུས་ཁང་དང་རྒྱལ་པོའི་གནས་དང ། མཆོད་རྟེན་གྱི་གནས་དང ། མུ་སྟེགས་ཅན་གྱི་གནས་དང ། ཁྱིམ་བདག་གི་གནས་དང ། དགེ་སློང་མའི་དབྱར་ཁང་ངོ ། །གཞི་བཅུ་པོ་འདི་དག་ནི། རུང་བ་མ་ཡིན་པའི་གནས་ཀྱི་གཞི་ཡིན་ཏེ། དེ་རྣམས་སུ་དགེ་སློང་གིས་ཟས་ཀྱི་ཞལ་ཏ་མི་བྱའོ། །ཞལ་ཏ་བྱེད་ན། འགལ་ཚབས་ཅན་དུ་འགྱུར་རོ། །སྡོམ་ནི། ནད་བུ་ཅན་དང་ཟས་དག་དང ། གཡར་ཚུས་ལྷག་པ་དག་དང་ཡང ། །ཚལ་གྱི་འབྲས་བུ་ཆུ་སྐྱེས་དང ། །པདྨའི་རྩ་དང་ལུག་དག་གོ། གླེང་གཞི་ནི། མཉན་ཡོད་ནའོ། །མཉན་ཡོད་ན། དགེ་སློང་ནད་བུ་ཅན་ཞིག་ཡོད་པས་དེས་སྨན་པ་ལ་དྲིས་པ། བཞིན་བཟང་དག། ཁོ་བོ་ལ་སྨན་སྟོན་ཅིག། དེས་ནད་ཀྱི་གཞི་དྲིས་ནས་སྨྲས་པ། འཕགས་པ། ཐུག་པ་གསོལ་ཅིག་དང་སོས་པར་འགྱུར་རོ། །དེས་སྨྲས་པ། བཞིན་བཟང ། བཅོམ་ལྡན་འདས་ཀྱིས་མ་གནང་ངོ ། །སྨན་པས་སྨྲས་པ། འཕགས་པ། ཁྱོད་ཀྱི་སྟོན་པ་ཐུགས་རྗེ་ཅན་ཡིན་པས། འདི་ཉིད་ཀྱིས་རྐྱེན་བྱས་ནས་གནང་བར་འགྱུར་བའི་གནས་ཡོད་དོ། །དེས་སྐབས་དེ་དགེ་སློང་རྣམས་
Ga33a
༄#། །ལའོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་སྨན་པས་ཐུག་པ་འཐུངས་ཤིག་ཅེས་ཟེར་ན།་སྨན་པས་བསྒོ་བ་བཞིན་ཐུག་པ་བཏུང་བར་བྱ་སྟེ། དེ་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་སྨན་པས་བསྒོ་བ་བཞིན་ཐུག་པ་བཏུང་བར་བྱའོ། །ཞེས་བཀའ་སྩལ་པ་དང ། དེའི་ནད་གཡོག་གིས་ཐུག་པ་གྲང་མོ་ཞིག་ཁྱེར་ཏེ་བྱིན་ནོ། །དེ་ནས་སྨན་པ་འོངས་ནས་དྲིས་པ། འཕགས་པ། ཁྱོད་བདེ་འམ། དེས་སྨྲས་པ། བཞིན་བཟང ། མི་བདེའོ། །ཅི། ཁྱོད་ཀྱིས་ཐུག་པ་མ་གསོལ་ཏམ། འཐུངས་སོ། །ཅི་འདྲ་བ་ཞིག། གྲང་མོའོ། །འཕགས་པ། མ་ལེགས་པ་ཞིག་བགྱིས་སོ། །སང་ནི། དྲོན་མོ་གསོལ་ཅིག། དེ་ནས་དེའི་ནད་གཡོག་གིས་བསླངས་ནས་གྲང་མོ་ཁོ་ན་རྙེད་ནས། དེས་དེ་བསྲོས་ཏེ་བྱིན་ནོ། །དེ་ནས་སྨན་པ་འོངས་ཏེ་དེ་བཞིན་དུ་དྲིས་པ་དང ། དེས་སྨྲས་པ། མི་བདེའོ། །ཅི། ཐུག་པ་མ་གསོལ་ཏམ། འཐུངས་སོ། །ཅི་འདྲ་བ་ཞིག། གྲང་མོ་ཞིག་བསྲོས་ནས་སོ། །འཕགས་པ། མ་ལེགས་པ་ཞིག་བགྱིས་སོ། །དེ་གྲང་སྟེ་བསྲོས་པ་ལགས་ཀྱི། སང་ནི། རང་བཞིན་གྱིས་དྲོན་པོར་མཛོད་ལ་གསོལ་ཅིག། དེ་ནས་དེའི་ནད་གཡོག་གིས། འབྲས་དང་སྣོད་སྟ་གོན་བྱས་ནས། གཙུག་ལག་ཁང་གི་ཕྱི་རོལ་གྱི་ཤིང་དྲུང་ཞིག་ཏུ་བཙོ་བར་བརྩམས་པ་ལས། དེ་ནས་ཁཝའི་རྟུག་པས། དེ་མ་རུང་བར་བྱས་པས། དགེ་སློང་དེ་ཕོངས་པར་གྱུར་པའི་
Ga33b
སྐབས་དེ། དགེ་སློང་རྣམས་ལའོ། །དགེ་སློང་རྣམས་ཀྱིས་ནི། བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་ལྟ་བས་ན། རུང་བའི་གནས་བསྐོ་བར་བྱའོ། །བཅོམ་ལྡན་འདས་ཀྱིས་རུང་བའི་གནས་བསྐོ་བར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཀྱིས། ཇི་འདྲ་བ་དང་ཇི་ཙམ་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རུང་བའི་གནས་ལྔ་སྟེ། རྩོམ་པའི་མཐའ་ཅན་དང ། སེམས་གཏོད་པའི་མཐའ་ཅན་དང ། བ་ཉལ་བ་ལྟ་བུ་དང ། སྟོང་པའི་གནས་དང ། བསྐོས་པའོ། །དེ་ལ་རྩོམ་པའི་མཐའ་ཅན་ནི། འདི་ལྟ་སྟེ། དགེ་སློང་ལག་གི་བླས་གནས་རྩོམ་པ་ན། དེར་ཐོག་མར་གཞི་འདི་ནི། དགེ་འདུན་གྱི་རུང་བའི་གནས་སུ་འགྱུར་རོ། །ཞེས་སེམས་བསྐྱེད་ཅིང་ཚིག་ཏུ་སྨྲས་པ་སྟེ། འདི་ནི། རུང་བའི་གནས་རྩོམ་པའི་མཐའ་ཅན་ཞེས་བྱའོ། །སེམས་གཏོད་པའི་མཐའ་ཅན་གང་ཞེ་ན། འདི་ལྟ་སྟེ། དགེ་སློང་ལག་གི་བླས་དེར་ཐོག་མར་རྡོ་བ་འདེག་པ་ན། ཉེ་འཁོར་གྱི་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། གཞི་འདི་ནི། དགེ་འདུན་གྱི་རུང་བའི་གནས་སུ་འགྱུར་བར་ངེས་པར་ཟུངས་ཤིག། ངེས་པར་ཟུངས་ཤིག་ཅེས་བྱ་བ་སྟེ། འདི་ནི། སེམས་གཏོད་པའི་མཐའ་ཅན་ཞེས་བྱའོ། །བ་ཉལ་བ་ལྟ་བུ་གང་ཞེ་ན། གང་ལ་སྒོ་ཐ་དད་པར་གསེས་པ་སྟེ། འདི་ནི། བ་ཉལ་བ་ལྟ་བུ་ཞེས་བྱའོ། །གནས་སྟོང་པ་གང་ཞེ་ན། སྤངས་པའི་གནས་ཏེ། འདི་ནི། གནས་སྟོང་པ་ཞེས་བྱའོ། །བསྐོས་པ་གང་ཞེ་ན། གསོལ་བ་དང་གཉིས་ཀྱི་
Ga34a
༄#། །ལས་ཀྱིས་བསྐོས་པའོ། །དགེ་སློང་རྣམས་ཀྱིས་ཇི་ལྟར་བསྐོ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གནས་གང་ཞིག་ཐམས་ཅད་ཟིན་པར་བྱས་པ། ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་ལ། དགེ་འདུན་གྱིས་འདོད་ན་དེ་བསྐོ་བར་བྱའོ། །བསྐོ་བ་ཡང་འདི་ལྟར་བྱ་སྟེ། གནས་མལ་བཤམས་ལ། གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གནས་ཐམས་ཅད་ལགས་པ། ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི། དགེ་འདུན་གྱི་རུང་བའི་གནས་སུ་བསྐོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱི་གནས་ཐམས་ཅད་ལགས་པ། ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི། དགེ་འདུན་གྱི་རུང་བའི་གནས་སུ་བསྐོའོ། །འདི་ནི། གསོལ་པའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གནས་ཐམས་ཅད་ལགས་པ། ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི། དགེ་འདུན་གྱི་རུང་བའི་གནས་སུ་བསྐོ་བར་བཞེད་དེ། དེའི་སླད་དུ་དགེ་འདུན་གྱིས་གནས་ཐམས་ཅད་ལགས་པ། ནང་མཚམས་དང ། ཕྱི་
Ga34b
རོལ་ཉེ་འཁོར་འདོམ་གང་དང་བཅས་པ་འདི། དགེ་འདུན་གྱི་རུང་བའི་གནས་སུ་བསྐོ་ན། ཚེ་དང་ལྡན་པ་རྣམས་ལས། གང་དག། གནས་ཐམས་ཅད་ལགས་པ། ནང་ཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི། དགེ་འདུན་གྱི་རུང་བའི་གནས་སུ་བསྐོ་བར་བཟོད་པ་དེ་དག་ནི། ཅང་མ་གསུངས་ཤིག། གང་དག་མི་བཟོད་པ་དེ་དག་ནི། གསུངས་ཤིག། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་གནས་ཐམས་ཅད་བགྱིས་ལགས་པ། ནང་མཚམས་དང ། ཕྱི་རོལ་ཉེ་འཁོར་འདོམ་གང་དང་བཅས་པ་འདི། དགེ་འདུན་གྱི་རུང་བའི་གནས་སུ་བསྐོས་ལགས་ཏེ། འདི་ལྟར་ཅང་མི་གསུང་པས་དེ་དེ་བཞིན་དུ་འཛིན་ཏོ། །གང་དུ་དགེ་འདུན་གྱི་རུང་བའི་གནས་སུ་བསྐོས་པ་དེར། གཉིས་སྐབས་དབྱེ་སྟེ། མཚམས་ཀྱི་ནང་དུ་བཙོས་པ་དང ། མཚམས་ཀྱི་ནང་དུ་ཞག་ལོན་པའོ། །སངས་རྒྱས་བཅོམ་ལྡན་འདས་ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་བཞུགས་སོ། །ཡངས་པ་ཅན་ན་སྡེ་དཔོན་སེང་གེ་ཞེས་བྱ་བ་ཞིག་གནས་ཏེ། དེའི་ཉེན་ཀོར་ན་གནས་པ་རྣམས་ཀྱིས། དེའི་ཚེ་ཆེད་དུ་ཤ་ཁྱེར་ཏེ་འོངས་ནས། དེ་ཡང་ཟ་བར་བྱེད་དོ། །གང་གི་ཚེ་དེས། བཅོམ་ལྡན་འདས་ལས་བདེན་པ་མཐོང་བ་དེའི་ཚེ་མི་ཟ་བས། ཁྱེར་ཏེ་འོངས་ན་ཡང་དགེ་སློང་རྣམས་ལ་སྦྱིན་པར་བྱེད་དོ། །དགེ་སློང་རྣམས་ཀྱིས་ཀྱང་དེ་དག་ཟོས་པ་དང་མུ་སྟེགས་ཅན་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། ཤེས་ལྡན་དག། སྡེ་
Ga35a
༄#། །དཔོན་སེང་གེའི་ཆེད་དུ་བྱས་ཏེ་ཤ་ཁྱེར་ཏེ་འོངས་ན་ནི། དེས་དེ་དག་མ་ཟོས་ལ། ཤཱཀྱའི་སྲས་ཀྱི་དགེ་སྦྱོང་རྣམས་ལ་བྱིན་པ་དང ། ཤཱཀྱའི་སྲས་ཀྱི་དགེ་སྦྱོང་རྣམས་ཀྱིས་ཆེད་དུ་བྱས་པའི་ཤ་ནི། ཟོས་སོ། །ཞེས་བྱ་བའི་སྐབས་དེ་དག་དགེ་སློང་རྣམས་ཀྱིས་བཅོལ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ངས་གནས་གསུམ་གྱིས་རུང་བ་མ་ཡིན་པའི་ཤ་བཟའ་བར་མི་བྱའོ། །ཞེས་གསུངས་པ། གསུམ་གང་ཞེ་ན། བདག་གི་ཆེད་དུ་བྱས་པར་མངོན་སུམ་དུ་མཐོང་བ། རུང་བ་མ་ཡིན་པའི་ཤ་བཟའ་བར་མི་བྱའོ། ། ཞེས་གསུངས་པ་དང ། ཡིད་ཆེས་པ་ལས་ཁྱོད་ཀྱི་ཆེད་དུ་བྱས་པ་ཡིན་ནོ། །ཞེས་ཐོས་པ། རུང་བ་མ་ཡིན་པའི་ཤ་བཟའ་བར་མི་བྱའོ། །ཞེས་གསུངས་པ་དང ། རང་ཉིད་ཀྱི་བློ་ལ་རྣམ་པར་རྟོག་པ་སྐྱེས་པ། ཚུལ་ལས་འདི་ནི། བདག་གི་ཆེད་དུ་བྱས་པ་ཡིན་ནོ། །སྙམ་དུ་རུང་བ་མ་ཡིན་པའི་ཤ་བཟའ་བར་མི་བྱའོ། །ཞེས་གསུངས་པ་ཡིན་ནོ། །དགེ་སློང་དག། ངས་གནས་གསུམ་གྱིས་རུང་བའི་ཤ་བཟའ་བར་བྱའོ། །ཞེས་གསུངས་པ། གསུམ་གང་ཞེ་ན། འདིས་བདག་གི་ཆེད་དུ་བྱེད་པར་མངོན་སུམ་དུ་མ་མཐོང་བ་རུང་བའི་ཤ་བཟའ་བར་བྱའོ། །ཞེས་གསུངས་པ་དང ། ཡིད་ཆེས་པ་ལས་འདིས་ཁྱེད་ཀྱི་ཆེད་དུ་བྱས་པ་མ་ཡིན་ནོ། །ཞེས་ཐོས་པ། རུང་བའི་ཤ་བཟའ་བར་བྱའོ། །ཞེས་གསུངས་པ་དང ། བདག་ཉིད་ཀྱི་བློ་ལ་རྣམ་པར་
Ga35b
རྟོག་སྐྱེས་པ། ཚུལ་ལས་འདི་བདག་གི་ཆེད་དུ་བྱས་པ་ཡིན་ནོ་སྙམ་པ་མ་སྐྱེས་པ། རུང་བའི་ཤ་བཟའ་བར་བྱའོ། །ཞེས་གསུངས་པ་ཡིན་ནོ།། །།གླེང་གཞི་ནི། མཉན་ཡོད་ནའོ། །མུ་གེ་དང་བཅས་པའི་དུས་བྱུང་ནས། དགེ་སློང་དག་ལྟོགས་པར་གྱུར་པས་དེ་རྣམས་གློས་ཕབ་སྟེ་འདུག་པ་དང ། བྲམ་ཟེ་དང ། ཁྱིམ་བདག་རྣམས་ཀྱིས་སྨྲས་པ། འཕགས་པ་དག། གཅིག་ཏུ་བརྩོན་པར་བྱ་བའི་བསྟན་པ་ལ། ཅིའི་སླད་དུ་གློས་ཕབ་སྟེ་བཞུགས་ཤིང ། དགེ་བའི་ཕྱོགས་ལ་བརྩོན་པར་མི་མཛད། དེ་རྣམས་ཀྱིས་སྨྲས་པ། མུ་གེ་དང་བཅས་པའི་དུས་བྱུང་བས། བསོད་སྙོམས་ལྟོ་འགྲངས་པར་མི་རྙེད་པས། ཁོ་བོ་ཅག་ལྟོགས་ཏེ་ཉམ་ཆུང་བས་དེས་ན་གློས་ཕབ་སྟེ་འདུག་གོ། དེ་རྣམས་ཀྱིས་སྨྲས་པ། ཅི་སྟེ་ཞལ་ཚུས་མི་གསོལ། བཅོམ་ལྡན་འདས་ཀྱིས་མ་གནང་ངོ ། །ཁྱོད་ཀྱི་སྟོན་པ་ནི། ཐུགས་རྗེ་ཅན་ཡིན་པས། གནང་བར་འགྱུར་བ་གང་ཡིན་པའི་གནས་དེ་ཡོད་དོ། །ཞེས་བྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེའི་ཕྱིར་རྗེས་སུ་གནང་སྟེ། མུ་གེའི་སྡུག་བསྔལ་དགོན་པ་འདི་ལྟ་བུར་དགེ་སློང་རྣམས་ཀྱིས་གཡར་ཚུས་བཟའ་བར་བྱ་སྟེ། འདི་ལ་འགྱོད་པར་མི་བྱའོ།། །།གླེང་གཞི་ནི། མཉན་ཡོད་ནའོ། །མུ་གེ་དང་བཅས་པའི་དུས་བྱུང་ནས། དགེ་སློང་རྣམས་ལ་བྲམ་ཟེ་དང །
Ga36a
༄#། །ཁྱིམ་བདག་དད་པ་ཅན་རྣམས་ཀྱིས་སྨྲས་པ། འཕགས་པ་དག། འདི་ཉིད་དུ་ཟས་ཀྱི་བྱ་བ་མཛོད་ཅིག། དེ་རྣམས་ཀྱིས་ཟས་ཀྱི་བྱ་བ་བྱས་ནས་བསོད་སྙོམས་སྔར་རྙེད་པ་ཁྱེར་ནས་གཙུག་ལག་ཁང་དུ་སོང་སྟེ། དེ་རྣམས་ཀྱིས་མུ་གེའི་སྐྱོན་གྱིས་དེ་ཡང་བཟའ་བར་འདོད་ན། འོན་ཀྱང་འགྱོད་པས་མ་ཟོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། མུ་གེའི་སྡུག་བསྔལ་དགོན་པ་འདི་ལྟ་བུར་འདོད་ན། སྔར་བླངས་ཟིན་ཏོ་སྙམ་དུ་སེམས་ལ། སྔར་རྙེད་པ་ཡང་བཟའ་བར་བྱ་སྟེ། འདི་ལ་འགྱོད་པར་མི་བྱའོ།། །།གླེང་གཞི་ནི། མཉན་ཡོད་ནའོ། །མུ་གེ་དང་བཅས་པའི་དུས་བྱུང་ནས། བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས། དགེ་སློང་རྣམས་ཁྱིམ་གྱི་ནང་དུ་ཟས་ལ་མགྲོན་དུ་བོས་ནས་དེ་རྣམས་ཀྱིས་ཟོས་པ་དང ། བཅའ་བ་ལས་ལྷག་མ་ཞིག་ལུས་སོ། །བྲམ་ཟེ་དང ། ཁྱིམ་བདག་རྣམས་ཀྱིས་སྨྲས་པ། འཕགས་པ་དག་།ཁྱེད་ཀྱི་ཆེད་དུ་སྟ་གོན་བགྱིས་པ་ལགས་ཀྱི། བསྣམས་ཏེ་བཞུད་ལ་ཕྱིས་གསོལ་ཅིག། དེ་རྣམས་ཀྱིས་ཁྱེར་ཏེ་དོང་ངོ ། །དོང་ནས་དེ་བཟའ་བར་འདོད་ནས་འགྱོད་པས་མ་ཟོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། མུ་གེའི་སྡུག་བསྔལ་དགོན་པ་འདི་
Ga36b
ལྟ་བུར། འདི་དག་ནི། བྱིན་པ་ཡིན་ནོ། །སྙམ་དུ་བསམ་ནས་བཟའ་བར་བྱ་སྟེ། དེ་ལ་འགྱོད་པར་མི་བྱའོ།། །།གླེང་གཞི་ནི། མཉན་ཡོད་ནའོ། །མུ་གེ་དང་བཅས་པའི་དུས་བྱུང་ནས། བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས། དགེ་སློང་རྣམས་ཟས་ལ་མགྲོན་དུ་བོས་ཏེ། དེ་རྣམས་ཀྱིས་ཟོས་ནས། བཅའ་བ་ལ་སོགས་པ་ཅུང་ཟད་ཅིག་ལྷག་སྟེ། དགེ་སློང་རྣམས་དོང་བ་དང ། བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། འདི་ནི། བདག་ཅག་གིས་འཕགས་པ་དག་ཁོ་ན་ལ་ཡོངས་སུ་བཏང་བ་ལགས་ཏེ། འཚལ་ཏེ་མཆིས་ལ། ཁྱེད་ཁོ་ན་ལ་དབུལ་ལོ་ཞེས་དེ་རྣམས་ཀྱིས་ཁྱེར་ཏེ་འོངས་པ་དང ། དགེ་སློང་རྣམས་དེ་ལ་ཡང་ཟ་བར་འདོད་ནས་འགྱོད་པས་མ་ཟོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། མུ་གེའི་སྡུག་བསྔལ་དགོན་པ་འདི་ལྟ་བུར། སྔར་ཡོངས་སུ་བཏང་བའོ། །སྙམ་དུ་བསམ་ནས་བཟའ་བར་བྱ་སྟེ། དེ་ལ་འགྱོད་པར་མི་བྱའོ།། །།གླེང་གཞི་ནི། མཉན་ཡོད་ནའོ། །བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་ནུབ་ཕྱོགས་ཀྱི་ཚལ་ན་ཡོད་པའི་འབྲས་བུ་རྣམས་གྲུབ་ནས། དེ་རྣམས་ཀྱིས་བསམ་པ། འདི་དག་ནི། རྙེད་དཀའ་བ་ཡིན་པས། འཕགས་པ་རྣམས་ལ་དབུལ་ལོ། །ཞེས་དེ་དག་གིས་དགེ་སློང་རྣམས་ཟས་ཟོས་ནས་སྤངས་པ་བྱས་པ་རྣམས་ལ་དེ་དག་བྱིན་པ་དང ། དགེ་སློང་རྣམས་
Ga37a
༄#། །ཀྱིས་སྤངས་པ་བྱས་ཟིན་ཏོ། །ཞེས་འགྱོད་པས་མ་ཟོས་པ་དང ། བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་སྨྲས་པ། འཕགས་པ་དག། གང་གི་ཚེ་བཅོམ་ལྡན་འདས་འཇིག་རྟེན་དུ་མ་བྱུང་བ་དེའི་ཚེ། མུ་སྟེགས་ཅན་རྣམས་ལ་ཡོན་གནས་བགྱིད་པ་ལས། ད་ནི། བཅོམ་ལྡན་འདས་འཇིག་རྟེན་དུ་བྱུང་ནས་ཁྱེད་རྣམས་ཀྱང་ད་ནི་ཡོན་གནས་སུ་གྱུར་པ་ལགས་ན། གལ་ཏེ་ཁྱེད་ཀྱིས་མ་བཞེས་ན། ཅི། བདག་ཅག་ནི། དགེ་བའི་བཤུལ་རྒྱགས་དང་བྲལ་ཏེ་འཇིག་རྟེན་འདི་ནས་འཇིག་རྟེན་ཕ་རོལ་ཏུ་མཆི་བར་བགྱིའམ། དེ་ལྟ་བས་ན། ཐུགས་བརྩེ་བས་བཞེས་ཤིག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། རྙེད་པར་དཀའ་བ་ཡིན་ནོ། །སྙམ་དུ་བསམ་ནས་བཟའ་བར་བྱ་སྟེ། དེ་ལ་འགྱོད་པར་མི་བྱའོ། །དེ་ལ། ཚལ་ན་ཡོད་པའི་འབྲས་བུ་ནི། འདི་དག་ཡིན་ཏེ། རྒུན་འབྲུམ་དང ། བལ་པོ་སེའུ་དང ། འབྲ་གོ་དང ། སྟར་ཀ་དང ། ཡོན་ཚེ་དང ། ཤིང་ཏོག་ཨུར་མ་ན་དང ། ཤིང་ཏོག་ཨུ་རུ་མ་ཡི་ཀ་དང ། ཤིང་ཏོག་ནི་ཀེ་ཙ་དང ། ཤིང་ཏོག་བ་བྷུ་དང ། ཤིང་ཏོག་སིན་ཙི་ཀའོ།། །།གླེང་གཞི་ནི། མཉན་ཡོད་ནའོ། །བྲམ་ཟེ་དང ། ཁྱིམ་བདག་དད་པ་ཅན་རྣམས་ཀྱིས། དགེ་སློང་རྣམས་ཟས་ཟོས་ཟིན་པ་དང་ཆུ་ནས་སྐྱེས་པ་དག་ཕུལ་
Ga37b
བ་དང ། དགེ་སློང་རྣམས་འདོད་ཀྱང་སྤངས་པ་བྱས་ཟིན་ཏོ། །ཞེས་འགྱོད་པས་མ་ཟོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྙེད་དཀའ་བ་ཡིན་ནོ། །སྙམ་དུ་བསམ་ནས་བཟའ་བར་བྱ་སྟེ། དེ་ལ་འགྱོད་པར་མི་བྱའོ། །དེ་ལ། ཆུ་ནས་སྐྱེ་བ་ནི། འདི་དག་ཡིན་ཏེ། ཨུཏྤ་ལའི་རྩ་བ་དང ། པདྨའི་རྩ་བ་དང ། ཀུ་མུ་དའི་ས་བོན་དང ། པདྨའི་ས་བོན་ནོ། །གླེང་གཞི་ནི། མཉན་ཡོད་ནའོ། །ཚེ་དང་ལྡན་པ་ཤཱ་རིའི་བུ་ཁམས་མ་སྙོམས་པས་ཁྲག་དང་བད་ཀན་འཁྲུགས་པར་གྱུར་ཏོ། །དེའི་རིམ་གྲོ་བྱེད་པ་ཚེ་དང་ལྡན་པ་མོའུ་འགལ་གྱི་བུ་ཆེན་པོས་བསམ་པ། བདག་རང་གི་བློས་ནི། ཚེ་དང་ལྡན་པ་ཤཱ་རིའི་བུ་ལ་ལན་མང་དུ་རིམ་གྲོ་བྱས་ཀྱི། ལན་འགའ་ཡང་སྨན་པ་ལ་མ་དྲིས་ཀྱི། མ་ལ་བདག་གིས་དྲིའོ་སྙམ་ནས། དེས་སྨན་པ་ལ་དྲིས་པ། བཞིན་བཟང ། ཚེ་དང་ལྡན་པ་ཤཱ་རིའི་བུ་ཁྲག་དང་བད་ཀན་འཁྲུགས་པར་གྱུར་ན། དེའི་སྨན་སྟོན་ཅིག། དེས་སྨྲས་པ། འཕགས་པ། པདྨའི་རྩ་བའི་འོ་མ་སྩོལ་ཅིག་དང་སོས་པར་འགྱུར་རོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོས་བསམ་པ། གལ་ཏེ་བདག་གིས་ཚེ་དང་ལྡན་པ་ཤཱ་རིའི་བུ་ལ་པདྨའི་རྩ་བ་ཕལ་བའི་འོ་མས་རིམ་གྲོ་བྱ་བ་ནི། བདག་གི་ཆ་མ་ཡིན་ནོ། །སྙམ་དུ་བསམ་ནས། ཇི་ལྟར་སེམས་མཉམ་པར་བཞག་པས་མཉན་ཡོད་ནས་མི་སྣང་བར་གྱུར་ཏེ་དལ་གྱིས་འབབ་ཅེས་བྱ་བའི་འགྲམ་དུ་ཕྱིན་པར་འགྱུར་བ་དེ་ལྟ་བུའི་
Ga38a
༄#། །ཏིང་ངེ་འཛིན་ལ་སྙོམས་པར་ཞུགས་པ་དང ། ཀླུའི་རྒྱལ་པོ་རབ་བརྟན་གྱི་གནས་དང་ཉེ་བར་གྱུར་པ་དང ། དེ་ནས་ཀླུའི་རྒྱལ་པོ་རབ་བརྟན་གྱིས་མཐོང་ནས་སྨྲས་པ།་འཕགས་པ། དགོས་པ་ཅི་ཞིག་གི་ཕྱིར་བྱོན། དེས་སྨྲས་པ། ཚེ་དང་ལྡན་པ་ཤཱ་རིའི་བུ་ཁྲག་དང་བད་ཀན་འཁྲུགས་ནས། དེ་ལ་སྨན་པས་པདྨའི་རྩ་བའི་འོ་མ་བསྟན་ཏོ། །ཀླུའི་རྒྱལ་པོ་རབ་བརྟན་གྱིས་སྨྲས་པ། འཕགས་པ། གལ་ཏེ་དེ་ལྟ་ན་རེ་ཞིག་གཞེས་ཤིག། དེ་དལ་གྱིས་འབབ་ཀྱི་ནང་དུ་ཞུགས་ནས་མིའི་ཚད་ཙམ་གྱི་པདྨའི་རྩ་བ་དག་བཏོན་ཅིང་བཏོན་ཅིང ། པདྨའི་རྩ་བའི་འོ་མ་པདྨའི་འདབ་མའི་སྐྱོ་རར་གཟར་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོའི་ལྷུང་བཟེད་བཀང་ངོ ། །ཚེ་དང་ལྡན་པ་མོའུ་འགལ་གྱི་བུ་ཆེན་པོས་པདྨའི་རྩ་བ་གཤགས་པ་ལ་བལྟ་བར་བརྩམས་པ་དང ། དེ་ནས་ཀླུའི་རྒྱལ་པོ་རབ་བརྟན་གྱིས་སྨྲས་པ། འཕགས་པ་ཅི་གཟིགས། པདྨའི་རྩ་བ་དག་གསོལ་བར་བཞེད་དམ། དེ་ཅང་མི་སྨྲ་བར་འདུག་པ་དང ། སྨྲས་པ། འཕགས་པ་བཞུད་ཅིག་དང་བསྐུར་རོ། །དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས། པདྨའི་རྩ་བའི་འོ་མས་ལྷུང་བཟེད་བཀང་བ་ཁྱེར་ནས་དལ་གྱིས་འབབ་ཀྱི་འགྲམ་ནས་མི་སྣང་བར་བྱས་ཏེ་མཉན་ཡོད་ཀྱི་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བར་ཕྱིན་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་སྨན་པས་བསྟན་པ་བཞིན་
Ga38b
པདྨའི་རྩ་བའི་འོ་མ་འཐུངས་པས་སོས་པར་གྱུར་ཏོ། །ཀླུའི་རྒྱལ་པོ་རབ་བརྟན་གྱིས་ཀྱང་གླང་པོ་ཆེ་ནག་པོའི་ཆ་བྱད་འཆང་ལ་པདྨའི་རྩ་བ་ཁུར་གཅིག་བསྐུར་ནས། མཉན་ཡོད་ཀྱི་རྒྱལ་བུ་རྒྱལ་བྱེད་ཀྱི་ཚལ་དུ་སོང་ལ། གཙུག་ལག་ཁང་གི་ཁྱིམ་གྱི་མདུན་དུ་ཞོག་ལ་ཤོག། དེ་རླུང་གི་ཤུགས་ལྟར་མགྱོགས་པའི་མཐུས། མཉན་ཡོད་ཀྱི་རྒྱལ་བུ་རྒྱལ་བྱེད་ཀྱི་ཚལ་གྱི་གཙུག་ལག་ཁང་དུ་འོངས་ནས་པདྨའི་རྩ་བ་རྣམས་ཁྱམས་ཀྱི་མདུན་དུ་བཞག་ནས། སླར་ལོག་པ་ལས། ལམ་གྱི་ཕྱེད་ན་ཚལ་གྱི་བལ་གླང་མོ་ཞིག་ཡོད་པ་དང་ལྷན་ཅིག་འདུས་པར་གྱུར་ཏོ། །དུས་གཞན་ཞིག་ན། བལ་གླང་མོ་དེ་ལས་བལ་གླང་ཕྲུག་གུ་ཞིག་འབྲངས་ཏེ། འབྲངས་པའི་མོད་ལ་སེང་གེའི་སྒྲ་འབྱིན་ཏོ། །དེ་ནས་བལ་གླང་མོ་དེ་སྐྲག་པས་གཅིན་རྟུག་ཤོར་ནས། བལ་གླང་ཕྲུག་གུ་པོར་ཏེ་བྲོས་སོ། །དེ་ནས་རྒྱལ་པོའི་ཁབ་ན་གནས་པའི་ཤིང་མཁན་ཞིག་ཤིང་གི་ཆེད་དུ་ཚལ་དུ་སོང་བ་ལས། བལ་གླང་ཕྲུག་གུ་དེ་མཐོང་ནས་ཁྱིམ་དུ་བླངས། བསྙུན་གསོས་བསྐྱེད་དེ། ནོར་གྱིས་བསྐྱངས་པས། མིང་ནོར་སྐྱོང་ནོར་སྐྱོང་ཞེས་བྱ་བར་གྲགས་སོ། །ཁ་ཅིག་ནི། རྒྱལ་པོ་གསལ་རྒྱལ་གྱིས་རྒྱལ་པོ་གཟུགས་ཅན་སྙིང་པོ་ལ་ནོར་སྐྱོང་སྐྱེས་སུ་བསྐུར་བ་ལས་དེ་མཉན་ཡོད་ཀྱི་ཡུལ་ན་གནས་པ་ལ་སྐྱེ་བོས་ནོར་གྱིས་བསྐྱངས་པས་ན། ནོར་སྐྱོང་ཞེས་འདོན་ཏོ། །པདྨའི་རྩ་བ་ཁ་ཅིག་ནི། ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཟོས། ཁ་ཅིག་ནི། ཚེ་དང་ལྡན་པ་ཤཱ་རིའི་བུས། ཁ་ཅིག་ནི། དགེ་འདུན་
Ga39a
༄#། །ལ་བྲིམས་པ་ལས་འོན་ཀྱང་ལྷག་པར་གྱུར་ཏོ། །དེ་ནས་དགེ་སློང་རྣམས་ཀྱིས་སྤངས་པ་བྱས་ནས་ཀྱང་ཟ་འདོད་ན། བདག་ཅག་གིས་སྤངས་པ་བྱས་སོ། །ཞེས་མ་ཟོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། མི་རྣམས་ཀྱིས་ལྷའི་པདྨའི་རྩ་རྙེད་པར་དཀའ་བས་དེའི་ཕྱིར་རྗེས་སུ་གནང་ངོ ། །པདྨའི་རྩ་བ་རྙེད་པར་དཀའ་བ་ཡིན་ནོ། །སྙམ་དུ་བསམ་ནས་བཟའ་བར་བྱ་སྟེ། དེ་ལ་འགྱོད་པར་མི་བྱའོ།། །།གླེང་གཞི་ནི།་མཉན་ཡོད་ནའོ། །དེའི་ཚེ་གྲོང་ཁྱེར་བཟང་བྱེད་ན་བསོད་ནམས་ཆེན་པོར་ཤེས་པར་བྱ་བ་དྲུག་གནས་ཏེ། ཁྱིམ་བདག་ལུག་ཅེས་བྱ་བ་དང ། ལུག་གི་ཆུང་མ་དང ། ལུག་གི་བུ་དང ། ལུག་གི་མནའ་མ་དང ། ལུག་གི་བྲན་ཕོ་དང ། ལུག་གི་བྲན་མོའོ། །ཁྱིམ་བདག་ལུག་བསོད་ནམས་ཆེ་བར་ཇི་ལྟར་ཤེས་ཤེ་ན། གལ་ཏེ་བང་མཛོད་སྟོང་པ་རྣམས་ལ་བལྟས་ན།་མཐོང་མ་ཐག་ཁོ་ནར་གང་བར་འགྱུར་ཏེ། དེ་ལྟར་ན། ཁྱིམ་བདག་ལུག་བསོད་ནམས་ཆེ་བར་ཤེས་སོ། །ལུག་གི་ཆུང་མ་ཇི་ལྟ་བུ་ཞེ་ན། དེས་གཅིག་གི་དོན་དུ་སྣོད་དུ་བཙོས་པ་ནི། བརྒྱ་སྟོང་གི་བཟའ་བ་འབྱུང་སྟེ། ལུག་གི་ཆུང་མ་ནི། དེ་ལྟ་བུ་ཡིན་ནོ། །ལུག་གི་བུ་ནི། ཇི་ལྟ་བུ་ཞེ་ན། དེའི་རྐེད་པ་ལ་ལྔ་བརྒྱ་བའི་སྣོད་བཏགས་ཏེ་འདུག་ལ། དེས་གང་གི་
Ga39b
ཚེ་བརྒྱ་འམ། སྟོང་ཡོངས་སུ་བཏང་བ་དེའི་ཚེ། དེ་བཞིན་དུ་གང་བར་འདུག་སྟེ། ཡོངས་སུ་ཟད་པར་མི་འགྱུར་ཏེ། ལུག་གི་བུ་ནི། དེ་ལྟ་བུ་ཡིན་ནོ། །ལུག་གི་མནའ་མ་ཇི་ལྟ་བུ་ཞེ་ན། དེས་གཅིག་གི་དོན་དུ་དྲི་སྦྱར་ན། བརྒྱ་སྟོང་ཁྱེད་པར་འགྱུར་ཏེ། ལུག་གི་མནའ་མ་ནི། དེ་ལྟ་བུ་ཡིན་ནོ། །ལུག་གི་བྲན་ཕོ་ཇི་ལྟ་བུ་ཞེ་ན། དེས་གང་གི་ཚེ་ཞིང་ལ་རོལ་གཅིག་རྨོས་པ་དེའི་ཚེ། ཞིང་ལ་རོལ་བདུན་རྨོས་པར་འགྱུར་ཏེ། ལུག་གི་བྲན་ཕོ་ནི། དེ་ལྟ་བུ་ཡིན་ནོ། །ལུག་གི་བྲན་མོ་ནི། ཇི་ལྟར་བསོད་ནམས་ཆེ་བར་ཤེས་ཤེ་ན། དེ་གང་གི་ཚེ་འབྲས་གཏུན་གང་ཙམ་དྲུས་པ་དེའི་ཚེ།་བདུན་ཙམ་དུ་སྐྱེས་པར་འགྱུར་ཏེ། དེ་ལྟར་ན། ལུག་གི་བྲན་མོ་བསོད་ནམས་ཆེ་བ་ཡིན་ནོ། །དེ་ནས་བཅོམ་ལྡན་འདས་ཀྱིས། ཁྱིམ་བདག་ལུག་གདུལ་བའི་དུས་མཁྱེན་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག། དེ་བཞིན་གཤེགས་པ་ནི། ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་གཤེགས་ཀྱི། ཁྱེད་ཅག་ལས། གང་ཞིག་དེ་བཞིན་གཤེགས་པ་དང་ཐབས་ཅིག་ཏུ་ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་འདོང་བར་སྤྲོ་བ་དེ་ནི། ཆོས་གོས་རྣམས་ལོངས་ཤིག། ཅེས་སྒོས་ཤིག། བཙུན་པ།་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བཅོམ་ལྡན་འདས་ལྗོངས་
Ga40a
༄#། །རྒྱུ་ཞིང་གྲོང་ཁྱེར་བཟང་བྱེད་དུ་གཤེགས་ཀྱི། ཁྱེད་ཅག་ལས། གང་ཞིག་དེ་བཞིན་གཤེགས་པ་དང་ཐབས་ཅིག་ཏུ་ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་འདོང་བར་སྤྲོ་བ་དེ་ནི། ཆོས་གོས་རྣམས་ལོངས་ཤིག། ཚེ་དང་ལྡན་པ། བཀའ་བཞིན་འཚལ་ཞེས་དགེ་སློང་དེ་རྣམས་ཀྱིས་ཚེ་དང་ལྡན་པ་ཀུན་དགའ་བོ་ལས་མཉན་ཏོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ། ཞི་བ་འཁོར་ཞི་བ། དགྲ་བཅོམ་ཕ་འཁོར་དགྲ་བཅོམ་པ་དང ། ལྗོངས་རྒྱུ་ཞིང་གྲོང་ཁྱེར་བཟང་བྱེད་དུ་གཤེགས་སོ། །གང་གི་ཚེ་བཅོམ་ལྡན་འདས་ཀྱིས་མཉན་ཡོད་དུ་ཆོ་འཕྲུལ་ཆེན་པོ་བསྟན་པ་དེའི་ཚེ། མུ་སྟེགས་ཅན་རྣམས་མཐའ་འཁོབ་ཏུ་དོང་བ་ལས། དེ་ནས་ཁ་ཅིག་གྲོང་ཁྱེར་བཟང་བྱེད་དུ་དོང་ནས་གནས་པ་དེ་རྣམས་ཀྱིས། དགེ་སྦྱོང་གོའུ་ཏ་མ་འོང་ངོ ། །ཞེས་ཐོས་སོ། །ཐོས་ནས་ཀྱང་རོད་རོད་པོར་གྱུར་ནས། བདག་ཅག་སྔོན་ནི། དགེ་སྦྱོང་གོའུ་ཏ་མས་ཡུལ་དབུས་ནས་སྤྱུགས་སོ། །དེ་གལ་ཏེ་འདིར་འོངས་ན། གདོན་མི་ཟ་བར་བདག་ཅག་འདི་ནས་སྤྱུགས་པར་འགྱུར་གྱི། དེ་ལ་ཐབས་ཤིག་བཤམ་པར་བྱའོ། །སྙམ་མོ། །དེ་རྣམས་རིགས་ཀྱི་ཁྱིམ་བདག་ཏུ་དོང་ནས་སྨྲས་པ། ཆོས་ཐོབ་པར་གྱུར་ཅིག། ཆོས་ཐོབ་པར་གྱུར་ཅིག། འཕགས་པ་དག། དེ་ཅི་ལགས། ཤེས་ལྡན་དག། བལྟས་ཟིན་གྱི། འགྲོའོ། །ཅིའི་སླད་དུ། རེ་ཞིག་ཁྱེད་ཅག་གི་འབྱོར་
Ga40b
བ་ཕུན་སུམ་ཚོགས་པ་ནི། ཁོ་བོ་ཅག་གིས་མཐོང་གི། ཇི་སྲིད་རྒུད་པ་མ་མཐོང་བ་དེའི་བར་དུ་འདོང་ངོ ། །འཕགས་པ་དག། བདག་ཅག་ལ་རྒུད་པ་ཅི་ཞིག་འབྱུང་བར་འགྱུར་ལགས། ཤེས་ལྡན་དག། དགེ་སྦྱོང་གོའུ་ཏ་མ་སྤུ་གྲིའི་སེར་བ་འབེབས་ཤིང ། དུ་མ་ཞིག་བུ་མེད་པ་དང ། ཁྱིམ་ཐབ་མེད་པར་བྱེད་ཅིང་འོང་ངོ ། །འཕགས་པ་དང ། གལ་ཏེ་དེ་ལྟ་ན། གང་གི་དུས་ཁོ་ནར་གཞེས་པར་བགྱི་བ་དེ་ཁོ་ནའི་དུས་སུ་བདག་ཅག་སྤང་བར་བགྱིའམ། བཞུགས་ཤིག། མ་བཞུད་ཅིག། དེ་རྣམས་ཀྱིས་སྨྲས་པ། བདག་ཅག་ཅི་སྟེ་འདུག། ཁྱེད་ཅག་ཁོ་བོ་ཅག་གི་ཉན་དུ་མི་བཏུབ་བོ། །འཕགས་པ་དག། གསུངས་ཤིག། མཉན་པར་བགྱིའོ། །དེ་རྣམས་ཀྱིས་སྨྲས་པ། ཤེས་ལྡན་དག། གྲོང་ཁྱེར་བཟང་བྱེད་ཀྱི་ཉེ་འཁོར་གྱི་སྐྱེ་བོའི་ཚོགས་ཐམས་ཅད་གནས་ནས་ཕྱུང་ལ། གྲོང་ཁྱེར་བཟང་བྱེད་ཀྱི་ནང་དུ་ཚུད་ཅིག། རྩཝ་སྔོན་པོ་རྣམས་ནི། རྔོས་ཤིག། འདུག་གནས་རྣམས་ནི། བཤིག་ཅིག། མེ་ཏོག་དང་འབྲས་བུའི་ཤིང་རྣམས་ནི། ཆོད་ཅིག། ཆུ་རྣམས་ནི། དུག་བླུགས་ཤིག། དེ་རྣམས་ཀྱིས་སྨྲས་པ། འཕགས་པ་དག། བཞུགས་ཤིག་དང ། ཐམས་ཅད་བགྱིའོ། །དེ་ནས་དེ་རྣམས་ཀྱིས་གྲོང་ཁྱེར་བཟང་བྱེད་ཀྱི་ཉེ་འཁོར་གྱི་སྐྱེ་བོའི་ཚོགས་ཐམས་ཅད་གནས་ནས་བཏོན་ནས་གྲོང་ཁྱེར་བཟང་བྱེད་ཀྱི་ནང་དུ་བཙུད་དེ། རྩཝ་སྔོན་པོ་རྣམས་ནི། བརྔས། འདུག་གནས་རྣམས་ནི། བཤིག། མེ་ཏོག་དང་
Ga41a
༄#། །འབྲས་བུའི་ཤིང་རྣམས་ནི། བཅད། ཆུ་རྣམས་ནི། དུག་བླུགས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམ་པ། བཅོམ་ལྡན་འདས་ལ་བཀུར་སྟི་མ་ཡིན་པ་བྱེད་པ་ཡལ་བར་དོར་བ་ནི། བདག་གི་ཆ་མ་ཡིན་ཏེ། འདི་ལྟར། བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་དུ་དཀའ་བ་བརྒྱ་སྟོང་དུ་མས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་པས། བླ་ན་མེད་པའི་ཡེ་ཤེས་བརྙེས་པའི་བཅོམ་ལྡན་འདས་དེ། འཇིག་རྟེན་ཐམས་ཅད་མེད་པའི་ཡུལ་སྟོང་དུ་རྒྱུ་ཞིང་གཤེགས་པར་བྱའམ། མ་ལ་བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་བདེ་བ་ལ་རེག་པར་བྱའོ། །སྙམ་ནས། དེས་རླུང་གཏོང་བའི་ལྷའི་བུ་ལ་བསྒོ་བ། སོང་ལ་ཆུ་དུག་ཅན་རྣམས་སྐོམས་ཤིག་།ཆར་པ་འབེབས་པའི་ལྷའི་བུ་ལ་བསྒོ་བ། འདི་རྣམས་ཀྱིས་བསྐམས་པ་དང ། ཁྱོད་ཀྱིས་ཆུ་ཡན་ལག་བརྒྱད་དང་ལྡན་པས་ཁོངས་ཤིག་།རྒྱལ་ཆེན་བཞིའི་རིས་ཀྱི་ལྷ་རྣམས་ལ་ཡང་བསྒོ་བ། ཁྱེད་ཀྱིས་གྲོང་ཁྱེར་བཟང་བྱེད་ཀྱི་ཉེ་འཁོར་དུ་གནས་ཐོབ་ཅིག་།དེ་ནས་རླུང་གཏོང་བའི་ལྷའི་བུས་ནི། ཆུ་དུག་ཅན་རྣམས་བསྐམས་སོ། །ཆར་པ་འབེབས་པའི་ལྷའི་བུས་ནི། དེར་ཡང་ཆུ་ཡན་ལག་བརྒྱད་དང་ལྡན་པས་བཀང་ངོ ། །རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་ཀྱང་གྲོང་ཁྱེར་བཟང་བྱེད་ཀྱི་ཉེ་འཁོར་དུ་གནས་བཏབ་ནས། ལོངས་སྤྱོད་རྣམས་འབྱོར་ཅིང་
Ga41b
རྒྱས་པར་གྱུར་ཏོ། །མུ་སྟེགས་ཅན་རྣམས་ཀྱིས་གྲོང་ཁྱེར་ན་གནས་པའི་སྐྱེ་བོའི་ཚོགས་རྣམས་བསགས་ནས། དེ་རྣམས་ཀྱིས་རྟོག་ཆེན་དག་མངགས་ཏེ་ལྗོངས་རྣམས་ཅི་འདྲ་ལྟོས་ཤིག་།དེ་རྣམས་དོང་བ་ལས། ལྗོངས་རྣམས་ལྷག་པར་ཡང་འབྱོར་ཅང་རྒྱས་པར་གྱུར་པ་མཐོང་ནས། སླར་འོངས་ཏེ་སྨྲས་པ། ཤེས་ལྡན་དག་།ལྗོངས་འདི་ལྟ་བུར་འབྱོར་ཅིང་རྒྱས་པ་ནི། སྔོན་ལན་འགའ་ཡང་བདག་ཅག་གིས་མ་མཐོང་ངོ ། །མུ་སྟེགས་ཅན་རྣམས་ཀྱིས་སྨྲས་པ། ཤེས་ལྡན་དག་།ཁྱོད་ཀྱིས་མཐོང་ངམ། རེ་ཞིག་གང་ཞིག་སེམས་མེད་པའི་དངོས་པོ་རྣམས་ཀྱང་སྒྱུར་བར་བྱེད་པ་དེས། ཁྱེད་ཅག་སྒྱུར་བར་མི་བྱེད་པ་དེ་ལྟ་སྲིད་རེ་སྐན། ཁྱེད་ཅག་རྣམ་པ་ཐམས་ཅད་དུ་བལྟས་ཟིན་ཏེ། བལྟ་བའི་མཐའ་མ་བྱས་ནས་འགྲོའོ། །དེ་རྣམས་ཀྱིས་སྨྲས་པ། འཕགས་པ་དག་།བཞུགས་ཤིག་།ཁྱེད་ཅག་ལ་དགེ་སྦྱོང་གོའུ་ཏ་མས་ཅི་ཞིག་བགྱིར་མཆིས། དེ་ཡང་རབ་ཏུ་བྱུང་བ་ལགས་ལ། ཁྱེད་ཀྱང་རབ་ཏུ་བྱུང་བ་སློང་ཞིང་འཚོ་བ་ལགས་ན། ཅི། དེས་ཁྱེད་ཅག་གི་སློང་བ་བཀག་པར་འགྱུར་སྙམ་མམ། མུ་སྟེགས་ཅན་རྣམས་ཀྱིས་སྨྲས་པ། དམ་ཞིག་བཅའ་སྟེ། གལ་ཏེ་ཁྱེད་ཅག་སུས་ཀྱང་དགེ་སྦྱོང་གོའུ་ཏ་མ་ལ་ལྟ་བར་འགྲོ་བར་མི་བྱ་ཞིང ། གང་ཞིག་འགྲོ་བ་དེ་ལ་ཆད་པར་ཀཪྴ་པ་ཎ་དྲུག་ཅུས་བཅད་པར་ཁྲིམས་འཆའ་ན་འདུག་གོ་།དེ་རྣམས་ཀྱིས་ཀྱང་ཁས་བླངས་ནས་ཁྲིམས་སུ་བཅས་སོ། །དེ་ནས་བཅོམ་ལྡན་འདས་ལྗོངས་རྒྱུ་ཞིང་གཤེགས་ཏེ། རིམ་གྱིས་གྲོང་ཁྱེར་བཟང་
Ga42a
༄#། །བྱེད་དུ་གཤེགས་ནས། བཟང་བྱེད་ཀྱི་ལྷོ་ཕྱོགས་ཀྱི་གནས་ཤིག་ན་བཞུགས་སོ། །དེའི་ཚེ་སེར་སྐྱའི་གཞིའི་བྲམ་ཟེའི་བུ་མོ་གྲོང་ཁྱེར་བཟང་བྱེད་དུ་བག་མར་བཏང་བ་དེ་ར་བའི་ཁ་ན་འདུག་པས། བཅོམ་ལྡན་འདས་མུན་ཁང་ན་བཞུགས་པ་མཐོང་ནས་དེས་བསམ་པ། བཅོམ་ལྡན་འདས་ཤཱཀྱའི་རིགས་དགའ་བར་མཛད་པ། ཤཱཀྱའི་རིགས་ཀྱི་རྒྱལ་པོ་སྤངས་ནས། རབ་ཏུ་བྱུང་བ་དེ་ནི། འདི་ཡིན་ཏེ། གལ་ཏེ་འདི་ལ་ཐེམ་སྐས་ཤིག་ཡོད་པར་གྱུར་ན། བདག་མར་མེ་ཐོགས་ལ་འབབ་པ་ཞིག་།དེ་ནས་བཅོམ་ལྡན་འདས་ཀྱིས་དེའི་བསམ་པ་ཐུགས་སུ་ཆུད་ནས། ཐེམ་སྐད་ཤིག་སྤྲུལ་ཏོ། །དེ་ནས་དེ་སྙིང་དགའ་བ་དང ། མགུ་བ་དང ། རབ་ཏུ་དགའ་བས་མར་མེ་ཐོགས་ཏེ་ཐེམ་སྐས་ལས་བབས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་སྤྱན་སྔར་མར་མེ་བཞག་ནས་ཞབས་གཉིས་ལ་མགོ་བོས་ཕྱག་བྱས་ཏེ། ཆོས་མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང་རང་བཞིན་མཁྱེན་ནས། དེ་དང་མཐུན་པའི་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བའི་ཆོས་བཤད་པ་མཛད་དེ་ཞེས་བྱ་བ་ནས་སྐྱབས་སུ་མཆི་བར་མངོན་པར་དད་ལགས་སོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་བུ་མོ་དེ་ལ་འདི་སྐད་ཅེས་བཀའ་སྩལ་ཏོ།།
Ga42b
བུ་མོ་ཁྱོད་ཚུར་ཤོག་།ཁྱིམ་བདག་ལུག་གང་ན་བ་དེར་སོང་ལ་ཕྱིན་པ་དང ། དེ་ལ་ང་ན་རེ། ནད་མེད་པར་གྱུར་ཅིག་།ཅེས་སྨྲོས་ལ། འདི་སྐད་ཅེས་ཀྱང་སྨྲོས་ཤིག་།ཁྱིམ་བདག་ཁྱོད་ཀྱི་ཆེད་ཁོ་ནར་ང་འདིར་འོངས་ན། ཁྱོད་སྒོ་བཅད་ནས་འདུག་པ། གློ་བུར་བ་ལ་ཇི་ལྟར་ཁྱོད་བྱེད་པ་དེ་ལྟ་བུར་བྱ་བ་དེ་ཇི་ག་རིགས་སམ། གལ་ཏེ་ཚོགས་ཀྱིས་ཁྲིམས་སུ་བཅའ་བར་བྱས་སོ། །ཞེས་སྨྲས་པ་དང ། ཁྱོད་ཀྱི་བུའི་རྐེད་པ་ལ་ལྔ་བརྒྱ་པའི་སྣོད་བཏགས་ཏེ་འདུག་པ་དེས། གལ་ཏེ་བརྒྱའམ། སྟོང་འགྱེད་པར་བཏང་ན་ཡང ། གང་བ་ཉིད་དུ་འདུག་ཅིང་ཡོངས་སུ་ཟད་པར་མི་འགྱུར་ན། ཁྱོད་ཀཪྴ་པ་ཎ་དྲུག་ཅུ་བྱིན་ནས་འོང་མི་ནུས་སམ་ཞེས་སྨྲོས་ཤིག་།བཙུན་པ། བཀའ་བཞིན་འཚལ་ཞེས། བུ་མོ་དེས་བཅོམ་ལྡན་འདས་ཀྱི་ལྟར་མཉན་ནས་ཆས་པ་དང ། བཅོམ་ལྡན་འདས་ཀྱིས་ཇི་ལྟར་སུས་ཀྱང་མི་ཚོར་བ་དེ་ལྟར་བྱིན་གྱིས་བརླབས་ནས་ཁྱིམ་བདག་ལུག་གི་གན་དུ་སོང་སྟེ་ཕྱིན་པ་དང ། སྨྲས་པ། ཁྱིམ་བདག་།བཅོམ་ལྡན་འདས་ཁྱོད་ལ་ནད་མེད་པར་གྱུར་ཅིག་།ཅེས་གསུངས་སོ། །དེས་སྨྲས་པ། བུ་མོ། སངས་རྒྱས་བཅོམ་ལྡན་འདས་ལ་ཕྱག་འཚལ་ལོ། །ཁྱིམ་བདག་ལ་བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཁོ་ནའི་ཆེད་དུ་ང་འདིར་གཤེགས་ན། ཁྱོད་སྒོ་བཅད་ནས་འདུག་པ། གློ་བུར་བ་ལ་ཇི་ལྟར་ཁྱོད་བྱེད་པ་དེ་ལྟ་བུར་བྱ་བ། ཇི་ག་རིགས་སམ། དེས་སྨྲས་པ། བུ་མོ། ཚོགས་ཀྱིས་ཁྲིམས་སུ་བཅས་པ། སུས་ཀྱང་
Ga43a
༄#། །དགེ་སྦྱོང་གོའུ་ཏ་མ་ལ་བལྟ་བའི་ཕྱིར་འགྲོ་བར་མི་བྱའོ། །གང་ཞིག་འགྲོ་ན་དེ་ཚོགས་ཀྱིས་ཀཪྴ་པ་ཎ་དྲུག་ཅུའི་ཆད་པས་གཅད་དོ། །ཞེས་དམ་བཅས་སོ། །ཁྱིམ་བདག་ལ་བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱི་བུའི་རྐེད་པ་ན་ལྔ་བརྒྱ་པའི་སྣོད་ཅིག་བཏགས་ཏེ་འདུག་པ་དེས། གལ་ཏེ་བརྒྱའམ། སྟོང་འགྱེད་པར་བཏང་ན་གང་བ་ཁོ་ནར་འགྱུར་ཞིང་ཡོངས་སུ་ཟད་པར་མི་འགྱུར་ན། ཀཪྴ་པ་ཎ་དྲུག་ཅུ་བྱིན་ནས་ཁྱོད་འོང་པར་མི་ནུས་སམ་ཞེས་གསུང་ངོ ། །དེས་བསམ་པ། འདི་ནི། སུས་ཀྱང་མི་ཤེས་ན། བཅོམ་ལྡན་འདས་དེ་ནི། ཐམས་ཅད་མཁྱེན་པ་ཡིན་པས་འགྲོའོ། །སྙམ་ནས། དེས་ཀཪྴ་པ་ཎ་དྲུག་ཅུ་སྒོར་བཞག་ནས་བྲམ་ཟེའི་བུ་མོས་བསྟན་པའི་ཐེམ་སྐས་ལས་བབ་སྟེ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་ཁྱིམ་བདག་ལུག་གི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་མཁྱེན་ནས། འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་དེ། ཁྱིམ་བདག་ལུག་གིས་དེ་ཐོས་ནས་ཞེས་བྱ་བ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །ཞེས་བྱ་བའི་བར་གོང་མ་བཞིན་དུའོ། །དེས་བདེན་པ་མཐོང་ནས་གསོལ་བ་དང །
Ga43b
བཅོམ་ལྡན་འདས། བཟང་བྱེད་ན་གནས་པའི་སྐྱེ་བོའི་ཚོགས་འདི་དག་གིས་ཀྱང་ཇི་ག་འདི་ལྟ་བུའི་ཆོས་རྣམ་པ་སྣ་ཚོགས་འཐོབ་པར་འགྱུར་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ།་ཁྱིམ་བདག་།ཁྱོད་ལ་བརྟེན་ནས་ཕལ་ཆེར་ཀུན་གྱིས་ཐོབ་པ་ཁོ་ནར་འགྱུར་རོ། །དེ་ནས་ཁྱིམ་བདག་ལུག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་སྟེ། དེ་ཁྱིམ་དུ་ཕྱིན་ནས་གྲོང་ཁྱེར་གྱི་ནང་དུ་ཀཪྴ་པ་ཎའི་ཕུང་པོ་གཅེར་ཏེ། ཚིགས་སུ་བཅད་པས་སྨྲས་པ། གང་ཞིག་རྒྱལ་བ་འདོད་ཆགས་སྐྱོན་བཅོམ་རྩོད་མེད་པ། །མཚུངས་པ་མེད་པ་གསེར་གྱི་མདོག་ཅན་བལྟ་འདོད་པ། །དེ་ནི་འཇིགས་མེད་སྙིང་གིས་ཤིན་ཏུ་ངེས་བྱོས་ལ། །མྱུར་དུ་དེངས་ཤིག་དེ་ཡི་ནོར་ནི་ཁོ་བོས་གཞལ། །སྐྱེ་བོའི་ཚོགས་ཀྱིས་སྨྲས་པ། ཁྱིམ་བདག་།དགེ་སྦྱོང་གོའུ་ཏ་མ་མཐོང་ན་དགེ་བར་འགྱུར་རམ། དེས་སྨྲས་པ། དགེ་བར་འགྱུར་རོ། །དེ་རྣམས་ཀྱིས་སྨྲས་པ། གལ་ཏེ་དེ་ལྟ་ན་ཚོགས་ཁོ་ནས་ཁྲིམས་སུ་བཅས་པ། ཚོགས་ཁོ་ནས་བཤིག་ཏུ་ཟད་མོད། འདི་ལ་འགལ་བ་ཅི་ཞིག་ཡོད། དེ་རྣམས་ཀྱིས་ཁྲིམས་སུ་བཅས་པ་བཤིག་ནས་འབྱུང་བར་བརྩམས་སོ། །དེ་ནས་ཕན་ཚུན་བསྡོས་པས་འབྱུང་བར་མ་ནུས་པ་དང ། གནོད་སྦྱིན་ལག་ན་རྡོ་རྗེས་འདུས་པའི་སྐྱེ་བོ་ལ་སྙིང་བརྩེ་བའི་ཕྱིར་རྡོ་རྗེ་འཕངས་པས་ར་བ་དྲལ་ནས། སྲོག་ཆགས་བརྒྱ་སྟོང་དུ་མ་ཁ་ཅིག་
Ga44a
༄#། །ནི།་ཡ་མཚན་སྐྱེས། ཁ་ཅིག་ནི། སྔོན་གྱི་དགེ་བའི་རྩ་བས་ཡང་དག་པར་བསྐུལ་ནས་བྱུང་ངོ ། །དེ་ནས་སྐྱེ་བོའི་ཚོགས་ཆེན་པོ་འདུས་བས། བཅོམ་ལྡན་འདས་ཀྱི་ཉེ་འཁོར་དཔག་ཚད་གཅིག་ཚུན་ཆད་འཁོར་བར་འདུག་གོ་།དེ་ནས་བཅོམ་ལྡན་འདས་ཀྱིས་འཁོར་དེ་རྣམས་ཟིལ་གྱིས་མནན་ཏེ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་ནས། སེམས་ཅན་དུ་མ་དག་གི་རྒྱུད་ལ་དགེ་བའི་རྩ་བ་སྐྱེད་པར་བྱེད་པའི་ཆོས་བཤད་པ་མཛད་དེ། དེ་ཐོས་ནས་ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །ཞེས་བྱ་བ་ནས། ཁ་ཅིག་གིས་ནི། སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་སོ། །ཞེས་བྱ་བའི་བར་གོང་མ་བཞིན་དུའོ།། །། འདུལ་བ་གཞི། བམ་པོ་ང་བརྒྱད་པ། བཅོམ་ལྡན་འདས་ཀྱིས་ཡུན་རིང་པོ་ཞིག་ཏུ་ཆོས་བཤད་པས་།གདུགས་ཚོད་ཀྱི་དུས་ལས་ཡོལ་བར་གྱུར་ཏོ། །ཁྱིམ་བདག་ལུག་གིས་གསོལ་པ།་བཅོམ་ལྡན་འདས། ཞལ་ཟས་ཀྱི་མཛད་པ་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་།ཟས་ཀྱི་དུས་ལས་ཡོལ་བར་གྱུར་ཏོ། །དེས་གསོལ་པ། བཅོམ་ལྡན་འདས། དུས་མ་ལགས་པར་རུང་བ་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། མར་དང ། བུ་རམ་དང ། ཧཝགས་དང ། ཤ་ཁ་ར་དང ། བཏུང་བ་དག་གོ།
Ga44b
དེ་ནས་ཁྱིམ་བདག་ལུག་གིས་གཡོས་མཁན་དག་བཀུག་སྟེ། སྨྲས་པ། ཤེས་ལྡན་དག་།དུས་མ་ཡིན་པའི་བཅའ་བ་རྣམས་མྱུར་དུ་སྟ་གོན་གྱིས་ཤིག་།དེ་རྣམས་ཀྱིས་དུས་མ་ཡིན་པའི་བཅའ་བ་རྣམས་སྟ་གོན་བྱས་སོ། །དེ་ནས་ཁྱིམ་བདག་ལུག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་དུས་མ་ཡིན་པའི་བཅའ་བ་དང ། དུས་མ་ཡིན་པའི་བཏུང་བ་རྣམས་ཀྱིས་ཚིམ་པར་བྱས་སོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་ལུག་འཁོར་དང་བཅས་པ་ཡང་བདེན་པ་རྣམས་ལ་སོ་སོར་བཀོད། རི་བོར་ན་གནས་པའི་སྐྱེ་བོའི་ཚོགས་དེ་ཡང་སྐལ་བ་ཇི་ལྟ་བ་བཞིན་དུ་བཏུལ་ཏེ་གཤེགས་པ་ན། ཁྱིམ་བདག་ལུག་གིས་གསོལ་པ། བཅོམ་ལྡན་འདས། བཤུལ་གྱི་སྙུན་རྒྱགས་ཀྱི་ཟོང་ཀཪྴ་པ་ཎ་དག་བཞེས་ཤིག་།བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱའོ། །བཅོམ་ལྡན་འདས་ཀྱིས་ཀཪྴ་པ་ཎ་བླང་བར་བྱའོ། །ཞེས་བཀའ་སྩལ་པ་དང ། དགེ་སློང་རྣམས་ཀྱིས་སུ་ཞིག་གིས་བླང་བར་བྱ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རུང་བ་བྱེད་པས་སོ། །རུང་བ་བྱེད་པ་མེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་ཚུལ་གྱིས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། བཅོམ་ལྡན་འདས་ཀྱིས། དགེ་ཚུལ་གྱི་བསླབ་པའི་གཞི་བཅུ་པར་གསེར་དངུལ་ལེན་པ་གསུངས་ལ། བཅོམ་ལྡན་འདས་ཀྱིས་དགེ་ཚུལ་
Ga45a
༄#། །གྱིས་བླང་བར་བྱའོ། །ཞེས་གསུངས་པ་དེ། ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར། ངས་འཆང་བར་བྱེད་པ་ལས་དགོངས་ཏེ་གསུངས་ཀྱི། མི་བླང་བ་ནི། མ་ཡིན་ཏེ། དེ་བས་ན། དགེ་ཚུལ་གྱིས་བླང་བར་བྱའི། བླངས་ནས་བདག་གིར་ནི་མི་བྱའོ། །ཁྱིམ་བདག་ལུག་གིས་གསོལ་པ། བཅོམ་ལྡན་འདས། བུ་རམ་དག་བཞེས་ཤིག་།བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱའོ། །དགེ་སློང་རྣམས་ཀྱིས་སུ་ཞིག་གིས་ཇི་ལྟར་བླང་བར་བྱ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་པའམ། དགེ་ཚུལ་མེད་ན། དགེ་སློང་གིས་ཞག་བདུན་པར་བྱིན་གྱིས་བརླབས་ནས་རང་ཉིད་ཀྱིས་བཀུར་བར་བྱའོ། །དགེ་སློང་དག་གིས་ཇི་ལྟར་བྱིན་གྱིས་བརླབ་པར་བྱ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ལག་པ་གཉིས་བཀྲུས་ནས་སྦྱིན་ལེན་བྱས་ཏེ། ལག་པ་གཡོན་པའི་སྟེང་དུ་བཞག་ལ། ལག་པ་གཡས་པས་བཀབ་ནས། དགེ་སློང་ཞིག་གི་མདུན་དུ་འདུག་ནས། ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བྱ་བའི་སྨན་འདི་དག་ཚངས་པར་མཚུངས་པར་སྤྱོད་པ་རྣམས་ཀྱི་ཕྱིར་ཞག་བདུན་པར་བྱིན་གྱིས་བརླབ་བོ། །ཞེས་དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། བཅོམ་ལྡན་
Ga45b
འདས་ཀྱིས་བུ་རམ་ཞག་བདུན་པར་བྱིན་གྱིས་བརླབ་པར་བྱའོ། །ཞེས་གང་གསུངས་པ་སུ་ཞིག་གིས་འཚལ་བར་བགྱི་ལགས། ཉེ་བར་འཁོར། གང་ཟག་ལྔ་རྣམས་ཀྱིས་ཏེ། ལམ་དུ་ཞུགས་པ་དང ། སྨྱུང་བ་བྱས་པ་དང ། ནད་པ་དང ། དགེ་བསྐོས་དང ། ལག་གི་བླས་སོ། །དགེ་སློང་ལྗོངས་རྒྱུར་ཆས་པ་རྣམས་ཀྱིས། འབྲས་དང ། ཕྱེ་དག་གི་ནང་དུ་བུ་རམ་བཅུག་པ་ལས། ལམ་གྱིས་ངལ་ནས་བཟའ་བར་འདོད་ནས། འགྱོད་པས་མ་ཟོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཟས་དེས་ཟས་ཀྱི་བྱ་བ་བྱེད་མི་ནུས་པས། འབྲས་དག་གི་ནང་དུ་བཅུག་པ་གང་ཡིན་པ་དེ་སྤྲུགས་ནས་བཟའ་བར་བྱའོ། །ཕྱེ་རྣམས་གང་ཡིན་པ་དེ་ཆུས་བཀྲུས་ནས་བཟའ་བར་བྱའོ། །ཁ་ཅིག་ཞུ་བར་གྱུར་པ་དེ། བཀྲུར་མ་རུང་སྟེ། ཟས་དང་བཅས་པ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྙུག་མའི་ཚལ་པས་བཞར་ལ་ཆུས་བཀྲུ་བར་བྱའོ། །འོན་ཀྱང་ཟས་མེད་པར་བཀྲུ་མ་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། ལེགས་པར་བསལ་ཏེ་ཆུའི་ནང་དུ་མཉེས་ལ་བཏུང་བར་བྱས་ནས། དེ་ཚགས་ཀྱིས་བཙགས་ལ་བཏུང་བར་བྱ་སྟེ། དེ་ལ་འགྱོད་པར་མི་བྱའོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཅོམ་ལྡན་འདས། ཁྱིམ་བདག་ལུག་དང ། ལུག་གི་
Ga46a
༄#། །མཆིས་བྲང་དང ། ལུག་གི་བུ་དང ། ལུག་གི་མནའ་མ་དང ། ལུག་གི་བྲན་ཕོ་དང ། ལུག་གི་བྲན་མོས་ལས་ཅི་ཞིག་བགྱིས་ན། དེས་ན། དེ་དྲུག་བསོད་ནམས་ཆེན་པོར་གྱུར་ཅིང ། བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་ནས། འདི་དག་གིས་བཅོམ་ལྡན་འདས་མཉེས་པར་བགྱིས་ཀྱི། མ་མཉེས་པར་ནི་མ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་དག་ཉིད་ཀྱིས་ལས་རྣམས་བྱས་ཤིང་བསགས་པ་ཚོགས་རྙེད་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་དུའོ། ། དགེ་སློང་དག་།སྔོན་བྱུང་བ། ཝཱ་ར་ཎཱ་སིའི་གྲོང་ཁྱེར་དུ། རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དུ་འཇུག་གོ། དེའི་ཚེ་ཝཱ་ར་ཎཱ་སིའི་གྲོང་ཁྱེར་དུ་ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་པས། ཐུར་མས་འཚོ་བའི་མུ་གེ་ཆེན་པོ་འབྱུང་བར་འགྱུར་རོ། །ཞེས་ལུང་བསྟན་ཏོ། །མུ་གེ་རྣམ་པ་གསུམ་ནི། ཟ་མ་ཏོག་དང ། རུས་གོང་དཀར་པོ་དང ། ཐུར་མས་འཚོ་བའོ། །དེ་ལ། ཟ་མ་ཏོག་ཅེས་བྱ་བ་ནི། ཟ་མ་ཏོག་དེའི་ནང་དུ་མི་རྣམས་ཀྱིས་འབྲུ་དག་བླུགས་ཏེ། མ་འོངས་པའི་སེམས་ཅན་རྣམས་ཀྱི་ཆེད་དུ་བཞག་ནས་བདག་ཅག་ཤི་ན། འབྲུ་འདིས་མི་དེ་དག་གི་བྱ་བ་བྱེད་པར་འགྱུར་རོ། །སྙམ་པ་སྟེ། འདི་ནི། ཟ་མ་ཏོག་དང་འབྲེལ་པས་ཟ་མ་ཏོག་ཅེས་བྱའོ། །རུས་གོང་དཀར་པོ་གང་ཞེ་ན། དུས་
Ga46b
དེ་ན་མི་རྣམས་ཀྱིས་རུས་པ་དག་བསྡུས་ནས་རེ་ཞིག་བཙོས་ཏེ། ཇི་ཙམ་ན། རུས་པ་དེ་དག་དཀར་པོར་གྱུར་པ་དང ། དེ་ནས་དེའི་ཁུ་བ་འཐུང་བ་སྟེ། འདི་ནི། རུས་གོང་དཀར་པོ་དང་འབྲེལ་པས་རུས་གོང་དཀར་པོ་ཞེས་བྱའོ། །ཐུར་མས་འཚོ་བ་གང་ཞེ་ན། དུས་དེ་ན་མི་རྣམས་ཀྱིས་གཡུལ་གྱི་སེར་གནས་འབྲུའི་འབྲུམ་བུ་དག་ཐུར་མས་བྲུས་ནས་ཆུ་མང་པོའི་སྣོད་དུ་བཙོས་ནས་འཐུང་བ་སྟེ། འདི་ནི། ཐུར་མ་དང་འབྲེལ་བས་ཐུར་མས་འཚོ་བ་ཞེས་བྱའོ། །དེ་ནས་རྒྱལ་པོ་ཚངས་སྦྱིན་གྱིས་ཝཱ་ར་ཎཱ་སིར་དྲིལ་སྒྲོག་ཏུ་བཅུག་པ། ཝཱ་ར་ཎཱ་སི་ན་གནས་པའི་ཤེས་ལྡན་གྲོང་ཁྱེར་པ་དག་ཉོན་ཅིག་།ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་པས། ཟ་མ་ཏོག་དང ། རུས་གོང་དཀར་པོ་དང ། ཐུར་མས་འཚོ་བའི་མུ་གེ་འབྱུང་བར་ལུང་བསྟན་གྱི། ཁྱེད་ལས། གང་དག་ལོ་བཅུ་གཉིས་ཀྱི་བཟའ་བ་ཡོད་པ་དེ་རྣམས་ནི། འཁོད་ཅིག་།གང་དག་ལ་མེད་པ་དེ་དག་ནི། གར་དགའ་བར་དེངས་ལ། མུ་གེ་མེད་ཅིང་ལོ་ལེགས་པར་གྱུར་ནས་སླར་ཤེག་ཅིག་།དེའི་ཚེ་ན་ཝཱ་ར་ཎཱ་སི་ན་ཁྱིམ་བདག་ཕྱུག་ཅིང་ནོར་མང་བ། ལོངས་སྤྱོད་ཆེ་བ། འཁོར་ཡངས་ཤིང་རྒྱ་ཆེ་བ་ཞིག་ཡོད་དེ། དེས་མངན་བཀུག་སྟེ། སྨྲས་པ། ཀྱེ་ནང་རྗེ། ཁོ་བོ་འཁོར་དང་བཅས་པའི་ལོ་བཅུ་གཉིས་ཀྱི་བཟའ་བ་ཡོད་དམ། དེས་སྨྲས་པ། དཔོན་པོ། མཆིས་སོ། །དེ་དེ་ཉིད་ན་གནས་པ་ལས། མུ་གེ་དེ་ལོ་བརྒྱུད་མ་ཁོ་ནར་བྱུང་བས། དེའི་བང་མཛོད་རྣམས་ཡོངས་སུ་ཟད་པས།
Ga47a
༄#། །འཁོར་གྱི་སྐྱེ་བོ་ཐམས་ཅད་ཤི་བར་གྱུར་ཏེ། བདག་ཉིད་དང་དྲུག་ཅིག་ལུས་སོ། །དེ་ནས་ཁྱིམ་བདག་དེས་བང་མཛོད་རྣམས་ཕྱགས་པ་ལས། འབྲས་བྲེའུ་ཆུང་གང་ཞིག་བྱུང་ནས། དེ་ཆུང་མས་སྣོད་དུ་བླུགས་ཏེ་བཙོས་སོ། །སངས་རྒྱས་རྣམས་འབྱུང་བ་མེད་པ་ན། རང་སངས་རྒྱས་ཞེས་བྱ་བ་ནས་འཇིག་རྟེན་གྱི་ཡོན་གནས་གཅིག་པུ་དག ། འཇིག་རྟེན་དུ་འབྱུང་བར་འགྱུར་བས་ཞེས་བྱ་བའི་བར་གོང་མ་བཞིན་དུའོ། །ཇི་ཙམ་ན། རང་སངས་རྒྱས་ཤིག་ལྗོངས་རྒྱུ་ཞིང་སོང་བ་དང ། ཝཱ་ར་ཎཱ་སིར་ཕྱིན་ནས། སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། ཝཱ་ར་ཎཱ་སིར་བསོད་སྙོམས་ལ་ཞུགས་པ་ན། ཁྱིམ་བདག་དེས་ཀྱང་བཟའ་བ་བསྡོགས་པ་དང ། རང་སངས་རྒྱས་དེ་ཡང་རིམ་བཞིན་དུ་བསོད་སྙོམས་ལ་རྒྱུས་ནས། དེའི་ཁྱིམ་དུ་ཕྱིན་ཏོ། །ཁྱིམ་བདག་དེས། དེ་ལུས་མཛེས་ཤིང་སེམས་དང་བ་མཐོང་ངོ ། །མཐོང་ནས་ཀྱང་བསམ་པ། འདི་བདག་གིས་ཟོས་ཀྱང་གདོན་མི་ཟ་བར་སྲོག་དང་འབྲལ་བར་འགྱུར་གྱི། མ་ལ་བདག་གི་སྐལ་པ་རབ་ཏུ་བྱུང་བ་འདི་ལ་སྦྱིན་ནོ། །སྙམ་ནས། དེས་ཆུང་མ་ལ་སྨྲས་པ། བཟང་མོ། ཁོ་བོའི་སྐལ་པ་ནི། རབ་ཏུ་བྱུང་བ་འདི་ལ་དབུལ་ལོ། །དེས་བསམ་པ། བདག་གི་ཁྱིམ་ཐབ་མི་ཟ་ན། བདག་གིས་ཅི་སྟེ་བཟའ་སྙམ་ནས། དེས་སྨྲས་པ། རྗེའི་སྲས། བདག་གི་སྐལ་པ་ཡང་འདི་ལ་དབུལ་ལོ། །དེ་
Ga47b
བཞིན་དུ་བུ་དང ། མནའ་མ་དང ། བྲན་ཕོ་དང ། བྲན་མོས་ཀྱང་དཔྱད་ནས་རང་རང་གི་སྐལ་བ་ཡོངས་སུ་བཏང་སྟེ། དེ་ནས་དེ་ཐམས་ཅད་འདུས་ནས། རང་སངས་རྒྱས་ལ་བསོད་སྙོམས་ཕུལ་ལོ། ། བདག་ཉིད་ཆེན་པོ་དེ་དག་ནི། ལུས་ཀྱིས་ཆོས་སྟོན་གྱི། ཚིག་གིས་ནི། མ་ཡིན་པས། དེས་ངང་པའི་རྒྱལ་པོ་འདབ་མ་བརྐྱང་བ་ལྟར་སྟེང་གི་ནམ་མཁའ་ལ་མངོན་པར་འཕགས་ནས། འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་དག་ནི། རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས། ཤིང་རྩ་བ་ནས་བཅད་དེ་འགྱེལ་བ་བཞིན་དུ་རྐང་པ་གཉིས་ལ་གཏུགས་ནས། སྨོན་ལམ་ཅི་འདོད་པ་གདབ་པར་རྩོམ་སྟེ། ཁྱིམ་བདག་གིས་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས། བདག་གིས་གལ་ཏེ་བང་བ་དང ། བང་མཛོད་སྟོང་པ་དག་ལ་བལྟས་པ་ན། མཐོང་བ་དེའི་མོད་ལ་གང་བར་གྱུར་ཅིག་།འདི་ལྟ་བུའི་ཆོས་རྣམས་ཀྱང་ཐོབ་ནས། འདི་བས་ཁྱད་པར་དུ་འཕགས་པའི་སྟོན་པ་རྣམས་མཉེས་པར་བགྱིད་ཅིང ། མི་མཉེས་པར་མི་བགྱིད་པར་གྱུར་ཅིག་།ཆུང་མས་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས། བདག་གིས་གལ་ཏེ་གཅིག་གི་དོན་དུ་སྣོད་དུ་བཙོས་པ་དེ་བརྒྱའམ། སྟོང་གིས་ཟོས་ཀྱང་ཇི་སྲིད་བདག་གིས་སྦྱོར་བ་མ་བཏང་བའི་
Ga48a
༄#། །བར་ཡོངས་སུ་ཟད་པར་མི་འགྱུར་ཞིང ། འདི་ལྟ་བུའི་ཆོས་རྣམས་ཀྱང་ཐོབ་ནས། འདི་བས་ཁྱད་པར་དུ་འཕགས་པའི་སྟོན་པ་རྣམས་མཉེས་པར་བགྱིད་ཅིང ། མི་མཉེས་པར་མི་བགྱིད་པར་གྱུར་ཅིག་།བུས་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས། བདག་གི་རྐེད་པ་ལ་ལྔ་བརྒྱ་པའི་སྣོད་བཏགས་ཏེ་འདུག་པ། གལ་ཏེ་བརྒྱའམ། སྟོང་འགྱེད་པར་བཏང་ཡང་གང་བ་ཉིད་དུ་འདུག་སྟེ། ཡོངས་སུ་ཟད་པར་མི་འགྱུར་ཞིང ། འདི་ལྟ་བུའི་ཆོས་རྣམས་ཀྱང་ཐོབ་ནས། འདི་བས་ཁྱད་པར་དུ་འཕགས་པའི་སྟོན་པ་རྣམས་མཉེས་པར་བགྱིད་ཅིང ། མི་མཉེས་པར་མི་བགྱིད་པར་གྱུར་ཅིག་།མནའ་མས་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས། བདག་གིས་གལ་ཏེ་གཅིག་གི་ཕྱིར་དྲི་རྣམས་སྦྱར་ན། དེས་བརྒྱའམ། སྟོང་བྱུགས་ཀྱང་ཇི་སྲིད་ཀྱང་སྦྱོར་བ་མ་བཏང་གི་བར་དུ་ཟད་པར་མི་འགྱུར་ཞིང ། འདི་ལྟ་བུའི་ཆོས་རྣམས་ཀྱང་ཐོབ་ནས། འདི་བས་ཁྱད་པར་དུ་འཕགས་པའི་སྟོན་པ་རྣམས་མཉེས་པར་བགྱིད་ཅིང ། མི་མཉེས་པར་མི་བགྱིད་པར་གྱུར་ཅིག། བྲན་ཕོས་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས། བདག་གིས་གལ་ཏེ་ཞིང་རོལ་གཅིག་རྨོས་ན། རོལ་བདུན་
Ga48b
རྨོས་པར་འགྱུར་ཞིང ། འདི་ལྟ་བུའི་ཆོས་རྣམས་ཀྱང་ཐོབ་ནས། འདི་བས་ཁྱད་པར་དུ་འཕགས་པའི་སྟོན་པ་རྣམས་མཉེས་པར་བགྱིད་ཅིང ། མི་མཉེས་པར་མི་བགྱིད་པར་གྱུར་ཅིག་།བྲན་མོས་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས། བདག་གིས་གལ་ཏེ་སྣོད་གང་ཙམ་བྲུས་པ་གང་ཡིན་པ་དེས། སྣོད་བདུན་ཙམ་དུ་འཕེལ་བར་འགྱུར་ཞིང ། འདི་ལྟ་བུའི་ཆོས་རྣམས་ཀྱང་ཐོབ་ནས། འདི་བས་ཁྱད་པར་དུ་འཕགས་པའི་སྟོན་པ་རྣམས་མཉེས་པར་བགྱིད་ཅིང ། མི་མཉེས་པར་མི་བགྱིད་པར་གྱུར་ཅིག། དེ་རྣམས་ཀྱིས་དེ་ལྟ་བུའི་སྨོན་ལམ་བཏབ་ནས། རང་སངས་རྒྱས་བདག་ཉིད་ཆེན་པོ་དེ། དེ་རྣམས་ལ་སྙིང་བརྩེ་བའི་ཕྱིར་རྫུ་འཕྲུལ་གྱིས་ཆས་པ་དང ། ཇི་ཙམ་ན། རྒྱལ་པོ་ཚངས་སྦྱིན་སྟེང་གི་ཁང་བཟང་གི་གཞིར་སོང་སྟེ་འདུག་པ་ལས། དེ་རྫུ་འཕྲུལ་གྱིས་སོང་བའི་གྲིབ་མ་རྒྱལ་པོ་ཚངས་སྦྱིན་གྱི་སྟེང་དུ་བབ་ནས། དེས་གྱེན་དུ་བལྟ་བར་བརྩམས་པ་ལས། རང་སངས་རྒྱས་དེ་མཐོང་ནས། དེ་འདི་སྙམ་དུ། བདག་ཉིད་ཆེན་པོ་འདིའི་རྫུ་འཕྲུལ་གྱི་གཤོལ་ཆེན་པོས་ཡང་སུ་ཞིག་གི་བཀྲེན་པའི་དྲུངས་ཕྱུང་བར་གྱུར་སྙམ་མོ། །དེ་ནས་ཁྱིམ་བདག་དེ། རེ་བ་ཆེན་པོས་མཛོད་དང ། བང་མཛོད་རྣམས་ལ་བལྟ་བ་དང ། ཇི་ཙམ་ན། གང་བར་མཐོང་ངོ ། །དེས་ཆུང་མ་ལ་སྨྲས་པ། རེ་ཞིག་ཁོ་བོའི་སྨོན་ལམ་ནི། རྫོགས་པར་གྱུར་གྱི། ད་ཁྱེད་ཅག་གི་བལྟའོ། །དེ་ནས་
Ga49a
༄#། །བྲན་མོས་འབྲས་སྣོད་གང་ཙམ་བྲུས་ན། བདུན་ཅམ་དུ་འཕེལ་བར་གྱུར་ཏེ། །ཆུང་མས་གཅིག་གི་དོན་དུ་སྣོད་དུ་བཙོས་པ་ལ་དེ་དག་ཐམས་ཅད་ཀྱིས་ཟོས་ཀྱང་དེ་ཁོ་ན་བཞིན་དུ་འདུག་།ཉེ་འཁོར་གྱི་སྲོག་ཆགས་བརྒྱ་སྟོང་ཕྲག་དུ་མས་ཟོས་ཀྱང་དེ་ཁོ་ན་བཞིན་དུ་འདུག་གོ། དེ་ནས་ཁྱིམ་བདག་དེས་ཝཱ་ར་ཎཱ་སིར་དྲིལ་སྒྲོག་ཏུ་བཅུག་པ།་ཤེས་ལྡན་དག་།ཁྱེད་ཅག་ལས་སུ་ཞིག་ཅི་དོན་དུ་གཉེར་བ་དེ་ཤོག་ཅིག། ཝཱ་ར་ཎཱ་སིར་སྒྲ་གསལ་བ་དང ། སྒྲ་ཆེན་པོར་བྱུང་བ་རྒྱལ་པོས་ཐོས་ནས། དེས་སྨྲས་པ། ཤེས་ལྡན་དག་།སྒྲ་གསལ་བ་དང ། སྒྲ་ཆེན་པོ་འདི་ཅི་ཞིག་ཡིན། བློན་པོ་རྣམས་ཀྱིས་སྨྲས་པ། ལྷ། ཁྱིམ་བདག་ཆེ་གེ་མོ་ཞིག་ཅེས་བགྱི་བས་མཛོད་དང ། བང་བ་རྣམས་ཕྱེ་བ་ལགས་སོ། །རྒྱལ་པོས་སྨྲས་པ། གང་གི་ཚེ་འཇིག་རྟེན་ཐམས་ཅད་ཤི་ཟིན་པ་དེའི་ཚེ། ཁྱིམ་བདག་དེས་མཛོད་དང ། བང་བ་རྣམས་ཕྱེའམ། ཤེས་ལྡན་དག་།ཁྱིམ་བདག་དེ་ཁུག་ཅིག་།དེ་རྣམས་ཀྱིས་བཀུག་པ་དང ། དེ་ནས་རྒྱལ་པོས་སྨྲས་པ། ཁྱིམ་བདག་།གང་གི་ཚེ་འཇིག་རྟེན་ཐམས་ཅད་ཤི་ཟིན་པ་དེའི་ཚེ། ཁྱིམ་གྱི་མཛོད་དང ། བང་བ་རྣམས་ཕྱེ་འམ། ལྷ། སུའི་མཛོད་དང ། བང་བ་རྣམས་ཕྱེ། འོན་ཀྱང་དེ་རིང་ཁོ་ནར་ས་བོན་སྩལ་བའི་འབྲས་བུ་དེ་རིང་ཉིད་དུ་གྲུབ་ལགས་སོ། །རྒྱལ་པོས་སྨྲས་པ། དེ་ཇི་ལྟ་བུ་ཞིག་།དེས་སྐབས་དེ་རྒྱས་པར་
Ga49b
སྨྲས་པ་དང ། རྒྱལ་པོས་སྨྲས་པ། ཁྱིམ་བདག་།ཁྱོད་ཀྱིས་བདག་ཉིད་ཆེན་པོ་དེ་ལ་བསོད་སྙོམས་ཕུལ་ལམ། ལྷ། བདག་གིས་ཕུལ་ལོ། །དེ་ཡང་ལྷག་པར་དད་པར་གྱུར་ནས། ཚིགས་སུ་བཅད་པས་སྨྲས་པ། ཀྱེ་མའོ་ཡོན་ཏན་ལས་བྱུང་བའི། །སྐྱོན་ཀུན་རྣམ་པར་སྤངས་པའི་ཞིང ། །དེ་ལ་ས་བོན་བཏབ་པ་ཡི། །འབྲས་བུ་དེང་ཉིད་ཐོབ་པར་གྱུར། །དགེ་སློང་དག་།ཇི་སྙམ་དུ་སེམས། ཁྱིམ་བདག་དང ། ཁྱིམ་བདག་གི་ཆུང་མ་དང ། ཁྱིམ་བདག་གི་བུ་དང ། ཁྱིམ་བདག་གི་མནའ་མ་དང ། ཁྱིམ་བདག་གི་བྲན་ཕོ་དང ། ཁྱིམ་བདག་གི་བྲན་མོ་གང་ཡིན་པ་དེ་ནི། ཁྱིམ་བདག་ལུག་དང ། ཁྱིམ་བདག་ལུག་གི་ཆུང་མ་དང ། ལུག་གི་བུ་དང ། ལུག་གི་མནའ་མ་དང ། ལུག་གི་བྲན་ཕོ་དང ། ལུག་གི་བྲན་མོ་འདི་དག་ཉིད་ཡིན་ནོ། །འདི་དག་གིས། །རང་སངས་རྒྱས་ལ་བྱ་བ་བྱས་ཤིང་སྨོན་ལམ་བཏབ་པ་གང་ཡིན་པའི་ལས་ཀྱི་རྣམ་པར་སྨིན་པས་དྲུག་ཅར་ཡང་བསོད་ནམས་ཆེན་པོར་གྱུར་ཅིང ། ངའི་སྤྱན་སྔར་བདེན་པ་མཐོང་ཞིང ། རང་སངས་རྒྱས་བྱེ་བ་བརྒྱ་སྟོང་བས་ཆེས་ཁྱད་པར་དུ་འཕགས་པའི་སྟོན་པ་ང་མཉེས་པར་བྱས་ཀྱི། མི་མཉེས་པར་མ་ཡིན་ནོ། །དགེ་སློང་དག་།དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི། གཅིག་ཏུ་དཀར་བ་ཡིན་པ་ཞེས་བྱ་བ་ནས་རྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་བྱ་བའི་བར་
Ga50a
༄#། །གོང་མ་བཞིན་དུའོ།། །།སྡོམ་ནི། ཀེ་ནའི་བུ་ཡིས་བཏུང་བ་བླངས། །ཀ་ཤིའི་ཚོང་རྡལ་ནས་ཐུག་དང ། སྡིག་ཅན་དུ་ནི་བཅའ་བ་དང ། །འགྱོད་དང་སྦྱར་བའི་ཟས་དག་གོ་།བཅོམ་ལྡན་འདས་ཡུལ་ཨུ་དུ་མའི་གནས་ན་བཞུགས་སོ། །དེའི་ཚེ་དྲང་སྲོང་ཀེ་ནའི་བུ། གནས་ནི། ཡུལ་ཨུ་དུ་མའི་གནས་ན་འདུག་གོ་།ཉིན་པར་ནི། རྫིང་བུ་དལ་གྱིས་འབབ་ཀྱི་འགྲམ་ན་གནས་སོ། །བཅོམ་ལྡན་འདས་ཀྱིས་དགོངས་པ། ངས་གང་དུ་འཇིག་རྟེན་སྐྱོང་བ་བཞི་རྣམས་ལ་ཆོས་བཤད་ན། དེར་ངས་ཚེགས་ཆུང་ངུས་དྲང་སྲོང་ཀེ་ནའི་བུ་ཐུལ་བར་འགྱུར་སྙམ་པ་དང ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་རྫིང་བུ་དལ་གྱིས་འབབ་ཀྱི་འགྲམ་དུ་བཤད་ན། དེར་ཐུལ་བར་འགྱུར་རོ། །སྙམ་མོ། །དེ་ནས་བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་དེ། ཆོས་ཉིད་ཀྱིས། གང་གི་ཚེ་སངས་རྒྱས་བཅོམ་ལྡན་འདས་རྣམས་ཀྱིས་འཇིག་རྟེན་པའི་ཐུགས་བསྐྱེད་པ་དེའི་ཚེ། བརྒྱ་བྱིན་དང ། ཚངས་པ་ལ་སོགས་ཏེ། ལྷ་རྣམས་ཀྱིས་བཅོམ་ལྡན་འདས་ཀྱི་དགོངས་པ་སེམས་ཀྱིས་ཤེས་པར་འགྱུར་བས། རྒྱལ་པོ་རྣམ་ཐོས་ཀྱི་བུས་བསམ་པ། བཅོམ་ལྡན་འདས་ཀྱིས་ཅི་ཞིག་གི་ཕྱིར་འཇིག་རྟེན་པའི་ཐུགས་བསྐྱེད་པ་མཛད་པ་བལྟས་ན། བདག་ཅག་འཇིག་རྟེན་སྐྱོང་བ་བཞི་རྣམས་ཁོ་ན་ལ་ཆོས་བཤད་པར་བཞེད་དོ། །སྙམ་དུ་རིག་ནས། གནོད་སྦྱིན་
Ga50b
གྱི་སྡེ་དཔོན་ཆེན་པོ་ལྔ་རྩེན་ལ་བསྒོ་བ། ལྔ་རྩེན་སོང་ལ། རྫིང་བུ་དལ་གྱིས་འབབ་ཀྱི་འགྲམ་དུ་བཅོམ་ལྡན་འདས་ཀྱི་གདན་ཤོམས་ཏེ། འདུན་པ་ཆེན་པོ་འདུས་པ་ན་སུས་ཀྱང་དེའི་མདངས་འཕྲོག་པར་མི་འགྱུར་བར་དྲང་སྲོང་ཀེ་ནའི་བུའི་སྲུང་མ་གཅིག་ཀྱང་སྐོས་ཤིག་།དེས་རྫིང་བུ་དལ་གྱིས་འབབ་ཀྱི་འགྲམ་དུ་དྲང་སྲོང་ཀེ་ནའི་བུའི་སྲུང་མ་བཞག་ནས་གནས་ཤོམ་པར་རྩོམ་པ་ན། དེ་ན་སྐྱེ་བོའི་ཚོགས་ཆེན་པོའི་ཅ་ཅོའི་སྒྲ་བྱུང་བ་དང ། དེ་ནས་དྲང་སྲོང་ཀེ་ནའི་བུ། ཅ་ཅོའི་སྒྲས་ལངས་ནས། སྲུང་མ་དེ་ལ་དྲིས་པ། ཅ་ཅོའི་སྒྲ་འདི་ཅི་ཞིག་།དེས་སྨྲས་པ། གདན་ཤོམ་པར་བྱེད་པའི་འོ། །ཅི། ཁོ་བོའི་ཕྱིར་རམ། ཁྱོད་ཀྱི་ཕྱིར་ནི་མ་ཡིན་མོད་ཀྱི། འོན་ཀྱང་སངས་རྒྱས་བཅོམ་ལྡན་འདས་ཀྱི་ཕྱིར་ཡིན་ནོ། །ཁྱོད་འདི་ན་ཅི་ཞིག་ལ་སྡོད། ཁྱོད་ཁོ་ན་སྲུང་ངོ ། །ཅིའི་ཕྱིར། འབྱུང་པོ་མང་པོ་འདུ་བར་འགྱུར་བས་སོ། །དེས་སྨྲས་པ། དགེ་སྦྱོང་གོའུ་ཏ་མ་དེ། སུ་ཞིག་སྲུང་བར་བྱེད་པར་འགྱུར། དེས་སྨྲས་པ། བཅོམ་ལྡན་འདས་དེ་ལ་སུ་ཞིག་སྲུང ། བཅོམ་ལྡན་འདས་དེ་ཉིད་ནི། འཇིག་རྟེན་ལྷ་དང་བཅས་པའི་སྲུང་མ་མཛད་དོ། །ཞེས་བྱས་པ་དང ། དྲང་སྲོང་ཀེ་ནའི་བུས་ཐོས་ནས་ཅང་མི་སྨྲའོ། །དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མན་བས་ཏེ། ལྷུང་བཟེད་དང་ཆོས་གོས་བསྣམས་ནས། ཨུ་དུ་མར་བསོད་སྙོམས་ལ་ཞུགས་ཏེ། ཨུ་དུ་མར་བསོད་སྙོམས་སྤྱད་ནས་ཟས་ཀྱི་བྱ་བ་མཛད་དེ། ཟས་ཕྱི་མའི་བསོད་སྙོམས་སྤངས་ནས། ཇི་ལྟར་ཐུགས་མཉམ་པར་
Ga51a
༄#། །བཞག་ན། དགེ་སློང་གི་དགེ་འདུན་དང་ཐབས་ཅིག་ཏུ་ཨུ་དུ་མ་ནས་མི་སྣང་བར་གྱུར་ཏེ། རྫིང་བུ་དལ་གྱིས་འབབ་ཀྱི་འགྲམ་དུ་བྱོན་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ཆེན་པོ་ཡུལ་འཁོར་སྐྱོང་དྲི་ཟ་དུ་མའི་འཁོར་དང ། དྲི་ཟ་བརྒྱ་ཕྲག་དུ་མའི་འཁོར་དང ། དྲི་ཟ་སྟོང་ཕྲག་དུ་མའི་འཁོར་དང ། དྲི་ཟ་བརྒྱ་སྟོང་ཕྲག་དུ་མའི་འཁོར་དང ། ལྷའི་ནོར་བུས་ཐུ་བ་བཀང་སྟེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ལ་ལྷའི་ནོར་བུ་རྣམས་ཀྱིས་གཏོར་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་དང་དགེ་སློང་གི་དགེ་འདུན་ལ་མདུན་གྱིས་བལྟས་ནས་ཤར་ཕྱོགས་སུ་བརྟེན་ཏེ་འདུག་གོ། རྒྱལ་པོ་ཆེན་པོ་འཕགས་སྐྱེས་པོ་ཡང ། གྲུལ་བུམ་དུ་མའི་འཁོར་དང ། གྲུལ་བུམ་བརྒྱ་ཕྲག་དུ་མའི་འཁོར་དང ། གྲུལ་བུམ་སྟོང་ཕྲག་དུ་མའི་འཁོར་དང ། གྲུལ་བུམ་བརྒྱ་སྟོང་ཕྲག་དུ་མའི་འཁོར་དང ། ལྷའི་མུ་ཏིག་གིས་ཐུ་བ་བཀང་སྟེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ལ་ལྷའི་མུ་ཏིག་གིས་གཏོར་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་དང་དགེ་སློང་གི་དགེ་འདུན་ལ་མདུན་གྱིས་བལྟས་
Ga51b
ནས་ལྷོ་ཕྱོགས་སུ་བརྟེན་ཏེ་འདུག་གོ། རྒྱལ་པོ་ཆེན་པོ་མིག་མི་བཟང་ཡང་ཀླུ་དུ་མའི་འཁོར་དང ། ཀླུ་བརྒྱ་ཕྲག་དུ་མའི་འཁོར་དང ། ཀླུ་སྟོང་ཕྲག་དུ་མའི་འཁོར་དང ། ཀླུ་བརྒྱ་སྟོང་ཕྲག་དུ་མའི་འཁོར་དང ། ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མན་དཱ་ར་བ་རྣམས་ཀྱིས་ཐུ་བ་བཀང་སྟེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ལ་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མན་དཱ་ར་བ་རྣམས་ཀྱིས་གཏོར་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་དང་དགེ་སློང་གི་དགེ་འདུན་ལ་མདུན་གྱིས་བལྟས་ནས་ནུབ་ཕྱོགས་སུ་བརྟེན་ཏེ་འདུག་གོ། རྒྱལ་པོ་ཆེན་པོ་རྣམ་ཐོས་ཀྱི་བུས་ཀྱང ། གནོད་སྦྱིན་དུ་མའི་འཁོར་དང ། གནོད་སྦྱིན་བརྒྱ་ཕྲག་དུ་མའི་འཁོར་དང ། གནོད་སྦྱིན་སྟོང་ཕྲག་དུ་མའི་འཁོར་དང ། གནོད་སྦྱིན་བརྒྱ་སྟོང་ཕྲག་དུ་མའི་འཁོར་དང ། ལྷའི་དབྱིག་དང་གསེར་གྱིས་ཐུ་བ་བཀང་སྟེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ལ་ལྷའི་དབྱིག་དང་གསེར་གྱིས་གཏོར་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་དང་དགེ་སློང་གི་དགེ་འདུན་ལ་མདུན་གྱིས་བལྟས་ནས། བྱང་ཕྱོགས་སུ་བརྟེན་ཏེ་འདུག་གོ། དེ་ལ་དབུས་པའི་རིགས་ནི། གཉིས་ཡིན་ཏེ། ཡུལ་འཁོར་སྐྱོང་དང ། འཕགས་སྐྱེས་པོའོ། །མཐའ་འཁོབ་པའི་
Ga52a
༄#། །རིགས་ནི། གཉིས་ཏེ། མིག་མི་བཟང་དང ། རྣམ་ཐོས་ཀྱི་བུའོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་ངས་དབུས་པའི་ཆིག་གིས་ཆོས་བཤད་ན།་གཉིས་ཁོ་ནས་ཤེས་པར་འགྱུར་གྱི། གཉིས་ཀྱིས་ནི། མི་ཤེས་ལ། གལ་ཏེ་མཐའ་འཁོབ་པའི་ཚིག་གིས་བཤད་ན། གཉིས་ཁོ་ནས་ཤེས་པར་འགྱུར་གྱི། གཉིས་ཀྱིས་ནི། མི་ཤེས་པས། མ་ལ་ངས་གཉིས་ལ་ནི། དབུས་པའི་ཚིག་གིས་ཆོས་བཤད་དོ། །གཉིས་ལ་ནི། མཐའ་འཁོབ་པའི་ཚིག་གིས་བཤད་དོ། །སྙམ་དུ་དགོངས་ནས། རྒྱལ་པོ་ཆེན་པོ་ཡུལ་འཁོར་སྐྱོང་ལ་བཀའ་སྩལ་པ། རྒྱལ་པོ་ཆེན་པོ། འདི་ལྟར། ལུས་ཞིག་པ་དང ། ཚོར་བ་གསིལ་བར་གྱུར་པ་དང ། འདུ་ཤེས་འགག་པ་དང ། འདུ་བྱེད་རྣམས་ཉེ་བར་ཞི་བར་གྱུར་པ་དང ། རྣམ་པར་ཤེས་པ་ནུབ་པར་གྱུར་པ་དེ་ཉིད་སྡུག་བསྔལ་གྱི་མཐའ་ཡིན་ནོ། །ཆོས་ཀྱི་རྣམ་གྲངས་འདི་བཀའ་སྩལ་པ་ན། རྒྱལ་པོ་ཆེན་པོ་ཡུལ་འཁོར་སྐྱོང་དང ། དེ་དང་སྐལ་བ་མཉམ་པའི་དྲི་ཟ་བརྒྱ་སྟོང་ཕྲག་དུ་མ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་འཕགས་སྐྱེས་པོ་ལ་བཀའ་སྩལ་པ། རྒྱལ་པོ་ཆེན་པོ།་དེ་ལ། ཁྱོད་ཀྱིས་མཐོང་བ་ལ་མཐོང་བ་ཙམ་དང ། ཐོས་པ་དང ། རྟོགས་པ་དང ། རྣམ་པར་ཤེས་པ་ལ་རྣམ་པར་ཤེས་པ་ཙམ་དུ་གྱིས་ཤིག། ཆོས་ཀྱི་རྣམ་གྲངས་འདི་བཀའ་སྩལ་
Ga52b
པ་ན། རྒྱལ་པོ་ཆེན་པོ་འཕགས་སྐྱས་པོ་དང ། དེ་དང་སྐལ་བ་མཉམ་པའི་གྲུལ་བུམ་བརྒྱ་སྟོང་ཕྲག་དུ་མ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་མིག་མི་བཟང་ལ་བཀའ་སྩལ་པ། དེ་ལྟར་ན། རྒྱལ་པོ་ཆེན་པོ། ཨེ་ནི། མེ་ནེ། དབ་ཕེ། ད་ཌབ་ཕེ། འདི་ཉིད་སྡུག་བསྔལ་གྱི་མཐའ་ཡིན་ནོ། །ཆོས་ཀྱི་རྣམ་གྲངས་འདི་བཀའ་སྩལ་པ་ན། རྒྱལ་པོ་ཆེན་པོ་མིག་མི་བཟང་དང ། དེ་དང་སྐལ་པ་མཉམ་པའི་ཀླུ་བརྒྱ་སྟོང་ཕྲག་དུ་མ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་རྣམ་ཐོས་ཀྱི་བུ་ལ་བཀའ་སྩལ་པ། དེ་ལྟར་ན། རྒྱལ་པོ་ཆེན་པོ། མཱ་ཥཱ། ཏུ་ཥཱ། སཾ་ཤཱ་མཱ། སརྦ་ཏྲ་བི་རཱ་ཌཱི། འདི་ཉིད་སྡུག་བསྔལ་གྱི་མཐའ་ཡིན་ནོ། །ཆོས་ཀྱི་རྣམ་གྲངས་འདི་བཀའ་སྩལ་པ་ན། རྒྱལ་པོ་ཆེན་པོ་རྣམ་ཐོས་ཀྱི་བུ་དང ། དེ་དང་སྐལ་པ་མཉམ་པའི་གནོད་སྦྱིན་བརྒྱ་སྟོང་ཕྲག་དུ་མ་ཆོས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །བཅོམ་ལྡན་འདས་ཀྱིས་དགོངས་པ། ད་ནི། བདག་ཡོངས་སུ་མྱ་ངན་ལས་འདའ་པའི་དུས་ལ་ཁད་ཀྱིས་ཉེ་ན། སུ་ལ་བསྟན་པ་གཏད་ནས། ཡོངས་སུ་མྱ་ངན་ལས་འདའ། གལ་ཏེ་ལྷ་རྣམས་ལ་ནི། ལྷ་རྣམས་བག་མེད་པ་ལ་དགའ་བ་མང་བས་ཡུན་རིང་དུ་གནས་པར་མི་འགྱུར་རོ། །འོན་ཏེ་མི་རྣམས་ལ་ནི། མི་ནི། ཚེ་ཐུང་བ་ཡིན་པས་དེ་བཞིན་དུ་ཡུན་རིང་དུ་གནས་པར་མི་འགྱུར་གྱི། མ་ལ་ངས་ལྷ་
Ga53a
༄#། །དང ། མི་རྣམས་དང ། དགེ་སློང་འོད་སྲུང་ལ་གཏད་ནས་ཡོངས་སུ་མྱ་ངན་ལས་འདའོ། །སྙམ་དུ་དགོངས་ནས། རྒྱལ་པོ་ཆེན་པོ་ཡུལ་འཁོར་སྐྱོང་ལ་བཀའ་སྩལ་པ། རྒྱལ་པོ་ཆེན་པོ། ཁྱོད་ཀྱིས་ང་ཡོངས་སུ་མྱ་ངན་ལས་འདས་པའི་བསྟན་པ་ཤར་ཕྱོགས་ནས་སྲུང་བ་བྱོས་ཤིག། རྒྱལ་པོ་ཆེན་པོ་འཕགས་སྐྱེས་པོ་ལ་བཀའ་སྩལ་པ། རྒྱལ་པོ་ཆེན་པོ། ཁྱོད་ཀྱིས་ཀྱང་ལྷོ་ཕྱོགས་ནས་སྲུང་བ་བྱོས་ཤིག། རྒྱལ་པོ་ཆེན་པོ་མིག་མི་བཟང་ལ་བཀའ་སྩལ་པ། རྒྱལ་པོ་ཆེན་པོ། ཁྱོད་ཀྱིས་ཀྱང་ནུབ་ཕྱོགས་ནས་སྲུང་བ་བྱོས་ཤིག། རྒྱལ་པོ་ཆེན་པོ་རྣམ་ཐོས་ཀྱི་བུ་ལ་བཀའ་སྩལ་པ། རྒྱལ་པོ་ཆེན་པོ། ཁྱོད་ཀྱིས་ཀྱང་བྱང་ཕྱོགས་ནས་སྲུང་བ་བྱོས་ཤིག། དེ་ནས་རྒྱལ་པོ་ཆེན་པོ་བཞི་རབ་ཏུ་དགའ་བའི་ཡིད་ཀྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བཀའ་ཇི་སྐད་སྩལ་པ་དེ་བཞིན་དུ་བགྱིའོ། །བཅོམ་ལྡན་འདས་བདག་ཅག་གིས་བསྲུང་བར་བགྱི་ལགས་སོ། །ཞེས་གསོལ་ནས། བཅོམ་ལྡན་འདས་ལས་བདེན་པ་མཐོང་ནས་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་བ་དང ། བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་བསྟན་པ་མཐའ་དག་གི་བྱ་བ་རྣམས་གཏད་ནས་ཚེ་དང་ལྡན་པ་ཀུན་དགའ་བོ་ལ། ཡང་བཀའ་སྩལ་པ། ཀུན་དགའ་བོ། ཁྱོད་ཀྱིས་ཀྱང ། བསྟན་པའི་དོན་གྱི་བྱ་བ་ལ་བརྩོན་པར་གྱིས་ཤིག། དགེ་སློང་རྣམས་ཐེ་ཚོམ་
Ga53b
སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། རྒྱལ་པོ་ཆེན་པོ་བཞི་རྣམས་ཀྱིས་ལས་ཅི་ཞིག་བགྱིས་ན། ལས་སྡེའི་རྣམ་པར་སྨིན་པས་རྒྱལ་པོ་བཞིར་གྱུར་ཅིང ། བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། འདི་དག་ཉིད་ཀྱིས། སྔོན་གྱི་ཚེ་རབས་གཞན་རྣམས་སུ་ལས་རྣམས་བྱས་ཤིང་བསགས་པ་ཚོགས་རྙེད་པ་ཞེས་བྱ་བ་ནས། འབྲས་བུ་དག་ཏུ་འགྱུར་བ་ཉིད། །ཅེས་བྱ་བའི་བར་གོང་མ་བཞིན་དུའོ། །དགེ་སློང་དག། སྔོན་བྱུང་བ། བསྐལ་པ་བཟང་པོ་འདི་ཉིད་ལ་སྐྱེ་རྒུ་རྣམས་ཀྱིས་ཚེ་ལོ་ཉི་ཁྲི་ཐུབ་པ་ན། སྟོན་པ་ཞེས་བྱ་བ་ནས་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་ངོ ། །ཞེས་བྱ་བའི་བར་གོང་མ་བཞིན་དུའོ། །དེའི་ཚེ་རྒྱ་མཚོ་ཆེན་པོ་ན་ཀླུ་གཉིས་ཤིག་གནས་པ། དབུགས་འབྱིན་དང ། དབུགས་ཆེར་འབྱིན་ནོ། །ཤིང་ཤལ་མ་བརྩེགས་པ་ན་ཡང་ནམ་མཁའ་ལྡིང་གཉིས་ཤིག་ཡོད་པ། འགྲོ་བའི་དབང་ཕྱུག་དང ། གཙུག་གི་དབང་ཕྱུག་གོ་།གང་གི་ཚེ་དབུགས་འབྱིན་དང ། དབུགས་ཆེར་འབྱིན་གཉིས་ལ། དེ་གཉིས་གནོད་པ་བྱེད་པ་དེའི་ཚེ་དེ་གཉིས་སའི་འོག་ཏུ་འགྲོ་བར་བྱེད་དོ། །ཇི་ཙམ་དུས་གཞན་ཞིག་ན། དབུགས་འབྱིན་དང ། དབུགས་ཆེར་འབྱིན་གཉིས། ཡང་དག་པར་རྫོགས་པའི་སངས་རྒྱས་འོད་
Ga54a
༄#། །སྲུང་གི་སྤྱན་སྔར་སྐྱབས་སུ་སོང་ཞིང ། བསླབ་པའི་གཞི་རྣམས་བླངས་པ་དང ། དེ་གཉིས་ལ་ནམ་མཁའ་ལྡིང་གིས་གནོད་པར་བྱ་བར་བརྩམས་པ་ལས། རི་རབ་ལ་རླུང་དང ། ཆུའི་ཤུགས་བཞིན་དུ་རྡུགས་ནས་སླར་ལོག་པ་དང ། དེ་གཉིས་ཀྱིས་སྨྲས་པ། ཤེས་ལྡན་དག། སྔོན་ནི། ཁོ་བོ་ཅག་གིས་ཁྱེད་ཅག་ལ་གནོད་པ་བྱས་ན་སའི་འོག་ཏུ་འགྲོ་ན། ད་གང་གིས་ན། ཁོ་བོ་ཅག་ཁྱེད་དང་འཕྲད་ནས་རི་རབ་ལ་རླུང་དང་ཆུའི་ཤུགས་བཞིན་དུ་རྡུགས་ནས་ཕྱིར་ལྡོག་པ་འདི་ལ་རྒྱུ་ཅི་ཞིག་ཡོད། དབུགས་འབྱིན་དང ། དབུགས་ཆེར་འབྱིན་གཉིས་ཀྱིས་སྨྲས་པ། བདག་ཅག་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་སོ། །དེ་གཉིས་ཀྱིས་སྨྲས་པ། གལ་ཏེ་དེ་ལྟར་བདག་ཅག་གིས་ཀྱང་བླང་ངོ ། །ཞེས་དེ་གཉིས་དེ་དག་དང་ལྷན་ཅིག་འགྲོགས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་དོང་ནས་དེ་དག་ཕྱིན་པ་དང ། ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔ་ནས་འཇིག་རྟེན་སྐྱོང་བ་བཞི་པོ་དག་གིས་ཆོས་དེ་ཐོས་ནས་དོང་བ་དེ་དག། དེ་གཉིས་ཀྱིས་མཐོང་ནས་ནམ་མཁའ་ལྡིང་དེ་གཉིས་ཀྱིས། ཀླུ་དབུགས་འབྱིན་དང ། དབུགས་ཆེར་འབྱིན་གཉིས་ལ་དྲིས་པ། འགྲོ་བ་ཕ་བི་དག་སུ་ཡིན། དེ་གཉིས་ཀྱིས་རྒྱས་པར་སྨྲས་པ་དང ། ནམ་མཁའ་ལྡིང་གཉིས་ཀྱིས་སྨྲས་པ། གལ་ཏེ་དེ་ལྟར་
Ga54b
ན།་བདག་ཅག་གིས་ཀྱང ། ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་ལ་སྨོན་ལམ་གདབ་བོ། །ཞེས་དེ་གཉིས་ཀྱིས་ཡང་དག་པར་རྫོགས་པའི་སངས་རྒྱས་འོད་སྲུང་ལས་སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་སོ། །དབུགས་འབྱིན་དང ། དབུགས་ཆེར་འབྱིན་གཉིས་ནི། སླར་བླངས་སོ། ། དེ་ནས་ལྷན་ཅིག་འདུས་ནས་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་གཏུགས་ནས་སྨོན་ལམ་བཏབ་པ། ཇི་ལྟར། འཇིག་རྟེན་སྐྱོང་བ་བཞི་པོ་འདི་དག་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་ཆོས་མཉན་ནས་བདེན་པ་མཐོང་སྟེ་རང་གི་གནས་སུ་མཆིས་པ་དེ་བཞིན་དུ། བདག་ཅག་ཀྱང་དགེ་བའི་རྩ་བ་འདིས། འཇིག་རྟེན་སྐྱོང་བ་བཞིར་གྱུར་ཅིང ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས། བྲམ་ཟེའི་ཁྱེའུ་བླ་མ་ཞེས་བགྱི་བ་གང་ལགས་པ་དེ་ལ། བྲམ་ཟེའི་ཁྱེའུ་སྐྱེ་རྒུ་རྣམས་ཀྱིས་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ། །ཞེས་ལུང་བསྟན་པའི་བཅོམ་ལྡན་འདས་དེས་ཀྱང་དེ་བཞིན་དུ་རྫིང་བུ་དལ་གྱིས་འབབ་ཀྱི་འགྲམ་དུ་བདག་ཅག་ལ་ཆོས་བཤད་དེ། བདག་ཅག་གིས་ཆོས་དེ་ཐོས་ནས་བདེན་པ་མཐོང་སྟེ། འདི་བཞིན་དུ་རང་གི་གནས་སུ་མཆི་བར་གྱུར་ཅིག། ཅེས་
Ga55a
༄#། །བྱས་སོ། །དགེ་སློང་དག། ཇི་སྙམ་དུ་སེམས། ཀླུ་དང་ནམ་མཁའ་ལྡིང་བཞི་པོ་གང་ཡིན་པ་དེ་དག་ནི། འཇིག་རྟེན་སྐྱོང་བ་བཞི་པོ་གང་ཡིན་པ་དེ་དག་ཉིད་ཡིན་ཏེ། དེའི་ཚེ་དེའི་དུས་ཀྱི་དབུགས་འབྱིན་གང་ཡིན་པ་དེ་ནི། ཡུལ་འཁོར་སྐྱོང་འདི་ཉིད་ཡིན་ནོ། །དབུགས་ཆེར་འབྱིན་གང་ཡིན་པ་དེ་ནི། འཕགས་སྐྱེས་པོ་ཡིན་ནོ། །འགྲོ་བའི་དབང་ཕྱུག་ནི། མིག་མི་བཟང་ཡིན་ནོ། །གཙུག་གི་དབང་ཕྱུག་ནི། རྣམ་ཐོས་ཀྱི་བུ་ཡིན་ཏེ། དེའི་ཚེ་དེའི་དུས་ན་འདི་དག་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་ཤིང ། སྨོན་ལམ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས། འཇིག་རྟེན་སྐྱོང་བ་བཞིར་གྱུར་ཅིང ། ངའི་སྤྱན་སྔར་བདེན་པ་མཐོང་བར་བྱས་ནས་རང་གི་གནས་སུ་སོང་ངོ ། །ཆོས་བཤད་པ་དྲང་སྲོང་ཀེ་ནའི་བུས་ཐོས་ནས་མཆོག་ཏུ་དགའ་བ་སྐྱེས་ཏེ། བཅོམ་ལྡན་འདས་ལ་མངོན་པར་དད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་དང ། ཁམས་དང ། རང་བཞིན་མཁྱེན་ནས། གང་ཐོས་ནས་མོད་ལ་དྲང་སྲོང་ཀེ་ནའི་བུས་འཕགས་པའི་བདེན་པ་རྣམས་མངོན་པར་རྟོགས་ནས་ཕྱིར་མི་འོང་བའི་འབྲས་བུ་མངོན་སུམ་དུ་བྱས་པ་དེ་ལྟ་བུའི་ཆོས་བཤད་པ་མཛད་དོ། །དེ་ནས་དེ་རྟོགས་པའི་དད་པ་དང་ལྡན་པར་གྱུར་ནས། བཏུང་བ་བརྒྱད་པོ། ཅོ་ཙའི་བཏུང་བ་དང ། ཆུ་ཤིང་གི་འབྲས་
Ga55b
བུའི་བཏུང་བ་དང ། རྒྱ་ཤུག་གི་བཏུང་བ་དང ། ་ཤཝ་ཐའི་བཏུང་བ་དང ། ུ་དུམ་བ་རའི་བཏུང་བ་དང ། རྩུབ་འགྱུར་གྱི་བཏུང་བ་དང ། འབྲ་གོའི་བཏུང་བ་དང ། རྒུན་གྱི་བཏུང་བ་ཁྱེར་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བཏུང་བ་བརྒྱད་པོ་འདི་དག་ནི། སྔོན་གྱི་དྲང་སྲོང་རྣམས་ཀྱིས་བསྟོད་ཅིང་བསྔགས་པ་ལགས་ཀྱི། བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ་བཞེས་སུ་གསོལ། བཅོམ་ལྡན་འདས་ཀྱིས་དྲང་སྲོང་ཀེ་ནའི་བུ་ལ་ཐུགས་བརྩེ་བས་ཉེ་བར་དགོངས་ནས། བཏུང་བ་བརྒྱད་པོ་དག་བཞེས་སོ། །བཞེས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། བཏུང་བ་བརྒྱད་པོ་འདི་དག་དུས་སུ་སྦྱིན་ལེན་བྱས། དུས་སུ་མཉེས། དུས་སུ་བཙགས་སོ། །དུས་སུ་བྱིན་གྱིས་བརླབས་ན། དུས་སུ་ལོངས་སྤྱད་པར་བྱ་ཞིང ། དུས་མ་ཡིན་པར་ལོངས་སྤྱད་པར་མི་བྱ་ལ། ནམ་གྱི་ཐུན་དང་པོ་ཐལ་ནས་ལོངས་སྤྱད་པར་མི་བྱའོ། །བཏུང་བ་བརྒྱད་པོ་འདི་དག་དུས་སུ་བྱིན་ལེན་བྱས་ལ། དུས་མ་ཡིན་པར་མཉེས། དུས་མ་ཡིན་པར་བཙགས། དུས་མ་ཡིན་པར་བྱིན་གྱིས་བརླབས་པ་ན། ལོངས་སྤྱད་པར་མི་བྱའོ། །བཏུང་བ་བརྒྱད་པོ་འདི་དག་དུས་སུ་བྱིན་ལེན་བྱས། དུས་སུ་མཉེས། དུས་མ་ཡིན་པར་བཙགས། དུས་མ་ཡིན་པར་བྱིན་གྱིས་བརླབས་པ་ནི། ལོངས་སྤྱད་པར་མི་བྱའོ། །བཏུང་བ་བརྒྱད་པོ་འདི་དག་དུས་མ་ཡིན་པར་སྦྱིན་ལེན་བྱས་ལ། དུས་མ་ཡིན་
Ga56a
༄#། །པར་མཉེས། དུས་མ་ཡིན་པར་བཙགས་པ་ནི། ཟས་ཀྱི་འོག་ཏུ་ཡང་ལོངས་སྤྱད་པར་མི་བྱ་ལ། ནམ་གྱི་ཆ་སྟོད་འདས་ན་ཡང་ལོངས་སྤྱད་པར་མི་བྱའོ། །དེ་ནས་དྲང་སྲོང་ཀེ་ནའི་བུ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གིས་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་དྲང་སྲོང་ཀེ་ནའི་བུ་ལ་ཅང་མི་གསུང་བས་གནང་ངོ ། །དེ་ནས་དྲང་སྲོང་ཀེ་ནའི་བུ་བཅོམ་ལྡན་འདས་ཅང་མི་གསུང་བས་གནང་བར་རིག་ནས། སྟན་ལས་ལངས་ཏེ་སོང་ངོ ། །བཅོམ་ལྡན་འདས་ཀྱང་རྫིང་བུ་དལ་གྱིས་འབབ་ཀྱི་འགྲམ་ནས་མི་སྣང་བར་མཛད་དེ། དགེ་སློང་གི་དགེ་འདུན་དང་ཐབས་ཅིག་ཏུ་ཨུ་དུ་མར་གཤེགས་སོ། །དེ་ནས་དྲང་སྲོང་ཀེ་ནའི་བུ་ནམ་མ་ལངས་པར་ལངས་ནས་ནང་མི་རྣམས་ལ་སྨྲས་པ། འཕགས་པ་དག་།བཞེངས་ཤིག་།བཞིན་བཟང་དག་།ལོངས་ཤིག་།ཤིང་དག་གཤེགས་ཤིག་།མེ་བུས་ཤིག་།ཞལ་ཟས་དག་བྲིམ་པར་གྱིས་ཤིག་།བཀད་ས་དག་བྱི་དོར་གྱིས་ཤིག་།དེའི་ཚེ་དྲང་སྲོང་ཀེ་ནའི་སྲིང་མོའི་བུ། དྲང་སྲོང་རི་བོ་ཞེས་བྱ་བས་དེ་ཉིད་དུ་ནུབ་མོ་གནས་བཏབ་པ་ལས། དྲང་སྲོང་རི་བོས། དྲང་སྲོང་ཀེ་ནའི་བུ་ནམ་མ་ལངས་པར་ལངས་ནས་ནང་མི་རྣམས་
Ga56b
ལ་སྨྲ་བ་ཐོས་སོ། །ཐོས་ནས་ཀྱང་དྲང་སྲོང་ཀེ་ནའི་བུ་ལ་འདི་སྐད་ཅེས་སྨྲས་སོ། །དྲང་སྲོང ། ཅི། ཁྱོད་ཚངས་པ་མཚུངས་པར་སྤྱོད་པ་རྣམས་མགྲོན་དུ་བོས་སམ། ཡུལ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་འམ། ཕོ་བྲང་འཁོར་ན་གནས་པའི་སྐྱེ་བོའི་ཚོགས་སམ། དྲང་སྲོང་གི་ཆོས་ཇི་ལྟར་འདོད་པ་ཡོངས་སུ་རྫོགས་སམ། དེས་སྨྲས་པ། རི་བོ། ཁོ་བོ་ནི། ཚངས་པ་མཚུངས་པར་སྤྱོད་པ་རྣམས་མགྲོན་དུ་བོས་པ་ཡང་མ་ཡིན། ཡུལ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་མ་ཡིན། ཕོ་བྲང་འཁོར་ན་གནས་པའི་སྐྱེ་བོའི་ཚོགས་ཀྱང་མ་ཡིན། དྲང་སྲོང་གི་ཆོས་ཇི་ལྟར་འདོད་པ་ཡོངས་སུ་རྫོགས་པ་ཡང་མ་ཡིན་གྱི། འོན་ཀྱང་ཁོ་བོས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲངས་སོ། །དེས་སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་ནས། བ་སྤུ་ཐམས་ཅད་ཟིང་ཞེས་བྱེད་ནས། གུས་པ་དང་བཅས་པས་དྲིས་པ། དྲང་སྲོང ། སངས་རྒྱས་ཞེས་བྱ་བ་དེ། ཅི་ཞིག་ཡིན། རི་བོ། དགེ་སྦྱོང་གོའུ་ཏ་མ་ཤཱཀྱའི་སྲས། ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞིག་ཡོད་དེ། རི་བོ། སངས་རྒྱས་ཞེས་བྱ་བ་ནི། དེ་ཡིན་ནོ། །རི་བོས་སྨྲས་པ། དྲང་སྲོང ། དགེ་འདུན་ཞེས་བྱ་བ་དེ། ཅི་ཞིག་ཡིན། དྲང་སྲོང་ཀེ་ནའི་བུས་སྨྲས་པ། རི་བོ། རྒྱལ་རིགས་ཀྱི་བུ་རྣམས་
Ga57a
༄#། །ལས་ཀྱང་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཡང་ཡོད། བྲམ་ཟེའི་རིགས་དང ། རྗེའུ་རིགས་དང ། དམངས་རིགས་ཀྱི་བུ་རྣམས་ལས་ཀྱང་ཞེས་བྱ་བ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཏུ་བྱུང་བ་དེ་ཉིད་ཀྱི་རྗེས་སུ་རབ་ཏུ་བྱུང་བ་ཡོད་དེ་ཞེས་བྱ་བའི་བར་གོང་མ་བཞིན་དུ་སྟེ། རི་བོ། འདི་ནི། དགེ་འདུན་ཞེས་བྱའོ། །རི་བོ། དགེ་འདུན་འདི་དང ། སྔར་སྨོས་པའི་སངས་རྒྱས་ཏེ། སངས་རྒྱས་ལ་སོགས་པ་དགེ་སློང་གི་དགེ་འདུན་འདི་ཁོ་བོས་གདུགས་ཚོད་ལ་སྤྱན་དྲངས་སོ། །དེ་ནས་དྲང་སྲོང་རི་བོས་སངས་རྒྱས་ལ་དམིགས་པའི་དྲན་པས་ནང་པར་སྔར་ལངས་ཏེ། འཁོར་ལྔ་བརྒྱ་དང་བཅོམ་ལྡན་འདས་གང་ན་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། དྲང་སྲོང་རི་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཙུན་པ། ལེགས་པར་གསུངས་པའི་ཆོས་འདུལ་བ་ལ་བདག་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བདག་།བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པར་བགྱིའོ། །དྲང་སྲོང་རི་བོ་འཁོར་ལྔ་བརྒྱས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་གྱུར་ཏོ།། །།
Ga57b
འདུལ་བ་གཞི། བམ་པོ་ང་དགུ་པ། དེ་ནས་དྲང་སྲོང་ཀེ་ནའི་བུས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་ཅེས་བྱ་བ་ནས་བསྟབས་ཤིང་ཚིམ་པར་བྱས་སོ། །ཞེས་བྱ་བའི་བར་གོང་མ་བཞིན་དུའོ། །དེས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་བ་ན། རི་བོ་རབ་ཏུ་བྱུང་བ་མཐོང་ནས། དེས་སྨྲས་པ། རི་བོ། ཁྱོད་རབ་ཏུ་བྱུང་ངམ། རབ་ཏུ་བྱུང་ངོ། །ལེགས་པར་བྱས་སོ། །ཤིན་ཏུ་ལེགས་པར་བྱས་སོ། །ཁོ་བོ་ཡང་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ཟིན་ནས་རབ་ཏུ་འབྱུང་ངོ ། །དེ་ནས་དྲང་སྲོང་ཀེ་ནའི་བུས་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་པ་དག་།རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་དེ་ལ་ཡོན་བསྔོ་བ་དང ། ཆོས་བཤད་པ་མཛད་ནས་གཤེགས་སོ། །དེ་ནས་དྲང་སྲོང་ཀེ་ནའི་བུས་རྒྱུ་ལྷག་དེ་དག་ཐམས་ཅད་བཏང་བའི་ཆོས་བྱས་ནས། འཁོར་ལྔ་བརྒྱ་དང་བཅོམ་ལྡན་འདས་གང་ན་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། དྲང་སྲོང་ཀེ་ནའི་བུས་བཅོམ་ལྡན་འདས་ལ་འདི་
Ga58a
༄#། །སྐད་ཅེས་གསོལ་ཏོ། །བཙུན་པ། ལེགས་པར་གསུངས་པའི་ཆོས་འདུལ་བ་ལ་བདག་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བཅོམ་ལྡན་འདས་ཀྱི་སྤྱན་སྔར་བདག་ཚངས་པར་སྤྱད་པར་བགྱིའོ། །དྲང་སྲོང་ཀེ་ནའི་བུས་འཁོར་ལྔ་བརྒྱ་དང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པར་གྱུར་ཏོ། དེ་ནས་བཅོམ་ལྡན་འདས་རབ་ཏུ་བྱུང་ཞིང་བསྙེན་པར་རྫོགས་པའི་དགེ་སློང་སྟོང་པོ་དེ་དང ། འབབ་ཆུ་རབ་ཏུ་བཟང་མོའི་འགྲམ་དུ་ཨ་མྲའི་ཚལ་གདུགས་ལྟ་བུར་དབྱར་གནས་པར་ཞལ་གྱིས་བཞེས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་བྲམ་ཟེ་ཀ་བི་ན་ལ་དགེ་སློང་ལྔ་བརྒྱ་གཏད་དོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་ཉིས་བརྒྱ་ལྔ་བཅུ་གཏད་དོ། །ཚེ་དང་ལྡན་པ་ཤཱ་རིའི་བུ་ལ་ཉིས་བརྒྱ་ལྔ་བཅུ་གཏད་དོ། །དེ་ནས་ཚེ་དང་ལྡན་པ་བྲམ་ཟེ་ཀ་བི་ནས་གདམས་ངག་ཕོག་པ་གང་དག་ཡིན་པ་དེ་དག་ནི། ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པའི་འབྲས་བུ་མངོན་སུམ་དུ་བྱས་སོ། །ཚེ་དང་ལྡན་པ་མོའུ་འགལ་གྱི་བུ་ཆེན་པོའི་གང་དག་ཡིན་པ་དེ་དག་ནི། ཕྱིར་མི་འོང་བའི་འབྲས་བུའོ། །ཚེ་དང་ལྡན་པ་ཤཱ་རིའི་བུའི་གང་དག་ཡིན་པ་དེ་དག་ནི། རྒྱུན་དུ་ཞུགས་པའི་འབྲས་བུའོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་
Ga58b
ཞུས་པ། བཙུན་པ། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ནི། ཤེས་རབ་ཆེ་བ་རྣམས་དང ། ཚེ་དང་ལྡན་བ་མོའུ་འགལ་གྱི་བུ་ཆེན་པོ་ནི། མཐུ་ཆེ་བ་དང་རྫུ་འཕྲུལ་ཆེ་བ་རྣམས་ཀྱི་མཆོག་ཏུ་བསྟན་ལགས་ན། འོན་ཀྱང་ཚེ་དང་ལྡན་པ་བྲམ་ཟེ་ཀ་བི་ནས་གདམས་ངག་ཕོག་བ་གང་ལགས་པ་དེ་དག་ནི། དགྲ་བཅོམ་པ། ཚེ་དང་ལྡན་པ་མོའུ་འགལ་གྱི་བུ་ཆེན་པོའི་གང་དག་ལགས་པ་དེ་དག་ནི། ཕྱིར་མི་འོང་བའི་འབྲས་བུ། ཚེ་དང་ལྡན་པ་ཤཱ་རིའི་བུའི་གང་དག་ལགས་པ་དེ་དག་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་དུ་མ་ཟད། ཇི་ལྟར་འདས་པའི་དུས་ན་ཡང་ཀ་བི་ནའི་གདམས་ངག་ཕོག་པ་གང་ཡིན་པ་དེ་དག་ནི། གཟུགས་མེད་པའི་ཁམས་ལ་རབ་ཏུ་བཀོད། མོའུ་འགལ་གྱི་བུ་ཆེན་པོའི་གང་དག་ཡིན་པ་དེ་དག་ནི། གཟུགས་ཀྱི་ཁམས་དང ། ཤཱ་རིའི་བུའི་གང་དག་ཡིན་པ་དེ་ནི། མངོན་པར་ཤེས་པ་ལྔ་ལ་རབ་ཏུ་བཀོད་པ་དེ་ཉོན་ཅིག་།དགེ་སློང་དག་།སྔོན་བྱུང་བ། དགོན་པའི་གནས་ཤིག་ན་དྲང་སྲོང་གཉིས་ཤིག་གནས་ཏེ། སོ་སོར་འཁོར་ལྔ་བརྒྱ་ལྔ་བརྒྱ་ཡོད་དོ། །ཇི་ཙམ་དུས་གཞན་ཞིག་ན་དེ་གཉིས་ལས་གཅིག་ཤི་ནས། དེའི་བྲམ་ཟེའི་ཁྱེའུ་རྣམས་བླ་མ་དང་བྲལ་བའི་སྡུག་བསྔལ་དང ། ཡིད་མི་བདེ་བས་གདུངས་ནས་ཕན་ཚུན་འཕྱན་འཕྱན་ནས། དྲང་སྲོང་གཅིག་ཤོས་དེའི་དྲུང་དུ་འོངས་པ་དང ། དེས་དེ་རྣམས་མིག་མཆི་མས་གང་
Ga59a
༄#། །བ་མཐོང་ནས་དྲིས་པ། བྲམ་ཟེའི་ཁྱེའུ་དག་།ཁྱོད་ཀྱི་མཁན་པོ་དེ་གར་སོང ། གུམ་མོ། །དེས་བསམ་པ། བདག་འདས་ན་བྲམ་ཟེའི་ཁྱེའུ་རྣམས་འདི་འདྲ་བའི་གནས་སྐབས་སུ་འགྱུར་གྱི། མ་ལ་བདག་གིས་འདི་དག་བསྡུ་བར་བྱའོ། །སྙམ་ནས། དེས་དེ་རྣམས་དབུགས་ཕྱུང་སྟེ་བསྡུས་སོ། །ཇི་ཙམ་དུས་གཞན་ཞིག་ན། དྲང་སྲོང་དེ་ཡང་ནད་ཀྱིས་ཐེབས་བར་གྱུར་ནས་དེའི་སློབ་མ་མཆོག་གསུམ་ཡོད་པ་ལ། དེས་གཅིག་ལ་ལྔ་བརྒྱ། གཉིས་པ་ལ་ཉིས་བརྒྱ་ལྔ་བཅུ། གསུམ་པ་ལ་ནི། ཉིས་བརྒྱ་ལྔ་བཅུ་གཏད་དོ། །དེ་ནི། འཆི་བའི་ཆོས་དང་ལྡན་པར་གྱུར་ཏོ། །དེ་ལ་ལྔ་བརྒྱ་གཏད་པ་གང་ཡིན་པ་དེས་ནི། ཇི་ལྟར་གཟུགས་མེད་པའི་ཁམས་ལ་བཀོད་པ་དེ་ལྟར་གདམས་ངག་ཕོག་གོ་།ཉིས་བརྒྱ་ལྔ་བཅུ་གཏད་པ་གང་ཡིན་པ་དེས་ནི། ཇི་ལྟར་གཟུགས་ཀྱི་ཁམས་ལ་བཀོད་པ་དེ་ལྟར་གདམས་ངག་ཕོག་གོ་།ཉིས་བརྒྱ་ལྔ་བཅུ་ཕོག་པ་གཅིག་ཤོས་ཀྱིས་ནི། ཇི་ལྟར་མངོན་པར་ཤེས་པ་ལྔ་ལ་བཀོད་པ་དེ་ལྟར་གདམས་ངག་ཕོག་གོ་།དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་བྲམ་ཟེའི་ཁྱེའུ་ལྔ་བརྒྱ་གཟུགས་མེད་པའི་ཁམས་ལ་འགོད་པ་གང་ཡིན་པ་དེ་ནི། དགེ་སློང་ཀ་བི་ན་འདི་ཉིད་ཡིན་ནོ། །ཉིས་བརྒྱ་ལྔ་བཅུ་གཟུགས་ཀྱི་ཁམས་ལ་རབ་ཏུ་འགོད་པ་གང་ཡིན་པ་དེ་ནི། དགེ་སློང་མོའུ་འགལ་གྱི་བུ་འདི་ཉིད་ཡིན་ནོ། །གཅིག་ཤོས་ཀྱིས་ཉིས་བརྒྱ་ལྔ་བཅུ་མངོན་པར་ཤེས་པ་ལྔ་ལ་རབ་ཏུ་བཀོད་པ་གང་ཡིན་པ་དེ་ནི། དགེ་
Ga59b
སློང་ཤཱ་རིའི་བུ་འདི་ཉིད་ཡིན་ནོ། །འོན་ཀྱང་དགེ་སློང་ཀ་བི་ནས་གདམས་ངག་ཕོག་པ་གང་ཡིན་པ་དེ་དག་ནི། དབང་པོ་རྣོན་པོ་ཡིན་ནོ། །མོའུ་འགལ་གྱི་བུའི་གང་དག་ཡིན་པ་དེ་དག་ནི། དབང་པོ་འབྲིང་པོ་ཡིན་ནོ། །ཤཱ་རིའི་བུའི་གང་དག་ཡིན་པ་དེ་དག་ནི། དབང་པོ་རྟུལ་པོ་ཡིན་ནོ། །གལ་ཏེ་ཤཱ་རིའི་བུས་གདམས་ངག་མ་ཕོག་པར་གྱུར་ན། དེ་དག་གིས་དྲོ་བར་གྱུར་པ་ཡང་རྟོགས་པར་མི་འགྱུར་རོ། །ཀེ་ནའི་བུ་ནི་རལ་པ་ཅན། །ཇི་ལྟར་སངས་རྒྱས་སྔགས་བརྗོད་པ། །རབ་ཏུ་དང་བའི་སེམས་ཀྱིས་ནི། །ཐམས་ཅད་མཐུན་པར་མཉན་པར་གྱིས། །ཀེ་ནའི་བུ་ཡི་ཁྱིམ་དུ་ནི། །དུས་གཅིག་ཅིག་ནི་སྟོན་པ་པོ། །དཔའ་ཆེན་ཉན་ཐོས་ཐབས་ཅིག་ཏུ། །གདུགས་ཚོད་ལ་ནི་སྤྱན་དྲངས་སོ། །ཀེ་ནའི་བུ་ཡི་ཁྱིམ་དུ་ནི། །ཟས་ཀྱི་ཞལ་ཏ་བྱེད་པ་དག་།བྲམ་ཟེ་རི་བོས་མཐོང་གྱུར་ཏེ། །མཐོང་ནས་ཀེ་ནའི་བུ་ལ་དྲིས། །བག་མ་ལེན་ཏམ་འོན་ཏེ་ཅི། །རྒྱལ་པོ་ཡུལ་འཁོར་མགྲོན་བོས་སམ། །ཁྱོད་ཀྱི་མཆོད་སྦྱིན་ཆེ་དུས་སམ། །དྲིས་པ་དེ་ནི་བདག་ལ་སྨྲོས། །བདག་ནི་བག་མ་མི་ལེན་ལ། །རྒྱལ་པོའམ་ཡུལ་འཁོར་མགྲོན་མ་བོས། །བདག་གིས་སངས་རྒྱས་སེམས་དཔའ་མཆོག་།གདུགས་ཚོད་ལ་ནི་སྤྱན་དྲངས་སོ། །རི་བོ་སངས་རྒྱས་སྒྲ་ཐོས་ནས། །ཡིད་སྐྱོ་བ་ནི་སྐྱེས་གྱུར་ཏེ། །སངས་རྒྱས་དེ་ཅི་ཀེ་ནའི་བུ། །དྲིས་པ་དེ་ནི་བདག་ལ་སྨྲོས། །ཤཱཀྱའི་རིགས་ལས་སྐྱེས་པ་ཡི། །སྟོན་པ་གང་ཟག་ཟླ་མེད་ཡོད། །དེ་ནི་ཆོས་ཀུན་བློ་ལྡན་པས། །དེ་བས་སངས་རྒྱས་ཞེས་བྱའོ། །འདུས་བྱས་འཇིག་པར་འགྱུར་བའི་ཆོས། །
Ga60a
༄#། །འདས་པ་སངས་རྒྱས་ཀྱིས་གཟིགས་ལ། །དེ་བཞིན་མ་འོངས་པ་གཟིགས་ཤིང ། །ད་ལྟར་བྱུང་བ་རྣམས་ཀྱང་གཟིགས། །མངོན་ཤེས་བྱ་བ་ཇི་སྙེད་པ། །དེ་ཀུན་རྟོགས་པས་ཐམས་ཅད་རིག་།ཐམས་ཅད་མཁྱེན་ཅིང་ཐམས་ཅད་གཟིགས། །དེ་བས་སངས་རྒྱས་ཞེས་བྱའོ། །མངོན་པར་ཤེས་བྱ་མངོན་ཤེས་བྱས། །བསྒོམ་པར་བྱ་བ་རྣམས་ཀྱང་བསྒོམས། ། སྤང་བར་བྱ་རྣམས་སྤངས་པས་ན། །དེ་བས་སངས་རྒྱས་ཞེས་བྱའོ། །གང་ཞིག་བལྟམས་པར་གྱུར་པ་ན། །རྒྱ་མཚོ་རི་བོར་བཅས་པ་ཡི། །ས་འདི་རབ་ཏུ་གཡོ་མཛད་པ། །དེ་ལ་ཐལ་སྦྱར་ཕྱག་འཚལ་ལོ། །གང་གིས་བདུད་དང་ནག་པོ་ཡི། །རྩ་ལག་བཞོན་བཅས་བཅོམ་ནས་ནི། །དེ་བཞིན་གཤེགས་ཀྱི་སྟོབས་ཐོབ་པ། །དེ་ལ་ཐལ་སྦྱར་ཕྱག་འཚལ་ལོ། །ཝཱ་ར་ཎཱ་སིའི་གྲོང་བཞུད་ནས། །གང་གིས་རྣམ་པ་བཅུ་གཉིས་པའི། །ཆོས་ཀྱི་འཁོར་ལོ་དེ་བསྐོར་བ། །དེ་ལ་ཐལ་སྦྱར་ཕྱག་འཚལ་ལོ། །གང་གིས་འདོད་ཆགས་བཅིང་བས་བཅིངས། །འདོད་ཆགས་ཞེ་སྡང་གིས་གདུངས་པའི། །སེམས་ཅན་མང་པོ་གྲོལ་མཛད་པ། །དེ་ལ་ཐལ་སྦྱར་ཕྱག་འཚལ་ལོ། །སངས་རྒྱས་བཅོམ་ལྡན་འདས་གང་ཞིག་།རྣམ་འདྲེན་དེ་ནི་ཇི་སྲིད་ན། །ཤཱཀྱའི་སྲས་པོ་འོད་མཛད་ལ། །དེ་རིང་ཉིད་ནས་སྐྱབས་སུ་འགྲོ། ཚལ་སྡུག་ཡིད་དུ་འོང་བ་དེ། །གང་ན་བར་ནི་བྲམ་ཟེའི་ཆོས། །དྲི་ཟའི་རྒྱལ་པོ་ལྟ་བུ་ཡི། །སངས་རྒྱས་བླ་མེད་མཐོང་བར་འགྱུར། །ན་བཟའ་
Ga60b
ངུར་སྨྲིག་འོད་ལྡན་དེ། །གསེར་འོད་ཉི་མའི་འོད་ཟེར་ཅན། །དེ་བཞིན་གསེར་ནི་བཙོ་མ་ཡི། །གསེར་ལས་གཟུགས་ནི་བྱས་པ་བཞིན། །སཱ་ལ་ཤིང་གི་མེ་ཏོག་དང ། །ཀར་ནི་ཀ་རའི་མེ་ཏོག་འདྲ། །རིན་ཆེན་སྣ་ཚོགས་སྤྲས་པ་ཡི། །རིན་ཆེན་མཆོད་སྡོང་ཇི་བཞིན་ནོ། །ནྱ་གྲོ་དྷ་ལྟ་བུར་ནི། །ཆུ་ཞེང་གབ་པར་གྱུར་བ་དང ། །ཁོར་ཡུག་འདོམ་གང་འོད་ཀྱིས་ནི། །ཀུན་ནས་སྣང་བ་དག་ཏུ་མཛེས། །རྒྱལ་སྲིད་རྒྱལ་དང་ཉེ་དུར་བཅས། །འདོད་པ་ཀུན་དགའ་སྤངས་ནས་ནི། །རབ་ཏུ་བྱུང་བར་མངོན་བྱུང་བའི། །ཐོབ་པ་དབེན་པ་རྣམས་ལ་དགྱེས། །སྤོས་ངད་ལྡང་བའི་སེང་གེ་ནི། །ནགས་སུ་འཇིགས་པ་མེད་པ་ལྟར། །སེང་གེ་ལྟ་བུར་བསྙེངས་མེད་གསུངས། །བྲམ་ཟེ་སངས་རྒྱས་མཐོང་བར་འགྱུར། །ཞལ་འཛུམ་འཇམ་པའི་གསུང་དང་ནི། །ཚངས་པའི་གསུང་དང་སྙན་པའི་གསུང ། །རྔ་ཡི་སྒྲ་ཡི་གསུང་ལྟ་བུའི། །སངས་རྒྱས་བྲམ་ཟེ་མཐོང་བར་འགྱུར། །ཟླ་བ་དག་པ་ནམ་མཁའ་ལ། །རྒྱུ་སྐར་རྣམས་ཀྱིས་ཡོངས་བསྐོར་བའི། །ཟླ་བའི་དཀྱིལ་འཁོར་ལྟ་བུ་ཡི། །སངས་རྒྱས་བྲམ་ཟེ་མཐོང་བར་འགྱུར། །ཉི་མའི་འོད་ཟེར་དང་ལྡན་པ། ། ནམ་མཁའི་ངོས་ལ་མཛེས་པ་ལྟའི། །སངས་རྒྱས་མུན་དང་བྲལ་གྱུར་ཅིང ། །མཛེས་པ་བྲམ་ཟེ་མཐོང་བར་འགྱུར། །ཇི་ལྟར་བྱ་བའི་ཁྱུ་མཆོག་ནི། །ནོག་དང་ལྡན་པའི་གཡོག་གནས་ལྡན། །སྐྱེས་བུ་ཁྱུ་མཆོག་སྟོབས་བཅུ་ལྡན། །སངས་རྒྱས་བྲམ་ཟེ་མཐོང་བར་འགྱུར། །རྒྱ་མཚོ་དག་ནི་གཏིང་ཟབ་པའི། །ཆུ་ཆེན་ཚད་གཟུང་མེད་པ་ལྟའི། །སངས་རྒྱས་བསམ་གཏན་པ་ཡི་མཆོག་།བསམ་གྱིས་མི་
Ga61a
༄#། །ཁྱབ་བླ་མེད་མཐོང ། །ནག་པོའི་ཕྱོགས་ལས་ངེས་བྱུང་བའི། །ཉི་མ་མཁའ་ལ་གསལ་བ་དང ། །མེ་ཡི་ཕུང་པོ་འབར་བ་ལྟའི། །གོའུ་ཏམ་སངས་རྒྱས་མཐོང་བར་འགྱུར། །ཇི་ལྟར་འཁོར་ལོ་སྒྱུར་རྒྱལ་པོ། །ཞམ་རིང་བྱེད་པས་ཡོངས་བསྐོར་ལྟར། །དེ་བཞིན་རྫོགས་པའི་སངས་རྒྱས་ནི། །དགྲ་བཅོམ་རྣམས་ཀྱིས་མདུན་བྱས་མཛེས། །འདོད་པ་རྣམས་ལ་དབང་སྒྱུར་དང ། །ཇི་ལྟར་ཚངས་ཆེན་དབང་ཕྱུག་ལྟར། །སྟོང་གསུམ་གྱི་ནི་འཇིག་རྟེན་ཁམས། །ཐུབ་པ་དབང་ནི་སྒྱུར་བར་མཛད། །གང་ཐོས་ཉེ་བར་ཞི་འགྱུར་ཞིང ། །སྡུག་བསྔལ་མཚོ་ཆེན་ལས་སྒྲོལ་བ། །སྡུག་བསྔལ་རྣམ་པ་དུ་མ་དང ། །སྡུག་བསྔལ་ཀུན་འབྱུང་གང་ཡིན་དང ། །སྡུག་བསྔལ་ཉེ་བར་ཞི་བ་དང ། །ལམ་ནི་ཡན་ལག་བཞི་ཚན་གཉིས། །སྦྲང་རྩི་མ་བསྐོལ་རོ་ལྟ་བུའི། །བདེན་པ་དག་ནི་རབ་ཏུ་འཆང ། །ནོར་མེད་རྣམས་ལ་ནོར་སྦྱིན་ཞིང ། །ནད་པ་རྣམས་ཀྱི་དཔྱད་ཀྱང་མཛད། །གནོད་པ་རྣམས་ཀྱི་སྐྱབས་གྱུར་པས། །སྐྱེ་རྒུ་སྡུག་བསྔལ་གྲོལ་བར་མཛད། །མུན་པར་གྱུར་པའི་སེམས་ཅན་དང ། །བླུན་པོ་ལམ་གོལ་རྒྱུ་བ་དང ། །བདེ་བ་མྱ་ངན་འདས་འགྲོ་བའི། །ལམ་ནི་དྲང་པོ་རབ་ཏུ་སྟོན། །འདོད་ཆགས་ཞེ་སྡང་ཀུན་འབར་ཞིང ། །གཏི་མུག་རབ་འབར་སྐྱེ་རྒུ་རྣམས། །ཇི་ལྟར་སྤྲིན་ཆེན་ཆར་འབེབས་ལྟར། །ཐུབ་པ་ཆེན་པོས་ཞི་བར་མཛད། །གཟུགས་དང་ཁ་དོག་སྟོབས་ལྡན་པས། །དེ་དང་འདྲ་བ་ཡོད་མ་ཡིན། །སྐུ་མཁྲེགས་སྟོབས་
Ga61b
མཆོག་ལྡན་པ་ནི། །རི་བོ་བཞིན་དུ་ཤིན་ཏུ་གནས། །རྙེད་དང་མ་རྙེད་བདེ་སྡུག་དང ། །སྨད་པ་དང་ནི་བསྟོད་པ་དང ། །གྲགས་པ་དང་ནི་མ་གྲགས་པས། །ཆུ་ཡིས་པདྨ་བཞིན་མ་གོས། །སྲོག་གཅོད་པ་ནི་རྣམ་སྤངས་ཏེ། །མ་བྱིན་པ་ལ་དགའ་མི་བྱེད། །བདེན་པ་གསུང་ཞིང་ཚངས་པར་སྤྱོད། །དེ་ནི་ཕྲ་མ་སྤངས་པ་ཡིན། །ཚིག་རྩུབ་དག་ནི་མི་གསུང་ཞིང ། །དུས་སུ་བབ་པར་འཇམ་པོར་གསུངས། །དེ་ནི་འདོད་ལ་བརྣབ་སེམས་མེད། །སྐྱེ་བོ་རྣམས་ལ་དེ་སེམས་བྱམས། །ཡང་དག་ལྟ་བ་ཕུན་སུམ་ཚོགས། །ཏིང་ངེ་འཛིན་སྟོབས་སྤྱོད་ཡུལ་བ། །བསམ་གཏན་ཆེན་པོ་མངོན་ཤེས་དྲུག་།རྫུ་འཕྲུལ་གྱིས་ནི་མཁའ་ལ་གཤེགས། །ལྷ་དང་མི་ཡི་སྒྲ་དག་ནི། །གང་ཡིན་རྣམ་པ་སྣ་ཚོགས་གསན། །ཉོན་མོངས་ཅན་ནམ་དགེ་ཀྱང་རུང ། །ཕ་རོལ་གྱི་ནི་སེམས་ཀྱང་མཁྱེན། །གང་དང་གང་དུ་སྔོན་གནས་པ། །སྔོན་གྱི་གནས་ལ་མཁས་པ་དང ། །སེམས་ཅན་འགྲོ་དང་འོང་བ་ཡི། །འཆི་འཕོ་དང་ནི་སྐྱེ་བ་མཁྱེན། །ཟག་པ་ཟད་ཅིང་མི་ལྡན་པས། །ཉེར་ཞི་ཤིན་ཏུ་མྱ་ངན་འདས། །དབང་པོ་ཞི་ཞིང་ཐུགས་ཞི་བ། །མཚོ་ནི་གང་བ་བཞིན་དུ་གནས། །པདྨའི་རྫིང་ན་གླང་པོ་ཆེ། །པདྨ་དྲུག་ཅུ་ལོན་པ་ལྟར། །མཐོང་ན་ངོམས་ནི་མི་ཤེས་པས། །བྲམ་ཟེ་དགའ་བ་ཐོབ་པར་འགྱུར། །རི་བོ་བཅོམ་ལྡན་འདི་འདྲ་སྟེ། །དེ་ཡི་སྐུ་ནི་སྐྱེས་ཆེན་གྱི། །སུམ་ཅུ་རྩ་གཉིས་མཚན་མངའ་ཞིང ། །གཟི་བརྗིད་མེ་ཡི་ཕུང་པོ་བཞིན། །གང་གིས་ལོ་བརྒྱ་ཚང་བར་ནི། །སྐྱོབ་པའི་བསྔགས་པ་བརྗོད་བྱས་ཀྱང ། །དེ་བཞིན་
Ga62a
༄#། །གཤེགས་པ་ཚད་མེད་པས། །དེས་ནི་མཐར་ཕྱིན་མི་འགྱུར་རོ། །བྲམ་ཟེ་གང་གིས་དེ་མཐོང་བ། །དེ་ཡི་རྙེད་པ་བླ་ན་མེད། །གང་གིས་མཐོང་ནས་སྐྱབས་སོང་བ། །དེ་ཡི་རྙེད་པ་དེ་བས་འཕགས། །བྲམ་ཟེ་རི་བོ་ཐུབ་ཆེན་གྱི། །བསྔགས་པ་ཐོས་ནས་སྐྱོ་བར་གྱུར། །དབེན་པའི་སེམས་ཀྱི་རྟོག་པ་ཡིས། །ཀེ་ནའི་བུ་ལ་འདི་སྐད་སྨྲས། །མར་གྱུར་པ་ལ་བདག་གིས་ནི། །དེ་འདྲའི་བསྔགས་པ་ཐོས་མ་མྱོང ། །ཀེ་ན་འཆད་པ་དང་སྦྱར་ན། །དེ་ནི་འཇིག་རྟེན་ཀུན་གྱི་གཙོ། །ཚོང་པ་ནོར་དག་དོན་གཉེར་བ། །ཁྱོད་ཀྱིས་ང་རྒྱལ་རྒྱལ་མཚན་སྤོངས། །དེ་ལ་བཀུར་སྟི་གུས་བྱོས་དང ། ། བྲམ་ཟེ་དགའ་བ་འཐོབ་པར་འགྱུར། །བྲམ་ཟེའི་ཁྱེའུ་ལྔ་བརྒྱ་ཡི། །སློབ་མ་དག་གིས་མདུན་བདར་ཏེ། །སངས་རྒྱས་བཞུགས་པ་བཟང་པོ་དེར། །བྲམ་ཟེ་རི་བོ་སོང་བར་གྱུར། །ལྷ་རྣམས་ཀྱི་ནི་དགའ་ཚལ་ལྟར། །མེ་ཏོག་ཤིང་ནི་ཕུན་སུམ་ཚོགས། །རྣམ་པར་དབེན་ཞིང་སྒྲ་མེད་ཅིང ། །བྱ་ཡི་ཚོགས་ཀྱིས་བསྙེན་གྱུར་པ། མི་མིན་གདུག་པ་མེད་རྒྱུ་བ། །ཤཱཀྱའི་སྲས་ཀྱིས་བསྟེན་པ་ཡི། །ཆོས་ཀྱི་རྒྱལ་པོའི་གནས་སུ་ནི། །དེ་ནས་བྲམ་ཟེས་ཞུགས་པར་གྱུར། །མ་དུལ་འདུལ་བ་ཁ་ལོ་སྒྱུར། །སྐྱེས་བུ་དམ་པ་མཐོང་ནས་ནི། །རི་བོ་ཡིས་ནི་ཚིག་གསོལ་པ། །ཤེས་ལྡན་ཇི་ག་སྙུན་མི་མངའམ། །ཀ་ལ་པིངྐའི་སྒྲ་དབྱངས་ཅན། །སངས་རྒྱས་སྙན་ཅིང་གསལ་བའི་བཀས། །རི་བོ་ལ་ནི་སླར་གསུངས་པ། །ང་ལ་ནད་ནི་ཡོད་མིན་ཏེ། །ཉེས་པ་མེད་ཅིང་སྒྲིབ་པ་མེད། །ཐེ་ཚོམ་ཐམས་ཅད་རྣམ་པར་བཅད། །
Ga62b
རྣམ་པར་གྲོལ་ཞིང་མི་ལྡན་པ། །ང་ནི་ཟག་མེད་ཐལ་བ་མེད། །འཇིག་རྟེན་ན་ནི་རྡུལ་མེད་རྒྱུ། །གཙང་ཞིང་དག་ལ་དྲི་ང་མེད། །དེས་ན་བྲམ་ཟེ་ང་གཙང་སྟེ། །འཁོན་དང་འཇིགས་པ་ཀུན་ལས་བརྒལ། །རི་བོ་ཁྱོད་ཀྱང་འོངས་པ་ལེགས། །སྟན་འདི་ལ་ནི་ལེགས་པར་འདུག་།བྲམ་ཟེ་ཇི་ག་བདེ་འམ་ཁྱོད། །ལུས་ནི་ངལ་བར་མ་གྱུར་མོད། །དཔའ་བོ་ཆེན་པོ་ཁྱོད་མཐོང་བས། །ཐུབ་པ་ཆེན་པོ་དེ་ལྟར་བདེ། །རྒྱན་རྣམས་ཀྱིས་ནི་བརྒྱན་པ་ལྟར། །ཡིད་ནི་རབ་ཏུ་དགའ་བ་ཡིས། །དེ་དང་རྗེས་སུ་འཚམ་པའི་གཏམ། །རིམ་པ་བཞིན་དུ་བྱས་ནས་ནི། །དེ་ནས་བྲམ་ཟེ་འཛེམ་པ་དང ། །དམན་པའི་ཡིད་ཀྱིས་འདུག་པར་གྱུར། །ཀློག་པ་དང་ནི་གསང་ཚིག་འཛིན། །རིག་བྱེད་གསུམ་གྱིས་རིགས་མཐར་ཕྱིན། །བྲམ་ཟེ་རི་བོ་འདུག་ནས་ནི། །ཐུབ་པའི་མཚན་ལ་རྟོག་པར་བྱེད། །འཇིག་རྟེན་གྱི་ནི་མགོན་པོ་ཡི། །སྐུ་ལ་མཚན་ནི་སུམ་ཅུ་མཐོང ། །ལྗགས་སྲབ་འདོམས་སྦ་སྦུབས་ནུབ་པ། །གཉིས་ལ་རི་བོ་ཐེ་ཚོམ་ཟ། །ཐུབ་པ་ཆེན་པོའི་མཚན་རྣམས་ལ། །ཐེ་ཚོམ་ཡིད་གཉིས་གྱུར་ནས་ནི། །རྫོགས་པའི་སངས་རྒྱས་ཉི་མའི་རིགས། བདེན་པའི་མཚན་ལ་ཡོངས་ཞུས་པ། །ཐུབ་པ་ཆེན་པོའི་མཚན་རྣམས་ནི། །སུམ་ཅུ་རྩ་གཉིས་ཐོབ་པ་གང ། །གོའུ་ཏམ་ཁྱོད་ཀྱི་སྐུ་དག་ལ། །གཉིས་ནི་གཡར་སྔར་མ་བབ་བོ། །མི་ཡི་དམ་པ་འདོམས་ཀྱི་ནི། །སྦ་བ་སྦུབས་སུ་ནུབ་ལགས་སམ། །ལྗགས་བཟང་ཞེས་ནི་བགྱི་བ་ཡང ། །ཇི་ག་ཐུང་བ་མ་ལགས་གྲང ། །ཐུབ་ཆེན་བདག་གིས་ཅི་ནས་ཀྱང ། །ལྗགས་རིང་གློ་བར་ཆུད་འགྱུར་
Ga63a
༄#། །བར། །ལྗགས་སྲབ་མྱུར་དུ་བརྐྱང་མཛད་དེ། །བདག་གི་ཐེ་ཚོམ་བསལ་དུ་གསོལ། །རྣམ་པར་འདྲེན་རྣམས་འཇིག་རྟེན་དུ། །བརྒྱ་ལམ་ན་ནི་ལན་འགའ་འབྱུང ། །ུ་དུམ་ཝ་རའི་མེ་ཏོག་བཞིན། །ཐུབ་པ་ཆེན་པོ་དཀོན་པ་ལགས། །སོས་ཀ་སྐོམ་པ་ཆབ་དང་ནི། །བཀྲེས་པ་ལ་ནི་གཡར་ཟས་དང ། །ནད་པ་སྨན་ལ་ཇི་ལྟ་བར། །སྟོན་པ་ལ་ནི་བཀུར་སྟི་བགྱིད། །ཀ་ལ་པིངྐའི་སྒྲ་དབྱངས་ཅན། །སངས་རྒྱས་སྙན་ཅིང་གསལ་བའི་བཀས། །རི་བོ་ལ་ནི་སླར་གསུངས་པ། །བྲམ་ཟེ་ཐེ་ཚོམ་སྤངས་བར་གྱིས། །ལྗགས་ཀྱིས་སྤྱན་དང་སྙན་དག་ནི། །རབ་ཏུ་ཁེབས་པར་ལྗགས་རིང་གིས། །ཞལ་གྱི་དཀྱིལ་འཁོར་ཁེབས་པར་མཛད། །རྫུ་འཕྲུལ་བཞི་ལ་མཁས་པ་ཡི། །རྫུ་འཕྲུལ་གྱིས་ཀྱང་བསྟན་མཛད་པས། །ཐུབ་པའི་འདོམས་སྦ་སྦུབས་ནུབ་པ། །བྲམ་ཟེ་རི་བོས་མཐོང་བར་གྱུར། །ཐུབ་པ་ཆེན་པོའི་མཚན་རྣམས་ལ། །ཐེ་ཚོམ་མེད་ཅིང་ཟུག་རྔུ་ཕྱུང ། །སེམས་ཀྱི་རྟོག་པ་རབ་དགའ་ནས། །རི་བོ་ཡིས་ནི་ཚིག་གསོལ་པ། །སུམ་ཅུ་གཉིས་དང་དཔེ་བྱད་རྣམས། །བདག་གིས་གསང་ཚིག་ལས་ཐོས་པ། །དེ་ཀུན་ཁྱོད་ཀྱི་སྐུ་འདི་ལ། །ཡོངས་སུ་རྫོགས་ཏེ་མ་ཚང་མེད། །དགེ་དང་ལྡན་པས་སྤྱོད་པ་བཟང ། ། ལེགས་པར་འཁྲུངས་པས་བལྟ་ན་སྡུག་།ཉན་ཐོས་དགེ་འདུན་དབུས་ན་ནི། །གདུགས་བ་དལ་བ་ནི་ལྟ་བུར་མཛེས། །དམ་པར་བསྔགས་པ་ཁྱོད་ལ་ནི། །དགེ་སྦྱོང་དངོས་པོས་ཅི་ཞིག་བགྱི། །
Ga63b
མ་ཡི་ཁྱུ་མཆོག་ཁྱོད་ལྟ་བུ། །དཔུང་གི་ཡན་ལག་བཞི་དག་དང ། །རིན་ཆེན་བདུན་དང་ལྡན་པ་ཡིན། །འཁོར་ལོས་བསྒྱུར་བའི་རྒྱལ་པོར་འོས། །ས་བདག་རྒྱལ་པོ་མཛད་ནས་ནི། །ས་སྟེང་འཁོར་ལོས་བསྒྱུར་བ་མཛོད། །རི་བོ་ང་ནི་རྒྱལ་པོ་སྟེ། །ཆོས་ཀྱི་རྒྱལ་ཆེན་བླ་ན་མེད། །ང་ནི་ས་ཡི་དཀྱིལ་འཁོར་འདིར། །ཆོས་ཀྱི་འཁོར་ལོ་བསྐོར་བར་བྱེད། །ང་ཡི་རིགས་ནི་རྒྱལ་རིགས་ཏེ། །ང་ནི་དགེ་བའི་རིགས་ལས་འཁྲུངས། །བདུད་དཔུང་བཅས་པར་བཅོམ་ནས་ནི། །རྫོགས་པའི་བྱང་ཆུབ་དམ་པ་ཐོབ། །བྲམ་ཟེ་ང་དྲན་འཁོར་ལོ་སྟེ། །ང་ཡི་ཤེས་རབ་བློན་པོ་ཡིན། །བརྩོན་འགྲུས་ཤུགས་མགྱོགས་རྟ་ཕོ་ནི། །བཏང་ན་དང་ལ་འབྱུང་བ་ཡིན། །ང་ཡི་ནོར་བུ་དམ་པ་ནི། །ཏིང་འཛིན་མུན་པ་གསལ་བྱེད་ཡིན། །བཏང་སྙོམས་གླང་ཆེན་དམ་པ་སྟེ། །བསྐུལ་ན་དང་ལ་རྒྱུག་པ་ཡིན། །ཆགས་བཅས་བུད་མེད་འདོད་པ་ལྟར། །བྲམ་ཟེར་ང་དགའ་འདོད་པ་ཡིན། །བྲམ་ཟེ་ང་ཡི་ཁྱིམ་བདག་ནི། །ཤིན་ཏུ་སྦྱངས་ནོར་དམ་པ་ཡིན། །ང་ཡི་བྱང་ཆུབ་ཡན་ལག་བདུན། །འཇིག་རྟེན་ཀུན་འདས་རིན་ཆེན་དེས། ། ལོང་བར་གྱུར་ཅིང་གཉིད་ལོག་པའི། །སྐྱེ་རྒུ་འདི་དག་སད་པར་བྱ། །ཕྱོགས་རྣམས་ཀུན་ནས་ང་རྒྱལ་བས། །ང་ལ་བསྡོ་བའི་དགྲ་ཡོད་མིན། །ཉོན་མོངས་ཚོགས་རྣམས་འཇོམས་པ་ཡི། །འཁོར་བཞི་པོ་དག་ང་ཡི་སྲས། །རྫུ་འཕྲུལ་ཀུན་དགའ་ཕུན་སུམ་ཚོགས། །ལམ་གྱི་བཞི་མདོར་སྤྲུལ་པ་བྱས། །མདོ་སྡེ་སྐྱེས་པའི་རབས་དག་བཀྲམ། །སྐྱེས་བུ་ཆེན་པོ་རྣམས་ཀྱིས་བསྟེན། །རྣམ་
Ga64a
༄#། །ཐར་གསུམ་པོ་སྒོ་མོ་ཅན། །དྲན་པའི་སྲུང་མ་རྣམས་ཀྱིས་བསྲུངས། །ངོ་ཚ་ཁྲེལ་ཡོད་ཀྱིས་གཡོགས་པའི། །གྲོང་ཁྱེར་སྔོན་གྱི་སངས་རྒྱས་ཀྱིས། །བསྟེན་པ་དག་ཏུ་དེ་བཞིན་གཤེགས། །རྒྱལ་པོ་ང་ནི་བཞུགས་ནས་སུ། །ང་ཡི་ཆོས་ཀྱིས་གཡུལ་སྤྲད་དེ། །ཆོས་ཀྱི་རྔ་ཆེན་བརྡུངས་ནས་ནི། །བདུད་རྣམས་མཐའ་དག་བཅོམ་བྱས་ཏེ། །ང་ནི་བྱང་ཆུབ་ཕྱིར་དབང་བསྐུར། །ཚད་མེད་པ་དག་རབ་བསྒོམས་པ། །ང་ཡི་རྒྱན་དུ་བདོག་པ་ཡིན། །ཚངས་པའི་གནས་པ་བཞི་པོ་ཡིས། །ཉོན་མོངས་པ་དག་རབ་ཏུ་བཟློག་།ཕ་རོལ་རབ་ཏུ་རྒོལ་བཅོམ་སྟེ། ། རྣམ་པར་བཅོམ་ཞིང་རྨེག་མེད་བྱས། །སྲོག་ཆགས་རྣམས་ལ་འཇིག་རྟེན་འདིར། །སྣང་བ་སྦྱིན་ཞིང་ཡང་དག་སྤྱད། །ང་ནི་བདེན་པར་གནས་བཅས་ནས། །ཡེ་ཤེས་ཀྱིས་ནི་མཚོན་གྱིས་བཅད། ། རྫུ་འཕྲུལ་རྐང་པ་གནས་ཡིན་ཏེ། །ཞི་གནས་དག་ནི་འཛིན་སྟངས་ཡིན། །ཚུལ་ཁྲིམས་ཤིང་རྟ་སྒྲ་སྙན་ལ། །ང་ཡི་ལྷག་མཐོང་ཁ་ལོ་སྒྱུར། །བཟོད་དང་དེས་པའི་གོ་བགོས་ནས། །ལམ་བསྒོམས་པས་ན་གཡུལ་ངོར་ནི། །གང་གིས་སྒྲིབ་པ་འཇོམས་པ་ཡི། །དབང་པོ་ལྔ་ཡི་དོང་པ་དང ། །གང་གིས་ཉོན་མོངས་ཐེག་འཇུད་པའི། །ཡང་དག་སྤོང་བ་བཞི་པོ་ཡིས། །ངས་ནི་དཔའ་བོའི་གཡུལ་སྤྲད་དེ། །ཆོས་ཀྱི་རྔ་བོ་ཆེ་བརྡུངས་ནས། །བདུད་དཔུང་བཅས་པར་བཅོམ་བྱས་ཏེ། །ང་ནི་བྱང་ཆུབ་དབང་བསྐུར་ཏོ། །རིག་པས་མ་རིག་བཅོམ་ནས་ནི། །ཕུང་པོ་སྐྱེ་ཞིང་
Ga64b
འཇིག་པ་ཅན། །གཡུལ་གྱི་རྩེ་མོ་བརྒལ་ཏེ་ང ། །སྐྱེ་རྒུ་བྱང་ཆུབ་ཕྱིར་སངས་རྒྱས། །གང་གིས་སྐྱེ་རྒུ་གནོད་བྱེད་པ། །འཇིག་རྟེན་ཆོམ་རྐུན་ཆེན་པོ་གསུམ། །འདོད་ཆགས་ཞེ་སྡང་གཏི་མུག་རྣམས། དེ་ཀུན་ང་ཡིས་བཅོམ་པས་ན། །མངོན་ཤེས་ཀུན་གྱི་སྟོབས་བྱུང་བས། །ང་ནི་དགྲ་བཅོམ་ཡོན་གནས་འོས། །ཞིང་གཤིན་པ་ལ་ཞུགས་པ་ཡིས། །སྦྱིན་སྲེག་རྣམས་ཀྱང་ལེན་པ་ཡིན། །བརྩོན་འགྲུས་དམ་པ་བརྩམས་ནས་ནི། །ངས་ནི་ཟག་པ་རྣམས་བཅོམ་མོ། །ཆུ་བོ་ཆེ་ལས་བརྒལ་ནས་ནི། །བསྒྲལ་པའི་ཕྱིར་ནི་གནས་པ་ཡིན། །ཇི་ལྟར་སེང་གེ་མཆེ་བའི་སྟོབས། །ནགས་སུ་སྲོག་ཆགས་དང་ཕྲད་ནས། །ཆུང་དང་འབྲིང་དང་ཆེན་པོའང་རུང ། །དེ་ལ་མཚུངས་པར་སྣུན་པ་ལྟར། །མི་ཡི་སེང་གེ་རྣམ་འདྲེན་པ། །རྫོགས་སངས་དེ་བཞིན་འཇིག་རྟེན་ནི། །བྱིས་པའམ་འབྲིང་ངམ་ཆེན་པོ་ལ། ། མཉམ་པར་ཆོས་ནི་སྟོན་པར་མཛད། །གོའུ་ཏམ་ཁྱོད་ཀྱིས་འདི་རུ་ནི། །ནད་པ་བདག་གི་ཐེ་ཚོམ་སོལ། །ཟུག་རྔུ་འབྱིན་པ་རྣམས་དང་ནི། །མིག་མཁན་རྣམས་ཀྱི་མཆོག་ཁྱོད་ལགས། །ཁྱོད་ཀྱི་ཐེ་ཚོམ་བསལ་བར་བྱས། །བྲམ་ཟེ་ཁྱོད་ནི་འདུན་པར་གྱིས། །གྲགས་ལྡན་རྫོགས་པའི་སངས་རྒྱས་རྣམས། །མཐོང་བ་རྙེད་པར་དཀའ་བ་སྟེ། །གང་ཞིག་འདི་ནི་རྙེད་དཀའ་བ། །བརྒྱ་ལམ་ན་ནི་ལན་འགའ་འབྱུང ། །བྲམ་ཟེ་རྫོགས་པའི་སངས་རྒྱས་ང ། །ཆོས་ཀྱི་རྒྱལ་པོ་བླ་མེད་ཡིན། །དེ་བཞིན་གཤེགས་ལ་རིས་གསོལ་བ། །རྫོགས་སངས་རྒྱས་ཞེས་བཀའ་སྩལ་ཏེ། །མ་འདྲེས་
Ga65a
༄#། །འཁོར་ལོ་བསྐོར་མཛད་ན། །གོའུ་ཏ་མ་ཇི་སྐད་གསུང་བ་བཞིན། །ཁྱོད་ཀྱིས་འཁོར་ལོ་བསྐོར་བ་གང ། །རྗེས་སུ་མཁས་པ་བསྐོར་བགྱིད་པ། །སྟོན་པ་ཉིད་འཁྲུངས་ཉན་ཐོས་ནི། །སྡེ་དཔོན་དག་ཏུ་སུ་འགྱུར་ལགས། །བྲམ་ཟེ་ང་ལ་ཉན་ཐོས་ནི། །ཤེས་རབ་མཚུངས་པའི་སྲས་ཡོད་པ། །ཉེ་རྒྱལ་ཞེས་ནི་གྲགས་པའོ། །མང་དུ་ཐོས་པ་ཤཱ་རིའི་བུ། ། མདུད་པ་ཀུན་ལས་རྣམ་གྲོལ་བ། །ཉེར་ཞི་ཟག་པ་མེད་ཡོད་དེ། །ངས་ནི་འཁོར་ལོ་གང་བསྐོར་བ། །མཁས་པ་རྗེས་སུ་བསྐོར་བས་བྱེད། །ེ་མའོ་སངས་རྒྱས་ཆོས་དང་ནི། །ེ་མའོ་ཉན་ཐོས་ཕུན་སུམ་ཚོགས། །ེ་མའོ་རིན་ཆེན་དམ་པ་གསུམ། །འཇིག་རྟེན་བྱུང་བ་ངོ་མཚར་ཆེ། །བཟང་པོ་ཁྱོད་ཀྱི་ཉན་ཐོས་སུ། །བདག་གིས་གཡར་གྱིས་བླངས་བགྱིས་ལ། །ཀྱེ་མའོ་ཆོས་ཀྱི་བཅུད་འཚལ་ནས། །ཤིན་ཏུ་མྱ་ངན་འདས་པར་བགྱི། །སེམས་རྟོག་རབ་ཏུ་དགའ་གྱུར་ནས། །དེ་ནས་བྲམ་ཟེ་སྐྱོ་གྱུར་ཏེ། །དབེན་པ་འདོད་པའི་སེམས་ཀྱིས་ནི། །འཁོར་ལ་འདི་སྐད་ཅེས་སྨྲས་སོ། །ནགས་ན་སེང་གེ་སྒྲ་འབྱིན་ལྟར། །བསམ་གཏན་ཆེན་པོ་ཟུག་རྔུ་འབྱིན། །སྤྱན་དང་ལྡན་པས་ཅི་གསུངས་པ། །འདི་ནི་ཤེས་ལྡན་དག་ཉོན་ཅིག་།གང་དག་འདོད་པ་རྗེས་སུ་སོང ། །གང་དག་མི་འདོད་དེ་དག་དེངས། །ཤེས་ལྡན་མཆོག་གི་བསྟན་པ་ལ། །དེ་རིང་ཁོ་ནར་རབ་འབྱུང་ངོ ། །ཚངས་སྤྱོད་འདི་ལ་ལེགས་སྤྱད་ཅིང ། །ལམ་ཉིད་ཤིན་ཏུ་གོམས་
Ga65b
བྱས་ན། །བག་ཡོད་པ་ལ་གནས་པ་ཡི། །རབ་བྱུང་འབྲས་བུ་བཅས་པར་འབྱུང ། །གལ་ཏེ་ཁྱེད་ཅག་རབ་འབྱུང་ཞིང ། །བསྙེན་པར་རྫོགས་པར་འདོད་ན་ནི། །བྲམ་ཟེ་རལ་པ་འདིར་བྲེགས་ཏེ། །བདག་ཅག་རབ་ཏུ་འབྱུང་བར་བྱ། །སེམས་རྟོག་རབ་ཏུ་མགུ་གྱུར་ནས། །སོར་མོ་བཅུ་ཡིས་ཐལ་སྦྱར་ཏེ། །བླ་གོས་ཕྲག་པ་གཅིག་གཟར་ནས། །བྲམ་ཟེ་རི་བོས་དེ་གསོལ་པ། །བྲམ་ཟེའི་ཁྱེའུ་ལྔ་བརྒྱ་པོ། །འདི་དག་ཐལ་སྦྱར་འཁོད་པ་ནི། །ཐུབ་ཆེན་རབ་ཏུ་འབྱུང་བ་དང ། །བསྙེན་པར་རྫོགས་པར་ཐོབ་པར་འཚལ། །དེ་ནས་སྟོན་པར་ཐུགས་རྗེ་ཅན། །དྲང་སྲོང་ཆེན་པོ་ཐུགས་བརྩེ་བས། །དགེ་སློང་ཚུར་ཤོག་བཀའ་སྩལ་པས། །དེ་དག་བསྙེན་པར་རྫོགས་པར་གྱུར། །ཤེས་རབ་ཆེན་པོ་ཤཱ་རིའི་བུ། །རྫུ་འཕྲུལ་ལྡན་པ་མོའུ་འགལ་དང ། །དགའ་ཡོད་གནས་བརྟན་ཀ་པི་ནི། །སྤོབས་པ་རྟོགས་པར་ཁོང་དུ་ཆུད། །ཆུ་བོ་བཟང་པོའི་འགྲམ་དུ་ནི། །ཡིད་དུ་འོང་བའི་ཚལ་ཁྲོད་དུ། །སྤོབས་པ་བྱང་བའི་གནས་བརྟན་གྱིས། །དེ་དག་ལ་ནི་གདམས་ངག་ཕོག་།དེར་ནི་དེ་ལས་ཆོས་ཀྱི་གཏམ། །རྗེས་སུ་མཐུན་པར་དེ་ཤེས་ནས། །རིང་པོར་མ་ཐོགས་རྣམ་གྲོལ་ཏེ། །དམ་པའི་དོན་ལ་རབ་ཏུ་བཀོད། །དེ་དག་མཐོང་ཐོབ་བདེ་གྱུར་པས། །མཐོང་བའི་ཆོས་ལ་མྱ་ངན་འདས། །སངས་རྒྱས་འཇིག་རྟེན་འདྲེན་པ་ལ། །རབ་ཏུ་མགུ་བས་ཕྱག་བྱས་སོ། །དམ་པའི་ཆོས་དང་ཚོགས་གཙོ་དང ། །རྒྱལ་བས་བསྔགས་པའི་བསླབ་པ་དང ། །ཏིང་ངེ་འཛིན་དང་བགེད་པ་དང ། །བག་ཡོད་
Ga66a
༄#། །པ་ལ་ཕྱག་བྱས་སོ། །དེ་བས་བདག་ལ་ཕན་འདོད་པའམ། །བདག་ཉིད་ཆེན་པོ་མངོན་འདོད་པས། །སངས་རྒྱས་ཆོས་དང་དགེ་འདུན་ལ། །བཀུར་སྟི་བྱོས་ལ་སྐྱབས་སུ་དེངས། །འདི་ན་དེ་ཉིད་གཟིགས་པ་ཡིས། །འཇིག་རྟེན་ན་ནི་སྐྱབས་སུ་བསྔགས། །གནོད་པ་རྣམས་ཀྱིས་སྐྲག་པ་ལ། །བདེ་བ་ཀུན་ནི་རབ་སྦྱིན་མཛད། །ཆོས་ཀྱི་རྒྱལ་པོ་ཉི་མའི་གཉེན།། སངས་རྒྱས་བསྟན་པ་ཆོས་ཀྱི་ནི། །བདག་ཉིད་ཆེན་པོ་མཆོག་གྱུར་ལ། །ཐར་པ་འདོད་པས་རྟག་ཏུ་བསྟེན། །ཀེ་ནའི་བུའི་ཚིགས་སུ་བཅད་པ་རྫོགས་སོ།། །།དེ་ནས་བཅོམ་ལྡན་འདས་ཡུལ་ཀ་ཤི་ནས་ལྗོངས་རྒྱུ་ཞིང་གཤེགས་ཏེ། ཀ་ཤིའི་ཚོང་རྡལ་དུ་བྱོན་ཏོ། །ཀ་ཤིའི་ཚོང་རྡལ་དེ་ན། སྔོན་འབྲེག་མཁན་བྱེད་བྱེད་པ་རབ་ཏུ་བྱུང་བ་ཕ་སྤད་གཉིས་ཤིག་ཡོད་པ་ལས། བུས་སྨྲས་པ། ཕ། བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་ཀ་ཤིའི་ལྗོངས་རྒྱུ་ཞིང་གཤེགས་ནས་གཙུག་ལག་ཁང་དུ་བྱོན་པ། བཅོམ་ལྡན་འདས་དང་དགེ་སློང་གི་དགེ་འདུན་སྐུ་མཉེལ་གྱི། མ་ལ་བདག་ཅག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་ནས་ཐུག་ལ་སྤྱན་དྲངས་ན། དེ་ལ་ཅི་ཁྱོད་ཐུག་པ་སྟ་གོན་བྱེད་དམ། འོན་ཏེ་དགེ་སློང་གི་དགེ་འདུན་སྤྱན་འདྲེན། དེས་སྨྲས་པ། ཁྱོད་སོང་ལ་དགེ་སློང་གི་དགེ་འདུན་སྤྱན་དྲོངས་ཤིག། ང་ནི། ཐུག་པ་སྟ་གོན་བྱེད་དོ། །དེས་དགེ་སློང་གི་དགེ་འདུན་སྤྱན་དྲངས་སོ། །
Ga66b
དེ་ཡང་མེ་ལོང་ཞིག་ཐོགས་ནས། ཚོང་དུས་སུ་སོང་བ་ལས། དེས་དེ་ན་ཚོང་དཔོན་ཞིག་སྐྲ་དང་ཁ་སྤུ་རིང་བ་མཐོང་ནས། དེས་དེ་ལ་མེ་ལོང་བསྟན་པ་དང ། དེས་སྨྲས་པ། འཕགས་པ། འདི་ལྟ་བུའི་མཁྱེན་པ་ཡང་མངའ་འམ། དེས་སྨྲས་པ། ཡོད་དོ། །གལ་ཏེ་མངའ་ན་བྲེགས་ཤིག་།དེས་བྲེག་\་BRཱེGཥ\་པར་བརྩམས་པ་དང ། ཁྱིམ་བདག་གཉིད་ལོག་ནས་བྲེགས་ཟིན་པ་དང་སད་དོ། །དེས་སྨྲས་པ། འཕགས་པ།་བྲེགས་ལགས་སམ། ཁྱིམ་བདག། བྲེགས་ཟིན་ཏོ། །དེ་མགུ་ནས་སྨྲས་པ། འཕགས་པ། བདག་ལྷག་པར་གློ་བ་དགའ་བས། ཁྱོད་མཆོག་ཅི་བཞེད་པ་འདོན་ཏོ། །དེས་སྨྲས་པ། ཁོ་བོས་སངས་རྒྱས་ལ་སོགས་པ་དགེ་སློང་གི་དགེ་འདུན་ནས་ཐུག་ལ་སྤྱན་དྲངས་ཀྱི། ནས་ཐུག་བྱིན་ཅིག། དེས་སྨྲས་པ། འཕགས་པ། ནས་ཐུག་ལྟ་ཁྱོད་ལ་ཅི་རུང ། བཟའ་བ་དང ། བཅའ་བ་བསོད་པ་དག་དབུལ་གྱི། བཞུད་ལ་སྤྱན་དྲོངས་ཤིག་།ནད་མེད་པར་གྱུར་ཅིག་ཅེས་སྨྲས་ནས་དེ་སོང་ངོ ། །དེ་ནས་ཁྱིམ་བདག་དེས་གཙང་ཞིང་བསོད་པ་ཞེས་བྱ་བ་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བཟའ་བ་དང ། བཅའ་བ་བསོད་པ་དག་བྲིམ་པ་ན། དགེ་སློང་རྣམས་ཀྱིས་བསམ་པ། བདག་ཅག་ངན་པ་ལ་མགྲོན་དུ་བོས་ན། ཁ་ཟས་བསོད་པ་འདི་བདག་ཅག་གིས་ཇི་ལྟར་བླང་ཞེས། དེ་རྣམས་ཀྱིས་མ་བླངས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང །
Ga67a
༄#། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ངན་པ་ལ་མགྲོན་དུ་པོས་ལ། ཁ་ཟས་བསོད་པ་རྙེད་ན་ལོངས་སྤྱད་པར་བྱ་སྟེ། ད་ལ་འགྱོད་པར་མི་བྱའོ། །བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་དེ་ནི། དགེ་སློང་དག་རིགས་དང་མཐུན་པའི་སྣོད་ཐོགས་པ་ལས་གྱུར་གྱི། དེ་ལྟ་བས་ན་དགེ་སློང་གིས་རང་གི་བཟོ་བསྟན་པར་མི་བྱ།་རིགས་དང་མཐུན་པའི་སྣོད་ཀྱང་བསྲེལ་བར་མི་བྱའོ། །བསྲེལ་ན་འགལ་ཚབས་ཅན་དུ་འགྱུར་རོ། །སྔོན་སྨན་པ་ཡིན་ན། གཙའ་ཁབ་ཀྱི་སྣོད་བསྲེལ་བ་དང ། སྔོན་ཡི་གེ་པ་ཡིན་ན། རམ་ཕྱིས་བསྲེལ་བ་དང ། བཟོ་མཁན་རབ་ཏུ་བྱུང་བ་ཁབ་རལ་བསྲེལ་བ་ནི། མ་གཏོགས་སོ། །བཅོམ་ལྡན་འདས་གྱད་ཡུལ་ནས་ལྗོངས་རྒྱུ་ཞིང་གཤེགས་ཏེ། སྡིག་ཅན་དུ་བྱོན་ནས། སྡིག་ཅན་ན་སྲིན་བུ་བད་པའི་ཚལ་སྟུག་པོ་ན་བཞུགས་སོ། །སྡིག་ཅན་ན་ཚེ་དང་ལྡན་པ་ཀུན་དགའ་བོའི་ཞང་པོ་གྱད་སྣ་ཆེན་པོ་ལ་གཏོགས་པ་འོད་ལྡན་ཞེས་བྱ་བ་ཞིག་གནས་པ་དེ་ཤིན་ཏུ་མ་དད་པ་ཞིག་སྟེ། བཅོམ་ལྡན་འདས་སྡིག་ཅན་གྱི་གྱད་ཡུལ་ནས་ལྗོངས་རྒྱུ་ཞིང་གཤེགས་ཏེ་སྡིག་ཅན་དུ་བྱོན་ནས། སྡིག་ཅན་ན་སྲིན་བུ་པད་པའི་ཚལ་སྟུག་པོ་ན་བཞུགས་སོ་ཞེས་ཐོས་སོ། །ཐོས་ནས་ཀྱང་གྲོས་བྱ་བར་བརྩམས་པ། ཤེས་ལྡན་དག། བཅོམ་ལྡན་འདས་གྱད་ཡུལ་ནས་ལྗོངས་རྒྱུ་ཞིང་གཤེགས་པ་ན། སྡིག་ཅན་དུ་བྱོན་ནས། སྡིག་ཅན་ན་སྲིན་བུ་པད་པའི་ཚལ་སྟུག་པོ་ན་
Ga67b
བཞུགས་སོ། །ཞེས་ཐོས་ཀྱི། གལ་ཏེ་བདག་ཅག་རེ་རེས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ན། གཞན་གྱིས་སྐབས་མི་རྙེད་པར་འགྱུར་པས། ཡེ་ཁྲིམས་ཤིག་བཅའ་བར་བྱ་སྟེ། བདག་ཅག་སུས་ཀྱང་གཅིག་པུས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་བར་མི་བྱ་ཞིང ། བདག་ཅག་འདུས་པ་ཁོ་ནས་གདུགས་ཚོད་གསོལ་བར་བྱའོ། །བདག་ཅག་ལས་གང་ཞིག་གཅིག་པུ་ཁོ་ནས་གདུགས་ཚོད་གསོལ་ན། དེ་ལ་ཚོགས་ཀྱིས་ཀཪྴ་པ་ཎ་དྲུག་ཅུའི་ཆད་པས་གཅད་དོ། །དེ་ནས་སྡིག་ཅན་གྱི་གྱད་ཐམས་ཅད་འདུས་ནས། བཅོམ་ལྡན་འདས་གང་ན་བ་དེར་དོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཆོས་དང་ལྡན་པའི་གཏམ་གྱིས་སྡིག་ཅན་གྱི་གྱད་རྣམས་ལ་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་དུའོ། །དེ་ནས་སྡིག་ཅན་གྱི་གྱད་རྣམས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་སང་བདག་ཅག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་
Ga68a
༄#། །འདས་ཀྱིས་སྡིག་ཅན་གྱི་གྱད་རྣམས་ལ་ཅང་མི་གསུང་བས་གནང་ངོ ། །དེ་ནས་སྡིག་ཅན་གྱི་གྱད་རྣམས་ཀྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། སྟན་ལས་ལངས་ཏེ་སོང་ངོ ། །དེ་ནས་གྱད་སྣ་ཆེན་པོ་ལ་གཏོགས་པ་འོད་ལྡན་ནི། དེ་ཉིད་ན་འདུག་པ་དང ། དེ་ལ་ཚེ་དང་ལྡན་པ་ཀུན་དགའ་བོས་སྨྲས་པ། འོད་ལྡན་ཁྱོད་དད་པར་གྱུར་ཏམ་ཅི། དེས་སྨྲས་པ། བདག་དད་པར་མ་གྱུར་མོད་ཀྱི། འོན་ཀྱང་ཚོགས་ཀྱི་ཁྲིམས་སུ་བཅས་པ་ཞེས་བྱ་བ་ནས། ཀཪྴ་པ་ཎ་དྲུག་ཅུའི་ཆད་པས་གཅད་དོ་ཞེས་བྱ་བའི་བར་གོང་མ་བཞིན་དུའོ། ཁྱོད་ཆད་པས་འཇིགས་ནས་བཅོམ་ལྡན་འདས་ལ་བལྟ་བའི་ཕྱིར་འོངས་པ་ལྟ་ཞིག། བཙུན་པ། དེ་ལྟ་ལགས་སོ། །དེ་ནས་ཚེ་དང་ལྡན་པ་ཀུན་དགའ་བོས། གྱད་སྣ་ཆེན་པོ་ལ་གཏོགས་པ་འོད་ལྡན་ཁྲིད་དེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། གྱད་སྣ་ཆེན་པོ་ལ་གཏོགས་པ་འོད་ལྡན་འདི་ནི། སངས་རྒྱས་ལ་མངོན་པར་མ་དད། ཆོས་ལ་མ་ལགས། དགེ་འདུན་ལ་མ་ལགས་ན། བཅོམ་ལྡན་འདས་ཀྱིས་ཇི་ལྟར་འདི་སངས་རྒྱས་ལ་མངོན་པར་དད་ཅིང ། ཆོས་དང་དགེ་འདུན་ལ་མངོན་པར་དད་པར་འགྱུར་པ་དེ་ལྟར་ཆོས་ལེགས་པར་བཤད་དུ་གསོལ།
Ga68b
བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་ཅང་མི་གསུང་བས་གནང་ངོ ། །དེ་ནས་བཅོམ་ལྡན་འདས་ཀྱིས་གྱད་སྣ་ཆེན་པོ་ལ་གཏོགས་པ་འོད་ལྡན་ལ་གང་ཐོས་པས་གྱད་སྣ་ཆེན་པོ་ལ་གཏོགས་པ་འོད་ལྡན་སངས་རྒྱས་ལ་མངོན་པར་དད། ཆོས་དང ། དགེ་འདུན་ལ་མངོན་པར་དད་པར་འགྱུར་བ་དེ་ལྟ་བུའི་ཆོས་བཤད་པ་མཛད་དོ། །དེ་ནས་གྱད་སྣ་ཆེན་པོ་ལ་གཏོགས་པ་འོད་ལྡན་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་པ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་དེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། འོད་ལྡན། ང་སྔར་སྡིག་ཅན་གྱི་གྱད་རྣམས་ཀྱིས་སྤྱན་དྲངས་ཟིན་ཏོ། །བཅོམ་ལྡན་འདས་གནང་བར་མཛོད་ཅིག་དང ། ཇི་ལྟར་སྡིག་ཅན་གྱི་གྱད་རྣམས་བཏུབ་པ་དེ་ལྟར་བདག་བགྱིད་དོ། །འོད་ལྡན། གལ་ཏེ་སྡིག་ཅན་གྱི་གྱད་རྣམས་བཏུབ་ན། དེ་བཞིན་དུ་ངས་ཁྱོད་ལ་གནང་ངོ ། །དེ་ནས་གྱད་སྣ་ཆེན་པོ་ལ་གཏོགས་པ་འོད་ལྡན་གྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བཙལ་ནས། སྟན་ལས་ལངས་ཏེ་ཆས་ནས། སྡིག་ཅན་གྱི་གྱད་རྣམས་གང་ན་བ་དེར་སོང་སྟེ་ཕྱིན་པ་དང ། སྡིག་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག། རེ་ཞིག་སྡོད་ཅིག། བདག་གིས་ཐོག་མར་བཅོམ་
Ga69a
༄#། །ལྡན་འདས་དང ། དགེ་སློང་གི་དགེ་འདུན་གདུགས་ཚོད་གསོལ་ནས། དེའི་འོག་ཏུ་ཁྱེད་ཅག་གིས་ཀྱང་བཅོམ་ལྡན་འདས་དང ། དགེ་སློང་གི་དགེ་འདུན་གདུགས་ཚོད་གསོལ་ན་དཀའ་བར་མི་འགྱུར་རོ། །དེ་རྣམས་ཀྱིས་སྨྲས་པ། ཁོ་བོ་ཅག་གིས་སྔར་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་ཟིན་པས། ཁོ་བོ་ཅག་མི་ཉན་ཏོ། །དེས་སྨྲས་པ། ཇི་སྟེ་མི་བཏུབ་ན། བཅའ་བ་དང་བཏུང་བ་རེ་རེ་ཞིང་བྲིམ་མོ། །དེ་ན་མ་དད་པ་གང་ཡིན་པ་དེ་དག་གིས་སྨྲས་པ། མི་གནང་ངོ ། །དད་པ་ཅན་གང་ཡིན་པ་དེ་དག་གིས་སྨྲས་པ། ཤེས་ལྡན་དག། འདི་དད་པ་མེད་པ་ཞིག་ལས། འདིས་དགེ་འདུན་མངའ་བའི་ཡོན་དག་འབུལ་བར་འགྱུར་བས་གནང་ངོ ། །ཞེས་དེ་རྣམས་ཀྱིས་དེ་ལ་གནང་ངོ ། །དེ་ནས་དེས་གཡོས་མཁན་དག་བཀུག་སྟེ་བསྒོ་བ། ཤེས་ལྡན་དག། ཁོ་བོས་ཡོ་བྱད་ཐམས་ཅད་སྦྱར་གྱི། བཅའ་བ་གཅིག་པུ་གང་ཁོ་ནས་འགྲངས་པར་འགྱུར་བ་དེ་ལྟ་བུའི་སྟ་གོན་གྱིས་ཤིག། དེས་དྲི་ཞིམ་པོ་སྣ་ཚོགས་ཀྱི་རྫས་ལ་སོགས་པ་དང་ལྡན་པའི་ཡོ་བྱད་རྣམས་ཕོག་པ་དང ། དེ་རྣམས་ཀྱིས་དྲི་ཞིམ་པོ་སྣ་ཚོགས་ཀྱིས་ཡོངས་སུ་རྒྱས་པ་རེ་རེས་རེ་རེ་འགྲངས་པར་འགྱུར་པའི་བཅའ་བ་གང་ཡིན་པ་དག་བྱས་སོ། །དེ་ནས་སྡིག་ཅན་གྱི་གྱད་རྣམས་ཀྱིས་ནུབ་མོ་ནས་གཙང་ཞིང་བསོད་པའི་ཞེས་བྱ་བ་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ་ཞེས་བྱ་
Ga69b
བའི་བར་གོང་མ་བཞིན་དུའོ། །དེ་ནས་གྱད་སྣ་ཆེན་པོ་ལ་གཏོགས་པ་འོད་ལྡན་གྱིས་བཅའ་བ་དང ། བཏུང་བ་བྲིམ་པར་བརྩམས་པ་དང ། དགེ་སློང་རྣམས་འགྱོད་བས་ལོངས་མ་སྤྱད་དོ། །བཅོམ་ལྡན་འདས་ཀྱིས་བཀའ་སྩལ་པ། ཡོན་བདག་ལ་བལྟ་བར་བྱའོ། །དགེ་སློང་རྣམས་ཀྱིས་སྡིག་ཅན་གྱི་གྱད་རྣམས་ལ་བལྟས་པ་དང ། དེ་རྣམས་ཀྱིས་སྨྲས་པ། འཕགས་པ་དག། གྱད་སྣ་ཆེན་པོ་ལ་གཏོགས་པ་འོད་ལྡན་གྱིས་བདག་ཅག་བསླུས་ལགས་ཀྱི། བཞེས་ཤིག་།དེ་ནས་གྱད་སྣ་ཆེན་པོ་ལ་གཏོགས་པ་འོད་ལྡན་གྱིས་བཅའ་བ་བྲིམས་པ་དང ། དེ་ཁོ་ནས་དགེ་སློང་རྣམས་འགྲངས་ཏེ། བཅོམ་ལྡན་འདས་ཀྱིས་ཡོན་བསྔོ་བ་མཛད་དེ་གཤེགས་པས། སྡིག་ཅན་གྱི་གྱད་རྣམས་ཀྱི་ཟས་དེ་དག་ལོངས་མ་སྤྱད་པར་གྱུར་ཏོ། །ཉི་མ་གཞན་ཞིག་ལ་དགེ་སློང་རྣམས་བསོད་སྙོམས་ལ་ཞུགས་པ་དང།་བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། སངས་རྒྱས་ཚུར་སྤྱོན། ཆོས་ཚུར་སྤྱོན། དགེ་འདུན་ཚུར་སྤྱོན། འདི་དག་སྣོམས་ཤིག། དགེ་སློང་རྣམས་འགྱོད་པས་མ་བླངས་སོ། །བཅོམ་ལྡན་འདས་ཀྱིས་བཀའ་སྩལ་པ། ཅི། ཁོ་བོ་ལ་སྦྱིན་ནམ། འོན་ཏེ་བཅོམ་ལྡན་འདས་རྐང་གཉིས་རྣམས་ཀྱི་མཆོག་གང་ཡིན་པ་དེ་ལ་དབུལ་ཞེས་དྲི་བར་བྱའོ། །གལ་ཏེ་བཅོམ་ལྡན་འདས་རྐང་གཉིས་རྣམས་ཀྱི་མཆོག་གང་ཡིན་པ་དེ་ལའོ་ཞེས་སྨྲ་ན། བདག་གིར་མི་བྱའོ། །འོན་ཏེ་བདག་ཅག་གི་སངས་རྒྱས་ནི། ཁྱོད་ཉིད་ལགས་སོ་ཞེས་སྨྲ་ན། བླང་བར་བྱ་སྟེ། འདི་ལ་འགྱོད་པར་མི་བྱའོ། །དེ་བཞིན་
Ga70a
༄#། །དུ་ཆོས་འདོད་ཆགས་དང་བྲལ་བ་རྣམས་ཀྱི་མཆོག་གང་ཡིན་པ་དེ་ལའམ་ཞེས་བརྗོད་པར་བྱ་ཞིང ། དགེ་འདུན་ཚོགས་རྣམས་ཀྱི་མཆོག་གང་ཡིན་པ་དེ་ལའམ་ཞེས་རྒྱས་པར་སྦྱར་པར་བྱའོ། །གླེང་གཞི་ནི། མཉན་ཡོད་ནའོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་བསྲོ་ཁང་ལ་སྤྱན་དྲངས་སོ། །དེའི་ཚེ་ཚེ་དང་ལྡན་པས་རི་ཞེས་བྱ་བ། གཞོན་ནུ་ཐོར་བུ་ལང་ཚོལ་བབ་པ། རབ་ཏུ་བྱུང་ནས་རིང་པོ་མ་ལོན་པ། བསྙེན་པར་རྫོགས་ནས་རིང་པོ་མ་ལོན་པ། ཆོས་འདུལ་བ་འདིར་འོངས་ནས་རིང་པོ་མ་ལོན་པ་དེས་བསམ་པ། བཅོམ་ལྡན་འདས་ཀྱིས་གང་གིས་ཉུང་དུ་བྱིན་པ་དང ། གང་གིས་མང་དུ་བྱིན་པ་དང ། གང་གིས་བཟང་པོ་བྱིན་པ་དང ། གང་གིས་ཡིད་དགའ་བས་ལས་བྱས་པ་དང ། གང་གིས་རབ་ཏུ་དང་བའི་སེམས་ཀྱིས་རྗེས་སུ་ཡི་རང་བ་དེ་དག་ཐམས་ཅད་ནི། བསོད་ནམས་ཀྱི་སྐལ་བ་ཅན་དུ་འགྱུར་རོ། །ཞེས་གསུངས་ཀྱི། མ་ལ་བདག་གིས་ཀྱང་ལས་ཤིག་བྱའོ་སྙམ་ནས་དེས་ཤིང་གཤེག་པར་བརྩམས་པ་ལས། ཇི་ཙམ་ན། ཤིང་རུལ་པ་ཞིག་གི་སེར་ཀ་ནས་སྦྲུལ་གདུག་པ་ཞིག་བྱུང་ནས། རྐང་པ་གཡས་པའི་མཐེ་བོ་ལ་ཟིན་པ་དང ། དེ་དུག་གི་ཤུགས་ཀྱིས་བརྒྱལ་ནས་ས་ལ་འགྱེལ་ཏེ། ལྦུ་བར་སྐྱུག་ཅིང་བཞིན་ཡང་གྱུར། མིག་ཀྱང་གྱུར་ཏེ། དེ་དེ་ལྟར་སྡུག་བསྔལ་བ། བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་སྨྲས་པ། ཤེས་ལྡན་དག། འདི་ཁྱིམ་བདག་སུ་ཞིག་གི་བུ་ཡིན། གཞན་དག་
Ga70b
གིས་སྨྲས་པ། ཆེ་གེ་མོ་ཞིག་གིའོ། །དེ་དག་གིས་སྨྲས་པ། དགེ་སྦྱོང་ཤཱཀྱའི་སྲས་མགོན་མེད་པ་རྣམས་ཀྱི་ནང་དུ་རབ་ཏུ་བྱུང་གི། གལ་ཏེ་རབ་ཏུ་མ་བྱུང་བར་གྱུར་ན། ཉེ་དུ་རྣམས་ཀྱིས་འདི་ལ་དཔྱད་བྱེད་པ་ཞིག་ཅེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྨན་པ་ལ་དྲིས་ལ་དཔྱད་བྱོས་ཤིག། དགེ་སློང་དག་གིས་སྨན་པ་ལ་དྲིས་པ་དང ། དེས་སྨྲས་པ། འཕགས་པ། སྦྱར་བའི་ཟས་གསོལ་ཅིག་པའི་སྐབས་དེ། དགེ་སློང་དག་གིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། སྨན་པས་བསྟན་ན་སྦྱིན་པར་བྱའོ། །དགེ་སློང་དག་གིས་ཟས་སྦྱར་བ་ཇི་ལྟ་བུ་ཡིན་པ་མ་ཤེས་ནས། དེ་རྣམས་ཀྱིས་སྨན་པ་ལ་དྲིས་པ་དང ། དེས་སྨྲས་པ། འཕགས་པ་དག། ཁྱོད་ཉིད་ཀྱི་སྟོན་པ་བཅོམ་ལྡན་འདས་ནི། ཐམས་ཅད་མཁྱེན་པ། ཐམས་ཅད་གཟིགས་པ་ཁོ་ན་ཡིན་ཏེ། དེ་ཉིད་མཁྱེན་ཏོ་ཞེས་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཟས་སྦྱར་བ་ནི། ལྕི་བ་དང ། གཅིན་དང ། ཐལ་བ་དང ། སའོ། །དེ་ལ་ལྕི་བ་ནི། བྱུང་ནས་རིང་པོ་མ་ལོན་པའི་བེའུ་རྣམས་ཀྱིའོ། །གཅིན་ཡང་དེ་ཁོ་ནའོ། །ཐལ་བ་ནི། ཤིང་ལྔ་པོ། ཀན་ཙ་ནིའི་དང ། ཀ་པི་ད་ཀའི་དང ། ་ཤཝ་ཐའི་དང ། ུ་དུམ་ཝ་རའི་དང ། ནྱ་གྲོ་དྷའི་འོ། །ས་ནི། ས་ལས་སོར་བཞིའི་འོག་ནས་ཕྱུང་བའོ། །འདི་ནི། སྦྱར་བའི་ཟས་ཡིན་ནོ། །དེ་ནས་དགེ་
Ga71a
༄#། །སློང་རྣམས་ཀྱིས་ཚེ་དང་ལྡན་པ་ས་རི་ལ་ཟས་སྦྱར་བ་བྱིན་ན། འོན་ཀྱང་སོས་པར་མ་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཁྱོད་ཀྱིས་ང་ལས་རྨ་བྱ་ཆེན་མོའི་རིག་སྔགས་བཟུང་ནས་ཀུན་ཆུབ་པར་བྱས་ཏེ། དགེ་སློང་ས་རི་ལ་སྲུང་བ་དང ། ཡོངས་སུ་བསྐྱབ་པ་དང ། ཡོངས་སུ་བཟུང་བ་དང ། དུག་གཞིལ་བ་དང ། ཆད་པ་སྤང་བ་དང ། དུག་བསད་པ་དང ། མཚམས་བཅད་པ་དང ། ས་བཅིང་བར་ནུས་སམ། བཅོམ་ལྡན་འདས་ཀྱིས་བཀའ་སྩལ་དུ་གསོལ། མཉན་ཏེ་བགྱིའོ།། །།འདུལ་བ་གཞི། བམ་པོ་དྲུག་ཅུ་པ། དེ་ནས་བཅོམ་ལྡན་འདས་ཀྱིས་དེའི་ཚེ་རྨ་བྱ་ཆེན་མོའི་རིག་སྔགས་འདི་དག་བཀའ་སྩལ་ཏོ། །སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འདི་ལྟ་སྟེ། ཨ་མ་ལེ། བི་མ་ལེ། ནིར་མ་ལེ། མངྒ་ལེ། ཧི་ར་ཎྱེ། ཧི་ར་ཎྱེ། གརྦྷེ། བྷ་དྲེ། སུ་བྷ་དྲེ། ས་མནྟ་བྷ་དྲེ། ཤྲཱི་བྷ་དྲེ། སརྦ་ཨརྠ་སཱ་དྷ་ནི། པཱ་ར་མཱརྠ་སཱ་དྷ་ནི། སརྦ་ཨ་ནརྠ། པྲ་ཤ་མ་ཎི། སརྦ་མངྒ་ལ་སཱ་དྷ་ནི། མ་ན་སེ། མ་ན་སེ། མ་ཧཱ་མ་ན་སེ། ཨ་ཙྱུད་ཏེ། ཨད་བྷཱུ་ཏེ། ཨ་ད་ཏྱེད་བྷཱུ་ཏེ། མུ་ཀ་ཏེ། མོ་ཙ་ནི། མོ་ཀྵ་ནི། ཨ་ར་ཛེ། བི་ར་ཛེ། ཨ་མྲི་ཏེ། ཨ་མ་རེ། ཨ་མ་ར་ཎི། བྲཧྨེ། བྲཧྨ་སཝ་རེ། པཱུ་ར་ཎེ། པཱུརྞ། མ་ནོ་ར་ཐེ། མུ་ཀ་ཏེ། ཛཱི་ཝ་ནྟེ། ས་རིའི་གནོད་པ་དང ། འཇིགས་པ་དང ། ནད་ཐམས་
Ga71b
ཅད་པས་སྲུང་ས་ཤིག་སཝཱཧཱ། བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་སྤྱན་སྔ་ནས་རྨ་བྱ་ཆེན་མོའི་རིག་སྔགས་བླངས་ནས། དགེ་སློང་ས་རི་ལ་བདེ་ལེགས་སུ་འགྱུར་བར་བྱས་པས། དུག་མེད་ནས་སྔོན་གྱི་ཇི་ལྟ་བ་བཞིན་དུ་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཅོམ་ལྡན་འདས། ཇི་ཙམ་དུ་བཅོམ་ལྡན་འདས་ཀྱིས་རྨ་བྱ་ཆེན་མོའི་རིག་སྔགས་སྨན་པ་དང ། གཅེས་སྤྲས་བགྱིད་པ་ངོ་མཚར་ཆེ་ལགས་སོ། །དགེ་སློང་དག་།ད་ལྟར་འབའ་ཞིག་མ་ཡིན་ཏེ། ཇི་ལྟར་འདས་པའི་དུས་ན་ཡང་ང་ལོག་པར་ལྟུང་བའི་ལུས་མི་ཁོམ་པར་གྱུར་པ་ན། རིག་སྔགས་ཀྱི་རྒྱལ་མོ་རྨ་བྱ་ཆེན་མོས་ཕན་པ་དང ། གཅེས་སྤྲས་བྱས་པ་དེ་ཉོན་ཅིག་།དགེ་སློང་དག་།སྔོན་བྱུང་བ། རིའི་རྒྱལ་པོ་གངས་རིའི་ལྷོ་ཕྱོགས་ཀྱི་ངོས་ལ། རྨ་བྱའི་རྒྱལ་པོ་གསེར་དུ་སྣང་བ་ཞེས་བྱ་བ་ཞིག་གནས་ཏེ། དེ་ནང་པར་རྨ་བྱ་ཆེན་མོའི་རིག་སྔགས་འདིས་བདེ་ལེགས་སུ་འགྱུར་བ་བྱས་ཏེ། ཉིན་མོ་བདེ་ལེགས་སུ་གནས། ནུབ་ཀར་བདེ་ལེགས་སུ་འགྱུར་བ་བྱས་ཏེ། མཚན་མོ་བདེ་ལེགས་སུ་གནས་སོ། །དེ་དུས་གཞན་ཞིག་ན་འདོད་པའི་འདོད་ཆགས་ལ་ལྷག་པར་ཆགས། འདོད་པ་རྣམས་ལ་ཞེན། འཆུམས། བརྒྱལ། མྱོས། རབ་ཏུ་རྨོངས། རབ་ཏུ་བརྒྱལ་ཏེ། བག་མེད་པས་ནགས་ཀྱི་རྨ་བྱ་མོར་བ་ཏུ་མང་པོ་རྣམས་དང་ལྷན་ཅིག་ཏུ་ཀུན་དགའི་ར་བ་ནས་ཀུན་དགའི་ར་བ་དང ། སྐྱེད་མོས་
Ga72a
༄#། །ཚལ་ནས་སྐྱེད་མོས་ཚལ་དང ། རིའི་ངོས་ནས་རིའི་ངོས་སུ་རྒྱུ་བ་ལས། ཇི་ཙམ་ན། རིའི་སེར་ག་ཞིག་ཏུ་ཞུགས་པ་དང ། དེ་དེར་ཡུན་རིང་དུ་ཕྱིར་རྒོལ་པ། དགྲར་གྱུར་པ། འཚེ་བར་གྱུར་པ། གླགས་ལྟ་བ་རྣམས་ཀྱིས་རྨ་བྱ་རྙིས་བཟུང་སྟེ། དེ་ནི། མི་མཛའ་བའི་ནང་དུ་སོན་པ་དང ། རབ་ཏུ་རྨོངས་པ་ལས་དྲན་པ་རྙེད་ནས། རྨ་བྱ་ཆེན་མོའི་རིག་པ་འདི་ཁོ་ན་ཡིད་ལ་བྱས་སོ། །འདི་ལྟ་སྟེ། ཨ་མ་ལེ། བི་མ་ལེ། ནིར་མ་ལེ། མངྒ་ལྱེ། ཧི་ར་ཎྱེ། ཧི་ར་ཎྱེ། གརྦྷེ། བྷ་དྲེ། སུ་བྷ་དྲེ། ས་མནྟ་བྷ་དྲེ། ཤྲཱི་བྷ་དྲེ། སརྦ་ཨརྠ་སཱ་དྷ་ནི། པ་ར་མཱ་རྠ་སཱ་དྷ་ནི། སརྦ་ཨ་ནརྠ། པྲ་ཤ་མ་ནི། སརྦ་མངྒ་ལ་སཱ་དྷ་ནི། མ་ན་སེ། མ་ན་སེ། མཧཱ་མ་ན་སེ། ཨད་ཙྱུད་ཏེ། ཨད་བྷུ་ཏེ། ཨད་ཏྱེད་བྷུ་ཏེ། མུཀ་ཏེ། མོ་ཙ་ནི། མོཀྵ་ནི། ཨ་ར་ཛེ། བི་ར་ཛེ། ཨ་མ་རེ། ཨ་མྲི་ཏེ། ཨ་མ་ར་ཎི། བྲཧྨ་སཝ་རེ། པཱུ་ར་ཎེ། པཱུརྞ། མ་ནོ་ར་ཐེ། མུཀ་ཏེ། ཛཱི་ཝ་ནྟེ། བདག་གནོད་པ་ཐམས་ཅད་ལས་སྲུངས་ཤིག་སཝཱཧཱ། དེ་རྨ་བྱའི་རྙི་ཆད་ནས་བྲོས་སོ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་རྨ་བྱའི་རྒྱལ་པོ་གསེར་དུ་སྣང་བ་ཞེས་བྱ་བ་གང་ཡིན་པ་དེ་ནི། ང་ཡིན་ཏེ། དེ་ན་ཡང་ང་ལ་རྨ་བྱ་ཆེན་མོའི་རིགས་སྔགས་ཀྱིས་ཕན་པ་དང ། གཅེས་སྤྲས་བྱས་སོ། ། ད་ལྟར་ན་ཡང་ངས་རྨ་བྱ་ཆེན་མོའི་རིག་སྔགས་ཀྱིས་ཕམ་པ་དང ། གཅེས་སྤྲས་བྱས་སོ། །བཙུན་པ། བཅོམ་ལྡན་འདས་ཀྱིས་རིག་སྔགས་ཀྱིས་དགེ་སློང་ས་རི་ལ་ཇི་ཙམ་པ་བདེ་ལེགས་སུ་
Ga72b
འགྱུར་བ་བགྱིས་པ་ལ་གཟིགས། དགེ་སློང་དག་།ད་ལྟར་འབའ་ཞིག་མ་ཡིན་གྱི། ཇི་ལྟར་འདས་པའི་དེ་ཡང་ཉོན་ཅིག་།དགེ་སློང་དག་།སྔོན་བྱུང་བ་ཝཱ་ར་ཎཱ་སིའི་གྲོང་ཁྱེར་ན། སྦྲུལ་སྔགས་མཁན་ཞིག་ཡོད་དོ། །རྒྱལ་རིགས་ཀྱི་ཁྱེའུ་ཞིག་སྤྲུལ་གྱིས་ཟིན་ནས་དེ་ཤི་བ་དང ། སྦྲུལ་སྔགས་མཁན་གྱིས་རིག་སྔགས་ཀྱིས་དེ་སོས་པར་བྱས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་སྦྲུལ་སྔགས་མཁན་གང་ཡིན་པ་དེ་ནི། ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཁྱེའུ་གང་ཡིན་པ་དེ་ནི། དགེ་སློང་ས་རི་ཡིན་ནོ། །སྨན་གྱི་གཞི་རྫོགས་སོ།། །།གོས་ཀྱི་གཞིའི་བསྡུས་པའི་སྡོམ་ནི། འཚོ་བྱེད་དང་ནི་གསོ་རས་དང ། །དེ་བཞིན་ཁ་ཚར་རིང་པོ་དང ། །དབྱར་རལ་བར་ནི་རིག་བྱ་དང ། འཆི་བའི་དུས་དང་ཉེ་དགའ་དང ། །ཐ་མ་དག་ནི་ནད་པ་ཡིན། །བསྡུས་པའི་སྡོམ་ནི། འཚོ་བྱེད་དང་ནི་གསུམ་འདྲལ་དང ། །དབྱར་གྱི་རས་ཆེན་གདིང་བ་དང ། །གཡོན་པ་བདེ་གཤེགས་མོན་དར་དང ། །བལ་དང་ཤ་མ་ཟར་མའི་རས། །སྡོམ་ལ། དུམ་བུ་ས་སྐྱོང་སེང་གེ་དང ། དེ་བཞིན་ཡངས་པར་སོང་བ་དང ། །སེམས་འཕྲོག་དྲང་སྲོང་ས་འཚོ་དང ། ། མྲ་སྐྱོང་དང་འཇིགས་མེད་དང ། །ཚོང་དཔོན་ཆུང་མ་རིགས་སྐྱེས་དང ། །སྨན་པ་ཡི་ནི་ལུང་དང་ནི། །རྡོ་འཇོག་དང་ནི་བཟང་བྱེད་དང ། །ུ་དུམ་ཝ་ར་གཞལ་བ་དང ། །བསྐྱེད་དང་རྒྱལ་ཆེན་སྐྱེད་མོས་ཚལ། །བཅོམ་བརླག་གྱད་དང་བུད་མེད་སྦྲུལ། །ཡ་མུ་ན་དང་དུར་ཁྲོད་
Ga73a
༄#། །དང ། །ཡངས་པ་མིག་དང་སྲིན་གྱི་མེད། །རྒྱལ་པོའི་ཁབ་བདུན་བཞི་ལྔ་དང ། །འཚོ་བྱེད་སྡེ་ཚན་བསྡུས་པ་ཡིན། །ལུས་འཕགས་ན་རྒྱལ་བོ་འཕགས་སྐྱེས་པོ་ཞེས་བྱ་བ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང ། མི་མང་པོས་གང་བ་ན་རྒྱལ་སྲིད་བྱེད་དུ་འཇུག་གོ་།དེའི་བློན་པོ་དུམ་བུ་ལ་སོགས་པ་ལྔ་བརྒྱ་ཡོད་པ་ལས། བློན་པོའི་མཆོག་དུམ་བུས་ཆོས་དང་མཐུན་པར་རྒྱལ་སྲིད་བྱེད་དུ་འཇུག་སྟེ། ཐ་སྙད་དུ་བྱ་བ་ཡང་རིགས་པས་ལྟ་བར་བྱེད་དོ། །དེས་ན་སྐྱེས་པའི་ཚོགས་ཐམས་ཅད་དེའི་ངོར་ལྟ་ཞིང་འདུག་གོ་།དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། །དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་ཏེ། དེའི་བཙས་སྟོན་ཉི་མ་བདུན་གསུམ་ཉི་ཤུ་གཅིག་ཏུ་ཞེས་བྱ་བ་ནས་ས་སྐྱོང་ཞེས་བྱ་བར་བཏགས་སོ་ཞེས་བྱ་བའི་བར་གོང་མ་བཞིན་དུའོ། །དེ་ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་ཏེ། གོང་མ་བཞིན་དུ་རྒྱས་པར་སྦྱར་ཏེ། དེ་ནི། སེང་གེ་ཞེས་བྱ་བར་བཏགས་སོ། །ས་སྐྱོང་དང ། སེང་གེ་རིམ་གྱིས་གཞོན་ནུར་གྱུར་ན་ཡང ། བློན་པོའི་མཆོག་དུམ་བུ་ནི། ཐོག་མ་ཉིད་ནས་དཔའ་ཞིང་ཕ་རོལ་གནོན་པ། གནས་ལྔ་ལ་བྱང་བ་ཡིན་ཏེ། དེས་ན་བློན་པོ་རྣམས་ཀྱི་མཆོག་ཏུ་གྱུར་ཏོ། །
Ga73b
གང་གི་ཚེ་བུའི་མཐུ་སྐྱེས་པ་དེའི་ཚེ་ལྷག་པར་ཡང་བློན་པོ་ཐམས་ཅད་ཟིལ་གྱིས་མནན་ཏེ་འདུག་གོ་།དེ་ནས་བློན་པོ་དེ་རྣམས་ཟིལ་གྱིས་ནོན་པས། མི་བཟོད་པ་སྐྱེས་ནས་ཕན་ཚུན་དུ་གྲོས་བྱས་ཏེ་རྒྱལ་པོའི་དྲུང་དུ་དོང་ངོ ། །དེ་ནས་སྐབས་ལ་བབ་པར་རིག་ནས་རྒྱལ་པོ་ལ་སྨྲས་པ། ལྷ། རྒྱལ་པོ་སུ་ལགས། དེས་སྨྲས་པ། ཤེས་ལྡན་དག་གིས་བརྟག་ཏུ་ཅི་ཡོད། རྒྱལ་པོ་ལྷ་ཡིན་མོད། གཞན་སུ་ཞིག་ཡིན། དེ་རྣམས་ཀྱིས་སྨྲས་པ། ལྷ། རྒྱལ་པོ་ནི། དུམ་པུ་ལགས་ཀྱི། ལྷ་མ་ལགས་སོ། །གལ་ཏེ་དེ་འཚལ་བར་གྱུར་ན། ལྷ་རྒྱལ་སྲིད་ལས་ཕྱུང་ནས་རང་ཉིད་ཅོད་པན་བཅིངས་ཏེ་རྒྱལ་སྲིད་ཀྱི་དབང་ཕྱུག་ལ་དབང་བགྱིད་པར་འགྱུར་རོ། །རྒྱལ་པོས་བསམ་པ། དེས་འདི་དག་ཐམས་ཅད་ཟིལ་གྱིས་མནན་པས། དེས་ན་དབྱེན་བྱེད་དོ་སྙམ་མོ། །རེ་ཞིག་དུས་གཞན་ཞིག་ན། རྒྱལ་པོ་བློན་པོའི་ཚོགས་ཀྱིས་ཡོངས་སུ་བསྐོར་ཏེ་འདུག་པ་དང ། བློན་པོའི་མཆོག་དུམ་བུ་རྒོལ་བ་དང ། ཕྱིར་རྒོལ་བ་བརྒྱ་སྟོང་གིས་ཡོངས་སུ་བསྐོར་ནས་རྒྱ་བོའི་ཕོ་བྲང་དུ་ཞུགས་ཏེ། རྒྱལ་པོའི་ཕོ་བྲང་དེ་གང་བར་བྱས་ནས་འདུག་གོ་།གང་གི་ཚེ་རྒྱལ་སྲིད་ཀྱི་བྱ་བ་བྱས་ནས་ཕྱིར་བྱུང་བ་དེའི་ཚེ། ཡང་རྒྱལ་པོའི་ཕོ་བྲང་དེ་སྟོང་པར་འདུག་གོ། རྒྱལ་པོས་སྨྲས་པ། ཤེས་ལྡན་དག་།སྐྱེ་བོའི་ཚོགས་ཐམས་ཅད་ཕྱིར་བྱུང་བར་གྱུར་ཏམ། བློན་པོ་རྣམས་ཀྱིས་གླགས་སྙེད་ནས་དེ་རྣམས་ཀྱིས་སྨྲས་པ། ལྷ། གང་གི་སླད་དུ་སྙན་དུ་གསོལ་བ་ལྷའི་སྤྱན་སྔར་བབ་ལགས་
Ga74a
༄#། །མོད། གལ་ཏེ་དུམ་བུ་འཚལ་བར་གྱུར་ན། ལྷ་རྒྱལ་སྲིད་ལས་ཕྱུང་ནས། རང་ཉིད་ཀྱིས་ཅོད་པན་བཅིངས་ཏེ་རྒྱལ་སྲིད་ཀྱི་དབང་ཕྱུག་ལ་དབང་བགྱིད་པར་འགྱུར་རོ། རྒྱལ་པོ་རྣམས་ནི། ཁཝ་ལྟར་ཁུམ་འཕྲིག་ཟ་བ་ཡིན་པས། དེས་བསམ་པ། འདི་རྣམས་ཀྱིས་ཇི་སྐད་སྨྲས་པ་དེ་བཞིན་དུ་གདོན་མི་ཟའོ། །སྙམ་ནས་དེ་དེ་ལ་ཀླན་ཀ་ཚོལ་བར་གྱུར་ཏོ། ། འཇིག་རྟེན་ན་མཛའ་བ་དང ། མི་མཛའ་བ་དང ། བར་མ་ཡོད་པས། ཇི་ཙམ་ན་གཞན་དག་གིས་དུམ་བུ་ལ་སྨྲས་པ། ཁྱོད་ལ་རྒྱལ་པོ་ཀླན་ཀ་ཚོལ་ཞིང་འདུག་གི་།ཐབས་ལེགས་པར་སོམས་ཤིག་།དེ་རྟོག་པ་སྐྱེས་ཤིང་དེ་དཔྱོད་པ་ལ་ཞུགས་པ། གང་དུ་འགྲོ། གལ་ཏེ་མཉན་ཡོད་དུ་སོང་ན་ནི། མཉན་ཡོད་དེ་ཡང་རྒྱལ་པོའི་མངའ་རིས་ཡིན་པས། ཉེན་འདི་ཉིད་ཡོད་དོ། ། དེ་བཞིན་དུ་ཝཱ་ར་ཎཱ་སི་དང ། རྒྱལ་པོའི་ཁབ་དང ། ཙམ་པ་ཡང་གཅིག་གི་དབང་དུ་གྱུར་པས་ཉེན་འདི་ཡོད་དོ། །ཡངས་པ་ཅན་ནི། ཚོགས་ཀྱི་དབང་ཡིན་ཏེ། བཅུ་དགའ་བ་གང་ཡིན་པ་དེ་ལ་ནི། ཉི་ཤུ་མི་དགའ་བར་འགྱུར་བས། དེ་ཡངས་པ་ཅན་དུ་འགྲོའོ་སྙམ་ནས། དེ་ཡངས་པ་ཅན་གྱིས་ལི་ཙ་བྱི་རྣམས་ལ། བདག་ནི། ཁྱེད་ཅག་གི་དཔུང་གི་ཕག་ན་འདུག་པར་འདོད་དོ། ། ཞེས་ཕོ་ཉ་བཏང་ངོ ། །དེ་རྣམས་ཀྱིས་གུས་པའི་ཚུལ་གྱིས་ལན་སྤྲིང་པ། ཡངས་པ་ཅན་འདིར་བྱོན་པ་ལེགས་ཀྱི། སྤྱོན་ཅིག་།དེ་ནས་བློན་པོའི་མཆོག་དུམ་བུས་ཉེ་དུ་རྣམས་བོས་ཏེ་སྨྲས་པ།
Ga74b
ཤེས་ལྡན། བདག་ནི། ཡངས་པ་ཅན་དུ་ཆས་ཀྱི། ཁྱེད་ཅག་ལས་གང་དག་འདིར་དགའ་བ་དེ་དག་ནི། འདུག་ཅིག་།གང་དག་མི་འདོད་པ་དག་ནི། སྟ་གོན་གྱིས་ཤིག་དང་འདོང་ངོ ། །བ་ལང་རྫི་དང ། ཕྱུག་རྫི་རྣམས་ལ་བསྒོ་བ། ཁྱེད་ཅག་གིས་བ་ལང་དང ། མ་ཧེ་ཡངས་པ་ཅན་གང་ན་བ་དེར་སྐྱོངས་ཤིག་།ཞོ་ཤས་འཚོ་བ་རྣམས་ལ་བསྒོ་བ། ཡངས་པ་ཅན་དུ་འདོང་གི་།གོ་གྱོན་ཅིག་།དེ་ནས་སྐྱེ་བོའི་ཚོགས་ལྟར་དེ་སྟ་གོན་བྱེད་དུ་བཅུག་ནས། རྒྱལ་པོའི་དྲུང་དུ་སོང་སྟེ། རྐང་པ་གཉིས་ལ་གཏུགས་ཏེ་སྨྲས་པ། ལྷ། བགྱི་བ་ཅུང་ཞིག་མཆིས་ཏེ། སྐྱེད་མོས་ཚལ་དུ་མཆི་ན། གཟིགས་སུ་གསོལ། རྒྱལ་པོས་སྨྲས་པ། དེ་བཞིན་བྱའི། སོངས་ཤིག་།དེས་སྐྱེད་མོས་ཚལ་བྱི་དོར་བྱས་ནས། ནོར་གཅེས་པས་ཤིང་རྟ་བཀང་སྟེ། སྟེང་བཟའ་བ་དང ། བཅབ་པས་གཡོགས་ནས་སོང་ངོ ། །བློན་པོ་རྣམས་ཀྱིས་དུམ་བུ་བྲོས་སོ། །ཞེས་བྱ་བ་ཐོས་ནས་དེ་རྣམས་རིངས་པ་རིངས་པར་རྒྱལ་པོའི་དྲུང་དུ་དོང་ནས་སྨྲས་པ། ལྷ། དུམ་བུ་ནི། བྲོས་སོ། །རྒྱལ་པོས་སྨྲས་པ། དེངས་ལ་སླར་ཁུག་ཅིག་།དེ་རྣམས་ཀྱིས་དཔུང་གི་ཚོགས་ཡན་ལག་བཞི་པ་གོ་བསྐོན་ནས། །བསྙེགས་ཏེ་སྨྲས་པ། དུམ་བུ། ལྷས་བཀའ་སྩལ་གྱི། སླར་ལོག་ཅིག་།དེས་སྨྲས་པ། ཤེས་ལྡན་དག་།ཁྱེད་ཅག་གིས་ཡུན་རིང་མོ་ཞིག་ནས་ཀྱེ་མའི་དུམ་བུ་ཤི་འམ་བྲོས་པར་གྱུར་ཀྱང་ཅི་མ་རུང་སྙམ་དུ་བསམ་པ་དེ། ཚེགས་ཆུང་དུས་གྲུབ་ཀྱི། དེངས་ཤིག་།ཁོ་བོ་ནི། བྲོས་པ་ཡིན་ནོ། །
Ga75a
༄#། །དེ་རྣམས་རྒྱལ་པོའི་སེམས་བསྲུང་བའི་ཕྱིར་མདའ་དང་མདའ་དག་འདྲེས་པར་བྱས་ནས། ལོག་སྟེ་རྒྱལ་པོ་ལ་སྨྲས་པ། ལྷ། བློན་པོའི་མཆོག་དུམ་བུ་ནི། བྲོས་སོ། ། རྒྱལ་པོས་མ་ལེགས་སོ། །སྙམ་དུ་བསམ་ནས་ཅང་མི་སྨྲ་བར་འདུག་གོ་།དུམ་བུ་ཡང་རིམ་གྱིས་ཡངས་པ་ཅན་དུ་ཕྱིན་ཏོ། །དེའི་ཚེ་ཡངས་པ་ཅན་ན་རིགས་གསུམ་དུ་གནས་ཏེ། རིགས་དང་པོ་ན་ནི། ཁང་པ་བརྩེགས་མ་བདུན་སྟོང་པ་གམ་གསེར་ལས་བྱས་སོ། །རིས་བར་མ་ན་ནི། ཁང་པ་བརྩེགས་མ་ཁྲི་བཞི་སྟོང་བ་གམ་དངུལ་ལས་བྱས་སོ། །རིས་ཐ་མ་ན་ནི། ཁང་པ་བརྩེགས་མ་ཉི་ཁྲི་ཆིག་སྟོང་བ་གམ་ཟངས་ལས་བྱས་པ་སྟེ། དེ་རྣམས་ན་ནི། མི་དམ་པ་དང ། བར་མ་དང ། ཕལ་བ་རྣམས་ཅི་རིགས་པར་གནས་སོ། །ཡངས་པ་ཅན་གྱི་ཚོགས་གྱིས་ཁྲིམས་སུ་བཅས་ཏེ་བཞག་པ་ནི། རིས་དང་པོར་བུ་མོ་བཙས་པ་གང་ཡིན་པ་དེ་ནི། རིས་དང་པོ་ཉིད་དུ་གཏོང་བར་བྱེད་ཀྱི། བར་མར་མ་ཡིན། ཐ་མར་མ་ཡིན་ནོ། །བར་མའི་གང་ཡིན་པ་དེ་ནི། རིས་དང་པོ་དང་བར་མ་ལ་གཏོང་བར་བྱེད་དོ། །ཐ་མའི་གང་ཡིན་པ་དེ་ནི། རིས་གསུམ་ཆར་དུ་གཏོང་བར་བྱེད་དེ། བུད་མེད་རྣམས་ནི། ཡངས་པ་ཅན་མ་གཏོགས་པར་གཞན་དུ་མི་གཏོང་ཞིང ། མི་འབྱིན་ཏོ། །བུད་མེད་རིན་པོ་ཆེ་ནི། སུ་ལ་ཡང་མི་གཏོང་བར་ཚོགས་སྤྱིའི་ཡོངས་སུ་ལོངས་སྤྱད་པ་ཁོ་ནར་བྱེད་དོ། །དུམ་བུ་ནི། སྐྱེས་བུ་དམ་པ་ཡིན་ནོ་ཞེས་ཏེ། རིས་དང་པོར་ཁང་པ་
Ga75b
བྱིན་ནས། དེ་ན་གནས་པར་བརྩམས་པ་ལས། གང་གི་ཚེ་ཚོགས་འདུས་པ་དེའི་ཚེ། དེ་བོས་ཀྱང་འདུར་མ་བཏུབ་ནས། དེ་ལ་ཡངས་པ་ཅན་གྱི་ལི་ཙ་བྱི་རྣམས་ཀྱིས་སྨྲས་པ། དུམ་བུ། ཁྱོད་ཅིའི་ཕྱིར་མི་འདུ། དེས་སྨྲས་པ། འདུ་བ་ཁོ་ན་ལས་བདག་ལ་ཉེས་དམིགས་བྱུང་བས་བདག་མི་འདུའོ། །ཡངས་པ་ཅན་རྣམས་ཀྱིས་སྨྲས་པ། དུམ་བུ། འདུས་ཤིག་།འདིར་ཉེས་དམིགས་ཅི་ཞིག་འབྱུང ། དེས་འདུས་པར་བརྩམས་ནས་བློ་གྲོས་མ་བྱིན་ནོ། །དེ་རྣམས་ཀྱིས་སྨྲས་པ། དུམ་བུ། བློ་གྲོས་བྱིན་ཅིག་།དེས་སྨྲས་པ། གང་གི་ཕྱིར་བློ་གྲོས་ཁོ་ནས་བདག་ལ་ཉེས་དམིགས་བྱུང་བས་ན། བློ་གྲོས་ནི། མི་སྦྱིན་ནོ། །དེ་རྣམས་ཀྱིས་སྨྲས་པ། བློ་གྲོས་བྱིན་ཅིག་།འདིར་ཉས་དམིགས་ཅི་ཞིག་འབྱུང ། དེ་ཚོགས་དང་ལྷན་ཅིག་འདུས་ནས་བློ་གྲོས་ཀྱང་བྱིན་ཏོ། །སྔོན་ཡངས་པ་ཅན་གྱི་ལི་ཙ་བྱི་རྣམས་གང་སུ་ལ་ཡང་རུང་ཡི་གེ་སྤྲིང་བར་བྱེད་ན། རྩུབ་པོ་དང་བཅས་པར་སྤྲིང་བར་བྱེད་དོ། །གང་གི་ཚེ་དུམ་བུས་བློ་གྲོས་བྱིན་པ་དེའི་ཚེ། འཇམ་པོ་དང་བཅས་པར་ཡི་གེ་སྤྲིང་བར་བྱེད་དོ། །གང་དག་ལ་འཇམ་པོ་དང་བཅས་པའི་ཡི་གེ་འོངས་པར་གྱུར་པ་དེ་རྣམས་ཕན་ཚུན་དུ་གྲོས་བྱས་པ། ཤེས་ལྡན་དག་།གང་གིས་ན་ཡངས་པ་ཅན་གྱི་ཚོགས་སྔོན་རྩུབ་པ་དང་བཅས་པར་སྤྲིང་བར་བྱེད་པ་ལས། ད་འཇམ་པོ་དང་བཅས་པར་བྱེད་པར་གྱུར་པ་ལ་རྒྱུ་ཅི་ཞིག་ཡོད། །གཞན་དག་གིས་སྨྲས་པ། ཁྱད་པར་ཡོད་དེ། ལུས་འཕགས་ཀྱི་རྒྱལ་པོའི་བློན་པོའི་མཆོག་དུམ་བུ་དེར་འོངས་ནས། དེ་དག་དེའི་བློ་གྲོས་
Ga76a
༄#། །བཞིན་བྱེད་དེ། དེས་ན། ད་ལྟར་འཇམ་པོ་དང་བཅས་པར་སྤྲིང་བར་བྱེད་དོ། །དུམ་བུས་ས་སྐྱོང་དང ། སེང་གེ་ཁྱིམ་ཕུབ་ནས། སེང་གེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་མོ་ཞིག་བཙས་ཏེ། དེའི་བཙས་སྟོན་རྒྱ་ཆེར་བྱས་ནས་གོས་ཅན་ཞེས་བྱ་བར་བཏགས་སོ། །དེ་ལྟས་མཁན་རྣམས་ཀྱིས་མཐོང་ནས། ཁྱེའུ་ཞིག་བཙའ་བར་འགྱུར་ཏེ། དེས་ཕ་སྲོག་དང་ཕྲལ་ནས་རང་ཉིད་ཅོད་པན་བཅིངས་ཏེ་རྒྱལ་སྲིད་བྱེད་པར་འགྱུར་རོ་ཞེས་ལུང་བསྟན་ཏོ། །དེ་ཡང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་བུ་མོ་ཞིག་བཙས་ཏེ། དེའི་བཙས་སྟོན་ཡང་རྒྱ་ཆེར་བྱས་ནས་ཉེ་གོས་ཅན་ཞེས་བྱ་བར་བཏགས་སོ། །དེ་ཡང་ལྟས་མཁན་རྣམས་ཀྱིས་མཐོང་ནས། བུ་མཚན་རྫོགས་པ་ཞིག་བཙའ་བར་འགྱུར་རོ་ཞེས་ལུང་བསྟན་ཏོ། །ས་སྐྱོང་གདུག་པ་རྩལ་ཆེ་བ་ཞིག་པས་ཡངས་པ་ཅན་གྱི་ལི་ཙ་བྱི་རྣམས་ཀྱི་སྐྱེད་མོས་ཚལ་རྣམས་མ་རུང་བར་བྱས་པ་དང ། སྐྱེད་མོས་ཚལ་སྲུང་བ་རྣམས་ཀྱིས་སྨྲས་པ། ཡངས་པ་ཅན་གྱི་ལི་ཙ་བྱི་རྣམས་ནི། གདུག་པ་རྩལ་པོ་ཆེ་ཡིན་གྱི། དེ་དག་གི་སྐྱེད་མོས་ཚལ་རྣམས་མ་རུང་བར་མ་བྱ་ཞིག་ཅེས་དེས་སླར་བཟློག་ཀྱང་མ་བཏུབ་ནས། སྐྱེད་མོས་ཚལ་སྲུང་བ་རྣམས་ཀྱིས་དུམ་བུ་ལ་སྨྲས་པ། ཁྱོད་ཀྱི་བུས་ཡངས་པ་ཅན་གྱི་མི་ལི་ཙ་བྱི་རྣམས་ཀྱི་སྐྱེད་མོས་ཚལ་རྣམས་མ་རུང་བར་བྱས་ཏེ། ལི་ཙ་བྱི་འདི་དག་ནི། གདུག་པ་རྩལ་པོ་
Ga76b
ཆེ་ཡིན་པས། འདི་ལ་གནོད་པ་བྱས་སུ་འོང་གི། འདི་སླར་ཟློག་ཅིག་།དེས་དེ་བཀུག་ནས་སྨྲས་པ། བུ། ཡངས་པ་ཅན་གྱི་ལི་ཙ་བྱི་རྣམས་ནི། གདུག་པ་རྩལ་པོ་ཆེ་ཡིན་པས། འདི་དག་གི་སྐྱེད་མོས་ཚལ་མ་རུང་པར་མ་བྱ་ཞིག་།དེ་དག་གིས་གནོད་པ་བྱས་ས་རེ། དེས་སྨྲས་པ། ཡབ། འདི་དག་ལ་ནི། སྐྱེད་མོས་ཚལ་མཆིས་ན། བདག་ཅག་ལ་མ་མཆིས་སོ། །དེས་སྨྲས་པ། བུ། སྐྱེད་མོས་ཚལ་གྱི་དོན་དུ་ཚོགས་ལ་གསོལ་བ་གདབ་བོ། །དེས་ཚོགས་ལ་གསོལ་བ་བཏབ་པ། ཤེས་ལྡན་དག་།བདག་གི་བུ་གཉིས་ལ་སྐྱེད་མོས་ཚལ་མ་མཆིས་ཀྱི། བདག་ལ་སྐྱེད་མོས་ཚལ་ཞིག་ཐུགས་དཔག་མཛད་པའི་རིགས་སོ། །དེ་རྣམས་ཀྱིས་དེ་དག་ལ་སྐྱེད་མོས་ཚལ་རྙིང་པ་ཞིག་བྱིན་པ་ལས། དེ་ན་ཤིང་སཱ་ལ་ཆེན་པོ་ཞིག་ཡོད་དེ། དེ་ལ་གཅིག་གིས་བཅོམ་ལྡན་འདས་ཀྱི་སྐུའི་གཟུགས་བརྙན་བྱེད་དུ་བཅུག་གོ་།གཅིག་ཤོས་ཀྱིས་ནི་ཞལ་སྲོས་བྱས་སོ། །དེ་བཞིན་དུ་གནས་བརྟན་རྣམས་ཀྱིས་ཀྱང་མདོ་སྡེའི་ནང་དུ་སངས་རྒྱས་བཅོམ་ལྡན་འདས་ཡངས་པ་ཅན་ན། ས་སྐྱོང་དང ། སེང་གེའི་ཤིང་སཱ་ལའི་ཚལ་ན་བཞུགས་སོ། །ཞེས་བརྗོད་དོ། །ས་སྐྱོང་གིས་བྱ་བ་མ་ཡིན་པ་སྟོང་ཕྲག་དག་བྱས་པས། ལི་ཙ་བྱི་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དོ། ། དེ་ནས་དུམ་བུས་བཀུག་སྟེ་བསྒོ་བ། བུ། ཁྱོད་ཚོགས་འཁྲུག་པར་མ་བྱེད་པར་རི་བོར་ཆེ་གེ་མོ་ཞིག་ཏུ་སོང་ལ། དེར་རང་གི་ཞིང་ལས་ཀྱི་མཐའ་རྣམས་ལ་ཞལ་ཏ་བྱེད་ཅིང་འདུག་ཅིག་།དེ་དེར་
Ga77a
༄#། །སོང་ནས་རང་གི་ཞིང་ལས་ཀྱི་མཐའ་རྣམས་ལ་ཞལ་ཏ་བྱ་བར་བརྩམས་སོ། །ཇི་ཙམ་དུས་གཞན་ཞིག་ན། ཡངས་པ་ཅན་གྱི་སྡེ་དཔོན་ཤི་ནས། དེ་རྣམས་ཀྱིས་བློན་པོའི་མཆོག་དུམ་བུ་སྡེ་དཔོན་དུ་བཅུག་པ་ལས། དེས་ཀྱང་དུས་ཐུང་དུ་ཞིག་ཏུ་ཆོས་དང་མཐུན་བས་སྡེ་དཔོན་བྱས་ནས་ཤིའོ། །ཡངས་པ་ཅན་གྱི་ཚོགས་འདུས་ནས། སུ་ཞིག་སྡེ་དཔོན་དུ་གཞུག་ཅེས་བྱས་པ་དང ། དེ་ནས་ཁ་ཅིག་གིས་སྨྲས་པ། བློན་པོའི་མཆོག་དུམ་བུས་ཚོགས་ཡོངས་སུ་བསྐྱངས་པས་ན། དེ་ཉིད་ཀྱི་བུ་གཞུག་གོ་།ཁ་ཅིག་གིས་སྨྲས་པ། དེའི་བུ་ས་སྐྱོང་ནི། གདུག་པ། རྩལ་པོ་ཆེ་ཞིག་སྟེ། གལ་ཏེ་སྡེ་དཔོན་དུ་བཅུག་ན། གདོན་མི་ཟ་བར་ཚོགས་ཕྱེ་བར་འགྱུར་རོ། །དེའི་ནུ་བོ་སེང་གེ་གང་ཡིན་པ་དེ་ནི། དེས་པ། འགྲོགས་ན་བདེ་བ། ཚོགས་ཀྱི་སེམས་མགུ་བར་བྱེད་ནུས་པ་ཞིག་པས། གལ་ཏེ་ཚོགས་འདོད་ན། སྡེ་དཔོན་དུ་གཞུག་གོ་།ཐམས་ཅད་དགའ་བས་དེ་རྣམས་འདུས་ནས་སེང་གེའི་གན་དུ་སོང་སྟེ། སེང་གེ་ཁྱོད་ལ་སྡེ་དཔོན་སྦྱིན་ནོ། །དེས་སྨྲས་པ། ས་སྐྱོང་ནི། བདག་གི་ཕུ་བོ་ཡིན་པས་དེ་སྡེ་དཔོན་དུ་ཆུག་ཅིག་།དེ་རྣམས་ཀྱིས་སྨྲས་པ། སེང་གེ། སྡེ་དཔོན་ཁྱོད་ཀྱི་རིགས་བརྒྱུད་ཀྱི་རིམ་པས་འོངས་པ་ཡིན་ནམ་ཅི། ཚོགས་གང་ལ་འདྲང་བ་དེས་སྡེ་དཔོན་བྱ་བར་ཟད་མོད། གལ་ཏེ་ཁྱོད་མི་འདོད་ན། ཁོ་བོ་ཅག་གིས་གཞན་ཞིག་སྡེ་དཔོན་དུ་གཞུག་གོ། དེས་བསམ་པ། གལ་ཏེ་བདག་གི་ཁྱིམ་ནས་སྡེ་དཔོན་གཞན་དུ་ཤོར་ན། དེ་ནི། མ་འོས་
Ga77b
པས་ཡེ་བསྐུར་རོ། །སྙམ་ནས་དེས་ཁས་བླངས་པ་དང ། དེ་རྣམས་ཀྱིས་བཀུར་སྟི་ཆེན་པོས་སྡེ་དཔོན་དུ་བཅུག་གོ། ཡངས་པ་ཅན་པ་རྣམས་སྔོན་གང་ལ་ཡི་གེ་སྤྲིང་པ་དེ་ལ་དུམ་བུ་ལ་སོགས་པ་ཚོགས་ཀྱིས་བཀའ་སྩལ་པ་ཞེས་འབྲི་བ་ལས། གང་གི་ཚེ་སེང་གེ་སྡེ་དཔོན་དུ་གྱུར་པ་དེའི་ཚེ། སེང་གེ་ལ་སོགས་པ་ཚོགས་ཀྱིས་བཀའ་སྩལ་པ་ཞེས་འབྲི་བར་བྱེད་དོ། །ཇི་ཙམ་དུས་གཞན་ཞིག་ན། རི་བོར་ན་ས་སྐྱོང ། རང་གི་ཞིང་ལས་ཀྱི་མཐའ་རྣམས་ལ་ཞལ་ཏ་བྱེད་པའི་རི་བོར་གང་ཡིན་པ་དེར་སྤྲིང་པ་འོངས་པ་དང ། ས་སྐྱོང་གིས་ཕྱེ་སྟེ་བཀླགས་ནས། དེས་སྨྲས་པ། ཤེས་ལྡན་དག། སྔོན་ནི། ཡངས་པ་ཅན་གྱི་ཚོགས། དུམ་བུ་ལ་སོགས་པའི་ཚོགས་ཀྱིས་བཀའ་སྩལ་པ་ཞེས་འབྲི་ན། ད་ནི། སེང་གེ་ལ་སོགས་པ་ཚོགས་ཀྱིས་བཀའ་སྩལ་པ་ཞེས་འབྲི་ན། ཅི། ཁོ་བོའི་ཕ་ཤིའམ། དེ་རྣམས་ཀྱིས་སྨྲས་པ། ཤིའོ། །དེ་མི་བཟོད་པ་སྐྱེས་ནས་ཡངས་པ་ཅན་དུ་སོང་སྟེ་སྨྲས་པ། ཕུ་བོ་ང་འདུག་བཞིན་དུ་ཁྱོད་ཀྱིས་སྡེ་དཔོན་བྱ་བ་ཇི་ག་རིགས་སམ། སེང་གེས་ཇི་ལྟར་གྱུར་པ་དེ་ལ་སྨྲས་པ་དང ། དེ་ཡངས་པ་ཅན་གྱི་ལི་ཙ་བྱི་རྣམས་ལ་མི་བཟོད་པ་སྐྱེས་ནས་བསམ་པ། བདག་ལ་ཡངས་པ་ཅན་རྣམས་ཀྱིས་བཀུར་སྟི་མ་ཡིན་པ་བྱས་ཀྱི། རྒྱལ་པོའི་ཁབ་ཏུ་འགྲོའོ་སྙམ་ནས། དེས་རྒྱལ་པོ་གཟུགས་ཅན་སྙིང་པོ་ལ་བདག་ལྷའི་བཙན་ཕག་ན་མཆིས་པར་འཚལ་ལོ། །ཞེས་ཕོ་ཉ་བཏང་ངོ ། །དེས་དེ་ལ་སྤྲིང་པ། འོངས་པ་ལེགས་ཀྱི། ཤོག་ཅིག་ཅེས་སྤྲིང་པ། དེ་རྒྱལ་
Ga78a
༄#། །པོའི་ཁབ་ཏུ་འོངས་པ་དང ། དེ་ནས་རྒྱལ་པོ་གཟུགས་ཅན་སྙིང་པོས་བློན་པོའི་མཆོག་ཏུ་བཅུག་གོ་།ཇི་ཙམ་དུས་གཞན་ཞིག་ན། རྒྱལ་པོ་གཟུགས་ཅན་སྙིང་པོའི་བཙུན་མོ་དམ་པ་ཤི་ནས་དེ་འགྲམ་པ་ལ་ལག་པ་གཏད་དེ་སེམས་ཁོང་དུ་ཆུད་ཅིང་འདུག་པ་དེ། ས་སྐྱོང་གིས་མཐོང་ནས་སྨྲས་པ། ལྷ། ཅིའི་སླད་དུ་ཞལ་ལ་ཕྱག་གཏད་དེ་ཐུགས་མི་དགྱེས་ཤིང་བཞུགས། དེས་སྨྲས་པ། ངའི་བཙུན་མོ་དམ་པ་ཤི་ན། ཅིའི་ཕྱིར་སེམས་ཁོང་དུ་ཆུད་ཅིང་མི་འདུག་།ལྷ། ཐུགས་ངན་མ་མཛད་ཅིག། བདག་གི་ནུ་བོ་ལ་བུ་མོ་གཟུགས་དང་ལང་ཚོ་ཕུན་སུམ་ཚོགས་པ། ལྷ་ཁོ་ན་ལ་འོས་པ་གཉིས་མཆིས་ན། དེ་ལ་གཅིག་ལ་ནི། ཕ་འགུམ་པའི་བུ་ཞིག་བཙའ་བར་འགྱུར། གཅིག་ཤོས་ལ་ནི། མཚན་ཕུན་སུམ་ཚོགས་པ་ཞིག་བཙའ་བར་འགྱུར་རོ། །ཞེས་ལུང་བསྟན་ན། ལྷའི་ཆེད་དུ་དེ་གང་ཁྲིད་དེ་མཆི། བུ་མཚན་ཕུན་སུམ་ཚོགས་པ་བཙའ་བར་འགྱུར་རོ། །ཞེས་ལུང་བསྟན་པ་གང་ཡིན་པ་དེའོ། །དེ་ནས་ས་སྐྱོང་གིས་སེང་གེ་ལ་སྤྲིང་བ། རྒྱལ་པོ་གཟུགས་ཅན་སྙིང་པོའི་བཙུན་མོ་དམ་པ་ཤི་ནས། ཁྱོད་ཀྱི་ཉེ་གོས་ཅན་ཚུར་བཀྲིས་ཤིག་དང ། བཙུན་མོ་དམ་པར་འགྱུར་རོ། །དེས་དེ་ལ་ཡི་གེའི་ལན་སྤྲིང་པ། གར་བསྐོར་ཀྱང་ཁྱོད་ཁོ་ན་ལ་བདག་འདྲི་བར་ཟད་ཀྱི། ཁྱོད་ཀྱིས་བྱས་པ་གང་ཡིན་པ་དེ་ནི། ཚད་མའི་མཆོག་ཡིན་པས་ཁྱོད་ཉིད་ཤེས་སོ། །ཇི་ལྟར་ཚོགས་ཀྱིས་ཁྲིམས་སུ་བཅས་པ། ཡངས་པ་
Ga78b
ཅན་ལས་གཞན་དུ་བུ་མོ་མི་གཏང་ངོ་ཞེས་བཅས་མོད་ཀྱི། འོན་ཀྱང་ཁྱོད་ཉིད་འོངས་ཏེ་སྐྱེད་མོས་ཚལ་དུ་སྡོད་ཅིག་དང ། ཁོ་བོས་དེ་སྐྱེད་མོས་ཚལ་དུ་ཕྱུང་བ་དང ། ཁྱོད་ཀྱིས་ཁྲིད་དེ་སོངས་ཤིག་།དེ་ནས་ས་སྐྱོང་གིས་རྒྱལ་པོ་ལ་མཆི་ཕྱག་བྱས་ནས་ཤིང་རྟར་ཞུགས་ཏེ་ཡངས་པ་ཅན་དུ་སོང་བ་ལས། རིམ་གྱིས་ཕྱིན་ནས་སྐྱེད་མོས་ཚལ་དུ་བསྡད་དོ། །དེའི་ཚེ་ཡངས་པ་ཅན་གྱི་སྒོ་སྲུང་ཞིག་ཤི་ནས་མི་མ་ཡིན་པ་རྣམས་སུ་སྐྱེས་པ་དེས། ཡངས་པ་ཅན་པ་རྣམས་ལ་བསྟན་པ། བདག་ནི། མི་མ་ཡིན་པ་རྣམས་སུ་སྐྱེས་ཀྱི། བདག་གི་གནོད་སྦྱིན་གྱི་གནས་བྱོས་ལ། མགུལ་བར་དྲིལ་སྦྱོངས་ཤིག་དང ། གལ་ཏེ་ཡངས་པ་ཅན་རྣམས་ལ་ཕྱིར་རྒོལ་བ་འགའ་ཞིག་འོངས་ན། བདག་གིས་ཇི་ཙམ་དུ་ཟིན་པའམ། འབྲོས་པར་གྱུར་པ་སྲིད་དུ་དྲིལ་གྱི་སྒྲ་བསྒྲག་བར་བྱའོ། །དེ་རྣམས་ཀྱིས་གནོད་སྦྱིན་གྱི་གཟུགས་བརྙན་བྱས་ནས་མགུལ་པ་ལ་དྲིལ་བཏགས་ཏེ། གར་དང ། གླུ་དང ། རོལ་མོའི་སྒྲ་དང ། གཏོར་མ་དང ། མེ་ཏོག་ཕྲེང་གི་ཡོ་བྱད་ཀྱིས་སྒོ་ཁང་དུ་བཞག་གོ། ས་སྐྱོང་གིས་སེང་གེ་ལ་སྤྲིང་པ། ཁོ་བོ་སྐྱེད་མོས་ཚལ་ན་སྡོད་ཀྱི་བྱུང་ཞིག། དེས་ཡངས་པ་ཅན་གྱི་ཚོགས་ལ་བརྟགས་ནས་ཁྱིམ་དུ་སོང་སྟེ། ཉེ་གོས་ཅན་ལ་སྨྲས་པ། ཁྱོད་རྒྱལ་པོ་གཟུགས་ཅན་སྙིང་པོ་ལ་བྱིན་གྱི། རྒྱན་རྣམས་ཐོགས་ལ་སྐྱེད་མོས་ཆལ་དུ་ཕྱུང་ཞིག། དེ་རྒྱན་རྣམས་འདོགས་པར་བརྩམས་པ་དང ། གོས་ཅན་གྱིས་མཐོང་ནས། དེས་སྨྲས་པ། ཅི་ཞིག་གི་ཕྱིར་རྒྱན་རྣམས་འདོགས། ཁོ་མོ་བག་མར་བཏང་ངོ ། །སུ་ཞིག་ལ།
Ga79a
༄#། །རྒྱལ་པོ་གཟུགས་ཅན་སྙིང་པོ་ལའོ། །དེས་སྨྲས་པ། ཁོ་མོ་ཕུ་མོ་ཡིན་ན། ཁྱོད་ཅི་སྟེ་བག་མར་བཏང ། གལ་ཏེ་དེ་ལྟར་ན་ཁྱོད་རྒྱན་ཐོགས་ཤིག། དེ་ཡང་སྨྲ་བ་ལས་དྲིལ་གྱི་སྒྲ་བྱུང་ངོ ། །ཡངས་པ་ཅན་གྱི་ཚོགས་རོད་རོད་པོར་གྱུར་ཏེ། བདག་ཅག་གི་མི་མཛའ་བ་ཞིག་ཡངས་པ་ཅན་དུ་ཞུགས་སོ། །སེང་གེ་དངངས་པས་ཉེ་གོས་ཅན་ཡིན་ནོ། །སྙམ་ནས། གོས་ཅན་ཁྲིད་དེ་མྱུར་བ་མྱུར་བར་ཕྱིར་བྱུང་བ་དང ། ས་སྐྱོང་ཡང་དངངས་པས་གོས་ཅན་ཤིང་རྟར་བཅུག་སྟེ་སོང་ངོ ། །ཡངས་པ་ཅན་གྱི་ཚོགས་ཀྱིས་ཕྱི་བཞིན་བསྙེགས་ནས། དེ་དང་དེ་རྣམས་སུ་ལྷན་ཅིག་འཐབ་པར་བརྩམས་པ་དང ། དེ་གནས་ལྔ་རྣམས་ལ་བྱང་བ་ཡིན་པས། དེས་ལི་ཙ་བྱི་ལྔ་བརྒྱའི་གནད་དུ་བསྣུན་ནས། དེས་སྨྲས་པ། ཤེས་ལྡན་དག་།ངས་ཁྱོད་ཅག་ལས་ལྔ་བརྒྱ་གནད་དུ་བསྣུན་ཟིན་གྱི། ལྷག་མ་རྣམས་སྲོག་བསྐྱབ་ཀྱི། སླར་དེངས་ཤིག། དེ་རྣམས་ཀྱིས་སྨྲས་པ། ངེད་ཅག་ལས་སེམས་ཅན་གཅིག་ཀྱང་བསད་པ་མེད་དོ། །གོ་ཕུད་ཅིག། དེ་རྣམས་ཀྱིས་གོ་ཕུད་པ་དང ། ལྔ་བརྒྱ་ས་ལ་འགྱེལ་ནས་སྲོག་དང་བྲལ་བར་གྱུར་ཏོ། །དེ་ནས་དེ་རྣམས་ཀྱིས་མི་འདི་ནི། སྲིན་པོ་ཡིན་ནོ། །སྙམ་ནས་སྐྲག་སྟེ་བྲོས་སོ། །ཡངས་པ་ཅན་དུ་ལྷགས་ནས་གྲོས་བྱ་བར་བརྩམས་པ། ཤེས་ལྡན་དག། བདག་ཅག་གི་དགྲ་འདི་ལ་གཟུགས་ཅན་སྙིང་པོའི་བུ་རྣམས་ལན་གློན་དུ་གཞུག་གི། གླེགས་བུ་ལ་ཡི་གེར་བྲིས་ཏེ་སྒྲོམ་བུར་བཅུག་ནས་རྒྱ་སྐེགས་ལ་རྒྱས་བཏབ་ནས་གཞག་གོ།
Ga79b
ཞེས་དེ་རྣམས་ཀྱིས་དེ་བཞིན་དུ་བྱས་ནས་བཞག་གོ། ས་སྐྱོང་ཡང་རིམ་གྱིས་རྒྱལ་པོའི་ཁབ་ཏུ་ཕྱིན་ནས་སྨྲས་པ། ཉེ་གོས་ཅན་བོབས་ཤིག། དེས་སྨྲས་པ། ཁུ་གུ། བདག་ནི། ཉེ་གོས་ཅན་མ་ལགས་ཏེ། བདག་ནི། གོས་ཅན་ལགས་སོ། །ཁྱོད་ཀྱིས་ཅིའི་ཕྱིར་བདག་ལ་མ་སྨྲས། དེ་ཅང་མི་སྨྲ་བར་འདུག་གོ། དེ་ནས་དེ་སྡུག་བསྔལ་ཞིང་ཡིད་མི་བདེ་བས། རྒྱལ་པོའི་དྲུང་དུ་སོང་བ་རྒྱལ་པོས་མཐོང་ནས་སྨྲས་པ།་ས་སྐྱོང་འོངས་སམ། འོངས་པ་ལེགས་སོ། །ལྷ། བདག་མཆིས་ལགས་སོ། །ཉེ་གོས་ཅན་ཁྲིད་དེ་འོངས་སམ། ལྷ། ཁྲིད་དེ་མཆིས་ཀྱང་མཆིས་ལ། ཁྲིད་དེ་མ་མཆིས་ཀྱང་མ་མཆིས་སོ། །ཅི་ཞིག་ཟེར། ཉེ་གོས་ཅན་ལགས་སྙམ་ནས། གོས་ཅན་ཁྲིད་དེ་མཆིས་སོ། །བལྟའི། ཁྲིད་དེ་ཤོག་ཅིག། དེ་ནང་དུ་ཁྲིད་པ་དང ། རྒྱལ་པོས་ལྷག་པར་ཡང་གཟུགས་དང་ལང་ཚོ་ཕུན་སུམ་ཚོགས་པ་མཐོང་ནས། བུད་མེད་ཀྱི་ཡུལ་གྱིས་འཕྲོག་པས་མཐོང་མ་ཐག་ཁོ་ནར་རྒྱལ་པོ་ཆགས་པར་གྱུར་ནས་སྨྲས་པ། ཤེས་ལྡན་དག། བུ་ཕ་གསོད་པ་གང་ཡིན་པ་དེ་ནི། རྒྱལ་སྲིད་ཀྱི་ཕྱིར་ཡིན་པས་གལ་ཏེ་ང་ལ་བུ་ཡོད་པར་གྱུར་ན། ད་བཙས་མ་ཐག་ཏུ་ངས་ཅོད་པན་གྱིས་བཅིང་བར་བྱའོ། །དེ་ནས་དེ་དཔལ་གྱི་འབྱོར་པ་ཆེན་པོས་བག་མར་བླངས་ཏེ་ཡུལ་ལུས་འཕགས་ནས་འོངས་པས་ན། ལུས་འཕགས་མ་ཞེས་བྱ་བར་གྲགས་སོ། །དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །རེ་ཞིག་དུས་གཞན་ཞིག་ན། རྒྱལ་པོ་གཟུགས་ཅན་སྙིང་པོ་རི་དྭགས་
Ga80a
༄#། །ཀྱི་ཕྱིར་བྱུང་བ་ན་བསྟི་གནས་ཤིག་ན་དྲང་སྲོང་མངོན་པར་ཤེས་པ་ལྔ་དང་ལྡན་བ་ཞིག་གནས་སོ། །ཇི་ཙམ་ན་རི་དྭགས་མདའི་ལོང་ལ་བཏགས་པས་སྐྲག་པ་ཞིག། དྲང་སྲོང་དེའི་བསྟི་གནས་སུ་ཞུགས་ཤིང་བྱུང་བ་རྒྱལ་པོའི་མདས་གནད་དུ་བསྣུན་ཏོ། །དེ་ནས་དྲང་སྲོང་དེ་ཁྲོས་ནས་སྨྲས་པ། འཐབ་ཀྲོལ་ཅན་གྱི་རྒྱལ་པོ་བདག་གི་བསྟི་གནས་གཅན་གཟན་གདུག་པས་ཀྱང་གཟེམ་པར་བྱ་བར་རི་དྭགས་སྐྱབས་སུ་འོངས་པ་ཁྱོད་ཀྱིས་གསོད་དམ་ཞེས་དྲང་སྲོང་དེ་རྒྱལ་པོ་ལ་དེ་སྐད་དུ་ཁ་ཟེར་བ་དང ། དཔུང་གི་ཚོགས་འོངས་ནས་སྨྲས་པ། ལྷ། འདི་སུ་ལ་གཡར་མཆིས། རྒྱལ་པོས་སྨྲས་པ། ང་ལ་ཡིན་ན། ཤེས་ལྡན་དག། རྒྱལ་པོ་ལ་ཁ་ཚས་ཟེར་བ་གང་ཡིན་པ་དེ་ལ་ཆད་པ་ཅི་ཡོད། ལྷ། དེའི་ཆད་པ་དགུམ་པ་ལགས་སོ། །གལ་ཏེ་དེ་ལྟར་ན། ངས་དྲང་སྲོང་དེ་ཡོངས་སུ་སྤངས་སོ། །དེ་གསད་པར་བརྩམས་ཏེ། དེ་གསོད་པ་ན། སྨོན་ལམ་ལོག་པར་བཏབ་པ། རྒྱལ་པོ་འཐབ་ཀྲོལ་ཅན་འདིས། བདག་ཉེས་པ་མེད་ཅིང་གནོད་པ་མི་བྱེད་པ་བསད་པར་བཀྲིས། གང་དུ་སྐྱེས་པ་དེར་འདི་སྲོག་དང་བྲལ་བར་བྱེད་པར་གྱུར་ཅིག། ཡང་བསམ་པ། རྒྱལ་པོ་འདི་དག་ནི། ཤིན་ཏུ་སྦས་པ། ཤིན་ཏུ་སྲུང་པ། ཤིན་ཏུ་བཙས་པ་ཡིན་པས། གལ་ཏེ་གཞན་དུ་སྐྱེ་བ་བླངས་ན། ལན་འགའ་ཡང་སྐབས་རྙེད་པར་མི་འགྱུར་གྱི། རྣམ་པ་ཐམས་ཅད་དུ་བདག་འདིའི་བཙུན་མོ་དམ་པའི་མངལ་དུ་སྐྱེས་པར་གྱུར་ཅིག་ཅེས་བྱས་སོ། །དེས་སྨོན་ལམ་
Ga80b
ལོག་པར་བཏབ་པས་གོས་ཅན་གྱི་མངལ་དུ་སྐྱེས་སོ། །གང་གི་ཚེ་ཉི་མ་ཁོ་ན་ལ་ཉིང་མཚམས་སྦྱོར་བ་བླངས་པ་དེ་ཉིད་ཀྱི་ཉི་མ་ལ་ཁྲག་གི་ཆར་བབ་བོ། །གོས་ཅན་འདོད་པ་སྐྱེས་པ། ཨེ་མའོ། ། བདག་གིས་ལྷའི་རྒྱབ་ཀྱི་ཤ་བཅད་ཅིང་བཅད་ཅིང་ཟོས་ཀྱང་ཅི་མ་རུང་སྙམ་མོ། །དེ་ལྟར་གྱུར་པ་རྒྱལ་པོ་ལ་སྨྲས་པ་དང ། རྒྱལ་པོས་ལྟས་མཁན་རྣམས་བཀུག་ནས་སྨྲས་པ་ལས། དེ་རྣམས་ཀྱིས་སྨྲས་པ། ལྷ། འདི་ནི། བཙུན་མོའི་རུམ་དུ་སེམས་ཅན་ཞིག་ཞུགས་པ་གང་ལགས་པ་དེའི་མཐུ་ལགས་སོ། །རྒྱལ་པོ་སེམས་ཁོང་དུ་ཆུད་དེ་འདུག་ནས་འདིའི་འདོད་པ་ཅི་ཞིག་གིས་སེལ་བར་འགྱུར་སྙམ་མོ། །མཁས་པའི་རང་བཞིན་ཅན་གཞན་དག་གིས་སྨྲས་པ། ལྷ། རས་ཀྱི་བར་སྩང་ཤས་བལྟམས་པར་བགྱིས་ཏེ་གསོལ་ལ། ཉིད་བཙུན་མོ་ལ་སྟོབ་མཛོད་ཅིག། དེ་ནས་རྒྱལ་པོས་རས་ཀྱི་བར་ཤས་གང་བར་བྱས་པ་བགོས་ནས། བདག་ཉིད་གོས་ཅན་ལ་བསྟབས་པ་དང ། དེས་རྒྱབ་ཀྱི་ཤ་ཡིན་ནོ་སྙམ་ནས་ཟོས་སོ། །དེ་ནས་དེའི་འདོད་པ་གང་ཡིན་པ་དེ་དང་བྲལ་བར་གྱུར་ཏོ། །ཡང་དེའི་འདོད་པ་སྐྱེས་པ། ཀྱེ་མའོ། །བདག་གིས་ལྷའི་ཁྲག་ཁོ་ན་འཐུངས་ཀྱང་ཅི་མ་རུང་སྙམ་པ་དེ་ཡང་རྒྱལ་པོ་ལ་སྨྲས་པ་དང ། དེ་ནས་རྒྱལ་པོས་ཡན་ལག་ལྔའི་རྩ་གཏར་ནས་ཁྲག་བླུད་པས། དེ་འདོད་པ་དེ་དང་ཡང་བྲལ་བར་གྱུར་ཏེ། ཇི་ཙམ་ན་ཟླ་བ་དགུ་ཚང་བ་དང ། ཁྱེའུ་གཟུགས་བཟང་བ། མཛེས་པ། བལྟ་ན་སྡུག་པ་ཞིག་བཙས་སོ། །བཙས་ཏེ་གང་གིས་
Ga81a
༄#། །ཉི་མ་ལ་བཙས་པ་དེ་ཉིད་ཀྱི་ཉི་མ་ལ་ཡང་ཁྲག་གི་ཆར་བབ་བོ། །རྒྱལ་པོས་ཡང་ལྟས་མཁན་རྣམས་བཀུག་ནས་སྨྲས་པ་དང ། དེ་རྣམས་ཀྱིས་སྨྲས་པ། ལྷ། བསྟན་བཅོས་ལས་ཇི་ལྟར་གདའ་བ་ལྟར་ན། གདོན་མི་འཚལ་བར་ཁྱེའུ་འདིས་ལྷ་སྐུ་ཚེ་དང་ཕྲལ་ནས་རང་ཉིད་ཅོད་པན་བཅིངས་ཏེ་རྒྱལ་སྲིད་བགྱིད་པར་འགྱུར་རོ། །རྒྱལ་པོས་བསམ་པ། རྣམ་པ་ཐམས་ཅད་དུ་རྒྱལ་སྲིད་ཀྱི་ཆེད་དུ་འདིས་སྲོག་དང་བྲལ་བར་བྱེད་ཀྱི། འདི་ལ་བདག་ཉིད་ཀྱིས་རྒྱལ་སྲིད་བྱིན་ན། ཅིའི་ཕྱིར་བདག་སྲོག་དང་བྲལ་བར་བྱེད་སྙམ་མོ། །དེའི་ཚེ་ཡངས་པ་ཅན་ན་ལི་ཙ་བྱི་མིང་ཆེན་ཞེས་བྱ་བ་ཞིག་གནས་ཏེ། དེའི་སྐྱེད་མོས་ཚལ་ན་ཨ་མྲའི་ཚལ་ཡོད་པ་ལས། དེར་གློ་བུར་དུ་ཆུ་ཤིང་གི་སྡོང་པོ་ཞིག་སྐྱེས་པ། ཀུན་དགའི་ར་བ་སྲུང་བས་མཐོང་ངོ ། །དེ་མ་ཐག་ཁོ་ནར་མེ་ཏོག་ཆགས་པ་དང ། དེ་ངོ་མཚར་སྐྱེས་ནས་མིང་ཆེན་ལ་སྨྲས་པ་དང ། དེས་ལྟས་མཁན་རྣམས་བཀུག་ནས་དྲིས་པ་དང ། དེ་རྣམས་ཀྱིས་སྨྲས་པ། ལྷ། དེ་སྲུང་དུ་གསོལ་ཅིག་དང ། དགུང་བདུན་གྱི་ཉིན་པར་གས་པར་འགྱུར་ཏེ། དེའི་ནང་ནས་བུ་མོ་ཞིག་འབྱུང་བར་འགྱུར་རོ། །ཁྱིམ་བདག་མིང་ཆེན་གྱིས་ཐོས་ནས་ལྷག་པར་ཡང་ངོ་མཚར་སྐྱེས་པར་གྱུར་ཏེ། སྐྱེད་མོས་ཚལ་དེར་ཀུན་ནས་སྲུང་མའི་མི་རྣམས་བཀོད་ནས། ཉི་མ་བགྲང་པ་ལ་ཞུགས་སོ། །ཇི་ཙམ་ན་ཞག་བདུན་ལོན་པ་དང ། སྐྱེད་མོས་ཚལ་དེ་རྡོ་བ་དང ། གསེག་མ་
Ga81b
དང ། གྱོ་མོ་རྣམས་བསལ་ནས། ཙནྡན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པོའི་པོག་ཕོར་དག་བཤམས། དར་གྱི་ཆུན་འཕྱང་མང་པོ་བྲེས། མེ་ཏོག་སིལ་མས་བཀྲམ། གླུ་དང ། རོལ་མོའི་སྒྲ་རྣམ་པ་དུ་མ་དག་དང ། མཛའ་བོ་དང ། གཉེན་བཤེས་ཀྱི་སྐྱེ་བོས་ཡོངས་སུ་བསྐོར་ནས་དཔལ་གྱི་འབྱོར་པ་ཆེན་པོས་ཆུང་མ་དང་ལྷན་ཅིག་བྱུང་ནས། སྐྱེད་མོས་ཚལ་དེ་ན་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་བྱེད་པ་ལས། ཆུ་ཤིང་གི་སྡོང་པོ་གས་ནས། བུ་མོ་གཟུགས་བཟང་བ། མཛེས་པ། བལྟ་ན་སྡུག་པ། ཡན་ལག་ཐམས་ཅད་དང་ལྡན་པ་ཞིག་བྱུང་ངོ ། །དེ་ནས་མིང་ཆེན་གྱིས་ཆུང་མ་དམ་པ་ལ་གཏད་པ་དང ། དེས་སྨྲས་པ། ལྷ། འདིའི་མིང་གདགས་སུ་གསོལ། མིང་ཆེན་གྱིས་སྨྲས་པ། བུ་མོ་འདི་ནི། ཨ་མྲའི་ཚལ་ནས་རྙེད་པ་ཡིན་པས། འདིའི་མིང་ཨ་མྲ་སྐྱོང་མ་ཞེས་བྱའོ། །ཇི་ཙམ་ན། ཁྱིམ་བདག་མིང་ཆེན་སྐྱེད་མོས་ཚལ་ནས་རང་གི་ཁྱིམ་དུ་སོང་སྟེ། བུ་མོ་ཨ་མྲ་སྐྱོང་མ་བསྐྱེད་བསྲིངས་ཏེ་ཞེས་བྱ་བ་ནས་ཆེན་མོར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ།། དེ་སློང་བའི་ཕྱིར་ཡུལ་ཀྲུང་ཀྲུང་བ་རྣམས་དང ། ཤཱཀྱ་རྣམས་དང ། གཞན་ཡང་ཡུལ་སྣ་ཚོགས་ན་གནས་པའི་རྒྱལ་པོའི་བུ་དང ། བློན་པོའི་བུ་དང ། ཚོང་པ་དང ། ཚོང་དཔོན་དང ། དེད་དཔོན་དུ་མ་དག་འོངས་པ་དང ། ཁྱིམ་བདག་མིང་ཆེན་གྱིས་བསམ་པ། གང་ཁོ་ན་ལ་མ་བྱིན་པ་དེ་དག་ཁོ་ན་སྡང་བར་འགྱུར་ན། འོན་ཀྱང་ཚོགས་ཀྱི་ཁྲིམས་སུ་བཅས་པས། རེ་ཞིག་ཚོགས་ལ་བརྟག་གོ། སྙམ་ནས།
Ga82a
༄#། །དེས་ཡངས་པ་ཅན་གྱི་ཚོགས་བསྡུས་ཏེ། ཤེས་ལྡན་བྲམ་ཟེ་དང་ཁྱིམ་བདག་རྣམས་ཉོན་ཅིག། བདག་གིས་སྐྱེད་མོས་ཚལ་ནས་བུ་མོ་ཞིག་རྙེད་པ་དེ། བདག་གིས་བསྣུན། བསྙོད་དེ་བསྐྱེད་ནས། དེ་བདག་གིས་རང་གི་རིགས་རྒྱུད་དང་འཚམ་པར་འགའ་ཞིག་ལ་ཆུང་མར་སྦྱིན་ན། ཚོགས་ཀྱིས་ལྟོས་ཤིག། དེ་རྣམས་ཀྱིས་སྨྲས་པ། ཁྱིམ་བདག། སྔོན་ཚོགས་ཁོ་ནས་ཁྲིམས་སུ་བཅས་པ། བུད་མེད་རིན་པོ་ཆེ་མི་གཏང་སྟེ། ཚོགས་ཀྱིས་སྤྱད་དོ། །ཞེས་བཅས་པ་ཡིན་གྱི། རེ་ཞིག་བུ་མོ་དེ་ཅི་འདྲ་བ་ཞིག་བལྟའི། ཁྲིད་དེ་ཤོག་ཅིག། དེས་དེ་ཚོགས་ཀྱི་ནང་དུ་ཁྲིད་དེ་འོངས་པ་དང ། གཟུགས་དང ། ལང་ཚོ་ཕུན་སུམ་ཚོགས་པ་མཐོང་ནས། ཚོགས་ཐམས་ཅད་ངོ་མཚར་དུ་གྱུར་པའི་མིག་བགྲད་དེ་ཀུན་ཏུ་བརྟག་པར་བརྩམས་ནས་སྨྲས་པ། ཁྱིམ་བདག། འདི་ནི། བུད་མེད་རིན་པོ་ཆེ་ཡིན་པས་ཚོགས་ཀྱིས་སྤྱད་ཀྱི། སུ་ལ་ཡང་མི་སྦྱིན་ནོ། །དེ་ནས་ཁྱིམ་བདག་མིང་ཆེན། ཡིད་མི་བདེ་ཞིང་རང་གི་ཁྱིམ་དུ་སོང་ནས། དེ་འགྲམ་པ་ལ་ལག་པ་གཏད་དེ་སེམས་ཁོང་དུ་ཆུད་ཅིང་འདུག་པ་དང ། ་མྲ་སྐྱོང་མས་མཐོང་ནས་དྲིས་པ། ཡབ། ཅིའི་སླད་དུ་ཐུགས་མི་དགྱེས། བུ་མོ། ཁྱོད་བུད་མེད་རིན་པོ་ཆེ་ཡིན་ནོ། །ཞེས་ཚོགས་ཀྱིས་སྤྱད་པར་གྱུར་ཏེ། བདག་གི་ཡིད་ལ་རེ་བ་མ་རྫོགས་སོ། །ཡབ། ཅི། ཁྱོད་གཞན་གྱི་དབང་དུ་གྱུར་ཏམ། བུ་མོ། སྔོན་ཚོགས་ཀྱིས་ཁྲིམས་སུ་བཅས་པ། བུད་མེད་རིན་པོ་ཆེ་ནི། ཚོགས་
Ga82b
ཀྱིས་སྤྱད་དོ། །ཞེས་བཅས་ལ། ཁྱོད་ཀྱང་བུད་མེད་རིན་པོ་ཆེ་ཡིན་པས། དེའི་ཕྱིར་བདག་ལ་དབང་མེད་དོ། །དེས་སྨྲས་པ། དམ་ཞིག་བཅའ་སྟེ། གལ་ཏེ་བདག་ལ་ཚོགས་ཀྱིས་དམ་པ་ལྔ་ཞིག་སྩལ་ན།་བདག་ཚོགས་ཀྱིས་སྤྱད་པར་བགྱི་སྟེ། རིས་དང་པོའི་ཁང་པ་སྩལ་པ་དང ། སྐྱེས་པ་གཅིག་ནང་དུ་ཞུགས་པ་ན་གཅིག་ཤོས་ནང་དུ་མི་འཇུག་པ་དང ། ནང་དུ་འཇུག་པ་གང་ཡིན་པ་དེ་ཡང་ཀཪྴ་པ་ཎ་ལྔ་བརྒྱ་འཚལ་ཏེ་མཆི་བ་དང ། གང་གི་ཚེ་ཁྱིམ་ཉུལ་བ་དེའི་ཚེ་བདག་གི་ཁྱིམ་ཞག་བདུན་ན་བྱུལ་བ་དང ། བདག་གི་ཁྱིམ་དུ་མཆི་བ་རྣམས་ཀྱི་ཕྱིར་འབྱུང་བ་དང ། ནང་དུ་འཇུག་པ་ལ་མི་བརྟག་པའོ། །མིང་ཆེན་གྱིས། ཨ་མྲ་སྐྱོང་མའི་འཕྲིན་བཟླས་པ་དང ། ཚོགས་ཀྱིས་སྨྲས་པ། དེ་བཞིན་དུ་བྱ་སྟེ། རིས་དང་པོའི་ཁང་པ་ཞེས་གང་སྨྲས་པ་ལ། རིས་དང་པོའི་ཁང་པ་ནི། བུད་མེད་རིན་པོ་ཆེ་ཁོ་ན་ལ་འོས་སོ། །གཅིག་ནང་དུ་ཞུགས་པ་ན། གཅིག་ཤོས་ནང་དུ་མི་འཇུག་པར་བྱའོ། །ཞེས་གང་སྨྲས་པ་དེ་ཡང་བདེན་ཏེ། ཤ་འཁོན་རྣམས་ལས་ནི། འདི་ལྟ་སྟེ། བུད་མེད་ཀྱི་ཤ་འཁོན་ཐ་ཆད་ཡིན་པས། གལ་ཏེ་གཅིག་ནང་དུ་ཞུགས་པ་དང་གཅིག་ཤོས་ཀྱང་ནང་དུ་ཞུགས་ན། གདོན་མི་ཟ་བར་གཅིག་ལ་གཅིག་གསོད་པར་འགྱུར་རོ། །ནང་དུ་འཇུག་པ་དེས་ཀཪྴ་པ་ཎ་ལྔ་བརྒྱ་ཐོགས་ཏེ་ནང་དུ་འཇུག་པར་བྱའོ། །ཞེས་གང་སྨྲས་པ་དེ་ཡང་བདེན་ཏེ། གདོན་མི་ཟ་བར་དེའི་གོས་དང ། རྒྱན་དུ་དགོས་སོ། །ཞག་བདུན་ལོན་པ་དང་ཁང་པ་བྱུལ་བར་བྱའོ། །ཞེས་གང་སྨྲས་པ་དེ་ཡང་
Ga83a
༄#། །བདེན་ཏེ། སྔར་རམ། ཕྱིས་བྱས་ཀྱང་རུང ། དེ་ལ་འགལ་བ་ཅི་ཞིག་ཡོད། སྐྱེས་པ་རྣམས་ཀྱིས་ཕྱིར་འབྱུང་བ་དང་ནང་དུ་འཇུག་པ་ལ་མི་བརྟག་གོ། ཞེས་གང་སྨྲས་པ་དེ་ཡང་བདེན་ཏེ། འདི་སྨད་ཚོང་མ་ཡིན་པས། གལ་ཏེ་མི་རྣམས་ཀྱི་ཕྱིར་འབྱུང་བ་དང་ནང་དུ་འཇུག་པ་བརྟགས་ན། སུ་ཞིག་དེའི་ཁྱིམ་དུ་འཇུག། དེ་ནས་ཚོགས་ཀྱིས་དེ་ལ་མཆོག་ལྔ་བྱིན་ནས། ཚོགས་ཀྱིས་སྤྱད་པར་གྱུར་ཏོ། །ཡངས་པ་ཅན་གྱི་ལི་ཙ་བྱི་རྣམས་ཀྱིས། དགའ་མགུར་སྤྱད་པའི་ཕྱིར་དེའི་ཁྱིམ་དུ་འཇུག་པར་བརྩམས་པ་ལས། དེ་ན་ཁ་ཅིག་ནི།་ཡུལ་ལ་ཆགས་ཆེས་པའི་ཕྱིར་མཐོང་མ་ཐག་ཁོ་ནར་འདོད་ཆགས་དང་བྲལ་བར་གྱུར་ཏོ། །ཁ་ཅིག་གིས་ནི། རེག་པ་ཁོ་ནས་ཏེ། དེ་ལ་འགས་ཀྱང་སྐྱེས་པའི་བྱ་བ་མ་བྱས་སོ། །དེས་བསམ་པ། འདི་དག་ནི། སྐྱེས་པ་མ་ཡིན་གྱི། ཐབས་ཤིག་བཤམ་པར་བྱའོ། །སྙམ་ནས། དེས་ཡུལ་སྣ་ཚོགས་ན་གནས་པའི་རི་མོ་མཁན་རྣམས་བཀུག་ནས་སྨྲས་པ། ཤེས་ལྡན་དག། གང་ན་རྒྱལ་པོའམ། བློན་པོའམ། ཕྱུག་པོའམ། ཚོང་དཔོན་ནམ། ཚོང་པའམ། དེད་དཔོན་ཅི་འདྲ་བ་ཞིག་མཐོང་བ་དེ་འདྲ་བ་དག་རྩིག་པ་ལ་བྲིས་ཤིག། དེ་རྣམས་ཀྱིས་ཇི་ལྟར་མཐོང་བ་བཞིན་བྲིས་པ་དང ། དེ་ནས་ཨ་མྲ་སྐྱོང་མ་རྒྱན་རྣམས་ཀྱིས་བརྒྱན་ནས། རི་མོའི་ལས་རྣམས་ལ་སོ་སོར་བརྟགས་ཏེ། དྲིས་པ། ཤེས་ལྡན་དག། འདི་ནི། གང་ཞིག་།འདི་ནི། རྒྱལ་པོ་
Ga83b
རབ་སྣང་ངོ ། །གཞན་འདི་གང་ཞིག་།ཀོ་ས་ལའི་རྒྱལ་པོ་གསལ་རྒྱལ་ལོ། །གཞན་འདི་གང་ཞིག་།བད་ས་ལའི་རྒྱལ་པོ་འཆར་བྱེད་དོ། །གཞན་འདི་གང་ཞིག། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོའོ། །དེས་དེ་བཞིན་དྲིས་པ་དང ། དེ་རྣམས་ཀྱིས་ཀྱང་ཐམས་ཅད་སྨྲས་སོ། །དེ་ནས་དེས་ཐམས་ཅད་ལ་བརྟགས་པ་དང ། གཟུགས་ཅན་སྙིང་པོ་ལ་མིག་ཆགས་ནས་དེས་བསམ་པ། སྐྱེས་བུ་འདི་ལྟ་བུར་ཆུ་ཞེང་གབ་པས་ནི། བདག་དང་ལྷན་ཅིག་དགའ་མགུར་སྤྱད་པར་ནུས་སྙམ་མོ། །ཇི་ཙམ་དུས་གཞན་ཞིག་ན། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟེང་གི་ཁང་བཟང་གི་གཞིར་སོང་ནས། བློན་པོའི་ཚོགས་ཀྱིས་ཡོངས་སུ་བསྐོར་ཏེ་འདུག་ནས། ཚུལ་མ་ཡིན་པའི་གཏམ་སྨྲས་པ། ཤེས་ལྡན་དག། སུས་སྨད་ཚོང་མ་ཇི་ལྟ་བུ་མཐོང ། ས་སྐྱོང་གིས་སྨྲས་པ། ལྷ། རེ་ཞིག་གཞན་ལྟ་ཞོག། ཡངས་པ་ཅན་ན་སྨད་ཚོང་མ་ཨ་མྲ་སྐྱོང་མ་ཞེས་བགྱི་བ། ཤིན་ཏུ་གཟུགས་དང ། ལང་ཚོ་ཕུན་སུམ་ཚོགས་པ། སྒྱུ་རྩལ་དྲུག་ཅུ་རྩ་བཞི་འཚལ་བ།་ལྷ་ཁོ་ནས་སྤྱད་དུ་རུང་བ་ཞིག་མཆིས་སོ། །དེས་སྨྲས་པ། ས་སྐྱོང ། གལ་ཏེ་དེ་ལྟ་ན་ཡངས་པ་ཅན་དུ་འདོང ། དེ་དང་ལྷན་ཅིག་དགའ་མགུར་སྤྱོད་དོ། །དེས་སྨྲས་པ། ཡངས་པ་ཅན་གྱི་ལི་ཙ་བྱི་རྣམས་ནི། ཡུན་རིང་པོ་ནས་གནོད་པ་བགྱིད་པ། སླར་རྒོལ་བ། དགྲ་བོ་ལགས་པས། ཁྱོད་ལ་གནོད་པ་བགྱིད་དུ་མཆིའོ། །རྒྱལ་པོས་སྨྲས་པ། ཤེས་ལྡན་དག་།མི་རྣམས་ནི། སྐྱེས་བུའི་དཔའ་
Ga84a
༄#། །སྙིང་ཅན་ཡིན་པས་འདོང་ངོ ། །དེས་སྨྲས་པ། ལྷ། གལ་ཏེ་དོན་མ་མཆིས་པ་ལ་གཙིགས་ཆེ་བར་མཛད་ན། གཤེགས་མོད། དེ་ཤིང་རྟར་ཞུགས་ནས་ས་སྐྱོང་དང་ལྷན་ཅིག་ཡངས་པ་ཅན་དུ་ཆས་ཏེ། རིམ་གྱིས་ཡངས་པ་ཅན་དུ་ཕྱིན་ནས། ས་སྐྱོང་ནི། སྐྱེད་མོས་ཚལ་ན་སྡོད་དོ། །རྒྱལ་པོ་ནི། ཨ་མྲ་སྐྱོང་མའི་ཁྱིམ་དུ་ཞུགས་པ་དང ། ཇི་ཙམ་ན་དྲིལ་གྱི་སྒྲ་བྱུང་ངོ ། །ཡངས་པ་ཅན་གྱི་ལི་ཙ་བྱི་རྣམས་རོད་རོད་པོར་གྱུར་ནས་ཤེས་ལྡན་དག་།བདག་ཅག་གི་མི་མཛའ་བ་ཞིག་ནང་དུ་ཞུགས་པས་དྲིལ་འཁྲོལ་ལོ་ཞེས་སྒྲ་གསལ་བ་དང ། སྒྲ་ཆེན་པོ་བྱུང་བ་དང ། རྒྱལ་པོ་གཟུགས་ཅན་སྙིང་པོས། ཨ་མྲ་སྐྱོང་མ་ལ་དྲིས་པ། བཟང་མོ། འདི་ཅི་ཞིག་ཡིན། ལྷ། སྡུམ་པར་ཉུལ་བར་བགྱིད་དོ། །ཅི་ཞིག་གི་ཕྱིར། ལྷའི་སླད་དུའོ། །ཇི་ལྟར་བྱ། ཅི། འབྲོས་སམ། ལྷ། མི་དགྱེས་པར་མ་མཛད་ཅིག། ལྷ། དགུང་བདུན་ལོན་དང ། བདག་གི་སྡུམ་པར་ཉུལ་བར་བགྱིད་པས། རེ་ཞིག་དགུང་བདུན་དུ་རོལ་བས་དགྱེས་པར་མཛོད། དགྱེས་རྒུར་མཛོད་ལ་དགུང་བདུན་ལགས་དང ། དུས་མཁྱེན་པར་བགྱིའོ། །དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཇི་ཙམ་ན་ཨ་མྲ་སྐྱོང་མ་སེམས་ཅན་དང་ལྡན་པར་གྱུར་ནས། དེས་རྒྱལ་པོ་གཟུགས་ཅན་སྙིང་པོ་ལ་སྨྲས་པ། ལྷ། བདག་ལ་སེམས་ཅན་ཞུགས་ལགས་སོ། །དེས་དེ་ལ་སེང་རས་ཤིག་དང །
Ga84b
སོར་གདུབ་ཀྱི་རྒྱ་བྱིན་ནས་སྨྲས་པ། གལ་ཏེ་བུ་མོ་ཞིག་ཡིན་ན། ཁྱོད་ཉིད་ཀྱི་ཡིན་ནོ། །འོན་ཏེ་ཁྱེའུ་ཡིན་ན། སེང་རས་འདི་བསྐོན་ལ། སོར་གདུབ་ཀྱི་རྒྱ་མགུལ་དུ་ཐོགས་ཏེ་ངའི་དྲུང་དུ་བཀྲི་ཞིག། དེ་བྱུང་སྟེ་ཤིང་རྟར་ཞུགས་ཏེ་ས་སྐྱོང་དང་ལྷན་ཅིག་ཆས་པ་དང ། དྲིལ་བུ་འཁྲོལ་བར་འདུག་གོ། དེ་རྣམས་ཀྱིས་སྨྲས་པ། ཤེས་ལྡན་དག། དགྲ་བོ་བྱུང་གི་།རྗེས་བཞིན་བཙལ་ལོ། །ཞེས་ལི་ཙ་བྱི་སྐྱོན་གོར་གྱི་མདའ་རྩིབས་ཅན་ལྔ་བརྒྱས་རྒྱལ་པོ་གཟུགས་ཅན་སྙིང་པོའི་ཕྱི་བཞིན་བསྙེགས་པ་དང ། ས་སྐྱོང་གིས་མཐོང་ནས། དེས་སྨྲས་པ། ལྷ། ཡངས་པ་ཅན་གྱི་ལི་ཙ་བྱི་རྣམས་མཆི་ན། ལྷ། ཅི། འདི་དག་དང་ལྷན་ཅིག་འཐབ་མོ་བགྱིའམ། འོན་ཏེ་ཤིང་རྟ་བདའ། དེས་སྨྲས་པ། ང་ནི། དུབ་པས་ཤིང་རྟ་འདེད་ཀྱི། ཁྱོད་ཁོ་ནས་འདི་དག་དང་ལྷན་ཅིག་འཐབ་མོ་ཁྱེ་ཞིག། དེས་དེ་རྣམས་དང་ལྷན་ཅིག་འཐབ་མོ་འགྱེད་པར་བརྩམས་པ་ལས། ཡངས་པ་ཅན་རྣམས་ཀྱིས་ངོ་ཤེས་ནས། དེ་རྣམས་ཀྱིས་སྨྲས་པ། ཤེས་ལྡན་དག། མིའི་སྲིན་པོ་དེ་ཉིད་འདི་ཡིན་གྱི། སླར་ལྡོག་གོ། དེ་རྣམས་སླར་ལོག་ནས་ཡངས་པ་ཅན་དུ་འོངས་ཏེ། འདུས་ནས་ཡང་ཁྲིམས་བཅས་པ། ཤེས་ལྡན་དག། བདག་ཅག་གི་དགྲ་འདི་ལ་ཡང་གཟུགས་ཅན་སྙིང་པོའི་བུ་རྣམས་ཤ་གློན་དུ་གཞུག་གོ། ཞེས་བཅས་སོ། །ཇི་ཙམ་ན་ཟླ་བ་དགུ་འདས་པ་དང ། ་མྲ་སྐྱོང་མ་ལ་ཁྱེའུ་གཟུགས་བཟང་ལ། མཛེས་པ། བལྟ་ན་སྡུག་པ་
Ga85a
༄#། །ཞིག་བཙས་སོ། །བཙས་ནས་ཞེས་བྱ་བ་ནས། བསྲིངས་བསྐྱེད་དེ་ཆེན་པོར་གྱུར་ཏོ་ཞེས་བྱ་བའི་བར་དུའོ། །དེ་ཡངས་པ་ཅན་གྱི་ལི་ཙ་བྱིའི་ཁྱེའུ་རྣམས་དང་ལྷན་ཅིག་རྩེ་པར་བྱེད་པ་ལས། དེ་རྣམས་ཀྱིས་མི་དགའ་བའི་ཚིག་སྨྲས་པ། བྲན་མོའི་བུ་ཁྱོད། བརྒྱ་སྟོང་ཕྲག་དུ་མ་ཞིག་ལས་ནི། སྐྱེས་ན། ཕ་སུ་ཡིན། དེས་ངུས་ནས་མའི་དྲུང་དུ་སོང་བ་དང ། དེས་སྨྲས་པ། བུ། ཅིའི་ཕྱིར་དུ། དེས་ཐམས་ཅད་རྒྱས་པར་སྨྲས་པ་དང ། དེས་སྨྲས་པ། བུ། གལ་ཏེ་ཡང་དྲིས་པ་དང ། ངའི་ཕ་ལྟ་བུ་ནི། ཁྱེད་ཅག་གཅིག་ལ་ཡང་མེད་དོ། །ཞེས་སྨྲོས་ཤིག། གལ་ཏེ་སུ་ཡིན་ཞེས་སྨྲ་ན། རྒྱལ་པོ་གཟུགས་ཅན་སྙིང་པོ་ཡིན་ནོ། །ཞེས་སྨྲོས་ཤིག་།ཇི་ཙམ་ན། དེ་དེ་རྣམས་དང་ལྷན་ཅིག་ཡང་རྩེ་བར་བྱེད་པ་ལས། དེ་རྣམས་ཀྱིས་དེ་ལ་དེ་བཞིན་དུ་སྨྲས་པ་དང ། དེས་སྨྲས་པ། ངའི་ཕ་ལྟ་བུ་ནི། ཁྱེད་ཅག་གཅིག་ལ་ཡང་མེད་དོ། །སུ་ཡིན། རྒྱལ་པོ་གཟུགས་ཅན་སྙིང་པོ་ཡིན་ནོ། །དེ་རྣམས་ཀྱིས། ཤེས་ལྡན་དག། བདག་ཅག་གི་དགྲ་གང་ཡིན་པ་དེ་ནི། འདིའི་ཕ་ཡིན་ནོ། །ཞེས་ལྷག་པར་ཡང་བརྡེགས་སོ། །དེས་དུས་ནས་ཇི་ལྟར་གྱུར་པ་རྣམས་མ་ལ་སྨྲས་པ་དང ། དེས་བསམ་པ། ཡངས་པ་ཅན་གྱི་ལི་ཙ་བྱི་རྣམས་ནི། གདུག་པ་རྩལ་པོ་ཆེ་ཡིན་ཏེ། གལ་ཏེ་འདི་གསོད་པར་འགྱུར་བའི་གནས་དེ་ཡོད་དོ་སྙམ་མོ། །དེ་དེ་ལྟ་བུ་སེམས་ཤིང་འདུག་པ་དང ། ཚོང་བ་རབ་ཏུ་མང་པོ་ཟོང་ཐོགས་ནས་རྒྱལ་པོའི་ཁབ་
Ga85b
ཏུ་འདོང་བ་དེ་དག་དེས་མཐོང་ནས་སྨྲས་པ། སོར་གདུབ་ཀྱི་རྒྱ་འདིས་སྣོད་རྒྱས་ཐོབ་ལ་དེངས་ཤིག་དང ། ཤོ་གམ་མི་གཅོད་པར་འགྱུར་རོ། །ཁྱེའུ་འདི་ཡང་རྒྱལ་པོའི་ཕོ་བྲང་དུ་ཁྲིད་ལ། སོར་གདུབ་ཀྱི་རྒྱ་འདི། འདིའི་མགུལ་དུ་ཐོགས་ཏེ་རྒྱལ་པོའི་ཁབ་ཀྱི་སྒོར་ཞོག་ཅིག། དེ་རྣམས་ཀྱིས་ཀྱང་དེ་བཞིན་དུ་བྱའོ་ཞེས་ཁས་བླངས་སོ། །བུ་ལ་ཡང་མུ་ཏིག་གི་དོ་ཤལ་ཞིག་བྱིན་ནས་སྨྲས་པ། བུ། རྒྱལ་པོ་དགོས་པའི་ཆེད་དུ་འདུས་པ་དང་མུ་ཏིག་གི་དོ་ཤལ་རྐང་པའི་སྟེང་དུ་ཞོག་ལ་འཛེགས་ཏེ་པང་དུ་འདུག་ཅིག། གལ་ཏེ་འགའ་ཞིག་ཁྱེའུ་འདི་འཇིགས་མི་ཤེས་པ་ཞིག་གོ་།ཞེས་སྨྲས་པ་དང ། དེ་ལ་ཡང ། བུ་ཕས་འཇིགས་པ་འགའ་ཡོད་དམ་ཞེས་སྨྲོས་ཤིག། དེ་ཚོང་པ་རྣམས་དང་ལྷན་ཅིག་ཏུ་རིམ་གྱིས་རྒྱལ་པོའི་ཁབ་ཏུ་ཕྱིན་ནས། དེ་རྣམས་ཀྱིས་ཁྲུས་བྱས་ཏེ་སོར་གདུབ་ཀྱི་རྒྱ་བརྟགས་ནས་རྒྱལ་པོའི་ཕོ་བྲང་གི་སྒོར་བཞག་པ་དང ། དེ་རྒྱལ་པོ་གང་ན་བ་དེར་སོང་སྟེ་ཕྱིན་ནས་མུ་ཏིག་གི་དོ་ཤལ་རྐང་པ་ལ་བཞག་ནས་འཛེགས་ཏེ་པང་དུ་འདུག་གོ། རྒྱལ་པོས་སྨྲས་པ། ཤེས་ལྡན་དག། ཁྱེའུ་འདི་ནི། འཇིགས་མི་ཤེས་པ་ཞིག་གོ་།དེས་སྨྲས་པ། ཡབ། བུ་ཕས་འཇིགས་པ་འགའ་མཆིས་ལགས་སམ། དེ་ནས་རྒྱལ་པོས་འཇིགས་པ་མེད་པའི་སྒྲ་ཀུན་དུ་སྨྲས་པས། རྒྱལ་བུ་གཞོན་ནུ་འཇིགས་མེད། རྒྱལ་བུ་གཞོན་ནུ་འཇིགས་མེད་ཅེས་བྱ་བར་གྲགས་སོ།། །།འདུལ་བ་གཞི། བམ་པོ་དྲུག་ཅུ་གཅིག་པ། རྒྱལ་པོ་གཟུགས་ཅན་སྙིང་པོ་གཞན་གྱི་
Ga86a
༄#། །བུད་མེད་ལ་ལྷག་པར་ཆགས་པས། གླང་པོ་ཆེ་ལ་ཞོན་ནས་གྲོང་ཁྱེར་གྱི་སྲང་རྣམས་སུ་སོང་ནས་མིག་ཕན་ཚུན་དུ་ལྟ་ཞིང་འཁྱམ་པར་བྱེད་དོ། །དེའི་ཚེ་རྒྱལ་པོའི་ཁབ་ན། ཚོང་དཔོན་ཕྱུག་པ། ནོར་མང་བ། ལོངས་སྤྱོད་ཆེ་བ་ཞིག་ཡོད་པ་དེས། རིགས་མཉམ་པ་ལས་ཆུང་མ་བླངས་ནས་ཞེས་བྱ་བ་ནས་དགའ་མགུར་སྤྱོད་པར་བྱེད་དོ། །ཞེས་བྱ་བའི་བར་གོང་མ་བཞིན་དུའོ། །དེས་དུས་གཞན་ཞིག་ན་ཆུང་མ་ལ་སྨྲས་པ། བཟང་མོ། ཟོང་ཐོགས་ནས་ཡུལ་གཞན་དུ་འགྲོའོ། །དེས་སྨྲས་པ། རྗེའི་སྲས། དེ་བཞིན་དུ་མཛོད་ཅིག་།དེ་ཟོང་ཐོགས་ཏེ་ཡུལ་གྱི་མཐར་སོང་ངོ ། །དེ་ཡང་ཁ་ཟས་ཞིམ་པོ་དང ། གོས་ཀྱིས་ཉོན་མོངས་པས་གདུངས་པར་གྱུར་པ་ལས། རྒྱལ་པོ་གཟུགས་ཅན་སྙིང་པོ་གླང་པོ་ཆེ་ལ་ཞོན་ནས་དེའི་ཁྱིམ་དྲུང་ནས་སོང་བ་དང ། དེས་ཀྱང་སྐར་ཁུང་དུ་འདུག་ནས་རྒྱལ་པོ་ལ་མེ་ཏོག་གི་ཕྲེང་བ་བོར་རོ། །དེ་ནས་རྒྱལ་པོས་མཐོང་ནས་སྨྲས་པ། མར་ཤོག་།དེས་སྨྲས་པ། ལྷ། གཡར་ཚ་ལགས་ཀྱི། ཁྱོད་ཉིད་ནང་དུ་གཤེགས་ཤིག་།དེ་ནས་རྒྱལ་པོ་ནང་དུ་ཞུགས་ནས་དེ་དེ་དང་ལྷན་ཅིག་དགའ་མགུར་སྤྱོད་པར་བྱེད་པ་ལས། ཡང་དེའི་ཚེ་རུང་ཞིང་ཟླ་མཚན་དང་ལྡན་པས་སེམས་ཅན་ཆགས་པར་གྱུར་ནས་དེས་རྒྱལ་པོ་ལ་སྨྲས་པ། ལྷ། བདག་ནི། སེམས་ཅན་དང་ལྡན་པར་གྱུར་ཏོ། །དེ་ནས་རྒྱལ་པོས་དེ་ལ་ཡང་སོར་གདུབ་ཀྱི་རྒྱ་དང་སེང་རས་ཁྲ་བོ་བྱིན་ནས་སྨྲས་པ། གལ་ཏེ་རེ་ཞིག་
Ga86b
ཁྱེའུར་གྱུར་ན། སེང་རས་འདི་བསྐོན་ལ། སོར་གདུབ་ཀྱི་རྒྱ་ཡང་མགུལ་དུ་ཐོགས་ཏེ་ངའི་དྲུང་དུ་བཀྲི་ཞིག་།འོན་ཏེ་བུ་མོ་ཡིན་ན་ནི། ཁྱོད་ཉིད་ཀྱི་ཡིན་ནོ། ཞེས་སྨྲས་ནས་རྒྱལ་པོ་སོང་ངོ ། །ཇི་ཙམ་ན་དེད་དཔོན་དེ་དོན་རྣམས་གྲུབ་སྟེ། རྒྱལ་པོའི་ཁབ་དང་ཉེ་བ་ཞིག་ཏུ་ཕྱིན་ནས་དེས་ཆུང་མ་ལ། བཟང་མོ་དགའ་བ་སྐྱེད་ཅིག་།ཁོ་བོ་དོན་གྲུབ་ནས་བདེ་བར་འོངས་ཏེ་ཞག་འདི་ཙམ་ཁོ་ན་ན་ཕྱིན་པར་འོང་ངོ་སྤྲིང་བ་དེས་ཐོས་ནས། བདག་གིས་ནི། བྱ་བ་མ་ཡིན་པ་འདི་ལྟ་བུ་བྱས་ལ། དེ་ཡང་འོང་ན། དེ་ལ་ཇི་ལྟར་བསྒྲུབ་པར་བྱ་སྙམ་དུ་འཕོངས་པར་གྱུར་ནས། དེས་ཇི་ལྟར་གྱུར་པ་རྣམས་རྒྱལ་པོ་ལ་རིག་པར་བྱས་པ་དང ། དེ་ནས་རྒྱལ་པོས་སླར་སྤྲིང་པ། བག་མ་ཚ་བར་འདུག་ཅིག་།ཇི་ནས་ཀྱང་མྱུར་དུ་མི་འོང་པ་དེ་ལྟར་ངས་བྱའོ། །རྒྱལ་པོས་དེ་ལ་ཕོ་ཉ་བཏང་བ། དེད་དཔོན། ང་ལ་རིན་པོ་ཆེ་ཆེ་གེ་མོ་དང ། ཆེ་གེ་མོ་དག་ཅིག་དགོས་ཀྱི། དེ་མེད་པར་ཁྱོད་འདིར་མ་འོངས་ཤིག་།དེ་རིན་པོ་ཆེ་དེ་རྣམས་ཀྱི་ཕྱིར་ལམ་རིང་པོར་སོང་ངོ ། །དེ་ཡང་ཟླ་བ་དགུ་འདས་ནས་བཙས་པ་དང ། ཁྱེའུ་གཟུགས་བཟང་བ། མཛེས་པ། བལྟ་ན་སྡུག་པ་ཞིག་བཙས་སོ། །མ་བསླབ་ཀྱང་བུད་མེད་ལ་ཤེས་ཉེན་ཡོད་པས། དེས་མར་དང་སྦྲང་རྩིས་དེ་འགྲངས་པར་བསྙོད་ནས་སོར་གདུབ་ཀྱི་རྒྱ་མགུལ་དུ་བཏགས་ཏེ་སེང་རས་ཀྱིས་དཀྲིས་ནས་སྒྲོམ་བུའི་ནང་དུ་བཅུག་སྟེ། བུ་མོ་མངག་གཞུག་མ་ལ་བསྒོ་བ། སོང་ལ་སྒྲོམ་བུ་འདི་ཁྱེར་ཏེ་རྒྱལ་པོའི་ཕོ་བྲང་གི་སྒོར་ཁྱེད་ཀྱིས་དཀྱིལ་
Ga87a
༄#། །འཁོར་བྱོས་ལ་མེ་མར་བུས་ཏེ་ཕྱོགས་གཅིག་ཏུ་ཇི་སྲིད་འགའ་ཞིག་གིས་བླངས་ཀྱི་བར་དུ་སྡོད་ཅིག་།དེས་དེ་བཞིན་དུ་བྱས་པ་དང ། ཇི་ཙམ་ན་རྒྱལ་པོ་སྟེང་གི་ཁང་བཟང་གི་གཞིར་སོང་ནས་རྒྱལ་བུ་གཞོན་ནུ་འཇིགས་མེད་དང་ལྷན་ཅིག་འདུས་པ་ལས། དེས་རྒྱལ་པོའི་ཕོ་བྲང་གི་སྒོ་ན་མར་མེ་མཐོང་ངོ ། །དེ་ནས་ཞོ་ཤས་འཚོ་བ་དག་ལ་བསྒོ་བ། །ཤེས་ལྡན་དག་རྒྱལ་པོའི་ཕོ་བྲང་གི་སྒོ་ན་མར་མེ་འབར་བའོ་ནི། ཅི་ཡིན་ལྟོས་ཤིག་།དེ་དག་གིས་བལྟས་ནས་སྨྲས་པ། ལྷ། སྒྲོམ་བུ་ཞིག་མཆིས་སོ། །དེས་སྨྲས་པ། ལོངས་ཤིག་།རྒྱལ་བུ་གཞོན་ནུ་འཇིགས་མེད་ཀྱིས་སྨྲས་པ། ལྷ། སྒྲོམ་བུ་དེ་ན་ཅི་མཆིས་པ་དེ་བདག་ལ་སྩལ་པར་ཅི་གནང ། རྒྱལ་པོས། དེ་བཞིན་དུ་བྱའོ། །ཞེས་ཁས་བླངས་སོ། །ཇི་ཙམ་ན་སྒྲོམ་བུ་བླངས་ནས་རྒྱལ་པོ་ལ་ཕུལ་བ་དང ། རྒྱལ་པོས་སྨྲས་པ། ཁ་ཕྱེ་ཞིག། ཁ་ཕྱེ་བ་ལས་ཁྱེའུ་ཞིག་བྱུང་ངོ ། །རྒྱལ་པོས་སྨྲས་པ། འདི་ཅི་གསོན་ནམ། འོན་ཏེ་ཤི་བ་ཞིག་།དེ་རྣམས་ཀྱིས་སྨྲས་པ། ལྷ། གསོན་ལགས་སོ། །དེ་ནས་རྒྱལ་པོས་སོར་གདུབ་ཀྱི་རྒྱ་དང་སེང་རས་ངོ་ཤེས་ནས་རྒྱལ་བུ་གཞོན་ནུ་འཇིགས་མེད་ལ་བྱིན་པ་དང ། དེས་དེ་བསྣུན་བསྙོད་བསྐྱེད་དོ། རྒྱལ་པོས་གསོན་ནམ་ཞེས་ཚིག་ཏུ་བྱུང་བ་དང ། རྒྱལ་བུ་གཞོན་ནུ་འཇིགས་མེད་ཀྱིས་གསོས་པས་འཚོ་བྱེད་གཞོན་ནུས་གསོས་ཞེས་བྱ་བར་གྲགས་སོ། །ཇི་ཙམ་དུས་གཞན་ཞིག་ན། འཚོ་བྱེད་གཞོན་ནུས་གསོས་
Ga87b
ཆེན་པོར་གྱུར་ཏོ། །དེ་འཇིགས་མེད་དང་ལྷན་ཅིག་བྲེ་མོའི་གཏམ་ཟེར་ཞིང་འཁོད་པ། འཇིགས་མེད། གཞོན་ནུ་མ་སྐྱེས་དགྲ་ནི། མ་བཙས་པ་ཁོ་ན་ནས་རྒྱལ་པོ་ཉིད་དུ་ལུང་བསྟན་གྱི། བདག་ཅག་ནི། བཟོ་ཅུང་ཟད་བསླབ་སྟེ། དེས་ན་བདག་ཅག་གི་ཕྱི་དུས་ཀྱི་འཚོ་བར་འགྱུར་རོ། །དེ་གཉིས་ཀྱིས་དེ་ལྟར་གྲོས་བྱས་པ་ལས། ཤིང་རྟ་མཁན་གོས་དཀར་པོ་གྱོན་པ། མི་གོས་དཀར་པོ་གྱོན་པ་རྣམས་ཀྱིས་ཡོངས་སུ་བསྐོར་ནས་རྒྱལ་པོའི་ཕོ་བྲང་དུ་ཞུགས་པ་དང ། དེ་རྒྱལ་བུ་གཞོན་ནུ་འཇིགས་མེད་ཀྱིས་མཐོང་བས། དེས་རྒྱལ་པོའི་མི་གཞན་དག་ལ་དྲིས་པ། འདི་སུ་ཞིག་ཡིན། དེ་རྣམས་ཀྱིས་སྨྲས་པ།་ཤིང་རྟ་མཁན་ལགས་སོ། །འདི་ཅི་འཐོབ། འཚོ་བའོ། །དེས་བསམ་པ། བདག་གིས་ཀྱང་ལྷ་ལ་བརྟགས་ནས་ཤིང་རྟ་མཁན་བསླབ་བོ། །སྙམ་ནས་དེ་རྒྱལ་པོའི་དྲུང་དུ་སོང་ནས་སྨྲས་པ། ལྷ། བདག་ཀྱང་ཤིང་རྟ་མཁན་བསླབ་བོ། །རྒྱལ་པོས་སྨྲས་པ། བུ། ཁྱོད་ཅི་འདིས་འཚོ་བར་འགྱུར་རམ། ཡབ། རྒྱལ་པོའི་བུས་ནི། བཟོ་ཐམས་ཅད་ལ་བསླབ་པར་བགྱི་བ་ལགས་སོ། །བུ། གལ་ཏེ་དེ་ལྟ་ན་ཁྱོད་ཤིང་རྟ་མཁན་སློབས་ཤིག་།དེས་བསླབ་པར་བརྩམས་སོ། །འཚོ་བྱེད་ཀྱིས་ཀྱང་སྨན་བ་གོས་དཀར་པོ་གྱོན་པ། མི་གོས་དཀར་པོ་གྱོན་པ་རྣམས་ཀྱིས་ཡོངས་སུ་བསྐོར་ནས་རྒྱལ་པོའི་ཕོ་བྲང་དུ་ཞུགས་པར་མཐོང་ནས་དེས་གཞན་དག་ལ་དྲིས་པ། འདི་སུ་ཞིག་ཡིན། དེ་དག་གིས་སྨྲས་པ། སྨན་པ་ལགས་སོ། །དེ་ཅི་ཞིག་བྱེད། དཔྱད་བགྱིད་དོ། །ཅི་འཐོབ། གལ་
Ga88a
༄#། །ཏེ་ནད་པ་ཞིག་སོས་ན། རྔན་པ་འཐོབ་བོ། །འོན་ཏེ་གུམ་ན། མི་ཚོལ་མི་འདྲིའོ། །དེས་བསམ་པ། སྨན་དཔྱད་བསླབ་བོ། །སྙམ་ནས། དེ་བའི་གན་དུ་སོང་ནས་སྨྲས་པ། ལྷ། གནང་བར་མཛོད་ཅིག་།སྨན་དཔྱད་བསླབ་ལགས་སོ། །བུ། ཁྱོད་རྒྱལ་པོའི་སྲས་ཡིན་ནོ། །ཁྱོད་ལ་སྨན་དཔྱད་ཀྱིས་ཅི་བྱ། ལྷ། རྒྱལ་པོའི་བུས་ནི། བཟོ་ཐམས་ཅད་ལ་བསླབ་པར་བགྱི་བ་ལགས་སོ། །བུ། གལ་ཏེ་དེ་ལྟ་ན་སློབས་ཤིག་།དེས་སྨན་དཔྱད་བསླབ་པར་བརྩམས་པ་དང ། དེས་སྨན་དཔྱད་ནི། ལོབས་ན། དེས་ཀླད་པའི་ཐོད་པ་དབྱེ་བའི་དཔྱད་མ་ཤེས་ནས། དེས་རྡོ་འཇོག་ན་སྨན་པའི་རྒྱལ་པོ་རྒྱུན་ཤེས་ཀྱི་བུ་ཞེས་བྱ་བ་ཡོད་དེ། །དེས་ཀླད་པའི་ཐོད་པ་འབྱེད་པའི་དཔྱད་ཤེས་སོ། །ཞེས་ཐོས་ནས། དེ་རྒྱལ་པོའི་དྲུང་དུ་སོང་སྟེ་སྨྲས་པ། ལྷ། རྡོ་འཇོག་ཏུ་མཆིའོ། ཅི་ཞིག་གི་ཕྱིར། དེ་ན་སྨན་པའི་རྒྱལ་པོ་རྒྱུན་ཤེས་ཀྱི་བུ་ཞེས་བགྱི་བ་མཆིས་ཏེ། དེ་ཀླད་པའི་ཐོད་པ་འབྱེད་པའི་དཔྱད་འཚལ་བས་དེ་སློབ་ཏུ་མཆིའོ། །བུ། ཁྱོད་འདིས་འཚོའམ། ལྷ། ཡང་ན་ནི་སྨན་དཔྱད་མི་བསླབ། ཡང་ན་ནི་ལེགས་པར་བསླབ་པར་བགྱིའོ། །བུ། གལ་ཏེ་དེ་ལྟ་ན་སོངས་ཤིག་།དེས་རྒྱལ་པོ་པདྨའི་སྙིང་པོ་ལ་སྤྲིང་པ། བདག་གི་བུ་འདི་སྨན་དཔྱད་སློབ་ཏུ་རྒྱུན་ཤེས་ཀྱི་བུའི་དྲུང་དུ་འོང་གི་།འདིའི་དགོས་པ་ཐམས་ཅད་ཁྱོད་ཀྱིས་སྦྱོར་ཅིག་།དེ་རིམ་གྱིས་རྡོ་འཇོག་ཏུ་ཕྱིན་པ་དང ། པདྨའི་སྙིང་པོས་ཀྱང་སྤྲིང་ཡིག་བཀླགས་ཏེ་རྒྱུན་ཤེས་ཀྱི་བུ་ལ་གཏད་ནས་རྒྱལ་
Ga88b
པོའི་བུ་འདི། ཁྱོད་ཀྱི་དྲུང་དུ་ཆེད་དུ་འོངས་ཀྱི། འདི་ལ་སྨན་དཔྱད་སློབས་ཤིག་།རྒྱུན་ཤེས་ཀྱི་བུས་དེ་ལ་སྟོན་པར་བྱེད་པ་ན། དེས་ཉུང་ཟད་བསྟན་པ་དང ། འཚོ་བྱེད་ཀྱིས་ཁྱད་པར་དང་བཅས་པར་ལོབས་སོ། །རྒྱུན་ཤེས་ཀྱི་བུའི་ཀུན་ཏུ་སྤྱོད་པ་ནི། གང་གི་ཚེ་ནད་པ་ལ་བལྟར་འགྲོ་བ་དེའི་ཚེ། བྲམ་ཟེའི་ཁྱེའུ་ཞིག་ཁྲིད་དེ་འགྲོ་བ་ཡིན་པས། དེ་དུས་གཞན་ཞིག་ན་འཚོ་བྱེད་ཁྲིད་དེ་སོང་ནས། དེས་ནད་པའི་སྨན་བསྟན་པ། འདི་དང་འདི་དག་བྱིན་ཅིག་ཅེས་སྨྲས་ནས་བྱུང་ངོ ། །འཚོ་བྱེད་ཀྱིས་བསམ་པ། འདི་ནི། མཁན་པོས་ཉེས་ཏེ། གལ་ཏེ་འདིས་སྨན་འདི་ཟོས་ན། འདི་དེང་ཉིད་འཆི་བར་འགྱུར་ཏེ། མཁན་པོས་བསྟན་པ་ནི། ལེགས་པ་མ་ཡིན་གྱི། ཐབས་ཤིག་བྱའོ། །སྙམ་ནས། དེ་རྒྱུན་ཤེས་ཀྱི་བུ་དང་ལྷན་ཅིག་ཏུ་བྱུང་ནས་སླར་ནང་དུ་ཞུགས་ཏེ་སྨྲས་པ། མཁན་པོ་འདི་སྐད་ཅེས་གསུང་ངོ ། །ཁོ་བོས་སྨན་བསྟན་པ་གང་ཡིན་པ་དེ་མ་བྱིན་པར་འདི་དང་འདི་དག་བྱིན་ཅིག་ཟེར་རོ། །དེས་དེ་བཞིན་དུ་བྱས་པས་སོས་པར་གྱུར་ཏོ། །ཇི་ཙམ་ཉི་མ་གཞན་ཞིག་ལ་རྒྱུན་ཤེས་ཀྱི་བུ་ཡང་དེའི་དྲུང་དུ་སོང་ནས་དྲིས་པ། ན་བ་ཇི་ལྟར། སོས་པར་གྱུར་ཏོ། །སང་ཡང་དེ་ཉིད་བྱིན་ཅིག་།ཅི། སྔ་མ་ལགས་སམ། འོན་ཏེ་སླད་ཀྱིས་བསྟན་པ་ལགས། ཅི། བདག་གིས་སྔར་བསྟན་ཏམ། འོན་ཏེ་ཕྱིས་བསྟན། དེ་དག་གིས་སྨྲས་པ། འདི་དག་ནི། ཁྱོད་ཀྱིས་མངོན་སུམ་དུ་བསྟན་ཏོ། །འདི་ནི། འཚོ་བྱེད་ལ་འཕྲིན་དུ་སྤྲིང་པ་ཡིན་ནོ། །དེས་བསམ་པ། བདག་གིས་ཉེས་
Ga89a
༄#། །ཀྱི། འཚོ་བྱེད་ནི། ཤེས་རབ་ཅན་ཡིན་ནོ། །སྙམ་བསམ་ནས་སྨྲས་པ། འཚོ་བྱེད་ཀྱིས་བསྟན་པ་གང་ཡིན་པ་དེ་བྱིན་ཅིག་།རྒྱུན་ཤེས་ཀྱི་བུ་འཚོ་བྱེད་ལ་དགའ་བ་སྐྱེས་པས། དེ་གང་དུ་འགྲོ་བ་དེར་འཚོ་བྱེད་ཁྲིད་དོ། །བྲམ་ཟེའི་ཁྱེའུ་གཞན་རྣམས་ཀྱིས་སྨྲས་པ། མཁན་པོ། ཁྱོད་རྒྱལ་པོའི་བུའོ་སྙམ་ནས་འདི་ལ་ནི། སྤྲོ་བས་སྟོན་པར་མཛད་ཀྱི། བདག་ཅག་ལ་ནི། མི་མཛད་དོ། །དེས་སྨྲས་པ། འཚོ་བྱེད་ནི། ཤེས་རབ་ཅན་ཡིན་པས་ངས་བསྟན་པ་གང་ཡིན་པ་དེ་རང་གིས་རྣམ་པར་འབྱེད་ནུས་ཀྱི། ཁྱོད་ཀྱིས་ནི། དེ་ལྟ་མ་ཡིན་ནོ། །དེ་རྣམས་ཀྱིས་སྨྲས་པ། མཁན་པོས་ཇི་ལྟར་མཁྱེན། གལ་ཏེ་དེ་ལྟ་ན། ངས་ཁྱེད་ཅག་གི་མངོན་སུམ་དུ་བྱའོ། །བླ་མ་ཟེའི་ཁྱེའུ་དེ་རྣམས་ལ། ཁྱོད་ཀྱིས་ནི། རྫས་ཆེ་གེ་མོ་ཞིག་གི་རིན་དྲིས་ཤིག ། ཁྱོད་ཀྱིས་ཀྱང་ཆེ་གེ་མོ་ཞིག་གིའོ། །ཞེས་ཐམས་ཅད་ཚོང་དུས་སུ་བཏང་ངོ ། །འཚོ་བྱེད་ཀྱང་ཁྱོད་ཀྱིས་ཀྱང་ཆེ་གེ་མོ་ཞིག་གིའོ་ཞེས་བསྒོའོ། །བྲམ་ཟེའི་ཁྱེའུ་དེ་དག་གིས་ཇི་སྐད་བསྟན་པ་ཁོ་ན་བཞིན་བྱས་སོ། །འཚོ་བྱེད་ཀྱིས་ཀྱང་ཇི་སྐད་བསྟན་པ་བཞིན་བྱས་ནས་བསམ་པ། གལ་ཏེ་མཁན་པོ་རྫས་གཞན་གྱི་རིན་འདྲི་བར་བྱེད་ན། བདག་གིས་ཇི་སྐད་བརྗོད་པར་བྱའི། ཐམས་ཅད་དུ་རྫས་ཐམས་ཅད་ཀྱི་རིན་འདྲིའོ་སྙམ་ནས། དེ་དག་ཐམས་ཅད་མཁན་པོའི་དྲུང་དུ་སོང་ནས་ཇི་སྐད་བསྟན་པ་བཞིན་སྨྲས་སོ། །རྒྱུན་ཤེས་ཀྱི་བུས། མ་བསྟན་པའི་རྫས་ཀྱི་རིན་དྲི་
Ga89b
བར་བརྩམས་ཏེ་བྲམ་ཟེའི་ཁྱེའུ། རྫས་ཆེ་གེ་མོ་ཞིག་གི་རིན་ཇི་ཙམ། དེས་སྨྲས་པ། མ་འཚལ་ཏོ། །གཞན་དག་ལ་དྲིས་པ་དང ། སྨྲས་པ། མ་འཚལ་ལགས་སོ། །འཚོ་བྱེད་ལ་དྲིས་པ་དང ། དེས་རྫས་ཐམས་ཅད་ཀྱི་རིན་སྨྲས་སོ། །རྒྱུན་ཤེས་ཀྱི་བུས་སྨྲས་པ། བྲམ་ཟེའི་ཁྱེའུ་དག་།ཁྱེད་ཀྱིས་ཐོས་སམ། ཐོས་ལགས་སོ། །ངས། འཚོ་བྱེད་ནི། ཤེས་རབ་ཅན་ཡིན་ཏེ། ཅུང་ཟད་བསྟན་ན་ཡང་དེ་ལ་རང་གིས་རྣམ་པར་འབྱེད་ནུས་སོ། །ཞེས་སྨྲས་པ་ནི། དོན་དེ་ཡིན་ནོ། །གཞན་ཡང་མངོན་སུམ་དུ་བྱའོ། །ཞེས་དེས་དེ་རྣམས་ལ་སྨྲས་པ། ཐང་ཤིང་ཅན་གྱི་རི་ལ་དེངས་ལ་སྨན་མ་ཡིན་པ་དག་ཁྱེར་དེ་ཤོག་ཅིག་།དེ་དག་དོང་ནས་དེ་དག་ལས་གང་ཞིག་གིས་གང་སྨན་མ་ཡིན་པར་ཤེས་པ་དེ། དེ་དག་གིས་བླངས་སོ། །འཚོ་བྱེད་ཀྱིས་བསམ་པ། སྨན་མ་ཡིན་པ་ནི། ཅུང་ཟད་ཀྱང་མེད་དོ་སྙམ་ནས་དེས་འདམ་བུ་མདའ་རྒྱུའི་རྩ་བ་དང ། རྡོ་བའི་དུམ་བུ་ཞིག་བླངས་སོ། །ཇི་ཙམ་ན་འཚོ་བྱེད་ཀྱིས། ལམ་གྱི་ཕྱེད་ན་ཕྱུགས་རྫི་མོ་ཞིག་།ཞོའི་བུམ་པ་དང་ཕྲུམ་ཚུད་ཁྱེར་ནས་རྒྱུན་ཤེས་ཀྱི་བུའི་དྲུང་དུ་སོང་བ་ལས། དེ་ཤིན་ཏུ་མིག་ན་བ་དེས་མཐོང་ནས་དེས་དྲིས་པ། གང་དུ་འགྲོ། དེས་སྨྲས་པ་དང ། དེས་དེ་ལ་གནས་དེ་ཉིད་ཀྱི་དྲུང་ན་ཡོད་པའི་སྨན་ཞིག་བསྟན་པ་ལས། དེས་བྱས་པ་དང་མོད་ལ་སོས་པར་གྱུར་ཏོ། །དེ་དགའ་བ་སྐྱེས་ནས་སྨྲས་པ། ཞོའི་བུམ་པ་དང་ཕྲུམ་ཚུད་འདི་ཁྱེད་སྣོམས་ཤིག་།དེས་ཕྲུམ་ཚུད་བླངས་ཏེ་ཞོའི་བུམ་པ་ནི། དེ་ཉིད་ལ་
Ga90a
༄#། །བྱིན་ནས་དེ་ཕྲུམ་ཚུད་ཁྱེར་ཏེ་སོང་བ་ལས། ཇི་ཙམ་ན། བྲམ་ཟེའི་ཁྱེའུ་རྣམས་ཀྱིས། ལམ་གྱི་དབུས་ན་གླང་པོ་ཆེའི་རྗེས་ཤིག་མཐོང་ནས་དེ་རྣམས་ཀྱིས་དེ་ལ་བརྟག་པར་བརྩམས་པ་དང ། འཚོ་བྱེད་ཀྱང་འོངས་ནས་དེས་སྨྲས་པ། འདི་ཅི་ཡིན། གླང་པོ་ཆེའི་རྗེས་སོ། །འདི་ནི། གླང་པོ་ཆེའི་རྗེས་མ་ཡིན་གྱི། འདི་ནི། བ་ལང་མོའི་རྗེས་ཡིན་ཏེ། དེ་ཡང་མིག་གཡས་པ་ཞར་བ། དེ་རིང་ཁོ་ནར་གླང་པོའི་ཕྲུ་གུ་འབྱུང་བར་འགྱུར་བ་ཞིག་ཡིན་ལ། དེ་ལ་ཞོན་པ་ནི། བུད་མེད་ཡིན་ལ། དེ་ཡང་མིག་གཡས་པ་ཞར་བ། སྦྲུམ་པ། དེ་རིང་ཉིད་དུ་བུ་ཕོ་བཅའི་བར་འགྱུར་བ་ཞིག་ཡིན་ནོ། །ཇི་ཙམ་ན། རྒྱུན་ཤེས་ཀྱི་བུའི་དྲུང་དུ་འོངས་ནས་གང་གིས་གང་ཁྱེར་ཏེ་འོངས་པ་དེས་དེ་བསྟན་ཏོ། །རྒྱུན་ཤེས་ཀྱི་བུས་སྨྲས་པ། བྲམ་ཟེའི་ཁྱེའུ་དག་།འདི་ཐམས་ཅད་ནི། སྨན་ཡིན་ཏེ། རེ་ཞིག་འདི་ནི། ཆེ་གེ་མོ་ཞིག་གི་ནད་ཆེ་གེ་མོ་ཞིག་ཡིན་ལ། དེ་བཞིན་དུ་གཞན་དང་གཞན་དག་ཀྱང་ཡིན་ནོ། །འཚོ་བྱེད་ལ་དྲིས་པ། ཁྱོད་ཀྱིས་ཅི་ཁྱེར་ཏེ་འོངས། དེས་སྨྲས་པ། མཁན་པོ། དེ་ཐམས་ཅད་སྨན་ལགས་ཏེ། སྨན་མ་ལགས་པ་ནི། ཅི་ཡང་མ་མཆིས་སོ། །འོན་ཀྱང་བདག་གིས་འདམ་བུ་མདའ་རྒྱུའི་རྩ་བ་དང ། རྡོའི་དུམ་བུ་དང ། ཕྲུམ་ཚུད་ཅིག་འཚལ་ཏེ་མཆིས་སོ། །འདི་དག་ཅི་དགོས། སྡིག་པས་ཟིན་པ་ལ་འདམ་བུ་མདའ་རྒྱུའི་རྩ་བའི་དུད་པས་བདུག་གོ། ཕྲུམ་ཚུད་ཀྱིས་ནི། གླན་པར་བགྱིའོ། །རྡོའི་དུམ་བུས་ནི། སྟོན་
Ga90b
ཀའི་དུས་ན་ཞོའི་བུམ་པ་འཆགས་པར་འགྱུར་རོ། །རྒྱུན་ཤེས་ཀྱི་བུ་འཛུམ་ཕྱུང་བ་དང ། བྲམ་ཟེའི་ཁྱེའུ་རྣམས་ཀྱིས་བསམ་པ། མཁན་པོ་ནི། འདི་ལ་ཁྲོས་སོ། །སྙམ་ནས་དེ་རྣམས་ཀྱིས་སྨྲས་པ། མཁན་པོ། ཅི། འདི་གཅིག་པུར་བས་སྙམ་མམ། བདག་ཅག་མཆི་བ་ན་ལམ་གྱི་དབུས་སུ་གླང་པོ་ཆེའི་རྗེས་ཤིག་མཐོང་བ་ན་འདིའི་མཆིད་ནས། འདི་ནི། བ་ལང་མོའི་རྗེས་ཡིན་ཏེ། དེ་ཡང་མིག་གཡས་པ་ཞར་བ། སྦྲུམ་པ། དེ་རིང་ཁོ་ནར་གླང་པོའི་ཕྲུ་གུ་འབྱུང་བར་འགྱུར་བ་ཞིག་ཡིན་ལ། དེ་ལ་ཞོན་པ་ནི། བུད་མེད་ཡིན་ལ། དེ་ཡང་མིག་གཡས་པ་ཞར་བ། སྦྲུམ་པ། དེ་རིང་ཉིད་དུ་བུ་ཕོ་བཙའ་བར་འགྱུར་རོ། །ཞེས་མཆིའོ། །རྒྱུན་ཤེས་ཀྱི་བུས་དྲིས་པ། འཚོ་བྱེད། བདེན་ནམ། མཁན་པོ། མེད་དོ། །དེ་གླང་པོ་ཆེའི་རྗེས་སམ། བ་ལང་མོའི་རྗེས་ཡིན་པ་ཇི་ལྟར་ཤེས། དེས་སྨྲས་པ།་མཁན་པོ། བདག་ནི། རྒྱལ་པོའི་རིགས་ལས་ཆེན་པོར་གྱུར་པ་ལགས་ན། ཇི་སྟེ་མི་འཚལ། གླང་པོ་ཆེའི་རྗེས་ནི། ཟླུམ་པོ། བ་ལང་མོའི་རྗེས་ནི། ཆུ་རིང་ངོ ། །མིག་གཡས་པ་ཞར་བར་ཇི་ལྟར་ཤེས། གཡོན་ཕྱོགས་སུ་རན་འཚལ་ཞིང་མཆིས་པ་ལགས་སོ། །སྦྲུམ་པར་ཇི་ལྟར་ཤེས། རྐང་པ་གཉིས་གནོན་ཅིང་མཆི་བ་ལགས་སོ། །དེང་ཁོ་ནར་འབྲང་བར་འགྱུར་བ་ཇི་ལྟར་ཤེས། གཅིན་བེའུ་སྣབས་དང་བཅས་པར་འབྱུང་བས་སོ། །གླང་པོ་ཆེའི་ཕྲུ་གུ་ཕོར་འབྲང་བར་འགྱུར་བ་ཇི་ལྟར་ཤེས། རྐང་པ་གཡས་པ་ལྷག་པར་གནོན་ཅིང་མཆིས་པས་སོ། །དེ་
Ga91a
༄#། །ལ་བུད་མེད་ཞོན་པར་ཇི་ལྟར་ཤེས། བབས་ནས་རྐང་བའི་བར་དུ་གཅིས་པ་ལས་སོ། །དེ་ཡང་མིག་གཡས་པ་ཞར་བར་ཇི་ལྟར་ཤེས། གཡོན་ཕྱོགས་སུ་མེ་ཏོག་འཐུ་ཞིང་མཆིས་པས་སོ། །དེ་ཡང་སྦྲུམ་པར་ཇི་ལྟར་ཤེས། དེའི་རྐང་པའི་རྟིང་པ་ཕལ་ཆེར་གནོན་ཅིང་མཆིས་པས་སོ། །དེང་ཁོ་ནར་བཙའ་བར་འགྱུར་བར་ཇི་ལྟར་ཤེས། གཅིན་ལྗན་ལྗིན་དང་བཅས་ཏེ་འབྱུང་བ་ལས་སོ། །དེ་ལྟ་ལགས་ཀྱིས་ཀྱང་གལ་ཏེ་མཁན་པོ་ཐུགས་མི་ཆེས་ན། མགྲོན་པོ་གནས་པའི་ཕྱོགས་དེར་བྲམ་ཟེའི་ཁྱེའུ་འགའ་ཞིག་མངག་ཏུ་གསོལ། དེས་བྲམ་ཟེའི་ཁྱེའུ་ཞིག་བཏང་བ་དང ། འཚོ་བྱེད་ཀྱིས་ཇི་སྐད་སྨྲས་པ་དེ་ཐམས་ཅད་དེ་བཞིན་དུ་གྱུར་ཏོ། །རྒྱུན་ཤེས་ཀྱི་བུས་བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་།ཁྱོད་ཀྱིས་ཐོས་སམ། འཚོ་བྱེད་ནི། དེ་འདྲ་བར་ཤེས་རབ་ཅན་ཡིན་ནོ། །འཚོ་བྱེད་ཀྱིས་ཀླད་པའི་ཐོད་པ་འབྱེད་པའི་དཔྱད་མ་གཏོགས་པ་ཐམས་ཅད་བསླབ་བོ། །ཇི་ཙམ་ན་མི་ཞིག་ཀླད་ནད་ཀྱིས་ཐེབས་ནས་རྒྱུན་ཤེས་ཀྱི་བུའི་དྲུང་དུ་སོང་སྟེ་སྨྲས་པ། རྒྱུན་ཤེས་ཀྱི་བུས་བདག་ལ་དཔྱད་མཛོད་ཅིག་།དེས་སྨྲས་པ། ཀྱེ་ནང་རྗེ། རེ་ཞིག་དེ་རིང་དོང་བརྐོས་ལ་ལྕི་བ་དག་སྟ་གྱོན་གྱིས་ཤིག་དང ། སང་བདག་གིས་ཁྱོད་ཀྱི་དཔྱད་བྱའོ། །འཚོ་བྱེད་ཀྱིས་ཐོས་ནས་དེ་དེའི་ཕྱི་བཞིན་སོང་སྟེ། ཀྱེ་ནང་རྗེ། བདག་གིས་ཅུང་ཟད་བསླབ་པ་གང་ཡིན་པ་དེ་ཐམས་ཅད་ནི། སེམས་ཅན་ལ་ཕན་པའི་ཕྱིར་ཡིན་
Ga91b
ན།་བདག་གིས་ཀླད་པའི་ཐོད་པ་དབྱེ་བ་མ་བསླབ་ཀྱི། ཁྱོད་ཀྱིས་བདག་དབེན་པ་ཞིག་ཏུ་ཞོག་ཅིག་དང ། ཁྱོད་ཀྱིས་ལས་ཇི་ལྟར་བྱེད་པ་བལྟའོ། །དེས་སྨྲས་པ། དེ་བཞིན་དུ་བགྱིའོ། །དེས་དེ་ཕྱོགས་དབེན་པ་ཞིག་ཏུ་བཞག་གོ་།དེ་ནས་རྒྱུན་ཤེས་ཀྱི་བུ་འོངས་ནས་མི་དེ་དོང་དུ་བཅུག་སྟེ་ཐོད་པ་དབྱེ་བའི་དཔྱད་ཀྱིས་ཐོད་པ་ཕྱེ་ནས་དེས་སྐམ་པས་སྲོག་ཆགས་དེ་བླང་བར་བརྩམས་པ་དང ། འཚོ་བྱེད་ཀྱིས་སྨྲས་པ། མཁན་པོ། གཟུ་ལུམ་དུ་མ་ལེན་ཅིག་།རིགས་ཀྱི་བུ་འདི་དེང་ཉིད་དུ་འགུམ་པར་འགྱུར་རོ། །དེས་སྨྲས་པ། འཚོ་བྱེད་འོངས་སམ། སྨྲས་པ། མཁན་པོ། བདག་མཆིས་སོ། །ཁོ་བོས་སྲོག་ཆགས་འདི་ཇི་ལྟར་བླང་བར་བྱ། མཁན་པོ་སྐམ་པ་ཚ་བར་མཛད་དེ། རྒྱབ་ཏུ་རེག་ནས་རྐང་ལག་འཁུམས་པར་གྱུར་པ་དང ། དེ་ནས་འོར་ཅིག ། དེས་དེ་བཞིན་དུ་བྱས་ནས་སོས་པར་གྱུར་ཏོ། །རྒྱུན་ཤེས་ཀྱི་བུས་སྨྲས་པ། འཚོ་བྱེད། ཁོ་བོ་ཤིན་ཏུ་མགུ་བར་གྱུར་གྱི། ཁྱོད་ཁྲུས་བྱོས་ལ་ཤོག་ཅིག་དང ། ཀླད་པའི་ཐོད་པ་དབྱེ་བའི་དཔྱད་སྦྱིན་ནོ། །དེས་ཁྲུས་བྱས་ནས་འོངས་པ་དང ། དེས་དེ་ལ་ཀླད་པའི་ཐོད་པ་འབྱེད་པའི་དཔྱད་བྱིན་ནས་སྨྲས་པ། འཚོ་བྱེད། བདག་ཅག་ནི། འདིས་འཚོ་བ་ཡིན་གྱི། ཡུལ་འདིར་ཁྱོད་ཀྱིས་མ་བྱ་ཞིག་།མཁན་པོ། དེ་བཞིན་དུ་བགྱིའོ། །ཞེས་འཚོ་བྱེད་ཀྱིས་རྒྱུན་ཤེས་ཀྱི་བུ་ལ་ཕྱག་བྱས་ནས་རྒྱལ་པོ་པདྨའི་སྙིང་པོའི་དྲུང་དུ་སོང་ནས་ཕྱག་བྱས་ནས་བདག་གིས་སྨན་དཔྱད་བསླབ་
Ga92a
༄#། །ལགས་ཀྱི། མཆིའོ། །དེའི་ཚེ་རྒྱལ་པོ་པདྨའི་སྙིང་པོ་དང་མི་མཐུན་པ་མཐའ་འཁོབ་སྐྱ་སེང་ཞེས་བྱ་བ་དག་ཅིག་ཡོད་དེ། དེས་སྨྲས་པ། འཚོ་བྱེད་བདག་དང་མི་མཐུན་པ་མཐའ་འཁོབ་པ་སྐྱ་སེང་ཞེས་བྱ་བ་དག་ཅིག་ཡོད་ཀྱི། འདི་ལྟར་ཁྱོད་ནི། ཤེས་རབ་ཅན་ནུས་པ་ཡིན་པས། རེ་ཞིག་དེ་ཕོབས་ལ་ཕྱིས་སོངས་ཤིག་དང ། དེ་ལྟ་ན། བདག་ཅག་གིས་འཇིག་རྟེན་གྱི་ཚུལ་བྱས་པར་འགྱུར་རོ། །དེས་དེ་ལ་ཁས་བླངས་པ་དང ། དེ་ནས་དེས་དཔུང་གི་ཚོགས་ཡན་ལག་བཞི་པ་བསྡུས་ཏེ་བཏང་བ་ལས། དེ་མཐའ་འཁོབ་པ་སྐྱ་སེང་དེ་རྣམས་ཕབས་ནས། གཏེའུ་བཟུང ། དཔྱ་བླངས་ཏེ། སླར་བདེ་བར་འོངས་ནས་ཁྱེར་ཏེ་འོངས་པ་དེ་བཞིན་དུ་རྒྱལ་པོ་ལ་ཕུལ་བ་དང ། དེ་ཤིན་ཏུ་དགའ་ནས། དེ་ཉིད་ལ་རྗེས་སུ་ཡི་རང་སྟེ་དེས་ཀྱང་རྒྱུན་ཤེས་ཀྱི་བུ་ལ་བྱིན་ནོ། །དེ་ནས་འཚོ་བྱེད་རིམ་གྱིས་གྲོང་ཁྱེར་བཟང་བྱེད་དུ་ཕྱིན་ནས་དེ་ཉིད་དུ་དབྱར་གནས་ཏེ། དེ་ནས་དེས་འབྱུང་པོ་ཐམས་ཅད་ཀྱི་སྐད་ཅེས་བྱ་བའི་བསྟན་བཅོས་བསླབས་ནས་གྲོང་ཁྱེར་བཟང་བྱེད་ནས་ཆས་པ་དང ། མི་ཞིག་ཤིང་ཁུར་ཁྱེར་ནས་གྲོང་ཁྱེར་དུ་འཇུག་པ། རུས་པ་དང་པགས་པའི་ལྷག་མ་ལུས་པ། ལུས་ཀུན་ནས་འཛག་པ་འཚོ་བྱེད་ཀྱིས་མཐོང་ནས། དེ་ལ་སྨྲས་པ།་ཀྱེ་ནང་རྗེ། ཅི་ཞིག་གིས་གནས་སྐབས་འདི་ལྟ་བུར་གྱུར། དེས་སྨྲས་པ། བདག་གིས་ཀྱང་མི་ཤེས་ན། འོན་ཀྱང་བདག་གིས་ཤིང་ཁུར་འདི་ཁྱེར་ནས་བདག་ཀྱང་འདི་འདྲ་བའི་གནས་
Ga92b
སྐབས་སུ་གྱུར་ཏོ། །དེ་ཤིང་བརྟག་པ་ལ་བྱང་བ་ཡིན་པས་སྨྲས་པ། ཀྱེ་ནང་རྗེ། ཅི། ཤིང་ཁུར་འདི་འཚོང་ངམ། འཚོང་ངོ ། །རིན་ཇི་ཙམ། ཀཪྴ་པ་ཎ་ལྔ་བརྒྱའོ། །དེས་དེ་ཉོས་ནས་དེ་ནས་བལྟས་ནས། འབྱུང་པོ་ཐམས་ཅད་དང་བར་བྱེད་པ་ཞེས་བྱ་བའི་ནོར་བུ་མཐོང་ནས། དེའི་མཐུ་ནི། འདི་འདྲ་སྟེ། གང་གི་ཚེ་ནད་པའི་མདུན་དུ་བཞག་པ་དེའི་ཚེ། མར་མེ་ཁྱིམ་ན་ཡོད་པའི་རྫས་བཞིན་དུ་ནད་ཇི་ལྟ་བ་བཞིན་དུ་སྣང་ངོ ། །དེ་རིམ་གྱིས་ཡུལ་ཨུ་དུམ་ཝ་རར་ཕྱིན་པ་དང ། དེ་ན་མི་བྲེས་འཇལ་བ་ཞིག་ཡོད་པ་དེས་བྲེ་བོས་གཞལ་ནས་བྲེ་མགོ་ལ་སྣུན་པ་འཚོ་བྱེད་ཀྱིས་མཐོང་ནས་སྨྲས་པ། ཀྱེ་ནང་རྗེ། ཅིའི་ཕྱིར་དེ་ལྟར་བྱེད། བདག་གི་ཀླད་པ་ལྷག་པར་གཡའོ། །ཚུར་ཤོག་།བལྟའོ། །ཞེས་དེས་དེ་བསྙལ་ནས་ཀླད་པ་བལྟས་ཏེ། དེ་ནས་འཚོ་བྱེད་ཀྱིས་འབྱུང་པོ་ཐམས་ཅད་དང་བར་བྱེད་པའི་ནོར་བུ་དེའི་ཀླད་པའི་སྟེང་དུ་བཞག་པ་དང ། ཇི་ཙམ་ན་སྲིན་གྱི་མེད་ཅིག་སྣང་ངོ ། །དེ་ནས་དེས་སྨྲས་པ། ཀྱེ་ནང་རྗེ། ཁྱོད་ཀྱི་ཀླད་པ་ལ་སྲིན་གྱི་མེད་ཡོད་དོ། །དེས་རྐང་པ་གཉིས་ལ་གཏུགས་ཏེ་སྨྲས་པ། བདག་ལ་དཔྱད་མཛོད་ཅིག་།དེས་ཁས་བླངས་སོ། །འཚོ་བྱེད་ཀྱིས་བསམ་པ། མཁན་པོས་ཇི་སྐད་བསྟན་པ་བཞིན་འདིའི་དཔྱད་བྱའོ་སྙམ་ནས། དེས་དེ་ལ་སྨྲས་པ། ཀྱེ་ནང་རྗེ། རེ་ཞིག་།དེ་རིང་དོང་བརྐོས་ལ་ལྕི་བ་དག་སྟ་གོན་བྱོས་ཤིག་དང ། སང་དཔྱད་བྱའོ། །དེས་རྐང་པ་གཉིས་ལ་གཏུགས་ནས་སོང་ངོ ། །འཚོ་བྱེད་ཀྱིས་དེའི་ཕྱི་དེ་ཉིན་འོངས་ནས་དེ་དོང་དུ་བཅུག་སྟེ་ཀླད་པའི་ཐོད་པ་དབྱེ་
Ga93a
༄#། །བའི་དཔྱད་ཀྱིས། ཀླད་པའི་ཐོད་པ་ཕྱེ་ནས་སྐམ་པ་ཚ་བས་སྲིན་གྱི་མེད་ཀྱི་རྒྱབ་ལ་རེག་པར་བྱས་ཏེ་དེས་རྐང་ལག་འཁུམས་པ་དང ། དེ་ནས་དེས་སྐམ་པས་བླངས་ཏེ་བོར་བས་སོས་པར་གྱུར་ཏོ། །དེས་དེ་ལ་ཀཪྴ་པ་ཎ་ལྔ་བརྒྱ་བྱིན་པ་དང ། དེས་ཀྱང་རྒྱུན་ཤེས་ཀྱི་བུ་ལ་བསྐུར་རོ། །དེ་ནས་འཚོ་བྱེད་ཡུལ་རོ་ཧི་ཏ་ཀ་ཞེས་བྱ་བར་ཕྱིན་པ་དང ། ཡུལ་རོ་ཧི་ཏ་ཀ་ན་ཁྱིམ་བདག་ཅིག་ལ་སྐྱེད་མོས་ཚལ་མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ་ཞིག་ཡོད་དེ། དེ་དེ་ལ་ལྷག་པར་ཆགས་པ་ལས། ཤི་ནས་དེ་ཉིད་དུ་མི་མ་ཡིན་པ་རྣམས་སུ་སྐྱེས་སོ། །དེའི་བུ་ནི། ཁྱིམ་གྱི་དབོན་པོར་གྱུར་ནས་དེས་སྐྱེད་མོས་ཚལ་དེར་སྲུང་མའི་མི་བཞག་པ་དང ། དེ་མི་མ་ཡིན་པ་དེས་བསད་དོ། །གཉིས་པ་བཞག་པ་དང ། དེ་ཡང་བསད་ནས་ཁྱིམ་བདག་གི་བུ་དེས་སྐྱེས་མོས་ཚལ་དེ་བོར་རོ། །ཇི་ཙམ་ན་མི་དམུ་ཆུས་གང་བ་སྨན་པ་ཐམས་ཅད་ཀྱིས་སྤངས་པ་ཞིག་སྐྱེད་མོས་ཚལ་དེར་སོང་ནས་ནུབ་མོ་བྲང་བཏབ་སྟེ་འདུག་ནས། ཀྱེ་མའོ། །བདག་ནི། མི་མ་ཡིན་པས་བསད་ཀྱང་ཅི་མ་རུང་སྙམ་མོ། །དེ་ཉིད་དུ་འཚོ་བྱེད་ཀྱང་ནུབ་མོ་བྲང་བཏབ་སྟེ་འདུག་གོ་།ཇི་ཙམ་ན། མི་མ་ཡིན་པ་དེས། དམུ་ཆུ་ཅན་དེ་བསྡིགས་པར་བརྩམས་པ་དང ། དམུ་ཆུའི་ནད་དེ་བྱུང་ནས་སྨྲས་པ། འདི་བདག་གིས་སྔར་བཟུང་ན། ཅིའི་ཕྱིར་འདི་བསྡིག་།ཁྱོད་ལ་ར་སྤུའི་དུད་པས་བདུག་པ་འགའ་ཡང་མེད་པ་ལྟ། དེས་ནི། ཁྱོད་དཔག་ཚད་བཅུ་གཉིས་སུ་
Ga93b
འབྲོས་པར་འགྱུར་རོ། །དེས་ཀྱང་སླར་སྨྲས་པ། ཁྱོད་ལ་ཡང་ལ་ཕུག་གི་ས་བོན། མར་ཕྱུང་བའི་དར་བ་དང་བཏགས་ཏེ་སྦྱིན་པ་འགའ་ཡང་མེད་པ་ལྟ། དེས་ནི། ཁྱོད་དུམ་བུ་དུམ་བུར་འཛག་པར་འགྱུར་རོ། ། ཐམས་ཅད་འཚོ་བྱེད་ཀྱིས་ཐོས་ནས་དེ་ནང་པར་སྔར་ལངས་ཏེ་ཁྱིམ་བདག་དེའི་དྲུང་དུ་སོང་ནས་སྨྲས་པ། ཁྱིམ་བདག་།སྐྱེད་མོས་ཚལ་མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ་ཅིའི་ཕྱིར་དོར། ཁྱིམ་བདག་གིས་དེ་ལ་ཇི་ལྟར་གྱུར་པ་རྣམས་སྨྲས་པ་དང ། དེས་སྨྲས་པ། ཁྱིམ་བདག། ར་སྤུའི་དུད་པས་བདུགས་ཤིག་དང ། མི་མ་ཡིན་པ་དཔག་ཚད་བཅུ་གཉིས་སུ་འབྲོས་པར་འགྱུར་རོ། །ཁྱིམ་བདག་གིས་ར་སྤུའི་བདུག་པས་བདུགས་པ་དང ། མི་མ་ཡིན་པ་དེ་དཔག་ཚད་བཅུ་གཉིས་སུ་བྲོས་པར་གྱུར་ཏོ། །ཁྱིམ་བདག་དེས་ཀྱང་འཚོ་བྱེད་ལ་ཀཪྴ་པ་ཎ་ལྔ་བརྒྱ་བྱིན་པ་དང ། དེས་དེ་ཡང་རྒྱུན་ཤེས་ཀྱི་བུ་ལ་བསྐུར་རོ། །དེ་ནས་འཚོ་བྱེད་ཀྱིས་དམུ་ཆུ་ཅན་ལ་དྲིས་པ། ནང་རྗེ། ཁྱོད་ཅིའི་ཕྱིར་མི་མ་ཡིན་པས་གནས་བཏབ་པའི་སྐྱེད་མོས་ཚལ་དུ་འདུག་།དེས་དེ་ལ་ཇི་ལྟར་གྱུར་པ་དག་སྨྲས་པ་དང ། འཚོ་བྱེད་ཀྱིས་སྨྲས་པ། ལ་ཕུག་གི་ས་བོན་མར་ཕྱུང་བའི་དར་བ་དང་བཏགས་པ་འཐུང་ཤིག་དང ། སོས་པར་འགྱུར་རོ། །དེས་འཐུངས་པས་སོས་པར་གྱུར་ཏེ། མི་དེས་ཀྱང་འཚོ་བྱེད་ལ་ཀཪྴ་པ་ཎ་ལྔ་བརྒྱ་བྱིན་ནོ། །དེས་ཀྱང་རྒྱུན་ཤེས་ཀྱི་བུ་ལ་བསྐུར་རོ། །དེ་ནས་འཚོ་བྱེད་རིམ་གྱིས་བཅོམ་བརླག་ཏུ་ཕྱིན་ནས། བཅོམ་བརླག་གི་ཕྱི་རོལ་ན་ཤིང་ཞིག་གི་དྲུང་དུ་ངལ་བསོ་ཞིང་འདུག་གོ་།ཇི་
Ga94a
༄#། །ལྟར་ན་གྱད་ཀྱིས་གྱད་བརྡབས་པས་དེའི་ནང་གྲོལ་རྣམས་སུ་འཁྲུགས་ནས་དེ་ཤིའོ། །ཞེས་ཕྱི་རོལ་དུ་ཕྱུང་ངོ ། །ཤིང་དེ་ལ་ཡང་བྱ་རྒོད་མོ་ཕྲུ་གུ་དང་བཅས་པ་ཞིག་འདུག་པ་ལས། དེ་ལ་ཕྲུ་གུ་དེ་རྣམས་ཀྱིས་སྨྲས་པ། མ། ཤ་བྱིན་ཅིག་།དེས་སྨྲས་པ། བུ། ཤ་ག་ལ་ཡོད། དེ་རྣམས་ཀྱིས་སྨྲས་པ། མ། གྱད་ཀྱིས་གྱད་འདི་བརྡབས་ཏེ། ཤི་ནས་ཕྱུང་བ་ཡིན་ནོ། །བུ། འདིར་སྨན་པའི་རྒྱལ་པོ་འཚོ་བྱེད་འོངས་ན། དེས་འདི་སོས་པར་བྱེད་པའི་གནས་དེ་ཡོད་དོ། །མ། འདི་ཅི་ཞིག་གིས་སོས་པར་འགྱུར། གལ་ཏེ་དེའི་ནང་གྲོལ་རྣམས་ཕྱེ་མས་རེག་པར་བྱས་ནའོ། །དེ་ཐམས་ཅད་འཚོ་བྱེད་ཀྱིས་ཐོས་སོ། །དེ་ནས་དེ་ལངས་ཏེ་རོ་དྲུང་དུ་སོང་ནས་དྲིས་པ། ཤེས་ལྡན་དག་།འདི་ཅི་ཞིག་།དེ་རྣམས་ཀྱིས་སྨྲས་པ། གྱད་ཀྱིས་གྱད་བརྡབས་པས་ཤི་བ་ཡིན་ནོ། །འཚོ་བྱེད་ཀྱིས་སྨྲས་པ། ཞོག་ཅིག་དང ། བལྟའོ། །དེ་རྣམས་ཀྱིས་བཞག་པ་དང ། དེ་ནས་འཚོ་བྱེད་ཀྱིས་འབྱུང་པོ་ཐམས་ཅད་དང་བར་བྱེད་པ་ཞེས་བྱ་བའི་ནོར་བུ་ཀླད་པར་བཞག་ནས་བརྟགས་ན། ཇི་ཙམ་ན་ནང་གྲོལ་རྣམས་འཁྲུགས་པར་བྱས་པ་མཐོང་ནས། དེས་སྨྱུག་མའི་སྦུབས་སུ་ཕྱེ་མ་བླུགས་ཏེ་ཁས་བུས་པ་དང ། ཕྱེ་མས་ནང་གྲོལ་རྣམས་ལ་རེག་ནས་སོས་པར་གྱུར་ཏོ། །དེས་ཀྱང་འཚོ་བྱེད་ལ་ཀཪྴ་པ་ཎ་ལྔ་བརྒྱ་བྱིན་པ་དང ། དེས་ཀྱང་རྒྱུན་ཤེས་ཀྱི་བུ་ལ་བསྐུར་རོ། །བཅོམ་བརླག་ན་ཁྱིམ་བདག་ཅིག་ཡོད་པ་དེའི་ཆུང་མ་
Ga94b
གཟུགས་དང་ལང་ཚོ་ཕུན་སུམ་ཚོགས་པ་ཡིན་པས། དེ་དེ་ལ་ལྷག་པར་ཆགས་ཤིང་འདུག་པ་ལས། ཤི་ནས་དེ་ཉིད་ཀྱི་མོ་མཚན་གྱི་སྲིན་བུར་སྐྱེས་པར་གྱུར་ཏེ། དེ་གང་དང་ལྷན་ཅིག་དགའ་མགུར་སྤྱོད་པ་དེ་ཤི་བར་བྱེད་དོ། །དེ་ནས་དེ་དང་འགའ་ཡང་ལྷན་ཅིག་དགའ་མགུར་སྤྱོད་པར་མི་བྱེད་དོ། །དེས་སྨན་པ་འཚོ་བྱེད་དེར་འོངས་སོ། །ཞེས་ཐོས་ནས། དེ་དེའི་དྲུང་དུ་སོང་སྟེ་སྨྲས་པ། འཚོ་བྱེད་བདག་ལ་བྲོ་ནད་མཆིས་ཀྱི། དཔྱད་མཛོད་ཅིག་།འཚོ་བྱེད་ཀྱིས་དེ་མཐོང་ཞིང་སྨྲ་བའི་ཚིག་ཐོས་ནས། ཆགས་པས་སྨྲས་པ། དམ་ཞིག་བཅའ་སྟེ། གལ་ཏེ་བདག་དང་ལྷན་ཅིག་དགའ་མགུར་སྤྱད་པ་ལྟ་ན། དཔྱད་བྱའོ། །དེས་སྨྲས་པ། གཡར་ཚ་ལགས་སོ། །དེས་སྨྲས་པ། ཁྱོད་ཀྱི་དཔྱད་གཞན་ནི། མེད་དོ། །བདག་ལས་ཕངས་པ་གཞན་མེད་པས་དེས་ཁས་བླངས་སོ། །དེ་ནས་དེས་སྒྲོན་མོར་ཕྱུང་སྟེ། བཟོ་བཅོས་བྱས་ནས་མོ་མཚན་གྱི་སྒོར་ཤའི་དུམ་བུ་ཞིག་བཞག་པ་ལས། དེ་ནས་སྲིན་བུ་དེ་དེ་ལ་ཆགས་པ་དང ། དེས་དེ་བླངས་ནས་བོར་ཏེ་སོས་པར་གྱུར། དེ་འདོད་པའི་འདོད་ཆགས་ལ་ལྷག་པར་ཞེན་པས་བརྡ་ཞིག་བྱས་པ་དང ། དེས་རྣ་བ་གཉིས་བཀག་སྟེ་སྨྲས་པ། ཁྱོད་ཁོ་བོའི་སྲིང་མོ་དང་འདྲ་སྟེ། ཁྱོད་ཀྱི་དཔྱད་དེ་ཡིན་པས་ཁོ་བོས་དེ་ལྟར་བྱས་པར་ཟད་དོ། །དེས་ཀྱང་དེ་ལ་ཀཪྴ་པ་ཎ་ལྔ་བརྒྱ་བྱིན་པ་དང ། དེས་དེ་ཡང་རྒྱུན་ཤེས་ཀྱི་བུ་ལ་བསྐུར་རོ། །དེ་ནས་འཚོ་བྱེད་རིམ་གྱིས་ཆུ་བོ་ཡ་མུ་ནའི་འགྲམ་དུ་ཕྱིན་པ་དང ། དེས་དེ་ན་མི་རོ་ཞིག་ཡོད་པ་དེའི་རྟིང་པའི་ཕྱོགས་ན་རྒྱུས་པའི་བྲེང་
Ga95a
༄#། །ཡོད་པ་ཉ་རྣམས་ཀྱིས་དྲངས་པ་ལས་དེའི་མིག་འབྱེད་པ་དང་འཛུམ་པ་མཐོང་ནས། འཚོ་བྱེད་ཀྱིས་དེ་ཐམས་ཅད་བརྟགས་ཏེ། ཇི་ལྟར་རྒྱུས་པ་དང ། ལོང་མོ་ལ་སོགས་པའི་ཚིགས་ཀྱི་འབྲེལ་ཐབས་ནི། དེ་ཁོ་ན་ལྟར་འདུག་གོ་།སྙམ་ནས་དེ་རིམ་གྱིས་ཡངས་པ་ཅན་དུ་ཕྱིན་པ་དང ། ཇི་ཙམ་ན་གྱད་ཀྱིས་གྱད་གཅིག་ཐལ་མོས་བསྣུན་པས་མིག་གི་འབྲས་བུ་འཕགས་པ་དང ། འཚོ་བྱེད་དེའི་དྲུང་དུ་སོང་ནས། དེས་རྟིང་པའི་རྒྱུས་པའི་བྲེང་ནས་དྲངས་པ་དང་སླར་ཚུད་པར་གྱུར་ཏོ། །དེས་དེ་ལ་ཀཪྴ་པ་ཎ་ལྔ་བརྒྱ་བྱིན་པ་དང ། དེས་འཇིགས་མེད་ཀྱི་མ་ལ་བྱིན་ནོ། ། ཡངས་པ་ཅན་ན་མི་ཞིག་ཡོད་པ་དེའི་རྣ་བར་སྲིན་གྱི་མེད་ཞུགས་ཏེ། དེར་དེ་ལས་ཕྲུ་གུ་བདུན་བརྒྱ་བྱུང་བས་དེ་རྣ་བའི་ནད་ཀྱིས་ཉེ་བར་གྱུར་ནས། འཚོ་བྱེད་ཀྱི་དྲུང་དུ་སོང་སྟེ་སྨྲས་པ། དཔྱད་མཛོད་ཅིག་།འཚོ་བྱེད་ཀྱིས་བསམ་པ། སྔར་ནི། བདག་གིས་མཁན་པོས་བསྟན་པས་ལས་བྱས་ཀྱི། ད་ནི། རང་གི་བློས་ལས་བྱའོ། །སྙམ་ནས། དེས་མི་དེ་ལ་བསྒོ་བ། ཀྱེ་ནང་རྗེ། སོང་ལ་ལོ་མའི་སྤྱིལ་པོ་བྱོས་ཏེ་རས་སྔོན་པོས་གཡོགས་ལ་དེའི་འོག་ཏུ་རྔ་ཞིག་བཞག་སྟེ་ས་ཡང་དྲོན་པོར་གྱིས་ཤིག་།དེས་ཇི་སྐད་བསྟན་པ་བཞིན་ཐམས་ཅད་བྱས་སོ། །དེ་ནས་འཚོ་བྱེད་ཀྱིས་མི་དེ་ས་ལ་བསྙལ་ནས། ས་དེ་ཆུས་ཆག་ཆག་བཏབ་ནས་དེ་ནས་རྔ་བརྡུངས་པ་དང ། སྲིན་གྱི་མེད་ཀྱིས་དབྱར་གྱི་དུས་ལ་བབ་བོ། །སྙམ་ནས་ཕྱིར་བྱུང་ངོ ། །དེ་ནས་འཚོ་བྱེད་ཀྱི་རྣ་བའི་དྲུང་དུ་ཤའི་
Ga95b
དུམ་བུ་ཞིག་བཞག་པ་དང ། དེ་ཡང་སླར་ཞུགས་ཏེ་ཕྲུ་གུ་རྣམས་ཁྲིད་དེ་བྱུང་ནས་ཕྲུ་གུ་རྣམས་དང ། ལྷན་ཅིག་ཤའི་དུམ་བུ་ལ་ཆགས་པ་དང ། དེ་ནས་འཚོ་བྱེད་ཀྱིས་དེའི་མོད་ལ་ཤའི་དུམ་བུ་བོར་བ་དང ། མི་དེ་སོས་པར་གྱུར་ཏོ། །དེས་ཀཪྴ་པ་ཎ་ལྔ་བརྒྱ་བྱིན་པ་དང ། དེས་འཇིགས་མེད་ཀྱི་མ་ལ་བྱིན་ནོ། །དེ་རིམ་གྱིས་རྒྱལ་པོའི་ཁབ་ཏུ་ཕྱིན་པ་དང ། རྒྱལ་པོ་གཟུགས་ཅན་སྙིང་པོས་འཚོ་བྱེད་ཇི་ལྟར་འོངས་པ་ཐོས་ནས། དེས་གཞོན་ནུ་མ་སྐྱེས་དགྲ་ལ་བསྒོ་བ། བུ། ཁྱོད་ཀྱི་ཕུ་བོ་འོངས་ཀྱི། བསུར་སོང་ཤིག་།དེ་བསུར་སོང་བ་དང ། འཚོ་བྱེད་ཀྱིས་གཞོན་ནུ་མ་སྐྱེས་དགྲ་ཇི་ལྟར་བསུར་འོང་བ་ཐོས་ནས། དེས་བསམ་པ། གལ་ཏེ་བདག་གིས་དེ་བསུ་བ་རང་གིར་བྱས་ན་ནི། ནམ་རྒྱལ་པོར་གྱུར་པ་དེའི་ཚེ་བདག་ལ་གནོད་པ་བྱེད་པར་འགྱུར་རོ། །སྙམ་ནས། དེ་སླར་ལོག་སྟེ་སྒོ་གཞན་ཞིག་ནས་ཞུགས་སོ། །དུས་གཞན་ཞིག་ན་འཚོ་བྱེད་སྐྱེ་བོའི་ཚོགས་ཆེན་པོས་ཡོངས་སུ་བསྐོར་ཏེ་སེམས་གཡང་ཞིང་སོང་བ་དང ། ཇི་ཙམ་ན། བྲམ་ཟེ་ཞིག་མིག་ནད་ཀྱིས་ཐེབས་ནས་འཚོ་བྱེད་ཀྱི་དྲུང་དུ་སོང་སྟེ། བདག་ལ་སྨན་སྟོན་ཅིག་།ཚིག་པ་ཟོས་ནས་སྨྲས་པ། ཐལ་བས་ཐོབ་ཅིག་།དེས་དྲང་པོ་ཞོག་པས། ཐལ་བས་བཏབ་པ་དང་སོས་པར་གྱུར་ཏོ། །མིག་ནད་ཀྱིས་ཐེབས་པ་གཞན་ཞིག་ཡོད་པ་དེ་ཡང་འཚོ་བྱེད་ཀྱི་དྲུང་དུ་སོང་བ་བྲམ་ཟེ་དེས་མཐོང་ནས་དྲིས་པ། ཀྱེ་ནང་རྗེ། གང་དུ་འགྲོ་།དེས་ཇི་ལྟར་གྱུར་པ་སྨྲས་པ་དང ། དེས་སྨྲས་པ། ཁྱོད་ལ་འཚོ་བྱེད་ཅི་དགོས།
Ga96a
༄#། །དེས་ཁོ་བོ་ལ་གང་བསྟན་པ་དེ་བྱོས་ཤིག་།དེ་ཡིད་ཆེས་པར་གྱུར་ནས་དེས་ཐལ་བས་བཏབ་པ་དང་ལོང་བར་གྱུར་ཏོ། །དུས་གཞན་ཞིག་ན་རྒྱལ་པོ་གཟུགས་ཅན་སྙིང་པོའི་སྤྱི་བོར་ཕོལ་མིག་བྱུང་ངོ ། །དེས་བློན་པོ་རྣམས་ལ་བསྒོ་བ། ཤེས་ལྡན་དག་།སྨན་པ་རྣམས་ཁུག་ཅིག་།བློན་པོ་རྣམས་ཀྱིས་སྨན་པ་རྣམས་བཀུག་པ་དང ། རྒྱལ་པོས་སྨྲས་པ།་ཤེས་ལྡན་དག་།ངའི་སྤྱི་བོར་ཕོལ་མིག་བྱུང་གི་།དཔྱད་བྱོས་ཤིག་།དེ་རྣམས་ཀྱིས་སྨྲས་པ། ལྷ། སྨན་པ་ཆེན་པོ་འཚོ་བྱེད་མཆིས་ན། བདག་ཅག་གིས་བགྱི་བ་ཅི་འཚལ། རྒྱལ་པོས་སྨྲས་པ། ཤེས་ལྡན་དག་།འཚོ་བྱེད་ཁུག་ཅིག་།དེ་རྣམས་ཀྱིས་དེ་བཀུག་པ་དང ། རྒྱལ་པོས་སྨྲས་པ། འཚོ་བྱེད། དཔྱད་བྱོས་ཤིག་།འཚོ་བྱེད་ཀྱིས་སྨྲས་པ། ལྷ། དམ་ཞིག་བཅའ་སྟེ། གལ་ཏེ་ལྷ་ལ་བདག་ཉིད་ཀྱིས་ཁྲུས་བགྱིད་དུ་གནང་ན་བགྱིའོ། །དེ་བཞིན་གྱིས་ཤིག་།དེ་ནས་འཚོ་བྱེད་ཀྱིས་སྐྱུ་རུ་རས་སྐུད་ཅིང ། སྨིན་པར་འགྱུར་བའི་རྫས་དག་བཏབ་སྟེ།་སྨིན་པར་འགྱུར་བའི་རྫས་རྣམས་དང་བསྲེས་པའི་ཆུ་བུམ་པ་ལྔ་བརྒྱ་བླུགས་ཏེ། གང་གི་ཚེ་སྨིན་པ་དེའི་ཚེ་ན་མ་ཚོར་བར་སྤུ་གྲིས་རེག་པར་བྱས་པ་དང་རྡོལ་ཏོ། །དེ་ནས་འཚོ་བར་འགྱུར་བའི་རྫས་དག་བཏབ་སྟེ། འཚོ་བར་འགྱུར་བའི་རྫས་རྣམས་དང་བསྲེས་པའི་ཆུ་བུམ་པ་ལྔ་བརྒྱ་བླུགས་པ་དང ། རྨ་དེ་སོས་ཤིང་པགས་པ་འདྲ་བ་དང་སྐྲ་ཡང་མཉམ་པར་གྱུར་ཏོ། །
Ga96b
རྒྱལ་པོས་ཁྲུས་བྱས་མ་ཐག་ཏུ་སྨྲས་པ། འཚོ་བྱེད། དཔྱད་བྱོས་ཤིག་།དེས་སྨྲས་པ། ལྷ། རེ་ཞིག་བཤོས་གསོལ་ཅིག་།རྒྱལ་པོས་ཟན་ཟོས་ནས། འཚོ་བྱེད། དཔྱད་བྱོས་ཤིག་།ལྷ། བགྱིས་ལགས་སོ། །དེ་ཡིད་མ་ཆེས་ནས་ལག་པས་བྱུགས་ན། ཕྱོགས་གང་ན་རྨ་ཡོད་པར་མ་ཤེས་སོ། །མེ་ལོང་བླངས་ཏེ་བལྟས་ན། འོན་ཀྱང་མ་མཐོང་ངོ ། །བཙུན་མོ་ལ་དྲིས་ན། དེས་ཀྱང་ཕྱོགས་གང་ན་རྨ་ཡོད་པར་མ་ཤེས་སོ། །རྒྱལ་པོ་མཆོག་ཏུ་ངོ་མཚར་སྐྱེས་ནས་བློན་པོ་རྣམས་ལ་སྨྲས་པ། ཤེས་ལྡན་དག་།འཚོ་བྱེད་སྨན་པའི་རྒྱལ་པོར་དབང་སྐུར་ཅིག་།མི་ལོང་བ་དེས་སྨྲས་པ། ལྷ། ཅི། སྲས་ལ་བྱམས་པས་སམ། འོན་ཏེ་སྨན་མཁས་པས་དབང་བསྐུར་བ་མཛད། རྒྱལ་པོས་སྨྲས་པ། སྨན་མཁས་པས་སོ། །དེས་སྨྲས་པ། གལ་ཏེ་དེ་ལྟ་ལགས་ན། འདིས་བདག་ནི། སོས་པར་མ་བགྱིས་སོ། །འཚོ་བྱེད་ཀྱིས་སྨྲས་པ། ཀྱེ་ནང་རྗེ། བདག་གིས་ཁྱོད་མཐོང་ཡང་མ་མཐོང་ན། སོས་པར་ལྟ་ག་ལ་བྱས། དེས་སྨྲས་པ། དེ་ནི་མད་ན། འོན་ཀྱང་ཁྱོད་ཀྱིས་གང་ལ་བསྟན་པ་དེས་བདག་ལ་བསྟན་ཏོ། །ཅི་ཞིག་བསྟན། ཆེ་གེ་མོ་ཞིག་གོ་།འཚོ་བྱེད་ཀྱིས་སྨྲས་པ། དེའི་ཁམས་ཀྱང་གཞན་ལ། ཁྱོད་ཀྱི་ཁམས་ཀྱང་གཞན་ཡིན་གྱི། ད་འདི་དང་འདི་དག་བྱོས་ཤིག་དང་སོས་པར་འགྱུར་རོ། །དེས་བྱས་ནས་སོས་པར་གྱུར་པ་དང ། སྨྲས་པ། ལྷ། འདི་སྨན་པའི་རྒྱལ་པོར་དབང་བསྐུར་བར་མཛད་དུ་གསོལ། དེ་གླང་པོ་ཆེ་ལ་བསྐྱོན་ནས་དཔལ་གྱི་འབྱོར་པ་ཆེན་
Ga97a
༄#། །པོས་སྨན་པའི་རྒྱལ་པོར་དབང་བསྐུར་ཏོ། །རྒྱལ་པོའི་ཁབ་ན་ཁྱིམ་བདག་ཅིག་ཡོད་པ་སྐྲན་ནད་ཀྱིས་ཐེབས་ནས་སྨན་པ་ཐམས་ཅད་ཀྱིས་སྤངས་པ་དང ། དེས་བསམ་པ། འཚོ་བྱེད་ཀྱི་དྲུང་དུ་འགྲོའོ། །གལ་ཏེ་དཔྱད་ཅིག་བྱས་ན་ནི། དེ་ལྟ་ན་ལེགས། གལ་ཏེ་མ་བྱས་ན། བདག་ཉིད་འཆི་བར་བྱའོ་སྙམ་ནས་དེ་འཚོ་བྱེད་ཀྱི་དྲུང་དུ་སོང་ནས། འཚོ་བྱེད། བདག་གི་དཔྱད་མཛོད་ཅིག་།དེས་སྨྲས་པ། ཀྱེ་ནང་རྗེ། ཁྱོད་ཀྱི་སྨན་འདི་ནི། རྙེད་པར་དཀའོ། །དེས་བསམ་པ། འཚོ་བྱེད་ཀྱིས་ཀྱང་བདག་སྤངས་ན། འདི་ལ་ཅི་བྱར་ཡོད། དུས་ལ་བབ་ཀྱི། བདག་ནི། འཆིའོ་སྙམ་ནས་དེ་དུར་ཁྲོད་དུ་སོང་ངོ ། །དེ་ན་རོ་སྲེག་པའི་མེ་འབར་བར་ནེའུ་ལེ་གདུག་པ་ཞིག་དང ། སྲོག་ཆགས་གོ་དྷ་ཙནྡན་ཞེས་བྱ་བ་འཐབ་སྟེ་ལྷུང་བ་དང ། དེ་བཀྲེས་པས་ཉེན་པས་དེ་གཉིས་ཀ་ཟོས་ཏེ། ལྷས་དུར་ཁྲོད་དུ་ཆར་ཕབ་པའི་འོད་པའི་ཆུ་དེ་ལ་འཐུངས་ནས། དུར་ཁྲོད་དང་ཧ་ཅང་ཡང་མི་རིང་བ་ཞིག་ན་གནག་ལྷས་ཡོད་པ་དེར་སོང་སྟེ། ཀོ་དྲའི་ཆན་དང་མར་ཕྱུང་བའི་ཞོ་འཐུངས་པས་སྐྲན་རྡོལ་ཏོ། །ཡར་སློན། མར་འཁྲུས་ནས་སྔོན་གྱི་ཇི་ལྟ་བ་བཞིན་དུ་གྱུར་ཏོ། །དུས་གཞན་ཞིག་ན་ལུས་འཕགས་མའི་འདོམས་ཀྱི་ཕྱོགས་སུ་ཕོལ་མིག་བྱུང་ངོ ། །དེས་རྒྱལ་པོ་ལ་སྨྲས་པ་དང ། རྒྱལ་པོས་འཚོ་བྱེད་ལ་བསྒོ་བ། མ་ཡར་མོའི་དཔྱད་གྱིས་ཤིག་།དེས་ཁས་བླངས་སོ། །དེ་ནས་ཟན་བྱས་ཏེ་མ་མ་ལ་
Ga97b
བྱིན་ནས་ཁྱོད་ཀྱིས་འདིའི་སྟེང་དུ་འདུག་ཏུ་ཆུག་ཅིག་།དེས་དེ་འདུག་ཏུ་བཅུག་པའི་ཟན་འཚོ་བྱེད་ཀྱིས་མཐོང་ནས་བསམ་པ། ཕྱོགས་ཆེ་གེ་མོ་ཞིག་ནའ་སྙམ་མོ། །དེ་ནས་སྨིན་པར་འགྱུར་བའི་རྫས་དག་བཏབ་སྟེ། སྨིན་པར་ཤེས་ནས་ཟན་གྱི་ནང་དུ་གཙགས་བུ་སྦས་ཏེ་མ་མ་ལ་བསྒོ་བ། ཁྱོད་ཀྱིས་དེ་འདི་ལ་འདུག་ཏུ་ཆུག་ལ་བཙུན་མོ་འདུག་ནས་སླར་སློང་ཞིག་།དེས་དེ་བཞིན་བྱས་པ་ལས། གཙགས་བུས་རེག་མ་ཐག་ཏུ་ཕོལ་མིག་རྡོལ་བར་གྱུར་ཏོ། །དེ་ནས་འཚོ་བར་འགྱུར་བའི་རྫས་དང་བསྲེས་པ་བསྐ་བའི་ཆུས་བཀྲུས་ཏེ་འཚོ་བར་འགྱུར་བའི་རྫས་རྣམས་བཏབ་པས་སོས་པར་གྱུར་ཏོ། །འཚོ་བྱེད་རྒྱལ་པོའི་དྲུང་དུ་སོང་བ་དང ། རྒྱལ་པོས་སྨྲས་པ། འཚོ་བྱེད། ཁྱེད་ཀྱིས་མ་ཡར་མོའི་དཔྱད་བྱས་སམ། ལྷ། བགྱིས་སོ། །ཁྱོད་ཀྱིས་སྒྲེན་མོར་ཕྱུང་སྟེ་མ་བལྟས་གྲང ། ལྷ། མ་བལྟས་སོ། །ཇི་ལྟར་བྱས། དེས་ཇི་ལྟར་གྱུར་པ་རྣམས་སྨྲས་པ་དང ། རྒྱལ་པོ་མཆོག་ཏུ་ངོ་མཚར་སྐྱེས་ནས་དེས་བློན་པོ་རྣམས་ལ་སྨྲས་པ། འཚོ་བྱེད་ལན་གཉིས་སུ་སྨན་པའི་རྒྱལ་པོར་དབང་སྐུར་ཅིག་།མི་སྐྲན་ཅན་ལ་འཚོ་བྱེད་ཀྱིས་སྨན་རྙེད་པར་དཀའོ་ཞེས་སྨྲས་པ་གང་ཡིན་པ་དེས་སྨྲས་པ། ལྷ། ཅི། སྲས་ལ་སྡུག་པས་སམ། འོན་ཏེ་སྨན་མཁས་པས་དབང་བསྐུར་བར་མཛད། རྒྱལ་པོས་སྨྲས་པ། སྨན་མཁས་པས་སོ། །གལ་ཏེ་དེ་ལྟ་ལགས་ན། འདིས་བདག་ནི། སོས་པར་མ་བགྱིས་སོ། །འཚོ་བྱེད་ཀྱིས་སྨྲས་པ། ཀྱེ་ནང་རྗེ། ངས་ཁྱོད་ལ་དཔྱད་ནི། མ་བྱས་
Ga98a
༄#། །ཀྱི།་འོན་ཀྱང་ངས་ཁྱོད་ཀྱི་སྨན་ནི། རྙེད་པར་དཀའོ་ཞེས་སྨྲས་སོ། །དེས་སྨྲས་པ། བདག་གི་སྨན་ཇི་ལྟ་བུ་དག་ཅིག་ཡིན། འཚོ་བྱེད་ཀྱིས་སྨྲས་པ། གལ་ཏེ་ཟླ་བ་མར་གྱི་ངོའི་ཚེས་བཅུ་བཞི་ལ་མི་སེར་སྐྱ་ཞིག་ཤི་ནས་དེ་དུར་ཁྲོད་དུ་སྲེག་པ་ན་ནེའུ་ལེ་གདུག་པ་དང་སྲོག་ཆགས་གོ་དྷ་ཙནྡན་ན་འཐབ་ནས་མེར་ལྷུང་བ་དང་དེ་གཉིས་ཁྱོད་ཀྱིས་ཟོས་ལ། དབང་ཕྱུག་ཆེན་པོའི་ལྷས་དུར་ཁྲོད་དུ་ཆར་ཕབ་པའི་འོད་པའི་ཆུ་དེ་ལ་འཐུངས་ལ། ཀོ་དྲའི་ཆན་ཟོས་ཤིང་མར་ཕྱུང་བའི་ཞོ་འཐུངས་ན། དེ་ལྟ་ན་ཁྱོད་མོད་ལ་སོས་པར་འགྱུར་ཏེ། བདག་གིས་དེ་ལ་བསམ་ནས་སྨན་རྙེད་པར་དཀའོ། །ཞེས་སྨྲས་པ་ཡིན་ནོ། །དེས་སྨྲས་པ། ཤིན་ཏུ་ལེགས་པར་ཤེས་ཏེ། དེ་བཞིན་དུ་བདག་གིས་ཟོས་སོ། །དེ་ནས་དགའ་བར་གྱུར་ནས་སྨྲས་པ། ལྷ། འདིས་སྨན་པའི་རྒྱལ་པོ་རྔོ་ཐོགས་ཀྱི། དབང་བསྐུར་བས་དབང་བསྐུར་དུ་གསོལ། ལན་གཉིས་སུ་ཡང་སྨན་པའི་རྒྱལ་པོར་དབང་བསྐུར་ཏོ། །གང་གི་ཚེ་མི་དགེ་བའི་གྲོགས་པོ་ལྷས་བྱིན་གྱིས་མ་སྐྱེས་དགྲ་བསླུས་ནས། ཕ་ཆོས་ཀྱི་རྒྱལ་པོ་ཆོས་དང་ལྡན་པ་སྲོག་དང་ཕྲལ་བ་དེའི་ཚེ། དེ་ལ་སྐྲན་གྱི་ནད་ཀྱིས་ཐེབས་པར་གྱུར་ཏོ། །དེས་སྨན་པ་རྣམས་ལ་སྨྲས་པ། ང་ལ་དཔྱད་གྱིས་ཤིག་།དེ་རྣམས་ཀྱིས་སྨྲས་པ། ལྷ། ལྷའི་གཅེན་པོ་བླ་ན་མེད་པའི་འཚོ་བྱེད་འདི་ན་མཆིས་བཞིན་དུ། བདག་ཅག་གིས་དཔྱད་བགྱིད་རྔོ་ག་ལ་
Ga98b
ཐོགས། དེས་བློན་པོ་རྣམས་ལ་སྨྲས་པ། ཤེས་ལྡན་དག། འཚོ་བྱེད་ཁུག་ཅིག་།དེ་རྣམས་ཀྱིས་བཀུག་པ་དང ། འཚོ་བྱེད། ང་ལ་སྐྲན་ནད་བྱུང་གི་།དཔྱད་བྱོས་ཤིག་།ལྷ། བགྱིའོ། །དེས་བསམ་པ།་རྒྱུ་གཉིས་ཀྱིས་སྐྲན་རྡོལ་བར་འགྱུར་ཏེ། ལྷག་པར་དགའ་བའམ། ལྷག་པར་ཁྲོས་པས་ཡིན་ན། སེམས་ཅན་སྡིག་པ་འདི་ལྷག་པར་དགའ་བར་ག་ལ་འགྱུར་གྱི། རྣམ་པ་ཐམས་ཅད་དུ་ཁྲོས་པར་བྱའོ། །སྙམ་དུ་བསམ་ནས་སྨྲས་པ། ལྷ། དམ་ཞིག་བཅའ་སྟེ། གལ་ཏེ་གཞོན་ནུ་འཆར་བྱེད་བཟང་པོའི་ཤ་གསོལ་བ་ལྟར་ན། དཔྱད་བགྱིའོ། །རྒྱལ་པོས་ཐོས་ནས་ཁྲོས་ཏེ་སྨྲས་པ། ལེགས་སོ། །ངས་ནི། ཕ་སྲོག་དང་ཕྲལ། ཁྱོད་ཀྱིས་ཀྱང་འཆར་བྱེད་བཟང་པོ་སྲོག་དང་ཕྲོལ། ང་ཡང་རང་ཉིད་ནད་ཀྱིས་ཤི་ནས་ཁྱོད་ནི། རྒྱལ་པོར་འགྱུར་མོད། དེས་སྨྲས་པ། ལྷ། དཔྱད་ནི།་འདི་ལགས་ཏེ། གཞན་གྱིས་སོས་པར་རྔོ་མི་ཐོགས་ལགས་སོ། །བདག་དང་འདྲ་བའི་ཕངས་པ་མེད་པས་དེས་ཁས་བླངས་སོ། །དེ་ནས་འཚོ་བྱེད་ཀྱིས་གཞོན་ནུ་འཆར་བྱེད་བཟང་པོ། རྒྱན་ཐམས་ཅད་ཀྱིས་བརྒྱན་ནས་རྒྱལ་པོ་ལ་ཕུལ་ཏེ། ལྷ། གཞོན་ནུ་འཆར་བྱེད་བཟང་པོ་ལ་ལེགས་པར་གཟིགས་པ་དེ་ལྟར་མཛད་དུ་གསོལ། ཕྱིས་གཟིགས་པར་མི་འགྱུར་རོ། །དེ་ནས་དེ་བསྟན་ནས། ཁྱིམ་དུ་ཁྲིད་ནས་བཞག་གོ་།དེ་ནས་འཚོ་བྱེད་ཤའི་དོན་དུ་བསིལ་བའི་ཚལ་གྱི་དུར་ཁྲོད་དུ་སོང་བ་ལས། བསིལ་བའི་ཚལ་གྱི་དུར་ཁྲོད་ནི། ཤི་བའི་རོས་སྟོང་
Ga99a
༄#། །པ་མ་ཡིན་པས། དེ་ནས་དེས་རོའི་ཤ་བླངས་ཏེ་ཡོ་བྱད་ཀྱི་ཁྱད་པར་དག་དང་གཡོས་བྱས་ནས་རྒྱལ་པོ་དྲོལ་བབ་པའི་དུས་སུ་བསྟབས་སོ། །དེ་ནས་རྒྱལ་པོ་མ་སྐྱེས་དགྲས་ཤ་ཁུའི་ཕོར་པ་བླངས་ནས་ཟ་བར་གཟས་པ་དང ། འཚོ་བྱེད་ཀྱིས་འཕྲོག་ནས་ཀླད་དུ་བསྣུན་ཏེ། སྡིག་པ་བྱེད་པ་ཁྱོད་ཀྱིས་ཕ་ཆོས་ཀྱི་རྒྱལ་པོ་སྲོག་དང་ཕྲལ་ལ། བུའི་ཤ་ཡང་ཟ་བར་བྱེད་དམ། དེ་རྔམས་ནས་སྨྲས་པ། གལ་ཏེ་དེ་ལྟ་ན། ཅིའི་ཕྱིར་བསད་ཅེས་མི་བཟོད་པ་སྐྱེས་པས་དེའི་སྐྲན་རྡོལ་ནས་ཡར་སློན། མར་འཁྲུས་ཏེ་ཁ་ནས་ཁྲག་དང་བཅས་པར་བྱུང་བ་དེ་མཐོང་ནས་བརྒྱལ་ཏེ་ས་ལ་འགྱེལ་ཏོ། །དེ་ནས་ཆུ་གཏོར་ནས་དབུགས་སླར་བྱུང་བ་དང ། ཁྲུས་བྱས་ཏེ་འཕྲོད་པའི་ཟས་བྱིན་པས། སྔོན་གྱི་ཇི་ལྟ་བ་བཞིན་དུ་གྱུར་ཏོ། །དེ་ནས་འཚོ་བྱེད་ཀྱིས་གཞོན་ནུ་འཆར་བྱེད་བཟང་པོ། རྒྱན་ཐམས་ཅད་ཀྱིས་བརྒྱན་ཅིང་ཁྲིད་དེ་རྒྱལ་པོའི་དྲུང་དུ་སོང་ནས་རྐང་པ་གཉིས་ལ་གཏུགས་ཏེ་སྨྲས་པ། ལྷ། གཞོན་ནུ་འཆར་བྱེད་བཟང་པོ་འདི་ལགས་ཏེ། བདག་སྲོག་ཆགས་གྲོག་སྦུར་ཡང་སྲོག་དང་འབྲལ་བར་བགྱིད་མི་ཕོད་ན། གཞོན་ནུ་ལྟ་སྨོས་ཀྱང་ཅི་འཚལ། འོན་ཀྱང་ཐབས་འདིས་ལྷ་འཚོ་བར་འགྱུར་བས། བདག་གིས་ཐབས་བཤམས་པར་བགྱིས་པར་བས་སོ། །རྒྱལ་པོ་མཆོག་ཏུ་ངོ་མཚར་སྐྱེས་ནས་དེས་བློན་པོ་རྣམས་ལ་བསྒོ་བ། འཚོ་བྱེད་སྨན་པའི་རྒྱལ་པོར་དབང་སྐུར་ཅིག་།བློན་པོ་རྣམས་
Ga99b
ཀྱིས་གླང་པོ་ཆེ་ལ་བསྐྱོན་ནས། དཔལ་གྱི་འབྱོར་པ་ཆེན་པོས་ལན་གསུམ་དུ་ཡང་སྨན་པའི་རྒྱལ་པོར་དབང་བསྐུར་བས་དབང་བསྐུར་ཏོ། །དེས་འཚོ་བྱེད་དྲེགས་པ་སྐྱེས་ཏེ་བདག་དང་མཉམ་པའི་སྨན་པ་ནི། འཇིག་རྟེན་ན་འགའ་ཡང་ཡོད་པ་མ་ཡིན་ཏེ། བདག་ནི། ལུས་ཀྱི་དཔྱད་བྱེད་པ་རྣམས་ཀྱི་མཆོག་ཡིན་ལ། བཅོམ་ལྡན་འདས་ནི། སེམས་ཀྱི་དཔྱད་མཛད་པ་རྣམས་ཀྱི་མཆོག་ཡིན་ནོ། ། སྙམ་མོ། །དེས་དུས་གཞན་ཞིག་ན་བཅོམ་ལྡན་འདས་ཀྱི་སྤྱན་སྔར་སོང་བ་ལས། དེ་དྲེགས་པའི་སྙེམས་པས་བདེན་པ་རྣམས་མ་མཐོང་ངོ ། །བཅོམ་ལྡན་འདས་ཀྱིས་དགོངས་པ། སྨན་པའི་རྒྱལ་པོ་འཚོ་བྱེད་ཀྱིས་དགེ་བའི་རྩ་བ་བསྐྱེད་ན། ཅིའི་ཕྱིར་བདེན་པ་རྣམས་མ་མཐོང་བར་གྱུར་སྙམ་ན། དྲེགས་པའི་སྙེམས་པ་ལས་གྱུར་པར་གཟིགས་ནས། དེའི་དྲེགས་པ་སྤང་བར་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ལ་བཀའ་སྩལ་པ། འཚོ་བྱེད། ཁྱོད་ཀྱིས་རིའི་རྒྱལ་པོ་གངས་ཅན་མཐོང་ངམ། བཙུན་པ། མ་མཐོང་ལགས་སོ། །དེ་བཞིན་གཤེགས་པའི་ན་བཟའ་ཆོས་གོས་ཀྱི་མཐའ་ནས་ཟུངས་ཤིག་།དེས་བཟུང་བ་དང ། དེ་ནས་བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ཁྲིད་ནས། རིའི་རྒྱལ་པོ་གངས་ཅན་ག་ལ་བ་དེར་གཤེགས་པ་དང ། དེ་ན་སྨན་རྣམ་པ་སྣ་ཚོགས་སྒྲོན་མེ་བཞིན་འབར་རོ། །བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ལ་འདི་སྐད་ཅེས་བཀའ་སྩལ་ཏོ། །འཚོ་བྱེད། སྨན་ཇི་ཙམ་འདོད་པ་
Ga100a
༄#། །ལོངས་ཤིག་།བཅོམ་ལྡན་འདས། འཇིགས་ལགས་སོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་སོང་ལ་འཚོ་བྱེད་ལ་སྲུང་བ་བྱོས་ཤིག་།དེ་དང་སོང་ནས་སྨན་རྣམ་པ་སྣ་ཚོགས་དག་བླངས་པ་དང ། བཅོམ་ལྡན་འདས་ཀྱིས་བཀའ་སྩལ་པ། འཚོ་བྱེད། སྨན་འདིའི་མིང་ཅི་ཡིན། དེས་གསོལ་པ། བཅོམ་ལྡན་འདས་ཆེ་གེ་མོ་ལགས་ཏེ། ཆོ་ག་འདིས་ནད་ཆེ་གེ་མོ་ཞིག་ཞི་བར་འགྱུར་རོ། །འདི་ནི། ཆེ་གེ་མོ་ཞིག་ལགས་ཏེ། ནད་ཆེ་གེ་མོ་ཞིག་རབ་ཏུ་ཞི་བར་འགྱུར་རོ། །གཞན་རྣམས་ཀྱི་ནི། མིང་ཡང་མི་ཤེས་སོ། །མ་ཤེས་པ་གང་དག་ཡིན་པ་དེ་དག་བཅོམ་ལྡན་འདས་ཀྱིས་བཀའ་སྩལ་པ། འཚོ་བྱེད། འདི་ནི། ཆེ་གེ་མོ་སྟེ། ཆོ་ག་ཆེ་གེ་མོས་ནད་ཆེ་གེ་མོ་ཞིག་རབ་ཏུ་ཞི་བར་འགྱུར་རོ། །འདི་ཡང་ཆེ་གེ་མོ་ཞིག་ཅེས་བྱའོ། །འཚོ་བྱེད་ཀྱིས་གསོལ་པ། བཅོམ་ལྡན་འདས་ཀྱིས་སྨན་དཔྱད་ཀྱང་མཁྱེན་པ་ལྟ། དེ་ནས་བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ལ་བཀའ་སྩལ་པ། འཚོ་བྱེད། སྨན་པ་ཟུག་རྡུ་འབྱིན་པ། ཡན་ལག་བཞི་དང་ལྡན་པ་ནི། རྒྱལ་པོ་ལ་འོས་པ། རྒྱལ་པོ་ལ་མཁོ་བ། རྒྱལ་པོའི་ཡན་ལག་གི་གྲངས་སུ་འགྲོའོ།། །། འདུལ་བ་གཞི། བམ་པོ་དྲུག་ཅུ་གཉིས་པ། བཞི་གང་ཞེ་ན། འདི་ལ། སྨན་པ་ཟུག་རྡུ་འབྱིན་པ་ནད་ལ་མཁས་པ་ཡིན། ནད་ཀུན་ནས་སློང་བ་ལ་མཁས་པ་ཡིན། ནད་བྱུང་བ་སྤོང་
Ga100b
བ་ལ་མཁས་པ་ཡིན། སྤངས་པ་ཕྱིས་མི་འབྱུང་བ་ལ་མཁས་པ་ཡིན་ཏེ། ནད་ལ་མཁས་པ་ཇི་ལྟ་བུ་ཞེ་ན། འདི་ལ། སྨན་པ་ཟུག་རྡུ་འབྱིན་པ་ནད་ཤེས་ཤིང ། ནད་འདི་ནི། འདི་ལྟ་བུ་དང ། འདི་ལྟ་བུ་ཡིན་ནོ་ཞེས་དེ་ལྟར་ནད་ལ་མཁས་པ་ཡིན་ནོ། །ནད་ཀུན་ནས་སློང་བ་ལ་མཁས་པ་ཇི་ལྟ་བུ་ཞེ་ན། འདི་ལ། སྨན་པ་ཟུག་རྡུ་འབྱིན་པ་ནད་ཤེས་ཤིང ། ནད་འདི་ནི། རླུང་གིས་ཀུན་ནས་བསླང་བའམ། འཁྲིས་པས་ཀུན་ནས་བསླང་བའམ། བད་ཀན་གྱིས་ཀུན་ནས་བསླང་བའམ། བདག་ལས་གྱུར་པའམ། གཞན་ལས་གྱུར་པའམ། འདུས་པ་ལས་གྱུར་པའོ། །ཞེས་དེ་ལྟར་ནད་ཀུན་ནས་སློང་བ་ལ་མཁས་པ་ཡིན་ནོ། །ནད་བྱུང་བ་སྤོང་བ་ལ་མཁས་པ་ཇི་ལྟ་བུ་ཞེ་ན། འདི་ལ། སྨན་པ་ཟུག་རྡུ་འབྱིན་པ་ནད་ཤེས་ཤིང ། ནད་འདི་ནི། མིག་སྨན་ནམ། བསྐུ་མཉེའམ། སྐྱུག་སྨན་ནམ། བཀྲུ་སྨན་ནམ། སྣར་བླུགས་པའམ། དུ་བས་བདུག་པའམ། ནན་རྩིའི་ལས་ཀྱིས་སྤང་བར་འགྱུར་རོ། །ཞེས་དེ་ལྟར་ནད་བྱུང་བ་སྤོང་བ་ལ་མཁས་པ་ཡིན་ནོ། །ནད་སྤངས་པ་ཕྱིས་མི་འབྱུང་བ་ལ་མཁས་པ་ཇི་ལྟ་བུ་ཞེ་ན། འདི་ལ། སྨན་པ་ཟུག་རྡུ་འབྱིན་པ་ནད་ཤེས་ཤིང་ནད་འདི་ནི། འཕྲོད་པའི་ཆོ་ག་འདི་ལྟ་བུ་དང ། འདི་ལྟ་བུ་དག་བྱས་ཏེ་སྤངས་ན།་ཕྱིས་མི་འབྱུང་ངོ ། །ཞེས་དེ་ལྟར་ནད་སྤངས་པ་ཕྱིས་མི་འབྱུང་བ་ལ་མཁས་པ་ཡིན་ཏེ། དེ་ལྟར་ན། སྨན་པ་ཟུག་རྡུ་འབྱིན་པ་ཡན་ལག་བཞི་དང་ལྡན་པ། རྒྱལ་པོ་ལ་འོས་པ་ཡིན། རྒྱལ་
Ga101a
༄#། །པོ་ལ་མཁོ་བ་ཡིན། རྒྱལ་པོའི་ཡན་ལག་གི་གྲངས་སུ་འགྲོ་བ་ཡིན་ནོ། །དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་བར་རྫོགས་པའི་སངས་རྒྱས་ཡན་ལག་བཞི་དང་ལྡན་པ་ཡང ། སྨན་པ་ཟུག་རྔུ་འབྱིན་པ་བླ་ན་མེད་པ་ཞེས་བྱའོ། །འཚོ་བྱེད། བཞི་གང་དག་ཅེ་ན། འདི་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། འདི་ནི། སྡུག་བསྔལ་འཕགས་པའི་བདེན་པའོ། །ཞེས་བྱ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །འདི་ནི། སྡུག་བསྔལ་ཀུན་འབྱུང་བའོ། །འདི་ནི། སྡུག་བསྔལ་འགོག་པའོ། །འདི་ནི། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པའོ། །ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །འཚོ་བྱེད། སྨན་པ་ཟུག་རྔུ་འབྱིན་པས་ནི། སྐྱེ་བའི་རྩ་བ་ཅན་གྱི་སྡུག་བསྔལ་རྣམས་སྤོང་བའི་སྨན་མི་ཤེས་སོ། །རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པའི་རྩ་བ་ཅན་གྱི་སྡུག་བསྔལ་རྣམས་སྤོང་བའི་སྨན་མི་ཤེས་སོ། །འཚོ་བྱེད། དེ་བཞིན་གཤེགས་པས་ནི། སྐྱེ་བའི་སྐྱེ་བའི་རྩ་བ་ཅན་གྱི་སྡུག་བསྔལ་རྣམས་སྤོང་བའི་སྨན་མཁྱེན་ཏོ། །རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པའི་རྩ་བ་ཅན་གྱི་སྡུག་
Ga101b
བསྔལ་རྣམས་སྤོང་བའི་སྨན་མཁྱེན་ཏོ། །དེ་ལྟ་བས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། སྨན་པ་ཟུག་རྔུ་འབྱིན་པ་བླ་ན་མེད་པ་ཞེས་བྱའོ། །ཆོས་ཀྱི་རྣམ་གྲངས་འདི་བཤད་པ་ན། འཚོ་བྱེད་གཞོན་ནུས་བསྐྱེད། ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་འཚོ་བྱེད་གཞོན་ནུས་བསྐྱེད་ཀྱིས་ཆོས་མཐོང་བ་དང ། ཆོས་ཐོབ་པ་དང ། ཆོས་རིག་པ་དང ། ཆོས་ཀྱི་གཏིང་སླེབ་པ་དང ། སོམ་ཉི་ལས་བརྒལ་བ་དང ། ཐེ་ཚོམ་ལས་བརྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ནི། འཕགས་སོ། །མངོན་པར་འཕགས་སོ། །བདག། བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ན། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་སྨན་པའི་རྒྱལ་པོ་འཚོ་བྱེད་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །རིའི་རྒྱལ་པོ་གངས་ཅན་ཁ་བས་གཡོགས་ཏེ་རྟག་ཏུ་ལྷགས་པ་
Ga102a
༄#། །ཆེ་བས། བཅོམ་ལྡན་འདས་གྲང་ནད་ཀྱིས་སྙུན་གྱིས་ཐེབས་པ་དང ། སྨན་པའི་རྒྱལ་པོ་འཚོ་བྱེད་ཀྱིས་བསམ་པ། དཔེར་ན། འཁོར་ལོས་བསྒྱུར་བའི་རྒྱལ་པོ་ལ་བྱ་བ་བཞིན། བདག་ཉིད་ཁོ་ནས་བཅོམ་ལྡན་འདས་ལ་རིམ་གྲོ་བྱའོ་སྙམ་མོ། །དེ་ནས་འཚོ་བྱེད་ཀྱིས་མེ་ཏོག་ཨུཏྤ་ལ་སུམ་ཅུ་རྩ་གཉིས་དང་བཀྲུ་སྨན་གྱི་རྫས་དག་སྦྱར་ནས་བཅོམ་ལྡན་འདས་ལ་ཕུལ་ཏེ།་བཅོམ་ལྡན་འདས། འདི་རྣམས་ཤངས་ཀྱིས་བསྣམ་དུ་གསོལ། བཅོམ་ལྡན་འདས་ཀྱིས་བསྣམས་པ་ལས་ཐང་སུམ་ཅུ་གཉིས་ཁོ་ན་འཁྲུས་པར་གྱུར་ཏོ། །དེ་ནས་བཅོམ་ལྡན་འདས་ལ་ཞུས་པ། བཅོམ་ལྡན་འདས། ཇི་ག་ལེགས་པར་ཁྲུས་ལེགས་སམ། བཅོམ་ལྡན་འདས་ཀྱིས་བཀའ་སྩལ་པ། འཚོ་བྱེད། སྐྱོན་གང་དག་གཡོས་ལ་མ་འཁྲུས་པ་དེ་དག་ཀྱང་ཡོད་དེ། འཁྲུས་ལ་མ་གཡོས་པ་ཡང་ཡོད། འཁྲུས་ལ་གཡས་པ་ཡང་ཡོད། མ་འཁྲུས་ལ་མ་གཡོས་པ་ཡང་ཡོད་དོ། །འཚོ་བྱེད་ཀྱིས་གསོལ་པ། བཅོམ་ལྡན་འདས། གལ་ཏེ་དེ་ལྟ་ན་བུ་རམ་དང ། ་རུ་ར་གསོལ་ལ་ཁུ་བའི་རིམ་པ་ཡང་མཛོད་ཅིག། བཅོམ་ལྡན་འདས་ཀྱིས་དེ་བཞིན་དུ་མཛད་ནས་སྙུན་གདངས་པར་གྱུར་ཏོ། །འཚོ་བྱེད་ཀྱི་ཀུན་ཏུ་སྤྱོད་པ་ནི་རྒྱལ་པོའམ། བློན་པོ་གང་སུའི་དཔྱད་བྱས་ཀྱང་རུང་སྟེ། དེས་དེ་ལ་གྲོང་ངམ། གྲོང་མཆོག་སྦྱིན་པར་བྱེད་པ་ཡིན་ནོ། །ཇི་ཙམ་དུས་གཞན་ཞིག་ན། །འཚོ་བྱེད་ཀྱིས་ལུས་འཕགས་ཀྱི་རྒྱལ་པོའི་དཔྱད་བྱས་
Ga102b
པ་ལས། དེས་དེ་ལ་བརྒྱ་སྟོང་རི་པའི་གོས་བེའུ་རས་ཡུག་པོ་ཆེ་ཞིག་བྱིན་པ་དང ། དེས་དེ་བླངས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། འཚོ་བྱེད་གཞོན་ནུས་བསྐྱེད་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གི་ཀུན་ཏུ་སྤྱོད་པ་ནི་རྒྱལ་པོའམ། བློན་པོ་གང་སུའི་དཔྱད་བགྱིས་ཀྱང་རུང་སྟེ། དེས་བདག་ལ་གྲོང་ངམ། གྲོང་མཆོག་སྩོལ་བ་ལགས་པས། བདག་གིས་ལུས་འཕགས་ཀྱི་རྒྱལ་པོ་ལ་དཔྱད་བགྱིས་པ་དང ། དེས་བདག་ལ་བརྒྱ་སྟོང་རི་བའི་རས་ཤིག་སྩལ་བ་འདི་བཅོམ་ལྡན་འདས་ལ་བདག་འབུལ་ཞིང་མཆིས་ན། བཅོམ་ལྡན་འདས་ཀྱིས་ཐུགས་བརྩེ་བས་ཉེ་བར་བཟུང་སྟེ་འདི་བཞེས་སུ་གསོལ། བཅོམ་ལྡན་འདས་ཀྱིས་འཚོ་བྱེད་གཞོན་ནུས་བསྐྱེད་ལས་བརྒྱ་སྟོང་རི་བའི་གོས་བེའུ་རས་ཡུག་པོ་ཆེ་བཞེས་སོ། །དེའི་ཚེ་ཚེ་དང་ལྡན་པ་ཀུན་དགའ་བོ། བཅོམ་ལྡན་འདས་ཀྱི་གནམ་ལོགས་ན་བསིལ་ཡབ་ཐོགས་ཏེ། བཅོམ་ལྡན་འདས་ལ་གཡོབ་ཅིང་འདུག་གོ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། བརྒྱ་སྟོང་རི་བའི་གོས་བེའུ་རས་ཡུག་པོ་ཆེ་ལོངས་ལ་པའི་ཆེད་དུ་གྲིས་དྲོས་ཤིག། དེ་ནས་ཚེ་དང་ལྡན་པ་ཀུན་དགའ་བོས་བླངས་ཏེ། ས་ཕྱོགས་གསལ་ལ་ཡངས་
Ga103a
༄#། །པར་སོང་ནས་གཞལ་བར་བརྩམས་པ་ལས། ཆོས་གོས་མང་དུ་ལྡང་པར་མཐོང་ངོ ། །དེ་ནས་དེས་བཅོམ་ལྡན་འདས་ཀྱི་ན་བཟའ་ཆོས་གོས་གསུམ་དང ། བདག་ཉིད་ཀྱི་བླ་གོས་མཐང་གོས་དང་བཅས་པ་དང ། ཚེ་དང་ལྡན་པ་སྒྲ་གཅན་འཛིན་གྱི་རས་ཆུང་དཔུང་ཆད་ཅིག་བྱས་སོ། །བཅོམ་ལྡན་འདས་ཀྱིས་དབྱར་གྱི་གནས་དེར་རས་ལྔ་བརྒྱ་བརྙེས་ཤིང ། དགེ་སློང་གི་དགེ་འདུན་གྱིས་ཀྱང་དུ་མ་ཞིག་རྙེད་ན། དགེ་སློང་རྣམས་ཀྱིས་ཇི་ལྟར་བསྒྲུབ་པར་བྱ་བ་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། དགེ་སློང་རྣམས་ཀྱིས་ཁྱིམ་པའི་གོས་གྲིས་དྲས་ཏེ་ཁ་དོག་ངན་པར་བྱས་པ་བཅང་བར་བྱའོ། །རྒྱལ་པོ་གཟུགས་ཅན་སྙིང་པོའི་ཀུན་ཏུ་སྤྱོད་པ་ནི། དགེ་སློང་ངམ། དགེ་སློང་མ་མཐོང་ན། གླང་པོ་ཆེ་ལས་བབས་ནས་རྐང་པ་ལ་ཕྱག་བྱེད་པ་ཡིན་ནོ། །དེ་དུས་གཞན་ཞིག་ན་གླང་པོ་ཆེ་ལ་ཞོན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱེད་དུ་སོང་བ་ལས། ཇི་ཙམ་ན་ལམ་གྱི་དབུས་ནས་འཚོ་བ་པ་ཞིག་མཐོང་ནས་དེ་དེ་ལ་གུས་པ་བསྐྱེད་དེ། གླང་པོ་ཆེ་ལས་བབས་ནས་རྐང་པ་གཉིས་ལ་གཏུགས་སོ། །དེ་ན་མ་དད་པ་གང་ཡིན་པ་དེ་དག་གིས་བསམ་པ། ལྷ་དགེ་སློང་འབའ་ཞིག་ལ་མངོན་པར་དད་པ་མ་ཡིན་ནོ། །དད་པ་ཅན་གང་ཡིན་པ་དེ་དག་གིས་བསམ་པ་ནི།
Ga103b
གདོན་མི་ཟ་བར་ལྷས་དགེ་སློང་ཡིན་སྙམ་སྟེ། དེ་གུས་པས་གླང་པོ་ཆེ་ལས་བབས་ནས་རྐང་པ་གཉིས་ལ་གཏུགས་སོ་སྙམ་ནས། དེ་རྣམས་ཡིད་གཉིས་སུ་གྱུར་ཏེ། རྒྱལ་པོ་ལ་སྨྲས་པ། ལྷ། སུ་ལ་ཕྱག་བགྱིས། བཅོམ་ལྡན་འདས་ཀྱི་ཉན་ཐོས་ལའོ། །ལྷ། དེ་ནི། བཅོམ་ལྡན་འདས་ཀྱི་ཉན་ཐོས་མ་ལགས་ཏེ། འཚོ་བ་པ་ལགས་སོ། །དེ་ནས་རྒྱལ་པོ་གཟུགས་ཅན་སྙིང་པོས་འདི་སྙམ་དུ་སེམས་ཏེ། བདག་གིས་དོན་འདི་ཁོ་ན་གསོལ་ལོ་སྙམ་ནས། བཅོམ་ལྡན་འདས་གང་ན་པ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གི་ཀུན་ཏུ་སྤྱོད་པ་ནི། དགེ་སློང་ངམ། དགེ་སློང་མ་མཐོང་ན་གླང་པོ་ཆེ་ལས་བབས་ནས་དེའི་རྐང་པ་ལ་ཕྱག་བགྱིད་པ་ལགས་པ་ལས། དེ་རིང་བདག་གུས་པ་སྐྱེས་ནས་གླང་པོ་ཆེ་ལས་བབས་ཏེ་དགེ་སློང་ལགས་སྙམ་ནས་འཚོ་བ་པའི་རྐང་པ་ལ་གཏུགས་ལགས་ཀྱི། ཀྱེ་མའོ། །བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། འཕགས་པ་རྣམས་ཀྱི་ཆོས་གོས་རྣམས་ལ་མཚན་མ་ཅུང་ཟད་ཅིག་གདབ་ཏུ་གསོལ། བཅོམ་ལྡན་འདས་ཀྱིས་རྒྱལ་པོ་གཟུགས་ཅན་སྙིང་པོ་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་
Ga104a
༄#། །ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་སོང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། འཚོ་བ་པ་གང་གིས་བདེན་པ་མཐོང་བ་ལས་ཕྱག་བདག་གིར་བྱས་པ་ནི་ཉམས་ཏེ། མི་རུང་ངོ ། །དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་གནམ་ལོགས་ན་བསིལ་ཡབ་ཐོགས་ཏེ་བཅོམ་ལྡན་འདས་ལ་གཡོབ་ཅིང་འདུག་གོ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་ཀྱིས་ལུས་འཕགས་ཀྱི་རི་བོ་མཐོང་ངམ། བཙུན་པ། མ་མཐོང་ལགས་སོ། །དེ་བཞིན་གཤེགས་པའི་ན་བཟའ་ཆོས་གོས་ཀྱི་མཐའ་ནས་ཟུངས་ཤིག། དེས་བཟུང་བ་དང ། དེ་ནས་བཅོམ་ལྡན་འདས་ཀྱིས་རྒྱལ་པོའི་ཁབ་ནས་མི་སྣང་བར་མཛད་དེ། དེ་ཉིད་ནས་རྫུ་འཕྲུལ་གྱིས་སྟེང་གི་ནམ་མཁའ་ལ་གཤེགས་ནས་ལུས་འཕགས་ཀྱི་རི་བོ་ལ་བཞུགས་སོ། །དེའི་ཚེ་མ་ག་དྷའི་མི་རྣམས་ཀྱི་ཞིང ། མཉམ་ཞིང་ཉེ་འཁོར་མཉམ་པ། རྣང་གི་ཁྱད་པར་སྣ་ཚོགས་དག་རྣང་སྒལ་གྱིས་འབྲེལ་ཅིང་མཛེས་པ་དག་གཟིགས་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་ཀྱིས་ཞིང་མཉམ་ཞིང་ཉེ་འཁོར་མཉམ་ལ་རྣང་གི་ཁྱད་པར་སྣ་ཚོགས་དག་རྣང་སྒལ་གྱིས་འབྲེལ་བར་མཛེས་པ་དེ་དག་
Ga104b
མཐོང་ངམ། བཙུན་པ། མཐོང་ལགས་སོ། །ཀུན་དགའ་བོ། དེ་ལྟ་བས་ན། དགེ་སློང་རྣམས་ཀྱིས་འདི་ལྟ་བུར་ཆོས་གོས་རྣམས་དྲས་ཏེ་དྲུབ་པར་བྱའོ། །གནས་བརྟན་ཀུན་དགའ་བོས་དགེ་སློང་རྣམས་ལ་སྨྲས་པ། ཁྱེད་ཀྱིས་འདི་ལྟ་བུར་ཆོས་གོས་རྣམས་དྲོས་ལ་དྲུབས་ཤིག། དགེ་སློང་རྣམས་ཀྱིས་ཆོས་གོས་དག་དྲས་ཏེ་དྲུབ་པར་བརྩམས་ན། སྣམ་བུ་རྣམས་ཁ་ཕྱོགས་གཅིག་ཏུ་བསྟན་པས་མི་མཛེས་ནས། ཚེ་དང་ལྡན་པ་ཀུན་དགའ་བོས་བསམ་པ། བཅོམ་ལྡན་འདས་ཀྱིས་བཀའ་མ་སྩལ་མོད་ཀྱི། འདི་ཁོ་ནས་རྐྱེན་བྱས་ནས་གནང་བར་འགྱུར་བའི་གནས་དེ་ཡོད་དོ། །སྙམ་ནས། དེས་སྣམ་བུ་རྣམས་ཁ་ཕྱོགས་གཉིས་ཀར་བསྟན་ན། འོན་ཀྱང་མཐའ་སྐོར་མེད་པས་མཛེས་པར་མ་གྱུར་ནས། མཐའ་སྐོར་བྱས་སོ། །དེ་ནས་བྱས་ཤིང་ཟིན་པ་དང ། བཅོམ་ལྡན་འདས་ལ་ཕུལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ལེགས་སོ། །ལེགས་སོ། །ངས་གང་གི་ཕྱིར་བཀའ་སྩལ་པ་དེ་ཁྱོད་ཀྱིས་ཤེས་ཏེ། དེ་ལྟ་བས་ན། དགེ་སློང་རྣམས་ཀྱིས་འདི་ལྟ་བུར་ཆོས་གོས་རྣམས་དྲས་ལ་དྲུབ་པར་བྱའོ། །དགེ་སློང་རྣམས་ཀྱིས་ཆོས་གོས་དྲས་ཤིང་དྲུབས་པ་རེ་རེ་བཅངས་ནས་ལྷག་མ་ནི། མ་དྲས་སོ། །དེ་ནས་བཅོམ་ལྡན་འདས་ཡུལ་མ་ག་དྷའི་ལྗོངས་རྒྱུ་ཞིང་གཤེགས་ཏེ། འབྲོག་གནས་སུ་བྱོན་ནས་འབྲོག་གནས་ན་འབྲོག་གནས་ཀྱི་ཚལ་ན་བཞུགས་སོ། །འབྲོག་གནས་འབབ་ཆུ་དང་ཉེ་
Ga105a
༄#། །བས་གྲང་ཞིང་རླུང་ལྡང་བར་གྱུར་ནས་བཅོམ་ལྡན་འདས་ཀྱིས་ཐུན་དང་པོ་ལ་མཐང་གོས་གསོལ་ཏོ། །ཐུན་བར་མ་ལ་བླ་གོས་གསོལ་ཏོ། །ཐུན་ཐ་མ་ལ་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ང་ལ་སྣམ་སྦྱར་གྱིས་གཡོགས་ཤིག། དེ་ནས་ཚེ་དང་ལྡན་པ་ཀུན་དགའ་བོས་ལག་པ་གཉིས་བཀྲུས་ནས་སྣམ་སྦྱར་གྱིས་བཅོམ་ལྡན་འདས་ཀྱི་སྟེང་དུ་གཡོགས་ཏེ། བཅོམ་ལྡན་འདས་ཀྱིས་ན་བཟའ་ཆོས་གོས་གསུམ་གྱིས་མཚན་མོ་དེ་འདས་པར་མཛད་དོ། །དེ་ནས་ནམ་ནངས་ནས་དགོངས་པ། འཇིག་རྟེན་ན་ཤིན་ཏུ་སྐྱིད་པ། བདེ་བར་འདོད་པ་གང་ཡིན་པ་སུ་ཡང་རུང ། དེ་རྣམས་ཀྱི་མཆོག་ནི། ང་ཡིན་ཏེ། ང་ཡང་ཆོས་གོས་གསུམ་གྱིས་འཚོ་བར་སྤྱོད་ན། ངའི་ཉན་ཐོས་རྣམས་ལྟ་སྨོས་ཀྱང་ཅི་དགོས་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། དགེ་སློང་རྣམས་ཀྱིས་དྲས་པའི་ཆོས་གོས་གསུམ་བཅང་བར་བྱའོ། ། བཅོམ་ལྡན་འདས་ཀྱིས་དྲས་པའི་ཆོས་གོས་གསུམ་བཅང་བར་བྱའོ། །ཞེས་བཀའ་སྩལ་ན། དགེ་སློང་ཞིག་ལ་ཆོས་གོས་གསུམ་པ་མེད་ནས་དེས་ཕྱིང་པ་ཞིག་རྙེད་ནས་དེས་དྲ་བར་བརྩམས་སོ། །བཅོམ་ལྡན་འདས་ཀྱང་ཕྱོགས་དེར་གཤེགས་ནས་སྨྲས་པ། དགེ་སློང ། འདི་ཅི་ཡིན། བཙུན་པ། བཅོམ་ལྡན་འདས་ཀྱིས་དགེ་སློང་རྣམས་ཀྱིས་དྲས་པའི་ཆོས་གོས་
Ga105b
གསུམ་པ་བཅང་བར་བྱའོ། །ཞེས་བཀའ་སྩལ་ན། བདག་ལ་ཆོས་གོས་གསུམ་པ་མ་མཆིས་ནས་བཙལ་བ་ལས། བདག་གིས་ཕྱིང་པ་འདི་རྙེད་དེ་དྲས་ནས་ཆོས་གོས་བགྱིའོ། །དགེ་སློང ། འདི་ནི། དྲ་བའི་འོས་མ་ཡིན་ནོ། །འོན་ཀྱང་ལྷན་ཐབས་ཀྱིས་གླན་པའི་འོས་ཡིན་པས་ལྷན་ཐབས་ཀྱིས་གླན་ནས་བཅང་བར་བྱའོ། །ཞེས་བཀའ་སྩལ་ནས་གཤེགས་ཏེ། དགེ་སློང་གི་དགེ་འདུན་བསྡུས་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དགེ་སློང་ཆེ་གེ་མོ་ཞེས་བྱ་བ་ལ་ཆོས་གོས་མེད་ནས་ཕྱིང་པ་ལ་འདྲ་བར་བྱེད་ཀྱི། དགེ་སློང་དག། དེ་ལྟ་བས་ན། མི་འདྲ་བ་ནི། ལྔ་སྟེ། ཕྱིང་པ་ཐམས་ཅད་དང ། སྣམ་བུ་ཐམས་ཅད་དང ། བེའུ་རས་ཐམས་ཅད་དང ། སེང་རས་ཐམས་ཅད་དང ། གླམ་ཐམས་ཅད་དེ། ལྷན་ཐབས་ཀྱིས་གླན་ནས་བཅང་བར་བྱའོ།། །།གླེང་གཞི་ནི། མཉན་ཡོད་ནའོ། །ཀོ་ས་ལའི་རྒྱལ་པོ་གསལ་རྒྱལ་གྱི་བློན་པོའི་མཆོག་རི་དྭགས་འཛིན་ཅེས་བྱ་བ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཁྱེའུ་ཞིག་བཙས་སོ། །ཞེས་བྱ་བ་ནས་དེ་བཞིན་དུ་ཁྱེའུ་བདུན་བཙས་ཏེ། དེ་ལ་དྲུག་གི་མིང་ནི། ཅི་དགའ་
Ga106a
༄#། །བར་བཏགས་སོ། །ཐ་ཆུང་གང་ཡིན་པ་དེའི་མིང་ནི། ས་ག་ཞེས་བྱ་བར་བཏགས་སོ། །ཇི་ཙམ་ན། རི་དྭགས་འཛིན་གྱི་ཆུང་མ་ཤི་ནས། དེས་བུ་དྲུག་གི་ཁྱིམ་ཕུབ་པ་དང ། དེ་རྣམས་རང་རང་གི་ཆུང་མ་རྣམས་དང་ལྷན་ཅིག་བྱི་དོར་ལྷུར་ལེན་ཅིང་ཁྱིམ་གྱི་འཚོ་ནམ་མི་སེམས་པར་འདུག་གོ། ཁྱིམ་བདག་རི་དྭགས་འཛིན་འགྲམ་པ་ལ་ལག་པ་གཏད་ནས་སེམས་ཁོང་དུ་ཆུད་ཅིང་འདུག་གོ། དེའི་འགྲོགས་བཤེས་བྲམ་ཟེ་ཞིག་ཡོད་པ་དེ་འོངས་ནས་དེས་དེ་སེམས་ཁོང་དུ་ཆུད་པ་མཐོང་ནས་དེས་སྨྲས་པ། ཁྱིམ་བདག། ཅིའི་ཕྱིར་སེམས་ཁོང་དུ་ཆུད། བདག་གི་བུ་འདི་དག་རང་རང་གི་ཆུང་མ་དང་ལྷན་ཅིག་བྱི་དོར་ལྷུར་ལེན་ཅིང་ཁྱིམ་གྱི་འཚོ་ནམ་མི་སེམས་པར་འདུག་པས་ཁྱིམ་ཞིག་པར་འགྱུར་རོ། །དེས་སྨྲས་པ། ཅིའི་ཕྱིར་ས་ག་ཁྱིམ་མི་དབུགས། གལ་ཏེ་ན་ཡང་ལྷག་པར་ཕུང་ཀྲོལ་བྱེད་ཀྱང་སུས་ཤེས། གལ་ཏེ་ན་འདི་ལྷག་པར་ལེགས་པར་བྱེད་ཀྱང་སུས་ཤེས། གལ་ཏེ་ཁྱོད་དད་ན། བུ་མོ་ཞིག་བཙལ་ལོ། །དེ་བཞིན་དུ་གྱིས་ཤིག། དེ་ཚོལ་ཞིང་རིམ་གྱིས་ཡུལ་ཙམ་པར་ཕྱིན་ཏོ། །ཙམ་པ་ན་ཁྱིམ་བདག་སྟོབས་ཀྱི་བཤེས་གཉེན་ཞེས་བྱ་བ་ཡོད་དེ། དེའི་བུ་མོ་ས་ག་མ་ཞེས་བྱ་བ། གཟུགས་བཟང་བ། དར་ལ་བབ་པ། ཚུལ་དང་དུལ་བ་དང་ལྡན་པ། མཁས་པ། གཡེར་བ་ཞིག་ཡོད་པ་དེ། བུ་མོ་ཡིད་འཕྲོག་མ་གང་འདོད་པ་རྣམས་དང་ལྷན་ཅིག་ཏུ་སྐྱེད་མོས་ཚལ་གྱི་གཞིར་ཆས་པ་དང ། བྲམ་ཟེ་དེ་ཡང་ཕྱོགས་དེར་
Ga106b
ཕྱིན་ཏེ། དེས་བུ་མོ་རྣམས་མཐོང་ནས། དེས་བསམ་པ། འདི་རྣམས་ཁོ་ན་ལ་རེ་ཞིག་བརྟག་པར་བྱའོ། །སྙམ་ནས། དེ་བརྟག་པ་ལྷུར་ལེན་ཅིང་དལ་བུས་འཇབ་ཅིང་དེ་རྣམས་ཀྱི་ཕྱི་བཞིན་དུ་སོང་ངོ ། །བུད་མེད་ནི། ཕལ་ཆེར་ཡང་བའི་རང་བཞིན་ཡིན་པས། དེ་རྣམས་ལས་ཁ་ཅིག་ནི། བང་རྒྱུག། ཁ་ཅིག་ནི། མཆོང་བར་བྱེད། ཁ་ཅིག་ནི། འགྲེ། ཁ་ཅིག་ནི། རྒོད། ཁ་ཅིག་ནི། ལུས་སྒྱུར་བར་བྱེད། ཁ་ཅིག་ནི། གླུ་ལེན་པར་བྱེད་དེ། འདི་དག་དང ། གཞན་ཡང་སྤྱོད་ཚུལ་ངན་པ་དག་བྱེད་དོ། །དུལ་བ་ཕུན་སུམ་ཚོགས་པ་དེ་ནི། གོམ་པ་དལ་གྱིས་དེ་དག་དང་ལྷན་ཅིག་ཏུ་འགྲོའོ།། ཇི་ཙམ་ན། སྐྱེད་མོས་ཚལ་དུ་ཕྱིན་པ་དང ། བུ་མོ་དེ་རྣམས་ནི། རྫིང་གི་འགྲམ་དུ་གོས་རྣམས་བཞག་ནས་མོད་ལ་ཞུགས་ཏེ་རྩེ་བར་བརྩམས་སོ། །དེ་ནི། ཇི་ཙམ་ཇི་ཙམ་ཆུར་ནུབ་པ་དེ་ཙམ་དེ་ཙམ་དུ་གོས་དག་བརྫེ་ཞིང་འཇུག་ལ། ཇི་ཙམ་ཇི་ཙམ་ལྡང་བ་དེ་ཙམ་དུ་གོས་དག་འབེབས་ཤིང་ལྡང་སྟེ། དེ་ལྟ་བུར་སྤྱོད་ལམ་ཞི་བ་ཡིན་ནོ། །དེ་ནས་ཁྲུས་ཀྱི་བརྩོན་པ་བྱས་ནས་གནས་གཅིག་ཏུ་འདུག་པ་དང ། བུ་མོ་དེ་རྣམས་ནི། ཐོག་མར་རང་ཟས་ཟོས་ནས་དེའི་འོག་ཏུ་འཁོར་གྱི་སྐྱེ་བོ་ལ་སྦྱིན་པར་རྩོམ་མོ། །དེ་ནི། འཁོར་གྱི་སྐྱེ་བོ་ལ་སྔར་བྱིན་ནས་དེའི་འོག་ཏུ་རང་ཟ་བར་རྩོམ་མོ། །དེ་ནས་ཟོས་ཤིང་འཐུངས་ནས་སྐྱེད་མོས་ཚལ་གྱི་བདེ་བ་ཉམས་སུ་མྱོང་བར་བྱས་ནས་དོང་ངོ ། །ཇི་ཙམ་ན། ལམ་གར་ཆུ་རྒལ་བར་བྱེད་པ་ན། བུ་མོ་དེ་རྣམས་ནི། མཆིལ་ལྷམ་
Ga107a
༄#། །རྣམས་ཕུད་ནས་བརྒལ་ལོ། །དེ་ནི། མཆིལ་ལྷམ་དང་བཅས་པས་དོང་ངོ ། །དེ་དག་ཀུན་དགའི་ར་པར་ཞུགས་པ་དང ། དེས་ནི། གདུགས་ཐོགས་ཏེ་ཨ་མྲའི་ཚལ་དུ་བྱུང་ངོ ། །གཞན་དག་གིས་གདུགས་རྣམས་བོར་རོ། །དེ་ནས་རླུང་དང་ཆར་བབ་ནས་དེའི་ཚེ་བུ་མོ་རྣམས་ལྷ་ཁང་དུ་ཞུགས་ནས་འདུག་གོ། །དེ་ནི། བླ་གབ་མེད་པ་ནའོ། །བྲམ་ཟེ་དེ་ཡང་དེའི་རྗེས་བཞིན་དུ་སོང་བ་ལས། དེས་དེའི་མཚན་ཉིད་དང་སྤྱོད་ཚུལ་དེ་ལྟ་བུ་མཐོང་ནས་དེ་ནས་ངོ་མཚར་སྐྱེས་ཏེ་བུ་མོ་དེ་ལ་དྲི་བར་བརྩམས་པ། བུ་མོ། ཁྱོད་སུའི། སྟོབས་ཀྱི་བཤེས་གཉེན་གྱི་བུ་མོའོ། །བུ་མོ། ཁྱོད་ལ་ཅུང་ཟད་ཅིག་འདྲིའི། མ་ཁྲོ་ཞིག་།དེས་འཛུམ་པ་སྔོན་དུ་བཏང་ནས་སྨྲས་པ། ཁུ་གུ། འདི་ལ་ཁྲོར་ཅི་མཆིས། དྲིས་ཤིག། བུ་མོ། འདི་དག་ཐམས་ཅད་ནི།་རྒྱུག་པ་དང ། མཆོང་པ་དང ། འགྲེ་བ་དང ། ལུས་སྒྱུར་བར་བྱེད་པ་དང ། གླུ་ལེན་པར་བྱེད་ཅིང ། འདི་དག་དང ། གཞན་ཡང་སྤྱོད་ཚུལ་ངན་པ་བྱེད་ཅིང་འགྲོ་ན། ཁྱོད་ནི། ཚུལ་དང་དུལ་བ་ཕུན་སུམ་ཚོགས་པས་དལ་བུས་རྒྱུ་ཞིང ། དེ་རྣམས་དང་ལྷན་ཅིག་སྐྱེད་མོས་ཚལ་དུ་འགྲོ་བར་བྱེད་དོ། །དེས་སྨྲས་པ། བུ་མོ་ཐམས་ཅད་ནི། ཕ་དང་མས་བཙོང་པའི་རྫས་ཡིན་ན། གལ་ཏེ་བདག་གིས་མཆོང་ངམ་འགྲེས་ནས་རྐང་པའམ། ལག་པ་ཆག་པར་གྱུར་ན། བདག་ལ་སུ་ཞིག་སློང་བར་འགྱུར་ཏེ། ངེས་པར་བདག་ཇི་སྲིད་འཚོའི་བར་དུ་ཕ་དང ། མ་ཁོ་ནའི་གསོན་
Ga107b
པར་འགྱུར་རོ། །བུ་མོ། ལེགས་ཏེ། དེ་ནི། ཁོང་དུ་ཆུད་དོ། །གཞན་ཡང ། འདི་འདྲི་སྟེ། བུ་མོ་འདི་དག་ནི། གོས་རྣམས་མཐའ་གཅིག་ཏུ་བཞག་ནས་གོས་གཅིག་ཀྱང་མེད་པར་མོད་ལ་ཞུགས་ནས་རྩེ་བར་རྩོམ་ལ། ཁྱོད་ནི། ཇི་ཙམ་ཇི་ཙམ་ཆུར་ནུབ་པ་དེ་ཙམ་དེ་ཙམ་དུ་གོས་བརྫེ་བར་བྱེད་དོ། །ཁུ་གུ། བུ་མེད་ནི། ངོ་ཚ་ཤེས་པ་དང ། ཁྲེལ་ཡོད་པ་དང་ལྡན་པར་བྱ་དགོས་ཕས། གལ་ཏེ་བདག་གིས་གོས་ཕུད་པ་འགའ་ཞིག་གིས་མཐོང་ན། མི་རིགས་པར་འགྱུར་རོ། །བུ་མོ། ཁྱོད་ལ་དེ་ན་སུ་ཞིག་ལྟ། ཁུ་གུ། རེ་ཞིག་ཁྱོད་ཁོ་ནས་ཀྱང་བདག་མཐོང་བར་འགྱུར་རོ། །བུ་མོ། ལེགས་ཏེ། དེ་ཡང་ཁོང་དུ་ཆུད་དོ། །གཞན་ཡང ། འདི་འདྲི་སྟེ། བུ་མོ་འདི་དག་ནི། རང་སྔར་ཟོས་ནས་དེའི་འོག་ཏུ་འཁོར་གྱི་སྐྱེ་བོ་ལ་ཟན་སྦྱིན་པར་བྱེད་ལ། ཁྱོད་ནི། འཁོར་གྱི་སྐྱེ་བོ་ལ་སྔར་ཟན་བྱིན་ནས་དེའི་འོག་ཏུ་རང་ཟ་བར་བྱེད་དོ། །ཁུ་གུ། བདག་ཅག་ནི། བསོད་ནམས་ཀྱི་འབྲས་བུས་འཚོ་བས་བདག་ཅག་ལ་རྟག་ཏུ་དུས་སྟོན་མཆིས་ལ། འདི་དག་ནི། ཚེགས་འབྱུང་བའི་འབྲས་བུས་འཚོ་བ་ལགས་པས། བརྒྱ་ལམ་ན་ལན་འགའ་རྒྱ་ཆེན་པོ་འཐོབ་པའི་ཕྱིར་རོ། །བུ་མོ། ལེགས་ཏེ། དེ་ཡང་ཁོང་དུ་ཆུད་དོ། །གཞན་ཡང ། འདི་འདྲི་སྟེ། འཇིག་རྟེན་ཐམས་ཅད་ནི། སྐམ་ལ་མཆིལ་ལྷམ་གྱོན་ལ། ཁྱོད་ནི། ཆུ་ལ་གྱོན་པ་དེ་ཅི། ཁུ་གུ། འཇིག་རྟེན་བླུན་མོད། ཆུ་ཁོ་ན་ལ་མཆིལ་ལྷམ་བགོ་འཚལ་ཏེ། ཅིའི་སླད་དུ་ཞེ་ན། ཐང་ལ་སྡོང་
Ga108a
༄#། །དུམ་དང ། ཚེར་མ་དང ། རྡོ་བ་དང ། ཟུག་རྡོ་དང ། ཉ་ཕྱིས་ཀྱི་དུམ་བུ་དང ། སྲིན་ཀོག་གི་དུམ་བུ་རྣམས་མངོན་ལ། ཆུ་ལ་ནི། དེ་དག་མི་མངོན་པས་དེས་ན། ཆུ་ཁོ་ན་ལ་མཆིལ་ལྷམ་བགོ་བར་བགྱིའི། ཐང་ལ་ནི། མ་ལགས་སོ། །བུ་མོ། ལེགས་ཏེ། དེ་ཡང་ཁོང་དུ་ཆུད་དོ། །གཞན་ཡང ། འདི་འདྲི་སྟེ། བུ་མོ་དེ་དག་ནི། ཉི་མ་ལ་གདུགས་ཐོགས་ན། ཁྱོད་ནི།་ཀུན་དགའི་ར་བའི་ཤིང་གི་གྲིབ་མ་ལ་ཐོགས་པར་བྱེད་ན། འདི་ལ་རིགས་པ་ཅི་ཞིག་ཡོད། ཁུ་གུ། འཇིག་རྟེན་བླུན་མོད། ཀུན་དགའི་ར་བ་ཁོ་ནར་གདུགས་བཅང་འཚལ་ཏེ། དེ་ཅིའི་སླད་དུ་ཞེ་ན། ཀུན་དགའི་ར་བ་ནི། རྟག་ཏུ་སྤྲེའུ་དང་བྱ་རྣམས་ཀྱིས་གང་བས། བྱ་རྣམས་ནི། གཅིན་རྟུག་འཐོར་ཞིང་རུས་པའི་དུམ་བུ་དག་འཐོར་རོ། །སྤྲེའུ་རྣམས་ཀྱང་བཤང་བ་དང་གཅི་བ་བྱེད་ཅིང ། འབྲས་བུའི་ཟ་འཕྲོ་དག་འཐོར་བར་བྱེད་ལ། རང་བཞིན་གྱིས་རྒོད་བག་ཅན་ཡིན་པས་ཕན་ཚུན་ཡལ་ག་གཞན་དུ་འགྲོ་བར་བྱེད་པ་ན། ཤིང་དུམ་དག་ལྟུང་བར་བྱེད་དོ། །བླ་གབ་མ་མཆིས་པ་ལ་ནི། དེ་དག་མ་མཆིས་སོ། །བརྒྱ་ལ་མཆིས་ན་ཡང་དེ་རེས་འགའ་ཞིག་འབབ་པར་བས་ཏེ། དེས་ན། ཀུན་དགའ་ར་བ་ཁོ་ནར་གདུགས་བཅང་བར་བགྱིའི་བླ་གབ་མ་མཆིས་པར་ནི་མ་ལགས་སོ། །བུ་མོ། ལེགས་ཏེ། དེ་ཡང་ཁོང་དུ་ཆུད་དོ། །གཞན་ཡང ། འདི་འདྲི་སྟེ། བུ་མོ་འདི་དག་ནི། རླུང་དང་ཆར་པ་བྱུང་ན། ལྷ་ཁང་དུ་
Ga108b
འཇུག་ན། ཁྱོད་ནི། བླ་གབ་མེད་པར་འདུག་གོ། ཁུ་གུ། བླ་གབ་མ་མཆིས་པ་ཁོ་ནར་གནས་པར་བགྱིའི། ལྷ་ཁང་དུ་འཇུག་པར་ནི། མ་ལགས་སོ། །བུ་མོ། འདི་ལ་རིགས་པ་ཅི་ཡོད་ཁུ་གུ། ལྷ་ཁང་སྟོང་པ་འདི་དག་ནི། རྟག་ཏུ་དྭ་དང ། ནལ་ཕྲུག་དང ། གཡོན་ཅན་རྣམས་ཀྱིས་མི་སྟོང་ལགས་ཏེ། གལ་ཏེ་བདག་ཞུགས་པའི་ཡན་ལག་དང ། ཉིད་ལག་དག་ལ་འགའ་ཞིག་གིས་རེག་ན། དེ་ལྟ་ན། བདག་གི་ཕ་མ་དག་ལ་མི་སྙན་པར་མི་འགྱུར་རམ། ཉིས་ན། བླ་གབ་མེད་པར་སྲོག་དང་བྲལ་བ་ནི། བླའི། ལྷ་ཁང་སྟོང་པར་མི་འཇུག་གོ་།དེ་ནས་བྲམ་ཟེ་དེ། དེའི་སྤྱོད་ཚུལ་གྱིས་རངས་ཤིང་ཡིད་བདེ་བ་སྐྱེས་ནས་ཁྱིམ་བདག་སྟོབས་ཀྱི་བཤེས་གཉེན་གྱི་ཁྱིམ་དུ་ཞུགས་ཏེ་བུ་མོ་ཐོབ་པར་འདོད་པའི་སྤྲོ་བ་དང་བཅས་པས་བདེ་ལེགས་སུ་གྱུར་ཅིག། བདེ་ལེགས་སུ་གྱུར་ཅིག་ཅེས་སྨྲ་བ་དང ། ཁྱིམ་འཁོར་གྱི་སྐྱེ་བོས་སྨྲས་པ། བྲམ་ཟེ། རེ་ཞིག་བསླང་བའི་དུས་ནི། མ་ཡིན་ན། ཅི་ཞིག་སློང ། བུ་མོ་སློང་ངོ། །སུ་ཞིག་གི་ཆེད་དུ། མཉན་ཡོད་ན་བློན་པོའི་མཆོག་རི་དྭགས་འཛིན་ཅེས་བྱ་བ་དེའི་བུ་ས་ག་ཞེས་བྱ་བའི་འོ། །དེ་རྣམས་ཀྱིས་སྨྲས་པ། དེ་དང ། བདག་ཅག་ནི། རིགས་མཉམ་པ་ཡིན་ན། འོན་ཀྱང་ཡུལ་ཧ་ཅང་ཡང་ཐག་རིང་ཆེས་སོ། །དེས་སྨྲས་པ། རིང་པོ་ཁོ་ན་ལ་བུ་མོ་སྦྱིན་པར་བྱའོ། །དེ་ཅིའི་ཕྱིར་ཞེ་ན། ཉེ་ན་རེ་ཞིག་གལ་ཏེ་བདེ་བར་གྱུར་པ་ཐོས་པ་
Ga109a
༄#། །ན།་དགའ་བ་བསྐྱེད་པར་ཟད། ཉེ་ན་སྡུག་བསྔལ་བར་གྱུར་ན། སྦྱིན་པ་དང ། མཆོད་པ་དང ། བཀུར་སྟི་བྱ་བས་དུབ་པར་འགྱུར་ཞིང ། ནོར་འགེད་བར་ཡང་འགྱུར་རོ། །དེ་རྣམས་ཀྱིས་སྨྲས་པ། གལ་ཏེ་དེ་ལྟ་ན་སྦྱིན་ནོ། །དེ་ནས་བྲམ་ཟེ་དེ། བདེ་ལེགས་སུ་གྱུར་ཅིག་ཅེས་སྨྲས་ནས་སོང་སྟེ་རིམ་གྱིས་མཉན་ཡོད་དུ་ཕྱིན་ནས་ལམ་གྱིས་དུབ་པ་བསལ་ཏེ། བློན་པོའི་མཆོག་རི་དྭགས་འཛིན་གྱི་དྲུང་དུ་སོང་ནས་དེ་ནས་བུ་མོའི་ཟ་བ་དང ། གནས་པའི་སྤྱོད་ཚུལ་དང ། གཟུགས་བཟང་ཞིང་དར་ལ་བབ་པ་དང ། མཛེས་པ་དང ། མཁས་པ་དག་ཇི་ལྟ་བ་བཞིན་དུ་བསྙད་ནས་སྨྲས་པ། བདག་གིས་ཉོན་མོངས་པ་ཆེན་པོས་ཡུལ་དང ། ཚོང་རྡལ་སྣ་ཚོགས་སུ་རྒྱུས་པས་སྡུག་བསྔལ་གྱིས་དེ་རྙེད་ཀྱི། ད་ནི། སོང་ལ་ལོངས་ཤིག། དེ་ནས་བློན་པོའི་མཆོག་རི་དྭགས་འཛིན་གྱིས་ཉི་མ་དང ། ཚེས་གྲངས་དང ། ཡུད་ཙམ་དང ། རྒྱུ་སྐར་དག་བསྟུན་ནས་ཙམ་པར་འོངས་ཏེ། དཔལ་གྱི་འབྱོར་པ་ཆེན་པོས་ས་གའི་ཆུང་མ་བླངས་སོ། །དེ་མི་ཡུལ་དུ་འགྲོ་བའི་ཚེ་མས་བསླབ་པ། བུ་མོ། ཁྱོད་ཀྱིས་ཉི་མ་དང་ཟླ་བ་གཉིས་ལ་རྟག་ཏུ་ཕྱག་བྱ། མེ་ལ་བསྙེན་བཀུར་བྱ། མེ་ལོང་དྲི་མ་འཕྱི་བར་བྱ། གོས་དཀར་པོ་བགོ་བར་བྱ། བླང་བར་བྱའི། སྦྱིན་པར་མི་བྱ། ཚིག་བསྲུང་བར་བྱ། ལངས་ནས་སུ་ལ་ཡང་སྟན་བསྟབ་པར་མི་བྱ། ཞིམ་པོ་བཟའ་བར་བྱ། བདེ་
Ga109b
བར་ཉལ་བར་བྱ། ཐེམ་སྐས་གཟུགས་པར་བྱའོ། །དེ་ནས་རི་དྭགས་འཛིན་གྱིས་ཐོས་ནས། དེས་བསམ་པ། བུ་མོ་འདི་ལྟ་བ་ལོག་པར་འཛིན་དུ་བཅུག་སྟེ། བདག་གིས་འདི་ལྟ་བ་ལོག་པ་དང་ཕྲལ་ལ་ཡང་དག་པའི་ལྟ་བ་འཛིན་དུ་གཞུག་གོ། སྙམ་དུ་བསམ་ནས་དེ་བླངས་ཏེ་ཆས་སོ། །དེ་ནས་དེའི་མ་སྡུག་པས་སྙིང་དཀྲུགས་ཤིང་མིག་མཆི་མས་གང་བས་མགུལ་ནས་འཁྱུད་ནས་ངུ་བཞིན་གྱི་ང་རོས་སྨྲས་པ། བུ་མོ། ཁྱོད་མཐོང་བའི་ཐ་མ་ནི། འདི་ཡིན་ནོ། །དེས་དེ་ལ་ཤེས་པར་བྱ་བའི་ཕྱིར་སྨྲས་པ། ཡུམ། རེ་ཞིག་ཁྱོད་འདིར་འཁྲུངས་སམ། འོན་ཏེ་ཉེ་དུའི་ཁྱིམ་དུ། བུ་མོ། ཉེ་དུའི་ཁྱིམ་དུའོ། །ཁྱོད་ཀྱི་ཁང་པ་དེ་ཡིན་ནམ། འོན་ཏེ་འདི་ཡིན། འདི་ཡིན་ནོ། །བདག་ཀྱང་འདིར་སྐྱེས་ལ་དེར་བདག་གནས་པར་གསལ། འདུ་བ་མཆིས་ན་གདོན་མི་ཟ་བར་མཐའ་འབྲལ་བར་འགྱུར་ན། བཤུམས་སུ་ཅི་མཆིས། ཅང་མ་གསུངས་ཤིག། དེ་ནས་རི་དྭགས་འཛིན་ནི། ཐང་ལ་སོང་ངོ ། །ས་ག་མ་ནི། ཁྱིམ་ཐབ་དང ། རང་གི་ཁྱིམ་ནས་ཐོབ་པའི་འཁོར་གྱི་སྐྱེ་བོ་དང་ལྷན་ཅིག་ཏུ་གྲུར་དོང་བ་ལས། དེ་ན་རྒོད་མ་རྟེའུ་སྨད་བྱུང་ནས་རིང་པོ་མ་ལོན་པ་ཞིག་གྲུར་གཞུག་པར་བྱས་པ་དང ། རྟེའུ་ཐང་ལ་མི་རྒའོ་སྙམ་ནས་བསྒྲིམས་ཀྱང་འཇུག་ཏུ་མ་བཏུབ་པ་དང ། ཀུ་ཅོ་བྱུང་བ་ས་ག་མས་ཐོས་ནས་དེས་སྨྲས་པ། ཅིའི་ཕྱིར་ཀུ་ཅོ་འདི་བྱུང ། དེ་རྣམས་ཀྱིས་ཇི་ལྟར་གྱུར་པ་རྣམས་སྨྲས་པ་དང ། ས་ག་མས་སྨྲས་པ། རྟེའུ་སྔར་ཆུ་གཅིག་དང་
Ga110a
༄#། །རང་ཉིད་འཇུག་པར་འགྱུར་རོ། །དེ་རྣམས་ཀྱིས་དེ་བཞིན་བྱས་པ་དང་ཞུགས་སོ། །དེ་ནས་རི་དྭགས་འཛིན་གྱིས་དེ་རྣམས་ལ་དྲིས་པ། ཅིའི་ཕྱིར་ཁྱེད་ཅག་རིང་ཞིག་ལོན་ནས་འོངས། རྟ་རྒོད་མ་གྲུར་མཆོང་དུ་མ་བཏུབ་པས་སོ། །འོ་ན་ཇི་ལྟར་མཆོང ། ཙམ་པ་མས་ཐབས་བཤམས་པ་ཞིག་བསྟན་ཏེ་རྟེའུ་སྔར་བཅུག་པས་སོ། །ཙམ་པ་མོ་ནི། མཁས་པ་ཡིན་ནོ། །ཇི་ཙམ་ན་མགྲོན་པོ་རྣམས་ལམ་གར་ནུབ་མོ་བྲང་བཏབ་སྟེ་གནས་པ་ལ་རི་དྭགས་འཛིན་གྱི་མལ་བྱ་སྐྱིབས་ཤིག་ཏུ་བཅས་པ་ས་ག་མས་མཐོང་ནས་དྲིས་པ། འདི་སུའི་མལ། རི་དྭགས་འཛིན་གྱིའོ། །སྤོས་ཤིག། ཅིའི་ཕྱིར། གལ་ཏེ་གཉིད་ཀྱིས་ལོག་པ་ལ་བྱ་སྐྱིབས་སྟེང་དུ་རྡིབ་ན་གདོན་མི་ཟ་བར་ནོན་པས་འཆི་བར་འགྱུར་ཏེ། བདག་ལ་གང་ཞིག་བླངས་ན་གྱོས་པོ་ཁྱིམ་དུ་མ་ཕྱིན་པར་ལམ་གར་ཤི་བ་འདི་ལྟ་བུའི་བུ་མོ་བག་མར་བླང་ཞེས་ཇི་སྲིད་འཚོའི་བར་མི་སྙན་པ་འབྱུང་བར་འགྱུར་རོ། །མལ་དེ་ཡང་སྤོས་པ་ལས་གད་པ་ཞིག་པ་དང་སྐྱེ་བོའི་ཚོགས་ཆེན་པོས་ཁྱིམ་བདག་ནོན་ཏོ་ཞེས་ཀུན་ཏུ་བརྒྱུགས་པ་དང ། ཁྱིམ་བདག་གིས་སྨྲས་པ། ཤེས་ལྡན་དག། བདག་འདི་ན་འདུག་གི། མ་སྐྲག་པར་མལ་རྟོགས་ཤིག། མལ་སྤོས་སོ། །སུས། ས་ག་མས་སོ། །ཙམ་པ་མ་ནི། མཁས་པ་ཡིན་ནོ། །ཡང་སྐྱེད་མོས་ཚལ་རྙིང་པ་ཞིག་ཏུ་ནུབ་མོ་བྲང་བཏབ་སྟེ་འཁོད་པ་
Ga110b
ལས། རི་དྭགས་འཛིན་གྱི་མལ་ལྷ་ཁང་སྟོང་པ་ཞིག་ཏུ་བཅས་པ་ས་ག་མས་མཐོང་ནས་དྲིས་པ། འདི་སུའི་མལ། དཔོན་པོའི་འོ། །སྤོས་ཤིག། ཅིའི་ཕྱིར། གལ་ཏེ་ལྷ་ཁང་རྡིབ་སྟེ་དེ་ནོན་ན་ཤི་བར་འགྱུར་ཏེ། བདག་ལ་ཞེས་བྱ་བ་ནས་མི་སྙན་པ་འབྱུང་བར་འགྱུར་རོ། །ཞེས་བྱ་བའི་གོང་མ་བཞིན་དུའོ། །མལ་དེ་ཡང་སྤོས་པ་ལས། ལྷ་ཁང་ཞིག་པ་དང་སྐྱེ་བོའི་ཚོགས་ཆེན་པོས་བརྒྱུགས་པ་དང་ཞེས་བྱ་བ་ནས་ཙམ་པ་མ་ནི། མཁས་པ་ཡིན་ནོ། །ཞེས་བྱ་བའི་བར་གོང་མ་བཞིན་དུའོ། །ཇི་ཙམ་ན། རིམ་གྱིས་མཉན་ཡོད་དུ་ཕྱིན་ནས་ལམ་གྱིས་དུབ་པ་བསལ་ཏེ། མཛའ་བཤེས་དང ། ཉེ་དུ་དང ། གཉེན་གྱི་སྐྱེ་བོ་སྤྲས་ནས་ས་ག་མ་རང་གི་རིགས་དང་འཚམ་པའི་ཁྱིམ་གྱི་ལས་དག་བྱེད་དོ། །རི་དྭགས་འཛིན་གྱི་མནའ་མ་དྲུག་གིས་རེས་མོས་རེས་མོས་སུ་ཁྱིམ་མིའི་ཟན་སྦྱོར་བ་ལས། ས་ག་མ་ལ་ཡང་དེ་བཞིན་དུ་བསྒོ་སྟེ། ཁྱོད་ཀྱི་རེས་ཀྱང་ཞག་བདུན་པ་ལ་སྦྱོར་ཅིག། དེའི་རེས་ལ་འབབ་ཏུ་ཉེ་བ་དང ། གྱོས་པོ་དང ། སྒྱུག་མོ་དང ། ཁྱིམ་བདག་རྣམས་ཀྱི་དྲིའི་ལྷག་མ་གང་ཡིན་པ་དེ་དག་རིལ་བུར་བྱས་ནས་ཉི་མ་རེ་རེ་ཞིང་བསྐམས་སོ། །ཉི་མ་རེ་རེ་ཞིང་ནོད་པའི་ཕྱེ་གང་ཡིན་པ་དེ་ལས་ཀྱང་པྲེ་ཁ་ཕྲི་སྟེ་བཞག་ལ། ལྷག་མ་མར་དང་བསྲེས་པས་དེ་དང་ཚད་མཉམ་པར་གྱུར་ཏོ། །སང་ལྟ་བུ་རེས་བབ་པ་ན། ཆང་བཏུང་ལ་རེག་པར་བྱ་བ་དང ། ཁྱིམ་ཐབ་དང་རང་གི་མེ་ཏོག་གི་ཕྲེང་བ་རྙིང་པ་གང་ཡིན་པ་དེ་དག་བསིལ་བར་བཞག་ནས་
Ga111a
༄#། །ཇི་ཙམ་ན་ནམ་ལངས་པ་དང ། ལས་བྱེད་པ་རྣམས་ལ་སྒྱུ་རྩི་དང ། དྲི་དང ། མེ་ཏོག་དང ། ཟས་དང ། ཆང་དག་བྱིན་ནོ། །དེ་རྣམས་ཤིན་ཏུ་མགུ་ནས་བདག་ཅག་རིང་ཞིག་ལོན་ནས་ཁྱིམ་བདག་གི་ཆུང་མ་རྙིང་པས་བཞིན་བལྟས་སོ། །ཞེས་དེ་རྣམས་ཀྱིས་དེའི་ཉིན་པར་ལས་ཉིས་འགྱུར་དུ་བྱས་སོ། །ཇི་ཙམ་ན། རི་དྭགས་འཛིན་གྱིས་ཕྱི་དྲོའི་དུས་སུ་ལས་ཀྱི་མཐའ་ལ་བལྟས་པ་ན། ལས་མང་དུ་ཟིན་པ་མཐོང་ནས་དེས་དྲིས་པ། ཅི། ཁྱེད་ཅག་གིས་གླ་མི་གཞན་དག་ཅིག་བཀུག་གམ། སུས་ཀྱང་མ་བཀུག་གོ། གང་གིས་ན། ལས་ཉིས་འགྱུར་དུ་བྱས་པ་འདི་ལ་རྒྱུ་ཅི་ཞིག་ཡོད། དེ་རྣམས་ཀྱིས་སྨྲས་པ། དཔོན་པོ། ཟས་ཅི་འདྲ་བ་དེ་འདྲ་བའི་ལས་བགྱིད་དོ། །དེ་ཇི་ལྟ་བུ་ཡིན། དེ་རྣམས་ཀྱིས་ཇི་ལྟར་གྱུར་པ་རྒྱ་ཆེར་སྨྲས་པ་དང ། རི་དྭགས་འཛིན་གྱི་བུ་རྣམས་ཀྱིས་རང་རང་གི་ཆུང་མ་ལ་སྨྲས་པ་ལས། དེ་རྣམས་ཀྱིས་སྨྲས་པ། ས་ག་མས་ཇི་ལྟར་བགྱིས་པ་དེ་བཞིན་དུ་གལ་ཏེ་བདག་ཅག་གིས་ཀྱང་ཁྱིམ་ནས་བརྐུས་ལ་གླ་མི་རྣམས་དགའ་བར་བགྱིས་པ་དང ། བདག་ལ་ཡང་ཇོ་བོ་དང ། ཁྱེད་གླ་མི་རྣམས་དགའ་བར་འགྱུར་རོ། །དེ་ནས་རི་དྭགས་འཛིན་གྱིས་ས་ག་མ་ལ་དྲིས་པ། བུ་མོ། ཁྱོད་ཀྱིས་ཁ་ཟས་རྣམས་ཇི་ལྟར་བཤམས། དེས་རྒྱས་པར་སྨྲས་པ་དང ། རི་དྭགས་འཛིན་མགུ་ནས། དེས་དེ་ཁོ་ན་ཁྱིམ་གྱི་བྱ་བ་རྣམས་བྱེད་དུ་བཅུག་སྟེ། ནང་མི་ཐམས་ཅད་ལ་སྨྲས་པ། ཁྱེད་ཅག་ལས་གང་
Ga111b
ཞིག་ས་ག་མས་བྱིན་པས་མགུ་བ་ནི། དེས་གནས་པར་གྱིས་ལ། དེ་དང་རྗེས་སུ་མཐུན་པར་ཡང་གྱིས་ཤིག། ཇི་ཙམ་ན། ཁྱིམ་གྱི་དཔོན་མོར་གྱུར་ནས་སྤྱོད་ཚུལ་དང ། གནས་པ་དང ། དེས་པས་ནང་མི་ཐམས་ཅད་དགའ་བར་གྱུར་ཏོ། །ཇི་ཙམ་དུས་གཞན་ཞིག་ན། ས་ག་མའི་ཁྱིམ་སྟེང་ནས་ངང་པ་རྣམས་ཀྱིས་བྱང་གི་སྒྲ་མི་སྙན་གྱི་གླིང་ནས་མ་རྨོས་མ་བཏབ་པའི་འབྲས་སཱ་ལུ་དག་ཁྱེར་ནས་དོང་པ་ལས། རྒྱལ་པོའི་ཁབ་ན་འདུག་པའི་ངང་པས་དེ་དག་མཐོང་ནས་སྐད་ཕྱུང་བ་དང ། དེ་རྣམས་ཀྱིས་ཀྱང་སྐྱེ་གནས་མཐུན་པའི་གཅུགས་པས་བརྣག་མ་ཐུབ་སྟེ་སྐད་ཕྱུང་བ་དང ། རྒྱལ་པོའི་ཁབ་ཀྱི་ཁང་ཐོག་ཏུ་འབྲས་ཀྱི་སྙེ་མ་རྣམས་ལྷུང་བར་གྱུར་ཏོ། །དེ་ནས་རྒྱལ་པོས་བློན་པོ་རྣམས་ལ་རེ་རེ་བྱིན་པ་དང ། རི་དྭགས་འཛིན་གྱིས་རང་གི་སྐལ་བ་ས་ག་མ་ལ་བྱིན་ནོ། །དེས་ཟ་མ་ཏོག་གི་ནང་དུ་བཅུག་སྟེ་ཞིང་པ་རྣམས་ལ་བསྒོ་བ་དང ། དེ་རྣམས་ཀྱང་ཤིན་ཏུ་མགུ་སྟེ། དེ་རྣམས་ཀྱིས་ཞིང་ཆུང་ངུ་ཞིག་ལེགས་པར་བསྟན་ནས་དུས་ཤེས་པར་བྱས་ཏེ་བཏབ་པ་དང ། ལྷས་དུས་བཞིན་དུ་ཆར་ཕབ་པས་ས་བོན་དང་མཐུན་པར་ཕུན་སུམ་ཚོགས་པར་སྐྱེས་སོ། །ཕྱི་དེ་ལོ་ལ་རབ་ཏུ་མང་པོ་སྐྱེ་བར་གྱུར་ཏོ། །ཡང་ཕྱི་དེ་ལོ་ལ་ནི། དེ་བས་ཀྱང་མང་པོར་གྱུར་ཏེ། དེ་བཞིན་དུ་ཇི་ཙམ་ན། བང་བ་ཐམས་ཅད་ངང་པས་ཁྱེར་ཏེ་འོངས་པའི་འབྲས་སཱ་ལུས་གང་བར་གྱུར་ཏོ། །ཇི་ཙམ་ན། ཀོ་སའི་རྒྱལ་པོ་གསལ་རྒྱལ་ནད་ཀྱིས་ཐེབས་ནས་དེས་སྨན་པ་རྣམས་བཀུག་སྟེ་
Ga112a
༄#། །དྲིས་པ་དང ། དེ་རྣམས་ཀྱིས་སྨྲས་པ། ལྷ། གལ་ཏེ་ངང་པས་འཚལ་ཏེ་མཆིས་པའི་སཱ་ལུ་རྙེད་ན། དེ་ལ་འཇམ་བསྒྲལ་ནས་གསོལ་ཅིག་དང ། སོས་པར་འགྱུར་ལགས་སོ། །རྒྱལ་པོས་བློན་པོ་རྣམས་བཀུག་ནས་སྨྲས་པ། ཤེས་ལྡན་དག། ཁྱེད་ལ་ངང་པས་ཁྱེར་ཏེ་འོངས་པའི་སཱ་ལུའི་སྙེ་མ་བྱིན་པ་དེ་དག་ཁྱེད་ཀྱིས་ཅི་བྱས། དེ་ན་ཁ་ཅིག་གིས་སྨྲས་པ། ལྷ། བདག་ཅག་གིས་ནི། ལྷ་ཁང་དུ་ཕུལ་ལོ། །གཞན་དག་གིས་སྨྲས་པ། བདག་ཅག་གིས་མེའི་ནང་དུ་སྩལ་ཏོ། །གཞན་དག་གིས་སྨྲས་པ། བདག་ཅག་གིས་སྒོ་གང་དུ་བཏགས་སོ། །རི་དྭགས་འཛིན་གྱིས་སྨྲས་པ། ལྷ། བདག་གིས་ས་ག་མ་ལ་སྩལ་ན། རེ་ཞིག་དེས་ཅིར་བགྱིས། རྨ་བར་འཚལ་ལོ། །དེས་ས་ག་མ་ལ་དྲིས་པ་དང ། དེས་སྨྲས་པ། ཇོ་བོ། ཅི། ངང་པས་འཚལ་ཏེ་མཆིས་པའི་སཱ་ལུ་འཚལ་བ་ཞིག་མཆིས་སམ། རྒྱལ་པོ་སྙུན་གྱིས་ཐེབས་པ་ལ་སྨན་པ་རྣམས་ཀྱིས་ངང་པས་ཁྱེར་ཏེ་འོངས་པའི་སཱ་ལུ་བསྟན་ཏོ། །དེ་ནས་ས་ག་མས་གསེར་སྣོད་ཀྱི་ནང་དུ་ངང་པས་ཁྱེར་ཏེ་འོངས་པའི་འབྲས་ཀྱིས་བཀང་ནས་རྒྱལ་པོ་ལ་བསྐུར་བ་ལས། རྒྱལ་པོས་ཟོས་ནས་སོས་པར་གྱུར་ཏོ། །དུས་གཞན་ཞིག་ན། རྒྱལ་པོ་ལ་ལྗོངས་ཀྱི་མི་རྣམས་ཀྱིས་རྟ་རྒོད་མ་མ་སྨད་གཉིས་ཤིག་ཕུལ་བ་ལས། དེ་ལ་མ་ནི། གང་ཡིན། རྟེའུ་ནི། གང་ཡིན་པ་འགས་ཀྱང་མ་ཤེས་ནས། རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག།
Ga112b
ལེགས་པར་རྟོགས་ལ་ང་ལ་གསོལ་ཅིག། བློན་པོ་རྣམས་ཀྱིས་ཉིན་ཐོག་ཐག་ཏུ་དཔྱད་ན། དུབ་སྟེ་གཏན་ལ་མ་ཕེབས་སོ། །རི་དྭགས་འཛིན་ནི། ཕྱི་དྲོ་ཁྱིམ་དུ་སོང་བ་དང་ས་ག་མས་རྐང་པ་གཉིས་ལ་གཏུགས་ནས་སྨྲས་པ། ཇོ་བོ། ཅི་སྟེ་དེ་རིང་རིང་ཞིག་ལོན་ནས་གཤེགས། དེས་ཇི་ལྟར་གྱུར་བ་རྣམས་རྒྱས་པར་སྨྲས་པ་དང ། ས་ག་མས་སྨྲས་པ། ཇོ་བོ། འདི་ལ་དཔྱད་དུ་ཅི་ཞིག་མཆིས། དེ་གཉིས་ཆས་མཉམ་པར་སྩལ་དང ། བུ་གང་ལགས་པ་དེ་ནི། མྱུར་དུ་འཚལ་ནས་མའི་སྐལ་པ་ལ་འཚལ་ལོ། །མ་གང་ལགས་པ་དེ་ནི། མི་འཚལ་པར་མགོ་སྟེག་གེ་མཆིས་ཏེ། རྟགས་ནི། དེ་ལགས་སོ། །རི་དྭགས་འཛིན་གྱིས་བློན་པོ་རྣམས་ལ་སྨྲས་ནས། དེ་རྣམས་ཀྱིས་ཀྱང་ཇི་སྐད་བསྟན་པ་བཞིན་བརྟགས་ནས། དེ་ནས་ནམ་ནངས་པ་དང་རྒྱལ་པོ་ལ་སྨྲས་པ། ལྷ། འདི་ནི། མ་ལགས་སོ། །འདི་ནི། བུ་ལགས་སོ། །རྒྱལ་པོས་སྨྲས་པ། ཁྱེད་ཅག་གིས་ཇི་ལྟར་ཤེས། ལྷ། འདི་ལྟ་བུ་དང་འདི་ལྟ་བུ་ལགས་སོ། །ཁར་ཙང་ཅི་སྟེ་མ་ཤེས། ལྷ། བདག་ཅག་གིས་འཚལ་བར་རྔོ་ག་ལ་ཐོགས། ས་ག་མས་དེ་སྐད་བསྟན་ལགས་མོད། རྒྱལ་པོས་སྨྲས་པ། ཙམ་པ་མ་ནི། མཁས་པ་ཡིན་ནོ། མི་ཞིག་ཆུ་འགྲམ་དུ་ཀླམ་བཞག་ནས་ཁྲུས་བྱེད་པ་དང ། མི་གཞན་ཞིག་འོངས་ནས་དེས་ཀླམ་དེས་མགོ་ལ་དཀྲིས་ནས་དེ་ཉིད་དུ་ཁྲུས་བྱ་བར་བརྩམས་སོ། །མི་དེ་ཁྲུས་བྱས་ནས་ལངས་ན། ཀླམ་དེ་མ་མཐོང་ངོ ། །མི་དེས་སྨྲས་པ། ཀྱེ་ནང་རྗེ། ཅི་ཚོལ། ཀླམ་མོ། ཁྱོད་ཀྱི་
Ga113a
༄#། །ཀླམ་ག་ལ་ཡོད། གལ་ཏེ་ཁྱོད་ཀྱི་ཀླམ་ཡོད་པར་གྱུར་ན། ཇི་ལྟར་ངས་མགོ་ལ་དཀྲིས་ནས་ཞུགས་པ་དེ་བཞིན་དུ་ཁྱོད་ཀྱིས་ཀྱང་ཀླམ་གྱིས་མགོ་ལ་དཀྲིས་ནས་ཞུགས་པར་འགྱུར་རོ། །དེས་སྨྲས་པ། འོ་ནི་ཉིད། ཁོ་བོའི་ཀླམ་ཡིན་ནོ། །དེ་གཉིས་ཁྱོད་ཀྱི་ངའི་ཞེས་རྩོད་པར་གྱུར་ནས་དེ་གཉིས་རྒྱལ་པོའི་དྲུང་དུ་སོང་ངོ ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག། ལེགས་པར་རྟོགས་ལ་གང་གི་ཡིན་པ་དེ་ལ་བྱིན་ཅིག། དེ་རྣམས་ཀྱིས་བརྟག་པར་བརྩམས་ནས་གཅིག་ལ་དྲིས་པ་དང ། དེས་སྨྲས་པ། བདག་གི་ལགས་སོ། །གཅིག་ཤོས་ལ་ཡང་དྲིས་པ་དང ། དེས་སྨྲས་པ། བདག་གི་ལགས་སོ། །ཞེས་ཁྱོད་ཀྱི་དང ། ངའི་ཞེས་པ་ལ་ཉི་མ་འདས་ཏེ། བློན་པོ་རྣམས་དུབ་ནས་དགོངས་ཀ་གཏན་ལ་མ་ཕེབས་བཞིན་དུ་ཁྱིམ་དུ་སོང་ངོ ། །ས་ག་མས་རི་དྭགས་འཛིན་གྱི་ཞེས་བྱ་བ་ནས་དྲིས་ཏེ་ཞེས་བྱ་བའི་བར་གོང་མ་བཞིན་དུ་སྟེ། དེས་ཇི་ལྟར་གྱུར་པ་རྣམས་སྨྲས་པ་དང ། ས་ག་མས་སྨྲས་པ། ཇོ་བོ། འདི་ལ་དཔྱད་དུ་ཅི་ཞིག་མཆིས། དེ་གཉིས་ལ་གཅིག་ཀྱང་ཕྱེད་ཁྱེར་ཅིག། གཅིག་ཤོས་ཀྱང་ཕྱེད་ཁྱེར་ཅིག་ཅེས་གསུངས་ཤིག་དང ། གང་གི་ལགས་པ་དེའི་མཆིད་ནས་ནི། དེ་ཅིའི་ཕྱིར་བདག་གི་ཀླམ་དྲལ་ཞེས་མཆིའོ། །གང་གི་མ་ལགས་པ་དེའི་གློ་བ་ལ་ནི། རེ་ཞིག་བདག་གིས་བྱེད་ཐོབ་ན་ཡང་དེར་ཟད། འདིར་བདག་ལ་ཅི་ཞིག་གོད་སྙམ་སྟེ། དེ་ལྟར་བརྟག་པར་
Ga113b
བགྱིའོ། །རི་དྭགས་འཛིན་སོང་ནས་བློན་པོ་རྣམས་ལ་སྨྲས་ནས་ཞེས་བྱ་བ་ནས་རྒྱལ་པོས་སྨྲས་པ། ཙམ་པ་མོ་ནི། མཁས་པ་ཡིན་ནོ་ཞེས་བྱ་བའི་བར་གོང་མ་བཞིན་དུའོ། །རྒྱལ་པོ་ལ་ཚོང་པ་གྲུ་བས་ཙནྡན་གྱི་སྡོང་དུམ་ཞིག་སྐྱེས་སུ་ཕུལ་བ་དང ། དེའི་མགོ་གང་ཡིན། མཇུག་གང་ཡིན་མ་ཤེས་ནས་རྒྱལ་པོས་བློན་པོ་རྣམས་ལ་བསྒོ་བ། ཇི་ལྟ་བུ་ཡིན་རྟོགས་ཤིག། དེ་རྣམས་ཀྱིས་ཉིན་ཐོག་ཐག་དཔྱད་ན། མ་ཤེས་ནས་དགོངས་ཀ་ཁྱིམ་དུ་དོང་ངོ ། །ས་ག་མས་ཞེས་བྱ་བ་ནས་རི་དྭགས་འཛིན་གྱིས་དྲིས་པ་ཞེས་བྱ་བའི་བར་གོང་མ་བཞིན་དུའོ། །དེས་ཇི་ལྟར་གྱུར་པ་རྣམས་རྒྱ་ཆེར་སྨྲས་པ་དང ། ས་ག་མས་སྨྲས་པ། ཇོ་བོ། འདི་ལ་དཔྱད་དུ་ཅི་མཆིས། ཆབ་ཏུ་འོར་ཅིག་དང ། རྩ་བ་གང་ལགས་པ་ནི། འབྱིང་བར་འགྱུར་རོ། །ཐོར་ཏོ་གང་ལགས་པ་དེ་ནི། སྟེང་དུ་འབྱུང་བར་འགྱུར་རོ། །དེ་ལ་བརྟག་པ་ནི། དེ་ལགས་སོ། །རི་དྭགས་འཛིན་གྱིས་བློན་པོ་རྣམས་ལ་སྨྲས་ནས་ཞེས་བྱ་བ་ནས་རྒྱལ་པོས་སྨྲས་པ། ཙམ་པ་མོ་ནི། མཁས་པ་ཡིན་ནོ། །ཞེས་བྱ་བའི་བར་གོང་མ་བཞིན་དུའོ། །རི་བོར་ན་ཁྱིམ་བདག་ཅིག་ཡོད་པ་དེ། དེ་དང་རིགས་མཉམ་པ་ལས་ཆུང་མ་བླངས་པ་ལས་དེ་ལ་བུ་ཕོ་ཡང་མེད། བུ་མོ་ཡང་མེད་དེ། དེ་བུ་མངོན་པར་འདོད་པས་ཆུན་མ་ཞིག་བླངས་པ་དང ། དེ་ལ་ཆུང་མ་ཆེན་མ་ཤོས་རང་བཞིན་གྱི་ཕྲག་དོག་ཅན་ཞིག་པས། དེའི་མངལ་མ་རུང་བར་བྱ་བའི་སྦྱོར་བ་ཞིག་བྱས་པ་ལས། དེའི་མངལ་ཤིན་ཏུ་རྣམ་པར་དག་པ་ལས་
Ga114a
༄#། །སེམས་ཅན་དང་ལྡན་པར་གྱུར་ནས་ཇི་ཙམ་ན། ཟླ་བ་དགུ་འདས་པ་དང ། ཁྱེའུ་ཞིག་བཙས་སོ། །དེས་བསམ་པ། ཤ་འཁོན་རྣམས་ལ་ནི། འདི་ལྟ་སྟེ། ཆེན་ཆུན་འདི་ཐ་ཆད་ཡིན་པས། གདོན་མི་ཟ་བར་མ་ཡར་མོས་ཐབས་གང་ཡང་རུང་བ་ཞིག་གིས་གསོད་པར་འགྱུར་ན། བདག་གི་ཁྱིམ་ཐབ་བམ། བདག་གིས་ཅི་བྱར་ཡོད། བདག་གིས་ནམ་དུ་ནི། སྲུང ། ཡེ་དེ་ཁོ་ན་ལ་སྦྱིན་པར་བྱའོ་སྙམ་ནས། དེ་དང་ཁྱིམ་ཐབ་ལྷན་ཅིག་གྲོས་བྱས་ཏེ་རུང་ནས་ཆེན་མ་ཤོས་ལ་སྨྲས་པ། ཆེ་ཞེ། བདག་གི་བུ་འདི། ཁྱོད་ལ་བྱིན་གྱི། གསོས་ཤིག། དེས་བསམ་པ། ཁྱིམ་ནི། གང་ལ་བུ་ཡོད་པ་དེ་ཁོ་ནའི་ཡིན་པར་ཟད་པས། ཁྱིམ་གྱི་བདག་མོར་འགྱུར་བས་གསོའོ། །སྙམ་ནས་དེས་དེ་གསོས་པ་ལས། དེའི་ཕ་ཡང་ཤི་བར་གྱུར་ཏེ། དེ་གཉིས་ཁྱིམ་གྱི་ཕྱིར་རྩོད་པར་གྱུར་ནས་གཅིག་གིས་སྨྲས་པ། འདི། ཁོ་མོའི་བུ་ཡིན་ནོ། །གཅིག་ཤོས་ཀྱིས་སྨྲས་པ། འདི། ཁོ་མོའི་བུ་ཡིན་ནོ། །རྒྱལ་པོའི་དྲུང་དུ་སོང་བ་དང་རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག། དེངས་ལ་གང་ཡིན་པ་རྟོགས་ཤིག། དེ་རྣམས་ཀྱིས་དཔྱད་པ་ལས། ཉི་མ་འདས་ཀྱང་གཏན་ལ་མ་ཕེབས་ནས་དགོངས་ཀ་ཁྱིམ་དུ་དོང་པ་དང ། ས་ག་མ་རི་དྭགས་འཛིན་ལ་དྲིས་ཏེ་ཞེས་བྱ་བ་ནས་འདི་ལ་དཔྱད་དུ་ཅི་མཆིས་ཞེས་བྱ་བའི་ངར་གོང་མ་བཞིན་དུ་སྟེ། དེ་གཉིས་ལ། ཁོ་བོ་ཅག་གིས་ནི། གང་གི་བུ་ཡིན་པ་མི་ཤེས་ཀྱི།
Ga114b
ཁྱེད་ཅག་གཉིས་ལས་གང་སྟོབས་ཆེ་བ་དེ་ཁྱེར་ལ་སོངས་ཤིག་ཅེས་གསུངས་ཤིག་དང ། ལག་པ་གཉིས་ནས་བཟུང་ནས་འདྲེན་པར་བགྱིད་དེ། དེ་སྡུག་བསྔལ་གྱིས་དུ་བར་གྱུར་པ་དང ། དེའི་མ་གང་ལགས་པ་དེ་ནི། བརྩེ་བ་མཆིས་པས་འདི་གསོན་ན། ནམ་ཞིག་མཐོང་བར་འགྱུར་གྲང་སྙམ་ནས་གཏོང་བར་བགྱིད་དོ། །གཅིག་ཤོས་དེ་ནི། བརྩེ་བ་མ་མཆིས་པས་གང་གི་ཚེ་མི་གཏོང་བ་དེའི་ཚེ། དེ་ལ་ལྕག་གིས་བཞུས་ཤིག་དང ། ཇི་ལྟར་གྱུར་པ་སྨྲ་བར་འགྱུར་ཏེ། འདི་ལ་བརྟག་པ་ནི། འདི་ལགས་སོ། །རི་དྭགས་འཛིན་གྱིས་བློན་པོ་རྣམས་ལ་སྨྲས་པ་དང་ཞེས་བྱ་བ་ནས། རྒྱལ་པོས་སྨྲས་པ། ཙམ་པ་མོ་ནི། མཁས་པ་ཡིན་ནོ། །ཞེས་བྱ་བའི་བར་གོང་མ་བཞིན་དུའོ། །དུས་གཞན་ཞིག་ན། རི་དྭགས་འཛིན་ནད་ཀྱིས་ཐེབས་ནས་དེ་ལ་སྨན་པས་ཉི་མ་གཅིག་སྨན་བྱིན་པ་ལས་ཐེག་གི་བར་གྱུར་ཏོ། །ཕྱི་དེ་ཉིན་པར་སྨན་མ་ཡིན་པ་བྱིན་པས་ན་བར་གྱུར་ཏོ། །ས་ག་མས་བསམ་པ། ཇོ་བོ། ཅིའི་སླད་དུ་ཉིན་གཅིག་ནི། ཐེག་གི་བར་གྱུར་ལ། ཉིན་གཅིག་ནི། ན་བར་གྱུར་སྙམ་ནས། དེས་སྨན་གང་དག་གིས་ཐེག་གི་བར་གྱུར་པའི་རྟགས་དེ་དག་བཟུང་ནས་དེ་ནས་དེ་སྨན་པ་རྣམས་བསྒོ་ནས་སླར་ལོག་ནས་རང་ཉིད་ཀྱིས་དཔྱད་བྱས་པ་ལས་སོས་པར་གྱུར་ཏོ། །རི་དྭགས་འཛིན་གྱིས་བསམ་པ། གང་གིས་ན། བདག་ཉིན་གཅིག་ནི། ཐེག་གི། ཉིན་གཅིག་ནི། ན་བས་གང་གི་ཚེ་སྨན་པ་མི་འོངས་པ་དེའི་ཚེ་ཐེག་གི་བ་འདི་ལ་
Ga115a
༄#། །རྒྱུ་ཅི་ཞིག་ཡོད་སྙམ་སྟེ། དེས་ས་ག་མ་ལ་དྲིས་པ་ཞེས་བྱ་བ་ནས་ཙམ་པ་མོ་ནི། མཁས་པ་ཡིན་ནོ། །ཞེས་བྱ་བའི་བར་གོང་མ་བཞིན་དུའོ། །ཀོ་ས་ལའི་རྒྱལ་པོ་གསལ་རྒྱལ་གྱི་གླང་པོ་ཆེའི་བླ་དཔལ་སྐྱེད་ཅེས་བྱ་བ་དེ་ལ་དུས་གཞན་ཞིག་ན་རྒྱལ་པོ་གཤེ་བར་གྱུར་ཏོ། །ཞེས་ས་ག་མས་ཐོས་ནས། དེ་རི་དྭགས་འཛིན་ལ་སྨྲས་པ། ཇོ་བོ། བློན་པོ་ཐམས་ཅད་ལ་མཐར་གྱིས་བཀའ་འབབ་པར་འགྱུར་གྱི། དཔལ་སྐྱེད་ལ་ལྷ་བཟོད་པ་མཛད་དུ་སྩལ་བའི་རིགས་སོ། །དེས་སྨྲས་པ། བུ་མོ། བཟོད་པ་བྱེད་དུ་གཞུག་གོ། དེ་ནས་དེས་རྒྱལ་པོ་ལ་སྨྲས་པ། ལྷ། དཔལ་སྐྱེད་ནི། ལྷ་ལ་གློ་བ་ཉེ་བ་ལགས་ན། དེ་ལ་བཟོད་པ་མཛད་དུ་གསོལ། རྒྱལ་པོས་སྨྲས་པ། བཟོད་པར་བྱའོ། །ལྷ། གལ་ཏེ་བཟོད་པར་མཛད་ན། དེའི་དབང་ཐང་དེ་དག་སྩལ་དུ་གསོལ། དེ་བཞིན་དུ་སྦྱིན་ནོ། །དཔལ་སྐྱེད་ཀྱིས་ཇི་ལྟར་ས་ག་མས་བདག་ལ་རྒྱལ་པོ་བཟོད་པ་བྱེད་དུ་བཅུག་པ་ཤེས་ནས་དེ་དེ་ལ་ལན་གླན་པའི་བསམ་པས་གནས་སོ།། དུས་གཞན་ཞིག་ན། རི་དྭགས་འཛིན་ཕོ་མཚན་ལ་ནད་བྱུང་སྟེ། དེའི་རིམ་གྲོས་ག་མ་བྱེད་པ་ལས་དེ་འཛེམ་པར་གྱུར་ཏོ། །དེས་སྨྲས་པ། ཇོ་བོ། འདི་ལ་འཛེམ་དུ་ཅི་མཆིས། ཅི། ཕའི་རིམ་གྲོ་བུ་བུ་མོས་མི་བགྱིད་དམ། འོན་ཀྱང་དེ་འཛེམ་པར་གྱུར་ཏོ། །དེས་བསམ་པ། འདི་བདག་གིས་རིམ་གྲོ་བྱར་མི་བཏུབ་པས། དེའི་ཆུང་མ་ཞིག་བླང་ངོ་སྙམ་ནས། དེ་དཔལ་སྐྱེད་ཀྱི་
Ga115b
ཁྱིམ་དུ་སོང་བ་དང ། དེས་འོངས་པ་ལེགས་སོ། །ཞེས་བྱ་བའི་ཚིག་སྨྲས་ནས། སྟན་བསྟབས་ཏེ་འདུག་གོ། དཔལ་སྐྱེད་ལ་བུ་མོ་ཞིག་ཡོད་པ་དེས། དེ་ལ་སྨྲས་པ། བུ་མོ། ས་ག་མོའི་རྐང་པ་གཉིས་ལ་ཟུངས་ཤིག། ས་ག་མས་སྨྲས་པ། བདག་གིས་འདིའི་རྐང་པ་ལ་བཟུང་བར་འགྱུར་བའི་གནས་གང་ལགས་པ་དེ་ནི། མཆིས་སོ། །ཞེས་སྨྲས་ནས་ཡང་སྨྲས་པ། བཀྲ་ཤིས་པར་གྱུར་ཅིག། བཀྲ་ཤིས་པར་གྱུར་ཅིག། དཔལ་སྐྱེད་ཀྱིས་སྨྲས་པ། ཅི་ཞིག་སློང ། བུ་མོ་སློང་ངོ ། །སུ་ཞིག་གི་ཆེད་དུ། དེས་སྨྲས་པ། གྱོས་པོའི་ཆེད་དུའོ། །དེ་ཅང་མི་སྨྲ་བར་འདུག་གོ། དཔལ་སྐྱེད་ཀྱི་ཆུང་མས་སྨྲས་པ། དགོག་ཅིག་ན། དེ་ལ་ཅི་སྟེ་སྦྱིན། ས་ག་མས་སྨྲས་པ། མི་རྣམས་ཀྱི་ལང་ཚོ་ནི། ནོར་ཡིན་པས། དཔྱད་དུ་ཅི་ཡོད། བྱིན་ཅིག། དཔལ་སྐྱེད་ཀྱིས་སྨྲས་པ། བཟང་མོ། བདག་ཅག་ལ་ས་ག་མས་ཕན་བཏགས་ཀྱི། བྱིན་ཅིག། གལ་ཏེ་དེ་ལྟ་ན་སྦྱིན་པར་བགྱིའོ། །དེ་ནས་རི་དྭགས་འཛིན་གྱིས་དཔལ་གྱི་འབྱོར་པ་ཆེན་པོས་བག་མར་བླངས་ནས་དེ་དེའི་རིམ་གྲོ་བྱེད་པར་གྱུར་ཏེ། ས་ག་མ་ནི། དེ་ལྟར་མི་བྱེད་དོ། །རི་དྭགས་འཛིན་གྱིས་སྨྲས་པ། བུ་མོ། བདག་ལ་ཚིག་བྱིན་ཅིག། དེས་སྨྲས་པ། ཇོ་བོ། ཅུང་ཟད་ཉམས་པར་མ་གྱུར་ཏམ། བུ་མོ། ཁྱོད་ལ་མས་བསླབ་པ་གང་ཡིན་པ་དེ་ཅུང་ཟད་བླངས་ཏེ་མི་གནས་སམ། ཇོ་བོ། ཐམས་ཅད་བླངས་ལགས་ཏེ། ཉི་མ་དང་ཟླ་བ་གཉིས་ལ་ཕྱག་བྱོས་ཤིག་ཅེས་མཆི་བ་གང་ལགས་པ་ནི། མནའ་མའི་
Ga116a
༄#། །ཉི་མ་དང་ཟླ་བ་ལྟ་བུ་ནི། གྱོས་སྒྱུག་ལགས་པས། རེ་ཞིག་བདག་གིས་ཕྱག་བགྱིས་ལགས་སོ། །མེ་ལ་བཀུར་སྟི་བྱའོ། །ཞེས་མཆི་བ་གང་ལགས་པ་ནི། བུད་མེད་ཀྱི་ཁྱིམ་ཐབ་མེ་ལྟ་བུ་ལགས་ཏེ། ཁྱིམ་ཐབ་ལ་ཧ་ཅང་བསྙེན་པར་མི་བགྱི། ཧ་ཅང་རིང་བར་ཡང་མི་བགྱི་སྟེ། བདག་ནི། ཁྱིམ་ཐབ་ལ་མེ་ལྟ་བུར་བསྙེན་བཀུར་བགྱིད་དོ། ། མེ་ལོང་འཕྱི་བར་བྱའོ། །ཞེས་མཆི་བ་གང་ལགས་པ་ནི། སྡུམ་པ་ནི། མེ་ལོང་ལྟ་བུ་ལགས་པས་རྟག་ཏུ་ཞལ་ཞལ་བགྱི་ཞིང་ཕྱག་དར་བགྱི་བ་ལགས་ཏེ། སྡུམ་པ་དེ་ལ་བདག་གདུགས་གཅིག་བཞིན་དུ་བྱི་དོར་བགྱིད་ལགས་སོ། །གོས་དཀར་པོ་བགོ་བར་བྱའོ། །ཞེས་མཆི་བ་གང་ལགས་པ་ནི། ཁྱིམ་གྱི་ལས་བགྱིད་པ་ན། གོས་གཞན་དག་ཁོ་ནས་སོ། ། ལྷ་མཆོད་པ་དང་ཁྱིམ་ཐབ་ཀྱི་དྲུང་དུ་མཆི་བ་ན་ནི། གོས་དཀར་པོ་རྣམས་བགོ་བར་བགྱི་བ་སྟེ། དེ་ཡང་བདག་བགྱིད་ལགས་སོ། །བླང་བར་བྱའོ། སྦྱིན་པར་མི་བྱའོ། །ཞེས་མཆི་བ་གང་ལགས་པ་ལ། ཅི་ཞིག་བླང་བར་བགྱི་ཞེ་ན། འཇིག་རྟེན་ལས་ཚིག་ངན་པ་སྨྲས་པའོ། །ཚིག་ངན་པ་ནི། སུ་ལ་ཡང་སྨྲ་བར་མི་བགྱི་བ་སྟེ། དེ་ཡང་བདག་གིས་ཡང་དག་པར་བླངས་ཏེ་གནས་ལགས་སོ། །ཚིག་བསྲུང་བར་བྱའོ། །ཞེས་མཆི་བ་གང་ལགས་པ་ནི། གསང་བའི་ཚིག་མི་འཕེལ་བར་བགྱི་བ་སྟེ། བདག་ལ་ངག་བསྡམ་པར་མཆིས་ལགས་སོ། །ལངས་ནས་
Ga116b
སུ་ལ་ཡང་སྟན་བསྟབ་པར་མི་བྱའོ། །ཞེས་མཆི་བ་གང་ལགས་པ་ནི། དེ་འདི་སྐད་ཅེས། ཁྱོད་རིགས་ཀྱི་མནའ་མ་ཡིན་པས་ཁྱོད་གནས་དབེན་པ་ན་འདུག་པར་བྱའོ། །ཞེས་མཆི་བ་ལགས་ཏེ། བདག་དབེན་པ་ཁོ་ན་ན་མཆིས་ལགས་སོ། །ཞིམ་པོ་བཟའ་བར་བྱའོ། །ཞེས་མཆི་བ་གང་ལགས་པ་ནི། ཤིན་ཏུ་བཀྲེས་ནས་བཟའ་བར་བགྱི་བ་སྟེ། བདག་ནི། རྟག་ཏུ་ཁྱིམ་གྱི་སྐྱེ་བོ་ཟས་འཚལ་བའི་འོག་ཏུ་འཚལ་ལོ། །བདེ་བར་ཉལ་བར་བྱ་ཞེས་མཆི་བ་གང་ལགས་པ་ནི། མཚན་མོ་ཁྱིམ་གྱི་དགོས་པ་ཐམས་ཅད་བགྱིས་ནས་སྣོད་བརྟུལ་ཏེ་ཅི་ནས་ཀྱང་ཡང་ལྡང་མི་དགོས་པར་ཁྱོད་ཉལ་བར་བྱའོ། །ཞེས་བགྱི་བ་ལགས་ཏེ། འདི་ནི། ལེགས་པར་གཞག་པའོ། །འདི་ནི། ཉེས་པར་གཞག་པའོ། །ཞེས་བདག་དེ་ཁོ་ན་བཞིན་དུ་བགྱིད་དོ། །ཐེམ་སྐས་བཅའ་བར་བྱའོ།། ཞེས་མཆི་བ་གང་ལགས་པ་ནི། འདི་སྐད་ཅེས། ཁྱོད་སྔོན་དགེ་བ་བཅུའི་ལས་ཀྱི་ལམ་དང་ལྡན་པ་དེས་ལྷའི་འགྲོ་བ་ཐོབ་ནས་འདིར་མིའི་འཇིག་རྟེན་དུ་སྐྱེས་པ་འདི་ནི། ལས་ཀྱིས་ཡིན་པས། འདིར་ཡང་ཁྱོད་ཀྱིས་སྦྱིན་པ་དག་སྦྱིན། བསོད་ནམས་དག་བྱ་སྟེ། སྡིག་པ་མི་བྱའོ། །འདི་ནི། དབྱིག་གི་ཡ་གད་མཐོ་རིས་ཀྱི་ཐེམ་སྐས་ལྟ་བུ་ཡིན་ནོ། །ཞེས་བགྱི་བ་ལགས་ཏེ། དེ་ཡང་བདག་རྔོ་ཅི་ཐོགས་ཀྱིས་བགྱིད་དོ། །ས་ག་མ། ལེགས་སོ། ལེགས་སོ། །ཁྱོད་ཀྱི་མ་མཁས་པ་ཡིན་ན། གང་གི་ཕྱིར་མས་ལྡེམ་པོར་སྨྲས་པ་རྟོགས་པས་ན། ཁྱོད་ནི། ལྷག་པར་ཡང་མཁས་པ་
Ga117a
༄#། །ཡིན་ནོ། །འདུལ་བ་གཞི། བམ་པོ་དྲུག་ཅུ་གསུམ་པ། དེ་ནས་རི་དྭགས་འཛིན་འདི་སྙམ་དུ་སེམས་ཏེ། གལ་ཏེ་བཅོམ་ལྡན་འདས་ཀྱིས་གནང་ན། ས་ག་མ་ལ་བདག་གིས་མ་ཞེས་འབོད་དོ་སྙམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། མནའ་མ་ལ་མ་ཞེས་འབོད་དུ་རུང་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཆོས་ལྔ་དང་ལྡན་ན་སྟེ། ལྔ་གང་ཞེ་ན། ནད་གཡོག་བྱེད་པ་དང ། ཐབ་རིར་བབ་པའི་ཆུང་མ་ལེན་པ་དང ། སྲོག་གི་སྐྱབས་བྱེད་པ་དང ། ནོར་སྲུང་བ་དང ། ཤེས་རབ་ཀྱི་བགོ་བཤའ་བྱེད་པའོ། ། བར་སྡོམ་ལྔ་ལ། ནད་གཡོག་དང་ནི་ཆུང་མ་དང ། །སྲོག་དང་ནོར་ནི་སྦྱིན་པ་དང ། །ཤེས་རབ་བསྒྲུབ་པར་བྱེད་པ་དང ། ལྔ་པོ་འདི་དག་མར་བཤད་དོ། །དེ་ནས་རི་དྭགས་འཛིན་ཀོ་ས་ལ་རྒྱལ་པོ་གསལ་རྒྱལ་གང་ན་བ་དེར་སོང་སྟེ་ཕྱིན་པ་དང ། རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ། བདག་ནི། ས་ག་མ་ལ་མ་ཞེས་འབོད་པར་འཚལ་ལོ། །རྒྱལ་པོས་སྨྲས་པ། ས་ག་མས་ང་ལ་ཡང་རིམ་གྲོ་བྱས་པས། ཕྱི་མོ་ལ་དྲིས་ལ་ངས་ཀྱང་དེ་ལ་སྲིང་མོ་ཞེས་འབོད་དོ། །དེས་ཕྱི་མོ་ལ་དྲིས་པ་དང ། དེས་སྨྲས་པ། ཁྱོད་ཀྱིས་བོས་ཀྱང་རུང ། མ་བོས་ཀྱང་རུང ། དེ་ནི། ཁྱོད་
Ga117b
ཀྱི་སྲིང་མོ་ཁོ་ན་ཡིན་ནོ། །རིང་དུ་འཕུར་ཚངས་སྦྱིན་མངག་གཞུག་མའི་བུ་མོ་དང་འདུས་པ་ལས། དེ་ལས་བུ་ཕོ་ཞིག་བཙས་ཏེ། དེའི་མིང་སྟོབས་ཀྱི་བཤེས་གཉེན་དུ་བཏགས་པ་ལས། དེ་རྒྱལ་པོ་མེས་ཀྱིས་ཉེས་པ་འགའ་ཞིག་གི་ཕྱིར་སྤྱུགས་པ་ལས། ཙམ་པར་སོང་ནས་གནས་པ་དེའི་བུ་མོ་ནི། འདི་ཡིན་ཏེ། དེས་ན་ཁྱོད་ཀྱི་སྲིང་མོར་འོང་ངོ ། །དེ་ནས་རྒྱལ་པོ་གླང་པོ་ཆེ་ལ་ཞོན་ནས་དྲིལ་སྒྲོག་ཏུ་བཅུག་པ། ས་ག་མ་འདི། རི་དྭགས་འཛིན་གྱི་ནི། མ། རྒྱལ་པོ་གསལ་རྒྱལ་གྱི་ནི། སྲིང་མོ་ཡིན་ནོ། །དེས་སྔོན་གྱི་ཀུན་དགའ་ར་བར་གཙུག་ལག་ཁང་བརྩིགས་ནས་ཕྱོགས་བཞིའི་དགེ་སློང་གི་དགེ་འདུན་ལ་ཕུལ་བ་དང ། དེ་བཞིན་དུ་གནས་བརྟན་རྣམས་ཀྱིས་ཀྱང་མདོ་སྡེའི་ནང་དུ་སངས་རྒྱས་བཅོམ་ལྡན་འདས་མཉན་ཡོད་ན་རི་དྭགས་འཛིན་གྱི་མ་ས་ག་མའི་སྔོན་གྱི་ཀུན་དགའ་ར་བའི་ཁང་བཟང་ན་བཞུགས་སོ། །ཞེས་གདགས་པ་བྱས་སོ། །དུས་གཞན་ཞིག་ན། ས་ག་མ་ལས་སྒོ་ང་སུམ་ཅུ་རྩ་གཉིས་བྱུང་ངོ ། །ཞེས་རི་དྭགས་འཛིན་གྱིས་ཐོས་ནས་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་སྟེ། ཡུལ་གྱི་བཟང་མོ་ལ་ཕུང་བ་ཅི་འདྲ་བ་དག་བྱུང་བར་གྱུར་སྙམ་ནས་རི་དྭགས་འཛིན་གྱིས་དོར་བར་བརྩམས་པ་དང ། ས་ག་མས་སྨྲས་པ། ཇོ་བོ། མ་དོར་བར་བཅོམ་ལྡན་འདས་ལ་ཞུས་ཤིག་།དེས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་བ། མ་དོར་བར་གཟེབ་བུ་སུམ་ཅུ་རྩ་གཉིས་བྱོས་ལ།
Ga118a
༄#། །ཤིང་བལ་གྱིས་བཀང་སྟེ། གཟེབ་བུ་རྣམས་ཀྱིས་ནང་དུ་སྒོ་ང་རེ་རེ་ཞིག་ལ་ས་ག་མས་དུས་གསུམ་དུ་ལག་པས་བྱུགས་ཤིག་ཅེས་སྒོས་ཤིག་དང ། དེ་ནས་ཉི་མ་བདུན་པ་ལགས་ནས། གཞོན་ནུ་སུམ་ཅུ་རྩ་གཉིས་འབྱུང་བར་འགྱུར་རོ། །དེས་དེ་བཞིན་དུ་བྱས་པ་ལས། ཉི་མ་བདུན་པ་ལགས་པ་དང་གཞོན་ནུ་སུམ་ཅུ་རྩ་གཉིས་བྱུང་ནས་བསྲིང་བསྐྱེད་དེ། །དེ་ནར་སོན་པ་དང ། རྩལ་པོ་ཆེ་ཐུབ་བརླག་པ་ཤ་སྟག་ཏུ་གྱུར་ཏོ། །དུས་གཞན་ཞིག་ན། དེ་རྣམས་ཤིང་རྟར་ཞུགས་ཏེ་ཕྱིར་བྱུང་ནས་སླར་འཇུག་པ་དང ། མདུན་ན་འདོན་གྱི་བུ་ཤིང་རྟར་ཞུགས་ནས་ཕྱིར་བྱུང་བ་དང ། ཇི་ཙམ་ན། ཕན་ཚུན་ཤིང་རྟའི་མདའ་གཉིས་ཐུག་པ་དང ། མདུན་ན་འདོན་གྱི་བུས་སྨྲས་པ། ཟུར་ཅིག་།དེ་རྣམས་ཀྱིས་ཀྱང་སྨྲས་པ། ཁྱོད་ཉིད་ཟུར་ཅིག་།མདུན་ན་འདོན་གྱི་བུས། འཇལ་ཏོ་ཞེས་བྱས་ནས་ཚིག་རྩུབ་པོ་སྨྲ་བར་བསམ་པ་དང ། དེ་ནས་ས་ག་མའི་བུ་རྣམས་ཀྱིས་ཤིང་རྟའི་མདའ་ནས་བཟུང་སྟེ་འཕངས་པས་ཕྱག་དར་གྱི་ཕུང་པོའི་སྟེང་དུ་བརྡབ་བསྣུན་ཏེ། དེ་དེ་ནས་གོས་ཀྱིས་མགོ་བསྐྱུར་ཏེ་ཕའི་དྲུང་དུ་སོང་ནས་མིག་མཆི་མས་གང་བས་སྨྲས་པ། ཡབ། ས་ག་མའི་བུ་རྣམས་ཀྱིས་བདག་འདི་འདྲ་བའི་གནས་སྐབས་སུ་བགྱིས་སོ།། བུ། ཅིའི་ཕྱིར། དེས་རྒྱས་པར་སྨྲས་པ་དང ། དེས་སྨྲས་པ། བུ། གལ་ཏེ་དེ་ལྟ་ན། ཐབས་ཤིག་བཤམ་པ་བྱས་ལ་དེ་རྣམས་མཐར་གྱིས་ཁ་གདག་གི་།མྱ་ངན་མ་བྱེད་ཅིག་།དེ་དེ་རྣམས་
Ga118b
ལ་ཀླན་ཀ་ཚོལ་བ་ལྷུར་ལེན་ཅིང་གནས་སོ། །དུས་གཞན་ཞིག་ན། ཀོ་སའི་རྒྱལ་པོ་གསལ་རྒྱལ་ལ་རི་བོར་བ་ལོག་པར་གྱུར་ནས། རྒྱལ་པོས་དེ་ལ་དམག་ཁ་ཆེན་ཞིག་བཀྱེ་བ་ལས། རྡུགས་རབ་ཏུ་རྡུགས་ནས་སླར་ལོག་གོ་།དེ་བཞིན་དུ་ལན་བདུན་གྱི་བར་དུ་དམག་ཁ་ཆེན་པོ་བཀྱེ་བ་ལས། རྡུགས། རབ་ཏུ་རྡུགས་ཏེ་སླར་ལོག་ནས་རྒྱལ་པོ་རང་ཉིད་དཔུང་གི་ཚོགས་ཡན་ལག་བཞི་དང་བྱུང་བ་དང ། ས་ག་མའི་བུ་ནང་དུ་འཇུག་པ་དེ་རྣམས་ཀྱིས་དེ་མཐོང་ནས་སྨྲས་པ། ལྷ། གང་དུ་གཤེགས། རི་བོར་རྣམས་འབེབས་སུའོ། །ལྷ། བཞུགས་ཤིག་།བདག་ཅག་མཆིའོ།། དེ་བཞིན་དུ་གྱིས་ཤིག་།དེས་དེ་རྣམས་ལ་དཔུང་གི་ཚོགས་ཡན་ལག་བཞི་པ་གཏད་ནས་དེ་རྣམས་དོང་སྟེ་རི་བོར་བ་རྣམས་ཕབ་ནས་གཏེའུ་བཟུང ། དཔྱ་བླངས་ཏེ་སླར་འོངས་པ་དང ། མདུན་ན་འདོན་གྱིས་སྨྲས་པ། ལྷ། འདི་དག་ནི། འཕགས་པ་རྩལ་པོ་ཆེ་དག་ཅིག་སྟེ། རེ་ཞིག་ལྷའི་དཀའ་བས་བསྒྲུབས་པ་གང་ལགས་པ་དེ་ནི། འདི་དག་གིས་འབྲིང་གིས་བསྒྲུབས་ཀྱི། ལྷས་འདི་ལ་དགོངས་ཤིག་།རྒྱལ་པོ་རྣམས་ནི། ཁུམ་འཕྲིག་ཅན་ཡིན་པས། སྙིང་ལ་བཞག་སྟེ་སླར་མདུན་ན་འདོན་ལ་དྲིས་པ། དེ་ལ་ཇི་ལྟར་བསྒྲུབ་པར་བྱ། །དེས་སྨྲས་པ། ལྷ། དེ་ལ་ཇི་ལྟར་བསྒྲུབ་པར་བགྱི། གལ་ཏེ་དེ་དག་འཚལ་བར་གྱུར་ན། ལྷ། རྒྱལ་སྲིད་ལས་ཕྱུང་ནས་རང་ཉིད་རྒྱལ་སྲིད་བགྱིད་པར་འགྱུར་རོ། །རྒྱལ་པོ་དེ་མི་དགའ་ནས་བསམ་པ། དེ་ལྟར་འགྱུར་སྲིད་ཀྱི། ཇི་ལྟར་
Ga119a
༄#། །གསད་པར་བྱ་ཞེ་ན། ཐབས་བཤམས་པ་སེམས་ཤིང ། གསང་འཕེལ་དུ་དོགས་པས་སུ་ལ་ཡང་མི་འདྲི་བར་དེ་དག་ཉིད་ཀྱིས་དཔྱད་པ་ལས། བློ་སྐྱེས་པ། འདི་ཁོ་ནར་མགྲོན་དུ་བོས་ལ་བརྡུངས་ཏེ་གཏང་ངོ་སྙམ་ནས། དེས་ས་ག་མ་ལ་སྤྲིང་པ། ཆེ་ཞེ། བུ་རྣམས་སང་འདིར་ཟན་ཟོ་ཞིག་།དེས་བསམ་པ། སང་ནི། བུ་རྣམས་ཞང་པོའི་དེར་ཟ་བར་འགྱུར་གྱི། བདག་གིས་ཀྱང་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ལོ། །སྙམ་དུ་བསམ་ནས་བཅོམ་ལྡན་འདས་གང་ན་བ་དེར་སྟོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་རི་དྭགས་འཛིན་གྱི་མ་ས་ག་མ་ལ་ཆོས་དང་ལྡན་པའི་གཏམ་གྱིས་ཞེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་ཞེས་བྱ་བའི་བར་གོང་མ་བཞིན་དུའོ། །དེ་ནས་རི་དྭགས་འཛིན་གྱི་མ་ས་ག་མ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ཅང་མི་གསུང་བས་རི་དྭགས་འཛིན་གྱི་མ་ས་ག་
Ga119b
ལ་གནང་ངོ ། །ཞེས་བྱ་བ་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །ཞེས་བྱ་བའི་བར་གོང་མ་བཞིན་དུའོ། །རྒྱལ་པོའི་ཕོ་ཉ་དེ་རྣམས་ཀྱི་དྲུང་དུ་འོངས་ནས། ཁྱེའུ་ཤོག་ཅིག་ཅེས་བོས་སོ། །དེ་ནས་རྒྱལ་པོས་དུག་ཧ་ལ་ལྷ་ལ་དང་ཟས་སུ་སྦྱར་བས་རྨོངས་པར་བྱས་ནས། མགོ་རྣམས་བཅད་དེ། དེ་ནས་གཟེབ་བཀང་ནས་སྟེང་དུ་ཕུ་བོ་ཤོས་ཀྱི་མགོ་བཞག་སྟེ་རྒྱ་སྐྱེགས་ལ་རྒྱས་བཏབ་ནས་ས་ག་མ་ལ་བསྐུར་བ་དང ། ས་ག་མས་བསམ་པ། གདོན་མི་ཟ་བར་ལྷས་སྲིང་མོའི་བུ་རྣམས་ལ་བགོ་བ་ཞིག་བསྐུར་བ་ཡིན་གྱི། བདག་གིས་ཀྱང་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་བགོ་བར་དབུལ་ལོ། །སྙམ་ནས། དེ་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་རྣམས་བདེ་བར་བཞུགས་པར་རིག་ནས་གཙང་ཞིང་བསོད་པའི་བཟའ་བ་དང ། བཅའ་བ་རྣམས་ཀྱིས་ཞེས་བྱ་བ་ནས་བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུར་བར་རིག་ནས་ཞེས་བྱ་བའི་བར་གོང་མ་བཞིན་དུའོ། །གཟེབ་ཁ་ཕྱེ་བར་བརྩམས་པ་དང ། བཅོམ་ལྡན་འདས་ཀྱིས་དགོངས་པ། གལ་ཏེ་ས་ག་མས་བདེན་པ་མ་མཐོང་བར་བུ་བསད་པ་མཐོང་ན། བདེན་པ་རྣམས་ཀྱི་སྣོད་དུ་མི་འགྱུར་བའི་གནས་གང་ཡིན་པ་དེ་ཡོད་དོ། །སྙམ་དུ་དགོངས་ནས་ས་ག་མ་ལ་བཀའ་སྩལ་པ། རེ་ཞིག་འདུག་ལ་ཆོས་ཉོན་ལ་ཕྱིས་ཅི་དགའ་བགྱིས་ཤིག་།དེས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཆོས་མཉན་
Ga120a
༄#། །པའི་ཕྱིར་སྤྱན་སྔར་འདུག་གོ་།དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་མཁྱེན་ནས་ཞེས་བྱ་བ་ནས་བདེན་པ་མཐོང་བར་མཛད་དོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་བདེན་པ་མཐོང་ནས་གཟེབ་ཁ་ཕྱེ་བ་དང ། བུའི་མགོ་རྣམས་མཐོང་ནས་དེ་ནས་གསོལ་བ། བཅོམ་ལྡན་འདས་འདུ་བྱེད་ཐམས་ཅད་ནི། འདི་ལྟར་མི་རྟག་པ་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཀོ་ས་ལའི་རྒྱལ་པོ་གསལ་རྒྱལ་གྱིས་ས་ག་མའི་བུ་རྣམས་བརྡུངས་པ་ནི། ཉེས་སོ། །གལ་ཏེ་མ་བརྡུངས་པར་གྱུར་ན། འདི་རྣམས་ཁོ་ནས་གྲོགས་བྱས་པས་དེའི་ལག་མཐིལ་དུ་ས་མཐའ་དག་འཇོག་པར་འགྱུར་བ་ཞིག་།དེ་ནས་ཀོ་ས་ལའི་རྒྱལ་པོ་གསལ་རྒྱལ་ལུས་རྡུལ་གྱིས་གཡོགས་ཤིང ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ། ཁྱོད་ལུས་རྡུལ་གྱིས་གཡོགས་ཤིང་གང་ནས་འདིར་འོངས། བཙུན་པ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། ཡུལ་གྱི་དབང་ཕྱུག་དང ། མཐུ་དང་བརྩོན་འགྲུས་ཐོབ་པ། སའི་དཀྱིལ་
Ga120b
འཁོར་ཆེན་པོ་ལེགས་པར་ཕབ་སྟེ་གནས་པ་རྣམས་ཀྱིས་རྒྱལ་པོའི་བགྱི་བ་དང ། རྒྱལ་པོའི་སྒྲུབ་པ་ཐ་དད་པ་གང་དག་ལགས་པ་དེ་དག་བདག་གིས་བགྱིས་ཏེ་ཡོངས་སུ་རྫོགས་ནས་ལུས་རྡུལ་གྱིས་གཡོགས་ཤིང་མཆིས་པ་ལགས་སོ། །རྒྱལ་པོ་ཆེན་པོ། དེའི་ཕྱིར་ཁྱོད་ཉིད་ལ་དྲི་བར་བྱའི། ཁྱོད་ཀྱིས་ཇི་ལྟར་བཟོད་པ་དེ་ལན་ཐོབ་ཅིག་།རྒྱལ་པོ་ཆེན་པོ། དཔེར་ན། ཁྱོད་ལ་འདིར་ཤར་ཕྱོགས་ནས་མི་ཡིད་ཆེས་པ། ཡིད་བརྟན་དུ་རུང་བ། བརྟན་པ། འཇིག་རྟེན་ལ་མི་སླུ་བ་ཞིག་འོངས་ནས་འདི་སྐད་ཅེས། ལྷ། བདག་ད་གཟོད་འདི་ནས་ཤར་ཕྱོགས་སུ་མཆི་ན། དེ་ནས་བདག་གིས་རི་བྲག་ཆེན་པོ་མ་ཆག་པ། སེར་ཀ་མ་མཆིས་པ། ཕྲག་མ་མཆིས་པ། ཤིན་ཏུ་མཁྲེགས་པ། གཅིག་ཏུ་སྟུག་པ་ཞིག་སའི་བར་དང ། ནམ་མཁའི་བར་གྱི་སེམས་ཅན་ཐམས་ཅད་དང ། སྲོག་ཆགས་ཐམས་ཅད་དང ། འབྱུང་པོ་ཐམས་ཅད་དང ། རྩཝ་དང ། ཤིང་དང ། ཡལ་ག་དང ། ལོ་མ་དང ། འདབ་མ་ཇི་སྙེད་པ་ཐམས་ཅད་ཕྱེ་མར་ཀློག་ཅིང་མཆི་བ་མཐོང་གི། ལྷ་ཁྱོད་ཀྱི་བགྱི་བའམ། སྒྲུབ་པ་གང་ལགས་པ་དེ་མཛོད་ཅིག་ཅེས་ཟེར་ལ། དེ་བཞིན་དུ་ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་ནས་མི་ཞིག་འོངས་ཏེ་ཞེས་བྱ་བ་ནས་བགྱི་བའམ། སྒྲུབ་པ་དེ་མཛོད་ཅིག་ཟེར་ཏེ། རྒྱལ་པོ་ཆེན་པོ། འཇིགས་པ་ཆེན་པོའི་ཡང་ཆེན་པོ། མི་ཟད་པར་བྱེད་པ་མི་བཟད་པ་དེ་ལྟ་བུ་ཉེ་བར་གནས་ན། མི་ཉིད་ཐོབ་པ་ནི། རྙེད་པར་དཀའ་ན་ཁྱོད་ཀྱིས་ཅི་ཞིག་
Ga121a
༄#། །བྱ།་བཙུན་པ། འཇིགས་པ་ཆེན་པོའི་ཡང་ཆེན་པོ། མི་བས་པར་བགྱིད་པ། མི་བཟད་པ་དེ་ལྟ་བུ་ཉེ་བར་གནས་ན། མི་ཉིད་ཐོབ་པ་རྙེད་པར་དཀའ་བ་ལགས་པས། དོན་སྤྱད་པ་དང ། ཆོས་སྤྱད་པ་དང ། བསོད་ནམས་སྤྱད་པ་དང ། དགེ་བ་སྤྱད་པ་དང ། བཟང་པོ་སྤྱད་པ་དང ། སངས་རྒྱས་རྣམས་ཀྱི་བསྟན་པ་ལ་བརྩོན་པར་བྱེད་པ་མ་ལགས་པར་གཞན་ཅི་ཞིག་བགྱིར་མཆིས། རྒྱལ་པོ་ཆེན་པོ། ཁྱོད་ཅིའི་ཕྱིར་འདི་སྐད་ཅེས། བཙུན་པ། འཇིགས་པ་ཆེན་པོའི་ཡང་ཆེན་པོ་དེ་ལྟ་བུའི་ཞེས་བྱ་བ་ནས་སངས་རྒྱས་རྣམས་ཀྱི་བསྟན་པ་ལ་བརྩོན་པར་བགྱི་ཞེས་བྱ་བའི་བར་གོང་མ་བཞིན་དུའོ། །བཙུན་པ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཞེས་བྱ་བའི་བར་གོང་མ་བཞིན་དུ་སྟེ། སའི་དཀྱིལ་འཁོར་ཆེན་པོ་ལེགས་པར་ཕབ་སྟེ་གནས་པ་དེ་རྣམས་ཀྱིས་གླང་པོ་ཆེ་རྣམས་དང ། གླང་པོ་ཆེར་འགྱེད་པ་དང ། རྟ་པ་རྣམས་དང ། རྟ་པར་འགྱེད་པ་དང ། ཤིང་རྟ་པ་ཐམས་ཅད་དང ། ཤིང་རྟ་པར་འགྱེད་པ་དང ། དཔུང་བུ་ཆུང་རྣམས་དང ། དཔུང་བུ་ཆུང་དུ་འགྱེད་པ་དང ། གསང་ཚིག་མཁན་རྣམས་དང ། གསང་ཚིག་མཁན་དུ་འགྱེད་པ་དང ། ནོར་རྣམས་ཀྱིས་ནོར་བུ་རྒྱལ་ཐ་དད་པ་གང་ལགས་པ་དེ་དག་ཐམས་ཅད་དེའི་ཚེ་འགྱེད་པའི་མཐུ་མ་མཆིས་པ་དང ། སྟོབས་མ་མཆིས་པ་དང ། ཕ་རོལ་གནོན་པ་མ་མཆིས་པ་ལགས་པས། དེའི་སླད་དུ་བདག་འདི་སྐད་ཅེས། བཙུན་པ། འཇིགས་
Ga121b
པ་ཆེན་པོའི་ཡང་ཆེན་པོ་དེ་ལྟ་བུ་ཉེ་བར་གནས་ན་ཞེས་བྱ་བ་ནས་སངས་རྒྱས་རྣམས་ཀྱི་བསྟན་པ་ལ་བརྩོན་པར་བགྱི་བ་མ་ལགས་པར་གཞན་ཅི་ཞིག་བགྱིར་མཆིས་ཞེས་བྱ་བའི་བར་གོང་མ་བཞིན་དུའོ། །རྒྱལ་པོ་ཆེན་པོ། དེ་བཞིན་དུ་སྲོག་ཆགས་འདི་དག་ཀྱང་རྟག་ཏུ་རྒྱུན་མི་འཆད་པར་རྒ་བ་དང ། འཆི་བས་འཇོམས་པ་ཡིན་ནོ། །རྒྱལ་པོ་ཆེན་པོ། དེ་ལྟར་རྒ་བ་དང ། འཆི་བས་འཇོམས་པ་ན། སྐྱེས་པ་གང་དག་གི་དོན་སྤྱད་པ་དང་ཞེས་བྱ་བ་ནས་སངས་རྒྱས་རྣམས་ཀྱི་བསྟན་པ་ལ་བརྩོན་པར་བྱ་བ་མ་ཡིན་པར་གཞན་ཅི་ཞིག་བྱར་ཡོད་ཅེས་བྱ་བའི་བར་གོང་མ་བཞིན་དུའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པས་བཀའ་སྩལ་པ། ཇི་ལྟར་ཆེ་ཞིང་རྒྱ་ཆེ་བ། །རི་བོ་ནམ་མཁའ་ལས་འོངས་པ། །ཀུན་ནས་ཡང་དག་འོངས་པ་ཡིས། །ས་ནི་ཕྱེ་མར་རློག་པ་ན། །དེ་ལ་གླང་པོ་ཆེས་མི་རྫི། །དཔུང་བུ་ཆུང་དང་ཤིང་རྟ་དང ། །རྟས་མིན་གསང་ཚིག་མཁན་དང་ནི། །ནོར་གྱིས་འགྱེད་པས་རྒྱལ་མི་ཐོབ། །དེ་བཞིན་རྒ་དང་འཆི་བ་ཡིས། །མི་རྣམས་འཇོམས་པར་བྱེད་པ་ན། །རྒྱལ་རིགས་བྲམ་ཟེ་རྗེའུ་རིགས་དང ། །དམངས་རིགས་གདོལ་པ་གཡུང་པོ་དང ། །ཚུལ་ཁྲིམས་འཆལ་དང་ཚུལ་ཁྲིམས་ལྡན། །ཁྱིམ་པ་དེ་བཞིན་བརྟུལ་ཞུགས་ཅན། །ལང་ཚོ་ཉིད་དང་རྒན་པོ་དང ། །དེ་བཞིན་བར་མའི་མི་རྣམས་ལ། །ཅུང་ཟད་ཀྱང་ནི་འཛེམ་མེད་པར། །ཐམས་ཅད་མངོན་དུ་འཇོམས་པར་བྱེད། །དེ་ལྟ་བས་ན་མཁས་པའི་
Ga122a
༄#། །མི། །བདག་གི་དོན་ལ་ལྟ་བ་ཡིས། །སངས་རྒྱས་ཆོས་དང་དགེ་འདུན་ནི། །བླ་མེད་དག་ལ་དད་བྱ་ཞིང ། །ལུས་དང་ངག་དང་ཡིད་དག་གིས། །དམ་པའི་ཆོས་ནི་སྤྱད་བྱས་ན། །འདི་ན་སྨད་པར་མི་འགྱུར་ཞིང ། །མཐོ་རིས་སོང་ནས་དགའ་བར་འགྱུར། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་སྟེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། སྟན་ལས་ལངས་ནས་སོང་ངོ ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། རི་དྭགས་འཛིན་གྱི་མ་ས་ག་མས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས། སྒོ་ང་སུམ་ཅུ་རྩ་གཉིས་བྱུང་ལ། དེ་རྣམས་ལས་ཀྱང་བུ་ཕོ་སུམ་ཅུ་རྩ་གཉིས་བྱུང་སྟེ། རྩལ་པོ་ཆེ་ཐུབ་བརླག་པ་ཤ་སྟག་ཏུ་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། སྨོན་ལམ་གྱི་དབང་གིས་སོ། །གང་དུ་སྨོན་ལམ་བཏབ་ལགས། དགེ་སློང་དག་།སྔོན་བྱུང་བ། ཝཱ་ར་ཎཱ་སིའི་གྲོང་ཁྱེར་དུ་ཁྱིམ་བདག་གཅིག་གི་བུ་ཤི་ནས། དེའི་ཆུང་མ་དེ་རྟག་ཏུ་མངོན་པར་འདོད་པར་གྱུར་ཏོ། །གང་གི་ཚེ་ཡང་དག་བར་རྫོགས་པའི་སངས་རྒྱས་འོད་སྲུང་གིས། སངས་རྒྱས་ཀྱི་མཛད་པ་མཐའ་དག་མཛད་ནས། ཤིང་ཟད་པའི་མེ་བཞིན་དུ་ཕུང་པོ་ལྷག་མ་མེད་པའི་མྱ་ངན་ལས་འདའ་བའི་དབྱིངས་སུ་མྱ་
Ga122b
ངན་ལས་འདས་པ་དེའི་ཚེ། ཝཱ་ར་ཎཱ་སིར་རྒྱལ་པོ་ཀྲི་ཀྲི་ཞེས་བྱ་བ་བྱུང་སྟེ། དེས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་རིན་པོ་ཆེ་སྣ་བཞི་ལས་བརྩིགས་སོ། །དེ་ནས་བུད་མེད་བུ་མེད་པ་བུ་མངོན་བར་འདོད་པ་གང་ཡིན་པ་དེ་ཡང་རྒས་པར་གྱུར་ནས་མཆོད་རྟེན་དེ་ལ་བྱི་དོར་བྱས་ནས་འདུག་གོ་།དེས་འདུན་པའི་སློང་མོ་བྱས་ནས་མཆོད་རྟེན་དེ་ལ་མཆོད་པ་བྱས་ཏེ་སྨོན་ལམ་བཏབ་པ། བདག་གིས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་བྱ་བ་བྱས་པ་གང་ཡིན་པའི་དགེ་བའི་རྩ་བ་དེས། བདག་བུ་མང་པོར་གྱུར་ཅིག་ཅེས་བྱས་ཏེ་སོང་ནས་གྲོང་ཁྱེར་དུ་ཞུགས་སོ། །དེ་ན་བུད་མེད་ཅིག་ནད་ཀྱི་སྡུག་བསྔལ་གྱི་ཚོར་བས་ཉེན་ནས་ངུ་བ་དང ། དེས་གཞན་ཞིག་ལ་དྲིས་པ། ཅིའི་ཕྱིར་འདི་ངུ་བར་གྱུར། དེས་ཇི་ལྟར་གྱུར་པ་རྣམས་སྨྲས་པ་དང ། དེས་བསམ་པ། གལ་ཏེ་བདག་ཀྱང་བུ་བྱུང་བར་གྱུར་ན། བདག་ཀྱང་སྡུག་བསྔལ་འདི་ལྟ་བུ་ཉམས་སུ་མྱོང་བར་འགྱུར་རོ། །སྙམ་པ་ལས། ཇི་ཙམ་ན། སུམ་ཅུ་རྩ་གཉིས་ཀྱི་དགའ་འདུན་གྱི་མཆོད་རྟེན་དེ་ལ་མཆོད་པ་བྱེད་པ་ན་བུད་མེད་དེ་ཡང་དེ་དང་ཧ་ཅང་ཡང་མི་རིང་བ་ཞིག་ན་འདུག་གོ་།དེ་རྣམས་ཀྱིས་མཆོད་པ་བྱས་ནས་སྨོན་ལམ་བཏབ་པ། དགེ་བའི་རྩ་བ་འདིས། བདག་ཅག་ཚན་པོ་ཆེ་ཆེན་པོའི་སྟོབས་དང་ལྡན་པར་གྱུར་ཅིག་ཅེས་བྱས་སོ། །དེ་དེ་རྣམས་ལ་དྲིས་པ། བུ་དག་།ཁྱེད་ཀྱིས་སྨོན་ལམ་ཅི་ཞིག་བཏབ། དེ་རྣམས་ཀྱིས་སྨྲས་པ། ཡུམ། འདི་དང་
Ga123a
༄#། །འདི་དག་གོ་།དེས་སྨྲས་པ། བུ་དག་།གལ་ཏེ་དེ་ལྟར་ན། ཁྱེད་ཅག་གི་མར་བདག་ཁོ་ན་གྱུར་ཅིག་།ཡུམ། དེ་བཞིན་དུ་གྱུར་ཅིག་ཅེས་སྨྲས་ནས་དེ་རྣམས་དོང་ངོ ། །དེས་བསམ་པ། རེ་ཞིག་བུད་མེད་དེ་ལན་གཅིག་བཙའ་ན་ཡང་སྡུག་བསྔལ་གྱི་ཚོར་བས་ཉེན་ནས་དེ་ལྟར་ངུ་ན། བདག་ལ་ལན་སུམ་ཅུ་རྩ་གཉིས་བཙའ་ན། ཇི་ལྟར་བྱ་ཞེས་དེ་དེ་ལྟར་རྣམ་པར་རྟོག་པ་ན། མཆོད་རྟེན་དང་ཉེ་བ་ན་བྱ་གག་མོ་ཞིག་ཡོད་པ་སྒོ་ང་འབྱུང་བ་དེ། ཐང་གཅིག་ཙམ་གྱིས་སྒོ་ང་སུམ་ཅུ་རྩ་གཉིས་བྱུང་ལ། སྨྲེ་སྔགས་ཀྱང་མི་འདོན་ཏོ། །དེས་བསམ་པ། འབྱུང་བའི་ཐབས་འདི་ནི། རུང་བ་ཡིན་ནོ། །སྙམ་དུ་རིག་ནས་མཆོད་རྟེན་དེ་ལ་དད་པ་དྲག་པོས་སྨོན་ལམ་གདབ་པར་བརྩམས་པ། ཇི་ལྟར་བྱ་གག་མོ་འདི་ཐང་གཅིག་ཙམ་གྱིས་སྒོ་ང་སུམ་ཅུ་རྩ་གཉིས་བྱུང་བ་དེ་བཞིན་དུ་བདག་གི་སུམ་ཅུ་རྩ་གཉིས་ཀྱང་ཅི་སྒོ་ངར་འབྱུང་བར་གྱུར་ཅིག་ཅེས་བྱས་སོ། །དགེ་སློང་དག་།དེ་ཇི་སྙམ་དུ་སེམས། དེའི་ཚེ་དེའི་དུས་ན་བུད་མེད་རྒན་མོ་གང་ཡིན་པ་དེ་ནི། ས་ག་མ་འདི་ཉིད་ཡིན་ནོ། །སུམ་ཅུ་རྩ་གཉིས་ཀྱི་དགའ་འདུན་གང་ཡིན་པ་དེ་ནི། ས་ག་མའི་བུ་འདི་རྣམས་ཁོ་ན་ཡིན་ཏེ། འདིས་དེ་ན་སྨོན་ལམ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་སྒོ་ང་སུམ་ཅུ་རྩ་གཉིས་བྱུང་ངོ ། །བཙུན་པ། ས་ག་མའི་བུ་རྣམས་ཀྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ནོངས་པ་མ་
Ga123b
བགྱིས་ཤིང ། སྐྱོན་མ་མཆིས་པར་རྒྱལ་པོ་གསལ་རྒྱལ་གྱིས་བཀུམ་ནས་དེ་རྣམས་ཀྱི་མགོས་གཟེབ་བཀང་སྟེ། ས་ག་མ་ལ་བསྐུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་དག་ཁོ་ནས་ལས་རྣམས་བྱས་ཤིང་བསགས་པ་དག་ནི་ཞེས་བྱ་བ་ནས། ལུས་ཅན་རྣམས་ལ་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག ། སྔོན་བྱུང་བ་རི་བོར་ཞིག་ན་ཆང་ཚོང་ཞིག་གནས་སོ། །ཆོམ་རྐུན་པ་རབ་ཏུ་མང་པོ་ཆང་ཚོལ་ཞིང་དེའི་དྲུང་དུ་འོངས་ནས་དྲིས་པ། ཆང་ཡོད་དམ། ཆང་ཚོང་གི་ཆུང་མས་སྨྲས་པ། ཡོད་དོ། ། ཞེས་དེ་རྣམས་ལ་ཆང་བླུད་ན། འཛར་བ་མེད་ནས། དེས་གླང་ཞིག་བསྟན་ཏེ། འདི་སོད་ཅིག་།དེ་རྣམས་ཀྱིས་སྨྲས་པ། མཚོན་ཆ་མེད་དོ། །དེས་གཏའ་བླངས་ནས་མཚོན་ཆ་བྱིན་པ་དང ། དེ་རྣམས་ཀྱིས་དེ་གསོད་པར་བརྩམས་སོ། །དེ་གསོད་པ་ན་སེམས་ལ་བདག་གསོད་པ་གང་ཡིན་པ་འདི་དག་ཐམས་ཅད་ནི། ཆང་ཚོང་གི་ཆུང་མ་འདི་ཡིན་གྱི། བདག་གང་དུ་འདི་རྣམས་ཀྱི་མགོ་བཅད་ནས་གཟེབ་བཀང་སྟེ། འདི་ལ་བསྐུར་བར་འགྱུར་བ་དེར་སྐྱེ་བར་གྱུར་ཅིག་ཅེས་བསམ་མོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་གླང་གང་ཡིན་པ་དེ་ནི། ཀོ་ས་ལའི་རྒྱལ་པོ་གསལ་རྒྱལ་འདི་ཉིད་ཡིན་ནོ། །ཆོམ་རྐུན་པ་གང་ཡིན་པ་དེ་རྣམས་ནི། ས་ག་མའི་བུ་འདི་དག་རྣམས་ཡིན་ནོ། །དེའི་ཚེ་དེའི་དུས་ཀྱི་ཆང་ཚོང་གི་ཆུང་མ་གང་ཡིན་པ་དེ་ནི། ས་ག་མ་འདི་
Ga124a
༄#། །ཉིད་ཡིན་ནོ། །ཞེས་རྒྱས་པར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན། འོད་མའི་ཚལ་བྱ་ཀ་ལནད་ཀའི་གནས་ན་བཞུགས་སོ། །དེའི་ཚེ་དྲང་སྲོང་མངོན་པར་ཤེས་པ་ལྔ་དང་ལྡན་པའི་བསྟི་གནས་ན་དྲང་སྲོང་ཞིག་ཡོད་དོ། །དེ་དེ་ན་འཆག་པ་ལས་བསྟི་གནས་དང་ཧ་ཅང་ཡང་མི་རིང་བའི་ས་རྫབ་ཅན་གྱི་ཕྱོགས་ཤིག་ཏུ་གཅིན་ཁུ་ཆུ་དང་བཅས་པ་ཞིག་གཅིས་སོ། །གློ་བུར་དུ་རི་དྭགས་མོ་སྐོམ་པས་ཉེན་པ་ཞིག་ཕྱོགས་དེར་འོངས་ཏེ། དེ་སྐོམ་པས་ཉེན་པས་དེ་འཐུངས་ནས་མོའི་དབང་པོ་ལ་བསྣམས་སོ། །སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ནི། བསམ་གྱིས་མི་ཁྱབ་པས། སེམས་ཅན་དང་ལྡན་པར་གྱུར་ཏོ། །ཇི་ཙམ་དུས་གཞན་ཞིག་ན། ཕྱོགས་དེ་ཉིད་དུ་འོངས་ནས་ཁྱེའུ་ཞིག་བྱུང་བ་དང ། དེས་དེ་བསྣམས་ན་སྐལ་བ་མི་མཐུན་པའི་སེམས་ཅན་ཡིན་ནས་བོར་ཏེ་སོང་ངོ ། །ཇི་ཙམ་ན། དྲང་སྲོང་དེ་བསྟི་གནས་དེ་ན་འཆག་པ་ལས། ཁྱེའུ་དེ་མཐོང་ནས། འདི་སུའི་བུ་ཡིན་ཞེས་དེ་བསམ་པ་ལ་ཞུགས་པ་ལས། ཇི་ཙམ་ན། བདག་གི་ཡིན་པར་མཐོང་ནས། དེས་དེ་བསྟི་གནས་སུ་བཞག་སྟེ། བསྣུན་བསྙོད་བསྐྱེད་ནས་དེའི་མགོ་རི་དྭགས་ཀྱི་འདྲ་བས་རི་དྭགས་མགོ་།རི་དྭགས་མགོ་ཞེས་བྱ་བར་གྲགས་སོ། །དུས་གཞན་ཞིག་ན་དྲང་སྲོང་ཤི་ནས། རི་དྭགས་མགོས་ཀླད་པའི་ཐོད་པ་རྡོབ་པའི་རིག་པ་བསླབ་སྟེ། དེ་ཐོད་པ་བརྡབས་ནས་ཐམས་ཅད་ལུང་
Ga124b
སྟོན་པར་བྱེད་དེ། གལ་ཏེ་རེ་ཞིག་སྒྲ་དྲག་པོར་གྱུར་ན། གྱེན་དུ་འགྲོ་བ་ལྟར་སྐྱེ་བར་འགྱུར་བར་ལུང་སྟོན་པར་བྱེད་དོ། །འོན་ཏེ་འབྲིང་དུ་གྱུར་ན། གྱེན་དུ་འགྲོ་བ་མིར་སྐྱེ་བར་ལུང་སྟོན་པར་བྱེད་དེ། དེ་ནི། བདེ་འགྲོའི་རྟགས་སོ། །ངན་འགྲོའི་རྟགས་ནི། གལ་ཏེ་རེ་ཞིག་སྒྲ་མི་གསལ་བར་གྱུར་ན། འོག་ཏུ་འགྲོ་བ་སེམས་ཅན་དམྱལ་བར་སྐྱེ་བར་འགྱུར་བར་ལུང་སྟོན་པར་བྱེད་དོ། ། འོན་ཏེ་སྒྲ་འབྲིང་དུ་གྱུར་ན། འོག་ཏུ་འགྲོ་བ་དུད་འགྲོར་སྐྱེ་བར་འགྱུར་བར་ལུང་སྟོན་པར་བྱེད་དོ། །འོན་ཏེ་སྒྲ་ཆུང་བར་གྱུར་ན། འོག་ཏུ་འགྲོ་བ་ཡི་དྭགས་སུ་སྐྱེ་བར་ལུང་སྟོན་པར་བྱེད་དོ། །དེ་ནས་བཅོམ་ལྡན་འདས་ཀྱིས་དེ་འདུལ་བའི་དུས་མཁྱེན་ནས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་རྒྱུན་དུ་ཞུགས་པ་དང ། ལན་གཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པའི་མགོ་བཞི་ཁྱེར་ཅིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས། བཅོམ་ལྡན་འདས་ལས་མཉན་ནས། མགོ་བཞི་ཁྱེར་ཏེ་དྲང་སྲོང་དེའི་དྲུང་དུ་སོང་ནས་ཁྱེད་ཀྱིས་ལུང་སྟོན་ཅིག་།དེས་རྒྱུན་དུ་ཞུགས་པའི་ཐོད་པ་ལ་བརྡབས་ནས་སྨྲས་པ། འདི་ནི། ལྷ་རྣམས་སུ་སྐྱེའོ། །ལན་གཅིག་ཕྱིར་འོང་བའི་ཡང་དེ་བཞིན་ནོ། །ཕྱིར་མི་འོང་བའི་ཡང་དེ་བཞིན་ནོ། །དགྲ་བཅོམ་པའི་ཐོད་པ་ལ་ཡང་བརྡབས་ན། མ་ཤེས་རྣམས་པར་མ་ཤེས་ནས་ངོ་ཚབས་དེ་འདི་སྙམ་དུ་སེམས་ཏེ། གང་ཕྱིར་འདི་ཡི་འགྲོ་བ་མ་ཤེས་པ། །བདག་
Ga125a
༄#། །ཅག་བསྟན་པ་དེ་ལས་ཉམས་གྱུར་ཏམ། །འོན་ཏེ་སློབ་དཔོན་རིགས་ལས་མ་སྐྱེས་སམ། །འོན་ཏེ་རྟགས་རྣམས་དེ་འདྲ་མ་ཡིན་ནམ། །ཚེ་དང་ལྡན་པ་ཀུན་དགའ་བོས་སྨྲས་པ། གང་ཕྱིར་འདི་ཡི་འགྲོ་བ་མ་ཤེས་པ། །ཁྱོད་ཀྱིས་རིག་པ་ཀུན་ལེགས་གོམས་མ་བྱས། །རེ་ཞིག་རིག་པ་མཐའ་དག་རྟོགས་བྱོས་ལ། །ཁྱོད་ཀྱིས་ཕྱི་ནས་འཇིག་རྟེན་ལུང་སྟོན་ཅིག ། རི་དྭགས་མགོས་སྨྲས་པ། ཁྱོད་ཀྱིས་རིག་པ་ཐམས་ཅད་ལ་བྱང་བ་འགའ་མཐོང་བ་ཡོད་དམ། དེས་སྨྲས་པ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་ཐམས་ཅད་ཀྱི་ཕ་རོལ་ཏུ་ཕྱིན་པ་ཡོད་དོ། །དེ་ནས་རི་དྭགས་མགོ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དུད་འགྲོ་ཡི་དྭགས་དམྱལ་བ་ལྷ་མི་སྐྱེ་བོའི་འགྲོ་འཚལ་ན། །རིག་པའི་སྐྱོན་གྱིས་སེམས་ཅན་སྤྱོད་པ་དྲུག་པ་མ་འཚལ་གྱི། །གཙོ་བོ་སྲིད་པ་གསུམ་གྱི་མཚོ་ཆེན་ཕ་རོལ་བྱོན་པ་པོ། །ཕ་རོལ་སྨྲ་ཀུན་ལས་རྒྱལ་དྲུག་པ་མ་འཚལ་དེ་ཅི་གསུང ། །བཅོམ་ལྡན་འདས་ཀྱིས་བཀའ་སྩལ་པ། མེ་རུ་བསྲེགས་བ་ལྕགས་ཀྱི་མེ། །ལྕགས་ཀྱི་ཐོ་བས་བརྡུངས་བྱས་ནས། །རིམས་ཀྱིས་ཉེ་བར་ཞི་པ་ཡི། །འགྲོ་བ་ཇི་ལྟར་མི་མངོན་པ། །དེ་བཞིན་འདོད་པའི་འདམ་ཚོགས་ལས། །བརྒལ་ཏེ་ཡང་དག་རྣམ་གྲོལ་བ། །མི་གཡོ་གོ་འཕང་ཐོབ་རྣམས་ཀྱི། །འགྲོ་བ་གདགས་སུ་ཡོད་མ་
Ga125b
ཡིན། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་རི་དྭགས་མགོས་འདི་སྐད་ཅེས་གསལ་ཏེ། །བཙུན་པ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བདག་བཅོམ་ལྡན་འདས་ཀྱིས་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །དེ་ནས་བཅོམ་ལྡན་འདས་ཀྱིས་རབ་ཏུ་ཕྱུང ། བསྙེན་པར་རྫོགས་པར་མཛད་དེ། དེ་རབ་ཏུ་ཕྱུང་ཞིང་བསྙེན་པར་རྫོགས་པར་མཛད་ནས། རྒྱལ་པོའི་ཁབ་ཏུ་ཇི་ཙམ་བཞེད་ཀྱི་བར་དུ་བཞུགས་ནས། མཉན་ཡོད་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང ། མཉན་ཡོད་དུ་བྱོན་ནས། མཉན་ཡོད་ཀྱི་རི་དྭགས་འཛིན་གྱི་མའི་སྔོན་གྱི་ཀུན་དགའ་ར་བའི་ཁང་བཟང་ན་བཞུགས་སོ། །དེ་ནས་བཅོམ་ལྡན་འདས་བླ་གབ་མེད་པ་ན་འཆག་ཅིང་རྒྱུ་སྐར་རྣམས་གྱུར་པ་གཟིགས་སོ། །གཟིགས་ནས་ཀྱང་ཚེ་དང་ལྡན་པ་རི་དྭགས་མགོ་ལ་བཀའ་སྩལ་པ། རི་དྭགས་མགོ་།ཇི་སྲིད་ཅིག་ན་ལྷས་ཆར་འབེབས་པར་འགྱུར་སོམས་ཤིག་།དེས་བསམ་ནས། བཙུན་པ། འཇིག་རྟེན་འདི་མ་རུང ། འདི་རབ་ཏུ་མ་རུང་ལགས་ཏེ། རྒྱུ་སྐར་རྣམས་ཇི་ལྟར་གནས་བ་དང་སྦྱར་ན། ལོ་བཅུ་གཉིས་སུ་ཆར་མི་འབབ་ལགས། བཅོམ་ལྡན་འདས་ཀྱིས་རྒྱུ་སྐར་རྣམས་མཐུན་པར་བྱིན་གྱིས་བརླབས་ནས་བཀའ་སྩལ་པ། ཡང་ཤེས་པར་གྱིས་ཤིག་།དེས་གསོལ་པ། ལོ་དྲུག་ཏུ་ལགས་སོ། །དེ་བཞིན་
Ga126a
༄#། །དུ་བཅོམ་ལྡན་འདས་ཀྱིས་ཡང་སྨྲས་པ་དང་གསོལ་པ། ལྔར་ལགས་སོ། །དེ་བཞིན་དུ་ཞག་བདུན་གྱི་བར་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།གནས་མལ་རྣམས་སྐྱབས་ཡོད་པར་སྤོས་ཤིག་།དེ་རིང་ཁོ་ནར་ལྷས་ཕྱེ་མའི་ཚོགས་ལྟ་བུའི་ཆར་འབེབས་པར་འགྱུར་ཏེ། དེ་ལ་ཁྲུས་བྱེད་པ་གང་ཡིན་པ་དེ་རྣམས་ལ་འབྲས་དང ། ཕོལ་མིག་འབྱུང་བར་མི་འགྱུར་རོ། །རི་དྭགས་མགོ། དེ་ལྟར་ན། རྒྱུ་སྐར་རྣམས་ནི། འགྱུར་བ། གཡོ་བ། མི་བརྟན་པ་ཡིན་ཏེ། སྲོག་ཀྱང་གཡོ་བ། མི་བརྟན་པ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། རི་དྭགས་མགོ་མངོན་པར་དད་པར་གྱུར་ཏོ། །དེ་ལྟར་མངོན་པར་དད་པར་གྱུར་པས་དགྲ་བཅོམ་པ་མངོན་སུམ་དུ་བྱས་སོ། །དེ་ནས་རྣམ་པར་གྲོལ་བའི་དགའ་བ་རབ་ཏུ་མྱོང་ནས། ཚིགས་སུ་བཅད་པས་སྨྲས་པ། རི་དྭགས་རྣམས་ནི་ནགས་ཁྲོད་བརྟེན། །འདབ་ཆགས་རྣམས་ནི་མཁའ་ལ་བརྟེན། །རྣམ་པར་སྒོམ་པ་ཆོས་ལ་བརྟེན། །དགྲ་བཅོམ་མྱ་ངན་འདས་ལ་བརྟེན། །རི་དྭགས་འཛིན་གྱི་མ་ས་ག་མས་བཅོམ་ལྡན་འདས་ཀོ་ས་ལའི་ལྗོངས་རྒྱུ་ཞིང་གཤེགས་ཏེ། མཉན་ཡོད་དུ་བྱོན་ནས་མཉན་ཡོད་ན་བདག་ཁོ་ནའི་ཀུན་དགའ་ར་བ་ན་བཞུགས་པོ་ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང །
Ga126b
བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་རི་དྭགས་འཛིན་གྱི་མ་ས་ག་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན་ཅེས་བྱ་བ་ནས་ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་བས་གནང་ངོ ། །ཞེས་བྱ་བའི་བར་གོང་མ་བཞིན་དུའོ། །དེ་ནས་རི་དྭགས་འཛིན་གྱི་མ་ས་ག་མ་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། བཅོམ་ལྡན་འདས་ཀྱིས་ས་ག་མ་ལ་ཅང་མི་གསུང་བས་གནང་ངོ ། །ཞེས་བྱ་བ་ནས་ནོར་བུའི་ཆུ་སྣོད་བཞག་སྟེ། བཅོམ་ལྡན་འདས་ལ་བུ་མོ་མངག་གཞུག་མ་དུས་ཚོད་གསོལ་བ་དུས་ཚོད་གསོལ་དུ་བཅུག་གོ་།ཇི་ཙམ་ན། བུ་མོ་མངག་གཞུག་མ་དེ་སྔོན་གྱི་ཀུན་དགའ་ར་བར་སོང་ནས་སྒོ་གསེབ་ནས་བལྟས་ན། དགེ་སློང་རྣམས་སྒྲེན་མོར་ཁྲུས་བྱེད་པ་མཐོང་ངོ ། །མཐོང་ནས་ཀྱང་བསམ་པ། གདོན་མི་ཟ་བར་འཕགས་པ་རྣམས་ནི། བཞུད་ལ། འཚོ་བ་པ་ནལ་ཕྲུག་འདི་དག་གིས་གཙུག་ལག་ཁང་འདིར་བཏབ་བོ། །སྙམ་ནས། དེ་རིངས་པའི་ངས་པར་འོངས་ཏེ་སྨྲས་པ། ཇོ་མོ་མཁྱེན་པར་མཛོད་ཅིག་།འཕགས་པ་
Ga127a
༄#། །རྣམས་ནི། བཞུད་ལ། འཚོ་བ་པ་ནལ་ཕྲུག་རྣམས་ཀྱིས་གཙུག་ལག་ཁང་འདིར་བཏབ་ལགས་སོ། །ས་ག་མས་བསམ་པ། བཅོམ་ལྡན་འདས་ཀྱིས་གནང་ནས། གདུགས་ཚོད་མ་གསོལ་བར་བཞུད་པར་འགྱུར་བ་གང་ཡིན་པ་དེ་ནི། གནས་མེད་ཅིང་སྐབས་མེད་དོ། །གདོན་མི་ཟ་བར་འདིས་དགེ་སློང་སྒྲེན་མོ་རྣམས་མཐོང་ངོ ། །སྙམ་ནས། དེས་དུས་ཚོད་གསོལ་པ་སྐྱེས་པ་གཞན་ཞིག་བཏང་སྟེ། དེས། བཙུན་པ། གདུགས་ཚོད་ལགས་ཤིང་མཆིས་ན། བཅོམ་ལྡན་འདས་ད་དེའི་དུས་ལ་བབ་པར་མཁྱེན་པར་མཛད་དུ་གསོལ་ཞེས་བྱ་བ་ནས་བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུ་སྟེ། རྒན་པའི་མཐར་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ནི། སྦྱིན་པ་ཆེན་པོ་བརྒྱད་བཅའ་བར་འཚལ་ཏེ། གློ་བུར་པ་ལ་སྩལ་པ་དང ། མཆི་བར་ཆས་པ་ལ་སྩལ་པ་དང ། བྲོ་འཚལ་བ་ལ་སྩལ་པ་དང ། བྲོ་གཡོག་ལ་སྩལ་བ་དང ། སྩང་གནས་ཀྱི་འཇམས་ནར་མ་དང ། སྨན་ནར་མ་དང ། དགེ་སློང་རྣམས་ལ་དབྱར་གྱི་གོས་རས་ཆེན་དང ། དགེ་སློང་མ་རྣམས་ལ་ཁྲུས་རས་སོ། །བཅོམ་ལྡན་འདས་ཀྱིས་བཀའ་སྩལ་པ། ས་ག་མ་ཁྱོད་ཀྱིས་ཡོན་ཏན་ཅི་ཞིག་མཐོང་ན། གློ་བུར་དུ་འོངས་པ་ལ་སྦྱིན་པ་སྦྱིན། བཙུན་པ། གློ་བུར་དུ་མཆིས་པའི་དགེ་སློང་ནི། སྤྱོད་ཡུལ་མི་མཁས་པ་དང ། ལམ་སྲང་མི་
Ga127b
མཁས་པ་ལགས་པས་དེས་བདག་གི་བསོད་སྙོམས་ལ་ལོངས་སྤྱད་ན། སྤྱོད་ཡུལ་ལ་མཁས་པ་དང ། ལམ་སྲང་ལ་མཁས་པར་འགྱུར་ལགས་སོ། །ས་ག་མ། དེ་ཐུགས་སུ་ཆུད་དེ། ལེགས་སོ། ལེགས་སོ། །དོན་གྱི་དབང་ཅི་ཞིག་མཐོང་ན། འགྲོ་བར་ཆས་པ་ལ་སྦྱིན་པ་སྦྱིན། བཙུན་པ། དགེ་སློང་མཆི་བར་ཆས་པ་བསོད་སྙོམས་ཚོལ་དུ་མཆིས་ན། མགྲོན་པོ་རྣམས་དང་བྲལ་བར་འགྱུར་ཞིང ། ཚོགས་དང་བྲལ་ན་ཕོངས་པར་འགྱུར་བས། དེས་བདག་གི་བསོད་སྙོམས་ལ་ལོངས་སྤྱོད་ན། ཚོགས་དང་བྲལ་བར་མི་འགྱུར་ལགས་སོ། །ས་ག་མ། དེ་ཡང་ཐུགས་སུ་ཆུད་དེ། ལེགས་སོ། །ལེགས་སོ། །དོན་གྱི་དབང་ཅི་ཞིག་མཐོང་ན། ནད་པ་ལ་སྦྱིན་པ་སྦྱིན། བཙུན་པ། དགེ་སློང་བྲོ་འཚལ་བ་བསོད་སྙོམས་ཚོལ་དུ་མཆིས་ན། ཉོན་མོངས་པའམ་འགུམ་པར་ཡང་འགྱུར་བས། དེས་བདག་གི་བསོད་སྙོམས་ལ་ལོངས་སྤྱད་ན། བྲོ་ནད་ལས་ལྡང་བ་དང་བདེ་བ་ལ་རེག་པར་གནས་པར་འགྱུར་ལགས་སོ། །ས་ག་མ། དེ་ཡང་ཐུགས་སུ་ཆུད་དེ། ལེགས་སོ། །ལེགས་སོ། །དོན་གྱི་དབང་ཅི་ཞིག་མཐོང་ན། ནད་གཡོག་ལ་སྦྱིན་པ་སྦྱིན། བཙུན་པ། དགེ་སློང་བྲོ་གཡོག་བགྱིད་པ་རང་གི་ཆེད་དུ་བསོད་སྙོམས་ཚོལ་དུ་མཆིས་ན། བྲོ་འཚལ་བའི་བགྱི་བ་ཉམས་པར་འགྱུར་བས་དེས་བདག་གི་བསོད་སྙོམས་ལ་ལོངས་སྤྱོད་ན་འགྲུབ་པར་འགྱུར་ལགས་སོ། །ས་ག་མ། དེ་ཡང་ཐུགས་སུ་ཆུད་དེ། ལེགས་སོ། །ལེགས་སོ། །དོན་གྱི་དབང་ཅི་ཞིག་མཐོང་ན། དགེ་འདུན་ལ་ནས་ཐུག་ནར་མ་སྦྱིན།
Ga128a
༄#། །བཙུན་པ། བཅོམ་ལྡན་འདས་ཀྱི་ཉན་ཐོས་རྣམས་ལ་དྲོད་ཆུང་བ་ཡང་མཆིས། དྲོད་ཆེ་བ་ཡང་མཆིས་ཏེ། དེ་ལ་རེ་ཞིག་དྲོད་ཆུང་བ་གང་ལགས་པ་དེ་རྣམས་ནི། ནས་ཐུག་འཚལ་ན་དྲོད་སྐྱེ་བར་འགྱུར་ལ། དྲོད་ཆེ་བ་གང་ལགས་པ་དེ་རྣམས་ནི། ཉམས་སྐྱེ་བར་འགྱུར་ལགས་སོ། །ས་ག་མ། དེ་ཡང་ཐུགས་སུ་ཆུད་དེ། ལེགས་སོ། །ལེགས་སོ། །དོན་གྱི་དབང་ཅི་ཞིག་མཐོང་ན། དགེ་འདུན་ལ་སྨན་ནར་མ་སྦྱིན། བཙུན་པ། བཅོམ་ལྡན་འདས་ཀྱི་ཉན་ཐོས་རྣམས་ལ་བྲོ་ནད་མང་བ་དང ། བྲོ་ནད་ཉུང་བ་མཆིས་ཏེ། དེ་ལ་བྲོ་ནད་མང་པོ་གང་ལགས་པ་དེ་རྣམས་ལ་ནི། རེ་ཞིག་འཚལ་ཆེས། བྲོ་ནད་ཉུང་བ་གང་ལགས་པ་དེ་རྣམས་ཀྱིས་ལོངས་སྤྱད་ན། ལྷག་པར་ཡང་བདེ་བ་ལ་རེག་པར་གནས་པར་འགྱུར་ལགས་སོ། །ས་ག་མ། དེ་ཡང་ཐུགས་སུ་ཆུད་དེ། ལེགས་སོ། །ལེགས་སོ། །དོན་གྱི་དབང་ཅི་ཞིག་མཐོང་ན། དགེ་སློང་རྣམས་ལ་དབྱར་གྱི་གོས་རས་ཆེན་སྦྱིན། བཙུན་པ། དེ་རིང་ཁོ་ན་བདག་གི་བུ་མོ་མངག་གཞུག་བགྱིད་པ་དུས་ཚོད་གསོལ་བར་བཏང་བ་ལས། དེས་དགེ་སློང་རྣམས་སྒྲེན་མོར་ཁྲུས་བགྱིད་པ་མཐོང་ནས་དེ་སླར་མཆིས་ཏེ་བདག་ལ། འཕགས་པ་རྣམས་ནི། བཞུད་ལ། འཚོ་བ་པ་ནལ་ཕྲུག་རྣམས་ཀྱིས་གཙུག་ལག་ཁང་དུ་བཏབ་པོ། །ཞེས་མཆི་བས་དེ་རྣམས་དབྱར་གྱི་གོས་རས་ཆེན་གྱིས་བཀབ་པར་འགྱུར་ལགས་སོ། །ས་ག་མ། དེ་ཡང་ཐུགས་སུ་ཆུད་དེ། ལེགས་
Ga128b
སོ། །ལེགས་སོ། །དོན་གྱི་དབང་ཅི་ཞིག་མཐོང་ན། དགེ་སློང་མ་རྣམས་ལ་ཁྲུས་རས་སྦྱིན། བཙུན་པ། དུས་འདི་གཅིག་ན་ཁྱིམ་པ་མོ་རབ་ཏུ་མང་པོ་དག་།དགེ་སློང་མ་རབ་ཏུ་མང་པོ་རྣམས་ཆུ་བོ་གནས་ལྡན་ལ་སྒྲེན་མོར་ཁྲུས་བགྱིད་པ་ལས། ཁྱིམ་པ་མོ་དེ་རྣམས་ཀྱིས་བགད་ཅིང་བགད་ནས་མཛུབ་ཀེར་གྱིས་དགེ་སློང་མ་རྣམས་ཀྱི་འདོམ་ཉེ་བར་སྟོན་ཏེ། དེ་དག་གིས་ཉེ་བར་བསྟན་པ་རྣམས། པག་ཁུམས་པར་གྱུར་པས་དེ་རྣམས་བདག་གི་ཁྲུས་རས་ཀྱིས་བཀབ་ནས་ཁྲུས་བགྱིད་པར་འགྱུར་ལགས་སོ། །ས་ག་མ། ལེགས་སོ། །ལེགས་སོ། །ཁྱོད་ཀྱིས་བསོད་ནམས་བྱ་བའི་དངོས་པོ་བརྒྱད་སྨྲས་པ་གང་ཡིན་པ་དེ་དག་ནི། རྫས་ལས་བྱུང་བའི་བསོད་ནམས་བྱ་བའི་དངོས་པོ་བདུན་རྣམས་ལ་ཡང་དག་པར་སྣང་ཞིང ། འདི་དག་ནི། རྫས་ལས་བྱུང་བའི་བསོད་ནམས་བྱ་བའི་དངོས་པོ་བདུན་པོ་གང་དག་ལ་བསོད་ནམས་སམ། བསོད་ནམས་ཀྱི་འབྲས་བུའམ། བསོད་ནམས་ཀྱི་འབྲས་བུ་རྣམ་པར་སྨིན་པ་འདི་ཙམ་མོ། །ཞེས་ཚད་གཟུང་བར་མི་ནུས་ཀྱི། འོན་ཀྱང་བསོད་ནམས་མང་བའི་ཕྱིར་བསོད་ནམས་ཀྱི་ཕུང་པོ་ཆེན་པོ་ཞེས་བྱ་བའི་གྲངས་སུ་འགྲོ་བ་རྣམས་ཀྱི་ནང་དུ་འདུས་སོ། །བཙུན་པ། བདག་གིས་འདི་སྐད་ཅེས། བཅོམ་ལྡན་འདས་ཀྱིས་དགེ་སློང་ཆེ་གེ་མོ་དེ། དགེ་སློང་འདི་ཡང་ཀུན་ཏུ་སྦྱོར་བ་གསུམ་སྤངས་ནས་རྒྱུན་དུ་ཞུགས་པ་རྣམ་པར་མི་ལྟུང་བའི་ཆོས་ཅན། རྫོགས་པའི་བྱང་ཆུབ་ཏུ་ངེས་པར་གཞོལ་
Ga129a
༄#། །པ་རེ་ལྟར་ཐོགས་ན་སྲིད་པ་ལན་བདུན་པར་འགྱུར་ཏེ། ལྷ་དང་མི་རྣམས་ཀྱི་ནང་དུ་ལན་བདུན་དུ་ཉིང་མཚམས་སྦྱོར་ཞིང་འཁོར་ནས་སྡུག་བསྔལ་གྱི་མཐར་བྱེད་པར་འགྱུར་རོ། །ཞེས་ལུང་བསྟན་པ་ཐོས་ཏེ། དེ་མཉན་ཡོད་དུ་རེས་འགའ་མཆི་ཞིང་སླར་ཡང་མཆི་བར་འགྱུར་ལ། དེས་བདག་གི་གློ་བུར་དུ་མཆི་བའི་ཟས་ཞེས་བྱ་བ་ནས་དབྱར་གྱི་གོས་རས་ཆེན་དང ། དགེ་སློང་མས་ཁྲུས་རས་ལོངས་སྤྱོད་པར་འགྱུར་ལགས་སོ། །ཞེས་བྱ་བའི་བར་ཏེ། ཐོས་ནས་ཀྱང་དགའ་བ་དང་རབ་ཏུ་དགའ་བ་རྒྱ་ཆེན་པོ་དགེ་བ་ངེས་པར་འབྱུང་བ་དང་ལྡན་པ་ཐོབ་པར་འགྱུར་ལགས་སོ། །བཅོམ་ལྡན་འདས་ཀྱིས་དགེ་སློང་ཆེ་གེ་མོ། དགེ་སློང་འདི་ནི། ཀུན་ཏུ་སྦྱོར་བ་གསུམ་སྤངས་ནས་འདོད་ཆགས་དང ། ཞེ་སྡང་དང ། གཏི་མུག་བསྲབས་པའི་ཕྱིར་འོང་བར་འགྱུར་ཏེ། འཇིག་རྟེན་འདིར་ལན་གཅིག་འོངས་ནས་སྡུག་བསྔལ་གྱི་མཐར་བྱེད་པར་འགྱུར་རོ། །ཞེས་ལུང་བསྟན་པ་དེ་ཡང་མཉན་ཡོད་དུ་རེས་འགའ་མཆི་ཞིང་སླར་མཆི་ལ། དེས་བདག་གི་གློ་བུར་བའི་ཟས་ཞེས་བྱ་བ་ནས་དབྱར་གྱི་གོས་རས་ཆེན་དང ། དགེ་སློང་མས་ཁྲུས་རས་ཞེས་བྱ་བའི་བར་གོང་མ་བཞིན་ཏེ། ཐོས་ནས་ཀྱང་དགའ་བ་དང ། རབ་ཏུ་དགའ་བ་རྒྱ་ཆེན་པོ་དགེ་བ་ངེས་པར་འབྱུང་བ་དང་ལྡན་པ་ཐོབ་པར་འགྱུར་ལགས་སོ། །བཅོམ་ལྡན་འདས་ཀྱིས་དགེ་སློང་ཆེ་གེ་མོ། དགེ་སློང་འདི་ནི། ཐ་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་སྤངས་པས་ཕྱིར་
Ga129b
མི་འོང་བར་འགྱུར་ཏེ། འཇིག་རྟེན་འདིར་ཕྱིར་མི་འོང་བར་འགྱུར་རོ། །ཞེས་ལུང་བསྟན་པ་དེ་ཡང་རེས་འགའ་མཉན་ཡོད་དུ་མཆི་ཞིང་སླར་མཆི་ལ། དེས་བདག་གི་གློ་བུར་པའི་ཟས་ཞེས་བྱ་བ་ནས་དབྱར་གྱི་གོས་རས་ཆེན་དང ། དགེ་སློང་མས་ཁྲུས་རས་ཞེས་བྱ་བའི་བར་གོང་མ་བཞིན་དུ་སྟེ། ཐོས་ནས་ཀྱང་དགའ་བ་དང ། རབ་ཏུ་དགའ་བ་རྒྱ་ཆེན་པོ་དགེ་བ་ངེས་པར་འབྱུང་བ་དང་ལྡན་པ་ཐོབ་པར་འགྱུར་ལགས་སོ། །བཅོམ་ལྡན་འདས་ཀྱིས་དགེ་སློང་ཆེ་གེ་མོ་དེ། དགེ་སློང་འདི་ནི། ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་འཇུག་པར་འགྱུར་རོ། །ཞེས་ལུང་བསྟན་པ་དེ་ཡང་རེས་འགའ་མཉན་ཡོད་དུ་མཆི་ཞིང་སླར་ཡང་མཆི་ལ། དེས་བདག་གི་གློ་བུར་བའི་ཟས་ཞེས་བྱ་བ་ནས་དབྱར་གྱི་གོས་རས་ཆེན་དང ། དགེ་སློང་མས་ཁྲུས་རས་ཞེས་བྱ་བའི་བར་གོང་མ་བཞིན་དུ་སྟེ། ཐོས་ནས་ཀྱང་དགའ་བ་དང ། རབ་ཏུ་དགའ་བ་རྒྱ་ཆེན་པོ་དགེ་བ་ངེས་པར་འབྱུང་བ་དང་ལྡན་པ་ཐོབ་པར་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་རི་དྭགས་འཛིན་གྱི་མ་ས་ག་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་འཇུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་བཅོམ་ལྡན་འདས་མཉན་ཡོད་དུ་ཇི་ཙམ་བཞེད་ཀྱི་བར་དུ་བཞུགས་ནས་ཡངས་པ་ཅན་གང་ན་བ་དེར་རྒྱུ་ཞིང་
Ga130a
༄#། །གཤེགས་ཏེ། རིམ་གྱིས་རྒྱུ་ཞིང་གཤེགས་པ་ན་ཡངས་པ་ཅན་དུ་བྱོན་ནས། ཡངས་པ་ཅན་གྱི་སྤྲེའུ་རྫིང་གི་འགྲམ་གྱི་ཁང་པ་བརྩེགས་པ་ན་བཞུགས་སོ། །དེ་ནས་བཅོམ་ལྡན་འདས་སྔ་དྲོ་ན་བཟའ་བཤམ་ཐབས་མནམས། ཆོས་གོས་དང་ལྷུང་བཟེད་བསྣམས་ནས་ཡངས་པ་ཅན་དུ་བསོད་སྙོམས་ལ་ཞུགས་སོ། །དེའི་ཚེ་དགེ་སློང་རབ་ཏུ་མང་པོ་ཀུན་དགའ་ར་བའི་སྒོ་ན་གནས་མལ་མི་གཙང་བས་གོས་པ་རྣམས་འཁྲུ་བ་དང ། སྐེམ་པ་དང ། འདིང་བར་བྱེད་དོ། །བཅོམ་ལྡན་འདས་ཀྱིས་དགེ་སློང་རབ་ཏུ་མང་པོ་ཀུན་དགའ་ར་བའི་སྒོ་ན་གནས་མལ་མི་གཙང་བས་གོས་པ་རྣམས་འཁྲུ་བ་དང ། སྐེམ་པ་དང ། འདིང་བར་བྱེད་པ་གཟིགས་སོ། །གཟིགས་ནས་ཀྱང་ཡང་འདི་སྙམ་དུ་དགོངས་ཏེ། བྲམ་ཟེ་དང་ཁྱིམ་བདག་དད་པ་ཅན་དག་པགས་པ་དང ། ཤ་དང ། ཁྲག་ཟད་ཟད་དུ་སྦྱིན་པར་བཏང་ཞིང་བསོད་ནམས་བྱས་པ་གང་ཡིན་པ་དེ་ལ་དགེ་སློང་རྣམས་བག་མེད་ཅིང་མ་བརྟགས་པར་སྤྱོད་པར་བྱེད་དོ། །སྙམ་དུ་དགོངས་ནས་ཡངས་པ་ཅན་དུ་བསོད་སྙོམས་སྤྱད་དེ་ཞལ་ཟས་ཀྱི་བྱ་བ་མཛད་ནས་ཟས་ཕྱི་མའི་བསོད་སྙོམས་སྤངས་ཤིང ། ལྷུང་བཟེད་དང ། ན་བཟའ་ཆོས་གོས་མཁོས་སུ་ཕབས་ནས་ཞབས་བསིལ་ཏེ། ནང་དུ་ཡང་དག་འཇོག་ལ་གཙུག་ལག་ཁང་དུ་ཞུགས་སོ། །དེ་ནས་བཅོམ་ལྡན་འདས་དགོངས་ཀ་ནང་དུ་ཡང་དག་འཇོག་ལས་བཞེངས་ནས་དགེ་སློང་གི་དགེ་འདུན་གྱི་གུང་ལ་གདན་
Ga130b
བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།འདིར་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ་ཡངས་པ་ཅན་དུ་བསོད་སྙོམས་ལ་ཞུགས་པ་ལས། ངས་དགེ་སློང་རབ་ཏུ་མང་པོ་དག་ཀུན་དགའ་ར་བའི་སྒོ་ན་གནས་མལ་མི་གཙང་བས་གོས་པ་རྣམས་འཁྲུ་བ་དང ། སྐེམ་པ་དང ། འདིང་བར་བྱེད་པར་མཐོང་ངོ ། །མཐོང་ནས་ཀྱང་འདི་སྙམ་དུ་དགོངས་ཏེ། བྲམ་ཟེ་དང ། ཁྱིམ་བདག་དད་པ་ཅན་དག་པགས་པ་དང ། ཤ་དང ། ཁྲག་ཟད་ཟད་དུ་སྦྱིན་པར་བཏང་ཞིང་བསོད་ནམས་བྱས་པ་གང་ཡིན་པ་དེ་ལ་དགེ་སློང་རྣམས་བག་མེད་ཅིང་མ་བརྟགས་པར་སྤྱོད་པར་བྱེད་དོ། །དགེ་སློང་དག་།དད་པས་བྱིན་པ་ལ་བག་ཡོད་པར་སྤྱོད་པ་དང ། དུས་སུ་སྤྱོད་པ་དང ། སྐབས་སྐབས་སུ་སྤྱོད་པ་དང ། བརྟགས་ཏེ་སྤྱོད་པ་དང ། ཅུང་ཟད་སྤྱོད་པ་ནི། ལེགས་སོ་ལེགས་སོ། །དེ་ནས་བཅོམ་ལྡན་འདས་ཀྱིས་དད་པས་བྱིན་པ་ལ་བག་ཡོད་པས་སྤྱད་པར་བྱ་བའི་བསྔགས་པ་གསུངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག། དེ་ལྟ་བས་ན། དགེ་འདུན་གྱི་གནས་མལ་ལ་གདིང་བ་མེད་པར་ལོངས་སྤྱད་པར་མི་བྱའོ། །གནས་མལ་མི་གཙང་བས་གོས་ན། དེའི་མོད་ཁོ་ན་ལ་བཀྲུ་བར་བྱ་སྟེ། གཞན་དུ་འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་སྔ་དྲོ་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་
Ga131a
༄#། །ནས་ཞབས་འབྲིང་བྱེད་པའི་དགེ་སློང་ཚེ་དང་ལྡན་པ་ཀུན་དགའ་བོ་དང ། ཡངས་པ་ཅན་དུ་བསོད་སྙོམས་ལ་ཞུགས་པ་ལས་བཅོམ་ལྡན་འདས་ཀྱིས་མི་རྒྱབ་ནག་པོར་གྱུར་པ་ཞིག་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་ཀྱིས་མི་རྒྱབ་ནག་པོ་ཕ་བི་མཐོང་ངམ། བཙུན་པ། མཐོང་ལགས་སོ། །ཀུན་དགའ་བོ། མི་ཕ་བི་ནི། ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་རབ་ཏུ་བྱུང་བར་གྱུར་ཏེ། དེ་ནས་འདིས་དགེ་འདུན་གྱི་གནས་མལ་ལ། མིང་ཙམ་གྱི་གདིང་བ་དང ། དྲི་མ་ཅན་གྱི་གདིང་བ་དང ། ཤུར་བུ་དང ། རྒྱ་ཅང་དང ། ལྕུག་གུའི་གདིང་བས་བཏིང་ནས་ལོངས་སྤྱད་པ་དེའི་ལས་ཀྱི་རྣམ་པར་སྨིན་པས་ཚེ་རབས་ལྔ་བརྒྱར་རྒྱབ་ནག་པོར་གྱུར་ཏོ། །ད་དུང་ཡང་འདི་རྒྱབ་ནག་པོར་གྱུར་ཏོ། །ཞེས་རིག་པར་མཛད་ནས། ཡངས་པ་ཅན་དུ་བསད་སྙོམས་མཛད་དོ་ཞེས་བྱ་བ་ནས་ནང་དུ་ཡང་དག་འཇོག་ལས་བཞེངས་ནས་ཞེས་བྱ་བའི་བར་གོང་མ་བཞིན་དུའོ། །དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་རིང་ང་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་ཐོགས་ཏེ། ཡངས་པ་ཅན་དུ་བསོད་སྙོམས་ལ་ཞུགས་པ་ལས།
Ga131b
དེ་ན་ངས་མི་རྒྱབ་ནག་པོར་འདུག་པ་ཞིག་མཐོང་སྟེ། དེ་ནི་ཡང་རྫོགས་པའི་སངས་རྒྱས་འོད་སྲུང་གི་གསུང་རབ་ལ་དགེ་སློང་དུ་གྱུར་པ་ལས། དེ་ནས་དེས་དགེ་འདུན་གྱི་གནས་མལ་ལ་མིང་ཙམ་གྱི་གདིང་བ་དང་ཞེས་བྱ་བ་ནས་ཚེ་རབས་ལྔ་བརྒྱའི་བར་དུ་རྒྱབ་ནག་པོར་གྱུར་ཏོ་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་།དེ་ལྟ་བས་ན། དགེ་སློང་རྣམས་ཀྱིས་དེང་ཕན་ཆད་མིང་ཙམ་གྱི་གདིང་བ་དང ། དྲི་མ་ཅན་གྱི་གདིང་བས་དགེ་འདུན་གྱི་གནས་མལ་ལ་ལོངས་སྤྱད་པར་མི་བྱའོ། །ལོངས་སྤྱད་ན། འགལ་ཚབས་ཅན་དུ་འགྱུར་རོ། །འོན་ཀྱང་གདིང་བ་གཉིས་ཀྱིས་ལོངས་སྤྱད་པར་བྱ་སྟེ། སྟུག་ན་ནི། རིམ་གཅིག་གིས་སོ། །སེང་བ་ཞིག་ན་ནི་།རིམ་གཉིས་ཀྱིས་སོ། །དགེ་སློང་རྣམས་གདིང་བ་བཀྲ་ཞིང་བཀྲ་བ་ཁ་ཚར་མ་བཅད་པ་དག་འཆང་བར་བྱེད་པ་བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། སྔོན་པོའམ། འདམ་ཁའམ། ཁ་བསྒྱུར་བའི་གདིང་བ་གྲིས་དྲས་པ་བཅང་བར་བྱ་སྟེ། གཞན་དུ་ན། འགལ་ཚབས་ཅན་དུ་འགྱུར་རོ། །དགེ་སློང་ཞིག་གཡན་པའི་ནད་ཀྱིས་ཉེན་པས། དེའི་ཆོས་གོས་རྣམས་རྣག་དང་ཁྲག་གིས་རེག་ནས་དྲི་མི་ཞིམ་པ་སྦྲང་མ་རྣམས་འདུ་ཞིང་དེ་བསོད་སྙོམས་ལ་ཞུགས་པ་དེ་བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་
Ga132a
༄#། །བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། གཡན་པ་དགབ་པ་བཅང་བར་བྱ་སྟེ། ཞག་ལྔའམ། དྲུག་ལོན་ནས་བཀྲུ་བར་བྱའོ། །གཞན་དུ་ན། འགལ་ཚབས་ཅན་དུ་འགྱུར་རོ། །དགེ་སློང་མཛེ་ནད་ཀྱིས་ཉེན་པ་དག་དགེ་འདུན་གྱི་གནས་མལ་དང ། ཁྱམས་དང ། རྫིང་དང ། སྒོ་ཁང་དང ། བང་རིམ་དང ། འཆག་ས་རྣམས་དང ། ཤིང་དྲུང་གི་གནས་རྣམས་ནི་དྲི་མི་ཞིམ་པ་དང ། སྦྲང་མ་རྣམས་འཁོར་བས་གནས་ཤིང་ལོངས་སྤྱོད་པར་བྱེད་པ་དེ་དག་།བྲམ་ཟེ་དང ། ཁྱིམ་བདག་རྣམས་ཀྱིས་མཐོང་ནས་སྨོད་པར་བྱེད། གཞོགས་འཕྱས་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་མཛེ་ནད་ཀྱིས་ཐེབས་པ་རྣམས་ཀྱི་ཕྱིར་ངས་ཀུན་དུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་མཛེ་ནད་ཀྱིས་ཐེབས་པས། དགེ་འདུན་གྱི་གནས་མལ་དང ། གནས་ཁང་ལ་ལོངས་སྤྱད་པར་མི་བྱ། ཁྱམས་རྣམས་དང ། ཇི་སྐད་དུ་བསྒྲགས་པའི་ཁྱམས་ལ་སོགས་པར་གནས་པར་མི་བྱ། དགེ་འདུན་གྱི་ཆབ་ཁུངས་ས་དང ། སྣམ་ཕྱི་སར་འཇུག་པར་མི་བྱ་ཞིང ། དགེ་འདུན་གྱིས་དེ་ལ་གནས་དབེན་པ་བྱིན་ནས་རིམ་གྲོ་བྱའོ། །དགེ་སློང་མཛེ་ནད་ཀྱིས་ཐེབས་པས། ཀུན་དུ་སྤྱོད་པའི་ཆོས་ཇི་ལྟར་
Ga132b
བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ།། །།འདུལ་བ་གཞི། བམ་པོ་རེ་བཞི་པ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། བདེ་བར་གཤེགས་པའི་ན་བཟའ་ཆོས་གོས་ལྷག་པར་བཅང་དུ་རུང་ལགས་སམ། ཉེ་བར་འཁོར། མི་རུང་ངོ ། །བཙུན་པ། མོན་དར་གྱི་ཆོས་གོས་གསུམ་དུ་བྱིན་གྱིས་བརླབས་ནས་ཆོས་གོས་ལྷག་པར་བྱིན་གྱིས་བརླབས་ཏེ་བཅང་དུ་རུང་ལགས་སམ། ཉེ་བར་འཁོར། ཅི་དགར་ཟད་དེ། དེ་བཞིན་དུ་འདོད་པ་བཞིན་དུ་བལ་དང་ཤ་ནའི་རས་ལ་ཡང་རུང་ངོ ། །སྡོམ་ལ། གསོ་མ་སྐྲ་ཡི་ཆོས་གོས་དང ། །གཅེར་བུ་སྐྲ་འབལ་ལོ་མའི་གོས། །མཐང་གོས་བཅས་དང་གཡང་གཞི་དང ། །གསོ་རས་སེང་རས་པ་ཆར་སྔོ། །གླེང་གཞི་ནི། མཉན་ཡོད་ནའོ། །དགེ་སློང་ཞིག་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་དགེ་སློང་དེས་འདི་སྐད་ཅེས་གསོལ་ཏོ། །བཙུན་པ། བདག་གསོ་མའི་ཆོས་གོས་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ལྟ་སྟེ། གསོ་མའི་ཆོས་གོས་འདི་ནི། མུ་སྟེགས་པའི་རྟགས་ཡིན་ནོ། །དེ་ལྟ་བས་ན། དགེ་སློང་གིས་གསོ་མའི་ཆོས་གོས་བཅང་བར་མི་བྱའོ། །བཅངས་
Ga133a
༄#། །ན། འགལ་ཚབས་ཅན་དུ་འགྱུར་རོ། །ཡང་དགེ་སློང་ཞིག་འོངས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་སྐྲའི་ཆོས་གོས་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ནི། མུ་སྟེགས་པའི་རྟགས་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གཅེར་བུ་བགྱིད་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ལྟ་སྟེ། གཅེར་བུ་འདི་ནི། མུ་སྟེགས་པའི་རྟགས་ཡིན་ནོ། །གཞན་ཡང་ངས་ཆོས་གོས་གསུམ་རྗེས་སུ་གནང་ན། ཅིའི་ཕྱིར་ཁྱོད་གཅེར་བུ་བྱེད། དེ་ལྟ་བས་ན། དགེ་སློང་གིས་གཅེར་བུ་མི་བྱའོ། །བྱས་ན། ཉེས་པ་སྦོམ་པོར་འགྱུར་རོ། །དེ་ནས་དགེ་སློང་དེ་གཅེར་བུ་མ་གནང་བ་དང་བསླབ་པ་རྣམས་སྤངས་ཏེ་ཉམས་པར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། དགེ་སློང་འདི། གཅེར་བུ་མ་གནང་བ་དང་བསླབ་པ་རྣམས་སྤངས་ཏེ་ཉམས་པར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདི་ཉིད་ངོ་ཚ་མེད་
Ga133b
པའི་སྐྱོན་གྱིས་ཆུང་མ་མ་ཐོབ་པ་དེ་ཉོན་ཅིག་།དགེ་སློང་དག་།སྔོན་བྱུང་བ། ངང་པའི་རྒྱལ་པོ་ཡུལ་འཁོར་སྐྱོང་ཞེས་བྱ་བ་བྱུང་སྟེ། དེའི་བུ་མོ་རང་ཁྱིམ་ཐབ་ཚོལ་ལོ། །ཞེས་ཡུལ་ཕྱོགས་སྣ་ཚོགས་ན་གནས་པའི་བྱ་རྣམས་ཀྱིས་ཐོས་ནས་འདུས་པར་གྱུར་ཏོ། །སོ་སོ་ནས་བསམ་པ། དེའི་ཁྱིམ་ཐབ་ཏུ་བདག་འགྱུར་རོ། །སྙམ་མོ། །དེས་རྨ་བྱ་ཞིག་མཐོང་ནས་དེས་སྨྲས་པ། འདི་ནི། བདག་གི་ཁྱིམ་ཐབ་ཏུ་འགྱུར་རོ། །དེ་ལ་གཞན་དག་གིས་འདིས་ཁྱོད་ཁྱིམ་ཐབ་ཏུ་འདམ་མོ། །ཞེས་སྨྲས་པ་དང ། སོ་སོ་ནས་དེས་མཇུག་མ་བསྒྲེངས་ནས་གར་བྱེད་པར་བརྩམས་པ་དང ། ཡུལ་འཁོར་སྐྱོང་གིས་མཐོང་ནས་སྨྲས་པ། འདི་ནི། ཅི་ཞིག་གི་ཕྱིར་གར་བྱེད། གཞན་དག་གིས་སྨྲས་པ། ཁྱོད་ཀྱི་བུ་མོའི་ཁྱིམ་ཐབ་ཏུ་གྱུར་པས་སོ། །དེས་སྨྲས་པ། ངོ་ཚ་དང་ཁྲེལ་དང་མི་ལྡན་པས། འདི་ལ་བདག་གི་བུ་མོ་མི་སྦྱིན་ནོ། །ཞེས་པ་རྨ་བྱ་དེས་ཐོས་ནས། ཡུལ་འཁོར་སྐྱོང་གི་དྲུང་དུ་སོང་ནས་ཚིགས་སུ་བཅད་དེ་སྨྲས་པ། དབྱངས་སྙན་ཡིད་འོང་ཁ་དོག་མཛེས་པ་དང ། ། འདབ་མ་འདོམ་གང་ཚད་ལྡན་མགྲིན་པ་ནི། །ནོར་བུ་བཻ་ཌཱུརྱ་དང་འདྲ་གྱུར་ན། །ཅི་སླད་ཁྱོད་ཀྱི་སྲས་མོ་བདག་མི་སྩལ། །ཡུལ་འཁོར་སྐྱོང་གིས་སྨྲས་པ། དབྱངས་སྙན་ཡིད་འོང་ཁ་དོག་མཛེས་པ་དང ། །འདབ་མ་འདོམ་གང་ཚད་ལྡན་མགྲིན་པ་ནི། །ནོར་བུ་བཻ་ཌཱུརྱ་དང་འདྲ་གྱུར་ཀྱང ། །འཛེམ་མེད་སྐྱོན་གྱིས་ཁྱོད་ལ་མི་སྦྱིན་ནོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་
Ga134a
༄#། །ཀྱི་རྨ་བྱ་གང་ཡིན་པ་དེ་ནི། དགེ་སློང་འདི་ཉིད་ཡིན་ཏེ། དེ་ན་ཡང་འདི་ངོ་ཚ་མེད་པའི་སྐྱོན་གྱིས་ཆུང་མ་མ་ཐོབ་ནས་སྡུག་བསྔལ་ཞིང་ཡིད་མི་བདེ་ནས་བྱའི་ཚོགས་ཀྱི་ནང་ནས་བྱུང་ངོ ། །ད་ལྟའི་ཡང་འདིས་གཅེར་བུ་མ་གནང་ནས་སྡུག་བསྔལ་ཞིང་ཡིད་མི་བདེ་བས་དགེ་སློང་གི་ཚོགས་ཀྱི་ནང་ནས་བྱུང་ངོ ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་སྐྲ་འབལ་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ངས་འབྲེག་པར་རྗེས་སུ་གནང་ན། ཅིའི་ཕྱིར་ཁྱོད་སྐྲ་འབལ། སྐྱེས་བུ་གཏི་མུག་།འདི་ལྟ་སྟེ། སྐྲ་འབལ་བ་འདི་ནི། མུ་སྟེགས་པའི་བརྟུལ་ཞུགས་ཡིན་ནོ། །དེ་ལྟ་བས་ན། དགེ་སློང་གིས་སྐྲ་འབལ་བར་མི་བྱའོ། །འབལ་ན།་འགལ་ཚབས་ཅན་དུ་འགྱུར་རོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ལོ་མའི་བགོ་བ་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ནི། མུ་སྟེགས་པའི་བརྟུལ་ཞུགས་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་བླ་གོས་མཐང་གོས་དང་བཅས་པས་འཚོ་བར་འཚལ་ལོ། །བཅོམ་
Ga134b
ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།ངས་ཆོས་གོས་གསུམ་རྗེས་སུ་གནང་ན། ཅིའི་ཕྱིར་ཁྱོད་བླ་གོས་མཐང་གོས་དང་བཅས་པས་འཚོ་བར་བྱེད། དེ་ལྟ་བས་ན། དགེ་སློང་གི་བླ་གོས་མཐང་གོས་དང་བཅས་པའི་ཆོས་གོས་ཀྱིས་འཚོ་བར་མི་བྱའོ། །འཚོ་བར་བྱེད་ན། འགལ་ཚབས་ཅན་དུ་འགྱུར་རོ།། །།ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གཡང་གཞི་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། གཏི་མུག་།འདི་ནི། མུ་སྟེགས་པའི་རྒྱལ་མཚན་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ།་བདག་གསོ་མའི་སེང་རས་ཀྱི་ཆོས་གོས་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། འདི་ནི། མུ་སྟེགས་ཀྱི་རྒྱལ་མཚན་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་པ། བཙུན་པ། བདག་པ་ཆར་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ལྟ་སྟེ། པ་ཆར་འདི་ནི། ཁྱིམ་པའི་ཆོས་ཡིན་ཏེ་ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་
Ga135a
༄#། །དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ཆོས་གོས་ཐམས་ཅད་སྔོན་པོར་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། འདི་ནི། ཁྱིམ་པ་འཆང་བར་བྱེད་དོ། །དེ་ལྟ་བས་ན། དགེ་སློང་གིས་ཆོས་གོས་ཐམས་ཅད་སྔོན་པོར་བཅང་བར་མི་བྱའོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །དེ་བཞིན་དུ་ཐམས་ཅད་སེར་བའམ། ཐམས་ཅད་དམར་བའམ། དཀར་བ་ནི། རུང་བ་མ་ཡིན་པ་ཉིད་དོ། །སྡོམ་ལ། ཁ་ཚར་རིང་དང་གདེངས་ཀ་དང ། །རལ་ག་གཙུག་ཏོར་ཐོད་དང་ནི། །ར་བལ་གོས་དང་རྡ་བལ་ཀླམ། །མཆིན་ནད་ཀུན་དགའ་མཐང་གོས་བཅས། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ཁ་ཚར་རིང་པོའི་ཆོས་གོས་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། འདི་ནི། མུ་སྟེགས་པའི་རྟགས་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ།་བདག་ཁ་ཚར་གདེངས་ཀ་ལྟ་བུའི་ཆོས་གོས་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། །སྐྱེས་བུ་གཏི་མུག་།འདི་ནི། མུ་སྟེགས་པའི་རྟགས་ཡིན་ནོ། །
Ga135b
ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་རལ་ག་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ནི། ཁྱིམ་པའི་རྟགས་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་ནོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གཙུག་ཏོར་བགྱིད་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ནི། ཁྱིམ་པའི་རྟགས་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ཐོད་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ནི། ཁྱིམ་པའི་རྟགས་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ར་བལ་གྱི་གོས་བཅང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ནི། ཁྱིམ་པའི་རྟགས་ཡིན་ནོ། །ཞེས་བྱ་བ་ནས་འགལ་ཚབས་ཅན་
Ga136a
༄#། །དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཡང་དགེ་སློང་ཞིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་རྔ་བལ་གྱི་ཀླམ་འཆང་བར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། སྐྱེས་བུ་གཏི་མུག་།འདི་ནི། ཁྱིམ་པའི་རྟགས་ཡིན་ནོ། །ཞེས་བྱ་བ་ནས་འགལ་ཚབས་ཅན་དུ་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཚེ་དང་ལྡན་པ་ཀུན་དགའ་མཆིན་ནད་ཅན། དགེ་སློང་མེད་པའི་གནས་སྒོ་འཕར་མེད་པ་ཞིག་ཏུ་དབྱར་གནས་པར་དམ་བཅས་ཏེ། དེ་ཕྱི་རོལ་ཏུ་བྱུང་བ་དང ། དེའི་སྣམ་སྦྱར་རྐུན་པོས་ཁྱེར་རོ། །ཞེས་བྱ་བའི་བར་དུ་སྟེ། དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་དགེ་སློང་མེད་པའི་གནས་སྒོ་འཕར་མེད་པར་དབྱར་གནས་པར་དམ་མི་བཅའ་ཞིང ། སྣམ་སྦྱར་མེད་པར་གང་དུ་ཡང་འགྲོ་བར་མི་བྱའོ། །སོང་ན། འགལ་ཚབས་ཅན་དུ་འགྱུར་རོ། །ཚེ་དང་ལྡན་པ་ཀུན་དགའ་བོ་མཆིན་ནད་ཅན་ན་བ་དེའི་ནད་གཡོག་ཚེ་དང་ལྡན་པ་ཀུན་དགའ་བོ་བྱེད་པ་ལས་ཆར་བབ་པ་དང ། དེ་སྣམ་སྦྱར་གྱོན་ཏེ་འགྲོ་བའི་སྤྲོ་བ་མེད་ནས། བཅོམ་ལྡན་འདས་ཀྱིས་བཀའ་སྩལ་པ། མཐང་གོས་བླ་གོས་སུ་བཅས་པས་འགྲོ་བར་བྱའོ། །གཞན་ཡང་སྣམ་སྦྱར་གཞག་ཏུ་རུང་བ་ནི། ལྔ་སྟེ། དགེ་སློང་དང་བཅས་པའི་གནས་སྒོ་འཕར་དང་བཅས་པ་
Ga136b
དང ། ཆར་བབ་པའམ་ཆར་འབབ་ཏུ་དོགས་པ་དང ། འབབ་ཆུའི་ཕ་རོལ་ཏུ་འགྲོ་བར་འདོད་པ་དང ། སྲ་བརྐྱང་བཏིང་བའི་གནས་དང ། དགེ་འདུན་གྱིས་གནང་བ་བྱིན་པར་གྱུར་པའོ། །བར་སྡོམ་གྱི་ཚིགས་སུ་བཅད་པ། དབྱར་དང་དགེ་ཚུལ་ཉིད་དག་གི་།འབྱུང་བ་གཉིས་པོ་དག་དང་ནི། །རྙེད་པ་ཆུང་དང་འགྱོད་པ་དང ། །དགེ་འདུན་རྙེད་དང་དེ་དེ་ཡིན། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཆོས་གོས་ཀྱི་རྙེད་པ་སྦྱིན་པར་བྱའོ་ཞེས་གསུངས་ན། དགེ་སློང་རྣམས་ཀྱིས་དགག་དབྱེ་བྱས་པའི་མོད་ཁོ་ན་ལ་ལྗོངས་རྒྱུར་དོང་བ་དང ། དེ་རྣམས་ཀྱི་རྙེད་པ་སུས་ཀྱང་མ་བླངས་ན། བཅོམ་ལྡན་འདས་ཀྱིས་བཀའ་སྩལ་པ། དེའི་རྙེད་པ་ལེན་དུ་གཞུག་པའི་ཕྱིར་དགེ་སློང་ལ་བཅོལ་ནས་འགྲོ་བར་བྱའོ། །མ་བཅོལ་བའི་དགེ་སློང་གཞན་དག་གིས་བླངས་པ་དང ། དགེ་སློང་རྣམས་ཕན་ཚུན་རྩོད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། མ་བཅོལ་བའི་དགེ་སློང་གིས་རྙེད་པ་བླང་བར་མི་བྱའོ། །བླངས་ན། འགལ་ཚབས་ཅན་དུ་འགྱུར་རོ། །བཅོལ་བའི་དགེ་སློང་གཞན་དག་གིས་མ་བླངས་ནས་བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ཀྱིས་ཐམས་ཅད་མངོན་པར་བྱའོ། །དགེ་ཚུལ་རྣམས་དོང་ནས་སུས་ཀྱང་རྙེད་པ་མ་བླངས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ཀྱི་མཁན་པོ་དང ། སློབ་དཔོན་དག་གིས་བླང་བར་བྱའོ། །དགེ་སློང་དག་རྙེད་པ་ཆུང་དུ་དག་འགྱེད་པར་བྱེད་པ་ན། རྙེད་པ་ཆུང་དུ་ཡིན་ནོ། །
Ga137a
༄#། །སྙམ་ནས་དོང་བ་རྣམས་ཀྱི་མ་བྱིན་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་ལ་བཅོལ་བ་དེ་རྣམས་ཀྱིས་བླང་བར་བྱའོ། །གཞན་དག་གིས་མ་བཅོལ་བར་དོང་བ་དང ། དེ་རྣམས་ཀྱི་སུས་ཀྱང་མ་བླངས་ལ། དགེ་སློང་རྣམས་ཀྱིས་ཀྱང་འགྱོད་པས་མ་བླངས་པ་དང ། བཅོམ་ལྡན་འདས་ཀྱིས་བཀའ་སྩལ་པ། བླང་བར་བྱ་སྟེ། དེ་ལ་འགྱོད་པར་མི་བྱའོ། །རྙེད་པ་ཆུང་དུ་གཞན་དག་བགོར་མཆོག་ནས། བཅོམ་ལྡན་འདས་ཀྱིས་བཀའ་སྩལ་པ། གཞན་དག་དང་བསྲེས་ལ་གཙུག་ལག་ཁང་ན་གནས་པ་རྣམས་ཀྱིས་བགོ་བར་བྱ་སྟེ། དེ་ལ་འགྱོད་པར་མི་བྱའོ། །བཅོལ་བས་རྙེད་པ་ཆུང་དུ་མ་བླངས་ན། མ་ཤ་ཀ་ལྔའི་རིན་ཡན་ཆད་ནི། ངེས་པར་བདའ་བར་བྱའོ། །རི་བོར་ཞིག་ན་ཁྱིམ་བདག་ཅིག་ཡོད་པ་དེས་གཙུག་ལག་ཁང་ཞིག་བརྩིགས་ནས། དེ་ན་གལ་ཏེ་དགེ་སློང་བརྒྱ་གནས་ན། རས་ཡུག་བརྒྱ་འབུལ་ལོ། །དེ་བཞིན་དུ་དགེ་སློང་གཅིག་གནས་ན་ཡང་རས་ཡུག་བརྒྱ་ཁོ་ན་འབུལ་ལོ། །ཞེས་བྱ་བའི་བར་དུའོ། །ཇི་ཙམ་དུས་གཞན་ཞིག་ན། གཙུག་ལག་ཁང་དེ་ཉིད་དུ་རྒན་ཞུགས་གཉིས་ཤིག་དབྱར་གནས་པ་ལས། ཁྱིམ་བདག་དེས་རས་ཡུག་བརྒྱ་བསྐུར་བ་དེ་གཉིས་ཀྱིས་བླངས་ནས། ཕན་ཚུན་དཔྱད་ནས་གཅིག་གིས་སྨྲས་པ། རྙེད་པ་འདི་ནི། དགེ་འདུན་གྱིར་འགྱུར་རོ། །གཅིག་ཤོས་ཀྱིས་སྨྲས་པ། བདག་ཅག་ཁོ་ནའི་འགྱུར་རོ། །གལ་ཏེ་དེ་ལྟ་ན་ལོངས་ཤིག་།དེས་
Ga137b
སྨྲས་པ། ཕན་ཚུན་རྩོད་པར་མི་འགྱུར་གྲང ། ཇི་ཙམ་ན་གཅིག་གིས་ཀྱང་མ་བླངས། དེ་གཉིས་ཀྱིས་ཡང་དཔྱད་པ། དེ་ལ་ཇི་ལྟར་བསྒྲུབ་པར་བྱ། གཅིག་གིས་སྨྲས་པ། དགེ་སློང་རྣམས་བོས་ལ་དེ་རྣམས་དང་ལྷན་ཅིག་བགོའོ། །གཅིག་ཤོས་ཀྱིས་སྨྲས་པ། དེ་བཞིན་དུ་བྱས་ན་སུ་འགྲོ། གང་གཞོན་པའོ། །གོས་རྣམས་སུས་སྲུང ། གང་གཞོན་པས་སོ། །དེ་ལྟར་མི་ནུས་ཀྱི། གང་གཞོན་པ་ནི། འགྲོའོ། །གང་རྒན་པ་དེས་ནི། གོས་རྣམས་སྲུང་ངོ ། །དེ་བཞིན་དུ་བྱའོ། །ཞེས་གཞོན་པ་ཤོས་དགེ་སློང་རྣམས་འབོད་པའི་ཕྱིར་མཉན་ཡོད་དུ་སོང་ངོ ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། དྲུག་སྡེ་རྣམས་ཀྱིས་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་རེས་མོས་རེས་མོས་ཀྱིས་མི་སྟོངས་པར་བྱེད་པ་ཡིན་པས། ཉེ་དགའ་རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་ན་འདུག་པ་དེས། རྒྱང་རིང་པོ་ཁོ་ན་ནས་མགོ་སྤྲ་བའི་མེ་ཏོག་ལྟར་སྐྱ་བ། སྨིན་མ་འཕྱང་བ་ཞིག་མཐོང་ནས་བསམ་པ། དགེ་སློང་གནས་བརྟན་འདི་འགའ་ཞིག་འོང་གི་།དེ་བསུར་འགྲོའོ། །སྙམ་ནས། གནས་བརྟན། བྱོན་པ་ལེགས་སོ། །བྱོན་པ་ལེགས་སོ། །སློབ་དཔོན་ཕྱག་འཚལ་ལོ། །དེས་བསམ་པ། འདི་ནི། སློབ་དཔོན་ཡང་མི་ཤེས། མཁན་པོ་ཡང་མི་ཤེས་ཏེ། འདི་ནི། རྒན་ཞུགས་ཤིག་ཡིན་ནོ། ། སྙམ་དུ་རིག་ནས་སྨྲས་པ། རྒན་ཞུགས། ཁྱོད་གང་ནས་འོངས། རི་བོར་ཆེ་གེ་མོ་ཞིག་ནས་སོ། །ཅི། དེ་ན་གཙུག་ལག་ཁང་ཡོད་དམ། གཙུག་ལག་ཁང་ཡོད་དོ། །ཅི། དེ་གཙུག་ལག་
Ga138a
༄#། །གང་ཡིན་ནམ། འོན་ཏེ་ཕོངས་པ་ཡིན། དེས་ཇི་ལྟར་གྱུར་པ་རྣམས་སྨྲས་པ་དང ། ཁྱོད་དོན་ཅི་ཞིག་ལ་འོངས། དགེ་སློང་རྣམས་དང་བགོ་བའི་ཕྱིར་རོ། ། གལ་ཏེ་དེ་ལྟ་ན། ང་ཁོ་ནས་ཁྱོད་ལ་སྙིང་བརྩེ་བའི་ཕྱིར་འགྲོ་བར་བྱའོ། །སློབ་དཔོན། ལེགས་སོ། །ཉེ་དགས་བསམ་པ། གལ་ཏེ་འདི་བདག་གི་ཐད་ནས་གཞན་དུ་སོང་ན། སྐྱེ་བོའི་ཚོགས་ཆེན་པོས་ཤེས་པར་འགྱུར་གྱི། ལེགས་པར་བསྲུང་བར་བྱའོ། །སྙམ་ནས་དེས་དེ་ངལ་བསོར་བཅུག་སྟེ་དུས་མ་ཡིན་པའི་བཏུང་བ་དག་བླུད་ནས། ཅི་ནས་ཀྱང་བྲེ་མོ་གཏམ་གྱིས་ནམ་སྲོས་ཀྱི་བར་དུ་བྲོངས་ནས་མལ་བཟང་པོ་བཤམས་ཏེ་རྐང་པ་བཀྲུ་བ་དང ། རྐང་པ་བསྐུ་བ་བྱིན་ནས་ཇི་ཙམ་གཉིད་ལོག་པར་གྱུར་པ་དེ་སྲིད་དུ་བསྡད་དོ། །དེ་ནས་ཉེ་དགའ་གསང་འཕེལ་བར་མི་འགྱུར་གྲང་སྙམ་པའི་འཚེར་བས་མཚན་མོ་དེ་འདས་བར་བྱས་སོ། །དེ་ནས་དེ་ནང་པར་སྔར་ལངས་ཏེ་རྒན་ཞུགས་ཁྲིད་ནས་རིངས་པ་རིངས་པར་སོང་སྟེ། རིམ་གྱིས་རི་བོར་དུ་ཕྱིན་པ་དང ། དེ་ནས་གཙུག་ལག་ཁང་དུ་གནས་པའི་རྒན་ཞུགས་གཅིག་ཤོས་དེས། འོངས་པ་ལེགས་སོ། །ཞེས་ཀུན་དགའ་བར་འགྱུར་པའི་ཚིག་སྨྲས་ནས། དེ་གཉིས་ངལ་སྲོས་པ་དང ། ཁོང་གསུམ་ཅན། ཡང་གནས་གཅིག་ཏུ་འཚོགས་ནས་ཉེ་དགས་སྨྲས་པ། རྙེད་པ་བགོས་ཤིག་།གནས་བརྟན། བགོའོ། །ཉེ་དགས་རྒན་ཞུགས་གཅིག་ལ་སྨྲས་
Ga138b
པ། རྒན་ཞུགས། ཁྱོད་ཀྱིས་བགོས་ཤིག་།གནས་བརྟན། བདག་མི་བགོད་དོ། །དེ་ཅིའི་ཕྱིར་ཞེ་ན། བདག་ལ་ཉེས་པ་བྱུང་ན་མི་རུང་ངོ ། །གཅིག་ཤོས་ལ་ཡང་སྨྲས་པ། རྒན་ཞུགས། ཁྱོད་ཀྱིས་བགོས་ཤིག་།དེས་ཀྱང་དེ་བཞིན་དུ་སྨྲས་པ་དང ། ཉེ་དགས་སྨྲས་པ། ཁྱོད་ནི། ཉེས་པ་བྱུང་བས་འཇིགས་ཀྱི། ཉེ་དགའ་ནི། སྤྱིའུ་ཚུགས་སུ་སེམས་ཅན་དམྱལ་བར་འགྲོ་བར་འགྱུར་བར་འདོད་དམ་ཅི། ཉེ་དགས་བསམ་པ། རྒན་ཞུགས་འདི་གཉིས་བསྡོངས་ཀྱི། དབྱེན་བྱའོ། །སྙམ་ནས། དེ་ནས་དེ་གཉིས་ཀྱི་རྒྱུན་དུ་རུང་བའི་ལས་བྱེད་པའི་གཡོག་པོ་མཐོང་ནས་གཅིག་གི་དྲུང་དུ་སོང་སྟེ་དྲིས་པ། རྒན་ཞུགས། ཁྱོད་ཀྱིས་འདིར་ཅི་དག་བྱས། གནས་བརྟན། བདག་གིས་གཙུག་ལག་ཁང་དག་ཏུ་རྟག་ཏུ་ཆག་ཆག་བཏག། ཕྱག་དར་དང ། བའི་ལྕི་བ་འཇམ་པོས་བྱུག་པ་བྱས་སོ། །རྒན་ཞུགས། གལ་ཏེ་ཆག་ཆག་དང ། ཕྱག་དར་བྱས་པ་ཁོ་ནས་རྙེད་པ་ཐོབ་ན་ལྟ། ཉེ་དགས་གཙུག་ལག་ཁང་ཐམས་ཅད་ཆག་ཆག་དང ། ཕྱག་དར་བྱའོ། །འོན་ཀྱང་འདིར་རྙེད་པ་བྱུང་བ་གང་ཡིན་པ་དེ་ནི། རྒན་ཞུགས། གཅིག་ཤོས་དེའི་མཐུས་ཡིན་ཏེ། དེ་གཙུག་ལག་ཁང་དུ་དུས་དུས་སུ་ཆོས་འདོན་པའི་སྦྱིན་པ་བྱེད་པས་ཆོས་འདོན་པ་དོན་དུ་གཉེར་བའི་ལྷ་སྤྲོ་བ་དང་ལྡན་པར་གྱུར་ཏེ། དེས་ན་རྙེད་པ་རྙེད་པར་གྱུར་གྱི། འདིས་ཅི་བྱིན་པ་དེ་བླང་བར་བྱ་སྟེ། འཁང་པར་མི་བྱའོ། །དེས་དེ་གནད་ལ་བབ་པས་སྐྱེངས་ནས་ཅང་མི་སྨྲ་བར་འདུག་གོ་།དེ་ནས་གཅིག་ཤོས་ཀྱི་དྲུང་དུ་སོང་ནས་སྨྲས་
Ga139a
༄#། །པ།་རྒན་ཞུགས། ཁྱོད་ཀྱིས་འདིར་ཅི་དག་བྱས། གནས་བརྟན། བདག་གིས་འདི་རུ་དུས་དུས་སུ་ཆོས་བསྒྲགས་པའི་སྦྱིན་པ་བྱས་སོ། །རྒན་ཞུགས། གལ་ཏེ་ཆོས་བསྒྲགས་པས་རྙེད་པ་ཐོབ་ན་ལྟ། ཉེ་དགས་འགྲེང་བ་དང ། འགྲོ་བ་དང ། འདུག་པ་དང ། ཉལ་བས་དུས་ཐམས་ཅད་དུ་ཆོས་བཤད་དོ། །རྙེད་པ་གང་ཅུང་ཟད་གྲུབ་པ་དེ་ཐམས་ཅད་ནི། རྒན་ཞུགས་གཅིག་ཤོས་དེའི་མཐུས་ཡིན་ཏེ། དེས་གཙུག་ལག་ཁང་འདིར་ཆག་ཆག་དང ། ཕྱག་དར་དང ། བའི་ལྕི་བ་འཇམ་པོས་བྱུག་པ་བྱས་སོ། །བཅོམ་ལྡན་འདས་ཀྱིས་ཕྱག་དར་བྱེད་པ་ལ་ཡོན་ཏན་ལྔ་ཡོད་དེ།་ལྔ་གང་ཞེ་ན། བདག་ཉིད་ཀྱི་སེམས་དང་བར་འགྱུར་བ་དང ། གཞན་གྱི་སེམས་དང་བར་འགྱུར་བ་དང ། ལྷ་རྣམས་ཡིད་དགའ་བར་འགྱུར་བ་དང ། མཛེས་པར་འགྱུར་བའི་དགེ་བའི་རྩ་བ་གསོག་པར་འགྱུར་བ་དང ། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་སུ་སྐྱེ་བར་འགྱུར་རོ། །ཞེས་བཀའ་སྩལ་ཏོ། །དེ་ལྟ་བས་ན། གཙུག་ལག་ཁང་ཕྱག་དར་བྱས་པས་ཡོན་བདག་མངོན་པར་དད་པར་གྱུར་ལ། ལྷ་ཡིད་དགའ་བར་གྱུར་ཏེ། དེས་ན་དེར་རྙེད་པ་བྱུང་བར་གྱུར་ཏོ། །དེ་བས་ན་དེའི་མཐུས་འདིར་རྙེད་པ་བྱུང་བས་དེས་ཅི་བྱིན་པ་དེ་བླང་བར་བྱ་སྟེ། འཁང་བར་མི་བྱའོ། །དེ་ཡང་གནད་ལ་ཕབ་པས་སྐྱེངས་ནས་ཅང་མི་སྨྲ་བར་འདུག་གོ་།དེ་གཉིས་སྤོབས་པ་མེད་པར་བྱས་ནས་སྨྲས་པ། རྒན་ཞུགས་དག་།བཅོམ་ལྡན་འདས་ཀྱིས་གསོལ་
Ga139b
བའི་ལས་མི་འཁྲུགས་པ་གསུངས་པའི་ཐབས་གཞན་ཡོད་པས་གསོལ་བ་བྱས་ལ་བགོའོ། །དེ་གཉིས་ཀྱིས་སྔར་སྨྲ་ཕབ་པས་སྨྲས་པ། གནས་བརྟན། ཅི་དགྱེས་པ་དེ་བཞིན་དུ་མཛོད་ཅིག་།དེ་ནས་ཉེ་དགས་ཆ་གསུམ་དུ་བྱས་ཏེ། ཆ་གཉིས་ཀྱི་བར་དུ་ནི། རང་ཉིད་འདུག་གོ་།དེ་གཉིས་ཀྱི་བར་དུ་ནི། ཆ་གཅིག་བཞག་ནས་གསོལ་བ་བྱ་བར་བརྩམས་པ། རྒན་ཞུགས། ཁྱེད་ཉོན་ཅིག་།ཁྱེད་གཉིས་དང་འདི་གཅིག། འདི་གཉིས་དང་ཁོ་བོ་གཅིག་སྟེ། དེ་ལྟར་ན་གསུམ་གསུམ་མོ། །འདི་ནི། གསོལ་བའོ། །དེ་ནས་ཆ་གཉིས་ནི། བདག་ཉིད་ཀྱིས་བླངས་སོ། །ཆ་གཅིག་ནི། དེ་གཉིས་ལ་བྱིན་པ་དང ། དེ་གཉིས་ཀྱིས་སྨྲས་པ། གནས་བརྟན། འདི་ཁོ་ན་ལས་བདག་ཅག་གཉིས་རྩོད་པར་འགྱུར་གྱི། ཁྱོད་ཁོ་ནས་བདག་ཅག་ལ་བགོས་ཤིག་།དེས་བགོ་བར་བརྩམས་ནས། དེ་ནས་རས་ཡུག་གཅིག་ཁ་ཁྱེར་དུ་འདུག་པ་དེ་ཡང་བླངས་ནས་རས་རྣམས་བམ་པོར་བཅིངས་ཏེ་སོང་ངོ ། །དེ་ནས་རིམ་གྱིས་མཉན་ཡོད་དུ་ཕྱིན་པ་དང ། དེ་དགེ་སློང་རྣམས་ཀྱིས་མཐོང་ནས་སྨྲས་པ། བཙུན་པ་ཉེ་དགའ། ཁྱོད་ཀྱིས་སུ་ཞིག་ཤི་བ་མཐོང ། དེས་ཇི་ལྟར་གྱུར་བ་རྒྱས་པར་སྨྲས་པ་དང ། དེ་རྣམས་ཀྱིས་སྨྲས་པ། ཁྱོད་དེ་ལྟར་བྱེད་པ་བརྟགས་པ་ཡིན་ནམ། མི་མཛའ་བ་རྣམས་ཀྱི་མགྲིན་པ་རྡོག་པས་མནན་ནས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་ནི། དགེ་སློང་རྣམས་གཞན་གྱི་རྙེད་པ་ལ་ཐོབ་རྒྱལ་བྱེད་པ་ལས་
Ga140a
༄#། །གྱུར་གྱི། དེ་ལྟ་བས་ན། དགེ་སློང་གཞན་གྱི་རྙེད་པ་ལ་ཐོབ་རྒྱལ་མི་བྱའོ། །ཐོབ་རྒྱལ་བྱས་ན། འགལ་ཚབས་ཅན་དུ་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་ཉེ་དགས་རྒན་ཞུགས་དེ་གཉིས་ཆོས་ཀྱི་སྒོ་ནས་བསླུས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་དེ། འདས་པའི་དུས་ན་ཇི་ལྟར་འདིས་རྒན་ཞུགས་གཉིས་བསླུས་པ་དེ་ཉོན་ཅིག་།དགེ་སློང་དག་།སྔོན་བྱུང་བ། འབབ་ཆུའི་ངོགས་ཤིག་ན་སྲམ་གཉིས་ཤིག་གནས་པ་ལས། དེ་གཉིས་གང་གི་ཚེ་ཆུའི་ནང་དུ་ཞུགས་པ་ན་ཉ་སྐམ་ལ་ཐོན་པར་འགྱུར་ཞིང ། གང་གི་ཚེ་སྐམ་ལ་དོང་བ་དེའི་ཚེ་ཆུའི་ནང་དུ་དོང་ནས་ཅུང་ཟད་ཀྱང་མི་རྙེད་དོ། །དེ་ནས་དེ་གཉིས་ཀྱིས་གྲོས་བྱས་པ། བདག་ཅག་ལས་གཅིག་ནི། ཆུའི་ནང་དུ་འགྲོའོ། །གཅིག་ཤོས་ཀྱིས་ནི། སྐམ་ལ་སྟེ། རྙེད་པ་གང་ཡིན་པ་དེ་ནི། སྤྱིར་བྱའོ། །དེ་ན་གཅིག་ནི། ཆུར་སོང་ངོ ། །གཅིག་ཤོས་ནི། སྐམ་ལ་སྟེ། དེ་ལ་ཆུར་ཞུགས་པ་གང་ཡིན་པས་ཉ་རྣམས་དཀྲོགས་ཏེ་སྐམ་ལ་བཏོན་ནས། དེ་རྣམས་སྐམ་ལ་གནས་པས་བསད་དོ། །ཆུ་ལ་གནས་པ་ནི། ཆུ་ལ་གནས་པ་ཉིད་ཀྱིས་སོ། །ཇི་ཙམ་ན་ཉའི་ཕུང་པོ་ཆེན་པོར་གྱུར་པ་དང ། གཅིག་གིས་སྨྲས་པ། ཁྱོད་ཀྱིས་བགོས་ཤིག་།གཅིག་ཤོས་ཀྱིས་སྨྲས་པ། བདག་མི་བགོད་དོ། །ཅིའི་
Ga140b
ཕྱིར། བདག་ལ་ཉེས་པ་བྱུང་ན་མི་རུང་ངོ ། །དེས་ཀྱང་སྨྲས་པ། གལ་ཏེ་དེ་ལྟ་ན། བདག་ལ་ཡང་ཉེས་པ་འདི་ཉིད་ཡིན་ནོ། །དེ་གཉིས་སེམས་ཁོང་དུ་ཆུད་ཅིང་འདུག་པ་ལས། ཇི་ཙམ་ན་ཝ་བཞིན་རྒྱས་ཞེས་བྱ་བ། དེ་གཉིས་ཀྱི་དྲུང་དུ་འོངས་ནས་དེས་སྨྲས་པ། ཚ་བོ་དག་།ཅི་སྟེ་ཁོང་དུ་ཆུད་ཅིང་འདུག་།ཞང་པོ། བདག་ཅག་ནི། ཉ་རྙེད་པས་སོ། །ཅི་སྟེ་མི་བགོད། ཞང་པོ། ཉེས་པས་འཇིགས་སོ། །ཁྱོད་ནི། ཉེས་པས་འཇིགས་ལ། བཞིན་རྒྱས་ནི། རྐང་པས་སྤྱིའུ་ཚུགས་སུ་སེམས་ཅན་དམྱལ་བར་འགྲོ་བར་འགྱུར་བར་འདོད་དམ་ཅི། བཞིན་རྒྱས་ཀྱིས་བསམས་པ། འདི་གཉིས་བསྡོངས་ཀྱི། དབྱེ་བར་བྱའོ། །སྙམ་ནས། དེ་ནས་དེ་གཉིས་ཀྱི་རྟག་ཏུ་གཡོག་བྱེད་པ་རུས་སྦལ་ཞིག་མཐོང་ནས། གཅིག་གི་དྲུང་དུ་སོང་སྟེ་དྲིས་པ། ཚ་བོ། ཁྱོད་ཀྱིས་འདིར་ཅི་དག་བྱས། ཞང་པོ། བདག་ཆུར་ཞུགས་ཏེ་བདག་ཆུར་ཞུགས་ནས་ཉ་རྣམས་དཀྲོགས་ཏེ་སྐམ་ལ་ཐོན་པ་དང ། འདིས་བསད་དོ། །ཚ་བོ། གལ་ཏེ་ཆུར་ཞུགས་པས་ཅུང་ཟད་ཐོབ་ན་ལྟ། བཞིན་རྒྱས་རྟག་ཏུ་ཆུ་ནང་དུ་འགྲོའོ། །སྐམ་ལ་འགྲོ་བ་དེ་ནི། སྡོང་དུམ་གྱི་འཇིགས་པ་དང ། ཚེར་མའི་འཇིགས་པ་དང ། གཅན་གཟན་གྱི་འཇིགས་པ་དང ། མིའི་འཇིགས་པ་དང ། ངམ་གྲོག་གི་འཇིགས་པ་ཡོད་དོ། །གཞན་ཡང ། གལ་ཏེ་དེས་མ་བསད་ན། ཁྱོད་ཀྱིས་དཀྲོགས་ཀྱང་ཅི་ཕན། མདོར་ན་འདིར་ཉ་རྙེད་པ་གང་ཡིན་པ་དེ་རྣམས་ནི། དེའི་མཐུ་ཡིན་པས། འདིས་ཅི་བྱིན་པ་དེ་བླང་བར་བྱ་སྟེ། འཁང་པར་མི་བྱའོ། །དེས་དེ་གནད་
Ga141a
༄#། །ལ་ཕབ་པས་སྐྱེངས་ནས་ཅང་མི་སྨྲ་བར་འདུག་གོ་།དེ་ནས་གཅིག་ཤོས་ཀྱི་དྲུང་དུ་སོང་ནས་སྨྲས་པ། ཚ་བོ། ཁྱོད་ཀྱིས་འདིར་ཅི་དག་བྱས། ཞང་པོ། བདག་གིས་སྐམ་ལ་སོང་སྟེ་བདག་གིས་སྐམ་ལ་ཐོན་པའི་ཉ་རྣམས་བསད་དོ། །ཚ་བོ། གལ་ཏེ་སྐམ་ལ་སོང་ནས་ཅུང་ཟད་ཐོབ་ན་ལྟ། བཞིན་རྒྱས་རྟག་ཏུ་སྐམ་ལ་འགྲོའོ། །ཆུར་འགྲོ་བ་དེ་ནི། དབའ་ཀློང་གི་འཇིགས་པ་དང ། རུས་སྦལ་གྱི་འཇིགས་པ་དང ། ཆུ་སྲིན་བྱིས་པ་གསོད་ཀྱི་འཇིགས་པ་དང ། ཆུ་སྲིན་ཀུམྦྷི་རའི་འཇིགས་པ་དང ། ཆུའི་འཇིགས་པ་ཡོད་དོ། །གཞན་ཡང ། གལ་ཏེ་དེས་མ་དཀྲོགས་ན།་ཁྱོད་ཀྱིས་ཇི་ལྟར་གསད། མདོར་ན་འདིར་ཉ་རྙེད་པ་གང་ཡིན་པ་དེ་རྣམས་ནི། དེའི་མཐུ་ཡིན་པས་དེས་ཅི་བྱིན་པ་དེ་བླང་བར་བྱ་སྟེ། འཁང་པར་མི་བྱའོ། །དེས་དེ་གནད་ལ་ཕབ་པས་སྐྱེངས་ནས་ཅང་མི་སྨྲ་བར་འདུག་གོ་།བཞིན་རྒྱས་ཀྱིས་སྨྲས་པ། ཚ་བོ་དག་།འདི་ལ་ཚིགས་སུ་བཅད་པའི་དབྱངས་ཀྱིས་མི་གཡོ་བར་བགོ་བའི་ཐབས་ཡོད་དོ། །དེ་སྔར་སྨ་ཕབ་པས་སྨྲས་པ། ཞང་པོ།་ཅི་དགྱེས་པ་དེ་བཞིན་དུ་མཛོད་ཅིག་།བཞིན་རྒྱས་ཀྱིས་ཆ་གསུམ་དུ་བགོས་ཏེ། ཉའི་མཇུག་མ་རྣམས་གཅིག་ཏུ་བྱས། མགོ་བོ་རྣམས་གཅིག་ཏུ་བྱས། བར་གྱི་ཆ་རྣམས་གཅིག་ཏུ་བྱས་ནས་ཚིགས་སུ་བཅད་དེ་སྨྲས་པ། ཐང་ལ་རྒྱུ་བས་མཇུག་མ་སྟེ། གཏིང་དུ་རྒྱུ་བས་མགོ་བོའོ། །བར་གྱི་ལུས་ནི་གང་ཡིན་པ། །དེ་ནི་ཆོས་ལ་གནས་པས་བཀུར། །བཞིན་རྒྱས་ཀྱིས་
Ga141b
བསམ་པ། འདི་གཉིས་བསླུས་པས་བདག་རྙེད་པ་དང་ལྡན་ནོ། །སྙམ་ནས་དེས་ཉ་ཆེན་པོ་ཞིག་གི་རྐེད་པ་ཁྱེར་ཏེ་མའི་དྲུང་དུ་སོང་བ་དང ། དེ་ནས་དེའི་མ་མགུ་ནས་ཚིགས་སུ་བཅད་པའི་དབྱངས་ཀྱིས་དྲིས་པ། བཞིན་རྒྱས་ཁྱོད་ནི་གང་ནས་འོངས། །མགོ་ཡང་མེད་ཅིང་མཇུག་མེད་པའི། །ཉ་པོ་ཆེ་ཞིག་ཐོགས་ནས་ནི། །ཤིན་ཏུ་དོན་གྲུབ་ག་ལས་འོངས། །དེས་སྨྲས་པ། གང་ཕྱིར་བླུན་པོ་རྩོད་གྱུར་ཅིང ། །ཆོས་དང་ཆོས་མིན་མི་ཤེས་པས། །རྒྱལ་པོའི་མཛོད་ནི་འཕེལ་བ་ལྟར། །དེས་ནི་ཆོག་ཤེས་འཚོ་བར་འགྱུར། །དེས་ཀྱང་ཚིགས་སུ་བཅད་པས་སྨྲས་པ། རྒྱས་པས་བལྟ་ན་སྡུག་པ་ཁྱོད། །ཕ་རོལ་མནན་པ་ཤིན་ཏུ་ལེགས། །དེ་གཉིས་ཀྱང་ནི་མགུ་གྱུར་ལ། །ཁྱེད་ཀྱང་རྙེད་པ་ཕུན་སུམ་ཚོགས། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་ཝ་བཞིན་རྒྱས་གང་ཡིན་པ་དེ་ནི། ཉེ་དགའ་འདི་ཉིད་ཡིན་ནོ། །སྲམ་གཉིས་པོ་གང་ཡིན་པ་དེ་ནི། རྒན་ཞུགས་འདི་གཉིས་ཡིན་ཏེ། དེ་ན་ཡང་དེ་གཉིས་འདིས་བསླུས་ལ། ད་ལྟར་ཡང་དེ་གཉིས་བསླུས་སོ། །གླེང་གཞི་ནི། མཉན་ཡོད་ནའོ། །རི་པོར་ཞིག་ན་ཁྱིམ་བདག་ཅིག་ཡོད་པ་དེས་གཙུག་ལག་ཁང་ཞིག་བརྩིགས་ནས། དེར་དགེ་སློང་བརྒྱ་དབྱར་གནས་པར་དམ་བཅས་སོ། །ཁྱིམ་བདག་དེའི་བློ་སྐྱེས་པ། རས་ཡུག་བརྒྱ་བསྒྲུབས་ཏེ་དགེ་སློང་གི་དགེ་འདུན་གདུགས་ཚོད་གསོལ་ནས། དགེ་སློང་རེ་རེ་ལ་ཡང་རས་ཡུག་རེ་རེ་བསྐོན་ནོ། །སྙམ་མོ། །ཇི་ཙམ་ན་ཉེ་དགས་ཁྱིམ་བདག་ཆེ་གེ་མོ་ཞིག་གིས་དགེ་སློང་
Ga142a
༄#། །གི་དགེ་འདུན་གདུགས་ཚོད་གསོལ་ཏེ། རེ་རེ་ལ་ཡང་རས་ཡུག་རེ་རེ་བསྐོན་ནོ། །ཞེས་ཐོས་སོ། །ཐོས་ནས་ཀྱང་བསམ་པ། གལ་ཏེ་དེ་ལས་རས་ཡུག་ཅིག་མ་གྲུབ་ན།་བདག་ཉེ་དགའམ་ཡིན་ནོ། །སྙམ་ནས་དེ་མགྲོན་དུ་མ་བོས་བཞིན་དུ་སོང་ངོ ། །ཁྱིམ་བདག་གིས་དགེ་སློང་གི་དགེ་འདུན་གདུགས་ཚོད་གསོལ་ནས་རས་རྣམས་འབྲིམ་པ་ན། ཉེ་དགས་རས་གཅིག་བླངས་ནས་མྱུར་བ་མྱུར་བར་སོང་ངོ ། །ཇི་ཙམ་ན་དགེ་སློང་གཅིག་གི་རས་ཆད་དོ། །ཁྱིམ་བདག་གིས་སྨྲས་པ། འཕགས་པ་དག་།བདག་གིས་རས་བརྒྱ་ལེགས་པར་བགྲངས་ཏེ་འཚལ་ཏེ་མཆིས་ན། འཕགས་པ་འགའ་ཞིག་གིས་རས་ཡུག་གཉིས་བསྣམས་པར་མ་གྱུར་གྲང ། དགེ་སློང་རྣམས་ཀྱིས་སྨྲས་པ། ཁྱིམ་བདག་།དེ་ལྟར་སུ་ཞིག་བྱེད། འོན་ཀྱང་བཙུན་པ་ཉེ་དགའ་ཁྱོད་ཀྱིས་སྤྱན་དྲངས་སམ། འཕགས་པ་དག་།བདག་གིས་སྤྱན་མ་དྲངས་སོ། །དེས་རས་དེ་ཁྱེར་ནས་སོང་ངོ ། །དེ་ནས་ཁྱིམ་བདག་དེ་སྨོད་པར་བརྩམས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅི་བྱུང་བ་ནི། དགེ་སློང་དག་མགྲོན་དུ་མ་བོས་པར་གཞན་གྱི་རྙེད་པ་ལ་ཐོབ་རྒྱལ་བྱེད་པ་ལས་གྱུར་གྱི། དེ་ལྟ་བས་ན། དགེ་སློང་གིས་མགྲོན་དུ་མ་བོས་པར་གཞན་གྱི་རྙེད་པ་ལ་ཐོབ་རྒྱལ་མི་བྱའོ། །ཐོབ་རྒྱལ་བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་རྣམས་
Ga142b
ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་ཉེ་དགའ་གཡར་མ་དྲངས་པར་གཞན་གྱི་རྙེད་པ་ལ་ཐོབ་རྒྱལ་བགྱིད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ཉེ་དགས་མགྲོན་དུ་མ་བོས་པར་གཞན་གྱི་རྙེད་པ་ལ་ཐོབ་རྒྱལ་བྱས་པ་དེ་ཉོན་ཅིག་།དགེ་སློང་དག་།སྔོན་བྱུང་བ། རི་བོར་ཞིག་ན་བྲམ་ཟེ་འཁོར་ལ་དབང་བསྒྱུར་བ་ཞིག་ཡོད་དེ། དེས་བྲམ་ཟེའི་ཁྱེའུ་བརྒྱ་ཟླ་བ་གསུམ་དུ་མགྲོན་དུ་བོས་ཏེ་ཟན་བྱིན་ནས་དེའི་བློ་སྐྱེས་པ། བྲམ་ཟེའི་ཁྱེའུ་རེ་རེ་ལ་ཡང་རས་ཡུག་རེ་རེ་བསྐོན་ནོ། །སྙམ་མོ། །དེ་དང་ཧ་ཅང་ཡང་མི་རིང་བ་ཞིག་ན། བྲམ་ཟེ་རྒན་པོ་ཞིག་གནས་པ་དེས་ཐོས་ནས། དེ་རྒན་པོའི་མཐར་འདུག་སྟེ། ཐོག་མར་ཟོས་ནས་རས་ཡུག་གཅིག་ཁྱེར་ནས་སོང་ངོ ། །བྲམ་ཟེས་རས་རྣམས་འབྲིམ་པར་བྱེད་པ་ན། ཇི་ཙམ་ན་བྲམ་ཟེའི་ཁྱེའུ་གཅིག་གི་རས་ཆད་ནས་དེས་དྲིས་པ། ཤེས་ལྡན་དག་།བདག་གིས་རས་ཡུག་བརྒྱ་ལེགས་པར་བགྲངས་ཏེ་འོངས་ན། བྲམ་ཟེའི་ཁྱེའུ་འགའ་ཞིག་གིས་རས་ཡུག་གཉིས་བླངས་བར་མ་གྱུར་གྲང ། དེ་རྣམས་ཀྱིས་སྨྲས་པ། དེ་ལྟར་སུ་ཞིག་བགྱིད། འོན་ཀྱང་ཁྱོད་ཀྱིས་བྲམ་ཟེ་རྒན་པོ་མགྲོན་དུ་བོས་སམ། བདག་གིས་མགྲོན་དུ་མ་བོས་སོ། །དེས་རས་ཡུག་དེ་ཐོག་མར་བླངས་ནས་སོང་ངོ ། །བྲམ་ཟེ་དེས་སྨད་པར་བརྩམས་སོ། །དགེ་སློང་དག་།ཇི་སྙམ་དུ་སེམས་
Ga143a
༄#། །དེའི་ཚེ་དེའི་དུས་ཀྱི་བྲམ་ཟེ་རྒན་པོ་གང་ཡིན་པ་དེ་ནི། ཉེ་དགའ་འདི་ཉིད་ཡིན་ཏེ། དེ་ན་ཡང་དེ་མགྲོན་དུ་མ་བོས་སོ། །ད་ལྟ་ན་ཡང་ངོ ། །གླེང་གཞི་ནི།་མཉན་ཡོད་ནའོ། །རི་བོར་ཞིག་ན་ཁྱིམ་བདག་ཅིག་ཡོད་པ་དེས། གཙུག་ལག་ཁང་ཞིག་བརྩིགས་ནས་དེར་དགེ་སློང་གཅིག་དབྱར་གནས་པར་དམ་བཅས་པ་ལས། དེ་ལྡང་བ་ཕུན་སུམ་ཚོགས་པ་ཞིག་པས། དེས་ཉི་མ་རེ་རེ་ཞིང་གཙུག་ལག་ཁང་བྱུག་པ་དང་ཕྱག་དར་བྱེད་དོ། །གཙུག་ལག་ཁང་དེ་ནི། ས་ཕྱོགས་དབེན་ཞིང་བཟང་བའི་ཕྱོགས་སུ་བརྩིགས་ལ། ཤིང་སྣ་ཚོགས་ཀྱིས་མཛེས་པར་བྱས་པ་ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་རྣམས་སྐད་འབྱིན་པ། མེ་ཏོག་དང ། འབྲས་བུ་སྣ་ཚོགས་ཀྱིས་མཛེས་པར་བྱས་པ་ཡིན་ནོ། །ཇི་ཙམ་ན་དེད་དཔོན་འབྱོར་པ་རྒྱ་ཆེན་པོ་དང་ལྡན་པ་ཞིག་།གཙུག་ལག་ཁང་དེར་དགོངས་བཏབ་པ་ལས། དེས་གཙུག་ལག་ཁང་དེ་མཛེས་པ་དང ། ཉེ་བའི་ཚལ་མཛེས་པ་དག་མཐོང་ནས་མངོན་པར་དད་པར་གྱུར་ཏེ། དགེ་སློང་གི་དགེ་འདུན་མ་མཐོང་ཡང་དེའི་ཆེད་དུ་རྙེད་པ་ཕལ་མོ་ཆེ་ཞིག་བསྐུར་ནས་དེ་ནང་པར་སྔར་ལངས་ཏེ་སོང་ངོ ། །དགེ་སློང་དེ། འཛེམ་བག་ཅན་ཞིག་པས། རྙེད་པ་འདི་ནི། དགེ་འདུན་གྱི་ཡིན་ནོ། །ཞེས་འགྱོད་པས་མ་བླངས་པར་བགོ་བའི་ཕྱིར་དགེ་སློང་རྣམས་ཚོལ་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་
Ga143b
ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དགེ་སློང་གིས་བའི་ལྕི་བའི་ཁང་པར་དབྱར་གནས་པར་དམ་བཅས་པར་གྱུར་ཀྱང་དེར་གལ་ཏེ་བྲམ་ཟེ་དང ། ཁྱིམ་བདག་རྣམས་ཀྱིས་དགེ་འདུན་གྱི་ཆེད་དུ་རྙེད་པ་ཉུང་ངུའམ། ཕལ་མོ་ཆེར་ཕུལ་ན། དེ་ན་གནས་པ་གཅིག་གམ། གཉིས་སམ། རབ་ཏུ་མང་པོ་གང་ཡིན་པ་དེ་རྣམས་ཁོ་ནའི་སྟེ། དེ་ལ་འགྱོད་པར་མི་བྱའོ། །སྡོམ་ལ། བྱེ་བ་རྣམས་ལ་སྐལ་བ་ནི། །སྦྱིན་དང་དྲང་སྲོང་རྒྱུ་བ་ལས། །དགེ་འདུན་དང་ནི་ཆོས་གོས་ཀྱི། །རྙེད་པ་བརྒྱད་དུ་བྱ་བའོ། །གླེང་གཞི་ནི། མཉན་ཡོད་ནའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། དབྱར་གྱི་ནང་ལོགས་སུ་དགེ་འདུན་བྱེ་བར་གྱུར་ན། རྙེད་པ་སྩལ་བར་བགྱིའམ། མི་སྩལ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར། ཁ་ཅིག་ལ་ནི། སྦྱིན་ནོ། །ཁ་ཅིག་ལ་ནི། མི་སྦྱིན་ནོ། །གང་ལ་སྩལ་བར་བགྱི། ཆོས་དང་མཐུན་པའི་ཕྱོགས་ལའོ། །བཙུན་པ། དབྱར་གྱི་ནང་ལོགས་སུ་དགེ་སློང་གིས་བསླབ་པ་ཕུལ་ཏེ་ཉམས་པར་གྱུར་ན། རྙེད་པ་སྩལ་བར་བགྱིའམ། མི་སྩལ་བར་བགྱི། ཉེ་བར་འཁོར། ཁ་ཅིག་ལ་ནི། སྦྱིན་ནོ། །ཁ་ཅིག་ལ་ནི། མི་སྦྱིན་ནོ། །གང་ལ་སྩལ་བར་བགྱི། གང་ཡུན་རིང་དུ་གནས་པ་ལའོ། །བཙུན་པ། དབྱར་གྱི་ནང་ལོགས་སུ་དགེ་སློང་གུམ་པར་གྱུར་ན། རྙེད་པ་སྩལ་བར་བགྱིའམ། རྙེད་པ་སྩལ་བར་མི་བགྱི། ཉེ་བར་འཁོར། ཁ་ཅིག་ལ་ནི། སྦྱིན་
Ga144a
༄#། །ནོ། །ཁ་ཅིག་ལ་ནི། མི་སྦྱིན་ནོ། །གང་ལ་སྩལ་བར་བགྱི། །གང་ཡུན་རིང་དུ་གནས་པ་ལའོ། །རི་བོར་ཞིག་ན་ཁྱིམ་བདག་ཅིག་ཡོད་པ་དེས། ཡོ་བྱད་ཐམས་ཅད་དང་ལྡན་པའི་གཙུག་ལག་ཁང་ཞིག་བརྩིགས་སོ། །ཚེ་དང་ལྡན་པ་ཤཱ་རིའི་བུ་ལྗོངས་རྒྱུ་ཞིང་སོང་བ་ལས། གཙུག་ལག་ཁང་དེར་ཕྱིན་པ་དང ། ཁྱིམ་བདག་དེས་ཟས་བྱིན་ནས་རས་ཡུག་ལྔ་བརྒྱ་བྱིན་པ་དང ། དེས་རས་ཡུག་ལྔ་བརྒྱ་པོ་དེ་རྣམས་གཙུག་ལག་ཁང་དེ་ཉིད་དུ་ཕུལ་ནས་སོང་ངོ ། །ཇི་ཙམ་ན་དེའི་ལྷན་ཅིག་གནས་པ་དྲང་སྲོང་ལེན་དང ། དྲང་སྲོང་བྱིན་གཉིས་ལྗོངས་རྒྱུ་ཞིང་དོང་བ་ལས། རི་བོར་དེ་ཉིད་དུ་ཕྱིན་ནས་ཁྱིམ་བདག་དེས་དེ་གཉིས་ལའང་ཟན་བྱིན་ནས་རས་ཡུག་ལྔ་བརྒྱ་བྱིན་ནོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་།ཁྱེད་ཀྱི་མཁན་པོས་ཁྱིམ་བདག་དེ་ལ་རས་ཡུག་ལྔ་བརྒྱ་ཐོབ་པ་དེ་རྣམས་བདག་ཅག་ཁོ་ན་ལ་བགོས་ཀྱི། དེ་རིང་གི་རྙེད་པ་འདི་རྣམས་བདག་ཅག་ཁོ་ནས་ཐོབ་པར་འགྱུར་རོ། །དེ་གཉིས་ཀྱིས་སྨྲས་པ།་མཁན་པོ་ནི། བསོད་ནམས་ཆེ་བ། ཤེས་རབ་དང་ལྡན་པ་ཡིན་ཏེ། དེས་ལན་འགའ་ཁྱེད་ཅག་ལ་བྱིན་པར་ཟད་དོ། །དེ་རྣམས་ཀྱིས་སླར་ལན་གླན་པར་བརྩམས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།རྙེད་པ་བརྒྱད་པོ་འདི་དག་སྟེ། བརྒྱད་གང་ཞེ་ན། མཚམས་ཀྱིས་ཐོབ་པའི་
Ga144b
རྙེད་པ་དང ། ཁྲིམས་ཀྱིས་ཐོབ་པའི་རྙེད་པ་དང ། རྟེན་གྱིས་རྙེད་པ་དང ། དགེ་འདུན་གྱིར་བརྟགས་པ་དང ། དགེ་སློང་གིར་བརྟགས་པ་དང ། དབྱར་གྱི་དང ། མངོན་སུམ་དང ། སོ་སོར་བསྟན་པའོ། ། མཚམས་ཀྱིས་ཐོབ་པའི་རྙེད་པ་གང་ཞེ་ན། འདི་ལྟ་སྟེ། གནས་གཉིས་ལ་གསོ་སྦྱོང་གཅིག་པ་སྟེ། གཙུག་ལག་ཁང་དེ་གཉིས་ཀྱི་རྙེད་པ་གང་ཡིན་པ་དེ་ནི། གཙུག་ལག་ཁང་དེ་གཉིས་ཀའི་གཉུག་མར་གནས་པའི་དགེ་སློང་རྣམས་ཀྱི་ཡིན་ནོ། །དེ་ལ་གཉུག་མར་གནས་པའི་དགེ་སློང་རྣམས་ཀྱིས་བརྒྱ་ལ་གསོ་སྦྱོང་ཐ་དད་པར་དམ་བཅས་ན། དེ་ལ་རྙེད་པ་གྲུབ་པ་གང་ཡིན་པ་དེ་ནི། གཙུག་ལག་ཁང་དེ་ཉིད་དུ་སྦྱིན་ནོ། །གསོ་སྦྱོང་ཐ་དད་པ་ཉིད་ཀྱིས་དེའི་གཉུང་མར་གནས་པའི་དགེ་སློང་རྣམས་ཀྱི་ལོངས་སྤྱོད་པར་བྱ་སྟེ། འདི་ནི། མཚམས་ཀྱིས་ཐོབ་པའི་རྙེད་པ་ཞེས་བྱའོ། །ཁྲིམས་ཀྱིས་ཐོབ་པའི་རྙེད་པ་གང་ཞེ་ན། འདི་ལྟ་སྟེ། དགེ་སློང་རྣམས་ཀྱིས་འདི་ལྟ་བུའི་ཁྲིམས་སུ་བཅའ་བ། ཁྱེད་ཀྱི་ནི། ཁྱིམ་ཆེ་གེ་མོ་ཞིག་གོ། ཁོ་བོ་ཅག་གི་ནི། ཁྱིམ་ཆེ་གེ་མོ་ཞིག་གོ་།ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་ནི། སྤྱིའི་ཡིན་ནོ། །ཞེས་བྱ་བ་ནས་དབྱར་གནས་པར་དམ་བཅས་པ་ལས། གལ་ཏེ་བྲམ་ཟེ་དང་ཁྱིམ་བདག་དེ་རྣམས་ཀྱིས་དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། དམ་བཅས་པ་རྣམས་ལ་རྙེད་པ་ཕུལ་ལ། དམ་མ་བཅས་པ་རྣམས་ལ་ཆུ་དྲངས་ན། རྙེད་པ་གང་དབང་
Ga145a
༄#། །བར་འགྱུར་ཞེ་ན། དམ་བཅས་པ་རྣམས་ཁོ་ནའོ། །དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། དམ་བཅས་པ་རྣམས་ལ་ཆུ་དྲངས་ལ། དམ་མ་བཅས་པ་རྣམས་ལ་རྙེད་པར་ཕུལ་ན། རྙེད་པ་གང་དབང་བར་འགྱུར་ཞེ་ན། དམ་བཅས་པ་ཁོ་ནའོ།། །།འདུལ་བ་གཞི་བམ་པོ་རེ་ལྔ་པ། དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། དམ་བཅས་པ་རྣམས་ལ་རྙེད་པ་ཕུལ་ལ། དམ་མ་བཅས་པ་ཉིད་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། དམ་བཅས་པ་རྣམས་ཁོ་ནའོ། །དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས་རྒན་པའི་མཐར་རྙེད་པ་ཕུལ་ལ། དམ་བཅས་པ་རྣམས་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། དམ་བཅས་པ་རྣམས་ཁོ་ནའོ། །དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། དམ་བཅས་པ་རྣམས་ལ་རྙེད་པ་ཕུལ་ལ། རྒན་པའི་མཐར་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། དམ་བཅས་པ་རྣམས་ཁོ་ནའོ། །དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། རྒན་པའི་མཐར་རྙེད་པ་ཕུལ་ལ། དམ་མ་བཅས་པ་རྣམས་
Ga145b
ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། དམ་བཅས་པ་རྣམས་ཁོ་ནའོ། །དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། རྒན་པའི་མཐར་འདུག་ལ། དམ་བཅས་པ་རྣམས་ལ་རྙེད་པ་ཕུལ་ལ། དམ་མ་བཅས་པ་རྣམས་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། དམ་བཅས་པ་རྣམས་ལ་ཁོ་ནའོ། །དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། དམ་མ་བཅས་རྣམས་ལ་རྙེད་པ་ཕུལ་ལ། རྒན་པའི་མཐར་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། དམ་བཅས་པ་རྣམས་ཁོ་ནའོ། །དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། རྒན་པའི་མཐར་རྙེད་པ་ཕུལ་ལ། རྒན་པའི་མཐར་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། དམ་བཅས་པ་རྣམས་ཁོ་ནའོ། །ཇི་ལྟར་དམ་བཅས་པ་རྣམས་ཀྱི་གནས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས་ཞེས་བྱ་བ་རྣམ་གྲངས་དགུ་ཡིན་པ་དེ་བཞིན་དུ་དམ་མ་བཅས་པ་རྣམས་ཀྱི་གནས་སུ་དམ་བཅས་པའི་དགེ་སློང་རྣམས་ཟན་བྱིན་ནས་ཞེས་བྱ་བ་རྣམ་གྲངས་དགུའོ། །གལ་ཏེ་བྲམ་ཟེ་དང ། ཁྱིམ་བདག་དེ་རྣམས་ཀྱིས་ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། དམ་བཅས་པ་རྣམས་
Ga146a
༄#། །ལ་རྙེད་པ་ཕུལ་ལ། དམ་བཅས་པ་རྣམས་ཁོ་ན་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ལ་ཟན་བྱིན་ནས། དམ་བཅས་པ་རྣམས་ལ་རྙེད་པ་ཕུལ་ལ། དམ་མ་བཅས་པ་རྣམས་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། དམ་མ་བཅས་པ་རྣམས་ལ་རྙེད་པ་ཕུལ་ལ། དམ་བཅས་པ་རྣམས་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། དམ་མ་བཅས་པ་རྣམས་ལ་རྙེད་པ་ཕུལ་ལ། དམ་བཅས་པ་རྣམས་ཁོ་ན་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། རྒན་པའི་མཐར་རྙེད་པ་ཕུལ་ལ། དམ་བཅས་པ་རྣམས་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང །
Ga146b
དམ་མ་བཅས་པའི་དགེ་སློང་རྣམས་ལ་ཟན་བྱིན་ནས། དམ་བཅས་པ་རྣམས་ལ་རྙེད་པ་ཕུལ་ལ། རྒན་པའི་མཐར་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས། རྒན་པའི་མཐའ་ལོགས་སུ་རྙེད་པ་ཕུལ་ལ། དམ་མ་བཅས་པ་རྣམས་ལ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས་དམ་མ་བཅས་པ་རྣམས་ལ་རྙེད་པ་ཕུལ་ལ། རྒན་པའི་མཐར་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དམ་བཅས་པ་དང ། དམ་མ་བཅས་པའི་དགེ་སློང་རྣམས་ཟན་བྱིན་ནས་རྒན་པའི་མཐར་རྙེད་པ་ཕུལ་ལ། རྒན་པའི་མཐའ་ཉིད་དུ་ཆུ་དྲངས་ན། རྙེད་པ་གང་དབང་བར་འགྱུར་ཞེ་ན། གཉི་གའོ། །ཇི་ལྟར་དམ་བཅས་པ་རྣམས་ལ་རྣམ་པ་དགུ་ཡིན་པ་དེ་བཞིན་དུ་དམ་མ་བཅས་པ་རྣམས་ལ་ཡང་བརྗོད་པར་བྱ་སྟེ། འདི་ནི། ཁྲིམས་ཀྱིས་ཐོབ་པའི་རྙེད་པ་ཞེས་བྱའོ། །རྟེན་གྱིས་རྙེད་པ་གང་ཞེ་ན། དགེ་སློང་སྐྱེས་པའམ། བུད་མེད་དམ། མ་ནིང་གང་ལ་བརྟེན་ཏེ་དབྱར་གནས་པར་དམ་བཅས་པ་དེས་རྙེད་པ་བྱིན་པ་གང་ཡིན་པ་དེ་ནི། དེ་ཁོ་ནའི་ཡིན་ཏེ། འདི་ནི། རྟེན་གྱིས་ཐོབ་
Ga147a
༄#། །པའི་རྙེད་པ་ཞེས་བྱའོ། །དགེ་འདུན་གྱིར་བརྟགས་པའི་རྙེད་པ་གང་ཞེ་ན། རྙེད་པ་གང་ཞིག་ངེས་ལ་དམིགས་ཀྱིས་ཕྱེ་བ་སྟེ། འདི་ནི། དགེ་འདུན་གྱིར་བརྟགས་པའི་རྙེད་པ་ཞེས་བྱའོ། །དགེ་སློང་གིར་བརྟགས་པའི་རྙེད་པ་གང་ཞེ་ན། རྙེད་པ་གང་ཞིག་ངེས་ལ་དམིགས་ཀྱིས་ཕྱེ་ནས་གནས་ཁང་པའི་འོ། །ཡང་ཐོག་པའི་འོ། །ཁང་པ་བརྩེགས་པའི་འོ། ། ཞེས་བརྟགས་པ་ནི། དེ་ན་དགེ་སློང་གནས་པ་གང་ཡིན་པ་དེ་ཁོ་ནའི་སྟེ། འདི་ནི། དགེ་སློང་གིར་བརྟགས་པའི་རྙེད་པ་ཞེས་བྱའོ། །དབྱར་གྱི་རྙེད་པ་གང་ཞེ་ན། རྙེད་པ་གང་ཞིག་དབྱར་གནས་པའི་དགེ་སློང་གི་དགེ་འདུན་ལ་སྦྱིན་བདག་རྣམས་ཀྱིས་བཅས་པ་སྟེ། འདི་ནི། དབྱར་གྱི་རྙེད་པ་ཞེས་བྱའོ། །མངོན་སུམ་གྱི་རྙེད་པ་གང་ཞེ་ན། རྙེད་པ་གང་ཞིག་མ་ངེས་ལ་དམིགས་ཀྱིས་མ་ཕྱེ་བ་སྟེ། འདི་ནི། མངོན་སུམ་གྱི་རྙེད་པ་ཞེས་བྱའོ། །སོ་སོར་བསྟན་པའི་རྙེད་པ་གང་ཞེ་ན། རྙེད་པ་གང་ཞིག་བལྟམས་པ་དང ། བྱང་ཆུབ་པ་དང ། ཆོས་ཀྱི་འཁོར་ལོ་དང ། ཡོངས་སུ་མྱ་ངན་ལས་འདས་པ་ལ་ཕུལ་བ་སྟེ། གལ་ཏེ་མཆོད་རྟེན་ཆེན་པོ་བཞིར་འཁྱེར་མི་ནུས་ན། མཆོད་རྟེན་གཅིག་ཁོ་ན་ལ་དབུལ་གྱི། གཞན་ལ་ནི་མ་ཡིན་པ་སྟེ། འདི་ནི། སོ་སོར་བསྟན་པའི་རྙེད་པ་ཞེས་བྱའོ། །སྡོམ་ལ། གནས་ནས་ཕྱུང་དང་ཤི་བ་དང ། བགོ་བ་དང་ནི་བསྲེ་བ་དང ། །གནས་ནས་ཕྱུང་དང་དགེ་ཚུལ་དང ། །དབྱུང་བ་གསོལ་དང་ཤི་བའོ། །གླེང་གཞི་ནི། མཉན་ཡོད་
Ga147b
ནའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། འདི་ལྟར། གནས་གཅིག་ན་གནས་ནས་ཕྱུང་བ་རབ་ཏུ་མང་པོ་དང ། རང་བཞིན་དུ་གནས་པ་རབ་ཏུ་མང་པོ་མཆིས་པ་ལ། དེ་རྣམས་ལས་གནས་ནས་ཕྱུང་བ་ཞིག་གུམ་པ་དེའི་ཡོ་བྱད་གང་དབང་བར་འགྱུར་ལགས། ཉེ་བར་འཁོར། རང་བཞིན་དུ་གནས་པ་རྣམས་སོ། །བཙུན་པ། གནས་ནས་ཕྱུང་བ་ནི། གཉིས་མཆིས་ལ། རང་བཞིན་དུ་གནས་པ་ནི། རབ་ཏུ་མང་པོ་ལགས་ན། གནས་ནས་ཕྱུང་བ་ཞིག་གུམ་ན། དེའི་ཡོ་བྱད་གང་དབང་བར་འགྱུར་ལགས། རང་བཞིན་དུ་གནས་པ་རྣམས་ཁོ་ནའོ། །གནས་ནས་ཕྱུང་བ་ནི། རབ་ཏུ་མང་པོ་ཞིག་མཆིས་ལ། རང་བཞིན་དུ་གནས་པ་ནི། ཉུང་བ་ལས། གནས་ནས་ཕྱུང་བ་ཞིག་གུམ་ལགས་ན། རྙེད་པ་གང་དབང་བར་འགྱུར་ལགས། རང་བཞིན་དུ་གནས་པ་རྣམས་ཁོ་ནའོ། །བཙུན་པ། འདི་ལྟར། གནས་གཅིག་ན་གནས་ནས་ཕྱུང་བ་རབ་ཏུ་མང་པོ་དང ། རང་བཞིན་དུ་གནས་པ་རབ་ཏུ་མང་པོ་མཆིས་པ་ལ། དེ་རྣམས་ལས་རང་བཞིན་དུ་གནས་པ་ཞིག་གུམ་ལགས་ན། རྙེད་པ་གང་དབང་བར་འགྱུར་ལགས། རང་བཞིན་དུ་གནས་པ་རྣམས་སོ། །གནས་ནས་ཕྱུང་བ་རབ་ཏུ་མང་པོ་ཞིག་མཆིས་ལ། རང་བཞིན་དུ་གནས་པ་གཉིས་མཆིས་པ་ལས། རང་བཞིན་དུ་གནས་པ་ཞིག་གུམ་ལགས་ན། གུམ་པ་དེའི་ཡོ་བྱད་གང་དབང་བར་འགྱུར་ལགས། རང་བཞིན་དུ་གནས་པ་གཅིག་ཤོས་སོ། །གནས་ནས་ཕྱུང་བ་ནི། རབ་ཏུ་མང་ལ། རང་བཞིན་དུ་གནས་པ་ནི། གཅིག་
Ga148a
༄#། །མཆིས་པ་གུམ་ན། རྙེད་པ་གང་དབང་བར་འགྱུར་ལགས། གནས་ནས་ཕྱུང་བ་རྣམས་ལས་ཐོག་མར་སྡིག་པའི་ལྟ་བར་སོང་བ་སྤངས་པ་གང་ཡིན་པའོ། །དམ་བཅས་པ་རྣམས་ཀྱི་གནས་སུ་དམ་མ་བཅས་པའི་དགེ་ཚུལ་འོངས་ནས་ཤི་ན། དམ་བཅས་པ་རྣམས་ཀྱིས་དམ་མ་བཅས་པ་རྣམས་ལ། ཁྱེད་ཀྱི་དགེ་ཚུལ་ཤི་ཡི། དེའི་ཆོས་གོས་དང་ལྷུང་བཟེད་ལོངས་ཤིག་ཅེས་ཕོ་ཉ་གཏང་བར་བྱའོ། །དམ་བཅས་པ་རྣམས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །དམ་མ་བཅས་པ་འགེད་པར་བྱེད་ན། བགོས་པ། ལེགས་པར་བགོས་པ་ཡིན་ནོ། །བསྲེས་ནས་བགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །ཕྱོགས་བཞིའི་དགེ་སློང་གི་དགེ་འདུན་ལ་བསྔོ་བར་བྱེད་ན། ལེགས་པར་བསྔོས་པ་ཡིན་ནོ། །དམ་བཅས་པ་རྣམས་ཀྱི་གནས་སུ་དམ་མ་བཅས་པའི་དགེ་ཚུལ་འོངས་ནས་འདི་སྐད་ཅེས། ཚེ་དང་ལྡན་པ་དག། བདག་དྲང་དུ་གསོལ། དམ་བཅའ་བར་བགྱིའོ། །ཞེས་སྨྲ་བ་ལས། དེ་ཡང་མ་བྱུང་བར་ཤི་ནས་དམ་བཅས་པ་རྣམས་ཀྱིས་དམ་མ་བཅས་པ་རྣམས་ལ། ཁྱེད་ཀྱི་དགེ་ཚུལ་ཤི་ཡི། དེའི་ཆོས་གོས་དང་ལྷུང་བཟེད་ལོངས་ཤིག་ཅེས་ཕོ་ཉ་གཏང་བར་བྱའོ། །དམ་བཅས་པ་རྣམས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །དམ་མ་བཅས་པ་རྣམས་འགེད་པར་བྱེད་ན། བགོས་པ། ལེགས་པར་བགོས་པ་ཡིན་ནོ། །བསྲེས་ཏེ་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །ཕྱོགས་
Ga148b
བཞིའི་དགེ་སློང་གི་དགེ་འདུན་ལ་བསྔོ་བར་བྱེད་ན། ལེགས་པར་བསྔོས་པ་ཡིན་ནོ། །དམ་བཅས་པ་རྣམས་ཀྱི་གནས་སུ་དམ་མ་བཅས་པའི་དགེ་སློང་ཞིག་འོངས་ནས་ཤི་ན། དམ་བཅས་པ་རྣམས་ཀྱིས་དམ་མ་བཅས་པ་རྣམས་ལ། ཁྱེད་ཀྱི་ཚངས་པ་མཚུངས་པར་སྤྱོད་པ་ཤི་ཡི། དེའི་ལྷུང་བཟེད་དང་ཆོས་གོས་ལོངས་ཤིག་ཅེས་ཕོ་ཉ་གཏང་བར་བྱའོ། །ཁས་བླངས་པ་རྣམས་འགེད་པར་བྱེད་ན། མ་བགོས་པ།་ཉེས་པར་བགོས་པ་ཡིན་ནོ། །དམ་མ་བཅས་པ་རྣམས་འགེད་པར་བྱེད་ན། བགོས་པ། ལེགས་པར་བགོས་པ་ཡིན་ནོ། །བསྲེས་ཏེ་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ།། ཕྱོགས་བཞིའི་དགེ་སློང་གི་དགེ་འདུན་ལ་བསྔོ་བར་བྱེད་ན། ལེགས་པར་བསྔོས་པ་ཡིན་ནོ། །དམ་བཅས་པ་རྣམས་ཀྱི་གནས་སུ་དམ་མ་བཅས་པའི་དགེ་སློང་འོངས་ནས་འདི་སྐད་ཅེས། ཚེ་དང་ལྡན་པ་དག། བདག་དྲང་དུ་གསོལ། དམ་བཅའ་བར་བགྱིའོ། །ཞེས་ཟེར་བ་ལས། དེ་ཡང་མ་བྱུང་བ་ཉིད་དུ་ཤི་ན། དམ་བཅས་པ་རྣམས་ཀྱིས་དམ་མ་བཅས་པ་རྣམས་ལ། ཁྱེད་ཀྱི་ཚངས་པ་མཚུངས་པར་སྤྱོད་པ་ཤི་ཡི། དེའི་ལྷུང་བཟེད་དང་ཆོས་གོས་ལོངས་ཤིག་ཅེས་ཕོ་ཉ་གཏང་བར་བྱའོ། །ཁས་བླངས་པ་རྣམས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །དམ་མ་བཅས་པ་རྣམས་འགེད་པར་བྱེད་ན། བགོས་པ། ལེགས་པར་བགོས་པ་ཡིན་ནོ། །བསྲེས་ནས་འགེད་པར་བྱས་ན། མ་བགོས་པ། ཉེས་པར་བགོས་པ་ཡིན་ནོ། །ཕྱོགས་བཞིའི་དགེ་སློང་གི་དགེ་འདུན་ལ་
Ga149a
༄#། །བསྔོ་བར་བྱེད་ན། ལེགས་པར་བསྔོས་པ་ཡིན་ནོ། །དམ་མ་བཅས་པ་རྣམས་ཀྱི་གནས་སུ་དམ་བཅས་པའི་དགེ་ཚུལ་འོངས་ནས་ཤི་ན། དམ་མ་བཅས་པ་རྣམས་ཀྱིས་དམ་བཅས་པ་རྣམས་ལ། ཁྱེད་ཀྱི་དགེ་ཚུལ་ཤི་ཡི། དེའི་ལྷུང་བཟེད་དང་ཆོས་གོས་ལོངས་ཤིག་ཅེས་ཕོ་ཉ་གཏང་བར་བྱའོ། །དམ་མ་བཅས་པ་རྣམས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །དམ་བཅས་པ་རྣམས་འགེད་པར་བྱེད་ན། བགོས་པ། ལེགས་པར་བགོས་པ་ཡིན་ནོ། །བསྲེས་ཏེ་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །ཕྱོགས་བཞིའི་དགེ་སློང་གི་དགེ་འདུན་ལ་བསྔོ་བར་བྱེད་ན། ལེགས་པར་བསྔོས་པ་ཡིན་ནོ། །དམ་མ་བཅས་པ་རྣམས་ཀྱི་གནས་སུ་དམ་བཅས་པའི་དགེ་ཚུལ་འོངས་ནས་འདི་སྐད་ཅེས། ཚེ་དང་ལྡན་པ་དག། བདག་དྲང་དུ་གསོལ། དམ་མ་བཅས་པར་བགྱིའོ། །ཞེས་ཟེར་བ་ལས། དེ་ཡང་མ་བྱུང་བར་ཤི་ན། དམ་མ་བཅས་པ་རྣམས་ཀྱིས་དམ་བཅས་པ་རྣམས་ལ། ཁྱེད་ཀྱི་དགེ་ཚུལ་ཤི་ཡི།་དེའི་ལྷུང་བཟེད་དང་ཆོས་གོས་ལོངས་ཤིག་ཅེས་ཕོ་ཉ་གཏང་བར་བྱའོ། །དམ་མ་བཅས་པ་རྣམས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །དམ་བཅས་པ་རྣམས་འགེད་པར་བྱེད་ན། བགོས་པ། ལེགས་པར་བགོས་པ་ཡིན་ནོ། །བསྲེས་ཏེ་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །ཕྱོགས་བཞིའི་དགེ་སློང་གི་དགེ་འདུན་ལ་བསྔོ་བར་བྱེད་
Ga149b
ན།་ལེགས་པར་བསྔོས་པ་ཡིན་ནོ། །དམ་མ་བཅས་པ་རྣམས་ཀྱི་གནས་སུ་དམ་བཅས་པའི་དགེ་སློང་འོངས་ཏེ་ཤི་ན། དམ་མ་བཅས་པ་རྣམས་ཀྱིས་དམ་བཅས་པ་རྣམས་ལ། ཁྱེད་ཀྱི་ཚངས་པ་མཚུངས་པར་སྤྱོད་པ་ཤི་ཡི། དེའི་ལྷུང་བཟེད་དང་ཆོས་གོས་ལོངས་ཤིག་ཅེས་ཕོ་ཉ་གཏང་བར་བྱའོ། །དམ་མ་བཅས་པ་རྣམས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །དམ་བཅས་པ་རྣམས་འགེད་པར་བྱེད་ན། བགོས་པ། ལེགས་པར་བགོས་པ་ཡིན་ནོ། །བསྲེས་ཏེ་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །ཕྱོགས་བཞིའི་དགེ་སློང་གི་དགེ་འདུན་ལ་བསྔོ་བར་བྱེད་ན། ལེགས་པར་བསྔོས་པ་ཡིན་ནོ། །དམ་མ་བཅས་པ་རྣམས་ཀྱི་གནས་སུ་དམ་བཅས་པའི་དགེ་སློང་འོངས་ནས་འདི་སྐད་ཅེས། ཚེ་དང་ལྡན་པ་དག། བདག་དྲང་དུ་གསོལ། དམ་མ་བཅས་པར་བགྱིའོ།། ཞེས་སྨྲས་པ་ལས། དེ་ཡང་མ་བྱུང་བར་ཤི་ན། དམ་མ་བཅས་པ་རྣམས་ཀྱིས་དམ་བཅས་པ་རྣམས་ལ། ཁྱེད་ཀྱི་ཚངས་པ་མཚུངས་པར་སྤྱོད་པ་ཤི་ཡི། དེའི་ལྷུང་བཟེད་དང་ཆོས་གོས་ལོངས་ཤིག་ཅེས་ཕོ་ཉ་གཏང་བར་བྱའོ། །དམ་མ་བཅས་པ་རྣམས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །དམ་བཅས་པ་རྣམས་འགེད་པར་བྱེད་ན། བགོས་པ། ལེགས་པར་བགོས་པ་ཡིན་ནོ། །བསྲེས་ཏེ་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ནོ། །ཕྱོགས་བཞིའི་དགེ་སློང་གི་དགེ་འདུན་ལ་བསྔོ་བར་བྱེད་ན། ལེགས་པར་བསྔོས་པ་ཡིན་ནོ། །སྡོམ་ནི། ཉེ་དགའ་དང་ནི་བྱིན་གྱིས་བརླབས།།
Ga150a
༄#། །བར་མ་སྦྱིན་དང་བླང་བྱ་དང ། །བདག་ཤི་སྦྱིན་པ་མེད་པ་དང ། །སྤང་བ་དང་ནི་མི་གསུམ་མོ། །གླེང་གཞི་ནི། མཉན་ཡོད་ནའོ། །ཉེ་དགའི་སྤྱི་བོར་ཕོལ་མིག་ཅིག་བྱུང་ནས་དེ་སྨན་པའི་གན་དུ་སོང་ནས་བཞིན་བཟང ། ཁོ་བོ་ལ་སྨན་སྟོན་ཅིག། དེས་སྨྲས་པ། འཕགས་པ། མར་ཁུ་གསོལ་ཅིག་དང་སོས་པར་འགྱུར་རོ། །ཉེ་དགས་བསམ་པ། གལ་ཏེ་དེ་རིང་ཁོ་ན་འཐུངས་ནས་དེ་རིང་ཉིད་དུ་སོས་པར་གྱུར་ན། སང་མར་དང་གོས་བསླང་བ་ཇི་ལྟར་རུང་བར་འགྱུར་གྱི། རེ་ཞིག་བསླངས་ལ་ཕྱི་ནས་བཏུང་བར་བྱའོ། །སྙམ་དུ་ཤེས་ནས། བསོད་ནམས་ཆེན་པོ་དང་ལྡན་པ་དེས། ལྷན་ཅིག་གནས་པ་རྣམས་ཀུན་དུ་མངགས་པ་དང་དེ་རྣམས་ཀྱིས་མར་གྱི་བུམ་པ་དང ། རྨ་གཡོགས་པའི་གོས་ཕལ་མོ་ཆེ་བསླངས་སོ། །ཕྱི་དེ་ཉིན་པར་སྨན་པས་དྲིས་པ། འཕགས་པ། ཁྱོད་སྙུན་གདངས་སམ། ཁྱོད་ཀྱིས་མར་གསོལ་ཏམ། བཞིན་བཟང ། མ་འཐུངས་སོ། །འཕགས་པ། མ་ལེགས་པ་ཞིག་བགྱིས་ཀྱི། དེང་ཉིས་འགྱུར་དུ་གསོལ་ཅིག། དེས་ལྷན་ཅིག་གནས་པ་དང་ཉེ་གནས་རྣམས་ལ་སྨྲས་པ། སྨན་པས་ཇི་སྐད་སྨྲས་པ་ཐོས་སམ། མཁན་པོ། །ཐོས་པ་ལགས་སོ། །ཁོ་བོའི་ནད་འདི་ནི། ཆེར་སྐྱེས་པར་གྱུར་ཏེ། མར་དང་རྨ་གཡོགས་པའི་གོས་མང་དུ་དགོས་ཀྱི། སློངས་ཤིག། དེ་རྣམས་ཀྱིས་མར་དང་གོས་ཕལ་མོ་ཆེ་བསླངས་སོ། །དེ་སང་གི་ཐབས་ལ་ཆགས་པར་གྱུར་པས། ཉི་མ་དེ་ལ་ཡང་མ་འཐུངས་
Ga150b
པས། དེའི་ནད་རབ་ཏུ་སྐྱེས་པར་གྱུར་ཏོ། །ཇི་ཙམ་ན་ཡང་སྨན་པ་འོངས་ནས་དྲིས་པ། འཕགས་པ། མར་གསོལ་ཏམ། བཞིན་བཟང ། མ་འཐུངས་སོ། །འཕགས་པ། མ་ལེགས་པ་ཞིག་བགྱིས་སོ། །དེས་སྨྲས་པ། བཞིན་བཟང ། དེ་རིང་ནི། སུམ་འགྱུར་དུ་བཏུང་ངོ ། །སྨན་པས་སྨྲས་པ། འཕགས་པ། གལ་ཏེ་མར་གྱི་སྒྲོམ་གྱི་ནང་དུ་ནུབ་པར་ཞུགས་ཀྱང་ད་ནི་ཁྱོད་ལ་སྲོག་མ་མཆིས་སོ།། དེས་སྨྲས་པ། གཤིན་རྗེའི་གཡོག་འདྲ་བ་ཁྱོད་ཀྱི་མགུལ་པ་རྡོག་པས་མནན་ལ་མར་འཐུངས་དང་སོས་པར་འགྱུར་རོ། །སྨན་པ་དེས། འཇལ་ཏོ། །ཞེས་བྱས་ནས་ཁྲོས་ཏེ་སོང་ངོ ། །དེ་ནས་ཉེ་དགས་མར་ཁུས་ལྷུང་བཟེད་བཀང་སྟེ་འཐུངས་པ་ལས། མ་ཞུ་ནས་ཤིའོ། །དེ་ལ་གསེར་མང་དུ་ཡོད་དེ། ཆ་གཅིག་ནི། ཆོས་གོས་ལས་སོ། །ཆ་གཉིས་པ་ནི། ནད་ཀྱི་རྐྱེན་སྨན་ལས་སོ། །ཆ་གསུམ་པ་ནི། བརྡུང་དུ་བྱས་པ་དང་མ་བྱས་པ་ལས་ཏེ། གསེར་སྲང་སུམ་ཁྲི་བྱུང་ངོ ། །ཞེས་བློན་པོ་རྣམས་ཀྱིས་ཐོས་ནས་རྒྱལ་པོ་ལ་སྨྲས་པ། ལྷ། འཕགས་པ་ཉེ་དགའ་གུམ་པ་ལས། དེ་ལ་གསེར་མང་དུ་བྱུང་སྟེ།་གསེར་སྲང་སུམ་ཁྲི་མཆིས་ཀྱི། དེ་ལ་བཀའ་སྩལ་བའི་རིགས་སོ། །རྒྱལ་པོས་སྨྲས་པ། གལ་ཏེ་དེ་ལྟ་ན་དེངས་ལ་དེའི་གནས་ཁང་རྒྱས་ཐོབ་ཅིག། དགེ་སློང་རྣམས་དེ་ཁྱེར་ཏེ་སྲེག་ཏུ་དོང་ངོ། །དེ་རྣམས་ཀྱང་ལྷགས་ནས་གནས་ཁང་རྒྱས་བཏབ་བོ། །དགེ་སློང་རྣམས་ཀྱིས་དེ་དུར་ཁྲོད་དུ་བསྲེགས་ནས་གཙུག་ལག་ཁང་དུ་འོངས་པ་ན། གནས་ཁང་རྒྱལ་པོའི་རྒྱས་བཏབ་པ་མཐོང་
Ga151a
༄#། །ནས་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཁྱོད་སོང་ལ་ངའི་ཚིག་གིས་རྒྱལ་པོ་གསལ་རྒྱལ་ལ་ནད་མེད་པར་གྱུར་ཅིག་ཅེས་བྱོས་ལ། འདི་སྐད་ཅེས། རྒྱལ་པོ་ཆེན་པོ། གང་གི་ཚེ་ཁྱོད་རྒྱལ་པོའི་བྱ་བ་བྱེད་པ་དེའི་ཚེ་ཁྱོད་ཀྱིས་དགེ་སློང་ཉེ་དགའ་ལ་བལྟས་སམ། འོན་ཏེ་གང་གི་ཚེ་ཁྱོད་བག་མ་གཏོང་བའམ། བག་མ་ལེན་པ་དེའི་ཚེ་ཉེ་དགའ་ལ་ལན་འགའ་ཁྱོད་ཀྱིས་ཇི་སྲིད་འཚོ་བའི་ཆོས་གོས་དང ། བསོད་སྙོམས་དང་གནས་མལ་དང ། ན་བའི་རྐྱེན་རྩི་དང ། ཡོ་བྱད་རྣམས་ཀྱིས་བསྟབས་སམ། འོན་ཏེ་ན་བ་ལ་རིམ་གྲོ་བྱས་སམ་ཞེས་གྱིས་ཤིག། གལ་ཏེ་མ་བགྱིས་སོ། །ཞེས་སྨྲ་ན། དེ་ལ་རྒྱལ་པོ་ཆེན་པོ། ཁྱིམ་པ་རྣམས་ཀྱི་ཁྱིམ་གྱི་བྱ་བ་དང ། རབ་ཏུ་བྱུང་བ་རྣམས་ཀྱི་ཐ་དད་པས་སེམས་ལས་ཆུང་ངུས་གནས་པར་གྱིས་ཤིག། རྙེད་པ་འདི་ནི། ཚངས་པ་མཚུངས་པར་སྤྱོད་པ་རྣམས་དབང་བར་འགྱུར་བས་གཏོགས་འདོད་ཐོངས་ཤིག་ཅེས་སྨྲོས་ཤིག། བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། ཀོ་ས་ལའི་རྒྱལ་པོ་གསལ་རྒྱལ་གང་ན་བ་དེར་སོང་སྟེ་ཕྱིན་ནས་ཇི་སྐད་བཀའ་སྩལ་པ་བཞིན་སྨྲས་པ་དང ། རྒྱལ་པོས་སྨྲས་པ། བཙུན་པ་ཀུན་དགའ་བོ། བཅོམ་ལྡན་འདས་ཀྱིས་བཀའ་ཇི་སྐད་སྩལ་པ་དེ་བཞིན་དུ་བགྱིས་
Ga151b
ཏེ། བདག་གཏོགས་འདོད་མི་བགྱིད་དོ། །དེ་ནས་ཚེ་དང་ལྡན་པ་ཀུན་དགའ་བོས་རྒྱལ་པོས་ལན་གསོལ་བ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། ཁྱོད་ཀྱིས་དགེ་སློང་ཉེ་དགའ་ཤི་བའི་ཡོ་བྱད་བགོས་ཤིག། དགེ་སློང་རྣམས་ཀྱིས་དགེ་འདུན་གྱི་དབུས་སུ་ཕྱུང་སྟེ་བསྒྱུར་ནས་བགོས་སོ། །གནས་བཅས་ཀྱི་དགེ་སློང་རྣམས་ཀྱིས་ཉེ་དགའ་ཤི་ནས་དེ་ལ་གསེར་མང་དུ་བྱུང་སྟེ། གསེར་སྲང་སུམ་ཁྲི་དགེ་སློང་རྣམས་ཀྱིས་བགོས་སོ། །ཞེས་ཐོས་ནས་དེ་རྣམས་མྱུར་བར་མཉན་ཡོད་དུ་ལྷགས་ནས་སྨྲས་པ། བདག་ཅག་ཀྱང་བཙུན་པ་ཉེ་དགའི་ཚངས་པ་མཚུངས་པར་སྤྱོད་པ་ཡིན་པས་བདག་ཅག་ཀྱང་དེའི་རྙེད་པ་ལ་དབང་བར་འགྱུར་རོ། །དགེ་སློང་རྣམས་ཀྱིས་བསྡུས་ཏེ་དེ་དག་དང་ལྷན་ཅིག་ཡང་བགོས་སོ། །ཡངས་པ་ཅན་པ་དང ། ཝཱ་ར་ཎཱ་སི་པ་དང ། རྒྱལ་པོའི་ཁབ་པ་དང ། ཙམ་པ་པའི་དགེ་སློང་རྣམས་ཀྱིས་ཀྱང་ཡང་དང་ཡང་བསྡུས་ནས་བགོས་ཏེ། དེ་ལྟར་གྲོང་ཁྱེར་ཆེན་པོ་དྲུག་ན་གནས་པའི་དགེ་སློང་རྣམས་འདུས་སོ། །དགེ་སློང་རྣམས་སྡུད་ཅིང་འགེད་པ་ན། ལུང་ནོད་པ་དང ། ཀློག་པ་དང ། འདོན་པ་དང ། ཡིད་ལ་བྱེད་པ་བོར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རྙེད་པ་བགོ་བའི་རྒྱུ་ནི། ལྔ་སྟེ། ལྔ་གང་ཞེ་ན། གཎྜི་དང ། རྒྱུད་ཆགས་གསུམ་དང ། མཆོད་རྟེན་དང ། ཚུལ་ཤིང་དང ། ལྔ་པ་ནི། གསོལ་བའོ། །ཤི་བའི་གཎྜི་བརྡུངས་པ་ན་འོངས་པ་
Ga152a
༄#། །གང་ཡིན་པ་དེ་ལ་རྙེད་པ་སྦྱིན་ཏེ། རྒྱུད་ཆགས་གསུམ་འདོན་པ་དང ། མཆོད་རྟེན་ལ་ཕྱག་བྱེད་པ་དང ། ཚུལ་ཤིང་འབྲིམ་པ་དང ། གསོལ་བ་བྱེད་པ་ན་ཡང་དེ་བཞིན་ནོ།། དགེ་སློང་དག། དེ་ལྟ་བས་ན། ཤི་བའི་ཡོ་བྱད་ཐམས་ཅད་གསོལ་བ་བྱས་ཏེ། བགོས་ན་མི་འཁྲུགས་པར་འགྱུར་རོ། །འདི་ལྟར་ཡང་བྱ་སྟེ། གནས་མལ་བཤམས་ལ་ཞེས་བྱ་བ་ནས་དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་ཞེས་བྱ་བའི་བར་གོང་མ་བཞིན་དུའོ། །ཤི་བའི་ཡོ་བྱད་རྒན་པའི་མཐར་བཞག་སྟེ། དགེ་སློང་གཅིག་གིས་རྒན་པའི་མཐར་འདུག་པ་ལ་གསོལ་བ་བྱའོ། །དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་སློང་ཉེ་དགའ་གུམ་སྟེ། གུམ་པ་དེའི་ཡོ་བྱད་གདའ་བ་དང ། མི་གདའ་བ་མཆིས་པ་འདི་ལགས་ཏེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར། དགེ་འདུན་གྱིས་དགེ་སློང་ཉེ་དགའ་གུམ་པའི་ཡོ་བྱད་ཀྱི་རྫས་གདའ་བ་དང ། མི་གདའ་བ་ལ་གུམ་པའི་ཡོ་བྱད་དུ་བྱིན་གྱིས་བརླབ་པའོ། །འདི་ནི། གསོལ་བའོ། །དགེ་སློང་དག། འདི་ནི། ཤི་བའི་ཡོ་བྱད་བགོས་ཟིན་པ་སྟེ། འདི་ལྟ་སྟེ། གསོལ་བའོ། །གསོལ་བ་བྱས་ནས་དགེ་སློང་འོངས་པ་གང་ཡིན་པ་དེ་ལ་ནི། རྙེད་པ་མི་སྦྱིན་ནོ། །ཚེ་དང་ལྡན་པ་ཉེ་བར་འཁོར་གྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། གང་ན་བ་དགེ་འདུན་མི་མཐུན་པས་གསོལ་བ་བགྱིད་པ་མ་མཆིས་
Ga152b
པ་དེར་གུམ་པའི་ཡོ་བྱད་བགོ་བར་བགྱིའམ། བགོ་བར་མི་བགྱི་ལགས། ཉེ་བར་འཁོར། ཐོག་མ་དང་ཐ་མ་བྱས་ནས་བགོ་བར་བྱའོ། །དགེ་སློང་རྣམས་ཀྱིས་ཐོག་མ་དང་ཐ་མ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཡོ་བྱད་གཅིག་བསྒྱུར་ཏེ་དེ་ལས་ཅུང་ཞིག། དགེ་འདུན་གྱི་རྒན་པ་དང ། དགེ་འདུན་གྱི་གཞོན་པ་ལ་བྱིན་ནས་ཅི་དགའ་བར་བགོ་བར་བྱ་སྟེ། དེ་ལ་འགྱོད་པར་མི་བྱའོ། ། གསོལ་བའམ། ཐོག་མ་དང་ཐ་མ་མ་བྱས་པའི་ཤི་བའི་ཡོ་བྱད་ཀྱི་རྙེད་པ་ནི། སངས་རྒྱས་ཀྱི་སློབ་མ་ཐམས་ཅད་དབང་བར་འགྱུར་རོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཚེ་དང་ལྡན་པ་ཉེ་དགའ་མ་འོས་པའི་ཆགས་པས་གུམ་པར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་མ་འོས་པའི་ཆགས་པས་ཤི་བ་དེ་ཉོན་ཅིག། དགེ་སློང་དག། སྔོན་བྱུང་བ། རྔོན་པ་ཞིག་གིས་མདའ་དུག་ཅན་གྱིས་གླང་པོ་ཆེའི་གནད་དུ་བསྣུན་པ་དང ། དེ་ནས་དེ་གནད་ལ་བབ་པའི་ཚོར་བས་ཉེན་ཅིང་མདའི་ཕྱི་རྗེས་བཞིན་དུ་སོང་ནས་རྔོན་པ་དེ་སྲོག་དང་ཕྲལ་ལོ། །ཇི་ཙམ་ན་མ་སྟེས་ཏེ། ཆོམ་རྐུན་པ་ལྔ་བརྒྱ་རི་བོར་ཞིག་བཅོམ་ནས་ཕྱོགས་དེར་ཕྱིན་པ་དང ། དེ་རྣམས་ཀྱིས་གླང་པོ་ཆེ་དེ་མཐོང་ངོ ། །མུ་གེ་དང་བཅས་པའི་དུས་བྱུང་བས་དེ་རྣམས་ཀྱིས་སྨྲས་པ། ཤེས་ལྡན་དག། ཤ་འདི་རྙེད་ཀྱི། ཉིས་བརྒྱ་ལྔ་བཅུས་གླང་པོ་ཆེའི་ཤ་
Ga153a
༄#། །བཅད་ལ་བཙོའོ། །ཉིས་བརྒྱ་ལྔ་བཅུས་ནི། ཆུ་བླང་ངོ ། །དེ་ན་གླང་པོ་ཆེའི་ཤ་གཅོད་ཅིང་འཚེད་པ་གང་ཡིན་པ་དེ་རྣམས། འདི་སྙམ་དུ་སེམས་ཏེ། ཤེས་ལྡན་དག། བདག་ཅག་འདི་འདྲ་བའི་ལས་བྱས་པས། རྐུན་རྫས་རབ་ཏུ་མང་པོ་འདི་གྲུབ་ཀྱི། དེ་དག་ལ་ཅིའི་ཕྱིར་སྦྱིན། ཤ་ལས་ཅི་ཡོག་པ་ཟོས་ལ། ལྷག་མ་དུག་གིས་གདབ་པོ། །དེ་དག་གིས་ཤ་དུག་ཅན་ཟོས་པ་དང་འཆི་བས་རྐུན་རྫས་བདག་གིར་འགྱུར་རོ། །ཞེས་དེ་རྣམས་ཀྱིས་ཅི་ཡོག་པའི་ཤ་ཟོས་ནས། ལྷག་མ་དུག་གིས་བཏབ་བོ། །གང་དག་ཆུ་ལ་དོང་བ་དེ་རྣམས་ཀྱིས་ཀྱང་དེ་བཞིན་དུ་དཔྱད་ནས་ཆུ་ཅི་ཡོག་པ་འཐུངས་ནས། ལྷག་མར་དུག་བླུགས་ཏེ་འོངས་ནས། གང་དག་ཤ་ཟོས་པ་དེ་རྣམས་ཀྱིས་ཀྱང་ཆུ་འཐུངས་ལ། གང་དག་ཆུ་འཐུངས་པ་དེ་དག་གིས་ཀྱང་ཤ་ཟོས་ནས་ཐམས་ཅད་ཤི་བར་གྱུར་ཏོ། །ཇི་ཙམ་ན་ཝ་ཞིག་དུས་ཀྱི་ཞགས་པས་བཅིངས་ནས་ཕྱོགས་དེར་འོངས་ནས། དེས་རོ་དེ་དག་ཐམས་ཅད་མཐོང་ངོ ། །དེ་ནས་ཆགས་པས་བསྐྱེད་པའི་ཡིད་བདེ་བས་བསམ་པ། བདག་ལ་རྙེད་པ་ཕལ་མོ་ཆེ་ཡོད་ཀྱི། རིམ་བཞིན་དུ་བྱའོ། །སྙམ་ནས། དེས་གཞུ་མཆོག་ཁར་བཅུག་སྟེ། གཞུ་རྒྱུད་ཀྱི་རྟོད་པ་རྒྱུས་པ་བཅའ་བར་བརྩམས་ཏེ། དེ་ནས་རྒྱུས་པ་ཆོད་པ་དང་མཆོག་མས་རྐན་ལ་ཟུག་ནས་ཤི་བར་གྱུར་ཏོ། །ལྷས་ཚིགས་སུ་བཅད་པས་སྨྲས་པ། བསག་པར་ཡང་ནི་བྱ་བ་སྟེ། །ལྷག་པར་བསག་པར་མི་བྱའོ། །གསོག་ལ་ཆགས་པའི་ཝ་ལོང་བ། །གཞུ་ཡིས་
Ga153b
བསད་པར་གྱུར་ལ་ལྟོས། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་ཝ་གང་ཡིན་པ་དེ་ནི། ཉེ་དགའ་འདི་ཉིད་ཡིན་ཏེ། དེ་ན་ཡང་ལྷག་པར་འདི་ཆགས་པས་ཤིའོ། །ད་ལྟར་ཡང་འདི་ལྷག་པར་ཆགས་པས་ཤི་བར་གྱུར་ཏོ། །གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་ནད་ཀྱིས་ཐེབས་པ། སྡུག་བསྔལ་བ། ནད་ཚབས་ཆེ་བ་ཞིག་ཡོད་པ་དེ། དགེ་སློང་གིས་རིམ་གྲོ་བྱས་ན། འོན་ཀྱང་ཤི་བར་གྱུར་ནས་དེའི་ལྷུང་བཟེད་དང་ཆོས་གོས་རྒན་པའི་མཐར་ཁྱེར་བ་དང ། དེ་ནས་ཆོས་གོས་གཅིག་བཤང་གཅི་དག་གིས་འབགས་ཤིང་སྦྲང་མ་རྣམས་འདུ་བར་གྱུར་ཏོ། །དེ་ནས་གོས་འགེད་པས་རིམ་གྲོ་བྱེད་པ་དེ་ལ་སྨྲས་པ། ཚེ་དང་ལྡན་པ། ཁྱོད་ཀྱིས་རྒྱུད་ངན་པ་བྱས་ཏེ་ཆོས་གོས་མ་བཀྲུས་ཀྱི། ཁྲུས་ཤིག། དེས་སྨྲས་པ། ཡོ་བྱད་ནི། ཁྱོད་འགེད་ན། ཁོ་བོས་བཀྲུའམ། ཁྱོད་ཉིད་ཀྱིས་ཁྲུས་ཤིག། སྐབས་དེ།་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ནད་གཡོག་ལ་ཡོ་བྱད་དྲུག་བྱིན་ལ། ལྷག་མ་དགེ་སློང་གིས་བགོ་བར་བྱའོ། །གལ་ཏེ་ནད་གཡོག་མང་བར་གྱུར་ན། ཐམས་ཅད་ཀྱི་སྤྱིར་ཡོ་བྱད་དྲུག་བགོ་བར་བྱའོ། །དགེ་སློང་བཤེས་གཉེན་དང་བསོད་ནམས་ཆེན་པོ་དང་ལྡན་པ་གཞན་དག་ཅིག་ཤི་ན། དེ་རྣམས་ཀྱི་ཡོ་བྱད་དང ། དགེ་ཚུལ་གྱི་ཡོ་བྱད་དང ། འཚོ་བའི་ཡོ་བྱད་མང་པོ་རྒན་པའི་མཐར་སྤུངས་པ་དང ། བཅོམ་ལྡན་འདས་ཀྱི་ནད་གཡོག་གིས་ཡོ་བྱད་དྲུག་བཀུར་བར་བྱའོ། །ཞེས་བཀའ་སྩལ་ཏོ། །ཞེས་དེས་འདམ་ཞིང་
Ga154a
༄#། །འདམ་ཞིང་བཟང་པོ་རྣམས་བླངས་སོ། །བཅོམ་ལྡན་འདས་ཀྱིས་བཀའ་སྩལ་པ། བཟང་པོ་རྣམས་ལས་སྦྱིན་པར་མི་བྱའོ། །དགེ་སློང་རྣམས་ཀྱིས་ངན་པ་ལས་བྱིན་ནས་བཅོམ་ལྡན་འདས་ཀྱིས་བཀའ་སྩལ་པ། ངན་པ་རྣམས་ལས་སྦྱིན་པར་མི་བྱ་སྟེ། འོན་ཀྱང་བར་མ་དག་ལས་སྦྱིན་པར་བྱའོ། །ནད་པ་མ་ཚོར་བར་དགེ་འདུན་གྱི་གནས་མལ་ཁོ་ན་ལ་ཤི་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ནད་གཡོག་གིས་ནད་པའི་རྟགས་ལ་མཁས་པར་བྱ་སྟེ། མྱུར་བ་མྱུར་བར་བརྟག་པར་བྱའོ། །དེའི་བྱ་བ་ཉམས་པར་མི་བྱ་སྟེ། ལུས་ཀྱི་གནས་སྐབས་ཤེས་ནས་གང་ཟག་གི་གནས་མལ་ལ་བསྙལ་བར་བྱའོ། །གླེང་གཞི་ནི། མཉན་ཡོད་ནའོ། །དགེ་སློང་ནད་པ་ཞིག་ཡོད་པ་དེས་ལུས་ཀྱི་གནས་སྐབས་ལ་བརྟགས་ནས། དགེ་སློང་ཞིག་ལ་སྨྲས་པ། རེ་ཞིག་ཁོ་བོ་ཇི་ཙམ་འཚོའི་བར་དུ་རིམ་གྲོ་གྱིས་ཤིག། ཁོ་བོའི་ལྷུང་བཟེད་དང་ཆོས་གོས་ནི། ཁོ་བོ་ཤི་ནས་ཁྱོད་ཅི་བདེར་གྱིས་ཤིག། དེས་དེའི་རིམ་གྲོ་བྱ་བར་བརྩམས་པ་ལས། ཇི་ཙམ་ན་དགེ་སློང་དེ་ཤིའོ། །དེ་ནས་གོས་འགེད་པས་དེ་ལ་སྨྲས་པ། དགེ་སློང་དེའི་ལྷུང་བཟེད་དང་ཆོས་གོས་བགོ་དགོས་ཀྱི། ཕུལ་ཅིག། དེས་སྨྲས་པ། དེས་ཁོ་བོ་ལ་ཅི་བདེར་བྱེད་དུ་བཅུག་གོ། ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དང ། དེ་གསོན་པོའི་ཚེ་ཉིད་ན་མ་བྱིན་ན། ཤི་ནས་སྦྱིན་པ་ལྟ་སྨོས་
Ga154b
ཀྱང་ཅི་དགོས། བདག་ཤི་ནས་འདིའི་ཡིན་ནོ། །ཞེས་བྱ་བའི་སྦྱིན་པ་འདི་ནི། མེད་པ་ཡིན་པས་བླངས་ཏེ་བགོས་ལ་དགེ་སློང་དེའི་རང་གི་སྐལ་བ་སྦྱིན་པར་བྱའོ། །དེའི་ཚེ་དགེ་སློང་ནད་ཀྱིས་ཐེབས་པ། སྡུག་བསྔལ་བ། ནད་ཚབས་ཆེ་བ་ཞིག་ཡོད་པ་དེ། ཤེས་པ་ཆུང་བས་དེའི་སྨན་མེད་ནས། དེའི་ལུས་ཀྱི་གནས་སྐབས་ལ་བརྟགས་ཏེ་རིམ་གྲོ་བྱེད་པ་ལ་སྨྲས་པ། བདག་ལ་ཅི་ཡང་མེད་ཀྱི། བདག་གི་ཆེད་དུ་མཆོད་པ་གྱིས་ཤིག། དེས་ཁས་བླངས་པ་ལས། དེ་ཤི་ནས་ངན་སོང་རྣམས་སུ་སྐྱེས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། དགེ་སློང་ཤི་བ་གང་ཡིན་པ་དེས་རིམ་གྲོ་བྱེད་པ་ལ་ཇི་སྐད་སྨྲས། དེ་རྣམས་ཀྱིས་ཇི་ལྟར་གྱུར་པ་གསོལ་བ་དང ། དགེ་སློང་དག། དགེ་སློང་དེ་ལོག་པར་ལྟུང་ངོ ། །གལ་ཏེ་ཚངས་པ་མཚུངས་པར་སྤྱོད་པ་རྣམས་ཀྱིས་དེའི་ཆེད་དུ་དཀོན་མཆོག་གསུམ་ལ་མཆོད་པ་བྱས་པར་གྱུར་དང ། དད་པས་ལོག་པར་ལྟུང་བར་མི་འགྱུར་བ་ཞིག། དེ་ལྟ་བས་ན། དགེ་སློང་གིས་ཚངས་པ་མཚུངས་པར་སྤྱོད་པ་ན་བ་ནམ་ཡང་ཡལ་བར་མི་གཞག་སྟེ། ནད་གཡོག་སྦྱིན་པར་བྱའོ། །དེས་དེ་ལ་དྲིས་ཏེ། གལ་ཏེ་དེ་ལ་སྨན་མེད་ན། ཡོན་བདག་ལ་བསླང་བར་བྱའོ། །གལ་ཏེ་གྲུབ་ན་དེ་ལྟ་ན་ལེགས། ཅི་སྟེ་མ་གྲུབ་ན། དགེ་འདུན་གྱི་ལས་སྦྱིན་ནོ། །ཅི་སྟེ་ཡང་མ་གྲུབ་ན། དེ་བཞིན་གཤེགས་པའི་མཆོད་རྟེན་ནམ། དྲི་གཙང་ཁང་གང་གི་གདུགས་སམ། རྒྱལ་མཚན་ནམ། རྒྱན་གང་ཡིན་པ་དེ་དགེ་འདུན་གྱིས་ཕོག་ལ་སྦྱིན་པར་བྱ་ཞིང ། རིམ་གྲོ་བྱེད་པས་བསྒྱུར་ནས་
Ga155a
༄#། །རིམ་གྲོ་དང ། སྟོན་པ་མཆོད་པར་བྱའོ། །སོས་པར་གྱུར་ན་དེ་ལ། འདི་ནི། སངས་རྒྱས་ཀྱི་ཡིན་ཏེ། ཁྱོད་ཀྱི་ཡོ་བྱད་དུ་སྤྱད་དོ། །ཞེས་བརྗོད་པར་བྱའོ། །གལ་ཏེ་དེ་ལ་འབྱོར་པ་ཡོད་ན། དེས་འབད་དེ་བསབ་པར་བྱའོ། །གལ་ཏེ་མེད་ན། དེའི་སྤྱད་པ་ལེགས་པར་སྤྱད་པ་ཡིན་ཏེ། ཕའི་ལ་བུ་བཞིན་དུ་རིགས་པ་ཡིན་པས་དེ་ལ་འགྱོད་པར་མི་བྱའོ། །གླེང་གཞི་ནི། མཉན་ཡོད་ནའོ། །དགེ་སློང་ནད་ཀྱིས་ཐེབས་པ། སྡུག་བསྔལ་བ། ནད་ཚབས་ཆེ་བ། ཚོར་བས་ཉེན་པ་ཞིག་ཡོད་པ་དེ་ལ་ལྷུང་བཟེད་བཟང་པོ་ཞིག་ཡོད་དེ། དེ་དེ་ལ་ལྷག་པར་ཆགས་ནས་རིམ་གྲོ་བྱེད་པ་ལ་སྨྲས་པ། ཁོ་བོའི་ལྷུང་བཟེད་འོན་ཅིག། དེས་མ་བྱིན་པ་དང ། དེ་དེ་ལ་ངན་སེམས་སྐྱེས་ཤིང་ལྷུང་བཟེད་ལ་ལྷག་པར་ཆགས་པ་ཤི་ནས། དེ་ལྷུང་བཟེད་དེ་ཉིད་དུ་སྦྲུལ་ཞིག་ཏུ་སྐྱེས་སོ། །དགེ་སློང་རྣམས་ཀྱིས་དེ་སྲེག་ཏུ་ཁྱེར་ནས། བསྲེགས་ཏེ་གཙུག་ལག་ཁང་དུ་ལྷགས་ནས་དགེ་སློང་གི་དགེ་འདུན་འདུས་སོ། །གོས་འགྱེད་པས་ཤི་བའི་ཡོ་བྱད་རྒན་པའི་མཐར་སྤུངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་དགེ་སློང་རྣམས་ལ་དགེ་སློང་སུས་ཀྱང་དེའི་ལྷུང་བཟེད་བཞག་པའི་སྣོད་མ་དབྱེ་ཞིང ། དེ་བཞིན་གཤེགས་པ་ཉིད་ཀྱིས་འབྱེད་པར་འགྱུར་རོ། །ཞེས་སྒོས་ཤིག། ཚེ་དང་ལྡན་པ་ཀུན་དགའ་བོས་དགེ་སློང་རྣམས་ལ་བསྒོས་སོ། །དེ་ནས་བཅོམ་ལྡན་འདས་ཀྱིས་ཕྱེ་བ་དང ། སྦྲུལ་ཞིག་
Ga155b
མགོའི་གདེངས་ཀ་ཆེར་བྱས་ནས་འདུག་གོ། དེ་ནས་བཅོམ་ལྡན་འདས་ཀྱིས་སེ་གོལ་གྱི་སྒྲས་བསླངས་ནས་བཀའ་སྩལ་པ། མི་གཏི་མུག་ཅན། ལྷུང་བཟེད་འདི་སྤོངས་ལ་སོངས་ཤིག། དགེ་སློང་རྣམས་ཀྱིས་འགེད་པར་འགྱུར་རོ། །དེ་འཁྲུགས་ནས་ཅི་དགའ་བའི་སྤྱོད་ལམ་གྱིས་སོང་སྟེ། ནགས་སྟུག་པོ་ཞིག་ཏུ་ཞུགས་ནས། དེས་དེ་ཁྲོས་པའི་མེ་སྦར་བས་ནགས་དེ་རབ་ཏུ་འབར་ཏེ། དེ་ཉིད་དུ་ཚིག་ནས་དགེ་སློང་རྣམས་ལ་ངན་སེམས་སྐྱེས་པས་དམྱལ་བ་རྣམས་སུ་སྐྱེས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག། སྲིད་པ་ཐམས་ཅད་ལ་སྐྲག་པར་གྱིས་ཤིག། སྲིད་པའི་ཡོ་བྱད་གང་གི་ཕྱིར་སེམས་ཅན་གཅིག་གི་ལུས་དེ། གནས་གསུམ་པོ་ནགས་སྟུག་པོར་ཁྲོས་པའི་མེ་དང ། དམྱལ་བར་སེམས་ཅན་དམྱལ་བའི་མེ་དང ། དུར་ཁྲོད་དུ་མེ་ཕལ་པས་སྲེག་པར་གྱུར་བ་ཐམས་ཅད་ལས་ཡིད་བྱུང་བར་བྱའོ། །དེ་ལྟ་བས་ན། དགེ་སློང་གིས་ཡོ་བྱད་ལ་ལྷག་པར་ཆགས་པ་བསྐྱེད་པར་མི་བྱ་ཞིང ། གང་ལ་སྐྱེ་བ་དེ་ཡོངས་སུ་སྤང་བར་བྱའོ། །མ་སྤངས་ན། འགལ་ཚབས་ཅན་དུ་འགྱུར་རོ། །གཞན་ཡང ། གལ་ཏེ་ནད་པ་རང་གི་ཡོ་བྱད་སློང་ན། རིམ་གྲོ་བྱེད་པས་མྱུར་བ་མྱུར་བར་སྦྱིན་པར་བྱའོ། །མ་བྱིན་ན།་འགལ་ཚབས་ཅན་དུ་འགྱུར་རོ། །གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་ནད་པ་ཞིག་གནས་ཁང་དུ་ཤི་ནས་མི་མ་ཡིན་པ་རྣམས་ཀྱི་ནང་དུ་སྐྱེས་སོ། །གོས་འགེད་པས་ལྷུང་
Ga156a
༄#། །བཟེད་དང་ཆོས་གོས་བགོའོ། །ཞེས་དགེ་སློང་དེའི་གནས་ཁང་དུ་འཇུག་པར་བརྩམས་པ་ལས། དེ་ཀུན་ནས་དཀྲིས་པ་དྲག་པོས་དབྱུག་པ་བླངས་ཏེ་ལངས་ནས་དེས་སྨྲས་པ།་རེ་ཞིག་ཁོ་བོ་དུར་ཁྲོད་དུ་ཡང་མ་ཕྱུང་བར་ལྷུང་བཟེད་དང་ཆོས་གོས་འགེད་པར་བྱེད་དམ། དེ་དངངས་ནས་བྲོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རེ་ཞིག་ཐོག་མར་དགེ་སློང་གི་རོ་ཕྱུང་ནས་ཕྱི་ནས་དེའི་ལྷུང་བཟེད་དང་ཆོས་གོས་བགོ་བར་བྱའོ། །གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་ཞིག་ཤི་ནས། དགེ་སློང་རྣམས་ཀྱིས་དེ་ཕྱུང་སྟེ་དུར་ཁྲོད་དུ་དེ་བཞིན་དུ་བོར་ནས་གཙུག་ལག་ཁང་དུ་ལྷགས་ཏེ་གོས་འགེད་པས་ཆོས་གོས་དང་ལྷུང་བཟེད་བགོའོ། །ཞེས་དེའི་གནས་ཁང་དུ་ཞུགས་པ་དང ། དེ་མི་མ་ཡིན་པ་རྣམས་སུ་སྐྱེས་པས། དབྱུག་པ་བླངས་ཏེ་ལངས་ནས་དེས་སྨྲས་པ། རེ་ཞིག་ཁོ་བོའི་རོ་ལ་མཆོད་པ་ཡང་མ་བྱས་པར་ཆོས་གོས་དང་ལྷུང་བཟེད་འགེད་པར་བྱེད་དམ་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཀྱིས་སྔར་དེའི་རོ་ལ་མཆོད་པ་བྱས་ལ། དེའི་འོག་ཏུ་ལྷུང་བཟེད་དང་ཆོས་གོས་བགོས་དང ། ཉེས་དམིགས་འདིར་མི་འགྱུར་རོ། །གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་ནད་པ་ཞིག་གནས་ཁང་དུ་ཤི་ནས་དེ་དགེ་སློང་
Ga156b
རྣམས་ཀྱིས་དུར་ཁྲོད་དུ་ཁྱར་ཏེ་རོ་ལ་མཆོད་པ་བྱས་བསྲེགས་ནས། དེ་ནས་གཙུག་ལག་ཁང་དུ་ལྷགས་པ་དང ། གོས་འགེད་པས་དེའི་གནས་ཁང་དུ་ཞུགས་པ་ལས། དེས་དབྱུག་པ་བླངས་ཏེ་ལངས་ནས་རེ་ཞིག་བདག་གི་ཆེད་དུ་ཆོས་བསྒྲགས་པ་མ་བྱས་པར་ཆོས་གོས་རྣམས་འགེད་པར་བྱེད་དམ་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེའི་ཆེད་དུ་ཆོས་བསྒྲགས་པ་དང ། དེའི་ཆེད་དུ་ཡོན་བསྔོ་བ་བྱས་ནས་ཆོས་གོས་རྣམས་བགོ་བར་བྱའོ། །སྡོམ་ལ། ནད་པ་དང་ནི་ཚོང་དཔོན་དང ། །དངོས་པོའི་སྐྱིན་པ་ལག་གི་བླ། །མཚམས་བཞི་དག་ཏུ་བྱ་བ་དང ། །ཕོ་ཉ་བརྒྱད་དུ་བྱ་བའོ། །གླེང་གཞི་ནི། མཉན་ཡོད་ནའོ། །དེའི་ཚེ་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་པ་ལས། དགེ་སློང་གི་དགེ་འདུན་ནི། ལྷགས་སོ། །བཅོམ་ལྡན་འདས་ནི། རྫས་ཀྱིས་བསྒྲུབས་པ་ན་བཞུགས་ནས་བསོད་སྙོམས་ཀྱི་སྐུ་སྐལ་བཞེས་སོ། །སངས་རྒྱས་བཅོམ་ལྡན་འདས་རྣམས་ནི། རྒྱུ་ལྔས་རྫས་ཀྱིས་བསྒྲུབས་པ་ན་བཞུགས་ནས་བསོད་སྙོམས་ཀྱི་སྐུ་སྐལ་བཞེས་ཏེ། ལྔ་པོ་གང་ཞེ་ན། ནང་དུ་ཡང་དག་འཇོག་པར་བཞེད་པ་དང ། ལྷ་རྣམས་ལ་ཆོས་འཆད་པར་བཞེད་པ་དང ། གནས་མལ་ལ་གཟིགས་པར་བཞེད་པ་དང ། ནད་པ་ལ་གཟིགས་པར་བཞེད་པ་དང ། ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་བཞེད་པ་སྟེ། སྐབས་འདིར་ནི། ནད་པ་ལ་
Ga157a
༄#། །གཟིགས་པ་དང ། བསླབ་པའི་གཞི་བཅའ་བར་བཞེད་ནས་སངས་རྒྱས་བཅོམ་ལྡན་འདས་རྫས་ཀྱིས་བསྒྲུབས་པ་ན་བཞུགས་ནས་བསོད་སྙོམས་ཀྱི་སྐུ་སྐལ་བཞེས་སོ། །དེ་ནས་བཅོམ་ལྡན་འདས་ཀྱིས་དགེ་སློང་གི་དགེ་འདུན་དོང་ནས་རིང་པོ་མ་ལོན་པར་མཁྱེན་ནས་ལྡེ་མིག་བསྣམས་ཏེ་ཀུན་དགའ་ར་བ་ནས་ཀུན་དགའ་ར་བ་དང ། གཙུག་ལག་ཁང་ནས་གཙུག་ལག་ཁང་དང ། སྤྱིལ་པོ་ནས་སྤྱིལ་པོ་དང ། འཆགས་ནས་འཆགས་རྣམས་སུ་འཆག་ཅིང་གཤེགས་པ་ན་གཙུག་ལག་ཁང་ཆེན་པོ་གང་ན་བ་དེར་ཕྱིན་པ་དང ། དེ་ན་དགེ་སློང་ནད་ཚབས་ཆེ་བ། ཤེས་པ་ཆུང་བ། རང་གི་གཅིན་དང་ངན་སྐྱུགས་ཀྱི་ནང་དུ་ནུབ་པ་ཞིག་གིས། བཅོམ་ལྡན་འདས་མཐོང་ནས་བཅོམ་ལྡན་འདས། བདག་ལ་མགོན་མ་མཆིས་སོ། །བདེ་བར་གཤེགས་པ། བདག་ལ་མགོན་མ་མཆིས་སོ། །ཞེས་སྐད་ངན་བཏོན་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང ། ང་ཁམས་གསུམ་གྱི་མགོན་པོའི་རྗེས་སུ་ཁྱོད་རབ་ཏུ་བྱུང་ན།་ཅིའི་ཕྱིར་དེ་སྐད་དུ། བཅོམ་ལྡན་འདས། བདག་ལ་མགོན་མ་མཆིས་སོ། །བདེ་བར་གཤེགས་པ། བདག་ལ་མགོན་མ་མཆིས་སོ། །ཞེས་ངུ་སྐད་འདོན། བཙུན་པ། བདག་ལ་ཚངས་པ་མཚུངས་པར་སྤྱོད་པ་འགའ་ཡང་རིམ་གྲོ་བགྱིད་པའམ། ལྟ་བ་མ་མཆིས་སོ། །དགེ་སློང ། ཁྱོད་ཀྱིས་ཚངས་པ་མཚུངས་པར་སྤྱོད་པ་འགའ་ལ་རིམ་གྲོ་དང་ལྟ་བ་བྱས་པ་ཡོད་དམ། བཙུན་
Ga157b
པ།་མ་མཆིས་ལགས་སོ། །དེ་བས་ན། ཁྱོད་གནས་སྐབས་འདི་ལྟ་བུར་གྱུར་ཏོ། །བཅོམ་ལྡན་འདས་ཀྱིས་ཀྱེ་མའོ། །ལྷ་རྣམས་ཀྱི་དབང་པོ་བརྒྱ་བྱིན་གྱིས་མཚོ་ཆེན་པོ་མ་དྲོས་པ་ནས་ཆུ་ཁྱེར་ཏེ་འོང་ཞིང་རི་སྤོས་ཀྱི་ངད་ལྡང་ལས་ས་ཁྱེར་ཏེ་འོང་བར་གྱུར་ཅིག་།ཅེས་འཇིག་རྟེན་བའི་ཐུགས་བསྐྱེད་པ་མཛད་དོ། །ཆོས་ཉིད་ཀྱིས་གང་གི་ཚེ་བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་པ་དེའི་ཚེ་བརྒྱ་བྱིན་དང་ཚངས་པ་ལ་སོགས་ཏེ། ལྷ་རྣམས་ཀྱིས་ཀྱང་བཅོམ་ལྡན་འདས་ཀྱི་ཐུགས་སེམས་ཀྱིས་ཤེས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་མཚོ་ཆེན་པོ་མ་དྲོས་པ་ནས་ཡན་ལག་བརྒྱད་དང་ལྡན་པའི་ཆུས་གསེར་གྱི་རིལ་བ་བཀང་སྟེ། རི་སྤོས་ཀྱི་ངད་ལྡང་ལས་ས་བླངས་ནས་མྱུར་བ་མྱུར་བར་བཅོམ་ལྡན་འདས་ཀྱི་སྤྱན་སྔར་འོངས་ཏེ་འདུག་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་བཞུགས་ཤིག་དང་དེའི་རིམ་གྲོ་བདག་གིས་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཀོའུ་ཤི་ཀ། འདི་ཁྱོད་ཀྱི་ཕྱིར་རབ་ཏུ་བྱུང་བ་མ་ཡིན་གྱི། འོན་ཀྱང་ངའི་ཕྱིར་ཡིན་ནོ། །གཞན་ཡང ། ཁྱོད་ཀྱིས་འདི་སྔོན་མ་མཐོང་ལ། ལྷ་རྣམས་ནི། གཙང་སྦྲ་ལ་དགའ་བ་ཡིན་པས་འདུག་ཅིག་།ངས་འདིའི་རིམ་གྲོ་བྱའོ། །དེ་ནས་བཅོམ་ལྡན་འདས་ཀྱིས་ན་བཟའ་ཆོས་གོས་བརྫེས་ནས་ཕྱག་འཁོར་ལོ་དང ། བཀྲ་ཤིས་དང ། གཡུང་དྲུང་འཁྱིལ་བ་ཅན། བསོད་ནམས་བརྒྱ་ཕྲག་དུ་མས་བསྒྲུབས་པ། སྐྲག་པ་རྣམས་ལ་དབུགས་འབྱིན་པར་མཛད་
Ga158a
༄#། །པས་དགེ་སློང་དེ་བཟུང་སྟེ། གཅིན་དང་ངན་སྐྱུགས་ནས་ཕྱུང་ནས་མཐའ་གཅིག་ཏུ་བཞག་སྟེ། སྨྱུག་གི་ཚལ་པས་བཞར་ནས་ས་དཀར་པོས་དྲིལ་ཕྱིས་བྱས་ཏེ་བཀྲུས་སོ། །དེ་ནས་སྐྱིལ་མོ་ཀྲུང་འཆར་བཅུག་ནས་དེའི་ཆོས་གོས་རྣམས་བཀྲུས་ཏེ་ཕྱོགས་དེ་ཡང་པའི་ལྕི་བ་འཇམ་པོས་བྱུག་པ་མཛད་དོ། །དེ་ནས་ཕྱག་དང་ཞབས་བསིལ་ནས་ལྷ་རྣམས་ཀྱི་དབང་པོ་བརྒྱ་བྱིན་ལ་ནད་པ་ལ་རིམ་གྲོ་བྱ་བ་སྔོན་དུ་འགྲོ་བའི་ཆོས་བཤད་པས་ཡང་དག་པར་བསྟན། ཡང་དག་པར་འཛིན་དུ་བཅུག་ནས་གཙུག་ལག་ཁང་དུ་ཞུགས་སོ། །ཚེ་དང་ལྡན་པ་ཀུན་དགའ་བོས་བསོད་སྙོམས་ཀྱི་སྐུ་སྐལ་གྱི་བསོད་སྙོམས་ཁྱེར་ཏེ་བཅོམ་ལྡན་འདས་ཀྱི་སྤྱན་སྔར་སོང་ངོ ། །ཆོས་ཉིད་ཀྱིས། སངས་རྒྱས་བཅོམ་ལྡན་འདས་རྣམས་ནི། བསོད་སྙོམས་མནོས་ནས་ཁྱེར་ཏེ་འོང་བའི་དགེ་སློང་ལ་སོ་སོ་ཡང་དག་པར་དགའ་བར་མཛད་པ་འདིས་སོ་སོ་ཡང་དག་པར་དགའ་བར་མཛད་དེ། དགེ་སློང ། ཇི་ག་དགེ་སློང་གི་དགེ་འདུན་ཁ་ཟས་བསོད་པས་ལེགས་པར་ཚིམ་པར་བྱས་སམ་ཞེས་ཡང་དག་པར་རབ་ཏུ་དགའ་བར་མཛད་པ་ཡིན་པས། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཅི། དགེ་སློང་གི་དགེ་འདུན་ཁ་ཟས་བསོད་བས་ལེགས་པར་ཚིམ་པར་བྱས་སམ། བཙུན་པ། དེ་བཞིན་དུ་ཞལ་ཟས་བསོད་པས་དགེ་སློང་གི་དགེ་འདུན་ལེགས་པར་ཚིམ་པར་བགྱིས་ལགས་སོ། །དེ་ནས་བཅོམ་ལྡན་འདས་ཀྱིས་བསོད་སྙོམས་
Ga158b
ཀྱི་ཕྱེད་བཞེས་ཏེ་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། སོང་ལ་གཙུག་ལག་ཁང་ཆེ་གེ་མོ་ཞིག་ན་དགེ་སློང་ནད་ཚབས་ཆེ་བ་ཞིག་ཡོད་པ་དེ་ལ་བསོད་སྙོམས་ཕྱེད་པོ་འདི་ཁྱེར་ལ་ཟོས་ནས་འདི་སྐད་ཅེས། ཚེ་དང་ལྡན་པ། ཁྱོད་ཀྱི་རིམ་གྲོ་སྟོན་པ་ཉིད་ཀྱིས་མཛད་དེ་བསོད་སྙོམས་ཀྱི་ཕྱེད་ཀྱི་བགོ་བཤའ་ཡང་མཛད་དོ། །ཞེས་གྱིས་ཤིག་།བཙུན་པ། བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས་བསོད་སྙོམས་ཀྱི་ཕྱེད་ཁྱེར་ཏེ། དེ་ལ་བསོད་སྙོམས་བྱིན་ནས་ཇི་སྐད་བཀའ་སྩལ་པ་ཡང་སྨྲས་སོ།། །།འདུལ་བ་གཞི། བམ་པོ་རེ་དྲུག་པ། དེ་ནས་དགེ་སློང་དེ། འདི་སྙམ་དུ་སེམས་ཏེ། བདག་ནི། ཁམས་གསུམ་གྱི་བླ་མ་ཉིད་ཀྱིས་རིམ་གྲོ་མཛད་དེ། བསོད་སྙོམས་ཀྱི་ཕྱེད་ཀྱང་གནང་གི། བདག་དད་པས་བྱིན་པ་ལོངས་སྤྱད་ནས་ལེ་ལོས་དུས་འདས་པར་བྱེད་པ་ནི། བདག་ལ་རིགས་པ་མ་ཡིན་པས། མ་ལ་བདག་ནམ་གྱི་ཆ་སྟོད་དང ། ནམ་གྱི་ཆ་སྨད་ལ་མི་ཉལ་བར་སྦྱོར་བ་ལ་བརྩོན་པར་གནས་པར་བྱའོ། །སྙམ་ནས། དེ་ནམ་གྱི་ཆ་སྟོད་དང ། ཆ་སྨད་ལ་མི་ཉལ་བར་སྦྱོར་བ་ལ་བརྩོན་པར་གནས་པ་ན། འཁོར་བའི་འཁོར་ལོ་ཆ་ལྔ་པ་གཡོ་བ་དང་མི་གཡོ་བ་འདི་ཉིད་རིག་སྟེ་འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་དུ་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པར་གྱུར་ཏོ། །དགྲ་བཅོམ་པར་གྱུར་ནས་ཁམས་གསུམ་གྱི་འདོད་ཆགས་དང་
Ga159a
༄#། །བྲལ་པ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས། ཙནྡན་དང་སྟེའུར་མཉམ་པ། མ་རིག་པའི་སྒོ་ངའི་སྦུབས་དྲལ་བར་གྱུར་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། འདོད་པའི་རྙེད་པ་དང་བཀུར་སྟི་ལ་རྒྱབ་ཀྱིས་ཕྱོགས་པ་དང ། དབང་པོ་དང ། ཉེ་བའི་དབང་པོ་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག ། ནད་པ་འདི་དག་ལ་ནི། ཚངས་པ་མཚུངས་པར་སྤྱོད་པ་ཁྱེད་ཅག་ཁོ་ན་མ་གཏོགས་པར་མ་མེད། ཕ་མེད། རྩ་ལག་གཞན་མེད་དོ། །དེ་ལྟ་བས་ན། ཚངས་པ་མཚུངས་པར་སྤྱོད་པ་རྣམས་ཀྱིས་ཕན་ཚུན་དུ་རིམ་གྲོ་བྱ་སྟེ། མཁན་པོས་ནི། ལྷན་ཅིག་གནས་པའི་འོ། །ལྷན་ཅིག་གནས་པས་ནི། མཁན་པོའི་འོ། །སློབ་དཔོན་གྱིས་ནི། ཉེ་གནས་ཀྱིའོ། །ཉེ་གནས་ཀྱིས་ནི། སློབ་དཔོན་གྱིའོ། ། མཁན་པོ་གཅིག་པས་ནི། མཁན་པོ་གཅིག་པའི་འོ། །སློབ་དཔོན་གཅིག་པས་ནི། སློབ་དཔོན་གཅིག་པའིའོ། །གཏམ་འདྲེས་པས་ནི། གཏམ་འདྲེས་པའིའོ། །ཕེབས་པར་སྨྲས་པས་ནི། ཕེབས་པར་སྨྲ་བའིའོ། །སྨོས་འདྲིན་གྱིས་སྨོས་འདྲིན་གྱིའོ། །འཁོར་དང་བྲལ་བ། ཤེས་པ་ཆུང་བ་གང་ཡིན་པ་དེ་ནི། དགེ་འདུན་གྱིས་ནད་ཀྱི་གནས་སྐབས་ལ་བརྟགས་ནས་རིམ་གྲོ་པ་གཅིག་གམ།
Ga159b
གཉིས་སམ། མང་པོ་སྦྱིན་ཏེ། མཐར་ན་དགེ་འདུན་གྱིས་ཀྱང་རིམ་གྲོ་བྱའོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ཉིད་ཀྱིས་དགེ་སློང་དེའི་ལུས་ཀྱི་རིམ་གྲོ་མཛད་ནས། དེས་དགྲ་བཅོམ་པ་མངོན་སུམ་དུ་བགྱིས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ངས་འདིའི་རིམ་གྲོ་བྱས་ནས་དེ་མངོན་པར་ཤེས་པ་ལྔ་མངོན་སུམ་དུ་བྱས་པ་དེ་ཉོན་ཅིག་།དགེ་སློང་དག་།སྔོན་བྱུང་བ། བསྟི་གནས་མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ། ཤིང་སྣ་ཚོགས་ཀྱིས་མཛེས་པར་བྱས་པ་ཞིག་ན་དྲང་སྲོང་མངོན་པར་ཤེས་པ་ལྔ་དང་ལྡན་པ་ཞིག་གནས་སོ། །དེས་སློབ་མའི་རིམ་གྲོ་བྱས་ནས་སོས་པ་དང ། དེ་ནས་དེས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི། ང་ཉིད་ཡིན་ནོ། །དྲང་སྲོང་དེའི་སློབ་མ་གང་ཡིན་པ་དེ་ནི། དགེ་སློང་འདི་ཉིད་ཡིན་ཏེ། དེ་ན་ཡང་ངས་དེའི་རིམ་གྲོ་བྱས་སོ། །ད་ལྟར་ཡང་བྱས་སོ། །གཞན་ཡང ། དགེ་སློང་རྣམས་ཀྱིས་བཅོམ་ལྡན་འདས་ལ་ཞུས་པ། བཙུན་པ། བཅོམ་ལྡན་འདས་ལྷག་པར་ནད་པ་རྣམས་ལ་བྱམས་པར་མཛད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ང་ལྷག་པར་ནད་པ་རྣམས་
Ga160a
༄#། །ལ་བྱམས་པར་བྱེད་པ་དེ་ཉོན་ཅིག་།དགེ་སློང་དག་།སྔོན་བྱུང་བ། ཡུལ་ཤི་བི་པའི་དབྱངས་ཀྱི་རྒྱལ་པོའི་ཕོ་བྲང་ན་རྒྱལ་པོ་ཤི་བི་ཞེས་བྱ་བ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་སྟེ། དེ་སློང་བ་པ་རྣམས་ལ་མི་གཏོང་བ་ཅུང་ཟད་ཀྱང་མེད་དེ། ནད་པ་རྣམས་ལ་ནི། ཁྱད་པར་དུ་བྱེད་དོ། །ཇི་ཙམ་ན་ཁྱིམ་བདག་ནད་པ་སྨན་པ་ཐམས་ཅད་ཀྱིས་སྤངས་པ་ཞིག་རྒྱལ་པོའི་དྲུང་དུ་སོང་ནས་ལྷ། བདག་ལ་དཔྱད་མཛོད་ཅིག་།རྒྱལ་པོས་སྨན་པ་རྣམས་ལ་བསྒོ་བ། ཤེས་ལྡན་དག་།དཔྱད་བྱོས་ཤིག ། དེ་རྣམས་ཀྱིས་སྨྲས་པ། ལྷ། འདིའི་སྨན་ནི། དཀོན་ལགས་སོ། །རྒྱལ་པོས་སྨྲས་པ། དཀོན་པ་དེ་དག་ཅི་འདྲ་བ་ཞིག་ཡིན། ལྷ། གང་ཞིག་བཙས་ཚུན་ཆད་སྔོན་ལན་འགའ་ཡང་སུ་ལ་ཡང་ཁྲོ་མ་མྱོང་བ་དེའི་ཁྲག་ལས་ནས་ཐུག་བགྱིས་ཏེ་ཟླ་བ་དྲུག་ཏུ་སྩལ་ན། དེ་ལྟ་ན་འདི་སོས་པར་འགྱུར་ལགས་ཀྱི། གཞན་གྱིས་ནི། མ་ལགས་སོ། །རྒྱལ་པོས་སྨྲས་པ། དེའི་སྨན་དཀོན་པ་ནི། བདེན་ནོ། །དེ་ནས་བདག་ཉིད་ཀྱི་སྤྱོད་པ་ལ་བརྟག་པར་བརྩམས་ན། བདག་ཉིད་ཀྱི་སྤྱོད་པ་ལ་བརྟགས་པར་དཀའ་བར་གྱུར་ནས། དེས་མ་མ་ལ་དྲིས་པར་བརྩམས་པ། མ་མ། ང་དུས་འདི་སྲིད་ཀྱི་བར་དུ་སྔོན་ལན་འགའ་ཡང་ཁྲོས་པ་ཡོད་དམ། གཞོན་ནུ། ཁྱོད་གང་གི་ཚེ་བདག་གི་པར་དུ་བྱོན་པ་དེ་ནས་བདག་ཀྱང་སྔོན་སུ་ལ་ལན་འགའ་ཡང་ཁྲོ་མ་མྱོང་ན། ཁྱོད་ལྟ་སྨོས་ཀྱང་ཅི་འཚལ།
Ga160b
དེ་ནས་མའི་དྲུང་དུ་སོང་ནས་སྨྲས་པ། ཡུམ། བདག་དུས་འདི་སྲིད་ཀྱི་བར་དུ་སྔོན་སུ་ལ་ཡང་འགའ་ཡང་ཁྲོས་པ་མཆིས་སམ། གཞོན་ནུ། ཁྱོད་གང་གི་ཚེ་བདག་གི་རུམ་དུ་ཞུགས་པ་དེ་ནས་བདག་ཀྱང་སྔོན་སུ་ལ་ཡང་ཁྲོ་མ་མྱོང་ན། ཁྱོད་ལྟ་སྨོས་ཀྱང་ཅི་དགོས། དེས་བསམ་པ། སྨན་རྙེད་དེ། །སྙམ་དུ་རིག་ནས་སྨན་པ་རྣམས་ལ་བསྒོ་བ། ཤེས་ལྡན་དག་།ངས་རང་ལ་བརྟགས་ན། ང་སྔོན་སུ་ལ་ཡང་ཁྲོ་མ་མྱོང་བས། ངའི་ཡན་ལག་ལྔའི་རྩ་གཏོར་ཅིག་།ལྷ། བདག་ཅག་ནི། མི་ཕལ་པ་ཞིག་གི་དོན་དུ་ལྷའི་སྐུ་ལ་མཚོན་མི་འདེབས་སོ། །བྱང་ཆུབ་སེམས་དཔའ་རྣམས་ནི། བཟོའི་གནས་དང ། ལས་ཀྱི་གནས་དེ་དང་དེ་རྣམས་ལ་མཁས་པ་ཡིན་པས། རྒྱལ་པོ་རང་ཉིད་ཀྱིས་རྩ་གཏར་ཏེ། ཁྲག་དེ་ཟླ་བ་དྲུག་ཏུ་ཉི་མ་རེ་རེ་ཞིང་དེ་ལ་ནས་ཐུག་བླུད་པས་སོས་པར་གྱུར་ཏོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་གང་ཡིན་པ་དེ་ནི། ང་ཉིད་ཡིན་ཏེ། དེ་ན་ཡང་ང་ནད་པ་རྣམས་ལ་བྱམས་པར་བྱེད་ན། ད་ལྟ་ལྟ་ཞིག་སྨོས་ཀྱང་ཅི་དགོས། གཞན་ཡང་ཤི་བིའི་རྒྱལ་པོའི་བུ་གཞོགས་ཕྱེད་བསྐམས་པར་གྱུར་ནས། རྒྱལ་པོས་སྨན་པ་རྣམས་ལ་བསྒོ་བ། ཤེས་ལྡན་དག་།གཞོན་ནུའི་དཔྱད་ཀྱིས་ཤིག་།དེ་རྣམས་ཀྱིས་སྨྲས་པ། ལྷ། བཅུད་ཐམས་ཅད་མར་དང་སྒྲོལ་ཅིག་།ལོ་བཅུ་གཉིས་སུ་བཅུད་ཐམས་ཅད་བསགས་ན། འདིའི་ཡང་ཤང་ཤང་ཏེའུའི་ཤ་མ་རྙེད་དོ། །སྨན་པ་རྣམས་ཀྱིས་བྱ་བ་རྣམས་ལ་བསྒོ་བ། ཤེས་ལྡན་དང ། མེ་ལོང་དང་བྱ་གག་ཁྱེར་ཏེ།
Ga161a
༄#། །རྒྱ་མཚོའི་འགྲམ་དུ་དེངས་ལ། དེར་རྙི་ཚུགས་ཏེ་བྱ་གག་གི་མདུན་དུ་མེ་ལོང་ཞོག་ཅིག་དང ། བྱ་གག་རང་གི་གཟུགས་བརྙན་མཐོང་ནས་འདི་བྱ་གག་ཡིན་ནོ། །སྙམ་སྟེ།་སྐད་ཕྱུང་བ་དང་ཤང་ཤང་ཏེའུས་བྱ་གག་གི་སྐད་ཐོས་ནས་ངོ་མཚར་ཆེ་བས་བྱ་གག་གི་དྲུང་དུ་འོང་བར་འགྱུར་ཏེ། དེ་གཟུང་བའི་ཐབས་ནི། འདི་ཡིན་ནོ། །དེ་རྣམས་ཀྱིས་དེ་བཞིན་དུ་བྱས་པ་ལས། ཇི་ཙམ་ན། ལས་ཀྱི་ཞགས་པས་ཟིན་པའི་སྲོག་ཆགས་ཤང་ཤང་ཏེའུ་ཐོགས་ནས་དེ་རྣམས་ཀྱིས་དེ་ཁྱེར་ཏེ་སོང་ངོ ། །འདི་ནི། ཆོས་ཉིད་ཡིན་ཏེ། འཇིག་རྟེན་གནས་པ་ཆགས་ནས་རིང་པོ་མ་ལོན་པའི་ཚེ་དུད་འགྲོ་རྣམས་ཀྱང་སྨྲ་ཤེས་པས་སྲོག་ཆགས་ཤང་ཤང་ཏེའུ་ས་སྨྲས་པ། བདག་གར་བཀྲི། དེ་རྣམས་ཀྱིས་ཇི་ལྟར་གྱུར་པ་སྨྲས་པ་དང ། དེས་སྨྲས་པ། ཐོང་ཞིག། ཤའི་མཐུ་ཡོད་པར་བྱེད་པ་ཞེས་བྱ་བའི་སྨན་དང ། རིན་པོ་ཆེ་རྣམས་སྨྲའོ། །དེ་རྣམས་ཀྱིས་སྨྲས་པ། རེ་ཞིག་ཁྱོད་ཀྱིས་སྨན་དེ་དག་ཅི་འདྲ་བར་བལྟའི། སྟོན་ཅིག་།དེས་སྨྲས་པ། བདག་གིས་ཁྲུས་བྱས་པའི་ཆུ་ནི། ཤའི་མཐུ་ཡོད་པ་ཡིན་གྱི། དེ་ཁྱེར་ལ་དེངས་ཤིག་།རིན་པོ་ཆེ་ནི། འདི་དག་ཡིན་ནོ། །དེ་དག་རྒྱལ་པོས་འཇིགས་པས་རིན་པོ་ཆེ་རྣམས་བོར་ཏེ་ཤང་ཤང་ཏེའུ་དེ་ཉིད་ཁྱེར་ཏེ་དོང་པ་ལས། རིམ་གྱིས་ཡུལ་ཤི་བིའི་དབྱངས་ཀྱི་རྒྱལ་པོའི་ཕོ་བྲང་དུ་ཕྱིན་ནས་དེ་རྣམས་ཀྱིས་སྲོག་ཆགས་ཤང་ཤང་ཏེའུ་རྒྱལ་པོ་ལ་ཕུལ་ཏེ། དེས་བསྟན་པའི་སྨན་གང་ཡིན་པ་དེ་ཡང་
Ga161b
སྨྲས་སོ། །དེ་ནས་རྒྱལ་པོས་ཤང་ཤང་ཏེའུ་ལ་དྲིས་པ་དང་སྨྲས་པ། ལྷ། བདག་བཀྲུས་པའི་ཆབ་ཤ་སྟོབས་ཅན་དུ་བགྱིད་པ་ལགས་སོ། །རྒྱལ་པོས་ཆུ་སྣོད་བདུན་ཆུ་བཟང་པོས་བཀང་བར་བཞག་གོ་།ཇི་ཙམ་ན་དེ་དག་ཏུ་ཇི་སྲིད་ལེགས་པར་ངལ་སོས་པ་དེ་སྲིད་དུ་ཁྲུས་བྱས་ནས། དེ་ནས་ལུས་ཀྱི་སྟོབས་ཤེས་པ་དང་མོད་ལ་འཕུར་ཏེ་ཁང་པའི་སྟེང་དུ་འདུག་ནས། འཇིགས་པ་དང་བག་ཚ་བ་དང་བྲལ་ཏེ་ཚིགས་སུ་བཅད་པས་སྨྲས་པ། རེ་ཞིག་ཐོག་མ་བདག་བླུན་ཏེ། །ཕྱི་ནས་བྱ་བ་འདི་དག་གོ་།དེ་ནས་རྒྱལ་པོ་སྨན་པ་སྟེ། །བླུན་པོའི་དཀྱིལ་འཁོར་ལེགས་པར་རྫོགས། །ཞེས་སྨྲས་ནས་སོང་ངོ ། །དེ་ནས་རྒྱལ་པོས་སྨན་པ་རྣམས་བཀུག་སྟེ་དྲིས་པ། ཤེས་ལྡན་དག་།ཤང་ཤང་ཏེའུས་ཁྲུས་བྱས་པའི་ཆུ་དེ། ཤའི་མཐུ་ཡོད་པར་བྱེད་པ་དེ་བདེན་ནམ། དེ་རྣམས་ཀྱིས་སྨྲས་པ། ལྷ། མད་ལགས་ཀྱི། མར་དང་སྒྲོལ་ཅིག་།དེ་རྣམས་ཀྱིས་བཅུད་ཐམས་ཅད་མར་དང་བཙོས་ཏེ་རྒྱལ་པོའི་བུ་ལ་བླུད་པར་ཞུགས་སོ། །ཇི་ཙམ་ན་གངས་རིའི་སུལ་ཞིག་ན་རང་སངས་རྒྱས་ལྔ་བརྒྱ་གནས་པ་ལས། དེ་ན་གཅིག་གཞོགས་ཕྱེད་བསྐམས་པར་གྱུར་ཏོ། །དེ་ལ་རང་སངས་རྒྱས་དེ་རྣམས་ཀྱིས་སྨྲས་པ། ཚེ་དང་ལྡན་པ། ལྗོངས་སུ་སོང་ལ་སྨན་པ་ལ་སྨོས་ཏེ་སྨན་སྟོན་ཅིག་དང་སོས་པར་འགྱུར་རོ། །དེས་སྨྲས་པ། ཚེ་དང་ལྡན་པ་དག་།སྐྱེ་བོ་མང་པོ་ལ་མི་སྡུག་པ། སྐྱེ་བོ་མང་པོ་མི་འདོད་པ། སྐྱེ་བོ་མང་བོ་མི་དགའ་བ། སྐྱེ་བོ་མང་པོའི་ཡིད་དུ་མི་འོང་བ། སེམས་ཅན་ཐམས་ཅད་
Ga162a
༄#། །ཀྱི་ཐུན་མོང་གི་ཆོས་འདི་ལྟ་སྟེ། འཆི་བ་ཞེས་བྱ་བ་གང་ཡིན་པ་དེ་འོང་སྟེ། བདག་ནད་དང་བཅས་ཏེ་ཁྱེར་བར་གྱུར་ན། ཅིའི་ཕྱིར་གྲོང་ཁྱེར་གྱི་མཐར་འགྲོ། དེ་རྣམས་ཀྱིས་སྨྲས་པ། ཚེ་དང་ལྡན་པ། དེ་ལྟ་མོད་ཀྱི། འོན་ཀྱང་ཇི་ཙམ་དུ་སྐྱེས་བུ་གང་ཟག་ཚུལ་ཁྲིམས་དང་ལྡན་པ་ཡུན་རིང་དུ་འཚོ་བ་དེ་ཙམ་དུ་བསོད་ནམས་མང་པོ་གསོག་གོ། ཇི་ཙམ་དུ་བསོད་ནམས་མང་པོ་བསགས་པ་དེ་ཙམ་དུ་མཐོ་རིས་རྣམས་སུ་ཡུན་རིང་དུ་དགའ་བར་འགྱུར་རོ། །ཞེས་དེ་དེ་རྣམས་ཀྱིས་སྐུལ་མ་བཏབ་ནས་ལྗོངས་སུ་བབས་ཏེ། རིམ་གྱིས་ཡུལ་ཤི་བིའི་དབྱངས་ཀྱི་རྒྱལ་པོའི་ཕོ་བྲང་དུ་ཕྱིན་ཏོ། །དེ་ནས་ལམ་གྱིས་དུབ་པ་ངལ་སོས་ནས་སྨན་པའི་དྲུང་དུ་སོང་སྟེ། བཞིན་བཟང ། ཁོ་བོ་འདི་འདྲ་བའི་ནད་ཀྱིས་ཐེབས་ཀྱི། སྨན་སྟོན་ཅིག་།དེས་སྨྲས་པ། འཕགས་པ།་ཁྱོད་ཀྱི་སྙུན་ནད་འདི་ཅི་འདྲ་བ་ཁོ་ན་རྒྱལ་པོའི་སྲས་ཀྱི་ཡང་དེ་ཁོ་ན་འདྲ་ནས་ལོ་བཅུ་གཉིས་ཀྱིས་བཅུད་ཐམས་ཅད་མར་དང་བཙོས་པ་མཆིས་ཀྱི། བཞུད་ལ་སློངས་ཤིག་དང ། གལ་ཏེ་སྐལ་པའི་ཁྱད་པར་གྱིས་བཅུད་དེ་ཐོབ་ན། དེས་ན་ཁྱོད་འཚོ་བར་འགྱུར་རོ། །དེ་རྒྱལ་པོའི་ཕོ་བྲང་དུ་སོང་ནས་སྒོ་གར་བསྡད་དོ། །རྒྱལ་པོ་དེའི་ཀུན་ཏུ་སྤྱོད་པ་ནི། སློང་བ་པོའི་སྐྱེ་བོ་སྦྲོན་དུ་གཞུག་པའི་ཕྱིར་སྒོར་རྒྱུན་དུ་དྲིལ་འདོགས་ཏེ། གང་གི་ཚེ་སློང་བ་པོ་སྒོ་ན་འདུག་པ་དེའི་ཚེ་དེ་དཀྲོལ་བར་བྱེད་དོ། །ཇི་ཙམ་ན་རང་སངས་རྒྱས་འོངས་ནས་དྲིལ་དེ་དཀྲོལ་ཏོ། །དེ་ནས་
Ga162b
རྒྱལ་པོའི་བུས་ཕ་དང་མ་ལ་སྨྲས་པ། ཡབ་ཡུམ། སློང་བ་པོ་ཞིག་མཆིས་ཀྱི། ཅི་ཞིག་སློང་སྨྲོས་ཤིག་།དེ་གཉིས་ཀྱིས་སྨྲས་པ། བུ། བདག་ཅག་གིས་ལོ་བཅུ་གཉིས་སུ་རྫས་རྣམས་བསགས་ཏེ་བཙོས་ནས་བྱས་པའི་བཅུད་འདི་རེ་ཞིག་འཐུངས་ཤིག་དང ། ཕྱི་ནས་སློང་བ་པོ་ནང་དུ་བཀུག་ལ་ཅི་སློང་བ་རྨའོ། །དེ་ངོ་མཚར་དང ། བཀྲ་ཤིས་དང ། བདེ་ལེགས་སུ་གྱུར་པ་དག་བྱས་ནས་མར་འཐུང་བར་འདོད་ན། སློང་བ་པོའི་སྐྱེ་བོའི་རེ་བས་ལུས་ཀྱི་གནད་དུ་ཕོག་ནས་མར་དེ་མ་འཐུངས་པར་སྨྲས་པ། ཡབ་ཡུམ། རེ་ཞིག་སློང་བ་པོ་ནང་དུ་བཀུག་གི་བར་དུ་མི་འཚལ་ལོ། །རྒྱལ་པོས་སྒོ་བ་ལ་བསྒོ་བ། སློང་བ་པོ་ནང་དུ་ཐོངས་ཤིག་།དེ་ནང་དུ་ཞུགས་པ་དང ། རྒྱལ་པོའི་བུས་ལུས་མཛེས་པ་དང ། སེམས་དང་བ་དང ། སྤྱོད་ལམ་ཞི་བས་ཞུགས་པ་མཐོང་ནས། དེས་སྨྲས་པ། འཕགས་པ། ཅི་ཞིག་བཞེད། དེས་རྒྱས་པར་སྨྲས་པ་དང ། དེས་སྨྲས་པ། འཕགས་པ། བཅུད་ནི། ཁྱོད་ཁོ་ན་ལ་འོས་ཀྱི། བདག་ལ་མ་ལགས་ཀྱི། དབུལ་གྱི། བཞེས་ཤིག་།དེས་ལྷུང་བཟེད་བཟེད་པ་དང ། རྒྱལ་པོའི་བུ་བསམ་པ་དྲག་པོས་ལྷུང་བཟེད་དེར་བཅུད་བླུགས་སོ། །བདག་ཉིད་ཆེན་པོ་དེས་ཀྱང་རྒྱལ་པོའི་བུ་ལ་སེམས་ཅན་ཐམས་ཅད་ལ་ཕན་པ་དང་ལྡན་པའི་སེམས་བསྐྱེད་པ་དང ། ཚུལ་ཁྲིམས་དང་ལྡན་པའི་སྨོན་ལམ་ནི། འགྲུབ་པར་འགྱུར་ལ། དེ་ཡང་ཚུལ་ཁྲིམས་རྣམས་རྣམ་པར་དག་པའི་ཕྱིར་གཉིས་ཀ་ཡང་སོས་པར་གྱུར་ཏོ། །དགེ་སློང་དག་
Ga163a
༄#། །ཇི་སྙམ་དུ་སེམས་དེའི་ཚེ་དེའི་དུས་ན་རྒྱལ་པོ་གཞོན་ནུ་གང་ཡིན་པ་དེ་ནི། ང་ཉིད་ཡིན་ཏེ། དེ་ན་ཡང་ང་ནད་པ་རྣམས་ལ་བྱམས་པར་བྱེད་ན། ད་ལྟ་ལྟ་སྨོས་ཀྱང་ཅི་དགོས། བཙུན་པ། རྒྱལ་བུ་དང་རང་སངས་རྒྱས་དེས་ལས་ཅི་ཞིག་བགྱིས་ན། དེས་ན་གཉི་ག་མཉམ་དུ་བྲོས་ཐེབས་ལ། མཉམ་དུ་སོས་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།འདི་གཉིས་ཁོ་ནས་སྔོན་གྱི་ཚེ་རབས་གཞན་རྣམས་སུ་ལས་ཚོགས་བསགས་པ། རྐྱེན་ཡོངས་སུ་སྒྱུར་བ། འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། འདི་གཉིས་ཉིད་ཀྱིས་ལས་བྱས་ཤིང་བསགས་པ་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དག་བ་དང་མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ། ཝཱ་ར་ཎཱ་སིའི་གྲོང་
Ga163b
ཁྱེར་དུ་རྒྱལ་པོ་ཚངས་སྦྱིན་ཞེས་བྱ་བ་བྱུང་སྟེ། དེ་ལ་བུ་གཉིས་ཡོད་པ་ལས། ནུ་བོ་ཤོས་གང་ཡིན་པ་དེ། རྒྱལ་སྲིད་ལ་དགའ་བར་གྱུར་ཏོ། །མདུན་ན་འདོན་ལ་ཡང་བུ་གཉིས་ཡོད་པ་ལས། ནུ་བོ་ཤོས་གང་ཡིན་པ་དེ། མདུན་ན་འདོན་འདོད་པར་གྱུར་ཏེ། སེམས་ཅན་རྣམས་ནི། ཁམས་ཀྱི་སྒོ་ནས་ཤེད་འཕྲོད་པ་ཡིན་པས། དེ་ནས་ཕན་ཚུན་དུ་ཡིད་གཅུགས་པར་གྱུར་ནས་རྒྱལ་བུས་སྨྲས་པ། ཐབས་ཅི་ཞིག་བྱས་ན། དེས་ན་ང་རྒྱལ་པོར་འགྱུར། དེས་སྨྲས་པ། ཁྱོད་ཀྱིས་གལ་ཏེ་བདག་མདུན་ན་འདོན་དུ་གཞུག་ན་ནི། ཐབས་མཆིས་ཀྱི། སྙན་དུ་གསོལ་བར་བགྱིའོ། ། དེས་སྨྲས་པ། དེ་ལྟར་བྱ་སྟེ། གཞུག་གི་།སྨྲོས་ཤིག་།དེས་སྨྲས་པ། བདག་གིས་ཁྱོད་ཀྱི་གཅེན་ཞ་བོར་བགྱིས་དང ། ཁྱོད་རྒྱལ་པོར་འགྱུར་རོ། །དེས་རྗེས་སུ་ཡི་རང་ངོ ། །དེ་ནས་རྒྱལ་བུ་ཕུ་བོ་ཤོས། དེས་སྨན་མ་ཡིན་པ་བྱིན་ནས་ཞ་བོར་གྱུར་ཏོ། །དུས་གཞན་ཞིག་ན། རྒྱལ་པོ་ཤི་ནས་བློན་པོ་རྣམས་ཀྱིས། དེ་ནི། ཞ་བོར་གྱུར་ཏོ། །སྙམ་ནས། ནུ་བོ་ཤོས་རྒྱལ་པོར་དབང་བསྐུར་ཏོ། །དེས་ཀྱང་མདུན་ན་འདོན་གྱི་ནུ་བོ་ཤོས་གང་ཡིན་པ་དེ། མདུན་ན་འདོན་དུ་བཅུག་གོ་།ཇི་ཙམ་དུས་གཞན་ཞིག་ན་རྒྱལ་པོ་དང་མདུན་ན་འདོན་ལྷན་ཅིག་ཏུ་བྲེ་མོ་གཏམ་སྨྲ་ཞིང་འདུག་པ་ལས། རྒྱལ་པོས་ཕུ་བོ་ཞ་བ་དེ་མཐོང་ངོ ། །དེས་དེ་མཐོང་ནས་འགྱོད་པར་གྱུར་ཏེ། བདག་གིས་རྒྱལ་སྲིད་ཀྱི་ཕྱིར་ཕུ་བོ་ཞ་བར་བྱས་པ་གང་ཡིན་པ་དེ་ནི། མ་ལེགས་པ་ཞིག་བྱས་
Ga164a
༄#། །སོ། །ལྷ། བདག་ཀྱང་འགྱོད་པར་གྱུར་གྱི། གལ་ཏེ་ལྷ་དགྱེས་ན། འདི་ཕྱིར་སྔོན་གྱི་ཇི་ལྟ་བ་བཞིན་དུ་བགྱིའོ། །དེས་སྨྲས་པ། གནང་གི་།བྱོས་ཤིག་།དེས་དེ་ལ་སྨན་བྱིན་ནས་སོས་པར་གྱུར་ཏོ། །དེ་ནས་དེ་གཉིས་ཀྱིས་རང་སངས་རྒྱས་ཤིག་ལ་བྱར་བྱས་ནས་སྨོན་ལམ་གདབ་པར་བརྩམས་པ། གང་ཡང་བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་ལས་འདིའི་རྣམ་པར་སྨིན་པས། ཕྱུག་ཅིང་ནོར་མང་ལ། ལོངས་སྤྱོད་ཆེ་བའི་རིགས་སུ་སྐྱེ་ཞིང ། ཞ་བོར་བྱས་པའི་སྡིག་པའི་ལས་འདིའི་རྣམ་པར་སྨིན་པ་ཡང་ཉམས་སུ་མི་མྱོང་བར་གྱུར་ཅིག་ཅེས་བྱས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོའི་བུ་གང་ཡིན་པ་དེ་ནི། ང་ཉིད་ཡིན་ནོ། །མདུན་ན་འདོན་གྱི་བུ་གང་ཡིན་པ་དེ་ནི། རང་སངས་རྒྱས་འདི་ཉིད་ཡིན་ནོ། །དེ་གཉིས་ཀྱིས་གྲོས་བྱས་ནས་རྒྱལ་པོ་གཞོན་ནུ་ལ་སྨན་མ་ཡིན་པ་བྱིན་པ་གང་ཡིན་པ་དེས་ན། མཉམ་དུ་ཞ་བོར་གྱུར་ཏོ། །ཡང་འགྱོད་པར་གྱུར་པས་དེ་གཉིས་ཀྱིས་གྲོས་བྱས་ཏེ་སླར་སྨན་བྱིན་པ་གང་ཡིན་པ་དེས་ན། །མཉམ་དུ་སོས་པར་གྱུར་ཏོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་བ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ལ། གཅིག་ཏུ་དཀར་བ་རྣམས་ཀྱི་གཅིག་ཏུ་དཀར་བ་དང ། འདྲེས་མ་རྣམས་ཀྱི་འདྲེས་མ་སྟེ། དགེ་སློང་དག་།དེ་ལྟ་བས་ན། ལས་གཅིག་
Ga164b
ཏུ་ནག་པ་རྣམས་དང ། འདྲེས་མ་རྣམས་ནི། སྤངས་ལ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག ། ཁྱེད་ཀྱིས་དེ་ལྟ་བུ་ལ་བསླབ་པར་བྱའོ།། །། གླེང་གཞི་ནི། མཉན་ཡོད་ནའོ། །དེའི་ཚེ་མཉན་ཡོད་ན། ཁྱིམ་བདག་ཚོང་དབོན་ཞེས་བྱ་བ། ཕྱུག་ཅིང་ནོར་མང་བ་ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་སོ། །དེས་རིགས་མཉམ་པ་ལས་ཆུང་མ་བླངས་ནས་དེ་བུ་མེད་ཅིང་བུ་མངོན་པར་འདོད་པས་ཞི་བ་དང ། ཆུ་ལྷ་དང ། ལུས་ངན་དང ། བརྒྱ་བྱིན་དང ། ཚངས་པ་ལ་སོགས་པ་ལ་གསོལ་བ་འདེབས་ཤིང ། ལྷའི་བྱེ་བྲག་གཞན་ཡང ། འདི་ལྟ་སྟེ། ཀུན་དགའ་ར་བའི་ལྷ་དག་དང ། ཚལ་གྱི་ལྷ་དག་དང ། བཞི་མདོའི་ལྷ་དག་དང ། སུམ་མདོའི་ལྷ་དག་དང ། གཏོར་མ་ལེན་པའི་ལྷ་དང ། ལྷན་ཅིག་སྐྱེས་པ་དང ། ཆོས་མཐུན་པའི་ལྷ་དག་དང ། རྟག་ཏུ་རྗེས་སུ་འབྲང་བའི་ལྷ་དག་ལ་ཡང་གསོལ་བ་འདེབས་སོ། །འཇིག་རྟེན་ན་གང་དག་གསོལ་བ་འདེབས་པའི་རྒྱུ་ལས། བུ་ཕོ་དང ། བུ་མོ་དག་སྐྱེའོ་ཞེས་བྱ་བའི་གཏམ་དེ་ལྟ་བུ་ཡོད་དོ། །དེ་ནི། དེ་ལྟ་མ་ཡིན་ཏེ། གལ་ཏེ་དེ་ལྟར་གྱུར་དུ་ཟིན་ན། རེ་རེ་ལ་ཡང ། འདི་ལྟ་སྟེ། དཔེར་ན། འཁོར་ལོས་བསྒྱུར་བའི་རྒྱལ་པོ་བཞིན་དུ་བུ་སྟོང་སྟོང་ཡོད་པར་འགྱུར་རོ། །འོན་ཀྱང་གནས་གསུམ་པོ་དག་མངོན་དུ་གྱུར་པ་ལས། བུ་
Ga165a
༄#། །ཕོ་དང ། བུ་མོ་དག་སྐྱེ་བར་འགྱུར་ཏེ། གསུམ་པོ་དེ་དག་གང་ཞེ་ན། ཕ་དང་མ་གཉིས་ཆགས་པར་གྱུར་ཅིང་འདུས་པ་དང ། མ་དུས་ལ་བབ་ཅིང་ཟླ་མཚན་དང་ལྡན་པ་དང ། དྲི་ཟ་ཉེ་བར་གནས་པར་གྱུར་པ་སྟེ། གནས་གསུམ་པོ་དག་མངོན་དུ་གྱུར་པ་ལས། བུ་ཕོ་དང་བུ་མོ་དག་སྐྱེ་བར་འགྱུར་རོ། །དེས་གང་གི་ཚེ་ལྷ་རྣམས་ལ་གསོལ་བ་བྱས་ཀྱང་བུ་ཕོ་དང་བུ་མོ་མེད་པ་དེའི་ཚེ། ལྷ་ཐམས་ཅད་སྤངས་ཏེ་བཅོམ་ལྡན་འདས་ལ་མངོན་པར་དད་པར་གྱུར་ཏོ། །ཇི་ཙམ་ན་དགེ་སློང་ཞིག་གི་དྲུང་དུ་སོང་སྟེ། འཕགས་པ། ལེགས་པར་གསུངས་པའི་ཆོས་འདུལ་བ་ལ་བདག་རབ་ཏུ་འབྱུང་བར་འཚལ་ལོ། །བཞིན་བཟང ། དེ་བཞིན་དུ་གྱིས་ཤིག། ཅེས་དེས་དེ་རིམ་གྱིས་སྐྲ་བྲེགས་ནས་བསླབ་པའི་གཞི་རྣམས་སྦྱིན་པར་བརྩམས་པ་ལས། རིམས་ཆེན་པོས་ཐེབས་ནས་རབ་ཏུ་བྱུང་བའི་བར་ཆད་དུ་གྱུར་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། རེ་ཞིག་སོས་ཀྱི་བར་དུ་བསླབ་པའི་གཞི་རྣམས་མི་སྦྱིན་ཞིང ། དེའི་རིམ་གྲོ་བྱའོ། །བཅོམ་ལྡན་འདས་ཀྱིས་དེའི་རིམ་གྲོ་བྱའོ། །ཞེས་བཀའ་སྩལ་ན། དགེ་སློང་རྣམས་ཀྱིས་སུས་བྱ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་དང ། སྨན་པས་སོ། །སྨན་པ་རྣམས་ཉིན་པར་སྨན་བྱས་ན། མཚན་མོ་ནད་ལ་བབ་པར་གྱུར་ཏོ། །དེ་རྣམས་
Ga165b
ཀྱིས་སྨྲས་པ། འཕགས་པ། འདིའི་དཔྱད་བདག་ཅག་གིས་གདུགས་ལ་བགྱིས་ན། མཚན་མོ་བྲོ་ལ་བབ་པར་གྱུར་གྱི། གལ་ཏེ་འདི་ཁྱིམ་དུ་བསྐྱལ་ན། བདག་ཅག་གིས་ཉིན་མཚན་དུ་འདིའི་དཔྱད་བགྱིའོ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་དུ་སྐྱོལ་ལ་དེར་ཡང་དེའི་རིམ་གྲོ་བྱེད་པར་སྦྱིན་པར་བྱའོ། ། དེའི་ནད་དེ་ཡུན་རིང་པོར་གྱུར་ནས། སྐྲ་རིང་པོར་རིང་པོར་སྐྱེས་ནས། ཁྱིམ་བདག་དེ། ཁྱིམ་བདག་མགོ་རེག་ཅེས་བྱ་བར་གྲགས་སོ། །དེ་གང་གི་ཚེ་རྩ་བ་དང ། སྡོང་བུ་དང ། འདབ་མ་དང ། མེ་ཏོག་དང ། འབྲས་བུའི་སྨན་གྱིས་བསྙེན་བཀུར་བྱས་པ་ལས་སླར་ལ་ན་བར་གྱུར་པ་དེའི་ཚེ། དེས་བདག་ནི། འཆིའོ་ཞེས་བྱ་བར་རང་གིས་ཆ་ཆོད་ནས། དེ་ན་དེས་འཆི་ཁའི་ཚེ་རང་གི་ནོར་ཐམས་ཅད་གླེགས་བུ་ལ་བྲིས་ཏེ། རྒྱལ་བུ་རྒྱལ་བྱེད་ཀྱི་ཚལ་དུ་བསྐུར་རོ། །དེ་ནི། ཤིའོ། །བློན་པོ་རྣམས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་སྨྲས་པ། ལྷ། ཁྱིམ་བདག་མགོ་རེག་བུ་མ་མཆིས་པར་གུམ་སྟེ། དེ་ལ་དབྱིག་དང ། གསེར་དང ། གླང་པོ་ཆེ་དང ། རྟ་དང ། བ་ལང་དང ། མ་ཧེ་དང ། གོ་ཆ་ལ་སོགས་ཏེ། ཕལ་མོ་ཆེ་ཞིག་མཆིས་པ་དེ་ཐམས་ཅད་གླེགས་བུ་ལ་བྲིས་ནས། རྒྱལ་བུ་རྒྱལ་བྱེད་ཀྱི་ཚལ་དུ་འཕགས་པའི་དགེ་འདུན་ལ་ཕུལ་ལོ། །རྒྱལ་པོས་སྨྲས་པ། འཕགས་པ་ཉེ་དགའ་དབང་བ། གླེགས་བུ་ལ་མ་བྲིས་པ་ཡང་མ་ཐོབ་ན། གླེགས་བུ་ལ་བྲིས་པ་ལྟ་སྨོས་ཀྱང་ཅི་དགོས། འོན་
Ga166a
༄#། །ཀྱང་བཅོམ་ལྡན་འདས་ཀྱིས་གནང་བ་གང་ཡིན་པ་དེ་ལོངས་ཤིག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་ལ་ཅི་དག་ཡོད། བར་སྡོམ་ལ། གཞི་དང་གནས་མལ་གོས་དང་ནི། །ལྕགས་ནག་ལྕགས་དང་ལྷམ་མཁན་དང ། །རྫ་མཁན་འབྲེག་མཁན་ཤིང་མཁན་སོགས། །ཚོན་རྩི་མདུང་ཤིང་བར་བུར་དང ། །རྐང་གཉིས་རྣམས་དང་རྐང་བཞི་དང ། །ཟས་དང་བཏུང་བ་སྨན་དང་ནི། །བྲན་དང་གདང་བ་དབང་རྒྱ་དག་།ཅི་རིགས་པར་ནི་བགོ་བར་བྱ། ། དབྱིག་རྣམས་དང་ནི་གསེར་རྣམས་དང ། །གཞན་ཡང་བརྡུངས་བྱས་བརྡུངས་མ་བྱས། །དགེ་འདུན་འདུས་ནས་བགོ་འོ་ཞེས། །དྲང་སྲོང་ཆེན་པོས་བཀའ་སྩལ་ཏོ། །དགེ་སློང་རྣམས་ཀྱིས་གསོལ་པ། བཅོམ་ལྡན་འདས་ཀྱིས་བཀའ་སྩལ་པ། ཅི་རིགས་པར་བགོ་བར་བྱ་སྟེ། དེ་ལ་ཞིང་གི་གཞི་དང ། ཁྱིམ་གྱི་གཞི་དང ། ཚོང་ཁང་གི་གཞི་དང ། གནས་མལ་དང ། ལྕགས་ནག་གི་མགར་བའི་ལག་སྤྱད་དང ། ལྕགས་མགར་གྱི་ལག་སྤྱད་དང ། རྫ་མཁན་གྱི་ལག་སྤྱད་དང ། ཤིང་མཁན་གྱི་ལག་སྤྱད་དང ། སྨྱུག་མ་མཁན་གྱི་ལག་སྤྱད་དང ། བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་དང ། ཁ་ཟས་དང ། བཏུང་བ་དང ། འབྲུ་རྣམས་ནི། མི་བགོ་བར་ཕྱོགས་བཞིའི་དགེ་སློང་གི་དགེ་འདུན་གྱི་ཕྱིར་སྤྱིར་གཞག་པར་བྱའོ། །རས་ཡུག་
Ga166b
དང ། རས་ཡུག་ཆེན་དང ། ཀོ་སྒྲོ་དང ། མཆིལ་ལྷམ་དང ། འབྲུ་མར་གྱི་སྣོད་དང ། རིལ་བ་དང ། བྱ་མ་བུམ་རྣམས་ནི། དགེ་འདུན་ཚོགས་པས་བགོ་བར་བྱའོ། །མདུང་ཤིང་རིང་པོ་གང་ཡིན་པ་དེ་དག་ནི། འཛམ་བུ་ལྟ་བུའི་སྐུའི་གཟུགས་བརྙན་གྱི་རྒྱལ་མཚན་གྱི་ཤིང་བྱའོ། །ཐུང་ངུ་གང་ཡིན་པ་དེ་དག་ནི། འཁར་གསིལ་གྱི་ཡུ་བར་བྱས་ལ་དགེ་སློང་རྣམས་ལ་སྦྱིན་པར་བྱའོ། །ཁྱེའུ་དང་བུ་མོ་ནི། དགེ་འདུན་གྱིས་མི་བསྒྱུར་ཏེ། ཅི་རིགས་པ་ཞིག་བླངས་ནས་ཅི་བདེ་བར་གཏང་བར་བྱའོ། །རྐང་བཞི་པ་རྣམས་ལས། གླང་པོ་ཆེ་དང ། རྟ་དང ། རྔ་མོ་དང ། བོང་བུ་དང ། དྲེའུ་རྣམས་ནི། རྒྱལ་པོ་ལ་དབུལ་བར་བྱའོ། །བ་ལང་དང ། མ་ཧེ་དང ། ར་དང ། ལུག་རྣམས་ནི། ཕྱོགས་བཞིའི་དགེ་སློང་གི་དགེ་འདུན་གྱི་ཕྱིར་སྤྱིར་གཞག་སྟེ། མི་བགོའོ། །འཐབ་སྟན་དང ། གོ་ཆ་དང ། གཞན་ཡང ། རྒྱལ་པོ་ལ་འོས་པ་གང་ཡིན་པ་དེ་ཐམས་ཅད་ནི། རྒྱལ་པོ་ལ་དབུལ་བར་བྱའོ། །མཚོན་ཆ་རྣམས་ནི། གཞག་ལ། དེ་རྣམས་གྲིའུ་དང ། ཁབ་དང ། འཁར་གསིལ་དུ་བརྡུངས་ཏེ་དགེ་འདུན་ལ་བྲིམ་པར་བྱའོ། །ཚོན་རྣམས་ལས། ཚོན་རྩི་ཆེན་པོ་གང་ཀུས་དང ། མཚལ་དང ། མཐིང་ཤིང་ལ་སོགས་པ་དེ་དག་ནི། སྐུའི་གཟུགས་བརྙན་གྱི་དྲི་གཙང་ཁང་དུ་གཞག་པར་བྱའོ། །ཐོད་ལེ་ཀོར་དང ། བཙག་དང ། རམས་ནི། དགེ་འདུན་གྱིས་བགོ་བར་བྱའོ། །ཆང་ནི། ཡོངས་བླུགས་ལས་དོང་དུ་གཞུག་པར་བྱ་སྟེ། ཚར་གྱུར་ན་ལོངས་སྤྱད་པར་བྱའོ། །ཚར་མ་གྱུར་ན་དོར་བར་བྱའོ། །དགེ་སློང་དག་།ང་
Ga167a
༄#། །སྟོན་པ་ཡིན་པར་ཁས་ལེན་པ་རྣམས་ཀྱི་ཆང་མི་སྦྱིན་ཞིང ། ཐ་ན་རྩཝ་མཆོག་གིས་ཀྱང་མི་བཏུང་ངོ ། །སྨན་རྣམས་ནི། ནད་ཁང་རུང་བར་གཞག་པར་བྱ་ཞིང ། དེ་ནས་དགེ་སློང་རྣམས་ཀྱིས་ལོངས་སྤྱད་པར་བྱའོ། །རིན་པོ་ཆེ་རྣམས་ལས་མུ་ཏིག་མ་གཏོགས་པར་ནོར་བུ་དང ། བཻ་ཌཱུརྱ་དང ། དུང་གཡས་སུ་འཁྱིལ་བ་ལ་སོགས་པ་ནི། ཆ་གཉིས་སུ་བྱས་ཏེ། གཅིག་ནི། ཆོས་ལའོ། །གཅིག་ཤོས་ནི། དགེ་འདུན་ལའོ། །ཆོས་ཀྱི་གང་ཡིན་པ་དེས་ནི། སངས་རྒྱས་ཀྱི་གསུང་བྲི་བར་བྱའོ། །སེང་གེའི་ཁྲི་བརྒྱན་པར་བྱའོ། །དགེ་འདུན་གྱི་གང་ཡིན་པ་དེ་ནི། དགེ་སློང་རྣམས་ཀྱིས་བགོ་བར་བྱའོ། །གླེགས་བམ་རྣམས་ལས་སངས་རྒྱས་ཀྱི་གསུང་རབ་ཀྱི་གླེགས་བམ་རྣམས་ནི། མི་བགོ་བར་ཕྱོགས་བཞིའི་དགེ་སློང་གི་དགེ་འདུན་གྱི་ཆེད་དུ་སྤྱིར་མཛོད་དུ་བཞུགས་པར་བྱའོ། །ཕྱི་རོལ་པའི་བསྟན་བཅོས་ཀྱི་གླེགས་བམ་རྣམས་ནི། བཙོངས་ལ་བགོ་བར་བྱའོ། །ཆགས་རྒྱ་ནི། མྱུར་དུ་འགྲུབ་པར་ནུས་པ་གང་ཡིན་པ་དེ་ནི། རྫས་འགེད་པའི་ཚེ་དགེ་སློང་རྣམས་ཀྱིས་བགོ་བར་བྱའོ། །མི་ནུས་པ་གང་ཡིན་པ་དེ་ནི། ཕྱོགས་བཞིའི་དགེ་སློང་གི་དགེ་འདུན་གྱི་ཆེད་དུ་སྤྱིར་མཛོད་དུ་གཞག་པར་བྱའོ། །གསེར་དང ། དབྱིག་དང ། གཞན་ཡང་རྡུངས་སུ་བྱས་པ་དང ། རྡུངས་སུ་མ་བྱས་པ་གང་ཡིན་པ་དེ་ནི། ཆ་གསུམ་དུ་བྱས་ཏེ། གཅིག་ནི། སངས་རྒྱས་ལའོ། །གཉིས་པ་ནི། ཆོས་ལའོ། །གསུམ་པ་ནི། དགེ་འདུན་ལའོ། །སངས་
Ga167b
རྒྱས་ཀྱི་གང་ཡིན་པ་དེས་ནི། དྲི་གཙང་ཁང་དང ། དབུ་སྐྲ་སེན་མོའི་མཆོད་རྟེན་རྣམས་ཀྱི་རལ་པ་དང ། འདྲུམས་པ་སླར་བཅོས་པར་བྱའོ། །ཆོས་ཀྱི་གང་ཡིན་པ་དེས་ནི། སངས་རྒྱས་ཀྱི་གསུང་བྲི་པར་བྱའོ།། སེང་གེའི་ཁྲི་བརྒྱན་པར་བྱའོ། །དགེ་འདུན་གྱི་གང་ཡིན་པ་དེ་ནི། དགེ་སློང་རྣམས་ཀྱིས་བགོ་བར་བྱའོ། །གླེང་གཞི་ནི། མཉམ་ཡོད་ནའོ། །གང་གི་ཚེ་ཀོ་ས་ལའི་རྒྱལ་པོ་གསལ་རྒྱལ་གྱིས་ཆུ་བཟང་གི་དུས་སྟོན་བཙུགས་པ་དེའི་ཚེ། དེ་ན་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་རྣམས་མང་དུ་ཚོགས་པར་གྱུར་ཏོ། །དེའི་ཚེ་དགེ་སློང་ཁྲུམས་སྟོད་དགེ་སློང་མས་བཀུར་བ་ཡིན་པས་ཆུ་བཟང་གི་དུས་སྟོན་བཙུགས་པའི་དགེ་སློང་མ་རབ་ཏུ་མང་པོས། ཚེ་དང་ལྡན་པ་ཁྲུམས་སྟོད་ལ་འདི་སྐད་ཅེས་སྨྲས་སོ། །འཕགས་པ། ཆུ་བཟང་གི་དུས་སྟོན་ལ་སྤྱན་འདྲེན་གྱི། གཤེགས་སོ། །དེས་སྨྲས་པ། བདག་གི་ཆོས་གོས་དང་ལྷུང་བཟེད་ཕྱིར་སུ་ལ་བཅོལ། དགེ་སློང་མ་བཅུ་གཉིས་སྡེ་རྣམས་ཀྱིས་སྨྲས་པ། འཕགས་པ། ཐུགས་ལས་ཆུང་ངུར་མཛོད་ཅིག། བདག་ཅག་གིས་གཞག་པར་བགྱིའོ། །དེས་དེ་རྣམས་ལ་གཞག་པ་དང ། དེ་རྣམས་ཀྱིས་ཀྱང་སྐྱེ་རྒུའི་བདག་མོ་ཆེན་མོ་ལ་གཏད་དོ། །ཆེན་མོས་ཀྱང་ཚེ་དང་ལྡན་པ་ཀུན་དགའ་བོ་ལའོ། །ཚེ་དང་ལྡན་པ་ཀུན་དགའ་བོས་ཀྱང་གཙུག་ལག་ཁང་ཞིག་ཏུ་བཞག་གོ་།དེ་ནས་དེའི་ཚེ་ཚེ་དང་ལྡན་པ་ཁྲུམས་སྟོད་ཆུ་བཟང་གི་དུས་སྟོན་ལ་འོངས་པ་དང ། དེ་ན་དགེ་སློང་མ་རྣམས་ཀྱིས་མགྲོན་དུ་བོས་པ་
Ga168a
༄#། །ཡིན་པས། གཅིག་གིས་སྨྲས་པ། འཕགས་པ། དེང་བདག་གིས་ཞལ་ཚུས་བགྱིའོ། །གཞན་དང་གཞན་དག་གིས་ཀྱང་གཡར་ཚུས་ལ་བོས་སོ། །གཞན་ཞིག་གིས་སྨྲས་པ། འཕགས་པ། བདག་གི་གདུགས་ཚོད་གསོལ་ཅིག་།དེ་བཞིན་དུ་གཞན་དང་གཞན་དག་གིས་ཀྱང་སྨྲས་སོ། །གཞན་ཞིག་གིས་སྨྲས་པ། འཕགས་པ། བདག་གི་དུས་མ་ལགས་པའི་བཏུང་བ་གསོལ་ཅིག་།དེ་བཞིན་དུ་གཞན་དང་གཞན་དག་གིས་ཀྱང་སྨྲས་ནས། དེས་དེ་རྣམས་ཀྱི་སེམས་བསྲུང་བའི་ཕྱིར་གཡར་ཚུས་རྣམས་ལས་ཅུང་ཟད་ཅུང་ཟད་བླངས། དེས་དེ་བཞིན་དུ་དྲོ་ཡང་ཟོས། དུས་མ་ཡིན་པའི་བཏུང་བ་བླུད་པ་ཡང་འཐུངས་པ་དང ། དེ་དག་ཙེག་ཙེག་པ་ཡོར་ལངས་ནས་དེ་ཡང་ལམ་གྱིས་དུབ་པ་དེས་མང་པོར་ཟོས་ནས་མ་ཞུ་བར་གྱུར་ཏེ། བསུང་དེ་ཤིའོ། །དེ་དགེ་སློང་རྣམས་ཀྱིས་དུར་ཁྲོད་དུ་བསྲེགས་ནས་ཆོས་བསྒྲགས་པ་བྱས་ནས་རིམ་གྱིས་གཙུག་ལག་ཁང་དུ་ལྷགས་སོ། །གོས་འགེད་པས་ནད་གཡོག་ལ་སྨྲས་པ། དེའི་ལྷུང་བཟེད་དང་ཆོས་གོས་འོན་ཅིག་།དེས་སྨྲས་པ། དེས་བཅུ་གཉིས་སྡེ་རྣམས་ཀྱི་ལག་ཏུ་བཞག་གོ། །དེ་རྣམས་ལ་དྲིས་པ་དང ། སྨྲས་པ། བདག་གིས་སྐྱེ་རྒུའི་བདག་མོ་ཆེན་མོའི་ལག་ཏུ་བཞག་གོ། དེ་ནས་སྐྱེ་རྒུའི་བདག་མོ་ཆེན་མོས་སྨྲས་པ། བདག་གིས་འཕགས་པ་ཀུན་དགའ་བོ་ལ་གཏད་དོ། །ཚེ་དང་ལྡན་པ་ཀུན་དགའ་བོས་སྨྲས་པ། བདག་གིས་གཙུག་ལག་ཁང་ཆེ་གེ་མོ་ཞིག་ཏུ་བཞག་གོ་
Ga168b
ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཤི་བའི་ཡོ་བྱད་ཀྱི་སྐྱིན་པར་དགེ་སློང་ཀུན་དགའ་བོ་བྱིན་གྱིས་བརླབ་པར་བྱའོ། །བྱིན་གྱིས་བརླབ་པ་ཡང་འདི་ལྟར་བྱ་སྟེ། གཎྜཱི་བརྡུངས་ལ་དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱའོ། །འདི་ལྟར་བྱ་སྟེ། གནས་མལ་བཤམས་པ་བྱས་ལ། གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་རྣམས་ཚོགས་ཤིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་སློང་ཁྲུམས་སྟོད་གུམ་ན། དེའི་ལྷུང་བཟེད་དང ། ཆོས་གོས་དང ། གོས་ཀྱི་རིན་དང་བཅས་པ། ཀུན་དགའ་བོའི་སུག་བ་ན་མཆིས་ཀྱི། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར། དགེ་འདུན་གྱིས་དགེ་སློང་ཁྲུམས་སྟོད་གུམ་པའི་ཡོ་བྱད་ལྷུང་བཟེད་དང ། ཆོས་གོས་དང ། གོས་ཀྱི་རིན་དུ་བཅས་པའི་དངོས་པོའི་སྐྱིན་པར་དགེ་སློང་ཀུན་དགའ་བོ་བྱིན་གྱིས་བརླབ་པར་བགྱིའོ། །འདི་ནི། གསོལ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། དགེ་སློང་ཡང་གཞན་དུ་གུམ། ལྷུང་བཟེད་དང་ཆོས་གོས་ཀྱང་གཞན་ན་མཆིས། དངོས་པོའི་སྐྱིན་པའང་གཞན་ན་མཆིས་ན།
Ga169a
༄#། །དེའི་ཆོས་གོས་དང་ལྷུང་བཟེད་གང་དབང་བར་འགྱུར་ལགས། ཉེ་བར་འཁོར། དངོས་པོའི་སྐྱིན་བའི་དགེ་སློང་ངམ། ཁྱིམ་པ་གང་ན་ཡོད་པའོ། ། གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་ལག་གི་བླ་ཞིག་ཤིའོ། །དགེ་སློང་རྣམས་དེའི་ལྷུང་བཟེད་དང་ཆོས་གོས་ལ་འགྱོད་པས་མ་བགོས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་ཐམས་ཅད་བསོགས་ལ། ཅི་འདྲེས་སམ་མ་འདྲེས་པར་གྱུར་པ་དེ། བརྟག་པར་བྱའོ། །གལ་ཏེ་འདྲེས་ཏེ་དགེ་འདུན་གྱི་ནི། མཆོད་རྟེན་གྱིར་བྱས་ལ། མཆོད་རྟེན་ནི། དགེ་འདུན་གྱིར་གྱུར་ན། དེ་ལྟ་བུ་ཆོས་དང་མི་མཐུན་པ་ཡིན་པས། དེའི་ལྷུང་བཟེད་དང ། ཆོས་གོས་དང ། གོས་ཀྱི་རིན་དང་བཅས་པ་ཆ་གསུམ་དུ་བྱས་ཏེ། སངས་རྒྱས་དང ། ཆོས་དང ། དགེ་འདུན་ནོ། །དགེ་འདུན་གྱི་ནི། དགེ་སློང་རྣམས་ཀྱིས་བགོ་བར་བྱའོ། །སངས་རྒྱས་ཀྱི་ནི། སངས་རྒྱས་ལ་མཆོད་པ་དང་དྲི་གཙང་ཁང་དང ། མཆོད་རྟེན་གྱི་ལག་གི་བླའི་སར་སྤྱད་པར་བྱའོ། །དམ་པའི་ཆོས་ཀྱི་ནི། སངས་རྒྱས་ཀྱི་གསུང་བྲི་བར་བྱ། སེང་གེའི་ཁྲི་བརྒྱན་པར་བྱའོ། །གལ་ཏེ་འདྲེས་པར་མ་གྱུར་ན། ཐམས་ཅད་དགེ་སློང་རྣམས་ཁོ་ནས་བགོ་བར་བྱ་སྟེ། དེ་ལ་འགྱོད་པར་མི་བྱའོ། །གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་རབ་ཏུ་མང་པོ་དག་ལྗོངས་རྒྱུ་ཞིང་
Ga169b
དོང་བ་ལས། རིམ་གྱིས་མཉན་ཡོད་ཀྱི་གྲོང་ཁྱེར་དང་ཉེ་བ་ཞིག་ཏུ་ཕྱིན་པ་དང ། དེ་རྣམས་ཀྱི་ནང་ནས་དགེ་སློང་ཞིག་ཤིའོ། །དེ་རྣམས་ཀྱིས་བསམ་པ། གཙུག་ལག་ཁང་ན་འདུག་པའི་ཚངས་པ་མཚུངས་པར་སྤྱོད་པ་རྣམས་ཀྱང་སྐལ་པ་འདོད་པར་འགྱུར་དུ་འོང་གི། གཙུག་ལག་ཁང་གི་ཕྱི་རོལ་ཏུ་བགོ་བར་བྱའོ། །སྙམ་པ་ལས། མཉན་ཡོད་དེ་ན་གནས་པའི་བ་ལང་གི་རྫི་དང ། ཕྱུགས་རྫི་དང ། རྩཝ་ཐུན་དང ། ཤིང་ཐུན་དང ། ལམ་གྱིས་འཚོ་བ་དང ། ལམ་གོལ་བས་འཚོ་བའི་མི་རྣམས་ཀྱིས་ཀུན་ནས་གང་ཞིང ། དེ་རྣམས་གང་དང་གང་དུ་འདུག་ནས་འགེད་པར་བྱེད་པ་དེ་དང་དེར་སྐྱེ་བོའི་ཚོགས་ཆེན་པོས་ཡོངས་སུ་བསྐོར་བར་གྱུར་ནས། དེ་རྣམས་ཀྱིས་བསམ་པ། གཙུག་ལག་ཁང་དང་ཉེ་བ་ཞིག་ཏུ་བགོའོ། །སྙམ་ནས། དེ་རྣམས་ཀྱིས་གཙུག་ལག་ཁང་དང་ཉེ་བ་ཞིག་ཏུ་བགོ་བར་བརྩམས་པ་དང ། དགེ་བསྐོས་ཀྱིས་མཐོང་ནས་སྨྲས་པ། ཚེ་དང་ལྡན་པ་དག་།ཅི་ཞིག་བྱེད། དེ་རྣམས་ཀྱིས་ཇི་ལྟར་གྱུར་བ་སྨྲས་པ་དང ། དེས་སྨྲས་པ། བདག་ཀྱང་མཚམས་སུ་འོངས་པ་ཡིན་ན་ཞེས་དེས་འཁངས་ཀྱང་དེ་རྣམས་ཀྱིས་མ་བྱིན་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མཚམས་ཀྱི་ནང་ལ་མཚམས་ཀྱི་ནང་དུ་ཤེས་ཏེ་ཤི་བའི་ཡོ་བྱད་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ཏེ། སླར་ཡང་མཚམས་ན་འདུག་པ་རྣམས་དང་ལྷན་ཅིག་བགོ་བར་བྱ་སྟེ། གཞན་དུ་ན། འགལ་
Ga170a
༄#། །ཚབས་ཅན་དུ་འགྱུར་རོ། །དེ་བཞིན་དུ་མཚམས་ཀྱི་ནང་ལ་ཡིད་གཉིས་ཀྱིས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ཏེ། སླར་ཡང་མཚམས་ན་འདུག་པ་རྣམས་དང་ལྷན་ཅིག་བགོ་བར་བྱ་སྟེ། གཞན་དུ་ན། འགལ་ཚབས་ཅན་དུ་འགྱུར་རོ། །མཚམས་ཀྱི་ཕྱི་རོལ་ལ་མཚམས་ཀྱི་ནང་གི་འདུ་ཤེས་ཀྱིས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ཏེ། སླར་ཡང་མཚམས་ན་འདུག་པ་རྣམས་དང་ལྷན་ཅིག་བགོ་བར་བྱ་སྟེ། གཞན་དུ་ན། འགལ་ཚབས་ཅན་དུ་འགྱུར་རོ། །མཚམས་ཀྱི་ཕྱི་རོལ་ལ་ཡིད་གཉིས་ཀྱིས་འགེད་པར་བྱེད་ན། མ་བགོས་པ། ཉེས་པར་བགོས་པ་ཡིན་ཏེ། སླར་ཡང་མཚམས་ན་འདུག་པ་རྣམས་དང་ལྷན་ཅིག་བགོ་བར་བྱ་སྟེ། གཞན་དུ་ན། འགལ་ཚབས་ཅན་དུ་འགྱུར་རོ། ། གླེང་གཞི་ནི། མཉན་ཡོད་ནའོ། །དེའི་ཚེ་དགེ་སློང་གིས་དགེ་སློང་ལ་དགེ་སློང་གི་ལག་ནས་ཆོས་གོས་དག་བསྐུར་བ་ན། དགེ་སློང་དེས། གང་གིས་བསྐུར་བ་དེ་ལ་ཡིད་གཅུགས་པས་སྤྱད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དགེ་སློང་དེས་ཡིད་གཅུགས་པར་བྱ་བ་མ་ཡིན་པ་ལ་ཡིད་གཅུགས་པར་བསྐྱེད་དེ། འདི་ལྟར། དེས་གང་གིས་བསྐུར་བ་དེ་ལ་ཡིད་གཅུགས་པར་སྤྱད་དོ། །འོན་ཀྱང་དགེ་སློང་གིས་དགེ་སློང་ལ་དགེ་སློང་གི་ལག་ནས་ཆོས།
Ga170b
གོས་དག་བསྐུར་བ་ན། གང་ལ་བསྐུར་བ་དེ་ལ་ཡིད་གཅུགས་པས་སྤྱད་ན། ལེགས་པར་སྤྱད་པ་ཡིན་ནོ། །གང་གིས་བསྐུར་བ་དེ་ལ་ཡིད་གཅུགས་པས་སྤྱད་ན། ཉེས་པར་སྤྱད་པ་ཡིན་ནོ། །དགེ་སློང་གིས་དགེ་སློང་ལ་ཆོས་གོས་དག་བསྐུར་བར་བྱེད་ན། གང་ལ་བསྐུར་བ་དེ་ནི། ཤི་ལ། གང་གིས་བསྐུར་བ་དེ་ལ་ཡིད་གཅུགས་པས་སྤྱད་ན། ཉེས་པར་སྤྱད་པ་ཡིན་ནོ། །གང་ལ་བསྐུར་བ་དེའི་ཤི་བའི་ཡོ་བྱད་དུ་རུང་བར་བྱིན་གྱིས་རློབ་པར་བྱེད་ན། ལེགས་པར་བྱིན་གྱིས་བརླབས་པ་ཡིན་ནོ། །དགེ་སློང་གིས་དགེ་སློང་ལ་ཆོས་གོས་དག་བསྐུར་བར་བྱེད་པ་ན། གང་གིས་བསྐུར་བ་དེ་ནི། ཤི་ལ། གང་གིས་བསྐུར་བ་དེའི་ཤི་བའི་ཡོ་བྱད་དུ་རུང་བར་བྱིན་གྱིས་རློབ་པར་བྱེད་ན། ཉེས་པར་བྱིན་གྱིས་བརླབས་པ་ཡིན་ནོ། །དགེ་སློང་གིས་དགེ་སློང་ལ་ཆོས་གོས་དག་བསྐུར་བར་བྱེད་པ་ན། གང་ལ་བསྐུར་བ་དེས་སླར་བཟློག་ལ། གང་གིས་བསྐུར་བ་དེ་ལ་ཡིད་གཅུགས་པས་སྤྱད་ན། ལེགས་པར་སྤྱད་པ་ཡིན་ནོ། །གང་ལ་བསྐུར་བ་དེ་ལ་ཡིད་གཅུགས་པས་སྤྱད་ན། ཉེས་པར་སྤྱད་པ་ཡིན་ནོ། །དགེ་སློང་གིས་དགེ་སློང་ལ་ཆོས་གོས་དག་བསྐུར་བ་ན། གང་ལ་བསྐུར་བ་དེ་ནི། ཤི་ལ། གང་ལ་བསྐུར་བ་དེའི་ཤི་པའི་ཡོ་བྱད་དུ་རུང་བར་བྱིན་གྱིས་རློབ་པར་བྱེད་ན། ལེགས་པར་བྱིན་གྱིས་བརླབས་པ་ཡིན་ནོ། །གང་གིས་བསྐུར་བ་དེའི་ཤི་བའི་ཡོ་བྱད་དུ་བྱིན་གྱིས་རློབ་པར་བྱེད་ན། ཉེས་པར་བྱིན་གྱིས་བརླབས་པ་ཡིན་ནོ། །དགེ་སློང་གིས་དགེ་སློང་ལ་ཆོས་
Ga171a
༄#། །གོས་དག་བསྐུར་བར་བྱེད་པ་ན། གང་ལ་བསྐུར་བ་དེས་སླར་བཟློག་ལ། གང་གིས་བསྐུར་བ་དེ་ཡང་ཤི་ནས་གང་ལ་བསྐུར་བ་དེ་ལ་ཡིད་གཅུགས་པས་སྤྱོད་ན། ཉེས་པར་སྤྱད་པ་ཡིན་ནོ། །གང་ལ་བསྐུར་བ་དེའི་ཤི་བའི་ཡོ་བྱད་རུང་བར་བྱིན་གྱིས་རློབ་པར་བྱེད་ན། ལེགས་པར་བྱིན་གྱིས་བརླབས་པ་ཡིན་ནོ། །དགེ་སློང་གིས་དགེ་སློང་ལ་ཆོས་གོས་དག་བསྐུར་པར་བྱེད་པ་ན། གང་ལ་བསྐུར་བ་དེས་སླར་བཟློག་ནས་དེ་ཤི་ལ། གང་གིས་བསྐུར་བར་བྱེད་པ་དེའང་ཤི་ན། དེའི་ཤི་བའི་ཡོ་བྱད་དུ་རུང་བར་བྱིན་གྱིས་རློབ་པར་བྱེད་ན། ཉེས་པར་བྱིན་གྱིས་བརླབས་པ་ཡིན་ནོ། །གང་གིས་བསྐུར་བ་དེའི་ཤི་བའི་ཡོ་བྱད་དུ་རུང་བར་བྱིན་གྱིས་རློབ་པར་བྱེད་ན། ལེགས་པར་བྱིན་གྱིས་བརླབས་པ་ཡིན་ནོ། །གོས་ཀྱི་གཞི་རྫོགས་སོ།། །། སྲ་བརྐྱང་གི་གཞིའི་སྡོམ་ནི། གནས་བཅས་པ་དང་ཁ་ཅིག་དང ། །རྡོལ་པ་དང་ནི་བླངས་པ་དང ། །དུས་དང་གང་ཟག་མ་མོའི་གཞི། །ཉི་ཤུ་དག་ཏུ་བྱས་པ་དང ། །བགོས་པ་དག་ནི་བཅུ་གཉིས་ཏེ། །གནས་བཅས་དབྱར་གནས་དམ་བཅས་པ། །སྟོན་པ་བལྟ་བར་འདོད་པ་ནའང ། །འདམ་རྫབ་ཀྱིས་ནི་ངལ་གྱུར་པ། །དེ་ལ་དེར་ནི་ཆོས་གོས་གནང ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་དབྱར་བཞུགས་པར་ཞལ་གྱིས་བཞེས་སོ། །དེའི་ཚེ་དགེ་སློང་རབ་ཏུ་མང་པོ་དག་གནས་བཅས་སུ་དབྱར་གནས་པར་
Ga171b
དང་བཅས་ཏེ། དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས་ལྷུང་བཟེད་དང་ཆོས་གོས་ཐོགས་ཏེ་རྩཝ་སྟུག་པོ་དང་རྫབ་ཆེན་པོར་ཚ་བས་ངལ་བར་གྱུར་ཅིང ། རྡུལ་གྱིས་ལུས་གཡོགས་བཞིན་དུ་མཉན་ཡོད་གང་ན་བདེར་རྒྱུ་ཞིང་སོང་སྟེ། རིམ་གྱིས་རྒྱུ་ཞིང་སོང་བ་དང་མཉན་ཡོད་དུ་ཕྱིན་ཏོ། །དེ་ནས་དགེ་སློང་རབ་ཏུ་མང་པོ་དག་གིས་ཆོས་གོས་དང་ལྷུང་བཟེད་མཁོས་སུ་ཕབ་ནས་རྐང་པ་བཀྲུས་ཏེ། བཅོམ་ལྡན་འདས་གང་ན་བ་དེར་དོང་ནས་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཆོས་ཉིད་ཀྱིས། སངས་རྒྱས་བཅོམ་ལྡན་འདས་རྣམས་ནི། གློ་བུར་དུ་ལྷགས་པའི་དགེ་སློང་རྣམས་ལ་སོ་སོ་ཡང་དག་པར་དགའ་བར་མཛད་པ་འདིས་སོ་སོ་ཡང་དག་པར་དགའ་བར་མཛད་དེ། དགེ་སློང་དག་།ཁྱེད་ད་གཟོད་གནས་འོངས། གནས་གང་དུ་དབྱར་གནས་གནས། བཙུན་པ། བདག་ཅག་ནི། གནས་བཅས་ནས་ད་གཟོད་མཆིས་ལགས་ཏེ། བདག་ཅག་གནས་བཅས་ན་དབྱར་མཆིས་མཆིས་ལགས་སོ། །དགེ་སློང་དག་།ཁྱེད་ཅག་གནས་སུ་ཇི་གང་ཞེས་ལ་རེག་པར་དབྱར་གནས་སམ། བསོད་སྙོམས་ཀྱིས་བྲེལ་བར་མ་གྱུར་མོད། བཙུན་པ། མད་པར་གསོལ་ཏོ། །བདག་ཅག་གནས་བཅས་ན་བདེ་བ་ལ་རེག་པར་དབྱར་གནས་ཤིང ། བདག་ཅག་བསོད་སྙོམས་ཀྱིས་ཀྱང་བྲེལ་བ་མ་མཆིས་ལགས་སོ། །འོན་ཀྱང་བདག་ཅག་ལྷུང་བཟེད་དང་ཆོས་གོས་
Ga172a
༄#། །ཐོགས་ཏེ་རྩཝ་སྟུག་པོ་དང་རྫབ་ཆེན་པོར་ཚ་བས་ངལ་བར་གྱུར་ཅིང ། རྡུལ་གྱིས་ལུས་གཡོགས་པས་ལྗོངས་རྒྱུ་ཞིང་མཆིས་ཏེ་རིམ་གྱིས་རྒྱུ་ཞིང་མཆི་བ་ན། ཚེགས་ཆེན་པོས་འདིར་མཆིས་ལགས་སོ།། །།འདུལ་བ་གཞི། བམ་པོ་རེ་བདུན་པ། བཅོམ་ལྡན་འདས་ཀྱིས་དགོངས་བ། ཀྱེ་མ། ངའི་ཉན་ཐོས་རྣམས་ལྷུང་བཟེད་དང་ཆོས་གོས་ཐོགས་ཏེ་རྩཝ་སྟུག་བོ་དང་རྫབ་ཆེན་པོར་ཚ་བས་ངལ་བར་གྱུར་ཅིང ། ལུས་རྡུལ་གྱིས་གཡོགས་པས་ལྗོངས་རྒྱུ་ཞིང་འགྲོ་བ་ནི། ཉོན་མོངས་ཀྱི། མ་ལ་ངས་དགེ་སློང་རྣམས་བདེ་བ་ལ་རེག་པར་གནས་པར་བྱ་བའི་ཕྱིར་དང ། སྦྱིན་པ་པོ་རྣམས་ཀྱི་སྦྱིན་པའི་ཆོས་ལོངས་སྤྱད་པར་བྱ་བའི་ཕྱིར་དགེ་སློང་རྣམས་ལ་སྲ་བརྐྱང་གནང་བར་བྱའོ། །འདི་ལྟར། སྲ་བརྐྱང་བཏིང་ན། ཕན་ཡོན་ལྔ་ཡོད་དེ། ཞག་བཅུ་ལས་ཐལ་ན་མ་ཡིན་པ་དང ། ཟླ་བ་ལས་ཐལ་ན་མ་ཡིན་པ་དང ། ནུབ་མོ་བྲལ་ན་མ་ཡིན་པ་དང ། བློ་གོས་མཐང་གོས་དང་བཅས་པའི་ཆོས་གོས་ཀྱིས་ལྗོངས་རྒྱུར་འགྲོ་བ་དང ། ཆོས་གོས་རུང་བ་མ་ཡིན་པ་ཇི་ཙམ་འདོད་པ་འཆང་བ་ན་མ་ཡིན་པའོ། །གཞན་ཡང ། ཕན་ཡོན་ལྔ་ཡོད་དེ། ཚོགས་ཤིང་ཟ་ན་མ་ཡིན་པ་དང ། ཡང་ཡང་ཟ་ན་མ་ཡིན་པ་དང ། ཁྱིམ་རྣམས་སུ་མགྲོན་དུ་མ་བོས་པར་འགྲོ་ན་མ་ཡིན་པ་དང ། ཇི་ཙམ་འདོད་པའི་ཆོས་གོས་བཙལ་བ་དང ། སྟོན་ཟླ་འབྲིང་བོ་ནས་དཔྱིད་ཟླ་ར་བའི་བར་གྱི་ནང་དེར་སྲ་བརྐྱང་བཏིང་བ་རྣམས་ཀྱི་རྙེད་པ་ཡིན་ནོ། །སྙམ་དུ་དགོངས་ཞེས་
Ga172b
དགེ་སློང་རྣམས་ལ་བཀའ་སྩལ་པ། དགེ་སློང་དག་།དེ་ལྟ་བས་ན། ངས་རྗེས་སུ་གནང་སྟེ། དགེ་སློང་རྣམས་བདེ་བ་ལ་རེག་པར་གནས་པར་བྱ་བའི་ཕྱིར་དང ། སྦྱིན་པ་པོ་རྣམས་ཀྱི་སྦྱིན་པའི་ཆོས་ལོངས་སྤྱོད་པར་བྱ་བའི་ཕྱིར་དབྱར་གནས་པའི་དགེ་སློང་རྣམས་ཀྱིས་སྲ་བརྐྱང་གདིང་བར་བྱའོ། །འདི་ལྟར། སྲ་བརྐྱང་ལ་ཕན་ཡོན་ལྔ་ཡོད་དེ། ཞག་བཅུ་ཐལ་ན་མ་ཡིན་པ་དང་ཞེས་བྱ་བ་ནས་སྲ་བརྐྱང་བཏིང་བ་རྣམས་ཀྱི་རྙེད་པ་ཡིན་ནོ། །ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱིས་སྲ་བརྐྱང་གདིང་བར་བྱའོ། །ཞེས་བཀའ་སྩལ་ན། དགེ་སློང་རྣམས་ཀྱིས་སྲ་བརྐྱང་ཇི་ལྟར་གདིང་བ་མ་ཤེས་ནས་བཅོམ་ལྡན་འདས་ཀྱིས་བཀའ་སྩལ་པ། དབྱར་གནས་པའི་དགེ་འདུན་གྱི་ཆོས་གོས་ཀྱི་རྙེད་པ་ཡོད་པ་གང་ཡིན་པ་དེ་ལས་གདིང་བར་བྱའོ། །གདིང་བ་ནི། འདི་ལྟར་བྱ་སྟེ། རེ་ཞིག་ཐོག་མར་མཐུན་པའི་གོ་བ་བྱ་སྟེ། ཆོས་གོས་འདི་ནི། དབྱར་གནས་པའི་དགེ་འདུན་གྱི་ཆོས་གོས་ཀྱི་རྙེད་པ་བྱུང་བ་ལགས་ཏེ། གལ་ཏེ་དགེ་འདུན་བཞེད་ན། ཆོས་གོས་འདིས་དགེ་འདུན་གྱི་སྲ་བརྐྱང་གདིང་བར་བྱའོ། །དེ་ནས་ཕྱི་དེ་ཉིན་གནས་མལ་བཤམས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཆོས་གོས་འདི་ནི། དབྱར་གནས་པའི་དགེ་འདུན་གྱི་ཆོས་གོས་ཀྱི་རྙེད་པ་བྱུང་བ་ལགས་ཏེ། དགེ་འདུན་གྱི་ཆོས་གོས་འདིས་སྲ་
Ga173a
༄#། །བརྐྱང་བགྱིད་ནས་སྲ་བརྐྱང་གདིང་བར་བཞེད་ན། དེས་ན་སྲ་བརྐྱང་བཏིང་བའི་གནས་ནས་ཆས་བ་ལ་ཆོས་གོས་རྙིང་པ་རྣམས་དང་འབྲལ་བ་ཡང་མི་འབྱུང་ན། གསར་པ་རྣམས་དང་ལྟ་སྨོས་ཀྱང་ཅི་འཚལ་བར་གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར། དགེ་འདུན་གྱིས་ཆོས་གོས་འདི་སྲས་བརྐྱང་དུ་མཛད་དེ། ཆོས་གོས་འདིས་དགེ་འདུན་གྱི་སྲ་བརྐྱང་འདིང་ངོ ། །དེས་ན་སྲ་བརྐྱང་བཏིང་བའི་གནས་ཆས་པ་ལ་ཆོས་གོས་རྙིང་པ་རྣམས་དང་འབྲལ་བ་ཡང་མི་འབྱུང་ན། གསར་པ་རྣམས་དང་ལྟ་སྨོས་ཀྱང་ཅི་འཚལ། འདི་ནི། གསོལ་བའོ། །ལས་ནི་འདིར་ལྟར་བྱ་སྟེ། དགེ་འདུན་བཙུན་པ་རྣམ་གསན་དུ་གསོལ། ཆོས་གོས་འདི་ནི། དབྱར་གནས་པའི་དགེ་འདུན་གྱི་རྙེད་པ་བྱུང་བ་ལགས་ལ། དགེ་འདུན་ཡང་སྲ་བརྐྱང་བགྱི་བར་བཞེད་དེ། དགེ་འདུན་གྱིས་ཆོས་གོས་འདི་སྲ་བརྐྱང་དུ་མཛད་པས་ཆོས་གོས་འདིས་དགེ་འདུན་གྱིས་ར་བརྐྱང་འདིང་ངོ ། །དེས་ན་སྲས་བརྐྱང་བཏིང་བའི་གནས་ནས་ཆས་པ་ལ་ཆོས་གོས་རྙིང་པ་རྣམས་དང་འབྲལ་བ་ཡང་མི་འབྱུང་ན། གསར་པ་རྣམས་དང་ལྟ་སྨོས་ཀྱང་ཅི་འཚལ། ཚེ་དང་ལྡན་པ་རྣམས་ལས། གང་དག་ཆོས་གོས་འདི་སྲས་བརྐྱང་དུ་བགྱི་ཞིང ། ཆོས་གོས་འདིས་དགེ་འདུན་གྱི་སྲ་བརྐྱང་བཏིང་སྟེ། དེས་ན་སྲ་བརྐྱང་བཏིང་བའི་གནས་ནས་ཆས་པ་ལས་ཆོས་གོས་རྙིང་པ་རྣམས་དང་འབྲལ་བ་ཡང་མི་འབྱུང་ན། གསར་པ་རྣམས་དང་ལྟ་སྨོས་ཀྱང་ཅི་འཚལ་བར་
Ga173b
བཟོད་པ་དེ་དག་ནི། ཅང་མ་གསུངས་ཤིང ། གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་ཆོས་གོས་སྲས་བརྐྱང་དུ་མཛད་ནས་ཆོས་གོས་འདིས་དགེ་འདུན་གྱི་སྲས་བརྐྱང་འདིང་སྟེ། དེས་ན་སྲ་བརྐྱང་བཏིང་བའི་གནས་ནས་ཆས་པ་ལས་ཆོས་གོས་རྙིང་པ་རྣམས་དང་འབྲལ་བ་ཡང་མི་འབྱུང་ན། གསར་པ་རྣམས་དང་ལྟ་སྨོས་ཀྱང་ཅི་འཚལ་བར་དགེ་འདུན་གྱིས་བཟོད་ཅིང་གནང་ནས་འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དེའི་འོག་ཏུ་སྲ་བརྐྱང་འདིང་བའི་དགེ་སློང་བསྐོ་བར་བྱ་སྟེ། ཆོས་ལྔ་དང་ལྡན་པའི་དགེ་སློང་ནི། སྲ་བརྐྱང་འདིང་པར་མ་བསྐོས་པ་ནི། བསྐོ་བར་མི་བྱ་ཞིང ། བསྐོས་པ་ནི། དབྱུང་བར་བྱའོ། །ལྔ་གང་ཞེ་ན། དབྱར་གྱི་མ་ཡིན་པ་དང ། དབྱར་རལ་བ་དང ། དབྱར་ཕྱི་མར་གནས་པར་དམ་བཅས་པ་དང ། དབྱར་ཐ་དད་པར་གནས་པ་དང ། བསླབ་པ་བྱིན་པའོ། ། གཞན་ཡང ། ཆོས་ལྔ་དང་ལྡན་ན། བསྐོ་བར་མི་བྱ་སྟེ། སྤོ་བ་པ་དང ། གཞི་ནས་སྤོ་བ་པ་དང ། མགུ་བར་བྱ་བ་སྤྱོད་པ་དང ། གཞི་ནས་མགུ་བར་བྱ་བ་སྤྱོད་བ་དང ། གནས་ནས་ཕྱུང་བའོ། །གཞན་ཡང ། ཆོས་ལྔ་དང་ལྡན་ན། བསྐོ་བར་མི་བྱ་སྟེ། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། སྲས་བརྐྱང་བཏིང་བ་དང་མ་བཏིང་བ་མི་ཤེས་པའོ། །ཡང ། །ཆོས་ལྔ་དང་ལྡན་པའི་དགེ་སློང་ནི། སྲས་བརྐྱང་འདིང་པར་མ་བསྐོས་པ་ནི། བསྐོ་བར་བྱ་ཞིང ། བསྐོས་པ་ནི། དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་
Ga174a
༄#། །གིས་མི་འགྲོ་བ་དང ། འཇིགས་པས་མི་འགྲོ་བ་དང ། སྲ་བརྐྱང་བཏིང་བ་དང་མ་བཏིང་བ་ཤེས་པའོ། །བསྐོ་བ་ནི། འདི་ལྟར་བྱ་སྟེ། གནས་མལ་བཤམས་ཏེ་ཞེས་བྱ་བ་ནས་དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་ཞེས་བྱ་བའི་བར་གོང་མ་བཞིན་དུ་སྟེ། རེ་ཞིག་ཐོག་མར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད། དགེ་འདུན་གྱི་སྲ་བརྐྱང་འདིང་བར་སྤྲོའམ་གལ་ཏེ་སྤྲོ་ན། དེས་སྤྲོའོ། །ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། སྲ་བརྐྱང་འདིང་བའི་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱིས་སྲས་བརྐྱང་འདིང་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་པར་མཛོད་ཅིག་དང ། འདི་ལྟར་དགེ་འདུན་གྱིས་དགེ་སློང་མིང་འདི་ཞེས་བགྱི་བ་སྲ་བརྐྱང་འདིང་བར་བསྐོས་ཏེ། སྲ་བརྐྱང་འདིང་པ་མིང་འདི་ཞེས་བགྱི་བ། དགེ་འདུན་གྱི་སྲ་བརྐྱང་འདིང་པར་འགྱུར་རོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། སྲ་བརྐྱང་འདིང་པ་མིང་འདི་ཞེས་བགྱི་བ་འདི། དགེ་འདུན་གྱི་སྲ་བརྐྱང་འདིང་པར་སྤྲོ་ན། དེའི་སླད་དུ་དགེ་འདུན་གྱིས་མིང་འདི་ཞེས་བགྱི་བ། སྲ་བརྐྱང་འདིང་པར་བསྐོས་ཏེ། སྲ་བརྐྱང་འདིང་པ་མིང་འདི་ཞེས་བགྱི་བས་དགེ་འདུན་གྱི་སྲ་བརྐྱང་འདིང་བར་འགྱུར་ན། ཚེ་དང་ལྡན་པ་རྣམས་ལས། གང་དག་མིང་འདི་ཞེས་བགྱི་བ་སྲ་བརྐྱང་འདིང་
Ga174b
པར་བསྐོ་བར་བཟོ་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་སྲ་བརྐྱང་འདིང་པ་མིང་འདི་ཞེས་བགྱི་བ། དགེ་འདུན་གྱི་སྲ་བརྐྱང་འདིང་བར་བསྐོས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དེ་ནས་གསོལ་བས་སྲས་བརྐྱང་འདིང་པའི་དགེ་སློང་ལ་སྲ་བརྐྱང་སྦྱིན་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་འདུན་གྱིས་ཆོས་གོས་འདི་ནི། སྲ་བརྐྱང་དུ་མཛད་ལགས་ལ། དགེ་སློང་མིང་འདི་ཞེས་བགྱི་བ་འདི་ཡང་སྲ་བརྐྱང་འདིང་པར་བསྐོས་ལགས་ཏེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར། དགེ་འདུན་གྱིས་དགེ་སློང་མིང་འདི་ཞེས་བགྱི་བ་ལ་ཆོས་གོས་འདི་སྲ་བརྐྱང་གི་སླད་དུ་སྩལ་ཏོ། །འདི་ནི། གསོལ་བའོ། །ངས་དགེ་སློང་སྲ་བརྐྱང་འདིང་བའི་ཀུན་ཏུ་སྤྱོད་པའི་ཆོས་དག་བཅའ་བར་བྱ་སྟེ། དགེ་སློང་སྲས་བརྐྱང་འདིང་པས་སྲ་བརྐྱང་ལ་ཐམས་ཅད་དུ་ཐོག་མར་འགྲོ་བར་བྱ་སྟེ། བཀྲུའོ། །བརྐྱང་ངོ ། །དྲའོ། །དྲུབ་བོ། །ཁ་སྒྱུར་རོ། །ཆུང་ངུ་ན་ཁབ་ཀྱིས་སྲུབ་གཉིས་སམ། གསུམ་ཡང་བཙེམ་པར་བྱའོ། །ལན་གཉིས་སམ་གསུམ་དུ་སེམས་བསྐྱེད་པར་བྱའོ། །དེ་ནས་སྟོན་ཟླ་འབྲིང་པོ་ཟླ་བ་ཡར་གྱི་ངོའི་ཚེས་བཅོ་ལྔ་ལ་གོ་བར་བྱ་སྟེ། ཚེ་དང་ལྡན་པ་དག་།སང་ཁོ་བོས་སྲ་བརྐྱང་འདིང་གི་།ཁྱེད་ཅག་སོ་སོའི་ཆོས་གོས་སྔགས་ཕྱུང་ཞིག་།དེ་ནས་སྲ་བརྐྱང་འདིང་པའི་དགེ་སློང་གིས། སྲ་བརྐྱང་དྲི་དང་མེ་ཏོག་གིས་གཏོར་ཞིང ། དྲི་ཞིམ་པོའི་བདུག་པས་
Ga175a
༄#། །བདུགས་ནས་གནས་མལ་བཤམས་ཏེ། གཎྜི་བརྡུངས་ནས་དྲཾས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་རྒན་པའི་མཐར་གཞག་པར་བྱའོ། །དེ་ནས་རྒན་པའི་མཐར་འདུག་ནས་སྲ་བརྐྱང་བླངས་ཏེ། དགེ་འདུན་བཙུན་པ་རྣམས་གསན་དུ་གསོལ། དགེ་འདུན་གྱིས་ཆོས་གོས་འདི་ནི། སྲ་བརྐྱང་དུ་མཛད་ལ།་བདག་དགེ་སློང་མིང་འདི་ཞེས་བགྱི་བ་ཡང ། སྲ་བརྐྱང་འདིང་བར་བསྐོས་ཏེ། སྲ་བརྐྱང་འདིང་པ་བདག་མིང་འདི་ཞེས་བགྱི་བས་ཆོས་གོས་འདིས་དགེ་འདུན་གྱི་སྲ་བརྐྱང་འདིང་བར་འགྱུར་རོ། །གདིང་ངོ། །བཏིང་ངོ ། །དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེ་ནས་བཏིང་ནས་དགེ་འདུན་གྱི་གནས་བརྟན་གྱི་མདུན་དུ་འདུག་སྟེ་འདི་སྐད་ཅེས། །གནས་བརྟན་དགོངས་སུ་གསོལ་ཆོས་གོས་འདི་ནི། དགེ་འདུན་གྱིས་སྲས་བརྐྱང་དུ་མཛད་ལ། བདག་མིང་འདི་ཞེས་བགྱི་བ་ཡང ། སྲ་བརྐྱང་འདིང་བར་བསྐོས་པ་ལགས་ཏེ། བདག་གིས་ཆོས་གོས་འདིས་དགེ་འདུན་གྱི་སྲ་བརྐྱང་བཏིང་ལགས་སོ། །ཞེས་བརྗོད་པར་བྱའོ། །དེས། ལེགས་པར་བཏིང་ངོ ། །ཤིན་ཏུ་བཏིང་སྟེ། འདི་ལ་རྙེད་པ་དང ། ཕན་ཡོན་ཡོད་པ་གང་ཡིན་པ་དེ་ནི། བདག་ཅག་གི་ཡིན་ནོ། །ཞེས་བརྗོད་པར་བྱ་ཞིང ། དེ་བཞིན་དུ་ལན་གཉིས་ལན་གསུམ་དུ་དགེ་འདུན་གསར་བུའི་བར་དུ་ཐམས་ཅད་ཀྱིས་ལེགས་པར་བཏིང་ངོ ། །ཤིན་ཏུ་བཏིང་སྟེ། འདི་ལ་རྙེད་པ་དང ། ཕན་ཡོན་ཡོད་པ་གང་ཡིན་པ་དེ་ནི། བདག་ཅག་གི་ཡིན་
Ga175b
ནོ། །ཞེས་བརྗོད་པར་བྱའོ། །སྲ་བརྐྱང་འདིང་བའི་དགེ་སློང་གིས་སྲ་བརྐྱང་ཐོགས་ཏེ། ཆབ་ཁུང་སར་མ་ཡིན། སྣམ་ཕྱི་སར་མ་ཡིན་ཏེ། ཚང་བང་དུ་འཇུག་པར་མི་བྱའོ། །མཚམས་ཀྱི་ཕྱི་རོལ་དུ་འགྲོ་བར་མི་བྱའོ་གལ་ཏེ་སོང་ན། དེར་གནས་པར་མི་བྱའོ། །སྲ་བརྐྱང་འདིང་བའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚ་བས་ཅན་དུ་འགྱུར་རོ། ། དེ་ནས་སྲ་བརྐྱང་འདིང་བའི་དགེ་སློང་གིས་དཔྱིད་ཟླ་ར་བ་ཟླ་བ་ཡར་གྱི་ངོའི་ཚེས་བཅོ་ལྔ་ལ་ཡང་གོ་བར་བྱ་སྟེ། ཚེ་དང་ལྡན་པ་དག་།སང་ཁོ་བོ་སྲ་བརྐྱང་འབྱིན་གྱི། ཁྱེད་ཅག་སོ་སོའི་ཆོས་གོས་རྣམས་བྱིན་གྱིས་རློབས་ཤིག་།དེ་ལ་རྙེད་པ་བྱུང་བ་གང་ཡིན་པ་དེ་ནི། དགེ་འདུན་གྱིས་བགོ་བར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། དུ་ཞིག་གི་སྲ་བརྐྱང་མ་བཏིང་ལགས། ཉེ་བར་འཁོར། ལྔའི་སྟེ། དབྱར་གྱི་མ་ཡིན་པ་དང ། དབྱར་རལ་བ་དང ། དབྱར་ཕྱི་མར་གནས་པར་དམ་བཅས་པ་དང ། དབྱར་ཐ་དད་པར་གནས་པར་དམ་བཅས་པ་དང ། སྲ་བརྐྱང་དེ་འདིང་བ་ན་མངོན་སུམ་དུ་མ་གྱུར་པའིའོ། །གཞན་ཡང ། འདི་ལྔའི་མ་བཏིང་བ་ཡིན་ཏེ། སྤོ་བ་པ་དང ། སྤོ་བ་སྤྱད་ཟིན་པ་དང ། མགུ་བར་བྱ་བ་སྤྱོད་པ་དང ། མགུ་བར་བྱ་བ་སྤྱད་ཟིན་པ་དང ། བསླབ་པ་བྱིན་པའིའོ། ། བཙུན་པ། དུ་ཞིག་གི་རྙེད་པ་མཆིས་ལ། ཕན་ཡོན་མ་མཆིས་ལགས། ཉེ་བར་འཁོར། ལྔའི་སྟེ། དབྱར་གྱི་མ་ཡིན་པ་དང ། དབྱར་རལ་བ་དང ། དབྱར་ཕྱི་མར་གནས་པར་དམ་བཅས་པ་དང ། དབྱར་ཐ་དད་པར་བཅས་
Ga176a
༄#། །པ་དང ། སྲ་བརྐྱང་དེ་འདིང་བ་ན་མངོན་སུམ་དུ་མ་གྱུར་པའིའོ། །གཞན་ཡང ། ལྔ་པོ་འདི་དག་གི་སྟེ། སྤོ་བ་པ་དང ། སྤོ་བ་སྤྱད་ཟིན་པ་དང ། མགུ་བར་བྱ་བ་སྤྱོད་པ་དང ། མགུ་བར་བྱ་བ་སྤྱད་ཟིན་པ་དང ། བསླབ་པ་བྱིན་པའིའོ། །བཙུན་པ། དུ་ཞིག་གི་རྙེད་པ་ཡང་མ་མཆིས་ལ། ཕན་ཡོན་ཡང་མ་མཆིས་ལགས། ཉེ་བར་འཁོར། ལྔའི་སྟེ། མ་མཐོང་བས་གནས་ནས་ཕྱུང་བ་དང ། ཕྱིར་མི་བྱེད་པས་གནས་ནས་ཕྱུང་བ་དང ། སྡིག་པའི་ལྟ་བར་སོང་བ་མ་བོར་བས་གནས་ནས་ཕྱུང་བ་དང ། དབྱར་ཐ་དད་པར་གནས་པ་དང ། དགེ་འདུན་དབྱེ་ན་ཆོས་མ་ཡིན་པའི་ཕྱོགས་པའིའོ། །དགེ་སློང་རབ་ཏུ་མང་པོ་དག་ལྗོངས་རྒྱུ་ཞིང་དོང་བ་ན་ཆོམ་རྐུན་པ་རྣམས་ཀྱིས་བཅོམ་ནས། དེ་དག་རིམ་གྱིས་མཉན་ཡོད་དུ་ཕྱིན་པ་དང ། དགེ་སློང་རྣམས་ཀྱིས་མཐོང་ནས་ཚེ་དང་ལྡན་པ་དག་།འོངས་པ་ལེགས་སོ། །འོངས་པ་ལེགས་སོ། །ཇི་ག་བདེ་བར་སྤྱད་དམ། ཚེ་དང་ལྡན་པ་དག་།བདེ་བར་སྤྱད་པ་ནི། ཅི་འདྲ་བ་ཞིག་།བདག་ཅག་ནི། ཆོམ་རྐུན་པ་རྣམས་ཀྱིས་བཅོམ་མོ། །ཚེ་དང་ལྡན་པ་དག། བདག་ཅག་ལ་རྙེད་པ་མང་དུ་བྱུང་སྟེ། གལ་ཏེ་སྲ་བརྐྱང་ཕྱུང་ན། ཁྱེད་ལ་ཆོས་གོས་ཀྱི་བགོ་བཤའ་བྱ་བ་ཞིག་ཅེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། རྗེས་སུ་གནང་སྟེ། ཆོམ་རྐུན་པ་དག་གིས་བཅོམ་པའི་དགེ་སློང་རྣམས་ཀྱི་ཕྱིར་སྲ་བརྐྱང་དབྱུང་བར་བྱའོ། །དབྱུང་བ་ནི། འདི་ལྟར་བྱ་སྟེ། གནས་
Ga176b
མལ་བཤམས་ལ་གཎྜི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒེ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་འདུན་མཐུན་པས་འདི་སྲིད་དུ་སྲ་བརྐྱང་བཏིང་བ་ལས། དགེ་སློང་རབ་ཏུ་མང་པོ་ཆོམ་རྐུན་པ་དག་གིས་བཅོམ་ནས་ལྷགས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར། དགེ་འདུན་གྱིས་དགེ་སློང་ཆོམ་རྐུན་གྱིས་བཅོམ་པ་རྣམས་ཀྱི་སླད་དུ་སྲ་བརྐྱང་འབྱིན་པར་མཛད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་འདུན་མཐུན་པས་འདི་སྲིད་དུ་སྲ་བརྐྱང་བཏིང་བ་ལས། དགེ་སློང་རབ་ཏུ་མང་པོ་ཆོམ་རྐུན་པ་དག་གིས་བཅོམ་ནས་ལྷགས་ཏེ། དགེ་འདུན་གྱིས་དགེ་སློང་ཆོམ་རྐུན་པ་དག་གིས་བཅོམ་པ་རྣམས་ཀྱི་སླད་དུ་སྲ་བརྐྱང་འབྱིན་པར་མཛད་ན། ཚེ་དང་ལྡན་པ་དག་ལས། གང་དག་དགེ་སློང་ཆོམ་རྐུན་པ་དག་གིས་བཅོམ་པ་རྣམས་ཀྱི་ཕྱིར་སྲ་བརྐྱང་འབྱིན་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག། དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་ཆོམ་རྐུན་པ་དག་གིས་བཅོམ་པ་རྣམས་ཀྱི་སླད་དུ་སྲ་བརྐྱང་འབྱིན་པར་མཛད་དེ། གང་གི་སླད་དུ་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེ་ནས་རྙེད་པ་བྱུང་བ་གང་ཡིན་པ་དེ། བགོ་བར་བྱ་སྟེ།
Ga177a
༄#། །བགོས་ནས་གང་འདོད་པ་དེས་རང་གི་སྐལ་པ་ལས་ཆོམ་རྐུན་པ་དག་གིས་བཅོམ་པའི་དགེ་སློང་རྣམས་ལ་བགོ་བཤའ་བྱའོ། །སྡོམ་ལ། རྡོལ་པ་དང་ནི་སྲིལ་ཟོས་དང ། མཐའ་སྐོར་ལྷན་རློ་ལྷན་རིང་དང ། །གསོ་མའི་སེང་རས་ཟེགས་པ་དང ། །རྙིང་དང་སྤངས་དང་དེངས་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ།་ཆོས་གོས་རྡོལ་པས་སྲ་བརྐྱང་གདིང་དུ་རུང་ལགས་སམ། ཉེ་བར་འཁོར། མི་རུང་ངོ ། །བཙུན་པ། ཆོས་གོས་སྲོག་ཆགས་ཀྱིས་འཚལ་པ་དང ། ཆོས་གོས་ཆ་ག་བཏབ་པ་དང ། ཆོས་གོས་ལྷན་པ་རློ་བོས་བཏབ་པ་དང ། ཆོས་གོས་ལྷན་རིང་ཅན་དང ། གསོ་མའི་སེང་རས་ཀྱི་ཆོས་གོས་དང ། ཆོས་གོས་ཟེགས་པ་དང ། ཆོས་གོས་རྙིང་པ་དང ། ཆོས་གོས་སྤངས་པ་དང ། ཆོས་གོས་དེངས་པས་སྲ་བརྐྱང་གདིང་དུ་རུང་ལགས་སམ། ཉེ་བར་འཁོར། མི་རུང་ངོ ། །སྡོམ་ལ། བླིངས་དང་དུས་མ་ཡིན་པ་དང ། །གང་ཟག་གི་ནི་ཆོས་གོས་གསུམ། །མི་རུང་བ་དང་མ་དྲས་དང ། ། ཁྲུ་ལྔར་མ་ཆོག་མི་བྱ་དང ། །བློ་མཐུན་མིན་དང་མི་གདིང་དང ། །མཚམས་ཀྱི་ཕྱི་རོལ་མི་སྐྱེའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། བླིངས་པའི་ཆོས་གོས་ཀྱིས་སྲ་བརྐྱང་གདིང་དུ་རུང་ལགས་སམ། ཉེ་བར་འཁོར། མི་རུང་ངོ ། །བཙུན་པ། དུས་མ་ལགས་པའི་ཆོས་གོས་དང ། གང་ཟག་གི་སྣམ་སྦྱར་དང ། བླ་གོས་དང །
Ga177b
མཐང་གོས་དང ། མི་རུང་བའི་ཆོས་གོས་དང ། མ་དྲས་པ་དང ། ཁྲུ་ལྔ་མ་མཆིས་པ་དང ། བློ་མཐུན་པར་མ་བགྱིས་པའི་ཆོས་གོས་དང ། སྲ་བརྐྱང་འདིང་བ་མ་བསྐོས་པ་དང ། མཚམས་ཀྱི་སླད་རོལ་དུ་བློ་མཐུན་པར་བགྱིས་པའི་ཆོས་གོས་ཀྱི་སྲ་བརྐྱང་དང ། མཚམས་ཀྱི་སླད་རོལ་ཏུ་བསྐོས་པའི་སྲ་བརྐྱང་འདིང་བས། སྲ་བརྐྱང་གདིང་དུ་རུང་ལགས་སམ། ཉེ་བར་འཁོར། མི་རུང་ངོ ། །སྡོམ་ལ།་དུས་ཀྱི་དང་ནི་ཟླ་བ་གསུམ། །གསར་པ་དང་ནི་བརྟགས་པ་ཉིད། །ཕོངས་པ་དང་ནི་གསོ་མའི་རས། །གང་ཟག་གི་ནི་ཆོས་གོས་གསུམ། །བཙུན་པ། དུས་ཀྱི་ཆོས་གོས་ཀྱིས་དགེ་འདུན་གྱི་སྲ་བརྐྱང་གདིང་དུ་རུང་ལགས་སམ། ཉེ་བར་འཁོར། རུང་ངོ ། །བཙུན་པ། དགུང་ཟླ་གསུམ་འདས་ནས་དགེ་འདུན་གྱི་ཆོས་གོས་ཀྱི་རྙེད་པ་གང་ལགས་པ་དེས། སྲ་བརྐྱངས་གདིང་དུ་རུང་ལགས་སམ། ཉེ་བར་འཁོར། རུང་ངོ ། །ཆོས་གོས་གསར་པ་རུང་ངོ ། །གསར་པ་བརྟགས་པ་རུང་ངོ ། །ཕོངས་པའི་ཆོས་གོས་རུང་ངོ ། །གསོ་མའི་སེང་རས་སྣམ་སྦྱར་མི་རུང་ངོ ། །བཙུན་པ། གང་ཟག་གི་སྣམ་སྦྱར་གྱིས་སྲ་བརྐྱང་གདིང་དུ་རུང་ལགས་སམ། ཉེ་བར་འཁོར། གལ་ཏེ་དགེ་འདུན་ལ་ཕུལ་བར་གྱུར་ན་རུང་ངོ ། །བླ་གོས་དང་མཐང་གོས་ཀྱང་དེ་བཞིན་ནོ། །སྡོམ་ལ། གང་ཟག་གི་དང་ཁྱིམ་པ་དང ། ཁྲུ་ལྔ་པ་དང་ཁྲུ་ལྔའི་ལྷག་།བློ་མཐུན་བྱས་པའི་གདིང་བ་དང ། །མཚམས་ཀྱི་ནང་ཉིད་སྐྱེ་བའོ། །བཙུན་པ། གང་ཟག་གི་ཆོས་གོས་ཀྱིས་སྲ་བརྐྱང་གདིང་དུ་རུང་ལགས་སམ། མི་རུང་ངོ ། །གལ་ཏེ་དགེ་འདུན་ལ་
Ga178a
༄#། །ཕུལ་བར་གྱུར་ནའོ། །ཁྱིམ་པའི་གོས་ཀྱིས་མི་རུང་ངོ ། །གལ་ཏེ་དགེ་འདུན་ལ་ཕུལ་བར་གྱུར་ན་རུང་ངོ ། །ཁྲུ་ལྔ་པས་རུང་ངོ ། །ཁྲུ་ལྔ་ལས་ལྷག་པས་རུང་ངོ ། །བློ་མཐུན་པར་བྱས་པའི་སྲ་བརྐྱང་གི་ཆོས་གོས་དང་སྲ་བརྐྱང་འདིང་བས་རུང་ངོ ། །མཚམས་ཀྱི་ནང་དུ་བློ་མཐུན་པར་བྱས་པའི་སྲ་བརྐྱང་གི་ཆོས་གོས་ཀྱིས་རུང་ངོ ། །མཚམས་ཀྱི་ནང་དུ་སྲ་བརྐྱང་འདིང་པ་བསྐོས་པས་རུང་ངོ ། །མ་མོ་བརྒྱད་ཀྱི་གཞིས་སྲ་བརྐྱང་ཕྱུང་བར་འགྱུར་ཏེ། བརྒྱད་གང་ཞེ་ན། སོང་བ་དང ། རྫོགས་པ་དང ། ངེས་པ་དང ། ཉམས་པ་དང ། ཐོས་པ་དང ། མཚམས་འདས་པ་དང ། རེ་ཐག་ཆད་པ་དང ། བརྒྱད་པ་ནི། སྲ་བརྐྱང་ཕྱུང་བ་ཉིད་དེ། སོང་བའི་མཐའ་ཅན་གྱི་སྲ་བརྐྱང་ཕྱུང་བ་དང ། རྫོགས་པའི་མཐའ་ཅན་དང ། ངེས་པའི་མཐའ་ཅན་དང ། ཉམས་པའི་མཐའ་ཅན་དང ། ཐོས་པའི་མཐའ་ཅན་དང ། མཚམས་འདས་པ་དང ། རེ་ཐག་ཆད་པ་དང ། བརྒྱད་པ་ནི། སྲ་བརྐྱང་ཕྱུང་ཟིན་པ་ཉིད་ཡིན་ནོ། །སོང་བའི་མཐའ་ཅན་གྱི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་ལྷུང་བཟེད་དང་ཆོས་གོས་བླངས་ཏེ་ཕྱིར་མི་འོང་བར་མཚམས་ཀྱི་ཕྱི་རོལ་ཏུ་སོང་བ་དེའི་ནི། སོང་བའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་
Ga178b
གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་ཕྱིར་འོང་ཞིང་ཆོས་གོས་བྱའོ། །སྙམ་པ་ལས། དེ་འདི་སྙམ་དུ་སེམས་ཏེ། བདག་སླར་མི་འོང་སྟེ། འོན་ཀྱང་ཆོས་གོས་བྱའོ།། སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །ངེས་པའི་མཐའ་ཅན་གྱི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་འདི་སྙམ་དུ་སེམས་ཏེ། སླར་མི་འོང་ཞིང་ཆོས་གོས་ཀྱང་མི་བྱའོ། །སྙམ་པ་དེའི་ནི།་ངེས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་འདི་སྙམ་དུ་སེམས་ཏེ། སླར་ཡང་མི་འོང་ལ་ཆོས་གོས་ཀྱང་མི་བྱའོ། །སྙམ་ནས། དེས་དེ་རྩོམ་ཞིང་བརྩམས་པ་དང་ཉམས་པ་དེའི་ནི། ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོངས་ཏེ་ཆོས་གོས་བྱའོ། །སྙམ་པ་ལས། དགེ་འདུན་མཐུན་པས་སྲ་
Ga179a
༄#། །བརྐྱང་ཕྱུང་ལ། དེས་དགེ་འདུན་མཐུན་པས་སྲ་བརྐྱང་ཕྱུང་ངོ ། །ཞེས་ཐོས་སོ། །ཐོས་ནས་ཀྱང་ལེགས་པར་ཕྱུང་ངོ ། །ཤིན་ཏུ་ཕྱུང་ངོ ། །ཞེས་རྗེས་སུ་ཡི་རང་བ་བྱས་པ་དེའི་ནི། ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །མཚམས་འདས་པ་པའི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་ཕྱིར་འོང་ངམ་མི་འོད་སྙམ་པ་ལས། མཚམས་ཀྱི་ཕྱི་རོལ་ཏུ་སོང་བ་དེའི་ནི། མཚམས་འདས་པ་པའི་སྲ་བརྐྱང་ཕྱུང་བ་ཡིན་ནོ། །རེ་ཐག་ཆད་པ་པའི་སྲ་བརྐྱང་ཕྱུང་བ་གང་ཞེ་ན། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེའི་ཆོས་གོས་རེ་བ་གང་ཡིན་པ་དེ། ཐམས་ཅད་ཀྱི་ཐམས་ཅད་དུ་ཆད་པ་དེའི་ནི། རེ་ཐག་ཆད་པ་པའི་སྲ་བརྐྱང་ཕྱུང་བ་ཡིན་ནོ། །བརྒྱད་པ་སྲ་བརྐྱང་ཕྱུང་བ་ཉིད་གང་ཞེ་ན། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་བ་ལས། དེ་ཡང་སླར་འོངས་ཤིང་སྲ་བརྐྱང་ཕྱུང་བ་ཉམས་སུ་མྱོང་བ་དེའི་ནི། བརྒྱད་པ་སྲ་བརྐྱང་ཕྱུང་བ་ཉིད་ཡིན་ནོ། །སྡོམ་ལ། མ་བྱས་པ་ནི་ཉི་ཤུ་དང ། །བརྩམས་པ་དག་ནི་ཉི་ཤུ་དང ། །རེ་བ་ཡོད་པ་ཉི་ཤུ་དང ། །རེ་བ་མེད་པ་ཉི་ཤུ་ཡིན། །
Ga179b
འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་འདི་སྙམ་དུ་སེམས་ཏེ། སླར་མི་འོང་མོད་ཀྱི། འོན་ཀྱང་ཆོས་གོས་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་འདི་སྙམ་དུ་སེམས་ཏེ། སླར་མི་འོང་ཞིང་ཆོས་གོས་ཀྱང་མི་བྱའོ། ། སྙམ་པ་དེའི་ནི། ངེས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེས་དེ་རྩོམ་ཞིང་དེའི་བརྩམས་པ་ཉམས་པ་དེའི་ནི། ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དགེ་འདུན་མཐུན་པས་སྲ་བརྐྱང་ཕྱུང་ལ།་དེས་དགེ་འདུན་མཐུན་པས་སྲ་བརྐྱང་ཕྱུང་ངོ ། །ཞེས་ཐོས་སོ། །ཐོས་ནས་ཀྱང་ལེགས་པར་ཕྱུང་ངོ ། །ཤིན་ཏུ་ཕྱུང་ངོ ། །ཞེས་རྗེས་སུ་ཡི་རང་བ་བྱས་པ་དེའི་ནི། ཐོས་པའི་མཐའ་ཅན་གྱི་སྲ་
Ga180a
༄#། །བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་དེར་སོང་ནས་དེ་འདི་སྙམ་དུ་སེམས་ཏེ། སླར་མི་འོང་ཞིང ། འོན་ཀྱང་ཆོས་གོས་ནི་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་དེར་སོང་ནས་དེ་འདི་སྙམ་དུ་སེམས་ཏེ། སླར་མི་འོང་ཞིང་ཆོས་གོས་ཀྱང་མི་བྱའོ། །སྙམ་པ་དེའི་ནི། ངེས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་དེར་སོང་ནས་རྩོམ་ཞིང་དེའི་བརྩམས་པ་ཉམས་པ་དེའི་ནི། ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དགེ་འདུན་མཐུན་པས་སྲ་བརྐྱང་ཕྱུང་ལ། དེས་དགེ་འདུན་མཐུན་པས་སྲ་བརྐྱང་ཕྱུང་ངོ ། །ཞེས་ཐོས་སོ། །ཐོས་ནས་ཀྱང་ལེགས་
Ga180b
པར་ཕྱུང་ངོ ། །ཤིན་ཏུ་ཕྱུང་ངོ ། །ཞེས་རྗེས་སུ་ཡི་རང་བ་བྱས་པ་དེའི་ནི། ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་གིས་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །ཞེས་སེམས་ལ་བཞག་པ་ལས། དེ་འདི་སྙམ་དུ་སེམས་ཏེ། སླར་མི་འོང་ཞིང ། འོན་ཀྱང་ཆོས་གོས་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་དེ་སླར་འོང་ཞིང་ཆོས་གོས་བྱའོ། །ཞེས་སེམས་ལ་བཞག་པ་ལས། དེ་དེར་སོང་ནས་འདི་སྙམ་དུ་སེམས་ཏེ། སླར་མི་འོང་ཞིང་ཆོས་གོས་ཀྱང་མི་བྱའོ། །སྙམ་པ་དེ་ནི། ངེས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ།་དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །ཞེས་སེམས་ལ་བཞག་པ་ལས། དེས་དེ་རྩོམ་ཞིང་དེའི་བརྩམས་པ་ཉམས་པ་དེའི་ནི། ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །ཞེས་སེམས་ལ་བཞག་པ་ལས། དགེ་འདུན་མཐུན་པས་སྲ་བརྐྱང་ཕྱུང་ལ། དེས་དགེ་འདུན་མཐུན་པས་སྲ་བརྐྱང་ཕྱུང་ངོ ། །ཞེས་ཐོས་སོ། །ཐོས་
Ga181a
༄#། །ནས་ཀྱང་ལེགས་པར་ཕྱུང་ངོ ། །ཤིན་ཏུ་ཕྱུང་ངོ ། །ཞེས་རྗེས་སུ་ཡི་རང་བ་བྱས་པ་དེའི་ནི། ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །ཞེས་སེམས་ལ་བཞག་པ་ལས། དེ་དེར་སོང་ནས་འདི་སྙམ་དུ་སེམས་ཏེ། སླར་མི་འོང་སྟེ། འོན་ཀྱང་ཆོས་གོས་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །ཞེས་སེམས་ལ་བཞག་པ་ལས། དེ་དེར་སོང་ནས་འདི་སྙམ་དུ་སེམས་ཏེ། སླར་མི་འོང་ཞིང་ཆོས་གོས་ཀྱང་མི་བྱའོ། །སྙམ་པ་དེའི་ནི། ངེས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །ཞེས་སེམས་ལ་བཞག་པ་ལས། དེ་དེར་སོང་ནས་རྩོམ་ཞིང་དེའི་བརྩམས་པ་ཉམས་པ་དེའི་ནི། ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །ཞེས་སེམས་ལ་བཞག་
Ga181b
པ་ལས། དགེ་འདུན་མཐུན་པས་སྲ་བརྐྱང་ཕྱུང་ལ། དེས་དགེ་འདུན་མཐུན་པས་སྲ་བརྐྱང་ཕྱུང་ངོ ། །ཞེས་ཐོས་སོ། །ཐོས་ནས་ཀྱང་ལེགས་པར་ཕྱུང་ངོ ། །ཤིན་ཏུ་ཕྱུང་ངོ ། །ཞེས་རྗེས་སུ་ཡི་རང་བ་བྱས་པ་དེའི་ནི། ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་ཅི་སླར་འོང་ངམ། འོན་ཏེ་སླར་མི་འོང་ཞེས་སེམས་ལ་ཐེ་ཚོམ་ཟ་བཞིན་མཚམས་ཀྱི་ཕྱི་རོལ་ཏུ་སོང་བ་ལས། དེ་འདི་སྙམ་དུ་སེམས་ཏེ། སླར་མི་འོང་སྟེ། འོན་ཀྱང་ཆོས་གོས་ནི་བྱའོ། །སྙམ་པ་འདིའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། ། འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་ཅི་སླར་འོང་ངམ། འོན་ཏེ་སླར་མི་འོང་ཞེས་སེམས་ལ་ཐེ་ཚོམ་ཟ་བཞིན་དུ་མཚམས་ཀྱི་ཕྱི་རོལ་ཏུ་སོང་བ་ལས། དེ་འདི་སྙམ་དུ་སེམས་ཏེ། སླར་མི་འོང་ཞིང་ཆོས་གོས་ཀྱང་མི་བྱའོ། །སྙམ་པ་དེའི་ནི། ངེས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་ཅི་སླར་འོང་ངམ། འོན་ཏེ་སླར་མི་འོང་ཞེས་སེམས་ལ་ཐེ་ཚོམ་ཟ་བཞིན་མཚམས་ཀྱི་ཕྱི་རོལ་ཏུ་སོང་བ་ལས། དེས་དེ་རྩོམ་ཞིང་དེའི་བརྩམས་པ་ཉམས་པ་དེའི་ནི།་ཉམས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་ཅི་སླར་འོང་ངམ། འོན་ཏེ་སླར་མི་འོང་
Ga182a
༄#། །ཞེས་སེམས་ལ་ཐེ་ཚོམ་ཟ་བཞིན་མཚམས་ཀྱི་ཕྱི་རོལ་ཏུ་སོང་བ་ལས། དགེ་འདུན་མཐུན་པས་སྲ་བརྐྱང་ཕྱུང་ལ། དེས་དགེ་འདུན་མཐུན་པས་སྲ་བརྐྱང་ཕྱུང་ངོ ། ། ཞེས་ཐོས་སོ། །ཐོས་ནས་ཀྱང་ལེགས་པར་ཕྱུང་ངོ ། །ཤིན་ཏུ་ཕྱུང་ངོ ། །ཞེས་རྗེས་སུ་ཡི་རང་བ་བྱས་པ་དེའི་ནི། ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་ཞེས་བྱ་བ་ཐམས་ཅད་བརྗོད་པར་བྱའོ། །འོན་ཀྱང་སྔ་མའི་ཉི་ཤུ་ལ་ནི་ཆོས་གོས་མ་བྱས། ཆོས་གོས་མ་ཟིན་པར་ཞེས་བྱའོ། །འདིར་ནི། ཆོས་གོས་མ་ཟིན་པར་ཞེས་བྱ་བ་བོར་ཏེ། ཆོས་གོས་བརྩམས་པ་ཞེས་བྱ་བ་བཅུག་སྟེ། རྣམ་པ་འདིས་ཉི་ཤུ་པ་གཞན་བྱའོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པའི་རེ་བ་ཡོད་པ་ལས། དེ་འདི་སྙམ་དུ་སེམས་ཏེ། སླར་མི་འོང་སྟེ། འོན་ཀྱང་ཆོས་གོས་ནི་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ཏེ། རེ་བ་ཡོད་པ་ཞེས་བྱ་བའི་ཁྱད་པར་འདིས་སྔ་མ་བཞིན་དུ་ཉི་ཤུ་པ་གཞན་བྱའོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་སླར་འོང་ཞིང་ཆོས་གོས་བྱའོ། །སྙམ་པའི་རེ་བ་མེད་པར་མཚམས་ཀྱི་ཕྱི་རོལ་ཏུ་སོང་བ་ལས། དེ་འདི་སྙམ་དུ་སེམས་ཏེ།
Ga182b
སླར་མི་འོང་ཞིང་འོན་ཀྱང་ཆོས་གོས་ནི་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ཏེ། རེ་བ་མེད་པ་ཞེས་བྱ་བའི་ཁྱད་པར་འདིས། སྔ་མ་བཞིན་དུ་ཉི་ཤུ་པ་གཞན་བྱའོ། །སྔོམ་ལ། བྱ་བ་དག་ནི་བཅུ་གཉིས་དང ། །བཙལ་བ་དང་ནི་དེ་བཞིན་གཞན། །ཡུལ་ལ་ལྔར་ནི་བྱ་བ་སྟེ། །གནས་མལ་ཡང་ནི་ལྔ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་བྱ་བ་ཞིག་ལ་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་འདི་སྙམ་དུ་སེམས་ཏེ། སླར་མི་འོང་སྟེ། འོན་ཀྱང་ཆོས་གོས་ནི་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་བྱ་བ་ཞིག་ལ་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་འདི་སྙམ་དུ་སེམས་ཏེ། སླར་མི་འོང་ཞིང་ཆོས་གོས་ཀྱང་མི་བྱའོ། །སྙམ་པ་དེའི་ནི། ངེས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་བྱ་བ་ཞིག་ལ་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེས་དེ་རྩོམ་ཞིང་དེ་བརྩམས་པ་ཉམས་པ་དེའི་ནི། ཉམས་བའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་བྱ་བ་ཞིག་ལ་མཚམས་ཀྱི་ཕྱི་རོལ་དུ་སོང་ནས་སླར་འོང་ཞིང་ཆོས་
Ga183a
༄#། །གོས་བྱའོ། །སྙམ་པ་ལས། དགེ་འདུན་མཐུན་པས་སྲ་བརྐྱང་ཕྱུང་ལ། དེས་དགེ་འདུན་མཐུན་པས་སྲ་བརྐྱང་ཕྱུང་ངོ ། །ཞེས་ཐོས་སོ། །ཐོས་ནས་ཀྱང་ལེགས་པར་ཕྱུང་ངོ ། ། ཤིན་ཏུ་ཕྱུང་ངོ ། །ཞེས་རྗེས་སུ་ཡི་རང་བ་བྱས་པ་དེའི་ནི། ཐོས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་བྱ་བ་ཞིག་ལ་མཚམས་ཀྱི་ཕྱི་རོལ་ཏུ་སོང་ནས་སླར་འོང་ཞིང་ཆོས་གོས་བྱའོ། །སྙམ་པ་ལས། དེ་དེར་སོང་ནས་འདི་སྙམ་དུ་སེམས་ཏེ། སླར་མི་འོང་སྟེ། འོན་ཀྱང་ཆོས་གོས་ནི་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །དེར་སོང་ནས་ཞེས་བྱ་བའི་ཁྱད་པར་འདིས་རྫོགས་པའི་མཐའ་ཅན་གྱི་གསུངས་པ་ཇི་ལྟ་བ་བཞིན་དུ་ངེས་པའི་མཐའ་ཅན་དང ། ཉམས་པའི་མཐའ་ཅན་དང ། ཐོས་པའི་མཐའ་ཅན་ཡང་དེ་བཞིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་བྱ་བ་ཞིག་གི་ཆེད་ལ་མཚམས་ཀྱི་ཕྱི་རོལ་ཏུ་སོང་ནས། ཅི་སླར་འོང་ངམ། འོན་ཏེ་སླར་མི་འོང་ཞེས་སེམས་ལ་ཐེ་ཚོམ་ཟ་བ་ལས། དེ་འདི་སྙམ་དུ་སེམས་ཏེ། སླར་མི་འོང་སྟེ། འོན་ཀྱང་ཆོས་གོས་བྱའོ་སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །སེམས་ལ་ཐེ་ཚོམ་ཟ་བས་རྫོགས་པའི་མཐའ་ཅན་གསུངས་པའི་ཇི་ལྟ་བར་ངེས་པའི་མཐའ་ཅན་དང ། ཉམས་པའི་མཐའ་ཅན་དང ། ཐོས་པའི་མཐའ་
Ga183b
ཅན་ཡང་དེ་བཞིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས་ཆོས་གོས་མ་ཟིན་པར་བརྩལ་བ་ཞིག་ལ་མཚམས་ཀྱི་ཕྱི་རོལ་ཏུ་སོང་ནས། སླར་འོང་ཞིང་ཆོས་གོས་བྱའོ། །སྙམ་པ་ལས། དེ་འདི་སྙམ་དུ་སེམས་ཏེ། སླར་མི་འོང་སྟེ། འོན་ཀྱང་ཆོས་གོས་ནི་བྱའོ་སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ནོ། །བཙལ་བའི་ཞེས་བྱ་བའི་ཁྱད་པར་འདིས་སྔ་མ་བཞིན་དུ་བཅུ་གཉིས་པ་གཞན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་སླར་མི་འོང་བར་ཡུལ་བལྟར་མཚམས་ཀྱི་ཕྱི་རོལ་ཏུ་སོང་བ་དེའི་ནི། སོང་བའི་མཐའ་ཅན་ཀྱི་སྲ་བརྐྱང་ཕྱུང་བ་ཡིན་ནོ། །འདི་ལྟ་སྟེ། དགེ་སློང་སྲ་བརྐྱང་བཏིང་བའི་གནས་ནས་ཆོས་གོས་མ་བྱས། ཆོས་གོས་མ་ཟིན་པར་ཡུལ་བལྟར་མཚམས་ཀྱི་ཕྱི་རོལ་ཏུ་སོང་ནས། ཅི་སླར་འོང་ངམ། འོན་ཏེ་སླར་མི་འོང་ཞེས་སེམས་ལ་ཐེ་ཚོམ་ཟ་བ་ལས། དེ་འདི་སྙམ་དུ་སེམས་ཏེ། སླར་མི་འོང་སྟེ། འོན་ཀྱང་ཆོས་གོས་བྱའོ། །སྙམ་པ་དེའི་ནི། རྫོགས་པའི་མཐའ་ཅན་གྱི་སྲ་བརྐྱང་ཕྱུང་བ་ཡིན་ཏེ། ངེས་པའི་མཐའ་ཅན་དང ། ཉམས་པའི་མཐའ་ཅན་དང ། ཐོས་པའི་མཐའ་ཅན་ཡང་དེ་བཞིན་ནོ། །ཡུལ་ལྟ་བའི་ལྔ་ཇི་ལྟ་བར་གནས་ལྟ་བའི་ལྔ་ཡང་དེ་བཞིན་ནོ། །སྲ་བརྐྱང་གི་གཞི་རྫོགས་སོ།། །།
Ga184a
༄#། །འདུལ་བ་གཞི། བམ་པོ་རེ་བརྒྱད་པ། ཀོའུ་ཤམྦྷིའི་གཞིའི་སྡོམ་ནི། ཀོའུ་ཤམྦྷིར་ནི་འཐབ་ཀྲོལ་གྱི། དགེ་སློང་རྩོད་པ་སྣ་ཚོགས་དང ། །ཁྱེའུ་དང་རྩོད་པར་བྱེད་པ་དང ། །རིང་པོ་ལེན་གྱི་སྤྱོད་པ་དང ། །ངན་སྤོང་ལན་ཆ་ཁང་པ་དང ། །བསྲུངས་དང་ཚལ་སྟུག་གླང་ཆེན་དང ། །མ་འགག་པས་ནི་དེ་བྱས་དང ། །མཉན་ཡོད་དུ་ནི་ཞི་བར་བྱས། ། སངས་རྒྱས་བཅོམ་ལྡན་འདས་ཀོའུ་ཤམྦྷིའི་དབྱངས་ལྡན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཀོའུ་ཤམྦྷིའི་དགེ་སློང་གདུག་པ་རྣམ་པར་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཞིག་ཡོད་དེ། དེའི་གྲོགས་བྱེད་པའི་དགེ་སློང་མང་པོ་ཡང་གདུག་པ་རྣམ་པར་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཡིན་ནོ། །ཡངས་པ་ཅན་ན། ཡངས་པ་ཅན་གྱི་དགེ་སློང་གདུག་པ་རྣམ་པར་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཞིག་ཡོད་དེ། དེའི་གྲོགས་བྱེད་པའི་དགེ་སློང་མང་པོ་ཡང་གདུག་པ་རྣམ་པར་གནོན་པ།་མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཡིན་ནོ། །དེ་ནས་ཡངས་པ་ཅན་གྱི་དགེ་སློང་དུས་གཞན་ཞིག་ན། ལྗོངས་རྒྱུ་ཞིང་སོང་བ་དང ། ཀོའུ་ཤམྦྷིར་ཕྱིན་ཏེ། དེ་ལམ་གྱིས་དུབ་པ་ངལ་སོས་ནས། ཀོའུ་ཤམྦྷིའི་དགེ་སློང་གི་དྲུང་དུ་སོང་སྟེ་སོན་བ་དང ། ཕན་ཚུན་སོ་སོ་ཡང་དག་པར་དགའ་བར་བྱས་ནས། མདོ་སྡེ་དང ། འདུལ་བ་དང ། ཆོས་མངོན་པ་རྣམས་གཏན་
Ga184b
ལ་དབབ་པར་བརྩམས་ཏེ། དེ་ན་གཅིག་གིས་སྨྲས་པ། མདོ་སྡེ་འདི་ནི། འདི་སྐད་དུ་གདོན་པར་བྱ་སྟེ། མདོ་སྡེ་འདིའི་དོན་ནི། འདི་ཡིན་ནོ། །གཅིག་ཤོས་ཀྱིས་སྨྲས་པ། མདོ་སྡེ་འདི་ནི། དེ་སྐད་དུ་གདོན་པར་མི་བྱ་སྟེ། མདོ་སྡེ་འདིའི་དོན་ནི། འདི་མ་ཡིན་ནོ། །ཁོ་བོའི་ནི། རིགས་སོ། །ཁྱོད་ཀྱི་ནི། མི་རིགས་སོ། །ཁོ་བོའི་ནི། འབྲེལ་བ་ཡིན་ནོ། །ཁྱོད་ཀྱི་ནི། འབྲེལ་བ་མ་ཡིན་ནོ། །ཞེས་དེ་གཉིས་ཕན་ཚུན་དུ་མ་མཐུན་པར་གྱུར་ནས། ཀོའུ་ཤམྦྷིའི་དགེ་སློང་གིས་ཡངས་པ་ཅན་གྱི་དགེ་སློང་ལ་ཀླན་ཀ་ཚོལ་བ་ལྷུར་ལེན་ཅིང་འདུག་གོ། དགེ་འདུན་གྱིས་ཀྱང་འདི་ལྟ་བུའི་ཁྲིམས་སུ་བཅའ་བ་བྱས་ཏེ། གང་གིས་ཁྲུས་ཀྱི་བུམ་པ་ཆུ་འགྲིབ་པ་དང ། ཉུང་བ་དང ། ཆུ་མེད་པ་མཐོང་བ་དེས་ཆུས་བཀང་སྟེ་གནས་ཇི་ལྟ་བ་བཞིན་དུ་གཞག་པར་བྱ་བའམ། དགེ་བསྐོས་ལ་ཁྲུས་ཀྱི་བུམ་པ་སྟོང་པར་འདུག་གོ། ཞེས་བསྒོ་བར་བྱའོ། །གལ་ཏེ་བདག་ཉིད་ཀྱིས་མ་བཀང་ངམ། དགེ་བསྐོས་ལ་མ་བསྒོ་བར་གྱུར་ན། དེ་ནི། མ་གུས་པ་ཡིན་ཏེ། མ་གུས་པའི་ཕྱིར་དེ་བདག་ཅག་གིས་ལྟུང་བྱེད་ཀྱི་ལྟུང་བ་འཆག་སུ་གཞུག་གོ་ཞེས་བཅས་སོ། །ཇི་ཙམ་ན་ཁྱིམ་བདག་ཅིག་གིས་སངས་རྒྱས་ལ་སོགས་དགེ་སློང་གི་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་སོ། །དེ་ན་དགེ་སློང་ཁ་ཅིག་ནི། ཟས་ལ་དོང་ངོ ། །ཁ་ཅིག་ནི། འགྲོ་བར་ཆས་སོ། །ཡངས་པ་ཅན་གྱི་དགེ་སློང་ཁྲུས་ཀྱི་བུམ་པ་བླངས་ནས་སྣམ་ཕྱི་སར་ཞུགས་པ་དང ། དེའི་ལྷན་ཅིག་གནས་པས་རིངས་རིངས་ལྟར་འོངས་ནས་སྒྲ་ཕྱུང་བ། མཁན་པོ། དགེ་སློང་ཁ་ཅིག་ནི། ཟས་ལ་དོང་ལགས་སོ། །
Ga185a
༄#། །ཁ་ཅིག་ནི། འདོང་བར་ཆས་ཀྱི། ཚུར་སྤྱོན། བཞུད་དོ། །དེ་དེ་དང་ལྷན་ཅིག་ཁྲུས་ཀྱི་བུམ་པ་གནས་གཅིག་ཏུ་བཞག་སྟེ་ཆས་སོ། །ཀོའུ་ཤམྦྷིའི་དགེ་སློང་དེ་ཡང་ཕྱོགས་དེ་ཉིད་དུ་ཕྱིན་པ་དང ། དེ་ནས་ཡངས་པ་ཅན་གྱི་དགེ་སློང་དེས་ཁྲུས་ཀྱི་བུམ་པ་བླངས་ཏེ། གཙུག་ལག་ཁང་དུ་འཇུག་པར་བརྩམས་པ་དང ། ལྷན་ཅིག་གནས་པས་སྨྲས་པ། མཁན་པོ་གར་བཞུད། དེས་སྨྲས་པ། བུ། ཁོ་བོ་ལ་ཀོའུ་ཤམྦྷིའི་དགེ་སློང་འདི་ཀླན་ཀ་ཆོག་པས་ཁྲུས་ཀྱི་བུམ་པ་འགངས་སུ་འགྲོའོ། །ཅི། འདི་ཐམས་ཅད་ཀྱི་ཐམས་ཅད་དུ་སྟོང་ངམ། ཐམས་ཅད་ཀྱི་ཐམས་ཅད་དུ་སྟོང་པ་མ་ཡིན་མོད་ཀྱི། འོན་ཀྱང་ཆུ་འདིས་ཆུའི་བྱ་བ་བྱེད་མི་ནུས་སོ། །མཁན་པོ། ཐམས་ཅད་ཀྱི་ཐམས་ཅད་དུ་སྟོང་པར་མ་གྱུར་པས་འཚལ་ཏེ། བདག་ཅག་ནི། མཁན་པོའི་ཕྱོགས་དང ། དཔུང་དང ། གྲོགས་བགྱིད་པ་ལགས་ཀྱི། ཚུར་སྤྱོན། བཞུད་དོ། །དེས་དེ་ཉིད་དུ་བཞག་ནས་དེ་དང་ལྷན་ཅིག་ཏུ་དོང་ངོ ། །ཀོའུ་ཤམྦྷིའི་དགེ་སློང་གིས་མཐོང་ནས། ཁྲུས་ཀྱི་བུམ་པ་དེ་ལ་མནམས་སོ། །དེ་ནས་མི་བཟོད་པ་སྐྱེས་ཏེ། འཇལ་ཏོ་ཞེས་བྱས་ནས་ཁྲུས་ཀྱི་བུམ་པ་བཀང་སྟེ་ཆུའི་བྱ་བ་བྱས་ནས་སོང་ངོ ། །དེ་ནས་ཟན་ཟོས་ནས་དགེ་སློང་གི་དགེ་འདུན་གཙུག་ལག་ཁང་དུ་ལྷགས་པ་དང ། དགེ་སློང་རྣམས་ལ་བསྒྲགས་པ།་ཚེ་དང་ལྡན་པ་དག། ཡངས་པ་ཅན་གྱི་དགེ་སློང་དེས། དགེ་འདུན་གྱི་ནང་ཁྲིམས་དྲལ་ཏོ། །དེ་ནས་རྒན་རིམ་ཇི་ལྟ་བ་བཞིན་དུ་འདུད་པ་བྱས་ནས་རིམ་གྱིས་དེའི་དྲུང་དུ་སོན་པ་དང་སྨྲས་པ། ཚེ་དང་
Ga185b
ལྡན་པ་སྐབས་ཕྱེ་ཞིག། ལྟུང་བ་རིས་ལྔ་ལ་སྐབས་ཕྱེའོ། །ཁྱོད་ལ་དེ་རིང་ལྟུང་བ་བྱུང་གི། ལྟུང་བ་ཡང་སླར་ཆོས་བཞིན་དུ་གྱིས་ཤིག། ལྟུང་བ་མ་མཐོང་ངོ ། །དགེ་འདུན་གྱིས་ཁྲིམས་སུ་བཅའ་བ་གང་གིས་ཁྲུས་ཀྱི་བུམ་པ་ཆུ་འགྲིབ་པ་དང ། ཆུ་ཉུང་བ་དང ། ཆུ་མེད་པ་མཐོང་ན། བདག་ཉིད་ཀྱིས་ཆུས་བཀང་སྟེ། གནས་ཇི་ལྟ་བ་བཞིན་དུ་གཞག་པར་བྱ་བའམ། དགེ་བསྐོས་ལ་ཚེ་དང་ལྡན་པ། ཁྲུས་ཀྱི་བུམ་པ་སྟོང་པར་འདུག་གོ་ཞེས་བསྒོ་བར་བྱའོ། །བདག་ཉིད་ཀྱིས་ཀྱང་མ་བཀང་ལ་དགེ་བསྐོས་ལ་ཡང་མ་བསྒོ་ན། དེ་ནི། མ་གུས་པ་ཡིན་ཏེ། མ་གུས་པའི་ཕྱིར་དེ་བདག་ཅག་གིས་ལྟུང་བྱེད་ཀྱི་ལྟུང་བ་འཆགས་སུ་གཞུག་གོ། ཞེས་བཅས་པ་མ་ཡིན་ནམ། དེས་སྨྲས་པ། དེ་ཧ་ཅང་སྟོང་པ་མ་ཡིན་ནོ། །སྟོང་པར་མ་གྱུར་ཀྱང་རུང་སྟེ། ཆུ་དེས་ཆུའི་བྱ་བ་བྱེད་མི་ནུས་སོ། །དེ་ཅང་མི་སྨྲ་བར་འདུག་གོ། ཀོའུ་ཤམྦིའི་དགེ་སློང་ནི། ཀོའུ་ཤམྦྷི་ན་གཉུག་མ་པ་དང ། འཁོར་མང་པོ་ཡིན་པས། དེས་དེ་ལ་ནན་གྱིས་གནས་ནས་དབྱུང་བའི་ལས་བྱས་པ་དང ། ཡངས་པ་ཅན་གྱི་དགེ་སློང་རྣམས་འཁྲུགས་པར་གྱུར་ནས། དེ་ན་ཀོའུ་ཤམྦྷིའི་དགེ་སློང་རྣམས་དང ། འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བར་གྱུར་ཏེ། འདི་ལྟ་སྟེ། ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེའམ། གནས་ནས་དབྱུང་བ་ཡིན་ཞེའམ། གནས་ནས་དབྱུང་བ་མ་ཡིན་ནོ། །ཞེས་གང་ཡང་ལྟུང་བ་བྱུང་བ་དང ། ལྟུང་བ་མེད་པ་དང ། གནས་ནས་དབྱུང་བ་དང །
Ga186a
༄#། །གནས་ནས་དབྱུང་བ་མ་ཡིན་པ་ལ། གནས་ནས་ཕྱུང་བ་གང་ཡིན་པ་ནི། ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་ཕྱུང་ངོ་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། དེ་ནས་བཅོམ་ལྡན་འདས་ཀྱིས། གནས་ནས་ཕྱུང་བའི་དགེ་སློང་དང ། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་ཕོ་ཉས་བཀུག་སྟེ། འདི་སྐད་ཅེས་བཀའ་སྩལ་ཏོ། །དགེ་སློང་དག་།ཁྱེད་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ་ཞེས་བྱ་བ་ནས་འཁྲུགས་པ་གཞག་པར་འོས་པས་ཞེས་བྱ་བའི་བར་གོང་མ་བཞིན་དུ་སྟེ། བདེན་ནམ། བཙུན་པ་མད་ལགས་སོ། །དགེ་སློང་དག་།འཐབ་ཀྲོལ་མ་བྱེད་ཅིག་།མཚང་མ་འདྲུ་ཞིག་།མ་རྩོད་ཅིག་།མ་འགྱེད་ཅིག་།གཞན་ཡང ། ངས་གནས་ནས་ཕྱུང་བའི་དགེ་སློང་གི་ཀུན་ཏུ་སྤྱད་པའི་ཆོས་བཅའ་བར་བྱ་སྟེ། དགེ་སློང་གནས་ནས་ཕྱུང་བས་འདི་སྙམ་དུ་སེམས་བསྐྱེད་པར་བྱའོ། །གནས་ནས་འབྱིན་པའི་དགེ་སློང་འདི་ནི། གདུག་པ་རྣམ་པར་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཡིན་ལ། དེའི་གྲོགས་བྱེད་པའི་དགེ་སློང་མང་པོ་ཡང་གདུག་པ་ཕ་རོལ་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་
Ga186b
པ་ཡིན་ཏེ། གལ་ཏེ་བདག་གིས་ལྟུང་བ་ཆོས་བཞིན་སླར་མ་བྱས་ན། དེས་ན་དགེ་འདུན་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བས་གནས་པར་འགྱུར་གྱི། མ་ལ་བདག་གིས་ལྟུང་བ་ཕྱིར་ཆོས་བཞིན་དུ་བྱའོ། །གནས་ནས་ཕྱུང་བའི་དགེ་སློང་གི་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་ཀྱིས། གནས་ནས་ཕྱུང་བའི་དགེ་སློང་དང ། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་གཟེངས་བསྟོད་ནས། གནས་ནས་འབྱིན་པའི་དགེ་སློང་དང ། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་འབྱིན་པའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པའི་དགེ་སློང་རྣམས་ཕོ་ཉས་བཀུག་སྟེ། འདི་སྐད་ཅེས་བཀའ་སྩལ་ཏོ། །དགེ་སློང་དག་།ཁྱེད་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས། འདི་ལྟ་སྟེ། ལྟུང་བ་བྱུང་ངོ་ཞེའམ་ཞེས་བྱ་བ་ནས་གཞག་པར་འོས་པ་ཞེས་བྱ་བའི་བར་གོང་མ་བཞིན་དུ་སྟེ། བདེན་ནམ། བཙུན་པ། མད་ལགས་སོ། །དགེ་སློང་དག་།འཐབ་ཀྲོལ་མ་བྱེད་ཅིག་།མཚང་མ་འདྲུ་ཞིག་།མ་རྩོད་ཅིག་།མ་འགྱེད་ཅིག་།གཞན་ཡང ། ངས་གནས་ནས་འབྱིན་པའི་དགེ་སློང་གི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། གནས་ནས་འབྱིན་པའི་
Ga187a
༄#། །དགེ་སློང་གིས་འདི་སྙམ་དུ་སེམས་བསྐྱེད་པར་བྱའོ། །གནས་ནས་ཕྱུང་བའི་དགེ་སློང་འདི་ནི། གདུག་པ་རྣམ་པར་གནོན་པ། མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་ཡིན་ལ། འདིའི་གྲོགས་བྱེད་པའི་དགེ་སློང་མང་པོ་ཡང་གདུག་པ་རྣམ་པར་གནོན་པ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ་ཡིན་གྱི། གལ་ཏེ་བདག་གིས་དེ་ལ་མི་འདོད་པ་གླེང་ངམ་དྲན་པར་བྱས་ན། དེས་ན་དགེ་འདུན་འཐབ་ཀྲོལ་དང ། རྩོད་པ་དང ། མཚང་འདྲུ་བ་དང ། འགྱེད་པ་བྱུང་བས་གནས་པར་འགྱུར་གྱི། མ་ལ་བདག་གིས་འདི་ལ་མི་འདོད་པ་གླེང་བར་མི་བྱ། དྲན་པར་མི་བྱའོ། །གནས་ནས་འབྱིན་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་དུ་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ན། འོན་ཀྱང་དགེ་སློང་དེ་རྣམས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བས་གནས་ཤིང ། ད་དུང་གསོ་སྦྱོང་ལ་ཡང་གསོ་སྦྱོང་མ་ཡིན་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། དེ་ནས་བཅོམ་ལྡན་འདས་ཀྱིས་གནས་ནས་ཕྱུང་བའི་དགེ་སློང་དང ། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་ཕོ་ཉས་
Ga187b
བཀུག་སྟེ། འདི་སྐད་ཅེས་བཀའ་སྩལ་ཏོ། །དགེ་སློང་དག་།ཁྱེད་ལ་ངས་དེ་སྐད་ཅེས་བཀའ་སྩལ་ཀྱང ། འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བས་གནས་ཤིང ། ད་དུང་གསོ་སྦྱོང་ལ་ཡང་གསོ་སྦྱོང་མ་ཡིན་པར་བྱེད་པ་བདེན་ནམ། བཙུན་པ། མད་ལགས་སོ། །དགེ་སློང་དག་།འཐབ་ཀྲོལ་མ་བྱེད་ཅིག་།མཚང་མ་འདྲུ་ཞིག་།མ་རྩོད་ཅིག་།མ་འགྱེད་ཅིག་།དགེ་སློང་དག་།ཁྱེད་ཅག་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་གནས་ནས། ལས་སུ་བྱ་བ་གང་དག་ཡིན་པ་གསོ་སྦྱོང་དང ། དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱས་པ་རྣམས་མ་བྱས་པ་དང་འཁྲུགས་པར་འགྱུར་ཞིང ། དགེ་སློང་དག་།ཁྱེད་དང་དགེ་སློང་དེ་རྣམས་སུ་དེ་རྣམས་དང་ཁྱེད་དུ་ཐ་དད་དུ་གནས་པར་འགྱུར་རོ། །དེ་ཅིའི་ཕྱིར་ཞེ་ན། དགེ་སློང་དག་།གཉིས་པོ་འདི་དག་ནི། ཐ་དད་པར་གནས་པ་ཡིན་ཏེ། གང་ཞིག་བདག་ཉིད་ཀྱིས་བདག་ཉིད་ཐ་དད་པའི་གནས་སུ་བཞག་པ་དང ། གང་ཞིག་དགེ་འདུན་གྱིས་ཆོས་ཀྱིས་བཞག་པའོ། །བདག་ཉིད་ཀྱིས་བདག་ཉིད་ཐ་དད་པའི་གནས་སུ་བཞག་པ་གང་ཞེ་ན། འདི་ལྟ་སྟེ། དགེ་སློང ། དགེ་སློང་རྣམས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་ཕྱོགས་དང་ཕྱོགས་གཞན་དུ་གནས་པ་ན་ཆེད་དུ་བསམ་སྟེ། ཆོས་ཀྱི་ཕྱོགས་ནས་ཆོས་མ་ཡིན་པའི་ཕྱོགས་
Ga188a
༄#། །སུ་འགྲོ་བ་སྟེ། དེ་ལྟ་བུ་ནི། བདག་ཉིད་ཀྱིས་བདག་ཉིད་ཐ་དད་པའི་གནས་སུ་བཞག་པ་ཡིན་ནོ། །དགེ་འདུན་གྱིས་ཆོས་ཀྱིས་བཞག་པ་གང་ཞེ་ན། འདི་ལྟ་སྟེ། དགེ་འདུན་གྱིས་མ་མཐོང་བས་གནས་ནས་ཕྱུང་བ་དང ། ཕྱིར་མི་བྱེད་པ་དང ། སྡིག་པ་ཅན་གྱི་ལྟ་བར་སོང་བ་མི་འདོར་བར་གནས་ནས་དབྱུང་བ་སྟེ། འདི་ནི། དགེ་འདུན་གྱིས་ཆོས་ཀྱིས་ཡིན་ནོ། །དགེ་སློང་དག་།གཉིས་པོ་འདི་དག་ནི། མཐུན་པར་གནས་པ་ཡིན་ཏེ། གཉིས་གང་ཞེ་ན། གང་ཞིག་བདག་ཉིད་ཀྱིས་བདག་ཉིད་མཐུན་པའི་གནས་སུ་བཞག་པ་དང ། གང་ཞིག་དགེ་འདུན་གྱིས་ཆོས་ཀྱིས་བཞག་པའོ། །བདག་ཉིད་ཀྱིས་བདག་ཉིད་མཐུན་པའི་གནས་སུ་བཞག་པ་གང་ཞེ་ན། འདི་ལྟ་སྟེ། དགེ་སློང ། དགེ་སློང་རྣམས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་ཕྱོགས་དང་ཕྱོགས་གཞན་དུ་གནས་པ་ན། ཆེད་དུ་བསམ་སྟེ། ཆོས་མ་ཡིན་པའི་ཕྱོགས་ནས་ཆོས་ཀྱི་ཕྱོགས་སུ་འགྲོ་བ་སྟེ། འདི་ནི། བདག་ཉིད་ཀྱིས་བདག་ཉིད་མཐུན་པའི་གནས་སུ་བཞག་པ་ཡིན་ནོ། །དགེ་འདུན་གྱིས་ཆོས་ཀྱིས་བཞག་པ་གང་ཞེ་ན། འདི་ལྟ་སྟེ། དགེ་འདུན་གྱིས་མ་མཐོང་བས་གནས་ནས་ཕྱུང་བ་འབྱིན་པ་དང ། ཕྱིར་མི་བྱེད་པ་དང ། སྡིག་པ་ཅན་གྱི་ལྟ་བར་སོང་བ་མི་འདོར་བ་དང ། གནས་ནས་ཕྱུང་བ་འབྱིན་པ་ནི། དགེ་འདུན་གྱིས་ཆོས་ཀྱིས་ཡིན་ནོ། །དེ་ནས་བཅོམ་ལྡན་འདས་ཀྱིས། གནས་ནས་ཕྱུང་བའི་
Ga188b
དགེ་སློང་དང ། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་གཟེངས་བསྟོད་ནས་གནས་ནས་འབྱིན་པའི་དགེ་སློང་དང ། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་འབྱིན་པའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་ཕོ་ཉས་བཀུག་ནས། འདི་སྐད་ཅེས་བཀའ་སྩལ་ཏོ། །དགེ་སློང་དག་།ངས་དེ་སྐད་ཅེས་བཀའ་སྩལ་ན། འོན་ཀྱང་ཁྱེད་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བས་གནས་ཤིང ། ད་དུང་གསོ་སྦྱོང་ལ་ཡང་གསོ་སྦྱོང་མ་ཡིན་པར་བྱེད་པ་བདེན་ནམ། བཙུན་པ། མད་ལགས་སོ། །ཞེས་བྱ་བ་ནས་བཅོམ་ལྡན་འདས་ཀྱིས་དེ་སྐད་ཅེས་གསུངས་ཀྱང་དགེ་སློང་དེ་རྣམས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང།་འགྱེད་པ་བྱུང་བས་གནས་སོ་ཞེས་བྱ་བའི་བར་གོང་མ་བཞིན་དུའོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་འདུན་ཁྱིམ་དུ་གདུགས་ཚོད་ལ་སྤྱན་དྲངས་པ་ལས། དགེ་སློང་གི་དགེ་འདུན་ནི། དོང་ངོ ། །བཅོམ་ལྡན་འདས་ནི། རྫས་ཀྱིས་བསྒྲུབས་པ་ན་བཞུགས་ཏེ། བསོད་སྙོམས་ཀྱི་སྐུ་སྐལ་ནོད་པར་མཛད་དོ། །སངས་རྒྱས་བཅོམ་ལྡན་འདས་རྣམས་ནི། རྒྱུ་ལྔས་རྫས་ཀྱིས་བསྒྲུབས་པ་ན་བཞུགས་ཤིང་བསོད་སྙོམས་ཀྱི་སྐུ་སྐལ་ནོད་པར་མཛད་པ་ཡིན་ཞེས་བྱ་བ་ནས་སྐབས་འདིར་ནི། བཅོམ་ལྡན་འདས་ཉན་ཐོས་རྣམས་འདུལ་བ་ལ་བསླབ་པའི་གཞི་བཅའ་བར་
Ga189a
༄#། །བཞེད་ནས། རྫས་ཀྱིས་བསྒྲུབས་པ་ན་བཞུགས་ཤིང་བསོད་སྙོམས་ཀྱི་སྐུ་སྐལ་ནོད་པར་མཛད་དོ་ཞེས་བྱ་བའི་བར་གོང་མ་བཞིན་དུའོ། །དེ་ན་རྒོལ་བ་དང་ཕྱིར་རྒོལ་བའི་དགེ་སློང་རྣམས་ཟས་ཀྱི་ཕྱིར་ཁྱིམ་གྱི་ནང་དུ་ཞུགས་པ་དང ། འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བར་གྱུར་ཏེ། འདི་ལྟ་སྟེ། ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ ། ། ཞེས་བྱ་བ་ནས་གཞག་པར་འོས་པའོ་ཞེས་བྱ་བའི་བར་གོང་མ་བཞིན་དུ་སྟེ། དེ་ནི། ཕན་ཚུན་རྡེག་པ་ལ་ཞུགས་སོ། །དེ་ནས་དགེ་སློང་བསོད་སྙོམས་ནོད་པས་བསོད་སྙོམས་ཁྱེར་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བསོད་སྙོམས་མཐའ་གཅིག་ཏུ་བཞག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། སྤྱན་སྔར་འདུག་གོ་།ཆོས་ཉིད་ཀྱིས། སངས་རྒྱས་བཅོམ་ལྡན་འདས་རྣམས་ནི། བསོད་སྙོམས་ནོད་པའི་དགེ་སློང་ལ་སོ་སོར་ཡང་དག་པར་དགའ་བར་མཛད་པ་འདིས་སོ་སོར་ཡང་དག་པར་དགའ་བར་མཛད་དེ། དགེ་སློང་ཇི་ག་དགེ་སློང་གི་དགེ་འདུན་ལ་བསོད་པའི་ཁ་ཟས་ཀྱིས་ཚིམ་པར་བྱས་སམ། ཞེས་གསུངས་པ་ཡིན་པས། བཅོམ་ལྡན་འདས་ཀྱིས་བསོད་སྙོམས་ནོད་པའི་དགེ་སློང་ལ་སོ་སོ་ཡང་དག་པར་དགའ་བར་མཛད་པ་འདིས་སོ་སོ་ཡང་དག་པར་དགའ་བར་མཛད་དེ། དགེ་སློང ། ཇི་ག་དགེ་སློང་གི་དགེ་འདུན་ལ་ཁ་ཟས་བསོད་པས་ཚིམ་པར་བྱས་སམ། བཙུན་པ་མེད་
Ga189b
པར་དགེ་སློང་གི་དགེ་འདུན་ལ་ཞལ་ཟས་བསོད་པས་ཚིམ་པར་བགྱིས་ན། འོན་ཀྱང་རྒོལ་བ་དང ། ཕྱིར་རྒོལ་བའི་དགེ་སློང་རྣམས་སྡུམ་པའི་ནང་དུ་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ། ཞེས་བྱ་བ་ནས་གཞག་པར་འོས་པ་ཞེས་བྱ་བའི་བར་གོང་མ་བཞིན་དུའོ། །དེ་ནི། ཕན་ཚུན་དུ་རྡེག་པ་ལ་ཞུགས་ལགས་སོ། །དེ་ནས་བཅོམ་ལྡན་འདས་ཀྱིས་ཞལ་ཟས་ཀྱི་བྱ་བ་མཛད་ནས་གཙུག་ལག་ཁང་གི་ཕྱི་རོལ་དུ་ཞབས་གཉིས་བཀྲུས་ཏེ། ནང་དུ་ཡང་དག་པར་འཇོག་གི་ཕྱིར་གཙུག་ལག་ཁང་དུ་ཞུགས་སོ། །དེ་ནས་བཅོམ་ལྡན་འདས་དགོངས་ཀ་ནང་དུ་ཡང་དག་འཇོག་ལས་བཞེངས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱེད་ཁ་ཟས་ལ་ཁྱིམ་དུ་ཞུགས་པ་ན་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བར་གྱུར་ནས། འདི་ལྟ་སྟེ། ལྟུང་བ་བྱུང་ངོ་ཞེའམ་ཞེས་བྱ་བ་ནས་དེ་ནི་ཕན་ཚུན་དུ་རྡེག་པ་ལ་ཞུགས་སོ་ཞེས་བྱ་བའི་བར་དུ་བདེན་ནམ། བཙུན་པ། མད་ལགས་སོ། །དགེ་སློང་དག་།འཐབ་ཀྲོལ་མ་བྱེད་ཅིག་།མཚང་མ་འདྲུ་ཞིག་།མ་རྩོད་ཅིག་།མ་འགྱེད་ཅིག་།གཞན་ཡང ། ངས་རྒོལ་བ་དང་ཕྱིར་རྒོལ་བའི་དགེ་སློང་རྣམས་ཁང་པའི་ནང་དུ་འཇུག་པའི་ཀུན་དུ་སྤྱོད་པའི་ཆོས་བཅའ་བར་བྱ་སྟེ། རྒོལ་བ་དང །
Ga190a
༄#། །ཕྱིར་རྒོལ་བའི་དགེ་སློང་རྣམས་ཀྱིས་ཁང་པའི་ནང་དུ་ཞུགས་ནས་གང་དུ་ལུས་ཀྱི་ཀུན་དུ་སྤྱོད་པར་རུང་བ་མ་ཡིན་པ་དེ་ལྟ་བུའི་སྐབས་མི་འབྱུང་བར་སྟན་པར་ཆད་ཡོད་པར་འདུག་པར་བྱའོ། །རྒོལ་བ་དང་ཕྱིར་རྒོལ་བའི་དགེ་སློང་རྣམས་ཀྱིས་ཁང་པའི་ནང་དུ་ཞུགས་ནས་ཀུན་དུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་གསུངས་ན། འོན་ཀྱང་དགེ་སློང་རྣམས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བས་གནས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།འཐབ་ཀྲོལ་མ་བྱེད་ཅིག་།མཚང་མ་འདྲུ་ཞིག་།མ་རྩོད་ཅིག་།མ་འགྱེད་ཅིག་།དགེ་སློང་དག་།ཁྱེད་ཅག་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བས་གནས་ནས་རྩོད་པ་བྱུང་ཞིང་བྱུང་བ་སྟོན་པའི་བསྟན་པ་ཆོས་འདུལ་བས་དུལ་བར་བྱ་བ་དང ། ཞི་བར་བྱ་བ་དང ། ཉེ་བར་ཞི་བར་བྱ་བའི་གནས་འདི་མེད་དོ། །དགེ་སློང་དག་།ཁྱེད་ཅག་འཐབ་ཀྲོལ་མེད་པ་དང ། མཚང་འདྲུ་བ་མེད་པ་དང ། རྩོད་པ་མེད་པ་དང ། འགྱེད་པ་མེད་པར་གྱུར་ཅིང་གནས་ན་རྩོད་པ་བྱུང་ཞིང་བྱུང་བ་སྟོན་པའི་བསྟན་པ་ཆོས་འདུལ་བས་དུལ་བར་བྱ་བ་དང །
Ga190b
ཞི་བར་བྱ་བ་དང ། ཉེ་བར་ཞི་བར་བྱ་བའི་གནས་འདི་ཡོད་དོ། །དགེ་སློང་དག། སྔོན་བྱུང་བ། ཡུལ་ཀ་ཤིའི་རྒྱལ་པོ་ཚངས་སྦྱིན་ཞེས་བྱ་བ་དང ། ཡུལ་ཀོ་ས་ལའི་རྒྱལ་པོ་རིང་པོ་ལེན་གཉིས་ཕན་ཚུན་རྩོད་པར་གྱུར་ཏེ། རྒྱས་པར་ནི། ལུང་བར་མའི་ཏིང་ངེ་འཛིན་དང་ལྡན་པའི་ལེའུ་ལས་རིང་པོ་ལེན་གྱི་མདོ་འབྱུང་བ་བཞིན་ནོ། །དེ་རྣམས་ཀྱིས་འདི་སྐད་ཅེས་སྨྲས་ཏེ། བཅོམ་ལྡན་འདས་ཀྱིས་འདི་སྐད་ཅེས། ཚངས་སྦྱིན་རྒ་བ་སྡུག་བསྔལ་ཏེ། །ནོར་རྣམས་ཡོངས་སུ་གཏུགས་པ་དང ། །གཉེན་རྣམས་ཀྱང་ནི་མ་མཐོང་དང ། ཡུལ་གཞན་ཤི་བ་སྡུག་བསྔལ་ལོ། །ཞེས་བཀའ་སྩལ་པ་ཞིག་ཀྱང་མཆིས་སོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ཚིག་མི་མཐུན་ལ་ཕྱོགས་མཉམ་ཡང ། །འདི་གཙོ་མིན་ཞེས་སེམས་བྱེད་པ། །དགེ་འདུན་དབྱེ་བར་གྱུར་ན་ཀོ། མཐུ་ཆུང་ཅུང་ཟད་ཅིས་མི་བསམ། །སྲོག་ཆགས་རུས་པ་གཅོག་པ་དང ། །རྟ་དང་བ་ལང་ནོར་འཕྲོག་དང ། །ཡུལ་འཁོར་ཕུང་བར་བྱས་རྣམས་ཀྱང ། །འདུམ་པར་འགྱུར་བ་ཉིད་ཡོད་ན། །ཆོས་འདི་རྣམ་པར་ཤེས་གྱུར་པ། །ཁྱེད་ཅག་ཅི་ཡི་ཕྱིར་མི་འགྱུར། སྤྱོད་ཡུལ་སྟོན་པར་བྱེད་པའི་གསུང ། །ཆགས་ལས་ལྡོག་པ་ལྷུར་ལེན་པ། །བརྟགས་ན་མཁས་པར་སྣང་བ་ནི། །གང་ལ་རྩོད་པ་དེ་མ་ཤེས། །གཞན་དག་བདག་ཅག་འདི་ལ་ནི། །བརྩོན་ཞེས་བྱ་བར་མི་ཤེས་ཀྱི། །གང་དག་གིས་ནི་འདི་ཤེས་པ། །དེ་ལ་གཟུ་བོ་མི་
Ga191a
༄#། །དགོས་སོ། །བདག་སྤྱོས་བདག་ལ་ཁ་བྱས་དང ། །བདག་རྒྱལ་བདག་ནི་ཕམ་གྱུར་པ། །དེ་ལ་གང་དག་འཁོན་འཛིན་པ། །དེ་དག་ཤ་འཁོན་ཞི་མི་འགྱུར།། བདག་སྤྱོས་བདག་ལ་ཁ་བྱས་དང ། །བདག་རྒྱལ་བདག་ནི་ཕམ་གྱུར་པ། །དེ་ལ་གང་དག་འཁོན་མི་འཛིན། །དེ་དག་ཤ་འཁོན་ཞི་བར་འགྱུར། །འཁོན་དུ་འཛིན་པས་ཤ་འཁོན་དག། འདིར་ནི་གཞན་ཡང་ཞི་མི་འགྱུར། །བཟོད་པས་ཤ་འཁོན་ཞི་འགྱུར་བ། །འདི་ནི་གཡུང་དྲུང་ཆོས་ཡིན་ནོ། །འཁོན་དུ་འཛིན་པས་ཤ་འཁོན་ནམ་ཡང་ཞི་མི་འགྱུར། །འཁོན་དུ་འཛིན་མེད་རྣམས་ཀྱི་ཤ་འཁོན་ཞི་བར་འགྱུར། །འཁོན་ལ་ཆགས་པ་ལུས་ཅན་རྣམས་ལ་ཕན་མི་འགྱུར། །དེ་ལྟ་བས་ན་མཁས་པ་འཁོན་དུ་འཛིན་མི་བྱེད། གལ་ཏེ་གྲོགས་པོ་འགྲུས་སྐྱོང་ལྷན་ཅིག་སྤྱོད་པ་དང ། །ལེགས་པར་གནས་པ་བརྟན་པ་རྙེད་པར་གྱུར་ན་ནི། །ཟག་པར་འགྱུར་བ་ཐམས་ཅད་ཟིལ་གྱིས་མནན་བྱས་ནས། །དེ་དང་ཡིད་དགའ་དྲན་དང་ལྡན་ཞིང་སྤྱད་པར་བྱ།། གལ་ཏེ་གྲོགས་པོ་འགྲུས་སྐྱོང་ལྷན་ཅིག་སྤྱོད་པ་དང ། །ལེགས་པར་གནས་པ་བརྟན་པ་རྙེད་པར་མ་གྱུར་ན། །རྒྱལ་པོས་ཡུལ་འཁོར་རྒྱ་ཆེན་སྤངས་པར་གྱུར་བ་བཞིན། །གཅིག་པུར་འདུག་པར་བྱ་ཞིང་སྡིག་པ་རྣམས་མི་བྱ། །གལ་ཏེ་བཙལ་ཏེ་བདག་འདྲ་བའམ། །ལྷག་པར་རྙེད་པར་མ་གྱུར་ན། །བྱིས་པ་སྟོངས་མོར་འགྱུར་མེད་པས། །གཅིག་པུར་སྤྱད་པ་བརྟན་
Ga191b
པར་སྤྱད། །གཅིག་པུ་སྤྱོད་པ་ལེགས་འགྱུར་གྱི། །བྱིས་པ་བསྟངས་པ་ལེགས་མིན་པས། །མ་ཏང་དགོན་པའི་གླང་ཆེན་ལྟར། །སེམས་ལས་བསྙུངས་ཏེ་གཅིག་པུས་སྤྱད། །དེ་སྐད་ཅེས་བཀའ་སྩལ་པ་དང ། ཀོའུ་ཤམྦྷིའི་དགེ་སློང་གིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ནི། ཆོས་ཀྱི་རྗེ་ལགས། །བདེ་བར་གཤེགས་པ་ནི། ཆོས་ཀྱི་རྗེ་ལགས་ན། འདི་རྣམས་བདག་ཅག་ལ་ཚིག་ངན་པ་དང ། མི་སྙན་པ་མཆི་ན། བདག་ཅག་གིས་དེ་རྣམས་ལ་ཅིའི་སླད་དུ་བཟོད་པར་བགྱི་ལགས། དེ་ནས་བཅོམ་ལྡན་འདས་ཀྱིས་དགེ་སློང་དེ་རྣམས་ཀྱི་སྤྱོད་ཚུལ་དང་ལོག་པར་སྒྲུབ་པ་དེས། ཐུགས་མི་དགྱེས་ཤིང་ཐུགས་ལ་མ་བབ་པས་དེ་ཉིད་ནས་རྫུ་འཕྲུལ་གྱིས་ནམ་མཁའ་ལ་གཤེགས་ཏེ་མཉན་ཡོད་གང་ན་བ་དེར་རྒྱུ་ཞིང་གཤེགས། རིམ་གྱིས་རྒྱུ་ཞིང་གཤེགས་པ་དང་མཉན་ཡོད་དུ་བྱོན་ནས། མཉན་ཡོད་ཀྱི་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་དེར་གཤེགས་པ་དང ། ཀོའུ་ཤམྦྷིའི་དགེ་སློང་རྣམས་དང་ཡངས་པ་ཅན་གྱི་དགེ་སློང་རྣམས་འདི་ལྟ་བུའི་སྤྱོད་ལམ་དུ་གྱུར་ཏེ། སྔ་དྲོ་ནི། ཟས་ཀྱི་ཕྱིར་བསོད་སྙོམས་ལ་འཇུག། ཟས་ཀྱི་འོག་ཏུ་ནི། སྒོ་བཅད་ནས་འཐབ་མོ་འགྱེད་པར་གྱུར་ཏོ། །དེ་རྣམས་ཀྱི་ཚུལ་དང ། སྤྱོད་པ་དང ། ལོག་པར་སྒྲུབ་པ་དེས་ལོ་བཅུ་གཉིས་འདས་སོ། །ཀོའུ་ཤམྦྷིའི་བྲམ་ཟེ་
Ga192a
༄#། །དང་ཁྱིམ་བདག་རྣམས་འདུན་ཁང་དུ་འདུས་ནས་ཕན་ཚུན་གྲོས་བྱ་བར་བརྩམས་པ། ཤེས་ལྡན་དག། བདག་ཅག་ནི། བཅོམ་ལྡན་འདས་ལ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་དང ། ཡོ་བྱད་རྣམས་དབུལ་བར་ཤིན་ཏུ་དད་ན། འོན་ཀྱང་བཅོམ་ལྡན་འདས་ཀྱིས་སྤྱོད་ཡུལ་འདི་ལོ་བཅུ་གཉིས་ཀྱི་བར་དུ་སྤངས་ཏེ། ད་དུང་ཡང་མ་བྱོན་ནོ། །ཁ་ཅིག་གིས་སྨྲས་པ། ཤེས་ལྡན་དག། བཅོམ་ལྡན་འདས་འདིར་གཤེགས་པར་ག་ལ་འགྱུར། འདི་ན་ད་ལྟར་ཀོའུ་ཤམྦྷིའི་དགེ་སློང་རྣམས་ཀྱི་ཚུལ་དང ། སྤྱོད་པ་དང ། ལོག་པར་སྒྲུབ་པ་འདི་ལྟ་བུར་བྱེད་དེ། སྔ་དྲོ་ཟས་ཀྱི་ཕྱིར་བསོད་སྙོམས་ལ་ཞུགས་ལ། ཟས་ཀྱི་འོག་ཏུ་སྒོ་བཅད་ནས་འཐབ་མོ་འགྱེད་དོ། །ཁ་ཅིག་གིས་སྨྲས་པ། ཤེས་ལྡན་དག། དེ་རྣམས་ལ་ཉེས་པ་ཡོད་པ་མ་ཡིན་གྱི། འོན་ཀྱང་བདག་ཅག་གིས་ལན་ཏེ། བདག་ཅག་གིས་དེ་རྣམས་ལ་བསོད་སྙོམས་བྱིན་པའམ། ཚིག་སྨྲས་པས་སོ། །ཚུར་བདག་ཅག་གིས་ཁྲིམས་ཤིག་བཅས་ལ་གཞག་སྟེ། སུས་ཀྱང་དེ་རྣམས་ལ་བསོད་སྙོམས་མི་སྦྱིན་ཞིང་ཚིག་ཀྱང་མི་སྨྲའོ་ཞེས་དེ་རྣམས་ཀྱིས་ཁྲིམས་སུ་བཅས་ནས་བཞག་གོ། དེ་ནས་ཕྱི་དེ་ཀོའུ་ཤམྦྷིའི་དགེ་སློང་རྣམས་བསོད་སྙོམས་ལ་ཞུགས་པ་དང ། སུས་ཀྱང་མ་སྨྲས་ལ་བསོད་སྙོམས་ཀྱང་མ་བྱིན་ཏེ། དེ་
Ga192b
རྣམས་ཇི་ལྟར་ལྷུང་བཟེད་བཀྲུས་པ་ཉིད་ཀྱིས་བསོད་སྙོམས་ལ་ཞུགས་པ་དེ་ལྟར་བཀྲུས་པ་ཉིད་ཀྱིས་སྒོར་བྱུང་སྟེ། བསོད་སྙོམས་གཅིག་ཀྱང་མ་རྙེད་དོ། །དེ་ནས་དེ་རྣམས་འདུས་ནས་ཀོའུ་ཤམྦྷིའི་བྲམ་ཟེ་དང་ཁྱིམ་བདག་རྣམས་ལ་སྨྲས་པ། ཤེས་ལྡན་དག། རེ་ཞིག་ནོར་ཟད་པར་གྱུར་ན་བསོད་སྙོམས་མི་སྟེར་བ་ནི། རིགས་ན། བདག་ཅག་གིས་ཉེས་པ་ཅི་བྱས་ན། ཚིག་ཀྱང་མི་སྟེར། དེ་རྣམས་ཀྱིས་སྨྲས་པ། གང་དག་གིས་ཚུལ་དང ། སྤྱོད་པ་དང ། ལོག་པར་སྒྲུབ་པས་སྟོན་པ་ཐུགས་མི་དགྱེས་ཤིང་ཐུགས་ལ་མ་བབ་ན། སྟེང་གི་ནམ་མཁའ་ལས་གཤེགས་ཏེ་ལོ་བཅུ་གཉིས་འདས་ན། ད་དུང་ཡང་སླར་མ་གཤེགས་པར་ཁྱེད་ཅག་ཀྱང་ཤཱཀྱའི་སྲས་ཀྱི་དགེ་སྦྱོང་ཡིན་པར་བདག་ཉིད་ཁས་འཆེའམ། དེ་རྣམས་ཅང་མི་སྨྲ་བར་འཁོད་ནས། དེ་རྣམས་ཀྱི་དྲུང་ནས་དོང་སྟེ་སྨྲས་པ། ཚེ་དང་ལྡན་པ་དག། དེ་རྣམས་ཀྱིས་བདག་ཅག་བརྒྱད་པ་ནི། ཐོག་ཏུ་བབ་སྟེ། གང་ཞིག་ས་ལ་འགྱེལ་བ་དེ། དེ་ཉིད་ལ་བརྟེན་ཏེ་ལྡང་བས་མདོར་ན་མཉན་ཡོད་དུ་དོང་ལ། བཅོམ་ལྡན་འདས་དང་དགེ་སློང་གི་དགེ་འདུན་ལ་བཟོད་པ་གསོལ་ལོ། །དེ་ནས་ཀོའུ་ཤམྦྷིའི་དགེ་སློང་རྣམས་དེ་ཉིད་ཀྱི་ནུབ་མོ་འདས་པས། ལྷུང་བཟེད་དང་ཆོས་གོས་ཁྱེར་ཏེ་ཀོའུ་ཤམྦྷིར་མ་ཞུགས་པར་མཉན་ཡོད་གང་ན་བ་དེར་རྒྱུ་ཞིང་དོང་ངོ ། །ཚེ་དང་ལྡན་པ་ཀུན་དགའ་བོས། ཀོའུ་ཤམྦྷིའི་དགེ་སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་
Ga193a
༄#། །གཞི་བྱེད་པ་རྣམས་འོང་ངོ་ཞེས་ཐོས་ནས། གང་དག་གིས་བཅོམ་ལྡན་འདས་ཐུགས་ཕྱུང་བར་བགྱིས་ཏེ་འདིར་གཤེགས་པ་དེ་དག་ངོ་ཚ་མེད་པས་མཐོ་འཚམ་པའི་ཕྱིར་བདག་ཅག་ལ་གླེང་བར་འགྱུར་གྱི། མ་ལ་བདག་གིས་བཅོམ་ལྡན་འདས་ལ་གསོལ་ལོ་སྙམ་དུ་བསམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གིས་ཀོའུ་ཤམྦྷིའི་དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་འདིར་མཆིའོ། །ཞེས་ཐོས་ལགས། གང་དག་གིས་བཅོམ་ལྡན་འདས་ཐུགས་ཕྱུང་བར་བགྱིས་ཏེ་འདིར་བྱོན་པ་དེ་དག་ངོ་ཚ་མ་མཆིས་པས་མཐོ་འཚམ་པ་ཉིད་དུ་བདག་ཅག་ལ་གླེང་བར་བགྱིད། དྲན་པར་བགྱིད་ན། དེ་རྣམས་ལ་བདག་ཅག་གིས་ཇི་ལྟར་བསྒྲུབ་པར་བགྱི། ཀུན་དགའ་བོ། དེ་དག་ལ་དགེ་སློང་རྣམས་ཀྱིས་ལག་བརྡས་གནས་མལ་ཐ་མ་ཞིག་བསྟན་པ་མ་གཏོགས་པར་གཏམ་འདྲེ་བར་མི་བྱ། ཕེབས་པར་སྨྲ་བར་མི་བྱ། བལྟ་བར་མི་བྱ། རྣམ་པར་བལྟ་བར་མི་བྱ། གལ་ཏེ་བདག་ཅག་ནི། རྒན་ན། ཅིའི་ཕྱིར་གནས་མལ་གྱི་ཐ་མ་སྦྱིན་ཞེས་སྨྲ་ན། གང་དག་གིས་ཚུལ་དང །
Ga193b
སྤྱོད་པ་དང ། ལོག་པར་སྒྲུབ་པས། སྟོན་པ་ཐུགས་མི་དགྱེས་ཤིང་ཐུགས་ལ་མ་བབ་ནས་འདིར་གཤེགས་ཤིང་ཁྱོད་ཤཱཀྱའི་སྲས་ཀྱི་དགེ་སྦྱོང་ཡིན་པར་བདག་ཉིད་ཁས་འཆེའམ། སྟོན་པ་ཐུགས་རྗེ་ཅན་དེས་འདི་གནང་བ་ཉིད་ཀྱང་ཁྱེད་དབང་བར་མི་འགྱུར་རོ། །ཞེས་སྨྲོས་ཤིག་།སྐྱེ་རྒུའི་བདག་མོ་ཆེན་མོ་གོའུ་ཏ་མིས། ཀོའུ་ཤམྦྷིའི་དགེ་སློང་འཐབ་ཀྲོལ་བྱེད་པ་མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་གཞི་བྱེད་པ་རྣམས་འོང་ངོ ། །ཞེས་ཐོས་སོ། །ཐོས་ནས་ཀྱང་དེ་འདི་སྙམ་དུ་སེམས་ཏེ། སོང་ལ་དེ་རྣམས་ལ་བདག་གིས་ཇི་ལྟར་བསྒྲུབ་པར་བྱ། བཅོམ་ལྡན་འདས་ལ་ཞུའོ་སྙམ་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་སྐྱེ་རྒུའི་བདག་མོ་ཆེན་མོ་གོའུ་ཏ་མིས། འདི་སྐད་ཅེས་གསོལ་ཏོ། །བཙུན་པ། བདག་གིས་ཀོའུ་ཤམྦྷིའི་དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་མཆིའོ། །ཞེས་ཐོས་ལགས་ན། བདག་གིས་དེ་རྣམས་ལ་ཇི་ལྟར་བསྒྲུབ་པར་བགྱི། གོའུ་ཏ་མི་ཁྱོད་ཀྱིས། ཀོའུ་ཤམྦྷིའི་དགེ་སློང་རྣམས་ལ་འཁོར་གྱི་གཙོ་བོ་ཡིན་པས་མཐོང་མ་ཐག་ཏུ་སྟན་དོར་བ་མ་གཏོགས་པར་གཏམ་འདྲེ་བར་མི་བྱ། ཕེབས་པར་སྨྲ་བར་མི་བྱ། བལྟ་བར་མི་བྱ། རྣམ་པར་
Ga194a
༄#། །བལྟ་བར་མི་བྱའོ། །ཁྱིམ་བདག་མགོན་མེད་ཟས་སྦྱིན་གྱིས། ཀོའུ་ཤམྦྷིའི་དགེ་སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་གཞི་བྱེད་པ་རྣམས་འོང་ངོ ། །ཞེས་ཐོས་སོ། །ཐོས་ནས་ཀྱང་འདི་སྙམ་དུ་སེམས་ཏེ། སོང་ལ་བདག་གིས་དེ་རྣམས་ལ་ཇི་ལྟར་བསྒྲུབ་པར་བྱ། བཅོམ་ལྡན་འདས་ལ་ཞུའོ། །སྙམ་དུ་བསམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། ཁྱིམ་བདག་མགོན་མེད་ཟས་སྦྱིན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་གིས་ཀོའུ་ཤམྦྷིའི་དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་མཆིའོ། །ཞེས་ཐོས་ལགས་ན། བདག་གིས་དེ་རྣམས་ལ་ཇི་ལྟར་བསྒྲུབ་པར་བགྱི། ཁྱིམ་བདག། ཁྱོད་ཀྱིས་ཀོའུ་ཤམྦྷིའི་དགེ་སློང་རྣམས་ལ་སྦྱིན་པ་དང ། མི་མཐུན་པ་མེད་པས་བསོད་སྙོམས་ནི་སྦྱིན་གྱི། གཏམ་འདྲི་བར་མི་བྱ། ཕེབས་པར་སྨྲ་བར་མི་བྱ། བལྟ་བར་མི་བྱ། རྣམ་པར་བལྟ་བར་མི་བྱའོ། །དེ་ནས་ཀོའུ་ཤམྦྷིའི་དགེ་སློང་རྣམས་རིམ་གྱིས་མཉན་ཡོད་དུ་ཕྱིན་ནས་དེར་ལྷུང་བཟེད་དང ། ཆོས་གོས་མཁོས་སུ་ཕབ་སྟེ། རྐང་པ་
Ga194b
བཀྲུས་ནས་དྲིས་པ། གནས་མལ་འགྱེད་པ་སུ་ཡིན། ཕྱག་ཚང་དག་གིས་སྨྲས་པ། འཕགས་པ་ཀུན་དགའ་བོ་ལགས་སོ། །ཚེ་དང་ལྡན་པ་ཀུན་དགའ་བོ་གང་ན་བ་དེར་སོང་སྟེ། ཕྱིན་ན་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོས་བདག་ཅག་ལ་གནས་མལ་བྱིན་ཅིག། ཚེ་དང་ལྡན་པ་ཀུན་དགའ་བོས་དེ་རྣམས་ལ་ལག་བརྡས་གནས་མལ་ཐ་མ་ཞིག་བསྟན་པར་བརྩམས་པ་དང ། དེ་རྣམས་ཀྱིས་སྨྲས་པ། ཚེ་དང་ལྡན་པ་ཀུན་དགའ་བོ། བདག་ཅག་རྒན་པ་ཡིན་ན། ཅིའི་ཕྱིར་བདག་ཅག་ལ་གནས་མལ་ཐ་མ་དག་སྦྱིན། དེ་སྨྲས་པ། ཁྱེད་ཅག་ཀྱང་ཤཱཀྱའི་སྲས་ཀྱི་དགེ་སློང་ཡིན་པར་ཞེས་བྱ་བ་ནས། དེ་ཡང་ཁྱེད་དབང་བར་མི་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །དེ་རྣམས་ཡིད་ཆད་ཅིང་སྡུག་བསྔལ་བས་མཚན་མོ་འདའ་བར་བྱེད་དོ། །དེ་ནས་གནས་ནས་ཕྱུང་བའི་དགེ་སློང་གིས་ནམ་གྱི་ཆ་སྨད་ཀྱི་དུས་སུ་རང་གི་རྒྱུད་ལ་བརྟགས་ནས་དེ་འདི་སྙམ་དུ་སེམས་ཏེ། བདག་ཅག་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེའམ། གནས་ནས་དབྱུང་བ་ཡིན་ནོ་ཞེའམ། གནས་ནས་དབྱུང་བ་མ་ཡིན་ནོ་ཞེས་བྱ་བ་བདག་ནི་ལྟུང་བ་མ་བྱུང་བ་མ་ཡིན་ཏེ། ལྟུང་བ་བྱུང་བ་ཡིན་ཞིང་གནས་ནས་མི་དབྱུང་བ་མ་ཡིན་ཏེ། གནས་ནས་དབྱུང་བ་ཡིན་ལ། གནས་ནས་ཕྱུང་བ་གང་ཡིན་པ་དེ་ཡང་ཆོས་དང་མཐུན་
Ga195a
༄#། །པའི་ལས་མི་འཁྲུགས་པ་གཞག་པར་མི་འོས་པས་ཕྱུང་གི། མ་ལ་བདག་གིས་མཐུན་པའི་སྡུམ་བྱའོ། །སྙམ་དུ་བསམ་ནས། ནང་པར་སྔར་ལངས་ཏེ་གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་གང་ན་བ་དེར་སོང་སྟེ་ཕྱིན་ནས། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང་གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག་འདིར་མདང་སུམ་ནམ་གྱི་ཆ་སྨད་ཀྱི་དུས་སུ་བདག་གིས་རང་གི་རྒྱུད་ལ་བརྟགས་ནས་འདི་སྙམ་དུ་སེམས་ཏེ། གླེང་གཞི་གང་ལས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ་ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེའམ། གནས་ནས་དབྱུང་བ་ཡིན་ནོ་ཞེའམ། གནས་ནས་དབྱུང་བ་མ་ཡིན་ནོ་ཞེས་བྱ་བ། བདག་ནི་ལྟུང་བ་མ་བྱུང་བ་མ་ཡིན་ཏེ། ལྟུང་བ་བྱུང་བ་ཡིན་ཞིང ། གནས་ནས་མ་དབྱུང་བ་མ་ཡིན་ཏེ། གནས་ནས་དབྱུང་བ་ཡིན་ལ། གནས་ནས་ཕྱུང་བ་གང་ཡིན་པ་ཡང་ཆོས་དང་མཐུན་པའི་ལས་མི་འཁྲུགས་པ། གཞག་པར་མི་འོས་པས་ཕྱུང་གི། མ་ལ་བདག་གིས་མཐུན་པར་སྡུམ་བྱའོ། །སྙམ་ན། ཁྱེད་ཅག་ཅི་སྨྲ། དེ་རྣམས་ཀྱིས་སྨྲས་པ། ལེགས་ཀྱི། དེ་བཞིན་དུ་བགྱིའོ། །དེ་ནས་གནས་
Ga195b
ནས་ཕྱུང་བའི་དགེ་སློང་དང ། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པའི་དགེ་སློང་རྣམས། གནས་ནས་འབྱིན་པའི་དགེ་སློང་དང ། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་འབྱིན་པའི་རྗེས་སུ་ཕྱོགས་པ་རྣམས་གང་ན་བ་དེར་དོང་སྟེ་ཕྱིན་ནས། གནས་ནས་འབྱིན་པའི་དགེ་སློང་དང ། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་དག། འདིར་མདང་སུམ་ནམ་གྱི་ཆ་སྨད་ཀྱི་དུས་སུ་བདག་གིས་རང་གི་རྒྱུད་ལ་བརྟགས་ནས་འདི་སྙམ་དུ་སེམས་ཏེ། གླེང་གཞི་གང་བས་འཐབ་ཀྲོལ་དང ། མཚང་འདྲུ་བ་བྱུང་ནས་ཞེས་བྱ་བ་ནས་འདུམ་པར་སྡུམ་བྱ་བར་སེམས་ན་ཞེས་བྱ་བའི་བར་གོང་མ་བཞིན་དུ་སྟེ། ཁྱེད་ཅག་ཅི་སྨྲ། དེ་རྣམས་ཀྱིས་སྨྲས་པ། ལེགས་ཀྱི།་དེ་བཞིན་དུ་བྱའོ། །དེ་ནས་གནས་ནས་ཕྱུང་བའི་དགེ་སློང་དང ། གནས་ནས་ཕྱུང་བའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་ཕྱུང་བའི་རྗེས་སུ་ཕྱོགས་པའི་ཡང་རྗེས་སུ་ཕྱོགས་པ་རྣམས་དང ། གནས་ནས་འབྱིན་པའི་དགེ་སློང་དང ། གནས་ནས་འབྱིན་པའི་རྗེས་སུ་ཕྱོགས་པའི་དགེ་སློང་རྣམས་དང ། གནས་ནས་འབྱིན་པའི་རྗེས་སུ་ཕྱོགས་
Ga196a
༄#། །པའི་ཡང་རྗེས་སུ་ཕྱོགས་པ་རྣམས། བཅོམ་ལྡན་འདས་གང་ན་བ་དེར་དོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། གནས་ནས་ཕྱུང་བའི་དགེ་སློང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། འདིར་མདང་སུམ་ནམ་གྱི་ཆ་སྨད་ཀྱི་དུས་སུ་བདག་གིས་རང་གི་རྒྱུད་ལ་བརྟགས་ནས་འདི་སྙམ་དུ་སེམས་ཏེ་ཞེས་བྱ་བ་ནས་མཐུན་པར་སྡུམ་བགྱི་བར་ཞེས་བྱ་བའི་བར་གོང་མ་བཞིན་དུ་སྟེ། བདག་གིས་དགེ་སློང་འདི་དག་ཐམས་ཅད་ལ་མཐུན་པར་བགྱི་བ་སྤྲོ་བར་བགྱིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ལེགས་སོ་ལེགས་སོ། །གང་ཞིག་དགེ་སློང་རྣམས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་བས་གནས་ཤིང ། ཕྱོགས་དང་ཕྱོགས་གཞན་ལ་གནས་པ་རྣམས་ཀྱི་སྡུམ་བྱེད་པ་དེ་ནི། བསོད་ནམས་མང་པོ། ཚད་མེད་པ། གྲངས་མེད་པ། གཞལ་དུ་མེད་པར་སྐྱེད་པར་འགྱུར་རོ། །གང་འགའ་ཞིག་གིས་སྐྲ་དུམ་བུ་བརྒྱར་གཏུབས་པ་ཐོག་མ་དང་ཐོག་མར་སྦྱོར་བ་བྱེད་པ་དེ་བཞིན་དུ་གང་ཞིག་དགེ་སློང་རྣམས་འཐབ་ཀྲོལ་དང་ཞེས་བྱ་བ་ནས་མཐུན་པར་སྡུམ་བྱེད་པ་དེ་ནི། བསོད་ནམས་མང་ངོ ། ཚད་མེད་པ། གྲངས་མེད་པ། གཞལ་དུ་མེད་པ་སྐྱེད་པར་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་།འོན་ཀྱང་ངས་
Ga196b
གནས་ནས་ཕྱུང་བའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། གནས་ནས་ཕྱུང་བའི་དགེ་སློང་གིས་དགེ་འདུན་ལ་དབྱུང་བ་གསོལ་བར་བྱའོ། །གསོལ་བ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། རྒན་རིམ་ཇི་ལྟ་བ་བཞིན་དུ་གུས་པ་དང་བཅས་པས་འདུད་པ་བྱས་ལ། རྒན་རིམ་གྱིས་མདུན་དུ་ཐལ་མོ་སྦྱར་ཏེ། ཙོག་ཙོག་པོར་འདུག་ལ་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་གི་གླེང་གཞི་གང་ལས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེས་བགྱི་བའམ། གནས་ནས་དབྱུང་བ་ལགས་སོ་ཞེའམ། གནས་ནས་ཕྱུང་བ་མ་ལགས་སོ་ཞེས་བགྱི་བ། བདག་ནི། ལྟུང་བ་མ་བྱུང་བ་མ་ལགས་ཏེ། ལྟུང་བ་མ་བྱུང་བ་ལགས་ཤིང ། གནས་ནས་མི་དབྱུང་བ་མ་ལགས་ཏེ། གནས་ནས་དབྱུང་བ་ལགས་ལ།་གནས་ནས་ཕྱུང་བ་གང་ལགས་པ་ཡང་ཆོས་དང་མཐུན་པའི་ལས་མི་འཁྲུགས་པ་གཞག་པར་མི་འོས་པས་ཕྱུང་སྟེ། གནས་ནས་ཕྱུང་བའི་དགེ་སློང་བདག་མིང་འདི་ཞེས་བགྱི་བ་དགེ་འདུན་ལས་དབྱུང་བ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་དབྱུང་དུ་གསོལ། ཆོས་ཇི་ལྟ་བ་བཞིན་དང ། འདུལ་བ་ཇི་ལྟ་བ་
Ga197a
༄#། །བཞིན་ཕྱིར་བགྱིའོ། །ཞེས་དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འདིའི་གླེང་གཞི་གང་ལས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས། འདི་ལྟ་སྟེ། ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེའམ། གནས་ནས་དབྱུང་བ་ལགས་ཞེའམ། གནས་ནས་དབྱུང་བ་མ་ལགས་སོ་ཞེས་བགྱི་བ། འདི་ནི་ལྟུང་བ་མ་བྱུང་བ་མ་ལགས་ཏེ། ལྟུང་བ་བྱུང་བ་ལགས་ཤིང་གནས་ནས་མི་དབྱུང་བ་མ་ལགས་ཏེ། གནས་ནས་དབྱུང་ལགས་ལ། གནས་ནས་དབྱུང་བ་གང་ལགས་པ་ཡང་ཆོས་དང་མཐུན་པའི་ལས་མི་འཁྲུགས་པ། གཞག་པར་མི་འོས་པས་ཕྱུང་སྟེ། གནས་ནས་ཕྱུང་བའི་དགེ་སློང་མིང་འདི་ཞེས་བགྱི་བ་འདི། དགེ་འདུན་ལས་དབྱུང་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འབྱིན་པར་མཛད་དོ། །འདི་ནི་གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འདིའི་གླེང་གཞི་གང་ལས་འཐབ་ཀྲོལ་བྱུང་བ་ཞེས་བྱ་བ་ནས། དགེ་སློང་གནས་ནས་ཕྱུང་བ་མིང་འདི་ཞེས་བགྱི་བ་འདི། དགེ་འདུན་ལས་དབྱུང་བ་གསོལ་ཏེ། དེའི་སླད་དུ་དགེ་འདུན་གྱིས་
Ga197b
དགེ་སློང་མིང་འདི་ཞེས་བགྱི་བ་འབྱིན་པར་མཛད་ན། ཚེ་དང་ལྡན་པ་རྣམས་ལས་གང་དག་གནས་ནས་ཕྱུང་བའི་དགེ་སློང་མིང་འདི་ཞེས་བགྱི་བ་འབྱིན་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་གནས་ནས་བྱུང་བའི་དགེ་སློང་མིང་འདི་ཞེས་བགྱི་བ་ཕྱུང་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག་།ངས་དགེ་སློང་དབྱུང་བའི་ལས་བྱས་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དབྱུང་བའི་ལས་བྱས་པའི་དགེ་སློང་གིས། དགེ་འདུན་ལས་མཐུན་པ་གསོལ་བར་བྱའོ། །གསོལ་བ་ནི་འདི་ལྟར་བྱ་སྟེ།་གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང་ཞེས་བྱ་བ་ནས། ཐུགས་བརྩེ་བ་ཅན་ཞེས་བྱ་བའི་བར་གོང་མ་བཞིན་དུ་སྟེ། དེ་སྐད་ལན་གཉིས་ལན་གསུམ་དུ་བཟླས་སོ། །དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འདིའི་གླེང་གཞི་གང་ལས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་
Ga198a
༄#། །ཞེའམ། གནས་ནས་དབྱུང་བ་ལགས་སོ་ཞེའམ། གནས་ནས་དབྱུང་བ་མ་ལགས་སོ། །ཞེས་བགྱི་བ་འདི་ནི། ལྟུང་བ་མ་བྱུང་བ་མ་ལགས་ཏེ། ལྟུང་བ་བྱུང་བ་ལགས་ཤིང ། གནས་ནས་མ་དབྱུང་བ་མ་ལགས་ཏེ། གནས་ནས་དབྱུང་བ་ལགས་ལ། གནས་ནས་ཕྱུང་བ་གང་ལགས་པ་དེ་ཡང་ཆོས་དང་མཐུན་པའི་ལས་མི་འཁྲུགས་པ་གཞག་པར་མི་འོས་པས་ཕྱུང་སྟེ། གནས་ནས་ཕྱུང་བའི་དགེ་སློང་མིང་འདི་ཞེས་བགྱི་བ་འདི། དགེ་འདུན་ལས་དབྱུང་བ་གསོལ་ནས། དགེ་འདུན་གྱིས་དབྱུང་བའི་འཕྲིན་ལས་མཛད་ལགས་ཏེ། དབྱུང་བའི་འཕྲིན་ལས་མཛད་ལགས་པའི་དགེ་སློང་མིང་འདི་ཞེས་བགྱི་བ་དགེ་འདུན་ལས་མཐུན་པ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དབྱུང་བའི་འཕྲིན་ལས་མཛད་ལགས་པའི་དགེ་སློང་མིང་འདི་ཞེས་བགྱི་བ་ལ་མཐུན་པ་སྩོལ་བར་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འདིའི་གླེང་གཞི་གང་ལས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ་ཞེས་བྱ་བ་ནས་དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དབྱུང་བའི་འཕྲིན་ལས་མཛད་ལགས་པའི་དགེ་སློང་མིང་འདི་ཞེས་བགྱི་བ་ལ་མཐུན་པ་སྩལ་ལགས་ཏེ། འདི་ལྟར་
Ga198b
ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་བྱ་བའི་བར་གོང་མ་བཞིན་དུའོ། །དགེ་འདུན་གྱིས་དབྱུང་བའི་ལས་བྱས་ཟིན་པ་གང་ཡིན་པ་དེ་ལ། དགེ་འདུན་གྱིས་མཐུན་པ་སྦྱིན་པར་བྱ་སྟེ། དེ་ལ་འགྱོད་བར་མི་བྱའོ། །ངས་དགེ་འདུན་གྱིས་མཐུན་པ་བྱིན་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་འདུན་གྱིས་མཐུན་པ་བྱིན་པའི་དགེ་སློང་གིས་གསོ་སྦྱོང་གསོལ་བའོ། །གསོལ་བ་ནི། འདི་ལྟར་བྱ་སྟེ། གནས་མལ་བཤམས་ལ་ཞེས་བྱ་བ་ནས་དགེ་འདུན་གྱིས་མཐུན་པ་སྩལ་བ་བདག་མིང་འདི་ཞེས་བགྱི་བ་དགེ་འདུན་ལས་མཐུན་པའི་གསོ་སྦྱོང་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། མཐུན་པ་སྩལ་བའི་དགེ་སློང་བདག་མིང་འདི་ཞེས་བགྱི་བ་ལ་མཐུན་པའི་གསོ་སྦྱོང་སྩལ་དུ་གསོལ། དེ་སྐད་ལན་གཉིས་ལན་གསུམ་དུ་བཟླས་ཞེས་བྱ་བའི་བར་གོང་མ་བཞིན་དུའོ། །དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འདིའི་གླེང་གཞི་གང་ལས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ་ཞེས་བྱ་བ་ནས་དགེ་འདུན་གྱིས་མཐུན་པ་སྩལ་པ་མིང་འདི་ཞེས་བགྱི་བའི་བར་གོང་མ་བཞིན་དུ་སྟེ། དགེ་འདུན་ལས་མཐུན་པའི་གསོ་སྦྱོང་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་མཐུན་པ་
Ga199a
༄#། །སྩལ་བ་དགེ་སློང་མིང་འདི་ཞེས་བགྱི་བ་ལ་དགེ་འདུན་གྱིས་མཐུན་པའི་གསོ་སྦྱོང་སྩོལ་བར་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། ཚེ་དང་ལྡན་པ་འདིའི་གླེང་གཞི་གང་ལས་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ནས་འདི་ལྟ་སྟེ། ལྟུང་བ་བྱུང་ངོ་ཞེའམ། ལྟུང་བ་མ་བྱུང་ངོ་ཞེའམ་ཞེས་བྱ་བ་ནས་མཐུན་པ་སྩལ་བ་མིང་འདི་ཞེས་བགྱི་བ་འདི། དགེ་འདུན་ལས་མཐུན་པའི་གསོ་སྦྱོང་གསོལ་ཏེ། དེའི་སླད་དུ་དགེ་འདུན་གྱིས་མཐུན་པ་སྩལ་བའི་དགེ་སློང་མིང་འདི་ཞེས་བགྱི་བ་ལ་མཐུན་པའི་གསོ་སྦྱོང་གསོལ་བར་མཛད་ན། ཚེ་དང་ལྡན་པ་དག་ལས། གང་དག་ལས་མཐུན་པ་སྩལ་བའི་དགེ་སློང་མིང་འདི་ཞེས་བགྱི་བ་ལ། འཇུག་པའི་གསོ་སྦྱོང་སྩལ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་མཐུན་པ་སྩལ་བའི་དགེ་སློང་མིང་འདི་ཞེས་བགྱི་བ་ལ་མཐུན་པའི་གསོ་སྦྱོང་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་འདུན་གྱིས་མཐུན་པ་བྱིན་པའི་དགེ་སློང་གང་ལ་མཐུན་པའི་གསོ་སྦྱོང་བྱིན་པ་དེ་དང་དགེ་འདུན་ལྷན་ཅིག་གཅིག་ཏུ་འདུག་ལ་གསོ་སྦྱོང་དང །
Ga199b
དགག་དབྱེ་དང ། གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་བྱ་སྟེ། དེ་ལ་འགྱོད་པར་མི་བྱའོ། །མི་མཐུན་པར་བྱེད་ན། འགལ་ཚབས་ཅན་དུ་འགྱུར་རོ། ། དགེ་སློང་གིས་བཀྲ་ཤིས་ཀྱི་གསོ་སྦྱོང་དང ། མཐུན་པའི་གསོ་སྦྱོང་དང ། མི་བདེ་བ་ལ་གསོ་སྦྱོང་བྱ་བ་མ་གཏོགས་པར་གསོ་སྦྱོང་མ་ཡིན་པར་གསོ་སྦྱོང་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། །ཀོའུ་ཤམྦྷིའི་གཞི་རྫོགས་སོ།། །།འདུལ་བ་གཞི། བམ་པོ་རེ་དགུ་པ། ལས་ཀྱི་གཞིའི་སྡོམ་ནི། ཀ་ཤིའི་གནས་པའི་གྲོང་ཁྱེར་ན། །སྡེ་འཇོམས་ཀྱིས་ནི་དངོས་པོ་དང ། །ཙམ་པར་སངས་རྒྱས་བཅོམ་ལྡན་འདས། །ལས་མ་ཡིན་དང་སླར་ལོག་པའོ། །ཡུལ་ཀ་ཤིའི་གནས་པ་ཞེས་བྱ་བའི་གྲོང་ཁྱེར་ན། དགེ་སློང་སྡེ་འཇོམས་ཞེས་བྱ་བ་གནས་ཏེ། དེ་ལ་བརྟེན་ནས་གནས་པའི་གྲོང་ཁྱེར་གྱི་བྲམ་ཟེ་དང ། ཁྱིམ་བདག་རྣམས་སངས་རྒྱས་དང་ཆོས་དང་དགེ་འདུན་ལ་བྱ་བ་བྱེད་དེ། དགེ་སློང་གློ་བུར་བ་གང་དག་གནས་པའི་གྲོང་ཁྱེར་དུ་ལྷགས་ན། དེ་རྣམས་དེས་ངལ་བསོར་བཅུག་སྟེ། ཡོ་བྱད་ཐམས་ཅད་ཀྱིས་བསྟབས་ནས། ལམ་གྱིས་དུབ་པ་ངལ་སོས་པ་དང ། དགེ་སློང་རྣམས་ལ་བསོད་སྙོམས་སྦྱོར་བའི་ཁྱིམ་གང་ཡིན་པ་དེ་རྣམས་སུ་ཟས་ལ་གཏོང་བར་བྱེད་དོ། །ཇི་ཙམ་ན། རྒན་ཞུགས་ཤིག་གནས་པའི་གྲོང་ཁྱེར་དུ་དབྱར་གནས་ནས་དབྱར་གྱི་ཟླ་བ་གསུམ་པོ་དག་འདས་
Ga200a
༄#། །པ་དང ། ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས་དེ་ལྷུང་བཟེད་དང་ཆོས་གོས་ཁྱེར་ཏེ། མཉན་ཡོད་གང་ན་བ་དེར་རྒྱུ་ཞིང་དོང་སྟེ། རིམ་གྱིས་རྒྱུ་ཞིང་དོང་བ་དང་མཉན་ཡོད་དུ་ཕྱིན་ཏོ། །དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་དྲུག་སྡེ་གང་ཡང་རུང་བས་སྟོང་པར་མི་འཇོག་པ་ཡིན་པས། རྒྱལ་བུ་རྒྱལ་བྱེད་ཀྱི་ཚལ་གྱི་སྒོ་ན། ཉེ་དགའ་འདུག་པ་དེས་རྒྱང་རིང་པོ་ཁོ་ན་ནས་མགོ་སྤྲ་བའི་མེ་ཏོག་ལྟར་སྐྱ་བ། སྨིན་མ་འཕྱང་བ་ཞིག་མཐོང་ནས་བསམ་པ། འདི་ནི། དགེ་སློང་གནས་བརྟན་ཞིག་ཡིན་ཏེ་འོང་གི། བསུར་འགྲོའོ་ཞེས་དེས་བསུ་ནས་གནས་བརྟན་བྱོན་པ་ལེགས་སོ། །བྱོན་པ་ལེགས་སོ། །དེས་སྨྲས་པ། སློབ་དཔོན་ཕྱག་འཚལ་ལོ། །དེས་བསམ་པ། ཀྱེ་མ། འདི་ནི། རྒན་ཞུགས་ཤིག་ཡིན་ཏེ། སློབ་དཔོན་ཡང་མི་ཤེས། མཁན་པོ་ཡང་མི་ཤེས་སོ། །སྙམ་ནས་རྒན་ཞུགས། ཇི་སྲིད་ཅིག་ནས་འོངས། གནས་པའི་གྲོང་ཁྱེར་ནས་སོ། །ཅི། དེ་ན་གཙུག་ལག་ཁང་ཡོད་དམ། གཙུག་ལག་ཁང་ཡོད་དོ། །དེ་ཅི། གཙུག་ལག་ཁང་ཡིན་ནམ། འོན་ཏེ་ཕོངས་པ་ཞིག་ཡིན། གཙུག་ལག་ཁང་ནི། ཇི་ལྟ་བུ། གང་ན་ཡོ་བྱད་ཐམས་ཅད་ཕུན་སུམ་ཚོགས་པ་དེ་ནི། གཙུག་ལག་ཁང་ཡིན་ནོ། །གང་ན་ཡོ་བྱད་མེད་པ་དེ་ནི། ཕོངས་པ་ཡིན་ནོ། །གལ་ཏེ་དེ་ལྟ་ན། དེ་ནི། གཙུག་ལག་ཁང་ཡིན་ཏེ། དེ་ན་དགེ་སློང་སྡེ་འཇོམས་
Ga200b
ཞེས་བྱ་བ་གནས་སོ། །དེ་ལ་བརྟེན་ནས་གནས་པའི་གྲོང་ཁྱེར་གྱི་བྲམ་ཟེ་དང་ཁྱིམ་བདག་རྣམས་སངས་རྒྱས་དང་ཆོས་དང་དགེ་འདུན་ལ་བྱ་བ་བྱེད་དེ། དགེ་སློང་གློ་བུར་བ་གང་དག་དེར་ལྷགས་པ་དེ་རྣམས་ལ་དེས་ངལ་བསོར་བཅུག་སྟེ་ཡོ་བྱད་ཐམས་ཅད་ཀྱིས་བསྟབས་ནས་ལམ་གྱིས་དུབ་པ་ངལ་སོས་པ་དང ། དགེ་སློང་རྣམས་ལ་བསོད་སྙོམས་སྦྱོར་བའི་ཁྱིམ་གང་ཡིན་པ་དེ་རྣམས་སུ་ཟས་ལ་གཏོང་བར་བྱེད་དོ། ། དྲུག་སྡེ་རྣམས་ཀྱི་ཀུན་ཏུ་སྤྱོད་པ་ནི། ཉིན་པར་ཅུང་ཟད་ཅི་ཐོས་པ་དེ་དག་དགོངས་ཀ་འདུག་ནས་ཕན་ཚུན་སྨྲ་བར་བྱེད་པ་ཡིན་པས། དགའ་བོ་ཉེ་དགའ། བདག་ཅག་གིས་ཇི་སྲིད་དུ་སྡུག་བསྔལ་ཕོག་སྙམ་བྱ། ཁྱེད་ལས་འགའ་ཞིག་གིས་གང་ན་རྒྱ་ཆེ་བ་སྣང་བ་ཡོད་པ་ལྟ་ཅུང་ཟད་ཅི་ཐོས། ཉེ་དགས་སྨྲས་པ། ཡུལ་ཀ་ཤིར་གནས་པའི་གྲོང་ཁྱེར་ན་དགེ་སློང་སྡེ་འཇོམས་ཞེས་བྱ་བ་གནས་ཏེ། དེ་ལ་བརྟེན་ནས་གནས་པའི་གྲོང་ཁྱེར་གྱི་བྲམ་ཟེ་དང ། ཁྱིམ་བདག་རྣམས་ཞེས་བྱ་བ་ནས་ཟས་ལ་གཏོང་བར་བྱེད་དོ། །ཞེས་བྱ་བའི་བར་གོང་མ་བཞིན་དུའོ། །གལ་ཏེ་འདོད་ན་དེར་འདོང་ངོ་ཞེས། དེ་རྣམས་ལྷུང་བཟེད་དང་ཆོས་གོས་བླངས་ནས་གནས་པའི་གྲོང་ཁྱེར་གང་ན་བ་དེར་རྒྱུ་ཞིང་དོང་སྟེ། རིམ་གྱིས་རྒྱུ་ཞིང་དོང་བ་ལས་གནས་པའི་གྲོང་ཁྱེར་དུ་ཕྱིན་པ་དང་དེ་རྣམས་རྒྱང་རིང་པོ་ཁོ་ན་ནས་སྡེ་འཇོམས་ཀྱིས་མཐོང་ནས་དེས་བསམ་པ། གནས་ངན་ལེན་ཀུན་དུ་སྤྱོད་པ་འདི་དག་འོང་གི་།ངལ་བསོར་བཅུག་སྟེ་མཁོ་བའི་ཡོ་བྱད་ཐམས་ཅད་ཀྱིས་བསྟབ་པར་བྱའི། ཁྱིམ་རྣམས་སུ་ཟས་ལ་
Ga201a
༄#། །ནི་གཏང་བར་མི་བྱའོ་སྙམ་ནས། དེས་དེ་རྣམས་ངལ་བསོར་བཅུག་ནས་ཡོ་བྱད་ཐམས་ཅད་ཀྱིས་ནི་བསྟབས་ཀྱི། ཁྱིམ་རྣམས་སུ་ཟས་ལ་ནི་མ་བཏང་ངོ ། །དེ་རྣམས་ལས་ཁ་ཅིག་གིས་སྨྲས་པ། དགའ་བོ་ཉེ་དགའ། བདག་ཅག་ལ་རྒན་ཞུགས་འདིས་ཡོ་བྱད་ཐམས་ཅད་ཀྱིས་ནི་བསྟབས་ཀྱི། ཁྱིམ་རྣམས་སུ་ཟས་ལ་ནི་མ་བཏང་ངོ ། །གཞན་དག་གིས་སྨྲས་པ། རེ་ཞིག་ཅིག་གྲུབ་ཟིན་པས། ཁྱིམ་རྣམས་སུ་ཡང་གཏོང་བར་བྱེད་གྲང ། ཇི་ཙམ་ན། དགེ་སློང་གསར་བུ་ཞིག་འོངས་པ་དང ། དེས་དེ་ངལ་བསོར་བཅུག་སྟེ། ཡོ་བྱད་ཐམས་ཅད་ཀྱིས་བསྟབས་ནས་ལམ་གྱིས་དུབ་པ་ངལ་སོས་པ་དང ། ཁྱིམ་རྣམས་སུ་ཟས་ལ་བཏང་ངོ ། །དྲུག་སྡེ་རྣམས་ཁྲོས་ནས་སྨྲས་པ། དགའ་བོ་ཉེ་དགའ། རྒན་ཞུགས་འདིའི་འདུན་པ་དང ། ཞེ་སྡང་ཅི་འདྲ་བ་ལྟོས། རེ་ཞིག་གལ་ཏེ་སྔར་འོངས་པ་ཞིག་ཡིན་ན་ཡང་བདག་ཅག་ཡིན་ལ། ཡང་ན་རྒན་པ་ཡིན་ན་ཡང་བདག་ཅག་ཡིན་ལ། འོན་ཏེ་མང་དུ་ཐོས་པ་ཡིན་ན་ཡང་བདག་ཅག་ཡིན་ན། དགེ་སློང་འདི་ནི། འོངས་ནས་རིང་པོ་མ་ལོན་པ་གསར་བུ་ཤེས་པ་དང་མི་ལྡན་པ་ཡིན་ན། འདིས་དེ་ལ་ཡོ་བྱད་ཐམས་ཅད་ཀྱིས་བསྟབས་ནས། ཁྱིམ་རྣམས་སུ་ཟས་ལ་བཏང་ལ་བདག་ཅག་ལ་ནི་མ་ཡིན་ནོ་ཞེས་དེ་རྣམས་ཀྱིས་དེ་ལ་སྤྱོས་པ། རྒན་ཞུགས། ཁྱོད་ཀྱི་འདུན་པ་དང ། ཞེ་སྡང་ནི། དེ་འདྲའོ། །རེ་ཞིག་གལ་ཏེ་
Ga201b
སྔར་འོངས་པ་ཡིན་ན་ཡང་བདག་ཅག་ཡིན་ལ་ཞེས་བྱ་བ་ནས་ཁྱོད་ཀྱིས་དེ་ལ་ཡོ་བྱད་ཐམས་ཅད་ཀྱིས་བསྟབས་ནས། ཁྱིམ་རྣམས་སུ་ཟས་ལ་བཏང་ལ། ཁོ་བོ་ཅག་ལ་ནི་མ་ཡིན་ནོ་ཞེས་བྱ་བའི་བར་གོང་མ་བཞིན་དུའོ། །གནས་བརྟན་དག། ཅུང་ཟད་ཉམས་པར་མ་གྱུར་ཏམ། དྲུག་སྡེ་རྣམས་མི་བཟོད་པ་སྐྱེས་ནས་སྨྲས་པ། ཅང་མི་སྨྲ་བར་འདུག་པར་བྱ་བ་གང་ཡིན་པ་དེས་སླར་སྨྲའམ་ཞེས་དེ་རྣམས་ཀྱིས་དེ་སྨྲར་བཅུག་ནས་ཅང་མི་སྨྲ་བར་འདུག་གོ། དེ་རྣམས་ཀྱིས་དེ་ལ་གླེང་བ་མ་བྱས། དྲན་པར་མ་བྱས་ཤིང་ཁས་བླངས་པ་མེད་པར་ནན་གྱིས་གཞི་མེད་པར་གནས་ནས་དབྱུང་བའི་ལས་བྱས་སོ། །དེས་བསམ་པ། བྲམ་ཟེ་དང ། ཁྱིམ་བདག་རྣམས་དད་པར་བྱ་བ་ནི། དཀའ་ལ། མ་དད་པར་འགྱུར་བ་ནི། སླ་བས་གལ་ཏེ་འདུག་ན། གནས་པའི་གྲོང་ཁྱེར་གྱི་བྲམ་ཟེ་དང་ཁྱིམ་བདག་རྣམས་དད་པ་མ་ཡིན་པར་སྐྱེ་བར་འགྱུར་བས། བདག་ནི། རྣམ་པ་ཐམས་ཅད་དུ་འགྲོ་བར་བྱའོ་སྙམ་ནས། དེས་ལྷུང་བཟེད་དང་ཆོས་གོས་ཁྱེར་ཏེ། མཉན་ཡོད་གང་ན་བ་དེར་རྒྱུ་ཞིང་སོང་སྟེ། རིམ་གྱིས་རྒྱུ་ཞིང་སོང་བ་ལས་མཉན་ཡོད་དུ་ཕྱིན་པ་དང ། དེ་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་སྡེ་འཇོམས་ལ། འོངས་པ་ལེགས་སོ། ། འོངས་པ་ལེགས་སོ། །ཁྱོད་ངོ་མཐོང་བ་ནི། བདག་ཅག་དགའ་ན། འོངས་པ་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཁྱོད་ལ་བརྟེན་ནས་གནས་པའི་གྲོང་ཁྱེར་གྱི་བྲམ་ཟེ་དང་ཁྱིམ་བདག་
Ga202a
༄#། །རྣམས་སངས་རྒྱས་དང་ཆོས་དང་དགེ་འདུན་ལ་བྱ་བ་བྱེད་ལ། དགེ་སློང་གློ་བུར་པ་གང་དག་ལྷགས་པ་དེ་རྣམས་ཀྱང་གནས་པའི་གྲོང་ཁྱེར་དུ་བརྟེན་ཏོ། །དེ་ནི། བདེན་ན། བདག་ལ་དྲུག་སྡེ་རྣམས་ཀྱིས་གླེང་བམ་བྱས། དྲན་པར་མ་བྱས་ཤིང་ཁས་བླངས་པ་མེད་པར་ནན་གྱིས་གཞི་མེད་པའི་གནས་ནས་དབྱུང་བའི་ལས་བྱས་སོ། །ཅིའི་ཕྱིར། དེས་ཇི་ལྟར་གྱུར་པ་རྣམས་སྨྲས་པ་དང ། དེ་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་ལྟ་བས་ན། དེང་ཕྱིན་ཆད་དགེ་སློང་གིས་གླེང་བ་མ་བྱས། དྲན་པར་མ་བྱས་ཤིང་ཁས་བླངས་པ་མེད་པར་ནན་གྱིས་གཞི་མེད་པའི་གནས་དབྱུང་བའི་ལས་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་ཙམ་པའི་དྲང་སྲོང་གར་གའི་རྫིང་གི་འགྲམ་ན་བཞུགས་སོ། །དེའི་ཚེ་དགེ་སློང་དྲུག་སྡེ་རྣམས་ཆོས་མ་ཡིན་པའི་ལས་འདི་ལྟ་བུ་དག་བྱེད་དེ། འདི་ལྟ་སྟེ། ཆོས་མ་ཡིན་པས་མི་མཐུན་པར་བྱེད་པ་དང ། ཆོས་མ་ཡིན་པས་མཐུན་པར་བྱེད་པ་དང ། ཆོས་ཀྱིས་མི་མཐུན་པར་བྱེད་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། དགེ་སློང་རྣམས་ཀྱིས་ཆོས་མ་ཡིན་
Ga202b
པའི་ལས་འདི་ལྟ་སྟེ། ཆོས་མ་ཡིན་པས་མཐུན་པ་དང ། ཆོས་མ་ཡིན་པས་མི་མཐུན་པ་དང ། ཆོས་ཀྱིས་མི་མཐུན་པ་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། སྡོམ་ལ། གཅིག་གིས་གཅིག་མིན་གཉིས་མིན་ཏེ། །མང་པོ་རྣམས་ཀྱི་བྱ་བ་མིན། །ཚོགས་ཀྱིས་ཚོགས་ཀྱི་ལས་མིན་ཏེ། །དགེ་འདུན་ལྔ་ནི་ལས་ལ་དབང ། །སངས་རྒྱས་བཅོམ་ལྡན་འདས་ཙམ་པའི་དྲང་སྲོང་གར་གའི་རྫིང་འགྲམ་ན་བཞུགས་སོ། །དེའི་ཚེ་དགེ་སློང་དྲུག་སྡེ་རྣམས་ཆོས་མ་ཡིན་པའི་ལས་འདི་ལྟ་བུ་དག་བྱེད་དེ། འདི་ལྟ་སྟེ། གཅིག་གིས་གཅིག་གི་དང ། གཅིག་གིས་གཉིས་ཀྱི་དང ། གཅིག་གིས་མང་པོའི་དང ། གཉིས་ཀྱིས་གཉིས་ཀྱི་དང ། གཉིས་ཀྱིས་གཅིག་གི་དང ། གཉིས་ཀྱིས་མང་པོའི་དང ། མང་པོས་གཅིག་གི་དང ། མང་པོས་གཉིས་ཀྱི་དང ། ཚོགས་ཀྱིས་ཚོགས་ཀྱི་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན། གཅིག་གིས་གཅིག་གི་ལས་མི་བྱ་སྟེ། གཅིག་གིས་གཉིས་ཀྱི་མ་ཡིན། གཅིག་གིས་མང་པོའི་མ་ཡིན། གཉིས་ཀྱིས་གཉིས་ཀྱི་མ་ཡིན། གཉིས་ཀྱིས་གཅིག་གི་མ་ཡིན། གཉིས་ཀྱིས་མང་པོའི་མ་ཡིན། མང་པོས་མང་པོའི་མ་ཡིན། མང་པོས་གཅིག་གི་མ་ཡིན། མང་པོས་གཉིས་ཀྱི་མ་ཡིན་ཏེ། ཚོགས་ཀྱིས་ཚོགས་ཀྱི་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་དག། འོན་ཀྱང་ལས་ལ་དབང་བའི་དགེ་
Ga203a
༄#། །འདུན་ལྔ་ཡོད་དེ། ལྔ་གང་ཞེ་ན། དགེ་སློང་བཞིའི་དགེ་འདུན་དང ། དགེ་སློང་ལྔའི་དགེ་འདུན་དང ། དགེ་སློང་བཅུའི་དགེ་འདུན་དང ། དགེ་སློང་ཉི་ཤུའི་དགེ་འདུན་དང ། ལྷག་པའི་དགེ་འདུན་ནོ། །གང་ན་དགེ་སློང་བཞི་གནས་པ་དེ་ན་དགེ་འདུན་གྱི་ཆོས་ཀྱི་ལས་བྱ་བ་ཐམས་ཅད་རུང་སྟེ། ལྔའི་དགག་དབྱེ་དང ། བཅུའི་བསྙེན་པར་རྫོགས་པ་དང།་ཉི་ཤུའི་དབྱུང་བ་ནི། མ་གཏོགས་སོ། །གང་ན་དགེ་སློང་ལྔ་གནས་པ་དེ་ན། དགེ་འདུན་གྱི་ལས་བྱ་བ་ཐམས་ཅད་རུང་སྟེ། བཅུའི་བསྙེན་པར་རྫོགས་པ་དང ། ཉི་ཤུའི་དབྱུང་བ་ནི།་མ་གཏོགས་སོ། །གང་ན་དགེ་སློང་བཅུ་གནས་པ་དེ་ན། དགེ་འདུན་གྱི་ལས་བྱ་བ་ཐམས་ཅད་རུང་སྟེ། ཉི་ཤུའི་དབྱུང་བ་ནི། མ་གཏོགས་སོ། །གང་ན་དགེ་སློང་ཉི་ཤུའམ། ལྷག་པར་གནས་པ་དེ། དགེ་འདུན་གྱི་ཆོས་ཀྱི་ལས་བྱ་བ་ཐམས་ཅད་རུང་ངོ ། །སྡོམ་ལ། བཞི་ཡི་ཚོགས་ཀྱི་བྱ་བ་ལ། །གང་ཟག་སོ་སོས་བྱེད་པ་དང ། །སྤོབས་པ་དག་དང་བཞི་ཡིས་ནི། ། ལས་བཞི་རྣམ་པ་གཉིས་དྲན་བྱ། །བཞིའི་ཚོགས་ཀྱི་བྱ་བ་དགེ་སློང་སོ་སོ་ནས་བྱེད་ན། དེ་ནི་ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ནོ། །དེ་ནི། དེ་ལྟ་བུར་མི་བྱ་སྟེ།་དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །བཞིའི་ཚོགས་ཀྱི་བྱ་བ་བཞི་བ་ཁྱིམ་པ་དང་བྱེད་ན། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་
Ga203b
པའི་ལས་ཡིན་ནོ། །དེ་ནི། དེ་ལྟ་བུར་མི་བྱ་སྟེ། དེས་ནི་དགེ་འདུན་ཡང་འགལ་ཚབས་ཅན་དུ་འགྱུར་རོ། །དེ་བཞིན་དུ་བཞི་པ་དགེ་ཚུལ་དང ། ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་གསོད་པ་དང ། ཕ་གསོད་པ་དང ། དགྲ་བཅོམ་པ་གསོད་པ་དང ། དགེ་འདུན་གྱི་དབྱེན་བྱེད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། མུ་སྟེགས་ཅན་དང།་མུ་སྟེགས་ཅན་དུ་ཞུགས་པ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བྱ་བ་དང ། སྤོ་བ་དང་ལས་བྱེད་ན། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ནོ། །དེ་ནི། དེ་ལྟ་བུར་མི་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །བཞིའི་ཚོགས་ཀྱི་བྱ་བ་བཞི་ཚང་བས་ཆོས་ཀྱི་ལས་བྱེད་ན། དེ་ནི་ཆོས་ཀྱི་ལས་དང ། འདུལ་བའི་ལས་ཡིན་ནོ། །དེ་ནི། དེ་ལྟ་བུར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །བཞིའི་ཚོགས་ཀྱིས་བྱས་པའི་ལས་བཞི་པ་ཁྱིམ་པ་མ་ཡིན། དགེ་ཚུལ་མ་ཡིན་ཞེས་བྱ་བ་ནས་བཞི་པ་གནས་པར་མི་བྱ་བ་མ་ཡིན་པ་དང ། སྤོ་བ་མ་ཡིན་པས་བྱེད་ན་ཞེས་བྱ་བའི་བར་གོང་མ་བཞིན་དུ་སྟེ། དེ་ནི། ཆོས་ཀྱི་ལས་དང ། འདུལ་བའི་ལས་ཡིན་ནོ། །དེ་ནི། དེ་ལྟ་བུར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །ལྔའི་ཚོགས་ཀྱི་བྱ་བ་ལྔར་མ་ཚང་བས་ལས་བྱེད་ན། དེ་ནི། ཆོས་མ་ཡིན་པའི་ལས་
Ga204a
༄#། །དང ། འདུལ་བ་མ་ཡིན་པའི་ལས་ཡིན་ནོ། །དེ་ནི། དེ་ལྟ་བུར་མི་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔའི་ཚོགས་ཀྱི་བྱ་བའི་ལས་ལྔ་པ་ཁྱིམ་པ་དང་ཞེས་བྱ་བ་ནས་ལྔ་པ་སྤོབས་བྱེད་ན་ཞེས་བྱ་བའི་བར་གོང་མ་བཞིན་དུ་སྟེ། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ནོ། །དེ་ནི། དེ་ལྟ་བུར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔའི་ཚོགས་ཀྱི་བྱ་བའི་ལས་ལྔར་ཚང་བས་བྱེད་ན། དེ་ནི། ཆོས་ཀྱི་ལས་དང ། འདུལ་བའི་ལས་ཡིན་ནོ། །དེ་ནི། དེ་ལྟ་བུར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །ལྔའི་ཚོགས་ཀྱི་བྱ་བའི་ལས་ལྔ་པ་ཁྱིམ་པ་མ་ཡིན་པ་དང ། དགེ་ཚུལ་མ་ཡིན་པ་དང་ཞེས་བྱ་བ་ནས་ལྔ་པ་སྤོ་བ་མ་ཡིན་པས་བྱེད་ན་ཞེས་བྱ་བའི་བར་གོང་མ་བཞིན་དུ་སྟེ། ཆོས་ཀྱིས་བྱེད་ན། དེ་ནི། ཆོས་ཀྱི་ལས་དང་འདུལ་བའི་ལས་ཡིན་ནོ། །དེ་ནི། དེ་ལྟ་བུར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །བཅུའི་ཚོགས་ཀྱི་བྱ་བའི་ལས་བཅུར་མ་ཚང་བས་བྱེད་ན། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ཏེ། དེ་ནི། དེ་ལྟ་བུར་མི་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །བཅུའི་ཚོགས་ཀྱི་བྱ་བའི་ལས་བཅུ་པ་ཁྱིམ་པ་དང་ཞེས་བྱ་བ་ནས་བཅུ་པ་སྤོ་བས་བྱེད་ན་ཞེས་བྱ་བའི་བར་
Ga204b
གོང་མ་བཞིན་དུ་སྟེ། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ནོ། །དེ་ནི། དེ་ལྟ་བུར་མི་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །བཅུའི་ཚོགས་ཀྱི་བྱ་བའི་ལས་ཚོགས་བཅུར་ཚང་བས་ལས་བྱེད་ན། དེ་ནི། ཆོས་ཀྱི་ལས་དང ། འདུལ་བའི་ལས་ཡིན་ནོ། །དེ་ནི། དེ་ལྟ་བུར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །བཅུའི་ཚོགས་ཀྱི་བྱ་བའི་ལས་བཅུ་པ་ཁྱིམ་པ་མ་ཡིན་པ་དང་ཞེས་བྱ་བ་ནས་བཅུ་པ་སྤོ་བ་མ་ཡིན་པས་ཆོས་ཀྱི་ལས་བྱེད་ན་ཞེས་བྱ་བའི་བར་གོང་མ་བཞིན་དུ་སྟེ། དེ་ནི། ཆོས་ཀྱི་ལས་དང ། འདུལ་བའི་ལས་ཡིན་ནོ། །དེ་ནི། དེ་ལྟར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །ཉི་ཤུའི་ཚོགས་ཀྱི་བྱ་བའི་ལས་ཉི་ཤུར་མ་ཚང་བས་བྱེད་ན། དེ་ནི། ཆོས་མ་ཡིན་པ་དང ། འདུལ་བ་མ་ཡིན་པའི་ལས་ཡིན་ནོ། །དེ་ནི། དེ་ལྟ་བུར་མི་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ཉི་ཤུའི་ཚོགས་ཀྱི་བྱ་བའི་ལས་ཉི་ཤུ་པ་ཁྱིམ་པ་དང་དགེ་ཚུལ་དང་ཞེས་བྱ་བ་ནས་ཉི་ཤུ་པ་སྤོ་བས་བྱེད་ན་ཞེས་བྱ་བའི་བར་གོང་མ་བཞིན་དུ་སྟེ། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ནོ། །དེ་ནི། དེ་ལྟ་བུར་མི་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ཉི་ཤུའི་ཚོགས་ཀྱི་བྱ་བ་ཉི་ཤུ་ཚང་བས་ཆོས་ཀྱི་ལས་བྱེད་ན། དེ་ནི། ཆོས་ཀྱི་ལས་དང །
Ga205a
༄#། །འདུལ་བའི་ལས་ཡིན་ནོ། །དེ་ནི། དེ་ལྟ་བུར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །ཉི་ཤུའི་ཚོགས་ཀྱི་བྱ་བའི་ལས་ཉི་ཤུ་པ་ཁྱིམ་པ་མ་ཡིན་པ་དང ། དགེ་ཚུལ་མ་ཡིན་པ་དང་ཞེས་བྱ་བ་ནས་ཉི་ཤུ་པ་སྤོ་བ་མ་ཡིན་པས་ཆོས་ཀྱི་ལས་བྱེད་ན་ཞེས་བྱ་བའི་བར་གོང་མ་བཞིན་དུ་སྟེ། དེ་ནི། ཆོས་ཀྱི་ལས་དང ། འདུལ་བའི་ལས་ཡིན་ནོ། །དེ་ནི། དེ་ལྟ་བུར་བྱ་སྟེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །སྡོམ་ལ། ཆོས་དང་ཆོས་མིན་ལས་གང་དང ། །གསོལ་པ་གང་ཡིན་དེས་བྱས་པ་དང ། །མངོན་སུམ་དང་ནི་ཁས་བླངས་དང ། །འཁོར་ལོ་ལྟ་བུར་བསྒྲེ་བས་འབྲེལ། །ཆོས་མ་ཡིན་པའི་ལས་དང ། ཆོས་ཀྱི་ལས་ཏེ། ཆོས་མ་ཡིན་པའི་ལས་གང་ཞེ་ན། མི་འོས་པ་ལས་བསླང་བ་ལ་མ་ཐུག་པར་སློང་ཞིང ། བསླང་བར་བྱ་བ་ལ་ཇི་ལྟར་རྗེས་སུ་བསྒྲག་པ་ཡིན་པ་དེ་བཞིན་དུ་མི་སློང་བ་ནི། ཆོས་མ་ཡིན་པའི་ལས་སོ། །འོས་པ་ལ་བསླང་བ་ལ་ཐུག་པའི་ཚེ་སློང་ཞིང་བསླང་བར་བྱ་བ་ལ་ཇི་ལྟར་བསྒྲག་པ་ཡིན་པ་དེ་བཞིན་དུ་སློང་བ་ནི། ཆོས་ཀྱི་ལས་སོ། །མི་འོས་པ་བསླང་བ་ལ་མ་ཐུག་པར་སློང་ཞིང ། བསླང་བར་བྱ་བ་ལ་ཇི་ལྟར་བསྒྲག་པ་ཡིན་པ་དེ་བཞིན་དུ་མི་སློང་བ་ནི། ཆོས་མ་ཡིན་པའི་ལས་སོ། །འོས་པ་ལ་བསླང་བ་ལ་ཐུག་པའི་ཚེ་སློང་ཞིང ། བསླང་བར་བྱ་བ་ལ་ཇི་ལྟར་རྗེས་སུ་བསྒྲག་པ་ཡིན་པ་དེ་བཞིན་དུ་བསླང་བ་ནི། ཆོས་ཀྱི་ལས་སོ། །གསོལ་པ་མ་བྱས་པར་བྱེད་པ་ནི།
Ga205b
ཆོས་མ་ཡིན་པའི་ལས་སོ། །གསོལ་པ་བྱས་ནས་བྱེད་པ་ནི། ཆོས་ཀྱི་ལས་སོ། །གསོལ་པ་དང་གཉིས་ཀྱི་ལས་ལ། གསོལ་པ་མ་བྱས་པར་ལན་གཅིག་རྗེས་སུ་སྒྲོག་པར་བྱེད་པ་ནི། ཆོས་མ་ཡིན་པའི་ལས་སོ། །གསོལ་པ་དང་གཉིས་ཀྱི་ལས་ལ། གསོལ་བ་བྱས་ནས་ལན་གཅིག་རྗེས་སུ་སྒྲོག་པར་བྱེད་པ་ནི། ཆོས་ཀྱི་ལས་སོ། །གསོལ་བ་དང་བཞིའི་ལས་ལ། གསོལ་བ་མ་བྱས་པར་ལན་གསུམ་དུ་རྗེས་སུ་སྒྲོག་པར་བྱེད་པ་ནི། ཆོས་མ་ཡིན་པའི་ལས་སོ། །གསོལ་བ་དང་བཞིའི་ལས་ལ། གསོལ་བ་བཏབ་ནས་ལན་གསུམ་དུ་རྗེས་སུ་སྒྲོག་པར་བྱེད་པ་ནི། ཆོས་ཀྱི་ལས་སོ། །ལས་གཞན་གྱིས་གསོལ་བ་བྱས་ལ་ལས་གཞན་གྱིས་རྫོགས་པར་བྱེད་པ་ནི། ཆོས་མ་ཡིན་པའི་ལས་སོ། །ལས་དེ་ཉིད་ཀྱིས་གསོལ་བ་བྱས་ནས་རྫོགས་པར་བྱེད་པ་ནི། ཆོས་ཀྱི་ལས་སོ། །མངོན་སུམ་དུ་བྱ་བའི་ལས་མངོན་སུམ་པ་མ་ཡིན་པ་ལ་བྱེད་པ་ནི། ཆོས་མ་ཡིན་པའི་ལས་སོ། །མངོན་སུམ་དུ་བྱ་བའི་ལས་མངོན་སུམ་པ་ལ་བྱེད་པ་ནི། ཆོས་ཀྱི་ལས་སོ། །ཁས་བླང་བར་བྱ་བའི་ལས་ཁས་མི་ལེན་པར་བྱེད་པ་ནི། ཆོས་མ་ཡིན་པའི་ལས་སོ། །ཁས་བླང་བར་བྱ་བའི་ལས་ཁས་ལེན་པར་བྱེད་པ་ནི། ཆོས་ཀྱི་ལས་སོ། །མངོན་སུམ་གྱིས་འདུལ་བར་འོས་པ་ལ་དྲན་པས་འདུལ་བ་སྦྱིན་པ་ནི། ཆོས་མ་ཡིན་པའི་ལས་སོ། །མ་མྱོས་པས་འདུལ་བ་དང ། དེའི་ངོ་བོ་ཉིད་ཚོལ་དུ་གཞུག་པ་དང ། གང་ཚུལ་ཤིང་མང་པོ་བྲིམ་པ་དང ། ཁས་བླང་བར་འོས་པ་དང ། རྩཝ་བཀྲམ་པ་ལྟ་བུ་དང ། བསྡིགས་པ་དང ། སྨད་པ་དང །
Ga206a
༄#། །བསྐྲད་པ་དང ། སྤང་བ་དང ། མ་མཐོང་བ་གནས་ནས་དབྱུང་བ་དང ། ཕྱིར་མི་བྱེད་པས་གནས་ནས་དབྱུང་བ་དང ། སྡིག་པའི་ལྟ་བར་སོང་བ་སྤངས་པས་གནས་ནས་དབྱུང་བའི་ལས་དང ། སྤོ་བ་དང ། གཞི་ནས་སྤོ་བ་དང ། ཡང་གཞི་ནས་བསླང་སྟེ་སྤོ་བ་དང ། མགུ་བར་བྱ་བ་དང ། གཞི་ནས་མགུ་བར་བྱ་བ་དང ། ཡང་གཞི་ནས་བསླང་སྟེ་མགུ་བར་བྱ་བ་དང ། འབྱིན་པར་བྱེད་པ་ནི། ཆོས་མ་ཡིན་པའི་ལས་སོ། །མངོན་སུམ་གྱིས་འདུལ་བར་འོས་པ་ལ་མངོན་སུམ་གྱིས་འདུལ་བ་ཉིད་སྦྱིན་གྱི། དྲན་པས་འདུལ་བ་མ་ཡིན་པ་ཞེས་བྱ་བ་ནས་འབྱིན་པར་བྱེད་པ་མ་ཡིན་ཞེས་བྱ་བའི་བར་དུ་ཆོས་ཀྱི་ལས་སོ། །དྲན་པས་འདུལ་བར་འོས་པ་ལ་མ་མྱོས་པས་འདུལ་བ་སྦྱིན་པ་ནི། །ཆོས་མ་ཡིན་པའི་ལས་སོ། །དེའི་ངོ་བོ་ཉིད་ཚོལ་དུ་གཞུག་པ་དང་ཞེས་བྱ་བ་ནས་འབྱིན་པར་བྱེད་པ་ཞེས་བྱ་བའི་བར་གོང་མ་བཞིན་དུ་སྟེ། མངོན་སུམ་གྱིས་འདུལ་བ་སྦྱིན་པ་ནི། ཆོས་མ་ཡིན་པའི་ལས་སོ། །དྲན་པས་འདུལ་བར་འོས་པ་ལ་དྲན་པས་འདུལ་བ་ཉིད་སྦྱིན་གྱི། མ་མྱོས་པས་འདུལ་བ་མ་ཡིན། དེའི་ངོ་བོ་ཉིད་ཚོལ་དུ་གཞུག་པ་མ་ཡིན་ཞེས་བྱ་བ་ནས་མངོན་སུམ་གྱིས་འདུལ་བ་མ་ཡིན་ཞེས་བྱ་བའི་བར་ནི། ཆོས་ཀྱི་ལས་སོ། །མ་མྱོས་པས་འདུལ་བར་འོས་པ་ལ་དེའི་ངོ་བོ་ཉིད་ཚོལ་དུ་གཞུག་པ་སྦྱིན་པ་ནི། ཆོས་མ་ཡིན་པའི་ལས་སོ། དེ་བཞིན་དུ་གང་ཚུལ་ཤིང་མང་པོ་སྦྱིན་པ་ཞེས་བྱ་བ་ནས་མངོན་སུམ་གྱིས་འདུལ་བ་དང་དྲན་
Ga206b
པས་འདུལ་བའི་བར་སྦྱིན་པ་ནི། ཆོས་མ་ཡིན་པའི་ལས་སོ། །མ་མྱོས་པས་འདུལ་བར་འོས་པ་ལ་མ་མྱོས་པས་འདུལ་བ་ཉིད་སྦྱིན་གྱི། དེའི་ངོ་བོ་ཉིད་ཚོལ་དུ་གཞུག་པ་མ་ཡིན་ཞེས་བྱ་བ་ནས་དྲན་པས་འདུལ་བ་མ་ཡིན་ཞེས་བྱ་བའི་བར་ཆོས་ཀྱི་ལས་སོ། །དེའི་ངོ་བོ་ཉིད་ཚོལ་དུ་གཞུག་པར་འོས་པ་ལ་གང་ཚུལ་ཤིང་མང་པོ་སྦྱིན་པ་ནི། ཆོས་མ་ཡིན་པའི་ལས་སོ། །བསྡིགས་པ་ཞེས་བྱ་བ་ནས་མ་མྱོས་པས་འདུལ་བ་སྦྱིན་པ་ནི་ཞེས་བྱ་བའི་བར་གོང་མ་བཞིན་དུ་སྟེ། ཆོས་མ་ཡིན་པའི་ལས་སོ། །དེའི་ངོ་བོ་ཉིད་ཚོལ་དུ་གཞུག་པར་འོས་པ་ལ་དེའི་ངོ་བོ་ཉིད་ཚུལ་དུ་གཞུག་པ་ཉིད་སྦྱིན་གྱི། གང་ཚོལ་དུ་གཞུག་པ་ཉིད་སྦྱིན་གྱི། གང་ཚུལ་ཤིང་མང་པོ་སྦྱིན་པ་མ་ཡིན་ཞེས་བྱ་བ་ནས་མ་མྱོས་པས་འདུལ་བ་མ་ཡིན་ཞེས་བྱ་བའི་བར་ནི། ཆོས་ཀྱི་ལས་སོ། །གང་ཚུལ་ཤིང་མང་པོ་སྦྱིན་པར་འོས་པ་ལ་བསྡིགས་པའི་ལས་བྱེད་པ་ནི། ཆོས་མ་ཡིན་པའི་ལས་སོ། །སྨད་པ་ཞེས་བྱ་བ་ནས་དེའི་ངོ་བོ་ཉིད་ཚོལ་དུ་གཞུག་པ་ནི་ཞེས་བྱ་བའི་བར་གོང་མ་བཞིན་དུ་སྟེ། ཆོས་མ་ཡིན་པའི་ལས་སོ། །གང་ཚུལ་ཤིང་མང་པོ་ཉིད་སྦྱིན་པར་འོས་པ་ལ་གང་ཚུལ་ཤིང་མང་པོ་ཉིད་སྦྱིན་གྱི། བསྡིགས་པ་མ་ཡིན་ཞེས་བྱ་བ་ནས་དེའི་ངོ་བོ་ཉིད་ཚོལ་དུ་གཞུག་པ་མ་ཡིན་ཞེས་བྱ་བའི་བར་ནི། ཆོས་ཀྱི་ལས་སོ། །བསྡིགས་པར་འོས་པའི་ལས་ལ་སྨད་པའི་ལས་བྱེད་པ་དང ། སྤང་བའི་ལས་དང་ཞེས་བྱ་བ་ནས་གང་ཚུལ་ཤིང་མང་པོ་སྦྱིན་པར་བྱེད་པ་ནི་ཞེས་བྱ་བའི་བར་གོང་མ་བཞིན་དུ་སྟེ། ཆོས་མ་ཡིན་པའི་ལས་སོ། །
Ga207a
༄#། །བསྡིགས་པར་འོས་པའི་ལས་ལ་བསྡིགས་པ་ཉིད་ཀྱི་ལས་བྱེད་ཀྱི། ལྷག་མ་གཞན་མ་ཡིན་པ་སྟེ། བསྒྲེ་བ་འདིས་འཁོར་ལོ་བཞིན་དུ་བསྒྲེ་བ་ནི། ཆོས་ཀྱི་ལས་སོ། །སྨད་པར་འོས་པའི་ལས་ལ་སྤང་བའི་ལས་བྱེད་པ་ནི། ཆོས་མ་ཡིན་པའི་ལས་ཞེས་བྱ་བ་གོང་མ་བཞིན་ནོ། །སྨད་པར་འོས་པའི་ལས་ལ་སྨད་པའི་ལས་ཉིད་བྱེད་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །བསྐྲད་པར་འོས་པའི་ལས་ལ་སྤང་བའི་ལས་བྱེད་པ་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །བསྐྲད་པར་འོས་པའི་ལས་ལ་བསྐྲད་པའི་ལས་ཉིད་བྱེད་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །སྤང་བར་འོས་པའི་ལས་ལ་མ་མཐོང་བས་གནས་ནས་དབྱུང་བའི་ལས་བྱེད་པ་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །སྤང་བར་འོས་པའི་ལས་ལ་སྤང་བ་ཉིད་ཀྱི་ལས་བྱེད་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །མ་མཐོང་བས་གནས་ནས་དབྱུང་བར་འོས་པའི་ལས་ལ་ཕྱིར་མི་བྱེད་པས་གནས་ནས་དབྱུང་བའི་ལས་བྱེད་པ་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །མ་མཐོང་བས་གནས་ནས་དབྱུང་བར་འོས་པའི་ལས་ལ་མ་མཐོང་བས་གནས་ནས་དབྱུང་བ་ཉིད་ཀྱི་ལས་བྱེད་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །ཕྱིར་མི་བྱེད་པས་གནས་ནས་དབྱུང་བར་འོས་པའི་ལས་ལ་སྡིག་པ་ཅན་གྱི་ལྟ་བར་སོང་བ་མ་སྤངས་པས་གནས་ནས་དབྱུང་བའི་ལས་བྱེད་པ་ནི། ཆོས་མ་
Ga207b
ཡིན་པའི་ལས་ཏེ། གོང་མ་བཞིན་ནོ། །ཕྱིར་མི་བྱེད་པས་གནས་ནས་དབྱུང་བར་འོས་པའི་ལས་ལ་ཕྱིར་མི་བྱེད་པས་གནས་ནས་དབྱུང་བ་ཉིད་ཀྱི་ལས་བྱེད་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །སྡིག་པའི་ལྟ་བར་སོང་བ་མ་སྤངས་པས་གནས་ནས་དབྱུང་བར་འོས་པའི་ལས་ལ་སྤོ་བ་སྦྱིན་པ་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །སྡིག་པའི་ལྟ་བར་སོང་བ་མ་སྤངས་པས་གནས་ནས་དབྱུང་བར་འོས་པའི་ལས་ལ་སྡིག་པའི་ལྟ་བར་སོང་བ་མ་སྤངས་པས་གནས་ནས་དབྱུང་བ་ཉིད་ཀྱི་ལས་བྱེད་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །སྤོ་བར་འོས་པའི་ལས་ལ་གཞི་ནས་སྤོ་བ་སྦྱིན་པ་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །སྤོ་བར་འོས་པའི་ལས་ལ་སྤོ་བ་ཉིད་སྦྱིན་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །གཞི་ནས་སྤོ་བར་འོས་པའི་ལས་ལ་ཡང་གཞི་ནས་བསླང་སྟེ་སྤོ་བ་སྦྱིན་པ་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །གཞི་ནས་སྤོ་བར་འོས་པའི་ལས་ལ་གཞི་ནས་སྤོ་བ་ཉིད་སྦྱིན་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །སྤོ་བ་མ་སྤྱད་པ་ལ་མགུ་བར་བྱ་བ་སྦྱིན་པ་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །སྤོ་བ་སྤྱད་པ་ལ་མགུ་བར་བྱ་བ་སྦྱིན་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །མགུ་བར་བྱ་བ་མ་སྤྱད་པ་ལ་འབྱིན་པ་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །མགུ་བར་བྱ་བ་སྤྱད་པ་ལ་འབྱིན་པ་ནི། ཆོས་ཀྱི་ལས་ཏེ། གོང་མ་བཞིན་ནོ། །དབྱུང་
Ga208a
༄#། །བར་འོས་པ་ལ་མངོན་སུམ་གྱིས་འདུལ་བ་སྦྱིན་པ་ནི་ཞེས་བྱ་བ་ནས་མགུ་བར་བྱ་བ་ནས་མགུ་བར་བྱ་བ་དང་མི་འབྱིན་པ་ཞེས་བྱ་བའི་བར་ནི། ཆོས་མ་ཡིན་པའི་ལས་ཏེ། གོང་མ་བཞིན་ནོ། །དབྱུང་བར་འོས་པ་ལ་དབྱུང་བ་ཉིད་བྱེད་ཀྱི། མངོན་སུམ་གྱིས་འདུལ་བ་སྦྱིན་པ་མ་ཡིན་ཞེས་བྱ་བ་ནས་མགུ་བར་བྱ་བ་མ་ཡིན་ཞེས་བྱ་བའི་བར་ནི། ཆོས་ཀྱི་ལས་ཏེ། གོང་མ་བཞིན་ནོ། །དེ་བཞིན་དུ་རེ་རེས་མགོ་བཟུང་ནས་འཁོར་ལོ་བཞིན་དུ་བསྒྲེ་བ་རྒྱས་པར་ཁོང་དུ་ཆུད་པར་བྱའོ། །སྡོམ་ནི། མི་མཐུན་མཐུན་དང་འོས་པ་དང ། ཆོས་དང་ཆོས་མིན་གནས་ནས་འབྱིན། །བསླང་བ་ཉིད་དེ་འདི་དག་ནི། །ལས་ཀྱི་གཞིར་ནི་བསྡུས་པ་ཡིན། །མི་མཐུན་པའི་ལས་དང ། མཐུན་པའི་ལས་སོ། །མི་མཐུན་པའི་ལས་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་ཐམས་ཅད་མ་འདུས་ཤིང་མངོན་སུམ་དུ་མ་གྱུར་པ་དང ། འདུན་པ་བླང་བར་འོས་པ་རྣམས་ལས་འདུན་པ་མ་བླངས་པར་གྱུར་པ་དང ། དགེ་སློང་རྣམས་འདུས་ཤིང་མངོན་སུམ་དུ་གྱུར་ཀྱང་མི་བཏུབ་ཅིང་ཕྱིར་འདོད་པ་གང་གིས་གཤེ་བར་འོས་པ་རྣམས་མི་བཏུབ་ཅིང་ཕྱིར་དོང་ལ་ལས་དག་ཀྱང་བྱེད་ན། འདི་ནི། མི་མཐུན་པའི་ལས་ཞེས་བྱའོ། །མཐུན་པའི་ལས་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་ཐམས་ཅད་འདུས་ཤིང་མངོན་སུམ་དུ་གྱུར་པ་དང ། འདུན་པ་བླང་བར་འོས་པ་རྣམས་ལས་འདུན་པ་
Ga208b
བླངས་པར་གྱུར་པ་དང ། དགེ་སློང་རྣམས་འདུས་ཤིང་མངོན་སུམ་དུ་གྱུར་ཀྱང་མི་བཏུབ་ཅིང་ཕྱིར་འདོང་བ་གང་དག་གཤེ་བར་འོས་པ་རྣམས་བཏུབ་ཅིང་མི་གཤེ་བ་ལས་དག་བྱེད་པ་འདི་ནི། མཐུན་པའི་ལས་ཞེས་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། དུ་ཞིག་གི་གཤེ་བར་མི་འོས་པ་ལགས། ཉེ་བར་འཁོར། བཅུ་སྟེ། ངོ་ཚ་མེད་པ་དང ། ཀླན་ཀ་ཚོལ་བ་དང ། བུས་པ་དང ། བླུན་པོ་དང ། མི་གསལ་བ་དང ། མི་མཁས་པ་དང ། མཚམས་ཀྱི་ཕྱི་རོལ་ན་གནས་པ་དང ། བར་སྣང་ལ་གནས་པ་དང ། སྤྱོད་ལམ་ལས་ལྡང་བ་དང ། ཚིག་མ་བསྡམས་པའི་འོ། །བཙུན་པ། དུ་ཞིག་གི་གཤེ་བར་འོས་པ་ལགས། ཉེ་བར་འཁོར། བཞི་སྟེ། རང་བཞིན་དུ་གནས་པ་དང ། མཚམས་ཀྱི་ནང་ན་གནས་པ་དང ། སྤྱོད་ལམ་ལས་མ་ལངས་པ་དང ། ཚིག་བསྡམས་པའི་འོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། གནས་ནས་དབྱུང་བའི་ལས་དུ་ཞིག་མཆིས་ལགས། ཉེ་བར་འཁོར། བཞི་སྟེ། མི་མཐུན་པ་དག་གིས་ཆོས་མ་ཡིན་པས་གནས་ནས་འབྱིན་པ་དང ། མཐུན་པ་དག་གིས་ཆོས་མ་ཡིན་པ་དང ། མི་མཐུན་པ་དག་གིས་ཆོས་ཀྱིས་དང ། མཐུན་པ་དག་གིས་ཆོས་ཀྱིས་འབྱིན་པའོ། །དེ་ལ་གནས་ནས་འབྱིན་པའི་ལས་ནི། གཅིག་ཡིན་ཏེ། འདི་ལྟ་སྟེ། མཐུན་པ་དག་གིས་ཆོས་ཀྱིས་གནས་ནས་འབྱིན་
Ga209a
༄#། །པའི་འོ། །བཙུན་པ། བསླང་བའི་ལས་དུ་མཆིས་ལགས། ཉེ་བར་འཁོར། བཞི་སྟེ། མི་མཐུན་པ་དག་གིས་ཆོས་མ་ཡིན་པས་སློང་བ་དང ། མཐུན་པ་དག་གིས་ཆོས་མ་ཡིན་པས་དང ། མི་མཐུན་པ་དག་གིས་ཆོས་ཀྱིས་དང ། མཐུན་པ་དག་གིས་ཆོས་ཀྱིས་སློང་བའོ། །དེ་ལ་སློང་བའི་ལས་ནི། གཅིག་ཡིན་ཏེ། འདི་ལྟ་སྟེ། མཐུན་བ་དག་གིས་ཆོས་ཀྱིས་སློང་བར་བྱེད་པའོ། ལས་ཀྱི་གཞི་རྫོགས་སོ།། །།ཕྱིར་བཅོས་པའི་གཞིའི་སྡོམ་ནི། དམར་སེར་ཅན་གྱི་གཞི་དང་ནི། །དེ་བཞིན་གང་ཟག་དག་དང་ནི། །དེ་ནས་སྤོ་བ་བྱ་བ་དང ། །གསོ་སྦྱོང་གཞག་པར་བྱ་བ་དང ། །གནས་མལ་དང་ནི་རྩོད་པ་དང ། །དགེ་འདུན་འབྱེད་པ་ཕྱི་མ་ཡིན། །དམར་སེར་ཅན་གྱི་གཞིའི་སྡོམ་ནི། ། དམར་སེར་ཅན་དག་བསྡིགས་པ་དང ། །ལེགས་ལྡན་སྨད་པར་བྱ་བ་དང ། འགྲོ་མགྱོགས་དང་ནི་ནབ་སོ་གཉིས། །བསྐྲད་དང་ཆུ་སྟོད་ཕྱིར་བགྱིད་དང ། །འདུན་པ་ཡི་ནི་མ་མཐོང་དང ། །དེ་བཞིན་སླར་ནི་མ་འཆོས་དང ། །འཆི་ལྟས་སྡིག་པའི་ལྟ་བ་ཅན། །འཆར་ཀ་དང་ནི་ལས་ལྔའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་དགེ་སློང་དམར་སེར་ཅན། འཐབ་ཀྲོལ་བྱེད་པ། །མཚང་འདྲུ་བར་བྱེད་པ། རྩོད་པར་བྱེད་པ། །འགྱེད་པར་
Ga209b
བྱེད་པ། རྩོད་པའི་གཞི་བྱེད་པ་རྣམས་གནས་ཏེ། དེ་རྣམས་དགེ་འདུན་ལ་ཡང་དང་ཡང་དུ་རྩོད་པའི་གཞི་སྐྱེད་པས། དེས་ནས་དགེ་འདུན་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་གནས་སོ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དམར་སེར་ཅན་གྱི་དགེ་སློང་འཐབ་ཀྲོལ་བྱེད་པ། མཚང་འདྲུ་བར་བྱེད་པ། རྩོད་པར་བྱེད་པ། འགྱེད་པར་བྱེད་པ། རྩོད་པའི་གཞི་བྱེད་པ་རྣམས་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་བསྡིགས་པའི་ལས་བྱོས་ཤིག་།རྒྱུ་ལྔས་བསྡིགས་པའི་ལས་བྱས་ན། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ཏེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔ་གང་གིས་ཤེ་ན། གླེང་བར་མ་བྱས་པ་དང ། དྲན་པར་མ་བྱས་པ་དང ། གཞི་མེད་པ་དང ། ཁས་མ་བླངས་པ་དང ། མངོན་སུམ་དུ་མ་གྱུར་པར་བྱེད་པའོ།། ཡང ། རྒྱུ་ལྔས་བསྡིགས་པའི་ལས་བྱས་ན། དེ་ནི། ཆོས་ཀྱི་ལས་དང ། འདུལ་བའི་ལས་ཡིན་ཏེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། ལྔ་གང་གིས་ཤེ་ན། གླེང་བར་བྱས་པ་དང ། དྲན་པར་བྱས་པ་དང ། གཞི་དང་བཅས་པ་དང ། ཁས་བླངས་པ་དང ། མངོན་སུམ་དུ་གྱུར་པར་བྱེད་པའོ། །འདི་ལྟར་ཡང་བྱ་སྟེ། གནས་མལ་
Ga210a
༄#། །བཤམས་ལ་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། །དགེ་སློང་དམར་སེར་ཅན་འདི་དག་ནི། འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་དག་ལགས་ཏེ། འདི་དག་གིས་དགེ་འདུན་ལ་ཡང་དང་ཡང་དུ་རྩོད་པའི་གཞི་སྐྱེད་པར་བགྱིད་དེ། དེས་ན་དགེ་འདུན་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་གནས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་དམར་སེར་ཅན་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། །རྩོད་པའི་གཞི་བགྱིད་པ་རྣམས་ལ་བསྡིགས་པའི་འཕྲིན་ལས་མཛད་དོ། །འདི་ནི། གསོལ་བའོ། །དེ་ནས་ལས་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། །དགེ་སློང་དམར་སེར་ཅན་འདི་དག་ནི། འཐབ་ཀྲོལ་བགྱིད་པ།་མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་ལགས་ཏེ། འདི་དག་གིས་དགེ་འདུན་ལ་ཡང་དང་ཡང་དུ་རྩོད་པའི་གཞི་སྐྱེད་པར་
Ga210b
བགྱིད་དེ། དེས་ན་དགེ་འདུན་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་གནས་པས། དེའི་སླད་དུ་དགེ་འདུན་གྱིས། དགེ་སློང་དམར་སེར་ཅན་འཐབ་ཀྲོལ་བགྱིད་པ།་མཚང་འདྲུ་བ་བགྱིད་པ། །རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་ལ་བསྡིགས་པའི་འཕྲིན་ལས་མཛད་ན། ཚེ་དང་ལྡན་པ་གང་དག་།དགེ་སློང་དམར་སེར་ཅན་རྣམས་ལ་ཞེས་བྱ་བ་ནས་བསྡིགས་པའི་འཕྲིན་ལས་མཛད་པར་ཞེས་བྱ་བའི་བར་གོང་མ་བཞིན་དུ་སྟེ། བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང ། གསུམ་པའི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། །དགེ་འདུན་གྱིས་དགེ་སློང་དམར་སེར་ཅན་ཞེས་བྱ་བ་ནས་བསྡིགས་པའི་འཕྲིན་ལས་མཛད་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ་ཞེས་བྱ་བའི་བར་གོང་མ་བཞིན་ནོ། །དགེ་སློང་དག་།ངས་བསྡིགས་པའི་ལས་བྱས་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། བསྡིགས་པའི་ལས་བྱས་པའི་དགེ་སློང་གིས་རབ་ཏུ་འབྱུང་བར་མི་བྱ་སྟེ། བསྙེན་པར་རྫོགས་པར་མི་བྱ། གནས་མི་སྦྱིན། དགེ་ཚུལ་གཞག་པར་མི་བྱ། དགེ་སློང་མ་རྣམས་ལ་གདམས་པར་མི་བྱ། དགེ་སློང་མ་རྣམས་ཀྱི་གདམས་ངག་དབབ་པར་བསྐོ་བར་མི་བྱ། སྔར་བསྐོས་ན་ཡང་དགེ་
Ga211a
༄#། །སློང་མ་རྣམས་ལ་གདམས་པར་མི་བྱའོ། །དགེ་སློང་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པས་གླེང་བ་དང ། དྲན་པར་མི་བྱ། གདམས་ངག་སྦྱིན་པར་མི་བྱ་སྟེ། གསོ་སྦྱོང་མ་ཡིན། དགག་དབྱེ་མ་ཡིན། གསོལ་བ་དང ། གསོལ་བ་དང་གཉིས་པ་མ་ཡིན། གསོལ་བ་དང་བཞིའི་ལས་མ་ཡིན་ནོ། ། བསྡིགས་པའི་ལས་བྱས་པའི་དགེ་སློང་གིས་ཀུན་དུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དེ་ལྟར་བསྡིགས་པའི་ལས་བྱས་པ་དེ་རྣམས་སྐྲ་གྱེན་དུ་བསྒྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུས་ལ་ལྟུང་བ་ལྟ་བུར་བྱེད། འབྱུང་བར་བསྐྱོད། མཚུངས་པར་ཉེ་བར་སྟོན་ལ། མཚམས་ཀྱི་ནང་དུ་འདུག་ནས་བསླང་བ་གསོལ་ཏེ། འཐབ་ཀྲོལ་བྱེད་པ་ཉིད་སྤོང་ངོ་ཞེས་པའི་སྐབས་དེ། བཅོམ་ལྡན་འདས་ལ་དགེ་སློང་རྣམས་ཀྱིས་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག། ཁྱེད་ཀྱིས་དགེ་སློང་དམར་སེར་ཅན་འཐབ་ཀྲོལ་བྱེད་པ། བསྡིགས་པའི་ལས་བྱས་པ་རྣམས་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་བསླང་བར་གྱིས་ཤིག། བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི། བསླང་བར་མི་བྱའོ། །ལྔ་གང་ཞེ་ན། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་བལྟ་བུ་དང ། དགེ་འདུན་ལ་སྤུ་ས་ལ་ལྟུང་
Ga211b
བ་ལྟ་བུར་བྱེད་པ་དང ། འབྱུང་བར་མི་བསྐྱོད་པ་དང ། མཚུངས་པར་ཉེ་བར་མི་སྟོན་པ་དང ། མཚམས་ཀྱི་ནང་དུ་འདུག་སྟེ་བསླང་བ་མི་གསོལ་བ་དང ། འཐབ་ཀྲོལ་བྱེད་པ་དེ་མི་སྤོང་བ་སྟེ། ཆོས་འདི་ལྔ་དང་ལྡན་པ་དེ་ནི་ཞེས་བྱ་བ་གོང་མ་བཞིན་དུའོ། །གཞན་ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི། བསླང་བར་མི་བྱ་སྟེ། ལྔ་གང་ཞེ་ན། ཕོ་བྲང་འཁོར་དུ་རྟོན་པ་དང ། བསྐོས་པ་འདུས་པའི་སར་རྟོན་པ་དང ། མུ་སྟེགས་ཅན་ལ་རྟོན་པ་དང ། གང་ཟག་ལ་རྟོན་པ་དང ། དགེ་འདུན་ལ་མི་རྟོན་པ་སྟེ། ཆོས་འདི་ལྔ་དང་ལྡན་པ་ནི་ཞེས་བྱ་བ་གོང་མ་བཞིན་དུའོ། །གཞན་ཡང་བསྡིགས་པའི་ལས་བྱས་པ། ཆོས་ལྔ་དང་ལྡན་པ་ནི། བསླང་བར་མི་བྱ་སྟེ། ལྔ་གང་ཞེ་ན། ཁྱིམ་པའི་རྟགས་འཆང་བ་དང ། མུ་སྟེགས་ཅན་གྱི་རྟགས་འཆང་བ་དང ། མུ་སྟེགས་ཅན་ལ་བརྟེན་ཅིང་བསྙེན་ལ་བསྙེན་བཀུར་བྱེད་པ་དང ། སྤྱད་པར་བྱ་བ་མ་ཡིན་པ་སྤྱོད་པ་དང ། དགེ་སློང་གི་བསླབ་པ་ལ་མི་སློབ་པ་སྟེ། ཆོས་འདི་ལྔ་ཞེས་བྱ་བ་གོང་མ་བཞིན་དུའོ། །གཞན་ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི། བསླང་བར་མི་བྱ་སྟེ། ལྔ་གང་ཞེ་ན། དགེ་སློང་རྣམས་ལ་གཤེ་བར་བྱེད་པ་དང ། ཁྲོ་བར་བྱེད་པ་དང ། ཁ་ཟེར་བར་བྱེད་པ་དང ། དགེ་འདུན་གྱི་རྙེད་པ་མེད་པར་བྱེད་པ་དང ། གནས་མེད་པར་བརྩོན་པར་བྱེད་པ་སྟེ། ཆོས་འདི་ལྔ་དང་ཞེས་བྱ་བ་གོང་མ་བཞིན་དུའོ། །ཡང་བསྡིགས་པའི་ལས་བྱས་པ་ཆོས་ལྔ་དང་ལྡན་པ་ནི། བསླང་བར་བྱ་སྟེ།
Ga212a
༄#། །ལྔ་གང་ཞེ་ན། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད་པ་དང ། འབྱུང་བར་བསྐྱོད་པ་དང ། མཚུངས་པར་ཉེ་བར་སྟོན་པ་དང ། མཚམས་ཀྱི་ནང་དུ་འདུག་སྟེ་བསླང་པར་གསོལ་བ་དང ། འཐབ་ཀྲོལ་བྱེད་པ་ཉིད་སྤོང་བ་སྟེ། ཆོས་འདི་ལྔ་དང་ཞེས་བྱ་བ་གོང་མ་བཞིན་དུའོ། །གཞན་ཡང ། བསྡིགས་པའི་ལས་བྱས་པ། ཆོས་ལྔ་དང་ལྡན་པ་ནི། བསླང་བར་བྱ་སྟེ། ལྔ་གང་ཞེ་ན། ཕོ་བྲང་འཁོར་དུ་མི་རྟོན་པ་དང ། བསྐོས་པ་འདུས་པའི་སར་མི་རྟོན་པ་དང ། མུ་སྟེགས་ཅན་ལ་མི་རྟོན་པ་དང ། གང་ཟག་ལ་མི་རྟོན་པ་དང ། དགེ་འདུན་ལ་རྟོན་པ་སྟེ། ཆོས་འདི་ལྔ་དང་ལྡན་པ་ནི་ཞེས་བྱ་བའི་བར་གོང་མ་བཞིན་དུའོ། །གཞན་ཡང ། བསྡིགས་པའི་ལས་བྱས་པ། ཆོས་ལྔ་དང་ལྡན་པ་ནི།་བསླང་བར་བྱ་སྟེ། ལྔ་གང་ཞེ་ན། ཁྱིམ་པའི་རྟགས་མི་འཆང་བ་དང ། མུ་སྟེགས་ཀྱི་རྟགས་མི་འཆང་བ་དང ། མུ་སྟེགས་ཅན་ལ་མི་རྟོན་ཅིང་མི་བསྙེན་ལ་བསྙེན་བཀུར་མི་བྱེད་པ་དང ། སྤྱད་པར་བྱ་བ་སྤྱོད་པ་དང ། དགེ་སློང་གི་བསླབ་པ་ལ་སློབ་པ་སྟེ། ཆོས་འདི་ལྔ་དང་ཞེས་བྱ་བ་གོང་མ་བཞིན་དུའོ། །གཞན་ཡང ། བསྡིགས་པའི་ལས་བྱས་པ། ཆོས་ལྔ་དང་ལྡན་པ་ནི། བསླང་བར་བྱ་སྟེ། ལྔ་གང་ཞེ་ན། དགེ་སློང་རྣམས་ལ་མི་གཤེ་བ་དང ། མི་ཁྲོ་བ་དང ། ཁ་མི་ཟེར་བ་དང ། དགེ་འདུན་གྱི་རྙེད་པའི་ཕྱིར་དང ། གནས་པའི་ཕྱིར་བརྩོན་
Ga212b
པ་སྟེ། ཆོས་འདི་ལྔ་དང་ཞེས་བྱ་བ་གོང་མ་བཞིན་དུའོ། །བསླང་བ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་དམར་སེར་ཅན་རྣམས་ཀྱིས་རྒན་རིམ་ཇི་ལྟ་བ་བཞིན་དུ་འདུད་པ་བྱས་ལ། རྒན་རིམ་གྱི་མདུན་དུ་ཙོག་ཙོག་པོར་འདུག་སྟེ། ཐལ་མོ་སྦྱར་བ་བཏུད་ནས་ཚིག་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་ཅག་དགེ་སློང་དམར་སེར་ཅན་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་ལགས་པས། བདག་ཅག་གིས་དགེ་འདུན་ལ་ཡང་དང་ཡང་དུ་རྩོད་པའི་གཞི་བསྐྱེད་དེ། དེ་ནས་དགེ་འདུན་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་གནས་པས་དགེ་འདུན་གྱིས་བདག་ཅག་དགེ་སློང་དམར་སེར་ཅན་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་ལ་བསྡིགས་པའི་འཕྲིན་ལས་མཛད་ལགས་ཏེ། བདག་ཅག་བསྡིགས་པའི་འཕྲིན་ལས་མཛད་ལགས་པ་རྣམས་སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུ་ས་ལྟུང་བ་ལྟ་བུར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་
Ga213a
༄#། །མཆིས་ནས་བསླང་བར་གསོལ་ཏེ། འཐབ་ཀྲོལ་བགྱིད་པ་ཉིད་ཀྱང་སྤོང་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་ནས། བདག་ཅག་དགེ་སློང་དམར་སེར་ཅན་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ། བསྡིགས་པའི་འཕྲིན་ལས་མཛད་ལགས་པ་བསླང་བར་གསོལ། དེ་སྐད་ལན་གཉིས་ལན་གསུམ་དུ་བཟླའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་དམར་སེར་ཅན་འདི་དག་ནི། འཐབ་ཀྲོལ་བགྱིད་པ་ནས། རྩོད་པའི་གཞི་བགྱིད་པའི་བར་དུ་སྟེ། དེ་དག་གིས་དགེ་འདུན་ལ་ཡང་དང་ཡང་དུ་རྩོད་པའི་བཞི་བསྐྱེད་དེ། དེས་ན་དགེ་འདུན་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་གནས་པས། དགེ་འདུན་གྱིས་འཐབ་ཀྲོལ་བགྱིད་པ་འདི་རྣམས་ལ་བསྡིགས་པའི་འཕྲིན་ལས་མཛད་ལགས་ཏེ། བསྡིགས་པའི་འཕྲིན་ལས་མཛད་ལགས་པ་འདི་རྣམས། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུས་ལ་ལྟུང་བ་ལྟ་བུར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་མཆིས་ནས་བསླང་བ་གསོལ་ཏེ། འཐབ་ཀྲོལ་བགྱིད་པ་ཉིད་ཀྱང་སྤོང་ངོ་ཞེས་མཆི་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་
Ga213b
གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་དམར་སེར་ཅན་རྣམས་བསླང་བར་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་དམར་སེར་ཅན་འདི་དག་ནི། འཐབ་ཀྲོལ་བགྱིད་པ་ཞེས་བྱ་བ་ནས། རྩོད་པའི་གཞི་བགྱིད་པའི་བར་དུ་སྟེ། དེ་དག་གིས་དགེ་འདུན་ལ་རྩོད་པའི་གཞི་བསྐྱེད་དེ། དེས་ན་དགེ་འདུན་འཐབ་ཀྲོལ་དང ། མཚང་འདྲུ་བ་དང ། རྩོད་པ་དང ། འགྱེད་པ་བྱུང་ཞིང་གནས་པས། དགེ་འདུན་གྱིས་འཐབ་ཀྲོལ་བགྱིད་པ་འདི་རྣམས་ལ་བསྡིགས་པའི་འཕྲིན་ལས་མཛད་དེ། བསྡིགས་པའི་འཕྲིན་ལས་མཛད་ལགས་པ་འདི་རྣམས། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུ་ས་ལ་ལྟུང་བ་ལྟ་བུར་བགྱིད། འབྱུང་བར་བསྐྱོད། མཚུངས་བར་ཉེ་བར་སྟོན། མཚམས་ཀྱི་ནང་དུ་མཆིས་ནས་བསླང་བ་གསོལ་ཏེ། འཐབ་ཀྲོལ་བགྱིད་པ་ཉིད་ཀྱང་སྤོང་ངོ་ཞེས་མཆི་ནས། དེའི་སླད་དུ་དགེ་འདུན་གྱིས་དགེ་སློང་དམར་སེར་ཅན་འཐབ་ཀྲོལ་བགྱིད་པ། བསྡིགས་པའི་འཕྲིན་ལས་མཛད་ལགས་པ་རྣམས་བསླང་བར་མཛད་ན། ཚེ་དང་ལྡན་པ་གང་དག། དགེ་སློང་དམར་སེར་ཅན་འཐབ་ཀྲོལ་བགྱིད་པ། བསྡིགས་བའི་འཕྲིན་ལས་མཛད་ལགས་པ་རྣམས་བསླང་བར་བཟོད་པ་དེ་དག་ནི། ཅང་མ་གསུངས་ཤིག། གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་
Ga214a
༄#། །དང་པོ་སྟེ། དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་དམར་སེར་ཅན་འཐབ་ཀྲོལ་བགྱིད་པ། བསྡིགས་པའི་འཕྲིན་ལས་མཛད་ལགས་པ་རྣམས་བསླང་བར་མཛད་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ།། །།འདུལ་བ་གཞི་བམ་པོ་བདུན་ཅུ་པ། སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་དགེ་འདུན་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་བ་ཞིག་སྟེ། དགེ་འདུན་ལྷག་མའི་ལྟུང་བ་འབྱིན་པས། དེ་ལ་དགེ་སློང་རྣམས་ཀྱིས་སྤོ་བ་དང ། གཞི་ནས་སྤོ་བ་དང ། མགུ་བར་བྱ་བ་སྦྱིན་པ་དང ། འབྱིན་པས་བྱ་བ་མང་ཞིང་བྱེད་པ་མང་པོར་གྱུར་པས། ལུང་ནོད་པ་དང ། ཀློག་པ་དང ། འདོན་པ་དང ། རྣལ་འབྱོར་དང ། ཡིད་ལ་བྱ་བ་དང ། ནང་གི་སེམས་ཞི་གནས་སུ་བྱ་བ་ཤོར་བར་གྱུར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བལ་སྨད་པའི་ལས་བྱོས་ཤིག། རྒྱུ་ལྔས་སྨད་པའི་ལས་བྱས་ན། དེ་ནི། ཆོས་མ་ཡིན་
Ga214b
པའི་ལས་དང ། འདུལ་པ་མ་ཡིན་པའི་ལས་ཡིན་ཏེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔ་གང་ཞེ་ན། གླེང་བ་མ་བྱས་པ་དང ། དྲན་པར་མ་བྱས་པ་དང ། གཞི་མེད་པ་དང་ཁས་མ་བླངས་པ་དང ། མངོན་སུམ་དུ་མ་གྱུར་པར་བྱེད་པའོ། །ཡང ། རྒྱུ་ལྔས་སྨད་པའི་ལས་བྱས་ན། དེ་ནི། ཆོས་ཀྱི་ལས་དང ། འདུལ་བའི་ལས་ཡིན་ཏེ། དེས་ནི། དགེ་འདུན་ཡང་འགལ་ཚབས་ཅན་དུ་མི་འགྱུར་རོ། །ལྔ་གང་གིས་ཤེ་ན། གླེང་བ་བྱས་པ་དང ། དྲན་པར་བྱས་པ་དང ། གཞི་དང་བཅས་པ་དང ། ཁས་བླངས་པ་དང ། མངོན་སུམ་དུ་གྱུར་པའི་འོ། །འདི་ལྟར་ཡང་བྱ་སྟེ།་གནས་མལ་བཤམས་ལ་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལེགས་ལྡན་འདི། ལྟུང་བ་ཡང་དང་ཡང་དུ་བགྱིད་དེ། ཡང་དང་ཡང་དུ་དགེ་འདུན་ལྷག་མའི་ལྟུང་པ་འབྱིན་པས། དགེ་སློང་རྣམས་འདི་ལ་སྤོ་བ་དང ། གཞི་ནས་སྤོ་བ་དང ། མགུ་བ་སྩོལ་བ་དང ། འབྱིན་པར་མཛད་པས་བགྱི་བ་མང་ཞིང ། བགྱིད་པ་མང་པས། ལུང་ནོད་པ་དང ། ཀློག་པ་དང།་འདོན་པ་དང ། རྣལ་འབྱོར་དང ། ཡིད་ལ་བགྱིད་པ་དང ། ནང་དུ་སེམས་ཞི་གནས་སུ་བགྱི་བ་ཤོར་བར་གྱུར་ལགས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་
Ga215a
༄#། །འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་སྨོད་པའི་འཕྲིན་ལས་མཛད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལེགས་ལྡན་འདི་ཡང་དང་ཡང་དུ་ལྟུང་བ་བགྱིད་དོ། །ཡང་དང་ཡང་དུ་དགེ་འདུན་ལྷག་མའི་ལྟུང་བ་འབྱིན་ནས། དགེ་སློང་རྣམས་འདི་ལ་སྤོ་བ་དང ། གཞི་ནས་སྤོ་བ་དང ། མགུ་བར་བགྱི་བ་སྩལ་བ་དང ། འབྱིན་པར་མཛད་པས། བགྱི་བ་མང་ཞིང་བགྱིད་པ་མང་པས། ལུང་ནོད་པ་དང ། ཀློག་པ་དང ། འདོན་པ་དང ། རྣལ་འབྱོར་དང ། ཡིད་ལ་བགྱིད་པ་དང ། ནང་དུ་སེམས་ཞི་གནས་སུ་བགྱི་བ་ཤོར་ནས་དེའི་སླད་དུ་དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་པ་ལ་སྨད་པའི་འཕྲིན་ལས་མཛད་ན། ཚེ་དང་ལྡན་པ་གང་དག། དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་ལ་སྨད་པའི་འཕྲིན་ལས་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་ལ་སྨད་པའི་འཕྲིན་ལས་མཛད་
Ga215b
ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་དག། ངས་དགེ་སློང་སྨད་པའི་ལས་བྱས་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་སྨད་པའི་ལས་བྱས་པས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ། གནས་སྦྱིན་པར་མི་བྱ། དགེ་ཚུལ་གཞག་པར་མི་བྱ་ཞེས་བྱ་བ་གོང་མ་བསྡིགས་པའི་ལས་བྱས་པ་ལ་གསུངས་པ་དེ་བཞིན་དུ་བརྗོད་པར་བྱའོ། །སྨད་པའི་ལས་བྱས་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དེ་ལྟར་སྨད་པའི་ལས་བྱས་པ་དེ། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད་ཅེས་བྱ་བ་ནས་མཚམས་ཀྱི་ནང་དུ་འདུག་ནས་བསླང་བ་གསོལ་ཏེ། ཡང་དང་ཡང་དུ་ལྟུང་བ་དེ་ལྟ་བུ་བྱེད་པ་ཉིད་ཀྱང་སྤོང་ངོ་ཞེས་བྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱོད་ཀྱིས་དགེ་སློང་ལེགས་ལྡན་སྨད་པའི་ལས་བྱས་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་བསླང་བའི་ལས་བྱོས་ཤིག། སྨད་པའི་ལས་བྱས་པ་ཆོས་ལྔ་དང་ལྡན་པ་བསླང་བར་བྱ་སྟེ། ལྔ་གང་ཞེ་ན། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུས་ལ་ལྟུང་བ་ལྟ་བུར་བྱེད་པ་དང ། འབྱུང་
Ga216a
༄#། །བར་བསྐྱོད་པ་དང ། མཚུངས་པར་ཉེ་བར་སྟོན་པ་དང ། མཚམས་ཀྱི་ནང་དུ་འདུག་ནས་བསླང་བ་གསོལ་བ་དང ། ཡང་དང་ཡང་དུ་ལྟུང་བ་འབྱིན་པ་ཡང་སྤོང་བའོ།། བསླང་བ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ་དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་ལེགས་ལྡན་གྱིས་རྒན་རིམས་ཀྱི་མདུན་དུ་ཙོག་ཙོག་པོར་འདུག་ལ། ཐལ་མོ་སྦྱར་བ་བཏུད་ལ་འདི་སྐད་ཅེས་བརྗོད་པར་བྱའོ། །དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་དེ། ཡང་དང་ཡང་དུ་དགེ་འདུན་ལྷག་མའི་ལྟུང་བ་འབྱིན་པས། དེའི་སླད་དུ་བདག་ལ་དགེ་སློང་རྣམས་ཀྱིས་སྤོ་བ་དང ། གཞི་ནས་སྤོ་བ་དང ། མགུ་པར་བགྱི་བ་སྩོལ་པ་དང ། འབྱིན་པས་བགྱི་བ་མང་ཞིང་བགྱིད་པ་མང་པས། ལུང་ནོད་པ་དང ། ཀློག་པ་དང ། འདོན་པ་དང ། རྣལ་འབྱོར་དང ། ཡིད་ལ་བགྱིད་པ་དང ། ནང་དུ་སེམས་ཞི་གནས་སུ་བགྱི་བ་ཤོར་ནས། དགེ་འདུན་གྱིས་བདག་ལ་སྨད་པའི་འཕྲིན་ལས་མཛད་ལགས་ཏེ། སྨད་པའི་འཕྲིན་ལས་མཛད་ལགས་པས། བདག་སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུ་ས་ལ་ལྟུང་བ་ལྟ་བུར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་མཆིས་
Ga216b
ནས་བསླང་བ་གསོལ་ཏེ། ཡང་དང་ཡང་དུ་ལྟུང་བ་འབྱིན་པ་ཡང་སྤོང་བར་བགྱིད་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ། སྨད་པའི་འཕྲིན་ལས་མཛད་ལགས་པ་བསླང་བར་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་ཏེ་ཞེས་བྱ་བ་ནས། ནང་དུ་སེམས་ཞིག་གནས་སུ་བགྱི་བའི་ཞེས་བྱ་བའི་བར་གོང་མ་བཞིན་དུ་སྟེ། དགེ་འདུན་གྱིས་འདི་ཡང་དང་ཡང་དུ་ལྟུང་བ་བགྱིད་པས། སྨད་པའི་འཕྲིན་ལས་མཛད་པ་དེར། སྨད་པའི་འཕྲིན་ལས་མཛད་ལགས་པ་འདི། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུས་ལ་ལྟུང་བ་ལྟ་བུར་བགྱིད་ཅེས་བྱ་བ་ནས་ཡང་དང་ཡང་དུ་ལྟུང་བ་འབྱིན་པ་ཉིད་ཀྱང་སྤོང་ངོ་ཞེས་བྱ་བའི་བར་གོང་མ་བཞིན་དུ་སྟེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ། སྨད་པའི་འཕྲིན་ལས་མཛད་ལགས་པ་སློང་བར་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ལེགས་ལྡན་ཡང་
Ga217a
༄#། །དང་ཡང་དུ་ལྟུང་བ་འབྱིན་པ། སྨད་པའི་འཕྲིན་ལས་མཛད་ལགས་པ་འདི། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུ་དང ། དགེ་འདུན་ལ་སྤུ་ས་ལ་ལྟུང་བ་ལྟ་བུར་བགྱིད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་མཆིས་ནས་བསླང་བ་གསོལ་ཏེ། ཡང་དང་ཡང་དུ་ལྟུང་བ་བགྱིད་པ་ཉིད་ཀྱང་སྤོང་ངོ་ཞེས་མཆི་ནས། དེའི་སླད་དུ་དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་པ། སྨད་པའི་འཕྲིན་ལས་མཛད་ལགས་པ། སློང་བར་མཛད་ན། ཚེ་དང་ལྡན་པ་གང་དག། དགེ་སློང་ལེགས་ལྡན་ཡང་དང་ཡང་དུ་ལྟུང་བ་འབྱིན་པ་ལ་སྨད་པའི་འཕྲིན་ལས་མཛད་ལགས་པ་བསླང་བར་བཟོད་པ་དེ་དག་ནི། ཅང་མ་གསུངས་ཤིག། གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་ལེགས་ལྡན་ཡང་དང་ཡང་དུ་ལྟུང་བ་བགྱིད་པ། སྨད་པའི་འཕྲིན་ལས་མཛད་ལགས་པ་བསླང་སྟེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་རི་ནག་པོ་ལ་དགེ་སློང་འགྲོ་མགྱོགས་དང་ནབ་སོ་ཁྱིམ་སུན་འབྱིན་
Ga217b
པ་སྡིག་པའི་ཆོས་ཀུན་ཏུ་སྤྱོད་པ་གནས་སོ། །དེ་གཉིས་དགེ་སློང་གི་ལས་མ་ཡིན་པ་འདི་ལྟ་བུ་དག་བྱེད་ཅིང་བྱེད་དུ་འཇུག་སྟེ། འདི་ལྟ་སྟེ། བུད་མེད་དང་ལྷན་ཅིག་ཁ་དཔྱ་ཟེར། རྩེ་བར་བྱེད། ཟས་སློང་བར་བྱེད། མིག་ཟུར་གྱིས་ལྟ་བར་བྱེད། འཕྱར་བར་བྱེད། ལུས་ཀྱིས་སྙོག་པར་བྱེད། སྟན་གཅིག་ལ་ཡང་ལྷན་ཅིག་འདུག་པར་བྱེད། སྣོད་གཅིག་ཏུ་ལོངས་སྤྱོད་པར་བྱེད། ཕོར་བུ་གཅིག་ཏུ་ཆང་རྣམ་པ་སྣ་ཚོགས་འཐུང་བར་བྱེད། མེ་ཏོག་འཐོག་པར་བྱེད། འཐོག་ཏུ་འཇུག། མེ་ཏོག་ཕྲེང་རྒྱུད་པར་བྱེད། རྒྱུད་དུ་འཇུག། མེ་ཏོག་གི་ཐུམ་པའི་རྣ་རྒྱན་བྱེད། བྱེད་དུ་འཇུག། གར་བྱེད། གར་བྱེད་དུ་འཇུག། གླུ་ལེན་དུ་འཇུག། རོལ་མོའི་ཆ་བྱད་འབུད་པར་བྱེད། འབུད་དུ་འཇུག། གར་མཁས་པ་དང ། གླུ་སྙན་པ་དང ། རོལ་མོའི་ཆ་བྱད་འབུད་མཁས་པ་ལ་གླ་སྦྱིན་པར་བྱེད། གོས་རྣམས་བརྗེས་ནས་རྒྱུག་པར་བྱེད། མཆོང་བར་བྱེད། རྒལ་བར་བྱེད། རྐང་པ་གཅིག་བསྐུམས་ཏེ་བསྐོར་བར་ཡང་བྱེད། ལག་འགྲོས་ཀྱིས་ཀྱང་བསྐོར་བར་བྱེད། ཉ་ཚར་གྱིས་ཀྱང་བསྐོར་བར་བྱེད། ཆུ་བགགས་ཤིང་གཏོང་བར་བྱེད། ཆུ་ལ་སྦལ་བའི་སྐད་འབྱིན། ཆུ་ལ་རྔའི་སྒྲ་ཡང་འབྱིན། གླང་པོ་ཆེའི་སྐད་ཀྱང་འབྱིན། རྟའི་སྐད་ཀྱང་འབྱིན། ཁྱུ་མཆོག་འགྱིང་པའི་སྐད་ཀྱང་འབྱིན། ཁས་རྫ་རྔའི་སྐད་ཀྱང་འབྱིན། ཁས་དུང་དང ། ཁས་རྔ་དང ། རྨ་བྱའི་སྐད་ཀྱང་འབྱིན། ཁུ་བྱུག་གི་
Ga218a
༄#། །སྐད་ཀྱང་འབྱིན། གླང་པོ་ཆེའི་འཐབ་མོ་ཡང་བྱེད། རྟའི་འཐབ་མོ་དང ། ཁྱུ་མཆོག་གི་འཐབ་མོ་དང ། མ་ཧེའི་འཐབ་མོ་དང ། རའི་འཐབ་མོ་དང ། ལུག་གི་འཐབ་མོ་དང ། བུད་མེད་ཀྱི་འཐབ་མོ་དང ། སྐྱེས་པའི་འཐབ་མོ་དང ། གཞོན་ནུའི་འཐབ་མོ་དང ། གཞོན་ནུ་མའི་འཐབ་མོ་དང ། བྱ་གག་གི་འཐབ་མོ་དང ། སྲེག་པའི་འཐབ་མོ་དང ། བྱི་ཁྲའི་འཐབ་མོ་ཡང་བྱེད་ཅིང་བྱེད་དུ་འཇུག་སྟེ། དེ་རྣམས་དང ། གཞན་ཡང ། དགེ་སྦྱོང་གི་ལས་མ་ཡིན་པ་བྱེད་ཅིང་བྱེད་དུ་འཇུག་གོ་།དེ་གཉིས་ཀྱི་ཚུལ་དང ། སྤྱོད་པ་དང ། ལོག་པར་སྒྲུབ་པ་དེས། རི་ནག་པོ་ལ་དགེ་སློང་མ་འོངས་པ་རྣམས་མི་འོངས་ཤིང ། འོངས་པ་རྣམས་མི་འདོད་པས་རི་ནག་པོའི་གནས་འདོར་བར་བྱེད་དོ། །རི་ནག་པོ་ན་གནས་པའི་བྲམ་ཟེ་དང ། ཁྱིམ་བདག་རྣམས་ཀྱང་ཡིད་མ་རངས་ཤིང་མ་མགུ་བས་འོངས་ནས། རིང་དུ་ལོན་པ་གཉུག་མར་གནས་པ་རྣམས་ལ་ཡང་བཀའ་འཁོར་དུ་བསོད་སྙོམས་སྦྱིན་པར་བྱ་བར་མི་སེམས་ན། གློ་བུར་བ་རྣམས་ལ་ལྟ་སྨོས་ཀྱང་ཅི་དགོས། ཇི་ཙམ་དུས་གཞན་ཞིག་ན། ཚེ་དང་ལྡན་པ་ཀུན་དགའ་བོ་ཡུལ་ཀ་ཤི་ནས་ལྗོངས་རྒྱུ་ཞིང་སོང་བ་དང ། རི་ནག་པོར་ཕྱིན་ནས་རི་ནག་པོར་འདུག་གོ ། ཚེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་བགོས། ཆོས་གོས་དང་ལྷུང་བཟེད་ཐོགས་ནས། རི་ནག་པོར་བསོད་སྙོམས་ཀྱི་ཕྱིར་ཞུགས་པ་ལས། དེ་ཇི་ལྟར་ལྷུང་བཟེད་བཀྲུས་པས་
Ga218b
རི་ནག་པོར་བསོད་སྙོམས་ཀྱི་ཕྱིར་ཞུགས་པ་ལྷུང་བཟེད་བཀྲུས་པ་དེ་བཞིན་དུ་སླར་ལོག་སྟེ། སྦྱིན་པ་ཡང་མ་རྙེད། ཚིག་ཀྱང་མ་སྟེར་ཏེ། ཆུང་དུ་ན་བསོད་སྙོམས་གཅིག་ཀྱང་མ་རྙེད་དོ། །ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། རི་ནག་པོ་འདི་སྔོན་ཡང་འབྱོར་ཞིང་རྒྱས་པ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བར་གྱུར་ཅིང ། བསོད་སྙོམས་པ་དང ། སློང་བ་པས་རྙེད་སླ་བར་གྱུར་ལ། ད་དུང་ཡང་རི་ནག་པོ་འདི་འབྱོར་ཅིང་རྒྱས་པ་དང ། བདེ་བ་དང ། ལོ་ལེགས་པ་དང ། སྐྱེ་བོ་དང་མི་མང་པོས་གང་བར་གྱུར་ན། འོན་ཀྱང་བདག་ནི། ཇི་ལྟར་ལྷུང་བཟེད་བཀྲུས་པས་རི་ནག་པོར་བསོད་སྙོམས་ཀྱི་ཕྱིར་ཞུགས་པ་ལྷུང་བཟེད་བཀྲུས་པ་དེ་བཞིན་དུ་སླར་ལོག་སྟེ་སྦྱིན་པ་ཡང་མ་རྙེད། ཚིག་ཀྱང་མ་སྟེར་ཏེ། ཆུང་དུ་ན་བསོད་སྙོམས་གཅིག་ཙམ་ཡང་མ་རྙེད་ན། འདིར་བཅོམ་ལྡན་འདས་ཀྱི་ཉན་ཐོས་བྱིས་པ། བླུན་པ། མི་གསལ་པ། མི་མཁས་པ་འགའ་ཞིག་གིས་ཉོན་མོངས་པའི་དབང་གིས་རིགས་ཀྱི་བུད་མེད་དམ། རིགས་ཀྱི་ན་ཆུང་ལ་སྨྲས་སམ། རེག་གམ། ཁ་ངན་སྨྲས་པར་མ་གྱུར་གྲང་སྙམ་མོ། །དེའི་ཚེ་རི་ནག་པོའི་བྲམ་ཟེ་དང ། ཁྱིམ་བདག་རྣམས་ཀྱི་འདུན་ཁང་དུ་དགེ་བསྙེན་ལྔ་བརྒྱ་ཙམ་དགོས་པ་འགའ་ཞིག་གི་ཕྱིར་འདུས་ཤིང་འཁོད་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་རི་ནག་པོའི་བྲམ་ཟེ་དང་ཁྱིམ་བདག་རྣམས་ཀྱི་འདུན་ཁང་གང་ན་བ་དེར་སོང་སྟེ་ཕྱིན་པ་དང ། རི་ནག་པོའི་
Ga219a
༄#། །བྲམ་ཟེ་དང་ཁྱིམ་བདག་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག། སྔོན་ནི། རི་ནག་པོ་འདི་ཞེས་བྱ་བ་ནས་བསོད་སྙོམས་གཅིག་ཀྱང་མ་རྙེད་དོ། །ཞེས་བྱ་བའི་བར་གོང་མ་བཞིན་དུའོ། །དེ་སྐད་ཅེས་སྨྲས་པ་དང ། རི་ནག་པོའི་བྲམ་ཟེ་དང་ཁྱིམ་བདག་རྣམས་མིག་གནམ་དུ་བལྟས་ནས་འདུག་གོ་།དེའི་ཚེ་དགེ་བསྙེན་ཆུ་ལ་རྩེ་ཞེས་བྱ་བ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་དགེ་བསྙེན་ཆུ་ལ་རྩེས། ཚེ་དང་ལྡན་པ་ཀུན་དགའ་བོའི་ལག་པ་ནས་བཟུང་སྟེ། མཐའ་གཅིག་ཏུ་དོང་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་མཁྱེན་པར་མཛོད་ཅིག། རི་ནག་པོ་འདི་ན་དགེ་སློང་འགྲོ་མགྱོགས་དང ། ནབ་སོ་ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་དག་ཅིག་གནས་ཏེ། དེ་གཉིས་ཀྱིས་བུད་མེད་རྣམས་དང་ལྷན་ཅིག་ཁ་དཔྱ་ཟེར་ཞེས་བྱ་བ་ནས་ཚེ་དང་ལྡན་པ་ཀུན་དགའ་བོ་ཞེས་བྱ་བ་ནས་ཇི་ལྟར་གོང་དུ་ཁྱིམ་སུན་འབྱིན་པ་དགེ་འདུན་ལྷག་མའི་བསླབ་པ་ལ་བསྟན་པ་བཞིན་དུ་སྟེ། དགེ་སློང་འགྲོ་མགྱོགས་དང ། ནབ་སོ་གཉིས་བསྐྲད་པའི་ལས་བྱོས་ཤིག་།འདི་ལྟར་ཡང་བྱ་སྟེ། དགེ་སློང་གནས་བརྟན་རྣམས་དང་ལྷན་ཅིག་ཏུ་ལམ་གར་འདུག་ལ་གླེང་བར་བྱེད་པའི་དགེ་སློང་བསྐོ་བར་བྱ་སྟེ། ཆོས་ལྔ་དང་ལྡན་པའི་དགེ་སློང་ནི། ཞེས་བྱ་བ་ནས་ལས་བྱ་བ་ནི་ཞེས་བྱ་བའི་བར་གོང་མ་བཞིན་དུའོ། །དགེ་འདུན་
Ga219b
བཙུན་པ་རྣམས་གསན་དུ་གསོལ། དགེ་སློང་འགྲོ་མགྱོགས་དང་ནབ་སོ་འདི་གཉིས། ཁྱིམ་སུན་འབྱིན་པ། སྡིག་པའི་ཆོས་ཀུན་ཏུ་སྤྱོད་པ་ལགས་ཏེ། འདི་གཉིས་ཀྱིས་ཁྱིམ་སུན་ཕྱུང་བར་ཡང་སྣང་ཞིང་ཐོས་ལ་འཚལ། འདི་གཉིས་སྡིག་པའི་ཆོས་ཀུན་དུ་སྤྱོད་པར་ཡང་སྣང་ཞིང་ཐོས་ལ་འཚལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འགྲོ་མགྱོགས་དང་ནབ་སོ། ཁྱིམ་སུན་འབྱིན་པ། སྡིག་པའི་ཆོས་ཀུན་དུ་སྤྱོད་པ་ལ་བསྐྲད་པའི་འཕྲིན་ལས་མཛད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། ཞེས་བྱ་བ་ནས་དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་བྱའོ་ཞེས་བྱ་བའི་བར་གོང་མ་བཞིན་དུའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་ཚོང་དཔོན་ཕྱུག་ཅིང་ནོར་མང་བ། ལོངས་སྤྱོད་ཆེ་བ་ཞིག་ཡོད་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་འདས་ནས། རྒྱུ་སྐར་ཆུ་སྟོད་ལ་ཁྱེའུ་ཞིག་བཙས་ཏེ། དེའི་ཉེ་དུ་རྣམས་ཚོགས་ཤིང་འདུས་ནས། ཉི་མ་བདུན་
Ga220a
༄#། །གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས་མིང་འདོགས་པར་བྱེད་དེ། ཁྱེའུའི་མིང་ཅིར་གདགས། དེ་དག་འདི་སྙམ་དུ་སེམས་ཏེ། ཁྱེའུ་འདི་ནི། རྒྱུ་སྐར་ཆུ་སྟོད་ལ་བཙས་པས། དེ་བས་ན། ཁྱེའུའི་མིང་ཆུ་སྟོད་ཅེས་བྱ་བར་གདགས་སོ། །ཞེས་དེའི་མིང་ཆུ་སྟོད་ཅེས་བྱ་བར་བཏགས་སོ། །དེའི་མ་དང ། ཞོ་དང ། མར་གསར་དང ། ཞུན་མར་དང ། མར་གྱི་སྙིང་པོ་དང ། གཞན་ཡང ། ཡོ་བྱད་ཀྱི་ཁྱད་པར་གཙོ་བོ་གཙོ་བོ་དག་གིས། སྐྱེད་པར་བྱེད། སྲིང་བར་བྱེད་ཅིང ། རྫིང་ན་གནས་པའི་པདྨ་བཞིན་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང ། གྲངས་དང ། རྩིས་དང ། ལག་རྩིས་དང ། དབྱུང་བ་དང ། གཞུག་པ་དང ། གཞག་པ་ལ་ཉེ་བར་ཞུགས་ནས། དེ་ཡི་གེ་མཐར་ཕྱིན་ཅིང་འབྱེད་པ་དང ། ཀློག་པ་དང ། མཁས་པ་དང ། སྤྱོད་པ་གསལ་བ་དང ། བརྟག་པ་བརྒྱད་པོ་ལ་མཁས་པར་གྱུར་ཏེ། འདི་ལྟ་སྟེ། རིན་པོ་ཆེ་བརྟག་པ་དང ། གོས་བརྟག་པ་དང ། གཞི་བརྟག་པ་དང ། ཤིང་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། བུད་མེད་བརྟག་པ་དང ། སྐྱེས་པ་བརྟག་པ་ལ་མཁས་པར་གྱུར་ཏོ། །ཇི་ཙམ་ན། དེའི་ཕ་ཤི་ནས། ཆུ་སྟོད་ཁྱིམ་གྱི་དཔོན་པོར་གྱུར་ནས། དེས་ཚོང་ཁང་དུ་ཉོ་ཚོང་གི་ཟོང་བཀྲམ་སྟེ། ཉོ་ཚོང་གིས་འཚོ་བར་བྱེད་དོ། །དེས་དུས་
Ga220b
གཞན་ཞིག་ན། བཅོམ་ལྡན་འདས་ཀྱི་སྤྱན་སྔར་སོང་བ་དང ། དེས་བཅོམ་ལྡན་འདས་མཐོང་ཞིང་དམ་པའི་ཆོས་ཐོས་པས་བཅོམ་ལྡན་འདས་ཀྱི་བསྟན་པ་ལ་དད་པ་སྐྱེས་ཏེ། དད་པ་སྐྱེས་པས། རབ་ཏུ་བྱུང་བ་མངོན་པར་འདོད་པར་གྱུར་ནས། དེ་མའི་དྲུང་དུ་སོང་སྟེ་སྨྲས་པ། ཡུམ་མཁྱེན་པར་མཛོད་ཅིག་།བདག་ནི། ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བར་བགྱིའོ། །དེས་སྨྲས་པ། ཁྱོད་ནི། ཁོ་མོའི་བུ་གཅིག་པ་ཡིན་གྱི། ཇི་ཙམ་ཁོ་མོ་གསོན་གྱི་བར་དུ་རབ་ཏུ་མ་འབྱུང་ཞིག་།ཁོ་མོ་ཤི་ནས་ཅི་དགའ་བ་གྱིས་ཤིག། དེས་སྨྲས་པ། ཡུམ། གལ་ཏེ་དམ་ཞིག་བཅས་ན། བདག་རབ་ཏུ་མི་འབྱུང་སྟེ། ཁྱོད་ཀྱིས་ཉི་མ་རེ་རེ་ཞིང་དགེ་འདུན་གྱིས་བསྐོས་པའི་དགེ་སློང་རྣམས་ལ་གདུགས་ཚོད་གསོལ་ལམ། དེས་སྨྲས་པ། བུ། དེ་བཞིན་དུ་བྱའོ། །ཆུ་སྟོད་དེས་ཀྱང་ཅུང་ཟད་ཅི་བསགས་པ་དེ་ཐམས་ཅད་མ་ལ་བཏང་ནས། ཡུམ། འདིས་དགེ་སྦྱོང་དང ། བྲམ་ཟེ་རྣམས་ལ་སྟོབས་ཤིག། དེའི་མ་དེ་སེར་སྣ་ཅན་སྤར་འཆུམས་པ་ཞིག་སྟེ། ཡོ་བྱད་ལ་ཞེན་པས། ཁཝ་ཏ་ལ་གཏོར་མ་སྦྱིན་པའི་སྤྲོ་བ་ཡང་མེད་ན། དགེ་སྦྱོང་དང ། བྲམ་ཟེ་རྣམས་ལ་སྦྱིན་པ་ལྟ་སྨོས་ཀྱང་ཅི་དགོས་ཏེ། དགེ་སྦྱོང་ངམ་བྲམ་ཟེ་གང་དག་བསོད་སྙོམས་ཀྱི་ཕྱིར་དེའི་ཁྱིམ་དུ་ཞུགས་པ་དེ་རྣམས་ལ། ཁྱེད་ནི། ཡི་དྭགས་དང་མཚུངས་ཏེ། རྟག་པར་གཞན་གྱི་ཁྱིམ་དུ་སྐྲུར་འོང་ངོ་ཞེས་ཁ་ཡང་ཟེར་རོ། །བུ་དེ་ལ་སླུ་བར་བྱེད་དེ། ཁོ་མོས་དེང་དགེ་སྦྱོང་འདི་
Ga221a
༄#། །སྙེད་ཅིག་ལ་ནི། གདུགས་ཚོད་གསོལ་ཏོ། །དགེ་སྦྱོང་དང་བྲམ་ཟེ་འདི་སྙེད་ཅིག་ལ་ནི། བསོད་སྙོམས་ཕུལ་ལོ་ཞེས་ཟེར་རོ། །དེ་སེར་སྣ་བསྟེན་ཅིང་གོམས་པ་དང ། ལན་མང་དུ་བྱས་པས། དེ་ནས་ཤི་ནས་ཡི་དྭགས་རྣམས་སུ་སྐྱེས་སོ། །ཆུ་སྟོད་ཀྱང་མ་དང་བྲལ་ནས། སྦྱིན་པ་དག་བྱིན། བསོད་ནམས་དག་བྱས་ནས། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ ། །དེ་དུས་གཞན་ཞིག་ན་ཤིང་མྲག་ཤའི་ཚལ་ན་གནས་པ་དང ། དེ་ལ་བརྟེན་ནས་ཤིང་མྲག་ཤའི་ཚལ་ན་གནས་པའི་ཁྱིམ་བདག་ནག་པ་བཅོམ་ལྡན་འདས་ཀྱི་བསྟན་པ་ལ་དད་པ་སྐྱེས་ཏེ། དེ་སངས་རྒྱས་དང ། ཆོས་དང ། དགེ་འདུན་ལ་ལྷག་པར་བྱ་བ་བྱེད་ཅིང ། ཤིང་མྲག་ཤའི་ཚལ་དུ་ཡུལ་སྣ་ཚོགས་ནས་འོངས་པའི་དགེ་སློང་རྣམས་ཀྱི་རྟེན་དུ་གྱུར་ཏོ། །ཇི་ཙམ་དུས་གཞན་ཞིག་ན། ཚེ་དང་ལྡན་པ་ཆུ་སྟོད་རི་འོར་གཞན་ཞིག་ཏུ་བྱ་བ་ཅུང་ཟད་ཅིག་བྱུང་ནས། དེ་དེར་སོང་ངོ ། །ཚེ་དང་ལྡན་པ་གར་མཁན་མའི་བུ་ཉེ་སྡེ། འཁོར་ལྔ་བརྒྱ་དང་ལྗོངས་རྒྱུ་ཞིང་སོང་བ་ན། ཤིང་མྲག་ཤའི་ཚལ་དུ་ཕྱིན་ཏོ། །ཁྱིམ་བདག་ནག་པས། འཕགས་པ་གར་མཁན་མའི་བུ་ཉེ་སྡེ་འཁོར་ལྔ་བརྒྱ་དང་ལྗོངས་རྒྱུ་ཞིང་སོང་སོང་བ་དང ། འདིར་ཕྱིན་ཏོ་ཞེས་ཐོས་སོ། །ཐོས་ནས་ཀྱང་ཚེ་དང་ལྡན་པ་ཉེ་སྡེ་གང་ན་བ་དེར་སོང་སྟེ་ཕྱིན་པ་དང་ཉེ་སྡེའི་རྐང་པ་གཉིས་ལ་མགོ་བོས་ཕྱག་བྱས་ཏེ། ཕྱོགས་
Ga221b
གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། ཚེ་དང་ལྡན་པ་ཉེ་སྡེས། ཁྱིམ་བདག་ནག་པ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་ཏུ་འཇུག་པར་བྱེད། ཡང་དག་པར་གཟེངས་བསྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་བྱས་ནས་ཅང་མི་སྨྲའོ། །དེ་ནས་ཁྱིམ་བདག་ནག་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། ཚེ་དང་ལྡན་པ་ཉེ་སྡེ་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཚེ་དང་ལྡན་པ་ཉེ་སྡེ་ལ་འདི་སྐད་ཅེས་སྨྲས་སོ། །འཕགས་པ་ཉེ་སྡེ་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་སྦྱོར་ཞིང་མཆིས་ན། གནང་བར་མཛད་དུ་གསོལ། ཚེ་དང་ལྡན་པ་ཉེ་སྡེ་ཁྱིམ་བདག་ནག་པ་ལ་ཅང་མི་སྨྲ་བས་ཁས་བླངས་སོ། །དེ་ནས་ཁྱིམ་བདག་ནག་པས་ཚེ་དང་ལྡན་པ་ཉེ་སྡེ་ཅང་མི་སྨྲ་བས་ཁས་བླངས་པར་རིག་ནས། ཚེ་དང་ལྡན་པ་ཉེ་སྡེའི་རྐང་པ་གཉིས་ལ་མགོ་བོས་ཕྱག་བྱས་ནས་སྟན་ལས་ལངས་ཏེ་སོང་ངོ ། །དེ་ནས་ཁྱིམ་བདག་ནག་པས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས། ནང་པར་སྔར་ལངས་ཏེ་སྟན་བཤམས་སོ། །ཚེ་དང་ལྡན་པ་ཆུ་སྟོད་ཀྱང་རི་འོར་དེ་ནས་འོངས་ན།
Ga222a
༄#། །ཇི་ཙམ་ན། སྟན་ཡང་མ་བཤམས། ཁ་ཟས་ཀྱང་མི་གཡོ་བར་མཐོང་ནས། ཀུན་དགའི་ར་བ་པ་རྣམས་ལ་སྨྲས་པ། ཤེས་ལྡན་དག་།ཅི་སྟེ་སྟན་ཡང་མི་འདིང ། ཁ་ཟས་ཀྱང་མི་གཡོ་བར་སེམས་ལས་ཆུང་ངུར་འདུག་།ཅི། དགེ་སློང་གི་དགེ་འདུན་རྣམས་གདུགས་ཚོད་གཅད་དམ། སྨྲས་པ། ཁྱིམ་བདག་ནག་པས་དགེ་སློང་གི་དགེ་འདུན་ཞལ་ཟས་ཀྱི་ཕྱིར་ཁྱིམ་དུ་སྤྱན་དྲངས་སོ། །ཅི། ཁོ་བོ་ལས་བརྟེན་ཏེའམ། ཁྱོད་ལས་བརྟེན་ཏེ་ནི་མ་ཡིན་ཏེ། འོན་ཀྱང་འཕགས་པ་གར་མཁན་མའི་བུ་ཉེ་སྡེ་འཁོར་ལྔ་བརྒྱ་དང་ལྗོངས་རྒྱུ་ཞིང་གཤེགས་པ་ན་འདིར་བྱོན་ཏོ། །དེས་ཐོས་ནས་མི་བཟོད་པ་སྐྱེས་ཏེ། སྨྲས་པ། ཁོ་བོ་ནི། དེའི་བྱ་བ་ཐམས་ཅད་ཀྱི་སྔོན་དུ་འགྲོ་བ་ཡིན་ན། ཅིའི་ཕྱིར་དེས་ཁོ་བོ་སྤངས་ལ། ཚེ་དང་ལྡན་པ་གར་མཁན་མའི་བུ་ཉེ་སྡེ་ལས་བརྟེན་ཏེ་དགེ་སློང་གི་དགེ་འདུན་སྤྱན་འདྲེན། རེ་ཞིག་སོང་ལ་བལྟའོ། །ཞེས་དེ་ཁྱིམ་བདག་ནག་པ་གང་ན་བ་དེར་སོང་བ་དང ། ཇི་ཙམ་ན། ཁྱིམ་བདག་ནག་པ་སྟན་འདིང་བར་བྱེད་པ་མཐོང་བ་དང ། ལྷག་པར་ཡང་ཀུན་ནས་དཀྲིས་པར་གྱུར་ཏོ། །ཁྱིམ་བདག་ནག་པས་སྨྲས་པ། འཕགས་པ། གདན་ལེགས་པར་བཏིང་ངོ ། །གདུགས་ཚོད་བཟང་བོར་བགྱིས་སོ། །ཁྱིམ་བདག་ནག་པ་ཏིལ་གྱི་ཁུར་བ་འཚོང་བའི་ཚོང་པ་ཡིན་པས་ཆུ་སྟོད་ཀྱིས་སྨྲས་པ། སྟན་ཡང་ལེགས་པར་བཏིང ། གདུགས་ཚོད་ཀྱང་བཟང་པོར་
Ga222b
བྱས་ན། འོན་ཀྱང་ཏིལ་གྱི་ཁུར་བ་མེད་དོ། །དེས་སྨྲས་པ། བཙུན་པ་ཆུ་སྟོད། གློ་བར་ཆུད་དེ། འདི་ན་སྐྱེས་བུ་མཁན་པ་ཁ་ཅིག་དཔེ་སྨྲས་པས་དོན་གོ་བར་འགྱུར་བས། རེ་ཞིག་དེའི་སླད་དུ་དཔེ་གསོན་ཅིག་།བཙུན་པ་ཆུ་སྟོད། སྔོན་བྱུང་བ་འཛམ་བུའི་གླིང་གི་ཚོང་པ་རབ་ཏུ་མང་པོ་དག་ཅིག་རྒྱ་མཚོའི་གྲུ་བོ་ཆེ་བསྒྲུབས་ནས་ནོར་བསྒྲུབ་པའི་ཕྱིར་ཁཝ་ཞིག་དང་བྱ་གག་མོ་ཞིག་ཐོགས་ཏེ་རྒྱ་མཚོ་ཆེན་པོར་ཞུགས་པ་ལས། ཇི་ཙམ་ན། བྱ་གག་མོ་དེ། དེ་ཕོ་མ་རྙེད་ནས། བྱ་ཁཝ་དང་ལྷན་ཅིག་གཅུགས་པར་གྱུར་ཏོ། །དེ་གཉིས་གཅུགས་པ་ལས་ཕྲུ་གུ་བྱུང་བ་དེས་ཁཝའི་སྐད་དང ། བྱ་གག་གི་སྐད་གཉིས་ཀ་འབྱིན་པས། ཁཝ་ཡང་མ་ཡིན། བྱ་གག་ཀྱང་མ་ཡིན་པ་དེ་བཞིན་དུ་ཁྱོད་ཐར་པའི་ཆེད་དུ་རབ་ཏུ་བྱུང་ན། ཐར་པའི་ལམ་ནི། མ་ཐོབ། བྱུང་རྒྱལ་ནི། སྨྲའོ། ། དེ་སྐད་སྨྲས་པ་དང ། ཚེ་དང་ལྡན་པ་ཆུ་སྟོད་ཀྱིས་ལྡེ་མིག་དང་ལྡེ་མིག་ཀྱོག་པོ་དག་དེའི་མདུན་དུ་བོར་ནས་ཆས་པ་དང ། དེས་སྨྲས་པ། བཙུན་པ་ཆུ་སྟོད། གར་བཞུད། མཉན་ཡོད་དུའོ། ། ཕྱི་ལང་ཐོང་ལ་མ་བཞུད་པར་འདིར་བཞུགས་ཤིག་།གང་ཁྱོད་སླར་བྱོན་ནས། བདག་ཁོ་ན་ལ་བཟོད་པ་གསོལ་བར་འགྱུར་བའི་གནས་འདི་མཆིས་སོ། །དེས་དེའི་ཚིག་ཚིག་ཏུ་མ་བརྩིས་ཏེ། ལྷུང་བཟེད་དང ། ཆོས་གོས་བླངས་ནས་མཉན་ཡོད་གང་ན་བ་དེར་རྒྱུ་ཞིང་སོང་སྟེ་རིམ་གྱིས་རྒྱུ་ཞིང་སོང་བ་ན། མཉན་ཡོད་དུ་ཕྱིན་པ་དང ། དགེ་སློང་རྣམས་ཀྱིས་མཐོང་ནས་
Ga223a
༄#། །སྨྲས་པ། ཚེ་དང་ལྡན་པ་ཆུ་སྟོད་བྱོན་པ་ལེགས་སོ། །བྱོན་པ་ལེགས་སོ། །ཁྱོད་མཐོང་བ་ནི། བདག་ཅག་དགའ་ན། བྱོན་པ་ནི། མ་ཡིན་ནོ། །ཅིའི་ཕྱིར་ཁྱོད་ལ་བརྟེན་ནས་ཁྱིམ་བདག་ནག་པ་ཤིང་མྲག་ཤའི་ཚལ་ན་སངས་རྒྱས་དང་ཆོས་དང་དགེ་འདུན་ལ་བྱ་བ་བྱེད་ཅིང ། གློ་བུར་པ་མྲག་ཤའི་ཚལ་དུ་ལྷགས་པ་དང་ཆས་པ་རྣམས་ཀྱི་ཡང་རྟེན་ཡིན་ནོ། །དེ་ནི་མད་ན། བདག་གིས་ཁྱིམ་བདག་ནག་པ་ལ་བརྙས་ཐབས་བགྱིས་སོ། །ཇི་ལྟ་བུ་དག་བྱས། དེས་ཇི་ལྟར་གྱུར་པ་སྨྲས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་ཆུ་སྟོད་བརྙས་ཐབས་བྱེད་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཕྱིར་འགྱེད་པའི་ལས་བྱོས་ཤིག་།རྒྱུ་ལྔས་ཕྱིར་འགྱེད་པའི་ལས་བྱས་ན། ཆོས་མ་ཡིན་པའི་ལས་ཡིན་ཏེ། ཞེས་བྱ་བ་ནས་མངོན་སུམ་དུ་མ་གྱུར་པར་བྱེད་པའི་འོ་ཞེས་བྱ་བའི་བར་གོང་མ་བཞིན་དུའོ། །འདི་ལྟར་ཡང་བྱ་སྟེ། གནས་མལ་ཡང་བཤམས་ལ་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ཆུ་སྟོད་འདིས་
Ga223b
མྲག་ཤའི་ཚལ་གྱི་ཁྱིམ་བདག་ནག་པ་ལ་བརྙས་ཐབས་བགྱིས་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་ཆུ་སྟོད་ཁྱིམ་བདག་ནག་པ་ལ་བརྙས་ཐབས་བགྱིད་པ་ལ་ཕྱིར་འགྱེད་པའི་འཕྲིན་ལས་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་ཆུ་སྟོད་འདིས་མྲག་ཤའི་ཚལ་གྱི་ཁྱིམ་བདག་ནག་པ་ལ་བརྙས་ཐབས་བགྱིས་ཏེ། དེའི་སླད་དུ་དགེ་འདུན་གྱིས། དགེ་སློང་ཆུ་སྟོད་ཁྱིམ་བདག་ནག་པ་ལ་བརྙས་ཐབས་བགྱིད་པ་ལ་ཕྱིར་འགྱེད་པའི་འཕྲིན་ལས་མཛད་ན། ཚེ་དང་ལྡན་པ་གང་དག་།དགེ་སློང་ཆུ་སྟོད་ཁྱིམ་བདག་ལ་བརྙས་ཐབས་བགྱིད་པ་ལ་ཕྱིར་འགྱེད་པའི་འཕྲིན་ལས་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་ཆུ་སྟོད་ཁྱིམ་བདག་ལ་བརྙས་ཐབས་བགྱིད་པ་ལ་ཕྱིར་འགྱེད་པའི་འཕྲིན་ལས་མཛད་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་དགེ་སློང་ཕྱིར་འགྱེད་པའི་ལས་བྱས་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། ཕྱིར་འགྱེད་པའི་ལས་བྱས་པའི་དགེ་སློང་གིས་རབ་ཏུ་དབྱུང་བར་མི་
Ga224a
༄#། །བྱ་ཞེས་བྱ་བའི་བར་གོང་མ་བཞིན་དུའོ། །དེ་ལྟར་ཕྱིར་འགྱེད་པའི་ལས་བྱས་པ་དེ། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུར་དགེ་འདུན་ལ་སྤུ་ས་ལ་ལྟུང་བ་ལྟ་བུར་བྱེད། འབྱུང་བར་བསྐྱོད། མཚུངས་པར་ཉེ་བར་སྟོན། མཚམས་ཀྱི་ནང་དུ་འདུག་ནས་བསླང་བ་གསོལ་བར་བྱེད་དེ། ཁྱིམ་བདག་ལ་བརྙས་ཐབས་བགྱིད་བ་ཉིད་ཀྱང་སྤོང་ངོ་ཞེས་བྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་ཆུ་སྟོད་ཕྱིར་འགྱེད་པའི་ལས་བྱས་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་བསླང་བར་བྱོས་ཤིག་།རྒྱུ་ལྔས་ཕྱིར་འགྱེད་པའི་ལས་བྱས་པ་བསླང་བར་བྱའོ། །ལྔ་གང་ཞེ་ན། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུར་ཞེས་བྱ་བ་ནས་ཁྱིམ་བདག་ལ་བརྙས་ཐབས་བྱེད་པ་ཉིད་ཀྱང་སྤོང་ངོ་ཞེས་སྨྲ་ན་ཞེས་བྱ་བའི་བར་གོང་མ་བཞིན་དུའོ། །བསླང་བ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་ཆུ་སྟོད་འདིས་མྲག་ཤའི་ཚལ་གྱི་ཁྱིམ་བདག་ནག་པ་ལ་བརྙས་ཐབས་བཀྱིས་ན།
Ga224b
དགེ་འདུན་གྱིས་དེ་ཁྱིམ་བདག་ལ་བརྙས་ཐབས་བགྱིད་དོ། །ཞེས་ཕྱིར་འགྱེད་པའི་འཕྲིན་ལས་མཛད་ལགས་ཏེ། དགེ་སློང་ཆུ་སྟོད་ཕྱིར་འགྱེད་པའི་འཕྲིན་ལས་མཛད་ལགས་པ་འདི། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུར་ཞེས་བྱ་བ་ནས་ཁྱིམ་བདག་ལ་བརྙས་ཐབས་བགྱིད་པ་ཉིད་ཀྱང་འདོར་རོ། །ཞེས་མཆི་ན་ཞེས་བྱ་བའི་བར་གོང་མ་བཞིན་དུ་སྟེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་ཆུ་སྟོད་ཕྱིར་འགྱེད་པའི་འཕྲིན་ལས་མཛད་ལགས་པ་བསླང་བར་མཛད་དོ། །འདི་ནི། གསོལ་བའོ། །དེ་ནས་ཁྱིམ་བདག་དེའི་དྲུང་དུ་སོང་ལ་བཟོད་པ་གསོལ་ཅིག་དང་བསླང་བར་འགྱུར་རོ། །ཞེས་བརྗོད་པར་བྱའོ། །དགེ་སློང་རྣམས་ཀྱིས་དེ་ལ་དེ་སྐད་སྨྲས་པ་དང ། དེ་མྲག་ཤའི་ཚལ་གང་ན་བ་དེར་རྒྱུ་ཞིང་སོང་སྟེ་རིམ་གྱིས་རྒྱུ་ཞིང་སོང་བ་དང ། མྲག་ཤའི་ཚལ་དུ་ཕྱིན་ཏོ། །དེ་ནས་ལམ་གྱིས་དུབ་པ་ངལ་སོས་ནས། ཁྱིམ་བདག་ནག་པ་གང་ན་བ་དེར་སོང་སྟེ་ཕྱིན་པ་དང ། ལག་པ་གཡས་པ་བརྐྱངས་ནས་སྨྲས་པ། ཁྱིམ་བདག་བཟོད་བར་མཛོད་ཅིག་།བཙུན་པ་ཆུ་སྟོད་བཟོད་པར་གྱིས། གལ་ཏེ་དེ་ལྟ་ན། འདི་ཉིད་དུ་བཞུགས་ཤིག་།རེ་ཞིག་གང་གིས་བདག་ལ་ཉེས་པ་བྱུང་བ་དེ་ཚར་གཅོད་དུ་འགྲོའོ། །གང་གིས་བདག་ལ་ཉེས་བ་བྱུང་བ་ཞེས་བྱ་བ། ཅི། བདག་ལ་མི་ཟེར་རམ་སྙམ་མོ། །དེ་ནས་ཚེ་དང་ལྡན་པ་ཆུ་སྟོད་
Ga225a
༄#། །ཆུ་བོ་གངྒཱའི་འགྲམ་དུ་སོང་ནས། ཤིང་ཏ་ལའི་ལོ་མ་གསུམ་ལས་སྤྱིལ་བུ་བྱས་ཏེ། དབྱར་གནས་བར་དམ་བཅས་ནས། དེས་མིའི་རོ་ལ་ཀླད་པ་འདྲ་བའི་ལྷུང་བཟེད་བཅངས་ཏེ། དེ་དང་ཧ་ཅང་ཡང་མི་རིང་བ་ན་ལམ་ཞིག་ཡོད་པ་དེ་ནས་རྫིའུ་མོ་རྒྱུན་དུ་འགྲོ་བ་དེ་དག་ལ་དེས་ལྷུང་བཟེད་ཟེད་པ་དང ། དེ་དག་གིས་དེར་འོ་མའམ། ཞོའམ། དར་བ་བྱིན་པ་དེ་དེས་ལོངས་སྤྱད་ནས། བསམ་གཏན་དང ། ཏིང་ངེ་འཛིན་དང ། སྙོམས་པར་འཇུག་པའི་བདེ་བས་དུས་འདའ་བར་བྱེད་དོ། །ཇི་ཙམ་དུས་གཞན་ཞིག་ན། རྫིའུ་མ་སྨད་གཉིས་དྲོང་བ་དང ། བུ་མོས་མ་ལ་སྨྲས་པ། མ། འཕགས་པ་འདི་ནི། ལྐུགས་པ་ཞིག་ཡིན་ནོ། །དེས་སྨྲས་པ། བུ། འདི་ནི། ལྐུགས་པ་མ་ཡིན་ཏེ། གདོན་མི་ཟ་བར་འདིས་འགའ་ཞིག་ལ་ཚིག་གིས་ཉེས་པ་བྱས་པ་དེ་ཉིད་ཚར་གཅོད་པར་བྱེད་པ་ཡིན་ནོ། །མ། ཅི། དེ་དེ་ལྟ་བུ་ལགས་སམ། བུ། སང་ངས་ཁྱོད་ཀྱི་མངོན་སུམ་དུ་བྱའོ། །ཇི་ཙམ་ཕྱི་དེ་ཉིན་པར་དེའི་ཞོའི་བུམ་པ་ཐོགས་ཏེ། བུ་མོ་དང་མ་སྨད་གཉིས་ཕྱོགས་དེར་ཕྱིན་པ་དང ། ཚེ་དང་ལྡན་པ་ཆུ་སྟོད་ཀྱིས་ལྷུང་བཟེད་ཟེད་པ་དང ། དེས་དེའི་ལྷུང་བཟེད་དུ་ཞོས་དགང་བར་བརྩམས་སོ། །ཚེ་དང་ལྡན་པ་ཆུ་སྟོད་ཀྱིས་ལྷུང་བཟེད་བསྒུལ་ཀྱང་དེས་མ་བཞག་པར་བླུགས་པ་དང ། ཚེ་དང་ལྡན་པ་ཆུ་སྟོད་ཀྱིས་སྨྲས་པ། སྲིང་མོ། ཆོག་གི། དོན་མེད་པར་ཕོ་བ་འདི་ཅིར་རུང ། ཁོ་བོ་
Ga225b
ལྟ་བུའི་ལེན་པ་པོ་གཞན་ཡང་ཡོད་མོད། དེས་སྨྲས་པ། བུ་མོ་ཁྱོད་ལ་ངས་སྔར་འདི་ལྐུགས་པ་མ་ཡིན་གྱི། གདོན་མི་ཟ་བར་འདིས་འགའ་ཞིག་ལ་ཚིག་གི་ཉེས་པ་བྱས་བ། དེ་ཁོ་ན་ཚར་གཅོད་པར་བྱེད་པ་ཡིན་ནོ། །ཞེས་མ་སྨྲས་སམ། མ། ཁྱོད་ཀྱིས་སྨྲས་སོ། །དེ་ནས་ཚེ་དང་ལྡན་པ་ཆུ་སྟོད་ཀྱིས་ལོ་གཉིས་ཀྱི་ནང་ལོགས་སུ་ཚིག་གཅིག་སྨྲས་ནས། ལོ་གསུམ་པ་ལ་འདི་ལྟར། འཁོར་བའི་འཁོར་ལོ་ཆ་ལྔ་པོ་གཡོ་བ་དང ། མི་གཡོ་བ་འདི་ཉིད་རིག་སྟེ། འདུ་བྱེ་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་དུ་ཟིལ་གྱིས་མནན་ནས། མུན་པའི་ཕུང་པོ་བཅོམ་སྟེ་དགྲ་བཅོམ་པར་གྱུར་ནས་ཞེས་བྱ་བ་ནས། མཆོད་པར་བྱ་བ་དང ། བརྗེད་པར་བྱ་བ་དང ། མངོན་སུམ་དུ་སྨྲ་བར་བྱ་བར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་ཚེ་དང་ལྡན་པ་ཆུ་སྟོད་ཀྱིས་དགྲ་བཅོམ་པ་ཐོབ་སྟེ། རྣམ་པར་གྲོལ་བའི་དགའ་བ་དང ། བདེ་བ་ཉམས་སུ་མྱོང་ནས་དེའི་ཚེ་ཚིགས་སུ་བཅད་ནས་སྨྲས་པ། བདག་གིས་ཏ་ལའི་ཤིང་གསུམ་ལས། གངྒཱའི་འགྲམ་དུ་སྤྱིལ་བུ་བྱས། །མི་རོ་ཀླད་འདྲའི་ལྷུང་བཟེད་དང ། །ཕྱག་དར་ཁྲོད་པའི་ཆོས་གོས་བཅངས། །ལོ་གཉིས་ཀྱིས་ནི་ནང་ལོགས་སུ། །བདག་གིས་ཚིག་གཅིག་སྨྲས་ནས་ནི། །ལོ་གསུམ་པ་ཡི་ནང་ལོགས་སུ། །མུན་པ་ཡི་ནི་ཕུང་པོ་བཅོམ། །ཆུ་བོ་གངྒཱའི་འགྲམ་གནས་པའི། །དགྲ་བཅོམ་
Ga226a
༄#། །སེམས་ནི་རྣམ་གྲོལ་བ། །དབང་ལྡན་གནས་བརྟན་ཆུ་སྟོད་ཀྱིས། །ཚིགས་སུ་བཅད་པ་འདི་སྨྲས་སོ། །སངས་རྒྱས་བཅོམ་ལྡན་འདས་ཀོའུ་ཤམྦྷིའི་དབྱངས་སྙན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་འདུན་པ། ལྟུང་བ་བྱུང་བ་མ་མཐོང་ངོ ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་འདུན་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་མཐོང་བར་བྱ་བའི་ཕྱིར་གནས་ནས་དབྱུང་བའི་ལས་བྱོས་ཤིག། རྒྱུ་ལྔས་ལྟུང་བ་མཐོང་བར་བྱ་བའི་ཕྱིར་གནས་ནས་དབྱུང་བའི་ལས་བྱས་ན། དེ་ནི་ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ཏེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔ་གང་ཞེ་ན། གླེང་བ་མ་བྱས་པ་དང་ཞེས་བྱ་བའི་བར་གོང་མ་བཞིན་དུའོ། །དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། །དགེ་སློང་འདུན་པ་འདི། ལྟུང་བ་བྱུང་བ་ལ་ལྟུང་བ་མ་མཐོང་བ་དེའི་སླད་དུ། དགེ་འདུན་གྱིས་དགེ་སློང་འདུན་པ་ལྟུང་བ་མཐོང་བར་བགྱི་བའི་སླད་དུ། གནས་ནས་དབྱུང་བའི་འཕྲིན་ལས་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་ལྟུང་བ་བྱུང་བ་
Ga226b
ལྟུང་བ་མ་མཐོང་བ་དེའི་སླད་དུ། དགེ་འདུན་གྱིས་དགེ་སློང་འདུན་པ་འདི། ལྟུང་བ་མཐོང་བར་བགྱི་བའི་སླད་དུ། གནས་ནས་དབྱུང་བའི་འཕྲིན་ལས་མཛད་ན། ཚེ་དང་ལྡན་པ་གང་དག། དགེ་སློང་འདུན་པ་ལྟུང་བ་མཐོང་བར་བགྱི་བའི་སླད་དུ། གནས་ནས་དབྱུང་བའི་འཕྲིན་ལས་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་ཡིན་ཏེ་ཞེས་བྱ་བའི་བར་གོང་མ་བཞིན་དུ་སྟེ། ཇི་ལྟར་དམར་སེར་ཅན་རྣམས་ཀྱི་བཞིན་ནོ། །གླེང་གཞི་ནི། དེ་ཉིད་ན་སྟེ། ཚེ་དང་ལྡན་པ་འདུན་པ་ལྟུང་བ་བྱུང་བ་ཆོས་བཞིན་དུ་ཕྱིར་མི་བྱེད་པ་དེ་ལ་ཚངས་པ་མཚུངས་པར་སྤྱོད་པ་ཕན་པར་འདོད་པ་རྣམས་ཀྱིས་ཞེས་བྱ་བའི་བར་གོང་མ་བཞིན་དུ་སྟེ། ཇི་ལྟར་རྣམ་པར་འབྱེད་པ་ལས་འབྱུང་བ་ལྟ་བུའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་འདུན་པ་ལྟུང་བ་བྱུང་བ་སླར་མི་བྱེད་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་གནས་ནས་དབྱུང་བའི་ལས་བྱོས་ཤིག་།རྒྱུ་ལྔས་ལྟུང་བ་བྱུང་བ་སླར་མི་འཆོས་པ་གནས་ནས་དབྱུང་བའི་ལས་བྱས་ན། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ཏེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔ་གང་ཞེ་ན། གླེང་བ་མ་བྱས་པ་དང་ཞེས་བྱ་བའི་བར་གོང་མ་བཞིན་དུ་སྟེ། དགེ་
Ga227a
༄#། །སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་འདི། ལྟུང་བ་བྱུང་བ་ཆོས་བཞིན་དུ་སླར་མི་བགྱིད་ཀྱི། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འདུན་པ་ལྟུང་བ་བྱུང་བ་ཕྱིར་མི་བགྱིད་པ། གནས་ནས་དབྱུང་བའི་འཕྲིན་ལས་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འདུན་པ་འདི། ལྟུང་བ་ཆོས་བཞིན་དུ་ཕྱིར་མི་བགྱིད་པས་དེའི་སླད་དུ་དགེ་འདུན་གྱིས་དགེ་སློང་འདུན་པ་ལྟུང་བ་བྱུང་བ་ཕྱིར་མི་བགྱིད་པ་གནས་ནས་དབྱུང་བའི་འཕྲིན་ལས་མཛད་ན། ཚེ་དང་ལྡན་པ་གང་དག། དགེ་སློང་འདུན་པ་ལྟུང་བ་བྱུང་བ་ཕྱིར་མི་བགྱིད་པ་གནས་ནས་དབྱུང་བའི་འཕྲིན་ལས་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་ཡིན་ཏེ་ཞེས་བྱ་བའི་བར་གོང་མ་བཞིན་དུ་སྟེ། དམར་སེར་ཅན་རྣམས་ཀྱི་བཞིན་ནོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་དགེ་སློང་འཆི་ལྟས་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ། ཇི་ལྟར། བཅོམ་ལྡན་འདས་ཀྱིས་བར་དུ་གཅོད་པ་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་
Ga227b
གཅོད་པར་མི་འགྱུར་བ་དེ་ལྟར། བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་གནས་ནས་དབྱུང་བའི་ལས་བྱོས་ཤིག་།རྒྱུ་ལྔས་སྡིག་པའི་ལྟ་བར་སོང་བ་མི་འདོར་བ། གནས་ནས་དབྱུང་བའི་ལས་བྱས་ན། དེ་ནི། ཆོས་མ་ཡིན་པའི་ལས་དང ། འདུལ་བ་མ་ཡིན་པའི་ལས་ཡིན་ཏེ། དེས་ནི། དགེ་འདུན་ཡང་འགལ་ཚབས་ཅན་དུ་འགྱུར་རོ། །ལྔ་གང་ཞེ་ན། གླེང་བ་མ་བྱས་པ་དང་ཞེས་བྱ་བའི་བར་གོང་མ་བཞིན་དུ་སྟེ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ། ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་བ་དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་ཏེ་ཞེས་བྱ་བའི་བར་གོང་མ་བཞིན་དུ་སྟེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་
Ga228a
༄#། །འདོར་བ་ལ་གནས་ནས་དབྱུང་བའི་འཕྲིན་ལས་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ་ཞེས་བྱ་བ་ནས་དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་ཏེ་ཞེས་བྱ་བའི་བར་གོང་མ་བཞིན་དུ་སྟེ། དགེ་འདུན་གྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་ལ་གནས་ནས་དབྱུང་བའི་འཕྲིན་ལས་མཛད་ན། ཚེ་དང་ལྡན་པ་གང་དག་།དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་ལ་གནས་ནས་དབྱུང་བའི་འཕྲིན་ལས་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་ཡིན་ཏེ་ཞེས་བྱ་བའི་བར་གོང་མ་བཞིན་དུ་སྟེ། དམར་སེར་ཅན་རྣམས་ཀྱི་བཞིན་ནོ། །དེ་སྡིག་པའི་ལྟ་བར་སོང་བ་ཕྱིར་མི་འདོར་བ་གནས་ནས་དབྱུང་བའི་ལས་བྱས་པས། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུར་དགེ་འདུན་ལ་སྤུས་ལ་ལྟུང་བ་ལྟ་བུར་བྱེད་དེ་ཞེས་བྱ་བ་ནས་སྡིག་པའི་ལྟ་བར་སོང་བ་འདོར་རོ། །ཞེས་སྨྲའོ་ཞེས་བྱ་བའི་བར་གོང་མ་བཞིན་དུ་སྟེ། སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་འཆི་ལྟས་སྡིག་པའི་ལྟ་བ་སོང་བ་མི་འདོར་བ་གནས་ནས་དབྱུང་བའི་ལས་བྱས་པ་
Ga228b
དང ། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་བསླང་བའི་ལས་བྱོས་ཤིག་།རྒྱུ་ལྔས་སྡིག་པའི་ལྟ་བར་སོང་བ་མི་འདོར་བ་གནས་ནས་དབྱུང་བའི་ལས་བྱས་པ་བསླང་བར་བྱས་ཏེ་ལས་བྱའོ། །དགེ་གང་ཞེ་ན། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུར་དགེ་འདུན་ལ་སྤུས་ལ་ལྟུང་བ་ལྟ་བུར་བྱེད་ཅེས་བྱ་བའི་བར་གོང་མ་བཞིན་དུ་སྟེ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆི་ལྟས་འདི་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ། ཇི་ལྟར་བཅོམ་ལྡན་འདས་ཀྱིས་བར་དུ་གཅོད་པའི་ཆོས་སུ་གསུངས་པ་གང་དག་ཡིན་པ་དེ་དག་བསྟེན་ཀྱང་བར་དུ་གཅོད་པར་མི་འགྱུར་བ་དེ་ལྟར་བཅོམ་ལྡན་འདས་ཀྱིས་ཆོས་བསྟན་པ་བདག་གིས་ཤེས་སོ། །ཞེས་སྡིག་པའི་ལྟ་བར་སོང་བ་མི་འདོར་བ་དེ་གནས་ནས་དབྱུང་བའི་འཕྲིན་ལས་མཛད་ལགས་ཏེ། དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་གནས་ནས་དབྱུང་བའི་འཕྲིན་ལས་མཛད་ལགས་པ་འདི། སྐྲ་གྱེན་དུ་འགྲེང་བ་ལྟ་བུ་དང ། སྐྲ་ཞིག་པ་ལྟ་བུར་ཞེས་བྱ་བ་ནས་སྡིག་པའི་ལྟ་བ་ཡང་འདོར་ཞེས་མཆི་ན་ཞེས་བྱ་བའི་བར་གོང་མ་བཞིན་དུ་སྟེ། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་གནས་ནས་དབྱུང་བའི་འཕྲིན་ལས་མཛད་ལགས་པ་སློང་བར་མཛད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་
Ga229a
༄#། །གསན་དུ་གསོལ། དགེ་སློང་འཆི་ལྟས་འདི་ལ་འདི་ལྟ་བུའི་སྡིག་པའི་ལྟ་བར་སོང་བ་སྐྱེས་ཏེ་ཞེས་བྱ་བ་གོང་མ་བཞིན་དུ་སྟེ། དགེ་འདུན་གྱིས་དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་གནས་ནས་དབྱུང་བའི་འཕྲིན་ལས་མཛད་ལགས་པ་འདི་སློང་བར་མཛད་ན། ཚེ་དང་ལྡན་པ་གང་དག། དགེ་སློང་འཆི་ལྟས་སྡིག་པའི་ལྟ་བར་སོང་བ་མི་འདོར་བ་གནས་ནས་དབྱུང་བའི་འཕྲིན་ལས་མཛད་ལགས་པ་བསླང་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་པ་ཞེས་བྱ་བ་ནས་ཅང་མི་གསུང་པས་དེ་དེ་བཞིན་དུ་འཛིན་ཏོ། །ཞེས་བྱ་བའི་བར་གོང་མ་བཞིན་དུའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དེས། སྐབས་དེ། དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ན། བདག་གིས་ཇི་ལྟར་བགྱི་ཞེས་བྱ་བའི་སྐབས་དེ། དགེ་སློང་རྣམས་ཀྱིས། བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་
Ga229b
བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཟླ་བ་ཕྱེད་ཀྱི་སྤོ་བ་བྱིན་ཅིག་།སྦྱིན་པ་ནི། འདི་ལྟར་བྱ་སྟེ། དགེ་སློང་འཆར་ཀས་གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། རྒན་པའི་མཐར་ཙོག་ཙོག་པོར་འདུག་སྟེ། ཐལ་མོ་སྦྱར་བ་བཏུད་ནས་སྤོ་བ་གསོལ་བར་བྱའོ། །གསོལ་བ་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དེའི་སླད་དུ། དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ། ཟླ་བ་ལ་ཕྱེད་ཀྱི་སྤོ་བ་སྩལ་དུ་གསོལ། དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་
Ga230a
༄#། །འཆར་ཀ་འདི་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་ཏེ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དེའི་སླད་དུ། དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་འདི་ལ་ཟླ་བ་ཕྱེད་ཀྱི་སྤོ་བ་སྩལ་པར་མཛད་དོ། །འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆར་ཀ་འདི་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་བྱུང་བའི་དགེ་འདུན་ལྷག་པའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩོལ་བར་མཛད་ན། ཚེ་དང་ལྡན་པ་གང་དག། དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་
Ga230b
མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩོལ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་པའི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ།། །། འདུལ་བ་གཞི། བམ་པོ་དོན་གཅིག་པ། དེ་སྤོ་བ་བྱེད་བཞིན་པ་ལས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་སྐབས་དེ། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ། བདག་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་
Ga231a
༄#། །ལྟུང་བ་སྔ་མ་དང་འདྲ་བ་བྱུང་བ་བཅབས་ན། བདག་གིས་ཇི་ལྟར་བགྱི་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་འཆང་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་གཞི་ནས་སྤོ་བ་བྱིན་ཅིག། སྦྱིན་པ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ། དྲིས་པའི་ཚིག་གིས། དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་འཆར་ཀས་རྒན་པའི་མཐའ་ནས་ཙོག་ཙོག་པོར་འདུག་ལ། ཐལ་མོ་སྦྱར་བ་བཏུད་དེ་ཚིག་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ། བདག་སྤོ་བ་བགྱིད་བཞིན་པ་
Ga231b
ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ། དགེ་འདུན་ལས་གཞི་ནས་སྤོ་བ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན། ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་དུ་གསོལ་ཞེས་དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ། འདི་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀ་འདི། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུར་བ་བཅབས་
Ga232a
༄#། །པ་ལ་དགེ་འདུན་ལས་གཞི་ནས་སྤོ་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་པ་བྱུང་བ་བཅབས་པ་ལ་གཞི་ནས་སྤོ་བ་སྩོལ་བར་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བསྩལ་ཏེ། འདི་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀ་འདི། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ། དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ། གཞི་ནས་
Ga232b
སྤོ་བ་སྩོལ་བར་མཛད་ན། ཚེ་དང་ལྡན་པ་གང་དག། དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩོལ་བར་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་འཆར་ཀ་འདི། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ། གཞི་ནས་སྤོ་བ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དེ་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་ཡང་བཟླས་ཏེ་བྱུང་བའི་སྐབས་དེ། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ། དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་ཆད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩོལ་
Ga233a
༄#། །ཏེ། བདག་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ། དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་བདག་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ན། བདག་གིས་ཅི་དག་བགྱི་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་འཆར་ཀ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཡང་གཞི་ནས་བསླང་པ་བྱིན་ཅིག་།སྦྱིན་པ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་འཆར་ཀས་རྒན་པའི་མཐའ་ནས་ཙོག་ཙོག་པོར་འདུག་སྟེ། ཐལ་མོ་སྦྱར་བ་བཏུད་ནས་ཚིག་འདི་སྐད་ཅེས། དགེ་འདུན་བཙུན་
Ga233b
པ་རྣམས་གསན་དུ་གསོལ། བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ། དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ་བདག་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བར་བྱུང་བ་བཅབས་པ་དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བར་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་བདག་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས། བདག་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ། དགེ་འདུན་ལས་གཞི་ནས་བསླང་བ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་
Ga234a
༄#། །བ་ཉེ་བར་བཟུང་སྟེ། བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལས། གཞི་ནས་བསླང་བ་སྩལ་དུ་གསོལ། དེ་བཞིན་དུ་ལན་གཉིས་ལན་གསུམ་དུ་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་ཏེ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ལས་གྱུར་བའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ། ཟླ་བ་ཕྱེད་ཀྱི་སྤོ་བ་སྩལ་ཏེ་འདི་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱི་དགེ་སློང་འཆར་ཀ་ལ་དགེ་འདུན་ཧག་མའི་ལྟུང་བ་བར་མ་ལྷུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ། དེ་གཞི་ནས་སྤོ་བ་བགྱིད་བཞིན་པ་ལས། དགེ་
Ga234b
འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས་འདི་དགེ་འདུན་ལྷག་མའི་ལྟུང་བ་ལྟུང་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ། དགེ་འདུན་ལས་ཡང་གཞི་ནས་བསླང་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆར་ཀ་འདི་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ། ཡང་གཞི་ནས་བསླང་བ་སྩོལ་བར་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ་དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ། དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ་འདི་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀ་འདིས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དགེ་
Ga235a
༄#། །འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་དེ་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ། དགེ་འདུན་ལས་ཡང་གཞི་ནས་བསླང་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་ཡང་གཞི་ནས་བསླང་བའི་སྤོ་བ་སྩོལ་བར་མཛད་ན། ཚེ་དང་ལྡན་པ་གང་དག་།དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་ཡང་གཞི་ནས་བསླང་བ་སྩོལ་བར་མཛད་པ་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་བཟླས་ཏེ་བྱུང་བ་བཅབས་
Ga235b
བ་ལ་ཡང་གཞི་ནས་བསླང་བ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །དེས་དུས་གཞན་ཞིག་ན་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ནས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ་བདག་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ། དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བཅབས་པ་ལ་གཞི་ནས་སྤོ་བ་སྩལ་ཏེ་བདག་གཞི་ནས་སྤོ་བ་བགྱིད་
Ga236a
༄#། །བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས་བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ། དགེ་འདུན་ལས་ཡང་གཞི་ནས་བསླང་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་ཡང་གཞི་ནས་བསླང་བ་སྩལ་ཏེ་བདག་གིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་ཡང་སྤྱད་ལགས། ལྟུང་བ་བར་མ་ལྟུང་པ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་ཡང་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བ་ཡང་གཞི་ནས་བསླང་བ་ཡང་སྤྱད་ལགས་ན། བདག་གིས་ཅི་དག་བགྱི་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་ཟླ་བ་ཕྱེད་ཀྱི་སྤོ་བ་སྤྱད་ཟིན་པ་དང ། ལྟུང་བ་བར་མའི་གཞི་ནས་སྤོ་བ་སྤྱད་ཟིན་པ་དང ། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་
Ga236b
བསླང་བ་སྤྱད་ཟིན་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཞག་དྲུག་གི་མགུ་བར་བྱ་བ་བྱིན་ཅིག། སྦྱིན་པ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་འཆར་ཀས་རྒན་པའི་མཐའ་ནས་ཙོག་ཙོག་པོར་འདུག་སྟེ།་ཐལ་མོ་སྦྱར་བ་བཏུད་ལ་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ། དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ་བདག་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ། དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་དགེ་
Ga237a
༄#། །འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་བདག་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས་བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ།་དགེ་འདུན་ལས་ཡང་གཞི་ནས་བསླང་བའི་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་ཡང་གཞི་ནས་བསླང་བ་སྩལ་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་ཡང་སྤྱད་ལགས། ལྟུང་བ་བར་མའི་གཞི་ནས་སྤོ་བ་ཡང་སྤྱད་ལགས། ཡང་བཟླས་པའི་ལྟུང་བའི་གཞི་ནས་བསླང་བ་ཡང་སྤྱད་ལགས་ཏེ། དགེ་འདུན་ལས་ཞག་དྲུག་གི་མགུ་བར་བགྱི་བ་གསོལ་ནས། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མའི་གཞི་ནས་སྤོ་བ་སྤྱད་ལགས། ཡང་བཟླས་པའི་ལྟུང་བའི་གཞི་ནས་བསླང་བ་སྤྱད་ལགས་པ་ལ།
Ga237b
ཞག་དྲུག་གི་མགུ་བར་བགྱི་བ་སྩལ་དུ་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ་འདི་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀ་འདི། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་འདི་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས་དགེ་སློང་འཆར་ཀ་
Ga238a
༄#། །འདིས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དགེ་འདུན་ལས་ཡང་གཞི་ནས་བསླང་སྟེ་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་ཡང་གཞི་ནས་བསླང་བ་སྩལ་ཏེ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་ཡང་གཞི་ནས་བསླང་བ་སྤྱད་ལགས་ཏེ། ཞག་དྲུག་གི་མགུ་བར་བགྱི་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟེད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་ཡང་གཞི་ནས་བསླང་བ་སྤྱད་ལགས་པ་ལ་ཞག་དྲུག་གི་མགུ་བར་བགྱི་བ་སྩོལ་བར་མཛད་དོ། །འདི་ནི། གསོལ་བའོ།།
Ga238b
ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་ཀྱི་སྤོ་བ་སྩལ་ཏེ་འདི་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀ་འདིས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པ་དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་འདི་གཞི་ནས་སྤོ་བ་བགྱིད་བཞིན་པ་ལ། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས་དགེ་སློང་འཆར་ཀ་འདིས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དགེ་འདུན་ལས་གཞི་ནས་བསླང་སྟེ་སྤོ་བ་གསོལ་ནས། དགེ་འདུན་གྱིས་དགེ་སློང་འཆར་
Ga239a
༄#། །ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་གཞི་ནས་བསླང་བ་སྩལ་ཏེ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས་ན། ཞག་དྲུག་གི་མགུ་བར་བགྱི་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས་པ་ལ་ཞག་དྲུག་གི་མགུ་བར་བགྱི་བ་སྩོལ་བར་མཛད་ན། ཚེ་དང་ལྡན་པ་གང་དག། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་
Ga239b
ཡང་གཞི་ནས་བསླང་བ་སྤྱད་ལགས་པ་ལ་ཞག་དྲུག་གི་མགུ་བར་བགྱི་བ་སྩོལ་བར་བཟོད་པ་དེ་དག་ནི། ཅང་མ་གསུངས་ཤིག། གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་པའི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་ཡང་གཞི་ནས་བསླང་བ་སྤྱད་ལགས་པ་ལ་ཞག་དྲུག་གི་མགུ་བར་བགྱི་བ་སྩལ་ལགས་ཏེ། འདི་ལྟར་ཅང་མི་གསུངས་པས་དེ་དེ་བཞིན་དུ་འཛིན་ཏོ། །དེ་དུས་གཞན་ཞིག་ན་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད། ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པའི་གཞི་ནས་སྤོ་བ་སྤྱད། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད། ཞག་དྲུག་གི་མགུ་བར་བྱ་བ་སྤྱད་ཟིན་ནས། དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་
Ga240a
༄#། །ཕྱེད་བཅབས་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ་བདག་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་བདག་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས། བདག་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དགེ་འདུན་ལས་ཡང་གཞི་ནས་བསླང་སྟེ་སྤོ་བ་གསོལ་ནས། དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་
Ga240b
འདྲ་བ་ཡང་བཟླས་ཏེ་བྱུང་བ་བཅབས་པ་ལ་ཡང་གཞི་ནས་བསླང་བ་སྩལ་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤོ་བ་སྤྱད་ལགས་ཏེ། དགེ་འདུན་ལས་ཞག་དྲུག་གི་མགུ་བར་བགྱི་བ་གསོལ་ནས། དགེ་འདུན་གྱིས་བདག་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས་པ་ལ་ཞག་དྲུག་གི་མགུ་བར་བགྱི་བ་སྩལ་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་སྤོ་བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་ན། བདག་གིས་ཅི་དག་བགྱི་ཞེས་པའི་སྐབས་དེ། དགེ་སློང་རྣམས་ཀྱིས་
Ga241a
༄#། །བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་པ་དང ། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་པ་དང ། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་ཡང་གཞི་ནས་བསླང་བ་སྤྱད་པ་དང ། ཞག་དྲུག་གི་མགུ་བར་བྱ་བ་སྤྱད་ཟིན་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་དབྱུང་བ་བྱོས་ཤིག་།དབྱུང་བ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་འཆར་ཀས་རྒན་པའི་མཐར་ཙོག་ཙོག་པོར་འདུག་སྟེ། ཐལ་མོ་སྦྱར་བ་བཏུད་ནས་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་དགེ་འདུན་ལས་སྤོ་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་ཆེད་དུ་
Ga241b
བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་ལ་ཟླ་བ་བྱེད་ཀྱི་སྤོ་བ་སྩལ་ཏེ་བདག་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་དགེ་སློང་འཆར་ཀ་ས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དགེ་འདུན་ལས་གཞི་ནས་སྤོ་བ་གསོལ་ཏེ།་དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་བདག་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས་དགེ་སློང་འཆར་ཀས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ། དགེ་འདུན་ལས་ཡང་གཞི་ནས་བསླང་སྟེ་སྤོ་བ་གསོལ་ནས། དགེ་འདུན་གྱིས་བདག་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་ཡང་གཞི་ནས་བསླང་བ་སྩལ་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་
Ga242a
༄#། །ལགས་ན། ཞག་དྲུག་གི་མགུ་བར་བགྱི་བ་གསོལ་ཏེ། དགེ་འདུན་གྱིས་བདག་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བའི་སྤོ་བ་སྤྱད་ལགས་པ་ལ་ཞག་དྲུག་གི་མགུ་བར་བགྱི་བ་སྩལ་ཏེ། བདག་དགེ་སློང་འཆར་ཀས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བའི་སྤོ་བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་ཏེ། དགེ་འདུན་ལས་དབྱུང་བ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་ཡང་གཞི་ནས་བསླངས་པའི་སྤོ་
Ga242b
བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་ན། དབྱུང་བར་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། །དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ།་དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཕྱུང་བ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ་འདི་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀ་འདིས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དགེ་འདུན་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདིས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་ཡང་གཞི་ནས་སྤོ་བ་བསྩལ་ཏེ་འདི་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས། དགེ་སློང་འཆར་ཀ་འདིས། དགེ་
Ga243a
༄#། །འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དགེ་འདུན་ལས་གཞི་ནས་བསླང་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ལ་གཞི་ནས་བསླང་བ་སྩལ་ཏེ། དགེ་སློང་འཆར་ཀ་འདིས་དགེ་འདུན་ལྷག་མའི་ལྟུང་བ་གཞི་ནས་བསླང་བ་སྤྱད་ལགས་ནས། དགེ་འདུན་ལས་ཞག་དྲུག་གི་མགུ་བར་བགྱི་བར་གསོལ་ཏེ། དགེ་འདུན་གྱིས་དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཕྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས་པ་ལ་ཞག་དྲུག་གི་མགུ་བར་བགྱི་བ་སྩལ་ཏེ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་ནས་དགེ་འདུན་ལས་དབྱུང་བ་གསོལ་ན། གལ་ཏེ་
Ga243b
དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས། ཞག་དྲུག་གི་མགུ་བ་བགྱི་བ་སྤྱད་ལགས་པ་དབྱུང་བར་མཛད་དོ། །འདི་ནི། གསོལ་བའོ། །དེའི་འོག་ཏུ་སྨ་དབབ་པར་བྱ་སྟེ། འཆར་ཀ་ཁྱོད། དེ་ཅི་སྟེ་དེ་ལྟ་བུར་བྱད་ལེགས་པར་མ་བྱས། ཤིན་ཏུ་མ་བྱས་སོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་ཆོས་ནི། འདི་ལྟར། འདོད་ཆགས་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་ཅིང ། ཞེ་སྡང་དང་བྲལ་བར་བྱ་བ་དང ། གཏི་མུག་དང་བྲལ་བར་བྱ་བའི་ཕྱིར་སེམས་རྣམ་པར་གྲོལ་བ་དང ། ཤེས་རབ་རྣམ་པར་གྲོལ་བའི་ཆོས་སྟོན་བཞིན་དུ། འདི་ལྟ་བུའི་མི་མཛེས་པར་བྱས་སོ། །མི་བླུན་པོ་ཁྱོད་ཀྱིས་སྦྲུལ་ནག་པོ་དུག་རྣོན་པོ་ཅན་ལ་ལག་པ་གཉིས་ཀྱིས་བཟུང་བ་ནི། བླའི། ཁྱོད་འདི་ལྟ་བུའི་མི་མཛེས་པ་བྱེད་པ་ནི། དེ་ལྟ་མ་ཡིན་ནོ། འཆར་ཀ། གཉིས་པོ་འདི་དག་ནི། ཆོས་ཀྱི་སྒྲོན་མ་དང ། ཆོས་ཀྱི་
Ga244a
༄#། །སྣང་བ་དང ། ཆོས་ཀྱི་འོད་དང ། ཆོས་ཀྱི་གསལ་བ་དང ། ཆོས་ཀྱི་སྣང་གསལ་དང ། ཆོས་ཀྱི་མར་མེ་དང ། ཆོས་ཀྱི་རབ་གསལ་མེད་པར་བྱེད་པ་སྟེ། གཉིས་གང་ཞེ་ན། གང་ཞིག་ལྟུང་བ་འབྱིན་པ་དང ། གང་ཞིག་ལྟུང་བ་བྱུང་ནས་ཕྱིར་ཆོས་བཞིན་མི་འཆོས་པའོ། །གཉིས་ནི། སྡིག་པ་རྩད་ནས་མི་རྐོ། རྒྱུན་ནས་བཟློག་པ་ལ་མི་འབད། འབབ་ཆུ་དང་འཁྲི་ཤིང་མི་སྐེམ། བདུད་དང་གཡུལ་མི་འགྱེད། བདུད་ཀྱི་རྒྱལ་མཚན་མི་སྙོལ། ཆོས་ཀྱི་རྒྱལ་མཚན་མི་སྒྲེང ། དེ་བཞིན་གཤེགས་པའི་ཆོས་དང་མཐུན་པའི་ཆོས་ཀྱི་འཁོར་ལོ་བསྐོར་བའི་རྗེས་སུ་མི་བསྐོར་བ་ཡིན་ཏེ། གཉིས་གང་ཞེ་ན། གང་ཞིག་ལྟུང་བ་འབྱིན་པ་དང ། གང་ཞིག་ལྟུང་བ་བྱུང་ནས་ཕྱིར་ཆོས་བཞིན་དུ་མི་འཆོས་པའོ། །འཆར་ཀ། ལྟུང་བ་མ་བཤགས་ཤིང་སོ་སོར་མ་བཤགས་པ་འདིས། ཁྱོད་མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་ཤེས་དང ། སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་གཙང་བའི་འདུ་ཤེས་དང ། རྣམ་པར་སྔོས་པའི་འདུ་ཤེས་
Ga244b
དང ། རྣམ་པར་རྣག་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་འབུས་གཞིག་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རུས་གོང་གི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། སྟོང་པ་ཉིད་དུ་སོ་སོར་རྟོག་པའི་འདུ་ཤེས་ཀྱི་སྣོད་དུ་མི་འགྱུར་ཞིང ། བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང ། རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང ། རྒྱུན་དུ་ཞུགས་པའི་འབྲས་བུ་དང ། ལན་གཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པའི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཀྱི་རྣམ་གྲངས་དང ། སྔོན་གྱི་གནས་དང ། འཆི་འཕོ་དང་སྐྱེ་བ་དང ། ཟག་པ་ཟད་པ་དག་གི་སྣོད་དུ་མི་འགྱུར་རོ། །འཆར་ཀ། ལྟུང་བ་མི་འཆགས་པ་དང ། སོ་སོར་མི་འཆགས་པ་འདིས་ནི། ཁྱོད་འགྲོ་བ་གཉིས་ལས་གང་ཡང་རུང་བ་ཞིག་འདོད་པར་བྱ་སྟེ། དམྱལ་བའམ། དུད་འགྲོའོ། །བཅོམ་ལྡན་འདས་ཀྱིས་འཆབ་པའི་ལས་ཀྱི་མཐའ་ནི། འགྲོ་བ་གཉིས་པོ། དམྱལ་བའམ། དུད་འགྲོ་ཡིན་ཏེ། གང་དག་ངས་
Ga245a
༄#། །གསུངས་པ་ལ་ཡིད་མི་ཆེས་པ་དེ་དག་ནི། འཆབ་པར་སེམས་སོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། །དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་ཏེ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ང་བྱུང་བ་ཟླ་བ་ཕྱེད་བཅབས་པ། དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ཏེ་འདི་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། དགེ་སློང་འཆར་ཀ་འདིས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལས་གཞི་ནས་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ལ་གཞི་ནས་སྤོ་བ་སྩལ་ཏེ་འདི་གཞི་ནས་སྤོ་བ་བགྱིད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས། དགེ་སློང་འཆར་ཀ་འདིས་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་
Ga245b
བཅབས་པ་དགེ་འདུན་ལས་གཞི་ནས་བསླང་པའི་སྤོ་བ་གསོལ་ཏེ། དགེ་འདུན་གྱིས་དགེ་སློང་འཆར་ཀ་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་ཡང་གཞི་ནས་བསླང་བ་སྩལ་ཏེ། དགེ་སློང་འཆར་ཀ་འདིས་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས་ཏེ། དགེ་འདུན་ལས་ཞག་དྲུག་གི་མགུ་བར་བགྱི་བ་གསོལ་ནས། དགེ་འདུན་གྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས་པ་ལ་ཞག་དྲུག་གི་མགུ་བར་བགྱི་བ་སྩལ་ཏེ། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཕྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་
Ga246a
༄#། །པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་ནས། དགེ་འདུན་ལས་དབྱུང་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་བའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་པ་དབྱུང་བར་མཛད་ན། ཚེ་དང་ལྡན་པ་གང་དག། དགེ་སློང་འཆར་ཀ་འདི་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་པ་དབྱུང་བར་མཛད་པར་བཟོད་པ་དེ་དག་ནི། ཅང་མ་གསུངས་ཤིག། གང་དག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་
Ga246b
བཟོད་ཅིང་གནང་ནས་དགེ་འདུན་གྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པའི་སྤོ་བ་སྤྱད་ལགས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པའི་གཞི་ནས་སྤོ་བ་སྤྱད་ལགས། ལྟུང་བ་བར་མ་དང་འདྲ་བ་ཡང་བཟླས་པའི་ལྟུང་བ་བྱུང་བའི་གཞི་ནས་བསླང་བ་སྤྱད་ལགས། ཞག་དྲུག་གི་མགུ་བར་བགྱི་བ་སྤྱད་ལགས་པ་དབྱུང་བར་མཛད་ལགས་ཏེ། འདི་ལྟར་ཅང་མི་གསུང་པས་དེ་དེ་བཞིན་དུ་འཛིན་ཏོ། །དེའི་འོག་ཏུ་སྤྲོ་བ་བསྐྱེད་པར་བྱ་སྟེ། འཆར་ཀ་ལེགས་པར་བྱས་སོ། །ཤིན་ཏུ་བྱས་སོ། །སྐྱེས་བུ་དམ་པ་གཉིས་ནི། མཁས་པ། གཉིས་ནི། གསལ་བ་སྟེ། གང་ཞིག་ལྟུང་བ་མི་འབྱིན་པ་དང ། གང་ཞིག་ལྟུང་བ་བྱུང་ན་ཕྱིར་ཆོས་བཞིན་བྱེད་པའོ། །གཉིས་པོ་འདི་དག་ནི། ཆོས་ཀྱི་སྒྲོན་མ་དང ། ཆོས་ཀྱི་སྣང་བ་དང ། ཆོས་ཀྱི་འོད་དང ། ཆོས་ཀྱི་གསལ་བ་དང ། ཆོས་ཀྱི་མར་མེ་དང ། ཆོས་ཀྱི་རབ་གསལ་འབར་བར་བྱེད་པ་ཡིན་ཏེ། གཉིས་གང་ཞེ་ན། གང་ཞིག་ལྟུང་བ་མི་འབྱིན་པ་དང ། གང་ཞིག་ལྟུང་བ་བྱུང་ན་ཕྱིར་ཆོས་བཞིན་བྱེད་པའོ། །གཉིས་ནི། སྡིག་པ་རྩ་ནས་རྐོ་བ་རྒྱུན་ནས་ཟློག་པ་ལ་འབད་པ། འབབ་ཆུ་དང་འཁྲི་ཤིང་སྐེམ་པ། བདུད་དང་གཡུལ་འགྱེད་པ། བདུད་ཀྱི་རྒྱལ་མཚན་སྙོལ་བ། ཆོས་ཀྱི་རྒྱལ་མཚན་སྒྲེང་བ། སྡིག་པའི་རྒྱུན་གཅོད་པ། དེ་བཞིན་གཤེགས་པའི་ཆོས་དང་
Ga247a
༄#། །མཐུན་པའི་ཆོས་ཀྱི་འཁོར་ལོ་བསྐོར་བའི་རྗེས་སུ་བསྐོར་བ་ཡིན་ཏེ། གཉིས་གང་ཞེ་ན། གང་ཞིག་ལྟུང་བ་མི་འབྱིན་པ་དང ། གང་ཞིག་ལྟུང་བ་བྱུང་བ་ན་ཕྱིར་ཆོས་བཞིན་བྱེད་པའོ། །འཆར་ཀ། ལྟུང་བ་བཤགས་པ་དང ། སོ་སོར་བཤགས་པ་འདིས། ཁྱོད་མི་རྟག་པའི་འདུ་ཤེས་དང ། མི་རྟག་པ་ལ་སྡུག་བསྔལ་བའི་འདུ་ཤེས་དང ། སྡུག་བསྔལ་བ་ལ་བདག་མེད་པའི་འདུ་ཤེས་དང ། ཟས་ལ་མི་མཐུན་པའི་འདུ་ཤེས་དང ། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་དང ། ཉེས་དམིགས་ཀྱི་འདུ་ཤེས་དང ། སྤོང་བའི་འདུ་ཤེས་དང ། འདོད་ཆགས་དང་བྲལ་བའི་འདུ་ཤེས་དང ། འགོག་པའི་འདུ་ཤེས་དང ། འཆི་བའི་འདུ་ཤེས་དང ། མི་གཙང་པའི་འདུ་ཤེས་དང ། རྣམ་པར་སྔོས་པའི་འདུ་ཤེས་དང ། རྣམ་པར་རྣག་པའི་འདུ་ཤེས་དང ། རྣམ་པར་འབུས་གཞིག་པའི་འདུ་ཤེས་དང ། རྣམ་པར་བམ་པའི་འདུ་ཤེས་དང ། རྣམ་པར་ཟོས་པའི་འདུ་ཤེས་དང ། རྣམ་པར་དམར་བའི་འདུ་ཤེས་དང ། རུས་གོང་གི་འདུ་ཤེས་དང ། རྣམ་པར་འཐོར་བའི་འདུ་ཤེས་དང ། སྟོང་པ་ཉིད་དུ་སོ་སོར་རྟོག་པའི་སྣོད་དུ་འགྱུར་ཞིང ། བསམ་གཏན་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། བྱམས་པ་དང ། སྙིང་རྗེ་དང ། དགའ་བ་དང ། བཏང་སྙོམས་དང ། ནམ་མཁའ་མཐའ་ཡས་སྐྱེ་མཆེད་དང །
Ga247b
རྣམ་ཤེས་མཐའ་ཡས་སྐྱེ་མཆེད་དང ། ཅི་ཡང་མེད་པའི་སྐྱེ་མཆེད་དང ། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་དང ། རྒྱུན་དུ་ཞུགས་པའི་འབྲས་བུ་དང ། ལན་གཅིག་ཕྱིར་འོང་པའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། དགྲ་བཅོམ་པའི་འབྲས་བུ་དང ། རྫུ་འཕྲུལ་གྱི་ཡུལ་དང ། ལྷའི་རྣ་བ་དང ། སེམས་ཀྱི་རྣམ་གྲངས་དང ། སྔོན་གྱི་གནས་དང ། འཆི་འཕོ་དང་སྐྱེ་བ་དང ། ཟག་པ་ཟད་པ་རྣམས་ཀྱི་སྣོད་དུ་འགྱུར་རོ། །འཆར་ཀ། ལྟུང་བ་བཤགས་པ་དང ། སོ་སོར་བཤགས་པ་འདིས། ཁྱོད་འགྲོ་བ་གཉིས་པོ། ལྷ་དང་མི་གང་ཡང་རུང་བའི་འགྲོ་བ་འདོད་པར་བྱའོ། །བཅོམ་ལྡན་འདས་ཀྱིས་ལས་ཀྱི་མཐའ་མི་འཆབ་པའི་འགྲོ་བ་ནི། གཉིས་ཏེ། ལྷ་དང ། མིའོ། །གང་དག་ངས་བཤད་པ་ལ་ཡིད་ཆེས་པ་དེ་དག་ནི། བཅབས་པར་མི་སེམས་སོ། །ཡང་བཀའ་སྩལ་པ། བཅབས་པ་ཆར་བ་བཞིན་དུ་འབབ། །མ་བཅབས་ཆར་བཞིན་དེ་མི་འབབ། །དེ་བས་བཅབས་པ་བཤགས་བྱ་སྟེ། ། དེ་ལྟ་ན་ནི་དེ་མི་འབབ། །འཆར་ཀ། ཁྱོད་དགེ་འདུན་གྱིས་ཕྱུང་ཟིན་གྱི། བག་ཡོད་པར་སྒྲུབས་ཤིག། དམར་སེར་ཅན་གྱི་གཞི་རྫོགས་སོ།། །།གང་ཟག་གི་གཞིའི་སྤྱི་སྡོམ་ནི། འཆར་ཀ་དང་ནི་བཏུས་པ་དང ། །མཐའ་དང་དེ་བཞིན་གཞན་གྱིས་དང ། །ཕྱི་མ་དག་ཏུ་གྱུར་པའོ། །སྡོམ་ལ། འཆར་ཀ་གཞན་གྱིས་དྲན་པ་དང ། །འཛེམ་
Ga248a
༄#། །དང་ད་གདོད་ཤེས་པ་དང ། །གཉིས་དང་གཉིས་དང་བྱས་པའོ། །ལེགས་པར་བྱིན་དང་ཉེས་པར་བྱིན། །མུ་བཞིར་སྨྲ་དང་བརྗོད་པ་དང ། །མུ་བཞི་དག་ཏུ་དབྱེ་བའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་འཆར་ཀ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་བྱུང་བ་ཟླ་བ་ཕྱེད་བཅབས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་དགེ་སློང་འཆར་ཀ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་ཟླ་བ་ཕྱེད་བཅབས་པ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཟླ་བ་ཕྱེད་ཀྱི་སྤོ་བ་བྱིན་ཅིག། ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཕྱུང་བ་མ་བཅབས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་མ་བཅབས་པ་དང ། གཞན་ཡང ། དེ་ལྟུང་བུ་དང་མཐུན་པ་སུ་ཡང་རུང་བ་ལ་ཞག་དྲུག་གི་མགུ་བར་བྱ་བ་བྱིན་ཅིག་།ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་གཉིས་བྱུང་བ་དེས། ལྟུང་བ་དེ་གཉིས་སུ་མ་ཤེས་ཏེ།
Ga248b
ཟླ་བ་གཉིས་ལོན་ནས་ཤེས་པ་དང ། ཟླ་བ་གཉིས་སུ་བཅབས་ནས། གཅིག་ནི། དགེ་སློང་རྣམས་ལ་སྨྲས། གཅིག་ནི། མ་སྨྲས་པ་དང ། དགེ་འདུན་གྱིས་དེ་ལ་ཟླ་བ་གཉིས་ཀྱི་སྤོ་བ་བྱིན། དེ་སྤོ་བ་བྱེད་བཞིན་པ་ལས། དེས་དགེ་འདུན་གྱི་ནང་དུ་མ་སྨྲས་པའི་ལྟུང་བ་གང་ཡིན་པ་དེ་ཡང་ཤེས་ནས་སྐབས་དེ། དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཟླ་བ་གཉིས་པོ་དེ་ཉིད་ཀྱི་སྤོ་བ་བྱིན་ཏེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་གཉིས་བྱུང་བ་དེས། ལྟུང་བ་དེ་གཉིས་ཟླ་བ་གཉིས་སུ་མ་ཤེས་ཏེ་ཟླ་བ་གཉིས་ལོན་ནས་ཤེས་པ་དང ། ཟླ་བ་གཉིས་བཅབས་ཏེ། གཅིག་ནི། དགེ་སློང་རྣམས་ལ་སྨྲས། གཅིག་ནི་མ་སྨྲས་པ་དང ། དགེ་འདུན་གྱིས་དེ་ལ་ཟླ་བ་གཉིས་ཀྱི་སྤོ་བ་བྱིན་ཏེ། དེ་སྤོ་བ་བྱེད་པ་ན། ངོ་ཚ་བའི་ཆོས་སུ་གྱུར་པའི་སྐབས་དེ། དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བདག་ལ་དགེ་འདུན་ལྷག་མའི་ལྟུང་བ་གཉིས་བྱུང་སྟེ། བདག་གིས་ལྟུང་བ་དེ་གཉིས་ཟླ་བ་གཉིས་སུ་མ་ཤེས་ཏེ། ཟླ་བ་གཉིས་ལོན་ནས་ཤེས་པ་དང་ཟླ་བ་གཉིས་བཅབས་ཏེ། གཅིག་ནི། དགེ་སློང་རྣམས་ལ་སྨྲས། གཅིག་ནི་མ་སྨྲས་པ་དང ། དགེ་འདུན་
Ga249a
༄#། །གྱིས་བདག་ལ་ཟླ་བ་གཉིས་ཀྱི་སྤོ་བ་སྩལ་ཏེ། བདག་སྤོ་བ་བགྱིད་པ་ན་ངོ་ཚ་བའི་ཆོས་སུ་གྱུར་རོ་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་ཇི་ལྟར་བཅབས་པ་དེ་དང ། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་སྤོ་བ་སྦྱིན་ཏེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་ལ་དེ་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པ་ན། འདི་སྐད་ཅེས། ཚེ་དང་ལྡན་པ་དག། བདག་གིས་ཆོས་འདི་ཇི་ལྟར་མདོ་ལས་འབྱུང་ཞིང ། མདོའི་ཁོངས་སུ་གཏོགས་པར་ད་གཟོད་ཤེས་སོ། །ཞེས་སྨྲས་ན། གལ་ཏེ་དགེ་སློང་དག་གིས་ཚེ་དང་ལྡན་པ་འདི། སྔར་གསོ་སྦྱོང་གི་ལས་གཉིས་སམ་གསུམ་ལ་ནི། འདུས་ན། ལན་མང་དུ་ཡང་རེ་སྙམ་ཞེས་བྱ་བར་དེའི་རྒྱུས་ཤེས་ན། ཚེ་དང་ལྡན་པ་དེའི་མི་ཤེས་ན། ཚེ་དང་ལྡན་པ་དེའི་མི་ཤེས་པས་ཐར་པ་མེད་པ་ཉིད་པས་དེ་ལྟུང་བ་བྱུང་བ་གང་ཡིན་པ་དེ་ཕྱིར་ཆོས་བཞིན་བྱེད་དུ་གཞུག་ཅིང ། ཕྱིས་ཀྱང་འགྱོད་པ་བསྐྱེད་པར་བྱ་སྟེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་ལ་དེ་སོ་སོར་ཐར་པའི་མདོ་གདོན་པ་འདོན་པ་ན། འདི་སྐད་ཅེས། ཚེ་དང་ལྡན་པ་དག་
Ga249b
བདག་གིས་ཆོས་འདི་ཇི་ལྟར་མདོ་ལས་འབྱུང་ཞིང ། མདོའི་ཁོངས་སུ་གཏོགས་པར་ད་གཟོད་ཤེས་སོ། །ཞེས་སྨྲས་ན། གལ་ཏེ་དགེ་སློང་དག་གིས། ཚེ་དང་ལྡན་པ་འདི། སྔར་གསོ་སྦྱོང་གི་ལས་གཉིས་སམ་གསུམ་ལ་ནི་འདུས་ན། ལན་མང་དུ་ཡང་རེ་སྙམ་ཞེས་བྱ་བར་དེའི་རྒྱུས་མི་ཤེས་ན། ཚེ་དང་ལྡན་པ་དེའི་མི་ཤེས་པས་ཐར་པ་མེད་པ་ཉིད་པས། དེ་ལྟུང་བ་བྱུང་བ་གང་ཡིན་པ་དེ། ཕྱིར་ཆོས་བཞིན་དུ་བྱེད་དུ་གཞུག་ཅིང ། ཕྱིས་འགྱོད་པ་བསྐྱེད་པར་ནི། མི་བྱ་སྟེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་དེ། དེས་ཟླ་བ་གཅིག་ཏུ་མ་ཤེས་ཏེ། ཟླ་བ་གཅིག་ལོན་ནས་ཤེས་པ་དང ། ཟླ་བ་གཅིག་བཅབས་ཏེ་དགེ་སློང་རྣམས་ལ་སྨྲས་པ་དང ། དགེ་འདུན་གྱིས་དེ་ལ་ཟླ་བ་གཉིས་ཀྱི་སྤོ་བ་བྱིན་ཏེ། དེ་སྤོ་བ་བྱེད་པ་ན་ལྷགས་ཤིང་ལྷགས་པའི་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བདག་ལ་དགེ་འདུན་ལྷག་མའི་ལྟུང་བ་བྱུང་བ་དེ་བདག་གིས་ཟླ་བ་གཅིག་ཏུ་མ་ཤེས་ཏེ། ཟླ་བ་གཅིག་ལོན་ནས་ཤེས་པ་དང ། ཟླ་བ་གཅིག་ཏུ་བཅབས་ཏེ་དགེ་སློང་རྣམས་ལ་སྨྲས་པ་ལ། དགེ་འདུན་གྱིས་བདག་ལ་ཟླ་བ་གཉིས་ཀྱི་སྤོ་བ་བྱིན་ཏེ། ཚེ་དང་ལྡན་པ། ཟླ་བ་གཅིག་ནི། ལེགས་བར་བྱིན་ནོ། །ཟླ་བ་གཅིག་ནི། ཉེས་པར་བྱིན་ཏེ། དེ་ཅིའི་ཕྱིར་ཞེ་ན། ཆོས་མ་ཡིན་པའི་ལས་འཁྲུགས་པ་ཡིན་ཏེ། ཇི་ལྟར་ཤེས་པ་དེ་བཞིན་དུ་དྲན་བར་འགྱུར་རོ།། །།
Ga250a
༄#། །འདུལ་བ་གཞི། བམ་པོ་དོན་གཉིས་པ། ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་དེས། ལྟུང་བ་དེ་ཟླ་བ་གཅིག་ཏུ་མ་ཤེས་ཏེ། ཟླ་བ་གཅིག་ལོན་ནས་ཤེས་པ་དང ། མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་འདུན་གྱིས་དེ་ལ་ཟླ་བ་གཅིག་གི་སྤོ་བ་བྱིན་ཏེ། དེ་སྤོ་བ་བྱེད་པ་ན་ལྷགས་ཤིང་ལྷགས་པའི་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བདག་ལ་དགེ་འདུན་ལྷག་མའི་ལྟུང་བ་བྱུང་བ་བདག་གིས་ལྟུང་བ་དེ་ཟླ་བ་གཅིག་ཏུ་མ་ཤེས་ཏེ། ཟླ་བ་གཅིག་ལོན་ནས་ཤེས་པ་དང ། མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་འདུན་གྱིས་བདག་ལ་ཟླ་བ་གཅིག་གི་སྤོ་བ་བྱིན་ཏེ། ཚེ་དང་ལྡན་པ། བདག་ལ་ལེགས་པར་བྱིན་པ་མ་ཡིན་གྱི། ཉེས་པར་བྱིན་པ་ཡིན་ཏེ། དེ་ཅིའི་ཕྱིར་ཞེ་ན། ཚེ་དང་ལྡན་པ། མགུ་བར་བྱ་བར་འོས་པ་སྟེ། ཇི་ལྟར་ཤེས་པ་དེ་བཞིན་དུ་དྲན་པར་འགྱུར་རོ། །ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཤགས་པར་བྱའོ། །ཞེས་མ་བཅབས་པ་ལས་བརྗེད་དོ། །དེས་ལྟུང་བ་དེ་དྲན་ནས་ནི། བཅབས་ཏེ་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་སྔ་མ་
Ga250b
དང་ཕྱི་མའི་རྒྱུད་གཉིས་ནས་བཟུང་སྟེ་སྤོ་བ་བྱིན་ཅིག། ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཅབས་པ་བཤགས་པར་བྱའོ། །སྙམ་པ་ལས་བརྗེད་དོ། །དེས་དེ་དྲན་ནས་ནི། མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་སྔ་མའི་རྒྱུད་ནས་བཟུང་སྟེ་སྤོ་བ་བྱིན་ཅིག། ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བཅབས་པ་བཤགས་པར་བྱའོ། །སྙམ་པ་ལས་བརྗེད་དོ། །དེས་དེ་དྲན་ནས་ནི། མ་བཅབས་ཏེ་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་སྤོ་བ་བྱིན་ཅིག། ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཤགས་པར་བྱའོ། །ཞེས་མ་བཅབས་པ་དེའི་ལྟུང་བ་ལས་བརྗེད་དོ། །དེས་དེ་དྲན་ནས་མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཞག་དྲུག་གི་མགུ་བར་བྱ་བ་བྱིན་
Ga251a
༄#། །ཅིག། སྡོམ་ནི། བཏུས་པ་བཅུ་དྲུག་གཉིས་དང་ནི། །ལྔ་དང་བརྒྱད་དང་ཉི་ཤུ་དང ། །གསུམ་དང་གསུམ་བརྒྱད་གསུམ་དང་ནི། །བཞི་དང་བཞི་ཆེན་བརྒྱད་དག་དང ། ། གནས་ནས་དབྱུང་བརྒྱད་གསུམ་དང་ནི། །སྒོ་ལྔ་དག་ནི་བསྟན་པ་ཡིན། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཅབས་ནས་བབས་ཏེ། དེ་འོངས་ནས་སླར་བསྙེན་པར་རྫོགས་ཏེ། དེས་ལྟུང་བ་དེ་བཅབས་བཞིན་དུ་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱི་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་གཉིས་ཀའི་རྒྱུད་ནས་བཟུང་སྟེ་སྤོ་བ་བྱིན་ཅིག་།ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཅབས་ནས་བབས་ཏེ། དེ་འོངས་ནས་སླར་བསྙེན་པར་རྫོགས་ཏེ། དེས་ལྟུང་བ་དེ་མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་སྔ་མའི་རྒྱུད་ནས་བཟུང་སྟེ་སྤོ་བ་བྱིན་ཅིག། ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པར་བབས་ནས་དེ་འོངས་ནས་སླར་བསྙེན་པར་རྫོགས་ཏེ། དེས་ལྟུང་
Ga251b
བ་དེ་བཅབས་ནས་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང་གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཕྱི་མའི་རྒྱུད་ནས་བཟུང་སྟེ་སྤོ་བ་བྱིན་ཅིག། ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པར་བབས་ནས། དེ་འོངས་ཏེ་སླར་བསྙེན་པར་རྫོགས་ནས། དེས་ལྟུང་བ་མ་བཅབས་པ་ཉིད་དུ་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཞག་དྲུག་གི་མགུ་བར་བྱ་བ་བྱིན་ཅིག་།ཇི་ལྟར་ཁྱད་པར་མེད་པས་བཞི་ཡིན་པ་ཇི་ལྟ་བ་བཞིན་དུ་ཤེས་པས་བཞི་དང ། དྲན་པས་བཞི་དང ། ཡིད་གཉིས་ཀྱིས་བཞི་ཡང་དེ་བཞིན་ནོ། །རྣམ་གྲངས་འདིས་བཞི་ཚན་གཞན་དག་སྟེ། འོན་ཀྱང་བསྒྲེ་བའི་ཁྱད་པར་ཡོད་དོ། །ཇི་ལྟར་གང་ཟག་གཞན་ཞིག་བྱ་བ་དེ་བཞིན་དུ་སྤོ་བ་ཞེས་བརྗོད་པར་བྱའོ། །སྤོ་བ་ཇི་ལྟ་བ་དེ་བཞིན་དུ་སྤོ་བ་སྤྱད་པ་དང ། མགུ་བར་བྱ་བ་སྤྱོད་པ་དང ། བསླབ་པ་བྱིན་པའི་བཞི་ཚན་དུ་སྦྱར་བར་བྱའོ། །བབས་པ་ཇི་ལྟ་བ་བཞིན་དུ་དགེ་ཚུལ་ཉིད་དུ་ཁས་བླངས་པ་དང ། སྨྱོས་པ་ཉིད་དང་སེམས་འཁྲུགས་པ་ཉིད་དང ། ཚོར་བས་ཉེན་པ་ཉིད་དང ། མ་མཐོང་བས་
Ga252a
༄#། །གནས་ནས་དབྱུང་བ་ཉིད་དང ། ཕྱིར་མི་བྱེད་པས་གནས་ནས་དབྱུང་བ་ཉིད་དང ། སྡིག་པ་ཅན་གྱི་ལྟ་བ་ལོག་པར་སོང་བ་མི་འདོར་བས་གནས་ནས་དབྱུང་བ་ཉིད་ལ་ཡང་དེ་བཞིན་དུ་རྒྱས་པར་སྦྱར་བར་བྱའོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་གཉིས་བྱུང་བ་བཅབས་པ་དང་མ་བཅབས་པར་བབས་ཏེ། དེ་འོངས་ནས་སླར་བསྙེན་པར་རྫོགས་ཏེ། དེས་བཅབས་ནས་བབས་པ་གང་ཡིན་པ་དེ། བཅབས་བཞིན་དུ་དགེ་སློང་རྣམས་ལ་སྨྲས་པ། མ་བཅབས་པ་གང་ཡིན་པ་དེ་ཡང་མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་གཅིག་གི་སྔ་མ་དང ། ཕྱི་མ་དང་གཉིས་ཀའི་རྒྱུད་ནས་བཟུང་སྟེ་སྤོ་བ་བྱིན་ཅིག་།ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་གཉིས་བྱུང་བ་བཅབས་པ་དང ། མ་བཅབས་པར་བབས་ཏེ་འོངས་ནས་སླར་བསྙེན་པར་རྫོགས་ཏེ། དེས་བཅབས་ནས་བབས་པ་གང་ཡིན་པ་དེ་མ་བཅབས་པར་དགེ་སློང་རྣམས་ལ་སྨྲས། མ་བཅབས་པ་གང་ཡིན་པ་དེ་མ་བཅབས་པར་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་
Ga252b
ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ། གཅིག་གི་ནི། སྔ་མའི་རྒྱུད་ནས་བཟུང་སྟེ་སྤོ་བ་བྱིན་ཅིག་།གཅིག་ནི། ཞག་དྲུག་གི་མགུ་བར་བྱ་བ་བྱིན་ཅིག། ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་གཉིས་བྱུང་བ་བཅབས་པ་དང་མ་བཅབས་པར་བབས་ཏེ། དེ་འོངས་ནས་སླར་བསྙེན་པར་རྫོགས་ཏེ། དེས་བཅབས་པ་གང་ཡིན་པ་དེ་མ་བཅབས་པར་དགེ་སློང་རྣམས་ལ་སྨྲས། མ་བཅབས་པ་གང་ཡིན་པ་དེ་བཅབས་ནས་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་གཅིག་ནི། སྔོན་གྱི་རྒྱུད་ནས་བཟུང་སྟེ་སྤོ་བ་བྱིན་ཅིག། གཅིག་གི་ནི། ཕྱི་མའི་རྒྱུད་ནས་བཟུང་སྟེ་སྤོ་བ་བྱིན་ཅིག། ཡང ། གང་ཟག་གཞན་ཞིག་གིས་དགེ་འདུན་ལྷག་མའི་ལྟུང་བ་གཉིས་བྱུང་བ་བཅབས་པ་དང་མ་བཅབས་པར་བབས་ཏེ། དེ་འོངས་ནས་སླར་བསྙེན་པར་རྫོགས་ཏེ། དེས་བཅབས་ནས་བབས་པ་གང་ཡིན་པ་དེ་མ་བཅབས་པར་དགེ་སློང་རྣམས་ལ་སྨྲས། མ་བཅབས་པ་གང་ཡིན་པ་དེ་མ་བཅབས་པར་ཁོ་ནར་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་
Ga253a
༄#། །ལྟ་བུ་དང་མཐུན་པ་སུ་ཡང་རུང་བ་ལ་གཅིག་གི་ནི། སྔོན་གྱི་རྒྱུད་ནས་བཟུང་སྟེ་སྤོ་བ་བྱིན་ཅིག་།གཅིག་གི་ནི། ཞག་དྲུག་གི་མགུ་བར་བྱ་བ་བྱིན་ཅིག་།བབས་པ་ཇི་ལྟ་བ་བཞིན་དུ་སྤོ་བ་དང ། སྤོ་བ་སྤྱད་པ་དང ། མགུ་བར་བྱ་བ་དང ། མགུ་བར་བྱ་བ་སྤྱོད་པ་དང ། བསླབ་པ་བྱིན་པ་ལ་ཡང་དེ་བཞིན་དུ་བརྗོད་པར་བྱའོ། །བབས་པ་ཇི་ལྟ་བ་བཞིན་དུ་དགེ་ཚུལ་ཉིད་དུ་ཁས་བླངས་པ་དང ། སྨྱོས་པ་ཉིད་དང ། སེམས་འཁྲུགས་པ་ཉིད་དང ། ཚོར་བས་ཉེན་པ་ཉིད་དང ། མ་མཐོང་བས་གནས་ནས་དབྱུང་བ་ཉིད་དང ། ཕྱིར་མི་བྱེད་པས་གནས་ནས་དབྱུང་བ་ཉིད་དང ། སྡིག་པ་ཅན་གྱི་ལྟ་བར་སོང་བ་མི་འདོར་བས་གནས་ནས་དབྱུང་བ་ཉིད་ལ་ཡང་དེ་བཞིན་དུ་རྒྱས་པར་བརྗོད་པར་བྱའོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་དང་ལྡན་པ་བྱུང་བ་བཅབས་པ་དེ། དགེ་འདུན་གྱིས་མ་མཐོང་བས་གནས་ནས་དབྱུང་བ་བྱས་ཏེ་བསླང་ཟིན་པ་དེས། ལྟུང་བ་རྣམས་བཅབས་ནས་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་ལྡན་པའོ། །ཞེས་བྱོས་ལ། སྔ་མ་དང་ཕྱི་མ་གཉིས་ཀའི་རྒྱུད་ནས་བཟུང་སྟེ་སྤོ་བ་བྱིན་ཅིག། ཡང ། གང་ཟག་གཞན་ཞིག་
Ga253b
དགེ་འདུན་ལྷག་མའི་ལྟུང་བ་ཚད་དང་ལྡན་པ་བྱུང་བ་བཅབས་པ་དེ། དགེ་འདུན་གྱིས་མ་མཐོང་བས་གནས་ནས་དབྱུང་བ་བྱས་ཏེ་བསླང་ཟིན་པ་དེས། ལྟུང་བ་དེ་རྣམས་མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་ལྡན་པའོ། །ཞེས་བྱོས་ལ་སྔོན་གྱི་རྒྱུད་ནས་བཟུང་སྟེ་སྤོ་བ་བྱིན་ཅིག་།ཡང་གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་དང་ལྡན་པ་བྱུང་བ་མ་བཅབས་པ་དེ། དགེ་འདུན་གྱིས་མ་མཐོང་བས་གནས་ནས་དབྱུང་བ་བྱས་ཏེ་བསླང་ཟིན་པ་དེས། ལྟུང་བ་དེ་རྣམས་བཅབས་ཏེ་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་ལྡན་པའོ། །ཞེས་བྱོས་ལ། ཕྱི་མའི་རྒྱུད་ནས་བཟུང་སྟེ་སྤོ་བ་བྱིན་ཅིག། ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་དང་ལྡན་པ་བྱུང་བ་མ་བཅབས་པ་དེ། དགེ་འདུན་གྱིས་མ་མཐོང་བས་གནས་ནས་དབྱུང་བ་བྱས་ཏེ་བསླང་ཟིན་པ་དེས། ལྟུང་བ་དེ་རྣམས་མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ།
Ga254a
༄#། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་ལྡན་པའོ། །ཞེས་བྱོས་ལ། ཞག་དྲུག་གི་མགུ་བར་བྱ་བ་བྱིན་ཅིག། ཚད་དང་ལྡན་པ་ཇི་ལྟ་བ་བཞིན་དུ་ཚད་དང་མི་ལྡན་པ་ཡང་དེ་བཞིན་ནོ། །མ་མཐོང་བས་གནས་ནས་དབྱུང་བ་བརྒྱད་ཡིན་པ་ཇི་ལྟ་བ་བཞིན་དུ། ཕྱིར་མི་བྱེད་པས་གནས་ནས་དབྱུང་བ་བརྒྱད་དང ། སྡིག་པ་ཅན་གྱི་ལྟ་བར་སོང་བ་མི་འདོར་བས་གནས་ནས་དབྱུང་བ་བརྒྱད་ཀྱང་དེ་བཞིན་ནོ། །སྤོ་བ་པོའི་གང་ཟག་དགེ་འདུན་ལྷག་མའི་ལྟུང་བ་བྱུང་ནས་བབས་ཏེ། དེ་འོངས་ནས་སླར་བསྙེན་པར་རྫོགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མ་སྤྱད་པ་སྤྱོད་དུ་ཆུག་ཅིག་དང་སྤོ་བ་སྤྱད་པར་འགྱུར་རོ། །བབས་པ་ཇི་ལྟ་བ་བཞིན་དུ་དགེ་ཚུལ་ཉིད་དུ་ཁས་བླངས་པ་དང ། སྨྱོས་པ་ཉིད་དང ། སེམས་འཁྲུགས་པ་ཉིད་དང ། ཚོར་བས་ཉེན་པ་ཉིད་དང ། མ་མཐོང་བས་གནས་ནས་ཕྱུང་བ་ཉིད་དང ། སླར་མི་བྱེད་པས་གནས་ནས་ཕྱུང་བ་ཉིད་ཀྱང་དེ་བཞིན་ནོ། །གང་ཟག་སྤོ་བ་སྤྱད་ཟིན་པ་དགེ་འདུན་ལྷག་མའི་ལྟུང་བ་བྱུང་ནས་བབས་ཏེ། དེ་འོངས་ནས་སླར་བསྙེན་པར་རྫོགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་ཟག་དེས་
Ga254b
སྤོ་བ་སྤྱད་ཟིན་པ་ཉིད་པས་དེ་དང ། དེ་ལྟ་བུ་དང་མཐུན་པ་སུ་ཡང་རུང་བ་ལ་མགུ་བར་བྱ་བ་བྱིན་ཅིག། བབས་པ་ཇི་ལྟ་བ་བཞིན་དུ་དགེ་ཚུལ་ཉིད་དུ་ཁས་བླངས་པ་དང་ཞེས་བྱ་བ་ནས་སྡིག་པ་ཅན་གྱི་ལྟ་བར་སོང་བ་མི་འདོར་བས་གནས་ནས་ཕྱུང་བ་ཉིད་ཀྱི་བར་དུ་བསྒྲེ་བ་ཡང་གོང་མ་ལྟ་བུ་དེ་ཉིད་ཡིན་ནོ། །གང་ཟག་མགུ་བར་བྱ་བ་སྤྱོད་པ་དགེ་འདུན་ལྷག་མའི་ལྟུང་བ་བྱུང་ནས་བབས་ཏེ། དེ་འོངས་ནས་སླར་བསྙེན་པར་རྫོགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། མ་སྤྱད་པ་སྤྱོད་དུ་ཆུག་ཅིག་དང་མགུ་བར་བྱ་བ་སྤྱོད་པར་འགྱུར་རོ། །བབས་པ་ཇི་ལྟ་བ་བཞིན་དུ་བསྒྲེ་བ་གོང་མ་ལྟ་བུ་དེ་ཉིད་ཡིན་ནོ། །གང་ཟག་མགུ་བ་སྤྱད་ཟིན་པ་དགེ་འདུན་ལྷག་མའི་ལྟུང་བ་བྱུང་ནས་བབས་ཏེ། དེ་འོངས་ནས་སླར་བསྙེན་པར་རྫོགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་མགུ་བར་བྱ་བ་སྤྱད་ཟིན་པ་ཉིད་པས་འདི་ཕྱུང་ཞིག། བབས་པ་ཇི་ལྟ་བ་བཞིན་དུ་བསྒྲེ་བ་གོང་མ་ལྟ་བུ་དེ་ཉིད་ཡིན་ནོ། །མ་མཐོང་བས་གནས་ནས་ཕྱུང་བའི་གང་ཟག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ། དགེ་འདུན་གྱིས་གནས་ནས་ཕྱུང་སྟེ་བསླང་ཟིན་པ་དེས། ལྟུང་བ་དེ་བཅབས་ནས། དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
Ga255a
༄#། །དག། ཁྱེད་ཀྱིས་གང་ཟག་དེའི་ལྟུང་བ་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཕྱི་མའི་རྒྱུད་ནས་བཟུང་སྟེ་སྤོ་བ་བྱིན་ཅིག། མ་མཐོང་བས་གནས་ནས་ཕྱུང་བའི་གང་ཟག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ། དགེ་འདུན་གྱིས་མ་མཐོང་བས་གནས་ནས་ཕྱུང་སྟེ། བསླང་ཟིན་པ་དེས་ལྟུང་བ་དེ་མ་བཅབས་པར་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ཞག་དྲུག་གི་མགུ་བར་བྱ་བ་བྱིན་ཅིག། ཁྱད་པར་མེད་པས་གཉིས་ཡིན་པ་དེ་བཞིན་དུ་ཤེས་པས་གཉིས་དང ། དྲན་པས་གཉིས་དང ། ཡིད་གཉིས་ཀྱིས་གཉིས་ཀྱང་དེ་བཞིན་ནོ། །མ་མཐོང་བས་གནས་ནས་ཕྱུང་བ་བརྒྱད་ཡིན་པ་ཇི་ལྟ་བ་བཞིན་དུ་སླར་མི་བྱེད་པས་གནས་ནས་ཕྱུང་བ་བརྒྱད་དང ། སྡིག་པ་ཅན་གྱི་ལྟ་བར་སོང་བ་མི་འདོར་བ་གནས་ནས་ཕྱུང་བ་བརྒྱད་ཀྱང་དེ་བཞིན་ནོ། །སྡོམ་ལ། བརྩམས་པ་བཅུ་གཉིས་དག་དང་ནི། །དགུ་པ་ཐམས་ཅད་ནག་པོ་དང ། །ཟུང་དགུ་དག་ཏུ་བྱས་པ་དང ། །ཚིག་བཅུ་དང་ནི་ལྔ་པའོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་མེད་པ་དང་ལྡན་པ་བྱུང་བ་བཅབས་ཏེ། དེས་ལྟུང་བ་དེ་རྣམས་ཀྱི་བརྩམས་པ་ནི། ཤེས་ཀྱི། ཞག་གི་མཐའ་ནི། མི་ཤེས་པའི་སྐབས་དེ། དགེ་
Ga255b
སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་དང་མི་ལྡན་པའོ། །ཞེས་བྱོས་ལ། དག་པའི་མཐའ་ཅན་གྱི་སྤོ་བ་བྱིན་ཅིག། ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་མེད་པ་དང་ལྡན་པ་བྱུང་བ་བཅབས་ནས་དེས་ལྟུང་བ་དེ་རྣམས་ཀྱི་ཞག་གི་མཐའ་ནི། ཤེས་ཀྱི། ལྟུང་བ་བརྩམས་པ་ནི། མི་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་མེད་པ་དང་ལྡན་པའོ། །ཞེས་བྱོས་ལ། ཇི་ལྟར་ཤེས་པ་རྣམས་ཀྱི་སྤོ་བ་བྱིན་ཅིག། ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ཚད་མེད་པ་དང་ལྡན་པ་བྱུང་བ་བཅབས་ནས་དེ་ལྟུང་བ་དེ་རྣམས་ཀྱི་བརྩམས་པ་ཡང་མི་ཤེས། ཞག་གི་མཐའ་ཡང་མི་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་མེད་པ་དང་ལྡན་པའོ། །ཞེས་བྱོས་ལ། དག་པའི་མཐའ་ཅན་གྱི་སྤོ་བ་བྱིན་ཅིག། ཡང ། གང་ཟག་གཞན་
Ga256a
༄#། །ཞིག་དགེ་འདུན་ལྷག་མའི་ལྟུང་བ་ཚད་མེད་པ་དང་ལྡན་པ་བྱུང་བ་བཅབས་ནས། དེས་ལྟུང་བ་དེ་རྣམས་ཀྱི་བརྩམས་པ་ཡང་ཤེས། ཞག་གི་མཐའ་ཡང་ཤེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་གང་ཟག་དེ་དང ། གཞན་ཡང ། དེ་ལྟ་བུ་དང་མཐུན་པ་སུ་ཡང་རུང་བ་ལ་ལྟུང་བ་དེ་རྣམས་ཚད་མེད་པ་དང་ལྡན་པའོ། །ཞེས་བྱོས་ལ། ཇི་ལྟར་བཅབས་པ་རྣམས་ཀྱི་སྤོ་བ་བྱིན་ཅིག། ཤེས་པ་བཞི་ཡིན་པ་ཇི་ལྟ་བ་བཞིན་དུ་དྲན་པ་བཞི་དང ། ཡིད་གཉིས་བཞི་ཡང་དེ་བཞིན་ནོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་ཏེ། དེ་སྤོ་བ་བྱེད་བཞིན་པ་ལས། དེ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དེ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་ཏེ། དེ་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་བསླང་བ་དང ། མགུ་བར་བྱ་བ་ཡང་ཆོས་མ་ཡིན་པས་བྱིན་ལ། ཕྱུང་བ་ཡང་ཆོས་
Ga256b
མ་ཡིན་པས་བྱས་ན། གང་ཟག་འདི་ནི། ཐམས་ཅད་ནག་པོ་ཞེས་བྱ་སྟེ། མ་དག་པ་མ་བསླང་བ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་སྤོ་བ་བྱིན་ཏེ། དེ་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་ཏེ། དེ་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་གཞི་ནས་བསླང་བ་དང་མགུ་བར་བྱ་བ་ཡང་ཆོས་མ་ཡིན་པས་བྱིན་ལ། ཕྱུང་པ་ཡང་ཆོས་མ་ཡིན་པས་བྱས་ན། གང་ཟག་འདི་ནི། ཕལ་ཆེར་ནག་པོ་ཞས་བྱ་སྟེ། མ་དག་པ་མ་བསླང་བ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་སྤོ་བ་བྱིན་དེ་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་
Ga257a
༄#། །སྤོ་བ་བྱིན་ཏེ། དེ་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་བསླང་བ་དང ། མགུ་བར་བྱ་བ་ཡང་ཆོས་མ་ཡིན་པས་བྱིན་ལ། ཕྱུང་བ་ཡང་ཆོས་མ་ཡིན་པས་བྱས་ན། གང་ཟག་འདི་ནི། ཕྱེད་ནག་པ་ཞེས་བྱ་སྟེ། མ་དག་པ་མ་བསླང་བ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་སྤོ་བ་བྱིན་ཏེ། དེ་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་སྤོ་བ་བྱིན་ཏེ། དེ་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ཡང་གཞི་ནས་བསླང་བ་བྱིན་ཏེ། མགུ་བར་བྱ་བ་ཡང་ཆོས་ཀྱིས་བྱས་ལ། ཕྱུང་བ་ནི། ཆོས་མ་ཡིན་པས་ན། གང་ཟག་འདི་ནི། ཕྱོགས་གཅིག་ནག་པོ་ཞེས་བྱ་སྟེ། མ་དག་པ་མ་བསླང་བ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་
Ga257b
མའི་ལྟུང་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་སྤོ་བ་བྱིན་ཏེ། དེ་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་སྤོ་བ་བྱིན་ཏེ། དེ་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ཡང་གཞི་ནས་བསླང་ལ་མགུ་བར་བྱ་བ་ཡང་ཆོས་ཀྱིས་བྱིན། ཕྱུང་བ་ཡང་ཆོས་ཀྱིས་བྱིན་ན། གང་ཟག་འདི་ནི། ནག་པོ་དང་བྲལ་བ་ཞེས་བྱ་སྟེ། དག་པ་བསླང་བ་སྟེ། ལྟུང་བ་དེ་ལས་ཡོངས་སུ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་མགུ་བར་བྱ་བ་བྱིན་ཏེ། དེ་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་ཏེ། དེ་གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་
Ga258a
༄#། །ལས་འཁྲུགས་པ་གཞག་པར་འོས་པས་ཡང་གཞི་ནས་བསླང་སྟེ་མགུ་བར་བྱ་བ་ཆོས་མ་ཡིན་པས་བྱིན་ལ། ཕྱུང་བ་ཡང་ཆོས་མ་ཡིན་པས་བྱས་ན། གང་ཟག་འདི་ནི། ཐམས་ཅད་ནག་པོ་ཞེས་བྱ་སྟེ། མ་དག་པ་མ་བསླང་བ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་མགུ་བར་བྱ་བ་བྱིན་ཏེ། དེ་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བར་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་ཏེ། དེ་གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་ཡང་གཞི་ནས་བསླང་ནས་མགུ་བར་བྱ་བ་བྱིན་ལ། ཕྱུང་བ་ཡང་ཆོས་མ་ཡིན་པས་བྱས་ན། གང་ཟག་འདི་ནི། ཕལ་ཆེར་ནག་པོ་ཞེས་བྱ་སྟེ། མ་དག་པ་མ་བསླང་པ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་མགུ་བར་བྱ་བ་བྱིན་ཏེ།
Ga258b
དེ་མགུར་བར་བྱེ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་མགུ་བར་བྱ་བ་བྱིན་ཏེ། དེ་གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་པ་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་ཡང་གཞི་ནས་བསླང་སྟེ་མགུ་བར་བྱ་བ་བྱིན་ལ། ཕྱུང་བ་ནི། ཆོས་མ་ཡིན་པས་བྱས་ན། གང་ཟག་འདི་ནི། ཕྱེད་ནག་པོ་ཞེས་བྱ་སྟེ། མ་དག་པ་མ་བསླང་བ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་མགུ་བར་བྱ་བ་བྱིན་ཏེ། དེ་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་མགུ་བར་བྱ་བ་བྱིན་ཏེ། དེ་གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་བསླང་སྟེ་མགུ་བར་བྱ་བ་ཡིན་ལ། ཕྱུང་བ་ནི། ཆོས་མ་
Ga259a
༄#། །ཡིན་པས་བྱས་ན། གང་ཟག་འདི་ནི། ཕྱོགས་གཅིག་ནག་པོ་ཞེས་བྱ་སྟེ། མ་དག་པ་མ་བསླང་བ་སྟེ། ལྟུང་བ་དེ་ལས་ཡོངས་སུ་མ་གྲོལ་ལོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་མགུ་བར་བྱ་བ་བྱིན་ཏེ། དེ་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་མགུ་བར་བྱ་བ་བྱིན་ཏེ།་དེ་གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ཡང་གཞི་ནས་བསླང་ནས་མགུ་བར་བྱ་བ་བྱིན་ཏེ། ཕྱུང་བ་ཡང་ཆོས་ཀྱིས་བྱས་ན། གང་ཟག་འདི་ནི། ནག་པོ་དང་བྲལ་བ་ཞེས་བྱ་སྟེ། དག་པ་བསླང་བ་སྟེ། ལྟུང་བ་དེ་ལས་ཡོངས་སུ་གྲོལ་ལོ། །གང་ཟག་གཉིས་ཤིག་དགེ་འདུན་ལྷག་མའི་ལྟུང་བ་བྱུང་ནས་བཤགས་པར་བྱའོ། །བཤགས་པར་བྱའོ། །སྙམ་པ་ལས། དེ་ན་གཅིག་གིས་ནི། བཤགས། གཅིག་ཤོས་ཀྱིས་ནི། མ་བཤགས་ན། དེ་ལ་མ་བཤགས་པ་གང་ཡིན་པ་དེ། འདུལ་བ་ལས་འགལ་བའི་ཉེས་བྱས་རབ་ཏུ་མང་པོའི་ལྟུང་བ་འཆགས་སུ་བཅུག་ལ། དེའི་འོག་ཏུ་སྤོ་བ་
Ga259b
དང ། གཞི་ནས་སྤོ་བ་དང ། མགུ་བར་བྱ་བ་བྱིན་ནས་དབྱུང་བར་བྱའོ། །ཡང ། གང་ཟག་གཉིས་ཤིག་དགེ་འདུན་ལྷག་མའི་ལྟུང་བ་བྱུང་ནས། དེ་གཉིས་གནས་དེ་ཉིད་དུ་གང་ཟག་གི་མདུན་དུ་བཤགས་པར་བྱའོ། །བཤགས་པར་བྱའོ། །སྙམ་པ་ལས། དེ་ན་གཅིག་གིས་ནི། བཤགས་ལ། གཅིག་ཤོས་ཀྱིས་ནི། མ་བཤགས་ན། དེ་ལ་མ་བཤགས་པ་གང་ཡིན་པ་དེ། འདུལ་བ་ལས་འགལ་བའི་ཉེས་བྱས་རབ་ཏུ་མང་པོའི་ལྟུང་བ་འཆགས་སུ་བཅུག་ལ་དེའི་འོག་ཏུ་སྤོ་བ་དང ། གཞི་ནས་སྤོ་བ་དང ། མགུ་བར་བྱ་བ་བྱིན་ཏེ་དབྱུང་བར་བྱའོ། །གང་ཟག་གཅིག་གི་དྲུང་དུ་ཇི་ལྟ་བ་བཞིན་དུ་གཉིས་ཀྱི་འམ། མང་པོའི་འམ། དགེ་འདུན་གྱི་ཡང་དེ་བཞིན་ནོ། །གནས་དེ་ཉིད་དུ་ཇི་ལྟ་བར་གནས་གཞན་ཡང་དེ་བཞིན་ནོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བཅབས་པ་དེ་ལ།་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་ཏེ། དེ་སྤོ་བ་བྱེད་བཞིན་པ་ལས། ལྟུང་བ་གཞན་ཤེས་ཏེ། དེས་དགེ་འདུན་གྱི་ནང་དུ་མ་སྨྲས་པའི་ལྟུང་བ་གང་ཡིན་པ་དེ་ཡང་ཤེས། དེས་དགེ་འདུན་གྱི་ནང་དུ་སྨྲས་པའི་ལྟུང་བ་གང་ཡིན་པ་དེ་ཡང་ཤེས་ནས། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བདག་ལ་དགེ་འདུན་ལྷག་མའི་ལྟུང་བ་བྱུང་བ་བཅབས་པ་དང ། བདག་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་ཏེ། བདག་སྤོ་བ་བྱེད་བཞིན་པ་ལས། ལྟུང་བ་གཞན་
Ga260a
༄#། །ཤེས་ཏེ། བདག་གིས་དགེ་འདུན་གྱི་ནང་དུ་མ་སྨྲས་པ་གང་ཡིན་པ་དང ། བདག་གིས་ལྟུང་བ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་པ་གང་ཡིན་པའི་ལྟུང་བ་དེ་ཡང་བདག་གིས་ཤེས་ཀྱི། ཚེ་དང་ལྡན་པ་དག། བདག་གི་ལྟུང་བ་སྔ་མ་དེ་དང ། ཕྱི་མ་འདི་ལ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་སྤོ་བ་ལེགས་པར་སྩལ་དུ་གསོལ། དགེ་སློང་དེ་རྣམས་ཀྱིས་དེའི་ལྟུང་བ་སྔ་མ་ལ་ནི། ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་སྤོ་བ་བྱིན། ཕྱི་མ་དེ་ལ་ནི། ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་ཏེ། དེ་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ནས། དེས་དེའི་ལྟུང་བ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་པ་དེ་ཤེས་ནས། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བདག་ལ་དགེ་འདུན་ལྷག་མའི་ལྟུང་བ་བྱུང་བ་བཅབས་པ་དང ། བདག་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་ཏེ། བདག་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་གིས་ལྟུང་བ་བར་མ་དེ་དང ། བདག་གིས་གང་ལ་དགེ་འདུན་གྱིས་
Ga260b
ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་པ་ཡང་ཤེས་ཀྱི། ཚེ་དང་ལྡན་པ་དག། བདག་གིས་ལྟུང་བ་སྔ་མ་དེ་ལ་སྤོ་བ་དང ། ལྟུང་བ་བར་མ་དེ་ལ་གཞི་ནས་སྤོ་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ལེགས་པར་སྩལ་དུ་གསོལ། དགེ་སློང་དེ་རྣམས་ཀྱིས་དེའི་ལྟུང་བ་སྔ་མ་ལ་ནི། ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་སྤོ་བ་བྱིན། ལྟུང་བ་བར་མ་དེ་ལ་ནི། ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་ཏེ། དེ་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ཏེ། དེས་ཡང་བཟླས་ཏེ་བྱུང་བའི་ལྟུང་བ་དེ་ཡང་ཤེས། ལྟུང་བ་བར་མ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་པས་ཡང་ཤེས་ནས། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག། བདག་གིས་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པ་ཤེས་ཏེ། བདག་གིས་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་ནས། བདག་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ཏེ། བདག་གིས་ཡང་བཟླས་པའི་ལྟུང་བ་དེ་ཡང་ཤེས། ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་པས་བདག་གིས་
Ga261a
༄#། །དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་པ་དེ་ཡང་ཤེས་ཀྱི། ཚེ་དང་ལྡན་པ་དག་།བདག་གི་ལྟུང་བ་བར་མ་དེ་ལ་གཞི་ནས་སྤོ་བ་དང ། ཡང་བཟླས་ཏེ་བྱུང་བ་འདི་ལ་ཡང་གཞི་ནས་བསླང་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ལེགས་པར་སྩལ་དུ་གསོལ། དགེ་སློང་དེ་རྣམས་ཀྱིས་དེའི་ལྟུང་བ་སྔ་མ་ལ་ནི། ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་སྤོ་བ་བྱིན། ཡང་བཟླས་པའི་ལྟུང་བ་དེ་ལ་ནི། ཆོས་མ་ཡིན་པའི་ལས་འཁྲུགས་པ་གཞག་པར་འོས་པ་གཞི་ནས་བསླང་བ་བྱིན་ནོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་མགུ་བར་བྱ་བ་བྱིན་ཏེ། དེ་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་དང ། དེས་ལྟུང་བ་བར་མ་དེ་དང ། གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་མགུ་བར་བྱ་བ་བྱིན་པ་ཡང་ཤེས་ནས། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་ལ་དགེ་འདུན་ལྷག་མའི་ལྟུང་བ་བྱུང་བ་མ་བཅབས་ཏེ། བདག་གིས་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་མགུ་བར་བྱ་བ་བྱིན་ཏེ། བདག་མགུ་བར་བྱ་བ་བྱེད་བཞིན་
Ga261b
པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་ཏེ། བདག་གིས་ལྟུང་བ་བར་མ་དང་བདག་གིས་ལྟུང་བ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་མགུ་བར་བྱ་བ་བྱིན་པ་དེ་ཡང་ཤེས་ཀྱི། ཚེ་དང་ལྡན་པ་དག་།བདག་གིས་ལྟུང་བ་སྔ་མ་དེ་ལ་མགུ་བར་བྱ་བ་དང ། ལྟུང་བ་བར་མ་འདི་ལ་གཞི་ནས་མགུ་བར་བྱ་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ལེགས་པར་སྩལ་དུ་གསོལ། དགེ་སློང་དེ་རྣམས་ཀྱིས་དེའི་ལྟུང་བ་སྔ་མ་ལ་ནི། ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་མགུ་བར་བྱ་བ་བྱིན། ལྟུང་བ་བར་མ་འདི་ལ་ནི། ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན། དེ་གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་ཏེ། དེ་ཡང་བཟླས་ཏེ་བྱུང་བའི་ལྟུང་བ་དེ་དང ། དེའི་ལྟུང་བ་བར་མ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་པ་དེ་ཡང་ཤེས་ནས། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་ཏེ། བདག་གིས་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་ཏེ། བདག་
Ga262a
༄#། །གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་ཏེ། བདག་གིས་ཡང་བཟླས་པའི་ལྟུང་བ་དེ་དང ། བདག་གིས་ལྟུང་བ་བར་མ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་པ་དེ་ཡང་ཤེས་ཀྱི། ཚེ་དང་ལྡན་པ་དག ། བདག་གི་ལྟུང་བ་སྔ་མ་བར་མ་དེ་ལ་གཞི་ནས་མགུ་བར་བྱ་བ་དང ། ཡང་བཟླས་པའི་ལྟུང་བ་འདི་ལ་གཞི་ནས་བསླང་སྟེ་མགུ་བར་བྱ་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ལེགས་པར་སྩལ་དུ་གསོལ། དགེ་སློང་དེ་རྣམས་ཀྱིས་དེའི་ལྟུང་བ་སྔ་མ་བར་མ་ལ་གཞི་ནས་མགུ་བར་བྱ་བ་དང ། ཡང་བཟླས་པའི་ལྟུང་བ་འདི་ལ་ཡང་གཞི་ནས་བསླང་སྟེ་མགུ་བར་བྱ་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་བྱིན་ནོ། །ཤེས་པས་ལྔ་ཡིན་པ་ཇི་ལྟ་བར་དྲན་པས་ལྔ་དང ། ཡིད་གཉིས་ཀྱིས་ལྔ་ཡང་དེ་བཞིན་ནོ། །སྡོམ་ལ། ཡང་གཞན་དག་གིས་བཅུ་གཉིས་དང་།། བཞི་དག་པ་ནི་དྲུག་དང་ནི། །ས་ཆེན་པོ་ནི་དག་བྱ་དག་།གང་ཟག་བཞིར་ནི་བསྟན་པ་ཡིན། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་ལྟུང་བ་བྱུང་བ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་ཏེ། དེ་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་
Ga262b
བྱུང་བ་བཅབས་ནས། དེས་ལྟུང་བ་བར་མ་དེ་དང ། དེའི་ལྟུང་བ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་པ་དེ་ཡང་ཤེས་ནས་དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་ལ་དགེ་འདུན་ལྷག་མའི་ལྟུང་བ་བྱུང་བ་བཅབས་ནས་བདག་གིས་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་ཏེ།་བདག་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་གིས་ལྟུང་བ་བར་མ་དེ་དང ། བདག་གི་ལྟུང་བ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་སྤོ་བ་བྱིན་པ་དེ་ཡང་ཤེས་ཀྱི། ཚེ་དང་ལྡན་པ་དག་།བདག་གི་ལྟུང་བ་སྔ་མ་དེ་ལ་སྤོ་བ་དང ། ལྟུང་བ་བར་མ་འདི་ལ་གཞི་ནས་སྤོ་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ལེགས་པར་སྩལ་དུ་གསོལ། དགེ་སློང་དེ་རྣམས་ཀྱིས་དེའི་ལྟུང་བ་སྔ་མ་དེ་ལ་ནི། ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་སྤོ་བ་བྱིན། ལྟུང་བ་བར་མ་འདི་ལ་ནི། ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་ཏེ། དེ་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས། དེས་ཡང་བཟླས་པའི་ལྟུང་བ་དེ་ཡང་ཤེས། དེའི་ལྟུང་བ་བར་མ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་
Ga263a
༄#། །གཞག་པར་འོས་པས་གཞི་ནས་སྤོ་བ་བྱིན་པ་དེ་ཡང་ཤེས་ནས། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་བཅབས་ཏེ། བདག་གི་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་ཏེ། བདག་གཞི་ནས་སྤོ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་བཅབས་ནས་བདག་གིས་ཡང་བཟླས་པའི་ལྟུང་བ་དེ་ཡང་ཤེས། བདག་གི་ལྟུང་བ་བར་མ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་སྤོ་བ་བྱིན་པ་དེ་ཡང་ཤེས་ཀྱི། ཚེ་དང་ལྡན་པ་དག་།བདག་གི་ལྟུང་བ་སྔ་མ་བར་མ་དེ་ལ་གཞི་ནས་སྤོ་བ་དང ། ཡང་བཟླས་པའི་ལྟུང་བ་འདི་ལ་ཡང་གཞི་ནས་བསླང་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ལེགས་པར་སྩལ་དུ་གསོལ། དགེ་སློང་དེ་རྣམས་ཀྱིས་དེའི་ལྟུང་བ་སྔ་མ་ལ་ནི། ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་གཞི་ནས་སྤོ་བ་བྱིན། ཡང་བཟླས་པའི་ལྟུང་བ་དེ་ལ་ནི། ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་བསླང་བ་བྱིན་ནོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བ་མ་བཅབས་པ་དེ་ལ། དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་
Ga263b
པར་འོས་པས་ཞག་དྲུག་གི་མགུ་བར་བྱ་བ་བྱིན་ཏེ། དེ་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་ཏེ། དེས་ལྟུང་བ་བར་མ་དེ་ཡང་ཤེས། དེའི་ལྟུང་བ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་མགུ་བར་བྱ་བ་བྱིན་པ་དེ་ཡང་ཤེས་ནས། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་ལ་དགེ་འདུན་ལྷག་མའི་ལྟུང་བ་བྱུང་བ་མ་བཅབས་ཏེ། བདག་གི་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་ཞག་དྲུག་གི་མགུ་བར་བྱ་བ་བྱིན་ནས། བདག་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་ཏེ། བདག་གི་ལྟུང་བ་བར་མ་དེ་ཡང་ཤེས། བདག་གི་ལྟུང་བ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་ཞག་དྲུག་གི་མགུ་བར་བྱ་བ་བྱིན་པ་དེ་ཡང་ཤེས་ཀྱི། ཚེ་དང་ལྡན་པ་དག་བདག་གི་ལྟུང་བ་སྔ་མ་དེ་ལ་མགུ་བར་བྱ་བ་དང ། ལྟུང་བ་བར་མ་འདི་ལ་གཞི་ནས་མགུ་བར་བྱ་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་ལེགས་པར་སྩལ་དུ་གསོལ། དགེ་སློང་རྣམས་ཀྱིས་དེའི་ལྟུང་བ་སྔ་མ་ལ་ནི། ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་མགུ་བར་བྱ་བ་བྱིན། ལྟུང་བ་བར་མ་འདི་ལ་ནི། ཆོས་
Ga264a
༄#། །མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་ཏེ། དེ་གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་ཏེ། དེས་ཡང་བཟླས་པའི་ལྟུང་བ་དེ་ཡང་ཤེས། དེའི་ལྟུང་བ་བར་མ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་པ་དེ་ཡང་ཤེས་ནས། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་།བདག་ལ་དགེ་འདུན་ལྷག་མའི་ལྟུང་བ་ལྟུང་བ་བར་མ་ལྟུང་བ་སྔ་མ་དང་འདྲ་བ་བྱུང་བ་མ་བཅབས་ཏེ། བདག་གི་དེ་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་ཏེ། བདག་གཞི་ནས་མགུ་བར་བྱ་བ་བྱེད་བཞིན་པ་ལས། དགེ་འདུན་ལྷག་མའི་ལྟུང་བ་ལྟུང་བ་བར་མ་དང་འདྲ་བ་ཡང་བཟླས་ཏེ་བྱུང་བ་མ་བཅབས་ཏེ། བདག་གིས་ཡང་བཟླས་པའི་ལྟུང་བ་དེ་ཡང་ཤེས། བདག་གི་ལྟུང་བ་བར་མ་གང་ལ་དགེ་འདུན་གྱིས་ཆོས་མ་ཡིན་པའི་ལས་འཁྲུགས་པ་གཞག་པར་འོས་པས་གཞི་ནས་མགུ་བར་བྱ་བ་བྱིན་པ་དེ་ཡང་ཤེས་ཀྱི། ཚེ་དང་ལྡན་པ་དག་།བདག་གི་ལྟུང་བ་སྔ་མ་བར་མ་དེ་ལ་གཞི་ནས་མགུ་བར་བྱ་བ་དང ། ཡང་བཟླས་པའི་ལྟུང་བ་འདི་ལ་ཡང་གཞི་ནས་བསླང་སྟེ་མགུ་བར་བྱ་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་
Ga264b
ལེགས་པར་སྩལ་དུ་གསོལ། དགེ་སློང་དེ་རྣམས་ཀྱིས་དེའི་ལྟུང་བ་སྔ་མ་ལ་གཞི་ནས་མགུ་བར་བྱ་བ་དང ། ཡང་བཟླས་པའི་ལྟུང་བ་འདི་ལ་གཞི་ནས་བསླང་སྟེ་མགུ་བར་བྱ་བ་ཆོས་ཀྱི་ལས་མི་འཁྲུགས་པ་གཞག་པར་མི་འོས་པས་བྱིན་ནོ། །ཤེས་པས་བཞི་ཡིན་པ་ཇི་ལྟ་བར་དྲན་པས་བཞི་དང ། ཡིད་ཀྱིས་བཞི་ཡང་དེ་བཞིན་ནོ། །སྤོ་བ་པོའི་གང་ཟག་དགེ་འདུན་ལྷག་མའི་ལྟུང་བ་བྱུང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཞི་དག་པར་བྱས་ཏེ་འདུལ་བ་དང ། འགལ་བའི་ཉེས་བྱས་ཀྱི་ལྟུང་བ་བཤགས་ན།་སྤོ་བ་སྤྱོད་པ་ཁོ་ན་ཡིན་ནོ། །སྤོ་བ་ཕྱེད་སྤྱད་པའི་གང་ཟག་དགེ་འདུན་ལྷག་མའི་ལྟུང་བ་བྱུང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཞི་དག་པར་བྱ་སྟེ། འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་ན། དེ་སྤོ་བ་ཕྱེད་སྤྱད་པ་ཁོ་ན་ཡིན་ནོ། །སྤོ་བ་ཕལ་ཆེར་སྤྱད་པའི་གང་ཟག་དགེ་འདུན་ལྷག་མའི་ལྟུང་བ་བྱུང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཞི་དག་པར་བྱས་ཏེ་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་ན། དེ་སྤོ་བ་ཕལ་ཆེར་སྤྱད་པ་ཁོ་ན་ཡིན་ནོ། །མགུ་པར་བྱ་བ་སྤྱོད་པའི་གང་ཟག་དགེ་འདུན་ལྷག་མའི་ལྟུང་བ་བྱུང་བའི་སྐབས་དེ། དགེ་སློང་རྣམས་
Ga265a
༄#། །ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཞི་དག་པར་བྱས་ཏེ་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་ན།་དེ་མགུ་བར་བྱ་བ་སྤྱད་པ་ཁོ་ན་ཡིན་ནོ། །མགུ་བར་བྱ་བ་ཕྱེད་སྤྱད་པའི་གང་ཟག་དགེ་འདུན་ལྷག་མའི་ལྟུང་བ་བྱུང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཞི་དག་པར་བྱས་ཏེ་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་ན། དེ་མགུ་བར་བྱ་བ་ཕྱེད་སྤྱད་པ་ཁོ་ན་ཡིན་ནོ། །མགུ་བར་བྱ་བ་ཕལ་ཆེར་སྤྱད་པའི་གང་ཟག་དགེ་འདུན་ལྷག་མའི་ལྟུང་བ་བྱུང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཞི་དག་པར་བྱས་ཏེ་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་ན། དེ་མགུ་བར་བྱ་བ་ཕལ་ཆེར་སྤྱད་པ་ཁོ་ན་ཡིན་ནོ། །ཡང ། གང་ཟག་གཞན་ཞིག་དགེ་འདུན་ལྷག་མའི་ལྟུང་བ་བྱུང་བར་གྱུར་ཏེ། ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པ་ཞག་གཅིག་བཅབས། ལུས་ཀྱི་རེག་པ་ལས་གྱུར་པ་ཞག་གཉིས་བཅབས། འཁྲིག་པ་དང་ལྡན་པ་སྨྲ་བ་ལས་གྱུར་པ་ཞག་གསུམ་བཅབས། བསྙེན་བཀུར་བསྔགས་པ་ལས་གྱུར་པ་ཞག་བཞི་བཅབས། སྨྱན་བྱེད་པ་ལས་གྱུར་པ་ཞག་ལྔ་བཅབས། ཁང་པ་ལས་གྱུར་པ་ཞག་དྲུག་བཅབས།
Ga265b
ཁང་ཆེན་ལས་གྱུར་པ་ཞག་བདུན་བཅབས། རྩ་བ་མེད་པ་ལས་གྱུར་པ་ཞག་བརྒྱད་བཅབས། བག་ཙམ་ལས་གྱུར་པ་ཞག་དགུ་བཅབས། དགེ་འདུན་གྱི་དབྱེན་བྱེད་པ་ལས་གྱུར་པ་ཞག་བཅུ་བཅབས། དེའི་རྗེས་སུ་ཕྱོགས་པ་ལས་གྱུར་པ་ཞག་བཅུ་གཅིག་བཅབས། ཁྱིམ་སུམ་འབྱིན་པ་ལས་གྱུར་བ་ཞག་བཅུ་གཉིས་བཅབས། བཀའ་བློ་མི་བདེ་བ་ལས་གྱུར་པ་ཞག་བཅུ་གསུམ་བཅབས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། ལྟུང་བ་དེ་རྣམས་ལས་ལྷག་པར་མི་བཟད་པ། ལྷག་པར་ལྕི་བ། མངོན་པར་ཞེན་པ་དྲག་པོས་བྱས་པ་གང་ཡིན་པ་དེའི་དབང་དུ་བྱས་ཏེ། སྤོ་བ་དང ། གཞི་ནས་སྤོ་བ་དང ། གཞི་ནས་བསླང་བ་དང ། མགུ་བར་བྱ་བ་བྱིན་ཏེ་དབྱུང་པར་བྱའོ། ། གང་ཟག་གི་གཞི་རྫོགས་སོ།། །།འདུལ་བ་གཞི། བམ་པོ་དོན་གསུམ་པ། གཞི་གསུམ་གྱི་བསྡུས་པའི་སྡོམ་ལ། མངོན་དུ་སྨྲ་དང་དྲུག་དང་ནི། །མ་དག་པ་དང་གླེང་བ་དང ། །ཆོས་མ་ཡིན་དང་ཤཱཀྱ་དང ། །ནད་པ་དང་ནི་རྩོད་པའོ། །སྤོ་བའི་གཞིའི་སྡོམ་ལ། མངོན་དུ་སྨྲ་དང་འཆག་པ་དང ། །སྟན་རྣམས་དང་ནི་ཁང་པ་དང ། །ཐོ་གཅིག་གཡོགས་པར་མི་གནས་དང ། །རབ་ཏུ་མི་དབྱུང་མི་འགྲོ་ཞིང ། །དགེ་སློང་མེད་པའི་གནས་པ་དང ། །ཀུན་གྱི་འོག་ཏུ་སྦྱིན་བྱ་བའོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་
Ga266a
༄#། །མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་འདོད་ཆགས་དང་བྲལ་བ་མ་ཡིན་པས། དགེ་འདུན་ལྷག་མའི་ལྟུང་བ་བྱུང་སྟེ། འགྱོད་པ་སྐྱེས་ནས་བསམ་པ། ད་ལྟར་བདག་ཅག་ལྟུང་བ་དང་བཅས། འགྱོད་པ་དང་བཅས། འཚེར་བ་དང་བཅས། ཡིད་ལ་བཅབས་པ་དང་བཅས། བྱ་བ་དང་བཅས་པ་སྟེ། འདྲལ་བར་བྱེད་བ། རྨ་འབྱིན་པར་བྱེད་པ། འདྲེན་མར་བྱེད་པ། ནག་ནོག་ཅན་དུ་བྱེད་པ། ལྟུང་བའི་གཞི་ནས་མ་ལངས་པ་རྣམས་ཀྱིས་ཇི་ལྟར་རང་བཞིན་དུ་གནས་པའི་དགེ་སློང་རྣམས་ལས་མངོན་དུ་སྨྲ་བ་དང ། ཕྱག་དང ། ལྡང་བ་དང ། ཐལ་མོ་སྦྱར་བ་དང ། འདུད་པའི་ལས་ཀྱང་བདག་གིར་བྱ། བྲམ་ཟེ་དང ། ཁྱིམ་བདག་དང་བ་ཅན་རྣམས་ལས་ཀྱང ། སྟོན་གྱི་ཐོག་མ་དང ། ལྟུང་བའི་ཐོག་མ་དང ། བསོད་སྙོམས་ཀྱི་ཐོག་མ་ཡོངས་སུ་ལོངས་སྤྱད་པ་བདེ་བ་ཡུན་ཐུང་བའི་ཕྱིར་དམྱལ་པ་དང ། དུད་འགྲོ་དང ། ཡི་དྭགས་རྣམས་སྡུག་བསྔལ་ཡུན་རིང་པོར་ཉམས་སུ་མྱོང་ཞིང་འཁྱམས་པར་འགྱུར་གྱི། མ་ལ་བདག་ཅག་གིས་བསླབ་པ་ཕུལ་བ་འབབ་བོ། །སྙམ་ནས་དེ་དག་གིས་བསླབ་པ་ཕུལ་ནས་བབས་ཏེ། རབ་ཏུ་འབྱུང་བར་འདོད་པའི་སྐྱེ་བོ་ལ་ཡང ། ཤེས་ལྡན་དག་།ཚངས་པར་སྤྱོད་པ་ནི། སྤྱད་དཀའི། ཁྱེད་རབ་ཏུ་འབྱུང་བ་ཐོང་ཞིག་ཅེས་སླུ་བར་བྱེད་བས་དེ་རྣམས་རབ་ཏུ་མ་བྱུང་ངོ ། །རབ་ཏུ་མ་བྱུང་བས་དགེ་སློང་རྣམས་ཉུང་བར་གྱུར། འགྲིབ་
Ga266b
པར་གྱུར་ཏེ། དགེ་སློང་གི་དགེ་འདུན་ཉམས་པར་གྱུར། །བསྲབས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། རྒྱུ་གང་དང་རྐྱེན་གང་གིས་ན་ད་ལྟར་དགེ་སློང་ཉུང་བར་གྱུར། འགྲིབ་པར་གྱུར་ཏེ། དགེ་སློང་གི་དགེ་འདུན་ཉམས་པར་གྱུར། བསྲབས་པར་གྱུར། དེ་སྐབས་དེ་བཅོམ་ལྡན་འདས་ལ་རྒྱས་པར་གསོལ་བ་དང ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་དགེ་སློང་གི་དགེ་འདུན་ལྷག་མའི་ལྟུང་བ་བྱུང་བ་རྣམས་རྗེས་སུ་གཟུང་བ་བཅའ་བས་ལག་ནས་དྲང་བ་དང་འདྲ་བ་སྦྱིན་པར་བྱའོ། །སྙམ་དུ་དགོངས་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངས་དགེ་འདུན་ལྷག་མའི་ལྟུང་བ་བྱུང་བ་རྣམས་འགྱོད་པ་སྐྱེས་ཏེ་བསླབ་པ་ཕུལ་ནས་བབས་སོ། །ཞེས་ཐོས་ཀྱི། དེའི་ཕྱིར་ཁྱེད་ཀྱིས་བསྟན་པ་གནས་པར་བྱ་བའི་ཕྱིར་དང ། དགེ་སློང་གི་དགེ་འདུན་ལྷག་མའི་ལྟུང་བ་བྱུང་བ་དེ་རྣམས་ལ་སྙིང་བརྩེ་བའི་ཕྱིར་སྤོ་བ་དང ། གཞི་ནས་སྤོ་བ་དང ། གཞི་ནས་བསླང་བ་དང ། མགུ་བར་བྱ་བ་དང ། གཞི་ནས་བསླང་སྟེ་མགུ་བར་བྱ་བ་བྱིན་ལ་དབྱུང་བར་བྱའོ། །སྦྱིན་པ་ཡང་འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་
Ga267a
༄#། །དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་དམ། ཐ་མ་མེད་པ་དགེ་སློང་བཞིའི་ཚོགས་ཀྱིས་དཀྱིལ་འཁོར་པར་ཚོགས་ཤིང་འདུས་པར་གྱུར་པ་དང ། དགེ་འདུན་ལྷག་མའི་ལྟུང་བ་བྱུང་བའི་དགེ་སློང་དེས། རྒན་རིམ་ཇི་ལྟ་བ་བཞིན་དུ་འདུད་པ་བྱས་ལ། རྒན་རིམ་གྱི་མཐར་ཙོག་ཙོག་པོར་འདུག་སྟེ། ཐལ་མོ་སྦྱར་བ་བཏུད་ལ་སྤོ་བ་གསོལ་བར་བྱའོ། །གསོལ་བ་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་མིང་འདི་ཞེས་བགྱི་བ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་ཏེ། བདག་དགེ་སློང་མིང་འདི་ཞེས་བགྱི་བ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ན། དགེ་འདུན་བཙུན་པ་ཐུགས་བརྩེ་བ་ཅན་ཐུགས་བརྩེ་བས་ཉེ་བར་བཟུང་སྟེ། བདག་དགེ་སློང་མིང་འདི་ཞེས་བགྱི་བ་ལ་ཆེད་དུ་བསམ་སྟེ། ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་མང་པོ་རྣམས་ཕྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་དུ་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་
Ga267b
བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་ལ། ཆེད་དུ་བསམ་སྟེ་ཁུ་བ་ཕྱུང་པ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་བྱུང་བ་ཟླ་བ་ཕྱེད་བཅབས་ནས། དགེ་སློང་མིང་འདི་ཞེས་བགྱི་བ་ལ། ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་བའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ། དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་དགེ་སློང་མིང་འདི་ཞེས་བགྱི་བ་ལ། ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩོལ་བར་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མིང་འདི་ཞེས་བགྱི་བ་འདི་ལ། ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་བྱུང་བ་ཟླ་བ་ཕྱེད་བཅབས་ནས། དགེ་སློང་མིང་འདི་ཞེས་བགྱི་བ་འདི་ལ། ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ་དགེ་འདུན་ལས་ཟླ་བ་ཕྱེད་ཀྱི་སྤོ་བ་གསོལ་ཏེ། དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་ལ། ཆེད་དུ་བསམ་སྟེ་ཁུ་བ་ཕྱུང་པ་ལས་གྱུར་བའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ་ལ་
Ga268a
༄#། །ཟླ་བ་ཕྱེད་ཀྱི་སྤོ་བ་སྩོལ་བར་མཛད་ན། ཚེ་དང་ལྡན་པ་གང་དག་།དགེ་སློང་མིང་འདི་ཞེས་བགྱི་བ་ལ་ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ་ལ། ཟླ་བ་ཕྱེད་ཀྱི་སྤོ་བ་སྩོལ་བར་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་ཟག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་ཡིན་ཏེ། དེ་བཞིན་དུ་ལས་བརྗོད་པ་གཉིས་པ་དང་གསུམ་པའི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་མིང་འདི་ཞེས་བགྱི་བ་ལ། ཆེད་དུ་བསམ་སྟེ་ཁུ་བ་ཕྱུང་བ་ལས་གྱུར་པའི་དགེ་འདུན་ལྷག་མའི་ལྟུང་བ་མང་པོ་འདི་རྣམས་བྱུང་བ་ཟླ་བ་ཕྱེད་བཅབས་པ་ལ་ཟླ་བ་ཕྱེད་ཀྱི་སྤོ་བ་སྩལ་ལགས་ཏེ།་འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །བཅོམ་ལྡན་འདས་ཀྱིས་སྤོ་བ་དང ། གཞི་ནས་སྤོ་བ་སྦྱིན་པར་བྱའོ། །ཞེས་རྒྱས་པར་བཀའ་སྩལ་པ་དང ། དྲུག་སྡེའི་དགེ་སློང་སྤོ་བ་དང་མགུ་བར་བྱ་བ་སྤྱོད་པ་རྣམས་ཀྱིས་རང་བཞིན་དུ་གནས་པའི་དགེ་སློང་རྣམས་ལས་མངོན་དུ་སྨྲ་བ་དང ། ཕྱག་དང ། ལྡང་བ་དང ། ཐལ་མོ་སྦྱོར་བ་དང ། འདུད་པའི་ལས་བདག་གིར་བྱེད་པ་ལ་དོན་ཉུང་བའི་དགེ་སློང་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། དེ་ལྟར་སྤོ་བ་དང ། མགུ་བར་བྱ་བ་སྤྱོད་པ་རྣམས་ཀྱིས་རང་བཞིན་
Ga268b
དུ་གནས་པའི་དགེ་སློང་རྣམས་ལས་མངོན་དུ་སྨྲ་བ་དང ། ཕྱག་དང ། ལྡང་བ་དང ། ཐལ་མོ་སྦྱར་བ་དང ། འདུད་པའི་ལས་བདག་གིར་བྱེད་པ་ནི། བཟང་པོ་མ་ཡིན་ཞིང་འཚམ་པ་མ་ཡིན་ནོ། ། ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ངས་སྤོ་བ་དང ། མགུ་བར་བྱ་བ་སྤྱོད་པའི་དགེ་སློང་རྣམས་ཀྱི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། སྤོ་བ་དང ། མགུ་བར་བྱ་བ་སྤྱོད་པའི་དགེ་སློང་རྣམས་ཀྱིས་རང་བཞིན་དུ་གནས་པའི་དགེ་སློང་རྣམས་ལས་མངོན་དུ་སྨྲ་བ་དང ། ཕྱག་དང།་ལྡང་བ་དང ། ཐལ་མོ་སྦྱོར་བ་དང ། འདུད་པའི་ལས་བདག་གིར་མི་བྱའོ། །སྟན་གཅིག་ལ་མ་ཡིན། སྟན་མཉམ་པར་མ་ཡིན་ཏེ། སྟན་ཆེས་དམའ་བ་བླངས་ཏེ་འདུག་པར་བྱའོ། ། འཆག་སར་ལྷན་ཅིག་བཅག་པར་མི་བྱ། མདུན་དུ་མ་ཡིན་ཏེ། གལ་ཏེ་འཆག་སར་འཆག་ན། གོམ་པ་བསྲིའོ། །བྲམ་ཟེ་དང་ཁྱིམ་བདག་གི་ཁྱིམ་དུ་འགྲོ་བར་མི་བྱའོ། །གལ་ཏེ་འགྲོ་ན། ཕྱི་བཞིན་འབྲང་བའི་དགེ་སྦྱོང་གི་ཚུལ་དུ་བྱའོ། །སྟེང་གཡོགས་གཅིག་ཏུ་གནས་པར་མི་བྱའོ། །རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ། གནས་མི་སྦྱིན། དགེ་ཚུལ་མི་གཞག ། ལས་མི་བྱ། ལས་བྱེད་པར་བསྐོ་བར་མི་བྱ། དགེ་སློང་མ་རྣམས་ལ་གདམས་ངག་དཔོག་པར་མི་བྱ། དགེ་སློང་མ་རྣམས་ཀྱི་གདམས་ངག་འབོགས་པར་བསྐོ་བར་མི་བྱ། སྔོན་
Ga269a
༄#། །བསྐོས་པ་ཞིག་ཡིན་ན་ཡང་དགེ་སློང་མ་རྣམས་ལ་གདམས་ངག་དཔོག་པར་མི་བྱ། དགེ་སློང་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པས་གླེང་བར་མི་བྱ། དྲན་པར་མི་བྱ་སྟེ། འདིས་གདམས་ངག་དཔོག་པར་མི་བྱ། གསོ་སྦྱོང་མ་ཡིན། དགག་དབྱེ་མ་ཡིན། གསོལ་བ་མ་ཡིན། གསོལ་བ་དང་གཉིས་མ་ཡིན་ཏེ། གསོལ་བ་དང་བཞིའི་ལས་མི་བྱའོ། །ནང་པར་སྔར་ལངས་ལ་སྒོ་དབྱེ་བར་བྱའོ། །མར་མེའི་སྡོང་བུ་བསལ་ལ་གཙུག་ལག་ཁང་ཆག་ཆག་གདབ་པར་བྱའོ། །ཕྱག་དར་བྱ། བའི་ལྕི་བ་འཇམ་པོས་བྱུག་པར་བྱའོ། །ཆབ་ཀུང་ས་དང་སྣམ་ཕྱིས་ཕྱག་དར་བྱས་ལ་ས་དང་ལོ་མའམ་དུས་དང་མཐུན་པའི་ཆུ་བསིལ་བ་གཞག་པར་བྱའོ། །ཝ་ཁ་དག་བསལ་བར་བྱའོ། །དུས་ཤེས་པར་བྱ་སྟེ། སྟན་གདིང་བར་བྱའོ། །བདུག་པ་དང་པོར་ཕོར་གཞག་པར་བྱའོ། །གལ་ཏེ་སྟོན་པའི་ཡོན་ཏན་བསྒྲག་པར་བྱ་བར་ནུས་ན། བདག་ཉིད་ཀྱིས་བྱའོ། །གལ་ཏེ་མ་ནུས་ན། འཆད་པ་པོ་ལ་གསོལ་བ་གདབ་པར་བྱའོ། །ཁ་ཟས་ཀྱི་གཡོས་ལ་བརྟགས་ཏེ་གཡོས་ཟིན་ན། ཁང་པའི་སྟེང་དུ་འཛེགས་ཏེ་གཎྜཱི་བརྡུང་པར་བྱའོ། །སོས་ཀ་ཚ་བའི་དུས་སུ་བསིལ་ཡབ་བླངས་ཏེ་དགེ་སློང་རྣམས་ལ་གཡབ་པར་བྱའོ། །དེའི་འོག་ཏུ་བསྙེན་པར་རྫོགས་པ་ཐམས་ཅད་ཀྱི་ནི་ཐ་མ། བསྙེན་པར་མ་རྫོགས་པ་རྣམས་ཀྱི་གོང་དུ་སྤྱོད་ལམ་ཞིག་བས་འདུག་
Ga269b
སྟེ། དགེ་སློང་མ་ཡིན་པའི་འདུ་ཤེས་བཞག་ལ་ཟས་བཅའ་བར་བྱའོ། །ཟས་ཀྱི་བྱ་བ་བྱས་ནས་གནས་མལ་རྣམས་སྐྱབས་ཡོད་པར་བརྟུལ་བར་བྱའོ། །ལྷུང་བཟེད་ཀྱི་གཞི་ཡང་བྱི་དོར་བྱའོ། །དུས་ཤེས་པར་བྱས་ལ་དེ་བཞིན་གཤེགས་པའི་དབུ་སྐྲ་དང ། སེན་མོའི་མཆོད་རྟེན་རྣམས་བྱི་དོར་བྱའོ། །བའི་ལྕི་བ་འཇམ་པོས་བྱུག་པར་བྱའོ། །དགོངས་ཀའི་དུས་སུ་ཡང་གནས་མལ་བཤམ་པར་བྱའོ། ། པོག་ཕོར་ཉེ་བར་གཞག་པར་བྱའོ། །སྟོན་པའི་ཡོན་ཏན་ཡང་དག་པར་བསྒྲག་པ་ཞེས་བྱ་བའི་བར་གོང་མ་བཞིན་དུ་བྱའོ། །དགེ་བསྐོས་རྣམས་ཇི་སྐད་བརྗོད་པ་བཞིན་དུ་དགེ་འདུན་བཙུན་པ་རྣམས་གསན་དུ་གསོལ། དེང་དུ་ཟླ་བ་ཕྱེད་ཀྱི་ཚེས་བཅུ་ཡང་འདས་ལགས་སོ། །ཞེས་བྱ་བ་དེ་ལྟ་བུ་ལ་སོགས་པ་ཉི་མ་བརྗོད་པར་བྱའོ། །དེ་ནས་སྤོ་བ་བརྗོད་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་མིང་འདི་ཞེས་བགྱི་བ་ལ། དགེ་འདུན་ལྷག་མའི་ལྟུང་བ་འདི་ལྟ་བུ་དང ། འདི་ལྟ་བུ་བྱུང་བ་དུས་འདི་ཙམ་ཞིག་ཏུ་བཅབས་པ་དང ། བདག་ལ་དགེ་འདུན་གྱིས་དུས་འདི་ཙམ་ཞིག་གི་སྤོ་བ་སྩལ་བ་དེ་ལས། དུས་འདི་ཙམ་ཞིག་ནི། བདག་གིས་སྤྱད་ལགས་ཏེ། ལྷག་མ་ཡང་སྤྱད་པར་བགྱི་ན། དགེ་འདུན་བཙུན་པ་རྣམས་ཀྱིས་བདག་ལ་སྤོ་བ་པོ་དང་མགུ་བར་བགྱི་བ་སྤྱོད་པ་ལགས་པར་གཟུང་དུ་གསོལ། བཅོམ་ལྡན་འདས་ཀྱིས་སྤོ་བ་བརྗོད་པར་བྱའོ། །ཞེས་གསུངས་པ་དང ། གློ་བུར་དུ་འོངས་པ་རྣམས་ལ་མི་བརྗོད་པས་བཅོམ་ལྡན་འདས་
Ga270a
༄#། །ཀྱིས་བཀའ་སྩལ་པ། གློ་བུར་དུ་འོངས་པ་རྣམས་ལ་བརྗོད་པར་བྱའོ། །བཅོམ་ལྡན་འདས་ཀྱིས་གློ་བུར་དུ་འོངས་པ་རྣམས་ལ་སྤོ་བར་བརྗོད་པར་བྱའོ། །ཞེས་གསུངས་པ་དང ། དགེ་སློང་གློ་བུར་བ་ཞིག་འོངས་ནས། དེས་རེ་ཞིག་ལྷུང་བཟེད་དང ། ཆོས་གོས་ཀྱང་མཁོས་སུ་མ་ཕབ་པར་དེའི་མདུན་དུ་སྦོ་བ་བོ་འདུག་ནས་སྨྲས་པ། ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བ་ལ། དགེ་འདུན་ལྷག་མའི་ལྟུང་བ་བྱུང་བ་ཞེས་བྱ་བ་ནས་ཚེ་དང་ལྡན་པ། བདག་ལ་སྤོ་བ་པོར་གཟུང་དུ་གསོལ་ཞེས་བྱ་བའི་བར་གོང་མ་བཞིན་དུའོ། །དེས་དེ་ལ་ཀུན་ནས་དཀྲིས་བས་སྨྲས་པ། མི་གཏི་མུག་ཅན་སྤོ་བ་ཡང་མི་དགོས། ཁྱོད་ཀྱང་མི་དགོས་ཀྱི། ངའི་མདུན་དུ་མ་འདུག་པར་སོང ། དེ་ངོ་ཚ་བ་སྙིང་ལ་ཕོག་པས་ངོ་སྨད་ནས་སྤྱོད་ལམ་དལ་གྱིས་དགེ་སློང་དེའི་དྲུང་ནས་སོང་ངོ ། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གློ་བུར་དུ་འོངས་པའི་དགེ་སློང་གིས་ལྷུང་བཟེད་དང་ཆོས་གོས་མཁོས་སུ་མ་ཕབ་པར་བརྗོད་པར་མི་བྱའོ། །གཞན་ཡང ། རེ་རེ་ལ་ཡང་བརྗོད་པར་མི་བྱའོ། །འོན་ཀྱང་དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་ལའོ། །དགེ་འདུན་ཐམས་ཅད་ཚོགས་ནས་བཅོམ་ལྡན་འདས་ཀྱིས་བཀའ་སྩལ་པ། གཎྜཱི་བརྡུངས་པ་ན་ཇི་སྙེད་ཚོགས་བ་ལ་བརྗོད་པར་བྱའོ། །འདིས་དགེ་སློང་མེད་པའི་གཙུག་ལག་ཁང་དུ་འགྲོ་བར་མི་
Ga270b
བྱའོ། །གལ་ཏེ་སོང་ན་དེར་གནས་པར་མི་བྱའོ། །དགོངས་ཀར་དུས་ཇི་ལྟ་བ་བཞིན་དུ་ཆུ་དྲོན་པོའམ། བསིལ་བས་དགེ་སློང་རྣམས་ཀྱི་རྐང་པ་བཀྲུ་བར་བྱའོ། །གལ་ཏེ་མི་འདོད་ན། སྣུམ་གྱིས་བྱུག་བར་བྱའོ། །དེ་ནས་དྲན་བ་ཉེ་བར་བཞག་སྟེ་ལྡང་བའི་འདུ་ཤེས་ཀྱིས་ཉལ་བར་བྱའོ། །སྤོ་བ་དང་མགུ་བར་བྱ་བར་སྤྱོད་པའི་དགེ་སློང་རྣམས་ཀྱིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དགེ་སློང་རྣམས་ཀྱིས་དེ་ལ་གནས་ཁང་མ་བསྐོས། རྙེད་པ་མ་བྱིན་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་ཀྱི་འོག་ཏུ་དེའི་གནས་ཁང་བསྐོ་བར་བྱ། ཐམས་ཅད་ཀྱི་འོག་ཏུ་རྙེད་པ་སྦྱིན་པར་བྱའོ། །སྡོམ་ལ། དྲུག་ཅུ་དང་ནི་བརྒྱད་དག་དང ། །ཉི་ཤུར་གང་ཟག་བྱ་བ་དང ། །དགེ་འདུན་ལ་ནི་མགུ་སྤྱད་དང ། ། ཤ་འཁོན་ཅན་དང་འོང་བའོ། །དྲུག་སྡེའི་དགེ་སློང་སྤོ་བ་དང་མགུ་བར་བྱ་བ་སྤྱོད་པ་རྣམས་ཀྱིས་དགེ་སློང་རྣམས་ལ་སྤོ་བ་བྱིན་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྤོས་བའི་དགེ་སློང་བཞིས་སྤོ་བ་སྦྱིན་པར་མི་བྱ་སྟེ། སྤོས་པ་གསུམ་དང་རང་བཞིན་དུ་གནས་པ་གཅིག་གིས་མ་ཡིན། སྤོས་པ་གཉིས་དང་རང་བཞིན་དུ་གནས་པ་གཉིས་ཀྱིས་མ་ཡིན། སྤོས་པ་གཅིག་དང་རང་བཞིན་དུ་གནས་པ་གསུམ་གྱིས་མ་ཡིན་ཏེ། འོན་ཀྱང་ཐམས་ཅད་ཡོངས་སུ་དག་པ། ལྟ་བ་མཚུངས་པ་རྣམས་ཀྱིས་དགེ་སློང་ལ་སྤོ་བ་
Ga271a
༄#། །སྦྱིན་པར་བྱའོ། །སྤོས་པ་རྣམས་ཀྱིས་ཇི་ལྟ་བ་བཞིན་དུ་གཞི་ནས་སྤོ་བ་དང ། མགུ་བར་བྱ་བ་སྤྱོད་པ་དང ། མགུ་བར་བྱ་བ་སྤྱད་པ་དང ། བསླབ་པ་བྱིན་པ་རྣམས་ཀྱིས་ཀྱང་དེ་བཞིན་ནོ། །སྤོ་བ་ཇི་ལྟ་བ་བཞིན་དུ་གཞི་ནས་སྤོ་བ་དང ། གཞི་ནས་བསླང་སྟེ་སྤོ་བ་དང ། གཞི་ནས་མགུ་བར་བྱ་བ་དང ། གཞི་ནས་བསླང་སྟེ་མགུ་བར་བྱ་བ་ཡང་དེ་བཞིན་ནོ། །དྲུག་སྡེའི་དགེ་སློང་སྤོ་བ་དང ། མགུ་བར་བྱ་བ་སྤྱོད་པ་རྣམས་ཀྱིས་དགེ་སློང་རྣམས་འབྱིན་པར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། སྤོས་པ་ཉི་ཤུས་དགེ་སློང་དབྱུང་བར་མི་བྱ་སྟེ། སྤོས་པ་བཅུ་དགུ་དང་རང་བཞིན་དུ་གནས་པ་གཅིག་གིས་མ་ཡིན། །སྤོས་པ་རྣམས་ཀྱིས་ཇི་ལྟ་བ་བཞིན་དུ་སྤོ་བ་སྤྱོད་པ་དང ། མགུ་བར་བྱ་བ་སྤྱོད་མ་ཡིན་པ་ནས། དེ་བཞིན་དུ་རང་བཞིན་དུ་གནས་པ་བཅུ་དགུ་དང་སྤོས་པ་གཅིག་གིས་མ་ཡིན་ཞེས་བྱ་བའི་བར་དུའོ། སྤོས་པ་རྣམས་ཀྱིས་ཇི་ལྟ་བ་བཞིན་དུ་སྤོ་བ་སྤྱོད་པ་དང ། མགུ་བར་བྱ་བ་སྤྱོད་པ་དང ། མགུ་བར་བྱ་བ་སྤྱད་པ་དང ། བསླབ་པ་བྱིན་པ་རྣམས་ཀྱིས་ཀྱང་དེ་བཞིན་ནོ། །དྲུག་སྡེའི་དགེ་སློང་སྤོ་བ་དང ། མགུ་བར་བྱ་བ་སྤྱོད་པ་རྣམས་ཀྱིས་དགེ་སློང་སྤོས་པ་རྣམས་ཀྱི་དྲུང་དུ་སྤོ་བ་སྤྱོད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་སྤོས་པ་བཞིའི་དྲུང་དུ་སྤོ་བ་སྤྱད་པར་མི་བྱ་སྟེ། སྤོས་
Ga271b
པ་གསུམ་པ་དང་རང་བཞིན་དུ་གནས་པ་གཅིག་ལ་མ་ཡི། སྤོས་པ་གཉིས་དང་རང་བཞིན་དུག་ནས་པ་གཉིས་ལ་མ་ཡིན། སྤོས་པ་གཅིག་དང་རང་བཞིན་དུ་གནས་པ་གསུམ་ལ་མ་ཡིན་ཏེ། འོན་ཀྱང་ཐམས་ཅད་ཡོངས་སུ་དག་པ། ལྟ་བ་མཚུངས་པ་རྣམས་ཀྱིས་དྲུང་དུ་སྤོ་བ་སྤྱོད་པར་བྱའོ། །སྤོས་པ་རྣམས་ལ་ཇི་ལྟ་བ་བཞིན་དུ་སྤོ་བ་སྤྱད་པ་དང ། མགུ་བར་བྱ་བ་སྤྱད་པ་དང ། མགུ་བར་བྱ་བ་སྤྱད་པ་དང ། བསླབ་པ་བྱིན་པ་རྣམས་ལ་ཡང་དེ་བཞིན་ནོ། །སྤོ་བ་ཇི་ལྟ་བ་བཞིན་དུ་གཞི་ནས་སྤོ་བ་དང ། གཞི་ནས་བསླང་སྟེ་སྤོ་བ་དང ། མགུ་བར་བྱ་བ་དང ། གཞི་ནས་མགུ་བར་བྱ་བ་དང ། གཞི་ནས་བསླང་སྟེ་མགུ་བར་བྱ་བ་ཡང་དེ་བཞིན་ནོ། །དྲུག་སྡེའི་དགེ་སློང་སྤོ་བ་དང ། མགུ་བར་བྱ་བ་སྤྱད་པ་རྣམས་གཙུག་ལག་ཁང་སྟོང་པ་ཞིག་ཏུ་དོང་ནས་སྤོ་བ་སྤྱད་པ་དེ་རྣམས་དགེ་སློང་དག་གིས་མཐོང་ནས་སྨྲས་པ། ཚེ་དང་ལྡན་པ་དག་།གཙུག་ལག་ཁང་འདིར་ཅི། ཁྱེད་ཅག་གནས་སམ། དེ་རྣམས་ཀྱིས་སྨྲས་པ། འདིར་བདག་ཅག་མི་གནས་ཏེ། འོན་ཀྱང་སྤོ་བ་སྤྱོད་དོ། །དེ་རྣམས་ཀྱིས་སྨྲས་པ། ཁྱེད་ཅག་ནི། སྤོ་བ་སྤྱོད་པ་མ་ཡིན་ཏེ། འོན་ཀྱང་འཆབ་པ་ཡིན་ནོ། །དེ་རྣམས་ཀྱིས་གནད་ལ་ཕབ་པས་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁང་སྟོང་དུ་སྤོ་བ་སྤྱོད་པར་མི་བྱ་སྟེ། གང་ན་དགེ་སློང་གཅིག་གམ། གཉིས་སམ། གསུམ་ཡོད་པར་ཡང་མ་ཡིན་ཏེ། འོན་ཀྱང་གང་ན་ཡོངས་སུ་དག་
Ga272a
༄#། །པ། ལྟ་བ་མཚུངས་པའི་དགེ་སློང་བཞི་གནས་པ་དེ་སྤོ་བ་སྤྱད་པར་བྱའོ། །སྤོ་བ་ཇི་ལྟ་བ་བཞིན་དུ་གཞི་ནས་སྤོ་བ་དང ། གཞི་ནས་བསླང་བ་དང ། མགུ་བར་བྱ་བ་དང ། གཞི་ནས་མགུ་བར་བྱ་བ་དང ། གཞི་ནས་བསླང་སྟེ་མགུ་བར་བྱ་བ་ཡང་དེ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ། འདི་ལྟར། དགེ་སློང་སྤོ་བ་དང ། མགུ་བར་བགྱི་བ་སྤྱོད་པ་རྣམས་ཀྱིས་དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་མཆི་ཞིང ། དེ་རྣམས་ངོ་ཚ་མ་མཆིས་པས་མཐོ་བཙམ་པའི་སླད་དུ་བདག་ཅག་ལ་གླེང་བར་བགྱིད། དྲན་པར་བགྱིད་དོ། །ཞེས་ཐོས་ན། དེ་རྣམས་ཀྱིས་དེ་དག་ལ་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར། དགེ་སློང་སྤོ་བ་དང ། མགུ་བར་བྱ་བ་སྤྱོད་པ་རྣམས་ཀྱིས་འཐབ་ཀྲོལ་བྱེད་པའི་དགེ་སློང་རྣམས་འོང་བ་ཐོས་ན། དགེ་སློང་གི་མདུན་དུ་སྤོ་བ་ཕྱིར་དབུལ་བར་བྱའོ། །དབུལ་བ་ནི། འདི་ལྟར་བྱ་སྟེ། འདུད་པ་བྱས་ལ་ཙོག་ཙོག་པོར་འདུག་སྟེ་ཐལ་མོ་སྦྱར་བ་བཏུད་ལ་ཚིག་འདི་སྐད་ཅེས། ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བགྱི་བ་ལ། དགེ་འདུན་ལྷག་མའི་ལྟུང་བ་འདི་ལྟ་བུ་དང ། འདི་ལྟ་བུ་བྱུང་བ་དུས་འདི་སྲིད་ཅིག་ཏུ་བཅབས་པ་དང ། བདག་ལ་དགེ་འདུན་གྱིས་འདུས་འདི་ཙམ་གྱི་སྤོ་བ་སྩལ་ཏེ། བདག་སྤོ་
Ga272b
བ་བགྱིད་པ་ལས། དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་དེ་དག་མཆི་ཞིང་དེ་རྣམས་ངོ་ཚ་མེད་པས་མཐོ་བཙམ་པའི་ཕྱིར་བདག་ལ་གླེང་བར་བགྱིད། དྲན་པར་བགྱིད་དོ། །ཞེས་ཐོས་ནས། སྤོས་པའི་དགེ་སློང་བདག་མིང་འདི་ཞེས་བགྱི་བའི་སྤོ་བ་དེ། ཚེ་དང་ལྡན་པའི་མདུན་དུ་ཕྱིར་དབུལ་བར་བགྱིའོ། །དུས་འདི་ཙམ་ནི། བདག་གིས་སྤྱད་ལགས་སོ། །དུས་འདི་ཙམ་ནི། སྤྱད་པར་བགྱི་སྟེ། ཚེ་དང་ལྡན་པས་བདག་རང་བཞིན་དུ་གནས་པར་གཟུང་དུ་གསོལ། དེ་ནས་ཡང་ཕས་ཀྱི་རྒོལ་བ་སོང་ཞིང་འཇིགས་པ་དང་བག་ཚ་བ་མེད་ནས་དེ་བཞིན་དུ་རང་བཞིན་དུ་གནས་པའི་དགེ་སློང་གི་མདུན་དུ་དེས་སྤོ་བ་བླང་བར་བྱའོ། །བླང་བ་ནི། འདི་ལྟར་བྱ་སྟེ། འདུད་པ་བྱས་ལ་ཙོག་ཙོག་པོར་འདུག་སྟེ་ཐལ་མོ་སྦྱར་བ་བཏུད་ནས་ཚིག་འདི་སྐད་ཅེས། ཚེ་དང་ལྡན་པ་དགོངས་སུ་གསོལ། བདག་དགེ་སློང་མིང་འདི་ཞེས་བགྱི་བ་ལ། དགེ་འདུན་ལྷག་མའི་ལྟུང་བ་འདི་ལྟ་བུ་དང ། འདི་ལྟ་བུ་བྱུང་བ་དུས་འདི་སྲིད་ཅིག་ཏུ་བཅབས་པ་དང ། བདག་ལ་དགེ་འདུན་གྱིས་དུས་འདི་ཙམ་གྱི་སྤོ་བ་སྩལ་ཏེ། བདག་སྤོ་བ་བགྱིད་པ་ལས། དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་དག་མཆི་ཞིང ། དེ་རྣམས་ངོ་ཚ་བ་མེད་པས་མཐོ་བ་ཙམ་པའི་ཕྱིར་བདག་ལ་གླེང་པར་བགྱིད། དྲན་པར་བགྱིད་དོ། །ཞེས་ཐོས་ནས་བདག་གི་སྤོ་བ་སྤྱད་པ་དེ། དགེ་སློང་གི།
Ga273a
༄#། །མདུན་དུ་ཕྱིར་ཕུལ་བ། བདག་དགེ་སློང་མིང་འདི་ཞེས་བགྱི་བའི་སྤོ་བ་དེ། ཚེ་དང་ལྡན་པའི་མདུན་དུ་བླང་བར་བགྱི་སྟེ། དུས་འདི་ཙམ་ནི། བདག་གིས་སྤྱད་ལགས་སོ། ། དུས་འདི་ཙམ་ནི། བདག་གིས་སྤྱད་པར་བགྱི་ལགས་ཀྱི། ཚེ་དང་ལྡན་པས་བདག་ལ་སྤོ་བ་ལགས་པར་གཟུང་དུ་གསོལ། །སྤོ་བ་ཇི་ལྟ་བ་བཞིན་དུ་གཞི་ནས་སྤོ་བ་དང ། གཞི་ནས་བསླང་སྟེ་སྤོ་བ་དང ། མགུ་བར་བྱ་བ་དང ། གཞི་ནས་མགུ་བར་བྱ་བ་དང ། གཞི་ནས་བསླང་སྟེ་མགུ་བར་བྱ་བ་ཡང་དེ་བཞིན་ནོ། །སྤོ་བའི་གཞི་རྫོགས་སོ།། །།གསོ་སྦྱོང་གཞག་པའི་གཞིའི་སྡོམ་ནི། མ་དག་གསོ་སྦྱོང་དགེ་སློང་དང ། མོའུ་འགལ་གྱིས་ནི་ཉམས་པ་དང ། །དེ་ནས་སྟོན་པས་སྨད་པ་དང ། །དགེ་འདུན་གྱིས་བོར་གསོ་སྦྱོང་ངོ ། །སྡོམ་གྱི་ཚིགས་སུ་བཅད་པ་འདི་ནི། ཡུལ་ཙམ་པར་གསོ་སྦྱོང་གི་མདོ་རྒྱས་པར་གསུངས་ཏེ། གསོ་སྦྱོང་གི་མདོ་དེ་ཡང་ལུང་བར་མ་ཡང་དག་པར་འགྲོ་བའི་ལེའུ་ལས་འབྱུང་ངོ ། །སྡོམ་ནི། གླེང་དང་དྲན་པ་ཉིད་དང་ནི། །སྐབས་དང་སྨྲར་ནི་མི་གཞུག་དང ། །གདམས་པ་རབ་ཏུ་གཞག་པ་དང ། །གསོ་སྦྱོང་དང་ནི་དགག་དབྱེའོ། །བཅོམ་ལྡན་འདས་ཀྱིས་དགེ་འདུན་གྱི་གནས་བརྟན་གྱིས་ཟླ་བ་ཕྱེད་ཕྱེད་ཀྱི་སོ་སོར་ཐར་པའི་མདོ་གདོན་པ་གདོན་པར་བྱའོ། །ཞེས་གསུངས་པས། དགེ་བསྐོས་ཀྱིས་དགེ་འདུན་གྱི་གནས་བརྟན་གྱི་མདུན་དུ་འདུག་སྟེ་སྨྲས་པ། གནས་བརྟན། སོ་སོར་ཐར་པའི་མདོ་གདོན་པ་ཐོན་ཅིག་།དེས་སྨྲས་པ། ཚེ་དང་ལྡན་
Ga273b
པ། རེ་ཞིག་དགེ་སློང་གི་འཁོར་མ་དག་གོ་།འདི་ན་གནས་བརྟན་གྱིས་སུ་ཞིག་མ་དག་པར་གཟིགས། རེ་ཞིག་ཁྱོད་ཉིད་ཡིན་ནོ། །གནས་བརྟན་གྱིས་བདག་ལ་ཇི་ལྟར་གཟིགས། ལྷའི་མིག་གིས་སོ་།དེ་འདིར་དགེ་སློང་རྣམས་ཀྱིས་ལྷའི་མིག་གིས་མཐོང་ནས་གླེང་བར་བྱེད། དྲན་པར་བྱེད་པ་ནི། ཀྱི་ཧུད་བདག་མ་རུང་ངོ ། །སྙམ་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ལྷའི་མིག་ནི། ཐ་སྙད་དུ་བྱ་བ་མ་ཡིན་ཏེ། དེ་ལྟ་བས་ན། དགེ་སློང་གིས་ལྷའི་མིག་གིས་བལྟས་ཏེ་དགེ་སློང་ལ་གླེང་བ་དང ། དྲན་པར་མི་བྱའོ། །དགེ་སློང་གིས་ལྷའི་མིག་གིས་བལྟས་ཏེ་དགེ་སློང་ལ་གླེང་བ་དང་དྲན་པར་བྱེད་ན། འགལ་ཚབས་ཅན་དུ་འགྱུར་རོ། །ལྷའི་མིག་གིས་ཇི་ལྟ་བར་ལྷའི་རྣ་བས་ཀྱང་དེ་བཞིན་ནོ། །ཡང་དགེ་བསྐོས་དེས་དགེ་འདུན་གྱི་གནས་བརྟན་གྱི་མདུན་དུ་འདུག་ནས་སྨྲས་པ། གནས་བརྟན། སོ་སོར་ཐར་པའི་མདོ་གདོན་པ་ཐོན་ཅིག་།དེས་སྨྲས་པ། ཚེ་དང་ལྡན་པ། རེ་ཞིག་དགེ་སློང་གི་འཁོར་མ་དག་གོ་།གནས་བརྟན་འདི་ན་མ་དག་པ་སུ་ཞིག་ལགས་།རེ་ཞིག་ཁྱོད་ཉིད་ཡིན་ནོ། །གནས་བརྟན། ཁྱོད་ཀྱིས་དགེ་འདུན་གྱི་དབུས་སུ་བདག་གི་མགོར་གཏུན་ཤིང་གིས་བརྡེག་པ་ཇི་ག་སྲིད་ལགས་སམ། ཨེ་མའོ་ཀྱི་ཧུད་ཁྱོད་ཀྱིས་བདག་ལ་ལྐོག་ཏུ་གླེང་དུ་ཆོག་།དེ་ཅང་མི་སྨྲ་བར་འདུག་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ལྐོག་ཏུ་གླེང་བར་བྱ་སྟེ། དགེ་འདུན་
Ga274a
༄#། །གྱི་དབུས་སུ་ནི། མ་ཡིན་ནོ། །གལ་ཏེ་ལྐོག་ཏུ་གླེང་པ་ན་མི་དྲན་ཞེས་ཟེར་ན། དྲན་པར་བྱའོ། །དྲན་པར་བྱས་པ་ལས། གལ་ཏེ་ཁྲོ་བར་བྱེད་ན། སྐབས་འབྱེད་དུ་གཞུག་གོ ། སྐབས་འབྱེད་དུ་བཅུག་པ་ལས་གཞན་ནས་གཞན་དུ་སྒྱུར་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། སྨྲར་མི་གཞུག་གོ་།སྨྲར་མ་བཅུག་ཀྱང་དེ་བཞིན་དུ་གཞན་ནས་གཞན་དུ་བསྒྱུར་ནས། བཅོམ་ལྡན་འདས་ཀྱིས་བཀའ་སྩལ་པ། འདི་གདམས་ངག་དང ། གསོ་སྦྱོང་དང ། དགག་དབྱེ་གཞག་པར་བྱའོ། །ཆོས་མ་ཡིན་པའི་གཅིག་དང་ཆོས་ཀྱི་གཅིག་གསོ་སྦྱོང་གཞག་པ་དང ། ཆོས་མ་ཡིན་པའི་གཉིས་དང་ཆོས་ཀྱི་གཉིས་དང ། ཆོས་མ་ཡིན་པའི་གསུམ་དང་ཆོས་ཀྱི་གསུམ་དང ། ཆོས་མ་ཡིན་པའི་བཞི་དང་ཆོས་ཀྱི་བཞི་དང ། ཆོས་མ་ཡིན་པའི་ལྔ་དང་ཆོས་ཀྱི་ལྔ་དང ། ཆོས་མ་ཡིན་པའི་དྲུག་དང་ཆོས་ཀྱི་དྲུག་དང ། ཆོས་མ་ཡིན་པའི་བདུན་དང་ཆོས་ཀྱི་བདུན་དང ། ཆོས་མ་ཡིན་པའི་བརྒྱད་དང་ཆོས་ཀྱི་བརྒྱད་དང ། ཆོས་མ་ཡིན་པའི་དགུ་དང་ཆོས་ཀྱི་དགུ་དང ། ཆོས་མ་ཡིན་པའི་བཅུ་དང་ཆོས་ཀྱི་བཅུའི་གསོ་སྦྱོང་གཞག་པའོ། །ཆོས་མ་ཡིན་པའི་གཅིག་དང་ཆོས་ཀྱི་གཅིག་གི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི། ཆོས་མ་ཡིན་པའི་
Ga274b
གཅིག་དང ། ཆོས་ཀྱི་གསོ་སྦྱོང་གཞག་པ་གཅིག་ཡིན་ནོ། །ཆོས་མ་ཡིན་པའི་གཉིས་དང་ཆོས་ཀྱི་གཉིས་ཀྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང ། གཞི་མེད་པའི་མ་བྱས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ་།གཞི་དང་བཅས་པའི་བྱས་པ་དང ། གཞི་དང་བཅས་པའི་མ་བྱས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི། ཆོས་མ་ཡིན་པའི་གཉིས་དང ། ཆོས་ཀྱི་གཉིས་ཀྱི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་གསུམ་དང་ཆོས་ཀྱི་གསུམ་གྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང ། གཞི་མེད་པའི་མ་བྱས་པ་དང ། གཞི་མེད་པའི་བྱས་པ་དང་མ་བྱས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང ། གཞི་དང་བཅས་པའི་མ་བྱས་པ་དང ། གཞི་དང་བཅས་པའི་བྱས་པ་དང་མ་བྱས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི། ཆོས་མ་ཡིན་པའི་གསུམ་དང་ཆོས་ཀྱི་གསུམ་གྱི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་བཞི་དང་ཆོས་ཀྱི་བཞིའི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་པ་ཉམས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང །
Ga275a
༄#། །འཚོ་བ་ཉམས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི། ཆོས་མ་ཡིན་པའི་བཞི་དང་ཆོས་ཀྱི་བཞིའི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་ལྔ་དང་ཆོས་ཀྱི་ལྔའི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཕས་ཕམ་པ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བྱས་ཀྱིས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་ཕས་ཕམ་པ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བྱས་ཀྱིས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་ནི། ཆོས་མ་ཡིན་པའི་ལྔ་དང ། ཆོས་ཀྱི་ལྔའི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་དྲུག་དང་ཆོས་ཀྱི་དྲུག་གི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང ། གཞི་མེད་པའི་མ་བྱས་པ་དང ། གཞི་མེད་པའི་བྱས་པ་དང་མ་བྱས་པ་དང ། གཞི་མེད་པའི་ལྷག་མ་དང་བཅས་པ་བྱས་པ་དང ། གཞི་མེད་པའི་ལྷག་མ་དང་བཅས་པ་མ་བྱས་པ་དང ། གཞི་མེད་པའི་ལྷག་མ་དང་བཅས་པ་བྱས་པ་དང་མ་བྱས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང ། གཞི་དང་བཅས་པའི་མ་བྱས་པ་དང ། གཞི་དང་བཅས་པའི་མ་བྱས་པ་དང་མ་བྱས་པ་དང ། གཞི་དང་བཅས་པའི་ལྷག་མ་དང་བཅས་པ་བྱས་པ་དང ། གཞི་དང་བཅས་
Ga275b
པའི་ལྷག་མ་དང་བཅས་པ་མ་བྱས་པ་དང ། གཞི་དང་བཅས་པའི་ལྷག་མ་དང་བཅས་པ་བྱས་པ་དང་མ་བྱས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་སྟེ། འདི་དག་ནི། ཆོས་མ་ཡིན་པ་དྲུག་དང་ཆོས་ཀྱི་དྲུག་གི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་བདུན་དང་ཆོས་ཀྱི་བདུན་གྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པ་དང ། གཞི་མེད་པའི་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པ་དང ། གཞི་དང་བཅས་པའི་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་དག་ནི། ཆོས་མ་ཡིན་པའི་བདུན་དང་ཆོས་ཀྱི་བདུན་གྱི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་བརྒྱད་དང་ཆོས་ཀྱི་བརྒྱད་ཀྱི་གསོ་སྦྱོང་གཞག་པ་གང་ཞེ་ན། གཞི་མེད་པའི་ཕས་ཕམ་པ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བཅས་དང ། གཞི་མེད་པའི་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་ཕས་ཕམ་པ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བྱས་
Ga276a
༄#། །དང ། གཞི་དང་བཅས་པའི་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། འདི་དག་ནི། ཆོས་མ་ཡིན་པའི་བརྒྱད་དང་ཆོས་ཀྱི་བརྒྱད་ཀྱི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་དགུ་དང་ཆོས་ཀྱི་དགུའི་གསོ་སྦྱོང་གཞག་པ་གང་ཞེ་ན། གཞི་མེད་པའི་བྱས་པ་དང ། གཞི་མེད་པའི་མ་བྱས་པ་དང ། གཞི་མེད་པའི་བྱས་པ་དང་མ་བྱས་པ་དང ། གཞི་མེད་པའི་ལྷག་མ་དང་བཅས་པ་བྱས་པ་དང ། གཞི་མེད་པའི་ལྷག་མ་དང་བཅས་པ་མ་བྱས་པ་དང ། གཞི་མེད་པའི་ལྷག་མ་དང་བཅས་པ་བྱས་པ་དང་མ་བྱས་པ་དང ། གཞི་མེད་པའི་ལྷག་མ་མེད་པ་བྱས་པ་དང ། གཞི་མེད་པའི་ལྷག་མ་མེད་པ་མ་བྱས་པ་དང ། གཞི་མེད་པའི་ལྷག་མ་མེད་པ་བྱས་པ་དང་མ་བྱས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ནོ། །གཞི་དང་བཅས་པའི་བྱས་པ་དང ། གཞི་དང་བཅས་པའི་མ་བྱས་པ་དང ། གཞི་དང་བཅས་པའི་བྱས་པ་དང་མ་བྱས་པ་དང ། གཞི་དང་བཅས་པའི་ལྷག་མ་དང་བཅས་པ་བྱས་པ་དང ། གཞི་དང་བཅས་པའི་ལྷག་མ་དང་བཅས་པ་མ་བྱས་པ་དང ། གཞི་དང་བཅས་པའི་ལྷག་མ་དང་བཅས་པ་དང་མ་བྱས་པ་དང ། གཞི་དང་བཅས་པའི་ལྷག་མ་མེད་པ་བྱས་པ་དང ། གཞི་དང་བཅས་པའི་ལྷག་མ་མེད་པ་མ་བྱས་པ་དང ། གཞི་དང་བཅས་པའི་ལྷག་མ་མེད་པ་བྱས་པ་དང་མ་བྱས་པས་གསོ་སྦྱོང་གཞག་པ་ནི། ཆོས་ཀྱི་
Ga276b
གསོ་སྦྱོང་གཞག་པ་ཡིན་ཏེ། འདི་དག་ནི། ཆོས་མ་ཡིན་པའི་དགུ་དང་ཆོས་ཀྱི་དགུའི་གསོ་སྦྱོང་གཞག་པ་ཡིན་ནོ། །ཆོས་མ་ཡིན་པའི་བཅུ་དང་ཆོས་ཀྱི་བཅུའི་གསོ་སྦྱོང་གཞག་པ་གང་ཞེ་ན། ཕས་ཕམ་པ་མ་ཡིན། ཕས་ཕམ་པའི་གཏམ་གྱི་གླེང་གཞི་མ་ཡིན། བསླབ་པ་སྤོང་བ་མ་ཡིན། བསླབ་པ་སྤོང་བའི་གཏམ་གྱི་གླེང་གཞི་མ་ཡིན། དགེ་འདུན་སྤོང་བ་མ་ཡིན། དགེ་འདུན་སྤོང་བའི་གཏམ་གྱི་གླེང་གཞི་མ་ཡིན། ཚུལ་ཁྲིམས་ཉམས་པ་མ་ཡིན། ལྟ་བ་ཉམས་པ་མ་ཡིན། སྤྱོད་པ་ཉམས་པ་མ་ཡིན། འཚོ་བ་ཉམས་པ་མ་ཡིན་ནོ། །ཕས་ཕམ་པ་མ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་ཕས་ཕམ་པའི་ལྟུང་བ་བྱུང་བར་འགྱུར་བའི་རྣམ་པ་དེ་དག་གིས་དེ་ལ་ཕས་ཕམ་པའི་ལྟུང་བ་བྱུང་བར་མ་མཐོང་ཞིང ། རྟགས་དེ་དག་གིས་མ་ཡིན། མཚན་མ་དེ་དག་གིས་མ་ཡིན་ལ། དེས་མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། ཕས་ཕམ་པ་མ་ཡིན་པའོ། །ཕས་ཕམ་པའི་གཏམ་གྱི་གླེང་གཞི་མ་ཡིན་པ་ཇི་ལྟ་བུ་ཞེ་ན། འདི་ལྟ་སྟེ། དགེ་སློང་རབ་ཏུ་མང་པོ་ཚོགས་ཤིང་འདུས་ལ། གཏམ་སྨྲ་བ་དེ་ཡང་དེ་ལས་བྱུང་བ་མ་ཡིན། དེ་གླེང་བའི་སྐབས་ལ་བབ་པ་མ་ཡིན་ཞིང ། དགེ་སློང་དེ་རྣམས་ཀྱང་སྟན་ལས་ལངས་ནས་སོ་སོར་དོང་བ་དང ། དེས་མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་
Ga277a
༄#། །གཞག་པ་ཡིན་ཏེ། དེ་ལྟ་བུ་ནི། ཕས་ཕམ་པའི་གཏམ་གྱི་གླེང་གཞི་མ་ཡིན་པའོ། །བསླབ་པ་སྤོང་བ་མ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་བསླབ་པ་སྤོང་བར་བྱེད་པའི་རྣམ་པ་དེ་དག་གིས་དེ་བསླབ་པ་སྤོང་བར་མ་མཐོང་ཞིང ། རྟགས་དེ་དག་གིས་མ་ཡིན། མཚན་མ་དེ་དག་གིས་མ་ཡིན་ལ། དེས་མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། བསླབ་པ་སྤོང་བ་མ་ཡིན་པའོ། །བསླབ་པ་སྤོང་བའི་གཏམ་གྱི་གླེང་གཞི་མ་ཡིན་པ་ཇི་ལྟ་བུ་ཞེ་ན། འདི་ལྟ་སྟེ། དགེ་སློང་རབ་ཏུ་མང་པོ་ཚོགས་ཤིང་འདུས་ལ། གཏམ་སྨྲ་བ་དེ་ཡང་དེ་ལས་བྱུང་བ་མ་ཡིན། དེ་གླེང་བའི་སྐབས་ལ་བབ་པ་མ་ཡིན་ཞིང ། དགེ་སློང་དེ་རྣམས་ཀྱང་སྟན་ལས་ལངས་ནས་སོ་སོར་དོང་བ་དང ། དེས་མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། བསླབ་པ་སྤོང་བའི་གཏམ་གྱི་གླེང་གཞི་མ་ཡིན་པའོ། །དགེ་འདུན་སྤོང་བ་མ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་དགེ་འདུན་སྤོང་བར་བྱེད་པའི་རྣམ་བ་དེ་དག་གིས་དགེ་འདུན་སྤོང་བར་བྱེད་པར་མ་མཐོང་ཞིང ། རྟགས་དེ་དག་གིས་མ་ཡིན། མཚན་མ་དེ་དག་གིས་མ་ཡིན་ལ། དེས་མ་མཐོང་བ་དང ། མ་ཐོས་པ་དང ། མི་
Ga277b
དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། དགེ་འདུན་སྤོང་བ་མ་ཡིན་པའོ། །དགེ་འདུན་སྤོང་བའི་གཏམ་གྱི་གླེང་གཞི་མ་ཡིན་པ་ཇི་ལྟ་བུ་ཞེ་ན། འདི་ལྟ་སྟེ། དགེ་སློང་རབ་ཏུ་མང་པོ་ཚོགས་ཤིང་འདུས་ལ། གཏམ་སྨྲ་བ་དེ་ཡང་དེ་ལས་བྱུང་བ་མ་ཡིན་ཏེ། དེ་གླེང་བའི་སྐབས་ལ་བབ་པ་མ་ཡིན་ཞིང ། དགེ་སློང་དེ་རྣམས་ཀྱང་སྟན་ལས་ལངས་ནས་སོ་སོར་དོང་བ་དང ། དེས་མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། དགེ་འདུན་སྤོང་བའི་གཏམ་གྱི་གླེང་གཞི་མ་ཡིན་པའོ། །ཚུལ་ཁྲིམས་ཉམས་པ་མ་ཡིན་པ་ཇི་ལྟ་བུ་ཞེ་ན། ཕས་ཕམ་པ་བཞི་རྣམས་ལས། གང་ཡང་རུང་བའི་ལྟུང་བ་མ་བྱུང་བར་དགེ་སློང་དེ་ལ་མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། ཚུལ་ཁྲིམས་ཉམས་པ་མ་ཡིན་པའོ། །ལྟ་བ་ཉམས་པ་མ་ཡིན་པ་ཇི་ལྟ་བུ་ཞེ་ན། ལྟ་བའི་རྣམ་པ་དྲུག་ཅུ་རྩ་གཉིས་ལས། གང་ཡང་རུང་བའི་ལྟ་བར་མངོན་པར་མ་ཞེན་པར་དགེ་སློང་དེ་ལ་མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། ལྟ་བ་ཉམས་པ་མ་ཡིན་པའོ། །སྤྱོད་པ་ཉམས་པ་མ་ཡིན་པ་ཇི་ལྟ་བུ་ཞེ་ན། བསླབ་པའི་གཞི་རྗེས་སུ་མཐུན་ཞིང་འཚམ་པའི་ཚིག་གི་ལམ་དག་གིས་སྨྲས་ན། ཡང་དག་པར་སྒྲུབ་པ་དེ་ལ་དགེ་སློང་གིས་
Ga278a
༄#། །མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། སྤྱོད་པ་ཉམས་པ་མ་ཡིན་པའོ། །འཚོ་བ་ཉམས་པ་མ་ཡིན་པ་ཇི་ལྟ་བུ་ཞེ་ན། དེའི་འཚོ་བ་ཡོངས་སུ་དག་པ་ཡིན་ན། དེ་ལ་དགེ་སློང་གིས་མ་མཐོང་བ་དང ། མ་ཐོས་པ་དང ། མི་དོགས་པས་གསོ་སྦྱོང་གཞག་པ་ནི། ཆོས་མ་ཡིན་པའི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། འཚོ་བ་ཉམས་པ་མ་ཡིན་པའོ། །དཀར་པོའི་ཕྱོགས་ལ་ཕས་ཕམ་པ་ཡིན་པ་དང ། ཕས་ཕམ་པའི་གཏམ་གྱི་གླེང་གཞི་ཡིན་པ་དང ། བསླབ་པ་སྤོང་བ་ཡིན་པ་དང ། བསླབ་པ་སྤོང་བའི་གཏམ་གྱི་གླེང་གཞི་ཡིན་པ་དང ། དགེ་འདུན་སྤོང་བ་ཡིན་པ་དང ། དགེ་འདུན་སྤོང་བའི་གཏམ་གྱི་གླེང་གཞི་ཡིན་པ་དང ། ཚུལ་ཁྲིམས་ཉམས་པ་ཡིན་པ་དང ། ལྟ་བ་ཉམས་པ་ཡིན་པ་དང ། སྤྱོད་པ་ཉམས་པ་ཡིན་པ་དང ། འཚོ་བ་ཉམས་པ་ཡིན་པ་ཡིན་ནོ། །ཕས་ཕམ་པ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་ཕས་ཕམ་པའི་ལྟུང་བ་བྱུང་བའི་རྣམ་པ་དེ་དག་དང ། རྟགས་དེ་དག་དང ། མཚན་མ་དེ་དག་གིས་དེ་ཕས་ཕམ་པའི་ལྟུང་བ་བྱུང་བར་མཐོང་ལ། དེས་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། ཕས་ཕམ་པ་ཡིན་ནོ། །ཕས་ཕམ་པའི་གཏམ་གྱི་གླེང་གཞི་ཡིན་པ་ཇི་ལྟ་བུ་ཞེ་ན། འདི་ལྟ་སྟེ། དགེ་
Ga278b
སློང་རབ་ཏུ་མང་པོ་ཚོགས་ཤིང་འདུས་ལ། གཏམ་སྨྲ་བ་དེ་ཡང་དེ་ལས་བྱུང་བ་ཡིན། དེ་གླེང་བའི་སྐབས་ལ་བབ་པ་ཡིན་ཞིང ། དགེ་སློང་དེ་རྣམས་ཀྱང་དེ་བཞིན་དུ་འདུག་པ་བཞིན་ལ། དེས་མཐོང་བ་དང་ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། ཕས་ཕམ་པའི་གཏམ་གྱི་གླེང་གཞི་ཡིན་ནོ། །བསླབ་པ་སྤོང་བ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་བསླབ་པ་སྤོང་བར་བྱེད་པའི་རྣམ་པ་དེ་དག་དང ། རྟགས་དེ་དག་དང ། མཚན་མ་དེ་དག་གིས་དེ་བསླབ་པ་སྤོང་བར་བྱེད་པར་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། བསླབ་པ་སྤོང་བ་ཡིན་ནོ། །བསླབ་པ་སྤོང་བའི་གཏམ་གྱི་གླེང་གཞི་ཡིན་པ་ཇི་ལྟ་བུ་ཞེ་ན། འདི་ལྟ་སྟེ། དགེ་སློང་རབ་ཏུ་མང་པོ་ཚོགས་ཤིང་འདུས་ལ། གཏམ་སྨྲ་བ་དེ་ཡང་དེ་ལས་བྱུང་བ་ཡིན་ཏེ། དེ་གླེང་བའི་སྐབས་ཡིན་ཞིང ། དགེ་སློང་དེ་རྣམས་ཀྱང་དེ་བཞིན་དུ་འདུག་བཞིན་ལ། དེས་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། བསླབ་པ་སྤོང་བའི་གཏམ་གྱི་གླེང་གཞི་ཡིན་ནོ། །དགེ་འདུན་སྤོང་བ་ཡིན་པ་ཇི་ལྟ་བུ་ཞེ་ན། དགེ་སློང་གིས་རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་དགེ་འདུན་སྤོང་བར་བྱེད་པའི་རྣམ་པ་དེ་དག་དང ། རྟགས་དེ་དག་དང ། མཚན་མ་དེ་དག་གིས་དགེ་འདུན་
Ga279a
༄#། །སྤོང་བར་བྱེད་པར་མཐོང་ལ། དེས་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་བ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། དགེ་འདུན་སྤོང་བ་ཡིན་ནོ། །དགེ་འདུན་སྤོང་བའི་གཏམ་གྱི་གླེང་གཞི་ཡིན་པ་ཇི་ལྟ་བུ་ཞེ་ན། འདི་ལྟ་སྟེ། དགེ་སློང་རབ་ཏུ་མང་པོ་ཚོགས་ཤིང་འདུས་ལ། གཏམ་སྨྲ་བ་དེ་ཡང་དེ་ལས་བྱུང་བ་ཡིན། དེ་གླེང་བའི་སྐབས་ལ་བབ་པ་ཡིན་ཞིང ། དགེ་སློང་དེ་རྣམས་ཀྱང་དེ་བཞིན་དུ་འདུག་བཞིན་ལ། དེས་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། དགེ་འདུན་སྤོང་བའི་གཏམ་གྱི་གླེང་གཞི་ཡིན་ནོ། །ཚུལ་ཁྲིམས་ཉམས་པ་ཡིན་པ་ཇི་ལྟ་བུ་ཞེ་ན། ཕས་ཕམ་པ་བཞི་ལས། གང་ཡང་རུང་བའི་ལྟུང་བར་གྱུར་ལ། དེ་ལ་དགེ་སློང་གིས་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། ཚུལ་ཁྲིམས་ཉམས་པ་ཡིན་ནོ། །ལྟ་བ་ཉམས་པ་ཡིན་པ་ཇི་ལྟ་བུ་ཞེ་ན། ལྟ་བའི་རྣམ་པ་དྲུག་ཅུ་རྩ་གཉིས་ལས། གང་ཡང་རུང་བའི་ལྟ་བར་མངོན་པར་ཞེན་པར་གྱུར་ལ། དེ་ལ་དགེ་སློང་གིས་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། ལྟ་བ་ཉམས་པ་ཡིན་ནོ། །སྤྱོད་པ་ཉམས་པ་ཡིན་པ་ཇི་ལྟ་བུ་ཞེ་ན། བསླབ་པའི་གཞིའི་རྗེས་སུ་མཐུན་ཞིང་འཚམ་པའི་ཚིག་གི་ལམ་དག་གིས་
Ga279b
སྨྲས་ན། ཡང་དག་པར་མི་སྒྲུབ་པ་དེ་ལ་དགེ་སློང་གིས་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། སྤྱོད་པ་ཉམས་པ་ཡིན་ནོ། ། འཚོ་བ་ཉམས་པ་ཡིན་པ་ཇི་ལྟ་བུ་ཞེ་ན། དེའི་འཚོ་བ་མ་དག་པར་གྱུར་ལ། དེ་ལ་དགེ་སློང་གིས་མཐོང་བ་དང ། ཐོས་པ་དང ། དོགས་པས་གསོ་སྦྱོང་གཞག་པ་ནི། ཆོས་ཀྱི་གསོ་སྦྱོང་གཞག་པ་ཡིན་ཏེ། དེ་ལྟ་བུ་ནི། འཚོ་བ་ཉམས་པ་ཡིན་ཏེ། འདི་དག་ནི། ཆོས་མ་ཡིན་པའི་བཅུ་དང་ཆོས་ཀྱི་བཅུའི་གསོ་སྦྱོང་གཞག་པ་ཡིན་ནོ། །གསོ་སྦྱོང་གཞག་པ་ཇི་ལྟ་བ་བཞིན་དུ་དགག་དབྱེ་གཞག་པ་ཡང་དེ་བཞིན་ནོ། །དགེ་སློང་དག། དགེ་འདུན་ནི། ལྔ་པོ་འདི་དག་ཡིན་ཏེ། ལྔ་གང་ཞེ་ན། ངོ་ཚ་མེད་པའི་དགེ་འདུན་དང ། ལུག་ལྟར་ལྐུགས་པའི་དགེ་འདུན་དང ། ཚོགས་ཀྱི་དགེ་འདུན་དང ། ཀུན་རྫོབ་ཀྱི་དགེ་འདུན་དང ། དོན་དམ་པའི་དགེ་འདུན་ནོ། །ངོ་ཚ་མེད་པའི་དགེ་འདུན་གང་ཞེ་ན། གང་ན་དགེ་སློང་ཐམས་ཅད་ཚུལ་ཁྲིམས་འཆལ་ཞིང་སྡིག་པའི་ཆོས་དང་ལྡན་པའོ། །ལུག་ལྟར་ལྐུགས་པའི་དགེ་འདུན་གང་ཞེ་ན། གང་ན་མདོ་སྡེ་འཛིན་པ་མ་ཡིན། འདུལ་བ་འཛིན་པ་མ་ཡིན། མ་མོ་འཛིན་པ་མ་ཡིན་པའོ། །ཚོས་ཀྱི་དགེ་འདུན་གང་ཞེ་ན། གང་ན་ཚོགས་དང་འབྲེལ་བས་ལས་རྣམས་བྱེད་པའོ། །ཀུན་རྫོབ་ཀྱི་དགེ་འདུན་གང་ཞེ་ན། སོ་སོ་སྐྱེ་བོ་དགེ་བ་དང་ལྡན་པ་ཐམས་ཅད་དོ། །དོན་དམ་པའི་དགེ་འདུན་གང་ཞེ་ན། སློབ་པ་དང་མི་སློབ་པའི་སྐྱེས་བུ་གང་ཟག་བརྒྱད་དོ། །དེ་ལ་དགེ་འདུན་གོང་མ་
Ga280a
༄#། །གསུམ་པོ་ངོ་ཚ་མེད་པའི་དགེ་འདུན་དང ། ལུག་ལྟར་ལྐུགས་པའི་དགེ་འདུན་དང ། ཚོགས་ཀྱི་དགེ་འདུན་གང་ཡིན་པ་འདི་དག་གིས་ནི། ཆོས་མ་ཡིན་པའི་ལས་བྱེད་པ་འཐོབ་བོ། །ཀུན་རྫོབ་ཀྱི་དགེ་འདུན་གང་ཡིན་པ་འདིས་ནི། ཆོས་ཀྱི་ལས་དང་ཆོས་མ་ཡིན་པའི་ལས་བྱེད་པ་འཐོབ་བོ། །དོན་དམ་པའི་དགེ་འདུན་གང་ཡིན་པ་འདིས་ནི། ཆོས་མ་ཡིན་པའི་ལས་བྱེད་པ་མི་འཐོབ་བོ། །གསོ་སྦྱོང་གཞག་པའི་བཞི་རྫོགས་སོ།། །།འདུལ་བ་གཞི། བམ་པོ་དོན་བཞི་པ། གནས་མལ་གྱི་གཞིའི་སྡོམ་ལ། ཤཱཀྱ་མིན་པའི་ལྔ་སྡེ་དང ། མགོ་མེད་དགེ་འདུན་གང་ཟག་གི། དངོས་པོ་བཅོམ་པའི་ཕྱིར་དང་ནི། །གཤིབས་པ་ཡི་ནི་ས་དང་ནི། །དགོན་པ་ཆོས་གོས་སྣུམ་པ་དང ། །དགོན་པ་གནས་བརྟན་རྙེད་པ་དང ། །བརྒྱད་པོ་དག་ནི་ཕྱི་མ་ཡིན། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་དགེ་སློང་རབ་ཏུ་མང་པོ་དག། བསྙེན་བཀུར་གྱི་གནས་སུ་ཚོགས་ཤིང་འདུས་ནས་འདི་ལྟ་བུའི་སྐབས་ཀྱི་གཏམ་དག་གླེང་བར་བྱེད་དེ། ཚེ་དང་ལྡན་པ་དག། བདག་ཅག་གིས་སུ་ཞིག་ལ་བསྙེན་བཀུར་བྱ། བླ་མར་བྱ། རྗེད་པར་བྱ། མཆོད་པར་བྱ། བདག་ཅག་གིས་སུ་ཞིག་ལ་མངོན་དུ་སྨྲ་བ་དང ། ཕྱག་དང ། ལྡང་བ་དང ། ཐལ་མོ་སྦྱར་བ་དང ། འདུད་པ་བྱ། བདག་ཅག་གི་ནང་ན་སུ་ཞིག་སྟན་གྱི་ཐོག་མ་དང ། བཏུང་བའི་ཐོག་མ་དང ། བསོད་སྙོམས་ཀྱི་ཐོག་མ་
Ga280b
ལོངས་སྤྱད་པར་འོས། དེ་ན་ཁ་ཅིག་གིས་འདི་སྐད་ཅེས་སྨྲས་སོ། །ཤཱཀྱ་ལས་རབ་ཏུ་བྱུང་བ་གང་ཡིན་པའོ། །ཁ་ཅིག་གིས་འདི་སྐད་ཅེས་སྨྲས་སོ། །བྲམ་ཟེ་ལས་རབ་ཏུ་བྱུང་བ་གང་ཡིན་པའོ།། གཞན་དག་ན་རེ། རྒྱལ་རིགས་ལས་རབ་ཏུ་བྱུང་བ་གང་ཡིན་པའོ། །གཞན་དག་ན་རེ། རྗེའུ་རིགས་ལས་རབ་ཏུ་བྱུང་བ་གང་ཡིན་པའོ། །གཞན་དག་ན་རེ། དམངས་རིགས་ལས་རབ་ཏུ་བྱུང་བ་གང་ཡིན་པའོ། །གཞན་དག་ན་རེ། རིགས་ངན་པ་མ་ཡིན་པ་མཐོན་པོ་ལས་རབ་ཏུ་བྱུང་བ་དང ། བཀྲེན་པ་མ་ཡིན་པ་ཕྱུག་པོའི་རིགས་ལས་རབ་ཏུ་བྱུང་བ་གང་ཡིན་པའོ། །གཞན་དག་ན་རེ། གཟུགས་བཟང་པོ་བལྟ་ན་སྡུག་པ་མཛེས་པ་དང ། ཚིག་བཟང་པོ་ཚིག་ལ་མཁས་པ་དང་ལྡན་པ་དང ། ཤེས་ཉེན་ཅན་བསོད་ནམས་ཆེ་བ་དང ། མདོ་སྡེ་འཛིན་པ། འདུལ་བ་འཛིན་པ། མ་མོ་འཛིན་པ། ཐོས་པ་མང་བ། ཆོས་སྨྲ་བ། གནས་བརྟན་རྒྱལ་པོར་འོས་པ་དང ། དགོན་པ་པ་དང ། ཆོས་གོས་གསུམ་པ་དང ། ཕྱིང་བ་ཅན་དང ། ཕྱག་དར་ཁྲོད་པ་དང ། བསོད་སྙོམས་པ་དང ། བསོད་སྙོམས་མི་འདམ་པ་དང ། སྟན་གཅིག་པ་དང ། ཟས་ཕྱིས་མི་ལེན་པ་དང ། ཤིང་དྲུང་པ་དང ། དུར་ཁྲོད་པ་དང ། བླ་གབ་མེད་པ་དང ། ཙོག་བུ་པ་དང ། གཞི་ཇི་བཞིན་པ་གང་ཡིན་པ་དང ། མི་རྟག་པའི་འདུ་ཤེས་ཐོབ་པ་གང་ཡིན་པ་ཞེས་བྱ་བ་ནས་རྣམ་པར་ཐར་པ་བརྒྱད་ལ་བསམ་གཏན་པའི་དགྲ་བཅོམ་པ་གང་ཡིན་པ་ཞེས་བྱ་བའི་བར་གོང་མ་བཞིན་དུའོ། །གཞན་དག་གིས་འདི་སྐད་
Ga281a
༄#། །ཅེས་སྨྲས་སོ། །ཚེ་དང་ལྡན་པ་དག། བདག་ཅག་ཐམས་ཅད་ནི། འདི་ལྟ་སྟེ། སོ་སོར་བརྟགས་ནས་མི་མཐུན་པ་ཡིན་གྱི། ཚུར་བདག་ཅག་བཅོམ་ལྡན་འདས་གང་ན་བ་དེར་དོང་ལ་ཕྱིན་པ་དང ། བཅོམ་ལྡན་འདས་ལ་དོན་འདི་ཞུས་ལ་བཅོམ་ལྡན་འདས་ཀྱིས་ཇི་སྐད་ལུང་བསྟན་པ་དེ་བཞིན་དུ་འདི་བདག་ཅག་གིས་གཟུང་བར་བྱའོ། །དེ་ནས་དགེ་སློང་རབ་ཏུ་མང་པོ་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོས་འདི་སྐད་ཅེས་གསོལ་ཏོ། །བཙུན་པ། བསྙེན་བཀུར་གྱི་གནས་འདིར་བདག་ཅག་དགེ་སློང་རབ་ཏུ་མང་པོ་ཚོགས་ཤིང་འདུས་ནས་འདི་ལྟ་བུའི་སྐབས་ཀྱི་གཏམ་དག་གླེང་སྟེ་ཞེས་བྱ་བ་ནས་བཅོམ་ལྡན་འདས་ཀྱིས་ཇི་སྐད་ལུང་བསྟན་པ་དེ་བཞིན་དུ་འདི་བདག་ཅག་གིས་གཟུང་བར་བགྱིའོ། །ཞེས་བྱ་བའི་བར་གོང་མ་བཞིན་དུའོ། །བཙུན་པ། བཅོམ་ལྡན་འདས་ལ་བདག་ཅག་དོན་འདི་ཞུས་ལགས་ཏེ། བདག་ཅག་གིས་གང་ལ་བསྙེན་བཀུར་བགྱི། བླ་མར་བགྱི། རྗེད་པར་བགྱི། མཆོད་པར་བགྱི་ཞེས་བྱ་བ་ནས་ཐོག་མར་བསོད་སྙོམས་ལོངས་སྤྱད་པར་བགྱི་ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱེད་ཀྱིས་ཆེས་རྒན་པ་ལ་བསྙེན་བཀུར་བྱ། བླ་མར་བྱ། རྗེད་པར་བྱ།
Ga281b
མཆོད་པར་བྱ། མངོན་དུ་སྨྲ་བ་དང ། ཕྱག་དང ། ལྡང་བ་དང ། ཐལ་མོ་སྦྱར་བ་དང ། འདུད་པའི་ལས་བྱའོ། །དེ་ནི། ཁྱེད་ཅག་གི་སྟན་གྱི་ཐོག་མ་དང ། བཏུང་བའི་ཐོག་མ་དང ། བསོད་སྙོམས་ཀྱི་ཐོག་མ་ལོངས་སྤྱད་པར་འོས་པ་ཡིན་ནོ། །བཅོམ་ལྡན་འདས་ཀྱིས། དགེ་སློང་དག། ཁྱེད་ཀྱིས་ཆེས་རྒན་པ་ལ་བསྙེན་བཀུར་བྱ་ཞེས་བྱ་བ་ནས་བསོད་སྙོམས་ཀྱི་ཐོག་མ་ལོངས་སྤྱད་པར་བྱའོ། ། ཞེས་བྱ་བའི་བར་གོང་མ་བཞིན་དུ་གསུངས་པ་དང ། དགེ་སློང་རྣམས་ཀྱིས་ཁྱིམ་པ་རྒན་པ་དག་ལ་བསྙེན་བཀུར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད་པ་ན། བྲམ་ཟེ་དང ། ཁྱིམ་བདག་དད་པ་ཅན་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། འཕགས་པ་དག། བདག་ཅག་ནི། འདོད་པ་ལ་སྤྱོད་པ་ལགས། འདོད་པའི་འདམ་དུ་བྱིང་བ་ལགས་ན། ཅིའི་སླད་དུ་ཁྱེད་བདག་ཅག་ལ་བསྙེན་བཀུར་བགྱི་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ངས་རབ་ཏུ་བྱུང་བ་རྣམས་ལ་དགོངས་ཏེ་གསུངས་པ་ཡིན་གྱི། ཁྱིམ་པ་རྣམས་ལ་ནི་མ་ཡིན་ནོ། །དགེ་སློང་རྣམས་ཀྱིས་གཞན་མུ་སྟེགས་ཅན་རྒན་པ་རྒན་པ་དག་མཐོང་ནས་བསྙེན་བཀུར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ངས་ཆོས་འདི་པ་རྣམས་ལ་དགོངས་ཏེ་གསུངས་པ་ཡིན་གྱི། ཕྱི་རོལ་བ་རྣམས་ལ་ནི་མ་ཡིན་ནོ། །དེ་
Ga282a
༄#། །རྣམས་ཀྱི་རབ་ཏུ་བྱུང་བའི་དགེ་ཚུལ་རྒན་པོ་དག་མཐོང་ནས་བསྙེན་བཀུར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ངས་བསྙེན་པར་རྫོགས་པ་རྣམས་ལས་དགོངས་ནས་གསུངས་པ་ཡིན་གྱི། དགེ་ཚུལ་རྣམས་ལ་ནི་མ་ཡིན་ནོ། །དེ་རྣམས་ཀྱི་རྒན་པོ་གསར་དུ་བསྙེན་པར་རྫོགས་པ་དག་ལ་བསྙེན་བཀུར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། ཕན་ཚུན་ལོའི་དང་པོ་དྲིས་ནས་ཕྱག་བྱའོ། །དེ་རྣམས་ཀྱིས་དྲིས་པ་ལས། ན་ཚོད་ཀྱི་ལོ་སྨྲས་པ་དང ། བཅོམ་ལྡན་འདས་ཀྱིས་བཀའ་སྩལ་པ། བསྙེན་པར་རྫོགས་པའི་ལོའི་དང་པོ་དྲི་བར་བྱའོ། །དགེ་སློང་རྣམས་ཀྱིས་ཇི་ལྟར་དྲི་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། རེ་ཞིག་དང་པོར་དུས་ཚིགས་དྲི་བར་བྱའོ། །དགེ་སློང་རྣམས་ཀྱིས་དུས་ཚིགས་དུ་ཡིན་པ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དུས་ཚིགས་ནི། ལྔ་པོ་འདི་དག་ཡིན་ཏེ། དགུན་དང ། སོས་ཀ་དང ། དབྱར་དང ། དབྱར་ཐུང་ངུ་དང ། དབྱར་རིང་པོའོ། །དེ་ལ་ཟླ་བ་བཞི་ནི། དགུན་ཡིན་ནོ། །ཟླ་བ་བཞི་ནི། སོས་ཀ་ཡིན་ནོ། །ཟླ་བ་གཅིག་ནི། དབྱར་ཡིན་ནོ། །ཉིན་ཞག་གཅིག་ནི། དབྱར་ཐུང་ངུ་ཡིན་ནོ། །ཟླ་བ་གསུམ་དུ་ཞག་གཅིག་གིས་མ་ཚང་བ་ནི། དབྱར་རིང་པོ་ཡིན་ཏེ། དེ་ལྟར་དུས་ཚིགས་དེ་བརྗོད་ནས་སྔར་
Ga282b
བསྙེན་པར་རྫོགས་པ་གང་ཡིན་པ་དེ་ལ་ཕྱག་བྱའོ། །དགེ་སློང་དག། གཞན་ཡང ། ཕྱག་བྱ་བ་ནི། བཞི་སྟེ། བཞི་གང་ཞེ་ན། རེ་ཞིག་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེ་དང་བཅས་པའི་སྐྱེ་རྒུ་དང ། ལྷ་དང་མིར་བཅས་པས་ཕྱག་བྱ་བ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང ། ཁྱིམ་པ་ཐམས་ཅད་ཀྱིས་ཕྱག་བྱ་བ། རབ་ཏུ་བྱུང་བ་དང ། བསྙེན་པར་རྫོགས་པ་ཐམས་ཅད་ཀྱིས་ཕྱག་བྱ་བ་ནི། སྔར་བསྙེན་པར་རྫོགས་པ་ཡིན་ནོ། །དགེ་སློང་མ་མ་གཏོགས་ཏེ། དེ་ནི། བསྙེན་པར་རྫོགས་ནས་ལོ་བརྒྱ་ལོན་ཀྱང་དེ་རིང་བསྙེན་པར་རྫོགས་པའི་དགེ་སློང་ལ་ཕྱག་བྱ་བ་ཡིན་ནོ། །བསྙེན་པར་མ་རྫོགས་པ་ཐམས་ཅད་ཀྱིས་ཕྱག་བྱ་བ། བསྙེན་པར་རྫོགས་པའོ། །ཕྱག་མི་བྱ་བ་ནི། བཅུ་སྟེ། བཅུ་གང་ཞེ་ན། སྤོ་བ་པ་དང ། གཞི་ནས་སྤོ་བ་དང ། སྤོ་བ་སྤྱད་པ་དང ། མགུ་བ་སྤྱོད་པ་དང ། མགུ་བར་བྱ་བ་སྤྱད་པ་དང ། མ་མཐོང་བས་གནས་ནས་ཕྱུང་བ་དང ། ཕྱིར་མི་བྱེད་པས་གནས་ནས་ཕྱུང་བ་དང ། སྡིག་པའི་ལྟ་བར་སོང་བ་མི་འདོར་བ་གནས་ནས་ཕྱུང་བ་དང ། ཁྱིམ་པ་ཐམས་ཅད་དང ། བསྙེན་པར་རྫོགས་པ་མ་ཡིན་པ་ཐམས་ཅད་དོ། །གང་གི་ཚེ་བཅོམ་ལྡན་འདས་ཀྱིས་ཇི་ལྟར་རྒན་པའི་བཅའ་བ་མཛད་པ་དེའི་ཚེ། དགེ་སློང་རྣམས་གཅིག་ལ་གཅིག་བསྙེན་བཀུར་བྱེད། བླ་མར་བྱེད། རྗེད་པར་བྱེད། མཆོད་པར་བྱེད་དོ། །དེ་རྣམས་གཅིག་ལ་གཅིག་བསྙེན་བཀུར་བྱེད། བླ་མར་བྱེད། རྗེད་པར་བྱེད།
Ga283a
༄#། །མཆོད་པར་བྱེད་པ་ན། ཆུའི་ནང་གི་ཨུཏྤ་ལ་ཇི་ལྟ་བ་བཞིན་དུ་དགེ་བའི་ཆོས་ཀྱིས་འཕེལ་བར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། གང་གི་ཚེ་ཇི་ལྟར་རྒན་པའི་བཅའ་བ་མཛད་པ་དེའི་ཚེ། དགེ་སློང་རྣམས་གཅིག་ལ་གཅིག་བསྙེན་བཀུར་བགྱིད། བླ་མར་བགྱིད། རྗེད་པར་བགྱིད། མཆོད་པར་བགྱིད་དོ། །དེ་རྣམས་གཅིག་ལ་གཅིག་བསྙེན་བཀུར་བགྱིད། བླ་མར་བགྱིད། རྗེད་པར་བགྱིད། མཆོད་པར་བགྱིད་པ་ན། ཆབ་ཀྱི་ནང་གི་ཨུཏྤ་ལ་ཇི་ལྟ་བ་བཞིན་དུ། དགེ་བའི་ཆོས་ཀྱིས་འཕེལ་བར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ད་ལྟར་ང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་ལས་གྲོལ་ཏེ། ཐམས་ཅད་མཁྱེན་པ། རྣམ་པ་ཐམས་ཅད་མཁྱེན་པ། ཐམས་ཅད་མཁྱེན་པ། ཤེས་བྱ་ཐམས་ཅད་ལ་མངའ་བརྙེས་པས་ཇི་ལྟར་རྒན་པའི་བཅའ་བ་མཛད་དེ། ཇི་ལྟར་རྒན་པ་དེ་ལ་བརྟེན་ནས་དགེ་སློང་རྣམས་གཅིག་ལ་གཅིག་བསྙེན་བཀུར་བྱེད། བླ་མར་བྱེད། ཅེས་བྱ་བ་ནས་ཆུའི་ནང་གི་ཨུཏྤ་ལ་ཇི་ལྟ་བ་བཞིན་དུ་ཞེས་བྱ་བའི་བར་གང་ཡིན་པ་འདི་ལ་ངོ་མཚར་ཞིག་ཆེ། གང་གི་ཚེ་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས།
Ga283b
སྐྱེ་པ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་ལས་མ་གྲོལ་ཞིང་རྣམ་པར་ལྟུང་བའི་ལུས་ཀྱིས་ཇི་ལྟར་རྒན་པའི་བཅའ་བ་མཛད་དེ། ཇི་ལྟར་རྒན་པ་དེ་ལ་བརྟེན་ནས་འཛམ་བུ་གླིང་ན་གནས་པའི་སྐྱེ་བོའི་ཚོགས་ཕལ་ཆེར་སུམ་ཅུ་རྩ་གསུམ་པའི་རིས་གྱ་ནོམ་པར་སྐྱེས་པ་གང་ཡིན་པ་དེ་ཉོན་ཅིག། དགེ་སློང་དག། སྔོན་བྱུང་བ། ཡུལ་ཀ་ཤིའི་ནགས་སྟུག་པོ་ཞིག་ན། སྲོག་ཆགས་བཞི་གནས་པ་གོང་མ་སྲེག་དང ། རི་བོང་དང ། སྤྲེའུ་དང ། གླང་པོ་ཆེའོ། །དེ་དག་ཀྱང་ཕན་ཚུན་ཡིད་གཅུགས་པས་ལྷན་ཅིག་གནས་ཤིང་མཐུན་པ་དང ། ཡང་དག་པར་དགའ་བ་དང ། རྩོད་པ་མེད་པ་དང ། དོགས་པ་མེད་ཅིང་དགའ་བའི་སྤྱོད་ལམ་གྱིས་གནས་པས་དུས་འདའ་བར་བྱེད་དོ། །ཇི་ཙམ་དུས་གཞན་ཞིག་ན་དེ་རྣམས་ཀྱི་བློ་སྐྱེས་པ། ཤེས་ལྡན་དག། བདག་ཅག་ལ་ཕན་ཚུན་ཡིད་གཅུགས་པས་ལྷན་ཅིག་གནས་ཤིང་མཐུན་པ་དང ། ཡང་དག་པར་དགའ་བ་དང ། རྩོད་པ་མེད་པ་ནི། ཡོད་ན། འོན་ཀྱང་བདག་ཅག་གིས་གང་ལ་བསྙེན་བཀུར་བྱ། བླ་མར་བྱ། རྗེད་པར་བྱ། མཆོད་པར་བྱ་བ་མི་ཤེས་ཀྱི། མ་ལ་བདག་ཅག་རྒན་བ་ཇི་ལྟ་པའི་བཅའ་བ་བྱའོ། །དེ་རྣམས་ཕན་ཚུན་དུ་གྲོས་བྱ་བར་བརྩམས་པ། བདག་ཅག་གི་ནང་ན་སུ་རྒན། དེ་ནས་གོང་མ་སྲེག་གིས་ཤིང་ནྱ་གྲོ་དྷ་ཞིག་བསྟན་ནས། ཤེས་ལྡན་དག། སུས་ཤིང་ནྱ་གྲོ་དྷ་འདིའི་ཚད་ཇི་ཙམ་པ་མཐོང ། གླང་པོ་ཆེས་སྨྲས་པ། ཁོ་
Ga284a
༄#། །བོ་ཁྱུ་དང་ལྷན་ཅིག་ལམ་འདི་ནས་འགྲོ་བ་ན། འདིའི་སྲིད་ཁོ་བོའི་ལུས་དང་མཉམ་པ་ཁོ་ན་མཐོང་ངོ ། །སྤྲེའུས་སྨྲས་པ། ཁོ་བོ་ཁྱུ་དང་ལྷན་ཅིག་ལམ་འདི་ནས་འགྲོ་བ་ན། འདིའི་སྲིད་ཁོ་བོ་དང་མཉམ་པ་ཁོ་ན་མཐོང་ངོ ། །དེ་དག་གིས་སྨྲས་པ། དེ་བས་ཁྱོད་རྒན་ནོ། །རི་བོང་གིས་སྨྲས་པ། ཁོ་བོས་འདིའི་ལོ་མ་གཉིས་སྐྱེས་པ་ན། ལོ་མའི་ཟིལ་བའི་ཐིགས་པ་ལྕེས་བལྡགས་སོ། །དེ་དག་གིས་སྨྲས་པ། འདི་དག་པས་ཀྱང་ཁྱོད་རྒན་ནོ། །གོང་མ་སྲེག་གིས་སྨྲས་པ། ཁྱེད་ཅག་གིས་ཤིང་ནྱ་གྲོ་དྷའི་ཚད་ཆེན་པོའི་རྣམ་པ་འདི་མཐོང་ངམ། དེ་རྣམས་ཀྱིས་སྨྲས་པ། འདི་མཐོང་ངོ ། །ཁོ་བོས་ས་བོན་རྣམས་ཟོས་ནས་ཕྱོགས་འདིར་རྟུག་པ་བོར་བ་དེ་ལས་སྐྱེས་པ་ནི། འདི་ཡིན་ནོ། །དེ་རྣམས་ཀྱིས་སྨྲས་པ། གལ་ཏེ་དེ་ལྟ་ན། བདག་ཅག་ཐམས་ཅད་ཀྱི་ནང་ན་ཁྱོད་རྒན་ནོ། །དེ་ནས་གླང་པོ་ཆེས་ཐམས་ཅད་ལ་བསྙེན་བཀུར་བྱ་བར་བརྩམས་སོ། །སྤྲེའུས་རི་བོང་དང་གོང་མ་སྲེག་ལའོ། །རི་བོང་གིས་ནི། གོང་མ་སྲེག་པ་ཁོ་ན་ལ་སྟེ། དེ་རྣམས་དེ་ལྟར་རྒན་རིམ་ཇི་ལྟ་བ་བཞིན་དུ་བསྙེན་བཀུར་བྱེད་ཅིང་ནགས་སྟུག་པོ་དེ་ན་ཕན་ཚུན་དུ་རྒྱུ་ཞིང་གང་གི་ཚེ་ཡ་ང་བ་དང ། གཟར་པོའི་ཕྱོགས་སུ་འགྲོ་དགོས་པ་དེའི་ཚེ་གླང་པོ་ཆེ་ལ་སྤྲེའུ། སྤྲེའུ་ལ་རི་བོང ། རི་བོང་ལ་གོང་མ་སྲེག་ཞོན་ནོ། །སྡུག་པ་འཕེལ་ཞིང་ཞེ་ས་དང་བཅས་པ་དེ་རྣམས་ལ། ཡང་འདི་ལྟ་བུའི་བློ་སྐྱེས་ཏེ། ཤེས་ལྡན་དག། བདག་ཅག་
Ga284b
ལ་སྡུག་པ་འཕེལ་ཞིང་ཞེ་ས་དང་བཅས་པ་ནི། ཡོད་ཀྱི། རེ་ཞིག་དགེ་བ་གཞན་ཡང་ཅུང་ཟད་ཅིག་བླངས་ཏེ་འཇུག་པར་བྱའོ། །ཇི་ལྟར་བྱ། གོང་མ་སྲེག་གིས་སྨྲས་པ། སྲོག་གཅོད་པ་ལས་སླར་ལོག་པར་བྱའོ། །བདག་ཅག་གིས་སྲོག་གཅོད་པ་ཅི་འདྲ་བ་ཞིག་ཡིན། གོང་མ་སྲེག་གིས་སྨྲས་པ། ལོ་མ་དང ། མེ་ཏོག་དང ། འབྲས་བུ་སྲོག་ཆགས་དང་བཅས་པ་ཡང་ཡོད། སྲོག་ཆགས་མེད་པ་ཡང་ཡོད་པས། དེ་བས་ན། བདག་ཅག་གིས་དེང་ཕྱིན་ཆད་སྲོག་ཆགས་དང་བཅས་པ་ནི། སྤངས་ལ། སྲོག་ཆགས་མེད་པ་ནི། ལོངས་སྤྱད་པར་བྱའོ། །ཞེས་དེ་རྣམས་ཀྱིས་སྲོག་ཆགས་དང་བཅས་པ་ནི། སྤངས་ཤིང ། སྲོག་ཆགས་མེད་པ་ལ་ལོངས་སྤྱད་པར་བརྩམས་སོ། །དེ་རྣམས་འདི་སྙམ་དུ་སེམས་ཏེ། བདག་ཅག་ལ་སྲོག་གཅོད་པ་ལས་སླར་ལོག་པ་ནི། ཡོད་ན། མ་བྱིན་པར་ལེན་པ་ལས་མ་ཡིན་པས། མ་ལ་བདག་ཅག་གིས་མ་བྱིན་པར་ལེན་པ་ལས་སླར་ལོག་པར་བྱའོ། །བདག་ཅག་གིས་མ་བྱིན་པར་ལེན་པ་ཅི་འདྲ་བ་ཞིག་ཡིན། གོང་མ་སྲེག་གིས་སྨྲས་པ། ཡོངས་སུ་འཛིན་པ་དང་བཅས་པའི་རྩཝ་དང ། ལོ་མ་དང ། མེ་ཏོག་དང ། འབྲས་བུ་ཡང་ཡོད། འཛིན་པ་ཡང་ཡོད་པས། དེ་བས་ན། བདག་ཅག་གིས་དེང་ཕྱིན་ཆད་ཡོངས་སུ་འཛིན་པ་དང་བཅས་པ་ནི། སྤངས་ལ། འཛིན་པ་མེད་པ་ནི། ལོངས་སྤྱད་པར་བྱའོ། །ཞེས་དེ་རྣམས་ཀྱིས་ཡོངས་སུ་འཛིན་པ་དང་བཅས་པ་ནི། སྤངས་ཏེ། འཛིན་པ་མེད་པ་ནི། ལོངས་སྤྱད་པར་བརྩམས་སོ། །དེ་རྣམས་
Ga285a
༄#། །འདི་སྙམ་དུ་སེམས་ཏེ། བདག་ཅག་ལ་མ་བྱིན་པར་ལེན་པ་ལས་སླར་ལོག་པ་ནི། ཡོད་ན། འདོད་པས་ལོག་པ་གཡེམ་པ་ལས་མ་ཡིན་པས། མ་ལ་བདག་ཅག་གིས་འདོད་པས་ལོག་པར་གཡེམ་པ་ལས་སླར་ལོག་པར་བྱའོ། །བདག་ཅག་གིས་འདོད་པས་ལོག་པར་གཡེམ་པ་ཅི་འདྲ་བ་ཞིག་ཡིན། གོང་མ་སྲེག་གིས་སྨྲས་པ། བདག་ཅག་བགྲོད་པར་བྱ་བར་ཡང་འགྲོ། བགྲོད་པར་བྱ་བ་མ་ཡིན་པར་ཡང་འགྲོ་བས། དེ་བས་ན། བདག་ཅག་གིས་དེང་ཕྱིན་ཆད་བགྲོད་པར་བྱ་བ་ཁོ་ན་བགྲོད་པར་བྱའི། བགྲོད་པར་བྱ་བ་མ་ཡིན་པ་ནི། མ་ཡིན་ནོ། །ཞེས་དེ་རྣམས་བགྲོད་པར་བྱ་བ་བགྲོད་ཀྱི། བགྲོད་པར་བྱ་བ་མ་ཡིན་པ་ནི། མ་ཡིན་ནོ། །དེ་རྣམས་འདི་སྙམ་དུ་སེམས་ཏེ། བདག་ཅག་ལ་འདོད་པས་ལོག་པར་སྤྱོད་པ་ལས་སླར་ལོག་པ་ནི། ཡོད་ན། བརྫུན་དུ་སྨྲ་བ་ལས་མ་ཡིན་གྱི། མ་ལ་བདག་ཅག་གིས་བརྫུན་དུ་སྨྲ་བ་ལས་སླར་ལོག་པར་བྱའོ། །བདག་ཅག་གི་བརྫུན་དུ་སྨྲ་བ་ཅི་འདྲ་བ་ཞིག་ཡིན། གོང་མ་སྲེག་གིས་སྨྲས་པ། བདག་ཅག་ཅི་ཡང་རུང་བ་སྨྲ་བས་དེ་བས་ན། བདག་ཅག་གིས་དེང་ཕྱིན་ཆད་ཅི་ཡང་རུང་བ་སྨྲ་བར་མི་བྱ་ཞིང ། བརྟགས་ཤིང་བརྟགས་པའི་ཚིག་དུས་སུ་སྨྲ་བར་བྱའོ། །ཞེས་དེ་རྣམས་ཀྱིས་ཅི་ཡང་རུང་བ་མི་སྨྲ་ཞིང ། ཅི་ཡང་བརྟགས་ཤིང་བརྟགས་པའི་ཚིག་དུས་སུ་སྨྲའོ། །དེ་རྣམས་འདི་སྙམ་དུ་སེམས་ཏེ། བདག་ཅག་ལ་བརྫུན་དུ་སྨྲ་བ་ལས་སླར་ལོག་པ་ནི། ཡོད་ན། འབྲུའི་ཆང་དང ། སྦྱར་བའི་ཆང་མྱོས་པར་འགྱུར་
Ga285b
བ། བག་མེད་པའི་གནས་ལས་མ་ཡིན་པས། མ་ལ་བདག་ཅག་གིས་འབྲུའི་ཆང་དང ། སྦྱར་བའི་ཆང་མྱོས་པར་འགྱུར་བ། བག་མེད་པའི་གནས་ལས་སླར་ལོག་པར་བྱའོ། །བདག་ཅག་གིས་འབྲུའི་ཆང་དང་སྦྱར་བའི་ཆང་མྱོས་པར་འགྱུར་བ། བག་མེད་པ་ཅི་འདྲ་བ་ཞིག་ཡིན། གོང་མ་སྲེག་གིས་སྨྲས་པ། མྱོས་པར་འགྱུར་བའི་འབྲས་བུ་གང་ཡིན་པ་དག་ཀྱང་ཡོད། མྱོས་པར་མི་འགྱུར་བ་གང་ཡིན་པ་དག་ཀྱང་ཡོད། དེ་བས་ན། བདག་ཅག་གིས་དེང་ཕྱིན་ཆད་མྱོས་པར་འགྱུར་བའི་འབྲས་བུ་གང་དག་ཡིན་པ་ནི། སྤངས་ལ། མྱོས་པར་མི་འགྱུར་བའི་འབྲས་བུ་གང་དག་ཡིན་པ་ནི། ལོངས་སྤྱད་པར་བྱའོ། ། ཞེས་དེ་རྣམས་ཀྱིས་མྱོས་པར་འགྱུར་བའི་འབྲས་བུ་གང་དག་ཡིན་པ་ནི། སྤངས་ཏེ། མྱོས་པར་མི་འགྱུར་བའི་འབྲས་བུ་གང་དག་ཡིན་པ་ལོངས་སྤྱོད་པར་བརྩམས་སོ། །གང་གི་ཚེ་དེ་རྣམས་བརྟུལ་ཞུགས་ཀྱི་གཞི་ལྔ་ལ་རབ་ཏུ་གནས་པ་དེའི་ཚེ་གོང་མ་སྲེག་གིས་སྨྲས་པ། ཤེས་ལྡན་དག། བདག་ཅག་ལ་བརྟུལ་ཞུགས་ཀྱི་གཞི་ལྔ་ལ་རབ་ཏུ་གནས་པ་ནི། ཡོད་ཀྱི། མ་ལ་བདག་ཅག་གིས་གཞན་དག་ཀྱང་བརྟུལ་ཞུགས་ཀྱི་གཞི་ལྔ་ལ་རབ་ཏུ་དགོད་པར་བྱའོ། །དེ་རྣམས་ཀྱིས་སྨྲས་པ། དེ་བཞིན་དུ་བྱའོ། །བདག་ཅག་གི་ནང་ནས་སུ་དག་རབ་ཏུ་དགོད་པར་བྱ། སྤྲེའུས་སྨྲས་པ། ཁོ་བོས་ནི། སྤྲེའུ་ཐམས་ཅད་རབ་ཏུ་དགོད་པར་བྱའོ། །དེ་ནས་རི་བོང་གིས་སྨྲས་པ། ཁོ་བོས་ནི། རི་བོང་དང་སྤུ་ཅན་ཐམས་ཅད་རབ་ཏུ་དགོད་པར་བྱའོ། །གླང་པོ་ཆེས་སྨྲས་པ། གལ་ཏེ་དེ་ལྟ་ན། ཁོ་བོས་ནི། གླང་པོ་ཆེ་དང །
Ga286a
༄#། །སེངྒེ་དང ། སྟག་དང ། གུང་ཐམས་ཅད་རབ་ཏུ་དགོད་པར་བྱའོ། །གོང་མ་སྲེག་གིས་སྨྲས་པ། གལ་ཏེ་དེ་ལྟ་ན། མདོར་ན་ཁྱེད་ཀྱིས་འདུལ་བ་མ་ཡིན་པ། རྐང་པ་མེད་པ་དང ། རྐང་གཉིས་པ་དང ། རྐང་བཞི་པ་དང ། འདབ་ཆགས་གང་ཡིན་པ་ཐམས་ཅད་ཁོ་བོས་བརྟུལ་ཞུགས་ཀྱི་གཞི་ལྔ་ལ་རབ་ཏུ་དགོད་པར་བྱའོ། །དེ་ནས་དེ་རྣམས་ཀྱི་ཡུལ་ཀ་ཤི་ན་དུད་འགྲོའི་སྐྱེ་གནས་སུ་སོང་བའི་སྲོག་ཆགས་ཇི་སྙེད་པ་དེ་དག་ཐམས་ཅད་བརྟུལ་ཞུགས་ཀྱི་གཞི་ལྔ་ལ་རབ་ཏུ་བཀོད་དོ། །དེ་རྣམས་གཅིག་ལ་གཅིག་གནོད་པ་མི་བྱེད་ཅིང ། ནགས་སྟུག་པོ་དེ་ན་ཤེས་བཞིན་གྱི་གནས་པས་ཅི་དགའ་བར་གནས་པ་དེ་རྣམས་ཀྱི་མཐུས། ལྷས་དུས་སུ་ཆར་ཕབ་པས་ས་རྟག་ཏུ་མེ་ཏོག་དང ། འབྲས་བུའི་ཤིང་དང ། ལོ་ཏོག་དང་ལྡན་པར་གྱུར་ཏོ། །མི་རྣམས་ཀྱིས་དེ་དག་གཅིག་ལ་གཅིག་གནོད་པ་མི་བྱེད་པར་གནས་པས་ས་རྟག་ཏུ་མེ་ཏོག་དང ། འབྲས་བུའི་ཤིང་དང ། ལོ་ཏོག་དང་ལྡན་པར་མཐོང་བ་དང ། རྒྱལ་པོས་སྨྲས་པ། ངས་ཆོས་བཞིན་གྱིས་རྒྱལ་སྲིད་བྱས་ཏེ།་འདི་ནི། ངའི་མཐུ་ཡིན་ནོ། །བཙུན་མོ་དང ། གཞོན་ནུ་རྣམས་དང ། བློན་པོ་རྣམས་དང ། ཁྲོམ་གྱི་རུ་བ་རྣམས་དང ། གྲོང་མི་དང ། ཡུལ་མི་རྣམས་ཀྱིས་སྨྲས་པ། འདི་ནི། བདག་ཅག་གི་མཐུ་ཡིན་ནོ། །རྒྱལ་པོས་བསམ་པ། འདི་དག་ཐམས་ཅད། འདི་ནི། བདག་གི་མཐུ་ཡིན་ནོ། །འདི་ནི། བདག་གི་མཐུ་ཡིན་ནོ། །ཞེས་སྨྲས་ན། འདི་སུའི་མཐུ་ཡིན་པ་མི་ཤེས་སོ། །སྙམ་
Ga286b
ནས།་དེ་ངོ་མཚར་སྐྱེས་ཏེ། དེས་ལྟས་མཁན་རྣམས་བཀུག་ནས་སྨྲས་པ་དང ། དེ་རྣམས་ཀྱིས་ཀྱང་མ་ཤེས་སོ། །ཇི་ཙམ་ན་ཝཱ་ར་ཎཱ་སི་དང་ཧ་ཅང་ཡང་མི་རིང་བའི་སྐྱེད་མོས་ཚལ་ཞིག་ཡོད་པ་དེ་ན་དྲང་སྲོང་མངོན་པར་ཤེས་པ་ལྔ་དང་ལྡན་པ་ཞིག་གནས་ཏེ། ཝཱ་ར་ཎཱ་སི་ན་གནས་པའི་སྐྱེ་བོའི་ཚོགས་མཐའ་དག་གིས་མཆོད་ཅིང་རྗེད་ཅིང་མངོན་དུ་སྨྲ་བར་བྱ་བ་ཞིག་ཡོད་དོ། །དེ་ནས་རྒྱལ་པོ་དྲང་སྲོང་དེའི་དྲུང་དུ་སོང་ནས་རྐང་པ་གཉིས་ལ་གཏུགས་ཏེ་སྨྲས་པ། དྲང་སྲོང་ཆེན་པོ། །བདག་གི་ཡུལ་ན་དུད་འགྲོའི་སྐྱེ་གནས་སུ་སོང་བའི་སྲོག་ཆགས་ཇི་སྙེད་པ་དེ་དག་ཐམས་ཅད་གཅིག་ལ་གཅིག་གནོད་པ་མི་བྱེད་ཅིང ། ཤེས་བཞིན་གྱི་གནས་པས་ཅི་དགའ་བར་གནས་པས། ལྷས་དུས་སུ་ཆར་ཕབ་པས། ས་རྟག་ཏུ་མེ་ཏོག་དང ། འབྲས་བུའི་ཤིང་དང ། ལོ་ཏོག་དང་ལྡན་པར་གྱུར་པ་དང ། བདག་གིས་འདི་སྙམ་དུ་སེམས་ཏེ། བདག་གིས་ཆོས་བཞིན་གྱིས་རྒྱལ་སྲིད་བྱས་པས། འདི་ནི། བདག་གི་མཐུ་ཡིན་ནོ་སྙམ་དུ་སེམས་སོ། །བཙུན་མོ་དང ། གཞོན་ནུ་རྣམས་དང ། བློན་པོ་རྣམས་དང ། ཁྲོམ་གྱི་རུ་བ་དང ། ཡུལ་མི་དང ། གྲོང་མི་རྣམས་ཀྱིས་ཀྱང་འདི་ནི། བདག་ཅག་གི་མཐུ་ཡིན་ནོ་སྙམ་དུ་སེམས་ཏེ། བདག་ཀྱང་ངོ་མཚར་ཆེན་པོ་སྐྱེས་ན། དེའི་ཕྱིར་འདི་སུའི་མཐུ་ལགས་པ་ཐེ་ཚོམ་གཅད་པའི་རིགས་སོ། །དེས་སྨྲས་པ། རྒྱལ་པོ་ཆེན་པོ། འདི་ནི། ཁྱོད་ཀྱི་མཐུ་མ་ལགས་ཏེ། བཙུན་མོའི་མ་ལགས། གཞོན་ནུ་རྣམས་ཀྱི་མ་ལགས། བློན་པོ་རྣམས་ཀྱི་མ་ལགས། ཁྲོམ་གྱི་རུ་བའི་མ་ལགས། གྲོང་མིའི་
Ga287a
༄#། །མ་ལགས། ཡུལ་མིའི་མ་ལགས་ཏེ། འོན་ཀྱང་ཁྱོད་ཀྱི་ཡུལ་ན་སྲོག་ཆགས་བཞི་གནས་ཏེ། འདི་ནི། དེ་དག་གི་མཐུ་ཡིན་ནོ། །རྒྱལ་པོས་སྨྲས་པ། གལ་ཏེ་དེ་ལྟར་ན། རེ་ཞིག་བལྟར་མཆིའོ། །དྲང་སྲོང་གིས་སྨྲས་པ། རྒྱལ་པོ་ཆེན་པོ། ཁྱོད་ཀྱིས་དེ་རྣམས་བལྟ་ཅི་འཚལ། འོན་ཀྱང་དེ་རྣམས་ཀྱིས་ཡང་དག་པར་བླངས་ཏེ་སྤྱད་པ་གང་ལགས་པ་དེ། ཡང་དག་པར་བླངས་ཏེ་སྤྱད་མཛོད་ཅིག། དེ་རྣམས་ཀྱིས་ཅི་ཞིག་ཡང་དག་པར་བླངས་ཏེ་སྤྱད། བརྟུལ་ཞུགས་ཀྱི་གཞི་ལྔའོ། །དྲང་སྲོང་ཆེན་པོ། བརྟུལ་ཞུགས་ཀྱི་གཞི་ལྔ་ཅི་འདྲ་བ་ཞིག་ལགས། རྒྱལ་པོ་ཆེན་པོ། དེ་རྣམས་ནི། སྲོག་ཆགས་རྣམས་ཀྱི་སྲོག་མི་གཅོད། གཞན་གྱི་བདོག་པ་མི་འཕྲོག། བགྲོད་པར་བྱ་བ་མ་ཡིན་པ་བགྲོད་པར་མི་བྱེད། རྫུན་གྱི་ཚིག་མི་སྨྲ། མྱོས་པར་འགྱུར་བའི་བཏུང་བ་མི་འཐུང་ངོ ། །རྒྱལ་པོས་སྨྲས་པ། དྲང་སྲོང་ཆེན་པོ། གལ་ཏེ་དེ་ལྟ་ན། བདག་གིས་ཀྱང་བརྟུལ་ཞུགས་ཀྱི་གཞི་ལྔ་པོ་འདི་ཡང་དག་པར་བླངས་ཏེ་སྤྱད་པར་བྱའོ། །དེ་ནས་རྒྱལ་པོ་དེས་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པར་བརྩམས་སོ། །རྒྱལ་པོས་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པ་དང ། བཙུན་མོ་རྣམས་ཀྱིས་ཀྱང་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པར་བརྩམས་སོ། །བློན་པོ་རྣམས་དང ། ཁྲོམ་གྱི་རུ་བ་དང ། གྲོང་མི་དང ། ཡུལ་མི་རྣམས་ཀྱིས་ཀྱང་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པར་བརྩམས་སོ། །ཁམས་ཀྱི་རྒྱལ་ཕྲན་
Ga287b
རྣམས་ཀྱིས་རྒྱལ་པོ་ཚངས་སྦྱིན་བཙུན་མོ་དང ། གཞོན་ནུ་རྣམས་དང ། བློན་པོ་རྣམས་དང ། ཁྲོམ་གྱི་རུ་བ་རྣམས་དང ། གྲོང་མི་དང ། ཡུལ་མིར་བཅས་པས་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱོད་དོ། །ཞེས་ཐོས་སོ། །ཐོས་ནས་དེ་རྣམས་ཀྱང་བཙུན་མོ་རྣམས་དང ། གཞོན་ནུ་རྣམས་དང ། བློན་པོ་རྣམས་དང ། ཁྲོམ་གྱི་རུ་བ་རྣམས་དང ། གྲོང་མི་རྣམས་དང ། ཡུལ་མི་རྣམས་དང་ལྷན་ཅིག་ཏུ་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པར་བརྩམས་སོ། །འཛམ་བུའི་གླིང་གི་སྐྱེ་བོའི་ཚོགས་ཐམས་ཅད་ལས་ཕལ་ཆེར་བརྟུལ་ཞུགས་ཀྱི་གཞི་ལྔ་ཡང་དག་པར་བླངས་ཏེ་སྤྱད་པར་བརྩམས་སོ། །དེའི་ཚེ་འཛམ་བུའི་གླིང་པ་འཆི་བའི་དུས་བྱེད་པ་དེ། ལུས་ཞིག་ནས་སུམ་ཅུ་རྩ་གསུམ་པའི་ལྷ་གྱ་ནོམ་པ་རྣམས་སུ་སྐྱེའོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་ལྷའི་འཁོར་རྒྱས་པར་མཐོང་ནས་ཚིགས་སུ་བཅད་དེ་སྨྲས་པ། གུས་བཅས་ཞེ་སར་བཅས་པ་དག། དཀའ་ཐུབ་ཚལ་ན་གནས་པ་ཡི། །གོང་མ་སྲེག་གི་ཚངས་སྤྱོད་པ། །འཇིག་རྟེན་སོ་སོར་རབ་ཏུ་བསྟན། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། འདི་ཇི་སྙམ་དུ་སེམས། དེའི་ཚེ་དེའི་དུས་ཀྱི་གོང་མ་སྲེག་གང་ཡིན་པ་དེ་ནི། ང་ཉིད་ཡིན་ནོ། །རི་བོང་ནི། དགེ་སློང་ཤཱ་རིའི་བུ་ཡིན་ནོ། །སྤྲེའུ་ནི། མོའུ་གལ་གྱི་བུ་ཡིན་ནོ། །གླང་པོ་ཆེ་ནི། ཀུན་དགའ་བོ་ཡིན་ནོ། །དེའི་ཚེ་ཡང་ངས་རྒན་པ་ཇི་ལྟ་བའི་བཅའ་བ་མཛད་དེ། རྒན་པ་ཇི་ལྟ་བ་དེ་ལ་བརྟེན་ནས་འཛམ་བུའི་གླིང་ན་གནས་པའི་སྐྱེ་བོའི་ཚོགས་ཕལ་ཆེར་སུམ་ཅུ་རྩ་གསུམ་པའི་ལྷའི་རིས་རྣམས་སུ་
Ga288a
༄#། །སྐྱེས་སོ། །ད་ལྟར་ཡང་ངས་རྒན་པ་ཇི་ལྟ་བའི་བཅའ་བ་མཛད་དེ། རྒན་པ་ཇི་ལྟ་བ་དེ་ལ་བརྟེན་ནས་དགེ་སློང་རྣམས་གཅིག་ལ་གཅིག་བསྙེན་བཀུར་བྱེད། བླ་མར་བྱེད། རྗེད་པར་བྱེད། མཆོད་པ་བྱེད་པས། ཆུའི་ནང་གི་ཨུཏྤ་ལ་ཇི་ལྟ་བ་བཞིན་དུ་དགེ་བའི་ཆོས་ཀྱིས་འཕེལ་བར་གྱུར་ཏོ། །དགེ་སློང་དག། དེ་ལྟ་བས་ན། ཚངས་པ་མཚུངས་པར་སྤྱོད་པའི་གནས་བརྟན་དང ། བར་མ་དང ། གསར་བུ་རྣམས་ལ་བཀུར་སྟི་དང་བཅས། ཞེ་ས་དང་བཅས། འཇིགས་པའི་དབང་དུ་འགྲོ་བ་དང་བཅས་པས་གནས་པར་བྱའོ། །དགེ་སློང་དག། དེ་ཅིའི་ཕྱིར་ཞེ་ན། རེ་ཞིག་དགེ་སློང་དེ། གནས་བརྟན་དང ། བར་མ་དང ། གསར་བུ་རྣམས་ལ་བཀུར་སྟི་མེད། ཞེ་ས་མེད་ཅིང་འཇིགས་པའི་དབང་དུ་མི་འགྲོ་བས་ན། ཀུན་ཏུ་སྤྱོད་པའི་ཆོས་ཡོངས་སུ་རྒྱས་པར་འགྱུར་བའི་གནས་འདི་མེད་དོ། །ཀུན་ཏུ་སྤྱོད་པའི་ཆོས་ཡོངས་སུ་མ་རྒྱས་པར་སློབ་པའི་ཆོས་རྣམས་ཡོངས་སུ་རྒྱས་པར་འགྱུར་བའི་གནས་འདི་མེད་དོ། །སློབ་པའི་ཆོས་རྣམས་ཡོངས་སུ་མ་རྒྱས་པར་ཚུལ་ཁྲིམས་ཀྱི་ཕུང་པོ་དང།་ཏིང་ངེ་འཛིན་གྱི་ཕུང་པོ་དང ། ཤེས་རབ་ཀྱི་ཕུང་པོ་དང ། རྣམ་པར་གྲོལ་བའི་ཕུང་པོ་དང ། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ཡོངས་སུ་རྒྱས་པར་འགྱུར་བའི་གནས་འདི་མེད་དོ། ། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ཡོངས་སུ་མ་རྒྱས་པར་ལེན་པ་མེད་པར་ཡོངས་སུ་མྱ་ངན་ལས་འདའ་བར་འགྱུར་བའི་གནས་འདི་མེད་དོ། །དགེ་སློང་དག། རེ་ཞིག་དགེ་སློང་དེ། ཚངས་པ་
Ga288b
མཚུངས་པར་སྤྱོད་པའི་གནས་བརྟན་དང ། བར་མ་དང ། གསར་བུ་རྣམས་ལ་བཀུར་སྟི་དང་བཅས། ཞེ་ས་དང་བཅས། འཇིགས་པའི་དབང་དུ་འགྲོ་བ་དང་བཅས་པས་གནས་ན། ཀུན་ཏུ་སྤྱོད་པའི་ཆོས་ཡོངས་སུ་རྒྱས་པར་འགྱུར་བའི་གནས་འདི་ཡོད་དོ། །ཀུན་ཏུ་སྤྱོད་པའི་ཆོས་ཡོངས་སུ་རྒྱས་ན། སློབ་པའི་ཆོས་རྣམས་ཡོངས་སུ་རྒྱས་པར་འགྱུར་བའི་གནས་འདི་ཡོད་དོ། །སློབ་པའི་ཆོས་རྣམས་ཡོངས་སུ་རྒྱས་ན། ཚུལ་ཁྲིམས་ཀྱི་ཕུང་པོ་དང ། ཏིང་ངེ་འཛིན་གྱི་ཕུང་པོ་དང ། ཤེས་རབ་ཀྱི་ཕུང་པོ་དང ། རྣམ་པར་གྲོལ་བའི་ཕུང་པོ་དང ། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ཡོངས་སུ་རྒྱས་པར་འགྱུར་བའི་གནས་འདི་ཡོད་དོ། །རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ཡོངས་སུ་རྒྱས་ན། ལེན་པ་མེད་པར་ཡོངས་སུ་མྱ་ངན་ལས་འདའ་བར་འགྱུར་བའི་གནས་འདི་ཡོད་དོ། །དགེ་སློང་དག། དེ་ལྟ་བས་ན། འདི་ལྟར་བསླབ་པར་བྱ་སྟེ། གནས་བརྟན་དང ། བར་མ་དང ། གསར་བུ་རྣམས་ལ་བཀུར་སྟི་དང་བཅས། ཞེ་ས་དང་བཅས། འཇིགས་པའི་དབང་དུ་འགྲོ་བ་དང་བཅས་པས་གནས་པར་བྱ་སྟེ།་དགེ་སློང་དག། ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །གང་གི་ཚེ་བཅོམ་ལྡན་འདས་ཀྱིས་ལྔ་སྡེ་བཏུལ་བ་དེ་རྣམས་དགོན་པ་ན་གནས་པ་ན། སེངྒེ་དང ། སྟག་དང ། གུང་དང ། ཆོམ་རྐུན་པ་རྣམས་ཀྱིས་བགྲོད་པར་གྱུར་ཏོ། །བཅོམ་ལྡན་འདས་ཀྱིས་དགོངས་པ། གང་དུ་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱི་ཉན་ཐོས་རྣམས་ཀྱིས་གནས་རུང་བར་གྱུར་སྙམ་ན། གཙུག་
Ga289a
༄#། །ལག་ཁང་ཡིན་པར་གཟིགས་སོ། །ལྷ་རྣམས་ཀྱིས་ཀྱང་དེ་བཞིན་དུ་བཅོམ་ལྡན་འདས་ལ་གསོལ་ཏོ། །དེའི་ཚེ་ཝཱ་ར་ཎཱ་སི་ན་ཁྱིམ་བདག་དགེ་བཟང་ཞེས་བྱ་བ་ཞིག་གནས་པ་དེ་དགེ་བའི་རྩ་བ་དེས་སེམས་ཀྱི་རྒྱུད་བསྐུལ་ནས་འདི་སྙམ་དུ་སེམས་ཏེ། ཀྱེ་མའོ། །བདག་གིས་བཅོམ་ལྡན་འདས་ཀྱི་ཉན་ཐོས་རྣམས་ཀྱི་གཙུག་ལག་ཁང་བརྩིག་གོ། །སྙམ་ནས། དེ་ནང་པར་སྔར་ལངས་ཏེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང།་བཅོམ་ལྡན་འདས་ཀྱིས་ཁྱིམ་བདག་དགེ་བཟང་ལ། ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་ཁྱིམ་བདག་དགེ་བཟང་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གལ་ཏེ་གནང་ན། འདི་ལྟར་བདག་གིས་བཅོམ་ལྡན་འདས་ཀྱི་ཉན་ཐོས་རྣམས་ཀྱི་གཙུག་
Ga289b
ལག་ཁང་རྩིག་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག། དེ་ལྟ་བས་ན། རྗེས་སུ་གནང་གི། རྩིགས་ཤིག། དེས་ཅི་འདྲ་བ་རྩིག་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ།་གལ་ཏེ་གནས་ཁང་གསུམ་བརྩིགས་ན། དབུས་སུ་དྲི་གཙང་ཁང་བརྩིག་པར་བྱ་ཞིང ། གཡས་ཕྱོགས་སུ་གནས་ཁང་གཉིས་ཏེ། དེ་ལྟར་ན་ངོས་གསུམ་པ་ལ་ནི། གནས་ཁང་དགུའོ། །ངོས་བཞི་པ་ལ་ནི། དྲི་གཙང་ཁང་གི་ཐད་ཀ་དབུས་སུ་སྒོ་གསུམ་གདོད་པར་བྱ་ཞིང ། གཡས་ཕྱོགས་སུ་གནས་ཁང་གཉིས་སོ། །དུ་བརྩེགས་སུ་བྱ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་ཀྱི་གཙུག་ལག་ཁང་ནི། ལྔ་བརྩེགས་སུ་བྱའོ། །དྲི་གཙང་ཁང་ནི། བདུན་བརྩེགས་སུ་བྱའོ། །སྒོ་ཁང་སྟེང་གི་བསིལ་ཁང་ཡང་བདུན་བརྩེགས་སུ་བྱའོ། །དགེ་སློང་མ་རྣམས་ཀྱི་གཙུག་ལག་ཁང་ནི། སུམ་བརྩེགས་སུ་བྱའོ། །དྲི་གཙང་ཁང་ནི། ལྔ་བརྩེགས་སུ་བྱའོ། །སྒོ་ཁང་སྟེང་གི་བསིལ་ཁང་ཡང་ལྔ་བརྩེགས་སུ་བྱའོ། །དེའི་ཚེ་མཉན་ཡོད་ན་ཁྱིམ་བདག་སྦྱིན་པ་ཞེས་བྱ་བ་ཕྱུག་པ། ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན། ཆུང་མ་
Ga290a
༄#། །མ་སེམས་ཅན་དང་ལྡན་པར་གྱུར་ནས་དེ་ཟླ་བ་བརྒྱད་དམ། དགུ་འདས་ནས་ཁྱེའུ་ཞིག་བཙས་ཏེ། དེའི་བཙས་པའི་བཙས་སྟོན་ཉི་མ་བདུན་གསུམ་ཉི་ཤུ་རྩ་གཅིག་ཏུ་རྒྱ་ཆེར་བྱས་ནས་མིང་འདོགས་པར་བྱེད། ཁྱེའུ་མིང་ཅིར་གདགས། ཉེ་དུ་དག་གིས་སྨྲས་པ། ཁྱེའུ་འདི་ཁྱིམ་བདག་སྦྱིན་པའི་བུ་ཡིན་པས། དེའི་ཕྱིར་ཁྱེའུའི་མིང་ནི། བཟང་སྦྱིན་དུ་གདགས་སོ། །ཞེས་དེའི་མིང་བཟང་སྦྱིན་ཞེས་བྱ་བར་བཏགས་སོ། །ཁྱེའུ་བཟང་སྦྱིན་མ་མ་བརྒྱད་པོ་པང་ན་ཐོགས་པའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་ཕྱི་བའི་མ་མ་གཉིས་དང ། རྩེ་གྲོགས་ཀྱི་མ་མ་གཉིས་ལ་རྗེས་སུ་གཏད་ནས། དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་པོ་དང ། གཞན་ཡང ། ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་དུ་མྱུར་དུ་སྐྱེ་བར་བྱེད་དོ། །དེ་དུས་གཞན་ཞིག་ན་རྒྱན་ཐམས་ཅད་ཀྱིས་བརྒྱན་ནས་མ་མའི་པང་དུ་འདུག་སྟེ་ཕྱིར་བྱུང་བ་དང ། སློང་བས་བརྒྱན་བསླངས་པ། གཞོན་ནུ། བདག་ལ་རྒྱན་དགོས་ཀྱི། བདག་ལ་རྒྱན་བྱིན་ཅིག། དེས་དགའ་བ་དང ། མགུ་བས་དེ་ལ་རྒྱན་དེ་བྱིན་ནོ། །དེ་ཁྱིམ་དུ་ཞུགས་པ་དང ། དེའི་ཕས་མ་མ་ལ་དྲིས་པ། གཞོན་ནུའི་རྒྱན་ག་རེ། དེས་སྨྲས་པ། གཞོན་ནུས་སློང་བ་ལ་སྩལ་ཏོ། །དེ་རྒྱན་གཞན་དག་གིས་བརྒྱན་ན། དེ་ཡང་བྱིན་ནོ། །ཡང་བརྒྱན་ན། དེ་ཡང་དེས་བྱིན་ནས། ཁྱིམ་བདག་
Ga290b
དེས་ཆུང་མ་ལ་སྨྲས་པ། བཟང་མོ། བདག་ཅག་གི་བུ་ནི། བཟང་པོ་ཞིག་བཙས་ཏེ། རྟག་ཏུ་སྦྱིན་པ་ལ་མངོན་པར་དགའོ། །དེས་སྨྲས་པ། རྗེའི་སྲས། གལ་ཏེ་དེ་ལྟ་ན། སླན་ཆད་རྒྱན་དེ་ལྟ་བུ་ནི། མི་བགྱིད་དོ། །དེས་སྨྲས་པ། བཟང་མོ། བདག་ཅག་ལ་གསེར་དང ། རིན་པོ་ཆེ་ཚད་མེད་པ་ཡོད་མོད་ཀྱི། རྒྱན་བརྡུངས་པ་མེད་པས། འདི་འདོར་ན། ཕྱི་རོལ་ཏུ་གཏང་བར་མི་བྱའོ། །ཞེས་ནང་ཁོ་ནར་རྩེར་འཇུག་གོ་།ཇི་ཙམ་དུས་གཞན་ཞིག་ན། ཁྱིམ་བདག་སྦྱིན་པ་གླ་མིའི་སྐྱེ་བོས་ཡོངས་སུ་བསྐོར་ནས། འབབ་ཆུ་ཨ་ཛི་ར་བི་ཏིལ་ཁྲུས་བྱེད་དུ་ཆས་པ་དང ། ཁྱེའུ་བཟང་སྦྱིན་གྱིས་སྨྲས་པ། ཡབ། བདག་ཀྱང་མཆིའོ། །དེས་དེ་ལ་བྲིད་པར་བརྩམས་ཏེ། བུ། འདི་ཉིད་ན་ཆུ་བཟང་པོ་ཡོད་དོ། །འབབ་ཆུ་ནི། ཆུ་སྲིན་འཛིན་ཁྲིས་གང་བ་ཡིན་པས། ཁྱོད་འདིར་མ་མས་ཁྲུས་བྱོས་ཤིག། དེས་དུས་སོ། །དེའི་མས་སྨྲས་པ། རྗེའི་སྲས། ཁྱེའུ་འདི་ཅིའི་སླད་དུ་ངུ ། དེས་ཇི་ལྟར་གྱུར་པ་རྣམས་སྨྲས་པ་དང ། དེས་སྨྲས་པ། རྗེའི་སྲས། ཁྱོད་ཀྱིས་ལྷག་པར་གསུངས་པར་གྱུར་ན། ལྷན་ཅིག་བཞུད་པ་ལ་ནོངས་པ་ཅི་མཆིས། དེས་དེ་ཁྲིད་དེ་འབབ་པ་ཆུའི་ངོས་སུ་སོང་ནས་ཁྲུས་བྱས་ཏེ་ཆུ་འགྲམ་དུ་བཞག་གོ་།དེས་སྨྲས་པ། ཡབ། ཅིའི་སླད་དུ་བདག་སྲུང་བར་མཛད། བུ། ཁྱོད་ལ་ཉེས་པ་ཡོད་དོ། །ཡབ། བདག་ལ་ནོངས་པ་ཅི་འདྲ་བ་ཞིག་མཆིས། རྒྱན་བྱིན་ཞིང་བྱིན་པ་དག་སློང་བ་རྣམས་ལ་སྦྱིན་པས་སོ། །ཡབ་ཅི། ནོར་དོན་དུ་གཉེར་ལགས་སམ། བུ། སུ་ཞིག་དོན་དུ་མི་གཉེར། ཡབ། གལ་
Ga291a
༄#། །ཏེ་དེ་ལྟ་ན། བདག་ཆབ་ཏུ་འཇུག་ཏུ་སྩོལ་ཅིག་།དེས་དེ་ཆུར་བཅུག་པ་དང ། དེ་ནས་དེས་དེའི་ལག་པ་གཉིས་ཆུ་ནང་དུ་བཅུག་ནས་ལྕགས་ཀྱི་བུམ་པ་གསེར་གྱིས་གང་བ་བཞི་ཕྱུང་ནས་སྨྲས་པ། ཡབ། འདི་ལས་ཁྱོད་ཇི་ཙམ་བཞེད་པའི་ནོར་གྱིས་ནོར་གྱི་བྱ་བ་མཛོད་ལ། ལྷག་མ་འདི་ཉིད་དུ་ཆུག་ཅིག་།བུ། ཁྱོད་ཀྱིས་ཅི་ཆུ་ནང་ན་ཡོད་པའི་གཏེར་མཐོང་ངམ། ཡབ། ཆུ་ན་མཆིས་པ་འབའ་ཞིག་ཏུ་མ་བས་ཀྱི། ཐང་ལ་མཆིས་པ་དང ། བདག་པོ་མཆིས་པ་དང ། བདག་པོ་མ་མཆིས་པ་དང ། གང་དག་རིང་པོ་ན་མཆིས་པ་དང ། གང་དག་ཉེ་བ་ན་མཆིས་པ་ཡང་མཐོང་ངོ ། །ཁྱིམ་བདག་སྦྱིན་པ་ངོ་མཚར་སྐྱེས་པའི་མིག་བགྲད་དེ་བསམ་པ། ནོར་གྱི་བདག་པོ་འདི་ལྟ་བུས་ནི། སྦྱིན་པ་གཏང་བར་ནུས་སོ། །སྙམ་དུ་རིག་ནས་སྨྲས་པ། བུ། གལ་ཏེ་དེ་ལྟ་ན། ཅི་དགའ་བར་སྦྱིན་པ་བྱིན་ཅིག་།འདི་ནི་།ཆོས་ཉིད་ཡིན་ཏེ། ཇི་ཙམ་པ་གསོན་པ་དེའི་བར་དུ་བུའི་གྲགས་པ་མི་འབྱུང་བ་ཡིན་ནོ། །ཇི་ཙམ་དུས་གཞན་ཞིག་ན་ཁྱིམ་བདག་སྦྱིན་པ་ཤི་ནས་བཟང་སྦྱིན་ཁྱིམ་གྱི་རྗེ་བོར་གྱུར་ནས་དེས་རྟག་ཏུ་མགོན་མེད་པ་རྣམས་ལ་ཟས་སྦྱིན་པས། ཀུན་ཏུ་ཁྱིམ་བདག་སྦྱིན་པའི་བུ་བཟང་སྦྱིན་ཁྱིམ་གྱི་རྗེ་བོར་གྱུར་ཏེ། དེ་མགོན་མེད་པ་རྣམས་ལ་ཟས་སྦྱིན་ནོ། །ཞེས་སྒྲ་གྲགས་པས། དེའི་མིང་ཁྱིམ་བདག་མགོན་མེད་ཟས་སྦྱིན། ཁྱིམ་བདག་མགོན་མེད་ཟས་སྦྱིན་ཞེས་བྱ་བར་གྲགས་སོ། །དེ་ནས་དེས་རིགས་མཉམ་པ་ལས་ཆུང་མ་
Ga291b
བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། ཁྱེའུ་ཞིག་བཙས་སོ། །ཞེས་བྱ་བ་ནས་ཁྱེའུ་བདུན་བཙས་སོ། །ཞེས་བྱ་བའི་བར་དུ་སྟེ། དེས་དྲུག་ནི། ཁྱིམ་ཕུབ་བོ། །བདུན་པ་ལེགས་སྐྱེས་བྱ་བ་དེའི་ཆུང་མ་རིགས་མཉམ་པ་ལས་བཙལ་ན་མ་རྙེད་ནས་དེ་འགྲམ་པ་ལ་ལག་པ་གཏད་དེ། སེམས་ཁོང་དུ་ཆུད་ཅིང་འདུག་གོ་།དེའི་ནེའུ་ཟླ་བྲམ་ཟེའི་ཁྱེའུ་སྦྲང་རྩིའི་ཕུང་པོ་ཞེས་བྱ་བ་དེས། དེ་དེ་ལྟར་སེམས་ཁོང་དུ་ཆུད་པ་མཐོང་ནས་དེས་སྨྲས་པ། ཁྱིམ་བདག་།ཁྱོད་ཅིའི་ཕྱིར་ལག་པ་འགྲམ་པ་ལ་གཏད་དེ། སེམས་ཁོང་དུ་ཆུད་ཅིང་འདུག་།དེས་སྨྲས་པ། བདག་གིས་བུ་དྲུག་ནི། ཁྱིམ་ཕུབ་ན། བདུན་པ་ལེགས་སྐྱེས་ཀྱི་ཆུང་མ་རིགས་མཉམ་པ་གང་ལས་འདི་ཁྱིམ་དབུབ་པ་གང་ཡིན་པ་དེ་སེམས་མོད། དེས་སྨྲས་པ། སེམས་ལས་ཆུང་ངུར་འདུག་ཅིག་དང ། འདིའི་ཆུང་མ་ཁོ་བོས་རིགས་མཉམ་པ་ལས་བཙལ་ལོ། །ཡུལ་གང་དུ། དེས་སྨྲས་པ། རེ་ཞིག་ཡུལ་མ་ག་དྷར་འགྲོའོ། །དེ་བཞིན་བྱོས་ཤིག། དེ་རྒྱལ་པོའི་ཁབ་ཏུ་ཕྱིན་པ་དང ། རྒྱལ་པོའི་ཁབ་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་བ། ཁྱིམ་བདག་མགོན་མེད་ཟས་སྦྱིན་དང་མཚུངས་པ་གཞན་ཞིག་གནས་པ་དེའི་ཁྱིམ་དུ་ཞུགས་ནས་སྒོ་ཁང་དུ་འདུག་སྟེ་སྨྲས་པ། བཀྲ་ཤིས་པར་གྱུར་ཅིག་།ཁྱིམ་དེའི་སྐྱེ་བོས་སྨྲས་པ། བྲམ་ཟེ། ཅི་ཞིག་སློང ། བུ་མོ་སློང་ངོ ། །སུའི་ཕྱིར།
Ga292a
༄#། །མཉན་ཡོད་ན་ཁྱིམ་བདག་མགོན་མེད་ཟས་སྦྱིན་གྱི་བུ་ལེགས་སྐྱེས་ཞེས་བྱ་བ་དེའི་འོ། །དེ་རྣམས་ཀྱིས་སྨྲས་པ། བདག་ཅག་རིགས་ནི། མཉམ་ན། འོན་ཀྱང་ཁོ་བོ་ཅག་ལ་གཉོད་མང་དུ་དགོས་སོ། །མང་ཁྱད་ཇི་སྙེད། གངས་ཅན་གྱི་རིའི་གླང་པོ་ཆེ་བརྒྱ། རྟ་བརྒྱ། གསེར་གྱི་རྒྱན་བརྒྱ། དྲེའུའི་ཤིང་རྟ་བརྒྱ། ཐོ་གར་ཡུལ་གྱི་བུ་མོ་བརྒྱའོ། །བྲམ་ཟེའི་ཁྱེའུ་སྦྲང་རྩིའི་ཕུང་པོས། ཁྱིམ་བདག་མགོན་མེད་ཟས་སྦྱིན་ལ་དོན་དེའི་ཕྱིར་ཡི་གེ་སྤྲིང་པ་དང ། དེས་ཀྱང་བཀླགས་ནས་ཐམས་ཅད་སྦྱར་གྱི། ལོངས་ཤིག་ཅེས་ཡི་གེའི་ལན་སྤྲིང་ངོ ། །དེས་ཉིན་ཞག་དང ། ཚེས་གྲངས་དང ། ཡུད་ཙམ་དག་བསྟུན་ནས་བླངས་པ་དང ། དེ་ནས་དེས་གཙང་ཞིང་བསོད་པའི་ཁ་ཟས་མང་པོས་ཚིམ་པར་བྱས་ནས་བྲམ་ཟེའི་ཁྱེའུ་ཞིག་གི་ཁྱིམ་དུ་སོང་སྟེ་གནས་བཏབ་པ་དང ། འཁྲུ་བས་ཐེབས་ནས། བྲམ་ཟེ་རྣམས་དང་ངོ་བཤེས་པ་མ་ཡིན་པས། དེ་རྣམས་མི་གཙང་བས་སྐྲག་པས་ཕྱིར་ཕྱུང་སྟེ་བོར་བ་དང ། སྟེས་ཏེ་ཚེ་དང་ལྡན་པ་ཤཱ་རིའི་བུ་དང ། མཽ་འགལ་གྱི་བུ་གཉིས་ཕྱོགས་དེང་ཕྱིན་པ་དེ་གཉིས་ཀྱིས་དེ་མཐོང་ངོ ། །དེ་ནས་དེ་གཉིས་ཀྱིས་སྨྱུག་མའི་ཚལ་པས་བཞར་ནས་ས་དཀར་པོས་བསྐུས་ཏེ་བཀྲུས་ནས་དེ་ལ་ཆོས་བཤད་ནས་དོང་ངོ ། །དེ་འཁྲུ་བ་འཆད་དུ་མ་བཏུབ་ནས། དེས་དེ་གཉིས་ལ་སེམས་དང་བ་བསྐྱེད་ནས་ཤི་བ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་ནས་དེ་རྒྱལ་པོ་ཆེན་པོ་རྣམ་ཐོས་ཀྱི་བུའི་དྲུང་དུ་སོང་སྟེ་གནས་བསླངས་པ་དང ། དེས་
Ga292b
སྨྲས་པ། ཁྱོད་སོང་ལ་དེ་ཉིད་དུ་ལྷོ་སྒོར་གནས་ཐོབ་ཅིག་།དེ་དེར་སོང་སྟེ་གཉུག་མར་གནས་པར་གྱུར་ཏོ། །ལུས་འཕགས་ཀྱི་རྒྱལ་པོས་རྒྱལ་པོ་གཟུགས་ཅན་སྙིང་པོ་ལ་གངས་ཅན་གྱི་རིའི་གླང་པོ་ཆེ་བརྒྱ་སྐྱེས་སུ་བསྐུར་བ་དང ། དེས་ཀོ་ས་ལའི་རྒྱལ་པོ་གསལ་རྒྱལ་ལ། ཁོ་བོ་ལ་ལུས་འཕགས་ཀྱི་རྒྱལ་པོས། གངས་ཅན་གྱི་རིའི་གླང་པོ་ཆེ་བརྒྱ་སྐྱེས་སུ་བསྐུར་གྱི། གལ་ཏེ་དགོས་པར་གྱུར་ན། ལེན་པ་ཐོངས་ཤིག་ཅེས་སྤྲིང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན། ཀོ་ས་ལའི་རྒྱལ་པོ་གསལ་རྒྱལ་གང་ན་བ་དེར་སོང་སྟེ་ཕྱིན་པ་དང ། ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་སྨྲས་སོ། །ལྷ། བདག་རྒྱལ་པོའི་ཁབ་ཏུ་བགྱི་བ་ཅུང་ཟད་ཅིག་ལ་དེར་མཆི་སྟེ་སླར་མཆིའོ། །རྒྱལ་པོས་སྨྲས་པ། ལེགས་ཀྱི། སོང་ལ་དེ་ནས་ངའི་གླང་པོ་ཆེ་བརྒྱ་ཞིག་བླང་དགོས་པ་དེ་དག་ཀྱང་དེད་དེ་ཤོག་ཅིག་།དེས་སྨྲས་པ། ལྷ། གལ་ཏེ་དེར་བདག་འཚལ་བ་མ་མཆིས་ན་བླངས་ལ། འདིར་མཆིས་ནས་ལྷའི་ཐུགས་མཉེས་པར་བགྱིའོ། །རྒྱལ་པོས་སྨྲས་པ། ལེགས་ཀྱི། དེ་བཞིན་དུ་བྱོས་ཤིག་།དེ་ནས་ཁྱིམ་བདག་མགོན་མེད་ཟས་སྦྱིན་གཉོད་མང་དུ་ཁྱེར་ནས་རྒྱལ་པོའི་ཁབ་ཏུ་ཕྱིན་ཏོ། །དེ་ཁྱིམ་བདག་གང་གི་ཁྱིམ་དུ་གནས་བཏབ་པའི་ཁྱིམ་བདག་དེ། དེ་ཉིད་ཀྱི་མཚན་མོ་ལངས་ཏེ་ནང་མི་རྣམས་ལ་བསྒོ་བ། ནང་རྗེ་དག་ལོངས་ཤིག་།བཞིན་བཟང་དག་ལོངས་ཤིག་།ཤིང་རྣམས་ཤེགས་ཤིག་།མེ་དག་བུས་ཤིག། འབྲས་ཆེན་ཚོས་ཤིག་།ཚོད་མ་ཚོས་ཤིག། བཅའ་བ་དག་བཟང་དུ་གྱིས་ཤིག །
Ga293a
༄#། །བཀད་སའི་ཞལ་ཏ་དག་གྱིས་ཤིག་།དེ་ནས་ཁྱིམ་བདག་མགོན་མེད་ཟས་སྦྱིན་འདི་སྙམ་དུ་སེམས་ཏེ། ཅི། ཁྱིམ་བདག་འདི་བག་མ་ལེན་ཏམ། བག་མ་གཏོང་ངམ། ཡུལ་མི་རྣམས་འདིས་ཟས་ལ་མགྲོན་དུ་བོས་སམ། ཚོང་པའམ། ཚོགས་སམ། འཁོར་ཏམ། འདིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཟས་ལ་སྤྱན་དྲངས་སམ་སྙམ་དུ་བསམ་ནས། ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག། ཅི། ཁྱོད་བདག་མ་ལེན་ཏམ། བག་མ་གཏོང་ངམ། ཡུལ་མི་རྣམས་ཁྱོད་ཀྱིས་ཟས་ལ་མགྲོན་དུ་པོས་སམ། ཚོང་པའམ། ཚོགས་སམ། འཁོར་ཏམ། ཁྱོད་ཀྱིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཟས་ལ་སྤྱན་དྲངས་སམ། དེས་སྨྲས་པ། ཁྱིམ་བདག། ཁོ་བོས་བག་མ་ལེན་པའམ། བག་མ་གཏོང་བ་ཡང་མེད། ཁོ་བོའི་ཡུལ་མི་ཡང་ཟས་ལ་མ་བོས། ཚོང་པ་མ་ཡིན། ཚོགས་མ་ཡིན། འཁོར་མ་ཡིན། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་ཟས་ལ་སྤྱན་དྲངས་པ་མ་ཡིན་ཏེ། འོན་ཀྱང་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲངས་སོ། །ཁྱིམ་བདག་མགོན་མེད་ཟས་སྦྱིན་གྱིས་སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་པ་དང ། བ་སྤུའི་ཁུང་བུ་ཐམས་ཅད་ནས་སྤུ་ཟིང་ཞེས་བྱེད་ནས་དེ་སྤུ་ཟིང་ཞེས་བྱེད་པས། ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག་།སངས་རྒྱས་ཞེས་བྱ་བ་འདི་སུ་ཡིན། ཁྱིམ་བདག། དགེ་སྦྱོང་གོའུ་ཏ་མ། ཤཱཀྱའི་
Ga293b
སྲས། ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞིག་ཡོད་དེ། ཁྱིམ་བདག། དེ་ནི། སངས་རྒྱས་ཞེས་བྱའོ། །ཁྱིམ་བདག། དགེ་འདུན་ཞེས་བྱ་བ་འདི་སུ་ཡིན། ཁྱིམ་བདག། རྒྱལ་རིགས་ལས་ཀྱང་རིགས་ཀྱི་བུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་བཅོམ་ལྡན་འདས་དེ་ཁོ་ན་རབ་ཏུ་བྱུང་བའི་རྗེས་སུ་རབ་ཏུ་བྱུང་བ་དག་ཡོད། བྲམ་ཟེའི་རིགས་དང ། རྗེའུ་རིགས་དང ། དམངས་རིགས་ལས་ཀྱང་རིགས་ཀྱི་བུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་བཅོམ་ལྡན་འདས་དེ་ཁོ་ན་རབ་ཏུ་བྱུང་བའི་རྗེས་སུ་རབ་ཏུ་བྱུང་བ་དག་ཡོད་དེ། ཁྱིམ་བདག། འདི་ནི། དགེ་འདུན་ཞེས་བྱ་བ་ཡིན་ཏེ། སང་ཁོ་བོའི་ཁྱིམ་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་དེ་གདུགས་ཚོད་ལ་སྤྱན་དྲངས་སོ། ། ཁྱིམ་བདག་།བཅོམ་ལྡན་འདས་དེ་ད་ལྟར་གང་ན་བཞུགས། རྒྱལ་པོའི་ཁབ་འདི་ཉིད་ཀྱི་དུར་ཁྲོད་ཀྱི་བསིལ་བའི་ཚལ་ན་བཞུགས་སོ། །ཁྱིམ་བདག། བཅོམ་ལྡན་འདས་དེ། བདག་ཅག་གིས་བལྟར་རུང་ངམ། དེས་འདི་སྐད་ཅེས་སྨྲས་སོ། །ཁྱིམ་བདག། ཁྱོད་རེ་ཞིག་སྡོད་ཅིག་དང ། གལ་ཏེ་འདི་ཉིད་དུ་གཤེགས་ནས་སང་མཐོང་བར་འགྱུར་བའི་གནས་དེ་ཡོད་དོ། །དེ་ནས་ཁྱིམ་བདག་མགོན་མེད་ཟས་
Ga294a
༄#། །སྦྱིན་དེའི་ནུབ་མོ་སངས་རྒྱས་ལ་དམིགས་པའི་དྲན་པས་གཉིད་ལོག་སྟེ། དེ་ནམ་མ་ནངས་པར་ནམ་ནངས་པའི་འདུ་ཤེས་ཀྱིས་ལྷོ་སྒོ་གང་ན་བ་དེར་སོང་བ་དང ། དེའི་ཚེ་ཕོ་ཉ་གློ་བུར་དུ་འོང་བ་དང ། འགྲོ་བ་རྣམས་ཀྱིས་མི་ཐོགས་པར་བྱ་བའི་ཕྱིར་མཚན་མོའི་ཐུན་དང་པོ་དང ། ཐ་མ་གཉིས་ལ་ལྷོ་སྒོ་ཕྱེ་སྟེ་འཇོག་གོ། ཇི་ཙམ་ན་ལྷོ་སྒོ་ཕྱེ་བ་དང་སྣང་བས་གསལ་བར་གྱུར་པ་མཐོང་ནས། དེ་འདི་སྙམ་དུ་སེམས་ཏེ། འདི་ལྟར་ལྷོ་སྒོ་ཕྱེ་སྟེ་འདུག་པས་གདོན་མི་ཟ་བར་ནམ་ནངས་སོ། །སྙམ་དུ་རིག་ནས། སྣང་བ་དེ་ཉིད་གྲོང་ཁྱེར་ནས་བྱུང་བ་དང ། དེ་བྱུང་མ་ཐག་ཏུ་སྣང་བ་གང་ཡིན་པ་དེ་མེད་ནས་སླར་ནམ་སྲོས་པར་གྱུར་ཏོ། །དེ་ཡང་འཇིགས་པར་གྱུར། བག་ཚ་བར་གྱུར་ཅིང ། སྤུ་ཟིང་ཞེས་བྱེད་པར་གྱུར་ནས། བདག་མིའམ། མི་མ་ཡིན་པའམ། གཡོན་ཅན་འགའ་ཞིག་གིས་གཙེས་ཏེ་གཉོད་མང་པོ་ཡང་མ་སོན་པར་འཕྲོག་པར་མི་འགྱུར་གྲང་སྙམ་དུ་བསམ་སྟེ། སླར་ལྡོག་པར་འདོད་པས་ལྷའི་བུ་སྦྲང་རྩིའི་ཕུང་པོའི་འདུག་གནས་ལ་བསྐོར་བ་བྱེད་ཅིང་ཕྱག་འཚལ་ལོ། །དེ་ནས་ལྷའི་བུ་སྦྲང་རྩིའི་ཕུང་པོ་འདི་སྙམ་དུ་སེམས་ཏེ། དེང་ཉིད་དུ་ཁྱིམ་བདག་མགོན་མེད་ཟས་སྦྱིན་གྱིས་བདེན་པ་མཐོང་བར་འགྱུར་ན། དེང་ཉིད་འདི་སངས་རྒྱས་བཅོམ་ལྡན་འདས་སྤངས་ཏེ་ལྷ་གཞན་ལ་ཕྱག་འཚལ་བར་འགྱུར་བ་སྙམ་དུ་བསམ་ནས་གང་ཡང་ལྷོ་སྒོ་ནས་བསིལ་བའི་ཚལ་གྱི་དུར་ཁྲོད་ཀྱི་བར་སྣང་བ་རྒྱ་ཆེན་པོས་གསལ་བར་བྱས་ནས་ཁྱིམ་བདག་མགོན་མེད་ཟས་
Ga294b
སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག། སྤྱན་སྔར་སོངས་ཤིག། སླར་མ་ལྡོག་ཅིག་།ཁྱོད་སྤྱན་སྔར་སོང་ན། ལེགས་པར་འགྱུར་གྱི། སླར་ལོག་ན་ནི། མ་ཡིན་ནོ། །དེ་ཅིའི་ཕྱིར་ཞེ་ན། རྟ་བརྒྱ་དང་ནི་གསེར་རྒྱན་བརྒྱ། །དྲེའུའི་ཤིང་རྟ་བརྒྱ་དང་ནི། །སྣ་ཚོགས་ནོར་གྱིས་སྦྱར་བ་ཡི། །རྟ་རྒོད་མ་ཡི་ཤིང་རྟ་བརྒྱ། །གོམ་པ་གཅིག་ཅིག་པོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག། སྤྱན་སྔར་སོངས་ཤིག། སླར་མ་ལྡོག་ཅིག། ཁྱོད་སྤྱན་སྔར་སོང་ན། ལེགས་པར་འགྱུར་གྱི། སླར་ལོག་ན་ནི། མ་ཡིན་ནོ། །དེ་ཅིའི་ཕྱིར་ཞེ་ན། གངས་ཅན་རི་ཡི་གླང་ཆེན་བརྒྱ། །གསེར་དང་ནོར་བུས་བརྒྱན་བྱས་ལ། །ལུས་ཆེ་གཤོལ་མདའི་མཆེ་བར་ལྡན། །མ་ཏངྒར་སྐྱེས་སྟོབས་པོ་ཆེ། །གོམ་པ་གཅིག་ཅིག་པོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག། སྤྱན་སྔར་སོངས་ཤིག། སླར་མ་ལྡོག་ཅིག་།ཁྱོད་སྤྱན་སྔར་སོང་ན། ལེགས་པར་འགྱུར་གྱི། སླར་ལོག་ན་ནི། མ་ཡིན་ནོ། །དེ་ཅིའི་ཕྱིར་ཞེ་ན། ཐོ་གར་ཡུལ་གྱི་བུ་མོ་བརྒྱ། །ནོར་བུའི་རྣ་ཆ་གདུབ་ཀོར་ཐོགས། །གསེར་གྱི་དཔུང་རྒྱན་ཐོགས་པ་ཡི། །མགྲིན་པ་རྒྱན་གྱིས་ལེགས་བརྒྱན་པ། །གོམ་པ་གཅིག་ཅིག་བོར་པ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག། སྤྱན་སྔར་སོངས་ཤིག། སླར་མ་ལྡོག་ཅིག། ཁྱོད་སྤྱན་སྔར་སོང་ན་ལེགས་པར་འགྱུར་གྱི། སླར་ལོག་ན་ནི། མ་ཡིན་ནོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ལྷའི་བུ་དེ་ལ་འདི་སྐད་ཅེས་སྨྲས་སོ། །བཞིན་བཟང ། ཁྱོད་སུ་ཞིག་།ཁྱིམ་བདག་
Ga295a
༄#། །ཁོ་བོ་ནི། ཁྱོད་ཉིད་ཀྱི་གྲོགས་པོ་རྙིང་བ་བྲམ་ཟེའི་ཁྱེའུ་སྦྲང་རྩིའི་ཕུང་པོ་ཡིན་ཏེ། ཁོ་བོས་དགེ་སློང་ཤཱ་རིའི་བུ་དང ། མོའུ་འགལ་གྱི་བུ་གཉིས་ལ་སེམས་དད་པ་བསྐྱེད་ནས་ཤི་བ་དང་རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་ཏེ་ལྷོ་སྒོ་འདི་ཉིད་ན་གཉུག་མར་གནས་སོ། །དེའི་ཕྱིར་ཁོ་བོ་ཁྱོད་ལ་འདི་སྐད་ཅེས། ཁྱིམ་བདག་།སྤྱན་སྔར་སོང་ཞིག། སླར་མ་ལྡོག་ཅིག་།ཁྱོད་སྤྱན་སྔར་སོང་ན། ལེགས་པར་འགྱུར་གྱི། སླར་ལོག་ན་ནི། མ་ཡིན་ནོ། །ཞེས་སྨྲའོ།། །།འདུལ་བ་གཞི། བམ་པོ་དོན་ལྔ་པ། དེ་ནས་ཁྱིམ་བདག་མགོན་མེད་ཟས་སྦྱིན་འདི་སྙམ་དུ་སེམས་ཏེ། ཀྱེ་མའོ། །སངས་རྒྱས་བཅོམ་ལྡན་འདས་ནི། མཆོག་མ་ཡིན་པ་མ་ཡིན་ཞིང ། ཆོས་བསྟན་པ་ཡང་མཆོག་མ་ཡིན་པ་མ་ཡིན་ཏེ། དེ་ལ་ད་ལྟར་ལྷ་ཡང་བརྩོན་པར་བྱེད་ཀྱི། བཅོམ་ལྡན་འདས་དེ་ལ་བལྟ་བར་བྱའོ། །སྙམ་དུ་བསམ་ནས། བསིལ་བའི་ཚལ་གྱི་དུར་ཁྲོད་གང་ན་བ་དེར་སོང་བ་དང ། དེའི་ཚེ་བཅོམ་ལྡན་འདས་གཙུག་ལག་ཁང་གི་ཕྱི་རོལ་བླ་གབ་མེད་པ་ན་འཆག་ཅིང་ལྷག་པར་ཡང་ཁྱིམ་བདག་མགོན་མེད་ཟས་སྦྱིན་འོང་བ་ལ་གཞེས་པ། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་རྒྱང་རིང་པོ་ཁོ་ནས་མཐོང་ངོ ། །མཐོང་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ལ་ཁྱིམ་བདག་གིས་ཡང་དག་པར་དགྱེས་པར་འགྱུར་བས། ཡང་དག་པར་དགྱེས་པར་བྱེད་དེ། བཅོམ་ལྡན་འདས། ཇི་ག་བདེ་པར་
Ga295b
མནལ་ཏམ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། གང་ཞིག་འདོད་པས་མ་གོས་ལ། །ཟག་མེད་རབ་ཏུ་རྣམ་གྲོལ་བ། །མྱ་ངན་ཡོངས་འདས་བྲམ་ཟེ་ནི། །ཐམས་ཅད་དུ་ནི་བདེ་བར་མནལ། །འདིར་ནི་རེ་བ་ཀུན་བཅད་ནས། །ཐུགས་ཀྱི་རིམས་ནད་རྣམ་བསལ་ཅིང ། །ཞི་བ་ཐོབ་པའི་ཐུགས་ཀྱིས་ནི། །ཉེ་བར་ཞི་བ་བདེ་བར་མནལ། །དེ་ནས་བཅོམ་ལྡན་འདས་ཀྱིས། ཁྱིམ་བདག་མགོན་མེད་ཟས་སྦྱིན་ཁྲིད་ནས་གཙུག་ལག་ཁང་དུ་ཞུགས་ཏེ་གདན་བཤམས་པ་ཉིད་ལ་བཞུགས་པ་དང ། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས། ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱིས་ཐོག་མའི་དུས་སུ་ཆོས་ཀྱི་གཏམ་མཛད་པ་གང་ཡིན་པ་འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་ཀྱི་མནོག་དང ། ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་ཕན་ཡོན་གྱི་ཕྱོགས་དང་མཐུན་པའི་ཆོས་ཀྱི་གཏམ་རྒྱས་པར་ཡང་དག་པར་བསྟན་ཏོ། །གང་གི་
Ga296a
༄#། །ཚེ་བཅོམ་ལྡན་འདས་ཀྱིས་དེ་དགའ་བའི་སེམས་དང ། དགེ་བའི་སེམས་དང ། མགུ་བའི་སེམས་དང ། སྒྲིབ་པ་དང་བྲལ་བའི་སེམས་དང ། སྐལ་བ་དང་ལྡན་ཞིང ། ཡང་དག་ཕུལ་གྱི་ཆོས་བཤད་པ་ཀུན་ཤེས་པར་ནུས་པར་གཟིགས་པ་དེའི་ཚེ། སངས་རྒྱས་བཅོམ་ལྡན་འདས་རྣམས་ཀྱི་ཡང་དག་ཕུལ་གྱི་ཆོས་བཤད་པ། འཕགས་པའི་བདེན་པ་བཞི་པོ་གང་ཡིན་པ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་རྒྱས་པར་རབ་ཏུ་བསྟན་ཏོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་བ་དང ། ཀུན་འབྱུང་བ་དང ། འགོག་པ་དང ། ལམ་མངོན་པར་རྟོགས་ཏེ། དཔེར་ན། གོས་གཙང་མ་ནག་ནོག་མེད་པ་ཚོན་དུ་གཞུག་པར་འོས་པ། ཚོན་གྱི་ནང་དུ་བཅུག་ན་ལེགས་པར་ཚོན་རྩི་འཛིན་བཏུབ་པ་དེ་བཞིན་དུ། ཁྱིམ་བདག་མགོན་མེད་ཟས་སྦྱིན་གྱིས་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་མངོན་པར་རྟོགས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས། ཆོས་མཐོང་བ་དང ། ཆོས་ཐོབ་པ་དང ། ཆོས་རིག་པ་དང ། ཆོས་ཀྱི་གཏིང་སླེབ་པ་དང ། སོམ་ཉི་ལས་བརྒལ་བ་དང ། ཐེ་ཚོམ་ལས་བརྒལ་བ་དང ། སྟོན་པའི་བསྟན་པ་ལ་གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་
Ga296b
དང ། ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བདེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་ནི། འཕགས་སོ། །མངོན་པར་འཕགས་སོ། །བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་བདག་སྐྱབས་སུ་མཆི་ལགས་ཀྱི། དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག། ཁྱོད་ཀྱི་མིང་ཅི། བཙུན་པ། བདག་གི་མིང་ནི། བཟང་སྦྱིན་ལགས་མོད་ཀྱི། མགོན་མ་མཆིས་པ་རྣམས་ལ་འཚལ་མ་སྩོལ་པས། དེས་ན། བདག་ལ་སྐྱེ་བོ་རྣམས་ཀྱིས་མགོན་མེད་ཟས་སྦྱིན་ཞེས་བགྱི་བར་འཚལ་ཏོ། །ཁྱིམ་བདག། ཁྱོད་ཀྱི་གནས་གང་ཡིན། བཙུན་པ། ཡུལ་ཕྲ་ཙི་ན་ཞེས་བགྱི་བ་ན་ཀོ་ས་ལ་རྣམས་ཀྱི་གྲོང་རྡལ་མཉན་ཡོད་ཅེས་བགྱི་བ་དེ་ན་བདག་མཆིས་ལགས་སོ། །བཅོམ་ལྡན་འདས་མཉན་ཡོད་དུ་གཤེགས་ཤིག་དང ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་ཇི་སྲིད་འཚོའི་བར་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བསྙེན་བཀུར་བགྱི་ལགས་སོ། །ཁྱིམ་བདག། མཉན་ཡོད་ན་གཙུག་ལག་ཁང་ཡོད་དམ། བཙུན་པ། མ་མཆིས་ལགས་
Ga297a
༄#། །སོ། །ཁྱིམ་བདག་གང་ན་གཙུག་ལག་ཁང་ཡོད་པ་དེར་དགེ་སློང་རྣམས་འོང་བ་དང ། འགྲོ་བ་དང ། གནས་པར་སེམས་སོ། །བཅོམ་ལྡན་འདས་གཤེགས་ཤིག་དང ། བདག་གིས་ཅི་ནས་ཀྱང་མཉན་ཡོད་དུ་དགེ་སློང་རྣམས་མཆི་བ་དང ། གཞན་དུ་མཆི་བ་དང ། མཆིས་པར་སེམས་པར་འགྱུར་པ་དེ་ལྟར་གཙུག་ལག་ཁང་རྩིག་ལགས་སོ། །བཅོམ་ལྡན་འདས་ཀྱིས་ཅང་མི་གསུང་པས་ཁྱིམ་བདག་མགོན་མེད་ཟས་སྦྱིན་ལ་གནང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་དེས་རྒྱལ་པོའི་ཁབ་ཏུ་སྒྲུབ་པ་དང་བྱ་བ་གང་ཡིན་པ་དེ་ཐམས་ཅད་བྱས་ཏེ་གྲུབ་ནས། སླར་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། བཅོམ་ལྡན་འདས། བདག་གི་གྲོགས་དགེ་སློང་ཞིག་སྩལ་དུ་གསོལ། བདག་དེ་དང་ལྷན་ཅིག་མཉན་ཡོད་དུ་བཅོམ་ལྡན་འདས་ཀྱི་སླད་དུ་གཙུག་ལག་ཁང་རྩིག་ལགས་སོ། །བཅོམ་ལྡན་འདས་ཀྱིས་དགོངས་པ། དགེ་སློང་སུ་ཞིག་གིས་ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པ་དང ། མཉན་ཡོད་ན་གནས་པའི་སྐྱེ་བོའི་ཚོགས་འདུལ་བར་འགྱུར་སྙམ་ན། དགེ་སློང་ཤཱ་རིའི་བུས་འགྱུར་བར་གཟིགས་ནས། དེ་ནས་བཅོམ་ལྡན་འདས་
Ga297b
ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ། ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པ་དང ། མཉན་ཡོད་ན་གནས་པའི་སྐྱེ་བོའི་ཚོགས་ལ་སོགས་ཤིག་།ཚེ་དང་ལྡན་པ་ཤཱ་རིའི་བུས།་བཅོམ་ལྡན་འདས་ལ་ཅང་མི་སྨྲ་བས་བཅོམ་ལྡན་འདས་ཀྱི་བཀའ་མཉན་ཏོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཚེ་དང་ལྡན་པ་ཤཱ་རིའི་བུ་ཅང་མི་སྨྲ་བས་ཁས་བླངས་པར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་ཤཱ་རིའི་བུ་དེ་ཉིད་ཀྱི་ནུབ་མོ་འདས་ནས་སྔ་དྲོ་ཤམ་ཐབས་བགོས། ཆོས་གོས་ལྷུང་བཟེད་ཐོགས་ཏེ། རྒྱལ་པོའི་ཁབ་ཏུ་བསོད་སྙོམས་ལ་ཞུགས་ནས། རྒྱལ་པོའི་ཁབ་ཏུ་བསོད་སྙོམས་སྤྱད་དེ་ཟས་ཀྱི་བྱ་བ་བྱས་ནས། ཟས་ཕྱི་མའི་བསོད་སྙོམས་སྤངས་ཏེ་གནས་མལ་ཇི་ལྟར་ལོངས་སྤྱད་པ་མཁོས་སུ་ཕབ་ནས་ལྷུང་བཟེད་དང་ཆོས་གོས་བླངས་ཏེ་མཉན་ཡོད་གང་ན་པ་དེར་རྒྱུ་ཞིང་སོང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་ལམ་རྒྱགས་མང་པོ་ཁྱེར་ནས་ནུབ་མོ་ནུབ་མོ་ཞིང་མཉན་ཡོད་དུ་སོང་སྟེ་ཕྱིན་ནས། དེ་མཉན་ཡོད་དུ་མ་ཞུགས་པ་ཉིད་དུ་ཀུན་དགའ་ར་བ་ནས་ཀུན་དགའ་ར་བ་དང ། ནགས་ཚལ་ནས་ནགས་ཚལ་དང ། སྐྱེད་མོས་ཚལ་ནས་སྐྱེད་མོས་ཚལ་དང ། འཆགས་ནས་འཆགས་ན་དཔྱོད་ཅིང་འདི་སྐད་ཅེས་སྨྲས་སོ། །མཉན་ཡོད་དང་ཧ་ཅང་ཡང་མི་རིང་ལ་ཧ་ཅང་ཡང་མི་ཉེ་བ་དང ། ཉིན་པར་ལང་ལོང་ཉུང་ཞིང་ཀུ་ཅོ་ཉུང་བ་དང ། མཚན་མོ་གཅོམ་ཆུང་བ་དང ། སྒྲ་ཆུང་བ་དང ། སྦྲང་བུ་
Ga298a
༄#། །དང།་ཤ་སྦྲང་དང ། རླུང་དང ། ཉི་མ་དང ། སྡིག་སྦྲུལ་གྱི་རེག་པ་ཆུང་བའི་ས་ཕྱོགས་དེ་གང་ན་ཡོད་པ་དེར་བདག་གིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་གོ ། ཞེས་པ་ལས། ཁྱིམ་བདག་མགོན་མེད་ཟས་སྦྱིན་གྱིས། གཞོན་ནུ་རྒྱལ་བྱེད་ཀྱི་ཀུན་དགའ་ར་བ་ནི། མཉན་ཡོད་དང་ཧ་ཅང་ཡང་མི་རིང ། ཧ་ཅང་ཡང་མི་ཉེ་ལ། ཉིན་པར་ལང་ལོང་ཉུང་ཞིང་ཀུ་ཅོ་ཉུང་བ་དང ། མཚན་མོ་གཅོམ་ཆུང་བ་དང ། སྒྲ་ཆུང་བ་དང ། སྦྲང་བུ་དང ། ཤ་སྦྲང་དང ། རླུང་དང ། ཉི་མ་དང ། སྡིག་སྦྲུལ་གྱི་རེག་པ་ཉུང་བར་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། འདིར་བདག་གིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་གོ། སྙམ་ནས། དེ་རང་གི་ཁྱིམ་དུ་མ་སོང་བ་ཉིད་དུ་གཞོན་ནུ་རྒྱལ་བྱེད་གང་ན་བ་དེར་སོང་སྟེ་ཕྱིན་པ་དང ། གཞོན་ནུ་རྒྱལ་བྱེད་ལ་འདི་སྐད་ཅེས་སྨྲས་སོ། །གཞོན་ནུ། བདག་ལ་ཀུན་དགའ་ར་བ་སྩོལ་ཅིག། དེར་བདག་གིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་རྩིག་ལགས་སོ། །དེས་སྨྲས་པ། ཁྱིམ་བདག། དེ་ནི།་ངའི་ཀུན་དགའ་ར་བ་མ་ཡིན་ཏེ། སྐྱེད་མོས་ཚལ་ཡིན་མོད་ཀྱི། དེ་ངའི་ཡིན་ནོ། །ལན་གཉིས་ལན་གསུམ་དུ་ཡང་ཁྱིམ་བདག་མགོན་མེད་ཟས་སྦྱིན་གྱིས། གཞོན་ནུ་རྒྱལ་བྱེད་ལ་འདི་སྐད་ཅེས་སྨྲས་སོ། །གཞོན་ནུ། བདག་ལ་སྐྱེད་མོས་ཚལ་སྩོལ་ཅིག་།བདག་གིས་དེར་བཅོམ་ལྡན་འདས་ཀྱི་ཕྱིར་གཙུག་ལག་ཁང་རྩིག་ལགས་སོ། །ཁྱིམ་བདག། ཀུན་དགའ་ར་བ་དེ།
Ga298b
གསེར་བྱེ་བ་གཤིབས་ཀྱང་མི་གཏོང་ངོ ། །ཡང ། ཁྱིམ་བདག་མགོན་མེད་ཟས་སྦྱིན་གྱིས། གཞོན་ནུ་རྒྱལ་བྱེད་ལ་འདི་སྐད་ཅེས་སྨྲས་སོ། །གཞོན་ནུས་ཀུན་དགའ་ར་བའི་རིན་བཅད་ཟིན་གྱི། གསེར་དང་དབྱིག་ལོངས་ཤིག་།ཀུན་དགའ་ར་བ་ནི། བདག་གི་ལགས་སོ། །སུས་རིན་བཅད། ཁྱོད་ཀྱིས་རིན་བཅད་མོད། དེ་གཉིས་རིན་བཅད་དོ། །མ་བཅད་དོ། ཞེས་རྩོད་པར་གྱུར་ནས་ཞལ་ཆེ་གཅོད་པའི་སྣ་ཆེན་པོ་ལ་གཏོགས་པའི་མི་གང་ན་བ་དེར་སོང་བ་དང ། དེའི་བར་དུ་འཇིག་རྟེན་སྐྱོང་བ་བཞི་འདི་སྙམ་དུ་སེམས་ཏེ། ཁྱིམ་བདག་མགོན་མེད་ཟས་སྦྱིན་འདི་ནི། བཅོམ་ལྡན་འདས་ཀྱི་ཕྱིར་གཙུག་ལག་ཁང་རྩིག་པར་བརྩོན་གྱི། དེའི་གྲོགས་བྱའོ། །སྙམ་ནས། དེ་ནས་ཞལ་ཆེ་གཅོད་པ་སྣ་ཆེན་པོ་ལ་གཏོགས་པའི་ཆ་བྱད་དུ་བདག་ཉིད་མངོན་པར་སྦྲུལ་ནས་དགོས་པའི་ཕྱིར་འདུས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་དང ། གཞོན་ནུ་རྒྱལ་བྱེད་གཉིས་ཞལ་ཆེ་གཅོད་པ་སྣ་ཆེན་པོ་ལ་གཏོགས་པའི་མིའི་དྲུང་དུ་སོང་ནས། ཁྱིམ་བདག་མགོན་མེད་ཟས་སྦྱིན་གྱིས། ཞལ་ཆེ་གཅོད་པའི་སྣ་ཆེན་པོ་ལ་གཏོགས་པ་རྣམས་ལ་དོན་དེ་རྒྱས་པར་སྨྲས་པ་དང ། དེ་རྣམས་ཀྱིས་སྨྲས་པ། གཞོན་ནུ་ཀུན་དགའ་ར་བ་ནི། རིན་བཅད་ཟིན་གྱི། གསེར་དང་དབྱིག་ལོངས་ཤིག་།ཀུན་དགའ་ར་བ་ནི། ཁྱིམ་བདག་གི་ཡིན་ནོ། །དེ་ཅང་མི་སྨྲ་བར་འདུག་གོ། ཁྱིམ་བདག་མགོན་མེད་ཟས་སྦྱིན་གྱིས། ཤིང་རྟ་དང ། ཁུ་ར་དང ། སྐྱེ་དང ། གཟེ་བ་དང ། རྔ་མོ་དང ། གླང་དང ། བོང་བུ་རྣམས་ལ་གསེར་མང་པོ་བཀལ་ཏེ།
Ga299a
༄#། །འོངས་ནས་རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་བྱེ་བའི་གཤིབས་པས་གཤིབས་པར་བརྩམས་པ་དང ། ས་ཕྱོགས་འགའ་ཞིག་མ་གཡོགས་པས། མ་བཀྲམ་པ་ཉིད་དུ་འདུག་གོ། དེ་ནས་ཁྱིམ་བདག་མགོན་མེད་ཟས་སྦྱིན་དོན་དེ་སེམས་ཤིང་ཡུད་ཙམ་ཞིག་ཅང་མི་སྨྲ་བར་འདུག་སྟེ། གང་གིས་མ་བཀྲམ་པའི་ས་ཕྱོགས་འདི་བཀྲམ་ནས་སླར་ཡང་སྤ་བར་བྱ་མི་དགོས་པའི་གཏེར་ཧ་ཅང་ཉུང་བ་ཡང་མ་ཡིན། ཧ་ཅང་མང་པོ་ཡང་མ་ཡིན་པ་དེ་གང་ཡིན་སྙམ་པ་དང ། གཞོན་ནུ་རྒྱལ་བྱེད་ཀྱིས་བསམ་པ། གདོན་མི་ཟ་བར་ཁྱིམ་བདག་མགོན་མེད་ཟས་སྦྱིན་ནི། །ཅིའི་ཕྱིར་ཀུན་དགའ་ར་བའི་ཆེད་དུ་འདི་སྙེད་ཀྱི་ནོར་གྱི་ཕུང་པོ་ཡོངས་སུ་གཏང་ཞེས་འགྱོད་པ་སྐྱེས་སོ། །སྙམ་དུ་བསམ་ནས། ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག། ཁྱོད་གལ་ཏེ་འགྱོད་པ་སྐྱེས་ན། གསེར་དང་དབྱིག་ཁྱེར་ཅིག་།ཀུན་དགའ་ར་བ་ནི། ང་ཉིད་ཀྱི་ཡིན་ནོ། །གཞོན་ནུ། བདག་ནི། འགྱོད་པ་མ་སྐྱེས་ཏེ། འོན་ཀྱང་དོན་འདི་སེམས་ཤིང ། ཡུད་ཙམ་ཞིག་ཅང་མི་སྨྲ་བར་འདུག་པ་ནི། གང་གིས་མ་བཀྲམ་པའི་ས་ཕྱོགས་འདིར་བཀྲམ་ནས་སླར་ཡང་སྦ་བར་བྱ་མི་དགོས་པའི་གཏེར་ཧ་ཅང་ཉུང་བ་ཡང་མ་ཡིན། ཧ་ཅང་མང་པོ་ཡང་མ་ཡིན་པ་དེ་གང་ཡིན་སྙམ་མོ། །དེ་ནས་གཞོན་ནུ་རྒྱལ་བྱེད་འདི་སྙམ་དུ་སེམས་ཏེ། ཀྱེ་མའོ། །སངས་རྒྱས་བཅོམ་ལྡན་འདས་ནི། མཆོག་མ་ཡིན་པ་མ་ཡིན་ལ། ཆོས་བསྟན་པ་ཡང་མཆོག་མ་ཡིན་པ་མ་ཡིན་ཏེ། དེ་ལ་
Ga299b
ད་ལྟར་ཁྱིམ་བདག་འདི། ཀུན་དགའ་ར་བའི་ཆེད་དུ་འདི་སྙེད་ཀྱི་ནོར་གྱི་ཕུང་པོ་ཆེན་པོ་ཡོངས་སུ་གཏོང་ངོ ། །སྙམ་དུ་བསམ་ནས། ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག། མ་བཀྲམ་པའི་ས་ཕྱོགས་ཁོ་བོ་ལ་བྱིན་ཅིག། དེར་ཁོ་བོས་བཅོམ་ལྡན་འདས་ཀྱི་ཕྱིར་སྒོ་ཁང་བརྩིག་པར་བྱའོ། །ཁྱིམ་བདག་མགོན་མེད་ཟས་སྦྱིན་གྱིས་གཞོན་ནུ་རྒྱལ་བྱེད་ལ་མ་བཀྲམ་པའི་ས་ཕྱོགས་བྱིན་ནས། དེར་གཞོན་ནུ་རྒྱལ་བྱེད་ཀྱིས་བཅོམ་ལྡན་འདས་ཀྱི་ཕྱིར་སྒོ་ཁང་རྩིག་ཏུ་བཅུག་གོ། དེ་ནས་ཁྱིམ་བདག་མགོན་མེད་ཟས་སྦྱིན་གྱིས། བཅོམ་ལྡན་འདས་ཀྱི་ཕྱིར་གཙུག་ལག་ཁང་རྩིག་པར་བརྩམས་པ་དང ། མུ་སྟེགས་ཅན་ཞེ་སྡང་དྲག་པོས་ཀུན་ནས་བསླངས་པའི་ཡིད་ཅན་རྣམས་འདུས་ནས། ཁྱིམ་བདག་མགོན་མེད་ཟས་སྦྱིན་གང་ན་བ་དེར་དོང་སྟེ་ལྷགས་པ་དང་སྨྲས་པ། ཁྱིམ་བདག་།ཁྱོད་ཀྱིས་དགེ་སྦྱོང་གོའུ་ཏ་མའི་ཕྱིར་གཙུག་ལག་ཁང་མ་རྩིགས་ཤིག་།ཅིའི་ཕྱིར། ཁོ་བོ་ཅག་གིས་གྲོང་ཁྱེར་རྣམས་བགོས་ཏེ། དགེ་སྦྱོང་གོའུ་ཏ་མའི་ནི། རྒྱལ་པོའི་ཁབ་ཡིན་ནོ། ཁོ་བོ་ཅག་ནི། མཉན་ཡོད་ཡིན་ནོ།། དེས་སྨྲས་པ། ཁྱེད་ཅག་གིས་གྲོང་ཁྱེར་རྣམས་བགོས་ཀྱི། བདག་གི་ནོར་མ་བགོས་པས། བདག་གང་ལ་མངོན་པར་དགའ་བའི་ཆོས་ཀྱི་ཕུང་པོ་བརྩིག་གོ་།དེ་རྣམས་རྒྱལ་པོའི་དྲུང་དུ་དོང་བ་དང ། དེ་ལ་ཡང་ཁྱིམ་བདག་མགོན་མེད་ཟས་སྦྱིན་གྱིས་ཕམ་པར་བྱས་པ་དང ། མུ་སྟེགས་སྤྱི་རྟོལ་ཅན། མུ་ཅོར་སྨྲ་བ་རྣམས་ཀྱིས་སྨྲས་པ། ཁྱིམ་བདག། ཁྱོད་འདོད་རྒུར་བྱེད་དུ་མི་གཞུག་སྟེ། དགེ་སྦྱོང་གོའུ་
Ga300a
༄#། །ཏ་མའི་ཉན་ཐོས་ཀྱི་མཆོག་འོངས་ནས། གལ་ཏེ་དེའི་ཤགས་ཀྱིས་ཁོ་བོ་ཅག་ཕམ་པར་གྱུར་ན། གཙུག་ལག་ཁང་རྩིགས་ཤིག་།དེས་སྨྲས་པ། རུང་གི། རེ་ཞིག་འཕགས་པ་ཤཱ་རིའི་བུ་ཁོ་ན་ལ་བརྟག་གོ་།དེ་ནས་ཁྱིམ་བདག་མགོན་མེད་ཟས་སྦྱིན། ཚེ་དང་ལྡན་པ་ཤཱ་རིའི་བུ་གང་ན་བ་དེར་སོང་སྟེ་ཕྱིན་པ་དང ། ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་བཙལ་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཁྱིམ་བདག་མགོན་མེད་ཟས་སྦྱིན་གྱིས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རིའི་བུ། མུ་སྟེགས་ཅན་རྣམས་འདི་སྐད་ཅེས། ཁྱིམ་བདག་ཁྱོད་འདོད་རྒུར་བྱེད་དུ་མི་གཞུག་སྟེ། དགེ་སྦྱོང་གོའུ་ཏ་མའི་ཉན་ཐོས་ཀྱི་མཆོག་འོངས་ནས། གལ་ཏེ་དེའི་ཤགས་ཀྱིས་ཁོ་བོ་ཅག་ཕམ་པར་གྱུར་ན། གཙུག་ལག་ཁང་རྩིགས་ཤིག་ཅེས་མཆི་ན། དེ་ལ་ཇི་ལྟར་བསྒྲུབ་པར་བགྱི། ཚེ་དང་ལྡན་པ་ཤཱ་རིའི་བུས་བསམ་པ། ཅི། འདི་རྣམས་ལ་དགེ་བའི་རྩ་བ་ཅུང་ཟད་ཡོད་དམ། འོན་ཏེ་མེད་ཅེས་བསམ་པ་ལས། ཡོད་པར་མཐོང་ངོ ། །སུ་ཞིག་ལ་རག་ལས་པར་འགྱུར་སྙམ་ན། བདག་ཁོ་ན་ལ་རག་ལས་པར་མཐོང་ངོ ། །ཡང་བསམ་པ། ཅི། འདི་སྙེད་ཅིག་ཁོ་ན་བདག་ལ་རག་ལས་པའི་ཚིག་གིས་འདུལ་བར་འགྱུར་རམ། འོན་ཏེ་གཞན་ཡང་ཚིག་གིས་འདུལ་བ་ཡོད་སྙམ་པ་ལས། ཡོད་དེ། དུས་ཇི་སྲིད་ཅིག་ན་ཚོགས་པར་འགྱུར་སྙམ་ན། ཞག་བདུན་ལོན་ནས་སོ། །སྙམ་དུ་བསམ་ནས་སྨྲས་པ། ཁྱིམ་
Ga300b
བདག། དེ་བཞིན་དུ་བྱ་སྟེ། འོན་ཀྱང་ཞག་བདུན་པའི་ཉིན་པར་བྱའི། །དེ་ནས་ཁྱིམ་བདག་མགོན་མེད་ཟས་སྦྱིན། དགའ་བ་དང་མགུ་བ་སྐྱེས་ཏེ། མུ་སྟེགས་ཅན་རྣམས་གང་ན་བ་དེར་སོང་ནས་ཕྱིན་པ་དང ། མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག། ཤཱ་རིའི་བུ་ན་རེ། རུང་གི། དེ་བཞིན་དུ་བྱའོ། །འོན་ཀྱང་ཞག་བདུན་པའི་ཉིན་པར་བྱའོ། །ཞེས་ཟེར་རོ། །དེ་རྣམས་བསམ་པ། འདི་ལ་ནི། རྒྱུ་གཉིས་ཡོད་པར་འགྱུར་ཏེ། ཡང་ན་ནི། དེ་འབྲོས་འདོད་དོ། །ཡང་ན་ནི། དེ་ཕྱོགས་ཚལ་འདོད་དོ། །དེ་མ་ཡིན་ན། དུས་དེར་གདབ་ཅི་དགོས། བདག་ཅག་ཀྱང་ཕྱོགས་བཙལ་ལོ། །ཞེས་དེ་རྣམས་ཕྱོགས་བཙལ་བར་བརྩམས་ཏེ། དེ་རྣམས་ཀྱིས་ཕྱོགས་བཙལ་བ་དང ། ཀུན་ཏུ་རྒྱུ་མིག་དམར་མཐོང་ནས་དེ་རྣམས་ཀྱི་དེ་ལ་སྨྲས་པ། ཁྱོད་དང་བདག་ཅག་ནི། ཚངས་པ་མཚུངས་པར་སྤྱོད་པ་ཡིན་གྱི། དགེ་སྦྱོང་གོའུ་ཏ་མའི་ཉན་ཐོས་ཀྱི་མཆོག་བདག་ཅག་གི་བརྩད་པའི་ཕྱིར་བཀུག་ན། དེ་ཕྱོགས་ཚོལ་གྱི། ཁྱོད་ཀྱང་བདག་ཅག་གི་གྲོགས་གྱིས་ཤིག་།དུས་ཇི་ཙམ་ཞིག་ན། འདི་ནས་ཞག་བདུན་པའི་ཉིན་པར་རོ། །རུང་གི། །དེ་བཞིན་དུ་བྱ་སྟེ། གང་གི་ཚེ་ཁྱེད་ཅག་འདུས་པ་བྱུང་བ་དེའི་ཚེ་ཁོ་བོ་ལ་སྦྲོན་ཅིག་།མུ་སྟེགས་ཅན་རྣམས་བག་ཚ་བ་དང ། སེམས་ཁྲལ་སྐྱེས་ནས་ཉིན་རེ་ཞིང་ཕྱོགས་ཚོལ་བ་དང་ཉི་མ་བགྲང་བར་བྱེད་དོ། །ཇི་ཙམ་ན་ཞག་བདུན་ལོན་པ་དང ། ཁྱིམ་བདག་མགོན་མེད་ཟས་སྦྱིན་གྱིས་བླ་གབ་མེད་པའི་ས་ཕྱོགས་ཡངས་པར་སྟན་ཤོམ་དུ་བཅུག་གོ། ཚེ་དང་
Ga301a
༄#། །ལྡན་པ་ཤཱ་རིའི་བུའི་ཆེད་དུ་ཡང་སེངྒེའི་ཁྲི་བཤམས་སོ། །ཡུལ་སྣ་ཚོགས་ན་གནས་པའི་མུ་སྟེགས་ཅན་རྣམས་ཀྱང་འདུས་སོ། །མཉན་ཡོད་ན་གནས་པའི་སྐྱེ་བོའི་ཚོགས་དང ། དེའི་ཉེན་ཀོར་ན་གནས་པའི་སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་ཁ་ཅིག་ནི། ངོ་མཚར་སྐྱེས། ཁ་ཅིག་ནི། སྔོན་གྱི་དགེ་བའི་རྩ་བས་བསྐུལ་ནས་འདུས་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུ་ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པས་མདུན་དུ་བདར་ནས་རྩོད་པའི་དཀྱིལ་འཁོར་དུ་ཞུགས་ཏེ། འདུལ་བའི་སྐྱེ་བོ་རྣམས་ལ་བལྟས་ནས་དྲན་པ་སྔོན་དུ་བཏང་སྟེ་སྤྱོད་ལམ་ཞི་བས་སེངྒེའི་ཁྲི་ལ་འཛེགས་ནས་འདུག་པ་དང ། འཁོར་ཐམས་ཅད་སེམས་མི་གཡེང་བར་ཚེ་དང་ལྡན་པ་ཤཱ་རིའི་བུ་ལ་རྟོག་ཅིང་འདུག་གོ་།དེ་ནས་ཚེ་དང་ལྡན་པ་ཤཱ་རིའི་བུས། མུ་སྟེགས་ཅན་རྣམས་ལ་སྨྲས་པ། ཤེས་ལྡན་དག་།རེ་ཞིག་བྱེད་དམ། འོན་ཏེ་འཇིག་།དེ་རྣམས་ཀྱིས་སྨྲས་པ། ཁོ་བོ་ཅག་གིས་བྱའི། །ཁྱོད་ཀྱིས་བཤིག་ཅིག་།ཚེ་དང་ལྡན་པ་ཤཱ་རིའི་བུས་བསམ་པ། གལ་ཏེ་བདག་གིས་བྱས་ན། ལྷ་དང་བཅས་པའི་འཇིག་རྟེན་གྱིས་ཀྱང་འཇིག་མི་ནུས་ན། ཀུན་ཏུ་རྒྱུ་མིག་དམར་གྱིས་ལྟ་སྨོས་ཀྱང་ཅི་དགོས་སྙམ་དུ་བསམ་ནས་ཀུན་ཏུ་རྒྱུ་མིག་དམར་ལ་འདི་སྐད་ཅེས་སྨྲས་སོ། །ཁྱོད་ཀྱིས་བྱོས་ཤིག་།ངས་གཞིག་གོ་།དེ་མིག་འཕྲུལ་ལ་བྱང་བ་ཡིན་པས། དེས་ཤིང་ས་ཧ་ཀ་ར་ཤིན་ཏུ་མེ་ཏོག་གིས་རྒྱས་པ་ཞིག་སྤྲུལ་པ་དང ། ཚེ་དང་ལྡན་པ་ཤཱ་རིའི་བུས་
Ga301b
རླུང་དང་ཆར་དྲག་པོ་ཕབ་སྟེ། དེས་དེ་རྩ་བ་ནས་ཕྱུང་ནས་ཕན་ཚུན་རྣམ་པར་གཏོར་ཏེ་རྣལ་འབྱོར་པ་རྣམས་ཀྱི་ཡུལ་དུ་ཡང་མ་གྱུར་ཏོ། །དེ་ནས་དེས་པདྨའི་རྫིང་ཞིག་སྤྲུལ་པ་དང ། ཚེ་དང་ལྡན་པ་ཤཱ་རིའི་བུས་གླང་པོ་ཆེ་བཟང་པོ་ཞིག་སྤྲུལ་ནས་དེས་དེ་ཀུན་ཏུ་བརྣལ་ནས་མིང་གི་ལྷག་མ་ཞིག་བཞག་གོ་།དེས་སྤྲུལ་མགོ་བདུན་པ་ཞིག་སྤྲུལ་པ་དང ། ཚེ་དང་ལྡན་པ་ཤཱ་རིའི་བུས་ནམ་མཁའ་ལྡིང་ཞིག་སྤྲུལ་ཏེ། དེས་དེ་བླངས་སོ། །དེས་རོ་ལངས་ཤིག་སྤྲུལ་པ་དང ། ཚེ་དང་ལྡན་པ་ཤཱ་རིའི་བུས་སྔགས་ཀྱི་ཕུར་བས་བཏབ་པ་ལས། ཉེས་པར་སྦྱར་བའི་རོ་ལངས་ནི། བདག་ཉིད་ལ་གསོད་པར་བྱེད་པས་དེས་དེ་ཉིད་བསྙེགས་པ་དང ། དེ་ནས་དེ་འཇིགས་སྐྲག་།ཕོངས་ཤིང་བ་སྤུ་ཟིང་ཞེས་བྱེད་ནས། ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་གཏུགས་ནས་འཕགས་པ། སྐྱབས་སུ་མཆི་ལགས་ཀྱི། ཡོངས་སུ་བསྐྱབ་ཏུ་གསོལ། དེ་ནས་ཚེ་དང་ལྡན་པ་ཤཱ་རིའི་བུས་སྔགས་ཀྱི་ཕུར་བ་ཕྱུང་བ་དང་རོ་ལངས་དེ་ཞི་བར་གྱུར་ཏོ། །ཚེ་དང་ལྡན་པ་ཤཱ་རིའི་བུས་དེ་ལ་ཆོས་བཤད་དེ། དེ་དད་པ་སྐྱེས་ནས་སྨྲས་པ། འཕགས་པ་ཤཱ་རིའི་བུ། ལེགས་པར་གསུངས་པའི་ཆོས་འདུལ་བ་ལ་བདག་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གིས་དངོས་པོ་འཐོབ་པ་ལྟ་ན། བདག་འཕགས་པ་ཤཱ་རིའི་བུའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །དེ་ནས་ཚེ་དང་ལྡན་པ་ཤཱ་རིའི་བུས་རབ་ཏུ་ཕྱུང ། བསྙེན་པར་རྫོགས་པར་བྱས་ནས་གདམས་ངག་བྱིན་པ་དང ། དེས་བརྩོན་པ་དང ། འབད་པ་དང ། བརྩལ་བ་བྱས་པས་
Ga302a
༄#། །ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་དུ་བྱས་ནས་དགྲ་བཅོམ་པར་གྱུར་ཏེ། ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་དང་སྟེའུར་མཉམ་པ། རིག་པས་མ་རིག་པའི་སྒོ་ངའི་སྦུབས་དྲལ་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་རྙེད་པ་ལ་ཆགས་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་དབང་པོའི་ལྷ་དང་བཅས་པ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་དེའི་འཁོར་རྣམས་ངོ་མཚར་གྱི་མིག་བགྲད་ནས་ཚེ་དང་ལྡན་པ་ཤཱ་རིའི་བུ་ལ་མངོན་པར་དད་པར་གྱུར་ཏེ་སྨྲས་པ། འཕགས་པ་ཤཱ་རིའི་བུས་ནི། སྨྲ་བའི་ཁྱུ་མཆོག་ཆེན་པོ་ཚར་བཅད་དོ། །སྙམ་དུ་རིག་ནས། ཚེ་དང་ལྡན་པ་ཤཱ་རིའི་བུའི་གདོང་དུ་ལྟ་བར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུ་འཁོར་དེའི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་ཤེས་ནས། འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་བྱས་སོ། །དེ་ཐོས་ནས་སེམས་ཅན་བརྒྱ་ཕྲག་དུ་མས་ཁྱད་པར་ཆེན་པོ་ཐོབ་སྟེ། ཁ་ཅིག་ནི། ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི། རང་སངས་རྒྱས་ཀྱི་བྱང་ཆུབ་ཏུའོ། །ཁ་ཅིག་གིས་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུའོ། །ཁ་ཅིག །
Ga302b
གིས་ནི། སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་སོ། །ཁ་ཅིག་གིས་ནི། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །ཁ་ཅིག་གིས་ནི། ལན་ཅིག་ཕྱིར་འོང་བའི་འབྲས་བུའོ། །ཁ་ཅིག་གིས་ནི། ཕྱིར་མི་འོང་བའི་འབྲས་བུའོ། །ཁ་ཅིག་གིས་ནི། རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་སོ། །འཁོར་དེ་ཕལ་ཆེར་ཡང་སངས་རྒྱས་ལ་གཞོལ། ཆོས་ལ་འབབ། དགེ་འདུན་ལ་བབ་པར་བཀོད་དོ། །མུ་སྟེགས་ཅན་རྣམས་ཀྱིས་བསམ་པ། འདི་བདག་ཅག་གིས་ཤགས་ཀྱིས་ཚར་གཅད་པར་མི་ནུས་ཀྱི། ཐབས་ཤིག་བཤམ་པར་བྱ་སྟེ། གཙུག་ལག་ཁང་འདི་ཉིད་དུ་གླ་མིའི་ལས་བྱས་ལ་དེ་ནས་གླགས་རྙེད་ནས་འདི་བགགས་ཏེ་གསད་པར་བྱའོ། །སྙམ་ནས་ཐམས་ཅད་འདུས་ཏེ། ཁྱིམ་བདག་མགོན་མེད་ཟས་སྦྱིན་གྱི་དྲུང་དུ་སོང་ནས་སོན་པ་དང་སྨྲས་པ། ཁྱིམ་བདག ། ཁྱོད་ཀྱིས་བདག་ཅག་གི་འཚོ་བའི་གཞི་ཐམས་ཅད་བཅད་དེ། དེ་བས་སྙིང་བརྩེ་བར་གྱིས་ཤིག་དང ། ཁྱོད་ཀྱི་གཙུག་ལག་ཁང་དུ་གླ་མིའི་ལས་བྱའོ། །ཁོ་བོ་ཅག་འདི་ན་རིང་ཞིག་ཏུ་གནས་གནས་པས་ཡུལ་བོར་ན་མི་རུང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། རེ་ཞིག་འཕགས་པ་ཤཱ་རིའི་བུ་ལ་བརྟག་པར་བྱའོ། །ཞེས་དེ་ཚེ་དང་ལྡན་པ་ཤཱ་རིའི་བུ་གང་ན་བ་དེར་སོང་སྟེ་ཕྱིན་པ་དང ། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ། མུ་སྟེགས་ཅན་རྣམས་ཀྱིས་མཆིད་ནས། བདག་ཅག་གི་འཚོ་བའི་གཞི་ཐམས་ཅད་བཅད་དེ། དེ་བས་ན་སྙིང་བརྩེ་བར་
Ga303a
༄#། །གྱིས་ཤིག་དང ། ཁྱོད་ཀྱི་གཙུག་ལག་ཁང་དུ་གླ་མིའི་ལས་བྱའོ། །ཁོ་བོ་ཅག་འདི་ན་རིང་ཞིག་ཏུ་གནས་གནས་པས་ཡུལ་བོར་ན་མི་རུང་ངོ ། །ཞེས་མཆིའོ། །ཚེ་དང་ལྡན་པ་ཤཱ་རིའི་བུས་ཇི་འདི་རྣམས་ལ་དགེ་བའི་རྩ་བ་ཅུང་ཟད་ཡོད་དམ། འོན་ཏེ་མེད་ཅེས་བསམ་པ་ལ་ཞུགས་ན། ཡོད་པར་མཐོང་ངོ ། །སུ་ཞིག་ལ་རག་ལས་སྙམ་ན། བདག་ཁོ་ན་ལའོ། །སྙམ་ནས། དེས་བསམ་སྟེ་སྨྲས་པ། ཁྱིམ་བདག་།དེ་ལ་འགལ་པ་ཅི་ཡོད་ཀྱི། དེ་བཞིན་དུ་གྱིས་ཤིག་།དེ་རྣམས་གཙུག་ལག་ཁང་དེར་གླ་མིའི་ལས་བྱ་བར་བརྩམས་པ་ན། ཚེ་དང་ལྡན་པ་ཤཱ་རིའི་བུས་ལྕག་ཐོགས་ཀྱི་མི་གཏུམ་པོ་ཞིག་སྤྲུལ་ནས། དེས་དེ་རྣམས་ལས་བྱེད་དུ་གཞུག་པར་བརྩམས་སོ། །ཚེ་དང་ལྡན་པ་ཤཱི་རིའི་བུས་དེ་རྣམས་ཀྱི་གདུལ་བའི་དུས་ཤེས་ནས་དེ་དང་ཉེ་བའི་ཤིང་དྲུང་ཞིག་ན་འཆག་ཅིང་འདུག་པ་ལས། དེ་རྣམས་ཀྱིས་དེ་མཐོང་ནས་དེ་རྣམས་ཀྱིས་བསམ་པ། དབེན་པ་ན་འདུག་པས་འདི་གསད་པའི་དུས་ནི། འདི་ཡིན་ནོ། །སྙམ་ནས་དེ་རྣམས་ཀྱིས་དེའི་དྲུང་དུ་དོང་ནས་བསྐོར་ཏེ་འདུག་གོ་།ཚེ་དང་ལྡན་པ་ཤཱ་རིའི་བུས་བསམ་པ་དང ། འདི་རྣམས་སེམས་ཅི་འདྲ་བ་ཞིག་གིས་བདག་གི་དྲུང་དུ་ལྷགས་སྙམ་ན། ཇི་ཙམ་ན་གསད་པའི་སེམས་ཀྱིས་ཡིན་པར་མཐོང་ནས། དེས་ལྕག་ཐོགས་དེ་རྦད་ནས། དེས་དེ་རྣམས་ལས་བོས་དང་ཞེས་ཐག་བཅུག་པ་དང ། དེ་རྣམས་ཀྱིས་སྨྲས་པ། འཕགས་པ་ཤཱ་རིའི་བུས་བསྐྱབ་ཏུ་གསོལ། །དེས་སྨྲས་པ། ཚེ་དང་ལྡན་པ། རེ་
Ga303b
ཞིག་སོང་ལ་ངལ་བསོར་ཆུག་ཅིག་།དེ་རྣམས་ཀྱིས་བསམ་པ། འདི་ནི། འདི་ལྟ་བུར་བདག་ཉིད་ཆེ་བ་ཡིན་ཏེ། བདག་ཅག་གིས་ནི། འདི་གསད་པར་བསམ་ན། འདི་ནི། བདག་ཅག་ལ་བྱམས་པར་སེམས་སོ། །སྙམ་དུ་རིག་ནས་དད་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས། དེ་རྣམས་ཀྱིས་བསམ་པ་དང ། བག་ལ་ཉལ་དང ། ཁམས་དང ། རང་བཞིན་ཤེས་ནས། འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་བྱས་ཏེ། དེ་ཐོས་ནས་དེ་རྣམས་ཀྱིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་རྣམས་ཀྱིས་བདེན་པ་མཐོང་སྟེ་སྨྲས་པ། བཙུན་པ་ཤཱ་རིའི་བུ། བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། བདག་ཅག་བཙུན་པ་ཤཱ་རིའི་བུའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །དེ་རྣམས་ཚེ་དང་ལྡན་པ་ཤཱ་རིའི་བུས་རབ་ཏུ་བྱུང་ཞིང་བསྙེན་པར་རྫོགས་པར་བྱས་ནས། གདམས་ངག་བྱིན་ཏེ། དེ་རྣམས་ཀྱིས། བརྩོན་པ་དང ། འབད་པ་དང ། བརྩལ་བ་བྱས་པས་འཁོར་བའི་འཁོར་ལོ་ཆ་ལྔ་པ། གཡོ་བ་དང་མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་དང ། ལྟུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་ཀྱིས་ཟིལ་གྱིས་མནན་ཏེ། ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་སུམ་དུ་བྱས་ཏེ། དགྲ་བཅོམ་པར་
Ga304a
༄#། །གྱུར་ནས་ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་དང་སྟེའུར་མཉམ་པ། རིག་པས་མ་རིག་པའི་སྒོ་ངའི་སྦུབས་དྲལ་ཅིང ། རིག་པ་དང ། མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང ། རྙེད་པ་ལ་ཆགས་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང ། ཉེ་དབང་པོའི་ལྷ་དང་བཅས་པ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས། གཙུག་ལག་ཁང་གི་ཐིག་སྐུད་ཀྱི་མཐའ་གཅིག་ནས་བཟུང ། མཐའ་གཅིག་ནས་ཁྱིམ་བདག་མགོན་མེད་ཟས་སྦྱིན་གྱིས་བཟུང་བ་དང ། ཚེ་དང་ལྡན་པ་ཤཱ་རིའི་བུས་འཛུམ་པར་བརྩམས་སོ། །ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། འཕགས་པ་ཤཱ་རིའི་བུ། དེ་བཞིན་གཤེགས་པ་རྣམས་སམ། དེ་བཞིན་གཤེགས་པའི་ཉན་ཐོས་རྣམས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་ན། འཕགས་པ་ཤཱ་རིའི་བུ་ཅིའི་རྒྱུ། ཅིའི་རྐྱེན་གྱིས་འཛུམ་པ་མཛད། ཁྱིམ་བདག་།དེ་དེ་བཞིན་ནོ། །དེ་དེ་བཞིན་ཏེ། དེ་བཞིན་གཤེགས་པ་རྣམས་སམ། དེ་བཞིན་གཤེགས་པའི་ཉན་ཐོས་རྣམས་ནི། རྒྱུ་མེད་རྐྱེན་མེད་པར་འཛུམ་པ་མི་མཛད་དེ། ཁྱོད་ཀྱིས་འདིར་ཐིག་སྐུད་བཟུང་བ་ན། དགའ་ལྡན་གྱི་ལྷའི་རིས་སུ་ཡང་གསེར་གྱི་ཁང་པ་གྲུབ་པར་གྱུར་
Ga304b
ཏོ། །དེ་ནས་ཁྱིམ་བདག་མགོན་མེད་ཟས་སྦྱིན་ངོ་མཚར་སྐྱེས་པའི་མིག་བགྲད་དེ་སྨྲས་པ། འཕགས་པ་ཤཱ་རིའི་བུ། གལ་ཏེ་དེ་ལྟ་ན། དེའི་སླད་དུ་ཡང་ཐིག་སྐུད་བརྐྱང་པ་དང་ལྷག་པར་སེམས་མངོན་པར་དད་པར་བགྱིའོ། ཚེ་དང་ལྡན་པ་ཤཱ་རིའི་བུས། ཡང་ཐིག་སྐུད་དེ་བཟུང་བ་དང ། ཁྱིམ་བདག་མགོན་མེད་ཟས་སྦྱིན་གྱིས། ལྷག་པར་དད་པ་དྲག་པོའི་ཤུགས་ཀྱིས་སེམས་མངོན་པར་དད་པར་བྱས་ཏེ། དད་པ་དེའི་མཇུག་ཐོགས་ཁོ་ནར་གསེར་གྱི་ཁང་པ་དེ་རིན་པོ་ཆེ་སྣ་བཞི་ལས་བྱས་པར་གྱུར་ནས། ཚེ་དང་ལྡན་པ་ཤཱ་རིའི་བུས་ཀྱང་དེ་ལ་གོ་བར་བྱས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གོང་ནས་གོང་དུ་བསོད་ནམས་རབ་ཏུ་འཕེལ་བའི་རྒྱུད་ཀྱིས། གཙུག་ལག་ཁང་ཆེན་པོ་བཅུ་དྲུག་དང ། ཁང་ཕྲན་དྲུག་ཅུ་རྩིག་ཏུ་བཅུག་སྟེ། དེས་གཙུག་ལག་ཁང་ཆེན་པོ་བཅུ་དྲུག་དང ། ཁང་ཕྲན་དྲུག་ཅུ་བརྩིགས་ནས། ཡོ་བྱད་ཐམས་ཅད་ཀྱིས་རྒྱས་པར་བྱས་ཏེ། ཚེ་དང་ལྡན་པ་ཤཱ་རིའི་བུ་གང་ན་བ་དེར་སོང་ནས་ཕྱིན་པ་དང ། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་པ། འཕགས་པ་ཤཱ་རིའི་བུ། བཅོམ་ལྡན་འདས་གཤེགས་ན་བཤུལ་ཚད་ཇི་ཙམ་དུ་འབྱོན་པར་འགྱུར། །ཁྱིམ་བདག། དཔེར་ན། འཁོར་ལོས་བསྒྱུར་བའི་རྒྱལ་པོ་མཆི་བའི་ཚད་ཙམ་མོ། །འཁོར་ལོས་བསྒྱུར་བའི་རྒྱལ་པོ་མཆི་བའི་ཚད་ཇི་ཙམ། ཁྱིམ་བདག་།འཁོར་ལོས་བསྒྱུར་བའི་རྒྱལ་པོ་ནི། ཉི་མ་གཅིག་གིས་རྒྱང་གྲངས་བཅུའི་ལམ་དུ་འགྲོའོ། །དེ་ནས་ཁྱིམ་བདག་མགོན་མེད་
Ga305a
༄#། །ཟས་སྦྱིན་གྱིས། གང་ཡང་མཉན་ཡོད་ནས་རྒྱལ་པོའི་ཁབ་དེའི་བར་གྱི་གཤེགས་དགོངས་བརྩིགས་ནས་ཞ་ས་དག་བྱེད་དུ་བཅུག་།སྦྱིན་གཏོང་གི་ཁང་པ་དག་རྩིག་ཏུ་བཅུག་།དུས་ཚོད་གསོལ་བའི་མི་དག་བཀོད། གདུགས་དང ། རྒྱལ་མཚན་དང ། བ་དན་ངག་གིས་བརྒྱན། ཙནྡན་གྱི་ཆུས་ཆག་ཆག་བཏབ་།ཤིན་ཏུ་དྲི་ཞིམ་པོའི་པོག་ཕོར་དག་ཉེ་བར་བཀོད། རྟ་བབས་དག་བྱེད་དུ་བཅུག་།དུས་དང་ཐུན་ཚོད་ཀྱིས་སྨན་དག་ཀྱང་འཇོག་ཏུ་བཅུག་གོ་།དེ་ལྟར་ཚོགས་བསགས་ནས་མི་ཞིག་ལ་བསྒོ་བ། ཀྱེ་ནང་རྗེ། ཚུར་ཁྱོད་བཅོམ་ལྡན་འདས་གང་ན་བ་དེར་སོང་ལ་ཕྱིན་པ་དང ། ཁོ་བོའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱོས་ལ། གནོད་པ་ཆུང་ངམ། ཉམ་ང་བ་ཉུང་ངམ། །བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ་ཞེས་ཞུས་ལ། འདི་སྐད་ཅེས། བཅོམ་ལྡན་འདས་མཉན་ཡོད་དུ་གཤེགས་སུ་གསོལ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་ཇི་སྲིད་འཚོའི་བར་དུ་ན་བཟའ་ཆོས་གོས་དང ། བསོད་སྙོམས་དང ། སྙུན་དཔྱད་ཀྱིས་རྐྱེན་སྨན་དང ། ཡོ་བྱད་རྣམས་ཀྱི་བསྐུར་སྟི་བགྱིད་དོ། །ཞེས་ཀྱང་གསོལ་ཅིག་།ཇོ་བོ། བཀའ་བཞིན་འཚལ་ཞེས་མི་དེས་ཁྱིམ་བདག་མགོན་མེད་ཟས་སྦྱིན་གྱི་ལྟར་མཉན་ནས། །རྒྱལ་པོའི་ཁབ་གང་ན་བ་དེར་ཆས་ཏེ་རིམ་གྱིས་རྒྱལ་པོའི་ཁབ་ཏུ་ཕྱིན་པ་
Ga305b
དང ། དེ་ནས་ལམ་གྱིས་དུབ་པ་ངལ་སོས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་ནས། མི་དེས་བཅོམ་ལྡན་འདས་ལ་གསོལ་ཏོ། །བཙུན་པ། བཅོམ་ལྡན་འདས་ཀྱི་ཞབས་གཉིས་ལ་ཁྱིམ་བདག་མགོན་མེད་ཟས་སྦྱིན་མགོ་བོས་ཕྱག་འཚལ་ནས་ཞེས་བྱ་བ་ནས་རེག་པར་གནས་སམ་ཞེས་བྱ་བའི་བར་གོང་མ་བཞིན་དུའོ། །ཀྱེ། མི་ཁྱོད་དང་ཁྱིམ་བདག་མགོན་མེད་ཟས་སྦྱིན་བདེ་བར་གྱུར་ཅིག་།བཙུན་པ། ཁྱིམ་བདག་མགོན་མེད་ཟས་སྦྱིན་གྱི་མཆིད་ནས། བཅོམ་ལྡན་འདས་མཉན་ཡོད་དུ་གཤེགས་སུ་གསོལ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་ཞེས་བྱ་བ་ནས་བཀུར་སྟི་བགྱིད་དོ། །ཞེས་བྱ་བའི་བར་གོང་མ་བཞིན་དུའོ། །བཅོམ་ལྡན་འདས་ཀྱིས་མི་དེ་ལ་ཅང་མི་གསུང་བས་གནང་ངོ ། །དེ་ནས་མི་དེས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱིས་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་དུལ་བ་འཁོར་དུལ་བ། ཞི་བ་འཁོར་ཞིག་བ། དབུགས་ཕྱིན་པ་འཁོར་དབུགས་ཕྱིན་པ། རྣམ་པར་དུལ་བ་འཁོར་རྣམ་པར་དུལ་བ། དགྲ་བཅོམ་པ་འཁོར་དགྲ་བཅོམ་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ། དང་བ་འཁོར་དང་བ། ཁྱུ་མཆོག་བ་ལང་གི་ཚོགས་ཀྱིས་བསྐོར་བ་ལྟ་བུ་དང ། གླང་པོ་ཆེའི་གླང་པོ་ཆེའི་ཕུག་གུའི་ཚོགས་ཀྱིས་བསྐོར་བ་ལྟ་བུ་དང ། སེངྒེའི་མཆེ་བ་ཅན་གྱི་
Ga306a
༄#། །ཚོགས་ཀྱིས་བསྐོར་བ་ལྟ་བུ་དང ། ངང་བའི་རྒྱལ་པོ་ངང་པའི་ཚོགས་ཀྱིས་བསྐོར་བ་ལྟ་བུ་དང ། ནམ་མཁའ་ལྡིང་བྱའི་ཚོགས་ཀྱིས་བསྐོར་བ་ལྟ་བུ་དང ། བྲམ་ཟེ་སློབ་མའི་ཚོགས་ཀྱིས་བསྐོར་བ་ལྟ་བུ་དང ། སྨན་པ་མཁས་པ་ནད་པའི་ཚོགས་ཀྱིས་བསྐོར་བ་ལྟ་བུ་དང ། དཔའ་བོ་དམག་མིའི་ཚོགས་ཀྱིས་བསྐོར་བ་ལྟ་བུ་དང ། ལམ་མཁན་འགྲོན་པོའི་ཚོགས་ཀྱིས་བསྐོར་བ་ལྟ་བུ་དང ། དེད་དཔོན་ཚོང་པའི་ཚོགས་ཀྱིས་བསྐོར་བ་ལྟ་བུ་དང ། ཚོང་དཔོན་སྐྱེ་བོའི་ཚོགས་ཀྱིས་བསྐོར་བ་ལྟ་བུ་དང ། ཁམས་ཀྱི་རྒྱལ་ཕྲན་བློན་པོའི་ཚོགས་ཀྱིས་བསྐོར་བ་ལྟ་བུ་དང ། འཁོར་ལོས་བསྒྱུར་བ་བུ་སྟོང་གིས་བསྐོར་བ་ལྟ་བུ་དང ། ཟླ་བ་རྒྱུ་སྐར་གྱི་ཚོགས་ཀྱིས་བསྐོར་བ་ལྟ་བུ་དང ། ཉི་མ་འོད་ཟེར་སྟོང་གིས་བསྐོར་བ་ལྟ་བུ་དང ། ཡུལ་འཁོར་སྐྱོང་དྲི་ཟའི་ཚོགས་ཀྱིས་བསྐོར་བ་ལྟ་བུ་དང ། འཕགས་སྐྱེས་བོ་གྲུལ་བུམ་གྱི་ཚོགས་ཀྱིས་བསྐོར་བ་ལྟ་བུ་དང ། མིག་མི་བཟང་ཀླུའི་ཚོགས་ཀྱིས་བསྐོར་བ་ལྟ་བུ་དང ། རྣམ་ཐོས་ཀྱི་བུ་གནོད་སྦྱིན་གྱི་ཚོགས་ཀྱིས་བསྐོར་བ་ལྟ་བུ་དང ། ཐག་བཟང་རིས་ལྷ་མ་ཡིན་གྱི་ཚོགས་ཀྱིས་བསྐོར་བ་ལྟ་བུ་དང ། བརྒྱ་བྱིན་སུམ་ཅུ་རྩ་གསུམ་པའི་ཚོགས་ཀྱིས་བསྐོར་བ་ལྟ་བུ་དང ། ཚངས་པ་ཚངས་རིས་ཀྱི་ཚོགས་ཀྱིས་བསྐོར་བ་ལྟ་བུ་དང ། རྒྱ་མཚོ་གཡོ་བ་མེད་པ་ལྟ་བུ་དང ། སྤྲིན་ཆུ་དང་བཅས་པ་ལྟ་བུ་དང ། གླང་པོ་ཆེ་དམ་པ་དྲེགས་པ་དང་བྲལ་བ་ལྟར། དབང་པོ་རྣམས་ཤིན་ཏུ་དུལ་བས་སྤྱོད་
Ga306b
ལམ་གྱི་ཚུལ་མ་འཁྲུགས་པ། སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་ཅིང ། དཔེ་བྱད་བརྒྱད་ཅུས་རྣམ་པར་མཛེས་པར་བྱས་པ། འོད་འདོམ་གང་གིས་བརྒྱན་པའི་སྐུ། ཉི་མའི་འོད་ཟེར་སྟོང་པས་ལྷག་པའི་འོད་ཅན། རིན་པོ་ཆེའི་རི་བོ་འགྲོ་བ་ལྟར་ཀུན་ནས་མཛེས་པ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་ཆེན་པོ་དང་ལྡན་པ། དགེ་སློང་གི་དགེ་འདུན་ཆེན་པོ་དང ། ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པ་དང ། མཉན་ཡོད་ན་གནས་པའི་སྐྱེ་བོའི་ཚོགས་དང ། ལྷ་བརྒྱ་སྟོང་ཕྲག་དུ་མས་ཞབས་འབྲིང་བྱས་ནས་མཉན་ཡོད་ཀྱི་གྲོང་ཁྱེར་དུ་གཤེགས་སོ། །གང་གི་ཚེ་བཅོམ་ལྡན་འདས་མཉན་ཡོད་ཀྱི་གྲོང་ཁྱེར་དུ་གཤེགས་ནས་མངོན་པར་འདུ་མཛད་པས། གྲོང་ཁྱེར་གྱི་སྒོའི་ཐེམ་པ་ལ་ཞབས་གཡས་པས་མནན་པ་དེའི་ཚེ། ས་རྣམ་པ་དྲུག་ཏུ་གཡོས་ཏེ། ས་ཆེན་པོ་འདི་རབ་ཏུ་གཡོས། ཀུན་ཏུ་རབ་ཏུ་གཡོས། ལྡེག། རབ་ཏུ་ལྡེག་།ཀུན་ཏུ་རབ་ཏུ་ལྡེག་སྟེ། ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། མཐའ་མཐོ་ན་དབུས་དམའ། དབུས་མཐོ་ན་མཐའ་དམའ་བར་གྱུར་ནས་འཇིག་རྟེན་འདི་ཐམས་ཅད་འཇིག་རྟེན་གྱི་བར་དང་བཅས་ཏེ། སྣང་བ་ཆེན་པོས་ཁྱབ་པར་གྱུར་ཏོ། །བར་སྣང་ལ་ཡང་ལྷའི་རྔ་རྡུང་ཞིང ། ནམ་མཁའི་དཀྱིལ་ན་གནས་པའི་ལྷས་ནི། སྟེང་
Ga307a
༄#། །ནས་ལྷའི་མེ་ཏོག་ཨུཏྤ་ལ་དང ། པདྨ་དང ། ཀུ་མུད་དང ། པདྨ་དཀར་པོ་དང ། ་ཀ་རུའི་ཕྱེ་མ་དང ། རྒྱ་སྤོས་ཀྱི་ཕྱེ་མ་དང ། ཙནྡན་གྱི་ཕྱེ་མ་དང ། གུར་གུམ་གྱི་ཕྱེ་མ་དང ། ཏ་མ་ལའི་ལོ་མ་དང ། ལྷའི་མེ་ཏོག་མནད་ར་བ་རྣམས་འཐོར་ཞིང་ལྷའི་གོས་རྣམས་ཀྱང་འཐོར་རོ། །བཅོམ་ལྡན་འདས་གྲོང་ཁྱེར་དུ་གཤེགས་པ་ན་འདི་དག་དང ། གཞན་ཡང་ཡ་མཚན་འདི་ལྟ་བུ་དག་བྱུང་བར་གྱུར་ཏོ། །གཞན་ཡང ། དོག་པ་རྣམས་ནི། ཡངས་པར་གྱུར་ཏོ། །དམའ་མོ་རྣམས་ནི། མཐོན་པོར་གྱུར་ཏོ། །མཐོན་པོ་རྣམས་མཉམ་པར་གྱུར་ཏོ། །གླང་པོ་ཆེ་ཡང་སྐད་འབྱིན། རྟ་ཡང་སྐད་འབྱིན། ཁྱུ་མཆོག་རྣམས་ཀྱང་སྐད་འབྱིན་ཏེ། ཁང་པ་ན་ཡོད་པའི་རོལ་མོའི་ཆ་བྱད་སྣ་ཚོགས་པ་རྣམས་ཀྱང་རང་སྒྲ་འབྱིན་ཏོ། །ལོང་བ་རྣམས་ཀྱིས་ནི། མིག་ཐོབ་བོ། ། འོན་པ་རྣམས་ཀྱིས་ནི། རྣ་བས་ཐོས་སོ། །ལྐུགས་པ་རྣམས་ཀྱིས་ནི། སྨྲ་ཤེས་པར་གྱུར་ཏོ། །དབང་པོ་མ་ཚང་བ་རྣམས་ནི། དབང་པོ་རྣམས་ཚང་བར་ཐོབ་བོ། །ཆང་གིས་མྱོས་པ་རྣམས་ནི། མྱོས་པ་དང་བྲལ་བར་གྱུར་ཏོ། །དུག་འཐུངས་པ་རྣམས་ནི། དུག་ཞི་བར་གྱུར་ཏོ། །ཕན་ཚུན་འཁོན་བྱུང་བ་རྣམས་ནི། བྱམས་པ་ཐོབ་པར་གྱུར་ཏོ། །སྤྲུམ་\་ཥBRཱུཾ\་མ་རྣམས་ནི། བདེ་བར་བཙས་པར་གྱུར་ཏོ། །བཙོན་དུ་བཅིངས་པ་རྣམས་ནི། བཅིངས་པ་ལས་ཐར་ཏོ། །ནོར་མེད་པ་རྣམས་ནི། ནོར་རྙེད་དེ། འདི་དག་དང ། གཞན་ཡང ། བཅོམ་ལྡན་འདས་གྲོང་ཁྱེར་དུ་གཤེགས་པ་ན་ངོ་
Ga307b
མཚར་བརྒྱ་སྟོང་དག་བྱུང་བར་གྱུར་ཏོ། །དེ་ནས་བཅོམ་ལྡན་འདས་བཀུར་སྟི་ཆེན་པོ་དེ་ལྟ་བུས་མཉན་ཡོད་དུ་གཤེགས་སོ། །གཤེགས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་མཛའ་བཤེས་དང ། ཉེ་དུ་དང ། གཉེན་གྱི་སྐྱེ་བོས་ཡོངས་སུ་བསྐོར་ནས་གསེར་གྱི་བྱ་མ་བུམ་བླངས་ཏེ་ཆུ་སྦྲེང་བར་བརྩམས་པ་ལས། དེ་འཛག་ཏུ་མ་བཏུབ་ནས། ཁྱིམ་བདག་མགོན་མེད་ཟས་སྦྱིན་ཡིད་མི་བདེ་སྟེ་བསམ་པ། བདག་གིས་ལས་ཉེས་པ་དང་བཅས་པ་ཅུང་ཟད་བྱས་པར་མ་གྱུར་གྲང་སྙམ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་།ཁྱོད་ཀྱིས་ལས་ཉེས་པ་དང་བཅས་པ་ཅུང་ཟད་བྱས་པ་མེད་དེ། འོན་ཀྱང་ཁྱོད་ཀྱིས་ཕྱོགས་འདིར་འདུག་ནས། སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ལ་ཕྱོགས་འདི་ཕུལ་བ་ཡིན་གྱི། ཕྱོགས་གཞན་ཞིག་ཏུ་འདུག་ལ་སྦྲེངས་ཤིག་།དེས་ཕྱོགས་གཞན་ཞིག་ཏུ་འདུག་སྟེ་སྦྲེངས་པ་དང ། བཅོམ་ལྡན་འདས་ཉིད་ཀྱིས་ཡན་ལག་ལྔ་དང་ལྡན་པའི་གསུང་དབྱངས་ཀྱིས་རྒྱལ་བྱེད་ཀྱི་ཚལ་རྗོད་པར་མཛད་དེ། རྒྱལ་བྱེད་ཀྱི་ཚལ་རྗོད་པར་མཛད་པ་ན། གཞོན་ནུ་རྒྱལ་བྱེད་ཀྱིས་བསམ་པ། ཀྱེ་མ། བཅོམ་ལྡན་འདས་ཀྱིས་དེར་བདག་གི་མིང་ཐོག་མར་སྨོས་ཀྱང་ཅི་མ་རུང་སྙམ་པ་དང ། བཅོམ་ལྡན་འདས་ཀྱིས་གཞོན་ནུ་རྒྱལ་བྱེད་ཀྱི་བསམ་པ་ཐུགས་སུ་ཆུད་ནས། དགེ་སློང་དག་།འདི་ནི། རྒྱལ་བུ་
Ga308a
༄#། །རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ཡིན་ནོ། །ཞེས་དེར་མིང་ཐོག་མ་སྨོས་པ་མཛད་དོ། །གཞོན་ནུ་རྒྱལ་བྱེད་ཀྱིས་བཅོམ་ལྡན་འདས་ཀྱིས་དེར། བདག་གི་མིང་ཐོག་མར་སྨོས་པ་མཛད་པ་ཐོས་ནས་ཤིན་ཏུ་དགའ་བར་གྱུར་ཏེ། དགའ་བ་དང ། རབ་ཏུ་དགའ་བ་སྐྱེས་པ་དེས་ནོར་གྱི་རིགས་ཐམས་ཅད་ཀྱིས། བཅོམ་ལྡན་འདས་ཀྱི་ཕྱིར་རིན་པོ་ཆེ་སྣ་བཞིའི་སྒོ་ཁང་བྱེད་དུ་བཅུག་གོ་།དེ་བཞིན་དུ་སྡུད་པ་བྱེད་པ་རྣམས་ཀྱིས་ཀྱང ། མདོ་སྡེའི་ནང་དུ་སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཞེས་གདགས་པར་བྱས་སོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཁྱིམ་བདག་མགོན་མེད་ཟས་སྦྱིན་གྱིས། སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ལ་ཕྱོགས་འདི་སྔོན་ནམ་ཕུལ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།སྔོན་བྱུང་བ། བསྐལ་པ་དགུ་བཅུ་རྩ་གཅིག་ལ་ཡང་དག་པར་རྫོགས་པའི་སངས་རྒྱས་རིག་པ་དང ། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་འཇིག་རྟེན་དུ་བྱུང་ནས། དེ་འཁོར་དགེ་སློང་དྲུག་ཁྲི་ཉིས་སྟོང་དང་ཕྱོགས་འདིར་
Ga308b
གཤེགས་སོ། །དེའི་ཚེ་མཉན་ཡོད་འདིར་ཁྱིམ་བདག་རྒྱལ་ཞེས་བྱ་བ་བྱུང་སྟེ། དེས་ས་ཕྱོགས་འདི་རྒྱང་གྲགས་དྲུག་གསེར་དང ། དབྱིག་གཤིབས་པས་རྒྱལ་བུ་གཞོན་ནུ་ལས་ཉོས་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་ཕུལ་ཏེ་དེ་ཉིད་ཀྱི་སྤྱན་སྔར་རབ་ཏུ་བྱུང་ནས། ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་སུམ་དུ་བྱས་སོ། །ཁྱིམ་བདག་རྒྱལ་གྱི་ཚ་བོ་ཞིག་དེ་བསྟེན་པས། དེ་བཞིན་གཤེགས་པ་རྣམ་པར་གཟིགས་ལ་ཤིན་ཏུ་དད་པ་སྐྱེས་ནས། དེས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དབུ་སྐྲ་དང ། སེན་མོའི་མཆོད་རྟེན་རྩིག་ཏུ་བཅུག་སྟེ། དེས་བསམ་པ། གང་གིས་ན། བདག་གིས་འདི་ཉིད་མཚན་དུ་སྒྲིབ་པ་མེད་པར་མཐོང་བར་འགྱུར་བའི་ཐབས་དེ་ཅི་ཡོད་སྙམ་པ་དང ། དེ་ལ་བརྟེན་པ་རྒྱ་མཚོའི་འགྲམ་ན་འདུག་པ་ཞིག་གིས་ནོར་བུ་རིན་པོ་ཆེ་འབར་བ་ཞིག་སྐྱེས་སུ་བསྐུར་ནས། དེས་དེ་མཆོད་རྟེན་ལ་བརྟགས་པ་དང ། དེའི་མཐུས་དེས་དབུ་སྐྲ་དང ། སེན་མོའི་མཆོད་རྟེན་དེ་ཉིད་མཚན་དུ་སྒྲིབ་པ་མེད་པར་མཐོང་ངོ ། །དེ་ནས་དད་པ་སྐྱེས་ནས་སྨོན་ལམ་བཏབ་པ། ཇི་ལྟར་ས་ཕྱོགས་འདི་བདག་གི་ཞང་པོས་རྒྱལ་བུ་གཞོན་ནུ་ལས་གསེར་དང ། དབྱིག་གཤིབས་པས་ཉོས་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས། ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་བ་དེ་བཞིན་དུ། བདག་གིས་ཀྱང་ས་ཕྱོགས་འདི། གསེར་དང ། དབྱིག་གཤིབས་པས་གཞོན་ནུ་ལས་ཉོས་ནས་ཡང་དག་པར་རྫོགས་པའི་
Ga309a
༄#། །སངས་རྒྱས་བདུན་ལ་འབུལ་བར་འགྱུར་ཞིང ། དེ་རྣམས་ཀྱི་ཕྱི་མ་ཤོས་གང་ཡིན་པ་དེའི་སྤྱན་སྔར་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་པར་གྱུར་ཅིག་།ཅེས་བཏབ་བོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་རྒྱལ་གྱི་ཚ་བོ་གང་ཡིན་པ་དེ་ནི། ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ནོ། །དེ་ཚུན་ཆད་བསྐལ་པ་སུམ་ཅུ་རྩ་གཅིག་པ་ལ་སྟོན་པ་གཙུག་ཏོར་ཅན་ཞེས་བྱ་བ་ནས་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ ། །ཞེས་བྱ་བའི་བར་གོང་མ་བཞིན་དུ་སྟེ། དེ་འཁོར་དགེ་སློང་དྲུག་ཁྲི་དང་ས་ཕྱོགས་འདིར་གཤེགས་སོ། །དེའི་ཚེ་ཁྱིམ་བདག་རྒྱས་པ་ཞེས་བྱ་བ་བྱུང་སྟེ། དེས་ཕྱོགས་འདི་དཔག་ཚད་ཕྱེད་དང་གསུམ་ནོར་བུ་གཤིབས་པས་རྒྱལ་བུ་གཞོན་ནུ་ལས་ཉོས་ནས་ཡང་དག་པར་རྫོགས་པའི་སངས་རྒྱས་གཙུག་ཏོར་ཅན་ཉན་ཐོས་ཀྱི་འཁོར་དང་བཅས་པ་ལ་ཕུལ་ལོ། །དགེ་སློང་དག་།དེའི་ཚེ་དེའི་དུས་ཀྱི་ཁྱིམ་བདག་རྒྱས་པ་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་དེའི་ཚེ་དེའི་དུས་ན་ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ནོ། །དེའི་འོག་ཏུ་བསྐལ་པ་སུམ་ཅུ་རྩ་གཅིག་པ་དེ་ཉིད་ལ་སྟོན་པ་ཐམས་ཅད་སྐྱོབ་ཅེས་བྱ་བ་ནས་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ ། །ཞེས་བྱ་བའི་བར་གོང་མ་བཞིན་དུ་སྟེ། དེ་འཁོར་དགེ་སློང་དྲུག་ཁྲི་དང་ས་ཕྱོགས་འདིར་གཤེགས་སོ། །དེའི་ཚེ་
Ga309b
ཁྱིམ་བདག་མཆུ་ཞེས་བྱ་བ་བྱུང་སྟེ། དེས་ཕྱོགས་འདི་རྒྱང་གྲགས་གཉིས་སུ་མུ་ཏིག་གཤིབས་པས་གཞོན་ནུ་ལས་ཉོས་ནས་ཡང་དག་པར་རྫོགས་པའི་སངས་རྒྱས་ཐམས་ཅད་སྐྱོབ་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལོ། །དགེ་སློང་དག་།དེའི་ཚེ་དེའི་དུས་ཀྱི་ཁྱིམ་བདག་མཆུ་ཞེས་བྱ་བ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་དེའི་ཚེ་དེའི་དུས་ན་ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ནོ། །དེའི་འོག་ཏུ་བསྐལ་པ་བཟང་པོ་འདི་ལ་སྟོན་པ་འཁོར་བ་འཇིག་ཅེས་བྱ་བ་ནས་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ ། །ཞེས་བྱ་བའི་བར་གོང་མ་བཞིན་དུ་སྟེ། དེ་འཁོར་དགེ་སློང་བཞི་ཁྲི་དང་ཕྱོགས་འདིར་གཤེགས་སོ། །དེའི་ཚེ་ཁྱིམ་བདག་སྲིད་སྦྱིན་ཞེས་བྱ་བ་བྱུང་སྟེ། དེས་ཕྱོགས་འདི་བ་ལང་གིས་བཀང་བས་གཞོན་ནུ་ལས་ཉོས་ཏེ་ཡང་དག་པར་རྫོགས་པའི་སངས་རྒྱས་འཁོར་བ་འཇིག་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལོ། །དགེ་སློང་དག་།དེའི་ཚེ་དེའི་དུས་ཀྱི་ཁྱིམ་བདག་སྲིད་སྦྱིན་ཞེས་བྱ་བར་གྱུར་པ་དེ་གཞན་ཞིག་ཡིན་སྙམ་ན། ཁྱེད་ཀྱིས་དེ་ལྟར་མི་བལྟ་སྟེ། འོན་ཀྱང་དེའི་ཚེ་དེའི་དུས་ན་ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ནོ། །དེའི་འོག་ཏུ་བསྐལ་པ་བཟང་པོ་འདི་ཉིད་ལ་སྐྱེ་རྒུ་རྣམས་ཀྱི་ཚེ་ལོ་སུམ་ཁྲི་ཐུབ་པ་ན། སྟོན་པ་གསེར་ཐུབ་ཅེས་བྱ་བ་ནས་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ ། །ཞེས་བྱ་བའི་བར་གོང་མ་བཞིན་དུ་སྟེ། དེ་འཁོར་དགེ་སློང་སུམ་ཁྲི་དང་ཕྱོགས་འདིར་གཤེགས་སོ། །དེའི་ཚེ་ཁྱིམ་བདག་ཕུར་བུ་ཞེས་བྱ་བ་
Ga310a
༄#། །བྱུང་སྟེ། དེས་ཕྱོགས་འདི་གོས་བཏིང་བས་གཞོན་ནུ་ལས་ཉོས་ནས་ཡང་དག་པར་རྫོགས་པའི་སངས་རྒྱས་གསེར་ཐུབ་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལོ། །དགེ་སློང་དག་།དེའི་ཚེ་དེའི་དུས་ཀྱི་ཁྱིམ་བདག་ཕུར་བུ་ཞེས་བྱ་བར་གྱུར་བ་དེ། གཞན་ཞིག་ཡིན་སྙམ་ན། ཁྱོད་ཀྱིས་དེ་ལྟར་མི་བལྟ་སྟེ། འོན་ཀྱང་དེའི་ཚེ་དེའི་དུས་ན་ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ནོ། །དེའི་འོག་ཏུ་བསྐལ་བ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། ཡང་དག་པར་རྫོགས་པའི་སངས་རྒྱས་འོད་སྲུང་ཞེས་བྱ་བ་ནས་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ་ཞེས་བྱ་བའི་བར་གོང་མ་བཞིན་དུ་སྟེ། དེ་འཁོར་དགེ་སློང་ཉིད་ཁྲི་དང་ཕྱོགས་འདིར་གཤེགས་སོ། །དེའི་ཚེ་ཁྱིམ་བདག་ཆུ་སྟོད་ཅེས་བྱ་བ་ཞིག་བྱུང་སྟེ། དེས་ས་ཕྱོགས་འདི་རྒྱང་གྲགས་ཕྱེད་གསེར་གྱིས་བཀྲམ་པས་གཞོན་ནུ་ལས་ཉོས་ཏེ་ཡང་དག་པར་རྫོགས་པའི་སངས་རྒྱས་འོད་སྲུང་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལོ། །དགེ་སློང་དག་།དེའི་ཚེ་དེའི་དུས་ཀྱི་ཁྱིམ་བདག་ཆུ་སྟོད་ཅེས་བྱ་བར་གྱུར་པ་དེ། གཞན་ཞིག་ཡིན་སྙམ་ན། ཁྱེད་ཀྱིས་དེ་ལྟར་མི་བལྟ་སྟེ། འོན་ཀྱང་དེའི་ཚེ་དེའི་དུས་ན་ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ནོ། །དགེ་སློང་དག་།ད་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བ་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་
Ga310b
སྟོན་པ། སྟོན་པ་ང་ཡང་འཇིག་རྟེན་དུ་བྱུང་ནས་ང་འཁོར་སྟོང་ཉིས་བརྒྱ་ལྔ་བཅུ་དང་ཕྱོགས་འདིར་གཤེགས་པ་ན། ད་ལྟར་ཡང་ཁྱིམ་བདག་མགོན་མེད་ཟས་སྦྱིན་གྱིས། རྨོན་པ་དོར་བཅུ་དྲུག་གིས་སྨོས་པའི་ཁྱོན་བྱེ་བ་གཤིབས་པས་གཤིབས་ནས་གཞོན་ནུ་རྒྱལ་བྱེད་ལས་ཉོས་ཏེ་ང་ཉན་ཐོས་ཀྱི་དགེ་འདུན་དང་བཅས་པ་ལ་ཕུལ་ལོ། །དགེ་སློང་དག་།མ་འོངས་པའི་དུས་ན། སྐྱེ་རྒུ་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ན། སྟོན་པ་བྱམས་པ་ཞེས་བྱ་བ་འཁོར་དགྲ་བཅོམ་པ་ཁྲག་ཁྲིག་ཕྲག་དགུ་དང ། ཐེར་འབུམ་ཆེན་པོ་ཕྲག་དྲུག་ཕྱོགས་འདིར་གཤེགས་པར་འགྱུར་རོ། །དེའི་ཚེ་ཁྱིམ་བདག་ནོར་བཟང་ཞེས་བྱ་བ་འབྱུང་བར་འགྱུར་ཏེ། དེས་ཕྱོགས་འདི་དཔག་ཚད་གསུམ་གསེར་དང ། དབྱིག་གཤིབས་པས་གཞོན་ནུ་ལས་ཉོས་ནས་བྱམས་པ་ཉན་ཐོས་ཀྱི་དགེ་འདུན་དང་བཅས་པ་ལ་འབུལ་བར་འགྱུར་ཞིང ། དེ་ཉིད་ཀྱི་བསྟན་པ་ལ་རབ་ཏུ་བྱུང་སྟེ་ཉོན་མོངས་པ་ཐམས་ཅད་སྤངས་ནས་དགྲ་བཅོམ་པ་མངོན་སུམ་དུ་བྱེད་པར་འགྱུར་རོ། །དགེ་སློང་དག་།དེའི་ཚེ་དེའི་དུས་ཀྱི་ཁྱིམ་བདག་ནོར་བཟང་ཞེས་བྱ་བ་འབྱུང་བར་འགྱུར་བ་དེ། གཞན་ཞིག་ཡིན་སྙམ་ན། ཁྱེད་ཀྱིས་དེ་ལྟར་མི་བལྟ་སྟེ། འོན་ཀྱང་ཁྱིམ་བདག་མགོན་མེད་ཟས་སྦྱིན་འདི་ཉིད། ཁྱིམ་བདག་ནོར་བཟང་ཞེས་བྱ་བ་ཡིན་པར་འགྱུར་རོ། །ཁྱིམ་བདག་མགོན་མེད་ཟས་སྦྱིན་གྱིས་གཏེར་བདག་བོ་དང་བཅས་པ་དང ། བདག་པོ་མེད་པ་དང ། ཐང་ལ་ཡོད་པ་དང ། ཆུ་ན་ཡོད་པ་དང ། གང་དག་རྒྱང་རིང་པོ་ན་ཡོད་པ་དང ། གང་དག་ཐག་ཉེ་བ་ན་ཡོད་པ་ཡང་མཐོང་བས། ཀུན་ཏུ་ཁྱིམ་བདག་མགོན་མེད་
Ga311a
༄#། །ཟས་སྦྱིན་གྱིས། གཏེར་བདག་པོ་དང་བཅས་པ་དང ། བདག་པོ་མེད་པ་དང ། ཐང་ལ་ཡོད་པ་དང ། ཆུ་ན་ཡོད་པ་དང ། གང་དག་རྒྱང་རིང་པོ་ན་ཡོད་པ་དང ། གང་དག་ཐག་ཉེ་བ་ན་ཡོད་པ་མཐོང་ངོ ། །ཞེས་གྲགས་སོ། །དེའི་ཚེ་མུ་སྟེགས་ཅན་གྱི་དགེ་སྦྱོང་དང ། བྲམ་ཟེ་དང ། སྤྱོད་བ་པ་དང ། ཀུན་ཏུ་རྒྱུ་སྣ་ཚོགས་རྟོག་ཁང་དུ་འདུས་ཏེ་འཁོད་པ་རྣམས། འདི་ལྟ་བུའི་སྐབས་ཀྱི་གཏམ་དག་གླེང་བར་བྱེད། ཤེས་ལྡན་དག། ཁྱིམ་བདག་མགོན་མེད་ཟས་སྦྱིན་མཚན་གང་དག་དང་ལྡན་ན། གཏེར་བདག་པོ་དང་བཅས་པ་དང ། བདག་པོ་མེད་པ་དང ། ཐང་ལ་ཡོད་པ་དང ། ཆུ་ན་ཡོད་པ་དང ། གང་དག་རྒྱང་རིང་པོ་ན་ཡོད་པ་དང ། གང་དག་ཐག་ཉེ་བ་ན་ཡོད་པ་མཐོང་བར་གྱུར། དེའི་ཚེ་བྲམ་ཟེའི་ཁྱེའུ་ཕྱུགས་སྟེན་ཞེས་བྱ་བ་འཁོར་དེ་ཉིད་དུ་ཚོགས་ཤིང་འདུག་པར་གྱུར་ནས་དེས་སྨྲས་པ། ཤེས་ལྡན་དག་།ཁྱེད་ཅག་སེམས་ལས་ཆུང་ངུས་འཁོད་ཅིག་དང ། ཁོ་བོས་ཁྱིམ་བདག་མགོན་མེད་ཟས་སྦྱིན་མཚན་གང་དག་དང་ལྡན་ན། གཏེར་བདག་པོ་དང་བཅས་པ་དང ། བདག་པོ་མེད་པ་དང ། ཐང་ལ་ཡོད་པ་དང ། ཆུ་ན་ཡོད་པ་དང ། གང་དག་རྒྱང་རིང་པོ་ན་ཡོད་པ་དང ། གང་དག་ཐག་ཉེ་བ་ན་ཡོད་པ་མཐོང་བར་འགྱུར་བ་བརྟགས་ལ་ཁྱེད་ལ་སྨྲ་བར་བྱའོ། །ཞེས་དེ་ཁྱིམ་བདག་མགོན་མེད་ཟས་སྦྱིན་འགྲོ་བ་དང་འདུག་པ་ལ་བརྟག་པ་ལྷུར་ལེན་ཅིང ། རྗེས་བཞིན་རྗེས་བཞིན་འབྲང་ངོ ། །ཇི་ཙམ་དུས་གཞན་ཞིག་ན། ཁྱིམ་བདག་མགོན་
Ga311b
མེད་ཟས་སྦྱིན། ཆུ་བོ་ཨ་ཛི་ར་བ་ཏིར་ཁྲུས་བྱས་ནས་བྱུང་བ་ལ། དེས་དེའི་རྒྱབ་ཏུ་ཐལ་མོས་བརྒྱབ་པ་དང ། ཁྱིམ་བདག་མགོན་མེད་ཟས་སྦྱིན་གྱིས་མཐོང་བཞིན་དུ་ཅང་མི་སྨྲ་བར་འདུག་གོ་།དེས་སྨྲས་པ། ཁྱིམ་བདག་།ཁྱོད་ནི། མཁས་པ་ཡིན་ཞིང ། བཟོད་པ་དང ། ངེས་པ་དང་ལྡན་པ་ཡིན་པ་དེས་ན། གཏེར་བདག་པོ་དང་བཅས་པ་དང ། བདག་པོ་མེད་པ་དང ། ཐང་ལ་ཡོད་པ་དང ། ཆུ་ན་ཡོད་པ་དང ། གང་དག་རྒྱང་རིང་པོ་ན་ཡོད་པ་དང ། གང་དག་ཐག་ཉེ་བ་ན་ཡོད་པ་མཐོང་ངོ ། །དེས་མུ་སྟེགས་ཅན་རྣམས་ལ་གོ་བར་བྱས་པ་དང ། མུ་སྟེགས་ཅན་ཁ་ངོམ་ཅན་རྣམས་ཀྱིས་ཀྱང་ཀུན་ཏུ་སྨྲས་པས། ཁྱིམ་བདག་མགོན་མེད་ཟས་སྦྱིན་ནི། བཟོད་པ་དང ། དེས་པ་དང་ལྡན་པས། དེས་ན་གཏེར་བདག་པོ་དང་བཅས་པ་དང ། བདག་པོ་མེད་པ་དང ། ཐང་ལ་ཡོད་པ་དང ། ཆུ་ན་ཡོད་པ་དང ། གང་དག་རྒྱང་རིང་པོ་ན་ཡོད་པ་དང ། གང་དག་ཐག་ཉེ་བ་ན་ཡོད་པ་མཐོང་ངོ ། །ཞེས་ཀུན་ཏུ་སྒྲ་གྲགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།མུ་སྟེགས་ཅན་བརྒྱ་སྟོང་ཕྲག་བྱེ་བས་ཀྱང ། ཁྱིམ་བདག་མགོན་མེད་ཟས་སྦྱིན་མཚན་གང་དང་ལྡན་ན། གཏེར་མཐོང་བར་འགྱུར་བ་ཤེས་པར་སླ་བ་མ་ཡིན་ནོ། །འོན་ཀྱང་ཁྱིམ་བདག་མགོན་མེད་ཟས་སྦྱིན་གྱི་མིག་གི་འབྲས་བུ་རིན་པོ་ཆེ་ལྟར་བཀྲ་བ་དང ། དབྱིག་གི་སྐད་ཡོད་དེ། དེས་ན། གཏེར་བདག་པོ་དང་བཅས་པ་དང ། བདག་མེད་པ་
Ga312a
༄#། །དང ། ཐང་ལ་ཡོད་པ་དང ། ཆུ་ན་ཡོད་པ་དང ། གང་དག་རྒྱང་རིང་པོ་ན་ཡོད་པ་དང ། གང་དག་ཐག་ཉེ་བ་ན་ཡོད་པ་མཐོང་ངོ་།། །།འདུལ་བ་གཞི། བམ་པོ་དོན་དྲུག་པ། དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ། ཁྱིམ་བདག་མགོན་མེད་ཟས་སྦྱིན་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་མིག་གི་འབྲས་བུ་རིན་པོ་ཆེ་ལྟར་བཀྲ་ཞིང་དབྱིག་གི་སྐད་དང་ལྡན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱིམ་བདག་མགོན་མེད་ཟས་སྦྱིན་འདི་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། ཁྱིམ་བདག་མགོན་མེད་ཟས་སྦྱིན་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག། ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ཁོ་ན་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་
Ga312b
དང་དུས། རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག། སྔོན་བྱུང་བ། རི་བོར་ཞིག་ན། ཁྱིམ་བདག་ཕྱུག་ཅིང་ནོར་མང་ལ་ལོངས་སྤྱོད་ཆེ་བ་ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་ཏེ། དེས་སོས་ཀའི་དུས་ལ་བབ་པའི་ཚེ་མེ་ཏོག་གི་ཤིང་རྣམས་འབུས་ཤིང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་ཏེའུ་རྣམས་སྐད་འབྱིན་པའི་ནགས་ཚལ་གྱི་གཞིར་ནང་མི་དང་ལྷན་ཅིག་དོང་ངོ ། །སངས་རྒྱས་རྣམས་བྱུང་བ་མེད་པ་ན། རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ། བས་མཐའི་གནས་མལ་ལ་དགའ་བ། འཇིག་རྟེན་རྣམས་ཀྱི་ཡོན་གནས་གཅིག་པུ་དག་འཇིག་རྟེན་དུ་འབྱུང་བར་འགྱུར་བས། ཇི་ཙམ་ན་རང་སངས་རྒྱས་ཤིག་ལྗོངས་རྒྱུ་ཞིང་སོང་ན་རི་བོར་དེར་ཕྱིན་ནས། དེ་སྐྱེད་མོས་ཚལ་དེའི་ཕྱོགས་ཤིག་ན་འདུག་གོ། སྐྱེད་མོས་ཚལ་སྲུང་བའི་མིས་ཁྱིམ་བདག་དེ་ལ་སྨྲས་པ། དཔོན་པོ། ཕྱོགས་འདི་ན་རབ་ཏུ་བྱུང་བ་ཞི་བའི་བདག་ཉིད་ཅན་ཞིག་བཞུགས་སོ། །དེས་ཐོས་ནས། དེ་ཡིད་དགའ་བར་གྱུར་ཅིང་དད་པ་སྐྱེས་ཏེ། བདག་གི་སྐྱེད་མོས་ཚལ་ན་འདི་འདྲ་བའི་རབ་ཏུ་བྱུང་བ་གནས་པ་ནི། བདག་སྐལ་བ་ཅན་ཡིན་ནོ་སྙམ་མོ། །བདག་ཉིད་ཆེན་པོ་དེ་ཡང་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཞུགས་ཏེ་ཡོངས་སུ་མྱ་ངན་ལས་འདས་སོ། །དེ་ནས་ཁྱིམ་བདག་དེས་མཛའ་བཤེས་དང ། ཉེ་དུ་དང །
Ga313a
༄#། །གཉེན་དང ། ནང་མི་རྣམས་དང་ལྷན་ཅིག་ཏུ་བཀུར་སྟི་ཆེན་པོ་བྱས་ནས་བསྲེགས་ཏེ། མེ་དེའོ་མས་བསད་ནས་རུས་པ་དེ་རྣམས་ཤེལ་ལས་བྱས་པའི་བུམ་པའི་ནང་དུ་རིན་པོ་ཆེ་དང་བསྲེས་ཏེ་བླུགས་པ་དང ། རུས་པ་དེ་རྣམས་འོད་དང་ལྡན་ཞིང་སྒྲ་འབྱིན་པར་གྱུར་ཏོ། །དེ་ནས་དེས་དྲུང་དུ་གཏུགས་ནས་སྨོན་ལམ་བཏབ་པ། ཇི་ལྟར་རུས་པ་འདི་རྣམས་རིན་པོ་ཆེ་དང་བསྲེས་ནས་ཤིན་ཏུ་འོད་དང་ལྡན་ཞིང་སྒྲ་འབྱིན་པ་དེ་བཞིན་དུ། དགེ་བའི་རྩ་བ་འདིས་བདག་གི་མིག་གི་འབྲས་བུ་རིན་པོ་ཆེ་ལྟར་བཀྲ་ཞིང ། དབྱིག་གི་སྐད་དང་ལྡན་པར་གྱུར་ཅིག་།ཅེས་བྱས་སོ། །དགེ་སློང་དག། ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་གང་ཡིན་པ་དེ་ནི། ཁྱིམ་བདག་མགོན་མེད་ཟས་སྦྱིན་འདི་ཉིད་ཡིན་ཏེ། འདིས་རང་སངས་རྒྱས་ལ་བྱ་བ་བྱས་ནས་སྨོན་ལམ་བཏབ་པ་གང་ཡིན་པ་དེ་དང ། ཁྱིམ་བདག་རྒྱལ་གྱི་ཚ་བོར་གྱུར་པ་ན་དེས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་དབུ་སྐྲ་དང་སེན་མོའི་མཆོད་རྟེན་ལ་ནོར་བུ་འབར་བ་བཏགས་པ་གང་ཡིན་པ་དེའི་ལས་ཀྱི་རྣམ་པར་སྨིན་པས། མིག་གི་འབྲས་བུ་རིན་པོ་ཆེ་ལྟར་བཀྲ་ཞིང་དབྱིག་གི་སྐད་དང་ལྡན་པར་གྱུར་ཏོ། །དགེ་སློང་དག། དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི། གཅིག་ཏུ་དཀར་བ་དང ། འདྲེན་མ་རྣམས་ཀྱི་ནི། འདྲེན་མ་ཡིན་ཏེ། དེ་ལྟ་བས་ན། དགེ་སློང་དག་འདི་
Ga313b
ལྟར་བསླབ་པར་བྱ་སྟེ། ལས་གནག་པ་དང་འདྲེན་མ་གང་ཡིན་པ་རྣམས་ནི། སྤངས་ལ། ལས་གཅིག་ཏུ་དཀར་བ་རྣམས་ལ་བཙལ་བར་བྱ་སྟེ། དགེ་སློང་དག། ཁྱེད་ཀྱིས་དེ་ལྟ་བུ་ལ་བསླབ་པར་བྱའོ།། བར་གྱི་སྡོམ་ནི། རྒྱལ་དང་རྒྱས་པ་ཆུ་དང་ནི། །སྲིད་སྦྱིན་དང་ནི་ཕུར་བུ་དང ། །ཆུ་སྟོད་དང་ནི་ཟས་སྦྱིན་དང ། །ཕྱི་མ་པ་ནི་ནོར་བཟང་ཡིན། །དབྱིག་རྣམས་དང་ནི་གསེར་དང་ནི། །གསུམ་པ་ནོར་བུ་མུ་ཏིག་ཡིན། །བ་དང་ནས་དང་གོས་དང་ནི། །བྱེ་བ་དབྱིག་གིས་བསྡུས་པ་ཡིན། །གང་གི་ཚེ་ཁྱིམ་བདག་མགོན་མེད་ཟས་སྦྱིན་གྱིས་བྱེ་བའི་གཤིབས་པས་གཤིབས་ནས། གཞན་ནུ་རྒྱལ་བྱེད་ལས་ཉོས་ཏེ་སངས་རྒྱས་ལ་སོགས་པ་དགེ་སློང་གི་དགེ་འདུན་ལ་ཕུལ་བ་དེའི་ཚེ། ཡུལ་སྣ་ཚོགས་ན་གནས་པའི་དད་པ་ཅན་མཆོད་རྟེན་ལ་ཕྱག་འཚལ་བ་དག་མཉན་ཡོད་དུ་ལྷགས་ན། དེ་རྣམས་ལས་ཁ་ཅིག་མངོན་པར་དད་པར་གྱུར་ནས། སྨྲས་པ། འཕགས་པ། བདག་ཅག་གིས་ཀྱང་འཕགས་པའི་དགེ་འདུན་གྱི་སླད་དུ། རྒྱལ་བུ་རྒྱལ་བྱེད་ཀྱི་ཚལ་དུ་གཞི་ཅུང་ཟད་རྩིག་གོ། དགེ་སློང་རྣམས་ཀྱིས་སྨྲས་པ། རིན་གྱིས་ས་ཉོས་ལ་རྩིགས་ཤིག། འཕགས་པ། རིན་ཇི་ཙམ་སྩལ་ལགས། དབྱིག་འདི་སྙེད་དོ། །འཕགས་པ། རེ་ཞིག་འདི་སྙེད་ཀྱི་འབྱོར་པ་བདག་ཅག་ལ་ལྟ་ག་ལ་མཆིས། དེ་ལྟ་མོད་ཀྱི། གལ་ཏེ་ཕྱོགས་འདི་ཐོབ་ན་བརྩིག་གོ། ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ལ་
Ga314a
༄#། །རྟོགས་ལ་གལ་ཏེ། བྱིན་ན་རྩིགས་ཤིག། དགེ་སློང་རྣམས་ཀྱིས་ཁྱིམ་བདག་མགོན་མེད་ཟས་སྦྱིན་ལ་བརྟགས་པ་དང ། དེས་སྨྲས་པ། གལ་ཏེ་བདག་ལ་བརྟེན་ཏེ་བྲམ་ཟེ་དང ། ཁྱིམ་བདག་དད་པ་ཅན་རྣམས་དགེ་འདུན་གྱི་ཕྱིར་བསོད་ནམས་བགྱི་བའི་དངོས་པོ་བགྱིད་ན་སྩལ་ཏོ། །གང་ཟག་གི་ཕྱིར་བགྱིད་ན་མི་སྩལ་ཏོ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་འདུན་གྱི་ཕྱིར་ནི། བརྩིག་པར་བྱའོ། །གང་ཟག་གི་ཕྱིར་ནི། ཡོན་བདག་ལ་བརྟགས་ཏེ། གལ་ཏེ་བྱིན་ན། བརྩིག་པར་བྱའོ། །མ་བྱིན་ན། བརྩིག་པར་མི་བྱའོ། །གློ་བུར་བའི་དགེ་སློང་མཆོད་རྟེན་ལ་ཕྱག་འཚལ་བ་དག་མཉན་ཡོད་དུ་ལྷགས་པ་ན། དེ་རྣམས་སྨོས་འདྲིན་ཇི་ལྟ་བ་བཞིན་དགེ་སློང་རྣམས་ཀྱི་དྲུང་དུ་དོང་བ་དང ། གཞན་དག་ལ་སྨོས་འདྲིན་མེད་པ་དེ་དག་ཕོངས་པར་གྱུར་ནས། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། གློ་བུར་བ་རྣམས་ཀྱི་ཕྱིར་མ་བགོས་པའི་གནས་གཞག་པར་བྱའོ། །རི་བོར་ཞིག་ན་གཙུག་ལག་ཁང་ཞིག་ཡོད་པ་དེར་དགེ་སློང་རྣམས་དབྱར་གནས་པར་དམ་བཅས་པ་ལས། ཇི་ཙམ་ན་རི་བོར་དེར་དབྱར་གྱི་ནོར་ལེགས་སུ་འཇིགས་པ་བྱུང་ནས། དེ་ན་གནས་པའི་དགེ་སློང་རྣམས་སྐྲག་ནས་དགག་དབྱེ་མ་བྱས་པར་མཉན་ཡོད་དུ་ལྷགས་པ་དང ། དེ་རྣམས་དགེ་སློང་རྣམས་ཀྱིས་ལམ་
Ga314b
གྱིས་དུབ་པ་ངལ་བསོར་བཅུག་སྟེ། ལམ་གྱིས་དུབ་པ་ངལ་སོས་ནས། དེ་རྣམས་ཀྱིས་སྨྲས་པ། ཚེ་དང་ལྡན་པ་དག། བདག་ཅག་ལ་གནས་མལ་སྐོས་ཤིག། དེ་རྣམས་ཀྱིས་དབྱར་གྱི་ནང་ལོགས་ཡིན་ནོ། །སྙམ་ནས་མ་བསྐོས་པ་དང ། གློ་བུར་བའི་དགེ་སློང་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། ཚེ་དང་ལྡན་པ་དག། ཁྱེད་ད་ལྟར་སྟོན་པ་ཉིད་བཞུགས་པ་བཞིན་དུ་བསྟན་པ་ནུབ་པར་བྱེད་དམ་ཅི། གལ་ཏེ་ཁྱེད་ལ་འགྱོད་པ་ཡོད་ན། རྒན་རིམ་ཇི་ལྟ་བ་བཞིན་དུ་གནས་མལ་བྱིན་ཅིག་།དེ་རྣམས་འོན་ཀྱང་མ་བསྐོས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། འཇིགས་པས་རལ་པའི་དགེ་སློང་རྣམས་ཀྱི་ཕྱིར་དབྱར་གཉིས་པར་གནས་པར་དམ་བཅའ་བར་བྱའོ། །དགེ་སློང་རྣམས་ཀྱིས་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཟླ་བ་གསུམ་པའི་དགག་དབྱེ་བྱ་ཞིང་དབྱར་ཟླ་ཐ་ཆུང་ལ་དབྱར་ཕྱི་མར་གནས་པར་དམ་བཅའ་བར་བྱའོ། །བཅོམ་ལྡན་འདས་ཀྱིས་འཇིགས་པས་རལ་པའི་དགེ་སློང་རྣམས་ཀྱི་ཕྱིར་དབྱར་གཉིས་པར་གནས་པར་དམ་བཅའ་བར་བྱའོ། །ཞེས་གསུངས་པ་དང ། ཇི་ཙམ་ན་འཇིགས་པས་རལ་པའི་དགེ་སློང་གཞན་དག་ཀྱང་མཉན་ཡོད་དུ་ལྷགས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ངས་
Ga315a
༄#། །འཇིགས་པས་རལ་པའི་དགེ་སློང་རྣམས་ལ་བརྟེན་ནས་དབྱར་གཉིས་པར་གནས་པར་དམ་བཅའ་བ་བཅས་ཀྱི། གསུམ་པ་ནི། མ་ཡིན་ནོ། །འཇིགས་པས་རལ་པའི་དགེ་སློང་རྣམས་ཀྱང ། སྨོས་འདྲིན་ཇི་ལྟ་བ་བཞིན་དུ་ངལ་བསོར་གཞུག་པར་བྱའོ། །དགེ་སློང་རྣམས་ཀྱིས་དེ་རྣམས་ལས་སུ་སྐོ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ལས་སུ་བསྐོ་བར་མི་བྱའོ། །དགེ་སློང་རྣམས་ཀྱིས་དེ་རྣམས་ལ་རྙེད་པ་བྱིན་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ལ་རྙེད་པ་མི་སྦྱིན་ནོ། །དགེ་སློང་རྣམས་ཀྱིས་ཁ་ཟས་ཀྱི་རྙེད་པ་ཡང་མ་བྱིན་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེ་རྣམས་ལ་ཁ་ཟས་ཀྱི་རྙེད་པ་ནི། སྦྱིན་གྱི། གོས་ཀྱི་རྙེད་པ་ནི། མ་ཡིན་ནོ། །དད་པ་ཅན་རྣམས་ཀྱིས་གཙུག་ལག་ཁང་མང་དུ་བརྩིགས་པ་ལས། མཉན་ཡོད་ན་དགེ་སློང་ཉུང་ངུ་ཞིག་དབྱར་གནས་པར་དམ་བཅས་ཏེ། དེ་རྣམས་སྟོང་པར་འདུག་པས་སྦྱིན་བདག་རྣམས་ཀྱི་ལོངས་སྤྱོད་ལས་བྱུང་བའི་བསོད་ནམས་མེད་ཅིང་ནལ་ཕྲུག་རྣམས་ཀྱི་གནས་སུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་བགོ་བར་བྱ་སྟེ། རེ་རེས་ཀྱང་སོ་སོར་གཉིས་སམ། གསུམ་མམ། བཞི་ཅི་རན་པར་ཐམས་ཅད་ལ་ལོངས་སྤྱད་པར་བྱ་སྟེ། ལ་ལར་ནི། སྔ་དྲོ་འདུག་པར་བྱའོ། །ལ་ལར་ནི། ཉི་མའི་གུང་ལའོ། །ལ་ལར་ནི། ཕྱི་དྲོའོ། །ལ་ལར་ནི། ནུབ་མོ་གནས་པར་
Ga315b
བྱའོ། །དགེ་སློང་རྣམས་ཀྱིས་ལག་གི་ལས་མ་བྱས་པས་དེ་རྣམས་འདྲུམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཡོན་བདག་ལ་སྤྲོ་བ་བསྐྱེད་པར་བྱའོ། །གལ་ཏེ་གྲུབ་ན། དེ་ལྟ་ན་ལེགས། གལ་ཏེ་མ་གྲུབ་པར་གྱུར་ན། དགེ་འདུན་གྱིས་ཕྱིར་བཅོས་པར་བྱའོ། །གལ་ཏེ་མི་ནུས་པར་གྱུར་ན། ཅི་ཙམ་ནུས་པ་དེ་ཙམ་བཅོས་པར་བྱ་སྟེ། གཞན་ནི། བཏང་སྙོམས་སུ་གཞག་པར་བྱའོ། །གང་གི་ཚེ་བཅོམ་ལྡན་འདས་ཀྱི་བསྟན་པ་རྒྱས་པར་གྱུར་པ་དེའི་ཚེ་དགེ་སློང་མང་པོ་མཉན་ཡོད་དུ་ལྷགས་པ་དང ། དེ་རྣམས་གནས་ཁང་གིས་ཕོངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གཉིས་དང་གསུམ་གྱིས་བགོ་བར་བྱ་སྟེ། ཆུ་སྣོད་གཞག་པ་དང ། འདག་ཆལ་དང ། སྨན་དང ། སོ་ཤིང་གཞག་པ་དང ། ཕན་ཚུན་གྱི་ཐེམ་སྐས་མ་གཏོགས་པར་ཆུང་ངུ་ན་འདུག་པའི་ཚད་ཙམ་ཡང་ཐམས་ཅད་ཀྱིས་འདྲ་བར་བགོ་བར་བྱ་སྟེ། ཉེ་འཁོར་ནི། སྤྱིའི་ཡིན་པ་ཉིད་པས་བགོ་བར་མི་བྱའོ། །བཅོམ་ལྡན་འདས་ཀྱིས། དགེ་སློང་དག། དགོན་པ་དང ། ཤིང་དྲུང་དང ། ཁང་སྟོང་དང ། རི་སུལ་དང ། བྲག་ཕུག་དང ། རྩཝའི་སྟན་དང ། བླ་གབ་མེད་པ་དང ། དུར་ཁྲོད་དང ། ནགས་མཐའ་དང ། བས་མཐའི་གནས་མལ་འདི་རྣམས་སུ་བསམ་གཏན་གྱིས་ཤིག། །ཕྱིས་ཡིད་ལ་གཅགས་པར་མི་འགྱུར་བར་བག་ཡོད་པར་གྱིས་ཤིག། ཅེས་དགོན་པའི་བསྔགས་པ་མང་དུ་གསུངས་པ་དེའི་ཚེ། དགེ་སློང་ཁ་ཅིག་དགོན་པ་བར་
Ga316a
༄#། །དམ་བཅས་ནས་དགོན་པ་ན་གནས་པ་ལས། དེ་རྣམས་དེ་ན་ཆོམ་རྐུན་པ་རྣམས་ཀྱིས་གཏོགས་པར་གྱུར་ཏོ། །གཏོགས་ནས་བྲམ་ཟེ་དང ། ཁྱིམ་བདག་གི་ཁྱིམ་རྣམས་སུ་ཆོས་གོས་ཚོལ་བའི་ཕྱིར་བརྩོན་པར་གྱུར་པས། ལུང་ནོད་པ་དང ། ཀློག་པ་དང ། གདོན་པ་དང ། རྣལ་འབྱོར་དང ། ཡིད་ལ་བྱ་བ་ཉམས་པར་གྱུར་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དགོན་པ་པ་རྣམས་ཀྱི་ཕྱིར་གནས་གཞག་པར་བྱའོ། །བཅོམ་ལྡན་འདས་ཀྱིས་དགེ་སློང་དགོན་པ་པ་རྣམས་ཀྱི་ཕྱིར་གནས་གཞག་པར་བྱའོ། །ཞེས་གསུངས་པ་དང ། དགེ་སློང་རྣམས་ཀྱིས་མི་གསལ་བ་ཞིག་ཏུ་བཞག་པ་དང ། དགེ་སློང་དགོན་པ་པ་ཞིག་གིས་ལྷུང་བཟེད་དང་ཆོས་གོས་བཞག་ནས་སྒོ་བཅད་དེ་ལྡེ་མིག་བླངས་ནས་སོང་བ་དང ། དགེ་སློང་དགོན་པ་པ་གཞན་དག་ཕོངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། གནས་གསལ་བར་དགེ་སློང་དགོན་པ་པ་རྣམས་ཀྱི་གནས་གཞག་པར་བྱའོ། །ཉེ་དགས་ཁྱིམ་བདག་ཅིག་གཙུག་ལག་ཁང་རྩིག་ཏུ་བཅུག་ནས། དེ་ནི། དེ་ན་མི་གནས་པར་དགེ་སློང་གློ་བུར་བ་གང་ཞིག་འོངས་པ་དེ་ལ་གནས་བྱིན་ནས་རྙེད་པ་ནི། བདག་ཉིད་ཀྱིས་ཁྱེར་རོ། །ཇི་ཙམ་ན་དགེ་སློང་ཆོས་གོས་གསུམ་པ་ཞིག་འོངས་པ་དང ། དེས་གཙུག་ལག་ཁང་དེ་སྟོང་པར་མཐོང་ནས། དེས་དྲིས་
Ga316b
པ། འདི་སུའི་གཙུག་ལག་ཁང་ཡིན། དགེ་སློང་རྣམས་ཀྱིས་སྨྲས་པ། དགེ་སློང་ཉེ་དགའི་ཡིན་ནོ། །དེ་དེའི་དྲུང་དུ་སོང་ནས་བརྙས་པ་དང ། དེས་སྨྲས་པ། གཙུག་ལག་འདིར་འདུག་ལ། རྙེད་པ་གང་ཡིན་པ་དེ་ནི། ཁོ་བོའི་ཡིན་ནོ། །དེ་དེར་གནས་ཏེ། དེས་གཙུག་ལག་ཁང་དེ་ལན་འགའ་ཡང་ཕྱག་དར་མ་བྱས། བའི་ལྕི་བ་གསར་བའི་བྱུག་བསམ་བྱུགས་སོ། །དེ་ཇི་ཙམ་ཞིག་ན་གཙུག་ལག་ཁང་དེ་ནས་སོང་ངོ ། །དགེ་སློང་གཞན་ཞིག་འོངས་ཏེ། དེས་ཀྱང་ཉེ་དགའ་ལས་བརྙས་ནས་གཙུག་ལག་ཁང་དེར་གནས་པ་དང ། གཙུག་ལག་ཁང་དེ་ཕྱག་དར་གྱི་ཕུང་པོས་གང་བར་མཐོང་ནས། དེས་དེ་ཕྱགས་ནས་ཕྱག་དར་བོར་ཏེ། ཕྱགས་མ་འཛིན་བཞིན་དུ་ཕྱག་དར་གྱི་ཕུང་པོའི་དྲུང་ན་འགྲེང་བ་དང ། ཇི་ཙམ་ན་དགེ་སློང་གཞན་ཞིག་གིས་དེ་མཐོང་ནས་དེས་སྨྲས་པ། ཚེ་དང་ལྡན་པ། ཁྱོད་ཕྱགས་མ་ལག་པ་ན་ཐོགས་བཞིན་དུ་དེ་ཉིད་ན་འགྲེང་ངམ་ཅི། ཕྱགས་མ་དེ་མི་གཞག་གམ། དེས་སྨྲས་པ། འདི་ན་ལག་པ་སྲུང་བ་འགའ་ཞིག་གནས་གནས་པ་ལྟ་སྟེ། དེས་ཕྱགས་མའི་རྗེས་ཀྱང་མེད་དོ། །དེས་སྨྲས་པ། འདི་ན་དགེ་སློང་ཆོས་གོས་གསུམ་པ་ཆེ་གེ་མོ་ཞིག་གནས་གནས་སོ། །ཇི་ཙམ་ན་དེས་དེ་བསོད་སྙོམས་ལ་རྒྱུ་བ་མཐོང་ནས་མ་ནོངས་སོ། །དེས་སྨྲས་པ། རྙེད་པ་ནི། ཉེ་དགས་ཁྱེར་ལ། དེའི་གཙུག་ལག་ཁང་ཁོ་བོས་ཕྱག་དར་བྱའམ་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བཅོམ་ལྡན་འདས་ཀྱིས་བཀའ་སྩལ་
Ga317a
༄#། །པ། རྙེད་པ་སུ་ཁྱེར་བ་དེས་གཙུག་ལག་ཁང་ཕྱག་དར་བྱའོ། །བཅོམ་ལྡན་འདས་ཀྱིས་སྦྱིན་བདག་ཤི་བ་རྣམས་ཀྱི་མིང་གིས་ཡོན་བསྔོ་བར་བྱའོ། །ཞེས་གསུངས་པ་དང ། དགེ་འདུན་གྱི་གནས་བརྟན་གྱིས་ཤི་བ་རྣམས་ཀྱི་ཕྱིར་ཚིགས་སུ་བཅད་པ་འདོན་པ་ན། ཁྱིམ་བདག་ཅིག་གཙུག་ལག་ཁང་དུ་འོངས་ན། དེས་དེ་ཡོན་བསྔོ་བ་ཐོས་ནས་དེ་དེའི་དྲུང་དུ་སོང་སྟེ་སྨྲས་པ། འཕགས་པ། གལ་ཏེ་བདག་གིས་ཀྱང་གཙུག་ལག་ཁང་བརྩིགས་ན། བདག་གི་མིང་གིས་ཀྱང་ཡོན་བཤད་པ་མཛད་དམ། དེས་སྨྲས་པ། རྩིགས་ཤིག་དང་ལེགས་པར་བསྔོའོ། །ཇི་ཙམ་ན་ཁྱིམ་བདག་དེས་གཙུག་ལག་ཁང་ཞིག་རྩིག་ཏུ་བཅུག་ནས། དེས་དེར་ཅི་ཡང་མ་བཞག་གོ་།དེས་སྟོང་པ་ཉིད་དུ་འདུག་པ་ཇི་ཙམ་ན་ཁྱིམ་བདག་དེས་མཐོང་ནས་དེས་གཙུག་ལག་ཁང་དུ་འོངས་ནས་སྨྲས་པ། འཕགས་པ། བདག་གི་གཙུག་ལག་ཁང་སྟོང་པར་མཆིས་ན། དེ་ན་སུ་ཡང་མི་བཞུགས་སམ། དགེ་འདུན་གྱི་གནས་བརྟན་གྱིས་སྨྲས་པ། བཞིན་བཟང་མི་སྣུམ་པས་སོ། །ཁྱིམ་བདག་དེས་སྨྲས་པ། འཕགས་པ། ཚཝ་རྒོ་ཅན། དགོན་དུང་ལ་བརྩིགས་པ་ལ་ག་ལ་སྣུམ་པར་འགྱུར། ཁྱིམ་བདག་དེ་ལ་བསམ་ནས་ཁོ་བོ་སྨྲ་བ་མ་ཡིན་ཏེ། འོན་ཀྱང་དེ་ན་རྙེད་པ་མེད་དོ། །དེས་སྨྲས་པ། འཕགས་པ། དེ་ནི། བདག་གི་གཙུག་ལག་ཁང་དུ་སུ་བཞུགས་པ་ལ་རས་ཡུག་ཆེན་བསྐོན་ནོ། །ཉེ་དགས་རྙེད་པ་འཐོབ་བོ། །སྙམ་
Ga317b
ནས་གྲལ་རིམ་གྱིས་བབ་པ་ན་རང་གི་སྐལ་བར་བླངས་ནས་དེ་ནི་གཞན་ཉིད་ན་གནས་ཏེ། དེ་ནི་སྟོང་པར་འདུག་གོ། ཇི་ཙམ་ན་བསོད་སྙོམས་པ་མཆོད་རྟེན་ལ་ཕྱག་འཚལ་བ་ཞིག་མཉན་ཡོད་དུ་འོངས་པ་དེས། གཙུག་ལག་ཁང་སྟོང་པ་དེ་མཐོང་ནས། དེས་དགེ་སློང་དག་ལ་དྲིས་པ། གཙུག་ལག་ཁང་འདི་སུའི་ཡིན། དེ་དག་གིས་སྨྲས་པ། དགེ་འདུན་གྱི་གཙུག་ལག་ཁང་ཡིན་མོད་ཀྱི། དགེ་སློང་ཉེ་དགའི་སྐལ་པར་དབང་ངོ ། །དེ་ཉེ་དགའི་དྲུང་དུ་སོང་ནས། ཁྱོད་ཀྱི་སྐལ་པའི་གཙུག་ལག་ཁང་འདིར་འདུག་གོ་།དེས་སྨྲས་པ། དེ་བཞིན་བྱོས་ཤིག་།དེ་དེ་ན་གནས་པ་ན་བསོད་སྙོམས་པ་དེ། མཁས་པ་སྙོམས་ལས་མི་བྱེད་པ་ཞིག་ཡིན་པས། དེས་དེ་ཉི་མ་རེ་རེར་བྱུག་པ་དང་ཕྱག་དར་བྱས་སོ། །ཕྱག་དར་བྱེད་པ་ལ་ནི། ཕན་ཡོན་ལྔ་ཡོད་དེ། འདི་ལྟ་སྟེ། བདག་ཉིད་སེམས་དང་བར་འགྱུར་བ་དང ། གཞན་སེམས་དང་པར་འགྱུར་བ་དང ། ལྷ་རྣམས་ཡིད་དགའ་བར་འགྱུར་བ་དང ། མཛེས་པར་འགྱུར་བའི་དགེ་བའི་རྩ་བ་གསོག་པ་དང ། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་སུ་སྐྱེ་བར་འགྱུར་རོ། །གང་དག་གིས་གཙུག་ལག་ཁང་དེ་བྱུག་པ་དང ། ཕྱག་དར་བྱས་པ་མཐོང་བ་དེ་དག་གིས་ཁྱིམ་བདག་དེའི་དྲུང་དུ་སོང་སྟེ་སྨྲས་པ། དེས་ཐོས་ནས་མཆོག་ཏུ་དགའ་བ་སྐྱེས་སོ། །ཇི་ཙམ་དུས་གཞན་ཞིག་ན་རང་ཉིད་དེར་སོང་ན། གཙུག་ལག་ཁང་དེ་དེ་བཞིན་དུ་བྱུག་པ་དང་ཕྱག་དར་བྱས་པ་མཐོང་ནས། དེ་དད་པ་སྐྱེས་
Ga318a
༄#། །ཏེ། དེས་བསོད་སྙོམས་པ་ལ་རས་ཡུག་ཆེན་བསྐོན་པ་ཉེ་དགས་ཐོས་ནས་དེ་རིངས་པར་རིངས་པར་སོང་སྟེ་སྨྲས་པ། བསོད་སྙོམས་པ། གཙུག་ལག་ཁང་འདི་ཁོ་བོས་སྐལ་བ་ཡིན་གྱི། རས་ཡུག་ཆེན་ཁོ་བོ་ལ་བྱིན་ཅིག་།བསོད་སྙོམས་པས་བསམ་པ། ཆགས་པའི་བདག་ཉིད་ཅན་འདི་ལ་གལ་ཏེ་བདག་གིས་མ་བྱིན་ཡང་འོན་ཀྱང་མཐུས་ཁྱེར་ནས་བདག་ཀྱང་གཙུག་ལག་ཁང་ནས་བསྐྲད་པར་འགྱུར་རོ། །སྙམ་ནས་དེས་དེ་ལ་བྱིན་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། གང་ལ་དད་པ་སྐྱེས་ནས་དད་པའི་ལྷག་པར་བྱ་བ་བྱས་པ་ནི། དེ་ཁོ་ནའི་ཡིན་ནོ། །དབྱར་གྱི་རྙེད་པ་ནི། ཉེ་དགའི་ཡིན་ནོ། །འཇིག་རྟེན་པ་ནི། ཡོན་ཏན་ལ་དགའ་བ་ཡིན་པས་བདག་ཉིད་དང ། བུ་དང ། ཆུང་མ་སྡུག་བསྔལ་བར་གྱུར་ཀྱང ། ཡོན་ཏན་དང་ལྡན་པ་ལ་སྦྱིན་པ་སྦྱིན་པར་བྱེད་དེ། བྲམ་ཟེ་དང ། ཁྱིམ་བདག་དད་པ་ཅན་རྣམས་དགེ་སློང་དགོན་པ་པ་རྣམས་ཟས་ལ་མགྲོན་དུ་འབོད་པར་བྱེད་དོ། །དགེ་སློང་དགོན་པ་པ་རྣམས་ཟས་ལ་ཁྱིམ་རྣམས་སུ་དོང་བ་དང ། མ་བྱིན་པར་ལེན་པ་རྣམས་ཀྱིས་གཙུག་ལག་ཁང་ནས་བརྐུས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྒོ་བཅད་ལ་ལྡེ་མིག་བླངས་ལ་འདོང་བར་བྱའོ། །མ་བྱིན་པར་ལེན་པ་རྣམས་ཀྱིས་ཀྱང་ལྡེ་མིག་བྱས་ཏེ་
Ga318b
བརྐུས་ནས་བཅོམ་ལྡན་འདས་ཀྱིས་བཀའ་སྩལ་པ། སྲུང་མའི་དགེ་སློང་བཞག་ལ་འདོང་བར་བྱ་སྟེ། དེ་ལ་བསོད་སྙོམས་ཀྱིས་བྲེལ་བ་མེད་པར་བྱའོ། །མ་བྱིན་པ་ལེན་པ་རྣམས་ཀྱིས་དགེ་སློང་གཞན་ཁྲིད་དེ་འོངས་ནས། དེས་སྒོ་ཕྱེ་ཞེས་སྨྲས་ནས། བཅོམ་ལྡན་འདས་ཀྱིས་བཀའ་སྩལ་པ། རིམས་དང་བཅས་སམ་རིམས་མེད་ཅེས་བརྡ་བྱའོ། །གལ་ཏེ་རིམས་དང་བཅས་སོ། ། ཞེས་ཟེར་ན། མི་དབྱེའོ། །འོན་ཏེ་རིམས་མེད་ཅེས་སྨྲ་ན། དབྱེ་བར་བྱའོ། །གཞན་ཡང ། དགེ་སློང་དགོན་པ་པས་ལོ་མ་ལྟར་མཉེན་པ་གཞག་པར་བྱའོ། །བཅོམ་ལྡན་འདས་ཀྱིས་དགེ་སློང་དགོན་པ་པས་ལོ་མ་ལྟར་མཉེན་པ་གཞག་པར་བྱའོ། །ཞེས་གསུངས་པ། དགེ་སློང་རྣམས་ཀྱིས་ལོ་མ་ལྟར་མཉེན་པ་ཅི་འདྲ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ལོ་མ་ལྟར་མཉེན་པ་ནི། ཁྱི་ཡིན་ཏེ། དེ་ལ་ལྷུང་བཟེད་ཀྱི་ལྷག་མ་སྦྱིན་པར་བྱའོ། །དགེ་སློང་དགོན་པ་རྣམས་ཀྱིས་ཁྱི་བཅངས་པ་ལས་མཆོད་རྟེན་གྱི་འཁོར་ས་དང ། གཙུག་ལག་ཁང་སྡེར་མོས་བྲུད་ཅིང ། བཤད་བ་དང་གཅི་བས་མ་རུང་བར་བྱས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ངས་དགེ་སློང་ཁྱི་བསྲེལ་བའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་ཁྱི་བསྲེལ་བས་ནང་པར་སྔར་ལངས་ལ་མཆོད་རྟེན་གྱི་འཁོར་ས་དང་གཙུག་ལག་ཁང་བྱུལ་བར་བྱ་སྟེ། སྡེར་བྲུད་པ་གང་ཡིན་པ་དེ་
Ga319a
༄#། །བསྙམ་པར་བྱའོ། །བཤང་བ་དང་གཅི་བ་ཡང་ཕྱག་དར་བྱའོ། །དགེ་སློང་ཁྱི་བསྲེལ་བས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དེའི་ཚེ་ཚེ་དང་ལྡན་པ་ཉེ་དགའ་གཙུག་ལག་ཁང་ཞིག་གི་དགེ་འདུན་གྱི་གནས་བརྟན་དུ་གྱུར་པ་དང ། ཇི་ཙམ་ན་དེར་དགེ་འདུན་གྱི་གནས་བརྟན་གཞན་ཞིག་འོངས་ནས་ཉེ་དགས་བསམ་པ། བདག་གཙུག་ལག་ཁང་འདིའི་དགེ་འདུན་གྱི་གནས་བརྟན་བྱེད་བྱེད་པ་ལས། གནས་བརྟན་གཉིས་པར་བྱ་བའམ། བདག་གཙུག་ལག་ཁང་གཞན་དུ་འགྲོའོ་སྙམ་དུ་བསམ་པ་ལས། གཙུག་ལག་ཁང་དེ་ནས་བྱུང་སྟེ། དེ་གཙུག་ལག་ཁང་གཞན་ཞིག་ཏུ་སོང་བ་དང ། དེའི་གནས་བརྟན་གཉིས་པའི་རྙེད་པ་གང་ཡིན་པ་དེ། དེའི་དགེ་འདུན་གྱི་གནས་བརྒན་གྱི་ཡིན་ནས་དེས་བསམ་པ། བདག་གི་རྙེད་པ་འདི་ན་ཡང་དེར་ཟད་ལ། བདག་གི་རྙེད་པ་དེ་ན་ཡང་དེར་ཟད་ན། སྤོགས་མེད་པར་དགེ་འདུན་གྱི་གནས་བརྟན་གྱིས་ཅི་ཞིག་བྱ་ཞེས། དེ་སླར་རིངས་པ་རིངས་པར་གཙུག་ལག་ཁང་དེ་ཉིད་དུ་སོང་བ་དང ། གནས་མལ་ཕྱེད་བསྐོས་ཙམ་ན་གཙུག་ལག་ཁང་དུ་ཕྱིན་ནས་དེས་སྨྲས་པ། རྒན་རིམ་ཇི་ལྟ་བ་བཞིན་དུ་གཙུག་ལག་ཁང་སྐོས་ཤིག། དགེ་སློང་རྣམས་ཀྱིས་འདས་ཟིན་ཏོ། །ཞེས་དེ་མ་བསྐོས་པ་དང ། ཉེ་དགས་སྨྲས་པ། ཚེ་དང་ལྡན་
Ga319b
པ་དག། སྟོན་པ་བཞུགས་བཞིན་དུ་བསྟན་པ་ནུབ་པར་བྱེད་དམ། ཅི། རྒན་རིམ་ཇི་ལྟ་བ་བཞིན་དུ་གཙུག་ལག་ཁང་སྐོས་ཤིག། ཅེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་དགེ་འདུན་གྱིའམ་མཆོད་རྟེན་གྱི་བྱ་བ་ལ་སོང་སོང་བ་ཞིག་ཡིན་ན། དེའི་གནས་མལ་རྒན་རིམས་ཇི་ལྟ་བ་བཞིན་དུ་བསྐོ་བར་བྱའོ། །གཞན་གྱི་ནི། གར་བབ་པ་བཞིན་དུའོ། །ཉེ་དགའ་ལྷག་པར་ཆགས་པས་གཙུག་ལག་ཁང་གཉིས་ཀྱི་རྙེད་པ་འཐོབ་པར་འགྱུར་རོ། །སྙམ་ནས། གཙུག་ལག་ཁང་གཉིས་སུ་དབྱར་གནས་པར་དམ་བཅས་ཏེ། དེས་དབྱར་གནས་ནས་རྙེད་པ་མནོས་པ་དང་གཅིག་ནས་ཀྱང་མ་ཐོབ། གཅིག་ཤོས་ནས་ཀྱང་མ་ཐོབ་ནས་གནས་མལ་འགྱེད་པའི་དགེ་སློང་རྣམས་ལ་ཁ་ཟེར་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དེས་དབྱར་གནས་པར་ཁས་བླངས་པས་དེ་ལ་རྙེད་པ་བྱིན་ཅིག། དགེ་སློང་རྣམས་ཀྱིས་གཙུག་ལག་ཁང་གཉིས་ཀ་ནས་ཀྱང་བྱིན་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་གཉིས་ཀ་ནས་སྦྱིན་པར་མི་བྱའོ། །གཅིག་ནས་བྱིན་པ་དང ། དགེ་སློང་གཞན་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། གཙུག་ལག་ཁང་གཉིས་ཀར་དབྱར་གནས་ན། ཅིའི་ཕྱིར་གཅིག་ནས་སྦྱིན་ཞེས་པའི་
Ga320a
༄#། །སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་གཉིས་ཀ་ནས་ཕྱེད་ཕྱེད་སྦྱིན་པར་བྱ་སྟེ། དགེ་སློང་གིས་གཙུག་ལག་ཁང་གཉིས་སུ་གནས་པར་དམ་མི་བཅའོ། །དམ་བཅའ་བར་བྱེད་ན། འགལ་ཚབས་ཅན་དུ་འགྱུར་རོ། །ཁྱིམ་བདག་ཅིག་གིས་གཙུག་ལག་ཁང་གཉིས་རྩིག་ཏུ་བཅུག་སྟེ། གཅིག་ནི། དགོན་པ་པ་རྣམས་ཀྱི་ཡིན་ནོ། །གཅིག་ཤོས་ནི། གྲོང་མཐའ་པ་རྣམས་ཀྱི་ལན་ནོ། །ཁྱིམ་བདག་དེའི་ཀུན་ཏུ་སྤྱོད་པ་ནི། དབྱར་གནས་པའི་དགེ་སློང་གི་དགེ་འདུན་གྱི་དགེ་སློང་རེ་རེ་ལ་རས་ཡུག་ཆེན་རེ་རེ་བསྐོན་པ་ཡིན་པས། དེ་རས་ཡུག་ཆེན་རྣམས་ཁྱེར་ཏེ། དགོན་པ་བ་རྣམས་ཀྱི་གཙུག་ལག་ཁང་དུ་སོང་བ་དང ། ཉེ་དགས་དགོན་པ་བ་རྣམས་ཀྱི་གཙུག་ལག་ཁང་དུ་རྙེད་པ་འབུལ་ལོ། །ཞེས་ཐོས་ནས་དེས་དགའ་བོ་ལ་སླིང་པ། གལ་ཏེ་འདིར་རྙེད་པ་འབུལ་ན། སྐལ་བ་ནོས་ཤིག་ཅེས་སྨྲས་ནས། དེ་རིངས་པ་རིངས་པར་དགོན་པ་བ་རྣམས་ཀྱི་གཙུག་ལག་ཁང་དུ་སོང་བ་དང ། ཁྱིམ་བདག་དེས་མཐོང་ནས་དེས་བསམ་པ། འོ་ནི། གོམ་སྟངས་དང་སྦྱར་ན། དགོན་པ་བའི་གཙུག་ལག་ཁང་དེར་སོང་གི། ད་ཇི་ལྟར་བྱས་ན་རུང་སྙམ་པ་ལས། རེ་ཞིག་གྲོང་མཐའ་བའི་གཙུག་ལག་ཁང་དུ་ཕུལ་ལ། ཕྱིས་འདིར་དབུལ་ལོ། །སྙམ་
Ga320b
ནས། དེ་ཕྱིར་ལོག་ནས་རས་ཡུག་པོ་ཆེ་བྲིམ་པར་བརྩམས་པ་ན། དགའ་བོས་ལག་པ་བཟེད་པ་དང ། ཁྱིམ་བདག་དེས་རས་ཡུག་པོ་ཆེ་གཅིག་བྱིན་ནོ། །ཡང་བཟེད་པ་དང ། ཁྱིམ་བདག་གིས་སྨྲས་པ། འཕགས་པ། ཁྱོད་ལ་རས་ཡུག་པོ་ཆེ་ཕུལ་ལགས་ན། ཅི། ཡང་བཞེད་དམ། དེས་སྨྲས་པ། ཁྱིམ་བདག། ཁྱོད་ཀྱི་གཙུག་ལག་ཁང་དུ་ཉེ་དགས་དབྱར་གནས་པས་དེའི་སྐལ་པ་ནོད་དོ། །ཁྱིམ་བདག་གིས་སྨྲས་པ། འཕགས་པ། བཅོམ་ལྡན་འདས་ཀྱིས་རང་གི་ལག་ནས་སྦྱིན་པ་ལ་བསྔགས་པ་མཛད་པས། རང་གི་ལག་ཁོ་ན་ནས་འབུལ་ལོ། །དེ་སྐྱེངས་ནས་ཅང་མི་སྨྲ་བར་འདུག་གོ། ཉེ་དགས་བསམ་པ། ཁྱིམ་བདག་དེ་རིང་ཞིག་ཐོགས་ན་གྲོང་གི་མཐར་མ་སོང་གྲང་སྙམ་དུ་བསམ་ནས། གྲོང་མཐའ་བའི་གཙུག་ལག་ཁང་དུ་སོང་ནས་དགའ་བོ་ལ་དྲིས་པ། ཚེ་དང་ལྡན་པ། བདག་གི་རས་ཡུག་པོ་ཆེ་མནོས་སམ། དེས་ཇི་ལྟར་གྱུར་པ་སྨྲས་སོ། །ཁྱིམ་བདག་གིས་ལམ་གཞན་ནས་དགོན་པ་བའི་གཙུག་ལག་ཁང་དུ་སོང་སྟེ་རས་ཡུག་པོ་ཆེ་བྲིམས་ནས་སོང་ངོ ། །ཉེ་དགས་ཡང་སླར་དགོན་པ་བའི་གཙུག་ལག་ཁང་དུ་བརྒྱུགས་ན། ཇི་ཙམ་ན་རས་ཡུག་པོ་ཆེ་རྣམས་བྲིམས་ཟིན་པ་དང ། དེ་གཙུག་ལག་ཁང་གཉིས་ཀྱི་རྙེད་པ་ལ་ལྷག་པར་ཆགས་པ་ལས་རྙེད་པ་ལས་ཉམས་ནས། མྱ་ངན་བྱེད་ཅིང་ཡི་མུག་ནས་སྨྲེ་སྔགས་འདོན་ཏོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་
Ga321a
༄#། །རྒྱས་བཅོམ་ལྡན་འདས་ལ་ཞུས་པ། བཙུན་པ། ཉེ་དགའ་ལྷག་པར་ཆགས་པས་རས་ཡུག་པོ་ཆེ་ལས་ཉམས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ད་ལྟར་འབའ་ཞིག་ཏུ་མ་ཟད་ཀྱི། ཇི་ལྟར་འདིས་འདས་པའི་དུས་ན་ཡང་ལྷག་པར་ཆགས་པས་ཟས་ཆད་པར་བྱས་པ་དེ་ཉོན་ཅིག་།དགེ་སློང་དག་།སྔོན་བྱུང་བ།་འབབ་ཆུའི་ངོས་གཉིས་ན་གཙུག་ལག་ཁང་གཉིས་ཤིག་ཡོད་དེ། གཅིག་ན་ནི། དགེ་འདུན་གྱི་རྙེད་པའོ། །གཅིག་ཤོས་ན་ནི། བསོད་སྙོམས་པ་རྣམས་ཀྱིའོ། །ཇི་ཙམ་ན་ཁྱི་གཎྜཱིའི་སྒྲ་ཤེས་པ་ཞིག་ཡོད་དེ། དེ་གཎྜཱིའི་སྒྲ་ཐོས་ནས་དགེ་འདུན་གྱི་རྙེད་པ་ཡོད་པའི་གཙུག་ལག་ཁང་དུ་སོང་ན། དེ་ལ་དགེ་སློང་ཁ་ཅིག་གིས་ལྷུང་བཟེད་ཀྱི་ལྷག་མ་བྱིན་པ་དང ། དེས་དེ་ཟོས་ནས་བསོད་སྙོམས་པ་རྣམས་ཀྱི་གཙུག་ལག་ཁང་དུ་སོང་སྟེ། དེར་ཡང་ལྷུང་བཟེད་ཀྱི་ལྷག་མ་ཟོས་ནས་དགའ་མགུར་འགྲོའོ། །ཇི་ཙམ་དུས་གཞན་ཞིག་ན་བསོད་སྙོམས་པ་རྣམས་ལ་གློ་བུར་གྱི་རྙེད་པ་ཞིག་བྱུང་ནས་དེ་རྣམས་ཀྱིས་སྔར་གཎྜཱི་བརྡུངས་པ་དང ། ཁྱི་དེས་གཎྜཱིའི་སྒྲ་ཐོས་ནས། ཆུ་བརྒལ་བར་བརྩམས་ཏེ་དེས་དབུས་སུ་ཕྱིན་པ་དང ། དགེ་འདུན་གྱི་རྙེད་པ་ཅན་གྱི་གཙུག་ལག་ཁང་གི་གཎྜཱི་ཡང་བརྡུངས་ནས་དེ་སྤྲོ་བ་མེད་ནས་སླར་ལོག་པར་བརྩམས་པ་ལས། དེ་ཆུའི་རྒྱུན་གྱིས་རིང་དུ་ཁྱེར་ནས་གཉིས་ཀ་ལས་ཉམས་པར་གྱུར་ཏོ།།
Ga321b
དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱི་གཎྜཱིའི་སྒྲ་ཤེས་པ་གང་ཡིན་པ་དེ་ནི། ཉེ་དགའ་འདི་ཉིད་ཡིན་ཏེ། དེ་ན་ཡང་འདི་ལྷག་པར་ཆགས་པས་གཉིས་ཀ་ལས་ཉམས་པར་གྱུར་ཏོ། །ད་ལྟར་ཡང་ལྷག་པར་ཆགས་པས་གཉིས་ཀ་ལས་ཉམས་པར་གྱུར་ཏོ། །དགེ་སློང་དག་།དེ་ལྟ་བས་ན། དགེ་སློང་གིས་ལྷག་པར་ཆགས་པར་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། །སྡོམ་ལ། འཐབ་དང་ནད་པ་རྫོགས་པ་དང ། །ནུབ་མོའི་དུས་དང་ཀ་ཤི་དང ། །ཤིང་དང་གསིང་མ་འདུག་གནས་དང ། །ཆ་རྣམས་དང་ནི་བསྒོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། འདི་ལྟར་དགེ་སློང་རྣམས་ཀྱིས། དགེ་སློང་འཐབ་ཀྲོལ་བགྱིད་པ། མཚང་འདྲུ་བར་བགྱིད་པ། རྩོད་པར་བགྱིད་པ། འགྱེད་པར་བགྱིད་པ། རྩོད་པའི་གཞི་བགྱིད་པ་རྣམས་མཆི་ཞིང ། དེ་དག་ངོ་ཚ་མ་མཆིས་པས་མཐོ་འཚམ་པའི་སླད་དུ་བདག་ཅག་ལ་གླེང་བར་བགྱིད། དྲན་པར་བགྱིད་དོ། །ཞེས་ཐོས་ན། དེ་རྣམས་ཀྱིས་དེ་དག་ལ་ཇི་ལྟར་བསྒྲུབ་པར་བགྱི། ཉེ་བར་འཁོར། དགེ་སློང་གཉུག་མར་གནས་པ་རྣམས་ཀྱིས། དགེ་སློང་འཐབ་ཀྲོལ་བྱེད་པ་རྣམས་འོང་ངོ ། །ཞེས་ཐོས་ན་གནས་མལ་བསྐོ་བ་གསུམ་དང་གནས་མལ་གཟུང་བ་དྲུག་བྱའོ། །གནས་མལ་བསྐོ་བ་གསུམ་གང་ཞེ་ན། དགུན་གྱི་དང ། དཔྱིད་ཀྱི་དང ། དབྱར་གྱིའོ། །གནས་མལ་གཟུང་བ་དྲུག་གང་ཞེ་ན། གཙུག་
Ga322a
༄#། །ལག་ཁང་ཐམས་ཅད་དང ། གཙུག་ལག་ཁང་གི་ཉེ་འཁོར་ཐམས་ཅད་དང ། ཁང་ཕྲན་ཐམས་ཅད་དང ། ཁང་ཕྲན་གྱི་ཉེ་འཁོར་ཐམས་ཅད་དང ། ཀུན་དགའི་ར་བ་ཐམས་ཅད་དང ། ཀུན་དགའི་ར་བའི་ཉེ་འཁོར་ཐམས་ཅད་བསྐོ་བར་བྱའོ། །གལ་ཏེ་གཙུག་ལག་སྐོས་ཤིག་།ཅེས་ཟེར་ན། འདི་བསྐོས་ཟིན་ཏོ། །ཞེས་བརྗོད་པར་བྱ་ཞིང ། གཙུག་ལག་ཁང་གི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། །ཁང་ཕྲན་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། །ཁང་ཕྲན་གྱི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། །ཀུན་དགའི་ར་བ་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། །ཀུན་དགའི་ར་བའི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། །ཞེས་བརྗོད་པར་བྱའོ།། དེ་རྣམས་གནས་མེད་དེ་མི་གནས་ན། གང་ལ་ཉེས་པ་སྐྱེད་པར་འགྱུར། དེ་ནས་བསྔོ་བ་རྣམས་མེད། ཕྱིར་རྒོལ་བ་རྣམས་མེད། མི་མཛའ་བ་རྣམས་མེད་ནས། དེའི་འོག་ཏུ་རྒན་རིམ་ཇི་ལྟ་བ་བཞིན་དུ་གནས་མལ་བསྐོ་བར་བྱའོ། །བཅོམ་ལྡན་འདས་ཀྱིས་རྒན་རིམ་ཇི་ལྟ་བ་བཞིན་དུ་གནས་མལ་བསྐོ་བར་བྱའོ། །ཞེས་གསུངས་པ་དང ། ཇི་ཙམ་ན་དགེ་སློང་ནད་པ་གཅིག་ཅིག་ཡོད་པ་དེ་བས་ཆེས་རྒན་པའི་དགེ་སློང་ཞིག་འོངས་ནས། རྒན་རིམ་ཇི་ལྟ་བ་བཞིན་དུ་དེའི་གནས་ཁང་བསྐོས་ཏེ། དེ་ནི་ཐམས་ཅད་པས་གཞོན་པས་དེའི་གནས་ཁང་གཞན་ནི།
Ga322b
མ་ཐོབ་བོ། །དགེ་སློང་དེས་དེ་ལ་སྨྲས་པ། ཚེ་དང་ལྡན་པ། གནས་ཁང་འདི་ཁོ་བོའི་ཡིན་པར་བསྐོས་ཀྱི་བྱུང་ཞིག་།དེས་སྨྲས་པ། བདག་བྲོ་འཚལ་བས་ནམ་སོས་པ་ནའོ། །དགེ་སློང་དེ་གཏུམ་པོ་ཞིག་པས་དེས་ཕྱུང་ནས། གང་དགར་བཞག་གོ་།ཇི་ཙམ་ན་བྲམ་ཟེ་དང་ཁྱིམ་བདག་གཙུག་ལག་ཁང་ལྟ་བར་འདོད་པ་ལྷགས་པ་དེ་རྣམས་ཀྱིས། དགེ་སློང་དེ་མཐོང་ནས་དེ་རྣམས་ཀྱིས་སྨྲས་པ། འཕགས་པ་དག་།ཅི། དགེ་སློང་འདི་གུམ་ལགས་སམ། བཞིན་བཟང་དག་།འདི་ཤི་བ་ནི། མ་ཡིན་ནོ། །འོ་ན་ཅིའི་ཕྱིར་འདིར་བཞག་།འདི་བས་ཆེས་རྒན་པའི་དགེ་སློང་ཞིག་འོངས་ནས། འདིའི་གནས་ཁང་དེ་དེའི་ཡིན་པར་བསྐོས་པ་དང ། དེས་འདི་ཕྱུང་ནས་འདིར་བཞག་གོ་།འཕགས་པ་དག་།བདག་ཅག་ཁྱིམ་པ་ལགས་ཀྱང་ནད་པ་རྗེས་སུ་བསྲུང་བའི་ཕྱིར་ཁྱིམ་ནས་མི་འབྱིན་ན། ཁྱེད་ཅག་རབ་ཏུ་བྱུང་ལ། སྟོན་པ་ཡང་ཐུགས་རྗེ་ཅན་ཡིན་ན། དེ་ཇི་ལྟར་ནད་པ་ཕྱིར་འབྱིན་པར་བྱེད་ཅེས་དེ་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟ་བས་ན། དགེ་སློང་ནད་པ་ལ་གཞི་སྤང་བ་སྦྱིན་པར་བྱའོ།། བཅོམ་ལྡན་འདས་ཀྱིས་དགེ་སློང་ནད་པ་ལ་གཞི་སྤང་བ་སྦྱིན་པར་བྱའོ། །ཞེས་གསུངས་པ་དང ། ཚེ་དང་ལྡན་པ་ཉེ་དགས་འཇལ་ཏོ། །ཞེས་བྱས་ནས་ཅང་མི་སྨྲ་བར་འདུག་གོ་།ཇི་ཙམ་ན་
Ga323a
༄#། །ཞག་དྲུག་གམ། བདུན་ན་གནས་མལ་འགྱེད་པར་འགྱུར་བ་ན། རྐང་པ་རྨ་བྱུང་བ་ལྟར་བྱས་ཏེ་གོས་ཀྱིས་དཀྲིས་ནས་འདུག་པ་དང ། གནས་ཁང་འགྱེད་པའི་དགེ་སློང་རྣམས་ཀྱིས་ནད་པ་ཡིན་ནོ། །སྙམ་ནས་དེའི་གནས་མལ་བསྐོས་སོ། །དེ་གནས་མལ་བསྐོས་ཟིན་ནས་རྨའི་གཡོགས་མ་བོར་ཏེ་འདུག་གོ་།ནད་པ་ལྟ་བའི་དགེ་སློང་རྣམས་ཀྱིས་དེ་ལ་དྲིས་པ། ཅི། གནས་བརྟན་ཞབས་སྙུན་སོས་སམ། དེ་སྨྲས་པ། བཅོམ་ལྡན་འདས་ཀྱིས་འདུ་བྱེད་ཐམས་ཅད་ནི། མི་རྟག་པའོ། །ཞེས་བཀའ་མ་སྩལ་ཏམ། ཅི། ཁོ་བོའི་ནད་རྟག་པར་གྱུར་ཏམ། དེ་རྣམས་ཀྱིས་སྨྲས་པ། གནས་བརྟན་མྱུར་དུ་སོས་པར་གྱུར་པ། ན་བར་སྒྱུ་ནི། མ་བཏབ་གྲང ། དེས་སྨྲས་པ། ཁོ་བོ་གནས་ཁང་སྒོ་དྲུང་དུ་གཞག་པར་འདོད་དམ་ཅི། དགེ་སློང་དོན་ཉུང་བ་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། དེ་ལྟར་དགེ་སློང་དག་མི་ན་བཞིན་དུ་གནས་ཁང་སྤང་པ་རང་གིས་བྱེད་པ་ཅིའི་ཐ་ཚིག་ཅེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དེ་ལྟ་བས་ན་སྒྱུ་འདེབས་པའི་ནད་པ་ལ་གཞི་སྤང་བ་སྦྱིན་པར་མི་བྱ་ཞིང ། དེས་རང་གིར་ཡང་མི་བྱའོ། །རང་གིར་བྱེད་ན། འགལ་ཚབས་ཅན་དུ་འགྱུར་རོ། །ལྔ་ཚན་རྣམས་ཀྱིས་བསྡུས་པའི་སྡོམ་ནི། མདུན་དུ་
Ga323b
བདར་དང་རང་ཁྲིམས་དང ། །མ་ཆགས་པ་དང་དེ་བཞིན་དུ། །སྣང་བ་སྐྱེས་དང་བྱུང་བ་དང ། །བར་དུ་གཅོད་དང་དེ་བཞིན་དུ། །ཕྱི་མར་བྱས་པ་ལྟུང་བ་སྟེ། །བསྡུས་པའི་སྡོམ་དུ་བསྡུས་པ་ཡིན། ། བར་སྡོམ་ནི། མདུན་དུ་བྱ་དང་གཞན་དང་ཡང ། །ནད་དང་གཞན་རྣམས་དག་དང་ནི། །སེམས་ཅན་མང་པོ་ཕན་བྱ་བ། །ལྔ་ཚན་དག་ནི་དང་པོ་ཡིན། །བཅོམ་ལྡན་འདས་ཀྱིས་ལྷ་དང་མི་རྣམས་ལ་མདོ་སྡེ་དང་མ་མོ་བཞག་གོ་།ཀླུ་རྣམས་ལ་ནི། མདོ་སྡེའོ། །འདུལ་བ་ནི། ཟབ་པ། ཟབ་པར་སྣང་བ། མཐོང་བར་དཀའ་བ། ཁོང་དུ་ཆུད་པར་དཀའ་བ། དགོངས་པ་མང་བ། འཇིག་རྟེན་གྱི་སྤྱོད་པ་དང་མཐུན་པ་ཡིན་ན། དགེ་སློང་རྣམས་ཀྱིས་འདུལ་བ་ཟབ་པ་ཉིད་དང ། དགོངས་པ་མང་བ་ཉིད་དང ། འཇིག་རྟེན་གྱི་སྤྱོད་པ་དང་མཐུན་པ་ཉིད་ཡིན་པས། འདོན་པར་མི་སྤྲོའོ། ། འདི་ནི། ཆོས་ཉིད་ཡིན་ཏེ། སངས་རྒྱས་བཅོམ་ལྡན་འདས་རྣམས་ནི། བསྟན་པའི་ཡན་ལག་གང་ཞིག་ཡོངས་སུ་ཉམས་པ་དེའི་བསྔགས་པ་ལྷག་པར་རྗོད་པར་མཛད་པ་ཡིན་པས། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ངའི་འདུལ་བ་འཛིན་པའི་གང་ཟག་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། འཁོར་བཞིས་མདུན་དུ་བདར་བ་ཡིན།་གདམས་ངག་དང་རྗེས་སུ་བསྟན་པ་གཞན་ལ་རག་མ་ལས་པ་ཡིན། འདས་པ་དང ། མ་འོངས་པ་དང ། ད་ལྟར་བྱུང་བའི་ཡང་དག་པར་རྫོགས་པའི་སངས་རྒྱས་རྣམས་ཀྱི་ནང་གི་
Ga324a
༄#། །མཛོད་སྲུང་བ་ཡིན། དགེ་སྦྱོང་དང་བྲམ་ཟེ་གཞན་རྣམས་ཀྱི་སྤྱི་བོ་ལ་འདུག་པ་ཡིན། དམ་པའི་ཆོས་གནས་པར་བྱ་བའི་ཕྱིར་དང ། བསླབ་པའི་ཆེད་ཀྱི་ཕྱིར་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བར་ཞུགས་པ་ཡིན་ནོ། །བར་སྡོམ་ནི། བདག་ཉིད་ཁྲིམས་ལྡན་མངོན་པར་བསུ། །འགྱོད་པ་དང་ནི་བག་ཚ་མེད། །ཆོས་དང་མཐུན་པས་བྱེད་པ་སྟེ། །ལྔ་ཚན་གཉིས་པ་ཡིན་པར་བཤད། །གཞན་ཡང ། འདུལ་བ་འཛིན་པའི་གང་ཟག་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། འདིའི་རང་གི་ཚུལ་ཁྲིམས་ཀྱི་ཕུང་བོས་ལེགས་པར་བསྲུངས་ཤིང་ལེགས་པར་སྦས་པ་ཡིན། འཁོར་བཞིས་མངོན་སུམ་དུ་བསུ་བར་བྱ་བ་ཡིན། གང་ཟག་འགྱོད་པ་སྐྱེས་པ་རྣམས་ཀྱི་སྟོན་པར་གྱུར་པ་ཡིན། དགེ་འདུན་གྱི་ནང་ན་བག་ཚ་བ་མེད་པས་གནས་པ་ཡིན། ཆོས་དང་མཐུན་པས་ཕྱིར་རྒོལ་བ་ཚར་གཅོད་པ་ཡིན་ནོ། །བར་སྡོམ་ནི། མ་འདྲེས་དོན་དང་ངེས་པ་དང ། །བསླབ་པ་ཡི་ནི་གཞི་དག་དང ། །སྣང་བ་དག་ནི་གཉིས་པོ་ཉིད། །ལྔ་ཚན་དག་ནི་གསུམ་པ་ཡིན། །གཞན་ཡང ། གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། དོན་མ་འདྲེས་པར་བསྲེལ་བ་ཡིན། དོན་རྣམ་པར་གཏན་ལ་དབབ་པར་བྱ་བ་ལ་ཤིན་ཏུ་ངེས་པ་ཡིན། དེའི་བསླབ་པའི་གཞི་རྣམས་ལེགས་པར་བཟུང་བ་ཡིན། སེམས་ཀྱི་སྣང་བ་སྐྱེས་པས་མང་དུ་གནས་པ་ཡིན། སྐྱེ་བོ་ཕྱི་མ་རྣམས་ཀྱི་
Ga324b
སྣང་བ་བྱེད་པ་ཡིན། སྡོམ་ནི། སྣང་བ་གསལ་བ་འོད་དང་ནི། །སེམས་ལས་ཆུང་དང་མི་སྟོང་པའོ། །གཞན་ཡང ། གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། ཕྱོགས་གང་ན་གང་ཟག་འདུལ་བ་འཛིན་པ་གནས་པའི་ཕྱོགས་དེ་ངས་སྣང་བ་སྐྱེས་པ་དང ། གསལ་བ་སྐྱེས་པ་དང ། འོད་སྐྱེས་པར་མཐོང ། ཕྱོགས་དེར་ང་ཐུགས་ཁྲལ་ཆུང་ངུར་གནས། ཕྱོགས་དེ་ངས་སྟོང་པ་མ་ཡིན་པར་མཐོང་ངོ ། །སྡོམ་ནི། བྱུང་དང་དེ་ནས་བཅས་པ་དང ། །རྗེས་སུ་བཅས་དང་དེ་བཞིན་དུ། །བཀག་དང་རྗེས་སུ་གནང་བ་ནི། །ལྔ་ཚན་ལྔ་པར་བྱས་པའོ། །གཞན་ཡང ། གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། བྱུང་བ་ཤེས། བཅས་པ་ཤེས། རྗེས་སུ་བཅས་པ་ཤེས། བཀག་པ་ཤེས། རྗེས་སུ་གནང་བ་ཤེས་པ་ཡིན་ནོ། ། སྡོམ་ནི། བར་ཆད་བར་ཆད་མ་ཡིན་དང ། །གདམས་ངག་དང་ནི་རྗེས་བསྟན་དང ། །སློབ་མའི་མཐུ་ནི་ཡོད་པ་སྟེ། ལྔ་ཚན་དྲུག་པ་དག་ཏུ་བཤད། །གཞན་ཡང ། གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། བར་དུ་གཅོད་པ་རྣམས་ཤེས། བར་དུ་གཅོད་པ་མ་ཡིན་པ་རྣམས་ཤེས། འདོམས་པར་བྱེད། རྗེས་སུ་སྟོན་པར་བྱེད། ལྷན་ཅིག་གནས་པ་དང་ཉེ་གནས་རྣམས་ཀྱི་གནས་འཆར་འཇུག་ནུས་སོ། །སྡོམ་ནི། ལྟུང་བ་དང་ནི་ལྟུང་བ་མིན། །ལྕི་དང་ཡང་དང་དེ་བཞིན་དུ། །སོ་སོར་ཐར་པ་རྒྱས་པར་ཡང ། །གདོན་པ་དག་ནི་ལྔ་
Ga325a
༄#། །ཚན་ཡིན། །གཞན་ཡང ། གང་ཟག་འདུལ་བ་འཛིན་པ་ལ་ཕན་ཡོན་ལྔ་ཡོད་དེ། ལྔ་གང་ཞེ་ན། ལྟུང་བ་བྱུང་བ་ཤེས། ལྟུང་བ་མ་བྱུང་བ་ཤེས། ལྕི་བ་ཤེས། ཡང་བ་ཤེས་ཤིང ། དེ་སོ་སོར་ཐར་པའི་མདོ་གདོན་པ་ལ་རྒྱས་པར་ཞུགས་པ་ཡིན་ནོ། །བཅོམ་ལྡན་འདས་ཀྱིས་འདུལ་བའི་བསྔགས་པ་གསུངས་པ་དང ། དགེ་སློང་གནས་བརྟན་གནས་བརྟན་རྣམས། སྤྲོ་བ་དང་བཅས་པས་འདུལ་བ་གདོན་པར་བརྩམས་སོ། །དེའི་ཚེ་ཚེ་དང་ལྡན་པ་ཉེ་བར་འཁོར་འདུལ་བའི་གླེང་གཞི་དང་བྱུང་བ་ལ་མཁས་པ་རྣམས་ཀྱི་མཆོག་ཏུ་གྱུར་ནས་དགེ་སློང་གནས་བརྟན་གནས་བརྟན་རྣམས་འདུལ་བ་ཀུན་ཆུབ་པར་བྱེད་པར་འགྱུར་རོ། །སྙམ་སྟེ། གུས་པས་བསྟན་པར་བརྩམས་པས། དེ་ལུས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། ན་བས་ཉམ་དམས་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་ཀྱི། མི་མཁྱེན་པར་མི་རྨེད། དུས་སུ་རྨེད་ཀྱི། དུས་ལས་ཡོལ་བར་མི་རྨེད། དོན་དང་ལྡན་པར་རྨེད་ཀྱི། དོན་དང་མི་ལྡན་པར་མི་རྨེད་པ་སྟེ། སངས་རྒྱས་བཅོམ་ལྡན་འདས་རྣམས་ནི། དོན་དང་ལྡན་པ་མ་ཡིན་པ་རྨེད་པ་ལ་ཆུ་ལོན་གྱིས་བཟློག་པར་མཛད་པ་ཡིན་ནོ། །དེ་ལ་སངས་རྒྱས་བཅོམ་ལྡན་འདས་རྣམས་དོན་དང་ལྡན་པར་རྨེད་པ་ལ་དུས་མཁྱེན་པས། སངས་རྒྱས་བཅོམ་ལྡན་
Ga325b
འདས་ཀྱིས་ཆེ་དང་ལྡན་པ་ཀུན་དགའ་བོ་ལ་སྨྲས་པ། ཀུན་དགའ་བོ། ཅིའི་ཕྱིར་དགེ་སློང་ཉེ་བར་འཁོར་ལུས་སྐྱ་བོ་སེང་སེང་བོར་གྱུར་ཅིང ། རིད་པ་དང ། ཉམ་ཆུང་བ་དང ། ན་བས་ཉམ་དམས་པར་གྱུར། དེས་གསོལ་པ། བཅོམ་ལྡན་འདས་ཀྱིས་འདུལ་བའི་བསྔགས་པ་གསུངས་པ། དགེ་སློང་གནས་བརྟན་གནས་བརྟན་རྣམས་ཀྱིས་དེ་ཐོས་ནས་སྤྲོ་བ་དང་བཅས་པས་འདུལ་བ་གདོན་པར་བརྩམས་པ་དང ། ཚེ་དང་ལྡན་པ་ཉེ་བར་འཁོར་གྱིས། དགེ་སློང་གནས་བརྟན་གནས་བརྟན་རྣམས་འདུལ་བ་ཀུན་ཆུབ་པར་འགྱུར་རོ། །ཞེས་གུས་པས་བསྟན་པར་བརྩམས་ཏེ། དེས་ན་དེ་ལུས་སྐྱ་བོ་སེང་སེང་པོར་གྱུར་ཅིང ། རིད་པ་དང ། ཉམ་ཆུང་བ་དང ། བྲོ་འཚལ་བས་ཉམ་དམས་པར་གྱུར་ལགས་སོ། །བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག ། ངས་ལུང་འབོགས་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། ལུང་འབོགས་པའི་དགེ་སློང་གིས་སྤྱོད་ལམ་རྣམ་བཞིར་ལུང་དབོག་པར་བྱ་སྟེ། འཆག་པ་དང ། འགྲེང་བ་དང ། འདུག་པ་དང ། ཉལ་བ་ནའོ། །ལུང་ནོད་པའི་དགེ་སློང་གིས་སྤྱོད་ལམ་རྣམ་པ་གསུམ་གྱིས་ལུང་ནོད་པར་བྱ་སྟེ། གལ་ཏེ་ལུང་འབོགས་པའི་དགེ་སློང་འཆག་སར་ལུང་ནོད་པའི་དགེ་སློང་འོངས་ལ། གསར་བུ་ཞིག་ཡིན་ན་དེས་ཕྱག་བྱས་ལ་ཁམས་སྙོམས་སམ་ཞེས་དྲིས་ནས་ལུས་བཏུད་དེ་སེམས་དྲང་པོ་གུས་པ་དང་བཅས་པས་གོམ་པ་བསྲི་ཞིང་ལུང་ནོད་པར་བྱའོ། །ཅི་སྟེ་ཆེས་རྒན་པ་ཞིག་ཡིན་ན།
Ga326a
༄#། །དེས་ཁམས་སྙོམས་སམ་ཞེས་དྲིས་ནས་ལུས་བཏུད་དེ་སེམས་དྲད་པོས་གུས་པ་དང་བཅས་པས་གོམ་པ་བསྲི་ཞིང་ལུང་ནོད་པར་བྱའོ། །ཅི་སྟེ་འགྲེང་བ་ན་འོངས་ལ་གསར་བུ་ཞིག་ཡིན་ན། དེས་ཕྱག་བྱས་ལ་ཁམས་སྙོམས་སམ་ཞེས་དྲིས་ནས་སྟན་ཆེས་དམའ་བ་ལ་ཙོག་ཙོག་པོར་འདུག་ལ། སེམས་དྲང་པོས་གུས་པ་དང་བཅས་པས་ལུང་ནོད་པར་བྱའོ། །ཅི་སྟེ་རྒན་པ་ཞིག་ཡིན་ན། དེས་ཁམས་སྙོམས་སམ་ཞེས་དྲིས་ལ་ལུས་བཏུད་ནས་སེམས་དྲང་པོས་གུས་པ་དང་བཅས་པས་ལུང་ནོད་པར་བྱའོ། །འགྲེང་བ་ལ་ཇི་ལྟ་བ་དེ་བཞིན་དུ་འདུག་པ་དང ། ཉལ་བ་ལ་ཡང་སྦྱར་བར་བྱའོ། །ལུང་འབོགས་པའི་དགེ་སློང་གིས་ཤིན་ཏུ་གོམས་པ་དང ། ལེགས་པར་བྱང་བ་དང ། ཐེ་ཚོམ་མེད་པར་བྱས་ནས་ལུང་དབོག་པར་བྱའོ། །ལུང་ནོད་པས་ཀྱང་ཤིན་ཏུ་བྱང་བ་དང།་ཤིན་ཏུ་ཟིན་པ་དང ། ཐེ་ཚོམ་མེད་པར་བྱས་ནས་ལུང་ནོད་པར་བྱའོ། །ལུང་འབོགས་པའི་དགེ་སློང་དང ། ལུང་ནོད་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་རོ། །དྲུག་སྡེའི་དགེ་སློང་རྣམས་ལྗོངས་རྒྱུ་ཞིང་དོང་བ་ན། གཙུག་ལག་ཁང་ཞིག་ཏུ་ནུབ་མོ་ཕྱིན་ནས། དེ་རྣམས་འགྲོགས་བཤེས་ཇི་ལྟ་བ་བཞིན་དུ་དགེ་སློང་རྣམས་ཀྱིས་ངལ་བསོར་བཅུག་པ་དང་དེ་རྣམས་ཀྱིས་སྨྲས་པ། ཚེ་དང་ལྡན་པ་དག། འདུག་སྟེ་ཅི་བྱེད། གནས་མལ་བསྐོ་བ་བོས་ཤིག། དེ་དག་
Ga326b
གིས་སྨྲས་པ། ཅི་དགོས། གནས་མལ་བསྐོར་གཞུག་མོད། དེ་རྣམས་ཀྱིས་སྨྲས་པ། གནས་མལ་ཡོད་ཀྱི། བདེ་བར་ཉོལ་ཅིག་དང་ནམ་ནངས་ནས་བགོའོ། །དེ་རྣམས་ཀྱིས་ཀུན་ནས་དཀྲིས་པས་སྨྲས་པ། ཅི། ཁྱེད་ཅག་སྟོན་པ་བཞུགས་བཞིན་དུ་བསྟན་པ་ནུབ་པར་བྱེད་དམ། གལ་ཏེ་ཁྱེད་ལ་འགྱོད་པ་ཡོད་ན། རྒན་རིམ་ཇི་ལྟ་བ་བཞིན་དུ་གནས་མལ་སྐོས་ཤིག་།དེ་རྣམས་ཁ་སྟོབས་ཅན་ཡིན་པས་གནས་མལ་བསྐོ་བ་བྲེད་ནས་གནས་མལ་བསྐོས་པ་དང ། དྲུག་སྡེ་དེ་རྣམས་ཀྱིས་རྒན་རིམ་བཞིན་དུ་གནས་མལ་མནོས་ཏེ་ཉལ་ལོ། །ཇི་ཙམ་གཞོན་རིམ་གྱི་བར་དུ་བསྐོ་བ་དེའི་བར་དུ་ནམ་ནངས་སོ། །དྲུག་སྡེ་རྣམས་མྱུར་བ་མྱུར་བར་ལངས་ཏེ་སྨྲས་པ། ཚེ་དང་ལྡན་པ་དག། གནས་མལ་སྡུས་ཤིག་།འདོད་དོ། །དགེ་སློང་དེ་རྣམས་ཀྱིས་སྨྲས་པ། ཚེ་དང་ལྡན་པ་དག་།ཁྱེད་ཀྱིས་ནུབ་གཅིག་གི་ཕྱིར་དགེ་སློང་གི་དགེ་འདུན་མཐའ་དག་ནུབ་མོ་མཐོ་འཚམ་མམ། ཀྱེ་མའོ། །ཁྱེད་ཅག་འདི་ཉིད་དུ་འདུག་ཅིག། དེ་རྣམས་ཀྱིས་སྨྲས་པ། དགའ་བོ་ཉེ་དགའ་མཉན་ཡོད་དུ་འདོང་ངོ ། །འདི་དག་ནི། རླུང་ནད་ཅན་ཡིན་ནོ། །ཞེས་བྱས་ནས་དོང་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། དེ་ལྟ་བས་ན། ནུབ་མོ་གནས་མལ་བསྐོ་བར་མི་བྱའོ། །གལ་ཏེ་ནུབ་མོ་ལྷགས་ན། འགྲོགས་བཤེས་ཇི་ལྟ་བ་བཞིན་དུ་སོ་སོར་
Ga327a
༄#། །ངལ་བསོར་གཞུག་པར་བྱའོ། །ཡུལ་ཞིག་ནས་དགེ་སློང་མཆོད་རྟེན་ལ་ཕྱག་བྱེད་པ་ཞིག་མཉན་ཡོད་དུ་འོངས་ན། དེ་དེའི་སྤྱོད་ཡུལ་ལ་མི་མཁས་པས་ནང་པར་སྔར་ལངས་ཏེ་བཅོམ་ལྡན་འདས་ཀྱི་སྤྱན་སྔར་སོང་སྟེ་བཅོམ་ལྡན་འདས་དང་དགེ་སློང་གནས་བརྟན་གནས་བརྟན་རྣམས་ཀྱི་རྐང་པ་གཉིས་ལ་ཕྱག་བྱས་ནས་མཉན་ཡོད་དུ་བསོད་སྙོམས་ལ་ཞུགས་སོ། །དེ་བསོད་སྙོམས་སྤྱོད་པ་དྲོ་བབ་ཏུ་ཉེ་ནས་དེ་ཉིད་དུ་ར་བ་ཞིག་གི་དྲུང་དུ་འདུག་ནས་ཟས་ཀྱི་བྱ་བ་བྱེད་པར་བརྩམས་སོ། །ཁྱིམ་བདག་མགོན་མེད་ཟས་སྦྱིན་ཡང་མཆོད་རྟེན་ལ་ཕྱག་འཚལ་ཞིང་ལམ་དེ་ནས་སོང་བ་ལས། དེས་དེ་མཐོང་ནས་སྨྲས་པ། འཕགས་པ། ཀུན་ནས་མཛེས་པའི་བསྟན་པ་ལ་རབ་ཏུ་བྱུང་བ་ཡིན་ན། མི་རིགས་པ་མཛད་དམ་ཅི། དེས་སྨྲས་པ། ཚེ་དང་ལྡན་པ། དྲོ་ལ་བབ་ཏུ་ཉེ་བ་མ་མཐོང་ངམ། འདི་ལ་མི་རིགས་པ་ཅི་ཞིག་ཡོད། དེས་སྨྲས་པ། ཁྱོད་ཅིའི་སླད་དུ་བདག་གི་ཁྱིམ་དུ་མི་བྱོན། ཁྱོད་ཀྱི་མིང་ཅི། མགོན་མེད་ཟས་སྦྱིན་ནོ། ། ཁོ་བོས་མདོ་སྡེ་དེ་དང་དེ་རྣམས་ལས་ཁྱིམ་བདག་མགོན་མེད་ཟས་སྦྱིན་ཞེས་ཐོས་པ་ཞིག་ཡོད་ཀྱི། ཁྱོད་ཀྱང་མི་ཤེས་ལ་ཁྱིམ་ཡང་མི་ཤེས་སོ། །ཁྱིམ་བདག་མགོན་མེད་ཟས་སྦྱིན་གྱིས་བསམ་པ། དགེ་སློང་འདི་ནི། ལམ་རིང་པོ་ནས་འོངས་ལ་རྒྱུས་མི་ཤེས་བ་ཞིག་ཡིན་ཏེ། གདོན་མི་ཟ་བར་བདག་ཀྱང་མི་ཤེས་ལ། བདག་གི་ཁྱིམ་ཡང་མི་ཤེས་ཀྱི། འདི་
Ga327b
ལྟ་བུ་ལ་ཇི་ལྟར་བྱས་ན་རུང་བ་བཅོམ་ལྡན་འདས་ལ་ཞུས་ལ། གང་ཡང་མཉན་ཡོད་ནས་རྒྱལ་བུ་རྒྱལ་བྱེད་ཀྱི་ཚལ་གྱི་བར་གྱི་བར་བར་དུ་བསྟི་གནས་བརྩིག་པར་བྱའོ། །སྙམ་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སློང་གློ་བུར་བ་སྤྱོད་ཡུལ་མ་འཚལ་བ་ཞིག་བསོད་སྙོམས་སྤྱོད་པ་ན། དྲོ་ཡོལ་ཏུ་ཉེ་ནས་རབ་ཞིག་གི་དྲུང་དུ་གཡར་ཟས་ཀྱི་བགྱི་བ་བགྱིད་དེ། མ་དད་པ་རྣམས་ཡན་ལག་འདིས་འཕགས་པ་རྣམས་ལ་སྨོད་པར་འགྱུར་རོ། །གལ་ཏེ་བཅོམ་ལྡན་འདས་ཀྱིས་གནང་ན། བདག་གིས་གང་ཡང་མཉན་ཡོད་ནས་རྒྱལ་བུ་རྒྱལ་བྱེད་ཀྱི་ཚལ་གྱི་བར་གྱི་བར་བར་དུ་བསྟི་གནས་བརྩིག་པར་བགྱི་སྟེ། གང་ཞིག་གང་དུ་དྲོ་ལ་བབ་པ་དེ་དེར་བསོད་སྙོམས་ལོངས་སྤྱོད་པར་འགྱུར་རོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་།དེ་ལྟ་བས་ན་རྗེས་སུ་གནང་གི་རྩིགས་ཤིག་།དེས་གང་ཡང་མཉན་ཡོད་ནས་རྒྱལ་བྱེད་ཀྱི་ཚལ་གྱི་བར་གྱི་བར་བར་དུ་བསྟི་གནས་དག་བརྩིགས་ནས་དགེ་སློང་གང་ཞིག་གང་དུ་དྲོ་བབ་པ་དེ་དེར་ཟས་ཀྱི་བྱ་བ་བྱེད་དོ། །དགེ་སློང་གཞན་དག་ཆུས་ཕོངས་པར་གྱུར་ནས་ཁྱིམ་བདག་མགོན་མེད་ཟས་སྦྱིན་གྱིས་དེར་ཁྲོན་པ་བརྐོས་ནས་ཚ་བ་གསུམ་དང་འབྲས་བུ་གསུམ་གྱིས་ཤིང་རྟ་བཀང་སྟེ་བཏབ་པས། ཆུ་དེ་
Ga328a
༄#། །རོ་ཕུན་སུམ་ཚོགས་པར་གྱུར་ཏོ། །ཞེས་འཇིག་རྟེན་ཐམས་ཅད་དུ་གྲགས་པ་སྐྱེ་བོའི་ཚོགས་ཀྱིས་ཐོས་ནས་ལྷགས་པ། དགེ་སློང་རྣམས་ཀྱིས་བཀག་པ་དང ། མཉན་ཡོད་ན་གནས་པ་རྣམས་ཀྱིས་སྨྲས་པ། འཕགས་པ་ཁྱེད་ཅག་ལ་བདག་ཅག་གིས་ཡོ་བྱད་ཐམས་ཅད་ཀྱིས་བསྙེན་བཀུར་བགྱིས་ན། ཆབ་འཇིག་རྟེན་ཐམས་ཅད་ཀྱི་ཐུན་མོང་ཁྱེད་འགོག་པར་མཛད་དམ་ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགག་པར་མི་བྱའོ། །བུད་མེད་དགེ་སློང་རྣམས་ལ་ཆུ་སློང་པ་ན་དགེ་སློང་རྣམས་ཀྱིས་མ་བྱིན་ནས། བཅོམ་ལྡན་འདས་ཀྱིས་བཀའ་སྩལ་པ། སྦྱིན་པར་བྱའོ། །བཅོམ་ལྡན་འདས་ཀྱིས་བུད་མེད་ནི། ཀུན་ནས་ཞགས་པ་སྟེ། བདུད་ཀྱི་འཆིང་བ་ཡིན་ནོ། །ཞེས་གསུངས་པས། དགེ་སློང་རྣམས་བུད་མེད་ལ་ཆུ་སྦྱིན་པར་བྱེད་པ་ན་ཆགས་པར་གྱུར་ཏོ། །ཇི་ཙམ་ན་བུད་མེད་བྱད་བཞིན་དང་ལང་ཚོས་རྒྱགས་པ་ཞིག་དགེ་སློང་གཞོན་ནུ་ཞིག་ལ་ཤིན་ཏུ་ཆགས་པས་དེ་ལ་ཆུ་བསླངས་པ་དང ། དེ་ཡང་དེ་ལ་ཆགས་པས་བཅིངས་པའི་སེམས་ཀྱིས་སླར་བཟློག་ཀྱང་རྒྱུན་མ་བཅད་པར་བླུགས་ཏེ། དེ་ཡང་དེ་ལ་རྟོག་བཞིན་འཐུངས་པ་ལས། ཆུ་དེ་གློར་སོང་ནས་ཤིའོ། །དོན་ཉུང་བའི་དགེ་སློང་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་པའི་སྐབས་དེ།
Ga328b
དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། བུད་མེད་གང་ཞིག་ཆགས་པས་བཅིངས་པའི་སེམས་ཀྱིས་དགེ་སློང་ལ་ཆུ་སློང་བ་དེ་ལ་རང་གིས་སྦྱིན་པར་མི་བྱའོ། །བུད་མེད་ལ་ཆུ་རྒྱུན་མ་ཆད་པར་སྦྱིན་པར་མི་བྱ་ཞིང ། སྙིམ་པ་ཁོང་ལ་འཐུངས་ཤིག་ཅེས་བསྒོ་ལ། སྐབས་སྐབས་སུ་བཅད་ཅིང་བླུགས་པར་བྱའོ། །གཞན་དུ་ན། འགལ་ཚབས་ཅན་དུ་འགྱུར་རོ།། །།འདུལ་བ་གཞི། བམ་པོ་དོན་བདུན་པ། དེའི་ཚེ་གང་དག་བསོད་སྙོམས་ཀྱི་ཐོག་མ། རྒྱལ་བུ་རྒྱལ་བྱེད་ཀྱི་ཚལ་དུ་དབུལ་བ་དེ་རྣམས་ཀྱིས་དེ་ཉིད་དུ་དབུལ་བར་བརྩམས་པ་དྲུག་སྡེ་རྣམས་ཀྱིས་ཐོས་ནས་དེ་རྣམས་བསྟི་གནས་སུ་དོང་སྟེ་འདུག་ནས་བསོད་སྙོམས་ཀྱི་ཐོག་མ་ཁྱེར་ཏེ་འོངས་པ་གང་ཡིན་པ་དེ་ལ་རྨས་ཏེ་གལ་ཏེ་འོ་ཐུགས་ཡིན་ན་ནི། ལྷུང་བཟེད་ཟེད་པར་བྱེད་དེ། ཅི་སྟེ་ཆུ་ཐུག་ཡིན་ན་ནི། རྫུ་འཕྲུལ་ཆེན་པོའི་དགེ་འདུན་དང ། མཐུ་ཆེན་པོའི་དགེ་འདུན་ལ་ཕུལ་ཅིག་ཅེས་སྨྲའོ། །དེ་བཞིན་དུ་ཧཝགས་ཀྱི་བཅའ་བ་ལ་སོགས་པ་ལ་ཡང་སྦྱར་བར་བྱ་སྟེ། དོན་ཉུང་བའི་དགེ་སློང་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་གཞན་གྱི་རྙེད་པ་ལ་ཁ་བརྔམ་མི་བྱའོ། །ཁ་བརྔམ་བྱེད་ན། འགལ་ཚབས་ཅན་དུ་འགྱུར་རོ། །
Ga329a
༄#། །བཅོམ་ལྡན་འདས་ཀྱིས་དགེ་སློང་གིས་གཞན་གྱི་རྙེད་པ་ལ་ཁ་བརྔམ་མི་བྱའོ། །ཞེས་གསུངས་པ་དང ། དགེ་སློང་ཁ་ཅིག་དགོས་པ་ཞིག་ལ་གཙུག་ལག་ཁང་གཞན་དུ་དོང་སྟེ། དེ་རྣམས་དེར་ཕྱིན་པ་ན་དྲོ་ལ་བབ་ཀྱང་འགྱོད་པས་ལོངས་མ་སྤྱད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། ཆེད་དུ་བསམ་སྟེ་འགྲོ་བར་མི་བྱའོ། །མ་བསམ་པར་འོངས་པ་ལས་གལ་ཏེ་དྲོ་ལ་བབ་པར་གྱུར་ན། ལོངས་སྤྱད་པར་བྱ་སྟེ། འདི་ལ་འགྱོད་པར་མི་བྱའོ། །ཕོངས་པ་དང་བཅས་པའི་དུས་བྱུང་བ་ན་དགེ་སློང་དག་གཙུག་ལག་ཁང་གཞན་དུ་དོང་བ་ལས། དེ་ན་དགེ་སློང་དེ་རྣམས་ལོངས་སྤྱོད་པ་མཐོང་ནས་ཡང་བཟའ་བར་འདོད་པ་ལས་འགྱོད་པས་ལོངས་མ་སྤྱད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་སྔ་མར་དེ་རྣངས་ལ་དེ་ཡང་གལ་ཏེ་ཚད་མེད་པ་ཞིག་ཏུ་འབྲིམ་ན་བླང་བར་བྱའོ། །ཅི་སྟེ་དགེ་སློང་ཚད་ཡོད་པར་བྱས་པ་ཞིག་ཡིན་ན། བླང་བར་མི་བྱའོ། །ལེན་ན། འགལ་ཚབས་ཅན་དུ་འགྱུར་རོ། །དེ་ནས་བཅོམ་ལྡན་འདས་ཡུལ་ཀ་ཤིའི་ལྗོངས་རྒྱུ་ཞིང་གཤེགས་པ་ན་རི་ནག་པོ་ལ་གཤེགས་སོ། །དེའི་ཚེ་རི་ནག་པོ་ལ་དགེ་སློང་འགྲོ་མགྱོགས་དང་ནབ་སོ་གཉིས་གནས་ཏེ། དེ་གཉིས་ཀྱིས་བཅོམ་
Ga329b
ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ཡུལ་ཀ་ཤི་ནས་ལྗོངས་རྒྱུ་ཞིང་གཤེགས་ཤིང ། འདིར་གཤེགས་པར་འགྱུར་རོ། །ཞེས་ཐོས་སོ། །ཐོས་ནས་ཀྱང་བསམ་པ། སྟོན་པའི་སྤྱན་སྔར་དགེ་སློང་ངོ་ཚ་མེད་པ་དང ། འཛེམ་པ་མེད་པ་རྣམས་ཀྱིས་བདག་ཅག་ལ་གླེང་བར་བྱེད། དྲན་པར་བྱེད་པར་འགྱུར་གྱི། མ་ལ་བདག་ཅག་གིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་ཆེན་པོ་གཅིག་མ་གཏོགས་པ་དགེ་སློང་རྣམས་ལས་བརྩམས་ཏེ་གནས་མལ་བསྐོ་བ་གསུམ་དང ། གནས་མལ་གཟུང་བ་ཡང་དྲུག་བྱའོ། །གནས་མལ་བསྐོ་བ་གསུམ་གང་ཞེ་ན། དགུན་གྱི་དང ། དཔྱིད་ཀྱི་དང ། དབྱར་གྱིའོ། །གནས་མལ་གཟུང་བ་དྲུག་གང་ཞེ་ན། གཙུག་ལག་ཁང་ཐམས་ཅད་དང ། གཙུག་ལག་ཁང་གི་ཉེ་འཁོར་ཐམས་ཅད་དང ། ཁང་ཕྲན་ཐམས་ཅད་དང ། ཁང་ཕྲན་གྱི་ཉེ་འཁོར་ཐམས་ཅད་དང ། ཀུན་དགའ་ར་བ་ཐམས་ཅད་དང ། ཀུན་དགའ་ར་བའི་ཉེ་འཁོར་ཐམས་ཅད་བསྐོ་བར་བྱའོ། །གལ་ཏེ་གཙུག་ལག་ཁང་སྐོས་ཤིག་ཅེས་སྨྲས་པ་དང་འདི་བསྐོས་ཟིན་ཏོ། །ཞེས་བརྗོད་པར་བྱ་ཞིང ། ཁང་ཕྲན་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། །གཙུག་ལག་ཁང་གི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། ། ཁང་ཕྲན་གྱི་ཉེ་འཁོར་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། །ཀུན་དགའ་ར་བ་སྐོས་ཤིག་ཅེ་ན། འདི་ཡང་བསྐོས་ཟིན་ཏོ། །ཀུན་དགའ་ར་བའི་ཉེ་འཁོར་སྐོས་ཤིག་ཅེ་ན། འདི་ཡང་
Ga330a
༄#། །བསྐོས་ཟིན་ཏོ། །ཞེས་བརྗོད་པར་བྱ་སྟེ། དེ་རྣམས་གནས་མེད་དེ་མི་གནས་ན། ངོ་ཚ་མེད་པ། འཛེམ་པ་མེད་པས་བདག་ཅག་ལ་གླེང་བར་མི་འགྱུར་རོ། །སྙམ་ནས། དེ་གཉིས་ཀྱིས་གནས་མལ་བསྐོ་བ་གསུམ་དང ། གནས་མལ་གཟུང་བ་དྲུག་བྱས་སོ། །ཇི་ཙམ་ན་བཅོམ་ལྡན་འདས་རི་ནག་པོ་ལ་གཤེགས་པ་ན། དེ་གཉིས་ཀྱིས་བཅོམ་ལྡན་འདས་ཀྱི་གཙུག་ལག་ཁང་ནི། སྔ་ནས་བསྡོགས་ཟིན་ཏོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དག་།གནས་མལ་དང ། གཙུག་ལག་ཁང་སྐོས་ཤིག་།དེ་གཉིས་ཀྱིས་སྨྲས་པ། གཙུག་ལག་ཁང་སྔར་བསྐོས་ཟིན་ཏོ། །ཁང་ཕྲན་སྐོས་ཤིག་།དེ་ཡང་བསྐོས་ཟིན་ཏོ། །གཙུག་ལག་ཁང་གི་ཉེ་འཁོར་སྐོས་ཤིག། དེ་ཡང་བསྐོས་ཟིན་ཏོ། །ཁང་ཕྲན་གྱི་ཉེ་འཁོར་སྐོས་ཤིག་།དེ་ཡང་བསྐོས་ཟིན་ཏོ། །ཀུན་དགའ་ར་བ་སྐོས་ཤིག། དེ་ཡང་བསྐོས་ཟིན་ཏོ། །ཀུན་དགའ་ར་བའི་ཉེ་འཁོར་སྐོས་ཤིག། དེ་ཡང་བསྐོས་ཟིན་ཏོ། །གང་གི་ཕྱིར་དེ་གཉིས་ཀྱིས་གནས་ཐམས་ཅད་མ་བསྐོས་པ་དང ། དེ་ནས་ཀུན་དགའ་ར་བའི་ནང་དུ་སྒྲ་མཐོན་པོ་དང ། སྒྲ་ཆེན་པོ་བྱུང་ངོ ། །སངས་རྒྱས་བཅོམ་ལྡན་འདས་རྣམས་ནི། མཁྱེན་བཞིན་དུ་རྨེད་པར་མཛད་པ་སྟེ། མཁྱེན་བཞིན་དུ་རྨེད་ཀྱི། མི་མཁྱེན་པར་མི་རྨེད། དུས་སུ་རྨེད་ཀྱི། དུས་ལས་ཡོལ་བར་མི་རྨེད། དོན་དང་ལྡན་པར་རྨེད་ཀྱི། དོན་དང་མི་
Ga330b
ལྡན་པར་མི་རྨེད་པས། སངས་རྒྱས་བཅོམ་ལྡན་འདས་རྣམས་དོན་དང་ལྡན་པ་མ་ཡིན་པ་རྨེད་པ་ལ་ཆུ་ལོན་གྱིས་བཟློག་པར་མཛད་པ་ཡིན་ནོ། །སངས་རྒྱས་བཅོམ་ལྡན་འདས་རྣམས་དོན་དང་ལྡན་པ་རྨེད་པ་དེ་ལ་དུས་མཁྱེན་པ་ཡིན་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ། ཀུན་དགའ་ར་བའི་ནང་ན་སྐྱེ་བོའི་ཚོགས་ཆེན་པོའི་སྒྲ་མཐོན་པོ་དང ། སྒྲ་ཆེན་པོར་གྲགས་པ་འདི་ཅི་ཞིག་ཡིན། དེས་གསོལ་པ། དགེ་སློང་འགྲོ་མགྱོགས་དང་ནབ་སོ་གཉིས་ཀྱིས་གནས་མལ་བསྐོ་བ་གསུམ་དང ། གནས་མལ་གཟུང་བ་དྲུག་བགྱིས་ནས་དགེ་སློང་རྣམས་ཀྱིས་གནས་མལ་མ་ཐོབ་པར་གྱུར་ཏེ། དེས་ན། ཀུན་དགའ་ར་བའི་ནང་ན་སྐྱེ་བོའི་ཚོགས་ཆེན་པོའི་སྒྲ་མཐོན་པོ་དང ། སྒྲ་ཆེན་པོ་འདི་གྲགས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། །ངས་འཐབ་ཀྲོལ་བྱེད་པའི་དགེ་སློང་རྣམས་ལ་དགོངས་ནས་གནས་མལ་བསྐོ་བ་གསུམ་དང ། གནས་མལ་གཟུང་བ་དྲུག་མཛད་ཀྱི། རང་བཞིན་དུ་གནས་པ་ལ་ནི་མ་ཡིན་པས། དེ་ལྟ་བས་ན། དགེ་སློང་རྣམས་ཀྱིས་རང་བཞིན་དུ་གནས་པའི་དགེ་སློང་རྣམས་ལས་བརྩམས་ཏེ་གནས་མལ་བསྐོ་བ་གསུམ་དང ། གནས་མལ་གཟུང་བ་དྲུག་མི་བྱའོ། །བྱེད་ན། འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་ཡུལ་ཀོ་ས་ལའི་ལྗོངས་རྒྱུ་ཞིང་གཤེགས་པ་
Ga331a
༄#། །ན་གྲོང་མེད་པའི་དགོན་པ་ཞིག་ཏུ་ནུབ་མོ་དགོངས་བཏབ་བོ། །དྲུག་སྡེ་རྣམས་ཀྱིས་བཅོམ་ལྡན་འདས་ཀྱི་ཕྱིར་ཤིང་བཟང་པོ་ཞིག་བཞག་ནས། ཤིང་བཟང་པོ་གཞན་ནི།་རང་རང་གིས་བཟུང་ངོ ། །དགེ་སློང་གནས་བརྟན་གནས་བརྟན་རྣམས་ཀྱིས་ནི། ཤིང་ཁོང་སྟོང་དག་ཐོབ་བོ། །ཀོ་ས་ལའི་རྒྱལ་པོ་གསལ་རྒྱལ་གྱིས་ཐོས་ནས། དཔུང་གི་ཚོགས་ཡན་ལག་བཞི་དང་ཆས་ཏེ་བསུ་ནས། དེས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་དགེ་སློང་གནས་བརྟན་གནས་བརྟན་རྣམས་ལ་བརྟགས་ན། ཇི་ཙམ་ན་དྲུག་སྡེ་རྣམས་ནི། ཤིང་བཟང་པོ་དག་གི་དྲུང་ན་གནས་ལ། གནས་བརྟན་གནས་བརྟན་རྣམས་ཀྱི་ནི། ཤིང་ཁོང་སྟོང་རྣམས་མཐོང་ནས་དེས་འཇལ་ཏོ་ཞེས་བྱས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། བདག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ། གཙོ་བོ་ལགས་ཏེ། ཡུལ་མཐའ་དག་ནས་འབྱུང་བའི་རིན་པོ་ཆེ་རྣམས་ལས་ཐམས་ཅད་ཀྱི་མཆོག་གི་དངོས་པོ་གང་ལགས་པ་དེ་ནི། བདག་གི་ལགས་ལ། ལྷག་མ་རྣམས་ལས་ཇི་ལྟར་འཚལ་བ་བཞིན་དུ་མཆིས་བྲང་དང ། གཞོན་ནུ་དང ། བློན་པོ་
Ga331b
དང།་ཁྲོམ་གྱི་རུ་བ་རྣམས་ཀྱི་ལགས་སོ། །བཅོམ་ལྡན་འདས་ཀྱང་བླ་ན་མ་མཆིས་པའི་ཆོས་ཀྱི་རྒྱལ་པོ་ལགས། འཕགས་པ་ཀོའུ་དི་ནྱ་དང ། ཤཱ་རིའི་བུ་དང ། མོའུ་འགལ་གྱི་བུ་དང ། འོད་སྲུང་དང ། ཀུན་དགའ་བོ་དང ། ནམ་གྲུ་ལ་སོགས་པ་ཉན་ཐོས་ཆེན་པོ་རྣམས་ནི། ཞུགས་ཤིང་ཁོང་སྟོང་རྣམས་ཀྱི་དྲུང་ན་མཆིས་ལ། དྲུག་སྡེ་རྣམས་ཀྱི་ནི། ཞུགས་ཤིང་བཟང་ཆེས་ལགས་ཀྱི།་ཀྱེ་མའོ། །བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ་ཞུགས་ཤིང་ལ་ཡང་རྒན་རིམ་ཇི་ལྟ་བ་བཞིན་གྱི་བཅའ་བ་མཛད་དུ་གསོལ། བཅོམ་ལྡན་འདས་ཀྱིས་ཀོ་ས་ལའི་རྒྱལ་པོ་གསལ་རྒྱལ་ལ་ཅང་མི་གསུང་བས་གནང་ངོ ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ཅང་མི་གསུང་བས་གནང་བར་རིགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་སྟན་ལས་ལངས་ནས་སོང་ངོ ། །བྱུང་བ་འདི་ལ་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དང ། དེ་ལྟ་བས་ན། ཤིང་རྣམས་དང ། སྒང་བུ་དང ། གསིང་མ་རྣམས་ཀྱང་རྒན་རིམ་ཇི་ལྟ་བ་བཞིན་བསྐོ་བར་བྱའོ། །བཅོམ་ལྡན་འདས་ཀྱིས་ཤིང་དང ། སྒང་བུ་དང ། གསིང་མ་རྣམས་ཀྱང་རྒན་རིམ་ཇི་ལྟ་བ་བཞིན་དུ་བསྐོ་བར་བྱའོ། །ཞེས་གསུངས་པ་དང ། དགེ་སློང་རྣམས་རང་ཉིད་སྒོ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ། གནས་ཁང་སྐོ་བའི་དགེ་སློང་བསྐོ་བར་བྱའོ། །དགེ་སློང་རྣམས་ཀྱིས་ཕལ་པ་ལས་བསྐོས་ནས།
Ga332a
༄#། །བཅོམ་ལྡན་འདས་ཀྱིས་བཀའ་སྩལ་པ། ཆོས་ལྔ་དང་ལྡན་པའི་དགེ་སློང་གཙུག་ལག་ཁང་འགོད་པར་མ་བསྐོས་པ་ནི་བསྐོ་བར་མི་བྱའོ། །བསྐོས་པ་ནི། དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། གཙུག་ལག་ཁང་བསྐོས་པ་དང་མ་བསྐོས་པ་མི་ཤེས་པ་སྟེ། ཆོས་འདི་ལྔ་དང་ལྡན་པ་ནི། གཙུག་ལག་ཁང་སྐོ་བར་མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི་དབྱུང་བར་བྱའོ། །ཡང ། ཆོས་ལྔ་དང་ལྡན་པ་ནི། གཙུག་ལག་ཁང་སྐོ་བར་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། གཙུག་ལག་ཁང་བསྐོས་པ་དང་མ་བསྐོས་པ་ཤེས་པ་སྟེ། ཆོས་འདི་ལྔ་དང་ལྡན་པ་ནི། གཙུག་ལག་ཁང་སྐོ་བར་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །བསྐོ་བ་ནི། འདི་ལྟར་བྱ་སྟེ། གནས་མལ་བཤམས་ཏེ་གཎྜཱི་བརྡུངས་ལ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། རེ་ཞིག་ཐོག་མར་སྤྲོ་བར་བྱ་སྟེ། མིང་འདི་ཞེས་བྱ་བ་ཁྱོད། དགེ་འདུན་གྱི་གཙུག་ལག་ཁང་སྐོ་བར་
Ga332b
སྤྲོའམ། དེ་གལ་ཏེ་སྤྲོ་བར་གྱུར་ན། དེས་སྤྲོའོ་ཞེས་བརྗོད་པར་བྱའོ། །དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གཙུག་ལག་ཁང་སྐོ་བ་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་གཙུག་ལག་ཁང་སྐོ་བར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང།་འདི་ལྟར། དགེ་འདུན་གྱིས་མིང་འདི་ཞེས་བགྱི་བ་འདི། གཙུག་ལག་ཁང་སྐོ་བར་བསྐོ་བ་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། གཙུག་ལག་ཁང་སྐོ་བ་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་གཙུག་ལག་ཁང་སྐོ་བར་སྤྲོ་ནས། འདི་ལྟར། དགེ་འདུན་གྱིས་དགེ་སློང་མིང་འདི་ཞེས་བྱ་བ་འདི། གཙུག་ལག་ཁང་སྐོ་བར་བསྐོས་ན། ཚེ་དང་ལྡན་པ་གང་དག་དགེ་སློང་མིང་འདི་ཞེས་བགྱི་བ་འདི། གཙུག་ལག་ཁང་སྐོ་བར་བསྐོ་བར་བཟོད་པ་དེ་དག་ནི། ཅང་མ་གསུངས་ཤིག ། གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་མིང་འདི་ཞེས་བགྱི་བ་འདི། གཙུག་ལག་ཁང་སྐོ་བར་བསྐོས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །གཙུག་ལག་ཁང་འགོད་པ་ཇི་ལྟ་བ་བཞིན་དུ་ཟས་ལ་སྐོ་བ་དང ། ཐུག་པ་འབྲིམ་པ་དང ། བག་ཚོས་འབྲིམ་པ་དང ། ཕྲན་
Ga333a
༄#། །ཚེགས་འབྲིམ་པ་དང ། སྣོད་སྤྱད་འདྲུབ་པ་དང ། གོས་སྦེད་པ་དང ། གེས་འགེད་པ་དང ། དབྱར་གྱི་རས་ཆེན་སྦེད་པ་དང ། དབྱར་གྱི་རས་ཆེན་འགེད་པ་དང ། མངག་གཞུག་པ་དང ། མཛེས་འཆོས་པ་ཡང་དེ་བཞིན་ཏེ། ཆོས་ལྔ་དང་ལྡན་པའི་དགེ་སློང་མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི། དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། མཛེས་པ་དང་མི་མཛེས་པ་མི་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་མཛེས་འཆོས་པར་མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི། དབྱུང་བར་བྱའོ། །ཡང ། ཆོས་ལྔ་དང་ལྡན་པའི་དགེ་སློང་མཛེས་འཆོས་པར་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། མཛེས་པ་དང་མི་མཛེས་པ་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་མཛེས་འཆོས་པར་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །གཙུག་ལག་ཁང་དང་ཟས་འགེད་དང ། །ཐུག་པ་འབྲིམ་དང་བག་ཚོས་དང ། །ཕྲན་ཚེགས་སྣོད་སྤྱད་སྦེད་པ་དང ། །ཆོས་གོས་གཉིས་དང་དེ་བཞིན་དུ། །དབྱར་གྱི་རས་ཆེན་སྦེད་པ་དང ། །འགེད་
Ga333b
པ་དག་དང་མངག་གཞུག་དང ། །དེ་བཞིན་དུ་ནི་མཛེས་འཆོས་ཏེ། །གང་ཟག་བཅུ་གཉིས་ཡིན་པར་བཤད། །གནས་མལ་གྱི་གཞི་རྫོགས་སོ།། །།རྩོད་པ་ཞི་བར་བྱེད་པའི་གཞིའི་སྡོམ་ལ།་འཐབ་དང་འགྱེད་པའི་རྩོད་པ་དང ། །རྩ་བ་གང་དང་དགེ་བ་གང ། །འགྱེད་པ་ཡིན་ལ་རྩོད་མིན་དང ། །འགྱེད་པ་དུས་ནི་ཞི་བ་དང ། །འགྱེད་པ་མངོན་སུམ་ཞི་བ་དང ། །ཚུལ་ཤིང་དག་ནི་བླངས་པ་ཡིས། །གདམས་ངག་མེད་པ་མངོན་སུམ་དང ། །དྲན་དང་མ་མྱོས་འདུལ་འོས་དང ། །དེ་ཡི་ངོ་བོ་ཚོལ་གཞུག་དང ། །རྩཝ་བཀྲམ་ལྟ་བུར་འོས་པ་ཡིས། །དགེ་འདུན་དག་ནི་མཐུན་པ་ཡིས། །དེ་བཞིན་བྱ་བའི་རྩོད་པ་ནི། །ཉེ་བར་ཞི་བར་བྱའོ་ཞེས། །དྲང་སྲོང་ཆེན་པོས་རབ་ཏུ་གསུངས། །སངས་རྒྱས་བཅོམ་ལྡན་འདས་ཡུལ་སེར་སྐྱའི་གཞི་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། ། གང་གི་ཚེ་བཅོམ་ལྡན་འདས་ཀྱིས་ཤཱཀྱ་རྣམས་བདེན་པ་ལ་བཀོད་པ་དེའི་ཚེ། དེ་རྣམས་བཅོམ་ལྡན་འདས་ལ་བལྟ་བའི་ཕྱིར་དུས་གསུམ་དུ་འདོང་བར་བྱེད་དོ། །བཅོམ་ལྡན་འདས་ཀྱིས་ཀྱང་དེ་རྣམས་ལ་ཡང་དང་ཡང་དུ་ཆོས་འཆད་པར་མཛད་དོ། །རྒྱལ་པོ་ཟས་གཙང་གི་ཀུན་ཏུ་སྤྱོད་པ་ནི། ཤཱཀྱའི་ཚོགས་ཀྱིས་བསྐོར་ནས་བཅོམ་ལྡན་འདས་ལ་བལྟ་བའི་ཕྱིར་དུས་གསུམ་དུ་འགྲོ་བར་བྱེད་དོ། །ཇི་ཙམ་དུས་གཞན་ཞིག་ན། བཅོམ་ལྡན་འདས་འཁོར་བརྒྱ་ཕྲག་དུ་མའི་གུང་ལ་བཞུགས་ནས་སྦྲང་མའི་སྦྲང་རྩི་དྭངས་མ་ལྟ་བུའི་ཆོས་བཤད་པ་ནི། འཁོར་བརྒྱ་ཕྲག་དུ་མ་དབང་པོ་
Ga334a
༄#། །རྣམས་མི་གཡོ་བས། བཅོམ་ལྡན་འདས་ལས་སྙན་པ་སྙན་པའི་ཆོས་ཉན་པར་བྱེད་དོ། །རྒྱལ་པོ་ཟས་གཙང་ཡང་ཆོས་མཉན་པའི་ཕྱིར་རྒྱལ་པོའི་འབྱོར་པ་ཆེན་པོ་དང ། རྒྱལ་པོའི་མཐུ་ཆེན་པོས་ཤཱཀྱའི་ཚོགས་ཀྱིས་བསྐོར་ནས་བཅོམ་ལྡན་འདས་ཀྱི་སྤྱན་སྔར་སོང་སྟེ་དེས་ཆོས་མཉན་ནས་སོང་ངོ ། །དེ་ནས་ཤཱཀྱ་མིང་ཆེན་གྱིས། བཅོམ་ལྡན་འདས་ཀྱི་སྤྱན་སྔ་ནས་ཆོས་མཉན་ཏེ་དད་པ་སྐྱེས་ནས་རང་གི་ཁྱིམ་དུ་སོང་སྟེ་སྨྲས་པ། ཀྱེ་མའོ་སངས་རྒྱས། ཀྱེ་མའོ་ཆོས། ཀྱེ་མའོ་དགེ་འདུན། སངས་རྒྱས་བྱུང་བ་ནི། བདག་འབྲས་བུ་དང་བཅས་པ་ཡིན་ནོ། །མིང་ཆེན་གྱི་ཆུང་མ་དམ་པས་སྨྲས་པ། རྗེའི་སྲས། དེ་ཅི་ལགས། དེས་སྨྲས་པ། དེང་བཅོམ་ལྡན་འདས་ཀྱིས་འཁོར་བརྒྱ་ཕྲག་དུ་མའི་མདུན་དུ་འདི་འདྲ་བའི་ཆོས་བཤད་པ་མཛད་དེ། དེ་ཐོས་པས་སྲོག་ཆགས་བརྒྱ་སྟོང་ཕྲག་དུ་མས་ཁྱད་པར་ཆེན་པོ་རྟོགས་སོ། །དེས་སྨྲས་པ། རྗེའི་སྲས། སངས་རྒྱས་བྱུང་བ་ནི། བདག་འབྲས་བུ་དང་བཅས་པ་ཡིན་ནོ། །ཞེས་གསུངས་པ་གང་ལགས་པ་དེ་མད་དེ། སངས་རྒྱས་བྱུང་བ་ནི། ཁྱེད་ཅག་ཁོ་ན་ལ་འབྲས་བུ་དང་བཅས་ལགས་ཀྱི། བདག་ཅག་ལ་ནི། མ་ལགས་སོ། །ཅིའི་ཕྱིར། འདི་ལྟར། བཅོམ་ལྡན་འདས་འཇིག་རྟེན་དུ་བྱུང་བ་ནི། སྐྱེས་པ་རྣམས་ཀྱི་ཕྱིར་ལགས་ཀྱི། བུད་མེད་རྣམས་ཀྱི་ཕྱིར་ནི། མ་ལགས་སོ། །དེས་སྨྲས་པ། བཟང་མོ། དེ་སྐད་མ་སྨྲ་ཞིག། བཅོམ་
Ga334b
ལྡན་འདས་ནི། སེམས་ཅན་ཐམས་ཅད་ལ་ཕན་པ་དང ། ཐུགས་བརྩེ་བ་ཡིན་གྱི། སོང་ཞིག་དང ། ཁྱོད་ཀྱིས་ཀྱང་བཅོམ་ལྡན་འདས་ཀྱི་སྤྱན་སྔ་ནས་ཆོས་ཐོས་པར་འགྱུར་རོ། །དེས་སྨྲས་པ། ལྷ་ཤཱཀྱའི་ཚོགས་ཀྱིས་བསྐོར་ནས་བཅོམ་ལྡན་འདས་ལ་བལྟ་བའི་ཕྱིར་དུས་གསུམ་དུ་བཞུད་ལ། ལྷའི་མདུན་དུ་མངོན་སུམ་དུ་བདག་གིས་ཆོས་མཉན་པ་གཡར་ཚ་ལགས་སོ། །འདི་ལྟར། གལ་ཏེ་ལྷ་སྔ་དྲོ་བཞུད་ན། བདག་གིས་ཀྱང་སླད་དྲོ་བཅོམ་ལྡན་འདས་ལ་ཆོས་མཉན་པར་བགྱིའོ། །ཤཱཀྱ་མིང་ཆེན་གྱིས་བསམ་པ། ལྷ་ལ་གསོལ་གྱི། འགྲོའོ། །སྙམ་པ་ལས་ཡང་བསམ་པ།་རང་གི་ཆུང་མའི་ཆེད་ལ་ལྷ་ལ་གསོལ་པ་བྱེད་ནི། མི་ཕོད་ཀྱི། ལྷ་ནི། སྐྱེ་རྒུའི་བདག་མོ་ཆེན་མོ་ལ་བཀུར་སྟི་མང་དུ་བྱེད་དེ། དེའི་ཚིག་ཉན་པར་གྱུར་བས། དེ་ལ་དོན་འདི་རིག་པར་བྱའོ། །སྙམ་ནས། དེ་སྐྱེ་རྒུའི་བདག་མོ་ཆེན་མོ་གོའུ་ཏ་མི་གང་ན་བ་དེར་སོང་སྟེ་ཕྱིན་ནས། སྐྱེ་རྒུའི་བདག་མོ་ཆེན་པོ་གོའུ་ཏ་མི་ལ་དོན་དེ་སྨྲས་པ་དང ། དེས་སྨྲས་པ། བཀའ་བཞིན་འཚལ། ལྷ་ལ་གསོལ་བར་བགྱིའོ། །དེ་ནས་ཤཱཀྱ་མིང་ཆེན་ཁྱིམ་དུ་སོང་ནས་ཤཱཀྱ་རྣམས་ཀྱི་ཆུང་མ་རྣམས་ལ་སྨྲས་པ་དང ། དེ་ནས་ཤཱཀྱ་རྣམས་ཀྱི་ཆུང་མ་དང ། གཞན་དག་གི་ཆུང་མ་རྣམས་སྐྱེ་རྒུའི་བདག་མོ་ཆེན་མོ་གང་ན་བ་དེར་སོང་སྟེ་ཕྱིན་པ་དང ། སྐྱེ་རྒུའི་བདག་མོ་ཆེན་མོ་གོའུ་ཏ་མི་ལ་འདི་སྐད་ཅེས་སྨྲས་སོ། །གོའུ་ཏ་མི་མཁྱེན་པར་མཛོད་ཅིག་།བདག་ཅག་
Ga335a
༄#། །གིས་བཅོམ་ལྡན་འདས་འཁོར་བརྒྱ་ཕྲག་དུ་མའི་མདུན་དུ་སྙན་པ་སྙན་པའི་ཆོས་སྦྲང་མའི་སྦྲང་རྩི་དྭངས་མ་ལྟ་བུ་བཤད་པ་ན། འཁོར་བརྒྱ་ཕྲག་དུ་མ་དབང་པོ་རྣམས་མི་གཡོ་བས། བཅོམ་ལྡན་འདས་ལས་སྙན་པ་སྙན་པའི་ཆོས་ཉན་ཏོ། །ཞེས་ཐོས་ནས། བདག་ཀྱང་བཅོམ་ལྡན་འདས་ལས་ཆོས་དེ་ཐོས་པར་འཚལ་གྱི། བདག་ཅག་གི་ཕྱིར་ལྷ་ལ་ཅི་ནས་ཀྱང་ལྷ་ནི། སྔ་དྲོ་བཅོམ་ལྡན་འདས་ཀྱི་སྤྱན་སྔར་བཞུད་ལ། བདག་ཅག་ཀྱང་སླད་དྲོ་མཆི་བར་གསོལ་བ་མཛོད་ཅིག། དེས་སྨྲས་པ། ཕུ་ནུ་མོ་དག། ཁྱོད་ཀྱིས་སེམས་བསྐྱེད་པ་ལེགས་ཏེ། རྒྱལ་པོ་ཟས་གཙང་ལ་བརྟག་གི་།སྐད་ཅིག་སྡོད་ཅིག་།དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་རྒྱལ་པོ་ཟས་གཙང་གང་ན་བ་དེར་སོང་སྟེ་ཕྱིན་ནས། རྒྱལ་པོ་ཟས་གཙང་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛོད་ཅིག་།བདག་གིས་བཅོམ་ལྡན་འདས་འཁོར་བརྒྱ་ཕྲག་དུ་མའི་གུང་ལ་བཞུགས་ནས་སྙན་པ་སྙན་པའི་ཆོས་སྦྲང་མའི་སྦྲང་རྩི་དྭངས་མ་ལྟ་བུ་བཤད་པ་ན། འཁོར་བརྒྱ་ཕྲག་དུ་མ་དབང་པོ་རྣམས་མི་གཡོ་བས། བཅོམ་ལྡན་འདས་ལ་སྙན་པ་སྙན་པའི་ཆོས་ཉན་ཏོ། །ཞེས་ཐོས། ཤཱཀྱའི་མཆིས་བྲང་རྣམས་ཀྱིས་ཀྱང་དེ་སྐད་ཐོས་ནས་དེ་རྣམས་ཆོས་ཉན་པར་འཚལ་ན། ལྷ་ནི། སྔ་དྲོ་བཅོམ་ལྡན་འདས་ཀྱི་སྤྱན་སྔར་གཤེགས་པའི་རིགས་སོ། །བདག་གིས་ཀྱང་ཤཱཀྱའི་མཆིས་བྲང་རྣམས་
Ga335b
དེད་དེ་བཅོམ་ལྡན་འདས་ཀྱིས་སྤྱན་སྔར་སླད་དྲོ་མཆི་བར་བགྱིའོ། །དེ་ཅིའི་སླད་དུ་ཞེ་ན། སྔ་དྲོ་ནི། དེ་རྣམས་སྡུམ་པའི་བགྱི་བདག་བགྱིད་པས། བཅོམ་ལྡན་འདས་ཀྱི་སྤྱན་སྔར་མཆི་བའི་སྐབས་མ་མཆིས་སོ། །རྒྱལ་པོ་ཟས་གཙང་མའི་ཀུན་ཏུ་སྤྱོད་པ་ནི། གང་གི་ཚེ་སྐྱེ་རྒུའི་བདག་མོ་ཆེན་མོ་གོའུ་ཏ་མིས་ཚིག་སྨྲས་པ་དེའི་ཚེ་ལུས་ཀྱི་སྤུ་ཟིང་ཞེས་བྱེད་ནས་ལངས་ཏེ། རེ་ཞིག་སྐྱེ་རྒུའི་བདག་མོ་ཆེན་མོའི་ཚིག་གི་ལན་མ་བྱིན་པ་དེའི་བར་དུ་མི་འདུག་པ་ཡིན་པས། དེས་མགོ་བོས་བཏུད་ནས་སྨྲས་པ། གོའུ་ཏ་མི། བཀའ་བཞིན་འཚལ། དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་ཤཱཀྱའི་ཆུང་མ་ལྔ་བརྒྱས་ཡོངས་སུ་བསྐོར་ཏེ་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་ནྱ་གྲོ་དྷའི་ཀུན་དགའ་ར་བར་སོང་ངོ ། །ཇི་ཙམ་ན་ཤཱཀྱ་མིང་ཆེན་གྱི་ཆུང་མ་ཡང་རྒྱན་ཐམས་ཅད་ཀྱིས་བརྒྱན་ནས་དེ་དང་ལྷན་ཅིག་སོང་སྟེ་གཟུགས་དང་ལང་ཚོ་དང་ལྡན་ཞིང་རྒྱན་ཐམས་ཅད་ཀྱིས་བརྒྱན་པས། འདོད་ཆགས་དང་མ་བྲལ་བ་དག་ཆགས་པ་སྐྱེ་བར་ཞུགས་པ་དེ། ཚེ་དང་ལྡན་པ་ཀུན་དགའ་བོས་མཐོང་ནས་སྨྲས་པ། སྲིང་མོ། རེ་ཞིག་ཁྱོད་ཀྱིས་རང་བཞིན་གྱི་གཟུགས་ཉིད་ཀྱང་བཟང་མོ་བསྟན་སྡུག་པ་མཛེས་པ་ཡིན་ན། རྒྱན་ཐམས་ཅད་ཀྱིས་བརྒྱན་པ་ལྟ་སྨོས་ཀྱང་ཅི་དགོས། ཁྱོད་རྒྱན་གྱིས་བརྒྱན་ཏེ་འདིར་འོང་བ་གང་ཡིན་པ་དེ་ནི། མ་ལེགས་པ་ཞིག་བྱས་ཏེ། བདག་ཉིད་ཆེན་པོ་འདི་དག་ནི། ཐམས་ཅད་འདོད་ཆགས་དང་བྲལ་བ་ཁོ་ན་ཡང་མ་ཡིན་ནོ། །ཞེས་དེ་ལ་དེ་སྐད་
Ga336a
༄#། །ཅེས་སྨྲས་པ་དང ། ངོ་ཚ་བ་སྙིང་ལ་ཕོག་པས་སྤྱི་བོ་སྨད་ནས་མཐའ་གཅིག་ཏུ་སོང་སྟེ་རྒྱན་རྣམས་བཀྲོལ་ནས་སེམས་ཁོང་དུ་ཆུད་ཅིང་འདུག་པ་ལས། དེའི་མངག་གཞུག་མ་བུ་མོ་སྐྱེད་མ་ཞེས་བྱ་བ་དང ། དེ་ལྷན་ཅིག་ཆོས་མཉན་པའི་ཕྱིར་འོངས་པས་དེས་དེ་ལ་བོས་ཏེ་སྨྲས་པ། སྐྱེད་མ། སོང་ལ་རྒྱན་འདི་དག་ཁྱིམ་དུ་ཞོག་ལ་ཤོག་ཅིག་།དེ་རིངས་པར་སོང་ནས་དེས་ཁྱིམ་དུ་བཞག་སྟེ་སླར་འོངས་སོ། །དེ་ནས་སྐྱེ་རྒུའི་བདག་མོ་ཆེན་མོ་གོའུ་ཏ་མི་འཁོར་ལྔ་བརྒྱ་དང་བཅོམ་ལྡན་འདས་ཀྱི་ཞབས་གཉིས་ལ་མགོ་བས་ཕྱག་འཚལ་ནས་ཕྱོགས་གཅིག་ཏུ་འདུག་སྟེ་བཅོམ་ལྡན་འདས་ཀྱིས་ཀྱང་ཆོས་བཤད་པ་མཛད་དོ། །ཆོས་བཤད་པ་མཛད་པ་དེའི་ཚེ། ཇི་ཙམ་ན་ཤཱཀྱའི་བུ་མོ་ཞིག་མགུལ་བ་ན་མུ་ཏིག་གི་དོ་ཤལ་བཏགས་པ་ལ་མྱུར་བ་མྱུར་བར་ལྟ་ཞིང་ལག་པས་ནོམ་པར་བྱེད་དོ། །དེ་ནས་བཅོམ་ལྡན་འདས་ཀྱིས། མི་རྟག་པ་དང་ལྡན་པའི་ཆོས་བཤད་པར་བརྩམས་སོ། །འོན་ཀྱང་དེས་ཆོས་ལ་མི་གཏོད་ཀྱི། མུ་ཏིག་གི་དོ་ཤལ་ཁོ་ན་ལ་རྟོག་པར་བྱེད་དོ། །མིང་ཆེན་གྱི་ཆུང་མ་དམ་པས། ཤཱཀྱའི་བུ་མོ་མགུལ་པ་ན་མུ་ཏིག་གི་དོ་ཤལ་བཏགས་པ་ལ་མྱུར་བ་མྱུར་བར་རྟོག་པར་བྱེད་པ་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། ཉོན་མོངས་འདི། འདུ་བྱེད་རྣམས་འདི་ལྟར་མི་རྟག་བར་བཤད་ན། མུ་ཏིག་གི་དོ་ཤལ་འདི་ལ་ལྷག་པར་ཆགས་ཏེ་མྱུར་བ་མྱུར་བར་བརྟག་ཏུ་ཅི་ཡོད།
Ga336b
གལ་ཏེ་བདག་གི་མུ་ཏིག་གི་ཕྲེང་བ་མཐོང་ན། འདིའི་རྒྱགས་པ་ཐམས་ཅད་དང་བྲལ་བར་འགྱུར་རོ། །སྙམ་དུ་བསམ་ནས། མངག་གཞུག་མའི་བུ་མོ་སྐྱེད་མ་ལ་སྨྲས་པ། སྐྱེད་མ། སོང་ལ་ཁོ་མོའི་མུ་ཏིག་གི་དོ་ཤལ་མྱུར་དུ་ཁྱེར་ཏེ་ཤོག་ཅིག་།དེ་ཆོས་ཉན་པ་ལ་སེམས་བསྡུས་པས། དེ་འདི་སྙམ་དུ་སེམས་ཏེ། ཀྱེ་ཧུད་འདི་འདྲ་བའི་ཆོས་འཆད་ན། བདག་རྗེ་མོས་མངགས་པས་ཆོས་ཀྱི་བར་ཆད་བྱུང་བར་གྱུར་ཏེ། མདོར་ན་བྲན་གྱི་རང་བཞིན་དུ་གྱུར་པ་ནི། རེ་སྡུག་སྙམ་དུ་བསམ་ནས་སྡུག་བསྔལ་དང ། ཡིད་མི་བདེ་བས་གདུངས་པས་ཚིགས་སུ་བཅད་པས་སྨྲས་པ།་གང་ཡང་སྡིག་པས་དེ་རིང་རྒྱལ་ཞལ་བལྟ་བ་དང ། །བདེ་གཤེགས་ཞལ་ནས་དྲི་མེད་ཆོས་མཉན་མི་འཐོབ་པ། །བྲན་དངོས་གཞན་དབང་སྡུག་བསྔལ་མང་པོ་ཐ་ཆད་དེ། །བདག་གི་འཚོ་བ་སྔོན་བྱས་ལས་ཀྱིས་ཐོབ་པ་ངན། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བུ་མོ་སྐྱེད་མ་འདི་ནི། སྔོན་གྱི་སངས་རྒྱས་རྣམས་ལ་ལྷག་པར་བྱ་བ་བྱས་པ་ཡིན་མོད་ཀྱི། ཚེ་ཅུང་ཞིག་ཡོད་པས་འདི་འཁོར་བའི་བཙོན་ར་ནས་དབྱུང་བར་བྱའོ། །སྙམ་དུ་དགོངས་ནས། རྫུ་འཕྲུལ་གྱིས་གྲོ་ག་ལ། དགེ་མ་སྐྱེ་བ་བྱུང་ན་ནི། །འཇིག་པ་ཡིན་པར་བསམ་ནས་སུ། །ངས་གསུངས་པ་ཡི་དགེ་བ་ལ། །བརྩོན་འགྲུས་བསྐྱེད་ནས་མཉན་པར་བྱ། །ཞེས་བྲིས་ནས་བྱིན་ནོ། །དེ་ནས་བུ་མོ་སྐྱེད་མ་དགའ་བ་དང ། མགུ་བ་དང ། རངས་པ་དང ། ཡིད་བདེ་བ་སྐྱེས་
Ga337a
༄#། །ནས་ཚིགས་སུ་བཅད་པ་སྨྲས་བཞིན་སངས་རྒྱས་ལ་དམིགས་པའི་སེམས་ཁོ་ནས་སོང་བ་དང ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །ཅེས་བྱ་བ་ཡིན་པས། ཚེ་ཅུང་ཞིག་ཡོད་པའི་ལས་ཚོགས་པ་རྙེད་དེ། བ་དྲུས་མ་ཞིག་གིས་བསད་དོ། །དེ་སངས་རྒྱས་ལ་སེམས་མངོན་པར་དད་པར་བྱས་ཏེ་ཤི་བས། སིངྒ་ལའི་གླིང་དུ་སིངྒ་ལའི་རྒྱལ་པོའི་བཙུན་མོ་དམ་བའི་མངལ་དུ་སྐྱེས་པར་གྱུར་ཏེ། གང་གི་ཉི་མ་ལ་ཉིང་མཚམས་སྦྱར་བ་དེ་ཁོ་ནའི་ཉིན་པར་མུ་ཏིག་གི་ཆར་པ་བབ་བོ། །རྒྱལ་པོས་ལྟས་མཁན་རྣམས་བཀུག་སྟེ་སྨྲས་པ་དང ། དེ་རྣམས་ཀྱིས་སྨྲས་པ། ལྷ། འདི་ནི། སེམས་ཅན་ཞིག་བཙུན་མོའི་ལྷུམས་སུ་ཞུགས་པ་དེའི་མཐུ་ལགས་སོ། །ཇི་ཙམ་ན་མངལ་གྱི་སྨིན་པར་བྱ་བའི་ཕྱིར་ཏེ། སྒྲ་ཡིད་དུ་མི་འོང་བ་ཅུང་ཟད་ཀྱང་མི་གྲག་ཅིང ། གྲང་བ་ན་གྲང་བའི་ཡོ་བྱད་དང ། དྲོ་བ་ན་དྲོ་བའི་ཡོ་བྱད་དང ། སྨན་པས་བསྟན་པའི་ཁ་ཟས་ཧ་ཅང་ཁ་བ་མ་ཡིན་པ་དང ། ཧ་ཅང་སྐྱུར་བ་མ་ཡིན་པ་དང ། ཧ་ཅང་ལན་ཚཝ་ཅན་མ་ཡིན་པ་དང ། ཧ་ཅང་མངར་བ་མ་ཡིན་པ་དང ། ཧ་ཅང་རྩུབ་པ་མ་ཡིན་པ་དང ། ཧ་ཅང་བསྐ་བ་མ་ཡིན་པ་དང ། ཁ་བ་དང ། སྐྱུར་བ་དང ། ལན་ཚཝ་དང ། མངར་བ་དང ། རྩུབ་པ་དང ། བསྐ་བ་རྣམས་སྤངས་པའི་ཁ་ཟས་ཀྱིས་བསྙེན་
Ga337b
བཀུར་བྱེད་ཅིང ། དོ་ཤལ་དང་སེ་མོ་དོས་ལུས་བརྒྱན་ནས་ལྷའི་བུ་མོ་དགའ་ཚལ་ན་རྒྱུ་བ་བཞིན་དུ་ཁྲི་ནས་ཁྲི་དང ། ཁྲིའུ་ནས་ཁྲིའུར་འགྲོ་ཞིང ། འོག་གི་ས་ལ་འབབ་པར་མི་བྱེད་དོ། །དེ་ཟླ་བ་བརྒྱད་དམ་དགུ་འདས་ནས་བུ་མོ་གཟུགས་བཟང་བ་མཛེས་པ་བལྟ་ན་སྡུག་པ་ཞིག་བཙས་ཏེ། གང་གི་ཉི་མ་ལ་བཙས་པ་དེ་ཉིད་ཀྱི་ཉིན་པར་ཡང་མུ་ཏིག་གི་ཆར་བབས་ནས་རྒྱལ་པོས་བསམ་པ། འདི་ཇི་ལྟར་བུ་མོའི་མཐུས་མུ་ཏིག་གི་ཆར་བབས་པ་ནི། དེ་ཉིད་ཀྱི་མུ་ཏིག་ཏུ་འགྱུར་རོ། །ཞེས་དེས་དེ་ཉིད་ལ་བྱིན་ནོ། །དེ་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་དེས་བཙས་སྟོན་རྒྱ་ཆེར་བྱས་ནས།་བུ་མོའི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། གང་གི་ཕྱིར་འདིའི་མཐུས་མུ་ཏིག་གི་ཆར་བབ་པས། དེ་བས་ན། བུ་མོའི་མིང་མུ་ཏིག་ཅན་ཞེས་གདགས་སོ། །ཞེས་དེའི་མིང་མུ་ཏིག་ཅན་ཞེས་བྱ་བར་བཏགས་ཏེ། བུ་མོ་མུ་ཏིག་ཅན་མ་མ་བརྒྱད་ལ་གཏད་དེ། པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང།་དྲི་མ་འཕྱི་བའི་མ་མ་གཉིས་དང ། རྩེན་གྲོགས་ཀྱི་མ་མ་གཉིས་ཏེ། དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་པོ་དང ། གཞན་ཡང།་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང ། རྫིང་ན་གནས་པའི་པདྨ་བཞིན་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་མོར་གྱུར་པའི་ཚེ་
Ga338a
༄#། །རང་གི་རིགས་དང་མཐུན་པའི་སྤྱོད་པ་དང་གནས་པས། རྒྱལ་པོ་ནང་མི་དང་བཅས་པས་ལྷག་པར་བཀུར་སྟི་བྱེད་དོ། །ཇི་ཙམ་དུས་གཞན་ཞིག་ན། མཉན་ཡོད་ཀྱི་ཚོང་པ་རྣམས་ཀྱིས་ནོར་བསྒྲུབ་པའི་ཕྱིར་རྒྱ་མཚོའི་གྲུ་བོ་ཆེ་བསྒྲུབས་ཏེ་རྒྱ་མཚོ་ཆེན་པོར་ཞུགས་པ་དང ། དེ་རྣམས་གྲུ་བོ་ཆེ་ཕན་ཕུན་མེད་པར་རླུང་གི་ཤུགས་ཀྱིས་སིངྒ་ལའི་གླིང་དུ་ཕྱིན་ཏོ། །དེ་ནས་སྣོད་རྣམས་མཁོས་སུ་ཕབ་སྟེ་རྒྱལ་པོའི་ཕོ་བྲང་དང་ཧ་ཅང་ཡང་མི་རིང་བ་ཞིག་ཏུ་བྲང་བཏབ་བོ། །དེ་རྣམས་ཀྱིས་མཚན་མོའི་ཐུན་ཐ་མ་ལ་ཆེད་དུ་བརྗོད་པ་དང ། ཕ་རོལ་འགྲོ་བྱེད་དང ། བདེན་པ་མཐོང་བ་དང ། གནས་བརྟན་གྱི་ཚིགས་སུ་བཅད་པ་དང ། གནས་བརྟན་མའི་ཚིགས་སུ་བཅད་པ་དང ། རི་གནས་ཀྱི་ཚིགས་སུ་བཅད་པ་དང ། ཐུབ་པའི་ཚིགས་སུ་བཅད་པ་དང ། དོན་གྱི་ཚོམས་ཀྱི་མདོ་སྡེ་རྣམས་རྒྱས་པར་འདོན་པ་ལ་ཞུགས་པ། མུ་ཏིག་ཅན་ཁྱིམ་གྱི་ནང་ན་འདུག་པས་སྐར་ཁུང་ནས་ཐོས་ནས། དེ་ནས་དེས་རྒྱལ་པོ་ལ་སྨྲས་པ། ལྷ། ཡུལ་དབུས་ཀྱི་ཚོང་པ་དག་མཆིས་ནས་ཚིག་སྙན་པར་ལེན་ཏོ། །རྒྱལ་པོས་བློན་པོ་དག་ལ་བསྒོ་བ། ཤེས་ལྡན་དག། གླུ་མཁན་རྣམས་ཁུག་ཅིག། དེ་རྣམས་བཀུག་པ་དང་མུ་ཏིག་ཅན་གྱིས་སྨྲས་པ། ཤེས་ལྡན་དག་།ཡུལ་དབུས་ཀྱི་རོལ་མོ་ཅི་འདྲ་བ་ཁོ་མོས་མཉན་གྱི། ལོངས་ཤིག་།དེ་རྣམས་ཀྱིས་སྨྲས་པ། ལྷ་མོ། བདག་ཅག་ནི། རོལ་
Ga338b
མོ་མཁན་མ་ལགས་ཏེ། བདག་ཅག་ནི། མཉན་ཡོད་ཀྱི་ཚོང་པ་རླུང་གི་ཤུགས་ཀྱིས་འདིར་མཆིས་པ་ལགས་ཏེ། བདག་ཅག་གིས་མཚན་མོའི་ཐུན་ཐ་མ་ལ་སངས་རྒྱས་ཀྱི་གསུང་བཏོན་ཏོ། །མུ་ཏིག་ཅན་གྱིས་སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་ནས་སྙིང་དགའ་བས་བ་སྤུ་ཐམས་ཅད་ཟིང་ཞེས་བྱེད་དེ། དེ་ངོ་མཚར་སྐྱེས་ནས་དྲིས་པ། སངས་རྒྱས་ཞེས་བྱ་བ་འདི་ཅི་ཡིན། དེ་རྣམས་ཀྱིས། སངས་རྒྱས་ཀྱི་ཆེ་བའི་བདག་ཉིད་རྒྱས་པར་སྨྲ་བར་བརྩམས་ཏེ། ལྷ་མོ། ཤཱཀྱ་རྣམས་ཀྱི་གཞོན་ནུ། གངས་རིའི་ངོས་དང་ཉེ་བ། ཆུ་བོ་སྐལ་ལྡན་ཤིང་རྟའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བ་ཞིག་ཏུ་བྱུང་སྟེ། དེ་བྲམ་ཟེ་མཚན་མཁན་རྣམས་དང ། ལྟས་མཁན་རྣམས་ཀྱིས། གལ་ཏེ་ཁྱིམ་པ་ཁྱིམ་ན་གནས་པར་གྱུར་ན། འཁོར་ལོས་བསྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ། ཆོས་ཀྱི་རྒྱལ་པོ་ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་འདི་ལྟ་བུ་དག་འབྱུང་བར་འགྱུར་བ་འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་བློན་པོ་རིན་པོ་ཆེའོ།། དེ་ལ་བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་ཡང་ཚང་བར་འགྱུར་ཞིང ། དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་
Ga339a
༄#། །པ་གནོད་པར་བསྡོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་ཞིང་སྙོམས་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་གྱུར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པའི་སངས་རྒྱས་ཞེས་བྱ་བ་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །ཞེས་ལུང་བསྟན་ཏེ། དེ་ལྟ་བུ་ནི། སངས་རྒྱས་ཞེས་བགྱི་བ་ལགས་སོ། །མུ་ཏིག་ཅན་གྱིས་སྨྲས་པ། གང་གི་ཚེ་ཁྱེད་ཅག་ཡུལ་དུ་འདོང་བ་དེའི་ཚེ་ཁོ་མོ་ལ་སྦྲོན་ཅིག་།དེ་རྣམས་ཀྱིས་སྨྲས་པ། ལྷ་མོ། བཀའ་བཞིན་འཚལ། སྦྲན་པར་བགྱིའོ། །ཇི་ཙམ་ན་དེ་རྣམས་ཡུལ་དུ་འདོང་བའི་དུས་ལ་བབ་ནས། དེ་རྣམས་ཀྱིས་མུ་ཏིག་ཅན་ལ་སྦྲན་པ་དང ། དེས་བཅོམ་ལྡན་འདས་ལ་ཡི་གེ་གསོལ་པ། ལྷ་དང་ལྷ་མིན་མི་ཡིས་ཕྱག་བགྱིས་པ། །སྐྱེ་དང་སྙུན་དང་བསྙེངས་ལས་ངེས་བྱུང་ཞིང་།། གཙོ་བོ་གྲགས་པ་རྒྱ་ཆེར་རབ་གྲགས་པ། །དྲང་སྲོང་བདུད་རྩིའི་ཆ་ལས་ཐུགས་རྗེས་གནོང ། །ཞེས་གསོལ་ཏོ། །དེ་ནས་ཡི་གེ་དེ་ཚོང་པ་དེ་རྣམས་ཀྱིས་ཁྱེར་ནས་རིམ་གྱིས་མཉན་ཡོད་དུ་ཕྱིན་པ་དང ། ལམ་གྱིས་དུབ་པ་ངལ་སོས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་
Ga339b
འདུག་གོ་།ཕྱོགས་གཅིག་ཏུ་འདུག་ནས་མཉན་ཡོད་ཀྱི་ཚོང་པ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ། སིངྒ་ལའི་གླིང་ན་སིངྒ་ལའི་རྒྱལ་པོའི་བུ་མོ་དེས། མཆིད་ཡི་གེ་གསོལ་བ་འདི་ལགས་སོ། །བཅོམ་ལྡན་འདས་ཀྱིས་མུ་ཏིག་ཅན་འདུལ་བའི་དུས་མཁྱེན་ནས་ཉིད་ཀྱིས་བླངས་ཏེ་བཀླགས་སོ། །བཀླགས་ནས་བཀའ་སྩལ་པ། གང་གི་ཚེ་ཁྱེད་ཅག་སླར་འདོང་པར་གྱུར་པ་དེའི་ཚེ་ངའི་སྙན་དུ་གསོལ་ཅིག་།བཙུན་པ། བཀའ་བཞིན་འཚལ་ཞེས་ཚོང་པ་རྣམས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་དོང་ངོ ། །དེ་ནས་ཟོང་བསྒྱུར་ཏེ་བསྒྱུར་བའི་ཟོང་ཐོགས་ནས་བཅོམ་ལྡན་འདས་ཀྱི་སྤྱན་སྔར་སོང་སྟེ་གསོལ་བ། བཅོམ་ལྡན་འདས། བདག་ཅག་མཆི་ན། བདག་ཅག་གིས་མུ་ཏིག་ཅན་ལ་ཇི་སྐད་བགྱི་བཀའ་སྩལ་པར་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་ལེགས་པར་བྱི་དོར་བྱས་པའི་རས་དང ། རི་མོ་མཁན་དག་ཁུག་ཅིག་།དེ་རྣམས་ཀྱིས་རས་དང་རི་མོ་མཁན་དག་བཀུག་ནས་ཕུལ་བ་དང ། བཅོམ་ལྡན་འདས་ཀྱིས་བཀའ་སྩལ་པ། རས་ལ་དེ་བཞིན་གཤེགས་བའི་སྐུའི་གཟུགས་བརྙན་བྲིས་ཤིག་།རི་མོ་མཁན་རྣམས་ཀྱིས་སངས་རྒྱས་ཀྱི་སྐུའི་གཟུགས་བརྙན་བྲི་བར་བརྩམས་པ་ལས། དེ་བཞིན་གཤེགས་པ་ནི། བསོད་ནམས་བརྒྱ་ཕྲག་དུ་མས་བསྒྲུབས་པ་ཡིན་པས། རི་མོ་མཁན་རྣམས་ཀྱིས་བཅོམ་ལྡན་འདས་ཀྱི་སྐུའི་གཟུགས་བརྙན་བྲི་བར་མ་
Ga340a
༄#། །ནུས་ནས། བཅོམ་ལྡན་འདས་ཀྱིས་བཀའ་སྩལ་པ། རས་སྟོན་ཅིག་དང་འོད་གཏང་ངོ ། །དེ་རྣམས་ཀྱིས་རས་བསྟན་པ་དང་བཅོམ་ལྡན་འདས་ཀྱིས་འོད་བཏང་བ་ལ་རི་མོ་མཁན་རྣམས་ཀྱིས་ཚོན་རྩི་སྣ་ཚོགས་ཀྱིས་རྒྱས་པར་བྱས་སོ། །དེ་ནས་བཅོམ་ལྡན་འདས་ཀྱིས་སྐུའི་གཟུགས་བརྙན་གྱི་འོག་ཏུ་གསུམ་ལ་སྐྱབས་སུ་འགྲོ་བ་དང ། བསླབ་པའི་གཞི་ལྔ་རྣམས་དང ། རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་པོ་ལུགས་དང་མཐུན་པ་དང ། ལུགས་དང་མི་མཐུན་པ་དང ། འཕགས་པའི་ལམ་ཡན་ལག་བརྒྱད་པ་བྲིས་སོ། །གོང་དུ་ནི། ཚིགས་སུ་བཅད་པ་གཉིས་པོ། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པས། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྲིས་ནས་སིངྒ་ལའི་རྒྱལ་པོ་ལ་བཀའ་ཡིག་སྤྲིང་པ། རས་ལ་རི་མོ་བྲིས་པ། ངས་མུ་ཏིག་ཅན་ལ་སྐྱེས་སུ་བསྐུར་བ་ཡིན་གྱི། ཁྱོད་ཀྱིས་དེ་ལ་ས་ཕྱོགས་ཡངས་ཤིང་རྒྱ་ཆེ་བར་སིངྒ་ལའི་གླིང་ན་གནས་བའི་སྐྱེ་བོའི་ཚོགས་བསྡུས་ལ་བཀུར་སྟི་ཆེན་པོས་རས་འདི་ཁྲོམས་ཤིག་།ཚོང་པ་དེ་རྣམས་ལ་བཀའ་སྩལ་པ། གལ་ཏེ་མུ་ཏིག་ཅན་འདི་ཅི་ཡིན་ཞེས་འདྲི་ན། འདི་ནི། བཅོམ་ལྡན་འདས་
Ga340b
དེའི་སྐུའི་གཟུགས་བརྙན་ཡིན་ནོ། །ཞེས་བརྗོད་པར་བྱའོ། །གལ་ཏེ་འོག་མ་འདི་ཅི་ཡིན་ཞེས་འདྲི་ན། འདི་དག་ནི། གསུམ་ལ་སྐྱབས་སུ་འགྲོ་བ་དང ། བསླབ་པའི་གཞི་ལྔ་རྣམས་དང ། ལུགས་དང་མཐུན་པ་དང ། ལུགས་དང་མི་མཐུན་པའི་རྟེན་ཅིང་འབྲེལ་པར་འབྱུང་བ། འགྲོ་བར་འཇུག་པ་དང་ལྡོག་པའོ། །འདི་ནི། བདུད་རྩི་རྟོགས་པའི་འཕགས་པའི་ལམ་ཡན་ལག་བརྒྱད་པ་ཡིན་ནོ། ། ཞེས་བརྗོད་པར་བྱའོ། །གལ་ཏེ་གོང་མ་འདི་ཅི་ཡིན་ཞེས་འདྲི་ན། སྤྲོ་བར་བྱ་བ་ཡིན་ཏེ། གང་ཞིག་སྐྱབས་སུ་འགྲོ་བ་དང ། བསླབ་པའི་གཞི་རྣམས་བླངས་ཏེ་ལུགས་དང་མཐུན་པ་དང ། ལུགས་དང་མི་མཐུན་པའི་རྟེན་ཅིང་འབྲེལ་པར་འབྱུང་བ་འདི་ལ་རྟོག་ཅིང་བརྩོན་འགྲུས་རྩོམ་པ་དེ། བདུད་རྩི་རྟོགས་པའི་འཕགས་པའི་ལམ་ཐོབ་ནས་སྡུག་བསྔལ་ཐམས་ཅད་ལས་གྲོལ་བར་འགྱུར་བ་ཡིན་ནོ། །ཞེས་བརྗོད་པར་བྱའོ། །བཙུན་པ། བཀའ་བཞིན་འཚལ་ཞེས་ཚོང་པ་དེ་རྣམས་ཀྱིས་བཅོམ་ལྡན་འདས་ལས་མཉན་ནས་བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེ་ནས་དགེ་མཚན་དང ། བཀྲ་ཤིས་དང ། བདེ་ལེགས་སུ་གྱུར་བ་དག་བྱས་ཏེ་ཟོང་ཁྱེར་ནས་སིངྒ་ལའི་གླིང་དུ་སོང་སྟེ། རིམ་གྱིས་སིངྒ་ལའི་གླིང་དུ་ཕྱིན་ནས་ལམ་གྱིས་དུབ་པ་ངལ་སོས་ཏེ་རྒྱལ་པོའི་དྲུང་དུ་སོང་ནས་རྐང་པ་གཉིས་ལ་གཏུགས་ཏེ་ཡི་གེ་བྱིན་ནོ། །རྒྱལ་པོས་ཡི་གེ་བླངས་ཏེ་བཀླགས་ནས་གྲོང་ཁྱེར་དེ། རྡོ་བ་དང ། གསེག་མ་དང ། གྱོ་མོ་བསལ་ནས་ཙནྡན་གྱི་ཆུས་ཆག་ཆག་བཏབ། རྒྱལ་
Ga341a
༄#། །མཚན་དང་བ་དན་བསྒྲེང ། དར་གྱི་ཆུན་འཕྱང་མང་བོ་བཏགས། ཤིན་ཏུ་དྲི་ཞིམ་པོའི་བོག་པོར་ཉེ་བར་བཞག་།མེ་ཏོག་སྣ་ཚོགས་བཀྲམ་སྟེ་སིངྒ་ལའི་གླིང་ན་གནས་པའི་སྐྱེ་བོའི་ཚོགས་བསགས་ནས་དེ་ནས་བཀུར་སྟི་ཆེན་པོ་བྱས་ཏེ་གྲོང་ཁྱེར་གྱི་དབུས་སུ་རིན་པོ་ཆེ་སྣ་བཞི་ལས་བྱས་བའི་སེངྒེའི་ཁྲི་བཤམས་ཏེ། རས་ཕྱེ་བ་དང་སྐྱེ་བོའི་ཚོགས་ཆེན་པོས། སངས་རྒྱས་ལ་ཕྱག་འཚལ་ལོ། །སངས་རྒྱས་ལ་ཕྱག་འཚལ་ལོ། །ཞེས་གསང་བསྟོད་དེ་སྨྲས་སོ། །དེ་ནས་རྒྱལ་པོའི་བུ་མོ་མུ་ཏིག་ཅན་དད་པ་དྲག་པོས་གཏད་པའི་སྙིང་གིས་བ་སྤུ་ཟིང་ཞེས་བྱེད་ཅིང ། མིག་མཆི་མས་གང་པས་ཞབས་གཉིས་ལ་གཏུགས་ཏེ་ཚོང་པ་རྣམས་ལ་དྲིས་པ། ཤེས་ལྡན་དག་།འདི་ཅི་ཡིན། དེ་རྣམས་ཀྱིས་སྨྲ་བར་བརྩམས་པ། འདི་ནི། བཅོམ་ལྡན་འདས་དེའི་སྐུའི་གཟུགས་བརྙན་ལགས་སོ། །འོག་མ་འདི་དག་ཅི་ཡིན། འདི་ནི། གསུམ་ལ་སྐྱབས་སུ་འགྲོ་བ་དང ། བསླབ་པའི་གཞི་ལྔ་རྣམས་དང ། ལུགས་དང་མཐུན་པ་དང ། ལུགས་དང་མི་མཐུན་པའི་རྟེན་ཅིང་འབྲེལ་བར་འབྱུང་བ། འགྲོ་བར་འཇུག་པ་དང་ལྡོག་པའོ། །འདི་ནི། བདུད་རྩི་རྟོགས་པར་འགྱུར་བའི་འཕགས་པའི་ལམ་ཡན་ལག་བརྒྱད་པ་ལགས་སོ། །གོང་མ་འདི་ཅི་ཡིན། སྤྲོ་བར་བགྱི་བ་ལགས་ཏེ། གང་ཞིག་སྐྱབས་སུ་སོང་ནས་བསླབ་པའི་གཞི་རྣམས་བླངས་ཏེ་ལུགས་དང་མཐུན་པ་དང ། ལུགས་དང་མི་མཐུན་པའི་རྟེན་
Ga341b
ཅིང་འབྲེལ་པར་འབྱུང་བ་ཡན་ལག་བཅུ་གཉིས་པ་འདི་ལ་རྟོག་ཅིང་བརྩོན་འགྲུས་རྩོམ་པ་དེ། བདུད་རྩི་རྟོགས་པའི་ལམ་ཐོབ་ནས་སྡུག་བསྔལ་ཐམས་ཅད་ལས་གྲོལ་བར་གྱུར་པ་ལགས་སོ། །དེ་ནས་མུ་ཏིག་ཅན་གྱིས་རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་པ་ལུགས་དང་མཐུན་པ་དང ། ལུགས་དང་མི་མཐུན་པ་བསམ་པར་བརྩམས་ཏེ། ཇི་སྲིད་ལན་གསུམ་དུ་མ་བཟླས་པ་དེའི་བར་དུ་དེས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེས་བདེན་པ་མཐོང་ནས་ཚིགས་སུ་བཅད་པས་སྨྲས་པ། རིང་ན་བཞུགས་པའི་སངས་རྒྱས་ཀྱིས། །ཤེས་རབ་མིག་ནི་རྣམ་སྦྱངས་པས། །གང་ལ་འདི་འདྲའི་གསོས་མངའ་བ། །སྨན་མཁས་དེ་ལ་ཕྱག་འཚལ་ལོ། །རིང་ན་བཞུགས་པའི་སངས་རྒྱས་ཀྱིས། །ལྟ་བའི་རི་བོ་དྲུངས་ཕྱུང་སྟེ། །ལྟ་བའི་ཟུག་རྔུ་སེལ་མཛད་པ། །སྨན་མཁས་དེ་ལ་ཕྱག་འཚལ་ལོ། །ཞེས་ཚིགས་སུ་བཅད་པ་སྨྲས་ནས་ཚོང་པ་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་།ཁྱེད་ཅག་ནམ་འདོང་བ་དེའི་ཚེ་ཁོ་མོ་ལ་སྦྲོན་ཅིག་།དེ་ནས་ཚོང་པ་རྣམས་ཀྱིས་ཟོང་རྣམས་བསྒྱུར་ཏེ་བསྒྱུར་བའི་ཟོང་རྣམས་ཁྱེར་ནས་མུ་ཏིག་ཅན་གྱི་དྲུང་དུ་སོང་སྟེ། ལྷ་མོ། བདག་ཅག་ནི། མཆི་ན། བདག་གིས་ཅི་ཞིག་བགྱི་བ་བཀའ་སྩལ་པར་གསོལ། དེས་སྨྲས་པ། ཁོ་མོའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ལ། གནོད་པ་
Ga342a
༄#། །ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་དང་སྐུ་ཉམས་དང་ལྡན་ནམ། བདེ་བ་ལ་རེག་པར་གནས་སམ་ཞེས་ཞུས་ལ་འདི་སྐད་ཅེས། བཙུན་པ། དགེ་བའི་བཤེས་གཉེན་གྱི་བགྱི་བ་གང་ལགས་པ་དེ། བཅོམ་ལྡན་འདས་ཀྱིས་མཛད་དེ། བདག་གིས་དགེ་བའི་བཤེས་གཉེན་བཅོམ་ལྡན་འདས་ལ་བརྟེན་ནས་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ལས་ནི། རྐང་པ་ཕྱུང ། ལྷ་དང་མི་རྣམས་སུ་ནི། བཞག་།འཁོར་བ་ལས་ནི། རྒྱང་བསྲིངས། ཁྲག་དང་མཆི་མའི་རྒྱ་མཚོ་ནི། བསྐམས། རུས་པའི་རི་བོ་ལས་ནི། བསྒྲལ། ངན་སོང་གི་སྒོ་ནི། བཀུམ། མཐོ་རིས་དང་ཐར་པའི་སྒོ་ནི། ཕྱེ། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་པ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ། བདག་ནི། འཕགས་སོ། །མངོན་པར་འཕགས་སོ།། བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ཡི། དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོ་བའི་བར་དུ་སྲོག་དང་ཡང་བསྔོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །ཞེས་གསོལ་ལ། མུ་ཏིག་བྲེ་གསུམ་པོ་འདི་ཁྱེར་ལ་ཆ་གཅིག་ནི། སངས་རྒྱས་ལ། ཆ་གཅིག་ནི། ཆོས་ལ། ཆ་གཅིག་ནི། དགེ་འདུན་
Ga342b
ལ་ཕུལ་ཅིག་།དེ་ནས་ཚོང་པ་དེ་རྣམས་ཀྱིས་ཟོང་དང་སྐྱེས་བསྐུར་པ་ཡང་ཁྱེར་ཏེ་དོང་ནས་རིམ་གྱིས་མཉན་ཡོད་དུ་ཕྱིན་པ་དང ། ལམ་གྱིས་དུབ་པ་ངལ་སོས་ནས། བཅོམ་ལྡན་འདས་གང་ན་བ་དེར་སོང་སྟེ་ཞབས་གཉིས་ལ་གཏུགས་ནས་ཇི་སྐད་སྤྲིང་པ་བཞིན་བཅོམ་ལྡན་འདས་ལ་གསོལ་ནས་འདི་སྐད་ཅེས་ཀྱང་གསོལ་ཏོ། །བཙུན་པ། སྐྱེས་སུ་ཕུལ་བའི་མུ་ཏིག་བྲེ་གསུམ་པོ་འདི་ལགས་ཏེ། མུ་ཏིག་ཆ་གཅིག་ནི། སངས་རྒྱས་ལ། ཆ་གཅིག་ནི། ཆོས་ལ། ཆ་གཅིག་ནི། དགེ་འདུན་ལ་ཕུལ་ལགས་སོ། །ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་ཞུས་པ། བཙུན་པ། སྐྱེས་འདི་གང་ནས་མཆིས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ། ཁྱོད་ཀྱིས་ཤཱཀྱ་མིང་ཆེན་གྱི་མངག་གཞུག་མ་སྐྱེད་མ་ཞེས་བྱ་བ། ང་ལས་ཆོས་མཉན་ནས་སོང་བ་ལས། ལམ་ཀར་བ་དྲུས་མས་བསད་པ་མཐོང་ངམ། བཙུན་པ། མཐོང་ལགས་སོ། །དེས་ང་ལ་སེམས་དང་པ་བསྐྱེད་དེ་ཤི་བས། སིངྒ་ལའི་རྒྱལ་པོའི་བུ་མོ་མུ་ཏིག་ཅན་ཞེས་བྱ་བར་གྱུར་ཏེ་བདེན་པ་མཐོང་ནས་དེས་སྐྱེས་བསྐུར་བ་འདི་ཡིན་ནོ། །འདི་ལས་སངས་རྒྱས་ཀྱི་སྐལ་བ་གང་ཡིན་པ་དེས་དྲི་གཙང་ཁང་གི་ཞལ་ཞལ་བྱོས་ཤིག་།ཆོས་ཀྱི་གང་ཡིན་པ་དེ་ནི། ཆོས་འཛིན་པའི་གང་ཟག་རྣམས་ལའོ། ། དགེ་འདུན་གྱི་གང་ཡིན་པ་དེ་ནི། དགེ་འདུན་གྱིས་མཉམ་པར་བགོས་ཤིག་།དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ།
Ga343a
༄#། །བཙུན་པ། མུ་ཏིག་ཅན་གྱིས་ལས་ཅི་ཞིག་བགྱིས་ན། དེས་ན་བྲན་མོར་གྱུར་ལགས། ལས་ཅི་ཞིག་བགྱིས་ན། དེས་རྒྱལ་པོ་ཕྱུག་པོའི་རིགས་སུ་སྐྱེས་ཤིང་བདེན་པ་མཐོང་བར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།མུ་ཏིག་ཅན་འདི་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། མུ་ཏིག་ཅན་འདི་ཉིད་ཀྱིས་ལས་བྱས་ཤིང་བསགས་པ་དག་།གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་།ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར། ལས་དགེ་བ་དང་མི་དགེ་བ་དག་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་།སྔོན་བྱུང་བ། བསྐལ་པ་བཟང་པོ་འདི་ཉིད་ལ་སྐྱེ་རྒུའི་ཚེ་ལོ་ཉི་ཁྲི་ཐུབ་པ་ན། འཇིག་རྟེན་དུ་སྟོན་པ་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་
Ga343b
ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་ནས། དེས་སངས་རྒྱས་ཀྱི་མཛད་པ་མཐའ་དག་མཛད་ནས་བུད་ཤིང་ཟད་པའི་མེ་བཞིན་དུ་ཝཱ་ར་ཎཱ་སིར་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་དང ། རྒྱལ་པོ་ཀྲི་ཀྲིས་དེའི་སྐུ་དྲི་ཞིམ་པོའི་ཤིང་ཐམས་ཅད་ཀྱིས་སྤུངས་ཏེ། སྤུངས་ནས་བཀུར་སྟི་ཆེན་པོས་བསྲེགས་ཏེ། མེ་དེ་འོ་མས་བསད་ནས་སྐུ་གདུང་དེ་རྣམས་གསེར་གྱི་བུམ་པར་བླུགས་ཏེ་ལམ་པོ་ཆེའི་བཞི་མདོར་རིན་པོ་ཆེ་སྣ་བཞི་ལས་བྱུང་བའི་མཆོད་རྟེན་ཁོ་ར་ཁོར་ཡུག་ཏུ་དཔག་ཚད་གཅིག་ཡོད་ལ། འཕང་དུ་དཔག་ཚད་ཕྱེད་པ་ཞིག་བརྩིགས་ནས་དུས་མཆོད་ཆེན་པོ་བཙུགས་སོ། །ཝཱ་ར་ཎཱ་སི་ན་ཚོང་དཔོན་ཕྱུག་པ་ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུལ་ནོར་གྱིས་འགྲན་བ་ཞིག་ཡོད་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱང་དེ་ལ་བུ་ཕོ་ཡང་མེད། བུ་མོ་ཡང་མེད་ནས། དེ་ལག་པ་འགྲམ་པ་ལ་གཏད་ནས་བདག་གི་ཁྱིམ་དུ་ནོར་ཕལ་པོ་ཆེ་བསགས་ཀྱང་བདག་ལ་བུ་ཕོ་ཡང་མེད། བུ་མོ་ཡང་མེད་པས། བདག་ཤི་ནས་བདོག་པ་ཐམས་ཅད་བུ་མེད་དོ་ཞེས་བྱས་ཏེ། རྒྱལ་པོས་དབང་བྱེད་
Ga344a
༄#། །པར་འགྱུར་རོ། །སྙམ་ནས་སེམས་ཁོང་དུ་ཆུད་ཅིང་འདུག་པ་དེ་ལ་དགེ་སྦྱོང་དང ། བྲམ་ཟེ་དང ། གྲོགས་པོ་དང ། མཛའ་བཤེས་དང ། ཉེ་དུ་དང ། ལྟས་མཁན་རྣམས་ཀྱིས་སྨྲས་པ། ལྷ་མཉེས་པར་བྱོས་ཤིག་དང་ཁྱོད་ལ་བུ་ཡོད་པར་འགྱུར་རོ། །དེ་བུ་མེད་དེ། བུ་མངོན་པར་འདོད་པས། ཞི་བ་དང ། ཆུ་ལྷ་དང ། ལུས་ངན་དང ། བརྒྱ་བྱིན་དང ། ཚངས་པ་ལ་སོགས་པ་གཞན་ཡང་ལྷ་ཁྱད་པར་ཅན་རྣམས་ལ་གསོལ་བ་འདེབས་པ་འདི་ལྟ་སྟེ། ཀུན་དགའ་ར་བའི་ལྷ་དང ། ནགས་ཚལ་གྱི་ལྷ་དང ། བཞི་མདོའི་ལྷ་དང ། སུམ་མདོའི་ལྷ་དང ། གཏོར་མ་ལེན་པའི་ལྷ་དང ། ལྷན་ཅིག་སྐྱེས་པའི་ལྷ་དང ། ཆོས་མཐུན་པ་དང ། རྟག་ཏུ་རྗེས་སུ་འབྲང་བའི་ལྷ་ལ་ཡང་གསོལ་བ་འདེབས་སོ། །འདི་ལྟར། གསོལ་བ་འདེབས་པའི་རྒྱུས་བུ་ཕོ་དང ། བུ་མོ་སྐྱེ་བར་འགྱུར་རོ། །ཞེས་འཇིག་རྟེན་ན་དེ་སྐད་དུ་གྲགས་པ་ཡོད་དེ། དེ་ཡང་དེ་ལྟ་མ་ཡིན་ཏེ། གལ་ཏེ་དེ་ལྟར་འགྱུར་ན་ནི། རེ་རེ་ལ་ཡང་དཔེར་ན། འཁོར་ལོས་བསྒྱུར་བའི་རྒྱལ་པོ་བཞིན་དུ་བུ་སྟེང་ཡོད་པར་འགྱུར་རོ། །འོན་ཀྱང་གནས་གསུམ་མངོན་དུ་གྱུར་པ་ལས་བུ་ཕོ་དང་བུ་མོ་སྐྱེས་པར་འགྱུར་ཏེ། གནས་གསུམ་གང་ཞེ་ན། ཕ་དང་མ་གཉིས་ཆགས་པར་གྱུར་ཅིང་ལྷན་ཅིག་འདུས་པ་དང ། མ་མངལ་རུང་བར་གྱུར་ཅིང་ཟླ་མཚན་དང་ལྡན་པ་དང ། དྲི་ཟ་ཉེ་བར་གནས་པར་གྱུར་པ་སྟེ། གནས་དེ་གསུམ་མངོན་དུ་གྱུར་པ་ལས་བུ་ཕོ་དང་བུ་མོ་སྐྱེ་བར་འགྱུར་བ་ཡིན་
Ga344b
ན། དེས་བུ་ཡོད་པའི་ལས་མ་བྱས་པས། དེས་ན་དེ་ལ་བུ་ཕོ་དང་བུ་མོ་མེད་དོ། །ཇི་ཙམ་ན་དེ་ནད་ཀྱིས་ཐེབས་ནས། དེ་རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུའི་སྨན་རྣམས་ཀྱིས་བསྙེན་བཀུར་བྱས་ཀྱང ། དེའི་ནད་ཞི་བར་མ་གྱུར་ཏོ། །དེ་ནས་དེའི་ཆུང་མས་བསམ་པ། བདག་གི་ཁྱིམ་ན་ནོར་ཕལ་མོ་ཆེ་བསགས་པ་ནི། བདག་ལ་བུ་ཕོ་ཡང་མེད། བུ་མོ་ཡང་མེད་ལ། བདག་གི་ཁྱིམ་ཐབ་འདི་ནི། འཆི་བར་འགྱུར་གྱི། ད་ནི། གལ་ཏེ་འཇིག་རྟེན་ཕ་རོལ་གྱི་ལམ་རྒྱགས་མ་བླངས་ན། ནོར་ཟས་འདི་ཐམས་ཅད་བདག་ལ་བུ་མེད་དོ་ཞེས་བྱས་ནས་རྒྱལ་པོས་དབང་བྱེད་པར་འགྱུར་རོ། །སྙམ་ནས། དེའི་མུ་ཏིག་གི་དོ་ཤལ་བརྒྱ་སྟོང་རི་བ་མགུལ་ན་ཐོགས་པ་དེས། ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་དེ་ལ་དྲི་དང་བྱུག་པས་བྱུགས་ནས་མཆོད་པ་བྱས་ཏེ་བཏགས་ནས་དད་པ་དྲག་པོས་དྲུང་དུ་གཏུགས་ཏེ་སྨོན་ལམ་བཏབ་པ། སྦྱིན་པའི་ཆོས་ཡོངས་སུ་བཏང་བ་དང ། སེམས་བསྐྱེད་པའི་དགེ་བའི་རྩ་བ་འདིས། བདག་ཕྱུག་པོའི་རིགས་སུ་སྐྱེ་ཞིང་ཡོན་ཏན་འདི་ལྟ་བུ་ཡང་ཐོབ་ཅིང ། སྟོན་པ་འདི་ལྟ་བུ་མཉེས་པར་བྱེད་ཀྱི། མི་མཉེས་པར་མ་གྱུར་ཅིག་།ཅེས་བྱས་སོ། །དགེ་སློང་དག་།ཇི་སྙམ་དུ་སེམས། དེའི་ཚེ་དེའི་དུས་ཀྱི་ཚོང་དཔོན་གྱི་ཆུང་མ་གང་ཡིན་པ་དེ་ནི། མུ་ཏིག་ཅན་འདི་ཉིད་ཡིན་ཏེ། འདིས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་བྱ་བ་བྱས་ནས་སྨོན་ལམ་
Ga345a
༄#། །བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས། ཕྱུག་པོའི་རིགས་སུ་སྐྱེས་ཤིང་བཙས་པ་ན་མུ་ཏིག་གི་ཆར་བབ་བོ། །ངའི་བསྟན་པ་ལ་ཡང་དད་པ་སྐྱེས་པས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །གཞན་ཡང ། ཚོང་དཔོན་ནོར་མང་དུ་བསགས་པ་དེའི་ཆུང་མར་གྱུར་པ་ན། དེ་ན་འདིས་དབང་ཕྱུག་གི་དྲེགས་པས་རྒྱགས་ནས་སྤྱོད་ཡུལ་ན་གནས་པའི་འཇིག་རྟེན་ཐམས་ཅད་ལ་ཚིག་ཏུ་བྲན་མོའི་བུ་ཞེས་སྨྲས་པས། དེའི་ལས་ཀྱི་རྣམ་པར་སྨིན་པས་ཚེ་རབས་མང་པོར་བྲན་མོར་གྱུར་ཏོ། །དགེ་སློང་དག་།དེ་ལྟ་བས་ན། ལས་གཅིག་ཏུ་ནག་པ་རྣམས་ཀྱི་རྣམ་པར་སྨིན་པ་ནི། གཅིག་ཏུ་ནག་པ་ཡིན་ཞིང ། གཅིག་ཏུ་དཀར་བ་རྣམས་ཀྱི་ནི། གཅིག་ཏུ་དཀར་ལ། འདྲེན་མ་རྣམས་ཀྱི་ནི། འདྲེན་མ་ཡིན་ནོ། །དེ་བས་ན། དགེ་སློང་དག་།གཅིག་ཏུ་ནག་པའི་ལས་རྣམས་དང ། འདྲེན་མ་རྣམས་ནི། སྤངས་ལ། གཅིག་ཏུ་དཀར་བའི་ལས་ཁོ་ན་ལ་བརྩལ་བར་བྱ་སྟེ། དགེ་སློང་དག་།ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །བཅོམ་ལྡན་འདས་ཀྱིས་ཆོས་ཀྱི་ཆ་གང་ཡིན་པ་དེ་ནི། ཆོས་སྨྲ་བའི་གང་ཟག་རྣམས་ཀྱི་ཡིན་ནོ། །ཞེས་གསུངས་པ་དང ། དེ་ལ་མདོ་སྡེ་འཛིན་པ་རྣམས་ཀྱིས་སྨྲས་པ། ཁོ་བོ་ཅག་ནི། བཅོམ་ལྡན་འདས་ཀྱི་མདོ་སྡེ་མཐའ་དག་འཛིན་པས་ཁོ་བོ་ཅག་ཆོས་འཛིན་པ་ཡིན་པས།
Ga345b
རྙེད་པ་འདི་ནི། ཁོ་བོ་ཅག་དབང་ངོ ། །འདུལ་བ་འཛིན་པ་རྣམས་ཀྱིས་སྨྲས་པ། ཁོ་བོ་ཅག་ནི། བཅོམ་ལྡན་འདས་ཀྱི་ནང་གི་མཛོད་སྲུང་ཞིང་ཁོ་བོ་ཅག་འདུལ་བ་མཐའ་དག་འཛིན་པས་ཁོ་བོ་ཅག་ཆོས་འཛིན་པ་ཡིན་པས། རྙེད་པ་འདི་ནི། ཁོ་བོ་ཅག་དབང་ངོ ། །མ་མོ་འཛིན་པ་རྣམས་ཀྱིས་སྨྲས་པ། ཁོ་བོ་ཅག་ནི། མདོ་སྡེ་དང་འདུལ་བའི་རང་གི་མཚན་ཉིད་དང ། སྤྱིའི་མཚན་ཉིད་འཛིན་པས་ཁོ་བོ་ཅག་ཆོས་འཛིན་པ་ཡིན་པས། རྙེད་པ་འདི་ནི། ཁོ་བོ་ཅག་དབང་ངོ་ཞེས་དེ་ན་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་རྣམས་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།མ་འཐབ་ཅིག་།མཚང་མ་འདྲུ་ཞིག་།འཐབ་མོ་མ་བྱེད་ཅིག་།མ་འགྱེད་ཅིག་།དགེ་སློང་དག་།བཞི་པོ་འདི་དག་ནི། རྩོད་པ་ཡིན་ཏེ། བཞི་གང་ཞེ་ན། འགྱེད་པའི་རྩོད་པ་དང ། གདམས་ངག་མེད་པའི་རྩོད་པ་དང ། ལྟུང་བའི་རྩོད་པ་དང ། བྱ་བའི་རྩོད་པའོ། །འགྱེད་པའི་རྩོད་པ་གང་ཞེ་ན། དགེ་འདུན་སྣ་ཚོགས་སུ་སྨྲ་བ། འགལ་བར་སྨྲ་བ། རིགས་མི་འཕྲོད་པར་སྨྲ་བ། མི་མཐུན་པ། ཀུན་ཏུ་མི་དགའ་བ། རྒྱུད་གཅིག་ཏུ་མ་གྱུར་པ་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། འགྱེད་པའི་རྩོད་བ་ཞེས་བྱའོ། །གདམས་ངག་མེད་པའི་རྩོད་པ་གང་ཞེ་ན། དགེ་
Ga346a
༄#། །འདུན་གདམས་ངག་མི་ལེན་པ་དང ། གདམས་ངག་མི་སྦྱིན་པ་དང ། གདམས་ངག་བཞག་པ་གང་ཡིན་པ་དེ་ལ་བརྟེན་ནས་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། གདམས་ངག་མེད་པའི་རྩོད་པ་ཞེས་བྱའོ། །ལྟུང་བའི་རྩོད་པ་གང་ཞེ་ན། ལྟུང་བ་ལྔ་ནི། ལྟུང་བའི་ཕུང་པོ་ལྔ་ཞེས་བྱ་སྟེ། ལྔ་གང་ཞེ་ན། ཕས་ཕ་མ་པ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པར་བྱ་བ་དང ། ཉེས་བྱས་གང་ཡིན་པ་དེ་ལ་བརྟེན་ནས་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། ལྟུང་བའི་རྩོད་པ་ཞེས་བྱའོ། །བྱ་བའི་རྩོད་པ་གང་ཞེ་ན། དགེ་འདུན་གྱི་བྱ་བ་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་གང་ཡིན་པ་དེ་ལ་བརྟེན་ནས་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་དེ་ནི། བྱ་བའི་རྩོད་པ་ཞེས་བྱའོ། །དགེ་སློང་དག་།འགྱེད་པ་ནི། ཅི་ཞིག་གི་རྩ་བ་ཅན་ཡིན་ཞིང ། འགྱེད་པའི་རྩོད་པའི་རྩ་བ་ནི། ཅི་ཡིན་ཞེ་ན། འགྱེད་པའི་རྩ་བ་དྲུག་དང ། འགྱེད་པར་བྱེད་པའི་གཞི་བཅུ་བཞི་སྟེ། འགྱེད་པའི་རྩ་བ་དྲུག་གང་ཞེ་ན། འདི་ལྟར། འདི་ན་ལ་ལ་ཁྲོ་བ་ཡིན་ཞིང་འཁོན་དུ་འཛིན་པ་ཡིན་ཏེ། ཁྲོ་ཞིང་འཁོན་དུ་འཛིན་པ་གང་ཡིན་པ་དེ་ནི། སྟོན་པ་ལ་བཀུར་སྟི་མི་བྱེད། བླ་མར་མི་བྱེད། རི་མོར་མི་བྱེད། མཆོད་པར་མི་བྱེད་དོ། །སྟོན་པ་ལ་
Ga346b
བཀུར་སྟི་མ་བྱས། བླ་མར་མ་བྱས། རི་མོར་མ་བྱས། མཆོད་པར་མ་བྱས་པས་ཆོས་མི་མཐོང་ངོ ། །ཆོས་མ་མཐོང་བས་དགེ་སྦྱོང་གི་ཚུལ་ལ་མི་ལྟའོ། །དགེ་སྦྱོང་གི་ཚུལ་ལ་མི་ལྟ་ན། དགེ་འདུན་ལ་འདི་ལྟ་བུའི་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་འབྱིན་པར་བྱེད་དོ། །འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་དེ་ནི། སྐྱེ་བོ་མང་པོ་ལ་ཕན་པ་མ་ཡིན་པ་དང ། སྐྱེ་བོ་མང་པོ་ལ་གནོད་པ་དང ། སྐྱེ་བོ་མང་པོ་ལ་སྡུག་བསྔལ་བ་དང ། ལྷ་དང་མི་རྣམས་ལ་མི་ཕན་པ་དང ། གནོད་པ་དང ། སྡུག་བསྔལ་བར་བྱེད་པ་ཡིན་ནོ། །དགེ་སློང་དག་།གལ་ཏེ་ཁྱོད་ཀྱིས་འགྱེད་པའི་རྩ་བ་དེ་ལྟ་བུ་ནང་གིའམ། ཕྱི་རོལ་གྱི་ཡང་རུང ། མ་སྤངས་པར་ཡང་དག་པར་མཐོང་ན། དེ་ལ་ཁྱེད་ཅག་ལྷན་ཅིག་མཐུན་ཞིང་ཀུན་ཏུ་དགའ་བ་དང ། འགྱེད་པ་མེད་པས་འདུན་པ་དྲག་པོ་དང ། བརྩོན་འགྲུས་དང ། འབད་པ་དང ། སྤྲོ་བ་དང ། སྒྲིམ་པ་དང ། མི་ལྡོག་པའི་དྲན་པ་དང ། ཤེས་བཞིན་གྱིས་ཇི་ཙམ་འགྱེད་པའི་རྩ་བ་བྱུང་བ་དེ་ཉིད་སྤངས་ཀྱི་བར་དུ་བརྩོན་པར་བྱའོ། །དེ་ལྟར་ན། ཁྱེད་ཀྱིས་འགྱེད་པའི་རྩ་བ་དེ་ཡང་སྤོང་བར་འགྱུར་རོ། །དགེ་སློང་དག་།གལ་ཏེ་ཁྱེད་ཀྱིས་འགྱེད་པའི་རྩ་བ་དེ་ལྟ་བུ་ནང་གི་ཡང་རུང ། ཕྱིའི་ཡང་རུང ། ལེགས་པར་སྤངས་པར་ཡང་དག་པར་མཐོང་ན། དེ་ལ་ཁྱེད་ཅག་ལྷན་ཅིག་མཐུན་ཞིང་ཀུན་ཏུ་དགའ་བ་དང ། འགྱེད་པ་མེད་པས། འདུན་པ་དྲག་པོ་དང ། བརྩོན་འགྲུས་དང ། འབད་པ་དང ། སྤྲོ་བ་
Ga347a
༄#། །དང ། སྒྲིམ་པ་དང ། མི་ལྡོག་པའི་དྲན་པ་དང ། ཤེས་བཞིན་གྱིས་ཅི་ནས་ཀྱང་རྩོད་པའི་རྩ་བ་སྤངས་པ་དེ་ཉིད་ཕྱིར་ཡང་མི་འབྱུང་བར་བརྩོན་པར་བྱ་སྟེ། དེ་ལྟར་ན། ཁྱེད་ཀྱིས་འགྱེད་པའི་རྩ་བ་དེ་ཡང་དག་པར་ལེགས་པར་བསལ་བས་ཕྱིས་སྐྱེ་བར་མི་འགྱུར་རོ།། །།འདུལ་བ་གཞི། བམ་པོ་དོན་བརྒྱད་པ། ཁྲོ་ཞིང་འཁོན་དུ་འཛིན་པ་ཇི་ལྟ་བ་བཞིན་དུ། འཆབ་ཅིང་འཚིག་པ་དང ། ཕྲག་དོག་བྱེད་ཅིང་སེར་སྣ་ཅན་དང ། གཡོ་བྱེད་ཅིང་སྒྱུ་ཅན་དང ། ངོ་ཚ་མེད་ཅིང་ཁྲེལ་མེད་པ་ཡང་དེ་དང་འདྲའོ། །གཞན་ཡང ། འདི་ན་ལ་ལ་རང་གི་ལྟ་བ་མཆོག་ཏུ་འཛིན་པ་ཡིན་ཞིང་འཆབ་པའི་འཛིན་པ་དང ། སྨྲས་པ་ལ་དང་ན་ཐེན་བྱེད་པ་ཡིན་ཏེ། རང་གི་ལྟ་བ་མཆོག་ཏུ་འཛིན་པ། འཆབ་པ་འཛིན་པ། སྨྲས་པ་ལ་དང་ན་འཐེན་བྱེད་པ་གང་ཡིན་པ་དེ་ནི། སྟོན་པ་ལ་བཀུར་སྟི་མི་བྱེད། བླ་མར་མི་བྱེད། རི་མོར་མི་བྱེད། མཆོད་པར་མི་བྱེད་དོ། །དེ་སྟོན་པ་ལ་བཀུར་སྟི་མ་བྱས། བླ་མར་མ་བྱས། རི་མོར་མ་བྱས། མཆོད་པར་མ་བྱས་པས་ཆོས་མི་མཐོང་ངོ ། །ཆོས་མི་མཐོང་བས་དགེ་སྦྱོང་གི་ཚུལ་ལ་མི་ལྟའོ། །དགེ་སྦྱོང་གི་ཚུལ་ལ་མི་ལྟ་ན། དགེ་འདུན་ལ་དེ་ལྟ་བུའི་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་འབྱིན་པར་བྱེད་དོ། །འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་ནི། སྐྱེ་བོ་མང་པོ་ལ་ཕན་པ་མ་ཡིན་པ་དང ། སྐྱེ་བོ་མང་པོ་ལ་
Ga347b
གནོད་པ་དང ། སྐྱེ་བོ་མང་པོ་ལ་སྡུག་བསྔལ་བ་དང ། ལྷ་དང་མི་རྣམས་ལ་མི་ཕན་པ་དང ། གནོད་པ་དང ། སྡུག་བསྔལ་བར་བྱེད་པ་ཡིན་ནོ། །དགེ་སློང་དག་།གལ་ཏེ་ཁྱེད་ཀྱིས་འགྱེད་པའི་རྩ་བ་དེ་ལྟ་བུ་ནང་གི་ཡང་རུང ། ཕྱིའི་ཡང་རུང ། མ་སྤངས་པར་ཡང་དག་པར་མཐོང་ན། དེ་ལ་ཁྱེད་ཅག་ལྷན་ཅིག་མཐུན་ཞིང་ཀུན་ཏུ་དགའ་བ་དང ། འགྱེད་པ་མེད་པས་འདུན་པ་དྲག་པོ་དང ། བརྩོན་འགྲུས་དང ། འབད་པ་དང ། སྤྲོ་བ་དང ། སྒྲིམ་པ་དང ། མི་ལྡོག་པའི་དྲན་པ་དང ། ཤེས་བཞིན་གྱིས་ཇི་ཙམ་འགྱེད་པའི་རྩ་བ་བྱུང་བ་དེ་ཉིད་སྤོང་པའི་བར་དུ་བརྩོན་པར་བྱ་སྟེ། དེ་ལྟར་ན། ཁྱོད་ཀྱིས་འགྱེད་པའི་རྩ་བ་དེ་སྤོང་བར་འགྱུར་རོ། །དགེ་སློང་དག་།གལ་ཏེ་ཁྱེད་ཀྱིས་འགྱེད་པའི་རྩ་བ་དེ་ལྟ་བུ། ནང་གི་ཡང་རུང ། ཕྱིའི་ཡང་རུང ། ལེགས་པར་སྤངས་པར་ཡང་དག་པར་མཐོང་ན། དེ་ལ་ཁྱེད་ཅག་ལྷན་ཅིག་མཐུན་ཞིང་ཀུན་ཏུ་དགའ་བ་དང ། འགྱེད་པ་མེད་པས་འདུན་པ་དྲག་པོ་དང ། བརྩོན་འགྲུས་དང ། འབད་པ་དང ། སྤྲོ་བ་དང ། སྒྲིམ་པ་དང ། མི་ལྡོག་པའི་དྲན་པ་དང ། ཤེས་བཞིན་གྱིས་ཅི་ནས་ཀྱང་འགྱེད་པའི་རྩ་བ་སྤངས་པ་དེ་ཉིད་ཕྱིས་ཀྱང་མི་འབྱུང་བར་བརྩོན་པར་བྱ་སྟེ། དེ་ལྟར་ན། ཁྱེད་ཀྱིས་འགྱེད་པའི་རྩ་བ་དེ་ཡང་དག་པར་ལེགས་པར་བསལ་པས། ཕྱིས་སྐྱེ་བར་མི་འགྱུར་རོ། །འདི་དག་ནི། འགྱེད་པའི་རྩ་བ་དྲུག་ཅེས་བྱའོ། །འགྱེད་པར་བྱེད་པའི་གཞི་བཅུ་བཞི་གང་ཞེ་ན། འདི་ལྟ་སྟེ། ཆོས་སོ། །ཞེ་འམ།
Ga348a
༄#། །ཆོས་མ་ཡིན་ནོ། །ཞེའམ། འདུལ་བའོ། །ཞེའམ། འདུལ་བ་མ་ཡིན་ནོ། །ཞེའམ། ལྟུང་བའོ། །ཞེའམ། ལྟུང་བ་མ་ཡིན་པའོ། །ཞེའམ། ལྕི་བའམ། ཡང་བའམ། ལྷག་མ་དང་བཅས་པའམ། ལྷག་མ་མེད་པའམ། བཤགས་པར་བྱ་བའམ། བསྡམ་པར་བྱ་བའམ། ཉེས་བར་བཤད་པར་གཏོགས་པའམ། ལེགས་པར་བཤད་པར་གཏོགས་པ་སྟེ།་འདི་དག་ནི། འགྱེད་པར་བྱེད་པའི་གཞི་བཅུ་བཞི་ཞེས་བྱའོ། །དགེ་སློང་དག་།འགྱེད་པའི་རྩོད་པ་ནི། དེའི་རྩ་བ་ཅན་ཡིན་ཞིང ། འགྱེད་པའི་རྩོད་པའི་རྩ་བ་ནི། དེ་ཡིན་ནོ། །དགེ་སློང་དག་།གདམས་ངག་མེད་པའི་རྩོད་པ་ནི། ཅི་ཞིག་གི་རྩ་བ་ཅན་ཡིན་ཞིང ། གདམས་ངག་མེད་པའི་རྩོད་པའི་རྩ་བ་ནི། ཅི་ཡིན་ཞེ་ན། དགེ་འདུན་གདམས་ངག་མི་ལེན་པ་དང ། གདམས་ངག་མི་སྦྱིན་པ་དང ། གདམས་ངག་བཞག་པ་གང་ཡིན་པ་དེ་ལ་བརྟེན་ནས་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་སྟེ། དགེ་སློང་དག། གདམས་ངག་མེད་པའི་རྩོད་པ་ནི། དེའི་རྩ་བ་ཅན་ཡིན་ཞིང ། གདམས་ངག་མེད་པའི་རྩོད་པའི་རྩ་བ་ནི། དེ་ཡིན་ནོ། །དགེ་སློང་དག་།ལྟུང་བའི་རྩོད་པ་ནི། ཅི་ཞིག་གི་རྩ་བ་ཅན་ཡིན་ཞིང ། ལྟུང་བའི་རྩོད་པའི་རྩ་བ་ནི། ཅི་ཡིན་ཞེ་ན། ལྟུང་བའི་རིགས་ལྔ་ནི། ལྟུང་བའི་རིགས་དང ། ལྟུང་བའི་ཕུང་པོ་ཞེས་བྱ་སྟེ། ལྔ་གང་ཞེ་ན། ཕས་ཕམ་པ་
Ga348b
དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པར་བྱ་བ་དང ། ཉེས་བྱས་སོ། །གཞན་ཡང ། ལུས་ཀྱི་ལྟུང་བ་ཡིན་གྱི། ངག་གི་མ་ཡིན། སེམས་ཀྱི་མ་ཡིན་པ་ཡང་ཡོད། ངག་གི་ཡིན་གྱི། ལུས་ཀྱི་མ་ཡིན། སེམས་ཀྱི་མ་ཡིན་པའང་ཡོད། ལུས་ཀྱི་དང་སེམས་ཀྱི་ཡིན་གྱི། ངག་གི་མ་ཡིན་པ་ཡང་ཡོད། ལུས་དང་ངག་དང་སེམས་ཀྱི་ཡིན་པ་ཡང་ཡོད་དོ། །ལུས་ཀྱི་ལྟུང་བ་ཡིན་གྱི། ངག་གི་མ་ཡིན། སེམས་ཀྱི་མ་ཡིན་པ་གང་ཞེ་ན། འདི་ལྟ་སྟེ། དགེ་སློང ། ཁྱིམ་པའམ། བསྙེན་པར་མ་རྫོགས་པའི་ཕྱིར་མ་བྱུང་བར་ཁྱིམ་པའམ། བསྙེན་པར་མ་རྫོགས་པའི་ཕྱིར་བྱུང་ངོ ། །སྙམ་ནས་ཉལ་བར་བྱེད་པ་ན། དེ་གཉིད་ལོག་པ་དང ། བུད་མེད་ཉལ་བའམ། གཉིད་ལོག་ནས་ཁྲི་སྟན་ཆེན་པོའི་སྟེང་དུ་བཞག་པ་སྟེ། འདི་ནི། ལུས་ཀྱི་ལྟུང་བ་ཡིན་གྱི། ངག་གི་མ་ཡིན། སེམས་ཀྱི་མ་ཡིན་ནོ། །ངག་གི་ལྟུང་བ་ཡིན་གྱི། ལུས་ཀྱི་མ་ཡིན། སེམས་ཀྱི་མ་ཡིན་པ་གང་ཞེ་ན། འདི་ལྟ་སྟེ། དགེ་སློང་བུད་མེད་ལ་ཆོས་ཚིག་ལྔ་འཆད་པ་ལས་ཆེད་དུ་མ་བསམ་པར་ཚིག་དྲུག་ཏུ་ཐལ་བའམ། ཚིག་དྲུག་འཆད་པ་ན་ཚིག་བདུན་ཐལ་བ་སྟེ། འདི་ནི། ངག་གི་ལྟུང་བ་ཡིན་གྱི། ལུས་ཀྱི་མ་ཡིན། སེམས་ཀྱི་མ་ཡིན་ནོ། །ལུས་དང་སེམས་ཀྱི་ལྟུང་བ་ཡིན་གྱི། ངག་གི་མ་ཡིན་པ་གང་ཞེ་ན། འདི་ལྟ་སྟེ། དགེ་སློང་གིས་ཆེད་དུ་བསམ་སྟེ་དུད་འགྲོའི་སྐྱེ་གནས་སུ་སོང་བའི་སྲོག་ཆགས་སྲོག་དང་ཕྲལ་ནས་འདི་སྐད་ཅེས། ཇི་
Ga349a
༄#། །ལྟར་བདག་གིས་བསད་པ་དེ་བཞིན་དུ་སྲོག་ཆགས་སྲོག་དང་དབྲལ་བར་བྱ་སྟེ། དེ་ལྟར་བསད་པ་ནི། དེ་ལེགས་པར་བསད་པ་ཡིན་ནོ། །ཞེས་མི་སྨྲ་ཞིང ། མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དང ། མྱོས་པར་འགྱུར་བ་འཐུང་ལ། འདི་སྐད་ཅེས། ཇི་ལྟར་བདག་གིས་འཐུངས་པ་དེ་བཞིན་དུ་མྱོས་པར་འགྱུར་བ་བཏུང་བར་བྱ་སྟེ། དེ་ལྟར་འཐུངས་པ་ནི། ལེགས་པར་འཐུངས་པ་ཡིན་ནོ། །ཞེས་མི་སྨྲ་བ་སྟེ། འདི་ནི། ལུས་དང ། སེམས་ཀྱི་ལྟུང་བ་ཡིན་གྱི། ངག་གི་མ་ཡིན་ནོ། །ལུས་དང་ངག་དང་སེམས་ཀྱི་ལྟུང་བ་གང་ཞེ་ན། འདི་ལྟ་སྟེ། དགེ་སློང་གིས་ཆེད་དུ་བསམ་སྟེ། དུད་འགྲོའི་སྐྱེ་གནས་སུ་སོང་བའི་སྲོག་ཆགས་སྲོག་དང་ཕྲལ་ལ། འདི་སྐད་ཅེས། ཇི་ལྟར་བདག་གིས་བསད་པ་དེ་བཞིན་དུ་སྲོག་ཆགས་སྲོག་དང་དབྲལ་བར་བྱ་སྟེ། དེ་ལྟར་བསད་པ་ནི། ལེགས་པར་བསད་པ་ཡིན་ནོ། །ཞེས་སྨྲ་ཞིང ། མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དང ། མྱོས་པར་འགྱུར་བའི་ཆང་འཐུངས་ལ། འདི་སྐད་ཅེས། ཇི་ལྟར་བདག་གིས་འཐུངས་པ་དེ་བཞིན་མྱོས་པར་འགྱུར་བ་བཏུང་བར་བྱ་སྟེ། དེ་ལྟར་མྱོས་པར་འགྱུར་བ་འཐུངས་པ་ནི། ལེགས་པར་འཐུངས་པ་ཡིན་ནོ། །ཞེས་སྨྲ་བ་སྟེ། འདི་ནི། ལུས་དང་ངག་དང་སེམས་ཀྱི་ལྟུང་བ་ཡིན་ཏེ། དགེ་སློང་དག་།ལྟུང་བའི་རྩོད་པ་ནི། དེའི་རྩ་བ་ཅན་ཡིན་ཞིང ། ལྟུང་བའི་རྩོད་པའི་རྩ་
Ga349b
བ་ནི། དེ་ཡིན་ནོ། །དགེ་སློང་དག་།བྱ་བའི་རྩོད་པ་ནི། ཅི་ཞིག་གི་རྩ་བ་ཅན་ཡིན་ཞིང ། བྱ་བའི་རྩོད་པའི་རྩ་བ་ནི། ཅི་ཡིན་ཞེ་ན། དགེ་འདུན་གྱི་བྱ་བ་གང་ཡིན་པ་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་གང་ཡིན་པ་སྟེ། དགེ་སློང་དག་།བྱ་བའི་རྩོད་པ་ནི། དེའི་རྩ་བ་ཅན་ཡིན་ཞིང ། བྱ་བའི་རྩོད་པའི་རྩ་བ་ནི། དེ་ཡིན་ནོ། །དགེ་སློང་དག་།འགྱེད་པའི་རྩོད་པ་ནི། དགེ་བ་ཞེས་བརྗོད་པར་བྱ། མི་དགེ་བ་ཞེས་བརྗོད་པར་བྱ། ལུང་དུ་མ་བསྟན་པ་ཞེས་བརྗོད་པར་བྱ་སྟེ། དགེ་བ་གང་ཞེ་ན། དགེ་འདུན་དོན་སྒྲུབ་ཅིང་དོན་སེམས་ལ། དགེ་བའི་དོན་སྒྲུབ་ཅིང་དགེ་བ་སེམས་པའི་དོན་སྣ་ཚོགས་སུ་སྨྲ་བ། འགལ་བར་སྨྲ་བ། རིགས་མི་མཐུན་པར་སྨྲ་བ་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། དགེ་བ་ཡིན། མི་དགེ་བ་གང་ཞེ་ན། དགེ་འདུན་དོན་མི་སྒྲུབ་ཅིང་དོན་མི་སེམས་ལ། དགེ་བའི་དོན་མི་སྒྲུབ་ཅིང་དགེ་བ་མི་སེམས་པའི་དོན་སྣ་ཚོགས་སུ་སྨྲ་བ། འགལ་བར་སྨྲ་བ། རིགས་མི་མཐུན་པར་སྨྲ་བ་གང་ཡིན་པ་དེ་ལ་བརྟེན་ནས་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་དེ་ནི། མི་དགེ་བ་ཡིན་ནོ། །ལུང་དུ་མ་བསྟན་པ་གང་ཞེ་ན། དགེ་འདུན་དོན་སྒྲུབ་པ་ཡང་མ་ཡིན། དོན་མ་ཡིན་པ་སྒྲུབ་པ་ཡང་མ་ཡིན་ཞིང ། དོན་སེམས་པ་ཡང་མ་ཡིན། དོན་མ་ཡིན་པ་སེམས་པ་ཡང་མ་ཡིན་ལ། དགེ་བའི་དོན་སྒྲུབ་པ་
Ga350a
༄#། །ཡང་མ་ཡིན། མི་དགེ་བའི་དོན་སྒྲུབ་པ་ཡང་མ་ཡིན་ཞིང ། དགེ་བ་སེམས་པ་ཡང་མ་ཡིན། མི་དགེ་བ་སེམས་པ་ཡང་མ་ཡིན་པའི་དོན་སྣ་ཚོགས་སུ་སྨྲ་བ། འགལ་བར་སྨྲ་བ། རིགས་མི་མཐུན་པར་སྨྲ་བ་གང་ཡིན་པ་དེ་ལ་བརྟེན་ནས་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། ལུང་དུ་མ་བསྟན་པ་ཡིན་ནོ། ། གདམས་ངག་མེད་པའི་རྩོད་པ་ནི། དགེ་བ་ཞེས་བརྗོད་པར་བྱ། མི་དགེ་བ་ཞེས་བརྗོད་པར་བྱ། ལུང་དུ་མ་བསྟན་པ་ཞེས་བརྗོད་པར་བྱ་སྟེ། དགེ་བ་གང་ཞེ་ན། དགེ་འདུན་དོན་སྒྲུབ་ཅིང་དོན་སེམས་ལ། དགེ་བའི་དོན་སྒྲུབ་ཅིང་དགེ་བ་སེམས་པའི་གདམས་ངག་མི་ལེན་པ་དང ། གདམས་ངག་མི་སྦྱིན་པ་དང ། གདམས་ངག་འཇོག་པ་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། དགེ་བ་ཡིན་ནོ། །མི་དགེ་བ་གང་ཞེ་ན། དགེ་འདུན་དོན་མི་སྒྲུབ་ཅིང་དོན་མི་སེམས་ལ། དགེ་བའི་དོན་མི་སྒྲུབ་ཅིང ། དགེ་བ་མི་སེམས་པའི་གདམས་ངག་མི་ལེན་པ་དང ། གདམས་ངག་མི་སྦྱིན་པ་དང ། གདམས་ངག་འཇོག་པ་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། མི་དགེ་བ་ཡིན་ནོ། །ལུང་དུ་མ་བསྟན་པ་གང་ཞེ་ན། དགེ་འདུན་དོན་སྒྲུབ་པ་ཡང་མ་ཡིན། དོན་མ་ཡིན་པ་སྒྲུབ་པ་ཡང་མ་ཡིན་
Ga350b
ཞིང ། དོན་སེམས་པ་ཡང་མ་ཡིན། དོན་མ་ཡིན་པ་སེམས་པ་ཡང་མ་ཡིན་ལ། དགེ་བའི་དོན་སྒྲུབ་པ་ཡང་མ་ཡིན། མི་དགེ་བའི་དོན་སྒྲུབ་པ་ཡང་མ་ཡིན་ཞིང ། དགེ་བ་སེམས་པ་ཡང་མ་ཡིན།་མི་དགེ་བ་སེམས་པ་ཡང་མ་ཡིན་པའི་གདམས་ངག་མི་ལེན་པ་དང ། གདམས་ངག་མི་སྦྱིན་པ་དང ། གདམས་ངག་འཇོག་པ་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། ལུང་དུ་མ་བསྟན་པ་ཡིན་ནོ། །ལྟུང་བའི་རྩོད་པ་ནི། མི་དགེ་བ་ཞེས་བརྗོད་པར་བྱ། ལུང་དུ་མ་བསྟན་པ་ཞེས་བརྗོད་པར་བྱ་སྟེ། མི་དགེ་བ་གང་ཞེ་ན།་སངས་རྒྱས་ཀྱིས་བསླབ་པ་བཅས་པ་དང ། དགེ་འདུན་གྱིས་ཁྲིམས་སུ་བཅས་པ་ལས། ཆེད་དུ་བསམ་སྟེ་འདས་པ་གང་ཡིན་པ་འདི་ནི། མི་དགེ་བ་ཡིན་ནོ། །ལུང་དུ་མ་བསྟན་པ་གང་ཞེ་ན། སངས་རྒྱས་ཀྱིས་བསླབ་པ་བཅས་པ་དང ། དགེ་འདུན་གྱིས་ཁྲིམས་སུ་བཅས་པ་ལས། ཆེད་དུ་མ་བསམ་པར་འདས་པ་གང་ཡིན་པ་འདི་ནི། ལུང་དུ་མ་བསྟན་པ་ཡིན་ནོ། །བྱ་བའི་རྩོད་པ་ནི། དགེ་བ་ཞེས་བརྗོད་པར་བྱ། མི་དགེ་བ་ཞེས་བརྗོད་པར་བྱ། ལུང་དུ་མ་བསྟན་པ་ཞེས་བརྗོད་པར་བྱ་སྟེ། དགེ་བ་གང་ཞེ་ན། དགེ་འདུན་དོན་སྒྲུབ་ཅིང་དོན་སེམས་ལ། དགེ་བའི་དོན་སྒྲུབ་ཅིང་དགེ་བ་སེམས་པའི་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་
Ga351a
༄#། །འདི་ནི། དགེ་བ་ཡིན་ནོ། །མི་དགེ་བ་གང་ཞེ་ན། དགེ་འདུན་དོན་མི་སྒྲུབ་ཅིང་མི་སེམས་ལ། དགེ་བའི་དོན་མི་སྒྲུབ་ཅིང ། དགེ་བ་མི་སེམས་པའི་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། མི་དགེ་བ་ཡིན་ནོ། །ལུང་དུ་མ་བསྟན་པ་གང་ཞེ་ན། དགེ་འདུན་དོན་སྒྲུབ་པ་ཡང་མ་ཡིན། དོན་མ་ཡིན་པ་སྒྲུབ་པ་ཡང་མ་ཡིན་ཞིང ། དོན་སེམས་པ་ཡང་མ་ཡིན། དོན་མ་ཡིན་པ་སེམས་པ་ཡང་མ་ཡིན་ལ། དགེ་བའི་དོན་སྒྲུབ་པ་ཡང་མ་ཡིན། མི་དགེ་བའི་དོན་སྒྲུབ་པ་ཡང་མ་ཡིན་ཞིང ། དགེ་བ་སེམས་པ་ཡང་མ་ཡིན་ལ། མི་དགེ་བ་སེམས་པ་ཡང་མ་ཡིན་པའི་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པ་འདི་ནི། ལུང་དུ་མ་བསྟན་པ་ཡིན་ནོ། །འགྱེད་པ་གང་ཡིན་པ་དེ། རྩོད་པ་ལགས་ལ། རྩོད་པ་གང་ལགས་པ་དེ། འགྱེད་པ་ལགས་སམ། བཀའ་སྩལ་པ། འགྱེད་པ་ཡིན་ལ། རྩོད་པ་མ་ཡིན་པ་ཡང་ཡོད། རྩོད་པ་ཡིན་ལ། འགྱེད་པ་མ་ཡིན་པ་ཡང་ཡོད། འགྱེད་པ་ཡང་ཡིན། རྩོད་པ་ཡང་ཡིན་པ་ཡང་ཡོད། འགྱེད་པ་ཡང་མ་ཡིན་རྩོད་པ་ཡང་མ་ཡིན་པ་ཡང་ཡོད་དོ། །རེ་ཞིག་འགྱེད་པ་ཡིན་ལ། རྩོད་པ་མ་ཡིན་པ་ནི། དགེ་འདུན་སྣ་ཚོགས་སུ་སྨྲ་བ། འགལ་བར་སྨྲ་བ། རིགས་མི་མཐུན་པར་སྨྲ་བ་གང་ཡིན་པའོ། །
Ga351b
རྩོད་པ་ཡིན་ལ། འགྱེད་པ་མ་ཡིན་པ་ནི། རྩོད་པ་གསུམ་པོ། གདམས་ངག་མེད་པའི་རྩོད་པ་དང ། བྱ་བའི་རྩོད་པ་དང ། ལྟུང་བའི་རྩོད་པའོ། །རྩོད་པ་ཡང་ཡིན་ལ་འགྱེད་པ་ཡང་ཡིན་པ་ནི། དགེ་འདུན་སྣ་ཚོགས་སུ་སྨྲ་བ། འགལ་བར་སྨྲ་བ། རིགས་མི་འཕྲོད་པར་སྨྲ་བ། མི་མཐུན་པ། ཀུན་ཏུ་མི་དགའ་བ། རྒྱུད་གཅིག་ཏུ་མ་གྱུར་པ་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པའོ། །འགྱེད་པ་ཡང་མ་ཡིན། རྩོད་པ་ཡང་མ་ཡིན་པ་ནི། རྣམ་པ་དེ་དག་མ་གཏོགས་པའོ། །གདམས་ངག་མ་མཆིས་པ་གང་ལགས་པ་དེ། རྩོད་པ་ལགས་ལ། རྩོད་པ་གང་ལགས་པ་དེ། གདམས་ངག་མ་མཆིས་པ་ལགས་སམ། བཀའ་སྩལ་པ། གདམས་ངག་མེད་པ་ཡིན་ལ། རྩོད་པ་མ་ཡིན་པ་ཡང་ཡོད། རྩོད་པ་ཡིན་ལ། གདམས་ངག་མེད་པ་མ་ཡིན་པ་ཡང་ཡོད། གདམས་ངག་མེད་པ་ཡང་ཡིན་ལ། རྩོད་པ་ཡང་ཡིན་པ་ཡང་ཡོད། གདམས་ངག་མེད་པ་ཡང་མ་ཡིན་ལ། རྩོད་པ་ཡིན་པ་ཡང་ཡོད་དོ། །རེ་ཞིག་གདམས་ངག་མེད་པ་ཡིན་ལ། རྩོད་པ་མ་ཡིན་པ་ནི། དགེ་འདུན་གདམས་ངག་མི་ལེན་པ་དང ། གདམས་ངག་མི་སྦྱིན་པ་དང ། གདམས་ངག་འཇོག་པ་གང་ཡིན་པའོ། །རྩོད་པ་ཡིན་ལ། གདམས་ངག་མེད་པ་མ་ཡིན་པ་ནི། རྩོད་པ་གསུམ་པོ་འགྱེད་པའི་རྩོད་པ་དང ། ལྟུང་བའི་རྩོད་པ་དང ། བྱ་བའི་རྩོད་པའོ། །གདམས་ངག་མེད་པ་ཡང་ཡིན་ལ། རྩོད་པ་ཡང་ཡིན་པ་ནི། དགེ་
Ga352a
༄#། །འདུན་གདམས་ངག་མི་ལེན་པ་དང ། གདམས་ངག་མི་སྦྱིན་པ་དང ། གདམས་ངག་འཇོག་པ་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པའོ། །གདམས་ངག་མེད་པ་ཡང་མ་ཡིན་ལ། རྩོད་པ་ཡང་མ་ཡིན་པ་ནི། རྣམ་པ་དེ་དག་མ་གཏོགས་པའོ། །ལྟུང་བ་གང་ལགས་པ་དེ། རྩོད་པ་ལགས་ལ། རྩོད་པ་གང་ལགས་པ་དེ། ལྟུང་བ་ལགས་སམ། བཀའ་སྩལ་པ། ལྟུང་བ་ཡིན་ལ། རྩོད་པ་མ་ཡིན་པ་ཡང་ཡོད། རྩོད་པ་ཡིན་ལ། ལྟུང་བ་མ་ཡིན་པ་ཡང་ཡོད། ལྟུང་བ་ཡང་ཡིན་ལ། རྩོད་པ་ཡང་ཡིན་པ་ཡང་ཡོད། ལྟུང་བ་ཡང་མ་ཡིན་ལ། རྩོད་པ་ཡང་མ་ཡིན་པ་ཡང་ཡོད་དོ། །རེ་ཞིག་ལྟུང་བ་ཡིན་ལ། རྩོད་པ་མ་ཡིན་པ་ནི། ལྟུང་བའི་རིགས་ལྔ་ནི། ལྟུང་བའི་རིགས་དང ། ལྟུང་བའི་ཕུང་པོ་ཞེས་བྱ་སྟེ། ཕས་ཕམ་པ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པར་བྱ་བ་དང ། ཉེས་བྱས་ཡིན་ནོ། །རྩོད་པ་ཡིན་ལ། ལྟུང་བ་མ་ཡིན་པ་ནི། རྩོད་པ་གསུམ་པོ། འགྱེད་པའི་རྩོད་པ་དང ། གདམས་ངག་མེད་པའི་རྩོད་པ་དང ། བྱ་བའི་རྩོད་པའོ། །ལྟུང་བ་ཡང་ཡིན་ལ། རྩོད་པ་ཡང་ཡིན་པ་ནི། ལྟུང་བའི་རིགས་ལྔ་པོ་ནི། ལྟུང་བའི་རིགས་དང ། ལྟུང་བའི་ཕུང་པོ་ཞེས་བྱ་སྟེ། ཕས་ཕམ་པ་དང ། དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པར་བྱ་བ་དང ། ཉེས་བྱས་གང་
Ga352b
ཡིན་པ་དེ་ལ་བརྟེན་ཏེ། འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པའོ། །ལྟུང་བ་ཡང་མ་ཡིན་ལ། རྩོད་པ་ཡང་མ་ཡིན་པ་ནི། རྣམ་པ་དེ་དག་མ་གཏོགས་པའོ། བྱ་བ་གང་ལགས་པ་དེ། རྩོད་པ་ལགས་ལ། རྩོད་པ་གང་ལགས་པ་དེ་ཡང་བྱ་བ་ལགས་སམ། བཀའ་སྩལ་པ། བྱ་བ་ཡིན་ལ། རྩོད་པ་མ་ཡིན་པ་ཡང་ཡོད། རྩོད་པ་ཡིན་ལ། བྱ་བ་མ་ཡིན་པ་ཡང་ཡོད། བྱ་བ་ཡང་ཡིན་ལ་རྩོད་པ་ཡང་ཡིན་པ་ཡང་ཡོད། བྱ་བ་ཡང་མ་ཡིན་ལ་རྩོད་པ་ཡང་མ་ཡིན་པ་ཡང་ཡོད་དོ། །རེ་ཞིག་བྱ་བ་ཡིན་ལ། རྩོད་པ་མ་ཡིན་པ་ནི། དགེ་འདུན་གྱི་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་གང་ཡིན་པའོ། །རྩོད་པ་ཡིན་ལ། བྱ་བ་མ་ཡིན་པ་ནི། རྩོད་པ་གསུམ་པོ། འགྱེད་པའི་རྩོད་པ་དང ། གདམས་ངག་མེད་པའི་རྩོད་པ་དང ། ལྟུང་བའི་རྩོད་པའོ། །བྱ་བ་ཡང་ཡིན་ལ་རྩོད་པ་ཡང་ཡིན་པ་ནི། དགེ་འདུན་གྱི་བྱ་བ་གསོལ་བ་དང ། གསོལ་བ་དང་གཉིས་དང ། གསོལ་བ་དང་བཞིའི་ལས་གང་ཡིན་པ་དེ་ལ་བརྟེན་ཏེ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་གང་ཡིན་པའོ། །བྱ་བ་ཡང་མ་ཡིན་ལ་རྩོད་པ་ཡང་མ་ཡིན་པ་ནི། རྣམ་པ་དེ་དག་མ་གཏོགས་པའོ། །དགེ་སློང་དག་འགྱེད་པའི་རྩོད་པ་ལ་རྩོད་པ་ཞི་བར་བྱེད་པའི་ཆོས་དུ་ཞིག་གིས་འདུལ་བར་བྱ། ཞི་བར་བྱ། ཉེ་བར་ཞི་བར་བྱ་ཞེ་ན། བཀའ་སྩལ་པ། གཉིས་ཀྱིས་ཏེ། མངོན་སུམ་དུ་འདུལ་བར་འོས་པ་དང ། གང་ཡང་ཚུལ་ཤིང་མང་
Ga353a
༄#། །པོ་བླངས་པས་སོ། །མངོན་སུམ་དུ་འདུལ་བ་ནི། ཇི་ལྟར་རྩོད་པ་ཞི་བར་བྱེད་པ་ཡིན། ཇི་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མངོན་སུམ་དུ་འདུལ་བར་འོས་པའི་རྩོད་པ་ཞི་བར་བྱེད་པས། འདུལ་བ་དང ། ཞི་བ་དང ། ཉེ་བར་ཞི་བ་ཡིན་ཞེ་ན། སངས་རྒྱས་བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བར་དབྱར་བཞུགས་པར་ཞལ་གྱིས་བཞེས་སོ། །དེའི་ཚེ་དགེ་སློང་རབ་ཏུ་མང་པོ་དག་ལྗོངས་ཤིག་ཏུ་དབྱར་གནས་པར་དམ་བཅས་པ་ལས། དེ་རྣམས་དབྱར་གྱི་ནང་ལོགས་སུ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་བྱུང་ནས་དེ་རྣམས་ཀྱིས་རྩོད་པ་དེ། ཚེ་དང་ལྡན་པ་ཤཱ་རིའི་བུ་དང ། མོའུ་འགལ་གྱི་བུ་ལ་གཏད་པ་དང ། དེ་གཉིས་ཀྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱས་སོ། །དེ་ནས་དགེ་སློང་རབ་ཏུ་མང་པོ་ལྗོངས་སུ་དབྱར་གནས་པའི་དབྱར་གྱི་ཟླ་བ་གསུམ་པོ་དག་འདས་པ་དང ། ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས་ལྷུང་བཟེད་དང་ཆོས་གོས་བླངས་ཏེ་མཉན་ཡོད་གང་ན་བ་དེར་རྒྱུ་ཞིང་དོང་ནས་རིམ་གྱིས་རྒྱུ་ཞིང་དོང་བ་དང་མཉན་ཡོད་དུ་ཕྱིན་ཏོ། །དེ་ནས་དགེ་སློང་རབ་ཏུ་མང་པོས་ལྷུང་བཟེད་དང་ཆོས་གོས་མཁོས་སུ་ཕབ་ནས་རྐང་པ་བཀྲུས་ཏེ། བཅོམ་ལྡན་འདས་ག་ན་བ་དེར་དོང་ནས་ལྷགས་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཆོས་ཉིད་
Ga353b
ཀྱིས་སངས་རྒྱས་བཅོམ་ལྡན་འདས་རྣམས་ནི། གློ་བུར་བའི་དགེ་སློང་རྣམས་ལ་སོ་སོར་ཡང་དག་པར་དགའ་བར་མཛད་པའི་འདིས་སོ་སོར་ཡང་དག་པར་དགའ་བར་མཛད་པ་ཡིན་པས། བཅོམ་ལྡན་འདས་ཀྱིས་སོ་སོར་ཡང་དག་པར་དགའ་བར་མཛད་པས་དགེ་སློང་རབ་ཏུ་མང་པོ་ལ། ཀྱེ་དགེ་སློང་དག་།ཁྱེད་ཅག་གང་ནས་འདིར་འོངས། གང་དུ་ཁྱེད་ཅག་དབྱར་གནས། བཙུན་པ། བདག་ཅག་ནི། ལྗོངས་ཤིག་ནས་གནས་འདིར་མཆིས་ཏེ། ལྗོངས་ཤིག་ན་བདག་ཅག་དབྱར་གནས་གནས་ལགས་སོ། །དགེ་སློང་དག་།ཁྱེད་ཅག་ཇི་ག་ལྗོངས་སུ་བདེ་བ་ལ་རེག་པར་དབྱར་གནས་སམ། ཁྱེད་བསོད་སྙོམས་ཀྱིས་ཕོངས་པར་མ་གྱུར་ཏམ། བཙུན་པ་མེད་པར་བདག་ཅག་ལྗོངས་སུ་བདེ་བ་ལ་རེག་པར་གནས་པས་དབྱར་གནས་ཤིང་བདག་ཅག་བསོད་སྙོམས་ཀྱིས་ཀྱང་ཕོངས་པར་མ་གྱུར་ཏོ། །དེ་ལྟ་ལགས་མོད་ཀྱི། བདག་ཅག་དབྱར་གྱི་ནང་ལོགས་སུ་འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་བྱུང་ནས་བདག་ཅག་གིས་རྩོད་པ་དེ། ཚེ་དང་ལྡན་པ་ཤཱ་རིའི་བུ་དང ། མོའུ་འགལ་གྱི་བུ་ལ་གཏད་པ་དང ། དེ་གཉིས་ཀྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བགྱིས་ལགས་སོ། །བཅོམ་ལྡན་འདས་ཀྱིས་དགོངས་པ། ཀྱེ་མའོ། །ངའི་ཉན་ཐོས་སྐམ་ལ་གནས་པ་དག་གིས་ནི། སྟོན་པའི་བསྟན་པ་ཆོས་འདུལ་བས་རྩོད་པ་སྐྱེས་ཤིང་བྱུང་བ་ཞི་བར་ནུས་སོ། །སྙམ་ནས། དགེ་སློང་དག་།དེ་ལྟ་བས་ན། སྐམ་ལ་གནས་པའི་དགེ་སློང་རྣམས་ཀྱིས་སྟོན་པའི་བསྟན་པ་
Ga354a
༄#། །ཆོས་འདུལ་བས་རྩོད་པ་སྐྱེས་ཤིང་བྱུང་བ་ཞི་བར་བྱའོ། །དགེ་སློང་རྣམས་ཀྱིས་སྐམ་ལ་གནས་པ་དུ་ཡིན་པ་མ་ཡིན་པ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གང་དག་དགེ་འདུན་ལ་མི་ལྟོས་པར་རྩོད་པ་སྐྱེས་ཤིང་བྱུང་བ་ཞི་བར་ནུས་པའོ། །དེ་ཡང་གསུམ་སྟེ། སྐམ་ལ་གནས་པ་ལུས་ཀྱིས་བསྡམས་པ་མ་ཡིན་ཞིང་ངག་གིས་ཀྱང་མ་ཡིན་པ་ཡང་ཡོད། ལུས་ཀྱིས་བསྡམས་ལ། ངག་གིས་མ་ཡིན་པ་ཡང་ཡོད། ལུས་དང་ངག་གིས་བསྡམས་པ་ཡང་ཡོད་དོ། །ལུས་ཀྱིས་བསྡམས་པ་མ་ཡིན་ཞིང་ངག་གིས་ཀྱང་མ་ཡིན་པ་གང་ཞེ་ན། འདི་ལྟ་སྟེ། སྐམ་ལ་གནས་པ་དགེ་སློང་འཐབ་པར་གྱུར། མཚང་འདྲུ་བར་གྱུར། འཐབ་མོ་བྱུང ། །འགྱེད་པར་གྱུར་ནས་ཕྱོགས་དང་ཕྱོགས་གཞན་དུ་གནས་པ་རྣམས་ཀྱི་དྲུང་དུ་བདག་ཉིད་སོང་ནས་འདི་སྐད་ཅེས། ཚེ་དང་ལྡན་པ་དག་ལེགས་སོ། །རྩོད་པ་འདི་ནི། ལེགས་པར་བཟུང་བ་ཡིན་གྱི། ཉེས་པར་བཟུང་བ་མ་ཡིན། ལེགས་པར་སྦྱར་བ་ཡིན་གྱི། ཉེས་པར་སྦྱར་བ་མ་ཡིན། ལེགས་པར་བརྟགས་པ་ཡིན་གྱི། ཉེས་པར་བརྟགས་པ་མ་ཡིན་པས། འདི་དང་འདི་ནི། སྨྲོས་ཤིག་།འདི་དང་འདི་ནི། མ་སྨྲ་ཞིག། ཚེ་དང་ལྡན་པ་ཕ་རོལ་པོ་དག་ཆོམས་ཤིག་།ཕ་རོལ་པོ་དག་གིས་ཆོམས་ས་རེ། བདག་ནི། ཚེ་དང་ལྡན་པ་དག་གི་ཕྱོགས་དང ། དཔུང་དང ། གྲོགས་བྱེད་པ་ཡིན་ནོ། །ཞེས་སྨྲ་ཞིང ། ཕྱོགས་གཅིག་ཤོས་ཀྱི་དྲུང་དུ་ཡང་བདག་ཉིད་སོང་ནས་འདི་སྐད་
Ga354b
ཅེས། ཚེ་དང་ལྡན་པ་དག་ལེགས་སོ། །རྩོད་པ་འདི་ནི། ལེགས་པར་བཟུང་བ་ཡིན་གྱི། ཉེས་པར་བཟུང་བ་མ་ཡིན། ལེགས་པར་སྦྱར་བ་ཡིན་གྱི། ཉེས་པར་སྦྱར་བ་མ་ཡིན། ལེགས་པར་བརྟགས་པ་ཡིན་གྱི། ཉེས་པར་བརྟགས་པ་མ་ཡིན་པས་འདི་དང་འདི་ནི། སྨྲོས་ཤིག་།འདི་དང་འདི་ནི། མ་སྨྲ་ཞིག། ཚེ་དང་ལྡན་པ་དག་གིས་ཕ་རོལ་པོ་དག་ཆོམས་ཤིག་།ཕ་རོལ་པོ་དག་གིས་ཆོམས་ས་རེ། བདག་ནི། ཚེ་དང་ལྡན་པ་དག་གི་ཕྱོགས་དང ། དཔུང་དང ། གྲོགས་ཡིན་ནོ། །ཞེས་སྨྲ་སྟེ། འདི་ནི། སྐམ་ལ་གནས་པ་ལུས་ཀྱིས་བསྡམས་པ་མ་ཡིན་ཞིང ། ངག་གིས་ཀྱང་མ་ཡིན་པའོ། ། སྐམ་ལ་གནས་པ་ལུས་ཀྱིས་བསྡམས་ལ། ངག་གིས་མ་ཡིན་པ་གང་ཞེ་ན། འདི་ལྟ་སྟེ། སྐམ་ལ་གནས་པ་དགེ་སློང་འཐབ་པར་གྱུར། མཚང་འདྲུ་བར་གྱུར། འཐབ་མོ་བྱུང ། འགྱེད་པར་གྱུར་ནས་གནས་ཤིང་ཕྱོགས་དང་ཕྱོགས་གཞན་དུ་གནས་པ་རྣམས་ཀྱི་ཕྱོགས་གཅིག་ཏུ་བདག་ཉིད་མི་འགྲོ་མོད་ཀྱི། ཕོ་ཉ་བཏང་ནས་ཚེ་དང་ལྡན་པ་དག་ལེགས་སོ། །རྩོད་པ་འདི་ནི། ལེགས་པར་བཟུང་བ་ཡིན་གྱི། ཉེས་པར་བཟུང་བ་མ་ཡིན། ལེགས་པར་སྦྱར་བ་ཡིན་གྱི། ཉེས་པར་སྦྱར་བ་མ་ཡིན། ལེགས་པར་བརྟགས་པ་ཡིན་གྱི། ཉེས་པར་བརྟགས་པ་མ་ཡིན་པས་འདི་དང་འདི་ནི། སྨྲོས་ཤིག་།འདི་དང་འདི་ནི། མ་སྨྲ་ཞིག་།ཚེ་དང་ལྡན་པ་དག་གིས་ཕ་རོལ་པོ་དག་ཆོམས་ཤིག་།ཕ་རོལ་པོ་དག་གིས་ཆོམས་ས་རེ། བདག་ནི་ཚེ་དང་ལྡན་པ་དག་གི་ཕྱོགས་དང ། དཔུང་དང །
Ga355a
༄#། །གྲོགས་ཡིན་ནོ། །ཕྱོགས་གཅིག་ཤོས་སུ་ཡང་བདག་ཉིད་མི་འགྲོ་མོད་ཀྱི། ཕོ་ཉ་བཏང་ནས་ཚེ་དང་ལྡན་པ་དག་ལེགས་སོ། །རྩོད་པ་འདི་ནི། ལེགས་པར་བཟུང་བ་ཡིན་གྱི། ། ཉེས་པར་བཟུང་བ་མ་ཡིན། ལེགས་པར་སྦྱར་བ་ཡིན་གྱི། ཉེས་པར་སྦྱར་བ་མ་ཡིན། ལེགས་པར་བརྟགས་པ་ཡིན་གྱི། ཉེས་པར་བརྟགས་པ་མ་ཡིན་པས་འདི་དང་འདི་ནི། སྨྲོས་ཤིག་།འདི་དང་འདི་ནི། མ་སྨྲ་ཞིག་།ཚེ་དང་ལྡན་པ་དག་གིས་ཕ་རོལ་པོ་དག་ཆོམས་ཤིག་།ཕ་རོལ་པོ་དག་གིས་ཆོམས་ས་རེ། བདག་ནི། ཚེ་དང་ལྡན་པ་དག་གི་ཕྱོགས་དང ། དཔུང་དང ། གྲོགས་ཡིན་ནོ། །ཞེས་ཟེར་བ་སྟེ། འདི་ནི། སྐམ་ལ་གནས་པ་ལུས་ཀྱིས་བསྡམས་ལ། ངག་གིས་མ་ཡིན་པ་ཡིན་ནོ། །སྐམ་ལ་གནས་པ་ལུས་དང་ངག་གིས་བསྡམས་པ་གང་ཞེ་ན། འདི་ལྟ་སྟེ། སྐམ་ལ་གནས་པ་དགེ་སློང་འཐབ་པར་གྱུར། མཚང་འདྲུ་བར་གྱུར། འཐབ་མོ་བྱུང ། འགྱེད་པར་གྱུར་ནས་གནས་ཤིང ། ཕྱོགས་དང་ཕྱོགས་གཞན་ན་གནས་པ་རྣམས་ཀྱི་ཕྱོགས་གཅིག་ཏུ་བདག་ཉིད་མི་འགྲོ་ཞིང ། ཕོ་ཉ་ཡང་གཏོང་བར་མི་བྱེད་ལ། ཕྱོགས་གཅིག་ཤོས་སུ་ཡང་བདག་ཉིད་མི་འགྲོ་ཞིང ། ཚིག་གི་ཕོ་ཉ་གཏོང་བར་མི་བྱེད་པའོ། །དེ་ལ་སྐམ་ལ་གནས་པ་ལུས་ཀྱིས་བསྡམས་པ་མ་ཡིན་ཞིང ། ངག་གིས་ཀྱང་མ་ཡིན་པ་གང་ཡིན་པ་དེ་ལྟ་བུའི་སྐམ་ལ་གནས་པ་ཡང ། མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི། དབྱུང་བར་བྱའོ། །དེ་ཅིའི་ཕྱིར་ཞེ་ན། དེ་ལྟ་
Ga355b
བུའི་སྐམ་ལ་གནས་པ་ལ་བརྟེན་ནས་དགེ་འདུན་ལ་རྩོད་པ་མ་བྱུང་བ་རྣམས་ནི། འབྱུང་ལ། བྱུང་བ་རྣམས་ནི། སྟོན་པའི་བསྟན་པ་ཆོས་འདུལ་བས་མྱུར་དུ་ཞི་བར་མི་འགྱུར་རོ། །དེ་ལ་སྐམ་ལ་གནས་པ་ལུས་ཀྱིས་བསྡམས་ལ་ངག་གིས་མ་ཡིན་པ་གང་ཡིན་པ་དེ་ལྟ་བུའི་སྐམ་ལ་གནས་པ་ཡང ། མ་བསྐོས་པ་ནི། བསྐོ་བར་མི་བྱའོ། བསྐོས་པ་ནི། དབྱུང་བར་བྱའོ། །དེ་ཅིའི་ཕྱིར་ཞེ་ན། དེ་ལྟ་བུའི་སྐམ་ལ་གནས་པ་ལ་བརྟེན་ནས་ཀྱང་དགེ་འདུན་ལ་རྩོད་པ་མ་བྱུང་བ་རྣམས་ནི། འབྱུང་ལ། བྱུང་བ་རྣམས་ནི། སྟོན་པའི་བསྟན་པ་ཆོས་འདུལ་བས་མྱུར་དུ་ཞི་བར་མི་འགྱུར་རོ། །དེ་ལ་སྐམ་ལ་གནས་པ་ལུས་དང་ངག་གིས་བསྡམས་པ་གང་ཡིན་པ་དེ་ལྟ་བུའི་སྐམ་ལ་གནས་པ་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །དེ་ཅིའི་ཕྱིར་ཞེ་ན། དེ་ལྟ་བུའི་སྐམ་ལ་གནས་པ་ལ་བརྟེན་ནས་དགེ་འདུན་ལ་རྩོད་པ་མ་བྱུང་བ་རྣམས་ནི། མི་འབྱུང་ལ། བྱུང་བ་རྣམས་ནི། སྟོན་པའི་བསྟན་པ་ཆོས་འདུལ་བས་མྱུར་དུ་ཞི་བར་འགྱུར་རོ། །དགེ་སློང་དག་།དེ་ལྟ་བུའི་སྐམ་ལ་གནས་པ་ནི། རྩོད་པ་ཞི་བར་བྱེད་པ་ཡིན་གྱི། གཞན་དག་ནི། མ་ཡིན་ནོ། །དེ་ལྟ་བུ་སྐམ་ལ་གནས་པ་རྣམས་ཀྱིས་རྩོད་པ་སྐྱེས་ཤིང་བྱུང་བ་ཞི་བར་བྱ་སྟེ། དེ་ལྟ་བུའི་སྐམ་ལ་གནས་པ་རྣམས་ཀྱིས་རྩོད་པ་ཞི་བར་བྱས་པ་ནི། མངོན་སུམ་དག་པ་ཡིན་ནོ། །དེ་ལ་མངོན་སུམ་ཇི་ལྟ་བུ་ཞེ་ན། མངོན་སུམ་ནི། གཉིས་ཏེ། གང་ཟག་མངོན་སུམ་དང ། ཆོས་མངོན་སུམ་མོ། །གང་
Ga356a
༄#། །ཟག་མངོན་སུམ་གང་ཞེ་ན། གང་དག་གིས་རྩོད་པ་དེ་ཞི་བར་བྱེད་པ་དང ། གང་དག་གིས་རྩོད་པ་དེ་ཞི་བར་བྱ་བ་དེ་དག་ཐམས་ཅད་འདུས་པར་གྱུར་ཅིང་མངོན་སུམ་དུ་གྱུར་པ་སྟེ།་འདི་ནི། གང་ཟག་མངོན་སུམ་ཞེས་བྱའོ། །ཆོས་མངོན་སུམ་གང་ཞེ་ན། སྟོན་པའི་བསྟན་པ་གང་དང ། ཆོས་གང་དང ། འདུལ་བ་གང་དང་གང་གིས་རྩོད་པ་དེ་ཞི་བར་འགྱུར་བའི་སྟོན་པའི་བསྟན་པ་དེ་དང ། ཆོས་དེ་དང ། འདུལ་བ་དེས། རྩོད་པ་དེ་ཞི་བར་བྱེད་པ་འདི་ནི། ཆོས་མངོན་སུམ་ཞེས་བྱའོ། །གལ་ཏེ་དགེ་སློང་སྐམ་ལ་གནས་པ་དག་གིས་རྩོད་པ་དེ་ཞི་བར་བྱེད་མི་ནུས་ན། དེ་དེ་རྣམས་ཀྱིས་རྩོད་པ་དེ་དགེ་འདུན་ལ་གཏད་པར་བྱ་ཞིང ། དགེ་འདུན་གྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱའོ། །དགེ་འདུན་གྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱས་ན། ལེགས་པར་ཞི་བར་བྱས་པའོ། །ཞེས་བརྗོད་པར་བྱ་སྟེ། མངོན་སུམ་དག་པ་ཡིན་ནོ། །དེ་ལ་མངོན་སུམ་ཇི་ལྟ་བུ་ཡིན་ཞེ་ན། མངོན་སུམ་ནི། གསུམ་སྟེ། དགེ་འདུན་མངོན་སུམ་དང ། གང་ཟག་མངོན་སུམ་དང ། ཆོས་མངོན་སུམ་མོ། །དགེ་འདུན་མངོན་སུམ་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་དེ་དག་ཐམས་ཅད་འདུས་ཤིང་མངོན་སུམ་དུ་གྱུར་པ་དང ། འདུན་པ་བླང་བར་འོས་པ་རྣམས་ལས་འདུན་པ་བླངས་པ་དང ། དགེ་སློང་རྣམས་འདུས་ཤིང་མངོན་སུམ་དུ་གྱུར་ཀྱང་མི་བཏུབ་ཅིང་གཤེ་བ་གང་དག་གིས་གཤེ་བར་
Ga356b
འོས་པ་རྣམས་མི་བཏུབ་པ་མེད་ཅིང་མི་གཤེ་ལ། ལས་དག་བྱེད་པ་འདི་ནི། དགེ་འདུན་མངོན་སུམ་ཞེས་བྱའོ། །གང་ཟག་མངོན་སུམ་གང་ཞེ་ན། གང་དག་གིས་རྩོད་པ་དེ་ཞི་བར་བྱེད་པ་དང ། གང་དག་གིས་རྩོད་པ་དེ་ཞི་བར་བྱ་བ་དེ་ཐམས་ཅད་འདུས་ཤིང་མངོན་སུམ་དུ་གྱུར་པ་སྟེ། འདི་ནི། གང་ཟག་མངོན་སུམ་ཞེས་བྱའོ། །ཆོས་མངོན་སུམ་གང་ཞེ་ན། སྟོན་པའི་བསྟན་པ་གང་དང ། ཆོས་གང་དང ། འདུལ་བ་གང་གིས་རྩོད་པ་དེ་ཉེ་བར་ཞི་བར་འགྱུར་བའི་སྟོན་པའི་བསྟན་པ་དེ་དང ། ཆོས་དེ་དང ། འདུལ་བ་དེས། རྩོད་པ་དེ་ཉེ་བར་ཞི་བར་བྱེད་པ་འདི་ནི། ཆོས་མངོན་སུམ་ཞེས་བྱའོ། །གལ་ཏེ་དགེ་འདུན་གྱིས་རྩོད་པ་དེ་ཞི་བར་བྱ་མི་ནུས་ན། དེའི་འོག་ཏུ་དགེ་འདུན་གྱིས་དགེ་སློང་གསལ་བ་བཅུའམ། བཅུ་གཉིས་བསྐོ་བར་བྱའོ། །བསྐོ་བ་ནི། འདི་ལྟར་བྱ་སྟེ། གནས་མལ་བཤམས་ནས་གཎྜཱི་བརྡུངས་ལ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། རེ་ཞིག་ཐོག་མར་སྤྲོ་བར་བྱ་སྟེ། སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ། ཁྱེད་གསལ་བ་ཡིན་ན། མཚམས་ཀྱི་ཕྱི་ལོགས་སུ་དོང་ནས་དགེ་འདུན་གྱི་རྩོད་པ་ཞི་བར་བྱ་བར་སྤྲོའམ། གལ་ཏེ་སྤྲོ་བར་གྱུར་ན། དེ་རྣམས་ཀྱིས་སྤྲོའོ། །ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་
Ga357a
༄#། །སྡེ་འདི་རྣམས་གསལ་བ་ལགས་ཏེ། མཚམས་ཀྱི་སླད་རོལ་ཏུ་མཆིས་ནས་དགེ་འདུན་གྱི་རྩོད་པ་ཞི་བར་བགྱི་བར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར། དགེ་འདུན་གྱིས་སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ་གསལ་བ་རྣམས་བསྐོས་ཏེ། སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ་གསལ་བ་མཚམས་ཀྱི་སླད་རོལ་ཏུ་མཆིས་ནས་དགེ་འདུན་གྱི་རྩོད་པ་ཞི་བར་བགྱིད་པར་འགྱུར་རོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ་འདི་རྣམས་གསལ་བ་ལགས་ཏེ། མཚམས་ཀྱི་སླད་རོལ་ཏུ་མཆིས་ནས་དགེ་འདུན་གྱི་རྩོད་པ་ཞི་བར་བགྱི་བར་སྤྲོ་ནས་དེའི་སླད་དུ་དགེ་འདུན་གྱིས་སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ་རྣམས་གསལ་བ་རྣམས་བསྐོས་ཏེ། སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ་གསལ་བ་རྣམས་མཚམས་ཀྱི་སླད་རོལ་ཏུ་མཆིས་ནས་དགེ་འདུན་གྱི་རྩོད་པ་ཞི་བར་བགྱིད་ན། ཚེ་དང་ལྡན་པ་གང་དག་།སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ་གསལ་བ་རྣམས་བསྐོས་ཏེ། སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ་གསལ་བ་མཚམས་ཀྱི་སླད་རོལ་ཏུ་མཆིས་ནས་དགེ་འདུན་གྱི་རྩོད་པ་ཞི་བར་བགྱིད་པར་བཟོད་པ་དེ་དག་ནི། ཅང་མ་གསུངས་ཤིག་།གང་
Ga357b
དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་སངས་རྒྱས་སྐྱོང་དང ། ཆོས་སྦྱིན་དང ། དགེ་འདུན་སྡེ་གསལ་བ་དེ་རྣམས་མཚམས་ཀྱི་སླད་རོལ་ཏུ་མཆིས་ནས་དགེ་འདུན་གྱི་རྩོད་པ་ཞི་བར་བགྱི་བར་བསྐོས་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །གསལ་བ་རྣམས་ཀྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱའོ། །གསལ་བ་རྣམས་ཀྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱས་ན། ལེགས་པར་ཞི་བར་བྱས་པར་བརྗོད་པར་བྱ་སྟེ། མངོན་སུམ་དག་པ་ཡིན་ནོ། །དེ་ལ་མངོན་སུམ་ཇི་ལྟ་བུ་ཞེ་ན།་མངོན་སུམ་ནི། གཉིས་ཏེ། གང་ཟག་མངོན་སུམ་དང ། ཆོས་མངོན་སུམ་མོ། །གང་ཟག་མངོན་སུམ་གང་ཞེ་ན། གང་དག་གིས་རྩོད་པ་དེ་ཞི་བར་བྱེད་པ་དང ། གང་དག་གིས་རྩོད་པ་དེ་དག་ཞི་བར་བྱ་བ་དེ་ཐམས་ཅད་འདུས་ཤིང་མངོན་སུམ་དུ་གྱུར་པ་སྟེ། འདི་ནི། གང་ཟག་མངོན་སུམ་ཞེས་བྱའོ། །ཆོས་མངོན་སུམ་གང་ཞེ་ན། སྟོན་པའི་བསྟན་པ་གང་དང ། ཆོས་གང་དང ། འདུལ་བ་གང་གིས་རྩོད་པ་དེ་ཞི་བར་འགྱུར་བའི་སྟོན་པའི་བསྟན་པ་དེ་དང ། ཆོས་དེ་དང ། འདུལ་བ་དེས། རྩོད་པ་དེ་ཞི་བར་བྱེད་པ་འདི་ནི། ཆོས་མངོན་སུམ་ཞེས་བྱའོ། །གལ་ཏེ་དགེ་སློང་གསལ་བ་རྣམས་ཀྱིས་རྩོད་པ་དེ་ཞི་བར་མི་ནུས་ན། དེ་རྣམས་ཀྱིས་དགེ་སློང་གསལ་བ་བས་ཀྱང་གསལ་བ་བརྒྱད་དམ་དགུ་བསྐོ་བར་བྱ་སྟེ། གསལ་བ་བས་ཀྱང་གསལ་བ་རྣམས་ཀྱིས་སྟོན་པའི་བསྟན་པ་ཆོས་འདུལ་
Ga358a
༄#། །བས་རྩོད་པ་དེ་ཞི་བར་བྱའོ། །གསལ་བ་བས་ཀྱང་གསལ་བ་རྣམས་ཀྱིས་རྩོད་པ་དེ་ཞི་བར་བྱས་ན། ལེགས་པར་ཞི་བར་བྱས་པར་བརྗོད་པར་བྱའོ། །གལ་ཏེ་དགེ་སློང་གསལ་བ་བས་ཀྱང་གསལ་བ་རྣམས་ཀྱིས། རྩོད་པ་དེ་ཞི་བར་བྱ་མི་ནུས་ན། དེ་རྣམས་ཀྱིས་རྩོད་པ་དེ་དགེ་འདུན་ལ་གཏད་པར་བྱའོ། །དེ་ནས་དགེ་འདུན་གྱིས་དགེ་སློང་རྩོད་པ་དེ་སྦེད་པ་བསྐོ་བར་བྱའོ། ། ཆོས་ལྔ་དང་ལྡན་པའི་དགེ་སློང་རྩོད་པ་སྦེད་པ་མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི། དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། རྩོད་པ་སྦེད་པ་དང་མ་སྦེད་པ་མི་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་རྩོད་པ་སྦེད་པ་མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི། དབྱུང་བར་བྱའོ། །ཆོས་ལྔ་དང་ལྡན་པའི་དགེ་སློང་རྩོད་པ་སྦེད་པ་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །ལྔ་གང་ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། རྩོད་པ་སྦེད་པ་དང་མ་སྦེད་པ་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་རྩོད་པ་སྦེད་པ་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །གནས་མལ་བཤམས་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་
Ga358b
མཐུན་པར་གྱུར་པ་དང ། རེ་ཞིག་ཐོག་མར་སྤྲོ་བར་བྱ་སྟེ། ཚེ་དང་ལྡན་པ་དག་།ཁྱོད་དགེ་འདུན་གྱི་རྩོད་པ་སྦེད་པར་སྤྲོའམ། གལ་ཏེ་སྤྲོ་ན། དེས་སྤྲོའོ། །ཞེས་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། རྩོད་པ་སྦེད་པའི་དགེ་སློང་མིང་འདི་ཞེས་བགྱི་བ། དགེ་འདུན་གྱི་རྩོད་པ་སྦེད་པར་སྤྲོ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཇད་ཅིག་དང ། འདི་ལྟར། དགེ་འདུན་གྱིས་དགེ་སློང་མིང་འདི་ཞེས་བགྱི་བ་རྩོད་པ་སྦེད་པར་བསྐོས་ཏེ། རྩོད་པ་སྦེད་པའི་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་རྩོད་པ་སྦེད་པར་འགྱུར་རོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། རྩོད་པ་སྦེད་པའི་དགེ་སློང་མིང་འདི་ཞེས་བགྱི་བ་འདི། དགེ་འདུན་གྱི་རྩོད་པ་སྦེད་པར་སྤྲོ་ནས་དེའི་སླད་དུ་དགེ་འདུན་གྱིས་དགེ་སློང་མིང་འདི་ཞེས་བགྱི་བ་རྩོད་པ་སྦེད་པར་བསྐོས་ཏེ། རྩོད་པ་སྦེད་པའི་དགེ་སློང་མིང་འདི་ཞེས་བགྱི་བ། དགེ་འདུན་གྱི་རྩོད་པ་སྦེད་པར་བགྱིད་ན། ཚེ་དང་ལྡན་པ་གང་དག་།དགེ་སློང་མིང་འདི་ཞེས་བགྱི་བ་རྩོད་པ་དེ་སྦེད་པར་བསྐོས་ཏེ། རྩོད་པ་སྦེད་པའི་དགེ་སློང་མིང་འདི་ཞེས་བགྱི་བ། དགེ་འདུན་གྱི་རྩོད་པ་སྦེད་པར་བགྱིད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་རྩོད་པ་སྦེད་པ་མིང་འདི་ཞེས་བགྱི་བ།
Ga359a
༄#། །དགེ་འདུན་གྱིས་རྩོད་པ་སྦེད་པར་བསྐོས་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་རྩོད་པ་སྦེད་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། རྩོད་པ་སྦེད་པའི་དགེ་སློང་གིས། རྩོད་པ་དེ་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་ལ་གཏད་པར་བྱ་ཞིང ། རྒན་རབས་ཇི་ལྟ་བ་བཞིན་དུ་བརྗོད་པར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། རྩོད་པ་འདི་ནི། གནས་ག་གེ་མོ་ཞིག་ཏུ་གཞི་འདི་ལས་བྱུང་ནས་དུས་འདི་སྲིད་ཅིག་ལོན་ཏེ། རྩོད་པ་དེ་སྐམ་ལ་གནས་པའི་དགེ་སློང་རྣམས་ཀྱིས་ཞི་བར་བགྱི་བ་རྡོ་མ་ཐོགས་ནས་དེ་རྣམས་ཀྱིས་དགེ་འདུན་ལ་གཏད་པ་ལས། དགེ་འདུན་གྱིས་ཀྱང་མ་སྤྱོད་ནས་དེ་གསལ་བའི་དགེ་སློང་རྣམས་བསྐོས་པ་ལས། དགེ་སློང་གསལ་བ་རྣམས་ཀྱིས་རྔོ་མ་ཐོགས་ནས་དེ་རྣམས་ཀྱིས་དགེ་སློང་གསལ་བ་བས་ཀྱང་གསལ་བ་རྣམས་བསྐོས་པ་ལས། དགེ་སློང་གསལ་བ་བས་ཀྱང་གསལ་བ་དེ་རྣམས་ཀྱིས་ཀྱང་རྔོ་མ་ཐོགས་ནས་དེ་རྣམས་ཀྱིས་དགེ་འདུན་ལ་གཏད་པ་དང ། དགེ་འདུན་གྱིས་ཀྱང་བདག་དགེ་སློང་མིང་འདི་ཞེས་བགྱི་བ། རྩོད་པ་སྦེད་པར་བསྐོས་ནས་བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བས་རྩོད་པ་འདི་གནས་བརྟན་དང་བཅས། སོ་སོར་ཐར་པ་དང ། བཅས་པའི་དགེ་འདུན་ལ་དབུལ་གྱི། དགེ་འདུན་བཙུན་པ་རྣམས་ཀྱིས་འདི་ནས་བཟུང་སྟེ་རྩོད་པ་འདི་ཟླ་བ་དྲུག་གི་མཐའི་བར་གྱིས་ཞི་བར་མཛད་དུ་གསོལ། གནས་བརྟན་དང་བཅས།
Ga359b
སོ་སོར་ཐར་པ་དང་བཅས་པའི་དགེ་འདུན་གྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱའོ། །གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་དེས། སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱས་ན། ལེགས་པར་ཞི་བར་བྱས་པར་བརྗོད་པར་བྱ་སྟེ། མངོན་སུམ་དག་པ་ཡིན་ནོ། །དེ་ལ་མངོན་སུམ་ཇི་ལྟ་བུ་ཞེ་ན། མངོན་སུམ་ནི། གསུམ་སྟེ། དགེ་འདུན་མངོན་སུམ་དང ། གང་ཟག་མངོན་སུམ་དང ། ཆོས་མངོན་སུམ་མོ། །དགེ་འདུན་མངོན་སུམ་གང་ཞེ་ན། མཚམས་ན་གནས་པའི་དགེ་སློང་བྱ་བར་འོས་པ་ཇི་སྙེད་པ་དེ་དག་ཐམས་ཅད་འདུས་ཤིང་མངོན་སུམ་དུ་གྱུར་པ་དང ། འདུན་པ་བླང་བར་འོས་པ་རྣམས་ལ་འདུན་པ་བླངས་པ་དང ། དགེ་སློང་རྣམས་འདུས་ཤིང་མངོན་སུམ་དུ་གྱུར་ཀྱང་མི་བཏུབ་ཅིང་གཤེ་བ་གང་དག་གིས་གཤེ་བ་འོས་པ་རྣམས་མི་བཏུབ་པ་མེད་ཅིང་མི་གཤེ་ལ། ལས་དག་བྱེད་པ་འདི་ནི། དགེ་འདུན་མངོན་སུམ་ཞེས་བྱའོ། །གང་ཟག་མངོན་སུམ་གང་ཞེ་ན། གང་དག་གིས་རྩོད་པ་དེ་ཞི་བར་བྱེད་པ་དང ། གང་དག་གིས་རྩོད་པ་དེ་ཞི་བར་བྱ་བ་དེ་ཐམས་ཅད་འདུས་ཤིང་མངོན་སུམ་དུ་གྱུར་པ་འདི་ནི། གང་ཟག་མངོན་སུམ་ཞེས་བྱའོ། །ཆོས་མངོན་སུམ་གང་ཞེ་ན། སྟོན་པའི་བསྟན་པ་གང་དང ། ཆོས་གང་དང ། འདུལ་བ་གང་གིས་རྩོད་པ་དེ་ཞི་བར་འགྱུར་བའི་སྟོན་པའི་བསྟན་པ་དང ། ཆོས་དེ་དང ། འདུལ་བ་དེས་རྩོད་པ་དེ་ཞི་བར་བྱེད་པ་འདི་ནི། ཆོས་མངོན་སུམ་ཞེས་བྱའོ། །གལ་ཏེ་གནས་བརྟན་དང་བཅས། སོ་སོར་
Ga360a
༄#། །ཐར་པ་དང་ཅས་པའི་དགེ་འདུན་གྱིས་རྩོད་པ་དེ་ཞི་བར་བྱེད་མི་ནུས་ན། དེས་རྩོད་པ་དེ་རྩོད་པ་སྦེད་པའི་དགེ་སློང་ཉིད་ལ་གཏད་པར་བྱའོ། །རྩོད་པ་སྦེད་པའི་དགེ་སློང་གིས་མདོ་སྡེ་དང ། འདུལ་བ་དང ། མ་མོ་འཛིན་པའི་དགེ་སློང་རྣམས་ལ་གཏད་པར་བྱ་ཞིང ། རྒན་རིམ་ཇི་ལྟ་བ་བཞིན་བརྗོད་པར་བྱ་སྟེ། ཤེས་ལྡན་མདོ་སྡེ་དང ། འདུལ་བ་དང ། མ་མོ་འཛིན་པའི་དགེ་སློང་རྣམས་གསན་དུ་གསོལ། རྩོད་པ་འདི་ནི། གནས་ག་གེ་མོ་ཞིག་ཏུ་གཞི་འདི་ལས་བྱུང་ནས་དུས་འདི་སྲིད་ཅིག་ལོན་ཏེ། རྩོད་པ་དེ་སྐམ་ལ་གནས་པའི་དགེ་སློང་རྣམས་ཀྱིས་ཞི་བར་བྱེད་མ་ནུས་ནས་དེ་རྣམས་ཀྱིས་དགེ་འདུན་ལ་གཏད་པ་ལས། དགེ་འདུན་གྱིས་ཀྱང་མ་སྤྱོད་ནས། དེས་ཀྱང་དགེ་སློང་གསལ་བ་རྣམས་བསྐོས་པ་ལས། དགེ་སློང་གསལ་བ་རྣམས་ཀྱིས་ཀྱང་མ་ནུས་ནས། དེ་རྣམས་ཀྱིས་ཀྱང་དགེ་སློང་གསལ་བ་བས་ཀྱང་གསལ་བ་རྣམས་བསྐོས་པ་ལས། དགེ་སློང་གསལ་བ་བས་ཀྱང་གསལ་བ་རྣམས་ཀྱིས་ཀྱང་མ་ནུས་ནས། དེ་རྣམས་ཀྱིས་ཀྱང་དགེ་འདུན་ལ་གཏད་པ་དང ། དགེ་འདུན་གྱིས་བདག་དགེ་སློང་མིང་འདི་ཞེས་བགྱི་བ། རྩོད་པ་སྦེད་པར་བསྐོས་ཏེ། བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བས། རྩོད་པ་འདི་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་ལ་གཏད་པ་ལས། གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་གྱིས་མ་སྤྱོད་ནས་བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བ་ལ་
Ga360b
གཏད་དེ། བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བས། རྩོད་པ་འདི། མདོ་སྡེ་དང ། འདུལ་བ་དང ། མ་མོ་འཛིན་པའི་དགེ་སློང་རྣམས་ལ་གཏད་ཀྱི། ཤེས་ལྡན་མདོ་སྡེ་དང ། འདུལ་བ་དང ། མ་མོ་འཛིན་པའི་དགེ་སློང་རྣམས་ཀྱིས་འདི་ནས་བཟུང་སྟེ་རྩོད་པའི་ལོ་གཅིག་གི་མཐའི་བར་གྱིས་ཞི་བར་མཛོད་ཅིག་།མདོ་སྡེ་དང ། འདུལ་བ་དང ། མ་མོ་འཛིན་པའི་དགེ་སློང་རྣམས་ཀྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱའོ། །མདོ་སྡེ་དང ། འདུལ་བ་དང ། མ་མོ་འཛིན་པའི་དགེ་སློང་རྣམས་ཀྱིས་རྩོད་པ་དེ་ཞི་བར་བྱས་ན། ལེགས་པར་ཞི་བར་བྱས་པར་བརྗོད་པར་བྱ་སྟེ། མངོན་སུམ་དག་པ་ཡིན་ནོ། །དེ་ལ་མངོན་སུམ་ཇི་ལྟ་བུ་ཞེ་ན། མངོན་སུམ་གཉིས་ཏེ། གང་ཟག་མངོན་སུམ་དང ། ཆོས་མངོན་སུམ་མོ། །གང་ཟག་མངོན་སུམ་གང་ཞེ་ན། གང་དག་གིས་རྩོད་པ་དེ་ཞི་བར་བྱེད་པ་དང ། གང་དག་གིས་རྩོད་པ་དེ་ཞི་བར་བྱ་བ་དེ་ཐམས་ཅད་འདུས་ཤིང་མངོན་སུམ་དུ་གྱུར་པ་འདི་ནི། གང་ཟག་མངོན་སུམ་ཞེས་བྱའོ། །ཆོས་མངོན་སུམ་གང་ཞེ་ན། སྟོན་པའི་བསྟན་པ་གང་དང ། ཆོས་གང་དང ། འདུལ་བ་གང་གིས་རྩེད་པ་དེ་ཞི་བར་འགྱུར་བའི་སྟོན་པའི་བསྟན་པ་དེ་དང ། ཆོས་དེ་དང ། འདུལ་བ་དེས་རྩོད་པ་དེ་ཞི་བར་བྱེད་པ་དེ་ནི། ཆོས་མངོན་སུམ་ཞེས་བྱའོ། །གལ་ཏེ་མདོ་སྡེ་དང ། འདུལ་བ་དང ། མ་མོ་འཛིན་པའི་དགེ་སློང་རྣམས་ཀྱིས། རྩོད་པ་དེ་ཞི་བར་བྱེད་མི་ནུས་ན། དེ་རྣམས་ཀྱིས་རྩོད་པ་སྦེད་པའི་དགེ་སློང་ཉིད་ལ་གཏད་པར་བྱའོ། །རྩོད་པ་སྦེད་པའི་དགེ་སློང་གིས།
Ga361a
༄#། །གནས་གང་ན་དགེ་སློང་གནས་བརྟན་གནས་བརྟན་གང་ཡང་རུང་བའམ། ཤེས་ཉེན་ཅན་ཤེས་ཉེན་ཅན་གང་ཡང་རུང་བའམ། གཙོ་བོ་གཙོ་བོ་གང་ཡང་རུང་བ་ཡོད་པ་དེ་ལ་གཏད་པར་བྱ་ཞིང ། རྒན་རིམ་ཇི་ལྟ་བ་བཞིན་ལ་བརྗོད་པར་བྱ་སྟེ། གནས་བརྟན་དག་གསོན་ཅིག་།རྩོད་པ་འདི་ནི། གནས་ག་གེ་མོ་ཞིག་ཏུ་གཞི་འདི་ལས་བྱུང་ནས་དུས་འདི་སྲིད་ཅིག་ལོན་ཏེ། རྩོད་པ་དེ་སྐམ་ལ་གནས་པའི་དགེ་སློང་རྣམས་ཀྱིས་ཞི་བར་བྱེད་མ་ནུས་ནས། དེ་རྣམས་ཀྱིས་དགེ་འདུན་ལ་གཏང་བ་དང ། དགེ་འདུན་གྱིས་ཀྱང་མ་སྤྱོད་ནས། དེས་ཀྱང་དགེ་སློང་གསལ་བ་རྣམས་བསྐོས་པ་ལས། དགེ་སློང་གསལ་བ་རྣམས་ཀྱིས་ཀྱང་མ་ནུས་ནས། དེ་རྣམས་ཀྱིས་ཀྱང་དགེ་སློང་གསལ་བ་བས་ཀྱང་གསལ་བ་བསྐོས་པ་ལས། དགེ་སློང་གསལ་བ་བས་ཀྱང་གསལ་བ་རྣམས་ཀྱིས་ཀྱང་མ་ནུས་ནས། དེ་རྣམས་ཀྱིས་དགེ་འདུན་ལ་གཏང་པ་ལས། དགེ་འདུན་གྱིས་བདག་དགེ་སློང་མིང་འདི་ཞེས་བགྱི་བ་རྩོད་པ་སྦེད་པར་བསྐོས་ནས། བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བས། རྩོད་པ་འདི་གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་ལ་གཏད་པ་ལས། གནས་བརྟན་དང་བཅས། སོ་སོར་ཐར་པ་དང་བཅས་པའི་དགེ་འདུན་གྱིས་ཞི་བར་མ་སྤྱོད་ནས། དེས་ཀྱང་བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བ་ལ་གཏད་ནས། བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བས། རྩོད་པ་འདི་མདོ་སྡེ་དང །
Ga361b
འདུལ་བ་དང ། མ་མོ་འཛིན་པའི་དགེ་སློང་རྣམས་ལ་གཏད་པ་དང ། མདོ་སྡེ་དང ། འདུལ་བ་དང ། མ་མོ་འཛིན་པ་རྣམས་ཀྱིས་ཀྱང་མ་ནུས་ནས། དེ་རྣམས་ཀྱིས་ཀྱང་བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བ་ལ་གཏད་ནས། བདག་དགེ་སློང་རྩོད་པ་སྦེད་པ་མིང་འདི་ཞེས་བགྱི་བས། རྩོད་པ་འདི་གནས་བརྟན་ལ་འབུལ་ན། གནས་བརྟན་གྱིས་འདི་ནས་བཟུང་སྟེ་རྩོད་པ་འདི་ཇི་ཙམ་གྱིས་མཐར་ཕྱིན་གྱི་བར་དུ་ཞི་བར་མཛད་དུ་གསོལ་ཞེས་བརྗོད་པར་བྱའོ། །ངས་དགེ་སློང་གནས་བརྟན་གྱི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་གནས་བརྟན་གྱིས་རྒོལ་བ་དང་ཕྱིར་རྒོལ་བའི་དགེ་སློང་རྣམས་སོ་ཤིང་སྟོབ་ན། བདག་གིར་མི་བྱ་སྟེ། བའི་ལྕི་བ་སྟོབ་ན། མ་ཡིན། འདག་ཆལ་སྟོབ་ན། མ་ཡིན་ཞིང ། གདོན་པ་དང་འདྲི་བ་ཡང་བྱེད་དུ་མི་གཞུག་སྟེ། གཞན་དུ་ན། མདུན་ནམ་རྒྱབ་ཏུ་འདུག་ནས་ཚིག་འདི་སྐད་ཅེས། ཚེ་དང་ལྡན་པ་དག་མ་འཐབ་ཅིག་།མཚང་མ་འདྲུ་ཞིག་།འཐབ་མོ་མ་བྱེད་ཅིག་།མ་འགྱེད་ཅིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་།རྩོད་པ་ལ་གཉིས་ཀ་རྒྱལ་བ་མེད་ཀྱི། འོན་ཀྱང་གཅིག་རྒྱལ། གཅིག་ཕམ་པར་འགྱུར་རོ། །འགྱེད་པ་ལ་གཉིས་ཀ་རྒྱལ་བ་མེད་ཀྱི། འོན་ཀྱང་གཅིག་རྒྱལ། གཅིག་ཕམ་པར་འགྱུར་རོ། །ཞེས་བྱ་ཞིང ། དགེ་སློང་གནས་བརྟན་གྱིས་སྟོན་པའི་བསྟན་པ་ཆོས་འདུལ་བས་རྩོད་པ་དེ་ཞི་བར་བྱའོ། །དགེ་སློང་གནས་བརྟན་གྱིས་རྩོད་པ་དེ་ཞི་བར་བྱས་ན། ལེགས་པར་ཞི་བར་བྱས་པར་བརྗོད་
Ga362a
༄#། །པར་བྱའོ། །དགེ་སློང་དག་།དེ་ལྟར་ན། མངོན་སུམ་དུ་འདུལ་བར་འོས་པའི་རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན། ཁ་ཅིག་གི་རྩོད་པ་རྣམས་འདི་ལྟ་སྟེ། མངོན་སུམ་དུ་འདུལ་བར་འོས་པའི་རྩོད་པ་ཞི་བར་བྱེད་པས་འདུལ་བ་དང ། ཞི་བ་དང ། ཉེ་བར་ཞི་བ་ཡིན་ནོ། །དགེ་སློང་དག་།གང་ཚུལ་ཤིང་མང་པོ་བླང་བའི་རྩོད་པ་ཞི་བར་བྱེད་པ་ཡིན། ཇི་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། གང་ཚུལ་ཤིང་མང་པོ་བླང་བའི་རྩོད་པ་ཞི་བར་བྱེད་པས་འདུལ་བ་དང ། ཞི་བ་དང ། ཉེ་བར་ཞི་བ་ཡིན་ཞེ་ན། སྐམ་ལ་གནས་པ་ནས་བཟུང་སྟེ། གནས་བརྟན་གྱི་བར་གོང་མ་བཞིན་དུ་སྟེ། གལ་ཏེ་དགེ་སློང་གནས་བརྟན་གྱིས་རྩོད་པ་དེ་ཞི་བར་བྱེད་མི་ནུས་ན། རྩོད་པ་དེ་རྩོད་པ་སྦེད་པའི་དགེ་སློང་དེ་ཉིད་ལ་གཏད་པར་བྱའོ། །དེས་ཀྱང་རྩོད་པ་དེ་དགེ་འདུན་ལ་གཏད་པར་བྱའོ། །དགེ་འདུན་གྱིས་རྩོད་པ་དེ་གང་ཚུལ་ཤིང་མང་པོ་བླང་བའི་རྩོད་པ་ཞི་བས་ཞི་བར་བྱའོ། །རྒྱུད་ལྔ་གང་ཚུལ་ཤིང་མང་པོ་ལེན་པའི་རྩོད་པ་ཞི་བ་ནི། རྩུབ་པ་དང ། གདུག་པ་དང ། དམ་པོ་དང ། དབྱེ་བའི་བསམ་པ་དང ། སྦྱོར་བ་གཞན་དུ་མི་འགྱུར་པ་ཅན་ཡིན་ནོ། །རྩུབ་པ་ཇི་ལྟ་བུ་ཞེ་ན། རྒོལ་བ་དང་ཕྱིར་རྒོལ་བའི་དགེ་སློང་རྣམས་ཀྱིས་རྩུབ་པོ་རབ་ཏུ་བཟུང་བ་ཡིན་ཏེ།་དེ་ལྟར་ན། རྩུབ་པོ་ཅན་ཡིན་ནོ། །གདུག་པ་ཇི་ལྟ་བུ་ཞེ་ན། རྒོལ་བ་དང་ཕྱིར་རྒོལ་བའི་དགེ་སློང་རྣམས་གདུག་པ་དང་རྣམ་པར་གནོན་པ་ཡིན་ཏེ། དེ་ལྟར་ན། གདུག་པ་ཅན་ཡིན་ནོ། །
Ga362b
དམ་པོ་ཇི་ལྟ་བུ་ཞེ་ན། རྒོལ་བ་དང་ཕྱིར་རྒོལ་བའི་དགེ་སློང་རྣམས་ཀྱིས་དམ་པོ་རབ་ཏུ་བཟུང་བ་ཡིན་ཏེ། དེ་ལྟར་ན། དམ་པོ་ཅན་ཡིན་ནོ། །དབྱེ་བའི་བསམ་པ་ཇི་ལྟ་བུ་ཞེ་ན། དབྱེ་བར་བྱེད་པའི་གཞི་བཅུ་བཞི་ལས་འབྱེད་པར་བྱེད་པའི་གཞི་གང་ཡང་རུང་བ་ཞིག་ལེགས་པར་ཤིན་ཏུ་རབ་ཏུ་བཟུང་བ་ཡིན་ཏེ། དེ་ལྟར་ན། དབྱེ་བའི་བསམ་པ་ཅན་ཡིན་ནོ། །སྦྱོར་བ་གཞན་དུ་མི་འགྱུར་བ་ཅན་ཇི་ལྟ་བུ་ཞེ་ན། སྐམ་ལ་གནས་པ་ནས་བཟུང་ནས་གནས་བརྟན་གྱི་བར་གྱིས་ཏེ། དེ་ལྟར་ན། སྦྱོར་བ་གཞན་དུ་མི་འགྱུར་བ་ཅན་ཡིན་ཏེ། ཆོས་འདི་ལྔ་དང་ལྡན་པས་ན། གང་ཚུལ་ཤིང་མང་པོ་བླང་བའི་ཞི་བ་ནི། རྩུབ་པ་དང ། གདུག་པ་དང ། དམ་པོ་དང ། དབྱེ་བའི་བསམ་པ་དང ། སྦྱོར་བ་གཞན་དུ་མི་འགྱུར་བ་ཅན་ཡིན་ནོ། །དེས་ན་ཚུལ་ཤིང་འབྲིམ་པའི་དགེ་སློང་བསྐོ་བར་བྱ་སྟེ། ཆོས་ལྔ་དང་ལྡན་པའི་དགེ་སློང་ཚུལ་ཤིང་འབྲིམ་པར་མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི། དབྱུང་བར་བྱའོ། །ལྔ་གང་ཞེ་ན། འདུན་པས་འགྲོ་བ་དང ། ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བ་དང ། ཚུལ་ཤིང་བྲིམས་པ་དང་མ་བྲིམས་པ་མི་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་ཚུལ་ཤིང་འབྲིམ་མ་བསྐོས་པ་ནི། བསྐོ་བར་མི་བྱའོ། །བསྐོས་པ་ནི། དབྱུང་བར་བྱའོ། །ཆོས་ལྔ་དང་ལྡན་པའི་དགེ་སློང་ཚུལ་ཤིང་འབྲིམ་པར་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །ལྔ་གང་
Ga363a
༄#། །ཞེ་ན། འདུན་པས་མི་འགྲོ་བ་དང ། ཞེ་སྡང་གིས་མི་འགྲོ་བ་དང ། གཏི་མུག་གིས་མི་འགྲོ་བ་དང ། འཇིགས་པས་མི་འགྲོ་བ་དང ། ཚུལ་ཤིང་བྲིམས་པ་དང ། མ་བྲིམས་པ་ཤེས་པ་སྟེ། ཆོས་འདི་ལྔ་དང་ལྡན་པའི་དགེ་སློང་ཚུལ་ཤིང་འབྲིམ་པར་མ་བསྐོས་པ་ནི། བསྐོ་བར་བྱའོ། །བསྐོས་པ་ནི། དབྱུང་བར་མི་བྱའོ། །ཚུལ་ཤིང་བྲིམས་པ་ནི། བཞི་སྟེ། བཞི་གང་ཞེ་ན། སྦ་བ་དང ། མངོན་པ་དང ། རྣ་དྲུང་དུ་བཤུབ་པ་དང་བཅས་པ་དང ། དགེ་འདུན་ཐམས་ཅད་པའོ། །སྦ་བའི་ཚུལ་ཤིང་བྲིམས་པ་གང་ཞེ་ན། འདི་ལྟ་སྟེ། ཚུལ་ཤིང་འབྲིམ་པའི་དགེ་སློང་འདི་སྙམ་དུ་སེམས་ཏེ། གནས་འདི་ན་དགེ་སློང་གནས་བརྟན་གནས་བརྟན་རབ་ཏུ་མང་པོ་དག་ནི། ཆོས་མ་ཡིན་པ་སྨྲ་ལ། དགེ་སློང་གསར་བུ་ཉུང་ཟད་ཅིག་ནི། ཆོས་སྨྲ་བས། གལ་ཏེ་བདག་གིས་ཚུལ་ཤིང་མངོན་པར་བྲིམས་ནས་དགེ་སློང་གསར་བུ་དགེ་སློང་གནས་བརྟན་རྣམས་ཀྱི་རྗེས་སུ་བྱེད་པ་རྣམས་ཆོས་མ་ཡིན་པར་ཚུལ་ཤིང་རབ་ཏུ་མང་པོ་ལེན་པར་འགྱུར་བའི་གནས་གང་ཡིན་པ་དེ་ཡོད་ཀྱི། མ་ལ་བདག་གིས་ཚུལ་ཤིང་སྦས་ཏེ་བྲིམ་མོ་སྙམ་ནས། དེ་ཚུལ་ཤིང་སྦས་ནས་འབྲིམ་པ་སྟེ། འདི་ནི། སྦ་བའི་ཚུལ་ཤིང་འབྲིམ་པ་ཞེས་བྱའོ། །མངོན་པའི་ཚུལ་ཤིང་འབྲིམ་པ་གང་ཞེ་ན། འདི་ལྟ་སྟེ། ཚུལ་ཤིང་འབྲིམ་པའི་དགེ་སློང་འདི་སྙམ་དུ་སེམས་ཏེ། གནས་འདི་ན་དགེ་སློང་གནས་བརྟན་རབ་ཏུ་མང་པོ་དག་ནི། ཆོས་སྨྲ་ལ། དགེ་སློང་གསར་བུ་ཉུང་
Ga363b
ཟད་ཅིག་ནི། ཆོས་མ་ཡིན་པ་སྨྲ་བས། གལ་ཏེ་བདག་གིས་ཚུལ་ཤིང་སྦས་ཏེ་བྲིམས་ན། དགེ་སློང་གསར་བུ་རྣམས་ཆོས་མ་ཡིན་པའི་ཚུལ་ཤིང་ལེན་པར་འགྱུར་བ་གང་ཡིན་པའི་གནས་དེ་ཡོད་ཀྱི། མ་ལ་བདག་གིས་ཚུལ་ཤིང་མངོན་པར་བྲིམ་མོ། །བདག་གིས་ཚུལ་ཤིང་གསལ་བར་བྲིམས་ན། དགེ་སློང་གསར་བུ་དགེ་སློང་གནས་བརྟན་རྣམས་ཀྱི་རྗེས་སུ་བྱེད་པ་རྣམས་ཆོས་ཀྱི་ཚུལ་ཤིང་རབ་ཏུ་མང་པོ་ལེན་པར་འགྱུར་བ་གང་ཡིན་པའི་གནས་དེ་ཡོད་དོ་སྙམ་ནས། དེ་ཚུལ་ཤིང་མངོན་པར་འབྲིམ་པ་སྟེ། འདི་ནི། མངོན་པའི་ཚུལ་ཤིང་འབྲིམ་པ་ཞེས་བྱའོ། །རྣ་དྲུང་དུ་བཤུབ་པ་དང་བཅས་པའི་ཚུལ་ཤིང་འབྲིམ་པ་གང་ཞེ་ན། འདི་ལྟ་སྟེ། ཚུལ་ཤིང་འབྲིམ་པའི་དགེ་སློང་གིས་རྣ་དྲུང་དུ་གཏུགས་ཏེ་བཤུབས་ལ། ཚེ་དང་ལྡན་པ། ཁྱོད་ཀྱི་མཁན་པོས་ཆོས་ཀྱི་ཚུལ་ཤིང་བླངས་ཀྱི། ཁྱོད་ཀྱིས་ཀྱང་ཆོས་ཀྱི་ཚུལ་ཤིང་ལོངས་ཤིག་།ཁྱོད་ཀྱི་སློབ་དཔོན་དང་མཁན་པོ་གཅིག་པ་དང ། སློབ་དཔོན་གཅིག་པ་དང ། གཏམ་འདྲེས་པ་དང ། ཕེབས་པར་སྨྲ་བ་དང ། སྨོས་འདྲིན་དང ། འགྲོགས་བཤེས་ཀྱིས་ཆོས་ཀྱི་ཚུལ་ཤིང་བླངས་ཀྱི། ཁྱོད་ཀྱིས་ཀྱང་ཆོས་ཀྱི་ཚུལ་ཤིང་ལོངས་ཤིག་ཅེས་སྨྲ་བ་སྟེ། འདི་ནི། རྣ་དྲུང་དུ་བཤུབ་པ་དང་བཅས་པའི་ཚུལ་ཤིང་འབྲིམ་པ་ཞེས་བྱའོ། །དགེ་འདུན་ཐམས་ཅད་པའི་ཚུལ་ཤིང་འབྲིམ་པ་གང་ཞེ་ན། འདི་ལྟ་སྟེ། ཚུལ་ཤིང་འབྲིམ་པའི་དགེ་སློང་འདི་སྙམ་དུ་སེམས་ཏེ། གནས་འདི་ན་དགེ་སློང་ནད་པ་རབ་ཏུ་མང་བས། གལ་ཏེ་བདག་གིས་དགེ་འདུན་མ་འཚོགས་
Ga364a
༄#། །ཤིང་མ་འདུས་པར་ཚུལ་ཤིང་བྲིམས་ན། དགེ་སློང་རབ་ཏུ་མང་པོས་ཆོས་མ་ཡིན་པའི་ཚུལ་ཤིང་ལེན་པར་འགྱུར་བ་གང་ཡིན་པའི་གནས་དེ་ཡོད་ཀྱི། མ་ལ་བདག་གིས་དགེ་འདུན་ཐམས་ཅད་ཚོགས་ཤིང་འདུས་པ་དང ། ཚུལ་ཤིང་བྲིམ་པར་བྱའོ། །སྙམ་ནས། དེ་དགེ་འདུན་ཐམས་ཅད་ཚོགས་ཤིང་འདུས་པ་དང་ཚུལ་ཤིང་འབྲིམ་པ་སྟེ། འདི་ནི། དགེ་འདུན་ཐམས་ཅད་པའི་ཚུལ་ཤིང་འབྲིམ་པ་ཞེས་བྱའོ། །ཆོས་མ་ཡིན་པའི་ཚུལ་ཤིང་ལེན་པ་བཅུ་དང ། ཆོས་ཀྱི་བཅུའོ། །ཆོས་མ་ཡིན་པའི་ཚུལ་ཤིང་ལེན་པ་བཅུ་གང་ཞེ་ན། ཆོས་མ་ཡིན་པས་ཚུལ་ཤིང་ལེན་པ་དང ། མི་མཐུན་པས་ཚུལ་ཤིང་ལེན་པ་དང ། ཆུང་བ་བས་ཀྱང་ཆུང་བས་ཚུལ་ཤིང་ལེན་པ་དང ། འབྱེ་བའི་བསམ་པས་ཚུལ་ཤིང་ལེན་པ་དང ། སྦྱོར་བ་གཞན་དུ་མ་གྱུར་པས་ཚུལ་ཤིང་ལེན་པ་དང ། རྟེན་ཁ་ལོ་སྒྱུར་བ་དང་མི་བསྟུན་པས་ཚུལ་ཤིང་ལེན་པ་དང ། ཚུལ་ཤིང་བླངས་པས་དགེ་འདུན་བྱེ་ཡང་ཅི་མ་རུང་སྙམ་པས་ཚུལ་ཤིང་ལེན་པ་དང ། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་གྱུར་ཀྱང་ཅི་མ་རུང་སྙམ་ནས་ཚུལ་ཤིང་ལེན་པ་དང ། ཚུལ་ཤིང་བླངས་པས་དགེ་འདུན་འབྱེ་བར་འགྱུར་བར་ཤེས་བཞིན་དུ་ཚུལ་ཤིང་ལེན་པ་དང ། ཚུལ་ཤིང་བླངས་པས་དགེ་སློང་རབ་ཏུ་མང་པོ་དག་ཆོས་མ་ཡིན་པ་སྨྲ་བར་འགྱུར་བར་ཤེས་བཞིན་དུ་ཚུལ་ཤིང་ལེན་པའོ།། །།འདུལ་བ་གཞི། བམ་པོ་དོན་
Ga364b
དགུ་པ། ཆོས་མ་ཡིན་པས་ཚུལ་ཤིང་ལེན་པ་ཇི་ལྟ་བུ་ཞེ་ན། འདུལ་བ་དང་མཐུན་པ་མ་ཡིན་པས་ཚུལ་ཤིང་ལེན་པ་སྟེ། དེ་ལྟ་བུ་ནི། ཆོས་མ་ཡིན་པས་ཚུལ་ཤིང་ལེན་པ་ཡིན་ནོ། །མི་མཐུན་པས་ཚུལ་ཤིང་ལེན་པ་ཇི་ལྟ་བུ་ཞེ་ན། དགེ་འདུན་མི་མཐུན་པས་ཚུལ་ཤིང་ལེན་པ་སྟེ། དེ་ལྟ་བུ་ནི། མི་མཐུན་པས་ཚུལ་ཤིང་ལེན་པ་ཡིན་ནོ། །ཆུང་བ་བས་ཀྱང་ཆུང་བས་ཚུལ་ཤིང་ལེན་པ་ཇི་ལྟ་བུ་ཞེ་ན། བསྡོམ་པར་བྱ་བ་དང ། བཤགས་པར་བྱ་བ་ཡིན་ནོ། །སྙམ་ནས་ཚུལ་ཤིང་ལེན་པ་སྟེ། དེ་ལྟ་བུ་ནི། ཆུང་བ་བས་ཀྱང་ཆུང་བས་ཚུལ་ཤིང་ལེན་པ་ཡིན་ནོ། །འབྱེ་བའི་བསམ་པས་ཚུལ་ཤིང་ལེན་པ་ཇི་ལྟ་བུ་ཞེ་ན། དབྱེ་བར་བྱེད་པའི་གཞི་བཅུ་བཞི་ལས། དབྱེ་བར་བྱེད་པའི་གཞི་གང་ཡང་རུང་བ་ཞིག་ལེགས་པར་ཤིན་ཏུ་རབ་ཏུ་བཟུང་བ་དེ་ལྟ་བུ་ནི། དགེ་འདུན་དབྱེ་བའི་བསམ་པས། ཚུལ་ཤིང་ལེན་པ་ཡིན་ནོ། །སྦྱོར་བ་གཞན་དུ་མ་གྱུར་པས་ཚུལ་ཤིང་ལེན་པ་ཇི་ལྟ་བུ་ཞེ་ན། སྐམ་ལ་གནས་པ་མ་ཡིན་པ་ནས་བཟུང་ནས་གནས་བརྟན་གྱིས་མ་ཡིན་པ་ཞེས་བྱ་བའི་བར་དུ་སྟེ། དེ་ལྟ་བུའི་སྦྱོར་བ་གཞན་དུ་མ་གྱུར་པས་ཚུལ་ཤིང་ལེན་པ་ཡིན་ནོ། །རྟེན་ཁ་ལོ་སྒྱུར་བ་དང་མི་བསྟུན་པས་ཚུལ་ཤིང་ལེན་པ་ཇི་ལྟ་བུ་ཞེ་ན། དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པར་གྱུར་པ་གང་དག་ནི། ཆོས་འདུལ་བ་འདི་ལ་རྟེན་དང ། ཁ་ལོ་སྒྱུར་བ་ཞེས་བྱ་སྟེ། དེ་རྣམས་ལ་མ་བརྟགས་པར་ཚུལ་ཤིང་ལེན་པ་སྟེ། དེ་ལྟ་བུ་ནི། རྟེན་ཁ་ལོ་སྒྱུར་བ་དང་མི་
Ga365a
༄#། །བསྟུན་པས་ཚུལ་ཤིང་ལེན་པ་ཡིན་ནོ། །ཚུལ་ཤིང་བླངས་པས་དགེ་འདུན་བྱེ་བར་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་ཇི་ལྟ་བུ་ཡིན་ཞེ་ན། ཚུལ་ཤིང་བླངས་པས་དགེ་འདུན་བྱེ་བར་གྱུར་ཀྱང་ཅི་མ་རུང་ཞེས་དེ་སྙམ་དུ་བསམ་ནས་ཚུལ་ཤིང་ལེན་པ་སྟེ། དེ་ལྟ་བུ་ནི། ཚུལ་ཤིང་བླངས་པས། དགེ་འདུན་བྱེ་བར་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་ཡིན་ནོ། །ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པར་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་ཇི་ལྟ་བུ་ཞེ་ན། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་བླངས་ནས་འཇུག་པར་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་སྟེ། དེ་ལྟ་བུ་ནི། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་ཡིན་ནོ། །ཚུལ་ཤིང་བླངས་པས་དགེ་འདུན་དབྱེ་བར་འགྱུར་བར་ཤེས་པ་བཞིན་དུ་ཚུལ་ཤིང་ལེན་པ་ཇི་ལྟ་བུ་ཞེ་ན། ཚུལ་ཤིང་བླངས་པས་དགེ་འདུན་དབྱེ་བར་འགྱུར་བར་ཤེས་བཞིན་དེ་ལྟར་བསམ་ནས་ཚུལ་ཤིང་ལེན་པ་སྟེ། དེ་ལྟ་བུ་ནི། ཚུལ་ཤིང་བླངས་པས་དགེ་འདུན་འབྱེ་བར་འགྱུར་བར་ཤེས་བཞིན་དུ་ཚུལ་ཤིང་ལེན་པ་ཡིན་ནོ། །ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་འགྱུར་བར་ཤེས་པ་བཞིན་དུ་ཚུལ་ཤིང་ལེན་པ་ཇི་ལྟ་བུ་ཞེ་ན། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་བླངས་ནས་འཇུག་པར་
Ga365b
འགྱུར་བར་ཤེས་ཤིང ། དེ་ལྟར་བསམ་ནས་ཚུལ་ཤིང་ལེན་པ་སྟེ། དེ་ལྟ་བུ་ནི། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་འགྱུར་བར་ཤེས་བཞིན་དུ་ཚུལ་ཤིང་ལེན་པ་སྟེ། འདི་དག་ནི། ཆོས་མ་ཡིན་པའི་ཚུལ་ཤིང་ལེན་པ་བཅུ་ཡིན་ནོ། །ཆོས་ཀྱི་ཚུལ་ཤིང་ལེན་པ་བཅུ་གང་ཞེ་ན། ཆོས་ཀྱིས་ཚུལ་ཤིང་ལེན་པ་དང ། མཐུན་པས་ཚུལ་ཤིང་ལེན་པ་དང ། ཆུང་བ་བས་ཀྱང་ཆུང་བ་མ་ཡིན་པས་ཚུལ་ཤིང་ལེན་པ་དང ། མི་དབྱེ་བའི་བསམ་པས་ཚུལ་ཤིང་ལེན་པ་དང ། སྦྱོར་བ་གཞན་དུ་གྱུར་པས་ཚུལ་ཤིང་ལེན་པ་དང ། རྟེན་ཁ་ལོ་སྒྱུར་བ་དང་བསྟུན་པས་ཚུལ་ཤིང་ལེན་པ་དང ། ཚུལ་ཤིང་བླངས་པས་དགེ་འདུན་འབྱེ་བར་མ་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་དང ། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པར་སྨྲ་བར་མ་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་དང ། ཚུལ་ཤིང་བླངས་པས་དགེ་འདུན་འབྱེ་བར་འགྱུར་བར་མི་ཤེས་པས་ཚུལ་ཤིང་ལེན་པ་དང ། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་འགྱུར་བར་མི་ཤེས་པས་ཚུལ་ཤིང་ལེན་པ་ཡིན་ནོ། །ཆོས་ཀྱིས་ཚུལ་ཤིང་ལེན་པ་ཇི་ལྟ་བུ་ཞེ་ན། འདུལ་བ་དང་མཐུན་པས་ཚུལ་ཤིང་ལེན་པ་སྟེ། དེ་ལྟ་བུ་ནི། ཆོས་ཀྱིས་ཚུལ་ཤིང་ལེན་པ་ཡིན་ནོ། །མཐུན་པས་ཚུལ་ཤིང་ལེན་པ་ཇི་ལྟ་བུ་ཞེ་ན། དགེ་འདུན་མཐུན་པས་ཚུལ་ཤིང་ལེན་པ་སྟེ། དེ་ལྟ་བུ་ནི། མཐུན་པས་ཚུལ་ཤིང་ལེན་པ་ཡིན་ནོ། །ཆུང་བ་བས་
Ga366a
༄#། །ཀྱང་ཆུང་བ་མ་ཡིན་པས་ཚུལ་ཤིང་ལེན་པ་ཇི་ལྟ་བུ་ཞེ་ན། བསྡམ་པར་བྱ་བ་མ་ཡིན་པ་དང ། བཤགས་པར་བྱ་བ་མ་ཡིན་ནོ། །སྙམ་དུ་བསམ་ནས་ཚུལ་ཤིང་ལེན་པ་སྟེ། དེ་ལྟ་བུ་ནི། ཆུང་བ་བས་ཀྱང་ཆུང་བ་མ་ཡིན་པས་ཚུལ་ཤིང་ལེན་པ་ཡིན་ནོ། །མི་དབྱེ་བའི་བསམ་པས་ཚུལ་ཤིང་ལེན་པ་ཇི་ལྟ་བུ་ཞེ་ན། དབྱེ་བར་བྱེད་པའི་གཞི་བཅུ་བཞི་ལས། དབྱེ་བར་བྱེད་པའི་གཞི་གང་ཡང་རུང་བ་ལེགས་པར་ཤིན་ཏུ་རབ་ཏུ་མ་བཟུང་བ་སྟེ། དེ་ལྟ་བུ་ནི། མི་དབྱེ་བའི་བསམ་པས་ཚུལ་ཤིང་ལེན་པ་ཡིན་ནོ། །སྦྱོར་བ་གཞན་དུ་གྱུར་པས་ཚུལ་ཤིང་ལེན་པ་ཇི་ལྟ་བུ་ཞེ་ན། སྐམ་ལ་གནས་པ་ནས་བཟུང་ནས་གནས་བརྟན་གྱི་བར་གྱིས་ཏེ། དེ་ལྟ་བུ་ནི། སྦྱོར་བ་གཞན་དུ་གྱུར་བས་ཚུལ་ཤིང་ལེན་པ་ཡིན་ནོ། །རྟེན་ཁ་ལོ་སྒྱུར་བ་དང་བསྟུན་པས་ཚུལ་ཤིང་ལེན་པ་ཇི་ལྟ་བུ་ཞེ་ན། དགེ་སློང་མདོ་སྡེ་འཛིན་པ་དང ། འདུལ་བ་འཛིན་པ་དང ། མ་མོ་འཛིན་པ་གང་དག་ཡིན་པ་དེ་དག་ནི། ཆོས་འདུལ་བ་འདི་ལ་རྟེན་དང་ཁ་ལོ་སྒྱུར་བ་ཞེས་བྱ་སྟེ། དེ་རྣམས་ལ་བརྟགས་ནས་ཚུལ་ཤིང་ལེན་པ་དེ་ལྟ་བུ་ནི། རྟེན་ཁ་ལོ་སྒྱུར་བ་དང་བསྟུན་པས་ཚུལ་ཤིང་ལེན་པ་ཡིན་ནོ། །ཚུལ་ཤིང་བླངས་པས་དགེ་འདུན་དབྱེ་བར་མ་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་ཇི་ལྟ་བུ་ཞེ་ན། ཚུལ་ཤིང་བླངས་པས་དགེ་འདུན་བྱེ་བར་གྱུར་ཀྱང་ཅི་མ་རུང་ཞེས་དེ་ལྟར་མི་སེམས་པས་ཚུལ་ཤིང་ལེན་པ་སྟེ། དེ་ལྟ་བུ་ནི། ཚུལ་ཤིང་བླངས་པས་དགེ་འདུན་བྱེ་བར་མ་
Ga366b
གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་ཡིན་ནོ། །ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་མ་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་ཇི་ལྟ་བུ་ཞེ་ན། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་བླངས་ཏེ་འཇུག་པར་མ་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་སྟེ། དེ་ལྟ་བུ་ནི། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་མ་གྱུར་ཀྱང་ཅི་མ་རུང་སྙམ་པས་ཚུལ་ཤིང་ལེན་པ་ཡིན་ནོ། །ཚུལ་ཤིང་བླངས་པས་དགེ་འདུན་དབྱེ་བར་འགྱུར་བར་མི་ཤེས་པས་ཚུལ་ཤིང་ལེན་པ་ཇི་ལྟ་བུ་ཞེ་ན། ཚུལ་ཤིང་བླངས་པས་དགེ་འདུན་དབྱེ་བར་འགྱུར་བར་མི་ཤེས་ཤིང་དེ་ལྟར་མི་སེམས་པས་ཚུལ་ཤིང་ལེན་པ་སྟེ། དེ་ལྟ་བུ་ནི། ཚུལ་ཤིང་བླངས་པས་དགེ་འདུན་འབྱེ་བར་འགྱུར་བར་མི་ཤེས་པས་ཚུལ་ཤིང་ལེན་པ་ཡིན་ནོ། །ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་འགྱུར་བར་མི་ཤེས་པས་ཚུལ་ཤིང་ལེན་པ་ཇི་ལྟ་བུ་ཞེ་ན། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་བླངས་ནས་སྤྱོད་པར་མི་ཤེས་ཤིང་དེ་ལྟར་མི་སེམས་པས་ཚུལ་ཤིང་ལེན་པ་སྟེ། དེ་ལྟ་བུ་ནི། ཚུལ་ཤིང་བླངས་པས་དགེ་སློང་རབ་ཏུ་མང་པོ་ཆོས་མ་ཡིན་པ་སྨྲ་བར་འགྱུར་བར་མི་ཤེས་པས་ཚུལ་ཤིང་ལེན་པ་སྟེ། འདི་ནི། ཆོས་ཀྱི་ཚུལ་ཤིང་ལེན་པ་བཅུ་ཡིན་ནོ། །ངས་དགེ་སློང་ཚུལ་ཤིང་འབྲིམ་པའི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དགེ་སློང་ཚུལ་ཤིང་འབྲིམ་པས། ཚུལ་ཤིང་
Ga367a
༄#། །རྣམ་པ་གཉིས་བཤམ་པར་བྱ་སྟེ། ཆོས་ཀྱི་ཚུལ་ཤིང་དང ། ཆོས་མ་ཡིན་པའི་ཚུལ་ཤིང་ངོ ། །ཆོས་ཀྱི་ཚུལ་ཤིང་རྣམས་ནི། ཡ་ཡོ་མེད་པ། ཀྱག་ཀྱོག་མེད་པ། ཀྱར་ཀྱོར་མེད་པ། ཁ་དོག་བཟང་བ། རེག་ན་བདེ་བར་བྱའོ། །ཆོས་མ་ཡིན་པའི་ཚུལ་ཤིང་རྣམས་ནི། ཡ་ཡོ་དང ། ཀྱག་ཀྱོག་དང ། ཀྱར་ཀྱོར་དང ། ཁ་དོག་ངན་པ་དང ། རེག་ན་མི་བདེ་བར་བྱའོ། །དེ་ནས་དགེ་སློང་ཚུལ་ཤིང་འབྲིམ་པས་ལག་པ་གཡས་པས་ཆོས་ཀྱི་ཚུལ་ཤིང་རྣམས་བླངས་ལ། གཡོན་པས་ཆོས་མ་ཡིན་པའི་ཚུལ་ཤིང་རྣམས་བླངས་ནས། དགེ་འདུན་གྱི་གནས་བརྟན་གྱི་མདུན་དུ་འདུག་སྟེ། ཆོས་ཀྱི་ཚུལ་ཤིང་རྣམས་ཀྱི་བསྔགས་པ་དང ། ཆོས་མ་ཡིན་པའི་ཚུལ་ཤིང་རྣམས་ཀྱི་བསྔགས་པ་མ་ཡིན་པ་བརྗོད་པར་བྱ་སྟེ། གནས་བརྟན། འདི་དག་ནི། ཆོས་ཀྱི་ཚུལ་ཤིང་ལགས་ཏེ། ཡ་ཡོ་མ་མཆིས་པ། ཀྱག་ཀྱོག་མ་མཆིས་པ། ཀྱར་ཀྱོར་མ་མཆིས་པ། ཁ་དོག་བཟང་བ། རེག་ན་བདེ་བ་ལགས་ཀྱི། བཞེས་ཤིག་།འདི་དག་ནི་ཆོས་མ་ཡིན་པའི་ཚུལ་ཤིང་ལགས་ཏེ། ཡ་ཡོ་དང ། ཀྱག་ཀྱོག་དང ། ཀྱར་ཀྱོར་དང ། ཁ་དོག་ངན་པ། རེག་ན་མི་བདེ་བ་ལགས་ན། བཞེས་ཤིག་།གལ་ཏེ་ཆོས་མ་ཡིན་པའི་ཚུལ་ཤིང་གང་ན་བ་དེ་ལོགས་སུ་ལག་པ་ཟེད་ན།་ཚིག་དང་པོ་ལ་ཡང་སྦྱིན་པར་མི་བྱ། གཉིས་པ་ལ་ཡང་སྦྱིན་པར་མི་བྱ། གསུམ་པ་ལ་སྦྱིན་པར་བྱ་སྟེ། དགེ་འདུན་གྱི་གནས་བརྟན་གྱིས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་
Ga367b
བཤགས་པར་བྱའོ། །དེ་བཞིན་དུ་དགེ་འདུན་གསར་བུའི་བར་གྱི་མདུན་དུ་འདུག་ནས་ཆོས་ཀྱི་ཚུལ་ཤིང་རྣམས་ཀྱི་བསྔགས་པ་དང ། ཆོས་མ་ཡིན་པའི་ཚུལ་ཤིང་རྣམས་ཀྱི་བསྔགས་པ་མ་ཡིན་པ་བརྗོད་པར་བྱ་སྟེ། འདི་དག་ནི། ཆོས་ཀྱི་ཚུལ་ཤིང་ལགས་ཏེ། ཡ་ཡོ་མ་མཆིས་པ། ཀྱག་ཀྱོག་མ་མཆིས་པ། ཀྱར་ཀྱོར་མ་མཆིས་པ། ཁ་དོག་བཟང་བ། རེག་ན་བདེ་བ་ལགས་ཀྱི། བཞེས་ཤིག་།འདི་དག་ནི། ཆོས་མ་ཡིན་པའི་ཚུལ་ཤིང་ལགས་ཏེ། ཡ་ཡོ་དང ། ཀྱག་ཀྱོག་དང ། ཀྱར་ཀྱོར་དང ། ཁ་དོག་ངན་པ། རེག་ན་མི་བདེ་བ་ལགས་ན། བཞེས་ཤིག་།གལ་ཏེ་ཆོས་མ་ཡིན་པའི་ཚུལ་ཤིང་གང་ན་བ་དེ་ལོགས་སུ་ལག་པ་ཟེད་ན། ཚིག་དང་པོ་ལ་སྦྱིན་པར་མི་བྱ། གཉིས་པ་ལ་སྦྱིན་པར་མི་བྱ། གསུམ་པ་ལ་སྦྱིན་པར་བྱ་སྟེ། དེ་བཞིན་དུ་དགེ་འདུན་གསར་བུས་འདུལ་བ་དང་འགལ་བའི་ཉེས་བྱས་ཀྱི་ལྟུང་བ་བཤགས་པར་བྱའོ། །གལ་ཏེ་ཆོས་ཀྱི་ཚུལ་ཤིང་ཉུང་བར་གྱུར་ན། ཀུན་ཤེས་ཀོའུ་དི་ནྱའི་ཚུལ་ཤིང་བླང་བར་བྱའོ། །གལ་ཏེ་ཆོས་ཀྱི་ཚུལ་ཤིང་གཅིག་གིས་ལྷག་པར་གྱུར་ན་ཡང ། དེ་ལྟར་ན། འདི་ལྟ་སྟེ། ཆོས་ཀྱིས་རྩོད་པ་དེ་ཉེ་བར་ཞི་བ་ཡིན་ནོ། །དེ་ལྟར་རྩོད་པ་དེ་ཞི་བར་བྱས་པ་ལ་གལ་ཏེ་འགའ་ཞིག་སྐྱོ་སྔོགས་བྱེད་ན། ལྟུང་བྱེད་དུ་འགྱུར་རོ། །དེ་བཞིན་དུ་གལ་ཏེ་ཆོས་མ་ཡིན་པའི་ཚུལ་ཤིང་གཅིག་གིས་ལྷག་པར་གྱུར་ན་ཡང ། དེ་ལྟར་ན། འདི་ལྟ་སྟེ། ཆོས་མ་ཡིན་པས་རྩོད་པ་དེ་ཞི་བར་བྱས་པ་ཡིན་ནོ། །དེ་ལྟར་རྩོད་པ་དེ་ཞི་བར་བྱས་པ་ལ་
Ga368a
༄#། །འགའ་ཞིག་སྐྱོ་སྔོགས་བྱེད་ན། ཉེས་བྱས་སུ་འགྱུར་རོ། །དེ་ལྟར་ན། གང་ཚུལ་ཤིང་མང་པོ་བླང་བའི་རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། གང་ཚུལ་ཤིང་མང་པོ་བླང་བའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ནོ། །དགེ་སློང་དག་།འགྱེད་པའི་རྩོད་པ་ལས། རྩོད་པ་ཞི་བར་བྱེད་པ་གཉིས་ཀྱིས་དུལ་བར་བྱ། ཞི་བར་བྱ། ཉེ་བར་ཞི་བར་བྱ་བ་ནི། འདི་ལྟ་སྟེ། མངོན་སུམ་དུ་འདུལ་བར་འོས་པ་དང ། གང་ཚུལ་ཤིང་མང་པོ་བླང་བས་སོ། །དགེ་སློང་དག་།གདམས་ངག་མེད་པའི་རྩོད་པ་ལ་རྩོད་པ་ཞི་བར་བྱེད་པའི་ཆོས་གསུམ་གྱིས་དུལ་བར་བྱ། ཞི་བར་བྱ། ཉེ་བར་ཞི་བར་བྱའོ། །གསུམ་གང་ཞེ་ན། མངོན་སུམ་དུ་འདུལ་བ་དང ། དྲན་པས་འདུལ་བ་དང ། མ་མྱོས་པས་འདུལ་བའོ། །དགེ་སློང་དག་།ཇི་ལྟར་ན་མངོན་སུམ་གྱིས་འདུལ་བ་ནི། རྩོད་པ་ཞི་བར་བྱེད་པ་ཡིན། ཇི་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མངོན་སུམ་དུ་འདུལ་བའི་རྩོད་པ་ཞི་བར་བྱེད་པས། དུལ་བ་དང ། ཞི་བ་དང ། ཉེ་བར་ཞི་བ་ཡིན་ཞེ་ན། སྐམ་ལ་གནས་པ་ནས་བཟུང་ནས་གནས་བརྟན་གྱི་བར་གྱིས་གོང་མ་བཞིན་དུ་སྟེ། དགེ་སློང་དག། དེ་ལྟར་མངོན་སུམ་དུ་འདུལ་བ་ནི། རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མངོན་སུམ་དུ་འདུལ་བའི་རྩོད་པ་ཞི་བར་བྱེད་པས། དུལ་བ་དང ། ཞི་བ་
Ga368b
དང།་ཉེ་བར་ཞི་བ་ཡིན་ནོ། །དགེ་སློང་དག་།ཇི་ལྟར་ན། དྲན་པས་འདུལ་བ་ནི། རྩོད་པ་ཞི་བར་བྱེད་པ་ཡིན། ཇི་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། དྲན་པས་འདུལ་བའི་རྩོད་པ་རྣམས་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ཞེ་ན། དཔེར་ན། ཚེ་དང་ལྡན་པ་གྱད་བུ་ནོར་ལ་དགེ་སློང་མ་མཛའ་མོས་མི་བདེན་པས་སྐུར་པ་བཏབ་པ་དེ་ལ་དགེ་སློང་རྣམས་གླེང་བར་བྱེད་དེ།་གཞི་དེས་གླེང་བ་ན། ངོ་ཚའོ། །ཞེས་བྱ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་གྱད་བུ་ནོར་དང ། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་པ་ལ་དྲན་པས་འདུལ་བར་འོས་པ་བྱིན་ཅིག་།སྦྱིན་པ་ནི། འདི་ལྟར་སྦྱིན་པར་བྱ་སྟེ། གནས་མལ་བཤམས་ལ་གཎྜཱི་བརྡུངས་ནས་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། གྱད་བུ་ནོར་གྱིས་བླ་གོས་ཕྲག་པ་གཅིག་ལ་གཟར་ཏེ། རྒན་རིམ་ཇི་ལྟ་བ་བཞིན་དུ་འདུད་པ་བྱས་ལ། རྒན་པའི་མཐར་ཙོག་ཙོག་པོར་འདུག་ནས་ཐལ་མོ་སྦྱར་ཏེ། ཚིག་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་གྱད་བུ་ནོར་ལ་དགེ་སློང་མ་མཛའ་མོས་མི་བདེན་པས་སྐུར་པ་བཏབ་པས་བདག་ལ་དགེ་སློང་རྣམས་གཞི་དེས་གླེང་བར་བགྱིད་དེ། བདག་ལ་གཞི་དེས་གླེང་བར་བགྱིད་པ། དགེ་འདུན་ལ་དྲན་པས་འདུལ་བ་གསོལ་ན། དགེ་འདུན་བཙུན་པ་
Ga369a
༄#། །ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་གྱད་བུ་ནོར་ལ་དྲན་པས་འདུལ་བ་སྩལ་དུ་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ།། དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གྱད་བུ་ནོར་འདི་ལ་དགེ་སློང་མ་མཛའ་མོས་མི་བདེན་པས་སྐུར་པ་བཏབ་པས་འདི་ལ། དགེ་སློང་རྣམས་གཞི་དེས་གླེང་བར་བགྱིད་དེ། འདི་ལ་གཞི་དེས་གླེང་བར་བགྱིད་པ། དགེ་འདུན་ལས་དྲན་པས་འདུལ་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར། དགེ་འདུན་གྱིས་གྱད་བུ་ནོར་ལ་དྲན་པས་འདུལ་བ་སྩོལ་བར་མཛད་དོ། །འདི་ནི། གསོལ་བའོ། །ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། གྱད་བུ་ནོར་འདི་ལ་དགེ་སློང་མ་མཛའ་མོས་མི་བདེན་པས་སྐུར་པ་བཏབ་པས། འདི་ལ་དགེ་སློང་རྣམས་གཞི་དེས་གླེང་བར་བགྱིད་དེ། འདི་ལ་གཞི་དེས་གླེང་བར་བགྱིད་པ་ན། དགེ་འདུན་ལས་དྲན་པས་འདུལ་བ་གསོལ་ཏེ། དེའི་སླད་དུ་དགེ་འདུན་གྱིས་གྱད་བུ་ནོར་ལ་དྲན་པས་འདུལ་བ་སྩོལ་བར་མཛད་ན། ཚེ་དང་ལྡན་པ་གང་དག་།གྱད་བུ་ནོར་ལ་དྲན་པས་འདུལ་བ་སྩོལ་བར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་སྟེ། དེ་བཞིན་དུ་
Ga369b
ལས་བརྗོད་པ་གཉིས་པ་དང ། གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་གྱད་བུ་ནོར་ལ་དྲན་པས་འདུལ་བ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །ཆོས་མ་ཡིན་པའི་དྲན་པས་འདུལ་བ་སྦྱིན་པ་གསུམ་དང ། ཆོས་ཀྱི་གསུམ་མོ། །ཆོས་མ་ཡིན་པའི་དྲན་པས་འདུལ་བ་སྦྱིན་པ་གསུམ་གང་ཞེ་ན། འདི་ལྟ་སྟེ། དགེ་སློང་ཕས་ཕམ་པའི་ལྟུང་བ་བྱུང་བ་དེ་ལ། དགེ་སློང་རྣམས་གཞི་དེས་གླེང་བར་བྱེད་ཅིང ། དེ་ལ་གཞི་དེས་གླེང་བར་བྱེད་ན། དགེ་འདུན་ལས་དྲན་པས་འདུལ་བ་གསོལ་ཏེ། དེ་ལ་དགེ་འདུན་གྱིས་དྲན་པས་འདུལ་བ་སྦྱིན་པ་ནི། ཆོས་མ་ཡིན་པའི་དྲན་པས་འདུལ་བ་སྦྱིན་པ་ཡིན་ཏེ། དེ་ཅིའི་ཕྱིར་ཞེ་ན། དེ་ནི། བསྙིལ་བར་འོས་པའི་ཕྱིར་རོ། །འདི་ལྟ་སྟེ། དགེ་སློང་དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བྱེས་ཀྱི་ལྟུང་བ་བྱུང་བ་དེ་ལ། དགེ་སློང་རྣམས་གཞི་དེས་གླེང་བར་བྱེད་ཅིང ། དེ་ལ་གཞི་དེས་གླེང་བར་བྱེད་པ་ན། དགེ་འདུན་ལས་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི། ཆོས་མ་ཡིན་པའི་དྲན་པས་འདུལ་བ་སྦྱིན་པ་ཡིན་ཏེ། དེ་ཅིའི་ཕྱིར་ཞེ་ན། དེ་ནི། བཤགས་པར་འོས་པའི་ཕྱིར་རོ། ། འདི་ལྟ་སྟེ། དགེ་སློང་བྱེ་མ་སྐྱེས། སྨྱོས། སེམས་འཁྲུགས། ཚོར་བས་ཉེན་ཏེ་སྒྲེན་མོར་བྱུང་ནས། དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་མང་དུ་སྤྱད་སྨྲས། བརྩལ་ནས་
Ga370a
༄#། །ཁ་ཆུ་ཟགས། །མིག་བགྲད་བཞིན་གྱུར་ཏེ་གཉིད་ཀྱིས་མ་ལོག་པར་གཉིད་ཀྱིས་ལོག་གོ་།སྙམ་དུ་ཤེས། ཕ་རོལ་གྱིས་མ་སྨྲས་པར་སྨྲས་སོ། །སྙམ་དུ་ཤེས་སོ། ། དུས་གཞན་ཞིག་ན། དེས་རང་གི་སེམས་སླར་སོར་ཆུད་པ་དང ། དེ་ལ་གཞི་དེས་དགེ་སློང་རྣམས་གླེང་བར་བྱེད་ཅིང་དེ་ལ་གཞི་དེས་གླེང་བར་བྱེད་པ་ན། དགེ་འདུན་ལས་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི། ཆོས་མ་ཡིན་པའི་དྲན་པས་འདུལ་བ་སྦྱིན་པ་སྟེ། དེ་ཅིའི་ཕྱིར་ཞེ་ན། དེ་ནི། མ་མྱོས་པས་འདུལ་བར་འོས་པའི་ཕྱིར་རོ། ། འདི་ལྟ་སྟེ། དགེ་སློང་གཞི་ལྡན་དགེ་འདུན་གྱིས་ནང་དུ་ལྟུང་བ་ཉིད་ཤེས་པ་ལས་བརྗེད་ནས་ཕྱིས་དྲན་ཏེ་ཤེས་པ་ལས་ཡང་བརྗེད་པ་དང ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི། ཆོས་མ་ཡིན་པའི་དྲན་པས་འདུལ་བ་སྦྱིན་པ་ཡིན་ཏེ། དེ་ཅིའི་ཕྱིར་ཞེ་ན། དེ་ནི། དེའི་ངོ་བོ་ཉིད་ཚོལ་དུ་གཞུག་པར་འོས་པའི་ཕྱིར་ཏེ། འདི་དག་ནི། ཆོས་མ་ཡིན་པའི་དྲན་པས་འདུལ་བ་སྦྱིན་པ་གསུམ་ཡིན་ནོ། །ཆོས་ཀྱི་དྲན་པས་འདུལ་བ་སྦྱིན་པ་གསུམ་གང་ཞེ་ན། འདི་ལྟ་སྟེ། གྱད་བུ་ནོར་ལ་དགེ་སློང་མ་མཛའ་མོས་མི་བདེན་པས་སྐུར་བ་བཏབ་པ་དེ་ལ། དགེ་སློང་རྣམས་གཞི་དེས་གླེང་བར་བྱེད་ཅིང ། དེ་ལ་གཞི་དེས་གླེང་བར་བྱེད་པ་ན། དགེ་འདུན་ལ་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི། ཆོས་ཀྱི་དྲན་
Ga370b
པས་འདུལ་བ་སྦྱིན་པ་ཡིན་ནོ། །འདི་ལྟ་སྟེ། དགེ་སློང་ཞིག་ལ་ལྟུང་བ་གཞན་ཁོ་ན་ཞིག་བྱུང་བར་གྱུར་བ་དེ་ལ། དགེ་སློང་རྣམས་ཀྱིས་གཞི་གཞན་གྱིས་གླེང་བར་བྱེད་ཅིང ། དེ་ལ་གཞི་དེས་གླེང་བར་བྱེད་པ་ན། དགེ་འདུན་ལས་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི། ཆོས་ཀྱི་དྲན་པས་འདུལ་བ་སྦྱིན་པ་ཡིན་ནོ། །འདི་ལྟ་སྟེ། དགེ་སློང་ཞིག་ལྟུང་བ་བྱུང་བར་གྱུར་ལ། དེས་དེ་དགེ་སློང་གི་མདུན་དུ་བཤགས་པའམ། བྱིན་གྱིས་བརླབས་པར་གྱུར་བ་དེ་ལ། དགེ་སློང་རྣམས་གཞི་དེས་གླེང་བར་བྱེད་ཅིང ། དེ་ལ་གཞི་དེས་གླེང་བར་བྱེད་པ་ན། དགེ་འདུན་ལས་དྲན་པས་འདུལ་བ་གསོལ་ཏེ། དགེ་འདུན་གྱིས་དེ་ལ་དྲན་པས་འདུལ་བ་སྦྱིན་པ་ནི། ཆོས་ཀྱི་དྲན་པས་འདུལ་བ་སྦྱིན་པ་ཡིན་ཏེ། གསུམ་པོ་འདི་དག་ནི། ཆོས་ཀྱི་དྲན་པས་འདུལ་བ་སྦྱིན་པ་ཡིན་ནོ། །དགེ་སློང་དག་།དེ་ལྟར་ན། དྲན་པས་འདུལ་བར་འོས་པ་ནི། རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། དྲན་པས་འདུལ་བར་འོས་པའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ནོ། །དགེ་སློང་དག་།ཇི་ལྟར་ན། མ་མྱོས་པས་འདུལ་བར་འོས་པའི་རྩོད་པ་ཞི་བར་བྱེད་པ་ཡིན། ཇི་ལྟར་ན་འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མ་མྱོས་པས་འདུལ་བར་འོས་པའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ཞེ་ན། འདི་ལྟ་སྟེ། དགེ་སློང་བྱེ་མ་སྐྱེས་
Ga371a
༄#། །སྨྱོས། སེམས་འཁྲུགས། ཚོར་བས་ཉེན་ནས་སྒྲེན་མོར་བྱུང་སྟེ། དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་མང་དུ་སྤྱད་སྨྲས། བརྩལ་ནས་ཁ་ཆུ་ཟགས་མིག་གྱུར། བཞིན་གྱུར་ཏེ། གཉིད་ཀྱིས་མ་ལོག་པར་གཉིད་ཀྱིས་ལོག་གོ་།སྙམ་དུ་ཤེས། ཕ་རོལ་གྱིས་མ་སྨྲས་པར་སྨྲས་སོ། །སྙམ་དུ་ཤེས་སོ། །དུས་གཞན་ཞིག་ན་དེས་རང་གི་སེམས་སོར་ཆུད་པ་དང ། དེ་ལ་དགེ་སློང་རྣམས་གཞི་དེས་གླེང་བར་བྱེད་དེ། དེ་ལ་གཞི་དེས་གླེང་བར་བྱེད་པ་ན། དགེ་འདུན་ལ་མ་མྱོས་པས་འདུལ་བ་གསོལ་བའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།ཁྱེད་ཀྱིས་དགེ་སློང་བྱེ་མ་སྐྱེས་དང ། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་མ་མྱོས་པས་འདུལ་བ་བྱིན་ཅིག་།སྦྱིན་པ་ནི། འདི་ལྟར་བྱ་སྟེ། གནས་མལ་བཤམས་ལ་གཎྜཱི་བརྡུངས་ཏེ། དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་བྱེ་མ་སྐྱེས་ཀྱིས་བླ་གྲོས་ཕྲག་པ་གཅིག་ཏུ་གཟར་ཏེ། རྒན་པ་ཇི་ལྟ་བ་བཞིན་དུ་འདུད་པ་བྱས་ལ། རྒན་པའི་མཐར་ཙོག་ཙོག་པོར་འདུག་སྟེ་ཐལ་མོ་སྦྱར་ལ་ཚིག་འདི་སྐད་ཅེས། དགེ་འདུན་བཙུན་པ་རྣམས་གསན་དུ་གསོལ། བདག་དགེ་སློང་བྱེ་མ་སྐྱེས་མྱོས། སེམས་འཁྲུགས། ཚོར་བས་ཉེན་ནས་སྒྲེན་མོར་བྱུང་སྟེ།
Ga371b
དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་མང་དུ་སྤྱད་སྨྲས། བརྩལ་ནས་ཁ་ཆུ་ཟགས། མིག་གྱུར། བཞིན་གྱུར་ཏེ། གཉིད་ཀྱིས་མ་ལོག་པར་གཉིད་ཀྱིས་ལོག་གོ་།སྙམ་དུ་འཚལ། ཕ་རོལ་གྱིས་མ་སྨྲས་པར་སྨྲས་སོ། །སྙམ་དུ་འཚལ་བ་ལས། དུས་གཞན་ཞིག་ན་བདག་སེམས་སོར་ཆུད་པ་དང ། བདག་ལ་དགེ་སློང་རྣམས་གཞི་དེས་གླེང་བར་བགྱིད་ཅིང ། བདག་ལ་གཞི་དེས་གླེང་བར་བགྱིད་པ། དགེ་འདུན་ལ་མ་མྱོས་པས་འདུལ་བ་གསོལ་ན། དགེ་འདུན་བཙུན་པ་རྣམས་ཐུགས་བརྩེ་བ་ཅན་ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་བྱེ་མ་སྐྱེས་ལ་མ་མྱོས་པས་འདུལ་བ་སྩལ་དུ་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེ་ནས་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་བྱེ་མ་སྐྱེས་འདི་སྨྱོས། སེམས་འཁྲུགས། ཚོར་བས་ཉེན་ནས་སྒྲེན་མོར་བྱུང་སྟེ། དགེ་སྦྱོང་གི་ཚུལ་མ་ལགས་པ། རྗེས་སུ་མཐུན་པ་མ་ལགས་པ། མང་དུ་སྤྱད་སྨྲས། བརྩལ་ནས་ཁ་ཆུ་ཟགས། མིག་གྱུར། བཞིན་གྱུར་ཏེ། གཉིད་ཀྱིས་མ་ལོག་པར་གཉིད་ཀྱིས་ལོག་གོ་།སྙམ་དུ་འཚལ། ཕ་རོལ་གྱིས་མ་སྨྲས་པར་སྨྲས་སོ། །སྙམ་དུ་འཚལ་བ་ལས། དུས་གཞན་ཞིག་ན་འདིས་རང་གི་སེམས་སོར་ཆུད་པ་དང ། འདི་ལ་དགེ་སློང་རྣམས་གཞི་དེས་གླེང་བར་བགྱིད་ཅིང ། འདི་ལ་གཞི་དེས་གླེང་བར་བགྱིད་པ། དགེ་འདུན་ལ་མ་མྱོས་པས་འདུལ་བ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་
Ga372a
༄#། །ན། དགེ་འདུན་གྱིས་གནང་བར་མཛོད་ཅིག་དང ། དེའི་སླད་དུ་དགེ་འདུན་གྱིས་དགེ་སློང་བྱེ་མ་སྐྱེས་ལ་མ་མྱོས་པས་འདུལ་བ་སྩོལ་བར་མཛད་དོ། །འདི་ནི། གསོལ་བའོ། ལས་བྱ་བ་ནི། དགེ་འདུན་བཙུན་པ་རྣམས་གསན་དུ་གསོལ། དགེ་སློང་བྱེ་མ་སྐྱེས་འདི་མྱོས། སེམས་འཁྲུགས། ཚོར་བས་ཉེན་ནས་སྒྲེན་མོར་བྱུང་སྟེ། དགེ་སྦྱོང་གི་ཚུལ་མ་ལགས་པ། རྗེས་སུ་མཐུན་པ་མ་ལགས་པ་མང་དུ་སྤྱད་སྨྲས། བརྩལ་ནས་ཁ་ཆུ་ཟགས། མིག་གྱུར་བཞིན་གྱུར་ཏེ། གཉིད་ཀྱིས་མ་ལོག་པར་གཉིད་ཀྱིས་ལོག་གོ་།སྙམ་དུ་འཚལ། ཕ་རོལ་གྱིས་མ་སྨྲས་པར་སྨྲས་སོ། །སྙམ་དུ་འཚལ་བ་ལས་དུས་གཞན་ཞིག་ན་འདིས་རང་གི་སེམས་སོར་ཆུད་པ་དང ། འདི་ལ་དགེ་སློང་རྣམས་གཞི་དེས་གླེང་བར་བགྱིད་ཅིང ། འདི་ལ་གཞི་དེས་གླེང་བར་བགྱིད་པ། དགེ་འདུན་ལ་མ་མྱོས་པས་འདུལ་བ་གསོལ་ཏེ། དེའི་སླད་དུ་དགེ་འདུན་གྱིས། དགེ་སློང་བྱེ་མ་སྐྱེས་ལ་མ་མྱོས་པས་འདུལ་བ་སྩོལ་བར་མཛད་ན། ཚེ་དང་ལྡན་པ་གང་དག་།དགེ་སློང་བྱེ་མ་སྐྱེས་ལ་མ་མྱོས་པས་འདུལ་བ་སྩོལ་བར་མཛད་པར་བཟོད་པ་དེ་དག་ནི། ཅང་མ་གསུངས་ཤིག་།གང་དག་མི་བཟོད་པ་དེ་དག་ནི། གསུངས་ཤིག་།འདི་ནི། ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་པ་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་བྱེ་མ་སྐྱེས་ལ་མ་མྱོས་པས་འདུལ་བ་སྩལ་ལགས་ཏེ། འདི་
Ga372b
ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །ཆོས་མ་ཡིན་པའི་མ་མྱོས་པས་འདུལ་བར་འོས་པ་སྦྱིན་པ་གཅིག་དང ། ཆོས་ཀྱི་གཅིག་གོ་།ཆོས་མ་ཡིན་པའི་གཅིག་གང་ཞེ་ན། འདི་ལྟ་སྟེ། དགེ་སློང་མ་སྨྱོས་པར་བདག་ནི། སྨྱོས་སོ། །སེམས་མ་འཁྲུགས་པར་སེམས་འཁྲུགས་སོ། །སྙམ་དུ་ཤེས་པ་དང ། དགེ་འདུན་གྱིས་དེ་ལ་མ་མྱོས་པས་འདུལ་བར་འོས་པ་སྦྱིན་པ་ནི། ཆོས་མ་ཡིན་པའི་མ་མྱོས་པས་འདུལ་བར་འོས་པ་སྦྱིན་པ་ཡིན་ཏེ། འདི་ནི། ཆོས་མ་ཡིན་པའི་གཅིག་ཡིན་ནོ། །ཆོས་ཀྱི་གཅིག་གང་ཞེ་ན། འདི་ལྟ་སྟེ། དགེ་སློང་བྱེ་མ་སྐྱེས་མྱོས། སེམས་འཁྲུགས། ཚོར་བས་ཉེན་ནས་སྒྲེན་མོར་བྱུང་སྟེ། དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ་མང་དུ་སྤྱད་སྨྲས་པ། བརྩལ་ནས་ཁ་ཆུ་ཟགས། མིག་གྱུར། བཞིན་གྱུར་ཏེ། དེ་གཉིད་ཀྱིས་མ་ལོག་པར་གཉིད་ཀྱིས་ལོག་གོ། སྙམ་དུ་ཤེས། ཕ་རོལ་གྱིས་མ་སྨྲས་པར་སྨྲས་སོ། །སྙམ་དུ་ཤེས་པ་ལས། དུས་གཞན་ཞིག་ན་དེས་རང་གི་སེམས་སོར་ཆུད་པ་དང ། དེ་ལ་དགེ་སློང་རྣམས་གཞི་དེས་གླེང་བར་བྱེད་ཅིང ། དེ་ལ་གཞི་དེས་གླེང་བར་བྱེད་པ་ན། དགེ་འདུན་ལ་མ་མྱོས་པས་འདུལ་བར་འོས་པ་གསོལ་ཏེ། དགེ་འདུན་གྱིས་དེ་ལ་མ་མྱོས་པས་འདུལ་བར་འོས་པ་སྦྱིན་པ་ནི། ཆོས་ཀྱི་མ་མྱོས་པས་འདུལ་བར་འོས་པ་སྦྱིན་པ་སྟེ། འདི་ནི། ཆོས་ཀྱི་གཅིག་ཡིན་ནོ། །དགེ་སློང་དག་།དེ་ལྟར་ན། མ་མྱོས་པས་འདུལ་བར་འོས་པ་ནི། རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན།
Ga373a
༄#། །འདི་ན་ཁ་ཅིག་གི་རྩོད་པ་རྣམས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ནོ། །དགེ་སློང་དག་།གདམས་ངག་མེད་པའི་རྩོད་པ་ལ། རྩོད་པ་ཞི་བར་བྱ་བའི་ཆོས་འདི་གསུམ་གྱིས་དུལ་བར་བྱ། ཞི་བར་བྱ། ཉེ་བར་ཞི་བར་བྱ་བ་ནི། འདི་ལྟ་སྟེ། མངོན་སུམ་དུ་འདུལ་བར་འོས་པ་དང ། དྲན་པས་འདུལ་བར་འོས་པ་དང ། མ་མྱོས་པས་འདུལ་བར་འོས་པས་སོ། །དགེ་སློང་དག་།ལྟུང་བའི་རྩོད་པ་ལ། རྩོད་པ་ཞི་བར་བྱེད་པའི་ཆོས་བཞིས་དུལ་བར་བྱ། ཞི་བར་བྱ། ཉེ་བར་ཞི་བར་བྱའོ། །བཞི་གང་ཞེ་ན། ཁས་བླང་པར་འོས་པ་དང ། མངོན་སུམ་དུ་འདུལ་བར་འོས་པ་དང ། དེའི་ངོ་བོ་ཉིད་ཚོལ་དུ་གཞུག་པར་འོས་པ་དང ། རྫ་བཀྲམ་པ་ལྟ་བུར་འོས་པས་སོ། །དགེ་སློང་དག་།ཇི་ལྟར་ན། ཁས་བླང་བར་འོས་པ་ནི། རྩོད་པ་ཞི་བར་བྱེད་པ་ཡིན། ཇི་ལྟར་ན། འདི་ན་ཁ་ཅིག་གིས་རྩོད་པ་རྣམས་འདི་ལྟ་སྟེ། ཁས་བླང་པར་འོས་པའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ཞེ་ན། འདི་ལྟ་སྟེ། དགེ་སློང་ལྟུང་བ་བྱུང་བར་གྱུར་པ་དེ་ལ་གཞི་དེས་གླེང་ཡང་རུང་མ་གླེང་ཡང་རུང ། དྲན་པར་བྱས་ཀྱང་རུང ། དྲན་པར་མ་བྱས་ཀྱང་རུང ། དགེ་སློང་ཞིག་གི་མདུན་དུ་འདུག་ནས་འདི་སྐད་ཅེས། ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བགྱི་བ་ལ་ལྟུང་བ་འདི་ལྟ་བུ་ཞིག་བྱུང་བ་དེ། བདག་གིས་ཚེ་དང་ལྡན་པའི་མདུན་དུ་མཐོལ་ཞིང་བཤགས་པར་བགྱིའོ། །བདག་
Ga373b
གིས་མཐོལ་ཞིང་བཤགས་ན་བདེ་བ་ལ་རེག་པར་གནས་པར་འགྱུར་གྱི། མ་མཐོལ་མ་བཤགས་ན་ནི་མ་ལགས་སོ། །དེས་ལྟུང་བ་མཐོང་ངམ་ཞེས་བརྗོད་པར་བྱའོ། །དེས་ཀྱང་ལྟུང་བ་མཐོང་ངོ ། ། ཞེས་བརྗོད་པར་བྱའོ། །སྔ་མ་ཤོས་ཀྱིས་ཕྱིས་སྡོམ་པར་བྱེད་དམ་ཞེས་བརྗོད་པར་བྱའོ། །ཕྱི་མ་ཤོས་ཀྱིས་བགྱིད་དོ། །ཞེས་བརྗོད་པར་བྱ་སྟེ། འདི་ནི། ཁས་བླང་བའོ། །ཆོས་མ་ཡིན་པའི་ཁས་བླང་བ་སྦྱིན་པ་བཅུ་དང ། ཆོས་ཀྱི་བཅུའོ། །ཆོས་མ་ཡིན་པའི་ཁས་བླང་པ་སྦྱིན་པ་བཅུ་གང་ཞེ་ན། འདི་ལྟ་སྟེ། དགེ་སློང་ཕས་ཕམ་པའི་ལྟུང་བ་བྱུང་བ་ལ། བདག་ལ་མ་བྱུང་ངོ ། །སྙམ་དུ་ཤེས་པ་དེ་ལ། དགེ་འདུན་གྱིས་ཁས་ལེན་དུ་འཇུག་པ་ནི། ཆོས་མ་ཡིན་པའི་ཁས་ལེན་བ་སྦྱིན་པ་ཡིན་ནོ། །དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བྱས་ཀྱི་ལྟུང་བ་བྱུང་བ་ལ། བདག་ལ་མ་བྱུང་ངོ ། །སྙམ་དུ་ཤེས་པ་དེ་ལ། དགེ་འདུན་གྱིས་ཁས་ལེན་དུ་འཇུག་པ་ནི། ཆོས་མ་ཡིན་པའི་ཁས་ལེན་དུ་སྦྱིན་པ་ཡིན་ནོ། །འདི་ལྟ་སྟེ། དགེ་སློང་ཕས་ཕམ་པའི་ལྟུང་བ་མ་བྱུང་བ་ལ། བདག་ལ་མ་བྱུང་ངོ ། །སྙམ་དུ་ཤེས་པ་དེ་ལ། དགེ་འདུན་གྱིས་ཁས་ལེན་དུ་འཇུག་པ་ནི། ཆོས་མ་ཡིན་པའི་ཁས་ལེན་པ་སྦྱིན་པ་ཡིན་ནོ། །དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བྱས་ཀྱི་ལྟུང་བ་མ་བྱུང་བ་མ། བདག་ལ་བྱུང་ངོ ། །སྙམ་དུ་ཤེས་པ་དེ་ལ། དགེ་འདུན་གྱིས་ཁས་ལེན་དུ་འཇུག་པ་ནི། ཆོས་མ་ཡིན་པའི་ཁས་ལེན་པ་
Ga374a
༄#། །སྦྱིན་པ་སྟེ། འདི་དག་ནི། ཆོས་མ་ཡིན་པའི་ཁས་ལེན་པ་སྦྱིན་པ་བཅུ་ཡིན་ནོ། །ཆོས་ཀྱི་ཁས་ལེན་པ་སྦྱིན་པ་བཅུ་གང་ཞེ་ན། འདི་ལྟ་སྟེ། དགེ་སློང་ཕས་ཕམ་པའི་ལྟུང་བ་བྱུང་བ་ལ། བདག་ལ་བྱུང་ངོ ། །སྙམ་དུ་ཤེས་པ་དེ་ལ། དགེ་འདུན་གྱི་ཁས་ལེན་དུ་འཇུག་པ་ནི། ཆོས་ཀྱི་ཁས་ལེན་པ་སྦྱིན་པ་ཡིན་ནོ། །དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བྱས་ཀྱི་ལྟུང་བ་བྱུང་བ་ལ། བདག་ལ་བྱུང་ངོ ། །སྙམ་དུ་ཤེས་པ་དེ་ལ། དགེ་འདུན་གྱིས་ཁས་ལེན་དུ་འཇུག་པ་ནི། ཆོས་ཀྱི་ཁས་ལེན་པ་སྦྱིན་པ་ཡིན་ནོ། །འདི་ལྟ་སྟེ། དགེ་སློང་ཕས་ཕམ་པའི་ལྟུང་བ་མ་བྱུང་བ་ལ། བདག་ལ་མ་བྱུང་ངོ ། །སྙམ་དུ་ཤེས་པ་དེ་ལ། དགེ་འདུན་གྱིས་ཁས་ལེན་དུ་འཇུག་པ་ནི། ཆོས་ཀྱི་ཁས་ལེན་པ་སྦྱིན་པ་ཡིན་ནོ། །དགེ་འདུན་ལྷག་མ་དང ། ལྟུང་བྱེད་དང ། སོ་སོར་བཤགས་པ་དང ། ཉེས་བྱས་ཀྱི་ལྟུང་བ་མ་བྱུང་བ་ལ། བདག་ལ་མ་བྱུང་ངོ ། །སྙམ་དུ་ཤེས་པ་དེ་ལ། དགེ་འདུན་གྱིས་ཁས་ལེན་དུ་འཇུག་པ་ནི། ཆོས་ཀྱི་ཁས་ལེན་པ་སྦྱིན་པ་སྟེ། འདི་དག་ནི། ཆོས་ཀྱི་ཁས་ལེན་པའི་སྦྱིན་པ་བཅུ་ཡིན་ནོ། །དགེ་སློང་དག་།དེ་ལྟར་ན། ཁས་བླང་བར་འོས་པ་ནི། རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན། འདི་ན་ཁ་ཅིག་རྩོད་པ་རྣམས་འདི་ལྟ་སྟེ། ཁས་བླང་བར་འོས་པའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ནོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་
Ga374b
དགའ་ར་བ་ན་བཞུགས་སོ། །དེའི་ཚེ་ཚེ་དང་ལྡན་པ་རི་དྭགས་འཛིན་གྱི་བུ་ནག་པོ་ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་གནས་ན་འདུག་གོ་།དེ་ལ་བརྟེན་ནས་ཡངས་པ་ཅན་གྱི་ལི་ཙ་བྱི་རྣམས། སངས་རྒྱས་དང་ཆོས་དང་དགེ་འདུན་ལ་ལྷག་པར་བྱ་བ་བྱེད་པ་དང ། ཡངས་པ་ཅན་གྱི་དགེ་སློང་རྣམས་ཀྱིས་བསམ་པ། ཚེ་དང་ལྡན་པ་རི་དྭགས་འཛིན་གྱི་བུ་ནག་པོ་འདི། གཞན་ཉིད་དུ་བཙས་ལ། གཞན་དུ་ཆེན་པོར་གྱུར་པ་སྟེ། མཉན་ཡོད་དུ་སྐྱེས་པ་དེ་ལ། ཡངས་པ་ཅན་གྱི་ལི་ཙ་བྱི་རྣམས་ལྷག་པར་བྱེད་ཀྱི། དེ་ལ་གནས་ནས་དབྱུང་བའི་ལས་བྱ་སྟེ། དེས་ན། དེ་ལ་ཡངས་པ་ཅན་གྱི་ལི་ཙ་བྱི་རྣམས་མ་དད་པ་སྐྱེ་བར་འགྱུར་རོ། །སྙམ་དུ་བསམ་ནས་དེ་ལ་གླགས་ཚོལ་བར་གྱུར་ཏོ། །ཇི་ཙམ་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་བསྲོ་གང་གི་ཁྲུས་པ་སྤྱན་དྲངས་པ་དང ། དགེ་སློང་རྣམས་ཀྱིས་གཟར་ཐག་ལ་ཆོས་གོས་རྣམས་བཀལ་ཏེ་ཁྲུས་བྱ་བར་བརྩམས་སོ། །ཚེ་དང་ལྡན་པ་རི་དྭགས་འཛིན་གྱི་བུ་ནག་པོས་ཀྱང ། ཤེས་བཞིན་གྱིས་མཐའ་གཅིག་ཏུ་ཆོས་གོས་བཞག་ནས་ཁྲུས་བྱ་བར་བརྩམས་སོ། །དགེ་སློང་གཞན་ཞིག་གིས་ཀྱང་ཕྱོགས་དེ་ཉིད་དུ་ཆོས་གོས་བཞག་གོ་།དེ་ནས་ཚེ་དང་ལྡན་པ་རི་དྭགས་འཛིན་གྱི་བུ་ནག་པོས་ཁྲུས་བྱས་ནས་འདི་ཉིད་བདག་གིས་ཆོས་གོས་ཡིན་ནོ། །སྙམ་ནས་དགེ་སློང་དེའི་ཆོས་གོས་བགོས་ཏེ་སོང་ངོ ། །ཇི་ཙམ་ན་དགེ་སློང་དེ་ལངས་ན། རང་གི་ཆོས་གོས་དེ་མི་སྣང་ནས། དེས་དགེ་སློང་རྣམས་ལ་དྲིས་པ། ཚེ་དང་ལྡན་པ་དག་།ཁོ་བོའི་ཆོས་
Ga375a
༄#། །གོས་སུས་བརྐུས། ཇི་ཙམ་ན། ཕྱོགས་དེ་ན་ཚེ་དང་ལྡན་པ་རི་དྭགས་འཛིན་གྱི་བུ་ནག་པོའི་ལྷན་ཅིག་གནས་པ་འདུག་བ་དེས་ཐོས་ནས། དེས་སྨྲས་པ། ཚེ་དང་ལྡན་པ། མཁན་པོས་ཕྱོགས་འདིར་ཆོས་གོས་བཞག་ན། དེས་ནོར་ཏེ་ཁྱེར་བར་མ་གྱུར་གྲང ། རེ་ཞིག་ཁོ་བོས་སོང་ལ་མཁན་པོ་ལ་དྲིའོ། །ཞེས་དེ་མཁན་པོའི་དྲུང་དུ་སོང་སྟེ་སྨྲས་པ། མཁན་པོ། ཁྱོད་ཀྱིས་སུ་ཞིག་གི་ཆོས་གོས་བླངས། དེས་སྨྲས་པ། བུ། ཁོ་བོའིའོ། །མཁན་པོ། དགེ་སློང་ཆེ་གེ་མོ་ཞིག་གི་ཆོས་གོས་ཕྱོགས་དེ་ཉིད་དུ་བཞག་པ་དེ་ཁོ་ན་མཆིས་ལགས་སོ། །བུ་གལ་ཏེ་དེ་ལྟ་ན། ཆོས་གོས་དེ་དག་ཁྱེར་ཏེ་ཤོག་ཅིག་བལྟའོ། །དེས་དེ་ཁྱེར་ཏེ་འོངས་ནས་མཁན་པོ། ཆོས་གོས་འདི་ངོ་མཁྱེན་པར་མཛོད་ཅིག་།དེས་ངོ་ཤེས་ནས་བུ། ངས་ནོར་བར་ཁྱེར་ཏེ་འོངས་ཀྱི། དགེ་སློང་དེའི་འདི་དག་ཡིན་གྱི། སྐྱོལ་ཅིག་།དེས་ཁྱེར་ཏེ་དགེ་སློང་དེའི་དྲུང་དུ་སོང་ནས་སྨྲས་པ། ཚེ་དང་ལྡན་པ། ཆོས་གོས་འདི་དག་མཁན་པོས་ནོར་ཏེ་ཁྱེར་རོ། །དེས་སྨྲས་པ། དེས་རྐུ་སེམས་ཀྱིས་བླངས་པས། ཕས་ཕམ་པའི་ལྟུང་བ་བྱུང་ངོ ། །དེ་ནས་གླགས་ཚོལ་བའི་དགེ་སློང་དེ་རྣམས་ཀྱིས་དེ་ལ་གླེང་བ་མ་བྱས། དྲན་པར་མ་བྱས་པར་མཐུས་གནས་ནས་དབྱུང་བའི་ལས་བྱས་སོ། །ཚེ་དང་ལྡན་པ་རི་དྭགས་འཛིན་གྱི་བུ་ནག་པོས་བསམ་པ། བྲམ་ཟེ་དང་ཁྱིམ་བདག་རྣམས་དད་པ་བསྐྱེད་པར་ནི། དཀའ་ལ། མ་དད་པ་སྐྱེ་བར་ནི། སླ་བས། གལ་ཏེ་འདུག་པར་གྱུར་ན་གདོན་མི་ཟ་བར་ཡངས་པ་ཅན་གྱི་ལི་ཙ་
Ga375b
བྱི་རྣམས་མ་དད་པ་སྐྱེ་བར་འགྱུར་གྱི། མདོར་ན་མཉན་ཡོད་ཁོ་ནར་འགྲོའོ། །སྙམ་ནས། དེས་ཡངས་པ་ཅན་གྱི་ལི་ཙ་བྱི་རྣམས་ལ་མ་བལྟས་པར། དེས་ལྷུང་བཟེད་དང་ཆོས་གོས་བླངས་ནས་མཉན་ཡོད་གང་ན་བ་དེར་རྒྱུ་ཞིང་སོང་སྟེ། རིམ་གྱིས་རྒྱུ་ཞིང་སོང་བ་ན་མཉན་ཡོད་དུ་ཕྱིན་པ་དང ། དེ་དག་དགེ་སློང་རྣམས་ཀྱིས་མཐོང་ནས་སྨྲས་པ། ཚེ་དང་ལྡན་པ་ནག་པོ་འོངས་པ་ལེགས་སོ། །འོངས་པ་ལེགས་སོ། །ཁྱོད་མཐོང་བ་ནི། ཁོ་བོ་ཅག་དགའ་ན། འོངས་པ་ནི། མ་ཡིན་ནོ། །ཅིའི་ཕྱིར། འདི་ལྟར། ཁྱོད་ལ་བརྟེན་ནས་ཡངས་པ་ཅན་གྱི་ལི་ཙ་བྱི་རྣམས་སངས་རྒྱས་ལ་མངོན་པར་དད། ཆོས་དང་དགེ་འདུན་ལ་མངོན་པར་དད་པས། སངས་རྒྱས་དང ། ཆོས་དང ། དགེ་འདུན་ལ་ལྷག་པར་བྱ་བ་བྱེད་དོ། །དེས་སྨྲས་པ། དེ་ནི། མད་མོད་ཀྱི། ཡངས་པ་ཅན་གྱི་དགེ་སློང་རྣམས་ཀྱིས་བདག་ལ་གླེང་བར་མ་བྱས། དྲན་པར་མ་བྱས་པར་མཐུས་གནས་ནས་དབྱུང་བའི་ལས་བྱས་སོ། །ཞེས་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་འདུག་ཅིག་།ཁྱོད་ངས་ཆོས་ཀྱིས་བསླང་བར་བྱའོ། །དེ་ནས་བཅོམ་ལྡན་འདས་ཀྱིས་ཆོས་ཀྱིས་བསླང་ངོ ། །ཡངས་པ་ཅན་གྱི་དགེ་སློང་རྣམས། བདག་ཅག་གིས་དགེ་སློང་ནག་པོ་སྐྱོན་མེད་པ། གནོད་པ་མ་བྱས་པ་ལ་མཐུས་གནས་ནས་དབྱུང་བའི་ལས་བྱས་པ་གང་ཡིན་པ་ནི། མ་ལེགས་པ་ཞིག་བྱས་སོ། །ཞེས་འགྱོད་པ་སྐྱེས་ནས། དེ་རྣམས་ལྷུང་བཟེད་དང་ཆོས་གོས་བླངས་
Ga376a
༄#། །ཏེ་མཉན་ཡོད་གང་ན་བ་དེར་རྒྱུ་ཞིང་སོང་བ་ལས། དེ་རྣམས་ཀྱིས་ལམ་གར་དགེ་སློང་ཞིག་མཐོང་ནས་སྨྲས་པ། ཚེ་དང་ལྡན་པ། ཁྱོད་གང་ནས་འོངས། མཉན་ཡོད་ནས་སོ། ། ཁྱོད་ཀྱིས་རི་དྭགས་འཛིན་གྱི་བུ་ནག་པོ་མཐོང་ངམ། མཐོང་ངོ ། །དེ་ཅི་བྱ། ཁོ་བོ་ཅག་གིས་དེ་སྐྱོན་མེད་པ། གནོད་པ་མ་བྱས་པ་ལ་གླེང་བ་མ་བྱས། དྲན་པར་མ་བྱས་པར་མཐུས་གནས་ནས་དབྱུང་བའི་ལས་བྱས་སོ། །བསླང་ཟིན་ཏོ། །སུས། བཅོམ་ལྡན་འདས་ཀྱིས་སོ། །དེ་ན་ཁ་ཅིག་གིས་འདི་སྐད་ཅེས་སྨྲས་སོ། །བསླང་བ་ནི། མ་ཡིན་གྱི། ཐག་བསྲིང་བར་བསླང་བ་ཡིན་ཏེ། འདི་ལྟར་དེ་བདག་ཅག་གིས་གནས་ནས་དབྱུང་བའི་ལས་བྱས་ལ། བདག་ཅག་གི་མངོན་སུམ་དུ་མ་གྱུར་པར་དེ་བསླང་བ་ནི། རིགས་པ་མ་ཡིན་ནོ། །ཁ་ཅིག་གིས་སྨྲས་པ། གལ་ཏེ་བཅོམ་ལྡན་འདས་ཆོས་ཀྱི་རྗེ། བདེ་བར་གཤེགས་པ་ཆོས་ཀྱི་རྗེས་བསླང་ན། ལེགས་པར་བསླང་བ་ཡིན་ནོ། །དེ་རྣམས་རིམ་གྱིས་མཉན་ཡོད་དུ་ཕྱིན་པ་དང ། ལྷུང་བཟེད་དང་ཆོས་གོས་མཁོས་སུ་ཕབ་ནས་རྐང་པ་གཉིས་བཀྲུས་ཏེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ཡངས་པ་ཅན་གྱི་དགེ་སློང་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ། བདག་ཅག་བུས་པ། བླུན་པ། མི་གསལ་བ། མི་མཁས་པ་རྣམས་ཀྱིས།
Ga376b
རི་དྭགས་འཛིན་གྱི་བུ་ནག་པོ་སྐྱོན་མ་མཆིས་པ། གནོད་པ་མ་བགྱིས་པ་ལ་གླེང་བ་མ་བགྱིས། དྲན་པ་མ་བགྱིས་པར་མཐུས་གནས་ནས་དབྱུང་བའི་ལས་བགྱིས་པ། བདག་ཅག་འགྱོད་པ་སྐྱེས་ནས་རི་དྭགས་འཛིན་གྱི་བུ་ནག་པོ་ལ་བཟོད་པ་གསོལ་དུ་འདིར་མཆིས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། རྩོད་པ་དེ། དེ་བཞིན་གཤེགས་པས་འདི་ལྟ་སྟེ། ཆོས་ཀྱིས་བསླང་ཟིན་ནོ། །བཙུན་པ། བདག་ཅག་གིས་བཤུལ་ཀར་དགེ་སློང་ཞིག་ལས། བཅོམ་ལྡན་འདས་ཀྱིས་རྩོད་པ་དེ། འདི་ལྟ་སྟེ། ཆོས་ཀྱིས་བསླང་ལགས་སོ། །ཞེས་ཐོས་ཏེ། དེ་ལྟ་ལགས་མོད་ཀྱི། བདག་ཅག་གི་ནང་ན་ཁ་ཅིག་གི་མཆིད་ནས་འདི་སྐད་ཅེས། བསླང་བ་མ་ལགས་ཀྱི། ཐག་བསྲིང་བར་བསླང་བ་ལགས་ཏེ། འདི་ལྟར། དེར་བདག་ཅག་མངོན་སུམ་དུ་མ་གྱུར་ཏོ། །ཞེས་མཆིའོ། །གཞན་དག་ནི། གལ་ཏེ་བཅོམ་ལྡན་འདས་ཆོས་ཀྱི་རྗེ། བདེ་བར་གཤེགས་པ་ཆོས་ཀྱི་རྗེས་བསླང་བ་ནི། ལེགས་པར་བསླང་བ་ལགས་སོ། །ཞེས་མཆིའོ། །བཅོམ་ལྡན་འདས་ཀྱིས་དགོངས་པ། ཀྱེ་མའོ། །ངའི་ཉན་ཐོས་རྣམས་ནི། འདི་ལྟ་སྟེ། སྟོན་པའི་བསྟན་པ་ཆོས་འདུལ་བས། རྩོད་པ་སྐྱེ་ཞིང་བྱུང་བ་ཞི་བར་བྱ་བར་འདོད་དོ། །སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག། ཇི་ལྟར་ན་མངོན་སུམ་དུ་འདུལ་བར་འོས་པ་ནི། རྩོད་པ་ཞི་བར་བྱེད་པ་ཡིན། ཇི་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མངོན་སུམ་དུ་
Ga377a
༄#། །འདུལ་བར་འོས་པའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ཞེ་ན། དགེ་སློང་དག། འདི་ལ་ཆོས་འདུལ་བས་གང་ཟག་གིས་གང་ཟག་ལ་མིག་བཞི་མངོན་སུམ་དུ་གླེང་བ་དང ། ཆོས་འདུལ་བས་གཉིས་ཀྱིས་མང་པོ་དང ། དགེ་འདུན་ལ་མིག་བཞི་མངོན་སུམ་དུ་གླེང་བ་དང ། ཆོས་འདུལ་བས་གང་ཟག་གཉིས་ཀྱིས་གང་ཟག་ལ་མིག་བཞི་མངོན་སུམ་དུ་གླེང་བ་དང ། ཆོས་འདུལ་བས་གང་ཟག་གཉིས་ཀྱིས་གཉིས་དང་མང་པོ་དང ། དགེ་འདུན་ལ་མིག་བཞི་མངོན་སུམ་དུ་གླེང་བ་དང ། ཆོས་འདུལ་བས་གང་ཟག་མང་པོས་གང་ཟག་ལ་མིག་བཞི་མངོན་སུམ་དུ་གླེང་བ་དང ། ཆོས་འདུལ་བས་གང་ཟག་མང་པོས་གཉིས་དང་མང་པོ་དང ། དགེ་འདུན་ལ་མིག་བཞི་མངོན་སུམ་དུ་གླེང་བ་དང ། ཆོས་འདུལ་བས་དགེ་འདུན་གྱིས་གང་ཟག་ལ་མིག་བཞི་མངོན་སུམ་དུ་གླེང་བ་དང ། ཆོས་འདུལ་བས་དགེ་འདུན་གྱིས་གཉིས་དང་མང་པོ་དང ། དགེ་འདུན་ལ་མིག་བཞི་མངོན་སུམ་དུ་གླེང་བའོ། །ཆོས་མ་ཡིན་པའི་མངོན་སུམ་དུ་འདུལ་བར་འོས་པ་སྦྱིན་པ་བཅུ་དྲུག་དང ། ཆོས་ཀྱི་བཅུ་དྲུག་གོ་།ཆོས་མ་ཡིན་པའི་བཅུ་དྲུག་གང་ཞེ་ན། གང་ཟག་ཆོས་དང་མི་མཐུན་པས་གང་ཟག་ཆོས་དང་མཐུན་པ་དང ། གང་ཟག་ཆོས་དང་མི་མཐུན་པ་གཉིས་ཀྱིས་གང་ཟག་ཆོས་དང་མཐུན་པ་དང ། གང་ཟག་ཆོས་དང་མི་མཐུན་པ་མང་པོས། གང་ཟག་ཆོས་དང་མཐུན་པ་དང ། དགེ་འདུན་ཆོས་དང་མི་མཐུན་པས། གང་ཟག་ཆོས་དང་མཐུན་པ་དང ། གང་ཟག་
Ga377b
ཆོས་དང་མི་མཐུན་པ་གཉིས་ཀྱིས། གང་ཟག་ཆོས་དང་མཐུན་པ་དང ། གང་ཟག་ཆོས་དང་མི་མཐུན་པ་གཉིས་ཀྱིས་གང་ཟག་ཆོས་དང་མཐུན་པ་གཉིས་དང ། གང་ཟག་ཆོས་དང་མི་མཐུན་པ་གཉིས་ཀྱིས། གང་ཟག་ཆོས་དང་མི་མཐུན་པ་མང་པོ་དང ། གང་ཟག་ཆོས་དང་མི་མཐུན་པ་གཉིས་ཀྱིས། དགེ་འདུན་ཆོས་དང་མཐུན་པ་དང ། གང་ཟག་ཆོས་དང་མི་མཐུན་པ་མང་པོས། གང་ཟག་ཆོས་དང་མཐུན་པ་དང ། གང་ཟག་ཆོས་དང་མི་མཐུན་པ་མང་པོས། གང་ཟག་ཆོས་དང་མཐུན་པ་གཉིས་དང ། གང་ཟག་ཆོས་དང་མི་མཐུན་པ་མང་པོས། གང་ཟག་ཆོས་དང་མཐུན་པ་མང་པོ་དང ། གང་ཟག་ཆོས་དང་མི་མཐུན་པ་མང་པོས། དགེ་འདུན་ཆོས་དང་མཐུན་པ་དང ། དགེ་འདུན་ཆོས་དང་མི་མཐུན་པས། གང་ཟག་ཆོས་དང་མཐུན་པ་དང ། དགེ་འདུན་ཆོས་དང་མི་མཐུན་པས། གང་ཟག་ཆོས་དང་མཐུན་པ་གཉིས་དང ། དགེ་འདུན་ཆོས་དང་མི་མཐུན་པས། གང་ཟག་ཆོས་དང་མཐུན་པ་མང་པོ་དང ། དགེ་འདུན་ཆོས་དང་མི་མཐུན་པས། དགེ་འདུན་ཆོས་དང་མཐུན་པ་སྟེ། འདི་དག་ནི། ཆོས་མ་ཡིན་པའི་མངོན་སུམ་དུ་འདུལ་བར་འོས་པ་སྦྱིན་པ་བཅུ་དྲུག་ཡིན་ནོ། །ཆོས་ཀྱི་མངོན་སུམ་དུ་འདུལ་བར་འོས་པ་སྦྱིན་པ་བཅུ་དྲུག་གང་ཞེ་ན། གང་ཟག་ཆོས་དང་མཐུན་པས། གང་ཟག་ཆོས་དང་མི་མཐུན་པ་དང ། གང་ཟག་ཆོས་དང་མཐུན་པས། གང་ཟག་ཆོས་དང་མི་མཐུན་པ་གཉིས་དང ། གང་ཟག་ཆོས་དང་མཐུན་པས། གང་ཟག་ཆོས་དང་མི་མཐུན་པ་མང་པོ་དང ། གང་ཟག་ཆོས་དང་མཐུན་
Ga378a
༄#། །པས་དགེ་འདུན་ཆོས་དང་མི་མཐུན་པ་དང ། གང་ཟག་ཆོས་དང་མཐུན་པ་གཉིས་ཀྱིས། གང་ཟག་ཆོས་དང་མི་མཐུན་པ་དང ། གང་ཟག་ཆོས་དང་མཐུན་པ་གཉིས་ཀྱིས། གང་ཟག་ཆོས་དང་མི་མཐུན་པ་གཉིས་དང ། གང་ཟག་ཆོས་དང་མཐུན་པ་གཉིས་ཀྱིས། གང་ཟག་ཆོས་དང་མི་མཐུན་པ་མང་པོ་དང ། གང་ཟག་ཆོས་དང་མཐུན་པ་གཉིས་ཀྱིས། དགེ་འདུན་ཆོས་དང་མི་མཐུན་པ་དང ། གང་ཟག་ཆོས་དང་མཐུན་པ་མང་པོས་གང་ཟག་ཆོས་དང་མི་མཐུན་པ་དང ། གང་ཟག་ཆོས་དང་མཐུན་པ་མང་པོས། གང་ཟག་ཆོས་དང་མི་མཐུན་པ་གཉིས་དང ། གང་ཟག་ཆོས་དང་མཐུན་པ་མང་པོས། གང་ཟག་ཆོས་དང་མི་མཐུན་པ་མང་པོ་དང ། གང་ཟག་ཆོས་དང་མཐུན་པ་མང་པོས། དགེ་འདུན་ཆོས་དང་མི་མཐུན་པ་དང ། དགེ་འདུན་ཆོས་དང་མཐུན་པས། གང་ཟག་ཆོས་དང་མི་མཐུན་པ་དང ། དགེ་འདུན་ཆོས་དང་མཐུན་པས། གང་ཟག་ཆོས་དང་མི་མཐུན་པ་གཉིས་དང ། དགེ་འདུན་ཆོས་དང་མཐུན་པས། གང་ཟག་ཆོས་དང་མི་མཐུན་པ་མང་པོ་དང ། དགེ་འདུན་ཆོས་དང་མཐུན་པས། དགེ་འདུན་ཆོས་དང་མི་མཐུན་པ་སྟེ། འདི་དག་ནི། ཆོས་ཀྱི་མངོན་སུམ་དུ་འདུལ་བར་འོས་པ་སྦྱིན་པ་བཅུ་དྲུག་ཡིན་ནོ། །དགེ་སློང་དག། དེ་ལྟར་ན། མངོན་སུམ་དུ་འདུལ་བར་འོས་པ་ནི། རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། མངོན་སུམ་དུ་འདུལ་བར་འོས་པའི་
Ga378b
རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ནོ། །དགེ་སློང་དག། ཇི་ལྟར་ན། དེའི་ངོ་བོ་ཉིད་ཚོལ་དུ་གཞུག་པར་འོས་པ་ནི། རྩོད་པ་ཞི་བར་བྱེད་པ་ཡིན། ཇི་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། དེའི་ངོ་བོ་ཉིད་ཚོལ་དུ་གཞུག་པར་འོས་པའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ཞེ་ན། འདི་ལྟ་སྟེ། དགེ་སློང་མེ་བཞི་དགེ་འདུན་གྱི་ནང་དུ་ལྟུང་བ་བརྗེད་པ་ལས་བརྗེད་པ་སླར་དྲན་ཏེ་ཤེས་པ་ལས། ཡང་བརྗེད་པའི་སྐབས་དེ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག། ཁྱོད་ཀྱིས་དགེ་སློང་མེ་བཞི་དང ། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ། དེའི་ངོ་བོ་ཉིད་ཚོལ་དུ་གཞུག་པར་འོས་པ་བྱིན་ཅིག། སྦྱིན་པ་ནི། འདི་ལྟར་བྱ་སྟེ། གནས་མལ་བཤམ་ལ་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་ཚོགས་ཤིང་མཐུན་པར་གྱུར་པ་དང ། དགེ་སློང་མེ་བཞིས་བླ་གོས་ཕྲག་པ་གཅིག་ཏུ་གཟར་ཏེ། རྒན་པའི་མཐར་ཙོག་ཙོག་པོར་འདུག་ལ་ཐལ་མོ་སྦྱར་ཏེ། དེའི་ངོ་བོ་ཉིད་ཚོལ་དུ་གཞུག་པར་འོས་པ་གསོལ་བ་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། བདག། དགེ་སློང་མེ་བཞི་དགེ་འདུན་གྱི་ནང་དུ་ལྟུང་བར་བསྐྱུད་པ་ལས། བསྐྱུད་པ་སླར་དྲན་ཏེ་འཚལ་བ་ལས། ཡང་བསྐྱུད་ནས་དགེ་འདུན་ལ་བདག་དེའི་ངོ་བོ་ཉིད་ཚོལ་དུ་གཞུག་པར་འོས་པ་གསོལ་ན། དགེ་འདུན་
Ga379a
༄#། །བཙུན་པ་ཐུགས་བརྩེ་བ་ཅན། ཐུགས་བརྩེ་བ་ཉེ་བར་བཟུང་སྟེ། བདག་དགེ་སློང་མེ་བཞི་ལ་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྩལ་དུ་གསོལ། དེ་སྐད་ལན་གཉིས་ལན་གསུམ་དུ་བརྗོད་པར་བྱའོ། །དེའི་འོག་ཏུ་དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། དགེ་སློང་མེ་བཞི་འདི་དགེ་འདུན་གྱི་ནང་དུ་ལྟུང་བ་བསྐྱུད་པ་ལས། བསྐྱུད་པ་སླར་དྲན་ཏེ་འཚལ་བ་དང ། ཡང་བསྐྱུད་ནས་དགེ་སློང་མེ་བཞི་འདི། དགེ་འདུན་ལ་དེའི་ངོ་བོ་ཉིད་ཚོལ་དུ་གཞུག་པར་འོས་པ་གསོལ་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། འདི་ལྟར། དགེ་འདུན་གྱིས་དགེ་སློང་མེ་བཞི་ལ། དེའི་ངོ་བོ་ཉིད་ཚོལ་དུ་གཞུག་པར་འོས་པ་སྩོལ་བར་མཛད་དོ། ། འདི་ནི། གསོལ་བའོ། །ལས་ནི། འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མེ་བཞི་འདི་དགེ་འདུན་གྱི་ནང་དུ་ལྟུང་བ་བསྐྱུད་པ་ལས། བསྐྱུད་པ་སླར་དྲན་ཏེ་འཚལ་བ་དང ། ཡང་བསྐྱུད་ནས་འདི་ལྟར། དགེ་འདུན་གྱིས་དགེ་སློང་མེ་བཞི་ལ་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྩོལ་བར་མཛད་ན། ཚེ་དང་ལྡན་པ་གང་དག། དགེ་སློང་མེ་བཞི་ལ་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྩོལ་བར་བཟོད་པ་དེ་དག་ནི། ཅང་མ་གསུངས་ཤིག། གང་ཟག་མི་བཟོད་པ་དེ་དག་ནི། གསུངས་ཤིག། འདི་ནི། ལས་བརྗོད་
Ga379b
པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་དང་གསུམ་གྱི་བར་དུ་བརྗོད་པར་བྱའོ། །དགེ་འདུན་གྱིས་བཟོད་ཅིང་གནང་ནས། དགེ་འདུན་གྱིས་དགེ་སློང་མི་བཞི་ལ་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྩལ་ལགས་ཏེ། འདི་ལྟར། ཅང་མི་གསུང་བས་དེ་དེ་བཞིན་དུ་འཛིན་ཏོ། །ངས་དེའི་ངོ་བོ་ཉིད་ཚོལ་དུ་གཞུག་པར་འོས་པ་བྱིན་པའི་དགེ་སློང་གི་ཀུན་ཏུ་སྤྱོད་པའི་ཆོས་བཅའ་བར་བྱ་སྟེ། དེའི་ངོ་བོ་ཉིད་ཚོལ་དུ་གཞུག་པར་འོས་པ་བྱིན་པའི་དགེ་སློང་གིས་རབ་ཏུ་དབྱུང་བར་མི་བྱ། བསྙེན་པར་རྫོགས་པར་མི་བྱ། གནས་མི་སྦྱིན། དགེ་ཚུལ་གཞག་པར་མི་བྱ། འདིས་ལས་མི་བྱ། ལས་བྱེད་པར་བསྐོ་བར་མི་བྱ། འདིས་དགེ་སློང་མ་ལ་གདམས་ངག་སྦྱིན་པར་མི་བྱ། དགེ་སློང་མའི་གདམས་ངག་སྟོན་པར་བསྐོ་བར་མི་བྱ། སྔོན་བསྐོས་ན་ཡང་དགེ་སློང་མ་ལ་གདམས་ངག་སྦྱིན་པར་མི་བྱ། འདིས་དགེ་སློང་ལ་ཚུལ་ཁྲིམས་ཉམས་པ་དང ། ལྟ་བ་ཉམས་པ་དང ། སྤྱོད་པ་ཉམས་པ་དང ། འཚོ་བ་ཉམས་པས་གླེང་བར་མི་བྱ། དྲན་པར་མི་བྱ་སྟེ། འདིས་གདམས་ངག་དབོག་པར་མི་བྱ། གསོ་སྦྱོང་ལ་མ་ཡིན། དགག་དབྱེ་ལ་མ་ཡིན། གསོལ་བ་ལ་མ་ཡིན། གསོལ་བ་དང་གཉིས་ལ་མ་ཡིན། གསོལ་བ་དང་བཞིའི་ལས་ལ་མ་ཡིན་ཞིང ། གང་དག་འདུལ་བ་འཛིན་པ་གཞན་ཡོད་ན། དགེ་འདུན་གྱི་ནང་དུ་འདུལ་བ་གདོན་པར་ཡང་མི་བྱའོ། །དེའི་ངོ་བོ་ཉིད་ཚོལ་དུ་གཞུག་པར་འོས་པ་བྱིན་པའི་དགེ་སློང་གིས་ཀུན་ཏུ་སྤྱོད་པའི་ཆོས་ཇི་ལྟར་བཅས་པ་བཞིན་ཡང་དག་པར་བླངས་ཏེ་འཇུག་པར་མི་བྱེད་ན། འགལ་ཚབས་ཅན་དུ་འགྱུར་
Ga380a
༄#། །རོ། །ཆོས་མ་ཡིན་པ་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྦྱིན་པ་ཆོས་མ་ཡིན་པའི་གཅིག་དང ། ཆོས་ཀྱི་གཅིག་གོ་།ཆོས་མ་ཡིན་པའི་གཅིག་གང་ཞེ་ན། འདི་ལྟ་སྟེ། དགེ་སློང་གཞི་ཅན་དགེ་འདུན་གྱི་ནང་དུ་ལྟུང་བ་དྲན་ཏེ། ཤེས་པ་ལས་བརྗེད་པ་དེ་བརྗེད་ནས་ཡང་དྲན་པ་དེ་ལ་དགེ་འདུན་གྱིས་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྦྱིན་པ་ནི། ཆོས་མ་ཡིན་པའི་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྦྱིན་པ་སྟེ། འདི་ནི། ཆོས་མ་ཡིན་པའི་གཅིག་ཡིན་ནོ། །ཆོས་ཀྱི་གཅིག་གང་ཞེ་ན། འདི་ལྟ་སྟེ། དགེ་སློང་གཞི་ཅན་དགེ་འདུན་གྱིས་ནང་དུ་ལྟུང་བ་བརྗེད་པ་ལས། བརྗེད་པ་སླར་དྲན་ཏེ་ཤེས་པ་དང ། ཡང་བརྗེད་པ་དེ་ལ་དགེ་འདུན་གྱིས་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྦྱིན་པ་བྱིན་པ་ནི། ཆོས་ཀྱི་དེའི་ངོ་བོ་ཉིད་ཚོལ་དུ་གཞུག་པར་འོས་པ་སྦྱིན་པ་སྟེ། འདི་ནི། ཆོས་ཀྱི་གཅིག་ཡིན་ནོ། །དགེ་སློང་དག། དེ་ལྟར་ན། དེའི་ངོ་བོ་ཉིད་ཚོལ་དུ་གཞུག་པར་འོས་པ་ནི། རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། དེའི་ངོ་བོ་ཉིད་ཚོལ་དུ་གཞུག་པར་འོས་པའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ནོ། །དགེ་སློང་དག། ཇི་ལྟར་ན། རྩཝ་བཀྲམ་པ་ལྟ་བུར་འོས་པ་ནི། རྩོད་པ་ཞི་བར་བྱེད་པ་ཡིན། ཇི་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། རྩཝ་བཀྲམ་པ་ལྟ་བུར་འོས་པའི་རྩོད་པ་ཞི་བར་བྱེད་པ། དུལ་བ་དང ། ཞི་བ་དང །
Ga380b
ཉེ་བར་ཞི་བ་ཡིན་ཞེ་ན། འདི་ལྟ་སྟེ། དགེ་སློང་རྣམས་འཐབ་པར་གྱུར་ཅིང ། མཚང་འདྲུ་བ་དང ། འཐབ་མོ་དང ། འགྱེད་པར་གྱུར་ནས་གནས་ཤིང ། ཕྱོགས་དང་ཕྱོགས་གཞན་དུ་རྣམ་པར་གནས་ན། ཕྱོགས་གཅིག་ན་དགེ་སློང་གནས་བརྟན་གནས་བརྟན་གང་ཡང་རུང་བ། ཤེས་ཉེན་ཅན་ཤེས་ཉེན་ཅན་གང་ཡང་རུང་བ། གཙོ་བོ་གཙོ་བོ་གང་ཡང་རུང་བ། ཡོད་པ་གང་ཡིན་པ་དེས་རང་གི་ཕྱོགས་ཀྱི་དྲུང་དུ་སོང་སྟེ་ཚིག་འདི་སྐད་ཅེས། ཚེ་དང་ལྡན་པ་དག་།བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འཐབ་པར་གྱུར་ཅིང ། མཚང་འདྲུ་བ་དང ། འཐབ་མོ་དང ། འགྱེད་པར་གྱུར་པ་ནི། བདག་ཅག་གིས་རྙེད་པ་རྙེད་པ་མ་ཡིན་ཏེ། ཉེས་པ་རྙེད་ཀྱི། ལེགས་པ་མ་རྙེད་པས། ཚེ་དང་ལྡན་པ་དག། གཞི་འདི་ལ་ཁོ་བོ་དང་ཁྱོད་ཀྱི་ལྟུང་བ་བྱུང་བ་གང་ཡིན་པ་ལས། ཁ་ན་མ་ཐོ་བ་སྦོམ་པོའམ། ཁྱིམ་ན་གནས་པ་ལ་བརྟེན་པ་མ་གཏོགས་པ། ཁོ་བོས་བདག་དང་ཁྱོད་ཀྱི་ཆེད་དུ་ཚེ་དང་ལྡན་པ་དེ་དག་གི་དྲུང་དུ་མི་བཅབ་པར་མཐོལ་ཞིང་བཤགས་པར་སྤྲོའོ། །ཞེས་སྨྲ་བར་བྱའོ། ། གལ་ཏེ་དགེ་སློང་དེ་ལ་རང་གི་ཕྱོགས་ནས་དགེ་སློང་གཅིག་གིས་ཀྱང་སྨྲས་པ་མ་བཟློག་ཅིང་མི་གཤེ་ན། དེ་ནས་དགེ་སློང་དེས་ཕྱོགས་གཅིག་ཤོས་ཀྱི་དྲུང་དུ་སོང་ནས་བླ་གོས་ཕྲག་པ་གཅིག་ཏུ་གཟར་ཏེ་རྒན་རིམ་ཇི་ལྟ་བ་བཞིན་དུ་འདུད་པ་བྱས་ལ་ཙོག་ཙོག་པོར་འདུག་སྟེ་ཚིག་འདི་སྐད་ཅེས། ཚེ་དང་ལྡན་པ་དག། ཁོ་བོ་ཅག་ལེགས་པར་གསུངས་བའི་ཆོས་འདུལ་བ་ལ་རབ་ཏུ་བྱུང་ནས་འཐབ་བར་
Ga381a
༄#། །གྱུར་ཅིང ། མཚང་འདྲུ་བ་དང ། འཐབ་མོ་དང ། འགྱེད་པར་གྱུར་པ་ནི། ཁོ་བོ་ཅག་གིས་རྙེད་པ་རྙེད་པ་མ་ཡིན་ཏེ། ཉེས་པ་རྙེད་ཀྱི། ལེགས་པ་མ་རྙེད་པས། གཞི་འདི་ལ་ཁོ་བོ་དང་ཚེ་དང་ལྡན་པ་དེ་དག་གི་ལྟུང་བ་བྱུང་བ་གང་ཡིན་པ་ལས། ཁ་ན་མ་ཐོ་བ་སྦོམ་པོའམ། ཁྱིམ་ན་གནས་པ་ལ་བརྟེན་པ་མ་གཏོགས་པ། ཁོ་བོས་བདག་དང་ཚེ་དང་ལྡན་པ་དེ་དག་གི་ཆེད་དུ་ཁྱེད་ཀྱི་དྲུང་དུ་མི་བཅབ་པར་མཐོལ་ཞིང་བཤགས་པར་སྤྲོའོ། །ཞེས་སྨྲ་བར་བྱའོ། །ཕྱོགས་གཅིག་ཤོས་ན་དགེ་སློང་གནས་བརྟན་གནས་བརྟན་གང་ཡང་རུང་བ། ཤེས་ཉེན་ཅན་ཤེས་ཉེན་ཅན་གང་ཡང་རུང་བ། གཙོ་བོ་གཙོ་བོ་གང་ཡང་རུང་བ་ཡོད་པ་གང་ཡིན་པ་དེས་ཀྱང་རང་གི་ཕྱོགས་ཀྱི་དྲུང་དུ་སོང་སྟེ་ཚིག་འདི་སྐད་ཅེས། ཚེ་དང་ལྡན་པ་དག། བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འཐབ་པར་གྱུར་ཅིང ། མཚང་འདྲུ་བ་དང ། འཐབ་མོ་དང ། འགྱེད་པར་གྱུར་པ་ནི། བདག་ཅག་གིས་རྙེད་པ་རྙེད་པ་མ་ཡིན་ཏེ། ཉེས་པ་རྙེད་ཀྱི། ལེགས་པ་མ་རྙེད་པས། ཚེ་དང་ལྡན་པ་དག་།གཞི་འདི་ལ་ཁོ་བོ་དང་ཁྱེད་ཀྱི་ལྟུང་བ་ཕྱུང་བ་གང་ཡིན་པ་ལས། ཁ་ན་མ་ཐོ་བ་སྦོམ་པོའམ། ཁྱིམ་ན་གནས་པ་ལ་བརྟེན་པ་མ་གཏོགས་པ། ཁོ་བོས་བདག་དང་ཁྱེད་ཀྱི་ཆེད་དུ་ཚེ་དང་ལྡན་པ་དེ་དག་གི་དྲུང་དུ་མི་བཅབ་པར་མཐོལ་ཞིང་བཤགས་པར་སྤྲོའོ། །ཞེས་སྨྲ་བར་བྱའོ། །གལ་ཏེ་དགེ་སློང་དེ་ལ་རང་གི་ཕྱོགས་ནས་དགེ་སློང་གཅིག་གིས་ཀྱང་སྨྲས་པ་
Ga381b
མ་བཟློག་ཅིང་མི་གཤེ་ན། དེ་ནས་དགེ་སློང་དེ། ཕྱོགས་གཅིག་ཤོས་ཀྱི་དྲུང་དུ་སོང་ནས་བླ་གོས་ཕྲག་པ་གཅིག་ཏུ་གཟར་ཏེ་རྒན་རིམ་ཇི་ལྟ་བ་བཞིན་དུ་འདུད་པ་བྱས་ལ་ཙོག་ཙོག་པོར་འདུག་སྟེ་ཚིག་འདི་སྐད་ཅེས། ཚེ་དང་ལྡན་པ་དག་།ཁོ་བོ་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་འཐབ་པར་གྱུར་ཅིང ། མཚང་འདྲུ་བ་དང ། འཐབ་མོ་དང ། འགྱེད་པར་གྱུར་པ་ནི། ཁོ་བོ་ཅག་གིས་རྙེད་པ་རྙེད་པ་མ་ཡིན་ཏེ། ཉེས་པ་རྙེད་ཀྱི། ལེགས་པ་མ་རྙེད་པས། གཞི་འདི་ལ་ཁོ་བོ་དང་ཚེ་དང་ལྡན་པ་དེ་དག་གི་ལྟུང་བ་བྱུང་བ་གང་ཡིན་པ་ལས། ཁ་ན་མ་ཐོ་བ་སྦོམ་པོའམ། ཁྱིམ་ན་གནས་པ་ལ་བརྟེན་པ་མ་གཏོགས་པ། ཁོ་བོས་བདག་དང་ཚེ་དང་ལྡན་པ་དེ་དག་གི་ཆེད་དུ་ཁྱེད་ཀྱི་དྲུང་དུ་མི་འཆབ་པར་མཐོལ་ཞིང་བཤགས་པར་སྤྲོའོ། །ཞེས་སྨྲ་པར་བྱའོ། །གང་གི་ཚེ་ཕྱོགས་གཅིག་གིས་གཅིག་ཤོས་ལའམ། གཅིག་ཤོས་ཀྱིས་གཅིག་ཤོས་ལ་སྤུས་ལ་ལྟུང་བ་ལྟ་བུར་བྱེད། འབྱུང་བར་བསྐྱོད། མཚུངས་པར་ཉེ་བར་སྟོན་པར་མཛད་ཀྱི། ཕན་ཚུན་དུ་ལྟུང་བ་སྒྲོག་པས་གླེང་བར་མི་བྱེད་ན། དེ་ལྟར་ན། རྩོད་པ་དེ་འདི་ལྟ་སྟེ། རྩཝ་བཀྲམ་པ་ལྟ་བུར་འོས་པས་ཞི་བ་ཡིན་ཏེ། དགེ་སློང་དག། དེ་ལྟར་ན། རྩཝ་བཀྲམ་པ་ལྟ་བུར་འོས་པ་ནི། རྩོད་པ་ཞི་བར་བྱེད་པ་ཡིན་ཞིང ། དེ་ལྟར་ན། འདི་ན་ཁ་ཅིག་གི་རྩོད་པ་རྣམས་འདི་ལྟ་སྟེ། རྩ་བཀྲམ་པ་ལྟ་བུར་འོས་པའི་རྩོད་པ་ཞི་བར་བྱེད་པས་དུལ་བ་དང ། ཞི་བ་དང ། ཉེ་བར་ཞི་བ་ཡིན་ནོ། །དགེ་སློང་དག་།ལྟུང་བའི་རྩོད་
Ga382a
༄#། །པ་ནི། རྩོད་པ་ཞི་བར་བྱེད་པའི་ཆོས་བཞི་པོ་འདིས་དུལ་བར་བྱ། ཞི་བར་བྱ། ཉེ་བར་ཞི་བར་བྱ་བ་ནི། འདི་ལྟ་སྟེ། ཁས་བླང་བར་འོས་པ་དང ། མངོན་སུམ་དུ་འདུལ་བར་འོས་པ་དང ། དེའི་ངོ་བོ་ཉིད་ཚོལ་དུ་གཞུག་པར་འོས་པ་དང ། རྩཝ་བཀྲམ་པ་ལྟ་བུར་འོས་པས་སོ། །དགེ་སློང་དག་།བྱ་བའི་རྩོད་པ་ནི། དགེ་འདུན་མཐུན་པས་ཞི་བར་བྱའོ། །དགེ་སློང་དག་།གནས་གང་ན་དགེ་སློང་གཅིག་གནས་པ་དེ་ན་འཐབ་པ་མེད། མཚང་འདྲུ་བ་མེད། འཐབ་མོ་མེད། འགྱེད་པ་མེད་དོ། །གང་ན་གཉིས་ཡོད་པ་དེ་ན་ཡང་འཐབ་པ་མེད། མཚང་འདྲུ་བ་མེད། འཐབ་མོ་མེད། འགྱེད་པ་མེད་དོ། །གང་ན་གསུམ་ཡོད་པ་དེ་ན་ཡང ། འཐབ་པ་མེད། མཚང་འདྲུ་བ་མེད། འཐབ་མོ་མེད། འགྱེད་པ་མེད་དོ། །གང་ན་དགེ་སློང་བཞིའམ། ལྷག་པ་གནས་པ་དེ་ན་ནི། འཐབ་པ་དང ། མཚང་འདྲུ་བ་དང ། འཐབ་མོ་དང ། འགྱེད་པ་ཡོད་དོ། །དགེ་སློང་དག། ཚངས་པ་ཇི་བཞིན་གཅིག་དེ་བཞིན། །བརྒྱ་བྱིན་ཇི་བཞིན་གཉིས་དེ་བཞིན། ། རྒྱལ་པོ་ཇི་བཞིན་གསུམ་དེ་བཞིན། །དེ་ལས་ལྷག་པ་འཁྲུག་པར་འགྱུར། དགེ་སློང་དག། དེ་ལྟ་བས་ན། རྗེས་སུ་གནང་སྟེ། ཚིག་བཞི་པའི་ཚིགས་སུ་བཅད་པ་གཅིག་འཛིན་པ་གང་ཡིན་པ་དེ་ལ་ཡང ། ཆོས་ཀྱི་རྙེད་པ་སྦྱིན་པར་བྱ་ཞིང ། དེས་ཀྱང་ལོངས་སྤྱོད་པར་བྱ་སྟེ། འདི་ལ་འགྱོད་པར་ནི། མི་བྱའོ། །རྩོད་པའི་བཞི་རྫོགས་སོ།། །།འདུལ་བ་གཞི། བམ་པོ་བརྒྱད་ཅུ་པ།
Ga382b
དགེ་འདུན་དབྱེན་གྱི་བསྡུས་པའི་སྡོམ་ནི། མང་པོས་བཀུར་དང་ལྷག་ཡོས་དང ། །བ་གམ་རྙིང་དང་བཟང་པོ་དང ། །འཁོར་དང་ཀོའུ་དིན་རྫུ་འཕྲུལ་དང ། །ཀོའུ་ཤི་ཀས་ཟོས་དང་བ་དང ། །མནར་མེད་ལྷག་གྱུར་ཕྱི་མའོ། །སྡོམ་ནི། མང་པོས་བཀུར་དང་སེང་གེའི་འགྲམ། །ལེགས་པར་རབ་སད་དེ་བཞིན་དུ། དགའ་ལྡན་འདོད་པའི་རིགས་དང་ནི། །འདུན་པས་འདུག་དང་གཞོང་པ་དང ། །སྲིན་བུ་གོ་ཆ་བཟང་ལེན་དང ། །ལྷག་བཅས་པ་དང་དེ་བཅུའོ། །ཡངས་པ་ཅན་དུ་བསྟན་པ་དང ། །རབ་སྦྱིན་དང་ནི་གྲགས་འཛིན་དང ། །དང་བ་དང་ནི་མཁས་མ་དང ། །ས་འཚོ་མ་ནི་བསྟན་པ་དང ། །འཛམ་བུ་རི་དྭགས་ནང་སྐྱེས་དང ། རིགས་བདུན་ངན་སྤོང་བུ་དང་ནི། །རྒྱལ་པོའི་ཁབ་དང་དཀའ་ཐུབ་དང ། །རིང་འཕུར་དཀའ་སྤྱོད་དགའ་བོ་དང ། །ནག་པོ་བཀྲ་ཤིས་དེ་བཞིན་དུ། །བདུད་གཞོམ་པ་ནི་བྱས་པ་དང ། །འཁོར་ནི་མདོ་རུ་བསྡུས་པའོ། །གྲུ་འཛིན་དུ་དགྲ་འདུལ་དང་བརྒྱ་ཐམ་པའོ། །དམག་གིས་མི་ཚུགས་སུ་མ་རྒྱལ་བ་ལས་རྒྱལ་དང་ལྔ་ཁྲི་བཞི་སྟོང་ངོ ། །ཝཱ་ར་ཎཱ་སིར་བཟོད་དཀའ་དང་དྲུག་ཁྲི་སུམ་སྟོང་ངོ ། །ཀིམ་པི་ལར་ཚངས་སྦྱིན་དང་བརྒྱད་ཁྲི་བཞི་སྟོང་ངོ ། །གླང་པོ་ཆེའི་གྲོང་དུ་གླང་པོས་སྦྱིན་དང་སུམ་ཁྲི་ཉིས་སྟོང་ངོ ། །རྡོ་འཇོག་ཏུ་བལ་བུ་ཅན་དང་ལྔ་སྟོང་ངོ ། །བྲང་གིས་ཉལ་དུ་ཚན་པོ་ཆེ་འདུལ་དང་སུམ་ཁྲི་ཉིས་སྟོང་ངོ ། །མ་རྒྱལ་བ་ལས་རྒྱལ་དུ་བྱིན་དང་སུམ་ཁྲི་ཉིས་སྟོང་ངོ ། །ཀཱ་ན་ཀུབ་ཛར་རྒྱལ་སྡེ་དང་ཁྲི་ཉིས་སྟོང་ངོ ། །ཙམ་པར་ཀླུའི་ལྷ་དང་ཁྲི་བརྒྱད་སྟོང་ངོ ། །ཏ་ལའི་
Ga383a
༄#། །ཕྲེང་དུ་མིའི་ལྷ་དང་ཉིས་ཁྲི་ལྔ་སྟོང་ངོ ། །ཏམ་ལིར་རྒྱ་མཚོའི་ལྷ་དང་ཁྲི་ཉིས་སྟོང་ངོ ། །བ་སོའི་གྲོང་དུ་བློ་གྲོས་བཟང་པོ་དང་ཁྲི་བརྒྱད་སྟོང་ངོ ། །རྒྱལ་པོའི་ཁབ་ཏུ་མུན་སེལ་དང་ཉི་ཁྲི་ལྔ་སྟོང་ངོ ། །ཝཱ་ར་ཎཱ་སིར་དབང་ཕྱུག་ཆེན་པོའི་སྡེ་དང་བརྒྱ་ཐམ་པའོ། །རྩཝ་ཅན་དུ་རྒྱ་མཚོའི་སྡེ་དང་བརྒྱད་ཁྲི་བཞི་སྟོང་ངོ ། །གྲུ་འཛིན་དུ་དཀའ་ཐུབ་སྤྱོད་དང་སྟོང་ངོ ། །རྩཝ་ཅན་དུ་སའི་གདོང་དང་བརྒྱད་ཁྲི་བཞི་སྟོང་ངོ ། །ཝཱ་ར་ཎཱ་སིར་སའི་བདག་པོ་དང་འབུམ་མོ། །དམག་གིས་མི་ཚུགས་པར་ས་འཛིན་དང་འབུམ་མོ། །མི་ཐི་ལར་ལྷ་ཆེན་པོ་དང་བརྒྱད་ཁྲི་བཞི་སྟོང་ངོ ། །ཡང་མི་ཐི་ལར་ལྷ་ཆེན་པོ་ནས་བཟུང་སྟེ་མུ་ཁྱུད་ནས་ཤིང་རྟ་སྲ་བའི་བར་བརྒྱད་ཁྲི་བཞི་སྟོང་ངོ ། །ཀུན་ཏུ་སྣང་བར་ནམ་མཁའི་བདག་པོ་དང་ཀླུ་མཉམ་སྐྱོང་དང་བདུན་ཁྲི་བདུན་སྟོང་ངོ ། །ཝཱ་ར་ཎཱ་སིར་ཀྲི་ཀྲི་དང་ལེགས་སྐྱེས་དང་བརྒྱ་ཐམ་པའོ། །གྲུ་འཛིན་དུ་རྣ་བ་ཅན་དང་བུ་རམ་ཤིང་པ་དང་བརྒྱ་ཐམ་པའོ། །གྲུ་འཛིན་དུ་འཕགས་སྐྱེས་པོ་དང་བུ་རམ་ཤིང་པ་ལ་སོགས་པས་ཁྱིམ་གྱི་བར་བརྒྱ་ཐམ་པའོ། །སེར་སྐྱའི་གཞིར་ཤིང་རྟ་བཅུ་པ་ནས་བཟུང་སྟེ་ལྔ་ཁྲི་ལྔ་སྟོང་བྱུང་བ་ལ་སེང་གེའི་འགྲམ་ལས་བཞི་སྟེ། བཞི་པོ་དེ་རྣམས་ལས་གཉིས་གཉིས་སོ། །སངས་རྒྱས་བཅོམ་ལྡན་འདས་ཡུལ་སེར་སྐྱའི་གཞི་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དེ་ནས་སེར་སྐྱའི་གཞི་ན་གནས་པའི་ཤཱཀྱ་རབ་ཏུ་མང་པོ་འདུན་ཁང་དུ་ཚོགས་ཤིང་འདུས་ནས་བར་སྐབས་ཀྱི་གཏམ་འདི་ལྟ་བུ་དག་གླེང་བར་བྱེད་
Ga383b
དེ།་ཤེས་ལྡན་དག་།ཤཱཀྱ་རྣམས་ནི། གང་ལས་སྐྱེས། ཐོག་མ་ནི། གང་ཡིན། རྒྱུ་ནི། ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི། གང་ཡིན། གལ་ཏེ་བདག་ཅག་གི་དྲུང་དུ་འགའ་ཞིག་འོངས་ནས་འདི་སྐད་འདྲི་སྟེ། ཤེས་ལྡན་དག་།ཤཱཀྱ་རྣམས་ནི། གང་ལས་སྐྱེས། ཐོག་མ་ནི། གང་ཡིན། རྒྱུ་ནི། ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི། གང་ཡིན་ཞེས་དེ་སྐད་དུ་འདྲི་ན། བདག་ཅག་གིས་ནི། ཤཱཀྱ་རྣམས་ནི། གང་ལས་སྐྱེས་པ་དང ། ཐོག་མ་གང་ཡིན་པ་དང ། རྒྱུ་ནི། ཅི་ཞིག་ཡིན་པ་དང ། ཤཱཀྱ་རྣམས་ཀྱི་སྔོན་གྱི་རིགས་བརྒྱུད་ནི། གང་ཡིན་པ་ཡང་མི་ཤེས་ན། ཇི་སྐད་དུ་ལུང་བསྟན། ཚུར། བདག་ཅག་བཅོམ་ལྡན་འདས་གང་ན་བ་དེར་དོང་ལ་ལྷགས་པ་དང ། བཅོམ་ལྡན་འདས་ལ་དོན་འདི་ཉིད་ཞུས་ནས། བཅོམ་ལྡན་འདས་ཀྱིས་བདག་ཅག་ལ་ཇི་སྐད་དུ་ལུང་བསྟན་པ་དེ་བཞིན་དུ་གཟུང་བར་བྱའོ། །དེ་ནས་སེར་སྐྱའི་གཞི་ན་གནས་པའི་ཤཱཀྱ་རབ་ཏུ་མང་པོ་བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་སེར་སྐྱའི་གཞིའི་ཤཱཀྱ་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ། འདིར་བདག་ཅག་སེར་སྐྱའི་གཞིའི་ཤཱཀྱ་རབ་ཏུ་མང་པོ་འདུན་ཁང་དུ་ཚོགས་ཤིང་འདུག་ནས་བར་སྐབས་བཀའ་མཆིད་འདི་ལྟ་བུ་དག་གླེང་སྟེ། ཤཱཀྱ་རྣམས་ནི། གང་
Ga384a
༄#། །ལས་སྐྱེས། ཐོག་མ་ནི། གང་ཡིན། རྒྱུ་ནི། ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི། གང་ཡིན། གལ་ཏེ་བདག་ཅག་གི་དྲུང་དུ་འགའ་ཞིག་འོངས་ནས་འདི་སྐད་ཅེས་འདྲི་སྟེ། ཤེས་ལྡན་དག་།ཤཱཀྱ་རྣམས་ནི། གང་ལས་སྐྱེས། ཐོག་མ་ནི། གང་ཡིན། རྒྱུ་ནི། ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི། གང་ཡིན་ཞེས་དེ་སྐད་འདྲི་ན། བདག་ཅག་གིས་ནི། ཤཱཀྱ་རྣམས་ནི། གང་ལས་སྐྱེས། ཐོག་མ་ནི། གང་ཡིན། རྒྱུ་ནི། ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི། གང་ཡིན་པ་ཡང་མི་ཤེས་ན། ཇི་སྐད་ལུང་བསྟན། ཚུར། བདག་ཅག་བཅོམ་ལྡན་འདས་གང་ན་བ་དེར་དོང་ལ་ལྷགས་པ་དང ། བཅོམ་ལྡན་འདས་ལ་དོན་འདི་ཉིད་ཞུས་ཏེ། བཅོམ་ལྡན་འདས་ཀྱིས་བདག་ཅག་ལ་ཇི་སྐད་དུ་ལུང་བསྟན་པ་དེ་བཞིན་དུ་གཟུང་བར་བགྱིའོ། །སྙམ་ནས། དེའི་སླད་དུ་བཅོམ་ལྡན་འདས་ལ་བདག་ཅག་དོན་འདི་ཉིད་ཞུ་ལགས་ན། བཅོམ་ལྡན་འདས། ཤཱཀྱ་རྣམས་ནི། གང་ལས་སྐྱེས་ལགས། ཐོག་མ་ནི། གང་ལགས། རྒྱུ་ནི། ཅི་ཞིག་ལགས། ཤཱཀྱ་རྣམས་སྔོན་གྱི་རིགས་རྒྱུད་ནི། གང་ལགས། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་ངས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ཏེ་ཆོས་ཀྱི་གཏམ་གླེང་ན། །
Ga384b
མུ་སྟེགས་ཅན་དང ། ཀུན་ཏུ་རྒྱུ་གཞན་དག་འདི་སྐད་ཅེས། དགེ་སྦྱོང་གོའུ་ཏ་མ་ནི། ཅི་འདོད་པ་དེ་ལྟ་བུ་སྟོན་པས་བདག་ཉིད་ལ་བསྟོད་པར་བྱེད་དོ། །ཞེས་སྨྲ་བ་གང་ཡིན་པའི་གནས་འདི་ཡོད་པས། ངའི་ཉན་ཐོས་ལས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ནས་ཆོས་ཀྱི་གཏམ་གླེང་བར་ནུས་པ་སུ་ཡོད་སྙམ་མོ། །དེའི་ཚེ་ཚེ་དང་ལྡན་པ་མོའུ་འགལ་གྱི་བུ་ཆེན་པོ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་བཀའ་སྩལ་པ། མོའུ་འགལ་གྱི་བུ། ང་རྒྱབ་བསྙུང་བས་རེ་ཞིག་དེ་བསལ་གྱི། ཁྱོད་ཀྱིས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ནས་དགེ་སློང་རྣམས་ལ་ཆོས་ཀྱི་གཏམ་བྱ་བར་སྤོབས་པར་གྱིས་ཤིག་།ཚེ་དང་ལྡན་པ་མོའུ་འགལ་གྱི་བུ་ཆེན་པོས་བཅོམ་ལྡན་འདས་ལ་ཅང་མི་སྨྲ་བས་ཁས་བླངས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཅང་མི་སྨྲ་བས་ཁས་བླངས་པར་ཐུགས་སུ་ཆུད་ནས་སྣམ་སྦྱར་བལྟབ་སྟེ་སྔས་ཕངས་སུ་བཅུག་ནས་གློ་གཡས་པ་ཕབ་སྟེ་ཞབས་ཀྱི་སྟེང་དུ་ཞབས་བཞག་ནས་སྣང་བའི་འདུ་ཤེས་དང ། དྲན་པ་དང ། ཤེས་བཞིན་དང ། ལྡང་བའི་འདུ་ཤེས་ཁོ་ན་ཡིད་ལ་མཛད་པས་མནལ་ཏོ། །དེ་ནས་ཚེ་དང་ལྡན་པ་མོའུ་འགལ་གྱིས་བུ་ཆེན་པོ་འདི་སྙམ་དུ་སེམས་ཏེ། མ་ལ་བདག་གིས་སེམས་ཇི་ལྟར་མཉམ་པར་བཞག་ན། ཤཱཀྱ་
Ga385a
༄#། །རྣམས་ཀྱི་སྔོན་གྱི་རིགས་རྒྱུད། ཤཱཀྱ་རྣམས་གང་ལས་སྐྱེས་པ་དང ། ཐོག་མ་གང་ཡིན་པ་དང ། རྒྱུ་ཅི་ཞིག་ཡིན་པ་དང ། ཤཱཀྱ་རྣམས་ཀྱི་སྔོན་གྱི་རིགས་རྒྱུད་གང་ཡིན་པ་མཐོང་བར་གྱུར་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་འཇུག་པར་བྱའོ། །སྙམ་ནས། དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས་སེམས་ཇི་ལྟར་མཉམ་པར་བཞག་ན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་མཐོང་བར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་དང ། ཚེ་དང་ལྡན་པ་མོའུ་འགལ་གྱི་བུ་ཆེན་པོས་ཤཱཀྱ་རྣམས་ཀྱི་སྔོན་གྱི་རིགས་རྒྱུད། ཤཱཀྱ་རྣམས་གང་ལས་སྐྱེས་པ་དང ། ཐོག་མ་གང་ཡིན་པ་དང ། རྒྱུ་ནི། ཅི་ཞིག་ཡིན་པ་དང ། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི། གང་ཡིན་པ་མཐོང་ངོ ། །མཐོང་ནས་ཏིང་ངེ་འཛིན་དེ་ལས་ལངས་ཏེ་དགེ་སློང་གི་དགེ་འདུན་གྱི་གུང་ལ་སྟན་བཤམས་པ་ཉིད་ལ་འདུག་གོ། །འདུག་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས། སེར་སྐྱའི་གཞིའི་ཤཱཀྱ་རྣམས་ལ་སྨྲས་པ། གོའུ་ཏ་མ་དག། འཇིག་རྟེན་འདི་འཇིག་ཅིང ། འཇིག་རྟེན་ཞིག་ན་སེམས་ཅན་ཕལ་ཆེར་འོད་གསལ་གྱི་ལྷའི་རིས་སུ་སྐྱེ་བར་འགྱུར་ཏེ། དེ་རྣམས་དེ་ན་ཡིད་ལས་བྱུང་བའི་གཟུགས་ཕུན་སུམ་ཚོགས་པ། དབང་པོ་མ་ཉམས་ཤིང་མ་ཚང་བ་མེད་པ། ཡན་ལག་དང་ཉིད་ལག་ཐམས་ཅད་དང་ལྡན་པ། ཁ་དོག་བཟང་བོས་གནས་པ། རང་གི་འོད་ཅན། ནམ་
Ga385b
མཁའ་ལ་འགྲོ་བ། དགའ་བ་ཟ་ཞིང་དགའ་བའི་ཟས་ཀྱིས་ཚེ་རིང་ཞིང་ཡུན་རིང་དུ་གནས་སོ། །དེའི་ཚེ་ས་ཆེན་པོ་འདི་ཆུ་འབའ་ཞིག་ཏུ་འགྱུར་ཞིང ། མཚོ་གཅིག་ཏུ་འགྱུར་རོ། །ས་ཆེན་པོ་འདི་ཆུ་འབའ་ཞིག་གི་མཚོ་གཅིག་ཏུ་གྱུར་པའི་སྟེང་དུ་རླུང་གིས་སྤྲིས་མ་ཆགས་པ་དང ། མཁྲེགས་པ་དང ། ཁེབས་པར་བྱེད་དོ། །དཔེར་ན། འོ་མ་བསྐོལ་བ་གྲང་བར་གྱུར་བའི་སྟེང་དུ་རླུང་གིས་སྤྲིས་མ་ཆགས་པ་དང ། མཁྲེགས་པ་དང་ཁེབས་པ་དེ་བཞིན་དུ། ས་ཆེན་པོ་འདི་ཆུ་འབའ་ཞིག་གི་མཚོ་གཅིག་ཏུ་གྱུར་པའི་སྟེང་དུ་རླུང་གིས་སྤྲིས་མ་ཆགས་པ་དང ། མཁྲེགས་པ་དང་ཁེབས་བར་བྱེད་དོ། །སའི་བཅུད་དེ་ནི། ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ་དང ། རོ་ཕུན་སུམ་ཚོགས་པ་ཡིན་ཞིང ། ཁ་དོག་ཕུན་སུམ་ཚོགས་པ་ནི། འདི་ལྟ་བུ་ཡིན་ཏེ། དཔེར་ན་མར་གསར་ལྟ་བུའོ། །རོ་ནི། འདི་ལྟ་བུ་ཡིན་ཏེ། དཔེར་ན། སྦྲང་མའི་སྦྲང་རྩི་བཙིར་བ་ལྟ་བུའི་དུས་གང་ཡིན་པ་དེ་ཡོད་དོ། །གོའུ་ཏ་མ་དག་།འཇིག་རྟེན་གང་ཡིན་པ་འདི་འཆགས་ཤིང་འཇིག་རྟེན་ཆགས་ན། དེ་ནས་སེམས་ཅན་ཁ་ཅིག་ཚེ་ཟད། ལས་ཟད། བསོད་ནམས་ཟད་ནས་འོད་གསལ་གྱི་ལྷའི་རིས་ནས་ཤི་འཕོས་ནས་འདི་ལྟ་བུར་མི་རྣམས་དང་སྐལ་བ་མཉམ་པར་འོང་ཞིང ། དེ་རྣམས་འདི་ན་ཡིད་ལས་བྱུང་བའི་གཟུགས་ཕུན་སུམ་ཚོགས་པ། དབང་པོ་མ་ཉམས་ཤིང་མ་ཚང་བ་མེད་པ། ཡན་ལག་དང་ཉིང་ལག་ཐམས་ཅད་དང་ལྡན་
Ga386a
༄#། །ཞིང་ཁ་དོག་བཟང་པོས་གནས་པ། རང་གི་འོད་ཅན། ནམ་མཁའ་ལ་འགྲོ་བ། དགའ་བ་ཟ་ཞིང་དགའ་བའི་ཟས་ཀྱིས་ཚེ་རིང་ཞིང་ཡུན་རིང་དུ་གནས་པར་འགྱུར་རོ། །དེའི་ཚེ་ཉི་མ་དང་ཟླ་བ་ཡང་འཇིག་རྟེན་དུ་མི་འབྱུང་སྟེ། རྒྱུ་སྐར་རྣམས་ཀྱང་མེད། སྐད་ཅིག་དང ། ཐང་ཅིག་དང ། ཡུད་ཙམ་ཡང་མེད། མཚན་མོ་དང ། ཉིན་མོ་ཡང་མེད། ཟླ་བ་དང ། ཟླ་བ་ཕྱེད་དང ། དུས་ཚིགས་དང ། ལོ་རྣམས་ཀྱང་འཇིག་རྟེན་དུ་འབྱུང་བ་མེད་དོ། །སྐྱེས་པ་དང ། བུད་མེད་དུ་མངོན་པ་ཡང་མེད་ཀྱི། གཞན་དུ་ན། སེམས་ཅན་སེམས་ཅན་ཞེས་བྱ་བའི་གྲངས་སུ་འགྲོའོ། །དེ་ནས་སེམས་ཅན་བརྐམ་ཆགས་ཀྱི་རང་བཞིན་ཅན་ཞིག་གིས། མཛུབ་མོའི་རྩེ་མོས་སའི་བཅུད་མྱོང་བར་བྱེད་དོ། །ཇི་ལྟ་ཇི་ལྟར་མྱངས་པ་དེ་ལྟ་དེ་ལྟར་སྲེད་དོ། ། ཇི་ལྟ་ཇི་ལྟར་སྲེད་པ་དེ་ལྟ་དེ་ལྟར་ཁམ་གྱི་ཟས་རིམ་གྱིས་ཟའོ། །སེམས་ཅན་གཞན་དག་གིས་ཀྱང་སེམས་ཅན་དེ་མཛུབ་མོའི་རྩེ་མོས་སའི་བཅུད་མྱོང་བར་བྱེད་དེ། ཇི་ལྟ་ཇི་ལྟར་མྱངས་པ་དེ་ལྟ་དེ་ལྟར་སྲེད་ལ། ཇི་ལྟ་ཇི་ལྟར་སྲེད་པ་དེ་ལྟ་དེ་ལྟར་ཁམ་གྱི་ཟས་རིམ་གྱིས་ཟ་བ་མཐོང་ངོ ། །མཐོང་ནས་དེ་རྣམས་ཀྱིས་ཀྱང་མཛུབ་མོའི་རྩེ་མོས་སའི་བཅུད་མྱོང་བར་རྩོམ་སྟེ། ཇི་ལྟ་ཇི་ལྟར་མྱངས་པ་དེ་ལྟ་དེ་ལྟར་སྲེད་དོ། །ཇི་ལྟ་ཇི་ལྟར་སྲེད་པ་དེ་ལྟ་དེ་ལྟར་ཁམ་གྱི་ཟས་རིམ་གྱིས་ཟའོ། །གང་གི་ཚེ་སེམས་ཅན་དེ་རྣམས་ཀྱིས་སའི་བཅུད་ལ་ཁམ་གྱི་ཟས་རིམ་གྱིས་ཟོས་པ་དེའི་
Ga386b
ཚེ་དེ་རྣམས་ཀྱི་ལུས་ལ་མཁྲང་བ་དང་ལྕི་བ་ཞུགས་པར་གྱུར་ཏོ། །དེ་རྣམས་ཀྱི་ཁ་དོག་བཟང་པོ། །གསལ་བ་གང་ཡིན་པ་དེ་ཡང་ནུབ་པར་གྱུར་བས། འཇིག་རྟེན་དུ་མུན་པ་བྱུང་བར་གྱུར་ཏོ། །གོའུ་ཏ་མ་དག་།ཆོས་ཉིད་ཀྱིས་འཇིག་རྟེན་དུ་མུན་པ་བྱུང་ན། ཉི་མ་དང་ཟླ་བ་གཉིས་འཇིག་རྟེན་དུ་འབྱུང་བར་འགྱུར་རོ། །རྒྱུ་སྐར་དང ། སྐད་ཅིག་དང ། ཐང་ཅིག་དང ། ཡུད་ཅིག་དང ། མཚན་མོ་དང ། ཉིན་མོ་དང ། ཟླ་བ་དང ། ཟླ་བ་ཕྱེད་དང ། དུས་ཚིགས་དང ། ལོ་འཇིག་རྟེན་དུ་འབྱུང་བར་འགྱུར་རོ། །དེ་རྣམས་དེ་ཟ་ཞིང་ཟས་སུ་ཟ་བ་ལས་ཚེ་རིང་ཞིང་ཡུན་རིང་དུ་གནས་སོ། །དེ་རྣམས་ལས་ཁ་ཟས་ལ་ཆེས་ཉུང་ཟད་དུ་ཟ་བ་གང་ཡིན་པ་དེ་ནི། ཁ་དོག་དང་ལྡན་པར་འགྱུར་རོ། །ཁ་ཟས་ལ་ཆེས་མང་དུ་ཟ་བ་གང་ཡིན་པ་དེ་ནི། ཁ་དོག་ངན་པར་གྱུར་ཏེ། ཁ་ཟས་ཀྱི་ཚད་གཉིས་ལ་བརྟེན་ནས་ཁ་དོག་རྣམ་པ་གཉིས་མངོན་ཏེ། ཁ་དོག་རྣམ་པ་གཉིས་ཡོད་པས། ཀྱེ་སེམས་ཅན། ཁོ་བོ་ནི། ཁ་དོག་དང་ལྡན་ནོ། །ཁྱེད་ནི། ཁ་དོག་ངན་པ་ཡིན་ནོ། །ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་དོ། །ཁ་དོག་གི་མངོན་པའི་ང་རྒྱལ་ཅན་དེ་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་སའི་བཅུད་དེ་ནུབ་པར་གྱུར་ཏོ། །གོའུ་ཏ་མ་དག་།སའི་བཅུད་དེ་ནུབ་པ་ན་སེམས་ཅན་དེ་རྣམས་ཚོགས་ཤིང་འདུས་ནས་འདི་སྐད་ཅེས། ཀྱི་ཧུད་བྲོ་བ། ཀྱི་ཧུད་བྲོ་བ་ཞེས་སྨྲ་ཞིང་སྨྲེ་སྔགས་འདོན་ལ། མྱ་ངན་དང ། སྡུག་བསྔལ་བར་གྱུར་
Ga387a
༄#། །ཏོ། །དཔེར་ན། ད་ལྟར་མི་རྣམས་ཀྱིས་ཟས་ཞིམ་པོ་ཅུང་ཟད་ཅིག་ཟོས་ནས་སྔོན་གྱི་ཡི་གེ་དང ། ཚིག་དང་ཚིག་འབྲུ་དེ་ཉིད་རྗེས་སུ་དྲན་ནས་འདི་སྐད་ཅེས། ཀྱི་ཧུད་བྲོ་བ། ཀྱི་ཧུད་བྲོ་བ་ཞེས་སྨྲ་བ་དེ་བཞིན་དུ་སེམས་ཅན་དེ་རྣམས་སའི་བཅུད་དེ་ནུབ་པ་ན་ཚོགས་ཤིང་འདུས་ནས་འདི་སྐད་ཅེས། ཀྱི་ཧུད་བྲོ་བ། ཀྱི་ཧུད་བྲོ་བ་ཞེས་སྨྲ་ཞིང་སྨྲེ་སྔགས་འདོན་ལ། མྱ་ངན་དང ། སྡུག་བསྔལ་བར་གྱུར་ཀྱང་སྨྲས་པ་འདིའི་དོན་ནི། འདི་ཡིན། སྨྲས་པ་འདིའི་དོན་ནི། འདི་ཡིན་ནོ། །ཞེས་དེའི་དོན་ནི། མི་ཤེས་སོ། །གོའུ་ཏ་མ་དག་།སེམས་ཅན་དེ་རྣམས་ཀྱི་སའི་བཅུད་དེ་ནུབ་པ་ན། ས་ཞག་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་འབྱུང་བར་འགྱུར་ཏེ། ཁ་དོག་ནི། འདི་ལྟ་བུ་ཡིན་ཏེ། དཔེར་ན། དོང་ཀའི་མེ་ཏོག་ལྟ་བུའོ། །རོ་ནི། འདི་ལྟ་བུ་ཡིན་ཏེ། དཔེར་ན། སྦྲང་མའི་སྦྲང་རྩི་བཙིར་བ་ལྟ་བུའོ། །དེ་རྣམས་དེ་ཟ་ཞིང་ཟས་སུ་ཟ་བ་ལས་ཚེ་རིང་ཡུན་རིང་དུ་གནས་སོ། །དེ་རྣམས་ལ་ཁ་ཟས་ལས་ཆེས་ཉུང་དུ་ཟ་བ་གང་ཡིན་པ་དེ་ནི། ཁ་དོག་དག་དང་ལྡན་པར་གྱུར་ཏོ། །ཁ་ཟས་ལ་ཆེས་མང་དུ་ཟ་བ་གང་ཡིན་པ་དེ་ནི། ཁ་དོག་ངན་པར་གྱུར་ཏོ། །ཟས་ཀྱི་ཚད་གཉིས་ལ་བརྟེན་ནས་ཁ་དོག་རྣམ་པ་གཉིས་མངོན་ཏེ། ཁ་དོག་རྣམ་པ་གཉིས་ཡོད་པས། ཀྱེ་སེམས་ཅན། ཁོ་བོ་ནི། ཁ་དོག་དང་ལྡན་ལ། ཁྱོད་ནི། ཁ་དོག་ངན་པ་ཡིན་ནོ། །ཞེས་སེམས་ཅན་གྱིས་སེམས་ཅན་ལ་ཁྱད་
Ga387b
དུ་གསོད་པར་བྱེད་དོ། །ཁ་དོག་གི་མངོན་པའི་ང་རྒྱལ་ཅན་དེ་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་ས་ཞག་ནུབ་པར་གྱུར་ཏོ། །གོའུ་ཏ་མ་དག་།ས་ཞག་དེ་ནུབ་པར་གྱུར་པ་ན་སེམས་ཅན་དེ་རྣམས་ཚོགས་ཤིང་འདུས་ནས་འདི་སྐད་ཅེས། ཀྱི་ཧུད་བྲོ་བ། ཀྱི་ཧུད་བྲོ་བ་ཞེས་སྨྲ་ཞིང་སྨྲེ་སྔགས་འདོན་ལ། མྱ་ངན་གྱིས་སྡུག་བསྔལ་བར་བྱེད་དོ། །དཔེར་ན། ད་ལྟར་མི་རྣམས་སྡུག་བསྔལ་བ་དང ། ཡིད་མི་བདེ་བ་འགའ་ཞིག་གིས་རེག་པ་ན། སྔོན་གྱི་ཡི་གེ་དང ། ཚིག་དང ། ཚིག་འབྲུ་དེ་ཉིད་རྗེས་སུ་དྲན་ནས་འདི་སྐད་ཅེས། ཨེ་མའོ་ཀྱི་ཧུད། ཨེ་མའོ་ཀྱི་ཧུད་ཅེས་སྨྲ་བ་དེ་བཞིན་དུ་སེམས་ཅན་དེ་རྣམས་ས་ཞག་དེ་ནུབ་པ་ན། ཚོགས་ཤིང་འདུས་ནས་འདི་སྐད་ཅེས། ཀྱི་ཧུད་བྲོ་བ། ཀྱི་ཧུད་བྲོ་བ་ཞེས་སྨྲ་ཞིང་སྨྲེ་སྔགས་འདོན་ལ། མྱ་ངན་དང ། སྡུག་བསྔལ་བར་གྱུར་ཀྱང་སྨྲས་པ་འདིའི་དོན་ནི། འདི་ཡིན། སྨྲས་པ་འདིའི་དོན་ནི། འདི་ཡིན་ནོ། །ཞེས་བྱ་བར་དེའི་དོན་ནི། མི་ཤེས་སོ། །གོའུ་ཏ་མ་དག་།སེམས་ཅན་དེ་རྣམས་ཀྱི་ས་ཞག་དེ་ནུབ་པ་ན། མྱུ་གུའི་ཚལ་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་འབྱུང་བར་འགྱུར་ཞིང ། ཁ་དོག་ནི། འདི་ལྟ་བུ་ཡིན་ཏེ། དཔེར་ན། ཤིང་ཀ་དམ་པ་ཀའི་མེ་ཏོག་ལྟ་བུའོ། །རོ་ནི། འདི་ལྟ་བུ་ཡིན་ཏེ། དཔེར་ན། སྦྲང་མའི་སྦྲང་རྩི་བཙིར་བ་ལྟ་བུའོ། །དེ་རྣམས་དེ་ཟ་ཞིང་ཟས་སུ་ཟ་བ་ལས་ཚེ་རིང་ཞིང་ཡུན་རིང་དུ་གནས་སོ། །དེ་རྣམས་ལས་ཁ་ཟས་ལ་ཆེས་
Ga388a
༄#། །ཉུང་བར་ཟ་བ་གང་ཡིན་པ་དེ་ནི། ཁ་དོག་དང་ལྡན་པར་གྱུར་ཏོ། །ཁ་ཟས་ལ་ཆེས་མང་དུ་ཟ་བ་གང་ཡིན་པ་དེ་ནི། ཁ་དོག་ངན་པར་གྱུར་ཏོ། །ཟས་ཀྱི་ཚད་གཉིས་ལ་བརྟེན་ནས་ཁ་དོག་རྣམ་པ་གཉིས་མངོན་ནོ། །ཁ་དོག་རྣམ་པ་གཉིས་ཡོད་པས། ཀྱེ་སེམས་ཅན། ཁོ་བོ་ནི། ཁ་དོག་དང་ལྡན་ལ། ཁྱོད་ནི། ཁ་དོག་ངན་པ་ཡིན་ནོ། །ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། །ཁ་དོག་གི་མངོན་པའི་ང་རྒྱལ་ཅན་དེ་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས། མྱུ་གུའི་ཚལ་དེ་ནུབ་པར་གྱུར་ཏོ། །གོའུ་ཏ་མ་དག ། མྱུ་གུའི་ཚལ་དེ་ནུབ་པར་གྱུར་པ་ན། སེམས་ཅན་དེ་རྣམས་ཚོགས་ཤིང་འདུས་ནས་འདི་སྐད་ཅེས། མདུན་ནས་ཕར་སོང ། མདུན་ནས་ཕར་སོང་ཞེས་སྨྲ་ཞིང་སྨྲེ་སྔགས་འདོན་ལ། མྱ་ངན་དང ། སྡུག་བསྔལ་བར་གྱུར་ཏོ། །དཔེར་ན། ད་ལྟར་མི་རྣམས་འགའ་ཞིག་ལ་ཚིག་དྲག་པོའི་ཚར་བཅད་པས་ཚར་གཅད་པར་འདོད་པ་ན། སྔོན་གྱི་ཡི་གེ་དང ། ཚིག་དང ། ཚིག་འབྲུ་དེ་དག་ཉིད་རྗེས་སུ་ཟློས་ཤིང་འདི་སྐད་ཅེས། མདུན་ནས་ཕར་སོང ། མདུན་ནས་ཕར་སོང་ཞེས་སྨྲ་བ་དེ་བཞིན་དུ་སེམས་ཅན་དེ་རྣམས་མྱུ་གུའི་ཚལ་ནུབ་པ་དང ། ཚོགས་ཤིང་འདུས་ནས་འདི་སྐད་ཅེས། མདུན་ནས་ཕར་སོང ། མདུན་ནས་ཕར་སོང་ཞེས་སྨྲ་ཞིང ། སྨྲེ་སྔགས་འདོན་ལ། མྱ་ངན་དང ། སྡུག་བསྔལ་བར་གྱུར་ཀྱང་སྨྲས་པ་འདིའི་དོན་ནི། འདི་ཡིན། སྨྲས་པ། འདིའི་དོན་ནི། འདི་ཡིན་
Ga388b
ནོ། །ཞེས་བྱ་བར་དེའི་དོན་ནི། མི་ཤེས་སོ། །གོའུ་ཏ་མ་དག་།སེམས་ཅན་དེ་རྣམས་ཀྱི་མྱུ་གུའི་ཚལ་ནུབ་ནས་མ་རྨོས་མ་བཏབ་པའི་འབྲས་སཱ་ལུའི་འབྲས་བུ་ཚོན་བཞི་པ་ཕུབ་མ་དང ། སྦུན་པ་མེད་པ། ཤུན་པ་མེད་པ། དག་པ། གཙང་མ་སྐྱེས་ཏེ། དེ་ནུབ་བརྔས་ན། ནང་སྐྱེ་ཞིང་སྨིན་པར་འགྱུར། ནང་བརྔས་ན། ནུབ་སྐྱེ་ཞིང་སྨིན་པར་འགྱུར་པས། བརྔས་ཤིང་བརྔས་ཀྱང་སླར་སྐྱ་པས་བརྔས་པར་ཡང་མི་མངོན་ནོ། །དེ་རྣམས་དེ་ཟ་ཞིང་དེ་ཟས་སུ་ཟ་བ་ལས་ཚེ་རིང་ཞིང་ཡུན་རིང་དུ་གནས་སོ། །གང་ནས་སེམས་ཅན་དེ་རྣམས་ཀྱིས་མ་རྨོས་མ་བཏབ་པའི་འབྲས་སཱ་ལུའི་འབྲས་བུ་ལ་ཁམ་གྱི་ཟས་སུ་རིམ་གྱིས་ཟོས་པ་དེ་ནས་དེ་རྣམས་ཀྱི་དབང་པོ་ཐ་དད་པ་བྱུང་བར་གྱུར་ཏེ། ཁ་ཅིག་ལ་ནི། སྐྱེས་པའི་དབང་པོའོ། །ཁ་ཅིག་ལ་ནི། བུད་མེད་ཀྱི་དབང་པོའོ། །དེ་ན་བུད་མེད་ཀྱི་དབང་པོ་ཅན་གང་ཡིན་པ་རྣམས་དང ། སྐྱེས་པའི་དབང་པོ་ཅན་གང་ཡིན་པ་རྣམས་གཅིག་ལ་གཅིག་མིག་གིས་མིག་ཚུགས་སུ་བལྟའོ། །ཇི་ལྟ་ཇི་ལྟར་གཅིག་ལ་གཅིག་མིག་གིས་མིག་ཚུགས་སུ་བལྟ་བ་དེ་ལྟ་དེ་ལྟར་ཀུན་ཏུ་ཆགས་སོ། །ཇི་ལྟ་ཇི་ལྟར་ཀུན་ཏུ་ཆགས་པ་དེ་ལྟ་དེ་ལྟར་ཞེན་ཏོ། །ཇི་ལྟ་ཇི་ལྟར་ཞེན་པ་དེ་ལྟ་དེ་ལྟར་ལོག་པར་ཞུགས་སོ། །སེམས་ཅན་གཞན་དག་གིས་ཀྱང་སེམས་ཅན་གྱིས་སེམས་ཅན་ལ་ལོག་པར་ཞུགས་པ་མཐོང་ངོ ། །མཐོང་ནས་ཀྱང་ས་དང ། བོང་བ་དང ། གསེག་མ་དང ། གྱོ་མོས་གཏོར་ནས་འདི་སྐད་ཅེས། སེམས་ཅན་ངན་པ་ཐ་ཆད་རྣམས་ནི། བྱ་བ་མ་ཡིན་པ་བྱེད་དོ། །སེམས་ཅན་ངན་པ་ཐ་ཆད་རྣམས་ནི། བྱ་བ་མ་
Ga389a
༄#། །ཡིན་པ་བྱེད་པ་ཡིན་གྱི། ཀཝའི་སེམས་ཅན། ཁྱོད་ཀྱིས་ད་ཇི་ལྟར་སེམས་ཅན་སུན་དབྱུང་ཞེས་སྨྲའོ། །དཔེར་ན། ད་ལྟར་མི་རྣམས་བག་མ་བླངས་པ་ན། ཕྱེ་མ་དང ། དྲི་དང ། ཕྲེང་བ་དང ། གོས་དང ། འབྲས་ཡོས་ཀྱིས་གཏོར་ནས་འདི་སྐད་ཅེས། བག་མ་བདེ་བར་གྱུར་ཅིག་།ཅེས་ཟེར་བ་དེ་བཞིན་དུ་སེམས་ཅན་རྣམས་ཀྱིས། སེམས་ཅན་གྱིས་སེམས་ཅན་ལ་ལོག་པར་ཞུགས་པ་མཐོང་བ་ན། སས་གཏོར་ཅིང ། བོང་བ་དང ། གསེག་མ་དང ། གྱོ་མོ་རྣམས་ཀྱིས་ཀྱང་གཏོར་ནས་འདི་སྐད་ཅེས། སེམས་ཅན་ངན་པ་ཐ་ཆད་རྣམས་ནི། བྱ་བ་མ་ཡིན་པ་བྱེད་དོ། ། སེམས་ཅན་ངན་པ་ཐ་ཆད་རྣམས་ནི། བྱ་བ་མ་ཡིན་པ་བྱེད་པ་ཡིན་གྱི། ཀཝའི་སེམས་ཅན། ཁྱེད་ཀྱིས་ད་ཇི་ལྟར་སེམས་ཅན་སུན་དབྱུང་ཞེས་སྨྲ་བའི་དུས་གང་ཡིན་པ་དེ་ཡོད་དོ། །གོའུ་ཏ་མ་དག་།དེ་ལྟར་ན། སྔོན་ཆོས་མ་ཡིན་པར་འདོད་པ་གང་ཡིན་པ་དང ། སྔོན་གྱི་འདུལ་བ་མ་ཡིན་པར་འདོད་པ་གང་ཡིན་པ་དེ་ནི། ད་ལྟར་ཆོས་སུ་འདོད། འདུལ་བར་འདོད་དོ། །སྔོན་སྨད་པར་བྱ་བར་འདོད་པ་གང་ཡིན་པ་དེ་ནི། ད་ལྟར་བསྔགས་པར་བྱ་བར་འདོད་དོ། །དེ་རྣམས་ཀྱིས་དེ་ཞག་གཅིག་སྤངས་པ་ནས་ཞག་གཉིས་དང ། གསུམ་དང ། བདུན་ཡང་སྤངས་སོ། །གང་ནས་སེམས་ཅན་དེ་རྣམས་སྡིག་པ་ཅན་དམ་པ་མ་ཡིན་པའི་ཆོས་དེ་ལ་ལྷག་པར་སྡིག་པ་ཅན་གྱི་བརྟུལ་ཞུགས་སྤྱོད་པ་དེ་ནས་དེ་རྣམས་ཁང་པ་རྩིག་པ་ལ་བརྩོན་པར་བྱེད་དེ། འདིར་བདག་ཅག་
Ga389b
བྱ་བ་མ་ཡིན་པ་སྤྱད་དོ། །འདིར་བདག་ཅག་བྱ་བ་མ་ཡིན་པ་སྤྱད་དོ། །ཞེས་ཟེར་བས་ཁྱིམ་ཁྱིམ་ཞེས་བྱ་བར་གྲགས་ཏེ། གོའུ་ཏ་མ་དག་།འདི་ནི། འཇིག་རྟེན་དུ་ཁང་པའི་ལས་ཀྱི་མཐའ་རྣམས་བྱུང་བའི་རྩོམ་པ་དང་པོ་ཡིན་ནོ། །དེ་ཡང་ཆོས་ཀྱིས་ཡིན་གྱི། ཆོས་མ་ཡིན་པས་མ་ཡིན་ཏེ། དེ་ལ་རྒྱལ་བའི་དབང་པོའི་ཆོས་ལ་འདི་ནི། གཙོ་བོ་ཡིན་ཏེ། དེ་རྣམས་ནུབ་བཟའ་བ་དོན་དུ་གཉེར་བ་ཡང་དགོངས་ཀ་སཱ་ལུའི་ཆེད་དུ་འདོང་བར་བྱེད་དོ། །ནང་བཟའ་བ་དོན་དུ་གཉེར་བ་ཡང་ནང་པར་སཱ་ལུའི་ཆེད་དུ་འདོང་བར་བྱེད་དོ། །དེ་ནས་སེམས་ཅན་སྙོམས་ལས་ཀྱི་རང་བཞིན་ཅན་ཞིག་གིས། ནང་པར་གྱི་སཱ་ལུ་ནུབ་མོ་བླངས་སོ། །དེ་ནས་སེམས་ཅན་ཞིག་གིས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྱེ་སེམས་ཅན་ཁྱོད་ཚུར། སཱ་ལུའི་ཕྱིར་འདོང་ངོ ། །དེ་ནས་སེམས་ཅན་དེས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྱེ་སེམས་ཅན། ཁྱོད་རང་གི་སཱ་ལུ་ལ་སོམས་ཤིག་།ཁོ་བོས་ནི། ནང་པར་གྱི་སཱ་ལུ་དོ་ནུབ་བླངས་སོ། །དེ་ནས་སེམས་ཅན་དེ་འདི་སྙམ་དུ་སེམས་ཏེ། ཀྱེ་མ། དེ་ནི། ལེགས་སོ། །ཀྱེ་མ།་དེ་ནི། ཤིན་ཏུ་ལེགས་ཀྱི། མ་ལ་བདག་གིས་ཞག་གཉིས་ཀྱི་དང ། ཞག་གསུམ་གྱི་དང ། ཞག་བདུན་གྱི་བར་གྱི་སཱ་ལུ་བླང་ངོ ། །སྙམ་དུ་སེམས་ནས། དེས་ཞག་གཉིས་ཀྱི་དང ། ཞག་གསུམ་གྱི་དང ། ཞག་བདུན་གྱི་བར་གྱི་སཱ་ལུ་བླངས་སོ། །དེ་ནས་སེམས་ཅན་ཞིག་གིས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྱེ་སེམས་ཅན། ཁྱོད་ཚུར། སཱ་ལུའི་ཕྱིར་འདོང་ངོ ། །དེ་ནས་སེམས་ཅན་
Ga390a
༄#། །དེས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀྱེ་སེམས་ཅན། ཁྱོད་རང་གི་སཱ་ལུ་ལ་སོམས་ཤིག་།ཁོ་བོས་ནི། ཞག་གཉིས་ཀྱི་དང ། ཞག་གསུམ་གྱི་དང ། ཞག་བདུན་གྱི་བར་གྱི་སཱ་ལུ་བླངས་ཟིན་ཏོ། །དེ་ནས་སེམས་ཅན་དེ་འདི་སྙམ་དུ་སེམས་ཏེ། ཀྱེ་མ། དེ་ནི། ལེགས་སོ། །ཀྱེ་མ། དེ་ནི། ཤིན་ཏུ་ལེགས་ཀྱི། མ་ལ་བདག་གིས་ཟླ་བ་ཕྱེད་དང ། ཟླ་བ་གཅིག་གི་སཱ་ལུ་བླང་ངོ ། །སྙམ་ནས། དེས་ཟླ་བ་ཕྱེད་དང ། ཟླ་བ་གཅིག་གི་སཱ་ལུ་བླངས་སོ། །གང་ནས་སེམས་ཅན་དེ་རྣམས་ཀྱིས་མ་རྨོས་མ་བཏབ་པའི་འབྲས་སཱ་ལུའི་འབྲུ་གསོག་འཇོག་གིས་ཡོངས་སུ་ལོངས་སྤྱད་པས་ཟོས་པ་དེ་ནས་སཱ་ལུ་དེའི་འབྲས་བུ་ཕུབ་མ་དང ། སྦུན་པ་དང ། ཤུན་པས་གཡོགས་པར་གྱུར་ཏོ། །བརྔས་ཤིང་བརྔས་ན་ཡང་ཕྱིར་མི་སྐྱེ་བས་བརྔས་པར་ཡང་མངོན་ལ། སཱ་ལུ་ཡང་སྦུབས་སམ། ཡལ་གའི་སྦུབས་ལ་ཡོད་པར་གྱུར་ཏོ། །དེ་ནས་སེམས་ཅན་དེ་རྣམས་ཚོགས་ཤིང་འདུས་ནས་ཤེས་ལྡན་དག་།བདག་ཅག་སྔོན་ཡིད་ལས་བྱུང་བའི་གཟུགས་ཕུན་སུམ་ཚོགས་པ། དབང་པོ་མ་ཉམས་ཤིང་མ་ཚང་བ་མེད་པ། ཡན་ལག་དང་ཉིད་ལག་ཐམས་ཅད་དང་ལྡན་པ། ཁ་དོག་བཟང་པོས་གནས་པ། རང་གི་འོད་དང་ལྡན་པ། ནམ་མཁའ་ལ་འགྲོ་ཞིང ། དགའ་བ་ཟ་ཞིང་དགའ་བའི་ཟས་ཀྱིས་ཚེ་རིང་ཞིང་ཡུན་རིང་དུ་གནས་ལ། བདག་ཅག་སའི་བཅུད་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏོ། །བདག་ཅག་སའི་བཅུད་ལ་
Ga390b
ཁམ་གྱི་ཟས་སུ་རིམ་གྱིས་ཟོས་ཏེ། གང་གི་ཚེ་བདག་གི་སའི་བཅུད་ལ་ཁམ་གྱི་ཟས་སུ་རིམ་གྱིས་ཟོས་པ་དེའི་ཚེ། བདག་ཅག་གི་ལུས་ལ་རྩུབ་པ་ཉིད་དང ། ལྗི་བ་ཉིད་དག་ཞུགས་པར་གྱུར་ཏོ། །ཁ་དོག་བཟང་པོའི་གསལ་བ་གང་ཡིན་པ་དེ་ནུབ་པར་གྱུར་པས། འཇིག་རྟེན་དུ་མུན་པ་བྱུང་བར་གྱུར་ཏོ། །བདག་ཅག་དེ་ཟ་ཞིང་དེ་ཟས་སུ་ཟ་བ་ལས་ཚེ་རིང་ཞིང་ཡུན་རིང་དུ་གནས་པར་གྱུར་ཏོ། །བདག་ཅག་ལས་ཁ་ཟས་ཆེས་ཉུང་དུ་ཟ་བ་གང་ཡིན་པ་དེ་ནི། ཁ་དོག་བཟང་པོར་གྱུར། ཁ་ཟས་ཆེས་མང་དུ་ཟ་བ་གང་ཡིན་པ་དེ་ནི། ཁ་དོག་ངན་པར་གྱུར་ཏེ། ཁ་ཟས་ཀྱི་ཚད་གཉིས་ལ་བརྟེན་ནས་ཁ་དོག་རྣམ་པ་གཉིས་མངོན་ཏེ་ཁ་དོག་རྣམ་པ་གཉིས་ཡོད་པས། ཀཝའི་སེམས་ཅན། ཁོ་བོ་ནི། ཁ་དོག་དང་ལྡན་ལ། ཁྱོད་ནི། ཁ་དོག་ངན་པ་ཡིན་ནོ། །ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། ། བདག་ཅག་ཁ་དོག་གི་མངོན་པའི་ང་རྒྱལ་ཅན་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་སའི་བཅུད་དེ་ནུབ་པར་གྱུར་ཏོ། །སའི་བཅུད་དེ་ནུབ་པ་ན། ས་ཞག་ཁ་དོག་ཕུན་སུམ་ཚོགས་པ།་དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། བདག་ཅག་དེ་ཟ་ཞིང་དེ་ཟས་སུ་ཟ་བ་ལས་ཚེ་རིང་ཞིང་ཡུན་རིང་དུ་གནས་སོ། །བདག་ཅག་ལས་ཁ་ཟས་ཆེས་ཉུང་དུ་ཟ་བ་གང་ཡིན་པ་དེ་ནི། ཁ་དོག་དང་ལྡན་པར་གྱུར། ཁ་ཟས་ཆེས་མང་དུ་ཟ་བ་གང་ཡིན་པ་དེ་ནི། ཁ་དོག་ངན་པར་གྱུར་ཏེ། ཟས་ཀྱི་ཚད་གཉིས་ལ་བརྟེན་ནས་ཁ་དོག་རྣམ་པ་གཉིས་མངོན་ནོ། །ཁ་དོག་
Ga391a
༄#། །རྣམ་པ་གཉིས་ཡོད་པས། ཀཝའི་སེམས་ཅན། ཁོ་བོ་ནི། ཁ་དོག་དང་ལྡན་ལ། ཁྱོད་ནི། ཁ་དོག་ངན་པ་ཡིན་ནོ། །ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། །བདག་ཅག་ཁ་དོག་གི་མངོན་པའི་ང་རྒྱལ་ཅན་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་ས་ཞག་དེ་ནུབ་པར་གྱུར་ཏོ། །ས་ཞག་དེ་ནུབ་པ་ན། མྱུ་གུའི་ཚལ་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པ་བྱུང་བར་གྱུར་ཏེ། བདག་ཅག་དེ་ཟ་ཞིང་དེ་ཟས་སུ་ཟ་བ་ལས་ཚེ་རིང་ཞིང་ཡུན་རིང་དུ་གནས་སོ། །བདག་ཅག་རྣམས་ལས་ཁ་ཟས་ཆེས་ཉུང་ངུ་ཟ་བ་གང་ཡིན་པ་དེ་ནི། ཁ་དོག་དང་ལྡན་པར་གྱུར། ཁ་ཟས་ཆེས་མང་དུ་ཟ་བ་གང་ཡིན་པ་དེ་ནི། ཁ་དོག་ངན་པར་གྱུར་ཏེ། ཟས་ཀྱི་ཚད་གཉིས་ལ་བརྟེན་ནས་ཁ་དོག་གི་རྣམ་པ་གཉིས་མངོན་ནོ། །ཁ་དོག་རྣམ་པ་གཉིས་ཡོད་པས། ཀཝའི་སེམས་ཅན། ཁོ་བོ་ནི། ཁ་དོག་དང་ལྡན་ལ། ཁྱོད་ནི། ཁ་དོག་ངན་པ་ཡིན་ནོ། །ཞེས་སེམས་ཅན་གྱིས་སེམས་ཅན་ལ་ཁྱད་དུ་གསོད་པར་བྱེད་དོ། །བདག་ཅག་ཁ་དོག་གི་མངོན་པའི་ང་རྒྱལ་ཅན་རྣམས་སྡིག་པ་མི་དགེ་བའི་ཆོས་དེ་དག་ཉིད་བླངས་པའི་རྒྱུས་མྱུ་གུའི་ཚལ་དེ་ནུབ་པར་གྱུར་ཏོ། །མྱུ་གུའི་ཚལ་དེ་ནུབ་པ་ན། མ་རྨོས་མ་བཏབ་པའི་འབྲས་སཱ་ལུའི་འབྲུ་ཚོན་བཞི་པ། ཕུབ་མ་མེད་པ། སྦུན་པ་མེད་པ། ཤུན་པ་མེད་པ། དག་པ། གཙང་མ་སྐྱེས་ཏེ། དེ་ནུབ་པ་བརྔས་ན། ནང་སྐྱེ་
Ga391b
ཞིང་སྨིན་པར་འགྱུར། ནང་བརྔས་ན། ནུབ་སྐྱེ་ཞིང་སྨིན་པར་འགྱུར་བས། བརྔས་ཤིང་བརྔས་ཀྱང་སླར་ཡང་སྐྱེ་བས་བརྔས་པར་ཡང་མི་མངོན་ཏེ། བདག་ཅག་དེ་ཟ་ཞིང་ཟས་སུ་ཟ་བ་ལས་ཚེ་རིང་ཞིང་ཡུན་རིང་དུ་གནས་སོ། །གང་ནས་བདག་ཅག་གིས་མ་རྨོས་མ་བཏབ་པའི་འབྲས་སཱ་ལུའི་འབྲུ་གསོག་འཇོག་གིས་ཡོངས་སུ་ལོངས་སྤྱོད་པས། ཟོས་པ་དེ་ནས་སཱ་ལུ་དེའི་འབྲས་བུ་ཕུབ་མ་དང ། སྦུན་པ་དང ། ཤུན་པས་གཡོགས་པར་གྱུར་ཏེ། བརྔས་ཤིང་བརྔས་པ་ཡང་སླར་མི་སྐྱེ་བས། བརྔས་པར་ཡང་མངོན་ལ། སཱ་ལུ་ཡང་སྦུབས་སམ། ཡལ་གའི་སྦུབས་ལ་ཡོད་པར་གྱུར་པས། མ་ལ་བདག་ཅག་ཚོགས་ཤིང་འདུས་ལ་ཞིང་གཞལ་ཏེ་མཚམས་བཅད་ལ་འདི་ནི། ཁྱེད་ཀྱིའོ། །འདི་ནི། ངའི་འོ། །ཞེས་མུ་ཐུག་བྲེ་བར་བྱའོ། །ཞེས་དེ་རྣམས་ཚོགས་ཤིང་འདུས་ནས། ཞིང་བགོས་ཏེ་མཚམས་བཅད་མུ་ཐུག་བྲེས་སོ། །གོའུ་ཏ་མ་དག་།འདི་ནི། འཇིག་རྟེན་དུ་མུ་ཐུག་བྲེ་བའི་ལས་ཀྱི་མཐའ་རྣམས་བྱུང་བའི་རྩོམ་པ་དང་པོ་ཡིན་ནོ། །དེ་ཡང་ཆོས་ཀྱིས་ཡིན་གྱི། ཆོས་མ་ཡིན་པས་མ་ཡིན་ཏེ། དེ་ལ་རྒྱལ་བའི་དབང་པོའི་ཆོས་ལ་འདི་ནི། ཆོས་ཀྱི་གཙོ་བོ་ཡིན་ནོ། །དེ་ནས་སེམས་ཅན་ཞིག་གིས་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་ལ་མ་བྱིན་པར་བླངས་སོ། །སེམས་ཅན་གཞན་ཞིག་གིས། སེམས་ཅན་དེས་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་ལ་མ་བྱིན་པར་བླངས་པ་མཐོང་ངོ ། །མཐོང་ནས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀཝའི་སེམས་ཅན། ཁྱོད་
Ga392a
༄#། །རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་ལ་མ་བྱིན་པར་ཅིའི་ཕྱིར་བླང ། ཀཝའི་སེམས་ཅན། སོང་ལ་ཁྱོད་ཕྱིན་ཆད་དེ་ལྟར་མ་བྱེད་ཅིག་།སེམས་ཅན་དེས་ལན་གཉིས་ལན་གསུམ་དུ་ཡང་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་བླངས་སོ། །སེམས་ཅན་དེས་སེམས་ཅན་དེ་ལན་གཉིས་ལན་གསུམ་དུ་ཡང་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་ལ་མ་བྱིན་པར་ལེན་པ་མཐོང་ངོ ། །མཐོང་ནས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀཝའི་སེམས་ཅན། ཁྱོད་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་ལ་མ་བྱིན་པར་ཅིའི་ཕྱིར་བླང་ཞེས་དེས་དེ་ཕར་དྲངས། ཚུར་དྲངས་ནས་ཇི་ཙམ་ན། འཁོར་གྱི་ནང་དུ་ཡང་ཁྲིད་དེ། ཤེས་ལྡན་དག་།སེམས་ཅན་འདི་རང་གི་སཱ་ལུ་ཡོད་བཞིན་དུ། ལན་གཉིས་སམ། ལན་གསུམ་གྱི་བར་དུ་གཞན་གྱི་སཱ་ལུ་ལ་མ་བྱིན་པར་ལེན་ཏོ། །ཞེས་སྤྱོས་སོ། །དེ་ནས་སེམས་ཅན་དེ་རྣམས་ཀྱིས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀཝའི་སེམས་ཅན། ཁྱོད་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་ལ་མ་བྱིན་པར་ཅིའི་ཕྱིར་བླང ། ཀཝའི་སེམས་ཅན། སོང་ལ་ཁྱོད་ཕྱིན་ཆད་དེ་ལྟར་མ་བྱེད་ཅིག་།དེ་ནས་སེམས་ཅན་དེས་སེམས་ཅན་དེ་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་།སེམས་ཅན་འདིས་བདག་སཱ་ལུའི་ཕྱིར་ཕར་དྲངས། ཚུར་དྲངས་ཏེ། ཇི་ཙམ་ན། འཁོར་གྱི་ནང་དུ་ཡང་ཕྱུང་ནས་སྤྱོས་སོ། །དེ་ནས་སེམས་ཅན་དེ་རྣམས་ཀྱིས་སེམས་ཅན་དེ་ལ་འདི་སྐད་ཅེས་སྨྲས་སོ། །ཀཝའི་སེམས་ཅན།
Ga392b
ཁྱོད་ཀྱིས་སེམས་ཅན་ལ་སཱ་ལུའི་ཕྱིར་ཕར་དྲངས། ཚུར་དྲངས་ནས། ཇི་ཙམ་ན་འཁོར་གྱི་ནང་དུ་ཡང་ཕྱུང་ནས་ཅིའི་ཕྱིར་སྤྱོ། ཀཝའི་སེམས་ཅན། ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིག་།དེ་ནས་སེམས་ཅན་དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་།སཱ་ལུའི་ཕྱིར་ཕར་འདྲེན། ཚུར་འདྲེན་ཅིང ། ཇི་ཙམ་ན་འཁོར་གྱི་ནང་དུ་སྤྱོ་བ་ཡང་སྣང་བས། མ་ལ་བདག་ཅག་ཚོགས་ཤིང་འདུས་ལ་བདག་ཅག་གི་ནང་ན་སེམས་ཅན་ལྷག་པར་གཟུགས་བཟང་བ། ལྷག་པར་བལྟ་ན་སྡུག་པ། ལྷག་པར་མཛེས་པ། ལྷག་པར་བསོད་ནམས་ཆེ་བར་གྲགས་པ་གང་ཡིན་པ་དེ། བདག་ཅག་གི་ཞིང་རྣམས་ཀྱི་བདག་པོར་བསྐོས་དང ། དེས་བདག་ཅག་ཆད་པས་གཅད་པར་བྱ་བ་རྣམས་ལ་ནི། ཆད་པས་གཅོད་པར་འགྱུར། ཕན་གདགས་པར་བྱ་བ་རྣམས་ལ་ནི། ཕན་འདོགས་པར་འགྱུར་ཏེ། བདག་ཅག་གི་ཞིང་དག་ལས་འཁྲུངས་པ་གང་ཡིན་པ་དེ་ལས་ཆོས་བཞིན་དུ་ཐོག་ཤས་སྦྱིན་པར་བྱའོ། །སྙམ་ནས་དེ་རྣམས་འཚོགས་ཤིང་འདུས་ཏེ། དེ་རྣམས་ཀྱི་ནང་ནས་སེམས་ཅན་ལྷག་པར་གཟུགས་བཟང་བ། ལྷག་པར་བལྟ་ན་སྡུག་པ། ལྷག་པར་མཛེས་པ། ལྷག་པར་བསོད་ནམས་ཆེ་བར་གྲགས་པ་གང་ཡིན་པ་དེ། ཞིང་རྣམས་ཀྱི་བདག་པོར་བསྐོས་ཏེ་འདི་སྐད་ཅེས། ཀྱེ་སེམས་ཅན། ཁྱོད་ཚུར་ཤོག ། ཁོ་བོ་ཅག་ལས་ཆད་པས་གཅད་པར་བྱ་བ་རྣམས་ལ་ནི། ཆད་པས་ཆོད་ཅིག་།ཕན་གདགས་པར་བྱ་བ་ལ་ནི། ཕན་ཐོགས་ཤིག་།ཁོ་བོ་ཅག་གི་ཞིང་དག་ལས་འཁྲུངས་པ་གང་ཡིན་པ་དེ་ལས་
Ga393a
༄#། །ཁྱོད་ལ་ཁོ་བོ་ཅག་གིས་ཆོས་བཞིན་དུ་ཐོག་ཤས་སྦྱིན་ནོ། །དེ་དེ་རྣམས་ལ་ཆད་པས་གཅད་པར་བྱ་བ་རྣམས་ལ་ནི། ཆད་པས་གཅོད། ཕན་གདགས་པར་བྱ་བ་རྣམས་ལ་ནི། ཕན་འདོགས་པར་བྱེད་ཅིང ། དེ་ལ་དེ་རྣམས་ཀྱིས་ཞིང་དག་ལས་འཁྲུངས་པ་གང་ཡིན་པ་དེ་ལས་ཆོས་བཞིན་དུ་ཐོག་ཤས་འབུལ་ཏེ། སྐྱེ་བོའི་ཚོགས་ཆེན་པོས་བཀུར་ཅིང་མང་པོས་བཀུར་བས། མང་པོས་བཀུར་བ། མང་པོས་བཀུར་བ་ཞེས་གྲགས་སོ། །ཞིང་རྣམས་ཀྱི་བདག་པོར་གྱུར་པ་ན། ཉམས་པ་ལས་སྐྱོབ་པར་བྱེད་པས། རྒྱལ་རིགས། རྒྱལ་རིགས་ཞེས་བྱ་བར་གྲགས་སོ། །ཆོས་ཀྱིས་སྐྱེ་རྒུ་མགུ་བར་བྱེད་ཅིང་ཚུལ་ཁྲིམས་ཉམས་སུ་བླངས་ཏེ་གནས། ཤེས་རབ་ཉམས་སུ་བླངས་ཏེ་གནས་པས། རྒྱལ་པོ། རྒྱལ་པོ། ཞེས་བྱ་བར་གྲགས་སོ། །གོའུ་ཏ་མ་དག་།རྒྱལ་པོ་མང་པོས་བཀུར་གྱི་ཚེ་མི་རྣམས་ཀྱི་མིང ། སེམས་ཅན། སེམས་ཅན་ཞེས་བྱ་བར་གྱུར་ཏོ། །གོའུ་ཏ་མ་དག་།རྒྱལ་པོ་མང་པོས་བཀུར་བའི་བུ་འོད་མཛེས་ཞེས་བྱ་སྟེ། གོའུ་ཏ་མ་དག་།རྒྱལ་པོ་འོད་མཛེས་ཀྱི་ཚེ་མི་རྣམས་ཀྱི་མིང ། ཚུར་ཤོག་།ཚུར་ཤོག་།ཅེས་བྱ་བར་གྱུར་ཏོ། །འོད་མཛེས་ཀྱི་བུ་དགེ་བ་ཞེས་བྱ་སྟེ། གོའུ་ཏ་མ་དག་།རྒྱལ་པོ་དགེ་བའི་ཚེ་མི་རྣམས་ཀྱི་མིང ། སྨེ་བ་ཅན། སྨེ་བ་ཅན་ཞེས་བྱ་བར་གྱུར་ཏོ། །གོའུ་ཏ་མ་དག་།དགེ་བའི་བུ་དགེ་མཆོག་ཅེས་བྱ་སྟེ། གོའུ་ཏ་མ་དག། རྒྱལ་པོ་དགེ་མཆོག་གི་ཚེ་མི་རྣམས་ཀྱི་མིང ། སྤྲིན་མགྲིན། སྤྲིན་མགྲིན་ཞེས་བྱ་བར་གྱུར་ཏོ། །དགེ་
Ga393b
མཆོག་གི་བུ་གསོ་སྦྱོང་འཕགས་ཞེས་བྱ་སྟེ། གོའུ་ཏ་མ་དག་།རྒྱལ་པོ་གསོ་སྦྱོང་འཕགས་ཀྱི་ཚེ་མི་རྣམས་ཀྱི་མིང ། ཏ་ལའི་རྐང ། ཏ་ལའི་རྐང་ཞེས་བྱ་བར་གྱུར་ཏོ། །རྒྱལ་པོ་གསོ་སྦྱོང་འཕགས་ཀྱི་སྤྱི་བོར་ཤ་རྨེན་ཞིག་སྐྱེས་པ་འཇམ་ཞིང་ཤིན་ཏུ་མཉེན་ཏེ། དཔེར་ན། ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་མི་སྐྱེད་དོ། །དེ་སྨིན་ནས་བརྟོལ་བ་དང ། ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ་ཞིག་བྱུང་སྟེ། སྤྱི་བོ་ལས་སྐྱེས་པས། སྤྱི་བོ་སྐྱེས། སྤྱི་བོ་སྐྱེས་ཞེས་བྱ་བར་གྱུར་ཏོ། །གཞོན་ནུ་བྱུང་མ་ཐག་ཏུ་རྒྱལ་པོ་གསོ་སྦྱོང་འཕགས་ཀྱི་བཙུན་མོ་དྲུག་ཁྲིའི་ནང་དུ་བཀྲི་བ་དང ། དེ་ཐམས་ཅད་ཀྱི་ནུ་མ་ལས་འོ་མ་ཟགས་ནས་རེ་རེས་ང་ལས་ནུ། ང་ལས་ནུ་ཞེས་སྨྲས་པས། ང་ལས་ནུ། ང་ལས་ནུ་ཞེས་བྱ་བར་གྲགས་སོ། །གོའུ་ཏ་མ་དག། རྒྱལ་པོ་ང་ལས་ནུ་གང་གི་ཚེ་རྒྱལ་སྲིད་བྱེད་པ་དེའི་ཚེ་མི་རྣམས་སེམས་པར་བྱེད། འཇལ་བར་བྱེད། ཉེ་བར་རྟོག་པར་བྱེད་དོ། །དེ་རྣམས་བསམ། གཞལ། ཉེ་བར་བརྟགས་ནས་བཟོའི་གནས་དང ། ལས་ཀྱི་གནས་ཐ་དད་པ་དག་བྱེད་དུ་འཇུག་པས་དེ་ན། དེ་རྣམས་ཡིད་ལས་སྐྱེས། ཡིད་ལས་སྐྱེས་ཞེས་བྱ་བར་གྲགས་སོ། །གོའུ་ཏ་མ་དག་།རྒྱལ་པོ་དྲུག་པོ་འདི་དག་ནི། ཚེ་ཚད་མེད་ཅིང ། ཚེ་དཔག་ཏུ་མེད་པ་ཡིན། བར་སྡོམ་ལ། སེམས་ཅན་ཚུར་ཤོག་སྨེ་བ་ཅན། སྤྲིན་མགྲིན་དང་ནི་དེ་བཞིན་དུ། །ཏ་ལའི་རྐང་དང་ཡིད་ལས་སྐྱེས། །སྔོན་གྱི་དེ་དྲུག་བསྡུས་པ་
Ga394a
༄#། །ཡིན། །གོའུ་ཏ་མ་དག་།རྒྱལ་པོ་ང་ལས་ནུའི་བརླ་གཡས་པར་ཤ་རྨེན་ཞིག་སྐྱེས་པ་འཇམ་ཞིང་ཤིན་ཏུ་མཉེན་ཏེ། དཔེར་ན། ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་མི་སྐྱེད་དོ། །དེ་སྨིན་ནས་བརྟོལ་བ་དང ། ཁྱེའུ་གཟུགས་བཟང་ཞིང་བལྟ་ན་སྡུག་པ། མཛེས་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ་ཞིག་བྱུང་སྟེ། བརླ་གཡས་པ་ལས་སྐྱེས་པས། མིང་མཛེས་པ། མཛེས་པ་ཞེས་བྱ་བར་གྱུར་ཏེ། གཞོན་ནུ་དེ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་པས་ད་དུང་ཡང་གླིང་བཞི་ལ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་འཇུག་གོ་།གོའུ་ཏ་མ་དག་།རྒྱལ་པོ་མཛེས་པའི་བརླ་གཡོན་པར་ཤ་རྨེན་ཞིག་སྐྱེས་པ་འཇམ་ཞིང་ཤིན་ཏུ་མཉེན་ཏེ། དཔེར་ན། ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་མི་སྐྱེད་དོ། །དེ་སྨིན་ནས་བརྟོལ་བ་དང ། ཁྱེའུ་གཟུགས་བཟང་ཞིང་བལྟ་ན་སྡུག་པ། མཛེས་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ་ཞིག་བྱུང་སྟེ། བརླ་གཡོན་པ་ལས་སྐྱེས་པས། མིང་ཉེ་མཛེས། ཉེ་མཛེས་ཞེས་བྱ་བར་གྱུར་ཏོ། །གཞོན་ནུ་དེ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་པས། ད་དུང་ཡང་གླིང་གསུམ་ལ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་འཇུག་གོ་།གོའུ་ཏ་མ་དག་།རྒྱལ་པོ་ཉེ་མཛེས་ཀྱི་རྐང་པ་གཡས་པར་ཤ་རྨེན་ཞིག་སྐྱེས་པ་འཇམ་ཞིང་ཤིན་ཏུ་མཉེན་ཏེ།
Ga394b
དཔེར་ན། ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་མི་སྐྱེད་དོ། །དེ་སྨིན་ནས་བརྟོལ་བ་དང ། ཁྱེའུ་གཟུགས་བཟང་ཞིང་བལྟ་ན་སྡུག་པ། མཛེས་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ་ཞིག་བྱུང་སྟེ། རྐང་པ་གཡས་པ་ལས་སྐྱེས་པས། མིང་མཛེས་ལྡན། མཛེས་ལྡན་ཞེས་བྱ་བར་གྱུར་ཏོ། །གཞོན་ནུ་དེ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་པས། ད་དུང་ཡང་གླིང་གཉིས་ལ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་འཇུག་གོ་།གོའུ་ཏ་མ་དག་།རྒྱལ་པོ་མཛེས་ལྡན་གྱི་རྐང་པ་གཡོན་པར་ཤ་རྨེན་ཞིག་སྐྱེས་པ་འཇམ་ཞིང་ཤིན་ཏུ་མཉེན་ཏེ། དཔེར་ན། ཤིང་བལ་གྱི་འདབ་མའམ། རས་བལ་གྱི་འདབ་མ་བཞིན་དུ་ཅུང་ཟད་ཀྱང་གནོད་པ་མི་སྐྱེད་དོ། །དེ་སྨིན་ནས་བརྟོལ་བ་དང ། ཁྱེའུ་གཟུགས་བཟང་ཞིང་བལྟ་ན་སྡུག་པ། མཛེས་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ་ཞིག་བྱུང་སྟེ། རྐང་པ་གཡོན་པ་ལས་སྐྱེས་པས། མིང་ཉེ་མཛེས་ལྡན། ཉེ་མཛེས་ལྡན་ཞེས་བྱ་བར་གྱུར་ཏོ། །གཞོན་ནུ་དེ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་པས། ད་དུང་ཡང་གླིང་གཅིག་ལ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་འཇུག་གོ་།གོའུ་ཏ་མ་དག། དེ་ལྟར་ན། རྒྱལ་པོ་མང་པོས་བཀུར་གྱི་བུ་འོད་མཛེས་སོ། །འོད་མཛེས་ཀྱི་དགེ་བའོ། །དགེ་བའི་དགེ་མཆོག་གོ་།དགེ་མཆོག་གི་གསོ་སྤྱོང་འཕགས་སོ། །གསོ་སྦྱོང་འཕགས་ཀྱི་ང་ལས་ནུའོ། །ང་ལས་
Ga395a
༄#། །ནུའི་མཛེས་པའོ། །མཛེས་པའི་ཉེ་མཛེས་སོ། །ཉེས་མཛེས་ཀྱི་མཛེས་ལྡན་དང ། མཛེས་ལྡན་གྱི་ཉེ་མཛེས་ལྡན་དང ། བཟང་པོ་དང ། ལེགས་བཟང་དང ། བཏང་བ་དང ། བཏང་ཟུང་དང ། ཡན་ལག་དང ། ཡན་ལག་ཤིང་རྟ་དང ། ངན་སྤོང་དང ། སྐལ་ལྡན་ཤིང་རྟ་དང ། རྒྱ་མཚོ་དང ། རྒྱ་མཚོའི་བུ་དང ། རྒྱ་མཚོ་ཆེན་པོ་དང ། ཤ་ཀུ་ནི་དང ། ཤ་ཀུ་ནི་ཆེན་པོ་དང ། ཀུ་ཤ་དང ། ཉེ་བའི་ཀུ་ཤ་དང ། ཀུ་ཤ་ཆེན་པོ་དང ། ལེགས་མཐོང་དང ། ལེགས་མཐོང་ཆེན་པོ་དང ། རབ་ཐོབ་དང ། རབ་ཐོབ་ཆེན་པོ་དང ། རབ་ཏུ་སྒྲ་བསྒྲགས་དང ། རབ་ཏུ་སྒྲ་བསྒྲགས་ཆེན་པོ་དང ། འོད་བྱེད་དང ། རྟུལ་ཕོད་དང ། ལྷུན་པོ་ལྡན་དང ། ལྷུན་པོ་ཡོད་དང ། འོད་ཟེར་དང ། འོད་ཟེར་ལྡན་དང ། འོད་ཟེར་ཡོད་དང ། ཀུན་ནས་འོད་ཟེར་རོ། །གོའུ་ཏ་མ་དག ། ཀུན་ནས་འོད་ཟེར་གྱི་བུ་དང ། ཚ་བོ་དང ། ཡང་ཚ་དང ། སུམ་ཆའི་རྒྱུད་རྒྱལ་པོ་བརྒྱ་ཐམ་པ། ཡུལ་གྲུ་འཛིན་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་དགྲ་འདུལ་ཞེས་བྱ་བ་བྱུང་སྟེ། དགྲ་འདུལ་བར་བྱེད་པས། དགྲ་འདུལ། དགྲ་འདུལ་ཞེས་བྱ་བར་གྱུར་ཏོ། །གོའུ་ཏ་མ་དག་།རྒྱལ་པོ་དགྲ་འདུལ་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་ལྔ་ཁྲི་བཞི་སྟོང ། ཡུལ་དམག་གིས་མི་ཚུགས་པར་བྱུང་ངོ ། །དེ་རྣམས་ཀྱི་ཐ་མ་ནི། རྒྱལ་པོ་མ་རྒྱལ་བ་ལས་རྒྱལ་བ་ཞེས་བྱ་བ་བྱུང་སྟེ། མ་རྒྱལ་བ་ལས་རྒྱལ་བར་བྱེད་པས་ན། མ་རྒྱལ་བ་ལས་རྒྱལ་བ། མ་རྒྱལ་བ་
Ga395b
ལས་རྒྱལ་བ་ཞེས་བྱ་བར་གྲགས་སོ། །གོའུ་ཏ་མ་དག་།རྒྱལ་པོ་མ་རྒྱལ་བ་ལས་རྒྱལ་བའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་དྲུག་ཁྲི་སུམ་སྟོང ། ཡུལ་ཝཱ་ར་ཎཱ་སིར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་བཟོད་དཀའ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་བཟོད་དཀའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བརྒྱད་ཁྲི་བཞི་སྟོང ། ཀིམ་པི་ལའི་གྲོང་ཁྱེར་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་ཚངས་སྦྱིན་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་ཚངས་བྱིན་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་སུམ་ཁྲི་ཉིས་སྟོང ། གླང་པོ་ཆེའི་གྲོང་ཁྱེར་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་གླང་པོས་སྦྱིན་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་གླང་པོས་སྦྱིན་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་ལྔ་སྟོང ། ཡུལ་རྡོ་འཇོག་ཏུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་བལ་བུ་ཅན་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་བལ་བུ་ཅན་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་སུམ་ཁྲི་ཉིས་སྟོང ། གྲོང་ཁྱེར་བྲང་གིས་ཉལ་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་ཚན་པོ་ཆེ་འདུལ་ཞེས་བྱ་བ་བྱུང་ངོ ། །གོའུ་ཏ་མ་དག། རྒྱལ་པོ་ཆེན་པོ་ཆེ་འདུལ་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་སུམ་ཁྲི་ཉིས་སྟོང ། གྲོང་ཁྱེར་མ་རྒྱལ་བ་ལས་རྒྱལ་བར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་རྒྱལ་བྱིན་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་
Ga396a
༄#། །པོ་རྒྱལ་བྱིན་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་སུམ་ཁྲི་ཉིས་སྟོང ། གྲོང་ཁྱེར་ཀུ་ནྱ་ཀུབ་ཛར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་རྒྱལ་སྡེ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་རྒྱལ་སྡེའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་ཁྲི་བརྒྱད་སྟོང ། གྲོང་ཁྱེར་ཙམ་པར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་ཀླུའི་ལྷ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་ཀླུའི་ལྷའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་ཉི་ཁྲི་ལྔ་སྟོང ། གྲོང་ཁྱེར་ཏ་ལའི་ཕྲེང་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་མིའི་ལྷ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་མིའི་ལྷའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་ཁྲི་ཉིས་སྟོང ། གྲོང་ཁྱེར་ཏ་མ་ལིར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་རྒྱ་མཚོའི་ལྷ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་རྒྱ་མཚོ་ལྷའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་ཁྲི་བརྒྱད་སྟོང་གྲོང་ཁྱེར་བ་སོའི་གྲོང་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་བློ་གྲོས་བཟང་པོ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་བློ་གྲོས་བཟང་པོའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་ཉི་ཁྲི་ལྔ་སྟོང ། གྲོང་ཁྱེར་རྒྱལ་པོའི་ཁབ་ཏུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་མུན་སེལ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་མུན་སེལ་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་
Ga396b
རྒྱལ་པོ་བརྒྱ་ཐམ་པ་ཡང ། གྲོང་ཁྱེར་ཝཱ་ར་ཎཱ་སིར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་དབང་ཕྱུག་ཆེན་པོའི་སྡེ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་དབང་ཕྱུག་ཆེན་པོའི་སྡེའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བརྒྱད་ཁྲི་བཞི་སྟོང ། གྲོང་ཁྱེར་རྩཝ་ཅན་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་རྒྱ་མཚོའི་སྡེ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱ་མཚོའི་སྡེའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་སྟོང་ཡང ། གྲོང་ཁྱེར་གྲུ་འཛིན་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་དཀའ་ཐུབ་སྤྱོད་ཅེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་དཀའ་ཐུབ་སྤྱོད་ཀྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བརྒྱད་ཁྲི་བཞི་སྟོང་ཡང ། གྲོང་ཁྱེར་རྩཝ་ཅན་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་སའི་གདོང་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་སའི་གདོང་གི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་འབུམ་ཡང ། གྲོང་ཁྱེར་ཝཱ་ར་ཎཱ་སིར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོས་སའི་བདག་པོ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་སའི་བདག་པོའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་འབུམ་ཡང ། གྲོང་ཁྱེར་དམག་གིས་མི་ཚུགས་པར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་ས་འཛིན་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་ས་འཛིན་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བརྒྱད་ཁྲི་བཞི་སྟོང ། གྲོང་ཁྱེར་མི་ཐི་ལར་བྱུང་སྟེ།
Ga397a
༄#། །དེ་རྣམས་ཀྱི་ཐ་མ་ནི། རྒྱལ་པོ་ལྷ་ཆེན་པོ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་ལྷ་ཆེན་པོའི་བུ་དང་།ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བརྒྱད་ཁྲི་བཞི་སྟོང་ཡང ། གྲོང་ཁྱེར་མི་ཐི་ལར་དྲང་སྲོང་གི་ཚངས་པར་སྤྱོད་པ་ལ་སྤྱད་དེ། དེ་རྣམས་ཀྱི་ཐ་མ་ནི། རྒྱལ་པོ་མུ་ཁྱུད་ཅེས་བྱ་བ་བྱུང་ངོ ། །མུ་ཁྱུད་ལས་འབྱིང་བ་དང་སྲ་བའི་མུ་ཁྱུད་དང ། རྐོ་བ་དང ། ཉེ་བར་རྐོ་བ་དང ། རྐོ་བ་ཡོད་པ་དང ། ཀུན་ནས་རྐོ་བ་དང ། གྱ་ནོམ་སྣང་དང ། མཉམ་སྣང་དང ། ཐོས་པའི་སྡེ་དང་།ཆོས་ཀྱི་སྡེ་དང ། རྟོགས་པ་དང ། རྟོགས་པ་ཆེན་པོ་དང ། རྟོགས་པའི་སྡེ་དང ། མྱ་ངན་མེད་དང ། མྱ་ངན་བྲལ་དང ། བརྟན་པའི་སྡེ་དང ། དགའ་བས་སྦྱར་དང ། གླེན་བསལ་དང ། སྐྱ་རེངས་དང་།ཕྱོགས་ཀྱི་བདག་པོ་དང ། རྡུལ་ཅན་དང ། བདེ་བྱེད་དང ། ཀུན་དགའ་དང ། མེ་ལོང་གདོང་དང ། སྐྱེ་པ་དང ། ཀུན་ནས་སྐྱེད་པ་དང ། སྐྱེ་བོའི་ཁྱུ་མཆོག་དང ། བཟའ་བཏུང་ཅན་དང ། བཟའ་བཏུང་མང་པོ་ཅན་དང ། མི་ཐུབ་པ་དང ། གཞན་གྱིས་མི་ཐུབ་པ་དང ། གནས་པ་དང ། ཤིན་ཏུ་གནས་པ་དང ། སྟོབས་ཆེན་དང་།སྟོབས་ཆེན་ཞོན་དང ། ལེགས་པའི་བློ་གྲོས་དང ། རྟན་པ་ཞོན་དང ། གཞུ་བཅུ་པ་དང ། གཞུ་བརྒྱ་པ་དང ། གཞུ་དགུ་བཅུ་པ་དང ། གཞུ་བཀྲ་དང ། གཞུ་སྲ་དང ། ཤིང་རྟ་བཅུ་པ་དང ། ཤིང་རྟ་བརྒྱ་པ་དང ། ཤིང་རྟ་དགུ་བཅུ་པ་དང ། ཤིང་རྟ་ཁྲོ་བོ་དང ། ཤིང་རྟ་རྒྱལ་དང ། ཤིང་རྟ་སྲ་བའོ། །གོའུ་ཏ་མ་
Ga397b
དག་།རྒྱལ་པོ་ཤིང་རྟ་སྲ་བའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བདུན་ཁྲི་བདུན་སྟོང ། གྲོང་ཁྱེར་ཀུན་ཏུ་སྣང་བར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་ནམ་མཁའི་བདག་པོ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་ནམ་མཁའི་བདག་པོའི་བུ་ཀླུ་མཉམ་སྐྱོང་ངོ ། །གོའུ་ཏ་མ་དག་།རྒྱལ་པོ་ཀླུ་མཉམ་སྐྱོང་གི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བརྒྱ་ཐམ་པ་ཡང ། གྲོང་ཁྱེར་ཝཱ་ར་ཎཱ་སིར་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་ཀྲི་ཀྲི་ཞེས་བྱ་བ་བྱུང་ངོ ། །དེའི་ཚེ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེའི་སྤྱན་སྔར་བཅོམ་ལྡན་འདས་བྱང་ཆུབ་སེམས་དཔའ་མ་འོངས་པ་ན། བྱང་ཆུབ་པར་བྱ་བའི་ཕྱིར་སྨོན་ལམ་བཏབ་ནས་ཚངས་པར་སྤྱོད་པ་སྤྱད་དེ། དགའ་ལྡན་གྱི་ལྷའི་རིས་སུ་སྐྱེས་སོ། གོའུ་ཏ་མ་དག་།རྒྱལ་པོ་ཀྲི་ཀྲིའི་བུ་ལེགས་སྐྱེས་སོ། །གོའུ་ཏ་མ་དག་།རྒྱལ་པོ་ལེགས་སྐྱེས་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བརྒྱ་ཐམ་པ་ཡང ། གྲོང་ཁྱེར་གྲུ་འཛིན་དུ་བྱུང་སྟེ། དེ་རྣམས་ཀྱི་ཐ་མ་ནི། རྒྱལ་པོ་རྣ་བ་ཅན་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་རྣ་བ་ཅན་ལ་བུ་གཉིས་ཏེ། གོའུ་ཏ་མ་དང ། བྷ་ར་དྷྭ་ཛའོ།།
Ga398a
༄#། །དེ་གཉིས་ལས། གོའུ་ཏ་མ་ནི། མངོན་པར་འབྱུང་བར་དགའོ། །བྷ་ར་དྷྭ་ཛ་ནི། རྒྱལ་སྲིད་ལ་མངོན་པར་དགའོ། །དེས། ཕ་ཆོས་དང་ཆོས་མ་ཡིན་པས་རྒྱལ་སྲིད་བྱེད་པ་མཐོང་ནས་དེས་བསམ་པ། བདག་ཡབ་འདས་ནས་རྒྱལ་པོར་འགྱུར་ཏེ། བདག་གིས་ཀྱང་ཆོས་དང་ཆོས་མ་ཡིན་པས་རྒྱལ་སྲིད་བྱས་ན། སེམས་ཅན་དམྱལ་བར་གཞོལ་བར་འགྱུར་བས་འདིར་ཅིའི་དུས་ལ་བབ་ཅེ་ན། ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ། །སྙམ་དུ་བསམ་ནས་རྒྱལ་པོ་རྣ་བ་ཅན་གང་ན་བ་དེར་སོང་སྟེ་ཕྱིན་པ་དང་རྐང་པ་གཉིས་ལ་གཏུགས་ཏེ་གསོལ་བ་བཏབ་པ། ཡབ། མཁྱེན་པར་མཛོད་ཅིག་།བདག་ནི། དད་པས་ཁྱིམ་ནས་ཁྱིམ་མ་མཆིས་པར་རབ་ཏུ་འབྱུང་ངོ ། །དེས་སྨྲས་པ། བུ། གང་གི་ཕྱིར་མཆོད་སྦྱིན་མཆོད་པར་བྱེད་པ་དང ། སྦྱིན་སྲེག་སྲེག་པར་བྱེད་པ་དང ། དཀའ་ཐུབ་སྤྱོད་པ་དེ་དག་ནི། འདིའི་ཆེད་ཡིན་ཏེ། ང་འདས་ནས་རྒྱལ་སྲིད་ལག་མཐིལ་དུ་འོངས་ཏེ་རྒྱལ་པོ་བྱེད་པར་འགྱུར་ན། ཅིའི་ཕྱིར་རབ་ཏུ་འབྱུང ། དེས་སྨྲས་པ། ཡབ། བདག་གིས་ཆོས་དང་ཆོས་མ་ཡིན་པས་རྒྱལ་སྲིད་བགྱིད་རྔོ་མི་ཐོགས་སོ། །དེ་ལྟ་བས་ན་མཁྱེན་པར་མཛོད་ཅིག་།རབ་ཏུ་འབྱུང་ངོ ། །དེ་ནས་རྒྱལ་པོས་གལ་གྱིས་བཅུ་པར་ཤེས་ནས་གནང་ངོ ། །དེའི་ཚེ་བསྟི་གནས་ཤིག་ན་དྲང་སྲོང་མདོག་ནག་ཅེས་བྱ་བ་གནས་སོ། །དེ་ནས་གཞོན་ནུ་གོའུ་ཏ་མ་རྒྱལ་པོས་གནང་ནས་དགའ་ཞིང་མགུ་ལ། དགའ་བ་ཆེན་པོ་དང །
Ga398b
ཡིད་བདེ་བ་སྐྱེས་ནས་དྲང་སྲོང་མདོག་ནག་གང་ན་བ་དེར་སོང་སྟེ་ཕྱིན་པ་དང ། སྤྱོད་ལམ་དུལ་བས་རྐང་པ་གཉིས་ལ་ཕྱག་བྱས་ནས་སྨྲས་པ། དྲང་སྲོང་ཆེན་པོ། བདག་རབ་ཏུ་འབྱུང་བར་འདོད་ཀྱི། བདག་རབ་ཏུ་ཕྱུང་ཞིག་།དེས་དེ་རབ་ཏུ་ཕྱུང་ངོ ། །དྲང་སྲོང་མདོག་ནག་ནི། འབྲས་བུ་དང ། རྩ་བ་དང ། ཆུ་འཐུང་བས། དེ་ཡང་དྲང་སྲོང་གོའུ་ཏ་མ། དྲང་སྲོང་གོའུ་ཏ་མ་ཞེས་བྱ་བར་གྱུར་ཏོ། །ཇི་ཙམ་ན། དུས་གཞན་ཞིག་ན་རྒྱལ་པོ་རྣ་བ་ཅན་ཤི་ནས་གཞོན་ནུ་བྷ་ར་དྷྭ་ཛ་ཕའི་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་གོ། ཇི་ཙམ་དུས་གཞན་ཞིག་ན་དྲང་སྲོང་གོའུ་ཏ་མས་མཁན་པོ་ལ་སྨྲས་པ། མཁན་པོ། དགོན་པའི་ཟས་ཀྱིས་འཚོ་བར་རྔོ་མི་ཐོགས་ཀྱི། གྲོང་འདབས་སུ་གནས་པར་བགྱིའོ། །དེས་སྨྲས་པ། བུ། རུང་གི། གྲོང་ངམ། དགོན་པ་ན་གནས་པའི་དྲང་སྲོང་གིས་ནི། མདོར་ན་དབང་པོ་སྲུང་བ་ཡིན་གྱི། ཁྱོད་སོང་ལ་གྲུ་འཛིན་གྱི་ཉེ་འཁོར་དུ་ལོ་མའི་སྤྱིལ་བུ་བྱོས་ལ་འདུག་ཅིག་།མཁན་པོ། བཀའ་བཞིན་འཚལ་ཞེས་སྨྲས་ནས། དྲང་སྲོང་གོའུ་ཏ་མ་གྲུ་འཛིན་གྱི་ཉེ་འཁོར་དུ་ལོ་མའི་སྤྱིལ་བུ་བྱས་ཏེ་གནས་སོ། །དེའི་ཚེ་གྲོང་ཁྱེར་གྲུ་འཛིན་ན་སྨད་ཚོང་མ་བཟང་མོ་ཞེས་བྱ་བ་དང ། སྐྱེས་བུ་གཡོན་ཅན་པདྨའི་རྩ་ལག་ཅེས་བྱ་བ་ཞིག་གནས་ཏེ། དེས་དེ་ལ་དགའ་མགུར་སྤྱོད་པའི་ཕྱིར་གོས་དང་རྒྱན་བསྐུར་རོ། །དེས་གོས་དང་རྒྱན་དག་ཐོགས་ནས་ཆས་པ་ལས། ཡང་མི་གཞན་ཞིག་ཀཪྴ་པ་ཎ་ལྔ་བརྒྱ་ཐོགས་པ་ཞིག་འོངས་ནས་བཟང་མོ། དགའ་མགུར་སྤྱད་ཀྱི་ཚུར་ཤོག་།དེས་བསམ་པ། གལ་ཏེ་
Ga399a
༄#། །བདག་སོང་ན་ཀཪྴ་པ་ཎ་ལྔ་བརྒྱ་ཡང་མི་འཐོབ་ལ། ཁྱིམ་དུ་འོངས་པ་སྤངས་ཏེ་གཞན་དུ་འགྲོ་བ་འདི་ནི། ལེགས་པ་མ་ཡིན་ནོ། །སྙམ་ནས། དེས་བུ་མོ་མངག་གཞུག་མ་ལ་སྨྲས་པ། སོང་ལ་པདྨའི་རྩ་ལག་ལ་ཇོ་མོའི་མཆིད་ནས་རེ་ཞིག་བདག་ལ་སྐབས་མ་མཆིས་ཏེ། སླད་ཀྱིས་མཆིའོ། །ཞེས་སྨྲོས་ཤིག་།དེས་དེའི་གན་དུ་སོང་ནས་སྨྲས་སོ། །མི་དེ་ཡང་བྱ་བ་མང་པོ་ཞིག་ཡིན་པས་དེ་དང་དེ་དགའ་མགུར་སྤྱད་ནས་ཐུན་དང་པོ་ཉིད་ལ་སོང་ངོ ། །དེས་བསམ་པ། ནམ་ཚོད་རིང་དུ་ཡོད་པས་དེའི་སེམས་བདག་གིས་བསྲུང་བར་ནུས་སོ། །སྙམ་ནས་དེས། ཡང་བུ་མོ་དེ་ལ་བསྒོ་བ། པདྨའི་རྩ་ལག་གི་གན་དུ་སོང་ལ་ཇོ་མོའི་མཆིད་ནས་སྟ་གོན་བགྱིས་ལགས་ན། སྐྱེད་མོས་ཚལ་གང་དུ་མཆི་ཞེས་སྨྲོས་ཤིག་།དེས་དེའི་གན་དུ་སོང་ནས་སྨྲས་པ་དང ། དེས་སྨྲས་པ། ཁྱོད་ཀྱི་ཇོ་མོ་སྐད་ཅིག་ལ་སྐབས་མེད། སྐད་ཅིག་ལ་སྐབས་ཡོད་ཅེའམ། བུ་མོ་དེ། དེ་དང་རིགས་མི་འཕྲོད་པ་ཞིག་པས་དེས་སྨྲས་པ། རྗེའི་སྲས། སྐབས་མ་མཆིས་པ་ནི། མ་ལགས་མོད་ཀྱི་དེས་ཁྱོད་ཀྱི་གོས་དང་རྒྱན་དག་གིས་སྐྱེས་པ་གཞན་དང་ལྷན་ཅིག་དགའ་མགུར་སྤྱད་དོ། །དེའི་འདོད་ཆགས་ཀྱི་ཀུན་ནས་དཀྲིས་པ་གང་ཡིན་པ་དེ་དང་བྲལ་བར་གྱུར་ཅིང་གནོད་སེམས་ཀྱི་ཀུན་ནས་དཀྲིས་པ་སྐྱེས་ཏེ། དེ་མི་བཟོད་པ་སྐྱེས་ནས་སྨྲས་པ། བུ་མོ། སོང་ལ་བཟང་མོ་ལ་པདྨའི་རྩ་ལག་ན་རེ། སྐྱེད་མོས་ཚལ་ག་གེ་མོ་ཞིག་ཏུ་ཤོག་ཅེས་བྱོས་ཤིག། དེས་སོང་ནས་བཟང་མོ་ལ་སྨྲས་པ་དང །
Ga399b
དེ་ནས་དེ་སྐྱེད་མོས་ཚལ་དུ་སོང་བ་དང ། སྐྱེས་བུ་གཡོན་ཅན་པདྨའི་རྩ་ལག་གིས་སྨྲས་པ། ཁྱོད་ཁོ་བོའི་གོས་དང་རྒྱན་གྱིས་སྐྱེས་པ་གཞན་དང་ལྷན་ཅིག་དགའ་མགུར་སྤྱོད་པ་རིགས་སམ། དེས་སྨྲས་པ། རྗེའི་སྲས། དེ་ནི། བདག་གིས་ནོངས་ཏེ། འོན་ཀྱང་བུད་མེད་ནི། རྟག་ཏུ་སྐྱོན་ཅན་ལགས་པས་བཟོད་པར་མཛོད་ཅིག། དེ་ནས་དེ་མི་བཟོད་པ་སྐྱེས་ནས་རལ་གྲི་ཤུབས་ནས་ཕྱུང་ནས་བསད་དོ། །དེ་ནས་བུ་མོ་མངག་གཞུག་མས་ཇོ་མོ་བསད་དོ། །ཇོ་མོ་བསད་དོ། །ཞེས་ཀུ་ཅོའི་སྒྲ་ཆེན་པོ་བཏོན་པ་སྐྱེ་བོའི་ཚོགས་ཀུན་གྱིས་ཐོས་ནས་བརྒྱུགས་པ་དང ། དེ་ཙམ་ན་བསྟི་གནས་དེ་ཉིད་ན་དྲང་སྲོང་གོའུ་ཏ་མ་གནས་སོ། །དེ་ནས་སྐྱེས་བུ་གཡོན་ཅན་པདྨའི་རྩ་ལག་དེ་སྐྲག་ནས། རལ་གྲི་ཁྲག་ཅན་དྲང་སྲོང་གོའུ་ཏ་མའི་མདུན་དུ་བོར་ནས་སྐྱེ་བོའི་ཚོགས་ཆེན་པོ་དེ་ཉིད་ཀྱི་ནང་དུ་ཞུགས་སོ། །སྐྱེ་བོའི་ཚོགས་ཆེན་པོས་དེར་རལ་གྲི་ཁྲག་ཅན་མཐོང་ནས་སྨྲས་པ། རབ་ཏུ་བྱུང་བ་འདིས་བཟང་མོ་བསད་དོ། །ཞེས་དེ་ནས་དྲང་སྲོང་གོའུ་ཏ་མ་དེ་བསྐོར་ཏེ། མི་བཟོད་པ་སྐྱེས་ནས་སྨྲས་པ། ཀཝའི་རབ་ཏུ་བྱུང་བ། དྲང་སྲོང་གི་རྒྱལ་མཚན་བཟུང་ནས་འདི་འདྲ་བའི་ལས་བྱེད་དམ། དེས་སྨྲས་པ། ཅི་བྱས། དེ་རྣམས་ཀྱིས་སྨྲས་པ། བཟང་མོ་དང་ཁྱོད་ལྷན་ཅིག་དགའ་མགུར་སྤྱད་ནས་དེ་བསད་དོ། །དེས་སྨྲས་པ། ཁོ་བོའི་སྡིག་པ་ཞི་བས་ལས་དེ་མི་བྱེད་དོ། ། ཞེས་དེས་ཞི་བ་སྨྲས་ཀྱང ། སྐྱེ་བོའི་ཚོགས་ཆེན་པོ་དེས་ལག་པ་ཕྱིན་ཁ་ལོག་ཏུ་དམ་དུ་བཅིངས་ནས་རྒྱལ་པོ་ལ་ཕུལ་ཏེ། ལྷ། རབ་ཏུ་བྱུང་བ་འདིས་བཟང་མོ་དང་ལྷན་ཅིག་དགའ་མགུར་སྤྱད་ནས་དེ་
Ga400a
༄#། །བཀུམ་ལགས་སོ། །རྒྱལ་པོ་རྣམས་ནི། མི་རྟོག་པ་ཡིན་པས། དེས་སྨྲས་པ། གལ་ཏེ་དེ་ལྟར་གྱུར་ན། རབ་ཏུ་བྱུང་བ་འདི་ངས་སྤངས་ཀྱི་གསལ་ཞིང་ལ་ཤོན་ཅིག། དེ་ནས་རབ་ཏུ་བྱུང་བ་མེ་ཏོག་ཀཱ་ར་བཱི་རའི་ཕྲེང་བ་མགུལ་དུ་བཏགས་ཤིང ། སྐྱེས་པ་གོས་སྔོན་པོ་གྱོན་པ། ལག་ན་མཚོན་ཐོགས་པ་རྣམས་ཀྱིས་ཡོངས་སུ་བསྐོར་ནས་ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་བསྒྲགས་པའི་སྒོར་བསྒྲགས་ཏེ། གྲོང་ཁྱེར་གྱི་ལྷོ་ཕྱོགས་ཀྱི་སྒོར་ཕྱུང་ནས་གསོན་པོ་ཉིད་དུ་གསལ་ཞིང་ལ་གཤོན་ནོ། །དེའི་མཁན་པོ་མདོག་ནག་དེ། དུས་དུས་སུ་དེའི་བསྟི་གནས་སུ་འགྲོ་བ་ཡིན་པས། ཇི་ཙམ་དུ་དུས་གཞན་ཞིག་ན་སོང་བ་ལས་མ་མཐོང་ནས། དེས་ཕན་ཚུན་དུ་བཙལ་བར་བརྩམས་པ་དང ། ཇི་ཙམ་ན། དེ་གསལ་ཞིང་ལ་གཤོན་པར་མཐོང་ནས། དེ། སྐད་མི་གསལ་ཞིང་མིག་མཆི་མས་གང་ལ་སྙིང་རྗེ་བའི་ཚིག་གིས་དལ་བུ་དལ་བུས་སྨྲས་པ། ཀྱི་ཧུད་བུ། འདི་ཅི་ཞིག། དེས་ཀྱང་སྐད་མི་གསལ་ཞིང་ཡིད་ཆད་ལ་གནད་དུ་བབ་པའི་གནོད་པའི་ཚོར་བ་སྐྱེས་ཤིང་གདུངས་པས་སྨྲས་པ། མཁན་པོ། གཞན་ཅི་ལགས། ལས་ལགས་མོད། དེས་སྨྲས་པ། བུ། རྨ་བྱུང་བའམ། གནོད་པ་ཞིག་མ་བྱས་གྲང ། མཁན་པོ། བདག་གི་ལུས་ཀྱིས་རྨ་ཕྱུང་གི། སེམས་ཀྱིས་ནི། མ་ཡིན་ནོ། །བུ། ཇི་ལྟར་ཤེས། མཁན་པོ། བདེན་པ་གསོལ་གྱི། གསོན་ཅིག་།བདེན་པ་དང ། བདེན་པའི་ཚིག་གང་གིས་བདག་གི་ལུས་ཀྱིས་རྨ་ཕྱུང་གི།
Ga400b
སེམས་ཀྱིས་མ་ཡིན་ན། བདེན་པ་དང ། བདེན་པའི་ཚིག་དེས་མཁན་པོའི་པགས་པའི་མདོག་ནག་པོ་གང་ཡིན་པ་དེ་གསེར་གྱི་ཁ་དོག་ཏུ་གྱུར་ཅིག་།བདག་ཉིད་ཆེན་པོ་དེ། ལྷག་པའི་བསམ་པ་གོམས་པ་ཡིན་པས་ཚིག་སྨྲས་མ་ཐག་ཏུ་དྲང་སྲོང་མདོག་ནག་གི་པགས་པ་ནག་པོ་མི་སྣང་ཞིང ། གསེར་གྱི་ཁ་དོག་ཏུ་གྱུར་ཏོ། །ཀུན་ཏུ་དྲང་སྲོང་མདོག་ནག་གསེར་གྱི་ཁ་དོག་ཏུ་གྱུར་ཏོ། །ཞེས་སྒྲ་གྲགས་པས། དེའི་མིང་གསེར་མདོག་ཅེས་བྱ་བར་གྱུར་ཏོ། །དེ་ངོ་མཚར་མཆོག་ཏུ་གྱུར་ཏོ། །དེ་ནས་དྲང་སྲོང་གོའུ་ཏ་མས་སྨྲས་པ། མཁན་པོ། བདག་ནི། འདི་ནས་ཤི་འཕོས་ནས་འགྲོ་བ་ནི། གང ། སྐྱེ་བ་ནི། གང ། ཚེ་ཕྱི་མ་ནི། གང་ཞིག་ལགས། དེས་སྨྲས་པ། བྲམ་ཟེ་རྣམས་ན་རེ། བུ་མེད་པ་ལ་འགྲོ་བ་མེད་དོ། །ཞེས་ཟེར་ན། ཁྱོད་ཀྱིས་བུ་འགའ་བསྐྱེད་པ་ལྟ་ཡོད་དམ། མཁན་པོ། ཡབ་ཀྱིས་རྒྱལ་སྲིད་ཀྱི་སླད་དུ་སྤྲོ་བ་བསྐྱེད་པ་ན། བདག་གཞོན་ནུ་ཉིད་དུ་རབ་ཏུ་བྱུང་བས་བུད་མེད་ཀྱི་རྒྱུས་ཀྱང་མ་འཚལ་ན། བདག་གིས་བུ་བསྐྱེད་པ་ལྟ་ག་ལ་མཆིས། བུ། གལ་ཏེ་དེ་ལྟ་ན། སྔོན་ཡུལ་ལ་སྤྱད་པ་རྗེ་སུ་དྲན་པར་གྱིས་ཤིག་།མཁན་པོ། ཚོར་བ་དྲག་པོས་ཉེན་པས་ད་ནི། བདག་གི་གནད་རྣམས་ཆད་ཅིང་ཚིག་རྣམས་བྱེ་སྟེ། འགུམ་པ་གཅིག་པུ་དྲན་པར་བས་ན། ཇི་ལྟར་སྔོན་གྱི་ཡུལ་ལ་སྤྱད་པ་རྗེས་སུ་དྲན་པར་འགྱུར། དེའི་མཁན་པོ་མངོན་པར་ཤེས་པ་ཐོབ་པ་ཡིན་པས། དེས་རྫུ་འཕྲུལ་གྱིས་རྫི་ཆར་ཆེན་པོ་སྤྲུལ་ནས་ཆར་པའི་ཐིགས་པས་དེའི་ལུས་ལ་ཕོག་པ་དང ། དེ་ནས་ཆར་པ་དང ། རླུང་གྲང་མོས་རེག་པས། སྡུག་བསྔལ་རྣམ་པར་
Ga401a
༄#། །མནན་ནས། དེས་སྔོན་གྱི་ཡུལ་ལ་སྤྱད་པ་རྗེས་སུ་དྲན་པར་བྱ་བར་བརྩམས་སོ། །གང་གི་ཚེ་དེས་འཁྲིགས་པའི་འདོད་ཆགས་རྗེས་སུ་དྲན་པར་བྱས་པ་ལས། ཁུ་བའི་ཐིགས་པ་གཉིས་ཁྲག་དང་ལྷན་ཅིག་ལྟུང་ངོ ། །བསམ་གྱིས་མི་ཁྱབ་པའི་གནས་ནི། བཞི་སྟེ། བདག་སེམས་པ་དང ། འཇིག་རྟེན་སེམས་པ་དང ། སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་སེམས་པ་དང ། སངས་རྒྱས་རྣམས་ཀྱི་སངས་རྒྱས་ཀྱི་ཡུལ་སེམས་པའོ། །ཁུ་བའི་ཐིགས་པ་དེ་གཉིས་སྒོ་ང་གཉིས་སུ་གྱུར་ནས། ཉི་མ་ཤར་བའི་དུས་ཀྱི་ཚེ། ཉི་མའི་འོད་ཟེར་གྱིས་སྨིན་ནས་རྡོལ་བ་དང ། ཁྱེའུ་གཉིས་ཤིག་བྱུང་ནས། དེ་དང་ཧ་ཅང་ཡང་མི་རིང་བའི་བུ་རམ་ཤིང་གི་ཚལ་གསེབ་དེར་དེ་གཉིས་བཞུགས་སོ།། །།འདུལ་བ་གཞི། བམ་པོ་གྱ་གཅིག་པ། དེ་ནས་ཉི་མའི་འོད་ཟེར་ཤིན་ཏུ་ཚ་བ་བྱུང་སྟེ། ཉི་མའི་འོད་ཟེར་གྱིས་དྲང་སྲོང་གོའུ་ཏ་མ་གདུངས་ནས་ཤིའོ། །དེ་ནས་དྲང་སྲོང་གསེར་མདོག་འོངས་ནས་ཤི་བ་མཐོང་ནས། དེས་གསལ་ཤིང་གི་ཉེ་འཁོར་དུ་བལྟས་ན། སྒོ་ང་རྡོལ་བའི་ཁོག་པ་གཉིས་ཤིག་འདུག་ནས་དེ་ཕན་ཚུན་རྗེས་གཅོད་ཅིང་བུ་རམ་ཤིང་གི་ཚལ་གསེབ་ཏུ་ཞུགས་པ་ལས། ཇི་ཙམ་ན་ཁྱེའུ་གཉིས་ཤིག་མཐོང་ངོ ། །ངེས་འདི་གཉིས་སུའི་བུ་ཡིན་ཞེས་བསམ་པ་ལ་ཞུགས་པ་དང ། དྲང་སྲོང་གོའུ་ཏ་མའི་ཡིན་པར་གྱུར་ནས། དེ་ནས་དེ་ལྷག་པར་སྡུག་པ་སྐྱེས་ཏེ། དེས་དེ་གཉིས་བསྟི་གནས་སུ་ཁྲིད་ནས་བསྣུན་བསྙོད་དེ། དེ་གཉིས་ཀྱི་མིང་བཏགས་པ། ཉི་མ་ཤར་བའི་
Ga401b
ཚེ་ཉི་མའི་འོད་ཟེར་གྱིས་སྨིན་པར་བྱས་པ་ལས། འདི་གཉིས་སྐྱེས་པར་གྱུར་པས། དེ་བས་ན་ཉི་མའི་རིགས་ཡིན་པས་ཉི་མའི་རིགས། ཉི་མའི་རིགས་ཞེས་བྱ་བར་གྱུར་ཏོ། །དྲང་སྲོང་གོའུ་ཏ་མའི་བུ་ཡིན་པས་མིང་གཉིས་པ་གོའུ་ཏ་མ། གོའུ་ཏ་མ་ཞེས་བྱ་བར་གྱུར་ཏོ། །རང་གི་ཡན་ལག་ལས་སྐྱེས་པས་མིང་གསུམ་པ་ཡན་ལག་སྐྱེས། ཡན་ལག་སྐྱེས་བྱ་བར་གྱུར་ཏོ། །བུ་རམ་ཤིང་གི་ཚལ་གསེབ་ནས་རྙེད་པས་མིང་བཞི་པ་བུ་རམ་ཤིང་པ། བུ་རམ་ཤིང་པ་ཞེས་བྱ་བར་གྱུར་ཏོ། །ཇི་ཙམ་དུས་གཞན་ཞིག་ན་རྒྱལ་པོ་བྷ་ར་དྷྭ་ཛ་བུ་མེད་པར་ཤི་ནས་བློན་པོ་རྣམས་འདུས་ནས་གྲོས་བྱ་བར་བརྩམས་པ། ཤེས་ལྡན་དག་།ད་སུ་ཞིག་རྒྱལ་པོར་དབང་བསྐུར་བར་བྱ། གཞན་དག་གིས་སྨྲས་པ། འདིའི་གཅེན་གོའུ་ཏ་མ་དྲང་སྲོང་རྣམས་ཀྱི་ནང་དུ་རབ་ཏུ་བྱུང་སྟེ། རྒྱལ་སྲིད་འདི་ནི། དེའི་རིགས་རྒྱུད་དུ་འོངས་པ་ཡིན་པས་དེ་དབང་བསྐུར་རོ། །དེ་ནས་དེ་རྣམས་ཀྱིས་གྲོས་བྱས་ནས་དྲང་སྲོང་གསེར་མདོག་གི་དྲུང་དུ་སོང་སྟེ་སོན་པ་དང ། རྐང་པ་གཉིས་ལ་གཏུགས་ནས་སྨྲས་པ། དྲང་སྲོང་ཆེན་པོ། གོའུ་ཏ་མ་གང་ཁྱེད་ཅག་དུ་མཆིས། དེས་སྨྲས་པ། ཁྱེད་ཅག་ཁོ་ནས་བསད་དོ། །དེ་རྣམས་ཀྱིས་སྨྲས་པ། དྲང་སྲོང་ཆེན་པོ། བདག་ཅག་གིས་དེ་མཐོང་བར་ཡང་མི་དྲན་ན། ཇི་ལྟར་བསད། ཁོ་བོས་དྲན་པར་བྱའོ། །མ་ནོངས་སོ། །དེས་དེ་རྣམས་དྲན་པར་བྱས་པ་དང ། སྨྲས་པ། དྲང་སྲོང་ཆེན་པོ། གལ་ཏེ་དེ་ལྟ་ན། སྡིག་པ་སྤྱོད་པ་དེ་མིང་ཙམ་སྨོས་པ་ཡང་བསྒྲགས་པ་མ་ཡིན་གྱི། ཞོག་ཅིག་།དེས་སྡིག་པའི་ལས་ཅི་བྱས། འདི་
Ga402a
༄#། །དང་འདིའོ། །སྐྱོན་མེད་པ་གནོད་པ་མི་བྱེད་པ་དེས་སྡིག་པའི་ལས་མ་བྱས་པར་ཁྱེད་ཅག་གིས་བསད་དོ། །དེ་ལྟར་ཅི་མངོན། དེས་ཇི་ལྟར་གྱུར་པ་རྒྱས་པར་སྨྲས་པ་དང ། དེ་རྣམས་ཡིད་མི་བདེ་བ་སྐྱེས་ནས་སྨྲས་པ། དྲང་སྲོང་ཆེན་པོ། གལ་ཏེ་དེ་ལྟ་ན། དེས་མ་ལགས་ཀྱི། བདག་ཅག་གིས་སྡིག་པའི་ལས་བགྱིས་སོ། །ཞེས་དེ་རྣམས་དེ་སྐད་དུ་གཏམ་སྨྲ་བར་བྱེད་པ་ན། ཁྱེའུ་དེ་གཉིས་ཀྱང་དྲང་སྲོང་གི་དྲུང་དུ་འོངས་སོ། །བློན་པོ་རྣམས་ཀྱིས་སྨྲས་པ། དྲང་སྲོང་ཆེན་པོ། ཁྱེའུ་འདི་གཉིས་སུའི་ལགས། དེས་སྨྲས་པ། དེ་ཁོ་ནའི་བུའོ། །དེ་རྣམས་ཀྱིས་སྨྲས་པ། འདི་གཉིས་ཇི་ལྟར་སྐྱེས། འདི་གཉིས་ཀྱི་མིང་ཅི་ལགས། དེས་བྱུང་བ་དང་བཅས་པར་རྒྱས་པར་སྨྲས་པ། བློན་པོ་རྣམས་ཀྱིས་ཐོས་ཏེ། མཆོག་ཏུ་ངོ་མཚར་སྐྱེས་ནས་དེ་རྣམས་ཀྱིས་དྲང་སྲོང་དེ་ལ་གསོལ་བ་བཏབ་ནས་དེ་གཉིས་ལས་གཞོན་ནུ་ཕུ་བོ་ཤོས་རྒྱལ་སྲིད་ཀྱི་དབང་བསྐུར་བས་དབང་བསྐུར་བ་ལས། དེ་ཡང་བུ་མེད་པར་ཤིའོ། །དེ་ནས་གཅིག་ཤོས་ནུ་བོ་དབང་བསྐུར་ནས་དེའི་མིང་རྒྱལ་པོ་བུ་རམ་ཤིང་པ་ཞེས་བྱ་བར་གྱུར་ཏོ། །གོའུ་ཏ་མ་དག་།རྒྱལ་པོ་བུ་རམ་ཤིང་པའི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་བུ་རམ་ཤིང་པ་བརྒྱ་ཡང་གྲོང་ཁྱེར་གྲུ་འཛིན་དུ་བྱུང་སྟེ། དེ་རྣམས་ཀྱིས་ཐ་མ་ནི། རྒྱལ་པོ་བུ་རམ་ཤིང་པ་འཕགས་སྐྱེས་པོ་ཞེས་བྱ་བ་བྱུང་ངོ ། །གོའུ་ཏ་མ་དག་།རྒྱལ་པོ་བུ་རམ་ཤིང་པ་འཕགས་སྐྱེས་པོ་ལ་བུ་བཞི་སྟེ། སྐར་མདའ་གདོང་
Ga402b
དང ། ལག་རྣ་དང ། གླང་པོ་ཆེ་འདུལ་དང ། རྐང་གདུབ་ཅན་ནོ། །དུས་གཞན་ཞིག་ན། དེའི་བཙུན་མོ་དམ་པ་ཤི་ནས་དེ་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་གོ་།བློན་པོ་རྣམས་ཀྱིས་སྨྲས་པ། ལྷ། ཅིའི་སླད་དུ་ཕྱག་ལ་ཞལ་གཏད་དེ་ཐུགས་མི་དགྱེས་ཤིང་བཞུགས། དེས་སྨྲས་པ། ང་ཡི་བཙུན་མོ་དམ་པ་ཤི་ན། ཅིའི་ཕྱིར་སེམས་ཁོང་དུ་ཆུད་ཅིང་མི་འདུག་།ལྷ། གལ་ཏེ་དེ་ལྟར་ན།་ཉི་འོག་གི་རྒྱལ་པོ་རྣམས་ལ་བུ་མོ་མཆིས་ན། ལྷ། ཅིའི་སླད་དུ་ལྷའི་བཙུན་མོ་དམ་པ་མི་བཙལ། རྒྱལ་པོས་སྨྲས་པ། གཞོན་ནུ་འདི་དག་ནི། རྒྱལ་སྲིད་མངོན་པར་འདོད་པས་ཕྱིར་རྒོལ་བ་འདི་དག་ཡོད་ན། ང་ལ་སུ་ཞིག་བུ་མོ་སྟེར་བར་འགྱུར་བ་ལྟ། དགོངས་ཤིག་དང ། བདག་ཅག་གིས་བཙལ་ལོ། །ཇི་ཙམ་ན། རྒྱལ་པོ་གཞན་ཞིག་གི་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། བཙུན་མོ་དམ་པར་འཚལ་བ་ཡོད་པ་དེ་རྣམས་ཀྱིས་བརྟགས་ཏེ་རྒྱལ་པོ་དེའི་དྲུང་དུ་དོང་ནས། དེ་རྣམས་ཀྱིས་གཅིག་ནས་གཅིག་ཏུ་བརྒྱུད་དེ་རྒྱལ་པོ་ལ་རིག་པར་བྱས་པ་དང ། རྒྱལ་པོས་བསྒོ་བ། ཁུག་ཅིག་།དེ་ནས་དེ་རྣམས་རྒྱལ་པོའི་སྤྱན་སྔར་དོང་ནས་རྐང་པ་གཉིས་སུ་གཏུགས་ཏེ་ཐོག་མར་གཏམ་བྱས་ནས་འདུག་གོ་།གཏམ་གྱི་སྐབས་རྙེད་ཅིང་རྒྱལ་པོའི་ཞལ་མཐོང་ནས་སྨྲས་པ། ལྷ། བཀྲ་ཤིས་པར་གྱུར་ཅིག་།བཀྲ་ཤིས་པར་གྱུར་ཅིག་།རྒྱལ་པོས་སྨྲས་པ། ཤེས་ལྡན་དག་།ཁྱེད་ཅི་གསོལ། རྒྱལ་པོ་བུ་རམ་ཤིང་པ་འཕགས་སྐྱེས་པོའི་བཙུན་མོ་དམ་པ་གུམ་ནས་དེའི་ཆེད་དུ་
Ga403a
༄#། །སྲས་མོ་སློང་ངོ ། །རྒྱལ་པོས་སྨྲས་པ། འཐབ་རིར་བབ་པའི་མཆོག་ཡིན་པས་རུང་ན། འོན་ཀྱང་དམ་ཞིག་བཅའ་སྟེ། གལ་ཏེ་ངའི་བུ་མོ་ལ་ཁྱེའུ་ཞིག་ཡོད་པར་གྱུར་ན།་དེ་གལ་ཏེ་རྒྱལ་སྲིད་ཀྱི་དབང་ཕྱུག་ལ་གཞག་པ་ལྟ་ན། སྦྱིན་ནོ། །ལྷ། བཀའ་བཞིན་འཚལ། མཆིས་ལ་ལྷ་ལ་སྙན་དུ་གདགས་པར་གསོལ་ལོ། །ཞེས་དེ་རྣམས་དོང་ནས་རྒྱལ་པོ་བུ་རམ་ཤིང་པ་འཕགས་སྐྱེས་པོ་ལ་ཇི་ལྟར་གྱུར་པ་སྨྲས་པ་དང ། རྒྱལ་པོས་སྨྲས་པ། ཤེས་ལྡན་དག་།གཞོན་ནུ་ཆེས་ཕུ་བོར་གྱུར་པ་རྒྱལ་སྲིད་ལ་མངོན་པར་དགའ་བ་རྣམས་སྤངས་ཏེ་ནུ་བོ་རྒྱལ་སྲིད་ལ་འཇོག་པ་དེ་ནི། འོས་པ་མ་ཡིན་ནོ། །ལྷ། དོན་འདི་ལ་ངེས་པ་མ་མཆིས་ཏེ། རེ་ཞིག་བཙུན་མོ་བླངས་ལ། ལྷ་དེ་དང་ལྷན་ཅིག་རྩེད་མོ་དང ། དགྱེས་པ་དང ། དགྱེས་མགུར་སྤྱོད་པར་མཛོད་ཅིག་དང ། དེ་ལ་ཁྱེའུ་བཙའ་བར་འགྱུར་རམ། འོན་ཏེ་བུ་མོར་འགྱུར་རམ། ཅི་མ་མཆིས་པར་འགྱུར་སུས་འཚལ། རྒྱལ་པོས་སྨྲས་པ། ཤེས་ལྡན་དག་།གལ་ཏེ་དེ་ལྟ་ན། དེངས་ལ་ལོངས་ཤིག་།དེ་རྣམས་དོང་ནས་བསུས་ཏེ། ཇི་ཙམ་ན་རྒྱལ་པོའི་དཔལ་གྱི་འབྱོར་པ་ཆེན་པོས་བླངས་ནས། དེ་ཡང་རྒྱལ་པོས་མངོན་པར་འདོད་པར་གྱུར་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་བཙུན་མོ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ། དགུར་
Ga403b
འདས་པ་དང ། ཁྱེའུ་གཟུགས་བཟང་བ། བལྟ་ན་སྡུག་པ། མཛེས་པ་ཞིག་བཙས་སོ། །བཙས་ནས་དེའི་བཙས་པའི་བཙས་སྟོན་རྒྱ་ཆེར་བྱས་ཏེ། ཁྱེའུ་འདིའི་མིང་ཅིར་གདགས་ཞེས་མིང་འདོགས་པར་བྱེད། བློན་པོ་རྣམས་ཀྱིས་སྨྲས་པ། ལྷ། འདི་ལྟར། མ་སྐྱེས་པ་ཉིད་ནས་རྒྱལ་སྲིད་ལ་མངོན་པར་དགའ་བས། དེའི་སླད་དུ་ཁྱེའུའི་མིང་རྒྱལ་སྲིད་དགའ་ཞེས་བགྱིའོ། །ཁྱེའུ་རྒྱལ་སྲིད་དགའ་མ་མ་བརྒྱད་ལ་རྗེས་སུ་གཏད་དེ་ཞེས་བྱ་བ་ནས་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །ཞེས་བྱ་བའི་བར་གོང་མ་བཞིན་དུའོ། །དེ་རྒྱལ་ཚབ་ཀྱི་རྒྱལ་སྲིད་ལ་མ་བཞག་པ་དེའི་ཞང་པོ་རྒྱལ་པོས་ཐོས་ནས། དེས་དེ་ལ་ཕོ་ཉ་བཏང་སྟེ་ཚིག་རྩུབ་པོ་དང་བཅས་པའི་སྤྲིང་ཡིག་སྤྲིང་པ། ཁྱོད་ཀྱིས་སྔོན་ཁས་བླངས་ཤིང་དམ་བཅས་པ་བཞིན་གལ་ཏེ་བྱེད་ན། དེ་ལྟ་ན་ལེགས། གལ་ཏེ་དེ་ལྟར་མ་བྱས་ན། ཁྱོད་ཀྱི་མཐུ་དང་བརྩོན་འགྲུས་ཀྱིས་ཕ་རོལ་གནོན་པ་གང་ཡིན་པ་དེས་སྡོད་ཅིག་།ཁོ་བོ་དེར་འོངས་ནས་ཡུལ་འཁོར་བུར་མར་རློག་གོ་།རྒྱལ་པོ་དེ་མཐུ་ཆེན་པོ་ལྡན་པ་དེས་ཐོས་ནས་སྐྲག་སྟེ། བློན་པོ་རྣམས་བསགས་ནས་སྨྲས་པ། ཤེས་ལྡན་དག་།ང་ལ་རྒྱལ་པོ་དེས་འདི་སྐད་ཅེས་སྤྲིངས་ན། དེ་ལ་ཇི་ལྟར་བསྒྲུབ་པར་བྱ། དེས་རྣམས་ཀྱིས་སྨྲས་པ། ལྷ། རྒྱལ་སྲིད་དགའ་རྒྱལ་ཚབ་ཏུ་དབང་བསྐུར་ལགས་མོད། དེས་སྨྲས་པ། ཤེས་ལྡན་དག་།གཞོན་ནུ་ཆེས་ཕུ་བོར་གྱུར་པ་རྒྱལ་སྲིད་ལ་མངོན་པར་དགའ་བ་རྣམས་སྤངས་ཏེ་ནུ་བོ་རྒྱལ་སྲིད་ཀྱི་དབང་བསྐུར་བ་འདི་ནི། འོས་པ་མ་ཡིན་ནོ། །དེ་རྣམས་ཀྱིས་སྨྲས་
Ga404a
༄#། །པ།་ལྷ། རྒྱལ་པོ་དེ་ནི། སྟོབས་དང་གཞོན་པ་རྒྱ་ཆེ་བས་གལ་ཏེ་འདིར་མཆིས་ན། གདོན་མི་འཚལ་བར་ཡུལ་བུར་མར་རློག་པ་གང་ལགས་པའི་གནས་དེ་མཆིས་པས། རྒྱལ་སྲིད་དགའ་རྒྱལ་ཚབ་ཀྱི་དབང་ཕྱུག་ལ་དབང་བགྱིད་པར་དབང་བསྐུར་ལ། གཞོན་ནུ་དེ་རྣམས་ནི། སྤྱུག་ཏུ་གསོལ། རྒྱལ་པོས་སྨྲས་པ། ཤེས་ལྡན་དག། སྐྱོན་མེད་ཅིང་གནོད་པ་མ་བྱས་པའི་གཞོན་ནུ་རྣམས་ཇི་ལྟར་སྤྱུག་།ལྷ། བདག་ཅག་ནི། བློན་པོ་ལགས་ཏེ། ལྷ་ལ་སྨན་པར་བགྱི་བ་ལྷུར་ལེན་པ་ལགས་པས། སྐྱོན་མ་མཆིས་པ་དང ། ནོངས་པ་མ་མཆིས་པ་ཡང་སྤྱུག་ལ། སྐྱོན་མཆིས་པ་དང་ནོངས་པ་བགྱིས་པ་ནི། གཞོག་གོ་།རྒྱལ་པོ་བཏང་སྙོམས་སུ་བཞག་ནས་ཅང་མི་སྨྲ་བར་འདུག་གོ་།བློན་པོ་རྣམས་ཚོགས་ནས་ཕན་ཚུན་དུ་གྲོས་བྱ་བར་བརྩམས་པ། ཤེས་ལྡན་དག་།ཐབས་ཤིག་བཤམ་པར་བྱ་སྟེ། དེས་ན་རྒྱལ་བུ་གཞོན་ནུ་རྣམས་ལ་ཐུགས་བྱུང་བར་གྱུར་པ་ཞིག་བྱའོ། །ཞེས་དེ་ནས་དེ་རྣམས་ཀྱིས་སྐྱེད་མོས་ཚལ་བྱི་དོར་བྱས་པ། རི་མོ་སྣ་ཚོགས་བྲིས་པར་ཤིན་ཏུ་དྲི་ཞིམ་པོའི་པོག་ཕོར་ཉེ་བར་བཞག་།དར་གྱི་ཆུན་འཕྱང་མང་པོ་བཏགས། མེ་ཏོག་སྣ་ཚོགས་ཀྱིས་དགའ་དགའ་ལྟར་བྱས་པ་ཞིག་བྱེད་དུ་བཅུག་གོ་།དེ་ནས་དེ་རྣམས་ཀྱིས་བློན་པོ་རྣམས་ཀྱིས་སྐྱེད་མོས་ཚལ་དེ་བྱི་དོར་བྱེད་པ་རྒྱང་རིང་པོ་ནས་མཐོང་ནས་གཞོན་ནུ་རྒོད་བག་ཅན་དེ་རྣམས་སྐྱེད་མོས་ཚལ་གྱི་ཕྱོགས་སུ་དོང་ངོ ། །བློན་པོ་རྣམས་ཀྱིས་སྐྱེད་མོས་ཚལ་
Ga404b
བྱི་དོར་བྱས་ནས་སྒོར་བྱུང་བ་དང ། གཞོན་ནུ་རྣམས་ཀྱིས་དྲིས་པ། འདི་སུའི་སྐྱེད་མོས་ཚལ། དེ་རྣམས་ཀྱིས་སྨྲས་པ། ལྷའི་ལགས་སོ། །དེ་ནས་སླར་ལོག་པར་བརྩམས་པ་དང ། བློན་པོ་རྣམས་ཀྱིས་སྨྲས་པ། གཞོན་ནུ་རྣམས་ནང་དུ་ཞུགས་ཤིག་།ཅིའི་ཕྱིར་སླར་ལོག་།དེ་རྣམས་ཀྱིས་སྨྲས་པ། ལྷའི་སྐྱེད་མོས་ཚལ་ཡིན་ན། འདིར་འཇུག་ཏུ་ག་ལ་རུང ། བློན་པོ་རྣམས་ཀྱིས་སྨྲས་པ། ལྷའམ་གཞོན་ནུ་རྣམས་རོལ་པ་འདི་ལ་འགལ་བ་ཅི་མཆིས། དེ་རྣམས་ནང་དུ་ཞུགས་ཏེ་རྩེ་བར་བརྩམས་སོ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ། སྐྱེད་མོས་ཚལ་ལེགས་པར་བྱི་དོར་བགྱིས་ལགས་ཀྱི། ལྷ་གཟིགས་པའི་དུས་ལ་བབ་ལགས་སོ། །རྒྱལ་པོ་ཆས་པ་དང ། སྐྱེད་མོས་ཚལ་ན་ཀུ་ཙེའི་སྒྲ་ཐོས་སོ། །ཐོས་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་།སྐྱེད་མོས་ཚལ་ན་ཀུ་ཅོའི་སྒྲ་གྲགས་ན། འདི་ན་སུ་ཞིག་འདུག་།བློན་པོ་རྣམས་ཀྱིས་སྨྲས་པ། ལྷ། གཞོན་ནུ་རྣམས་སོ། །གལ་ཏེ་དེ་ལྟ་ན། ངས་གཞོན་ནུ་རྣམས་སྤངས་སོ། །བློན་པོ་རྣམས་ཀྱིས་རྐང་པ་གཉིས་ལ་གཏུགས་ཏེ་སྨྲས་པ། ལྷ་བཟོད་བར་མཛད་ཅིང་གཞོན་ནུ་རྣམས་མི་སྤང་བར་གསོལ། རྒྱལ་པོས་སྨྲས་པ། དེ་བཞིན་དུ་བྱའོ། །ཞེས་གཞོན་ནུ་དེ་རྣམས་སྤྱུག་པར་ཆས་པ་དང ། རྒྱལ་པོའི་རྐང་པ་གཉིས་ལ་གཏུགས་ནས་སྨྲས་པ། ལྷ།་གལ་ཏེ་དེ་ལྟ་ན། བདག་ཅག་འཁོར་གྱི་སྐྱེ་བོ་མང་པོ་དང་ལྷན་ཅིག་མཆི་ན། དེ་ཅི་ནས་ཀྱང་མི་དགག་པ་དེ་ལྟར་བཀའ་སྩལ་པའི་རིགས་སོ། །རྒྱལ་པོས་བསྒོ་ནས་དེ་རྣམས་ཆས་པ་ན། དེ་
Ga405a
༄#། །རྣམས་ལ་དགའ་བའི་ཕོ་བྲང་འཁོར་གྱི་མི་སྐྱེ་བོའི་ཚོགས་ཆེན་པོ་དང་དེ་རྣམས་ལྷན་ཅིག་ཆས་ཏེ། ཞག་བདུན་དུ་གྲོང་ཁྱེར་གྲུ་འཛིན་གྱི་སྒོ་ཕྱེ་ནས་སྐྱེ་བོའི་ཚོགས་རྒྱུས་སོ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ། གལ་ཏེ་གྲོང་ཁྱེར་གྱི་སྒོ་མ་བཀུམ་ན་རིང་པོ་མི་ཐོགས་པར་གྲུ་འཛིན་སྟོངས་པར་འགྱུར་རོ། །གལ་ཏེ་དེ་ལྟ་ན་སྒོ་ཆོད་ཅིག་།དེ་ནས་གཞོན་ནུ་དེ་རྣམས་རང་རང་གི་སྲིང་མོ་ཁྲིད་ནས་མཐར་གྱིས་རི་བོ་གངས་རི་དང་ཉེ་བར་སྐལ་ལྡན་ཤིང་རྟའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བ་ཞིག་ཏུ་ཕྱིན་ནས། དེ་རྣམས་ཀྱིས་དེར་ལོ་མའི་སྤྱིལ་བུ་དག་བྱས་ཏེ་གནས་བཏབ་སྟེ། རི་དྭགས་བསད་ཅིང་བསད་ནས་འཚོ་བར་བྱེད་ཅིང ། དུས་གསུམ་དུ་དྲང་སྲོང་སེར་སྐྱའི་བསྟི་གནས་སུ་འདོང་བར་བྱེད་དོ། །ལང་ཚོ་དང ། དར་ལ་བབ་པའི་དྲེགས་པས་ཟིན་པས་འདོད་ཆགས་ཀྱིས་ཤིན་ཏུ་ཉེན་ཏེ། ཤ་དྲི་ངན་པ། སྐྱ་བོ་སེང་སེང་པོར་གྱུར་ཏོ། །ཇི་ཙམ་དུས་གཞན་ཞིག་ན་དྲང་སྲོང་སེར་སྐྱས་དེ་ལྟ་བུ་མཐོང་ནས་དྲིས་པ། །ཁྱེད་ཅག་ཅིའི་ཕྱིར་སྐྱ་བོ་སེང་སེང་པོར་གྱུར། དེ་རྣམས་ཀྱིས་སྨྲས་པ། དྲང་སྲོང་ཆེན་པོ། བདག་ཅག་འདོད་པའི་འདོད་ཆགས་ཀྱིས་ཤིན་ཏུ་ཉེན་པས་སོ། །དེས་སྨྲས་པ། རང་རང་གི་སྲིང་མོ་སྤོངས་ལ་མས་དབེན་གྱི་སྲིང་མོ་རྣམས་དང་ལྷན་ཅིག་འདུག་ཅིག་།དྲང་སྲོང་ཆེན་པོ། བདག་ཅག་གིས་དེ་ལྟ་བུ་བགྱིར་རུང་ངམ། ཤེས་ལྡན་དག་།འདི་ལྟར། རྒྱལ་རིགས་རྒྱལ་སྲིད་སྟོར་པ་རྣམས་ཀྱིས་རུང་ངོ ། །དེ་ན་དེ་རྣམས་དྲང་སྲོང་གི་
Ga405b
ཚིག་ནི། ཚད་མ་ཡིན་ནོ། །སྙམ་ནས་འདོད་པའི་འདོད་ཆགས་ཀྱིས་ཉེན་པས་དགའ་བ་དང་མགུ་བ་སྐྱེས་ཏེ་མས་དབེན་གྱི་སྲིང་མོ་རྣམས་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྣམས་དང་དེ་དག་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བུ་ཕོ་དང་བུ་མོ་དག་བཙས་ཏེ། དེ་རྣམས་ཆེན་པོར་གྱུར་པ་དང ། བསམ་གཏན་གྱི་ཚེར་མ་ནི། སྒྲ་ཡིན་པས། དྲང་སྲོང་སེར་སྐྱ་སེམས་རྩེ་གཅིག་པ་ཉིད་དུ་མ་བཏུབ་ནས་དེས་སྨྲས་པ། ཤེས་ལྡན་དག་།མཐོང་ཟིན་གྱི། ཁོ་བོ་གཞན་དུ་འགྲོའོ། །དྲང་སྲོང་ཆེན་པོ། ཅིའི་ཕྱིར། བསམ་གཏན་གྱི་ཚེར་མ་ནི། སྒྲ་ཡིན་པས་སེམས་རྩེ་གཅིག་པ་ཉིད་དུ་མི་བཏུབ་པས་སོ། །དྲང་སྲོང་ཆེན་པོ། ཁྱོད་འདི་ཉིད་ན་བཞུགས་ཤིག་།བདག་ཅག་གཞན་དུ་མཆི་ན། འོན་ཀྱང་སའི་ཕྱོགས་ཤིག་བདག་ཅག་ལ་ཕོབ་ཅིག་།ཤེས་ལྡན་དག་།རུང་ངོ ། །དྲང་སྲོང་བདག་ཉིད་ཆེན་པོ་རྣམས་ནི། འདོད་པ་བཞིན་ཡིད་ལ་རེ་བ་འགྲུབ་པ་ཡིན་པས། དེས་གསེར་གྱི་བྱ་མ་བུམ་བླངས་ཏེ་ཆུའི་རྒྱུན་གྱིས་གྲོང་ཁྱེར་གྱི་རྣམ་པ་དག་བྲིས་ནས་དེ་རྣམས་ཀྱིས་གྲོང་ཁྱེར་བརྩིགས་སོ། །དྲང་སྲོང་སེར་སྐྱས་དེ་རྣམས་ཀྱི་གནས་ཀྱི་ཕྱིར་གཞི་ཡོངས་སུ་བཏང་ངས་སེར་སྐྱའི་གཞི། སེར་སྐྱའི་གཞི་ཞེས་བྱ་བར་གྱུར་ཏོ། །དེ་རྣམས་དེར་འཕེལ་བར་གྱུར་པས། སྐྱེ་བོའི་ཚོགས་ཆེན་པོར་གྱུར་ཏེ། དོག་པས་འཕེལ་ཆེ་བར་མ་གྱུར་ཏོ། །ལྷ་རྣམས་ཀྱི་སེམས་ཀྱིས་དེ་རྣམས་ཀྱི་སེམས་ཤེས་ནས་ཕྱོགས་གཞན་ཞིག་བསྟན་པ་དང་དེ་
Ga406a
༄#། །རྣམས་དེར་དོང་སྟེ། གྲོང་ཁྱེར་གཅིག་ཤོས་བརྩིགས་ནས་ལྷས་བསྟན། ལྷས་བསྟན་ཞེས་བྱ་བར་གྱུར་ཏོ། །དེ་ནས་དེ་རྣམས་ཚོགས་ཤིང་འདུས་ནས་ཕན་ཚུན་གྲོས་བྱ་བར་བརྩམས་པ། ཤེས་ལྡན་དག་།གང་གི་ཕྱིར་བདག་ཅག་སྤྱུག་པ་ནི། རིགས་མཉམ་པ་ལས་ཆུང་མ་བླངས་པ་དེ་ལས་གྱུར་གྱི། དེ་ལྟ་བས་ན། བདག་ཅག་ལས་སུས་ཀྱང་རིགས་མཉམ་པ་ལས་ཆུང་མ་བླང་པར་མི་བྱ་སྟེ། གཅིག་ཁོ་ནས་ཆོག་ཤེས་པར་བྱའོ། །དེ་རྣམས་རིགས་མཉམ་པ་གཅིག་ཁོ་ན་ལས་ཆུང་མ་གཅིག་ལེན་གྱི། རིགས་མཉམ་པ་ལས་ཆུང་མ་གཉིས་པ་ནི། མི་ལེན་ཏོ། །དེ་ནས་དུས་གཞན་ཞིག་ན་རྒྱལ་པོ་འཕགས་སྐྱེས་པོ་བུ་སྡུག་པ་རྣམས་རྗེས་སུ་དྲན་ནས་བློན་པོ་རྣམས་ལ་སྨྲས་པ། ཀྱེ་གྲོང་པ་དག་།གཞོན་ནུ་དེ་རྣམས་ད་ལྟར་ག་ན་འདུག་།དེ་རྣམས་ཀྱིས་རྒྱས་པར་སྨྲས་པ། ལྷས་ནོངས་པ་འབའ་ཞིག་ལས་སྤྱུགས་པ་ལས། དེ་རྣམས་རང་རང་གི་སྲིང་མོ་ཁྲིད་དེ་འདི་ནས་མཆིས་པ་ན། གངས་རི་དང་ཉེ་བ་ཆུ་བོ་སྐལ་ལྡན་ཤིང་རྟའི་འགྲམ། དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བ་ཞིག་ཏུ་གནས་བཏབ་སྟེ། རང་རང་གི་སྲིང་མོ་སྤངས་ཏེ་མས་དབེན་གྱི་སྲིང་མོ་རྣམས་དང་ལྷན་ཅིག་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་དོ། །དེ་རྣམས་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་པ་ན། བུ་ཕོ་དང་བུ་མོ་དག་བཙས་སོ། །གྲོང་པ་དག་།གཞོན་ནུ་རྣམས་ཀྱིས་དེ་ལྟར་བྱེད་ཕོད་
Ga406b
དམ། ལྷ། རྔོ་ཐོགས་ལགས་སོ། །དེ་ནས་རྒྱལ་པོ་བུ་རམ་ཤིང་པ་འཕགས་སྐྱེས་པོས་རོ་སྟོད་བསྲངས་ནས་ལག་པ་གཡས་པ་བརྐྱངས་ཏེ་ཆེད་དུ་བརྗོད་པས་བརྗོད་པ། ཀྱེ་མ། གཞོན་ནུ་རྣམས་ནི། ཕོད་པ་ཡིན་ནོ། །ཀྱེ་མ། གཞོན་ནུ་རྣམས་ནི། ཤིན་ཏུ་ཕོད་པ་ཡིན་ནོ། །ཞེས་སེམས་ཅན་དབང་ཆེན་པོས་ཚིག་ཏུ་ཕྱུང་སྟེ། ཀྱེ་མ། གཞོན་ནུ་རྣམས་ནི། ཕོད་པ་ཡིན་ནོ། །ཀྱེ་མ། གཞོན་ནུ་རྣམས་ནི། ཤིན་ཏུ་ཕོད་པ་ཡིན་ནོ། །ཞེས་བྱས་པས་དེ་རྣམས་ཤཱཀྱ་ཞེས་བྱ་བར་གྱུར་ཏོ། །དེ་ནས་དུས་གཞན་ཞིག་ན་རྒྱལ་པོ་བུ་རམ་ཤིང་པ་འཕགས་སྐྱེས་པོ་ཤི་ནས་རྒྱལ་སྲིད་དགའ་རྒྱལ་སྲིད་ལ་དབང་བསྐུར་ཏོ། །དེ་ཡང་བུ་མེད་པར་ཤི་ནས་སྐར་མདའ་གདོང་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་གོ་།དེ་ཡང་བུ་མེད་པར་ཤི་ནས། ལག་རྣ་རྒྱལ་པོར་གྱུར་ཏོ། །དེ་ཡང་བུ་མེད་པར་ཤི་ནས་གླང་པོ་ཆེ་འདུལ་རྒྱལ་པོར་གྱུར་ཏོ། །དེ་ཡང་བུ་མེད་པར་ཤི་ནས། རྐང་གདུབ་ཅན་རྒྱལ་པོར་གྱུར་ཏོ། །དེའི་བུ་གནས་འཇོག་གོ་།གོའུ་ཏ་མ་དག་།གནས་འཇོག་གི་བུ་ས་ཁྱིམ་མོ། །གོའུ་ཏ་མ་དག་།རྒྱལ་པོས་ཁྱིམ་གྱི་བུ་དང ། ཚ་བོ་དང ། ཡང་ཚ་དང ། སུམ་ཚའི་རྒྱུད་རྒྱལ་པོ་ལྔ་ཁྲི་ལྔ་སྟོང ། གྲོང་ཁྱེར་སེར་སྐྱའི་གཞིར་བྱུང་སྟེ། དེ་རྣམས་ཀྱི་ཐ་མ་ནི། ཤིང་རྟ་བཅུ་པ་དང ། ཤིང་རྟ་བརྒྱ་པ་དང ། ཤིང་རྟ་དགུ་བཅུ་པ་དང ། ཤིང་རྟ་ཁྲ་བོ་དང ། ཤིང་རྟ་རྒྱལ་དང ། བརྟན་པའི་ཤིང་རྟ་དང ། གཞུ་བཅུ་པ་དང ། གཞུ་བརྒྱ་པ་དང ། གཞུ་དགུ་བཅུ་པ་དང ། གཞུ་རྒྱལ་དང ། གཞུ་བཀྲ་དང ། གཞུ་བརྟན་ནོ། །
Ga407a
༄#། །གོའུ་ཏ་མ་དག་།གཞུ་བརྟན་ལ་བུ་གཉིས་ཏེ། སེང་གེ་འགྲམ་དང ། སེང་གེའི་སྒྲའོ། །གོའུ་ཏ་མ་དག་།འཛམ་བུ་གླིང་གི་གཞུ་ཐོགས་ཇི་སྙེད་ཡོད་པ་དེ་རྣམས་ཀྱི་ནང་ན་ནི། སེང་གེའི་འགྲམ་མཆོག་ཏུ་གྲགས་སོ། །གོའུ་ཏ་མ་དག་།སེང་གེའི་འགྲམ་ལ་བུ་བཞི་སྟེ། ཟས་གཙང་དང ། ཟས་དཀར་དང ། བྲེ་བོ་ཟས་དང ། ཚད་མེད་ཟས་སོ། །བུ་མོ་གཙང་མ་དང ། དཀར་མོ་དང ། བྲེ་བོ་མ་དང ། ཚད་མེད་མའོ། །ཟས་གཙང་ལ་བུ་གཉིས་ཏེ། བཅོམ་ལྡན་འདས་དང ། ཚེ་དང་ལྡན་པ་དགའ་བོའོ། །ཟས་དཀར་ལ་བུ་གཉིས་ཏེ། ཚེ་དང་ལྡན་པ་རྒྱལ་དང ། ཤཱཀྱའི་རྒྱལ་པོ་བཟང་ལྡན་ནོ། །བྲེ་བོ་ཟས་ལ་བུ་གཉིས་ཏེ། མིང་ཆེན་དང ། ཚེ་དང་ལྡན་པ་མ་འགག་པའོ། །ཚད་མེད་ཟས་ལ་བུ་གཉིས་ཏེ། ཚེ་དང་ལྡན་པ་ཀུན་དགའ་བོ་དང ། ལྷས་སྦྱིན་ནོ། །གཙང་མའི་བུ་ནི། ལེགས་པར་རབ་སད་དོ། །དཀར་མོའི་བུ་ནི། ཕྲེང་བ་ཅན་ནོ། །བྲེ་བོ་མའི་ནི། བཟང་ལེན་ནོ། །ཚད་མེད་མའི་དགེ་འཕེལ་ལོ། །བཅོམ་ལྡན་འདས་ཀྱི་སྲས་ནི། སྒྲ་གཅན་ཟིན་ཡིན་ཏེ། གོའུ་ཏ་མ་དག ། མང་པོས་བཀུར་གྱི་རྒྱུད། ཚེ་དང་ལྡན་པ་སྒྲ་གཅན་ཟིན་དུ་རྫོགས། སྲིད་པའི་ཕྲེང་རྒྱུན་ཆད། སྐྱེ་བའི་འཁོར་ཟད་དེ། ད་ནི། ཡང་སྲིད་པ་མེད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོའི་གཏམ་རྫོགས་པར་མཁྱེན་ནས་བཞེངས་ཏེ་བཞུགས་སོ། །བཞུགས་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ། ལེགས་
Ga407b
སོ། །ལེགས་སོ། །མོའུ་དགལ་གྱི་བུ། ཁྱོད་ཀྱིས་དགེ་སློང་རྣམས་ཀྱི་མདུན་དུ་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ནས་ཆོས་ཀྱི་གཏམ་སྨྲས་པ་ཡང་ཁྱོད་ལེགས་སོ། །མོའུ་དགལ་གྱི་བུ། ཡང་ཁྱོད་ཀྱིས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་ཏེ་ཆོས་ཀྱི་གཏམ་རྟག་ཏུ་སྨྲོས་ཤིག་དང ། དེས་ན། དེ་རྣམས་ལ་ཡུན་རིང་པོའི་དོན་དང ། ཕན་པ་དང ། བདེ་བར་འགྱུར་རོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་།ཁྱོད་ཀྱིས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་པའི་ཆོས་ཀྱི་གཏམ་ཆོངས་ཤིག་།ཟུངས་ཤིག་།ལྷོགས་ཤིག་།དེ་ཅིའི་ཕྱིར་ཞེ་ན། དགེ་སློང་དག་།ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་པའི་ཆོས་ཀྱི་གཏམ་ནི། དོན་དང་ལྡན། ཆོས་དང་ལྡན་པ་ནས་ཚངས་པར་སྤྱོད་པའི་བར་དང་ལྡན་པ་ཡིན་ཏེ། དགེ་སློང་དག་།རིགས་ཀྱི་བུ་དད་པས་རབ་ཏུ་བྱུང་བས་ཤཱཀྱ་རྣམས་ཀྱི་སྔོན་གྱི་རིགས་རྒྱུད་ལས་བརྩམས་པའི་ཆོས་ཀྱི་གཏམ་གཟུང་ཞིང་ཀློག་པའི་རིགས་སོ། །དེ་ནས་སེར་སྐྱའི་གཞིའི་ཤཱཀྱ་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེའི་ཚེ་གྲོང་ཁྱེར་སེར་སྐྱའི་གཞི་ན་རྒྱལ་པོ་སེང་གེའི་འགྲམ་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། འབྱོར་པ་དང་རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་པ་དང ། འཐབ་མོ་དང ། རྩོད་པ་དང ། འགྱེད་
Ga408a
༄#། །པ་དང ། ཆོམ་རྐུན་མེད་ཅིང ། ནད་རབ་ཏུ་ཞི་བར་གྱུར་པ། འབྲས་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་ན་བུ་གཅིག་པ་ལ་སྡུག་པ་བཞིན་དུ་རྒྱལ་སྲིད་སྐྱོང་བར་བྱེད་དོ། །གྲོང་ཁྱེར་ལྷས་བསྟན་དུ་རྒྱལ་པོ་ལེགས་པར་རབ་སད་ཅེས་བྱ་བ་རྒྱལ་སྲིད་བྱེད་དུ་འཇུག་སྟེ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་གང་བ། འཐབ་པ་དང ། འཐབ་མོ་དང ། རྩོད་པ་དང ། འགྱེད་པ་དང ། ཆོམ་རྐུན་མེད་ཅིང ། ནད་རབ་ཏུ་ཞི་བར་གྱུར་པ། འབྲས་དང ། བུ་རམ་ཤིང་གི་ཕྲེང་བ་དང ། བ་ལང་དང ། མ་ཧེ་ཕུན་སུམ་ཚོགས་པ་ན། བུ་གཅིག་པ་ལ་སྡུག་པ་བཞིན་དུ་རྒྱལ་སྲིད་སྐྱོང་བར་བྱེད་དོ། །རྒྱལ་པོ་ལེགས་པར་རབ་སད་ཀྱི་བཙུན་མོ་དམ་པ་གཟུགས་བཟང་བ། བལྟ་ན་སྡུག་པ། མཛེས་པ། ཡུལ་གྱི་བཟང་མོ་ལུམྦི་ནི་ཞེས་བྱ་བ་ཡོད་དོ། །ལྷས་བསྟན་ན། ཁྱིམ་བདག་ཕྱུག་ཅིང་ནོར་མང་བ། ལོངས་སྤྱོད་ཆེ་བ། ཡོངས་སུ་བཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་པ་དེའི་ཀུན་དགའ་ར་བ་མེ་ཏོག་ཕུན་སུམ་ཚོགས་པ་དང ། འབྲས་བུ་ཕུན་སུམ་ཚོགས་པ་དང ། ཆུ་ཕུན་སུམ་ཚོགས་པ་དང ། བྱ་སྣ་ཚོགས་སྐད་འབྱིན་པས་དེའི་ཀུན་དགའ་ར་བ་དགའ་དགའ་ལྟར་འདུག་པ་དེར་རྒྱལ་པོ་དུས་དུས་སུ་བཙུན་མོའི་འཁོར་དང་ལྷན་ཅིག་ལྷགས་ནས་དེ་ན་དགའ་བའི་རྩེ་མོ་
Ga408b
ཉམས་སུ་མྱོང་བར་བྱེད་དོ། །ལུམྦི་ནིས་དེ་མཐོང་ནས་འདོད་པ་སྐྱེས་ཏེ། དེས་སྨྲས་པ། ལྷ། ཀུན་དགའ་ར་བ་འདི་བདག་ལ་སྩལ་དུ་གསོལ། རྒྱལ་པོས་སྨྲས་པ། ཀུན་དགའ་ར་བ་འདི་ཁྱིམ་བདག་གི་ཡིན་ན། ཇི་ལྟར་སྦྱིན། གལ་ཏེ་ཁྱོད་ལ་ཀུན་དགའ་ར་བ་དགོས་ན། ཁྱོད་ཀྱི་ཕྱིར་དེ་བས་ལྷག་པར་བཟང་བ་གཞན་ཞིག་བྱའོ། །དེ་ནས་རྒྱལ་པོ་ལེགས་པར་རབ་སད་ཀྱིས་ལུམྦི་ནིའི་ཆེད་དུ་དེ་བས་ཁྱད་པར་དུ་འཕགས་པའི་ཀུན་དགའ་ར་བ་ཞིག་བྱེད་དུ་བཅུག་ནས་དེའི་མིང་ལུམྦི་ནིའི་ཚལ་ཞེས་བྱ་བར་གྱུར་ཏོ། །རྒྱལ་པོ་སེང་གེའི་འགྲམ་ལ་ཡུན་རིང་པོ་ནས་ཀྱེ་མའོ། །བདག་གི་རྒྱུད་ལ་འཁོར་ལོས་བསྒྱུར་བ་སྐྱེས་པར་གྱུར་ཀྱང་ཅི་མ་རུང་སྙམ་པའི་བསམ་པ་འདི་ཡོད་དོ། །རྒྱལ་པོ་ལེགས་པར་རབ་སད་ལ་ཡུན་རིང་པོ་ནས་ཀྱེ་མའོ། །བདག་ནི། སེང་གེའི་འགྲམ་དང་ལྷན་ཅིག་གཉེན་དུ་གྱུར་ཀྱང་ཅི་མ་རུང་སྙམ་པའི་བསམ་པ་འདི་ཡོད་དོ། །ཇི་ཙམ་དུས་གཞན་ཞིག་ན་དེ་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་བཙུན་མོ་སེམས་ཅན་དང་ལྡན་པར་གྱུར་ནས། དེ་ཟླ་བ་བརྒྱད་དམ། དགུ་འདས་པ་ན་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །བཙས་པ་དེའི་གཟུགས་བཟང་པོས་རྒྱལ་པོ་ལེགས་པར་རབ་སད་བཙུན་མོ་འཁོར་དང་བཅས་པ་དང ། ལྷས་བསྟན་ན་གནས་པའི་སྐྱེ་བའི་ཚོགས་རྣམས་མཆོག་ཏུ་ངོ་མཚར་སྐྱེས་ཏེ་ཐེ་ཚོམ་དུ་གྱུར་ནས་ཅི་འདི་
Ga409a
༄#། །བུ་མོ་ཡིན་ནམ། འོན་ཏེ་ལས་སྣ་ཚོགས་པས་སྤྲུལ་པའི་སྒྱུ་འཕྲུལ་ཡིན་སྙམ་མོ། །དེའི་བཙས་པའི་བཙས་སྟོན་ཉི་མ་བདུན་གསུམ་ཉི་ཤུ་རྩ་གཅིག་ཏུ་རྒྱ་ཆེར་བྱས་ནས། བུ་མོ་འདིའི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། ལྷ། ལྷས་བསྟན་ན་གནས་པའི་སྐྱེ་བོའི་ཚོགས་ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་གླེང་བ་ཁ་ཅིག་གི་མཆིད་ནས་ནི། འདི་བུ་མོ་ཁོ་ན་ལགས་ཏེ། སྔོན་གྱི་ལས་ཀྱི་རྣམ་པར་སྨིན་པས་གཟུགས་བཟང་ཞིང་ཁ་དོག་ཕུན་སུམ་ཚོགས་པར་གྱུར་ཏོ། །ཞེས་མཆིའོ། ། གཞན་དག་གི་མཆིད་ནས་ནི། འདི་བུ་མོ་མ་ལགས་ཀྱི། འོ་ན་ཅི་ཞེ་ན། ལས་སྣ་ཚོགས་པས་སྤྲུལ་པའི་སྒྱུ་འཕྲུལ་ལགས་སོ། །ཞེས་མཆི་ལགས་པས། དེས་བས་ན། བུ་མོའི་མིང་སྒྱུ་འཕྲུལ་ཞེས་གདགས་སོ། །ཞེས་དེའི་མིང་སྒྱུ་འཕྲུལ་ཞེས་བཏགས་སོ། །བུ་མོ་སྒྱུ་འཕྲུལ་མ་མ་བརྒྱད་ལ་རྗེས་སུ་གཏད་དེ་ཞེས་བྱ་བ་ནས་ཆེན་མོར་གྱུར་ཏོ། །ཞེས་བྱ་བའི་བར་གོང་མ་བཞིན་དུའོ། །དེ་ལ་མཚན་མཁན་རྣམས་ཀྱིས་ལུང་བསྟན་པ་མཚན་ཕུན་སུམ་ཚོགས་པ་དང་ལྡན་པའི་བུ་ཞིག་བཙའ་བར་འགྱུར་ཞིང་སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་བསྟན་ཏོ། །ཡང་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་མོ་གཟུགས་བཟང་བ། བལྟ་ན་སྡུག་པ། མཛེས་པ། ཁ་དོག་བཟང་པོ་རྒྱས་པ་མཆོག་དང་ལྡན་པ་ཞིག་བཙས་སོ། །
Ga409b
དེ་བཙས་པ་ན། གྲོང་ཁྱེར་དེ་དག་ཐམས་ཅད་སྣང་བ་རྒྱ་ཆེན་པོས་སྣང་བར་བྱས་ཏེ། སྒྱུ་འཕྲུལ་མ་ཇི་ལྟ་བ་བཞིན་དུ་དེའི་གཟུགས་བཟང་བ་རྣམ་པ་ཐམས་ཅད་དུ་དཔྱད་པར་མི་ནུས་སོ། །དེའི་བཙས་པའི་བཙས་སྟོན་ཡང་རྒྱ་ཆེར་བྱས་ནས། བུ་མོ་འདིའི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། སྒྱུ་འཕྲུལ་བས་འདི་ལྷག་པར་གཟུགས་བཟང་བས་དེ་བས་ན། སྒྱུ་འཕྲུལ་ཆེན་མོ་ཞེས་བགྱི་བར་གདགས་སོ། །ཞེས་བཏགས་སོ། །དེ་ཡང་བསྐྱེད་བསྲིངས་ནས་ཆེན་མོར་གྱུར་པ་དང ། དེ་ལ་མཚན་མཁན་རྣམས་ཀྱིས་ལུང་བསྟན་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ་ཞིག་བཙས་པར་གྱུར་ཏེ། དེ་ནི། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་བསྟན་ཏོ། །རྒྱལ་པོ་ལེགས་པར་རབ་སད་ཀྱིས་རྒྱལ་པོ་སེང་གེའི་འགྲམ་ལ་ཕོ་ཉ་བཏང་སྟེ། བདག་ལ་བུ་མོ་གཉིས་ཤིག་བཙས་པ་ནི། སྒྱུ་འཕྲུལ་དང ། སྒྱུ་འཕྲུལ་ཆེན་པོ་ལགས་ཏེ། དེ་ལ་གཅིག་ལ་ནི། མཚན་ཐམས་ཅད་ཕུན་སུམ་ཚོགས་པའི་བུ་ཞིག་བཙའ་བར་འགྱུར་ཞིང ། དེ་ནི། སྟོབས་ཀྱི་འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་ལུང་བསྟན་ཏོ། །གཅིག་ཤོས་ལ་ནི། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པའི་བུ་ཞིག་བཙའ་བར་འགྱུར་ཞིང ། དེ་ནི། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་ལུང་བསྟན་གྱི། འདི་གཉིས་ལས་གང་བཞེད་པ་གཞོན་ནུ་ཟས་གཙང་གི་ཆུང་མར་སྣོམས་ཤིག་སེང་གེའི་འགྲམ་གྱིས་སླར་སྤྲིང་པ། གཉིས་ཀ་ཡང་གཞོན་ནུ་ལ་
Ga410a
༄#། །དགོས་མོད་ཀྱི། འོན་ཀྱང་ཆུང་མ་འདྲ་བ་གཉིས་གཅིག་ལ་གཞག་པར་མི་བྱ་བས། གང་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པའི་བུ་ཞིག་བཙའ་བར་འགྱུར་ཞིང ། དེ་ཡང་འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་ལུང་བསྟན་པ་དེ། རེ་ཞིག་འདོད་དོ། །གཅིག་ཤོས་ཀྱང་ཚོགས་ལ་བརྟག་པར་བྱའོ། །དེས་དེ་འཁོར་ལྔ་བརྒྱ་དང་བཀྲིའོ། །དེའི་ཚེ་ཤཱཀྱ་རྣམས་ཀྱི་ཕྱིར་རྒོལ་བ་སྐྱ་སེང་ཞེས་བྱ་བ་རི་ཁྲོད་པ་དག་ཅིག་ཡོད་ནས་ཤཱཀྱ་རྣམས་འདུས་ཏེ་རྒྱལ་པོ་སེང་གེ་འགྲམ་གྱི་དྲུང་དུ་སོང་ནས་ལྷ། སྐྱ་སེང་རི་ཁྲོད་པ་བདག་ཅག་ལ་གནོད་པ་བགྱིད་ཀྱི། གྲོགས་མཛད་དུ་གསོལ། དེས་སྨྲས་པ། ཤེས་ལྡན་དག་།ཁོ་བོ་རྒས་པས་དེ་རྣམས་དང་ལྷན་ཅིག་གཡུལ་སྤྲད་པར་མི་ནུས་སོ། །ལྷ། གཞོན་ནུ་ཟས་གཙང་གཏང་དུ་གསོལ། དམ་ཞིག་བཅའ་སྟེ། གལ་ཏེ་གཞོན་ནུ་ཇི་ལྟར་འདོད་པའི་དམ་པ་ཞིག་བླངས་པ་དེ་སྦྱིན་པ་ལྟ་ན། གཏོང་ངོ ། །དེ་རྣམས་ཀྱིས་སྨྲས་པ། ལྷ། བཀའ་བཞིན་འཚལ། སྩལ་བར་བགྱིའོ། །རྒྱལ་པོས་དཔུང་གི་ཚོགས་ཡན་ལག་བཞི་པ། གཞོན་ནུ་ཟས་གཙང་ལ་གཏད་ནས། དེས་རི་ཁྲོད་པ་དེ་རྣམས་བཅོམ། རབ་ཏུ་བཅོམ་སྟེ། རྨེག་བཏའོ། །དེ་ནས་ཤཱཀྱ་རྣམས་མགུ་ནས་རྒྱལ་པོ་སེང་གེ་འགྲམ་གྱི་དྲུང་དུ་དོང་སྟེ། ལྷ། གཞོན་ནུས་རི་ཁྲོད་པ་རྣམས་བཅོམ། རབ་ཏུ་བཅོམ་སྟེ། རྨེག་བཏའ་ལགས་པས། བདག་ཅག་གློ་བ་དགའ་བ། གཞོན་ནུ་མཆོག་ཅི་བཞེད་གསུངས་ཤིག་།དབུལ་ལོ། །ཤེས་ལྡན་དག་།ཤཱཀྱ་
Ga410b
རྣམས་ཀྱི་ཁྲིམས་སུ་བཅས་པ་སུས་ཀྱང་མཉམ་པ་ལས་ཆུན་མ་གཞག་པར་མི་བྱའོ། །ཞེས་བཅས་སོ། །ལྷ། ཅི་ཁྲིམས་དྲལ་ལམ། དེས་སྨྲས་པ། ལྷག་པར་ཤིན་ཏུ་བསྡམ་གྱི། དྲལ་བར་མི་བྱ་ན། འོན་ཀྱང་གཞོན་ནུའི་དམ་པ་ཞིག་སློང་བ་ནི། མཉམ་པ་ལས་ཆུན་མ་བླངས་པ་ཡིན་ནོ། །ལྷ། རུང་གི་དེ་བཞིན་དུ་མཛོད་ཅིག་།དེ་ནས་སེང་གེའི་འགྲམ་གྱིས་ལེགས་པར་རབ་སད་ལ་ཕོ་ཉ་བཏང་ནས། ཁོ་བོས་ཚོགས་ལ་བརྟགས་ཟིན་གྱི། བུ་མོ་གཅིག་ཤོས་ཀྱང་བཀྲི་ཞིག་།དེས་དེ་ཡང་འཁོར་ལྔ་བརྒྱ་དང་བཀྲི་སྟེ། གཞོན་ནུ་ཟས་གཙང་གིས་གཉིས་ཀ་བླངས་སོ། །ཇི་ཙམ་དུས་གཞན་ཞིག་ན། རྒྱལ་པོ་སེང་གེའི་འགྲམ་ཤི་ནས་སེར་སྐྱའི་གཞི་ན་རྒྱལ་པོ་ཟས་གཙང་རྒྱལ་སྲིད་བྱེད་དུ་འཇུག་སྟེ། འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང ། མི་མང་པོས་གང་བ། འཐབ་པ་དང ། འཐབ་མོ་དང ། རྩོད་པ་དང ། ཆོམ་རྐུན་མེད་ཅིང་ནད་རབ་ཏུ་ཞི་བར་གྱུར་པ་དང ། འབྲས་དང ། བུ་རམ་ཤིང་གི་ཕྲེང་བ་དང ། བ་ལང་དང་མ་ཧེ་ཕུན་སུམ་ཚོགས་པ་ན་བུ་གཅིག་པ་ལ་སྡུག་པ་བཞིན་དུ་རྒྱལ་སྲིད་སྐྱོང་བར་བྱེད་དོ། །དེ་དུས་གཞན་ཞིག་ན། བཙུན་མོ་སྒྱུ་འཕྲུལ་ཆེན་མོ་དང་ལྷན་ཅིག་སྟེང་གི་ཁང་བཟང་གི་གཞི་སྐྱེས་བ་མེད་པར་དོང་ནས་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །འདི་ནི། ཆོས་ཉིད་ཡིན་ཏེ། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ན་འཇིག་རྟེན་ལ་གཟིགས་པ་ལྔས་གཟིགས་པར་མཛད་དེ། རིགས་ལ་གཟིགས་པ་
Ga411a
༄#། །དང ། ཡུལ་ལ་གཟིགས་པ་དང ། དུས་ལ་གཟིགས་པ་དང ། རྒྱུད་ལ་གཟིགས་པ་དང ། བུད་མེད་ལ་གཟིགས་པའོ། །བྱང་ཆུབ་སེམས་དཔའ་རྣམས་རྒྱུ་གང་གིས་རིགས་ལ་གཟིགས་པར་མཛད་ཅེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ནི། འདི་སྙམ་དུ་དགོངས་ཏེ། བྱང་ཆུབ་སེམས་དཔའ་རྣམས་རིགས་ཇི་ལྟ་བུ་ཞིག་ཏུ་ཉིང་མཚམས་སྦྱོར་བ་ལེན་སྙམ་ན། བྲམ་ཟེའི་རིགས་སམ། རྒྱལ་རིགས་ཀྱི་རིགས་སུ་ཡིན་ལ། དེ་ལ་རེས་འགའ་ནི། བྲམ་ཟེའི་རིགས་བཙུན་པར་བཀུར། རེས་འགའ་ནི། རྒྱལ་རིགས་ཏེ། ད་ལྟ་ནི་རྒྱལ་རིགས་བཙུན་པར་བཀུར་བར་གཟིགས་ནས། མ་ལ་བདག་ལ་གཞན་དག་བྱང་ཆུབ་སེམས་དཔའ་རིགས་ངན་པར་ཉིང་མཚམས་སྦྱོར་བ་བླངས་སོ། །ཞེས་གཞི་འདིས་ཁ་ཟེར་བར་མི་འགྱུར་བར་བདག་གིས་རྒྱལ་རིགས་སུ་ཉིང་མཚམས་སྦྱོར་བ་བླང་བར་བྱའོ། །སྙམ་མོ། །འདི་ལྟར། བྱང་ཆུབ་སེམས་དཔའ་ཐོག་མ་མེད་པའི་དུས་ནས་སྨད་པར་མི་འགྱུར་པའི་ལས་བྱས་ཤིང་བསགས་པ་དང ། སངས་རྒྱས་བཅོམ་ལྡན་འདས་རྣམས་ནི། ཆོས་བཤད་པ་འབྲས་བུ་མེད་པ་མ་ཡིན་པས་རྒྱུ་འདིས་ན། བྱང་ཆུབ་སེམས་དཔའ་རྣམས་རིགས་ལ་གཟིགས་པར་མཛད་དོ། ། བྱང་ཆུབ་སེམས་དཔའ་རྣམས་རྒྱུ་གང་གིས་ཡུལ་ལ་གཟིགས་པར་མཛད་ཅེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ནི། འདི་སྙམ་དུ་དགོངས་ཏེ། བྱང་ཆུབ་
Ga411b
སེམས་དཔའ་རྣམས་ཡུལ་ཇི་ལྟ་བུ་ཞིག་ཏུ་ཉིང་མཚམས་སྦྱོར་བ་ལེན་སྙམ་ན། འབྲས་དང ། བུ་རམ་ཤིང་དང ། བ་ལང་དང ། མ་ཧེ་ཕུན་སུམ་ཚོགས་པ། སློང་མོ་པ་བརྒྱ་འདུ་བ། མཐའ་འཁོབ་ཀྱི་སྐྱེ་བོ་མེད་པ། དབུས་པའི་སྐྱེ་བོ་གནས་པའི་ཡུལ་གང་ཡིན་པར་གཟིགས་ནས་འདི་སྙམ་དུ་དགོངས་ཏེ། དབུས་ཀྱི་ཡུལ་འདི་ནི། བུ་རམ་ཤིང་གི་ཕྲེང་དང ། འབྲས་དང ། བ་ལང་དང ། མ་ཧེ་ཕུན་སུམ་ཚོགས་པ། སློང་མོ་པ་བརྒྱ་འདུ་བ། མཐའ་འཁོབ་ཀྱི་སྐྱེ་བོ་མེད་པ། དབུས་པའི་སྐྱེ་བོ་གནས་པ་ཡིན་གྱི། མ་ལ་བདག་ལ་གཞན་དག་བྱང་ཆུབ་སེམས་དཔའ་ཡུལ་མཐའ་འཁོབ་རྣམས་སུ་ཉིང་མཚམས་སྦྱོར་བ་བླངས་སོ།། ཞེས་གཞི་འདིས་ཁ་ཟེར་བར་མི་འགྱུར་བར་བདག་གིས་ཡུལ་དབུས་སུ་ཉིང་མཚམས་སྦྱོར་སྙམ་མོ། །འདི་ལྟར། བྱང་ཆུབ་སེམས་དཔའ་ཐོག་མ་མེད་པའི་དུས་ནས་སྨད་པར་མི་འགྱུར་བའི་ལས་བྱས་ཤིང་བསགས་པ་དང ། སངས་རྒྱས་བཅོམ་ལྡན་འདས་རྣམས་ནི། ཆོས་བཤད་པ་འབྲས་བུ་མེད་པ་མ་ཡིན་པས་རྒྱུ་འདིས་ན། བྱང་ཆུབ་སེམས་དཔའ་རྣམས་ཡུལ་ལ་གཟིགས་པར་མཛད་དོ། །བྱང་ཆུབ་སེམས་དཔའ་རྣམས་རྒྱུ་གང་གིས་དུས་ལ་གཟིགས་པར་མཛད་ཅེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ནི། འདི་སྙམ་དུ་དགོངས་ཏེ། བྱང་ཆུབ་སེམས་དཔའ་རྣམས་དུས་ཅི་ལྟ་བུ་ཞིག་ཏུ་འཛམ་བུའི་གླིང་དུ་ཉིང་མཚམས་སྦྱོར་བ་ལེན་སྙམ་ན། སྐྱེ་རྒྱུའི་ཚེ་ལོ་ཡར་སྐྱེས་པ་ན་བརྒྱད་ཁྲི་ཐུབ་པ་ཡན་ཆད་ཉིང་མཚམས་སྦྱོར་བ་མི་ལེན་ལ། མི་རྣམས་ཀྱི་ཚེ་ལོ་མར་འགྲིབ་པ་
Ga412a
༄#། །ན་བརྒྱ་ཐུབ་པ་མན་ཆད་ཉིང་མཚམས་སྦྱོར་བ་མི་ལེན་ནོ། །བྱང་ཆུབ་སེམས་དཔའ་རྒྱུ་གང་གིས་མི་རྣམས་ཀྱི་ཚེ་ལོ་བརྒྱད་ཁྲི་ཐུབ་པ་ཡན་ཆད་ཉིང་མཚམས་སྦྱོར་བ་ལེན་པར་མི་མཛད་ཅེ་ན། མི་རྣམས་ཚེ་ལོ་བརྒྱད་ཁྲི་ཐུབ་པ་ན། ཡིད་འབྱུང་བར་དཀའ་ཞིང་སྐྱོ་བར་བྱ་བར་དཀའ་ལ། བླུན་ཞིང་དབང་པོ་རྟུལ་བ་དང ། བག་མེད་ཅིང་བདེ་བ་མང་བས། བདེན་པ་རྣམས་ཀྱི་སྣོད་དུ་མི་འགྱུར་བའི་ཕྱིར་རོ། །མར་འགྲིབ་པ་ལོ་བརྒྱ་མན་ཆད་དུ་ཡང་སྙིགས་མ་ལྔ་པོ་འདི་ལྟ་སྟེ། ཚེའི་སྙིགས་མ་དང ། ཉོན་མོངས་པའི་སྙིགས་མ་དང ། སེམས་ཅན་གྱི་སྙིགས་མ་དང ། ལྟ་བའི་སྙིགས་མ་དང ། དུས་ཀྱི་སྙིགས་མ་ཤས་ཆེ་བ་ཡིན་པས། བདག་ལ་གཞན་དག། བྱང་ཆུབ་སེམས་དཔས་སྙིགས་མ་ལྔ་ཤས་ཆེ་བའི་དུས་སུ་ཉིང་མཚམས་སྦྱོར་བ་བླངས་སོ། །ཞེས་གཞི་འདིས་ཁ་ཟེར་བར་མི་འགྱུར་རོ། །སྙམ་མོ། །འདི་ལྟར། བྱང་ཆུབ་སེམས་དཔའ་ཐོག་མ་མེད་པའི་དུས་ནས་སྨད་པར་མི་འགྱུར་བའི་ལས་བྱས་ཤིང་བསགས་པ་དང ། སངས་རྒྱས་བཅོམ་ལྡན་འདས་རྣམས་ནི། ཆོས་བཤད་པ་འབྲས་བུ་མེད་པ་མ་ཡིན་པས། རྒྱུ་འདིས་ན། བྱང་ཆུབ་སེམས་དཔའ་རྣམས་དུས་ལ་གཟིགས་པ་ཡིན་ནོ། །བྱང་ཆུབ་སེམས་དཔའ་རྣམས་རྒྱུ་གང་གིས་རྒྱུད་ལ་གཟིགས་པར་མཛད་ཅེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ནི། འདི་སྙམ་དུ་དགོངས་ཏེ། བྱང་ཆུབ་སེམས་དཔའ་རྣམས་རྒྱུད་ཅི་འདྲ་བ་ཞིག་ཏུ་ཉིང་མཚམས་སྦྱོར་བ་ལེན་སྙམ་ན།
Ga412b
རིགས་གང་ཞིག་བཙུན་པར་བཀུར་ཞིང་མ་མེས་དང ། ཕ་མེས་ཟུང་བདུན་གྱི་བར་སྤྱོད་པ་ལ་སྐྱོན་མེད་པ་ཡིན་པར་གཟིགས་ནས་དེ་འདི་སྙམ་དུ་དགོངས་ཏེ། ཤཱཀྱའི་རིགས་རྒྱུད་འདི་ནི། བཙུན་པར་བཀུར་བ་ཡིན་ཞིང ། མང་པོས་བཀུར་བ་ནས་བཟུང་སྟེ་སྤྱོད་པ་སྐྱོན་མེད་པ་ཡིན་གྱི། མ་ལ་བདག་ལ་གཞན་དག། བྱང་ཆུབ་སེམས་དཔས་རྒྱུད་ངན་པ་ལས་ཉིང་མཚམས་སྦྱོར་བ་བླངས་སོ། །ཞེས་གཞི་འདིས་ཁ་ཟེར་བར་མི་འགྱུར་བར་བདག་གིས་རྒྱལ་པོ་ཟས་གཙང་གི་རྒྱུད་དུ་ཉིང་མཚམས་སྦྱོར་བ་བླང་ངོ ། །སྙམ་མོ། །འདི་ལྟར། བྱང་ཆུབ་སེམས་དཔས་ཐོག་མ་མེད་པའི་དུས་ནས་སྨད་པར་མི་འགྱུར་བའི་ལས་བྱས་ཤིང་བསགས་པ་དང ། སངས་རྒྱས་བཅོམ་ལྡན་འདས་རྣམས་ནི། ཆོས་བཤད་པ་འབྲས་བུ་མེད་པ་མ་ཡིན་པས། རྒྱུ་འདིས་ན། བྱང་ཆུབ་སེམས་དཔའ་རྣམས་རྒྱུད་ལ་གཟིགས་པར་མཛད་དོ། །བྱང་ཆུབ་སེམས་དཔའ་རྣམས་རྒྱུ་གང་གིས་བུད་མེད་ལ་གཟིགས་པར་མཛད་ཅེ་ན། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ནི། འདི་སྙམ་དུ་དགོངས་ཏེ། བྱང་ཆུབ་སེམས་དཔའ་རྣམས་བུད་མེད་ཅི་འདྲ་བ་ཞིག་གི་རུམ་དུ་ཉིང་མཚམས་སྦྱོར་བ་ལེན་སྙམ་ན། བུད་མེད་གང་ཞིག་གཟུགས་བཟང་མོ་དང་ལྡན་པ། ཚུལ་དང་ལྡན་པ། རིགས་དང་ལྡན་པ། རྒོད་བག་ཅན་མ་ཡིན་ལ། རིགས་འཕེལ་བར་འགྱུར་ཞིང ། སྔོན་གྱི་སངས་རྒྱས་རྣམས་ལ། ཀྱེ་མ། བདག་སངས་རྒྱས་ཀྱི་ཡུམ་དུ་གྱུར་ཅིག་ཅེས་སྨོན་ལམ་བཏབ་བ་དང ། བྱང་ཆུབ་སེམས་དཔའ་ཟླ་བ་བཅུར་རུམ་དུ་འཛིན་ནུས་པ་དང ། རང་གི་དོན་ཡང་
Ga413a
༄#། །ཉམས་པར་མི་བྱེད་པ་ཡིན་པར་གཟིགས་ནས་འདི་སྙམ་དུ་དགོངས་ཏེ། སྒྱུ་འཕྲུལ་ཆེན་མོ་འདི་ནི། མ་མེས་དང ། ཕ་མེས་ཟུང་བདུན་གྱི་བར་སྤྱོད་པ་ལ་སྐྱོན་མེད་ཅིང་གཟུགས་དང་ལྡན་པ་དང ། ཚུལ་དང་ལྡན་པ་དང ། རྒོད་བག་ཅན་མ་ཡིན་པ་དང ། རིགས་འཕེལ་བར་འགྱུར་བ་དང ། བྱང་ཆུབ་སེམས་དཔའ་རུམ་དུ་ཟླ་བ་བཅུར་འཛིན་ནུས་པ་དང ། རང་གི་དོན་ཡང་མི་ཉམས་པ་འདི་ལྟར་སྒྱུ་འཕྲུལ་ཆེན་མོས་སྔོན་སངས་རྒྱས་རྣམས་ལ། ཀྱེ་མ་བདག་སངས་རྒྱས་ཀྱི་ཡུམ་དུ་གྱུར་ཅིག། ཅེས་སྨོན་ལམ་བཏབ་པ་ཡང་ཡིན་པས། བདག་ལ་གཞན་དག། བྱང་ཆུབ་སེམས་དཔའ་མཚན་ངན་པ་དང་ལྡན་པའི་བུད་མེད་ཀྱི་རུམ་དུ་ཉིང་མཚམས་སྦྱོར་བ་བླངས་སོ། །ཞེས་གཞི་འདིས་ཁ་ཟེར་བར་མི་འགྱུར་རོ། །སྙམ་མོ། །འདི་ལྟར། བྱང་ཆུབ་སེམས་དཔས་སྨད་པར་མི་འགྱུར་བའི་ལས་བྱས་ཤིང་བསགས་པ་དང ། སངས་རྒྱས་བཅོམ་ལྡན་འདས་རྣམས་ནི། ཆོས་བཤད་པ་འབྲས་བུ་མེད་པ་མ་ཡིན་པས་རྒྱུ་འདིས་ན། བྱང་ཆུབ་སེམས་དཔའ་རྣམས་བུད་མེད་ལ་གཟིགས་པར་མཛད་དོ། །དེ་ནས་བྱང་ཆུབ་སེམས་དཔས་གཟིགས་ནས་འདོད་པ་ན་སྤྱོད་པའི་ལྷའི་རིས་དྲུག་ལ་ལན་གསུམ་དུ་བསྒྲགས་པ། གྲོགས་པོ་དག་།དགའ་ལྡན་གྱི་རིས་འདི་ནས་ང་ཤི་འཕོས་ཏེ། མི་རྣམས་ཀྱི་ནང་དུ་རྒྱལ་པོ་ཟས་གཙང་གི་ཆུང་མ་དམ་པའི་རུམ་དུ་ཉིང་མཚམས་སྦྱོར་བ་བླངས་ལ། དེའི་བུར་གྱུར་ཏེ་བདུད་རྩི་རྟོགས་པར་བྱའི། ཁྱེད་ཅག་ལས་གང་དག་བདུད་རྩི་དོན་
Ga413b
དུ་གཉེར་བ་དེ་ཕལ་ཆེར་ཡུལ་དབུས་སུ་ཉིང་མཚམས་སྦྱོར་པ་ལོངས་ཤིག་།དེ་སྐད་ཅེས་བཀའ་སྩལ་པ་དང ། དགའ་ལྡན་གྱི་རིས་ཀྱི་ལྷ་རྣམས་ཀྱིས་བྱང་ཆུབ་སེམས་དཔའ་ལ་འདི་སྐད་ཅེས་གསོལ་ཏོ། །བྱང་ཆུབ་སེམས་དཔའ་མཁྱེན་པར་མཛོད་ཅིག། ད་ལྟར་འཇིག་རྟེན་ནི་སྡིག་པས་གོས་པ། སྐྱེ་རྒུ་མ་རུང་བའི་བསམ་པ་ཅན། འཛམ་བུ་གླིང་རྟོག་གེ་པ་དྲུག་དང ། རྗེས་སུ་སྒྲོག་པ་དྲུག་དང ། སྙོམས་པར་འཇུག་པ་དྲུག་གིས་དཀྲུགས་པ་ལགས་སོ། །དེ་ལ་རྟོག་གི་བ་དྲུག་གང་ཞེ་ན། འདི་ལྟ་སྟེ། འོད་སྲུང་རྫོགས་བྱེད་དང ། ཀུན་ཏུ་རྒྱུ་གནག་ལྷས་ཀྱི་བུ་དང ། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང ། མི་ཕམ་སྐྲའི་ལ་བ་ཅན་དང ། ཀ་ཏའི་བུ་ནོག་ཅན་དང ། གཅེར་བུ་པ་གཉེན་གྱི་བུའོ། །རྗེས་སུ་སྒྲོག་པ་དྲུག་གང་ཞེ་ན། འདི་ལྟ་སྟེ། བྲམ་ཟེ་རྒྱུས་བརྒལ་དང ། བྲམ་ཟེ་གནས་རྡེག་དང ། བྲམ་ཟེ་བཟང་ལྡན་དང ། བྲམ་ཟེ་ཚངས་པའི་ཚེ་དང ། བྲམ་ཟེ་པདྨའི་སྙིང་པོ་དང ། བྲམ་ཟེ་དམར་པོའོ། །སྙོམས་པར་འཇུག་པ་དྲུག་གང་ཞེ་ན། འདི་ལྟ་སྟེ། རངས་བྱེད་ཀྱི་བུ་ལྷག་སྤྱོད་དང ། སྒྱུ་རྩལ་ཤེས་ཀྱི་བུ་རིང་འཕུར་དང ། ཀུན་ཏུ་རྒྱུ་ལེགས་བཟང་དང ། བྲམ་ཟེའི་ཁྱེའུ་རྒྱལ་དང ། དྲང་སྲོང་མ་བཅིངས་པ་དང ། ལྟེང་རྒྱས་འོད་སྲུང་རལ་པ་ཅན་ནོ། །འདིར་ནི། ཆོས་མཉན་པའི་སླད་དུ་བྱང་ཆུབ་སེམས་དཔའི་གདན་དཔག་ཚད་བཅུ་གཉིས་པ་བཤམ་པར་བགྱི་ཞིང ། བདག་ཅག་འདི་སྙམ་དུ། བདག་ཅག་ལ་དགའ་ལྡན་གྱི་གནས་ན་བྱང་ཆུབ་སེམས་དཔའ་བཞུགས་པས་ཆོས་བཤད་དེ། ཆོས་དེ་བདག་
Ga414a
༄#། །ཅག་གིས་ཐོས་ནས། ཅི་ནས་ཀྱང་བདག་ཅག་གི་ཡུན་རིང་པོའི་དོན་དང ། སྨན་པ་དང ། བདེ་བར་འགྱུར་བ་དེ་ལྟ་དེ་ལྟར་སྒྱུར་པར་བགྱིད་པར་སེམས་ལགས་སོ། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔས་དགའ་ལྡན་གྱི་རིས་ཀྱི་ལྷ་རྣམས་ལ་འདི་སྐད་ཅེས་སྨྲས་སོ། །གྲོགས་པོ་དག་།དེའི་ཕྱིར་རོལ་མོའི་ཆ་བྱད་ཐམས་ཅད་རྡུངས་ཤིག་།དགའ་ལྡན་གྱི་རིས་ཀྱི་ལྷ་རྣམས་ཀྱིས་རོལ་མོའི་ཆ་བྱད་ཐམས་ཅད་བརྡུངས་པ་དང ། བྱང་ཆུབ་སེམས་དཔས་ཀྱང་དུང་བུས་ཏེ་སྨྲས་པ། གྲོགས་པོ་དག་།འདི་ལ་སྒྲ་ལྷག་པར་གང་ཆེ། བཅོམ་ལྡན་འདས། དུང་གི་སྒྲ་ལགས་སོ། །གྲོགས་པོ་དག་།ཇི་ལྟར་དུང་གི་སྒྲས་རོལ་མོའི་ཆ་བྱད་ཐམས་ཅད་ཟིལ་གྱིས་མནན་ཏེ་གནས་པ་དེ་བཞིན་དུ་ངས་ཀྱང་འཛམ་བུའི་གླིང་དུ་སོང་ལ་རྟོག་གེ་པ་དྲུག་དང ། རྗེས་སུ་སྒྲོག་པ་དྲུག་དང་སྙོམས་པར་འཇུག་པ་དྲུག་ཟིལ་གྱིས་མནན་ནས་བདུད་རྩི་རྟོགས་པར་བྱ་སྟེ། བདུད་རྩིས་འགྲོ་བ་ཚིམ་པར་བྱའོ། །མི་རྟག་པའི་དུང་འབུད་པར་བྱའོ། །སྟོང་པ་ཉིད་ཀྱི་རྔ་བརྡུང་བར་བྱའོ། །བདག་མེད་པའི་སེང་གེའི་སྒྲ་བསྒྲག་པར་བྱའོ། །ཞེས་སྨྲས་ནས་ཚིགས་སུ་བཅད་དེ་སྨྲས་པ། སེང་གེ་གཅིག་གིས་གཅན་གཟན་ཚོགས་ནི་དུ་མ་འཇོམས། །རྡོ་རྗེ་གཅིག་གིས་བྲག་གི་རྩེ་མོ་དུ་མ་འཇིག། བརྒྱ་བྱིན་གཅིག་གིས་ལྷ་མ་ཡིན་དབང་དུ་མ་འཇོམས། །ཉི་མ་གཅིག་གིས་མུན་པ་དུ་མ་རྣམ་པར་སེལ། །གྲོགས་པོ་དག་།ཁྱེད་ཅག་ལས་གང་བདུད་རྩི་དོན་དུ་གཉེར་བ་དེ་ཡུལ་དབུས་ཀྱི་གྲོང་ཁྱེར་ཆེན་པོ་དྲུག་ཏུ་ཉིང་མཚམས་
Ga414b
སྦྱོར་བ་ལོངས་ཤིག་།དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་ཏེ། བྱང་ཆུབ་སེམས་དཔའ་བཅོམ་ལྡན་འདས་འདི་ནི། བཙུན་མོ་སྒྱུ་འཕྲུལ་ཆེན་མོའི་ལྷུམས་སུ་ཉིང་མཚམས་སྦྱོར་པ་ལེན་པར་བཞེད་ཀྱི། མ་ལ་བདག་གིས་དེ་ལ་གཟི་བརྗིད་བསྒྲུབ་པར་བྱ། ལྷུམས་ཀྱང་སྦྱང་བར་བྱའོ། །སྙམ་ནས། ལྷ་རྣམས་ཀྱི་དབང་པོ་བརྒྱ་བྱིན་གྱིས་བཙུན་མོ་སྒྱུ་འཕྲུལ་ཆེན་མོ་ལ་གཟི་བརྗིད་བསྒྲུབས་ཤིང་ལྷུམས་ཀྱང་གཙང་བར་བྱས་སོ། །དེ་ནས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་གཟིགས་པ་ལྔས་གཟིགས་ཏེ། འདོད་པ་ན་སྤྱོད་པའི་ལྷ་དྲུག་ལ་ལན་གསུམ་དུ་བསྒྲགས་ནས་ནམ་གྱི་གུང་ཐུན་ལ་གླང་པོ་ཆེར་བསྟན་ཏེ། བཙུན་མོ་སྒྱུ་འཕྲུལ་ཆེན་མོའི་ལྷུམས་སུ་ཞུགས་སོ། །སྨྲས་པ། འགྲོ་བ་ཡོངས་སུ་བསྐྱབ་ཕྱིར་དམ་བཞེས་ན། །ལྷ་རྣམས་ལ་བསྒོ་དེ་ནས་ཤི་འཕོས་ཏེ། །ནང་པར་སྤྲིན་རུམ་ཉི་མ་གསར་འཆར་ལྟར། །དེ་ནི་བུ་རམ་ཤིང་པའི་ལྷུམས་ཞུགས་སོ། །འདི་ལྟར། སྒྱུ་འཕྲུལ་ཆེན་མོས་རྨི་ལམ་བཞི་རྨིས་པ། གླང་པོ་ཆེ་དམ་པ་དཀར་པོ་མཆེ་བ་དྲུག་པ་ཞིག་བདག་གི་རུམ་དྲལ་ནས་ཞུགས་བ་དང ། སྟེང་གི་ནམ་མཁའ་ལ་འགྲོ་བ་དང ། རི་བྲག་ཆེན་པོ་ལ་འཛེག་པ་དང ། བདག་ལ་སྐྱེ་བོའི་ཚོགས་ཆེན་པོ་ཕྱག་བྱེད་པའོ། །དེས་རྒྱལ་པོ་ཟས་གཙང་ལ་སྨྲས་པ་དང ། རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།རྨི་ལམ་སྟོན་མཁན་དང ། མཚན་མཁན་གྱི་བྲམ་ཟེ་རྣམས་ཁུག་ཅིག། དེ་དག་གིས་རྨི་ལམ་སྟོན་མཁན་དང ། མཚན་མཁན་གྱི་བྲམ་ཟེ་རྣམས་བཀུག་པ་དང ། དེ་ནས་རྒྱལ་པོས་
Ga415a
༄#། །དེ་རྣམས་ལ་རྨི་ལམ་བསྙད་པ་ལས། དེ་རྣམས་ཀྱིས་སྨྲས་པ། ལྷ། བསྟན་བཅོས་ལས་ཇི་ལྟར་གཡར་སྔར་བབ་པ་དང་སྦྱར་ན། སྲས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པ་ཞིག་བལྟམས་པར་འགྱུར་ཏེ། གལ་ཏེ་ཁྱིམ་པ་ཁྱིམ་ན་གནས་པར་གྱུར་ན། འཁོར་ལོས་བསྒྱུར་བའི་རྒྱལ་པོར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་གྱུར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བར་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །བར་སྡོམ་ལ། འཆི་འཕོ་ལྷ་དང་རིན་པོ་ཆེ། །ཟུར་བརྒྱད་དུབ་དང་བརྟུལ་ཞུགས་བརྟན། །ཆོས་ཉིད་ཀྱིས། གང་གི་ཚེ་བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ནས་ཤི་འཕོས་ཏེ་ཡུམ་གྱི་ལྷུམས་སུ་ཞུགས་པ་དེའི་ཚེ་ས་ཆེན་པོ་འདི་ཤིན་ཏུ་གཡོས་པར་གྱུར། འཇིག་རྟེན་འདི་ཐམས་ཅད་སྣང་བ་རྒྱ་ཆེན་པོས་གསལ་བར་གྱུར་ཅིང ། འཇིག་རྟེན་ན་འཇིག་རྟེན་གྱི་བར་གྱི་མུན་པ། མུན་ནག། སྨག་ཏུ་རྒྱུ་པ་གང་དུ་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་དག་གིས་ཀྱང་འོད་ཀྱིས་སྣང་བར་མི་ནུས་པ་དེ་དག་ཀྱང་དེའི་ཚེ་སྣང་བརྒྱ་ཆེན་པོས་གསལ་བར་གྱུར་ཏོ། །དེར་སེམས་ཅན་གང་དག་སྐྱེས་པ་དེ་དག་རང་གི་ལག་པ་བརྐྱང་པ་ཡང་མི་མཐོང་བ་ལས། དེ་རྣམས་སྣང་བ་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་།སེམས་ཅན་
Ga415b
གཞན་ཡང་འདིར་སྐྱེས་སོ། །ཤེས་ལྡན་དག་།སེམས་ཅན་གཞན་ཡང་འདིར་སྐྱེས་སོ། །ཞེས་བྱ་བར་ཤེས་སོ། །ཆོས་ཉིད་ཀྱིས། གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་སུ་ཞུགས་པ་དེའི་ཚེ་ལྷ་རྣམས་ཀྱི་དབང་པོ་བརྒྱ་བྱིན་གྱིས། དེ་ལ་མིའམ་མི་མ་ཡིན་པ་སུས་ཀྱང་འཚེ་བར་མི་འགྱུར་བར་ལྷའི་བུ་བཞི་ཡུམ་གྱི་སྲུང་མར་འཇོག་པ་ནི། ལག་ན་རལ་གྲི་དང ། ལག་ན་མདུང་དང ། ལག་ན་མདུང་ཐུང་དང ། ལག་ན་མདའ་བོ་ཆེའོ། །ཆོས་ཉིད་ཀྱིས། གང་གི་ཚེ་བྱང་ཆུབ་སེམས་དཔའ་ཡུམ་གྱི་ལྷུམས་ན་བཞུགས་པ་ནི། མཛོད་ཀྱི་ནང་དུ་རྫས་བཞག་པ་བཞིན་དུ་མངལ་གྱི་དྲི་མ་དང ། ཤ་མའི་དྲི་མ་དང ། ཁྲག་གི་དྲི་མ་དང ། མི་གཙང་བ་གང་ཡང་རུང་བ་སྣ་ཚོགས་ཀྱིས་མ་སྦགས་སོ། །དཔེར་ན། ནོར་བུ་རིན་པོ་ཆེ་ཀ་ཤིའི་རས་ཀྱིས་མི་གོས་པ་དང ། ཀ་ཤིའི་རས་ཀྱང་ནོར་བུ་རིན་པོ་ཆེས་མི་གོས་པ་དེ་བཞིན་དུ་གང་གི་ཚེ། བྱང་ཆུབ་སེམས་དཔའ་ཡུམ་གྱི་ལྷུམས་ན་བཞུགས་པ་ན། མཛོད་ཀྱི་ནང་དུ་རྫས་བཞག་པ་བཞིན་དུ་མངལ་གྱི་དྲི་མ་དང ། ཤའི་དྲི་མ་དང ། ཁྲག་གི་དྲི་མ་དང ། མི་གཙང་བ་གང་ཡང་རུང་བ་སྣ་ཚོགས་ཀྱིས་མ་སྦགས་སོ། །ཆོས་ཉིས་ཀྱིས། གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་ན་བཞུགས་པ་དེའི་ཚེ་ཡུམ་གྱི་ལྷུམས་ན་དེ་དག་ཐམས་ཅད་ཡོངས་སུ་རྫོགས་པས་བཞུགས་པ་མཐོང་ངོ ། །དཔེར་ན། བཻ་ཌཱུརྱ་ཟུར་བརྒྱད་པ། བཟང་པོའི་རིགས་དང་ལྡན་པ། དང་བ། གསལ་བ། དྲི་མ་མེད་པ། ཚོན་སྐུད་སྣ་ལྔ། སྔོན་པོ་དང ། སེར་པོ་
Ga416a
༄#། །དང ། དམར་པོ་དང ། དཀར་པོ་དང ། ལེབ་རྒན་ལ་བརྒྱུས་པ་དེ། སྐྱེས་བུ་མིག་དང་ལྡན་པས་མཐོང་ན། འདི་ནི། སྐུད་པའོ། །འདི་ནི། ནོར་བུའོ། །སྐུད་པ་འདི་ལ་ནོར་བུ་བརྒྱུས་པ་ཡིན་ནོ། །ཞེས་ཤེས་པ་དེ་བཞིན་དུ་བྱང་ཆུབ་སེམས་དཔའ་བཅོམ་ལྡན་འདས་གང་གི་ཚེ་ཡུམ་གྱི་ལྷུམས་ན་བཞུགས་པ་དེའི་ཚེ། ཡུམ་གྱི་ལྷུམས་ན་དེ་ཐམས་ཅད་ཡོངས་སུ་རྫོགས་པས་བཞུགས་པ་མཐོང་ངོ ། །ཆོས་ཉིད་ཀྱིས། གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་ན་བཞུགས་པ་དེའི་ཚེ། དེའི་ཡུམ་འདི་ལྟ་སྟེ། བྱང་ཆུབ་སེམས་དཔའ་འཛིན་པས་ལུས་ངལ་བའམ་ལུས་དུབ་པར་འགྱུར་བ་མེད་དོ། །ཆོས་ཉིད་ཀྱིས། གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་ན་བཞུགས་པ་དེའི་ཚེ། ཡུམ་དེང་ཕན་ཆད་ཇི་སྲིད་འཚོའི་བར་དུ་བརྟུལ་ཞུགས་ལྔའི་གཞི་བླངས་པར་གྱུར་ཏེ། ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ་སྲོག་གཅོད་པ་ལས་སླར་ལྡོག་གོ་།མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། སྦྱར་བའི་ཆང་དང ། འབྲུའི་ཆང་མྱོས་པར་འགྱུར་བ་བག་མེད་པའི་གནས་སྤངས་ཏེ། སྦྱར་བའི་ཆང་དང ། འབྲུའི་ཆང་མྱོས་པར་འགྱུར་བ་བག་མེད་པའི་གནས་ལས་སླར་ལྡོག་པར་བྱེད་དོ། །སྲོག་མི་གཅོད་དང་མ་བྱིན་མི་ལེན་དང ། །བརྫུན་དུ་མི་སྨྲ་ཆང་ལ་མི་བརྐམ་དང ། །འཁྲིག་པའི་མི་ཚངས་སྤྱོད་པ་སྤོང་བ་འདི། །འདི་ནི་དོན་གྲུབ་ཡུམ་གྱི་ཆོས་ཉིད་ཡིན། ཆོས་
Ga416b
ཉིད་ཀྱིས། གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་ན་བཞུགས་པ་དེའི་ཚེ་དེའི་ཡུམ་འདི་ལྟ་སྟེ། སྐྱེས་པ་རྣམས་ལ་འདོད་པ་དང་ལྡན་པའི་ཡིད་གཏོད་པ་མེད་དོ། །ཉོན་མོངས་རྣམས་ལ་ཆགས་པར་མི་འགྱུར་ཞིང ། །དེ་ནི་འདོད་རྒྱུས་སེམས་གདུངས་མི་འགྱུར་ལ། །དེ་ཡུལ་འདོད་པའི་ཡོན་ཏན་ལྡན་པ་ཡི། །སྐྱེས་པ་རྣམས་ལ་སེམས་ནི་གཏོད་པ་མེད། །སྒྱུ་འཕྲུལ་ཆེན་མོ་འདོད་པ་སྐྱེས་པ། ཀྱེ་མ། བདག་གིས་རྒྱ་མཚོ་ཆེན་པོ་བཞིའི་ཆུ་བཏུང་ངོ ། །སྙམ་ནས། དེས་རྒྱལ་པོ་ཟས་གཙང་ལ་སྨྲས་པ་དང ། རྒྱལ་པོ་ཟས་གཙང་གིས་མཚན་མཁན་རྣམས་ལ་སྨྲས་པ། ཅིའི་ཕྱིར་བཙུན་མོ་འདི་ལྟ་བུའི་འདོད་པ་སྐྱེ། མཚན་མཁན་རྣམས་ཀྱིས། ལྷ། བཙུན་མོ་ལ་སྲས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་སྐུ་བརྒྱན་པ་ཞིག་བལྟམས་པར་འགྱུར་ཏེ། དེ་རབ་ཏུ་བྱུང་ནས་ཤེས་བྱའི་མཚོ་མཐའ་དག་འཐུང་བར་འགྱུར་རོ། །ཞེས་ལུང་བསྟན་ཏོ། །རྒྱལ་པོས་སྨྲས་པ། གལ་ཏེ་འདི་ལ་མཚོ་ཆེན་པོའི་ཆུ་མ་བླུད་ན་ཅིར་འགྱུར། སྲས་ཡན་ལག་མ་ཚང་བ་ཞིག་བཙས་པར་འགྱུར་རོ། །རྒྱལ་པོས་སྨྲས་པ། ང་མིང་ཟས་གཙང་མ་ཞེས་བྱ་བའི་བུ་ཡན་ལག་མ་ཚང་བར་བྱའམ། དེའི་ཚེ་གྲོང་ཁྱེར་སེར་སྐྱའི་གཞི་ན་ཀུན་ཏུ་རྒྱུ་མིག་དམར་ཞེས་བྱ་བ་མིག་འཕྲུལ་ལ་བྱང་བ་ཞིག་འདུག་པ་དེ། རྒྱལ་པོས་བཀུག་ནས་བསྒོ་བ་དང ། དེས་དེ་སྟེང་གི་ཁང་བཟང་གི་གཞི་ན་འདུག་པ་ལ་རྒྱ་མཚོ་ཆེན་པོ་བཞི་བསྟན་ཏེ་ཆུ་བླུད་པ་དང་དེའི་འདོད་པ་སྐྱེས་པ་གང་ཡིན་པ་དེ་དང་བྲལ་བར་གྱུར་ཏོ། །གཞན་ཡང་དེའི་འདོད་
Ga417a
༄#། །པ་སྐྱེས་པ། ཀྱེ་མ། བཙོན་ཐམས་ཅད་ཐར་པར་བྱའོ། །སྙམ་པ་དང ། རྒྱལ་པོས་བཙོན་ཐམས་ཅད་ཐར་པར་བྱས་ནས་དེའི་འདོད་པ་གང་ཡིན་པ་དེ་དང་བྲལ་བར་གྱུར་ཏོ། །གཞན་ཡང་དེའི་འདོད་པ་སྐྱེས་པ། ཀྱེ་མ། སྦྱིན་པ་དག་སྦྱིན། བསོད་ནམས་དག་བྱའོ། །སྙམ་པ་དང ། རྒྱལ་པོས་སྦྱིན་པ་དག་བྱིན། བསོད་ནམས་དག་བྱས་ནས། དེའི་འདོད་པ་སྐྱེས་པ་གང་ཡིན་པ་དེ་དང་བྲལ་བར་གྱུར་ཏོ། །གཞན་ཡང་དེའི་འདོད་པ་སྐྱེས་པ། ཀྱེ་མ། བདག་སྐྱེད་མོས་ཚལ་བལྟའོ། །སྙམ་པ་དང ། རྒྱལ་པོས་སྐྱེད་མོས་ཚལ་བསྟན་ནས་དེའི་འདོད་པ་སྐྱེས་པ་གང་ཡིན་པ་དེ་དང་བྲལ་བར་གྱུར་ཏོ། །གཞན་ཡང་དེའི་འདོད་པ་སྐྱེས་པ། ཀྱེ་མ། བདག་སྐྱེད་མོས་ཚལ་དུ་འདུག་པར་བྱའོ། །སྙམ་པ་དང ། རྒྱལ་པོ་ལེགས་པར་རབ་སད་ལ་ལུམྦི་ནིའི་ཚལ་ཞེས་བྱ་བའི་སྐྱེད་མོས་ཚལ་ཡོད་ནས། དེ་ལ་རྒྱལ་པོ་ཟས་གཙང་གིས་སྤྲིང་བ། ཁྱོད་ཀྱི་བུ་མོ་སྐྱེད་མོས་ཚལ་དུ་འགྲོ་བར་འདོད་ཀྱི། སྐྱེད་མོས་ཚལ་གྱི་བྱི་དོར་བྱོས་ཤིག་།དེའི་ཞོ་ཤས་འཚོ་བ་དག་ལ་བསྒོ་བ། ཤེས་ལྡན་དག་།སྐྱེད་མོས་ཚལ་གྱི་བྱི་དོར་བྱོས་ཤིག་།དེ་རྣམས་ཀྱི་སྐྱེད་མོས་ཚལ་གྱི་བྱི་དོར་བྱས་སོ། །དེ་ནས་འཁོར་རྣམས་དང་ལྷན་ཅིག་དོང་ངོ ། །དེ་ནས་དེས་ལུམྦི་ནིའི་ཚལ་དུ་འཆག་པ་ན། ཤིང་མྱ་ངན་འཚང་མེ་ཏོག་ཤིན་ཏུ་རྒྱས་པ་ཞིག་མཐོང་སྟེ། དེ་བལྟམས་པར་འདོད་ནས་དེ་ལ་བཟུང་སྟེ་འདུག་པ་དང ། ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམ་པ། བྱང་ཆུབ་སེམས་དཔའི་ཡུམ་ནི། ངོ་ཚ་ཤེས་པ་དང་ལྡན་པས་
Ga417b
སྐྱེ་བོའི་ཚོགས་ཆེན་པོས་བསྐོར་ན། བལྟམས་མི་ཕོད་ཀྱི། ཐབས་ཤིག་བཤམ་པར་བྱའོ། །སྙམ་ནས། དེས་རླུང་དང་ཆར་དྲག་ཅིག་སྤྲུལ་ནས་དེས་སྐྱེ་བོའི་ཚོགས་དེ་ཀུན་ཏུ་བྲོས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བདག་ཉིད་མ་མ་རྒན་མོའི་ཆ་བྱད་དུ་མངོན་པར་སྤྲུལ་ནས་བཙུན་མོ་སྒྱུ་འཕྲུལ་ཆེན་མོའི་མདུན་དུ་བསྡད་པ་དང ། དེས་བལྟམས་པར་བརྩམས་སོ། །བྱང་ཆུབ་སེམས་དཔའ་བལྟམས་པ་དང ། བརྒྱ་བྱིན་གྱིས་པགས་པའི་སླེབ་མོས་བཟུང་ངོ ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། བརྒྱ་བྱིན་འདི། བདག་གིས་བྱང་ཆུབ་སེམས་དཔའ་བླངས་སོ། །ཞེས་དྲེགས་པར་འགྱུར་བར་མཁྱེན་ནས། བདག་ཉིད་རྡོ་རྗེའི་སྐུར་བྱིན་གྱིས་བརླབས་པ་དང ། ལྷ་རྣམས་ཀྱི་དབང་པོ་བརྒྱ་བྱིན་འདར་བར་གྱུར་ཏོ། །བྱང་ཆུབ་སེམས་དཔས་བཀའ་སྩལ་པ། ཀོའུ་ཤི་ཀ། ཐོང་ཞིག ། ཐོང་ཞིག་།ཕར་སོང་ཞིག་།ཆོས་ཉིད་ཀྱིས། གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་བལྟམས་པ་དེའི་ཚེ་ཡང་ས་ཆེན་པོ་འདི་གཡོས་པར་གྱུར་ཅེས་བྱ་བ་ནས་ཤེས་ལྡན་དག ། སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་།སེམས་ཅན་གཞན་ཡང་འདིར་སྐྱེས་སོ། །ཞེས་བྱ་བའི་བར་གོང་མ་བཞིན་དུའོ།། །།འདུལ་བ་བཞི། བམ་པོ་གྱ་གཉིས་པ། ཆོས་ཉིད་ཀྱིས། གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་ནས་བལྟམས་པ་ན་རལ་གྲི་ཤུབས་ནས་ཕྱུང་བ་བཞིན་དུ་མངལ་གྱི་དྲི་མ་དང ། ཤ་མའི་དྲི་མ་དང ། ཁྲག་གི་དྲི་མ་
Ga418a
༄#། །དང ། མི་གཙང་བ་གཞན་དང་གཞན་སྣ་ཚོགས་ཀྱིས་མ་གོས་སོ། །ཆོས་ཉིད་ཀྱིས། གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་ནས་བལྟམས་པ་དེའི་ཚེ། དེའི་ཡུམ་མི་འདུག་།མི་ཉལ་ཏེ། འགྲེང་བཞིན་དུ་རྒྱལ་རིགས་མ་དེས་རྒྱལ་རིགས་བལྟམས་པར་བྱེད་དོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམས་པའི་མོད་ལ་སུས་ཀྱང་མ་བཟུང་བར་ཕྱོགས་བཞིར་གཟིགས་ནས་གོམ་པ་བདུན་བདུན་འདོར་ཞིང་ཚིག་ཏུ་ཡང་གསུང་ལ། འདི་ནི། ཤར་ཕྱོགས་ཡིན་ཏེ། མྱ་ངན་ལས་འདས་པའི་ཐོག་མར་འགྲོ་བར་བྱའོ། །འདི་ནི། ལྷོ་ཕྱོགས་ཡིན་ཏེ། འགྲོ་བ་མཐའ་དག་གི་ཡོན་གནས་སུ་འགྱུར་བར་བྱའོ། །འདི་ནི། ནུབ་ཕྱོགས་ཡིན་ཏེ། ངའི་སྐྱེ་བ་ཐ་མ་ནི། འདི་ཡིན་པར་འགྱུར་རོ། །འདི་ནི། བྱང་ཕྱོགས་ཡིན་ཏེ། སྲིད་པའི་མཚོ་ལས་བརྒལ་བར་བྱའོ། །དེའི་དབུའི་སྟེང་ནས་ལྷ་རྣམས་གདུགས་དཀར་པོ་དང ། རྔ་ཡབ་ནོར་བུའི་ཡུ་བ་ཅན་དག་འཛིན་ཏོ། །ཆོས་ཉིད་ཀྱིས། བྱང་ཆུབ་སེམས་དཔའ་བལྟམས་པའི་མོད་ལ་བར་སྣང་ལས་ཆུ་བསིལ་བ་ཞིག་དང ། ཆུ་དྲོན་མོ་ཞིག་སྟེ། ཆུ་གཉིས་ཀྱི་རྒྱུན་སྤྱི་གཙུག་གི་སྟེང་དུ་འབབ་ཅིང ། དེས་བྱང་ཆུབ་སེམས་དཔའ་ཁྲུས་མཛད་དོ། །ཆོས་ཉིད་ཀྱིས། བྱང་ཆུབ་སེམས་དཔའ་བལྟམས་པའི་མོད་ལ་སྐྲུན་པའི་ཡུམ་གྱི་མདུན་དུ་ཆུ་མིག་ཆེན་པོ་བྱུང་ནས་འབབ་པར་འགྱུར་ཏེ། དེ་ལ་དེའི་ཡུམ་ཆུས་ཆུའི་བྱ་བ་བྱེད་དོ། །ཆོས་ཉིད་ཀྱིས། བྱང་ཆུབ་སེམས་དཔའ་
Ga418b
བལྟམས་པའི་མོད་ལ་ལྷས་བར་སྣང་ལས་ལྷའི་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། ་ཀ་རུའི་ཕྱེ་མ་དང ། རྒྱ་སྤོས་ཀྱི་ཕྱེ་མ་དང ། ཙནྡན་གྱི་ཕྱེ་མ་དང ། ཏ་མ་ལའི་འདབ་མས་འཐོར་རོ། །ལྷའི་མེ་ཏོག་མན་དཱ་ར་བས་ཀྱང་འཐོར་རོ། །ལྷའི་སིལ་སྙན་རྣམས་ཀྱང་སྒྲ་འབྱིན་ནོ། །གོས་དག་ཀྱང་འཐོར་བར་བྱེད་དོ། །བར་སྡོམ་ལ། བལྟམས་དང་བཞེངས་དང་གོམ་པ་བདུན། །ཆུ་རྒྱུན་གཉིས་དང་ཆུ་མིག་ལྷ། །གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཤཱཀྱ་ཐུབ་པ་བལྟམས་པ་དེ་ཉིད་ཀྱི་ཚེ། རྒྱལ་པོ་བཞིར་ཡང་བུ་བཙས་ཏེ། མཉན་ཡོད་དུ་རྩིབས་ཀྱིས་འཕུར་ཚངས་སྦྱིན་གྱི་བུ་བཙས་པ་ན། དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན། ཡུལ་གསལ་བ་གསལ་བ་བཞིན་དུ་སྣང་བས། དེ་བས་ན། འདིའི་མིང་གསལ་རྒྱལ་ཞེས་བྱ་བར་གདགས་སོ། །ཞེས་བཏགས་སོ། །རྒྱལ་པོའི་ཁབ་ཀྱི་གྲོང་ཁྱེར་ན་རྒྱལ་པོ་པདྨ་ཆེན་པོའི་བུ་བཙས་པ་ན། དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན། འཇིག་རྟེན་ཉི་མའི་གཟུགས་ཤར་བ་ལྟར་སྣང་ཞིང་གཟུགས་ཅན་མའི་བུ་ཡིན་པས། མིང་གཟུགས་ཅན་སྙིང་པོ་ཞེས་བྱ་བར་གདགས་སོ། །ཞེས་བཏགས་སོ། །ཀོའུ་ཤམྦྷི་ན་རྒྱལ་པོ་དམག་བརྒྱ་པའི་བུ་བཙས་པ་ན། དེ་འདི་སྙམ་དུ་སེམས་ཏེ། བདག་གི་བུ་བཙས་པ་ན། འཇིག་རྟེན་ཉི་མ་ཤར་བ་ལྟར་སྣང་བར་གྱུར་པས། འདིའི་མིང་ཤར་པ་ཞེས་བྱ་བར་གདགས་སོ། །ཞེས་བཏགས་སོ། །གྲོང་ཁྱེར་འཕགས་རྒྱལ་དུ་རྒྱལ་པོ་མུ་ཁྱུད་མཐའ་ཡས་ཀྱི་བུ་བཙས་པ་ན། དེ་འདི་སྙམ་དུ་
Ga419a
༄#། །སེམས་ཏེ། བདག་གི་བུ་བཙས་པ་ན། འཇིག་རྟེན་སྒྲོན་མས་སྣང་བ་ལྟ་བུར་གྱུར་པས། འདིའི་མིང་རབ་སྣང་ཞེས་བྱ་བར་གདགས་སོ། །ཞེས་བཏགས་ཏེ། དེ་ནི། དེ་ལྟ་མ་ཡིན་ནོ། །འོན་ཀྱང་དེ་ཐམས་ཅད་ནི། བྱང་ཆུབ་སེམས་དཔའི་མཐུ་ཡིན་ནོ། །རི་བོ་ཀུན་འཛིན་ལ་དྲང་སྲོང་ཉོན་མོངས་མེད་ཅེས་བྱ་བ། འཇིག་པ་ལ་མཁས་པ། འཆགས་པ་ལ་མཁས་པ་ཞིག་གནས་ཏེ། དེའི་ཚ་བོ་ནི། མིས་བྱིན་ཞེས་བྱའོ། །དེས་དེ་ལ་དུས་དུས་སུ་འཇིག་པའི་གཏམ་དང ། འཆགས་པའི་གཏམ་སྨྲས་པས། དེ་དེ་ལས་རབ་ཏུ་བྱུང་ངོ ། །བྱང་ཆུབ་སེམས་དཔའ་བཅོམ་ལྡན་འདས་བལྟམས་པ་ན། འཇིག་རྟེན་ཐམས་ཅད་སྣང་བ་རྒྱ་ཆེན་པོས་གསལ་བར་གྱུར་ཏོ། །དེའི་ཚེ་མིས་བྱིན་ཕུག་ཏུ་ཞུགས་ཏེ་བསམ་གཏན་བྱེད་པ་ན། དེས་སྣང་བ་དེ་མཐོང་ནས་ཉོན་མོངས་མེད་ལ་སྨྲས་པ། མཁན་པོ། འདིར་ནི་ཉི་མ་ཐམས་ཅད་དག་།གཅིག་ཅར་བྱུང་བར་གྱུར་ཏམ་ཅི། །འདི་ལྟར་རི་ནི་ཕུག་བཅས་པ། །འདི་ནི་འོད་ཀྱིས་གསལ་བར་གྱུར། །ཉོན་མོངས་མེད་ཀྱིས་དེ་ལ་སྨྲས་པ། ཉི་མའི་འོད་ནི་རྒྱུན་དུ་རྣོ། །བུ་གཅིག་སྣང་བ་འདི་དག་ནི། །ཡན་ལག་རེག་ན་འདི་བསིལ་བས། །ངེས་པར་ཐུབ་པ་དེ་ཡི་འོད། །བྱང་ཆུབ་སེམས་དཔའ་འོད་ཆེན་ནི། །ངེས་པར་ལྷུམས་ནས་བལྟམས་གྱུར་ལ། །བལྟམས་ནས་སེམས་དཔའ་ཆེན་པོ་དེའི། །འོད་ཟེར་གསེར་དང་འདྲ་བ་ནི། །དྲི་མ་མེད་པ་འདི་དག་གིས། །འཇིག་རྟེན་གསུམ་ནི་སྣང་བར་བྱས། །མིས་བྱིན་གྱིས་སྨྲས་པ། མཁན་པོ། བདག་བྱང་ཆུབ་
Ga419b
སེམས་དཔའ་ལྟར་མཆིའོ། །དེས་སྨྲས་པ། བུ། ད་ལྟ་བྱང་ཆུབ་སེམས་དཔའ་དབང་ཆེ་བ་དབང་ཆེ་བའི་ལྷ་རྣམས་ཀྱིས་བསྐོར་ཅིང་བཞུགས་པས། གང་ཡང་བདག་ཅག་གིས་སྐབས་མི་རྙེད་པའི་གནས་འདི་ཡོད་དོ། །གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་སེར་སྐྱའི་གཞིར་བྱོན་ནས་དེའི་མིང་འདོགས་པ་དེའི་ཚེ། བདག་ཅག་བལྟ་བའི་ཕྱིར་འདོང་ངོ ། །གང་གི་ཉི་མ་ཁོ་ན་ལ་བྱང་ཆུབ་སེམས་དཔའ་བཅོམ་ལྡན་འདས་བལྟམས་པ་དེ་ཉིད་ཀྱི་ཉི་མ་ཁོ་ན་ལ་རྒྱལ་པོ་ཟས་གཙང་གི་རིམ་གྲོ་བ་རྣམས་ལས་འདུན་པ་ལ་སོགས་ཏེ་ལྔ་བརྒྱ་དང ། རིམ་གྲོ་མ་རྣམས་ལས་འདུན་མ་ལ་སོགས་ཏེ་ལྔ་བརྒྱ་བཙས་སོ། །བལ་གླང་མོ་ལྔ་བརྒྱ་དང ། རྟ་རྒོད་མ་ལྔ་བརྒྱ་ལ་ཡང་རྟེའུ་འབྲངས་སོ། །གཏེར་ལྔ་བརྒྱའི་ཁ་ཡང་ཉེ་བར་སྣང་ངོ ། །ཁམས་ཀྱི་རྒྱལ་ཕྲན་རྣམས་ཀྱིས་ཀྱང་དཔྱ་ཕུལ་ཏེ་བློན་པོ་རྣམས་ཀྱིས་རྒྱལ་པོ་ཟས་གཙང་ལ་ཇི་ལྟར་གྱུར་པ་སྨྲས་པ་དང ། རྒྱལ་པོས་བསམ་པ། བདག་གི་བུ་བཙས་པ་ན། བདག་དོན་ཐམས་ཅད་དང ། ལས་ཀྱི་མཐའ་ཐམས་ཅད་ཡོངས་སུ་རྫོགས་པར་གྱུར་པས། གཞོན་ནུའི་མིང་དོན་ཐམས་ཅད་གྲུབ་པ་ཞེས་གདགས་སོ། །ཞེས་དེ་ན་བྱང་ཆུབ་སེམས་དཔའ་ལ་མིང་འདི་ཐོག་མར་བཏགས་ཏེ། འདི་ལྟ་སྟེ། དོན་ཐམས་ཅད་གྲུབ་པ་ཞེས་བྱའོ། །གྲོང་ཁྱེར་སེར་སྐྱའི་གཞི་ན་གནོད་སྦྱིན་ཤཱཀྱ་འཕེལ་ཞེས་བྱ་བ་ཞིག་གཉུག་མར་གནས་སོ། །ཤཱཀྱ་རྣམས་ཀྱི་ཀུན་ཏུ་སྤྱོད་པ་ནི། ཤཱཀྱ་སུ་ཡང་རུང་བ་ལ་ཁྱེའུའམ་བུ་མོ་བཙས་པ་གང་ཡིན་པ་དེ། གནོད་སྦྱིན་ཤཱཀྱ་འཕེལ་གྱི་རྐང་པ་ལ་ཕྱག་
Ga420a
༄#། །འཚལ་དུ་གཞུག་པའི་ཕྱིར་འཁྲིད་པ་ཡིན་པས། རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་།དེངས་ལ་གཞོན་ནུ་གནོད་སྦྱིན་ཤཱཀྱ་འཕེལ་གྱི་རྐང་པ་ལ་ཕྱག་འཚལ་དུ་ཆུག་ཅིག་།ལྷ། བཀའ་བཞིན་འཚལ་ཞེས་བློན་པོ་རྣམས་ཀྱིས་རྒྱལ་པོ་ཟས་གཙང་ལ་མཉན་ནས་རིན་པོ་ཆེ་སྣ་བཞི་ལས་བྱས་པའི་ཁྱོགས་ཀྱི་སྟེང་དུ་བྱང་ཆུབ་སེམས་དཔའ་བཞག་ནས་གྲོང་ཁྱེར་སེར་སྐྱའི་གཞིར་འཇུག་པར་བརྩམས་པ་ན། སེར་སྐྱའི་གཞིའི་ཤཱཀྱ་གཏུམ་པོ། གཟུ་ལུམས་ཅན། རྩུབ་པ། བཙམ་པ་མེད་པ་དེ་རྣམས་བྱང་ཆུབ་སེམས་དཔའ་ནང་དུ་ཞུགས་པ་ན། ཐུབ་པ་བཞིན་དུ་གནས་པ་བློན་པོ་རྣམས་ཀྱིས་རྒྱལ་པོ་ལ་སྨྲས་པ་དང ། རྒྱལ་པོ་ཟས་གཙང་གིས་བསམ་པ། སེར་སྐྱའི་གཞིའི་ཤཱཀྱ་འདི་རྣམས་ནི། གཏུམ་པོ། གཟུ་ལུམས་ཅན། བཙམ་པ་མེད་པ་ཡིན་ན། གཞོན་ནུ་ནང་དུ་ཞུགས་པ་ན། ཐུབ་པ་བཞིན་དུ་གནས་པས། གཞོན་ནུའི་མིང་ཤཱཀྱ་ཐུབ་པ་ཞེས་བྱ་བར་གདགས་སོ། །ཞེས་དེ་ན་བྱང་ཆུབ་སེམས་དཔའི་མིང་གཉིས་པ་བཏགས་པ་འདི་ལྟ་སྟེ། ཤཱཀྱ་ཐུབ་པ་ཞེས་བྱའོ། །བྱང་ཆུབ་སེམས་དཔའ་གནོད་སྦྱིན་ཤཱཀྱ་འཕེལ་གྱི་གནས་དང་ཉེ་བ་ཞིག་ཏུ་བྱོན་པ་དང ། གནོད་སྦྱིན་ཤཱཀྱ་འཕེལ་གྱིས་བྱང་ཆུབ་སེམས་དཔའ་གནས་དང་ཉེ་བར་ཕྱིན་པ་མཐོང་ངོ ། །མཐོང་ནས་ཀྱང་ཕྱིར་བྱུང་ནས་ལུས་ཐམས་ཅད་ཀྱིས་བྱང་ཆུབ་སེམས་དཔའི་རྐང་པ་གཉིས་ལ་གཏུགས་པ་སྐྱེ་བོའི་ཚོགས་ཀྱིས་རྒྱལ་པོ་ཟས་གཙང་ལ་སྨྲས་པ། ལྷ།
Ga420b
གནོད་སྦྱིན་ཤཱཀྱ་འཕེལ་ཉིད་ཀྱིས་བྱང་ཆུབ་སེམས་དཔའི་ཞབས་གཉིས་ལ་གཏུགས་ལགས་སོ། །རྒྱལ་པོས་ཐོས་ནས་སྨྲས་པ། ཤེས་ལྡན་དག་།ལྷས་ཀྱང་གཞོན་ནུའི་རྐང་པ་གཉིས་ལ་གཏུགས་པས། འདི་ནི། ལྷའི་ཡང་ལྷ་ཡིན་པས། དེ་བས་ན། གཞོན་ནུའི་མིང་ལྷའི་ཡང་ལྷ་ཞེས་གདགས་སོ། །ཞེས་དེ་ན་བྱང་ཆུབ་སེམས་དཔའི་མིང་གསུམ་པ་བཏགས་པ། འདི་ལྟ་སྟེ། ལྷའི་ཡང་ལྷ་ཞེས་བྱའོ། །བྱང་ཆུབ་སེམས་དཔའ་བལྟམས་པའི་མོད་ལ་ཡབ་དང་ཡུམ་གྱིས་མ་མ་རྣམས་ལ་གཏད་ནས། མ་མ་ཁྱོད་ཀྱིས་གཞོན་ནུ་དུས་དུས་སུ་སྐུ་མཉེ་བྱོས་ཤིག་།དུས་དུས་སུ་ཁྲུས་བྱོས་ཤིག་།དུས་དུས་སུ་ཟན་བྱིན་ཅིག་།དུས་དུས་སུ་ཡང་དག་པའི་བདེ་བས་བསྙེན་བཀུར་བྱོས་ཤིག་།མ་མ་དགའ་བའི་ལག་པ་གཉིས་ཀྱིས་དེ་བླངས་ནས་དུས་དུས་སུ་བསྐུ་མཉེ་བྱེད། དུས་དུས་སུ་ཁྲུས་བྱེད། དུས་དུས་སུ་ཟན་སྦྱིན། དུས་དུས་སུ་ཡང་དག་པའི་བདེ་བས་བསྙེན་བཀུར་བྱེད་དོ། །ཡང་དེའི་ཚེ་དྲི་ཤིན་ཏུ་ཡིད་དུ་འོང་བའི་ངོ་བོ་གང་ཡིན་པ་དེ་རྣམས་ཀྱིས་བྱུགས་ཤིང ། རྒྱན་ཐམས་ཅད་ཀྱིས་བརྒྱན་ནས་ཡབ་ཟས་གཙང་ལ་ཕུལ་བ་དང ། རྒྱལ་པོ་ཟས་གཙང་གིས་དེ་བླངས་ཏེ་པང་དུ་བཞག་ནས་ཡང་དང་ཡང་དུ་རྟོག་ཅིང་དགའ་བ་བསྐྱེད་དོ། །ཆོས་ཉིད་ཀྱིས། བྱང་ཆུབ་སེམས་དཔའ་བལྟམས་པའི་མོད་ལ་ཡབ་དང་ཡུམ་གྱིས་མཚན་མཁན་དང་ལྟས་མཁན་གྱི་བྲམ་ཟེ་རྣམས་ལ་ཉེ་བར་སྟོན་པ་ཡིན་པས། ཤེས་ལྡན་དག་།ཇིག་གཞོན་ནུ་གང་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་གཉིས་སུ་འགྱུར་རོ། །གཞན་དུ་
Ga421a
༄#། །ནི། མ་ཡིན་ཏེ། གལ་ཏེ་ཁྱིམ་པ་ཁྱིམ་ན་གནས་པར་གྱུར་ན། འཁོར་ལོས་བསྒྱུར་བའི་རྒྱལ་པོ། །མཐའ་བཞིར་རྣམ་པར་རྒྱལ་བ། ཆོས་ཀྱི་རྒྱལ་པོ། ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་ནི། འདི་ལྟ་བུ་དག་འབྱུང་སྟེ། འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་ནི། བློན་པོ་རིན་པོ་ཆེའོ། །བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ་དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་བསྡོ་བ་མེད་ཅིང་འཚེ་བ་མེད་པ། དེ་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ། ཆོས་དང་མཐུན་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་ཕྱུང་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་བྱ་བར་འཇིག་རྟེན་དུ་སྒྲ་རྣམ་པར་གྲགས་པར་འགྱུར་བ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་ནམ། ཤེས་ལྡན་དག་།གང་དག་དང་ལྡན་པའི་སྐྱེས་བུ་ཆེན་པོའི་འགྲོ་བ་གཉིས་སུ་འགྱུར་གྱི། གཞན་ནི་མ་ཡིན་ཞེས་བྱ་བ་ནས་སྔ་མ་བཞིན་དུ་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །ཞེས་བྱ་བའི་བར་སྐྱེས་བུ་ཆེན་
Ga421b
པོའི་མཚན་སུམ་ཅུ་རྩ་གཉིས་པོ་ནི། གང་དག་ཡིན། ལྷ། གཞོན་ནུའི་ཞབས་ཤིན་ཏུ་གནས་པ་ལགས་སོ། །ཞབས་གཉིས་ཤིན་ཏུ་གནས་པ་ཉིད་ཀྱིས་ས་ལ་མཉམ་པར་འབབ་སྟེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །དེའི་ཞབས་ཀྱི་མཐིལ་གྱི་ངོས་གཉིས་ལས་འཁོར་ལོ་རྩིབས་སྟོང་པ། ལྟེ་བ་དང་མུ་ཁྱུད་དུ་བཅས་པ། རྣམ་པ་ཐམས་ཅད་ཡོངས་སུ་རྫོགས་པ་མཆིས་ཏེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། སོར་མོ་རིང་བ་དང ། ཞབས་ཀྱི་རྟིང་པ་ཡངས་པ་དང ། དེའི་ཕྱག་དང་ཞབས་འཇམ་ཞིང་གཞོན་ཤ་ཆགས་པ་ལགས་ཏེ། ཕྱག་དང་ཞབས་འཇམ་ཞིང་གཞོན་ཤ་ཆགས་པ་ནི། དཔེར་ན། ཤིང་བལ་གྱི་འདབ་མའམ་རས་བལ་གྱི་འདབ་མ་བཞིན་ནོ། །ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། ཕྱག་དང་ཞབས་དྲ་བས་འབྲེལ་བ་ལགས་ཏེ། དེའི་ཕྱག་དང་ཞབས་དྲ་བས་འབྲེལ་བ་ནི། དཔེར་ན། ངང་པའི་རྒྱལ་པོ་གཞོན་ནུའི་བཞིན་ནོ། །ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། ཞབས་ལོང་མོའི་ཚིགས་མི་མངོན་པ་དང ། བྱིན་པ་རི་དྭགས་ཨེ་ན་ཡའི་ལྟ་བུ་དང ། སྐུ་མདུད་པ་དང ། སྐུ་བཞེངས་བཞིན་དུ་མ་བཏུད་པར་ཕྱག་པུས་མོའི་ལྷ་ང་གཉིས་སླེབ་ཅིང་རེག་པ་སྟེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། འདོམས་ཀྱི་སྦ་བ་སྦུབས་སུ་ནུབ་པ་ལགས་ཏེ། དེའི་འདོམས་ཀྱི་སྦ་བ་སྦུབས་སུ་ནུབ་པ་ནི།
Ga422a
༄#། །དཔེར་ན། གླང་པོ་ཅང་ཤེས་ཀྱིའམ། རྟ་ཅང་ཤེས་བྱུང་བ་དག་གི་བཞིན་ནོ། །ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། སྐུ་ཇི་སྲིད་པར་འདོམ་ཡང་དེ་སྲིད་ལ། འདོམ་ཇི་སྲིད་པར་སྐུ་ཡང་དེ་སྲིད་པས། ཤིང་ནྱ་གྲོ་དྷ་ལྟར་མཆུ་ཞེང་གབ་པ་ལགས་ཏེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། སྐུ་རོ་སྟོད་སྤུ་རེ་རེ་ནས་སྐྱེ་ཞིང ། དེའི་སྐུ་ལ་སྤུ་རེ་རེ་ནས་སྐྱེ་བ་ཡང་མཐིང་ག་ལ་གཡས་ཕྱོགས་སུ་འཁྱིལ་བར་སྐྱེ་ལགས་ཏེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། མདོག་གསེར་དང་འདྲ་བ་དང ། འོད་འདོམ་གང་བ་དང ། པགས་པ་སྲབ་ཅིང་མདོག་གསེར་འདྲ་བ་ལགས་ཏེ། པགས་པ་སྲབ་པ་ཉིད་ཀྱིས་རྡུལ་དང་དྲི་མས་སྐུ་ལ་མི་གོས་པ་སྟེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུའི་སྐུ་ནི། བདུན་མཐོ་བ་སྟེ། སྐུ་བདུན་མཐོ་བར་འཁྲུངས་པ་ནི། ཕྱག་གཉིས་དང ། ཞབས་གཉིས་དང ། དཔུང་མགོ་གཉིས་དང ། ལྟག་པ་ལགས་ཏེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། ཐལ་གོང་རྒྱས་པ་དང ། སྐུ་རོ་སྟོད་སེང་གེའི་འདྲ་བ་དང ། སྐུ་དྲང་ཞིང་ཁོ་ལག་ཆེ་བ་དང ། དཔུང་མགོ་ཤིན་ཏུ་ཟླུམ་པ་དང ། ཚེམས་བཞི་བཅུ་མངའ་བ་དང ། ཚེམས་མཉམ་པ་དང ། ཚེམས་ཐགས་བཟང་བ་དང ། མཆེ་བ་ཤིན་ཏུ་དཀར་པ་དང ། འགྲམ་
Ga422b
བ་སེང་གེའི་འདྲ་བ་དང ། རོ་བྲོ་བའི་མཆོག་དང་ལྡན་པ་ལགས་ཏེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། ལྗགས་ཤིན་ཏུ་རིང་ཞིང་སྲབ་པ་ལགས་ཏེ། ལྗགས་ཤིན་ཏུ་རིང་བ་ཉིད་དང ། སྲབ་པ་ཉིད་ཀྱི་ཕྱིར་ལྗགས་ཞལ་ནས་བྱུང་བས་སྐྲ་མཚམས་ནས་བཟུང་སྟེ་ཞལ་གྱི་དཀྱིལ་འཁོར་ཐམས་ཅད་ཀྱི་བར་དུ་གཡོགས་པར་མཛད་པ་སྟེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུའི་གསུང་ནི། ཚངས་པའི་དབྱངས་དང་ཀ་ལ་པིངྐའི་སྐད་ལྟར་ཡིད་དུ་འོང་བ་དང ། རྔའི་དབྱངས་ཅན་ལགས་ཏེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། གཞོན་ནུ་ནི། སྤྱན་མཐོན་མཐིང་ལ། བའི་རྫི་མ་ལྟ་བུ་དང ། དབུ་གཙུག་ཏོར་དང་ལྡན་པ་དང ། སྨིན་མཚམས་ཀྱི་མཛོད་སྤུ་དུང་ལྟར་དཀར་ཞིང་གཡས་སུ་འཁྱིལ་བ་ལགས་ཏེ། ལྷ། འདི་ནི། གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ། འདི་དག་ནི། གང་དག་དང་ལྡན་པའི་འགྲོ་བ་གཉིས་སུ་འགྱུར་གྱི། གཞན་དུ་ནི། མ་ལགས་པ་ཞེས་བྱ་བ་ནས་སྔ་མ་བཞིན་དུ་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །ཞེས་བྱ་བའི་བར་གྱི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ལགས་སོ། །གལ་ཏེ་གཞོན་ནུ་རབ་ཏུ་མ་བྱུང་བར་གྱུར་ན། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །ཆོས་ཉིད་ཀྱིས། བྱང་ཆུབ་སེམས་དཔའ་ཤཱཀྱ་ཐུབ་པ་བལྟམས་ནས་ཞག་བདུན་ལོན་པ་དང ། དེ་སྐྲུན་པའི་ཡུམ་ནོངས་པར་འགྱུར་ཏེ། ནོངས་མ་
Ga423a
༄#། །ཐག་ཏུ་སུམ་ཅུ་རྩ་གསུམ་གྱི་ལྷའི་རིས་གྱ་ནོམ་པར་སྐྱེ་བར་འགྱུར་རོ། །ཆོས་ཉིད་ཀྱིས། བྱང་ཆུབ་སེམས་དཔའ་ཤཱཀྱ་ཐུབ་པ་ནི། གཟུགས་བཟང་བ། མཛེས་པ། བལྟ་ན་སྡུག་པ། མིའི་ཁ་དོག་ལས་འདས་པ། ལྷའི་ཁ་དོག་མ་ཐོབ་པ། སྐྱེས་པ་དང་བུད་མེད་རྣམས་ཀྱིས་བལྟས་པ་ན་ངོམས་མི་ཤེས་ཤིང་དགའ་བ་འཐོབ་སྟེ། དཔེར་ན། འཛམ་བུ་ཆུ་བོའི་གསེར་ལ་མགར་བ་མཁས་པས་རྒྱན་བརྡུངས་པ། ལ་བ་དཀར་པོ་གསར་པའི་སྟེང་དུ་བཞག་ན། ཤིན་ཏུ་གསལ་ཞིང་འབར་ལ་རྣམ་པར་འཚེར་བ་དེ་བཞིན་དུ། བྱང་ཆུབ་སེམས་དཔའ་ཤཱཀྱ་ཐུབ་པ་གཟུགས་བཟང་བ། མཛེས་པ། བལྟ་ན་སྡུག་པ། མིའི་ཁ་དོག་ལས་འདས་ཤིང ། ལྷའི་ཁ་དོག་ནི། མ་ཐོབ་པ་ཡིན་ནོ། །ཆོས་ཉིད་ཀྱིས། བྱང་ཆུབ་སེམས་དཔའ་ཤཱཀྱ་ཐུབ་པ་སྐྱེ་བོའི་ཚོགས་ཆེན་པོའི་སྙིང་དུ་སྡུག་པ་དང ། ཡིད་དུ་འོང་བར་འགྱུར་ཏེ། སྐྱེ་བོའི་ཚོགས་ཆེན་པོས་དེ་ཕྲག་པར་སྦེད་པ་ནི། དཔེར་ན། སྟོན་ཀའི་པདྨ་སྐྱེ་བོའི་ཚོགས་ཆེན་པོའི་སྙིང་དུ་སྡུག་ཅིང་ཡིད་དུ་འོང་བས། སྐྱེ་བོའི་ཚོགས་ཆེན་པོས་དེ་ལག་པ་ནས་ལག་པར་བརྒྱུད་པར་བྱེད་པ་བཞིན་ཏེ། སྔ་མ་བཞིན་ནོ། །བར་སྡོམ་ལ། མིག་མི་འཛུམ་དང་རྣམ་སྨིན་དང ། །གསུང་སྙན་འཇེབས་པ་མཁས་པ་བསྡུས། ཆོས་ཉིད་ཀྱིས། བྱང་ཆུབ་སེམས་དཔའ་བལྟམས་པའི་མོད་ནས་སྤྱན་མི་འཛུམ་པར་གཟུགས་རྣམ་པར་ལྟ་སྟེ། དེ་སྤྱན་མི་འཛུམ་པ་ནི། དཔེར་ན། སུམ་ཅུ་རྩ་གསུམ་གྱི་ལྷ་རྣམས་བཞིན་
Ga423b
ནོ། །ཆོས་ཉིད་ཀྱིས། བྱང་ཆུབ་སེམས་དཔའ་བལྟམས་པའི་མོད་ནས་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་ལྷའི་སྤྱན་དང་ལྡན་པས། དེས་ན། དེ་ཉིན་མཚན་དུ་དཔག་ཚད་གཅིག་ཁོ་ར་ཁོར་ཡུག་ཏུ་གཟིགས་སོ། །ཆོས་ཉིད་ཀྱིས། བྱང་ཆུབ་སེམས་དཔའ་བལྟམས་པའི་མོད་ནས་གསུང་སྙན་ཅིང་འཇེབས་པ་དང ། གསུང་སྙན་པ་དང ། གསུང་ཡིད་དུ་འོང་བ་ཡིན་ཏེ། དཔེར་ན། གངས་ཅན་གྱི་བྱ་སྐད་སྙན་ཅིང་འཇེབས་པ་དང ། སྐད་སྙན་པ་དང ། ཡིད་དུ་འོང་བ་དེ་བཞིན་དུ། བྱང་ཆུབ་སེམས་དཔའ་བལྟམས་པའི་མོད་ནས་གསུང་སྙན་ཅིང་འཇེབས་པ་དང ། གསུང་སྙན་པ་དང ། གསུང་ཡིད་དུ་འོང་བ་ཡིན་ནོ། །ཆོས་ཉིད་ཀྱིས། བྱང་ཆུབ་སེམས་དཔའ་བལྟམས་པའི་མོད་ནས་མཁས་པ། གསལ་བ། ཡིད་གཞུངས་པ། རྒྱུད་ལས་འབྱུང་བའི་ཤེས་རབ་དཔྱོད་པ་དང་ལྡན་པ་ཡིན་ཏེ། དེའི་ཚེ་རྒྱལ་པོ་ཟས་གཙང་གི་དགོས་པའི་ཆེད་ལ་འདུག་ནས་དོན་ཟབ་མོའི་ཚིག་དང ། ཡི་གེ་དག་ཤེས་རབ་ཀྱིས་སོ་སོར་འབྱེད་པར་བྱེད་དོ། །དེ་ནས་མིས་བྱིན་གྱིས་སྨྲས་པ། མཁན་པོ། བྱང་ཆུབ་སེམས་དཔའ་སེར་སྐྱའི་གཞིར་བྱོན་ནས་དེའི་མཚན་ཡང་གསུམ་བཏགས་ཀྱི། ད་ནི། བྱང་ཆུབ་སེམས་དཔའ་ལ་བལྟ་བའི་ཕྱིར་བཞུད་དོ། །དེ་བཞིན་དུ་བྱའོ། །ཞེས་དེ་གཉིས་ཆས་པ་དང ། བྱང་ཆུབ་སེམས་དཔའི་མཐུས་རྫུ་འཕྲུལ་ཉམས་ནས་རྐང་པ་ཁོ་ནས་གྲོང་ཁྱེར་སེར་སྐྱའི་གཞིར་ཞུགས་ནས་རྒྱལ་པོ་ཟས་གཙང་གི་ཁྱིམ་གྱི་སྒོར་སོང་བ་དང ། དྲང་སྲོང་ཉོན་མོངས་མེད་ཀྱིས་སྒོ་སྲུང་གི་མི་ལ་
Ga424a
༄#། །སྨྲས་པ། ཀྱེ་ནང་རྗེ། སོང་ལ་རྒྱལ་པོ་ཟས་གཙང་ལ་དྲང་སྲོང་ཉོན་མོངས་མེད་ལྷ་ཞལ་མཐོང་བར་འཚལ་ནས་སྒོ་ན་སྡོད་ཅིང་མཆིས་སོ། །ཞེས་གསོལ་ཅིག་།དེ་སོང་ནས་རྒྱལ་པོ་ལ་རིག་པར་བྱས་པ་དང ། རྒྱལ་པོས་སྨྲས་པ། ཤེས་ལྡན་ཉོན་མོངས་མེད་ལ་སུ་ཞིག་འགོག་།ནང་དུ་ཞུགས་ཤིག་།དེ་ཞུགས་པ་དང་རྒྱལ་པོ་ཟས་གཙང་གིས་བཀུར་སྟི་སྔོན་དུ་འགྲོ་བའི་མཆོད་ཡོན་སྦྲེང་བས་མཆོད་ནས་སྟན་བསྟབས་ཏེ་འདུག་པ་དང ། རྒྱལ་པོ་ཟས་གཙང་གིས་བཤེས་པའི་གཏམ་གྱིས་ཀུན་ཏུ་དགའ་བར་བྱས་ནས་སྨྲས་པ། དྲང་སྲོང་ཆེན་པོ་དགོས་པ་ཅི་ཞིག་ལ་འོངས། དེས་སྨྲས་པ། རྒྱལ་ཆེན་བདག་ཅག་འདིར་མཆིས་པ། ཁྱོད་ཀྱི་སྲས་ནི་མཐོང་བར་འཚལ། །འཇིག་རྟེན་གཙོ་བོ་རྣམ་འདྲེན་པ། །ཐུབ་པ་དེ་ནི་མཐོང་བར་འཚལ། །རྒྱལ་པོས་སྨྲས་པ། གལ་ཏེ་དེ་ལྟ་ན་གཞོན་ནུ་ཉལ་གྱི། མ་སད་ཀྱི་བར་དུ་རེ་ཞིག་སྐད་ཅིག་སྡོད་ཅིག་།དེས་སྨྲས་པ། ལྷ། མནལ་ལོག་པ་ཉིད་བལྟའོ། །དེ་བཞིན་གྱིས་ཤིག་།དེ་ཇི་ཙམ་ན། བྱང་ཆུབ་སེམས་དཔའ་མིག་མ་བཙུམས་ཤིང་མི་འཛུམ་པར་གཟུགས་རྣམས་ལ་བལྟ་བ་མཐོང་ནས་དེས་ཚིགས་སུ་བཅད་དེ་སྨྲས་པ། རིགས་དང་ལྡན་པའི་རྟ་རྣམས་ནི། །མཚན་མོའི་བཞི་ཆ་ཉལ་བ་ལྟར། །དགོས་པ་དོན་གཉེར་རྣམས་ཀྱི་གཉིད། །མིག་ལ་ཡུན་རིང་མི་གནས་སོ། །དེ་ནས་བྱང་ཆུབ་སེམས་དཔའ་བལྟམས་པའི་མོད་ཀྱི་མ་མས་པང་དུ་བླངས་ནས་དྲང་སྲོང་ལ་བྱིན་པ་དང ། དྲང་སྲོང་ཉོན་མོངས་མེད་ཀྱིས་ལག་པ་གཉིས་
Ga424b
ཀྱིས་བླངས་ནས་ཡུད་ཙམ་ཞིག་བརྟགས་ཏེ་སྨྲས་པ། ལྷ། གཞོན་ནུ་མཚན་མཁན་དང ། ལྟས་མཁན་གྱི་བྲམ་ཟེ་རྣམས་ལ་བསྟན་ལགས་སམ། རྒྱལ་པོས་སྨྲས་པ། བསྟན་ཏོ། །དེ་རྣམས་ཀྱིས་ཇི་སྐད་དུ་ལུང་བསྟན། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །དེ་ནས་དྲང་སྲོང་ཉོན་མོངས་མེད་ཀྱིས་བྱང་ཆུབ་སེམས་དཔའ་མཐོང་ནས་ཚིགས་སུ་བཅད་དེ་སྨྲས་པ། ས་བདག་རྟོག་པ་པོ་རྣམས་བློ་འཁྲུལ་ཏེ། །རྩོད་པའི་དུས་ན་འཁོར་ལོས་བསྒྱུར་མི་འབྱུང ། །བསོད་ནམས་མཆོག་གི་ཆོས་ཀྱི་མཛོད་འདི་ནི། །ཉེས་ལས་རྣམ་པར་རྒྱལ་ནས་སངས་རྒྱས་འགྱུར། །མཚན་མི་གསལ་དང་ལྡན་ན་མི་དབང་པོ། །གླིང་བཞི་རྣམས་ཀྱི་བདག་པོ་དབང་ཕྱུག་འགྱུར། །ཐུབ་དབང་མཚན་ནི་ཤིན་ཏུ་གསལ་བས་ན། །མི་མཆོག་སངས་རྒྱས་ཆོས་ཀྱི་འཁོར་ལོས་བསྒྱུར། །ཞེས་སྨྲས་ནས་བདག་ཉིད་ཀྱི་ཚེའི་མཐའ་དང ། བྱང་ཆུབ་སེམས་དཔའི་མངོན་པར་བྱང་ཆུབ་པ་ལ་བརྟག་པ་ལ་ཞུགས་པ་དང ། བྱང་ཆུབ་སེམས་དཔའ་ལོ་ཉི་ཤུ་རྩ་དགུ་བཞེས་ནས་ཁབ་ནས་བྱུང་ནས་ལོ་དྲུག་ཏུ་དཀའ་བ་སྤྱོད་པར་འགྱུར་ཏེ། དེ་ནས་བདུད་རྩི་རྟོགས་པར་འགྱུར་བར་མཐོང་ངོ ། །བདག་ནི། བར་སྐབས་དེར་ཤི་བའི་དུས་བྱེད་པར་འགྱུར་པར་མཐོང་ནས་དེ་མིག་མཆི་མས་གང་སྟེ་འདུག་པ་རྒྱལ་པོ་ཟས་གཙང་གིས་མཐོང་ནས་སྡངས་ནས་ཚིགས་སུ་བཅད་དེ་སྨྲས་པ། སྐྱེ་བ་བུད་མེད་རྣམས་ཀྱིས་གར་མཐོང་ན། ངོམས་པར་མི་འགྱུར་དགའ་བ་
Ga425a
༄#། །ཐོབ་འགྱུར་བ། །ལུས་བཟང་དགེ་བྱེད་དེ་ནི་འདིར་མཐོང་ནས། །དྲང་སྲོང་ཆེན་པོ་ཅི་སླད་ངུ་བཞིན་གྱུར། །ག་ལས་བདག་གི་གཞོན་ནུ་འཇིགས་པ་འམ། །ཚེ་ཟད་འགྱུར་བ་ཉེ་བར་མི་གནས་གྲང ། །དེ་ནི་མྱུར་དུ་ལེགས་པར་བདག་ལ་སྨྲོས། །ཁྱོད་ཀྱི་མཆི་མས་བདག་ནི་འདར་བར་གྱུར། །དྲང་སྲོང་ཉོན་མོངས་མེད་ཀྱིས་ཀྱང་ཚིགས་སུ་བཅད་དེ་སྨྲས་པ། གལ་ཏེ་འདི་ཡི་སྟེང་དུ་ནམ་མཁའ་ལས། །རྡོ་རྗེའི་སེར་དྲག་འཕངས་པ་བབ་གྱུར་ཀྱང ། །ཐུབ་པ་ཆེན་པོའི་སྐུ་ལས་བ་སྤུ་ནི། །ཉག་མ་གཅིག་ཀྱང་གཡོ་བར་མི་ནུས་སོ། །མེ་ཆེན་རླུང་གི་ཤུགས་ཀྱིས་བདས་པ་དང ། མཚོན་ཆ་རྣོན་པོ་ཤིན་ཏུ་མི་བཟད་དང ། །དྲག་པོའི་དུག་དང་སྦྲུལ་གྱི་དུག་རྣོན་ཡང ། །གཞོན་ནུ་ལ་བབ་སྐད་ཅིག་འཇིག་མི་འགྱུར། །ཐུགས་རྗེ་ཉིད་ལ་གནས་གྱུར་གང་ལགས་པ། །འཇིགས་པར་ཉེན་པ་རྣམས་ལ་མི་འཇིགས་སྩོལ། །དེ་ནི་འཇིག་རྟེན་ཀུན་གྱི་འཇིགས་འཇོམས་ན། །མི་དབང་འདི་ལ་འཇིགས་པ་ག་ལ་འབྱུང ། །འཇིག་རྟེན་ན་ནི་བདག་ཉིད་ཆེ་རྣམས་ཀྱི། །གཙོར་གྱུར་བདག་ཉིད་ཆེན་པོ་གང་ཞིག་ལ། །ཚངས་བཅས་ལྷ་ཡང་རྟག་ཏུ་སྲུང་བྱེད་པ། །མི་དབང་དེ་ལ་འཇིགས་པ་ག་ལ་འབྱུང ། །མི་དབང་བདག་གི་རྒྱུད་པ་མཐོང་ནས་ནི། །གང་ཕྱིར་ཞི་བ་མི་འཐོབ་བདག་སྡུག་མོད། །ཆོས་ཀྱི་མཆོག་མཛོད་འདི་དང་འཕྲད་ནས་ནི། ། དོན་མི་ཐོབ་པར་བདག་ནི་འཆི་བར་འགྱུར། །གང་དག་སྨྲ་བའི་དམ་པ་མཚུངས་མེད་པ། །འདི་ཡི་ཆོས་ཐོས་འགྱུར་ཞིང་ཐོས་ནས་ཀྱང ། །རབ་ཏུ་ཞི་བའི་ཕ་རོལ་འགྲོ་དེ་དག་།སྐྱེད་ཅིང་བསོད་ནམས་
Ga425b
ལྡན་ལ་རིམས་ནད་བྲལ། །དྲང་སྲོང་ཉོན་མོངས་མེད་རྒྱུད་ཉོན་མོངས་པ་ཅན་གྱིས་བསམ་པ། བྱང་ཆུབ་སེམས་དཔའི་མཐུས་བདག་གི་རྫུ་འཕྲུལ་ཉམས་ཏེ་བདག་རྐང་གིས་སོང་ནས། སྐྱེ་བོའི་ཚོགས་ཆེན་པོ་དང་རྒྱལ་པོ་འཕྱ་བར་འགྱུར་རོ། །སྙམ་དུ་རིག་ནས་སྨྲས་པ། ལྷ། ཁྱོད་ཡུན་རིང་པོ་ནས་ཀྱེ་མའོ། །དྲང་སྲོང་ཉོན་མོངས་མེད་རྐང་ཁོ་ནས་སེར་སྐྱའི་གཞིར་ཞུགས་པར་གྱུར་ཀྱང་ཅི་མ་རུང་སྙམ་དུ་དགོངས་པ་སྐྱེས་པ། བདག་གི་རྐང་གིས་སེར་སྐྱའི་གཞིར་ཞུགས་ཏེ་ད་ནི། རྐང་ཁོ་ནས་ཕྱིར་འབྱུང་གི་།ཁྱོད་ཀྱིས་ལམ་བསྟར་བ་དང ། གྲོང་ཁྱེར་བྱི་དོར་བྱེད་དུ་སྩོལ་ཅིག་།རྒྱལ་པོ་ཟས་གཙང་གིས་བློན་པོ་རྣམས་ལ་བསྒོ་བ། ཤེས་ལྡན་དག ། དེངས་ལ་གྲོང་ཁྱེར་གྱི་བྱི་དོར་དང་ལམ་སྟོར་དུ་ཆུག་ལ། ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དྲང་སྲོང་ཉོན་མོངས་མེད་རྐང་གིས་གྲོང་ཁྱེར་སེར་སྐྱའི་གཞི་ནས་ཕྱིར་འབྱུང་གི་ཁྱེད་ཅག་གིས་བྱ་བ་དང་བྱེད་པ་གང་ཡིན་པ་དེ་དག་བྱོས་ཤིག་།ཅེས་དྲིལ་སྒྲོགས་ཤིག་།ལྷ། བཀའ་བཞིན་འཚལ་ཞེས་བློན་པོ་རྣམས་ཀྱིས་རྒྱལ་པོ་ལས་མཉན་ནས་གྲོང་ཁྱེར་སེར་སྐྱའི་གཞི་རྡོ་བ་དང ། གསེག་མ་དང ། གྱོ་མོ་རྣམས་བསལ་ནས་ཙནྡན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པོའི་པོག་ཕོར་ཉེ་བར་བཞག་།དར་གྱི་ཆུན་འཕྱང་མང་པོ་བཅངས། རྒྱལ་མཚན་དང ། བ་དན་བསྒྲེང་ནས་ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་དྲིལ་སྒྲོག་ཏུ་བཅུག་པ། སེར་སྐྱའི་གཞིའི་ཤཱཀྱ་ཤེས་ལྡན་དག་ཉོན་ཅིག་།དྲང་སྲོང་ཉོན་མོངས་མེད་གྲོང་ཁྱེར་སེར་སྐྱའི་གཞི་ནས་
Ga426a
༄#། །ཕྱིར་འབྱུང་གི། ཁྱེད་ཅག་གིས་བྱ་བ་དང་བྱེད་པ་གང་ཡིན་པ་དེ་བྱོས་ཤིག། དེ་ནས་དེ་ཉོན་མོངས་པའི་བློ་དང་ངན་གཡོའི་སྤྱོད་པས་རྒྱལ་པོ་ཟས་གཙང་བློན་པོའི་ཚོགས་ཀྱིས་ཡོངས་སུ་བསྐོར་བ་དང ། སེར་སྐྱ་ན་གནས་པའི་བྲམ་ཟེ་དང་ཁྱིམ་བདག་དུ་མ་རྗེས་བཞིན་དུ་འབྲང་ཞིང་འབྱོར་པ་མཆོག་གིས་གྲོང་ཁྱེར་གྱི་དབུས་ནས་དབུས་སུ་བྱུང་སྟེ་གྲོང་ཁྱེར་སེར་སྐྱའི་སྒོར་བྱུང་ནས་རྒྱལ་པོ་སླར་བཟློག་སྟེ་ཇི་ལྟར་དགའ་བའི་སྤྱོད་ལམ་གྱིས་སོང་སྟེ། རིམ་གྱིས་རི་བོ་ཀུན་འཛིན་གྱི་དྲུང་དུ་ཕྱིན་པ་དང ། དེ་དེ་ལ་འཛེག་ནས་ཕན་ཚུན་ཉུལ་ཞིང་ཇི་ལྟར་འདོད་པའི་གནས་ཤིག་བཙལ་ནས་ཕྱོགས་ཤིག་ཏུ་འདུག་གོ། དེ་ནས་དེ་ལམ་གྱིས་དུབ་པ་ངལ་སོས་ཏེ་བསམ་གཏན་བསྐྱེད་ནས་རྫུ་འཕྲུལ་ཡང་བསྐྱེད་དོ། །ཇི་ཙམ་དུས་གཞན་ཞིག་ན་དྲང་སྲོང་ཉོན་མོངས་མེད་ནད་ཀྱིས་ཐེབས་ནས། དེ་རྩ་བ་དང ། སྡོང་བུ་དང ། ལོ་མ་དང ། མེ་ཏོག་དང ། འབྲས་བུའི་སྨན་གྱིས་བསྙེན་བཀུར་བྱས་ན། འོན་ཀྱང་ཕྱིར་ཐུ་བར་གྱུར་ཏོ། །དེ་ནས་མིས་བྱིན་གྱིས་དེའི་ལུས་ཀྱི་གནས་རྣམས་བརྟགས་ནས་སྨྲས་པ། མཁན་པོ།་བདག་ཅག་ཅུང་ཟད་རབ་ཏུ་བྱུང་བ་དེ་ཐམས་ཅད་ནི། བདུད་རྩིའི་ཆེད་དང ། བདུད་རྩི་བཙལ་བའི་ཕྱིར་ལགས་ན། གལ་ཏེ་མཁན་པོས་བདུད་རྩི་རྟོགས་པར་གྱུར་ན། བདུད་རྩི་དེ་ལས་བདག་ཅག་ལ་ཡང་བགོས་ཤིག་།དེས་སྨྲས་པ། བྲམ་ཟེའི་ཁྱེའུ། ཁོ་བོ་ཡང་ཅུང་ཟད་རབ་ཏུ་བྱུང་བ་དེ་ཐམས་ཅད་བདུད་རྩིའི་ཆེད་དང ། བདུད་རྩི་བཙལ་བའི་ཕྱིར་ཡིན་ན། ཁོ་བོས་ཀྱང་བདུད་རྩི་མ་
Ga426b
རྟོགས་སོ། །དེ་ལྟ་མོད་ཀྱི། ཤཱཀྱ་རྣམས་ཀྱི་ནང་དུ་བྱུང་བའི་གཞོན་ནུ་གང་ཡིན་པ་དེས། བདུད་རྩི་འདི་རྟོགས་པར་འགྱུར་ཞིང ། བདུད་རྩིས་ཀྱང་འགྲོ་བ་ཚིམ་པར་བྱེད་པར་འགྱུར་གྱི། དེའི་དྲུང་དུ་རབ་ཏུ་ཕྱུང་ཞིག་།ཁྱོད་རབ་ཏུ་བྱུང་ནས་ཀྱང་རིགས་བརྗོད་པར་མི་བྱ། རུས་བརྗོད་པར་མི་བྱ། བྲམ་ཟེའི་ཁྱེའུར་བརྗོད་པར་མི་བྱ་སྟེ། རབ་ཏུ་བྱུང་ནས་ཀྱང་ཚངས་པར་སྤྱོད་པ་འབའ་ཞིག་སྤྱད་པར་བྱ་ཞིང ། བདུད་རྩི་རྟོགས་པར་བྱ་བའི་ཕྱིར་བརྩོན་པར་བྱའོ། །དེ་ནས་ཁྱོད་ཀྱིས་བདུད་རྩི་རྟོགས་པར་འགྱུར་རོ། །ཞེས་སྨྲས་ནས་ཚིགས་སུ་བཅད་དེ་སྨྲས་པ། དེ་བཞིན་གཤེགས་པ་ཚོལ་འདོད་ན། །ཤར་གྱི་ཕྱོགས་སུ་ཁྱོད་འདུག་དང ། །ཡང་དག་སངས་རྒྱས་གྲགས་ལྡན་པ། །རྙེད་པར་དཀའ་བ་མཐོང་བར་འགྱུར། །ཞེས་བྱ་བ་སྨྲས་ནས། བསགས་པ་ཀུན་གྱི་མཐའ་འཛད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །འཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་སྨྲས་ཏེ། དུས་ཀྱི་ཆོས་དང་ལྡན་པར་གྱུར་ཏོ། །དེ་ནས་མིས་བྱིན་གྱིས་དེའི་ལུས་ལ་ལུས་ཀྱི་མཆོད་པ་བྱས་ནས་ཝཱ་ར་ཎཱ་སིར་སོང་སྟེ་གནས་སོ། ། དེ་དེ་ན་བྲམ་ཟེའི་ཁྱེའུ་ལྔ་བརྒྱ་ལ་བྲམ་ཟེའི་གསང་ཚིག་ཀློག་ཏུ་འཇུག་གོ། མིས་བྱིན་གྱི་རུས་ཀ་ཏྱ་ན་ཡིན་པས། དེའི་མིང་ཀ་ཏྱའི་བུ། ཀ་ཏྱའི་བུ་ཞེས་བྱ་བར་གྱུར་ཏོ། །དེ་སངས་རྒྱས་བཅོམ་ལྡན་འདས་མངོན་པར་བྱང་ཆུབ་པ་ན་སྤྱན་སྔར་འགྲོ་བར་གྱུར་ཏེ། བཅོམ་ལྡན་འདས་ཀྱིས་ཀ་ཏྱའི་བུ་དེ་ལ་གདམས་ངག་ཕོག་ནས་འཁོར་བའི་དགོན་པ་ལས་བསྒྲལ་ཏེ། ཤིན་ཏུ་མཐར་ཕྱིན་པའི་གྲུབ་པ་དང་བདེ་བ་མྱ་ངན་ལས་
Ga427a
༄#། །འདས་པ་ལ་འཇོག་པར་འགྱུར་ཏེ། དེའི་མིང་ནི། ཀ་ཏྱའི་བུ་ཆེན་པོ། ཀ་ཏྱའི་བུ་ཆེན་པོ། ཞེས་བྱ་བར་འགྱུར་རོ། །དེ་ནས་དུས་གཞན་ཞིག་ན་བྱང་ཆུབ་སེམས་དཔའ་འཁྲུངས་ནས་རིང་པོ་མ་ལོན་པར་མ་མའི་བང་དུ་བཞུགས་ནས་གསེར་གྱི་གཞོང་པར་འབྲས་དང་ཤར་བསྲེས་པའི་ཆན་གསོལ་བ་ན། དེ་མ་མས་བཀག་ཀྱང་མ་ཐུབ་པར་མང་པོར་གསོལ་ནས་དབྲོག་པར་བརྩམས་པ་དང ། དབྲོག་མ་ནུས་ནས་དེས་རྒྱལ་པོ་ཟས་གཙང་ལ་སྦྲན་པ་དང ། རྒྱལ་པོས་བཙུན་མོ་དང་ལྷན་ཅིག་གིས་དབྲོག་པར་བརྩམས་པ་དང ། དེས་ཀྱང་མ་ནུས་སོ། །དེ་ནས་རྒྱལ་པོས་བློན་པོ་རྣམས་དང་སེར་སྐྱ་ན་གནས་པའི་སྐྱེ་བོའི་ཚོགས་རྣམས་ལ་བསྒོ་ན། དེ་རྣམས་ཀྱིས་ཀྱང་དབྲོག་པར་མ་ནུས་སོ། །དེ་ནས་གླང་པོ་ཆེ་ལྔ་བརྒྱ་ལ་བཏགས་པ་དང ། བྱང་ཆུབ་སེམས་དཔས་བསམ་པ། འདི་རྣམས་ཀྱིས་བདག་གི་སྟོབས་ཉམས་ན། མི་རུང་གི། མ་ལ་བདག་གིས་མཛུབ་མོ་བཀུག་པས་གསེར་གྱི་གཞོང་པ་ནས་གཟུང་ངོ ། །སྙམ་ནས་དེས་མཛུབ་མོ་བཀུག་པས་གསེར་གྱི་གཞོང་པ་བཟུང་ནས་དྲངས་པ་དང ། གླང་པོ་ཆེ་ལྔ་བརྒྱ་པོ་དེ་དག་ཁ་ཕྱིར་བསྒྱུར་ཏེ་དྲངས་ནས་དེ་དག་གིས་ཀྱང་གསེར་གྱི་གཞོང་པ་དབྲོག་པར་མ་ནུས་སོ། །རྒྱལ་པོ་ཟས་གཙང་གིས་བསམ་པ། ཇི་ལྟར་བྱང་ཆུབ་སེམས་དཔའི་ལག་པ་གཡོན་པས་གླང་པོ་ཆེ་ལྔ་བརྒྱ་དྲངས་པ་དང་སྦྱར་ན། གདོན་མི་ཟ་བར་ལག་པ་གཉིས་ཀྱིས་ནི། གླང་པོ་ཆེ་སྟོང་ཐུབ་ཀྱི། དེ་བས་ན། གཞོན་ནུའི་མིང་གླང་པོ་ཆེ་སྟོང་གི་སྟོབས་ཅན་ཞེས་གདགས་སོ། །ཞེས་བཏགས་སོ། །
Ga427b
བར་སྡོམ་ལ། ཁྱེའུ་དང་རྩ་མོ་དག་དང་ནི། །རིག་པ་ཁང་བཟང་དག་དང་ནི། །ངང་པ་མཚོན་ཆ་དགེ་བའི་སྙིང ། །དམག་དང་བཙུན་མོ་རྣམས་ཡིན་ནོ། །ཆོས་ཉིད་ཀྱིས་བྱང་ཆུབ་སེམས་དཔས་ཤཱཀྱ་ཐུབ་པ་འཁོར་ལྔ་བརྒྱ་དང་ཡི་གེའི་སློབ་དཔོན་སྲིན་བུ་གོ་ཆ་ལ་ཡི་གེ་སློབ་པར་གཏད་ནས། ཡི་གེའི་སློབ་དཔོན་སྲིན་བུ་གོ་ཆས། བྱང་ཆུབ་སེམས་དཔའ་ལ་ཡི་གེར་བྲིས་ནས་ཕོག་པ་དང ། བྱང་ཆུབ་སེམས་དཔས་སྨྲས་པ། འདི་ནི། ངས་ཤེས་སོ། །དེ་ནས་དེས་ཡི་གེ་གཉིས་དང་གསུམ་ནས་དེ་བཞིན་དུ་ལྔ་བརྒྱའི་བར་བྲིས་ནས་ཕོག་པ་དང ། བྱང་ཆུབ་སེམས་དཔས་སྨྲས་པ། འདི་དག་ཀྱང་ངས་ཤེས་ཀྱི་གཞན་དག་སྨྲོས་ཤིག། སྲིན་བུ་གོ་ཆས་སྨྲས་པ། འཇིག་རྟེན་ན་ནི། ཡི་གེ་འདི་ཙམ་སྤྱོད་ཀྱི། གཞན་ནི། བདག་གིས་མ་འཚལ་ཏོ། །དེ་ནས་བྱང་ཆུབ་སེམས་དཔའ་ཉིད་ཀྱིས་ཡི་གེ་བྲིས་ཏེ་སྲིན་བུ་གོ་ཆ་ལ་བྱིན་ནས་གསུངས་པ། ཡི་གེ་འདིའི་མིང་ཅི་ཡིན་སྨྲོས་ཤིག། དེས་སྨྲས་པ། མ་འཚལ་ཏོ། །བྱང་ཆུབ་སེམས་དཔས་གསུངས་པ། འཇིག་རྟེན་དུ་གཉིས་ཤིག་བྱུང་ན། ཡི་གེ་འདི་མངོན་པར་འགྱུར་ཏེ། བྱང་ཆུབ་སེམས་དཔའམ། འཁོར་ལོས་བསྒྱུར་བའོ། །ནམ་མཁའི་ངོས་ལ་གནས་པའི་ཚངས་པས་སྨྲས་པ། སྲིན་བུ་གོ་ཆ། བྱང་ཆུབ་སེམས་དཔའ་ཇི་སྐད་གསུངས་པ་དེ་དེ་བཞིན་ཏེ། ཡི་གེ་འདི་ཤེས་པ་ནི། འཇིག་རྟེན་དུ་གཉིས་ཤིག་བྱུང་ན་མངོན་པར་འགྱུར་ཏེ། བྱང་ཆུབ་སེམས་དཔའམ། འཁོར་ལོས་བསྒྱུར་བའི་རྒྱལ་པོའོ། །བྱང་ཆུབ་སེམས་དཔས་ཡི་གེ་དེ་ཚངས་པའི་དབྱངས་ཀྱིས་བཀླགས་པ་ལ། ནམ་མཁའི་ངོས་ལ་གནས་པའི་ཚངས་པས་
Ga428a
༄#། །དབང་བྱས་པས། ཚངས་པའི་ཡི་གེ། ཚངས་པའི་ཡི་གེ་ཞེས་བྱ་བར་གྱུར་ཏོ། །གང་གི་ཚེ་བྱང་ཆུབ་སེམས་དཔའ་ཡི་གེའི་མཐར་ཕྱིན་པ་དེའི་ཚེ་བྱང་ཆུབ་སེམས་དཔའི་ཞང་པོ་བཟང་ལེན་ཞེས་བྱ་བ་དེས། གླང་པོ་ཆེའི་གཉའ་བར་ཞོན་པ་བསླབ་ནས་འཕོང་གི་སློབ་དཔོན་ལྷར་བཅས་ཞེས་བྱ་བ་དེས་འཁོར་ལྔ་བརྒྱ་དང་གཅོད་པ་སློབ་པ་ལ་ཞུགས་པ་ན། བཟང་ལེན་གྱིས་ལྷར་བཅས་ལ་སྨྲས་པ། བྱང་ཆུབ་སེམས་དཔའ་དང ། དེ་བཞིན་དུ་གཞོན་ནུ་གཞན་དག་ནི། སྙིང་རྗེ་ཅན་ཡིན་པས་བསླབ་པར་བྱ་བ་ཐམས་ཅད་སློབས་ཤིག། ལྷ་སྦྱིན་འདི་ནི། གདུག་པའི་ལས་བྱེད་པ་ཡིན་གྱིས། འཇིག་རྟེན་ཐམས་ཅད་ལ་གནོད་པར་གྱུར་ན་མི་རུང་གི། འདི་ལ་གནང་དུ་བསྣུན་པ་མ་སྟོན་ཅིག། གང་གི་ཚེ་བྱང་ཆུབ་སེམས་དཔའ་བསླབ་པ་ཐམས་ཅད་ལ་ལེགས་པར་བསླབ་པས་གནས་ལྔ་པོ་འདི་ལྟ་སྟེ། རྒྱང་ནས་ཕོག་པ་དང ། སྒྲ་གྲགས་པར་ཕོག་པ་དང ། གནད་དུ་ཕོག་པ་དང ། མི་འཚོར་བར་ཕོག་པ་དང ། ཚབས་ཆེ་བ་དག་ལ་ཡང་བྱང་བར་གྱུར་པ་དེའི་ཕྱོགས་ཀུན་ཏུ་སྒྲ་གྲགས་པ། ཤཱཀྱ་རྣམས་ཀྱི་ནང་དུ་བྱུང་བའི་གཞོན་ནུ་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ། །ཞེས་བྱ་བའི་བར་གོང་མ་བཞིན་དུའོ། །དེའི་ཚེ་ཡངས་པ་ཅན་གྱི་ལི་ཙ་བྱི་རྣམས་ཀྱིས་གླང་པོ་ཆེ་མཚན་དང་ལྡན་པ་ཞིག་རྙེད་ནས་དེ་རྣམས་ཀྱིས་བསམ་པ། རྒྱལ་པོ་ཟས་གཙང་གི་སྲས་མཚན་མཁན་རྣམས་ཀྱིས་འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་ལུང་བསྟན་པ་དེའི་
Ga428b
མཐུས་གླང་པོ་རིན་པོ་ཆེ་འདི་བྱུང་གི། དོང་ལ་དེ་ཁོ་ན་ལ་དབུལ་ལོ། །སྙམ་ནས་དེ་རྣམས་ཀྱིས་གླང་པོ་རིན་པོ་ཆེ་དེ་རྒྱན་ཐམས་ཅད་ཀྱིས་བརྒྱན་ནས་ཁྲིད་དེ་དོང་བ་ལས། རིམ་གྱིས་སེར་སྐྱའི་གཞིར་ཕྱིན་ནས་རྒྱལ་པོའི་ཕོ་བྲང་གི་སྒོར་གླང་པོ་ཆེ་དམ་པ་བཞག་ནས་སྡོད་པ་དང ། མ་སྟེས་ཏེ་གདུག་པའི་ལས་ཅན་ལྷས་སྦྱིན་ཕྱིར་བྱུང་བ་དེས་གླང་པོ་ཆེ་དམ་པ་དེ་དེ་ལྟར་རྒྱན་གྱིས་བརྒྱན་པ་མཐོང་ནས། དེ་དེས་ཕྲག་དོག་ཆེན་པོ་སྐྱེས་ཏེ། དེ་ཕྲག་དོག་དང་མི་བཟོད་པ་སྐྱེས་པས་དྲིས་པ། གླང་པོ་ཆེ་དམ་པ་འདི་སུའི་ཡིན། དེ་རྣམས་ཀྱིས་སྨྲས་པ། གཞོན་ནུ་ཤཱཀྱ་ཐུབ་པ་མཚན་མཁན་རྣམས་ཀྱིས་འཁོར་ལོས་བསྒྱུར་བའི་རྒྱལ་པོར་ལུང་བསྟན་པ་དེ་ལ་ཡངས་པ་ཅན་གྱི་ཚོགས་རྣམས་ཀྱིས་གླང་པོ་རིན་པོ་ཆེ་འདི་སྐྱེས་སུ་ཕུལ་ལོ། །ལྷས་སྦྱིན་ལྷག་པར་མི་བཟོད་པ་སྐྱེས་ནས་སྨྲས་པ། རེ་ཞིག་འཁོར་ལོས་བསྒྱུར་བར་མ་གྱུར་པར་ཇེ་ཁྱེད་ཅག་དེ་ལ་གླང་པོ་རིན་པོ་ཆེ་འབུལ་ལམ་ཞེས་སྨྲས་ནས་ཐལ་ལྕག་གིས་གླང་པོ་ཆེ་བསད་དོ། །ཇི་ཙམ་ན་ཕྱོགས་དེར་དགའ་བོ་འོངས་པ་དེས་དེ་མཐོང་ནས་དྲིས་པ། ཤེས་ལྡན་དག། གླང་པོ་ཆེ་བཟང་པོ་འདི་སུས་བསད། དེ་རྣམས་ཀྱིས་སྨྲས་པ། ལྷས་སྦྱིན་གྱིས་སོ། །དེས་བསམ་པ། གདོན་མི་ཟ་བར་འདི་ལ་ལྷས་སྦྱིན་གྱིས་མཐུ་སད་ཀྱི། མ་ལ་བདག་གིས་ཀྱང་འདི་ལ་མཐུ་སད་པར་བྱའོ། །སྙམ་ནས་མཇུག་མ་ནས་བཟུང་སྟེ་དྲི་མི་ཞིམ་པར་མི་འགྱུར་བར་བྱ་བར་མཐའ་གཅིག་ཏུ་བོར་རོ། །ཇི་ཙམ་ན་བྱང་ཆུབ་སེམས་དཔའ་ཤཱཀྱ་ཐུབ་པ་ཕྱིར་བྱུང་བ་དེས་དེ་གཟིགས་ནས་དྲིས་པ། གླང་པོ་ཆེ་འདི་གང་ནས་འོངས། དེ་
Ga429a
༄#། །རྣམས་ཀྱིས་ཇི་ལྟར་གྱུར་པ་སྨྲས་སོ། །སུས་བསད། ལྷས་སྦྱིན་གྱིས་སོ། །མགྲོན་རྣམས་ལ་མགྲོན་གྱི་མཆོད་པ་བྱ་བ་ཡིན་ན། མ་ལེགས་པ་ཞིག་བྱས་སོ། །ཕྱོགས་གང་དུ་བསད། འོ་ནིར་རོ། །འདི་སུས་འདིར་ཁྱེར་ཏེ་འོངས། དགའ་བོས་སོ། །དེས་དགོངས་པ། གདོན་མི་ཟ་བར་དེ་གཉིས་ཀྱིས་འདི་ལ་མཐུ་སད་ཀྱི། མ་ལ་ངས་ཀྱང་འདི་ལ་མཐུ་སད་པར་བྱའོ། །སྙམ་དུ་དགོངས་ནས་མཇུག་མ་ནས་བཟུང་སྟེ་ར་བའི་ཁར་འཕངས་པ་ལས། ར་བ་རིམ་པ་བདུན་དང ། འོབས་བདུན་ལས་བཟླས་ཏེ་བོར་རོ། །དེ་ལྟུང་བས་གཤོང་བཏོད་པ་གླང་པོ་ཆེའི་གཤོང ། གླང་པོ་ཆེའི་གཤོང་ཞེས་བྱ་བར་གྱུར་ཏོ། །དེར་བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་མཆོད་རྟེན་བརྩིགས་པས། དེང་སང་དུ་ཡང་དགེ་སློང་མཆོད་རྟེན་ལ་ཕྱག་བྱེད་པ་དག་ཕྱག་བྱེད་དོ། །འདིར་སྨྲས་པ། ལྷས་བྱིན་གྱིས་ནི་གླང་ཆེན་དབང་པོ་བསད། །དགའ་བོས་དེ་ནི་གོམ་པ་བདུན་དུ་ཁྱེར། །བྱང་ཆུབ་སེམས་དཔའི་ཕྱག་གིས་བར་སྣང་ལ། །རྡོ་བ་བཞིན་དུ་ཕྱི་རོལ་རྒྱང་རིང་འཕངས། །གཞོན་ནུ་རྣམས་ཀྱིས་སྨྲས་པ། གཅོད་པ་བྱེད་དུ་འདོང་ངོ ། །ཞེས་དེ་རྣམས་ཀྱིས་ཕྱིར་བྱུང་བ། བྱང་ཆུབ་སེམས་དཔའ་ཤཱཀྱ་ཐུབ་པས་ཀྱང་གསན་ནས་འཁོར་ལྔ་བརྒྱ་དང་གཅོད་པ་བྱེད་དུ་ཕྱིར་བྱུང་ངོ ། །གཞོན་ནུ་རྣམས་འབྲས་རྔ་བཞིན་དུ་གཅོད་པར་བྱེད་དེ། དེ་རྣམས་ཀྱིས་ཤིང་བཅད་ཅིང ། བཅད་པ་རྣམས་ཀྱིས་འགྱེལ་ཏོ། །བྱང་ཆུབ་སེམས་དཔའ་ནི། བྲེའི་ཁ་གཅོད་པ་བཞིན་དུ་གཅོད་པར་མཛད་དོ། །དེས་
Ga429b
ཤིང་བཅད་ཅིང ། བཅད་པ་རྣམས་མ་འགྱེལ་ཏེ། དེ་བཞིན་དུ་འདུག་པ་དང ། གཞོན་ནུ་རྣམས་ཀྱིས་སྨྲས་པ། ཤེས་ལྡན་དག། བྱང་ཆུབ་སེམས་དཔའ་ཤཱཀྱ་ཐུབ་པ་སྟོབས་དང་ལྡན་ཞིང་གནས་ལྔ་ལ་བྱང་ཆེ་ཞེས་ཐོས་ན། འདི་གཅོད་པར་བྱེད་པ་ཡང་མི་ཤེས་པ་ལས་ན། འདི་བདག་ཅག་པས་སྟོབས་དང་ལྡན་པ་ནི། མ་ཡིན་ཏེ། འདི་ལྟར། བདག་ཅག་གིས་ཤིང་གང་དག་བཅད་པ་དེ་ཐམས་ཅད་ནི། འགྱེལ་ལ། འདིས་གང་དག་བཅད་པ་དེ་དག་ནི། དེ་བཞིན་དུ་འདུག་གོ། དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པ་ལ་མངོན་པར་དད་པའི་ལྷ་གང་ཡིན་པ་དེ་འདི་སྙམ་དུ་སེམས་ཏེ། ཤཱཀྱ་འདི་དག་ནི། བྱང་ཆུབ་སེམས་དཔའི་མཐུ་དང ། བཟོ་ལ་བྱང་བ་མ་ཤེས་པས། བྱང་ཆུབ་སེམས་དཔའ་ལ་བརྙས་ཤིང་མཐུ་ལ་ཡང་སྨོད་པར་འགྱུར་གྱི། དེ་ལ་ཐབས་ཤིག་བཤམ་པར་བྱའོ། །སྙམ་ནས། དེས་དེ་དང་མཐུན་པའི་རླུང་ཞིག་བཏང་བས། དེས་ཤིང་དེ་དག་ཐམས་ཅད་ཆེམས་ཆེམས་ཟེར་ནས་འགྱེལ་ཏེ། ཤཱཀྱ་རྣམས་ཀྱིས་མཐོང་ནས་མཆོག་ཏུ་ངོ་མཚར་སྐྱེས་སོ། །དེ་རྣམས་ཚ་བས་བྱེད་པ་ལ་ཞུགས་ཏེ། དེ་རྣམས་ཀྱིས་དེ་ན་འབེན་དུ་ལྕགས་ཀྱི་ཏ་ལ་བདུན་དང ། རྔ་དང ། ཕག་བཙུགས་སོ། །ལྷས་བྱིན་གྱིས་རྐང་ཐབས་བྱས་ཏེ་ལྕགས་མདའ་འཕངས་པ་དང ། ལྕགས་ཀྱི་ཤིང་ཏ་ལ་གཅིག་ཕིགས་སོ། །དགའ་བོས་ནི། གཉིས་པའོ། །བྱང་ཆུབ་སེམས་དཔས་ལྕགས་མདའ་འཕངས་པ་དང ། ཤིང་ཏ་ལ་བདུན་དང ། རྔ་དང ། ཕག་ལས་ཐལ་ནས་ལྕགས་ཀྱི་མདའ་དེ་ས་ལ་ཟུག་པ་ཀླུས་
Ga430a
༄#། །ཕྱུང་བ་དང ། ཆུ་རོ་ཕུན་སུམ་ཚོགས་པ་ཞིག་བྱུང་ནས་དེ་ལ་སྐྱེ་བོའི་ཚོགས་ཆེན་པོས་འཐུང་བར་བརྩམས་སོ། །བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་དེར་མཆོད་རྟེན་བརྩིགས་ཏེ། དེང་སང་དུ་ཡང་དགེ་སློང་མཆོད་རྟེན་ལ་ཕྱག་འཚལ་བ་དག་ཕྱག་བྱེད་དོ། །གཞོན་ནུ་རྣམས་ཤིང་རྟར་ཞུགས་ནས་སེར་སྐྱའི་གཞིར་ཞུགས་པ་དང ། མཚན་མཁན་གྲོང་ཁྱེར་ནས་ཕྱིར་བྱུང་བ་དེ་རྣམས་ཀྱིས་གཞོན་ནུ་ཤཱཀྱ་ཐུབ་པ་ཤིང་རྟར་ཞུགས་ནས་ནང་དུ་ཞུགས་པ་ལ་ལུང་བསྟན་པ། གལ་ཏེ་འདི་ལོ་བཅུ་གཉིས་སུ་རབ་ཏུ་མ་བྱུང་བར་གྱུར་ན། གདོན་མི་ཟ་བར་འཁོར་ལོས་བསྒྱུར་བའི་རྒྱལ་པོར་འགྱུར་རོ། །རྒྱལ་པོ་ཟས་གཙང་གིས་གཞོན་ནུ་མཚན་མཁན་རྣམས་ཀྱིས་ལུང་བསྟན་ཏོ། །ཞེས་ཐོས་སོ། །ཐོས་ནས་ཀྱང་དགའ་བ་དང་མགུ་བ་སྐྱེས་ཏེ་ཤཱཀྱ་རྣམས་བསགས་ནས་སྨྲས་པ། ཤེས་ལྡན་དག་།མཚན་མཁན་རྣམས་ཀྱིས་གལ་ཏེ་གཞོན་ནུ་ལོ་བཅུ་གཉིས་སུ་རབ་ཏུ་མ་བྱུང་བར་གྱུར་ན། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་ལུང་བསྟན་པ་ཁོ་བོས་ཐོས་སོ། །གཞོན་ནུ་འདི་གལ་ཏེ་ལོ་བཅུ་གཉིས་སུ་རབ་ཏུ་མ་བྱུང་སྟེ། འཁོར་ལོས་བསྒྱུར་བའི་རྒྱལ་པོར་གྱུར་ན། བདག་ཅག་ནམ་མཁའི་ངོས་ལ་རྒྱུ་ཞིང་གླིང་བཞིར་མཆི་ཞིང་འདོང་གི། འདིའི་ཁྱིམ་ཕུབས་ཤིག། བློན་པོ་རྣམས་ཀྱིས་སྨྲས་པ། ལྷ། གཞོན་ནུ་འདོད་པ་རྣམས་དོན་དུ་མི་གཉེར་རོ། །རྒྱལ་པོ་ཟས་གཙང་གིས་སྨྲས་པ། གཞོན་ནུ་ལ་
Ga430b
བུད་མེད་ཐམས་ཅད་བསྟན་ནས་འདི་གང་ལ་དགའ་བར་གྱུར་པ་དེ་ཆུང་མར་བླང་བར་བྱའོ། །དེ་ནས་ཁ་ཅིག་གིས་སྨྲས་པ། ལྷ། གཞོན་ནུ་ནི། སྦྱིན་པ་ལ་དགའ་བས་རྒྱན་རྣམས་བུད་མེད་ལ་སྩོལ་དུ་སྩལ་ལ་དེ་གང་ལ་དགའ་སྐྱེས་བར་འགྱུར་བ་དེ་ཆུང་མར་བླང་བར་བགྱིའོ། །རྒྱལ་པོ་ཟས་གཙང་གིས་སྨྲས་པ། དེ་བཞིན་དུ་གྱིས་ཤིག། བློན་པོ་རྣམས་ཀྱིས་རྒྱན་རྣམ་པ་སྣ་ཚོགས་རིན་པོ་ཆེས་སྤྲས་པའི་ཕུང་པོ་སྤུངས་སོ། །དེ་ནས་རྒྱལ་པོ་ཟས་གཙང་གིས་ཁྱིམ་དང ། གྲོང་ཁྱེར་ཕྱག་དར་དང་བྱི་དོར་བྱེད་དུ་བཅུག་ནས་རྒྱུ་སྐར་དང ། ཚེས་གྲངས་དང ། ཡུད་ཙམ་དག་བསྟུན་ཏེ་གདན་སེང་གེའི་ཁྲི་བཤམས་པ་ལ་གཞོན་ནུ་ཤཱཀྱ་ཐུབ་པ་བཞག་ནས་སེང་གེའི་ཁྲི་དང་ཉེ་བར་རྒྱན་སྣ་ཚོགས་ཀྱི་ཕུང་པོ་སྤུངས་ཏེ། བློན་པོ་རྣམས་དང ། གཞན་ཡང ། སེར་སྐྱའི་གཞིའི་སྐྱེ་བོའི་ཚོགས་གཙོ་བོར་བཀུར་བ་རྣམས་ནང་དུ་ཞུགས་སོ། །དེ་ནས་བུད་མེད་ཐམས་ཅད་རང་གི་ཁྱིམ་གྱི་འབྱོར་པ་དང་མཐུན་པའི་ཆ་བྱད་དང ། རྒྱན་དང ། གོས་གྱོན་ནས་ཞུགས་པ་དང ། བྱང་ཆུབ་སེམས་དཔའ་སྦྱིན་པ་ལ་དགའ་བས་རྒྱན་དེ་དག་དེ་རྣམས་ལ་བྱིན་ནོ། །ཤཱཀྱ་ལག་ན་དབྱུག་པ་ཅན་གྱི་བུ་མོ་གྲགས་འཛིན་མ་ཞེས་བྱ་བ། གཟུགས་དང་ལ་ཚོ་ལ་བབ་པ་དེ། མ་སོང་ནས་ཤཱཀྱ་ལག་ན་དབྱུག་པ་ཅན་གྱིས་སྨྲས་པ། བུ་མོ། བྱང་ཆུབ་སེམས་དཔའ་རྒྱན་སྦྱིན་གྱི་སོང་ཞིག། དེས་སྨྲས་པ། ཡབ། ཅི། འོ་སྐོལ་ཅག་ལ་རྒྱན་མ་མཆིས་སམ། བུ་མོ། །མེད་པ་ནི། མ་ཡིན་མོད་ཀྱི། བྱང་ཆུབ་སེམས་དཔའ་བུད་མེད་གང་བཞེད་པ་
Ga431a
༄#། །དེ་གདམ་པར་མཛད་དོ། །ཡབ། འདམ་ཡང་རུང ། མི་འདམ་ཡང་རུང ། དེ་ཁོ་ན་བདག་གི་སྡུམ་ཐབ་ལགས་སོ། །བུ་མོ། གལ་ཏེ་དེ་ལྟ་ན་ཤིན་ཏུ་འགྲོ་དགོས་པས་སོང་ཞིག་།དེ་ནས་གྲགས་འཛིན་མ་ན་ཚོད་གཞོན་ཞིང་ཆ་ལུགས་བཟང་བ། སྐྱེ་བོའི་ཚོགས་ཆེན་པོའི་ཡིད་དང་མིག་འཕྲོག་པ། བུད་མེད་ཐམས་ཅད་ཀྱི་ནང་ན་ལྷའི་བུ་མོ་བཞིན་དུ་གཟི་བརྗིད་དང་ལྡན་པས་ནང་དུ་ཞུགས་ནས་སྤྱོད་ལམ་དུལ་བས་བྱང་ཆུབ་སེམས་དཔའི་སྤྱན་སྔར་འདུག་གོ། བྱང་ཆུབ་སེམས་དཔས་རྒྱན་ཐམས་ཅད་བྱིན་ནས་སོར་གདུབ་རྒྱ་ཁོ་ན་ལུས་པ་བྱང་ཆུབ་སེམས་དཔས་དེ་ལ་བསྟན་པ་དང ། དེ་ནས་ཐོག་མ་མེད་པའི་དུས་ནས་མཆོག་ཏུ་མཉེས་པ་བྱས་པ་དེས། སེང་གེའི་ཁྲིའི་སྐས་ལ་འཛེག་ནས་བྱང་ཆུབ་སེམས་དཔའི་ཕྱག་ནས་རང་གིས་ཕྱུང་ངོ ། །བློན་པོ་རྣམས་དང ། སེར་སྐྱའི་གཞིའི་སྐྱེ་བོའི་ཚོགས་གཙོ་བོར་བཀུར་བ་རྣམས་ཀྱིས་སྨྲས་པ། ཤེས་ལྡན་དག་།འདི་ནི། བུད་མེད་ཐམས་ཅད་ལས་ཁྱད་པར་འཕགས་པ་ཡིན་ཏེ། འདིས་གཞོན་ནུའི་ཐུགས་དང་བསྟུན་པར་ནུས་པས་འདི་བླང་བར་བྱའོ། །དེ་ནས་རྒྱལ་པོ་ཟས་གཙང་གིས་གྲགས་འཛིན་མ་བུད་མེད་ཀྱི་འཁོར་ཉི་ཁྲི་དང་གཞོན་ནུ་ཤཱཀྱ་ཐུབ་པའི་བཙུན་མོར་བླངས་སོ། །ཆོས་ཉིད་ཀྱིས། གང་གི་ཚེ་སངས་རྒྱས་བཅོམ་ལྡན་འདས་རྣམས་འཇིག་རྟེན་དུ་བྱུང་བ་དེའི་ཚེ་ཤིང་དགེ་བའི་སྙིང་པོ་ཞེས་བྱ་བ་སྐྱེ་བར་འགྱུར་ཏེ། དེ་ཉི་མ་གཅིག་ཅིང་ཁྲུ་བརྒྱར་སྐྱེ་བར་འགྱུར་ལ། ཇི་ཙམ་ཉི་མ་མ་
Ga431b
ཤར་བ་དེ་སྲིད་དུ་ནི། སེན་མོས་ཀྱང་གཅད་དུ་རུང་ལ། ཉི་མ་ཤར་ནས་ནི། མཚོན་གྱིས་ཀྱང་མི་ཆོད་ཅིང ། མེས་ཀྱང་མི་ཚིག་པ་ཞིག་སེར་སྐྱའི་གཞི་དང་ལྷས་བསྟན་གྱི་བར་ན་འབབ་ཆུ་རོ་ཧི་ཀ་ཞེས་བྱ་བའི་འགྲམ་ན་སྐྱེས་ཏེ། དུས་དུས་སུ་ཆུ་བྲུག་པས་དེའི་རྩ་བ་བྲུས་ནས་རླུང་གི་ཤུགས་ཀྱིས་འགྱེལ་ཏེ་གགས་བཞིན་དུ་ཆུ་བཅད་དེ་འདུག་གོ། དེ་ནས་ཆུས་རྒྱལ་པོ་ལེགས་པར་རབ་སད་ཀྱི་ཡུལ་ནི། ཆུ་མེད་བས་མ་རུང་ལ། ཟས་གཙང་གི་ཡང་ཆུས་མ་རུང་སྟེ། རྒྱལ་པོ་ལེགས་པར་རབ་སད་ཀྱིས་རྒྱལ་པོ་ཟས་གཙང་ལ་སྤྲིང་པ། ཤིང་དགེ་བའི་སྙིང་པོ་འགྱེལ་ནས་འབབ་ཆུ་རོ་ཧི་ཀའི་གགས་སུ་གྱུར་ཏེ་མཆིས་ན། གཞོན་ནུ་མཐུ་དང་ལྡན་ཞེས་ཐོས་ཀྱི། ད་གཏང་བའི་རིགས་སོ། །རྒྱལ་པོ་ཟས་གཙང་གིས་སྨྲས་པ། ཁོ་བོ་གཞོན་ནུ་ལ་བཀའ་མི་སྩོལ་ལོ། །འདུན་པས་སྨྲས་པ། ལྷ། བདག་ལ་གནང་བ་འབའ་ཞིག་སྩོལ་ཅིག་དང ། ཅི་ནས་ཀྱང་གཞོན་ནུ་ལ་ཡང་བཀའ་མ་སྩལ་བཞིན་དུ་རང་ཉིད་གཤེགས་པར་འགྱུར་བ་དེ་ལྟར་བགྱིའོ། །རྒྱལ་པོ་ཟས་གཙང་གིས་ཁས་བླངས་སོ། །འདུན་པས་འབབ་ཆུ་རོ་ཧི་ཀའི་འགྲམ་དུ་གཞོན་ནུ་རྣམས་ཀྱི་སྐྱེད་མོས་ཚལ་རེ་རེ་བཙུགས་ནས་སྨྲས་པ། གཞོན་ནུ་དག་།སྐྱེད་མོས་ཚལ་དུ་འདོང ། དེ་རྣམས་སོ་སོའི་ཤིང་རྟར་ཞུགས་ནས་སྐྱེད་མོས་ཚལ་དུ་དོང་བ་ལས། ལྷས་བྱིན་གྱི་སྐྱེད་མོས་ཚལ་གྱི་སྟེང་ནས་ངང་པ་ཞིག་འཕུར་བ་དེ། ལྷས་བྱིན་གྱིས་མདས་བསྣུན་ནས་བྱང་ཆུབ་སེམས་དཔའི་སྐྱེད་མོས་ཚལ་དུ་ལྟུང་བ་དང ། བྱང་ཆུབ་སེམས་དཔས་བཟུང་ནས་
Ga432a
༄#། །མདའ་ཕྱུང་སྟེ་སྨན་གྱིས་གླན་ནས་སོས་སོ། །ལྷས་བྱིན་གྱིས་བྱང་ཆུབ་སེམས་དཔའ་ལ་སྤྲིང་པ། ངང་པའོ་ནི། སྔར་ངས་བཟུང་བ་ཡིན་གྱི། སྐུར་ཅིག་།བྱང་ཆུབ་སེམས་དཔས་སླར་སྤྲིང་པ། ངས་གང་གི་ཚེ་ཁོ་ན་སེམས་ཅན་ཐམས་ཅད་ལ་ཕན་པའི་ལྷག་པའི་བསམ་པས་བྱང་ཆུབ་ཏུ་སེམས་བསྐྱེད་པ་དེ་ཁོ་ནའི་ཚེ་ངས་སེམས་ཅན་ཐམས་ཅད་བཟུང་བ་ཡིན་ནོ། །དེར་བྱང་ཆུབ་སེམས་དཔའ་དང་ལྷས་བྱིན་ལྷན་ཅིག་སྲིད་པ་ཐ་མ་ལ་ཐོག་མར་ཤ་འཁོན་དེ་བྱུང་སྟེ། སྲིད་པ་གཞན་རྣམས་སུ་ནི། ཕལ་མོ་ཆེ་ཞིག་ཀྱང་བྱུང་ངོ ། །ལེགས་པར་རབ་སད་ཀྱིས་གཞོན་ནུ་རྣམས་ཤིང་དགེ་བའི་སྙིང་པོ་དབྱུང་བའི་ཕྱིར་ལྷགས་སོ། །ཞེས་ཐོས་ནས། དེས་སྐྱེ་བོའི་ཚོགས་ཆེན་པོ་མངགས་ཏེ། དེ་ན་སྐྱེ་བོའི་ཚོགས་ཆེན་པོའི་སྒྲ་ཆེན་པོ་དང ། སྒྲ་མཐོན་པོ་གྲགས་ནས་བྱང་ཆུབ་སེམས་དཔས་སྨྲས་པ། ཤེས་ལྡན་དག་།སྐྱེ་བོའི་ཚོགས་ཆེན་པོའི་སྒྲ་ཆེན་པོ་སྒྲ་མཐོན་པོ་གྲགས་པ་འདི་ཅི་ཞིག་།འདུན་པས་ཇི་ལྟར་གྱུར་པ་གསོལ་པ་དང ། བྱང་ཆུབ་སེམས་དཔས་གསུངས་པ། གལ་ཏེ་དེ་ལྟ་ན། འབྱིན་དུ་འདོང་ངོ ། །ཞེས་བྱང་ཆུབ་སེམས་དཔའ་གཞོན་ནུ་རྣམས་དང་ལྷན་ཅིག་དོང་བ་དང ། ཇི་ཙམ་ན་ཁུང་ནས་སྤྲུལ་གདུག་པ་ཞིག་བྱང་ཆུབ་སེམས་དཔའི་མདུན་དུ་བྱུང་བ་དང ། འཆར་ཀས་བྱང་ཆུབ་སེམས་དཔའ་ཐལ་བར་བརླགས་སུ་འགྱུར་དུ་འོང་ཞེས་མཚོན་རྣོན་པོས་རྐེད་དུ་བཅད་པ་ལས། དེའི་དབུགས་ཀྱིས་འཆར་ཀ་ལ་ཕོག་པས་འཆར་ཀ་ནག་
Ga432b
བོར་གྱུར་ནས། དེའི་མིང་འཆར་ཀ་ནག་པོ། འཆར་ཀ་ནག་པོ། ཞེས་བྱ་བར་གྱུར་ཏོ། །དེ་ནས་གཞོན་ནུ་རྣམས་ཀྱིས་ཤིང་དགེ་བའི་སྙིང་པོ་འབྱིན་པ་ལ་ཞུགས་པ་ན། ལྷས་བྱིན་གྱིས་འབད་པ་དང་ཅུང་ཟད་ཅིག་གཡོས་སོ། །དགའ་བོས་ནི། ཅུང་ཟད་ཅིག་བཏེག་གོ། བྱང་ཆུབ་སེམས་དཔས་ནི། ཐམས་ཅད་ཀྱི་ཐམས་ཅད་དུ་སྟེང་གི་ནམ་མཁའ་ལ་འཕངས་ཏེ་དུམ་བུ་གཉིས་སུ་ཆག་ནས་འབབ་ཆུ་རོ་ཧི་ཀའི་ཚུ་རོལ་གྱི་འགྲམ་དུ་དུམ་བུ་གཅིག་།ཕ་རོལ་གྱི་འགྲམ་དུ་དུམ་བུ་གཅིག་ལྟུང་བར་གྱུར་ཏོ། །བྱང་ཆུབ་སེམས་དཔས་སྐྱེ་བོའི་ཚོགས་ལ་གསུངས་པ། ཤེས་ལྡན་དག་།ཤིང་དགེ་བའི་སྙིང་པོ་འདི་ནི། བསིལ་བའི་རང་བཞིན་ཡིན་པས་མཁྲིས་པའི་ནད་དང ། ཤུ་བ་དང ། ཕོལ་མིག་བྱུང་བ་ལ་བྱུགས་ན། ཞི་བར་འགྱུར་གྱི། དུམ་བུ་དུམ་བུར་བྱོས་ལ་ཁྱེར་ཅིག་།གཞོན་ནུ་རྣམས་རང་རང་གི་ཤིང་རྟར་ཞུགས་ཏེ་སྐྱེད་མོས་ཚལ་གྱི་ས་ནས་སེར་སྐྱའི་གཞིར་དོང་ནས་གྲོང་ཁྱེར་དུ་ཞུགས་པ་ན། བྱང་ཆུབ་སེམས་དཔའ་ཤིང་རྟར་ཞུགས་པ་ལ་མཚན་མཁན་རྣམས་ཀྱིས། གལ་ཏེ་འདི་ལོ་བདུན་དུ་རབ་ཏུ་མ་བྱུང་བར་གྱུར་ན། འཁོར་ལོས་བསྒྱུར་བའི་རྒྱལ་པོར་འགྱུར་རོ། །ཞེས་ལུང་བསྟན་ཏོ། །ཤཱཀྱ་དྲིལ་བུ་སྒྲའི་བུ་མོ་ས་འཚོ་མ་ཞེས་བྱ་བ། སྟེང་གི་ཁང་བཟང་གི་གཞི་ལ་འདུག་པ་བྱང་ཆུབ་སེམས་དཔས་གཟིགས་སོ། །གཟིགས་མ་ཐག་ཏུ་ཞབས་ཀྱི་མཐེ་བོས་ཤིང་རྟ་མནན་ནས་མི་གཡོ་བར་གྱུར་པ་དང ། བྱང་ཆུབ་སེམས་དཔས་ས་འཚོ་མ་ལ་བརྟག་པར་བརྩམས་སོ།།
Ga433a
༄#། །ས་འཚོ་མས་ཀྱང་བྱང་ཆུབ་སེམས་དཔའ་ལའོ། །བྱང་ཆུབ་སེམས་དཔའ་ས་འཚོ་མ་ལ་རྟོག་པ་ན་ཕྱག་ན་ལྕགས་ཀྱི་མདའ་བསྣམས་པ་དེ་ཕྱིར་བརླགས་སོ། །ས་འཚོ་མ་ཡང་བྱང་ཆུབ་སེམས་དཔའ་ལ་རྟོག་པ་ན། རྐང་པའི་མཐེ་བོས་ཁང་བཟང་གི་གཞི་བརྟོལ་ཏོ། །སྐྱེ་བོའི་ཚོགས་ཆེན་པོས་བྱང་ཆུབ་སེམས་དཔའ་དང་ས་འཚོ་མ་ཕན་ཚུན་དུ་རྟོག་པར་བྱེད་ཅིང་ལྷག་པའི་བསམ་པ་སྐྱེས་པར་གྱུར་པ་མཐོང་ངོ ། །མཐོང་ནས་ཀྱང་སྨྲས་པ། བུད་མེད་འདི་འདྲ་བ་འདིས་ནི། བྱང་ཆུབ་སེམས་དཔའི་ཐུགས་དང་བསྟུན་པར་ནུས་སོ། །གཏམ་དེ་རྒྱལ་པོ་ཟས་གཙང་གིས་ཐོས་ནས་དེ་འཁོར་ཉི་ཁྲི་དང་བྱང་ཆུབ་སེམས་དཔའི་བཙུན་མོར་བླངས་སོ། །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་སྐྱེད་མོས་ཚལ་གྱི་གཞིར་གཤེགས་པར་བཞེད་པར་གྱུར་པ་དེའི་ཚེ་ཁ་ལོ་སྒྱུར་བ་ལ། ཀྱེ་ཁ་ལོ་སྒྱུར་བ། རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་དང ། དེར་ང་ཞུགས་ནས་སྐྱེད་མོས་ཚལ་གྱི་གཞིར་འགྲོའོ། །ཞེས་གསུང་བར་འགྱུར་བས། དེ་ནས་བྱང་ཆུབ་སེམས་དཔས་ཁ་ལོ་སྒྱུར་བ་ལ་བསྒོ་བ། ཀྱེ་ཁ་ལོ་སྒྱུར་བ། རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་དང ། དེར་ང་ཞུགས་ནས་སྐྱེད་མོས་ཚལ་གྱི་གཞིར་འགྲོའོ། །ལྷ། བཀའ་བཞིན་འཚལ་ཞེས་ཁ་ལོ་སྒྱུར་བས་བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས། བཞོན་པ་བཟང་པོ་མྱུར་དུ་བཤམས་ཏེ་བྱང་ཆུབ་སེམས་དཔའ་ཤཱཀྱ་ཐུབ་པ་གང་ན་བ་དེར་སོང་
Ga433b
ནས་ཕྱིན་པ་དང ། བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདི་སྐད་ཅེས་སྨྲས་སོ། །ལྷ་།བཅིབས་པ་བཟང་པོ་བཤམས་ལགས་ཀྱི། ལྷ། དེ་དེའི་དུས་ལ་བབ་པར་དགོངས་སུ་གསོལ། དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པ་བཞོན་པ་བཟང་པོར་ཞུགས་ནས་སྐྱེད་མོས་ཚལ་གྱི་གཞིར་བྱུང་བ་དང ། བྱང་ཆུབ་སེམས་དཔའ་ཤཱཀྱ་ཐུབ་པས་མི་རྒས། འཁོགས། གཏུགས་པ། སྒུར་པོ། །ཕྱམ་སྒུར་པོ་ལྟར་ཀྱར་ཀྱོར་ཅན། མདུན་ནས་འཁར་བ་ལ་བརྟེན་ཅིང་ལུས་འདར་ཞིང་འགྲོ་བ། དེའི་སྐྲ་སེ་བ། ཇི་ལྟར་ཡང་མི་གཞན་དག་དང་མི་འདྲ་བ་ཞིག་གཟིགས་སོ། །གཟིགས་ནས་ཀྱང་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ། མི་རྒས། འཁོགས། གཏུགས་པ། སྒུར་པོ། ཕྱམ་སྒུར་པོ་ལྟར་ཀྱར་ཀྱོར་ཅན། མདུན་ནས་འཁར་བ་ལ་བརྟེན་ཅིང་ལུས་འདར་ཞིང་འགྲོ་ལ། དེའི་སྐྲ་སེ་བ། ཇི་ལྟར་ཡང་མི་གཞན་དང་མི་འདྲ་བ་འདི་ཅི་ཡིན། ལྷ། མི་འདི་ནི། རྒས་པ་ཞེས་བགྱིའོ། །ཁ་ལོ་སྒྱུར་བ། རྒས་པ་ཞེས་བྱ་བ་འདི་ཅི་ཡིན། ལྷ། མི་འདི་རིང་པོ་མི་ཐོགས་པ་ཁོ་ནར་འགུམ་པར་འགྱུར་བས་དེ་ནི་རྒས་པ་ཞེས་བགྱིའོ། །ཁ་ལོ་སྒྱུར་བ། ང་ཡང་རྒ་བའི་ཆོས་དང ། རྒ་བའི་ཆོས་ཉིད་ལས་མ་འདས་སམ། ལྷ་ཡང་རྒ་བའི་ཆོས་དང ། རྒ་བའི་ཆོས་ཉིད་ལས་མ་འདས་སོ། །ཁ་ལོ་སྒྱུར་བ། དེའི་ཕྱིར་ཤིང་རྟ་ཕྱིར་སྒྱུར་ཅིག་།ཕོ་བྲང་ཉིད་དུ་འདོང་ངོ ། འདི་ལྟར། ང་ཕོ་བྲང་དུ་ཕྱིན་ནས་ང་རྒ་བ་ལས་མ་འདས་ཞེས་གྲགས་པའི་དོན་དེ་ཉིད་བསམ་པར་བྱའོ། །ཁ་ལོ་སྒྱུར་བས་ཤིང་རྟ་ཕྱིར་བསྒྱུར་ནས་ཕོ་བྲང་ཉིད་དུ་ཆས་ཏེ། དེར་བྱང་ཆུབ་སེམས་དཔའ་ཤཱཀྱ་ཐུབ་
Ga434a
༄#། །པ་ཕོ་བྲང་གི་ནང་དུ་བྱོན་ནས་ང་ཡང་རྒ་བ་ལས་མ་འདས་པ་ལྟ་ཞིག་ཅེས་མི་དགྱེས་ཤིང་ཐུགས་ངན་དགོངས་སོ། །འདིར་སྨྲས་པ། དར་ཡལ་རྒས་ཤིང་སྒུར་ལ་མགོ་སྐྱ་བ། །ལག་ན་འཁར་བ་ཐོགས་པའི་མི་གཟིགས་ནས། །འདི་བདག་རྒས་ལས་མ་འདས་ཞེས་གྲག་ཅེས། །དེ་ནས་མི་དགྱེས་ཐུགས་ངན་དགོངས་པར་མཛད། །དེ་ནས་རྒྱལ་པོ་ཟས་གཅང་གིས་ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ། ཅི། གཞོན་ནུ་ཡིད་དགའ་བ་དང་མགུ་བས་སྐྱེད་མོས་ཚལ་གྱི་གཞིར་བྱུང་ངམ། སྐྱེད་མོས་ཚལ་ལ་མངོན་པར་དགའམ། ལྷ། མ་ལགས་སོ། །དེ་ཅིའི་སླད་དུ་ཞེ་ན། ལྷ། གཞོན་ནུ་སྐྱེད་མོས་ཚལ་གྱི་གཞིར་གཤེགས་པ་ན། མི་རྒས། འཁོགས། གཏུགས་པ། སྒུར་པོ། ཕྱམ་སྒུར་པོ་ལྟར་ཀྱར་ཀྱོར་ཅན། མདུན་ནས་འཁར་བ་ལ་བརྟེན་ཅིང་ལུས་འདར་ཞིང་མཆི་ལ། དེའི་སྐྲ་སེ་བ་ཇི་ལྟར་ཡང་མི་གཞན་དག་དང་མི་འདྲ་བ་ཞིག་གཟིགས་སོ། །གཟིགས་ནས་ཀྱང་བདག་ལ་འདི་སྐད་ཅེས་བཀའ་སྩལ་ཏོ། །ཁ་ལོ་སྒྱུར་བ། མི་རྒས། འཁོགས། གཏུགས་པ། སྒུར་པོ། ཕྱམ་སྒུར་པོ་ལྟར་ཀྱར་ཀྱོར་ཅན། མདུན་ནས་འཁར་བ་ལ་བརྟེན་ཅིང་ལུས་འདར་ཞིང་འགྲོ་ལ། དེའི་སྐྲ་སེ་བ། ཇི་ལྟར་ཡང་མི་གཞན་དག་དང་མི་འདྲ་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ། འདི་ནི། རྒས་པ་ཞེས་བགྱིའོ། །དེ་འདི་སྐད་ཅེས་གསུངས་སོ། །ཁ་ལོ་སྒྱུར་བ། རྒས་པ་ཞེས་བྱ་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ། མི་
Ga434b
འདི་རིང་པོ་མི་ཐོགས་པ་ཁོ་ནར་འགུམ་པར་འགྱུར་བས། ལྷ། དེ་ནི། རྒས་པ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ། ང་ཡང་རྒ་བའི་ཆོས་ཉིད་ལས་མ་འདས་སམ། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་ཡང་རྒ་བའི་ཆོས་དང ། རྒ་བའི་ཆོས་ཉིད་ལས་མ་འདས་སོ། །དེ་སྐད་ཅེས་གསུངས་ཏེ། ཁ་ལོ་སྒྱུར་བ། དེའི་ཕྱིར་ཤིང་རྟ་ཕྱིར་སྒྱུར་ཅིག་།ཕོ་བྲང་ཉིད་དུ་འདོང་ངོ ། །འདི་ལྟ་ཕོ་བྲང་དུ་ཕྱིན་ནས་ང་རྒ་བ་ལས་མ་འདས་ཞེས་གྲགས་པའི་དོན་དེ་ཉིད་བསམ་པར་བྱའོ། །ལྷ། གཞོན་ནུ་དེ་ཕོ་བྲང་གི་ནང་དུ་གཤེགས་ཏེ། དེ་ནས་ང་ཡང་རྒ་བ་ལས་མ་འདས་པ་ལྷ་ཞིག་ཅེས་མི་དགྱེས་ཤིང་ཐུགས་ངན་དགོངས་སོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། མཚན་མཁན་དང་ལྟས་མཁན་གྱི་བྲམ་ཟེ་དེ་རྣམས་ཀྱི་ཚིག་ཡང་དག་པར་བདེན་པར་མི་འགྱུར་གྲང ། གཞོན་ནུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་འགྱུར་དུ་འོང་གི། མ་ལ་བདག་གིས་གཞོན་ནུ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ལ་ཅི་ནས་ཀྱང་འདི་ལ་དགའ་ཞིང་རབ་ཏུ་འབྱུང་བར་མི་འགྱུར་བར་བྱའོ། །སྙམ་མོ། །དེ་ནས་རྒྱལ་པོ་ཟས་གཙང་གིས་བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ཏེ། ཅི་ནས་ཀྱང་འདི་ལ་དགའ་ཞིང་རབ་ཏུ་འབྱུང་བར་མི་འགྱུར་བར་བྱས་སོ། །འདིར་སྨྲས་པ། ཤཱཀྱ་ཐུབ་པའི་ཡབ་སྟེ་ཟས་གཙང་དེས། །ཁ་ལོ་སྒྱུར་ལས་ཚིག་དེ་ཐོས་ནས་ནི། །དེ་ཚེ་དགའ་ནས་བདག་འདོར་མི་གཞུག་
Ga435a
༄#། །ཕྱིར། །འདོད་པའི་ཡོན་ཏན་ལྔ་ལས་ཡང་བྱིན་ནོ། །ཆོས་ཉིད་ཀྱིས། བྱང་ཆུབ་སེམས་དཔའ་སྐྱེད་མོས་ཚལ་གྱི་གཞིར་གཤེགས་པར་བཞེད་པར་གྱུར་པ་དེའི་ཚེ་ཁ་ལོ་སྒྱུར་བ་ལ། ཀྱེ་ཁ་ལོ་སྒྱུར་བ། རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་དང ། དེ་ལ་ང་ཞོན་ནས་སྐྱེད་མོས་ཚལ་གྱི་གཞིར་འགྲོའོ། །ཞེས་གསུང་བར་འགྱུར་བས། དེ་ནས་བྱང་ཆུབ་སེམས་དཔས་ཁ་ལོ་སྒྱུར་པ་ལ་གསུངས་པ། ཀྱེ་ཁ་ལོ་སྒྱུར་བ། རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་།དེ་ལ་ང་ཞོན་ནས་སྐྱེད་མོས་ཚལ་གྱི་གཞིར་གཤེགས་སོ། །ལྷ། བཀའ་བཞིན་འཚལ་ཞེས་ཁ་ལོ་སྒྱུར་བས། བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས་བཞོན་པ་བཟང་པོ་བཤམས་ཏ་བྱང་ཆུབ་སེམས་དཔའ་ཤཱཀྱ་ཐུབ་པ་གང་ན་བ་དེར་སོང་ནས་ཕྱིན་པ་དང ། བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ། །ལྷ། བཅིབས་པ་བཟང་པོ་བཤམས་ལགས་ན། ལྷ་ད་དེའི་དུས་ལ་བབ་པར་དགོངས་སུ་གསོལ། དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པ་བཞོན་པ་བཟང་པོར་ཞུགས་ནས་སྐྱེད་མོས་ཚལ་གྱི་གཞིར་བྱུང་བ་དང ། བྱང་ཆུབ་སེམས་དཔའ་ཤཱཀྱ་ཐུབ་པས་མི་སྐྱ་བོ། རྦབ་རྦབ་པོ། རིད་པ། ཉམ་ཆུང་བ། དབང་པོ་ཉམས་པ། སྐྱེ་བོ་མང་པོའི་མིག་གིས་བལྟ་མི་ཕོད་པ་ཞིག་གཟིགས་སོ།། སརྦ་མངྒ་ལཾ།། །།
Nga1b
༄##། །འདུལ་བ་གཞི། བམ་པོ་གྱ་གསུམ་པ། གཟིགས་ནས་ཀྱང་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་མི་སྐྱ་བོ་རྦབ་རྦབ་པོ། རིད་པ་ཉམ་ཆུང་བ་དབང་པོ་ཉམས་པ་སྐྱེ་བོ་མང་པོའི་མིག་གིས་བལྟ་མི་ཕོད་པ་འདི་ཅི་ཡིན། ལྷ། འདི་ནི་བྲོས་ཐེབས་པ་ཞེས་བགྱིའོ། །ཁ་ལོ་སྒྱུར་བ་ནད་ཀྱིས་ཐེབས་པ་ཞེས་བྱ་བ་འདི་ཅི་ཡིན། ལྷ། མི་འདི་གང་
Nga2a
༄#། །འདིས་འགུམ་པར་འགྱུར་བའི་གནས་དེ་མཆིས་ཏེ། ལྷ། འདི་ནི་བྲོས་ཐེབས་པ་ཞེས་བགྱིའོ། །ཁ་ལོ་སྒྱུར་བ་ང་ཡང་ནད་ཀྱི་ཆོས་དང་ནད་ཀྱི་ཆོས་ཉིད་ལས་མ་འདས་སམ། ལྷ་ཡང་སྙུན་གྱི་ཆོས་དང་སྙུན་གྱི་ཆོས་ཉིད་ལས་མ་འདས་སོ། །ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་།ཕོ་བྲང་ཉིད་དུ་འདོང་ངོ ། །འདི་ལྟར་ང་ཕོ་བྲང་དུ་ཕྱིན་ནས་ང་ནད་ལས་མ་འདས་ཞེས་གྲགས་པའི་དོན་དེ་ཉིད་བསམ་པར་བྱའོ། །ཁ་ལོ་སྒྱུར་བས་ཤིང་རྟ་ཕྱིར་བསྒྱུར་ནས་ཕོ་བྲང་ཉིད་དུ་ཆས་ཏེ། དེར་བྱང་ཆུབ་སེམས་དཔའ་ཤཱཀྱ་ཐུབ་པ་ཕོ་བྲང་གི་ནང་དུ་གཤེགས་ནས་བདག་ཀྱང་ནད་ལས་མ་འདས་པ་ལྟ་ཞིག་ཅེས་མི་དགྱེས་ཤིང་ཐུགས་
Nga2b
ངན་དགོངས་སོ། །འདིར་སྨྲས་པ། མི་ནི་ལུས་རིད་སྐྱ་བོ་རྦབ་རྦབ་པོ། །རང་དབང་མེད་པའི་ནད་ཐེབས་འདིར་གཟིགས་ནས། །ནད་ལས་བདག་མ་འདས་པ་ལྟ་ཞིག་ཅེས། །དེ་ནས་མི་དགྱེས་ཐུགས་ངན་དགོངས་པར་མཛད། །དེ་ནས་རྒྱལ་པོ་ཟས་གཙང་གིས་ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ།་ཅི་གཞོན་ནུ་ཡིད་དགའ་བ་དང་མགུ་བས་སྐྱེད་མོས་ཚལ་གྱི་གཞིར་བྱུང་ངམ། སྐྱེད་མོས་ཚལ་ལ་མངོན་པར་དགའ་བར་གྱུར་ཏམ། ལྷ། མ་ལགས་སོ། །དེ་ཅིའི་སླད་དུ་ཞེ་ན། ལྷ་གཞོན་ནུ་སྐྱེད་མོས་ཚལ་གྱི་གཞིར་བྱུང་བ་ན། མི་སྐྱ་བོ་རྦབ་རྦབ་པོ་རིད་པ་ཉམ་ཆུང་བ་དབང་པོ་ཉམས་པ། སྐྱེ་བོ་མང་པོའི་མིག་གིས་བལྟ་མི་ཕོད་པ་ཞིག་གཟིགས་སོ། །གཟིགས་ནས་ཀྱང་བདག་ལ་བཀའ་སྩལ་པ། ཁ་ལོ་སྒྱུར་བ་མི་སྐྱེ་བོ་རྦབ་རྦབ་པོ་རིད་པ་ཉམ་ཆུང་བ་དབང་པོ་ཉམས་པ། སྐྱེ་བོ་མང་པོའི་མིག་གིས་བལྟ་མི་ཕོད་པ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །
Nga3a
༄##། །ལྷ་འདི་ནི་བྲོས་ཐེབས་པ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་ནད་ཀྱིས་ཐེབས་པ་ཞེས་བྱ་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །མི་འདི་གང་གནོད་པ་འདིས་འགུམ་པར་འགྱུར་བའི་གནས་དེ་མཆིས་ཏེ། ལྷ་དེ་ནི་བྲོས་ཐེབས་པ་ཞེས་བགྱིའོ། །དེ་འདི་སྐད་ཅེས་གསུང་སྟེ། ཁ་ལོ་སྒྱུར་བ་ང་ཡང་ནད་ཀྱི་ཆོས་དང་ནད་ཀྱི་ཆོས་ཉིད་ལས་མ་འདས་སམ། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་ཡང་སྙུན་གྱི་ཆོས་དང་སྙུན་གྱི་ཆོས་ཉིད་ལས་མ་འདས་སོ། །དེ་འདི་སྐད་ཅེས་གསུང་སྟེ། ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་།ཕོ་བྲང་ཉིད་དུ་འདོང་ངོ ། །འདི་ལྟར་ང་ཕོ་བྲང་ཉིད་དུ་ཕྱིན་ནས། ང་ནད་ལས་མ་འདས་ཞེས་གྲགས་པའི་དོན་དེ་ཉིད་བསམ་པར་བྱའོ། །ལྷ་གཞོན་ནུ་དེ་ཕོ་བྲང་གི་ནང་དུ་གཤེགས་ནས། ང་ཡང་ནད་ལས་མ་འདས་པ་ལྟ་ཞིག་ཅེས་མི་དགྱེས་ཤིང ། ཐུགས་ངན་དགོངས་སོ། །དེ་ནས་རྒྱལ་པོ་ཟས་གཙང་འདི་
Nga3b
སྙམ་དུ་སེམས་ཏེ། མཚན་མཁན་དང་ལྟས་མཁན་གྱི་བྲམ་ཟེ་དེ་རྣམས་ཀྱི་ཚིག་ཡང་དག་པར་བདེན་པར་མི་འགྱུར་གྲང ། གཞོན་ནུ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་འགྱུར་དུ་འོང་གིས། མ་ལ་བདག་གིས་གཞོན་ནུ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ལ་ཅི་ནས་ཀྱང་འདི་ལ་དགའ་ཞིང་རབ་ཏུ་འབྱུང་བར་མི་འགྱུར་བར་བྱའོ་སྙམ་མོ། །དེ་ནས་རྒྱལ་པོ་ཟས་གཙང་གིས་བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ཏེ་ཅི་ནས་ཀྱང་འདི་ལ་དགའ་ཞིང་རབ་ཏུ་འབྱུང་བར་མི་འགྱུར་བར་བྱས་སོ། །འདིར་སྨྲས་པ། དེའི་ཚེ་དགའ་ནས་བདག་འདོར་མི་གཞུག་ཕྱིར། །གཟུགས་དང་སྒྲ་དང་དྲི་དང་རོ་རྣམས་དང ། །རེག་བྱ་ཡིད་དུ་འོང་བ་གཙོ་རྣམས་ཀྱི། །འདོད་པ་ཡོན་ཏན་ལྔ་པོ་ཡང་བྱིན་ནོ། །ཆོས་ཉིད་ཀྱིས་བྱང་ཆུབ་སེམས་དཔའི་སྐྱེད་མོས་ཚལ་གྱི་གཞིར་གཤེགས་པ་བཞེད་པར་གྱུར་པ་དེའི་ཚེ་ཁ་ལོ་སྒྱུར་བ་ལ། ཀྱེ་ཁ་ལོ་སྒྱུར་བ་རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་དང ། དེར་ང་ཞུགས་ནས། སྐྱེད་མོས་ཚལ་གྱི་གཞིར་འགྲོའོ་ཞེས་གསུང་བར་འགྱུར་བས། དེ་ནས་བྱང་ཆུབ་སེམས་དཔས་ཁ་ལོ་སྒྱུར་བ་ལ་གསུངས་པ། ཀྱེ་ཁ་ལོ་སྒྱུར་བ་རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་།དེར་ང་ཞུགས་ནས་སྐྱེད་མོས་ཚལ་གྱི་གཞིར་འགྲོའོ། །ལྷ། བཀའ་བཞིན་འཚལ་ཞེས་ཁ་ལོ་སྒྱུར་བས། བྱང་ཆུབ་སེམས་དཔའ་ཤཱཀྱ་ཐུབ་པའི་
Nga4a
༄#། །ལྟར་མཉན་ནས་བཞོན་པ་བཟང་པོ་བཤམས་ཏེ། བྱང་ཆུབ་སེམས་དཔའ་ཤཱཀྱ་ཐུབ་པ་གང་ན་བ་དེར་སོང་ནས་ཕྱིན་པ་དང ། བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདི་སྐད་ཅེས་སྨྲས་སོ། །ལྷ་བཅིབས་པ་བཟང་པོ་བཤམས་ལགས་ཀྱིས། ལྷ་ད་དེའི་དུས་ལ་བབ་པར་དགོངས་སུ་གསོལ། དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པ་བཞོན་པ་བཟང་པོར་ཞུགས་ཏེ། སྐྱེད་མོས་ཚལ་གྱི་གཞིར་བྱུང་བ་དང ། བྱང་ཆུབ་སེམས་དཔའ་ཤཱཀྱ་ཐུབ་པས་རས་ཁ་དོག་སྣ་ཚོགས་ལས་བྱས་པའི་བླ་རེ་བྲེས་པ་དང ། ཁྱོགས་ཁྱེར་བ་དང ། མདུན་ན་མེ་སྒྲོན་ཐོགས་པ་དང ། སྐྱེ་བོའི་ཚོགས་ཆེན་པོ་མདུན་ནས་འགྲོ་བ་དང ། བུད་མེད་སྐྲ་བཤིག་པ་རྣམས་ངུ་ཞིང་རྗེས་བཞིན་དུ་འབྲང་བ་ཞིག་གཟིགས་སོ། །གཟིགས་ནས་ཀྱང་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་རས་ཁ་དོག་སྣ་ཚོགས་ལས་བྱས་པའི་བླ་རེ་བྲེས་པ་དང ། ཁྱོགས་ཁྱེར་བ་དང ། མདུན་ན་མེ་སྒྲོན་ཐོགས་པ་དང ། སྐྱེ་བོའི་ཚོགས་ཆེན་པོ་མདུན་ནས་འགྲོ་བ་དང ། བུད་མེད་སྐྲ་བཤིག་པ་རྣམས་ངུ་ཞིང་རྗེས་བཞིན་རྗེས་བཞིན་དུ་འབྲང་བ་འདི་ཅི་ཡིན། ལྷ་འདི་ནི་གུམ་པ་ཞེས་བགྱིའོ། །ཁ་ལོ་སྒྱུར་བ་ཤི་བ་ཞེས་བྱ་བ་འདི་ཅི་ཡིན། ལྷ། མི་འདིས་སླན་ཆད་སྡུག་པའི་ཕ་མ་མི་མཐོང་ཞིང ། བུ་ཕོ་དང ། བུ་མོ་དང ། བྲན་ཕོ་དང ། བྲན་མོ་དང ། ལས་བགྱིད་པ་དང ། ཞོ་ཤས་འཚོ་བའི་མི་
Nga4b
རྣམས་ཀྱང་མ་ལགས་ལ། དེ་དག་གིས་ཀྱང་སླན་ཆད་འདི་མི་མཐོང་བས། ལྷ་འདི་ནི་གུམ་པ་ཞེས་བགྱིའོ། །ཁ་ལོ་སྒྱུར་བ་ང་ཡང་འཆི་བའི་ཆོས་དང་འཆི་བའི་ཆོས་ཉིད་ལས་མ་འདས་སམ། ལྷ་ཡང་འཆི་བའི་ཆོས་དང་འཆི་བའི་ཆོས་ཉིད་ལས་མ་འདས་སོ། །ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་ཕོ་བྲང་ཉིད་དུ་འདོང་ངོ ། །འདི་ལྟར་ང་ཕོ་བྲང་ཉིད་དུ་ཕྱིན་ནས། ང་འཆི་བ་ལས་མ་འདས་ཞེས་གྲག་པ་དེའི་དོན་ཉིད་བསམ་པར་བྱའོ། །ཁ་ལོ་སྒྱུར་བས་ཤིང་རྟ་ཕྱིར་བསྒྱུར་ནས། ཕོ་བྲང་ཉིད་དུ་ཆས་ཏེ་དེར་བྱང་ཆུབ་སེམས་དཔའ་ཤཱཀྱ་ཐུབ་པ་ཕོ་བྲང་གི་ནང་དུ་གཤེགས་ནས། བདག་ཀྱང་འཆི་བ་ལས་མ་འདས་པ་ལྟ་ཞིག་ཅེས་མི་དགྱེས་ཤིང་ཐུགས་ངན་དགོངས་སོ། །འདིར་སྨྲས་པ། ཚེ་ཟད་པ་ཡིས་འདུ་ཤེས་བྲལ་གྱུར་ཅིང ། །སེམས་མེད་མི་ཡི་རོ་ཞིག་གཟིགས་ནས་ནི། །འཆི་ལས་བདག་མ་འདས་པ་ལྟ་ཞིག་ཅེས། །དེ་ནས་མི་དགྱེས་ཐུགས་ངན་དགོངས་པར་མཛད། །དེ་ནས་རྒྱལ་པོ་ཟས་གཙང་གིས་ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ། ཅི་གཞོན་ནུ་ཡིད་དགའ་བ་དང ། མགུ་བས་སྐྱེད་མོས་ཚལ་གྱི་གཞིར་བྱུང་ངམ། སྐྱེད་མོས་ཚལ་ལ་མངོན་པར་དགའ་བར་གྱུར་ཏམ། ལྷ་མ་ལགས་སོ། །དེ་ཅིའི་སླད་དུ་ཞེ་ན། ལྷ་གཞོན་ནུ་སྐྱེད་མོས་ཚལ་གྱི་གཞིར་བྱུང་བ་ན་རས་ཁ་དོག་སྣ་ཚོགས་ལས་བགྱིད་པའི་བླ་རེ་བྲེས་པ་དང ། ཁྱོགས་ཁྱེར་བ་དང ། མདུན་ན་མེ་སྒྲོན་ཐོགས་པ་དང ། སྐྱེ་བོའི་ཚོགས་ཆེན་པོ་མདུན་ནས་མཆི་བ་དང ། བུད་མེད་སྐྲ་བཤིག་པ་རྣམས་ངུ་ཞིང་རྗེས་བཞིན་རྗེས་བཞིན་དུ་འབྲང་བ་ཞིག་གཟིགས་སོ། །གཟིགས་ནས་ཀྱང་
Nga5a
༄#། །བདག་ལ་གསུངས་པ། ཁ་ལོ་སྒྱུར་བ་རས་ཁ་དོག་སྣ་ཚོགས་ལས་བྱས་པའི་བླ་རེ་བྲེས་པ་དང ། ཁྱོགས་ཁྱེར་བ་དང ། མདུན་ན་མེ་སྒྲོན་ཐོགས་པ་དང ། སྐྱེ་བོའི་ཚོགས་ཆེན་པོ་མདུན་ནས་འགྲོ་བ་དང ། བུད་མེད་སྐྲ་བཤིག་པ་རྣམས་ངུ་ཞིང་རྗེས་བཞིན་རྗེས་བཞིན་དུ་འབྲང་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་འདི་ནི་གུམ་པ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་ཤི་བ་ཞེས་བྱ་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་མི་འདིས་སླན་ཆད་སྡུག་པའི་ཕ་མ་མི་མཐོང་ཞིང ། བུ་ཕོ་དང་བུ་མོ་དང ། བྲན་ཕོ་དང་བྲན་མོ་དང ། ལས་བགྱིད་པ་དང ། ཞོ་ཤས་འཚོ་བ་རྣམས་ཀྱང་མ་ལགས་ལ། དེ་རྣམས་ཀྱིས་ཀྱང་སླན་ཆད་འདི་མི་མཐོང་བས། ལྷ་འདི་ནི་གུམ་པ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་ང་ཡང་འཆི་བའི་ཆོས་དང་འཆི་བའི་ཆོས་ཉིད་ལས་མ་འདས་སམ། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་ཡང་འཆི་བའི་ཆོས་དང་འཆི་བའི་ཆོས་ཉིད་ལས་མ་འདས་སོ། །དེས་འདི་སྐད་ཅེས་གསུངས་ཏེ། ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་།ཕོ་བྲང་ཉིད་དུ་འདོད་ངོ ། །འདི་ལྟར་ང་ཕོ་བྲང་དུ་ཕྱིན་ནས་འཆི་བ་ལས་མ་འདས་ཞེས་གྲགས་པའི་དོན་དེ་ཉིད་བསམ་པར་བྱའོ། །ལྷ་གཞོན་ནུ་དེ་ཕོ་བྲང་གི་ནང་དུ་གཤེགས་ཏེ། བདག་ཀྱང་འཆི་བ་ལས་མ་འདས་པ་ལྟ་ཞིག་ཅེས་མི་དགྱེས་ཤིང་ཐུགས་ངན་དགོངས་སོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་
Nga5b
ཏེ།་མཚན་མཁན་དང་ལྟས་མཁན་གྱི་བྲམ་ཟེ་དེ་རྣམས་ཀྱི་ཚིག་ཡང་དག་པར་བདེན་པར་མི་འགྱུར་གྲང ། གཞོན་ནུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་དུ་འོང་གིས། མ་ལ་བདག་གིས་གཞོན་ནུ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ལ་ཅི་ནས་ཀྱང་འདི་ལ་དགའ་ཞིང་རབ་ཏུ་འབྱུང་བར་མི་འགྱུར་བར་བྱའོ་སྙམ་མོ། །དེ་ནས་རྒྱལ་པོ་ཟས་གཙང་གིས་བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདོད་པའི་ཡོན་ཏན་ལྔ་ལས་ཕལ་མོ་ཆེ་ཞིག་བྱིན་ནས་ཅི་ནས་ཀྱང་འདི་ལ་དགའ་ཞིང་རབ་ཏུ་བྱུང་བར་མི་འགྱུར་བར་བྱས་སོ། །འདིར་སྨྲས་པ། གྲོང་ཁྱེར་དམ་པ་དཔལ་ལྡན་ཡིད་འོང་དེར། །ལྷ་ཡི་ལྷར་གྱུར་སྒྲོན་མ་དང་མཚུངས་པ། །འདོད་པའི་ཡོན་ཏན་ལྔ་པོས་ཀུན་དགྱེས་པ། །མིག་སྟོང་དགའ་བའི་ཚལ་ན་གནས་པ་བཞིན། །དེ་ནས་གནས་གཙང་མའི་རིས་ཀྱི་ལྷ་རྣམས་འདི་སྙམ་དུ་སེམས་ཏེ། བྱང་ཆུབ་སེམས་དཔའ་རྣམས་ནི་རྒྱུའི་སྟོབས་ཅན་ཡིན་མོད་ཀྱི་འོན་ཀྱང་རྐྱེན་བསྒྲུབ་པར་བྱ་དགོས་ཏེ། འདི་ལྟར་རྒྱུའི་སྟོབས་ཆེན་པོ་ཡང་རྐྱེན་གྱི་སྟོབས་ལ་ལྟོས་སོ་སྙམ་ནས། དེ་རྣམས་ཀྱི་མི་སྐྲ་བྲེགས་ཤིང་གོས་ངུར་སྨྲིག་གྱོན་པ་ལག་པ་ན་ལྷུང་བཟེད་ཐོགས་པ་ཞིག་ཁྱིམ་ནས་ཁྱིམ་དང ། ཁང་པ་ནས་ཁང་པར་རྒྱུ་ཞིང་འགྲོ་བ་ཞིག་སྤྲུལ་ཏོ། །ཆོས་ཉིད་ཀྱིས་བྱང་ཆུབ་སེམས་དཔའ་སྐྱེད་མོས་ཚལ་གྱི་གཞིར་གཤེགས་པར་བཞེད་པར་གྱུར་པ་དེའི་ཚེ་ཁ་ལོ་སྒྱུར་བ་ལ་ཁ་ལོ་སྒྱུར་བ་རེ་ཞིག་བཞོན་པ་བཟང་པོ་མྱུར་དུ་ཤོམས་
Nga6a
༄#། །ཤིག་དང ། དེར་ང་ཞུགས་ནས་སྐྱེད་མོས་ཚལ་གྱི་གཞིར་གཤེགས་སོ་ཞེས་གསུང་བར་འགྱུར་བས་དེ་ནས་བྱང་ཆུབ་སེམས་དཔས་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་རེ་ཞིག་བཞོན་པ་བཟང་པོ་མྱུར་དུ་ཤོམས་ཤིག་།དེར་ང་ཞུགས་ནས་སྐྱེད་མོས་ཚལ་གྱི་གཞིར་གཤེགས་སོ། །ལྷ། བཀའ་བཞིན་འཚལ་ཞེས་ཁ་ལོ་སྒྱུར་བས་བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས་བཞོན་པ་བཟང་པོ་བཤམས་ནས། བྱང་ཆུབ་སེམས་དཔའ་ཤཱཀྱ་ཐུབ་པ་གང་ན་བ་དེར་སོང་ནས་ཕྱིན་པ་དང ། བྱང་ཆུབ་སེམས་དཔའ་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ། །ལྷ་བཅིབས་པ་བཟང་པོ་བཤམས་ལགས་ཀྱིས། ལྷ་ད་དེའི་དུས་ལ་བབ་པར་དགོངས་སུ་གསོལ། དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པ་བཞོན་པ་བཟང་པོར་ཞུགས་ནས་སྐྱེད་མོས་ཚལ་གྱི་གཞིར་བྱུང་བ་དང ། བྱང་ཆུབ་སེམས་དཔའ་ཤཱཀྱ་ཐུབ་པས་མི་སྐྲ་བྲེགས་ཤིང་གོས་ངུར་སྨྲིག་གྱོན་པ་ལག་པ་ན་ལྷུང་བཟེད་ཐོགས་པ་ཞིག་ཁྱིམ་ནས་ཁྱིམ་དང ། ཁང་པ་ནས་ཁང་པར་རྒྱུ་ཞིང་འགྲོ་བ་ཞིག་གཟིགས་སོ། །གཟིགས་ནས་ཀྱང་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་མི་སྐྲ་བྲེགས་ཤིང་ལག་པ་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང ། ཁང་ང་ནས་ཁང་པར་རྒྱུ་ཞིང་འགྲོལ་འདིའི་གོས་ཀྱང་ཁ་དོག་མི་མཚུངས་ཏེ། ཇི་ལྟར་ཡང་མི་གཞན་དག་གི་དང་མི་འདྲ་བ་འདི་ཅི་ཡིན། ལྷ་དེ་ནི་རབ་ཏུ་བྱུང་བ་ཞེས་བགྱིའོ། །ཁ་ལོ་སྒྱུར་བ་རབ་ཏུ་བྱུང་བ་ཞེས་བྱ་བ་འདི་ཅི་ཡིན།
Nga6b
ལྷ་རབ་ཏུ་བྱུང་བ་དེ་ནི་དུལ་བ་ལེགས་པ་དང ། ཡང་དག་པར་སྡོམ་པ་ལེགས་པ་དང ། དོན་སྤྱོད་པ་ལེགས་པ་དང ། ཆོས་སྤྱོད་པ་ལེགས་པ་དང ། དགེ་བ་སྤྱོད་པ་ལེགས་པ་དང ། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། ལྷ་འདི་ནི་རབ་ཏུ་བྱུང་བ་ཞེས་བགྱིའོ། །ཁ་ལོ་སྒྱུར་བ་དེའི་ཕྱིར་ཤིང་རྟ་འདི་རབ་ཏུ་བྱུང་བ་གང་ན་བ་དེ་ལོགས་སུ་སྒྱུར་ཅིག་།ལྷ། བཀའ་བཞིན་འཚལ་ཞེས། ཁ་ལོ་སྒྱུར་བས་བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས་ཤིང་རྟ་དེ་རབ་ཏུ་བྱུང་བ་གང་ན་བ་དེར་བསྒྱུར་ཏོ། །དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པས་རབ་ཏུ་བྱུང་བ་དེ་ལ་འདི་སྐད་ཅེས་བཀའ་སྩལ་ཏོ། །ཀྱེ་མི་ཁྱོད་ཅིའི་ཕྱིར་སྐྲ་བྲེགས་ཤིང་ལག་པ་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང ། ཁང་པ་ནས་ཁང་པར་རྒྱུ་ཞིང་འགྲོ་ལ་ཁྱོད་ཀྱི་གོས་ཀྱང་ཁ་དོག་མི་མཚུངས་ཏེ། ཅི་ནས་ཀྱང་མི་གཞན་དག་གི་དང་མི་འདྲ་བ་ཡིན། དེས་འདི་སྐད་ཅེས་སྨྲས་སོ། །གཞོན་ནུ་བདག་ནི་རབ་ཏུ་བྱུང་བ་ཞེས་བགྱིའོ། །ཀྱེ་མི་ཁྱོད་ཇི་ལྟར་ན་རབ་ཏུ་བྱུང་བ་ཞེས་བྱ། གཞོན་ནུ་བདག་གིས་དུལ་བ་ལེགས་པ་དང ། ཡང་དག་པར་སྡོམ་པ་ལེགས་པ་དང ། དོན་སྤྱོད་པ་ལེགས་པ་དང ། ཆོས་སྤྱོད་པ་ལེགས་པ་དང ། དགེ་བ་སྤྱོད་པ་ལེགས་པ་དང ། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པར་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ལྟར་
Nga7a
༄#། །ན་བདག་རབ་ཏུ་བྱུང་བ་ཞེས་བྱའོ། །ཀྱེ་མི་ཁྱོད་ཀྱིས་དུལ་པ་ལེགས་པ་དང ། ཡང་དག་པར་སྡོམ་པ་ལེགས་པ་དང ། དོན་སྤྱོད་པ་ལེགས་པ་དང ། ཆོས་སྤྱོད་པ་ལེགས་པ་དང ། དགེ་བ་སྤྱོད་པ་ལེགས་པ་དང ། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ལེགས་སོ། །དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པས། ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་།ཕོ་བྲང་ཉིད་དུ་འདོད་དོ། །འདི་ལྟར་ང་ཕོ་བྲང་དུ་ཕྱིན་ནས་དོན་འདི་ཁོ་ན་བསམ་པར་བྱའོ། །ཁ་ལོ་སྒྱུར་བས་ཤིང་རྟ་ཕྱིར་བསྒྱུར་ནས་ཕོ་བྲང་ཉིད་དུ་ཆས་ཏེ། དེར་ཕོ་བྲང་དུ་གཤེགས་པ་དང ། བྱང་ཆུབ་སེམས་དཔའ་ཤཱཀྱ་ཐུབ་པ། ཀྱེ་མའོ་བདག་ནི་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱའོ་སྙམ་པའི་དོན་དེ་ཉིད་དགོངས་སོ། །དེ་ནས་རྒྱལ་པོ་ཟས་གཙང་གིས་ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ། ཅི་གཞོན་ནུ་ཡིད་དགའ་བ་དང ། མགུ་བས་སྐྱེད་མོས་ཚལ་གྱི་གཞིར་བྱུང་ངམ། སྐྱེད་མོས་ཚལ་ལ་མངོན་པར་དགའ་བར་གྱུར་ཏམ། ལྷ་མ་ལགས་སོ། །དེ་ཅིའི་སླད་དུ་ཞེ་ན། ལྷ་གཞོན་ནུ་སྐྱེད་མོས་ཚལ་གྱི་གཞིར་བྱུང་བ་ན། མི་སྐྲ་བྲེགས་ཤིང་གོས་ངུར་སྨྲིག་འཚལ་བ་སུག་པ་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང །
Nga7b
ཁང་པ་ནས་ཁང་པར་རྒྱུ་ཞིང་མཆི་བ་ཞིག་གཟིགས་སོ། །གཟིགས་ནས་ཀྱང་བདག་ལ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་མི་སྐྲ་བྲེགས་ལ་ལག་པ་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང ། ཁང་པ་ནས་ཁང་པར་རྒྱུ་ཞིང་འགྲོ་ལ་འདིའི་གོས་ཀྱང་ཁ་དོག་མི་མཚུངས་ཏེ། ཇི་ལྟར་ཡང་མི་གཞན་དག་གི་དང་མི་འདྲ་བ་འདི་ཅི་ཡིན། དེ་ལ་བདག་གིས་འདི་སྐད་ཅས་གསོལ་ཏོ། །ལྷ་འོ་ནི་རབ་ཏུ་བྱུང་བ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་རབ་ཏུ་བྱུང་བ་ཞེས་བྱ་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་རབ་ཏུ་བྱུང་བ་དེ་ནི་དུལ་བ་ལེགས་པ་དང ། ཡང་དག་པར་སྡོམ་པ་ལེགས་པ་དང ། དོན་སྤྱད་པ་ལེགས་པ་དང ། ཆོས་སྤྱོད་པ་ལེགས་པ་དང ། དགེ་བ་སྤྱོད་པ་ལེགས་པ་དང ། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་སྟེ། ལྷ་འདི་ནི་རབ་ཏུ་བྱུང་བ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་དེའི་ཕྱིར་ཤིང་རྟ་འདི་རབ་ཏུ་བྱུང་བ་གང་ན་བ་དེ་ལོགས་སུ་སྒྱུར་ཅིག་།ལྷ། བཀའ་བཞིན་འཚལ་ཞེས་བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས་ཤིང་རྟ་དེ་རབ་ཏུ་བྱུང་བ་གང་ན་བ་དེ་ལོགས་སུ་བསྒྱུར་བ་དང ། བྱང་ཆུབ་སེམས་དཔའ་ཤཱཀྱ་ཐུབ་པས་རབ་ཏུ་བྱུང་བ་དེ་ལ་འདི་སྐད་ཅེས་གསུངས་ཏེ། ཀྱེ་མི་ཁྱོད་ཅིའི་ཕྱིར་སྐྲ་བྲེགས་ལ་ལག་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང ། ཁང་པ་ནས་ཁང་པར་རྒྱུ་ཞིང་
Nga8a
༄#། །འགྲོ་ལ་ཁྱོད་ཀྱི་གོས་ཀྱང་ཁ་དོག་མི་མཚུངས་ཏེ། ཇི་ལྟར་ཡང་མི་གཞན་དག་དང་མི་འདྲ་བ་ཡིན། དེས་འདི་སྐད་ཅེས་གསོལ་ཏོ། །གཞོན་ནུ་བདག་ནི་རབ་ཏུ་བྱུང་བ་ཞེས་བྱའོ། །བྱང་ཆུབ་སེམས་དཔས་གསུངས་པ། ཀྱེ་མི་ཁྱོད་ཇི་ལྟར་རབ་ཏུ་བྱུང་བ་ཞེས་བྱ། དེས་འདི་སྐད་ཅེས་གསོལ་ཏོ། །གཞོན་ནུ་བདག་གིས་དུལ་བ་ལེགས་པ་དང ། ཡང་དག་པར་སྡོམ་པ་ལེགས་པ་དང ། དོན་སྤྱོད་པ་ལེགས་པ་དང ། ཆོས་སྤྱོད་པ་ལེགས་པ་དང ། དགེ་བ་སྤྱོད་པ་ལེགས་པ་དང ། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ལྟར་ན་བདག་རབ་ཏུ་བྱུང་བ་ཞེས་བྱའོ། །བྱང་ཆུབ་སེམས་དཔས་གསུངས་པ། ཀྱེ་མི་ཁྱོད་ཀྱིས་དུལ་བ་ལེགས་པ་དང ། ཡང་དག་པར་སྡོམ་པ་ལེགས་པ་དང ། དོན་སྤྱོད་པ་ལེགས་པ་དང ། ཆོས་སྤྱོད་པ་ལེགས་པ་དང ། དགེ་བ་སྤྱོད་པ་ལེགས་པ་དང ། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ལེགས་སོ། །དེ་ནས་གཞོན་ནུས་གསུངས་པ། ཁ་ལོ་སྒྱུར་བ་དེའི་ཕྱིར་ཤིང་རྟ་ཕྱིར་སྒྱུར་ཅིག་།ཕོ་བྲང་ཉིད་དུ་འདོང་ངོ ། །འདི་ལྟར་རང་ཕོ་བྲང་དུ་ཕྱིན་ནས་དོན་འདི་བསམ་པར་བྱའོ། །བདག་གིས་དེ་ནས་ཤིང་རྟ་བསྒྱུར་ནས་གཞོན་ནུ་ཕོ་བྲང་དུ་ཞུགས་སོ། །རྒྱལ་པོས་བསམས་པ། མཚན་མཁན་དང་ལྟས་མཁན་གྱི་
Nga8b
བྲམ་ཟེ་དེ་རྣམས་ཀྱི་ཚིག་ཡང་དག་པར་བདེན་པར་མི་འགྱུར་གྲང ། གཞོན་ནུ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་འགྱུར་དུ་འོང་གིས། མ་ལ་བདག་གིས་གཞོན་ནུ་ཞིང་བའི་གྲོང་དུ་བཏང་ལ་ཅི་ནས་ཀྱང་དེ་ལ་སེམས་གཡེངས་པར་འགྱུར་བར་བྱའོ་སྙམ་ནས། གཞོན་ནུ་ཤཱཀྱ་ཐུབ་པ་ལ་འདི་སྐད་ཅེས་སྨྲས་སོ། །གཞོན་ནུ་ཚུར་ཤོག་།ཁྱོད་ཞིང་པའི་གྲོང་དུ་སོང་ལ་ལས་ཀྱི་མཐའ་ལ་ལྟོས་ཤིག་།དེ་ནས་བྱང་ཆུབ་སེམས་དཔའ་རྒས་པ་དང ། ནད་པ་དང ། ཤི་བ་མཐོང་ནས་ནི་ཡིད་བྱུང ། རབ་ཏུ་བྱུང་བ་ལ་ནི་མངོན་པར་ཞེན་པའི་བློས་ཡབ་ཤཱཀྱ་ཟས་གཙང་གི་ཚིག་གསན་ནས། ཤིང་རྟར་ཞུགས་ཏེ་ཞིང་པའི་གྲོང་དུ་སྐུས་གཤེགས་ཀྱི་ཐུགས་ཀྱིས་ནི་མ་ཡིན་ནོ། །དེ་ལ་ལམ་གར་གཏེར་ལྔ་བརྒྱས་ཁ་ཉེ་བར་བསྟན་ཏེ་སྒྲ་ཕྱུང་བ། གཞོན་ནུ་བདག་ཅག་ནི་ཁྱོད་ཀྱི་ཉེ་དུའི་གཏེར་ལགས་ཀྱིས་བདག་ཅག་བཞེས་ཤིག་།བྱང་ཆུབ་སེམས་དཔས་གསུངས་པ། རེ་ཞིག་དེ་རྣམས་ཀྱིས་བླུན་པོའི་ཡོངས་སུ་བཟུང་བ་བྱས་ནས་ཅི་ཞིག་བྱའི་ཁྱེད་ང་ལ་དགོས་པ་མེད་ཀྱིས་སོང་ཞིག་།ཚིགས་སུ་བཅད་པས་ཀྱང་གསུངས་པ། གང་གིས་ང་ལ་འཆི་བའི་གཏམ་སྨྲས་པ། །དེ་དག་ཀྱང་ཤི་གཏམ་དུ་གྱུར་པ་ཡིན། །བདག་ཀྱང་ཤི་ནས་རིང་པོ་མི་ཐོགས་པར། །གཞན་དག་གི་ཡང་གཏམ་དུ་འགྱུར་བར་འོང ། །དེ་རྣམས་ཀྱིས་ཡང་སྒྲ་ཕྱུང་བ། གཞོན་ནུས་གལ་ཏེ་མི་བཞེས་ན། བདག་ཅག་རྒྱ་མཚོ་ཆེན་པོར་འཇུག་གོ་།བྱང་ཆུབ་
Nga9a
༄#། །སེམས་དཔས་ཅི་བདེ་བར་ཞུགས་ཤིག་ཅེས་གསུངས་པ་དང ། དེ་རྣམས་རྒྱ་མཚོ་ཆེན་པོའི་ནང་དུ་ཞུགས་སོ། །བྱང་ཆུབ་སེམས་དཔའ་གཤེགས་པ་དང ། ཅི་ཙམ་ན་ཞིང་པ་སྐྲ་གྱེན་དུ་འགྲེང་བ། ལག་པ་དང་རྐང་པ་སེར་ཀ་བྱུང་བ། ལུས་རྡུལ་གྱིས་ཡོགས་པ་དག་ཅིག་དང ། རྨོན་པ་ལྕགས་ཟེར་བུ་རྣོན་པོ་ཅན་གྱིས་ལུས་དྲལ་བས་རྒྱབ་དང་མཇུག་ངོའི་ཕྱོགས་ཁྲག་གིས་ཡོགས་པ། ལྟོགས་པ་དང་སྐོམ་པས་དབུགས་རྫངས་ཤིང་སྙིང་གའི་ཕྱོགས་ནས་དབུགས་རྫངས་པ་རིང་དུ་འདྲེན་ལ་གཉའ་ཤིང་གིས་མནན་པའི་རྨ་ལས་རྣག་ཁྲག་འཛག་པ་ལ་སྦྲང་བུ་དང་འབུའི་ཚོགས་ཟ་བ། ཐོང་ལྕགས་ཀྱིས་རྐང་པ་རྨ་བྱུང་ཞིང ། ཁ་དང་སྣ་ནས་ཁ་ཆུ་དང་སྣ་ཆུ་འཛག་ལ་སྤྲང་མ་དང ། ཤ་སྦྲང་དང་སྦྲང་བུ་མཆུ་རིངས་ཀྱིས་ཡོགས་པ་རྣམས་གཟིགས་སོ། །གཟིགས་ནས་ཀྱང་ཐོག་མ་མེད་པའི་དུས་ནས་བསོད་ནམས་བསྐྱེད་ཅིང་བསགས་པའི་ཐུགས་རྗེས་ཀུན་ནས་བསྐྱོད་པའི་ཐུགས་ཀྱིས་ཞིང་པ་རྣམས་ལ་འདི་སྐད་ཅེས་གསུངས་སོ། །ཤས་ལྡན་དག་།ཁྱེད་སུའི་ཡིན། དེ་རྣམས་ཀྱིས་གསོལ་པ། ལྷའི་ལགས་སོ། །དེས་གསུངས་པ། ཤེས་ལྡན་དག་།དེང་ཕན་ཆད་བྲན་དུ་མི་བྱ། མངག་གཞུག་པར་མི་བྱ། རང་དབང་ཅན་གར་དགའ་བར་འགྲོ་བར་བྱས་བདེ་བ་ལ་རེག་པར་གནོས་ཤིག་།རྨོན་པ་རྣམས་ཀྱང་བཀྲོལ་ནས་གསུངས་པ། ཁྱེད་ཅག་ཀྱང་དེང་ཕན་ཆད་རྩཝ་མཆོག་མ་ཉམས་པ་ལ་ཟ་ཞིང ། ཆུ་མ་རྡུལ་མ་རྙོགས་ཤིང་དང་བ་
Nga9b
དག་ལ་འཐུང་ཞིག་།ཁྱེད་ལ་ཕྱོགས་བཞི་ནས་ཀྱང་རླུང་བསིལ་བ་ལྡང་བར་གྱུར་ཅིག་།དེ་ནས་བྱང་ཆུབ་སེམས་དཔའ་ཡིད་བྱུང་བ་དེ་ཉིད་ཀྱིས་ཡབ་ཤཱཀྱ་ཟས་གཙང་གི་ཞིང་བླས་ཀྱི་མཐའ་ལ་གཟིགས་ནས་ཤིང་འཛམ་བུའི་གྲིབ་མ་གང་ན་བ་དེར་གཤེགས་ཏེ་བྱོན་ནས། ཤིང་འཛམ་བུའི་གྲིབ་མ་ལ་བཞུགས་ཏེ། འདོད་པ་ལས་དབེན་པ་སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་དཔྱོད་པ་དང་བཅས་ཤིང་དབེན་པ་ལས་སྐྱེས་པའི་དགའ་བ་དང་བདེ་བ་ཟག་པ་མེད་པ་དང་འདྲ་བའི་བསམ་གཏན་དང་པོ་ལ་སྙོམས་པར་ཞུགས་སོ། །སྐྱེ་བོའི་ཚོགས་ཆེན་པོ་ཡང ། བྱང་ཆུབ་སེམས་དཔའ་སྤངས་ཏེ། མི་འགྲོ་བར་ཤིང་གཞན་རྣམས་ཀྱི་དྲུང་ན་སྡོད་དོ། །རྒྱལ་པོ་ཟས་གཙང་གིས་བསམས་པ། བྱང་ཆུབ་སེམས་དཔའ་རིང་ཞིག་ཐོགས་ཏེ། འདི་ལྟར་སྔ་དྲོའི་དུས་ལས་ཡོལ་གྱིས་ལྟར་འགྲོའོ་ཞེས་དེ་ཤིང་རྟར་ཞུགས་ནས་ཞིང་པའི་གྲོང་དུ་སོང་སྟེ་ཕན་ཚུན་དུ་བྱང་ཆུབ་སེམས་དཔའ་ཚོལ་ཞིང་འཛམ་བུའི་དྲུང་དུ་ཕྱིན་ཏོ། །དེའི་ཚེ་ཉི་མའི་གུང་ཡོལ་ནས་ཤིང་གཞན་རྣམས་ཀྱི་གྲིབ་མ་ཤར་ཕྱོགས་སུ་གཞོལ། ཤར་ཕྱོགས་སུ་འབབ། ཤར་ཕྱོགས་སུ་བབ་པར་གྱུར་ཏོ། །བྱང་ཆུབ་སེམས་དཔའི་མཐུས་ཤིང་འཛམ་བུའི་གྲིབ་མ་ནི་བྱང་ཆུབ་སེམས་དཔའི་སྐུ་མི་གཏོང་ངོ ། །རྒྱལ་པོ་ཟས་གཙང་གི་ཉི་མའི་གུང་ཡོལ་ནས་ཤིང་གཞན་རྣམས་ཀྱི་གྲིབ་མ་ཤར་ཕྱོགས་སུ་གཞོལ། ཤར་ཕྱོགས་སུ་འབབ། ཤར་ཕྱོགས་སུ་བབ་པར་གྱུར་ན་ཤིང་
Nga10a
༄#། །འཛམ་བུའི་གྲིབ་མ་ནི་བྱང་ཆུབ་སེམས་དཔའི་སྐུ་མི་གཏོང་བ་མཐོང་ངོ ། །མཐོང་ནས་ཀྱང་དེ་འདི་སྙམ་དུ་སེམས་ཏེ། གཞོན་ནུ་ནི་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། འདི་ལྟར་ད་ལྟར་ཉི་མའི་གུང་ཡོལ་ནས་ཤིང་གཞན་རྣམས་ཀྱི་གྲིབ་མ་ཤར་ཕྱོགས་སུ་གཞོལ། ཤར་ཕྱོགས་སུ་འབབ། ཤར་ཕྱོགས་སུ་བབ་པར་གྱུར་ན། ཤིང་འཛམ་བུའི་གྲིབ་མ་ནི་བྱང་ཆུབ་སེམས་དཔའི་སྐུ་མི་གཏོང་བ་ངོ་མཚར་ཆེའོ་སྙམ་མོ། །དེ་ནས་དགའ་བའི་བསྟི་སྟང་བྱས་ཏེ། བྱང་ཆུབ་སེམས་དཔའི་ཞབས་གཉིས་ལ་གཏུགས་ནས་ཚིགས་སུ་བཅད་པས་སྨྲས་པ། ཇི་ལྟར་བལྟམས་ཚེ་ས་ནི་གཡོས་པ་ལྟར། །འཛམ་བུའི་གྲིབ་མས་ཁྱོད་སྐུ་མི་གཏོང་བ། །བློ་ཆེན་ཁྱོད་ཀྱི་ཡ་མཚན་གཉིས་འདི་སྟེ། །ཀུན་གཟིགས་ཁྱོད་ཀྱི་ཞབས་ལ་ཕྱག་འཚལ་ལོ། །དེ་ནས་རྒྱལ་པོ་ཟས་གཙང་གིས་བྱང་ཆུབ་སེམས་དཔའ་སྐྱིལ་མོ་ཀྲུང་བཅས་པ་ལས་བསླངས་ནས། ཤིང་རྟར་ཞུགས་ཏེ་དུར་ཁྲོད་ཀྱི་ནང་ནས་སེར་སྐྱའི་གཞིར་གཤེགས་པ་ན། བྱང་ཆུབ་སེམས་དཔས་དུར་ཁྲོད་ཀྱི་ནང་ནས་མི་རོ་རྣམ་པར་སྔོས་པ་དང ། རྣམ་པར་འབུས་གཞིགས་པ་དང ། རྣམ་པར་བམ་པ་དག་གཟིགས་ནས་དེ་ཤིན་ཏུ་སྐྱོ་བ་སྐྱེས་ཏེ། ཤིང་རྟར་ཞུགས་བཞིན་དུ་སྐྱིལ་མོ་ཀྲུང་བཅས་ནས་བཞུགས་སོ།། དེ་ནས་ཡབ་རྒྱལ་པོ་ཟས་གཙང་གིས་སྐྱིལ་མོ་ཀྲུང་བཅས་པ་ལས་བསླངས་ནས། སེར་སྐྱའི་གཞིར་གཤེགས་ཏེ། གྲོང་ཁྱེར་གྱི་ནང་དུ་འཇུག་པ་ན་མཚན་མཁན་རྣམས་ཀྱིས། གལ་ཏེ་གཞོན་ནུ་
Nga10b
ཞག་བདུན་གྱི་བར་དུ་རབ་ཏུ་མ་བྱུང་ན། འཁོར་ལོ་སྒྱུར་བའི་རྒྱལ་པོར་འགྱུར་བར་ལུང་བསྟན་པར་རིག་ནས། དེ་རྣམས་ཀྱིས་རྒྱལ་པོ་ཟས་གཙང་ལ་འདི་སྐད་ཅེས་སྨྲས་སོ། །གལ་ཏེ་དེ་ཡི་བཟང་པོ་གཟིགས་བཞེད་ན། །དེ་ཡི་སླད་དུ་དགུང་བདུན་བར་དུ་སྲུངས་ཤིག་དང ། །མི་དབང་གདུགས་ནི་བདལ་བར་གྱུར་པ་ན། །རིན་ཆེན་སྣ་བདུན་འབྱུང་བར་ཐེ་ཚོམ་མེ། །ཁྱོད་སྲས་རིན་ཆེ་བདུན་པོ་ཡི། །དབང་ཕྱུག་གི་ནི་རྒྱལ་པོར་འགྱུར། །རྒྱ་མཚོ་ལ་ནི་ཐུག་པའི་ས། །ཆད་པ་མེད་པར་སྐྱོང་བར་འགྱུར། །འོན་ཏེ་ས་ནི་སྤངས་ནས་སུ། །བསྙེངས་མེད་ནགས་སུ་བཞུད་ན་ནི། །ཐམས་ཅད་མཁྱེན་པ་ཐོབ་གྱུར་ནས། །འགྲོ་བ་སྒྲོལ་བར་མཛད་པར་འགྱུར། །ཤཱཀྱ་དུས་ལེགས་ཀྱི་བུ་མོ་རི་དྭགས་སྐྱེས་ཞེས་བྱ་བ་དེ་སྐར་ཁུང་ན་འདུག་པས་བྱང་ཆུབ་སེམས་དཔའ་མཐོང་ནས་ཚིགས་སུ་བཅད་དེ་སྨྲས་པ། ཀྱེ་མ་འདི་ཡི་ཡུམ་བདེ་ཞིང ། །ཡབ་དེ་ཡང་ནི་བདེ་བ་ཡིན། །ཀྱེ་མ་གང་གི་ཁྱིམ་ཐབ་འགྱུར། །བུད་མེད་དེ་ཡང་མྱ་ངན་འདས། །སྐྱེས་མཆོག་བསམ་གཏན་པ་དེ་ཡིས། །མྱ་ངན་འདས་པའི་སྒྲ་ཐོས་ནས། །མྱ་ངན་འདས་པ་ཞི་ཉིད་དུ། །མཁྱེན་ནས་དེ་ལ་ཐུགས་དགྱེས་གྱུར། །དེ་ནས་བྱང་ཆུབ་སེམས་དཔས་ལེགས་པར་སྨྲས་པའི་ཕྱིར་མུ་ཏིག་གི་ཕྲེང་བ་འཕགས་པ་དང ། བྱང་ཆུབ་སེམས་དཔའི་མཐུས་སྐར་ཁུང་ནས་སོང་སྟེ། དེའི་མགུལ་དུ་འཁྲིས་པར་གྱུར་ཏོ། །སྐྱེ་བོའི་ཚོགས་ཀྱིས་ནང་དུ་སོང་བ་དེ་མཐོང་ནས། དེ་རྣམས་ཀྱིས་རྒྱལ་པོ་ཟས་གཙང་ལ་རྒྱས་པར་སྨྲས་ནས། རྒྱལ་པོ་ཟས་གཙང་གིས་རི་དྭགས་
Nga11a
༄#། །སྐྱེས་འཁོར་ཉི་ཁྲི་དང ། བྱང་ཆུབ་སེམས་དཔའི་བཙུན་མོར་བླངས་སོ། །དེ་ནས་བྱང་ཆུབ་སེམས་དཔའི་བཙུན་མོ་ས་འཚོ་མ་དང ། རི་དྭགས་སྐྱེས་ལ་སོགས་པའི་འཁོར་བུད་མེད་དྲུག་ཁྲི་ཡོད་དོ། དེ་ནས་རྒྱལ་པོ་ཟས་གཙང་གཅུང་བྲེ་བོ་ཟས་དང ། ཟས་དཀར་དང ། ཚད་མེད་ཟས་གསུམ་དང་ལྷན་ཅིག་གཅིག་ཏུ་ཚོགས་ནས་གྲོས་བྱ་བར་བརྩམས་པ། ཤེས་ལྡན་དག་།མཚན་མཁན་དང་ལྟས་མཁན་གྱི་བྲམ་ཟེ་རྣམས་ཀྱིས། བྱང་ཆུབ་སེམས་དཔའ་ཤཱཀྱ་ཐུབ་པ་ལ་གལ་ཏེ་ཞག་བདུན་གྱི་བར་དུ་རབ་ཏུ་མ་བྱུང་ན། འཁོར་ལོ་སྒྱུར་བའི་རྒྱལ་པོར་འགྱུར་རོ་ཞེས་ལུང་བསྟན་གྱིས་དེ་ལྟ་བས་ན་བདག་ཅག་གིས་བྱང་ཆུབ་སེམས་དཔའ་ཞག་བདུན་གྱི་བར་དུ་བསྒྲིམས་ཏེ་བསྲུང་བར་བྱ་ཞིང་གྲོང་ཁྱེར་ཡང་ལེགས་པར་བསྲུང་བར་བྱའོ། །དེ་ནས་དེ་རྣམས་ཀྱིས་སེར་སྐྱའི་གཞིའི་གྲོང་ཁྱེར་ར་བ་རིམ་པ་བདུན་དང་འོབས་རིམ་པ་བདུན་གྱིས་བསྐོར་ནས་གྲོང་ཁྱེར་གྱི་སྒོ་འཕར་ལྕགས་ལས་བྱས་ཤིང ། སྒོ་འཕར་རྣམས་ལ་དྲིལ་བུ་ཤིན་ཏུ་སྒྲ་གསལ་བ་བཏགས་ཏེ། སྒོ་ཕྱེ་ན་དེའི་སྒྲས་དཔག་ཚད་གཅིག་ཁོ་ར་ཁོར་ཡུག་ཏུ་གྲགས་པར་འགྱུར་རོ། །བྱང་ཆུབ་སེམས་དཔའ་ནི་ཁང་བཟང་གི་གཞི་ན་བུད་མེད་ཡིད་འཕྲོག་པ་གཟུགས་བཟང་བ་རྣམས་དང ། གར་དང་གླུ་དང་རོལ་མོ་རྣམས་ཀྱི་སྤྱོད་པས་བསྙེན་བཀུར་བྱེད་དུ་བཅུག་གོ་།བློན་པོ་རྣམས་ནི་དཔུང་གི་ཚོགས་ཡན་ལག་བཞི་དང་ལྷན་ཅིག་ར་བའི་ཕྱི་རོལ་ཁོར་ཁོར་ཡུག་ཏུ་གཅན་པ་བྱེད་དུ་བཅུག་གོ་།བློན་པོ་
Nga11b
རྣམས་ནི་དཔུང་བརྒྱས་ཚུགས་པ་ཡང་བྱས་སོ། །བཙུན་མོའི་འཁོར་གྱི་སྒོར་ཡང་སྒོ་ཕྱེ་ན་དེའི་སྒྲས་རྒྱལ་པོ་ཟས་གཙང་གི་ཕོ་བྲང་དུ་གྲག་ཅིང་དེ་ཐོས་ནས། བཙུན་མོའི་འཁོར་གྱི་མི་དང་གྲོང་ཁྱེར་གྱི་སྒོ་སྲུང་རྣམས་དང།་ཕོ་བྲང་འཁོར་གྱི་མི་གྲོང་ཁྱེར་གྱི་ཕྱི་རོལ་ནས་སྲུང་དུ་བཅུག་པ་རྣམས་བག་དང་ཆས་ཏེ་འདུག་པར་འགྱུར་བ་དེ་ལྟ་བུ་བཏགས་སོ། །བྱང་ཆུབ་སེམས་དཔའ་ནི། སྟེང་གི་ཁང་བཟང་གི་གཞི་སྐྱེས་པ་མེད་པར་ཞུགས་ནས། པི་ཝང་དང་གླིང་བུ་དང་འཁར་རྔ་དང་སྒྲ་སྙན་ལ་སོགས་པ་རོལ་མོའི་ཆ་བྱད་དག་ཉེ་བར་ལེན་ཅིང ། འབྱོར་པ་ཆེན་པོས་བཞུགས་སོ། །མཚན་མོ་ནི་རྒྱལ་པོ་ཟས་གཙང་ཡང་དཔུང་གི་ཚོགས་ཡན་ལག་བཞི་དང་ཤར་སྒོའི་ཕྱི་རོལ་ན་འདུག་གོ་།ལྷོ་ཕྱོགས་ན་ནི་བྲེ་བོ་ཟས་སོ། །ནུབ་ཕྱོགས་ན་ནི་ཟས་དཀར་རོ། །བྱང་ཕྱོགས་ན་ནི་ཚད་མེད་ཟས་སོ། །གྲོང་ཁྱེར་གྱི་དབུས་ཀྱི་འདྲམ་པོ་བྱེད་པ་ནི་ཤཱཀྱ་མིང་ཆེན་ནོ། །དེ་ཤར་སྒོར་སོང་ནས་སྨྲས་པ། སུ་ཞིག་མེལ་ཚེ་བྱེད། སུ་ཞིག་མེལ་ཚེ་བྱེད། རྒྱལ་པོ་ཟས་གཙང་གིས་སྨྲས་པ། ཁོ་བོ་མེལ་ཚེ་བྱེད་དོ། །ལྷ་མེལ་ཚེ་མཛོད་ཅིག་།མེལ་ཚེ་མཛོད་དང་ཁྱོད་ལ་ལེགས་པར་འགྱུར་རོ། །ཞེས་སྨྲས་ཏེ། ཚིགས་སུ་བཅད་དེ་སྨྲས་པ། འཇིག་རྟེན་གཉིད་ལོག་རོ་དང་མཚུངས། །གཉིད་ལོག་བདུད་ཀྱི་དབང་དུ་སོང ། འདི་ན་མི་ཉལ་རྟག་ཏུ་མཁས། །དེ་བས་མ་ཉལ་མེལ་ཚེ་བྱོས། །ལྷོ་སྒོར་སོང་ནས་སྨྲས་པ། སུ་ཞིག་མེལ་ཚེ་བྱེད། སུ་ཞིག་མེལ་ཚེ་བྱེད། བྲེ་བོ་ཟས་ཀྱིས་སྨྲས་པ། ཁོ་བོ་མེལ་ཚེ་བྱེད་དོ། །ལྷ་མེལ་ཚེ་མཛོད་ཅིག་།མེལ་
Nga12a
༄#། །ཚེ་མཛོད་དང་ཁྱོད་ལ་ལེགས་པར་འགྱུར་རོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། འཇིག་རྟེན་གཉིད་ལོག་རོ་དང་མཚུངས། །གཉིད་ལོག་བདུད་ཀྱི་དབང་དུ་སོང། །གཉིད་ལོག་འཆི་བདག་དབང་དུ་སོང ། །དེ་བས་མ་ཉལ་མེལ་ཚེ་བྱོས། །ནུབ་སྒོར་སོང་ནས་སྨྲས་པ། སུ་ཞིག་མེལ་ཚེ་བྱེད། སུ་ཞིག་མེལ་ཚེ་བྱེད། ཟས་དཀར་གྱིས་སྨྲས་པ། ཁོ་བོ་མེལ་ཚེ་བྱེད་དོ། །ལྷ་མེལ་ཚེ་མཛོད་ཅིག་།མེལ་ཚེ་མཛོད་དང་ཁྱོད་ལ་ལེགས་པར་འགྱུར་རོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། གཉིད་ལོག་པ་ནི་རྟག་ཏུ་མྱོས། །མྱོས་འགྱུར་བྲེས་བོས་འཐུངས་པ་ཉལ། །དགོན་པའི་ནགས་སུ་ཉལ་བ་འདྲ། །དེ་བས་མ་ཉལ་མེལ་ཚེ་བྱོས། །བྱང་དུ་སོང་ནས་སྨྲས་པ། སུ་ཞིག་མེལ་ཚེ་བྱེད། སུ་ཞིག་མེལ་ཚེ་བྱེད། ཚད་མེད་ཟས་ཀྱིས་སྨྲས་པ། ཁོ་བོ་མེལ་ཚེ་བྱེད་དོ། །ལྷ་མེལ་ཚེ་མཛོད་ཅིག་།མེལ་ཚེ་མཛོད་དང་ཁྱོད་ལ་ལེགས་པར་འགྱུར་རོ་ཞེས་སྨྲས་ནས། ཚིགས་སུ་བཅད་དེ་སྨྲས་པ། རི་ཉལ་རི་སུལ་ཉལ་བ་བཞིན། །རྒྱ་མཚོའི་ཆུར་ནི་ཉལ་བ་དང ། །ལྗོན་ཤིང་རྩེ་ལ་ཉལ་བ་བཞིན། །དེ་བས་མ་ཉལ་མེལ་ཚེ་བྱོས། །དབུས་ཀྱི་བཞི་མདོ་དང་སུམ་མདོ་དག་ཏུ་སོང་ནས་སྨྲས་པ། སུ་ཞིག་མེལ་ཚེ་བྱེད། སུ་ཞིག་མེལ་ཚེ་བྱེད། སྲུང་མ་རྣམས་ཀྱིས་སྨྲས་པ། བདག་ཅག་མེལ་ཚེ་བགྱིད་དོ། །མེལ་ཚེ་བྱོས་ཤིག་།མེལ་ཚེ་བྱོས་དང་ལེགས་པར་འགྱུར་རོ་ཞེས་སྨྲས་ནས། ཚིགས་སུ་བཅད་དེ་སྨྲས་པ། ཆོས་སྤྱོད་ཆོས་མ་ཡིན་མ་
Nga12b
སྤྱོད། །བདེན་པ་སྨྲོས་ཤིག་བརྫུན་མ་སྨྲ། །མུན་པ་ཆེན་པོར་འཇུག་པར་འགྱུར། །དེ་བས་མ་ཉལ་མེལ་ཚེ་བྱོས། །དེ་ནམ་ནངས་ནས་ཤཱཀྱ་མིང་ཆེན་གྱིས་རྒྱལ་པོ་ཟས་གཙང་ལ་སྨྲས་པ། ལྷ་དགུང་སངས་ལགས་ཏེ། དགུང་བདུན་ལ་དགུང་གཅིག་ནི་ཐལ། དགུང་དྲུག་ནི་ལུས་སོ། །རྒྱལ་པོ་ཟས་གཙང་གིས་སྨྲས་པ། ལེགས་ཀྱིས་ཞག་དྲུག་འདས་ན། གཞོན་ནུ་འཁོར་ལོ་སྒྱུར་བར་གྱུར་ན། བདག་ཅག་ནམ་མཁའི་ངོས་ལ་རྒྱུ་ཞིང་གླིང་བཞིར་ཕྱི་བཞིན་དོང་ངོ ། །དེ་བཞིན་དུ་དགོངས་གཅིག་ལུས་སོ་ཞེས་བྱ་བའི་བར་དུ་སྟེ། ལྷ་རྣམས་ཀྱིས་དབང་པོ་བརྒྱ་བྱིན་གྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས་ཚིགས་སུ་བཅད་དེ་སྨྲས་པ། མི་དབང་ཤཱཀྱ་སྲས་པོ་ཐུབ་པ་འདི། །བདག་ཉིད་ཆེན་པོ་ཕ་རོལ་ཕྱིན་དྲུག་རྫོགས། །ཐུབ་རྣམས་དགྱེས་པ་མཛད་པ་དཀའ་ཐུབ་ཚལ། །འཕགས་པ་དགྱེས་པས་ནགས་སུ་གཤེགས་པར་བཞེད། །དེ་ནས་བྱང་ཆུབ་སེམས་དཔའ་བཙུན་མོ་དང་ལྷན་ཅིག་སྐྱེས་པ་མེད་པ་ན་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་འདི་སྙམ་དུ་དགོངས་ཏེ། བདག་ལ་གཞན་དག་གཞོན་ནུ་ཤཱཀྱ་ཐུབ་པ་ནི་སྐྱེས་པ་མ་ཡིན་ཏེ། གང་གི་ཕྱིར་གྲགས་འཛིན་མ་དང ། ས་འཚོ་མ་དང ། རི་དྭགས་སྐྱེས་དང ། བུད་མེད་དྲུག་ཁྲི་སྤངས་ནས་རབ་ཏུ་བྱུང་ངོ་ཞེས་གཞི་དེས་ཁ་ཟེར་བར་འགྱུར་དུ་འོང་གིས། །མ་ལ་བདག་གིས་གྲགས་འཛིན་མ་དང་ལྷན་ཅིག་དགའ་མགུར་སྤྱད་པར་བྱའོ་སྙམ་ནས་དེས་གྲགས་འཛིན་མ་དང་ལྷན་ཅིག་དགའ་མགུར་སྤྱད་པ་དང་
Nga13a
༄#། །གྲགས་འཛིན་མ་སེམས་ཅན་དང་ལྡན་པར་གྱུར་ནས། དེ་འདི་སྙམ་དུ་སེམས་ཏེ་ནམ་ལངས་ནས་བྱང་ཆུབ་སེམས་དཔའི་སྙན་དུ་གསོལ་ལོ་སྙམ་མོ། །དེ་ནས་བྱང་ཆུབ་སེམས་དཔས་དེའི་ཚེ། རྟེན་ཅིང་འབྲེལ་པར་འབྱུང་བ་དང་ལྡན་པས་ཚིགས་སུ་བཅད་དེ་གསུངས་པ། བུད་མེད་དང་བདག་ཁྱིམ་ཉལ་བའི། །ཐ་མ་དེང་གི་འདི་ཡིན་ཏེ། །ཕྱིན་ཆད་ཁྱིམ་དུ་བུད་མེད་དང ། །ང་ནི་ལྷན་ཅིག་མི་གནས་སོ། །དེ་ནས་བུད་མེད་དེ་རྣམས་གར་དང་གླུ་དང་རོལ་མོས་དུབ་ནས། ཁ་ནས་ཁ་ཆུ་འཛག་ཅིང་སྐྲ་ཞིག་ལ་གོས་དང་ལག་པ་དག་ལྷུག་པར་བཏང་ནས། བརླ་བའི་ཚིག་བྱུང་རྒྱལ་དུ་བརྡོལ་ཞིང་གཉིད་ལོག་གོ་།བྱང་ཆུབ་སེམས་དཔས་བུད་མེད་དེ་དག་ཐམས་ཅད་ཁ་ནས་ཁ་ཆུ་འཛག་ཅིང་སྐྲ་ཞིག་ལ་གོས་དང་ལག་པ་དག་ལྷུག་པར་བཏང་ནས། བརླ་བའི་ཚིག་བྱུང་རྒྱལ་དུ་བརྡོལ་ཞིང་གཉིད་ལོག་པ་གཟིགས་སོ། །གཟིགས་ནས་ཀྱང་བཙུན་མོའི་འཁོར་ལ་དུར་ཁྲོད་ཀྱི་འདུ་ཤེས་སྐྱེས་ནས། དེས་ཚིགས་སུ་བཅད་དེ་གསུངས་པ། རླུང་གི་ཤུགས་ཀྱིས་པདྨའི་ཚལ་ལྟར་ས་གཞི་འདིར།། ལག་པ་དག་དང་རྐང་པ་བརྐྱང་ནས་འགྱེལ་གྱུར་ཏེ། །སྐྲ་རྣམས་ཞིག་ཅིང་མདོག་དང་རྐུབ་ཀྱི་ཕྱོགས་སྣང་བ། །ཤཱཀྱའི་སྲས་ཀྱིས་གཟིགས་ནས་རང་བཞིན་སྐྱོ་བར་གྱུར། །ཚུལ་དང་བྲལ་བའི་བུད་མེད་ན་ཆུང་ཚོགས་འདི་དག་།དུར་ཁོར་འཇིགས་སུ་རུང་བའི་རང་བཞིན་འདྲར་མཐོང་ནས། །སེམས་ཅན་བྱིས་པའི་སྤྱོད་པའི་ཡུལ་ལ་དེང་དགའ་ན། །སེམས་དང་བློ་གྲོས་དྲན་དང་བྲལ་བ་ཡིན་ནམ་ཅི། །འདོད་པ་ཐ་ཆད་
Nga13b
འདམ་དང་མདའ་མདུང་དུག་མེ་འདྲ། །རྨི་ལམ་ལྟ་བུ་ཡིན་ཏེ་ཚ་ཆུའི་རོ་དང་མཚུངས། །འདོད་པ་ཕུང་མེ་རྩོད་དང་སྡིག་པའི་རྒྱུར་གྱུར་པ། །མཐའ་ངན་སྦྲུལ་གྱི་དབང་པོ་ལྟ་བུ་བདག་གིས་སྤངས། །བར་སྐབས་དེར་སྐྱེ་དགུའི་བདག་མོ་ཆེན་མོའི་རྨི་ལམ་དུ་བཞི་རྨིས་པ། ཟླ་བ་སྒྲ་གཅན་གྱིས་ཟིན་པ་དང ། ཉི་མ་ཤར་ཕྱོགས་ནས་ཤར་ནས་དེ་ཉིད་དུ་ནུབ་པ་དང ། སྐྱེ་བོའི་ཚོགས་ཆེན་པོས་བདག་ལ་ཕྱག་བྱས་པ་དང ། བདག་ཉིད་དགོད་ཅིང་དུ་བའོ། །གྲགས་འཛིན་མའི་རྨི་ལམ་དུ་བརྒྱད་རྨིས་པ། བདག་ཉིད་ཀྱི་ཁྱིམ་གྱི་གདུང་ཆག་པ་དང ། བཀྲ་ཤིས་ཀྱི་མལ་ཁྲི་ཆག་པ་དང ། ལག་པའི་གདུབ་བུ་ཆག་པ་དང ། སོའི་ཕྲེང་བ་ལྷགས་པ་དང ། སྐྲའི་ལན་བུ་ཞིག་པ་དང ། དཔལ་ཁྱིམ་ནས་བྱུང་བ་དང ། ཟླ་བ་སྒྲ་གཅན་གྱིས་ཟིན་པ་དང ། ཉི་མ་ཤར་ཕྱོགས་ནས་ཤར་ནས་དེ་ཉིད་དུ་ནུབ་པའོ། །བྱང་ཆུབ་སེམས་དཔས་ཀྱང་རྨང་ལམ་ལྔ་རྨིས་པ། ས་ཆེན་པོ་ཉིད་ཀྱི་གཟིམ་མལ་དུ་བྱས་ཤིང ། རི་རབ་རིའི་རྒྱལ་པོ་དབུ་རྟེན་དུ་བཅུག་།ཕྱག་གཡོན་པ་ཤར་ཕྱོགས་ཀྱི་རྒྱ་མཚོ་ཆེན་པོར་འཇུག་།ཕྱག་གཡས་པ་ནུབ་ཕྱོགས་ཀྱི་རྒྱ་མཚོ་ཆེན་པོར་འཇུག་།ཞབས་གཉིས་རྒྱ་མཚོ་ཆེན་པོར་འཇུག་པ་དང ། འགྲོང་བ་ཞེས་བྱ་བའི་རྩའི་རིགས་ལྟེ་བ་ནས་བྱུང་ནས་ནམ་མཁའི་བར་དུ་འཕགས་ཏེ་འདུག་པ་དང ། བྱ་ཀུན་ནས་དཀར་ལ་མགོ་གནག་པ་རྣམས་ཀྱིས་ཞབས་གཉིས་ལ་གཏུགས་ནས་པུས་མོའི་ལྷ་ང་ལ་ཐུག་གི་བར་དུ་ལྡག་པ་དང ། བྱ་སྣ་ཚོགས་ཕྱོགས་བཞི་ནས་འོངས་ནས་མདུན་དུ་ཁ་དོག་གཅིག་ཏུ་འདུག་པ་དང ། མི་
Nga14a
༄#། །གཙང་བའི་རིའི་སྟེང་ནས་བདག་ཉིད་མི་གཙང་བས་མ་གོས་པར་འཆག་པའོ། །རྨིས་ནས་ཀྱང་ཐུགས་དགྱེས་ཏེ་དགོངས་པ། ངའི་རྨི་ལམ་འདི་འདྲ་བ་རྨིས་པས་རིང་པོ་མི་ཐོགས་པ་ཁོ་ནར་བླ་ན་མེད་པའི་ཡེ་ཤེས་ཐོབ་པར་འགྱུར་རོ་སྙམ་མོ། །དེ་ནས་གྲགས་འཛིན་མས་བྱང་ཆུབ་སེམས་དཔའ་ལ་རྨི་ལམ་གསོལ་བ། ལྷ་ད་གཟོད་བདག་གི་གཡར་ལམ་དུ་བརྒྱད་རྨིས་པ། བདག་གི་སྡུམ་པའི་གདུང་ཆག་པ་དང ། བཀྲ་ཤིས་ཀྱི་མལ་ཁྲི་ཆག་པ་དང ། སུག་པའི་གདུབ་བུ་ཆག་པ་དང ། སོའི་ཕྲེང་བ་ལྷགས་པ་དང ། སྐྲའི་ལན་བུ་ཞིག་པ་དང ། དཔལ་སྡུམ་པ་ནས་བྱུང་བ་དང ། ཟླ་བ་སྒྲ་གཅན་གྱིས་ཟིན་པ་དང ། གདུགས་ཤར་ཕྱོགས་ནས་བདལ་ནས་དེ་ཉིད་དུ་ནུབ་པ་རྨིས་ལགས་སོ། །བྱང་ཆུབ་སེམས་དཔས་གྲགས་འཛིན་མའི་ཡིད་མི་བདེ་བ་བསལ་བའི་ཕྱིར་རྨི་ལམ་རྣམས་བཤད་པ། བདག་གིས་ཁྱིམ་གྱི་གདུང་ཆག་གོ་ཞེས་སྨྲས་པ་གང་ཡིན་པ་དེ་མི་འདུག་གམ། བདག་གི་བཀྲ་ཤིས་ཀྱི་མལ་ཁྲི་ཆག་གོ་ཞེས་སྨྲས་པ་གང་ཡིན་པ་དེ་ཡང་མ་ཆག་སྟེ་འདུག་པའོ་ནི་ཡིན་མོད། ལག་པ་གདུབ་བུ་ཆག་གོ་ཞེས་སྨྲས་པ་གང་ཡིན་པ་ཅི་ཆག་གམ་མ་ཆག་རང་ཉིད་རྟོགས་ཤིག་།སོའི་ཕྲེང་བ་ལྷགས་སོ་ཞེས་སྨྲས་པ་གང་ཡིན་པ་དེ་ཡང་སོ་སོ་རང་གིས་རིག་པར་བྱ་བ་ཡིན་པས་ཅི་ལྷགས་སམ་མ་ལྷགས་རྟོགས་ཤིག་།བདག་གི་ལན་བུ་ཞིག་གོ་ཞེས་གང་སྨྲས་པ་དེ་ཡང་ཁྱོད་ཀྱིས་སོ་སོ་རང་གིས་རིག་
Nga14b
པར་བྱ་བ་ཡིན་པས་ཅི་ཞིག་གམ་མ་ཞིག་རྟོགས་ཤིག་།ཁྱིམ་ནས་དཔལ་བྱུང་ངོ་ཞེས་སྨྲས་པ་གང་ཡིན་པ་དེ་ནི་བུད་མེད་རྣམས་ཀྱི་དཔལ་ནི་ཁྱོ་ཡིན་ལ་ང་ནི་འདུག་པ་ཉིད་དོ། །ཟླ་བ་སྒྲ་གཅན་གྱིས་ཟིན་ཅེས་སྨྲས་པ་གང་ཡིན་པ་དེ་ནི་ཟླ་བ་འདི་མངོན་སུམ་དུ་འདུག་པ་མ་ཡིན་ནམ། ཉི་མ་ཤར་ཕྱོགས་ནས་ཤར་ནས་དེ་ཉིད་དུ་ནུབ་བོ་ཞེས་སྨྲས་པ་གང་ཡིན་པ་དེ་ནི་ད་དུང་ཡང་ནམ་ཕྱེད་ཡོད་དེ། རེ་ཞིག་ཤར་ཀྱང་མ་ཤར་ན་ནུབ་པར་ལྟ་ག་ལ་འགྱུར་ཞེས་དེ་ལྟར་བརྡ་སྤྲད་ནས། བཙུན་མོ་གྲགས་འཛིན་ཅང་མི་སྨྲ་བར་འདུག་གོ་།བྱང་ཆུབ་སེམས་དཔས་དགོངས་པ། གྲགས་འཛིན་མའི་རྨི་ལམ་དེ་འདྲ་བ་རྨིས་པས་གདོན་མི་ཟ་བར་ང་ཁོ་ན་བདག་འགྲོ་བར་བྱས་འདི་ལ་ཚིག་ཟུར་གྱིས་བསྟན་ནོ་སྙམ་ནས། དེས་དེ་ལ་ཚིག་ཟུར་གྱིས་བསྟན་པ་དང ། གྲགས་འཛིན་མས་གསོལ་པ། ལྷ་ཁྱོད་གང་དུ་བཞུད་པ་དེར་བདག་ཁྲིད་ཅིག་།བྱང་ཆུབ་སེམས་དཔས་མྱ་ངན་ལས་འདས་པ་ལས་དགོངས་ནས་བཀའ་སྩལ་པ། དེ་བཞིན་དུ་བྱ་སྟེ་གང་དང་གང་དུ་འགྲོ་བ་དེ་དང་དེར་ཁྱོད་བཀྲིའོ། །དེ་ནས་བརྒྱ་བྱིན་དང་ཚངས་པ་ལ་སོགས་ཏེ། ལྷ་རྣམས་ཀྱི་སེམས་ཀྱིས་བྱང་ཆུབ་སེམས་དཔའི་དགོངས་པ་ཤེས་ནས། བྱང་ཆུབ་སེམས་དཔའ་གང་ན་བ་དེར་སོང་སྟེ་ཕྱིན་པ་དང ། བྱང་ཆུབ་སེམས་དཔའ་ལ་འདི་སྐད་ཅེས་གསོལ་ཏོ། །ནགས་ཀྱི་སྤྲེའུ་ནི་སྤྱོད་ཡུལ་རྒྱུ་འདྲ་ཞིང ། །ཡན་པར་འདུག་པའི་རྟེའུ་དང་འདྲའི་ཐུགས། །གལ་ཏེ་འདོད་པའི་ཡོན་ཏན་ལས་བཟློག་ན། །དེ་ནས་ཤིན་ཏུ་གསལ་བའི་སྣང་བ་གཟིགས། །བློ་གྲོས་བཟང་པོ་
Nga15a
༄#། །བཞེངས་ཤིག་བཞེངས། །ས་ནི་སྤངས་ཏེ་བཞུད་མཛོད་ལ། །ཐམས་ཅད་མཁྱེན་ཉིད་བརྙེས་ནས་ནི། །འགྲོ་བ་དག་ནི་བསྒྲལ་བར་མཛོད། །བྱང་ཆུབ་སེམས་དཔས་གསུངས་པ། ཀཽ་ཤི་ཀ་མ་མཐོང་ངམ། ང་ནི་རི་དྭགས་བདག་པོ་བརྒྱས་བསྐོར་ལྟར། །མི་ནི་མཐུ་ལྡན་གཞུ་མཚོན་རལ་གྲི་ཐོགས། །རྟ་གླང་ཤིང་རྟ་དཔུང་ཚོགས་མང་པོ་ཡིས། །གྲོང་ཁྱེར་སེར་སྐྱ་ཀུན་ནས་ཡོངས་སུ་བསྐོར། །ཟས་གཙང་ལ་སོགས་ཤཱཀྱའི་ཚོགས་འདི་དག་།གླང་ཆེན་རྟ་ཞོན་ལེགས་པར་གོ་བགོས་ལུས། །མི་སྡུག་སྣ་ཚོགས་ལག་ན་མཚོན་ཐོགས་ཏེ། །ཁྱམས་དང་རྟ་བབས་ཁང་བཟང་གཞི་ནང་གནས། །ཕོ་བྲང་དང་ནི་ཁྱིམ་སྒོ་དང ། །དེ་བཞིན་གྲོང་ཁྱེར་སྒོ་དག་ཀྱང ། །བཅད་ནས་གཏན་པ་དམ་བཅུག་སྟེ། །དེ་བཞིན་ཀུན་ནས་བསྲུངས་པར་གྱུར། །རཝ་དུང་པ་ཊ་ཧ་སྒྲ་རྔ་སྒྲ་ཡིས། །ཁྱམས་དང་རྟ་བབས་ཁང་བཟང་ནང་གནས་ཤིང ། །གླང་ཆེན་རྟ་དམག་འབད་པའི་སྐྱེ་བོའི་ཚོགས། །རྒྱུན་དུ་ང་མི་གཏང་ཕྱིར་སྲུང་བར་བྱེད། །བརྒྱ་བྱིན་གྱིས་གསོལ་པ། དེས་པ་མར་མེ་མཛད་ཀྱིས་ལུང་བསྟན་དང ། །སྡུག་བསྔལ་གྱིས་གདུངས་འཇིག་རྟེན་འདི་དང་ཡང ། །ཁྱོད་ཀྱི་སྔོན་གྱི་དམ་བཅས་དགོངས་མཛོད་ལ། །ཁབ་དག་སྤོངས་ཏེ་ངེས་པར་འབྱུང་བར་མཛོད། །ཇི་ལྟར་ཁྱོད་ནི་བགེགས་མེད་པར། །དེང་ཉིད་ནགས་སུ་གཤེགས་འགྱུར་བ། །བདག་ཅག་ཚངས་སོགས་བཅས་པ་ཡིས། །ལྷ་རྣམས་ཀྱིས་ནི་དེ་བཞིན་བགྱི། །བྱང་ཆུབ་
Nga15b
སེམས་དཔས་ལེགས་སོ་ཞེས་གསུངས་ནས་ཐུགས་དགྱེས་པར་འགྱུར་ཏོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་གཉིད་ཀྱིས་མྱོས་པར་བྱས་ནས་གནོད་སྦྱིན་གྱི་སྡེ་དཔོན་ཆེན་པོ་ལྔས་རྩེན་ལ་བསྒོ་བ། སྒྲོགས་པོ་བྱང་ཆུབ་སེམས་དཔའ་སྟེང་གི་ཁང་བཟང་ནས་འབབས་ཀྱིས་སྐས་ལོང་ཞིག་།དེས་སྐས་བླངས་པ་ལ་བྱང་ཆུབ་སེམས་དཔའ་བབས་པ་དང ། དེ་ནས་བརྒྱ་བྱིན་གྱིས་བརྡ་བྱས་མ་ཐག་ཏུ་ཞབས་འབྲིང་པ་འདུན་པ་གང་ན་བ་དེར་གཤེགས་ནས། ཇི་ཙམ་ན་འདུན་པ་གཉིད་སྟུག་པོས་ནོན་པར་གཟིགས་ནས་བྱང་ཆུབ་སེམས་དཔས་བསྒྲིམས་ཏེ་བསླངས་ནས། ཚིགས་སུ་བཅད་པའི་དབྱངས་ཀྱིས་གསུངས་པ། འདུན་པ་ལོངས་ཀྱེ་ཁྱིམ་ནས་མྱུར་དུ་ནི། །ང་ཡི་རྟ་ཕོ་རིན་ཆེན་བསྔགས་ལྡན་ལོང ། །སྔོན་གྱི་རྒྱལ་བས་ལོངས་སྤྱད་དཀའ་ཐུབ་ཚལ། །ཐུབ་རྣམས་དགྱེས་པར་མཛད་པར་ང་གཤེགས་སོ། །འདུན་པ་གཉིད་ལོག་པའི་མིག་ཕྱེ་ནས་སྨྲས་པ། ལྷ་ཁྱོད་སྐྱེད་མོས་ཚལ་གྱི་དུས་མ་བབ། །དེས་པ་ཁྱོད་དང་འགའ་ཡང་ཁོན་མ་མཆིས། །ཁྱོད་ལ་དགྲ་བོ་སུ་ཡང་མ་མཆིས་ན། །དགུང་ཕྱེད་ཁྱོད་ལ་བཅིབས་པས་ཅི་ཞིག་བགྱིད། །བྱང་ཆུབ་སེམས་དཔས་བཀའ་སྩལ་པ། འདུན་པ་ཁྱོད་ཀྱི་ལན་འགའ་ཡང ། །ང་ཡི་ཚིག་ནི་མ་བཅག་ན། །ང་ཡི་དེང་དུས་ཐ་མ་ལ། །ང་ཡི་ཚིག་འདི་མ་བཅག་ཅིག་།འདུན་པས་གསོལ་པ། གཞོན་ནུ་མཚན་མོ་འདི་ནི་འཇིགས་པ་དང་འཇིགས་སུ་རུང་བ་མཆིས་པས། བདག་བཅིབས་པ་མི་ལེན་ནོ། །བྱང་ཆུབ་སེམས་དཔས་དགོངས་པ། ལན་དང་ཡང་ལན་གྱིས་གདོན་
Nga16a
༄#། །མི་ཟ་བར་སྐྱེ་བོ་སད་པར་འགྱུར་གྱིས་བདག་ཉིད་སོང་ལ། རྟའི་རྒྱལ་པོ་བསྔགས་ལྡན་སྟ་གོན་བྱའོ་སྙམ་ནས། དེ་ནས་ཉིད་ཀྱིས་ཕོ་བྲང་གི་སྒོ་ཕྱེ་ནས། རྟའི་རྒྱལ་པོ་བསྔགས་ལྡན་གཟུང་བར་བརྩམས་པ་ན། དེ་ཁྲོས་པའི་མེ་རབ་ཏུ་འབར་བས་རྐང་པ་འཕྲ། འཇིང་ཀྱོག་བྱེད་ལ་ཕར་འབྲོས་ཚུར་འབྲོས་ཤིང་འདུག་ཏུ་མི་བཏུབ་བོ། །དེ་ནས་བྱང་ཆུབ་སེམས་དཔའི་ཕྱག་བསོད་ནམས་བརྒྱ་ཕྲག་དུ་མས་བསྐྱེད་པ། འཁོར་ལོ་དང་བཀྲ་ཤིས་དང་གཡུང་དྲུང་འཁྱིལ་བ་མངའ་བ་སྐྲག་པ་རྣམས་ལ་དབུགས་འབྱིན་པར་མཛད་པས་མགོ་ལ་བྱུགས་ནས་གསུངས་པ། བསྔགས་ལྡན་ཐ་མ་ཡི་ནི་ཁུར་ལོང་སྟེ། །དཀའ་ཐུབ་ནགས་སུ་མ་ཐོགས་ང་སྐྱོལ་ཅིག་།བྱང་ཆུབ་ཐོབ་ནས་མྱུར་དུ་འགྲོ་བ་ཀུན། །བསམ་གཏན་རྣམ་ཐར་ཆར་གྱིས་ཚིམ་པར་བྱ། །ཆོས་ཉིད་ཀྱིས་དུད་འགྲོ་ཡང་གདམས་ན་ཕྱི་ལང་མི་བྱེད་པས་རྟའི་རྒྱལ་པོ་བསྔགས་ལྡན་མི་གཡོ་བར་འདུག་གོ་།དེ་ནས་བྱང་ཆུབ་སེམས་དཔའ་ཐུགས་དགྱེས་པ་སྐྱེས་ཏེ། རྟའི་རྒྱལ་པོ་བསྔགས་ལྡན་བལྟས་ནས་བཞེངས་སོ། །བརྒྱ་བྱིན་དང་ཚངས་པ་ལ་སོགས་པ་རྣམས་ཀྱིས་བྱང་ཆུབ་སེམས་དཔའ་ཕྱིར་གཤེགས་པའི་ཕྱིར་ལྷའི་བུ་བཞི་པོ་བསྒོ་སྟེ་གཞག་པ། འགྲམ་དང་ཉེ་འགྲམ་དང་ལོ་མ་དང་ལོ་མ་གྱོན་པའོ། །བྱང་ཆུབ་སེམས་དཔས་དེ་རྣམས་ལ་གསུངས་པ། ཤེས་ལྡན་དག་ང་སུས་བཀུར། དེ་རྣམས་ཀྱིས་གསོལ་པ། བདག་ཅག་གིས་བཀུར་ལགས་སོ། །ཁྱེད་ཅག་ལ་སྟོབས་ཇི་ཙམ་ཡོད། གཅིག་གིས་གསོལ་པ། གཞོན་
Nga16b
ནུ་བདག་གིས་ནི་སའི་རྡུལ་ཇི་སྙེད་མཆིས་པ་ཁུར་དུ་ཐོགས་ཏེ་མཆིའོ། །གཉིས་པས་གསོལ་པ། བདག་གིས་ནི་རྒྱ་མཚོ་ཆེན་པོ་བཞི་དང ། མཚོ་དང་མཚེའུ་དང ། ལྟེང་ཀ་དང་ཆུ་མིག་རྣམས་ཀྱི་ཆབ་ཇི་སྙེད་མཆིས་པ་དེ་ཐམས་ཅད་ཁུར་དུ་ཐོགས་ཏེ་མཆིའོ། །གསུམ་པས་གསོལ་པ། བདག་གིས་ནི་ས་ལ་རི་ཇི་སྙེད་མཆིས་པ་དེ་ཐམས་ཅད་ཁུར་དུ་ཐོགས་ཏེ་མཆིའོ། །བཞི་པས་གསོལ་པ། བདག་གིས་ནི་ས་ལ་རྩཝ་དང ། ཤིང་དང་ཡལ་ག་དང ། ལོ་མ་ཇི་སྙེད་མཆིས་པ་དེ་ཐམས་ཅད་ཁུར་དུ་ཐོགས་ཏེ་མཆིའོ། །དེ་ནས་བྱང་ཆུབ་སེམས་དཔས་ཞབས་ས་ལ་བཞག་པ་ན། དེ་རྣམས་ཀྱིས་བསྒུལ་བར་ཡང་མ་ནུས་ནས་ངོ་མཚར་སྐྱེས་ཏེ་གསོལ་པ། གཞོན་ནུ་བདག་ཅག་གིས་ནི་བྱང་ཆུབ་སེམས་དཔའ་རྣམས་ལ་སྟོབས་འདི་འདྲ་བ་མངའ་བར་མ་འཚལ་ཏེ། གལ་ཏེ་འཚལ་ན། བདག་ཅག་མི་མཆིས་ལགས་པ་ཞིག་།གཏམ་དེ་འདུན་པ་སྔར་སད་པས་ཐོས་ནས། བྱང་ཆུབ་སེམས་དཔའི་སྤྱན་སྔར་སོང་བ་དང ། དེ་ནས་བྱང་ཆུབ་སེམས་དཔའ་རྟའི་རྒྱལ་པོ་བསྔགས་ལྡན་ལ་བཅིབས། འདུན་པ་ཡང་འཕོངས་ལ་ཞོན་ནས། འདི་ལྟར་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་མཐུ་དང ། ལྷ་རྣམས་ཀྱི་ལྷའི་མཐུས་རྟ་རིན་པོ་ཆེ་བསྔགས་ལྡན་སྟེང་གི་ནམ་མཁའ་ལ་མངོན་པར་འཕགས་པ་དང ། ཕོ་བྲང་ན་གནས་པའི་ལྷ་རྣམས་བྱང་ཆུབ་སེམས་དཔའ་དང་བྲལ་བས་དུ་བར་བརྩམས་སོ། །དེ་རྣམས་དུ་བའི་མཆི་མའི་ཐིག་པ་རྣམས་ལུས་དང་ས་ལ་བབ་པོ། །འདུན་པས་གསོལ་པ། གཞོན་ནུ་ཆར་གྱི་ཐིག་པ་དག་འབབ་
Nga17a
༄#། །ན་ཅི་ལྷས་དགུང་ཆར་ཕབ་བམ། བྱང་ཆུབ་སེམས་དཔས་གསུངས་པ། ལྷས་ཆར་ཕབ་པ་མ་ཡིན་ཏེ། འོན་ཀྱང་ཕོ་བྲང་ན་གནས་པའི་ལྷ་རྣམས་ང་དང་འབྲལ་བས་ངུ་བར་བརྩམས་ཏེ། དེ་རྣམས་ཀྱི་མཆི་མའི་ཐིགས་པ་རྣམས་ལུས་ལ་བབ་པ་ཡིན་ནོ། །དེ་ནས་འདུན་པ་མིག་མཆིམས་གང་ཞིང་དབུགས་དྲོན་པོའི་ཤུགས་ནར་གྱིས་ཕྱུང་ནས་ཅང་མི་སྨྲ་བར་འདུག་གོ་།བྱང་ཆུབ་སེམས་དཔའ་སྐུ་ཐམས་ཅད་ཀྱིས་གླང་པོ་ཆེའི་གཟིགས་སྟངས་ཀྱིས་གཡས་ཕྱོགས་སུ་གཟིགས་ཏེ་དགོངས་པ། ང་བུད་མེད་དང་ལྷན་ཅིག་ཁྱིམ་ན་ཉལ་བའི་ཐ་མ་ནི་འདི་ཡིན་ནོ་སྙམ་མོ། །ཡང་དགོངས་པ། གལ་ཏེ་ང་ཤར་སྒོ་སྤངས་ཏེ། སྒོ་གཞན་ནས་བྱུང་ན་གཞོན་ནུས་ནི་བདག་ལ་ཐ་མའི་དུས་ན་ཡང་མ་བལྟས་སོ་སྙམ་དུ་རྒྱལ་པོ་མི་དགའ་བར་འགྱུར་རོ་སྙམ་མོ། །ཇི་ཙམ་ན་རྒྱལ་པོ་ཟས་གཙང་གཉིད་སྟུག་པོས་ནོན་པ་གཟིགས་ནས། དེས་དེ་ལ་བསྐོར་བ་མཛད་དེ་གསུངས་པ། ཡབ་གུས་པ་མ་མཆིས་པ་དང ། ཞེ་ས་མ་མཆིས་པས་སྐྲག་ནས་འཆི་བ་ནི་མ་ལགས་ཏེ། གཞན་དུ་ན་འཇིག་རྟེན་རྒ་བ་དང་འཆི་བས་བཅོམ་པ་རྒ་བ་དང་འཆི་བའི་སྡུག་བསྔལ་གྱིས་འཇིགས་པ་ལས་ཡོངས་སུ་འགྲོལ་བའི་སླད་དུ་ལགས་སོ། །ཇི་ཙམ་ན་ཤཱཀྱ་མིང་ཆེན་འགྲམ་པོ་བྱེད་པ་སྐྱེ་བོ་ཉུལ་ཞིང་ཕྱོགས་དེར་ཕྱིན་པ་དང ། བྱང་ཆུབ་སེམས་དཔའ་གཤེགས་པར་ཆས་པ་མཐོང་ངོ ། །དེ་ནས་སྐད་འཛེར་ཅིང་མིག་མཆི་མས་གང་ནས་སྨྲས་པ། གཞོན་ནུ་འདི་ཅི་མཛད། མིང་ཆེན་
Nga17b
འགྲོའོ། །གཞོན་ནུ་འདི་ནི་རིགས་པ་མ་ལགས་སོ། །མིང་ཆེན་གང་གི་ཕྱིར་ངས་བསྐལ་པ་གྲངས་མེད་པ་གསུམ་དུ་དཀའ་བ་བརྒྱ་སྟོང་དུ་མས་སེམས་ཅན་རྣམས་ཀྱི་དོན་དུ་བྱང་ཆུབ་ཡང་དག་པར་བསྒྲུབས་པ་དེས་ན་ད་ང་ཅི་ཁྱིམ་ན་འདུག་ཕོད་དམ། འདི་ནི་ངེས་ཏེ་དཀའ་ཐུབ་ཀྱི་ཚལ་དུ་འགྲོའོ། །དེ་ནས་གསུང་ཚིག་དྲག་པོས་ཤཱཀྱ་མིང་ཆེན་སྤྱོས་པ་དང་ཆོ་ངེས་བཏབ་སྟེ་ཀྱི་ཧུད། དེང་དུ་རྒྱལ་པོ་ཟས་གཙང་དང ། ། ཤཱཀྱ་དག་ནི་ཐམས་ཅད་ཀྱིས། །ཡང་དང་ཡང་དུ་བསམས་པ་ཡི། །རེ་བ་འབྲས་བུ་མེད་པར་གྱུར། །དེང་དུ་རྒྱལ་པོ་ཟས་གཙང་ནི། །སྲས་ཀྱི་མྱ་ངན་གྱིས་གདུངས་པས། །ལག་བསྒྲེངས་ཤིན་ཏུ་སྡུག་བསྔལ་ཞིང ། །མི་བཟད་སྒྲ་ནི་འབྱིན་པར་འགྱུར། །ས་མཚོ་གྲགས་འཛིན་རི་དྭགས་སྐྱེས། །དེ་བཞིན་བཙུན་མོའི་འཁོར་རྒྱས་པའང ། །དོན་གྲུབ་དང་ནི་བྲལ་བ་ཡིས། །ཤིན་ཏུ་སྡུག་བསྔལ་མྱོང་བར་འགྱུར། །ཞེས་སྨྲས་ནས། དེ་སྡངས་པས་གྲགས་འཛིན་མ་བསླང་སྟེ་སྨྲས་པ། དོན་གྲུབ་འདི་ནི་གཤེགས་གྱུར་གྱིས། །ཁྱིམ་ཐབ་སྡུག་བསྔལ་གྱིས་གདུངས་ནས། །སྡུག་བསྔལ་ཉམ་ཐག་ངུར་འོང་གིས། །ཁྱིམ་ཐབ་སྡུག་པ་དེ་ཟློག་ཅིག་།ཁྱོད་ཀྱི་ཁྱིམ་ཐབ་གཤེགས་འགྱུར་འདི་ནི་མཐོང་དཀའ་སྟེ། །ཁྱོད་ཀྱིས་འདི་ལྟོས་ཁྱིམ་ཐབ་མཐོང་བའི་ཐ་མ་ཡིན། །ཀྱི་ཧུད་ཕོངས་པས་བདག་གིས་མཚན་མོ་ཀུས་བཏབ་ཀྱང ། །སུས་ཀྱང་ལན་མ་སྟེར་བས་བདག་གིས་མ་ཉེས་སོ། །དེས་ནི་དེ་ལྟར་ཁུས་བཏབ་ཀྱང ། །འདི་ལྟར་ལྷ་རྣམས་བྱིན་རླབས་ཀྱིས། །དགོན་པར་འོ་དོད་བོས་པ་བཞིན། །འགའ་ཡང་
Nga18a
༄#། །སད་པར་མ་གྱུར་ཏོ། །དེ་ནས་ཤཱཀྱ་མིང་ཆེན་སྡུག་བསྔལ་ཞིང་ཡིད་མི་བདེ་བས་གདུངས་ནས། དེ་རིངས་པར་རྒྱལ་པོ་ཟས་གཙང་གི་དྲུང་དུ་སོང་ནས། རྒྱལ་པོ་ཟས་གཙང་བསླང་སྟེ་སྨྲས་པ། དོན་གྲུབ་འདི་ནི་བཞུད་ལགས་ཀྱིས། ས་བདག་དེ་ནི་བཟློག་པར་མཛོད། །སྲས་ཀྱི་མྱ་ངན་གྱིས་ཐེབས་ནས། །སྡུག་བསྔལ་གྱིས་གདུངས་བཤུམས་འགྱུར་མཆིས། །མ་སྟེས་དེ་ཡང་གཉིད་མ་སད། །དེ་ནས་བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་ཀྱང་ལྷ་བརྒྱ་སྟོང་ཕྲག་དུ་མས་ཡོངས་སུ་བསྐོར་ནས། བྱང་ཆུབ་སེམས་དཔའ་གང་ན་བ་དེར་སོང་སྟེ་ཕྱིན་པ་དང ། བྱང་ཆུབ་སེམས་དཔའ་བསྐོར་ཅིང་དོང་སྟེ། གཡས་ཕྱོགས་ནས། གཟུགས་ན་སྤྱོད་པའི་ལྷ་རྣམས་སྤྱོད་ལམ་ཞི་བ་དང ། གཡོན་ཕྱོགས་ནས་འདོད་པ་ན་སྤྱོད་པ་རྣམས་རྒྱལ་མཚན་དང་བ་དན་བསྒྲེང་ནས་ལྷའི་རོལ་མོའི་ཁྱད་པར་སྣ་ཚོགས་དང ། མདུན་ན་བརྒྱ་བྱིན་དང ། ཚངས་པ་ལ་སོགས་པ་རང་རང་གི་སྤྱོད་ལམ་གྱིས་དོང་ངོ ། །ནམ་མཁའི་ངོས་ལ་གནས་པའི་ལྷ་བརྒྱ་སྟོང་ཕྲག་དུ་མས་ནི་བྱང་ཆུབ་སེམས་དཔའི་སྟེང་ནས། ལྷའི་མེ་ཏོག་ཨུཏྤལ་དང ། པདྨ་དང ། ཀུ་མུ་ད་དང ། པདྨ་དཀར་པོ་རྣམས་གཏོར་ཏོ། ། ཀ་རུའི་ཕྱེ་མ་དང ། ཙན་དན་གྱི་ཕྱེ་མ་དང ། ཏ་མ་ལའི་འདབ་མའི་ཕྱེ་མ་དང ། ལྷའི་མེ་ཏོག་མནད་ར་བས་ཀྱང་གཏོར་ཏོ། །ལྷའི་རོལ་མོའི་ཆ་བྱད་སྣ་ཚོགས་ཀྱང་བརྡུངས་སོ། །གོས་རྣམས་ཀྱང་གཏོར་ཏོ། །འདིར་སྨྲས་པ། མཁའ་ལ་ལྷ་རྣམས་ག་ཞའི་སྒྲ་ཆེན་འབྱིན་བྱེད་
Nga18b
ལ། །དགའ་བའི་ཡིད་ཀྱིས་གོས་ཀྱི་གཡབ་མོས་འདེབས་བྱེད་ཅིང ། །ཁ་ཅིག་བྱང་ཆུབ་སེམས་དཔའ་ལ་ནི་བསྟོད་བྱེད་དོ། །ནམ་མཁའ་ལ་ནི་སོར་མོ་བརྒྱ་ཕྲག་བསྒྱུར་བར་བྱེད། །ཁ་ཅིག་དག་ནི་སྒོ་རྣམས་འབྱེད་བྱེད་ཅིང ། །མེ་ཏོག་མནད་ར་བས་འཐོར་བར་བྱེད། །ཁ་ཅིག་དག་ནི་བཅིབས་པའི་རྐང་འཛིན་ཅིང ། །བདེ་བར་གཤེགས་ལ་རྟོག་ཅིང་རྗེས་བཞིན་འབྲང ། །ཁ་ཅིག་དག་ཀྱང་གཡས་ནས་རྗེས་བཞིན་འབྲང། །གཡོན་ནས་འགྲོ་བ་དག་ཀྱང་རྗེས་བཞིན་འབྲང ། །བརྒྱ་བྱིན་དེ་བཞིན་ཚངས་པར་བཅས་པ་དང ། །ལུས་ངན་བདག་ཉིད་ཤུལ་ནི་མཚོན་པར་བྱེད། །ཟླ་བ་ཉ་བ་རྒྱུ་སྐར་ཚོགས་ཀྱིས་ལྟར། ། བདག་ཉིད་ཆེན་པོ་ལྷ་ཚོགས་མདུན་བདར་ནས། །དཀའ་ཐུབ་ནགས་ནི་ཐུབ་རྣམས་དགྱེས་བྱེད་པ། །འཕགས་པ་དགྱེས་པའི་ནགས་སུ་ཐུགས་དགྱེས་གཤེགས། །དེ་ནས་བྱང་ཆུབ་སེམས་དཔའ་གྲོང་ཁྱེར་སེར་སྐྱའི་གཞི་ནས་ཕྱིར་བྱུང་བ་དང ། བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་ཡིད་དགའ་བས་སྤྲོ་བ་བསྐྱེད་པ། གྲོགས་པོ་ཁྱོད་ཡུན་རིང་པོ་ནས་ནམ་ཞིག་ན་ང་བགེགས་ལས་ཐར་ཏེ་དཀའ་ཐུབ་ཀྱི་ནགས་སུ་འགྲོ་བར་འགྱུར་སྙམ་དུ་དགོངས་པ་བསྐྱེད་པ་གང་ལགས་པ་དེ་དེང་དུ་ཡོངས་སུ་རྫོགས་པ་ལགས་ཀྱིས། ནམ་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་དེའི་ཚེ་བདག་ཅག་ལ་ཡང་དགོངས་ཤིག་།བྱང་ཆུབ་སེམས་དཔས་དེ་བཞིན་དུ་བྱའོ་ཞེས་དམ་བཅས་ནས། སྐུ་ཐམས་ཅད་ཀྱིས་གཡས་ཕྱོགས་སུ་གླང་པོ་ཆེའི་ལྟ་སྟངས་
Nga19a
༄#། །ཀྱིས་གཟིགས་ནས། སངས་རྒྱས་རྣམས་ཀྱིས་བསྟན་པ་ཡིས། །ལམ་གྱི་མཆོག་ནི་མ་ཐོབ་པར། །གྲོང་ཁྱེར་སེར་སྐྱའི་གཞིར་ན་སླར། །ང་ནི་འཇུག་པར་མི་བྱའོ། ། ཞེས་གསུངས་སོ། །དེ་ནས་བྱང་ཆུབ་སེམས་དཔའ་ཐུན་གཉིས་ཀྱིས་དཔག་ཚད་བཅུ་གཉིས་སུ་བྱོན་ནས་བཅིབས་པ་ལས་བབས་ཏེ་རྒྱན་བཀྲོལ་ནས་འདུན་པ་ལ་བཀའ་སྩལ་པ། འདུན་པ་རྒྱན་དང་རྟ་ཁྱེར་ལ་སླར་སོང་ཞིག་།འདིར་སྨྲས་པ། ཁ་ལོ་སྒྱུར་ཁྱོད་ང་ཡི་རྟ་འདི་དང ། །རྒྱན་འདི་རྣམས་ཀྱང་གཉེན་པ་དག་ལ་བྱིན། །ང་ནི་འདོད་པ་རྒྱ་ཆེན་སྤངས་ནས་སུ། །ད་ལྟར་འདི་ཉིད་དུ་ནི་རབ་བྱུང་བྱ། །དེ་ནས་འདུན་པ་གདོང་ལ་མཆི་མ་ཆར་བཞིན་འབབ་པས་བྱང་ཆུབ་སེམས་དཔའ་ལ་གསོལ་པ། སེངྒེ་སྟག་གིས་གཏམས་པ་དང ། །ཕྱུགས་རྗེས་གཏམས་པའི་ནགས་ཚལ་དུ། །འབའ་ཞིག་སྐུ་གཉེན་དང་བྲལ་ནས། །འཕགས་པ་ཇི་ལྟར་སྤྱོད་པར་འགྱུར། །བྱང་ཆུབ་སེམས་དཔས་གསུངས་པ། སྐྱེ་དགུ་འདི་ནི་སྐྱེ་ནའང་གཅིག་པུ་སྐྱེ། །དེ་བཞིན་འཆི་ནའང་གཅིག་པུ་འཆི་བར་འགྱུར། ། འདི་ནི་གཅིག་པུས་སྡུག་བསྔལ་མྱོང་འགྱུར་གྱི། །འཁོར་བ་ལ་ནི་གྲོགས་ཡོད་མ་ཡིན་ནོ། །འདུན་པས་གསོལ་པ། ཀྱི་ཧུད་གཞོན་ནུས་སྡུག་བསྔལ་མ་གཟིགས་ཏེ། །ཞབས་འཇམ་གླང་ཆེན་རྟ་ལ་བཅིབས་གོམས་པ། །ས་གཞི་རྩཝ་དང་རྡོ་བས་གཏམས་རྩུབ་པར། །ཇི་ལྟར་ཞབས་ཀྱིས་གཤེགས་ཤིང་ནགས་སུ་རྒྱུ། །བྱང་ཆུབ་སེམས་དཔས་གསུངས་པ། འཆི་བདག་འཇིགས་པ་དེ་ནི་
Nga19b
ལན་འགའ་ཡང ། །སྐྱེད་ལ་བཙམ་མེད་བདེ་བར་གོམས་ལ་མིན། །མགོན་བཅས་ལ་མིན་རིགས་བཙུན་ལ་མ་ཡིན། །དཔའ་དང་བཙོན་མིན་སྐྱེ་བོ་དགའ་ལ་མིན། །རྒ་བས་འཆི་བདག་འཇིགས་པ་དག་།བསྐྱེད་ནས་འོང་བར་འགྱུར་ཞེས་གྲགས། །དོན་མ་བྱས་ཤིང་མ་བརྩམས་པར། །འཆི་བར་ཡང་ནི་འགྲོ་བར་འགྱུར། །འདུན་པས་གསོལ་པ། །ལྷ། རྒྱལ་པོ་བགྲེས་པོ་ནི་སྲས་ཀྱི་མྱ་ངན་གྱིས་འགྲོངས་པར་འགྱུར་རོ། །འོན་ཀྱང་བྱང་ཆུབ་སེམས་དཔའ་བྱང་ཆུབ་ཀྱི་ཚོགས་བསགས་པའི་ཕྱིར་འདུན་པའི་ཚིག་ཐུགས་ལ་མ་བབ་བོ། །དེ་ནས་བྱང་ཆུབ་སེམས་དཔས། ཨུཏྤ་ལ་སྔོན་པོ་འདྲ་བའི་རལ་གྲི་ཤུབས་ནས་ཕྱུང་ནས་གཙུག་ཕུད་བྲེགས་ཏེ་སྟེང་གི་ནམ་མཁའ་ལ་བོར་བ་དང ། ལྷ་རྣམས་ཀྱི་དབང་པོ་བརྒྱ་བྱིན་གྱིས་བླངས་ནས་བཀུར་སྟི་ཆེན་པོ་བྱས་ཏེ། སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་དུ་ཁྱེར་ནས་གཙུག་ཕུད་ཀྱི་མཆོད་པ་ཆེན་པོ་བཙུགས་སོ། །བྲམ་ཟེ་དང་ཁྱིམ་བདག་དད་པ་ཅན་རྣམས་ཀྱིས་ཕྱོགས་དེར་དབུ་སྐྲ་བླངས་པའི་མཆོད་རྟེན་ཞེས་བྱ་བ་བརྩིགས་ཏེ། ད་དུང་ཡང་མཆོད་རྟེན་ལ་ཕྱག་བྱེད་པའི་དགེ་སློང་དག་ཕྱག་བྱེད་དོ།། །།འདུལ་བ་གཞི། བམ་པོ་གྱ་བཞི་པ། བྱང་ཆུབ་སེམས་དཔས་གསུངས་པ། འདུན་པ་ཇི་སྙམ་དུ་སེམས། གང་ལ་འདི་ལྟ་བུའི་བརྟུལ་བ་ཡོད་པ་དེ་ཅིག་ཡང་ཁྱིམ་པ་ཁྱིམ་ན་གནས་པར་འགྱུར་རམ། ལྷ་མ་ལགས་སོ། །འདུན་པས་བསམས་པ། གཞོན་ནུ་ནི་རྒྱལ་རིགས་ཀྱི་ང་རྒྱལ་ཅན་ཡིན་པས་འདི་ཕྱིར་བཟློག་པར་མི་ནུས་སོ་སྙམ་མོ། །དེ་
Nga20a
༄#། །ནས་རྟའི་རྒྱལ་པོ་སྔགས་ལྡན་གྱིས་བྱང་ཆུབ་སེམས་དཔའི་ཞབས་གཉིས་ལ་ལྕེས་བལྡགས་པ་དང ། བྱང་ཆུབ་སེམས་དཔའི་ཕྱག་འཁོར་ལོ་དང ། བཀྲ་ཤིས་དང་གཡུང་དྲུང་འཁྱིལ་བ་མངའ་བས་བྱུགས་ནས་གསུངས་པ། བསྔགས་ལྡན་སོང་ཞིག་དང ། མངོན་པར་རྫོགས་པར་བྱང་ཆུབ་ནས། ཁྱོད་ཀྱི་བྱས་པ་གཟོ་བར་འགྱུར་རོ། །འདུན་པ་ལ་ཡང་གསུངས་པ། ཁྱོད་ཀྱིས་བསྔགས་ལྡན་ཕོ་བྲང་དུ་མ་བཀྲི་ཞིག་།དེ་སྐད་ཅེས་གསུངས་པ་དང ། འདུན་པ་སྐད་འཛེར་ཅིང་མིག་མཆིམས་གང་ནས་རྟའི་རྒྱལ་པོ་བསྔགས་ལྡན་ཁྲིད་དེ་ཡང་དང་ཡང་དུ་བྱང་ཆུབ་སེམས་དཔའ་ལ་ལྟ་ཞིང་སོང་ངོ ། །དེ་གཉིས་ཀྱིས་ཐུན་གཉིས་ཀྱིས་སོན་པའི་ས་གང་ཡིན་པ་དེ་ནས་ཞག་བདུན་གྱིས་ཕྱིར་འཁོར་ཏོ། །འདུན་པས་བསམས་པ། གལ་ཏེ་ལྷན་ཅིག་ཏུ་དོང་ན་སྨྲེ་སྔགས་ཆེན་པོས་བདག་ཤི་བར་འགྱུར་རོ་སྙམ་ནས་དེས་སྐྱེད་མོས་ཚལ་དུ་འདུག་ནས་བསྔགས་ལྡན་བཏང་ངོ ། །དེས་སྐད་ཕྱུང་བ་དང ། ཕོ་བྲང་གི་སྐྱེ་བོ་དང ། སྐྱེ་བོའི་ཚོགས་གཞན་གྱིས་ཀྱང་སྐད་དེ་ཤེས་ནས་རེ་སྟེ་ཕྱིར་ཕྱུང་བ་ལས། བྱང་ཆུབ་སེམས་དཔའ་མ་མཐོང་ནས་བསྔགས་ལྡན་དེའི་མགུལ་དུ་འཇུས་ཏེ་དུ་བར་བརྩམས་སོ། །འདི་ནི་ཆོས་ཉིད་ཡིན་ཏེ་དུད་འགྲོའི་སྐྱེ་གནས་སུ་སོང་བའི་སྲོག་ཆགས་ཕལ་པ་གཞན་ལ་ཡང་ཀུན་རྫོབ་ཀྱི་ཤེས་པ་ཡོད་ན། རྟའི་རྒྱལ་པོ་བསྔགས་ལྡན་ལ་ལྟ་སྨོས་ཀྱང་ཅི་དགོས་པས། དེས་སྐྱེ་བོའི་ཚོགས་ཆེན་པོ་སྨྲེ་སྔགས་འདོན་པའི་སྒྲ་
Nga20b
ཐོས་ཏེ། དབུགས་ཁོང་དུ་སོང་བ་ཉིད་ཀྱིས་བརྣངས་ཏེ་ཤི་ནས་དེ་སྒྲ་གཅན་གྱི་བྲམ་ཟེ་ལས་དྲུག་ལ་བརྩོན་པ་ཞིག་གི་རིགས་སུ་ཉིང་མཚམས་སྦྱོར་བ་བླང་ངོ ། །གང་གི་ཚེ་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་བྱང་ཆུབ་པ་དེའི་ཚེ་དེ་ལ་དམུ་རྒོད་ཀྱི་གདམས་པས་གཏམས་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཕྱིན་པའི་གྲུབ་པ་དང ། བདེ་བར་མྱ་ངན་ལས་འདས་པ་ལ་འཇོག་པར་འགྱུར་རོ། །བྱང་ཆུབ་སེམས་དཔའ་ལ་ངུར་སྨྲིག་གི་དགོས་པ་བྱུང་ནས། གྲོང་ཁྱེར་དཔེ་མེད་དུ་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་པ་དེ། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པ་བྱེད་པ་ན་ཁྱེའུ་ཞིག་བཙས་སོ་ཞེས་བྱ་བ་ནས། དེ་བཞིན་དུ་ཁྱེའུ་བཅུ་བཙས་སོ་ཞེས་བྱ་བའི་བར་དུ་སྟེ། དེ་དག་ཐམས་ཅད་རབ་ཏུ་བྱུང་ནས། རང་སངས་རྒྱས་ཀྱི་བྱང་ཆུབ་མངོན་སུམ་དུ་བྱས་སོ། །དེ་དག་གི་མ་རྒན་མོ་དེས། དེ་དག་ལ་ཤ་ནའི་གོས་དག་ཅིག་བྱིན་པ་དང ། དེ་རྣམས་ཀྱིས་སྨྲས་པ། ཡུམ་བདག་ཅག་ཡོངས་སུ་མྱ་ངན་ལས་འདའ་བས་འདི་དག་བདག་ཅག་ལ་མི་དགོས་ཏེ་འོན་ཀྱང་རྒྱལ་པོ་ཟས་གཙང་གི་སྲས་གཞོན་ནུ་ཤཱཀྱ་ཐུབ་པ་ཞེས་བྱ་བ། བླ་ན་མེད་པ་ཡང་དག་པར་རྫོགས་
Nga21a
༄#། །པའི་བྱང་ཆུབ་མངོན་པར་འཚང་རྒྱ་བར་འགྱུར་བ་ཞིག་ཡོད་ཀྱིས་འདི་དག་དེ་ལ་ཕུལ་ཅིག་།དེས་ན་ཁྱོད་ཀྱིས་འབྲས་བུ་ཆེན་པོ་ཐོབ་པར་འགྱུར་རོ་ཞེས་སྨྲས་ནས། འབར་བ་དང་གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱས་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །རྒན་མོ་དེས་ཀྱང་འཆི་ཁར་གོས་དེ་དག་བུ་མོ་ལ་གཏད་ནས་ཇི་ལྟར་གྱུར་པ་རྣམས་སྨྲས་སོ། །དེའི་བུ་མོ་དེ་ཡང་ནད་ཀྱིས་ཐེབས་ཏེ། འཆི་བར་ཤེས་ནས་དེས་ཀྱང་ཤིང་དྲུང་ཞིག་ཏུ་བཞག་ནས། ཤིང་དེ་ལ་གནས་པའི་ལྷ་གང་ཡིན་པ་དེ་ལ་ཁྱོད་ཀྱིས་འདི་དག་རྒྱལ་པོ་ཟས་གཙང་གི་སྲས་ལ་ཕུལ་ཅིག་ཅེས་གསོལ་ཏོ། །ལྷ་རྣམས་ཀྱི་དབང་པོ་བརྒྱ་བྱིན་གྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས། དེས་དེ་དག་ཤེས་ནས་བླངས་ཏེ། དེ་ནས་རྔོན་པ་རྒས་འཁོགས་པ་ལྟ་བུ་ཞིག་ཏུ་བདག་ཉིད་མངོན་པར་སྤྲུལ་ནས་དེ་དག་བགོས་ཏེ་ལག་ན་མདའ་གཞུ་ཐོགས་ནས། བྱང་ཆུབ་སེམས་དཔའ་གཤེགས་པའི་ལམ་གར་བསྡད་པ་དང་བྱང་ཆུབ་སེམས་དཔའ་ཡང་རིམ་གྱི་ལམ་དེར་ཕྱིན་ནས་རྔོན་པ་ལག་ན་མདའ་གཞུ་ཐོགས་ཤིང་གོས་ངུར་སྨྲིག་གྱོན་པ་ཞིག་གཟིགས་སོ། །གཟིགས་ནས་ཀྱང་མི་དེ་ལ་གསུངས་པ། ཀཝའི་ནང་རྗེ་ཤ་ནའི་གོས་འོ་ནི་རབ་ཏུ་བྱུང་བ་ལ་འཚམ་པ་ཡིན་གྱིས། ཀ་ཤི་ཀའི་རས་ཕྲན་འདི་དག་ཁྱེར་ལ་འོ་ནི་བདག་ལ་བྱིན་ཅིག་།དེས་གསོལ་པ། གཞོན་ནུ་བདག་ལ་གཞན་
Nga21b
དག་ཁྱོད་ཀྱིས་རྒྱལ་བུ་གཞོན་ནུ་དཀྲོངས་ནས། ཀ་ཤི་ཀའི་རས་ཕྲན་གྱི་གོས་འདི་དག་བླངས་སོ་ཞེས་གཞི་དེས་གཡར་མཆི་བར་འགྱུར་ལགས་པས། བདག་འདི་དག་མི་འབུལ་ལོ། །བྱང་ཆུབ་སེམས་དཔས་གསུངས་པ། ཀྱེ་ནང་རྗེ་ང་ནི་མཐུ་ཇི་ལྟ་བུ་དང་ལྡན་པ་འཇིག་རྟེན་ཐམས་ཅད་ཀྱིས་ཤེས་ཏེ་སུ་ཞིག་གིས་ང་དཀྲོངས་པར་ནུས། ཁྱོད་ཀྱིས་ང་དཀྲོངས་པར་སུ་ཞིག་ཡིད་ཆེས་ཀྱིས་བག་ཚ་བ་མེད་པར་བྱིན་ཅིག་།དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས། བྱང་ཆུབ་སེམས་དཔའི་ཞབས་གཉིས་ལ་གཏུགས་ནས་ཤ་ནའི་གོས་དག་ཕུལ་ཏེ། ཀ་ཤི་ཀའི་རས་ཕྲན་རྣམས་བླངས་སོ། ། བྱང་ཆུབ་སེམས་དཔའི་སྐུ་དང་ཤ་ནའི་གོས་དེ་དག་འཚམ་པར་མ་གྱུར་པ་དང ། དེ་འདི་སྙམ་དུ་དགོངས་ཏེ། ཀྱེ་མ་ཤ་ནའི་གོས་རྣམས་བདག་གི་སྐུ་དང་འཚམ་པར་གྱུར་ཅིག་སྙམ་ནས་ཚིག་ཏུ་སྨྲས་མ་ཐག་ཏུ། ཤ་ནའི་གོས་དེ་དག་འདི་ལྟར་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་མཐུ་དང ། ལྷ་རྣམས་ཀྱི་ལྷའི་མཐུས་བྱང་ཆུབ་སེམས་དཔའི་སྐུ་དང་འཚམ་པར་གྱུར་ཏོ། །བྱང་ཆུབ་སེམས་དཔས་དགོངས་པ། ད་ནི་བདག་རབ་ཏུ་བྱུང་ཟིན་གྱིས། འགྲོ་བ་རྣམས་རྗེས་སུ་གཟུང་བར་བྱའོ་སྙམ་མོ། །དེ་ནས་བྱང་ཆུབ་སེམས་དཔའི་ཀ་ཤི་ཀའི་རས་ཕྲན་གྱི་གོས་དེ་དག་ལྷ་རྣམས་ཀྱི་དབང་པོ་བརྒྱ་བྱིན་གྱིས་བླངས་ནས། སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་དུ་ཀ་ཤི་ཀའི་མཆོད་པ་ཆེན་པོ་བཙུགས་སོ། །བྲམ་ཟེ་དང་ཁྱིམ་བདག་དད་བ་ཅན་རྣམས་ཀྱིས་ཀྱང་ཕྱོགས་དེར་ངུར་སྨྲིག་
Nga22a
༄#། །བླངས་པ་ཞེས་བྱ་བའི་མཆོད་རྟེན་བརྩིགས་ཏེ། ད་དུང་ཡང་མཆོད་རྟེན་ལ་ཕྱག་འཚལ་བའི་དགེ་སློང་དག་ཕྱག་བྱེད་དོ། །དེ་ནས་བྱང་ཆུབ་སེམས་དཔའ་དབུ་སྐྲ་བྲེགས་ཤིང་ན་བཟའ་དུར་སྨྲིག་མནབས་ཏེ་དཀའ་ཐུབ་ཀྱི་ནགས་སུ་ཕན་ཚུན་རྒྱུ་ཞིང་དྲང་སྲོང་ངན་སྤོང་གི་བུའི་བསྟི་གནས་སུ་གཤེགས་པ་དང ། དེའི་ཚེ་དྲང་སྲོང་ངན་སྤོང་གི་བུ་ལག་པ་ལ་འགྲམ་པ་གཏད་ནས་སེམས་ཁོང་དུ་ཆུད་ཅིང་འདུག་པ་དེ་ལྟ་བུ་དེ་བྱང་ཆུབ་སེམས་དཔས་གཟིགས་ནས་གསུངས་པ། དྲང་སྲོང་ཆེན་པོ་ཅིའི་ཕྱིར་ལག་པ་འགྲམ་པ་ལ་གཏད་ནས། སེམས་ཁོང་དུ་ཆུད་ཅིང་འདུག་།དེས་གསོལ་པ། བདག་གི་བསྟི་གནས་འདི་ན་ཤིང་ཏ་ལ་རྣམས་གསེར་གྱི་ལོ་མ་དང ། མེ་ཏོག་དང ། འབྲས་བུ་ཆགས་པ་ལས་དེ་རྣམས་སྔ་མཁོ་བཞིན་དུ་མ་གྱུར་ཏོ། །བྱང་ཆུབ་སེམས་དཔས་གསུངས་པ། དྲང་སྲོང་ཆེན་པོ་གང་གི་མཐུས་བསྟི་གནས་འདི་ན་ཏ་ལ་རྣམས་གསེར་གྱི་ལོ་མ་དང་མེ་ཏོག་དང་འབྲས་བུ་དང་ལྡན་པ། དེ་རྒ་བ་དང་ན་བ་དང་འཆི་བ་ཡང་དག་པར་མཐོང་ནས་ཡིད་བྱུང་སྟེ། དཀའ་ཐུབ་ཀྱི་ནགས་སུ་གནས་པས་སོ། །གལ་ཏེ་དེས་རྒས་པ་དང་ན་བ་དང་འཆི་བ་ཡང་དག་པར་མཐོང་ནས་ཡིད་བྱུང་སྟེ། དཀའ་ཐུབ་ཀྱི་ནགས་སུ་གནས་པར་མ་གྱུར་ན་སྐྱེད་མོས་ཚལ་འདི་དེའི་ཡིན་པར་འགྱུར་བ་ཞིག་དེ་སྐད་ཅེས་གསུངས་པ་དང ། དྲང་སྲོང་ངན་སྤོང་གི་བུས་བྱང་ཆུབ་སེམས་དཔའ་ལ་བརྟག་པར་བརྩམས་སོ། །དེ་ནས་གཟུགས་
Nga22b
བཟང་ཞིང་ཞི་བའི་ཆ་བྱད་དུ་མཐོང་ནས། ཡུན་རིང་དུ་བརྟགས་ཏེ། ངོ་མཚར་སྐྱེས་ནས་གསོལ་བ། ཀྱེ་རབ་ཏུ་བྱུང་བ་དེ་ཁྱོད་ཁོ་ན་མ་ལགས་གྲང ། བྱང་ཆུབ་སེམས་དཔས་གསུངས་པ། དྲང་སྲོང་ཆེན་པོ་དེ་ལྟར་ངེས་སོ། །དེ་ནས་ངན་སྤོང་གི་བུ་ཡ་མཚན་སྐྱེས་པའི་མིག་བགྲད་དེ་བལྟས་ནས། བྱང་ཆུབ་སེམས་དཔའ་ཐོག་མར་གདན་ལ་སྤྱན་དྲངས་ཏེ་མེ་ཏོག་དང་འབྲས་བུས་བསྟབས་སོ། །དེ་ལྟར་ཀུན་ཏུ་དགྱེས་པར་བྱས་པ་དང ། བྱང་ཆུབ་སེམས་དཔས་སྐད་ཅིག་གཅིག་བཞེས་ནས་གསུངས་པ། དྲང་སྲོང་ཆེན་པོ་འདི་ནས་གྲོང་ཁྱེར་སེར་སྐྱའི་གཞིར་ཇི་སྲིད་ཡོད། དེས་གསོལ་པ། དཔག་ཚད་བཅུ་གཉིས་མཆིས་སོ། །བྱང་ཆུབ་སེམས་དཔས་དགོངས་པ། གྲོང་ཁྱེར་སེར་སྐྱའི་གཞི་ཉེའོ། །འདིར་གནས་པ་ནི་རུང་བ་མ་ཡིན་ཏེ། ཤཱཀྱ་རྣམས་ཀྱིས་གྲོང་ཁྱེར་གྱི་འཁྲུག་པར་བྱེད་པར་འགྱུར་གྱིས་མ་ལ་བདག་གངྒཱ་རྒལ་ལོ་སྙམ་ནས་དེ་གངྒཱ་རྒལ་ནས་མཐར་གྱིས་རྒྱུ་ཞིང་གཤེགས་པ་དང་རྒྱལ་པོའི་ཁབ་ཏུ་བྱོན་ཏོ། །བྱང་ཆུབ་སེམས་དཔའ་ནི་བཟོའི་གནས་དང ། ལས་ཀྱི་གནས་དེ་དང་དེ་རྣམས་ལ་མཁས་པ་ཡིན་པས་ཤིང་ཀ་ར་བི་རིའི་ལོ་མ་ལས་ལྷུང་བཟེད་བྱས་ནས་སྤྱོད་ལམ་ཞི་བས་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་བཞུགས་སོ། །དེའི་ཚེ་རྒྱལ་པོ་གཟུགས་ཅན་སྙིང་པོ་སྟེང་གི་ཁང་བཟང་གི་གཞི་ན་འདུག་པ་དེས་དེ་འགྲོ་བ་དང་ལྡོག་པ་དང་ལྟ་བ་དང ། རྣམ་པར་ལྟ་བ་དང ། བསྐུམ་པ་དང ། བརྐྱང་བ་དང ། ཆོས་གོས་སྣམ་སྦྱར་དང ། ལྷུང་བཟེད་ཐོགས་པ་མཛེས་པས། བསོད་སྙོམས་སྤྱོད་པ་མཐོང་ངོ ། །མཐོང་ནས་
Nga23a
༄#། །ཀྱང་འདི་སྙམ་དུ་སེམས་ཏེ། རྒྱལ་པོའི་ཁབ་ན་རབ་ཏུ་བྱུང་བ་ཇི་སྙེད་ཅིག་གནས་པ་ལ་ཇི་ལྟར་རབ་ཏུ་བྱུང་བ་འདིའི་སྤྱོད་ལམ་དེ་ལྟ་བུ་ནི་འགའ་ཡང་མེད་དོ་སྙམ་མོ། །འདིར་སྨྲས་པ། ཇི་ལྟར་མིག་ཅན་འགྲོ་བ་ལྟར། །རབ་ཏུ་བྱུང་བ་བསྒྲག་པར་བྱ། །འདིས་ནི་བརྟག་པར་མཛད་ནས་སུ། །རབ་ཏུ་བྱུང་བ་ཡང་དག་བཞེད། །ཁྱིམ་གནས་འདི་ནི་སྡུག་བསྔལ་ཏེ། །འདི་ནི་རྡུལ་གྱི་གནས་ཡིན་ཞིང ། །རབ་ཏུ་བྱུང་བ་པར་སྣང་ལྟར། །མཁྱེན་ནས་དེ་ཚེ་རབ་ཏུ་བྱུང ། །རབ་ཏུ་བྱུང་ནས་སྐུ་ཡིས་ནི། །སྡིག་པའི་ལས་ནི་སྤངས་པ་དང ། །གསུང་གི་སྡིག་པ་སྤངས་ནས་ནི། །འཚོ་བ་ཀུན་ནས་དག་པར་མཛད། །དེས་ན་མ་གྷ་དྷ་ཡི་ནི། །གྲོང་མཆོག་རྒྱལ་པོའི་ཁབ་གཤེགས་ནས། །མགོན་པོ་ཤེས་བཞིན་དྲན་ལྡན་པ། །བསོད་སྙོམས་ཕྱིར་ནི་གཤེགས་པ་དེ། །བཟོ་སྦྱངས་མ་ག་དྷ་ཡི་བདག་།ཁང་བཟང་ན་ནི་འདུག་པ་མཐོང ། །མཐོང་ནས་སེམས་དད་དེ་ནས་ནི། །བློན་པོ་རྣམས་ལ་འདི་སྐད་སྨྲས། །མཚན་མཆོག་གིས་ནི་རྒྱས་གྱུར་ཅིང ། །ཁོ་ལག་ཕུན་སུམ་ཚོགས་པ་དང ། །གཉའ་ཤིང་གང་དུ་ལྟ་བ་ཡི། །འདི་ལ་ཤེས་ལྡན་དག་ལྟོས་ཤིག་།སྤྱན་མི་འདེགས་ལ་ཡིད་བཞུངས་ཤིང ། །དམན་པའི་རིགས་ལས་མ་འཁྲུངས་འདི། །གང་དུ་གནས་པར་གཤེགས་གྱུར་པ། །རྒྱལ་པོས་ཕོ་ཉ་རྗེས་བཞིན་བཏང ། །དེ་ནས་ཕོ་ཉ་ལ་བསྒོ་བ། །དགེ་སློང་དེ་ནི་གར་འགྲོ་ཞིང ། །གང་དུ་གནས་ནི་བཏབ་པ་ཡི། །རྗེས་བཞིན་དུ་ནི་འབྲང་བར་གྱིས། །དེ་ནི་བསོད་སྙོམས་
Nga23b
གཤེགས་པ་ན། །སྒོ་དྲུག་ལེགས་པར་བསྡམས་ནས་ནི། །ཤེས་བཞིན་དྲན་དང་ལྡན་པ་ཡིས། །ལྷུང་བཟེད་མྱུར་དུ་གང་བར་མཛད། །བསོད་སྙོམས་སྤྱད་པ་བྱས་ནས་ཀྱང ། །ཐུབ་པ་གྲོང་ཁྱེར་ཕྱིར་བྱུང་ནས། །སྐྱ་བསེང་ལས་ནི་མངོན་གཤེགས་ཏེ། །དེ་ལ་གནས་ནི་བཏབ་པར་གྱུར། །གནས་བཏབ་པ་ནི་ཤེས་ནས་ཀྱང ། །ཕོ་ཉ་གཅིག་གིས་བསྡད་བྱས་ནས། །གཞན་ནི་མྱུར་དུ་སླར་ལོག་སྟེ། ། རྒྱལ་པོ་ལ་ནི་ཚིག་སྨྲས་པ། །རྒྱལ་པོ་ཆེན་པོ་དགེ་སློང་དེ། །སེངྒེའམ་སྟག་གི་ཕྲུག་གུ་དག་།རི་སུལ་དག་ན་གནས་པ་ལྟར། །སྐྱ་བསེང་གི་ནི་སྟེང་ན་གནས། །ཕོ་ཉ་རྣམས་ཀྱི་ཚིག་ཐོས་ནས། །ས་བདག་ཤིང་དྲུང་ཞུགས་ནས་ནི། །དེ་ནི་བློན་པོས་ཡོངས་བསྐོར་ནས། །མྱུར་དུ་ཁོ་ནར་དོང་བར་གྱུར། །བཞོན་པས་བགྲོད་པའི་སར་ཞོན་ཏེ། །དེ་ནི་བཞོན་པ་ལས་བབས་ནས། །རྐང་གཉིས་ཉེ་བར་སོང་ནས་ནི།། དེ་ནས་དེ་བཞིན་གཤེགས་པ་མཐོང ། །རྒྱལ་པོས་འདུག་ནས་དགྱེས་པ་དང ། །མགུ་བར་འགྱུར་པའི་གཏམ་གསོལ་ནས། །དེ་ནི་མ་ཁེངས་མི་བསླང་བར། །དོན་འདི་དག་ནི་རབ་གནས་སོ། །དགེ་སློང་ལང་ཚོ་དང་པོ་ལ། །བབ་པར་ཡང་དག་གནས་གྱུར་ཅིང ། །འདི་འདྲར་གཟི་བརྗིད་ལྡན་པ་ལ། །བསོད་སྙོམས་སྤྱོད་པ་མཛེས་མ་ལགས། །ཁང་པ་ཉམས་དགའ་དག་དང་ནི། །བུད་མེད་རྒྱན་གྱིས་བརྒྱན་པ་དང ། །ལོངས་སྤྱོད་མཆོག་ནི་ཁྱོད་གསོལ་ན། །ཉིད་ཀྱི་གདུང་ནི་ཞུ་ཡིས་གསུངས། །རྒྱལ་པོ་གངས་རི་ཉེ་བ་ན། །ཡུལ་གྱི་ལྗོངས་ནི་ནོར་དག་དང ། །འབྲུ་དག་གིས་ནི་གང་གྱུར་པ། །ཀོ་ས་
Nga24a
༄#། །ལ་ཞེས་གྲགས་པ་ཡོད། །བུ་རམ་ཤིང་པ་ཉི་མའི་རུས། །ཤཱཀྱ་དག་ནི་དེ་ན་གནས། །རྒྱལ་པོ་ངའི་རིགས་རྒྱལ་རིགས་ཏེ། །ང་ནི་འདོད་པ་དོན་མི་གཉེར། །ས་འདི་རི་དང་བཅས་ཤིང་རྒྱ་མཚོར་བཅས། །རིན་ཆེན་ཀུན་དང་ལྡན་པ་བསྐྱངས་གྱུར་ཀྱང ། །མི་ནི་ནམ་ཡང་ངོམས་པར་མི་འགྱུར་ཏེ། །སོ་ག་ཚ་དུས་ཤིང་གི་མེ་བཞིན་ནོ། །འདོད་པ་རྣམས་ནི་ཤ་ཁོ་ན་འབྲེལ་ཅེས་གསུངས། །མི་དབང་རྒལ་བར་དཀའ་ཞིང་འདམ་རྫབ་འདྲ། །སྡུག་བསྔལ་དང་ནི་མྱ་ངན་འཇིགས་པ་ཡི། །རྩ་བའི་གཙོ་སྟེ་བློ་ངན་རྣམས་ཀྱིས་བསྟན། །རྒྱལ་པོ་ངས་ནི་བྱུང་མ་ཐག་ཏུ་ཡང ། ། འདོད་པ་རྣམས་ལ་མི་དགའི་བློ་བསྐྱེད་ན། །འཇིགས་བྱེད་ཆོས་ཀྱི་དགྲ་བོར་གྱུར་པ་དག་།བོར་བ་དེ་ཁོ་སླར་ཡང་ཇི་ལྟར་བླང ། །རྩེ་མོ་སྣ་ཚོགས་ཡངས་པར་གྱུར་པ་ཡི། །ལྷུན་པོ་གངས་ཅན་རླུང་གིས་བསྐྱོད་སྲིད་ཀྱི། །ང་ཡི་བློ་ནི་ཐར་པ་ལ་བརྟེན་པ། །འདོད་པའི་ཤུགས་ཀྱིས་བསྐྱོད་པར་མི་ནུས་སོ། །འཇིག་རྟེན་འདི་ནི་འདོད་པར་བྱིང་གྱུར་ནས། །འཁོར་བའི་འཁོར་ལོས་ཡོངས་སུ་འཁྱམས་པ་ལ། །མི་དབང་ང་སྐྱབས་ཡིན་ཏེ་གཞན་མེད་པས། །འཇིགས་པ་ཆེ་ལས་དེ་ནི་ཐར་པར་བྱ། །འདོད་པ་རྣམས་ཀྱི་ཉེས་དམིགས་མཁྱེན། །མྱ་ངན་འདས་པ་ཞིབ་གཟིགས་པ། །སྤང་ཕྱིར་གང་དུ་ང་ཡི་ཡིད། །དགའ་བ་དག་ཏུ་འགྲོ་བར་བྱ། །རྒྱལ་པོ་གཟུགས་ཅན་སྙིང་པོས་གསོལ་པ། ཀྱེ་རབ་ཏུ་བྱུང་བ་བརྟུལ་ཞུགས་འདིས་ཅི་ཞིག་དོན་དུ་གཉེར། དེས་གསུངས་པ། བླ་ན་མེད་པ་ཡང་
Nga24b
དག་པར་རྫོགས་པའི་བྱང་ཆུབ་བོ། །རྒྱལ་པོས་གསོལ་པ། ཀྱེ་རབ་ཏུ་བྱུང་བ་གང་གི་ཚེ་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་སངས་རྒྱས་པར་གྱུར་པ་དེའི་ཚེ་བདག་ལ་ཡང་དགོངས་ཤིག་།བྱང་ཆུབ་སེམས་དཔས་གསུངས་པ། དེ་བཞིན་དུ་བསམ་པར་བྱའོ། །ཞེས་གསུངས་ནས། རྒྱལ་པོའི་ཁབ་ནས་བྱུང་སྟེ། བྱ་རྒོད་ཕུང་པོའི་རི་དང་ཧ་ཅང་ཡང་མི་རིང་བར་དྲང་སྲོང་རྣམས་ཀྱི་བསྟི་གནས་དེར་གཤེགས་སོ། །དེ་རྣམས་སྤྱོད་པ་དང་གནས་པས་བསམ་གཏན་ལ་བརྩོན་པར་གནས་ཏེ། དེ་རྣམས་གང་ཚེ་རྐང་པ་གཅིག་གིས་ཉིན་ཐུན་གཅིག་འགྲེང་པ་དེའི་ཚེ། བྱང་ཆུབ་སེམས་དཔའ་ཐུན་གཉིས་སུ་བཞེངས་སོ། །གལ་ཏེ་དེ་རྣམས་གདུང་བ་ལྔའི་སྦྱོར་བ་ཉིན་ཐུན་གཅིག་འདུག་པ་དེའི་ཚེ། བྱང་ཆུབ་སེམས་དཔས་ཀྱང་སྦྱོར་བ་དེས་ཐུན་གཉིས་སུ་བཞུགས་སོ། །དེ་ནས་དེ་རྣམས་ཡ་མཚན་སྐྱེས་ནས། དགེ་སྦྱོང་འདི་ནི་ཆེན་པོ་ཞིག་གོ་ཞེས་སྨྲས་པས། དགེ་སྦྱོང་ཆེན་པོ་དགེ་སྦྱོང་ཆེན་པོ་ཞེས་བྱ་བར་གྱུར་ཏོ། །བྱང་ཆུབ་སེམས་དཔས་དེ་རྣམས་ལ་སྨྲས་པ། ཤེས་ལྡན་དག་ཁྱེད་བརྟུལ་ཞུགས་འདིས་ཅི་ཞིག་དོན་དུ་གཉེར། དེ་ན་ཁ་ཅིག་གིས་གསོལ་པ། བརྒྱ་བྱིན་ཉིད་དོ། །ཁ་ཅིག་གིས་གསོལ་པ། བདག་ཅག་ནི་ཚངས་པ་ཉིད་དོ། །ཁ་ཅིག་གིས་གསོལ་པ། བདུད་ཉིད་དོ། །བྱང་ཆུབ་སེམས་དཔས་དགོངས་པ། དྲང་སྲོང་འདི་དག་ནི་སླར་ཡང་ལྷུང་བ། ལམ་ལོག་པར་ཞུགས་པ་སྟེ། ལམ་དེ་ནི་དག་པ་མ་ཡིན་ནོ་སྙམ་ནས། དེས་སྒྱུ་རྩལ་ཤེས་ཀྱི་བུ་རིང་དུ་
Nga25a
༄#། །འཕུར་གང་ན་བ་དེར་གཤེགས་ཏེ་བྱོན་པ་དང ། སྒྱུ་རྩལ་ཤེས་ཀྱི་བུ་རིང་དུ་འཕུར་ལ་འདི་སྐད་ཅེས་གསུངས་སོ། །རིང་དུ་འཕུར་གལ་ཏེ་ཁྱོད་ལ་མི་བདེ་བ་མེད་ན་ཁྱོད་ཀྱི་དྲུང་དུ་ཁོ་བོ་ཚངས་པར་སྤྱོད་པར་སྤྱད་དོ། །དེས་སྨྲས་པ། ཚེ་དང་ལྡན་པ་གོའུ་ཏ་མ་བདག་ལ་མི་བདེ་བ་མེད་ཀྱིས་ཁྱེད་ཅི་བདེ་བ་ཁོ་ནར་བཞུགས་ཤིབ་\་ཥཿ ཱིG?\། བྱང་ཆུབ་སེམས་དཔས་གསུངས་པ། རིང་དུ་འཕུར་ཁྱོད་ཀྱིས་ཆོས་ཇི་སྙེད་ཅིག་རྟོགས་པར་གྱུར། དེས་གསོལ་པ། ཚེ་དང་ལྡན་པ་གོའུ་ཏ་མ་ཅི་ཡང་མེད་པའི་སྐྱེ་མཆེད་ཀྱི་བར་དུའོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། སྒྱུ་རྩལ་ཤེས་ཀྱི་བུ་རིང་དུ་འཕུར་དད་པ་དེ་ལ་ནི་ང་ཡང་དད་ལ། སྒྱུ་རྩལ་ཤེས་ཀྱི་བུ་རིང་དུ་འཕུར་ལ་བརྩོན་འགྲུས་དང ། དྲན་པ་དང ། ཏིང་ངེ་འཛིན་དང ། ཤེས་རབ་ཡོད་པ་ལྟར་བདག་ལ་ཡང་བརྩོན་འགྲུས་དང ། དྲན་པ་དང ། ཏིང་ངེ་འཛིན་དང ། ཤེས་རབ་ཡོད་པས། སྒྱུ་རྩལ་ཤེས་ཀྱི་བུ་རིང་དུ་འཕུར་གྱི་ཅི་ཡང་མེད་པའི་སྐྱེ་མཆེད་ཀྱི་བར་གྱི་ཆོས་དེ་སྙེད་མངོན་སུམ་དུ་བྱས་ན། ཅིའི་ཕྱིར་བདག་གིས་ཀྱང་ཆོས་འདི་དག་མངོན་དུ་མི་བྱ་སྙམ་ནས། དེ་ནས་བྱང་ཆུབ་སེམས་དཔའ་ཆོས་དེ་རྣམས་ཁོ་ན་མ་ཐོབ་པ་ཐོབ་པར་བྱ་བའི་ཕྱིར་དང ། མ་རྟོགས་པ་རྟོགས་པར་བྱ་བའི་ཕྱིར་དང ། མངོན་སུམ་དུ་མ་བྱས་པ་མངོན་སུམ་དུ་བྱ་བའི་ཕྱིར་གཅིག་བུ་དབེན་པ་བག་ཡོད་པ་བརྟུན་པ་དང་ལྡན་པ། བདག་ཉིད་གཏོད་པར་གནས་ཏེ་གཅིག་བུ་དབེན་པ་བག་ཡོད་པ་བརྟུན་
Nga25b
པ་དང་ལྡན་པ། བདག་ཉིད་གཏོད་པར་གནས་པ་ན། རིང་པོ་མ་ཐོགས་པ་ཁོ་ནར་ཆོས་དེ་དག་མངོན་སུམ་དུ་མཛད་པར་གྱུར་ཏོ། །ཆོས་དེ་དག་མངོན་སུམ་དུ་མཛད་ནས་ཡང་སྒྱུ་རྩལ་ཤེས་ཀྱི་བུ་རིང་དུ་འཕུར་གང་ན་བ་དེར་གཤེགས་ཏེ་བྱོན་ནས། སྒྱུ་རྩལ་ཤེས་ཀྱི་བུ་རིང་དུ་འཕུར་ལ་འདི་སྐད་ཅེས་གསུངས་སོ། །རིང་དུ་འཕུར་ཁྱོད་ཀྱིས་ཅི་ཡང་མེད་པའི་སྐྱེ་མཆེད་ཀྱི་བར་གྱི་ཆོས་འདི་དག་རང་གི་མངོན་པར་ཤེས་པས་མངོན་སུམ་དུ་བྱས་སམ། དེས་འདི་སྐད་ཅེས་སྨྲས་སོ། །ཚེ་དང་ལྡན་པ་གོའུ་ཏ་མ། མད་དེ་བདག་གིས་ཅི་ཡང་མེད་པའི་སྐྱེ་མཆེད་ཀྱི་བར་གྱི་ཆོས་དེ་དག་རང་གི་མངོན་པར་ཤེས་པས་མངོན་སུམ་དུ་བྱས་སོ། །བྱང་ཆུབ་སེམས་དཔས་གསུངས་པ། ཚེ་དང་ལྡན་པ་རིང་དུ་འཕུར་བདག་གིས་ཀྱང་ཅི་ཡང་མེད་པའི་སྐྱེ་མཆེད་ཀྱི་བར་གྱི་ཆོས་དེ་དག་རང་གི་མངོན་པར་ཤེས་པས་མངོན་སུམ་དུ་བྱས་སོ། །ཚེ་དང་ལྡན་པ་གོའུ་ཏ་མ་དེ་ལྟ་ན་ཁྱོད་ཀྱི་ཇི་ཙམ་བདག་གི་ཡང་དེ་ཙམ་ལ། བདག་གི་ཇི་ཙམ་པ་ཁྱོད་ཀྱི་ཡང་དེ་ཙམ་པས་དོན་འདི་ལའོ་སྐོལ་མཚུངས་ཤིང་མཉམ་སྟེ་འདྲ་བར་ཐོབ་ཀྱིས་ཚུར་སྤྱོན། འོ་སྐོལ་གཉིས་ཀས་འཁོར་འདི་ཡོངས་སུ་དྲང་བར་བགྱིའོ། །དེ་ནས་སྒྱུ་རྩལ་ཤེས་ཀྱི་བུ་རིང་དུ་འཕུར་བྱང་ཆུབ་སེམས་དཔའི་ཐོག་མའི་སློབ་དཔོན་ཉིད་ཀྱིས། བྱང་ཆུབ་སེམས་དཔའ་ལ་རྗེད་པའི་དམ་པས་རྗེད་ཅིང་མཆོད་པའི་དམ་པས་མཆོད་དོ། །དེའི་རྟོགས་པ་དག་ལ་ཡང་དགའ་བ་དང ། མགུ་པར་གྱུར་ཏོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། ལམ་འདི་ནི་ཤེས་པར་ནུས་པ་
Nga26a
༄#། །མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ནོ་སྙམ་མོ། །དེ་ནས་བྱང་ཆུབ་སེམས་དཔས་ལམ་དེ་ནུས་པ་མེད་པར་རིག་ནས། རངས་བྱེད་ཀྱི་བུ་ལྷག་སྤྱོད་གང་ན་བ་དེར་གཤེགས་ཏེ་བྱོན་ནས། རངས་བྱེད་ཀྱི་བུ་ལྷག་སྤྱོད་ལ་འདི་སྐད་ཅེས་གསུངས་སོ། །ལྷག་སྤྱོད་གལ་ཏེ་ཁྱོད་ལ་མི་བདེ་བ་མེད་ན་ཁྱོད་ཀྱི་དྲུང་དུ་ང་ཚངས་པར་སྤྱོད་པ་སྤྱད་དོ། །དེས་གསོལ་པ། ཚེ་དང་ལྡན་པ་གོའུ་ཏ་མ་བདག་ལ་མི་བདེ་བ་མེད་ཀྱིས། ཁྱོད་ཅི་བདེ་བ་ཁོ་ནར་བཞུགས་ཤིག་།ཁྱོད་ཀྱིས་ཆོས་ཇི་སྙེད་ཅིག་མངོན་སུམ་དུ་བྱས། ཚེ་དང་ལྡན་པ་གོའུ་ཏ་མ་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་བར་དུའོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། རངས་བྱེད་ཀྱི་བུ་ལྷག་སྤྱོད་དད་པ་ལ་ནི་བདག་ཀྱང་དད་ལ། རངས་བྱེད་ཀྱི་བུ་ལྷག་སྤྱོད་ལ་བརྩོན་འགྲུས་དང ། དྲན་པ་དང ། ཏིང་ངེ་འཛིན་དང ། ཤེས་རབ་ཡོད་པ་ལྟ་བུའི་བརྩོན་འགྲུས་དང ། དྲན་པ་དང ། ཏིང་ངེ་འཛིན་དང ། ཤེས་རབ་ནི་བདག་ལ་ཡོད་ན། རངས་བྱེད་ཀྱི་བུ་ལྷག་སྤྱོད་ཀྱིས་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་བར་གྱི་ཆོས་འདི་སྙེད་ཅིག་མངོན་སུམ་དུ་བྱས་ན། བདག་གིས་ཀྱང་ཅིའི་ཕྱིར་ཆོས་འདི་དག་མངོན་སུམ་དུ་མི་བྱ་སྙམ་མོ། །དེ་ནས་བྱང་ཆུབ་སེམས་དཔས་ཆོས་དེ་རྣམས་ཁོ་ན་མ་ཐོབ་པ་ཐོབ་པར་བྱ་བའི་ཕྱིར་དང ། མ་རྟོགས་པ་རྟོགས་པར་བྱ་བའི་ཕྱིར་དང ། མངོན་
Nga26b
སུམ་དུ་མ་བྱས་པ་མངོན་སུམ་དུ་བྱ་བའི་ཕྱིར་གཅིག་པུ་དབེན་པ་བག་ཡོད་པ་བརྟུན་པ་དང་ལྡན་པ་བདག་ཉིད་གཏོད་པར་གནས་ཏེ། གཅིག་པུ་དབེན་པ་བག་ཡོད་པ་བརྟུན་པ་དང་ལྡན་པ་བདག་ཉིད་གཏོད་པར་གནས་པ་ན། རིང་པོ་མ་ཐོགས་པ་ཁོ་ནར་ཆོས་དེ་མངོན་སུམ་དུ་མཛད་པར་གྱུར་ཏོ། །ཆོས་དེ་མངོན་སུམ་དུ་མཛད་ནས་རངས་བྱེད་ཀྱི་བུ་ལྷག་སྤྱོད་གང་ན་བ་དེར་གཤེགས་ཏེ་བྱོན་པ་དང ། རངས་བྱེད་ཀྱི་བུ་ལྷག་སྤྱོད་ལ་འདི་སྐད་ཅེས་གསུངས་སོ། །ལྷག་སྤྱོད་ཁྱོད་ཀྱིས་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་བར་དུ་ཆོས་འདི་དག་རང་གིས་མངོན་སུམ་དུ་བྱས་སམ། ཚེ་དང་ལྡན་པ་གོའུ་ཏ་མ་མད་ལགས་ཏེ། བདག་གིས་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་བར་གྱི་ཆོས་འདི་དག་མངོན་སུམ་དུ་བགྱིས་སོ། །བྱང་ཆུབ་སེམས་དཔས་གསུངས་པ། ཚེ་དང་ལྡན་པ་ལྷག་སྤྱོད་བདག་གིས་ཀྱང་འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་བར་གྱི་ཆོས་འདི་དག་རང་གིས་མངོན་སུམ་དུ་བྱས་སོ། །ཚེ་དང་ལྡན་པ་གོའུ་ཏ་མ་དེ་ལྟ་ན་ཁྱོད་ཀྱི་ཇི་ཙམ་པ་བདག་གི་ཡང་དེ་ཙམ་ལ་བདག་གི་ཇི་ཙམ་པ་ཁྱོད་ཀྱི་ཡང་དེ་ཙམ་པས་དོན་འདི་ལ་འོ་སྐོལ་མཚུངས་ཤིང་མཉམ་སྟེ། འདྲ་བར་ཐོབ་ཀྱིས་ཚུར་སྤྱོན། འོ་སྐོལ་གཉིས་ཀྱིས་ཚོགས་འདི་ཡོངས་སུ་དྲང་བར་བགྱིའོ། །དེ་ནས་རངས་བྱེད་ཀྱི་བུ་ལྷག་སྤྱོད་བྱང་ཆུབ་སེམས་དཔའི་ཐོག་མའི་སློབ་དཔོན་གྱིས་བྱང་ཆུབ་སེམས་དཔའ་ལ་རྗེད་པའི་དམ་པས་རྗེད་ཅིང་མཆོད་པའི་དམ་པས་མཆོད་དོ། །དེའི་ཤེས་པ་རྣམས་ལ་ཡང་དགའ་བ་དང་
Nga27a
༄#། །མགུ་བར་གྱུར་ཏོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། ལམ་འདི་ནི་ཤེས་པར་ནུས་པ་མ་ཡིན། མཐོང་བར་ནུས་པར་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་བར་ནུས་པ་མ་ཡིན་ནོ་སྙམ་མོ། །དེ་ནས་བྱང་ཆུབ་སེམས་དཔའ་ལམ་དེ་ཡང་ནུས་པ་མེད་པར་རིག་ནས་གཤེགས་སོ། །རྒྱལ་པོ་ཟས་གཙང་བུའི་མྱ་ངན་གྱིས་རྟག་ཏུ་གདུངས་ནས། བྱང་ཆུབ་སེམས་དཔའ་བཙལ་བའི་ཕྱིར་ཕོ་ཉ་བཏང་བ་ལས་དེས་ཇི་ལྟར་གཞོན་ནུ་དོན་ཐམས་ཅད་གྲུབ་པ། རངས་བྱེད་ཀྱི་བུ་ལྷག་སྤྱོད་དང་ལྷན་ཅིག་བཞུགས་པ་ལས་རྒྱལ་པོའི་ཁབ་ནས་ཕྱིར་བྱུང་སྟེ། རིམ་གྲོ་བ་མེད་པར་འཁྱམས་པ་ཐོས་སོ། །ཐོས་ནས་རིམ་གྲོ་བྱེད་པ་སུམ་བརྒྱ་བཏང་ངོ ། །གྲོང་ཁྱེར་ལྷས་བསྟན་དུ་ཤཱཀྱ་ལེགས་པར་རབ་སད་ཀྱིས་ཀྱང་དེ་བཞིན་དུ་ཐོས་ནས་དེས་ཀྱང་རིམ་གྲོ་བྱེད་པ་ཉིས་བརྒྱ་བཏང་ངོ ། །དེ་ནས་བྱང་ཆུབ་སེམས་དཔའ་རིམ་གྲོ་པ་ལྔ་བརྒྱས་ཡོངས་སུ་བསྐོར་ནས། དཀའ་ཐུབ་ཀྱི་ནགས་སུ་རྒྱུ་བ་ན་དེས་དགོངས་པ། དཀའ་ཐུབ་ཀྱི་ནགས་གང་བར་སྤྱོད་ཅིང་གནས་པས་ནི་བདུད་རྩི་ཐོབ་པར་མི་ནུས་ཀྱིས། མ་ལ་བདག་གི་རིམ་གྲོ་བྱེད་པ་ལྔ་ཞིག་བླངས་ལ་ལྷག་མ་ནི་དགྱེའོ་སྙམ་ནས་དེས་ཡུམ་གྱི་ཕྱོགས་ལས་གཉིས། ཡབ་ཀྱི་ཕྱོགས་ནས་གསུམ་ཁྲིད་དེ་དེ་རྣམས་ཀྱིས་དེའི་རིམ་གྲོ་བྱེད་དོ། །དེ་ནས་བྱང་ཆུབ་སེམས་དཔའ་རིམ་གྲོ་པ་ལྔས་ཡོངས་སུ་བསྐོར་ཏེ། ག་ཡའི་ལྷོ་ཕྱོགས་ན་ལྟེང་རྒྱས་འོད་སྲུང་གི་སྡེའི་གྲོང་རྡལ་གང་ན་བར་རྒྱུ་ཞིང་གཤེགས་ཏེ་བྱོན་ནས། དེ་ཕན་ཚུན་དུ་ཆག་པ་ན། ཕྱོགས་དགའ་དགའ་ལྟར་འདུག་པ་ནགས་
Nga27b
ཚལ་ཚད་ཚིང་མཛེས་པ། ཆུ་ཀླུང་ནེ་རཉྫ་ན་བསིལ་བར་འབབ་པ་གསེར་གུ་ཅན་འཇུག་ངོགས་བདེ་ཞིང་མཐའ་རྒྱ་ཆེ་ལ་གསིང་མ་སྔོན་མོ་དང་ཤིང་སྣ་ཚོགས་ཀྱིས་བརྒྱན་པ་དགའ་དགའ་ལྟར་འདུག་པ་ཞིག་གཟིགས་སོ། །གཟིགས་ནས་ཀྱང་འདི་སྙམ་དུ་དགོངས་ཏེ། ཀྱེ་མའོ་ས་ཕྱོགས་འདི་ནི་དགའ་དགའ་ལྟར་འདུག་པ་ནགས་ཚང་ཚིང་མཛེས་པ་ཆུ་ཀླུང་ནེ་རཉྫ་ན་བསིལ་བར་འབབ་པ། གསེར་གུ་ཅན་འཇུག་ངོགས་བདེ་ཞིང་མཐའ་རྒྱ་ཆེ་ལ་གསིང་མ་སྔོན་པོ་དང་ཤིང་སྣ་ཚོགས་ཀྱིས་བརྒྱན་པ་དགའ་དགའ་ལྟར་འདུག་པ་ཞིག་སྟེ། ཀྱེ་མའོ་སྤོང་བ་དོན་དུ་གཉེར་བའི་རིགས་ཀྱི་བུ་ནགས་ཁྲོད་འདིར་བརྟེན་ན་སྤོང་བ་བྱ་བར་ནུས་སོ། །བདག་སྤོང་བ་དོན་དུ་གཉེར་བ་ཡིན་པས་མ་ལ་བདག་ཀྱང་ནགས་ཁྲོད་འདིར་བརྟེན་ལ་སྤོང་བ་བྱའོ་སྙམ་མོ། །དེ་ནས་བྱང་ཆུབ་སེམས་དཔའ་ནགས་ཁྲོད་དུ་ཞུགས་ཏེ་ཤིང་ཞིག་གི་དྲུང་དུ་བཞུགས་ནས། ཚེམས་ལ་ཚེམས་གཏད། ལྗགས་རྐན་ལ་བཅར། ཐུགས་ཀྱིས་ཐུགས་མངོན་དུ་བཟུང་མངོན་དུ་བསྡམས་ཤིན་དུ་མངོན་དུ་བསྡམས་སོ། །དེ་ཐུགས་ཀྱིས་ཐུགས་མངོན་དུ་བཟུང་མངོན་དུ་བསྡམས་ཤིན་ཏུ་མངོན་དུ་བསྡམས་པས་བ་སྤུའི་ཁུང་བུ་ཐམས་ཅད་ནས་རྡུལ་བྱུང་བར་གྱུར་ཏེ། དཔེར་ན་མི་སྟོབས་དང་ལྡན་པས་མི་སྟོབས་ཤིན་ཏུ་ཆུང་བ་ཞིག་ཕྱིང་ཀ་ལོག་ཏུ་བཟུང་མངོན་དུ་བསྡམས་ཤིན་ཏུ་མངོན་དུ་བསྡམས་ན། དེའི་བ་སྤུའི་ཁུང་བུ་ཐམས་ཅད་ནས་རྔུལ་འབྱུང་བ་དེ་བཞིན་དུ་དེའི་ཚེ། བྱང་ཆུབ་སེམས་དཔའ་ཚེམས་ལ་ཚེམས་གཏད། ལྗགས་རྐན་ལ་བཅར་ཏེ།
Nga28a
༄#། །ཐུགས་ཀྱིས་ཐུགས་མངོན་དུ་བཟུང་མངོན་དུ་བསྡམས་ཤིན་ཏུ་མངོན་དུ་བསྡམས་པ་ན་བ་སྤུའི་ཁུང་བུ་ཐམས་ཅད་ནས་རྡུལ་བྱུང་བར་གྱུར་ཀྱང་དེ་ཞུམ་པ་མ་ཡིན་གྱི། བརྩོན་འགྲུས་བརྩམས་པ་ཡིན། སྐུ་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་བཞག་པ་ཡིན་ཏེ། སེམས་རྩེ་གཅིག་ཏུ་མཉམ་པ་བཞག་པ་ཡིན་ནོ། །བྱང་ཆུབ་སེམས་དཔས་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་བ་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར་ཐུགས་ཡོངས་སུ་གཏུགས་ཏེ་མི་གནས་སོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། མ་ལ་བདག་གིས་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བྱའོ་སྙམ་མོ། །དེས་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བརྩམས་ཏེ། དེ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན་ཞལ་དང་ཤངས་ནས་དབུགས་རྔུབ་པ་དང ། འབྱུང་བ་བགགས་སོ། །དེའི་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་པ་དང ། རླུང་ཐམས་ཅད་སྤྱི་བོའི་ནང་དུ་སོང་ནས་དེ་དེའི་དབུ་ལ་དབུའི་ཚོར་བ་ཤིན་ཏུ་མི་བཟད་པ་སྐྱེས་སོ། །དཔེར་ན་མི་སྟོབས་དང་ལྡན་པས་མི་སྟོབས་ཤིན་ཏུ་ཆུ་ཆུང་བའི་སྤྱི་བོར་ལྕགས་ཀྱི་ཕུར་པ་རྣོན་པོས་བཏབ་ན་དེའི་མགོ་ལ་མགོའི་ཚོར་བ་ཤིན་ཏུ་མི་བཟད་པ་སྐྱེ་བ་དེ་བཞིན་དུ།
Nga28b
བྱང་ཆུབ་སེམས་དཔའ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན། དབུ་ལ་དབུའི་ཚོར་བ་ཤིན་ཏུ་མི་བཟད་པ་སྐྱེས་ཀྱང་དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། སྐུ་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་བཞག་པ་ཡིན་ཏེ་སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །བྱང་ཆུབ་སེམས་དཔའ་སྡུག་བསྔལ་མི་བཟང་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར་ཐུགས་ཡོངས་སུ་གཏུགས་ཏེ་མི་གནས་སོ། །དེ་འདི་སྙམ་དུ་དགོངས་ཏེ་མ་ལ་བདག་གིས་ལྷག་པར་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བྱའོ་སྙམ་མོ། །དེས་ལྷག་པར་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བརྩམས་ཏེ། དེ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་སོ། །དེའི་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་པས་རླུང་ཐམས་ཅད་སྙན་གཉིས་ཀྱི་བུ་ནས་རྒྱུས་པར་གྱུར་ཏོ། །དཔེར་ན་འགར་བས་སྦུད་པ་བུས་ན་རླུང་ཐམས་ཅད་ཀྱི་རྒྱུན་གྲཝ་གཉིས་ཀྱི་བུ་ནས་རྒྱུ་བ་དེ་བཞིན་དུ། བྱང་ཆུབ་སེམས་དཔའ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན། རླུང་ཐམས་ཅད་ཀྱི་རྒྱུན་སྙན་གཉིས་ཀྱི་བུ་གནས་རྒྱུས་པར་གྱུར་ཀྱང ། དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། སྐུ་མ་སྦྱངས་པ་མ་ཡིན་གྱི་
Nga29a
༄#། །སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་བཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །བྱང་ཆུབ་སེམས་དཔའ་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར། ཐུགས་ཡོངས་སུ་གཏུགས་ཏེ་མི་གནས་སོ། །དེ་འདི་སྙམ་དུ་དགོངས་ཏེ་མ་ལ་བདག་གིས་ལྷག་པར་ཡང་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བྱའོ་སྙམ་མོ། །དེ་ནས་ལྷག་པར་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བརྩམས་ཏེ། དེ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན། ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་སོ། །དེའི་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་པས་ཕྱལ་གྱི་ནང་ཐམས་ཅད་རྒྱས་པར་གྱུར། ཤིན་ཏུ་རྒྱས་པར་གྱུར་ཏོ། །དཔེར་ན་འགར་བའི་སྦུད་པ་བུས་ན་གང་བར་གྱུར། ཤིན་ཏུ་གང་བར་གྱུར་པ་དེ་བཞིན་དུ་དེའི་ཚེ། བྱང་ཆུབ་སེམས་དཔའ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན། ཕྱལ་གྱི་ནང་ཐམས་ཅད་རྒྱས་པར་གྱུར། ཤིན་ཏུ་རྒྱས་པར་གྱུར་ཀྱང ། དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་བཞག་པ་ཡིན་ཏེ། སེམས་བརྩེ་གཅིག་ཏུ་མཉམ་པར་བཞག་
Nga29b
པ་ཡིན་ནོ། །བྱང་ཆུབ་སེམས་དཔས་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་བ་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར། ཐུགས་ཡོངས་སུ་གཏུགས་ཏེ་མི་གནས་སོ། །དེ་འདི་སྙམ་དུ་དགོངས་ཏེ། མ་ལ་བདག་གིས་རྣམ་པར་བམ་པའི་བསམ་གཏན་ལ་སྙོམས་པར་འཇུག་པར་བྱའོ་སྙམ་མོ། །དེས་ལྷག་པར་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བརྩམས་ཏེ། དེ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་སོ། །དེའི་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་པ་དང ། དེའི་ཚེ་དབུ་ལ་དབུའི་ཚོར་བ་ཤིན་ཏུ་མི་བཟད་པ་སྐྱེས་སོ། །དཔེར་ན་མི་སྟོབས་དང་ལྡན་པས་མི་སྟོབས་ཤིན་ཏུ་ཆུང་བའི་མགོ་འབྲེང་པས་ཡང་ནས་ཡང་དུ་དམ་དུ་བཅིངས་ན་དེའི་མགོའི་ཚོར་བ་ཤིན་ཏུ་མི་བཟད་པ་སྐྱེ་བ་དེ་བཞིན་དུ། དེའི་ཚེ་བྱང་ཆུབ་སེམས་དཔའ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན། དབུ་ལ་དབུའི་ཚོར་བ་ཤིན་ཏུ་མི་བཟང་པ་སྐྱེས་ཀྱང ། དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་བཞག་པ་ཡིན། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །བྱང་ཆུབ་སེམས་དཔས་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་ཡང་སྐུ་བསྒོམས་པ་ཡིན་པའི་ཕྱིར། ཐུགས་ཡོངས་སུ་གཏུགས་
Nga30a
༄#། །ཏེ་མི་གནས་སོ། །དེ་འདི་སྙམ་དུ་དགོངས་ཏེ། མ་ལ་བདག་གིས་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བྱའོ་སྙམ་མོ། །དེ་ལྷག་པར་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བརྩམས་ཏེ། དེས་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་སོ། །དེའི་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་པ་དང ། དེའི་ཚེ་ཁོང་དུ་ཁོང་གི་ཚོར་བ་མི་བཟད་པ་སྐྱེས་སོ། །དཔེར་ན་བ་ལང་གི་བཤན་པ་མཁས་བའམ། བ་ལང་གི་བཤན་པའི་སློབ་མ་མཁས་པས་བ་ལང་གསོད་པའི་གྲི་རྣོན་པོས་བ་གླང་གི་ལྟོ་དྲལ་ན་དེའི་ཁོང་དུ་ཁོང་གི་ཚོར་བ་ཤིན་ཏུ་མི་བཟད་པ་སྐྱེ་བ་དེ་བཞིན་དུ་དེའི་ཚེ་བྱང་ཆུབ་སེམས་དཔའ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན། ཁོང་དུ་ཁོང་གི་ཚོར་བ་ཤིན་ཏུ་མི་བཟད་པ་སྐྱེས་ཀྱང་དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། །ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་གཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་གཞག་པ་ཡིན་ནོ། །བྱང་ཆུབ་སེམས་དཔས་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་པའི་ཚོར་བ་དེ་ལྟ་བུ་ཉམས་སུ་མྱོང་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར་ཐུགས་ཡོངས་སུ་གཏུགས་ཏེ་མི་གནས་སོ། །དེ་འདི་སྙམ་དུ་དགོངས་ཏེ། མེ་ལ་བདག་གིས་ལྷག་པར་རྣམ་པར་བམ་པའི་བསམ་གཏན་དག་
Nga30b
ལ་སྙོམས་པར་འཇུག་པར་བྱའོ་སྙམ་མོ། །དེ་ལྷག་པར་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བརྩམས་ཏེ། དེས་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན། ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་སོ། །དེའི་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་པ་དང ། དེའི་ཚེ་སྐུ་ལ་སྐུའི་གདུང་བ་ཤིན་ཏུ་མི་བཟད་པ་སྐྱེས་སོ། །དཔེར་ན་མི་ཤིན་ཏུ་སྟོབས་དང་ལྡན་པ་གཉིས་ཀྱིས་མི་སྟོབས་ཤིན་ཏུ་ཆུང་བ་ཞིག་ཕྱིང་ཀ་ལོག་ཏུ་བཟུང་སྟེ། མེ་དོང་གི་ནང་དུ་སྦྱངས་ན་དེའི་ལུས་ལ་ལུས་ཀྱི་གདུང་བ་ཤིན་ཏུ་མི་བཟད་པ་སྐྱེ་བ་དེ་བཞིན་དུ། དེའི་ཚེ་བྱང་ཆུབ་སེམས་དཔའ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན། སྐུ་ལ་སྐུའི་གདུང་བ་ཤིན་ཏུ་མི་བཟད་པ་སྐྱེས་ཀྱང་དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་བཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །བྱང་ཆུབ་སེམས་དཔས་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བ་དེ་ལྟ་བུའི་ཚོར་བ་ཉམས་སུ་མྱོང་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར་ཐུགས་ཡོངས་སུ་གཏུགས་ཏེ་མི་གནས་སོ། །དེ་འདི་སྙམ་དུ་དགོངས་ཏེ། མ་ལ་བདག་གིས་ཐམས་ཅད་ཀྱི་ཐམས་ཅད་དུ་ཟས་མི་ཟ་བར་བསྒྲུབ་པར་བྱའོ་སྙམ་མོ། །དེ་ནས་ལྷ་རབ་ཏུ་མང་པོའི་སེམས་ཀྱིས་བྱང་ཆུབ་སེམས་དཔའི་ཐུགས་ཤེས་ནས། བྱང་ཆུབ་སེམས་
Nga31a
༄#། །དཔའ་གང་ན་བ་དེར་སོང་སྟེ་ཕྱིན་ནས། བྱང་ཆུབ་སེམས་དཔའ་ལ་འདི་སྐད་ཅེས་སྨྲས་སོ། །གྲོགས་པོ་གལ་ཏེ་ཁྱོད་མིའི་ཁ་ཟས་ཀྱིས་འཛེམ་པར་མཛད། ངོ་ཚབ་མཛད།་སྨོད་པར་མཛད། རྣམ་པར་སྨོད་པར་མཛད་ན། བདག་ཅག་གིས་ཁྱོད་ཀྱི་བ་སྤུའི་ཁུང་བུ་ཐམས་ཅད་ནས་ལྷའི་མདངས་བསྒྲུབ་པར་བགྱིས་ཏེ་ཁྱོད་ཀྱིས་གཏོར་ཅིག་།དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། གལ་ཏེ་བདག་གིས་མིའི་ཟས་མི་ཟ་བར་དམ་བཅས་ལ་བདག་གི་བ་སྤུའི་ཁུང་བུ་ཐམས་ཅད་དུ་ལྷ་རྣམས་ཀྱིས་ལྷའི་མདངས་བསྒྲུབས་ནས་དེ་བདག་གིར་བྱེད་པ་ནི། བདག་གི་བརྫུན་ཡིན་ལ་བདག་གི་བརྫུན་གང་ཡིན་པ་དེ་ནི་བདག་གི་ལོག་པ་ཡིན་ནོ། །བདག་གི་ལོག་པ་གང་ཡིན་པ་དེའི་རྐྱེན་གྱིས་འདི་ན་སེམས་ཅན་ཁ་ཅིག་ལུས་ཞིག་སྟེ། ཤི་ནས་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་གྱིས། མ་ལ་བདག་གིས་ལྷ་རྣམས་ཀྱི་ཚིག་ནི་ཐམས་ཅད་ཀྱི་ཐམས་ཅད་དུ་སྤངས་ལ་ཁ་ཟས་ཉུང་བ་དང་ཆུང་བ་དང་ཅུང་ཟད་དང་ཆང་ཆུང་བཟའ་བའམ་ཡང་ན་མོན་སྲན་སྔེའུའི་ཁུ་བའམ། འོན་ཏེ་རྒྱ་སྲན་གྱི་ཁུ་བའམ། ཡང་ན་ཧ་རེ་ནུ་ཀའི་འབྲས་བུའི་ཁུ་བ་བཏུང་སྙམ་མོ། །དེ་ནས་བྱང་ཆུབ་སེམས་དཔས་དེའི་ཚེ་ལྷ་རྣམས་ཀྱི་ཚིག་ཐམས་ཅད་ཀྱི་ཐམས་ཅད་དུ་སྤངས་ནས་ཞལ་ཟས་ཉུང་བ་དང་ཆུང་བ་དང་ཆུང་ཟད་དང་ཆང་ཆུང་གསོལ་པའམ། ཡང་ན་མོན་སྲན་སྡེའུའི་ཁུ་བའམ། འོན་ཏེ་རྒྱ་སྲན་གྱི་ཁུ་
Nga31b
བའམ། ཡང་ན་ཧ་རེ་ནུ་ཀའི་འབྲས་བུའི་ཁུ་བ་གསོལ་ལོ། །དེ་ནས་བྱང་ཆུབ་སེམས་དཔའ་ཞལ་ཟས་ཉུང་བ་དང་ཆུང་བ་དང་ཆུང་ཟད་དང་ཆང་ཆུང་གསོལ་བ་ན། ཡན་ལག་དང་ཉིང་ལག་ཐམས་ཅད་ཞུམ་ཀུན་ཏུ་ཞུམ་སྟེ། སྐེམ་ཞིང་དབལ་ཆུང་བར་གྱུར་ཏོ། །དཔེར་ན་ལྡུམ་བུ་ཨ་སི་ཏའི་སྡོང་བུ་དང ། ཀ་ལི་ཀའི་སྡོང་བུ་འཇུམ་ཀུན་ཏུ་འཇུམ་པས་ཤ་ཆུང་ཞིང་བསྐམས་པར་གྱུར་པ་དེ་བཞིན་དུ་དེའི་ཚེ་བྱང་ཆུབ་སེམས་དཔའ་ཞལ་ཟས་ཉུང་བ་དང་ཆུང་བ་དང་ཆུང་ཟད་དང་ཆང་ཆུང་གསོལ་བ་ན། ཡན་ལག་དང་ཉིང་ལག་ཐམས་ཅད་ཞུམ་ཀུན་ཏུ་ཞུམ་སྟེ། སྐེམ་ཞིང་དཔལ་ཆུང་བར་གྱུར་ཏོ། །དེ་ནས་བྱང་ཆུབ་སེམས་དཔའ་དེའི་ཚེ་ཞལ་ཟས་ཉུང་བ་དང་ཆུང་བ་དང་ཅུང་ཟད་དང་ཆང་ཆུང་གསོལ་བ་ན། དབུ་ལ་དབུའི་པགས་པ་རྙིས་ཀུན་ཏུ་རྙིས་ཏེ། འཁུམས་ཤིང་འབར་འབུར་དུ་གྱུར་ཏོ། །དཔེར་ན་ཀུ་བ་རྩ་བ་ནས་བཅད་ན་རྙིས་ཀུན་ཏུ་རྙིས་པས་འཁུམས་ལ་འབར་འབུར་དུ་གྱུར་པ་དེ་བཞིན་དུ་དེའི་ཚེ་བྱང་ཆུབ་སེམས་དཔའ་ཞལ་ཟས་ཉུང་བ་དང་ཆུང་བ་དང་ཅུང་ཟད་དང་ཆང་ཆུང་གསོལ་བ་ན། དབུ་ལ་དབུའི་པགས་པ་རྙིས་ཀུན་ཏུ་རྙིས་ཏེ། འཁུམས་ཤིང་འབར་འབུར་དུ་གྱུར་ཀྱང ། དེ་ཞུམ་པ་ལ་མ་ཡིན་གྱི་བརྩེན་\་BRཊZཱོཎ\་འགྲུས་བརྩམས་པ་ཡིན། ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་གཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །བྱང་ཆུབ་སེམས་དཔའ་དེའི་ཆེ་བདག་ཉིད་གནོད་པའི་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་
Nga32a
༄#། །བ་དེ་ལྟ་བུ་ཉམས་སུ་མྱོང་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར་ཐུགས་ཡོངས་སུ་གཏུགས་ཏེ་མི་གནས་སོ། །དེ་ཞལ་ཟས་ཉུང་བ་དང་ཆུང་བ་དང་ཅུང་ཟད་དང་ཆང་ཆུང་གསོལ་བ་ན། སྤྱན་གཉིས་ཀྱི་སྤྱན་གྱི་འབྲས་བུ་ཕུག་ཏུ་སོང་ཤིན་ཏུ་ཕུག་ཏུ་སོང་སྟེ། ཟབ་པ་ཤིན་ཏུ་ཟབ་པར་རིང་དུ་སོང་བས་ཕྱུང་བ་ལྟ་བུར་སྣང་ངོ ། །དཔེར་ན་ཁྲོན་པ་ཟབ་མོའི་ཆུར་སྐར་མའི་གཟུགས་བརྙན་ཕུག་ཏུ་སོང་ཤིན་ཏུ་ཕུག་སོང་སྟེ། ཟབ་པ་ཤིན་ཏུ་ཟབ་པར་རིང་དུ་སོང་བ་གཏམ་དུ་བྱུང་བ་དེ་བཞིན་དུ། དེའི་ཚེ་བྱང་ཆུབ་སེམས་དཔའ་ཞལ་ཟས་ཉུང་བ་དང་ཆུང་བ་དང་ཅུང་ཟད་དང་ཆང་ཆུང་གསོལ་བ་ན། སྤྱན་གཉིས་ཀྱི་སྤྱན་གྱི་འབྲས་བུ་ཕུག་ཏུ་སོང་ཤིན་ཏུ་ཕུག་ཏུ་སོང་སྟེ། ཟབ་པ་ཤིན་ཏུ་ཟབ་པར་རིང་དུ་སོང་བས་ཕྱུང་བ་ལྟ་བུར་སྣང་ཡང་དེ་ཞུམ་པར་མ་ཡིན་གྱི་བརྩོན་འགྲུས་བརྩམས་པ་ཡིན། ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་དྲན་པ་ཉེ་བར་བཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །དེའི་ཚེ་བྱང་ཆུབ་སེམས་དཔའ་བདག་ཉིད་གནོད་པའི་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར་ཐུགས་ཡོངས་སུ་གཏུགས་ཏེ་མི་གནས་སོ། །དེ་ནས་བྱང་ཆུབ་སེམས་དཔའ་ཞལ་ཟས་ཉུང་བ་དང་ཆུང་བ་དང་ཅུང་ཟད་དང་ཆང་ཆུང་གསོལ་བ་ན། དེའི་ཚེ་རྩིབ་མའི་བར་མཐོ་དམན་ཅན་དུ་གྱུར་ཏེ། དཔེར་ན་རྩ་གང་ལོ་གཉིས་སམ་ལོ་གསུམ་ལོན་པའི་ཕྱམ་དགུ་པ་མཐོ་དམན་དུ་གྱུར་པ་དེ་བཞིན་
Nga32b
དུ། དེའི་ཚེ་བྱང་ཆུབ་སེམས་དཔའ་ཞལ་ཟས་ཉུང་བ་དང་ཆུང་བ་དང་ཅུང་ཟད་དང་ཆང་ཆུང་གསོལ་བ་ན། རྩིབ་མའི་བར་མཐོ་དམན་ཅན་དུ་གྱུར་ཀྱང ། དེ་ཞུམ་བ་མ་ཡིན་གྱི་བརྩོན་འགྲུས་བརྩམས་པ་ཡིན། ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་དྲན་པ་ཉེ་བར་བཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །བྱང་ཆུབ་སེམས་དཔའ་དེའི་ཚེ་བདག་ཉིད་གནོད་པའི་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་ཡང་འདི་ལྟར་སྐུ་བསྒོམས་པ་ཡིན་པའི་ཕྱིར་ཐུགས་ཡོངས་སུ་གཏུགས་ཏེ་མི་གནས་སོ། །དེ་ནས་བྱང་ཆུབ་སེམས་དཔའ་ཞལ་ཟས་ཉུང་བ་དང་ཆུང་བ་དང་ཅུང་ཟད་དང་ཆང་ཆུང་གསོལ་བ་ན། སྒལ་བའི་ཚིགས་འདི་ལྟ་སྟེ། སྐྲའི་ལན་བུ་ལྟ་བུར་གྱུར་ཏོ། །མཇུག་དོ་ནི་འདི་ལྟ་སྟེ། རྔ་མོའི་རྐང་པ་ལྟ་བུར་གྱུར་ཏོ། །དེ་ལན་འགའ་ལྡང་བར་འདོད་ན་ཁ་སྦུག་ཏུ་འགྱེལ་ལ། ལན་འགའ་འདུག་པར་འདོད་ན་གན་རྐྱལ་དུ་འགྱེལ་ལོ། །དེ་རོ་སྟོད་ལ་བརྟེན་ནས་རོ་སྨད་འཇོག་པར་བྱེད། རོ་སྨད་ལ་བརྟེན་ནས་རོ་སྟོད་འཇོག་པར་བྱེད་དོ། །དེ་ཕྱག་གཉིས་ཀྱིས་སྐུ་ལ་བྱུགས། ཡོངས་སུ་བྱུགས་ཏེ། དེའི་ཕྱག་གཉིས་ཀྱིས་སྐུ་ལ་བྱུགས། ཡོངས་སུ་བྱུགས་པ་དེའི་ཚེ། བ་སྤུ་རྣམས་དྲུང་རུལ་པས་ས་ལ་ལྷགས་པར་གྱུར་ཏོ། །དེ་འདི་སྙམ་དུ་དགོངས་ཏེ། ལམ་འདི་ཡང་ཤེས་པར་ནུས་པ་མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ནོ་སྙམ་མོ། །དེ་ནས་ལྷ་གསུམ་ཞིག་བྱང་ཆུབ་སེམས་དཔའ་གང་ན་བ་
Nga33a
༄#། །དེར་ལྷགས་ཏེ། དེ་ནས་གཅིག་གིས་འདི་སྐད་ཅེས་སྨྲས་སོ། །དགེ་སྦྱོང་གོའུ་ཏ་མ་ནི་ནག་པོ་ཞིག་གོ་།གཉིས་པས་འདི་སྐད་ཅེས་སྨྲས་སོ། །འདི་ནག་པོ་མ་ཡིན་གྱི་འོན་ཀྱང་སྔོ་བསངས་ཞིག་གོ་།གསུམ་པས་འདི་སྐད་ཅེས་སྨྲས་སོ། །འདི་ནག་པོ་ཡང་མ་ཡིན་སྔོ་བསངས་ཀྱང་མ་ཡིན་གྱི་མདོག་དམར་སྨུག་གོ་།བྱང་ཆུབ་སེམས་དཔའི་སྐུ་མདོག་བཟང་པོར་སྣང་བ་ནི་ཐམས་ཅད་ཀྱི་ཐམས་ཅད་དུ་ནུབ་པར་གྱུར་ཏོ། །དེ་ནས་དེའི་ཚེ་བྱང་ཆུབ་སེམས་དཔའ་ལ་སྔོན་མ་གསན་པའི་དཔེ་གསུམ་ཞིག་སྣང་བ་འདི་ལྟ་སྟེ། ཤིང་རློན་པ་ཆུ་ཅན་ཞིག་ཆུ་ནས་ཕྱུང་སྟེ། ཉེ་བར་སྐམ་ལ་གཞག་པ་དང ། དེ་ནས་མི་མེ་དོན་དུ་གཉེར་བ་མེ་ཚོལ་བ་ཞིག་དེར་འོངས་ནས་དེ་དེ་ལ་གཙུབ་སྟན་བྱས་ཏེ། གཙུབ་ཤིང་བཞག་ནས་གཙུབས་ན་འདི་ལྟར་ཤིང་དེ་རློན་པ་ཆུ་ཅན་ཡིན་པའི་ཕྱིར་མེ་འབྱུང་བ་དང ། འབར་དུ་མི་བཏུབ་པ་དེ་བཞིན་དུ་དགེ་སྦྱོང་ངམ་བྲམ་ཟེ་ཁ་ཅིག་འདོད་པ་རྣམས་ལ་ལུས་དང་སེམས་ཀྱིས་ཐག་སྲིང་བར་མི་གནས་ཀྱི། དེ་རྣམས་ཀྱི་འདོད་པ་རྣམས་ལ་འདུན་པ་དང ། འདོད་པ་ལ་ཆགས་པ་དང ། འདོད་པ་ལ་དགའ་བ་དང ། འདོད་པ་ལ་ཞེན་པ་དང ། འདོད་པ་ལ་འཆུམས་པ་དང ། འདོད་པ་ལ་ལྷག་པར་ཞེན་པ་གང་ཡིན་པ་དེ་ནི་དེ་རྣམས་ཀྱི་སེམས་ཡོངས་སུ་གཏུགས་ཏེ་གནས་པ་ཡིན་པས། ལུས་དང་སེམས་ཀྱི་ཐག་སྲིང་བར་མི་གནས་པ་རྣམས་ཀྱི་ནི་དེ་དང་འདྲའོ། །དེ་རྣམས་བདག་ཉིད་གནོད་པའི་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་
Nga33b
ཉམས་སུ་མྱོང་མོད་ཀྱི། འོན་ཀྱང་དེ་རྣམས་ཀྱིས་ཤེས་པར་ནུས་པ་མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ཏེ། དེ་ལ་འདི་ནི་དེའི་ཚེ་བྱང་ཆུབ་སེམས་དཔའ་ལ་སྔོན་མ་གསན་པའི་དཔེ་སྣང་བ་དང་པོ་ཡིན་ནོ། །དཔེར་ན་ཤིང་རློན་པ་ཆུ་ཅན་ཞིག་ཆུ་ནས་བྱུང་སྟེ། ཉེ་བར་སྐམ་ལ་བཞག་པ་དང ། དེ་ནས་མི་མེ་དོན་དུ་གཉེར་བ་མེ་ཚོལ་བ་ཞིག་འོངས་ནས་དེས་དེ་ལ་གཙུབ་སྟན་བྱས་ཏེ། གཙུབ་ཤིང་བཞག་ནས་གཙུབས་ན་འདི་ལྟར་ཤིང་དེ་རློན་པ་ཆུ་ཅན་རློན་པ་ཡིན་པའི་ཕྱིར་མེ་འབྱུང་བ་དང ། འབར་དུ་མི་བཏུབ་པ་དེ་བཞིན་དུ་དགེ་སྦྱོང་ངམ་བྲམ་ཟེ་ཁ་ཅིག་འདོད་པ་རྣམས་ལ་ལུས་ཀྱི་སྤོང་བར་གནས་ཀྱི་སེམས་ཀྱིས་མ་ཡིན་པ་དེ་རྣམས་ཀྱི་འདོད་པ་རྣམས་ལ་འདུན་པ་དང ། འདོད་པ་ལ་ཆགས་པ་དང ། འདོད་པ་ལ་དགའ་བ་དང ། འདོད་པ་ལ་ཞེན་པ་དང ། འདོད་པ་ལ་འཆུམས་པ་དང ། འདོད་པ་ལ་ལྷག་པར་ཞེན་བ་གང་ཡིན་པ་དེ་ནི། དེ་རྣམས་ཀྱི་སེམས་ཡོངས་སུ་གཏུགས་ཏེ་གནས་པ་ཡིན་ནོ། །དེ་རྣམས་བདག་ཉིད་གནོད་པའི་སྡུག་བསྔལ་མི་བཟད་པ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་མོད་ཀྱི། འོན་ཀྱང་དེ་རྣམས་ཀྱིས་ཤེས་པར་ནུས་པ་མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ཏེ། དེ་ལ་འདི་ནི་དེའི་ཚེ་བྱང་ཆུབ་སེམས་དཔའ་ལ་སྔོན་མ་གསན་པའི་དཔེ་སྣང་བ་གཉིས་པ་ཡིན་ནོ། །འདི་ལྟ་སྟེ། ཤིང་སྐམ་ཁོང་སྟོང་ཆུ་མེད་
Nga34a
༄#། །པ་ཞིག་ཆུ་དང་ཐག་རིང་པོར་སྐམ་ལ་བཞག་པ་དང ། དེ་ནས་མི་མེ་དོན་དུ་གཉེར་བ་མེ་ཚོལ་བ་ཞིག་འོངས་ནས་དེས་དེ་ལ་གཙུབ་སྟན་བྱས་ཏེ། གཙུབ་ཤིང་བཞག་ནས་གཙུབས་ན་འདི་ལྟར་ཤིང་དེ་སྐམ་ཞིང་ཁོང་སྟོང་ཡིན་པའི་ཕྱིར། མེ་འབྱུང་བ་དང ། འབར་དུ་བཏུབ་པ་དེ་བཞིན་དུ་དགེ་སྦྱོང་ངམ་བྲམ་ཟེ་ཁ་ཅིག་འདོད་པ་རྣམས་ལ་ལུས་དང ། སེམས་ཀྱིས་ཐག་སྲིང་བར་གནས་པ་དེ་རྣམས་ཀྱི་འདོད་པ་རྣམས་ལ་འདོད་པ་ལ་འདུན་པ་དང ། འདོད་པ་ལ་ཆགས་པ་དང ། འདོད་པ་ལ་དགའ་བ་དང ། འདོད་པ་ལ་ཞེན་པ་དང ། འདོད་པ་ལ་འཆུམས་པ་དང ། འདོད་པ་ལ་ལྷག་པར་ཞེན་པ་གང་ཡིན་པ་དེ་ནི་དེ་རྣམས་ཀྱི་སེམས་ཡོངས་སུ་གཏུགས་ཏེ་མི་གནས་པ་ཡིན་ནོ། །དེ་རྣམས་བདག་ཉིད་གནོད་པའི་སྡུག་བསྔལ་མི་བཟད་བ་རྩུབ་པ་ཚ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་མོད་ཀྱི། འོན་ཀྱང་དེ་རྣམས་ཀྱིས་ཤེས་པར་ནུས། མཐོང་བར་ནུས། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་ཏེ། དེ་ལ་འདི་ནི་དེའི་ཚེ་བྱང་ཆུབ་སེམས་དཔའ་ལ་སྔོན་མ་གསན་པའི་དཔེ་སྣང་བ་གསུམ་པ་ཡིན་ནོ། །འདི་ལྟར་དེའི་ཚེ་བྱང་ཆུབ་སེམས་དཔའ་ལ་དཔེ་གསུམ་པ་སྣང་ནས། མ་ལ་བདག་གིས་ཏིལ་འབྲུ་གཅིག་གི་ཟས་བཟའ་བར་བྱའོ་ཞེས་དེ་ཏིལ་འབྲུ་གཅིག་ཟ་བར་གསོལ་ཏེ། ཇི་སྲིད་དེའི་མདངས་དེ་སྐུ་ལས་ཡལ་བར་མ་གྱུར་གྱི་བར་དུ་ཏིལ་འབྲུ་གཉིས་པའི་ཟས་མི་གསོལ་ཏེ། ཡལ་ནས་ཏིལ་འབྲུ་གཉིས་པའི་ཟས་དེ་གསོལ་
Nga34b
བར་མཛད་དོ། །དེ་ཏིལ་འབྲུ་གཅིག་གི་ཟས་གསོལ་བས་ཡན་ལག་དང་ཉིང་ལག་རྣམས་ཤིན་ཏུ་བསྐམས་པར་གྱུར་ཏོ། །ཏིལ་འབྲུ་གཅིག་ཇི་ལྟ་བ་འབྲས་འབྲུ་གཅིག་དང ། སྲན་ཀོ་ལ་འབྲུ་གཅིག་དང་རྒྱ་སྲན་འབྲུ་གཅིག་དང ། མོན་སྲན་གྲེའུ་འབྲུ་གཅིག་དང ། མོན་སྲན་སྡེའུ་འབྲུ་གཅིག་དང ། རྩཝའི་གདིང་བ་ལ་མནལ་བར་མཛད་དོ། །རྒྱལ་པོ་ཟས་གཙང་གིས་དཀའ་བ་སྤྱོད་པའི་གནས་སྐབས་དེ་ཐོས་ནས་ཉི་མ་རེ་རེ་ཞིང་རྟོག་པ་ཉིས་བརྒྱ་ལྔ་བཅུ་གཏོང་བར་བྱེད་དོ། །རྒྱལ་པོ་ལེགས་པར་རབས་སད་ཀྱིས་ཀྱང་ཉིས་བརྒྱ་ལྔ་བཅུའོ། །དེ་དག་ཉི་མ་རེ་རེ་ཞིང་དེ་གཉིས་ལ་མྱུར་བ་མྱུར་བར་གཏམ་སྐྱེལ་བར་བྱེད་དོ། །བྱང་ཆུབ་སེམས་དཔའ་ནི་འདི་འདྲ་བའི་དཀའ་བ་སྤྱོད་དེ། ཏིལ་འབྲུ་གཅིག་དང ། འབྲས་འབྲུ་གཅིག་དང ། སྲན་ཀོ་ལ་འབྲུ་གཅིག་དང ། རྒྱ་སྲན་འབྲུ་གཅིག་དང ། མོན་སྲན་གྲེའུ་འབྲུ་གཅིག་དང ། མོན་སྲན་སྡེའུ་འབྲུ་གཅིག་གི་ཟས་གསོལ་ཞིང་རྩཝ་གདིང་བ་ལ་མནལ་ཏོ་ཞེས་སྨྲའོ། །དེ་རྒྱལ་པོ་ཟས་གཙང་གིས་ཐོས་ནས་བུའི་མྱ་ངན་གྱིས་ནོན་པས་ལྷག་པར་དང་ཁར་ན་ཞིང་མིག་མཆིག་མས་བསྣངས་ཏེ་གདུངས་ནས། བཙུན་མོའི་འཁོར་དང་བཅས་པས་རྩཝའི་གདིང་བ་ལ་ཉལ་བར་བྱེད་དོ། །བཙུན་མོ་གྲགས་འཛིན་མས་ཁྱིམ་ཐབ་ཀྱི་གནས་སྐབས་དེ་ཐོས་ནས་ཁྱིམ་ཐབ་ཀྱི་མྱ་ངན་གྱི་ནོན་ཏེ་གདོང་མཆི་མས་རླན་ཅིང ། མེ་ཏོག་བྲེང་དང་རྒྱན་དང་སྦུད་པ་རྣམས་བོར་ནས་དཀའ་བ་སྤྱོད་པར་བྱེད་དེ། ཏིལ་འབྲུ་གཅིག་དང ། འབྲས་འབྲུ་གཅིག་དང ། སྲན་ཀོ་ལ་འབྲུ་གཅིག་དང ། རྒྱ་སྲན་འབྲུ་གཅིག་དང ། མོན་སྲན་གྲེའུ་འབྲུ་
Nga35a
༄#། །གཅིག་དང ། མོན་སྲན་སྡེའུ་འབྲུ་གཅིག་གི་ཟས་ཟ་ཞིང་རྩཝའི་གདིང་བ་ལ་ཉལ་བར་བྱེད་དོ། །དེའི་རུམ་མི་བདེའོ་ཞེས་རྒྱལ་པོ་ཟས་གཙང་གིས་ཐོས་ནས་དེས་བསམས་པ། གལ་ཏེ་གྲགས་འཛིན་མས་བྱང་ཆུབ་སེམས་དཔའི་གཏམ་ཉི་མ་རེ་ཞིང་ཐོས་ནས་ཁྱིམ་ཐབ་ཀྱི་མྱ་ངན་གྱིས་ནོན་ཏེ་དཀའ་བ་སྤྱད་པ་འདིས། མངལ་མི་འཆགས་པའམ། སྲོག་ཆད་པར་འགྱུར་བའི་གནས་འདི་ཡོད་པས་དེས་ན་གྲགས་འཛིན་མ་ལ་བྱང་ཆུབ་སེམས་དཔའི་གཏམ་སུ་ཡང་གླེང་བར་མི་འགྱུར་རོ་སྙམ་ནས། རྒྱལ་པོ་ཟས་གཙང་གིས་བཙུན་མོའི་འཁོར་གྱི་སྐྱེ་བོ་ཐམས་ཅད་ལ་ཁྲིམས་སུ་བཅས་པ། སུས་ཀྱང་བྱང་ཆུབ་སེམས་དཔའི་གཏམ་གྲགས་འཛིན་མ་ལ་བརྗོད་པར་མི་བྱའོ། །གཏམ་སྐྱེལ་བ་ལ་ཡང་བསྒོ་བ། ང་མ་གཏོགས་པར་སུ་ལ་ཡང་བྱང་ཆུབ་སེམས་དཔའི་གཏམ་བརྗོད་པར་མི་བྱའོ། ། རང་གིས་ཐོས་ན་ཡང་གྲགས་འཛིན་མ་ལ་བསམས་ནས་མྱ་ངན་མནགས་\?\་ཏེ། གང་ཐོས་ན་བཙུན་མོ་གྲགས་འཛིན་མ་མི་འཆི་བར་འགྱུར་བའི་གཏམ་གཞན་གྱིས་བཙུན་མོའི་འཁོར་ལ་འདྲིད་པར་བྱེད་དོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། ལམ་འདི་ཡང་ཤེས་པར་ནུས་པ་མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ནོ་སྙམ་མོ། །དེ་འདི་སྙམ་དུ་དགོངས་ཏེ། མ་ལ་བདག་གིས་ཁ་ཟས་ཤིན་ཏུ་ངན་པ་བཟའ་བར་བྱའོ་སྙམ་སྟེ། དེ་ཁ་ཟས་ཤིན་ཏུ་ངན་པ་གསོལ་བར་མཛད་དོ། །དེ་ལ་ཟས་ཕལ་བ་ནི་འདི་
Nga35b
ཡིན་ཏེ། བེའུ་འབྱུང་ནས་རིང་པོ་མ་ལོན་པའི་བར་བའི་འོ་མ་འཐུང་བ་གང་ཡིན་པ་དེ་རྣམས་ཀྱི་གཅིན་དང་ལྕི་བ་ཡིན་ནོ། །ཇི་སྲིད་དེའི་སྐུ་ལས་མདངས་དེ་ཡལ་བར་མ་གྱུར་པ་དེ་སྲིད་དུ་ཟས་གཉིས་པ་མི་གསོལ་ཏེ། ཡལ་ནས་ཁ་ཟས་ཕྱི་མ་གསོལ་བར་མཛད་དོ། །དུར་ཁྲོད་ཆེན་པོར་གཤེགས་ནས་ཀྱང་མི་རོ་དབུ་རྟེན་དུ་བཅུག་།ཞབས་ལ་ཞབས་བཞག་སྟེ་སྣང་བའི་འདུ་ཤེས་དང ། དྲན་པ་དང་ཤེས་བཞིན་དང ། ལྡང་བའི་འདུ་ཤེས་ཡིད་ལ་མཛད་པས། གློ་གཡས་པས་མནལ་བར་མཛད་དོ། །དེའི་ཚེ་གྲོང་ཁྱེར་གྱི་གཞོན་ནུ་རྣམས་དང ། གྲོང་ཁྱེར་གྱི་གཞོན་ནུ་མ་རྣམས་ལྷགས་ནས་ཤིང་བུས་དེའི་སྙན་གཉིས་ཀྱི་བུ་གར་འཇུག་པར་བྱེད། རྣ་བ་གཉིས་ཀ་ནས་འདྲེན་པར་བྱེད་ཅིང་འདི་སྐད་ཅེས་ཀྱེ་ཕྱག་དར་ཁྲོད་ཀྱི་ཤ་ཟ་ལ་ལྟོས། ཀྱེ་ཕྱག་དར་ཁྲོད་ཀྱི་ཤ་ཟ་ལ་ལྟོས་ཞེས་སྨྲ་བར་ཡང་བྱེད་དེ། །དེའི་ཚེ་ཕྱག་དར་དང་བོང་རྡོག་དང་གསེག་མས་ཀྱང་འཐོར་བར་བྱེད་དོ། །འོན་ཀྱང་བྱང་ཆུབ་སེམས་དཔའ་ནི་གྲོང་ཁྱེར་གྱི་གཞོན་ནུ་རྣམས་སམ། གྲོང་ཁྱེར་གྱི་གཞོན་ནུ་མ་དེ་རྣམས་ལ་ངན་སེམས་བསྐྱེད་པའམ་སྡིག་པའི་ཚིག་དབྱུང་བར་མི་དགོངས་སོ། །བྱང་ཆུབ་སེམས་དཔའ་དེ་ལྟ་བུའི་དཀའ་བ་སྤྱོད་པ་ན། འདི་སྙམ་དུ་དགོངས་ཏེ། གང་སུ་དག་སྡུག་བསྔལ་སྤང་པར་བརྩོན་འགྲུས་བརྩམས་པར་གནས་པ་དེ་ཐམས་ཅད་ནི་འདི་ཙམ་དུ་ཟད་དེ། དེ་ལས་ལྷག་པ་ཡང་མེད། དེའི་གོང་ན་ཡང་མེད་ན། ལམ་འདི་ཡང་ཤེས་པར་ནུས་པ་མ་ཡིན། མཐོང་བར་ནུས་པ་མ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་མ་ཡིན་ནོ་
Nga36a
༄#། །སྙམ་ནས། དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། ལུས་མ་སྦྱངས་པ་མ་ཡིན་གྱི་སྦྱངས་པ་ཡིན། རྨོངས་པ་མ་ཡིན་གྱི་དྲན་པ་ཉེ་བར་བཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །དེ་འདི་སྙམ་དུ་དགོངས་ཏེ། ཤེས་པར་ནུས་པ་དང་མཐོང་བར་ནུས་པ་དང ། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པའི་ལམ་དེ་གང་ཡིན་སྙམ་ན། དེ་འདི་སྙམ་དུ་དགོངས་ཏེ། བདག་ཡང་ཤཱཀྱ་ཟས་གཙང་གི་ཁྱིམ་ན་གནས་པའི་ཚེ་ཞིང་བླས་ཀྱི་མཐའི་དྲུང་དུ་སོང་ནས། ཤིང་འཛམ་བུའི་གྲིབ་མ་ལ་འདུག་སྟེ། འདོད་པ་ལས་དབེན་པ། སྡིག་པ་མི་དགེ་བའི་ཆོས་ལས་དབེན་པ་རྟོག་པ་དང་བཅས། དཔྱོད་པ་དང་བཅས་ཤིང་དཔེན་པ་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་དང་པོ་ཉེ་བར་བསྒྲུབས་ཏེ་གནས་པ་དེ་མངོན་པར་དྲན་ཏེ། དེ་ནི་ལམ་ཡིན། དེ་ནི་བསྒྲུབས་པ་ཡིན། ཤེས་པར་ནུས་པ་ཡིན། མཐོང་བར་ནུས་པ་ཡིན། བླ་ན་མེད་པ་ཡང་དག་པར་རྫོགས་པར་བྱང་ཆུབ་པར་ནུས་པ་ཡིན་ན། དེ་བདག་གིས་བསྐྱེད་དུ་ཡང་འདི་ལྟར་རིད་ཅིང་ཉམ་ཆུང་ལ་ཞན་པས་བླ་བ་མ་ཡིན་ཏེ། མ་ལ་བདག་གིས་ཅི་བདེར་དབུགས་རྔུབ་པ་དང ། ཅི་བདེར་དབུགས་འབྱུང་བ་དང ། ཅི་བདེར་འབྲས་ཆན་དང ། ཟན་དྲོན་གྱི་ཁ་ཟས་རགས་པ་བཟའ་ཞིང་ལུས་མར་སར་དང་ཏིལ་མར་གྱིས་བྱུགས་ལ་ཆུ་འཇམ་པོས་ལུས་བཀྲུ་བར་བྱའོ་སྙམ་སྟེ། དེ་ཅི་བདེར་དབུགས་རྔུབ་པ་དང ། ཅི་བདེར་དབུགས་འབྱུང་བ་དང ། ཅི་བདེར་འབྲས་ཆན་དང ། ཟན་དྲོན་གྱི་ཞལ་ཟས་རགས་པ་གསོལ་
Nga36b
ཞིང ། སྐུ་ཏིལ་མར་དང་མར་སར་གྱིས་བྱུགས་ནས་ཆུ་འཇམ་པོས་སྐུ་འཁྲུ་བར་མཛད་དོ།། །།འདུལ་བ་གཞི། བམ་པོ་གྱ་ལྔ་པ། དེ་ནས་རིམ་གྲོ་པ་ལྔ་པོ་དེ་རྣམས་འདི་སྙམ་དུ་སེམས་ཏེ། ཤེས་ལྡན་དག་།དགེ་སྦྱོང་གོའུ་ཏ་མ་འདི་ནི་སྡོམ་པ་ལྷོད་པ། བྱ་བ་མང་བ། མང་པོས་འཚོ་བ། སྤོང་བ་ཉམས་པར་གྱུར་པ་ཡིན་ཏེ། འདི་ད་ལྟར་འབྲས་ཆན་དང ། ཟན་དྲོན་གྱི་ཁ་ཟས་མང་དུ་ཟ་ལ་ལུས་ཞུན་མར་དང་ཏིལ་མར་གྱིས་བྱུགས་ནས། ཆུ་འཇམ་པོས་ལུས་ཁྲུས་བྱེད་དེ། འདིས་ད་ནི་ཅུང་ཟད་ཀྱང་ཐོབ་པར་མི་ནུས་སོ་སྙམ་དུ་བསམས་ནས། བྱང་ཆུབ་སེམས་དཔའ་བོར་ཏེ་དོང་བ་ལས། རིམ་གྱིས་ཝཱ་ར་ཎཱ་སིར་ཕྱིན་ནས་འཇིག་རྟེན་པའི་དགྲ་བཅོམ་པ་གང་ཡིན་པ་དེ་ལ་བརྟེན་ནས་རབ་ཏུ་བྱུང་སྟེ། ལྔ་པོ་དེ་རྣམས་བློ་མཐུན་ཞིང་ལྷན་ཅིག་འགྲོགས་ལ་ཀུན་ཏུ་དགའ་བས་རྩོད་པ་མེད་པར་དྲང་སྲོང་སྨྲ་བ་རི་དྭགས་ཀྱི་ནགས་ན་གནས་པས་ལྔ་སྡེ་ལྔ་སྡེ་ཞེས་བྱ་བར་གྱུར་ཏོ། །བྱང་ཆུབ་སེམས་དཔས་རིམ་གྱིས་ལུས་ཀྱི་སྟོབས་དང་མཐུ་དང་བརྩོན་འགྲུས་ཡང་དག་པར་བསྐྱེད་ནས་རིམ་གྱིས་སྡེ་ཅན་གྱི་གྲོང་ཁྱེར་དུ་གཤེགས་སོ། །དེ་ན་གྲོང་ཁྱེར་གྱི་དཔོན་པོ་སྡེ་ཅན་ཞེས་བྱ་བ་དེ་ལ་བུ་མོ་གཉིས་ཡོད་དེ། དགའ་མོ་དང་དགའ་སྟོབས་མའོ། །དེ་གཉིས་ཀྱིས་ཤཱཀྱ་རྣམས་ཀྱི་གཞོན་ནུ། གངས་རིའི་ངོས་ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བར་བྱུང་བ་དེ། མཚན་མཁན་དང་ལྟས་མཁན་གྱི་བྲམ་ཟེ་རྣམས་ཀྱིས་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་ལུང་བསྟན་པ་དེ་ཡང་གཟུགས་བཟང་བ།
Nga37a
༄#། །བལྟ་ན་སྡུག་པ་མཛེས་པ། མཚན་ཐམས་ཅད་དང་ལྡན་པ། སྐྱེ་བོ་ཐམས་ཅད་ཀྱི་ཡིད་འཕྲོག་པ་ཡིན་པས་བུད་མེད་གང་གིས་ལོ་བཅུ་གཉིས་སུ་འདི་ལྟ་བུའི་བརྟུལ་ཞུགས་ཡང་དག་པར་བླངས་ཏེ་སྤྱོད་པ་དེའི་ཁྱིམ་ཐབ་ཏུ་འགྱུར་རོ་ཞེས་ཐོས་སོ། །ཐོས་ནས་ཀྱང་བུད་མེད་ནི་སྐྱེས་པ་ལ་མངོན་པར་དགའ་བ་ཡིན་པས་དེ་ཉིད་ཀྱིས་ལོ་བཅུ་གཉིས་སུ་དཀའ་ཐུབ་བླངས་ཏེ། དེ་རྫོགས་པར་བྱས་ནས། དེ་རྫོགས་པ་དང ། ལན་བཅུ་དྲུག་ཏུ་ཉིང་ཁུར་བྱས་པའི་འོ་ཐུག་སྦྲང་རྩི་ལྟར་མངར་བས་དྲང་སྲོང་དཀའ་ཐུབ་ཀྱིས་ཡོངས་སུ་དབུ་པ་གློ་བུར་དུ་འོངས་པ་ལ་དབུལ་བར་བྱེད་དོ། །དེ་གཉིས་ཀྱིས་བ་སྟོང་བཞོས་ནས་བ་སྟོང་པོ་དེ་ཉིད་ལ་བླུད་དོ། །དེ་ནས་བ་སྟོང་པོ་དེ་ཉིད་ལ་བཞོས་ནས་ལྔ་བརྒྱ་ལ་བླུད་དོ། །དེ་ནས་ལྔ་བརྒྱ་པོ་དག་བཞོས་ནས་ལྔ་བརྒྱ་པོ་དེ་དག་ཉིད་ལ་བླུད་དོ། །དེ་ནས་ལྔ་བརྒྱ་པོ་དེ་དག་ཉིད་བཞོས་ནས་ཉིས་བརྒྱ་ལྔ་བཅུ་ལ་བླུད་དོ། །དེ་ནས་ཉིས་བརྒྱ་ལྔ་བཅུ་པོ་དེ་དག་ཉིད་བཞོས་ནས་ཉིས་བརྒྱ་ལྔ་བཅུ་དེ་དག་ཉིད་ལ་བླུད་དོ། །དེ་ནས་ཉིས་བརྒྱ་ལྔ་བཅུ་པོ་དེ་དག་ཉིད་བཞོས་ནས། བརྒྱ་ཉི་ཤུ་རྩ་ལྔ་ལ་བླུད་དོ། །དེ་ནས་བརྒྱ་ཉི་ཤུ་རྩ་ལྔ་པོ་དེ་དག་བཞོས་ནས་བརྒྱ་ཉི་ཤུ་རྩ་ལྔ་པོ་དེ་དག་ཉིད་ལ་བླུད་དོ། །དེ་ནས་བརྒྱ་ཉི་ཤུ་རྩ་ལྔ་པོ་དེ་དག་བཞོས་ནས་དྲུག་ཅུ་རྩ་གསུམ་དག་ལ་བླུད་དོ། །དེ་ནས་དྲུག་ཅུ་རྩ་གསུམ་པོ་དེ་དག་བཞོས་ནས་དྲུག་ཅུ་རྩ་གསུམ་པོ་དེ་དག་ཉིད་ལ་བླུད་དོ། །དེ་ནས་དྲུག་ཅུ་རྩ་གསུམ་པོ་དེ་དག་བཞོས་ནས་སུམ་ཅུ་
Nga37b
རྩ་གཉིས་ལ་བླུད་དོ། །དེ་ནས་སུམ་ཅུ་རྩ་གཉིས་པོ་དེ་དག་བཞོས་ཏེ་སུམ་ཅུ་རྩ་གཉིས་པོ་དེ་དག་ཉིད་ལ་བླུད་དོ། །དེ་ནས་སུམ་ཅུ་རྩ་གཉིས་པོ་དེ་དག་ཉིད་བཞོས་ནས་བཅུ་དྲུག་ལ་བླུད་དོ། །དེ་ནས་བཅུ་དྲུག་པོ་དེ་དག་ཉིད་བཞོས་ནས་བཅུ་དྲུག་པོ་དེ་དག་ཉིད་ལ་བླུད་དོ། །དེ་ནས་བཅུ་དྲུག་པོ་དེ་དག་ཉིད་བཞོས་ནས་བརྒྱད་ལ་བླུད་དོ། །དེ་ནས་བརྒྱད་པོ་དེ་དག་ཉིད་བཞོས་ནས་བརྒྱད་པོ་དེ་དག་ཉིད་ལ་བླུད་དོ། །དེ་ནས་བརྒྱད་པོ་དེ་དག་ཉིད་ལན་བཅུ་དྲུག་ཏུ་ཉིང་ཁུར་བྱས་པ་བཞོས་ཏེ། ཤེལ་ལས་བྱས་པའི་སྣོད་ཀྱི་ནང་དུ་བླུགས་ནས་བསྐོལ་ཏེ་འོ་ཐུག་སྦྲང་རྩི་ལྟར་མངར་བར་བྱེད་པ་ན། གནས་གཙང་མའི་རིས་ཀྱི་ལྷ་རྣམས་ཀྱིས་བསམས་པ། འོ་མའི་ཐུག་པ་འདི་བྱང་ཆུབ་སེམས་དཔས་གསོལ་ན། དེང་ཉིད་དུ་བླ་ན་མེད་པའི་ཡེ་ཤེས་ཐོབ་པར་འགྱུར་གྱི་ས་དེ་ལྟ་བས་ན་འདི་ལ་མཐུ་ཞིག་བསྟབ་པར་བྱའོ་སྙམ་ནས་།དེ་རྣམས་ཀྱིས་མོད་ལ་མཐུ་སྐྱེད་པ་ཞེས་བྱ་བའི་སྨན་བླུགས་སོ། །འོ་མ་ཁོལ་པ་དེ་ལ་འཁོར་ལོ་དང ། བཀྲ་ཤིས་དང ། གཡུང་དྲུང་འཁྱིལ་བའི་མཚན་མ་དག་སྣང་ངོ ། །དེར་ཡང་ཀུན་ཏུ་འཚོ་ཉེར་འགྲོ་ཞེས་བྱ་བ་འཁྱམ་ཞིང་ཕྱོགས་དེར་ཕྱིན་ནས། དེས་འོ་མའི་ཐུག་པ་དེ་མཐོང་ནས་དེས་བསམས་པ་འོ་མའི་ཐུག་པ་འདི་སུས་འཐུངས་པ་དེས། དེང་ཉིད་དུ་བླ་ན་མེད་པའི་ཡེ་ཤེས་ཐོབ་པར་འགྱུར་གྱི་མ་ལ་བདག་གིས་འདི་བསླང་ངོ་སྙམ་ནས། རེ་ཞིག་མ་ཕྱུང་གི་བར་དུ་དེ་ཡུད་ཙམ་ཞིག་མཐའ་གཅིག་ཏུ་སོང་སྟེ་བསྡད་ནས། དེ་སོང་སྟེ་སྨྲས་པ། ཁོ་བོ་བཀྲེས་པ་དང་སྐོམ་པས་དུབ་ཅིང་ཉེན་གྱིས་འདི་ཁོ་བོ་ལ་ལུད་ཅིག་།དེ་གཉིས་
Nga38a
༄#། །ཀྱིས་སྨྲས་པ། མི་སྦྱིན་ནོ། །དེ་ཅང་མི་སྨྲ་བར་སོང་ངོ ། །དེ་ནས་དེ་གཉིས་ཀྱིས་ཤེལ་ལས་བྱས་པའི་སྣོད་ཀྱི་ནང་ནས་རིན་པོ་ཆེའི་ཡོལ་གོའི་ནང་དུ་བླུགས་སོ། །ལྷ་རྣམས་ཀྱི་དབང་པོ་བརྒྱ་བྱིན་གྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས་དེས་དེའི་བྲམ་ཟེའི་ཆ་བྱད་དུ་མངོན་པར་སྤྲུལ་ནས་དེ་གཉིས་ཀྱི་མདུན་དུ་འདུག་གོ་།ཚངས་པ་ཡང་འོངས་ནས་དེ་དང་ཉེ་བ་ཞིག་ཏུ་འདུག་གོ་དེ་གཉིས་ཀྱིས་བརྒྱ་བྱིན་ལ་སྦྱིན་པར་བརྩམས་པ་དང ། དེས་སྨྲས་པ། ཅི་བདག་ལ་སྦྱིན་ནམ། འོན་ཏེ་བདག་པས་ཆེས་ཁྱད་པར་དུ་འཕགས་པ་གང་ཡིན་པ་ལ་སྦྱིན། དེ་གཉིས་ཀྱིས་སྨྲས་པ། ཁྱོད་པས་ཆེས་ཁྱད་པར་དུ་འཕགས་པ་གང་ཡིན་པ་དེ་ལ་དབུལ་ལོ། །དེས་སྨྲས་པ། ཚངས་པ་འདི་ནི་བདག་པས་ཆེས་ཁྱད་པར་དུ་འཕགས་པ་ཡིན་གྱི་དེ་ལ་ཕུལ་ཅིག་།དེ་གཉིས་ཀྱིས་དེ་ལ་སྦྱིན་པར་བརྩམས་པ་དང ། དེས་སྨྲས་པ། ཅི་བདག་ལ་སྦྱིན་ནམ། འོན་ཏེ་བདག་པས་ཆེས་ཁྱད་པར་དུ་འཕགས་པ་གང་ཡིན་པ་ལ། དེ་གཉིས་ཀྱིས་སྨྲས་པ། ཁྱོད་པས་ཆེས་ཁྱེད་པར་དུ་འཕགས་པ་གང་ཡིན་པ་དེ་ལ་དབུལ་ལོ། །དེས་སྨྲས་པ། གནས་གཙང་མའི་རིས་ཀྱི་ལྷ་འདི་དག་ནི་བདག་པས་ཆེས་ཁྱད་པར་དུ་འཕགས་པ་ཡིན་གྱིས་དེ་དག་ལ་ཕུལ་ཅིག་།དེ་གཉིས་ཀྱིས་དེ་དག་ལ་སྦྱིན་པར་བརྩམས་པ་དང ། དེ་དག་གིས་ཀྱང་སྨྲས་པ། ཅི་བདག་ཅག་ལ་སྦྱིན་ནམ་འོན་ཏེ་བདག་ཅག་པས་ཆེས་ཁྱད་པར་འཕགས་པ་གང་ཡིན་པ་ལ། དེ་གཉིས་ཀྱིས་སྨྲས་པ། ཁྱོད་པས་ཆེས་ཁྱད་པར་འཕགས་པ་གང་ཡིན་པ་ལའོ། །དེ་དག་གིས་སྨྲས་པ་
Nga38b
བྱང་ཆུབ་སེམས་དཔའ་བཅོམ་ལྡན་འདས་འདི་ཆུ་ཀླུང་ནེ་རཉྫ་ནར་ཞུགས་ནས་སྐུ་ཁྲུས་མཛད་དེ། ཉམ་ཆུང་བ་ཉིད་ཀྱིས་བཞེངས་མི་སྤྱོད་པ་ཞིག་ཡོད་དེ། དེ་བདག་ཅག་པས་ཆེས་ཁྱད་པར་དུ་འཕགས་པ་ཡིན་གྱིས་དེ་ལ་ཕུལ་ཅིག་།དེ་གཉིས་དེའི་དྲུང་དུ་ཆས་པ་ན། དེའི་ཚེ་ལྷ་རྣམས་ཀྱིས་ཤིང་ཨརྫུ་ནའི་ཡལ་ག་བཏུད་ནས་བཏུད་པ་ལ་བྱང་ཆུབ་སེམས་དཔའ་འཇུས་ཏེ་ཆུ་ཀླུང་ནི་རཉྫ་ན་ནས་བྱུང་ནས་ཆོས་གོས་བགོས་ཏེ། ཆུ་ཀླུང་ནེ་རཉྫ་ནའི་འགྲམ་ན་བཞུགས་སོ། །དེ་ནས་དེ་གཉིས་ཀྱིས་གུས་པ་དང ། བསམ་པ་དྲག་པོས་དེ་ལ་འོ་ཐུག་སྦྲང་རྩི་ལྟར་མངར་བ་དེ་ཕུལ་ལོ། །བྱང་ཆུབ་སེམས་དཔས་ཀྱང་དེ་གཉིས་རྗེས་སུ་གཟུང་བའི་ཕྱིར་བཞེས་སོ། །བཞེས་ནས་གསུངས་པ། ཅི་ཡོལ་གོ་དེ་འདི་ཡོངས་སུ་གཏང་ངམ། དེ་གཉིས་ཀྱིས་གསོལ་བ། བཅོམ་ལྡན་འདས། འདི་ཡང་ཡོངས་སུ་གཏང་ལགས་སོ། །དེ་ནས་བྱང་ཆུབ་སེམས་དཔས་འོ་ཐུག་སྦྲང་རྩི་ལྟར་མངར་བ་གསོལ་ན་ཡོལ་གོ་དེ་བཀྲུས་ཏེ། ཆུ་ཀླུང་ནེ་རཉྫ་ནར་བོར་བ་ཀླུ་རྣམས་ཀྱིས་བླངས་སོ། །འདི་ནི་ཆོས་ཉིད་ཡིན་ཏེ། ལྷ་རྣམས་ཀྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས། ལྷ་རྣམས་ཀྱི་དབང་པོ་བརྒྱ་བྱིན་གྱིས་ནམ་མཁའ་ལྡིང་གི་ཆ་བྱད་དུ་སྤྲུལ་ཏེ། ཆུ་ཀླུང་ནེ་རཉྫ་ན་དཀྲུགས་ནས་ཀླུ་སྐྲག་པར་བྱས་ཏེ། ཡོལ་གོ་དེ་འཕྲོགས་ནས་སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་དུ་ཁྱེར་ཏེ་ཡོལ་གོའི་མཆོད་པ་ཆེན་པོ་བཙུགས་སོ། །དེ་ནས་བྱང་ཆུབ་སེམས་དཔས་དགའ་མོ་དང་དགའ་སྟོབས་མ་ལ་གསུངས་པ། སྦྱིན་པ་འདིས་ཅི་ཞིག་དོན་དུ་གཉེར། དེ་གཉིས་
Nga39a
༄#། །ཀྱིས་གསོལ་པ། བཅོམ་ལྡན་འདས་ཤཱཀྱ་རྣམས་ཀྱི་གཞོན་ནུ་གངས་རིའི་ངོས། ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བར་བྱུང་བ་དེ། མཚན་མཁན་དང་ལྟས་མཁན་གྱི་བྲམ་ཟེ་རྣམས་ཀྱིས་འཁོར་ལོས་སྒྱུར་བའི་རྒྱལ་པོར་ལུང་བསྟན་ཞིག་མཆིས་པ་དེ། སེམས་བསྐྱེད་པ་དང ། ཞལ་ཟས་ཕུལ་བའི་དགེ་བའི་རྩ་བ་འདིས། བདག་ཅག་གི་ཁྱིམ་ཐབ་ཏུ་གྱུར་ཅིག་།བྱང་ཆུབ་སེམས་དཔས་གསུངས་པ། དེ་འདོད་པ་རྣམས་ལ་དོན་དུ་མི་མཉེར་བས་རབ་ཏུ་བྱུང་ཟིན་ནོ། །དེ་གཉིས་ཀྱིས་གསོལ་བ། བཅོམ་ལྡན་འདས་གལ་ཏེ་འདོད་པ་རྣམས་དོན་དུ་མི་གཉེར་ན། བསོད་པ་ཕུལ་བའི་བསོད་ནམས་ཅི་མཆིས་པས། །གྲགས་དང་ལྡན་པས་དོན་རྣམས་ཀུན་གྲུབ་བ། །མི་ཡི་མཆོག་གྱུར་བློ་མཆོག་ལྡན་པ་དེའི།། དོན་ཀུན་མྱུར་དུ་ཤིན་ཏུ་གྲུབ་གྱུར་ཅིག་།བྱང་ཆུབ་སེམས་དཔས་དེ་བཞིན་དུ་གྱུར་ཅིག་ཅེས་གསུངས་ནས་འོ་ཐུག་སྦྲང་རྩི་ལྟར་མངར་བ་གསོལ་ཏེ། དབང་པོ་དྲུག་ཚིམ་ཞིང་སྟོབས་དང་མཐུ་ཐོབ་ནས། ཆུ་ཀླུང་ནེ་རཉྫ་ནའི་འགྲམ་ན་ཕན་ཚུན་དུ་བཞུགས་པའི་ས་བཙལ་བ་དང ། ཇི་ཙམ་ན་རི་བྲག་ཆེན་པོ་མེ་ཏོག་དང་འབྲས་བུ་སྣ་ཚོགས་དང་ལྡན་པ་ཞིག་གཟིགས་ནས། དེ་དེ་ལ་འཛེགས་ཏེ། ཕྱོགས་དབེན་ཞིང་གསལ་བའི་ས་ཕྱོགས་སུ་སྐྱིལ་མོ་ཀྲུང་བཅས་ཏེ་བཞུགས་སོ། །བཞུགས་མ་ཐག་ཏུ་རི་དེ་ཉིད་ཉིལ་ཏོ། །བྱང་ཆུབ་སེམས་དཔས་དགོངས་པ། ངེས་པར་བདག་གིས་ལས་སྐྱོན་ཅན་
Nga39b
ཞིག་བྱས་ཏེ། དེས་ན་རི་འདི་ཉིལ་ཏོ་སྙམ་མོ། །ལྷ་རྣམས་ཀྱི་སེམས་ཀྱིས་བྱང་ཆུབ་སེམས་དཔའི་ཐུགས་ཤེས་ནས་གསོལ་པ། བཅོམ་ལྡན་འདས་ཁྱོད་ཀྱིས་སྐྱོན་ཅན་གྱི་འཕྲིན་ལས་མ་མཛད་དོ། །འོན་ཀྱང་འདི་ནི་ཆོས་ཉིད་ལགས་ཏེ། ས་ཐམས་ཅད་ཀྱིས་བཟུང་བར་རྡོ་མི་ཐོགས་པ་ནི་གཉིས་ཏེ། དགེ་བའི་རྩ་བ་ཆད་པ་གང་ལགས་པ་དང ། དགེ་བའི་རྩ་བ་སྦྱངས་པ་གང་ལགས་པའོ། །ཁྱོད་ནི་དགེ་བའི་རྩ་བ་སྦྱངས་པ་ལགས་སོ། །བཅོམ་ལྡན་འདས་འདི་ནི་བྱང་ཆུབ་སེམས་དཔའ་རྣམས་ཀྱི་གནས་མ་ལགས་ཏེ། འོན་ཀྱང་ཆུ་ཀླུང་ནེ་རཉྫ་ན་རྒོལ་ལ། ཕྱོགས་ཆེ་གེ་མོ་ཞིག་ན་རྡོ་རྗེའི་གདན་མཆིས་ཀྱིས་བཞུད་ཅིག ། དེར་ནི་འདས་པ་དང ། མ་བྱོན་པ་དང ། ད་ལྟར་བྱུང་བའི་བྱང་ཆུབ་སེམས་དཔའ་ཐམས་ཅད་བཞུགས་ནས། བླ་ན་མེད་པའི་ཡེ་ཤེས་ཐོབ་པར་གྱུར་ཅིང་ཐོབ་པར་འགྱུར་རོ། །དེ་ནས་བྱང་ཆུབ་སེམས་དཔའ་ལྷས་ལམ་བསྟན་པ་བཞིན་གཤེགས་པ་ན་དེའི་ཞབས་བཞག་པར་པདྨ་དག་བྱུང་བར་གྱུར་ཏོ། །མཚོ་ཆེན་པོ་བཞི་ལས་ཀྱང་ཆུ་བབས་ནས། པདྨའི་རྫིང་དག་བྱུང་བར་གྱུར་ཏོ། །གོམ་པ་བོར་ནས་མནན་པ་ན་ས་ཆེན་པོ་འདི་འཁར་བའི་སྣོད་བཞིན་དུ་སྒྲ་འབྱིན་པར་བརྩམས་སོ། །བྱ་ཙ་ཤ་དང་རི་དྭགས་དག་གིས་ཀྱང་བྱང་ཆུབ་སེམས་དཔའ་ལ་སྐོར་བ་བྱེད་དོ། །རླུང་གཏོང་བའི་ལྷའི་བུ་རྣམས་ཀྱིས་ཀྱང་དལ་བུས་རླུང་གཏོང་བར་བྱེད་དོ།། ཆར་འབེབས་པའི་ལྷའི་བུ་རྣམས་ཀྱིས་ཀྱང་ཆར་པ་ཅུང་ཟད་འབེབས་པར་བྱེད་དོ། །བྱང་ཆུབ་སེམས་དཔས་དགོངས་པ། ང་ལ་འདི་འདྲ་བའི་མཚན་མ་བྱུང་བར་གྱུར་པས། དེང་ཉིད་བདག་གིས་བླ་ན་མེད་པའི་ཡེ་
Nga40a
༄#། །ཤེས་ཐོབ་པར་འགྱུར་རོ་སྙམ་མོ། །ཆུ་ཀླུང་ནེ་རཉྫ་ནར་ཀླུའི་རྒྱལ་པོ་དུས་ཅན་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་གནས་ཤིག་བྱུང་བར་གྱུར་ཏེ། དེ་སངས་རྒྱས་བྱུང་ཞིང་སངས་རྒྱས་འབྱུང་བ་ན་མིག་ཐོབ་པར་འགྱུར་བ་ཡིན་པས། དེ་སའི་སྒྲ་གྲགས་པས་གནས་ནས་བྱུང་བ་ན། རྒྱང་རིང་པོ་ཁོ་ན་ནས་བྱང་ཆུབ་སེམས་དཔའ་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་སྤྲས་པ། འོད་འདོམ་གང་གིས་བརྒྱན་པ། ཉི་མ་སྟོང་བས་ལྷག་པའི་འོད་ཟེར་དང ། རིན་པོ་ཆེའི་རི་བོ་འགྲོ་བ་ལྟར་ཀུན་ནས་མཛེས་པར་མཐོང་ངོ ། །མཐོང་མ་ཐག་ཏུ་བྱང་ཆུབ་སེམས་དཔའ་ལ་ཚིགས་སུ་བཅད་པའི་དབྱངས་ཀྱིས་བསྟོད་པར་བརྩམས་པ། དགའ་བའི་དབྱངས་ཀྱིས་ཀུན་གང་བའི། །ས་ཡི་སྒྲ་ནི་ཐོས་ནས་ཀྱང ། །ཀླུ་ནི་གནས་ནས་བྱུང་ནས་སུ། །ཕྱོགས་ཀུན་ཏུ་ཡང་ལྟ་བར་བྱེད། །བྲང་གིས་འགྲོ་བའི་གཙོ་བོ་སྟེ། །ཀླུ་ཡི་རྒྱལ་པོ་མཐུ་ཆེན་གྱིས། །ནེ་རཉྫ་ནའི་ངོས་སུ་ནི། །འཇིག་རྟེན་འདྲེན་པ་གཤེགས་པ་མཐོང ། སངས་རྒྱས་བྱུང་བའི་མཐུ་ཡིས་ནི། །ཀླུ་ཡིས་མིག་ནི་ཐོབ་གྱུར་ཏེ། །སེམས་དགའ་ཞིང་ནི་ཡིད་མགུ་ནས། །དེས་ནི་འདི་སྐད་ཚིག་གསོལ་ཏོ། །བདག་གིས་སྔོན་ནི་མཐོང་བ་ཡི། །སངས་རྒྱས་མཐུ་ཆེན་དེ་རྣམས་དང ། །ཐུབ་པ་ཁྱོད་ནི་མཐོང་གྱུར་པ། །དེ་དང་ཐ་དད་དབྱེར་མ་མཆིས། །ཐུབ་བ་ཇི་ལྟར་ཐོག་མར་ནི། །གཡས་པའི་ཞབས་ནི་བཏེག་པ་ལས། །ཁྱོད་ནི་སངས་རྒྱས་དེང་གྱུར་ནས།།
Nga40b
འཇིག་རྟེན་གྱིས་ནི་ཡོན་གནས་འགྱུར། །ཇི་ལྟར་ཆོས་གོས་མནབས་པ་དང ། །ནེ་རཉྫ་ནའི་ཆུ་བསིལ་ལ། །ཇི་ལྟ་བུར་ནི་འཇུག་པ་ལས། །དེ་རིང་ཁྱོད་ནི་སངས་རྒྱས་འགྱུར། །ཇི་ལྟར་རབ་བརྟན་འགྲོས་སུ་གཤེགས་པ་དང ། །བ་ལང་ཁྱུ་མཆོག་འགྱིང་བ་ལྟར་གཤེགས་པས། །སྐྱེས་བུ་ཁྱུ་མཆོག་ཆོས་འཛིན་རྣམས་ཀྱི་མཆོག་།དེང་འདིར་ཁྱོད་ནི་སངས་རྒྱས་མཆོག་འགྱུར་རོ། །ཇི་ལྟར་མཁའ་ལ་ཙ་ཤ་བརྒྱ་ཕྲག་གིས། །ཁྱོད་སྐུ་རྒྱ་ཆེན་རྒྱ་ཆེན་མཛད་དེ་ལ། །ལྡིང་ཞིང་བསྐོར་བ་བགྱིད་པར་གྱུར་པ་ལས། །མི་མཆོག་དེང་ནི་སངས་རྒྱས་མཆོག་འགྱུར་རོ། །ཇི་ལྟར་དྲི་ཞི་མ་རླུང་ནི་ལྡང་བ་དང ། །རི་དྭགས་བྱ་ཡི་ཚོགས་ཀྱང་མི་སྐྲག་ལ། །ལྗོན་ཤིང་རླུང་གིས་གཡོས་པར་མ་བགྱིས་པས། །མི་མཆོག་དེང་ནི་སངས་རྒྱས་མཆོག་འགྱུར་རོ། །ཇི་ལྟར་བཙུན་པ་ཁྱོད་ཀྱི་ཞལ་གྱི་འོད། །དྲི་མེད་གསེར་འོད་འབར་བ་འདྲ་བ་དེ། །སྣང་བར་མཛད་ཅིང་ཁ་དོག་ལྡན་པས་ན། །མི་མཆོག་དེང་ནི་སངས་རྒྱས་མཆོག་འགྱུར་རོ། །བར་སྡོམ་ལ། སྒྲ་དང་མཐོང་དང་སངས་རྒྱས་དང ། །རྫོགས་དང་ཞབས་དང་ཆོས་གོས་དང ། ། བརྟན་དང་རྩཝ་ཤ་དེ་བཞིན་རླུང ། །ཁྱོད་གཏོགས་པ་དང་དེ་བཅུའོ། །དེ་ནས་བྱང་ཆུབ་སེམས་དཔའ་ཀླུའི་རྒྱལ་པོ་དུས་ཅན་གྱིས་ཡང་དག་པར་བསྟོད་ནས། རྡོ་རྗེའི་གདན་ལོགས་སུ་གཤེགས་ཏེ། དེས་དགོངས་པ། རྩཝའི་གདིང་བ་ལ་འདུག་པར་བྱའོ་སྙམ་པ་དང ། དེ་ལ་རྩཝའི་དགོས་པ་བྱུང་བར། ལྷ་རྣམས་ཀྱི་དབང་པོ་བརྒྱ་བྱིན་གྱི་སེམས་ཀྱིས་བྱང་ཆུབ་སེམས་དཔའི་དགོངས་པ་ཤེས་ནས། རི་སྤོས་ཀྱི་ངད་ལྡང་
Nga41a
༄#། །ལས་ཤིང་བལ་གྱི་འདབ་མ་ལྟར་རེག་ན་བདེ་བའི་རྩཝ་ཁུར་གཅིག་བླངས་ནས་རྩཝ་འཚོང་བཀྲ་ཤིས་ཀྱི་ཁ་དོག་ཏུ་བདག་ཉིད་མངོན་པར་སྤྲུལ་ཏེ། བྱང་ཆུབ་སེམས་དཔའི་སྤྱན་སྔར་བསྡད་དོ། །བྱང་ཆུབ་སེམས་དཔས་གསུངས་པ། བཞིན་བཟང་རྩཝའི་ནི་དག་ང་ལ་ཕུལ་ཅིག་།ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའི་ཞབས་གཉིས་ལ་གཏུགས་ནས་གུས་པ་དང་བཅས་པས་ཕུལ་ལོ། །དེ་ནས་བྱང་ཆུབ་སེམས་དཔས་བཀྲ་ཤིས་ཀྱི་རྩཝ་འཚོང་ལས་རྩཝ་བཞེས་ཏེ། ལྷ་རྣམས་ཀྱིས་བསྟན་པའི་ལམ་ནས་བྱང་ཆུབ་ཀྱི་སྙིང་པོ་གང་ན་བ་དེར་གཤེགས་ཏེ་བྱོན་ནས་རྩཝ་རྣམས་མ་འཁྲུགས་པ་དང ། སྟུག་སྲབ་མེད་པར་དགྲམ་པར་བརྩམས་སོ། །དེ་ནས་རྩཝ་དེ་རྣམས་བསྐོར་ཐབས་སུ་ལྷུང་ནས་བྱང་ཆུབ་སེམས་དཔས་དགོངས་པ། ཇི་ལྟར་རྩཝ་འདི་རྣམས་བསྐོར་ཐབས་སུ་ལྷུང་བ་ལས་བདག་གིས་གདོན་མི་ཟ་བར་དེང་བླ་ན་མེད་པའི་ཡེ་ཤེས་རྟོགས་པར་འགྱུར་རོ་སྙམ་དུ་དགོངས་ནས་རྡོ་རྗེའི་གདན་ལ་འཛེགས་ཏེ། བྲང་གིས་འགྲོ་བའི་རྒྱལ་པོ་གཉིད་ལོག་པའི་ལུས་བསྐྱིལ་བ་ལྟར་སྐྱིལ་མོ་ཀྲུང་བཅས། སྐུ་དྲང་པོར་བསྲང ། དྲན་པ་མངོན་དུ་ཕྱོགས་པར་བཞག་སྟེ་བཞུགས་ནས། སེམས་བསྐྱེད་ཅིང་ཚིག་ཏུ་ཡང་གསུངས་པ། ཇི་སྲིད་ཟག་པ་ཟད་པ་མ་ཐོབ་ཀྱི་བར་དུ་སྐྱིལ་མོ་ཀྲུང་གཞིག་པར་མི་བྱའོ་ཞེས་དེས་རེ་ཞིག་ཟག་པ་ཟད་པ་མ་ཐོབ་ཀྱི་བར་དུ་སྐྱིལ་མོ་ཀྲུང་མ་བཤིག་གོ་།བདུད་སྡིག་ཅན་གྱི་རྒྱལ་མཚན་གཉིས་པོ་དགའ་བའི་གནས་དང །
Nga41b
དོགས་པའི་གནས་གཉིས་ཡོད་པ་ལས། དོགས་པའི་གནས་ཀྱི་རྒྱལ་མཚན་གཡོ་བར་བརྩམས་སོ། །སྡིག་ཅན་གྱིས་བསམས་པ་།ཇི་ལྟར་རྒྱལ་མཚན་འདི་གཡོ་བ་ལས་གདོན་མི་ཟ་བར་གནོད་པར་བྱེད་པ་ཞིག་བྱུང་ངོ་སྙམ་སྟེ། དེ་བསམས་པ་ལ་ཞུགས་པ་དང ། ཇི་ཙམ་ན་བྱང་ཆུབ་སེམས་དཔའ་རྡོ་རྗེའི་གདན་ལ་བཞུགས་པ་མཐོང་ངོ ། །དེ་འདི་སྙམ་དུ་སེམས་ཏེ། ཤཱཀྱ་ཟས་གཙང་གི་བུ་འདི་རྡོ་རྗེ་གདན་ལ་འདུག་གིས། ཇི་ཙམ་བདག་གི་ཡུལ་ལས་མ་འདས་ཀྱི་བར་དུ་དེ་ལ་བགེགས་བྱའོ་སྙམ་དུ་བསམས་ནས་འཕྲིན་ཡིག་སྐྱེལ་བ། སྐྲ་གྱེན་དུ་འགྲེང་ལ་ཤ་ནའི་སྨད་གཡོགས་བགོས་པ་ཞིག་གི་ཁ་དོག་ཏུ་མངོན་པར་སྤྲུལ་ནས། བྱང་ཆུབ་སེམས་དཔའ་གང་ན་བ་དེར་སོང་སྟེ་ཕྱིན་ནས་རྟབ་པར་སྨྲས་པ། གྲོང་ཁྱེར་སེར་སྐྱའི་གཞི་ནི་ལྷས་བྱིན་གྱིས་མནན། ཕོ་བྲང་ནི་བཅོམ། ཤཱཀྱ་རྣམས་ནི་ཁ་བཏགས་ན།་ཁྱོད་ཅིའི་ཕྱིར་གནས་བཏབ་སྟེ་འདུག་།དེ་ནས་བྱང་ཆུབ་སེམས་དཔའ་ལ་སྡིག་པ་མི་དགེ་བའི་རྣམ་པར་རྟོག་པ་གསུམ་སྐྱེས་པ། འདི་ལྟ་སྟེ། འདོད་པའི་རྣམ་པར་རྟོག་པ་དང ། གནོད་སེམས་ཀྱི་རྣམ་པར་རྟོག་པ་དང ། རྣམ་པར་འཚེ་བའི་རྣམ་པར་རྟོག་པ་དག་གོ་།དེ་ལ་འདོད་པའི་རྣམ་པར་རྟོག་པ་ནི་གྲགས་འཛིན་མ་དང ། རི་དྭགས་སྐྱེས་དང ། ས་འཚོ་མ་ལའོ། །གནོད་སེམས་ཀྱི་རྣམ་པར་རྟོག་པ་ནི། ལྷས་བྱིན་ལའོ། །རྣམ་པར་འཚེ་བའི་རྣམ་པར་རྟོག་པ་ནི་དེའི་རྗེས་སུ་འཚོ་བའི་ཤཱཀྱ་རྣམས་ལའོ། །བྱང་ཆུབ་སེམས་དཔའ་འདི་སྙམ་དུ་དགོངས་ཏེ། ཅིའི་ཕྱིར་བདག་ལ་སྡིག་པ་མི་དགེ་བའི་རྣམ་པར་རྟོག་
Nga42a
༄#། །པ་གསུམ་སྐྱེས་སྙམ་ན། ཇི་ཙམ་ན་བདུད་སྡིག་ཅན་འདི་ལྟ་སྟེ། དཀྲུག་པའི་ལས་ཀྱི་ཕྱིར་ཉེ་བར་འོངས་པར་གཟིགས་སོ། །དེ་ནས་བྱང་ཆུབ་སེམས་དཔའ་ལ་དགེ་བའི་རྣམ་པར་རྟོག་པ་གསུམ་སྐྱེས་ཏེ། འདི་ལྟར་ངེས་པར་འབྱུང་བའི་རྣམ་པར་རྟོག་པ་དང ། གནོད་སེམས་མེད་པའི་རྣམ་པར་རྟོག་པ་དང ། རྣམ་པར་མི་འཚེ་བའི་རྣམ་པར་རྟོག་པའོ། །ཡང་བདུད་ཀྱིས་སྨྲས་པ། ཁྱོད་ཅིའི་ཕྱིར་བྱང་ཆུབ་ཀྱི་སྙིང་པོ་ལ་འདུག་།བྱང་ཆུབ་སེམས་དཔས་བཀའ་སྩལ་པ། བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་རོ། །བདུད་ཀྱིས་སྨྲས་པ། ཁྱོད་ཀྱིས་བླ་ན་མེད་པའི་ཡེ་ཤེས་ག་ལ་ཐོབ། བྱང་ཆུབ་སེམས་དཔས་བཀའ་སྩལ་པ། སྡིག་ཅན་ཁྱོད་ཀྱིས་རེ་ཞིག་མཆོད་སྦྱིན་གཅིག་བྱས་པས་ཀྱང་འདོད་པའི་དབང་ཕྱུག་ཕུན་སུམ་ཚོགས་པར་གྱུར་ན ། ངས་བསྐལ་པ་གྲངས་མེད་པ་གསུམ་དུ་མཆོད་སྦྱིན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་བྱས་ཤིང་སེམས་ཅན་རྣམས་ཀྱི་ཕྱིར་མགོ་དང ། ལག་པ་དང ། རྐང་པ་དང ། མིག་དང ། ཤ་དང ། ཁྲག་དང ། བུ་དང ། ཆུང་མ་དང ། དབྱིག་དང ། གསེར་ལ་སོགས་པ་ཡོངས་སུ་བཏང་བས་བླ་ན་མེད་པའི་ཡེ་ཤེས་ཐོབ་པར་འགྱུར་བ་ལྟ་སྨོས་ཀྱང་ཅི་དགོས་ཏེ། ངས་བླ་ན་མེད་པའི་ཡེ་ཤེས་ཐོབ་པར་མི་འགྱུར་བ་དེ་སྲིད་རེ་སྐན། དེ་སྐད་ཅེས་བཀའ་སྩལ་པ་དང ། བདུད་ཀྱིས་སྨྲས་པ། རེ་ཞིག་ཇི་ལྟར་བདག་གིས་མཆོད་སྦྱིན་གཅིག་གིས་འདོད་པ་ཁམས་ཀྱི་དབང་ཕྱུག་ཐོབ་པར་གྱུར་པའི་བདག་གི་དབང་ནི་ཁྱོད་ཉིད་ཡིན་
Nga42b
ན།་ཇི་ལྟར་ཁྱོད་ཀྱིས་བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་བསྐལ་པ་གྲངས་མེད་པ་གསུམ་དུ་མཆོད་སྦྱིན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་བྱས་ཤིང ། སེམས་ཅན་རྣམས་ཀྱི་ཕྱིར་མགོ་དང ། ལག་པ་དང།་རྐང་པ་དང ། མིག་དང ། ཤ་དང ། ཁྲག་དང ། བུ་དང ། ཆུང་མ་དང ། དབྱིག་དང ། གསེར་ལ་སོགས་པ་ཡོངས་སུ་བཏང་བར་ཁྱོད་ལ་དཔང་དུ་སུ་ཡོད། དེ་ནས་བྱང་ཆུབ་སེམས་དཔའ་བཅོམ་ལྡན་འདས་ཀྱིས་ཕྱག་འཁོར་ལོ་དང ། བཀྲ་ཤིས་དང་གཡུང་དྲུང་འཁྱིལ་པ་དང ། དྲ་བས་འབྲེལ་པ་བསོད་ནམས་བརྒྱ་ཕྲག་དུ་མས་བསྐྱེད་པ། སྐྲག་པ་རྣམས་ལ་དབུགས་འབྱིན་པར་མཛད་པས་ས་ལ་རེག་པར་མཛད་ནས། ངས་བསྐལ་པ་གྲངས་མེད་པ་གསུམ་དུ་མཆོད་སྦྱིན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་བྱས་ཤིང་སེམས་ཅན་རྣམས་ཀྱི་ཕྱིར་མགོ་དང ། ལག་པ་དང ། རྐང་པ་དང ། མིག་དང ། ཤ་དང ། ཁྲག་དང ། བུ་དང ། ཆུང་མ་དང ། དབྱིག་དང ། གསེར་ལ་སོགས་པ་ཡོངས་སུ་བཏང་བའི་ངའི་དཔང་ནི་འདི་ཡིན་ནོ། །དེ་ནས་སའི་ལྷས་ས་བརྟོལ་ནས་ཐལ་མོ་སྦྱར་ཏེ། སྐད་ཕྱུང་ནས་སྡིག་ཅན་བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་དེ་བཞིན་ནོ་ཞེས་དེ་སྐད་སྨྲས་པ་དང ། བདུད་སྡིག་ཅན་ཅང་མི་སྨྲ་བར་གྱུར་ཏེ། ཞུམ་ཞུམ་པོར་གྱུར། བག་འཁུམས་པར་གྱུར། །སྤྱི་བོ་སྨད་ནས་སྤོབས་པ་མེད་ལ་སེམས་ཁོང་དུ་ཆུད་ཅིང་འདུག་པར་གྱུར་ཏེ། དེ་སྡུག་བསྔལ་ཞིང་ཡིད་མི་བདེ་བས་བསམས་པ། བདག་གིས་ཤཱཀྱ་ཟས་གཙང་གི་བུ་ལ་དེ་ལྟར་བྱས་ཀྱང་གླགས་མ་རྙེད་ཀྱིས། མ་ལ་འདི་ལ་བདག་གིས་ཡང་བགེགས་
Nga43a
༄#། །ཤིག་བྱའོ་ཞེས་སྨྲས་ནས་སོང་ངོ ། །དེ་ནས་དེས་བུ་མོ་གསུམ་པོ་སྲེད་མ་དང ། དགའ་བྱེད་མ་དང ། དགའ་སྤྱོད་མ་མངགས་ཏེ། དེ་རྣམས་གཟུགས་དང ། ལང་ཚོའི་རྒྱགས་པས་དྲེགས་ཤིང ། ལྷའི་གོས་དང་རྒྱན་གྱིས་ཀླུབས་ནས། བྱང་ཆུབ་སེམས་དཔའི་མདུན་དུ་བུད་མེད་ཀྱི་གཡོ་རྣམས་བསྟན་པར་བརྩམས་སོ། །དེ་ནས་བྱང་ཆུབ་སེམས་དཔའ་ཐབས་ལ་མཁས་པས། ཇི་ལྟར་རྒན་མོར་གྱུར་པ་དེ་ལྟར་བྱིན་གྱིས་བརླབས་ནས། བདུད་གང་ན་བ་དེར་དོང་བ་དང ། བདུད་ཀྱི་བུ་མོ་རྣམས་དེ་ལྟ་བུའི་རྣམ་པར་མཐོང་ནས་ཡི་ཆད་ནས་ལག་པ་ལ་འགྲམ་པ་གཏད་དེ་གང་གིས་ན་ཤཱཀྱ་ཟས་གཙང་གི་བུ་དཀའ་ཐུབ་ལ་བགེགས་བྱེད་པར་འགྱུར་བའི་ཐབས་ལེགས་པ་ཅི་ཡོད་སྙམ་ནས་སེམས་ཁོང་དུ་ཆུད་ཅིང་འདུག་གོ་།དེས་འབྱུང་པོའི་དཔུང་ཚོགས་དང་ལྡན་པ། གླང་པོ་ཆེ་དང ། རྟ་དང ། རྔ་མོ་དང ། ར་དང ། རི་དྭགས་དང ། མ་ཧེ་དང ། ཕག་དང ། ཁྱི་དང ། འུག་པ་དང ། ནེའུ་ལེ་དང ། སྤྲེའུ་དང ། ཝ་ལ་སོགས་པ་འདྲ་བ་རལ་གྲི་དང ། མདའ་བོ་ཆེ་དང ། མཚོན་རྩེ་གཅིག་པ་དང ། འཁོར་ལོ་དང ། མདུང་ཐུང་དང ། གཞུ་དང ། ཞགས་པ་དང ། དགྲ་སྟ་དང ། ལྕགས་ཀྱི་བེར་ཀ་ལ་སོགས་ཏེ་མཚོན་ཆ་ཅན། བྱེ་བ་ཕྲག་སུམ་ཅུ་རྩ་དྲུག་དེད་ནས་རང་ཉིད་གཞུ་རྣ་དྲུང་དུ་བཀང་སྟེ། བྱང་ཆུབ་སེམས་དཔའ་ཡོངས་སུ་བསྐོར་ནས་འདུག་གོ་།དེ་ནས་བྱང་ཆུབ་སེམས་དཔས་གཟུགས་རྣམ་པ་དུ་མ་ཅན། མཚོན་ཆ་
Nga43b
རྣམ་པ་སྣ་ཚོགས་མང་པོ་དང་བཅས་པ་དེ་རྣམས་གཟིགས་ནས་དགོངས་པ། རེ་ཞིག་ཕོ་ཕལ་པ་ཞིག་དང་ལྷན་ཅིག་འཐབ་པར་བརྩོན་ན་ཡང་དེའི་གཉེན་པོའི་ཕྱོགས་ལ་སྦྱོར་བ་བྱེད་ན། །འདོད་པའི་ཁམས་ཀྱི་དབང་ཕྱུག་འདི་ལ་ལྟ་སྨོས་ཀྱང་ཅི་དགོས་ཀྱིས། མ་ལ་བདག་གིས་གཉེན་པོའི་ཕྱོགས་ལ་སྦྱར་བར་བྱའོ་སྙམ་དུ་དགོངས་ནས། དེ་ཞི་བར་འགྱུར་བའི་ཐབས་ལ་དགོངས་པར་བརྩམས་སོ། །བདུད་ཀྱང་འབྱུང་པོ་བྱེ་བ་ཕྲག་སུམ་ཅུ་རྩ་དྲུག་དང་ལྷན་ཅིག་ཏུ་བྱང་ཆུབ་སེམས་དཔའི་སྟེང་ནས་འཁོར་ལོ་དང ། མདུང་དང ། མདའ་བོ་ཆེ་དང ། མཚོན་རྩེ་གཅིག་པ་དང ། མདའ་ལ་སོགས་ཏེ་མཚོན་ཆ་རྣམས་དབབ་པར་བརྩམས་སོ། །དེ་ནས་བྱང་ཆུབ་སེམས་དཔའ་བྱམས་པ་ལ་སྙོམས་པར་ཞུགས་པ་ན། དེའི་ཚེ་མཚོན་ཆ་དེ་རྣམས་ལྷའི་མེ་ཏོག་ཨུཏྤ་ལ་དང ། པདྨ་དང།་ཀུ་མུ་ཏ་དང ། པདྨ་དཀར་པོར་གྱུར་ནས། བྱང་ཆུབ་སེམས་དཔའི་ཉེ་འཁོར་དུ་འབབ་པར་བརྩམས་སོ། །དེ་ནས་བདུད་སྟེང་གི་བར་སྣང་ལ་མངོན་པར་འཕགས་ཏེ། ཕྱག་དར་གྱི་ཆར་དབབ་པར་བརྩམས་ན། དེ་ཡང་ལྷའི་མེ་ཏོག་མནད་ར་བ་རྣམས་སུ་གྱུར་ནས། བྱང་ཆུབ་སེམས་དཔའི་སྟེང་ནས་འབབ་པར་བརྩམས་སོ། །དེ་ནས་བདུད་ཀྱིས་གདུག་པའི་རླུང་དང ། རྡོའི་ཆར་ཕབ་པ་དང ། གནས་གཙང་མའི་རིས་ཀྱི་ལྷ་རྣམས་ཀྱིས་བྱང་ཆུབ་སེམས་དཔའི་སྟེང་དུ་ལོ་མ་ལས་མ་ཡིན་པའི་སྤྱིལ་བོ་མངོན་པར་སྤྲུལ་པས་རྡོའི་ཆར་དང་གདུག་པའི་རླུང་དུ་བཅས་པ་དེས་བྱང་ཆུབ་སེམས་
Nga44a
༄#། །དཔའ་ལ་ཅུང་ཟད་ཀྱང་གནོད་པར་མ་གྱུར་ཏོ། །བདུད་ཀྱིས་བསམས་པ། བདག་གིས་ནམ་དུ་ཡོངས་སུ་བསྐོར་ཏེ་འདུག་།བསམ་གཏན་གྱི་ཚེར་མ་ནི་སྒྲ་ཡིན་གྱིས། བྱང་ཆུབ་ཀྱི་ཤིང་ཤེལ་ལས་བྱས་པར་མངོན་པར་སྤྲུལ་ལ་སོང་བ་དང ། དེའི་ལོ་མ་རྣམས་རྟག་པར་སྒྲ་འབྱིན་པས་དེའི་སེམས་རྩེ་གཅིག་པར་མི་འགྱུར་རོ་སྙམ་དུ་བསམས་ནས། བྱང་ཆུབ་ཀྱི་ཤིང་ཤེལ་ལས་བྱས་པར་མངོན་པར་སྤྲུལ་ཏེ། རྣ་བ་གཏད་ནས་བསྒྲིམས་ཏེ་བསྡད་པ་ན། བྱང་ཆུབ་ཀྱི་ཤིང་གི་ལོ་མ་ཤེལ་ལས་བྱས་པ་རྣམས་མྱུར་བ་མྱུར་བར་སྒྲ་འབྱིན་པར་བརྩམས་པས། བསམ་གཏན་གྱི་ཚེར་མ་ནི་སྒྲ་ཡིན་པས། བྱང་ཆུབ་སེམས་དཔས་སེམས་རྩེ་གཅིག་པ་མ་ཐོབ་བོ། །གནས་གཙང་མའི་རིས་ཀྱི་ལྷ་རྣམས་ཀྱིས་བསམས་པ། ཤེལ་ལས་བྱས་པའི་བྱང་ཆུབ་ཀྱི་ཤིང་གི་ལོ་མ་རྣམས་ཀྱི་སྒྲས་བྱང་ཆུབ་སེམས་དཔའ་སེམས་རྩེ་གཅིག་པ་མ་ཐོབ་ཀྱིས་ཐབས་ཤིག་བཤམ་པར་བྱའོ་སྙམ་སྟེ། དེ་ནས་དེ་རྣམས་ཀྱིས་ལོ་མ་རེ་རེ་བཟུང་ན་འོན་ཀྱང་བདུད་ཀྱི་དཔུང་དེ་བཞིན་དུ་གནས་ནས། གནས་གཙང་མའི་རིས་ཀྱི་ལྷ་རྣམས་ཀྱིས་བསམས་པ། བདུད་སྡིག་ཅན་ནི་རིང་མོ་ཞིག་ཏུ་བྱང་ཆུབ་སེམས་དཔའ་ལ་རྣམ་པར་འཚེ་བར་འགྱུར་རོ་སྙམ་དུ་བསམས་ནས་བདུད་ཀྱི་དཔུང་དེ་ཁོར་ཡུག་གི་ཕ་རོལ་ཏུ་འཕངས་སོ། །དེ་ནས་བྱང་ཆུབ་སེམས་དཔའ་བཅོམ་ལྡན་འདས་ལྟེང་རྒྱས་ནས་འབབ་ཆུ་ཆེན་པོ་ནེ་རཉྫ་ནའི་འགྲམ་བྱང་ཆུབ་ཀྱི་ཤིང་དྲུང་དུ་བཞུགས་
Nga44b
ཏེ།་རྟག་ཏུ་བྱ་བ་དང ། འགྲུས་སྐྱོང་དང་ལྡན་ཞིང ། བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ལ་བསྒོམ་པའི་རྣལ་འབྱོར་གྱི་རྗེས་སུ་བརྩོན་པས་བཞུགས་སོ། །དེ་ནམ་གྱི་ཐུན་དང་པོ་ལ་རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་དགོངས་པ་མངོན་དུ་བཞག་པ་ན། དེ་རྫུ་འཕྲུལ་གྱི་ཡུལ་རྣམ་པ་དུ་མ་ཉམས་སུ་མྱོང་བར་མཛད་དེ། འདི་ལྟ་སྟེ། གཅིག་ཏུ་གྱུར་ཅིང་མང་པོར་གྱུར་ལ། མང་པོར་གྱུར་ཅིང་གཅིག་ཏུ་གྱུར་པ་དང ། སྣང་བར་གྱུར་ཅིང་མི་སྣང་བར་གྱུར་པ་ཡེ་ཤེས་གཟིགས་པས་ཉམས་སུ་མྱོང་བར་མཛད་དོ། །སྐུས་རྩིག་པ་དང་རི་དང་ར་བ་ལ་ཡང་ཐད་ཀར་གཤེགས་པར་མཛད་དེ། དཔེར་ན་ནམ་མཁའ་ལ་བྱ་བ་བཞིན་ནོ། །ས་ལ་ཡང་སྟེང་དུ་འབྱུང་བ་དང ། ཇི་ཟུལ་མཛད་དེ། དཔེར་ན་ཆུ་ལ་བྱ་བ་བཞིན་ནོ། །ཆུའི་རྒྱུན་ལ་ཡང་མི་ཉམས་པར་གཤེགས་ཏེ། དཔེར་ན་ས་ལ་བྱ་བ་བཞིན་ནོ། །ནམ་མཁའ་ལ་ཡང་སྐྱིལ་མོ་ཀྲུང་གིས་གཤེགས་པར་མཛད་དེ། དཔེར་ན་འདབ་ཆགས་བྱ་བཞིན་ནོ། །ཉི་མ་དང་ཟླ་བ་གཉིས་འདི་ལྟར་རྫུ་འཕྲུལ་ཆེ་བ་འདི་ལྟར་གཟིགས་བརྗིད་ཆེ་བ་ཡང་ཕྱག་གིས་ནོམ་ཞིང་ཉུག་པར་མཛད་ཅིང་ཚངས་པའི་འཇིག་རྟེན་གྱི་བར་དུ་སྐུའི་དབང་སྒྱུར་བར་མཛད་དོ། །ཡང་བདུད་ཀྱིས་བསམས་པ།་བསམ་གཏན་གྱི་ཚེར་མ་ནི་སྒྲ་ཡིན་པས། མ་ལ་བདག་གིས་རྒྱང་རིང་པོ་ཁོ་ནར་འདུག་ལ་སྒྲ་དབྱུང་བར་བྱའོ་སྙམ་ནས། དེས་འབྱུང་པོ་བྱེ་བ་ཕྲག་སུམ་ཅུ་རྩ་དྲུག་དང ། འཇིགས་པ་ཆེན་པོ་འཇིགས་
Nga45a
༄#། །སུ་རུང་བའི་སྒྲ་ཕྱུང་ངོ ། །བྱང་ཆུབ་སེམས་དཔས་ཀྱང་དེ་སྒྲིབ་པའི་ཕྱིར་དཔག་ཚད་བཅུ་གཉིས་ཀྱི་བར་དུ་ཤིང་ཀ་དམ་པའི་ཚལ་སྤྲུལ་པས་དེས་ན་སྒྲ་དེ་རྡུག་པས་མི་གྲགས་སོ། །བྱང་ཆུབ་སེམས་དཔས་དགོངས་པ། མ་ལ་བདག་གིས་ལྷའི་རྣ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་བཞག་ནས། དེས་ན་ལྷ་དང་མི་རྣམས་ཀྱི་སྒྲ་གང་དང་གང་དག་ཐོས་པར་འདོད་པ་དེ་དག་མཉན་པར་བྱའོ་སྙམ་དུ་དགོངས་ནས། ལྷའི་རྣ་བ་ཤེས་པ་མངོན་དུ་བྱ་བའི་མངོན་པར་ཤེས་པ་ལ་དགོངས་པ་བཞག་པ་ན། དེ་ལྷའི་སྙན་རྣམ་པར་དག་པ་མི་རྣམས་ཀྱི་ལས་འདས་པས། སྒྲ་གཉིས་པོ་མི་རྣམས་ཀྱི་དང ། མི་མ་ཡིན་པ་རྣམས་ཀྱི་དང ། གང་དག་རིང་བ་དང ། གང་དག་ཉེ་བ་ཡང་གསན་ཏོ། །དེ་ནས་བྱང་ཆུབ་སེམས་དཔས་དགོངས་པ། བདུད་ཀྱི་འཁོར་འབྱུང་པོ་བྱེ་བ་ཕྲག་སུམ་ཅུ་རྩ་དྲུག་ལས་བདག་ལ་སུ་དག་ནི་གནོད་པར་སེམས། སུ་དག་ནི་མ་ཡིན་ཞེས་དེ་དག་ཇི་ལྟར་ཤེས་པར་བྱ་སྙམ་པ་དང ། དེ་འདི་སྙམ་དུ་དགོངས་ཏེ། སེམས་ཀྱི་རྣམ་གྲངས་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ཡིན་ནོ་སྙམ་ནས། དེ་ནམ་གྱི་གུང་ཐུན་ལ་སེམས་ཀྱི་རྣམ་གྲངས་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་དགོངས་པ་མངོན་དུ་བཞག་པ་ན། དེའི་ཐུགས་ཀྱིས་སེམས་ཅན་གཞན་དག་དང ། གང་ཟག་གཞན་དག་གི་རྣམ་པར་རྟོག་པ་དང ། རྣམ་པར་དཔྱོད་པའི་ཡིད་ཇི་ལྟ་བ་
Nga45b
བཞིན་དུ་རབ་ཏུ་མཁྱེན་ཏེ། འདོད་ཆགས་དང་བཅས་པའི་སེམས་ལ་འདོད་ཆགས་དང་བཅས་པའི་སེམས་སོ་ཞེས་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །འདོད་ཆགས་དང་བྲལ་བའི་སེམས་ལ་འདོད་ཆགས་དང་བྲལ་བའི་སེམས་སོ་ཞེས་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །ཞེ་སྡང་དང་བཅས་པ་དང ། ཞེ་སྡང་དང་བྲལ་བ་དང ། གཏི་མུག་དང་བཅས་པ་དང ། གཏི་མུག་དང་བྲལ་བ་དང ། བསྡུས་པ་དང ། རྣམ་པར་གཡེངས་པ་དང ། ཞུམ་པ་དང ། རབ་ཏུ་འཛིན་པ་དང ། རྒོད་པ་དང ། མི་རྒོད་པ་དང ། ཉེ་བར་མ་ཞི་བ་དང ། ཉེ་བར་ཞི་བ་དང ། མཉམ་པར་མ་བཞག་པ་དང ། མཉམ་པར་བཞག་པ་དང ། མ་བསྒོམས་པ་དང ། བསྒོམ་པ་དང ། སེམས་རྣམ་པར་མ་གྲོལ་བ་དང ། རྣམ་པར་གྲོལ་བ་ཞེས་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །ཤིན་ཏུ་རྣམ་པར་གྲོལ་བའི་སེམས་ལ་ཤིན་ཏུ་རྣམ་པར་གྲོལ་བའི་སེམས་སོ་ཞེས་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་འདི་སྙམ་དུ་དགོངས་ཏེ། བདུད་ཀྱི་མངག་གཞུག་པ་འདི་རྣམས་ལས་སུ་དག་བདག་དང ། ཚེ་རབས་གཞན་ན་མར་འབྲེལ་བའམ། ཕར་འབྲེལ་བའམ། སུ་དག་གཤེད་མའམ། ཕྱིར་རྒོལ་བ་དང ། དགྲར་གྱུར་པ་དེ་དག་ཇི་ལྟར་ཤེས་པར་བྱ་སྙམ་མོ། །དེ་འདི་སྙམ་དུ་དགོངས་ཏེ། སྔོན་གྱི་གནས་རྗེས་སུ་དྲན་པའི་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ཡིན་ནོ་སྙམ་ནས། དེ་ནམ་གྱི་གུང་ཐུན་ལ་སྔོན་གྱི་གནས་རྗེས་སུ་དྲན་པའི་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་དགོངས་པ་མངོན་དུ་གཞག་པ་
Nga46a
༄#། །ན།་དེས་སྔོན་གྱི་གནས་རྣམ་པ་དུ་མ་རྗེས་སུ་དགོངས་ཏེ། འདི་ལྟ་སྟེ། དེས་སྐྱེ་བ་གཅིག་དང ། གཉིས་དང ། གསུམ་དང ། བཞི་དང ། ལྔ་དང ། དྲུག་དང ། བདུན་དང ། བརྒྱད་དང ། དགུ་དང ། བཅུ་དང ། ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུ་དང ། སྐྱེ་བ་བརྒྱ་དང ། སྐྱེ་བ་སྟོང་དང ། སྐྱེ་བ་བརྒྱ་ཕྲག་དུ་མ་དང ། སྐྱེ་བ་སྟོང་ཕྲག་དུ་མ་དང།་སྐྱེ་བ་བརྒྱ་སྟོང་ཕྲག་དུ་མ་དང ། འཇིག་པའི་བསྐལ་པ་དང ། ཆགས་པའི་བསྐལ་པ་དང ། འཇིག་པ་དང ། ཆགས་པའི་བསྐལ་པ་དང ། འཇིག་པའི་བསྐལ་པ་དུ་མ་དང ། ཆགས་པའི་བསྐལ་པ་དུ་མ་དང ། འཇིག་པ་དང ། ཆགས་པའི་བསྐལ་པ་དུ་མ་རྗེས་སུ་དགོངས་ཏེ། བདག་སྔོན་སེམས་ཅན་འདི་དག་གི་ནང་ན་གནས་པ་ན་མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ། ཁ་ཟས་ནི་འདི་ལྟ་བུ་ཞིག་ཟ་ཟ། བདེ་བ་དང ། སྡུག་བསྔལ་ནི་འདི་ལྟ་བུ་ཞིག་ཉམས་སུ་མྱོང ། ཚེ་ནི་འདི་སྲིད་ཅིག་ལོན། ཡུན་ནི་འདི་སྲིད་ཅིག་འདུག་འདུག་།ཚེ་འདི་སྲིད་ཅིག་ལོན་ཏེ་གནས་དེ་ནས་བདག་ཤི་འཕོས་ཏེ། ཆེ་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ནས་ཆེ་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ནས་འདིར་སྐྱེས་སོ་ཞེས་བྱ་བ་རྣམ་པ་དང་བཅས། ཡུལ་ཕྱོགས་དང་བཅས་པས་སྔོན་གྱི་གནས་རྣམ་པ་དུ་མ་རྗེས་སུ་དགོངས་སོ། །དེ་འདི་སྙམ་དུ་དགོངས་ཏེ། བདུད་ཀྱི་མངག་གཞུག་འདི་
Nga46b
རྣམས་ལས་སུ་དག་ནི་ངན་སོང་དུ་འགྲོ་།སུ་དག་ནི་མི་འགྲོ་བ་དེ་དག་ཇི་ལྟར་ཤེས་པར་བྱ་སྙམ་མོ། །དེ་འདི་སྙམ་དུ་དགོངས་ཏེ། འཆི་འཕོ་དང ། སྐྱེ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ཡིན་ནོ་སྙམ་སྟེ་དེ་ནམ་གྱི་ཐུན་ཐ་མ་ལ་འཆི་འཕོ་དང་སྐྱེ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་དགོངས་པ་མངོན་དུ་བཞག་པ་ན། དེའི་ལྷའི་སྤྱན་རྣམ་པར་དག་པ་མི་རྣམས་ཀྱི་ལས་འདས་པས་གཟིགས་ན། སེམས་ཅན་རྣམས་ཀྱི་འཆི་འཕོ་དང་སྐྱེ་བ་དང ། ཁ་དོག་བཟང་པོ་དང་ཁ་དོག་ངན་པ་དང ། དམན་པ་དང་གྱ་ནོམ་པ་དང ། བདེ་འགྲོ་དང་ངན་འགྲོར་འགྲོ་བའི་སེམས་ཅན་རྣམས་ལས་ཇི་ལྟ་བ་བཞིན་གྱི་རྗེས་སུ་འགྲོ་བ། ཇི་ལྟ་བ་བཞིན་དུ་རབ་ཏུ་མཁྱེན་ཏེ། ཤེས་ལྡན་སེམས་ཅན་འདི་ཞེས་བྱ་བ་འདི་དག་ནི་ལུས་ཀྱི་ཉེས་པར་སྤྱོད་པ་དང་ལྡན།་ངག་དང་ཡིད་ཀྱི་ཉེས་པར་སྤྱོད་པ་དང་ལྡན་ཏེ། འཕགས་པ་རྣམས་ལ་སྐུར་པ་འདེབས་པ་ལོག་པར་ལྟ་བ་སྟེ། ལོག་པར་ལྟ་བའི་ཆོས་དང་ལས་ཡང་དག་པར་བསླངས་པའི་རྒྱུས། རྒྱུ་དེ་དང་རྐྱེན་དེས་ལུས་ཞིག་ནས་ཤི་བའི་འོག་ཏུ་ངན་སོང་དང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །ཤེས་ལྡན་སེམས་ཅན་འདི་དག་ནི་ལུས་ཀྱི་ལེགས་པར་སྤྱོད་པ་དང་ལྡན། ངག་དང་ཡིད་ཀྱི་ལེགས་པར་སྤྱོད་པ་དང་ལྡན་ཏེ། འཕགས་པ་རྣམས་ལ་སྐུར་པ་མི་འདེབས་ཤིང་ཡང་དག་པར་ལྟ་བ་སྟེ། ཡང་དག་པར་ལྟ་བའི་ཆོས་དང་ལས་ཡང་དག་
Nga47a
༄#། །པར་བླངས་པའི་རྒྱུས། རྒྱུ་དེ་དང་རྐྱེན་དེས་ལུས་ཞིག་ནས་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་སུ་སྐྱེ་བར་འགྱུར་རོ། །དེ་འདི་སྙམ་དུ་དགོངས་ཏེ། ཤེས་ལྡན་སེམས་ཅན་འདི་དག་ནི་འདོད་པའི་ཟག་པ་དང ། སྲིད་པའི་ཟག་པ་དང ། མ་རིག་པའི་ཟག་པས་འཁོར་བ་ན་འཁོར་རོ། །འདི་རྣམས་ཀྱི་འདོད་པའི་ཟག་པ་དང ། སྲིད་པའི་ཟག་པ་དང ། མ་རིག་པའི་ཟག་པ་དེ་ཇི་ལྟར་སྤང་བ་ཇི་ལྟར་ཤེས་པར་བྱ་སྙམ་མོ། །དེ་འདི་སྙམ་དུ་དགོངས་ཏེ། ཟག་པ་ཟད་པ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ཡིན་ནོ་སྙམ་སྟེ། དེ་རྟག་ཏུ་བྱེད་པ་དང ། འགྲུས་སྐྱོང་དང་ལྡན་ཞིང ། བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ལ་བསྒོམ་པའི་རྣལ་འབྱོར་གྱི་རྗེས་སུ་བརྩོན་པར་གནས་ནས་ཟག་པ་མེད་པའི་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་དགོངས་པ་མངོན་དུ་བཞག་པ་ན། དེས་འདི་ནི་སྡུག་བསྔལ་འཕགས་པའི་བདེན་པའོ། །ཞེས་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །འདི་ནི་སྡུག་བསྔལ་ཀུན་འབྱུང་བའོ། །འདི་ནི་སྡུག་བསྔལ་འགོག་པའོ། །འདི་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པའོ་ཞེས་ཇི་ལྟ་བ་བཞིན་དུ་རབ་ཏུ་མཁྱེན་ཏོ། །དེ་དེ་ལྟར་ཤེས་ཤིང་དེ་ལྟར་མཐོང་ན་འདོད་པའི་ཟག་པ་ལས་སེམས་རྣམ་པར་གྲོལ་བར་འགྱུར་ཞིང ། སྲིད་པའི་ཟག་པ་དང ། མ་རིག་པའི་ཟག་པ་
Nga47b
ལས་སེམས་རྣམ་པར་གྲོལ་བར་འགྱུར་རོ། །རྣམ་པར་གྲོལ་བ་ནས། བདག་གི་སྐྱེ་བ་ཟད་དོ། །ཚངས་པར་སྤྱོད་པ་ལ་བརྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ་ཞེས་རྣམ་པར་གྲོལ་བའི་ཡེ་ཤེས་ཉིད་མཐོང་བར་འགྱུར་རོ། །དེ་ལྟར་དེ་ན་བཅོམ་ལྡན་འདས་བྱང་ཆུབ་མངོན་པར་རྫོགས་པར་སངས་རྒྱས་ཏེ། བྱ་བ་བྱས། བྱེད་པ་བྱས་ནས་མེའི་ཁམས་ལ་སྙོམས་པར་ཞུགས་སོ། །གང་གི་ཚེ་བྱང་ཆུབ་སེམས་དཔས་བདུད་ཀྱི་འཁོར་འབྱུང་པོ་བྱེ་བ་ཕྲག་སུམ་ཅུ་རྩ་དྲུག་བྱམས་པའི་མཚོན་གྱིས་མངོན་དུ་བཅོམ་ནས་བླ་ན་མེད་པའི་ཡེ་ཤེས་བརྙེས་པའི་ཚེ་བདུད་སྡིག་ཅན་གྱི་ལག་ནས་གཞུ་ལྷུང ། རྒྱལ་མཚན་འགྱེལ། གནས་ཀྱང་གཡོས་སོ། །དེ་ནས་བདུད་སྡིག་ཅན་ནམ་འབྱུང་པོའི་འཁོར་བྱེ་བ་ཕྲག་སུམ་ཅུ་རྩ་དྲུག་སྡུག་བསྔལ་ཞིང་ཡིད་མི་བདེ་བ་ཡིད་ལ་གཅགས་ཏེ། དེ་ཉིད་དུ་མི་སྣང་བར་གྱུར་ཏོ། །བདུད་ཀྱི་རིས་ཀྱི་ལྷ་རྣམས་ཀྱིས་གྲོང་ཁྱེར་སེར་སྐྱའི་གཞིར་བྱང་ཆུབ་སེམས་དཔའ་ཤཱཀྱ་ཐུབ་པ་ནི་དཀའ་བ་ལོ་དྲུག་སྤྱད་ནས། རྡོ་རྗེའི་གདན་ལས་འཛེགས་ཏེ། རྩཝའི་གདིང་བ་ལ་གྲོངས་སོ། །ཞེས་བསྒྲགས་པ་གང་ཡིན་པ་དེས་རྒྱལ་པོ་ཟས་གཙང་བཙུན་མོ་དང་གཞོན་ནུ་དང་བློན་པོའི་ཚོགས་དང ། གྲོང་ཁྱེར་སེར་སྐྱ་ན་གནས་པའི་སྐྱེ་བོའི་ཚོགས་དང་བཅས་པས་ཐོས་ནས་སྡུག་བསྔལ་ཆེན་པོ་དང ། ཡིད་མི་བདེ་བས་གདུངས་པར་གྱུར་ཏོ། །ས་འཚོ་མ་དང ། རི་དྭགས་སྐྱེས་དང་གྲགས་འཛིན་མ་ཡང་བྱང་ཆུབ་སེམས་དཔའི་ཡོན་
Nga48a
༄#། །ཏན་རྗེས་སུ་དྲན་ནས་བརྒྱལ་ཏེ་ས་ལ་འགྱེལ་ནས་ཆུས་གཏོར་བ་ལས་སླར་དབུགས་བྱུང་ངོ ། །བཙུན་མོའི་སྤྲོ་བསྲིང་བའི་སྐྱེ་བོ་དག་ནི་མིག་མཆི་མས་གང་ལ་མྱུར་བ་མྱུར་བར་དབུགས་བརྫངས་ཤིང ། དལ་བུ་དལ་བུས་སྨྲེ་སྔགས་འདོན་ཅིང་འདུག་གོ་།དེ་དག་སྡུག་བསྔལ་བ་སངས་རྒྱས་ལ་མངོན་པར་དད་པའི་ལྷ་དགའ་བ་སྐྱེས་པ་རྣམས་ཀྱིས་མཐོང་ནས། བྱང་ཆུབ་སེམས་དཔའ་ཤཱཀྱ་ཐུབ་པ་མ་ནོངས་ཏེ། འདི་ལྟར་དེས་བླ་ན་མེད་པའི་ཡེ་ཤེས་བརྙེས་སོ་ཞེས་སྨྲས་པ་གང་ཡིན་པ་རྒྱལ་པོ་ཟས་གཙང་མ་འཁོར་དང་བཅས་པ་དང ། སེར་སྐྱའི་སྐྱེ་བོའི་ཚོགས་ཀྱིས་ཐོས་ནས་མཆོག་ཏུ་དགའ་བ་སྐྱེས་སོ། །བཅོམ་ལྡན་འདས་ཀྱིས་བླ་ན་མེད་པའི་ཡེ་ཤེས་བརྙེས་པ་ན་གྲགས་འཛིན་མ་ལ་ཡང་ཁྱེའུ་ཞིག་བཙས་སོ། །བདུད་རྩི་ཟས་ཀྱི་ཡང་ཁྱེའུ་ཞིག་བཙས་སོ། །ཟླ་བ་ཡང་སྒྲ་གཅན་གྱིས་ཟིན་ཏོ། །དེ་ནས་རྒྱལ་པོ་ཟས་གཙང་གིས་ཕུན་སུམ་ཚོགས་པ་དེ་མཐོང་ནས། དགའ་བ་དང་མགུ་བ་དང ། རབ་ཏུ་དགའ་བ་དང ། རངས་པ་རྒྱ་ཆེན་པོ་དང་ཡིད་བདེ་བ་སྐྱེས་པར་གྱུར་ཏོ། །དེས་གྲོང་ཁྱེར་སེར་སྐྱའི་གཞི་རྡོ་བ་དང ། གསེག་མ་དང་གཡོ་མོ་རྣམས་བསལ་ནས་ཙན་དན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པོའི་པོག་ཕོར་ཉེ་བར་བཤམས། དར་གྱི་ཆུན་འཕྱང་མང་པོ་དཔྱངས། རྒྱལ་མཚན་དང་བ་དན་བསྒྲེངས། མེ་ཏོག་སྣ་ཚོགས་ཀྱིས་དགའ་དགའ་ལྟར་བཀྲམ་ནས་གྲོང་ཁྱེར་གྱི་སྒོ་བཞི་
Nga48b
དང།་སུམ་མདོ་རྣམས་སུ་ཡང་སྦྱིན་གཏོང་གི་ཁང་པ་བརྩིགས་སོ། །དེ་ནས་གྲོང་ཁྱེར་གྱི་ཤར་སྒོར་དགེ་སྦྱོང་དང་བྲམ་ཟེ་སྤྱོད་པ་པ་དང ། ཀུན་ཏུ་རྒྱུ་དང ། ངན་པ་དང ། མགོན་མེད་པ་དང ། བཀྲེན་པ་དང ། ཕོངས་པ་དང ། སློང་མོ་པ་རྣམས་ལ་སྦྱིན་པ་དག་གཏོང་ངོ ། །ལྷོ་དང ། ནུབ་དང ། བྱང་དང ། དབུས་ཀྱི་སུམ་མདོ་རྣམས་སུ་ཡང་སྦྱིན་པ་དག་གཏོང ། བསོད་ནམས་དག་བྱེད་དོ། །གྲགས་འཛིན་མའི་བུ་མིང་འདོགས་པར་བྱེད་དེ། བཙུན་མོའི་འཁོར་གྱི་སྐྱེ་བོས་སྨྲས་པ། འདི་བཙས་པ་ན་ཟླ་བ་སྒྲ་གཅན་གྱིས་ཟིན་པས། དེ་བས་ན་ཁྱེའུ་ཡི་མིང་སྒྲ་གཅན་ཟིན་ཞེས་གདགས་སོ། །ཞེས་བཏགས་སོ། །བདུད་རྩི་ཟས་ཀྱི་ཡང་དེ་བཞིན་དུ་སྦྱིན་པ་དག་བཏང ། བསོད་ནམས་དག་བྱས་ནས། ཁྱེའུ་ཡི་མིང་ཅིར་གདགས་ཤེས་བུའི་མིང་འདོགས་པར་བྱེད་དོ། །ཉེ་དུ་དག་གིས་སྨྲས་པ། གང་གི་ཚེ་འདི་བཙས་པ་ན། གྲོང་ཁྱེར་ཐམས་ཅད་དགའ་བར་གྱུར་པས་དེའི་ཕྱིར་ཁྱེའུ་ཡི་མིང་ཀུན་དགའ་བོར་གདགས་སོ། །ཞེས་བཏགས་སོ། །རྒྱལ་པོ་ཟས་གཙང་གིས་སྨྲས་པ། གྲགས་འཛིན་མའི་བུ་གང་ཡིན་པ་འདི་ནི་ཤཱཀྱ་ཐུབ་པའི་བུ་མ་ཡིན་ནོ་ཞེས་སྨྲས་པ། གྲགས་འཛིན་མས་ཐོས་ནས་ཡི་ཆད་པར་གྱུར་ཏོ། །དེ་ནས་དེས་བྱང་ཆུབ་སེམས་དཔའི་པང་ཚད་ཀྱི་ཕ་བོང་ལ་ཞོན་ནས་རོལ་པའི་རྫིང་འགྲམ་དུ་འདུག་སྟེ། བདེན་པ་གསོལ་པ་བཏབ་པ། གལ་ཏེ་འདི་བྱང་ཆུབ་སེམས་དཔའ་ལས་སྐྱེས་པ་ཡིན་ན། དེ་བཞིན་དུ་རྫིང་འདིར་ཕ་བོང་དང་ལྷན་ཅིག་འཕྱོ་བར་གྱུར། ཅི་སྟེ་མ་ཡིན་
Nga49a
༄#། །ན་བྱིང་བར་གྱུར་ཅིག་ཅེས་སྨྲས་ནས་ཆུར་བོར་བ་དང ། དེ་ཤིང་བལ་གྱི་འདབ་མ་བཞིན་དུ་ཕ་བོང་དང་ལྷན་ཅིག་འཕྱོ་བར་བརྩམས་སོ། །རྒྱལ་པོ་ཟས་གཙང་གིས་ཡ་མཚན་དུ་གྱུར་པ་དེ་ཐོས་ནས། སྐྱེ་བོའི་ཚོགས་ཆེན་པོས་ཡོངས་སུ་བསྐོར་ཏེ། བྱང་ཆུབ་སེམས་དཔའ་རོལ་པའི་རྫིང་འགྲམ་དུ་སོང་ནས། ཇི་ཙམ་ན་སྒྲ་གཅན་ཟིན་པ་བཟང་པོ་བྱང་ཆུབ་སེམས་དཔའི་པང་ཚད་ཀྱི་ཕ་བོང་ལ་ཞོན་ནས་ཤིང་བལ་གྱི་འདབ་མ་བཞིན་དུ་ཆུ་ན་འཕྱོ་བ་མཐོང་ངོ ། །མཐོང་ནས་ཀྱང་དགའ་བ་དང ། མགུ་བ་དང ། རབ་ཏུ་དགའ་བ་དང ། རངས་པ་རྒྱ་ཆེན་པོ་དང།་ཡིད་བདེ་བ་སྐྱེས་ཏེ། དེ་མ་ཐག་ཏུ་རྫིང་དེར་ཞུགས་ནས་གཞོན་ནུ་སྒྲ་གཅན་ཟིན་བཟང་པོ་པང་དུ་བླངས་ནས་ལངས་སོ། །གང་གི་ཚེ་བཅོམ་ལྡན་འདས་ཀྱིས་བདུད་ཀྱི་འཁོར་འབྱུང་པོ་བྱེ་བ་ཕྲག་སུམ་ཅུ་རྩ་དྲུག་བྱམས་པའི་མཚོན་གྱིས་མངོན་དུ་བཏུལ་ནས། བླ་ན་མེད་པའི་ཡེ་ཤེས་བརྙེས་པ་དེའི་ཚེ་ས་ཆེན་པོ་འདི་ཤིན་ཏུ་གཡོས་པར་གྱུར་ཏོ། །འཇིག་རྟེན་འདི་ཐམས་ཅད་ཀྱང་སྣང་བ་རྒྱ་ཆེན་པོས་གསལ་བར་གྱུར་ཏེ། འདི་ལྟར་འཇིག་རྟེན་དང་འཇིག་རྟེན་གྱི་བར་གྱི་མུན་པ་མུན་ནག་སྨག་ཏུ་གྱུར་བ་ཉི་མ་དང་ཟླ་བ་འདི་གཉིས་འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ་བའི་སྣང་བས་སྣང་བ་ཉམས་སུ་མ་མྱོང་བ་གང་ཡིན་པ་དེ་དག་ཀྱང་དེའི་ཚེ་སྣང་བརྒྱ་ཆེན་པོས་གསལ་བར་གྱུར་ནས། དེར་སེམས་ཅན་གང་དག་སྐྱེས་པ་དེ་རྣམས་ཀྱིས་སྣང་བ་དེས་སེམས་ཅན་
Nga49b
གཅིག་གིས་གཅིག་མཐོང་ནས། ཤེས་ལྡན་དག་སེམས་ཅན་གཞན་དག་ཀྱང་འདིར་སྐྱེས་པ་ལྟ་ཞིག་།ཤེས་ལྡན་དག་སེམས་ཅན་གཞན་ཞིག་ཀྱང་འདིར་སྐྱེས་པ་ལྟ་ཅི་ཞིག་ཅེས་ངོ་ཤེས་པར་གྱུར་ཏོ། །སྡོམ་ལ། འཁོར་བཞི་དང་ནི་ལང་ཚོ་དང ། །ཡབ་དང་སྲས་ནི་མཇལ་བ་དང ། །ཤཱཀྱ་དེ་བཞིན་རང་བྱུང་དང ། །དུང་སྐྱོང་ཁྱོད་ལ་ཕྱག་འཚལ་བའོ། །དེ་ནས་ཚངས་རིས་ཀྱི་ལྷ་གཉིས་ཤིག་ཚངས་པའི་འཇིག་རྟེན་ན་འདུག་པ་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་ལྟེང་རྒྱས་ན་ཆུ་ཀླུང་ནེ་རཉྫ་ནའི་འགྲམ་བྱང་ཆུབ་ཀྱི་ཤིང་དྲུང་ན་བཞུགས་ཏེ་མངོན་པར་རྫོགས་པར་སངས་རྒྱས་ནས་རིང་པོར་མ་ལོན་པར་མེའི་ཁམས་ལ་སྙོམས་པར་ཞུགས་ཏེ། སྐྱིལ་མོ་ཀྲུང་གཅིག་གིས་ཞག་བདུན་འདས་པར་མཛད་ནས། དེ་ལ་སུས་ཀྱང་བསོད་སྙོམས་མ་ཕུལ་གྱི་མ་ལ་བདག་ཅག་དེར་སོང་ལ་ཚིགས་སུ་བཅད་པ་རེ་རེས་མངོན་པར་བསྟོད་དོ་སྙམ་མོ། །དེ་ནས་ཚངས་རིས་ཀྱི་ལྷ་དེ་གཉིས་ཀྱིས་འདི་ལྟ་སྟེ། སྐྱེས་བུ་སྟོབས་དང་ལྡན་པའི་དཔུང་བ་བསྐུམས་ཏེ་བརྐྱང་པའམ། བརྐྱངས་སྟེ་བསྐུམ་པ་ཙམ་གྱིས་ཚངས་རིས་ཀྱི་ལྷ་གཉིས་ཚངས་རིས་ཀྱི་འཇིག་རྟེན་ནས་མི་སྣང་བར་གྱུར་ཏེ། བཅོམ་ལྡན་འདས་ཀྱི་སྤྱན་སྔར་ཕྱིན་ནས་ཕྱོགས་གཅིག་ཏུ་འདུག་སྟེ་ཚངས་རིས་ཀྱི་ལྷ་གཉིས་ལས་གཅིག་གིས་ཚིགས་སུ་བཅད་དེ་གསོལ་བ། དེད་དཔོན་གཡུལ་ལས་རྣམ་པར་རྒྱལ་བ་ཡི། །སྡིག་པ་མི་མངའ་བཞེངས་ཤིག་འཇིག་རྟེན་གཟིགས། །རིན་ཆེན་ཆོས་ནི་འཚལ་བར་འགྱུར་
Nga50a
༄#། །མཆིས་ཀྱིས། །བདེ་གཤེགས་ཆོས་ཀྱི་མཆོག་ནི་བཤད་དུ་གསོལ། །ཅིག་ཤོས་ཀྱིས་ཀྱང་ཚིགས་སུ་བཅད་དེ་གསོལ་པ། ང་རྒྱལ་བཅོམ་ཞིང་གཡུལ་ལས་རྣམ་རྒྱལ་བ། །སྡིག་པ་མི་མངའ་བཞེངས་ཤིག་འཇིག་རྟེན་གཟིགས། །བཅོམ་ལྔ་ལོན་པའི་དགུང་ཟླ་ཉ་བ་ལྟར། །ཁྱོད་ཀྱི་ཐུགས་ནི་ཤིན་ཏུ་རྣམ་དག་ལགས། ། ཞེས་གསོལ་ནས་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ནས་དེའི་ཚེ་ཚིགས་སུ་བཅད་དེ་བཀའ་སྩལ་པ། འཇིག་རྟེན་འདོད་པའི་བདེ་གང་དང ། །ལྷ་ཡུལ་བྱུང་བདེ་གང་ཡིན་པ། །སྲེད་པ་ཟད་པའི་བདེ་དེ་ལ། །བཅུ་དྲུག་ཆར་ཡང་མི་ཕོད་དོ། །ཁུར་ཁྱེར་བ་ནི་སྡུག་བསྔལ་ཏེ། །ཁུར་བོར་བ་ནི་བདེ་བ་ཡིན། །ཁུར་ནི་ལྕི་བ་རྣམས་བོར་ནས། །གཞན་དག་བླང་བར་མི་བྱའོ། །སྲེད་པ་ཐམས་ཅད་རྣམ་སྤངས་ཤིང ། །འདུ་ཤེས་ཐམས་ཅད་ཟད་ནས་ནི། །དངོས་པོ་ཐམས་ཅད་ཡོངས་ཤེས་ན། །སླར་ཡང་སྲེད་པར་མི་འོང་ངོ ། །སངས་རྒྱས་བཅོམ་ལྡན་འདས་རྣམ་པར་གྲོལ་བའི་དགའ་བ་དང ། བདེ་བ་སྐུ་ཉམས་སུ་བསྟར་བས། སྐྱིལ་མོ་ཀྲུང་གཅིག་གིས་ཞག་བདུན་འདས་པར་མཛད་པ་ན། དེ་ལ་སུས་ཀྱང་བསོད་སྙོམས་མ་ཕུལ་ལོ། །དེའི་ཚེ་ཚོང་པ་ག་གོན་དང ། བཟང་པོ་གཉིས་ཤིང་རྟ་ལྔ་བརྒྱ་ཙམ་དང་ལྷན་ཅིག་དོང་
Nga50b
པ་ན། ལམ་དེ་ཉིད་དུ་ཞུགས་པར་གྱུར་ཏོ། །དེ་ནས་ཚོང་པ་ག་གོན་དང་བཟང་པོའི་སྔོན་གྱི་གྲོགས་པོ་དང ། བློན་པོ་དང་ཉེ་དུ་དང་མཛའ་བཤེས་སུ་གྱུར་པའི་ལྷ་ཞིག་ཡོད་པ་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་འདི་ལྡེང་རྒྱས་ན་ཆུ་ཀླུང་ནེ་རཉྫ་ནའི་འགྲམ་བྱང་ཆུབ་ཀྱི་ཤིང་དྲུང་ན་བཞུགས་ཏེ། མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པར་རྣམ་པར་གྲོལ་བའི་དགའ་བ་དང་བེ་བ་སྐུ་ཉམས་སུ་བསྟར་ནས། སྐྱིལ་མོ་ཀྲུང་གཅིག་གིས་ཞག་བདུན་འདས་པར་མཛད་པར། དེ་ལ་སུས་ཀྱང་བསོད་སྙོམས་མ་ཕུལ་གྱིས། དེ་ལ་ཚོང་པ་ག་གོན་དང་བཟང་པོ་གཉིས་ཀྱིས་དེར་ཐོག་མར་བསོད་སྙོམས་འབུལ་དུ་བཅུག་ན། དེ་ནི་ཚོང་པ་ག་གོན་དང་བཟང་པོ་དེ་གཉིས་ཀྱི་ཡུན་རིང་པོའི་དོན་དང ། ཕན་པ་དང་བདེ་བར་འགྱུར་གྱིས། མ་ལ་བདག་རང་གིས་འདི་གཉིས་འདི་ལྟ་སྟེ། བཅོམ་ལྡན་འདས་ལ་བསོད་སྙོམས་འབུལ་དུ་གཞུག་པའི་ཕྱིར་བརྩོན་པར་བྱའོ་སྙམ་ནས། དེ་ནས་ལྷ་དེས་ཤིང་རྟ་དང ། ཚོང་པ་ཐམས་ཅད་སྣང་བ་རྒྱ་ཆེན་པོས་གསལ་བ་བྱས་ནས། ཚོང་པ་ག་གོན་དང་བཟང་པོ་ལ་འདི་སྐད་ཅེས་སྨྲས་སོ། །ཚོང་པ་ཚོང་པ་དག་སངས་རྒྱས་བཅོམ་ལྡན་འདས་འདི་ལྟེང་རྒྱས་ན་ཆུ་ཀླུང་ནེ་རཉྫ་ནའི་འགྲམ་ན་བྱང་ཆུབ་ཀྱི་ཤིང་དྲུང་ན་བཞུགས་ཏེ། མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པར་རྣམ་པར་གྲོལ་བའི་དགའ་བ་དང ། བདེ་བ་སྐུ་ཉམས་སུ་བསྟར་བ་ན། སྐྱིལ་མོ་ཀྲུང་གཅིག་གིས་ཞག་བདུན་འདས་
Nga51a
༄#། །པར་མཛད་དེ། དེ་ལ་སུས་ཀྱང་བསོད་སྙོམས་མ་ཕུལ་གྱིས། དེ་ལ་ཁྱེད་ཀྱིས་དེར་ཐོག་མར་བསོད་སྙོམས་ཕུལ་ན། དེ་ནི་ཁྱེད་ཀྱི་ཡུན་རིང་པོའི་དོན་དང ། ཕན་པ་དང་བདེ་པར་འགྱུར་རོ་ཞེས་སྨྲས་ནས། ལྷ་དེ་དེ་ཉིད་དུ་མི་སྣང་བར་གྱུར་ཏོ། །དེ་ནས་ཚོད་པ་ག་གོན་དང་བཟང་པོ་གཉིས་འདི་སྙམ་དུ་སེམས་ཏེ། སངས་རྒྱས་ནི་མཆོག་མ་ཡིན་པ་མ་ཡིན་ལ། ཆོས་བཤད་པ་ཡང་མཆོག་མ་ཡིན་པ་མ་ཡིན་ཏེ། གང་གི་ཕྱིར་འདི་ལྟར་ལྷས་ཀྱང་འདི་ལྟ་སྟེ། བཅོམ་ལྡན་འདས་དེ་ལ་བསོད་སྙོམས་འབུལ་བའི་ཕྱིར་བརྩོན་པར་བྱེད་དོ་སྙམ་དུ་བསམས་ནས། སྦྲང་རྩི་དང་ལྡེ་གུ་མང་དུ་ཁྱེར་ནས་བཅོམ་ལྡན་འདས་གང་ན་བ་དེར་དོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚོང་པ་ག་གོན་དང་བཟང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱི་ཆེད་དུ་འདིར་བདག་གིས་སྦྲང་རྩི་དང་ལྡེ་གུ་མང་དུ་འཚལ་ཏེ་མཆིས་ཀྱིས། བཅོམ་ལྡན་འདས་ཐུགས་བརྩེ་བར་ཉེ་བར་བཟུང་སྟེ། འདི་བཞེས་སུ་གསོལ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་བདག་གི་ཕྱག་གིས་བསོད་སྙོམས་བཞེས་ན་དཔེར་ན་མུ་སྟེགས་ཅན་བཞིན་དུ་གྱུར་པས་དེ་ནི་བདག་གི་ཆ་མ་ཡིན་གྱིས།
Nga51b
མ་ལ་བདག་གིས་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱིས་སྲོག་ཆགས་རྣམས་ལ་ཕན་པའི་ཕྱིར་བསོད་སྙོམས་གང་དུ་བཞེས་པ་བསམ་པར་བྱའོ་སྙམ་པ་ན། བཅོམ་ལྡན་འདས་ལ་ལྷ་རྣམས་ཀྱིས་གསོལ་པ། བཙུན་པ་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱིས་སྲོག་ཆགས་རྣམས་ལ་ཕན་པར་བགྱི་བའི་སླད་དུ་ལྷུང་བཟེད་དུ་བསོད་སྙོམས་བཞེས་ལགས་སོ། །བཅོམ་ལྡན་འདས་ཀྱིས་ཀྱང་དགོངས་ཤིང་ཡེ་ཤེས་གཟིགས་པ་བསྐྱེད་ན་སྔོན་གྱི་སངས་རྒྱས་བཅོམ་ལྡན་འདས་རྣམས་ཀྱིས་སྲོག་ཆགས་རྣམས་ལ་ཕན་པའི་ཕྱིར་བསོད་སྙོམས་ལྷུང་བཟེད་དུ་བཞེས་པར་གྱུར་ནས། དེ་ནས་བཅོམ་ལྡན་འདས་ལ་ལྷུང་བཟེད་ཀྱིས་ལྷུང་བཟེད་ཀྱི་དགོས་པ་བྱུང་ངོ ། །དེ་ནས་རྒྱལ་པོ་ཆེན་པོ་བཞིས། བཅོམ་ལྡན་འདས་ལ་ལྷུང་བཟེད་ཀྱིས་ལྷུང་བཟེད་ཀྱི་དགོས་པ་བྱུང་བར་རིག་ནས། རི་བྲག་ཅན་ཞིག་ལ་རྡོ་ལས་བྱས་པའི་ལྷུང་བཟེད་མི་མ་ཡིན་པས་བྱས་ཤིང་མི་མ་ཡིན་པས་ཟིན་པར་བྱས་ལ་གསལ་བ་གཙང་མ་དྲི་མ་མེད་པ་བཞི་ཁྱེར་ཏེ། བཅོམ་ལྡན་འདས་གང་ན་བ་དེར་དོང་ནས་ཕྱིན་པ་དང ། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་རྒྱལ་པོ་ཆེན་པོ་བཞིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་
Nga52a
༄#། །ལ་ལྷུང་བཟེད་ཀྱིས་ལྷུང་བཟེད་ཀྱི་མཁོ་བ་བྱུང་བར་བདག་ཅག་གིས་འཚལ་ནས། རི་བྲག་ཅན་ཞིག་ལ་རྡོའི་ལས་རྡོའི་ལྷུང་བཟེད་མི་མ་ལགས་པས་བགྱིས་ཤིང ། མི་མ་ལགས་པས་ལེགས་པར་བགྱིས་པ་གསལ་བ། གཙང་མ་དྲི་ང་བ་མ་མཆིས་པ་བཞི་འདིར་འཚལ་ཏེ། མཆིས་ན་བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ་འདི་བཞེས་སུ་གསོལ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ་གལ་ཏེ་བདག་གིས་རྒྱལ་པོ་ཆེན་པོ་གཅིག་ལས་ལྷུང་བཟེད་གཅིག་བཞེས་ན་གསུམ་གྱི་སེམས་མི་དགའ་བར་འགྱུར་རོ། ། གལ་ཏེ་གཉིས་ལས་ན་ནི་གཉིས་ཀྱི་སེམས་མི་དགའ་བར་འགྱུར་རོ། །གལ་ཏེ་གསུམ་ལས་ན་ནི་གཅིག་གི་སེམས་མི་དགའ་བར་འགྱུར་གྱི། མ་ལ་བདག་གིས་རྒྱལ་པོ་ཆེན་པོ་བཞི་ལས་ལྷུང་བཟེད་བཞི་བཞེས་ལ་ལྷུང་བཟེད་གཅིག་ཏུ་བྱིན་གྱིས་བརླབ་པར་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་རྒྱལ་པོ་ཆེན་པོ་བཞི་ལས་ལྷུང་བཟེད་བཞི་བཞེས་ཏེ། ལྷུང་བཟེད་གཅིག་ཏུ་བྱིན་གྱིས་བརླབས་སོ།། །།འདུལ་བ་གཞི། བམ་པོ་གྱ་དྲུག་པ། དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་བཟང་པོ་ལས་སྲོག་ཆགས་རྣམས་ལ་ཕན་པའི་ཕྱིར་བསོད་སྙོམས་བཞེས་སོ། །དེ་ནས་བཅོམ་ལྡན་འདས་ཀྱིས་ཚོང་བ་ག་གོན་དང་བཟང་པོ་ལ་འདི་སྐད་ཅེས་བཀའ་སྩལ་པ། ཚོང་པ་དག་ཁྱེད་ཚུར་སངས་རྒྱས་ལ་སྐྱབས་
Nga52b
སུ་དེང་ཞིག་།ཆོས་ལ་སྐྱབས་སུ་དེང་ཞིག་།མ་འོངས་པའི་དུས་ན་འབྱུང་བར་འགྱུར་བའི་དགེ་འདུན་ཞེས་བྱ་བ་གང་ཡིན་པ་དེ་ལ་ཡང་སྐྱབས་སུ་དེང་ཞིག་།བཙུན་པ་བདག་ཅག་སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །མ་འོངས་པའི་དུས་ན་འབྱུང་བར་འགྱུར་པའི་དགེ་འདུན་གང་ལགས་པ་དེ་ལ་ཡང་སྐྱབས་སུ་མཆིའོ། །དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་བཟང་པོའི་སྦྱིན་པ་དེ་ལ་རྗེས་སུ་ཡི་རང་བས་རྗེས་སུ་ཡི་རང་བས་རྗེས་སུ་ཡི་རང་བར་མཛད་དེ། གང་གི་དོན་དུ་སྦྱིན་པ་བཏང ། །དེ་ཡི་དོན་དུ་འགྱུར་པ་སྟེ། །བདེ་བའི་དོན་དུ་སྦྱིན་བཏང་ན། །དེ་ནས་བདེ་བར་འགྱུར་པ་ཡིན། ། བསོད་ནམས་རྣམ་སྨིན་བདེ་བ་དང ། བསམ་པ་ཡང་ནི་འགྲུབ་པར་འགྱུར། །མྱུར་དུ་ཞི་བ་དམ་པ་ཡི། །མྱ་ངན་འདས་པར་རྟོགས་པར་འགྱུར། །ཕ་རོལ་ལས་བྱུང་གནོད་པ་ནི། །ལྷ་དང་བདུད་ཀྱི་རིགས་དག་གིས། །བསོད་ནམས་ཁོ་ན་བྱེད་པ་ན། །བར་ཆད་བྱ་བར་མི་ནུས་སོ། །གལ་ཏེ་འཕགས་པའི་ཤེས་རབ་ཕྱིར། །གཏོང་ལྡན་དེ་ནི་འབད་བྱེད་ན། །སྡུག་བསྔལ་ཐ་མར་བྱེད་པ་དག་།རྣམ་པར་མཐོང་ཞིང་རེག་པར་འགྱུར། །དེ་ནས་ཚོང་པ་ག་གོན་དང་བཟང་པོ། བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་སྟེ། རྗེས་སུ་ཡི་རངས་ནས། བཅོམ་ལྡན་འདས་ཀྱི་ཞབས་གཉིས་ལ་མ་གོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེ་ནས་བཅོམ་ལྡན་འདས་ཀྱིས་ཚོང་པ་ག་གོན་དང་བཟང་པོ་ལས་བསོད་སྙོམས་བཞེས་ནས། ཆུ་ཀླུང་ནེ་རཉྫ་ནའི་འགྲམ་
Nga53a
༄#། །གང་ན་བ་དེར་གཤེགས་ཏེ་བྱོན་ནས། ཆུ་ཀླུང་ནེ་རཉྫ་ནའི་འགྲམ་དུ་བཞུགས་ཏེ། ཞལ་ཟས་ཀྱི་བྱ་བ་མཛད་དོ། །དེ་ནས་སྦྲང་རྩི་ཡང་རླུང་སློང་ལ་ལྡེ་གུ་ཡང་རླུང་སློང་བས་དེ་ན།་བཅོམ་ལྡན་འདས་རླུང་ནད་ཀྱི་སྙུན་གྱིས་ཐེབས་སོ། །དེ་ནས་བདུད་སྡིག་ཅན་གྱིས། བཅོམ་ལྡན་འདས་རླུང་ནད་ཀྱི་སྙུན་གྱིས་ཐེབས་པར་རིག་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཡོངས་སུ་མྱ་ངན་ལས་འདའ་བའི་དུས་ལ་བབ་ལགས་སོ། །བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་ལགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། འདི་ལྟ་སྟེ་དཀྲུགས་པའི་ལས་ཀྱི་ཕྱིར་བདུད་སྡིག་ཅན་འདི་ཉེ་བར་འོངས་སོ་སྙམ་དུ་དགོངས་ནས། བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །སྡིག་ཅན་ཇི་སྲིད་ངའི་ཉན་ཐོས་མཁས་པ་གསལ་བ་ཡིད་གཞུངས་པ། ཕ་རོལ་གྱི་ནི་རྩོད་པ་བྱུང་ཞིང་བྱུང་བ་རྣམས་ཆོས་བཞིན་གྱིས་ཚར་གཅོད་ནུས་པ་རང་གི་སྨྲ་བ་གསལ་བར་བྱེད་ནུས་པའི་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་རྣམས་བྱུང་བར་མ་གྱུར་པ་དང ། ངའི་ཚངས་པར་སྤྱོད་པ་རྒྱ་ཆེན་པོ། སྐྱེ་བོ་མང་པོ་དང ། ལྷ་དང་མིའི་བར་ལ་རྒྱ་ཆེར་ཡང་དག་པར་རྫོགས་པར་རབ་ཏུ་མ་བསྟན་གྱི་བར་དུ་ང་ཡོངས་སུ་མྱ་ངན་ལས་མི་འདའ་འོ། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། ཀྱེ་མའོ་དགེ་སྦྱོང་གོའུ་ཏ་
Nga53b
མ་ནི་ཡོངས་སུ་མྱ་ངན་ལས་འདའ་མི་འདོད་སྙམ་དུ་བསམས། སྡུག་བསྔལ་ཞིང་ཡིད་མི་བདེ་ལ་འགྱོད་པས་དེ་ཉིད་དུ་མི་སྣང་བར་གྱུར་ཏོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་རླུང་ནད་ཀྱི་སྙུན་གྱིས་ཐེབས་པར་རིག་ནས་ཤིང་ཛམྦུ་ཞེས་བྱ་བས་ཛམྦུ་གླིང་དུ་བཏགས་པ་གང་ཡིན་པ་དེ་དང་ཧ་ཅང་ཡང་མི་རིང་བ་ཞིག་ན། ཨ་རུ་ར་ཆེན་པོའི་ཚལ་ཡོད་དེ། དེ་ནས་ཁ་དོག་དང་དྲི་དང་རོ་དང་ལྡན་པའི་ཨ་རུ་ར་བླངས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འདུག་ནས། ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བསེར་མའི་སྙུན་ནད་ཀྱི་སྙུན་གྱིས་ཐེབས་པར་བདག་གིས་འཚལ་ནས། ཤིང་འཛམ་བུ་ཞེས་བགྱི་བས་འཛམ་བུའི་གླིང་དུ་བཏགས་པ་གང་ལགས་པ་དེ་དང་ཧ་ཅང་ཡང་མི་རིང་བ་ན། ཨ་རུ་ར་ཆེན་པོའི་ཚལ་མཆིས་ཏེ། དེ་ནས་བདག་གིས་ཁ་དོག་དང་དྲི་དང་རོར་ལྡན་པའི་ཨ་རུ་ར་འདིར་འཚལ་ཏེ་མཆིས་ཀྱིས། དེ་བཅོམ་ལྡན་འདས་གསོལ་ཅིག་།བཅོམ་ལྡན་འདས་ཀྱིས་དེ་གསོལ་པ་དང ། བསེར་མ་དང་མཐུན་པར་འགྱུར་ཞིང་བསེར་མའི་སྙུན་ཉེ་བར་ཞི་བར་འགྱུར་རོ། །བཅོམ་ལྡན་འདས་ཀྱིས་དེ་གསོལ་པ་དང ། རླུང་དང་མཐུན་པར་གྱུར་ནས། རླུང་ནད་ཀྱི་སྙུན་ཉེ་བར་ཞི་བར་གྱུར་ཏོ། །དེ་ནས་བཅོམ་ལྡན་འདས་ཤིན་ཏུ་བཟོད་ཅིང་ལྷག་པར་འཚོ་
Nga54a
༄#། །པར་གྱུར་ཏོ། །དེ་ནས་བཅོམ་ལྡན་འདས་ཇི་ཙམ་དགྱེས་ཀྱི་བར་དུ་བྱང་ཆུབ་ཀྱི་ཤིང་དྲུང་དུ་བཞུགས་ནས། ཀླུའི་རྒྱལ་པོ་བཏང་བཟུང་གི་གནས་གང་ན་བ་དེར་གཤེགས་ཏེ་བྱོན་ནས། ཤིང་ཞིག་གི་དྲུང་དུ་བརྟེན་ཏེ། སྐྱིལ་མོ་ཀྲུང་བཅས་ནས་སྐུ་དྲང་པོར་བསྲང་སྟེ་དྲན་པ་མངོན་དུ་ཕྱོགས་པར་བཞག་ནས་བཞུགས་སོ། །དེའི་ཚེ་ཀླུའི་རྒྱལ་པོ་བཏང་བཟུང་གི་གནས་སུ་ཞག་བདུན་དུ་དུས་མ་ཡིན་པའི་སྤྲིན་ཆགས་པར་གྱུར་ཏོ། །དེ་ནས་ཀླུའི་རྒྱལ་པོ་བཏང་བཟུང་གིས་ཞག་བདུན་དུ་དུས་མ་ཡིན་པའི་སྤྲིན་ཆགས་པར་རིག་ནས་གནས་ནས་མངོན་པར་འཕགས་ཏེ།་བཅོམ་ལྡན་འདས་ཞག་བདུན་པོ་འདི་ལ་བསེར་བར་འགྱུར་དུ་འོང ། ཚ་བ་དང ། སྦྲང་མ་དང་ཤ་སྦྲང་དང ། རླུང་དང་ཉི་མ་དང་སྡིག་སྦྲུལ་གྱི་རེག་པས་སྐུ་ལ་གནོད་པར་འགྱུར་དུ་འོང་ཞེས་ལུས་ཀྱིས་བཅོམ་ལྡན་འདས་ལ་ལན་བདུན་དུ་དཀྲིས་ཏེ། སྟེང་དུ་མགོའི་གདེངས་ཀ་ཆེན་པོ་བྱས་ནས་འདུག་གོ་།དེ་ནས་ཀླུའི་རྒྱལ་པོ་བཏང་བཟུང་གིས་ཞག་བདུན་གྱི་དུས་མ་ཡིན་པའི་སྤྲིན་ཆགས་པ་མེད་པར་རིག་ནས། བཅོམ་ལྡན་འདས་ཀྱི་སྐུ་ལས་ལུས་ཕྲལ་ཏེ། དཔུང་རྒྱན་དང ། རྣ་རྒྱན་དང ། ཕྲེང་བ་དང ། རྒྱན་སྣ་ཚོགས་དང ། བྱུག་པས་བྱུགས་ནས། བཅོམ་ལྡན་འདས་གང་ན་བ་དེར་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགུང་བདུན་པོ་འདི་ལ་བསེར་བར་མ་གྱུར་ཏམ། ཚ་བ་དང་སྦྲང་མ་དང་ཤ་སྦྲང་དང ། བསེར་
Nga54b
མ་དང ། གདུགས་དང་སྡིག་སྦྲུལ་གྱི་གནོད་པས་སྐུ་ལ་རེག་པར་མ་གྱུར་ཏམ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། དབེན་པའི་དགའ་བ་བདེན་པ་ཡིན། །ཆོས་ཐོས་པ་ལ་ལྟ་བ་དང ། །སྲོག་ཆགས་རྣམས་ལ་སྡོམ་པ་ཡིས། །འཇིག་རྟེན་འཚེ་བ་མེད་པ་བདེ། །འཇིག་རྟེན་འདོད་ཆགས་བྲལ་བ་དང ། །འདོད་ཆགས་རྣམས་ལས་རྒལ་བ་བདེ། །ང་འོ་ང་རྒྱལ་ཐུལ་བ་གང ། །དེ་ཉིད་བདེ་བའི་དམ་པ་ཡིན། །དེ་ནས་བཅོམ་ལྡན་འདས་ཇི་ཙམ་བཞེད་ཀྱི་བར་དུ་ཀླུའི་རྒྱལ་པོ་བཏང་བཟུང་གི་གནས་ན་བཞུགས་ནས། བྱང་ཆུབ་ཀྱི་སྙིང་པོ་གང་ན་བ་དེར་གཤེགས་ཏེ་བྱོན་པ་དང ། རྩཝའི་གདིང་བ་བཤམས་པ་ཉིད་ལ་སྐྱིལ་མོ་ཀྲུང་བཅས་སྐུ་དྲང་པོར་བསྲངས་ནས། དྲན་པ་མངོན་དུ་ཕྱོགས་པར་བཞུགས་ཏེ། སྐྱིལ་མོ་ཀྲུང་གཅིག་གིས་ཞག་བདུན་འདས་པར་མཛད་ཅིང ། རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་པོ་ལུགས་དང་མཐུན་པ་དང ། ལུགས་དང་མི་མཐུན་པ་འདི་ཉིད་ལ་གཟིགས་པར་མཛད་དེ། འདི་ལྟ་སྟེ། འདི་ཡོད་པས་འདི་ཡོད། འདི་སྐྱེས་པས་འདི་སྐྱེ་བ་འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། །མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག། །སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ།
Nga55a
༄#། །སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་བར་འགྱུར་ཏེ། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ལྟ་སྟེ། འདི་མེད་ན་འདི་མེད་ལ། འདི་འགགས་པས་འདི་འགག་པར་འགྱུར་ཏེ། འདི་ལྟ་སྟེ། མ་རིག་པ་འགགས་པས་འདུ་བྱེད་འགག་།འདུ་བྱེད་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགགས་པས་མིང་དང་གཟུགས་འགག་།མིང་དང་གཟུགས་འགགས་པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགགས་པས་རེག་པ་འགག་།རེག་པ་འགགས་པས་ཚོར་བ་འགག་།ཚོར་བ་འགགས་པས་སྲེད་པ་འགག་།སྲེད་པ་འགགས་པས་ལེན་པ་འགག ། ལེན་པ་འགགས་པས་སྲིད་པ་འགག་།སྲིད་པ་འགགས་པས་སྐྱེ་བ་འགག་།སྐྱེ་བ་འགགས་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང།་འཁྲུག་པ་རྣམས་འགག་པར་འགྱུར་ཏེ། དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཞག་བདུན་པོ་དེ་ཉིད་འདས་པར་མཛད་ནས། ཏིང་ངེ་འཛིན་དེ་ལས་བཞེངས་ཏེ། དེའི་ཚེ་ཚིགས་སུ་བཅད་དེ་བཀའ་སྩལ་པ། གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་ཚངས་པ་ཡིན། །གང་
Nga55b
ཚེ་ཆོས་རྣམས་རྒྱུ་དང་བཅས་ཤེས་པས། །དེ་ནས་དེ་ཡི་སོམ་ཉི་ཐམས་ཅད་འབྲལ། །གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་ཚངས་པ་ཡིན། །གང་ཚེ་སྡུག་བསྔལ་རྒྱུ་དང་བཅས་ཤེས་པ། །དེ་ནས་དེ་ཡི་སོམ་ཉི་ཐམས་ཅད་འབྲལ། །གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་ཚངས་པ་ཡིན། །གང་ཚེ་ཚོར་བ་ཟད་པ་ཐོབ་འགྱུར་བ། །དེ་ནས་དེ་ཡི་སོམ་ཉི་ཐམས་ཅད་འབྲལ། །གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་ཚངས་པ་ཡིན། །གང་ཚེ་རྐྱེན་རྣམས་ཟད་པ་ཐོབ་ནས་ནི། །དེ་ནས་དེ་ཡི་སོམ་ཉི་ཐམས་ཅད་འབྲལ། །གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་གཏན་ཚངས་པ་ཡིན། །གང་ཚེ་ཟག་པ་ཟད་པ་ཐོབ་གྱུར་ནས། །དེ་ནས་དེ་ཡི་སོམ་ཉི་ཐམས་ཅད་འབྲལ། །གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་ཚངས་པ་ཡིན། །འཇིག་རྟེན་ཀུན་ཏུ་སྣང་བར་འདུག་པ་ནི། །ཇི་ལྟར་ཉི་མ་བར་སྣང་ཤར་བ་བཞིན། །གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་ཚངས་པ་ཡིན། །བདུད་ཀྱི་སྡེ་རྣམས་རྣམ་པར་བཅོམ་ལྡན་གནས་ཏེ། །སངས་རྒྱས་ཀུན་ཏུ་སྦྱོར་ལས་རྣམ་པར་གྲོལ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། བདག་གིས་ཆོས་ཟབ་མོ་ཟབ་པར་སྣང་བ་མཐོང་བར་དཀའ་ཞིང་ཁོང་དུ་ཆུད་པར་དཀའ་བ་རྟོག་གེ་པ་རྣམས་ཀྱི་རྟོག་གེའི་སྤྱོད་
Nga56a
༄#། །ཡུལ་མ་ཡིན་པ། ཞིབ་མོ་མཛངས་པའི་མཁས་པ་དང ། རིག་པས་རྣམ་པར་ཤེས་པ་བྱ་བ་རྟོགས་ཏེ་དེ་བདག་གིས་གཞན་ལ་སྨྲས་ཀྱང ། གཞན་གྱིས་དེ་མི་ཤེས་པས། དེས་བདག་དུབ་པར་འགྱུར། ངལ་བར་འགྱུར། སེམས་ལ་སྤྲོ་བ་མེད་པར་ཁོ་ནར་འགྱུར་བར་ཟད་པས། མ་ལ་བདག་གཅིག་པུ་དགོན་པའི་ནགས་སྟུག་པོར་མཐོང་བའི་ཆོས་ལ་བདེ་བར་གནས་པའི་རྣལ་འབྱོར་ལ་རྗེས་སུ་བརྩོན་པས་གནས་པར་བྱའོ་སྙམ་སྟེ། དེ་ནས་བཅོམ་ལྡན་འདས་ཐུགས་ལས་ཆུང་དུས་བཞུགས་པ་ལ་ཐུགས་གཞོལ་བར་མཛད་ཅིང་ཆོས་འཆད་པ་ལ་མ་ཡིན་ནོ། །དེ་ནས་ཚངས་པ་མི་མཇེད་ཀྱི་བདག་པོ་འདི་སྙམ་དུ་སེམས་ཏེ། ཀྱེ་མའོ་འཇིག་རྟེན་འདི་མ་རུང་བའོ། །ཀྱེ་མའོ་འཇིག་རྟེན་འདི་མ་རུང་སྟེ། གང་གི་ཕྱིར་དེ་ལྟར་བརྒྱ་ལམ་ན་ལན་འགའ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་བ་ནི། དཔེར་ན་ཨུ་དུམ་ཝ་རའི་མེ་ཏོག་བཞིན་ནོ། ། བཅོམ་ལྡན་འདས་དེ་ད་ལྟར་ཐུགས་ལས་ཆུང་ངུས་བཞུགས་པ་ལ་ཐུགས་གཞོལ་བར་མཛད་ཅིང་ཆོས་འཆད་པ་ལ་ནི་མ་ཡིན་པས། མ་ལ་བདག་དེར་སོང་ལ་དེ་ལ་གསོལ་བ་གདབ་བོ་སྙམ་མོ། །དེ་ནས་ཚངས་པ་མི་མཇེད་ཀྱི་བདག་པོས་དཔེར་ན་སྐྱེས་བུ་སྟོབས་དང་ལྡན་པའི་དཔུང་པ་བསྐུམས་ནས་བརྐྱང་པའམ། བརྐྱངས་ནས་བསྐུམ་པ་ཙམ་གྱིས་ཚངས་པ་མི་མཇེད་
Nga56b
ཀྱི་བདག་པོ་ཚངས་པའི་འཇིག་རྟེན་ནས་མི་སྣང་བར་བྱས་ཏེ། བཅོམ་ལྡན་འདས་ཀྱི་སྤྱན་སྔར་འདུག་གོ་།དེ་ནས་ཚངས་པ་མི་མཇེད་ཀྱི་བདག་པོས་དེའི་ཚེ་ཚིགས་སུ་བཅད་དེ་གསོལ་པ། མ་ག་དྷར་ནི་སྔོན་ཆད་ཆོས་བྱུང་བ། །དག་པ་མ་ལགས་དྲི་མར་བཅས་པས་རྟོགས། །བདུད་རྩི་ཆོས་ཀྱི་སྒོ་ནི་ཕྱེ་མཛོད་ལ། །དྲི་མ་མེད་པས་རྟོགས་པས་བཤད་པ་མཛོད། །བཅོམ་ལྡན་འདས་ཀྱིས་བཀའ་སྩལ་པ། ཚངས་པ་ད་ནི་ཚེགས་ཆེན་གྱིས། །སྐྱོན་རྣམས་བཅོམ་ནས་རྟོགས་གྱུར་པ། །སྲིད་དང་ཆགས་པས་དཀྲིས་རྣམས་ཀྱིས། །ཆོས་འདི་ལེགས་པར་རྟོགས་མི་འགྱུར། །རྒྱུན་ལས་ཟློག་ཕྱོགས་འགྲོ་བའི་ལམ། །ཟབ་ཅིང་ཤིན་ཏུ་མཐོང་དཀའ་བ། །མུན་པའི་ཕུང་པོས་བསྒྲིབས་པ་ཡི། །འདོད་ཆགས་ཞེན་པས་མཐོང་མི་འགྱུར། །བཙུན་པ་འཇིག་རྟེན་དུ་སྐྱེས་ཤིང་འཇིག་རྟེན་དུ་རྒས་པའི་སེམས་ཅན་རྣམས་ལ། དབང་པོ་རྣོན་པོ་དང ། དབང་པོ་འབྲིང་པོ་དང ། དབང་པོ་རྟུལ་པོ་དང ། དྲང་སླ་བ་དང ། གདུལ་སླ་བ་དང ། ཉོན་མོངས་ཆུང་བ་དང ། རྡུལ་ཆུང་བའི་རིགས་མཆིས་ཏེ། དེ་དག་གིས་དམ་པའི་ཆོས་མ་ཐོས་ན་ཡོངས་སུ་ཉམས་པར་འགྱུར་ལགས་སོ། །བཙུན་པ་དཔེར་ན། ཨུཏྤ་ལའམ། པདྨའམ། ཀུ་མུ་ཏའམ། པདྨ་དཀར་པོ་དག་ཆབ་ནས་སྐྱེས་ཤིང་ཆབ་ནས་ཆེན་པོར་གྱུར་ཏེ། ཆབ་ནས་འཕགས་ཏེ་མཆིས་པ་ལ་ཁ་ཅིག་ནི་ཆབ་དང་མཉམ། ཁ་ཅིག་ནི་ཆབ་ཀྱི་ནང་དུ་ནུབ་ཅིང་མཆིས་
Nga57a
༄#། །པ་དེ་བཞིན་དུ། བཙུན་པ་འཇིག་རྟེན་དུ་སྐྱེས་ཤིང་འཇིག་རྟེན་དུ་རྒས་པའི་སེམས་ཅན་རྣམས་ལ་ཡང་དབང་པོ་རྣོན་པོ་དང ། དབང་པོ་འབྲིང་པོ་དང ། དབང་པོ་རྟུལ་པོ་དང ། དྲང་སླ་བ་དང ། གདུལ་སླ་བ་དང ། ཉོན་མོངས་པ་ཆུང་བ་དང ། རྡུལ་ཆུང་བའི་རིགས་མཆིས་ཏེ། དེ་དག་གིས་དམ་པའི་ཆོས་མ་ཐོས་ན་ཡོངས་སུ་ཉམས་པར་གྱུར་པས། ཆོས་རིན་པོ་ཆེ་འཚལ་བར་འགྱུར་བ་མཆིས་ཀྱིས། བཅོམ་ལྡན་འདས་ཆོས་བཤད་དུ་གསོལ། བདེ་བར་གཤེགས་པ་ཆོས་བཤད་དུ་གསོལ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ང་ཉིད་ཀྱི་སངས་རྒྱས་ཀྱི་སྤྱན་གྱིས་འཇིག་རྟེན་ལ་བལྟ་བར་བྱའོ་སྙམ་ནས། དེ་ནས་བཅོམ་ལྡན་འདས་ཉིད་ཀྱི་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་ཏེ། བཅོམ་ལྡན་འདས་ཉིད་ཀྱི་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་པ་དང ། འཇིག་རྟེན་དུ་སྐྱེས་ཤིང་འཇིག་རྟེན་དུ་རྒས་པའི་སེམས་ཅན་རྣམས་ལ་དབང་པོ་རྣོན་པོ་དང ། དབང་པོ་འབྲིང་པོ་དང ། དབང་པོ་རྟུལ་པོ་དང ། དྲང་སླ་བ་དང་གདུལ་སླ་བ་དང ། ཉོན་མོངས་པ་ཆུང་བ་དང ། རྡུལ་ཆུང་བའི་རང་བཞིན་ཡོད་དེ། དེ་དག་དམ་པའི་ཆོས་མ་ཐོས་ན་ཡོངས་སུ་ཉམས་པར་འགྱུར་བ་གཟིགས་སོ། ། གཟིགས་ནས་ཀྱང་སེམས་ཅན་རྣམས་ལ་ཐུགས་རྗེ་ཆེན་པོ་གཞོལ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། བདུད་རྩི་སྒོ་མོ་དག་ནི་དབྱེ་
Nga57b
བར་བྱས། །ཉན་པར་སུ་འདོད་སོམ་ཉི་སོལ་ཅིག་དང ། །ཚངས་པ་མི་རྣམས་ལ་ནི་གྱ་ནོམ་ཆོས། །ཀླན་ཀ་མི་བཙལ་མདོ་ཙམ་བཤད་པར་བྱ། །དེ་ནས་ཚངས་པ་མི་མཇེད་ཀྱི་བདག་པོ་འདི་སྙམ་དུ་སེམས་ཏེ། ཀྱེ་བཅོམ་ལྡན་འདས་ཀྱིས་ཆོས་བཤད་པར་འགྱུར་རོ། །ཀྱེ་བདེ་བར་གཤེགས་པས་ཆོས་བཤད་པར་འགྱུར་རོ་སྙམ་དུ་རིག་ནས་དགའ་བ་དང ། མགུ་བ་དང་མཆོག་ཏུ་དགའ་བ་དང ། དགའ་བ་རྒྱ་ཆེན་པོ་དང་ཡིད་བདེ་བ་སྐྱེས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། དེ་ཉིད་དུ་མི་སྣང་བར་གྱུར་ཏོ། ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངས་སུ་ལ་ཐོག་མར་ཆོས་བཤད་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་སྒྱུ་རྩལ་ཤེས་ཀྱི་བུ་རིང་དུ་འཕུར་དེ་ལ་ཐོག་མར་ཆོས་བཤད་པར་བྱ་སྟེ། དེ་ནི་ངའི་ཐོག་མའི་སློབ་དཔོན་ཁོ་ན་ཡིན་བཞིན་དུ་རྗེད་པའི་དམ་པས་རྗེད་ཅིང ། མཆོད་པའི་དམ་པས་མཆོད་ལ། རྟོགས་པ་དམ་པ་དག་ལ་ཡང་ཡིད་རངས་ཤིང་དད་པར་གྱུར་པ་ཡིན་ནོ་སྙམ་མོ། །བཅོམ་ལྡན་འདས་ལ་ལྷ་རྣམས་ཀྱིས་གསོལ་པ། བཙུན་པ་སྒྱུ་རྩལ་ཤེས་ཀྱི་བུ་རིང་དུ་འཕུར་གུམ་ནས་དགུང་བདུན་ལོན་ལགས་སོ། །བཅོམ་ལྡན་འདས་ཀྱིས་ཀྱང་དགོངས་པ་ལ་ཞུགས་ཏེ། ཡེ་ཤེས་གཟིགས་པ་བསྐྱེད་ན་སྒྱུ་རྩལ་ཤེས་ཀྱི་བུ་རིང་དུ་འཕུར་ཤི་ནས་ཞག་བདུན་ལོན་ནོ། །དེ་ནས་བཅོམ་ལྡན་འདས་འདི་སྙམ་དུ་དགོངས་
Nga58a
༄#། །ཏེ།་ཨེ་མའོ་སྒྱུ་རྩལ་ཤེས་ཀྱི་བུ་རིང་དུ་འཕུར་ཤི་བ་དེ་ནི་ཏེ་བོར་མ་སྟེས་ཏེ། ཨེ་མའོ་སྒྱུ་རྩལ་ཤེས་ཀྱི་བུ་རིང་དུ་འཕུར་ཤི་བ་དེ་ནི་ཤིན་ཏུ་ཏེ་བོར་མ་སྟེས་ཏེ། ཆོས་འདུལ་བ་འདི་མ་ཐོས་སོ། །གལ་ཏེ་དེས་ཆོས་འདུལ་བ་འདི་ཐོས་ནས་ཤེས་པར་འགྱུར་བ་ཞིག་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་ཐོག་མར་སུ་ཞིག་ལ་ཆོས་བཤད་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་རངས་བྱེད་ཀྱི་བུ་ལྷག་སྤྱོད་དེ་ལ་ཐོག་མར་ཆོས་བཤད་པར་བྱ་སྟེ། དེ་ནི་ངའི་ཐོག་མའི་སློབ་དཔོན་ཁོ་ན་ཡིན་བཞིན་དུ་རྗེད་པའི་དམ་པས་རྗེད་ཅིང་མཆོད་པའི་དམ་པས་མཆོད་ལ་རྟོགས་པ་དམ་པ་དག་ལ་ཡང་ཡི་རངས་ཤིང་དད་པར་གྱུར་ཏོ་སྙམ་མོ། །བཅོམ་ལྡན་འདས་ལ་ལྷ་རྣམས་ཀྱིས་གསོལ་པ། བཙུན་པ་རངས་བྱེད་ཀྱི་བུ་ལྷག་སྤྱོད་མ་དང་གསུམ་སྲོད་ལ་གུམ་ལགས་སོ། །བཅོམ་ལྡན་འདས་ཀྱིས་ཀྱང་དགོངས་པ་ལ་ཞུགས་ཏེ། ཡེ་ཤེས་གཟིགས་པ་བསྐྱེད་ན། རངས་བྱེད་ཀྱི་བུ་ལྷག་སྤྱོད་སྲོད་ལ་ཤི་བར་གྱུར་ཏོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཨེ་མའོ་རངས་བྱེད་ཀྱི་བུ་ལྷག་སྤྱོད་ཤི་བ་དེ་ནི་ཏེ་བོར་མ་སྟེས་ཏེ། ཨེ་མའོ་རངས་བྱེད་ཀྱི་བུ་ལྷག་སྤྱོད་ཤི་བ་དེ་ནི་ཤིན་ཏུ་ཏེ་བོར་མ་སྟེས་ཏེ། འདུལ་བ་འདི་མ་ཐོས་སོ། །གལ་ཏེ་དེས་ཆོས་འདུལ་བ་འདི་ཐོས་ན་ཤེས་པར་འགྱུར་བ་ཞིག་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་ཐོག་
Nga58b
མར་སུ་ཞིག་ལ་ཆོས་བཤད་སྙམ་མོ། །དེ་ནས་འདི་སྙམ་དུ་དགོངས་ཏེ། མ་ལ་ངས་ལྔ་སྡེའི་དགེ་སློང་དེ་རྣམས་ལ་ཐོག་མར་ཆོས་བཤད་པར་བྱ་སྟེ། དེ་དག་གིས་ང་སྔོན་སྡུག་བསྔལ་སྦོང་བའི་རྣལ་འབྱོར་གྱི་རྗེས་སུ་བརྩོན་པར་གནས་པ་ན། བླ་མ་དང་གུས་པ་དང ། སྡུག་པ་དང་བཅས་པས་གནས་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ལྔ་སྡེའི་དགེ་སློང་རྣམས་ད་ལྟར་གང་ན་འདུག་སྙམ་ནས། བཅོམ་ལྡན་འདས་ཀྱིས་ལྷའི་སྤྱན་རྣམ་པར་དག་པ་མི་རྣམས་ཀྱི་ལས་འདས་པས་ལྔ་སྡེའི་དགེ་སློང་རྣམས་ཝཱ་ར་ཎཱ་སི་ན་དྲང་སྲོང་སྨ་བ་རི་དྭགས་ཀྱི་ནགས་ན་འཁོད་པ་གཟིགས་སོ། །གཟིགས་ནས་ཀྱང་ཅི་ཙམ་བཞེད་ཀྱི་བར་དུ་བྱང་ཆུབ་ཀྱི་དྲུང་དུ་ཞུགས་ནས། ཝཱ་ར་ཎཱ་སིའི་ཀ་ཤིའི་གྲོང་རྡལ་གང་ན་བ་དེར་རྒྱུ་ཞིང་གཤེགས་སོ། །དེའི་ཚེ་ཀུན་ཏུ་འཚོ་ཉེར་འགྲོ་ལམ་དེ་ཉིད་དུ་ཞུགས་པར་གྱུར་ཏེ། ཀུན་ཏུ་འཚོ་ཉེར་འགྲོས་བཅོམ་ལྡན་འདས་ལམ་ནས་གཤེགས་པ་མཐོང་ངོ ། །མཐོང་ནས་ཀྱང་འདི་སྐད་ཅེས་གསོལ་ཏོ། །དགེ་སྦྱོང་གོའུ་ཏ་མ་ཁྱོད་ཀྱི་དབང་པོ་རྣམས་ནི་དྭངས། །བཞིན་གྱི་མདོག་ནི་ཡོངས་སུ་དག་།པགས་པའི་མདོག་ནི་གསལ་ན། ཚེ་དང་ལྡན་པ་གོའུ་ཏ་མ་ཁྱོད་ཀྱི་སྟོན་པ་ནི་གང ། ཁྱོད་སུ་ལས་བརྟེན་ཏེ་རབ་ཏུ་བྱུང ། ཁྱོད་སུའི་ཆོས་ལ་དགའ། བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། ང་དང་འདྲ་བ་ཡོད་མིན་པས། །ང་ལ་སློབ་དཔོན་འགའ་མེད་དོ། །འཇིག་རྟེན་སངས་རྒྱས་ང་གཅིག་པུ། །ཡང་
Nga59a
༄#། །དག་བྱང་ཆུབ་དམ་པ་ཐོབ། །ཐམས་ཅད་ཟིལ་གནོན་འཇིག་རྟེན་ཀུན་མཁྱེན་ལ། །འདི་ནི་ཆོས་ཀུན་གྱིས་ནི་ང་མ་གོས། །ཐམས་ཅད་སྤངས་ཤིང་སྲེད་བྲལ་རྣམ་གྲོལ་ཏེ། །རང་གིས་མངོན་པར་ཤེས་ན་སུ་ལ་བརྟེན། །དེ་བཞིན་གཤེགས་པ་ལྷ་མིའི་སྟོན་པ་པོ། །ཐམས་ཅད་མཁྱེན་པའི་སྟོབས་ནི་ཀུན་ལྡན་པས། །ཉིད་ཀྱིས་བྱང་ཆུབ་རྟོགས་ནས་རབ་གསུངས་པ། །མི་མཉམ་མཚུངས་པ་མེད་ན་སུ་ལ་བརྟེན། །ང་ནི་འཇིག་རྟེན་དགྲ་བཅོམ་སྟེ། །འཇིག་རྟེན་བླ་མེད་ང་ཡིན་པས། །ལྷ་དང་བཅས་པའི་འཇིག་རྟེན་ན། །ང་ནི་རྒྱལ་བ་བདུད་ཟིལ་གནོན། །ཚེ་དང་ལྡན་པ་གོའུ་ཏ་མ། རྒྱལ་བ་ཞེས་གསུང་ངམ། གང་གིས་ཟག་པ་ཟད་ཐོབ་པ། །རྒྱལ་བ་ང་འདྲར་ཤེས་པར་བྱ། །སྡིག་པའི་ཆོས་ནི་ངས་བཅོམ་པས། །དེ་བས་ཉེར་འགྲོ་ང་རྒྱལ་བའོ། །ཚེ་དང་ལྡན་པ་གོའུ་ཏམ་གང་དུ་བཞུད། ཝཱ་ར་ཎཱ་སིར་གཤེགས་ནས་ནི། །ངས་ནི་ཆོས་ཀྱི་རྔ་བརྡུང་ཞིང ། །འཇིག་རྟེན་ན་མ་བསྐོར་གང་ཡིན་པའི། །ཆོས་ཀྱི་འཁོར་ལོ་རབ་ཏུ་བསྐོར། །འཇིག་རྟེན་ཆགས་ལས་རྒལ་བ་ཡི། །ཀུན་མཁྱེན་སངས་རྒྱས་ཞི་གྱུར་པ། །འཇིག་རྟེན་བསྒྲལ་བ་མ་བྱས་པར། །སྐྱེས་བུ་དམ་པ་གྲགས་མི་སྲིད། །ཚེ་དང་ལྡན་པ་གོའུ་ཏ་མ་རྒྱལ་བ་ལེགས་སོ་ཞེས་གསོལ་ནས། ཀུན་ཏུ་འཚོ་ཉེར་འགྲོ་ལམ་ནས་སོང་ངོ ། །དེ་ནས་བཅོམ་འདས་ཡུལ་ཀ་ཤིའི་ལྗོངས་རྒྱུ་ཞིང་
Nga59b
གཤེགས་པ་ན་ཝཱ་ར་ཎཱ་སིར་བྱོན་ཏོ། །དེའི་ཚེ་ལྔ་སྡེའི་དགེ་སློང་རྣམས་ཝཱ་ར་ཎཱ་སི་ན་དྲང་སྲོང་སྨྲ་བ་རི་དྭགས་ཀྱི་ནགས་ན་འཁོད་དོ། །ལྔ་སྡེའི་དགེ་སློང་རྣམས་ཀྱིས། བཅོམ་ལྡན་འདས་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་ཕན་ཚུན་ནས་ཆེད་དུ་བསམས་ཏེ་ལེགས་པ་འདུག་ནས་ཁྲིམས་སུ་བཅས་པ། ཤེས་ལྡན་དག་དགེ་སྦྱོང་གོའུ་ཏ་མ་མི་བརྟན་པ། བྱ་བ་མང་བ། མང་པོས་འཚོ་བ། སྤོང་བ་ཉམས་པ་དེ་ད་འབྲས་ཆན་དང་ཟན་དྲོན་གྱི་ཁ་ཟས་ལ་མང་དུ་ཟ་ཞིང་ལུས་མར་སར་དང་ཏིལ་མར་གྱིས་བྱུགས་ནས་ཆུ་འཇམ་པོས་ལུས་ཁྲུས་བྱེད་ཅིང་འོང་གིས་ད་བདག་ཅག་གི་དྲུང་དུ་འོངས་པ་དང ། དེ་ལ་སྨྲ་བར་མི་བྱ། ཕྱག་མི་བྱ། ལྡང་བར་མི་བྱ། ལངས་ཏེ་སྟན་བསྟབ་པར་མི་བྱའོ། །གཞན་དུ་ན་སྟན་ནར་མ་ཁོ་ན་བཏིང་ལ་ཚིག་འདི་སྐད་ཅེས། ཚེ་དང་ལྡན་པ་གོའུ་ཏ་མ་སྟན་ཡོད་ཀྱིས། ཇི་སྟེ་འདོད་ན་འདུག་ཅིག་ཅེས་བརྗོད་པར་བྱའོ་ཞེས་ཁྲིམས་བཅས་སོ། །བཅོམ་ལྡན་འདས་ཇི་ལྟ་ཇི་ལྟར་ལྔ་སྡེའི་དགེ་སློང་རྣམས་ལ་གཟིགས་པའི་ཕྱིར་ཉེ་བར་གཤེགས་པ་དེ་ལྟ་དེ་ལྟར་ལྔ་སྡེའི་དགེ་སློང་རྣམས་བཅོམ་ལྡན་འདས་ཀྱི་གཟི་བརྗིད་དང ། དཔལ་དང་བཀུར་སྟི་མ་བཟོད་ནས་སྟན་ལས་ལངས་ཏེ། ཁ་ཅིག་ནི་བཅོམ་ལྡན་འདས་ཀྱི་ཆེད་དུ་གདན་ཤོམ་མོ། །ཁ་ཅིག་ནི་ཞབས་བཀྲུས་པའི་ཆུ་དང ། ཞབས་ཀྱི་རྟེན་དག་མཐའ་གཅིག་ཏུ་འཇོག་པར་བྱེད་དོ། །ཁ་ཅིག་ནི་བསུ་སྟེ་ན་བཟའ་ཆོས་གོས་དག་བླངས་ནས་འདི་སྐད་ཅེས་ཤེས་ལྡན་གོའུ་ཏ་མ་ཚུར་སྤྱོན། ཤེས་ལྡན་
Nga60a
༄#། །གོའུ་ཏ་མ་བྱོན་པ་ལེགས་སོ། །ཤེས་ལྡན་གོའུ་ཏ་མ་སྟན་བཤམས་པ་ཉིད་ལ་བཞུགས་ཤིག་ཅེས་ཟེར་རོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མ་སྐྱེས་བུ་བླུན་པོ་འདི་རྣམས་ཀྱིས་ཁྲིམས་བཅས་ནས། རང་གིས་བཤིག་གོ་སྙམ་དུ་མཁྱེན་ནས་གདན་བཤམས་པ་ཉིད་ལ་བཞུགས་སོ། །དེ་ནས་ལྔ་སྡེའི་དགེ་སློང་རྣམས་ལྷག་པར་ཡང་བཅོམ་ལྡན་འདས་ཀྱི་མཚན་ནས་བརྗོད། གདུང་ནས་བརྗོད། ཚེ་དང་ལྡན་པས་བརྗོད་པ་ཀུན་ཏུ་བརྗོད་པར་བྱེད་དོ། །དེ་ནས་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ལྷག་པར་ཡང་དེ་བཞིན་གཤེགས་པའི་མཚན་ནས་བརྗོད་པ་དང ། གདུང་ནས་བརྗོད་པ་དང ། ཚེ་དང་ལྡན་པས་བརྗོད་པ་ཀུན་ཏུ་མ་བརྗོད་ཅིག་།ཁྱེད་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་རོ། །དེ་ཅིའི་ཕྱིར་ཞེ་ན། དགེ་སློང་དག་གང་ལ་ལ་ལྷག་པར་ཡང་དེ་བཞིན་གཤེགས་པའི་མཚན་ནས་བརྗོད་པ་དང ། གདུང་ནས་བརྗོད་པ་དང།་ཚེ་དང་ལྡན་པས་བརྗོད་པའི་ཀུན་ཏུ་བརྗོད་པ་དེ་ནི་སྐྱེས་བུ་བླུན་པོ་དེ་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་རོ། །དེ་དག་གིས་འདི་སྐད་ཅེས་གསོལ་ཏོ། །ཚེ་དང་ལྡན་པ་གོའུ་ཏ་མ་ཁྱོད་ཀྱིས་རེ་ཞིག་སྔོན་གྱི་ཚུལ་དང ། སྤྱོད་པ་དང ། དགའ་བ་སྤྱད་པ་དེས་མིའི་ཆོས་བླ་མ་འཕགས་པའི་ཁྱད་པར་ཐོབ་པར་ནུས་པའམ། ཤེས་པའམ་
Nga60b
མཐོང་བའམ། རེག་པར་གནས་པ་ཅུང་ཟད་ཀྱང་མ་ཐོབ་ན། ད་ལྟར་ཁྱོད་མི་བརྟན་ཞིང་བྱ་བ་མང་ལ། མང་པོས་འཚོ་ཞིང་སྤོང་བ་ཉམས་པས་ད་ཁྱོད་འབྲས་ཆན་དང་ཟན་དྲོན་དང་ཁ་ཟས་ལ་མང་དུ་ཟ་ཞིང ། ལུས་མར་སར་དང་ཏིལ་མར་གྱིས་བྱུགས་ནས་ཆུ་འཇམ་པོས་ལུས་ཁྲུས་བྱེད་པས་ལྟ་སྨོས་ཀྱང་ཅི་དགོས། དགེ་སློང་དག་ཁྱེད་ཀྱིས་དེ་བཞིན་གཤེགས་པའི་ཞལ་མདོག་དང་དབང་པོ་རྣམས་གསལ་བ་སྔོན་ལས་ཐ་དད་དུ་བྱ་བ་གཞན་ལྟ་མཐོང་ངམ། དེ་རྣམས་ཀྱིས་འདི་སྐད་ཅེས་གསོལ་ཏོ། །ཚེ་དང་ལྡན་པ་གོའུ་ཏ་མ་དེ་དེ་བཞིན་ནོ། །དེ་ནས་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་ལ་བཀའ་སྩལ་པ། དགེ་སློང་དག་རབ་ཏུ་བྱུང་བས་ནི་མཐའ་འདི་གཉིས་ལ་བརྟེན་པར་མི་བྱ། བསྙེན་པར་མི་བྱ། བསྙེན་བཀུར་མི་བྱ་སྟེ། གཉིས་གང་ཞེ་ན། འདོད་པ་རྣམས་ལ་འདོད་པའི་བསོད་སྙོམས་ཀྱི་རྗེས་སུ་བརྩོན་པ་དམན་པ་ངན་པ་ཐ་ཆད་མ་རབས་གང་ཡིན་པ་དང ། བདག་ཉིད་དུབ་པ་ལ་རྗེས་སུ་བརྩོན་པ་སྡུག་བསྔལ་བ་འཕགས་པ་མ་ཡིན་པ་གནོད་པ་དང་ལྡན་པ་གང་ཡིན་པའོ། །ཁྱོད་ཀྱིས་མཐའ་འདི་གཉིས་ལ་མི་བརྟེན་པར་དབུ་མའི་ལམ་མིག་བྱེད་པ། ཡེ་ཤེས་བྱེད་པ། ཉེ་བར་ཞི་བར་འགྱུར་བ་མངོན་པར་ཤེས་པ་དང ། རྫོགས་པར་བྱང་ཆུབ་པ་དང ། མྱ་ངན་ལས་འདས་པར་འགྱུར་བ་ཡོད་དེ། དབུ་མའི་ལམ་གང་ཞེ་ན། འཕགས་པའི་ལམ་ཡན་ལག་བརྒྱད་པ་འདི་ལྟ་སྟེ། ཡང་དག་པའི་ལྟ་བ་དང ། ཡང་དག་པའི་
Nga61a
༄#། །རྟོག་པ་དང ། ཡང་དག་པའི་ངག་དང ། ཡང་དག་པའི་ལས་ཀྱི་མཐའ་དང ། ཡང་དག་པའི་འཚོ་བ་དང ། ཡང་དག་པའི་རྩོལ་བ་དང ། ཡང་དག་པའི་དྲན་པ་དང།་ཡང་དག་པའི་ཏིང་ངེ་འཛིན་ཡིན་ནོ། །བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་ལ་ཤེས་པར་བྱ་བ་འདིས་ཤེས་པར་མཛད་སྤྱོད་པས། བཅོམ་ལྡན་འདས་ལྔ་སྡེའི་དགེ་སློང་རྣམས་ལས་གཉིས་ལ་སྔ་དྲོ་གདམས་ངག་འབོགས་པ་ན། གསུམ་གྲོང་དུ་བསོད་སྙོམས་ལ་འཇུག་སྟེ། གསུམ་གྱིས་བསྒྲུབས་པ་གང་ཡིན་པ་དེས་དྲུག་ཆར་འཚོ་བར་བྱེད་དོ། །བཅོམ་ལྡན་འདས་ལྔ་སྡེ་རྣམས་ཀྱི་དགེ་སློང་གསུམ་ལ་ཕྱི་དྲོ་གདམས་ངག་འབོགས་ན། གཉིས་གྲོང་དུ་བསོད་སྙོམས་ལ་འཇུག་སྟེ། གཉིས་ཀྱིས་བསྒྲུབས་པ་གང་ཡིན་པ་དེས་ལྔ་སྡེ་འཚོ་བར་བྱེད་དེ། དེ་བཞིན་གཤེགས་པ་ནི་སྔ་དྲོའི་དུས་ཁོ་ནར་གསོལ་བ་ཡིན་ནོ། །དེ་ནས་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་ལ་བཀའ་སྩལ་པ། དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་འདི་ནི་སྡུག་བསྔལ་འཕགས་པའི་བདེན་པའོ་ཞེས་ཚུལ་བཞིན་ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་འདི་ནི་སྡུག་བསྔལ་ཀུན་འབྱུང་བའོ། །འདི་ནི་སྡུག་བསྔལ་འགོག་པའོ། །འདི་ནི་སྡུག་བསྔལ་འགོག་པར་འགྲོ་བའི་ལམ་མོ་ཞེས་ཚུལ་བཞིན་
Nga61b
ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང ། རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འཕགས་པའི་བདེན་པ་དེ་ངས་མངོན་པར་ཤེས་པས་ཡོངས་སུ་ཤེས་པར་བྱའོ་ཞེས་ཚུལ་བཞིན་དུ་ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང་རིག་པ་དང ། བློ་དང ། རྟོགས་པ་སྐྱེས་སོ། །དགེ་སློང་དག་ངས་སྔོན་མ་ཐོས་པའི་ཆོས་རྣམས་ལ་སྡུག་བསྔལ་ཀུན་འབྱུང་བ་འཕགས་པའི་བདེན་པ་དེ་ངས་མངོན་པར་ཤེས་པས་སྤང་བར་བྱའོ་ཞེས་ཚུལ་བཞིན་ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང་རིག་པ་དང་བློ་དང་རྟོགས་པ་སྐྱེས་སོ། །དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འགོག་པ་འཕགས་པའི་བདེན་པ་དེ་ངས་མངོན་པར་ཤེས་པས་མངོན་དུ་བྱའོ་ཞེས་ཚུལ་བཞིན་ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང་རིག་པ་དང་བློ་དང་རྟོགས་པ་སྐྱེས་སོ། །དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་དེ་ངས་མངོན་པར་ཤེས་པས་བསྒོམ་པར་བྱའོ་ཞེས་ཚུལ་བཞིན་ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང་རིག་པ་དང་བློ་དང་རྟོགས་པ་སྐྱེས་སོ། །དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འཕགས་པའི་བདེན་པ་དེ་ངས་མངོན་པར་ཤེས་པས་ཡོངས་སུ་ཤེས་སོ་ཞེས་ཚུལ་བཞིན་ཡིད་ལ་བྱེད་པ་ན་མིག་སྐྱེས་སོ། །ཤེས་པ་
Nga62a
༄#། །དང་རིག་པ་དང་བློ་དང་རྟོགས་པ་སྐྱེས་སོ། །དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་སྡུག་བསྔལ་ཀུན་འབྱུང་བ་འཕགས་པའི་བདེན་པ་དེ་ངས་མངོན་པར་ཤེས་པས་སྤངས་སོ་ཞེས་ཚུལ་བཞིན་དུ་ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང་རིག་པ་དང་བློ་དང་རྟོགས་པ་སྐྱེས་སོ། །དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འགོག་པ་འཕགས་པའི་བདེན་པ་དེ་ངས་མངོན་པར་ཤེས་པས་མངོན་སུམ་དུ་བྱས་སོ་ཞེས་ཚུལ་བཞིན་ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང་རིག་པ་དང་བློ་དང་རྟོགས་པ་སྐྱེས་སོ། །དགེ་སློང་དག་ང་སྔོན་མ་ཐོས་པའི་ཆོས་རྣམས་ལ་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་དེ་ངས་མངོན་པར་ཤེས་པས་བསྒོམས་སོ་ཞེས་ཚུལ་བཞིན་ཡིད་ལ་བྱེད་པ་ན་མིག་སྐྱེས་སོ། །ཤེས་པ་དང་རིག་པ་དང་བློ་དང་རྟོགས་པ་སྐྱེས་སོ། །དགེ་སློང་དག་ཇི་སྲིད་དུ་འཕགས་པའི་བདེན་པ་བཞི་པོ་འདི་རྣམས་ལ་དེ་ལྟར་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བའི་མིག་མ་སྐྱེས། ཤེས་པ་མ་ཡིན་རིག་པ་མ་ཡིན་བློ་མ་ཡིན་རྟོགས་པ་མ་སྐྱེས་པ་དེ་སྲིད་དུ་ང་ལྷ་དང་བཅས་པའི་འཇིག་རྟེན་བདུད་དང་བཅས། ཚངས་པ་དང་བཅས། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང ། ལྷ་དང་མིར་བཅས་པ་འདི་ལས་གྲོལ་བ་དང ། ངེས་པར་འབྱུང་བ་དང ། མི་ལྡན་པ་དང་རབ་ཏུ་
Nga62b
གྲོལ་བ་དང ། ཕྱིན་ཅི་ལོག་དང་བྲལ་བའི་སེམས་ཀྱིས་མང་དུ་གནས་པར་མ་གྱུར་ཅིང ། དགེ་སློང་དག་ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ་ཞེས་བྱ་བར་མ་ཤེས་སོ། །དགེ་སློང་དག་ངས་གང་ནས་འཕགས་པའི་བདེན་པ་བཞི་པོ་འདི་རྣམས་ལ་དེ་ལྟར་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་བསྐོར་བའི་མིག་སྐྱེས་ཤིང་ཤེས་པ་དང ། རིག་པ་དང ། བློ་དང་རྟོགས་པ་སྐྱེས་པ་དེ་ནས་ང་ལྷ་དང་བཅས་པའི་འཇིག་རྟེན་བདུད་དང་བཅས། ཚངས་པ་དང་བཅས། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང ། ལྷ་དང་མིར་བཅས་པ་འདི་ལས་གྲོལ་བ་དང ། ངེས་པར་འབྱུང་བ་དང ། མི་ལྡན་པ་དང་རབ་ཏུ་གྲོལ་བ་དང ། ཕྱིན་ཅི་ལོག་དང་བྲལ་བའི་སེམས་ཀྱིས་མང་དུ་གནས་པར་གྱུར་ཅིང ། དགེ་སློང་དག་ངས་དེ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ་ཞེས་བྱ་བར་ཤེས་སོ། །ཆོས་ཀྱི་རྣམ་གྲངས་དེ་བཀའ་སྩལ་པ་ན། ཚེ་དང་ལྡན་པ་ཀོའུ་དི་ནྱ་དང ། ལྷ་བརྒྱད་ཁྲི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀོའུ་ཌི་ནྱ་ལ་བཀའ་སྩལ་པ། ཀོའུ་ཌི་ནྱ་ཁྱོད་ཀྱིས་ཆོས་ཀུན་ཤེས་སམ། བཅོམ་ལྡན་འདས་ཀུན་འཚལ་ལགས་སོ། །ཀོའུ་ཌི་ནྱ་ཁྱོད་ཀྱིས་ཀུན་ཤེས་སམ། ཀུན་ཤེས་སམ། བདེ་བར་གཤེགས་པ་ཀུན་འཚལ་ལགས་སོ། །ཀུན་འཚལ་
Nga63a
༄#། །ལགས་སོ། །ཚེ་དང་ལྡན་པ་ཀོའུ་ཌི་ནྱས་ཆོས་ཀུན་ཤེས་པས། དེའི་ཕྱིར་ཚེ་དང་ལྡན་པ་ཀོའུ་ཌིནྱ་ཀུན་ཤེས་ཀོའུ་ཌིནྱ་ཞེས་ཚིག་བླ་དྭགས་སུ་བཏགས་སོ། །ཚེ་དང་ལྡན་པ་ཀོའུ་ཌི་ནྱས་ཆོས་ཀུན་ཤེས་སོ། །ཞེས་ས་བླའི་གནོད་སྦྱིན་རྣམས་སྒྲ་སྒྲོག་པར་བྱེད་དོ། །གྲོགས་པོ་དག་བཅོམ་ལྡན་འདས་ཀྱིས་ཝཱ་ར་ཎཱ་སིར་དྲང་སྲོང་སྨྲ་བའི་རི་དྭགས་ཀྱི་ནགས་སུ་ལན་གསུམ་དུ་བཟླས་ཏེ། རྣམ་པ་བཅུ་གཉིས་སུ་ཆོས་ཀྱི་འཁོར་ལོ་ཆོས་དང་ལྡན་པ། དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་འཇིག་རྟེན་དུ་ཆོས་དང་མཐུན་པར་མ་བསྐོར་བ། སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་སྙིང་བརྩེ་བ་དང ། ལྷ་དང་མི་རྣམས་ཀྱི་དོན་དང ། ཕན་པ་དང་བདེ་བའི་ཕྱིར་བསྐོར་བས། ལྷའི་རིས་མངོན་པར་འཕེལ་ཞིང ། ལྷ་མ་ཡིན་གྱི་རིས་ཡོངས་སུ་ཉམས་སོ་ཞེས་དབྱངས་བསྒྲགས་སོ། །ས་བླའི་གནོད་སྦྱིན་རྣམས་ཀྱིས་སྒྲ་ཐོས་ནས་ནམ་མཁའ་ལ་རྒྱུ་བའི་གནོད་སྦྱིན་དང ། རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་པའི་ལྷ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་ཀྱི་ལྷ་རྣམས་ནས་སྐད་ཅིག་དེ་དང ། ཐང་གཅིག་དེ་དང ། ཡུད་ཙམ་དེ་དང ། སྐད་ཅིག་དང ། ཐང་གཅིག་དང ། ཡུད་ཙམ་དེ་ལ་ཚངས་པའི་འཇིག་རྟེན་གྱི་བར་དུ་
Nga63b
སྒྲ་བསྒྲགས་སོ། །ཚངས་རིས་ཀྱི་ལྷ་རྣམས་ཀྱིས་ཀྱང་སྒྲ་སྒྲོག་པར་བྱེད་དོ། །གྲོགས་པོ་དག་བཅོམ་ལྡན་འདས་ཀྱིས་ཝཱ་རཱ་ཎཱ་སིར་དྲང་སྲོང་སྨྲ་བའི་རི་དྭགས་ཀྱི་ནགས་སུ་ལན་གསུམ་དུ་བཟླས་ཏེ། རྣམ་པ་བཅུ་གཉིས་ཀྱི་ཆོས་ཀྱི་འཁོར་ལོ་ཆོས་དང་ལྡན་པ་དག་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། ཚངས་པའམ། སུས་ཀྱང་འཇིག་རྟེན་དུ་ཆོས་དང་མཐུན་པར་འགའ་ཡང་མ་བསྐོར་བ། སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་སྙིང་བརྩེ་བ་དང ། ལྷ་དང་མི་རྣམས་ཀྱི་དོན་དང་ཕན་པ་དང ། བདེ་བའི་ཕྱིར་བསྐོར་བས་ལྷའི་རིས་མངོན་པར་འཕེལ་ཞིང ། ལྷ་མ་ཡིན་གྱི་རིས་ཡོངས་སུ་ཉམས་སོ་ཞེས་དབྱངས་བསྒྲགས་སོ། །བཅོམ་ལྡན་འདས་ཀྱིས་ཝཱ་ར་ཎཱ་སིར་དྲང་སྲོང་སྨྲ་བ་རི་དྭགས་ཀྱི་ནགས་སུ་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་ཆོས་ཀྱི་འཁོར་ལོ་ཆོས་དང་ལྡན་པ་བསྐོར་བས་དེའི་ཕྱིར་ཆོས་ཀྱི་རྣམ་གྲངས་འདི་ལ་ཆོས་ཀྱི་འཁོར་ལོ་བསྐོར་བ་ཞེས་ཚིག་བླ་དྭགས་སུ་བཏགས་སོ། །དེ་ནས་བཅོམ་ལྡན་འདས་ཀྱིས་ལན་གཉིས་སུ་ཡང་ལྔ་སྡེའི་དགེ་སློང་རྣམས་ལ་བཀའ་སྩལ་པ། དགེ་སློང་དག་འཕགས་པའི་བདེན་པ་བཞི་ནི་འདི་དག་ཡིན་ཏེ། བཞི་གང་ཞེ་ན། སྡུག་བསྔལ་འཕགས་པའི་བདེན་པ་དང ། སྡུག་བསྔལ་ཀུན་འབྱུང་བ་དང ། སྡུག་བསྔལ་འགོག་པ་དང ། སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པའོ། །སྡུག་བསྔལ་འཕགས་པའི་
Nga64a
༄#། །བདེན་པ་གང་ཞེ་ན། སྐྱེ་བ་སྡུག་བསྔལ་བ་དང ། རྒ་བ་སྡུག་བསྔལ་བ་དང ། ན་བ་སྡུག་བསྔལ་བ་དང ། འཆི་བ་སྡུག་བསྔལ་བ་དང ། སྡུག་པ་དང་བྲལ་བ་སྡུག་བསྔལ་བ་དང ། མི་སྡུག་པ་དང་ཕྲད་པ་སྡུག་བསྔལ་བ་དང ། གང་འདོད་པ་བཙལ་ཏེ་མ་རྙེད་པ་དེ་ཡང་སྡུག་བསྔལ་བ་དང ། མདོར་ན་ཉེ་བར་ལེན་པའི་ཕུང་པོ་ལྔ་སྡུག་བསྔལ་བ་སྟེ། དེ་ཡོངས་སུ་ཤེས་པར་བྱ་བའི་ཕྱིར་འཕགས་པའི་ལམ་ཡན་ལག་བརྒྱད་པ་བསྒོམ་པར་བྱའོ། །སྡུག་བསྔལ་ཀུན་འབྱུང་བ་འཕགས་པའི་བདེན་པ་གང་ཞེ་ན། ཡང་སྲིད་པའི་སྲེད་པ་དགའ་བའི་འདོད་ཆགས་དང་ལྡན་པ། དེ་དང་དེ་ལ་མངོན་པར་འདོད་པ་སྟེ། དེ་སྤངས་པའི་ཕྱིར་འཕགས་པའི་ལམ་ཡན་ལག་བརྒྱད་པ་བསྒོམ་པར་བྱའོ། །སྡུག་བསྔལ་འགོག་པ་འཕགས་པའི་བདེན་པ་གང་ཞེ་ན། ཡང་སྲིད་པའི་སྲེད་བ་དགའ་བའི་འདོད་ཆགས་དང་ལྡན་པ་དེ་དང་དེ་ལ་མངོན་པར་དགའ་བ་གང་ཡིན་པ་དེ་ཉིད་མ་ལུས་པར་སྤངས་པ་དང ། བོར་བ་དང ། བསལ་བ་དང ། ཟད་པ་དང ། འདོད་ཆགས་དང་བྲལ་བ་དང ། འགག་པ་དང ། ཉེ་བར་ཞི་བ་དང ། ནུབ་པ་སྟེ། དེ་མངོན་སུམ་དུ་བྱ་བའི་ཕྱིར་འཕགས་པའི་ལམ་ཡན་ལག་བརྒྱད་པ་བསྒོམ་པར་བྱའོ། །སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་གང་ཞེ་ན། འཕགས་པའི་ལམ་ཡན་ལག་བརྒྱད་པ་འདི་ལྟ་སྟེ། ཡང་དག་པའི་ལྟ་བ་དང ། ཡང་དག་པའི་རྟོག་པ་དང ། ཡང་དག་
Nga64b
པའི་ངག་དང ། ཡང་དག་པའི་ལས་ཀྱི་མཐའ་དང ། ཡང་དག་པའི་འཚོ་བ་དང ། ཡང་དག་པའི་རྩོལ་བ་དང ། ཡང་དག་པའི་དྲན་པ་དང ། ཡང་དག་པའི་ཏིང་ངེ་འཛིན་ཏེ་དེ་ཡང་བསྒོམ་པར་བྱའོ། །ཆོས་ཀྱི་རྣམ་གྲངས་འདི་བཤད་པ་ན། ཚེ་དང་ལྡན་པ་ཀུན་ཤེས་ཀོའུ་ཌི་ནྱ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །ལྔ་སྡེའི་དགེ་སློང་ལྷག་མ་རྣམས་ལ་ནི་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེའི་ཚེ་འཇིག་རྟེན་ན་དགྲ་བཅོམ་པ་གཅིག་དང ། གཉིས་པ་ནི་བཅོམ་ལྡན་འདས་སོ། །དེ་ནས་བཅོམ་ལྡན་འདས་ཀྱིས་ཡང་དགེ་སློང་ལྔ་སྡེ་ལྷག་མ་རྣམས་ལ་བཀའ་སྩལ་པ། དགེ་སློང་དག་གཟུགས་ནི་བདག་མ་ཡིན་ནོ། །དགེ་སློང་དག་གལ་ཏེ་གཟུགས་བདག་ཡིན་ན། གཟུགས་ལ་གནོད་པ་དང ། སྡུག་བསྔལ་བར་མི་འགྱུར་ཞིང ། གཟུགས་ལ་བདག་གི་གཟུགས་འདི་ལྟ་བུར་གྱུར་ཅིག་།འདི་ལྟ་བུར་མ་གྱུར་ཅིག་སྙམ་དུ་ཡང་འཐོབ་པར་ཡང་འགྱུར་རོ། །དགེ་སློང་དག་གང་གི་ཕྱིར་གཟུགས་བདག་མ་ཡིན་པ་དེའི་ཕྱིར་གཟུགས་ལ་གནོད་པ་དང ། སྡུག་བསྔལ་བར་འགྱུར་ཞིང ། གཟུགས་ལ་བདག་གི་གཟུགས་འདི་ལྟ་བུར་གྱུར་ཅིག་།འདི་ལྟ་བུར་མ་གྱུར་ཅིག་སྙམ་དུ་ཡང་འཐོབ་པར་མི་འགྱུར་རོ། །དགེ་སློང་དག་ཚོར་བ་དང ། འདུ་ཤེས་དང ། འདུ་བྱེད་རྣམས་དང ། རྣམ་པར་ཤེས་པ་ལ་རྣམ་པར་ཤེས་པ་ནི་བདག་མ་ཡིན་ནོ། །དགེ་སློང་དག་གལ་ཏེ་རྣམ་པར་ཤེས་པ་བདག་ཡིན་ན་རྣམ་པར་ཤེས་པ་ལ་གནོད་པ་དང ། སྡུག་
Nga65a
༄#། །བསྔལ་བར་མི་འགྱུར་ཞིང་རྣམ་པར་ཤེས་པ་ལ་བདག་གི་རྣམ་པར་ཤེས་པ་འདི་ལྟ་བུར་གྱུར་ཅིག་།འདི་ལྟ་བུར་མ་གྱུར་ཅིག་སྙམ་དུ་ཡང་འཐོབ་པར་འགྱུར་རོ། །དགེ་སློང་དག་གང་གི་ཕྱིར་རྣམ་པར་ཤེས་པ་བདག་མ་ཡིན་པ་དེའི་ཕྱིར་རྣམ་པར་ཤེས་པ་ལ་གནོད་པ་དང ། སྡུག་བསྔལ་བར་འགྱུར་ཞིང ། རྣམ་པར་ཤེས་པ་ལ་བདག་གི་རྣམ་པར་ཤེས་པ་འདི་ལྟ་བུར་གྱུར་ཅིག་།འདི་ལྟ་བུར་མ་གྱུར་ཅིག་སྙམ་དུ་ཡང་ཐོབ་པར་མི་འགྱུར་རོ། །དགེ་སློང་དག་ཇི་སྙམ་དུ་སེམས། གཟུགས་རྟག་གམ། མི་རྟག། བཙུན་པ་མི་རྟག་ལགས་སོ། །མི་རྟག་པ་གང་ཡིན་པ་དེ་སྡུག་བསྔལ་ཡིན་ནམ། སྡུག་བསྔལ་མ་ཡིན། བཙུན་པ་སྡུག་བསྔལ་ལགས་སོ། །མི་རྟག་པ་སྡུག་བསྔལ་བར་རྣམ་པར་འགྱུར་བའི་ཆོས་གང་ཡིན་པ་དེ་ལ་ཅི་ག་འཕགས་པ་ཉན་ཐོས་ཐོས་པ་དང་ལྡན་པ་འདི་ནི་བདག་གོ་།བདག་ནི་འདི་ཡིན་ནོ། །འདི་ནི་བདག་གི་བདག་གོ་ཞེས་བདག་ཏུ་ཁས་ལེན་ཏམ། བཙུན་པ་མ་ལགས་སོ། །དགེ་སློང་དག་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་རྟག་གམ་མི་རྟག་།བཙུན་པ་མི་རྟག་ལགས་སོ། །མི་རྟག་པ་གང་ཡིན་པ་དེ་སྡུག་བསྔལ་ཡིན་ནམ། སྡུག་བསྔལ་མ་ཡིན། །བཙུན་པ་སྡུག་བསྔལ་ལགས་སོ། །མི་རྟག་པ་སྡུག་བསྔལ་བ་རྣམ་པར་འགྱུར་བའི་ཆོས་གང་ཡིན་པ་དེ་ལ་ཅིག་འཕགས་པ་ཉན་ཐོས་ཐོས་པ་དང་
Nga65b
ལྡན་པ་འདི་ནི་བདག་གོ་།བདག་ནི་འདི་ཡིན་ནོ། །འདི་ནི་བདག་གི་བདག་གོ་ཞེས་བདག་ཏུ་ཁས་ལེན་ཏམ། བཙུན་པ་མ་ལགས་སོ། །དགེ་སློང་དག་དེ་ལྟ་བས་ན། གཟུགས་གང་ཡིན་པ་ཅི་ཡང་རུང་སྟེ། འདས་པའམ། མ་འོངས་པའམ། ད་ལྟར་བྱུང་བའམ། ནང་གིའམ། ཕྱིའིའམ། རགས་པའམ། ཕྲ་བའམ། ངན་པའམ། གྱ་ནོམ་པའམ། གང་དག་ཐག་རིང་བའམ། གང་དག་ཐག་ཉེ་བ་དེ་དག་ཐམས་ཅད་ནི་བདག་མ་ཡིན། བདག་ནི་དེ་མ་ཡིན། དེ་ནི་བདག་གི་བདག་མ་ཡིན་ནོ་ཞེས་ཇི་ལྟ་བ་དེ་བཞིན་དུ་ཡང་དག་པའི་ཤེས་རབ་ཀྱིས་བལྟ་བར་བྱའོ། ། དགེ་སློང་དག་དེ་ལྟ་བས་ན་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་ཇི་སྙེད་པ་གང་ཅི་ཡང་རུང་འདས་པའམ། མ་འོངས་པའམ། ད་ལྟར་བྱུང་བའམ། ནང་གིའམ། ཕྱིའིའམ། རགས་པའམ། ཕྲ་བའམ། ངན་པའམ། གྱ་ནོམ་པའམ། གང་དག་ཐག་རིང་བའམ། གང་དག་ཐག་ཉེ་བ་དེ་དག་ཐམས་ཅད་ནི་བདག་མ་ཡིན། བདག་ནི་དེ་མ་ཡིན། དེ་ནི་བདག་གི་བདག་མ་ཡིན་ནོ་ཞེས་ཇི་ལྟ་བ་དེ་བཞིན་དུ་ཡང་དག་པའི་ཤེས་རབ་ཀྱིས་བལྟ་བར་བྱའོ། །དགེ་སློང་དག་འདི་ལྟར་འཕགས་པའི་ཉན་ཐོས་ཐོས་པ་དང་ལྡན་པ་ནི། ཉེ་བར་ལེན་པའི་ཕུང་པོ་ལྔ་པོ་འདི་བདག་མ་ཡིན། བདག་གི་མ་ཡིན་པར་ལྟ་བ་སྟེ། དེ་དེ་ལྟར་ལྟ་བ་ན། འཇིག་རྟེན་ཅི་ཡང་ལེན་པ་མེད་དོ། །ལེན་པ་མེད་ན་ཡོངས་སུ་གདུང་བ་མེད་དོ། །ཡོངས་སུ་གདུང་བ་མེད་ན་
Nga66a
༄#། །བདག་ཉིད་ཡོངས་སུ་མྱ་ངན་འདའ་སྟེ་བདག་གི་སྐྱེ་བ་ཟད་དོ། །ཚངས་པར་སྤྱོད་པ་ལ་བརྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་བྱ་བར་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན་ལྔ་སྡེའི་དགེ་སློང་ལྷག་མ་རྣམས་ཀྱིས་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དེའི་ཚེ་དགྲ་བཅོམ་པ་ལྔ་དང ། དྲུག་པ་ནི་བཅོམ་ལྡན་འདས་སོ། །དེ་ནས་བཅོམ་ལྡན་འདས་ཝཱ་ར་ཎཱ་སིའི་འབབ་ཆུ་གནོད་པ་ཅན་གྱི་འགྲམ་ན་བཞུགས་སོ། །དེའི་ཚེ་ཝཱ་ར་ཎཱ་སི་ན་རིགས་ཀྱི་གཙོ་བོ་ཞེས་བྱ་བའི་བུ་གྲགས་པ་ཞེས་བྱ་བ་ཞིག་གནས་ཏེ། དེ་ཉི་མ་རེ་རེ་ཞིང་བུད་མེད་ཀྱིས་བྱས་པའི་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པས་ལུས་སྙོམ། ལུས་དུབ། ལུས་རྒུད་པས་མྱུར་དུ་གཉིད་ཀྱིས་ལོག་པར་གྱུར་ཏོ། །བུད་མེད་དེ་རྣམས་ཀྱང་ལུས་སྙོམ། ལུས་དུབ། ལུས་རྒུད་པས་མྱུར་དུ་གཉིད་ལོག་པར་གྱུར་ཏོ། །རིགས་ཀྱི་གཙོ་བོའི་བུ་གྲགས་པ་མཚན་མོ་གཉིད་སད་པ་ན། བུད་མེད་དེ་དག་ཐམས་ཅད་རྡོལ་ཞིང་སྒྲེན་མོར་བྱུང་ལ་སྐྲ་ཞིག་།ལག་པ་བརྐྱང་སྟེ། བྱུང་རྒྱལ་དུ་བླ་བ་མཐོང་ངོ ། །མཐོང་ནས་ཀྱང་དེ་རང་གི་ཆུང་མ་ལ་དུར་ཁྲོད་ཀྱི་འདུ་ཤེས་སྐྱེས་པར་གྱུར་ཏོ། །དེ་ནས་རིགས་ཀྱི་གཙོ་བོའི་བུ་གྲགས་པ་མལ་ཆེན་པོ་ལས་བབས་ཏེ། རིན་པོ་ཆེའི་ལྷམ་བརྒྱ་སྟོང་རི་བ་ཟུང་གཅིག་གོན་ནས་ཉལ་ཁང་གི་སྒོ་གང་ན་བ་དེར་སོང་སྟེ་ཕྱིན་
Nga66b
ནས་གྲོགས་པོ་བདག་ནི་གཙེས་སོ། །གྲོགས་པོ་བདག་ནི་ཉམས་སོ་ཞེས་སྐད་ངན་ཕྱུང་བ་དང ། དེའི་སྒོ་མི་མ་ཡིན་པ་རྣམས་ཀྱིས་ཕྱེ་ནས་སྐད་ཀྱང་མི་གྲག་པར་བྱས་སོ། །དེ་ནས་རིགས་ཀྱི་གཙོ་བོའི་བུ་གྲགས་པ་ཁྱིམ་གྱི་སྒོ་གང་ན་བ་དེར་སོང་སྟེ་ཕྱིན་ནས། གྲོགས་པོ་བདག་ནི་གཙེས་སོ། །གྲོགས་པོ་བདག་ནི་ཉམས་སོ་ཞེས་སྐད་ངན་ཕྱུང་བ་དང ། དེའི་སྒོ་མི་མ་ཡིན་རྣམས་ཀྱིས་ཕྱེ་ནས་སྐད་ཀྱང་མི་གྲག་པར་བྱས་སོ། །དེ་ནས་རིགས་ཀྱི་གཙོ་བོའི་བུ་གྲགས་པ་གྲོང་ཁྱེར་གྱི་སྒོ་གང་ན་བ་དེར་སོང་སྟེ་ཕྱིན་ནས། གྲོགས་པོ་བདག་ནི་གཙེས་སོ། །གྲོགས་པོ་བདག་ནི་ཉམས་སོ་ཞེས་སྐད་ངན་ཕྱུང་བ་དང ། དེའི་སྒོ་མི་མ་ཡིན་རྣམས་ཀྱིས་ཕྱེ་བས་སྐད་ཀྱང་མི་གྲག་པར་བྱས་སོ། །དེ་ནས་རིགས་ཀྱི་གཙོ་བོའི་བུ་གྲགས་པ་འབབ་ཆུ་གནོད་པ་ཅན་གང་ན་བ་དེར་སོང་བ་དང ། དེའི་ཚེ་བཅོམ་ལྡན་འདས་འབབ་ཆུ་གནོད་པ་ཅན་གྱི་འགྲམ་ན། གཙུག་ལག་ཁང་གི་ཕྱི་རོལ་བླ་གབ་མེད་པ་ན། རིགས་ཀྱི་གཙོ་བོའི་བུ་གྲགས་པ་འོང་བ་ལ་ཡང་དང་ཡང་དུ་བཞེས་ཤིང་འཆག་པས་འཆག་གོ་།རིགས་ཀྱི་གཙོ་བོའི་བུ་གྲགས་པས་བཅོམ་ལྡན་འདས་འབབ་ཆུ་གནོད་པ་ཅན་གྱི་འགྲམ་ན་འཆག་པ་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་དགེ་སྦྱོང་བདག་ནི་གཙེས་སོ། །དགེ་སྦྱོང་བདག་ནི་ཉམས་སོ་ཞེས་སྐད་ངན་ཕྱུང་ངོ ། །དེ་ནས་བཅོམ་ལྡན་འདས་ཀྱིས་རིགས་ཀྱི་གཙོ་བོའི་བུ་གྲགས་པ་ལ་འདི་སྐད་ཅེས་བཀའ་སྩལ་ཏོ། །གཞོན་ནུ་ཚུར་
Nga67a
༄#། །ཤོག་།གནས་འདི་ནི་ཁྱོད་ལ་འཚེ་བ་མེད་པ་ཡིན། འདི་ནི་ཉམས་པ་མེད་པ་ཡིན་ནོ། །དེ་ནས་རིགས་ཀྱི་གཙོ་བོའི་བུ་གྲགས་པ་རིན་པོ་ཆེའི་ལྷམ་བརྒྱ་སྟོང་རི་བ་ཟུང་གཅིག་པོ་འབབ་ཆུ་གནོད་པ་ཅན་གྱི་འགྲམ་དུ་ཕུད་ནས། འབབ་ཆུ་གནོད་པ་ཅན་རྒལ་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་རིགས་ཀྱི་གཙོ་བོའི་བུ་གྲགས་པ་ཁྲིད་དེ། ཉིད་ཀྱི་གཙུག་ལག་ཁང་གང་ན་བ་དེ་ལོགས་སུ་གཤེགས་ནས་བྱོན་པ་དང ། གདན་གཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་རིགས་ཀྱི་གཙོ་བོའི་བུ་གྲགས་པ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཐོག་མའི་དུས་སུ་ཆོས་ཀྱི་གཏམ་གླེང་བ་གང་ཡིན་པ་དེ་ནི་འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་ལ་མནོག་ཆུང་ཞིང་ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པ་རྗེས་སུ་བསྔགས་པ་དང ། རྣམ་པར་བྱང་བའི་ཕྱོགས་ཀྱི་ཆོས་རྣམས་རྒྱ་ཆེར་བཤད་དོ། །གང་གི་ཚེ་དེ་བཅོམ་
Nga67b
ལྡན་འདས་ཀྱིས་དགའ་བའི་སེམས་དང ། དགེ་བའི་སེམས་དང ། མགུ་བའི་སེམས་དང ། སྒྲིབ་པ་དང་བྲལ་པའི་སེམས་དང ། སྐལ་བ་དང་ལྡན་པ་དང ། ཡང་དག་ཕུལ་གྱི་ཆོས་བཤད་ན། ཤེས་པར་ནུས་པར་གཟིགས་པ་དེའི་ཚེ་སངས་རྒྱས་བཅོམ་ལྡན་འདས་ཀྱིས་ཡང་དག་ཕུལ་གྱི་ཆོས་བཤད་པ་གང་ཡིན་པ་འདི་ལྟ་སྟེ། འཕགས་པའི་བདེན་པ་བཞི་པོ་སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་དེ་རྒྱ་ཆེར་བཤད་དོ། །དཔེར་ན་གོས་གཙང་མ་ནག་ནོག་མེད་པ་ཚོན་རྩི་འོས་པའི་ནང་དུ་བཅུག་ན། ཚོན་རྩི་ལེགས་པར་འཇེན་དུ་བཏུབ་པ་དེ་བཞིན་དུ་རིགས་ཀྱི་གཙོ་བོའི་བུ་གྲགས་པ་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་རྟོགས་སོ། །དེ་ནས་རིགས་ཀྱི་གཙོ་བོའི་བུ་གྲགས་པ་ཆོས་མཐོང་བ་དང ། ཆོས་ཐོས་པ་དང ། ཆོས་རིག་པ་དང ། ཆོས་ཀྱི་གཏིང་སླེབས་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱིས་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས། སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་འཕགས་སོ། །མངོན་པར་འཕགས་སོ། །བདག་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་
Nga68a
༄#། །ཀྱིས། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྔོས་ཏེ། སྐྱབས་སུ་མཆི་བར་མངོན་པར་དད་ལགས་སོ།། །།འདུལ་བ་གཞི། བམ་པོ་གྱ་བདུན་པ། བྲན་མོ་ཞིག་དེ་ཉིད་ཀྱི་མཚན་མོ་གཉིད་ལོག་པ་ལས་སད་ན། གཞོན་ནུ་གྲགས་པ་མལ་ཆེན་པོ་ན་མི་སྣང་བར་མཐོང་ངོ ། ། མཐོང་ནས་ཀྱང་ཁྱིམ་བདག་གི་གཙོ་བོ་གང་ན་བ་དེར་སོང་སྟེ་ཕྱིན་ནས། ཁྱིམ་བདག་རིགས་ཀྱི་གཙོ་བོ་ལ་འདི་སྐད་ཅེས་སྨྲས་སོ། །ཇོ་བོ་མཁྱེན་པར་མཛོད་ཅིག་།གཞོན་ནུ་གྲགས་པ་ནི་རང་གི་མལ་ཆེན་པོ་ན་མི་གདའ་ལགས་སོ། །དེ་ནས་ཁྱིམ་བདག་རིགས་ཀྱི་གཙོ་བོ་འདི་སྙམ་དུ་སེམས་ཏེ། གཞོན་ནུ་ནོར་གྱི་ཕྱིར་ཆོམ་རྐུན་ནམ། གཡོན་ཅན་རྣམས་ཀྱིས་ཕྱི་རོལ་ཏུ་ཁྲིད་པར་མ་གྱུར་གྲང་སྙམ་དུ་སེམས་ཤིང་ཕྱོགས་བཞིར་ཕོ་ཉ་རྟ་པ་དག་བཀྱེ་ནས། རང་ཉིད་མི་ལག་ན་སྒྲོན་མ་ཐོགས་པ་རྣམས་དང་ལྷན་ཅིག་ཏུ་འབབ་ཆུ་གནོད་པ་ཅན་གང་ན་བ་དེ་ལོགས་སུ་སོང་བ་དང ། ཁྱིམ་བདག་རིགས་ཀྱི་གཙོ་བོས་འབབ་ཆུ་གནོད་པ་ཅན་གྱི་འགྲམ་ན་རིན་པོ་ཆེའི་ལྷམ་བརྒྱ་སྟོང་རི་བ་ཟུང་གཅིག་ཕུད་པ་མཐོང་ངོ ། །མཐོང་ནས་ཀྱང་དེ་འདི་སྙམ་དུ་སེམས་ཏེ། གཞོན་ནུ་ནི་ནོར་གྱི་ཕྱིར་ཆོམ་རྐུན་ནམ་གཡོན་ཅན་རྣམས་ཀྱིས་ཕྱི་རོལ་ཏུ་མ་ཁྲིད་ཀྱི། འདི་ལྟར་འབབ་ཆུ་གནོད་པ་ཅན་གྱི་འགྲམ་ན་རིན་པོ་ཆེའི་ལྷམ་བརྒྱ་སྟོང་རི་བ་ཟུང་གཅིག་ཕུད་པ་ལས་ན། གཞོན་ནུ་འབབ་ཆུ་གནོད་པ་ཅན་
Nga68b
གྱི་ངོགས་འདི་ཉིད་ནས་རྒལ་བར་མ་གྱུར་གྲང ། འདི་ལྟར་འབབ་ཆུ་གནོད་པ་ཅན་གྱི་འགྲམ་ན་རིན་པོ་ཆེའི་ལྷམ་བརྒྱ་སྟོང་རི་བ་ཟུང་གཅིག་བོར་རོ་སྙམ་དུ་བསམས་ནས་འབབ་ཆུ་གནོད་པ་ཅན་གྱི་ངོགས་དེ་ཉིད་ནས་རྒལ་ཏེ། བཅོམ་ལྡན་འདས་གང་ན་བ་དེར་སོང་ངོ ། །བཅོམ་ལྡན་འདས་ཀྱིས་ཁྱིམ་བདག་རིགས་ཀྱི་གཙོ་བོ་རྒྱང་རིང་པོ་ནས་གཟིགས་སོ། །གཟིགས་ནས་ཀྱང་འདི་སྙམ་དུ་དགོངས་ཏེ། ཅི་ནས་ཀྱང་ངས་རྫུ་འཕྲུལ་མངོན་པར་འདུ་བྱ་བ་ཇི་ལྟ་བུ་མངོན་པར་འདུ་བྱ་བས། ཁྱིམ་བདག་རིགས་ཀྱི་གཙོ་བོས་གཞོན་ནུ་གྲགས་པ་སྟན་འདི་ཉིད་ལ་འདུག་བཞིན་དུ་མི་མཐོང་བ་དེ་ལྟ་བུ་ཞིག་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་བྱ་བ་ཇི་ལྟ་བུ་མངོན་པར་འདུ་མཛད་པས། ཁྱིམ་བདག་རིགས་ཀྱི་གཙོ་བོས་གཞོན་ནུ་གྲགས་པ་སྟན་འདི་ཉིད་ལ་འདུག་བཞིན་དུ་མི་མཐོང་བ་དེ་ལྟ་བུ་མཛད་དོ། །དེ་ནས་ཁྱིམ་བདག་རིགས་ཀྱི་གཙོ་བོ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིག་གཞོན་ནུ་གྲགས་པ་གཟིགས་སམ། ཁྱིམ་བདག་དེའི་ཕྱིར་འདུག་ཅིག་དང ། སྟན་འདི་ཁོ་ན་ལ་གཟོན་ནུ་གྲགས་པ་འདུག་པ་མཐོང་བར་འགྱུར་བའི་གནས་གང་ཡིན་པ་དེ་ཡོད་དོ། །དེ་ནས་ཁྱིམ་བདག་རིགས་ཀྱི་གཙོ་བོ་འདི་སྙམ་དུ་སེམས་ཏེ། གདོན་མི་ཟ་བར་བཅོམ་ལྡན་འདས་ཀྱིས་གཞོན་ནུ་གྲགས་པ་གཟིགས་པར་གྱུར་ཏོ། །འདི་ལྟར་བཅོམ་ལྡན་འདས་འདི་སྐད་ཅེས། ཁྱིམ་བདག་དེའི་ཕྱིར་འདུག་
Nga69a
༄#། །ཅིག་དང ། སྟན་འདི་ཁོ་ན་ལ་གཞོན་ནུ་གྲགས་པ་འདུག་པ་མཐོང་བར་འགྱུར་བའི་གནས་གང་ཡིན་པ་དེ་ཡོད་དོ་ཞེས་བཀའ་སྩལ་ཏོ་སྙམ་དུ་རིག་ནས་དགའ་བ་དང ། མགུ་བ་དང ། མཆོག་ཏུ་དགའ་བ་དང ། དགའ་བ་རྒྱ་ཆེན་པོ་དང ། ཡིད་བདེ་བ་སྐྱེས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་པ་དང ། ཁྱིམ་བདག་རིགས་ཀྱི་གཙོ་བོ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཐོག་མའི་དུས་སུ་ཆོས་ཀྱི་གཏམ་གླེང་པ་གང་ཡིན་པ་འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་ལ་མནོག་ཆུང་ཞིང་ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་རྗེས་སུ་བསྔགས་པ་དང ། རྣམ་པར་བྱང་བའི་ཕྱོགས་ཀྱི་ཆོས་རྒྱ་ཆེར་བཤད་དོ། །གང་གི་ཚེ་དེ་བཅོམ་ལྡན་འདས་ཀྱིས་དགའ་བའི་སེམས་དང ། དགེ་བའི་སེམས་དང ། མགུ་བའི་སེམས་དང ། སྒྲིབ་པ་དང་བྲལ་བའི་སེམས་དང ། སྐལ་བ་དང་ལྡན་པ་དང ། ཡང་དག་ཕུལ་གྱི་ཆོས་བཤད་ན་ཤེས་པར་ནུས་པར་གཟིགས་པ་དེའི་ཚེ། སངས་རྒྱས་བཅོམ་ལྡན་འདས་རྣམས་ཀྱི་
Nga69b
ཡང་དག་ཕུལ་གྱི་ཆོས་བཤད་པ་གང་ཡིན་པ་འདི་ལྟ་སྟེ། འཕགས་པའི་བདེན་པ་བཞི་པོ་སྡུག་བསྔལ་པ་དང ། ཀུན་འབྱུང་བ་དང ། འགོག་པ་དང ། ལམ་རྒྱ་ཆེར་བཤད་དོ། །དཔེར་ན་གོས་གཙང་མ་ནག་ནོག་མེད་པ་ཚོན་རྩི་འོས་པའི་ནང་དུ་བཅུག་ན་ཚོན་རྩི་ལེགས་པར་འཇེན་དུ་བཏུབ་པ་དེ་བཞིན་དུ་ཁྱིམ་བདག་རིགས་ཀྱི་གཙོ་བོ་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་རྟོགས་ཏེ། ཆོས་ཀྱི་རྣམ་གྲངས་དེ་བཤད་པ་ན་ཁྱིམ་བདག་རིགས་ཀྱི་གཙོ་བོ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བར་སྐྱེས་སོ། །ཚེ་དང་ལྡན་པ་གྲགས་པ་ཡང་རྒྱན་ཐམས་ཅད་ཀྱིས་བརྒྱན་བཞིན་དུ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་མཛད་པ་དེ་སླར་བསྡུས་ནས་དེའི་ཚེ་ཚིགས་སུ་བཅད་པས་བཀའ་སྩལ་པ། རྒྱན་གྱིས་བརྒྱན་བཞིན་དུ་ནི་ཆོས་སྤྱད་དེ། །དུལ་ཞིང་ཡང་དག་སྡོམ་པ་ཚངས་སྤྱོད་ལ། །འབྱུང་པོ་ཀུན་ལ་ཆད་པ་སྤང་བ་ནི། །དེ་ནི་བྲམ་ཟེ་དགེ་སྦྱོང་དགེ་སློང་ཡིན། །དེའི་ཚེ་འཇིག་རྟེན་ན་དགྲ་བཅོམ་པ་དྲུག་དང ། བདུན་པ་ནི་བཅོམ་ལྡན་འདས་སོ། །ཁྱིམ་བདག་རིགས་ཀྱི་གཙོ་བོས་གཞོན་ནུ་གྲགས་པ་སྟན་དེ་ཉིད་ལ་འདུག་པ་མཐོང་ངོ ། །མཐོང་ནས་ཀྱང་གཞོན་ནུ་གྲགས་པ་ལ་འདི་སྐད་ཅེས་སྨྲས་སོ། །གཞོན་ནུ་ཚུར་ཤོག་།ཁྱོད་ཀྱི་མ་ལུས་ངལ་ཞིང་ལུས་དུབ་
Nga70a
༄#། །པས་སྨྲེ་སྔགས་འདོན་གྱིས་ཁྱིམ་དུ་འདོང ། དེ་ནས་བཅོམ་ལྡན་འདས་ཀྱིས། ཁྱིམ་བདག་རིགས་ཀྱི་གཙོ་བོ་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག་ཇི་སྙམ་དུ་སེམས། གང་གིས་མི་སློབ་པའི་ཤེས་པ་དང ། མི་སློབ་པའི་ལྟ་བས་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་མངོན་པར་རྟོགས་པ་དེ་ཅིག་ཁྱིམ་པ་ཁྱིམ་ན་གནས་པའམ། གསོག་འཇོག་གི་ལོངས་སྤྱོད་ཀྱིས་འདོད་པ་ལ་སྤྱོད་པར་འགྱུར་རམ། བཙུན་པ་མ་ལགས་སོ། །ཁྱིམ་བདག་ཇི་ལྟར་ཁྱོད་ཀྱིས་སློབ་པའི་ཤེས་པ་དང ། སློབ་པའི་ལྟ་བས་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་མངོན་པར་རྟོགས་པ་དེ་བཞིན་དུ་གཞོན་ནུ་གྲགས་པས་མི་སློབ་པའི་ཤེས་པ་དང ། མི་སློབ་པའི་ལྟ་བས་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་མངོན་པར་རྟོགས་སོ། །བཙུན་པ་གཞོན་ནུ་གྲགས་པས་གང་གིས་ན། མི་སློབ་པའི་ཤེས་པ་དང ། མི་སློབ་པའི་ལྟ་བས་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་མངོན་པར་རྟོགས་པ་ནི་རྙེད་པ་ལེགས་པར་རྙེད་ལགས་སོ། །བཅོམ་ལྡན་འདས་སླད་བཞིན་འབྲང་བའི་དགེ་སྦྱོང་གྲགས་པ་དང ། ཐུགས་
Nga70b
བརྩེ་བ་ཉེ་བར་བཟུང་སྟེ། རིགས་ཀྱི་གཙོ་བོའི་ཁྱིམ་གང་ན་བ་དེར་གཤེགས་ན་ལེགས་སོ། །བཅོམ་ལྡན་འདས་ཀྱིས་ཁྱིམ་བདག་རིགས་ཀྱི་གཙོ་བོ་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་རིགས་ཀྱི་གཙོ་བོས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་དེ་ཉིད་ཀྱི་མཚན་མོ་འདས་ནས། སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ། ཕྱི་བཞིན་འབྲང་བའི་དགེ་སྦྱོང་ཚེ་དང་ལྡན་པ་གྲགས་པ་དང ། ཁྱིམ་བདག་རིགས་ཀྱི་གཙོ་བོའི་ཁྱིམ་ག་ན་བ་དེར་གཤེགས་སོ། །དེའི་ཚེ་ཚེ་དང་ལྡན་པ་གྲགས་པའི་མ་དང ། ཆུང་མ་གཉིས་བཅོམ་ལྡན་འདས་ལ་ཡང་དང་ཡང་དུ་བསུ་བའི་ཕྱིར་བར་སྒོ་ན་སྡོད་དོ། །ཚེ་དང་ལྡན་པ་གྲགས་པའི་མ་དང ། ཆུང་མ་གཉིས་ཀྱིས་བཅོམ་ལྡན་འདས་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་བཅོམ་ལྡན་འདས་ཀྱི་ཕྱིར་གདན་བཤམས་ནས་འདི་སྐད་ཅེས་ཀྱང་གསོལ་ཏོ། །བཅོམ་ལྡན་འདས་ཚུར་སྤྱོན། བཅོམ་ལྡན་འདས་བྱོན་པ་ལེགས་སོ། །བཅོམ་ལྡན་འདས་གདན་བཤམས་པ་ཉིད་ལ་བཞུགས་སུ་གསོལ་ཞེས་གསོལ་ནས། བཅོམ་ལྡན་འདས་གདན་བཤམས་པ་ཉིད་ལ་བཞུགས་སོ། །དེ་ནས་ཚེ་དང་ལྡན་པ་གྲགས་པའི་མ་དང་ཆུང་མ་གཉིས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། བཅོམ་ལྡན་འདས་ཀྱིས་ཚེ་དང་ལྡན་
Nga71a
༄#། །པ་གྲགས་པའི་མ་དང་ཆུང་མ་གཉིས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཐོག་མའི་དུས་སུ་ཆོས་ཀྱི་གཏམ་གླེང་བ་གང་ཡིན་པ་དེ་འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་མནོག་ཆུང་ཞིང་ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་རྗེས་སུ་བསྔགས་པ་དང ། རྣམ་པར་བྱང་བའི་ཕྱོགས་ཀྱི་ཆོས་རྣམས་རྒྱ་ཆེར་བཤད་དོ། །གང་གི་ཚེ་དེ་གཉིས་བཅོམ་ལྡན་འདས་ཀྱིས་དགའ་བའི་སེམས་དང ། དགེ་བའི་སེམས་དང ། མགུ་བའི་སེམས་དང ། སྒྲིབ་པ་དང་བྲལ་བའི་སེམས་དང ། སྐལ་བ་དང་ལྡན་པ་དང ། ཡང་དག་ཕུལ་གྱི་ཆོས་བཤད་ན། ཤེས་པར་ནུས་པ་གཟིགས་པ་དེའི་ཚེ། སངས་རྒྱས་བཅོམ་ལྡན་འདས་རྣམས་ཀྱི་ཡང་དག་ཕུལ་གྱི་ཆོས་བཤད་པ་གང་ཡིན་པ་འདི་ལྟ་སྟེ། འཕགས་པའི་བདེན་པ་བཞི་པོ་སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་དེ་རྒྱ་ཆེར་བཤད་དོ། །དཔེར་ན་གོས་གཙང་མ་ནག་ནོག་མེད་པ་ཚོན་རྩི་འོས་པའི་ནང་དུ་བཅུག་ན་ཚོན་རྩི་ལེགས་པར་འཇེན་དུ་བཏུབ་པ་དེ་བཞིན་དུ། ཚེ་དང་ལྡན་པ་གྲགས་པའི་མ་དང ། ཆུང་མ་གཉིས་ཀྱིས་སྟན་དེ་ཉིད་ལ་འཁོད་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་
Nga71b
མངོན་པར་རྟོགས་སོ། །དེ་ནས་ཚེ་དང་ལྡན་པ་གྲགས་པའི་མ་དང་ཆུང་མ་གཉིས་ཀྱིས་ཆོས་མཐོང་བ་དང ། ཆོས་ཐོབ་པ་དང ། ཆོས་རིག་པ་དང ། ཆོས་ཀྱི་གཏིང་སླེབས་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཅག་ནི་འཕགས་སོ། །བདག་ཅག་ནི་མངོན་པར་འཕགས་ལགས་ཏེ། བདག་ཅག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །བཙུན་པ་དེའི་སླད་དུ་འདིར་ཞལ་ཟས་ཀྱི་མཛད་པ་མཛད་དུ་གསོལ། བཅོམ་ལྡན་འདས་ཀྱིས་ཚེ་དང་ལྡན་པ་གྲགས་པའི་མ་དང ། ཆུང་མ་གཉིས་ལ་ཅང་མི་གསུང་བས་གནང་ངོ ། །དེ་ནས་ཚེ་དང་ལྡན་པ་གྲགས་པའི་མ་དང ། ཆུང་མ་གཉིས་ཀྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་གདན་ལ་བདེ་བར་བཞུགས་པ་དང ། གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དོ། །རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་ནས། བཅོམ་ལྡན་འདས་ཀྱིས་གསོལ་ཟིན་ཅིང་ཕྱག་བཅབས་ཏེ་ལྷུང་བཟེད་གྱུ་བར་
Nga72a
༄#། །རིག་ནས་སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འཁོད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་གྲགས་པའི་མ་དང་ཆུང་མ་གཉིས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གདན་ལས་བཞེངས་ནས་གཤེགས་སོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་གྲགས་པས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་མཆིས་བྲང་གི་འཁོར་ན་མཆིས་ན། རང་གི་མཆིས་བྲང་ལ་དུར་ཁྲོད་ཀྱི་འདུ་ཤེས་སྐྱེས་ཤིང ། རྒྱན་ཐམས་ཅད་ཀྱིས་བརྒྱན་བཞིན་དུ་བཅོམ་ལྡན་འདས་ཀྱིས་སྤྱན་སྔར་དགྲ་བཅོམ་པ་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གྲགས་པ་འདི་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ་འོད་པ་བཞིན་དུ་ཉེ་བར་གནས་པས་གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་ཏེ།་འདི་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་
Nga72b
རྣམ་པར་སྨིན་པར་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང་སྐྱེ་མཆེད་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་ཝའ་ར་ཎཱ་སིའི་གྲོང་ཁྱེར་དང་ཧ་ཅང་ཡང་མི་རིང་བ་ཞིག་ན་དྲང་སྲོང་བྱམས་པའི་བདག་ཉིད་སྙིང་རྗེ་ཅན་སེམས་ཅན་ཐམས་ཅད་ལ་ཕན་པར་སེམས་པ་ཞིག་གནས་པ་དེ་བསོད་སྙོམས་ལ་ཞུགས་པ་ན་མི་རོ་ཞིག་མཐོང་ནས། དེ་དེ་ལ་ཞེན་པའི་སེམས་ཀྱིས་བསོད་སྙོམས་ལ་ཞུགས་ཏེ་བསོད་སྙོམས་སྤྱད་ནས་སླར་ལོག་པ་དང ། ཇི་ཙམ་ན་མི་རོ་དེ་རྣམ་པར་སྔོས་ཤིང་རྣམ་པར་བམ་པར་འགྱུར་བ་བལྟས་པ་དང ། དེ་ཉིད་ཀྱི་མདུན་དུ་ཞིགས་ནས། དེས་དེ་ཉིད་དུ་འདོད་ཆགས་དང་བྲལ་བ་བསྐྱེད་དོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་གཞོན་ནུ་གྲགས་པ་འདི་ཉིད་ཡིན་ཏེ། འདིས་དེས་ན་འདོད་ཆགས་དང་བྲལ་བ་བསྐྱེད་དེ། དེས་ན་ད་ལྟར་ཆུང་མའི་ནང་ན་འདུག་པ་ན་རྐྱེན་རྙེད་པ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་དང ། །འདྲེན་མ་རྣམས་ཀྱི་ནི་འདྲེན་མ་ཡིན་པས། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང ། འདྲེན་མ་རྣམས་ནི་སྤངས་ལ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་
Nga73a
༄#། །ཅེས་བཀའ་སྩལ་པ་དང ། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཝཱ་ར་ཎཱ་སི་ན་ཁྱིམ་བདག་རིགས་ཀྱི་གཙོ་བོའི་བུ་གཉིས་པ་དང ། གསུམ་པ་དང ། བཞི་པ་དང ། ལྔ་པ་གང་པོ་དང ། དྲི་མེད་དང ། བ་ལང་བདག་དང ། ལག་བཟང་སྟེ། རིགས་ཀྱི་གཙོ་བོའི་བུ་དག་གིས་རིགས་ཀྱི་གཙོ་བོའི་བུ་གྲགས་པ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་ཞེས་ཐོས་སོ། །ཐོས་ནས་ཀྱང་དེ་དག་འདི་སྙམ་དུ་སེམས་ཏེ། ཀྱེ་མའོ་སངས་རྒྱས་ནི་མཆོག་མ་ཡིན་པ་མ་ཡིན་ཞིང ། ཆོས་བསྟན་པ་ཡང་མཆོག་མ་ཡིན་པ་མ་ཡིན་ཏེ། གང་གི་ཕྱིར་ད་ལྟར་རིགས་ཀྱི་གཙོ་བོའི་བུ་གྲགས་པ་རེ་ཞིག་ཤིན་ཏུ་གཞོན་པ། ཤིན་ཏུ་བདེ་བ་འདོད་པ་ཡང་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་གིས། མ་ལ་བདག་ཅག་གིས་ཀྱང་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་མོ། །དེ་ནས་རིགས་ཀྱི་གཙོ་བོའི་བུ་གཉིས་པ་དང ། གསུམ་པ་དང ། བཞི་པ་དང ། ལྔ་པ་གང་པོ་དང ། དྲི་མེད་དང ། བ་ལང་བདག་དང ། ལག་བཟང་སྟེ། རིགས་ཀྱི་གཙོ་བོའི་བུ་རྣམས་ཝཱ་ར་ཎཱ་སི་ནས་བྱུང་ནས་བཅོམ་ལྡན་འདས་གང་ན་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འཁོད་ནས། རིགས་ཀྱི་གཙོ་བོའི་བུ་གཉིས་པ་དང ། གསུམ་པ་དང ། བཞི་པ་དང ། ལྔ་པ་གང་པོ་དང ། དྲི་མེད་དང ། བ་ལང་
Nga73b
བདག་དང ། ལག་བཟང་སྟེ། རིགས་ཀྱི་གཙོ་བོའི་བུ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ལེགས་པར་གསུངས་པའི་ཆོས་འདུལ་བ་ལ་བདག་ཅག་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་གནང་ན། བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །ཚེ་དང་ལྡན་པ་དེ་དག་གིས་ལེགས་པར་གསུངས་པའི་ཆོས་འདུལ་བ་ལས་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་ཐོབ་སྟེ། དེ་ལྟར་རབ་ཏུ་བྱུང་ནས། ཚེ་དང་ལྡན་པ་དེ་དག་གཅིག་པུ་དབེན་པ་བག་ཡོད་པ་བརྟུན་པ་དང་ལྡན་པ་བདག་ཉིད་གཏོང་བར་གནས་སོ། །གཅིག་པུ་དབེན་པ་བག་ཡོད་པས་བརྟུན་པ་དང་ལྡན་པ་བདག་ཉིད་གཏོང་བར་གནས་པ་ན། གང་གི་ཕྱིར་རིགས་ཀྱི་བུ་དག་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པ་ཡང་དག་པར་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པ་སྤྱོད་པའི་མཐའ་བླ་ན་མེད་པ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་ཅག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང ། ཚེ་དང་ལྡན་པ་དེ་དག་སེམས་ཤིན་ཏུ་རྣམ་པར་གྲོལ་བ་ཀུན་ཤེས་པ་དང་ལྡན་པའི་དགྲ་བཅོམ་པར་གྱུར་ཏོ། །དེའི་ཚེ་འཇིག་རྟེན་ན་དགྲ་བཅོམ་པ་བཅུ་དང ། བཅུ་གཅིག་པ་ནི་བཅོམ་ལྡན་འདས་སོ། །ཝཱ་ར་ཎཱ་སིའི་གྲོང་མི་གཙོ་བོ་རྣམས་ཀྱི་ཁྱེའུ་ལྔ་བཅུས་རིགས་ཀྱི་གཙོ་བོའི་བུ་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། ལྔ་པ་སྟེ། གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང ། ལག་བཟང་སྟེ། རིགས་ཀྱི་གཙོ་བོའི་བུ་
Nga74a
༄#། །རྣམས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་ཞེས་ཐོས་སོ། །ཐོས་ནས་ཀྱང་དེ་དག་འདི་སྙམ་དུ་སེམས་ཏེ། ཀྱེ་མ་སངས་རྒྱས་ནི་མཆོག་མ་ཡིན་པ་མ་ཡིན་ཞིང ། ཆོས་བསྟན་པ་ཡང་མཆོག་མ་ཡིན་པ་མ་ཡིན་ཏེ། གང་གི་ཕྱིར་ད་ལྟར་རིགས་ཀྱི་གཙོ་བོའི་བུ་དང་པོ་དང ། གཉིས་པ་དང ། གསུམ་པ་དང ། བཞི་པ་དང ། ལྔ་པ་སྟེ། གྲགས་པ་དང ། གང་པོ་དང ། དྲི་མེད་དང ། བ་ལང་བདག་དང ། ལག་བཟང་སྟེ། རིགས་ཀྱི་གཙོ་བོའི་བུ་རྣམས་ནི་རེ་ཞིག་ཤིན་ཏུ་གཞོན་པ། ཤིན་ཏུ་བདེ་བ་འདོད་པ་ཡང་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་གིས། མ་ལ་བདག་ཅག་ཀྱང་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ་སྙམ་མོ། དེ་ནས་གྲོང་མི་གཙོ་བོ་གཙོ་བོ་རྣམས་ཀྱི་ཁྱེའུ་ལྔ་བཅུ་པོ་དག་ཝཱ་ར་ཎཱ་སི་ནས་བྱུང་ནས། བཅོམ་ལྡན་འདས་གང་ན་བ་དེར་སོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། གྲོང་མི་གཙོ་བོ་གཙོ་བོ་རྣམས་ཀྱི་ཁྱེའུ་ལྔ་བཅུ་པོ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་གནང་ན་བདག་ཅག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །ཚེ་དང་ལྡན་པ་དེ་དག་ལེགས་པར་གསུངས་པའི་ཆོས་འདུལ་བ་ལ་
Nga74b
རབ་ཏུ་བྱུང་བ་དང ། སྙེན་པར་རྫོགས་པ་དགེ་སློང་གི་དངོས་པོ་ཐོབ་སྟེ། དེ་ལྟར་རབ་ཏུ་བྱུང་ནས་ཚེ་དང་ལྡན་པ་དེ་དག་གཅིག་པུ་དབེན་པ་བག་ཡོད་པ་བརྟུན་པ་དང་ལྡན་པ་བདག་ཉིད་གཏོང་བར་གནས་སོ། །གཅིག་པུ་དབེན་པ་བག་ཡོད་པ་བརྟུན་པ་དང་ལྡན་པ་བདག་ཉིད་གཏོང་བར་གནས་པ་ན། གང་གི་ཕྱིར་རིགས་ཀྱི་བུ་དག་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པ་ཡང་དག་པར་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ། ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་ཅག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང ། ཚེ་དང་ལྡན་པ་དེ་དག་སེམས་ཤིན་ཏུ་རྣམ་པར་གྲོལ་བ་ཀུན་ཤེས་པ་དང་ལྡན་པའི་དགྲ་བཅོམ་པར་གྱུར་ཏོ། །དེའི་ཚེ་འཇིག་རྟེན་ན་དགྲ་བཅོམ་པ་དྲུག་ཅུ་དང ། དྲུག་ཅུ་གཅིག་པ་ནི་བཅོམ་ལྡན་འདས་སོ། །དེ་ནས་བཅོམ་ལྡན་འདས་ཝཱ་ར་ཎཱ་སིའི་དྲང་སྲོང་སྨྲ་བའི་རི་དྭགས་ཀྱི་ནགས་ན་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ང་ནི་ལྷ་དང་མིའི་འཆིང་བ་གང་ཡིན་པ་ཐམས་ཅད་ལས་གྲོལ་བ་ཡིན་ནོ། །དགེ་སློང་དག་ཁྱེད་ཀྱང་ལྷ་དང་མི་རྣམས་ཀྱི་འཆིང་བ་གང་ཡིན་པ་ཐམས་ཅད་ལས་གྲོལ་བ་ཡིན་གྱིས། དགེ་སློང་དག་སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་ལ་སྙིང་བརྩེ་བ་དང ། ལྷ་དང་མི་རྣམས་ལ་ཕན་པ་དང་བདེ་བའི་ཆེད་དུ་རྒྱུ་ཞིང་དེང་ལ་ཁྱེད་གཉིས་ཤིང་ནི་གཅིག་ཏུ་མ་འགྲོ་ཞིག་།ང་ཡང་ལྟེང་རྒྱས་ཀྱི་གྲོང་ཁྱེར་
Nga75a
༄#། །སྡེ་ཅན་གང་ན་བ་དེར་རྒྱུ་ཞིང་གཤེགས་སོ། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། དགེ་སྦྱོང་གོའུ་ཏ་མ་འདི་ཝཱ་ར་ཎཱ་སིའི་དྲང་སྲོང་སྨྲ་བའི་རི་དྭགས་ཀྱི་ནགས་ན་འདུག་ནས་དེ་ཉན་ཐོས་རྣམས་ལ་འདི་སྐད་དུ་ཆོས་སྟོན་ཏོ། །དགེ་སློང་དག་ང་ནི་ལྷ་དང་མིའི་འཆིང་བ་ཐམས་ཅད་ལས་གྲོལ་བ་ཡིན་ནོ། །དགེ་སློང་དག་ཁྱེད་ཀྱང་ལྷ་དང་མིའི་འཆིང་བ་གང་ཡིན་པ་ཐམས་ཅད་ལས་གྲོལ་བ་ཡིན་གྱིས། དགེ་སློང་དག་སྐྱེ་བོ་མང་པོ་ལ་ཕན་པ་དང ། ཞེས་བྱ་བ་ནས་རྒྱུ་ཞིང་དེང་ཤིག་ཅེས་བྱ་བའི་བར་དུ་སྟེ། ང་ཡང་ལྟེང་རྒྱས་ཀྱི་གྲོང་ཁྱེར་སྡེ་ཅན་གང་ན་བ་དེར་རྒྱུ་ཞིང་འགྲོའོ། །ཞེས་ཟེར་གྱིས། མ་ལ་བདག་གིས་དེ་ལ་འདི་ལྟ་སྟེ། དཀྲུག་པའི་ལས་ཤིག་བྱ་བའི་ཕྱིར་ཉེ་བར་འགྲོའོ་སྙམ་མོ། །དེ་ནས་བདུད་སྡིག་ཅན་བྲམ་ཟེའི་ཁྱེའུ་ཡི་ཁ་དོག་ཏུ་བདག་ཉིད་མངོན་པར་སྤྲུལ་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་སྤྱན་སྔར་འདུག་སྟེ། ཚིགས་སུ་བཅད་པས་གསོལ་པ། མ་གྲོལ་གྲོལ་བར་འདུ་ཤེས་ན། །ཇི་ལྟར་བདག་ཉིད་གྲོལ་བར་སེམས། །བདག་གིས་དགེ་སྦྱོང་མ་བཀྲོལ་བས། །འཆིང་བ་ཆེན་པོས་བཅིངས་པ་ཡིན། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཨེ་མའོ་འདི་ནི་བདུད་སྡིག་ཅན་ཡིན་ཏེ། འདི་ལྟ་སྟེ། དཀྲུག་པའི་ལས་ཀྱི་ཕྱིར་ཉེ་བར་འོངས་སོ་སྙམ་དུ་ཐུགས་སུ་ཆུད་ནས་ཚིགས་སུ་བཅད་དེ་བཀའ་སྩལ་པ། ང་ནི་ལྷ་དང་མི་རྣམས་ཀྱི། །འཆིང་བ་གང་ཡིན་ཀུན་ལས་གྲོལ། །བར་ཆད་བྱེད་པར་ཁྱོད་བཅོམ་པར། །སྡིག་ཅན་དེ་ལྟར་ཤེས་པར་གྱིས། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། དགེ་སྦྱོང་
Nga75b
གོའུ་ཏ་མའི་སེམས་ཀྱིས་བདག་གི་སེམས་ཤེས་སོ་སྙམ་དུ་རིག་ནས། སྡུག་བསྔལ་ཞིང་ཡིད་མི་བདེ་བ་ཡིད་ལ་བཅགས་ནས་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ལན་གཉིས་སུ་ཡང་དགེ་སློང་རྣམས་ལ་བཀའ་སྩལ་པ། དགེ་སློང་དག་ང་ནི་ལྷ་དང་མི་རྣམས་ཀྱི་འཆིང་བ་གང་ཡིན་པ་ཐམས་ཅད་ལས་གྲོལ་བ་ཡིན་ནོ། །དགེ་སློང་དག་ཁྱེད་ཀྱང་ལྷ་དང་མི་རྣམས་ཀྱི་འཆིང་བ་གང་ཡིན་པ་ཐམས་ཅད་ལས་གྲོལ་བ་ཡིན་གྱིས། དགེ་སློང་དག་སྐྱེ་བོ་མང་པོ་ལ་ཕན་པ་དང ། ཞེས་བྱ་བ་ནས་རྒྱུ་ཞིང་དེང་ཞིག་ཅེས་བྱ་བའི་བར་གོང་མ་བཞིན་དུའོ། །ང་ཡང་ལྟེང་རྒྱས་ཀྱི་གྲོང་ཁྱེར་སྡེ་ཅན་གང་ན་བ་དེར་གཤེགས་སོ། །བཙུན་པ་བཀའ་བཞིན་འཚལ་ཞེས་དགེ་སློང་རྣམས་ཀྱིས་བཅོམ་ལྡན་འདས་ལས་མཉན་ནས་ལྗོངས་རྒྱུ་ཞིང་དོང་ངོ ། །དེ་ནས་བཅོམ་ལྡན་འདས་ཀྱིས་ཝཱ་ར་ཎཱ་སིར་ཇི་ཙམ་བཞེད་ཀྱི་བར་དུ་བཞུགས་ནས། ལྟེང་རྒྱས་ཀྱི་གྲོང་ཁྱེར་སྡེ་ཅན་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང ། གྲོང་ཁྱེར་སྡེ་ཅན་དུ་བྱོན་ཏོ། །དེ་ནས་བཅོམ་ལྡན་འདས་རས་བལ་ཅན་གྱི་ནགས་ཚངས་ཚིང་གང་ན་བ་དེར་གཤེགས་ཏེ་བྱོན་ནས་ཤིང་ཞིག་གི་དྲུང་དུ་བརྟེན་ཏེ་ཉིན་བར་གྱི་གནས་པས་བཞུགས་སོ། །དེའི་ཚེ་དྲུག་ཅུ་སྡེ་བཟང་པོའི་ཚོགས་གྲོང་ཁྱེར་སྡེ་ཅན་གྱི་ཕྱི་རོལ་ཏུ་ཉི་མ་རེ་རེ་ཞིང་བུད་མེད་ཀྱིས་བྱས་པའི་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན། དེ་རྣམས་ལས་བུད་མེད་གཅིག་དམ་བཅས་པ་དྲལ་ཏེ་བྲོས་སོ། །དེ་ནས་དྲུག་ཅུ་སྡེ་བཟང་པོའི་ཚོགས་བུད་མེད་དེ་ཚོལ་ཞིང་རས་བལ་ཅན་གྱི་ནགས་ཚང་ཚིང་གང་ན་བ་དེར་སོང་བ་དང ། དྲུག་ཅུ་སྡེ་བཟང་པོའི་ཚོགས་ཀྱིས་བཅོམ་ལྡན་འདས་མཛེས་
Nga76a
༄#། །པར་དད་པ་འོས་པ། དབང་པོ་ཞི་བ། ཐུགས་ཞི་བ། ཐུགས་མཆོག་ཏུ་དུལ་བ། ཞི་བ་དང ། དུལ་བ་དང་ལྡན་པ། གསེར་གྱི་མཆོད་སྡོང་ལྟ་བུར་གྱུར་བ། དཔལ་གྱིས་འབར་ཞིང་ཤིང་ཞིག་གི་དྲུང་ན་བརྟེན་ཏེ་བཞུགས་པ་མཐོང་ངོ ། །མཐོང་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ལྷགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིག་བུད་མེད་ཅིག་གཟིགས་སམ། གཞོན་ནུ་དག་བུད་མེད་དེ་ཁྱེད་ཅག་གི་ཅིར་འོང ། བཙུན་པ་འདི་ནི་བདག་ཅག་དྲུག་ཅུ་སྡེ་བཟང་པོའི་ཚོགས་གྲོང་ཁྱེར་གྱི་སླད་རོལ་དུ་བུད་མེད་ཀྱིས་བགྱིས་པའི་རོལ་མོས་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་དེ། དེ་རྣམས་དང་བདག་ཅག་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་པ་ན། བུད་མེད་ཅིག་དམ་བཅས་པ་དྲལ་ཏེ་བྲོས་ནས་བདག་ཅག་ཚོལ་ལགས་སོ། །གཞོན་ནུ་དག་ཇི་སྙམ་དུ་སེམས། བུད་མེད་ཚོལ་བ་གང་ཡིན་པ་དང ། བདག་ཉིད་ཚོལ་བ་གང་ཡིན་པ་གང་འདམ། བཙུན་པ་བདག་ཅག་ལ་བུད་མེད་ཀྱིས་ཅི་བགྱི། བདག་ཅག་ནི་བདག་ཉིད་ཚོལ་བ་གང་ལགས་པ་དེ་འདམ་ལགས་སོ། །གཞོན་ནུ་དག་དེའི་ཕྱིར་འདུག་ཅིག་དང་ཁྱེད་ལ་ཆོས་བཤད་དོ། །དེ་ནས་དྲུག་ཅུ་སྡེ་བཟང་པོའི་ཚོགས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། ། ཕྱོགས་གཅིག་ཏུ་འཁོད་ནས། བཅོམ་ལྡན་འདས་ཀྱིས་དྲུག་ཅུ་སྡེ་བཟང་པོའི་ཚོགས་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད།
Nga76b
ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཐོག་མའི་དུས་སུ་ཆོས་ཀྱི་གཏམ་གླེང་བ་གང་ཡིན་པ་འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་ལ་མནོག་ཆུང་ཞིང ། ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་རྗེས་སུ་བསྔགས་པ་དང ། རྣམ་པར་བྱང་བའི་ཕྱོགས་ཀྱི་ཆོས་རྣམས་རྒྱ་ཆེར་བཤད་དོ། །གང་གི་ཚེ་དེ་དག་བཅོམ་ལྡན་འདས་ཀྱིས་དགའ་བའི་སེམས་དང ། དགེ་བའི་སེམས་དང ། མགུ་བའི་སེམས་དང ། སྒྲིབ་པ་དང་བྲལ་བའི་སེམས་དང ། སྐལ་བ་ལྡན་པ་དང ། ཡང་དག་ཕུལ་གྱི་ཆོས་བཤད་པ་ཤེས་པར་ནུས་པར་གཟིགས་པ་དེའི་ཚེ་སངས་རྒྱས་བཅོམ་ལྡན་འདས་རྣམས་ཀྱིས་ཡང་དག་ཕུལ་གྱི་ཆོས་བཤད་པ་གང་ཡིན་པ། འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་དེ་རྒྱ་ཆེར་བཤད་དོ། །དཔེར་ན་གོས་གཙང་མ་ནག་ནོག་མེད་པ་ཚོན་རྩི་འོས་པའི་ནང་དུ་བཅུག་ན་ཚོན་རྩི་ལེགས་པར་འཇེན་དུ་བཏུབ་པ་དེ་བཞིན་དུ་དྲུག་ཅུ་སྡེ་བཟང་པོའི་ཚོགས་ཀྱིས་སྟན་དེ་ཉིད་ལ་འདུག་བཞིན་དུ། འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་མངོན་པར་རྟོགས་སོ། ། དེ་ནས་དྲུག་ཅུ་སྡེ་བཟང་པོའི་ཚོགས་ཀྱིས་ཆོས་མཐོང་བ་དང ། ཆོས་ཐོས་པ་དང ། ཆོས་རིག་པ་དང ། ཆོས་ཀྱི་གཏིང་སླེབ་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱི་དྲིང་མི་
Nga77a
༄#། །འཇོག་པ་དང ། གཞན་གྱིས་མི་བཀྲི་བ་དང ། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས། སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཅག་འཕགས་ལགས་སོ། །མངོན་པར་འཕགས་སོ།། བདག་ཅག་བཅོམ་ལྡན་འདས་དང ། ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བདག་ཅག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ། སྐྱབས་སུ་མཆི་བར་མངོན་པར་དད་ལགས་སོ། །དེ་ནས་དྲུག་ཅུ་སྡེ་བཟང་པོའི་ཚོགས་བཅོམ་ལྡན་འདས་ཀྱིས་བཀའ་སྩལ་པ་ལ་མངོན་པར་དགའ་སྟེ་རྗེས་སུ་ཡི་རངས་ནས། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེའི་ཚེ་སེར་སྐྱའི་གཞི་ན་བྲམ་ཟེ་ལྷ་ཞེས་བྱ་བ་ཕྱུག་པ་ནོར་མང་བ་ལོངས་སྤྱོད་ཆེ་བ། བཅོམ་ལྡན་འདས་ཀྱི་སྔོན་གྱི་ཐུགས་རེག་པོར་གྱུར་པ་ཞིག་གནས་པ་དེ་དུས་གཞན་ཞིག་ན་གཉེན་ཟད་ནོར་ཟད་འབྱོར་པ་ཟད་པར་གྱུར་ཏོ། །གང་གི་ཚེ་བཅོམ་ལྡན་འདས་ཀྱི་བདུད་ཀྱི་འཁོར་འབྱུང་པོ་བྱེ་བ་ཕྲག་སུམ་ཅུ་རྩ་དྲུག་བཅོམ་ནས་བླ་ན་མེད་པའི་ཡེ་ཤེས་བརྙེས་པ་དེའི་ཚེ། བྲམ་ཟེ་ལྷ་ཆུང་མ་དང་ལྷན་ཅིག་གྲོང་ཁྱེར་སྡེ་ཅན་དུ་འོངས་སོ། །བྲམ་ཟེ་ལྷས་བཅོམ་ལྡན་འདས་ཀྱིས་བླ་ན་མེད་པའི་
Nga77b
ཡེ་ཤེས་བརྙེས་སོ་ཞེས་ཐོས་ནས། དེས་ཆུང་མ་ལ་སྨྲས་པ། བཟང་མོ་བཅོམ་ལྡན་འདས་ཀྱིས་བླ་ན་མེད་པའི་ཡེ་ཤེས་བརྙེས་ཏེ། འཁོར་ལོ་སྒྱུར་བའི་རིགས་སུ་འཁྲུངས་པའི་བཅོམ་ལྡན་འདས་དེ་ནི་གྲོང་ཁྱེར་སྡེ་ཅན་དུ་བསོད་སྙོམས་ལ་གཤེགས་ན། བདག་ཅག་གིས་བཅོམ་ལྡན་འདས་དེ་ལ་བསོད་སྙོམས་དབུལ་དུ་གང་གི་ཕྱིར་བདག་གི་ཁྱིམ་ན་ཉི་མ་གཅིག་གི་ཁ་ཟས་ཀྱང་མེད་ཀྱི། ངས་ཁྱོད་གཏར་བཅུག་སྟེ། ཀར་ཤ་པ་ན་ལྔ་ཞིག་སྐྱིན་པར་བླངས་སོ། །དེས་སྨྲས་པ། རྗེའི་སྲས་དེ་བཞིན་དུ་མཛོད་ཅིག་།བྲམ་ཟེ་ལྷས་ཆུང་མ་བྲམ་ཟེ་ཞིག་ལ་གཏར་བཅུག་ནས་ཀར་ཤ་པ་ན་ལྔ་བཅོམ་ལྡན་འདས་བཤོས་གསོལ་བའི་ཕྱིར་སྐྱིན་པའི་ཚུལ་དུ་བླངས་སོ། །དེའི་ཆུང་མས་སྨྲས་པ། རྗེའི་སྲས་བདག་ནི་བྱང་ཆུབ་སེམས་དཔས་ལན་འགའ་ཡང་དྲི་མ་ཅན་དང ། གོས་ངན་པ་གྱོན་པ་མ་གཟིགས་སོ། །བྲམ་ཟེ་ལྷས་ཁྱིམ་བདག་ཅིག་ལས་རྒྱན་རྣམས་བརྙན་ནས་ཆུང་མ་ལ་བསྐོན་ནོ། །དེ་ནས་བྲམ་ཟེ་ལྷ་ཆུང་མ་དང་ལྷན་ཅིག་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཀྱིས་བྲམ་ཟེ་ལྷ་ལ་ཅང་མི་གསུང་བས་གནང་ངོ ། །དེ་ནས་བཅོམ་ལྡན་འདས་བྲམ་ཟེ་ལྷའི་བཀད་ས་གང་ན་བ་དེར་གཤེགས་ཏེ་བྱོན་ནས་གདན་བཤམས་པ་ཉིད་ལ་བཞུགས་སོ། །དེ་ནས་བྲམ་ཟེ་ལྷས་བཅོམ་ལྡན་འདས་བདེ་བར་བཞུགས་པ་རིག་ནས་ཆུང་མ་དང་ལྷན་ཅིག་ཏུ་གཙང་ཞིང་བསོད་
Nga78a
༄#། །པའི་བཟའ་བ་དང་བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དོ། །རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་བྲམ་ཟེ་ལྷ་ལ་ཡོན་བསྔོ་བ་མཛད་ནས་གཤེགས་སོ། །དེའི་ཆུང་མས་རྒྱན་རྣམས་བཀྲོལ་ཏེ་བཞག་པ་དེ་མ་བྱིན་པར་ལེན་པས་བརྐུས་སོ་ཞེས་བྲམ་ཟེ་ལས་ཐོས་ནས་སྡུག་བསྔལ་ཞིང་ཡིད་མི་བདེ་བར་གྱུར་ཏེ། འབྲོག་དཀོན་པ་ཞིག་ཏུ་སོང་ནས་ང་ལ་རྒྱན་སྦྱིན་དུ་ག་ལ་ཡོད། གཞན་བྱར་མེད་ཀྱིས་བདག་འཆིའོ་སྙམ་པ་དང ། ཇི་ཙམ་ན་མི་ཞིག་གིས་དོང་བསྐོས་ནས་སོང་ངོ ། །བྲམ་ཟེ་ལྷ་ངོ་མཚར་སྐྱེས་ནས་དེ་ན་ཅི་ཡོད་རེ་ཞིག་བལྟའོ་སྙམ་པ་ལས། ཇི་ཙམ་ན་རྒྱན་དེ་མཐོང་ནས་དེས་རྒྱན་དེ་བླངས་ཏེ་ཁྱིམ་དུ་འོངས་སོ། །ཇི་ཙམ་ན་ལྷའི་ཆུང་མ་ཡང་སྡུག་བསྔལ་ཞིང་ཡིད་མི་བདེ་བས་གདུངས་ནས་ཁྱིམ་ཕྱག་དར་བྱེད་པ་ན། འདི་ལྟར་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་ཇི་ཙམ་ན་གསེར་གྱི་བུམ་པ་འཚེར་བག་ཅན་ཞིག་མཐོང་ངོ ། །ལྷས་དེ་ལ་དྲིས་པ་བཟང་མོ་འོ་ནི་ཅི་ཡིན། དེས་སྨྲས་པ། རྗེའི་སྲས་བདག་གིས་གསེར་གྱི་བུམ་པ་ཞིག་མཐོང་ངོ ། །དེས་ཀྱང་སྨྲས་པ། བཟང་མོ་ཁོ་བོས་ཀྱང་རྒྱན་དེ་མཐོང་ངོ ། །དེ་གཉིས་ཀྱིས་ལྷག་པར་ཡང་བཅོམ་ལྡན་འདས་
Nga78b
ལ་དད་པ་བསྐྱེད་དོ། །དེ་ལྟར་མངོན་པར་དད་པ་དང ། བཅོམ་ལྡན་འདས་ཀྱིས་དེ་གཉིས་ཀྱིས་ཇི་ལྟར་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་པས་བྲམ་ཟེ་ལྷ་ཆུང་མ་དང་བཅས་ཏེ། འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེ་ནས་བཅོམ་ལྡན་འདས་དེའི་ནུབ་མོ་འདས་ནས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ། གྲོང་ཁྱེར་སྡེ་ཅན་དུ་བསོད་སྙོམས་ལ་ཞུགས་སོ། །དེ་ནས་བཅོམ་ལྡན་འདས་གྲོང་ཁྱེར་སྡེ་ཅན་དུ་བསོད་སྙོམས་ལ་ཞུགས་པ་ན། འདི་སྙམ་དུ་དགོངས་ཏེ། མ་ལ་ངས་གྲོང་ཁྱེར་སྡེ་ཅན་དེར་ཐོག་མར་སུ་ཞིག་ལ་ཆོས་བཤད་སྙམ་པ་ལས། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངས་གྲོང་པའི་བུ་མོ་དགའ་མོ་དང་དགའ་སྟོབས་མ་ལ་ཐོག་མར་ཆོས་བཤད་པར་བྱ་སྟེ། དེ་དག་གིས་ང་སྔོན་སྡུག་བསྔལ་སྤོང་བའི་རྣལ་འབྱོར་ལ་རྗེས་སུ་བརྩོན་པས་གནས་པ་ན། འདིས་མར་སར་དང་འོ་ཐུག་སྦྲང་རྩི་ལྟར་མངར་བས་བསྙེན་བཀུར་བྱས་སོ་སྙམ་མོ། །དེ་ནས་བཅོམ་ལྡན་འདས་གྲོང་པའི་བུ་མོ་དགའ་མོ་དང་དགའ་སྟོབས་མའི་ཁྱིམ་གང་ན་བ་དེར་གཤེགས་སོ། །གྲོང་པའི་བུ་མོ་དགའ་མོ་དང ། དགའ་སྟོབས་མས་བཅོམ་ལྡན་འདས་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་བཅོམ་ལྡན་འདས་ཀྱི་ཆེད་དུ་གདན་བཤམས་ནས་འདི་སྐད་ཅེས་ཀྱང་གསོལ་ཏོ། །བཅོམ་ལྡན་འདས་ཚུར་སྤྱོན། བཅོམ་ལྡན་འདས་བྱོན་པ་ལེགས་སོ། །བཅོམ་ལྡན་འདས་གདན་བཤམས་པ་འདི་ཉིད་ལ་
Nga79a
༄#། །བཞུགས་སུ་གསོལ་ཞེས་གསོལ་ནས། བཅོམ་ལྡན་འདས་གདན་བཤམས་པ་དེ་ཉིད་ལ་བཞུགས་སོ། །དེ་ནས་གྲོང་པའི་བུ་མོ་དགའ་མོ་དང་དགའ་སྟོབས་མས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱི་གྲོང་པའི་བུ་མོ་དགའ་མོ་དང ། དགའ་སྟོབས་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཐོག་མའི་དུས་སུ་ཆོས་ཀྱི་གཏམ་གླེང་བ་གང་ཡིན་པ་འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་ལ་མནོག་ཆུང་ཞིང་ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་རྗེས་སུ་བསྔགས་པ་དང ། རྣམ་པར་བྱང་བའི་ཕྱོགས་ཀྱི་ཆོས་རྒྱ་ཆེར་བཤད་དོ། །གང་གི་ཚེ་བཅོམ་ལྡན་འདས་ཀྱིས་དེ་དག་དགའ་བའི་སེམས་དང ། དགེ་བའི་སེམས་དང ། མགུ་པའི་སེམས་དང ། །སྒྲིབ་པ་དང་བྲལ་བའི་སེམས་དང ། སྐལ་པ་དང་ལྡན་པ་དང་ཡང་དག་ཕུལ་གྱི་ཆོས་བཤད་ན། ཤེས་པར་ནུས་པར་གཟིགས་པ་དེའི་ཚེ། སངས་རྒྱས་བཅོམ་ལྡན་འདས་རྣམས་ཀྱི་ཡང་དག་ཕུལ་གྱི་ཆོས་བཤད་པ་གང་ཡིན་པ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་དེ་རྒྱ་ཆེར་བཤད་དོ། །དཔེར་ན། གོས་གཙང་མ་ནག་ནོག་མེད་
Nga79b
པ་ཚོན་རྩི་འོས་པའི་ནང་དུ་བཅུག་ན། ཚོན་རྩི་ལེགས་པར་འཛིན་དུ་བཏུབ་པ་དེ་བཞིན་དུ། གྲོང་པའི་བུ་མོ་དགའ་མོ་དང ། དགའ་སྟོབས་མ་སྟན་དེ་ཉིད་ལ་འཁོད་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་མངོན་པར་རྟོགས་སོ། །དེ་ནས་གྲོང་པའི་བུ་མོ་དགའ་མོ་དང ། དགའ་སྟོབས་མས་ཆོས་མཐོང་བ་དང ། ཆོས་ཐོབ་པ་དང ། ཆོས་རིག་པ་དང ། ཆོས་ཀྱི་གཏིང་སླེབས་པ་དང ། ཐེ་ཚོམ་ལས་རྒལ་བ་དང ། སོམ་ཉི་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ཅག་འཕགས་སོ། །མངོན་པར་འཕགས་སོ། ། བདག་ཅག་བཅོམ་ལྡན་འདས་དང་ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་གྲོང་པའི་བུ་མོ་དགའ་མོ་དང ། དགའ་སྟོབས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེའི་སླད་དུ་འདིར་ཞལ་ཟས་ཀྱི་མཛད་པ་མཛད་དུ་གསོལ། བཅོམ་ལྡན་འདས་ཀྱིས་གྲོང་པའི་བུ་མོ་དགའ་མོ་དང ། དགའ་སྟོབས་མ་ལ་ཅང་མི་གསུང་བས་གནང་ངོ ། །དེ་ནས་གྲོང་པའི་བུ་མོ་དགའ་མོ་དང་དགའ་སྟོབས་མས་བཅོམ་ལྡན་འདས་ཅང་མི་གསུང་བས་གནང་བར་རིག་ཅིང ། བཅོམ་ལྡན་འདས་བདེ་
Nga80a
༄#། །བར་བཞུགས་པར་རིག་ནས་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ཏེ་ཕྱག་བཅབས་ཤིང་ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འཁོད་དོ། །དེ་ནས་བཅོམ་ལྡན་འདས་ཀྱིས་གྲོང་པའི་བུ་མོ་དགའ་མོ་དང ། དགའ་སྟོབས་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་བཅོམ་ལྡན་འདས་གྲོང་ཁྱེར་སྡེ་ཅན་ནས་གཤེགས་པ་ན་འདི་སྙམ་དུ་དགོངས་ཏེ། ངས་ཡུལ་མ་ག་དྷ་འདིར་ངང་ཚུལ་བཟང་པོར་བཀུར་བའི་དགེ་སྦྱོང་ངམ་བྲམ་ཟེ་གང་ཞིག་དབང་དུ་བྱས་ན། དེ་དབང་དུ་གྱུར་པས་ཚེགས་ཆུང་དུས་སྐྱེ་བོའི་ཚོགས་ཆེན་པོ་དབང་དུ་འགྱུར་བ་སུ་ཞིག་ཡོད་སྙམ་མོ། །དེའི་ཚེ་ལྟེང་རྒྱས་འོད་སྲུང་རལ་པ་ཅན་བཙས་ནས་ལོ་བརྒྱ་ཉི་ཤུ་ལོན་པ་རྒས་འཁོགས་གཏུགས་པ་ཞིག་ཡོད་པ་དེ་མ་ག་དྷའི་མི་རྣམས་ཀྱིས་བཀུར་སྟིར་བྱ་བ་དང ། བླ་མར་བྱ་བ་དང ། རྗེད་པར་བྱ་བ་དང ། མཆོད་པར་བྱ་བས་དགྲ་བཅོམ་པར་བཀུར་ཅིང ། འཁོར་ལྔ་བརྒྱ་དང ། ནེ་རཉྫ་ནའི་ཆུ་ཀླུང་གི་འགྲམ་གྱི་བསྟི་གནས་ན་
Nga80b
དཀའ་ཐུབ་སྤྱོད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ལྟེང་རྒྱས་འོད་སྲུང་རལ་པ་ཅན་བཙས་ནས་ལོ་བརྒྱ་ཉི་ཤུ་ལོན་པ་རྒས་འཁོགས་གཏུགས་པ་འདི་མ་ག་དྷའི་མི་རྣམས་ཀྱིས་ཞེས་བྱ་བ་ནས་དཀའ་ཐུབ་སྤྱོད་དོ། །ཞེས་བྱ་བའི་བར་གོང་མ་བཞིན་དུ་སྟེ། མ་ལངས་ལྟེང་རྒྱས་འོད་སྲུང་རལ་པ་ཅན་དབང་དུ་བྱས་ཏེ་འདི་དབང་དུ་གྱུར་ན་ཚེགས་ཆུང་དུས་སྐྱེ་བོའི་ཚོགས་ཆེན་པོ་དབང་དུ་འགྱུར་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་གང་ན་བདེར་གཤེགས་སོ། །ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་བཅོམ་ལྡན་འདས་ཀྱི་ཆེད་དུ་གདན་བཤམས་ནས། འདི་སྐད་ཅེས་ཀྱང་གསོལ་ཏོ། །དགེ་སྦྱོང་ཆེན་པོ་ཚུར་སྤྱོན། དགེ་སྦྱོང་ཆེན་པོ་བྱོན་པ་ལེགས་སོ། །དགེ་སྦྱོང་ཆེན་པོ་ཡུན་རིང་པོ་ཞིག་ལགས་ན། གང་ནས་འཁོར་ཏེ་འདིར་བྱོན། དགེ་སྦྱོང་ཆེན་པོ་གདན་བཤམས་པ་ཉིད་ལ་བཞུགས་ཤིག་ཅེས་གསོལ་ཏོ། །བཅོམ་ལྡན་འདས་ཀྱིས་གདན་བཤམས་པ་ཉིད་ལ་བཞུགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་དང ། བཅོམ་ལྡན་འདས་ལྷན་ཅིག་མངོན་དུ་ཡང་དག་པར་དགའ་བར་འགྱུར་བ་དང ། མགུ་བར་འགྱུར་བའི་གཏམ་རྣམ་པ་སྣ་ཚོགས་མཛད་ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ལྟེང་རྒྱས་འོད་སྲུང་རལ་པ་ཅན་ལ་འདི་སྐད་ཅེས་བཀའ་སྩལ་ཏོ། །འོད་སྲུང་གལ་ཏེ་ཁྱོད་ལ་མི་བདེ་བ་མེད་ན་ཁྱོད་ཀྱི་མེ་ཁང་དུ་བདག་ཞག་གཅིག་ཅིག་འདུག་གོ །
Nga81a
༄#། །དགེ་སྦྱོང་ཆེན་པོ་བདག་ལ་མི་བདེ་བ་མ་མཆིས་ན་འོན་ཀྱང་དེ་ན་ཀླུ་གདུག་པ་ཅན་ཞིག་གནས་ཏེ། དེས་ཁྱོད་མཐོ་བཙམས་པར་འགྱུར་དུ་མཆིའོ། །འོད་སྲུང་ཁྱོད་ཀྱིས་རེ་ཞིག་གནང་བར་གྱིས་ཤིག་དང་མཐོ་བཙམས་པར་མི་འགྱུར་རོ། །དགེ་སྦྱོང་ཆེན་པོ་གལ་ཏེ་ཁྱོད་ལ་མཐོ་མི་བཙམ་ན། དགེ་སྦྱོང་ཆེན་པོ་ཅི་བདེ་བ་ཁོ་ནར་བཞུགས་ཤིག་།དེ་ནས་བཅོམ་ལྡན་འདས་ལྟེང་རྒྱས་འོད་སྲུང་རལ་པ་ཅན་གྱི་མེ་ཁང་གང་ན་བ་དེར་གཤེགས་ཏེ་བྱོན་ནས་མེ་ཁང་གི་ཕྱི་རོལ་ཏུ་ཞབས་བསིལ་ནས་མེ་ཁང་གི་ནང་དུ་ཞུགས་ཏེ། ཉིད་ཀྱིས་རྩཝ་གདིང་བ་བཤམས་ནས་སྐུ་དྲང་པོར་བསྲང་སྟེ་སྐྱིལ་མོ་ཀྲུང་བཅས་ནས། དྲན་པ་མངོན་དུ་ཕྱོགས་པར་བཞག་སྟེ་བཞུགས་སོ། །ཀླུ་གདུག་པས་བཅོམ་ལྡན་འདས་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་ཁྲོས་པའི་མཐུས་དུད་པ་ཕྱུང་ངོ ། །བཅོམ་ལྡན་འདས་ཀྱིས་ཀྱང་རྫུ་འཕྲུལ་གྱི་མཐུས་དུད་པ་ཕྱུང་ངོ ། །ཀླུ་གདུག་པས་ཁྲོས་པའི་མཐུས་འབར་བར་བྱས་སོ། །བཅོམ་ལྡན་འདས་ཀྱིས་ཀྱང་མེའི་ཁམས་ལ་སྙོམས་པར་ཞུགས་སོ། །དེ་ནས་ཀླུ་གདུག་པ་ཁྲོས་པའི་མཐུ་དང ། བཅོམ་ལྡན་འདས་ཀྱི་རྫུ་འཕྲུལ་གྱི་མཐུས་མེ་ཁང་ཐམས་ཅད་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པས་སྲེག་པར་བྱེད་དོ། །སྟེང་རྒྱས་འོད་སྲུང་རལ་པ་ཅན་མཚན་མོ་རྒྱུ་སྐར་ལ་ལྟ་བ་ན་མེ་ཁང་ཐམས་ཅད་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་ནས་སྲེག་པར་མཐོང་ངོ ། །མཐོང་ནས་ཀྱང་འདི་སྙམ་དུ་
Nga81b
སེམས་ཏེ། དགེ་སྦྱོང་གོའུ་ཏ་མ་ཆེན་པོ་འདི་ལྟར་མཛེས་པ། ཀླུ་གདུག་པས་ཐལ་བར་བྱས་པར་མ་གྱུར་གྲང ། ཀྱི་ཧུད་ཉོན་མོངས་པ་བདག་གི་ཚིག་མ་ཉན་ཏོ་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ང་ལྟེང་རྒྱས་འོད་སྲུང་རལ་པ་ཅན་འཁོར་དང་བཅས་པ་ཆས་བཅད་ཀྱིས། མ་ལ་ངས་རྫུ་འཕྲུལ་ཇི་ལྟ་བུ་མངོན་པར་འདུ་བྱ་བ་ལ་སེམས་མཉམ་པར་གཞག་ན། མེས་ཀླུ་གདུག་པའི་མེ་ཟིལ་གྱིས་མནན་ལ་དེས་ཀྱང་དེའི་ལུས་ལ་གནོད་པ་མི་བྱེད་ཅིང་དེ་དུལ་བར་མཁྱེན་ནས་ལྷུང་བཟེད་དུ་བཅུག་སྟེ། ལྟེང་རྒྱས་འོད་སྲུང་རལ་པ་ཅན་དེ་ལ་སྦྱིན་པ་དེ་ལྟ་བུ་ཞིག་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་རྫུ་འཕྲུལ་ཇི་ལྟ་བུ་མངོན་པར་འདུ་མཛད་པ་ལ་ཐུགས་མཉམ་པར་གཞག་ན། མེས་ཀླུ་གདུག་པའི་མེ་ཟིལ་གྱིས་མནན་ལ་དེས་ཀྱང་དེའི་ལུས་ལ་གནོད་པ་མི་བྱེད་པ་དེ་ལྟ་བུ་མངོན་པར་འདུ་མཛད་དེ་དེ་དུལ་བར་མཁྱེན་ནས་ལྷུང་བཟེད་དུ་བཅུག་སྟེ། ལྟེང་རྒྱས་འོད་སྲུང་རལ་པ་ཅན་གང་ན་བ་དེར་བསྣམས་ཏེ་གཤེགས་སོ། །ལྟེང་རྒྱས་འོད་སྲུང་རལ་པ་ཅན་གྱིས། བཅོམ་ལྡན་འདས་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་གསོན་པ་ལྟ་ཞིག་།འོད་སྲུང་གསོན་ནོ། །དགེ་སྦྱོང་ཆེན་པོ་ཁྱོད་ཀྱིས་ལྷུང་བཟེད་ན་བསྣམས་ཏེ་བྱོན་པ་ཅི། འོད་སྲུང་ཀླུ་གདུག་པ་གང་གི་མཐུས་ཁྱོད་ཀྱི་མེ་ཁང་དུ་མིར་གྱུར་པ་རྫུ་འཕྲུལ་དང་མི་ལྡན་པ་གནས་སུ་མི་སྟེར་བ་དེ་ངས་བཏུལ་ནས་ལྷུང་བཟེད་དུ་བཅུག་ནས་ཁྱེར་ཏེ་འོངས་སོ། །དེ་ནས་ལྟེང་རྒྱས་འོད་སྲུང་རལ་
Nga82a
༄#། །པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེའི་ཚེ་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ན་བྲམ་ཟེའི་ཁྱེའུ་ལྔ་བརྒྱ་ཙམ་མེ་ལ་ཡོངས་སུ་སྤྱོད་པ་རེ་རེའི་མེ་ཐབ་གསུམ་གསུམ་སྟེ་མེ་ཐབ་སྟོང་ལྔ་བརྒྱ་ཡོད་དོ། །དེ་ནས་བྲམ་ཟེའི་ཁྱེའུ་དེ་རྣམས་མེ་ལ་ཡོངས་སུ་སྤྱོད་པར་འདོད་ན་མེ་དེ་སྦར་བར་མ་ནུས་སོ། །དེ་ནས་བྲམ་ཟེའི་ཁྱེའུ་དེ་རྣམས་ལྟེང་རྒྱས་འོད་སྲུང་རལ་པ་ཅན་གང་ན་བ་དེར་སོང་སྟེ་ཕྱིན་ནས། ལྟེང་རྒྱས་འོད་སྲུང་རལ་པ་ཅན་ལ་འདི་སྐད་ཅེས་སྨྲས་སོ། །མཁན་པོ་མཁྱེན་པར་མཛོད་ཅིག་།འདིར་བདག་ཅག་ཞུགས་ལ་ཡོངས་སུ་སྤྱོད་པར་འཚལ་ན་ཞུགས་དེ་སྦར་བར་རྔོ་མ་ཐོགས་ལགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། དགེ་སྦྱོང་ཆེན་པོ་བདག་གི་ཉེ་འཁོར་ན་གནས་ན་དེའི་མཐུ་ཞིག་མ་བྱུང་གྲང་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛོད་ཅིག་།འདིར་བདག་གི་བྲམ་ཟེའི་ཁྱེའུ་ལྔ་བརྒྱ་ཙམ་མེ་ལ་ཡོངས་སུ་སྤྱོད་པར་འཚལ་ན་མེ་དེ་སྦར་བར་རྔོ་མ་ཐོག་ནས་བདག་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་བཞུགས་
Nga82b
ན་དེའི་མཐུ་ཞིག་མ་བྱུང་གྲང་སྙམ་བགྱིད་དོ། །འོད་སྲུང་མེ་དེ་སྤར་བར་འདོད་དམ། དགེ་སློང་ཆེན་པོ་སྤར་དུ་གསོལ། དེ་ནས་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་མེ་དེ་རང་ཉིད་འབར་བར་གྱུར་ཏོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི། བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན། ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་བྲམ་ཟེའི་ཁྱེའུ་དེ་རྣམས་མེ་ལ་ཡོངས་སུ་སྤྱད་ནས་མེ་གསད་པར་འདོད་ནས་གསད་པར་མ་ནུས་སོ། །དེ་ནས་བྲམ་ཟེའི་ཁྱེའུ་དེ་རྣམས་ལྟེང་རྒྱས་འོད་སྲུང་རལ་པ་ཅན་གང་ན་བ་དེར་དོང་སྟེ་ལྷགས་ནས་ལྟེང་རྒྱས་འོད་སྲུང་རལ་པ་ཅན་ལ་འདི་སྐད་ཅེས་སྨྲས་སོ། །མཁན་པོ་མཁྱེན་པར་མཛོད་ཅིག་།འདིར་བདག་ཅག་ཞུགས་ལ་ཡོངས་སུ་སྤྱད་ནས། ཞུགས་དགུམ་པར་འཚལ་ན། དགུམ་པའི་རྔོ་མ་ཐོགས་ལགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། དགེ་སྦྱོང་ཆེན་པོ་བདག་གི་ཉེ་འཁོར་ན་གནས་པ་དེའི་མཐུ་ཞིག་མ་བྱུང་གྲང་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་གི་བྲམ་ཟེའི་ཁྱེའུ་རྣམས་ཞུགས་ལ་ཡོངས་སུ་སྤྱད་ནས། ཞུགས་དགུམ་པར་འཚལ་ན། དགུམ་པར་རྔོ་མ་
Nga83a
༄#། །ཐོགས་ནས། བདག་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་བཞུགས་ན། དེའི་མཐུ་ཞིག་མ་བྱུང་གྲང་སྙམ་དུ་བགྱིད་དོ། །འོད་སྲུང་མེ་དེ་གསོད་དམ། དགེ་སྦྱོང་ཆེན་པོ་དགུམ་དུ་གསོལ། དེ་ནས་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་མེ་དེ་རང་ཉིད་ཤིའོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི། བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན། ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་དུས་གཞན་ཞིག་ན། ལྟེང་རྒྱས་འོད་སྲུང་རལ་པ་ཅན་རང་ཉིད་མེ་ལ་ཡོངས་སུ་སྤྱོད་པར་འདོད་ན་སྤར་བར་མ་ནུས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་གནས་ན་དེའི་མཐུ་ཞིག་བྱུང་བར་མ་གྱུར་གྲང་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་ཉིད་ཞུགས་ལ་ཡོངས་སུ་སྤྱོད་པར་འཚལ་ན་སྦར་བར་རྡོ་མི་ཐོགས་ནས། བདག་ཉིད་འདི་སྙམ་དུ་སེམས་ཏེ།་བདག་གི་ཉེ་འཁོར་ན། དགེ་སྦྱོང་ཆེན་པོ་བཞུགས་ན། དེའི་མཐུ་ཞིག་བྱུང་བར་མ་གྱུར་གྲང་སྙམ་བགྱིད་དོ། །འོད་སྲུང་མེ་དེ་སྤར་བར་འདོད་དམ། དགེ་སྦྱོང་ཆེན་པོ་སྦར་དུ་གསོལ། དེ་ནས་འདི་ལྟར་
Nga83b
སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་མེ་དེ་རང་ཉིད་འབར་བར་གྱུར་ཏོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི། བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན། ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་དུས་གཞན་ཞིག་ན་ལྟེང་རྒྱས་འོད་སྲུང་རལ་པ་ཅན་རང་ཉིད་མེ་ལ་ཡོངས་སུ་སྤྱད་ནས་མེ་དེ་གསད་པར་འདོད་ན་གསད་པར་མ་ནུས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་གནས་ན་དེའི་མཐུ་ཞིག་བྱུང་བར་མ་གྱུར་གྲང་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་ཉིད་ཞུགས་ལ་ཡོངས་སུ་སྤྱད་ནས་ཞུགས་དགུམ་པར་འཚལ་ན། དགུམ་པར་རྔོ་མ་ཐོག་ལགས། བདག་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་བཞུགས་ན། དེའི་མཐུ་ཞིག་བྱུང་བར་མ་གྱུར་གྲང་སྙམ་བགྱིད་དོ། །དྲང་སྲོང་མེ་དེ་བསད་དམ། དགེ་སྦྱོང་ཆེན་པོ་དགུམ་དུ་གསོལ། དེ་ནས་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་མེ་དེ་རང་ཉིད་ཤིའོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་
Nga84a
༄#། །ཏེ།་ཡ་མཚན་ཆེ་མོད་ཀྱི། བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་དུས་གཞན་ཞིག་ན་ལྟེང་རྒྱས་འོད་སྲུང་རལ་པ་ཅན་གྱི་མེ་ཁང་ཐམས་ཅད་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས། སྲེག་པར་བྱེད་པ་དེ་ལ་ལྟེང་རྒྱས་འོད་སྲུང་རལ་པ་ཅན་འཁོར་དང་བཅས་པ་དང ། གཞན་ཡང་སྐྱེ་བོའི་ཚོགས་ཆེན་པོ་རྣམས་ཀྱིས་བསྒྲིམས་ཀྱང་གསད་མ་ནུས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་གནས་ན། དེའི་མཐུ་ཞིག་བྱུང་བར་མ་གྱུར་གྲང་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། དགེ་སྦྱོང་ཆེན་པོ་འདིར་བདག་གི་མེ་ཁང་ཐམས་ཅད་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་དེ་ལ་བདག་འཁོར་དང་བཅས་པ་དང ། གཞན་ཡང་སྐྱེ་བོའི་ཚོགས་ཆེན་པོས་བསྒྲིམས་ན་ཞུགས་དགུམ་པར་རྔོ་མ་ཐོགས་ནས་བདག་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་བཞུགས་ན། དེའི་མཐུ་ཞིག་བྱུང་བར་མ་གྱུར་གྲང་སྙམ་བགྱིད་དོ། །འོད་སྲུང་མེ་ཁང་ཞི་བར་བྱའམ། དགེ་སྦྱོང་ཆེན་པོ་ཞི་བར་མཛད་དུ་གསོལ། དེ་ནས་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་
Nga84b
མེ་ཁང་དེ་རང་ཉིད་ཞི་བར་གྱུར་ཏོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་བ་ཡིན་མོད་ཀྱི། བདག་ཀྱང་དགྲ་བཅོམ་པ་ཡིན་ནོ་སྙམ་མོ།། །།འདུལ་བ་གཞི། བམ་པོ་གྱ་བརྒྱད་པ། དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་རྒྱལ་པོ་ཆེན་པོ་བཞི་པོ་དག་ཁ་དོག་འཕགས་པས་མཚན་མོ་ལ་བབ་པ་ན། བཅོམ་ལྡན་འདས་གང་ན་བ་དེར་དོང་སྟེ། ལྷགས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། དེ་རྣམས་དཔེར་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་གོ་།ལྟེང་རྒྱས་འོད་སྲུང་རལ་པ་ཅན་དེ་ཉིད་ཀྱི་མཚན་མོ་རྒྱུ་སྐར་རྣམས་ལ་ལྟ་བ་ན། བཅོམ་ལྡན་འདས་ཀྱི་སྤྱན་སྔ་ན། མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་སྤྱན་སྔ་ན་མེའི་ཕུང་པོ་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་ཡོད་དོ་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་ནང་པར་སྔར་ལངས་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ་འདིར་མདང་སུམ་
Nga85a
༄#། །བདག་རྒྱུ་སྐར་རྣམས་ལ་ལྟ་བ་ན་དགེ་སྦྱོང་ཆེན་པོའི་སྤྱན་སྔ་ན་ཞུགས་ཀྱི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ཏེ། སྲེག་པར་བྱེད་པ་བཞི་མཐོང་ངོ ། །མཐོང་ནས་ཀྱང་བདག་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་སྤྱན་སྔ་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་བཞི་མཆིས་སོ་སྙམ་མོ། །འོད་སྲུང་ཅིང་མེ་ལ་ཡོངས་སུ་སྤྱོད་དམ། ང་མེ་ལ་ཡོངས་སུ་མི་སྤྱོད་དེ། དེ་ལྟ་མོད་ཀྱི་འདིར་མདང་སུམ་རྒྱལ་པོ་ཆེན་པོ་བཞི་པོ་དག་ཁ་དོག་འཕགས་པས་མཚན་མོ་ལ་བབ་པ་ནང་གང་ན་བ་དེར་འོངས་ཏེ་ལྷགས་ནས། ངའི་ཞབས་གཉིས་ལ་མགོ་བོས་ཕྱག་བྱས་ཏེ། དེ་རྣམས་དཔེར་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་པ་ཡིན་ནོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་ཁ་དོག་འཕགས་པས་མཚན་མོ་ལ་བབ་
Nga85b
པ་ན། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། དེ་དཔེར་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་པ་བཞི་པོ་དེ་དག་པས་ཀྱང་ཆེས་ལྷག་ཅིང་ཆེས་འཕགས་ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་གོ་།ལྟེང་རྒྱས་འོད་སྲུང་རལ་པ་ཅན་དེ་ཉིད་ཀྱི་མཚན་མོ་རྒྱུ་སྐར་རྣམས་ལ་ལྟ་བ་ན། བཅོམ་ལྡན་འདས་ཀྱི་སྤྱན་སྔ་ན་མེའི་ཕུང་པོ་ཆེན་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་ཞིག་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་མདུན་ན་མེའི་ཕུང་པོ་ཆེན་པོ་འབར་རབ་ཏུ་འབར། ཀུན་དུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་ཞིག་ཡོད་དོ་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་ནང་པར་སྔར་ལངས་ཏེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་མདང་སུམ་རྒྱུ་སྐར་རྣམས་ལ་ལྟ་བ་ན་དགེ་སྦྱོང་ཆེན་པོའི་སྤྱན་སྔ་ན་ཞུགས་ཀྱི་ཕུང་པོ་ཆེན་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་ཞིག་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ་འདི་ལྟར་དེའི་སྤྱན་སྔ་ན་མེའི་ཕུང་པོ་འབར་རབ་ཏུ་འབར། ཀུན་
Nga86a
༄#། །ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་ཞིག་མཆིས་སོ་སྙམ་མོ། །འོད་སྲུང་ཅི་ང་མེ་ལ་ཡོངས་སུ་སྤྱོད་དམ། ང་མེ་ལ་ཡོངས་སུ་མི་སྤྱོད་དེ། དེ་ལྟ་མོད་ཀྱི་འདིར་མདང་སུམ་ལྷ་རྣམས་ཀྱི་དབང་པོ་བརྒྱ་བྱིན་ཁ་དོག་འཕགས་པས་མཚན་མོ་ལ་བབ་པ་ནང་གང་ན་བ་དེར་འོངས་ཏེ། ཕྱིན་ནས་ངའི་ཞབས་ལ་མགོ་བོས་ཕྱག་བྱས་ཏེ། དེ་དཔེར་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་པོ་དེ་དག་ལས་ཆེས་ཀྱང་ལྷག་ཅིང་ཆེས་འཕགས་ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་པ་ཡིན་ནོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་མི་མཇེད་ཀྱི་བདག་པོ་ཚངས་པ་ཁ་དོག་འཕགས་པས་མཚན་མོ་ལ་བབ་པ་ན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། དེ་དཔེར་ན་མེའི་ཕུང་པོ་བཞི་པོ་དེ་དག་ཉིད་སྔ་མ་བཞིན་དུ་སྲེག་པ་ཞེས་བྱ་བ་ནས། མེའི་ཕུང་པོ་ཆེན་པོ་ལྔ་པ་དེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་དོ། །ཞེས་བྱ་བའི་བར་དེ་དག་པས་ཀྱང་ཆེས་ལྷག་ཅིང་ཆེས་
Nga86b
འཕགས་ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་གོ་།ལྟེང་རྒྱས་འོད་སྲུང་རལ་པ་ཅན་དེ་ཉིད་ཀྱི་མཚན་མོ་རྒྱུ་སྐར་རྣམས་ལ་ལྟ་བ་ན། བཅོམ་ལྡན་འདས་ཀྱི་སྤྱན་སྔ་ན་མེའི་ཕུང་པོ་ཆེན་པོ་འབར་རབ་ཏུ་འབར་ཞེས་བྱ་བ་ནས་སྲེག་པར་བྱེད་པ་ཞེས་བྱ་བའི་བར་ཞིག་མཐོང་ངོ ། །མཐོང་ནས་ཀྱང་དེ་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་མདུན་དུ་མེའི་ཕུང་པོ་ཆེན་པོ་ཞེས་བྱ་བ་ནས་སྲེག་པར་བྱེད་པའི་བར་ཞིག་ཡོད་དོ་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་ནང་པར་སྔར་ལངས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་མདང་སུམ་རྒྱུ་སྐར་རྣམས་ལ་ལྟ་བ་ན། དགེ་སྦྱོང་ཆེན་པོའི་སྤྱན་སྔ་ན་ཞུགས་ཀྱི་ཕུང་པོ་འབར་བ་ཞེས་བྱ་བ་ནས་སྲེག་པར་བྱེད་པ་ཞེས་བྱ་བའི་བར་ཞིག་མཐོང་ངོ ། །མཐོང་ནས་ཀྱང་བདག་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་སྤྱན་སྔ་ན་མེའི་ཕུང་པོ་ཆེན་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་ཞིག་མཆིས་སོ་སྙམ་མོ། །འོད་སྲུང་ཅིང་མེ་ལ་ཡོངས་སུ་སྤྱོད་དམ། ང་མེ་ལ་ཡོངས་སུ་མི་སྤྱོད་དེ། དེ་ལྟ་མོད་ཀྱི་འདིར་མདང་སུམ་མི་མཇེད་ཀྱི་བདག་པོ་ཚངས་པ་ཁ་དོག་འཕགས་པས་མཚན་མོ་ལ་བབ་པ་ན་ང་གང་ན་བ་དེར་འོངས་ཏེ་ཕྱིན་ནས། ངའི་ཞབས་ལ་མགོ་བོས་ཕྱག་བྱས་ཏེ།
Nga87a
༄#། །དེ་དཔེར་ན་མེའི་ཕུང་པོ་འབར་རབ་ཏུ་འབར་བ་བཞི་པོ་དེ་དག་ནས་སྔ་མ་བཞིན་དུ་མེའི་ཕུང་པོ་ཆེན་པོ་ལྔ་པ་དེ་འབར་བ་ནས་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་ཞེས་བྱ་བའི་བར་གོང་མ་བཞིན་དུ་སྟེ། དེ་དག་པས་ཀྱང་ཆེས་ལྷག་ཅིང་ཆེས་འཕགས་ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་པ་ཡིན་ནོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་གོའུ་ཏ་མ་ནི་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེའི་ཚེ་ལྟེང་རྒྱས་འོད་སྲུང་རལ་པ་ཅན་གྱི་འདུག་གནས་ན་མཆོད་སྦྱིན་ཞག་བདུན་པ་བྱེད་པ་ལ་བབ་བོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། གལ་ཏེ་མ་ག་དྷའི་མི་རྣམས་ཀྱིས་དགེ་སྦྱོང་ཆེན་པོ་འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ་བ་ཡིན་པར་ཤེས་ན་དེ་ཉིད་ལ་བྱ་བ་བྱེད་པར་སེམས་ཀྱི་བདག་ལ་ནི་དེ་ལྟར་མ་ཡིན་པའི་གནས་འདི་ཡོད་ཀྱིས། ཀྱེ་མ་དགེ་སྦྱོང་ཆེན་པོ་ཞག་བདུན་ཞིག་འདི་ནས་གཞན་དུ་སོང་ཡང་ཅི་མ་རུང་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ལྟེང་རྒྱས་འོད་སྲུང་རལ་པ་ཅན་གྱི་སེམས་མཁྱེན་ནས་ཞག་བདུན་གཞན་དུ་བཞུད་དོ། །དེའི་ཚེ་ཞག་བདུན་དུ་ལྟེང་རྒྱས་འོད་སྲུང་རལ་པ་ཅན་ལ་རྙེད་པ་དང ། བཀུར་སྟི་ཆེན་པོ་བྱུང་བས། བཟའ་བ་དང་བཅའ་བ་རབ་ཏུ་མང་པོ་དང་ཡང་
Nga87b
ལྡན། སྐྱེ་བོའི་ཚོགས་ཆེན་པོ་ཡང་དབང་དུ་གྱུར་ཏོ། །དེ་ནས་ལྟེང་རྒྱས་འོད་སྲུང་རལ་པ་ཅན་གྱི་འདུག་གནས་ན་མཆོད་སྦྱིན་དེ་ཞག་བདུན་དུ་བྱས་ཟིན་ནས་འདི་སྙམ་དུ་སེམས་ཏེ། འདིར་བདག་ལ་ཞག་བདུན་དུ་རྙེད་པ་དང་བཀུར་སྟི་ཆེན་པོ་བྱུང་ཞིང་བཟའ་བ་དང་བཅའ་བ་རབ་ཏུ་མང་པོ་དང་ཡང་ལྡན། སྐྱེ་བོའི་ཚོགས་ཆེན་པོ་ཡང་དབང་དུ་གྱུར་གྱིས། ཀྱེ་མ་ད་ནི་དགེ་སྦྱོང་ཆེན་པོ་འོངས་ཀྱང་ཅི་མ་རུང ། བདག་གིས་དེ་ཡང་དེ་ལ་ལོངས་སྤྱོད་དུ་གཞུག་གོ་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ལྟེང་རྒྱས་འོད་སྲུང་རལ་པ་ཅན་གྱི་སེམས་མཁྱེན་ནས་ལྟེང་རྒྱས་འོད་སྲུང་རལ་པ་ཅན་གང་ན་བ་དེར་གཤེགས་སོ། །ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་རྒྱང་རིང་པོ་ནས་མཐོང་ངོ ། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བྱོན་ཏམ། འོད་སྲུང ། འོངས་སོ། །དགེ་སྦྱོང་ཆེན་པོ་ཁྱོད་ཅིའི་སླང་དུ་ཞག་བདུན་འདི་ནས་གཞན་དུ་བཞུད་ལགས། འོད་སྲུང་ཁྱོད་ཀྱི་འདུག་གནས་ན་མཆོད་སྦྱིན་ཞག་བདུན་དུ་བྱེད་པ་ལ་བབ་ནས་འདི་སྙམ་དུ་གལ་ཏེ་མ་ག་དྷའི་མི་རྣམས་ཀྱིས་དགེ་སྦྱོང་ཆེན་པོ་ནི་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ཡིན་པར་ཤེས་ན་དེ་ཁོ་ན་ལ་བྱ་བ་བྱེད་པར་སེམས་ཀྱི་བདག་ལ་ནི་དེ་ལྟ་མ་ཡིན་པའི་གནས་འདི་ཡོད་པར་འགྱུར་གྱིས། ཀྱེ་མ་དགེ་སྦྱོང་ཆེན་པོ་ཞག་བདུན་ཞིག་འདི་ནས་གཞན་དུ་སོང་ཡང་ཅི་མ་རུང་སྙམ་དུ་སེམས་པ་མ་ཡིན་ནམ། ངའི་ཐུགས་ཀྱིས་ཁྱེད་ཀྱི་སེམས་ཤེས་ནས་ཞག་བདུན་འདི་ནས་གཞན་དུ་སོང་ངོ ། །འོ་ན་ཅིའི་
Nga88a
༄#། །སླད་དུ་འདིར་བྱོན་ལགས། འོད་སྲུང་ཁྱོད་ཀྱི་མ་ཆོད་སྦྱིན་ཞག་བདུན་དུ་བྱས་ཟིན་ནས། འདི་སྙམ་དུ་བདག་ལ་ཞག་བདུན་དུ་རྙེད་པ་དང ། བཀུར་སྟི་ཆེན་པོ་བྱུང་ཞིང་བཟའ་བ་དང་བཅའ་བ་རབ་ཏུ་མང་པོ་ལྡན། སྐྱེ་བོའི་ཚོགས་ཆེན་པོ་ཡང་དབང་དུ་གྱུར་གྱིས། ཀྱེ་མ་དགེ་སྦྱོང་ཆེན་པོ་འོངས་ཀྱང་ཅི་མ་རུང ། བདག་གིས་དེ་ཡང་དེ་ལ་ཡོངས་སུ་ལོངས་སྤྱོད་དུ་གཞུག་གོ་སྙམ་དུ་སེམས་པ་མ་ཡིན་ནམ། དགེ་སྦྱོང་ཆེན་པོ་དེ་ལྟ་ལགས་སོ། །ངའི་ཐུགས་ཀྱིས་ཁྱོད་ཀྱི་སེམས་ཤེས་ནས་ང་འོངས་པ་ཡིན་ནོ། །དགེ་སྦྱོང་ཆེན་པོ་ཅི་བདེ་ཁོ་ནར་ལོངས་སྤྱད་དུ་གསོལ། དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་དེའི་སླད་དུ་བདག་གི་ཉེ་འཁོར་དུ་བཞུགས་ཤེག་དང་བདག་གིས་ཁྱོད་ལ་ཆོས་དང་མཐུན་པའི་འཚོ་བ་སྦྱར་རོ། །བཅོམ་ལྡན་འདས་ཀྱིས་ལྟེང་རྒྱས་འོད་སྲུང་རལ་པ་ལ་ཅང་མི་གསུང་བས་གནང་ངོ ། །དེ་ནས་ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་ཀྱི་ཆེད་དུ་རང་ཁོ་ནས་གཡོས་བྱས་ནས། བཅོམ་ལྡན་
Nga88b
འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་གདུགས་ཚོད་ལགས་ཤིང་མཆིས་ན། དགེ་སྦྱོང་ཆེན་པོ་ད་དེའི་དུས་ལ་བབ་པར་དགོངས་སུ་གསོལ། འོད་སྲུང་དེའི་ཕྱིར་སོང་ཞིག་།ང་ཡང་འོང་ངོ ། །དེ་ནས་བཅོམ་ལྡན་འདས་ཀྱིས་ལྟེང་རྒྱས་འོད་སྲུང་རལ་པ་ཅན་སོང་ནས་རིང་པོ་མ་ལོན་པར་མཁྱེན་ནས། ཇི་ལྟར་ཐུགས་མཉམ་པར་བཞག་ན་ཤིང་འཛམ་བུ་ཞེས་བྱ་བ་གང་གིས་འཛམ་བུའི་གླིང་དུ་གདགས་པ་དེ་ལས་ཁ་དོག་དང ། དྲི་དང ། རོ་དང་ལྡན་པའི་འཛམ་བུའི་སྙེ་མ་རྣམས་ཀྱིས་ལྷུང་བཟེད་བཀང་ནས་བསྣམས་ཏེ། ལྟེང་རྒྱས་འོད་སྲུང་རལ་པ་ཅན་གྱིས་བསྟི་གནས་གང་ན་བ་དེར་གཤེགས་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱོན་ནས་གདན་བཤམས་པ་ཉིད་ལ་བཞུགས་སོ། །དེ་ནས་དེའི་འོག་ཏུ་ལྟེང་རྒྱས་འོད་སྲུང་རལ་པ་ཅན་འོངས་ནས་ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་བསྟི་གནས་ཀྱི་གདན་བཤམས་པ་ཉིད་ལ་བཞུགས་པ་མཐོང་ངོ ། །མཐོང་ནས་ཀྱང་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བྱོན་ཏམ། འོད་སྲུང་འོངས་སོ། །དགེ་སྦྱོང་ཆེན་པོ་ཁྱོད་ཀྱི་ལྷུང་བཟེད་ན་ཅི་མཆིས། འདིར་ངས་འོད་སྲུང་ཁྱོད་སོང་ནས་རིང་པོ་མ་ལོན་པར་མཁྱེན་ནས་ཇི་ལྟར་ཐུགས་མཉམ་པར་བཞག་ན། ཤིང་འཛམ་བུ་ཞེས་བྱ་བ་གང་གིས་འཛམ་བུའི་གླིང་དུ་གདགས་པ་དེ་ལས་ཁ་དོག་དང ། དྲི་དང ། རོ་དང་ལྡན་པའི་འཛམ་བུའི་སྙེ་མ་རྣམས་ཀྱིས་ལྷུང་བཟེད་བཀང་ནས་འདིར་ཕྱིན་པ་
Nga89a
༄#། །དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཀྱིས་གལ་ཏེ་འདོད་ན་ལོངས་སྤྱོད་ཅིག་།དགེ་སྦྱོང་ཆེན་པོ་ཅི་བདེ་ཁོ་ནར་འཚལ་ལགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ་ཡ་མཚན་ཆེ་མོད་ཀྱི། བདག་ཀྱང་དགྲ་བཅོམ་པ་ཡིན་ནོ་སྙམ་མོ། །འཛམ་བུའི་སྙེ་མ་ཇི་ལྟ་བར་སྐྱུ་རུ་རའི་སྙེ་མ་རྣམས་ཀྱང་དེ་བཞིན་ནོ། །བྱང་གི་སྒྲ་མི་སྙན་གྱི་གླིང་དུ་གཤེགས་ནས། མ་རྨོས་མ་བཏབ་པའི་འབྲས་སཱ་ལུའི་འབྲུས་ལྷུང་བཟེད་བཀང་སྟེ་བསྣམས་ནས། ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་གང་ན་བ་དེར་གཤེགས་ཏེ་བྱོན་ནས་གདན་བཤམས་པ་ཉིད་ལ་བཞུགས་སོ། །དེ་ནས་དེའི་འོག་ཏུ་ལྟེང་རྒྱས་འོད་སྲུང་རལ་པ་ཅན་འོངས་ནས། ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་བསྟི་གནས་ཀྱི་གདན་བཤམས་པ་ཉིད་ལ་བཞུགས་པ་མཐོང་ངོ ། །མཐོང་ནས་ཀྱང་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བྱོན་ཏམ། འོད་སྲུང ། འོངས་སོ། །དགེ་སྦྱོང་ཆེན་པོ་ཁྱོད་ཀྱི་ལྷུང་བཟེད་ན་ཅི་མཆིས། འདིར་ངས་འོད་སྲུང་ཁྱོད་སོང་ནས་རིང་པོ་མ་ལོན་པར་མཁྱེན་ནས་ཇི་ལྟར་ཐུགས་མཉམ་པར་བཞག་ན། བྱང་གི་སྒྲ་མི་སྙན་གྱི་གླིང་དུ་གཤེགས་ནས། མ་རྨོས་མ་བཏབ་པའི་འབྲས་སཱ་ལུའི་འབྲུས་ལྷུང་བཟེད་བཀང་ནས་འདིར་ཕྱིན་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཀྱིས། གལ་ཏེ་འདོད་ན་ལོངས་སྤྱོད་ཅིག་།དགེ་སྦྱོང་ཆེན་
Nga89b
པོ་ཅི་བདེ་ཁོ་ནར་འཚལ་ལགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་བཞིན་དུ་རྒྱལ་པོ་ཆེན་པོ་བཞི་དང ། སུམ་ཅུ་རྩ་གསུམ་པའི་གནས་སུ་གཤེགས་ནས་ལྷའི་བདུད་རྩིས་ལྷུང་བཟེད་བཀང་ནས་བསྣམས་ཏེ་ཞེས་བརྗོད་པར་བྱའོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚིང་ཚིང་ན་བཞུགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་ཀྱི་ཆེད་དུ་རང་ཉིད་ཀྱིས་གཡོས་བྱས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་གདུགས་ཚོད་ལགས་ཤིང་མཆིས་ན། དགེ་སྦྱོང་ཆེན་པོ་ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ། ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་གང་ན་བ་དེར་གཤེགས་ཏེ་བྱོན་ནས་གདན་བཤམས་པ་ཉིད་ལ་བཞུགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་གྱིས་བཅོམ་ལྡན་འདས་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་བཅའ་བས་ལྷུང་བཟེད་བཀང་ནས་ཕུལ་ལོ། །དེ་ནས་བཅོམ་ལྡན་འདས་ཀྱིས་ལྟེང་རྒྱས་འོད་སྲུང་རལ་པ་ཅན་ལས་བསོད་སྙོམས་བཞེས་ནས། ཕྱོགས་གཞན་ཞིག་ཏུ་བཞུགས་ནས་ཞལ་ཟས་ཀྱི་
Nga90a
༄#། །བྱ་བ་མཛད་དོ། །དེ་ནས་བཅོམ་ལྡན་འདས་ལ་ཆུས་ཆུའི་དགོས་པ་ཞིག་བྱུང་ངོ ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་ཆུས་ཆུའི་དགོས་པ་བྱུང་བར་ཤེས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་སྤྱན་སྔར་ལག་པས་ས་ལ་བསྣུན་པ་དང ། དེ་ནས་བཀོད་མ་ཆེན་པོ་ཞིག་བྱུང་སྟེ་ཆུ་འབབ་པ་དེ་ལ་བཅོམ་ལྡན་འདས་ཀྱིས་ཆུས་ཆུའི་བྱ་བ་མཛད་དོ། །ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ན་འཆག་པ་ན། བཀོད་མ་ཆེན་པོ་བྱུང་སྟེ། ཆུ་འབབ་པ་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། ཆུ་འདི་སྔོན་ནི་མེད་ན་ཆུ་འདི་ད་ལྟ་གང་ནས་བབ་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། བདག་འདིར་བསྟི་གནས་ན་འཆག་པ་ན་བཀོད་མ་ཆེན་པོའི་ཆབ་ཅིག་མཐོང་ངོ ། །མཐོང་ནས་ཀྱང་བདག་འདི་སྙམ་དུ་སེམས་ཏེ། ཆུ་འདི་སྔོན་ནི་མ་མཆིས་ན། ད་ལྟར་ཆུ་འདི་གང་ནས་བབ་སྙམ་དུ་བགྱིད་དོ། །འོད་སྲུང་འདིར་ཁྱོད་ལས་ངས་བསོད་སྙོམས་བཞེས་ནས་ཕྱོགས་འདིར་བཞུགས་ཏེ། ཞལ་ཟས་ཀྱི་བྱ་བ་མཛད་པ་ན། ང་ལ་ཆུས་ཆུའི་དགོས་པ་ཞིག་བྱུང་ངོ ། །དེ་ནས་ལྷ་རྣམས་ཀྱི་དབང་པོ་བརྒྱ་
Nga90b
བྱིན་གྱིས་ང་ལ་ཆུ་ས་ཆུའི་དགོས་པ་བྱུང་བར་ཤེས་ནས་ཕྱོགས་འདིར་ལག་པ་ས་ལ་བསྣུན་པ་ལས། དེ་ནས་བཀོད་མ་ཆེན་པོ་བྱུང་བ་དེ་ལ་ངས་ཆུས་ཆུའི་བྱ་བ་མཛད་དེ། འོད་སྲུང་རྫིང་འདི་ནི་ལག་པས་བརྐོས་པ་ཞེས་བྱའོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་བཅོམ་ལྡན་འདས་ཕྱེ་མ་རེད་ནང་དུ་ཡང་དག་འཇོག་ལས་བཞེངས་ནས། རྫིང་ལག་པས་བརྐོས་པ་གང་ན་བ་དེར་གཤེགས་ཏེ་བྱོན་ནས། རྫིང་ལག་པས་བརྐོས་པའི་འགྲམ་གྱི་མཐའ་གཅིག་ཏུ་ན་བཟའ་ཆོས་གོས་རྣམས་བཞག་སྟེ། རྫིང་ལག་པས་བརྐོས་པར་ཞུགས་ནས་སྐུ་ཁྲུས་མཛད་ནས་རྫིང་ལག་པས་བརྐོས་པ་ནས་འབྱུང་བར་བཞེད་པ་ན། ཤིང་ཨརྫུ་ན་གང་ན་བ་དེ་ལོགས་སུ་ཕྱག་བརྐྱང་ངོ ། །དེ་ནས་ཨརྫུ་ནའི་ཡལ་ག་ཆེན་པོ་འདུད་པར་གྱུར་ཏེ། དེ་ལ་བཅོམ་ལྡན་འདས་ཀྱིས་བཟུང་ནས་རྫིང་ལག་པས་བརྐོས་པ་ནས་བྱུང་ངོ ། །ལྟེང་རྒྱས་འོད་སྲུང་རལ་པ་ཅན་བསྟི་གནས་ན་འཆག་པ་ན། རྫིང་ལག་པས་བརྐོས་པའི་འགྲམ་ན་ཨརྫུ་ནའི་ཡལ་ག་ཆེན་པོའི་འདུད་པ་ཞིག་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། ཨརྫུ་ནའི་ཡལ་ག་འདི་སྔོན་ནི་འདུད་པར་མ་གྱུར་ན། ཨརྫུ་ནའི་ཡལ་
Nga91a
༄#། །ག་ཆེན་པོ་འདི་སུ་ཞིག་གིས་བཏུད་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། བདག་འདིར་བསྟི་གནས་ན་འཆག་པ་ན་རྫིང་ལག་པས་བརྐོས་པའི་འགྲམ་ན་ཨརྫུ་ནའི་ཡལ་ག་ཆེན་པོ་འདུད་པ་མཐོང་ངོ། །མཐོང་ནས་ཀྱང་འདི་སྙམ་དུ་སེམས་ཏེ། ཨརྫུ་ནའི་ཡལ་ག་ཆེན་པོ་འདི་སྔོན་ནི་འདུད་པར་མ་གྱུར་ན། ད་འདི་སུ་ཞིག་གིས་བཏུད་སྙམ་བགྱིད་དོ། །འོད་སྲུང་ང་འདིར་ཕྱེ་མ་རེད་ནང་དུ་ཡང་དག་འཇོག་ལས་བཞེངས་ནས་རྫིང་ལག་པས་བརྐོས་པ་གང་ན་བ་དེར་གཤེགས་ཏེ་བྱོན་ནས། རྫིང་ལག་པས་བརྐོས་པའི་འགྲམ་གྱི་མཐའ་གཅིག་ན་ན་བཟའ་ཆོས་གོས་རྣམས་བཞག་སྟེ།་རྫིང་ལག་པས་བརྐོས་པར་ཞུགས་ཏེ། ལུས་ཁྲུས་བྱས་ནས་རྫིང་ལག་པས་བརྐོས་པ་ནས་འབྱུང་བར་འདོད་ནས་ཤིང་ཨརྫུ་ན་འདི་གང་ན་བ་དེ་ལོགས་སུ་ལག་པ་བརྐྱང་པ་དང ། དེ་ནས་ཨ་རྫུ་ནའི་ཡལ་ག་ཆེན་པོ་འདི་འདུད་པར་གྱུར་ཏེ། དེ་ལ་ང་འཇུས་ནས་རྫིང་ལག་པས་བརྐོས་པ་ནས་བྱུང་ངོ ། །འོད་སྲུང་ཤིང་འདི་ནི་ཨརྫུ་ན་ལག་པས་བཟུང་བ་ཞེས་བྱའོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་
Nga91b
འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེའི་ཚེ་བཅོམ་ལྡན་འདས་ཀྱིས་ཕྱག་དར་ཁྲོད་པའི་ཤ་ནའི་རས་དག་རྙེད་ནས། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངའི་ཕྱག་དར་ཁྲོད་པའི་ཤ་ནའི་རས་གང་དུ་བཀྲུ་སྙམ་མོ། །དེ་ནས་ལྷ་རྣམས་ཀྱིས་དབང་པོ་བརྒྱ་བྱིན་གྱི་སེམས་ཀྱིས་བཅོམ་ལྡན་འདས་ཀྱི་དགོངས་པ་ཤེས་ནས་རི་བྲག་ཅིག་ལས་རྡོ་ལེབ་ཆེ་ལ་རིང་བ་ཞིག་བླངས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཕྱག་དར་ཁྲོད་པའི་ཤ་ནའི་རས་དག་འདི་ལ་བཀྲུ་བར་གསོལ། དེ་ལ་བཅོམ་ལྡན་འདས་ཀྱིས་ཕྱག་དར་ཁྲོད་པའི་ཤ་ནའི་རས་རྣམས་བཀྲུས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ་ངའི་ཕྱག་དར་ཁྲོད་པའི་ཤ་ནའི་རས་རྣམས་གང་དུ་དགྲམ་སྙམ་པ་དང ། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱི་སེམས་ཀྱིས་བཅོམ་ལྡན་འདས་ཀྱི་དགོངས་པ་ཤེས་ནས། བྲག་ཅིག་ལས་རྡོ་ལེབ་ཆེ་ལ་རིང་བ་ཞིག་ཁྱེར་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལ་ཕྱག་དར་ཁྲོད་པའི་ཤ་ནའི་རས་རྣམས་དགྲམ་དུ་གསོལ། དེ་ལ་བཅོམ་ལྡན་འདས་ཀྱིས་ཕྱག་དར་ཁྲོད་པའི་ཤ་ནའི་རས་དག་བཀྲམ་མོ། །ལྟེང་རྒྱས་འོད་སྲུང་རལ་པ་ཅན་བསྟི་གནས་ན་འཆག་པ་ན་རྡོ་ལེབ་ཆེ་ལ་རིང་བ་དག་མཐོང་ངོ ། །
Nga92a
༄#། །མཐོང་ནས་ཀྱང་འདི་སྙམ་དུ་སེམས་ཏེ། རྡོ་ལེབ་ཆེ་ལ་རིང་བ་འདི་དག་སྔོན་ནི་མེད་ན་རྡོ་ལེབ་ཆེ་ལ་རིང་བ་འདི་དག་ད་སུ་ཞིག་གིས་ཁྱེར་ཏེ་འོང་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་བསྟི་གནས་ན་འཆག་པ་ན་རྡོ་ལེབ་ཆེ་ལ་རིང་བ་དག་ཅིག་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། རྡོ་ལེབ་ཆེ་ལ་རིང་བ་འདི་དག་སྔོན་ནི་མ་མཆིས་ན་རྡོ་ལེབ་ཆེ་ལ་རིང་བ་འདི་དག་ད་སུ་ཞིག་གིས་འཚལ་ཏེ་མཆིས་སྙམ་བགྱིད་དོ། །འོད་སྲུང་འདིར་ངས་ཕྱག་དར་ཁྲོད་པའི་ཤ་ནའི་རས་དག་ཅིག་རྙེད་དོ། །དེ་ནས་ང་འདི་སྙམ་དུ་དགོངས་ཏེ། ཕྱག་དར་ཁྲོད་པའི་ཤ་ནའི་རས་གང་དུ་བཀྲུ་སྙམ་པ་དང ། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱི་སེམས་ཀྱིས་ངའི་དགོངས་པ་ཤེས་ནས་བྲག་ཅིག་ལས་རྡོ་ལེབ་ཆེ་ལ་རིང་བ་ཞིག་བླངས་ཏེ། ང་གང་ན་བ་དེར་འོངས་ཏེ་ཕྱིན་ནས་ང་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལ་ཕྱག་དར་ཁྲོད་པའི་ཤ་ནའི་རས་རྣམས་བཀྲུ་བར་གསོལ། ངས་དེ་ལ་ཕྱག་དར་ཁྲོད་པའི་ཤ་ནའི་རས་རྣམས་བཀྲུས་སོ། །ང་འདི་སྙམ་དུ་དགོངས་ཏེ། ངས་དེ་ལ་ཕྱག་དར་ཁྲོད་པའི་ཤ་ནའི་རས་རྣམས་གང་དུ་དགྲམ་སྙམ་པ་དང ། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱི་སེམས་ཀྱིས་ངའི་
Nga92b
དགོངས་པ་ཤེས་ནས། བྲག་ཅིག་ལས་རྡོ་ལེབ་ཆེ་ལ་རིང་བ་གཞན་ཞིག་བླངས་ཏེ། ང་གང་ན་བ་དེར་འོངས་ཏེ་ཕྱིན་ནས། ང་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་འདིར་ཕྱག་དར་ཁྲོད་པའི་ཤ་ནའི་རས་རྣམས་དགྲམ་དུ་གསོལ། ངས་དེ་ལ་ཕྱག་དར་ཁྲོད་པའི་ཤ་ནའི་རས་རྣམས་བཀྲམ་མོ། །འོད་སྲུང་རྡོ་ལེབ་ཆེ་ཞིང་རིང་བ་འདི་དག་ནི་གནོད་སྦྱིན་གྱིས་བླངས་པ་ཞེས་བྱའོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེའི་ཚེ་ནེ་རཉྫ་ན་ཆུ་ཆེར་བྲུག་ནས་བབ་བོ། །དེ་ནས་བཅོམ་ལྡན་འདས་ཆུ་ཀླུང་མི་གང་བས་ལྷག་པས་ཁེངས་པའི་སྟེང་ནས་རྡུལ་གྱིས་ཡོག་པ་བླ་གབ་མེད་པ་ལ་འཆག་པས་འཆག་པར་མཛད་དོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། དགེ་སྦྱོང་ཆེན་པོ་དེ་ལྟར་མཛེས་པ་ཆུ་ཆེན་པོ་བྲུག་པས་ཁྱེར་བ་མ་གྱུར་གྲང ། མ་ལ་བདག་གིས་དགེ་སྦྱོང་ཆེན་པོ་བཙལ་ལོ་སྙམ་དུ་བསམས་ནས། ཤིང་གཅིག་པའི་གྲུའི་ནང་དུ་ཞུགས་ཏེ། བཅོམ་ལྡན་འདས་བཙལ་པ་ན། ལྟེང་རྒྱས་ན་འོད་སྲུང་རལ་པ་ཅན་གྱིས་བཅོམ་ལྡན་འདས་ཆུ་ཀླུང་མི་གང་བས་ལྷག་པས་ཁེངས་པའི་སྟེང་ནས་རྡུལ་གྱིས་ཡོག་པ་བླ་གབ་མེད་པ་ན། འཆག་པས་འཆག་
Nga93a
༄#། །པར་མཐོང་ངོ ། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་གསོན་ནམ། འོད་སྲུང་གསོན་ནོ། །དགེ་སྦྱོང་ཆེན་པོ་ཞུགས་ཤིང་གཅིག་པའི་གྲུར་འཇུག་གམ། འོད་སྲུང་འཇུག་གོ་།དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། མ་ལ་ངས་ཇི་ལྟར་ཐུགས་མཉམ་པར་བཞག་ན་ཤིང་གཅིག་པའི་གྲུ་ཇི་ལྟ་བར་ཆུ་ལ་འཇུག་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་འདུ་བྱའོ་སྙམ་ནས། དེ་ནས་བཅོམ་ལྡན་འདས་ཀྱིས་ཇི་ལྟར་ཐུགས་མཉམ་པར་བཞག་ན་ཤིང་གཅིག་པའི་གྲུ་ཇི་ལྟ་བར་ཆུ་ལ་འཇུག་པ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་དོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ལྟེང་རྒྱས་འོད་སྲུང་རལ་པ་ཅན་གྱི་སེམས་མཁྱེན་ནས། ལྟེང་རྒྱས་འོད་སྲུང་རལ་པ་ཅན་ལ་འདི་སྐད་ཅེས་བཀའ་སྩལ་ཏོ། །འོད་སྲུང་ཁྱོད་ནི་དགྲ་བཅོམ་པ་མ་ཡིན། དགྲ་བཅོམ་པའི་འབྲས་བུ་མངོན་སུམ་དུ་བྱ་བའི་ཕྱིར་ཞུགས་པ་མ་ཡིན་ཏེ། དགྲ་བཅོམ་པའི་ལམ་གང་ཡིན་པ་དེ་ཡང་མི་ཤེས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། དགེ་སྦྱོང་ཆེན་པོ་གོའུ་ཏ་མའི་ཐུགས་ཀྱིས་
Nga93b
བདག་གི་སེམས་མཁྱེན་ཏོ་སྙམ་དུ་རིག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། དགེ་སྦྱོང་ཆེན་པོའི་སྤྱན་སྔར་བདག་ཚངས་པར་སྤྱོད་པ་སྤྱད་པར་བགྱིའོ། །འོད་སྲུང་ཁྱོད་ཀྱིས་འཁོར་ལ་བལྟས་སམ། དགེ་སྦྱོང་ཆེན་པོ། མ་བལྟས་ལགས་སོ། །འོད་སྲུང་དེའི་ཕྱིར་རེ་ཞིག་འཁོར་ལ་ལྟོས་ཤིག་།འདི་ལྟར་ཁྱོད་ལྟ་བུའི་མི་གྲགས་པ་དང་ལྡན་པ་ཤེས་ཉེན་ཅན་རྣམས་ཀྱིས་ནི་འཁོར་ལ་བལྟས་པ་ལེགས་པ་ཡིན་ནོ། །དེ་ནས་ལྟེང་རྒྱས་འོད་སྲུང་རལ་པ་ཅན་རང་གི་བསྟི་གནས་གང་ཡིན་པ་དེར་སོང་སྟེ་ཕྱིན་ནས། བྲམ་ཟེའི་ཁྱེའུ་རྣམས་ལ་སྨྲས་པ། བྲམ་ཟེའི་ཁྱེའུ་དག་ཤེས་པར་གྱིས་ཤིག་།བྲམ་ཟེའི་ཁྱེའུ་དག་ཁོ་བོ་ནི་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱད་པ་སྤྱོད་ན། ཤེས་ལྡན་དག་ཅི་བྱེད། མཁན་པོ་བདག་ཅག་གིས་ཅུང་ཟད་ཅི་འཚལ་བ་དེ་ཐམས་ཅད་ནི་མཁན་པོ་ལ་བརྟེན་ནས་ལགས་པས། གལ་ཏེ་མཁན་པོ་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱད་པ་སྤྱོད་ན། བདག་ཅག་ཀྱང་མཁན་པོ་རབ་ཏུ་བྱུང་བའི་རྗེས་སུ་རབ་ཏུ་འབྱུང་ངོ ། །བྲམ་ཟེའི་ཁྱེའུ་དག་ཁྱོད་ཀྱིས་དེའི་ཕྱིར་གཡང་གཞི་དང ། ཤིང་ཤུན་དང ། འཁར་བ་དང ། རིལ་བ་སྤྱི་བླུགས་དང ། བླུགས་གཟར་འདི་དག་ཆུ་ཀླུང་ནེ་རཉྫ་ནའི་ནང་
Nga94a
༄#། །དུ་འོར་ཅིག་།མཁན་པོ་བཀའ་བཞིན་འཚལ་ཞེས་བྲམ་ཟེའི་ཁྱེའུ་དེ་རྣམས་ཀྱིས་གཡང་གཞི་དང ། ཤིང་ཤུན་དང ། འཁར་བ་དང ། རིལ་བ་སྤྱི་བླུགས་དང ། བླུགས་གཟར་རྣམས་ཆུ་ཀླུང་ནེ་རཉྫ་ནའི་ནང་དུ་བོར་ནས། ལྟེང་རྒྱས་འོད་སྲུང་རལ་པ་ཅན་གང་ན་བ་དེར་སོང་སྟེ་ཕྱིན་ནས། ལྟེང་རྒྱས་འོད་སྲུང་རལ་པ་ཅན་ལ་འདི་སྐད་ཅེས་སྨྲས་སོ། །མཁན་པོ་འདི་ལྟར་བདག་ཅག་གིས་བགྱི་པ་གང་ལགས་པ་དེ་བགྱིས་ལགས་སོ། །དེ་ནས་ལྟེང་རྒྱས་འོད་སྲུང་རལ་པ་ཅན་འཁོར་ལྔ་བརྒྱ་དང ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བདག་གིས་འཁོར་ལ་བལྟས་ལགས་ཏེ། བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན་བདག་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །འོད་སྲུང་ཚུར་ཤོག་།ཚངས་པར་སྤྱད་པ་སྤྱོད་ཅིག་།དེ་ཉིད་ཀྱིས་ཚེ་དང་ལྡན་པ་དེ་དག་རབ་ཏུ་བྱུང་བ་དང ། དེས་བསྙེན་པར་རྫོགས་པ་དང ། དེས་དགེ་སློང་གི་དངོས་པོར་གྱུར་ཏོ། །དེའི་ཚེ་ལྟེང་རྒྱས་འོད་སྲུང་རལ་པ་ཅན་གྱི་སྤུན་ཆུ་ཀླུང་འོད་སྲུང་དང ། ག་ཡ་འོད་སྲུང་གཉིས་འཁོར་ཉིས་བརྒྱ་ལྔ་བཅུ་ལྔ་བཅུ་དག་།ཆུ་ཀླུང་ནེ་རཉྫ་ནའི་མཇུག་གི་འགྲམ་གྱི་བསྟི་གནས་ན་དཀའ་ཐུབ་སྤྱོད་དོ། །ཆུ་ཀླུང་འོད་སྲུང་དང ། ག་ཡ་འོད་སྲུང་
Nga94b
སྤུན་གྱིས་གཡང་གཞི་དང ། ཤིང་ཤུན་དང་འཁར་བ་དང ། རིལ་བ་སྤྱི་བླུགས་དང ། བླུགས་གཟར་དེ་དག་ཆུ་ཀླུང་ནེ་རཉྫ་ནས་ཁྱེར་བར་མཐོང་ངོ ། །མཐོང་ནས་ཀྱང་དེ་དག་འདི་སྙམ་དུ་སེམས་ཏེ། བདག་ཅག་གི་ཚངས་པ་མཚུངས་པར་སྤྱོད་པ་རྣམས་རྒྱལ་པོའམ། ཆོམ་རྐུན་ནམ། མེའམ། ཆུས་ཉེས་དམིགས་འགའ་ཞིག་བྱུང་བར་མ་གྱུར་གྲང ། མ་ལ་བདག་ཅག་གིས་ཚངས་པ་མཚུངས་པར་སྤྱོད་པ་རྣམས་བཙལ་ལོ་སྙམ་མོ། །དེ་ནས་ཆུ་ཀླུང་འོད་སྲུང་དང ། ག་ཡ་འོད་སྲུང་སྤུན་དག་ལྟེང་རྒྱས་འོད་སྲུང་རལ་པ་ཅན་ཚོལ་ཞིང ། ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་གང་ན་བ་དེར་དོང་བ་དང ། དེའི་ཚེ་ཚེ་དང་ལྡན་པ་ལྟེང་རྒྱས་འོད་སྲུང་རལ་པ་ཅན་སྐྲ་བྱི་སྣམ་སྦྱར་བགོས་ནས་འཁོར་ལྔ་བརྒྱ་དང་བཅོམ་ལྡན་འདས་ཀྱི་སྤྱན་སྔ་ན་ཆོས་མཉན་པའི་ཕྱིར་འདིར་འཁོད་དོ། །ཆུ་ཀླུང་འོད་སྲུང་དང་ག་ཡ་འོད་སྲུང་སྤུན་གྱིས་ལྟེང་རྒྱས་འོད་སྲུང་རལ་པ་ཅན་སྐྲ་བྱི་སྣམ་སྦྱར་བགོས་ནས། བཅོམ་ལྡན་འདས་ཀྱི་སྤྱན་སྔ་ན་ཆོས་མཉན་པའི་ཕྱིར་འདུག་པ་མཐོང་ངོ ། ། མཐོང་ནས་ཀྱང་ཚེ་དང་ལྡན་པ་ལྟེང་རྒྱས་འོད་སྲུང་རལ་པ་ཅན་ལ་འདི་སྐད་ཅེས་སྨྲས་སོ། །འོད་སྲུང་རལ་པ་ཅན་འདི་ནི་མཆོག་ཡིན་ལ། དེ་མཆོག་མ་ཡིན་ནམ། འོད་སྲུང་དག་འདི་ནི་མཆོག་ཡིན་ཏེ་དེ་ནི་མ་ཡིན་ནོ། །དེ་ནས་ཆུ་ཀླུང་འོད་སྲུང་དང ། ག་ཡ་འོད་སྲུང་སྤུན་དག་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་ནི་མཆོག་མ་ཡིན་པ་མ་ཡིན་ཞིང་ཆོས་བཤད་པ་ཡང་
Nga95a
༄#། །མཆོག་མ་ཡིན་པ་མ་ཡིན་ཏེ། གང་གི་ཕྱིར་ད་ལྟར་ལྟེང་རྒྱས་འོད་སྲུང་རལ་པ་ཅན་བཙས་ནས་ལོ་བརྒྱ་ཉི་ཤུ་ལྷག་ལོན་པ་རྒས་འཁོགས་གཏུགས་པ། མ་ག་དྷའི་མི་རྣམས་ཀྱིས་བཀུར་སྟི་བྱས། བླ་མར་བྱས། རྗེད་པར་བྱས། མཆོད་པར་བྱས་ཤིང་དགྲ་བཅོམ་པར་བཀུར་བ་དེ་ཡང་ལན་གཉིས་ཀྱི་བར་དུ་དགེ་སྦྱོང་ཆེན་པོའི་སྤྱན་སྔར་རབ་ཏུ་འབྱུང་བར་ཁས་བླངས་ཀྱིས། མ་ལ་བདག་ཅག་ཀྱང་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱོད་པ་སྤྱད་པར་བྱའོ་སྙམ་དུ་བསམས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན། བདག་ཅག་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །ཁྱེད་ཀྱིས་འཁོར་ལ་བལྟས་སམ། དགེ་སྦྱོང་ཆེན་པོ་མ་བལྟས་ལགས་སོ། །འོད་སྲུང་དག་དེའི་ཕྱིར་རེ་ཞིག་འཁོར་ལ་ལྟོས་ཤིག་།འདི་ལྟར་ཁྱེད་ལྟ་བུའི་མི་གྲགས་པ་དང་ལྡན་པ། ཤེས་ཉེན་ཅན་དག་གིས་ནི་འཁོར་ལ་བལྟ་བ་ལེགས་པ་ཡིན་ནོ། །དེ་ནས་ཆུ་ཀླུང་འོད་སྲུང་དང ། ག་ཡ་འོད་སྲུང་སྤུན་རང་གི་བསྟི་གནས་གང་ན་བ་དེར་སོང་སྟེ་ཕྱིན་ནས་བྲམ་ཟེའི་ཁྱེའུ་རྣམས་ལ་འདི་སྐད་ཅེས་སྨྲས་སོ། །བྲམ་ཟེའི་ཁྱེའུ་དག་ཤེས་པར་གྱིས་ཤིག་།ཁོ་བོ་ཅག་ནི་དགེ་སྦྱོང་ཆེན་པོའི་སྤྱན་སྔར་ཚངས་པར་
Nga95b
སྤྱད་པ་སྤྱོད་ན། ཤེས་ལྡན་དག་ཅི་བྱེད། མཁན་པོ་དག་བདག་ཅག་ཅུང་ཟད་ཅི་འཚལ་བ་དེ་ཐམས་ཅད་ནི་མཁན་པོ་དག་ལ་བརྟེན་ནས་ལགས་ཀྱིས། གལ་ཏེ་མཁན་པོ་དག་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱོད་པ་སྤྱད་ན། བདག་ཅག་ཀྱང་མཁན་པོ་རབ་ཏུ་བྱུང་བའི་རྗེས་སུ་རབ་ཏུ་འབྱུང་ངོ ། །བྲམ་ཟེའི་ཁྱེའུ་དག་དེའི་དུས་ད་ཡིན་པར་ཤེས་པར་གྱིས་ཤིག་།དེ་ནས་ཆུ་ཀླུང་འོད་སྲུང་དང་ག་ཡ་འོད་སྲུང་སྤུན་གཉིས་འཁོར་ཉིས་བརྒྱ་ལྔ་བཅུ་ལྔ་བཅུ་དག་།བཅོམ་ལྡན་འདས་གང་ན་བ་དེར་སོང་སྟེ་ལྷགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བདག་ཅག་གིས་འཁོར་ལ་བལྟས་ལགས་ཏེ། དགེ་སྦྱོང་ཆེན་པོ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་ན་བདག་ཅག་དགེ་སྦྱོང་ཆེན་པོའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །འོད་སྲུང་དག། ཚུར་ཤོག་ཚངས་པར་སྤྱད་པ་སྤྱོད་ཅིག་།དེ་ཉིད་ཀྱིས་ཚེ་དང་ལྡན་པ་དེ་རྣམས་རབ་ཏུ་བྱུང་བ་དང་དེས་བསྙེན་པར་རྫོགས་པ་དང ། དེས་དགེ་སློང་གི་དངོས་པོར་གྱུར་ཏོ། །དེ་ནས་བཅོམ་ལྡན་འདས་ཀྱིས་རལ་པ་ཅན་སྟོང་པོ་དེ་རབ་ཏུ་ཕྱུང ། བསྙེན་པར་རྫོགས་པར་མཛད་ནས་ལྟེང་རྒྱས་སུ་ཇི་ཙམ་བཞེད་ཀྱི་བར་དུ་བཞུགས་ནས། ག་ཡ་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་ན་ག་ཡར་བྱོན་ནས་ག་ཡ་ན་ག་ཡ་མགོའི་མཆོད་རྟེན་ན་སྔོན་གྱི་རལ་
Nga96a
༄#། །པ་ཅན་ཐམས་ཅད་རབ་ཏུ་བྱུང་བའི་དགེ་སློང་སྟོང་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་སྟོང་པོ་དེ་ལ། རྫུ་འཕྲུལ་རྣམ་པ་གསུམ་གྱིས་འདོམས་པར་མཛད་དེ། རྫུ་འཕྲུལ་གྱི་ཆོ་འཕྲུལ་དང ། ཀུན་བརྗོད་པའི་ཆོ་འཕྲུལ་དང ། རྗེས་སུ་བསྟན་པའི་ཆོ་འཕྲུལ་ལོ། །དེ་ལ་བཅོམ་ལྡན་འདས་ཀྱིས་རྫུ་འཕྲུལ་གྱི་ཆོ་འཕྲུལ་ནི་འདི་ཡིན་ཏེ། དེ་ནས་བཅོམ་ལྡན་འདས་ཀྱིས་ཇི་ལྟར་ཐུགས་མཉམ་པར་བཞག་ན། ཉིད་ཀྱིས་གདན་གྱི་ནང་དུ་མི་སྣང་བར་གྱུར་ཅིང ། ཤར་ཕྱོགས་ཀྱི་སྟེང་གི་བར་སྣང་ལ་མངོན་པར་འཕགས་ནས། སྤྱོད་ལམ་རྣམ་པ་བཞི་མཛད་དེ། འདི་ལྟ་སྟེ། འཆག་པ་དང ། བཞེངས་པ་དང ། བཞུགས་པ་དང ། མནལ་བར་མཛད་དོ། །མེའི་ཏིང་ངེ་འཛིན་ལ་ཡང་སྙོམས་པར་འཇུག་པར་མཛད་དེ། མེའི་ཏིང་ངེ་འཛིན་ལ་སྙོམས་པར་ཞུགས་པ་ན། སངས་རྒྱས་བཅོམ་ལྡན་འདས་ཀྱི་སྐུ་ལས་འོད་ཟེར་རྣམ་པ་སྣ་ཚོགས་དག་འབྱིན་པར་མཛད་དེ། འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། ལེབ་རྒན་དང ། ཤེལ་གྱི་ཁ་དོག་གོ་།ཆོ་འཕྲུལ་ཟུང་དུ་ཡང་སྟོན་པར་མཛད་དེ། སྐུའི་སྨད་ནས་འབར་བར་མཛད་ལ་སྐུའི་སྟོད་ནས་ཆུ་གྲང་མོའི་རྒྱུན་འབེབས་པར་མཛད་དོ། །སྐུའི་སྟོད་ན་འབར་བར་མཛད་ལ་སྐུའི་སྨད་ནས་ཆུ་གྲང་མོའི་རྒྱུན་འབེབས་པར་མཛད་པ་དེ་ལྟ་བུའི་ཏིང་ངེ་འཛིན་
Nga96b
ལ་སྙོམས་པར་ཞུགས་སོ། །ཤར་ཕྱོགས་ལ་ཇི་ལྟ་བ་བཞིན་དུ་ལྷོ་དང ། ནུབ་དང ། བྱང་ཕྱོགས་སུའང་དེ་བཞིན་ནོ། །ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བསྟན་ནས་རྫུ་འཕྲུལ་མངོན་པར་འདུ་མཛད་པ་རྣམས་བསྡུས་ཏེ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་ཏེ། དེ་ལ་འདི་ནི་བཅོམ་ལྡན་འདས་ཀྱི་རྫུ་འཕྲུལ་གྱི་ཆོ་འཕྲུལ་ཡིན་ནོ། །དེ་ལ་བཅོམ་ལྡན་འདས་ཀྱི་ཀུན་བརྗོད་པའི་ཆོ་འཕྲུལ་ནི་འདི་ཡིན་ཏེ། དགེ་སློང་དག་ཁྱེད་ཀྱི་སེམས་ནི་འདི་ལྟ་བུའོ། །ཁྱེད་ཀྱི་ཡིད་ནི་འདི་ལྟ་བུའོ། །རྣམ་པར་ཤེས་པ་ནི་འདི་ལྟ་བུའོ། །འདི་ནི་རྟོགས་ཤིག་།འདི་ནི་མ་རྟོགས་ཤིག་།འདི་ནི་ཡིད་ལ་བྱོས་ཤིག་།འདི་ནི་ཡིད་ལ་མ་བྱེད་ཅིག་།འདི་ནི་སྤོངས་ཤིག་།འདི་ནི་མ་སྤངས་ཤིག་།འདི་ནི་ལུས་ཀྱིས་མངོན་སུམ་དུ་བྱས་ལ་རྫོགས་པར་གྱིས་ཏེ་ནོས་ཤིག་།འདི་ནི་བཅོམ་ལྡན་འདས་ཀྱི་ཀུན་བརྗོད་པའི་ཆོ་འཕྲུལ་ཡིན་ནོ། །དེ་ལ་བཅོམ་ལྡན་འདས་ཀྱི་རྗེས་སུ་བསྟན་པའི་ཆོ་འཕྲུལ་ནི་འདི་ཡིན་ཏེ། དགེ་སློང་དག་འདི་ཐམས་ཅད་ནི་ཀུན་ཏུ་འབར་བ་ཡིན་ནོ། །དགེ་སློང་དག་ཐམས་ཅད་ཀུན་ཏུ་འབར་བ་དེ་ཅི་ཡིན་ཞེ་ན། དགེ་སློང་དག་མིག་དང་གཟུགས་དང ། མིག་གི་རྣམ་པར་ཤེས་པ་དང ། མིག་གི་འདུས་ཏེ་རེག་པ་ཀུན་ཏུ་འབར་བ་ཡིན་ཞིང་མིག་གི་འདུས་ཏེ་རེག་པའི་རྐྱེན་གྱིས་ནང་གི་ཚོར་བ་བདེ་བའམ། སྡུག་བསྔལ་བའམ། བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་པ་འབྱུང་བ་གང་ཡིན་པ་དེ་ཡང་ཀུན་ཏུ་
Nga97a
༄#། །འབར་བ་ཡིན་ནོ། །དགེ་སློང་དག་རྣ་བ་དང ། སྣ་དང ། ལྕེ་དང ། ལུས་དང ། ཡིད་དང ། ཆོས་དང ། ཡིད་ཀྱི་རྣམ་པར་ཤེས་པ་དང ། ཡིད་ཀྱི་འདུས་ཏེ་རེག་པ་ནི་ཀུན་ཏུ་འབར་བ་ཡིན་ཞིང ། ཡིད་ཀྱི་འདུས་ཏེ་རེག་པའི་རྐྱེན་གྱིས་ནང་གི་ཚོར་བ་བདེ་བའམ། སྡུག་བསྔལ་བའམ། བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་པ་འབྱུང་བ་གང་ཡིན་པ་དེ་ཡང་ཀུན་ཏུ་འབར་བ་ཡིན་ནོ། །གང་གིས་ཀུན་ཏུ་འབར་ཞེ་ན། འདོད་ཆགས་ཀྱི་མེ་དང ། ཞེ་སྡང་གི་མེ་དང ། གཏི་མུག་གི་མེས་ཀུན་ཏུ་འབར། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་སྟེ། སྡུག་བསྔལ་གྱི་ཀུན་ཏུ་འབར་བའོ་ཞེས་སྨྲའོ། །དེ་ལ་འདི་ནི་བཅོམ་ལྡན་འདས་ཀྱི་རྗེས་སུ་བསྟན་པའི་ཆོ་འཕྲུལ་ཡིན་ནོ། །ཆོས་ཀྱི་རྣམ་གྲངས་འདི་བཤད་པ་ན། སྔོན་ཐམས་ཅད་རལ་པ་ཅན་དུ་གྱུར་པའི་དགེ་སློང་དེ་རྣམས་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དེ་ནས་བཅོམ་ལྡན་འདས་ག་ཡ་ན་ག་ཡ་མགོའི་མཆོད་རྟེན་ལ་སྔོན་ཐམས་ཅད་རལ་པ་ཅན་དུ་གྱུར་པའི་དགེ་སློང་ཐམས་ཅད་ཀྱང་དགྲ་བཅོམ་པ་ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། རང་གི་དོན་རྗེས་སུ་ཐོབ་པ། སྲིད་པ་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་ཤ་སྟག་དང་ཐབས་ཅིག་ཏུ་
Nga97b
བཞུགས་སོ། །རྒྱལ་པོ་གཟུགས་ཅན་སྙིང་པོའི་ཞོ་ཤས་འཚོ་བའི་མི་རྣམས་ལྗོངས་རྒྱུ་བ་ན། ཤཱཀྱ་རྣམས་ཀྱི་གཞོན་ནུ་གངས་རིའི་ངོས་ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བ་ཞིག་ཏུ་བྱུང་བ་དེ་བྲམ་ཟེ་མཚན་མཁན་དང་ལྟས་མཁན་རྣམས་ཀྱིས་གལ་ཏེ་ཁྱིམ་པར་གྱུར་ཏེ། ཁྱིམ་ན་གནས་ན་ནི་འཁོར་ལོས་སྒྱུར་བའི་རྒྱལ་པོ་ཆོས་དང་ལྡན་པ། ཆོས་ཀྱི་རྒྱལ་པོ་མཐའ་བཞིར་རྣམ་པར་རྒྱལ་བའི་རིན་པོ་ཆེ་སྣ་བདུན་དང་ལྡན་པར་གྱུར་ཏེ། དེའི་རིན་པོ་ཆེ་སྣ་བདུན་ནི་འདི་ལྟ་བུ་དག་ཡིན་པར་འགྱུར་རོ། །འདི་ལྟ་སྟེ། འཁོར་ལོ་རིན་པོ་ཆེ་དང ། གླང་པོ་རིན་པོ་ཆེ་དང ། རྟ་རིན་པོ་ཆེ་དང ། ནོར་བུ་རིན་པོ་ཆེ་དང ། བུད་མེད་རིན་པོ་ཆེ་དང ། ཁྱིམ་བདག་རིན་པོ་ཆེ་དང ། བདུན་པ་བློན་པོ་རིན་པོ་ཆེ་ཡིན་ནོ། །དེ་ལ་བུ་སྟོང་ཡང་ཚང་བར་འབྱུང་བར་འགྱུར་ཏེ། དཔའ་བ་བརྟུལ་ཕོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ་རབ་ཏུ་འཇོམས་པ། དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་སྡོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་བདའ་བ་མེད་ལ་ཆོས་དང་མཐུན་ཞིང་སྙོམས་པར་ལེགས་པར་བབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་གྱུར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འཇིག་རྟེན་དུ་སྒྲ་རྣམ་
Nga98a
༄#། །པར་གྲགས་པར་འགྱུར་བར་ལུང་བསྟན་ཏོ་ཞེས་ཐོས་སོ། །ཐོས་ནས་ཀྱང་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་གང་ན་བ་དེར་སོང་སྟེ་ཕྱིན་ནས། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛད་དུ་གསོལ། བདག་ཅག་འདིར་ལྷའི་ཡུལ་ན་རྒྱུ་བ་ན་ཤཱཀྱ་རྣམས་ཀྱི་གཞོན་ནུ་གངས་རིའི་ངོས་ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བ་ཞིག་ཏུ་བྱུང་བ་དེ་བྲམ་ཟེ་མཚན་མཁན་དང་ལྟས་མཁན་རྣམས་ཀྱིས་གལ་ཏེ་ཁྱིམ་པར་གྱུར་ཏེ་ཁྱིམ་ན་གནས་ན། འཁོར་ལོས་སྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ་ཞེས་བྱ་བ་ནས་བདུན་པ་བློན་པོ་རིན་པོ་ཆེར་འགྱུར་རོ་ཞེས་བྱ་བའི་བར་དུའོ། །དེ་ལ་བུ་སྟོང་ཡང་ཚང་བར་འབྱུང་བར་འགྱུར་རོ་ཞེས་བྱ་བ་ནས་ཆོས་དང་མཐུན་ཞིང་སྙོམས་པར་ལེགས་པར་ཕབ་སྟེ་གནས་པར་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་བར་ལུང་བསྟན་པ་ཞིག་ཐོས་སོ་ཞེས་བྱ་བའི་གོང་མ་བཞིན་དུའོ། །ལྷ་དེ་ཁུམ་ཞིག་།ལྷ་བས་གཙོ་བས་ཆེས་གཙོ་བོར་འགྱུར་དུ་མཆིའོ། །གྲོང་པ་དག་ཤཱཀྱ་རྣམས་ཀྱི་གཞོན་ནུ་གངས་རིའི་ངོས་ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་དང་ཧ་ཅང་ཡང་མི་རིང་བ་ཞིག་ཏུ་བྱུང་བ་ཞེས་བྱ་
Nga98b
བའི་བར་གོང་མ་བཞིན་དུ་སྟེ། གལ་ཏེ་ཁྱིམ་པར་གྱུར་ཏེ་ཁྱིམ་ན་གནས་ན་འཁོར་ལོས་སྒྱུར་བའི་རྒྱལ་པོ་ཞེས་བྱ་བ་ནས་ཆོས་དང་མཐུན་ཞིང་སྙོམས་པར་ལེགས་པར་ཕབ་སྟེ་གནས་པར་འགྱུར་རོ་ཞེས་བྱ་བའི་བར་གོང་མ་བཞིན་དུའོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་གྱུར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འཇིག་རྟེན་དུ་སྒྲ་རྣམ་པར་གྲགས་པར་འགྱུར་བ་དེ་ལྷ་ཁུམ་ཞིག་།ལྷ་བས་གཙོ་བོ་བས་ཆེས་གཙོ་བོར་འགྱུར་དུ་མཆིའོ་ཞེས་ཁྱེད་ཅག་དེ་སྐད་མ་སྨྲ་ཞིག་།དེ་ཅིའི་ཕྱིར་ཞེ་ན། གྲོང་པ་དག་ཤཱཀྱ་རྣམས་ཀྱི་གཞོན་ནུ་ཞེས་བྱ་བ་ནས་བྱུང་བ་ཞེས་བྱ་བའི་བར་གོང་མ་བཞིན་དུ་སྟེ། གལ་ཏེ་འཁོར་ལོས་སྒྱུར་བའི་རྒྱལ་པོར་གྱུར་ན་དེའི་གཡོག་བྱའོ། །གལ་ཏེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་གྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འཇིག་རྟེན་དུ་སྒྲ་རྣམ་པར་གྲགས་པར་གྱུར་ན། དེའི་ཉན་ཐོས་སུ་ཁས་བླང་བར་བྱའོ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟེང་གི་ཁང་བཟང་གི་གཞི་ལ་འདུག་ནས། སྨོན་པའི་གཞི་ལྔ་སྨོན་པར་བྱེད་དེ། ཀྱེ་མ་བདག་གི་ཡུལ་དུ་འཇིག་རྟེན་གྱི་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་
Nga99a
༄#། །རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འབྱུང་བ་དང ། དེ་ལ་ཡང་བལྟ་བའི་ཕྱིར་བདག་ཉེ་བར་འགྲོ་བ་དང ། ཉེ་བར་སོང་བ་ན་དེས་ཀྱང་བདག་ལ་ཆོས་བཤད་པ་དང ། བདག་གིས་ཀྱང་ཆོས་བཤད་པ་དེ་ཤེས་པ་དང ། བདག་གིས་ཆོས་ཤེས་ནས་བསླབ་པ་བཅས་ཤིང ། བསླབ་པ་དེ་ཡང་བདག་གིས་བླངས་ཏེ་གནས་ཀྱང་ཅི་མ་རུང་སྙམ་མོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་དེ། སྟེང་གི་ཁང་བཟང་གི་གཞི་ལ་འདུག་ནས། སྨོན་པའི་གཞི་ལྔ་སྨོན་པར་བྱེད་དེ། ཀྱེ་མའོ་བདག་གི་ཡུལ་དུ་འཇིག་རྟེན་གྱི་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འབྱུང་བ་དང ། དེ་ལ་ཡང་བལྟ་བའི་ཕྱིར་བདག་ཉེ་བར་འགྲོ་བ་དང ། ཉེ་བར་སོང་བ་ན་དེས་ཀྱང་བདག་ལ་ཆོས་བཤད་པ་དང ། བདག་གིས་ཀྱང་ཆོས་བཤད་པ་དེ་ཤེས་པ་དང ། བདག་གིས་ཆོས་ཤེས་ནས་བསླབ་པ་བཅས་ཤིང ། བསླབ་པ་དེ་ཡང་བདག་གིས་བླངས་ཏེ་གནས་ཀྱང་ཅི་མ་རུང་སྙམ་མོ། །མ་ག་དྷའི་རྒྱལ་པོ་བཟོ་སྦྱངས་གཟུགས་
Nga99b
ཅན་སྙིང་པོའི་ཞོ་ཤས་འཚོ་བ་དག་ཅིག་ལྗོངས་རྒྱུ་བ་ན། ཤཱཀྱ་རྣམས་ཀྱི་གཞོན་ནུ་གངས་རིའི་ངོས་ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་སྟི་གནས་དང་ཧ་ཅང་ཡང་མི་རིང་པ་ཞིག་ཏུ་བྱུང་བ་གང་ཡིན་པ་དེ་བྲམ་ཟེ་མཚན་མཁན་དང ། ལྟས་མཁན་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ་ཞེས་ལུང་བསྟན་པ་ཞེས་བྱ་བའི་བར་གོང་མ་བཞིན་དུའོ། །དེ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པ་རབ་ཏུ་བྱུང་བ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་དེ་ག་ཡ་ན་ག་ཡ་མགོའི་མཆོད་རྟེན་ལ་སྔོན་ཐམས་ཅད་རལ་པ་ཅན་དུ་གྱུར་པའི་དགེ་སློང་སྟོང་ཐམས་ཅད་ཀྱང་དགྲ་བཅོམ་པ་ཟག་པ་ཟད་པ། བྱ་བ་བྱས་པ། བྱེད་པ་བྱས་པ་དང ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པ་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་ཤ་སྟག་དང་ཐབས་ཅིག་ཏུ་བཞུགས་སོ་ཞེས་ཐོས་སོ། །ཐོས་ནས་ཀྱང་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་གང་ན་བ་དེར་དོང་སྟེ་ལྷགས་ནས། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛད་དུ་གསོལ། བདག་ཅག་འདི་ན་ལྷའི་ཡུལ་ན་རྒྱུ་བ་ན། ཤཱཀྱ་རྣམས་ཀྱི་གཞོན་ནུ་གང་ལགས་པ་དེ་ཞེས་བྱ་བ་ནས་འཇིག་རྟེན་དུ་སྒྲ་རྣམ་པར་གྲགས་པར་འགྱུར་རོ་ཞེས་བྱ་བའི་གོང་མ་བཞིན་དུ་སྟེ། དེ་སྐྲ་དང་ཁ་སྤུ་བྲེགས་
Nga100a
༄#། །ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། དེ་ག་ཡ་ན་ག་ཡ་མགོའི་མཆོད་རྟེན་ལ་སྔོན་ཐམས་ཅད་རལ་བ་ཅན་དུ་གྱུར་པའི་དགེ་སློང་ཐམས་ཅད་ཀྱང་དགྲ་བཅོམ་པ་ཟག་པ་ཟད་པ་ཞེས་བྱ་བ་ནས་ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་ཤ་སྟག་དང་ཐབས་ཅིག་ཏུ་བཞུགས་སོ་ཞེས་བྱ་བའི་བར་དུ་སྟེ། ལྷ། དེ་ལ་བཀུར་བསྟི་མཛོད་ཅིག་དང ། དེ་ལྟ་ན་ལྷ་གཙོ་བོ་བས་ཆེས་གཙོ་བོར་འགྱུར་རོ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་མི་ཞིག་ལ་བསྒོ་བ། ཀཝའེ་ནང་རྗེ་ཚུར་ཁྱོད་བཅོམ་ལྡན་འདས་གང་ན་བ་དེར་སོང་ལ་སོང་ནས་ཁོ་བོའི་ཚིག་འདི་དག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱོས་ལ། གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་དང་སྐུ་ཉམས་དང་ལྡན་ནམ་རེག་པར་སྤྱོད་དམ་ཞེས་ཞུས་ལ་འདི་སྐད་ཅེས་ཀྱང་གསོལ་ཅིག་།བདག་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་ཇི་སྲིད་འཚོའི་བར་དུ་ན་བཟའ་ཆོས་གོས་དང་བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་དང ། ཡོ་བྱད་རྣམས་ཀྱིས་བསྙེན་བཀུར་བགྱིད་ན་བཅོམ་ལྡན་འདས་རྒྱལ་པོའི་ཁབ་ཏུ་གཤེགས་སུ་གསོལ་ཞེས་གསོལ་ཅིག་།ལྷ་བཀའ་
Nga100b
བཞིན་འཚལ་ཞེས་མི་དེས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལས་མཉན་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱིས་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་སྟེ། བཅོམ་ལྡན་འདས་ལ་མི་དེས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱི་ཞབས་གཉིས་ལ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོའི་མགོ་བོས་ཕྱག་འཚལ་ནས་གནོད་པ་ཆུང་ངམ། ཉམ་ང་བ་ཉུང་ངམ་ཞེས་བྱ་བ་ནས་རེག་པར་སྤྱོད་དམ་ཞེས་བྱ་བའི་བར་གོང་མ་བཞིན་དུ་སྟེ་སྙུན་གསོལ་ལགས་སོ། །ཀྱེ་མི་ཁྱོད་དང ། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་བདེ་བར་གྱུར་ཅིག་།བཙུན་པ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོའི་མཆིད་ནས་འདི་སྐད་ཅེས་བདག་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་ཇི་སྲིད་འཚོའི་བར་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་དང ། ཡོ་བྱད་རྣམས་ཀྱིས་བསྙེན་བཀུར་བགྱིད་ན། བཅོམ་ལྡན་འདས་རྒྱལ་པོའི་ཁབ་ཏུ་གཤེགས་སུ་གསོལ་ཞེས་མཆི་ལགས་སོ། །བཅོམ་ལྡན་འདས་ཀྱིས་མི་དེ་ལ་ཅང་མི་གསུང་བས་གནང་ངོ ། །དེ་ནས་མི་དེས་བཅོམ་ལྡན་འདས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་
Nga101a
༄#། །སྔོན་ཐམས་ཅད་རལ་པ་ཅན་དུ་གྱུར་པའི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པ་ཟག་པ་ཟད་པ་ཞེས་བྱ་བ་ནས་ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་ཞེས་བྱ་བའི་བར་ཤ་སྟག་དང་ཐབས་ཅིག་ཏུ་མ་ག་དྷའི་ལྗོངས་རྒྱུ་ཞིང་གཤེགས་པ་ན་ཡུལ་མ་ག་དྷ་པ་རྣམས་ཀྱི་མཆོད་རྟེན་ལེགས་པར་རབ་གནས་ལྟང་བྲང་གི་ཚལ་ན་ཡོད་པ་གང་ན་བ་དེར་གཤེགས་སོ། །དེ་ནས་བཅོམ་ལྡན་འདས་ལེགས་པར་རབ་གནས་སུ་བྱོན་ནས། མ་ག་དྷ་པ་རྣམས་ཀྱི་མཆོད་རྟེན་ལེགས་པར་རབ་གནས་ལྟང་བྲང་གི་ཚལ་ན་ཡོད་པ་ན་བཞུགས་སོ། །མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་སྔོན་ཐམས་ཅད་རལ་པ་ཅན་དུ་གྱུར་པའི་དགེ་སློང་སྟོང་གི་དགེ་སློང་གི་དགེ་འདུན་ཆེན་པོ་ཞེས་བྱ་བ་ནས། སེམས་ཤིན་ཏུ་རྣམ་པར་གྲོལ་བ་ཞེས་བྱ་བའི་བར་དུ་སྟེ་མ་ག་དྷའི་ལྗོངས་རྒྱུ་ཞིང་གཤེགས་པ་ན། མ་ག་དྷ་པ་རྣམས་ཀྱི་མཆོད་རྟེན་ལེགས་པར་རབ་གནས་ལྟང་བྲང་གི་ཚལ་ན་ཡོད་པ་གང་ན་བ་དེར་གཤེགས་ཏེ། མ་ག་དྷ་པ་རྣམས་ཀྱི་མཆོད་རྟེན་ལེགས་པར་རབ་གནས་ལྟང་བྲང་གི་ཚལ་ན་ཡོད་པ་ན་བཞུགས་སོ་ཞེས་ཐོས་སོ། །ཐོས་ནས་ཀྱང་ཤིང་རྟའི་ནང་དུ་ཞུགས་ཏེ། འཁོར་བརྒྱ་ཕྲག་དུ་མ་རྒྱལ་པོའི་ཁབ་ནས་བྱུང་ནས། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་བ་ན་དེའི་ཤིང་རྟའི་འཁོར་ལོ་སའི་ནང་
Nga101b
དུ་བྱིང་བར་གྱུར་ཏོ། །དེས་བསམས་པ། བདག་གིས་ལས་སྐྱོན་ཅན་ཅུང་ཟད་བྱས་པར་མ་གྱུར་གྲང་སྙམ་མོ། །ལྷ་རྣམས་ཀྱིས་དེ་ལ་སྨྲས་པ། རྒྱལ་པོ་ཆེན་པོ་ཁྱོད་ཀྱིས་ལས་སྐྱོན་ཅན་མ་བྱས་མོད་ཀྱིས་ཁྱོད་དང་ལྷན་ཅིག་ལས་མཚུངས་པར་སྤྱད་པ་གང་ཡིན་པ་དེ་དག་བཙོན་ར་ན་འདུག་གིས་དེ་དག་ཐོན་ཅིག་།རྒྱལ་པོས་སྨྲས་པ། གལ་ཏེ་དེ་ལྟ་ན་གདོན་ནོ་ཞེས་རྒྱལ་པོས་བཙོན་རྣམས་འདོན་དུ་བཅུག་གོ་།ཡང་རྒྱལ་པོ་ཕྱིར་འབྱུང་བར་བརྩམས་པ་ན། དེའི་དབུ་རྒྱན་སྒོ་ལ་ཐུག་གོ་།དེས་ཡང་བསམས་པ། བདག་གིས་ནི་གདོན་མི་ཟ་བར་ལས་སྐྱོན་ཅན་ཞིག་བྱས་ཏེ། དེས་ན་བདག་ལ་ལྟས་ངན་པ་གཞན་སྒོ་ལ་དབུ་རྒྱན་ཐུག་པ་འདི་བྱུང་ངོ་སྙམ་མོ། །ལྷ་དེ་རྣམས་ཀྱིས་ཡང་སྨྲས་པ། རྒྱལ་པོ་ཆེན་པོ་ཁྱོད་ཀྱིས་ལས་སྐྱོན་ཅན་མ་བྱས་མོད་ཀྱིས་ཁྱོད་དང་ལྷན་ཅིག་ལས་མཚུངས་པར་སྤྱོད་པ་གང་ཡིན་པ་དེ་དག་ཁ་ཅིག་ནི་འདུས། ཁ་ཅིག་ནི་ཡུལ་ལྗོངས་གཞན་ག་གེ་མོ་ཞེས་བྱ་བ་དག་ན་ལས་ཀྱི་མཐའ་བྱེད་ཅིང་འདུག་པ་དེ་དག་སྦྲོན་ཅིག་།རྒྱལ་པོས་ཡུལ་དེ་ན་གནས་པའི་སྐྱེ་བོའི་ཚོགས་ཐམས་ཅད་བཀུག་གོ་།དེ་ནས་རྒྱལ་པོ་གཟུགས་ཅན་སྙིང་པོ་ཤིང་རྟ་ཁྲི་ཉིས་སྟོང་དང ། ཞབས་འབྲིང་བ་རྟ་པའི་ཚོགས་ཁྲི་བརྒྱད་སྟོང་དང ། མ་ག་དྷའི་བྲམ་ཟེ་དང ། ཁྱིམ་བདག་བརྒྱ་སྟོང་ཕྲག་དུ་མ་དང་ལྷན་ཅིག་རྒྱལ་པོའི་ཁབ་ནས་བྱུང་སྟེ། བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་ངོ ། །དེ་ཇི་ཙམ་བཞོན་པའི་
Nga102a
༄#། །སའི་བར་དུ་བཞོན་པས་སོང་སྟེ། བཞོན་པ་ལས་བབ་ནས་རྐང་པ་ཁོ་ནས་ཀུན་དགའ་ར་བར་ཞུགས་སོ། །མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ཐག་གི་ཙམ་ནས། བཅོམ་ལྡན་འདས་མཐོང་བའི་བར་དེ་ནས་རྒྱལ་པོའི་མཚན་མ་ལྔ་པོ་ཟེའུ་ཁ་དང་གདུགས་དང་རལ་གྲི་དང་ནོར་བུའི་རྔ་ཡབ་དང ། ལྷམ་ཁྲ་བོ་རྣམས་ཕུད་དོ།། །། འདུལ་བ་གཞི། བམ་པོ་གྱ་དགུ་པ། དེ་ནས་མ་ག་དྷའི་རྒྱལ་པོ་གཟུགས་ཅན་སྙིང་པོས་རྒྱལ་པོའི་མཚན་མ་ལྔ་བཞག་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། རང་གི་མིང་ནས་ཕྱུང་སྟེ་ལན་གསུམ་དུ་གསོལ་པ། བཙུན་པ་བདག་ནི་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལགས་སོ། །བཙུན་པ་བདག་ནི་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལགས་སོ། །རྒྱལ་པོ་ལགས་སོ། །རྒྱལ་པོ་ཆེན་པོ་དེ་དེ་བཞིན་ཏེ། དེ་དེ་བཞིན་ནོ། །རྒྱལ་པོ་ཆེན་པོ་ཁྱོད་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡིན་ནོ། །རྒྱལ་པོ་ཆེན་པོ་ཁྱོད་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡིན་ནོ། །རྒྱལ་པོ་ཡིན་ནོ། །རྒྱལ་པོ་ཆེན་པོ་ཁྱོད་རང་གི་སྟན་ཇི་ལྟ་བ་ལ་འདུག་ཅིག་།དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་ཀྱིས་ཞབས་
Nga102b
གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།མ་ག་དྷའི་བྲམ་ཟེ་དང ། ཁྱིམ་བདག་ཁ་ཅིག་གིས་ནི་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཁ་ཅིག་ནི་བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ་ཕྱོགས་གཅིག་ཏུ་འཁོད་དོ། ཁ་ཅིག་ནི་བཅོམ་ལྡན་འདས་གང་ན་བ་དེར་ལོགས་སུ་ཐལ་མོ་སྦྱར་ཏེ་འཁོད་དོ། །ཁ་ཅིག་ནི་བཅོམ་ལྡན་འདས་རྒྱང་རིང་པོ་ནས་མཐོང་ནས་ཅང་མི་སྨྲ་བར་ཕྱོགས་གཅིག་ཏུ་འཁོད་དོ། །དེའི་ཚེ་ཚེ་དང་ལྡན་པ་ལྟེང་རྒྱས་འོད་སྲུང་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་མ་ག་དྷའི་བྲམ་ཟེ་དང་ཁྱིམ་བདག་རྣམས་འདི་སྙམ་དུ་སེམས་ཏེ། ཅི་དགེ་སྦྱོང་ཆེན་པོ་ལྟེང་རྒྱས་འོད་སྲུང་རལ་པ་ཅན་གྱི་ཚངས་པར་སྤྱོད་པ་ལ་སྤྱོད་དམ། འོན་ཏེ་ལྟེང་རྒྱས་འོད་སྲུང་རལ་པ་ཅན་དགེ་སྦྱོང་ཆེན་པོའི་ཚངས་པར་སྤྱད་པ་སྤྱོད་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་མ་ག་དྷའི་བྲམ་ཟེ་དང ། ཁྱིམ་བདག་རྣམས་ཀྱི་སེམས་མཁྱེན་ནས། །ཚེ་དང་ལྡན་པ་ལྟེང་རྒྱས་འོད་སྲུང་ལ་ཚིགས་སུ་བཅད་པའི་དབྱངས་ཀྱིས་དྲི་བ་རྨས་པ། ལྟེང་རྒྱས་གནས་པ་ཁྱོད་འདིར་ཅི་མཐོང་ན། །མེ་སྤངས་ནས་ནི་བརྟུལ་ཞུགས་འདི་དག་སྤྱོད། །ཁྱོད་ཀྱིས་ཅི་ལྟར་མེ་ཡི་མཆོད་སྤངས་པ། །དོན་དེ་འོད་སྲུང་ང་ལ་སྨྲ་བར་གྱིས། །ལྟེང་རྒྱས་འོད་སྲུང་གིས་གསོལ་པ། འདི་ནི་
Nga103a
༄#། །ཁ་ཅིག་ཟས་སྐོམ་དེ་བཞིན་རོ། །འདོད་པ་དག་དང་བུད་མེད་ཁོ་ན་སྨྲ། །དེ་དག་ཐབས་ཀྱིས་དྲི་མར་རབ་མཐོང་སྟེ། །དེས་བདག་མཆོད་སྦྱིན་མི་དགའ་བསྲེག་བླུགས་མིན། །ཁྱོད་ནི་འདོད་དང་བཟའ་དང་བཏུང་བ་དང ། །དེ་བཞིན་རོ་ལ་ཡིད་ནི་མི་དགའ་ན། །ལྷ་མི་འཇིག་རྟེན་ལ་ཅི་ཁྱོད་ཀྱི་ཡིད། །དགའ་བ་ཡིན་ནམ་འོད་སྲུང་དྲི་ཡི་སྨྲོས། །ཕུང་པོ་མ་མཆིས་ཞི་བ་ཅི་མ་མཆིས། །འདོད་སྲེད་མ་ཆགས་གཞན་དུ་འགྱུར་མ་མཆིས། །གཞན་གྱིས་མི་བཀྲིའི་གོ་འཕང་མཆོག་མཐོང་སྟེ། །དེས་བདག་མཆོད་སྦྱིན་མི་དགའ་བསྲེག་བླུགས་མིན། །གོ་འཕང་མི་ཉམས་མཆོག་ནི་མ་མཐོང་བས། །མཆོད་སྦྱིན་པ་བརྟུལ་ཞུགས་དང་ནི་ཞུགས་དག་གིས། །གྲོལ་སྙམ་བདག་གི་ཡིད་ནི་རྨོངས་གྱུར་ཏེ། །དམུས་ལོང་གྱུར་ནས་སྐྱེ་ཤི་རྗེས་བཞིན་འཐོམ། །སྐྱོབ་པ་གཙོ་བོ་མཆོག་གིས་ལེགས་བཤད་པ། །གོ་འཕང་འདུས་མ་བྱས་དེ་གཟོད་མཐོང་ན། །ཐུབ་པ་གོའུ་ཏ་མ་རྣམ་པར་འདྲེན་ཁྱོད་ནི། །སྐྱེ་བོ་ཕལ་ཆེན་དོན་བརྩོན་བདེན་ལ་བཞུགས། །བཅོམ་ལྡན་འདས་ཀྱིས་བཀའ་སྩལ་པ། ཁྱོད་ཀྱིས་རྟོགས་པ་ལེགས་རྟོགས་ཏེ། །ཁྱོད་ཀྱིས་ཉེས་པར་བསམས་མ་ཡིན། །རབ་ཏུ་ཕྱེ་བའི་ཆོས་རྣམས་ལ། ། གཙོ་བོ་གང་ཡིན་དེ་བླངས་སོ། །འོད་སྲུང་འཁོར་སྐྱོ་བ་སྐྱེད་ཅིག་།དེ་ནས་ཚེ་དང་ལྡན་པ་ལྟེང་རྒྱས་འོད་སྲུང་བཅོམ་ལྡན་འདས་ཀྱིས་སྐབས་ཕྱེ་ནས། ཇི་ལྟར་སེམས་མཉམ་པར་བཞག་ན།
Nga103b
རང་གི་སྟན་གྱི་ནང་དུ་མི་སྣང་བར་གྱུར་ཅིང ། ཤར་ཕྱོགས་ཀྱི་སྟེང་གི་བར་སྣང་ལ་མངོན་པར་འཕགས་ནས། སྤྱོད་ལམ་རྣམ་པ་བཞི་བྱེད་དེ་འདི་ལྟ་སྟེ། འཆག་པ་དང ། འགྲེང་བ་དང ། འདུག་པ་དང ། ཉལ་བར་བྱེད་དོ། །མེའི་ཏིང་ངེ་འཛིན་ལ་ཡང་སྙོམས་པར་འཇུག་པར་བྱེད་དེ། མེའི་ཏིང་ངེ་འཛིན་ལ་སྙོམས་པར་ཞུགས་པ་ན། ཚེ་དང་ལྡན་པ་ལྟེང་རྒྱས་འོད་སྲུང་གི་ལུས་ལས་འོད་ཟེར་རྣམ་བ་སྣ་ཚོགས་འབྱིན་པར་བྱེད་དེ། འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། ལེབ་རྒན་དང ། ཤེལ་གྱི་ཁ་དོག་དག་གོ་།ཆོ་འཕྲུལ་ཟུང་དུ་ཡང་སྟོན་པར་བྱེད་དེ། ལུས་ཀྱི་སྨད་ནས་འབར་བར་བྱེད་ལ། ལུས་ཀྱི་སྟོད་ནས་ཆུ་གྲང་མོའི་རྒྱུན་འབེབས་པར་བྱེད་དོ། །ལུས་ཀྱི་སྟོད་ནས་འབར་བར་བྱེད་ལ། ལུས་ཀྱི་སྨད་ནས་ཆུ་གྲང་མོའི་རྒྱུན་འབེབས་པར་བྱེད་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །ཤར་ཕྱོགས་ལ་ཇི་ལྟ་བ་བཞིན་དུ་ལྷོ་དང ། ནུབ་དང ། བྱང་ཕྱོགས་སུ་ཡང་དེ་བཞིན་ནོ། །ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བསྟན་ནས། རྫུ་འཕྲུལ་མངོན་པར་འདུ་བྱ་བ་དག་བསྡུས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བ་དེར་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ནི་བདག་གི་སྟོན་པ་ལགས་སོ། །བདག་ནི་བཅོམ་ལྡན་འདས་ཀྱི་ཉན་ཐོས་ལགས་སོ། །བཅོམ་
Nga104a
༄#། །ལྡན་འདས་ནི་བདག་གི་སྟོན་པ་ལགས་སོ། །སྟོན་པ་ལགས་སོ། །བདག་ནི་བཅོམ་ལྡན་འདས་ཀྱི་ཉན་ཐོས་ལགས་སོ། །ཉན་ཐོས་ལགས་སོ། །འོད་སྲུང་དེ་དེ་བཞིན་ནོ། །དེ་དེ་བཞིན་ཏེ། འོད་སྲུང་ང་ནི་ཁྱོད་ཀྱི་སྟོན་པ་ཡིན་ནོ། །ཁྱོད་ནི་ངའི་ཉན་ཐོས་ཡིན་ནོ། །འོད་སྲུང་ང་ནི་ཁྱོད་ཀྱི་སྟོན་པ་ཡིན་ནོ། །ཁྱོད་ནི་ངའི་ཉན་ཐོས་ཡིན་ནོ། །འོད་སྲུང་ཁྱོད་རང་གི་སྟན་ཇི་ལྟ་བ་ལ་འདུག་ཅིག་།དེ་ནས་ཚེ་དང་ལྡན་པ་ལྟེང་རྒྱས་འོད་སྲུང་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།དེ་ནས་མ་ག་དྷའི་བྲམ་ཟེ་དང་ཁྱིམ་བདག་རྣམས་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ནི་ལྟེང་རྒྱས་འོད་སྲུང་རལ་པ་ཅན་གྱི་ཚངས་པར་སྤྱོད་པ་ལ་མི་སྤྱོད་ཀྱི། ལྟེང་རྒྱས་འོད་སྲུང་རལ་པ་ཅན་ཉིད་དགེ་སྦྱོང་ཆེན་པོའི་ཚངས་པར་སྤྱོད་པ་ལ་སྤྱོད་དོ་སྙམ་མོ། །དེ་ནས་བཅོམ་ལྡན་འདས་ཀྱིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་བཀའ་སྩལ་པ། རྒྱལ་པོ་ཆེན་པོ་གཟུགས་ལ་སྐྱེ་བ་ཡང་ཡོད། འཇིག་པ་ཡང་ཡོད་དེ། དེའི་སྐྱེ་བ་དང ། འཇིག་པ་ཡང་རིག་པར་བྱའོ། །རྒྱལ་པོ་ཆེན་པོ་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་ལ་སྐྱེ་བ་ཡང་ཡོད། འཇིག་པ་ཡང་ཡོད་དེ། དེའི་སྐྱེ་བ་དང ། འཇིག་པ་ཡང་རིག་པར་བྱའོ། །རྒྱལ་པོ་ཆེན་པོ་རིགས་ཀྱི་བུས། གཟུགས་ཀྱི་སྐྱེ་བ་དང ། འཇིག་པའི་ཆོས་ཉིད་རིག་ནས།
Nga104b
གཟུགས་དེ་ཡོངས་སུ་ཤེས་སོ། །རྒྱལ་པོ་ཆེན་པོ་རིགས་ཀྱི་བུས་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པའི་སྐྱེ་བ་དང ། འཇིག་པའི་ཆོས་ཉིད་རིག་ནས། རྣམ་པར་ཤེས་པ་དེ་ཡོངས་སུ་ཤེས་སོ། །རྒྱལ་པོ་ཆེན་པོ་རིགས་ཀྱི་བུས་གཟུགས་ཡོངས་སུ་ཤེས་ན། གཟུགས་ལ་བདག་གམ་བདག་གིར་ཁས་མི་ལེན། མི་འཛིན། ལྷག་པར་མི་གནས། མངོན་པར་ཞེན་པར་མི་བྱེད་དོ། །རྒྱལ་པོ་ཆེན་པོ་རིགས་ཀྱི་བུས་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་ཡོངས་སུ་ཤེས་ན་བདག་གམ། བདག་གིར་ཁས་མི་ལེན། མི་འཛིན། ལྷག་པར་མི་གནས། མངོན་པར་ཞེན་པར་མི་བྱེད་དོ། །རྒྱལ་པོ་ཆེན་པོ་རིགས་ཀྱི་བུས་གཟུགས་ལ་བདག་གམ། བདག་གིར་ཁས་མི་ལེན། མི་འཛིན། ལྷག་པར་མི་གནས། མངོན་པར་ཞེན་པར་མི་བྱེད་ན། ཚད་མེད་ཅིང་གྲངས་མེད་པའི་མྱ་ངན་ལས་འདས་པ་ཡིན་ནོ། །ཞེས་སྨྲའོ། །རྒྱལ་པོ་ཆེན་པོ་རིགས་ཀྱི་བུ་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་ལ་བདག་གམ། བདག་གིར་ཁས་མི་ལེན། མི་འཛིན། ལྷག་པར་མི་གནས། མངོན་པར་ཞེན་པར་མི་བྱེད་ན། ཚད་མེད་ཅིང་གྲངས་མེད་པའི་མྱ་ངན་ལས་འདས་པ་ཡིན་ནོ། །ཞེས་སྨྲའོ། །དེ་ནས་མ་ག་དྷའི་བྲམ་ཟེ་དང་ཁྱིམ་བདག་རྣམས་འདི་སྙམ་དུ་སེམས་ཏེ། གལ་ཏེ་གཟུགས་བདག་མ་ཡིན། ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་བདག་མ་
Nga105a
༄#། །ཡིན་ན། འོ་ན་བདག་གམ་སེམས་ཅན་ནམ། སྲོག་གམ། སྐྱེ་བ་པོའམ། གསོ་བ་པོའམ། གང་ཟག་གམ། ཤེད་ལས་སྐྱེས་སམ། ཤེད་བུའམ། བྱེད་པ་པོའམ། བྱེད་དུ་འཇུག་པ་པོའམ། ཤེས་པ་པོའམ། ཀུན་ནས་ཤེས་པ་པོའམ། སློང་པ་པོའམ། ཀུན་ནས་སློང་བ་པོའམ། སྨྲ་བ་པོའམ། ཚོར་བ་པོའམ། ཀུན་ནས་ཚོར་བ་པོ་གང་ཡིན་པ་ནམ་ཡང་མ་བྱུང ། འབྱུང་བར་མི་འགྱུར་ཞིང ། ད་ལྟ་ཡང་ཡོད་པ་མ་ཡིན་ན། གང་གིས་དེ་དང་དེར་དགེ་བ་དང ། སྡིག་པའི་ལས་བྱས་པ་རྣམས་ཀྱི་རྣམ་པར་སྨིན་པ་སོ་སོར་ཉམས་སུ་མྱོང་ཞིང ། གང་གིས་ཕུང་པོ་འདི་བོར་ཏེ་ཕུང་པོ་གཞན་དང་ཉིང་མཚམས་སྦྱོར་བ་དེ་སུ་ཞིག་ཡིན་པར་འགྱུར་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས། མ་ག་དྷའི་བྲམ་ཟེ་དང་ཁྱིམ་བདག་རྣམས་ཀྱི་སེམས་མཁྱེན་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་བདག་བདག་ཅེས་བྱ་བ་ནི་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པས་བཏགས་པའི་རྗེས་སུ་ལྷུང་བ་ཡིན་ཏེ། འདི་ལ་བདག་ཅེའམ་བདག་གི་མེད་ཀྱི། དགེ་སློང་དག་སྐྱེ་བ་ན་སྡུག་བསྔལ་འདི་སྐྱེ་ཞིག་འགག་པ་ན་ཡང་སྡུག་བསྔལ་འགག་གོ་།སྐྱེ་བ་ན་འདུ་བྱེད་རྣམས་སྐྱེ་ཞིང་འགག་པ་ན་འདུ་བྱེད་རྣམས་འགག་པར་འགྱུར་ཏེ། རྒྱུ་དང་རྐྱེན་དེ་ལ་བརྟེན་ནས་སེམས་ཅན་རྣམས་ཀྱི་འདུ་བྱེད་ཀྱི་རྒྱུད་འཇུག་གོ་།དགེ་སློང་དག་དེ་བཞིན་གཤེགས་པས་འདུ་བྱེད་ཀྱི་རྒྱུད་
Nga105b
ཉིང་མཚམས་སྦྱོར་བ་ཐུགས་སུ་ཆུད་ནས་སེམས་ཅན་རྣམས་ཀྱི་འཆི་འཕོ་དང་སྐྱེ་བ་འདོགས་པར་མཛད་དེ། དགེ་སློང་དག་ངས་ལྷའི་སྤྱན་རྣམ་པར་དག་པ་མིའི་ལས་འདས་པས་སེམས་ཅན་རྣམས་ཀྱི་འཆི་འཕོ་དང ། སྐྱེ་བ་དང ། ཁ་དོག་བཟང་པོ་དང ། ཁ་དོག་ངན་པ་དང ། དམན་པ་དང ། གྱ་ནོམ་པ་དང ། བདེ་འགྲོ་དང ། ངན་འགྲོར་འགྲོ་བ་ཡང་གཟིགས་སོ། །ལས་ཇི་ལྟ་བ་བཞིན་ཉེ་བར་འགྲོ་བའི་སེམས་ཅན་རྣམས་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ། སེམས་ཅད་འདི་དག་ནི་ལུས་ཀྱི་ཉེས་པར་སྤྱོད་པ་དང་ལྡན། ངག་དང་ཡིད་ཀྱི་ཉེས་པར་སྤྱོད་པ་དང་ལྡན། འཕགས་པ་རྣམས་ལ་སྐུར་བ་འདེབས་པ་དང ། ལོག་པར་ལྟ་བ་ཡིན་ཏེ། ལོག་པར་ལྟ་བའི་ལས་དང ། ཆོས་བླང་བའི་རྒྱུས་རྒྱུ་དེ་དང ། རྐྱེན་དེས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །སེམས་ཅན་འདི་དག་ནི་ལུས་ཀྱི་ལེགས་པར་སྤྱོད་པ་དང་ལྡན། ངག་དང་ཡིད་ཀྱི་ལེགས་པར་སྤྱོད་པ་དང་ལྡན། འཕགས་པ་རྣམས་ལ་སྐུར་པ་མི་འདེབས་པ་དང ། ཡང་དག་པར་ལྟ་བ་ཡིན་ཏེ། ཡང་དག་པར་ལྟ་བའི་ལས་དང ། ཆོས་བླངས་པའི་རྒྱུས་རྒྱུ་དེ་དང་རྐྱེན་དེས། ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་གྱི་ལྷ་རྣམས་སུ་སྐྱེ་བར་འགྱུར་རོ་ཞེས་བྱ་བ་མཁྱེན་ཏོ། །དགེ་སློང་དག་།ངས་དེ་ལྟར་མཁྱེན་ཅིང་དེ་ལྟར་གཟིགས་པས། ང་འདི་སྐད་ཅེས་བདག་གམ། སེམས་ཅན་ནམ། སྲོག་གམ། སྐྱེ་བ་པོའམ་
Nga106a
༄#། །གསོ་བ་པོའམ། གང་ཟག་གམ། ཤེད་ལས་སྐྱེས་སམ། ཤེད་བུའམ། བྱེད་པ་པོའམ། བྱེད་དུ་འཇུག་པ་པོའམ། ཤེས་པ་པོའམ། ཀུན་ནས་ཤེས་པ་པོའམ། སློང་བ་པོའམ། ཀུན་ནས་སློང་བ་པོའམ། སྨྲ་བ་པོའམ། ཚོར་བ་པོའམ། ཀུན་ནས་ཚོར་བ་པོ་གང་ཡིན་པ་ནི་ནམ་ཡང་མ་བྱུང ། འབྱུང་བར་མི་འགྱུར་ཞིང ། ད་ལྟར་ཡང་ཡོད་པ་མ་ཡིན། པས་གང་གིས་དེ་དང་དེར་དགེ་བ་དང ། སྡིག་པའི་ལས་བྱས་པའི་ལས་ཀྱི་རྣམ་པར་སྨིན་པ་སོ་སོར་ཉམས་སུ་མྱོང་ཞིང་གང་གིས་ཕུང་པོ་འདི་བོར་ཏེ། ཕུང་པོ་གཞན་དང་ཉིང་མཚམས་སྦྱོར་བ་དེ་ཆོས་སུ་བརྡར་བཏགས་པ་མ་གཏོགས་པ་འདི་ཡིན་ནོ། །ཞེས་མི་གསུང་ངོ ། །དེ་ལ་ཆོས་ཀྱི་བརྡར་བཏགས་པ་ནི་འདི་ཡིན་ཏེ། འདི་ལྟ་སྟེ། འདི་ཡོད་པས་འདི་ཡོད། འདི་སྐྱེས་པས་འདི་སྐྱེ་བ་སྟེ། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་སྟེ། དེ་ལྟར་ན་སྡུག་བསྔལ་གྱི་
Nga106b
ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ལྟ་སྟེ། འདི་མེད་པས་འདི་མེད་ལ། འདི་འགགས་པས་འདི་འགག་པར་འགྱུར་ཏེ། འདི་ལྟ་སྟེ། མ་རིག་པ་འགགས་པས་འདུ་བྱེད་འགག་།འདུ་བྱེད་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགགས་པས་མིང་དང་གཟུགས་འགག་།མིང་དང་གཟུགས་འགགས་པས་སྐྱེ་མཆེད་དྲུག་འགག ། སྐྱེ་མཆེད་དྲུག་འགགས་པས་རེག་པ་འགག་།རེག་པ་འགགས་པས་ཚོར་བ་འགག་།ཚོར་བ་འགགས་པས་སྲེད་པ་འགག་།སྲེད་པ་འགགས་པས་ལེན་པ་འགག་།ལེན་པ་འགགས་པས་སྲིད་པ་འགག་།སྲིད་པ་འགགས་པས་སྐྱེ་བ་འགག་།སྐྱེ་བ་འགགས་པས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འགག་སྟེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །དགེ་སློང་དག་འདུ་བྱེད་རྣམས་ནི་སྡུག་བསྔལ་ལོ། །མྱ་ངན་ལས་འདས་པ་ནི་ཞི་བའོ། །རྒྱུ་ཀུན་འབྱུང་གིས་སྡུག་བསྔལ་ཀུན་འབྱུང་ཞིང་རྒྱུ་འགགས་པས་སྡུག་བསྔལ་འགགས་ཏེ། རྒྱུན་བཅད་པས་མི་འབྱུང་ཞིང་ཉིང་མཚམས་སྦྱོར་བ་མེད་པར་འགགས་པ་འདི་ཉིད་ནི་སྡུག་བསྔལ་གྱི་མཐའ་ཡིན་ནོ། །དགེ་སློང་དག་དེ་ལ་ཡོངས་སུ་མྱ་ངན་ལས་འདས་པ་གང་ཞེ་ན། གཞན་མེད་ཀྱི་སྡུག་བསྔལ་འགགས་པ་གང་ཡིན་པ་དེ་ནི་ཉེ་བར་ཞི་བ། དེ་ནི་བསིལ་བར་
Nga107a
༄#། །གྱུར་པ། དེ་ནི་ནུབ་པ་སྟེ། དགེ་སློང་དག་ཞི་བའི་གནས་འདི་ཡིན་ཏེ། འདི་ལྟ་སྟེ། ཕུང་པོ་ཐམས་ཅད་སྤངས་པ། སྲེད་པ་ཟད་པ། འདོད་ཆགས་དང་བྲལ་བ། འགགས་པ། མྱ་ངན་ལས་འདས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཡང་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ལན་གཉིས་སུ་བཀའ་སྩལ་པ། རྒྱལ་པོ་ཆེན་པོ་ཇི་སྙམ་དུ་སེམས། གཟུགས་རྟག་གམ། མི་རྟག་།བཙུན་པ་འདི་མི་རྟག་ལགས་སོ། །མི་རྟག་པ་གང་ཡིན་པ་དེ་སྡུག་བསྔལ་པ་ཡིན་ནམ། སྡུག་བསྔལ་མ་ཡིན། བཙུན་པ་འདི་ནི་སྡུག་བསྔལ་ལགས་སོ། །མི་རྟག་པ་སྡུག་བསྔལ་བར་འགྱུར་བའི་ཆོས་ཅན་གང་ཡིན་པ་དེ་ལ་ཅི་ག་འཕགས་པ་ཉན་ཐོས་ཐོས་པ་དང་ལྡན་པ་འདི་ནི་བདག་ཡིན་ནོ། །བདག་ནི་འདི་ཡིན་ནོ། ། འདི་ནི་བདག་གི་བདག་གོ་ཞེས་བདག་ཏུ་ཁས་ལེན་པར་བྱེད་དམ། བཙུན་པ་མ་ལགས་སོ། །རྒྱལ་པོ་ཆེན་པོ་ཇི་སྙམ་དུ་སེམས། ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་རྟག་གམ། མི་རྟག་བཙུན་པ་འདི་ནི་མི་རྟག་ལགས་སོ། །མི་རྟག་པ་གང་ཡིན་པ་དེ་སྡུག་བསྔལ་ཡིན་ནམ། སྡུག་བསྔལ་མ་ཡིན། བཙུན་པ་འདི་ནི་སྡུག་བསྔལ་ལགས་སོ། །མི་རྟག་པ་སྡུག་བསྔལ་བ་འགྱུར་བའི་ཆོས་ཅན་གང་ཡིན་པ་དེ་ལ་ཅི་ག་འཕགས་པ་ཉན་ཐོས་ཐོས་པ་དང་ལྡན་པ་འདི་ནི་བདག་ཡིན་ནོ། །བདག་ནི་འདི་ཡིན་ནོ། །འདི་ནི་བདག་གི་བདག་གོ་ཞེས་བདག་
Nga107b
ཏུ་ཁས་ལེན་པར་བྱེད་དམ། བཙུན་པ་མ་ལགས་སོ། །རྒྱལ་པོ་ཆེན་པོ་དེ་ལྟ་བས་ན་ཁྱོད་ཀྱིས་གཟུགས་གང་ཡིན་པ་ཅི་ཡང་རུང ། འདས་པའམ། མ་འོངས་པའམ། ད་ལྟར་བྱུང་བའམ། ནང་གིའམ། ཕྱིའི་འམ། རགས་པའམ། ཕྲ་བའམ། ངན་པའམ། གྱ་ནོམ་པའམ། གང་དག་ཐག་རིང་བའམ། གང་དག་ཐག་ཉེ་བར་ཡང་རུང་སྟེ། དེ་ཐམས་ཅད་ལ་འདི་ནི་བདག་མ་ཡིན་ནོ། །བདག་ནི་འདི་མ་ཡིན་ནོ། །འདི་ནི་བདག་གི་བདག་མ་ཡིན་ནོ་ཞེས་དེ་བཞིན་དུ་ཡང་དག་པའི་ཤེས་རབ་ཀྱིས་ཇི་ལྟ་བ་བཞིན་དུ་བལྟ་བར་བྱའོ། །རྒྱལ་པོ་ཆེན་པོ་དེ་ལྟ་བས་ན། ཁྱོད་ཀྱིས་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་གང་ཅི་ཡང་རུང་འདས་པའམ། མ་འོངས་པའམ། ད་ལྟར་བྱུང་བའམ། ནང་གིའམ། ཕྱིའི་འམ། རགས་པའམ། ཕྲ་བའམ། ངན་པའམ། གྱ་ནོམ་པའམ། གང་དག་ཐག་རིང་བའམ། གང་དག་ཐག་ཉེ་བར་ཡང་རུང་སྟེ། དེ་དག་ཐམས་ཅད་ལ་ནི་བདག་མ་ཡིན་ནོ། །བདག་ནི་འདི་མ་ཡིན་ནོ། །འདི་ནི་བདག་གི་བདག་མ་ཡིན་ནོ། །ཞེས་དེ་བཞིན་དུ་ཡང་དག་པའི་ཤེས་རབ་ཀྱིས་ཇི་ལྟ་བ་བཞིན་དུ་བལྟ་བར་བྱའོ། །རྒྱལ་པོ་ཆེན་པོ་འཕགས་པ་ཉན་ཐོས་ཐོས་པ་དང་ལྡན་པ་དེ་ལྟར་མཐོང་བ་ནི་གཟུགས་ལ་ཡང་ཡིད་འབྱུང་བར་འགྱུར་རོ། །ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་ལ་ཡང་ཡིད་འབྱུང་བར་
Nga108a
༄#། །འགྱུར་རོ། །ཡིད་བྱུང་ན་འདོད་ཆགས་དང་བྲལ་ལོ། །འདོད་ཆགས་དང་བྲལ་ན་རྣམ་པར་གྲོལ་བར་འགྱུར་རོ། །རྣམ་པར་གྲོལ་ན་བདག་གི་སྐྱེ་བ་ཟད་དོ།། ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་རྣམ་པར་གྲོལ་བའི་ཡེ་ཤེས་མཐོང་བར་འགྱུར་རོ། །ཆོས་ཀྱི་རྣམ་གྲངས་འདི་བཤད་པ་ན། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་དང ། ལྷ་བརྒྱད་ཁྲི་དང ། མ་ག་དྷའི་བྲམ་ཟེ་དང ། ཁྱིམ་བདག་འབུམ་ཕྲག་དུ་མ་ལ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ཆོས་མཐོང་བ་དང ། ཆོས་ཐོབ་པ་དང ། ཆོས་རིག་པ་དང ། ཆོས་ཀྱི་གཏིང་སླེབ་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ།་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་འཕགས་སོ། །མངོན་པར་འཕགས་སོ། །བདག་བཙུན་པ་བཅོམ་ལྡན་འདས་དང ། ཆོས་དང ། དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས་དགེ་བསྙེན་དུ་གཟུང་དུ་
Nga108b
གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྔོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །བཅོམ་ལྡན་འདས་བདག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་དུ་བཅས་པ་ལ་ཇི་སྲིད་འཚོའི་བར་དུ་ན་བཟའ་ཆོས་གོས་དང ། བསོད་སྙོམས་དང ། གཟིམ་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བསྙེན་བཀུར་བགྱིད་ལགས་ན། བཅོམ་ལྡན་འདས་རྒྱལ་པོའི་ཁབ་ཏུ་གཤེགས་སུ་གསོལ། བཅོམ་ལྡན་འདས་ཀྱིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཅང་མི་གསུང་བས་གནང་ངོ ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་འཁོར་དང་བཅས་པས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བར་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒྱལ་པོ་གཟུགས་ཅན་སྙིང་པོ་འཁོར་དང་བཅས་པས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ་འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་པའི་
Nga109a
༄#། །ལས་དག་བྱས་ཤིང་བསགས་པ་ནི་རྒྱལ་པོ་གཟུགས་ཅན་སྙིང་པོ་འཁོར་དང་བཅས་པས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང་མི་དགེ་བ་དག་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང་སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ།་ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་འདས་བ་ན། འཇིག་རྟེན་དུ་སྟོན་པ་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་རྩིབས་ཀྱི་ལྟེ་བ་ཞེས་བྱ་བ་བྱུང་ནས། དེས་སངས་རྒྱས་ཀྱི་མཛད་པ་མཐའ་དག་མཛད་དེ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །སྐྱེ་བོའི་ཚོགས་ཆེན་པོས་དེའི་སྐུ་གདུང་ལ་སྐུ་གདུང་གི་མཆོད་པ་བྱས་ནས་ས་ཕྱོགས་དབེན་ཞིང་ཡངས་བ་ཞིག་ཏུ་མཆོད་རྟེན་ཆེན་པོ་བརྩིགས་
Nga109b
སོ། །དེའི་ཚེ་འཁོར་ལོས་སྒྱུར་བའི་རྒྱལ་པོ་ཀྲི་ཀྲི་ཞེས་བྱ་བ་ཁྲོམ་གྱི་རུ་བ་བྱེ་བ་ཕྲག་བཅོ་བརྒྱད་དང ། སྟེང་གི་ནམ་མཁའ་ལས་ཡུལ་རྒྱུ་བ་ན། མཆོད་རྟེན་དེ་དང་ཉེ་བ་ཞིག་ཏུ་ཕྱིན་པ་དང ། སངས་རྒྱས་ལ་མངོན་པར་དད་པའི་ལྷ་རྣམས་ཀྱིས་དེའི་འཁོར་ལོ་རིན་པོ་ཆེ་ཐོགས་པར་བྱས་སོ། །རྒྱལ་པོ་ཀྲི་ཀྲིས་བསམས་པ། འདི་ལྟར་འཁོར་ལོ་རིན་པོ་ཆེ་འདི་ཐོགས་པ་ལས་ན། བདག་གི་བསོད་ནམས་ཟད་པར་མ་གྱུར་གྲང་སྙམ་མོ། །དེ་ལ་ལྷ་རྣམས་ཀྱིས་སྨྲས་པ། རྒྱལ་པོ་ཆེན་པོ་ཁྱོད་ཀྱིས་བསོད་ནམས་མ་ཟད་མོད་ཀྱི། ཕྱོགས་འདི་ན་ཡང་དག་པར་རྫོགས་པའི་སངས་རྒྱས་རྩིབས་ཀྱི་ལྟེ་བའི་མཆོད་རྟེན་བཞུགས་པས། དེས་ན་འཁོར་ལོ་རིན་པོ་ཆེ་འདི་དེའི་སྟེང་དུ་མི་འགྲོ་ཞིང་ཐོགས་པར་གྱུར་ཏོ། །དེ་ནས་རྒྱལ་པོ་ཀྲི་ཀྲིས་ཁྲོམ་གྱི་རུ་བ་བྱེ་བ་ཕྲག་བཅོ་བརྒྱད་དང་ལྷན་ཅིག་བ་བས་ན་ཇི་ཙམ་ན་མཆོད་རྟེན་གྱི་དོར་མ་བྱས་པ་དེ་མཐོང་ནས། འཁོར་དང་བཅས་པ་དེས་བྱི་དོར་བྱས་ཏེ། དྲི་དང ། བྱུག་པ་དང ། བདུག་པ་དང ། ཕྱེ་མ་དང ། རོལ་མོ་རྣམས་ཀྱིས་མཆོད་པ་བྱས་ནས་འཁོར་དང་བཅས་པས་དྲུང་དུ་བཏུད་དེ་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པ་གང་ཡིན་པའི་དགེ་བའི་རྩ་བ་འདིས་བདག་གིས་ཡོན་ཏན་འདི་ལྟ་བུ་དག་འཐོབ་པར་འགྱུར་བ་དང ། སྟོན་པ་འདི་ལྟ་བུ་མཉེས་པར་བྱེད་ཅིང་མཉེས་པར་མི་བྱེད་པར་གྱུར་ཅིག་ཅེས་བཏབ་བོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་འཁོར་ལོས་
Nga110a
༄#། །སྒྱུར་བའི་རྒྱལ་པོ་ཀྲི་ཀྲི་ཞེས་བྱ་བ་འཁོར་དང་བཅས་པ་གང་ཡིན་པ་དེ་ནི། དེའི་ཚེ་དེའི་དུས་ན་རྒྱལ་པོ་གཟུགས་ཅན་སྙིང་པོ་འདི་ཉིད་ཡིན་ཏེ། འཁོར་དང་བཅས་པ་དེས་ཡང་དག་པར་རྫོགས་པའི་སངས་རྒྱས་རྩིབས་ཀྱི་ལྟེ་བའི་མཆོད་རྟེན་ལ་མཆོད་པ་བྱས་པ་གང་ཡིན་པ་དེའི་ལས་ཀྱི་རྣམ་པར་སྨིན་པས། འདིས་བསྐལ་པ་བྱེ་བ་བརྒྱ་སྟོང་ཕྲག་མང་པོར་ལྷ་དང་མི་རྣམས་ཀྱི་བདེ་བ་ཁྱད་པར་དུ་འཕགས་པ་ཉམས་སུ་མྱོང་བར་གྱུར་ཏོ། །འདི་ལྟ་བུའི་ཡོན་ཏན་དག་ཐོབ་པར་གྱུར་ཅིག་ཅེས་སྨོན་ལམ་བཏབ་པ་གང་ཡིན་པ་དེས་ནི་ངའི་སྤྱན་སྔར་འཁོར་དང་བཅས་པ་བདེན་པ་མཐོང་བར་བྱས་སོ། །སྟོན་པ་འདི་ལྟ་བུ་མཉེས་པར་བྱེད་ཅིང་མི་མཉེས་པར་མི་བྱེད་པར་གྱུར་ཅིག་ཅེས་སྨོན་ལམ་བཏབ་པ་གང་ཡིན་པས་ནི། ང་ཉིད་དང་ཡང་དག་པར་རྫོགས་པའི་སངས་རྒྱས་རྩིབས་ཀྱི་ལྟེ་བར་ལྷན་ཅིག་མཉམ་པས་མཉམ་སྟེ། སྟོབས་མཉམ་པ་དང ། ཤུགས་མཉམ་པ་དང ། བརྩོན་འགྲུས་མཉམ་པ་དང ། ཐོབ་པ་མཉམ་པ་ཡིན་ཏེ། འདིས་སྟོན་པ་ང་མཉེས་པར་བྱས་ཀྱི། མི་མཉེས་པར་མ་བྱས་པ་ཡིན་ནོ། །དགེ་སློང་དག་དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི་དཀར་བ་ཡིན། འདྲེས་མ་རྣམས་ཀྱི་ནི་འདྲེས་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང །
Nga110b
འདྲེས་མ་རྣམས་ནི་སྤངས་ལ། ལས་གཅིག་ཏུ་དཀར་བ་ལ་བཙལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ལྟེང་རྒྱས་འོད་སྲུང་གིས་ལས་ཅི་ཞིག་བགྱིས་ན། དེས་ན་ཆོ་འཕྲུལ་ལྔ་བརྒྱས་བཏུལ་བར་གྱུར་ལགས། ཆུ་ཀླུང་འོད་སྲུང་དང ། ག་ཡ་འོད་སྲུང་དག་ནི་ཚེགས་ཆུང་དུས་བཏུལ་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་སྒྱུར་བ་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན། འཇིག་རྟེན་དུ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་བྱུང་ནས་ཝཱ་ར་ཎཱ་སིའི་གྲོང་ཁྱེར་དང་ཉེ་བ་ཞིག་ཏུ་བརྟེན་ཏེ། དྲང་སྲོང་སྨྲ་བའི་རི་དྭགས་ཀྱི་ནགས་ན་བཞུགས་སོ། །དེས་སངས་རྒྱས་ཀྱི་མཛད་པ་མཐའ་དག་མཛད་ནས། ཤིང་ཟད་པའི་མེ་བཞིན་དུ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་
Nga111a
༄#། །འདས་སོ། །དེའི་སྐུ་གདུང་རྒྱལ་པོ་ཀྲི་ཀྲིས་སྤོས་ཀྱི་ཤིང་ཐམས་ཅད་སྤུངས་ཏེ། སྤུངས་པས་བསྲེགས་ནས་མེའོ་མས་བསད་དེ། སྐུ་གདུང་དེ་དག་ནི་རིན་པོ་ཆེ་སྣ་བཞི་ལས་བྱས་པའི་བུམ་པའི་ནང་དུ་བླུགས་ནས། ས་ཕྱོགས་དབེན་ཞིང་ཡངས་པར་སྐུ་གདུང་གི་མཆོད་རྟེན་འཕང་དུ་དཔག་ཚད་གཅིག་ལ་རྒྱར་དཔག་ཚད་ཕྱེད་པ་ཞིག་བརྩིག་ཏུ་བཅུག་གོ་།དེའི་ཚེ་དེའི་དུས་ན་ཝཱ་ར་ཎཱ་སི་ན་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཡོངས་སུ་བཟུང་བ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་རིམ་གྱིས་ཁྱེའུ་གསུམ་བཙས་སོ། །ཅི་ཙམ་ན་ཁྱིམ་བདག་དེ་ནད་ཀྱིས་ཐེབས་ནས། དེ་རྩ་བ་དང ། སྡོང་པོ་དང ། ལོ་མ་དང ། འདབ་མ་དང ། འབྲས་བུའི་སྨན་རྣམས་ཀྱིས་བསྙེན་བཀུར་བྱས་ཀྱང་དེའི་ནད་ཞི་བར་མ་གྱུར་ནས་དེ་འཆི་བའི་ཆོས་དང་ལྡན་པར་གྱུར་ཏོ། །དེ་ནས་དེ་བུ་རྣམས་ཀྱིས་རས་སྔོན་པོ་དང ། སེར་པོ་དང་དམར་པོ་དང་དཀར་པོས་ཁྱོགས་བརྒྱན་ནས་དུར་ཁྲོད་དུ་ཁྱེར་ཏེ་བསྲེགས་སོ། །དེ་ནས་ཕ་ལ་ཕའི་བྱ་བ་བྱས་ནས་མྱ་ངན་སངས་ཏེ། དེ་ནས་ནོར་སོ་སོ་བགོ་བར་གྲོས་བྱ་བར་བརྩམས་ནས། ཕུ་བོ་ཤོས་ཀྱིས་སྨྲས་
Nga111b
པ།་ནོར་བགོའོ། །ནུ་བོ་སྤུན་གཉིས་མ་དད་དོ། །དེས་གལ་གྱིས་གཅུས་པ་དང ། དེ་གཉིས་ཀྱིས་སྨྲས་པ། གལ་ཏེ་དེ་ལྟར་ན་རེ་ཞིག་འཇིག་རྟེན་ཕ་རོལ་གྱི་ལམ་རྒྱགས་བླངས་ལ་ཕྱིས་བགོ་བར་བྱའོ། །དེས་སྨྲས་པ་ཅི་དག་བྱ། དེ་གཉིས་ཀྱིས་སྨྲས་པ། ཡང་དག་པར་རྫོགས་པའི་སངས་རྒྱས་འོད་སྲུང་འདི་ལ་མཆོད་དོ། །དེ་དད་པ་ཆུང་བ་ཞིག་པས་དེས་བཀའ་འཁོར་དུ་ཁས་བླངས་སོ། །དེ་ནས་དེ་རྣམས་ཀྱིས་ཡང་དག་པར་རྫོགས་པའི་སངས་རྒྱས་འོད་སྲུང་ལ་མཆོད་ནས་སྨོན་ལམ་གདབ་པར་བརྩམས་ཏེ། གཉིས་ཀྱིས་འདི་སྐད་ཅེས་སྨྲས་སོ། །དགེ་བའི་རྩ་བ་འདིས་བདག་ཅག་གཉིས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་ལ་བྲམ་ཟེའི་ཁྱེའུ་ཁྱོད་སྐྱེ་དགུ་རྣམས་ཀྱི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པ་གང་ཡིན་པ་དེའི་བསྟན་པ་ལ་བདག་ཅག་རབ་ཏུ་བྱུང་ནས་ཁྱད་པར་ཐོབ་པར་གྱུར་ཅིག་ཅེས་བཏབ་བོ། །དེ་གཉིས་ཀྱིས་སྨོན་ལམ་བཏབ་པ། ཕུ་བོ་དེས་ཐོས་ནས་དྲུང་དུ་བཏུད་དེ། སྨོན་ལམ་གདབ་པར་བརྩམས་པ། བདག་ནི་དད་པ་ཆུང་ལ་དམུ་རྒོད་ཡིན་པས་དགེ་བའི་རྩ་བ་འདིས་ན་བདག་ཀྱང་བཅོམ་ལྡན་འདས་ཤཱཀྱ་ཐུབ་པ་དེས་ཆོ་འཕྲུལ་ལྔ་བརྒྱས་བཏུལ་ནས་རབ་ཏུ་ཕྱུང་སྟེ། རབ་ཏུ་བྱུང་ནས་ཀྱང་ཁྱད་པར་རྟོགས་པར་གྱུར་ཅིག་ཅེས་བྱས་སོ། །དགེ་
Nga112a
༄#། །སློང་དག་ཇི་སྙམ་དུ་སེམས། ཕུ་བོ་ཤོས་དམུ་རྒོད་དད་པ་ཆུང་བ་གང་ཡིན་པ་དེ་ནི། ལྟེང་རྒྱས་འོད་སྲུང་འདི་ཉིད་ཡིན་ནོ། །ནུ་བོ་གཉིས་པོ་གང་དག་ཡིན་པ་དེ་དག་ནི་ཆུ་ཀླུང་འོད་སྲུང་དང ། ག་ཡ་འོད་སྲུང་འདི་དག་ཉིད་ཡིན་ནོ། །སྨོན་ལམ་གྱི་དབང་དེས་ན་ལྟེང་རྒྱས་འོད་སྲུང་ཆོ་འཕྲུལ་ལྔ་བརྒྱས་བཏུལ་བ་ཡིན་ནོ། །ཆུ་ཀླུང་འོད་སྲུང་དང ། ག་ཡ་འོད་སྲུང་ནི་ཚེགས་ཆུང་དུས་བཏུལ་བ་ཡིན་ནོ། །གང་གི་ཚེ་རྒྱལ་པོ་གཟུགས་ཅན་སྙིང་པོ་གཞོན་ནུར་གྱུར་པ་དེའི་ཚེ་རྒྱལ་པོའི་ཁབ་ན་ཁྱིམ་བདག་ཅིག་ཡོད་པ་དེ་ལ། ཀུན་དགའི་ར་བ་མེ་ཏོག་དང།་འབྲས་བུ་དང ། ཆུ་ཕུན་སུམ་ཚོགས་པ་ཞིག་ཡོད་དེ། དེ་དེ་ལ་ལྷག་པར་ཆགས་པར་གྱུར་ཏོ། །ཇི་ཙམ་ན་གཟུགས་ཅན་སྙིང་པོ་ཕྱི་རོལ་ཏུ་བྱུང་བས་སྐྱེད་མོས་ཚལ་དེ་མཐོང་བ་དང ། དེ་ཡང་ལྷག་པར་ཆགས་པར་གྱུར་ནས་སྨྲས་པ། ཁྱིམ་བདག་སྐྱེད་མོས་ཚལ་འདི་ང་ལ་བྱིན་ཅིག་།དེས་མ་བྱིན་ནོ། །ལན་གཉིས་ལན་གསུམ་དུ་ཡང་སྨྲས་ན་ཡང་མ་བྱིན་ནས། ཡང་སྨྲས་པ།་རིན་སྦྱིན་ནོ། །དེས་སྨྲས་པ། གཞོན་ནུ་ཉེས་ན་ཁོ་བོ་ཡུལ་ནས་སྤྱུགས་ཀྱང་བླའི་སྐྱེད་མོས་ཚལ་ནི་མི་འབུལ་ལོ། །གཞོན་ནུ་གཟུགས་ཅན་སྙིང་པོས་སྨྲས་པ། ཁྱིམ་བདག་ཁྱོད་ཀྱིས་སྨྲས་པ་དྲན་པར་བྱོས་ཤིག་།ནམ་ང་རྒྱལ་པོར་གྱུར་པ་དེའི་ཚེ་ང་ཉིད་ཀྱིས་བཀུར་རོ། །དེས་སྨྲས་པ། ནམ་ཁྱོད་རྒྱལ་པོར་གྱུར་པ་དེའི་ཚེ་ཁོ་བོ་ཡང་རྒྱལ་པོའི་ཁབ་ནས་འགྲོའོ། །གཞོན་ནུ་
Nga112b
གཟུགས་ཅན་སྙིང་པོས་འཇལ་ཏོ་ཞེས་བྱས་ནས་སོང་ངོ ། །ཇི་ཙམ་དུས་གཞན་ཞིག་ན་རྒྱལ་པོ་པདྨ་ཆེན་པོ་ཤི་ནས། གཞོན་ནུ་གཟུགས་ཅན་སྙིང་པོ་རྒྱལ་སྲིད་ལ་བཞག་པ་དང ། དེས་སྐྱེད་མོས་ཚལ་དེ་མཐུས་ཕྲོགས་སོ། །ཁྱིམ་བདག་དེ་སྙིང་ན་ཞིང་སྐྱེད་མོས་ཚལ་དེ་ལ་ལྷག་པར་ཆགས་པས་ཤི་ནས་དེ་ཉིད་ཀྱི་སྦྲུལ་གདུག་པ་ཞིག་ཏུ་སྐྱེས་ཏེ། དེ་རྒྱལ་པོ་ལ་རྒྱུན་དུ་གླགས་ཚོལ་བ་ལྷུར་ལེན་ཅིང་གནས་སོ། །ཇི་ཙམ་ན་རྒྱལ་པོ་གཟུགས་ཅན་སྙིང་པོ་སོ་གའི་དུས་ལབ་སྟེ། མེ་ཏོག་གི་ཤིང་རྣམ་ཁ་འབུས་པ་ན་བཙུན་མོ་དང་ལྷན་ཅིག་སྐྱེད་མོས་ཚལ་དེར་ཞུགས་ནས། དེ་དེ་ན་སྐྱེས་པ་མེད་པར་རོལ་མོས་བཙུན་མོའི་བུད་མེད་དང་ལྷན་ཅིག་དགའ་བའི་རྩེད་མོ་ཉམས་སུ་མྱོང་བར་བྱས་ནས་གཉིད་ལོག་གོ་།བུད་མེད་ནི་མེ་ཏོག་དང་འབྲས་བུ་ལ་དགའ་བ་ཡིན་པས་ཀུན་ཏུ་འཁྱམ་དུ་དོང་ངོ ། །བུད་མེད་གཅིག་གི་རལ་གྲི་བསྐུར་ཏེ། རྒྱལ་པོ་སྲུང་དུ་བཅུག་གོ་།དེ་ནས་སྦྲུལ་གདུག་པ་དེས་རྒྱལ་པོའི་དྲུང་ན་སྒྲ་མི་གྲག་པར་རིག་ནས་རྒྱལ་པོ་ལ་གཟུང་བའི་ཕྱིར་ཚང་ནས་བྱུང་སྟེ་ཆས་སོ། །རྒྱལ་པོའི་བསོད་ནམས་ཀྱི་མཐུས་བྱ་ཀ་ལན་ད་ཀ་ཞེས་བྱ་བ་དེ་རྣམས་ཀྱིས་སྦྲུལ་གདུག་པ་དེ་ཀུན་ནས་བསྐོར་ནས་ཙི་ཙིའི་སྒྲ་ཕྱུང་ངོ ། །བུད་མེད་རལ་གྲི་ཐོགས་པས་ཐོས་ནས། སྡངས་ཏེ་སྒྲ་ཆེན་པོ་ཕྱུང་ནས་རལ་གྲིས་བསད་དོ། །དེ་ནས་རྒྱལ་པོ་ཡང་སྡངས་ཏེ་སད་ནས་སྨྲས་པ། འདི་ཅི་བྱུང ། བུད་མེད་དེས་སྨྲས་པ། ལྷ་སྦྲུལ་གདུག་པ་འདི་ལྷ་ལ་གཟུང་བའི་ཕྱིར་ཆས་པ་ན། བྱ་ཀ་ལན་ད་ཀ་རྣམས་
Nga113a
༄#། །ཀྱིས་ཙི་ཙིའི་སྒྲ་ཕྱུང་ནས་བདག་གིས་བཀུམ་ལགས་སོ། །རྒྱལ་པོའི་གནས་སྐབས་དེ་གཞོན་ནུ་དང ། བློན་པོ་དང ། ཁྲོམ་གྱི་རུ་བ་དང ། རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་རྣམས་ཀྱིས་ཐོས་ནས། སྐྱེད་མོས་ཚལ་དེའི་ཕྱི་ནང་དུ་ཀུ་ཅོའི་སྒྲ་ཆེན་པོས་གང་བར་གྱུར་ཏེ། རྒྱལ་པོ་དེ་སྐྱེ་དགུ་ལ་བྱམས་པ་ཞིག་པས། ཕྱིར་ཞིང་བཙུན་མོ་སྐྱེ་བོའི་ཚོགས་དང་བཅས་ཏེ་མིག་མཆི་མས་གང་ཞིང་འཁོད་དོ། །དེ་ནས་རྒྱལ་པོས་སྨྲས་པ། ཤེས་ལྡན་དག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལ་སྲོག་སྐྱོབ་པ་དེ་ལ་མཆོག་ཅི་སྦྱིན། སྐྱེ་བོའི་ཚོགས་ཀྱིས་སྨྲས་པ། ལྷ། རྒྱལ་སྲིད་ཀྱི་ཕྱེད་དོ། །རྒྱལ་པོས་སྨྲས་པ། ཤེས་ལྡན་དག་བྱ་ཀ་ལན་ད་ཀ་རྣམས་ཀྱིས་ངའི་སྲོག་བྱིན་པས་རྒྱལ་སྲིད་ཕྱེད་འདི་དག་ལ་བྱིན་ནོ། །བློན་པོ་རྣམས་ཀྱིས་སྨྲས་པ། ལྷ། བྱ་འདི་དག་ནི་དུད་འགྲོའི་སྐྱེ་གནས་སུ་སོང་བ་ལགས་པས། རྒྱལ་སྲིད་ཕྱེད་ཀྱི་འདི་དག་ལ་ཅི་བགྱི། འདི་དག་འོད་མའི་ཚལ་གང་དུ་གནས་པ་དེར་འདི་དག་གི་གནས་བཅའོ། །རྒྱལ་པོས་སྨྲས་པ། དེ་བཞིན་དུ་གྱིས་ཤིག། སྐྱེད་མོས་ཚལ་དེ་འོད་མའི་ཚལ་གྱིས་ཡོངས་སུ་བསྐོར་ཏེ། བློན་པོ་རྣམས་ཀྱིས་དེ་རྣམས་ཀྱི་གནས་འོད་མའི་ཚལ་གྱི་ཉེ་འཁོར་དུ་བཅས་པས། དེ་འོད་མའི་ཚལ་བྱ་ཀ་ལན་ད་ཀ་གནས་པ་ཞེས་བྱ་བར་གྱུར་ཏོ། །རྒྱལ་པོ་གཟུགས་ཅན་སྙིང་པོའི་ཞང་པོ་ཀུན་ཏུ་འཚོ་རྣམས་ཀྱི་ནང་དུ་རབ་ཏུ་བྱུང་ནས།
Nga113b
དེས་སྐྱེད་མོས་ཚལ་དེ་དེའི་གནས་ཀྱི་ཕྱིར་བྱིན་ནོ། །ཇི་ཙམ་ན་བཅོམ་ལྡན་འདས་མ་ག་དྷ་ནས་ལྗོངས་རྒྱུ་ཞིང་གཤེགས་པ་དང ། རྒྱལ་པོའི་ཁབ་ཏུ་བྱོན་ནས་ཤིང་ཞིག་གི་དྲུང་ན་བཞུགས་སོ། ། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་བཅོམ་ལྡན་འདས་མ་ག་དྷ་ནས་ལྗོངས་རྒྱུ་ཞིང་གཤེགས་པ་ན། རྒྱལ་པོའི་ཁབ་ཏུ་བྱོན་ནས་ཤིང་ཞིག་གི་དྲུང་དུ་བཞུགས་སོ་ཞེས་ཐོས་སོ། །ཐོས་ནས་ཀྱང་རྒྱལ་པོའི་འབྱོར་པ་ཆེན་པོ་དང ། རྒྱལ་པོའི་མཐུ་ཆེན་པོས་རྒྱལ་པོའི་ཁབ་ནས་བྱུང་སྟེ། བཅོམ་ལྡན་འདས་གང་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བ་མཛད་ནས་ཅང་མི་གསུང་ངོ ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་
Nga114a
༄#། །ཅེས་གསོལ་ཏོ། །བཅོམ་ལྡན་འདས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཀྱིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལ་ཅང་མི་གསུང་བས་གནང་ངོ ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས། བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་སྟན་ལས་ལངས་ཏེ་སོང་ངོ ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས། དེ་ཉིད་ཀྱི་མཚན་མོ་ནས་གཙང་ཞིང་བསོད་པའི་བཟའ་བ་དང ། བཅའ་བ་དག་སྟ་གོན་བྱས་ནས་ནང་པར་སྔར་ལངས་ཏེ། གདན་བཤམས་ནོར་བུའི་ཆུ་སྣོད་བཞག་ནས་བཅོམ་ལྡན་འདས་ལ་སྤྱན་འདྲེན་གྱི་དུས་ཚོད་གསོལ་པ། བཙུན་པ་གདུགས་ཚོད་ལགས་ན། ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང ། ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོང་སུ་བསྐོར་ཅིང་དགེ་སློང་གི་དགེ་འདུན་གྱི་མདུན་དུ་བདར་ཏེ། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོའི་བཀད་ས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་མ་ག་དྷའི་རྒྱལ་པོ་བཟོ་སྦྱངས་
Nga114b
གཟུགས་ཅན་སྙིང་པོས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་ཏེ། བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ། ལྷུང་བཟེད་གྱུ་བར་རིག་ནས་གསེར་གྱི་བྱ་མ་བུམ་བླངས་ཏེ། བཙུན་པ་འོད་མའི་ཚལ་བྱ་ཀ་ལན་ད་ཀ་གནས་པ་འདིར་བཅོམ་ལྡན་འདས་ཅི་བདེ་བར་བཞུགས་ཤིག་ཅེས་བཅོམ་ལྡན་འདས་ལ་སྐྱེད་མོས་ཚལ་དེ་ཕུལ་ལོ། །དེ་བཞིན་དུ་གནས་བརྟན་རྣམས་ཀྱིས་ཀྱང་མདོ་སྡེ་རྣམས་ཀྱི་ནང་དུ། བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ།། ཞེས་གདགས་པར་བྱས་སོ། །དེའི་ཚེ་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀའི་གནས་ན་བཞུགས་སོ། །རྒྱལ་པོའི་ཁབ་ན་ཁྱིམ་བདག་ཅིག་གནས་པ་དེས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་རང་གི་ཁྱིམ་དུ་སྤྱན་དྲངས་སོ། །ཡང་དེའི་ཚེ་ཁྱིམ་བདག་མགོན་མེད་ཟས་སྦྱིན་དགོས་པ་འགའ་ཞིག་གི་ཕྱིར་རྒྱལ་པོའི་ཁབ་ཏུ་ཕྱིན་ནས་དེ་ཁྱིམ་བདག་དེའི་ཁྱིམ་དུ་ནུབ་མོ་བྲང་བཏབ་བོ། །དེ་ནས་ཁྱིམ་བདག་དེ་དེ་ཉིད་ཀྱི་མཚན་མོ་ལངས་ཏེ། ནང་མི་རྣམས་ལ་བསྒོ་བ། ནང་རྗེ་དག་ལོངས་ཤིག་།བཞིན་བཟང་དག་ལོངས་ཤིག་།ཤིང་རྣམས་
Nga115a
༄#། །གཤོགས་ཤིག་།མེ་དག་བུས་ཤིག་།འབྲས་ཆན་ཚོས་ཤིག་།སྲན་ཚོད་ཚོས་ཤིག་།བཅའ་བ་དག་བཟང་དུ་གྱིས་ཤིག་།བཀད་སའི་ཞལ་ཏ་དག་གྱིས་ཤིག་།དེ་ནས་ཁྱིམ་བདག་མགོན་མེད་ཟས་སྦྱིན་འདི་སྙམ་དུ་སེམས་ཏེ། ཅི་ཁྱིམ་བདག་འདི་བག་མ་ལེན་ཏམ། བག་མ་གཏོང་ངམ། ཡུལ་མིའམ། ཚོང་པའམ། ཚོགས་སམ། འཁོར་ཏམ། འདིས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སང་ཁྱིམ་དུ་གདུགས་ཚོད་ལ་སྤྱན་དྲངས་སམ་སྙམ་དུ་བསམས་ནས། ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག་ཁྱོད་ཅི་བག་མ་ལེན་ཏམ། བག་མ་གཏོང་ངམ། ཡུལ་མིའམ། ཚོང་པའམ། ཚོགས་སམ། འཁོར་ཏམ། ཁྱོད་ཀྱི་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་སང་ཁྱིམ་དུ་གདུགས་ཚོད་ལ་སྤྱན་དྲངས་སམ། ཁྱིམ་བདག་ཁོ་བོ་བག་མ་ལེན་ཏམ། བག་མ་གཏོང་བ་ཡང་མ་ཡིན། ཡུལ་མི་མ་ཡིན། ཚོང་པ་མ་ཡིན། ཚོགས་པ་མ་ཡིན། འཁོར་མ་ཡིན། མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་གདུགས་ཚོད་ལ་སྤྱན་དྲངས་པ་མ་ཡིན་ཏེ། འོན་ཀྱང་ཁོ་བོས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་ལ་སྤྱན་དྲངས་སོ། །ཁྱིམ་བདག་མགོན་མེད་ཟས་སྦྱིན་གྱིས། སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་པ་དང ། བ་སྤུའི་ཁུང་བུ་ཐམས་ཅད་ནས་སྤུ་ཟིང་ཞེས་བྱས་ནས། དེ་སྤུ་ཟིང་ཞེས་བྱེད་པས་ཁྱིམ་བདག་
Nga115b
དེ་ལ་འདི་སྐད་ཅེས་སྨྲས་སོ། །ཁྱིམ་བདག་སངས་རྒྱས་ཞེས་བྱ་བ་འདི་སུ་ཡིན། ཁྱིམ་བདག་དགེ་སྦྱོང་གོའུ་ཏ་མ་ཤཱཀྱའི་སྲས་ཤཱཀྱའི་རིགས་ལས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞིག་ཡོད་དེ། ཁྱིམ་བདག་དེ་ནི་སངས་རྒྱས་ཞེས་བྱའོ། །ཁྱིམ་བདག་དགེ་འདུན་ཞེས་བྱ་བ་འདི་སུ་ཡིན། ཁྱིམ་བདག་རྒྱལ་རིགས་ལས་ཀྱང་རིགས་ཀྱི་བུ་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པར་ཁོ་ནས་ཁྱིམ་ནས་ཁྱིམ་མེད་པར་བཅོམ་ལྡན་འདས་དེ་ཁོ་ན་རབ་ཏུ་བྱུང་བའི་རྗེས་སུ་རབ་ཏུ་བྱུང་བ་དག་ཡོད་དོ། །བྲམ་ཟེའི་རིགས་དང ། རྗེའུ་རིགས་དང ། དམངས་རིགས་ལས་ཀྱང་རིགས་ཀྱི་བུ་དག་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་བཅོམ་ལྡན་འདས་དེ་ཁོ་ན་རབ་ཏུ་བྱུང་བའི་རྗེས་སུ་རབ་ཏུ་བྱུང་བ་དག་ཡོད་དེ། ཁྱིམ་བདག་དེ་ནི་དགེ་འདུན་ཞེས་བྱ་བ་ཡིན་ཏེ། སང་ཁོ་བོའི་ཁྱིམ་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་དེ་གདུགས་ཚོད་ལ་སྤྱན་དྲངས་སོ། །ཁྱིམ་བདག་བཅོམ་ལྡན་འདས་དེ་ད་ལྟར་གང་ན་བཞུགས། རྒྱལ་པོའི་ཁབ་འདི་ཉིད་ཀྱི་དུར་ཁྲོད་བསིལ་བའི་ཚལ་ན་བཞུགས་སོ། །ཁྱིམ་བདག་བཅོམ་ལྡན་འདས་དེ་བདག་ཅག་གིས་བལྟར་རུང་ངམ། ཁྱིམ་བདག་དེའི་ཕྱིར་ཁྱོད་རེ་ཞིག་སྡོད་ཅིག་དང །
Nga116a
༄#། །གལ་ཏེ་བཅོམ་ལྡན་འདས་འདི་ཉིད་དུ་གཤེགས་དང ། སང་ཁྱོད་ཀྱིས་མཐོང་བར་འགྱུར་བའི་གནས་གང་ཡིན་པ་དེ་ཡོད་དོ། །དེ་ནས་ཁྱིམ་བདག་མགོན་མེད་ཟས་སྦྱིན་སངས་རྒྱས་ལ་དམིགས་པའི་དྲན་པས་ཉལ་ལོ། །དེ་ནམ་མ་ལངས་པར་ནམ་ལངས་པའི་འདུ་ཤེས་ཀྱིས་ལྷོ་སྒོ་གང་ན་བ་དེར་སོང་བ་དང ། དེའི་ཚེ་ལྷོ་སྒོ་ཐུན་གཉིས་ལ་སྒོ་ཕྱེ་ནས་འཇོག་སྟེ་ཐུན་དང་པོ་ལ་ནི་ཕོ་ཉ་གློ་བུར་དུ་འོངས་པ་རྣམས་མི་ཐོགས་པ་བྱ་བའི་ཕྱིར་ཕྱེ་སྟེ་འཇོག་གོ་།ཐུན་ཐ་མ་ལ་ནི་ཕོ་ཉ་འགྲོ་བར་ཆས་པ་རྣམས་མི་ཐོགས་པར་བྱ་བའི་ཕྱིར་ཕྱེ་སྟེ་འཇོག་གོ་།དེ་ནས་ཁྱིམ་བདག་མགོན་མེད་ཟས་སྦྱིན་འདི་སྙམ་དུ་སེམས་ཏེ་འདི་ལྟར་ལྷོ་སྒོ་ཕྱེ་སྟེ་འདུག་པས་གདོན་མི་ཟ་བར་ནམ་ལངས་སོ་སྙམ་དུ་རིག་ནས། སྣང་བ་དེ་ཉིད་དུ་གྲོང་ཁྱེར་ནས་བྱུང་བ་དང ། དེ་བྱུང་མ་ཐག་ཏུ་སྣང་བ་གང་ཡིན་པ་དེ་མེད་ནས་སླར་མུན་ནག་པོར་གྱུར་ཏོ། །དེ་འཇིགས་པར་གྱུར། བག་ཚ་བར་གྱུར་ཅིང་སྤུ་ཟིང་ཞེས་བྱེད་པར་གྱུར་ནས་བདག་མིའམ། མི་མ་ཡིན་པའམ། གཡོན་ཅན་འགའ་ཞིག་གིས་གཙེས་པར་མི་འགྱུར་གྲང་སྙམ་དུ་བསམས་ནས་སླར་ལྡོག་པར་འདོད་པ་དང ། དེ་ནས་ལྷོ་ཕྱོགས་ཀྱི་སྒོ་ན་གནས་པའི་ལྷ་གང་ཡིན་པ་དེས། ཅི་ཙམ་ལྷོ་ཕྱོགས་ཀྱི་སྒོ་ནས་བསིལ་བའི་ཚལ་གྱི་དུར་ཁྲོད་ཀྱི་བར་ཐམས་ཅད་སྣང་བ་ཆེན་པོས་གསལ་བར་བྱས་ནས། ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་
Nga116b
བདག་སྤྱན་སྔར་སོང་ཞིག་།སླར་མ་ལྡོག་ཅིག་།ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །དེ་ཅིའི་ཕྱིར་ཞེ་ན། རྟ་བརྒྱ་དང་ནི་གསེར་རྒྱན་བརྒྱ། དྲེའུ་ཡི་ཤིང་རྟ་བརྒྱ་དང་ནི། །སྣ་ཚོགས་ནོར་གྱིས་སྤུད་པ་ཡི། །རྟ་རྒོད་མ་ཡི་ཤིང་རྟ་བརྒྱ། །གོམ་པ་གཅིག་ཅིག་བོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག་སྤྱན་སྔར་སོང་ཞིག་།སླར་མ་ལྡོག་ཅིག་།ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །དེ་ཅིའི་ཕྱིར་ཞེ་ན། གངས་ཅན་རི་ཡི་གླང་ཆེན་བརྒྱ། །གསེར་དང་ནོར་བུས་བརྒྱན་བྱས་ལ། །ལུས་ཆེ་གཤོལ་མདའི་མཆེ་བར་ལྡན། །མ་ཏང་ག་སྐྱེས་སྟོང་པོ་ཆེ། །གོམ་པ་གཅིག་ཅིག་བོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག་སྤྱན་སྔར་སོང་ཞིག་།སླར་མ་ལྡོག་ཅིག་།ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཐོ་གར་ཡུལ་གྱི་བུ་མོ་བརྒྱ། །ནོར་བུའི་རྣ་ཆ་གདུབ་ཀོར་ཐོགས། །གསེར་གྱི་དཔུང་རྒྱན་ཐོགས་པ་ཡི། །མགྲིན་པ་རྒྱན་གྱིས་ལེགས་བརྒྱན་པ། །གོམ་པ་གཅིག་ཅིག་བོར་བ་ཡི། །བཅུ་དྲུག་ཆར་ཡང་མི་ཕོད་དོ། །ཁྱིམ་བདག་སྤྱན་སྔར་སོང་ཞིག། །སླར་མ་ལྡོག་ཅིག་།ཁྱོད་སྤྱན་སྔར་སོང་ན་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ལྷའི་བུ་དེ་ལ་འདི་སྐད་ཅེས་སྨྲས་སོ། །བཞིན་བཟང་ཁྱོད་སུ་ཞིག་།ཁྱིམ་བདག་ཁོ་བོ་ནི་ཁྱོད་ཉིད་ཀྱི་གྲོགས་པོ་སྙིང་པ་བྲམ་ཟེའི་ཁྱེའུ་སྦྲང་རྩིའི་
Nga117a
༄#། །ཕུང་པོ་ཡིན་ཏེ། ཁོ་བོས་དགེ་སློང་ཤཱ་རིའི་བུ་དང ། མོའུ་དགལ་གྱི་བུ་གཉིས་ལ་སེམས་དད་པ་བསྐྱེད་ནས་ཤི་བ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་ཏེ། ལྷོ་སྒོ་འདི་ཉིད་ན་གཉུག་མར་གནས་སོ། །དེའི་ཕྱིར་ཁྱོད་ལ་ཁོ་བོས་འདི་སྐད་ཅེས་ཁྱིམ་བདག་སྤྱན་སྔར་སོང་ཞིག་སླར་མ་ལྡོག་ཅིག་།ཁྱོད་སྤྱན་སྔར་སོང་ནས་ལེགས་པར་འགྱུར་གྱི་སླར་ལོག་ན་ནི་མ་ཡིན་ནོ། །ཞེས་སྨྲའོ། །དེ་ནས་ཁྱིམ་བདག་མགོན་མེད་ཟས་སྦྱིན་འདི་སྙམ་དུ་སེམས་ཏེ། ཀྱེ་མའོ་སངས་རྒྱས་བཅོམ་ལྡན་འདས་ནི་མཆོག་མ་ཡིན་པ་མ་ཡིན་ཞིང ། ཆོས་བཤད་པ་ཡང་མཆོག་མ་ཡིན་པ་མ་ཡིན་ཏེ། དེ་ལྟར་བཅོམ་ལྡན་འདས་དེ་ལ་བལྟ་བར་ལྷ་ཡང་བརྩོན་པར་བྱེད་དོ་སྙམ་དུ་བསམས་ནས། བསིལ་བའི་ཚལ་གྱི་དུར་ཁྲོད་དུ་སོང་བ་དང ། དེའི་ཚེ་བཅོམ་ལྡན་འདས་གཙུག་ལག་ཁང་གི་ཕྱི་རོལ་བླ་གབ་མེད་པ་ན་འཆག་ཅིང་ལྷག་པར་ཡང་ཁྱིམ་བདག་མགོན་མེད་ཟས་སྦྱིན་འོངས་པ་ལ་གཞེས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་ཁྱིམ་བདག་མགོན་མེད་ཟས་སྦྱིན་གྱིས་ཡང་དག་པར་དགྱེས་པར་འགྱུར་བས་ཡང་དག་པར་དགྱེས་པར་བྱེད་དེ། བཅོམ་ལྡན་འདས་ཅིག་བདེ་བར་མནལ་ཏམ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། གང་ཞིག་འདོད་པས་མ་གོས་ལ། །ཟག་མེད་རབ་ཏུ་རྣམ་གྲོལ་
Nga117b
བ། །མྱ་ངན་ཡོངས་འདས་བྲམ་ཟེ་ནི། །ཐམས་ཅད་དུ་ནི་བདེ་བར་མནལ། །འདིར་ནི་རེ་བ་ཀུན་བཅས་ནས། །ཐུགས་ཀྱི་རིམས་ནད་རྣམས་བསལ་ཅིང ། །ཞི་བ་ཐོབ་པའི་ཐུགས་ཀྱིས་ན། །ཉེ་བར་ཞི་བ་བདེ་བར་མནལ། །དེ་ནས་བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ཁྲིད་ནས་གཙུག་ལག་ཁང་དུ་ཞུགས་ཏེ། གདན་བཤམས་བ་ཉིད་ལ་བཞུགས་པ་དང ། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། །ཡང་དག་པར་རབ་ཏུ་དགའ་བར་མཛད་དེ། སངས་རྒྱས་བཅོམ་ལྡན་འདས་རྣམས་ཀྱི་ཐོག་མའི་དུས་སུ་ཆོས་ཀྱི་གཏམ་གླེང་བ་གང་ཡིན་པ་དེ་འདི་ལྟ་སྟེ། སྦྱིན་པའི་གཏམ་དང ། ཚུལ་ཁྲིམས་ཀྱི་གཏམ་དང ། མཐོ་རིས་ཀྱི་གཏམ་དང ། འདོད་པ་རྣམས་ལ་མནོག་ཆུང་བ་དང ། ཉེས་དམིགས་དང ། ཀུན་ནས་ཉོན་མོངས་པ་དང ། རྣམ་པར་བྱང་བ་དང ། ངེས་པར་འབྱུང་བ་དང ། རབ་ཏུ་དབེན་པའི་ཕན་ཡོན་གྱི་རྗེས་སུ་བསྔགས་པ་དང ། རྣམ་པར་བྱང་བའི་ཕྱོགས་དང་མཐུན་པའི་ཆོས་ཀྱི་གཏམ་རྒྱས་པར་ཡང་དག་པར་བསྟན་ཏོ། །གང་གི་ཚེ་བཅོམ་ལྡན་འདས་ཀྱིས་དེ་དགའ་བའི་སེམས་དང ། དགེ་བའི་སེམས་དང ། མགུ་བའི་སེམས་
Nga118a
༄#། །དང ། སྒྲིབ་པ་དང་བྲལ་བའི་སེམས་དང ། སྐལ་པ་དང་ལྡན་པའི་ཡང་དག་པ་ཕུལ་གྱི་ཆོས་བཤད་པ་ཀུན་ཤེས་པར་ནུས་པར་གཟིགས་པ་དེའི་ཚེ། སངས་རྒྱས་བཅོམ་ལྡན་འདས་རྣམས་ཀྱི་ཡང་དག་ཕུལ་གྱི་ཆོས་བཤད་པ། འཕགས་པའི་བདེན་པ་བཞི་པོ་གང་ཡིན་པ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་རྒྱས་པར་རབ་ཏུ་བསྟན་ཏོ། །དཔེར་ན་གོས་གཙང་མ་ནག་གནོག་མེད་པ་ཚོན་རྩི་འོས་པའི་ནང་དུ་བཅུག་ན་ཚོན་རྩི་ལེགས་པར་འཛིན་བཏུབ་པ་དེ་བཞིན་དུ་ཁྱིམ་བདག་མགོན་མེད་ཟས་སྦྱིན་སྟན་དེ་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་བ་དང ། འགོག་པ་དང ། ལམ་མངོན་པར་རྟོགས་སོ། །ཁྱིམ་བདག་མགོན་མེད་ཟས་སྦྱིན་གྱིས་ཆོས་མཐོང་བ་དང ། ཆོས་ཐོབ་པ་དང ། ཆོས་རིག་པ་དང ། ཆོས་ཀྱི་གཏིང་སླེབས་པ་དང ། སོམ་ཉི་ལས་རྒལ་བ་དང ། ཐེ་ཚོམ་ལས་རྒལ་བ་དང ། གཞན་གྱི་དྲིང་མི་འཇོག་པ་དང ། གཞན་གྱིས་མི་བཀྲི་བ་དང ། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེར་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་འཕགས་སོ། །མངོན་པར་འཕགས་སོ། །བདག་བཅོམ་ལྡན་འདས་དང ། ཆོས་དང ། དགེ་
Nga118b
སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བདག་དགེ་བསྙེན་དུ་གཟུང་དུ་གསོལ། དེང་སླན་ཆད་ཇི་སྲིད་འཚོའི་བར་དུ་སྲོག་དང་བསྡོས་ཏེ་སྐྱབས་སུ་མཆི་བར་མངོན་པར་དད་ལགས་སོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་བཀའ་སྩལ་ཏོ། །ཁྱིམ་བདག་ཁྱོད་ཀྱི་མིང་ཅི། བཙུན་པ་བདག་གི་མིང་བཟང་སྦྱིན་ལགས་མོད་ཀྱི། བདག་མགོན་མ་མཆིས་པ་རྣམས་ལ་འཚལ་མ་སྩོལ་པས། དེས་ན་བདག་མགོན་མེད་ཟས་སྦྱིན་ཞེས་བགྱི་བར་སྐྱེ་བོས་འཚལ་ཏོ། །ཁྱིམ་བདག་ཁྱོད་ཀྱི་གནས་གང་ཡིན། བཙུན་པ་ཡུལ་བྲ་ཙི་ན་ཞེས་བགྱི་བ་ན་ཀོ་ས་ལ་རྣམས་ཀྱི་གྲོང་ཁྱེར་མཉན་ཡོད་ཅེས་བགྱིས་པ་མཆིས་ཏེ། དེ་ན་བདག་མཆིས་ལགས་སོ། །བཅོམ་ལྡན་འདས་མཉན་ཡོད་དུ་གཤེགས་ཤིག་དང ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ། བདག་ཇི་སྲིད་འཚོའི་བར་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་དང ། ཡོ་བྱད་རྣམས་ཀྱིས་བསྙེན་བཀུར་བགྱི་ལགས་སོ། །ཁྱིམ་བདག་མཉན་ཡོད་ན་གཙུག་ལག་ཁང་ཡོད་དམ། བཙུན་པ་མ་མཆིས་ལགས་སོ། །ཁྱིམ་བདག་གང་ན་གཙུག་ལག་ཁང་ཡོད་པ་དེར་དགེ་སློང་རྣམས་འོང་བ་དང ། འགྲོ་བ་དང ། གནས་པར་སེམས་སོ། །བཅོམ་ལྡན་འདས་གཤེགས་ཤིག་དང ། བདག་གིས་ཅི་ནས་ཀྱང་མཉན་ཡོད་དུ་དགེ་སློང་རྣམས་མཆིས་པ་དང ། གཞན་དུ་མཆི་བ་དང ། མཆི་བར་སེམས་པར་འགྱུར་བ་དེ་ལྟར་གཙུག་ལག་
Nga119a
༄#། །ཁང་བརྩིགས་ལགས་སོ། །བཅོམ་ལྡན་འདས་ཀྱིས་ཁྱིམ་བདག་མགོན་མེད་ཟས་སྦྱིན་ལ་ཅང་མི་གསུང་བས་གནང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་ཞབས་གཉིས་ཀྱི་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱིས་སྤྱན་སྔ་ནས་སོང་ངོ ། །དེ་ནས་རྒྱལ་པོའི་ཁབ་ཏུ་བྱ་བ་དང་བསྒྲུབ་པ་གང་ཡིན་པ་དེ་དག་ཐམས་ཅད་བྱས་ཤིང་བསྒྲུབ་ནས། བཅོམ་ལྡན་འདས་གང་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གི་གྲོགས་དགེ་སློང་གཅིག་སྩལ་དུ་གསོལ། དེ་དང་ལྷན་ཅིག་བཅོམ་ལྡན་འདས་ཀྱི་སླད་དུ་གཙུག་ལག་ཁང་བརྩིགས་ལགས་སོ། །བཅོམ་ལྡན་འདས་ཀྱིས་དགོངས་པ། དགེ་སློང་སུ་ཞིག་གིས་ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པ་དང ། མཉན་ཡོད་ན་གནས་པའི་སྐྱེ་བོའི་ཚོགས་འདུལ་བར་འགྱུར་སྙམ་ན། དགེ་སློང་ཤཱ་རིའི་བུས་འདུལ་བར་གཟིགས་ནས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པ་དང ། མཉན་ཡོད་ན་གནས་
Nga119b
པའི་སྐྱེ་བོའི་ཚོགས་ལ་སོམས་ཤིག་།ཚེ་དང་ལྡན་པ་ཤཱ་རིའི་བུ་ཅང་མི་སྨྲ་བར་བཅོམ་ལྡན་འདས་ཀྱི་བཀའ་ཉན་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་ཚེ་དང་ལྡན་པ་ཤཱ་རིའི་བུས་དེ་ཉིད་ཀྱི་མཚན་མོ་འདས་ནས། སྔ་དྲོ་ཤམ་ཐབས་བགོས། ལྷུང་བཟེད་དང ། ཆོས་གོས་ཐོགས་ཏེ། རྒྱལ་པོའི་ཁབ་ཏུ་བསོད་སྙོམས་ལ་ཞུགས་ནས། རྒྱལ་པོའི་ཁབ་ཏུ་བསོད་སྙོམས་སྤྱད་དེ་ཟས་ཀྱི་བྱ་བས་བྱས་ནས། ཟས་ཕྱི་མའི་བསོད་སྙོམས་སྤངས་ཏེ། གནས་མལ་ཇི་ལྟར་སྤྱད་པ་མཁོས་སུ་ཕབ་ནས། དེ་ལྷུང་བཟེད་དང ། ཆོས་གོས་བླངས་ཏེ། མཉན་ཡོད་གང་ན་བ་དེར་རྒྱུ་ཞིང་སོང་ངོ ། །དེ་ནས་ཁྱིམ་བདག་མགོན་མེད་ཟས་སྦྱིན་ལམ་རྒྱགས་མང་པོ་ཁྱེར་ནས། ནུབ་མོ་ནུབ་མོ་ཞིང་མཉན་ཡོད་དུ་སོང་སྟེ་ཕྱིན་ནས། དེ་མཉན་ཡོད་དུ་མ་ཞུགས་པ་ཉིད་དུ་ཀུན་དགའ་ར་བ་ནས་ཀུན་དགའ་ར་བ་དང ། སྐྱེད་མོས་ཚལ་ནས་སྐྱེད་མོས་ཚལ་དང ། ནགས་ཚལ་ནས་ནགས་ཚལ་དུ། འཆགས་ནས་འཆག་སར་དཔྱོད་ཅིང་འདི་སྐད་ཅེས་སྨྲས་སོ། །མཉན་ཡོད་དང་ཧ་ཅང་ཡང་མི་རིང་ལ། ཧ་ཅང་ཡང་མི་ཉེ་བ་དང ། ཉིན་པར་ལང་ལོང་ཉུང་ཞིང་ཀུ་ཅོ་ཉུང་བ་དང ། མཚན་མོ་གཅོམ་ཆུང་བ་དང ། སྒྲ་ཆུང་བ་དང ། སྦྲང་བུ་དང ། ཤ་སྦྲང་དང ། རླུང་དང ། ཉི་མ་དང ། སྡིག་སྤྲུལ་གྱི་རེག་པ་ཆུང་བའི་ས་ཕྱོགས་གང་ན་ཡོད་པ་དེར། བདག་གིས་བཅོམ་ལྡན་འདས་
Nga120a
༄#། །ཀྱི་ཕྱིར་གཙུག་ལག་ཁང་བརྩིགས་ན། ས་ཕྱོགས་དེ་གང་ན་ཡོད་སྙམ་པ་ལས། ཁྱིམ་བདག་མགོན་མེད་ཟས་སྦྱིན་གྱིས་གཞོན་ནུ་རྒྱལ་བྱེད་ཀྱི་ཀུན་དགའ་ར་བ་ནི་མཉན་ཡོད་དང་ཧ་ཅང་མི་རིང་ལ་ཧ་ཅང་ཡང་མི་ཉེ་བ་དང ། ཉིན་པར་ཡང་ལང་ལོང་ཉུང་ཞིང་ཀུ་ཅོ་ཉུང་བ་དང ། མཚན་མོ་གཅོམ་ཆུང་བ་དང ། སྒྲ་ཆུང་བ་དང ། སྦྲང་བུ་དང ། ཤ་སྦྲང་དང ། རླུང་དང ། ཉི་མ་དང ། སྡིག་སྦྲུལ་གྱི་རེག་པ་ཉུང་བར་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། འདིར་བདག་གིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་གོ་སྙམ་ནས། དེ་རང་གི་ཁྱིམ་དུ་མ་སོང་བ་ཉིད་དུ་གཞོན་ནུ་རྒྱལ་བྱེད་གང་ན་བ་དེར་སོང་སྟེ་ཕྱིན་ནས། གཞོན་ནུ་རྒྱལ་བྱེད་ལ་འདི་སྐད་ཅེས་སྨྲས་སོ། །གཞོན་ནུ་ཀུན་དགའ་ར་བ་བདག་ལ་སྩོལ་ཅིག་།དེར་བདག་གིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་ལགས་སོ། །དེས་སྨྲས་པ། ཁྱིམ་བདག་དེ་ནི་ངའི་ཀུན་དགའ་ར་བ་ནི་མ་ཡིན་ཏེ། སྐྱེད་མོས་ཚལ་ཡིན་མོད་ཀྱི། དེ་ངའི་ཡིན་ནོ། །ཁྱིམ་བདག་མགོན་མེད་ཟས་སྦྱིན་གྱིས་ལན་གཉིས་ལན་གསུམ་དུ་ཡང་གཞོན་ནུ་རྒྱལ་བྱེད་ལ་འདི་སྐད་ཅེས་སྨྲས་སོ། །གཞོན་ནུ་བདག་ལ་ཀུན་དགའ་ར་བ་སྩོལ་ཅིག་།བདག་གིས་དེར་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་ལགས་སོ། །ཁྱིམ་བདག་ཀུན་དགའ་ར་བ་དེ་གསེར་བྱེ་བ་བཤིབས་ཀྱང་མི་གཏོང་ངོ་།། །།འདུལ་བ་གཞི། །བམ་པོ་
Nga120b
དགུ་བཅུ་པ། ཡང་ཁྱིམ་བདག་མགོན་མེད་ཟས་བྱིན་གྱིས་གཞོན་ནུ་རྒྱལ་བྱེད་ལ་འདི་སྐད་ཅེས་སྨྲས་སོ། །གཞོན་ནུས་ཀུན་དགའ་ར་བའི་རིན་ཐང་བཀུམ་ལགས་ཀྱིས། དབྱིག་དང་གསེར་བཞེས་ཤིག་།ཀུན་དགའ་ར་བ་ནི་བདག་གི་ལགས་སོ། །རིན་ཐང་སུས་བཅད། ཁྱོད་ཀྱིས་རིན་ཐང་བཀུམ་མོད། དེ་གཉིས་རིན་ཐང་བཅད་དོ། །རིན་ཐང་མ་བཅད་དོ་ཞེས་རྩོད་པར་གྱུར་ནས། ཞལ་ཆེ་གཅོད་པའི་མི་གང་ན་བ་དེར་དོང་བ་དང ། བར་སྐབས་དེར་འཇིག་རྟེན་སྐྱོང་བ་བཞི་འདི་སྙམ་དུ་སེམས་ཏེ། ཁྱིམ་བདག་མགོན་མེད་ཟས་སྦྱིན་འདི་ནི་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་པར་བརྩོན་གྱིས། དེའི་གྲོགས་བྱའོ་སྙམ་ནས་དེ་ནས་ཞལ་ཆེ་གཅོད་པའི་མིར་བདག་ཉིད་མངོན་པར་སྤྲུལ་ནས། དགོས་པའི་ཕྱིར་འདུས་སོ། །ཁྱིམ་བདག་མགོན་མེད་ཟས་སྦྱིན་དང ། གཞོན་ནུ་རྒྱལ་བྱེད་གཉིས་ཞལ་ཆེ་གཅོད་པ་སྣ་ཆེན་པོ་ལ་གཏོགས་པའི་དྲུང་དུ་སོང་ནས་དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཞལ་ཆེ་བ་གཅོད་པ་སྣ་ཆེན་པོ་ལ་གཏོགས་པ་རྣམས་ལ་དོན་དེ་རྒྱས་པར་སྨྲས་པ་དང ། དེ་རྣམས་ཀྱིས་སྨྲས་པ། གཞོན་ནུས་ཀུན་དགའ་ར་བ་ནི་རིན་ཐང་བཅད་ཟིན་གྱིས་གསེར་ལོང་ཞིག་།ཀུན་དགའ་བ་ར་བ་ནི་ཁྱིམ་བདག་གི་ཡིན་ནོ། །དེ་ཅང་མི་སྨྲ་བར་འདུག་གོ ། དེ་ནས་ཁྱིམ་བདག་མགོན་མེད་ཟས་སྦྱིན་གྱིས་ཤིང་རྟ་དང ། རྒྱ་དང ། གཟེབ་དང ། རྔ་མོ་དང ། གླང་དང ། བོང་བུ་རྣམས་ལ་གསེར་མང་པོ་བཀལ་ཏེ་འོངས་ནས། རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་
Nga121a
༄#། །གཤིབ་པར་བརྩམས་པ་དང ། ས་ཕྱོགས་འགའ་ཞིག་མ་ཡོག་པས་མ་བཀྲམ་པ་ཉིད་དུ་འདུག་གོ་།དེ་ནས་ཁྱིམ་བདག་མགོན་མེད་ཟས་སྦྱིན་དོན་དེ་སེམས་ཤིང་ཡུད་ཙམ་ཞིག་ཅང་མི་སྨྲ་བར་འདུག་སྟེ། གང་གིས་མ་བཀྲམ་པའི་ས་ཕྱོགས་འདི་བཀྲམ་ནས་སླར་ཡང་སྦ་བར་བྱ་མི་དགོས་པའི་གཏེར་ཧ་ཅང་ཉུང་ངུ་ཡང་མ་ཡིན། ཧ་ཅང་མང་པོ་ཡང་མ་ཡིན་པ་དེ་གང་ཡིན་སྙམ་པ་དང ། གཞོན་ནུ་རྒྱལ་བྱེད་ཀྱིས་བསམས་པ། ཁྱིམ་བདག་མགོན་མེད་ཟས་སྦྱིན་ནི་གདོན་མི་ཟ་བར་ཅིའི་ཕྱིར་ཀུན་དགའ་ར་བའི་ཆེད་དུ་ནོར་གྱི་ཕུང་པོ་ཆེན་པོ་འདི་སྙེད་དུ་ཡོངས་སུ་བཏང་ཞེས་འགྱོད་པ་སྐྱེས་སོ་སྙམ་དུ་བསམས་ནས་ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་གལ་ཏེ་ཁྱོད་འགྱོད་པ་སྐྱེས་ན་གསེར་སླར་ལོང་ཞིག་།ཀུན་དགའ་ར་བ་ནི་ང་ཉིད་ཀྱི་ཡིན་ནོ། །གཞོན་ནུ་བདག་ནི་འགྱོད་པ་མ་སྐྱེས་ཏེ་འོན་ཀྱང་དོན་འདི་སེམས་ཤིང་ཡུད་ཙམ་ཞིག་ཅང་མི་སྨྲ་བར་འདུག་པ་ནི། བདག་གིས་མ་བཀྲམ་པའི་ས་ཕྱོགས་འདི་བཀྲམ་ནས་སླར་ཡང་སྦ་བར་བྱ་མི་དགོས་པའི་གཏེར་ཧ་ཅང་ཉུང་བ་ཡང་མ་ཡིན། ཧ་ཅང་མང་པོ་ཡང་མ་ཡིན་པ་དེ་གང་ཡིན་སྙམ་མོ། དེ་ནས་གཞོན་ནུ་རྒྱལ་བྱེད་འདི་སྙམ་དུ་སེམས་ཏེ། ཀྱེ་མ་སངས་རྒྱས་བཅོམ་ལྡན་འདས་མཆོག་མ་ཡིན་པ་མ་ཡིན་ཞིང ། ཆོས་བཤད་པ་ཡང་མཆོག་མ་ཡིན་པ་མ་ཡིན་ཏེ། དེ་ལ་ད་ལྟར་ཁྱིམ་བདག་འདི་ཀུན་དགའ་ར་བའི་ཆེད་དུ་ནོར་གྱི་ཕུང་པོ་འདི་
Nga121b
སྙེད་ཡོངས་སུ་གཏོང་ངོ་སྙམ་དུ་བསམས་ནས། ཁྱིམ་བདག་མགོན་མེད་ཟས་སྦྱིན་ལ་འདི་སྐད་ཅེས་སྨྲས་སོ། །ཁྱིམ་བདག་མ་བཀྲམ་པའི་ས་ཕྱོགས་ཁོ་བོ་ལ་སྦྱིན་ཅིག་།དེར་ཁོ་བོ་བཅོམ་ལྡན་འདས་ཀྱི་ཕྱིར་སྒོ་ཁང་བརྩིག་པར་བྱའོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་གཞོན་ནུ་རྒྱལ་བྱེད་ལ་མ་བཀྲམ་པའི་ས་ཕྱོགས་བྱིན་ནས། དེར་གཞོན་ནུ་རྒྱལ་བྱེད་ཀྱིས་བཅོམ་ལྡན་འདས་ཀྱི་ཕྱིར་སྒོ་ཁང་བརྩིག་ཏུ་བཅུག་གོ་།དེ་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ཀྱི་ཕྱིར་གཙུག་ལག་ཁང་བརྩིག་པར་བརྩམས་པ་དང ། མུ་སྟེགས་ཅན་ཞེ་སྡང་དྲག་པོས་ཀུན་ནས་སློང་བའི་ཡིད་ཅན་རྣམས་འདུས་ནས། ཁྱིམ་བདག་མགོན་མེད་ཟས་སྦྱིན་གང་ན་བ་དེར་དོང་སྟེ་ལྷགས་པ་དང ། སྨྲས་པ། ཁྱིམ་བདག་ཁྱོད་དགེ་སྦྱོང་གོའུ་ཏ་མའི་ཕྱིར་གཙུག་ལག་ཁང་མ་རྩིགས་ཤིག ། ཅིའི་ཕྱིར་ཁོ་བོ་ཅག་གིས་གྲོང་ཁྱེར་བགོས་ཏེ། དགེ་སྦྱོང་གོའུ་ཏ་མའི་ནི་རྒྱལ་པོའི་ཁབ་ཡིན་ནོ། །ཁོ་བོ་ཅག་གི་ནི་མཉན་ཡོད་ཡིན་ནོ། །དེས་སྨྲས་པ། ཁྱེད་ཅག་གིས་གྲོང་ཁྱེར་རྣམས་བགོས་ཀྱི། བདག་གི་ནོར་མ་བགོས་པས་གང་ལ་མངོན་པར་དགའ་བ་དེའི་ཆོས་ཀྱི་ཕུང་པོ་བརྩིག་གོ་།དེ་རྣམས་རྒྱལ་པོའི་དྲུང་དུ་དོང་བ་དང ། དེར་ཡང་ཁྱིམ་བདག་མགོན་མེད་ཟས་སྦྱིན་གྱིས་ཕམ་པར་བྱས་པ་དང ། མུ་སྟེགས་སྤྱི་བརྟོལ་ཅན་མུ་ཅོར་སྨྲ་བ་རྣམས་ཀྱིས་སྨྲས་པ། ཁྱིམ་བདག་ཁྱོད་དགའ་མགུར་བྱེད་དུ་མི་གཞུག་སྟེ། དགེ་སྦྱོང་གོའུ་ཏ་མའི་ཉན་ཐོས་ཀྱི་མཆོག་གཅིག་འོངས་ནས། གལ་
Nga122a
༄#། །ཏེ་དེའི་ཤགས་ཀྱིས་ཁོ་བོ་ཅག་ཕམ་པར་གྱུར་ན། གཙུག་ལག་ཁང་རྩིགས་ཤིག་།དེས་སྨྲས་པ། རུང་གི་རེ་ཞིག་འཕགས་པ་ཤཱ་རིའི་བུ་ལ་བརྟག་གོ་།དེ་ནས་ཁྱིམ་བདག་མགོན་མེད་ཟས་སྦྱིན་ཚེ་དང་ལྡན་པ་ཤཱ་རིའི་བུ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུའི་རྐང་བ་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ ། ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤཱ་རིའི་བུ་མུ་སྟེགས་ཅན་རྣམས་འདི་སྐད་ཅེས་ཁྱིམ་བདག་ཁྱོད་དགའ་མགུར་བྱེད་དུ་མི་གཞུག་སྟེ། དགེ་སྦྱོང་གོའུ་ཏ་མའི་ཉན་ཐོས་ཀྱི་མཆོག་འོངས་ནས་གལ་ཏེ་དེའི་ཤགས་ཀྱིས་ཁོ་བོ་ཅག་ཕམ་པར་གྱུར་ན། གཙུག་ལག་ཁང་རྩིགས་ཤིག་ཅེས་མཆི་ན།་དེ་ལ་ཇི་ལྟར་བསྒྲུབ་པར་བགྱི། ཚེ་དང་ལྡན་པ་ཤཱ་རིའི་བུས་བསམས་པ། ཇི་འདི་རྣམས་ལ་དགེ་བའི་རྩ་བ་ཅུང་ཟད་ཡོད་དམ། འོན་ཏེ་མེད་ཅེས་བསམས་པ་ལས་ཡོད་པར་མཐོང་ངོ ། ། སུ་ཞིག་ལ་རག་ལས་པར་འགྱུར་སྙམ་ན་བདག་ཁོ་ན་ལའོ། །ཡང་བསམས་པ། ཇི་འདི་སྙེད་ཅིག་ཁོ་ན་བདག་ལ་རག་ལས་པའི་ཚིག་གིས་འདུལ་བར་འགྱུར་རམ། འོན་ཏེ་གཞན་ཡང་ཚིག་གིས་འདུལ་བ་ཡོད་སྙམ་པ་ལས་ཡོད་པར་མཐོང་ངོ ། །དུས་ཇི་སྲིད་ཀྱི་ཚོགས་པར་འགྱུར་སྙམ་ན། ཞག་བདུན་ལོན་ནས་སོ། །བསམས་ནས་སྨྲས་པ། ཁྱིམ་བདག་དེ་བཞིན་དུ་བྱ་སྟེ། འོན་
Nga122b
ཀྱང་ཞག་བདུན་པའི་ཉིན་པར་བྱའོ། །དེ་ནས་ཁྱིམ་བདག་མགོན་མེད་ཟས་སྦྱིན་དགའ་བ་དང་མགུ་བ་སྐྱེས་ནས། མུ་སྟེགས་ཅན་རྣམས་གང་ན་བ་དེར་སོང་སྟེ་ཕྱིན་ནས། མུ་སྟེགས་ཅན་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་།འཕགས་པ་ཤཱ་རིའི་བུ་ན་རེ་དེ་བཞིན་དུ་བྱ་སྟེ། འོན་ཀྱང་ཞག་བདུན་པའི་ཉིན་པར་བྱའོ་ཞེས་ཟེར་རོ། །དེ་རྣམས་ཀྱིས་བསམས་པ། འདི་ལ་རྒྱུ་གཉིས་ཡོད་པར་འགྱུར་ཏེ། ཡང་ན་ནི་དེ་འབྲོས་འདོད་དོ། །ཡང་ན་ནི་དེ་ཕྱོགས་ཚོལ་ལོ། །དེ་མ་ཡིན་ན་དུས་དེར་གདབ་ཅི་དགོས། བདག་ཅག་ཀྱང་ཕྱོགས་བཙལ་ལོ་ཞེས་དེ་རྣམས་ཕྱོགས་བཙལ་བར་བརྩམས་ཏེ། དེ་རྣམས་ཀྱིས་ཕྱོགས་བཙལ་བ་དང ། ཀུན་ཏུ་རྒྱུ་མིག་དམར་མཐོང་ནས། དེ་ལ་དེ་རྣམས་ཀྱིས་སྨྲས་པ། ཁྱོད་དང་བདག་ཅག་ནི་ཚངས་པ་མཚུངས་པར་སྤྱོད་པ་ཡིན་གྱིས། དགེ་སྦྱོང་གོའུ་ཏ་མའི་ཉན་ཐོས་ཀྱི་མཆོག་བདག་ཅག་གིས་བརྩད་པའི་ཕྱིར་བཀུག་ན་དེ་ཕྱོགས་ཚོལ་གྱིས། ཁྱོད་ཀྱང་བདག་ཅག་གི་གྲོགས་ཀྱིས་ཤིག་།དུས་ཇི་ཙམ་ཞིག་ན། འདི་ནས་ཞག་བདུན་གྱི་ཉིན་པར་རོ། །རུང་གིས་དེ་བཞིན་དུ་བྱ་སྟེ། གང་གི་ཚེ་ཁྱེད་ཅག་འདུས་པར་གྱུར་བ་དེའི་ཚེ་ཁོ་བོ་ལ་སྦྲོན་ཅིག་།མུ་སྟེགས་ཅན་རྣམས་བག་ཚ་བ་དང ། སེམས་ཁྲལ་སྐྱེས་ནས། ཉིན་རེ་ཞིང་ཕྱོགས་ཚོལ་བ་དང ། ཉི་མ་བགྲང་བར་བྱེད་དོ། །ཇི་ཙམ་ན་ཞག་བདུན་ལོན་པ་དང ། ཁྱིམ་བདག་མགོན་མེད་ཟས་སྦྱིན་གྱིས་བླ་གབ་མེད་པའི་ས་ཕྱོགས་ཡངས་པར་སྟན་ཤོམ་དུ་བཅུག་གོ་།ཚེ་དང་ལྡན་
Nga123a
༄#། །པ་ཤཱ་རིའི་བུའི་ཆེད་དུ་ཡང་སེང་གེའི་ཁྲི་བཤམས་སོ། །ཡུལ་སྣ་ཚོགས་ན་གནས་པའི་མུ་སྟེགས་ཅན་རྣམས་དང ། མཉན་ཡོད་ན་གནས་པའི་སྐྱེ་བོའི་ཚོགས་དང ། དེའི་ཉེ་འཁོར་ན་གནས་པའི་སྲོག་ཆགས་བརྒྱ་སྟོང་ཕྲག་དུ་མ་དག་ཀྱང་ཁ་ཅིག་ནི་ངོ་མཚར་སྐྱེས། ཁ་ཅིག་ནི་སྔོན་གྱི་དགེ་བའི་རྩ་བས་བསྐུལ་ནས་འདུས་སོ། །དེ་ནས་ཚེ་དང་ལྡན་པ་ཤཱ་རིའི་བུ་ཁྱིམ་བདག་མགོན་མེད་ཟས་སྦྱིན་གྱི་འཁོར་དང་བཅས་པས་མདུན་དུ་བདར་ཏེ། རྩོད་པའི་དཀྱིལ་འཁོར་དུ་ཞུགས་ནས་འདུལ་བའི་སྐྱེ་བོ་རྣམས་ལ་བལྟས་ཏེ། འཛུམ་པ་སྔོན་དུ་བཏང་ནས་སྤྱོད་ལམ་ཞི་བས་སེང་གེའི་ཁྲི་ལ་འཛེགས་ནས་འདུག་གོ་།འཁོར་ཐམས་ཅད་སེམས་མི་གཡེང་བར་ཚེ་དང་ལྡན་པ་ཤཱ་རིའི་བུ་ལ་རྟོག་ཅིང་འདུག་གོ་།དེ་ནས་ཚེ་དང་ལྡན་པ་ཤཱ་རིའི་བུས་མུ་སྟེགས་ཅན་རྣམས་ལ་སྨྲས་པ། ཤེས་ལྡན་དག་ཅི་རེ་ཞིག་བྱེད་དམ། འོན་ཏེ་འཇིག་།དེ་རྣམས་ཀྱི་སྨྲས་པ། ཁོ་བོ་ཅག་གིས་བྱས། ཁྱོད་ཀྱིས་ཤིག་ཅིག་།ཚེ་དང་ལྡན་པ་ཤཱ་རིའི་བུས་བསམས་པ། གལ་ཏེ་བདག་གིས་བྱས་ན་འཇིག་རྟེན་ལྷ་དང་བཅས་པས་ཀྱང་འཇིག་པར་མི་ནུས་ན། ཀུན་ཏུ་རྒྱུ་མིག་དམར་གྱིས་ལྟ་སྨོས་ཀྱང་ཅི་དགོས་སྙམ་དུ་རིག་ནས། ཀུན་ཏུ་རྒྱུ་མིག་དམར་ལ་འདི་སྐད་ཅེས་སྨྲས་སོ། ཁྱོད་ཀྱིས་བྱོས་ཤིག། ངས་གཞིག་གོ་།དེ་མིག་འཕྲུལ་བྱང་བ་ཡིན་པས། དེས་ཤིང་ས་ཧ་ཀ་ར་ཤིན་ཏུ་མེ་ཏོག་གིས་རྒྱས་པ་ཞིག་སྤྲུལ་པ་དང ། ཚེ་དང་ལྡན་པ་
Nga123b
ཤཱ་རིའི་བུས་རླུང་དང་ཆར་དྲག་པོ་ཕབ་སྟེ། དེས་དེ་རྩ་བ་ནས་ཕྱུང་ནས་ཕན་ཚུན་དུ་རྣམ་པར་གཏོར་ཏེ། རྣལ་འབྱོར་པ་རྣམས་ཀྱི་ཡུལ་དུ་ཡང་མ་གྱུར་ཏོ། །དེ་ནས་དེས་པདྨའི་རྫིང་ཞིག་སྤྲུལ་པ་དང ། ཚེ་དང་ལྡན་པ་ཤཱ་རིའི་བུས་གླང་པོ་ཆེ་བཟང་པོ་ཞིག་སྤྲུལ་ནས། དེས་ཀུན་ཏུ་རྣལ་ནས་མིང་གི་ལྷག་མ་ཙམ་ཞིག་བཞག་གོ་།དེས་སྤྲུལ་མགོ་བདུན་པ་ཞིག་སྤྲུལ་པ་དང ། ཚེ་དང་ལྡན་པ་ཤཱ་རིའི་བུས་ནམ་མཁའ་ལྡིང་ཞིག་སྤྲུལ་ཏེ། དེས་དེ་བླངས་སོ། །དེས་རོ་ལངས་ཤིག་སྤྲུལ་པ་དང ། ཚེ་དང་ལྡན་པ་ཤཱ་རིའི་བུས་སྔགས་ཀྱི་ཕུར་པས་བཏབ་པ་ལས་ཉེས་པར་སྤྱད་པའི་རོ་ལངས་ནི་བདག་ཉིད་ལ་གསོད་པར་བྱེད་པས་དེས་དེ་ཉིད་བསྙགས་པ་དང ། དེ་ནས་དེ་འཇིགས་སྐྲག་ཕོངས་ཤིང་སྤུ་ཟིང་ཞེས་བྱེད་ནས། ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་གཏུགས་ཏེ། འཕགས་པ་ཤཱ་རིའི་བུ་སྐྱབས་སུ་མཆི་ལགས་ཀྱིས། ཡོངས་སུ་བསྐྱབ་ཏུ་གསོལ། དེ་ནས་ཚེ་དང་ལྡན་པ་ཤཱ་རིའི་བུས་སྔགས་ཀྱི་ཕུར་པ་ཕྱུང་བ་དང ། རོ་ལངས་དེ་ཞི་བར་གྱུར་ཏོ། །ཚེ་དང་ལྡན་པ་ཤཱ་རིའི་བུས་དེ་ལ་ཆོས་བཤད་དེ་དེ་དད་པ་སྐྱེས་ནས་སྨྲས་པ། འཕགས་པ་ཤཱ་རིའི་བུ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་གནང་ན། བདག་འཕགས་པ་ཤཱ་རིའི་བུའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །ཚེ་དང་ལྡན་པ་ཤཱ་རིའི་བུས་དེ་རབ་ཏུ་ཕྱུང་བསྙེན་པར་རྫོགས་པར་བྱས་གདམས་ངག་བྱིན་ཏེ་དེས་བརྩོན་
Nga124a
༄#། །པ་དང ། འབད་པ་དང ། བརྩལ་བ་བྱས་པས་ཉོན་མོངས་པ་ཐམས་ཅད་སྤངས་ནས། དགྲ་བཅོམ་པ་མངོན་སུམ་དུ་བྱས་ཏེ། དགྲ་བཅོམ་པར་གྱུར་ནས་ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ། ཙནྡན་དང་སྟེའུར་མཉམ་པ། རིག་པས་མ་རིག་པའི་སྒོ་ངའི་སྦུབས་དྲལ་ཅིང་རིག་པ་དང ། མངོན་པར་ཤེས་པ་དང ། སོ་སོར་ཡང་དག་པར་རིག་པ་ཐོབ་པ། སྲིད་པ་དང་འདོད་པའི་རྙེད་པ་ལ་ཆགས་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་བའི་དབང་པོ་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་དེའི་འཁོར་རྣམས་ངོ་མཚར་གྱི་མིག་བགྲད་ནས། ཚེ་དང་ལྡན་པ་ཤཱ་རིའི་བུ་ལ་མངོན་པར་དད་པར་གྱུར་ཏེ། སྨྲས་པ། འཕགས་པ་ཤཱ་རིའི་བུས་ནི། སྨྲ་བའི་ཁྱུ་མཆོག་ཆེན་པོ་ཚར་བཅད་དོ་སྙམ་དུ་རིག་ནས་ཚེ་དང་ལྡན་པ་ཤཱ་རིའི་བུའི་གདོང་དུ་ལྟ་བར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་འཁོར་དེའི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་ཤེས་ནས་འཕགས་པའི་བདེན་པ་བཞི་སོ་སོ་ཡང་དག་པར་རྟོགས་པར་འགྱུར་བ་དེ་ལྟ་བུའི་ཆོས་བཤད་པར་བྱས་སོ། །དེ་ཐོས་པས་སེམས་ཅན་བརྒྱ་ཕྲག་དུ་མས་ཁྱད་པར་ཆེན་པོ་ཐོབ་སྟེ། ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད།
Nga124b
ཁ་ཅིག་གིས་ནི་རང་སངས་རྒྱས་ཀྱིས་བྱང་ཆུབ་ཏུ། ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ། ཁ་ཅིག་གིས་ནི་སྐྱབས་སུ་འགྲོ་བ་དང་བསླབ་པའི་གཞི་རྣམས་བླངས། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་དང ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་སོ། །འཁོར་དེ་ཕལ་ཆེར་ཡང་སངས་རྒྱས་ལ་གཞོལ་བ། ཆོས་ལ་འབབ་པ། དགེ་འདུན་ལ་བབ་པ་ལ་བཀོད་དོ། །མུ་སྟེགས་ཅན་རྣམས་ཀྱིས་བསམས་པ། བདག་ཅག་གིས་འདི་ཤགས་ཀྱིས་ཚར་བཅད་པར་མི་ནུས་ཀྱིས་ཐབས་ཤིག་བཤམ་པར་བྱས་ལ། དེ་ནས་གླགས་རྙེད་ནས་འདི་བགགས་ཏེ་གསོད་པར་བྱའོ་སྙམ་ནས་ཐམས་ཅད་འདུས་ཏེ། ཁྱིམ་བདག་མགོན་མེད་ཟས་སྦྱིན་གྱི་དྲུང་དུ་དོང་སྟེ་སྨྲས་པ། ཁྱིམ་བདག་ཁྱོད་ཀྱིས་ཁོ་བོ་ཅག་གི་འཚོ་བའི་གཞི་ཐམས་ཅད་ནི་བཅད་པས། དེ་བས་སྙིང་བརྩེ་བར་གྱིས་ཤིག་དང ། ཁྱོད་ཀྱིས་གཙུག་ལག་ཁང་དུ་གླ་མིའི་ལས་བྱའོ། །ཁོ་བོ་ཅག་འདི་ན་རིང་ཞིག་ཏུ་གནས་གནས་པས་ཡུལ་བོར་ན་མི་རུང་ངོ ། །ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། རེ་ཞིག་འཕགས་པ་ཤཱ་རིའི་བུ་ལ་བརྟག་གོ་ཞེས་དེ་ཚེ་དང་ལྡན་པ་ཤཱ་རིའི་བུ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །
Nga125a
༄#། །འཕགས་པ་མུ་སྟེགས་ཅན་རྣམས་ཀྱི་མཆིད་ནས། ཁྱོད་ཀྱིས་ཁོ་བོ་ཅག་གི་འཚོ་བའི་གཞི་ཐམས་ཅད་བཅད་པས་དེ་བས་ན་སྙིང་བརྩེ་བར་གྱིས་ཤིག་དང ། ཁྱོད་ཀྱི་གཙུག་ལག་ཁང་དུ་གླ་མིའི་ལས་བྱའོ། །ཁོ་བོ་ཅག་འདི་ན་རིང་ཞིག་ཏུ་གནས་གནས་པས་ཡུལ་བོར་ན་མི་རུང་ངོ་ཞེས་མཆིའོ། །ཚེ་དང་ལྡན་པ་ཤཱ་རིའི་བུ་བསམ་པ་ལ་ཞུགས་ཏེ། ཅི་འདི་དག་ལ་དགེ་བའི་རྩ་བ་ཅུང་ཟད་ཡོད་དམ། འོན་ཏེ་མེད་སྙམ་ན་དེས་ཡོད་པར་མཐོང་ངོ ། །སུ་ཞིག་ལ་རག་ལུས་སྙམ་ན། བདག་ཁོ་ན་ཡིན་སྙམ་ནས། དེས་བསམས་ཏེ་སྨྲས་པ། ཁྱིམ་བདག་དེ་ལ་འགལ་བ་ཅི་ཡོད་ཀྱིས་དེ་བཞིན་དུ་གྱིས་ཤིག་།དེ་རྣམས་གཙུག་ལག་ཁང་དེར་གླ་མིའི་ལས་བྱེད་པར་བརྩམས་པ་ན། ཚེ་དང་ལྡན་པ་ཤཱ་རིའི་བུས་ལྕགས་ཐོགས་ཀྱི་མིག་གཏུམ་པོ་ཞིག་སྤྲུལ་ནས། དེས་དེ་རྣམས་ལས་བྱེད་དུ་གཞུག་པར་བརྩམས་སོ། །ཚེ་དང་ལྡན་པ་ཤཱ་རིའི་བུས་དེ་རྣམས་ཀྱི་གདུལ་བའི་དུས་ཤེས་ནས། དེ་དང་ཉེ་བའི་ཤིང་དྲུང་ཞིག་ན། འཆག་ཅིང་འདུག་པ་དང ། དེ་རྣམས་ཀྱིས་མཐོང་ནས། དེ་རྣམས་ཀྱིས་བསམས་པ། དབེན་པ་ན་འདུག་པས། འདི་གསད་པའི་དུས་ནི་འདི་ཡིན་ནོ་སྙམ་ནས་དེ་རྣམས་ཀྱིས་དེའི་དྲུང་དུ་དོང་སྟེ་བསྐོར་ནས་འདུག་གོ་།ཚེ་དང་ལྡན་པ་ཤཱ་རིའི་བུས་བསམས་པ། འདི་རྣམས་བསམ་པ་ཅི་འདྲ་བས་བདག་གི་དྲུང་དུ་འོངས་སྙམ་ན། ཅི་ཙམ་ན་གསད་པའི་སེམས་ཀྱིས་ཡིན་པར་ཤེས་ནས། དེས་ལྕགས་ཐོགས་
Nga125b
སྤྲུལ་པ་དེ་སྦད་ནས། དེས་དེ་རྣམས་ལས་བྱོས་དེང་ཞེས་ཐག་བཅུག་པ་དང ། དེ་རྣམས་ཀྱིས་སྨྲས་པ། འཕགས་པ་ཤཱ་རིའི་བུ་ཡོངས་སུ་བསྐྱབ་ཏུ་གསོལ། དེས་སྨྲས་པ། ཚེ་དང་ལྡན་པ་རེ་ཞིག་སོང་ལ་ངལ་སོར་ཆུག་ཅིག་།དེ་རྣམས་ཀྱིས་བསགས་པ། འདི་ནི་འདི་ལྟ་བུར་བདག་ཉིད་ཆེ་བ་ཡིན་ཏེ། བདག་ཅག་གིས་ནི་འདི་གསད་པར་བསམས་ན། འདི་ནི་བདག་ཅག་ལ་བྱམས་པར་སེམས་སོ་སྙམ་དུ་རིག་ནས་དད་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་དེ་རྣམས་ཀྱི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་ཤེས་ནས། འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པར་བྱས་ཏེ་དེ་ཐོས་ནས་དེ་རྣམས་ཀྱི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་རྣམས་ཀྱིས་བདེན་པ་མཐོང་ནས་སྨྲས་པ། བཙུན་པ་བདག་ཅག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པའི་དགེ་སློང་གི་དངོས་པོ་གནང་ན། བདག་ཅག་བཙུན་པ་ཤཱ་རིའི་བུའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །ཚེ་དང་ལྡན་པ་ཤཱ་རིའི་བུས། དེ་རྣམས་རབ་ཏུ་ཕྱུང་བསྙེན་པར་རྫོགས་པར་བྱས་ཏེ། གདམས་ངག་བྱིན་ཏེ། དེ་རྣམས་ཀྱིས་བརྩོན་པ་དང་འབད་པ་དང་བརྩལ་བར་བྱས་པས། འཁོར་བའི་འཁོར་ལོ་ཆ་ལྔ་པ་གཡོ་བ་དང ། མི་གཡོ་བ་འདི་ཉིད་རིག་སྟེ། འདུ་བྱེད་ཀྱི་རྣམ་པ་ཐམས་ཅད་ཉམས་པ་
Nga126a
༄#། །དང ། ལྷུང་བ་དང ། རྣམ་པར་འཐོར་བ་དང ། རྣམ་པར་འཇིག་པའི་ཆོས་ཉིད་ཀྱི་ཟིལ་གྱིས་མནན་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་སུམ་དུ་བྱས་ཏེ། དགྲ་བཅོམ་པར་གྱུར་ནས། ཁམས་གསུམ་གྱི་འདོད་ཆགས་དང་བྲལ་བ། བོང་བ་དང་གསེར་དུ་མཉམ་པ། ནམ་མཁའ་དང་ལག་མཐིལ་དུ་མཚུངས་པའི་སེམས་དང་ལྡན་པ།་ཙན་དན་དང་སྟེའུར་མཉམ་པ། རིག་པས་མ་རིག་པའི་སྒོ་ངའི་སྦུབས་དྲལ་ཞིང ། རིག་པ་དང་མངོན་པར་ཤེས་པ་དང ། སོ་སོ་ཡང་དག་པར་རིག་པ་ཐོབ་པ། སྲིད་པ་དང་རྙེད་པ་ལ་ཆགས་པ་དང ། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་བའི་དབང་པོ་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང ། རྗེད་པར་བྱ་བ་དང ། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་གཙུག་ལག་ཁང་གི་ཐིག་སྐུད་ཀྱི་མཐའ་གཅིག་ནས་བཟུང ། མཐའ་གཅིག་ནས་ཁྱིམ་བདག་མགོན་མེད་ཟས་སྦྱིན་གྱིས་བཟུང་བ་དང ། ཚེ་དང་ལྡན་པ་ཤཱ་རིའི་བུས་འཛུམ་དབྱུང་བར་བརྩམས་སོ། །ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། འཕགས་པ་ཤཱ་རིའི་བུ་དེ་བཞིན་གཤེགས་པ་རྣམས་སམ། དེ་བཞིན་གཤེགས་པའི་ཉན་ཐོས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་ན། འཕགས་པ་ཤཱ་རིའི་བུ་ཅིའི་རྒྱུ་ཅིའི་རྐྱེན་གྱིས་འཛུམ་པ་མཛད། ཁྱིམ་བདག་དེ་དེ་བཞིན་ནོ། །དེ་དེ་བཞིན་ཏེ། དེ་
Nga126b
བཞིན་གཤེགས་པ་རྣམས་སམ། དེ་བཞིན་གཤེགས་པའི་ཉན་ཐོས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་དེ། ཁྱོད་ཀྱིས་འདིར་ཐིག་སྐུད་བཟུང་བ་ན། དགའ་ལྡན་གྱི་ལྷའི་རིས་སུ་ཡང་གསེར་གྱི་ཁང་པ་གྲུབ་པར་གྱུར་ཏོ། །དེ་ནས་ཁྱིམ་བདག་མགོན་མེད་ཟས་སྦྱིན་ངོ་མཚར་སྐྱེས་པའི་མིག་བགྲད་དེ་སྨྲས་པ། འཕགས་པ་ཤཱ་རིའི་བུ་གལ་ཏེ་དེ་ལྟ་ན་དེའི་སླད་དུ་ཡང་ཐིག་སྐུད་བརྐྱང་དང་ལྷག་པར་སེམས་མངོན་པར་དད་པར་བགྱིའོ། །ཚེ་དང་ལྡན་པ་ཤཱ་རིའི་བུས་ཡང་ཐིག་སྐུད་དེ་བཟུང་བ་དང ། ཁྱིམ་བདག་མགོན་མེད་ཟས་སྦྱིན་གྱིས་ལྷག་པར་དད་པ་དྲག་པོའི་ཤུགས་ཀྱིས་སེམས་མངོན་པར་དད་པར་བྱས་ཏེ། དད་པ་དེའི་མཇུག་ཐོགས་ཁོ་ནར་གསེར་གྱི་ཁང་པ་རིན་པོ་ཆེ་སྣ་བཞི་ལས་བྱས་པར་གྱུར་ནས། ཚེ་དང་ལྡན་པ་ཤཱ་རིའི་བུས་ཀྱང་དེ་ལ་གོ་བར་བྱས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གོང་ནས་གོང་དུ་བསོད་ནམས་རབ་ཏུ་འཕེལ་བའི་རྒྱུད་ཀྱིས་གཙུག་ལག་ཁང་ཆེན་པོ་བཅུ་དྲུག་དང ། ཁང་ཕྲན་དྲུག་ཅུ་རྩིག་ཏུ་བཅུག་སྟེ། དེ་གཙུག་ལག་ཁང་ཆེན་པོ་བཅུ་དྲུག་དང ། ཁང་ཕྲན་དྲུག་ཅུ་བརྩིགས་ནས། ཡོ་བྱད་ཐམས་ཅད་ཀྱིས་རྒྱས་པར་བྱས་ཏེ། ཚེ་དང་ལྡན་པ་ཤཱ་ར་དྭ་ཏིའི་བུ་གང་ན་བ་དེར་སོང་སྟེ་ཕྱིན་པ་དང ། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །འཕགས་པ་ཤཱ་རིའི་བུ་བཅོམ་ལྡན་འདས་གཤེགས་ན། ཤུལ་ས་ཇི་ཙམ་དུ་བྱོན་པར་འགྱུར། ཁྱིམ་བདག་དཔེར་ན་འཁོར་ལོ་སྒྱུར་བའི་རྒྱལ་པོའི་ཙམ་མོ། །འཁོར་ལོ་སྒྱུར་བའི་
Nga127a
༄#། །རྒྱལ་པོ་མཆི་བའི་ཚད་ཇི་ཙམ། ཁྱིམ་བདག་འཁོར་ལོས་སྒྱུར་བའི་རྒྱལ་པོ་ནི་ཉིན་གཅིག་གིས་རྒྱང་གྲགས་བཅུའི་ལམ་དུ་འགྲོའོ། །དེ་ནས་ཁྱིམ་བདག་མགོན་མེད་ཟས་སྦྱིན་གྱིས་གང་ཡང་མཉན་ཡོད་ནས་རྒྱལ་པོའི་ཁབ་དེའི་བར་གྱི་གཤེགས་དགོངས་བརྩིས་ནས་གཞེས་ས་དག་བྱེད་དུ་བཅུག་།སྦྱིན་གཏོང་གི་ཁང་པ་དག་བྱེད་དུ་བཅུག་།དུས་ཚོད་གསོལ་བའི་མི་དག་བཀོད། གདུགས་དང ། རྒྱལ་མཚན་དང ། བ་དན་གྱིས་བརྒྱན། ཙན་དན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པོའི་པོག་ཕོར་དག་ཉེ་བར་བཀོད། རྟ་བབས་དག་བྱེད་དུ་བཅུག ། དུས་ཀྱི་དང་ཐུན་ཚོད་ཀྱི་སྨན་དག་ཀྱང་འཇོག་ཏུ་བཅུག་གོ་།དེ་ལྟར་ཚོགས་བསགས་ནས་མི་ཞིག་ལ་བསྒོ་བ། ཀྱེ་ནང་རྗེ་ཚུར་སྤྱོན། ཁྱོད་བཅོམ་ལྡན་འདས་གང་ན་བ་དེར་སོང་ལ། སོན་པ་དང་ཁོ་བོའི་ཚིག་གིས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚོལ་ལ། གནོད་པ་ཆུང་ངམ། ཉམ་ང་བ་ཆུང་ངམ། འཚོའམ་བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་གནས་སམ། ཞེས་ཞུས་ལ་འདི་སྐད་ཅེས། བཅོམ་ལྡན་འདས་མཉན་ཡོད་དུ་གཤེགས་སུ་གསོལ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་ཇི་སྲིད་འཚོའི་བར་དུ་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བསྙེན་བཀུར་བགྱིད་དོ་ཞེས་ཀྱང་གསོལ་ཅིག་།ཇོ་བོ་བཀའ་བཞིན་འཚལ་ཞེས་མི་
Nga127b
དེས་ཁྱིམ་བདག་མགོན་མེད་ཟས་སྦྱིན་གྱི་ལྟར་མཉན་ནས། རྒྱལ་པོའི་ཁབ་གང་ན་བ་དེར་ཆས་ཏེ། རིམ་གྱིས་རྒྱལ་པོའི་ཁབ་ཏུ་ཕྱིན་ཏོ། །དེ་ནས་ལམ་གྱིས་དུབ་པ་ངལ་སོས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་མི་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱི་ཞབས་གཉིས་ལ་ཁྱིམ་བདག་མགོན་མེད་ཟས་སྦྱིན་མགོ་བོས་ཕྱག་འཚལ་ནས་ཞེས་བྱ་བ་ནས་རེག་པར་གནས་སམ་ཞེས་བྱ་བའི་བར་གོང་མ་བཞིན་དུའོ། །ཀྱེ་མི་ཁྱོད་དང་ཁྱིམ་བདག་མགོན་མེད་ཟས་སྦྱིན་བདེ་བར་གྱུར་ཅིག་།བཙུན་པ་ཁྱིམ་བདག་མགོན་མེད་ཟས་སྦྱིན་གྱི་མཆིད་ནས། བཅོམ་ལྡན་འདས་མཉན་ཡོད་དུ་གཤེགས་སུ་གསོལ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ། བདག་ཇི་སྲིད་འཚོའི་བར་དུ་ན་བཟའ་ཆོས་གོས་དང ། བསོད་སྙོམས་དང ། གཟིམ་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བཀུར་སྟིར་བགྱིད་དོ་ཞེས་མཆིའོ། །བཅོམ་ལྡན་འདས་ཀྱིས་མི་དེ་ལ་ཅང་མི་གསུང་བས་གནང་ངོ ། །དེ་ནས་མི་དེ་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་དུལ་བ་འཁོར་དུལ་བ། ཞི་བ་འཁོར་ཞི་བ། གྲོལ་བ་
Nga128a
༄#། །འཁོར་གྲོལ་བ། དབུགས་ཕྱིན་པ་འཁོར་དབུགས་ཕྱིན་པ། རྣམ་པར་དུལ་བ་འཁོར་རྣམ་པར་དུལ་བ། དགྲ་བཅོམ་པ་འཁོར་དགྲ་བཅོམ་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ། མཛེས་པ་འཁོར་མཛེས་པ། ཁྱུ་མཆོག་བ་ལང་གི་ཚོགས་ཀྱིས་བསྐོར་བ་ལྟ་བུ། གླང་པོ་ཆེའི་མཆོག་གླང་པོ་ཆེ་ཕྲུ་གུའི་ཚོགས་ཀྱིས་བསྐོར་བ་ལྟ་བུ། སེང་གེ་མཆེ་བ་ཅན་གྱི་ཚོགས་ཀྱིས་བསྐོར་བ་ལྟ་བུ། ངང་པའི་རྒྱལ་པོ་ངང་པའི་ཚོགས་ཀྱིས་བསྐོར་བ་ལྟ་བུ། ནམ་མཁའ་ལྡིང་བྱའི་ཚོགས་ཀྱིས་བསྐོར་བ་ལྟ་བུ། བྲམ་ཟེ་སློབ་མའི་ཚོགས་ཀྱིས་བསྐོར་བ་ལྟ་བུ། འཁོར་ལོ་སྒྱུར་བ་བུ་སྟོང་གི་ཚོགས་ཀྱིས་བསྐོར་བ་ལྟ་བུ། ཟླ་བ་རྒྱུ་སྐར་གྱི་ཚོགས་ཀྱིས་བསྐོར་བ་ལྟ་བུ། ཉི་མ་འོད་ཟེར་སྟོང་གི་ཚོགས་ཀྱིས་བསྐོར་བ་ལྟ་བུ། ཡུལ་འཁོར་སྲུང་དྲི་ཟའི་ཚོགས་ཀྱིས་བསྐོར་བ་ལྟ་བུ། འཕགས་སྐྱེས་པོ་གྲུལ་བུམ་གྱི་ཚོགས་ཀྱིས་བསྐོར་བ་ལྟ་བུ། མིག་མི་བཟང་ཀླུའི་ཚོགས་ཀྱིས་བསྐོར་བ་ལྟ་བུ། རྣམ་ཐོས་ཀྱི་བུ་གནོད་སྦྱིན་གྱི་ཚོགས་ཀྱིས་བསྐོར་བ་ལྟ་བུ། ཐགས་བཟང་རིས་ལྷ་མ་ཡིན་གྱི་ཚོགས་ཀྱིས་བསྐོར་བ་ལྟ་བུ། བརྒྱ་བྱིན་སུམ་ཅུ་རྩ་གསུམ་གྱི་ཚོགས་ཀྱིས་བསྐོར་བ་ལྟ་བུ། ཚངས་པ་ཚངས་རིས་ཀྱི་ཚོགས་ཀྱིས་བསྐོར་བ་ལྟ་བུ། རྒྱ་མཚོ་གཡོ་བ་མེད་པ་ལྟ་བུ། སྤྲིན་ཆུ་དང་བཅས་པ་ལྟ་བུ། གླང་པོ་ཆེ་དམ་པ་དྲེགས་པ་དང་བྲལ་བ་ལྟར་དབང་པོ་རྣམས་ཤིན་ཏུ་དུལ་བས་སྤྱོད་ལམ་གྱི་ཚུལ་
Nga128b
མ་འཁྲུགས་པ། སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱི་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་རྣམ་པར་མཛེས་པར་བྱས་པ། འོད་འདོམ་གང་གིས་བརྒྱན་པའི་སྐུ། ཉི་མའི་འོད་ཟེར་སྟོང་བས་ལྷག་པའི་འོད་ཅན། རིན་པོ་ཆེའི་རི་བོ་འགྲོ་བ་ལྟར་ཀུན་ནས་མཛེས་པ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ། དགེ་སློང་གི་དགེ་འདུན་ཆེན་པོ་དང ། ཁྱིམ་བདག་མགོན་མེད་ཟས་སྦྱིན་འཁོར་དང་བཅས་པ་དང ། མཉན་ཡོད་ན་གནས་པའི་སྐྱེ་བོའི་ཚོགས་དང ། ལྷ་བརྒྱ་སྟོང་ཕྲག་དུ་མས་ཞམ་འབྲིང་བྱས་ནས། མཉན་ཡོད་ཀྱི་གྲོང་ཁྱེར་དུ་གཤེགས་སོ། །གང་གི་ཚེ་བཅོམ་ལྡན་འདས་མཉན་ཡོད་ཀྱི་གྲོང་ཁྱེར་དུ་གཤེགས་ནས་མངོན་པར་འདུ་མཛད་པ་དང་བཅས་པས་གྲོང་ཁྱེར་གྱི་སྒོའི་ཐེམ་པ་ལ་ཞབས་གཡས་པས་མནན་པ་དེའི་ཚེ་ས་རྣམ་པ་དྲུག་ཏུ་གཡོས་པར་གྱུར་ཏེ། ས་ཆེན་པོ་འདི་གཡོས་རབ་ཏུ་གཡོས་ཀུན་ཏུ་རབ་ཏུ་གཡོས། ལྡེག་རབ་ཏུ་ལྡེག་ཀུན་ཏུ་རབ་ཏུ་ལྡེག་སྟེ། ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། མཐའ་མཐོ་ན། དབུས་དམའ། དབུས་མཐོ་ན་མཐའ་དམའ་བར་གྱུར་ཅིང ། འཇིག་རྟེན་འདི་ཐམས་ཅད་འཇིག་རྟེན་གྱི་བར་དང་བཅས་ཏེ། སྣང་བ་རྒྱ་ཆེན་པོས་ཁྱབ་པར་གྱུར་ཏོ། །བར་སྣང་ལ་ཡང་ལྷའི་རྔ་རྡུང་
Nga129a
༄#། །ཞིང་ནམ་མཁའི་དཀྱིལ་ན་གནས་པའི་ལྷས། བཅོམ་ལྡན་འདས་ཀྱི་སྟེང་ནས་ལྷའི་མེ་ཏོག་ཨུཏྤལ་དང ། པདྨ་དང ། ཀུ་མ་ཏ་དང ། པདྨ་དཀར་པོ་དང ། ་ཀ་རུའི་ཕྱེ་མ་དང ། རྒྱ་སྤོས་ཀྱི་ཕྱེ་མ་དང ། ཙན་དན་གྱི་ཕྱེ་མ་དང ། གུར་གུམ་གྱི་ཕྱེ་མ་དང ། ཏ་མ་ལའི་ལོ་མའི་ཕྱེ་མ་དང ། ལྷའི་མེ་ཏོག་མནད་ར་བ་རྣམས་འཐོར་ཞིང་ལྷའི་གོས་རྣམས་ཀྱང་འཐོར་རོ། ། བཅོམ་ལྡན་འདས་གྲོང་ཁྱེར་དུ་གཤེགས་པ་ན། འདི་དག་དང་གཞན་ཡང་ངོ་མཚར་དེ་ལྟ་བུ་དག་བྱུང་བར་གྱུར་ཏོ། །གཞན་ཡང་དོག་པ་རྣམས་ནི་ཡངས་པར་གྱུར་ཏོ། །དམའ་བ་རྣམས་ནི་མཐོན་པོར་གྱུར་ཏོ། །མཐོན་པོ་རྣམས་ནི་མཉམ་པར་གྱུར་ཏོ། །གླང་པོ་ཆེ་ཡང་སྐད་འབྱིན། རྟ་ཡང་སྐད་འབྱིན། ཁྱུ་མཆོག་རྣམས་ཀྱང་སྐད་འབྱིན་ཏོ། །ཁྱིམ་ན་ཡོད་པའི་རོལ་མོ་ཆ་བྱད་སྣ་ཚོགས་པ་རྣམས་ཀྱང་རང་སྒྲ་འབྱིན་ཏོ། །ལོང་བ་རྣམས་ཀྱིས་ནི་མིག་གིས་མཐོང་ངོ ། །འོན་པ་རྣམས་ཀྱིས་ནི་རྣ་བས་ཐོས་སོ། །ལྐུགས་པ་རྣམས་ཀྱིས་ནི་སྨྲ་ནུས་པར་གྱུར་ཏོ། །དབང་པོ་མ་ཚང་བ་རྣམས་ནི་དབང་པོ་རྣམས་ཡོངས་སུ་ཚང་བར་གྱུར་ཏོ། །ཆང་གིས་མྱོས་པ་རྣམས་ནི་མྱོས་པ་དང་བྲལ་བར་གྱུར་ཏོ། །དུག་འཐུངས་པ་རྣམས་ནི་དུག་ཞི་བར་གྱུར་ཏོ། །ཕན་ཚུན་འཁོན་བྱུང་བ་རྣམས་ནི་བྱང་བར་གྱུར་ཏོ། །སྦྲུམ་མ་རྣམས་ནི་བདེ་བར་བཙས་པར་གྱུར་ཏོ། །བཙོན་དུ་བཅིངས་པ་རྣམས་ནི་བཅིངས་པ་ཐམས་ཅད་ལས་ཐར་རོ། །ནོར་མེད་པ་རྣམས་ནི་ནོར་རྙེད་
Nga129b
པར་གྱུར་ཏོ། །དེ་དག་དང་གཞན་ཡང་བཅོམ་ལྡན་འདས་གྲོང་ཁྱེར་དུ་གཤེགས་པ་ན་ངོ་མཚར་བརྒྱ་སྟོང་དག་བྱུང་བར་གྱུར་ཏོ། །དེ་ནས་བཅོམ་ལྡན་འདས་བཀུར་སྟི་ཆེན་པོ་དེ་ལྟ་བུས་མཉན་ཡོད་དུ་གཤེགས་སོ། །གཤེགས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་མཛའ་བཤེས་དང ། ཉེ་དུ་དང ། གཉེན་གྱི་སྐྱེ་བོས་ཡོངས་སུ་བསྐོར་ནས་གསེར་གྱི་བྱ་མ་བུམ་བླངས་ཏེ་ཆུའི་རྒྱུན་སྦྲེང་བར་བརྩམས་པ་ལས། དེ་འཛག་ཏུ་མ་བཏུབ་པས་ཁྱིམ་བདག་མགོན་མེད་ཟས་སྦྱིན་ཡིད་མི་བདེ་སྟེ་བསམས་པ། བདག་གིས་ལས་ཉེས་པ་དང་བཅས་པ་ཅུང་ཟད་བྱས་པར་མ་གྱུར་གྲང་སྙམ་པ་དང ། བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཁྱོད་ཀྱིས་ལས་ཉེས་པ་དང་བཅས་པ་ཅུང་ཟད་ཀྱང་བྱས་པ་མེད་དོ། ། འོན་ཀྱང་ཁྱོད་ཀྱིས་ཕྱོགས་འདིར་འདུག་ནས་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ལ་ཕྱོགས་འདི་ཉིད་ཕུལ་བ་ཡིན་གྱིས་ཕྱོགས་གཞན་ཞིག་ཏུ་འདུག་ལ་སྦྲེངས་ཤིག་།དེས་ཕྱོགས་གཞན་ཞིག་ཏུ་འདུག་ནས་སྦྲེངས་པ་དང ། བཅོམ་ལྡན་འདས་ཉིད་ཀྱིས་ཡན་ལག་ལྔ་དང་ལྡན་པའི་གསུངས་དབྱངས་ཀྱིས་རྒྱལ་བྱེད་ཀྱི་ཚལ་བརྗོད་པར་མཛད་དེ། རྒྱལ་བྱེད་ཀྱི་ཚལ་བརྗོད་པར་མཛད་པ་ན། གཞོན་ནུ་རྒྱལ་བྱེད་ཀྱིས་བསམས་པ། ཀྱེ་མ་བཅོམ་ལྡན་འདས་ཀྱིས་དེར་བདག་གི་མིང་ཐོག་མར་སྨོས་ཀྱང་ཅི་མ་རུང་སྙམ་པ་དང ། བཅོམ་ལྡན་འདས་ཀྱི་ཐུགས་ཀྱིས་གཞོན་ནུ་རྒྱལ་བྱེད་ཀྱི་
Nga130a
༄#། །སེམས་མཁྱེན་ནས་དགེ་སློང་དག་འདི་ནི་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ཡིན་ནོ། །ཞེས་དེར་མིང་ཐོག་མར་སྨོས་པ་མཛད་དོ། །གཞོན་ནུ་རྒྱལ་བྱེད་ཀྱིས་བཅོམ་ལྡན་འདས་ཀྱིས་དེང་བདག་གི་མིང་ཐོག་མར་སྨོས་པ་མཛད་པ་ཐོས་ནས། ཤིན་ཏུ་དགའ་བར་གྱུར་ཏེ། དགའ་བ་དང ། མགུ་བ་སྐྱེས་པ་དེས་ནོར་གྱི་རིགས་ལས་བཅོམ་ལྡན་འདས་ཀྱི་ཕྱིར་རིན་པོ་ཆེ་སྣ་བཞིའི་སྒོ་ཁང་བྱེད་དུ་བཅུག་གོ་།དེ་བཞིན་དུ་གནས་བརྟན་སྡུད་པ་བྱེད་པ་རྣམས་ཀྱིས་ཀྱང ། མདོ་སྡེའི་ནང་དུ་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ་ཞེས་གདགས་པ་བྱས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་དགེ་སྦྱོང་གོའུ་ཏ་མ་ཀོ་ས་ལའི་ལྗོངས་རྒྱུ་ཞིང་གཤེགས་པ་ན། མཉན་ཡོད་དུ་བྱོན་ནས། མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། ཤེས་ལྡན་གོའུ་ཏ་མ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བདག་ཉིད་ཞལ་གྱིས་འཆེའོ་ཞེས་ཐོས་སོ། །ཐོས་ནས་ཀྱང་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་མངོན་དུ་ཡང་དག་པར་དགའ་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཀོ་ས་ལའི་རྒྱལ་པོ་གསལ་རྒྱལ་གྱིས་བཅོམ་ལྡན་འདས་ལ་འདི་སྐད་
Nga130b
ཅེས་གསོལ་ཏོ། །ཀྱེ་གོའུ་ཏ་མ་བདག་གིས་ཤེས་ལྡན་གོའུ་ཏ་མ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བདག་ཉིད་ཞལ་གྱིས་འཆེའོ་ཞེས་ཐོས་ལགས་ན། གོའུ་ཏ་མ་གང་དག་དེ་སྐད་ཅེས་ལུང་སྟོན་པ་དེ་དག་ཅིག་དགེ་སྦྱོང་གོའུ་ཏ་མ་ལ་སྐུར་པ་འདེབས་པ་མ་ལགས་སམ། ཐལ་བར་སྨྲ་བ་མ་ལགས་སམ། ཤེས་ལྡན་གོའུ་ཏ་མས་གསུངས་བཞིན་སྨྲ་བ་ལགས་སམ། ཆོས་སྨྲ་བ་ལགས་སམ། ཆོས་དང་མཐུན་པའི་ཆོས་ལུང་སྟོན་པ་ལགས་སམ། ཅི་ག་དེ་དག་གི་དྲུང་དུ་ཕ་རོལ་པོ་ཆོས་དང་མཐུན་པར་རྩོད་པའི་རྗེས་སུ་རྩོད་པ་མཆིས་ན།་སྨོད་པའི་ཆོས་ཀྱི་གནས་སུ་མི་འགྱུར་ལགས་སམ། རྒྱལ་པོ་ཆེན་པོ་གང་དག་དེ་སྐད་དུ་སྨྲ་བ་དེ་དག་ནི་དེ་སྐད་དུ་ལུང་སྟོན་པ་བདེན་དེ་ང་ལ་སྐུར་པ་འདེབས་པ་མ་ཡིན། ཐལ་བར་སྨྲ་བ་མ་ཡིན། དེ་ནི་གསུངས་པ་བཞིན་སྨྲ་བ་ཡིན། ཆོས་སྨྲ་བ་ཡིན། ཆོས་དང་མཐུན་པའི་ཆོས་ལུང་སྟོན་པ་ཡིན་ཏེ། དེ་དག་གི་དྲུང་དུ་ཕ་རོལ་པོ་ཆོས་དང་མཐུན་པའི་རྩོད་པའི་རྗེས་སུ་རྩོད་པ་འོངས་ན་སྨོད་པའི་ཆོས་ཀྱི་གནས་སུ་མི་འགྱུར་རོ། །རྒྱལ་པོ་ཆེན་པོ་དེ་ཅིའི་ཕྱིར་ཞེ་ན། ངས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་སོ། །ཤེས་ལྡན་གོའུ་ཏ་མ་དེ་སྐད་གསུང་མོད་ཀྱི། ཤེས་ལྡན་དག་གོའུ་ཏ་མ་ལ་བདག་ཡིད་མི་ཆེས་ལགས་སོ། །དེ་ཅིའི་སླད་དུ་ཞེ་ན། ཀྱེ་གོའུ་ཏ་མ་རེ་ཞིག་རྒན་པའི་དགེ་སྦྱོང་དང ། བྲམ་ཟེ་ནི་འདི་དག་ལགས་ཏེ། འདི་ལྟ་སྟེ།
Nga131a
༄#། །འོད་སྲུང་རྫོགས་བྱེད་དང ། ཀུན་ཏུ་རྒྱུ་གནག་ལྷས་ཀྱི་བུ་དང ། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང ། མི་ཕམ་སྐྲའི་ལ་བ་ཅན་དང ། ཀ་ཏྱའི་བུ་ནོག་ཅན་དང ། གཅེར་བུ་གཉེན་གྱི་བུ་གང་ལགས་པ་དེ་དག་ཀྱང་ད་དུང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པར་བདག་ཉིད་གཡར་གྱི་མི་འཆེ་ལགས་ན། ཤེས་ལྡན་གོའུ་ཏ་མ་འཁྲུངས་ནས་རིང་པོ་མ་ལགས་པ། གསར་དུ་རབ་ཏུ་བྱུང་བས་ལྟ་སྨོས་ཀྱང་ཅི་འཚལ། རྒྱལ་པོ་ཆེན་པོ་གཞོན་ནུ་བཞི་པོ་འདི་དག་ལ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་མནན་པར་མི་བྱ་སྟེ། བཞི་གང་ཞེ་ན། རྒྱལ་པོ་ཆེན་པོ་རྒྱལ་རིགས་གཞོན་ནུ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ་སྤྲུལ་གཞོན་ནུ་ལ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ་མེ་ཆུང་དུ་ལ་ཁྱད་དུ་གསད་པར་མི་བྱ། ཆུང་དུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ་དགེ་སློང་གཞོན་ནུ་ལ་ཁྱད་དུ་གསད་པར་མི་བྱ། གཞོན་ནུ་ལ་ཟིལ་གྱིས་མནན་པར་མི་བྱའོ། །རྒྱལ་པོ་ཆེན་པོ་དེ་ཅིའི་ཕྱིར་ཞེ་ན། དགེ་སློང་གཞོན་ནུར་གྱུར་ཀྱང ། དེ་རྫུ་འཕྲུལ་ཆེ་ཞིང་མཐུ་ཆེ་བའི་དགྲ་བཅོམ་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས། །བཀའ་སྩལ་ནས་ནི་བདེར་གཤེགས་ཀྱིས། །དེ་སྐད་ཅེས་ནི་བཀའ་སྩལ་ནས། །སྟོན་པས་གཞན་ཡང་འདི་སྐད་གསུངས། །
Nga131b
རྒྱལ་རིགས་དཔེ་བྱད་ལྡན་པ་དང ། །རིགས་བཙུན་གྲགས་པར་ལྡན་པ་ལ། །བློ་དང་ལྡན་པས་དེ་གཞོན་ཞེས། །ཁྱད་དུ་མི་བསད་ཟིལ་མི་མནན། །རྒྱལ་པོ་རྒྱལ་རིགས་མཁས་པ་ཡིས། །རྒྱལ་སྲིད་དག་ནི་ཐོབ་གྱུར་ནས། །ཆད་པས་གཅོད་པའི་གནས་དེ་ཡོད། །དེ་བས་དེ་ལ་ཤིན་ཏུ་གདུང ། །དེ་ལྟར་རང་གི་སྲོག་སྲུང་ཞིང ། །རང་གི་དོན་ལ་ལྟ་བས་ནི། །དེ་ནི་ཁྱད་དུ་མི་བསད་ཅིང ། །དེ་ལ་ལེགས་པར་བག་ཀྱང་བྱ། །གལ་ཏེ་གྲོང་ངམ་དགོན་པའང་རུང ། །གང་དུ་སྦྲུལ་ནི་མཐོང་གྱུར་ན། །བློ་དང་ལྡན་པས་དེ་གཞོན་ཞེས། །དེ་ཁྱད་མི་གསད་ཟིལ་མི་མནོན། །འདི་ལྟར་སྦྲུལ་ནི་རྒྱུ་བ་ན། །རིགས་ནི་རྣམ་པ་སྣ་ཚོགས་ལ། །གླགས་རྙེད་ནས་ནི་གཞོན་ནུས་ཀྱང ། །སྐྱེས་པ་བུད་མེད་དུ་མ་ཟིན། །དེ་ལྟས་རང་གི་སྲོག་སྲུང་ཞིང ། །རང་གི་དོན་ལ་ལྟ་བས་ནི། །དེ་ནི་ཁྱད་དུ་མི་གསད་ཅིང ། །དེ་ལ་ལེགས་པར་བག་ཀྱང་བྱ། །མང་པོ་སྲེག་ཅིང་འབར་བྱེད་ལ། །ལམ་གནག་བསྲེག་བྱ་ཟ་བའི་མེ། །བློ་དང་ལྡན་པས་དེ་ཆུང་ཞེས། །ཁྱད་དུ་མི་བསད་ཟིལ་མི་མནན། །མེ་ནི་ཆུང་ངུར་གྱུར་པ་ཡང ། །རྐྱེན་ལས་ཆེན་པོར་གྱུར་པ་ཡིན། །མེས་ནི་རིང་པོ་མི་ཐོགས་པར། །གྲོང་རྡལ་དང་ནི་གྲོང་ཁྱེར་སྲེག་།དེ་ལྟས་རང་གི་སྲོག་སྲུང་ཞིང ། །རང་གི་དོན་ལ་ལྟ་བས་ནི། །དེ་ནི་ཁྱད་དུ་མི་བསད་ཅིང ། །དེ་ལ་ལེགས་པར་བག་ཀྱང་བྱ། །ལམ་གནག་བསྲེག་བྱ་ཟ་བའི་མེས། །ནགས་ཚལ་བསྲེགས་པ་གང་ཡིན་དེ། །ཞག་འདས་ནས་ནི་འགའ་ཞིག་ཏུ། །འདབ་མ་
Nga132a
༄#། །རྣམས་ནི་སྐྱེ་འགྱུར་གྱི། །དགེ་སློང་ཚུལ་ཁྲིམས་ལྡན་པ་ལ། །བརྟེན་ནས་གང་ཞིག་ཚིག་གྱུར་པ། །དེ་ལ་བུ་ཚ་ཡོད་མིན་པས། །བསྒོ་སྐལ་སྤྱོད་པ་འཐོབ་མི་འགྱུར་ཏ་ལའི་མགོ་ནི་བཅད་པ་བཞིན། །རིང་པོར་མི་ཐོགས་རབས་ཀྱང་འཆད། །དེ་བས་རང་གི་སྲོག་སྲུང་ཞིང ། །རང་གི་དོན་ལ་ལྟ་བས་ནི། །དེ་ནི་ཁྱད་དུ་མི་གསད་ཅིང ། །དེ་ལ་ལེགས་པར་བག་ཀྱང་བྱ། །རྒྱལ་རིགས་དཔེ་བྱད་ལྡན་པ་དང ། །དེ་བཞིན་བྲང་འགྲོ་མེ་དང་ནི། །དགེ་སློང་ཚུལ་ཁྲིམས་ལྡན་དེ་ལ། །བློ་དང་ལྡན་པས་བརྙས་མི་བྱ། །དེ་བས་རང་གི་སྲོག་སྲུང་ཞིང ། ། རང་གི་དོན་ལ་ལྟ་བས་ནི། །དེ་ལ་ཁྱད་དུ་མི་བསད་ཅིང ། །དེ་ལ་ལེགས་པར་བག་ཀྱང་བྱ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རངས་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་དོང་ངོ ། །དེ་ནས་སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཀོ་ས་ལའི་རྒྱལ་པོ་གསལ་རྒྱལ་གྱིས་རྒྱལ་པོ་ཟས་གཙང་ལ་སྤྲིང་ཡིག་བསྐུར་བ། ལྷ་དགྱེས་པ་བསྐྱེད་དུ་གསོལ། ཁྱོད་ཀྱི་སྲས་ཀྱིས་བདུད་རྩི་ཐོབ་ནས། བདུད་རྩིས་འགྲོ་བ་ཚིམ་པར་བྱེད་དོ་ཞེས་སྤྲིང་པ། རྒྱལ་པོ་ཟས་གཙང་གིས་ཐོས་ནས་ཕོ་ཉ་བཏང་བ་ལས་དེ་དེ་ཉིད་དུ་རབ་ཏུ་བྱུང་ངོ ། །གཉིས་
Nga132b
པ་བཏང་བ་དང་དེ་ཡང་དེ་ཉིད་དུ་རབ་ཏུ་བྱུང་སྟེ། ཕོ་ཉ་གང་དང་གང་བཏང་བ་དེ་དང་དེ་དག་དེ་ཉིད་དུ་ལེགས་པར་གསུངས་པའི་ཆོས་འདུལ་བ་ཉིད་ལ་རབ་ཏུ་བྱུང་བར་གྱུར་ཏོ། །རྒྱལ་པོ་ཟས་གཙང་ལག་པ་ལ་འགྲམ་པ་གཏད་ནས་ཕོ་ཉ་གང་དང་གང་བཏང་བ་དེ་དང་དེ་དག་དེ་ཉིད་དུ་ལེགས་པར་གསུངས་པའི་ཆོས་འདུལ་བ་ཉིད་ལ་རབ་ཏུ་བྱུང་ངོ་སྙམ་ནས། སེམས་ཁོང་དུ་ཆུད་ཅིང་འདུག་པ། འཆར་ཀས་མཐོང་ནས་སྨྲས་པ། ལྷ་ཅིའི་སླད་དུ་ཁྱོད་ཕྱག་ལ་ཞལ་བཏད་ནས་ཐུགས་མི་དགྱེས་ཤིང་བཞུགས། དེས་སྨྲས་པ། འཆར་ཀ་གང་གི་ཚེ་གཞོན་ནུ་དོན་ཐམས་ཅད་གྲུབ་པ་དཀའ་བ་སྤྱོད་པ་དེའི་ཚེ། ཁོ་བོས་འཕྲིན་ཡིག་སྐྱེལ་བའི་མི་བཏང་བ་ལས་དེ་དག་ཁོའི་གན་དུ་འོངས་ནས། གཞོན་ནུ་དོན་ཐམས་ཅད་གྲུབ་པ་བཞུགས་པ་འདི་དང་འདིར་བཞུགས་སོ་ཞེས་སྨྲའོ། །ད་ནི་ཁོ་བོས་འཕྲིན་ཡིག་སྐྱེལ་བའི་མི་བཏང་ན་འགའ་ཡང་འཕྲིན་ཁྱེར་ཏེ་མི་འོང་ན་ཇི་ལྟར་སེམས་ཁོང་དུ་ཆུད་པར་མི་འགྱུར། འཆར་ཀས་སྨྲས་པ། ལྷ་བདག་མཆི་སྟེ་བཀའ་བཞིན་འཚལ་ནས་སླར་མཆིའོ། །རྒྱལ་པོ་ཟས་གཙང་གིས་སྨྲས་པ། འཆར་ཀ་གང་དང་གང་སོང་བ་དེ་དེའི་བསྟན་པ་ཕུན་སུམ་ཚོགས་པ་མཐོང་ནས། དེ་ཉིད་དུ་འདུག་པས་ཁྱོད་ཀྱང་སོང་ན་དེ་ཉིད་དུ་འདུག་པར་འགྱུར་བའི་གནས་གང་ཡིན་པ་དེ་ཡོད་དོ། །འཆར་ཀས་སྨྲས་པ། ལྷ་སླར་མཆི་ལགས་སོ། །དེ་ནས་རྒྱལ་པོ་ཟས་གཙང་རང་ཉིད་ཀྱིས་འཕྲིན་ཡིག་བྲིས་པ། ལྷུམས་སུ་ཞུགས་པ་བཟུང་ནས་སུ། །ཁྱོད་ནི་བདག་གིས་ཆེར་
Nga133a
༄#། །བསྐྲུན་ཏེ། །ཉོན་མོངས་མེ་རབ་འབར་བཞིན་དུ། །རྒྱལ་པོ་ལྗོན་ཤིང་ལ་བསྡད་ན། །ད་ནི་ཁྱོད་ཀྱི་སློབ་མ་ཡི། །ཡལ་ག་ལྕུག་མ་འཕེལ་གྱུར་པས། །གཞན་ནི་བདེ་བས་དགའ་བར་གྱུར། །བདག་ནི་སྡུག་བསྔལ་སྐལ་བ་ལྡན། །གཞན་ཡང་གང་གིས་ཁྱོད་ནི་ལྗོན་ཤིང་ལྕུག་ཕྲན་མཚུངས་ཙམ་ན། །བདག་གི་བུ་ནི་འདི་ཡིན་སྙམ་ནས་ཆུང་ནས་བསྐྲུན་བསྐྲུན་ཏེ། ། བུ་གཅིག་ཡུལ་མིས་འབྲས་བུ་ཡོངས་སུ་སྤྱད་ཐོབ་ན། །དེ་ལ་ཡོན་ཏན་འབྲས་བུ་མི་སྟེར་ཁྱོད་ལ་སྙིང་རྗེ་མེད། །གང་ཚེ་ཐོག་མ་བལྟམས་པ་ན། །ཉིད་དོན་བསྒྲུབས་ནས་གཉེན་རྣམས་ནི། །ཤིན་ཏུ་ཆེ་ཐང་ཕན་གདགས་ཞེས། །ཁྱོད་ཀྱི་དམ་བཅའ་མཛད་ནས་ནི། །ཁྱོད་ཀྱིས་ཞི་གནས་དེ་རྙེད་ན། །བདག་དང་གཉེན་གྱི་ཚོགས་རྣམས་ལ། །ཐུགས་བརྩེ་རྗེས་སུ་གཟུང་མཛོད་དེ། །གཤེགས་པར་དགོངས་པ་མཛད་དུ་གསོལ། །ཞེས་སྤྲིང་པའི་ཡི་གེ་འཆར་ཀས་ཁྱེར་ནས་ཆས་ཏེ་རིམ་གྱིས་མཉན་ཡོད་དུ་ཕྱིན་པ་དང ། ལམ་གྱིས་དུབ་པ་ངལ་སོས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་རྒྱལ་པོ་ཟས་གཙང་གིས་གསོལ་པའི་ཡི་གེ་ལགས་སོ་ཞེས་བཅོམ་ལྡན་འདས་ལ་ཡི་གེ་ཕུལ་བ་དང ། བཅོམ་ལྡན་འདས་ཉིད་ཀྱིས་བཞེས་ནས་བཀླགས་སོ། །བཀླགས་ནས་ཡི་གེ་མཐའ་གཅིག་ཏུ་གཞག་པ་དང ། འཆར་ཀས་གསོལ་པ། བཅོམ་ལྡན་འདས་ཅི་ལགས། སེར་སྐྱའི་གཞིར་མི་བཞུད་དམ། བཅོམ་ལྡན་འདས་
Nga133b
ཀྱིས་བཀའ་སྩལ་པ། འཆར་ཀ་འདོང་ངོ ། །འཆར་ཀ་སྔོན་བཅོམ་ལྡན་འདས་དང་ལྷག་པར་འདྲིས་པ་ཡིན་པས། དེ་སྔོན་གྱི་འདྲིས་པ་ཁོ་ནས་གསོལ་པ། བཅོམ་ལྡན་འདས་གལ་ཏེ་མི་བཞུད་དང་བདག་གི་མཐུས་བཀྲི་བར་བགྱི་ལགས་སོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་ལ་ཚིགས་སུ་བཅད་དེ་བཀའ་སྩལ་པ། གང་ཞིག་ཡུལ་གྱི་རྒྱལ་པོར་མ་ཆགས་ཤིང ། །སྲེད་འགག་བཀྲི་བ་ཡོད་པ་མ་ཡིན་པའི། །སངས་རྒྱས་སྤྱོད་ཡུལ་མཐའ་ཡས་མངའ་བ་དེ། །གཞི་མེད་ན་ནི་གང་གི་གཞི་ཡིས་བཀྲི། །གང་ཞིག་ཡུལ་གྱི་རྒྱལ་མོར་མ་ཆགས་ཤིང ། །སྲེད་འགག་བཀྲི་བ་ཡོད་པ་མ་ཡིན་པའི། །སངས་རྒྱས་མཐའ་ཡས་པ་ཡི་རྩལ་མངའ་དེ། །གཞི་མེད་ན་ནི་གང་གི་གཞི་ཡིས་བཀྲི། །གང་ཞིག་བཅོམ་ནས་བརྩེགས་པ་མེད་གྱུར་ཅིང ། །འཇིག་རྟེན་མ་བཅོམ་ཅུང་ཟད་ཡོད་མིན་པས། །སངས་རྒྱས་སྤྱོད་ཡུལ་མཐའ་ཡས་མངའ་བ་དེ། །གཞི་མེད་ན་ནི་གང་གི་གཞི་ཡིས་བཀྲི། །གང་ཞིག་བཅོམ་ནས་བརྩེགས་པ་མེད་གྱུར་ཅིང ། །འཇིག་རྟེན་མ་བཅོམ་ཅུང་ཟད་ཡོད་མིན་པས། །སངས་རྒྱས་མཐའ་ཡས་པ་ཡི་རྩལ་མངའ་དེ། །གཞི་མེད་ན་ནི་གང་གི་གཞི་ཡིས་བཀྲི། །ལན་ལ་སྤོབས་པ་མེད་ནས་གསོལ་པ། བཅོམ་ལྡན་འདས་མཆི་ལགས་ཏེ། བཅོམ་ལྡན་འདས་རྒྱལ་པོ་ཟས་གཙང་ལ་རིག་པར་བྱའོ། །འཆར་ཀ་སངས་རྒྱས་ཀྱི་ཕོ་ཉ་ནི་འདི་ལྟ་བུ་མ་ཡིན་ནོ། །འཆར་ཀས་གསོལ་པ། བཅོམ་ལྡན་འདས་ཅི་འདྲ་བ་ཞིག་ལགས། རབ་ཏུ་བྱུང་བ་ཡིན་
Nga134a
༄#། །གྱིས་ཁྱོད་ཀྱང་རབ་ཏུ་བྱུང་ཞིག་།བཅོམ་ལྡན་འདས་བདག་གིས་རྒྱལ་པོ་ཟས་གཙང་ལ་སླར་མཆི་བར་དམ་བཅས་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ།་འཆར་ཀ་རབ་ཏུ་བྱུང་ལ་ཇི་ལྟར་དམ་བཅས་པ་བཞིན་དུ་གྱིས་ཤིག་།འདི་ལྟར་བཅོམ་ལྡན་འདས་སྔོན་བྱང་ཆུབ་སེམས་དཔར་གྱུར་པ་ན་ཡབ་དང་ཡུམ་དང ། མཁན་པོ་དང ། སློབ་དཔོན་དང ། བླ་མ་དང ། བླ་མའི་གནས་ལྟ་བུ་རྣམས་ཀྱི་ཆོས་དང་མཐུན་པའི་ཚིག་ལན་འགའ་ཡང་སླར་མ་བཟློག་གོ་།འཆར་ཀས་གསོལ་པ། བཅོམ་ལྡན་འདས་གལ་ཏེ་དེ་ལྟ་ན་རབ་ཏུ་འབྱུང་ལགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་འཆར་ཀ་འདི་ནི་ཡུན་རིང་པོའི་དོན་དང ། ཕན་པ་དང ། བདེ་བའི་ཕྱིར་རབ་ཏུ་ཕྱུང་ཞིག་།བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལས་མཉན་ནས་འཆར་ཀ་རབ་ཏུ་ཕྱུང་བསྙེན་པར་རྫོགས་པར་བྱས་ཏེ། ཀུན་ཏུ་སྤྱོད་པའི་ཆོས་དག་དེ་ལ་རྒྱས་པར་སྨྲས་ནས་འཆར་ཀ་འདི་ནི་ཁྱོད་ཀྱི་བྱ་བ་ཡིན་ཏེ། དེང་ཕན་ཆད་བུད་མེད་དང་ལྷན་ཅིག་ཏུ་ཁང་པ་གཅིག་ཏུ་ཉལ་བར་མི་བྱའོ་ཞེས་བྱ་བ་དག་གོ་།བཙུན་པ་བཀའ་བཞིན་འཚལ་ཞེས་འཆར་ཀས་ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་བྱས་ཏེ། སོང་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་
Nga134b
ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེར་སྐྱའི་གཞིར་མཆི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཆར་ཀ་སོང་ལ་ཁྱོད་དེ་མོད་ཁོ་ནར་རྒྱལ་པོའི་ཁབ་ཏུ་མ་འཇུག་པར་སྒོ་ན་སྡོད་ལ་ཤཱཀྱའི་དགེ་སློང་འོངས་སོ་ཞེས་བརྗོད་པར་བྱའོ། །གལ་ཏེ་ནང་དུ་སྤྱོན་ཅིག་ཅེས་གླེང་ན་འཇུག་པར་བྱའོ། ། ཞུགས་ནས་གལ་ཏེ་ཤཱཀྱའི་དགེ་སློང་གཞན་ཡང་ཡོད་དམ་ཞེས་ཟེར་ན། ཡོད་དོ་ཞེས་བརྗོད་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་འདི་འདྲ་ཞིང་ཆ་བྱད་འདི་འདྲའམ་ཞེས་འདྲི་ན། འདི་འདྲ་ཞིང་ཆ་བྱད་འདི་འདྲའོ་ཞེས་བརྗོད་པར་བྱའོ། །ཁྱོད་ཀྱིས་རྒྱལ་པོའི་ཁབ་ཏུ་ཡང་གནས་པར་མི་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་རྒྱལ་པོའི་ཁབ་ཏུ་གནས་པར་མི་བྱེད་དམ་ཞེས་གླེང་ན་མི་བཞུགས་སོ་ཞེས་བརྗོད་པར་བྱའོ། །གལ་ཏེ་གང་དུ་གནས་པར་བྱེད་ཅེས་འདྲི་ན་དགོན་པའམ་གཙུག་ལག་ཁང་དུའོ་ཞེས་བརྗོད་པར་བྱའོ། །གལ་ཏེ་གཙུག་ལག་ཁང་ཅི་འདྲ་ཞེས་འདྲི་ན། རྒྱལ་བུ་རྒྱལ་བྱེད་ཀྱི་ཚལ་གྱི་རྣམ་པ་བྲིས་ཏེ་བསྟན་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་བྱོན་ནམ་ཞེས་འདྲི་ན། བྱོན་ནོ་ཞེས་བརྗོད་པར་བྱའོ། །ཇི་སྲིད་ཅིག་ན་བྱོན་ཞེས་འདྲི་ན་ཞག་བདུན་ལོན་ནའོ། །ཞེས་བརྗོད་པར་བྱའོ། །དེས་གསོལ་པ། བཅོམ་ལྡན་འདས་མཆི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ་སོང་ཞིག་།ས་བདག་རྣམས་ནི་
Nga135a
༄#། །ཚིག་གིས་ཏེ། །ལྷ་རྣམས་བསམས་པས་གྲུབ་འགྱུར་ཞིང ། །དེ་བཞིན་བསམ་གཏན་པ་རྣམས་ཀྱིས། །སེམས་བསྐྱེད་པས་ནི་ཐམས་ཅད་འགྲུབ། །བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་དེ་ཇི་ལྟར་སྐད་ཅིག་དེ་ཉིད་ལ་གྲོང་ཁྱེར་སེར་སྐྱའི་གཞིར་སོན་པ་དེ་ལྟར་བྱིན་གྱིས་བརླབས་པ་དང ། ཚེ་དང་ལྡན་པ་འཆར་ཀ་བཅོམ་ལྡན་འདས་ལ་དད་པ་མི་བཟོད་པ་སྐྱེས་པ་དེ་རྒྱལ་པོའི་ཁབ་ཀྱི་སྒོར་བསྡད་ནས་སྨྲས་པ། ཤེས་ལྡན་དག་རྒྱལ་པོ་ལ་ཤཱཀྱའི་དགེ་སློང་མཆིས་སོ་ཞེས་གསོལ་ཅིག་།དེ་རྣམས་ཀྱིས་སྨྲས་པ། ཅི་ཤཱཀྱའི་དགེ་སློང་གཞན་དག་ཀྱང་ཡོད་དམ། ཤེས་ལྡན་དག་ཡོད་དོ། །དེ་རྣམས་ཀྱིས་རྒྱལ་པོ་ལ་སྨྲས་པ། ཤཱཀྱའི་དགེ་སློང་མཆིས་སོ། །རྒྱལ་པོས་སྨྲས་པ། ནང་དུ་ཐོང་ཞིག་།དེ་ནང་དུ་ཞུགས་པ་རྒྱལ་པོ་ཟས་གཙང་གིས་མཐོང་ནས་སྨྲས་པ། འཆར་ཀ་རབ་ཏུ་བྱུང་ངམ། དེས་སྨྲས་པ། ལྷ་རབ་ཏུ་བྱུང་ངོ ། །ཁྱོད་སླར་འོང་ངོ་ཞེས་སྨྲ་བ་ཡིན་ནམ། འདི་ཅི་ཡིན། འཆར་ཀས་སྨྲས་པ། ལྷ་བཅོམ་ལྡན་འདས་ཀྱིས་སངས་རྒྱས་ཀྱི་ཕོ་ཉ་ནི་འདི་ལྟ་བུ་མ་ཡིན་ནོ་ཞེས་བཀའ་སྩལ་ནས། ཆོས་འདུལ་བ་ལེགས་པར་གསུངས་པའི་ཕྱིར་བདག་རབ་ཏུ་བྱུང་མོད་ཀྱི། བདག་རང་གི་དད་པས་ཀྱང་རབ་ཏུ་བྱུང་ངོ་།། རྒྱལ་པོས་ཡན་ལག་ཐམས་ཅད་ཀྱིས་འཁྱུད་ནས་སྟན་བཤམས་པ་ཉིད་ལ་འདུག་ཏུ་བཅུག་སྟེ། དེའི་དོན་དུ་ཆུ་བརྟགས་པ་གཙང་མ་དང ། འབྲས་བུ་བརྟགས་པ་གཙང་སྦྲ་བྱས་ཏེ་ཟར་བཅུག་
Nga135b
གོ་།ཚེ་དང་ལྡན་པ་འཆར་ཀ་མཆོག་ཏུ་ཉེ་བར་ཞི་བ་དང ། དུལ་བར་གནས་པ་དང་ལྡན་ཞིང་ཇི་སྐད་རྗེས་སུ་བསྟན་པའི་ཆོ་ག་བཞིན་ཡོངས་སུ་ལོངས་སྤྱད་དོ། །རྒྱལ་པོས་དེ་ལ་བརྟགས་ནས་ངོ་མཚར་སྐྱེས་ཏེ་སྨྲས་པ། འཆར་ཀ་ཅི་གཞོན་ནུ་དོན་ཐམས་ཅད་གྲུབ་པ་ཡང་འདི་འདྲ་བར་ཉེ་བར་ཞི་བ་ཡིན་ནམ། འཆར་ཀས་སྨྲས་པ། ལྷ་བདག་གི་དུལ་བ་དང ། ཉེ་བར་ཞི་བ་ནི་ཅུང་ཟད་ཙམ་ལགས་སོ། །དཔེར་ཇི་ལྟ་བུ། རི་རབ་དང་ཡུངས་འབྲུ་བཞིན་ནོ། །རྒྱ་མཚོ་དང་རྨིག་རྗེས་བཞིན་ནོ། །ཉི་མ་དང་སྲིན་བུ་མེ་ཁྱེར་བཞིན་ནོ། །ནམ་མཁའ་དང་པདྨའི་རྩ་བའི་བུ་ག་བཞིན་ནོ། །རྒྱལ་པོ་ཟས་གཙང་གིས་སྨྲས་པ། འཆར་ཀ་གཞོན་ནུ་དོན་ཐམས་ཅད་གྲུབ་པ་ཡང་འདི་འདྲ་ཞིང་ཆ་བྱད་འདི་འདྲའམ། ལྷ་འདི་འདྲ་ཞིང་ཆ་བྱད་འདི་འདྲའོ། །རྒྱལ་པོ་ཟས་གཙང་རྒྱལ་ནས་ས་ལ་འགྱེལ་བ་དང ། ཆུ་མང་དུ་བཏབ་ནས་དབུགས་སླར་བྱུང་སྟེ་སྨྲས་པ། འཆར་ཀ་གཞོན་ནུ་དོན་ཐམས་ཅད་གྲུབ་པ་བྱོན་ནམ། འཆར་ཀས་སྨྲས་པ། བྱོན་ནོ། །དུས་ཇི་སྲིད་ཅིག་ན། དགུང་བདུན་ལོན་ནའོ། །རྒྱལ་པོ་ཟས་གཙང་གིས་བློན་པོ་རྣམས་ལ་བསྒོ་བ། ཤེས་ལྡན་དག་གཞོན་ནུ་དོན་ཐམས་ཅད་གྲུབ་པ་བྱོན་པར་འགྱུར་གྱིས། རྒྱལ་པོའི་ཁབ་དང་ཕོ་བྲང་བྱི་དོར་གྱིས་ཤིག་།འཆར་ཀས་སྨྲས་པ། ལྷ་བཅོམ་ལྡན་འདས་ནི་ཕོ་བྲང་དུ་བཞུགས་པར་མི་མཛད་དོ། །རྒྱལ་པོས་སྨྲས་པ། གང་དུ་བཞུགས། འཆར་ཀས་སྨྲས་པ། དགོན་པའམ། གཙུག་ལག་ཁང་དུའོ། །རྒྱལ་པོ་
Nga136a
༄#། །ཟས་གཙང་གིས་སྨྲས་པ། འཆར་ཀ་གཙུག་ལག་ཁང་ཅི་འདྲ་བ་ཡིན། ཚེ་དང་ལྡན་པ་འཆར་ཀས་རྒྱལ་བུ་རྒྱལ་བྱེད་ཀྱི་ཚལ་གྱི་རྣམ་པ་རི་མོར་བྲིས་ཏེ་བསྟན་ཏོ། །དེ་ནས་རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ནྱ་གྲོ་དྷའི་ཀུན་དགའ་ར་བར་རྒྱལ་བུ་རྒྱལ་བྱེད་ཀྱི་ཚལ་གྱི་རྣམ་པ་གཙུག་ལག་ཁང་ཆེན་པོ་བཅུ་དྲུག་དང ། ཁང་ཕྲན་དྲུག་ཅུ་བརྩིག་ཏུ་ཆུག་ཅིག་།ལྷ་བཀའ་བཞིན་འཚལ་ཞེས་བློན་པོ་རྣམས་ཀྱིས་རྒྱལ་པོ་ཟས་གཙང་ལ་མཉན་ནས། ནྱ་གྲོ་དྷའི་ཀུན་དགའ་བར་རྒྱལ་བུ་རྒྱལ་བྱེད་ཀྱི་ཚལ་གྱི་རྣམ་པ་གཙུག་ལག་ཁང་ཆེན་པོ་བཅུ་དྲུག་དང ། ཁང་ཕྲན་དྲུག་ཅུ་བརྩིག་ཏུ་བཅུག་གོ་།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །མོའུ་དགལ་གྱི་བུ་སོང་ལ་།དགེ་སློང་རྣམས་ལ་བཅོམ་ལྡན་འདས་སེར་སྐྱའི་གཞིར་གཤེགས་ཏེ་ཡབ་སྲས་གདན་འཛོམ་ན། ཁྱེད་ཅག་ལས་སུ་ཞིག་ལྟ་བར་སྤྲོ་བ་དེ་ཆོས་གོས་ལོང་ཞིག་།ཅེས་བསྒོ་ཞིག་།བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་བཅོམ་ལྡན་འདས་ལས་མཉན་ནས། དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་བཅོམ་ལྡན་འདས་སེར་སྐྱའི་གཞིར་གཤེགས་ཏེ་ཡབ་སྲས་གདན་འཛོམ་ན། ཁྱེད་ཅག་ལས་ལྟ་བར་སྤྲོ་བ་དེ་ཆོས་གོས་དག་ལོང་ཞིག་ཅེས་བཀའ་སྩལ་ཏོ། །དེ་ནས་བཅོམ་ལྡན་འདས་དུལ་བ་འཁོར་དུལ་བ། ཞི་བ་འཁོར་ཞི་བ། གྲོལ་བ་འཁོར་གྲོལ་བ། དབུགས་ཕྱིན་པ་འཁོར་
Nga136b
དབུགས་ཕྱིན་པ། རྣམ་པར་དུལ་བ་འཁོར་རྣམ་པར་དུལ་བ། དགྲ་བཅོམ་པ་འཁོར་དགྲ་བཅོམ་པ། འདོད་ཆགས་དང་བྲལ་བ་འཁོར་འདོད་ཆགས་དང་བྲལ་བ། མཛེས་པ་འཁོར་མཛེས་པ ། ཁྱུ་མཆོག་བ་གླང་གི་ཚོགས་ཀྱིས་བསྐོར་བ་ལྟ་བུ། གླང་པོ་ཆེ་གླང་པོ་ཆེ་ཕྲུ་གུའི་ཚོགས་ཀྱིས་བསྐོར་བ་ལྟ་བུ། སེངྒེ་མཆེ་བ་ཅན་གྱི་ཚོགས་ཀྱིས་བསྐོར་བ་ལྟ་བུ། ངང་པའི་རྒྱལ་པོ་ངང་པའི་ཚོགས་ཀྱིས་བསྐོར་བ་ལྟ་བུ། ནམ་མཁའ་ལྡིང་བྱའི་ཚོགས་ཀྱིས་བསྐོར་བ་ལྟ་བུ། བྲམ་ཟེ་སློབ་མའི་ཚོགས་ཀྱིས་བསྐོར་བ་ལྟ་བུ། སྨན་པ་མཁས་པ་ནད་པའི་ཚོགས་ཀྱིས་བསྐོར་བ་ལྟ་བུ། དཔའ་བོ་རུ་བའི་ཚོགས་ཀྱིས་བསྐོར་བ་ལྟ་བུ། ལམ་མཁན་མགྲོན་པོའི་ཚོགས་ཀྱིས་བསྐོར་བ་ལྟ་བུ། དེད་དཔོན་ཚོང་པའི་ཚོགས་ཀྱིས་བསྐོར་བ་ལྟ་བུ། ཁམས་ཀྱི་རྒྱལ་ཕྲན་བློན་པོའི་ཚོགས་ཀྱིས་བསྐོར་བ་ལྟ་བུ། འཁོར་ལོས་སྒྱུར་བ་བུ་སྟོང་གི་ཚོགས་ཀྱིས་བསྐོར་བ་ལྟ་བུ། ཟླ་བ་རྒྱུ་སྐར་གྱི་ཚོགས་ཀྱིས་བསྐོར་བ་ལྟ་བུ། ཉི་མ་འོད་ཟེར་སྟོང་གི་ཚོགས་ཀྱིས་བསྐོར་བ་ལྟ་བུ། ཡུལ་འཁོར་སྐྱོང་དྲི་ཟའི་ཚོགས་ཀྱིས་བསྐོར་བ་ལྟ་བུ། འཕགས་སྐྱེས་པོ་གྲུལ་བུམ་གྱི་ཚོགས་ཀྱིས་བསྐོར་བ་ལྟ་བུ། མིག་མི་བཟང་ཀླུའི་ཚོགས་ཀྱིས་བསྐོར་བ་ལྟ་བུ། རྣམ་ཐོས་ཀྱི་བུ་གནོད་སྦྱིན་གྱི་ཚོགས་ཀྱིས་བསྐོར་བ་ལྟ་བུ། ཐགས་བཟང་རིས་ལྷ་མ་ཡིན་གྱི་ཚོགས་ཀྱིས་བསྐོར་བ་ལྟ་བུ། བརྒྱ་བྱིན་སུམ་ཅུ་རྩ་གསུམ་གྱི་ཚོགས་ཀྱིས་བསྐོར་བ་ལྟ་བུ། ཚངས་པ་ཚངས་རིས་ཀྱི་ཚོགས་ཀྱིས་བསྐོར་བ་ལྟ་བུ །
Nga137a
༄#། །རྒྱ་མཚོ་གཡོ་བ་མེད་པ་ལྟ་བུ། སྤྲིན་ཆུ་དང་བཅས་པ་ལྟ་བུ། གླང་པོ་དམ་པ་དྲེགས་པ་དང་བྲལ་བ་ལྟར་དབང་པོ་རྣམས་ཤིན་ཏུ་དུལ་བས་སྤྱོད་ལམ་གྱི་ཚུལ་མ་འཁྲུགས་པ། སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ། དཔེ་བྱད་བཟང་པོ་བརྒྱད་ཅུས་རྣམ་པར་སྤྲས་པ། འོད་འདོམ་གང་གིས་བརྒྱན་པའི་སྐུ། ཉི་མའི་འོད་ཟེར་སྟོང་བས་ལྷག་པའི་འོད་ཅན། རིན་པོ་ཆེའི་རི་བོ་འགྲོ་བ་ལྟར་ཀུན་ནས་མཛེས་པ། སྟོབས་བཅུ་དང ། མི་འཇིགས་པ་བཞི་དང ། མ་འདྲེས་པའི་དྲན་པ་ཉེ་བར་གཞག་པ་གསུམ་དང ། ཐུགས་རྗེ་ཆེན་པོ་དང་ལྡན་པ། དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་འབབ་ཆུ་རོ་ཧི་ཀར་བྱོན་ཏོ། །རྒྱལ་པོ་ཟས་གཙང་གིས་གཞོན་ནུ་དོན་ཐམས་ཅད་གྲུབ་པ། འབབ་ཆུ་རོ་ཧི་ཀར་བྱོན་ཏོ། །ཞེས་ཐོས་སོ། །ཐོས་ནས་ཀྱང་རྒྱལ་པོ་ཟས་གཙང་གིས་གྲོང་ཁྱེར་སེར་སྐྱའི་གཞི་རྡོ་བ་དང ། གྱོ་མོ་དང ། གསེག་མ་རྣམས་བསལ་ནས་ཙནྡན་གྱི་ཆུས་ཆག་ཆག་བཏབ། དྲི་ཤིན་ཏུ་ཞིམ་པོའི་པོག་ཕོར་ཉེ་བར་བཤམས། དར་གྱི་ཆུན་འཕྱངས་མང་པོ་དཔྱངས་ཏེ། གང་ཡང་འབབ་ཆུ་རོ་ཧི་ཀ་ནས། གང་ཡང་ནྱ་གྲོ་དྷའི་ཀུན་དགའ་ར་བ་དེའི་བར་གྱི་ལམ་ཤིན་ཏུ་མཛེས་པར་བྱས་ཏེ། ས་ཕྱོགས་ཡངས་ཤིང་རྒྱ་ཆེ་བར་གདན་རྣམ་པར་བཀྲ་བ་དག་ཤོམ་དུ་བཅུག་གོ་།དེ་ནས་འབབ་ཆུ་རོ་ཧི་ཀ་ལ་དགེ་སློང་ཁ་ཅིག་ནི་ལག་པ་འཁྲུ་བར་བྱེད། ཁ་ཅིག་ནི་སོ་ཤིང་འདོར་བར་བྱེད་དོ། །ཁ་ཅིག་ནི་ཁྲུས་བྱེད་དོ། །
Nga137b
སེར་སྐྱའི་གཞི་ན་གནས་པའི་ཤཱཀྱ་རྣམས་ཀྱིས་གཞོན་ནུ་དོན་ཐམས་ཅད་གྲུབ་པ་གཤེགས་སོ་ཞེས་ཐོས་སོ། །ཐོས་ནས་ཀྱང་ཁ་ཅིག་ནི་སྔོན་གྱི་དགེ་བའི་རྩ་བས་བསྐུལ། ཁ་ཅིག་ནི་ཡ་མཚན་སྐྱེས་ནས་ཐམས་ཅད་ནྱ་གྲོ་དྷའི་ཀུན་དགའ་ར་བ་ནས་བྱུང་སྟེ། ཅི་ཡབ་སྲས་ཀྱི་ཞབས་ལ་ཕྱག་བྱེད་དམ། འོན་ཏེ་སྲས་ཡབ་ཀྱི་ཞབས་ལ་ཕྱག་བྱེད་པ་ལྟའོ་སྙམ་མོ།། །།འདུལ་བ་གཞི། བམ་པོ་གོ་གཅིག་པ། དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། གལ་ཏེ་ང་ཞབས་ཀྱིས་སེར་སྐྱའི་གཞིར་གཤེགས་ན། ཤཱཀྱ་རྒྱལ་ཅན་རྣམས། ཀྱེ་མའོ་གཞོན་ནུ་དོན་ཐམས་ཅད་གྲུབ་པས་དཀའ་ཐུབ་ཀྱི་ནགས་སུ་གཤེགས་ནས་ལྷོད་པོ་ཞིག་གྲུབ་པ་ལྟ་ཞིག་སྟེ། དེ་ལྷ་བརྒྱ་སྟོང་ཕྲག་དུ་མས་ཞབས་འབྲིང་བྱས་ནས་སྟེང་གི་ནམ་མཁའ་ལས་གཤེགས་ཏེ་དུས་དེ་སྲིད་དུ་དཀའ་བ་བརྒྱ་སྟོང་སྤྱད་པས་བདུད་རྩི་ཐོབ་ནས་ད་ཞབས་ཀྱིས་གཤེགས་པ་ལྟ་ཞེས་མ་དད་པ་སྐྱེད་པར་འགྱུར་རོ་སྙམ་ནས། དེ་ནས་བཅོམ་ལྡན་འདས་ཀྱིས་ཇི་ལྟར་ཐུགས་མཉམ་པར་གཞག་ན། ཤར་ཕྱོགས་ཀྱི་སྟེང་གི་བར་སྣང་ལ་མངོན་པར་འཕགས་ནས་སྤྱོད་ལམ་རྣམ་པ་བཞི་མཛད་དེ། འདི་ལྟ་སྟེ། འཆག་པ་དང ། བཞེངས་པ་དང ། བཞུགས་པ་དང ། མནལ་བར་མཛད་དོ། །མེའི་ཏིང་ངེ་འཛིན་ལ་ཡང་སྙོམས་པར་འཇུག་པར་མཛད་དོ། །མེའི་ཏིང་ངེ་འཛིན་ལ་སྙོམས་པར་ཞུགས་པ་ན། སངས་རྒྱས་བཅོམ་ལྡན་འདས་ཀྱི་སྐུ་ལས་འོད་ཟེར་རྣམ་པ་སྣ་ཚོགས་དག་འབྱིན་པར་མཛད་དེ། འདི་ལྟ་སྟེ། སྔོན་པོ་དང །
Nga138a
༄#། །སེར་པོ་དང ། དམར་པོ་དང ། དཀར་པོ་དང ། ལེབ་རྒན་དང ། ཤེལ་གྱི་ཁ་དོག་དག་གོ་།ཆོ་འཕྲུལ་ཟུང་དུ་ཡང་སྟོན་པར་མཛད་དེ། སྐུའི་སྨད་ནས་འབར་བར་མཛད་ལ། སྐུའི་སྟོད་ནས་ཆུ་གྲང་མོའི་རྒྱུན་འབེབས་པར་མཛད་དོ། །སྐུའི་སྟོད་ནས་འབར་བར་མཛད་ལ། སྐུའི་སྨད་ནས་ཆུ་གྲང་མོའི་རྒྱུན་འབེབས་པར་མཛད་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །ཤར་ཕྱོགས་ལ་ཇི་ལྟ་བར་ལྷོ་དང་ནུབ་དང་བྱང་ཕྱོགས་སུ་ཡང་དེ་བཞིན་ནོ། །ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བསྟན་ནས་རྫུ་འཕྲུལ་གྱི་མངོན་པར་འདུ་མཛད་པ་བསྡུས་ཏེ།་ཏ་ལ་བདུན་གྱི་སྲིད་ཙམ་ན་བཞུགས་སོ། །དགེ་སློང་རྣམས་ནི་ཏ་ལ་དྲུག་གི་སྲིད་ཙམ་ནའོ། །བཅོམ་ལྡན་འདས་དྲུག་གི་སྲིད་ཙམ་ན་ནི། དགེ་སློང་རྣམས་ལྔའི་སྲིད་ཙམ་ནའོ། །བཅོམ་ལྡན་འདས་ལྔའི་སྲིད་ཙམ་ན་ནི་དགེ་སློང་རྣམས་བཞིའི་སྲིད་ཙམ་ནའོ། །བཅོམ་ལྡན་འདས་བཞིའི་སྲིད་ཙམ་ན་ནི། དགེ་སློང་རྣམས་གསུམ་གྱི་སྲིད་ཙམ་ནའོ། །བཅོམ་ལྡན་འདས་གསུམ་གྱི་སྲིད་ཙམ་ན་ནི། དགེ་སློང་རྣམས་གཉིས་ཀྱིས་སྲིད་ཙམ་ནའོ། །བཅོམ་ལྡན་འདས་གཉིས་ཀྱི་སྲིད་ཙམ་ན་ནི། དགེ་སློང་རྣམས་ཏ་ལ་གཅིག་གི་སྲིད་ནའོ། །བཅོམ་ལྡན་འདས་མི་བདུན་གྱི་སྲིད་ཙམ་ན་བཞུགས་ན་ནི། དགེ་སློང་རྣམས་མི་དྲུག་གི་སྲིད་ཙམ་ཙམ་ནའོ། །བཅོམ་ལྡན་འདས་དྲུག་གི་སྲིད་ཙམ་ན་ནི། དགེ་སློང་རྣམ་ལྔའི་སྲིད་ཙམ་ནའོ། །བཅོམ་ལྡན་འདས་ལྔའི་སྲིད་ཙམ་
Nga138b
ན་ནི། དགེ་སློང་རྣམས་བཞིའི་སྲིད་ཙམ་ནའོ། །བཅོམ་ལྡན་འདས་བཞིའི་སྲིད་ཙམ་ན་ནི། དགེ་སློང་རྣམས་གསུམ་གྱི་སྲིད་ཙམ་ནའོ། །བཅོམ་ལྡན་འདས་གསུམ་གྱི་སྲིད་ཙམ་ན་ནི། དགེ་སློང་རྣམས་གཉིས་ཀྱི་སྲིད་ཙམ་ནའོ། །བཅོམ་ལྡན་འདས་གཉིས་ཀྱི་སྲིད་ཙམ་ན་ནི། དགེ་སློང་རྣམས་མི་གང་ལྷག་ཙམ་ནའོ། །བཅོམ་ལྡན་འདས་མི་གང་ལྷག་ཙམ་ན་ནི། དགེ་སློང་རྣམས་ས་ལའོ། །རྒྱལ་པོ་ཟས་གཙང་གིས་ཆོ་འཕྲུལ་དེ་ལྟ་བུ་དེ་དང ། དགེ་སློང་མང་པོ་མཐོང་ནས། དེ་ལ་བཅོམ་ལྡན་འདས་གང་ཡིན་པ་མ་ཤེས་ཏེ་རྨོངས་པར་གྱུར་ཏོ། །དེ་ནས་ཚེ་དང་ལྡན་པ་འཆར་ཀ་ལ་སྨྲས་པ། འཆར་ཀ་འདི་ན་ངུར་སྨྲིག་གྱོན་པའི་རབ་ཏུ་བྱུང་བ་མང་པོ་ཞིག་ཡོད་ན། དེ་ལ་གཞོན་ནུ་གང་ཡིན། ཚེ་དང་ལྡན་པ་འཆར་ཀས་བཅོམ་ལྡན་འདས་བསྟན་ནས་སྨྲས་པ། འདི་ནི་བཅོམ་ལྡན་འདས་ལགས་སྲིད་པའི་མཐར་བྱེད་སེམས་ཀྱི་དབང་ཕྱུག་འདྲེན་པ་ལགས། །འདི་ནི་ཉོན་མོངས་སེལ་མཛད་ཉིན་བྱེད་དེ་ཉིད་དོན་ནི་ཀུན་ཏུ་སྟོན་མཛད་ལགས། །འདི་ནི་དགོངས་པ་བཞིན་བརྙེས་སྟོབས་བཅུ་མངའ་བས་ཀུན་གྱི་ཕ་རོལ་གཤེགས་པ་ལགས། །དྲི་མེད་གསལ་བ་ཆོས་ཀྱི་དབང་ཕྱུག་ཁྱོད་ཀྱི་སྲས་ལགས་མི་དབང་དག་གཟིགས་ཤིག་།དེ་ནས་རྒྱལ་པོ་ཟས་གཙང་གིས་ལུས་བཏུད་ནས་ཞབས་ལ་ཕྱག་བྱས་ཏེ། ཚིགས་སུ་བཅད་པས་གསོལ་པ། བློ་གྲོས་ཡངས་པ་ཁྱོད་ལ་འདི་དང་ནི། །ཀུན་སྤྱན་ཞབས་ལ་ལན་གསུམ་ཕྱག་བགྱིས་ཏེ། བལྟམས་པའི་ཚེ་ནས་ནི་གཡོས་པ་དང ། །འཛམ་
Nga139a
༄#། །བུའི་གྲིབ་མ་སྐུ་ལས་མ་འདས་པའོ། །དེ་ནས་ཤཱཀྱ་དང ། ཤཱཀྱ་མོ་རྣམས་ཀྱིས་རྒྱལ་པོ་ཟས་གཙང་བཅོམ་ལྡན་འདས་ཀྱི་ཞབས་ལ་གཏུགས་པ་མཐོང་ནས། དེ་ལྟར་ཡབ་སྲས་ཀྱི་ཞབས་ལ་ཕྱག་བྱེད་པ་ཅི་ཐ་ཚིག་ཅེས་མ་དད་པ་བསྐྱེད་དོ། །རྒྱལ་པོ་ཟས་གཙང་གིས་ཤཱཀྱ་དང་ཤཱཀྱ་མོ་རྣམས་ལ་གོ་བར་བྱ་བའི་ཕྱིར་འདི་སྐད་ཅེས་སྨྲས་སོ། །ཤེས་ལྡན་དག་ད་གདོད་ཁོ་བོས་གཞོན་ནུ་དོན་ཐམས་ཅད་གྲུབ་པའི་ཞབས་ལ་ཕྱག་བྱས་པ་མ་ཡིན་ཏེ། གང་གི་ཚེ་གཞོན་ནུ་དོན་ཐམས་ཅད་གྲུབ་པ་བལྟམས་པ་ན། སེ་ཆེན་པོ་གཡོས་པར་གྱུར་ཅིང ། འཇིག་རྟེན་འདི་ཐམས་ཅད་སྣང་བ་རྒྱ་ཆེན་པོས་གསལ་བར་གྱུར་ཏེ། འཇིག་རྟེན་ན་འཇིག་རྟེན་གྱི་བར་གྱི་མུན་པ་མུན་གནག་སྨག་ཏུ་གྱུར་པ། ཉི་མ་དང་ཟླ་བ་འདི་གཉིས་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བའི་འོད་ཀྱི་སྣང་བ་ཉམས་སུ་མ་མྱོང་བ་གང་ཡིན་པ་དེ་ཡང་དེ་ཚེ་སྣང་བ་རྒྱ་ཆེན་པོས་གསལ་བར་གྱུར་ནས། དེར་སེམས་ཅན་གང་དག་སྐྱེས་པ་དེ་དག་སྣང་བ་དེ་སེམས་ཅན་གང་དག་གཅིག་གིས་གཅིག་མཐོང་ནས་ཤེས་ལྡན་དག་འདིར་སེམས་ཅན་གཞན་དག་ཀྱང་སྐྱེས་པ་ལྟ། ཤེས་ལྡན་དག་འདིར་སེམས་ཅན་གཞན་དག་ཀྱང་སྐྱེས་པ་ལྟ་ཞེས་ངོ་ཤེས་པར་གྱུར་པ་དེའི་ཚེ་ཡང་ཁོ་བོས་བྱང་ཆུབ་སེམས་དཔའི་ཞབས་ལ་མགོ་བོས་ཕྱག་བྱས་སོ། །གང་གི་ཚེ་གཞོན་ནུ་དོན་ཐམས་ཅད་གྲུབ་པ། ཞིང་ལས་ཀྱི་མཐའ་ལ་གཟིགས་པ་ན། ཤིང་འཛམ་བུའི་གྲིབ་མ་ལ་བཞུགས་ནས། འདོད་པ་
Nga139b
རྣམས་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང ། བདེ་བ་ཟག་པ་མེད་པ་དང་མཚུངས་པའི་བསམ་གཏན་དང་པོ་ཉེ་བར་བསྒྲུབས་ཏེ་བཞུགས་པ་ན། ཤིང་གཞན་རྣམས་ཀྱི་གྲིབ་མ་ནི་ཤར་ཕྱོགས་སུ་གཞོལ། ཤར་ཕྱོགས་སུ་འབབ། ཤར་ཕྱོགས་སུ་བབ་ཀྱང་ཤིང་འཛམ་བུའི་གྲིབ་མ་ནི་བྱང་ཆུབ་སེམས་དཔའི་སྐུ་ལས་མ་འདས་པར་གྱུར་པ་དེའི་ཚེ་ཡང་ངོ་མཚར་རྨད་དུ་བྱུང་བའི་ཆོས་དེས་ཁོ་བོའི་ཡིད་བསྡུས་པས། བཅོམ་ལྡན་འདས་ཀྱི་ཞབས་ལ་ཡང་ཕྱག་བྱས་ཏེ། འདི་དང་བཅོམ་ལྡན་འདས་ཀྱི་ཞབས་ལ་ལན་གསུམ་ཕྱག་བྱས་སོ། །དེ་བས་ན་འདི་སྐད་ཅེས། བློ་གྲོས་ཡངས་པ་ཁྱོད་ལ་འདི་དང་ནི། །ཀུན་སྤྱན་ཞབས་ལ་ལན་གསུམ་ཕྱག་བགྱིས་ཏེ། །བལྟམས་པའི་ཚེ་ནས་ནི་གཡོས་པ་དང ། །འཛམ་བུའི་གྲིབ་མ་སྐུ་ལས་མ་འདས་པའོ། །ཞེས་སྨྲས་སོ། །དེ་ནས་བཅོམ་ལྡན་འདས་ཀྱིས་རྫུ་འཕྲུལ་མངོན་པར་འདུ་མཛད་པ་དེ་བརྟུལ་ནས། འཁོར་བརྒྱ་སྟོང་ཕྲག་དུ་མ་ཟིལ་གྱིས་མནན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ཟས་གཙང་སྐད་འཛེར་ཅིང་སྙིང་དང་མིག་མཆི་མས་གང་བས། བཅོམ་ལྡན་འདས་ལ་ཚིགས་སུ་བཅད་པའི་དབྱངས་ཀྱིས་ཞུ་བ་ཞུས་པ། གཞལ་མེད་ཁང་གི་གནས་རྣམས་ལས། །ཡབ་ཀྱི་ཁབ་ན་བཞུགས་པ་ལས། །དགོན་པའི་འཇིགས་དང་བཅས་རྣམས་སུ། །ཇི་ལྟ་བུར་ནི་འབའ་ཞིག་བཞུགས། །བཅོམ་ལྡན་འདས་ཀྱིས་
Nga140a
༄#། །བཀའ་སྩལ་པ། མི་ཡི་བདག་པོ་གང་དུ་ནི། །ཁྱིམ་གྱི་འཆིང་བ་ལས་གྲོལ་བ། །འཕགས་པ་ཡི་ནི་གནས་པ་བཅུ། །ཐུབ་པ་རྣམས་ནི་གནས་པར་མཛད། །རྒྱལ་པོས་གསོལ་བ།་བ་སོ་གསེར་གྱི་རྩ་བ་ཅན། ཤིན་ཏུ་བདེ་བ་བཏིང་བ་ཡི། །ཁྲི་ལ་མནལ་བར་མཛད་པ་ལས། །གདིང་བ་ལ་ནི་ཇི་ལྟར་མནལ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་རྣམ་གྲོལ་གནས་མལ་ནི། །དགའ་བ་བྱང་ཆུབ་ཡན་ལག་གི་།མེ་ཏོག་བཀྲམ་པར་ཆགས་མེད་ཅིང ། །ཡོངས་སུ་གདུང་བ་རྣམས་སྤངས་མནལ། །རྒྱལ་པོ་ཟས་གཙང་གིས་གསོལ་པ། དཔའ་བོ་ཉིད་ཀྱི་ཁབ་ན་ནི། །གསེར་དངུལ་བུམ་པས་ཁྲུས་མཛད་ན། །རྙོག་པ་ཅན་ལ་དྲོ་བ་ཡི། །ཆབ་ཀྱིས་ཇི་ལྟར་ཁྲུས་མཛད་ལགས། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏ་མ་དད་པའི་འབབ་ཆུ་རྙོག་པ་མེད། །བསོད་ནམས་འཇུག་ངོགས་དམ་པས་བསྔགས་པ་སྟེ། །དེ་ལ་རིག་པའི་ཡོན་ཏན་རྨེད་བཀྲུས་ནས། །ལུས་མི་གཤེར་བ་ཕ་རོལ་རབ་ཏུ་རྒལ། །རྒྱལ་པོ་ཟས་གཙང་གིས་གསོལ་པ། དཔའ་བོ་ཁྱོད་སྔོན་སེར་སྐྱ་ཡི། ། ཙན་དན་གྱིས་ནི་སྐུ་བཀྲུས་ཤིང ། །ཀ་ཤིའི་མཆོག་གནས་མཛེས་པ་ལགས། །དེ་དང་བྲལ་ན་མཛེས་མ་ལགས། །བཅོམ་ལྡན་འདས་ཀྱིས་བཀའ་སྩལ་པ། །ཚུལ་ཁྲིམས་ང་ཡི་རྒྱན་ཡིན་ཏེ། །ཚུལ་ཁྲིམས་ཉིད་ནི་བྱུག་པ་ཡིན། །གསེར་དང་ནོར་བུ་རྣ་ཆ་དག་།རྨོངས་བསྐྱེད་ང་ལ་ཅི་ཞིག་བྱ། །རྒྱལ་པོས་གསོལ་པ། དཔའ་བོ་ཉིད་ཀྱི་ཕོ་བྲང་ན། །གླང་པོ་ཤིང་རྟ་རྟས་བཞུད་པ། །ཚེར་མར་བཅས་
Nga140b
པའི་ས་གཞི་ལ། །ཞབས་ཀྱིས་ཇི་ལྟར་གཤེགས་པར་མཛད། །བཅོམ་ལྡན་འདས་ཀྱིས་བཀའ་སྩལ་པ། ང་ཡི་ཤིང་རྟ་རྫུ་འཕྲུལ་རྐང ། །ཡང་དག་རྩོལ་བའི་བཞོན་པ་ཡིས། །ས་ཀུན་རྣམ་པར་རྒྱུ་ན་ཡང་།། ཉོན་མོངས་ཚེར་མས་གནོད་པ་མེད། །རྒྱལ་པོ་ཟས་གཙང་གིས་གསོལ་པ། དཔའ་བོ་སྔོན་ནི་ཀ་ཤི་ཀའི། །ན་བཟའ་མནབས་ན་མཛེས་པ་ལས། །ངུར་སྨྲིག་རྩུབ་པོའི་གོས་མནབས་པ། །ཇི་ལྟར་ཁྱོད་ཀྱི་སྐུ་ཡིས་བཟོད། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ངའི་གོས་ངོ་ཚ་ཤེས། །ང་ཡི་བགོ་བ་རྣམ་སྦྱར་ཏེ། །དེ་བགོས་ཐུབ་པ་ཞི་བ་རྣམས། །ནགས་ཁྲོད་ན་ནི་མཛེས་པར་འགྱུར། །རྒྱལ་པོ་ཟས་གཙང་གིས་གསོལ་པ། འདི་ལྟར་ཁྱོད་སྔོན་གསེར་གྱི་གཞོང་པ་ནས། །དུ་མའི་རོ་ལྡན་འབྲས་ཆན་གསོལ་བ་ལས། །འདི་ལྟར་གཙོ་བོ་ད་ལྟའི་བསོད་སྙོམས་ནི། །ཕལ་བ་གསོལ་བ་ཇི་ལྟར་མགུར་དུ་མཆི། བཅོམ་ལྡན་འདས་ཀྱིས་བཀའ་སྩལ་པ། ཟས་ཀྱི་སྲེད་པ་ཐམས་ཅད་སྤངས་ནས་ནི། །ངེས་པར་བྱུང་དང་མཉམ་པར་བཞག་ལྡན་པའི། །ང་ནི་ཆོས་ཀྱི་རོ་མཆོག་གསོལ་མོད་ཀྱི། །འཇིག་རྟེན་ཀུན་ལ་བརྩེ་ཕྱིར་ང་སྤྱོད་དོ། །རྒྱལ་པོ་ཟས་གཙང་གིས་གསོལ་པ། མགུར་དུ་བདེ་བ་མང་བགྱིད་པའི། །རྒུན་སྐྱེམས་ཁ་རའི་ཆབ་གསོལ་ན། །རྙོག་པ་ཅན་ལ་དྲོ་བ་ཡི། །ཆབ་ནི་ཇི་ལྟ་ཞིག་ཏུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། མི་ཡི་བདག་པོ་གང་འཐུངས་ན། །བདག་ལ་བཏུང་བ་ཐམས་ཅད་ནི། །དུག་དང་འདྲ་བར་སྣང་གྱུར་པ། །ཆོས་ཀྱི་རོ་མཆོག་ང་བཏུང་ངོ ། །རྒྱལ་པོ་ཟས་གཙང་གིས་གསོལ་
Nga141a
༄#། །པ།་འདི་ལྟར་ཁྱོད་སྔོན་བསིལ་ཁང་གཞལ་མེད་ཁང ། །ཁང་བཟང་སྟེང་ན་ཇི་ལྟའི་དུས་བཞིན་བཞུགས། །ད་ལྟ་གཅིག་པུ་ནགས་ཁྲོད་ཁྱོད་བཞུགས་པ། །བློ་བཟང་ཇི་ལྟར་བསྙེངས་པ་མེད་པར་བཞུགས། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏམ་འཇིགས་པའི་རྩ་བ་གང་ཡིན་དེ། དྲི་མ་བག་ཆགས་བཅས་པར་ངས་སྤངས་པས། ང་ནི་མྱ་ངན་འཇིགས་པ་མེད་གནས་ཏེ། །ང་ལ་འདི་ན་འཇིགས་པ་ཅུང་ཟད་མེད། །རྒྱལ་པོ་ཟས་གཙང་གིས་གསོལ་བ། ཁྱོད་སྔོན་ཁྲུས་ཁང་ཤིན་ཏུ་ཡིད་འོང་བར། །ཁྲུས་མཆོག་ཁྱད་པར་འཕགས་པས་རྟག་བསིལ་ན། གཅིག་པུ་ཁྱོད་ནི་ནགས་ཁྲོད་གནས་བསྟེན་པར། །ཐུབ་དབང་ད་ལྟར་སུ་ཡིས་ཁྲུས་མཛད་འགྱུར། །བཅོམ་ལྡན་འདས་ཀྱིས་བཀའ་སྩལ་པ། གོའུ་ཏམ་ཆོས་ཀྱི་མཚོ་བྲན་དྲི་མེད་པ། །ཚུལ་ཁྲིམས་འཇུག་ངོགས་དམ་པས་བསྔགས་པ་སྟེ། དེ་ལ་རིག་པའི་ཡོན་ཏན་མི་བཀྲུས་ནས། །ལུས་མི་གཤེར་བར་ཕ་རོལ་རབ་ཏུ་རྒལ། །རྒྱལ་པོ་ཟས་གཙང་གིས་གསོལ་བ། གང་གིས་ཁྱོད་ནི་ཁྱད་དུ་གསོད། །གང་ལས་འཇིགས་སུ་རུང་བ་སྟེ། །ཡིད་འབྱུང་བ་ཡང་གང་ལས་སྐྱེ། །ཞུས་པ་དེ་དག་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། །གང་གིས་ང་ནི་ཁྱད་གསོད་དང ། གང་ཞིག་ལས་ནི་འཇིགས་པ་དང ། གང་ལས་ཡིད་བྱུང་སྐྱེས་པ་དག་།ཉོན་ཅིག་ཁྱོད་ལ་བཤད་པར་བྱ། །རྒ་དང་ན་དང་འཆི་བ་སྟེ། །གལ་ཏེ་འདི་གསུམ་ཡོད་མིན་ན། །ང་ཡང་ཤིན་ཏུ་ཡིད་འོང་བའི། །ཡུལ་རྣམས་ལ་ནི་
Nga141b
དགའ་བར་འགྱུར། །རྒྱལ་པོ་ཟས་གཙང་གིས་གསོལ་པ། ཤཱཀྱ་རྣམས་ཀྱི་རིགས་དགའ་བ། །ལེགས་པར་འཁྲུངས་པའི་དཔའ་བོ་ལེགས། །ཁྱོད་ནི་འཇིག་རྟེན་ཆོས་བརྒྱད་ཀྱིས། །ཇི་ལྟ་བུར་ཡང་མ་གོས་སོ། ། དེ་ནས་རབ་དགའ་དད་པ་རྒྱས་བྱས་ནས། །དྲང་སྲོང་དགེ་འདུན་བསྐོར་བ་བྱས་ནས་ནི། །ཐུབ་པའི་ཞབས་ལ་མགོ་བོས་ཕྱག་བྱས་ཏེ། །བདེ་བར་གཤེགས་ལ་ཀུན་ནས་རྟོག་ཅིང་འདུག་།དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། །གང་བདག་གིས་བུས་ཡོན་ཏན་གྱི་ཚོགས་འདི་ལྟ་བུ་ཐོབ་པ་ནི་བདག་གིས་རྙེད་པ་ལེགས་པར་རྙེད་དོ་སྙམ་མོ། །དེ་ནས་བཅོམ་ལྡན་འདས་ཀྱིས་ནྱ་གྲོ་དྷའི་ཀུན་དགའ་ར་བར་འཁོར་དེའི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་མཁྱེན་ནས། དེ་དང་མཐུན་པའི་ཆོས་བཤད་པར་མཛད་དེ། དེ་ཐོས་པས་ཟད་དཀར་ལ་སོགས་པ་ཤཱཀྱ་བདུན་སྟོང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། རྒྱལ་པོ་ཟས་གཙང་ནི་མ་གཏོགས་སོ། །ལྷས་བྱིན་ང་རྒྱལ་ཅན་ལས་ཀྱང་ང་རྒྱལ་ཅན་སྡིག་པ་འདོད་པ་དེས་བདེན་པ་མཐོང་བར་མ་བྱས་པས། །ཁྲོ་བའི་ཀུན་ནས་དཀྲིས་པ་དང་བཅས་པས་སྨྲས་པ། གལ་ཏེ་བདག་གིས་འདི་འདྲའི་སྒྱུ་མས་དབང་དུ་བྱེད་པར་ཤེས་ན། །བདག་གིས་ཀྱང་འཇིག་རྟེན་ཐམས་ཅད་དབང་དུ་བྱ་བ་ཞིག། །དེ་ལ་ཤཱཀྱ་རྣམས་ཀྱིས་བཤེས་པའི་ཚིག་གིས་སྨྲས་པ། །ལྷས་བྱིན་བཅོམ་ལྡན་འདས་ནི་རྫུ་འཕྲུལ་ཆེ་བ་མཐུ་ཆེ་བ་ཡིན་གྱིས་དེ་སྐད་མ་སྨྲ་ཞིག་།ཅེས་བཟློག་ནས་ཅང་མི་སྨྲ་བར་འཇུག་གོ། །ཚངས་པར་བསྐོར་བའི་སྐྱེད་
Nga142a
༄#། །མོས་ཚལ་དུ་འདི་ལྟ་བུའི་ཆོས་བཤད་པར་མཛད་དེ། དེ་ཐོས་པས་རྒྱལ་པོ་ཟས་གཙང་མ་གཏོགས་པར་བྲེ་བོ་ཟས་ལ་སོགས་པ་ཤཱཀྱ་དྲུག་ཁྲི་དྲུག་སྟོང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་ན་ཡང་ལྷས་བྱིན་དེ་ཁོ་ན་བཞིན་དུ་ཁ་ཟེར་རོ། །རོ་ཧི་ཏ་ཀའི་སྐྱེད་མོས་ཚལ་དུ་འདི་ལྟ་བུའི་ཆོས་བཤད་པ་མཛད་དེ། དེ་ཐོས་པས་རྒྱལ་པོ་ཟས་གཙང་མ་གཏོགས་པར། །བདུད་རྩི་ཟས་ལ་སོགས་པ་ཤཱཀྱ་བདུན་ཁྲི་ལྔ་སྟོང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་ན་ཡང་ལྷས་སྦྱིན་དང་དེ་ཁོ་ན་བཞིན་དུ་ཁ་ཟེར་རོ། །འཁོར་ལྷག་མ་རྣམས་ལས་ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པར་གྱུར། ཁ་ཅིག་གིས་ནི་སངས་རྒྱས་ལ་སྐྱབས་སུ་སོང ། །ཁ་ཅིག་གིས་ནི་ཆོས་ལ། ཁ་ཅིག་གིས་ནི་དགེ་འདུན་ལ་སྟེ། འཁོར་དེ་དག་ཀྱང་ཕལ་ཆེར་སངས་རྒྱས་ལ་གཞོལ། །ཆོས་ལ་འབབ། དགེ་འདུན་ལ་འབབ་པར་བཀོད་དོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། སྔོན་ནི་བཅོམ་ལྡན་འདས་ལྷ་དང་ལྷ་མ་ཡིན་གྱི་འགྲོ་བར་
Nga142b
བཅས་པས་མཆོད་པ་དང་བརྗེད་པ་དག། མངོན་དུ་སྨྲ་བར་བྱ་བར་གྱུར་ན། །ད་ལྟ་ནི་མིས་མཆོད་ཀྱི་ལྷས་ནི་མ་ཡིན་ནོ་སྙམ་མོ། །དེ་ནས་ཤཱཀྱ་གཞོན་ནུ་ཞིག་གིས་ཚིགས་སུ་བཅད་དེ་གསོལ་པ། །དྲང་སྲོང་ཆེན་པོ་སྨྲ་མཆོག་དམ་ཆོས་ཀྱིས། །ཆར་པས་འགྲོ་བ་འདི་ནི་ཚིམ་མཛད་དེ། །མི་བཟད་ལམ་དུ་ལྟུང་བའི་འཇིག་རྟེན་འདི། །དྲོངས་ཏེ་ཐར་པའི་ལམ་ལ་སྦྱར་བར་མཛོད། །རྒྱལ་པོ་ཟས་གཙང་ནི་འདི་སྙམ་དུ་བདག་གི་བུ་འབའ་ཞིག་འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ་བ་ཡིན་ནོ་སྙམ་སྟེ། ལྷག་པར་དགའ་བས་བདེན་པ་མཐོང་ངོ ། །བཅོམ་ལྡན་འདས་ཀྱིས་དགོངས་པ། །རྒྱལ་པོ་ཟས་གཙང་གིས་ཅིའི་ཕྱིར་བདེན་པ་མ་མཐོང་སྙམ་པ་ལས་དེ་འདི་སྙམ་དུ་བདག་གི་བུ་འབའ་ཞིག་འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ནོ་སྙམ་སྟེ། ལྷག་པར་དགའ་བ་ལས་གྱུར་གྱིས་མདོར་ན་དེའི་དྲེགས་པ་སྤོང་དུ་གཞུག་གོ་།རྒྱུ་གཉིས་ཀྱིས་བདེན་པ་མཐོང་བར་མི་འགྱུར་ཏེ། ཧ་ཅང་ཞུམ་པ་དང ། ཤིན་ཏུ་དགའ་བའོ། །དེ་ལ་ཞུམ་པའི་སེམས་དང ། ཤིན་ཏུ་དགའ་བ་ཡིད་ཀྱིས་མ་ལ་ངས་དེའི་ཞུམ་པ་དང ། ཤིན་ཏུ་དགའ་བ་གཉིས་སྤོང་དུ་གཞུག་གོ་སྙམ་ནས། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ་རྒྱལ་པོ་ཟས་གཙང་ལ་སོམས་ཤིག་།བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་མོའུ་དགལ་གྱི་བུ་ཆེན་པོས། །བཅོམ་ལྡན་འདས་ལས་མཉན་ནས་རྒྱལ་པོ་ཟས་གཙང་གང་བ་ན་བདེར་སོང་བ་དང ། རྒྱལ་པོ་ཟས་གཙང་གིས་ཚེ་དང་ལྡན་པ་མོའི་དགལ་གྱི་བུ་ཆེན་པོ་རྒྱང་རིང་པོ་ནས་
Nga143a
༄#། །འོང་བ་མཐོང་ངོ ། །མཐོང་ནས་ཀྱང་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་མོའུ་དགལ་གྱི་བུ་ཆེན་པོ་ཚུར་སྤྱོན། །མོའུ་དགལ་གྱི་བུ་ཆེན་པོ་ཁྱོད་བྱོན་པ་ལེགས་སོ། །བཙུན་པ་མོའུ་དགལ་གྱི་བུ་ཆེན་པོ་གདན་བཤམས་པ་ཉིད་ལ་བཞུགས་ཤིག་།ཚེ་དང་ལྡན་པ་མོའུ་དགལ་གྱི་བུ་ཆེན་པོ་སྟན་བཤམས་པ་ཉིད་ལ་འདུག་གོ་།དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་སེམས་ཇི་ལྟར་མཉམ་པར་གཞག་ན་རང་གི་སྟན་ལས་མི་སྣང་བར་གྱུར་ཏེ། ཤར་ཕྱོགས་ཀྱི་སྟེང་གི་བར་སྣང་ལ་མངོན་པར་འཕགས་ནས་སྤྱོད་ལམ་རྣམ་པ་བཞི་བྱེད་དེ། འདི་ལྟ་སྟེ། འཆག་པ་དང་འགྲེང་བ་དང ། འདུག་པ་དང ། ཉལ་བར་བྱེད་དོ། །མེའི་ཏིང་ངེ་འཛིན་ལ་ཡང་སྙོམས་པར་འཇུག་པར་བྱེད་དོ། །མེའི་ཏིང་ངེ་འཛིན་ལ་སྙོམས་པར་ཞུགས་པ་ན། ཚེ་དང་ལྡན་པ་མོའུ་གལ་གྱི་བུ་ཆེན་པོའི་ལུས་ལས་འོད་ཟེར་རྣམ་པ་སྣ་ཚོགས་དག་འབྱིན་པར་བྱེད་དེ། འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། ལེབ་རྒན་དང ། ཤེལ་གྱི་ཁ་དོག་དག་གོ་།ཆོ་འཕྲུལ་ཟུང་དུ་ཡང་སྟོན་པར་བྱེད་དེ། །ལུས་ཀྱི་སྨད་ནས་མེ་འབར་བར་བྱེད་ལ། །ལུས་ཀྱི་སྟོད་ནས་ཆུ་གྲང་མོའི་རྒྱུན་འབེབས་པར་བྱེད་དོ། །ལུས་ཀྱི་སྟོད་ནས་མེ་འབར་བར་བྱེད་ལ། །ལུས་ཀྱི་སྨད་ནས་ཆུ་གྲང་མོའི་རྒྱུན་འབེབས་པར་བྱེད་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །ཤར་ཕྱོགས་ལ་ཇི་ལྟ་བ་བཞིན་དུ་ལྷོ་དང ། ནུབ་དང ། བྱང་ཕྱོགས་སུ་ཡང་དེ་བཞིན་ནོ། །ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་
Nga143b
པ་བཞི་བསྟན་ནས། །རྫུ་འཕྲུལ་གྱི་མངོན་པར་འདུ་བྱས་པ་བསྡུས་ཏེ། གདན་བཤམས་པ་ཉིད་ལ་འདུག་གོ་།དེ་ནས་རྒྱལ་པོ་ཟས་གཙང་གིས། ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །བཙུན་པ་མོའུ་དགལ་གྱི་བུ་ཆེན་པོ། །བཅོམ་ལྡན་འདས་ཀྱིས་ཉན་ཐོས་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་གཞན་ཡང་མཆིས་ལགས་སམ། རྒྱལ་པོ་ཆེན་པོ་མཆིས་སོ་ཞེས་ཚིགས་སུ་བཅད་དེ་སྨྲས་པ། མཐུ་ཆེ་བ་དང་གསུམ་རིག་དང ། །སེམས་ཀྱི་རྣམ་གྲངས་ཤེས་པ་དང ། །ཟག་ཟད་དགྲ་བཅོམ་པ་གང་ཡིན་པ། །ཐུབ་པའི་ཉན་ཐོས་མང་དུ་མཆིས། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། བདག་གི་བུ་འབའ་ཞིག་འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བར་མ་ཟད་དེ། འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བའི་རབ་ཏུ་བྱུང་བ་གཞན་ཡང་ཡོད་དོ་སྙམ་ནས། དེ་ཤིན་ཏུ་དགའ་བ་གང་ཡིན་པ་དེ་དང་བྲལ་བར་གྱུར་ཏེ། སྐབས་དེར་བཅོམ་ལྡན་འདས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་དེ། ཀྱེ་མ་བརྒྱ་བྱིན་དང ། ཚངས་པ་ལ་སོགས་པ་ལྷ་རྣམས་འོངས་ན། ལྷའི་འཁོར་དག་པ་ལ་ཆོས་བཤད་དོ་སྙམ་པ་དང ། ཆོས་ཉིད་ཀྱིས་གང་གི་ཚེ། སངས་རྒྱས་བཅོམ་ལྡན་འདས་རྣམས་ཀྱིས་འཇིག་རྟེན་པའི་ཐུགས་བསྐྱེད་པ་མཛད་པ་དེའི་ཚེ། སྲོག་ཆགས་གྲོག་སྦུར་རྣམས་ཀྱི་སེམས་ཀྱིས་ཀྱང་བཅོམ་ལྡན་འདས་ཀྱི་དགོངས་པ་ཤེས་པར་འགྱུར་ན་བརྒྱ་བྱིན་དང ། ཚངས་པ་ལ་སོགས་པ་ལྷ་རྣམས་ཀྱིས་ལྟ་སྨོས་ཀྱང་ཅི་དགོས། །གང་གི་ཚེ་འཇིག་རྟེན་ལས་འདས་པའི་ཐུགས་བསྐྱེད་པ་དེའི་ཚེ་ཉན་ཐོས་ཆེན་པོ་རྣམས་ཀྱིས་ཀྱང་བཅོམ་ལྡན་འདས་ཀྱི་དགོངས་
Nga144a
༄#། །པ་མི་ཤེས་ན་བརྒྱ་བྱིན་དང་ཚངས་པ་ལ་སོགས་ཏེ་ལྷ་རྣམས་ཀྱིས་ལྟ་ཅི་སྨོས། །སྲོག་ཆགས་གྲོག་སྦུར་རྣམས་ཀྱིས་ལྟ་ག་ལ་ཤེས། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་ཏེ། བཅོམ་ལྡན་འདས་ཅིའི་ཕྱིར་འཇིག་རྟེན་པའི་ཐུགས་བསྐྱེད་པ་མཛད་སྙམ་པ་ལས། དེ་འདི་སྙམ་དུ་སེམས་ཏེ་ལྷའི་འཁོར་དག་པ་རྣམས་ལ་ཆོས་འཆད་པར་བཞེད་དོ་སྙམ་ནས་དེ་ནས་ལྷའི་བུ་བུ་བཟོ་ཐམས་ཅད་པ་ལ་བསྒོ་བ། བཟོ་ཐམས་ཅད་པ་བཅོམ་ལྡན་འདས་ལྷའི་འཁོར་དག་པ་ལ་ཆོས་འཆད་པར་བཞེད་ཀྱིས། ནྱ་གྲོ་དྷའི་ཀུན་དགའ་ར་བར་རིན་པོ་ཆེ་སྣ་བ་བཞིའི་ཁང་པ་བརྩེགས་མ་གདན་སྣ་ཚོགས་བཤམས་པ་ཞིག་སྤྲུལ་ཅིག་།ཀོའུ་ཤི་ཀ། ཁྱོད་ཀྱི་མཆོག་ཏུ་བཟང་ངོ་ཞེས་ལྷའི་བུ་བཟོ་ཐམས་ཅད་པས་ལྷ་རྣམས་ཀྱིས་དབང་པོ་བརྒྱ་བྱིན་ལས་མཉན་ཏེ། ནྱ་གྲོ་དྷའི་ཀུན་དགའ་ར་བར་རིན་པོ་ཆེ་སྣ་བཞིའི་ཁང་པ་བརྩེགས་མ་གདན་སྣ་ཚོགས་བཤམས་པ་ཞིག་སྤྲུལ་ཏོ། དེ་ལ་རྒྱལ་པོ་ཆེན་པོ་བཞི་སྒོ་བཞིན་ང་འཁོད་པ་ནི་ཡུལ་འཁོར་སྐྱོང་དང ། འཕགས་སྐྱེས་པོ་དང ། །མིག་མི་བཟང་དང ། ལུས་ངན་པོ་དང ། ཤར་སྒོ་ན་ནི་ཡུལ་འཁོར་སྐྱོང་དཔུང་རྒྱན་དང་རྣ་ཆ་གདུབ་སྐོར་དང་ཕྲེང་བ་དང་རྒྱན་སྣ་ཚོགས་ཀྱིས་བརྒྱན་པའོ། །ལྷོ་ཕྱོགས་ན་ནི་འཕགས་སྐྱེས་པོ་ལྷའི་བརྒྱན་ཐམས་ཅད་ཀྱིས་བརྒྱན་པའོ། །ནུབ་ཕྱོགས་ན་ནི་མིག་མི་བཟང་རིན་པོ་ཆེ་སྣ་ཚོགས་ཀྱིས་བརྒྱན་པའོ། །བྱང་ཕྱོགས་ན་ནི་ལུས་ངན་པོ་རྒྱན་ཐམས་ཅད་ཀྱིས་
Nga144b
བརྒྱན་པའོ། །དེ་ནས་ལྷ་རྣམས་ཀྱིས་དབང་པོ་བརྒྱ་བྱིན་གྱིས་ནྱ་གྲོ་དྷའི་ཀུན་དགའ་ར་བ་ཆེ་ཐང་དུ་བརྒྱན་དུ་བཅུག་སྟེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་དོན་དེ་རྒྱས་པར་གསོལ་ཏོ། །དེ་ནས་བཅོམ་ལྡན་འདས་བརྒྱ་བྱིན་དང ། ཚངས་པ་ལ་སོགས་པ་ལྷ་བརྒྱ་སྟོང་ཕྲག་དུ་མ་ཡོངས་སུ་བསྐོར་ནས་ཁང་པ་བརྩེགས་པར་བཞུགས་ཏེ། །ལྷའི་འཁོར་ཕལ་པོ་ཆེའི་གུང་ལ་རིན་པོ་ཆེ་སྣ་ཚོགས་ཀྱིས་བརྒྱན་པའི་སེང་གེའི་ཁྲི་ལ་བཞུགས་སོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས། །རྒྱལ་པོ་ཟས་གཙང་ཁྲིད་དེ། །བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་མོའུ་དགལ་གྱི་བུ་ཆེན་པོ་དང་ནང་དུ་ཞུགས་པ་དང ། རྒྱལ་པོ་ཟས་གཙང་ལ་རྒྱལ་པོ་ཆེན་པོ་ཡུལ་འཁོར་སྐྱོང་གིས་རྒྱལ་པོ་ཆེན་པོ་ནང་དུ་མ་འགྲོ་བར་སྡོད་ཅིག་ཅེས་བཟློག་གོ། །ཅིའི་ཕྱིར། །བཅོམ་ལྡན་འདས་ལྷའི་འཁོར་དག་པ་ལ་ཆོས་འཆད་དེ། དེར་མིར་འགྱུར་བ་འཇུག་ཏུ་མི་དབང་ངོ ། །རྒྱལ་པོ་ཟས་གཙང་གིས་སྨྲས་པ། །བཞིན་བཟང་ཁྱོད་སུ་ཞིག་།རྒྱལ་པོ་ཆེན་པོ་བདག་ནི་ཡུལ་འཁོར་སྐྱོང་ངོ ། །དེ་ནས་རྒྱལ་པོ་ཟས་གཙང་ལྷོ་སྒོར་སོང་བ་དང ། རྒྱལ་པོ་ཆེན་པོ་འཕགས་སྐྱེས་པོ་མཐོང་ནས་སྨྲས་པ། །རྒྱལ་པོ་ཆེན་པོ་ནང་དུ་མ་འཇུག་པར་སྡོད་ཅིག་།རྒྱལ་པོ་ཟས་གཙང་གིས་སྨྲས་པ། བཞིན་བཟང་ཁྱོད་སུ་ཞིག་།འཕགས་སྐྱེས་པོས་སྨྲས་པ། རྒྱལ་པོ་ཆེན་པོ་བདག་ནི་འཕགས་སྐྱེས་པོའོ། །ཅིའི་ཕྱིར། བཅོམ་ལྡན་འདས་ལྷའི་འཁོར་དེ་དག་པ་ལ་ཆོས་འཆད་དེ། དེར་མིར་འགྱུར་
Nga145a
༄#། །པ་འཇུག་ཏུ་མི་དབང་ངོ ། །དེ་ནས་རྒྱལ་པོ་ཟས་གཙང་ནུབ་སྒོར་སོང་བ་དང ། །རྒྱལ་པོ་ཆེན་པོ་མིག་མི་བཟང་གིས་མཐོང་ནས་སྨྲས་པ། །རྒྱལ་པོ་ཆེན་པོ་ནང་དུ་མ་འཇུག་པར་སྡོད་ཅིག་།རྒྱལ་པོ་ཟས་གཙང་གིས་སྨྲས་པ། །བཞིན་བཟང་ཁྱོད་སུ་ཞིག། །མིག་མི་བཟང་གིས་སྨྲས་པ། །རྒྱལ་པོ་ཆེན་པོ་བདག་མིག་མི་བཟང་ངོ ། ཅིའི་ཕྱིར། །བཅོམ་ལྡན་འདས་ལྷའི་འཁོར་དག་པ་ལ་ཆོས་འཆད་དེ། །དེར་མི་འགྱུར་པ་འཇུག་ཏུ་མི་དབང་ངོ ། །དེ་ནས་རྒྱལ་པོ་ཟས་གཙང་བྱང་སྒོར་སོང་བ་དང ། རྒྱལ་པོ་ཆེན་པོ་རྣམ་ཐོས་ཀྱི་བུས་མཐོང་ནས་སྨྲས་པ། རྒྱལ་པོ་ཆེན་པོ་ནང་དུ་མ་འཇུག་པར་སྡོད་ཅིག་།རྒྱལ་པོ་ཟས་གཙང་གིས་སྨྲས་པ། བཞིན་བཟང་ཁྱོད་སུ་ཞིག། རྣམ་ཐོས་ཀྱི་བུས་སྨྲས་པ། རྒྱལ་པོ་ཆེན་པོ་བདག་ནི་རྣམ་ཐོས་ཀྱི་བུའོ། །ཅིའི་ཕྱིར། །བཅོམ་ལྡན་འདས་ལྷའི་འཁོར་དག་པ་ལ་ཆོས་འཆད་དེ། དེར་མི་གྱུར་པ་འཇུག་ཏུ་མི་དབང་ངོ ། དེ་ནས་རྒྱལ་པོ་ཟས་གཙང་ཀྱེ་མའོ། །བཅོམ་ལྡན་འདས་ལྷའི་འཁོར་དག་པ་ལ་ཆོས་འཆད་པ་དེ། བདག་གིས་ལྷའོ་སྙམ་པའི་འདོད་པ་སྐྱེས་སོ། །དེ་ནས་རྒྱལ་པོ་ཟས་གཙང་ཞུམ་པའི་རྒྱུད་པ་གང་ཡིན་པ་དེ་བྲལ་བར་གྱུར་ཏོ། །བཅོམ་ལྡན་འདས་ཀྱིས་དགོངས་པ། རྒྱལ་པོ་ཟས་གཙང་གིས་གལ་ཏེ་ང་མ་མཐོང་ན། །ཁྲག་དྲོན་མོ་སྐྱུགས་ནས་འཆི་བར་འགྱུར་པའི་གནས་སྐབས་གང་ཡིན་པ་དེ་ཡོད་ཀྱིས། །དེ་ལ་ཐབས་ཤིག་བཤམ་པར་བྱའོ་སྙམ་ནས། བཅོམ་ལྡན་འདས་ཀྱིས་རིན་པོ་ཆེ་སྣ་བཞིའི་ཁང་པ་བརྩེགས་པ་གང་ཡིན་པ་དེ་
Nga145b
ཤེལ་ལས་བྱས་པར་སྤྲུལ་པ་དང ། །དེ་ནས་རྒྱལ་པོ་ཟས་གཙང་གིས་སངས་རྒྱས་ཀྱི་སྐུ་སྒྲིབ་པ་མེད་པར་མཐོང་ངོ ། །མཐོང་ནས་ཀྱང་དགའ་བ་དང་མགུ་བ་སྐྱེས་ནས། །བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་རྒྱལ་པོ་ཟས་གཙང་གི་བསམ་པ་དང ། བག་ལ་ཉལ་བ་དང ། ཁམས་དང ། རང་བཞིན་མཁྱེན་ནས། འཕགས་པའི་བདེན་པ་བཞི་པོ་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་དེ། དེ་ཐོས་པས་རྒྱལ་པོ་ཟས་གཙང་གིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། །ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་བདེན་པ་མཐོང་ནས། །ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་པ། །བཙུན་པ་བཅོམ་ལྡན་འདས་བདག་ལ་ཕས་མ་བགྱིས། །མས་མ་ལགས། རྒྱལ་པོས་མ་ལགས། །ལྷ་རྣམས་ཀྱིས་མ་ལགས། །སྔོན་གྱི་འདས་པ་རྣམས་ཀྱིས་མ་ལགས། །དགེ་སྦྱོང་དང་བྲམ་ཟེ་རྣམས་ཀྱིས་མ་ལགས། །སྡུག་པ་དང ། །རང་གི་སྐྱེ་བོ་དང ། །གཉེན་གྱི་ཚོགས་ཀྱིས་མ་ལགས་པ་གང་ལགས་པ་དེ་ནི། །བཅོམ་ལྡན་འདས་ཀྱིས་བདག་ལ་མཛད་དེ། ཁྲག་དང་མཆི་མའི་རྒྱ་མཚོ་ནི་བསྐམས། །རུས་པའི་རི་བོ་ལས་ནི་བསྒྲལ། །ངན་སོང་གི་སྒོ་རྣམས་ནི་བཀུམ། མཐོ་རིས་དང་ཐར་པའི་སྒོ་རྣམས་ནི་ཕྱེ། །བདག་ལྷ་དང་མི་རྣམས་ཀྱི་ནང་དུ་བཞག་གོ་།ཡང་གསོལ་བ། །ཕ་ལ་ལན་དུ་ཕན་གདགས་པ། །དམ་པའི་བུས་ནི་བགྱི་བ་གང ། །ཁྱོད་ཀྱིས་བདག་ལ་
Nga146a
༄#། །མཛད་པ་སྟེ། །སེམས་ནི་གྲོལ་བར་གཞོལ་བར་བགྱིས། །ཁྱོད་ཀྱིས་བདག་ནི་ངན་འགྲོ་ལས། །དྲངས་ཏེ་མཐོ་རིས་ཐར་པ་ལ། །བསྒྲིམ་མི་འཚལ་བར་བཞག་ལགས་ཏེ། ཁྱོད་ཀྱིས་དཀའ་བ་མཛད་པ་ལེགས། །མགོན་པོ་བྱམས་པ་ཁྱོད་ཀྱིས་ནི། །བདག་ནི་ཚོང་པ་རྙེད་ལྡན་ལྟར། །མཐོ་རིས་རྙེད་པས་སྲིད་པ་ཡི། །ལོངས་སྤྱོད་དག་ནི་རྙེད་པར་མཛད། །དེ་ནས་རྒྱལ་པོ་ཟས་གཙང་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེར་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སོང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་རྒྱལ་པོ་ཟས་གཙང་མ་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོ་ཟས་གཙང་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་ཆས་ཏེ། ཟས་དཀར་གང་ན་བ་དེར་སོང་སྟེ་ཕྱིན་ནས། ཟས་དཀར་ལ་འདི་སྐད་ཅེས་སྨྲས་སོ། །གཞོན་ནུ་ཁྱོད་རྒྱལ་སྲིད་ཐོབ་ཀྱིས་རྒྱལ་སྲིད་ཁྱེར་ཅིག། ཅིའི་སླད་དུ་ངས་བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བས་སོ། །གང་གི་གདུགས་ལ་ལགས། དེ་རིང་ཁོ་ནའོ། །བདག་གིས་ཀྱང་བཅོམ་ལྡན་འདས་གང་གི་ཉི་མ་ལ་ནྱ་གྲོ་དྷའི་
Nga146b
ཀུན་དགའ་ར་བར་ཆོས་བཤད་པ། དེའི་ཉི་མ་ལ་ཤཱཀྱ་བདུན་ཁྲི་བདུན་སྟོང་དང་ལྷན་ཅིག་བདེན་པ་མཐོང་ལགས་སོ། །དེ་བཞིན་དུ་བྲེ་བོ་ཟས་ལ་རྒྱལ་སྲིད་ཁྱེར་ཅིག་ཅེས་སྨྲས་པ་དང ། དེ་སྨྲས་པ། བདག་གིས་ཀྱང་བཅོམ་ལྡན་འདས་ཀྱིས་གང་གི་ཚེ་ཚངས་པས་བསྐོར་བའི་སྐྱེད་མོས་ཚལ་དུ་ཆོས་བཤད་པ་དེའི་ཚེ་ཤཱཀྱ་དྲུག་ཁྲི་དྲུག་སྟོང་དང་ལྷན་ཅིག་བདེན་པ་མཐོང་ལགས་སོ། །དེ་བཞིན་དུ་བདུད་རྩི་ཟས་ལ་རྒྱལ་སྲིད་ཁྱེར་ཅིག་ཅེས་སྨྲས་པ་དང ། དེས་སྨྲས་པ། བདག་གིས་ཀྱང་གང་གིས་ཚེ་བཅོམ་ལྡན་འདས་རོ་ཧི་ཏ་ཀའི་སྐྱེད་མོས་ཚལ་དུ་ཆོས་བཤད་པ་དེའི་ཚེ་ཤཱཀྱ་བདུན་ཁྲི་ལྔ་སྟོང་དང་ལྷན་ཅིག་བདེན་པ་མཐོང་ལགས་སོ། །གལ་ཏེ་དེ་ལྟར་གྱུར་ན། ད་སུ་ཞིག་རྒྱལ་སྲིད་ལ་བཞག་།དེ་རྣམས་ཀྱིས་སྨྲས་པ། ཤཱཀྱའི་རྒྱལ་པོ་བཟང་ལྡན་གྱིས་བགྱིའོ་ཞེས་དེ་རྣམས་འདུས་ནས་ཤཱཀྱའི་རྒྱལ་པོ་བཟང་ལྡན་རྒྱལ་སྲིད་ཀྱི་དབང་ཕྱུག་ལ་དབང་བསྐུར་རོ། །དེ་ནས་རྒྱལ་པོ་ཟས་གཙང་གིས་དེ་ཉིད་ཀྱི་མཚན་མོ་ནས། གཙང་ཞིང་བསོད་པའི་བཟའ་བ་དང ། བཅའ་བ་དག་སྟ་གོན་བྱས་ནས་ནང་པར་སྔར་ལངས་ཏེ་གདན་བཤམས་ཤིང་ནོར་བུའི་ཆུའི་སྣོད་བཞག་ནས། བཅོམ་ལྡན་འདས་ལ་སྤྱན་འདྲེན་གྱིས་དུས་ཚོད་གསོལ་བ་བཙུན་པ་བཅོམ་ལྡན་འདས་གདུགས་ཚོད་ལགས་ན། ད་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང ། ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་དུ་བདར་ནས། རྒྱལ་པོ་ཟས་གཙང་གི་བཀད་ས་གང་ན་
Nga147a
༄#། །བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ཟས་གཙང་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་གསོད་པའི་བཟའ་བ་དང ། བཅའ་བས་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བས་རང་གི་ལག་ནས་བསྟབས་ཤིང་ཚིམ་པར་བྱས་ཏེ། བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ། ལྷུང་བཟེད་གྱུ་བར་རིག་ནས། གསེར་གྱི་བྱ་མ་བུམ་བླངས་ཏེ། བཅོམ་ལྡན་འདས་ལ་ནྱ་གྲོ་དྷའི་ཀུན་དགའ་ར་བ་ཕུལ་ལོ། །བཅོམ་ལྡན་འདས་ཀྱིས་ཡན་ལག་ལྔ་དང་ལྡན་པའི་གསུང་དབྱངས་ཀྱིས་ཡོན་བསྔོ་བར་མཛད་པ། སྦྱིན་པའི་བསོད་ནམས་གང་ཡིན་འདིས། །ཤཱཀྱ་རྣམས་ཀྱི་བསམས་པ་ཡི། །ཡིད་ལ་རེ་བ་རྫོགས་ནས་ནི། །རྟག་པའི་གནས་ནི་ཐོབ་པར་ཤོག་།དེ་ནས་བཅོམ་ལྡན་འདས་སེར་སྐྱའི་གཞི་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དེ་བཞིན་དུ་གནས་བརྟན་རྣམས་ཀྱིས་ཀྱང་མདོ་སྡེ་ལ་བཅོམ་ལྡན་འདས་སེར་སྐྱའི་གཞི་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་སོ་ཞེས་གདགས་པ་བྱས་སོ། །བཅོམ་ལྡན་འདས་སེར་སྐྱའི་གཞི་དེ་ཉིད་ན་བཞུགས་སོ། །ཉི་མ་གཅིག་ནི་རྒྱལ་པོའི་ཕོ་བྲང་དུ་གདུགས་ཚོད་གསོལ། ཉི་མ་གཅིག་ནི་བཙུན་མོའི་ནང་དུ་གསོལ་ལོ། །རྒྱལ་པོ་ཟས་གཙང་གིས་རལ་པ་ཅན་ལས་རབ་ཏུ་བྱུང་བའི་དགེ་
Nga147b
སློང་རྣམས་སྤྱོད་ལམ་ཞི་ཞིང་སེམས་དང་བ་ཡིན་ན། དཀའ་ཐུབ་དྲག་པོའི་བརྟུལ་ཞུགས་ཀྱི་ཁྱད་པར་དག་གིས་ལུས་གདུངས་པས་ལུས་མི་མཛེས་པར་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། འདི་ལྟར་རལ་པ་ཅན་འདི་དག་སྤྱོད་ལམ་ཞི་ཞིང་སེམས་དང་བ་ཡིན་མོད་ཀྱི། ལུས་མཛེས་པ་མ་ཡིན་ན་འཁོར་ཅི་འདྲ་བ་ཞིག་གིས་བཅོམ་ལྡན་འདས་མཛེས་པར་འགྱུར་སྙམ་པ་ལས། དེས་བསམས་པ། ཤཱཀྱའི་འཁོར་གྱིས་ཡིན་ནོ་སྙམ་ནས། དེ་ནས་ཤཱཀྱ་ཐམས་ཅད་བསགས་ཏེ་སྨྲས་པ། ཤེས་ལྡན་དག་གལ་ཏེ་གཞོན་ནུ་དོན་ཐམས་ཅད་གྲུབ་པ་རབ་ཏུ་མ་བྱུང་བར་གྱུར་ན་ཅིར་འགྱུར། འཁོར་ལོས་སྒྱུར་བའི་རྒྱལ་པོར་འགྱུར་རོ། །ཁྱེད་ཅག་ཅི་ཞིག་བྱེད་པར་འགྱུར། གཡོག་བགྱིད་པར་འགྱུར་རོ། །ད་ལྟར་གཞོན་ནུ་དོན་ཐམས་ཅད་གྲུབ་པ་བླ་ན་མེད་པའི་ཆོས་ཀྱི་རྒྱལ་པོར་གྱུར་ན། ཁྱེད་ཅག་ཅིའི་ཕྱིར་གཡོག་མི་བྱེད། ལྷ་ཅི་རབ་ཏུ་འབྱུང་ངམ། རབ་ཏུ་བྱུང་ཞིག་།ཅི་ཐམས་ཅད་དམ། ཁྱིམ་རེ་ནས་རེ་རེའོ། །བཀའ་བཞིན་འཚལ། རྒྱལ་པོ་ཟས་གཙང་གིས། གང་གྲོང་ཁྱེར་སེར་སྐྱའི་གཞིར་དྲིལ་སྒྲོགས་སུ་བཅུག་པ། རྒྱལ་པོའི་ཞལ་ནས་ངའི་ཡུལ་ན་གནས་པའི་ཤཱཀྱ་རྣམས་ཀྱིས་ཁྱིམ་རེ་ནས་རེ་རེ་རབ་ཏུ་བྱུང་ཞིག་ཅེས་དེ་སྐད་བཀའ་སྩལ་ཏོ། ། བྲེ་པོ་ཟས་ལ་བུ་གཉིས་ཡོད་པ་མ་འགགས་པ་དང ། མིང་ཆེན་ནོ། །མིང་ཆེན་ནི་ཞིང་ལས་ཀྱི་མཐའ་ལ་ལྷག་པར་བརྩོན་ནོ། །མ་འགགས་པ་ནི་སྟེང་གི་ཁང་བཟང་གི་གཞི་ལ་འདུག་ནས། སྐྱེས་པ་མེད་པའི་རོལ་མོས་རྩེ་བར་བྱེད། དགའ་མགུར་སྤྱོད་པར་བྱེད་དོ། །མིང་ཆེན་ལ་མས་སྨྲས་པ། བུ་རྒྱལ་པོས་དྲིལ་སྒྲོགས་སུ་བཅུག་པ་ཤཱཀྱ་རྣམས་ལས་ཁྱིམ་རེ་ནས་རེ་རེ་རབ་ཏུ་བྱུང་ཞིག་ཅེས་བསྒོས། ཁྱོད་རང་ཏུ་བྱུང་ཞིག་།དེས་སྨྲས་པ། བདག་ནི་རབ་ཏུ་མི་འབྱུང་གིས་ཁྱོད་
Nga148a
༄#། །ཀྱི་བུ་སྡུག་པ་བདེ་བ་དང་ལྡན་པར་གནས་པ་གང་ཡིན་པ་དེ་རབ་ཏུ་བྱུང་ཞིག་།བུ་བསོད་ནམས་ཀྱི་དབང་ཐང་ཆེན་པོ་ཅན་གྱི་སེམས་ཅན་དེ་ལ་ཁྱོད་འགྲན་མ་ཚོལ་ཅིག་།ཡུམ་ཁྱོད་གང་ལ་དགྱེས་པ་དེ་བསོད་ནམས་ཀྱི་དབང་ཐང་ཆེན་པོ་ཅན་ལགས་མོད། དེ་རིང་དེ་ལ་ཅུང་ཟད་ཀྱང་མ་བསྐུར་དང ། ཅི་བསོད་ནམས་ཀྱི་དབང་ཐང་ཆེན་པོ་ལགས་སམ། མ་ལགས་མངོན་པར་འགྱུར་རོ། །བུ་དེ་བཞིན་དུ་བྱས་ཏེ། ཡིད་ཆེས་པར་བྱའོ། །དེས་གཟེབ་སྟོང་པ་རྫེའུ་ཡིས་བཀང་ནས་ཁ་རས་དཀར་པོས་དཀྲིས་ཏེ་རྒྱ་སྐེགས་ལ་རྒྱས་བཏབ་ནས། བུ་མོ་མངག་གཞུག་མའི་ལག་ཏུ་བསྐུར་ནས་བསྒོ་བ། གལ་ཏེ་དེ་ན་ཅི་ཡོད་ཅེས་འདྲི་དང ། ཅི་ཡང་མ་མཆིས་སོ་ཞེས་སྨྲོས་ཤིག་།དེས་དེ་ཁྱེར་ནས་སོང་བ་དང ། ལྷ་རྣམས་ཀྱི་དབང་པོ་བརྒྱ་བྱིན་གྱིས་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས་དེས་བསམས་པ། རང་སངས་རྒྱས་ཀུན་ཤེས་ལ་བསོད་སྙོམས་ཕུལ་བ་གང་ཡིན་པ་དེ་དེང་ཅིའི་ཕྱིར་ཟས་ཀྱིས་ཕོངས་པར་བྱ། དེའི་ཟན་སྦྱར་བར་བྱའོ་ཞེས་དེས་རྗེའུ་དེ་རྣམས་སུ་སྲན་ཚོད་དང ། ཚོད་མ་སྣ་ཚོགས་རོ་དང་ལྡན་པ་དང་ཟས་ཀྱིས་བཀང་ངོ ། །ཇི་ཙམ་ན་མངག་གཞུག་མ་དེས་ཁྱེར་ནས་མ་འགགས་པའི་དྲུང་དུ་ཕྱིན་པ་དང ། དེས་སྨྲས་པ། བུ་མོའི་ནི་ན་ཅི་ཡོད། དེས་སྨྲས་པ། གཞོན་ནུ་ཅི་ཡང་མ་མཆིས་སོ། །མ་འགགས་པས་བསམས་པ། བདག་ལ་མ་བྱམས་ན། འདི་སྟོང་པར་ཅི་སྟེ་བསྐུར། གདོན་མི་ཟ་བར་འདི་ནི་ཅི་ཡང་མ་ཡིན་པ་ཞེས་བྱ་བའི་ཟས་ཤིག་བསྐུར་གྱིས་རེ་ཞིག་བལྟའོ་ཞེས་ཅི་ཙམ་ན་ཁ་ཕྱེ་བ་དང ། སྐྱེད་མོས་ཚལ་དེ་ཐམས་ཅད་ཟས་ཀྱི་དྲི་ཞིམ་པོས་གང་བར་གྱུར་
Nga148b
ཏོ། །དེ་བསྣམས་ནས་མ་འགགས་པ་མཆོག་ཏུ་ཡ་མཚན་སྐྱེས་སོ། །དེ་མ་ལ་གུས་པ་ཡིན་པས། དེས་མ་ལ་ཟས་ཀྱི་ཕུད་བསྐུར་ནས་སྤྲིང་པ། ཡུམ་གདུགས་རེ་རེ་ཞིང་ཟས་ཅི་ཡང་མ་ཡིན་པ་ཞེས་བགྱི་བ་འདི་ལྟ་བུ་ཤ་སྟག་བསྐུར་པའི་རིགས་སོ། །དེས་ཀྱང་མཐོང་ནས་མཆོག་ཏུ་ཡ་མཚན་སྐྱེས་ཏེ། དེས་མིང་ཆེན་ལ་བསྟན་ནས། བུ་མཐོང་ངམ། ཡུམ་མཐོང་ལགས་སོ། །ཁྱོད་ལ་ཁོ་མོས་སྔར་བསོད་ནམས་ཀྱི་དབང་ཐང་ཆེན་པོའི་སེམས་ཅན་མི་སྐལ་བ་བཟང་པོ་དང་ལྡན་པ་ལ་ཁྱོད་འགྲན་མ་ཚོལ་ཅིག་ཅེས་མ་སྨྲས་སམ། དེས་སྨྲས་པ། ཡུམ་བསོད་ནམས་ཀྱི་དབང་ཐང་ཆེན་པོ་དང་ལྡན་ཡང་རུང་མི་ལྡན་ཡང་རུང་བདག་ནི་རབ་ཏུ་མི་འབྱུང་ངོ་ཞེས་དེ་ལྟར་མིང་ཆེན་གནས་སྐབས་ཐམས་ཅད་དུ་རབ་ཏུ་བྱུང་བར་ཁས་ལེན་ཏུ་མ་བཏུབ་བོ། །དེ་ནས་དེས་མ་འགགས་པ་ལ་སྨྲས་པ། བུ་རྒྱལ་པོས་དྲིལ་སྒྲོགས་སུ་བཅུག་པ། ཤཱཀྱ་རྣམས་ལས་ཁྱིམ་རེ་ནས་རེ་རེ་རབ་ཏུ་བྱུང་ཞིག་ཅེས་བསྒོ་ན་ཁྱོད་ཅི་རབ་ཏུ་འབྱུང་འམ། འོན་ཏེ་ཁྱིམ་པར་འདུག་།དེས་སྨྲས་པ། ཡུམ་རབ་ཏུ་བྱུང་བ་ལ་ཕན་ཡོན་ཅི་མཆིས། ཉེས་དམིགས་ཅི་མཆིས། ཁྱིམ་པར་མཆིས་པ་ལ་ཕན་ཡོན་ཅི་མཆིས། ཉེས་དམིགས་ཅི་མཆིས། བུ་རབ་ཏུ་བྱུང་བས་ལེགས་པར་བསྒྲུབས་ན་མྱ་ངན་ལས་འདས་པ་ཐོབ་པར་འགྱུར་རོ། །ལེགས་པ་མ་བསྒྲུབས་ན་ལྷ་དང་མི་ཐོབ་པར་འགྱུར་རོ། །ཁྱིམ་པར་འདུག་པར་ལེགས་པར་བསྐྱངས་ན། ལྷ་དང ། མི་ཐོབ་བོ། །མ་བསྐྱངས་ན་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་ཐོབ་བོ། །ཡུམ་རབ་ཏུ་བྱུང་བའི་ཉེས་དམིགས་གང་ལགས་པ་དེ་ནི། ཁྱིམ་ན་གནས་པའི་ཕན་ཡོན་ལགས་
Nga149a
༄#། །པས། དེ་བས་ན་ཁྱིམ་ན་གནས་པ་མི་འཚལ་གྱི་གནང་བར་མཛོད་ཅིག་དང་རབ་ཏུ་འབྱུང་ངོ ། །དེས་སྨྲས་པ། བུ་ལེགས་ཀྱི་དེ་བཞིན་དུ་གྱིས་ཤིག་།མ་འགགས་པའི་ནེའུ་ཟླ་ཤཱཀྱའི་རྒྱལ་པོ་བཟང་ལྡན་ཡིན་པས་དེའི་དྲུང་དུ་སོང་ངོ ། །དེའི་ཚེ་ཤཱཀྱའི་རྒྱལ་པོ་བཟང་ལྡན་པི་ཝང་ལེན་ཏེ། དེ་པི་ཝང་ལེན་པ་ན། རྒྱུད་ཆད་ནས་སྒྲ་གཞན་དུ་གྱུར་ཏོ། །མ་འགགས་པ། པི་ཝང་ལེན་པ་ལ་བྱང་བ་ཡིན་པས། དེས་སྒྲ་ཅི་འདྲ་བར་གྱུར་པའི་རྟགས་བཟུང་ནས་དེ་སྒོར་བསྡད་དེ། སྒོ་སྲུང་གི་མི་ལ་སྨྲས་པ། ཀྱེ་ནང་རྗེ་སོང་ལ་རྒྱལ་པོ་བཟང་ལྡན་ལ་མ་འགགས་པ་ལྷའི་ཞལ་མཐོང་པར་འཚལ་ནས་སྒོ་ན་སྡོད་ཅིང་མཆིས་སོ་ཞེས་གསོལ་ཅིག་།སྒོ་སྲུང་སོང་ནས་ཤཱཀྱའི་རྒྱལ་པོ་བཟང་ལྡན་ལ་སྨྲས་པ། ལྷ་མ་འགགས་པ་ལྷའི་ཞལ་མཐོང་བར་འཚལ་ནས་ཆབ་སྒོ་ན་སྡོད་ཅིང་མཆིས་སོ། །དེས་སྨྲས་པ། ཤེས་ལྡན་མ་འགགས་པ་ལ་སུ་འགོག་།ཤེས་ལྡན་མ་འགགས་པ་ནང་དུ་ཐོང་ཞིག་།དེ་ནང་དུ་ཞུགས་པ་དང ། རྒྱལ་པོས་འཁྱུད་ནས་འདུག་ཏུ་བཅུག་སྟེ། སྨྲས་པ། ཁྱོད་འོངས་ནས་ཇི་སྲིད་ལོན། དེས་སྨྲས་པ། གང་གི་ཚེ་ཁྱོད་པི་ཝང་ལེན་པ་ན་རྒྱུད་ཆད་ནས་སྒྲ་གཞན་དུ་གྱུར་པ་ནས་སོ། །དེ་མཆོག་ཏུ་ཡ་མཚན་སྐྱེས་ནས། དེས་སྨྲས་པ། ཁྱོད་པི་ཝང་ལེན་པ་ལ་བྱང་བ་ཡིན་ནོ། །ཤཱཀྱའི་རྒྱལ་པོ་བཟང་ལྡན་གྱིས་སྨྲས་པ། གཞོན་ནུ་དོན་ཅི་ཞིག་ལ་འོངས། མ་འགགས་པས་སྨྲས་པ། ལྷ་རྒྱལ་པོ་ཟས་གཙང་གིས་དྲིལ་སྒྲོགས་སུ་བཅུག་པ། ཤཱཀྱ་རྣམས་ལ་ཁྱིམ་རེ་ནས་རེ་རེ་རབ་ཏུ་བྱུང་
Nga149b
ཞིག་པར་བསྒོ་བས། དེ་ཁྱོད་ཀྱིས་མཁྱེན་པར་མཛོད་ཅིག་།རབ་ཏུ་འབྱུང་ངོ ། །རྒྱལ་པོས་སྨྲས་པ། གལ་ཏེ་དེ་ལྟར་ན་ཁོ་བོ་ཡང་རབ་ཏུ་འབྱུང་སྟེ་གྲོས་བྱ་བ་ཡོད་ཀྱིས་ཁྱོད་དེ་རིང་འདི་ཉིད་དུ་གནས་ཐོབ་ཅིག་།དེས་དེ་ཉིད་དུ་གནས་བཏབ་བོ། །མལ་ཆ་བས་རིམས་བག་གི་དྲི་ཅན་གྱི་གོས་ཀྱིས་བཏིང་ཞིང་མེ་ཏོག་གི་སིལ་མས་བཀྲམ་པའི་མལ་དུ་མ་འགགས་པ་ཉལ་བ་དང ། དེའི་འོག་ན་མེ་ཏོག་གི་རྩ་བ་ཡོད་པའི་རེག་པ་དེའི་ཉམས་སུ་མྱོང་ནས་སྨྲས་པ། ཅི་འདིའི་འོག་ན་རྡོ་ཕྲེའུ་ཡོད་དམ། དེ་རྣམས་ཀྱིས་བརྟག་པར་བརྩམས་པ་ན། མེ་ཏོག་གི་རྩ་བ་ཞིག་མཐོང་ནས་དེ་རྣམས་མཆོག་ཏུ་ངོ་མཚར་སྐྱེས་སོ། །མ་འགགས་པས་མཚན་མོ་མི་བདེ་བཞིན་ཉལ་ནས་ནམ་ནངས་སོ། །རྒྱལ་པོས་སྨྲས་པ། མ་འགགས་པ། ཅིག་བདེ་བར་གཉིད་ལོག་གམ། དེས་སྨྲས་པ། ལྷ་བདེ་བར་གཉིད་མ་ལོག་གོ། །རྒྱལ་པོས་སྨྲས་པ། ཅིའི་ཕྱིར། མ་འགགས་པས་སྨྲས་པ། ལྷ་རིམས་བག་གི་དྲི་ཅན་གྱི་གོས་བཏིང་བར་མེ་ཏོག་སིལ་མ་བཀྲམ་པའི་མེ་ཏོག་གི་རྩ་བས་ལུས་སྣད་ལགས་སོ། །རྒྱལ་པོས་མལ་འཆའ་བ་བཀུག་ནས། ཁྱོད་ཀྱིས་རིམས་བག་གི་དྲི་ཅན་གྱི་གོས་བཏིང་སྟེ་ཅི་བྱ། མལ་འཆའ་བས་སྨྲས་པ། ལྷ་བདག་ལ་དཀོར་བས་གཏད་པ་ལགས་སོ། །རྒྱལ་པོས་དཀོར་བ་བཀུག་ནས་སྨྲས་པ། ཁྱོད་ཀྱིས་རིགས་བག་གི་དྲི་ཅན་གྱི་གོས་ཕོག་སྟེ་ཅི་བྱ། དེས་སྨྲས་པ། ལྷ་བདག་ལ་ཐ་ག་པས་གཏད་པ་ལགས་སོ། །རྒྱལ་པོས་ཐག་པ་བཀུག་ནས་སྨྲས་པ། ཁྱོད་ཀྱིས་ཅིའི་ཕྱིར་རིམས་བག་གི་དྲི་ཅན་གྱི་གོས་དབུལ། ཐ་ག་པས་སྨྲས་པ། ལྷ་སྣམ་བུ་འཐག་པའི་
Nga150a
༄#། །འཕྲོ་ཅུང་ཞིག་ལུས་པ་ན། བདག་རིམས་ཀྱིས་ཐེབས་བཞིན་བགྱིས་པ་ལགས་སོ། །རྒྱལ་པོས་སྨྲས་པ། གཞོན་ནུ་ཁྱོད་ཀྱིས་ཅི་ལྟར་ཤེས། དེས་སྨྲས་པ། ཚ་བའི་རེག་པ་ཉམས་སུ་མྱོང་བས་རིམས་བག་གི་དྲི་ལགས་སོ། །རྒྱལ་པོ་མཆོག་ཏུ་ཡ་མཚན་སྐྱེས་ཏེ་སྨྲས་པ། ཤེས་ལྡན་མ་འགགས་པ་ནི་ཤཱཀྱའི་སྐལ་པ་བཟང་པོ་དང་ལྡན་པ་ཡིན་ནོ། །དེ་ནས་ཤཱཀྱའི་རྒྱལ་པོ་བཟང་ལྡན་གྱིས་སྨྲས་པ། གཞོན་ནུ་གལ་ཏེ་ཁོ་བོ་རབ་ཏུ་བྱུང་ན་ལྷས་བྱིན་ཤཱཀྱ་རྣམས་ཀྱི་རྒྱལ་པོར་གྱུར་ཏེ། དེ་ཤཱཀྱ་རྣམས་ལ་གནོད་པ་བྱེད་པར་འགྱུར་གྱིས། མ་ལ་བདག་ཅག་ཐམས་ཅད་འདུས་ལ། ལྷ་སྦྱིན་སྤྲོ་བ་བསྐྱེད་པར་བྱའོ་ཞེས་ཤཱཀྱའི་རྒྱལ་པོ་བཟང་ལྡན་གྱིས་དེ་བཀུག་སྟེ། དེ་ནས་ཐམས་ཅད་འདུས་ནས་སྨྲས་པ། ལྷ་སྦྱིན་ཁོ་བོ་ཅག་ཐམས་ཅད་རབ་ཏུ་འབྱུང་ན། ཁྱོད་ཅི་བྱེད། ལྷས་བྱིན་གྱིས་བསམས་པ། གལ་ཏེ་རབ་ཏུ་མི་འབྱུང་ངོ་ཞེས་སྨྲས་པ་དང ། ཤཱཀྱའི་རྒྱལ་པོ་བཟང་ལྡན་རབ་ཏུ་འབྱུང་བར་མི་འགྱུར་གྱིས། དེ་ལ་ཐབས་ཤིག་བཤམ་པར་བྱ་སྟེ་བསླུའོ། །གཞན་ཡང་བཅོམ་ལྡན་འདས་ཀྱིས་གང་འདི་ཉི་མ་ལ་ནྱ་གྲོ་དྷའི་ཀུན་དགའ་ར་བར་སྒྱུ་མའི་ཆོ་འཕུལ་བསྟན་པ་དེའི་ཚེ་བདག་བློ་སྐྱེས་པ་ཇི་ལྟར་འདིའི་སྒྱུ་མས་སྐྱེ་བོའི་ཚོགས་ཆེན་པོ་དབང་དུ་བྱེད་པ་དེ་བཞིན་དུ་བདག་གིས་ཀྱང་དབང་དུ་བྱའོ་ཞེས་བསམས་སོ་སྙམ་ནས་སྨྲས་པ། ཁྱེད་ཅག་རབ་ཏུ་འབྱུང་ན་བདག་ཅི་སྟེ་འདུག་།ཤཱཀྱའི་རྒྱལ་པོ་བཟང་ལྡན་གྱིས་
Nga150b
བསམས་པ། འདི་ནི་བརྫུན་དུ་སྨྲ་བ་ཡིན་གྱིས། དམ་འཆར་བཅུག་ལ་འགྲོ་བ་མང་པོས་སོ་སོར་རིག་པར་བྱའོ་སྙམ་མོ། །དེ་ནས་རྒྱལ་པོས་ཚིག་དེ་གླེགས་བུ་ལ་བྲིས་ནས། གྲོང་ཁྱེར་སེར་སྐྱའི་གཞིར་དྲིལ་སྒྲོགས་སུ་བཅུག་པ། གྲོང་ཁྱེར་སེར་སྐྱའི་གཞི་ན་གནས་པའི་ཤེས་ལྡན་དག་ཉོན་ཅིག་།བཟང་ལྡན་དང ། ནམ་གྲུ་དང ། མ་འགགས་པ་དང ། ལྷས་བྱིན་ལ་སོགས་ཏེ། ཤཱཀྱ་ལྔ་བརྒྱ་རབ་ཏུ་འབྱུང་བར་འགྱུར་གྱིས། ཐོས་པར་གྱིས་ལ་རབ་ཏུ་དགའ་བ་བསྐྱེད་ཅིག་།ཅེས་བསྒོའོ། །ལྷས་བྱིན་གྱིས་དེ་ཐོས་ནས་སྡུག་བསྔལ་ཆེན་པོ་དང ། ཡིད་མི་བདེ་བ་སྐྱེས་ནས། གལ་ཏེ་བདག་གིས་ཤཱཀྱའི་རྒྱལ་པོ་བཟང་ལྡན་ངེས་པར་རབ་ཏུ་འབྱུང་བར་ཤེས་པར་གྱུར་དང ། བདག་ཁས་ལེན་པར་མི་འགྱུར་བ་ཞིག་ན། ད་ནི་གལ་ཏེ་རབ་ཏུ་མ་བྱུང་ན་བརྫུན་དུ་སྨྲ་བ་ཡིན་ནོ་ཞེས་རྒྱལ་སྲིད་ཀྱང་ཐོབ་པར་མི་འགྱུར་བས། ཐམས་ཅད་ཀྱི་ཐམས་ཅད་དུ་དུས་འདིར་ཟད་དམ་ཅིས་རབ་ཏུ་བྱུང་ལ་བདག་རབ་ཏུ་འབྱུང་བཞིན་དུ་རྒྱལ་སྲིད་བྱའོ་སྙམ་མོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། ཤཱཀྱ་རྣམས་ཀྱི་ཐ་མའི་འབྱོར་པ་ལ་བལྟའོ་སྙམ་ནས། དེས་གྲོང་ཁྱེར་དེ་གསེག་མ་དང་གྱོ་མོ་བསལ། ཙན་དན་གྱི་ཆུས་ཆག་ཆག་བཏབ། གདུགས་དང ། རྒྱལ་མཚན་བསྒྲེང ། དར་གྱི་ཆུན་འཕྱངས་མང་པོ་དབྱངས། ཤིན་ཏུ་དྲི་ཞིམ་པོའི་ཕོག་ཕོར་ཉེ་བར་བཞག་།མེ་ཏོག་སྣ་ཚོགས་ཀྱི་སིལ་མས་དགའ་དགའ་ལྡན་བྱེད་དུ་བཅུག་གོ། །དེ་ནས་ཤཱཀྱ་བརྒྱ་སྟོང་ཕྲག་དུ་མས་ཡོངས་སུ་
Nga151a
༄#། །བསྐོར་ནས་གྲོང་ཁྱེར་གྱི་སྒོ་ན་སེངྒེའི་ཁྲི་ལ་འདུག་གོ་།ཤཱཀྱ་མོ་དང་ཤཱཀྱ་གཞོན་ནུ་མ་ངོ་མཚར་སྐྱེས་པ་རྣམས་ཀྱང ། སྐར་ཁུང་ཁོལ་མ་ཅན་དང ། སྐར་ཁུང་དང ། སྟེགས་བུ་དག་ལ་འདུག་གོ་།ཤཱཀྱ་རྣམས་ཀྱི་འབྱོར་པ་ལ་ལྟ་བར་འདོད་པའི་སྐྱེ་བོའི་ཚོགས་ཡུལ་སྣ་ཚོགས་ནས་ལྷགས་པ་དག་ཀྱང་ལམ་པོ་ཆེ་དང ། ཚོང་འདུས་དང ། བཞི་མདོ་དང ། སུམ་མདོ་རྣམས་སུ་འདུག་གོ་།ཤཱཀྱ་ལས་སུ་དག་གིས་ནི་མཉེས་པར་འགྱུར། །སུ་དག་གིས་ནི་ཐུགས་བྱུང་བར་འགྱུར་བ་བརྟག་པའི་ཕྱིར། བྲམ་ཟེ་མཚན་མཁན་དང ། ལྟས་མཁན་དག་པ་བཀུག་གོ། ཤཱཀྱ་རྣམས་དོ་ཤལ་དང ། གདུ་བུ་དང ། དཔུང་རྒྱན་དང ། རྒྱན་གྱིས་བརྒྱན་པ་རྣམས་ཀྱིས་ཕ་དང་མ་དག་ལས་བལྟས་ནས་སོ་སོའི་ཤིང་རྟར་ཞུགས་ཏེ་ཕྱིར་འབྱུང་བར་བརྩམས་པ་ན། ཤཱཀྱའི་རྒྱལ་པོ་བཟང་ལྡན་སྣ་ལ་བྱུང་བ། མཚན་མཁན་རྣམས་ཀྱིས་མཐོང་ནས། དེ་དག་གིས་སྨྲས་པ། རེ་ཞིག་འདིས་ནི་མཉེས་པར་བྱེད་པར་འགྱུར་རོ། །དེ་བཞིན་དུ་ནམ་གྲུ་དང ། མ་འགགས་པ་ལ་སོགས་པ་ཕྱིར་བྱུང་བ་དང ། དེ་རྣམས་ཀྱང་མཚན་མཁན་རྣམས་ཀྱིས་ལུང་བསྟན་ཏོ། །དེ་ནས་ལྷས་བྱིན་ཕྱིར་བྱུང་སྟེ། དེ་ཕྱིར་བྱུང་བ་ན་བྱ་ཁྲས་གཙུག་གི་ནོར་བུ་ཕྲོགས་པ་མཚན་མཁན་རྣམས་ཀྱིས་མཐོང་ནས་དེ་རྣམས་ཀྱིས་སྨྲས་པ།་འདིའི་རྟགས་དང་སྦྱར་ན་གདོན་མི་ཟ་བར་སྟོན་པ་ལ་འཁུས་ནས་དམྱལ་བར་གཞོལ་བར་འགྱུར་རོ། །ཀོ་ཀ་ལི་ཀ་དང ། ཁན་དྲ་བ་བྱ་དང ། ཀ་ཏ་མོ་ར་ཀ་ཏི་ཤ་དང ། རྒྱ་མཚོས་བྱིན་རྣམས་ཕྱིར་འབྱུང་བ་
Nga151b
ན་བོང་བུའི་སྐད་གྲག་ནས། དེ་དག་ཀྱང་མཚན་མཁན་རྣམས་ཀྱིས་ལུང་བསྟན་པ། འདི་དག་གིས་ཀྱང་ཉན་ཐོས་ཆེན་པོ་རྣམས་ལ་ཚིག་ངན་པ་སྨྲས་ནས་དམྱལ་བར་གཞོལ་བར་འགྱུར་རོ། །ཉེ་དགའ་གླང་པོ་ཆེ་ལ་ཞོན་པས་ཕན་ཚུན་དུ་ལྟ་བར་བྱེད་པ་ན། མུ་ཏིག་གི་དོ་ཤལ་ལྷུང་བ་དང ། དེ་གླང་པོ་ཆེ་ལས་བབས་ཏེ་བླངས་སོ། །དེ་ཡང་དེ་རྣམས་ཀྱིས་ལུང་བསྟན་པ། འདི་ཧ་ཅང་འདོད་ཆེན་ཆེས་པས་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །དེ་ནས་བཟང་ལྡན་དང ། ནམ་གྲུ་དང ། མ་འགགས་པ་དང ། ལྷ་སྦྱིན་ལ་སོགས་པ་ཤཱཀྱ་ལྔ་བརྒྱ་པོ་དེ་རྣམས་སྐྱེད་མོས་ཚལ་དུ་དུས་སྟོན་ལ་འགྲོ་བ་བཞིན་དུ་བཟང་པོས་འགྲན་ཅིང་བཅོམ་ལྡན་འདས་གང་ན་བ་དེར་དོང་ངོ ། །བཅོམ་ལྡན་འདས་ཀྱིས་དགོངས་པ། གལ་ཏེ་ངས་ཤཱཀྱ་རྣམས་ལ་དགེ་སློང་ཚུར་ཤོག་ཅེས་བྱ་བས་རབ་ཏུ་ཕྱུང་ན། ཁ་ཅིག་གིས་ནི་མཉེས་པར་བྱེད་པར་འགྱུར། ཁ་ཅིག་གིས་ནི་མཉེས་པར་བྱེད་པར་མི་འགྱུར་ཏེ། མཉེས་པར་བྱེད་པར་མི་འགྱུར་བ་གང་དག་ཡིན་པ་དེ་དག་གཞན་དུ་སེམས་ལ། དགེ་སློང་ཚུར་ཤོག་ཅེས་བྱ་བ་ནི་ཐམས་ཅད་སྲིད་པ་ཐ་མ་ཡིན་པས་མ་ལ་ངས་ཐམས་ཅད་དགེ་སློང་རྣམས་ཀྱིས་གསོལ་པ་དང་བཞིའི་ལས་ཀྱིས་རབ་ཏུ་བྱུང་བ་དང ། བསྙེན་པར་རྫོགས་སུ་གཞུག་གོ་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་སེར་སྐྱའི་གཞིའི་ཤཱཀྱ་རྣམས་གསོལ་བ་དང་བཞིའི་ལས་ཀྱིས་རབ་ཏུ་འབྱུང་བ་དང་བསྙེན་པར་རྫོགས་པར་གྱིས་ཤིག་།བཙུན་པ་བཀའ་བཞིན་འཚལ་ཞེས་དགེ་སློང་དེ་རྣམས་ཀྱིས་བཅོམ་ལྡན་འདས་ལས་མཉན་ཏོ། །རྒྱལ་
Nga152a
༄#། །པོ་ཟས་གཙང་གིས་ཤཱཀྱ་རྣམས་ཀྱི་འདྲེག་མཁན་ཉེ་བར་འཁོར་ཞེས་བྱ་བ་དེ་རྣམས་རབ་ཏུ་འབྱིན་པ་ན། སྐྲ་འདྲེག་པར་བཏང་ནས། ཤཱཀྱའི་རྒྱལ་པོ་བཟང་ལྡན་གྱི་སྐྲ་འདྲེག་པ་ན། དེ་ངོམ་ཟུག་གནག་ཅིང་མཆི་མ་འཛག་ལ་སྐད་འཛེར་ཅིང་དབུགས་བརྫངས་པོར་སྐྲ་འདྲེག་པར་བྱེད་དོ། །ཤཱཀྱའི་རྒྱལ་པོ་བཟང་ལྡན་གྱིས་སྨྲས་པ། ཉེ་བར་འཁོར་ཅིའི་ཕྱིར་ངུ ། དེ་སྙིང་རྗེ་རྗེ་སྐད་དུ་གཅོམ་ཆུང་ངུར་དལ་བུས་ཚིག་རེ་ནས་སྨྲས་པ། ལྷ་བདག་འཛམ་བུའི་གླིང་གི་སྐྱེས་བུ་གཙོ་བོ་རྣམས་ལ་བསྙེན་བཀུར་བགྱིད་བགྱིད་པ། མི་ཕལ་པ་རྣམས་ལ་ཡང་བསྙེན་བཀུར་བགྱིད་པ་འགྱུར་བ་ལྟ་ཞིག་།ཁྱེད་ཀྱིས་སྤངས་ཏེ་གསོན་པས་ནི་གུམ་མི་བསྔོའོ། །ཤཱཀྱའི་རྒྱལ་པོ་བཟང་ལྡན་གྱིས་སྨྲས་པ། ཉེ་བར་འཁོར་ཁྱོད་ཀྱིས་ཇོ་བོ་ལ་སྙིང་ཉེ་བའི་མཉེས་པར་བྱ་བ་བསྟན་ཟིན་ཏེ་ཆོག་གིས་མྱ་ངན་མ་བྱེད་ཅིག་།ངས་ཅི་ལྟ་མི་ཕལ་པ་རྣམས་ལ་བསྙེན་བཀུར་བྱེད་པར་མི་འགྱུར་བ་དེ་ལྟར་བྱའོ་ཞེས་སྨྲས་ནས། དེས་ཕྱོགས་གཅིག་ཏུ་རས་ཤིག་བཏིང་ནས་ཤཱཀྱ་གཞོན་ནུ་རྣམས་ལ་སྨྲས་པ། ཤེས་ལྡན་གཞོན་ནུ་དག་ཉོན་ཅིག་།འདྲེག་མཁན་ཉེ་བར་འཁོར་འདིས་བདག་ཅག་ལ་བཀུར་སྟི་བྱས་ལ་བདག་ཅག་ཀྱང་སླར་ཁྱིམ་དུ་མི་གནས་ཀྱིས། རྒྱན་རྣམས་དེའི་འཚོ་བའི་རྐྱེན་དུ་རས་ཀྱི་སྟེང་དུ་ཞོག་ཅིག་།དེ་རྣམས་ཀྱི་སེ་མོ་དོ་དང་དོ་ཤལ་དང་མགུལ་རྒྱན་དང ། གདུ་བུ་དང ། དཔུང་རྒྱན་དང ། རྣ་ཆ་ལ་སོགས་པ་རིན་པོ་ཆེ་སྣ་ཚོགས་ཀྱིས་བརྒྱན་པ། རྒྱན་ཁྱད་པར་ཅན་རྣམས་ཀྱིས་རས་ཀྱི་སྟེང་དུ་ཕུང་པོ་ཆེན་པོར་སྤུངས་སོ། །ཉེ་བར་འཁོར་གྱིས་དེ་རྣམས་
Nga152b
མཐར་གྱིས་སྐྲ་བྲེགས་ཏེ། དེ་རྣམས་ཁྲུས་ལ་དོང་བ་དང ། དེས་བསམས་པ། རེ་ཞིག་གཞོན་ནུ་འདི་དག་རིགས་དང ། འབྱོར་པ་དང ། ལང་ཚོ་ལ་བབ་ཅིང་ཆུང་མ་དང་ལྡན་ལ་མཛོད་དང་བང་མཛོད་ཀྱིས་རྒྱས་པ་ཡང་སྤངས་ནས་རབ་ཏུ་འབྱུང་ན། བདག་རྒྱན་འདི་ཙམ་ལ་ཆགས་པ་ནི་ཚུལ་མ་ཡིན་པས་སྡུག་བསྔལ་བར་འགྱུར་རོ། །གལ་ཏེ་བདག་རིགས་ངན་དུ་མ་སྐྱེས་ན། བདག་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་ཆུ་བོ་ལས་རྒལ་བ་དང ། སྦྱོར་བ་ལས་ཡང་དག་པར་འདའ་བར་བྱ་བའི་ཕྱིར་བརྩལ་བ་དང ། འབད་པ་ལ་བརྩོན་པར་བྱ་བ་ཞིག་སྙམ་མོ། །འདི་ནི་ཆོས་ཉིད་ཡིན་ཏེ། ཇི་ལྟར་སངས་རྒྱས་བཅོམ་ལྡན་འདས་རྣམས་ཉིན་ལན་གསུམ་མཚན་ལན་གསུམ་དུ་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་པ་དེ་བཞིན་དུ་ཉན་ཐོས་ཆེན་པོ་རྣམས་ཀྱང་བྱེད་པས། ཚེ་དང་ལྡན་པ་ཤཱ་རིའི་བུས་འདྲེག་མཁན་ཉེ་བར་འཁོར་ལྷག་པར་སྐྱོ་བ་སྐྱེས་པ་མཐོང་ངོ ། །མཐོང་ནས་ཀྱང་འདྲེག་མཁན་ཉེ་བར་འཁོར་གང་ན་བདེར་སོང་སྟེ་ཕྱིན་ནས། འདྲེག་མཁན་ཉེ་བར་འཁོར་ལ་འདི་སྐད་ཅེས་སྨྲས་སོ། །ཉེ་བར་འཁོར་ཁྱོད་ཅིའི་ཕྱིར་ཤིན་ཏུ་མི་དགའ་བས་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག། ཉེ་བར་འཁོར་གྱིས་སྨྲས་པ། བཙུན་པ་ཤཱ་རིའི་བུ། གང་གི་ཕྱིར་ད་ལྟར་གཞོན་ནུ་འདི་དག་རིགས་དང ། འབྱོར་པ་དང ། ལང་ཚོ་ལ་བབ་ཅིང་ཆུང་མ་དང་ལྡན་ལ། མཛོད་དང་བང་མཛོད་ཀྱིས་རྒྱས་པ་ཡང་སྤངས་ནས་རབ་ཏུ་འབྱུང་ན། བདག་རྒྱན་འདི་ཙམ་ལ་ཆགས་པ་
Nga153a
༄#། །ནི་ཚུལ་མ་ཡིན་པས་སྡུག་བསྔལ་བར་འགྱུར་རོ། །གལ་ཏེ་བདག་རིགས་ངན་དུ་མ་སྐྱེས་ན་བདག་ཀྱང་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ཞིང་ཆུ་བོ་ལས་རྒལ་བ་དང ། སྦྱོར་བ་ལས་ཡང་དག་པར་འདའ་བར་བྱ་བའི་ཕྱིར་བརྩལ་བ་དང་འབད་པ་ལ་བརྩོན་པར་བགྱི་བ་ཞིག་ན། བདག་ཅིའི་ཕྱིར་སེམས་ཁོང་དུ་ཆུད་པར་མི་འགྱུར། ཚེ་དང་ལྡན་པ་ཤཱ་རིའི་བུས་སྨྲས་པ།་བཞིན་བཟང་ཐུབ་པའི་དབང་པོའི་གསུང་རབ་འདི་ལ་ནི་རིགས་སྙིང་པོར་བྱེད་པ་མ་ཡིན། རུས་སྙིང་པོར་བྱེད་པ་མ་ཡིན། རྒྱུད་སྙིང་པོར་བྱེད་པ་མ་ཡིན། ཐོས་པ་སྙིང་པོར་བྱེད་པ་མ་ཡིན་ཏེ། འདི་ལྟར་ཐུབ་པའི་དབང་པོའི་གསུང་རབ་འདི་ལ་ནི་སྒྲུབ་པ་སྙིང་པོར་བྱེད་པ་ཡིན་ནོ། །དེ་བཞིན་གཤེགས་རྣམས་རིགས་དང་ནི། །རྒྱུད་དང་རུས་ལ་རྟོག་མི་མཛད། །འདས་ནས་ཡུན་རིང་ལོན་པ་ཡི། །ལས་རྣམས་ལ་ནི་རྟོག་པར་མཛད། །གལ་ཏེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འདོད་ན་ཚུར། བཅོམ་ལྡན་འདས་ཀྱི་སྤྱན་སྔར་འདོང་དང ། ཁྱོད་བཅོམ་ལྡན་འདས་ཀྱིས་རབ་ཏུ་འབྱིན་པར་འགྱུར་རོ།། །།འདུལ་བ་གཞི། བམ་པོ་གོ་གཉིས་པ། དེས་ཁས་བླང་སོ། །དེ་ནས་ཚེ་དང་ལྡན་པ་ཤཱ་རིའི་བུས་འདྲེག་མཁན་ཉེ་བར་འཁོར་འཁྲིད་དེ། བཅོམ་ལྡན་འདས་གང་ན་བ་དེར་དོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཉེ་བར་
Nga153b
འཁོར་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཚལ་ལགས་ན། ཐུགས་བརྩེ་བར་ཉེ་བར་གཟུང་སྟེ། བཅོམ་ལྡན་འདས་ཀྱིས་འདི་རབ་ཏུ་དབྱུང་བ་དང ། བསྙེན་པར་རྫོགས་པར་མཛད་དུ་གསོལ། བཅོམ་ལྡན་འདས་ཀྱིས་དེ་ལ་བཀའ་སྩལ་པ། དགེ་སློང་ཚུར་ཤོག་ཚངས་པར་སྤྱད་པ་སྤྱོད་ཅིག་ཅེས། བཅོམ་ལྡན་འདས་ཀྱིས་བཀའ་སྩལ་པའི་མོད་ཁོ་ནར་སྐྲ་བྱི་བ་དང ། སྣམ་སྦྱར་གྱོན་པ་དང ། ལག་པ་ལྷུང་བཟེད་དང ། བྱ་མ་བུམ་གྱིས་འབྲེལ་བ་དང ། སྐྲ་དང་ཁ་སྤུ་སྐྱེས་ནས་ཞག་བདུན་ལོན་པ་ཙམ་དང ། དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། སངས་རྒྱས་དགོངས་པས་ལུས་གཟུགས་བཀབ་པར་གྱུར། ཤཱཀྱ་རབ་ཏུ་བྱུང་བ་རྣམས་ནི་རྒན་རབས་ཇི་ལྟ་བ་བཞིན་དུ་འདུད་པར་བྱེད་པས། ཤཱཀྱའི་རྒྱལ་པོ་བཟང་ལྡན་འདུད་པར་བྱེད་པ་ན། ཉེ་བར་འཁོར་གྱི་རྐང་པ་ཡིན་པར་ཤེས་སོ། །དེ་ནས་དེས་གདོང་བཏེག་སྟེ་གསོལ་པ། བཅོམ་ལྡན་འདས་འདི་ནི་ཉེ་བར་འཁོར་ལགས་ན། ཅི་བདག་གིས་འདིའི་རྐང་པ་གཉིས་ལ་ཡང་འདུད་པར་བགྱིའམ། བཅོམ་ལྡན་འདས་ཀྱིས་བཀའ་སྩལ་པ། བུ་ང་རྒྱལ་སྤངས་པའི་ཕྱིར་རབ་ཏུ་བྱུང་བ་ཡིན་ཏེ། འདི་རྒན་གྱིས་ཁྱོད་ཀྱིས་ང་རྒྱལ་གྱི་དྲེགས་པ་ཆོག་ལ་ཐུད་ཅིག་།དེས་དེའི་རྐང་པ་ལ་གཏུགས་པ་ན་ས་ཆེན་པོ་ལན་དྲུག་ཏུ།
Nga154a
༄#། །གཡོས་པར་གྱུར་ཏེ། ས་ཆེན་པོ་འདི་གཡོས་རབ་ཏུ་གཡོས། ཀུན་ཏུ་གཡོས། ཀུན་ཏུ་རབ་ཏུ་གཡོས། ལྡེག་རབ་ཏུ་ལྡེག་།ཀུན་ཏུ་རབ་ཏུ་ལྡེག་སྟེ། ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། དབུས་མཐོ་ན་མཐའ་དམའ། མཐའ་མཐོ་ན་དབུས་དམའ་བར་གྱུར་ཏེ། དེ་ལྟར་ཐམས་ཅད་ཀྱིས་རིམ་བཞིན་དུ་གཏུགས་སོ། །ལྷས་བྱིན་གྱིས་མ་བཏུད་པ་དང ། བཅོམ་ལྡན་འདས་ཀྱིས་བཀའ་སྩལ་པ། བུ་ང་རྒྱལ་སྤངས་པའི་ཕྱིར་རབ་ཏུ་བྱུང་བ་ཡིན་གྱིས་ཐུད་ཅིག། དེས་གསོལ་པ། བདག་གིས་དེའི་རྐང་པ་ལ་མ་གཏུགས་ན་ཁྱོད་ལ་གནོད་པ་ཅི་མཆིས་ཞེས་དེ་འདུད་དུ་མ་བཏུབ་སྟེ། དེ་ཐོག་མར་བཅོམ་ལྡན་འདས་ཀྱི་བཀའ་ལྷས་བྱིན་གྱིས་བཅག་གོ།། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཤཱཀྱའི་རྒྱལ་པོ་བཟང་ལྡན་གྱིས་ཉེ་བར་འཁོར་ལ་ཕྱག་བགྱིས་པ་དང ། ས་ཆེན་པོ་འདི་རྣམ་པ་དྲུག་ཏུ་གཡོས་པར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། འདི་ནི་ཆོས་ཉིད་ཡིན་ཏེ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད། འདི་ལྟར་འདས་པའི་དུས་ན་ཡང་འདིས་དེའི་རྐང་པ་ལ་གཏུགས་པ་ན། ས་ཆེན་པོ་རྣམ་པ་དྲུག་ཏུ་གཡོས་པ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན། རྒྱལ་པོ་ཚངས་སྦྱིན་ཞེས་བྱ་བ།
Nga154b
འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་བཅུག་གོ་།དེའི་ཚེ་ཝཱ་ར་ཎཱ་སིའི་གྲོང་ཁྱེར་ན་སྨད་ཚོང་མ་བཟང་མོ་ཞེས་བྱ་བ་ཞིག་གནས་པ་དེའི་དྲུང་དུ་བྲམ་ཟེའི་ཁྱེའུ་མཛེས་དགའ་ཞེས་བྱ་བ་སོང་ནས་སྨྲས་པ། བཟང་མོ་དགའ་མགུར་སྤྱད་ཀྱིས་ཚུར་ཤོག་།དེས་སྨྲས་པ། ཁྱོད་ལ་ཀར་ཤ་པ་ན་ལྔ་བརྒྱ་ཡོད་དམ། དེས་སྨྲས་པ། མེད་དོ། །སོང་ལ་ཀར་ཤ་པ་ན་ལྔ་བརྒྱ་ཁྱེར་ཏེ་ཤོག་ཅིག་།དེ་ལ་འབྱོར་པ་མེད་ཀྱང་དེ་དེ་ལ་ལྷག་པར་ཆགས་པས། དུས་དུས་སུ་མེ་ཏོག་དང ། འབྲས་བུ་རྣམ་པ་སྣ་ཚོགས་བསྐྱེལ་བར་བྱེད་པ་དང ། དེ་དེ་ལ་སྡུག་པ་སྐྱེས་སོ། །ཇི་ཙམ་དུས་གཞན་ཞིག་ན་ཝཱ་ར་ཎ་སིར་དུས་སྟོན་བྱུང་ནས་བུད་མེད་ཐམས་ཅད་གོས་དང ། ཕྲེང་བ་དང ། རྒྱན་རྣམས་ཀྱིས་ཀླུབས་ནས། རང་གི་ཁྱིམ་ན་རྩེ་ཞིང་དགའ་བ་མང་པོས་གནས་པ་དེ། བྲམ་ཟེའི་ཁྱེའུ་མཛེས་དགས་ཐོས་ནས་ཡི་ཆད་པར་གྱུར་ཏོ། །སྨད་འཚོང་མ་བཟང་མོས་བསམས་པ། དེ་རིང་ཝཱ་ར་ཎཱ་སིའི་མི་རྣམས་གོས་དང ། ཕྲེང་བ་དང ། རྒྱན་རྣམས་ཀྱིས་ཀླུབས་ནས་རང་རང་གི་ཆུང་མ་རྣམས་དང་ལྷན་ཅིག་དགའ་མགུར་སྤྱོད་པར་འགྱུར་ན། བྲམ་ཟེའི་ཁྱེའུ་མཛེས་དགའ་སུ་ཞིག་དང་དགའ་མགུར་སྤྱོད་པར་འགྱུར་ཞེས་དེ་དེ་སྙམ་དུ་སེམས་ཤིང ། བྲམ་ཟེའི་ཁྱེའུ་མཛེས་དགའ་གང་ན་ཡོད་པའི་ཕྱོགས་དེར་འོངས་ནས། དེས་དེ་མཐོང་བ་དང ། སྔོན་གྱི་བྱས་པ་དྲིན་དུ་གཟོ་བས་ཡིད་བདེ་བ་སྐྱེད་ནས་སྨྲས་པ། བྲམ་ཟེའི་ཁྱེའུ་སོང་ལ་ཤིན་ཏུ་དྲི་ཞིམ་པའི་མེ་ཏོག་
Nga155a
༄#། །དག་ཁྱེར་ཏེ་ཤོག་ཅིག་།བདག་ཅག་ལྷན་ཅིག་དགའ་མགུར་སྤྱད་པར་བྱའོ། །དེ་ཤི་བ་ལས་སོས་པ་བཞིན་དུ་དགའ་བས་སེམས་ཀྱི་རྒྱུད་ངོ་མཚར་གྱིས་བསྡུས་ནས་སོང་ངོ ། །དེའི་གཟུགས་དང ། ལང་ཚོ་དང ། གཡེར་བའི་ཡོན་ཏན་ལ་བརྟགས་ནས་མྱོས་ཤིང་ཞེན་པས་མཚན་ཐོག་ཐག་གཉིད་མ་ལོག་པས་ནམ་ནངས་པ་དང ། མཚན་མོ་གཉིད་ཀྱིས་ཤིན་ཏུ་ལྕི་བར་གྱུར་ནས། ཇི་ཙམ་ཉི་མ་ཤར་གྱི་བར་དུ་གཉིད་ལོག་ནས་གང་གི་ཚེ་འཇིག་རྟེན་གྱི་དུས་སྟོན་གྱི་ཆེད་དུ་མེ་ཏོག་ཐམས་ཅད་བཏུས་ཟིན་པ་དེའི་ཚེ་སད་ནས་མེ་ཏོག་གི་ཆེད་དུ་ཕན་ཚུན་སོང་བ་ན། མ་རྙེད་ནས་དེས་ཤིང་ཤི་རི་ཤ་ཞེས་བྱ་བའི་མེ་ཏོག་གཅིག་ཁྱེར་ནས་དེའི་དྲུང་དུ་སོང་སྟེ། ཚིགས་སུ་བཅད་པས་སྨྲས་པ། གཡང་གཞི་ཐོགས་པ་ཕུ་ཕོ་མཛེས་དགའ་ནི། །མ་ཤ་ཕྱེད་མེད་རྒྱུད་ཞན་སྙོམས་ལས་ཀྱིས། །དེ་རིང་ཤིང་རྣམས་མེ་ཏོག་རྒྱས་དུས་ནའང ། །སྦྱིན་པའི་མེ་ཏོག་ཤིར་ཤ་འདི་ཡིན་ནོ། །དེས་སྨྲས་པ། སོང་ལ་མེ་ཏོག་གཞན་དག་ཁྱེར་ལ་ཤོག་ཅིག་།འདོད་པ་རྣམས་ལ་སོ་སོར་རྟེན་པར་བྱེད་པ་ནི་ཀུན་ཏུ་སྦྱོང་བ་ལ་སོགས་ཏེ།་དེའི་འདོད་ཆགས་རབ་ཏུ་འཕེལ་བས། སོས་ཀའི་ཟླ་བ་ཐ་མའི་ཉིན་པར་སྤྲིན་མེད་ཅིང་རླུང་མི་ལྡང་བར་འདུག་པའི་ཉི་མ་ཕྱེད་ཀྱི་དུས་དང ། གྲོང་ཁྱེར་ནས་ཤིན་ཏུ་ཐག་རིང་བའི་ཡུལ་དགོན་པ་དག་ཏུ་མགོ་འདྲེན་པ་དང་དཀྱུས་མ་དག་དབྱངས་སུ་ལེན་ཅིང་མེ་ཏོག་ཐུའོ། །རྒྱལ་པོ་ཚངས་སྦྱིན་ཡང་རི་དྭགས་ཤོར་དུ་ཆས་པ་ན། དེ་ཉི་མའི་འོད་ཟེར་རྣོན་པོས་གདུངས་ནས་གྲིབ་མའི་ཆེད་དུ་ཕྱོགས་དེར་སོན་པ་
Nga155b
ན་དེའི་གླུའི་སྒྲ་ཐོས་ནས་ཚིགས་སུ་བཅད་ནས་སྨྲས་པ། སྟེང་ནས་ཉི་མས་གདུངས་བྱེད་ཅིང ། །འོག་ནས་བྱེ་མས་གདུངས་པ་ལ། །གླུ་ལེན་ཁྱོད་ཀྱི་ལུས་ལ་ནི། །ཅིའི་ཕྱིར་ཉི་མའི་གདུངས་པ་མེད། །མཛེས་དགས་ཀྱང་ཚིགས་སུ་བཅད་དེ་སྨྲས་པ། བདག་ནི་ཉི་མས་མ་གདུངས་ཏེ། །རྟོག་པ་ཡིས་ནི་བདག་གདུངས་ལགས། །བྱ་བ་བྱ་བ་མ་ཡིན་པས། །འཇིག་རྟེན་འདི་གདུངས་ཉི་མ་མིན། །རྒྱལ་པོས་བསམས་པ། བྲམ་ཟེའི་ཁྱེའུ་འདི་ནི་གདོན་མི་ཟ་བར་བསིལ་བར་བྱེད་པའི་གཏམ་ལ་མཁས་པ་ཞིག་ཡིན་ཏེ། དེས་ན་ཉི་མ་ཕྱེད་ཀྱི་ཚེ་འདུག་ནས་མེ་ཏོག་ཐུའོ་སྙམ་ནས། དེས་དེ་བཀུག་སྟེ་སྨྲས་པ། བྲམ་ཟེའི་ཁྱེའུ་རེ་ཞིག་བསིལ་བར་བྱེད་པའི་གཏམ་དག་བྱོས་ཤིག་།མཉམ་ཏོ། །དེས་བསམས་པ། རྒྱལ་པོ་དེ་ནི་གདོན་མི་ཟ་བར་ལུས་གདུངས་པ་ཡིན་ཏེ། དེས་ན་འདི་སྐད་ཅེས་སྨྲའོ་སྙམ་ནས། དེས་བསིལ་བར་བྱེད་པའི་གཏམ་རྣམ་པ་སྣ་ཚོགས་དེ་ལ་སྨྲས་པ་ཐོས་ནས། རྒྱལ་པོ་ལུས་ཀྱི་གདུང་བ་དང་བྲལ་བར་འགྱུར་ཏོ། །རྒྱལ་པོ་མངོན་པར་དགའ་བར་གྱུར་ནས། བློན་པོ་རྣམས་ལ་སྨྲས་པ། ཤེས་ལྡན་དག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བའི་སྲོག་སྦྱིན་པ་གང་ཡིན་པ་དེ་ལ་ལན་དུ་ཕན་ཅི་གདགས། ལྷ་རྒྱལ་སྲིད་ཀྱི་ཕྱེད་ཀྱིས་སོ། །དེ་ནས་རྒྱལ་པོ་དེས་སྨྲས་པ། བྲམ་ཟེའི་ཁྱེའུ་དེ་རིང་རྒྱལ་པོའི་ཕོ་བྲང་དུ་གནས་ཐོབ་ཅིག་དང ། སང་རྒྱལ་སྲིད་ཀྱི་ཕྱེད་སྦྱིན་ནོ། །དེ་རྒྱལ་པོའི་ཕོ་བྲང་དུ་མལ་བཟང་པོ་བྱིན་ནས་དེ་དེ་ལ་ཉལ་
Nga156a
༄#། །བ་ན། བཟང་མོ་རྗེས་སུ་དྲན་པར་སེམས་ཤིང་རྒྱལ་སྲིད་ཕྱེད་པོ་དེ་ཡང་སྨད་འཚོང་མ་བཟང་མོའི་ཕྱིར་བླང་ངོ་སྙམ་མོ། །ཡང་བསམས་པ། རྒྱལ་སྲིད་ཕྱེད་པོ་དེ་ལ་ལོངས་སྤྱོད་པའི་རྒྱལ་པོ་དེ་ཅི་འདྲ་བ་ཞིག་།མ་ལ་བདག་གིས་དེ་སྲོག་དང་བྲལ་བར་བྱའོ་སྙམ་མོ། །ཡང་བསམས་པ། རྒྱལ་པོ་བསད་པའི་རྒྱལ་སྲིད་གང་ཡིན་པ་དེས་ཅི་ཞིག་བྱ་སྙམ་ནས་ཚིགས་སུ་བཅད་དེ་སྨྲས་པ། དོན་མ་གྲུབ་ན་འདོད་འགྱུར་ལ། །དོན་གྲུབ་འདོད་པ་ལྡོག་མི་འགྱུར། །མ་གྲུབ་ན་ནི་ཕོངས་གྱུར་པས། །དེ་བས་དོན་ནི་དོན་མ་ཡིན། །ཇི་ཙམ་ནམ་ནངས་སུ་ཉེ་བ་ན། དེ་འགྱོད་པ་སྐྱེས་ནས་མལ་ནས་བབས་ཏེ་གཡང་གཞིས་ལ་བཏིང་ནས་ཉལ་ལོ། །ནམ་ནངས་པ་ན་རྒྱལ་པོས་སྨྲས་པ། ཤེས་ལྡན་དག་བྲམ་ཟེའི་ཁྱེའུ་དེ་ཁུག་ཅིག ། དེ་ལ་རྒྱལ་སྲིད་ཕྱེད་སྦྱིན་ནོ། །རྒྱལ་པོའི་ཕོ་ཉ་དག་འོངས་པ་ན་མལ་ཆེན་པོ་ནས་བབས་ཏེ། གཡང་གཞིས་ལ་བཏིང་ནས་ཉལ་བ་མཐོང་ངོ ། །མཐོང་ནས་ཀྱང་མ་དད་པ་སྐྱེད་དེ་རྒྱལ་པོའི་གན་དུ་སོང་ནས་སྨྲས་པ། ལྷ་འདི་ནི་རྒྱལ་སྲིད་ཀྱི་འོས་མ་ལགས་སོ། །རྒྱལ་པོས་སྨྲས་པ། ཅིའི་ཕྱིར། དེ་རྣམས་ཀྱིས་སྨྲས་པ། ལྷ་ཉོན་མོངས་མལ་ཆེན་པོ་གྱ་ནོམ་པ་སྤངས་ཏེ། གཡང་གཞི་ས་ལ་བཏིང་ནས་མཆིས། ཉལ་བའི་དམན་པ་ལ་མོས་པ་གང་ལགས་པ་དེ་ལ་རྒྱལ་སྲིད་སྩལ་ཏེ་ཅིར་རུང ། རྒྱལ་པོས་སྨྲས་པ། ཤེས་ལྡན་དག་།ཤེས་རབ་ཅན་དེ་དེ་ལ་རྒྱུ་ཞིག་ཡོད་
Nga156b
བར་འགྱུར་གྱིས་ཁུག་ཅིག་།དེ་རྣམས་ཀྱིས་དེ་བཀུག་པ་དང ། རྒྱལ་པོས་སྨྲས་པ། ཀྱེ་བྲམ་ཟེའི་ཁྱེའུ་ཁྱོད་ཅིའི་ཕྱིར་མལ་ཆེན་པོ་ལས་བབས་ཏེ། གཡང་གཞི་ས་ལ་བཏིང་ནས་ཉལ། དེས་ཇི་ལྟར་གྱུར་པ་རྣམས་རྒྱལ་པོ་ལ་རིག་པར་བྱས་ནས། དེ་སྨྲས་པ། ལྷ་གནང་བར་མཛོད་ཅིག་དང་རབ་ཏུ་འབྱུང་ངོ ། །རྒྱལ་པོས་སྨྲས་པ། དམ་ཞིག་བཅའ་སྟེ། གལ་ཏེ་ཁྱོད་རབ་ཏུ་བྱུང་ནས་ཁྱོད་ཀྱིས་ཡོན་ཏན་གྱི་ཚོགས་ཅུང་ཟད་རྟོགས་པ་ང་ལ་བརྗོད་པ་ལྟ་ན་གནང་ངོ ། །དེས་དེ་བཞིན་དུ་བགྱིའོ་ཞེས་ཁས་བླངས་སོ། །དེ་ནས་དེས་ཞི་བའི་ཕྱོགས་སུ་སོང་ནས་མཁན་པོ་དང་སློབ་དཔོན་མེད་པར་རང་བྱང་ཆུབ་རྟོགས་པར་བྱས་ན། རང་སངས་རྒྱས་དེས་བསམས་པ། བདག་གིས་རྒྱལ་པོ་དེ་ལ་སྔོན་ཁས་བླངས་པས་སོང་ལ། ཁས་བླངས་པ་དེ་རིག་པར་བྱའོ་ཞེས་དེ་རྒྱལ་པོའི་དྲུང་དུ་སོང་ནས་སྟེང་གི་ནམ་མཁའ་ལ་མངོན་པར་འཕགས་ཏེ། འབར་བ་དང་གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །རྒྱལ་པོས་དེའི་རྐང་པ་གཉིས་ལ་གཏུགས་ཏེ་ཚིགས་སུ་བཅད་པས་སྨྲས་པ། དགེ་བ་ཅི་ཞིག་བཙལ་ཕྱིར་རབ་བྱུང་བའི། །བྲམ་ཟེའི་ཁྱེའུ་ཡིས་རྙེད་པ་ལེགས་རྙེད་དེ། །ཅུང་ཟད་ལས་ཀྱི་རྣམ་སྨིན་བསྐྱེད་པ་ཡི། །ཉེར་འགྲོས་ཁྱད་པར་ཆེན་པོ་འདིར་རྟོགས་ལྟོས། །རྒྱལ་པོ་ཚངས་སྦྱིན་གྱི་སྐྲ་མཁན་གངྒཱ་སྐྱོང་ཞེས་བྱ་བ་ཞིག་ཡོད་པ་དེ། དེས་མཛེས་དགས་ཚིགས་སུ་བཅད་པས་སྨྲས་པ་འཛིན་དུ་བཅུག་ནས་སྨྲས་པ། གངྒཱ་སྐྱོང་ང་ལ་ཚིགས་སུ་བཅད་པ་དེ་
Nga157a
༄#། །ཡང་དང་ཡང་དུ་དྲན་པར་གྱིས་ཤིག་།སྐྲ་མཁན་གངྒཱ་སྐྱོང་རང་གི་བཟོ་ལ་ཤིན་ཏུ་བྱང་བ་ཡིན་པས་དེ་གང་གི་ཚེ་རྒྱལ་པོ་ཚངས་སྦྱིན་གྱི་ཁ་སྤུ་འཆོས་པ་དེའི་ཚེ་གཉིད་ལོག་པར་འགྱུར་ཞིང་སེ་གོལ་གྱིས་སད་པར་བྱས་ཏེ། སད་ནས་ཀྱང་གངྒཱ་སྐྱོང་ང་ལ་མཆོག་གང་འདོད་པ་གསོལ་ཅིག་ཅེས་མཆོག་སྦྱིན་པར་བྱེད་པ་ན་དེས་སྨྲས་པ། ལྷ་གསོལ་བ་ཞིག་མཆིས་སོ། ། གང་གི་ཚེ་གངྒཱ་སྐྱོང་གིས་རྒྱལ་པོ་ལ་ཚིགས་སུ་བཅད་པ་དྲན་པར་བྱེད་པ་དེའི་ཚེ། རྒྱལ་པོ་འདོད་པའི་གཏམ་ལ་སེམས་ཀྱང་མི་འགྲོ་ན། འདོད་པ་ཞེན་ཅིང་སྤྱོད་པ་ལྟ་སྨོས་ཀྱང་ཅི་དགོས་ཏེ། བཙུན་མོ་ལ་ལྟ་བར་ཡང་མི་བྱེད་དོ། །བཙུན་མོ་རྣམས་ཉོན་མོངས་པས་མྱོས་ཤིང་ཞེན་ནས་གངྒཱ་སྐྱོང་ལ་སྨྲས་པ། ཞང་པོ་གང་གི་ཚེ་ཁྱོད་ལ་ལྷས་མཆོག་སྦྱིན་པར་མཛད་པ་དེའི་ཚེ། ལྷས་གལ་ཏེ་བདག་ལ་དགྱེས་ན། ཚིགས་སུ་བཅད་པ་འདིའི་དོན་རྒྱས་པར་བཤད་དུ་གསོལ་ཞེས་གསོལ་ཅིག། རྒྱལ་པོས་ཚིགས་སུ་བཅད་པ་དེའི་དོན་རྒྱས་པར་རྣམ་པར་བཀྲོལ་བ་དང ། དེ་སྐྱོ་བ་སྐྱེས་ནས་རྐང་པ་ལ་གཏུགས་ཏེ་སྨྲས་པ། ལྷ་བདག་གིས་བསྙེན་བཀུར་བགྱིས་ལགས་ཀྱིས། ཁྱིམ་ནས་ཁྱིམ་མ་མཆིས་པར་རབ་ཏུ་འབྱུང་ངོ ། །རྒྱལ་པོས་སྨྲས་པ། གལ་ཏེ་རབ་ཏུ་བྱུང་ནས་ཡོན་ཏན་གྱི་ཚིགས་ཅུང་ཟད་ཐོབ་ན་ང་ལ་རིག་པར་བྱོས་ཤིག་།དེས་སྨྲས་པ། ལྷ་བཀའ་བཞིན་འཚལ། སྙན་དུ་གསོལ་བར་བགྱིའོ། །དེ་དྲང་སྲོང་རྣམས་ཀྱི་ནང་དུ་སོང་སྟེ་རབ་ཏུ་བྱུང་སྟེ། དེས་མངོན་པར་ཤེས་པ་ལྔ་མངོན་
Nga157b
སུམ་དུ་བྱས་སོ། །དེ་འདི་སྙམ་དུ་སེམས་ཏེ། བདག་གིས་རྒྱལ་པོ་ཚངས་སྦྱིན་ལ་སྔོན་ཁས་བླངས་ཀྱིས་སོང་ལ་ཁས་བླངས་པ་དེ་རིག་པར་བྱའོ་སྙམ་ནས། དེ་རྒྱལ་པོ་ཚངས་སྦྱིན་གང་ན་བ་དེར་སོང་སྟེ་ཕྱིན་ནས། སྟེང་གི་ནམ་མཁའ་ལ་མངོན་པར་འཕགས་ཏེ། འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས་དེས་རྐང་པ་ལ་གཏུགས་ཏེ་སྨྲས་པ། འཕགས་པ་ཁྱོད་ཀྱིས་ཡོན་ཏན་གྱི་ཚོགས་འདི་ལྟ་བུ་རྟོགས་སམ། རྟོགས་སོ། །རྒྱལ་པོ་ཚངས་སྦྱིན་གྱིས་དྲང་སྲོང་གངྒཱ་སྐྱོང་གི་རྐང་པ་ལ་གཏུགས་པ་ན། ས་རྣམ་པ་དྲུག་ཏུ་གཡོས་པར་གྱུར་ཏོ། །ཡང་དེའི་མས་ཚིགས་སུ་བཅད་དེ་སྨྲས་པ། ཚངས་སྦྱིན་བློ་དང་ལྡན་པ་པོ། །འདི་རུ་འདྲེག་མཁན་ལག་ཅ་དག་།བཞག་ནས་རབ་ཏུ་བྱུང་འདི་ལ། །ལྷ་ཁྱོད་འདུད་པའི་ཚུལ་མ་ཡིན། །རྒྱལ་པོ་ཚངས་སྦྱིན་གྱི་མས་ཁོང་དུ་ཆུད་པར་བྱ་བའི་ཕྱིར་ཚིགས་སུ་བཅད་པ་སྨྲས་པ། འདི་ལྟར་ཐུབ་པའི་བསླབ་པའི་གཞི་རྣམས་ལ། །དེས་ནི་དཀའ་སྤྱད་འདི་དག་སྤྱད་ལགས་ཏེ། །བློ་རྒྱ་ཆེན་པོར་གྱུར་པ་གང་ལགས་པ། །གངྒཱ་སྐྱོང་ལ་ཆུང་ཟད་མ་གསུངས་ཤིག་།དཀའ་ཐུབ་ཟིལ་གྱིས་སྡིག་པ་ཐམས་ཅད་མནན། །དཀའ་ཐུབ་ཟིལ་གྱིས་འཇིག་རྟེན་ཐམས་ཅད་མནན། །དཀའ་ཐུབ་ཟིལ་གྱིས་འདྲེག་མཁན་སྣོད་བཅོམ་སྟེ། །དཀའ་ཐུབ་འབར་ལ་ཅུང་ཟད་མ་གསུང་ཤིག། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་ཚངས་སྦྱིན་ཞེས་བྱ་བར་གྱུར་པ་གང་ཡིན་པ་དེ་བཟང་ལྡན་འདི་
Nga158a
༄#། །ཉིད་ཡིན་ནོ། །དྲང་སྲོང་གངྒཱ་སྐྱོང་ཞེས་བྱ་བ་གང་ཡིན་པ་དེ་ནི། ཉེ་བར་འཁོར་འདི་ཉིད་ཡིན་ཏེ། དེ་ན་ཡང་ཤཱཀྱའི་རྒྱལ་པོ་བཟང་ལྡན་ཚངས་སྦྱིན་དུ་གྱུར་པ་ན། ཉེ་བར་འཁོར་དྲང་སྲོང་གངྒཱ་སྐྱོང་ཞེས་བྱ་བར་གྱུར་པ་ལ་ཕྱག་བྱས་པ་ན། ས་རྣམ་པ་དྲུག་ཏུ་གཡོས་པར་གྱུར་ཏོ། །ད་ལྟར་ཡང་བཟང་ལྡན་གྱིས་ཉེ་བར་འཁོར་རབ་ཏུ་བྱུང་བ་ལ་ཕྱག་བྱས་པ་ན་ས་རྣམ་པ་དྲུག་ཏུ་གཡོས་པར་གྱུར་ཏོ། །སྡོམ་ལ། ཀོའུ་ཌིནྱ་དང་རིལ་བའི་དབྱིབས། །ཐམས་ཅད་སྒྲོལ་ནོར་ཤིང་རྟ་དང ། །གདུགས་དང་སྲིན་བུ་ཀི་ཏ་ཀ་།བྱམས་པའི་དྲིལ་སྒྲོགས་བཅུག་པ་དང ། །དགའ་སྐྱོང་ལ་དུ་བཏུང་བ་དང ། །སྣུམ་འཁུར་གནས་འཇོག་སྦྲང་རྩི་ཅན། །འདུལ་བ་འཛིན་མཆོག་བགྲང་པའོ། །གང་གི་ཚེ། ཚེ་དང་ལྡན་པ་ཀུན་ཤེས་ཀོའུ་ཌིནྱ་ས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས། བཅོམ་ལྡན་འདས་ཀྱིས་ཀྱང་སྣམ་སྦྱར་གྱི་རྒྱལ་མཚན་ཐོགས་པ་རྣམས་ཀྱི་མཆོག་ཏུ་བསྟན་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་ཤེས་ཀོའུ་ཌི་ནྱས་ལས་ཅི་ཞིག་བགྱིས་ན། དེས་ན་བཅོམ་ལྡན་འདས་ཀྱིས་སྣམ་སྦྱར་གྱི་རྒྱལ་མཚན་ཐོགས་པ་རྣམས་ཀྱི་མཆོག་ཏུ་བསྟན་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།དགེ་སློང་ཀུན་ཤེས་ཀོའུ་ཌི་ནྱ་འདི་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་
Nga158b
བྱས་ཤིང་བསགས་པས། དགེ་སློང་ཀོའུ་དིནྱ་འདི་ཉིད་ཀྱི་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་ནི། ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན། འཇིག་རྟེན་དུ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང ། མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་བྱུང་སྟེ། དེ་གྲོང་ཁྱེར་ཝཱ་ར་ཎཱ་སིར་ཉེ་བར་བརྟེན་ནས། རི་བོ་རིལ་བའི་དབྱིབས་ཞེས་བྱ་བ་ལ་བཞུགས་སོ། །ཅི་ཙམ་དུས་གཞན་ཞིག་ན། ཡང་དག་པར་རྫོགས་པའི་སངས་རྒྱས་འོད་སྲུང་སྔ་དྲོ་ན་བཟའ་ཤམ་ཐབས་མནབས། ཆོས་གོས་དང་ལྷུང་བཟེད་བསྣམས་ཏེ། ཝཱ་ར་ཎཱ་སིར་བསོད་སྙོམས་ལ་ཞུགས་པ་དང ། དགའ་འདུན་ལྔ་བརྒྱ་ཙམ་དོང་བའི་དགའ་འདུན་དེ་རྣམས་ཀྱིས་སངས་རྒྱས་བཅོམ་ལྡན་འདས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཀུན་ནས་བརྒྱན་པ།
Nga159a
༄#། །སྐུ་དཔེ་བྱད་བཟང་པོ་བརྒྱད་ཅུས་མཛེས་པར་བྱས་པ། འོད་འདོམ་གང་གིས་བརྒྱན་པ། འོད་ཟེར་ཉི་མ་སྟོང་པས་ལྷག་པའི་འོད་ཅན། རིན་པོ་ཆེའི་རི་བོ་འགྲོ་བ་ལྟར་ཀུན་ནས་མཛེས་པར་མཐོང་ངོ ། །མཐོང་མ་ཐག་ཏུ་དད་པ་སྐྱེས་ནས་གྲོས་བྱ་བར་བརྩམས་པ། ཤེས་ལྡན་དག་བདག་ཅག་འདི་ལས་རབ་ཏུ་འབྱུང་བར་བྱའོ་ཞེས་དེ་རྣམས་ཀྱིས་དེ་ལྟར་གྲོས་བྱས་པ་ལས། ཁ་ཅིག་ནི་རྒྱ་མཚོ་ཆེན་པོར་ཞུགས་སོ། ཁ་ཅིག་ནི་ཡུལ་གྱི་མཐར་དོང་ངོ ། ཁ་ཅིག་ནི་ཤི་བའི་ཆོས་དང་ལྡན་པར་གྱུར་ཏེ། སྐྱེ་བོ་བཅུ་དྲུག་ཅིག་ལུས་པ་དེ་རྣམས་རི་བོ་རིལ་བའི་དབྱིབས་ལ་དོང་ནས། ཡང་དག་པར་རྫོགས་པའི་སངས་རྒྱས་འོད་སྲུང་ལས་རབ་ཏུ་བྱུང་སྟེ། དེ་རྣམས་དེ་ནི་བསམ་གཏན་དང ། ཀློག་པ་དང ། རྣལ་འབྱོར་གྱིས་གནས་སོ། །ཇི་ཙམ་དུས་གཞན་ཞིག་ན་ཡང་དག་པར་རྫོགས་པའི་སངས་རྒྱས་འོད་སྲུང་གིས་སངས་རྒྱས་ཀྱི་མཛད་པ་མཐའ་དག་མཛད་ནས་ཤིང་ཟད་པའི་མེ་བཞིན་དུ་དྲང་སྲོང་སྨྲ་བའི་རི་དྭགས་ཀྱི་ནགས་སུ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དེ་རྣམས་ལ་ལྷ་རྣམས་ཀྱིས་སྨྲས་པ། ཤེས་ལྡན་དག་ཡང་དག་པར་རྫོགས་པའི་སངས་རྒྱས་འོད་སྲུང་ཡོངས་སུ་མྱ་ངན་ལས་འདས་ཏེ། དེ་ཡོངས་སུ་མྱ་ངན་ལས་འདས་ནས་དེ་རིང་དུ་ཞག་བདུན་ལོན་ཏེ། དེའི་བསྟན་པ་ཡང་ནུབ་ན་ཁྱེད་ཅག་འབྲས་བུ་མེད་པའི་སྦུན་པ་འདྲུ་ཞིང་འདུག་སྟེ་ཅི་རུང་ཞེས་བྱས་པ་ཐོས་ནས། བྱ་བ་མ་བྱས་པའི་སྡུག་བསྔལ་ཆེན་པོས་
Nga159b
གདུངས་སོ། །དེ་ནས་ལྔ་ནི་ཐོས་མ་ཐག་ཏུ་རི་བོ་རིལ་བའི་དབྱིབས་ལས་བབས་ནས། ཝཱ་ར་ཎཱ་སིར་ཞུགས་སོ། །དྲུག་གིས་ནི་དེ་ཉིད་དུ་ཡིད་བྱུང་བས་བརྩོན་འགྲུས་བརྩམས་ནས་རང་བྱང་ཆུབ་མངོན་སུམ་དུ་བྱས་སོ། །ཕྱི་ནས་ལྔ་ཡང་བབས་ནས་ཝཱ་ར་ཎཱ་སི་ཉིད་དུ་འཇུག་པར་བརྩམས་པ་ན། ཇི་ཙམ་ན་ཤིང་རྟས་འཚོ་བའི་ཚོང་པ་དག་འགྲོ་བ་ན། ཤིང་རྟས་འཚོ་བ་གཅིག་གིས་གླང་དག་ཉམ་ཆུང་བཞིན་དུ་དེ་དག་ལ།་དེས་ལྕག་གཟེར་བུ་ཅན་གྱིས་ཡང་ནས་ཡང་དུ་བཞུས་ཏེ། དེ་རྣམས་ཉམ་ཆུང་བས་ཤི་ལ་ཐུག་ཅིང་འགྲོ་མི་ནུས་བཞིན་དུ་ཤིང་རྟས་འཚོ་བའི་ཚོང་བའི་སྣ་ལ་འགྲོ་བ་དང ། དེ་ལ་དགེ་སློང་དེ་རྣམས་ཀྱིས་སྨྲས་པ། ཀྱེ་ཤིང་རྟས་འཚོ་བ་ཁྱོད་ཀྱི་གླང་ཉམ་ཆུང་བ་འདི་རྣམས་ལ་ལྕག་གཟེར་བུ་ཅན་གྱིས་ཡང་ནས་ཡང་དུ་བཞུས་ཏེ་ཅིར་རུང ། གལ་ཏེ་འགྲོ་མི་ནུས་ན་དལ་བུས་འགྲོར་ཆུག་ལ། ཕྱི་ནས་སོང་ངོ་ཅོག་།དེས་སྨྲས་པ། བདག་སྣ་ལ་ཤིང་རྟས་འཚོ་བའི་ཚོང་པ་དང་ལྷན་ཅིག་མཆི་མི་ནུས་ཞེས་གལ་ཏེ་བདག་ཕྱི་ནས་ཆས་ན་གདོན་མི་ཟ་བར་ཤིང་རྟས་འཚོ་བའི་ཚོང་པ་འདིས་བདག་བོར་ནས་དོང་བར་འགྱུར་རོ། །དེ་རྣམས་ཀྱིས་ཤིང་རྟས་འཚོ་བ་དེ་ལས་ཟུར་བཟུང་ནས་མི་དགའ་སྟེ། གཅིག་ལ་གཅིག་སྨྲས་པ། ཤེས་ལྡན་དག་ཡང་དག་པར་རྫོགས་པའི་སངས་རྒྱས་འོད་སྲུང་ཡོངས་སུ་མྱ་ངན་ལས་འདས་ཏེ་བདག་ཅག་ལུས་ན། འདིས་ཀྱང་བདག་ཅག་ལ་བསྐུལ་མ་བཏབ་ཀྱིས། མ་ལ་བདག་ཅག་གིས་བརྩོན་འགྲུས་བརྩམས་པར་བྱའོ་ཞེས་སྨྲས་ནས། ཚིགས་སུ་བཅད་དེ་སྨྲས་པ། ཐུབ་
Nga160a
༄#། །པ་ཆེན་པོ་འོད་སྲུང་གི་།གལ་ཏེ་ཆོས་ནི་ནུབ་གྱུར་ཀྱང ། །ཡང་དག་སངས་རྒྱས་ཀྱིས་བཤད་པའི། །བརྩོན་འགྲུས་འདོར་བར་མི་བྱའོ། །བདག་ཅག་གི་ནི་ཟག་པ་ཡང ། །གལ་ཏེ་ཟད་པར་མ་གྱུར་ན། །ཤཱཀྱ་སེངྒེ་སྐྱོབ་པ་ཡི། །ཉན་ཐོས་མཆོག་ཏུ་འགྱུར་བར་བྱ། །དེ་རྣམས་ཝཱ་ར་ཎཱ་སིར་ཞུགས་ནས། བསོད་སྙོམས་སྤྱད་དེ། སླར་ཡང་རི་བོ་རིལ་བའི་དབྱིབས་ལ་དོང་ནས། བསམ་གཏན་དང ། ཀློག་པ་དང ། རྣལ་འབྱོར་གྱིས་གནས་པ་ན་དེ་རྣམས་ལས་བཞི་ཤིའོ། །གཅིག་ཅིག་ལུས་པ་དེ་མི་དགའ་བ་སྐྱེས་ཤིང་ཡིད་བྱུང་བས་ཆེད་དུ་བརྗོད་པས་ཆེད་དུ་བརྗོད་པ། རི་བོ་རིལ་བའི་དབྱིབས་གང་ཡིན་པ་འདི་ཉིད་ལ་བདག་གིས་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱས་ལ། དེའི་དགེ་སློང་ཉི་ཁྲི་ཡང་མཐོང་ནད་བདག་འབའ་ཞིག་འཛམ་བུའི་གླིང་མཐའ་དག་ན་སྣམ་སྦྱར་གྱི་རྒྱལ་མཚན་འཛིན་པ་ལྟ་ཞིག་སྙམ་ན། དེས་སྨོན་ལམ་གདབ་པར་བརྩམས་པ། འདི་ལྟར་བདག་གིས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་ལས་འདི་སྲིད་དུ་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་ཅུང་ཟད་ཀྱང་མ་རྟོགས་ཀྱིས། དགེ་བའི་རྩ་བ་འདིས་བདག་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་གང་ཡིན་པ་དེ་ལ་བྲམ་ཟེའི་ཁྱེའུ་ཁྱོད་སྐྱེ་དགུ་རྣམས་ཀྱི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པར་འགྱུར་
Nga160b
རོ་ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས་དེར་ཐོག་མར་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས། བཅོམ་ལྡན་འདས་ཤཱཀྱ་ཐུབ་པ་དེས་བདག་སྣམ་སྦྱར་གྱི་རྒྱལ་མཚན་འཛིན་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་བཏབ་བོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་ཡོངས་སུ་མྱ་ངན་ལས་འདས་པའི་དགེ་སློང་ཉི་ཁྲི་ཡོད་པ་ལས་དགེ་སློང་གཅིག་ལུས་པས་འཛམ་བུའི་གླིང་མཐའ་དག་ན་སྣམ་སྤྱར་གྱི་རྒྱལ་མཚན་བཟུང་སྟེ་རི་བོ་རིལ་བའི་དབྱིབས་གང་ན་བ་དེར་སོང་ནས་སྨོན་ལམ་བཏབ་པ་གང་ཡིན་པ་དེ་ནི། དགེ་སློང་ཀུན་ཤེས་ཀོའུ་ཌི་ནྱ་འདི་ཉིད་ཡིན་ཏེ། དེའི་སྨོན་ལམ་གྱི་དབང་གིས་ད་ལྟར་ཡང་བཅོམ་ལྡན་འདས་ཀྱིས་སྣམ་སྦྱར་གྱི་རྒྱལ་མཚན་འཛིན་པའི་མཆོག་ཏུ་བསྟན་ཏོ། ། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ནི་གཅིག་ཏུ་དཀར་པ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་པས། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང ། འདྲེན་མ་རྣམས་ནི་སྤངས་ལ་ལས་གཅིག་ཏུ་དཀར་པ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །གང་གི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ཀོའུ་ཌི་ནྱ་ལ་ཆོས་བཤད་ནས་ཡང་དག་ཡང་དུ་རྨེད་པར་མཛད་དེ། ཀོའུ་ཌི་ནྱ་ཁྱོད་ཀྱིས་ཆོས་ཀུན་ཤེས་སམ། བཅོམ་ལྡན་འདས། ཀུན་
Nga161a
༄#། །འཚལ་ལགས་སོ། །ཀོའུ་ཌི་ནྱ་ཁྱོད་ཀྱིས་ཆོས་ཀུན་ཤེས་སམ། བདེ་བར་གཤེགས་པ། ཀུན་འཚལ་ལགས་སོ་ཞེས་གསོལ་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་ཤེས་ཀོའུ་ཌི་ནྱས་ལས་ཅི་ཞིག་བགྱིས་ན། དེས་ན་བཅོམ་ལྡན་འདས་ཀྱིས་ཆོས་བཤད་ནས་ཡང་དང་ཡང་དུ་རྨེད་པ་མཛད་དེ། ཀོའུ་ཌི་ནྱ་ཁྱོད་ཀྱིས་ཆོས་ཀུན་ཤེས་སམ། བཅོམ་ལྡན་འདས་ཀུན་འཚལ་ལགས་སོ། །ཀོའུ་ཌི་ནྱ་ཁྱོད་ཀྱིས་ཆོས་ཀུན་ཤེས་སམ། བདེ་བར་གཤེགས་པ་ཀུན་འཚལ་ལགས་སོ། །ཞེས་གསོལ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཀོའུ་ཌི་ནྱ་འདི་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ནཱ་སིར་རྒྱལ་པོ་ཚངས་སྦྱིན་ཞེས་བྱ་བ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ། སྐྱེ་བོ་དང་མི་མང་པོས་རབ་ཏུ་གང་བ་ན། རྒྱལ་སྲིད་བྱེད་དུ་འཇུག་གོ་།དེ་དུས་གཞན་ཞིག་ན། བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བཙུན་མོ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་གཟུགས་བཟང་ཞིང ། མཛེས་པ་བལྟ་ན་སྡུག་
Nga161b
པ། ཡན་ལག་གི་མཆོག་ཐམས་ཅད་དང་ལྡན་པ་ཞིག་བཙས་སོ། །བཙས་ནས་དེ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། ལྷ་ཡུལ་དབུས་ཀྱི་ཡུལ་ཆོས་ཀྱིས་ནི་གཟུགས་བཟང་ཞིང་མཛེས་པ་དང ། བལྟ་ན་སྡུག་པ་ལགས་ན། དེས་མཛེས་དགའ་ཞེས་འདོགས་ལགས་ལ། ཁྱེའུ་འདི་ཡང་གཟུགས་བཟང་ཞིང་མཛེས་ལ་བལྟ་ན་སྡུག་ཅིང་ཡུལ་ཀ་ཤིའི་རྒྱལ་པོའི་སྲས་ཀྱང་ལགས་པས། ཁྱེའུ་ཡི་མིང་ཀ་ཤི་མཛེས་དགའ་ཞེས་བགྱི་བར་གདགས་སོ་ཞེས་དེའི་མིང་ཀ་ཤི་མཛེས་དགའ་ཞེས་བྱ་བར་བཏགས་སོ། །ཁྱེའུ་ཀ་ཤི་མཛེས་དགའ་མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་བསྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ཏེ། མ་མ་བརྒྱད་ལ་རྗེས་སུ་གཏད་ནས། དེ་མ་མ་བརྒྱད་ཀྱིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་པོ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །ཡང་རྒྱལ་པོ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བཙུན་མོ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་ཞིག་བཙས་ཏེ། གང་གི་ཉི་མ་ལ་བཙས་པ་དེ་ཉིད་ཀྱི་ཉི་མ་ལ་ཝཱ་ར་ཎཱ་སིར་ཡུལ་མི་དང་གྲོང་མི་འཐབ་མོ་ཆེན་པོ་བྱུང་ངོ ། །དེ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་
Nga162a
༄#། །པར་བྱེད་དོ། །བཙུན་མོའི་ཚོགས་ཀྱིས་སྨྲས་པ། ལྷ་འདི་བཙས་པ་ན་ཝཱ་ར་ཎཱ་སིར་གྲོང་མི་དང་ཡུལ་མི་རྣམས་འཐབ་མོ་ཆེན་པོ་བྱུང་བས། དེའི་སླད་དུ་ཁྱེའུ་ཡི་མིང་འཐབ་མོ་སྐྱེས་སུ་གདགས་སོ་ཞེས་བཏགས་སོ། །རྒྱལ་པོ་ཚངས་སྦྱིན་ནི་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་འཇུག་སྟེ། གཞོན་ནུ་ཀ་ཤི་མཛེས་དགས་ཕ་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་འཇུག་པ་མཐོང་ངོ། །མཐོང་ནས་ཀྱང་དེ་འདི་སྙམ་དུ་སེམས་ཏེ། བདག་ཀྱང་ཡབ་འདས་ན་རྒྱལ་པོར་འགྱུར་ཞིང་བདག་གིས་ཀྱང་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་བཅུག་ནས་དམྱལ་བར་གཞོལ་བར་འགྱུར་གྱིས།་མ་ལ་བདག་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་ནས། དེ་ཕའི་དྲུང་དུ་སོང་སྟེ་རྐང་པ་ལ་གཏུགས་ཏེ་སྨྲས་པ། ཡབ་གནང་བར་མཛད་དུ་གསོལ། བདག་ཁྱིམ་ནས་ཁྱིམ་མ་མཆིས་པར་རབ་ཏུ་འབྱུང་ལགས་སོ། །དེས་སྨྲས་པ། བུ་གང་གི་དོན་དུ་མཆོད་སྦྱིན་མཆོད་པར་བྱེད། སྦྱིན་སྲེག་སྲེག་པར་བྱེད། དཀའ་ཐུབ་ཀྱིས་གདུང་བར་བྱེད་པའི་རྒྱལ་སྲིད་ཁྱོད་ཀྱི་ལག་ཏུ་འོངས་ན་ཅིའི་ཕྱིར་རྒྱལ་སྲིད་སྤངས་ཏེ་རབ་ཏུ་འབྱུང ། དེས་ཚིགས་སུ་བཅད་པས་སྨྲས་པ། ནགས་ན་ཤིང་ཤུན་རྩཝ་གྱོན་ཞིང ། །རྩ་བ་འབྲས་བུ་འཆའ་བ་དང ། །རི་དྭགས་གདུག་པ་རྣམས་དང་ནི། །ལྷན་ཅིག་གནས་པ་མཆོག་ལགས་ཀྱི། །འཇིག་རྟེན་ཕ་རོལ་འཇིག་བྱེད་པའི། །མཁས་པས་རྒྱལ་སྲིད་སླད་དུ་ནི། །གསོད་དང་བཅིངས་དང་བརྡེག་པ་དག་།བགྱིད་པ་དེ་ལྟར་མ་
Nga162b
ལགས་སོ། །རྒྱལ་པོས་སྨྲས་པ། གཞོན་ནུ་ཤེས་པར་གྱིས་ཤིག་།ཁྱོད་ནི་ངའི་བུ་གཅིག་པ་སྡུག་པ་ཡིད་དུ་འོང་བ། བཟོད་པ་མི་མཐུན་པ་མེད་པ་ཡིན་ཏེ། ང་ཤི་བར་གྱུར་ན་མི་འདོད་བཞིན་དུ་ཁྱོད་དང་འབྲལ་གྲང ། གསོན་བཞིན་དུ་ལྟ་ག་ལ་བཏང ། གཞོན་ནུ་ཀ་ཤི་མཛེས་དགས་སྨྲས་པ། ཡབ་གལ་ཏེ་གནང་ན་དེ་ལྟ་ན་ལེགས། གལ་ཏེ་མི་གནང་ན་འཚལ་མ་ཡང་མི་འཚལ། ཕྱག་ཀྱང་མི་འཚལ་ལོ། །དེ་ནས་གཞོན་ནུ་ཀ་ཤི་མཛེས་དགས་ཉི་མ་གཅིག་ཀྱང་ཟན་བཅད་པར་བྱས་པ་ནས། གཉིས་དང་གསུམ་དང་དྲུག་གི་བར་དུ་ཟན་བཅད་པར་བྱས་སོ། །དེ་ནས་རྒྱལ་པོ་ཚངས་སྦྱིན་གྱིས་གཞོན་ནུ་ཀ་ཤི་མཛེས་དགའ་ལ་འདི་སྐད་ཅེས་སྨྲས་སོ། །བུ་གཞོན་ནུ་ཤེས་པར་གྱིས་ཤིག་།ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པར་བྱ་དཀའོ། །གཅིག་པུ་ཉིད་ལ་མངོན་པར་དགའ་བར་བྱ་དཀའོ། །གནས་མལ་དགོན་པ་ནགས་ཁྲོད་རི་དྲུང་དང ། བས་མཐའ་དག་ཏུ་གནས་པ་མནགས་དཀའོ། །གཅིག་པུ་དགོན་པར་གནས་པ་ཡང་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་རྣམས་དང་ལྷན་ཅིག་གནས་པར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བྱ་དགོས་སོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བ་དང ། རྩེད་མོ་དག་ལས་དབེན་པར་བྱ་དགོས་སོ། །བུ་གཞོན་ནུ་ཁྱོད་ཚུར་ཤོག་།འདི་ཉིད་དུ་འདུག་ལ་རྒྱལ་ཚབ་བྱོས་ཏེ།
Nga163a
༄#། །འདོད་པ་དག་ལ་ཡང་སྤྱོད་ཅིག་།སྦྱིན་པ་དག་ཀྱང་བྱིན་ཅིག་།བསོད་ནམས་ཀྱང་བྱོས་ཤིག་།དེ་སྐད་ཅེས་སྨྲས་ཀྱང ། གཞོན་ནུ་ཀ་ཤི་མཛེས་དགའ་ཅང་མི་སྨྲ་བར་འདུག་གོ་།དེ་ནས་རྒྱལ་པོ་ཚངས་སྦྱིན་གྱིས། བཙུན་མོ་དང ། བློན་པོ་དང ། མདུན་ན་འདོན་ལ་བསྒོ་བ། ཤེས་ལྡན་དག་རེ་ཞིག་གཞོན་ནུ་སློང་ཞིག་།ལྷ་བཀའ་བཞིན་འཚལ་ཞེས་བཙུན་མོ་དང ། བློན་པོ་དང ། མདུན་ན་འདོན་རྣམས་གཞོན་ནུ་ཀ་ཤི་མཛེས་དགའ་གང་ན་བ་དེར་དོང་སྟེ་ལྷགས་ནས་གཞོན་ནུ་ཀ་ཤི་མཛེས་དགའ་ལ་འདི་སྐད་ཅེས་སྨྲས་སོ། །སྲས་གཞོན་ནུ་མཁྱེན་པར་མཛོད་ཅིག་།ཁྱོད་ནི་ཤིན་ཏུ་གཞོན་པ་བདེ་བ་བཞེད་པས་སྡུག་བསྔལ་མི་མཁྱེན་ཏེ། ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པར་བགྱིད་དཀའོ། །གཅིག་པུ་ཉིད་ལ་མངོན་པར་དགའ་བར་བགྱི་དཀའོ། །གནས་མལ་དགོན་པ་ནགས་ཁྲོད་རི་དྲུང་དང ། བས་མཐའ་དག་ཏུ་གནས་པ་མནགས་པར་དཀའོ། །གཅིག་པུ་དགོན་པར་གནས་པ་ཡང་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་དགའ་བའི་རྩེད་མོ་རྣམས་ལས་དབེན་པར་བགྱི་འཚལ་ལོ། །སྲས་གཞོན་ནུ་ཁྱོད་ཚུར་སྤྱོན། འདི་ཉིད་དུ་བཞུགས་ལ་རྒྱལ་
Nga163b
ཚབ་མཛད་དེ། འདོད་པ་རྣམས་ལ་ཡང་ཡོངས་སུ་སྤྱོད་ཅིག་།སྦྱིན་པ་དག་ཀྱང་སྩོལ་ཅིག་།བསོད་ནམས་དག་ཀྱང་གྱིས་ཤིག་།ཅེས་དེ་སྐད་སྨྲས་པ་ན། གཞོན་ནུ་ཀ་ཤི་མཛེས་དགའ་ཅང་མི་སྨྲ་བར་འདུག་གོ་།དེ་ནས་རྒྱལ་པོ་ཚངས་སྦྱིན་གྱིས། གཞོན་ནུ་ཀ་ཤི་མཛེས་དགའ་དང་ལྷན་ཅིག་རྡུལ་ཁྲོད་ན་རྩེ་རྩེ་བའི་བློན་པོའི་བུ་རྣམས་དང ། མདུན་ན་འདོན་གྱི་བུ་རྣམས་དང ། གཞན་ཡང་གཞོན་ནུ་རྣམས་ལ་བསྒོ་བ། བཞོན་ནུ་དག་ཚུར་རེ་ཞིག་གཞོན་ནུ་ཀ་ཤི་མཛེས་དགའ་སློང་ཞིག་།དེ་ནས་བློན་པོའི་བུ་རྣམས་དང ། མདུན་ན་འདོན་གྱི་བུ་རྣམས་དང ། གཞོན་ནུ་རྣམས་ཀྱིས་རྒྱལ་པོ་ཚངས་སྦྱིན་ལས་མཉན་ནས།་གཞོན་ནུ་ཀ་ཤི་མཛེས་དགའ་གང་ན་བ་དེར་དོང་སྟེ་ལྷགས་ནས། གཞོན་ནུ་ཀ་ཤི་མཛེས་དགའ་ལ་འདི་སྐད་ཅེས་སྨྲས་སོ། །གཞོན་ནུ་དེས་པ་མཁྱེན་པར་མཛོད་ཅིག་།ཁྱོད་ནི་ཤིན་ཏུ་གཞོན་པ་བདེ་བ་བཞེད་པས་སྡུག་བསྔལ་མི་མཁྱེན་ཏེ་ཚངས་པར་སྤྱོད་པར་སྤྱད་དཀའོ། །རབ་ཏུ་དབེན་པར་བགྱི་དཀའོ། །གཅིག་པུ་ཉིད་ལ་མངོན་པར་དགའ་བར་དཀའོ། །གནས་མལ་དགོན་པ་ནགས་ཁྲོད་རི་དྲུང་དང་བས་མཐའ་དག་ཏུ་གནས་པར་མནགས་པར་དཀའོ། །གཅིག་པུ་དགོན་པར་གནས་པ་ཡང་སྡུག་བསྔལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་རི་དྭགས་གདུག་པ་དག་དང་ལྷན་ཅིག་གནས་པར་བགྱི་འཚལ་ལོ། ། ཁྱོད་ཀྱིས་ཇི་སྲིད་འཚོའི་བར་དུ་གཞན་གྱིས་བྱིན་པས་འཚོ་བར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་འདོད་པ་དག་ལས་དབེན་པར་བགྱི་འཚལ་ལོ། །ཁྱོད་ཀྱིས་ཇི་སྲིད་འཚོའི་བར་དུ་མིའི་
Nga164a
༄#། །དགའ་བའི་རྩེད་མོ་དག་ལས་དབེན་པར་བགྱི་འཚལ་ལོ། །སྲས་གཞོན་ནུ་ཁྱོད་ཚུར་སྤྱོན་འདི་ཉིད་དུ་བཞུགས་ལ་རྒྱལ་ཚབ་མཛོད་དེ། འདོད་པ་དག་ལ་ཡང་ཡོངས་སུ་སྤྱོད་ཅིག་།སྦྱིན་པ་དག་ཀྱང་སྩོལ་ཅིག་།བསོད་ནམས་དག་ཀྱང་གྱིས་ཤིག་།ཅེས་དེ་སྐད་སྨྲས་ན། གཞོན་ནུ་ཀ་ཤི་མཛེས་དགའ་ཅང་མི་སྨྲ་བར་འདུག་གོ་།དེ་ནས་བློན་པོའི་བུ་རྣམས་དང ། གཞོན་ནུ་རྣམས་རྒྱལ་པོ་ཚངས་སྦྱིན་གང་ན་བ་དེར་སོང་སྟེ་ཕྱིན་ནས་རྒྱལ་པོ་ཚངས་སྦྱིན་ལ་འདི་སྐད་ཅེས་སྨྲས་སོ། །ལྷ་མཁྱེན་པར་མཛོད་ཅིག་།གཞོན་ནུ་དེས་པ་ཀ་ཤི་མཛེས་དགའ་གུམ་ན་ཅི་རུང ། འདི་ལྟར་རབ་ཏུ་བྱུང་བ་ནི་མཁས་པ་རྣམས་ཀྱིས་བསྔགས་པ་ལགས་ཏེ། གལ་ཏེ་དེ་ལ་མངོན་པར་དགའ་བར་གྱུར་ན་གསོན་པོར་དེ་ལ་གཟིགས་པར་འགྱུར་རོ། །གལ་ཏེ་མངོན་པར་དགའ་བར་མ་གྱུར་ཏེ། སླར་ཡང་དྲང་སྲོང་རྣམས་ལས་ལོག་པར་གྱུར་ན། བུའི་གནས་ནི་ཕ་དང་མ་མ་ལགས་པ་གཞན་གང་དུ་མཆི་བར་འགྱུར། རྒྱལ་པོ་ཚངས་སྦྱིན་གྱིས་སྨྲས་པ། གཞོན་ནུ་དག་གལ་ཏེ་དེ་ལྟ་ན་གནང་བར་བྱའོ། །དེ་ནས་བློན་པོའི་བུ་རྣམས་དང ། མདུན་ན་འདོན་གྱི་བུ་རྣམས་དང ། གཞོན་ནུ་རྣམས་གཞོན་ནུ་ཀ་ཤི་མཛེས་དགའ་གང་ན་བ་དེར་སོང་སྟེ་ཕྱིན་ནས་གཞོན་ནུ་ཀ་ཤི་མཛེས་དགའ་ལ་འདི་སྐད་ཅེས་སྨྲས་སོ། །གཞོན་ནུ་དེས་པ་མཁྱེན་པར་མཛོད་ཅིག་།རབ་ཏུ་འབྱུང་བར་གནང་སྟེ། གཞོན་ནུ་ད་ནི་དེའི་དུས་མཁྱེན་པར་མཛོད་ཅིག་།དེ་ནས་གཞོན་ནུ་ཀ་ཤི་མཛེས་དགའ་བཅུད་ཀྱི་ཁུ་
Nga164b
བས་རིམ་གྱིས་ལུས་ཀྱི་མཐུ་དང ། སྟོབས་དང ། བརྩོན་འགྲུས་བསྐྱེད་དེ། ཝཱ་ར་ཎཱ་སི་ནས་བྱུང་ནས་དྲང་སྲོང་རྣམས་ཀྱི་ནང་དུ་རབ་ཏུ་བྱུང་ངོ ། །དེས་བརྩན་པ་དང་འབད་པ་དང ། བརྩལ་བ་བྱས་པས་འདོད་པ་རྣམས་ལས་འདོད་ཆགས་དང་བྲལ་བར་བྱས་ནས། བྱམས་པའི་ཏིང་ངེ་འཛིན་ཐོབ་སྟེ། དེ་ཤིན་ཏུ་སེམས་ཅན་རྣམས་ལ་བརྩེ་བ་དང་ལྡན་པར་གྱུར་ནས། དེའི་བྱམས་པ་དེས་ན་རི་དྭགས་གདུག་པ་རྣམས་ཀྱང་བསྟི་གནས་སུ་འདྲིས་པར་གྱུར་ཏེ། གནོད་པར་མི་བྱེད་པས་དེའི་མིང་བཟོད་པ་སྨྲ་བ་བཟོད་པ་སྨྲ་བ་ཞེས་བྱ་བར་གྱུར་ཏོ། །ཇི་ཙམ་དུས་གཞན་ཞིག་ན་རྒྱལ་པོ་ཚངས་སྦྱིན་ཤི་ནས་འཐབ་མོ་སྐྱེས་རྒྱལ་སྲིད་ལ་བཞག་སྟེ། དེ་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་འཇུག་གོ་།དྲང་སྲོང་བཟོད་པ་སྨྲ་བས་སྨྲས་པ། མཁན་པོ་བདག་གིས་ལུས་ནི་ཁ་ཟས་དང་བཏུང་བས་སྐྱེས་པས། དགོན་པའི་སྨན་གྱིས་འཚོ་བར་རྔོ་མི་ཐོག་གིས་གྲོང་མཐར་གནས་སུ་མཆི་ལགས་སོ། །དེས་སྨྲས་པ། བུ་གྲོང་ངམ་དགོན་པར་གནས་ཀྱང་རུང་སྟེ། དྲང་སྲོང་རྣམས་ནི་དབང་པོ་རྣམས་སྲུང་བར་བྱེད་ཀྱིས་སོང་ལ་ཝཱ་ར་ཎཱ་སིའི་ཉེ་འཁོར་དུ་སོང་ནས་ལོ་མ་དང ། འདབ་མའི་སྤྱིལ་པོ་བྱོས་ལ་གནས་པར་གྱིས་ཤིག་།དེ་མཁན་པོ་ལས་ལུང་ཐོབ་ནས་ཝཱ་ར་ཎཱ་སིར་སོང་སྟེ་ཞི་བའི་གནས་བཙལ་བའི་ཕྱིར་ཕན་ཚུན་དུ་རྒྱུ་ཞིང་རིམ་གྱིས་ཕའི་སྐྱེད་མོས་ཚལ་དུ་སོང་སྟེ། དེས་དེར་བཙལ་བ་ལས་ཞི་བའི་ཕྱོགས་ཤིག་མཐོང་ནས། དེ་དེ་ན་གནས་སོ། །ཇི་ཙམ་དུས་གཞན་ཞིག་ན་རྒྱལ་པོ་འཐབ་མོ་སྐྱེས་སོ་གའི་དུས་ལ་བབ་པ་ན་ནགས་ཚང་ཚིང་མེ་ཏོག་གི་
Nga165a
༄#། །ཤིང་རྣམས་ཁ་འབུས་ཤིང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་ཏེའུ་རྣམས་ཀྱང་སྐད་འབྱིན་པའི་སྐྱེད་མོས་ཚལ་གྱི་ས་གཞིར་བཙུན་མོ་དང་ལྷན་ཅིག་དོང་ནས་དེས་སྐྱེད་མོས་ཚལ་དེར་བདེ་བ་ཉམས་སུ་མྱོང་བས་དུབ་པར་གྱུར་ཏེ། གཉིད་ལོག་པ་དང ། བུད་མེད་ནི་མེ་ཏོག་དང ། འབྲས་བུ་ལ་དགའ་བ་ཡིན་པས་སྐྱེད་མོས་ཚལ་དེ་ཉིད་ནས་ཕན་ཚུན་དུ་རྒྱུ་བར་བརྩམས་པ་ལས། ཅི་ཙམ་ན་དྲང་སྲོང་བཟོད་པ་སྨྲ་བར་སྤྱོད་ལམ་ཞི་བས་མཐའ་གཅིག་ན་འདུག་པ་མཐོང་ངོ ། །མཐོང་ནས་ཀྱང་བླ་མར་བྱ་བའི་སེམས་བསྐྱེད་ནས། དྲང་སྲོང་དེ་ལ་ཕྱག་བྱས་ཏེ་བསྐོར་ནས་འཁོད་དོ། །དྲང་སྲོང་བཟོད་པ་སྨྲ་བས་བུད་མེད་མ་རྣམས་མཐོང་ནས་ལྷག་པར་སྤྱོད་ལམ་ཞི་བས་ཆོས་བཤད་པར་བརྩམས་སོ། །ཇི་ཙམ་ན་རྒྱལ་པོ་འཐབ་མོ་སྐྱེས་གཉིད་ཀྱི་སྙོམས་པས་དུབ་པ་ལས་སངས་པ་ན། བཙུན་མོའི་འཁོར་གྱི་བུད་མེད་མ་མཐོང་ནས། དེས་རལ་གྲི་བླངས་ཏེ་བཙུན་མོའི་བུད་མེད་རྣམས་བཙལ་བར་བརྩམས་པ་དང ། ཅི་ཙམ་ན་དྲང་སྲོང་བཟོད་པ་སྨྲ་བ་བསྐོར་ནས་འཁོད་པ་མཐོང་ངོ ། །མཐོང་ནས་ཀྱང་ཕྲག་དོག་བསྐྱེད་དེ། བདག་ཉིད་ཁྲོས་པའི་ཀུན་ནས་དཀྲིས་པའི་རང་བཞིན་གྱིས་དྲང་སྲོང་དེའི་དྲུང་དུ་སོང་བ་དང ། བཙུན་མོའི་ཚོགས་ཀྱིས་དེ་ཁྲོས་པའི་གནས་སྐབས་མཐོང་ནས་སྐྲག་སྟེ་བྱེར་རོ། །རྒྱལ་པོ་སྙེམས་པ་ཅན་གྱིས་བཟོད་པ་སྨྲ་བ་ལ་སྨྲས་པ། ཀྱེ་ནང་རྗེ་ཁྱོད་སུ་ཞིག། དེས་
Nga165b
སྨྲས་པ། བཟོད་པ་སྨྲ་བའོ། །རྒྱལ་པོ་འཐབ་མོ་སྐྱེས་ཀྱིས་སྨྲས་པ། ཁོ་བོ་འཁྲུགས་པ་ལ་ཡང་བཟོད་པ་སྨྲ་བར་བདག་ཉིད་ཁས་འཆེ་བ་ཡིན་ནམ། ད་ནི་ཁྱོད་བཟོད་པ་སྨྲ་བ་ཡིན་ནམ་མ་ཡིན་ཤེས་པར་བྱའོ་ཞེས་དེས་དེའི་ལག་པ་གཉིས་བཅད་ནས། ཡང་དྲིས་པ་ཁྱོད་སུ་ཡིན། དེས་སྨྲས་པ། བཟོད་པ་སྨྲ་བའོ། །དེས་དེའི་རྐང་པ་བཅད་ཅིང་ཡན་ལག་དང ། ཉིང་ལག་རྣམས་ཀྱང་བཅད་པ་དང ། དེས་ཚིགས་སུ་བཅད་པས་སྨྲས་པ། གལ་ཏེ་བདག་གི་ལུས་ལ་ནི། །ཏིལ་འབྲུ་ཙམ་དུ་གཏུབ་པ་ཡི། །ལུས་ནི་ཕྱེ་མ་བརྒྱར་གཏུབས་ནས། །ས་ལ་གཏོར་ཀྱང་བཟོད་མི་སྤོང ། །གང་ཕྱིར་བདག་གིས་བྱམས་དགེ་བའི། །སེམས་ནི་རྟག་ཏུ་གོམས་བྱས་པས། །བུ་སྡུག་ལྟ་བུའི་སྐྱེ་བོ་ལ། །བཟོད་པ་དེ་གཏོང་སྤྲོ་བ་མེད། །ཅེས་ཚིགས་སུ་བཅད་པའི་དབྱངས་དེ་ལྟ་བུས་ཚོར་བ་བསལ་ནས་སྨོན་ལམ་གདབ་པར་བརྩམས་པ།་ཇི་ལྟར་རྒྱལ་པོ་འདི་ཉིད་ཉོན་མོངས་པ་ལ་ཞེན་པའི་བློས་བདག་ལ་ཡང་དང་ཡང་དུ་རྨས་ནས་ཡན་ལག་དང་ཉིང་ལག་རྣམས་གཏུབས་པ་དེ་བཞིན་དུ། བདག་བཟོད་པ་དང ། དེས་པ་དང ། ལྷན་ཅིག་པར་གྱུར་པའི་དགེ་བའི་རྩ་བ་འདིས་བདག་ཉིད་ཀྱིས་ཉོན་མོངས་པའི་ཚོགས་རྣམས་བཅོམ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན། དེ་ལ་ཤེས་རབ་ཀྱི་རལ་གྲིས་ཡང་དང་ཡང་དུ་རྨེད་ཅིང་ཐོག་མར་དེའི་ཉོན་མོངས་པ་གཅོད་པར་གྱུར་ཅིག་ཅེས་བཏབ་བོ། །དེ་ནས་བཟོད་པ་སྨྲ་བ་ལ་མངོན་པར་དད་པའི་ལྷ་གང་ཡིན་པས་བསམས་པ། རྒྱལ་པོ་སྡིག་
Nga166a
༄#། །ཅན་འདིས་དྲང་སྲོང་འདི་ཉེས་པ་མེད་ཅིང་གནོད་པ་མ་བྱས་པར་རྐང་པ་དང་ལག་པ་ཕྲལ་ཏེ་བོར་གྱིས། ཅི་ནས་ཀྱང་བདག་གིས་འདི་ལ་གནོད་པར་བྱའོ་སྙམ་དུ་རིག་ནས་ཁྲོ་བ་དྲག་པོའི་ཀུན་ནས་དཀྲིས་པས་བཟོད་པ་སྨྲ་བའི་མདུན་དུ་འདུག་སྟེ། ཚིགས་སུ་བཅད་པས་སྨྲས་པ། འཐབ་སྐྱེས་བུ་དང་བུ་མོར་བཅས། །གཉེན་གྱི་ཚོགས་བཅས་གྲོང་ཁྱེར་དང ། །ལྗོངས་བཅས་འཇིག་རྟེན་འཚོ་བ་ཀུན། །ཐལ་པར་བགྱི་ཡིས་བཀའ་སྩོལ་ཅིག། དེས་སླར་ཚིགས་སུ་བཅད་དེ་སྨྲས་པ། གང་གིས་བདག་ལུས་ལག་པ་རྐང་པ་དང ། །སྣ་ལ་ཕྲལ་ནས་མ་རུང་བྱས་གྱུར་པ། །དེ་ལའང་སྡིག་པ་ཅུང་ཟད་མི་འདོད་ན། །ཉེས་མེད་འགྲོ་བ་རྣམས་ལ་སྨོས་ཅི་དགོས། །དེ་ནས་ཝཱ་ར་ཎཱ་སའི་ལྷ་གང་ཡིན་པ་དེས་ཡམས་ཀྱི་ནད་དང་བྱི་བ་དང ། བྱེ་བ་དང ། ནེ་ཙོ་རྣམས་བཏང་ཞིང་ལྷས་ཆར་མ་ཕབ་པས། སྐྱེ་བོའི་ཚོགས་ཤི་བར་གྱུར་ཏོ། །རྒྱལ་པོས་ལྟས་མཁན་རྣམས་བཀུག་ནས་སྨྲས་པ། ཤེས་ལྡན་དག་ཅིའི་ཕྱིར་ལྷ་ཆར་མི་འབེབས་ཤིང ། བྱི་བ་དང ། བྱེ་བ་དང ། ནེ་ཙོ་རྣམས་རབ་ཏུ་མང་པོར་གྱུར་ལ་སྐྱེ་བོའི་ཚོགས་ཀྱང་ཤི་བར་གྱུར། དེ་རྣམས་ཀྱིས་སྨྲས་པ། ལྷ་དྲང་སྲོང་བཟོད་པ་སྨྲ་བ་ལ་མངོན་པར་དད་པའི་ལྷ་གང་ལགས་པའི་ལྷ་དེ་རབ་ཏུ་འཁྲུགས་ཏེ། དེ་འཁྲུགས་པས་དེས་ཡམས་ཀྱི་ནད་འདི་བཏང་ལགས་སོ། །རྒྱལ་པོས་སྨྲས་པ། ཤེས་ལྡན་དག་དེ་ལ་ཇི་ལྟར་བསྒྲུབ་པར་བྱ། ལྟས་མཁན་རྣམས་ཀྱིས་སྨྲས་པ།
Nga166b
ལྷ་གཏོར་མ་དང་མེ་ཏོག་ཕྲེང་དང ། ཡོ་བྱད་རྣམས་ཀྱིས་ལྷ་རབ་ཏུ་འཁྲུགས་པ་མཉེས་པར་འགྱུར་བས། གཏོར་མ་དང ། མེ་ཏོག་ཕྲེང་དང ། ཡོ་བྱད་རྣམས་སྦྱར་ལ་ལྷ་དང ། དྲང་སྲོང་དེ་ལ་ཡང་བཟོད་པ་གསོལ་བར་བགྱིའོ། །དེ་ནས་རྒྱལ་པོས་ཝཱ་ར་ཎཱ་སིར་དྲིལ་སྒྲོགས་སུ་བཅུག་པ། གྲོང་ཁྱེར་ཝཱ་ར་ཎཱ་སིར་གནས་པའི་ཤེས་ལྡན་དག་ཉོན་ཅིག་།སྐྱེད་མོས་ཚལ་ན་གནས་པའི་ལྷ་དྲང་སྲོང་བཟོད་པ་སྨྲ་བ་ལ་མངོན་པར་དད་པ་དེས་ཡམས་ཀྱི་ནད་བཏང་ཞིང ། དེས་ཆར་མི་འབེབས་པ་དང ། བྱི་བ་དང ། བྱེ་བ་དང ། ནེ་ཙོ་རྣམས་རབ་ཏུ་མང་པོར་བྱས་ཏེ། སྐྱེ་བོའི་ཚོགས་ཀྱང་ཤི་བར་གྱུར་གྱིས་ཡམས་ཀྱི་ནད་དེ་ཉེ་བར་ཞི་བའི་ཕྱིར་ཁྱེད་ཅག་སང་གཏོར་མ་དང ། མེ་ཏོག་ཕྲེང་དང ། ཡོ་བྱད་རྣམས་དང་ཆས་ཏེ། སྐྱེད་མོས་ཚལ་དེར་དེང་ལ་དེ་ལ་མཆོད་པ་བྱོས་ཤིག་།སྐྱེ་བོའི་ཚོགས་ཀྱིས་དེ་ཉིད་ཀྱི་ནུབ་མོ་ནས་གཏོར་མ་དང ། མེ་ཏོག་ཕྲེང་དང ། ཡོ་བྱད་རྣམས་སྟ་གོན་བྱས་ཏེ། སྐྱེད་མོས་ཚལ་དེར་རྒྱལ་པོ་དང ། བཙུན་མོ་དང་ལྷན་ཅིག་ཏུ་དོང་ངོ ། །དེ་ནས་སྐྱེ་བོའི་ཚོགས་ཆེན་པོས་ལྷ་དེ་ལ་བརྟེན་ནས། དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་རྣམས་ལ་སྦྱིན་པ་དག་བྱིན་ནས། ལྷའི་གནས་སུ་མཆོད་པ་ཆེན་པོ་བྱས་ཏེ། ལྷ་དེ་ལ་ཡང་བཟོད་པར་གསོལ་ཏོ། །དེ་ནས་རྒྱལ་པོ་དྲང་སྲོང་བཟོད་པ་སྨྲ་བའི་དྲུང་དུ་སོང་ནས་རྐང་པ་ལ་གཏུགས་ཏེ་བཟོད་པར་གསོལ་བར་བརྩམས་པ། དྲང་སྲོང་ཆེན་པོ་བདག་གིས་ཡུལ་ཞིག་ལ་ལྷག་པར་ཞེན་
Nga167a
༄#། །བས་ཁྲོ་བོའི་ཀུན་ནས་དཀྲིས་པའི་བློ་གྲོས་ཀྱིས་ཁྱོད་ལ་གནོད་པ་བགྱིས་པ་བཟོད་པ་གསོལ་ལོ། །བཟོད་པ་སྨྲ་བས་སྨྲས་པ། རྒྱལ་པོ་ཆེན་པོ་བཟོད་དོ། །སུས་འཚལ། དེས་ཚིགས་སུ་བཅད་པས་སྨྲས་པ། ལུས་ལ་མཚོན་གྱིས་འདེབས་པ་ནའང ། །བདག་ནི་སེམས་ཅན་ཀུན་ལ་བྱམས། །གལ་ཏེ་ཁྱོད་ཡིད་མི་ཆེས་ན། །བདག་གིས་ཁྲག་འཛག་པ་ལ་ལྟོས། །དེའི་ཁྲག་འོ་མའི་ཐིགས་པར་འཛག་པའི་ཆོ་འཕྲུལ་རྒྱལ་པོ་སྡིག་པའི་ལས་བྱེད་པ་དེ་ལ་བསྟན་ན། འོན་ཀྱང་ཡིད་ཆེས་པར་མ་གྱུར་ནས། དེས་ཡང་སྨྲས་པ། དྲང་སྲོང་ཆེན་པོ་བཟོད་པར་གསོལ་ལོ། །རྒྱལ་པོ་ཆེན་པོ་བཟོད་དོ། །སུས་འཚལ། དེ་ནས་བྱང་ཆུབ་སེམས་དཔས་ཡན་ལག་དང ། ཉིང་ལག་གཏུབས་པ་རྣམས་གནས་ཇི་ལྟ་བ་བཞིན་དུ་བཞག་ནས་བདེན་པ་གསོལ་བའི་ཕྱིར་ཚིགས་སུ་བཅད་དེ་སྨྲས་པ། རྒྱལ་པོ་ཁྱོད་ཀྱིས་བདག་གི་ལུས། །གཏུབས་ཀྱང་ཤིན་ཏུ་ཕྲ་བ་ཡི། །ཞེ་སྡང་འདི་ལྟར་ཡོད་མིན་ན། །བདག་ལུས་ཇི་ལྟར་སྔོན་བཞིན་ཤོག་།དེས་བདེན་པའི་ཚིག་གསོལ་པས། ལུས་སྔོན་གྱི་ཇི་ལྟ་བ་བཞིན་དུ་གྱུར་ཏོ། །དེ་ནས་རྒྱལ་པོ་ཡ་མཚན་གྱིས་མིག་ཕྱེ་ནས་ཚིགས་སུ་བཅད་པས་སྨྲས་པ། ཀྱེ་མ་ཆོས་ལ་ལེགས་གནས་པས། །ཀྱེ་མ་བརྟུལ་ཞུགས་འདི་གྲུབ་སྟེ། ། ལུས་ལ་གཏུབས་པར་བྱེད་པ་ན། །ཁྱོད་ལ་མི་དགའ་ཅི་ཡང་མེད། །རྒྱལ་པོ་འཐབ་མོ་སྐྱེས་བཙུན་མོ་དང ། བློན་པོ་དང ། གྲོང་མི་དང ། ཡུལ་མི་དང་བཅས་པས་དྲང་སྲོང་དེའི་རྐང་པ་ལ་མགོ་
Nga167b
པོས་ཕྱག་བྱས་ཏེ་དོང་ངོ ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་བཟོད་པ་སྨྲ་བ་གང་ཡིན་པ་དེ་ནི་ང་ཉིད་ཡིན་ནོ། །རྒྱལ་པོ་འཐབ་མོ་སྐྱེས་གང་ཡིན་པ་དེ་ནི་དགེ་སློང་ཀོའུ་དི་ནྱ་འདི་ཉིད་ཡིན་ཏེ། ངས་དེ་ལ་བྱམས་པའི་སེམས་བསྐྱེད་ཅིང་སྨོན་ལམ་དུ་དགེ་བའི་རྩ་བ་འདིས་བདག་གིས་དེ་ལ་ཡང་ནས་ཡང་དུ་རྨེད་ཅིང་ཉོན་མོངས་པ་གཅོད་པར་གྱུར་ཅིག་ཅེས་བཏབ་པའི་སྨོན་ལམ་གང་ཡིན་པ་དེའི་དབང་གིས། ད་ལྟར་ཡང་དེ་བཞིན་གཤེགས་པས་དེ་ལ་ཆོས་བཤད་ནས་ཡང་ནས་ཡང་དུ་རྨས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་བྱ་བའི་བར་དུའོ། །གང་གི་ཚེ་བཅོམ་ལྡན་འདས་ཀྱིས་ལྷ་བརྒྱད་ཁྲི་ཆོས་ཀྱི་རོས་ཡང་དག་པར་བསྡུས་ཏེ། བདེན་པ་རྣམས་ལ་རབ་ཏུ་བཀོད་པ་དེའི་ཚེ་དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ལྷ་བརྒྱད་ཁྲི་ཆོས་ཀྱི་རོས་ཡང་དག་པར་བསྡུས་ཏེ། བདེན་པ་རྣམས་ལ་རབ་ཏུ་བཀོད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་བའི་དུས་ན་ཡང་ངས་འདི་རྣམས་ཚོང་པ་བརྒྱད་ཁྲིར་གྱུར་པ་ན་ཟང་ཟིང་གིས་ཡང་དག་པར་བསྡུས་ནས། བརྟུལ་ཞུགས་ལྔའི་གཞི་རྣམས་ལ་རབ་ཏུ་བཀོད་པ་དེ་ཉོན་ཅིག་།དགེ་སློང་དག་སྔོན་བྱུང་བ་ན་དེད་དཔོན་
Nga168a
༄#། །གཉིས་ཤིག་བྱུང་སྟེ་ཐམས་ཅད་སྐྱོབ་དང་ལེགས་གྲུབ་ཅེས་བྱ་སྟེ། རེ་རེ་ལ་ཡང་ཚོང་པའི་འཁོར་བཞི་ཁྲི་བཞི་ཁྲི་ཡོད་དོ། །དེ་ལ་ལེགས་གྲུབ་ངེས་པར་འབྱུང་བ་ལ་མངོན་པར་དགའ་ནས། དེ་དྲང་སྲོང་རྣམས་ཀྱི་ནང་དུ་རབ་ཏུ་བྱུང་སྟེ། དེས་མཐའ་གཅིག་ཏུ་བརྩོན་འགྲུས་ལ་གནས་ནས་མཁན་པོ་དང་སློབ་དཔོན་མེད་པར་རང་བྱང་ཆུབ་མངོན་སུམ་དུ་བྱས་སོ། །དེའི་ཚོང་པ་དེ་རྣམས་དེད་དཔོན་མ་མཐོང་ནས་ཕན་ཚུན་དུ་བཙལ་བར་བརྩམས་པ་ན། གང་གི་ཚེ་རྣམ་པ་ཐམས་ཅད་དུ་མ་རྙེད་པ་དེའི་ཚེ། དེད་དཔོན་ཐམས་ཅད་སྐྱོབས་ཀྱི་དྲུང་དུ་དོང་ནས་སྨྲས་པ། དེད་དཔོན་དེས་ནི་བདག་ཅག་ལ་མ་བལྟས་པར་མཆིས་ཏེ། བདག་ཅག་གིས་བཙལ་ན་ཡང་མ་རྙེད་ན་དེ་ལ་ཇི་ལྟར་བསྒྲུབ་པར་བགྱི། དེས་སྨྲས་པ། ཡི་བློང་བར་མ་བྱེད་པར་འཁོད་ཅིག་དང ། དེད་དཔོན་དེ་བཙལ་ལོ། །དེ་ནས་དེད་དཔོན་ཐམས་ཅད་སྐྱོབ་ཚོང་པ་བརྒྱད་ཁྲིས་ཡོངས་སུ་བསྐོར་ནས། དེད་དཔོན་ལེགས་གྲུབ་སྐྱེད་མོས་ཚལ་དང་འདུག་གནས་དང ། དཀའ་ཐུབ་ཀྱི་ནགས་སུ་བཙལ་བར་བརྩམས་པ་ན། དེས་དེ་མཐོང་ནས་དྲིས་པ། ཁྱོད་ཀྱིས་ཅིའི་ཕྱིར་ཚོང་པ་རྣམས་སྤངས་ཏེ་རབ་ཏུ་བྱུང ། །བདག་ཉིད་ཆེན་པོ་དེ་དག་ནི་ལུས་ཀྱི་ཆོས་འཆད་ཀྱི། ངག་གིས་མ་ཡིན་པས་དེད་དཔོན་འཁོར་དང་བཅས་པ་དེ་ལ་འབར་བ་དང ། གསལ་བ་དང ། ཆར་འབབ་པ་དང ། གློག་འབྱིན་པའི་ཆོ་འཕྲུལ་གྱིས་དད་པར་བྱས་སོ། །དེས་ཚོང་པ་བརྒྱད་ཁྲི་པོ་དེ་ཟང་ཟིང་གིས་བསྡུ་བས་བསྡུས་ནས་སྨྲས་པ། འདིའི་ཕྱིར་བྱ་བ་བྱོས་ཤིག །
Nga168b
འདི་ལ་བྱ་བ་བྱས་ན་གདོན་མི་ཟ་བར་འབྲས་བུ་སྦྱིན་པར་འགྱུར་རོ། །དེ་རྣམས་ཀྱིས་དེ་ལ་བྱ་བ་རྣམ་པ་དུ་མ་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དེད་དཔོན་ཐམས་ཅད་སྐྱོབ་གང་ཡིན་པ་དེ་ནི་ང་ཉིད་ཡིན་ནོ། །ཚོང་པ་བརྒྱད་ཁྲི་པོ་གང་ཡིན་པ་དེ་ནི་ལྷ་བརྒྱད་ཁྲི་པོ་འདི་དག་ཉིད་ཡིན་ཏེ། དེ་ན་ཡང་ངས་ཟང་ཟིང་གིས་ཉེ་བར་བསྡུས་ནས་བརྟུལ་ཞུགས་ལྔའི་གཞི་རྣམས་ལ་རབ་ཏུ་བཀོད་དོ། །འདི་དག་ད་ལྟར་ཡང་ངས་ཆོས་ཀྱི་རོས་ཡང་དག་པར་བསྡུས་ནས་བདེན་པ་རྣམས་ལ་རབ་ཏུ་བཀོད་དོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ནི་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་པས་ཞེས་བྱ་བ་ནས། དགེ་སློང་ཁྱོད་ཀྱིས་དེ་ལྟ་བུ་ལ་བསླབ་པར་བྱའོ། །ཞེས་བྱ་བའི་བར་དུའོ། ། གང་གི་ཚེ། བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ཏེ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་རིན་པོ་ཆེ་རྣམས་བགོ་བཤའ་མཛད་ནས། དམ་པའི་ཆོས་ཀྱི་རོས་ཚིམ་པར་མཛད་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ཏེ། དམ་པའི་ཆོས་ཀྱི་རོས་ཚིམ་པར་མཛད་པ་ལ་གཟིགས། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
Nga169a
༄#། །དག་འདི་ལྟར་ད་ལྟར་ང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་ཞིང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་ལས་ཡོངས་སུ་གྲོལ་ནས་ཐམས་ཅད་མཁྱེན་ཅིང་རྣམ་པ་ཐམས་ཅད་མཁྱེན་ཏེ། ཡེ་ཤེས་དང ། ཤེས་བྱ་ཐམས་ཅད་ལ་དབང་བརྙེས་ནས། ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ཏེ། དམ་པའི་ཆོས་ཀྱི་རོས་ཚིམ་པར་མཛད་པ་དེ་ལ་ངོ་མཚར་ཅི་ཞིག་ཆེ། འདས་པའི་དུས་ན་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས་ཤིང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུགས་པ་རྣམས་ལས་ཡོངས་སུ་མ་གྲོལ་ཏེ། དེད་དཔོན་དུ་གྱུར་པ་ན། ལྔ་པོ་དག་འབྲོག་དགོན་པའི་ལམ་དུ་ཆུ་མེད་པས་སྲོག་དང་བྲལ་བའི་སྡུག་བསྔལ་དོག་པ་ཉམ་ང་བ་ཐོབ་པ་ན། ལྷ་རྣམས་ལ་བདེན་པ་གསོལ་ནས། དབང་ཕྱུག་ཆེན་པོས་ཆར་ཕབ་པའི་ཆུས་ཚིམ་པར་བྱས་པ་གང་ཡིན་པ་དེ་ཉོན་ཅིག་།དགེ་སློང་དག་སྔོན་བྱུང་བ། དེད་དཔོན་ཐམས་ཅད་སྐྱོབ་ཅེས་བྱ་བ་ཚོང་པ་ལྔ་བརྒྱ་དང་ལྷན་ཅིག་ཏུ་ཚོང་བྱེད་ཅིང ། འབྲོག་དགོན་པའི་ལམ་ཆུ་ཆུང་བ་ཞིག་ཏུ་ཞུགས་ནས་རིམ་གྱིས་འབིགས་བྱེད་ཅེས་བྱ་བའི་དགོན་པར་ཕྱིན་པ་དང །
Nga169b
ཚོང་པ་དེ་རྣམས་དེར་ཆུ་ཐམས་ཅད་ཀྱི་ཐམས་ཅད་དུ་ཟད་ནས་ཆུ་དང་བྲལ་ཡང་མནགས་ཏེ་དོང་བ་ལས། ཚོང་པ་ལྔ་ཙམ་ཆུ་མ་རྙེད་པས་ལྷག་པར་ཡི་བློང་བར་གྱུར་པའི་རྣམ་པ་དེ་ལྟ་བུ་དེ་དག་།དེད་དཔོན་ཐམས་ཅད་སྐྱོབ་ཀྱིས་མཐོང་ནས། སྙིང་རྗེས་སེམས་བསྐྱོད་པས། ཁ་གྱེན་དུ་བལྟས་ཏེ། ལྷ་རྣམས་ལ་གསོལ་བ་བྱ་བར་བརྩམས་པ། ཞི་བ་དང ། ཆུ་ལྷ་དང ། ལུས་ངན་དང ། ཁྱབ་འཇུག་ལ་སོགས་པ་ལྷ་ཤེས་ལྡན་དག་གསོན་ཅིག་།བདག་སེམས་ཅན་རྣམས་ལ་མཉམ་པར་སེམས་པའི་བདེན་པ་དང་བདེན་པའི་ཚིག་གང་ཡིན་པའི་བདེན་པ་དང་བདེན་པའི་ཚིག་འདིས་དབང་ཕྱུག་ཆེན་པོའི་ལྷས་ཆར་འབེབས་པར་གྱུར་ཅིག་།བྱང་ཆུབ་སེམས་དཔའི་མཐུས་དབང་ཕྱུག་ཆེན་པོའི་གནས་གཡོས་པ་དང ། ལྷ་རྣམས་ཀྱི་དབང་པོ་བརྒྱ་བྱིན་གྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས། དེས་བསམས་པ། སུ་ཞིག་གིས་དབང་ཕྱུག་ཆེན་པོའི་གནས་གཡོས་པར་བྱས་སྙམ་ན། བྱང་ཆུབ་སེམས་དཔའི་མཐུ་ཡིན་པར་མཐོང་ནས། དེས་དབང་ཕྱུག་ཆེན་པོའི་ཆར་གྱི་རྣམ་པ་དེ་ལྟ་བུ་དག་ཕབ་སྟེ། དེས་ཚོང་པ་དེ་རྣམས་ཚིམ་པར་བྱས་ནས་འབྲོག་དགོན་པའི་ལམ་ལས་བསྒྲལ་ཏོ། །དགེ་སློང་དག་ཇི་སྙམ་དུ་སེམས། །དེའི་ཚེ་དུས་ཀྱི་དེད་དཔོན་ཐམས་ཅད་སྐྱོབ་པ་གང་ཡིན་པ་དེ་ནི་ང་ཉིད་ཡིན་ནོ། །ཚོང་པ་ལྔ་པོ་ཆུ་དང་བྲལ་བས་ལྷག་པར་ཡི་བློང་བར་གྱུར་པ་དེ་དག་ནི་ལྔ་སྡེའི་དགེ་སློང་འདི་དག་ཡིན་ཏེ། དེ་ན་ཡང་ངས་འདི་དག་ཆུས་ཚིམ་པར་བྱས་ནས་འབྲོག་དགོན་པ་ནས་བསྒྲལ་ཏོ། །ད་ལྟར་ཡང་ངས་འདི་
Nga170a
༄#། །དག་དམ་པའི་ཆོས་ཀྱི་རོས་ཚིམ་པར་བྱས་ནས། འཁོར་བའི་འབྲོག་དགོན་པ་ལས་བསྒྲལ་ཏོ། གང་གི་ཚེ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ནས། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་གི་རིན་པོ་ཆེ་རྣམས་ཀྱི་བགོ་བཤའ་མཛད་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ནས། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་གི་རིན་པོ་ཆེ་རྣམས་ཀྱི་བགོ་བཤའ་མཛད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་ལྟར་ད་ལྟར་ང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་ཞིང་སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་ལས་ཡོངས་སུ་གྲོལ་ནས་ཐམས་ཅད་མཁྱེན་ཅིང་རྣམ་པ་ཐམས་ཅད་མཁྱེན་ཏེ། ཡེ་ཤེས་དང ། ཤེས་བྱ་ཐམས་ཅད་ལ་དབང་བརྙེས་ནས། ལྔ་དེའི་དགེ་སློང་རྣམས་འཁོར་བའི་འབྲོག་དགོན་པ་ནས་བཏོན་ཏེ། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་རྣམས་ཀྱི་བགོ་བཤའ་མཛད་པ་དེས་ངོ་མཚར་ཅི་ཞིག་ཆེ། འདས་པའི་དུས་ན་ང་འདོད་ཆགས་དང་བཅས། ཞེ་
Nga170b
སྡང་དང་བཅས། གཏི་མུག་དང་བཅས་ཤིང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང་འཁྲུག་པ་རྣམས་ལ་ཡོངས་སུ་མ་གྲོལ་ཏེ། དེད་དཔོན་དུ་གྱུར་པ་ན། རང་གི་སྲོག་ཡོངས་སུ་བཏང་ནས། འདི་དག་རྒྱ་མཚོ་ཆེན་པོ་ནས་བཏོན་ཏེ། རིན་པོ་ཆེ་རྣམས་ཀྱི་བགོ་བཤའ་བྱས་པ་གང་ཡིན་པ་དེ་ཉོན་ཅིག་དགེ་སློང་དག་སྔོན་བྱུང་བ་ན་དེད་དཔོན་ནོར་གྱི་ཤིང་རྟ་ཞེས་བྱ་བ་ཞིག་བྱུང་སྟེ། དེ་ཚོང་པ་ལྔ་ཞིག་དང་ལྷན་ཅིག་རྒྱ་མཚོ་ཆེན་པོར་དོང་བ་ན། དེ་རྣམས་དང་དེད་དཔོན་དེ་ཕན་ཚུན་བཤེས་པའི་གཏམ་སྨྲ་བར་བྱེད་པས་མཛའ་བར་གྱུར་ཏོ། །ཇི་ཙམ་ན་མཐར་གྱིས་རྒྱ་མཚོའི་འགྲམ་དུ་ཕྱིན་ནས། གྲུ་སོ་སོ་སྟ་གོན་བྱས་ནས་འཇུག་པའི་ཚེ། དེ་རྣམས་ཀྱིས་དེད་དཔོན་ནོར་གྱི་ཤིང་རྟ་ལ་སྨྲས་པ། དེད་དཔོན་བདག་ཅག་ནི་ཁྱོད་དང་བྲལ་ན་དགའ་བར་མི་འགྱུར་ལགས་སོ། །དེས་སྨྲས་པ། གལ་ཏེ་དེ་ལྟ་ན་འདིར་ཞུགས་ཤིག་དང་གྲུ་དོར་རོ། །དེ་རྣམས་དེར་ཞུགས་པ་དང ། རླུང་ལངས་ནས་སྐྲག་པར་གྱུར་ཏོ། ། ནོར་གྱི་ཤིང་རྟས་སྨྲས་པ། ཤེས་ལྡན་དག་མ་འཇིགས་ཤིག་།གང་གི་ཚེ། གྲུ་ཞིག་པར་གྱུར་པ་དེའི་ཚེ་བདག་གིས་མགུལ་དུ་འཇུས་ཤིག་དང ། བདག་གིས་ཁྱེད་ཅག་གདོན་ཏོ། །བྱང་ཆུབ་སེམས་དཔའ་རྣམས་ནི་བཟོའི་གནས་དང ། ལས་ཀྱི་གནས་དེ་དང་དེ་དག་ལ་མཁས་པ་ཡིན་པས། དེ་ནི་རིན་པོ་ཆེ་ཆེན་པོ་ལ་འོས་པ་དག་མཆན་ཁུང་དུ་བཏགས་ནས་གྲུ་ཞིག་པ་ན། དེ་རྣམས་དེད་
Nga171a
༄#། །དཔོན་དེའི་མགུལ་དུ་འཇུས་ནས། དེས་དེ་རྣམས་ལུས་དུབ་ཅིང་སྲོག་གི་ལྷག་མ་ཅུང་ཟད་ཅིག་ལུས་ཏེ། རྒྱ་མཚོའི་འགྲམ་དུ་ཕྱིན་པར་བྱས་སོ། །དེ་རྣམས་སྐམ་ལ་ཕྱིན་ཏེ།་དེ་བཏང་བ་དང ། དེ་དབུགས་གཏན་ཆད་ནས་ཤིའོ། །དེ་རྣམས་ཀྱིས་དེ་ཆུ་ནས་སྐམ་ལ་ཕྱུང་བ་དང ། ཇི་ཙམ་ན་མཆན་ཁུང་ན། རིན་པོ་ཆེ་ཆེན་པོ་ལ་འོས་པ་དག་མཐོང་ནས་དེ་རྣམས་ཀྱིས་དེ་ཁྱེར་ཏེ་དོང་ངོ ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དེད་དཔོན་ནོར་གྱི་ཤིང་རྟ་གང་ཡིན་པ་དེ་ནི་ང་ཉིད་ཡིན་ནོ། །ཚོང་པ་དེ་རྣམས་ནི་དགེ་སློང་ལྔ་པོ་འདི་དག་ཉིད་ཡིན་ཏེ།་དེ་ན་ཡང་ངས་འདི་དག་རྒྱ་མཚོ་ཆེན་པོ་ནས་བཏོན་ཏེ། རིན་པོ་ཆེ་རྣམས་ཀྱི་བགོ་བཤའ་བྱས་སོ། །དེ་ལྟ་ཡང་ངས་འདི་དག་འཁོར་བའི་འབྲོག་དགོན་པ་ནས་བཏོན་ནས། དབང་པོ་དང ། སྟོབས་དང ། བྱང་ཆུབ་ཀྱི་ཡན་ལག་གི་རིན་པོ་ཆེ་རྣམས་ཀྱི་བགོ་བཤའ་བྱས་སོ།། །།འདུལ་བ་གཞི། བམ་པོ་གོ་གསུམ་པ། ཡང་གང་གི་ཚེ། ཚེ་དང་ལྡན་པ་ཀུན་ཤེས་ཀོའུ་ཌི་ནྱ་རྒན་པའི་དང་ལ་འདུག་པ་དེའི་ཚེ། འཁོར་ལ་གདུགས་ལྟ་བུར་བྱས་ཏེ་འདུག་གོ་།དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་ཤེས་ཀོའུ་དི་ནྱས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་འཁོར་ལ་གདུགས་ལྟ་བུར་བགྱིས་ཏེ་མཆིས་ལགས། བཅོམ་ལྡན་
Nga171b
འདས་ཀྱིས་བཀའ་སྩལ་པ། དགེ་སློང་ཀུན་ཤེས་ཀོའུ་ཌི་ནྱ་འདི་ཉིད་ཀྱིས་ལས་བྱས་ཤིང་བསགས་པས་ཚོགས་རྙེད་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་ནོ། །དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་ཁྱིམ་བདག་སྡུམས་བྱེད་ཅེས་བྱ་བ། ཕྱུག་པ་ནོར་མང་བ་ལོངས་སྤྱོད་ཆེ་བ་ཡོངས་སུ་བཟུང་བ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་སོ། །དེའི་ཚེ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོ་དང་མི་མང་པོས་རབ་ཏུ་གང་བ་ན། རྒྱལ་སྲིད་བྱེད་དུ་འཇུག་པ་ལས། ཇི་ཙམ་ན་ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་བོ་ཞེས་བསྟན་ཏོ། །རྒྱལ་པོ་ཚངས་སྦྱིན་གྱིས་རང་གི་ཡུལ་དུ་དྲིལ་སྒྲོགས་སུ་བཅུག་པ། ངའི་ཡུལ་ན་གནས་པའི་ཤེས་ལྡན་གྲོང་མི་དག་ཉོན་ཅིག་།ལྟས་མཁན་རྣམས་ཀྱིས་ལོ་བཅུ་གཉིས་སུ་ཆར་མི་འབབ་བོ་ཞེས་བསྟན་གྱིས། དེ་ལ་ཁྱེད་ཅག་ལས་ལོ་བཅུ་གཉིས་ཀྱི་བཟའ་བ་དང ། བཏུང་བ་ཡོད་པ་དེ་དག་ནི་ངའི་ཡུལ་དུ་གནས་པར་གྱིས་ཤིག་།གཞན་ནི་ཕྱོགས་སྣ་ཚོགས་སུ་དེང་ལ་ལོ་བཅུ་གཉིས་འདས་ནས་སླར་ཤོག་ཅིག་།དེ་ནས་ཁྱིམ་བདག་སྡུམས་བྱེད་ཀྱིས་མང་ན་ལ་སྨྲས་པ། ཀྱེ་ནང་རྗེ་བང་མཛོད་ན་བདག་འཁོར་དང་བཅས་པའི་ལོ་བཅུ་གཉིས་ཀྱི་བཟའ་བ་དང ། བཏུང་བ་ཡོད་དམ། དེས་སྨྲས་པ། དཔོན་པོ་མཆིས་སོ། །དེ་ནས་ཁྱིམ་བདག་སྡུམས་བྱེད་འཁོར་དང་བཅས་པ་ནི་
Nga172a
༄#། །འདུག་གོ་།སྐྱེ་བོའི་ཚོགས་ནི་ཀུན་ཏུ་དོང་ངོ ། །མུ་གེ་ཆེན་པོ་ཉམ་ང་བ་དགོན་པ་སློང་མོ་བས་ཟས་རྙེད་པར་དཀའ་བ་བྱུང་བ་ལ། སངས་རྒྱས་བཅོམ་ལྡན་འདས་རྣམས་འབྱུང་བ་མེད་པ་ན། རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ་ཅན་བས་མཐའི་གནས་མལ་བརྟེན་པ་འཇིག་རྟེན་གྱི་ཡོན་གནས་གཅིག་པུ་དག་འཇིག་རྟེན་དུ་འབྱུང་བར་འགྱུར་བས། དེའི་ཚེ་ཝཱ་ར་ཎཱ་སི་དང་ཧ་ཅང་ཡང་མི་རིང་བའི་བསྟི་གནས་ཤིག་ཏུ་རང་སངས་རྒྱས་ལྔ་བརྒྱ་གནས་སོ། །གང་གི་ཚེ་མུ་གེའི་དུས་ཀྱི་འཆི་བའི་འཇིགས་སུ་རུང་བས། སྐྱེ་བོའི་ཚོགས་སྐྲག་ནས་ཀུན་ཏུ་དོང་བ་དེའི་ཚེ། དེ་རྣམས་ཀྱི་བསོད་སྙོམས་ཆད་ནས། དེ་དག་ཐམས་ཅད་འདུས་ཏེ། ཁྱིམ་བདག་སྡུམས་བྱེད་གང་ན་བ་དེར་དོང་ནས་སྨྲས་པ། ཁྱིམ་བདག་ཁོ་བོ་ཅག་རབ་ཏུ་བྱུང་བ་ལྔ་བརྒྱ་ལ་བསོད་སྙོམས་རྒྱུན་དུ་སྦྱོར་རམ། དེས་སྨྲས་པ། མངན་ལ་རྨས་ཏེ་བགྱིའོ། །ཞེས་དེས་མངན་བྱེད་པའི་མི་ལ་སྨྲས་པ། ཀྱེ་ནང་རྗེ་བདག་ཅག་གི་བང་མཛོད་ན་བདག་ཅག་དང་རབ་ཏུ་བྱུང་བ་ལྔ་བརྒྱ་པོ་གང་ཡིན་པ་འདི་རྣམས་ཀྱི་ལོ་བཅུ་གཉིས་ཀྱི་བཟའ་བ་དང ། བཏུང་བ་ཡོད་དམ། དེས་སྨྲས་པ། དཔོན་པོ་མཆིས་སོ། །ཁྱིམ་བདག་སྡུམས་བྱེད་ཀྱིས་རབ་ཏུ་བྱུང་བ་ལྔ་བརྒྱའི་བསོད་སྙོམས་སྦྱར་ཏོ་ཞེས་རང་སངས་རྒྱས་ལྔ་བརྒྱ་གཞན་དག་གིས་ཐོས་ནས། ཁྱིམ་བདག་སྡུམས་བྱེད་ཀྱི་དྲུང་དུ་དོང་སྟེ་ཕྱིན་ནས། ཁྱིམ་བདག་སྡུམས་བྱེད་ལ་འདི་སྐད་ཅེས་
Nga172b
སྨྲས་པ། ཁྱིམ་བདག་ཁོ་བོ་ཅག་རབ་ཏུ་བྱུང་བ་ལྔ་བརྒྱ་ལ་བསོད་སྙོམས་རྒྱུན་དུ་སྦྱོར་རམ། དེས་སྨྲས་པ། འཕགས་པ་དག་ཕུལ་ལགས་བཞིན་དུ་ཡང་བསླང་ཅི་འཚལ། ཁྱིམ་བདག་དེ་རྣམས་ཀྱང་གཞན་ཡིན་ལ། བདག་ཅག་ཀྱང་གཞན་ཡིན་ནོ། །དེས་སྨྲས་པ། འཕགས་པ་གལ་ཏེ་དེ་ལྟར་ན་མངན་ལ་སྨྲ་བར་བགྱིའོ་ཞེས། དེས་མངན་བྱེད་པའི་མི་ལ་སྨྲས་པ། ཀྱེ་ནང་རྗེ་བདག་གི་བང་མཛོད་ན་བདག་ཅག་དང་རབ་ཏུ་བྱུང་བ་སྟོང་པོ་གང་ཡིན་པ་འདི་རྣམས་ཀྱི་ལོ་བཅུ་གཉིས་ཀྱི་བཟའ་བ་དང ། བཏུང་བ་ཡོད་དམ། དེས་སྨྲས་པ། དཔོན་པོ་མཆིས་སོ། །དེས་རང་སངས་རྒྱས་དེ་རྣམས་ལ་སྨྲས་པ། འཕགས་པ་རྣམས་བཞུགས་ཤིག་།ཁྱེད་ཀྱི་གདུགས་ཚོད་ཀྱི་དུས་གང་ལགས། དེ་རྣམས་ཀྱིས་སྨྲས་པ། ཁྱིམ་བདག་ཉི་མ་ཕྱེད་མ་ཡོལ་བར་རོ། །དེ་ནས་ཁྱིམ་བདག་སྡུམས་བྱེད་ཀྱིས་སྦྱིན་གཏོང་གི་ཁང་པ་བརྩིག་ཏུ་བཅུག་ནས། སྦྱིན་གཏོང་གི་ཞལ་ཏ་བྱེད་པའི་མི་དང ། དུས་ཚོད་སྦྲོན་པ་ཡང་བཞག་ནས་དེ་རྣམས་ཉི་མ་རེ་རེ་ཞིང་ལྷགས་ནས་ཟས་ཀྱི་བྱ་བ་བྱེད་དོ། །དགྲ་བཅོམ་པ་སྟོང་པོ་དེའི་དགེ་འདུན་གྱི་གནས་བརྟན་གང་ཡིན་པ་དེ་ལྷག་པར་མཛེས་ལ་མགོ་གདུགས་ལྟར་འདུག་པས་འཁོར་དེ་ལ་གདུགས་ལྟར་བྱས་ཏེ་གནས་སོ། །ཁྱིམ་བདག་སྡུམས་བྱེད་ཀྱི་བུ་མོས། དགེ་འདུན་གྱི་གནས་བརྟན་དེའི་མགོ་གདུགས་ལྟར་གདུག་ཅིང་ཁ་དོག་རྒྱས་པ། མཆོག་དང་ལྡན་པར་མཐོང་ནས་ཀྱང་ལྷག་པར་དད་པ་སྐྱེས་
Nga173a
༄#། །སོ། །ཇི་ཙམ་དུས་གཞན་ཞིག་ན་དྲོ་ལ་བབ་པ་དང ། ལྷས་ཆར་དབབ་པར་བརྩམས་སོ། །དེ་ན་བུ་མོ་དེས་དགེ་འདུན་གྱི་གནས་བརྟན་གྱི་སྤྱི་བོར་གདུགས་བཟུང་ནས། ཟན་ཟོས་ཟིན་པ་དང ། རྐང་པ་གཉིས་ལ་གཏུགས་ཏེ་སྨོན་ལམ་བཏབ་པ། དགེ་བའི་རྩ་བ་འདིས་ཇི་ལྟར་འཕགས་པ་འདི་ཡོན་ཏན་གྱི་ཚོགས་ཅི་འདྲ་བའི་རྣམ་པ་འདི་ལྟ་བུ་དག་ཐོབ་པས་འདི་འཁོར་ལ་གདུགས་ལྟ་བུར་བྱས་ཏེ་གནས་པ་དེ་བཞིན་དུ་བདག་ཀྱང་འཁོར་ལ་གདུགས་ལྟ་བུར་བྱས་ཏེ་གནས་པར་གྱུར་ཅིག་ཅེས་བཏབ་བོ། །དགེ་སློང་དག་ཇི་སྙམ་དུ་སེམས། ཁྱིམ་བདག་སྡུམས་བྱེད་ཀྱི་བུ་མོ་གང་ཡིན་པ་དེ་དགེ་སློང་ཀུན་ཤེས་ཀོའུ་ཌི་ནྱ་འདི་ཉིད་ཡིན་ཏེ། དེ་ན་འདི་གཞོན་ནུ་མར་གྱུར་པ་ན། རང་སངས་རྒྱས་ཀྱི་དགེ་འདུན་གྱི་གནས་བརྟན་གྱི་གདུགས་བཟུང་ནས་སྨོན་ལམ་དུ་ཡོན་ཏན་གྱི་ཚོགས་འདི་ལྟ་བུ་ཐོབ་ནས་འཁོར་ལ་གདུགས་ལྟ་བུར་བྱས་ཏེ་གནས་པར་གྱུར་ཅིག་ཅེས་བཏབ་བོ། །དེས་ན་ད་ལྟར་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་སུམ་དུ་བྱས་ནས་ཀྱང ། འཁོར་ལ་གདུགས་ལྟ་བུར་བྱས་ཏེ་གནས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ཞེས་བྱ་བ་ནས་དགེ་སློང་དག་དེ་ལྟ་བུ་ལ་ཁྱེད་ཀྱིས་བསླབ་པར་བྱ་ཞེས་པའི་བར་གོང་མ་བཞིན་དུའོ། །གང་གི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་ཤེས་ཀོའུ་ཌི་ནྱ་ལ་བརྟེན་ནས། ལྷ་བརྒྱད་ཁྲི་
Nga173b
དམ་པའི་ཆོས་ཀྱི་རོས་ཚིམ་པར་མཛད་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་ཤེས་ཀོའུ་ཌི་ནྱ་ལ་བརྟེན་ནས། ལྷ་བརྒྱད་ཁྲིད་དམ་པའི་ཆོས་ཀྱི་རོས་ཚིམ་པར་མཛད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གང་གི་ཕྱིར་ད་ལྟར་ང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་ཞིང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་ལས་ཡོངས་སུ་གྲོལ་ནས་ཐམས་ཅད་མཁྱེན་ཅིང ། རྣམ་པ་ཐམས་ཅད་མཁྱེན་ཏེ། ཡེ་ཤེས་དང་ཤེས་བྱ་ཐམས་ཅད་ལ་དབང་བརྙེས་ནས། ཀུན་ཤེས་ཀོའུ་དི་ནྱ་ལ་བརྟེན་ཏེ། ལྷ་བརྒྱད་ཁྲི་དམ་པའི་ཆོས་ཀྱི་རོས་ཚིམ་པར་མཛད་པ་དེ་ལ་ངོ་མཚར་ཅི་ཞིག་ཆེ། འདས་པའི་དུས་ན་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས་ཤིང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་ལས་ཡོངས་སུ་མ་གྲོལ་ཏེ། དུད་འགྲོ་བྱོལ་སོང་གི་ལུས་སུ་སྐྱེས་པ་ན། ཀོའུ་ཌི་ནྱ་སྲིན་བུ་ཀི་ཏ་ཀར་གྱུར་པ་ལ་བརྟེན་ནས། སྲིན་བུ་ཀི་ཏ་ཀ་བརྒྱད་ཁྲི་རང་གི་ཤས་ཚིམ་པར་བྱས་པ་
Nga174a
༄#། །གང་ཡིན་པ་དེ་ཉོན་ཅིག་།དགེ་སློང་དག་སྔོན་བྱུང་བ་ན། བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་ཏེ། རྒྱ་མཚོ་ཆེན་པོའི་རུས་སྦལ་རྣམས་ཀྱི་ནང་དུ་སྐྱེས་ནས།་དེ་རྣམས་ཀྱི་གཙོ་བོར་གྱུར་ཏོ། །ཇི་ཙམ་ན་ཚོང་པ་ལྔ་བརྒྱས་རྒྱ་མཚོའི་གྲུ་བོ་ཆེ་བསྒྲུབས་ནས། རྒྱ་མཚོ་ཆེན་པོར་ཞུགས་ཏེ། དེ་ནས་རིན་པོ་ཆེ་སྣ་ཚོགས་བླངས་ནས་སླར་ལོག་པ་ལས། འདི་ལྟར་གྲུ་བོ་ཆེ་དེ་ཆུ་སྲིན་ཉའི་རིགས་ཀྱིས་ཚན་གྱིས་ཕུག་སྟེ། དེ་ན་ཀུ་ཅོ་ཆེན་པོ་བྱུང་བའི་སྒྲ་དེ། རུས་སྦལ་གྱིས་ཐོས་ནས། རྒྱ་མཚོ་ཆེན་པོ་ནས་ལངས་ཏེ། དེ་དེ་རྣམས་ཀྱི་དྲུང་དུ་སོང་ནས་སྨྲས་པ། ཤེས་ལྡན་དག་བག་ཚ་བ་བོར་ལ། ཁོ་བོའི་རྒྱབ་ཏུ་ཞོན་ཅིག་དང ། ཁོ་བོས་བསྒྲལ་བར་བྱའོ། །དེ་ནས་ཚོང་པ་དེ་རྣམས་ཤི་བ་ལས་སོས་པ་བཞིན་དུ་ཐམས་ཅད་རུས་སྦལ་གྱི་རྒྱབ་ཏུ་ཞོན་ཏེ། དེས་དེ་རྣམས་ཁྱེར་ནས། རྒྱ་མཚོའི་འགྲམ་དུ་ཕྱོགས་ཏེ་ཆས་པ་ན། ཁུར་གྱིས་ཤིན་ཏུ་བཙིར་ཀྱང་བརྩོན་འགྲུས་ལ་གནས་ཤིང ། སྙོམས་ལས་མ་བསྐྱེད་དེ། དེ་ལུས་དུབ་པས་དེ་རྣམས་ལེགས་པར་བསྒྲལ་ཏེ་མགྲིན་པ་བརྐྱང་ནས་གཉིད་ལོག་གོ་།དེ་དང་ཧ་ཅང་ཡང་མི་རིང་བ་ཞིག་ན། སྲིན་བུ་ཀི་ཏ་ཀ་རྣམས་ཀྱི་ཚང་ཡོད་པས། དེ་ནས་ཀི་ཏ་ཀ་གཅིག་རྒྱུ་ཞིང་སོང་བ་ན། དྲི་ཚོར་ཏེ་དེའི་དྲུང་དུ་སོང་བ་དང ། དེ་ནས་ལུས་ཆེན་པོ་དེ་གཉིད་ལོག་པར་མཐོང་ནས། རིངས་པའི་འགྲོས་ཀྱིས་སྲིན་བུ་ཀི་ཏ་ཀའི་ཚང་དུ་སོན་ཏེ། རང་རང་གི་བརྡས་ཀི་ཏ་ཀ་རྣམས་ལ་གོ་བར་བྱས་ནས། སྲིན་བུ་ཀི་ཏ་ཀ་བརྒྱད་ཁྲི་དེད་
Nga174b
དེ་རུས་སྦལ་གྱི་དྲུང་དུ་དོང་ངོ ། །དེ་གཉིད་ལོག་སྟེ་ཤི་བ་བཞིན་དུ་སེམས་མེད་པ་ལ་བཟའ་བར་བརྩམས་ཏེ། གང་གི་ཚེ་དེའི་ཤ་ཆེན་པོ་རྣམས་ལས་ཟོས་ན། ངལ་བས་དུབ་སྟེ་གཉིད་སྟུག་པོས་ནོན་པས་མ་ཚོར་རོ། །ཇི་ཙམ་ན་གནད་རྣམས་ཀྱི་ཤ་རྣམས་ཟ་བ་དེའི་ཚེ་སད་པ་ན། སྲིན་བུ་ཀི་ཏ་ཀ་ཐམས་ཅད་ཀྱིས་ལུས་ཡོག་པར་མཐོང་ནས་དེས་བསམས་པ། གལ་ཏེ་ལུས་བསྒུལ་ལམ་བསྒྱུར་ན་གདོན་མི་ཟ་བར་འདི་རྣམས་འཆི་བར་འགྱུར་ཏེ། སྲོག་ཆགས་གཞན་ལ་གནོད་པ་བྱེད་པ་བས་ནི། སྲོག་དང་བྲལ་ཡང་བླའོ་སྙམ་དུ་བསམས་ནས། གནད་རྣམས་སུ་ཕུབ་ཅིང་ཚིགས་རྣམས་ཕྲལ་བ་ན་སྨོན་ལམ་གདབ་པར་བརྩམས་པ། ཇི་ལྟར་སྲིན་བུ་ཀི་ཏ་ཀ་བརྒྱད་ཁྲི་པོ་འདི་རྣམས་ལ་ཤ་དང་ཁྲག་གིས་ཚིམ་པར་བྱས་པ་དེ་བཞིན་དུ་བདག་མ་འོངས་པའི་དུས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན་ཡང་དེ་རྣམས་ལ་ཆོས་ཀྱི་རོས་ཚིམ་པར་བྱེད་པར་གྱུར་ཅིག་ཅེས་སྨོན་ལམ་བཏབ་བོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རུས་སྦལ་གྱི་གཙོ་བོ་གང་ཡིན་པ་དེ་ནི་ང་ཉིད་ཡིན་ནོ། །སྲིན་བུ་ཀི་ཏ་ཀ་དེ་རྣམས་ལ་ལམ་སྟོན་པ་གང་ཡིན་པ་དེ་ནི་དགེ་སློང་ཀོའུ་ཌི་ནྱ་འདི་ཉིད་ཡིན་ནོ། །དེ་ལ་བརྟེན་ནས་ཤ་དང་ཁྲག་གིས་ཚིམ་པར་བྱས་པའི་སྲིན་བུ་ཀི་ཏ་ཀ་བརྒྱད་ཁྲི་པོ་གང་ཡིན་པ་དེ་དག་ནི། ལྷ་བརྒྱད་ཁྲི་པོ་འདི་དག་ཉིད་ཡིན་ཏེ། དེ་ན་ཡང་ངས་རང་གི་ཁྲག་གིས་ཚིམ་པར་བྱས་སོ། །ད་ལྟར་ཡང་ངས་དེ་རྣམས་ལ་
Nga175a
༄#། །དམ་པའི་ཆོས་ཀྱི་རོས་ཚིམ་པར་མཛད་དོ། །དགེ་སློང་དག་དེ་ལྟ་བས་ན་གཅིག་ཏུ་གནག་པ་རྣམས་ཀྱི་ལས་ཀྱི་རྣམ་པར་སྨིན་པ་ནི་ཞེས་བྱ་བ་ནས། དགེ་སློང་དག་ཁྱོད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་དུའོ། །གང་གི་ཚེ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་དམ་པའི་ཆོས་ཀྱི་རོས་ཚིམ་པར་མཛད་ནས་འཁོར་བའི་འབྲོག་དགོན་པ་ནས་བཏོན་ཏེ། ཤིན་ཏུ་མཐར་ཐུག་པའི་གྲུབ་པ་དང ། བདེ་བའི་མྱ་ངན་ལས་འདས་པ་ལ་བཀོད་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་དམ་པའི་ཆོས་ཀྱི་རོས་ཚིམ་པར་མཛད་ནས། འཁོར་བའི་འབྲོག་དགོན་པ་ནས་བཏོན་ཏེ། ཤིན་ཏུ་མཐར་ཐུག་པའི་གྲུབ་པ་དང ། བདེ་བའི་མྱ་ངན་ལས་འདས་པ་ལ་བཀོད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་ལྟར་ད་ལྟར་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་ཞིང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་ལས་ཡོངས་སུ་གྲོལ་ནས་ཐམས་ཅད་མཁྱེན་ཅིང་རྣམ་པ་ཐམས་ཅད་མཁྱེན་ཏེ། ཡེ་ཤེས་དང ། ཤེས་བྱ་ཐམས་ཅད་ལ་དབང་བརྙེས་ནས། ལྔ་སྡེ་དགེ་
Nga175b
སློང་རྣམས་དམ་པའི་ཆོས་ཀྱི་རོས་ཚིམ་པར་མཛད་ནས། འཁོར་བའི་འབྲོག་དགོན་པ་ནས་བཏོན་ཏེ། ཤིན་ཏུ་མཐར་ཐུག་པའི་གྲུབ་པ་དང ། བདེ་བའི་མྱ་ངན་ལས་འདས་པ་ལ་བཀོད་པ་དེ་ལ་ངོ་མཚར་ཅི་ཞིག་ཆེ། འདས་པའི་དུས་ནང་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས་ཤིང ། སྐྱེ་བ་དང ། རྒ་བ་དང ། ན་བ་དང ། འཆི་བ་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་ལས་ཡོངས་སུ་མ་གྲོལ་བ་ན། འདི་དག་ལ་རང་གིས་ཁྲག་གིས་ཚིམ་པར་བྱས་ནས་བརྟུལ་ཞུགས་ལྔའི་གཞི་རྣམས་ལ་བཀོད་པ་གང་ཡིན་པ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན། རྒྱལ་པོ་རྡོ་རྗེའི་དཔུང་པ་ཞེས་བྱ་བ་འབྱོར་པ་དང་ཞེས་བྱ་བ་ནས། སྐྱེ་བོ་དང་མི་མང་པོས་གང་བ་ན་རྒྱལ་སྲིད་བྱེད་དུ་འཇུག་སྟེ་ཞེས་བྱ་བའི་བར་དུ་སྟེ། རྒྱལ་པོ་དེ་ཡང་དད་པ་བཟང་བ་དགེ་བའི་བསམ་པ་ཅན། བདག་ལ་ཕན་པ་དང ། གཞན་ལ་ཕན་པར་ཞུགས་པ་སྙིང་རྗེའི་བདག་ཉིད་ཆེན་པོ་ཆོས་འདོད་པ་སྐྱེ་དགུ་ལ་བྱམས་པ། ཐམས་ཅད་སྦྱིན་པ། ཐམས་ཅད་ཡོངས་སུ་གཏོང་བ། ཆགས་པ་མེད་པར་ཡོངས་སུ་གཏོང་བ། གཏོང་བ་ཆེན་པོ་ལ་གནས་པ་སྟེ། དེ་ལྷག་པར་བྱམས་པ་ལ་ཤིན་ཏུ་གོམས་པས། དེ་ཉིན་གཅིག་ལ་ལན་གསུམ་བྱམས་པ་ལ་སྙོམས་པར་འཇུག་པར་བྱེད་དེ། དེ་བྱམས་པ་ལ་སྙོམས་པར་ཞུགས་པ་ན། སློང་བ་པོའི་སྐྱེ་བོ་ཕོངས་པར་གྱུར་ནས་དེས་བློན་པོ་རྣམས་ལ་བསྒོ་བ། ཤེས་ལྡན་དག་གྲོང་
Nga176a
༄#། །ཁྱེར་ཝཱ་ར་ཎཱ་སིའི་གྲོང་ཁྱེར་གྱི་སྒོ་བཞི་རྣམས་སུ་སྦྱིན་གཏོང་གི་ཁང་པ་བརྩིག་ཏུ་བཅུག་ལ་དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་དང ། ལམ་དུ་འཇུག་པའི་སློང་མོ་བ་གང་དག་ཅི་དོན་དུ་གཉེར་བ་དེ་དག་བྱིན་ཅིག་།ལྷ་བཀའ་བཞིན་འཚལ། ཟས་དང ། སྐོམ་དང ། གོས་དང ། གནས་མལ་དང ། དབྱིག་དང ། གསེར་དང ། ནོར་བུ་དང ། མུ་ཏིག་དང ། བཻ་ཌཱུརྱ་དང ། མན་ཤེལ་དང ། བྱི་རུ་དང ། ས་ལེ་སྦྲམ་དང ། དངུལ་དང ། རྡོའི་སྙིང་པོ་དང ། སྤུག་དང ། པདྨ་རཱ་ག་དང ། གཡས་སུ་འཁྱིལ་བ་ལ་སོགས་ཏེ།་ནོར་མང་པོས་སློང་མོ་བའི་སྐྱེ་བོ་ཚིམ་པར་བྱ་བའི་ཕྱིར་ཕུང་པོར་སྤུངས་སོ། །ཇི་ཙམ་དུས་གཞན་ཞིག་ན་རྒྱལ་པོ་རྣམ་ཐོས་ཀྱི་བུས། རྒྱལ་པོའི་ཕོ་བྲང་ལྕང་ལོ་ཅན་ནས་མདངས་འཕྲོག་པའི་གནོད་སྦྱིན་ལྔ་སྤྱུགས་ཏེ། ཕན་ཚུན་འཕྱན་པ་ལས་ཝཱ་ར་ཎཱ་སིར་ཕྱིན་ནས། དེ་རྣམས་ཀྱིས་བ་ལང་གི་རྫི་དང ། ལུག་རྫི་དང ། རྩཝ་ཐུན་དང ། ཤིང་ཐུན་དང ། ལམ་གྱིས་འཚོ་བ་དང།་ལམ་གོལ་བས་འཚོ་བའི་མི་རྣམས་མཐོང་ནས་སྨྲས་པ། ཤེས་ལྡན་དག་ཁྱེད་ཅག་ཁོ་བོ་ཅག་གིས་མི་འཇིགས་སམ། ཤེས་ལྡན་དག་གང་གི་ཕྱིར་ཁོ་བོ་ཅག་གི་རྒྱལ་པོ་བྱམས་པ་དང་སྙིང་རྗེའི་བདག་ཉིད་ཅན་སེམས་ཅན་ལ་ཕན་པའི་བསམ་པས། ཉིན་གཅིག་ལ་ལན་གསུམ་དུ་བྱམས་པ་ལ་སྙོམས་པར་འཇུག་པ་ཡོད་ན་ཅིའི་ཕྱིར་འཇིགས། དེ་ནས་དེ་རྣམས་བྲམ་
Nga176b
ཟེའི་ཆ་བྱད་དུ་མངོན་པར་སྤྲུལ་ནས། གྲོང་ཁྱེར་ཝཱ་ར་ཎཱ་སིའི་སྒོ་བཞི་རྣམས་སུ་སྦྱིན་གཏོང་གི་ཁང་པ་རྣམས་ལ་བརྟགས་ཏེ། རྒྱལ་པོ་རྡོ་རྗེའི་དཔུང་པ་བྱམས་པ་ལས་ལངས་པར་ཤེས་ནས་དུལ་བའི་ཆ་བྱད་ཀྱིས་རྒྱལ་པོའི་དྲུང་དུ་སོང་ངོ ། །སོང་ནས་རྒྱལ་བ་དང་ཚེ་སྤེལ་བ་དག་རྒྱལ་པོ་ལ་བྱས་ནས་སྨྲས་པ། ལྷ་བདག་ཅག་བཀྲེས་ལགས་ན་གཡར་ཟས་ཀྱིས་རྗེས་སུ་གཟུང་དུ་གསོལ། རྒྱལ་པོས་བློན་པོ་རྣམས་བཀུག་སྟེ་སྨྲས་པ། ཤེས་ལྡན་དག་བྲམ་ཟེ་འདི་རྣམས་ཁ་ཟས་བསོད་པས་ཚིམ་པར་བྱོས་ཤིག་།དེ་རྣམས་ཀྱིས་སྨྲས་པ། བདག་ཅག་ནི་ཤ་དང་ཁྲག་འཚལ་ལགས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་གལ་ཏེ་ཤ་དང ། ཁྲག་གི་འབྱོར་པ་མེད་ན། ཚོང་དུས་ནས་ཆོས་བཞིན་གྱིས་རྙེད་པའི་ཁྲག་བྱིན་ཅིག་།དེ་རྣམས་ཀྱིས་སྨྲས་པ། ལྷ་བདག་ཅག་ནི་མོད་ལ་བཀུམ་པའི་ཤ་དང་ཁྲག་འཚལ་ན། མོད་ལ་བཀུམ་པའི་ཤ་དང་ཁྲག་གིས་རྗེས་སུ་གཟུང་བར་མཛོད་ཅིག་།རྒྱལ་པོས་བསམས་པ། གཞན་ལ་གནོད་པ་མ་བྱས་པར་མོད་ལ་བསད་པའི་ཤ་དང ། ཁྲག་ག་ལ་རྙེད་ཀྱིས་ཅི་ནས་ཀྱང་འདི་རྣམས་ལ་བདག་གིས་རང་གི་ཁྲག་སྦྱིན་པར་བྱའོ་སྙམ་སྟེ། དེ་ནས་དཔྱད་མཁན་རྣམས་བཀུག་སྟེ་སྨྲས་པ། ཤེས་ལྡན་དག་ངའི་ཡན་ལག་གི་རྩ་ཐམས་ཅད་ཆོད་ཅིག་དང ། སློང་མོ་བའི་སྐྱེ་བོ་ཚིམ་པར་བྱའོ། །དཔྱད་མཁན་རྣམས་ཀྱིས་སྨྲས་པ། ལྷ་མི་ཕལ་པ་རྣམས་ཀྱི་ཕྱིར་བདག་ཅག་ལྷའི་སྐུ་ལ་མཚོན་གྱིས་མི་འདེབས་སོ། །བྱང་ཆུབ་སེམས་དཔའ་ནི་བཟོའི་
Nga177a
༄#། །གནས་དང་ལས་ཀྱི་གནས་དེ་དང་དེ་དག་ལ་མཁས་པ་ཡིན་པས། དེས་རང་ཉིད་ཀྱིས་ལུས་ཀྱི་ཡན་ལག་ལྔ་མཚོན་གྱིས་གཏར་ཏེ། དེ་ནས་རང་གི་ཁྲག་གིས་ཚིམ་པར་བྱས་ནས་དེ་རྣམས་ལ་དེ་ལྟ་བུའི་ཆོས་བཤད་དེ། དེ་ཐོས་པས་གནོད་སྦྱིན་དེ་རྣམས་བརྟུལ་ཞུགས་ལྔའི་གཞི་རྣམས་ལ་བཀོད་དོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་རྡོ་རྗེའི་དཔུང་པ་ཞེས་བྱ་བར་གྱུར་པ་ནི་ང་ཉིད་ཡིན་ནོ། །མདངས་འཕྲོག་པའི་གནོད་སྦྱིན་ལྔ་པོ་གང་དག་ཡིན་པ་དེ་དག་ནི་ལྔ་སྡེའི་དགེ་སློང་འདི་དག་ཉིད་ཡིན་ཏེ། དེ་ན་ཡང་ངས་འདི་རྣམས་རང་གི་ཁྲག་གིས་ཚིམ་པར་བྱས་ནས་བརྟུལ་ཞུགས་ལྔའི་གཞི་རྣམས་ལ་བཀོད་དོ། །ད་ལྟར་ཡང་ངས་འདི་རྣམས་དམ་པའི་ཆོས་ཀྱི་རོས་ཚིམ་པར་བྱས་ནས་འཁོར་བའི་འབྲོག་དགོན་པ་ནས་བཏོན་ཏེ།་ཤིན་ཏུ་མཐར་ཐུག་པའི་གྲུབ་པ་དང་བདེ་བའི་མྱ་ངན་ལས་འདས་པ་ལ་བཀོད་དོ། །གང་གི་ཚེ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་དམ་པའི་ཆོས་ཀྱི་རོས་ཚིམ་པར་མཛད་ནས་འཁོར་བའི་འབྲོག་དགོན་པ་ནས་བཏོན་ཏེ། ཤིན་ཏུ་མཐར་ཐུག་པའི་གྲུབ་པ་དང་བདེ་བའི་མྱ་ངན་ལས་འདས་པ་ལ་བཀོད་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་དམ་པའི་ཆོས་ཀྱི་རོས་ཚིམ་པར་མཛད་ནས། འཁོར་བའི་འབྲོག་དགོན་པ་
Nga177b
ནས་བཏོན་ཏེ། ཤིན་ཏུ་མཐར་ཐུག་པའི་གྲུབ་པ་དང་བདེ་བའི་མྱ་ངན་ལས་འདས་པ་ལ་བཀོད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། འདི་ལྟར་ད་ལྟར་ང་འདོད་ཆགས་དང་བྲལ།་ཞེ་སྡང་དང་བྲལ། གཏི་མུག་དང་བྲལ་ཞིང་ཞེས་བྱ་བ་ནས། ཡེ་ཤེས་དང་ཤེས་བྱ་ཐམས་ཅད་ལ་དབང་བརྙེས་ནས། ཞེས་བྱ་བའི་བར་དུ་སྟེ། ལྔ་སྡེའི་དགེ་སློང་རྣམས་དམ་པའི་ཆོས་ཀྱི་རོས་ཚིམ་པར་མཛད་ནས། འཁོར་བའི་འབྲོག་དགོན་པ་ནས་བཏོན་ཏེ། ཤིན་ཏུ་མཐར་ཐུག་པའི་གྲུབ་པ་དང ། བདེ་བའི་མྱ་ངན་ལས་འདས་པ་ལ་བཀོད་པ་དེ་ལ་ངོ་མཚར་ཅི་ཞིག་ཆེ། ངས་འདས་པའི་དུས་ན་འདོད་ཆགས་དང་བཅས་ཞེས་བྱ་བ་ནས་སྡུག་བསྔལ་དང ། ཡིད་མི་བདེ་བ་དང ། འཁྲུག་པ་རྣམས་ལས་ཡོངས་སུ་མ་གྲོལ་བ་ན་ཞེས་བྱ་བའི་བར་གོང་མ་བཞིན་དུ་སྟེ། འདི་རྣམས་རང་གི་ཤས་ཚིམ་པར་བྱས་ནས། བརྟུལ་ཞུགས་ལྔའི་གཞི་རྣམས་ལ་བཀོད་པ་གང་ཡིན་པ་དེ་ཉོན་ཅིག་།དགེ་སློང་དག་སྔོན་བྱུང་བ་ན་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་བྱམས་པའི་སྟོབས་ཞེས་བྱ་བ་འབྱོར་པ་དང ། ཞེས་བྱ་བ་ནས་སྐྱེ་བོ་དང ། མི་མང་པོ་ཡོད་པ་ན་རྒྱལ་སྲིད་བྱེད་དུ་འཇུག་སྟེ། ཞེས་བྱ་བའི་བར་དུ་སྟེ། བྱམས་པའི་བདག་ཉིད་སྙིང་རྗེ་ཅན། བདག་ཉིད་ཆེན་པོ་སེམས་ཅན་ཐམས་ཅད་ལ་བྱམས་པ་དང་ལྡན་པ་ཞིག་ཡོད་དོ། །ཇི་ཙམ་དུས་གཞན་ཞིག་ན། རྒྱལ་པོ་རྣམ་ཐོས་ཀྱི་བུས་རྒྱལ་པོའི་ཕོ་བྲང་ལྕང་ལོ་ཅན་ནས་མདངས་འཕྲོག་པའི་གནོད་སྦྱིན་ལྔ་ཉེས་པ་འགའ་ཞིག་གི་ཕྱིར་སྤྱུགས་ནས། དེ་
Nga178a
༄#། །རྣམས་ལྗོངས་དེ་ནས་རྒྱུ་ཞིང ། ཝཱ་ར་ཎཱ་སིར་ཕྱིན་ནས་དེ་རྣམས་ལ་སུས་ཀྱང་གཏོར་མའམ། མེ་ཏོག་ཕྲེང་བ་དང ། ཡོ་བྱད་དག་མ་བྱིན་ནས། དེ་རྣམས་ཁྲོས་པས་ཡམས་ཀྱི་ནད་བཏང་སྟེ། ཝཱ་ར་ཎཱ་སིའི་སྐྱེ་བོའི་ཚོགས་ཤི་བར་གྱུར་ཏོ། །བློན་པོ་རྣམས་ཀྱིས་རྒྱལ་པོ་བྱམས་པའི་སྟོབས་ལ་སྨྲས་པ། ལྷ་ཝཱ་ར་ཎཱ་སིའི་སྐྱེ་བོའི་ཚོགས་ཏེ་བོར་འགུམ་ལགས་སོ། །རྒྱལ་པོས་དེ་རྣམས་ལ་བསྒོ་བ། དེང་ལ་ཝཱ་ར་ཎཱ་སི་ཁོ་ནར་དྲིལ་སྒྲོགས་སུ་ཆུག་ལ། ཤེས་ལྡན་དག་རྒྱལ་པོ་བྱམས་པའི་སྟོབས་ཀྱིས་བཀའ་སྩལ་པ། ང་སེམས་ཅན་ཐམས་ཅད་ལ་ཕན་པའི་བསམ་པ་ལ་ལྷག་པར་བརྩོན་པའི་ཡིད་ཀྱིས་ཉིན་མཚན་འདའ་བར་བྱེད་ཀྱི། དེ་ལ་ཁྱེད་ཅག་གིས་ཀྱང་སེམས་ཅན་ཐམས་ཅད་ཀྱི་རྗེས་སུ་སོང་བའི་བྱམས་པ་ཡིད་ལ་བྱོས་ཤིག་དང ། དེ་ལྟ་ན་ཞི་བར་འགྱུར་རོ། །དེ་རྣམ་སེམས་ཅན་ཐམས་ཅད་ཀྱི་རྗེས་སུ་སོང་བའི་བྱམས་པ་ཡིད་ལ་ཞུགས་པ་ན། མདངས་འཕྲོག་པའི་གནོད་སྦྱིན་རྣམས་ཀྱིས་ཝཱ་ར་ཎཱ་སིའི་ཉེ་འཁོར་དུ་རྒྱུ་བར་བརྩམས་ན་འཇུག་མི་ནུས་སོ། །དེ་རྣམས་ཀྱིས་འཇུག་མ་ནུས་པས་གླགས་མ་རྙེད་དོ། །གླགས་མ་རྙེད་པ་དང ། བ་ལང་རྫི་དང ། ལུག་རྫི་དང ། རྩཝ་ཐུན་དང ། ཤིང་ཐུན་དང ། ལམ་གྱིས་འཚོ་བ་དང ། ལམ་གོལ་བས་འཚོ་བའི་མི་རྣམས་མཐོང་ནས་དྲིས་པ། ཤེས་ལྡན་དག་ཁྱེད་ཅག་ཁོ་བོ་ཅག་གིས་མི་འཇིགས་སམ། དེ་རྣམས་ཀྱིས་སྨྲས་པ། མི་འཇིགས་སོ། །ཅིའི་ཕྱིར། འདི་ལྟར་བདག་ནི་རྒྱལ་པོ་
Nga178b
བྱམས་པའི་སྟོབས་དགོངས་པ་གང་ཡིན་པ་དེ་སེམས་པས་སོ། །རྒྱལ་པོ་བྱམས་པའི་སྟོབས་ཅི་དགོངས། སེམས་ཅན་ཐམས་ཅད་ཀྱི་རྗེས་སུ་སོང་བའི་བྱམས་པའོ། །དེ་རྣམས་ཀྱིས་བསམས་པ། འདིར་རྒྱུ་འདིས་ན་ད་ལྟར་བདག་ཅག་གིས་གླགས་མ་རྙེད་དོ་སྙམ་ནས། དེ་རྣམས་ཝཱ་ར་ཎཱ་སིའི་སྒོ་ནས་སྒོར་རྒྱུ་ཞིང་རྒྱལ་པོ་བྱམས་པའི་སྟོབས་ནམ་ཞིག་མཐོང་སྙམ་མོ། །ཇི་ཙམ་དུས་གཞན་ཞིག་ན་རྒྱལ་པོ་བྱམས་པའི་སྟོབས་ཕྱི་རོལ་ཏུ་སྐྱེད་མོས་ཚལ་དུ་ཆས་པ་དང ། དེ་ནས་དེ་རྣམས་བྲམ་ཟེའི་ཆ་བྱད་དུ་བདག་ཉིད་མངོན་པར་སྤྲུལ་ནས་སྤྱོད་ལམ་ཞི་བས་རྒྱལ་པོའི་དྲུང་དུ་ཉེ་བར་དོང་སྟེ། རྒྱལ་བ་དང་ཚེ་སྤེལ་བ་དག་བྱས་ནས་སྨྲས་པ། ལྷ་བདག་ཅག་བཀྲེས་ལགས་ན། གཡར་ཟས་ཀྱིས་རྗེས་སུ་གཟུང་དུ་གསོལ། རྒྱལ་པོས་བློན་པོ་རྣམས་བཀུག་སྟེ་བསྒོ་བ། ཤེས་ལྡན་དག་བྲམ་ཟེ་འདི་རྣམས་ཁ་ཟས་བསོད་པས་ཚིམ་པར་བྱོས་ཤིག་།དེ་རྣམས་ཀྱིས་སྨྲས་པ། ལྷ་བདག་ཅག་ནི་ཤ་དང་ཁྲག་འཚལ་ལགས་སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་གལ་ཏེ་ཤ་དང་ཁྲག་འབྱོར་པ་མེད་ན། ཚོང་དུས་ནས་ཆོས་བཞིན་གྱིས་རྙེད་པའི་ཤ་དང་ཁྲག་བྱིན་ཅིག་།ལྷ་བདག་ཅག་ནི་མོད་ལ་བཀུམ་པའི་ཤ་དང་ཁྲག་འཚལ་ན། མོད་ལ་བཀུམ་པའི་ཤ་དང་ཁྲག་གིས་རྗེས་སུ་གཟུང་དུ་གསོལ། རྒྱལ་པོས་བསམས་པ།་སེམས་ཅན་གཞན་ལ་གནོད་པ་མ་བྱས་པར་ནི་མོད་ལ་བསད་པའི་ཤ་དང་ཁྲག་ག་ལ་རྙེད་ཀྱིས། ཅི་ནས་ཀྱང་འདི་རྣམས་ལ་བདག་གིས་རང་གི་ཁྲག་སྦྱིན་པར་བྱའོ་སྙམ་སྟེ། དེ་ནས་དཔྱད་མཁན་རྣམས་
Nga179a
༄#། །བཀུག་ནས་སྨྲས་པ། ཤེས་ལྡན་དག་ངའི་ཡན་ལག་གི་རྩ་ཐམས་ཅད་ཆོད་ཅིག་དང ། སློང་མོ་བའི་སྐྱེ་བོ་ཚིམ་པར་བྱའོ། །དཔྱད་མཁན་གྱིས་སྨྲས་པ། ལྷ་མི་ཕལ་པ་རྣམས་ཀྱི་ཕྱིར་བདག་ཅག་ལྷའི་སྐུ་ལ་མཚོན་གྱིས་མི་འདེབས་སོ། །བྱང་ཆུབ་སེམས་དཔའ་ནི་བཟོའི་གནས་དང ། ལས་ཀྱི་གནས་དེ་དང་དེ་དག་ལ་མཁས་པ་ཡིན་པས། དེས་རང་ཉིད་ཀྱི་ལུས་ཀྱི་ཡན་ལག་ལྔ་མཚོན་གྱིས་གཏར་ཏེ། དེ་ནས་རང་གི་ཁྲག་གིས་ཚིམ་པར་བྱས་ནས། དེ་རྣམས་ལ་དེ་ལྟ་བུའི་ཆོས་བཤད་དེ། གང་ཐོས་པས་གནོད་སྦྱིན་དེ་རྣམས་བརྟུལ་ཞུགས་ལྔའི་གཞི་རྣམས་ལ་བཀོད་དོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་བྱམས་པའི་སྟོབས་གང་ཡིན་པ་དེ་ནི་ང་ཉིད་ཡིན་ནོ། །མདངས་འཕྲོག་པའི་གནོད་སྦྱིན་ལྔ་པོ་གང་དག་ཡིན་པ་དེ་དག་ནི་ལྔ་སྡེའི་དགེ་སློང་འདི་དག་ཡིན་ཏེ། དེ་ན་ཡང་ངས་འདི་རྣམས་རང་གི་ཁྲག་གིས་ཚིམ་པར་བྱས་ཏེ། བརྟུལ་ཞུགས་ལྔའི་གཞི་རྣམས་ལ་བཀོད་དོ། །ད་ལྟར་ཡང་ངས་འདི་རྣམས་དམ་པའི་ཆོས་ཀྱི་རོས་ཚིམ་པར་བྱས་ནས་འཁོར་བའི་འབྲོག་དགོན་པ་ནས་བཏོན་ཏེ། ཤིན་ཏུ་མཐར་ཐུག་པའི་གྲུབ་པ་དང་བདེ་བའི་མྱ་ངན་ལས་འདས་པ་ལ་བཀོད་དོ། །གང་གི་ཚེ་བཅོམ་ལྡན་འདས་ཀྱིས་ལོ་དྲུག་ཏུ་དཀའ་བ་སྤྱད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྟོགས་ནས་ཝཱ་ར་ཎཱ་སིར་གཤེགས་ཏེ། ཆོས་ཀྱི་འཁོར་ལོ་བསྐོར་ནས་ལྔ་སྡེ་དང ། ཉེ་ལྔའི་སྡེ་དང །
Nga179b
དྲུག་ཅུའི་ཚོགས་བཟང་པོ་རྣམས་བཏུལ་བས་དགེ་སློང་མང་དུ་གྱུར་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེའི་རྣམ་པར་སྨིན་པས། བཅོམ་ལྡན་འདས་ཀྱིས་དགུང་ལོ་དྲུག་ཏུ་དཀའ་བ་སྤྱད་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་བཞིན་གཤེགས་པ་ཉིད་ཀྱི་སྔོན་གྱི་སྐུ་ཚེ་གཞན་རྣམས་སུ་འཕྲིན་ལས་བྱས་ཤིང་བསགས་པ་དང ། ཚོགས་རྙེད་པ་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་བཻ་བྷཻ་ཌིང་གའི་གྲོང་ཁྱེར་གྱི་གྲོང་རྡལ་འབྱོར་བ་དང ། ཞེས་བྱ་བ་ནས་སྐྱེ་བོ་དང ། མི་མང་པོ་ཡོད་པ་ཞེས་བྱ་བའི་བར་དུ་སྟེ། དགེ་སློང་དག་བཻ་བྷཻ་ཌིང་གའི་གྲོང་ཁྱེར་གྱི་གྲོང་རྡལ་ན་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ་ཞེས་བྱ་བ་ཕྱུག་པ་ནོར་མང་བ་ལོངས་སྤྱོད་ཆེ་བ་ཞིག་བྱུང་སྟེ། བཻ་བྷེ་ཌིང་གའི་འདུ་ཏང་དང་བཅས། རྩཝ་དང ། ཤིང་དང ། ཆུར་བཅས་པར་རྒྱལ་པོ་ཀྲི་ཀྲིས་བྲམ་ཟེའི་སྦྱིན་པར་བྱིན་ནས་འབྱོར་བ་ན་ཡོངས་སུ་ལོངས་སྤྱོད་དོ། །དགེ་སློང་དག་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷའི་སློབ་མ་བྲམ་ཟེའི་ཁྱེའུ་བླ་མ་ཞེས་བྱ་བ་ཕ་དང ། མའི་རིགས་དང་ལྡན་པ། མོ་ཕྱོགས་ནས་དག་པ། མེས་པོའི་ཕྱོགས་དང ། ཕྱི་མོའི་ཕྱོགས་ཟུང་བདུན་རྒྱུད་ཀྱིས་བཟུང་སྟེ། རིགས་ལ་གཏམ་གྱིས་མ་ཕོག་པ། ཀློག་ཏུ་འཇུག་པ། གསང་ཚིག་འཛིན་པ། རིག་བྱེད་གསུམ་པོ་སྒྲ་
Nga180a
༄#། །ངེས་པར་སྦྱོར་བ་དང ། ཤེས་གསལ་དང་བཅས་པ་དང ། ཡི་གེ་རབ་ཏུ་འབྱེད་པ་དང་བཅས་པ་དང ། ལྔ་པོ་དེ་ལྟ་བུ་བྱུང་བ་ཅན་རྣམས་ཀྱི་ཕ་རོལ་ཏུ་ཕྱིན་ཅིང ། ལུང་སྟོན་པར་བྱེད་པ་གཟུགས་བཟང་པོ་བལྟ་ན་སྡུག་པ། མཛེས་པ་ཞིག་ཡོད་དེ། བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷའི་བྲམ་ཟེའི་ཁྱེའུ་ལྔ་བརྒྱ་ཙམ་ལ་བྲམ་ཟེ་རྣམས་ཀྱི་གསང་ཚིག་ཀློག་ཏུ་འཇུག་གོ། དགེ་སློང་དག་བཻ་བྷེ་ཌིང་གའི་གྲོང་ཁྱེར་གྱི་གྲོང་རྡལ་ན། རྫ་མཁན་དགའ་སྐྱོང་ཞེས་བྱ་བ། སངས་རྒྱས་ལ་མངོན་པར་དད་པ། ཆོས་དང ། དགེ་འདུན་ལ་མངོན་པར་དད་པ། སངས་རྒྱས་ལ་སྐྱབས་སུ་སོང་བ། ཆོས་དང ། དགེ་འདུན་ལ་སྐྱབས་སུ་སོང་བ། སངས་རྒྱས་ལ་གཅིག་ཏུ་བྱེད་པ། ཆོས་དང ། དགེ་འདུན་ལ་གཅིག་ཏུ་བྱེད་པ། སངས་རྒྱས་ལ་ཡིད་གཉིས་དང་ཐེ་ཚོམ་མེད་པ། ཆོས་དང ། དགེ་འདུན་དང ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་ལ་ཡིད་གཉིས་དང་ཐེ་ཚོམ་མེད་པ། བདེན་པ་མཐོང་བ། འབྲས་བུ་ཐོབ་ཅིང་རྟོགས་པ། ལོ་མ་དང་གཏུན་སྤངས་པ་ཞིག་གནས་ཏེ་གཞན་དུ་ན་དེ་གང་ན་ཆུས་བརྐོས་པའམ། བྱི་བྲུན་མ་གཏོགས་པ་རང་གི་ལག་གིས་ས་མི་རྐོ་ཞིང་རྐོར་མི་འཇུག་གོ་།དེ་ནས་ལུས་ཀྱིས་བླངས་ནས། སྲོག་ཆགས་མེད་པའི་ཆུས་སྦྲུས་ཏེ། སྣོད་རྣམས་བྱས་ཤིང་མཐའ་གཅིག་ཏུ་བཞག་ནས། འདི་སྐད་ཅེས་འཕགས་པ་དག་ཚུར། བཞིན་བཟང་དག་ཚུར། ཏིལ་ལམ་འབྲས་སམ་མོན་སྲན་སྡེའུ་
Nga180b
ལ་སོགས་པའམ། མོན་སྲན་གྲེའུ་ལ་སོགས་པ་མཐའ་གཅིག་ཏུ་ཞོག་ལ། ཁྱེད་ཅག་ལས་གང་ཞིག་།སྣོད་གང་དོན་དུ་གཉེར་བ་དེ་དེས་ལོང་ལ་དེངས་ཤིག་ཅེས་སྨྲ་ཞིང ། དེས་དེ་ལས་ཕ་མ་ལོང་བ་གཉིས་གསོ་བ་དང ། ཡང་དག་པར་རྫོགས་པའི་སངས་རྒྱས་འོད་སྲུང་ལ་དུས་དུས་སུ་བསོད་སྙོམས་འབུལ་ལོ། །བྲམ་ཟེའི་ཁྱེའུ་བླ་མའི་གྲོགས་པོ་དང ། སྙིང་དུ་སྡུག་པ་དང ། ནེའུ་ཟླ་ཡང་ཡིན་ནོ། །དེ་ནས་རྫ་མཁན་དགའ་སྐྱོང་ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་སོང་སྟེ་ཕྱིན་ནས། ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། ཡང་དག་པར་རྫོགས་པའི་སངས་རྒྱས་འོད་སྲུང་གིས། རྫ་མཁན་དགའ་སྐྱོང་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་བཟེངས་\་GZཱེཎGཥ\་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་རྫ་མཁན་དགའ་སྐྱོང་ཡང་དག་པར་རྫོགས་པའི་སངས་རྒྱས་འོད་སྲུང་གིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རངས་ནས་ཞབས་གཉིས་ལ་མགོ་བོས་ཕྱག་འཚལ་ཏེ། སྟན་ལས་ལངས་ནས་སོང་ངོ ། །དེའི་ཚེ་
Nga181a
༄#། །བྲམ་ཟེའི་ཁྱེའུ་བླ་མ་ཤིང་རྟ་ཐམས་ཅད་ནས་དཀར་བ་རྟ་རྒོད་མ་དང་ལྡན་པའི་ནང་དུ་ཞུགས་ཏེ། གསེར་གྱི་འཁར་བ་དང ། རིལ་བ་ཐོགས་ཏེ། བྲམ་ཟེའི་ཁྱེའུ་ཡི་ཚོགས་ཀྱིས་ཡོངས་སུ་བསྐོར་ཅིང ། བྲམ་ཟེའི་ཁྱེའུ་ཡི་ཚོགས་ཀྱིས་མདུན་གྱིས་བལྟས་ཏེ། བཻ་བྷེ་ཌིང་གའི་ཕྱི་རོལ་ཏུ་བྲམ་ཟེའི་ཁྱེའུ་རྣམས་གསང་ཚིག་ཀློག་ཏུ་བཞུག་པར་འདོད་ནས། བཻ་བྷེ་ཌིང་གནས་བྱུང་བ་དང ། བྲམ་ཟེའི་ཁྱེའུ་བླ་མས་རྫ་མཁན་དགའ་སྐྱོང་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་གང་ནས་འདིར་འོངས། དེས་པ་བླ་མ་བདག་ནི་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱས་ནས། ད་བཟོད་འདིར་འོངས་ཀྱིས། དེས་པ་བླ་མ་ཚུར་བདག་ཅག་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང་ངོ ། །དེས་པ་དགའ་སྐྱོང་ཡང་དག་པར་རྫོགས་པའི་སངས་རྒྱས་འོད་སྲུང་ལ་ལྟ་བ་ཐོངས་ཤིག་།བསྙེན་བཀུར་བྱ་བ་ཐོངས་ཤིག་།དེ་ཅིའི་ཕྱིར་ཞེ་ན། དགེ་སྦྱོང་མགོ་རེག་དེ་ལ་བྱང་ཆུབ་ག་ལ་ཡོད། བྱང་ཆུབ་ནི་མཆོག་ཏུ་དཀའ་བ་ཡིན་ནོ། །དེས་པ་བླ་མ་འདི་སྐད་ཅེས་དགེ་སྦྱོང་མགོ་རེག་དེ་ལ་བྱང་ཆུབ་ག་ལ་ཡོད། བྱང་ཆུབ་ནི་མཆོག་ཏུ་དཀའ་བ་ཡིན་ནོ་ཞེས་མ་སྨྲ་ཞིག་།འདི་ལྟར་བཅོམ་ལྡན་འདས་དེ་ཉིད་སངས་རྒྱས་ཡིན་ཏེ། དེས་ཆོས་ཐམས་ཅད་སངས་རྒྱས་སོ། །རྫ་མཁན་དགའ་སྐྱོང་གིས་ལན་གཉིས་ལན་གསུམ་དུ་ཡང་བྲམ་
Nga181b
ཟེའི་ཁྱེའུ་བླ་མ་ལ་འདི་སྐད་ཅེས་སྨྲས་སོ། །དེས་པ་བླ་མ་ཚུར། བདག་ཅག་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང་ངོ ། །བྲམ་ཟེའི་ཁྱེའུ་བླ་མས་ལན་གཉིས་ལན་གསུམ་དུ་ཡང་རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཡང་དག་པར་རྫོགས་པའི་སངས་རྒྱས་འོད་སྲུང་ལ་ལྟ་བ་ཐོངས་ཤིག་།བསྙེན་བཀུར་བྱ་བ་ཐོངས་ཤིག་།དེ་ཅིའི་ཕྱིར་ཞེ་ན། དགེ་སྦྱོང་མགོ་རེག་ལ་བྱང་ཆུབ་ག་ལ་ཡོད། བྱང་ཆུབ་ནི་མཆོག་ཏུ་དཀའ་བ་ཡིན་ནོ། །དེས་པ་བླ་མ་ཁྱོད་འདི་སྐད་ཅེས་དགེ་སྦྱོང་མགོ་རེག་དེ་ལ་བྱང་ཆུབ་ག་ལ་ཡོད། བྱང་ཆུབ་ནི་མཆོག་ཏུ་དཀའ་བ་ཡིན་ནོ་ཞེས་མ་སྨྲ་ཞིག་།འདི་ལྟར་བཅོམ་ལྡན་འདས་དེ་ཉིད་སངས་རྒྱས་ཡིན་ཏེ། དེས་ཆོས་ཐམས་ཅད་སངས་རྒྱས་སོ། །དེ་ནས་རྫ་མཁན་དགའ་སྐྱོང་གིས། བྲམ་ཟེའི་ཁྱེའུ་བླ་མའི་ཤིང་རྟའི་ནང་དུ་འཛེགས་ནས་བྲམ་ཟེའི་ཁྱེའུ་བླ་མའི་སྐྲ་ལས་བཟུང་སྟེ། བྲམ་ཟེའི་ཁྱེའུ་བླ་མ་ལ་འདི་སྐད་ཅེས་སྨྲས་སོ། །དེས་པ་བླ་མ་ཚུར། བདག་ཅག་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང་ངོ ། །དེ་ནས་བྲམ་ཟེའི་ཁྱེའུ་བླ་མ་འདི་སྙམ་དུ་སེམས་ཏེ། ཀྱེ་མ་སངས་རྒྱས་མཆོག་མ་ཡིན་པ་ཡང་མ་ཡིན་ཞིང ། ཆོས་བཤད་པ་ཡང་མཆོག་མ་ཡིན་པ་མ་ཡིན་ཏེ།་དེས་ན་ད་ལྟར་རྫ་མཁན་དགའ་སྐྱོང་ཡུན་རིང་པོ་ནས་ཁྲོ་བ་མ་ཡིན། གཏུམ་པ་མ་ཡིན། བརླང་བ་མ་ཡིན། གཟུ་ལུམས་ཅན་མ་ཡིན་པ་དེས་ཀྱང་སྐྲ་ལས་བཟུང་བ་ཡན་ཆད་བྱས་སོ་སྙམ་དུ་
Nga182a
༄#། །བསམས་ནས། རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང་དེ་ཙམ་བྱ་བ་ལ་ཐུག་གམ། དེས་པ་བླ་མ་དེ་ཙམ་བྱ་བ་ལ་ཐུག་ཅེས་སོ། །དེས་པ་དགའ་སྐྱོང་ཅི་དེ་ཙམ་བྱ་བ་ལ་ཐུག་གམ། དེས་པ་བླ་མ་དེ་ཙམ་བྱ་བ་ལ་ཧ་ཅང་ཐུག་ཅེས་སོ། །དེས་པ་དགའ་སྐྱོང་དེའི་ཕྱིར་ཐོངས་ཤིག་དང ། བདག་ཅག་ཡང་དག་པར་རྫོགས་པའི་སངས་རྒྱས་འོད་སྲུང་ལ་བསྙེན་བཀུར་བྱེད་དུ་འདོང་ངོ ། །དེ་ནས་བྲམ་ཟེའི་ཁྱེའུ་བླ་མ་དང ། རྫ་མཁན་དགའ་སྐྱོང་ཤིང་རྟ་གཅིག་གི་ནང་དུ་ཞུགས་ནས། ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་སོང་སྟེ་ཕྱིན་ནས།་དེ་གཉིས་ཀྱིས་ཇི་ཙམ་བཞོན་པའི་སའི་བར་དུ་བཞོན་པས་སོང་ནས་བཞོན་པ་ལས་བབས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་ག་ལ་བ་དེར་དོང་སྟེ་ཕྱིན་ནས། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་རྫ་མཁན་དགའ་སྐྱོང་གིས་ཡང་དག་པར་རྫོགས་པའི་སངས་རྒྱས་འོད་སྲུང་ལ་འདི་སྐད་ཅེས་གསོལ་ཏོ། །བཙུན་པ་བྲམ་ཟེའི་ཁྱེའུ་བླ་མ་འདི་ནི་སངས་རྒྱས་ལ་མངོན་པར་མ་དད་ཆོས་དང་དགེ་འདུན་ལ་མངོན་པར་མ་དད་ལགས་ཀྱིས། བཅོམ་ལྡན་འདས་ཇི་ལྟར་བྲམ་ཟེའི་ཁྱེའུ་བླ་མ་འདི།་སངས་རྒྱས་ལ་མངོན་པར་དད་པ་དང ། ཆོས་དང་དགེ་འདུན་ལ་མངོན་པར་དད་པར་འགྱུར་བ་དེ་ལྟ་བུའི་ཆོས་ལེགས་པར་བཤད་དུ་གསོལ། ཡང་དག་པར་རྫོགས་པའི་སངས་རྒྱས་འོད་སྲུང་
Nga182b
གིས་རྫ་མཁན་དགའ་སྐྱོང་ལ་ཅང་མི་གསུང་བས་གནང་ངོ ། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་གིས་བྲམ་ཟེའི་ཁྱེའུ་བླ་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། །ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་བྲམ་ཟེའི་ཁྱེའུ་བླ་མས་རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང་ལེགས་པར་གསུངས་པའི་ཆོས་འདུལ་བ་གྱ་ནོམ་པ་འདི་ལྟ་བུ་ཐོས་ན། ཁྱོད་དད་པ་ཡང་དག་པར་ཁོ་ནས་ཁྱིམ་ནས་ཁྱིམ་མེད་པར་ཅིའི་ཕྱིར་རབ་ཏུ་མ་བྱུང ། དེས་པ་བླ་མ་ཇི་ལྟར་ཁོ་བོ་ཕ་མ་ལོང་བ་གཉིས་གསོ་བ་དང ། ཡང་དག་པར་རྫོགས་པའི་སངས་རྒྱས་འོད་སྲུང་ལ་དུས་དུས་སུ་བསོད་སྙོམས་འབུལ་བར་ཁྱོད་མི་ཤེས་སམ། དེས་པ་དགའ་སྐྱོང་ཁྱོད་རབ་ཏུ་བྱུང་ཡང་རུང་མ་བྱུང་ཡང་རུང ། རེ་ཞིག་ཁོ་བོ་ནི་རབ་ཏུ་འབྱུང་ངོ ། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་ལ་རྫ་མཁན་དགའ་སྐྱོང་གིས་འདི་སྐད་ཅེས་གསོལ་ཏོ། །བཙུན་པ་བྲམ་ཟེའི་ཁྱེའུ་བླ་མ་འདི་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་བ་དང ། བསྙེན་པར་རྫོགས་པ་དགེ་སློང་གི་དངོས་པོ་འཚལ་ན། བཅོམ་ལྡན་འདས་ཀྱིས་ཐུགས་བརྩེ་བ་ཉེ་བར་བཟུང་སྟེ། དེ་རབ་ཏུ་
Nga183a
༄#། །དབྱུང་བ་དང ། བསྙེན་པར་རྫོགས་པར་མཛད་དུ་གསོལ། ཡང་དག་པར་རྫོགས་པའི་སངས་རྒྱས་འོད་སྲུང་གིས་རྫ་མཁན་དགའ་སྐྱོང་ལ་ཅང་མི་གསུང་བས་གནང་ངོ་།། དེ་ནས་རྫ་མཁན་དགའ་སྐྱོང་གིས་ཡང་དག་པར་རྫོགས་པའི་སངས་རྒྱས་འོད་སྲུང་ཅང་མི་གསུང་བས་གནང་བར་རིག་ནས། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་འཚལ་ཏེ་སྟན་ལས་ལངས་ནས་སོང་ངོ ། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་གིས། རྫ་མཁན་དགའ་སྐྱོང་སོང་ནས་རིང་པོར་མ་ལོན་པར་ཐུགས་སུ་ཆུད་ནས། བྲམ་ཟེའི་ཁྱེའུ་བླ་མ་རབ་ཏུ་བྱུང ། བསྙེན་པར་རྫོགས་པར་མཛད་དེ། བཻ་བྷེ་ཌིང་གར་ཇི་ཙམ་བཞེད་ཀྱི་བར་དུ་བཞུགས་ནས་ཝཱ་ར་ཎཱ་སིའི་ཀ་ཤི་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང ། ཝཱ་ར་ཎཱ་སིར་བྱོན་ནས། ཝཱ་ར་ཎཱ་སིའི་སྲོང་སྨྲ་བའི་རི་དྭགས་ཀྱི་ནགས་ན་བཞུགས་སོ། །རྒྱལ་པོ་ཀྲི་ཀྲིས་ཡང་དག་པར་རྫོགས་པའི་སངས་རྒྱས་འོད་སྲུང་ཀ་ཤི་ནས་ལྗོངས་རྒྱུ་ཞིང་གཤེགས་པ་དང ། ཝཱ་ར་ཎཱ་སིར་བྱོན་ནས། ཝཱ་ར་ཎཱ་སིའི་དྲང་སྲོང་སྨྲ་བའི་རི་དྭགས་ཀྱི་ནགས་ན་བཞུགས་སོ་ཞེས་ཐོས་སོ། །ཐོས་ནས་ཀྱང་ཝཱ་ར་ཎཱ་སི་ནས་བྱུང་སྟེ། ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེར་སོང་ནས་ཕྱིན་པ་དང ། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་
Nga183b
གཅིག་ཏུ་འདུག་པ་དང ། ཡང་དག་པར་རྫོགས་པའི་སངས་རྒྱས་འོད་སྲུང་གིས། རྒྱལ་པོ་ཀྲི་ཀྲི་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་རྒྱལ་པོ་ཀྲི་ཀྲི་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། ཡང་དག་པར་རྫོགས་པའི་སངས་རྒྱས་འོད་སྲུང་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཡང་དག་པར་རྫོགས་པའི་སངས་རྒྱས་འོད་སྲུང་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སང་བདག་གི་སྡུམ་པར་དགེ་སློང་གི་དགེ་འདུན་དང་ཐབས་ཅིག་ཏུ་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས། རྒྱལ་པོ་ཀྲི་ཀྲི་ལ་ཅང་མི་གསུང་བས་གནང་ངོ ། །དེ་ནས་རྒྱལ་པོ་ཀྲི་ཀྲིས་ཡང་དག་པར་རྫོགས་པའི་སངས་རྒྱས་འོད་སྲུང་ཅང་མི་གསུང་བས་གནང་བར་རིག་ནས། ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་གཉིས་ལ་མགོ་བོས་ཕྱག་བྱས་ནས་སྟན་ལས་ལངས་ཏེ་སོང་ངོ ། །དེ་ནས་རྒྱལ་པོ་ཀྲི་ཀྲིས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས། ནང་པར་སྔར་ལངས་ཏེ་གདན་
Nga184a
༄#། །བཤམས། ནོར་བུའི་ཆུ་སྣོད་བཞག་ནས། ཡང་དག་པར་རྫོགས་པའི་སངས་རྒྱས་འོད་སྲུང་ལ་སྤྱན་འདྲེན་གྱི་དུས་ཚོད་གསོལ་པ། བཙུན་པ་གདུགས་ཚོད་ལགས་ཏེ། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང ། ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་ཚོགས་ཀྱིས་མདུན་དུ་བདར་ནས་རྒྱལ་པོ་ཀྲི་ཀྲིའི་བཀད་ས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་རྒྱལ་པོ་ཀྲི་ཀྲིས་སངས་རྒྱས་ལ་སོགས་པ། དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང ། བཅའ་བ་དག་རང་གི་ལག་ནས་སྟོབས་ཤིང ། ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་སོ། །ཡང་དག་པར་རྫོགས་པའི་སངས་རྒྱས་འོད་སྲུང་གིས་ཞལ་ཟས་གསོལ་ཟིན་ཏེ། ཕྱག་བཅབས། ལྷུང་བཟེད་གྱུ་བར་རིག་ནས། གསེར་གྱི་བྱ་མ་བུམ་བླངས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་སྤྱན་སྔར་གསོལ་བ་བཏབ་པ།་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་དགུང་ཟླ་གསུམ་དུ་བདག་གི་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་
Nga184b
རྣམས་དང ། བཅོམ་ལྡན་འདས་ཀྱི་སླད་དུ་གཙུག་ལག་ཁང་ལྔ་བརྒྱ་བརྩིག་ཏུ་སྩལ་ཅིང ། ཁྲི་དང་ཁྲིའུ་དང ། ལ་བ་དང ། སྟན་ནང་ཚངས་ཅན་དང ། དབུ་རྟེན་དང ། གོར་བུ་ལྔ་བརྒྱ་ལྔ་བརྒྱ་འཇོག་ཏུ་སྩལ་ཅིང ། འབྲས་སོག་མའི་སྦུབས་སུ་སྨིན་པ་དེ་ལྟ་བུས། བཅོམ་ལྡན་འདས་དང་དགེ་སློང་གི་དགེ་འདུན་ལ་བསྙེན་བཀུར་བགྱིད་ལགས་ན་གནང་བར་མཛད་དུ་གསོལ། རྒྱལ་པོ་ཆེན་པོ་སེམས་མངོན་པར་དག་པ་གང་ཡིན་པ་དེ་ཉིད་ཀྱིས་བྱས་པ་ཡིན་གྱིས་ཆོག་གོ་།ཡང་དག་པར་རྫོགས་པའི་སངས་རྒྱས་འོད་སྲུང་ལ་རྒྱལ་པོ་ཀྲི་ཀྲིས་ལན་གཉིས་ལན་གསུམ་དུ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ། དགུང་ཟླ་གསུམ་དུ་བདག་གི་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་དང ། བཅོམ་ལྡན་འདས་ཀྱི་སླད་དུ་གཙུག་ལག་ཁང་ལྔ་བརྒྱ་བརྩིག་ཏུ་སྩལ་ཅིང ། ཁྲི་དང ། ཁྲིའུ་དང ། ལ་བ་དང ། སྟན་ནང་ཚངས་ཅན་དང ། དབུ་རྟེན་དང ། གོར་བུ་ལྔ་བརྒྱ་ལྔ་བརྒྱ་འཇོག་ཏུ་སྩལ་ཅིང ། འབྲས་སོག་མའི་སྦུབས་སུ་སྨིན་པ་དེ་ལྟ་བུས། བཅོམ་ལྡན་འདས་དང་དགེ་སློང་གི་དགེ་འདུན་ལ་བསྙེན་བཀུར་བགྱིད་ལགས་ན་གནང་བར་མཛད་དུ་གསོལ། ཡང་དག་པར་རྫོགས་པའི་སངས་རྒྱ་འོད་སྲུང་གིས། ལན་གཉིས་ལན་གསུམ་དུ་ཡང་རྒྱལ་པོ་ཀྲི་ཀྲི་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་སེམས་མངོན་པར་དད་པར་བྱས་པ་གང་ཡིན་པ་དེ་ཉིད་ཀྱིས་བྱས་ཟིན་པས་ཆོག་
Nga185a
༄#། །གོ་།དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་ལ་རྒྱལ་པོ་ཀྲི་ཀྲིས་འདི་སྐད་ཅེས་གསོལ་ཏོ། །བཅོམ་ལྡན་འདས་ལ་རིམ་གྲོ་བགྱིད་པ་དཔེར་ན། ད་ལྟར་གྱི་བདག་འདྲ་བ་གཞན་འགའ་ཞིག་མཆིས་ལགས་སམ། རྒྱལ་པོ་ཆེན་པོ་ཡོད་དེ་ཁྱོད་ཀྱི་ཡུལ་བཻ་བྷེ་ཌིང་གའི་གྲོང་ཁྱེར་གྱི་གྲོང་རྡལ་དེ་ན། རྫ་མཁན་དགའ་སྐྱོང་ཞེས་བྱ་བ་སངས་རྒྱས་ལ་མངོན་པར་དད་པ། ཆོས་དང་དགེ་འདུན་ལ་མངོན་པར་དད་པ། སངས་རྒྱས་ལ་སྐྱབས་སུ་སོང་བ། ཆོས་དང་དགེ་འདུན་ལ་སྐྱབས་སུ་སོང་བ། སངས་རྒྱས་ལ་གཅིག་ཏུ་བྱེད། ཆོས་དང་དགེ་འདུན་ལ་གཅིག་ཏུ་བྱེད་པ། སངས་རྒྱས་ལ་ཡིད་གཉིས་དང་ཐེ་ཚོམ་མེད་པ། ཆོས་དང་དགེ་འདུན་དང ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་ལ་ཡིད་གཉིས་དང་ཐེ་ཚོམ་མེད་པ། བདེན་པ་མཐོང་བ་འབྲས་བུ་ཐོབ་ཅིང་རྟོགས་པ། ལོ་མ་དང་གཏུན་སྤངས་པ་ཞིག་གནས་ཏེ། དེ་གཞན་དུ་ན་ཆུས་བརྐོས་པའམ། བྱི་བྲུན་མ་གཏོགས་པར་རང་གི་ལག་གིས་མི་རྐོ་ཞིང་རྐོར་མི་འཇུག་གོ་།དེ་ནས་ས་ལུས་ཀྱིས་བླངས་ནས། སྲོག་ཆགས་མེད་པའི་ཆུས་སྦྲུས་ཏེ། སྣོད་རྣམས་བྱས་ཤིང་མཐའ་གཅིག་ཏུ་བཞག་ནས། འདི་སྐད་ཅེས་འཕགས་པ་དག་ཚུར། བཞིན་བཟང་དག་ཚུར། ཏིལ་ལམ། འབྲས་སམ། མོན་སྲན་སྡེའུ་ལ་སོགས་པའམ། མོན་སྲན་གྲེའུ་ལ་སོགས་པ་མཐའ་གཅིག་ཏུ་ཞོག་ལ། ཁྱེད་གང་
Nga185b
ཞིག་སྣོད་གང་དོན་དུ་གཉེར་བ་དེ་དེས་ལོང་ལ་དེང་ཞིག་།ཅེས་སྨྲ་ཞིང་དེས་དེ་ལས་ཕ་མ་ལོང་བ་གཉིས་གསོ་བ་དང ། ང་ལ་ཡང་དུས་དུས་སུ་བསོད་སྙོམས་འབུལ་བར་བྱེད་དོ། །རྒྱལ་པོ་ཆེན་པོ་ང་དུས་གཅིག་ཅིག་ན་བཻ་བྷེ་ཌིང་གའི་གྲོང་ཁྱེར་གྱི་གྲོང་རྡལ་ན་ཉེ་བར་རྟེན་ཅིང་ཞུགས་པ་ན། སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ། བཻ་བྷེ་ཌིང་གའི་གྲོང་ཁྱེར་གྱི་གྲོང་རྡལ་དུ་བསོད་སྙོམས་ལ་ཞུགས་ཏེ། རིམ་གྱིས་བསོད་སྙོམས་ལ་རྒྱུ་བ་ན། རྫ་མཁན་དགའ་སྐྱོང་གི་ཁྱིམ་གང་ན་བ་དེར་གཤེགས་ཏེ་བྱོན་ནས། སྒོ་འཕར་ལ་མི་དྲག་པར་དལ་བུ་དལ་བུས་བརྡབས་པ་དང ། དེའི་ཚེ་རྫ་མཁན་དགའ་སྐྱོང་ནི་དགོས་པ་འགའ་ཞིག་གི་ཕྱིར་ཕྱི་རོལ་ཏུ་སོང་བར་གྱུར་ནས། རྫ་མཁན་དགའ་སྐྱོང་གི་ཕ་མས། སྒོ་འཕར་བརྡབས་པའི་སྒྲ་ཐོས་སོ། །ཐོས་ནས་ཀྱང་འདི་སྐད་ཅེས་སྒོ་འཕར་ལ་མི་དྲག་པར་དལ་བུ་དལ་བུས་རྡེབས་པའི་འཕགས་པ་དེ་སུ་ཞིག་།བཞིན་བཟང་དེ་སུ་ཞིག་ཅེས་སྨྲའོ། །ངས་དེ་གཉིས་ལ་འདི་སྐད་ཅེས་བཀའ་སྩལ་ཏོ། །ང་ནི་ཡང་དག་པར་རྫོགས་པའི་སངས་རྒྱས་འོད་སྲུང་ཡིན་ཏེ། བསོད་སྙོམས་བཞེད་དོ། །དེ་གཉིས་ཀྱིས་འདི་སྐད་ཅེས་སྨྲས་སོ། །འཕགས་པ་ནང་དུ་སྤྱོན་ཅིག་།བཞིན་བཟང་ནང་དུ་སྤྱོན་ཅིག་།ཕྲུ་བ་འདི་རྣམས་ན་བཤོས་དྲོན་པོ་དང ། རྫེའུ་ན་སྲན་ཚོད་མཆིས་མོད་ཀྱི་ཁྱོད་ལ་བསྙེན་བཀུར་བགྱིད་པ་ནི་སླད་རོལ་ཏུ་མཆིས་ལགས་ཀྱིས། གལ་ཏེ་བཞེད་ན་ཉིད་ཀྱིས་བཞེད་དེ་ཡོངས་སུ་ལོངས་སྤྱད་དུ་གསོལ། རྒྱལ་པོ་ཆེན་པོ་ངས་བྱང་གི་སྒྲ་མི་སྙན་
Nga186a
༄#། །གྱི་དུས་བྱིན་གྱིས་བརླབས་ནས། ཉིད་ཁོ་ནས་ཕྲུ་བའི་ནང་ནས་ཟན་དྲོན་དང ། རྫེའུ་ན་སྲན་ཚོད་ཡོད་པ་བླངས་ནས་ཡོངས་སུ་ལོངས་སྤྱོད་དོ། །དེ་ནས་ཕྱི་ཞིག་ནས་རྫ་མཁན་དགའ་སྐྱོང་འོངས་ནས། རྫ་མཁན་དགའ་སྐྱོང་གིས་ཕྲུ་བའི་ནང་ན་ཟན་དྲོན་དང་རྫེའུ་ན་སྲན་ཚོད་ཡོད་པ་ཟོས་པར་མཐོང་ངོ ། །མཐོང་ནས་ཀྱང་ཕ་མ་ལོང་བ་གཉིས་ལ་འདི་སྐད་ཅེས་སྨྲས་སོ། །ཡབ་ཡུམ་ཕྲུ་བའི་ནང་ན་ཟན་དྲོན་དང་རྫེའུ་ན་སྲན་ཚོད་མཆིས་པ་འདི་སུ་ཞིག་གིས་གསོལ། དེ་གཉིས་ཀྱིས་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་སོང་ནས་རིང་པོར་མ་ལོན་པར་འདིར་སྒོ་འཕར་ལ་རྡེབས་པའི་སྒྲ་ཞིག་ཐོས་སོ། །ཐོས་ནས་ཀྱང་འདི་སྐད་ཅེས་སྨྲས་སོ། །སྒོ་འཕར་ལ་མི་དྲག་པར་དལ་བུ་དལ་བུས་རྡེབས་པའི་འཕགས་པ་དེ་སུ་ཞིག་།བཞིན་བཟང་དེ་སུ་ཞིག། དེས་འདི་སྐད་ཅེས་ང་ནི་ཡང་དག་པར་རྫོགས་པའི་སངས་རྒྱས་འོད་སྲུང་ཡིན་ཏེ། བསོད་སྙོམས་བཞེད་དོ་ཞེས་གསུངས་ནས། དེ་ལ་འདི་སྐད་ཅེས། འཕགས་པ་ནང་དུ་སྤྱོན་ཅིག་།བཞིན་བཟང་ནང་དུ་སྤྱོན་ཅིག་།ཕྲུ་བ་འདིའི་ནང་ན་ཟན་དྲན་པོ་དང ། རྫེའུ་ན་སྲན་ཚོད་མཆིས་མོད་ཀྱི། ཁྱོད་ལ་བསྙེན་བཀུར་བགྱིད་པ་ནི་སླད་རོལ་ཏུ་མཆིས་ལགས་ཀྱིས་གལ་ཏེ་བཞེད་ན། ཉིད་ཀྱིས་བཞེས་ཏེ་ཡོངས་སུ་ལོངས་སྤྱད་དུ་གསོལ་ཞེས་གསོལ་པ་དང ། དེས་ཕྲུ་བའི་ནང་ན་ཟན་དྲོན་ཡོད་པ་དང ། རྫེའུ་ན་སྲན་ཚོད་ཡོད་པ་དེ་དག་གསོལ་བ་ལྟ་ཞིག་།དེ་ནས་རྫ་མཁན་དགའ་སྐྱོང་འདི་སྙམ་
Nga186b
དུ་སེམས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གིས་ལེགས་པར་བག་ཕབ་ཅིང་འདྲིས་པར་གྱུར་པ་ནི་བདག་གིས་རྙེད་པ་ལེགས་པར་རྙེད་དོ་སྙམ་དུ་རིག་ནས། དགའ་བ་དང་བདེ་བ་དེ་ཉིད་ཀྱིས་སྐྱིལ་མོ་ཀྲུང་གཅིག་གིས་ཞག་བདུན་འདས་པར་བྱས་སོ། །ཟླ་བ་ཕྱེད་ཀྱི་བར་དུ་ཡང་དེའི་ལྷན་ཅིག་ལྡན་པའི་དྲན་པ་ལུས་མི་འདོར་ཞིང་དེ་རྟག་ཏུ་ལུས་ལ་བར་ཆད་མེད་པར་གནས་སོ། །ཞག་བདུན་གྱི་བར་དུ་མེའི་ཕྲུ་བ་ན་ཟན་དྲོན་པོ་ཡོད་པ་དང ། རྫེའུ་ན་སྲན་ཚོད་ཡོད་པ་ཇི་ལྟ་བ་དེ་བཞིན་དུ་ཕྲུ་བ་ན་ཡང་ཟན་དྲོན་ཡོད་ལ། རྫེའུ་ན་ཡང་སྲན་ཚོད་ཡོད་དོ། །རྒྱལ་པོ་ཆེན་པོ་ང་ཡང་དུས་གཅིག་ཅིག་ན། བཻ་བྷེ་ཌིང་གའི་གྲོང་ཁྱེར་གྱི་གྲོང་རྡལ་དུ་ཉེ་བར་བརྟེན་ཏེ། དབྱར་བཞུགས་པར་ཞལ་གྱིས་བཞེས་པ་ལས། ང་ལ་དེར་ཐོག་མར་ལྷས་ཆར་ཕབ་པས་གཙུག་ལག་ཁང་ཟགས་པར་གྱུར་ཏོ། །དེའི་ཚེ་རྫ་མཁན་དགའ་སྐྱོང་གི་ལས་བྱེད་པའི་ཁང་པ་རྩཝ་སར་པས་གཡོགས་སོ། །ངས་དགེ་སློང་ཞབས་འབྲིང་བྱེད་པ་རྣམས་ལ་བཀའ་སྩལ་པ། དགེ་སློང་དག་ཁྱེད་ཅག་དེང་ལ་རྫ་མཁན་དགའ་སྐྱོང་གི་ལས་བྱེད་པའི་ཁང་པ་གཡོགས་པའི་རྩ་སར་པ་བཤུས་ལ་ངའི་གཙུག་ལག་ཁང་གཡོགས་ཤིག་།དེ་རྣམས་ཀྱིས་བཀའ་བཞིན་འཚལ་ཞེས་ང་ལས་མཉན་ནས་རྫ་མཁན་དགའ་སྐྱོང་གི་ལས་བྱེད་པའི་ཁང་པ་རྩཝ་སར་པས་གཡོགས་པ་ཤུ་བར་བྱེད་དོ། །དེའི་ཚེ་རྫ་མཁན་དགའ་སྐྱོང་ནི་དགོས་པ་འགའ་ཞིག་གི་ཕྱིར་ཕྱི་རོལ་ཏུ་སོང་བར་གྱུར་ཏོ། །རྫ་མཁན་དགའ་སྐྱོང་གི་ཕ་མ་ལོང་བས་ལས་ཀྱི་ཁང་པ་ཐོག་ཤུ་བའི་
Nga187a
༄#། །སྒྲ་ཐོས་སོ། །ཐོས་ནས་ཀྱང་འདི་སྐད་ཅེས་སྨྲས་སོ། །རྫ་མཁན་དགའ་སྐྱོང་གི་ལས་ཀྱི་ཁང་པ་རྩཝ་སར་པས་གཡོགས་པ་ཤུ་བའི་འཕགས་པ་དེ་སུ་ཞིག་།བཞིན་བཟང་དེ་སུ་ཞིག་།དེ་རྣམས་ཀྱིས་འདི་སྐད་ཅེས་སྨྲས་སོ། །ཁོ་བོ་ཅག་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་འབྲིང་པ་དགེ་སློང་རྣམས་ཡིན་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་དེར་ཐོག་མར་ལྷས་ཆར་ཕབ་པས་ཟགས་པར་གྱུར་ནས། ཁོ་བོ་ཅག་རྫ་མཁན་དགའ་སྐྱོང་གི་ལས་བྱེད་པའི་ཁང་པ་གཡོགས་པའི་རྩཝ་སར་པ་བཤུས་ནས། ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་གཡོག་གོ་།དེ་རྣམས་ལ་འདི་སྐད་ཅེས་སྨྲས་སོ། །ཁྱོད་ལ་བསྙེན་བཀུར་བགྱིད་པ་ནི་སླད་རོལ་ཏུ་མཆིས་ལགས་ཀྱིས་འཕགས་པ་དག་སྣོམས་ཤིག་།བཞིན་བཟང་དག་སྣོམས་ཤིག་།དེ་རྣམས་ཀྱིས་དེ་བཤུས་ཏེ། ངའི་གཙུག་ལག་ཁང་གཡོགས་སོ།། །།འདུལ་བ་གཞི། བམ་པོ་གོ་བཞི་པ།་དེ་ནས་ཕྱི་ནས་རྫ་མཁན་དགའ་སྐྱོང་འོངས་ནས། རྫ་མཁན་དགའ་སྐྱོང་གི་ལས་ཀྱི་ཁང་པ་གཡོགས་པའི་རྩཝ་སར་པ་བཤུས་པར་མཐོང་ངོ ། །མཐོང་ནས་ཀྱང་ཕ་མ་ལོང་བ་གཉིས་ལ་འདི་སྐད་ཅེས་སྨྲས་སོ། །ཡབ་ཡུམ་ལས་ཀྱི་ཁང་པ་གཡོགས་པའི་རྩཝ་སར་པ་དེ་རྣམས་སུ་ཞིག་གིས་བཤུས་ལགས། དེ་གཉིས་ཀྱིས་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་
Nga187b
སོང་ནས་རིང་པོར་མ་ལོན་པར། འདིར་ལས་ཀྱི་ཁང་པ་གཡོགས་པའི་རྩཝ་སར་པ་ཤུ་བ་ཐོས་སོ། །ཐོས་ནས་ཀྱང་འདི་སྐད་ཅེས་ལས་ཀྱི་ཁང་པ་གཡོགས་པའི་རྩཝ་སར་པ་ཤུ་བའི་འཕགས་པ་དེ་སུ་ཞིག་།བཞིན་བཟང་དེ་སུ་ཞིག་ཅེས་སྨྲས་པ་དང ། དེ་དག་གིས་འདི་སྐད་ཅེས་ཁོ་བོ་ཅག་ནི་ཡང་དག་པར་རྫོགས་པའི་སངས་རྒྱས་འོད་སྲུང་གི་ཞབས་འབྲིང་པ་དགེ་སློང་རྣམས་ཡིན་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་དེར་ཐོག་མར་ལྷས་ཆར་ཕབ་པས་ཟགས་པར་གྱུར་ནས། ཁོ་བོ་ཅག་རྫ་མཁན་དགའ་སྐྱོང་གི་ལས་ཀྱི་ཁང་པ་གཡོགས་པའི་རྩཝ་སར་པ་བཤུས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གི་གཙུག་ལག་ཁང་གཡོག་གོ་ཞེས་སྨྲས་ནས། དེ་དག་ལ་འདི་སྐད་ཅེས་ཁྱེད་ལ་བསྙེན་བཀུར་བགྱིད་པ་ནི་སླད་རོལ་ཏུ་མཆིས་ལགས་ཀྱིས་འཕགས་པ་དག་སྣོམས་ཤིག་།བཞིན་བཟང་དག་སྣོམས་ཤིག་ཅེས་སྨྲས་པས། དེ་རྣམས་ཀྱིས་ལས་ཀྱི་ཁང་པའི་རྩཝ་དེ་དག་བཤུས་པར་གྱུར་གྲང ། དེ་ནས་རྫ་མཁན་དགའ་སྐྱོང་འདི་སྙམ་དུ་སེམས་ཏེ། ཡང་དག་པར་རྫོགས་པའི་སངས་རྒྱས་འོད་སྲུང་གིས་ཤིན་ཏུ་བག་ཕབ་ཅིང་འདྲིས་པར་གྱུར་པ་ནི་བདག་གིས་རྙེད་པ་ལེགས་པར་རྙེད་དོ་སྙམ་དུ་རིག་ནས། དགའ་བ་དང་བདེ་བ་ཉིད་ཀྱིས་སྐྱིལ་མོ་ཀྲུང་གཅིག་གིས་ཞག་བདུན་འདས་པར་བྱས་སོ། །ཟླ་བ་ཕྱེད་ཀྱི་བར་དུ་ཡང་དེའི་ལྷན་ཅིག་ལྡན་པའི་དྲན་པ་རྟག་ཏུ་ལུས་ལས་མི་འདོར་ཞིང ། ཞག་བདུན་དུ་ཕ་དང་མའི་ལུས་ལ་ཡང་དེ་བར་ཆད་མེད་པར་འདུག་གོ་།དབྱར་གྱི་གནས་དེར་
Nga188a
༄#། །རྫ་མཁན་དགའ་སྐྱོང་གི་ལས་བྱེད་པའི་ཁང་པར་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང ། ལྷ་རྣམས་ཀྱི་ལྷའི་མཐུས་ཆར་ཐིག་པ་གཅིག་ཀྱང་མ་བབ་བོ། །རྒྱལ་པོ་ཆེན་པོ་ཁྱོད་ནི་ཡང་དག་པར་རྫོགས་པའི་སངས་རྒྱས་འོད་སྲུང་གིས་ཟླ་བ་གསུམ་དུ་བདག་གི་ན་བཟའ་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་གྱི་ཡོ་བྱད་རྣམས་འབུལ་ན་མ་གནང་ངོ་ཞེས་སེམས་གཞན་དུ་འགྱུར་གྱིས། རྫ་མཁན་དགའ་སྐྱོང་ནི་ལས་བྱེད་པའི་ཁང་པ་གཡོགས་པའི་རྩཝ་སར་པ་བཤུས་ཀྱང་སེམས་གཞན་དུ་མ་གྱུར་ཏོ། །བཙུན་པ་རྫ་མཁན་དགའ་སྐྱོང་གིས་ནི་རྙེད་པ་ལེགས་པར་རྙེད་དེ། བཅོམ་ལྡན་འདས་ཀྱིས་དེའི་སྡུམ་པར་ཤིན་ཏུ་བག་ཕབ་ཅིང་འདྲིས་པར་མཛད་ལགས་སོ། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་གིས་རྒྱལ་པོ་ཀྲི་ཀྲིའི་སྦྱིན་པ་དེ་ལ་རྗེས་སུ་ཡི་རང་བ་འདིས་རྗེས་སུ་ཡི་རང་བར་མཛད་དེ། སྦྱིན་སྲེག་མཆོད་སྦྱིན་རྣམས་ཀྱི་མཆོག་།སྡེབ་སྦྱོར་མཆོག་ནི་ཉི་མའི་ལྷ། །མི་ཡི་མཆོག་ནི་རྒྱལ་པོ་སྟེ། །རྒྱ་མཚོ་ཆུ་བོ་རྣམས་ཀྱི་མཆོག་།ཟླ་བ་རྒྱུ་སྐར་རྣམས་ཀྱི་གཙོ། །ཉི་མ་སྣང་བྱེད་རྣམས་ཀྱི་གཙོ། །སྟེང་དང་འོག་དང་ཐད་ཀར་ཡང ། །འགྲོ་བའི་འགྲོ་བ་ཇི་སྙེད་པ། །ལྷ་དང་བཅས་པའི་འཇིག་རྟེན་ན། །སྨྲ་བའི་མཆོག་ནི་རྫོགས་སངས་རྒྱས། །དེ་ནས་ཡང་དག་པར་རྫོགས་པའི་སངས་རྒྱས་འོད་སྲུང་གིས། རྒྱལ་པོ་ཀྲི་ཀྲི་ལ་ཆོས་དང་ལྡན་པའི་
Nga188b
གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་རྒྱལ་པོ་ཀྲི་ཀྲིས་ཡང་དག་པར་རྫོགས་པའི་སངས་རྒྱས་འོད་སྲུང་གཤེགས་ནས་རིང་པོར་མ་ལོན་པར་ཤེས་ནས་མི་ཞིག་ལ་སྨྲས་པ། ཀྱེ་ནང་རྗེ་ཚུར་ཤོག་།ཁྱོད་ཀྱིས་འབྲས་སོག་མའི་སྦུབས་སུ་སྨིན་བས་ཤིང་རྟ་ལྔ་བརྒྱ་ཙམ་ཁོང་ལ་རྫ་མཁན་དགའ་སྐྱོང་གང་ན་བ་དེར་སོང་སྟེ་ཕྱིན་ནས། རྫ་མཁན་དགའ་སྐྱོང་ལ་འདི་སྐད་ཅེས། དེས་པ་དགའ་སྐྱོང་ཁྱོད་ལ་རྒྱལ་པོ་ཀྲི་ཀྲིས་འབྲས་སོག་མའི་སྦུབས་སུ་སྨིན་པ་ཤིང་རྟ་ལྔ་བརྒྱ་ཙམ་པོ་བསྐུར་བ་འདི་དག་ཡིན་གྱི། དེ་ལས་ཁྱོད་བདག་ཉིད་དང་ཁྱོད་ཉིད་ཀྱི་ཕ་མ་ཡང་དག་པའི་བདེ་བས་ཚིམ་པར་བྱ་བ་དང ། ཡང་དག་པར་རྫོགས་པའི་སངས་རྒྱས་འོད་སྲུང་ལ་ཡང་དུས་དུས་སུ་བསོད་སྙོམས་ཕུལ་ཅིག་ཅེས་གསུང་ངོ་ཞེས་སྨྲོས་ཤིག་།ལྷ་བཀའ་བཞིན་འཚལ་ཞེས་མི་དེས་རྒྱལ་པོ་ཀྲི་ཀྲིས་ལས་མཉན་ནས་འབྲས་སོག་མའི་སུ་སྨིན་པས་ཤིང་རྟ་ལྔ་བརྒྱ་ཙམ་བཀང་སྟེ། རྫ་མཁན་དགའ་སྐྱོང་གང་ན་བ་དེར་སོང་ནས་ཕྱིན་པ་དང ། རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་ལ་རྒྱལ་པོ་ཀྲི་ཀྲིས་འབྲས་སོག་མའི་སྦུབས་སུ་སྨིན་པས་
Nga189a
༄#། །ཤིང་རྟ་ལྔ་བརྒྱ་ཙམ་པོ་བསྐུར་བ་འདི་དག་ཡིན་གྱིས། དེ་ལས་ཁྱོད་བདག་ཉིད་དང་ཁྱོད་ཀྱི་ཕ་མ་ཡང་དག་པའི་བདེ་བས་ཚིམ་པར་བྱ་བ་དང ། ཡང་དག་པར་རྫོགས་པའི་སངས་རྒྱས་འོད་སྲུང་ལ་ཡང་དུས་སུ་བསོད་སྙོམས་ཕུལ་ཅིག་ཅེས་གསུང་ངོ ། །ཀྱེ་ནང་རྗེ་རྒྱལ་པོ་རྣམས་ནི་བྱ་བ་དང་སྒྲུབ་པ་མང་ངོ་ཞེས་སྨྲས་ནས་ལེན་ཏུ་མ་བཏུབ་བོ། ། དགེ་སློང་དག་འདི་ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་བླ་མ་གང་ཡིན་པ་དེ་ནི་ང་ཉིད་ཡིན་ཏེ། ངས་དགེ་སྦྱོང་མགོ་རེག་དེ་ལ་བྱང་ཆུབ་ག་ལ་ཡོད། བྱང་ཆུབ་ནི་མཆོག་ཏུ་དཀའ་བ་ཡིན་ནོ་ཞེས་ཡང་དག་པར་རྫོགས་པའི་སངས་རྒྱས་འོད་སྲུང་ལ་ངག་རྩུབ་པོ་ཕྱུང་བ་གང་ཡིན་པ་དེའི་ལས་ཀྱི་རྣམ་པར་སྨིན་པས། ད་ལྟར་ངས་དཀའ་བ་ལོ་དྲུག་སྤྱད་དོ། །གལ་ཏེ་ངས་བྱང་ཆུབ་ལ་སྐུར་པ་བཏབ་པར་གྱུར་ན། སླར་ཡང་ངས་བྱང་ཆུབ་ཀྱི་ཆེད་དུ་བསྐལ་པ་གྲངས་མེད་པ་གསུམ་དུ་བདག་ཉིད་དུབ་པར་བྱས་པར་འགྱུར་རོ། །དགེ་སློང་དག་དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་པ་ཞེས་བྱ་བ་ནས་ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱོད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་ནོ། །གང་གི་ཉི་མ་ལ་བྱང་ཆུབ་སེམས་དཔའ་ཕྱིར་བྱུང་བ་དེ་ཉིད་ཀྱི་ཉི་མ་ལ། གྲགས་འཛིན་མ་སེམས་ཅན་དང་ལྡན་པར་གྱུར་ཏོ། །གང་གི་ཚེ་བྱང་ཆུབ་
Nga189b
སེམས་དཔའ་དཀའ་བ་སྤྱོད་པའི་ཚེ། བཙུན་མོ་ཡང་དཀའ་བ་སྤྱོད་པ་ལ་ཞུགས་པས། གྲགས་འཛིན་མ་མངལ་ཞུམ་པར་གྱུར་ཏོ། །གང་གི་ཚེ་བཅོམ་ལྡན་འདས་ཀྱིས་དཀའ་བ་སྤྱད་པ་དོན་མེད་པར་ཐུགས་སུ་ཆུད་ནས། ཅི་བདེར་དབུགས་འབྱིན་པ་དང ། ཅི་བདེར་དབུགས་རྔུབ་པ་དང ། འབྲས་ཆན་དང ། ཟན་དྲོན་གྱི་ཞལ་ཟས་མང་པོ་གསོལ་ཞིང ། མར་དང་ཏིལ་མར་གྱིས་སྐུ་བྱུགས་ནས། ཆུ་འཇམ་པོས་སྐུ་འཁྲུ་བར་མཛད་པ་དེའི་ཚེ། བཙུན་མོ་ཡང་ཅི་བདེར་དབུགས་འབྱིན་པ་དང ། ཅི་བདེར་དབུགས་རྔུབ་པ་དང ། འབྲས་ཆན་དང ། ཟན་དྲོན་གྱི་ཁ་ཟས་མང་པོ་ཟ་ཞིང ། མར་དང་ཏིལ་མར་གྱིས་ལུས་བྱུགས་ནས།་ཆུ་འཇམ་པོས་ལུས་འཁྲུ་བར་བྱེད་པ་དེའི་ཚེ་མངལ་དེ་ཡང་སླར་རྒྱས་པར་གྱུར་ཏོ། །དེའི་མངལ་གྱི་མཚན་མ་སྐྱེས་པར་གྱུར་པ་དང ། ཤཱཀྱ་རྣམས་ཀྱིས་ཅོ་དྲི་བ་དང་བཅས་པས་སྨྲས་པ། བྱང་ཆུབ་སེམས་དཔའ་དཀའ་ཐུབ་ཀྱི་ནགས་སུ་བཞུད་ནས་ཁྱོད་ཀྱིས་བྱི་ཕྱིན་ཏོ། །དེས་སྨྲས་པ། ཁོ་མོའི་སྡིག་པ་ཞི་བས་བྱི་མ་ཕྱིན་ཏོ། །ཅི་མངོན། ཁྱེད་ཅག་ཡིད་ཆེས་པར་བྱའོ། །ཇི་ཙམ་ཞིག་ན་དེ་ཁྱེའུ་ཞིག་བཙས་ཏེ། དེ་ཉི་མ་གང་ལ་བཙས་པའི་ཉི་མ་དེ་ཉིད་ལ་ཟླ་བ་སྒྲ་གཅན་གྱིས་ཟིན་ཏོ། །དེ་བཙས་པའི་བཙས་སྟོན་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །དེའི་ཉེ་དུ་རྣམས་ཀྱིས་སྨྲས་པ། འདི་བཙས་པ་ན་ཟླ་བ་སྒྲ་ཅན་གྱི་ཟིན་པས་དེ་བས་ན་ཁྱེའུ་ཡི་མིང་སྒྲ་གཅན་ཟིན་དུ་གདགས་སོ་ཞེས་བཏགས་སོ། །གཞོན་ནུ་བཙས་པ་ན་ཤཱཀྱ་རྣམས་ལ་ཡང་དང་ཡང་དུ་གླེང་བ་ཁོ་ནར་བྱེད་ནས། དེས་
Nga190a
༄#། །བདེན་པ་གསོལ་བ་བྱས་ཏེ། སྒྲ་གཅན་ཟིན་བཟང་པོ་བྱང་ཆུབ་སེམས་དཔའི་པང་ཚད་ཀྱི་རྡོ་ལ་ཞོན་ནས། རོལ་པའི་རྫིང་གི་ནང་དུ་བཅུག་སྟེ། གལ་ཏེ་འདི་བྱང་ཆུབ་སེམས་དཔའ་ལས་སྐྱེས་པ་ཡིན་ན། འཕྱོ་བར་གྱུར་ཅིག་།ཅེས་བཅུག་པ་དང ། དེ་ཕ་རོལ་ཏུ་བྱུང་ངོ ། །དེས་ཕ་རོལ་ནས་ཚུ་རོལ་ཏུ་འོང་བར་གྱུར་ཅིག་ཅེས་སྨྲས་པ་དང ། དེ་ཕ་རོལ་ནས་ཚུ་རོལ་ཏུ་འོངས་ནས། དེ་རྣམས་ངོ་མཚར་སྐྱེས་པར་གྱུར་ཏོ། །གྲགས་འཛིན་མས་སྨྲས་པ། ཤེས་ལྡན་དག་ཇི་ལྟར་འདི་བྱང་ཆུབ་སེམས་དཔའ་ལས་སྐྱེས་པ་ཡིན་ཞིང་ཁོ་མོས་བྱི་མ་ཕྱིན་པར་ཡང་ཡིད་ཆོས་པར་བྱའོ། །གང་གི་ཚེ་བཅོམ་ལྡན་འདས་ཀྱི་ལོ་དྲུག་གིས་མངོན་པར་རྫོགས་པར་སངས་རྒྱས་ཏེ། ལོ་བཅུ་གཉིས་འདས་པ་ན། སེར་སྐྱའི་གཞིར་བྱོན་ནས། ཉི་མ་གཅིག་ནི་རྒྱལ་པོའི་ཕོ་བྲང་དུ་གདུགས་ཚོད་གསོལ། ཉི་མ་གཅིག་ནི་བཙུན་མོའི་ནང་དུ་གསོལ་བ་དེའི་ཚེ། གྲགས་འཛིན་མ་འདི་སྙམ་དུ་སེམས་ཏེ། གང་གིས་ན་བཅོམ་ལྡན་འདས་བདག་གི་དབང་དུ་གྱུར་པའི་ཐབས་ལེགས་པ་ཅི་ཞིག་ཡོད་སྙམ་མོ། །སེར་སྐྱའི་གཞི་ན་ཀུན་ཏུ་རྒྱུ་མོ་དབང་དུ་བྱ་བ་ལ་སོགས་པའི་ལས་རྣམས་ལ་ཤིན་ཏུ་མཁས་པ་ཞིག་ཡོད་དེ། གྲགས་འཛིན་མས་དེ་ལ་ཀར་ཤ་པ་ན་ལྔ་བརྒྱ་བྱིན་ནས། ཆེ་ཞེ་ཀར་ཤ་པ་ན་འདི་རྣམས་ལས་དབང་དུ་བྱ་བ་བྱོས་ལ་སྐུར་ཅིག་།དེས་དབང་དུ་བྱ་བའི་ལ་དུ་ཞིག་གྲགས་འཛིན་མ་ལ་བསྐུར་བ་དང ། གྲགས་འཛིན་མས་སྒྲ་གཅན་ཟིན་གྱི་ལག་ཏུ་བྱིན་ནས་སྨྲས་པ་
Nga190b
བུ་ཁྱོད་ཀྱིས་ཡབ་གང་ཡིན་པ་དེ་ལ་ཕུལ་ཅིག་།སངས་རྒྱས་བཅོམ་ལྡན་འདས་རྣམས་ཀྱིས་དེ་ལྟ་བུ་མི་མཁྱེན་པ་དང ། མི་གཟིགས་པ་དང ། ཐུགས་སུ་མི་ཆུད་པ་དང ། རྣམ་པར་མི་རིག་པ་ཅི་ཡང་མི་མངའ་བས། བཅོམ་ལྡན་འདས་ཀྱིས་དགོངས་པ། གྲགས་འཛིན་མ་ལ་མི་སྙན་པ་གྲགས་ཀྱིས་དེ་སྤང་བར་བྱའོ་སྙམ་ནས། བཅོམ་ལྡན་འདས་ཀྱིས་སངས་རྒྱས་ལྔ་བརྒྱ་སྤྲུལ་པ་དང ། སྒྲ་གཅན་ཟིན་གྱིས་སངས་རྒྱས་ཐམས་ཅད་ལ་བརྟགས་ནས། བཅོམ་ལྡན་འདས་རྒན་པའི་དང་བཞུགས་པ་ལ་ཕུལ་ལོ། །བཅོམ་ལྡན་འདས་ཀྱིས་བཞེས་ནས། སླར་ཡང་དེ་ལ་བྱིན་ཏེ་སྒྲ་གཅན་ཟིན་གྱིས་ཟོས་སོ། །བཅོམ་ལྡན་འདས་ཀྱིས་ཡོན་བསྔོ་བར་མཛད་ནས་གཤེགས་པ་དང ། བཅོམ་ལྡན་འདས་ཀྱི་རྗེས་བཞིན་གཞོན་ནུ་སྒྲ་གཅན་ཟིན་བཟང་པོ་འབྲང་ནས་སླར་བཟློག་ཀྱང་ངུས་ཏེ་སླར་ལྡོག་ཏུ་མ་བཏུབ་བོ། །བཅོམ་ལྡན་འདས་ཀྱིས་དགོངས་པ། སེམས་ཅན་འདི་ནི་སྲིད་པ་ཐ་མ་པ་ཡིན་པས་འདིས་ཁྱིམ་གྱི་གནས་པས་གནས་མི་ཕོད་དོ་སྙམ་མོ། །སྒྲ་གཅན་ཟིན་གྱིས་བཅོམ་ལྡན་འདས་ཀྱི་ཞལ་འཚོས་པ་དང ། རྒྱལ་པོ་ཟས་གཙང་བཙུན་མོའི་བུད་མེད་དང་ཤཱཀྱ་རྣམས་དང་བཅས་པ་ངོ་མཚར་སྐྱེས་ནས། གྲགས་འཛིན་མ་ལ་ལྷག་པར་མངོན་པར་དགའ་བར་གྱུར་ཏོ། །དེ་ནས་གྲགས་འཛིན་མའི་མི་སྙན་པ་ཐམས་ཅད་ཀྱི་ཐམས་ཅད་དུ་མེད་པར་གྱུར་ཏོ། །བཅོམ་ལྡན་འདས་ཀྱིས་གཞོན་ནུ་སྒྲ་གཅན་ཟིན་བཟང་པོ་རབ་ཏུ་དབྱུང་བར་བརྩམས་པ། རྒྱལ་པོས་ཟས་གཙང་གིས་ཐོས་ནས་དེ་བཅོམ་ལྡན་འདས་ཀྱི་དྲུང་དུ་སོང་སྟེ་ཕྱིན་
Nga191a
༄#། །ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་གཞོན་ནུ་སྒྲ་གཅན་ཟིན་བཟང་པོ་རབ་ཏུ་འབྱིན་པར་མཛད་པར་ངེས་པར་ལྟ་ན ། དེང་གི་གདུགས་གཅིག་ལ་མཆིས་སུ་གསོལ་ཅིག་དང ། འདི་ལ་དེའི་བར་དུ་བདག་གིས་མཆོད་པ་བགྱིའོ། །རྒྱལ་པོ་ཟས་གཙང་གིས་སྒྲ་གཅན་ཟིན་གྱི་སྐྱེ་བོའི་དུས་སྟོན་ཆེན་པོ་བྱས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་གཞོན་ནུ་སྒྲ་གཅན་ཟིན་རབ་ཏུ་ཕྱུང་ཞིག་།བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལས་མཉན་ནས། གཞོན་ནུ་སྒྲ་གཅན་ཟིན་བཟང་པོ་རབ་ཏུ་ཕྱུང་ངོ ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་སྒྲ་གཅན་ཟིན་གྱིས་སྐྱེ་བོའི་ཚོགས་ཆེན་པོའི་དབུས་སུ་བཅོམ་ལྡན་འདས་ལ་དུས་ཞལ་འཚོས་པར་བགྱིད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་ཀྱི། ཇི་ལྟར་འདིས་འདས་པའི་དུས་ན་ཡང་མེ་ཏོག་གི་ཕྲེང་བས་ངོ་ཤེས་པར་བྱས་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་འོར་ན་ཁྱིམ་བདག་གཅིག་གནས་པ་དེས། རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ།།
Nga191b
དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་ཁྱེའུ་ཞིག་བཙས་ནས། དེས་ཆུང་མ་ལ་སྨྲས་པ། བཟང་མོ་བདག་ཅག་གི་བུ་ལོན་དེད་པ་དང ། ནོར་འཕྲོག་པ་སྐྱེས་ཀྱིས། ཟོང་ཐོགས་ཏེ་རྒྱ་མཚོ་ཆེན་པོར་འཇུག་ཏུ་འགྲོའོ། །དེས་སྨྲས་པ། རྗེའི་སྲས་དེ་བཞིན་དུ་མཛོད་ཅིག་།དེ་ཟོང་ཐོགས་ཏེ་རྒྱ་མཚོ་ཆེན་པོར་ཞུགས་པ་ལས་དེ་ཉིད་དུ་ཤིའོ། །དེ་ནས་དེའི་ཆུང་མས་མྱ་ངན་བསང་བ་བྱས་ནས། ལག་ལས་ཀྱི་མཐུ་དང ། གཉེན་གྱི་མཐུས་བསྣུན་བསྐྱངས་ཏེ་བསྐྱེད་དོ། །དེ་དང་ཧ་ཅང་ཡང་མི་རིང་བ་ཞིག་ན་ཐ་ག་པ་རང་གི་བཟོ་ལ་མཁས་པ་ཞིག་གནས་ཏེ། དེས་རང་གི་བཟོས་ཐམས་ཅད་གྲུབ་པར་འགྱུར་རོ། །དེས་དེའི་རང་གི་བཟོས་འབྱོར་པ་འགྲུབ་པར་མཐོང་ནས་སྨྲས་པ། ཐ་ག་པའི་ལས་ནི་མཆོག་ཡིན་གྱི། རྒྱ་མཚོར་འཇུག་པ་ནི་དེ་ལྟ་མ་ཡིན་ཏེ། དེར་སོང་ན་ཚུལ་མ་ཡིན་པས་སྡུག་བསྔལ་བར་འགྱུར་རོ། །དེས་ཐ་ག་པ་དེ་ལ་སྨྲས་པ། མིང་པོ་དཔོན་པོ་འདི་ལ་ཡང་ཐ་ག་པའི་ལས་སློབས་ཤིག་།དེས་སྨྲས་པ། རུང་གིས་དེ་བཞིན་དུ་བྱའོ་ཞེས་དེས་དེ་ལ་བསླབ་པར་བརྩམས་པ་ན། དེ་སྒྲིན་པོ་གཡེར་བ་ག་ཅན་ཞིག་པས། དེས་ཐུང་ངུ་ཞིག་གིས་ཐ་ག་པའི་ལས་རྣམས་ལོབས་སོ། །ཐ་ག་པ་དེ་ནི་བཟང་པོས་འཁྲུ་བ་དང ། བཟང་པོ་གྱོན་པ་དང ། ཁ་ཟས་བཟང་པོ་ཟ་ནས། ཁྱེའུ་དེས་སྨྲས་པ། ཞང་པོ་ཁྱོད་ཀྱང་ལས་འདི་ཁོ་ན་བྱེད་ལ། བདག་ཀྱང་ལས་འདི་ཁོ་ན་བྱེད་པ་ལས། ཅིའི་ཕྱིར་ཁྱོད་ནི་བཟང་པོས་འཁྲུ་།བཟང་པོ་གྱོན། ཟས་བཟང་པོ་
Nga192a
༄#། །ལ་ཡང་ཡོངས་སུ་ལོངས་སྤྱོད་ལ། བདག་ནི་མི་འགྲུབ། དེས་སྨྲས་པ། ཚ་བོ་བདག་ནི་ལས་གཉིས་བྱེད་དེ། ཉིན་པར་ནི་ཐ་ག་པའི་ལས་སོ། །ནུབ་མོ་ནི་རྐུན་པོ་བྱེད་དོ། ། དེས་སྨྲས་པ། ཞང་པོ་གལ་ཏེ་དེ་ལྟ་ན་བདག་ཀྱང་རྐུན་པོ་བགྱིའོ། །ཚ་བོ་ཁྱོད་ཀྱིས་རྐུན་པོ་བྱ་མི་ནུས་སོ། །ཞང་པོ་ནུས་སོ། །དེས་བསམས་པ། རེ་ཞིག་འདི་བགམ་པར་བྱའོ་སྙམ་ནས་དེས་དེ་ཁྲིད་དེ་ཚོང་དུས་སུ་སོང་ནས། དེས་དེར་རི་བོང་ཞིག་ཉོས་ཏེ་དེ་ལ་གཏད་ནས། ཚ་བོ་རེ་ཞིག་སྲེགས་ཤིག་དང ། དེའི་བར་དུ་བདག་ཁྲུས་བྱས་ནས་འོང་ངོ་ཞེས་དེ་ཁྲུས་བྱེད་དུ་སོང་བ་དང ། དེས་དེ་མྱུར་བ་མྱུར་བ་ཞིག་ཏུ་བསྲེགས་ནས་གཟུགས་གཅིག་ཟོས་སོ། །ཐ་ག་པ་དེ་ཁྲུས་བྱས་ནས་འོངས་ཏེ། ཚ་བོ་རི་བོང་བསྲེགས་སམ། ཞང་པོ་བསྲེགས་སོ། །འོ་ན་བལྟའོ། །དེས་དེ་བྱིན་པ་དང ། རྐང་ལག་གསུམ་མཐོང་ནས་སྨྲས་པ། ཚ་བོ་རི་བོང་འདིའི་གཟུགས་བཞི་པ་ཤོས་གར་སོང ། དེས་སྨྲས་པ། ཞང་པོ་རི་བོང་ལ་གཟུགས་བཞི་པ་ཡོང་མེད་ན་གར་འགྲོ། དེས་བསམས་པ། རེ་ཞིག་བདག་ཀྱང་རྐུན་མ་ཡིན་ན། འདི་ནི་རྐུན་ཆེན་ཡིན་སྙམ་ནས། དེས་དེ་དང་རི་བོང་གཟུགས་གསུམ་པོ་ཁྱེར་ཏེ། ཆང་ཚོང་གི་ཁྱིམ་ཞིག་ཏུ་ཞུགས་ནས། ཚ་བོ་ཆང་བཏུང་ངམ། བཏུང་ངོ ། །དེ་གཉིས་ཀྱིས་འཐུངས་ནས། །ཐ་ག་པས་སྨྲས་པ། ཚ་བོ་ཆང་རིན་ནི་གྱ་གྱུས་དགང་ངོ ། །དེས་སྨྲས་པ། ཞང་པོ་སུས་འཐུངས་པ་དེ་གྱ་གྱུ་བྱེད་གྲང ། བདག་
Nga192b
གིས་ནི་མ་འཐུངས་པས་གྱ་གྱུ་བྱར་ཅི་ཡོད། ཐ་ག་པ་དེས་བསམས་པ། འདི་ནི་རྐུན་ཆེན་ཡིན་པས། ལྷན་ཅིག་རྐུན་མ་བྱ་ནུས་སོ་སྙམ་ནས། དེ་དེ་དང་ལྷན་ཅིག་ཁྱིམ་འབིགས་པའི་རྐུན་མ་ལ་ཞུགས་ཏེ། དེ་གཉིས་ཀྱིས་ཁྱིམ་ཕུག་ནས་ཐ་ག་པ་དེས་བུ་གར་མགོ་བཅུག་པ་དང ། དེས་སྨྲས་པ། ཞང་པོ་ཁྱོད་རྐུན་མ་བྱེད་ཀྱང་ཐབས་མི་ཤེས་ཏེ། ཐོག་མར་རྐང་པ་གཞུག་པར་བྱའི་མགོ་ནི་མ་ཡིན་ནོ། །གལ་ཏེ་མགོ་བཅད་པར་གྱུར་ནས་ངོ་ཤེས་པས་རིགས་ཐམས་ཅད་བརླག་པར་འགྱུར་གྱིས། རྐང་པ་ཆུག་ཅིག་།དེས་རྐང་པ་བཅུག་པ་དང ། ཚོར་ནས་རྐུན་པོ་རྐུན་པོ་ཞེས་ཀུ་ཅོ་བཏོན་ནས། སྐྱེ་བོའི་ཚོགས་ཆེན་པོས་རྐང་པ་གཉིས་ནས་བཟུང་ནས་འཐེན་ཏོ། །དེ་ནི་གཅིག་པུ་ཡིན་པས་སླར་འདྲེན་མ་ནུས་ནས་མགོ་བཅད་དེ་ཁྱེར་ཏེ་སོང་ངོ ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་རྐུན་པོ་གཅིག་པུ་གར་ཞུགས་པ་ལས་ཟིན་ན། དེའི་མགོ་གཅིག་གིས་བཀུམ་ནས་འཚལ་ཏེ་མཆིས་སོ། །རྒྱལ་པོས་སྨྲས་པ། ཤེས་ལྡན་དག་མགོ་བཅད་དེ་ཁྱེར་ཏེ་སོང་བ་གང་ཡིན་པ་དེ་ནི་རྐུན་ཆེན་ཡིན་ནོ། །དེང་ལ་རོ་མགོ་རྡུམ་དེ་ལམ་པོ་ཆེའི་བཞི་མདོར་ཞོག་སྟེ། ཕྱོགས་དབེན་པར་འཁོད་དང ། དེ་ལས་བཟུང་སྟེ་ཆོ་ངེས་འདེབས་པ་ཡོད་ན། དེ་ནི་རྐུན་པོ་ཡིན་གྱིས་དེ་ཟུང་ཞིག་།དེ་ནས་རྒྱལ་པོའི་མི་དེ་རྣམས་ཀྱིས་རོ་མགོ་རྡུམ་དེ་ལམ་པོ་ཆེའི་བཞི་མདོར་བཞག་ནས་ཕྱོགས་དབེན་པར་བསྡད་དོ། །རྐུན་པོ་ཅིག་ཤོས་དེས་བསམས་པ། བདག་གིས་ཞང་པོའི་
Nga193a
༄#། །མགུལ་ནས་འཇུས་ཏེ། ངུད་མོས་མི་གདབ་པ་ལྟ་མི་སྲིད་དོ་སྙམ་ནས། དེས་བདག་ཉིད་སྨྱོན་པའི་ཆ་བྱད་དུ་ཞུགས་ནས། བུད་མེད་ཀྱི་མགུལ་ནས་ཀྱང་འཇུས། སྐྱེས་པ་དང ། ཤིང་རྟ་དང ། རྟ་དང ། ཁྱུ་མཆོག་དང ། མ་ཧེ་དང ། ར་དང ། ཁྱིའི་མགུལ་ནས་ཀྱང་འཇུ་བར་བརྩམས་ནས་གང་གི་ཚེ་འཇིག་རྟེན་གྱིས་སྨྱོན་པར་ཤེས་པ་དེའི་ཚེ་རོ་མགོ་རྡུམ་པང་དུ་བླངས་ཏེ། ཇི་ཙམ་འདོད་ཀྱི་བར་དུ་ངུས་ནས་སོང་ངོ ། །རྒྱལ་པོའི་མི་རྣམས་ཀྱིས་རྒྱལ་པོ་ལ་སྨྲས་པ། སྨྱོན་པ་ཞིག་གིས་རོ་མགོ་རྡུམ་དེ་པང་དུ་བླངས་ཏེ། ཇི་ཙམ་འཚལ་གྱི་བར་དུ་ངུས་ནས་མཆིས་སོ། །རྒྱལ་པོས་སྨྲས་པ། ཤེས་ལྡན་དག་དེ་ཉིད་རྐུན་མ་ཅིག་ཤོས་ཡིན་ན། དེ་མ་བཟུང་བ་མ་ལེགས་པ་ཞིག་བྱས་ཀྱིས་དེ་ཟུངས་ཤིག་།རྐུན་པོ་ཅིག་ཤོས་ཀྱིས་བསམས་པ། བདག་གིས་ཞང་པོ་ལ་བཀུར་སྟི་མི་བྱ་བ་ལྟ་མི་སྲིད་དོ་སྙམ་ནས། དེས་ཤིང་རྟ་པའི་ཆ་བྱད་དུ་བྱས་ནས་ཤིང་རྟ་ཤིང་སྐམ་གྱིས་བཀང་སྟེ། ཕྱོགས་དེར་འོངས་ནས་དེའི་སྟེང་དུ་ཤིང་རྟ་ཤིང་སྐམ་གྱིས་བཀང་བ་བཞག་སྟེ། གླང་བཀྲོལ་ནས། ཤིང་རྟ་མེས་བཏང་སྟེ་སོང་བ་དང ། མེས་དེས་རོ་མགོ་རྡུམ་ཡང་ཚིག་གོ་།རྒྱལ་པོའི་མི་རྣམས་ཀྱིས་རྒྱལ་པོ་ལ་སྨྲས་པ། ལྷ་རྐུན་པོ་གཅིག་པོ་དེ་བསྲེགས་ལགས་སོ། །སུས། དེ་དག་གིས་ཇི་ལྟར་གྱུར་པ་རྣམས་སྨྲས་པ་དང ། རྒྱལ་པོས་སྨྲས་པ། ཤེས་ལྡན་དག་ཤིང་རྟ་པ་གང་ཡིན་པ་དེ་ཉིད་རྐུན་པོ་ཅིག་ཤོས་ཡིན་ཏེ། དེ་མ་བཟུང་
Nga193b
བ་ནི་མ་ལེགས་པ་ཞིག་བྱས་ཀྱིས་ཟུངས་ཤིག་།རྐུན་པོ་ཅིག་ཤོས་ཀྱིས་བསམས་པ། བདག་གིས་ཞང་པོ་ལ་དུར་ཁྲོད་དུ་མཚུན་གྱི་བྱ་བ་མ་བྱས་པ་ནི་མི་སྲིད་དོ་སྙམ་ནས། དེ་བྲམ་ཟེའི་ཆ་བྱད་དུ་བྱས་ནས། ཁྱིམ་ནས་སློང་ཞིང་བརྒྱུས་ཏེ། བསླངས་པ་དེ་ལས་དེའི་ཕངས་ཤ་ལྔ་བྱས་ནས། དུར་ཁྲོད་དུ་བཞག་སྟེ་སོང་ངོ ། །རྒྱལ་པོའི་མི་རྣམས་ཀྱིས་རྒྱལ་པོ་ལ་སྨྲས་པ། ལྷ་བྲམ་ཟེ་ཞིག་གིས་ཁྱིམ་ནས་སློང་ཞིང་བརྒྱུས་ཏེ། ཕྱོགས་གང་དུ་རོ་མགོ་རྡུམ་བསྲེགས་པ་དེར། དེས་ཕངས་ཤ་ལྔ་བགྱིས་ཏེ། བཞག་སྟེ་མཆིས་ལགས་སོ། །རྒྱལ་པོས་སྨྲས་པ། ཤེས་ལྡན་དག་དེ་ཉིད་རྐུན་པོ་ཅིག་ཤོས་ཡིན་ན། དེ་མ་བཟུང་བ་ནི་མ་ལེགས་པ་ཞིག་བྱས་སོ། །རྐུན་པོ་ཅིག་ཤོས་ཀྱིས་བསམས་པ། བདག་གིས་ཞང་པོའི་རུས་པ་རྣམས་གངྒཱར་མི་འདོར་བ་ལྟ་མི་སྲིད་དོ་སྙམ་ནས། དེས་ཐོད་པ་ཅན་གྱི་ཆ་བྱད་དུ་བྱས་ཏེ་ཕྱོགས་དེར་སོང་ནས། དེས་དེར་ལུས་ཐལ་བས་བྱུགས་ཤིང ། རུས་པ་དང་ཐལ་བས་ཐོད་པ་བཀང་ནས། གངྒཱར་ཕོ་སྟེ་སོང་ངོ ། །རྒྱལ་པོའི་མི་རྣམས་ཀྱིས་རྒྱལ་པོ་ལ་ཇི་ལྟར་གྱུར་པ་སྨྲས་པ་དང ། རྒྱས་པོས་སྨྲས་པ། ཤེས་ལྡན་དག་དེ་ཉིད་རྐུན་པོ་ཅིག་ཤོས་ཡིན་ན། དེ་མ་བཟུང་བ་ནི་མ་ལེགས་པ་ཞིག་བྱས་སོ། །མདོར་ན་ཁྱད་ནི་འདུག་ཅིག་དང ། ངས་དེ་གཟུང་ངོ་ཞེས་རྒྱལ་པོས་གངྒཱའི་གྲུའི་ནང་དུ་སྐྱེད་མོས་ཚལ་བྱེད་དུ་བཅུག་སྟེ་འགྲམ་གཉིས་སུ་སྲུང་མའི་མི་དག་བཀོད་ནས། རྒྱལ་པོའི་བུ་མོ་གཟུགས་བཟང་བ་མཛེས་པ། བལྟ་ན་སྡུག་པ་ཞིག་ཆུའི་སྐྱེད་མོས་ཚལ་དེར་བཞག་སྟེ་བསྒོ་བ། གལ་ཏེ་ཁྱོད་ལ་འགའ་ཞིག་གིས་
Nga194a
༄#། །བཟུང་དང ། སྐད་ཕྱུང་ཞིག་།སྲུང་མའི་མི་རྣམས་ལ་ཡང་བསྒོ་བ། གང་གི་ཚེ་སྐད་འབྱིན་པ་དེའི་ཚེ། ཁྱེད་ཅག་ཆུའི་སྐྱེད་མོས་ཚལ་དུ་དེངས་ཤིག་།དེ་ན་གལ་ཏེ་མི་འགའ་ཞིག་ཡོད་པ་དང ། དེ་བཟུང་ལ་ང་ལ་ཕུལ་ཅིག་།རྐུན་པོ་ཅིག་ཤོས་ཀྱིས་བསམས་པ། བདག་གིས་རྒྱལ་པོའི་བུ་མོ་དང་ལྷན་ཅིག་དགའ་མགུར་མ་སྤྱད་དུ་མི་གཏོང་ངོ་སྙམ་ནས། དེ་གངྒཱའི་འབབ་ཕྱོགས་ཤིག་ཏུ་འདུག་སྟེ། དེས་དེར་རྫེའུ་སྟོང་བ་ཞིག་ཆུར་བསྐུར་བར་བརྩམས་སོ། །གཅིག་བསྐུར་བ་དང ། སྲུང་མའི་མི་རྣམས་ཀྱིས་རྐུན་པོའོ་སྙམ་ནས་བསྙགས་ཏེ། དེ་དག་གིས་དེ་ལ་ཐལ་མོ་གཅིག་བསྣུན་ནས་བཅག་གོ་།གཉིས་པ་ཤོས་བསྐུར་བ་དང་དེ་ཡང་བཅག་གོ་།གསུམ་པོ་ཤོས་བསྐུར་བ་དང་དེ་ཡང་བཅག་ནས། སྲུང་མ་དག་ན་རེ། འདི་དག་ནི་རྫེའུ་སྟོང་པ་ཆུས་ཁྱེར་བ་ཡིན་ནོ་ཞེས་བག་བོར་ཏེ་འདུག་གོ་།དེ་ནས་རྐུན་པོ་ཅིག་ཤོས་པོ་དེས་རྫེའུ་ཞིག་གི་ནང་དུ་མགོ་བཅུག་ནས། རྒྱུན་ཕྱོགས་སུ་རྐྱལ་ཏེ། ཕྱོགས་དེར་ཕྱིན་པ་དང ། དེ་ནས་གྲུ་ལ་འཛེགས་ནས་བུ་མོ་ལ་སྨྲས་པ། ཁྱོད་བསད་ད་རེ་སྒྲ་མ་འབྱིན་ཅིག་།དེ་སྐྲག་ནས་ཅང་མི་སྨྲ་བར་འདུག་པ་དང ། དེ་དེ་དང་ལྷན་ཅིག་དགའ་མགུར་སྤྱད་ནས་སོང་ངོ ། །དེས་དུ་བར་བརྩམས་ཏེ། ཤེས་ལྡན་དག་རྐུན་པོ་ཅིག་ཤོས་ཀྱིས་ཁོ་མོ་ལ་དགའ་མགུར་སྤྱད་ནས་སོང་ངོ ། །སྲུང་མ་རྣམས་ཀྱིས་སྨྲས་པ། གང་གི་ཚེ་དགའ་མགུར་སྤྱད་པ་དེའི་ཚེ་ཅང་མི་སྨྲ་བར་འདུག་ལ། གང་གི་ཚེ་དགའ་མགུར་སྤྱད་ནས་
Nga194b
སོང་པ་དེའི་ཚེ་དེའི་དུས་ན། ད་གང་དུ་བཙལ་བར་བྱ། སྲུང་མ་རྣམས་ཀྱིས་རྒྱལ་པོ་ལ་ཇི་ལྟར་གྱུར་པ་སྨྲས་སོ། །རྒྱལ་པོས་སྨྲས་པ། དེ་མ་བཟུང་བ་ནི་མ་ལེགས་པ་ཞིག་བྱས་སོ། །བུ་མོ་དེ་རྐུན་པོ་དང་ལྷན་ཅིག་དགའ་མགུར་སྤྱད་པས་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་འདས་པ་ན། ཁྱེའུ་ཞིག་བཙས་སོ་ཞེས་རྐུན་པོ་ཅིག་ཤོས་ཀྱིས་ཐོས་ནས། དེས་བསམས་པ། བདག་གིས་བུ་བཙས་པའི་དགའ་སྟོན་མ་བྱས་པར་མི་གཏང་ངོ་སྙམ་ནས། དེས་ནང་ཀོར་མའི་ཆ་བྱད་དུ་བྱས་ནས། རྒྱལ་པོའི་ཕོ་བྲང་ནས་ཕྱིར་བྱུང་སྟེ། ཞོ་ཤས་འཚོ་བ་རྣམས་ལ་བསྒོ་བ། ཤེས་ལྡན་དག་ལྷའི་ཞལ་ནས་ཚོང་རྡལ་དུ་ཕྲོག་རློམ་གྱིས་ཤིག་ཅེས་བཀའ་སྩལ་ཏོ། །དེ་རྣམས་ཀྱིས་བསམས་པ། རྒྱལ་པོའི་དབོན་པོ་བཙས་པས། དེས་ན་བདག་ཅག་ཚོང་རྡལ་དུ་ཕྲོག་རློམ་བྱེད་དུ་བཅུག་གོ་སྙམ་ནས། དེ་རྣམས་ཀྱིས་ཕྲོག་རློམ་བྱ་བར་བརྩམས་པ་ན། སྒྲ་མཐོན་པོ་དང་སྒྲ་ཆེན་པོ་བྱུང་ནས། རྒྱལ་པོའི་སྨྲས་པ། དེ་ཅི་ཡིན། བློན་པོ་རྣམས་ཀྱིས་རྒྱས་པར་སྨྲས་སོ། །དེས་སྨྲས་པ། གལ་ཏེ་དེ་ལྟ་ན་ང་ཡང་དེས་བསླུས་པར་གྱུར་གྱིས། རྒྱལ་སྲིད་དོར་བའམ་དེ་ཆད་པས་བཅད་པ་ཞིག་བྱའོ་སྙམ་དུ་བསམས་ནས། དེ་འཁོར་གྱི་ཁྱམས་བརྩིག་ཏུ་བཅུག་སྟེ། དུས་ཆུང་ངུ་ཞིག་བསྡད་ནས། དེས་བློན་པོ་རྣམས་ལ་བསྒོ་བ། ཤེས་ལྡན་དག་ཡུལ་འཁོར་དུ་དྲིལ་འདི་སྐད་དུ་སྒྲོགས་སུ་ཆུག་ཅིག་།ཡུལ་འཁོར་ན་སྐྱེས་པ་ཇི་སྙེད་གནས་པ་དེ་དག་ཐམས་ཅད་སྙད་མ་འདོགས་བར་འཁོར་གྱི་ཁྱམས་སུ་
Nga195a
༄#། །འདུས་ཤིག་།སུ་མ་འདུས་པ་དེ་ནི་ཆད་པས་བཅད་དོ་ཞེས་སྒྲོགས་ཤིག་།བློན་པོ་རྣམས་ཀྱིས་དྲིལ་སྒྲོགས་སུ་བཅུག་ནས། ཡུལ་འཁོར་ན་གནས་པའི་སྐྱེས་པ་ཐམས་ཅད་འདུས་པ་དང ། དེ་ནས་རྒྱལ་པོས་ཁྱེའུ་དེ་ལ་མེ་ཏོག་གི་ཕྲེང་བ་ཞིག་བྱིན་ནས་བསྒོ་བ། ཁྱོད་ཀྱི་ཕ་གང་ཡིན་པ་དེ་ལ་བྱིན་ཅིག་།སྲུང་མའི་སྐྱེས་པ་རྣམས་ལ་ཡང་བསྒོ་བ། ཁྱེའུ་འདིས་སུ་ལ་མེ་ཏོག་གི་ཕྲེང་བ་བྱིན་པ་དེ་ལ་ཁྱེད་ཅག་གིས་བཟུང་ལ་ང་ལ་ཕུལ་ཅིག་།དེ་ནས་ཁྱེའུ་དེ་མེ་ཏོག་གི་ཕྲེང་བ་དེ་ཁྱེར་ནས། སྐྱེ་བོའི་ཚོགས་ལ་རྟོགས་ཅིང་རྒྱུ་བ་ན། དེས་རྐུན་པོའི་ཅིག་ཤོས་དེ་མཐོང་ངོ ། །སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ནི། བསམ་གྱིས་མི་ཁྱབ་པ་ཡིན་པས། དེས་དེ་ལ་མེ་ཏོག་གི་ཕྲེང་བ་བྱིན་པ་དང ། རྒྱལ་པོའི་མི་རྣམས་ཀྱིས་རྐུན་པོ་ཅིག་ཤོས་པོ་དེ་བཟུང་ནས་རྒྱལ་པོ་ལ་ཕུལ་ལོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་འདི་ལ་ཇི་ལྟར་བསྒྲུབ་པར་བྱ། དེ་རྣམས་ཀྱིས་སྨྲས་པ། དགུམ་ལགས་སོ། །རྒྱལ་པོས་སྨྲས་པ། ཤེས་ལྡན་དག་སྐྱེས་བུ་འདི་ལྟ་བུའི་དཔའ་བོ་ག་ལ་བསད། འདི་ལ་སྤྱན་རས་ཀྱིས་བཙའ་བར་བྱའོ་ཞེས། དེས་བུ་མོ་རྒྱན་ཐམས་ཅད་ཀྱིས་བརྒྱན་ནས་དེ་ལ་ཆུང་མར་བྱིན་ཏེ། རྒྱལ་སྲིད་ཕྱེད་ཀྱང་བགོས་སོ། །དགེ་སློང་དག་ཇི་སྙམ་དུ་སེམས། །དེའི་ཚེ་དེའི་དུས་ཀྱི་རྐུན་པོ་ཅིག་ཤོས་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དེའི་བུ་གང་ཡིན་པ་དེ་ནི་སྒྲ་གཅན་ཟིན་འདི་ཉིད་ཡིན་ཏེ། དེ་ན་ཡང་ང་ལ་འདིས་མེ་ཏོག་གི་ཕྲེང་བས་ངོ་ཤེས་སོ། །ད་ལྟར་ཡང་
Nga195b
འདིས་ང་ལ་དུས་ངོ་ཤེས་པར་བྱས་སོ། །དགེ་སློང་དག་དེ་ལྟ་བས་ན་སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ནི་བསམ་གྱིས་མི་ཁྱབ་པས་ལས་ཀྱི་གནས་པ་ལ་གོམས་པར་བྱའོ། །གྲགས་འཛིན་མས་བསམས་པ། གལ་ཏེ་སྒྲ་གཅན་ཟིན་གྱི་ཡབ་ཕོ་བྲང་དུ་གཤེགས་པ་དང ། ཇི་ལྟར་ཡང་སླར་གཤེགས་པར་མི་འགྱུར་བ་དེ་ལྟ་བུར་སྤྱད་པར་བྱའོ་སྙམ་ནས་དེ་ནས་བདག་ཉིད་དང ། ས་འཚོ་མ་དང ། རི་དྭགས་སྐྱེས་ལ་སོགས་པ་བུད་མེད་དྲུག་ཁྲི་རྒྱན་སྣ་ཚོགས་ཀྱིས་བརྒྱན་ཅིང ། ཤིན་ཏུ་དྲི་ཞིམ་པོའི་མེ་ཏོག་གི་ཕྲེང་བ་དང ། བདུག་པས་བསྒོས་པའི་གོས་རྣམས་ཀྱིས་ཀླུབས་སོ། །དེ་ནས་བཅོམ་ལྡན་འདས་ཀྱིས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང ། ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱི་མདུན་དུ་བདར་ཏེ། འདུལ་བའི་སྐྱེ་བོ་ལ་གཟིགས་ནས་ཕོ་བྲང་གི་ནང་དུ་ཞུགས་སོ། །དེ་ནས་གྲགས་འཛིན་མ་དང ། རི་དྭགས་སྐྱེས་དང ། ས་འཚོ་མ་ལ་སོགས་ཏེ་བུད་མེད་དྲུག་ཁྲི་གཟུགས་དང ། ལང་ཚོ་དང ། དྲེགས་པའི་རྒྱགས་པས་ཟིན་ཅིང་ཡིད་ལ་གཅགས་པས་གཡེན་སྤྱོ་ཞིང་བསྐྱོད་པན་གསེར་གྱི་འོག་བག་ལྷོད་པར་བཅིངས་པ་མང་པོ་འཁྲོལ་ཞིང་སྒྲ་འབྱིན་ལ། འཛུམ་པའི་གླུ་དབྱངས་སྙན་པ་དང ། མིག་དང་སྨིན་མ་བསྐྱོད་ཅིང་ནུ་མ་དང་ཡན་ལག་རྣམས་གསལ་བར་སྟོན་པ་དང ། བུད་མེད་ཀྱི་ཚུལ་གྱི་སྟེགས་ཆོས་རྣམས་སྟོན་ཏོ། །དེ་ནས་བཅོམ་ལྡན་འདས་ཀྱིས་འདི་སྙམ་དུ་དགོངས་ཏེ། གལ་ཏེ་གདུགས་ཚོད་གསོལ་ན། གདུལ་བའི་སྐྱེ་བོའི་དུས་ལས་
Nga196a
༄#། །ཀྱང་འདས་པར་འགྱུར་ལ། བུད་མེད་འདི་རྣམས་ཀྱང་འདོད་ཆགས་ཀྱིས་གདུངས་པས་བདེན་པའི་སྣོད་དུ་མི་འགྱུར་གྱིས། འདི་ལྟར་སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས། མ་ལ་ངས་ཕོ་བྲང་དུ་རྫུ་འཕྲུལ་གྱི་ཆོ་འཕྲུལ་བསྟན་པས་དད་པར་དད་པར་བྱའོ་སྙམ་དུ་དགོངས་ཏེ། ཤར་ཕྱོགས་ཀྱི་སྟེང་གི་བར་སྣང་ལ་མངོན་པར་འཕགས་ནས། སྤྱོད་ལམ་རྣམ་པ་བཞི་མཛད་དེ། འདི་ལྟ་སྟེ། འཆག་པ་དང ། བཞེངས་པ་དང ། བཞུགས་པ་དང ། མནལ་བར་མཛད་དོ། །མེའི་ཁམས་ལ་ཡང་སྙོམས་པར་འཇུག་པ་མཛད་དེ། མེའི་ཁམས་ལ་སྙོམས་པར་ཞུགས་པ་ན། སངས་རྒྱས་བཅོམ་ལྡན་འདས་ཀྱིས་སྐུ་ལས་འོད་ཟེར་རྣམ་པ་སྣ་ཚོགས་དག་འབྱིན་པར་མཛད་དེ། འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། ལེབ་རྒན་དང ། ཤེལ་གྱི་ཁ་དོག་དག་གོ་།གཞན་ཡང་ཆོ་འཕྲུལ་ཟུང་དུ་སྟོན་པར་མཛད་དེ། སྐུའི་སྨད་ནས་མེ་འབར་བར་མཛད་ལ། སྐུའི་སྟོད་ནས་ཆུ་གྲང་མོའི་རྒྱུན་འབེབས་པར་མཛད་དེ། སྐུའི་སྟོད་ནས་མེ་འབར་བར་མཛད་ལ། སྐུའི་སྨད་ནས་ཆུ་གྲང་མོའི་རྒྱུན་འབེབས་པར་མཛད་དོ། །ཤར་ཕྱོགས་ལ་ཇི་ལྟ་བ་བཞིན་དུ་ལྷོ་དང ། ནུབ་དང ། བྱང་ཕྱོགས་སུ་ཡང་དེ་བཞིན་ནོ། །ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞིས་བསྟན་ནས་རྫུ་འཕྲུལ་གྱི་ཆོ་འཕྲུལ་མངོན་པར་འདུ་མཛད་པ་སླར་བསྡུས་ཏེ། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་
Nga196b
ནས་བུད་མེད་དེ་རྣམས་ཀྱིས་བཅོམ་ལྡན་འདས་ཀྱི་རྫུ་འཕྲུལ་གྱི་ཆོ་འཕྲུལ་དག་མཐོང་ནས་དད་པར་གྱུར་ཏེ། ཤིང་རྩ་བ་ནས་བཅད་པ་བཞིན་དུ་བཅོམ་ལྡན་འདས་ཀྱི་ཞབས་ལ་གཏུགས་ཏེ། ཆོས་མཉན་པའི་ཕྱིར་སྤྱན་སྔ་ན་འཁོད་དོ། །དེ་ནས་བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང ། བག་ལ་ཉལ་བ་དང ། ཁམས་དང་རང་བཞིན་མཁྱེན་ནས། གང་ཐོས་པས་འཕགས་པའི་བདེན་པ་བཞི་སོ་སོར་ཡང་དག་པར་ཁོང་དུ་ཆུད་པར་འགྱུར་བ་དེ་ལྟ་བུའི་ཆོས་བཤད་པ་མཛད་དེ། ས་འཚོ་མ་དང ། རི་དྭགས་སྐྱེས་ལ་སོགས་པ་བུད་མེད་དྲུག་ཁྲི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །གྲགས་འཛིན་མ་ནི་ལྷག་པར་འདོད་ཆགས་ཀྱིས་ཟིལ་གྱིས་ནོན་པས་བདེན་པ་མཐོང་བར་མ་བྱས་ཏེ། དེ་འདི་སྙམ་དུ་སེམས་ཏེ། མ་ལ་བདག་གིས་བཅོམ་ལྡན་འདས་རོའི་སྲེད་པས་དབང་དུ་བྱའོ་སྙམ་བསམས་ནས། རང་ཉིད་ཀྱིས་བཅོམ་ལྡན་འདས་ཀྱི་ཆེད་དུ་བཟའ་བ་དང་བཏུང་བ་དག་གཡོས་ནས་བདག་རང་གི་ལག་ནས་བཅོམ་ལྡན་འདས་ལ་དབུལ་བར་བྱའོ་ཞེས་པ་དགེ་སློང་རྣམས་ཀྱིས་ཐོས་ནས། བཅོམ་ལྡན་འདས་ལ་གསོལ་པ། བཙུན་པ་བཅོམ་ལྡན་འདས་ལ། གྲགས་འཛིན་མ་ནི་རང་གི་ལག་ནས་བགྱིས་པའི་རོའི་སྲེད་པས་དབང་དུ་བགྱི་བར་འཚལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ང་སྔོན་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས་པས་རོ་སོ་སོར་ཉམས་སུ་མྱོང་ཞིང་རོ་སོ་སོར་ཆགས་པ་ཉམས་སུ་མྱོང་བ་ལས་ད་ལྟར་ང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་ཏེ་རོ་སོ་སོར་ཉམས་སུ་མྱོང་ཡང ། རོ་
Nga197a
༄#། །ལ་སོ་སོར་ཆགས་པར་འགྱུར་བའི་ཉམས་སུ་མྱོང་བ་མེད་ན། ད་ང་ལ་གྲགས་འཛིན་མས་རོའི་སྲེད་པས་ཇི་ལྟར་དབང་དུ་བྱ། དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་གྲགས་འཛིན་མས་དབང་དུ་བགྱི་བའི་སླད་དུ་ལ་དུས་དབང་དུ་བགྱི་བར་བརྩམས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འབའ་ཞིག་ཏུ་མ་ཟད་ཀྱི། ཇི་ལྟར་འདིས་འདས་པའི་དུས་ན་ཡང་ང་དགའ་བར་འགྱུར་བས་དབང་དུ་བྱས་པ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་རྡལ་མེད་པའི་དགོན་པའི་གནས་མེ་ཏོག་དང ། འབྲས་བུ་དང ། ཆུ་དང ། རྩ་བ་ཕུན་སུམ་ཚོགས་པ་ཞིག་ན། དྲང་སྲོང་དཀའ་ཐུབ་དྲག་པོ་རྩ་བ་དང ། འབྲས་བུ་དང ། ཆུ་ལ་ལོངས་སྤྱོད་པ། པགས་པ་དང ། ལོ་མ་གྱོན་པ་ཞིག་གནས་ཏེ། དེས་མངོན་པར་ཤེས་པ་ལྔ་མངོན་སུམ་དུ་བྱས་པས། དེ་ལ་རི་དྭགས་གདུག་པ་རྣམས་ཀྱང་འདྲིས་པའི་གནས་པས་བསྟི་གནས་ན་གནས་སོ། །དེ་ཕྱོགས་གཞན་ཞིག་ཏུ་གཅི་བའི་ཕྱིར་སོང་བ་ན། རི་དྭགས་མོ་ཞིག་རྗེས་བཞིན་རྗེས་བཞིན་དུ་འབྲང་ངོ ། །དེ་ཁུ་བ་དང་བཅས་པར་གཅིས་པ་དེ། རི་དྭགས་མོ་དེས་འཐུངས་ནས། ལྕེས་མོ་མཚན་ལ་བལྡགས་སོ། །སེམས་ཅན་རྣམས་ཀྱི་ལས་ཀྱི་རྣམ་པར་སྨིན་པ་ནི་བསམ་གྱིས་མི་ཁྱབ་པ་ཡིན་པས། སེམས་ཅན་དང་ལྡན་པར་གྱུར་ཏོ། །དེ་འབྱུང་བའི་དུས་སུ་ཕྱོགས་དེར་འོངས་ནས་ཁྱེའུ་ཞིག་བྱུང་བ་དང ། དེས་དྲི་བསྣམས་པ་དང ། རིས་མི་
Nga197b
མཐུན་པའི་སེམས་ཅན་ཡིན་ཏེ། སྐྲག་ནས་གཅིན་སྟུག་ཤོར་ནས་བོར་ཏེ་སོང་ངོ ། །ཇི་ཙམ་ཞིག་ན་དྲང་སྲོང་དེ་ཕྱོགས་དེར་ཕྱིན་པ་དང ། དེས་ཁྱེའུ་དེ་མཐོང་ནས་འདི་སུའི་བུ་ཡིན་སྙམ་པའི་བསམས་པ་ལ་ཞུགས་པ་ནི་བདག་ཉིད་ཀྱི་ཡིན་པར་མཐོང་ནས། དེས་དེ་བསྟི་གནས་སུ་ཁྱེར་ཏེ། བསྣུན་བསྙོད་ནས་བསྐྱེད། དེ་ཆེན་པོར་གྱུར་པ་དང ། མགོ་ལ་རི་དྭགས་ཀྱི་རཝ་སྐྱེས་པར་གྱུར་ཏེ། དེ་ལ་རི་དྭགས་ཀྱི་རཝ་འདྲ་བ་ཡོད་པས། དྲང་སྲོང་རཝ་ཅན་དྲང་སྲོང་རཝ་ཅན་ཞེས་བྱ་བར་གྱུར་ཏོ། །ཇི་ཙམ་ན་ཡང་དྲང་སྲོང་དེ་ནད་ཀྱིས་ཐེབས་པར་གྱུར་ནས། དྲང་སྲོང་དེ་དང་མཐུན་པའི་སྨན་རྣམས་ཀྱིས་བསྙེན་བཀུར་བྱས་ཀྱང་དེའི་ནད་ཞི་བར་མ་གྱུར་ཏེ། གང་གི་ཚེ་དེ་འཆི་བ་ལ་ཐུག་པའི་ཚོར་བ་སྐྱེས་ནས་རིང་པོར་མི་ཐོགས་པར་འཆི་བར་འགྱུར་བ་དེའི་ཚེ། དེས་བུ་དེ་ལ་སྨྲས་པ། བུ་བསྟི་གནས་འདིར་ཕྱོགས་སྣ་ཚོགས་ན་གནས་པའི་དྲང་སྲོང་རྣམས་དུས་དུས་སུ་འོང་གིས་ཁྱོད་ང་ལ་དགའ་བས་དེ་རྣམས་ལ་ཀུན་ཏུ་སྤྱོད་པའི་ཆོས་ཀྱིས་འོངས་པ་ལེགས་སོ་ཞེས་བརྗོད་པས་ཡང་དག་པར་དགའ་བར་བྱ་ཞིང ། སྟན་ལ་མགྲོན་དུ་བོས་ལ་རྩ་བ་དང་འབྲས་བུ་ཅི་ནུས་པར་སྟོབས་ཤིག་ཅེས་སྨྲས་ནས། བསགས་པ་ཀུན་གྱི་མཐའ་ཟད་ཅིང ། །མཐོན་པོ་ཀུན་གྱི་མཐའ་ལྟུང་འགྱུར། །འཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའ་ནི་འཆི་བ་ཡིན། །ཞེས་བྱ་བ་ཡིན་པས་དུས་ཀྱི་ཆོས་དང་ལྡན་པར་གྱུར་ཏེ། །དེས་དེ་དྲང་སྲོང་གི་ཆོས་བཞིན་དུ་བསྲེགས་ཏེ། དེ་ཕ་དང་བྲལ་བའི་མྱ་ངན་གྱིས་ནོན་པས་སྐྱོ་བ་སྐྱེས་ནས་མངོན་པར་ཤེས་པ་ལྔ་མངོན་སུམ་དུ་བྱས་སོ། །དེས་དུས་གཞན་ཞིག་ན་ཆུའི་དོན་དུ་བུམ་པ་ཁྱེར་
Nga198a
༄#། །ནས་སོང་བ་ན། ལྷས་ཆར་དབབ་པར་བརྩམས་སོ། །དེ་ཆུས་བུམ་པ་བཀང་ནས་ཁྱེར་ཏེ་འོང་བ་འགྲེད་ནས་རྡེག་འཆོས་སོ། །དྲང་སྲོང་རྣམས་ནི་མྱུར་དུ་ཁྲོ་བ་ཡིན་པས།་དེ་ཆུ་ཉུང་ཞིག་བླངས་ཏེ་གཏོར་ནས། དམོད་པ་པོར་བ་སྤྱོད་པ་ངན་པ་ཅན་ཁྱོད་ཀྱིས་བུམ་པ་ཆུས་བཀང་བ་ཆག་པར་བྱས་ཀྱིས། དེ་ལྟ་བས་ན་ཁྱོད་ཉི་མ་འདི་ནས་བཟུང་སྟེ། ལོ་བཅུ་གཉིས་སུ་ཆར་མི་འབེབས་པར་གྱུར་ཅིག་ཅེས་བྱས་པས། ལྷ་ཆར་མི་འབེབས་པར་གྱུར་ཏོ། །ཝཱ་ར་ཎཱ་སིར་མུ་གེ་ཆེན་པོ་བྱུང་ནས་སྐྱེ་བོའི་ཚོགས་ཕྱོགས་ཀུན་ཏུ་དོང་ངོ ། །རྒྱལ་པོས་ལྟས་མཁན་རྣམས་བཀུག་སྟེ་སྨྲས་པ། ཤེས་ལྡན་དག་སུ་ཞིག་གི་མཐུས་ན་ལྷས་ཆར་མི་འབེབས། དེ་རྣམས་ཀྱིས་སྨྲས་པ། དྲང་སྲོང་ཁྲོས་པས་ལགས་སོ། །ཇི་སྟེ་དྲང་སྲོང་དེ་དཀའ་ཐུབ་དེ་ལས་བསྐྱོད་པར་ནུས་ན། ལྷ་དེ་བཞིན་དུ་ཆར་འབེབས་ཀྱིས་གཞན་དུ་ན་ནི་མ་ལགས་སོ། །རྒྱལ་པོ་སེམས་ཁོང་དུ་ཆུད་ཅིང་འདུག་པ་དང ། བཙུན་མོ་དང ། བློན་པོ་དང ། གཞོན་ནུ་རྣམས་ཀྱིས་སྨྲས་པ། ལྷ་ཅིའི་སླད་དུ་ཐུགས་མི་དགྱེས། དེས་སྨྲས་པ། དྲང་སྲོང་ཁྲོས་པས་ལྷ་ཆར་མི་འབེབས་ལ། ལྟས་མཁན་རྣམས་ཀྱང་འདི་སྐད་ཅེས། གལ་ཏེ་དྲང་སྲོང་དེ་དཀའ་ཐུབ་དེ་ལས་བསྐྱོད་ནུས་ན། དེ་བཞིན་དུ་ལྷ་ཆར་འབེབས་ཀྱིས། གཞན་དུ་ན་མ་ཡིན་ནོ་ཞེས་ཟེར་ཏེ། དཀའ་ཐུབ་དེ་ལ་སུ་ཞིག་གིས་བསྐྱོད་པར་ནུས་མི་ཤེས་སོ། །རྒྱལ་པོ་དེའི་བུ་མོ་ཞི་ལྡན་མ་ཞེས་བྱ་བ་དེས་སྨྲས་པ།
Nga198b
གལ་ཏེ་དེ་ལྟ་ན་ཐུགས་ལས་ཆུང་ངུར་མཛོད་ཅིག་དང་བདག་གིས་དྲང་སྲོང་དེ་དཀའ་ཐུབ་དེ་ལས་ཅི་ནས་ཀྱང་གཡོས་པར་གྱུར་པ་དེ་ལྟར་བགྱིའོ། །དེས་སྨྲས་པ། ཐབས་ཅི་ཞིག་གིས་བྱ། དེས་སྨྲས་པ། བདག་དང་བུད་མེད་གཞན་རྣམས་བྲམ་ཟེ་རྣམས་ལ་གསང་ཚིག་འདོན་དུ་སྩོལ་ཅིག་།གྲུ་ཟམ་གྱི་བསྟི་གནས་མེ་ཏོག་དང་འབྲས་བུ་དང ། ཆུ་ཕུན་སུམ་ཚོགས་པ་བགྱིད་དུ་སྩོལ་ཅིག་།དེས་དེ་དང་བུད་མེད་གཞན་དག་ཀྱང་བྲམ་ཟེ་ལ་གསང་ཚིག་སློབ་ཏུ་བཅུག་གོ་།གྲུ་ཟམ་གྱི་བསྟི་གནས་ཀྱང་བྱེད་དུ་བཅུག་གོ་།དེ་ནས་དེ་དབང་དུ་བྱ་བའི་རྫས་དང་ཆང་གིས་བཀང་བའི་འབྲས་བུ་དེ་དག་དང ། གཞན་ཡང་འབྲས་བུ་རྣམ་པར་བཀྲ་བ་སྣ་ཚོགས་བྱེད་དུ་བཅུག་ནས། དྲང་སྲོང་གི་ཆ་བྱད་དུ་བྱས་ཏེ། དེ་རྩཝ་དང ། ཤིང་ཤུན་གྱོན་ནས། བུད་མེད་རྣམས་དང་ལྷན་ཅིག་བྲམ་ཟེ་རྣམས་ལ་གསང་ཚིག་འདོན་ཅིང་དེའི་བསྟི་གནས་སུ་ལྷགས་པ་དང ། དྲང་སྲོང་ལ་སློབ་མ་རྣམས་ཀྱིས་སྨྲས་པ། མཁན་པོ་ཁྱོད་ཀྱི་བསྟི་གནས་སུ་དྲང་སྲོང་མང་དུ་ལྷགས་སོ། །དྲང་སྲོང་རྣམས་ལྷགས་པ་ལེགས་ཀྱིས་ནང་དུ་ཤོག་ཅིག་།དེ་རྣམས་ནང་དུ་ཞུགས་པ་དེས་མཐོང་ནས་ཚིགས་སུ་བཅད་པས་སྨྲས་པ། བརྟགས་པ་མེད་པར་འགྱིང་ཞིང་འགྲོ་བ་དང ། །བཞིན་ཡང་ཁ་སྤུ་རྣམས་དང་བྲལ་གྱུར་ཅིང ། །འདི་རྣམས་བྲང་ནི་མཐོ་དམན་གྱུར་པ་སྟེ། །ེ་མ་དྲང་སྲོང་ཆ་བྱད་སྔོན་མ་བྱུང ། །དེ་དེ་རྣམས་ལ་ཐེ་ཚོམ་གྱིས་ཀུན་ནས་དཀྲིས་པའི་བློས་རྩ་བ་དང་འབྲས་བུ་བསྟབས་སོ། །དེ་རྣམས་ཀྱིས་དེ་དག་ཟོས་ནས་དྲང་སྲོང་དེ་ལ་སྨྲས་པ། ཁྱེད་ཀྱི་འབྲས་བུ་འདི་དག་ནི་རྩུབ་པ་ཁ་བ་
Nga199a
༄#། །བསྐ་བ་ཡིན་གྱི། བདག་ཅག་གི་ཆུ་ནང་གི་བསྟི་གནས་དེ་ན་ཡོད་པའི་འབྲས་བུ་རྣམས་ནི་བདུད་རྩི་དང་འདྲ་བ་ཡོད་དེ། འདི་ལྟར་ཁྱོད་བདག་ཅག་གི་བསྟི་གནས་སུ་སྤྱན་འདྲེན་ཏོ། །དེས་ཁས་བླངས་ནས་དེ་དེ་རྣམས་དང་གྲུ་ཟམ་གྱི་སྐྱེད་མོས་ཚལ་དུ་ཞུགས་ནས་དེས་དེ་ལ་དབང་དུ་བྱ་བའི་རྫས་ཆང་གིས་བཀང་བ་དང་ལྡན་པའི་ན་ལི་ཀེ་རེའི་འབྲས་བུ་རྣམས་དང་གཞན་དག་ཀྱང་བྱིན་ནོ། །དེ་ཆང་གིས་མྱོས་པ་དང ། དབང་དུ་བྱ་བའི་རྫས་ཀྱི་སྦྱོར་བས་དེ་དེ་དང་ལྷན་ཅིག་མི་ཚངས་པར་སྤྱད་པས་རྫུ་འཕྲུལ་ཡོངས་སུ་ཉམས་སོ། །ཆར་ལ་མངོན་པར་དགའ་བའི་ལྷས་སྤྲིན་ཀུན་ནས་བསྡུས་པ་དང ། དྲང་སྲོང་དེས་བཀག་གོ་།ཞི་ལྡན་མས་སྨྲས་པ། ད་དུང་ཁྱོད་ཀྱིས་བདག་ཉིད་སུ་ཡིན་པ་མི་ཤེས་སམ། དེས་དེ་འདོད་ཆགས་ཀྱི་ཞགས་པས་བཅིངས་ནས་རྒྱལ་པོ་ལ་ཕུལ་ནས། ལྷ་དྲང་སྲོང་དེ་ནི་འདི་ལགས་སོ། །དེ་ནས་ལྷས་ཆར་དབབ་པར་བརྩམས་ནས་ལོ་ལེགས་པར་གྱུར་ཏོ། །རྒྱལ་པོས་ཞི་ལྡན་མ་འཁོར་དང་བཅས་ཏེ་དྲང་སྲོང་དེ་ལ་ཆུང་མར་བྱིན་ནོ། །དེས་ཞི་ལྡན་མ་སྤངས་ནས། གཞན་དག་དང་ལྷན་ཅིག་དགའ་མགུར་སྤྱོད་པ་ལ་ཞུགས་པ་ན། དེ་ལ་ཞི་ལྡན་མས་ཕྲག་དོག་གི་ཀུན་ནས་དཀྲིས་པའི་སྙིང་གིས་དེ་ལ་བཀུར་སྟི་མ་ཡིན་པ་བྱ་བར་བརྩམས་པ་དང ། དེ་ནས་ཕར་ཅིག་ཚུར་ཅིག་རྩོད་པས་མཆིལ་ལྷམ་དང་བཅས་པའི་རྡོག་པས་མགོར་བསྣུན་པ་དང ། དེ་བསམས་པ། སྤྲིན་གྱི་འབྲུག་སྒྲ་ཡང་བདག་གིས་མནགས་པར་མི་བཟོད་ན། ད་ནི་འདོད་
Nga199b
ཆགས་ཀྱི་ཞགས་པས་བཅིངས་ནས་བུད་མེད་ཙམ་གྱིས་ཀྱང་བརྙས་སམ་སྙམ་ནས། དེས་བརྩོན་འགྲུས་ལ་གནས་པས་སླར་ཡང་མངོན་པར་ཤེས་པ་ལྔ་མངོན་སུམ་དུ་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་དྲང་སྲོང་གང་ཡིན་པ་དེ་ནི་ང་ཉིད་ཡིན་ནོ། །ཞི་ལྡན་མ་གང་ཡིན་པ་དེ་ནི་གྲགས་འཛིན་མ་འདི་ཉིད་ཡིན་ཏེ། དེ་ན་ཡང་འདིས་ང་རོའི་སྲེད་པས་དབང་དུ་བྱས་སོ། །ད་ལྟར་ཡང་འདི་ལ་དུས་དབང་དུ་བྱ་བ་ལ་ཞུགས་སོ། །གང་གི་ཚེ་བཅོམ་ལྡན་འདས་ཕོ་བྲང་དུ་གདུགས་ཚོད་གསོལ་ནས། ཕྱི་རོལ་ཏུ་བྱུང་བ་དེའི་ཚེ་གྲགས་འཛིན་མ་ཁྱིམ་ཐབ་ཀྱི་བྱམས་པ་དང་བྲལ་ལོ་སྙམ་སྟེ་རེ་ཐག་ཆད་ནས་ཁང་ཐོག་ཏུ་འཛེགས་ཏེ་བདག་ཉིད་མཆོངས་སོ། །སངས་རྒྱས་བཅོམ་ལྡན་འདས་རྣམས་ནི་བསྙེལ་པ་མི་མངའ་བའི་ཆོས་ཅན་ཡིན་པས། བཅོམ་ལྡན་འདས་ཀྱིས་རྫུ་འཕྲུལ་གྱིས་དེ་བླངས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱི་སླད་དུ་གྲགས་འཛིན་མ་ཁང་ཐོག་ནས་བདག་ཉིད་འཆོངས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟར་གྱི་འདི་འབའ་ཞིག་ཏུ་མ་ཟད་དེ་ཇི་ལྟར་འདིས་འདས་པའི་དུས་ན་ཡང་ངའི་ཕྱིར་བདག་ཉིད་བོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཚངས་སྦྱིན་ཞེས་བྱ་བ་ཞིག་བྱུང་སྟེ། དེ་དུས་གཞན་ཞིག་ན་རི་དྭགས་འཆོར་ཞིང་རིམ་གྱིས་སོང་སྟེ་རི་སུལ་ཞིག་ཏུ་ཕྱིན་པ་དང ། དེས་དེ་ན་མིའམ་ཅི་ཕོ་དང ། མིའམ་ཅི་མོ་གཉིས་ལས་
Nga200a
༄#། །མིའམ་ཅི་ཕོ་ནི་ཉལ། མིའམ་ཅི་མོ་ནི་མ་ཉལ་བ་ཞིག་མཐོང་ནས། རྒྱལ་པོས་གཞུ་རྣ་དྲུང་དུ་བཀང་བའི་མདས་མིའམ་ཅིའི་གནད་དུ་བསྣུན་ནས་སྲོག་དང་ཕྲལ་ཏེ། རྒྱལ་པོས་མིའམ་ཅི་མོ་ཆུང་མའི་དོན་དུ་བཟུང་ནས་ཁྲིད་དེ་སོང་བ་ལས། དེས་སྨྲས་པ། ལྷ་རེ་ཞིག་བཞེད་ལ་དེའི་བར་དུ་བདག་གིས་མིའམ་ཅིའི་རོ་ལ་མཆོད་པ་བགྱིད་ན་གནང་བར་མཛད་དུ་གསོལ། རྒྱལ་པོས་བསམས་པ། རེ་ཞིག་གང་དུ་འགྲོ་བར་འགྱུར། རོ་དེ་ལ་མཆོད་པ་ཇི་ལྟར་བྱེད་པ་བལྟའོ་སྙམ་ནས་དེས་དེ་ལ་གནང་ངོ ། །དེ་ནས་དེས་མིའམ་ཅིའི་རོ་དེ་ལ་ཤིང་གི་ཕུང་པོ་བྱས་ནས་མེ་སྤར་ཏེ་བདག་ཉིད་མཆོངས་སོ། །ལྷས་ཚིགས་སུ་བཅད་པས་སྨྲས་པ། མིའམ་ཅི་མོ་དགའ་སྤྱད་ཅེས། །དོན་གཞན་དུ་ནི་བསམ་པ་ལས། །གཞན་དུ་ཡོངས་སུ་རྒྱུར་བྱས་པས། །སྲོག་ཆགས་གཉིས་ནི་བསད་པར་གྱུར། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་མིའམ་ཅི་གང་ཡིན་པ་དེ་ནི་ང་ཉིད་ཡིན་ནོ། །མིའམ་ཅི་མོ་གང་ཡིན་པ་དེ་ནི་གྲགས་འཛིན་མ་འདི་ཉིད་ཡིན་ཏེ། དེ་ན་ཡང་འདིས་ངའི་ཕྱིར་བདག་ཉིད་མེ་ཕུང་དུ་མཆོངས་སོ། །ད་ལྟར་ཡང་འདིས་ངའི་ཕྱིར་ཁང་ཐོག་ནས་བདག་ཉིད་མཆོངས་སོ། །བཅོམ་ལྡན་འདས་ཀྱིས་དགོངས་པ། ད་ནི་གྲགས་འཛིན་མ་གདུལ་བའི་དུས་ལ་བབས་ཀྱིས་མ་ལ་འདི་ངས་འཁོར་བའི་འབྲོག་དགོན་པ་ནས་བསྒྲལ་བར་བྱའོ་སྙམ་དུ་དགོངས་ནས། དེ་ལ་གང་ཐོས་པས་འཕགས་པའི་བདེན་པ་བཞི་ཡང་དག་པར་ཁོང་དུ་ཆུད་པར་འགྱུར་བ་དེ་ལྟ་བུའི་ཆོས་
Nga200b
བཤད་པ་མཛད་དེ། གྲགས་འཛིན་མས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་ཇི་ཙམ་ན་དགྲ་བཅོམ་པར་གྱུར་པ་དང ། དེ་རང་གི་རིགས་རྒྱུད་དང་མཐུན་པར་བྱ་བ་དང ། འཕགས་པའི་ལམ་ཐོབ་པས་དགེ་སློང་མ་རྣམས་ཀྱི་ནང་དུ་དགོས་པ་བྱུང་བ་རྣམས་ལ་ཤིན་ཏུ་འཛེམ་པ་དང་ལྡན་ནོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་ཉན་ཐོས་ཀྱི་དགེ་སློང་མ་རྣམས་ལ་འཛེམ་པ་དང་ལྡན་པའི་མཆོག་ནི་འདི་ལྟ་སྟེ། སྒྲ་གཅན་ཟིན་གྱི་མ་གྲགས་འཛིན་མ་འདི་ཡིན་ནོ། །ཡང་དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གྲགས་འཛིན་མས་ལས་ཅི་ཞིག་བགྱིད་ན་ལས་དེའི་རྣམ་པར་སྨིན་པས་མངལ་དུ་ལོ་དྲུག་བཟུང་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གྲགས་འཛིན་མ་འདི་ཉིད་ཀྱི་སྔོན་གྱི་ཚེ་རབས་གཞན་རྣམས་སུ་ལས་བྱས་ཤིང་བསགས་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་གནག་ལྷས་ཞིག་ན་ཕྱུགས་རྫི་མ་དང་བུད་མེད་གཉིས་ཞིག་གནས་ཏེ། དེ་གཉིས་དར་བའི་བུམ་པ་ཐོགས་ཏེ། རྒྱུན་དུ་གྲོང་མཐར་འགྲོ་བ་ན་དེ་གཉིས་ལས་བུ་མོ་ནི་ངན་གཡོའི་རང་བཞིན་ཅན་ཡིན་ནོ། །མ་ནི་དྲང་བ་ཞིག་ཡིན་ནོ། །བུ་མོས་སྨྲས་པ།
Nga201a
༄#། །ཡུམ་རེ་ཞིག་དར་བའི་བུམ་པ་སྣོམས་ཤིག་།བཤད་པ་ཞིག་བགྱིད་དོ། །དེས་ཐོགས་ཏེ་སོང་ངོ ། །དེ་ནི་ངན་གཡོའི་རང་བཞིན་ཅན་ཡིན་པས་ཕྱི་ན་སྡོད་ཅིང་དེའི་རྗེས་སུ་སླེབས་པར་མ་སོང་སྟེ། དེ་དེ་ལྟར་བྱེད་པ་ན་མ་དེས་དར་བའི་བུམ་པ་རྒྱང་གྲགས་དྲུག་གི་བར་དུ་ཁྱེར་རོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཕྱུགས་རྫི་མོ་གང་ཡིན་པ་དེ་ནི་གྲགས་འཛིན་མ་འདི་ཉིད་ཡིན་ཏེ། དེ་ན་འདིས་མ་ལ་ངན་གཡོའི་སྤྱོད་པས་རྒྱང་གྲགས་དྲུག་ཏུ་དར་བའི་བུམ་པ་བསྐུར་རོ། །ལས་དེའི་རྣམ་པར་སྨིན་པས་འདིས་སྒྲ་གཅན་ཟིན་ལོ་དྲུག་ཏུ་མངལ་དུ་བཟུང་ངོ ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། ཞེས་བྱ་བ་ནས། དགེ་སློང་དག་ཁྱེད་ཀྱི་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་སྒྲ་གཅན་ཟིན་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ལོ་དྲུག་ཏུ་མའི་མངལ་དུ་མཆིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྒྲ་ཅན་ཟིན་འདི་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ་འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས་སྒྲ་གཅན་ཟིན་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་
Nga201b
པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་དག་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང་སྐྱེ་མཆེད་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་ཝཱ་ར་ཎཱ་སི་དང་ཧ་ཅང་མི་རིང་བ་ན་མེ་ཏོག་དང ། འབྲས་བུ་ཕུན་སུམ་ཚོགས་པའི་བསྟི་གནས་བྱ་སྣ་ཚོགས་པའི་སྐད་འབྱིན་ཅིང ། བྱ་དང ། རི་དྭགས་འདྲིས་པར་བརྟེན་པ་ཞིག་ཡོད་དེ། དེ་ན་དྲང་སྲོང་འབྲས་བུ་དང ། རྩ་བ་དང་ཆུ་ལ་ལོངས་སྤྱོད་པ། པགས་པ་དང ། ལོ་མ་གྱོན་པ་དུང་དང ། བྲིས་པ་ཞེས་བྱ་བ་སྤུན་གཉིས་ཤིག་གནས་ཏེ། དུང་ནི་མཁན་པོ་བྱེད་དོ། །བྲིས་པ་ནི་སློབ་མ་བྱེད་དོ། །དེ་གཉིས་ཝཱ་ར་ཎཱ་སིའི་འཇིག་རྟེན་ཐམས་ཅད་ལ་ཡང་གྲགས་སོ། །རྒྱལ་པོ་ཚངས་བྱིན་གྱིས་ཀྱང་སྐྱེད་མོས་ཚལ་ག་གེ་མོ་ཞེས་བྱ་བ་ན། དྲང་སྲོང་དུང་དང ། བྲིས་པ་སྤུན་གཉིས་གནས་ཏེ། དེ་ལ་དུང་ནི་མཁན་པོ་བྱེད་དོ། །བྲིས་པ་ནི་སློབ་མ་བྱེད་དོ་ཞེས་ཐོས་སོ། །ཇི་ཙམ་དུས་གཞན་ཞིག་ན་དུང་གིས་རིལ་བ་ཆུས་བཀང་ནས། རྩ་བ་དང་འབྲས་བུའི་ཆེད་དུ་ནགས་ཁྲོད་དུ་སོང་ངོ ། །བྲིས་པ་དེ་ཡང་དེ་ཉིད་ཀྱི་ནང་པར་སྔར་ལངས་ཏེ་སོང་ན། དེས་མེ་ཏོག་དང་འབྲས་བུ་དག་བླངས་ཏེ། རིངས་པར་འོངས་ནས་རང་གི་རིལ་བ་ལ་བརྟགས་ནས། ཆུ་ཉུང་ནས་
Nga202a
༄#། །དེ་སྐོམ་པས་ཉེན་པས་བསམས་པ། མཁན་པོའི་ཆུ་བཏུང་ངོ་སྙམ་ནས་དེས་འཐུངས་སོ། །ཇི་ཙམ་ན་དྲང་སྲོང་དུང་རྩ་བ་དང་འབྲས་བུ་དག་བླངས་ནས། སྐོམ་པས་ཉེན་པའི་རང་བཞིན་གྱིས་བསྟི་གནས་སུ་ཕྱིན་ནས་རིལ་བ་ལ་བརྟགས་ན། སྟོང་པར་མཐོང་ན་དེ་མི་བཟོད་པ་སྐྱེས་ཏེ་སྨྲས་པ། ཁོ་བོའི་ཆུ་རྐུན་མ་སུ་ཞིག་གིས་བརྐུས། བྲིས་པས་སྨྲས་པ། མཁན་པོ་རྐུན་མ་ནི་བདག་ལགས་ཏེ། བདག་གིས་འཚལ་གྱིས། བདག་ལ་ཆད་པས་དགུམ་དུ་གསོལ། དེས་སྨྲས་པ། ཁྱོད་ནི་ཁོ་བོ་དང་སྤུན་ཡིན་ལ་སློབ་མ་ཡང་ཡིན་པས། གལ་ཏེ་འཐུངས་ན་འཐུངས་པ་ལེགས་ཀྱིས་ཇི་བདེར་སྤྱོད་ཅིག་།ངེས་སྨྲས་པ། མཁན་པོ་འགྱོད་པ་འདི་བདག་གིས་བསལ་བས་རྔོ་མི་ཐོག་གིས། ཆོམ་རྐུན་པ་ལ་གཅོད་པའི་ཆད་པ་ལྕི་བ་གང་ལགས་པས་བདག་ལ་དགུམ་དུ་གསོལ་ཞེས་དེ་སྐད་སྨྲས་པ་དང ། དྲང་སྲོང་དུང་ཁྲོས་ནས་སྨྲས་པ། ཁོ་བོ་ཆད་པ་མི་གཅོད་ཀྱིས། ཅི་སྟེ་ཁྱོད་ཆད་པ་དོན་དུ་གཉེར་ན་རྒྱལ་པོའི་དྲུང་དུ་སོང་ཞིག་།ཡང་དེའི་ཚེ་རྒྱལ་པོ་རི་དྭགས་འཆོར་བའི་ཕྱིར་ཆས་པ་དེ་ལས་དེས་རྒྱལ་བ་དང་ཚེ་སྤེལ་བདག་བྱས་ནས་ཚིགས་སུ་བཅད་པས་གསོལ་བ་བཏབ་པ། རྒྱལ་ཆེན་གང་ཕྱིར་མ་སྩལ་ཆབ། །འཚལ་བས་བདག་ནི་རྐུན་མ་ལགས། །ཆོམ་རྐུན་ཆད་པ་གང་ལགས་པའི།། ཆད་པ་ལྕི་བས་བདག་ལ་ཁུམ། །རྒྱལ་པོས་སྨྲས་པ། ཆུ་ལ་ནི་མ་བྱིན་པར་ལེན་པ་མེད་ན། འོན་ཀྱང་སུས་དབང་བའི་ཆུ་ཁྱོད་ཀྱིས་བརྐུས། དེས་ཇི་ལྟར་གྱུར་པ་རྣམས་སྨྲས་པ་དང ། རྒྱལ་པོས་སྨྲས་པ་
Nga202b
ཁྱོད་དང་ང་སྤུན་ཡིན་ཞིང་མཁན་པོ་ཡང་ཡིན་པས། ཆད་པས་གཅད་པར་མི་འོས་ཀྱིས་སོང་ཞིག་།དེས་སྨྲས་པ། ལྷ་བདག་གི་འགྱོད་པ་བསལ་བར་རྔོ་མི་ཐོག་གིས། ཆོམ་རྐུན་པ་ལ་དགུམ་པའི་ཆད་པ་ལྕི་བ་གང་ལགས་པས་བདག་ལ་དགུམ་དུ་གསོལ་ཞེས་དེ་སྐད་སྨྲས་པ་དང ། རྒྱལ་པོ་ཁྲོ་བའི་ཀུན་ནས་དཀྲིས་པ་ལ་གནས་པའི་ཀུན་ནས་དཀྲིས་པ་དྲག་པོས་སྨྲས་པ། གལ་ཏེ་དེ་ལྟར་ན་འདི་ཉིད་དུ་འདུག་ལ་རེ་ཞིག་ང་སླར་མ་ལོག་གི་བར་དུ་ཁྱོད་མ་འགྲོ་ཞིག་།རྒྱལ་པོ་དེས་རི་དྭགས་བཤོར་ནས། ཆེད་དུ་བསམས་ཏེ། སྒོ་གཞན་ནས་ནང་དུ་ཞུགས་ནས་ཕྱིར་ཡང་མ་བྱུང་ངོ ། །བློན་པོ་རྣམས་ཀྱིས་ཞག་དྲུག་གི་ཉིན་པར་རྒྱལ་པོ་ལ་སྨྲས་པར་ལྷ་དྲང་སྲོང་དེ་ཕྱོགས་དེ་ཁོ་ན་ཉིད་ན་མཆིས་ནས་དེང་དུ་དགུང་དྲུག་ལགས་ཀྱིས་བཀའ་སྩལ་པའི་རིགས་སོ། །རྒྱལ་པོས་སྨྲས་པ་ཆད་པ་ནས་ཕྱུང་ལ་དེའི་ཆད་པ་ནི་དེ་ཁོ་ན་ཡིན་གྱིས་སོང་ཞིག་།བློན་པོ་རྣམས་ཀྱིས་དྲང་སྲོང་དེ་ལ་སྨྲས་པ། དྲང་སྲོང་ལྷའི་ཞལ་ནས་ཆད་པ་ནས་ཕྱུང་ལ་དེའི་ཆད་པ་ནི་དེ་ཁོ་ན་ཡིན་གྱིས་སོང་ཞིག་ཅེས་གསུང་ངོ ། །དེ་འགྱོད་པ་དང་བྲལ་ཏེ་སོང་ངོ ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་ཚངས་བྱིན་གང་ཡིན་པ་དེ་ནི་སྒྲ་གཅན་ཟིན་འདི་ཉིད་ཡིན་ཏེ། དེ་ན་འདིས་སེམས་གདུག་པས་དྲང་སྲོང་ལ་ཕྱོགས་འདི་ཉིད་དུ་འདུག་ལ་མ་འགྲོ་ཞིག་ཅེས་སྨྲས་པ་དེའི་ལས་ཀྱི་རྣམ་པར་སྨིན་པས་མའི་མངལ་དུ་ལོ་དྲུག་འདུག་གོ་།དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་
Nga203a
༄#། །མ་བཞིན་དུའོ།། །།འདུལ་བ་གཞི། བམ་པོ་གོ་ལྔ་པ། དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་བཟང་ལྡན་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་མི་གཙོ་བོ་རྣམས་ཀྱི་རྒྱལ་པོར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བཟང་ལྡན་འདི་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། བཟང་ལྡན་གྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང་སྐྱེ་མཆེད་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། ། དགེ་སློང་དག་སྔོན་བྱུང་བ་མུ་ལྟོ་བ་ཞིག་ལྗོངས་ཤིག་ནས། ཝཱ་ར་ཎཱ་སིར་འོངས་པ་དང ། དེ་ན་གཉུག་མར་གནས་པའི་མུ་ལྟོ་བ་ཕྲག་དོག་གི་རང་བཞིན་ཅན་རྣམས་ཀྱིས་དེ་ལྟག་དབྱུག་དང་ཐལ་ལྕག་དང །
Nga203b
དབྱུག་པ་ལ་སོགས་པས་ཤིན་ཏུ་བརྡེགས་ནས་བསྐྲད་དེ། དེ་ཝཱ་ར་ཎཱ་སིའི་ཕྱི་རོལ་ན་རྒྱལ་པོའི་སྐྱེད་མོས་ཚལ་ཞིག་ཡོད་པ་ན་གནས་སོ། །ཇི་ཙམ་ན་རྒྱལ་པོ་ཚངས་སྦྱིན་སོས་ཀའི་དུས་ལ་བབ་སྟེ། མེ་ཏོག་གི་ཤིང་རྣམས་ཁ་འབུས་ཤིང ། ངང་པ་དང ། ཁྲུང་ཁྲུང་དང ། རྨ་བྱ་དང ། ནེ་ཙོ་དང ། རི་སྐེགས་དང ། ཁུ་བྱུག་དང ། ཤང་ཤང་ཏེའུ་རྣམས་སྐད་འབྱིན་པའི་ནགས་ཚལ་སྟུག་པོའི་སྐྱེད་མོས་ཚལ་གྱི་གཞིར་བཙུན་མོ་དང་ལྷན་ཅིག་སོང་ནས། དེ་སྐྱེད་མོས་ཚལ་དེ་ན་བཙུན་མོ་དང ། ལྷན་ཅིག་བདེ་བ་ཉམས་སུ་མྱོང་བར་བྱས་ནས་གཉིད་ལོག་གོ་།བུད་མེད་ནི་མེ་ཏོག་དང་འབྲས་བུ་ལ་དགའ་བ་ཡིན་པས། མེ་ཏོག་དང་འབྲས་བུ་ཚོལ་ཞིང་ཕན་ཚུན་འཁྱམས་པ་ལ་ཞུགས་སོ། །ཇི་ཙམ་ན་རྒྱལ་པོ་ཚངས་སྦྱིན་གཉིད་ཀྱིས་དུབ་པ་སངས་ནས། རིངས་པ་རིངས་པར་ཝཱ་ར་ཎཱ་སིར་ཞུགས་སོ། །བཙུན་མོ་བུད་མེད་རྣམས་ཀྱང་རིངས་པ་རིངས་པར་དོང་ངོ ། །ཇི་ཙམ་ན་བུད་མེད་གཞན་ཞིག་བརྟབས་པས་མུ་ཏིག་གི་དོ་ཤལ་བོར་ཏེ་སོང་ངོ ། །ཇི་ཙམ་ན་མུ་ལྟོ་བ་དེ་སྐྱེད་མོས་ཚལ་དེར་རྒྱུ་བར་བརྩམས་པ་ན། དེས་མུ་ཏིག་གི་དོ་ཤལ་དེ་མཐོང་ནས། དེས་བསམས་པ། བདག་ལ་འདི་ཅི་དགོས། འདིའི་ཕྱིར་གནོད་པ་འཐོབ་པར་འགྱུར་བའི་གནས་གང་ཡིན་པ་དེ་ཡོད་སྙམ་ནས། དེས་དེ་སུའི་ཡིན་པ་དེ་ལེན་པར་འགྱུར་གྲང་ཞེས་དེ་སྐྱེད་མོས་ཚལ་ཉིད་དུ་ཤིང་གི་ཡལ་གཞིག་ལ་བཏགས་ཏེ་གཞག་གོ་།ཇི་ཙམ་ན་བཙུན་མོ་རྣམས་ཀྱིས་རྒྱལ་པོ་ལ་གསོལ་པ། ལྷ་བཙུན་མོ་ཆེ་གེ་མོ་ཞེས་བགྱི་བའི་མུ་ཏིག་གི་དོ་ཤལ་སྐྱེད་མོས་ཚལ་དུ་ལུས་ལགས་སོ། །རྒྱལ་པོས་བློན་པོ་རྣམས་ལ་བསྒོ་བ།
Nga204a
༄#། །ཤེས་ལྡན་དག་མུ་ཏིག་གི་དོ་ཤལ་སྐྱེད་མོས་ཚལ་དུ་ལུས་པ་ཚོལ་ཅིག་།དེ་རྣམས་སྐྱེད་མོས་ཚལ་དུ་དོང་ནས་བཙལ་བར་བརྩམས་པ་དང ། ཇི་ཙམ་ན་ཤིང་གི་ཡལ་ག་ཞིག་ལ་བཏགས་པ་མཐོང་ནས། དེ་རྣམས་ཀྱིས་བསམས་པ། རེ་ཞིག་འདི་སུས་བཏགས་དཔྱད་པར་བྱའོ། །སྙམ་ནས། དེ་རྣམས་སྐྱེད་མོས་ཚལ་ན་རྒྱུ་བར་བརྩམས་པ་དང ། ཇི་ཙམ་ན་མུ་ལྟོ་བ་ཞིག་མཐོང་ནས་དེ་རྣམས་ཀྱིས་དེ་ལ་སྨྲས་པ། ཀཝའི་ནང་རྗེ་མུ་ཏིག་གི་དོ་ཤལ་འདི་སུ་ཞིག་གིས་ཡལ་ག་ལ་བཏགས་ཏེ་བཞག། དེས་ཇི་ལྟར་གྱུར་པ་དེ་རྣམས་ལ་སྨྲས་པ་དང ། བློན་པོ་རྣམས་ཀྱིས་རྒྱལ་པོ་ལ་མུ་ཏིག་གི་དོ་ཤལ་ཕུལ་ནས་ཇི་ལྟར་གྱུར་པ་སྨྲས་སོ། །རྒྱལ་པོས་སྨྲས་པ། ཤེས་ལྡན་དག་མུ་ལྟོ་བ་དེ་བལྟས་ཁུག་ཅིག། དེ་རྣམས་ཀྱིས་བཀུག་ནས། རྒྱལ་པོས་སྨྲས་པ། ཀཝའི་ནང་རྗེ་ཁྱོད་ཀྱིས་ཅིའི་ཕྱིར་མུ་ཏིག་གི་དོ་ཤལ་ཤིང་གི་ཡལ་ག་ལ་བཏགས་ཏེ་བཞག་ནས་རང་གིར་མ་བྱས། དེ་སྨྲས་པ། ལྷ་འདིའི་སྐལ་བ་བདག་ལ་མ་མཆིས་ཀྱི་ལྷ་ཁོ་ན་ལ་འོས་པའི་སླད་དུའོ། །རྒྱལ་པོ་དགའ་བར་གྱུར་ནས་སྨྲས་པ། ཀཝའེ་ནང་རྗེ་ཁྱོད་ནི་དམ་པ་འོས་པ་ཡིན་པས་དམ་པ་གང་འདོད་པ་གསོལ་ཅིག་།སྦྱིན་ནོ། །དེས་སྨྲས་པ། གལ་ཏེ་ལྷ་བདག་ལ་དགྱེས་པར་གྱུར་ན། མུ་ལྟོ་བ་རྣམས་འཚལ་མ་སྩལ་ཅིང་དེ་རྣམས་རེ་རེ་ལ་རས་ཟུང་རེ་བསྐོན་ནས་བདག་དཔོན་པོར་བསྐོ་བར་གསོལ། རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་ཁྱེད་ཅག་གིས་མུ་ལྟོ་བ་ཐམས་ཅད་ཟན་བྱིན་ལ། རེ་རེ་ལ་རས་ཟུང་རེ་བསྐོན་ཏེ་མི་
Nga204b
འདི་དེ་རྣམས་ཀྱི་དཔོན་པོར་ཆུག་ཅིག་།དེ་རྣམས་ཀྱི་ཝཱ་ར་ཎཱ་སིར་དྲིལ་སྒྲོགས་སུ་བཅུག་པ། ལྷས་བཀའ་སྩལ་གྱི་ཝཱ་ར་ཎཱ་སིའི་མུ་ལྟོ་བ་ཇི་སྙེད་པ་ཐམས་ཅད་སྐྱེད་མོས་ཚལ་ཆེ་གེ་མོ་ཞིག་ཏུ་འདུས་ཤིག་།ངས་མུ་ལྟོ་བ་རྣམས་ལ་ཟན་སྦྱིན་ཞིང་རེ་རེ་ལ་ཡང་རས་ཟུང་རེ་བསྐོན་ནོ་ཞེས་བསྒྲགས་པ་དང ། དེ་དག་ཐམས་ཅད་འདུས་ནས་བློན་པོ་རྣམས་ཀྱིས་ཁ་ཟས་བསོད་པས་ཚིམ་པར་བྱས་ནས། རེ་རེ་ལ་ཡང་རས་ཟུང་རེ་བསྐོན་ཏེ་བསྒོ་བ། ལྷས་བཀའ་སྩལ་པ། དེང་ཕན་ཆད་ཁྱེད་ཅག་གི་རྒྱལ་པོར་མུ་ལྟོ་བ་འདི་བསྐོས་ཀྱིས། ཁྱེད་ཅག་གིས་འདིའི་ཚིག་བཞིན་དུ་བྱོས་ཤིག་།དེ་རྣམས་ཟས་བསོད་པས་ཚིམ་པར་བྱས་པ་དང ། རས་ཟུང་རེ་བསྐོན་པས་ཡི་རངས་ནས་སྨྲས་པ། ལྷས་ཇི་ལྟར་བཀའ་སྩལ་པ་བཞིན་དུ་འཚལ་ལོ་ཞེས་མུ་ལྟོ་བ་དེ་དཔོན་པོར་གྱུར་ཏོ། །མུ་ལྟོ་བ་རྣམས་ནི་རང་བཞིན་གྱིས་བཀྲེས་སྐོམ་པས་ཟིལ་གྱིས་ནོན་པ་ཡིན་པས། ཚོང་དུས་ནས་བཟའ་བ་དང་བཏུང་བ་འཕྲོག་པར་བྱེད་དོ། །དེ་རྣམས་རྒྱལ་པོས་བཀུར་ནས་ནི་ལྷག་པར་ཡང་འཕྲོག་པར་བརྩམས་སོ། །ཚོང་རྡལ་གྱིས་འཚོ་བའི་སྐྱེ་བོའི་ཚོགས་འཁྲུགས་ནས། དེས་རྒྱལ་པོ་ལ་གསོལ་པ་དང ། རྒྱལ་པོས་སྨྲས་པ་ཁྱེད་ཅག་སྲུང་བ་ལ་བག་ཡོད་པར་བྱོས་ལ་དེ་རྣམས་ལ་ནི་མ་བརྡེགས་ཤིག། ཇི་ཙམ་ན་མི་ཞིག་སྣུམ་ཁུར་དག་ཁྱེར་ནས་ཚོང་འདུས་ཀྱི་དབུས་ནས་སོང་བ་ལས། མུ་ལྟོ་པའི་དཔོན་པོ་དེས་དེ་ལས་ཕྲོགས་ནས། དེས་ཁྱེར་ཏེ་ཕྱོགས་དབེན་པ་ཞིག་ཏུ་སོང་བ་དང ། མུ་ལྟོ་བ་རྣམས་ཀྱི་ཕྱིར་འབྲང་སྟེ། དེ་རྣམས་ཀྱིས་དེ་ལ་གླགས་ལྟས་པ་ན། འབབ་ཆུ་བ་རི་ཀ་རྒལ་ནས་ཤིང་ཞིག་གི་
Nga205a
༄#། །དྲུང་དུ་འདུག་གོ་།སངས་རྒྱས་རྣམས་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ་ཅན་པས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་བ་ཡིན་པས། ཇི་ཙམ་ན་རང་སངས་རྒྱས་ཞིག་སྟེས་ཏེ་ཕྱོགས་དེར་འོངས་པ་དང ། དེས་དེ་ལུས་མཛེས་ཤིང་སེམས་དང་བ་དང ། སྤྱོད་ལམ་ཞི་བར་མཐོང་ནས་དེས་བསམས་པ། གདོན་མི་ཟ་བར་བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་མ་བྱས་པ་དེས་ན། བདག་མིའི་ལུས་ཐོབ་ན་ཡང་མུ་ལྟོ་བར་སྐྱེས་ཀྱིས། གལ་ཏེ་བདག་ཉིད་ཆེན་པོ་འདི་བདག་ལས་སྣུམ་ཁུར་བཞེས་པར་གྱུར་ན་བདག་གིས་དེ་དབུལ་ལོ་སྙམ་མོ། །དེ་ནས་རང་སངས་རྒྱས་དེའི་སེམས་ཀྱིས་དེའི་བསམ་པ་ཤེས་ནས་ཕ་རོལ་རྗེས་སུ་བཟུང་བའི་ཆེད་དུ་དེ་ལ་ལྷུང་བཟེད་བཟེད་དོ། །དེས་དེ་ལ་གུས་པས་སྣུམ་ཁུར་ཕུལ་ལོ། །བདག་ཉིད་ཆེན་པོ་དེ་དག་ནི་ལུས་ཀྱིས་ཆོས་སྟོན་གྱིས་ངག་གིས་མ་ཡིན་པས། དེ་སྟེང་གི་བར་སྣང་ལ་འཕགས་ཏེ། འབར་བ་དང་གསལ་བ་དང་ཆར་འབེབས་པ་དང ། གློག་འབྱིན་པའི་ཆོས་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་རྣམས་ནི་རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས། དེ་ཤིང་རྩ་བ་ནས་བཅད་པ་བཞིན་དུ་རང་སངས་རྒྱས་ཀྱི་རྐང་པ་ལ་གཏུགས་ནས་སྨོན་ལམ་གདབ་པར་བརྩམས་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་གང་ཡིན་པ་འདི་བདག་མི་གཙོ་བོ་རྣམས་ཀྱི་རྒྱལ་པོར་གྱུར་ལ།
Nga205b
འདི་ལས་ཁྱད་པར་དུ་འཕགས་པའི་སྟོན་པ་མཉེས་པར་བྱེད་ཀྱི་མི་མཉེས་པར་བྱེད་པར་མ་གྱུར་ཅིག་ཅེས་བཏབ་བོ། །དེ་ནས་མུ་ལྟོ་བ་རྣམས་ལྷགས་ནས་སྨྲས་པ། བདག་ཅག་ལ་ཡང་སྣུམ་ཁུར་སྩོལ་ཅིག་།དེས་སྨྲས་པ། ངས་དེ་བདག་ཉིད་ཆེན་པོའི་དྲང་སྲོང་དེ་ལ་ཕུལ་ལོ། །དེ་རྣམས་ཀྱིས་སྨྲས་པ། ཕུལ་ནས་ཁྱོད་ཀྱིས་སྨོན་ལམ་ཇི་སྐད་བཏབ། དེས་སྨྲས་པ། མི་གཙོ་བོ་རྣམས་ཀྱི་རྒྱལ་པོར་གྱུར་ཅིག་ཅེས་བྱས་སོ། ། དེ་རྣམས་ཀྱིས་སྨྲས་པ། བདག་ཅག་ཁོ་ན་ཁྱོད་ཀྱི་མི་གཙོ་བོ་རྣམས་སུ་གྱུར་ཅིང་དེ་རྣམས་ཀྱི་རྒྱལ་པོར་ཁྱོད་གྱུར་ཅིག་།དེས་སྨྲས་པ། ལེགས་ཀྱིས་དེ་བཞིན་དུ་གྱུར་ཅིག་།ཁྱེད་ཅག་གིས་ཅི་དྲང་སྲོང་གི་ཞབས་ལ་གཏུགས་ཏེ་སྨོན་ལམ་མི་གདབ་བམ། དེ་རྣམས་ཀྱིས་རང་སངས་རྒྱས་དེའི་རྐང་པ་ལ་གཏུགས་ཏེ་སྨོན་ལམ་བཏབ་པ། བདག་ཅག་ཁྱོད་ཀྱི་མི་གཙོ་བོ་རྣམས་སུ་གྱུར་ཅིང་དེ་རྣམས་ཀྱི་རྒྱལ་པོར་ཁྱོད་གྱུར་ཅིག་།ཅེས་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་མུ་ལྟོ་བའི་དཔོན་པོ་གང་ཡིན་པ་དེ་ནི་ཤཱཀྱའི་རྒྱལ་པོ་བཟང་ལྡན་འདི་ཉིད་ཡིན་ནོ། །མུ་ལྟོ་བ་དེ་རྣམས་ནི་ཤཱཀྱ་ལྔ་བརྒྱ་པོ་འདི་དག་ཡིན་ཏེ། འདི་དག་དང་བཟང་ལྡན་མུ་ལྟོ་བར་གྱུར་པ་ན། རང་སངས་རྒྱས་ལ་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས་ཤཱཀྱ་ལྔ་བརྒྱ་པོ་འདི་རྣམས་ཀྱི་རྒྱལ་པོར་གྱུར་ཏོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །སངས་
Nga206a
༄#། །རྒྱས་བཅོམ་ལྡན་འདས་སྒྲ་གཅན་གྱི་དྲང་སྲོང་ཀུན་རྫི་ཀའི་གནས་ན་བཞུགས་སོ། །དེའི་ཚེ་ལྷུང་བཟེད་རབ་ཏུ་མང་པོ་དང ། བཅོམ་ལྡན་འདས་ཀྱིས་ལྷུང་བཟེད་བླ་གབ་མེད་པར་བཞག་གོ་།དེ་ནས་སྤྲེའུ་ཞིག་ཤིང་སཱ་ལ་ལས་བབས་ནས་ལྷུང་བཟེད་རྣམས་གང་ན་ཡོད་པ་དེར་སོང་བ་དང ། དགེ་སློང་རྣམས་ཀྱིས་ལྷུང་བཟེད་རྣམས་བཅག་ཏུ་འོང་ཞེས་དེ་བཟློག་གོ་།དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་སྤྲེའུ་འདིས་ལྷུང་བཟེད་རྣམས་བཅག་པར་མི་འགྱུར་གྱིས་འདི་མ་བཟློག་ཅིག་།དེ་ནས་སྤྲེའུ་དེ་བཅོམ་ལྡན་འདས་ཀྱི་ལྷུང་བཟེད་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ལྷུང་བཟེད་ཁྱེར་ཏེ་ཤིང་སཱ་ལ་དེ་ལ་འཛེག་ནས། སྦྲང་བུའི་སྦྲང་རྩི་དྭངས་མས་བཀང་སྟེ། རིམ་གྱིས་དལ་བུ་དལ་བུས་ཤིང་སཱ་ལ་ལས་བབས་ནས་བཅོམ་ལྡན་འདས་ལ་ཕུལ་བ་དང ། བཅོམ་ལྡན་འདས་ཀྱིས་དེ་སྲོག་ཆགས་དང་བཅས་པ་ཡིན་པས་མ་བཞེས་སོ། །དེ་ནས་སྤྲེའུ་དེ་མཐའ་གཅིག་ཏུ་སོང་ནས་སྲོག་ཆགས་བསལ་ཏེ། བཅོམ་ལྡན་འདས་ལ་ཕུལ་བ་དང ། བཅོམ་ལྡན་འདས་ཀྱིས་དེ་བརྟགས་པ་མ་ཡིན་ནོ་ཞེས་མ་བཞེས་སོ། །དེ་ནས་སྤྲེའུ་དེ་མཐའ་གཅིག་ཏུ་སོང་སྟེ་ཆུ་གྲང་མོས་བཏབ་ནས་བཅོམ་ལྡན་འདས་ལ་ཕུལ་བ་དང ། བཅོམ་ལྡན་འདས་ཀྱིས་དེ་བརྟགས་པ་བྱས་སོ་ཞེས་བཞེས་སོ། །དེ་ནས་སྤྲེའུ་དེ་བཅོམ་ལྡན་འདས་ཀྱིས་བདག་གི་སྦྲང་རྩིའི་ལྷུང་བཟེད་བཞེས་སོ་སྙམ་དུ་རིག་ནས་དགའ་བ་དང ། མགུ་བ་དང ། དགའ་བ་རྒྱ་ཆེན་པོ་དང ། ཡིད་
Nga206b
བདེ་བ་སྐྱེས་ནས་ཐལ་མོ་ཁོང་སྟོང་དུ་སྦྱར་བ་བྱས་ཏེ། ཕྱི་ནུར་དུ་གར་བྱེད་ཅིང་ཕྱག་འཚལ་བ་ལས་དེ་བཅོམ་ལྡན་འདས་ལ་དད་པ་སྐྱེས་ནས། བཅོམ་ལྡན་འདས་ལ་རྟོག་ཅིང་རྒྱབ་ཏུ་མ་བལྟས་པས་ཁྲོན་པར་ལྷུང་ནས་ཤི་སྟེ། སྒྲ་གཅན་ཉིད་ཀྱི་བྲམ་ཟེ་ལས་དྲུག་ལ་བརྩོན་པ་ཞིག་གི་ཁྱིམ་དུ་སྐྱེས་སོ། །གང་གི་ཉི་མ་ཁོ་ན་ལ་ཉིང་མཚམས་སྦྱོར་བ་བླངས་པ་དེ་ཁོ་ནའི་ཉི་མ་ལ་སྦྲང་རྩིའི་ཆར་བབ་བོ། །དེའི་ཕས་ལྟས་མཁན་རྣམས་བཀུག་ནས་སྨྲས་པ་དང ། དེ་རྣམས་ཀྱིས་སྨྲས་པ། སེམས་ཅན་འདིའི་མཐུ་ཡིན་ནོ། །ཇི་ཙམ་ན་བྲམ་ཟེ་མོ་དེ་ཟླ་བ་བརྒྱད་དམ་དགུ་འདས་ནས་ཁྱེའུ་ཞིག་བཙས་སོ། །གང་གི་ཉི་མ་ཁོ་ན་ལ་བཙས་པ་དེ་ཁོ་ནའི་ཉི་མ་ལ་སྦྲང་རྩིའི་ཆར་བབ་བོ། །དེའི་ཉེ་དུ་རྣམས་འཚོགས་ཤིང་འདུས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་དེའི་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ། ཁྱེའུ་འདི་གང་གི་ཉི་མ་ཁོ་ན་ལ་མའི་རུམ་དུ་ཞུགས་པ་དེ་ཁོ་ནའི་ཉི་མ་ལ་སྦྲང་རྩིའི་ཆར་བབ་ལ། གང་གི་ཉི་མ་ཁོ་ན་ལ་བཙས་པ་དེ་ཁོ་ནའི་ཉི་མ་ལ་ཡང་སྦྲང་རྩིའི་ཆར་བབ་ལ་གནས་འཇོག་དང་ཡང་རུས་གཅིག་པས་དེ་ལྟ་བས་ན། ཁྱེའུ་ཡི་མིང་གནས་འཇོག་གི་བུ་སྦྲང་རྩི་ཅན་ཞེས་བྱ་བར་གདགས་སོ་ཞེས་དེའི་མིང་གནས་འཇོག་གི་བུ་སྦྲང་རྩི་ཅན་ཞེས་བྱ་བར་བཏགས་སོ། །དེ་བསྲིངས་བསྐྱེད་ནས་ཆེན་པོར་གྱུར་ཏོ། །གང་གི་ཚེ་ཆེན་པོར་གྱུར་པ་དེའི་ཚེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་སྟེ། དེ་རབ་ཏུ་བྱུང་ནས་ཀྱང་ཉི་མ་རེ་རེ་ཞིང་སྦྲང་རྩི་ལྷུང་
Nga207a
༄#། །བཟེད་གསུམ་གསུམ་གྲུབ་པར་གྱུར་ཏེ། དེས་དེ་རྣམས་ལས་གཅིག་ནི་བཅོམ་ལྡན་འདས་ལ་འབུལ་ལོ། །གཉིས་པ་ནི་དགེ་འདུན་ལའོ། །གསུམ་པ་ནི་གྲོགས་བཤེས་དང་ལྷན་ཅིག་ལོངས་སྤྱོད་པར་བྱེད་དོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཚེ་དང་ལྡན་པ་གནས་འཇོག་གི་བུ་སྦྲང་རྩི་ཅན་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་གདུགས་རེ་རེ་ཞིང་སྦྲང་རྩི་ལྷུང་བཟེད་གསུམ་གསུམ་གྲུབ་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གནས་འཇོག་གི་བུ་སྦྲང་རྩི་ཅན་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་ཁྱེད་ཀྱིས་དེ་བཞིན་གཤེགས་པ་ལ་སྦྲང་རྩིའི་ལྷུང་བཟེད་འབུལ་བའི་སྤྲེའུ་གང་ཡིན་པ་དེ་མཐོང་ངམ། བཙུན་པ་མཐོང་ལགས་སོ། །དེའི་ཚེ་དེའི་དུས་ཀྱི་སྤྲེའུ་གང་ཡིན་པ་དེ་ནི་གནས་འཇོག་གི་བུ་སྦྲང་རྩི་ཅན་འདི་ཉིད་ཡིན་ཏེ། དེ་ན་འདིས་དེ་བཞིན་གཤེགས་པ་ལ་སྦྲང་རྩིའི་ལྷུང་བཟེད་ཕུལ་བ་དེའི་ལས་ཀྱི་རྣམ་པར་སྨིན་པས་བྲམ་ཟེ་ལས་དྲུག་ལ་བརྩོན་པའི་ཁྱིམ་དུ་སྐྱེས་ཤིང ། ཉིང་མཚམས་སྦྱོར་བ་བླངས་པ་དང་བཙས་པ་ན་ཡང་སྦྲང་རྩིའི་ཆར་བབ་བོ། །འདི་ལྟར་ད་ལྟར་ཡང་ཉི་མ་རེ་རེ་ཞིང་སྦྲང་རྩི་ལྷུང་བཟེད་གསུམ་གསུམ་འགྲུབ་པར་འགྱུར་རོ། །
Nga207b
དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས། ལས་གཅིག་ཏུ་དཀར་བ་ལ་བརྩལ་བར་བྱའོ་ཞེས་བྱ་བའི་བར་གོང་མ་བཞིན་དུའོ། །དེ་ཅིའི་ཕྱིར་ཞེ་ན། གལ་ཏེ་དགེ་སློང་གནས་འཇོག་གི་བུ་སྦྲང་རྩི་ཅན་གྱིས་ཤར་གྱི་རྒྱ་མཚོ་ཆེན་པོ་ལ་སྦྲང་རྩིར་མོས་ཤིང ། ལྷོ་དང ། ནུབ་དང ། བྱང་གི་རྒྱ་མཚོ་ཆེན་པོ་དག་སྦྲང་རྩིར་མོས་ན། དེ་དག་ཀྱང་སྦྲང་རྩིར་འགྱུར་ཏེ། དགེ་སློང་དག་དེ་ལྟ་ན་ཡོན་གནས་དེ་བཞིན་གཤེགས་པ་ནི་དཔག་ཏུ་མེད་པ་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཉེ་བར་འཁོར་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་རྒྱལ་པོའི་འདྲེག་མཁན་དུ་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཉེ་བར་འཁོར་འདི་ཉིད་ཀྱིས་སྔོན་གྱི་ཚེ་རབས་གཞན་རྣམས་སུ་ལས་བྱས་ཤིང་བསགས་པ་དང ། ཚོགས་རྙེད་པ་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་རྒྱལ་པོའི་འདྲེག་མཁན་ཞིག་ཡོད་པའི་དྲུང་དུ་རང་སངས་རྒྱས་ཤིག་སོང་ནས། བཞིན་བཟང་ངའི་སྐྲ་བྲེགས་ཤིག་དང ། ཁྱོད་ལ་བསོད་ནམས་སུ་འགྱུར་རོ། །དེ་ཡང་རྒྱལ་པོའི་ཕོ་བྲང་དུ་ཆས་པས་དེས་ཚ་བོ་ལ་སྨྲས་པ། ཚ་བོ་རབ་ཏུ་བྱུང་བ་འདིའི་དབུ་རེགས་ཤིག་།ཁོ་བོ་རྒྱལ་པོའི་ཁབ་ཏུ་འགྲོ་དགོས་ཀྱིས། ཇི་ལྟར་རྒྱལ་པོ་ལ་བྱ་བ་དེ་བཞིན་དུ་རེགས་ཤིག་།དེས་བསམས་པ་ཞང་
Nga208a
༄#། །པོ་ཇི་སྐད་སྨྲས་པ་ལས་གདོན་མི་ཟ་བར་འདི་ལ་བསོད་ནམས་ཡོད་དོ་སྙམ་ནས་དེས་གུས་པར་བྱས་ཏེ་དེའི་སྐྲ་དང་ཁ་སྤུ་བྲེགས་སོ། །རང་སངས་རྒྱས་ཀྱིས་བསམས་པ་སེམས་ཅན་འདིས་བསོད་ནམས་མང་དུ་བསྐྱེད་ཀྱིས་འདི་དགེ་བ་བསྐྱེད་པར་བྱའོ་སྙམ་དུ་བསམས་ནས། དེ་ལ་རྗེས་སུ་སྙིང་བརྩེ་བའི་ཕྱིར་སྟེང་གི་བར་སྣང་ལ་འཕགས་ཏེ། འབར་བ་དང་གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས། དེ་ཤིང་རྩ་བ་ནས་བཅད་པ་བཞིན་དུ་རྐང་པ་གཉིས་ལ་གཏུགས་ཏེ་སྨོན་ལམ་གདབ་པར་བརྩམས་པ། དགེ་བའི་རྩི་བ་འདིས་ཇི་ལྟར་བདག་གི་ཞང་པོ་རྒྱལ་པོའི་འདྲེག་མཁན་བྱེད་པ་དེ་བཞིན་དུ་བདག་ཀྱང་རྒྱལ་པོའི་འདྲེག་མཁན་དུ་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས་རྒྱལ་པོའི་འདྲེག་མཁན་གྱི་ཚ་བོ་གང་ཡིན་པ་དེ་ནི་དགེ་སློང་ཉེ་བར་འཁོར་འདི་ཉིད་ཡིན་ཏེ། དེ་ན་འདིས་རང་སངས་རྒྱས་ཀྱི་སྐྲ་དང་ཁ་སྤུ་བྲེགས་ནས་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས་རྒྱལ་པོའི་འདྲེག་མཁན་དུ་གྱུར་ཏོ། །གཞན་ཡང་འདིས་སྨོན་ལམ་བཏབ་པ་གང་ཡིན་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་ཞིག་ན་ཁྱིམ་བདག་གཅིག་གནས་ཏེ། དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད་དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད་དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་སོ། །ཡང་དེ་རྩེ་བར་བྱེད།
Nga208b
དགའ་བར་བྱེད་དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་སོ་ཞེས་བྱ་བ་ནས་རིམ་གྱིས་ཁྱེའུ་བདུན་བཙས་སོ་ཞེས་བྱ་བའི་བར་དུའོ། །དེའི་ནེའུ་ཟླ་རྒྱལ་པོའི་འདྲེག་མཁན་ཞིག་ཡོད་པ་དེ་བུ་མེད་པས་ལག་པ་ལ་འགྲམ་པ་གཏད་དེ། བདག་ལ་བུ་ཕོ་ཡང་མེད། བུ་མོ་ཡང་མེད་པས་བདག་ཤིན་བདོག་པ་ཐམས་ཅད་བུ་མེད་དོ། །ཞེས་རྒྱལ་པོས་མངའ་མཛད་པར་འགྱུར་རོ་སྙམ་དུ་སེམས་ཁོང་དུ་ཆུད་ཅིང་འདུག་པ་དེ་ཁྱིམ་བདག་དེས་མཐོང་ནས་སྨྲས་པ། ནེའུ་ཟླ་ཅིའི་ཕྱིར་སེམས་ཁོང་དུ་ཆུད། དེས་སྨྲས་པ་ནེའུ་ཟླ་ཁོ་བོ་ལ་ནོར་གྱི་རིགས་འདི་སྙེད་ཅིག་ཡོད་ན། བུ་ཕོ་ཡང་མེད་བུ་མོ་ཡང་མེད་པས་ཁོ་བོ་ཤི་ནས་འདི་དག་ཐམས་ཅད་རྒྱལ་པོའི་མངའ་མཛད་པར་འགྱུར་ན། ཅིའི་ཕྱིར་སེམས་ཁོང་དུ་ཆུད་པར་མི་འགྱུར། དེས་སྨྲས་པ། གལ་ཏེ་དེ་ལྟ་ན་ཁོ་བོའི་བུ་འདི་དག་ཐམས་ཅད་ཀྱི་ནུ་བོ་ཤོས་དེ་ཁོ་བོས་ཁྱོད་ལ་སྦྱིན་ནོ། ། དེས་དེ་བླངས་སོ། །ཇི་ཙམ་ན་ཁྱིམ་བདག་དེ་ཤི་བ་དང ། དེའི་བུ་དེ་རྣམས་གང་གི་ཚེ་ཁ་ཅིག་དང་ལྷན་ཅིག་འཐབ་མོ་འགྱེད་པ་དེའི་ཚེ། དེས་གང་དག་གི་སྤུ་འདྲེག་མཁན་ཡིན་པ་ཁྱེད་ཀྱང་འཐབ་མོ་རྒོལ་ལམ་ཞེས་ཁ་ཟེར་བར་བྱེད་དོ། །དེ་རྣམས་ཡིད་མི་བདེ་བ་སྐྱེས་ནས་བསམས་པ། བདག་ཅག་བརྙས་པ་ཅི་ཡང་རུང་བ་གང་ཡིན་པ་དེ་ཐམས་ཅད་ནི་ནུ་བོ་འདིའི་སྐྱོན་ལས་གྱུར་གྱིས། ཐམས་ཅད་དུ་དབྲོག་གོ་སྙམ་ནས། དེ་རྣམས་ཀྱིས་དེ་འཕྲོགས་པ་དང ། འདྲེག་མཁན་ཁྲོས་ན་དེས་འདྲེག་མཁན་ཐམས་ཅད་ལ་ཁྲིམས་སུ་བཅས་པ། ཁྱིམ་བདག་ག་གེ་མོ་ཞེས་བྱ་བའི་བུ་རྣམས་ཀྱི་ཁ་སྤུ་བཅོས་པའི་ལས་སུས་ཀྱང་མི་བྱའོ་
Nga209a
༄#། །ཞེས་བཅས་སོ། །དེ་རྣམས་སྐྲ་དང་ཁ་སྤུ་དང་སེན་མོ་རིང་པོར་སྐྱེས་པ་དེ་རྣམས་རྒྱལ་པོས་མཐོང་ནས་སྨྲས་པ། ཤེས་ལྡན་དག་ཁྱེད་ཅག་ཅིའི་ཕྱིར་སྐྲ་དང་ཁ་སྤུ་དང་སེན་མོ་རིང་པོར་འདུག་།དེ་རྣམས་ཀྱིས་སྨྲས་པ། ལྷ་འདྲེག་མཁན་འདིས་འདྲེག་མཁན་ཐམས་ཅད་ལ་དེ་རྣམས་ཀྱི་ཁ་སྤུ་བཅོས་པའི་ལས་སུ་ཡང་མ་བགྱིད་ཅེས་བཀག་ལགས་སོ། །ཅིའི་ཕྱིར་དེ་རྣམས་ཀྱིས་ཇི་ལྟར་གྱུར་པ་སྨྲས་པ་དང ། རྒྱལ་པོས་སྨྲས་པ། ཕས་བུ་བྱིན་ན་ཁྱེད་ཅག་གི་ཅིའི་ཕྱིར་དབྲོག་།དེ་ལ་སླར་བྱིན་ཅིག་།དེ་རྣམས་ཀྱིས་མི་འདོད་བཞིན་དུ་སླར་བཏང་ངོ ། །དེ་རྣམས་ཡིད་མི་བདེ་བ་སྐྱེས་ཏེ་འཇིག་རྟེན་གྱི་སྨད་པས་འཇིགས་ནས་དེ་གསད་པར་འདོད་དོ། །འཇིག་རྟེན་ལ་ནི་མཛའ་བ་དང་མི་མཛའ་བ་དང་བར་མ་ཡོད་པས། དེ་ལ་གཞན་དག་གིས་སྦྲན་པ་དང ། དེས་འདྲེག་མཁན་དེ་ལ་སྨྲས་པ། དེ་རྣམས་བདག་ལ་གསོད་པར་འཚལ་གྱིས་གནང་བར་མཛོད་ཅིག་དང་རབ་ཏུ་འབྱུང་ངོ ། །དེས་བསམས་པ། དེ་རྣམས་ཀྱིས་སྲོག་དང་ཕྲལ་བ་བས་ནི། རབ་ཏུ་བྱུང་བ་བླའོ་སྙམ་དུ་བསམས་ནས་སྨྲས་པ། བུ་གལ་ཏེ་དེ་ལྟར་ན་སོང་ལ་རབ་ཏུ་བྱུང་ཞིག་།གང་གིས་ཚེ་ཡོན་ཏན་གྱི་ཚོགས་ཅུང་ཟད་ཐོབ་པ་དེའི་ཚེ་བདག་ལ་སྨྲོས་ཤིག་།དེ་གནང་བ་ཐོབ་ནས་དྲང་སྲོང་རྣམས་ཀྱི་ནང་དུ་རབ་ཏུ་བྱུང་སྟེ། དེས་མཁན་པོ་མེད་པ་དང ། སློབ་དཔོན་མེད་པར་རང་བྱང་ཆུབ་མངོན་སུམ་དུ་བྱས་སོ། །དེས་བསམས་པ། བདག་གི་ཕ་དེ་ལ་སྔོན་ཁས་བླངས་པའི་དམ་བཅས་པ་དེ་སྟོན་དུ་འགྲོའོ་སྙམ་ནས། དེ་དེའི་དྲུང་དུ་སོང་སྟེ། འབར་བ་དང་
Nga209b
གསལ་བ་དང་ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས། དེ་ཤིང་རྩ་བ་ནས་བཅད་པ་བཞིན་དུ་རྐང་པ་གཉིས་ལ་གཏུགས་ནས་སྨོན་ལམ་གདབ་པར་བརྩམས་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པ་གང་ཡིན་པའི་དགེ་བའི་རྩ་བ་འདིས་བདག་རྒྱལ་པོའི་འདྲེག་མཁན་དུ་གྱུར་ཅིག་།གཞན་ཡང་འདིས་རང་སངས་རྒྱས་ལྔ་བརྒྱ་ལ་བྱ་བ་བྱས་ནས་སྨོན་ལམ་བཏབ་པ། དགེ་བའི་རྩ་བ་འདིས་བདག་རྒྱལ་པོའི་འདྲེག་མཁན་དུ་གྱུར་ཅིག་།གཞན་ཡང་ཡང་དག་པར་རྫོགས་པའི་སངས་རྒྱས་བཞི་ལ་བྱ་བ་བྱས་ནས་སྨོན་ལམ་བཏབ་པ། དགེ་བའི་རྩ་བ་འདིས་བདག་རྒྱལ་པོའི་འདྲེག་མཁན་དུ་གྱུར་ཅིག་ཅེས་བཏབ་པའི་ལས་དེའི་རྣམ་པར་སྨིན་པས་ལན་མང་དུ་རྒྱལ་པོའི་འདྲེག་མཁན་དུ་གྱུར་ཏོ། །ཡང་དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཉེ་བར་འཁོར་གྱིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་འདུལ་བ་འཛིན་པ་རྣམས་ཀྱི་མཆོག་ཏུ་བསྟན་ལགས། བཅོམ་ལྡན་འདས་ཀྱིས་བཀའ་སྩལ་པ། སྨོན་ལམ་བཏབ་པ་ཉིད་ཀྱིས་སོ། །གང་དུ་སྨོན་ལམ་བཏབ་ལགས། །དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན་ཡང་དག་པར་རྫོགས་པའི་སངས་རྒྱས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ་ཞེས་བྱ་བ་ནས། དེ་གྲོང་ཁྱེར་ཝཱ་ར་ཎཱ་སིར་ཉེ་བར་བརྟེན་ཏེ། དྲང་སྲོང་སྨྲ་བ་
Nga210a
༄#། །རི་དྭགས་ཀྱི་ནགས་ན་བཞུགས་སོ་ཞེས་བྱ་བའི་བར་གོང་མ་བཞིན་དུ་སྟེ། དེའི་བསྟན་པ་ལ་འདི་རབ་ཏུ་བྱུང་བར་གྱུར་ཏེ། རབ་ཏུ་འབྱིན་པའི་དགེ་སློང་གང་ཡིན་པ་དེ་ཡང་ཡང་དག་པར་རྫོགས་པའི་སངས་རྒྱས་འོད་སྲུང་གིས་འདུལ་བ་འཛིན་པ་རྣམས་ཀྱི་མཆོག་ཏུ་བསྟན་ཏོ། །དེ་ལ་འདིས་ཚེ་ཇི་སྲིད་པར་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་འགའ་ཡང་མ་ཐོབ་ནས། དེ་ན་འདི་འཆི་བའི་དུས་ལ་བབ་པ་ན་སྨོན་ལམ་བཏབ་པ། བདག་གིས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་ལ་ཚེ་ཇི་སྲིད་བར་ཚངས་པར་སྤྱོད་པ་སྤྱད་ན། ཡོན་ཏན་གྱི་ཚོགས་འགའ་ཡང་མ་ཐོབ་ཀྱིས་དགེ་བའི་རྩ་བ་གང་ཡིན་པ་འདིས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་གང་ཡིན་པ་དེ་ལ་བྲམ་ཟེའི་ཁྱེའུ་ཁྱོད་སྐྱེ་དགུ་རྣམས་ཀྱི་ཚེ་ལོ་བརྒྱ་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པར་གྱུར་པ་དེའི་བསྟན་པ་ལ་བདག་རབ་ཏུ་རབ་ཏུ་བྱུང་ཞིང་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་མངོན་སུམ་དུ་བྱས་ནས། ཇི་ལྟར་བདག་གི་མཁན་པོ་ཡང་དག་པར་རྫོགས་པའི་སངས་རྒྱས་འོད་སྲུང་གིས་འདུལ་བ་འཛིན་པ་རྣམས་ཀྱི་མཆོག་ཏུ་བསྟན་པ་དེ་བཞིན་དུ་བདག་ཀྱང་བཅོམ་ལྡན་འདས་ཤཱཀྱ་ཐུབ་པ་དེས་འདུལ་བ་འཛིན་པ་རྣམས་ཀྱི་མཆོག་ཏུ་བསྟན་པར་གྱུར་ཅིག་ཅེས་བཏབ་པ་དེའི་སྨོན་ལམ་གྱི་དབང་གིས་ད་ལྟར་དེ་བཞིན་གཤེགས་པས་འདུལ་བ་
Nga210b
འཛིན་པ་རྣམས་ཀྱི་མཆོག་ཏུ་བསྟན་ཏོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས་བརྩལ་བར་བྱ་སྟེ། དགེ་སློང་དག་དེ་ལྟ་བུ་ལ་ཁྱེད་ཀྱིས་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །གང་གི་ཚེ་བཅོམ་ལྡན་འདས་ཀྱིས་བདུད་འབྱུང་པོ་འཁོར་དང་བཅས་པ་བྱེ་བ་ཕྲག་སུམ་ཅུ་རྩ་དྲུག་བཅོམ་ནས། བླ་ན་མེད་པའི་ཡེ་ཤེས་བརྙེས་པ་དེའི་ཚེ་བདུད་ཀྱི་རིས་ཀྱི་ལྷ་རྣམས་ཀྱིས་གྲོང་ཁྱེར་སེར་སྐྱའི་གཞིར་རྒྱལ་པོ་བཙུན་མོ་དང་བློན་པོ་དང ། གྲོང་མི་དང་ཡུལ་མི་དང་བཅས་པ་ལ་དགེ་སྦྱོང་གོའུ་ཏ་མ་ནི་དེ་རིང་ཤིའོ་ཞེས་བསྒྲགས་སོ། །དེ་ནས་རྒྱལ་པོ་ཟས་གཙང་བཙུན་མོ་དང་གཞོན་ནུ་དང ། བློན་པོ་དང ། གྲོང་མི་དང ། ཡུལ་མི་དང་བཅས་པས་མྱ་ངན་བྱ་བར་བརྩམས་པ་དང ། ལྷ་རྣམས་ཀྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས། གནས་གཙང་མའི་རིས་ཀྱི་ལྷ་རྣམས་ཀྱིས་སྨྲས་པ། བཅོམ་ལྡན་འདས་མ་ནོངས་ཏེ། འདི་ལྟར་བཅོམ་ལྡན་འདས་ཀྱིས་བླ་ན་མེད་པའི་ཡེ་ཤེས་བརྙེས་སོ། །དེ་ནས་རྒྱལ་པོ་ཟས་གཙང་གིས་ཀུན་དགའ་བ་བྱ་སྟེ་ཀུན་དགའ་བར་གྱུར་པ་དེའི་ཚེ་བདུད་རྩི་ཟས་ཀྱི་ཁྱེའུ་ཞིག་བཙས་ཏེ། དེའི་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །ཉེ་དུ་དག་གིས་སྨྲས་པ། ཁྱེའུ་འདི་ཀུན་དགའ་བར་གྱུར་བ་ན་བཙས་པས། ཁྱེའུ་ཡི་མིང་ཀུན་དགའ་བོ་ཞེས་གདགས་སོ་ཞེས་དེའི་མིང་ཀུན་དགའ་བོ་ཞེས་བྱ་བར་བཏགས་སོ། །ཁྱེའུ་ཀུན་དགའ་བོ་མ་མ་བརྒྱད་པོ་པང་ན་འཚོ་བའི་མ་མ་གཉིས་དང །
Nga211a
༄#། །ནུ་མ་བསྣུན་པའི་མ་མ་གཉིས་དང ། དྲི་མ་ཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དེ། དེ་མ་མའི་པང་དུ་འཚོ་བ་ན་མཚན་མཁན་རྣམས་ཀྱིས་ཁྱེའུ་འདིས་ནི་བཅོམ་ལྡན་འདས་ཤཱཀྱ་ཐུབ་པའི་རིམ་གྲོ་བྱེད་པར་འགྱུར་རོ་ཞེས་ལུང་བསྟན་ཏོ། །བདུད་རྩི་ཟས་ཀྱི་ཁྱེའུ་མཚན་མཁན་རྣམས་ཀྱིས་ལུང་བསྟན་ཏོ་ཞེས་ཐོས་ནས་དེས་བསམས་པ། གལ་ཏེ་དེ་ལྟ་ན་བཅོམ་ལྡན་འདས་ཀྱིས་རབ་ཏུ་ཕྱུང་དུ་འོང་ངོ་ཞེས་སྤྱན་སྔར་མི་འབབ་པར་བྱའོ་སྙམ་ན། གང་གི་ཚེ་བཅོམ་ལྡན་འདས་སེར་སྐྱའི་གཞིར་གཤེགས་པ་དེའི་ཚེ། དེ་ཡངས་པ་ཅན་དུ་སྐྱེལ་ལོ། །གང་གི་ཚེ་བཅོམ་ལྡན་འདས་ཡངས་པ་ཅན་དུ་གཤེགས་པ་དེའི་ཚེ། སླར་ཡང་སེར་སྐྱའི་གཞིར་ཁྱེར་རོ། །སངས་རྒྱས་བཅོམ་ལྡན་འདས་རྣམས་ནི་དེ་ལྟ་བུ་མི་མཁྱེན་པའམ། མི་གཟིགས་པའམ། ཐུགས་སུ་མ་ཆུད་པའམ། རྣམ་པར་མི་རིག་པ་ཅུང་ཟད་ཀྱང་མི་མངའོ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། སྲུང་བ་གཅིག་པུ་པ། ཉག་གཅིག་དཔའ་བ་ཟླ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་རྒལ་བ་རྫུ་འཕྲུལ་གྱི་རྐང་པ་བཞིའི་ཞབས་ལེགས་པར་གནས་པ། བསྡུ་པའི་དངོས་པོ་བཞི་ལ་ཡུན་རིང་པོ་ནས་གོམས་པ། ཡན་ལག་ལྔ་སྤངས་པ། འགྲོ་བ་ལྔ་ལས་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་
Nga211b
ཕྱིན་པ་དྲུག་ཡོངས་སུ་རྫོགས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་གྱི་ཡན་ལག་བརྒྱད་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་རྒྱས་པ། བརྒྱ་ཕྲག་བཅུ་ལ་དབང་བསྒྱུར་ལས་ཁྱད་པར་དུ་འཕགས་པ་རྣམས་ནི་ཉིན་ལན་གསུམ་མཚན་ལན་གསུམ་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་ནས། གང་ནི་ཉམས་པར་གྱུར། གང་ནི་འཕེལ་བར་གྱུར། གང་ནི་གནོད་པར་གྱུར། གང་ནི་ཉམ་ང་བར་གྱུར། གང་ནི་མི་བདེ་བར་གྱུར། གང་ནི་གནོད་པ་དང་ཉམ་ང་བ་དང་མི་བདེ་བར་གྱུར། གང་ནི་ངན་སོང་ལ་གཞོལ། གང་ནི་ངན་སོང་ལ་འབབ། གང་ནི་ངན་སོང་ལ་བབ། ངས་གང་ནི་ངན་སོང་ལས་བསླང་སྟེ་མཐོ་རིས་དང་ཐར་པ་ལ་གཞག་པར་བྱ། གང་གི་དགེ་བའི་རྩ་བ་མ་སྐྱེད་པ་དག་ནི་བསྐྱེད་པར་བྱ་གང་གིས་བསྐྱེད་པ་དག་ནི་ཡོངས་སུ་སྨིན་པར་བྱ། །གང་གི་སྨིན་པ་ནི་གྲོལ་བར་བྱ་ཞེས་མཁྱེན་པས་གཟིགས་པ་འཇུག་ཏོ་།ཡང་སྨྲས་པ། ཆུ་སྲིན་གནས་ཀྱི་དུག་ཅན་པ། །དུས་ལས་འདའ་བར་འགྱུར་སྲིད་ཀྱི། །སངས་རྒྱས་གདུལ་ལ་བྱམས་པ་ནི། །དུས་ལས་འདའ་བར་མི་འགྱུར་རོ། །བཅོམ་ལྡན་འདས་ཀྱིས་དགོངས་པ། གཞོན་ནུ་ཀུན་དགའ་བོ་ནི་སྲིད་པ་ཐ་མ་པ་ཡིན་པས། དེའི་ངའི་བསྟན་པ་ལ་རབ་ཏུ་འབྱུང་སྟེ་རབ་ཏུ་བྱུང་ནས་ངའི་རིམ་གྲོ་བྱེད་ཅིང་གསུང་རབ་འཛིན་པ་དང ། ང་ཡོངས་སུ་མྱ་ངན་ལས་འདས་ནས་བདུད་རྩི་ཐོབ་པར་འགྱུར་གྱིས། མ་ལ་ངས་གཞོན་ནུ་ཀུན་དགའ་བོ་བསྟན་པ་ལ་གཞུག་པར་བྱའོ་སྙམ་ནས་མ་ཚོར་བ་ཁོ་ནར་གྲོང་
Nga212a
༄#། །ཁྱེར་སེར་སྐྱའི་གཞིར་བྱོན་ནས་བདུད་རྩི་ཟས་ཀྱི་གནས་ཁང་དུ་གཤེགས་ཏེ། གདན་བཤམས་པ་ཉིད་ལ་བཞུགས་སོ། །བདུད་རྩི་ཟས་ཀྱིས་གཞོན་ནུ་ཀུན་དགའ་བོ་ཁང་ཕྲན་གཞན་ཞིག་གི་ནང་དུ་བཅུག་སྟེ་བཞག་གོ་།བཅོམ་ལྡན་འདས་ཀྱིས་གང་གིས་ན་སྒོ་རང་འབྱེ་བར་འགྱུར་བར་དེ་ལྟར་བྱིན་གྱིས་བརླབས་ནས་ཐོག་མ་ཁོ་ནར་བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་བྱས་ཏེ། བསིལ་ཡབ་བླངས་ནས་བཅོམ་ལྡན་འདས་ཀྱི་སྣམ་ལོགས་ན་བཅོམ་ལྡན་འདས་ལ་གཡོབ་ཅིང་འདུག་གོ་།དེ་ནས་བདུད་རྩི་ཟས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་པ་དང ། བཅོམ་ལྡན་འདས་ཀྱིས་བདུད་རྩི་ཟས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དོ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག ། ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་བཞུད་དོ། །རྒྱུའི་སྟོབས་ཆེ་ཡང་རྐྱེན་གྱི་སྟོབས་ལ་ལྟོས་དགོས་པས། སྲིད་པ་ཐ་མ་པའི་སེམས་ཅན་ཀུན་དགའ་བོ་བཅོམ་ལྡན་འདས་ཀྱི་རྗེས་བཞིན་རྗེས་བཞིན་འབྲང་བ་ན། བདུད་རྩིའི་ཟས་ཆུང་མའི་འཁོར་དང་བཅས་པས་བཟློག་པར་མ་ནུས་པ་དང ། བཅོམ་ལྡན་འདས་ཀྱིས་བཀའ་སྩལ་པ། འདི་
Nga212b
ནི་སྲིད་པ་ཐ་མ་པའི་སེམས་ཅན་ཡིན་པས་ཁྱེད་ཀྱིས་བཟློག་པར་མི་ནུས་ཀྱིས་མ་བཟློག་ཅིག་།བདུད་རྩི་ཟས་ཀྱིས་གསོལ་པ། བཅོམ་ལྡན་འདས་གལ་ཏེ་དེ་ལྟར་གྱུར་ན། འདི་ལ་རིམ་པ་བཞིན་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་དུ་བྱོས་ཤིག་།དེ་ནས་བདུད་རྩི་ཟས་ཀྱིས་དགེ་སྦྱོང་དང ། བྲམ་ཟེ་དང ། བཀྲེན་པ་དང ། ཕོངས་པ་དང ། འགྲོ་བར་ཆས་པའི་སློང་བ་པོ་རྣམས་ཀྱིས་ཕྱིར་སྦྱིན་པ་དག་གཏོང་དུ་བཅུག་།བསོད་ནམས་དག་བྱེད་དུ་བཅུག་།རང་གི་སྐྱེ་བོ་དང་གཉེན་གྱི་ཚོགས་རྣམས་ལ་ཡང་གཟོད་པ་གསོལ་དུ་བཅུག་ནས། རྒྱན་ཐམས་ཅད་ཀྱིས་བརྒྱན་ཏེ། གླང་པོ་ཆེ་ལ་ཞོན་ནས་སྐྱེ་བོ་དུ་མས་ཡོངས་སུ་བསྐོར་ཏེ། ནྱ་གྲོ་དྷའི་ཀུན་དགའ་ར་བ་ལོགས་སུ་ཕྱོགས་ཏེ། བཅོམ་ལྡན་འདས་ཀྱི་སྤྱན་སྔར་བཏང་ངོ ། །དེ་ཡང་སྲང་གི་དབུས་ནས་འགྲོ་བ་ན་གླང་པོ་ཆེས་ཨུཏྤ་ལའི་ཆུན་པོ་ཞིག་ཟོས་སོ། །མཚན་མཁན་རྣམས་ཀྱིས་མཐོང་ནས་དེ་རྣམས་ཀྱིས་སྨྲས་པ། གཞོན་ནུ་འདི་ནི་ཐོས་པ་འཛིན་པ་རྣམས་ཀྱི་མཆོག་ཏུ་འགྱུར་རོ། །དེ་ཇི་ཙམ་བཞོན་པའི་སའི་བར་དུ་བཞོན་པས་སོང་ནས་བཞོན་པ་ལས་བབས་ཏེ། རྐང་པ་ཁོ་ནས་ནྱ་གྲོ་དྷའི་ཀུན་དགའ་ར་བར་ཞུགས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།བཅོམ་ལྡན་འདས་ཀྱིས་འོད་སྲུང་གཞོན་ནུ་རབ་ཏུ་ཕྱུང་ཤིག་ཅེས་འོད་སྲུང་སྟོབས་བཅུ་ལྡན་ལ་གཏད་ནས། དེས་དེ་རབ་ཏུ་ཕྱུང་བསྙེན་པར་རྫོགས་པར་བྱས་སོ། །དེ་ནས་བཅོམ་ལྡན་འདས་སེར་སྐྱའི་གཞིར་ཇི་ཙམ་བཞེད་ཀྱི་
Nga213a
༄#། །བར་དུ་བཞུགས་ནས་རྒྱལ་པོའི་ཁབ་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང ། རྒྱལ་པོའི་ཁབ་ཏུ་བྱོན་ནས། རྒྱལ་པོའི་ཁབ་འོད་མའི་ཚལ་བྱ་ཀ་ལན་ཀ་གནས་པ་ན་བཞུགས་སོ། །ཚེ་དང་ལྡན་པ་ཀུན་དགའ་བོའི་སྤྱི་བོར་ཕོལ་མིག་བྱུང་ནས། བཅོམ་ལྡན་འདས་ཀྱིས་འཚོ་བྱེད་ལ་བཀའ་སྩལ་པ། དགེ་སློང་ཀུན་དགའ་བོ་ལ་དཔྱད་བྱོས་ཤིག་།བཙུན་པ་བཀའ་བཞིན་འཚལ་ཞེས་འཚོ་བྱེད་གཞོན་ནུས་བསྐྱེད་ཀྱིས་བཅོམ་ལྡན་འདས་ལས་མཉན་ཏོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་ནས་ཆོས་འཆད་དོ། །ཚེ་དང་ལྡན་པ་ཀུན་དགའ་བོ་ཡང་ཆོས་མཉན་པའི་ཕྱིར་དེ་ཉིད་ན་འདུག་གོ་།འཚོ་བྱེད་གཞོན་ནུས་བསྐྱེད་ཀྱིས་བསམས་པ། འདི་ཆོས་ལ་དད་པ་བདེ་བར་གྱུར་པས་མི་ཚོར་གྱིས། དཔྱད་བྱ་བའི་དུས་ལ་བབ་བོ་སྙམ་ནས་དེས་དེའི་ཕོལ་མིག་སྨིན་པར་འགྱུར་བ་དག་བསྐུས་ནས་དེ་ཉིད་དུ་བྲལ་ཏེ་དེ་ཉིད་དུ་སོས་བར་བྱས་སོ། །དེ་ན་ཆོས་བཤད་པ་རྫོགས་ནས་འཚོ་བྱེད་ཀྱིས་གསོལ་པ། བཅོམ་ལྡན་འདས་བདག་གིས་འཕགས་པ་ཀུན་དགའ་བོ་འདི་ཉིད་ན་མཆིས་བཞིན་དུ་ཕོལ་མིག་སྨིན་པར་བགྱིས་ཏེ་བརྟོལ་ནས་སོས་པར་བགྱིས་ལགས་སོ། །ཚེ་དང་ལྡན་པ་ཀུན་དགའ་བོས་སྨྲས་པ། གལ་ཏེ་བདག་གི་ལུས་ཏིལ་འབྲུ་ཙམ་དུ་བཏུབས་པར་གྱུར་ཀྱང་བདག་གིས་མི་ཚོར་ལགས་སོ། །བཅོམ་ལྡན་འདས་ཀྱི་ཆོས་ལས་བྱུང་བའི་དད་པས་བསམ་པ་བསྡུས་པ་ལ་འཚོ་བྱེད་མཆོག་ཏུ་ཡ་མཚན་སྐྱེས་སོ། །དགེ་སློང་རྣམས་ཐེ་ཚོམ་སྐྱེས་
Nga213b
ནས་ཐེ་ཚོམ་ཐམས་ཅད་གཅོད་པས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན། དེས་ན་སྤྱི་བོར་ཕོལ་མིག་བྱུང་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཀུན་དགའ་བོ་འདི་ཉིད་ཀྱིས་ལས་བྱས་ཤིང་བསགས་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་ཡུལ་མཐའ་འཁོབ་ཅིག་ན་རྒྱལ་པོ་ཀི་ར་ཏ་ཞེས་བྱ་བ་གནས་སོ། །སངས་རྒྱས་རྣམས་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་པ་དང་ངན་པ་ལ་སྙིང་བརྩེ་བ་ཅན་པས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་པ་དག་འབྱུང་བར་འགྱུར་བས། དེ་ནས་རང་སངས་རྒྱས་ཞིག་དེ་དང་དེར་རྒྱུ་བ་ན། ཀི་ར་ཏའི་གྲོང་ཁྱེར་དུ་ཕྱིན་ནས། དེ་དེར་བསོད་སྙོམས་ཀྱིས་ཕྱིར་ཀི་ར་ཏའི་རྒྱལ་པོའི་ཁྱིམ་དུ་ཞུགས་པ་དང ། དེ་དེ་ལ་མི་བཟོད་པ་སྐྱེས་ཏེ། སེམས་གདུག་པས་འཇིམ་རིལ་གྱི་ངན་ཀོང་གིས་རྒྱབ་ཏུ་བསྣུན་པ་ལས། བདག་ཉིད་ཆེན་པོ་དེ་དྲེགས་པ་དང ། ང་རྒྱལ་བཅོམ་པ་ཡིན་པས། དེ་སྣོད་དུ་མ་གྱུར་པར་ཤེས་ནས་སོང་ངོ ། །དགེ་སློང་དག་ཇི་སྙམ་དུ་སེམས། ཀི་ར་ཏའི་རྒྱལ་པོ་གང་ཡིན་པ་དེ་ནི་དགེ་སློང་ཀུན་དགའ་བོ་དེ་ཉིད་ཡིན་ཏེ། གང་འདིར་རང་སངས་རྒྱས་ལ་མི་བཟོད་པ་བསྐྱེད་དེ་སེམས་གདུག་པས་འཇིམ་རིལ་གྱི་ངན་ཀོང་གིས་རྒྱབ་ཏུ་བསྣུན་པ་དེའི་ལས་ཀྱི་རྣམ་པར་སྨིན་པས། ཚེ་རབས་ལྔ་བརྒྱར་གང་དང་གང་དུ་སྐྱེ་བ་དེ་དང་དེར་སྤྱི་བོར་ཕོལ་མིག་བྱུང་བར་གྱུར་ཏོ། །འདི་ལྟར་ད་ལྟར་འདིའི་སྲིད་པ་ཐ་མ་ལ་
Nga214a
༄#། །ཡང་སྤྱི་བོར་ཕོལ་མིག་བྱུང་ངོ ། །གང་གི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་དང་ཐབས་ཅིག་འགྲོ་བ་དེའི་ཚེ། དེ་བཅོམ་ལྡན་འདས་ལ་ལྷག་པར་དད་པ་དང་གུས་པ་དང་ཁྲེལ་ཡོད་པ་དང་ངོ་ཚ་ཤེས་པ་དང་འཛེམ་པ་ཉིད་ཀྱིས་ཉེ་བར་གནས་སོ། །གང་གི་ཚེ་སྤྲུལ་པ་ཡིན་ན་ནི་དད་པ་དང་གུས་པ་དང་ངོ་ཚ་ཤེས་པ་དང ། ཁྲེལ་ཡོད་པ་དང་འཛེམ་པ་དེ་འདྲ་བ་དག་གིས་མི་གནས་སོ། །ཇི་ཙམ་ན་ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་རང་གི་ཁྱིམ་དུ་གདུགས་ཚོད་ལ་སྤྱན་དྲངས་པ་དང ། བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས། ལྷུང་བཟེད་དང་ཆོས་གོས་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱི་མདུན་གྱིས་བལྟས་ནས། ཁྱིམ་བདག་དེའི་ཁྱིམ་དུ་གཤེགས་ཏེ། གདུགས་ཚོད་གསོལ་ནས་སླར་གཤེགས་སོ། །དགེ་སློང་རྣམས་ཀྱི་ཚེ་དང་ལྡན་པ་ཀུན་དགའ་བོ་ལ་དྲིས་པ། ཚེ་དང་ལྡན་པ་ཀུན་དགའ་བོ་ཅི་དེ་རིང་ཁྱོད་བཅོམ་ལྡན་འདས་དང་ཐབས་ཅིག་སོང་ངམ། འོན་ཏེ་སྤྲུལ་པ་དང ། དེས་སྨྲས་པ། བཅོམ་ལྡན་འདས་དང་ཐབས་ཅིག་སོང་གི་།སངས་རྒྱས་ཀྱི་སྤྲུལ་པ་དང་ནི་མ་ཡིན་ནོ། །ཅི་མངོན། གང་གི་ཚེ་ཁོ་བོ་བཅོམ་ལྡན་འདས་དང་ཐབས་ཅིག་འགྲོ་བ་དེའི་ཚེ། བདག་བཅོམ་ལྡན་འདས་ལ་ལྷག་པར་དད་པ་དང་གུས་པ་དང ། ངོ་ཚ་ཤེས་པ་དང ། ཁྲེལ་ཡོད་པ་དང ། འཛེམ་པས་ཉེ་བར་གནས་པ་ཡིན་ནོ། །གང་གི་ཚེ་སངས་རྒྱས་ཀྱི་སྤྲུལ་པ་ཡིན་པ་དེའི་ཚེ་དེ་ལྟར་
Nga214b
མི་འགྱུར་རོ། །དགེ་སློང་དག་ཕན་ཚུན་སྨྲས་པ། ཚེ་དང་ལྡན་པ་ཀུན་དགའ་བོ་ནི་མཚན་མ་ལ་མཁས་སོ། །ཕྱོགས་དང་ཕྱོགས་མཚམས་རྣམས་སུ། དགེ་སློང་ཀུན་དགའ་བོ་མཚན་མ་ལ་མཁས་སོ་ཞེས་བྱ་བའི་སྒྲ་བསྒྲགས་སོ། །དེ་ནས་བཅོམ་ལྡན་འདས་རྒྱལ་པོའི་ཁབ་ཏུ་ཇི་ཙམ་བཞེད་ཀྱི་བར་དུ་བཞུགས་ནས། མཉན་ཡོད་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང་མཉན་ཡོད་དུ་བྱོན་ནས། མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་བགོས། །ཆོས་གོས་དང་ལྷུང་བཟེད་ཐོགས་ནས་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་པ་བྲམ་ཟེ་ཞིག་གིས་མཐོང་ནས་བསམས་པ། དགེ་སྦྱོང་གོའུ་ཏ་མའི་ཉན་ཐོས་དགེ་སློང་ཀུན་དགའ་བོ་མཚན་མ་ལ་མཁས་སོ་ཞེས་ཐོས་པ་གང་ཡིན་པ་དེ་ནི་འདི་ཡིན་གྱིས། རེ་ཞིག་ཤིང་ཤ་པ་ཞེས་པ་འདི་ལ་འདམ་མ་དུ་ཡོད་པ་དྲིའོ་སྙམ་ནས་དེས་དེ་ལ་དྲིས་པ། འཕགས་པ་ཤིང་ཤ་པ་འདི་ལ་འདབ་མ་ཇི་སྙེད་མཆིས། དེས་སྨྲས་པ། བརྒྱ་དང་སྟོང་དང་ཁྲི་ཕྲག་འདི་སྙེད་ཡོད་དོ་ཞེས་སྨྲས་ནས་སོང་ངོ ། །བྲམ་ཟེ་དེས་དེ་ལ་ལོ་མ་དག་ཅིག་བཏོགས་ནས་བགྲངས་ཏེ་བོར་རོ། །ཚེ་དང་ལྡན་པ་ཀུན་དགའ་བོས་བསོད་སྙོམས་སྤྱད་དེ་སླར་ལོག་པ་དང ། བྲམ་ཟེ་དེས་ཡང་སྨྲས་པ། འཕགས་པ་ད་ལྟར་ཤིང་ཤ་པ་འདི་ལ་འདབ་མ་ཇི་སྙེད་མཆིས་མཁྱེན་ཏམ། དེས་སྨྲས་པ། སྔར་ནི་བརྒྱ་དང་སྟོང་དང་ཁྲི་ཕྲག་འདི་སྙེད་ཡོད་པ་ལས་དེ་ལས་འདི་སྙེད་ཅིག་བཏོགས་སོ། །བྲམ་ཟེ་དེ་འཕགས་
Nga215a
༄#། །པ་ནི་རྩིས་ལ་ཡང་དེ་ལྟར་མཁས་པ་ལྟ་ཞེས་མཆོག་ཏུ་ངོ་མཚར་སྐྱེས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན། དེས་ན་མཚན་མ་ལ་མཁས་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཀུན་དགའ་བོ་འདི་ཉིད་ཀྱིས་ལས་བྱས་ཤིང་བསགས་པ་དག་ནི་ཞེས་བྱ་བ་ནས་ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་ཝཱ་ར་ཎཱ་སི་ན་བྲམ་ཟེ་ཞིག་ཡོད་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་ཏེ། ཞག་བདུན་གསུམ་ཉི་ཤུ་རྩ་གཅིག་ཏུ་དེ་བཙས་པའི་བཙས་སྟོན་རྒྱ་ཆེར་བྱས་ཏེ། རིགས་དང་མཐུན་པའི་མིང་བཏགས་ནས་དེ་བསོས་བསྐྱེད་དེ་ཆེན་པོར་གྱུར་ཏོ། །དེ་ཡུལ་གཞན་དུ་སོང་སྟེ་མཚན་མའི་བསྟན་ཆོས་དྲུག་ཁྲི་བསླབས་སོ། །དེ་བཞིན་དུ་ཚེ་རབས་ལྔ་བརྒྱའི་བར་དུ་འཁོར་བ་ན་འཁོར་བའི་ཚེ་མཚན་མའི་བསྟན་ཆོས་དྲུག་ཁྲི་བསླབས་ཤིང་གཞན་ལ་ཡང་བསྟན་པའི་རྒྱུ་དེ་དང་རྐྱེན་དེས་གང་དང་གང་དུ་སྐྱེ་བ་དེ་དང་དེར་མཚན་མཁན་རྣམས་ཀྱི་མཆོག་ཏུ་བྱུང་ངོ ། །འདི་ལྟར་ད་ལྟར་གྱི་སྲིད་པ་ཐ་མ་ལ་ཡང་མཚན་མཁན་རྣམས་ཀྱི་མཆོག་ཏུ་བྱུང་ངོ ། །ཀོ་ས་ལའི་རྒྱལ་པོ་གསལ་རྒྱལ་ལ་ཉི་མ་
Nga215b
རེ་རེ་ཞིང་དྲོ་ཀའི་དུས་སུ་གཞོང་བར་འབྲས་སཱ་ལུའི་ཆན་དང ། བུ་རམ་ཤིང་གི་སྡོང་བུ་ཞིག་དང་སྲེག་པ་གཉིས་ལྷུང་ལ། དེ་གཉིས་ལས་གཅིག་ནི་གཞོང་པའི་སྟེང་དུ་འབབ། ཅིག་ཤོས་ནི་ས་ལའོ། །དེས་ཚེ་དང་ལྡན་པ་ཀུན་དགའ་བོ་ལ་རིག་པར་བྱས་ཏེ། དེས་ཀྱང་དགེ་སློང་རྣམས་ལའོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཀོ་ས་ལའི་རྒྱལ་པོ་གསལ་རྒྱལ་གྱིས་ལས་ཅི་ཞིག་བགྱིས་ན། དེས་ན་འཚལ་མའི་དུས་སུ་གཞོང་པར་འབྲས་སཱ་ལུའི་ཆན་དང ། བུ་རམ་ཤིང་གི་སྡོང་བུ་ཞིག་དང་སྲེག་པ་གཉིས་ལྷུང་ལ། དེ་གཉིས་ལས་ཅིག་ནི་གཞོང་པའི་སྟེང་དུ་འབབ། ཅིག་ཤོས་ནི་ས་ལ་ལྷུང་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཀོ་ས་ལའི་རྒྱལ་པོ་གསལ་རྒྱལ་འདི་ཉིད་ཀྱིས་སྔོན་གྱི་ཚེ་རབས་གཞན་དག་ཏུ་ལས་བྱས་ཤིང་བསགས་ཏེ། དེས་ན་འདིའི་ཟས་ཀྱི་དུས་སུ་གཞོང་པར་འབྲས་སཱ་ལའི་ཆན་དང་བུ་རམ་ཤིང་གི་སྡོང་བུ་སྲེག་པ་གཉིས་ལྷུང་ལ། དེ་གཉིས་ལས་གཅིག་ནི་གཞོང་པའི་སྟེང་དུ་འབབ། ཅིག་ཤོས་ནི་ས་ལ་ལྷུང་བར་གྱུར་པ་ནི། དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་ཁྱིམ་བདག་ཕྱུག་ཅིང་ནོར་མང་བ་ལོངས་སྤྱོད་ཆེ་བ་ཞིག་གནས་ཏེ། དེའི་མངག་གཞུག་པ་རྣམས་ཀྱིས་ཞིང་པའི་གྲོང་ནས་འབྲས་སཱ་ལུ་སར་པ་ཞིག་དང་སྲེག་པ་གཉིས་དང་བུ་རམ་ཤིང་ཞིག་ཁྱེར་ཏེ་འོངས་སོ། །སངས་རྒྱས་རྣམས་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་པ་དང ། ངན་པ་ལ་སྙིང་བརྩེ་བ་ཅན་བས་མཐའི་གནས་མལ་ལ་
Nga216a
༄#། །དགའ་བ། འཇིག་རྟེན་གྱི་ཡོན་གནས་གཅིག་པུ་པ་དག་འབྱུང་བར་འགྱུར་བས། དེ་ནས་རང་སངས་རྒྱས་ཞིག་ཝཱ་ར་ཎཱ་སིར་འོངས་ནས་དེ་སྔ་དྲོ་ཤམ་ཐབས་བགོས། ཆོས་གོས་དང་ལྷུང་བཟེད་ཐོགས་ཏེ་བསོད་སྙོམས་ལ་ཁྱིམ་བདག་དེའི་ཁྱིམ་དུ་ཞུགས་པ་ན། དེས་དེ་ལུས་མཛེས་པ་དང་སེམས་དང་པར་མཐོང་ནས་དེས་དེར་དེ་ལ་ཐོག་མར་ལོ་ཏོག་སར་པ་འོན་ཅིག་ཅེས་སྨྲས་ནས། འབྲས་སཱ་ལུའི་ཆན་དང་བུ་རམ་ཤིང་གི་སྡོང་བུ་ཞིག་དང ། སྲེག་པ་གཉིས་ཕུལ་བ་ལས་དེ་ལས་གཅིག་ནི་ལྷུང་བཟེད་དུ་ལྷུང་ངོ ། །ཅིག་ཤོས་ནི་ས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་གང་ཡིན་པ་དེ་ནི་རྒྱལ་པོ་གསལ་རྒྱལ་འདི་ཉིད་ཡིན་ཏེ། འདིས་རང་སངས་རྒྱས་ལ་འབྲས་སཱ་ལུའི་ཆན་དང ། བུ་རམ་ཤིང་གི་སྡོང་བུ་དང ། སྲེག་པ་གཉིས་ཕུལ་བ་དེའི་ལས་ཀྱི་རྣམ་པར་སྨིན་པས་ལོ་མང་པོ་དང ། ལོ་བརྒྱ་ཕྲག་མང་པོ་དང ། ལོ་སྟོང་ཕྲག་མང་པོ་དང ། ལོ་བརྒྱ་སྟོང་ཕྲག་མང་པོར་མིའི་བདེ་བ་ཉམས་སུ་མྱོང་ངོ ། །ད་ལྟར་ཡང་འདིའི་ཟས་ཀྱི་དུས་སུ་གཞོང་པར་འབྲས་སཱ་ལུའི་ཆན་དང ། བུ་རམ་ཤིང་གི་སྡོང་བུ་དང་སྲེག་པ་གཉིས་ཏེ། དེ་ལས་གཅིག་ནི་གཞོང་པའི་སྟེང་དུ་ལྷུང་ལ་ཅིག་ཤོས་ནི་ས་ལའོ། །ཀོ་ས་ལའི་རྒྱལ་པོ་གསལ་རྒྱལ་གྱིས། བཅོམ་ལྡན་འདས་ཀྱིས་བདག་གི་ལས་ཀྱི་རྒྱུ་བ་གཅིག་ལུང་བསྟན་པས། སྔོན་གྱི་མཐའི་ལས་ཀྱི་རྣམ་པར་སྨིན་པའི་འབྲས་བུ་ནི་ཡོད་དོ་སྙམ་དུ་རིག་ནས། ཉན་ཐོས་ཀྱི་དགེ་འདུན་དང་བཅས་པ་ལ་མངོན་པར་དད་ཅིང་དེ་དེ་ལྟར་
Nga216b
ལས་ཀྱི་རྣམ་པར་སྨིན་པ་ལ་ཡིད་ཆེས་པའི་བློ་གྲོས་ཀྱིས་གནས་སོ། །ལྟས་མཁན་རྣམས་ཀྱིས་འཕགས་པ་ཀུན་དགའ་བོ་ནི་ཅོད་པན་གྱིས་བཅིངས་པར་འགྱུར་རོ་ཞེས་ལུང་བསྟན་པས་ཇི་ཙམ་ནམ་ནངས་པ་དང ། ཚེ་དང་ལྡན་པ་ཀུན་དགའ་བོའི་དཔྲལ་བར་ཕོལ་མིག་བྱུང་ངོ་ཞེས་ཀོ་ས་ལའི་རྒྱལ་པོ་གསལ་རྒྱལ་གྱིས་ཐོས་ནས། དེ་འདི་སྙམ་སེམས་ཏེ། ཡོན་གནས་རྣམས་ལ་བྱ་བ་བྱས་ན། བསོད་ནམས་ཀྱི་འབྲས་བུའི་ཁྱད་པར་མེད་པར་མི་འགྱུར་པས། མ་ལ་བདག་གིས་འདི་ལ་རང་ཉིད་ཀྱིས་བཀུར་སྟི་བྱའོ་སྙམ་ནས། དེས་སྨན་པ་ཐམས་ཅད་བཀུག་སྟེ། འཕགས་པ་ཀུན་དགའ་བོའི་དཔྱད་གྱིས་ཤིག་།དེའི་དཔྱད་གསལ་བ་ན་བྱ་བར་བརྩམས་པ་དང ། ཀོ་ས་ལའི་རྒྱལ་པོ་གསལ་རྒྱལ་གྱིས། ཆེ་དང་ལྡན་པ་ཀུན་དགའ་བོ་ལ་རང་ཉིད་ཀྱིས་རྩིབས་བརྒྱ་ཡོད་པའི་གདུགས་གཟུང་ཞིང་ཕྲལ་བའི་རྩ་འབེབས་པ་ན་ཅོད་པན་གྱིས་བཅིངས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་ཀོ་ས་ལའི་རྒྱལ་པོ་གསལ་རྒྱལ་གྱིས་ཚེ་དང་ལྡན་པ་ཀུན་དགའ་བོ་ལ་རང་ཉིད་ཀྱིས་རྩིབས་བརྒྱ་མཆིས་པའི་གདུགས་གཟུང་ཞིང་རང་ཉིད་ཀྱི་ཅོད་པན་དཀར་པོས་བཅིངས་ཏེ། བསྙེན་བཀུར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ།་དགེ་སློང་དག་དགེ་སློང་ཀུན་དགའ་བོ་འདི་ཉིད་ཀྱིས་སྔོན་གྱི་ཚེ་རབས་གཞན་དག་ཏུ་ལས་བྱས་ཤིང་བསགས་པ་དག་ནི། ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་
Nga217a
༄#། །དུའོ། །དགེ་སློང་དག་སྔོན་བྱུང་བ་ཝཱ་ར་ཎཱ་སིར་སྨན་པ་ཞིག་གནས་པའི་དྲུང་དུ་རང་སངས་རྒྱས་ནད་པ་ཞིག་སོང་བ་དང ། དེས་དེ་ལ་ཡོ་བྱད་ཐམས་ཅད་ཀྱིས་བསྟབས་ཏེ་རང་ཉིད་ཀྱིས་སྨན་དཔྱད་དང་བཀུར་སྟི་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་སྨན་པ་གང་ཡིན་པ་དེ་ནི་དགེ་སློང་ཀུན་དགའ་བོ་འདི་ཉིད་ཡིན་ཏེ། དེ་ན་འདིས་རང་སངས་རྒྱས་ལ་བྱ་བ་བྱས་ནས་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས་ལོ་བརྒྱ་ཕྲག་དུ་མ་དང ། ལོ་སྟོང་ཕྲག་དུ་མར་རྒྱལ་པོ་དང ། བློན་པོ་དང ། བྲམ་ཟེ་དང་ཁྱིམ་བདག་རྣམས་ཀྱིས་འདི་ལ་བཀུར་སྟི་བྱས་སོ། །ཇི་ལྟར་ད་ལྟར་ཡང་འདི་ལ་ཀོ་ས་ལའི་རྒྱལ་པོ་གསལ་རྒྱལ་གྱིས་རྩིབས་བརྒྱ་ཡོད་པའི་གདུགས་སྤྱི་བོར་བཟུང་ཞིང་རང་ཉིད་ཀྱིས་བསྙེན་བཀུར་བྱས་སོ། །དེ་ནས་བཅོམ་ལྡན་འདས་མཉན་ཡོད་ན་ཇི་ཙམ་བཞེད་ཀྱི་བར་དུ་བཞུགས་ནས་ཤིང་སཱ་ལ་ཅན་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་དང ། སཱ་ལ་ཅན་དུ་བྱོན་ནས་སཱ་ལ་ཅན་གྱི་བྲམ་ཟེའི་གྲོང་ཁྱེར་ན་བཞུགས་སོ། །དེའི་ཚེ་འདི་ལྟ་བུའི་ཉན་ཐོས་ཆེན་པོ་གནས་བརྟན་གནས་བརྟན་རྣམས་བཅོམ་ལྡན་འདས་ཀྱི་ཉེ་འཁོར་ན་ཉེ་བར་རྟེན་ཅིང་འདུག་པ་འདི་ལྟ་སྟེ། ཚེ་དང་ལྡན་པ་ཀུན་ཤེས་ཀོའུ་དི་ནྱ་དང ། ཚེ་དང་ལྡན་པ་རྟ་ཐུལ་དང ། བཟང་ལྡན་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མ་མེད་པ་དང ། བ་ལང་བདག་དང ། ལག་བཟང་དང ། ཚེ་དང་ལྡན་པ་ཤཱ་རིའི་བུ་དང ། ཚེ་
Nga217b
དང་ལྡན་པ་མོའུ་དགལ་གྱི་བུ་ཆེན་པོ་དང ། ཚེ་དང་ལྡན་པ་འོད་སྲུང་ཆེན་པོ་དང ། ཚེ་དང་ལྡན་པ་གསུས་པོ་ཆེ་དང ། ཚེ་དང་ལྡན་པ་ཀ་པི་ན་ཆེན་པོ་དང ། ཚེ་དང་ལྡན་པ་མ་འགགས་པ་དང ། དགའ་ཡོད་དང།་ཀིམ་ཕི་ལ་དང ། ས་ལ་ན་གནས་པའི་གནས་བརྟན་གྲགས་ལྡན་དང ། ཡུལ་ཆུ་མིག་ཅན་ན་གནས་པའི་གནས་བརྟན་གང་པོ་དང ། དེ་དག་དང་གཞན་ཡང་གནས་བརྟན་ཉན་ཐོས་ཆེན་པོ་རྣམས་བཅོམ་ལྡན་འདས་ཀྱི་ཉེ་འཁོར་ན་ཉེ་བར་བརྟེན་ཏེ་གནས་སོ།། །།འདུལ་བ་གཞི། བམ་པོ་གོ་དྲུག་པ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ད་ནི་ང་རྒས་འཁོགས་གཏུགས་ཏེ། འཁོར་བཞི་པོ་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་ལ་གདམས་ངག་དཔོག་ཏུ་དུབ་ཀྱིས། དགེ་སློང་དག་ངའི་རིམ་གྲོ་པ་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པས་རིམ་གྲོ་བྱེད་ཅིང་བཀའ་སྩལ་པ་འཛིན་པ་དང ། རང་གི་དོན་ཡང་ཉམས་པར་མི་འགྱུར་བའི་དགེ་སློང་ཞིག་སྤྲོ་བསྐྱེད་ཅིག་།དེ་ནས་ཚེ་དང་ལྡན་པ་ཀུན་ཤེས་ཀོའུ་དི་ནྱ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་བཅོམ་ལྡན་འདས་ལ་ཐུགས་ལ་མི་འཐད་པ་མ་ལགས་ཀྱི་ཐུགས་ལ་འཐད་པས་རིམ་གྲོ་བགྱིད་ཅིང་བཀའ་སྩལ་པ་འཛིན་པ་དང ། རང་གི་དོན་ཡང་ཉམས་པར་མི་འགྱུར་བ་ལགས་སོ། །ཀོའུ་དི་ནྱ་ཁྱོད་རེ་ཞིག་རྒས་འཁོགས་གཏུགས་པས་ཁྱོད་ཉིད་
Nga218a
༄#། །ལ་རིམ་གྲོ་པ་དགོས་ཀྱི། རེ་ཞིག་ཀོའུ་དི་ནྱ་ཁྱོད་ཉིད་ཀྱི་སྟན་ཇི་ལྟ་བ་བཞིན་ལ་འདུག་ཅིག་།ཚེ་དང་ལྡན་པ་ཀུན་ཤེས་ཀོའུ་དི་ནྱ་རང་གི་སྟན་ཇི་ལྟ་བ་ལ་འདུག་གོ་།དེ་ནས་ཚེ་དང་ལྡན་པ་རྟ་ཐུལ་དང ། བཟང་ལྡན་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མ་མེད་པ་དང ། བ་ལང་བདག་དང ། ལག་བཟང་དང ། ཚེ་དང་ལྡན་པ་ཤཱ་རིའི་བུ་དང།་ཚེ་དང་ལྡན་པ་མོའུ་དགལ་གྱི་བུ་ཆེན་པོ་དང ། ཚེ་དང་ལྡན་པ་འོད་སྲུང་ཆེན་པོ་དང ། ཚེ་དང་ལྡན་པ་གསུས་པོ་ཆེ་དང ། ཚེ་དང་ལྡན་པ་ཀ་པི་ན་ཆེན་པོ་དང ། ཚེ་དང་ལྡན་པ་མ་འགགས་པ་དང ། དགའ་ཡོད་དང ། ཀི་མ་ཕི་ལ་དང ། ས་ལ་ན་གནས་པའི་གནས་བརྟན་གྲགས་པ་དང ། ཡུལ་ཆུ་མིག་ཅན་གྱི་གནས་བརྟན་གང་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་གང་ན་བདེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ནི་བཅོམ་ལྡན་འདས་ལ་ཐུགས་ལ་མི་འཐད་པ་མ་ལགས་ཀྱི། ཐུགས་ལ་འཐད་པས་རིམ་གྲོ་བགྱིད་ཅིང ། བཀའ་སྩལ་པ་འཛིན་པ་དང་བདག་གི་དོན་ཡང་ཉམས་པར་མི་འགྱུར་བ་ལགས་སོ། །གང་པོ་ཁྱོད་ཀྱང་རྒས་འཁོགས་གཏུགས་ཏེ་ཁྱོད་ཉིད་ལ་རིམ་གྲོ་པ་དགོས་ཀྱིས་རེ་ཞིག་གང་པོ་ཁྱོད་ཉིད་ཀྱི་སྟན་ཇི་ལྟ་བ་བཞིན་ལ་འདུག་ཅིག་།ཚེ་དང་ལྡན་པ་གང་པོ་རང་གི་སྟན་ཇི་ལྟ་བ་ལ་འདུག་གོ་།དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་འདི་
Nga218b
སྙམ་དུ་སེམས་ཏེ། བཅོམ་ལྡན་འདས་དགེ་སློང་གང་ཞིག་རིམ་གྲོ་བར་བཞེད་པར་འགྱུར། མ་ལ་བདག་གིས་ཇི་ལྟར་སེམས་མཉམ་པར་བཞག་ན། བཅོམ་ལྡན་འདས་ཀྱི་ཐུགས་ལ་ལྟ་བར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་འཇུག་པར་བྱའོ་སྙམ་མོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཇི་ལྟར་སེམས་མཉམ་པར་བཞག་ན། བཅོམ་ལྡན་འདས་ཀྱི་ཐུགས་ལ་ལྟ་བར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། ཚེ་དང་ལྡན་པ་མོའུ་དགལ་གྱི་བུ་ཆེན་པོས་བཅོམ་ལྡན་འདས་ཀྱི་ཐུགས་ལ་བལྟས་ན། ངའི་རིམ་གྲོ་དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང ། བཀའ་སྩལ་པ་འཛིན་པ་དང ། རང་གི་དོན་ཡང་ཉམས་པར་མི་འགྱུར་པ་ཡིན་ནོ་ཞེས་བཅོམ་ལྡན་འདས་ཀྱི་ཐུགས་ཚེ་དང་ལྡན་པ་ཀུན་དགའ་བོ་ལ་གཏད་པར་མཐོང་ངོ ། །མཐོང་ནས་ཀྱང་ཏིང་ངེ་འཛིན་དེ་ལས་ལངས་ཏེ་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤཱ་རིའི་བུ་ཤེས་པར་གྱིས་ཤིག་།བཅོམ་ལྡན་འདས་ཀྱི་ཐུགས་ལ་བལྟས་ན། དགེ་སློང་ཀུན་དགའ་བོས་ངའི་རིམ་གྲོ་བྱས་ན། ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང ། བཀའ་སྩལ་པ་འཛིན་པ་དང ། རང་གི་དོན་ཡང་ཉམས་པར་མི་འགྱུར་བ་ཡིན་ནོ་ཞེས་ཚེ་དང་ལྡན་པ་ཀུན་དགའ་བོ་ལ་གཏད་དོ།། དཔེར་ན་ཁང་པ་བརྩེགས་པའམ་ཁང་པ་བརྩེགས་པའི་ཁྱམས་བྱང་ཕྱོགས་སུ་རིང་བ་ཤར་ཕྱོགས་སུ་སྐར་ཁུང་གཏོད་པ་ཤར་ཕྱོགས་ཀྱི་སྐར་ཁུང་ནས་ཉི་མའི་འོད་ཟེར་ཤར་བ་ནུབ་ཕྱོགས་ཀྱི་རྩིག་པའི་ངོས་
Nga219a
༄#། །ལ་འབབ་པ་དེ་བཞིན་དུ། ངའི་རིམ་གྲོ་དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང ། བཀའ་སྩལ་པ་འཛིན་པ་དང ། རང་གི་དོན་ཡང་ཉམས་པར་མི་འགྱུར་བ་ཡིན་ནོ་ཞེས་བཅོམ་ལྡན་འདས་ཀྱི་ཐུགས་ཚེ་དང་ལྡན་པ་ཀུན་དགའ་བོ་ལ་གཏད་ཀྱིས། ཚུར་བདག་ཅག་དོང་ལ་སྤྲོ་བར་བྱའོ། །དེ་ནས་ཚེ་དང་ལྡན་པ་ཤཱ་རིའི་བུ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོ། ཚེ་དང་ལྡན་པ་ཀུན་དགའ་བོ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོ་དང་ལྷན་ཅིག་མངོན་དུ་ཡང་དག་པར་དགའ་བ་དང ། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ། ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་གཉིས་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད་བཅོམ་ལྡན་འདས་ཀྱི་རིམ་གྲོ་པར་སྤྲོའམ། བདེ་བར་གཤེགས་པ་ལ་བསྙེན་བཀུར་བྱ་བ་ནི་ཁྱོད་ལ་དོན་ཆེན་པོར་འགྱུར་རོ། །ཚེ་དང་ལྡན་པ་ཤཱ་རིའི་བུ། བཅོམ་ལྡན་འདས་ཀྱི་རིམ་གྲོ་པར་བདག་མི་སྤྲོའོ། །དེ་ཅིའི་ཕྱིར་ཞེ་ན། འདི་ལྟར་སངས་རྒྱས་བཅོམ་ལྡན་འདས་རྣམས་ནི་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །འདི་ལྟ་སྟེ། དཔེར་ན་མེ་འབར་བའི་མེ་ཕྲག་ནི་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བསྙེན་
Nga219b
པར་དཀའ་ཞིང་བཟོད་པར་དཀའ་བས། བཅོམ་ལྡན་འདས་ཀྱི་རིམ་གྲོ་པར་བདག་མི་སྤྲོའོ། །འདི་ལྟ་སྟེ། དཔེར་ན་གཅན་གཟན་གྱི་རྒྱལ་པོ་སེང་གེ་རི་ཕུག་ན་གནས་པའི་སོ་ཕྲག་ནི་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །འདི་ལྟ་སྟེ། དཔེར་ན་མ་ཏང་གའི་གླང་པོ་ཆེའི་རྒྱལ་པོ་ལོ་དྲུག་ཅུ་ལོན་པ་དར་ལ་བབ་པ་གྲགས་པ་མཆེ་བ་གཤོལ་མདའ་ཙམ་ཡོད་པ། བྲང་གི་ཕེལ་ཀ་ཆེ་བ་གཡུལ་མྱོང་བ། གཡུལ་ངོར་སོན་པའི་མཆེ་བའི་ཕྲག་ནི་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །དེ་བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བསྙེན་པར་དཀའ་ཞིང་བཟོད་པར་དཀའ་བས་ཚེ་དང་ལྡན་པ་ཤཱ་རིའི་བུ་བཅོམ་ལྡན་འདས་ཀྱི་རིམ་གྲོ་པར་བདག་མི་སྤྲོའོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཤེས་པར་གྱིས་ཤིག་།བཅོམ་ལྡན་འདས་ནི་ངའི་རིམ་གྲོ་དགེ་སློང་ཀུན་དགའ་བོས་བྱས་ན། ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང ། བཀའ་སྩལ་པ་འཛིན་པ་དང ། རང་གི་དོན་ཡང་ཉམས་པར་མི་འགྱུར་རོ་ཞེས་ཚེ་དང་ལྡན་པ་ཀུན་དགའ་བོ་ལ་ཐུགས་གཏད་དེ། དཔེར་ན་ཁང་པ་བརྩེགས་པའམ་ཁང་པ་བརྩེགས་པའི་ཁྱམས་བྱང་ཕྱོགས་སུ་རིང་བ། ཤར་ཕྱོགས་སུ་སྐར་ཁུང་བཏོད་པ། ཤར་ཕྱོགས་ཀྱི་སྐར་ཁུང་ནས་ཉི་མའི་འོད་ཟེར་ཤར་བ་ནུབ་ཕྱོགས་ཀྱི་རྩིགས་པའི་ངོས་ལ་འབབ་པ་དེ་བཞིན་དུ་བཅོམ་ལྡན་འདས་ནི་ངའི་རིམ་གྲོ་
Nga220a
༄#། །དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང ། བཀའ་སྩལ་པ་འཛིན་པ་དང ། རང་གི་དོན་ཡང་ཉམས་པར་མི་འགྱུར་རོ་ཞེས་ཚེ་དང་ལྡན་པ་ཀུན་དགའ་བོ་ལ་ཐུགས་གཏད་ན། ཚེ་དང་ལྡན་པ་ཀུན་དགའ་བོ་ཁྱོད་བཅོམ་ལྡན་འདས་ཀྱི་རིམ་གྲོ་པར་སྤྲོའམ། བདེ་བར་གཤེགས་པ་ལ་བསྙེན་བཀུར་བྱ་བ་ནི་ཁྱོད་ལ་དོན་ཆེན་པོར་འགྱུར་རོ། །ཚེ་དང་ལྡན་པ་མོའུ་དགལ་གྱི་བུ་བདག་གིས་དེ་བཞིན་དུ་བགྱི་སྟེ། བཅོམ་ལྡན་འདས་ཀྱི་རིམ་གྲོ་བགྱིད་པར་སྤྲོ་བར་བགྱི་ན། གལ་ཏེ་བཅོམ་ལྡན་འདས་ཀྱིས་བདག་ལ་མཆོག་གསུམ་པོ། བཅོམ་ལྡན་འདས་ཀྱི་ན་བཟའ་སྨད་གཡོགས་དང་ཆོས་གོས་བདག་གིས་མི་བཅང་བ་དང ། བཅོམ་ལྡན་འདས་ཀྱི་ཕྱིར་གང་ཟག་པའི་མགྲོན་དུ་འབོད་ན་བདག་གིས་བདག་གིར་མི་བྱ་བ་དང ། བདག་བཅོམ་ལྡན་འདས་ལ་བལྟ་བ་དང ། བཀུར་སྟི་བྱ་བའི་ཕྱིར་ཉེ་བར་འགྲོ་བ་ལ་དུས་མ་ཡིན་པ་ཅུང་ཟད་ཀྱང་མེད་པར་གནང་ངམ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་གལ་ཏེ་བཅོམ་ལྡན་འདས་ཀྱིས་བདག་ལ་མཆོག་གསུམ་གནང་བ་ལྟ་ན། བདག་དེ་བཞིན་དུ་བཅོམ་ལྡན་འདས་ཀྱི་རིམ་གྲོ་བགྱིད་པར་སྤྲོའི་གཞན་དུ་ན་མ་ལགས་སོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་དང ། ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་རིམ་གྲོ་པར་སྤྲོ་བ་བསྐྱེད་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་
Nga220b
ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། བཅོམ་ལྡན་འདས་ལ་ཚེ་དང་ལྡན་པ་མོའུ་དགལ་གྱི་བུ་ཆེན་པོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་རིམ་གྲོ་བགྱིད་པའི་དགེ་སློང་བདག་ཅག་གིས་སྤྲོ་བ་བསྐྱེད་པ་ནི་འདི་ལྟ་སྟེ། ཚེ་དང་ལྡན་པ་ཀུན་དགའ་བོ་ལགས་ན། དེའི་མཆིད་ནས་འདི་སྐད་ཅེས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་བདག་གིས་དེ་བཞིན་དུ་བཅོམ་ལྡན་འདས་ཀྱི་རིམ་གྲོ་བགྱིད་པར་སྤྲོ་བར་བགྱི་ན། གལ་ཏེ་བཅོམ་ལྡན་འདས་ཀྱིས་བདག་ལ་མཆོག་གསུམ་པོ་བཅོམ་ལྡན་འདས་ཀྱི་ན་བཟའ་སྨད་གཡོགས་དང་ཆོས་གོས་བདག་གིས་མི་བཅང་བ་དང།་བཅོམ་ལྡན་འདས་ཀྱི་ཕྱིར་གང་ཟག་པའི་མགྲོན་དུ་འབོད་ན་བདག་གིས་བདག་གིར་མི་བྱ་བ་དང ། བདག་བཅོམ་ལྡན་འདས་ལ་བལྟ་བ་དང ། བཀུར་སྟི་བྱ་བའི་ཕྱིར་ཉེ་བར་འགྲོ་བ་ལ་དུས་མ་ཡིན་པ་ཅུང་ཟད་ཀྱང་མེད་པར་གནང་ངམ། གལ་ཏེ་བཅོམ་ལྡན་འདས་ཀྱིས་བདག་ལ་མཆོག་གསུམ་གནང་བ་ལྟ་ན་བདག་དེ་བཞིན་དུ་བཅོམ་ལྡན་འདས་ཀྱི་རིམ་གྲོ་བགྱིད་པར་སྤྲོའོ་ཞེས་མཆི་ལགས་སོ། །མོའུ་དགལ་གྱི་བུ་ཆེན་པོ་ལེགས་སོ་ལེགས་སོ། །དགེ་སློང་ཀུན་དགའ་བོ་ནི་མཁས་པ་ཡིན་ཏེ། དེས་མ་འོངས་པ་ན་ཚངས་པ་མཚུངས་པར་སྤྱོད་པ་རྣམས་ལ་རྩོད་ཅིང་རྗེས་སུ་རྩོད་པ་སྨད་པའི་གནས་ཀྱི་ཆོས་འབྱུང་བ། གཞི་འདིས་བདག་ལ་ཚངས་པ་མཚུངས་པར་སྤྱོད་པ་རྣམས། དགེ་སློང་ཀུན་དགའ་བོ་ནི་ཆོས་གོས་ཀྱི་རྒྱུས་སྟོན་པ་ལ་བཀུར་སྟི་བྱེད་དོ་ཞེས་ཁ་ཟེར་བར་འགྱུར་བ་མཐོང་སྟེ། མོའུ་དགལ་གྱི་བུ་
Nga221a
༄#། །འདི་ནི་དགེ་སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་ཡིན་ནོ། །མོའུ་དགལ་གྱི་བུ་ལེགས་སོ་ལེགས་སོ། །དགེ་སློང་ཀུན་དགའ་བོ་ནི་མཁས་པ་ཡིན་ཏེ། དེས་མ་འོངས་པའི་དུས་ན་ཚངས་པ་མཚུངས་པར་སྤྱོད་པ་རྣམས་ལ་རྩོད་ཅིང་རྗེས་སུ་རྩོད་པ་སྨད་པའི་གནས་ཀྱི་ཆོས་འབྱུང་ལ། གཞི་འདིས་བདག་ལ་ཚངས་པ་མཚུངས་པར་སྤྱོད་པ་རྣམས། དགེ་སློང་ཀུན་དགའ་བོ་ནི་ཁ་ཟས་ཀྱི་རྒྱུས་སྟོན་པ་ལ་བཀུར་སྟི་བྱེད་དོ་ཞེས་ཁ་ཟེར་བར་འགྱུར་བ་མཐོང་སྟེ། མོའུ་དགལ་གྱི་བུ་འདི་ནི་དགེ་སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་ཡིན་ནོ། །མོའུ་དགལ་གྱི་བུ་ལེགས་སོ་ལེགས་སོ། །དགེ་སློང་ཀུན་དགའ་བོ་ནི་མཁས་པ་ཡིན་ཏེ། དུས་ཤེས་ཤིང་དུས་རིག་པས་དེ་འདི་ནི་བདག་གིས་བཅོམ་ལྡན་འདས་ལ་བལྟ་བའི་ཕྱིར་འགྲོ་བའི་དུས་ཡིན། འདི་ནི་དུས་མ་ཡིན། འདི་ནི་དགེ་སློང་གི་དགེ་འདུན་དང ། དགེ་སློང་མའི་དགེ་འདུན་དང ། དགེ་བསྙེན་གྱི་འཁོར་དང ། དགེ་བསྙེན་མའི་འཁོར་གྱི་དུས་ཡིན། འདི་ནི་གཞན་མུ་སྟེགས་ཅན་ཀུན་ཏུ་རྒྱུ་དག་བཅོམ་ལྡན་འདས་ལ་བལྟ་བའི་ཕྱིར་འགྲོ་བའི་དུས་ཡིན། འདི་ནི་དུས་མ་ཡིན། གཞན་མུ་སྟེགས་ཅན་དང ། ཀུན་ཏུ་རྒྱུ་འདི་དག་ནི་བཅོམ་ལྡན་འདས་ཀྱིས་བཀའ་ལ་སྤོབས་པ་དང་ལྡན་པར་འགྱུར། འདི་དག་བཀའ་ལ་སྤོབས་པ་དང་ལྡན་པར་མི་འགྱུར། བཟའ་བ་དང་བཅའ་བ་འདི་ནི་བཅོམ་ལྡན་འདས་ལ་བདེ་བ་བསྐྱེད་པར་འགྱུར། འདི་ནི་བདེ་བ་བསྐྱེད་པ་ཡིན་ཞེས་ཤེས་ཏེ། མོའུ་དགལ་གྱི་བུ་དགེ་སློང་ཀུན་
Nga221b
དགའ་བོ་ནི་མཁས་པ་ཡིན་ཏེ། དུས་ཤེས་ཤིང་དུས་རིག་པས། དེ་འདི་ནི་བདག་གིས་བཅོམ་ལྡན་འདས་ལ་བལྟ་བའི་ཕྱིར་འགྲོ་བའི་དུས་ཡིན་དི་ནི་དུས་མ་ཡིན་ནོ། །འདི་ནི་དགེ་སློང་གི་དགེ་འདུན་དང ། དགེ་སློང་མའི་དགེ་འདུན་དང ། དགེ་བསྙེན་གྱི་འཁོར་དང ། དགེ་བསྙེན་མའི་འཁོར་གྱི་དུས་ཡིན་ནོ། །འདི་ནི་གཞན་མུ་སྟེགས་ཅན་དང་ཀུན་ཏུ་རྒྱུ་དག་བཅོམ་ལྡན་འདས་ལ་བལྟ་བའི་ཕྱིར་འགྲོ་བའི་དུས་ཡིན་ནོ། ། འདི་ནི་དུས་མ་ཡིན་ནོ། །གཞན་མུ་སྟེགས་ཅན་དང ། ཀུན་ཏུ་རྒྱུ་འདི་དག་ནི་བཅོམ་ལྡན་འདས་ཀྱི་བཀའ་ལ་སྤོབས་པ་དང་ལྡན་པར་འགྱུར་རོ། །འདི་དག་ནི་བཀའ་ལ་སྤོབས་པ་དང་ལྡན་པར་མི་འགྱུར་རོ། །བཟའ་བ་དང་བཅའ་བ་འདི་ནི་བཅོམ་ལྡན་འདས་ལ། བདེ་བ་བསྐྱེད་པར་འགྱུར་རོ། །འདི་ནི་བདེ་བ་བསྐྱེད་པ་མ་ཡིན་ནོ་ཞེས་ཤེས་པ་གང་ཡིན་པ་འདི་ནི་མོའུ་དགལ་གྱི་བུ་དགེ་སློང་ཀུན་དགའ་བོའི་ངོ་མཚར་རྨད་དུ་བྱུང་བའི་ཆོས་ཡིན་ནོ། །མོའུ་དགལ་གྱི་བུ་ལེགས་སོ་ལེགས་སོ། །དགེ་སློང་ཀུན་དགའ་བོ་ནི་མཁས་པ་ཡིན་ནོ། །དེ་སེམས་ཀྱི་རྣམ་གྲངས་ལ་མཁས་པ་ཡིན་ཏེ། དེ་བཞིན་གཤེགས་པ་ཕྱེ་མ་བྲེད་ནང་དུ་ཡང་དག་འཇོག་ལས་བཞེངས་པ་མཚན་མའམ་གསུངས་བསྟན་པས་ཤེས་པར་འགྱུར་ཞིང་བདེ་བའི་གནས་པ་འདི་དང ། འདི་བཅོམ་ལྡན་འདས་མང་དུ་བཞུགས་སོ། །གནས་པ་འདི་དང་འདིས་བདེ་བར་གཤེགས་པ་མང་དུ་བཞུགས་སོ་ཞེས་སྟོན་པར་འདོད་ན་ཇི་སྐད་བསྟན་པ་དེ་དག་ཐམས་ཅད་དེ་བཞིན་དུ་འགྱུར་ཏེ། གཞན་དུ་མི་འགྱུར་བ་གང་ཡིན་པ་འདི་ནི་མོའུ་དགལ་གྱི་བུ་དགེ་སློང་ཀུན་དགའ་བོའི་རྨད་དུ་བྱུང་བའི་ཆོས་ཡིན་
Nga222a
༄#། །ཏེ། དེས་དེ་བཞིན་གཤེགས་པའི་རིམ་གྲོ་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང ། བཀའ་སྩལ་བ་འཛིན་པ་དང ། རང་གི་དོན་ཡང་ཉམས་པར་མི་འགྱུར་རོ། །མོའུ་དགལ་གྱི་བུ་དེ་བཞིན་གཤེགས་པའི་རིམ་གྲོ་དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང ། བཀའ་སྩལ་པ་འཛིན་པ་དང ། རང་གི་དོན་ཡང་ཉམས་པར་མི་འགྱུར་བ་གང་ཡིན་པ་འདི་ནི་དགེ་སློང་ཀུན་དགའ་བོའི་རྨད་དུ་བྱུང་བའི་ཆོས་ཡིན་ནོ། །གང་གི་ཚེ་ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་གཉིས་ཀྱིས། ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་རིམ་གྲོ་པར་སྤྲོ་བ་བསྐྱེད་པ་ན། བཅོམ་ལྡན་འདས་ཀྱིས་རྗེས་སུ་བསྔགས་པ་མཛད་པ་དེའི་ཚེ། དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་བཅོམ་ལྡན་འདས་ཀྱི་མཆེད་དུ་གྱུར་ཅིང་ཐོས་པ་མང་བ་དང ། ཐོས་པ་འཛིན་པ་དང ། ཐོས་པ་བསགས་པའི་རིམ་གྲོ་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཀུན་དགའ་བོ་འདི་ཉིད་ཀྱིས་ལས་བྱས་ཤིང་བསགས་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་འོད་ཟེར་ཞེས་བྱ་བ་འབྱོར་པ་དང་ཞེས་བྱ་བ་ནས་སྐྱེ་བོ་དང་མི་མང་པོ་
Nga222b
ཡོད་པ་ན་རྒྱལ་སྲིད་བྱེད་དུ་འཇུག་སྟེ་ཞེས་བྱ་བའི་བར་དུ་སྟེ། དེ་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་ལས། ཁྱེའུ་ཞིག་བཙས་ཏེ། དེའི་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། འདིའི་ཡབ་འོད་ཟེར་ལགས་པས་དེའི་སླད་དུ་ཁྱེའུ་ཡི་མིང་འོད་ཟེར་ཅན་དུ་གདགས་སོ་ཞེས་དེའི་མིང་འོད་ཟེར་ཅན་དུ་བཏགས་ནས་བསྲིངས་བསྐྱེད་དེ་ཆེན་པོར་གྱུར་པ་དང ། ཕས་རྒྱལ་ཚབ་ཏུ་བསྐུར་ཏོ། །ཡང་དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན། ཁྱེའུ་ཞིག་བཙས་ནས་དེའི་ཡང་བཙས་པའི་བཙས་སྟོན་རྒྱ་ཆེར་བྱས་ཏེ། འོད་ཟེར་ལྡན་ཞེས་བྱ་བའི་མིང་བཏགས་ཏེ། གཞོན་ནུ་འོད་ཟེར་ཅན་ངེས་པར་འབྱུང་བ་ལ་མངོན་པར་དགའ་ཞིང ། དེ་ཕ་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་འཇུག་པ་མཐོང་ནས་དེས་བསམས་པ། བདག་ཀྱང་ཡབ་འདས་ནས་རྒྱལ་པོར་འགྱུར་ཏེ། བདག་གིས་ཀྱང་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་བཅུག་ནས་དམྱལ་བར་གཞོལ་བར་འགྱུར་རོ་སྙམ་ནས། དེ་ཕའི་དྲུང་དུ་སོང་ནས་རྐང་པ་གཉིས་ལ་གཏུགས་ནས་སྨྲས་པ། ལྷ་མཁྱེན་པར་མཛད་དུ་གསོལ། རབ་ཏུ་འབྱུང་ལགས་སོ། །དེས་སྨྲས་པ་བུ་གང་གི་དོན་དུ་མཆོད་སྦྱིན་མཆོད་པར་བྱེད། སྦྱིན་སྲེག་སྲེག་པར་བྱེད། དཀའ་ཐུབ་ཀྱིས་གདུང་བར་བྱེད་པའི་རྒྱལ་སྲིད་དེ་ཁྱོད་ཀྱི་ལག་ཏུ་འོངས་ནས། ཅིའི་ཕྱིར་རབ་ཏུ་འབྱུང་ཞེས་དེ་བཟློག་ཀྱང་མ་བཏུབ་
Nga223a
༄#། །བོ། །རྒྱལ་པོས་གདོན་མི་ཟ་བར་གལ་གྱིས་འཆུ་བར་ཤེས་ནས་གནང་བ་དང ། དེ་དྲང་སྲོང་རྣམས་ཀྱི་ནང་དུ་སོང་སྟེ་རབ་ཏུ་བྱུང་ངོ ། །རྒྱལ་པོས་གཞོན་ནུ་འོད་ཟེར་ལྡན་རྒྱལ་ཚབ་ཏུ་དབང་བསྐུར་ཏོ། །འོད་ཟེར་ཅན་དྲང་སྲོང་རྣམས་ཀྱི་ནང་དུ་རབ་ཏུ་བྱུང་སྟེ། མཐའ་གཅིག་ཏུ་སོང་ནས་མཁན་པོ་མེད་པ་དང་སློབ་དཔོན་མེད་པར་རང་བྱང་ཆུབ་མངོན་སུམ་དུ་བྱས་སོ། །དེ་དུས་གཞན་ཞིག་ན་ནད་ཀྱིས་ཐེབས་པར་གྱུར་ནས་ཕན་ཚུན་འཁྱམས་པ་ན་ཝཱ་ར་ཎཱ་སིར་ཕྱིན་ཏོ། །རྒྱལ་པོ་འོད་ཟེར་གྱིས་འོད་ཟེར་ཅན་རང་བྱང་ཆུབ་མངོན་སུམ་དུ་བྱས་ཏེ། དེ་དེར་འོངས་སོ་ཞེས་ཐོས་ནས་དེ་དེའི་དྲུང་དུ་སོང་སྟེ་རྐང་པ་གཉིས་ལ་གཏུགས་ནས་སྨྲས་པ། དྲང་སྲོང་ཆེན་པོ་ཁྱོད་ནི་བསོད་སྙོམས་དོན་དུ་གཉེར་བ་ལགས་ལ། བདག་ནི་བསོད་ནམས་འཚལ་བ་ལགས་ཀྱིས། བདག་གི་སྐྱེད་མོས་ཚལ་འདི་ཉིད་དུ་བཞུགས་ཤིག་དང ། ཁྱོད་ལ་བདག་གིས་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ། །དེས་ཁས་བླངས་པ་དང ། རྒྱལ་པོས་དེའི་རིམ་གྲོ་པར་གཞོན་ནུ་འོད་ཟེར་ལྡན་བྱིན་ཏེ། དེས་དེའི་རིམ་གྲོ་བྱ་བ་ལ་ཞུགས་པ་ན་རང་སངས་རྒྱས་ཀྱིས་དེ་ཞག་བདུན་ན་འཆི་བར་འགྱུར་བའི་མཚན་སྨིན་པ་མཐོང་ནས། དེས་དེ་ལ་སྨྲས་པ་ནུ་བོ་ཅིའི་ཕྱིར་རབ་ཏུ་མི་འབྱུང ། དེས་སྨྲས་པ། དྲང་སྲོང་ཆེན་པོ་རབ་ཏུ་འབྱུང་ངོ ། །གལ་ཏེ་དེ་ལྟར་འགྱུར་ན་སོང་ལ་ཡབ་ལ་རྟོགས་ཤིག་།དེ་རྒྱལ་པོའི་དྲུང་དུ་སོང་ནས་ལྷ་མཁྱེན་པར་མཛད་དུ་གསོལ། བདག་རབ་ཏུ་འབྱུང་ལགས་སོ། །རྒྱལ་པོས་སྨྲས་པ།
Nga223b
ཁྱོད་ཀྱི་ཕུ་བོ་རབ་ཏུ་བྱུང་བས། ང་འདས་ནས་ཁྱོད་ཁོ་ན་རྒྱལ་པོ་ཡིན་ན། ཅིའི་ཕྱིར་རབ་ཏུ་འབྱུང་ཞེས་དེ་རབ་ཏུ་འབྱུང་བར་མ་ཐོབ་བོ། །རང་སངས་རྒྱས་དེ་ཉིད་རྒྱལ་པོའི་དྲུང་དུ་སོང་ནས་ཚིགས་སུ་བཅད་པས་སྨྲས་པ། འོད་ཟེར་འོད་ཟེར་ལྡན་མཐོང་དང ། །འོད་ཟེར་ལྡན་པ་རབ་ཏུ་འབྱུང ། །འོད་ཟེར་རབ་ཏུ་འབྱུང་བ་ལེགས། །འདི་ལྟར་རྒྱལ་བ་རྣམས་ཀྱིས་བསྔགས། །རྒྱལ་པོས་སྨྲས་པ། དྲང་སྲོང་ཆེན་པོ་ཁྱོད་རབ་ཏུ་བྱུང་བས་དེ་ནི་བདག་འདས་ན་རྒྱལ་པོར་འགྱུར་ཏེ་འདི་ཉིད་དུ་སྦྱིན་པ་དག་སྩོལ་བ་དང ། བསོད་ནམས་དག་བགྱིད་པར་འགྱུར་ན་ཅིའི་ཕྱིར་རབ་ཏུ་དབྱུང ། རང་སངས་རྒྱས་ཀྱིས་ཚིགས་སུ་བཅད་དེ་སྨྲས་པ། འོད་ཟེར་ཚེ་ནི་ཅུང་ཟད་དེ། །རེ་ལྟར་ཐོགས་ན་ཞག་བདུན་ཉིད། །དོན་གཞན་ཆེད་དུ་བསམས་བསམ་པ། །གཞན་ཉིད་དུ་ནི་ཡོངས་སུ་འགྱུར། །དྲང་སྲོང་ཆེན་པོ་འདིའི་ཚེ་ཞག་བདུན་ལགས་སམ། རང་སངས་རྒྱས་ཀྱིས་སྨྲས་པ། ཞག་བདུན་ཡིན་ནོ། །རྒྱལ་པོས་སྨྲས་པ། དྲང་སྲོང་ཆེན་པོ་གལ་ཏེ་དེ་ལྟ་ན་གནང་བར་བགྱིས། རབ་ཏུ་ཕྱུང་ཤིག་།དེ་བདག་ལ་ཚེ་ཅུང་ཞིག་ཡོད་པར་ཤེས་ནས་དད་པ་དྲག་པོས་དེ་ལ་བཀུར་སྟི་བྱ་བར་བརྩམས་སོ། ། རང་སངས་རྒྱས་དེ་རླུང་ནད་ཅན་ཞིག་པས་དེས་ལྷུང་བཟེད་ལག་ཏུ་བླངས་ནས་ཟ་བ་ན་རླུང་གིས་ལག་པ་འདར་བར་གྱུར་ཏོ། དེ་ནས་རྒྱལ་པོ་གཞོན་ནུ་དེས་གདུ་བུ་ཕྱུང་ནས། ལྷུང་བཟེད་ཀྱི་གཞིར་བཞག་པ་དང།་དེ་ལ་ལྷུང་བཟེད་མི་གཡོ་བར་འདུག་གོ་།དེས་དེ་མཐོང་ནས་སྨོན་ལམ་གདབ་པར་བརྩམས་པ། ཇི་ལྟར་འདི་ལ་ལྷུང་བཟེད་འདི་མི་གཡོ་བ་དེ་བཞིན་དུ་དགེ་བའི་རྩ་བ་འདིས་བདག་གི་རྒྱུད་ལ་ཆོས་ཅི་ཡོད་
Nga224a
༄#། །པ་དེ་དག་མི་གཡོ་བར་གནས་པར་གྱུར་ཅིག་ཅེས་བཏབ་བོ། །དེ་དེ་ལ་སྔོན་ཡི་གེ་དང་ཚིག་རན་པར་ཆོས་འཆད་པ་ཡིན་པས། དེས་སྨྲས་པ། ཁྱོད་སྔོན་ཁྱིམ་པར་གྱུར་པ་ན་ཡི་ག་དང་ཚིག་རན་པ་རན་པར་ཆོས་འཆད་པ་ལགས་ན། ད་རང་བྱང་ཆུབ་མངོན་སུམ་དུ་བགྱིས་ན། ཅིའི་ཕྱིར་ཆོས་མི་བཤད། དེས་སྨྲས་པ། ཁོ་བོ་ཆོས་མི་འཆད་དོ། །འོ་ན་སུ་འཆད་ལགས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་གང་ཡིན་པ་སྟེ། སངས་རྒྱས་བཅོམ་ལྡན་འདས་དེ་དག་ནི་ཚིག་དང་ཡི་གེ་རན་པ་རན་པར་ཆོས་འཆད་དོ། །དེས་སྨོན་ལམ་བཏབ་པ། སངས་རྒྱས་བཅོམ་ལྡན་འདས་ཚིག་དང་ཡི་གེ་རན་པ་རན་པར་ཆོས་འཆད་པ་གང་ཡིན་པ་དེའི་མཆེད་དང་རིམ་གྲོ་པར་བདག་གྱུར་ཅིག་ཅེས་བཏབ་བོ། །རང་སངས་རྒྱས་དེས་དེ་རབ་ཏུ་ཕྱུང་ནས་སྨྲས་པ། ཁྱོད་ཞག་བདུན་འདས་ནས་འཆི་བར་འགྱུར་བ་དེ་ཁོ་ན་ཁྱོད་ཀྱིས་ཡིད་ལ་བྱོས་ཤིག། དེས་ཞག་བདུན་ལོན་ན། ཅུང་ཟད་ཀྱང་མ་རྟོགས་ནས། དེས་འཆི་བའི་ཚེ་སྨོན་ལམ་བཏབ་པ་དགེ་བའི་རྩ་བ་འདིས་བདག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེའི་བསྟན་པ་ལ་རབ་ཏུ་བྱུང་ནས་ཐོས་པ་མང་བ་དང ། ཐོས་པ་འཛིན་པ་དང ། ཐོས་པ་བསགས་པར་གྱུར་ཅིག་ཅེས་བཏབ་བོ། །དགེ་སློང་དག་ཇི་སྙམ་དུ་སེམས། རྒྱལ་པོ་གཞོན་ནུ་རང་སངས་རྒྱས་ཀྱི་ནུ་བོར་གྱུར་པ་གང་ཡིན་པ་དེ་ནི་དགེ་སློང་ཀུན་དགའ་བོ་འདི་ཉིད་ཡིན་ཏེ། དེ་ན་ཡང་འདིས་རང་སངས་
Nga224b
རྒྱས་ཕུ་བོ་ཤོས་ཀྱི་རིམ་གྲོ་བྱས་ནས་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས་བཅོམ་ལྡན་འདས་ཀྱི་མཆེད་དུ་གྱུར་ཅིང་ཐོས་པ་མང་བ། ཐོས་པ་འཛིན་པ། ཐོས་པ་བསགས་པའི་རིམ་གྲོ་པར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས། བཅོམ་ལྡན་འདས་ཀྱིས་ཐོས་པ་མང་བ། ཐོས་པ་འཛིན་པ་དང ། ཐོས་པ་བསགས་པ་རྣམས་ཀྱི་མཆོག་ཏུ་བསྟན་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་ཀུན་དགའ་བོ་འདི་ཉིད་ཀྱིས་ལས་བྱས་ཤིང་བསགས་པ་དང ། ཚོགས་རྙེད་པ་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན། ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་ཞེས་བྱ་བ་ནས་སངས་རྒྱས་བཅོམ་ལྡན་འདས་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ་ཞེས་བྱ་བའི་བར་དུ་སྟེ། དེ་གྲོང་ཁྱེར་ཝཱ་ར་ཎཱ་སིར་ཉེ་བར་བསྟེན་ནས་དྲང་སྲོང་སྨྲ་བ་རི་དྭགས་ཀྱི་ནགས་ན་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་ན་དེ་ན་འདིས་ཡོན་ཏན་གྱི་ཚོགས་ཅུང་ཟད་ཀྱང་མ་ཐོབ་བོ། །འདི་རབ་ཏུ་འབྱིན་པ་གང་ཡིན་པ་དེ་ནི་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས་ཐོས་པ་མང་བ་དང ། ཐོས་པ་འཛིན་པ་དང ། ཐོས་པ་བསགས་པ་རྣམས་ཀྱི་
Nga225a
༄#། །མཆོག་ཏུ་ལུང་བསྟན་པ་ཡིན་པས། དེ་འཆི་བའི་ཚེ་སྨོན་ལམ་བཏབ་པ་བདག་གིས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཡོན་གནས་བླ་ན་མེད་པ་འོད་སྲུང་ལ་ཚེ་ཇི་སྲིད་ཚངས་པར་སྤྱོད་པ་སྤྱད་ན་ཡོན་ཏན་གྱི་ཚོགས་ཅུང་ཟད་ཀྱང་མ་ཐོབ་ཀྱིས་དགེ་བའི་རྩ་བ་གང་ཡིན་པ་འདིས་བདག་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་འོད་སྲུང་གིས་བྲམ་ཟེའི་ཁྱེའུ་བླ་མ་ཞེས་བྱ་བ་གང་ཡིན་པ་དེ་ལ། བྲམ་ཟེའི་ཁྱེའུ་ཁྱོད་སྐྱེ་དགུ་རྣམས་ཀྱི་ཚེ་ལོ་བརྒྱ་ཐུབ་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པར་འགྱུར་རོ། ། ཞེས་ལུང་བསྟན་པ་དེའི་བསྟན་པ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་སུམ་དུ་བྱས་ནས་ཇི་ལྟར་བདག་གི་མཁན་པོ་ཡང་དག་པར་རྫོགས་པའི་སངས་རྒྱས་བཅོམ་ལྡན་འོད་སྲུང་གིས་ཐོས་པ་མང་བ་དང ། ཐོས་པ་འཛིན་པ། ཐོས་པ་བསགས་པ་རྣམས་ཀྱི་མཆོག་ཏུ་ལུང་བསྟན་པ་དེ་བཞིན་དུ་བདག་ཀྱང་ཤཱཀྱའི་རྒྱལ་པོའི་ཡང་རྒྱལ་པོ་བཅོམ་ལྡན་འདས་ཤཱཀྱ་ཐུབ་པ་དེས་ཐོས་པ་མང་བ་ཐོས་པ་འཛིན་པ་ཐོས་པ་བསགས་པ་རྣམས་ཀྱི་མཆོག་ཏུ་ལུང་བསྟན་པར་གྱུར་ཅིག་ཅེས་བཏབ་བོ། །སྨོན་ལམ་དེའི་དབང་གིས་ད་ལྟར་ངས་ཐོས་པ་མང་བ། ཐོས་པ་འཛིན་པ། ཐོས་པ་བསགས་པ་རྣམས་ཀྱི་མཆོག་ཏུ་ལུང་བསྟན་ཏོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་ཞེས་བྱ་བ་ནས། དགེ་སློང་དག་ཁྱོད་ཀྱིས་དེ་ལྟ་བུ་ལ་བསླབ་པར་བྱའོ་
Nga225b
ཞེས་བྱ་བའི་བར་དུའོ། །སྡོམ་ལ། རྫུ་འཕྲུལ་སྟོན་པ་གསུམ་སྨྲ་དང ། །གཏུམ་བྱེད་རིག་པ་ག་ཡ་དང ། །གང་གི་ཕྱིར་ནི་གནོད་པ་དང ། །སེམས་ཅན་རྣ་བ་ཁྱི་ཡིན་ནོ། །བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །དེའི་ཚེ་མུ་གེའི་དགོན་པ་ཉམ་ང་བ་སློང་མོ་པས་ཟས་རྙེད་པར་དཀའ་བ་བྱུང་ངོ ། །དེ་ན་དགེ་སློང་རྫུ་འཕྲུལ་ཐོབ་པ་གང་ཡིན་པ་དེ་རྣམས་ནི་འཛམ་བུ་ཞེས་བྱ་བའི་མིང་གིས་འཛམ་བུའི་གླིང་ཞེས་བྱ་བར་བཏགས་པ་གང་ཡིན་པ་དེ་ལས། ཤིང་འཛམ་བུའི་སྙེ་མ་ཁ་དོག་དང་དྲི་དང ། རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས། བདག་ཉིད་ལོངས་སྤྱོད་པར་བྱེད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་འགེད་པར་བྱེད་དོ། །གཞན་ཡང་འདིའི་ཉེ་འཁོར་ན་བིལ་བའི་ཚལ་ལམ། ཀ་པིད་ཏའི་ཚལ་ལམ། སྐྱུར་རྩིའི་ཚལ་གང་ཡིན་པ་དེ་ལས། སྐྱུར་རྩིའི་འབྲས་བུ་ཁ་དོག་དང་དྲི་དང ། རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་པར་བྱེད་ཅིང ། ལྷག་མ་ཡང་དགེ་སློང་རྣམས་ལ་འགེད་པར་བྱེད་དོ། །བྱང་གི་སྒྲ་མི་སྙན་གྱི་གླིང་དུ་དོང་ནས་མ་རྨོས་མ་བཏབ་པའི་འབྲས་སཱ་ལུའི་འབྲུ་ལས་ལྷུང་བཟེད་བཀང་སྟེ་བླངས་ནས། བདག་ཉིད་ལོངས་སྤྱོད་པར་བྱེད་ཅིང ། ལྷག་མ་ཡང་དགེ་སློང་ཡོད་པ་རྣམས་ལ་འགེད་པར་བྱེད་དོ། །རྒྱལ་ཆེན་བཞིའི་རིས་སམ། སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་དོང་ནས། ལྷའི་བདུད་རྩི་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་པར་བྱེད་ཅིང་ལྷག་མ་ཡང་དགེ་སློང་ཡོད་པ་རྣམས་
Nga226a
༄#། །ལ་འགེད་པར་བྱེད་དོ། །ཡུལ་ལྗོངས་འབྱོར་པ་དང་ཞེས་བྱ་བ་ནས་སྐྱེ་བོ་དང་མི་མང་པོས་གང་བའི་བར་གང་ཡིན་པ་དེ་ནས་གཙང་ཞིང་བསོད་པའི་བཟའ་བ་དང་བཅའ་བས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་པར་བྱེད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་འགེད་པར་བྱེད་དོ། །དེ་ནས་ལྷས་བྱིན་འདི་སྙམ་དུ་སེམས་ཏེ། ད་ལྟར་མུ་གེའི་དགོན་པ་ཉམ་ང་བ་སློང་མོ་བས་ཟས་རྙེད་པར་དཀའ་བ་བྱུང་ལ། དགེ་སློང་རྫུ་འཕྲུལ་ཐོབ་པ་གང་ཡིན་པ་དེ་རྣམས་ནི་འཛམ་བུ་ཞེས་བྱ་བའི་མིང་གིས་འཛམ་བུ་གླིང་ཞེས་བྱ་བར་བཏགས་པ་གང་ཡིན་པ་དེ་ལས་ཤིང་འཛམ་བུའི་སྙེ་མ་ཁ་དོག་དང ། དྲི་དང ། རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས། བདག་ཉིད་ལོངས་སྤྱོད་པར་བྱེད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་འགེད་པར་བྱེད་དོ། །གཞན་ཡང་འདིའི་ཉེ་འཁོར་ན་བིལ་བའི་ཚལ་ལམ། ཀ་པིད་ཏའི་ཚལ་ལམ། སྐྱུར་རྩིའི་ཚལ་གང་ཡིན་པ་དེ་ལས། སྐྱུར་རྩིའི་འབྲས་བུ་ཁ་དོག་དང་དྲི་དང ། རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས། བདག་ཉིད་ལོངས་སྤྱོད་པར་བྱེད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་འགེད་པར་བྱེད་དོ། །བྱང་གི་སྒྲ་མི་སྙན་གྱི་གླིང་དུ་དོང་ནས་མ་རྨོས་མ་བཏབ་པའི་འབྲས་སཱ་ལུའི་འབྲུ་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་པར་བྱེད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་འགེད་པར་བྱེད་དོ། །རྒྱལ་ཆེན་བཞིའི་རིས་སམ་སུམ་ཅུ་རྩ་གསུམ་
Nga226b
པའི་ལྷ་རྣམས་ཀྱི་ནང་དུ་དོང་ནས་ལྷའི་བདུད་རྩི་ལས་ལྷུང་བཟེད་བཀང་སྟེ་བླངས་ནས། བདག་ཉིད་ལོངས་སྤྱོད་པར་བྱེད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་འགེད་པར་བྱེད་དོ། །ཞེས་བྱ་བ་ནས་ཡུལ་ལྗོངས་འབྱོར་པ་དང་ཞེས་བྱ་བ་ནས་སྐྱེ་བོ་དང་མི་མང་པོས་གང་བའི་བར་གང་ཡིན་པ་དེ་ནས་གཙང་ཞིང་བསོད་པའི་བཟའ་བ་དང་བཅའ་བ་ལྷུང་བཟེད་བཀང་སྟེ་བླངས་ནས། བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་འགེད་པར་བྱེད་ཀྱིས། གལ་ཏེ་བདག་གིས་ཀྱང་རྫུ་འཕྲུལ་ཐོབ་ན་བདག་གིས་ཀྱང་འཛམ་བུ་ཞེས་བྱ་བའི་མིང་གིས་འཛམ་བུའི་གླིང་ཞེས་བྱ་བར་བཏགས་པ་གང་ཡིན་པ་དེ་ལས་ཤིང་འཛམ་བུའི་སྙེ་མ་ཁ་དོག་དང་དྲི་དང ། རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས། བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའོ། །གཞན་ཡང་འདིའི་ཉེ་འཁོར་ན་བིལ་བའི་ཚལ་ལམ། ཀ་པིད་ཏའི་ཚལ་ལམ། སྐྱུར་རྩིའི་ཚལ་གང་ཡིན་པ་དེ་ལས། སྐྱུར་རྩིའི་འབྲས་བུ་ཁ་དོག་དང ། དྲི་དང ། རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས། བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའོ། །བྱང་གི་སྒྲ་མི་སྙན་གྱི་གླིང་དུ་སོང་ལ་མ་རྨོས་མ་བཏབ་པའི་འབྲས་སཱ་ལུའི་འབྲུ་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའོ། །རྒྱལ་ཆེན་བཞིའི་རིས་སམ། སུམ་ཅུ་རྩ་གསུམ་པའི་ལྷ་རྣམས་ཀྱི་
Nga227a
༄#། །ནང་དུ་སོང་ལ། ལྷའི་བདུད་རྩི་ལས་ལྷུང་བཟེད་བཀང་ནས་བླངས་ཏེ། བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའོ། །ཡུལ་ལྗོངས་འབྱོར་པ་དང ། ཞེས་བྱ་བ་ནས། སྐྱེ་བོ་དང་མི་མང་པོས་གང་བའི་བར་གང་ཡིན་པ་དེ་ནས་གཙང་ཞིང་བསོད་པའི་བཟའ་བ་དང ། བཅའ་བས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱ་ན། སུ་ཞིག་གིས་བདག་ལ་རྫུ་འཕྲུལ་གྱི་ལམ་ལུང་འབོག་པར་ནུས་སྙམ་མོ། །དེ་ནས་ལྷས་བྱིན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས།་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ལྷས་བྱིན་གྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་ལ་རྫུ་འཕྲུལ་གྱི་ལམ་གྱི་ལུང་དབོག་ཏུ་གསོལ། དེ་ནས་བཅོམ་ལྡན་འདས་ཀྱིས་ལྷས་བྱིན་སྡིག་པའི་འདོད་པ་དེ་ལྟ་བུ་སྐྱེས་པར་གྱུར་པ་ཐུགས་སུ་ཆུད་ནས་ལྷས་བྱིན་ལ་འདི་སྐད་ཅེས་བཀའ་སྩལ་ཏོ། །གོའུ་ཏ་མ་ཁྱོད་ལྷག་པའི་ཚུལ་ཁྲིམས་ལ་ཚུལ་བཞིན་ཡིད་ལ་བྱོས་ཤིག་དང ། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །གོའུ་ཏ་མ་ཁྱོད་ལྷག་པའི་སེམས་དང་ལྷག་པའི་ཤེས་རབ་ལ་ཚུལ་བཞིན་ཡིད་ལ་བྱོས་ཤིག་དང ། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །དེ་ནས་ལྷས་བྱིན་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་
Nga227b
བདག་ལ་རྫུ་འཕྲུལ་གྱི་ལམ་གྱི་ལུང་མ་ཕོག་གོ་སྙམ་དུ་བསམས་ནས་ཆས་ཏེ། ཚེ་དང་ལྡན་པ་ཀུན་ཤེས་ཀོའུ་དི་ནྱ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་ཤེས་ཀོའུ་དི་ནྱ་ལ་འདི་སྐད་ཅེས་སྨྲས་སོ། ། གནས་བརྟན་བདག་ལ་རྫུ་འཕྲུལ་གྱི་ལམ་གྱི་ལུང་དཔོག་ཏུ་གསོལ། དེ་ནས་ཚེ་དང་ལྡན་པ་ཀུན་ཤེས་ཀོའུ་དི་ནྱས་བཅོམ་ལྡན་འདས་ཀྱི་ཐུགས་དང་ལྷས་བྱིན་གྱི་ལ་བལྟས་ན། སྡིག་པའི་འདོད་པ་དེ་ལྟ་བུ་སྐྱེས་པར་ཤེས་ནས་ལྷས་བྱིན་ལ་འདི་སྐད་ཅེས་སྨྲས་སོ། །ལྷས་བྱིན་ཁྱོད་གཟུགས་ལ་ཚུལ་བཞིན་ཡིད་ལ་བྱོས་ཤིག་དང ། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །ལྷས་བྱིན་ཁྱོད་ཚོར་བ་དང་འདུ་ཤེས་དང་འདུ་བྱེད་དང ། རྣམ་པར་ཤེས་པ་ལ་ཚུལ་བཞིན་ཡིད་ལ་བྱོས་ཤིག་དང ། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །དེ་ནས་ལྷས་བྱིན་འདི་སྙམ་དུ་སེམས་ཏེ་གནས་བརྟན་ཀུན་ཤེས་ཀོའུ་དི་ནྱས་ཀྱང་བདག་ལ་རྫུ་འཕྲུལ་གྱི་ལམ་གྱི་ལུང་མ་ཕོག་གོ་སྙམ་དུ་བསམས་ནས་ཚེ་དང་ལྡན་པ་རྟ་ཐུལ་དང ། བཟང་ལྡན་དང ། རླངས་པ་དང ། མིང་ཆེན་དང ། གྲགས་པ་དང ། གང་པོ་དང ། དྲི་མ་མེད་དང ། བ་ལང་བདག་དང ། ལག་བཟང་དང ། གནས་བརྟན་ལྔ་བརྒྱ་གང་ན་བ་དེར་སོང་སྟེ་ཕྱིན་ནས། གནས་བརྟན་ལྔ་བརྒྱ་ལ་འདི་སྐད་ཅེས་སྨྲས་སོ། །གནས་བརྟན་བདག་ལ་རྫུ་འཕྲུལ་གྱི་ལམ་གྱི་ལུང་དབོག་ཏུ་གསོལ། དེ་ནས་གནས་བརྟན་ལྔ་བརྒྱ་པོས་བཅོམ་ལྡན་འདས་ཀྱི་ཐུགས་དང ། དགེ་སློང་གནས་བརྟན་གནས་བརྟན་རྣམས་དང་ལྷས་བྱིན་གྱི་ལ་བལྟས་ན་སྡིག་པའི་འདོད་པ་
Nga228a
༄#། །དེ་ལྟ་བུ་སྐྱེས་པར་ཤེས་ནས་ལྷས་བྱིན་ལ་འདི་སྐད་ཅེས་སྨྲས་སོ། །ལྷས་བྱིན་ཁྱོད་གཟུགས་ལ་ཚུལ་བཞིན་ཡིད་ལ་བྱོས་ཤིག་དང ། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །ལྷས་བྱིན་ཁྱོད་ཚོར་བ་དང ། འདུ་ཤེས་དང ། འདུ་བྱེད་དང ། རྣམ་པར་ཤེས་པ་ལ་ཚུལ་བཞིན་ཡིད་ལ་བྱོས་ཤིག་དང ། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །དེ་ནས་ལྷས་བྱིན་འདི་སྙམ་དུ་སེམས་ཏེ། གནས་བརྟན་ལྔ་བརྒྱས་ཀྱང་བདག་ལ་རྫུ་འཕྲུལ་གྱི་ལམ་གྱི་ལུང་མ་ཕོག་ན། ཅི་ཚེ་དང་ལྡན་པ་འདི་དག་དང ། བཅོམ་ལྡན་འདས་དང་ལྷན་ཅིག་ཏུ་སྔ་ཉིད་ནས་བགྲོས་སམ། འདི་ལྟར་བདག་ལ་སུས་ཀྱང་རྫུ་འཕྲུལ་གྱི་ལམ་གྱི་ལུང་མ་ཕོག་གོ་སྙམ་མོ། །དེ་ནས་ལྷས་བྱིན་འདི་སྙམ་དུ་སེམས་ཏེ། སུ་ཞིག་བདག་ལ་རྫུ་འཕྲུལ་གྱི་ལམ་གྱི་ལུང་དབོག་པར་ནས་སྙམ་མོ། །དེའི་ཚེ་ཚེ་དང་ལྡན་པ་འོད་སྲུང་སྟོབས་བཅུ་ལྡན་རྒྱལ་པོའི་ཁབ་ཀྱི་སྡེ་ཅན་གྱི་ཕུག་ན་འདུག་གོ་།དེ་ནས་ལྷས་བྱིན་འདི་སྙམ་དུ་སེམས་ཏེ། གནས་བརྟན་འོད་སྲུང་སྟོབས་བཅུ་ལྡན་འདི་ནི་ཡུན་རིང་པོ་ནས་གཡོ་མེད་པ། སྒྱུ་ཅན་མ་ཡིན་པ་དྲང་པོར་བྱེད་པ། དྲང་པོའི་རང་བཞིན་ཅན་ཡིན་ལ་བདག་གིས་ཉེ་མཚམས་ཀྱི་ཕུ་བོ་ཀུན་དགའ་བོའི་ཡང་མཁན་པོ་ཡིན་པས། གནས་བརྟན་འོད་སྲུང་སྟོབས་བཅུ་ལྡན་གྱིས་བདག་ལ་རྫུ་འཕྲུལ་གྱི་ལམ་གྱི་ལུང་འབོག་པར་ནུས་སོ་སྙམ་དུ་བསམས་ནས། ཚེ་དང་ལྡན་པ་འོད་སྲུང་སྟོབས་བཅུ་ལྡན་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་འོད་སྲུང་སྟོབས་
Nga228b
བཅུ་ལྡན་གྱིས་རྐང་པ་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་ལྷས་བྱིན་གྱིས། ཚེ་དང་ལྡན་པ་འོད་སྲུང་སྟོབས་བཅུ་ལྡན་ལ་འདི་སྐད་ཅེས་སྨྲས་སོ། །གནས་བརྟན་བདག་ལ་རྫུ་འཕྲུལ་གྱི་ལམ་གྱི་ལུང་དཔོག་ཏུ་གསོལ། །དེ་ནས་ཚེ་དང་ལྡན་པ་འོད་སྲུང་སྟོབས་བཅུ་ལྡན་གྱིས་བཅོམ་ལྡན་འདས་ཀྱི་ཐུགས་དང ། དགེ་སློང་གནས་བརྟན་གནས་བརྟན་རྣམས་དང ། ལྷས་བྱིན་གྱི་ལ་བལྟས་ན་སྡིག་པའི་འདོད་པ་དེ་ལྟ་བུ་སྐྱེས་པར་གྱུར་པར་མ་རིག་ནས། ལྷས་བྱིན་ལ་རྫུ་འཕྲུལ་གྱི་ལམ་གྱི་ལུང་ཕོག་གོ་།དེ་ནས་ལྷས་བྱིན་གྱིས་ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་བརྩོན་པ་དང་ལྡན་པའི་གནས་པས་བསམ་གཏན་དང་པོ་ལ་བརྟེན་ཏེ། རྫུ་འཕྲུལ་མངོན་པར་བསྒྲུབས་ནས་དེ་གཅིག་ཏུ་གྱུར་ཅིང་མང་པོར་འགྱུར་བ་དང ། མང་པོར་གྱུར་ཅིང་གཅིག་ཏུ་འགྱུར་བ་དང ། སྣང་བར་གྱུར་ཅིང་མི་སྣང་བར་འགྱུར་བ་ཤེས་པ་མཐོང་བས་ཉམས་སུ་མྱོང་བར་བྱེད་དོ། །རྩིག་པ་ལ་ཡང་ཐད་ཀར་འགྲོ་།རིལ་ཡང་ཐད་ཀར་འགྲོ་།ར་བ་ལ་ཡང་ལུས་ཀྱིས་མི་ཐོགས་པར་ཐད་ཀར་འགྲོའོ། །འདི་ལྟ་སྟེ། ནམ་མཁའ་དང་ས་ལ་ཡང་སྟེང་དུ་འབྱུང་བ་དང་བྱིའུ་བྲུལ་བྱེད་དེ། དཔེར་ན་ཆུ་ལ་བྱ་བ་བཞིན་ནོ། །ཆུ་ལ་ཡང་མི་ནུབ་པར་རྒྱུན་ཕྱོགས་སུ་འགྲོ་སྟེ། དཔེར་ན་ས་ལ་བྱ་བ་བཞིན་ནོ། །སྐྱིལ་མོ་ཀྲུང་གིས་ནམ་མཁའ་ལ་འགྲོ་བར་བྱེད་དེ། དཔེར་ན་འདབ་ཆགས་བྱ་བཞིན་ནོ། །ཟླ་བ་དང་ཉི་མ་འདི་ཉིད་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་ལ་ཡང་ལག་པས་ཉུག་ཅིང་ཀུན་ཏུ་ཉུག་པར་བྱེད་དོ། །དེ་ནས་ལྷས་བྱིན་འདི་སྙམ་དུ་སེམས་ཏེ། ཅི་བདག་གིས་འཛམ་བུ་
Nga229a
༄#། །ཞེས་བྱ་བའི་མིང་གིས་འཛམ་བུ་གླིང་ཞེས་བྱ་བར་བཏགས་པ་གང་ཡིན་པ་དེ་ལས་འཛམ་བུའི་སྙེ་མ་ཁ་དོག་དང ། དྲི་དང ། རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའམ། གཞན་ཡང་འདིའི་ཉེ་འཁོར་ན་བིལ་བའི་ཚལ་ལམ། ཀ་པིད་ཏའི་ཚལ་ལམ། སྐྱུར་རྩིའི་ཚལ་གང་ཡིན་པ་དེ་ལས་སྐྱུར་རྩིའི་འབྲས་བུ་ཁ་དོག་དང་དྲི་དང་རོ་ཕུན་སུམ་ཚོགས་པ་རྣམས་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའམ། བྱང་གི་སྒྲ་མི་སྙན་གྱི་གླིང་དུ་སོང་ལ་མ་རྨོས་མ་བཏབ་པའི་འབྲས་སཱ་ལུའི་འབྲུ་ལས་ལྷུང་བཟེད་བཀང་སྟེ་བླངས་ནས་ཞེས་བྱ་བའི་བར་གོང་མ་བཞིན་དུའོ། །རྒྱལ་ཆེན་བཞིའི་རིས་སམ། སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སོང་ལ་ལྷའི་བདུད་རྩི་ལས་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའམ། ཡུལ་ལྗོངས་འབྱོར་པ་དང་ཞེས་བྱ་བ་ནས་སྐྱེ་བོ་དང་མི་མང་པོས་གང་བའི་བར་དེ་ནས་གཙང་ཞིང་བསོད་པའི་བཟའ་བ་དང་བཅའ་བ་ལྷུང་བཟེད་བཀང་སྟེ་བླངས་ནས་བདག་ཉིད་ལོངས་སྤྱོད་ཅིང་ལྷག་མ་ཡང་དགེ་སློང་ཡོད་པ་རྣམས་ལ་བགོ་བར་བྱའམ་སྙམ་མོ། །དེ་ནས་ཡང་ལྷས་བྱིན་འདི་སྙམ་དུ་སེམས་ཏེ། བདག་གིས་ཡུལ་མ་ག་དྷའི་མི་གཙོ་བོ་གང་ཞིག་དབང་དུ་བྱས་ན། དེ་དབང་དུ་གྱུར་པས་སྐྱེ་བོའི་ཚོགས་ཆེན་པོ་ཚེགས་ཆུང་ངུས་བདག་གིས་
Nga229b
དབང་དུ་འགྱུར་སྙམ་པ་དང ། དེ་ནས་ལྷས་བྱིན་འདི་སྙམ་དུ་སེམས་ཏེ། གཞོན་ནུ་མ་སྐྱེས་དགྲ་འདི་ཕ་ཤི་ནས་ཕའི་རྒྱལ་སྲིད་ཀྱི་དབང་ཕྱུག་ལ་བཞག་པར་འགྱུར་གྱིས། མ་ལ་བདག་གིས་གཞོན་ནུ་མ་སྐྱེས་དགྲ་དབང་དུ་འགྱུར་བར་བྱ་སྟེ། དེ་དབང་དུ་གྱུར་ན་སྐྱེ་བོའི་ཚོགས་ཆེན་པོ་ཚེགས་ཆུང་ངུས་བདག་གི་དབང་དུ་འགྱུར་རོ་སྙམ་མོ། །དེ་ནས་ལྷས་བྱིན་གྱིས་གླང་པོ་ཆེ་ཅང་ཤེས་བཟང་པོ་དང ། རྟ་ཅང་ཤེས་བཟང་པོ་དང ། དགེ་སློང་སྐྲ་བྲེགས་ཤིང་སྣམ་སྦྱར་བགོས་པ་དར་ལ་བབ་པ་དག་ཏུ་བསྒྱུར་ནས། གཞོན་ནུ་མ་སྐྱེས་དགྲའི་སྒོ་ནས་ཞུགས་ཤིང་སྒེའུ་ཆུང་ངུ་འབྱུང་བ་དང ། སྒེའུ་ཆུང་ནས་ཞུགས་ཤིང་སྒོར་འབྱུང་བར་བྱེད་དོ། །རེས་འགའ་གཞོན་ནུ་གསེར་གྱི་འོག་པག་གིས་བཅིངས་པར་བསྒྱུར་ནས་གཞོན་ནུ་མ་སྐྱེས་དགྲའི་པང་ན་འགྲེ་ལྡོག་པར་བྱེད་དོ། །མ་སྐྱེས་དགྲ་ཡང་གཞོན་ནུ་དེ་ལ་འཛིན་ཅིང་ཁ་སྤྲད་དེ་འཁྱུད་པར་བྱེད་དོ། །རེས་འགའ་ནི་ཁར་མཆིལ་མའི་ཐལ་བ་བླུགས་ན་དེ་ཡང་ལྷས་བྱིན་མིད་པར་བྱེད་དོ། །འདི་ལྟར་རྙེད་པ་དང ། བཀུར་སྟིས་ཟིལ་གྱིས་ནོན་པས་སེམས་གཏུགས་པའི་ཕྱིར་རོ། །དེ་ནས་གཞོན་ནུ་མ་སྐྱེས་དགྲ་ལྷག་པར་ཡང་སྡིག་པ་ཅན་གྱི་ལྟ་བར་སོང་བ་ཐོབ་སྟེ། ཀྱེ་མ་སྟོན་པ་བས་ནི་འཕགས་པ་ལྷས་བྱིན་ཆེས་མཐུ་ཆེའོ་ཞེས་དད་པར་གྱུར་ཏོ། །དེ་ལ་དད་པར་གྱུར་ནས་ལྷག་པར་བྱ་བ་བྱེད་དེ། ཤིང་རྟ་ལྔ་བརྒྱ་ཙམ་དང ། ལྷན་ཅིག་སྔ་དྲོ་དང་ཕྱི་དྲོ་རིམ་གྲོ་བྱེད་དུ་འགྲོའོ། །དེ་ལ་གཡོས་ཀྱི་སྣ་རྫེའུ་ལྔ་བརྒྱ་ཙམ་ཡང་བཀད་ས་དང་བཀད་ས་དག་ཏུ་སྟོབས་པར་བྱེད་དོ། །ལྷས་བྱིན་ཡང་དགེ་སློང་ལྔ་བརྒྱ་ཙམ་དང་ལྷན་
Nga230a
༄#། །ཅིག་བཀད་སའི་གུང་ལ་འདུག་པར་བྱེད་དོ། །དེ་ནས་དགེ་སློང་རབ་ཏུ་མང་པོ་སྔ་དྲོ་ཤམ་ཐབས་བགོས། ལྷུང་བཟེད་དང་ཆོས་གོས་བླངས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་སོ། །དགེ་སློང་རབ་ཏུ་མང་པོ་རྒྱལ་པོའི་ཁབ་ན་བསོད་སྙོམས་སྤྱོད་པས། ལྷས་བྱིན་ལ་རྙེད་པ་དང་བཀུར་སྟི་འདི་ལྟ་བུ་དག་བྱུང་བར་གྱུར་ཏེ། མ་ག་དྷའི་རྒྱལ་པོ་ལུས་འཕགས་མའི་བུ་མ་སྐྱེས་དགྲས་ཤིང་རྟ་ལྔ་བརྒྱ་ཙམ་དང་ལྷན་ཅིག་སྔ་དྲོ་དང ། ཕྱི་དྲོ་རིམ་གྲོ་བྱེད་དུ་འགྲོ་ཞིང ། དེ་ལ་གཡོས་ཀྱི་སྣ་རྫེའུ་ལྔ་བརྒྱ་ཙམ་ཡང་བཀད་ས་དང་བཀད་ས་དག་ཏུ་སྟོབས་པར་བྱེད་དོ། །ལྷས་བྱིན་ཡང་དགེ་སློང་ལྔ་བརྒྱ་ཙམ་དང་ལྷན་ཅིག་བཀད་སའི་གུང་ན་འདུག་པར་བྱེད་དོ་ཞེས་ཐོས་སོ། །ཐོས་ནས་ཀྱང་རྒྱལ་པོའི་ཁབ་ཏུ་བསོད་སྙོམས་སྤྱད་དེ། ཟས་ཀྱི་བྱ་བ་བྱས་ཤིང་ཟས་ཕྱི་མའི་བསོད་སྙོམས་སྤངས་ནས། ཆོས་གོས་དང་ལྷུང་བཟེད་མཁོས་སུ་ཕབ་སྟེ། རྐང་པ་བཀྲུས་ནས་བཅོམ་ལྡན་འདས་གང་ན་བ་དེར་སོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་རབ་ཏུ་མང་པོས་འདི་སྐད་ཅེས་གསོལ་ཏོ། །བཙུན་པ་འདིར་བདག་ཅག་དགེ་སློང་རབ་ཏུ་མང་པོ་སྔ་དྲོ་ཤམ་ཐབས་འཚལ། ལྷུང་བཟེད་དང་ཆོས་གོས་བླངས་ཏེ་རྒྱལ་པོའི་ཁབ་ཏུ་བསོད་སྙོམས་ལ་ཞུགས་ནས་བཙུན་པ་བདག་ཅག་དགེ་སློང་རབ་ཏུ་མང་པོ་རྒྱལ་པོའི་ཁབ་ཏུ་བསོད་སྙོམས་སྤྱོད་པ་ན། ལྷས་བྱིན་ལ་རྙེད་པ་དང་
Nga230b
བཀུར་སྟི་འདི་ལྟ་བུ་དག་བྱུང་བར་གྱུར་ཏེ། མ་ག་དྷའི་རྒྱལ་པོ་ལུས་འཕགས་མའི་བུ་མ་སྐྱེས་དགྲས་ཤིང་རྟ་ལྔ་བརྒྱ་ཙམ་དང་ལྷན་ཅིག་སྔ་དྲོ་དང་ཕྱི་དྲོ་རིམ་གྲོ་བགྱིད་དུ་མཆི་ཞིང ། དེ་ལ་གཡོས་ཀྱི་སྣ་རྫེའུ་ལྔ་བརྒྱ་ཙམ་ཡང་བཀད་ས་དང་བཀད་ས་དག་ཏུ་སྟོབས་པར་བགྱིད་དོ། །ལྷས་བྱིན་ཡང་དགེ་སློང་ལྔ་བརྒྱ་ཙམ་དང་ལྷན་ཅིག་བཀད་སའི་གུང་ལ་མཆིས་པར་བགྱིད་དོ་ཞེས་ཐོས་ལགས་སོ། །དགེ་སློང་དག་ཁྱེད་ལྷས་བྱིན་གྱི་རྙེད་པ་དང་བཀུར་སྟི་ལ་དགའ་བར་མ་བྱེད་ཅིག། དེ་ཅིའི་ཕྱིར་ཞེ་ན། ལྷས་བྱིན་གྱི་རྙེད་པ་དང་བཀུར་སྟི་ནི་གསོད་པ་ཡིན་ནོ། །ལྷས་བྱིན་གྱི་རྙེད་པ་དང་བཀུར་སྟི་ནི་སྨད་པ་ཡིན་ནོ། །དགེ་སློང་དག་དཔེར་ན་ཆུ་ཤིང་ནི་འབྲས་བུ་ཕྱུང་ནས་རྙིས་པར་འགྱུར་ཞིང ། ཆུ་ཤིང་ནི་འབྲས་བུ་ཕྱུང་ནས་སྐམ་པར་འགྱུར་བ་དེ་བཞིན་དུ། ལྷས་བྱིན་གྱི་རྙེད་པ་དང་བཀུར་སྟི་ནི་གསོད་པ་ཡིན་ནོ། །ལྷས་བྱིན་གྱི་རྙེད་པ་དང་བཀུར་སྟི་ནི་སྨད་པ་ཡིན་ནོ། །དཔེར་ན་སྦ་དང་སྙུག་མ་ནི་འབྲས་བུ་ཕྱུང་ནས་སྐམ་པར་འགྱུར་ཞིང ། སྦ་དང་སྙུག་མ་ནི་འབྲས་བུ་ཕྱུང་ནས་དུང་ཡག་ཏུ་འགྱུར་བ་དེ་བཞིན་དུ། ལྷས་བྱིན་གྱི་རྙེད་པ་དང་བཀུར་སྟི་ནི་གསོད་པ་ཡིན་ནོ། །ལྷས་བྱིན་གྱི་རྙེད་པ་དང་བཀུར་སྟི་ནི་སྨད་པ་ཡིན་ནོ། །དཔེར་ན་དྲེའུ་མོ་ནི་མངལ་དུ་བཟུང་ནས་འཆི་བར་འགྱུར་ཞིང ། དྲེའུ་མོ་ནི་མངལ་དུ་བཟུང་ནས་མ་རུང་བར་འགྱུར་བ་དེ་བཞིན་དུ། ལྷས་བྱིན་གྱི་རྙེད་པ་དང་བཀུར་སྟི་ནི་གསོད་པ་ཡིན་ནོ། །ལྷས་བྱིན་གྱི་རྙེད་པ་དང་བཀུར་སྟི་སྨད་པ་ཡིན་ནོ། །དགེ་སློང་དག་
Nga231a
༄#། །ལྷས་བྱིན་གྱི་རྙེད་པ་དང་བཀུར་སྟི་དེ་ལྟ་བུ་ཇི་སྙེད་བྱུང་བ་དེ་དག་ནི། སྐྱེས་བུ་གཏི་མུག་ཅན་དེ་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་རོ། །དགེ་སློང་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། རྙེད་པ་དང་བཀུར་སྟི་གང་ཡིན་པ་ཟིལ་གྱིས་མནན་པར་བྱའི། རྙེད་པ་དང་བཀུར་སྟི་བྱུང་བ་ལ་སེམས་གཏུགས་ཏེ་གནས་པར་མི་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ཆུ་ཤིང་འབྲས་བུ་སྙུག་འབྲས་དང ། །སྦ་ནི་འབྲས་བུ་སྐེམས་པ་དང ། །རང་གི་བུ་ཡིས་དྲེའུ་མོ་ལྟར། །སྐྱེས་བུ་ཐ་ཤལ་བཀུར་སྟིས་འཇོམས། །ཇི་སྲིད་བྱིས་པ་མངོན་བྱེད་པ། །དེ་སྲིད་དུ་ནི་ཕུང་བར་འགྱུར། །བྱིས་པའི་དཀར་བའི་ཆ་འཇོམས་པ། །རྩེ་མོ་ལས་ཀྱང་ལྟུང་བར་འགྱུར། །དེ་ནས་ལྷས་བྱིན་རྙེད་པ་དང་བཀུར་སྟིས་ཟིལ་གྱིས་ནོན་པ། སེམས་ཡོངས་སུ་གཏུགས་པ་ལ་སྡིག་པའི་འདོད་པ་འདི་ལྟ་བུ་སྐྱེས་པར་གྱུར་ཏེ། ད་ནི་བཅོམ་ལྡན་འདས་བགྲེས་འཁོགས་གཏུགས་ཏེ། འཁོར་བཞི་ལ་གདམས་ངག་དབོག་ཏུ་བསྙེལ་བར་གྱུར་གྱིས། ཨེ་མའོ་བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་སྤངས་ཏེ། བདག་གིས་དགེ་སློང་གི་དགེ་འདུན་ཡོངས་སུ་དྲང་ཞིང་བཅོམ་ལྡན་འདས་ནི་ཐུགས་ལས་ཆུང་ངུར་མཐོང་བའི་ཆོས་ལ་བདེ་བར་གནས་པའི་རྣལ་འབྱོར་གྱི་རྗེས་སུ་བརྩོན་པར་བཞུགས་ཀྱང་ཅི་མ་རུང་སྙམ་དུ་སེམས་བསྐྱེད་མ་ཐག་ཏུ་ལྷས་བྱིན་རྫུ་འཕྲུལ་དེ་ལས་ཡོངས་
Nga231b
སུ་ཉམས་ཏེ། བདག་ཡོངས་སུ་ཉམས་ཀྱང་བདག་ཡོངས་སུ་ཉམས་སོ་ཞེས་མི་ཤེས་སོ། །དེའི་ཚེ་བཅོམ་ལྡན་འདས་ཀྱི་ཉན་ཐོས་ཀྲོད་དའི་བུ་དགེ་སློང་ནོག་ཅན་ཞེས་བྱ་བས་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱོད་པ་ལ་སྤྱད་དེ་ཚངས་པའི་གནས་པ་བཞི་བསྒོམས་ནས། འདོད་པ་རྣམས་ལ་འདོད་པའི་འདུན་པ་སྤང་བའི་ཕྱིར་དེ་ལ་མང་དུ་གནས་པས་ཚངས་པའི་འཇིག་རྟེན་དང་སྐལ་བ་མཉམ་པར་སྐྱེས་སོ། །དེའི་ཚེ་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ངན་སྤོང་གི་ཆུ་སྲིན་བྱིས་པ་གསོད་ཀྱི་རི་ལ་འཇིགས་བྱེད་ཀྱི་ཚལ་གྱི་རི་དྭགས་ཀྱི་ནགས་ན་འདུག་གོ་།དེ་ནས་ཚངས་པ་ནོག་ཅན་གྱིས་ལྷས་བྱིན་རྫུ་འཕྲུལ་དེ་ལས་ཡོངས་སུ་ཉམས་པར་ཤེས་ནས། དཔེར་ན་སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་བརྐྱང་པའམ་བརྐྱང་བ་ལས་བསྐུམ་པ་ཙམ་གྱིས་ཚངས་པའི་འཇིག་རྟེན་ལས་མི་སྣང་བར་བྱས་ཏེ། ངན་སྤོང་དུ་འོངས་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོའི་མདུན་དུ་འདུག་གོ་།དེ་ནས་ཚངས་པ་ནོག་ཅན་གྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཤེས་པར་གྱིས་ཤིག་།ལྷས་བྱིན་རྙེད་པ་དང་བཀུར་སྟིས་ཟིལ་གྱིས་ནོན་པ་སེམས་གཏུགས་པ་ལ་སྡིག་པའི་འདོད་པ་འདི་ལྟ་བུ་སྐྱེས་ཏེ། ད་ནི་བཅོམ་ལྡན་འདས་བགྲེས་འཁོགས་གཏུགས་ཏེ། འཁོར་བཞི་ལ་གདམས་ངག་དབོག་ཏུ་བསྙེལ་བར་གྱུར་གྱིས། ཨེ་མའོ་བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་སྤངས་
Nga232a
༄#། །ཏེ།་བདག་གིས་དགེ་སློང་གི་དགེ་འདུན་ཡོངས་སུ་དྲང་ཞིང ། བཅོམ་ལྡན་འདས་ནི་ཐུགས་ལས་ཆུང་ངུར་གནས་ཤིང་མཐོང་བའི་ཆོས་ལ་བདེ་བར་གནས་པའི་རྣལ་འབྱོར་གྱི་རྗེས་སུ་བརྩོན་པར་བཞུགས་ཀྱང་ཅི་མ་རུང་སྙམ་དུ་སེམས་བསྐྱེད་མ་ཐག་ཏུ་རྫུ་འཕྲུལ་དེ་ལས་སླར་ཡོངས་སུ་ཉམས་ཏེ། ཡོངས་སུ་ཉམས་ཀྱང་བདག་ནི་སླར་ཡོངས་སུ་ཉམས་སོ་ཞེས་མ་ཤེས་ཀྱིས་བཙུན་པ་མོའུ་དགལ་གྱི་བུ་སྙིང་བརྩེ་བ་ཉེ་བར་བཟུང་སྟེ། བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་དོན་འདི་རྒྱས་པར་གསོལ་ན་ལེགས་སོ། །ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཚངས་པ་ནོག་ཅན་ལ་ཅང་མི་སྨྲ་བས་ཁས་བླངས་སོ། །དེ་ནས་ཚངས་པ་ནོག་ཅན་གྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཅང་མི་སྨྲ་བས་ཁས་བླངས་པར་རིག་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོའི་རྐང་པ་གཉིས་ལ་མགོ་བོས་ཕྱག་འཚལ་ཏེ། དེ་ཉིད་དུ་མི་སྣང་བར་གྱུར་ཏོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཚངས་པ་ནོག་ཅན་སོང་ནས་རིང་པོར་མ་ལོན་པར་ཤེས་ནས་ཇི་ལྟར་སེམས་མཉམ་པར་བཞག་ན་ངན་སྤོང་ནས་མི་སྣང་བར་གྱུར་ཏེ། རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པར་ཕྱིན་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་
Nga232b
ནས་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཚངས་པ་ནོག་ཅན་དང་ལྷན་ཅིག་བར་སྐབས་ཀྱི་གཏམ་ཇི་སྙེད་གླེངས་པ་དེ་དག་ཐམས་ཅད་རྒྱས་པར་གསོལ་ཏོ། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །མོའུ་དགལ་གྱི་བུ་སྔ་མོ་ཞིག་ཏུ་ལྷས་བྱིན་སེམས་ལ་བཀྲ་ནས་རིག་པར་མ་བྱས་སམ། ཅི་ན་ད་གཟོད་ཚངས་པ་ནོག་ཅན་གྱིས་སྦྲན། བཙུན་པ་མད་ལགས་སོ། །བཅོམ་ལྡན་འདས་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཐབས་ཅིག་ཏུ་བར་སྐབས་ཀྱི་གཏམ་འདི་གླེང་བར་མཛད་པ་ན། དེ་ནས་ལྷས་བྱིན་གྲོགས་དགེ་སློང་བཞི་པོ་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏི་མོ་ར་ཀ་ཏི་ཤྱ་དང ། རྒྱ་མཚོས་བྱིན་དང་ལྷན་ཅིག་བཅོམ་ལྡན་འདས་གང་ན་བ་དེར་དོང་བ་དང ། བཅོམ་ལྡན་འདས་ཀྱིས་ལྷས་བྱིན་རྒྱང་རིང་པོ་ཁོ་ན་ནས་གཟིགས་སོ། །གཟིགས་ནས་ཀྱང་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ་ལྷས་བྱིན་འོ་ནི་ད་ལྟར་འོང་གིས་ཚིག་སྲུངས་ཤིག་དང ། དེའུ་རེ་སྐྱེས་བུ་གཏི་མུག་འོ་ནི་བདག་ཉིད་ཀྱིས་བདག་ཉིད་ལུང་སྟོན་ཏོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས། ཇི་ལྟར་སེམས་མཉམ་པར་བཞག་ན་འོད་མའི་ཚལ་ནས་མི་སྣང་བར་གྱུར་ཏེ། ངན་སྤོང་གི་ཆུ་སྲིན་བྱིས་པ་
Nga233a
༄#། །གསོད་ཀྱི་རི་ལ་འཇིགས་བྱེད་ཀྱི་ཚལ་གྱི་རི་དྭགས་ཀྱི་ནགས་སུ་ཕྱིན་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ལྷས་བྱིན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ལྷས་བྱིན་གྱིས་འདི་སྐད་ཅེས་གསོལ་ཏོ། །ད་ནི་བཅོམ་ལྡན་འདས་བགྲེས་འཁོགས་གཏུགས་ཏེ། འཁོར་བཞི་ལ་གདམས་ངག་དབོག་ཏུ་བསྙེལ་བར་གྱུར་གྱིས། ཨེ་མའོ་བཅོམ་ལྡན་འདས་ཀྱིས་དགེ་སློང་གི་དགེ་འདུན་བདག་ལ་སྤོངས་ཤིག་དང ། བདག་གིས་དགེ་སློང་གི་དགེ་འདུན་ཡོངས་སུ་དྲང་གིས། བཅོམ་ལྡན་འདས་ནི་ཐུགས་ལས་ཆུང་ངུར་བདེ་བར་གནས་པའི་རྣལ་འབྱོར་གྱི་རྗེས་སུ་བརྩོན་པར་བཞུགས་སུ་གསོལ། སྐྱེས་བུ་གཏི་མུག་རེ་ཞིག་ཤཱ་རིའི་བུ་དང ། མོའུ་དགལ་གྱི་བུ་ཚངས་པ་མཚུངས་པར་སྤྱོད་པ་དེ་དག་ལ་ཡང་ངས་དགེ་སློང་གི་དགེ་འདུན་མི་སྤོང་ན། རོ་དང་འདྲ་བ་མཆིལ་མ་འཐུང་བ་ཁྱོད་ལ་ལྟ་ག་ལ་སྤོང ། དེ་ནས་ལྷས་བྱིན་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་ཤཱ་རིའི་བུ་དང་མོའུ་དགལ་གྱི་བུ་ལ་ནི་བསྔགས་པ་གསུངས་ལ། བདག་ལ་ནི་རོ་དང་འདྲ་བ་མཆིལ་མ་འཐུང་བའོ་ཞེས་སྨད་པ་གསུངས་སོ་སྙམ་མོ། །དེ་ནས་བཅོམ་ལྡན་འདས་ལ་ལྷས་བྱིན་འཁྲུགས་པ་དང ། ཞེ་སྡང་དང ། ང་རྒྱལ་དང ། འཆབ་པ་དང ། བགྲོངས་པ་
Nga233b
དང ། མི་བཟོད་པ་དང ། མ་དད་པ་བསྟན་ཏོ། །དེ་ནས་ལྷས་བྱིན་གྱིས་འཇལ་ཏོ་ཞེས་བྱས་ནས་མགོ་ལན་གསུམ་ལྕོགས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་།། །།འདུལ་བ་གཞི། བམ་པོ་གོ་བདུན་པ། དེའི་ཚེ་ཚེ་དང་ལྡན་པ་ཀུན་དགའ་བོ་བསིལ་ཡབ་ཐོགས་ཏེ། བཅོམ་ལྡན་འདས་ཀྱི་སྣམ་ལོགས་ན་བཅོམ་ལྡན་འདས་ལ་གཡོབ་ཅིང་འདུག་གོ་།དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་བ། ཀུན་དགའ་བོ་སོང་ལ་འོད་མའི་ཚལ་བྱ་ཀ་ལན་ད་ཀ་གནས་པ་ན། དགེ་སློང་ཇི་སྙེད་ཉེ་བར་བརྟེན་ཏེ་གནས་པ་དེ་དག་ཐམས་ཅད་རིམ་གྲོའི་གནས་སུ་སྡུས་ཤིག་།བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། འོད་མའི་ཚལ་བྱ་ཀ་ལན་ད་ཀ་གནས་པ་ན། དགེ་སློང་ཇི་སྙེད་ཉེ་བར་བརྟེན་ཏེ་གནས་པ་དེ་དག་ཐམས་ཅད་རིམ་གྲོའི་གནས་སུ་བསགས་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་འོད་མའི་ཚལ་བྱ་ཀ་ལན་ད་ཀ་གནས་པ་ན། དགེ་སློང་ཇི་སྙེད་ཉེ་བར་བརྟེན་ཏེ་མཆིས་པ་དེ་དག་ཐམས་ཅད་རིམ་གྲོའི་གནས་སུ་བསགས་ལགས་ཏེ། བཅོམ་ལྡན་འདས་ད་ནི་དེའི་དུས་ལ་བབ་པར་དགོངས་སུ་གསོལ། དེ་ནས་བཅོམ་ལྡན་འདས་རིམ་གྲོའི་
Nga234a
༄#། །གནས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་སྟོན་པ་ལྔ་པོ་འདི་དག་འཇིག་རྟེན་ན་ཡོད་ཅིང་མངོན་ཏེ། ལྔ་གང་ཞེ་ན། འདི་ནི་སྟོན་པ་གཅིག་ནི་ཚུལ་ཁྲིམས་ཡོངས་སུ་མ་དག་པ་ཡིན་བཞིན་དུ་བདག་གི་ཚུལ་ཁྲིམས་ཡོངས་སུ་དག་སྟེ་ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་རྒྱུས་སོ་སོར་ཤེས་ནས། སྟོན་པ་ཤེས་ལྡན་འདི་ནི་ཚུལ་ཁྲིམས་ཡོངས་སུ་མ་དག་པ་ཡིན་བཞིན་དུ་བདག་ཚུལ་ཁྲིམས་ཡོངས་སུ་དག་སྟེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ། གལ་ཏེ་བདག་ཅག་གིས་གཞན་ལ་དེ་སྐད་སྨྲས་ན། དེས་ན་འདིའི་ཡིད་ལ་མ་འབབ་པར་འགྱུར་བས་སྟོན་པ་དེ་ལ་ཡིད་དུ་མི་འོང་བར་འགྱུར་བ་གང་ཡིན་པ་དེ་བདག་ཅག་གིས་གླེངས་ཏེ་ཅི་རུང ། སྟོན་པ་ཤེས་ལྡན་འདི་རང་ཉིད་ཤེས་པར་འགྱུར་གྲང ། །འདི་བདག་ཅག་ལ་འདི་ལྟ་སྟེ། ཆོས་གོས་དང་བསོད་སྙོམས་དང་གནས་མལ་དང་ནད་གསོས་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་ཚུལ་ཁྲིམས་ལས་རྗེས་སུ་སྲུང་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ཀྱིས་ཚུལ་ཁྲིམས་ཀྱི་སྒོ་ནས་རྗེས་སུ་བསྲུང་བར་རེ་བ་ཡིན་ཏེ། འདི་ནི་འཇིག་རྟེན་ན་སྟོན་པ་ཡོད་ཅིང་མངོན་པའི་སྟོན་པ་དང་པོ་ཡིན་ནོ། །
Nga234b
གཞན་ཡང་འདི་ན་སྟོན་པ་གཅིག་ནི་འཚོ་བ་ཡོངས་སུ་མ་དག་པ་ཡིན་བཞིན་དུ་བདག་གི་འཚོ་བ་ཡོངས་སུ་དག་སྟེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་རྒྱུ་སོ་སོར་ཤེས་ཏེ། སྟོན་པ་ཤེས་ལྡན་འདི་ནི་འཚོ་བ་ཡོངས་སུ་མ་དག་པ་ཡིན་བཞིན་དུ་བདག་གི་འཚོ་བ་ཡོངས་སུ་དག་སྟེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ། གལ་ཏེ་བདག་ཅག་གིས་གཞན་ལ་དེ་སྐད་སྨྲས་ན། དེས་ན་འདིའི་ཡིད་ལ་མི་འབབ་པར་འགྱུར་བས་སྟོན་པ་དེ་ལ་ཡིད་དུ་མི་འོང་བར་འགྱུར་བ་གང་ཡིན་པ་དེ་བདག་ཅག་གིས་གླེངས་ཏེ་ཅི་རུང ། སྟོན་པ་ཤེས་ལྡན་འདི་རང་ཉིད་ཤེས་པར་འགྱུར་གྲང ། འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ནད་གསོས་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་འཚོ་བའི་སྒོ་ནས་རྗེས་སུ་སྲུང་བར་སེམས་སོ། །སྟོན་པ་དེ་ལྟ་བུ་ནི། ཉན་ཐོས་རྣམས་ཀྱིས་འཚོ་བའི་སྒོ་ནས་རྗེས་སུ་བསྲུང་བར་རེ་བ་ཡིན་ཏེ། འདི་ནི། འཇིག་རྟེན་ན་ཡོད་ཅིང་མངོན་པའི་སྟོན་པ་གཉིས་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི། ཤེས་པ་མཐོང་བ་ཡོངས་སུ་མ་དག་པ་ཡིན་བཞིན་དུ་བདག་གི་ཤེས་པ་མཐོང་བ་ཡོངས་སུ་དག་སྟེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་རྒྱུས་སོ་སོར་ཤེས་ནས། སྟོན་པ་ཤེས་ལྡན་
Nga235a
༄#། །འདི་ནི། ཤེས་པ་མཐོང་བ་ཡོངས་སུ་མ་དག་པ་ཡིན་བཞིན་དུ་བདག་ནི་ཤེས་པ་མཐོང་བ་ཡོངས་སུ་དག་སྟེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ།་གལ་ཏེ་བདག་ཅག་གིས་གཞན་ལ་འདི་སྐད་སྨྲས་ན། དེས་ན་འདིའི་ཡིད་ལ་མི་འབབ་པར་འགྱུར་བས་སྟོན་པ་དེ་ལ་ཡིད་དུ་མི་འོང་བར་འགྱུར་བ་གང་ཡིན་པ་དེ་བདག་གིས་གླེངས་ཏེ་ཅི་རུང ། སྟོན་པ་ཤེས་ལྡན་འདི་རང་ཉིད་ཤེས་པར་འགྱུར་གྲང ། འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ནད་གསོས་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་ཤེས་པ་མཐོང་བའི་སྒོ་ནས་རྗེས་སུ་བསྲུང་བར་སེམས་སོ། །སྟོན་པ་དེ་ལྟ་བུ་ནི། ཉན་ཐོས་རྣམས་ཀྱིས་ཤེས་པ་མཐོང་བའི་སྒོ་ནས་རྗེས་སུ་བསྲུང་བར་རེ་བ་ཡིན་ཏེ། འདི་ནི་འཇིག་རྟེན་ན་ཡོད་ཅིང་མངོན་པའི་སྟོན་པ་གསུམ་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་ལུང་སྟོན་པ་ཕུན་སུམ་ཚོགས་པ་མ་ཡིན་བཞིན་དུ་བདག་གི་ལུང་སྟོན་པ་ནི་ཕུན་སུམ་ཚོགས་པ་ཡིན་ཏེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་རྒྱུས་སོ་སོར་ཤེས་ནས་སྟོན་པ་ཤེས་ལྡན་འདི་ནི་ལུང་སྟོན་པ་ཕུན་སུམ་ཚོགས་པ་མ་ཡིན་བཞིན་དུ་བདག་གི་ལུང་སྟོན་པ་ནི་ཕུན་སུམ་ཚོགས་པ་ཡིན་ཏེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ། གལ་ཏེ་བདག་ཅག་གིས་གཞན་ལ་དེ་སྐད་ཅེས་སྨྲས་ན།
Nga235b
དེས་དེའི་ཡིད་ལ་མི་འབབ་པར་འགྱུར་བས་སྟོན་པ་དེ་ལ་ཡིད་དུ་མི་འོང་བར་འགྱུར་བ་དེ། བདག་གིས་གླེངས་ཏེ་ཅི་རུང ། སྟོན་པ་ཤེས་ལྡན་འདི་རང་ཉིད་ཤེས་པར་འགྱུར་གྲང ། འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ནད་གསོས་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་ལུང་སྟོན་པ་ཕུན་སུམ་ཚོགས་པའི་སྒོ་ནས་རྗེས་སུ་བསྲུང་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ཀྱིས་ལུང་སྟོན་པ་ཕུན་སུམ་ཚོགས་པའི་སྒོ་ནས་རྗེས་སུ་བསྲུང་བར་རེ་བ་ཡིན་ཏེ། འདི་ནི། འཇིག་རྟེན་ན་ཡོད་ཅིང་མངོན་པའི་སྟོན་པ་བཞི་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི། ཆོས་འདུལ་བ་ཉེས་པར་འཆད་བཞིན་དུ་བདག་གིས་ཆོས་འདུལ་བ་ནི་ལེགས་པར་བཤད་པ་ཡིན་ཏེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་རྒྱུས་སོ་སོར་ཤེས་ནས་སྟོན་པ་ཤེས་ལྡན་འདི་ནི་ཆོས་འདུལ་བ་ཉེས་པར་འཆད་བཞིན་དུ་བདག་གི་ཆོས་འདུལ་བ་ལེགས་པར་བཤད་པ་སྟེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ། གལ་ཏེ་བདག་ཅག་གིས་གཞན་ལ་དེ་སྐད་སྨྲས་ན་དེས་ན་འདིའི་ཡིད་ལ་མི་འབབ་པར་འགྱུར་བས། སྟོན་པ་དེ་ལ་ཡིད་དུ་མི་འོང་བར་འགྱུར་བ་གང་ཡིན་པ་དེ་བདག་ཅག་གིས་གླེངས་ཏེ་ཅི་རུང ། སྟོན་པ་ཤེས་ལྡན་འདི་རང་ཉིད་ཤེས་པར་འགྱུར་གྲང ། འདི་བདག་ཅག་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ནད་གསོས་ཀྱི་རྐྱེན་སྨན་
Nga236a
༄#། །དང་ཡོ་བྱད་རྣམས་ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་ཆོས་འདུལ་བ་ལེགས་པར་བཤད་པའི་སྒོ་ནས་རྗེས་སུ་བསྲུང་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ཀྱིས་ཆོས་འདུལ་བ་ལེགས་པར་བཤད་པའི་སྒོ་ནས་རྗེས་སུ་བསྲུང་བར་རེ་བ་ཡིན་ཏེ། འདི་ནི་འཇིག་རྟེན་ན་ཡོད་ཅིང་མངོན་པའི་སྟོན་པ་ལྔ་པ་ཡིན་ནོ། །དགེ་སློང་དག་ང་ནི་ཚུལ་ཁྲིམས་ཡོངས་སུ་དག་པ་ཁོ་ན་ཡིན་པས། ང་ཚུལ་ཁྲིམས་ཡོངས་སུ་དག་པ་སྟེ། ཉོན་མོངས་པ་ཅན་མ་ཡིན་ནོ། །ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་ཚུལ་ཁྲིམས་ཀྱི་སྒོ་ནས་རྗེས་སུ་བསྲུང་བར་བསམ་ཡང་མི་དགོས་ལ། ང་ཡང་ཉན་ཐོས་རྣམས་ཀྱིས་ཚུལ་ཁྲིམས་ཀྱི་སྒོ་ནས་རྗེས་སུ་སྲུང་བར་འདོད་པ་མི་མངའོ། །དགེ་སློང་དག་ང་ནི་འཚོ་བ་ཡོངས་སུ་དག་པ་ཁོ་ན་ཡིན་པས་ངའི་འཚོ་བ་ཡོངས་སུ་དག་སྟེ། ཉོན་མོངས་པ་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་འཚོ་བའི་སྒོ་ནས་རྗེས་སུ་བསྲུང་ཡང་མི་དགོས་ལ། ང་ཡང་ཉན་ཐོས་རྣམས་ཀྱིས་ང་ལ་འཚོ་བའི་སྒོ་ནས་རྗེས་སུ་བསྲུང་བར་འདོད་པ་མི་མངའོ། །དགེ་སློང་དག་ང་ནི་ཡེ་ཤེས་གཟིགས་པ་ཡོངས་སུ་དག་པ་ཁོ་ན་ཡིན་པས། ང་ཡེ་ཤེས་གཟིགས་པ་ཡོངས་སུ་དག་པ་སྟེ།་ཉོན་མོངས་པ་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་ཡེ་ཤེས་གཟིགས་པའི་སྒོ་ནས་རྗེས་སུ་བསྲུང་བར་བསམ་ཡང་མི་དགོས་ལ། ང་ཡང་ཉན་ཐོས་རྣམས་ཀྱིས་
Nga236b
ཡེ་ཤེས་གཟིགས་པའི་སྒོ་ནས་རྗེས་སུ་བསྲུང་བར་འདོད་པ་མི་མངའོ། །དགེ་སློང་དག་ང་ནི་ལུང་སྟོན་པ་དང་ལྡན་པ་ཁོ་ན་ཡིན་པས་ངའི་ལུང་སྟོན་པ་ཕུན་སུམ་ཚོགས་ཏེ། ཉོན་མོངས་པ་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་ལུང་སྟོན་པ་ཕུན་སུམ་ཚོགས་པའི་སྒོ་ནས་རྗེས་སུ་བསྲུང་བར་བསམ་ཡང་མི་དགོས་ལ། ང་ཡང་ཉན་ཐོས་རྣམས་ཀྱིས་ལུང་སྟོན་པ་དང་ལྡན་པར་རྗེས་སུ་བསྲུང་བར་འདོད་པ་མི་མངའོ། །དགེ་སློང་དག་ངའི་ཆོས་འདུལ་བ་ནི་ལེགས་པར་གསུང་བ་ཁོ་ན་ཡིན་པས། ངའི་ཆོས་འདུལ་བ་ལེགས་པར་གསུངས་པ་སྟེ། ཉོན་མོངས་པ་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་ཆོས་འདུལ་བ་ལེགས་པར་གསུངས་པའི་སྒོ་ནས་རྗེས་སུ་བསྲུང་བར་བསམ་ཡང་མི་དགོས་ལ། ང་ཡང་ཉན་ཐོས་རྣམས་ཀྱི་ཆོས་འདུལ་བ་ལེགས་པར་གསུངས་པའི་སྒོ་ནས་རྗེས་སུ་བསྲུང་བར་འདོད་པ་མི་མངའོ། །དགེ་སློང་དག་ང་ནི་ཁྱེད་ལ་ཚར་བཅད་ཅིང་ཚར་བཅད་ཅིང ། ཐག་བཅུག་ཅིང་ཐག་བཅུག་ཅིང་རབ་ཏུ་སྨྲའི། ཁྱེད་ལ་ངོ་ནི་མི་བྱེད་དེ། རྫ་མཁན་གྱིས་རྫ་མ་ཆོས་པ་རྣམས་ལ་བྱ་བ་བཞིན་དུ་གང་རུང་བ་དེ་འཇོག་པར་ཟད་པས་ངའི་ཚིག་གི་ལམ་རྣམས་བཟོད་པར་ཡང་གྱིས་ཤིག་།དེ་ནས་ལྷས་བྱིན་གྱིས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏི་མོ་ར་ཀ་ཏི་ཤྱ་དང ། རྒྱ་མཚོས་བྱིན་ལ་སྨྲས་པ། ཀོ་ཀ་ལི་དང ། ཁན་ད་དྲབ་བྱ་དང ། ཀ་ཏི་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ཚུར་ཤེག་།དགེ་སློང་གོའུ་ཏ་མ་འདུག་བཞིན་དུ་ཉན་ཐོས་
Nga237a
༄#། །ཀྱི་དགེ་འདུན་མཐུན་པ་དབྱེ་བ་དང ། འཁོར་ལོ་དབྱེ་བར་བྱའོ། །དེས་ན་བདག་ཅག་ཤི་སྟེ་འདས་ན་ཡང་དགེ་སྦྱོང་གོའུ་ཏ་མ་དེ་ལྟར་རྫུ་འཕྲུལ་ཆེ་བ། དེ་ལྟར་མཐུ་ཆེ་བ་འདུག་བཞིན་དུ་ལྷས་བྱིན་དང ། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏི་མོ་ར་ཀ་ཏི་ཤྱ་དང ། རྒྱ་མཚོས་བྱིན་གྱིས་ཉན་ཐོས་ཀྱི་དགེ་འདུན་མཐུན་པ་ཕྱེ་བ་དང ། འཁོར་ལོ་ཕྱེ་བ་བྱས་སོ་ཞེས་ཕྱོགས་དང་ཕྱོགས་མཚམས་སུ་གྲགས་པ་དང ། སྒྲ་དང་ཚིགས་སུ་བཅད་པ་སྙན་པ་རྒྱ་ཆེར་འབྱུང་བར་འགྱུར་རོ། །དེ་རྣམས་ཀྱིས་སྨྲས་པ། ལྷས་བྱིན་བདག་ཅག་གིས་ནི་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང ། འཁོར་ལོ་དབྱེ་བར་མི་ནུས་སོ། །དེ་ཅིའི་ཕྱིར་ཞེ་ན། ཚེ་དང་ལྡན་པ་ལྷས་བྱིན། བཅོམ་ལྡན་འདས་ཀྱི་ཉན་ཐོས་རྫུ་འཕྲུལ་ཆེ་བ་མཐུ་ཆེ་བ་ལྷའི་མིག་དང་ཕ་རོལ་གྱི་སེམས་རིག་པ་དག་ཡོད་ལ་དེ་དག་ནི་རྒྱང་རིང་པོ་ནས་ཀྱང་མཐོང་ལ། དྲུང་ན་འདུག་ཀྱང་མི་སྣང་བ་དག་ཡིན་ཏེ། དེ་རྣམས་ཀྱི་སེམས་ཀྱིས་སེམས་ཁྱབ་པར་བྱས་ནས་ཡིད་ཀྱིས་ཡིད་རྣམ་པར་ཤེས་ཏེ། དེ་རྣམས་ཀྱིས་བདག་ཅག་བསྐྱོད་པ་ཉིད་ཀྱིས་ཤེས་པར་འགྱུར་རོ། །དེས་སྨྲས་པ། ཀོ་ཀ་ལི་ཀ་དག་ཚུར། ཐབས་ཡོད་ཀྱིས། བདག་ཅག་དགེ་སློང་གནས་བརྟན་གནས་བརྟན་རྣམས་ཀྱི་དྲུང་དུ་སོང་ལ་གནས་བརྟན་དག་ཐུགས་ལས་ཆུང་ངུར་མཛོད་ཅིག་དང ། བདག་ཅག་གིས་གནས་བརྟན་རྣམས་ལ་ཡོ་བྱད་ཐམས་ཅད་ཀྱིས་མི་བྲེལ་བར་བགྱིའོ་ཞེས་ཡོ་བྱད་ཐམས་ཅད་ཀྱིས་བསྟབ་པར་
Nga237b
བྱ་ཞིང ། དགེ་སློང་གསར་བུ་རྣམས་ལ་ཡང་ལྷུང་བཟེད་དང་ཆོས་གོས་དང་ལྷུང་བཟེད་ཀྱི་སྣོད་དང ། ཆུ་ཚགས་དང་སྐ་རགས་དང་ལུང་དབོག་པ་དང ། ཀློག་ཏུ་གཞུག་པ་དང་འདོན་དུ་གཞུག་པ་དང ། རྣལ་འབྱོར་དང་ཡིད་ལ་བྱེད་པས་ཉེ་བར་བསྡུ་ཞིང་རིམ་གྲོ་བྱའོ། །ཚེ་དང་ལྡན་པ་ལྷས་བྱིན་ཐབས་དེ་ནི་བདེན་པ་ཞིག་ཡོད་དོ། །དེ་ན་ལྷས་བྱིན་གྱིས་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བརྩམས་སོ། །དགེ་སློང་གནས་བརྟན་གནས་བརྟན་རྣམས་ཀྱིས་ལྷས་བྱིན་དགེ་འདུན་མཐུན་པ་དབྱེ་བའི་ཕྱིར་རྟུལ་བར་སྐྱོད་པ་ཉིད་ཚོར་ནས། སྐབས་དེ་དགེ་སློང་རྣམས་ལ་སྨྲས་པ་དང ། དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ་ལྷས་བྱིན་ནི་དགེ་འདུན་མཐུན་པ་དབྱེ་བའི་སླད་དུ་རྟུལ་བར་བགྱིད་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་ལྷས་བྱིན་དང་དེ་ལྟ་བུ་དང་མཐུན་པ་གཞན་སུ་ཡང་རུང་བ་ལ་བཞམས་ཏེ་བསྒོ་བར་བྱའོ། །བསྒོ་བ་ཡང་འདི་ལྟར་བྱ་སྟེ། ལྷས་བྱིན་ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག་།དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག་།ལྷས་བྱིན་ཁྱོད་དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན། མི་ཕྱེད། ཀུན་ཏུ་དགའ། མི་རྩོད། མཆོག་གཅིག་འདོན་པ་གཅིག་ཅིང ། ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ་སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་རོ་ཞེས་བསྒོ་ཞིག་དང ། དགེ་སློང་དེ་རྣམས་ཀྱིས་ལྷས་བྱིན་ལ་བཞམས་ཏེ་བསྒོ་
Nga238a
༄#། །བ་དང ། དེ་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི། གཞན་ནི་བརྫུན་ནོ་ཞེས་རྗེས་སུ་ཐ་སྙད་འདོགས་པར་བྱེད་ནས། སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ་བདག་ཅག་གིས་ལྷས་བྱིན་ལ་བཞམས་ཏེ་བསྒོ་ལགས་ན། དེ་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་བདེན་གྱི། གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་ལྷས་བྱིན་དང་གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །བསྒོ་བ་ཡང་འདི་ལྟར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ལྷས་བྱིན་འདི་དགེ་འདུན་མཐུན་པ་དབྱེ་བའི་སླད་དུ་རྟུལ་ཏེ་དབྱེན་བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་ནས་འདི་ལ་དགེ་སློང་མང་པོས་བཞམས་ཏེ་བསྒོ་ན། བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་ན་གལ་
Nga238b
ཏེ་དགེ་འདུན་གྱིས་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་ལྷས་བྱིན་ལ་ལྷས་བྱིན་ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག ། དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག་།ལྷས་བྱིན་ཁྱོད་དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན་མི་ཕྱེད་ཀུན་ཏུ་དགའ་མི་རྩོད ། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ་སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་རོ་ཞེས་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ལྷས་བྱིན་འདི་དགེ་འདུན་མཐུན་པ་དབྱེ་བའི་སླད་དུ་རྟུལ་ཏེ་དབྱེན་བགྱིད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མཆིས་ནས་འདི་ལ་དགེ་སློང་མང་པོས་བཞམས་ཏེ་བསྒོ་ན། བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས། འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་ལྷས་བྱིན་ལ་ལྷས་བྱིན་ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག་།དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག་།ལྷས་བྱིན་ཁྱོད་དགེ་འདུན་དང་མཐུན་པར་གྱིས་ཤིག །
Nga239a
༄#། །དགེ་འདུན་མཐུན་མི་ཕྱེད་ཀུན་ཏུ་དགའ་མི་རྩོད་མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ལྷས་བྱིན་ཁྱོད་དགེ་འདུན་མཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག་།དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཅིག་།ལྷས་བྱིན་ཁྱོད་དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན་མི་ཕྱེད་ཀུན་ཏུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་རོ་ཞེས་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ན། ཚེ་དང་ལྡན་པ་གང་དག་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་བར་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་བརྗོད་པ་དང་པོ་སྟེ། དེ་བཞིན་དུ་ལས་བརྗོད་པ་གཉིས་པ་དང་གསུམ་པའི་བར་དུ་བྱའོ། །དགེ་སློང་དེ་རྣམས་ཀྱིས་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་ན། བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་སོ། །དེའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པའི་
Nga239b
དགེ་སློང་བཞི་པོ་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་ཏེ། དེ་རྣམས་ཀྱིས་ཀྱང་དགེ་སློང་རྣམས་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཁྱེད་ཅག་དགེ་ཡང་རུང་སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པ་མ་ཡིན་པའི་ཕྱིར་ཏེ་དགེ་སློང་འདི་གང་ལ་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ། བདག་ཅག་གིས་ལྷས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་ན། བསྒོ་ཡང་གཞི་དེ་ཉིད་ལ་ནན་ཏན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་ལགས་སོ། །དེའི་གྲོགས་བགྱིད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པའི་དགེ་སློང་བཞི་པོ་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དེ་རྣམས་ཀྱང་དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག་ཁྱེད་ཅག་དགེ་ཡང་རུང ། སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག ། དེ་ཅིའི་ཕྱིར་ཞེ་ན། དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ། རྗེས་སུ་ཐ་སྙད་འདོགས་པར་བྱེད་པ་དགེ་སློང་འདི་ནི་ཤེས་
Nga240a
༄#། །བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་བཟོད་ཅིང་འདོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མཆི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་ལ་བཞམས་ཏེ་བསྒོ་བར་བྱའོ། །བཞམས་ཏེ་བསྒོ་བ་ཡང་འདི་ལྟར་བྱ་སྟེ། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དག་ཁྱེད་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དེའི་གྲོགས་བྱེད་ཅིང ། མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག་།དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང་དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མེ་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག་།ཚེ་དང་ལྡན་པ་ཁྱེད་ཅག་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་ཁྱེད་ཅག་དགེ་འདུན་མཐུན་པ་ཉིད་དུ་འདོད་པར་གྱིས་ཤིག་།ཚེ་དང་ལྡན་པ་དག་
Nga240b
དགེ་འདུན་མཐུན་པར་གྱིས་ཤིག་།དགེ་འདུན་མཐུན་མི་ཕྱེད་ཀུན་ཏུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས་ཚེ་དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཞིག་ཅེས་བསྒོ་ཞིག་།དགེ་སློང་དེ་རྣམས་ཀྱིས་ཀོ་ཀ་ལི་ཀ་དང་ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་བཞམས་ཏེ་བསྒོ་ན་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བྱེད་དོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ་བདག་ཅག་གིས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་བཞམས་ཏེ་བསྒོ་ལགས་ན། བསྒོ་ཡང་གཞི་དེ་ཉིད་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་ཀོ་ལ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་དང ། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །བསྒོ་བ་ནི་འདི་ལྟར་བྱ་སྟེ། གནས་མལ་བཤམས་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་
Nga241a
༄#། །དག་པར་བསྒོ་ལ་དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་དང ། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་འདི་དག་འཚལ་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་སླད་དུ་རྟུལ་བར་བགྱིད་ཅིང་དེ་མི་མཐུན་པར་སྨྲ་བའི་རྗེས་སུ་ཕྱོགས་པར་གྱུར་ནས། དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་།ཁྱེད་ཅག་དགེ་ཡང་རུང་སྡིག་ཀྱང་རུང་སྟེ་དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ། རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི། མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་བཟོད་ཅིང་འདོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མཆི་ན། འདི་དག་ལ་དགེ་སློང་མང་པོས་བཞམས་ཏེ་བསྒོ་ན་བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་ན། གལ་ཏེ་དགེ་འདུན་གྱིས་དུས་ལ་བབ་ཅིང་བཟོད་ན། དགེ་འདུན་གྱིས་གནང་བར་མཛོད་ཅིག་དང ། དགེ་འདུན་གྱིས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་ཀོ་ཀ་ལི་ཀ་དང ། ཁན་ད་དྲབ་བྱ་
Nga241b
དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་ཁྱེད་ཅག་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར་འགྱུར་པའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དང ། དེ་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག་།དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་ཁྱེད་ཅག་དགེ་ཡང་རུང་སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟོ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི། མི་ཤེས་པར་ནི་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་མ་ཡིན་འདུལ་བ་སྨྲ་བ་མ་ཡིན་གྱི། ཚེ་དང་ལྡན་པ་དག་དགེ་སློང་འདི་ནི་ཆོས་མ་ཡིན་པ་སྨྲ་བ་འདུལ་བ་མ་ཡིན་པ་སྨྲ་བ། དགེ་སློང་འདི་ནི་ཆོས་མ་ཡིན་པ་དང ། འདུལ་བ་མ་ཡིན་པ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་མི་ཤེས་བཞིན་དུ་སྨྲའི་ཤེས་པར་ནི་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་ཚེ་དང་ལྡན་པ་དག་འདོད་ཅིང་བཟོད་པར་མ་བྱེད་ཅིག་།ཚེ་དང་ལྡན་པ་དག་ཁྱོད་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པར་ཚེ་དང་ལྡན་པ་དགེ་འདུན་མཐུན་པ་ཉིད་དུ་འདོད་པར་
Nga242a
༄#། །གྱིས་ཤིག་།ཚེ་དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཞིག་།ཚེ་དང་ལྡན་པ་དག་དགེ་འདུན་དང་མཐུན་པར་གྱིས་ཤིག་།དགེ་འདུན་མཐུན་མི་ཕྱེད་ཀུན་ཏུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་རོ་ཞེས་བསྒོ་བ་མཛད་ན། ཚེ་དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཞིག་ཅེས་གསོལ་བ་དང་བཞིའི་ལས་ཀྱིས་བསྒོ་བ་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་འདི་དག་འཚལ་བཞིན་དགེ་སློང་གང་དགེ་འདུན་མཐུན་པ་དབྱེ་བའི་སླད་དུ་རྟུལ་བར་བགྱིད་ཅིང་དེ་མི་མཐུན་པར་སྨྲ་བའི་རྗེས་སུ་ཕྱོགས་པར་གྱུར་ནས་དགེ་སློང་རྣམས་ལ་འདི་སྐད་ཅེས། ཚེ་དང་ལྡན་པ་དག་ཁྱོད་དག་ཅག་དགེ་ཡང་རུང་སྡིག་ཀྱང་དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་
Nga242b
པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མཆིས་ནས། འདི་དག་ལ་དགེ་སློང་མང་པོས་བཞམས་ཏེ་བསྒོ་ན། བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་དེ། དེའི་སླད་དུ་དགེ་འདུན་གྱིས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་ཁྱེད་ཅག་ཤེས་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་བར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་པ་དང ། དེ་མི་མཐུན་པར་སྨྲ་བའི་རྗེས་སུ་ཕྱོགས་པར་མ་བྱེད་ཅིག་།དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་ཁྱེད་ཅག་དགེ་ཡག་རུང་སྡིག་ཀྱང་རུང ། དགེ་སློང་འདི་ལ་ཅི་ཡང་མ་སྨྲ་ཞིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ། འདུལ་བ་སྨྲ་བ། དགེ་སློང་འདི་ནི་ཆོས་དང་འདུལ་བ་ཡང་དག་པར་བླངས་ནས་རབ་ཏུ་བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག་།དེ་ཅིའི་ཕྱིར་ཞེ་ན། ཚེ་དང་ལྡན་པ་དག་དགེ་སློང་འདི་ནི་ཆོས་སྨྲ་བ་མ་ཡིན་འདུལ་བ་སྨྲ་བ་མ་ཡིན་གྱི། ཚེ་དང་ལྡན་
Nga243a
༄#། །པ་དག་ཆོས་མ་ཡིན་པ་སྨྲ་བ་འདུལ་བ་མ་ཡིན་པ་སྨྲ་བ། དགེ་སློང་འདི་ནི་ཆོས་མ་ཡིན་པ་དང་འདུལ་བ་མ་ཡིན་པ་ཡན་དག་པར་བླངས་ནས་རབ་ཏུ་བཟུང་སྟེ། རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་མི་ཤེས་བཞིན་དུ་སྨྲའི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག་།ཚེ་དང་ལྡན་པ་དག་དགེ་འདུན་འབྱེད་འདོད་པར་མ་བྱེད་པར། ཚེ་དང་ལྡན་པ་དག་དགེ་འདུན་མཐུན་པ་ཉིད་དུ་འདོད་པར་གྱིས་ཤིག་།ཚེ་དང་ལྡན་པ་དག་དགེ་འདུན་མཐུན་པར་གྱིས་ཤིག་།དགེ་འདུན་མཐུན་མི་ཕྱེད་ཀུན་ཏུ་དགའ་མི་རྩོད་མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱིས། ཚེ་དང་ལྡན་པ་དག་དགེ་འདུན་འབྱེད་པའི་རྗེས་སུ་ཕྱོགས་ཤིང་མི་མཐུན་པར་སྨྲ་བ་འདི་ལྟ་བུ་འདི་ཐོང་ཞིག་ཅེས་གསོལ་པ་དང་བཞིའི་ལས་ཀྱིས་བསྒོ་བར་མཛད་ན། ཚེ་དང་ལྡན་པ་གང་དག་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་པར་བཟོད་པ་དེ་དག་ནི་ཅང་མ་གསུངས་ཤིག་།གང་དག་མི་བཟོད་པ་དེ་དག་ནི་གསུངས་ཤིག་།འདི་ནི་ལས་བརྗོད་པ་དང་པོའོ། །དེ་བཞིན་དུ་ལན་གཉིས་ལན་གསུམ་དུ་བཟླས། དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་
Nga243b
ཤྱ་དང ། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོ་བ་མཛད་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དགེ་སློང་རྣམས་ཀྱིས་བཙུན་པ་བཀའ་བཞིན་འཚལ་ཞེས་བཅོམ་ལྡན་འདས་ལས་མཉན་ནས། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོའོ། །དགེ་སློང་དེ་རྣམས་ཀྱིས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་གསོལ་བ་དང་བཞིའི་ལས་ཀྱིས་བསྒོ་ན། དེ་རྣམས་དགེ་སློང་རྣམས་ཀྱིས་གསོལ་བ་དང ། བཞིའི་ལས་ཀྱིས་བསྒོ་ན་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས། འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བྱེད་དོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ། བཙུན་པ། བདག་ཅག་གིས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་ལ་གསོལ་བ་དང་བཞིའི་ལས་ཀྱིས་བསྒོ་ལགས་ན། བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས། འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང་འཁོར་ལོ་དབྱེ་བར་བྱ་ནུས་ཏེ། འདི་ལྟར་འདིའི་གྲོགས་
Nga244a
༄#། །བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པའི་དགེ་སློང་བཞི་པོ་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ཡིན་པས་སོ། །ལྷས་བྱིན་གྱིས་བདག་ལ་དགེ་སྦྱོང་གོའུ་ཏ་མས་ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང་འཁོར་ལོ་དབྱེ་བར་བྱ་ནུས་ཏེ། འདི་ལྟར་འདིའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པའི་དགེ་སློང་བཞི་པོ་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ཡིན་པས་སོ་ཞེས་ལུང་བསྟན་པ་ཐོས་སོ། །ཐོས་ནས་ཀྱང་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ལ་སྨྲས་པ། ཀོ་ཀ་ལི་ཀ། ཁན་ད་དྲབ་བྱ། ཀ་ཏ་མོ་ར་ཀ་ཏི་ཤྱ། རྒྱ་མཚོས་བྱིན་དག་ཤེས་པར་གྱིས་ཤིག་།དགེ་སྦྱོང་གོའུ་ཏ་མས་ཁོ་བོ་ལ་ལྷས་བྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང ། འཁོར་ལོ་དབྱེ་བར་བྱ་ནུས་ཏེ། འདི་ལྟར་འདིའི་གྲོགས་བྱེད་ཅིང་མི་མཐུན་པར་སྨྲ་བའི་རྗེས་སུ་ཕྱོགས་པའི་དགེ་སློང་བཞི་པོ་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་ཡིན་པས་སོ་ཞེས་ལུང་བསྟན་ཏོ། །མ་ལ་ཁོ་བོས་ལྷག་པར་ཡང་དགེ་འདུན་དབྱེ་བར་བྱ་བའི་ཕྱིར་རྟུལ་བར་བྱའོ་ཞེས་དེ་དགེ་སློང་ལྔ་བརྒྱ་དང་ལྷན་ཅིག་ཀུན་དགའ་ར་བའི་ནང་དུ་ཚོགས་ཤིང་ཟ་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་
Nga244b
ལ་གསོལ་པ་དང ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེ་བཞིན་གཤེགས་པས་ཅིའི་ཕྱིར་གསུམ་ནི་ཟ་བར་རྗེས་སུ་གནང་ལ། ཚོགས་ཤིང་ཟ་བ་ནི་བཀག་པ་མཛད་ཅེ་ན། རིགས་འབར་བ་ལ་བརྟེན་པ་དང ། གང་ཟག་སྡིག་པ་འདོད་པ་རྣམས་ཀྱི་ཕྱོགས་གཞོམ་པའི་དོན་གཉིས་གཟིགས་པ་སྟེ། གང་ཟག་སྡིག་པ་འདོད་པ་རྣམས་དགེ་འདུན་ཁོ་ན་ལ་བརྟེན། དགེ་འདུན་ཁོ་ནའི་ཆེད་དུ་བྱས། དགེ་འདུན་ཁོ་ན་མ་ཤེས་ཤིང་ཡ་མཚན་ཅན་ལྟ་བུར་བྱས་ནས། དགེ་འདུན་ཁོ་ན་དང་ལྷན་ཅིག་རྩོད་པ་བཟུང་ནས་གནས་པར་འགྱུར་དུ་འོད་སྙམ་པས་སོ། །གང་གི་ཚེ་ཚེ་དང་ལྡན་པ་འོད་སྲུང་སྟོབས་བཅུ་ལྡན་གྱིས་ལྷས་བྱིན་ལ་རྫུ་འཕྲུལ་གྱི་ལམ་གྱི་ལུང་ཕོག་པ་དེའི་ཚེ། དེ་ལ་དགེ་སློང་རྣམས་ཀྱིས་སྨྲས་པ། གནས་བརྟན་ཁྱོད་ཀྱིས་ཅིའི་ཕྱིར་ལྷས་བྱིན་ལ་རྫུ་འཕྲུལ་གྱི་ལམ་གྱི་ལུང་ཕོག་།དེས་སྨྲས་པ། ཚེ་དང་ལྡན་པ་དག་བདག་གིས་དེ་སྡིག་པ་འདོད་པར་མ་ཤེས་མོད། གལ་ཏེ་བདག་གིས་ཤེས་ན་དེ་ལ་བདག་གིས་རྫུ་ཞེས་བྱ་བ་ཙམ་གྱི་ལུང་ཡང་མི་དབོག་ན། རྫུ་འཕྲུལ་གྱི་ལམ་ལྟ་སྨོས་ཀྱང་ཅི་དགོས། དེ་ནས་ལྷས་བྱིན་ལ་དགེ་སློང་རྣམས་ཀྱིས་གཅུགས་པས་སྨྲས་པ། ལྷས་བྱིན་ཁྱོད་ཀྱི་དཔལ་དང་སྐལ་པ་ཕུན་སུམ་ཚོགས་པ་ཅི་ཡོད་པ་དེ་ཐམས་ཅད་ནི་གནས་བརྟན་འོད་སྲུང་སྟོབས་བཅུ་ལྡན་ལ་བརྟེན་ཏེ་ཡིན་ན། ཁྱོད་དེའི་དྲུང་དུ་མི་འགྲོའམ། དེ་རྣམས་ཀྱིས་བསམས་པ། བདག་ཅག་གིས་འདི་བསྐུལ་ན། དེའི་དྲུང་དུ་འགྲོ་ཞིང་དེས་འདི་སླར་བཟློག་
Nga245a
༄#། །པར་འགྱུར་རོ་སྙམ་མོ། །དེ་ལ་དེ་ལྟར་བསྐུལ་བ་ན་སྨྲས་པ། ཁོ་བོ་ལ་དེས་ཅི་ཞིག་བྱས། ཁོ་བོས་བརྩོན་འགྲུས་ལ་གནས་ཏེ་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་རྣལ་འབྱོར་རྗེས་སུ་བརྩོན་པས་གནས་ནས་བསམ་གཏན་དང་པོ་ལ་བརྟེན་ཏེ་རྫུ་འཕྲུལ་བསྒྲུབ་པ་མ་བྱས་སམ་ཞེས་དེའི་ཚིག་སྨྲས་མ་ཐག་ཁོ་ནར་བྱས་པ་མི་གཟོ་བས་རྫུ་འཕྲུལ་ལས་ཉམས་པར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་བྱས་པ་མི་གཟོ་བས་རྫུ་འཕྲུལ་ལས་ཉམས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདི་འདས་པ་ན་ཡང་བྱས་པ་མི་གཟོ་བས་རིག་སྔགས་ལས་ཉམས་པ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་བ་དང་ཞེས་བྱ་བ་ནས་སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་ཞེས་བྱ་བའི་བར་དུ་སྟེ། དེ་ལ་རིག་སྔགས་དང་གསང་སྔགས་འཆང་གདོལ་པ། རིག་སྔགས་དང་གསང་སྔགས་སུ་མཁས་པ་ཞིག་ཡོད་དེ། དེ་ས་འཛིན་གྱི་རིག་སྔགས་སྦྱར་ནས་རྫུ་འཕྲུལ་གྱིས་རི་བོ་སྤོས་ཀྱི་ངད་ལྡང་ལས་དུས་མ་ཡིན་པ་དང ། དུས་ཚིགས་མ་ཡིན་པའི་མེ་ཏོག་དང་འབྲས་བུ་དག་བླངས་ནས་རྒྱལ་པོ་ཚངས་སྦྱིན་ལ་དབུལ་བར་བྱེད་དོ། །རྒྱལ་པོ་ཚངས་སྦྱིན་དེ་ལ་མངོན་པར་དགའ་ནས་བྱ་དགའ་སྦྱིན་པར་བྱེད་དོ། །ཇི་
Nga245b
ཙམ་ན་བྲམ་ཟེའི་ཁྱེའུ་ཞིག་གསང་སྔགས་དོན་དུ་གཉེར་ཞིང་གསང་སྔགས་ཚོལ་བ་ན་བརྒྱུད་པ་ལས་ཐོས་ནས་ཡུལ་ནས་ཝཱ་ར་ཎཱ་སིར་སོན་ཏོ། །དེ་ནས་ལམ་གྱིས་དུབ་པ་ངལ་སོས་ནས། རིག་སྔགས་དང་གསང་སྔགས་འཆང་གདོལ་པ་དེའི་དྲུང་དུ་སོང་སྟེ་ཕྱིན་ནས་སྨྲས་པ། མཁན་པོ་ལ་བདག་བསྙེན་བཀུར་བགྱིད་པར་འཚལ་ལོ། །ཅིའི་ཕྱིར། རིག་སྔགས་ཀྱི་སླད་དུའོ། །དེས་ཚིགས་སུ་བཅད་པས་སྨྲས་པ། རིག་སྔགས་སུ་ལའང་མི་སྦྱིན་ཏེ། །རིག་སྔགས་དང་ནི་ལྷན་ཅིག་འཆི། །ཡང་ན་རིག་དང་བསྙེན་བཀུར་དང ། །ནོར་གྱིས་རིག་སྔགས་སྦྱིན་པར་བྱ། །དེས་སྨྲས་པ་མཁན་པོ་གལ་ཏེ་དེ་ལྟ་ལགས་ན། བདག་ཅག་བསྙེན་བཀུར་བགྱི་ན་དུས་ཇི་ཙམ་གྱི་བར་དུ་བགྱི། དེས་སྨྲས་པ། ལོ་བཅུ་གཉིས་ཀྱི་བར་དུ་བསྙེན་བཀུར་བྱས་ན་སྦྱིན་ནམ་མི་སྦྱིན་དུ་ཟད་དོ། །དེ་ཤིན་ཏུ་རིག་སྔགས་དོན་དུ་གཉེར་བ་ཞིག་པས་ཁས་བླངས་སོ། །དེ་ནས་མགུ་བར་བྱ་བ་ལྷུར་བླངས་ནས་གུས་པར་བྱས་ཏེ། བསྙེན་བཀུར་བྱ་བར་བརྩམས་སོ། །ཇི་ཙམ་དུས་གཞན་ཞིག་ན་གདོལ་པ་དེ་ཆང་གིས་མྱོས་ནས་ཁྱིམ་དུ་འོངས་སོ། །བྲམ་ཟེའི་ཁྱེའུ་དེས་བསམས་པ། མཁན་པོ་འདི་མ་འོས་པར་ཆང་གིས་མྱོས་ཀྱིས་འདིའི་གློར་ཉལ་བར་བྱའོ་སྙམ་མོ། །ཇི་ཙམ་ན་གདོལ་པ་དེ་མལ་ནས་འགྲོ་བར་བརྩམས་ཏེ། དེ་འགྲེས་པ་དང ། ཁྲིའི་ངོས་ཆགས་པ་བྲམ་ཟེའི་ཁྱེའུ་དེས་ཐོས་ནས། སད་དེ་དེས་བསམས་པ། མཁན་པོ་སྡུག་བསྔལ་ཞིང་ཉལ་བར་འགྱུར་གྱིས། མ་ལ་བདག་གིས་ཁྲིའི་ངོས་སུ་རྒྱབ་གཏད་དོ་སྙམ་ནས་དེས་ཁྲིའི་ངོས་སུ་རྒྱབ་
Nga246a
༄#། །གཏད་ནས་འདུག་གོ་།འདི་ནི་ཆོས་ཉིད་ཡིན་ཏེ་ར་རོ་བ་རྣམས་ལས་གང་སྟོབས་དང་ལྡན་པ་དེ་ནི་ཐུན་དང་པོས་མྱོས་པ་བསངས་པར་འགྱུར་ན། དེ་ཆང་ལྕི་བའི་ཤུགས་ཀྱིས་བྲམ་ཟེའི་ཁྱེའུ་ཡི་རྒྱབ་ལ་སྐྱུགས་པས་གཏོར་ཏོ། །དེས་བསམས་པ། གལ་ཏེ་བདག་གིས་ལུས་བསྒུལ་ཏམ་ཚིག་ཕྱུང་ན་མཁན་པོས་ཐོས་ཏེ། སད་ནས་སླར་གཉིད་ལྡོག་པར་མི་འགྱུར་བ་གང་ཡིན་པའི་གནས་འདི་ཡོད་དོ་སྙམ་ནས་དེ་མནགས་ནས་འདུག་གོ་།ཇི་ཙམ་ན་གདོལ་པ་དེ་རང་ཉིད་སད་པ་དང ། དེ་ལྟ་བུའི་ངན་པ་དེ་མཐོང་ནས་དྲིས་པ། འདི་སུ་ཡིན། དེས་སྨྲས་པ། མཁན་པོ་བདག་ནི་བདེ་བའི་ཟླ་བ་ལགས་སོ། །བུ་འདི་ལྟར་འདུག་སྟེ་ཅི་བྱེད། དེས་ཇི་ལྟར་གྱུར་པ་རྣམས་སྨྲས་པ་དང ། དེ་ཡང་ལྷག་པར་དགའ་ནས་སྨྲས་པ། བུ་ཁོ་བོ་མགུ་བར་གྱུར་གྱིས་སོང་ལ་ཁྲུས་བྱས་ཏེ་ཤོག་ཅིག་དང ། ཁྱོད་ལ་རིག་སྔགས་སྦྱིན་ནོ། །དེས་ཁྲུས་བྱས་ཏེ་འོངས་པ་དང ། དེས་དེ་ལ་རིག་སྔགས་བྱིན་ནོ། །བྲམ་ཟེ་རྣམས་ནི་རྒོད་པག་ཅན་ཡིན་པས་དེ་ནོགས་མ་ཐུབ་སྟེ་བསམས་པ། རེ་ཞིག་རིག་སྔགས་འདི་འདི་ཉིད་དུ་སད་ལ་དེ་ནས་གཞན་དུ་འགྲོའོ་སྙམ་ནས། དེས་རིག་སྔགས་དེ་སྦྱར་ཏེ་ནམ་མཁའ་ལ་འཕགས་ནས། མྱུར་བར་རི་བོ་སྤོས་ཀྱི་ངད་ལྡང་ལ་སོང་སྟེ། དུས་མ་ཡིན་པ་དང་དུས་ཚིགས་མ་ཡིན་པའི་མེ་ཏོག་དང་འབྲས་བུ་དག་བླངས་ཏེ་འོངས་ནས། དེ་དེ་དག་རྒྱལ་པོའི་མདུན་ན་འདོན་ལ་བྱིན་ནོ། །དེས་ཀྱང་རྒྱལ་པོ་ཚངས་སྦྱིན་ལའོ། །རྒྱལ་པོས་སྨྲས་པ། ཁྱོད་ཀྱིས་འདི་
Nga246b
སུ་ལས་འོངས། དེས་སྨྲས་པ། ཡུལ་ཐག་རིང་པོ་ནས་བྲམ་ཟེའི་ཁྱེའུ་ཞིག་མཆིས་ཏེ་དེས་འདི་དག་བདག་ལ་སྩལ་ཏོ། །དེ་ནི་ལྷག་པར་རིག་སྔགས་དང་གསང་སྔགས་འཆང་ཞིང་བྲམ་ཟེ་འདོད་པ་ཆུང་བ་ལགས་ཀྱིས་གདོལ་པ་འཇིག་རྟེན་ཐམས་ཅད་ཀྱིས་སྨད་པ་འདིས་ཅི་ཞིག་བགྱི། དེ་དབང་པའི་འཚོ་བ་བཀུམ་སྟེ་བྲམ་ཟེའི་ཁྱེའུ་འདི་ལ་སྩལ་དུ་གསོལ། རྒྱལ་པོས་སྨྲས་པ། དེ་བཞིན་དུ་གྱིས་ཤིག ། དེ་ནས་མདུན་ན་འདོན་གྱིས་གདོལ་བའི་འཚོ་བ་བཅད་ནས་བྲམ་ཟེའི་ཁྱེའུ་དེ་ལ་བྱིན་ནོ། དེ་བྱས་པ་མི་གཟོ་བ་དེས་རིག་སྔགས་དེ་ལས་ཡོངས་སུ་ཉམས་པར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་གདོལ་བ་གང་ཡིན་པ་དེ་ནི་འོད་སྲུང་སྟོབས་བཅུ་ལྡན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་རིག་སྔགས་ལས་ཡོངས་སུ་ཉམས་པར་གྱུར་ཏོ། །ད་ལྟར་ཡང་འདི་རྫུ་འཕྲུལ་ལས་ཡོངས་སུ་ཉམས་པར་གྱུར་ཏོ། །དགེ་སློང་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། ཅི་ནས་ཀྱང་བྱས་པ་གཟོ་བ་དང་བྱས་པ་ཚོར་བ་ཅན་དུ་བྱ་སྟེ། ཆུང་དུ་བྱས་པ་ཡང་ཆུད་མི་གཟན་ན། མང་པོ་ལྟ་སྨོས་ཀྱང་ཅི་དགོས་ཏེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །དེ་ནས་བཅོམ་ལྡན་འདས་ཇི་ཙམ་བཞེད་ཀྱི་བར་དུ་རྒྱལ་པོའི་ཁབ་ཏུ་བཞུགས་ནས། དགེ་སློང་རྣམས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ནས། ག་ཡ་གང་ན་བ་དེར་རྒྱུ་ཞིང་གཤེགས་ཏེ་རིམ་གྱིས་རྒྱུ་ཞིང་གཤེགས་པ་
Nga247a
༄#། །དང་ག་ཡར་བྱོན་ནས་ག་ཡ་ན་བཞུགས་སོ། །རྒྱལ་པོ་གཟུགས་ཅན་སྙིང་པོས་བཅོམ་ལྡན་འདས་ལ་འབྲས་སཱ་ལུ་སོག་མའི་སྦུབས་སུ་སྨིན་པ་ཤིང་རྟ་ལྔ་བརྒྱ་ཙམ་འབུལ་བ་བཏང་བ་དང ། ལྷས་བྱིན་གྱིས་མ་སྐྱེས་དགྲ་ལ་སྨྲས་པ། རྒྱལ་པོ་བགྲེས་པོ་དགེ་སྦྱོང་གོའུ་ཏ་མ་ལ་ཅི་འདྲ་བར་བྱེད་པ་གཟིགས་ལ་བདག་ཅག་ལྗོངས་རྒྱུ་ཞིང་མཆི་བ་ན། བདག་ཅག་ལ་ཡང་བསོད་སྙོམས་ཀྱིས་མ་བྲེལ་བར་གྱིས་ཤིག་།ལྷས་བྱིན་ཡང་འཁོར་ལྔ་བརྒྱས་བསྐོར་ཏེ་ལྗོངས་རྒྱུ་ཞིང་དོང་པ་དང ། ལྷས་བྱིན་ལ་རྒྱལ་པོ་མ་སྐྱེས་དགྲས་འབྲས་སཱ་ལུ་སོག་མའི་སྦུབས་སུ་སྨིན་བ་ཤིང་རྟ་ལྔ་བརྒྱ་ལམ་དུ་བསྐུར་བ་དགེ་སློང་རྣམས་ཀྱིས་མཐོང་ནས་བསམས་པ་ཤིང་རྟ་ལྔ་བརྒྱ་ཙམ་པོ་འདི་སུ་ཞིག་ལས་འོངས་སྙམ་སྟེ། དེ་རྣམས་ངོ་མཚར་སྐྱེས་ནས་ལམ་ནས་འགྲོ་བའི་མི་དག་ལ་དྲིས་པ་དང ། དེ་རྣམས་ཀྱིས་རྒྱས་པར་སྨྲས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་རྒྱལ་པོ་མ་སྐྱེས་དགྲ་སྣོད་མ་ལགས་པས་སྣོད་མ་ལགས་པར་ཆར་ཕབ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒྱལ་པོ་མ་སྐྱེས་དགྲ་སྣོད་མ་ཡིན་པས་སྣོད་མ་ཡིན་པར་ཆར་ཕབ་པ་ད་ལྟར་གྱི་འབའ་ཞིག་ཏུ་མ་ཟད་དེ། ཇི་ལྟར་འདིས་འདས་པ་ན་ཡང་སྣོད་མ་ཡིན་པས་སྣོད་མ་ཡིན་པར་ཆར་ཕབ་པ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་རྡལ་མེད་པའི་དགོན་པའི་གནས་
Nga247b
ཤིག་ན། དྲང་སྲོང་རྣམས་ཀྱི་བསྟི་གནས་མེ་ཏོག་དང་འབྲས་བུ་སྣ་ཚོགས་དང་ལྡན་པ་ཞིག་ཡོད་དེ། དེ་ན་དྲང་སྲོང་ཟས་སུ་རྩ་བ་དང་ཆུ་དང ། འབྲས་བུ་ཟ་བ། རལ་པ་ཅན་ཤིང་ཤུན་གྱོན་པ་འབྲས་བུ་ལྷུང་བ་ལ་ལོངས་སྤྱོད་པ་དག་གནས་སོ། །ཇི་ཙམ་ན་བསྟི་གནས་དེ་ན་ཡོད་པའི་ཤིང་ཨ་མྲའི་ཡལ་ག་འབྲས་བུ་ཅན་དག་འབྲས་བུ་སྨིན་པས་གཡུར་ཟ་ཞིང་འདུག་གོ་།དྲང་སྲོང་རྣམས་ཀྱིས་འབྲས་བུ་བླངས་པ་ན། ཤིང་དེ་ལ་གནས་པའི་ལྷ་གང་ཡིན་པ་དེ་སེར་སྣའི་ཟིལ་གྱིས་ནོན་པས་མ་བྱིན་ནོ། །དེ་ནས་དྲང་སྲོང་དེ་རྣམས་ཀྱིས་དྲང་སྲོང་གཅིག་བསྟི་གནས་སུ་འདུག་ཏུ་བཅུག་ནས་རྩ་བ་དང་འབྲས་བུའི་ཕྱིར་འཁྱམས་ས་དོང་མ་ཐག་ཏུ་ཆོམ་རྐུན་པ་ལྔ་བརྒྱ་བསྟི་གནས་སུ་ལྷགས་ནས་དེ་རྣམས་ཀྱིས་ཤིང་དེ་མཐོང་སྟེ། དེ་རྣམས་ཀྱིས་སྨྲས་པ། བདག་ཅག་གིས་འབྲས་བུ་ཇི་ལྟར་ལོངས་སྤྱད་པར་བྱ། ཆོམ་རྐུན་པའི་སྡེ་དཔོན་གྱིས་སྨྲས་པ། སྟ་རེས་ཤིང་རྩ་བ་ནས་བཅད་ལ་འབྲས་བུ་རྣམས་བཟའོ་ཞེས་དེ་སྐད་སྨྲས་པ་དང ། ལྷས་འབྲས་བུ་ཐམས་ཅད་ས་ལ་བླགས་ནས་ཆོམ་རྐུན་པ་རྣམས་ཀྱིས་ཇི་ཙམ་འདོད་པ་ཟོས་ནས་དོང་ངོ ། །དྲང་སྲོང་རྣམས་ལྷགས་ནས་དྲིས་པ། ཤིང་ཨ་མྲའི་འབྲས་བུ་རྣམས་སུ་ཟོས། དྲང་སྲོང་དེས་ཚིགས་སུ་བཅད་པས་སྨྲས་པ། ཞི་བ་ཚངས་པར་སྤྱོད་རྣམས་པ། །ཤིང་གི་འབྲས་བུ་མ་བྱིན་གྱི། །རྐུན་པོ་སྡིག་བྱེད་དེ་དག་ལ། །འབྲས་བུ་རྣམས་ནི་བྱིན་པར་གྱུར། །དེ་རྣམས་ཀྱིས་དྲིས་པ། དྲང་སྲོང་དེ་ཇི་ལྟ་བུ་ཡིན། དེས་ཇི་ལྟར་གྱུར་པ་སྨྲས་པ་དང ། དེ་རྣམས་
Nga248a
༄#། །ཀྱིས་སྨད་པར་བརྩམས་པ། སེར་སྣའི་ཟིལ་གྱིས་ནོན་པའི་ལྷས་འབྲས་བུ་དྲང་སྲོང་རྣམས་ལ་མ་བྱིན་གྱི། སྣོད་མ་ཡིན་པའི་རྐུན་པོ་རྣམས་ལ་བྱིན་ནོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ལྷ་གང་ཡིན་པ་དེ་ནི་མ་སྐྱེས་དགྲ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་ཆོམ་རྐུན་པའི་སྡེ་དཔོན་གང་ཡིན་པ་དེ་ལྷས་བྱིན་འདི་ཉིད་ཡིན་ཏེ། དེའི་ཚེ་ན་ཡང་མ་སྐྱེས་དགྲ་འདི་ལྟར་གྱུར་པ་ན། སྣོད་མ་ཡིན་པས་སྣོད་མ་ཡིན་པར་ཆར་ཕབ་བོ། །ད་ལྟར་ཡང་སྣོད་མ་ཡིན་པ་འདིས་སྣོད་མ་ཡིན་པར་ཆར་ཕབ་བོ། །དེ་ནས་བཅོམ་ལྡན་འདས་ཡུལ་མ་ག་དྷ་ནས་ལྗོངས་རྒྱུ་ཞིང་གཤེགས་པ་ན། རྒྱལ་པོའི་ཁབ་ཏུ་བྱོན་ནས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ།། ལྷས་བྱིན་ནི་རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་ལ་རྒྱུན་ཁོ་ནར་འཚེ་བར་བྱེད་དོ། །གང་དང་གང་གཙེས་པ་དེ་བཅོམ་ལྡན་འདས་ཀྱི་སྙན་དུ་གསོལ་བ་གཏོང་ངོ ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སྣམ་སྦྱར་ཁྱེར་ལ་ཕྱི་བཞིན་འབྲང་བའི་དགེ་སྦྱོང་དགེ་སློང་ཞིག་དང་སོང་ལ་རྒྱལ་པོའི་ཁབ་ཀྱི་ལམ་པོ་ཆེ་དང་སྲང་དང་བཞི་མདོ་དང ། སུམ་མདོ་རྣམས་སུ་ཁྱིམ་བདག་དང་བྲམ་ཟེ་རྣམས་ལྷས་བྱིན་ནམ། ལྷས་བྱིན་གྱི་ཕྱོགས་ཀྱིས་འཚོར་བཅུག་པ་གང་ཡིན་པ་དེ་རྣམས་ནི་སངས་རྒྱས་སམ། ཆོས་
Nga248b
སམ། དགེ་འདུན་གྱི་དང་འབྲེལ་བ་མ་ཡིན་ནོ་ཞེས་བསྒོ་ཞིག་།གལ་ཏེ་ལྷས་བྱིན་ནི་རྫུ་འཕྲུལ་ཆེ་ལ་མཐུ་ཆེ་བ་ཡིན་ནོ་ཞེས་ཟེར་ན་མཐུ་ཆེན་པོར་གྱུར་པ་ལས་ད་ནི་རྫུ་འཕྲུལ་དེ་ལས་ཡོངས་སུ་ཉམས་སོ་ཞེས་སྨྲོས་ཤིག་།དེ་སོང་ནས་རྒྱལ་པོའི་ཁབ་ཀྱི་གྲོང་ཁྱེར་གྱི་ལམ་པོ་ཆེ་དང་སྲང་དང་སུམ་མདོ་དང་བཞི་མདོ་རྣམས་སུ་བྲམ་ཟེ་དང་ཁྱིམ་བདག་རྣམས་ལ་བསྒོ་ནས་དེ་རྣམས་ཕྱིན་ཆད་བཅོམ་ལྡན་འདས་ཀྱི་སྙན་དུ་གསོལ་བ་མི་བཏང་ངོ ། །བཅོམ་ལྡན་འདས་སྙུན་གྱིས་ཐེབས་ནས། འཚོ་བྱེད་ཀྱི་སྨན་མར་ལྕགས་མདའ་ཞེས་བྱ་བ་བཅོམ་ལྡན་འདས་ལ་ཕུལ་ལོ། །དེ་ནས་བཅོམ་ལྡན་འདས་ཀྱིས་སྨན་པའི་རྒྱལ་པོ་འཚོ་བྱེད་ལ་བཀའ་སྩལ་པ། འཚོ་བྱེད་ངོ་མཚར་ཆེའམ། བཅོམ་ལྡན་འདས་ངོ་མཚར་ཆེ་ལགས་སོ། །འཚོ་བྱེད་ཡ་མཚན་ཆེའམ། བཅོམ་ལྡན་འདས་ཡ་མཚན་ཆེ་ལགས་སོ། །འཚོ་བྱེད་ཤེས་སམ། བཅོམ་ལྡན་འདས་འཚལ་ལགས་སོ། །འཚོ་བྱེད་མི་ཤེས་སམ། བདེ་བར་གཤེགས་པ་མ་འཚལ་ལགས་སོ། །འཚོ་བྱེད་ངོ་མཚར་ཆེ་བ་ཅི་ཡིན། བཅོམ་ལྡན་འདས་རྣམས་རན་སྤྱོད་ཅིང་ཆབ་འཚལ་བ་དེ་ལས་བདུད་རྩི་འདི་འབྱུང་ལ། དེ་ལས་ཀྱང་བསྒྲལ་བའི་སྨན་མར་ལྕགས་མདའ་ཞེས་བགྱི་བ་འབྱུང་ལགས་སོ། །འཚོ་བྱེད་ཡ་མཚན་ཆེ་བ་ཅི་ཡིན། བཅོམ་ལྡན་འདས་སངས་རྒྱས་བྱུང་བ་དང ། དམ་བའི་ཆོས་བཤད་པ་དང ། དགེ་འདུན་ལེགས་པར་བསྒྲུབ་པ་ལགས་སོ། །ཤེས་པ་ཅི་ཡིན། བཅོམ་ལྡན་འདས་སྐྱེ་བ་མཆིས་ན་གདོན་མི་འཚལ་བར་འགུམ་ལགས་སོ། །མི་ཤེས་པ་ཅི་ཡིན། བཅོམ་
Nga249a
༄#། །ལྡན་འདས་གང་ཞིག་གང་དུ་འགུམ་པ་དེ་མ་འཚལ་ལགས་སོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་དགོངས་ཏེ་བཀའ་སྩལ་པ་འཚོ་བྱེད་ཀྱིས་འཚལ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པ་ན་ཡང་འདིས་ངའི་དགོངས་ཏེ་བཀའ་སྩལ་པ་ཤེས་པར་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་ཞིག་ན་ཁྱིམ་བདག་ཕྱུག་པ་ནོར་མང་བ་ལོངས་སྤྱོད་ཆེ་བ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེས་དེ་དང་ལྷན་ཅིག་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད་དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་པ་དང ། བུ་མོ་ཞིག་བཙས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་དེའི་བཙས་པའི་བཙས་སྟོན་རྒྱ་ཆེར་བྱས་ནས་གདུ་བུ་ཅན་ཞེས་བྱ་བར་མིང་བཏགས་སོ། །དེ་ཡང་རྩེ་བར་བྱེད་དགའ་བར་བྱེད་དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་ཏེ། དེ་ཡང་རིགས་དང་མཐུན་པར་མིང་བཏགས་སོ།། དེས་བསམས་པ། བདག་ཅག་ལ་བུ་ལོན་དེད་པ་དང་ནོར་འཕྲོག་པ་བཙས་ཀྱིས་ཟོང་ཁྱེར་ཏེ་ཡུལ་གྱི་མཐར་འགྲོའོ། །དེས་ཡང་བསམས་པ། བདག་གི་ཆུང་མ་འདི་དར་ལ་བབ་པའི་གཟུགས་དང ། ལང་ཚོ་
Nga249b
ལ་བབ་པས་བདག་གིས་འདི་ལ་ཀོར་ཤ་པ་ནི་མང་པོ་གཏད་དེ་སོང་ན་སྐྱེས་པ་གཞན་དང་ལྷན་ཅིག་ཏུ་ཆུད་གཟོན་པར་འགྱུར་བའི་གནས་གང་ཡིན་པ་དེ་ཡོད་ཀྱིས། མ་ལ་བདག་གིས་འདི་ལ་ཀར་ཤ་པ་ན་ཉུང་ཞིག་བྱིན་ལ་འགྲོའོ་སྙམ་ནས་དེས་དེ་ལ་ཀར་ཤ་པ་ན་ཉུང་ཞིག་བྱིན་ནས་ལྷག་མ་རྣམས་གསེར་གྱི་བུམ་པའི་ནང་དུ་བླུགས་ཏེ། དེའི་མགྲིན་པ་མུ་ཏིག་གི་ཕྲེང་བས་བཅིངས་ནས་དུར་ཁྲོད་ཀྱི་ཤིང་རྟ་རྣ་ཞེས་བྱ་བའི་དྲུང་དུ་སྦས་ནས་ཟོང་ཐོགས་ཏེ་ཡུལ་གྱི་མཐར་སོང་ངོ ། །དེ་དེ་ན་རྙེད་པ་མང་པོ་དང་ལྡན་པས་དེས་དེ་ཉིད་དུ་བུད་མེད་གཅིག་བླངས་ཏེ་འདུག་ནས་དེ་ལ་བུ་ཡང་མང་དུ་བཙས་སོ། །དེ་ནས་ཆུང་མ་སྔ་མ་དེས་གདུ་བུ་ཅན་དང་ཁྱེའུ་གཉིས་ལག་ལས་དང་གཉེན་གྱི་མཐུས་གསོས་བསྐྱེད་དོ། །དེ་གཉིས་ཀྱིས་སྨྲས་པ། བདག་ཅག་གི་ཕ་གར་མཆིས། དེས་སྨྲས་པ། བུ་ཡུལ་ཆེ་གེ་མོ་ཞེས་བྱ་བའི་གྲོང་ག་གེ་མོ་ཞེས་བྱ་བ་དེ་ན་དེ་ནོར་ཆེན་པོ་དང་ལྡན་ཞིང་འདུག་གོ་ཞེས་ཐོས་ཀྱིས་སོང་དང་གལ་ཏེ་ཅུང་ཟད་བྱིན་ན་ཁྱོད་ཀྱི་འཚོ་བའི་རྐྱེན་དུ་འགྱུར་རོ།། །།འདུལ་བ་གཞི། བམ་པོ་གོ་བརྒྱད་པ། དེ་ཕ་ཚོལ་ཞིང་རིམ་གྱིས་དེའི་དྲུང་དུ་ཕྱིན་ནས། དེ་སྲང་ན་འཁྱམས་པ་ན་ཕས་བཞིན་རས་ལས་ངོ་ཤེས་ནས་བོས་ཏེ་སྨྲས་པ། ཁྱོད་གང་ནས་འོངས། གང་དུ་འགྲོ་འདོད། དེས་རྒྱས་པར་སྨྲས་པ་དང ། དེས་བསམས་པ། བདག་གི་བུ་དེ་ནི་འདི་ཁོ་ན་ཡིན་ནོ་ཞེས་དེས་དེ་བཟུང་སྟེ། བུ་ཁྱོད་སུ་ལ་ཡང་འདི་བདག་གི་ཕ་ཡིན་ནོ་ཞེས་མ་སྨྲ་ཞིག་ཅེས་སྨྲས་ནས། དེ་དེ་ལ་ཤིན་ཏུ་སྡུག་
Nga250a
༄#། །པར་བྱེད་དོ། །དེ་ནས་བུ་གཞན་རྣམས་ཀྱིས་སྨྲས་པ། ཡབ་ཁྱེའུ་འདི་སུའི་ལགས། དེས་སྨྲས་པ། འདི་ངའི་གྲོགས་པོ་ཞིག་གི་བུ་ཡིན་ནོ། །དེ་རྣམས་ཀྱིས་བསམས་པ། ཇི་ལྟར་འདི་ལ་ཤིན་ཏུ་སྡུག་པར་བྱེད་པ་ལས་ན། གདོན་མི་ཟ་བར་འདི་ཉིད་ཀྱི་བུ་ཡིན་ནོ་སྙམ་ནས། དེ་རྣམས་ཀྱིས་ཕན་ཚུན་གྲོས་བྱ་བར་བརྩམས་པ། འདི་ནི་མས་དབེན་གྱི་སྤུན་ཡིན་ནོ་སྙམ་མོ། །དེས་བསམས་པ། ཤ་ཁོན་རྣམས་ཀྱི་ནང་ན་ནི། འདི་ལྟ་སྟེ་ཆེན་ཆུན་ནི་ཐ་ཆད་ཡིན་པས། འདི་གསད་པར་འགྱུར་བའི་གནས་གང་ཡིན་པ་འདི་ཡོད་ཀྱིས་གཏང་ངོ ། །གལ་ཏེ་ཅུང་ཟད་བརྫངས་ན་ནོར་ལ་སོགས་པའི་ཕྱིར་ལམ་ཀར་གསད་པར་འགྱུར་གྱིས། མ་ལ་བདག་གིས་འདི་ལ་བརྗེད་བྱང་གཅིག་བྱིན་ཏེ་གཏང་ངོ་སྙམ་དུ་བསམས་ནས་བྲིས་པ། གྲོང་ཁྱེར་གྱི་ནི་གྲོང་རྡལ་རྟ་རྣའི་དྲུང ། །ས་ཡི་ཤར་དུ་དཔག་ཚད་ཀྱིས་བཅད་པ། །མཁས་པས་བག་ཡོད་པར་ནི་བརྐོས་བྱས་ན། །བདག་གི་ནོར་གྱི་སྐལ་བ་ཐོབ་འགྱུར་གྱིས། མགུལ་ཆིངས་གང་ཡིན་པ་དེ་ནི་གདུབ་ཅན་བྱིན། །དེས་བརྗེད་བྱང་དེ་ཁྱེར་ཏེ་སོང་བ་དང ། ལམ་ཀར་མས་དབེན་གྱི་སྤུན་རྣམས་ཀྱིས་བཟུང་ནས་སྨྲས་པ། ཁྱོད་ཀྱིས་ཡབ་ལས་ཅི་ཐོབ། དེས་སྨྲས་པ། འདི་ནི་བརྗེད་བྱང་ཡིན་ཏེ་ཅི་ཡང་མེད་དོ། །དེ་རྣམས་ཀྱིས་བསམས་པ། ཕས་འདི་བྲིད་ནས་གཏང་ངོ་ཞེས་དེ་རྣམས་ཀྱིས་དེ་བཏང་ངོ ། །རིམ་གྱིས་རང་གི་ཁྱིམ་དུ་ཕྱིན་ནས་ལམ་གྱིས་དུབ་པ་ངལ་སོས་པ་དང་མས་སྨྲས་པ། ཁྱོད་
Nga250b
ཀྱིས་ཕ་ལས་ཅུང་ཟད་ཅི་ཐོབ། དེས་སྨྲས་པ། འདི་ནི་བརྗེད་བྱང་ཡིན་ཏེ་ཅི་ཡང་མེད་དོ། །དེས་སྨྲས་པ། བུ་ཁྱོད་དེས་བསླུས་ཏེ། ལམ་གྱི་ཚེགས་ཆུང་བར་ཟད་ཀྱི་ཅུང་ཟད་ཀྱང་མ་རྙེད་དོ། །དེས་སྨྲས་པ། ཡུམ་བདག་ཉིད་ཆེན་པོ་དེ་བདག་ལ་མི་འདྲིད་དོ་ཞེས་བྱས་ནས་དེས་བརྗེད་བྱང་དེ་དཔྱད་པར་བརྩམས་ཏེ། གྲོང་ཁྱེར་ཞེས་བྱ་བ་ནི་གང་དུ་བཙས་པ་དེ་ནི་གྲོང་ཁྱེར་དུ་འདོད་དོ། །གྲོང་རྡལ་ཞེས་བྱ་བ་ནི་གང་དུ་རོ་བསྲེགས་པའོ། །རྟ་རྣའི་དྲུང་དུ་ཞེས་བྱ་བ་ལ་རྟ་རྣ་ཞེས་བྱ་བ་ནི་རྟ་རྣམས་ཏེ། དེའི་རྣ་བ་ཞེས་བྱ་བའི་ཤིང་ནི་རྟ་རྣ་སྟེ། དེའི་དྲུང་ན་ཞེས་སྨྲས་པ་ཡིན་ནོ། །སའི་ཤར་དུ་ཞེས་བྱ་བ་ནི་ཤར་ཕྱོགས་སུའོ། །དཔག་ཚད་ཀྱིས་བཅད་པར་ཞེས་བྱ་བ་ནི་གཉའ་ཤིང་གང་ཙམ་གྱིས་བཅད་པར་རོ། །དེས་དེ་ལྟར་ཚིགས་བཅད་ཀྱི་དོན་དཔྱད་ནས་མུན་ཚབ་ཚུབ་ཙམ་ན་དུར་ཁྲོད་དུ་སོང་སྟེ། དེའི་ཉེ་འཁོར་དུ་དེས་བལྟས་ན་ཤིང་རྟ་རྣ་ཞིག་ཡོད་པ་དེའི་ཤར་ཕྱོགས་ཀྱི་ངོས་སུ་གཉའ་ཤིང་གང་བཅལ་ཏེ་བརྐོས་པ་དང་ཇི་ཙམ་ན་གསེར་གྱི་བུམ་པ་མགུལ་དུ་མུ་ཏིག་གི་ཕྲེང་བས་བཅིངས་པ་ཞིག་མཐོང་ནས། དེ་མགུ་བས་དེ་བླངས་ནས་ཁྱིམ་དུ་སོང་སྟེ་མུ་ཏིག་གི་ཕྲེང་བ་ནི་བཀྲོལ་ཏེ་གདུ་བུ་ཅན་ལ་བྱིན་ནོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དེའི་བུ་གང་ཡིན་པ་དེ་ནི་འཚོ་བྱེད་འདི་ཉིད་ཡིན་ཏེ། དེ་ན་ཡང་འདིས་ངའི་བསམས་ཏེ་སྨྲས་པ་ཤེས་སོ། །ད་ལྟ་ན་ཡང་འདིས་ངའི་དགོངས་ཏེ་བཤད་པ་ཤེས་སོ། །འཚོ་བྱེད་ཀྱིས་བསམས་པ། བཅོམ་
Nga251a
༄#། །ལྡན་འདས་ནི་རྡོ་རྗེའི་སྐུ་མངའ་ལ་སྐུ་ཆེ་བ་ཡིན་པས། དེ་ལ་མར་ཉུང་ངུས་ནི་གདངས་པར་བྱ་མི་ནུས་སོ་སྙམ་དུ་བརྟགས་ནས། དེས་མར་སྲང་སུམ་ཅུ་རྩ་གཉིས་སྲང་ལ་བཙལ་ཏེ་ལྷུང་བཟེད་ཟེད་ནས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་ལྷུང་བཟེད་ཀྱི་ལྷག་མ་དགེ་སློང་རྣམས་ལ་འདྲིམ་དུ་བཅུག་པ་དང ། འཚོ་བྱེད་དགེ་སློང་རྣམས་ཀྱིས་བཅོམ་ལྡན་འདས་ཀྱིས་ལྷུང་བཟེད་ཀྱི་ལྷག་བོར་རོ་ཞེས་བྱས་ནས་ཕྱག་བྱས་སོ། །ལྷས་བྱིན་གྱིས་བསམས་པ། བདག་གིས་ཀྱང་མར་བཏུང་ངོ་སྙམ་ནས་དེས་འཚོ་བྱེད་ལ་དྲིས་བ། འཚོ་བྱེད་དགེ་སྦྱོང་གོའུ་ཏ་མས་མར་ཇི་ཙམ་གྱི་ཚད་ཅིག་གསོལ། དེས་སྨྲས་པ། མར་སྲང་སུམ་ཅུ་རྩ་གཉིས་སོ། །དེས་སྨྲས་པ། ཁོ་བོས་ཀྱང་སྲང་སུམ་ཅུ་རྩ་གཉིས་བཏུང་ངོ ། །འཚོ་བྱེད་ཀྱིས་སྨྲས་པ། བཅོམ་ལྡན་འདས་ནི་རྡོ་རྗེའི་སྐུ་མངའ་ལ། སྐུ་ཆེ་བས་འདི་ཙམ་ཡང་འཇུ་བར་སྤྱོད་ཀྱི། ཁྱོད་ཀྱིས་ནི་འཇུ་བར་མི་ནུས་སོ། །དེས་སྨྲས་པ། ཁོ་བོ་ཡང་རྡོ་རྗེའི་ལུས་ཅན་ཡིན་ན་ཅིའི་ཕྱིར་མི་འཇུ། དེས་མར་སྲང་སུམ་ཅུ་རྩ་གཉིས་ལྷུང་བཟེད་ནས་འཐུངས་སོ། །བཅོམ་ལྡན་འདས་ཀྱིས་ནི་ལེགས་པར་ཞུའོ། །ལྷས་བྱིན་གྱིས་ནི་མ་ཞུའོ། །ཕྱི་དེ་ཉིན་པར་འཚོ་བྱེད་ཀྱིས་བཅོམ་ལྡན་འདས་ལ་འཇམས་གསོལ་ཏོ། །ལྷས་བྱིན་གྱིས་ང་རྒྱལ་བསྐྱེད་ནས་བཅོམ་ལྡན་འདས་ཀྱིས་ཀྱང་གསོལ་ཏོ་ཞེས་མར་མ་ཞུ་བཞིན་དུ་ཐུག་པ་འཐུང་པས་སྤོས་གཟེར་ནས་གནད་དུ་གནོད་པའི་ཚོར་བ་ཉམས་སུ་མྱོང་བས། དེ་རྒྱུ་དེས་
Nga251b
ན་སྡུག་བསྔལ་ཉམ་ང་བ་རྩུབ་པ་དོག་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་ཞིང་ཉིན་དང ། མཚན་དུ་གཉིད་མི་འོང་ངོ ། །ཚེ་དང་ལྡན་པ་ཀུན་དགའ་བོ་ནི་གཉེན་ལ་གདུང་བ་ཡིན་པས་དེ་གླེང་གཞི་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱི་ཕྱག་གླང་པོ་ཆེའི་སྣ་ལྟ་བུ་འཁོར་ལོ་དང་བཀྲ་ཤིས་དང ། གཡུང་དྲུང་འཁྱིལ་པ་ཅན་བསོད་ནམས་བརྒྱ་ཕྲག་དུ་མས་བསྒྲུབས་པ། འཇིགས་པ་རྣམས་ཀྱི་དབུགས་འབྱིན་པར་མཛད་པའི་ཕྱག་མངོན་དུ་བརྐྱང་སྟེ། བྱ་རྒོད་ཀྱི་ཕུང་པོའི་རིའི་ཕུག་ནས་ལྷས་བྱིན་གྱི་སྤྱི་བོར་བཞག་སྟེ་བདེན་པ་གསུངས་པ། ཇི་ལྟར་ང་བུ་གཅིག་པ་སྒྲ་གཅན་ཟིན་བཟང་པོ་ལ་དགོངས་པ་དེ་བཞིན་ལྷས་བྱིན་ལ་ཡང་ལྷག་ཆད་མེད་པ་ཡིན་ཞེ་ན། བདེན་པ་དེས་ནད་ཞི་བར་གྱུར་ཅིག་ཅེས་བདེན་པའི་ཚིག་གསུངས་མ་ཐག་ཁོ་ནར་ལྷས་བྱིན་གྱི་ནད་ཞི་བར་གྱུར་ཅིང ། དེ་དབུགས་ཆད་པ་ལས་སླར་དབུགས་བྱུང་ནས། བཅོམ་ལྡན་འདས་ཀྱི་ཕྱག་ལ་བརྟགས་ཏེ། དེས་ཤེས་ནས་དེས་བསམས་པ། དགེ་སྦྱོང་གོའུ་ཏ་མའི་ལག་པ་ཡིན་ནོ་སྙམ་ནས། དེ་བསྐལ་པ་མི་ཉུང་བར་ངན་གཡོའི་ཀུན་ཏུ་སྤྱོད་པ། དྲེགས་པའི་མཐུས་བསྒྲུབས་པའི་བསམས་པ་ཅན་ཡིན་པས་དེ་ལྟར་སངས་རྒྱས་བདག་ཉིད་ཆེན་པོས་ཚོར་བ་ཞི་བར་མཛད་པ་དང ། སྨྲས་པ། དོན་གྲུབ་ཁྱོད་སྨན་དཔྱད་ཁོང་དུ་ཆུད་པ་ནི་ལེགས་ན། འདིས་འཚོ་བར་ནུས་སམ། ཀུན་ཏུ་བཅོམ་ལྡན་འདས་ནི་བདེན་པ་གསུང་གིས། ལྷས་བྱིན་ཚོར་བ་དྲག་པོས་ཉེན་པས་སྲོག་དང་འབྲལ་བ་ན་སོས་པར་མཛད་དོ་ཞེས་སྒྲ་
Nga252a
༄#། །གྲགས་པ་དེ་ལྷས་བྱིན་གྱི་ཕྱོགས་ཤིན་ཏུ་ཞེན་པ་རྣམས་ཀྱིས་ཀྱང་ཐོས་ནས་བཅོམ་ལྡན་འདས་ལ་ཀྱེ་མའོ་འདི་ནི་བྱམས་པ་ཡང་དག་པ་དང་ལྡན། ཀྱེ་མ་འདི་ནི་སེམས་ཅན་རྣམས་ལ་ཐུགས་རྗེ་ལེགས་པར་བསྒོམས་པ་ཡིན་ནོ་ཞེས་ངོ་མཚར་དུ་འཛིན་པར་གྱུར་ཏོ། །དགེ་སློང་རྣམས་ཀྱིས་ལྷས་བྱིན་ལ་སྨྲས་པ། ལྷས་བྱིན་ཁྱོད་ནི་བཅོམ་ལྡན་འདས་ཀྱིས་སོས་པར་མཛད་ཀྱི་གཞན་དུ་སྲོག་དང་བྲལ་བར་འགྱུར་རོ། །དེས་སྨྲས་པ། དེ་ནི་དབང་དུ་བྱེད་པའི་སྒྱུ་མ་ཤེས་ཏེ་དེས་འཇིག་རྟེན་དབང་དུ་བྱེད་དོ། །དགེ་སློང་རྣམས་ཀྱིས་སྨྲས་པ། ལྷས་བྱིན་ཁས་བླངས་དེ་ཐོང་ལ་རང་གི་སེམས་གཏན་ལ་ཕོབ་ཅིག་།ཁྱོད་ནི་བཅོམ་ལྡན་འདས་ཀྱིས་གསོས་སོ། །དེས་སྨྲས་པ་མར་ཞུ་ནས་ནང་ཞི་བར་ཟད་མོད། དེས་ཁོ་བོ་ལ་ཅི་ཞིག་བྱས། འདི་ནི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ་ཞེས་བྱ་བ་ནས་དེ་རྣམས་ཆས་ཏེ། བཅོམ་ལྡན་འདས་གང་ན་བ་དེར་དོང་ནས་ལྷགས་པ་དང ། ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་བྱས་པ་མི་གཟོ་བ་དང་བྱས་པ་མི་ཚོར་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་དེ་ཉོན་ཅིག་།སྡོམ་ལ། ཀོའུ་ཤི་དབང་ཕྱུག་ཆེན་པོའི་སྡེ། ། མྲ་དང་ནི་ཤིང་རྟ་མོ། །དོམ་གཉིས་ཤི་བའི་རྒྱལ་པོ་དང ། །ཉམས་པར་བྱས་དང་ཛུ་ཛུ་ཀ། དགེ་སློང་
Nga252b
དག་སྔོན་བྱུང་བ་གྲོང་རྡལ་མེད་པའི་དགོན་པའི་གནས་སྐྱེད་མོས་ཚལ་མེ་ཏོག་དང་འབྲས་བུ་རྣམ་པ་སྣ་ཚོགས་དང་ཆུ་ཕུན་སུམ་ཚོགས་པ་ཞིག་ཡོད་དེ། དེ་ན་ཀོའུ་ཤི་ཀ་དང་རུས་གཅིག་པའི་དྲང་སྲོང་འབྲས་བུ་ལྷུང་བ་ལ་ལོངས་སྤྱོད་པ་ཟས་སུ་རྩ་བ་དང་ཆུ་དང་འབྲས་བུ་ཟ་བ། པགས་པ་དང་ཤིང་ཤུན་གྱོན་པ་ཞིག་གནས་ཏེ། དེའི་བསྟི་གནས་ཀྱི་ཉེ་འཁོར་དུ་རི་དྭགས་དང་བྱ་རྣམས་འདྲིས་པས་ཅི་བདེར་འཁོད་དོ། །དེ་དང་ཧ་ཅང་ཡང་ཐག་མི་རིང་བར་བལ་གླང་མོ་ཞིག་ཕྲུ་གུ་བྱུང་སྟེ། དེ་བུ་བྱུང་མ་ཐག་ཏུ་སེང་གེའི་སྒྲ་སྒྲོགས་ནས་དེ་འཇིགས་སྡངས་ནས་ཕྲུ་གུ་བོར་ཏེ་གཅིན་རྟུག་ཤོར་ནས་བྲོས་སོ། །རེ་ཞིག་གཅིག་ན་དྲང་སྲོང་དེ་བསྟི་གནས་ནས་བྱུང་ནས་བསྟི་གནས་དེའི་ཉེ་འཁོར་གྱི་ཕྱོགས་སུ་ལྟ་ཞིང་སོང་བ་ལས། ཇི་ཙམ་ན་གླང་པོ་ཆེའི་ཕྲུ་གུ་གསར་དུ་བྱུང་མ་ཐག་ཕ་མ་དང་བྲལ་བ་དེ་མཐོང་ངོ ། །དེ་ནས་དྲང་སྲོང་དེ་སྙིང་རྗེས་བསྐྱོད་པའི་སྙིང་གིས་དེའི་མ་བཙལ་བའི་ཕྱིར་སྒྲིམ་པའི་མིག་གིས་ཀུན་ཏུ་བལྟ་བར་བརྩམས་པ་ན། གང་གི་ཚེ་གནས་ཐམས་ཅད་ན་མ་སྣང་བ་དེའི་ཚེ། དེ་ཁྱེར་ནས་བསྟི་གནས་སུ་ཞུགས་ཏེ། དེས་དེ་བུ་བཞིན་དུ་བསྣུན་བསྙོད་དེ་བསྐྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ་དྲང་སྲོང་དེའི་བསྟི་གནས་སུ་གནོད་པ་བྱེད་དེ། མེ་ཏོག་གི་ཤིང་རྣམས་འབྱིན་པར་བྱེད། འབྲས་བུའི་ཤིང་རྣམས་ཀྱི་ཡལ་ག་གཅོག་པར་བྱེད་ཅིང་དེ་དག་དང་གནོད་པ་གཞན་ཡང་སྟོང་ཕྲག་དག་བྱེད་དོ། །དྲང་སྲོང་དེས་དེ་ལ་བསྡིགས་ཏེ། དྲང་སྲོང་དེས་བསྡིགས་པ་ན། དེ་ཞུམ་ཞུམ་པོར་བྱས་ཏེ་འདུག་གོ་།གང་གི་ཚེ་འདོད་ཆགས་སྐྱེས་པར་གྱུར་
Nga253a
༄#། །པ་དེའི་ཚེ་བསྡིགས་ཀྱང་བརྙས་ཐབས་བྱེད་དོ། །ཇི་ཙམ་དུས་གཞན་ཞིག་ན་དྲང་སྲོང་དེས་དྲག་ཏུ་བསྡིགས་པ་དང ། དྲང་སྲོང་དེ་ཉིད་གསད་པར་བརྒྱུགས་པ་དང ། དྲང་སྲོང་དེས་སྤྱིལ་བོའི་གློ་ཕུག་ནས་བྲོས་སོ། །ལྷས་ཚིགས་སུ་བཅད་པས་སྨྲས་པ། སེམས་ཅན་རབ་གདུག་བྱས་པ་ཆུད་གཟོན་པའི། །སྐྱེས་བུ་ངན་དང་འགྲོགས་པ་བཟང་པོ་མིན། །ཇི་ལྟར་ཀོའུ་ཤི་ཀ་ཡི་བསྟི་གནས་སུ། །ཡུན་རིང་བསྐྱེད་པའི་གླང་ཆེན་སྡིག་བྱེད་བཞིན། །གུས་པས་ཟས་དང་སྐོམ་དང་གཉི་ག་ཡིས། །སྐྱེ་བོ་ངན་བསྟེན་ཁྱོད་ལ་ཅི་ཞིག་དགོས། །ངེས་པར་ཀོའུ་ཤི་ཀ་ཡི་བསྟི་གནས་སུ།། གླང་ཆེན་བཞིན་དུ་དེ་ཡིས་མཐར་གྲོགས་གསོད། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་གླང་པོ་ཆེ་དམ་པ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེའི་ཚེ་དེའི་དུས་ན་ཡང་འདི་བྱས་པ་མི་གཟོ་ཞིང་བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་ཞིང་བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་ཞིང་བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་འདས་པའི་དུས་ན་གྲོང་ཁྱེར་ཝཱ་ར་ཎཱ་སིར་རྒྱལ་པོ་དབང་ཕྱུག་ཆེན་པོའི་སྡེ་ཞེས་བྱ་བ་འབྱོར་པ་དང་རྒྱས་པ་དང་བདེ་བ་དང་ལོ་ལེགས་པ་དང་སྐྱེ་བོ་དང ། མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེའི་བཙུན་མོ་ཟླ་འོད་མ་ཞེས་བྱ་བ་རྨི་ལམ་རྣོ་བ་ཡིན་ཏེ། རྨི་ལམ་དུ་གང་
Nga253b
ཅི་མཐོང་བ་དེ་ཐམས་ཅད་དེ་བཞིན་དུ་འགྱུར་གྱི་གཞན་དུ་མ་ཡིན་པ་ཞིག་ཡོད་དོ། །རྒྱལ་པོ་དེའི་ཡུལ་དུ་བྱང་ཆུབ་སེམས་དཔའ་རི་དྭགས་རྣམས་ཀྱི་ནང་དུ་སྐྱེས་ནས། གསེར་གྱི་གློ་ཞེས་བྱ་བ་རི་དྭགས་རྣམས་ཀྱི་དཔོན་པོར་གྱུར་ཏོ། །དེ་ཡང་ལུས་ཀྱི་གཟི་བརྗིད་བསམ་གྱིས་མི་ཁྱབ་པ་དང་ལྡན་ཞིང་འཇིག་རྟེན་ཐམས་ཅད་ཀྱི་ཡིད་དང་མིག་ཏུ་སྡུག་པར་བྱེད་པས་འདོད་པ་སྐྱེད་པར་བྱེད་དོ། །གང་གིས་དེ་མཐོང་ན་དེ་རྟོག་ཅིང་དེ་ཉིད་དུ་སྡོད་པར་བྱེད་དོ། །དེ་ལྷག་པར་རྟོག་པ་ན་ཡིད་གཉིས་སུ་གྱུར་ཏེ། དེ་རྔོན་པས་འཇིགས་པ་དང་འཇིག་རྟེན་པ་གཞན་གྱིས་འཇིགས་པས་འཚེར་ཞིང་སྐྲག་པས་སྤྱོད་དོ། །འདི་ནི་ཆོས་ཉིད་ཡིན་ཏེ་འཇིག་རྟེན་ཆགས་ནས་རིང་པོར་མ་ལོན་པ་ན། དུད་འགྲོ་རྣམས་ཀྱང་མིའི་སྐད་དུ་སྨྲ་ནུས་པ་ཡིན་ནོ། །དེ་ནས་བྱ་རོག་གཅིག་དེའི་དྲུང་དུ་འོངས་ནས། དེས་དེ་དང་ལྷན་ཅིག་བཤེས་ཤིང་འདྲིས་པའི་གཏམ་བྱས་ནས་སྨྲས་པ། ཀྱེ་ཞང་པོ་ཁྱོད་ཅིའི་ཕྱིར་འདི་ལྟར་འཚེར་ཞིང་སྐྲག་པས་སྤྱོད། དེས་སྨྲས་པ། ཚ་བོ་བདག་གི་ལུས་སྐལ་བ་དང་ལྡན་པ་འདི་ལ་འཇིག་རྟེན་ཐམས་ཅད་འདོད་པ་སྐྱེད་པས་ཁོ་བོ་འཇིག་རྟེན་གྱིས་འཇིགས་ཤིང་རྔོན་པས་འཚེར་ཞིང་སྐྲག་པས་སྤྱོད་དོ། །དེས་སྨྲས་པ་ཞང་པོ་བདག་ཀྱང་དེ་བས་ཀྱང་འུག་པས་འཇིགས་པས་གཅིག་ལ་གཅིག་བསྲུང་བར་བྱ་སྟེ། བདག་གིས་ནི་ཁྱོད་ཉིན་པར་བསྲུང་ངོ ། །ཁྱོད་ཀྱིས་ནི་བདག་མཚན་མོ་སྲུངས་ཤིག་ཅེས་དེ་གཉིས་ཀྱིས་དེ་ལྟར་དམ་བཅས་ནས་གནས་སོ། །ཇི་ཙམ་ན་མི་ཞིག་དགྲས་ལག་པ་ཕྱིང་ཀ་ལོག་ཏུ་བཅིངས་པས་དམ་དུ་བཅིངས་
Nga254a
༄#། །ནས་ཆུ་གཟར་དུ་བབ་པ་ཤུགས་དྲག་པོའི་དབའི་ནང་དུ་བོར་ཏེ། དེ་དེས་ཁྱེར་བ་ན་ཉམ་ཐག་པའི་ང་རོས་སྙིང་རྗེ་རྗེའི་སྐད་དུ་སྨྲེ་སྔགས་འདོན་པར་བྱེད་དེ། གང་གིས་དེ་རིང་བདག་གི་སྲོག་།འཇིག་རྟེན་རྙེད་དཀའ་སྦྱིན་འགྱུར་བ། །བདག་གིས་དེ་ཡི་བྲན་བྱ་ཞིང ། །དེ་ཡི་གོ་རེ་ལོང་ཡང་བྱ། །སྟེས་དབང་གིས་རི་དྭགས་ཀྱི་དཔོན་པོ་དེ་ཆུའི་བསམ་པས་རི་དྭགས་ཀྱི་ཚོགས་ཀྱིས་ཡོངས་སུ་བསྐོར་ཏེ། འབབ་ཆུའི་འགྲམ་དུ་ཉེ་བར་སོང་ངོ ། །དེ་ནས་མིའོ་དོད་འབོད་པ་ཐོས་ནས་རི་དྭགས་དེ་རྣམས་ནི་ཀུན་ཏུ་བྲོས་སོ། །འདི་ནི་ཆོས་ཉིད་ཡིན་ཏེ། བྱང་ཆུབ་སེམས་དཔའ་རྣམས་ནི་ལུས་ཀྱིས་ལོག་པར་ལྷུང་བ་ཡིན་ཡང ། སེམས་ཀྱིས་མ་ཡིན་པས། རི་དྭགས་དཔོན་པོ་དེ་སྙིང་རྗེས་བརླན་པའི་སྙིང་གིས་མོད་ལ་འབབ་ཆུ་དེའི་ནང་དུ་འཇུག་པར་བརྩམས་པ་ན་བྱ་རོག་ཀྱང་དེ་དང་སྔོན་དམ་བཅས་པའི་ཡིད་ཀྱིས་ཀུན་ཏུ་བསྲུང་བའི་ཕྱིར་དེའི་ཕྱི་བཞིན་འབྲང་བ་ཡིན་པས། དེས་མི་དེ་དབྱུང་བའི་ཕྱིར་འབད་པ་བྱེད་པར་རིག་ནས་འདི་སྐད་ཅེས་སྨྲས་སོ། །རི་དྭགས་ཀྱི་དཔོན་པོ་ཐོང་ཐོང་གཟུ་ལུམས་མ་བྱེད། མི་འདི་དག་ནི་བྱས་པ་མི་གཟོ་ཞིང་བྱས་པ་མི་སེམས་པ་ཡིན་ནོ། །བྱང་ཆུབ་སེམས་དཔའ་བདག་ཉིད་ཆེན་པོ་རྣམས་ནི་མི་བཟློག་པ་ཡིན་པས། དེས་དེའི་ཚིག་མ་ཉན་པར་འབབ་ཆུ་དེའི་ནང་དུ་ཞུགས་ཏེ། བུ་གཅིག་པ་སྡུག་པ་བཞིན་དུ་མི་དེ་རྒྱབ་ཏུ་སྐྱོན་ནས་ཆུའི་འགྲམ་དུ་བྱུང་སྟེ། བཅིངས་པ་རྣམས་བཀྲོལ་ཞིང་ཡུད་ཙམ་ཞིག་དབུགས་ཕྱུང་ནས་
Nga254b
སྨྲས་པ། བུ་ལམ་འདི་ནས་ཅི་དགའ་བར་སོང་ཞིག་།དེ་ནས་མི་དེས་ཐལ་མོ་སྦྱར་ཏེ་རི་དྭགས་ཀྱི་དཔོན་པོའི་རྐང་པ་གཉིས་ལ་གཏུགས་ནས་འདི་སྐད་ཅེས་སྨྲས་སོ། །ཁྱོད་ཀྱིས་བདག་གི་སྲོག་གང་ལགས།། འཇིག་རྟེན་རྙེད་དཀའ་སྩལ་བས་ན། །ཡབ་ཅིག་ཁྱོད་ཀྱི་འབངས་བདག་སྟེ། །དེ་བཞིན་གོ་རེ་ལོང་ཡང་བགྱི། །དེས་སྨྲས་པ། དེང་ཁྱོད་བདག་གི་བྲན་དང་ནི། །གོ་རེ་ལོང་ཡང་མ་བྱེད་པར། །པགས་པའི་ཕྱིར་ནི་བསད་འོང་གིས། །ཁྱོད་ཀྱིས་བདག་གཞན་མ་བསྟན་ཅིག་།བུ་ཁྱོད་ཀྱིས་མདོར་བྱ་བ་ནི་འདི་ཡིན་ཏེ། ཁོ་བོའི་ལུས་འདི་འཇིག་རྟེན་ཐམས་ཅད་ཀྱིས་ཤིན་ཏུ་ཆགས་པར་བྱ་བ་དང ། འདོད་པར་བྱ་བ་ཡིན་པས་ཁྱོད་ཀྱིས་ཁོ་བོ་སུ་ལ་ཡང་མ་བསྟན་དང ། བྱས་པ་ལ་ལན་དུ་ཕན་བཏགས་པ་ཡིན་ནོ། །དེ་ནས་མི་དེས་དེ་བཞིན་དུ་བགྱིའོ་ཞེས་ཁས་བླངས་ནས་རི་དྭགས་ཀྱི་དཔོན་པོ་ལ་ལན་གསུམ་བསྐོར་བ་བྱས་ཏེ་རྐང་པ་གཉིས་ལ་གཏུགས་ནས་སོང་ངོ ། །ཇི་ཙམ་དུས་གཞན་ཞིག་ན་བཙུན་མོ་ཟླ་འོད་མ་རྩེད་མོས་དུབ་ནས་མལ་ཆེན་པོར་ལེགས་པར་གཉིད་ལོག་པ་ལས་མཚན་མོའི་ཐུན་ཐམ་ལ་རྨི་ལམ་དུ་རི་དྭགས་ཀྱི་དཔོན་པོ་གཟུགས་མཆོག་ཏུ་སྡུག་པ་ཞིག་སེང་གེའི་ཁྲི་ལ་འདུག་ནས་རྒྱལ་པོའི་འཁོར་མང་པོ་ལ་ཆོས་འཆད་པར་མཐོང་ངོ ། །མཐོང་ནས་ཀྱང་མངོན་སུམ་དུ་གྱུར་པ་བཞིན་དུ་རྨི་ལམ་རྨིས་པས་ཡིད་བདེ་བ་སྐྱེས་ནས་མྱུར་བ་མྱུར་བར་མལ་ནས་ལངས་ཏེ་རྒྱལ་པོ་ལ་སྨྲས་སོ། །རྒྱལ་པོས་ཐོས་ནས་ཀྱང་དེའི་བདེན་པའི་རྨི་ལམ་གྱི་ཁྱད་པར་ལ་མཆོག་ཏུ་ངོ་མཚར་སྐྱེས་ཏེ། མི་
Nga255a
༄#། །འདོད་པའི་འགྲོ་བར་སྐྱེས་པ་དེས་ཀོ་ཇི་ལྟར་སེང་གེའི་ཁྲི་ལ་འདུག་ནས་རྒྱལ་པོའི་འཁོར་མང་པོ་ལ་ཆོས་འཆད་པར་འགྱུར་སྙམ་མོ། །དེ་ནས་བཙུན་མོ་ཟླ་འོད་མས་དགའ་བ་དང ། སྙམ་པ་དང ། གཡེར་བག་གི་གཏམ་དང་ལྡན་པའི་ཀུན་ཏུ་སྤྱོད་པས་རྒྱལ་པོ་ཡུད་ཙམ་ཞིག་དགའ་བར་བྱས་ནས་སྨྲས་པ། ལྷ་རི་དྭགས་དེ་ཁུགས་པར་བགྱི་བའི་སླད་དུ་ནན་ཏན་མཛད་དུ་གསོལ། དེ་ནས་རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་ངའི་ཡུལ་ན་རྔོན་པ་ཇི་སྙེད་གནས་པ་དེ་དག་ཐམས་ཅད་ངའི་སྤྱན་སྔར་ཁུག་ཅིག་།བློན་པོ་རྣམས་ཀྱིས་ཡུལ་སོ་སོར་རྒྱལ་པོའི་མི་རྣམས་ལ་བསྒོ་བ། ལྷས་བཀའ་སྩལ་པ་ངའི་ཡུལ་ན་རྔོན་པ་གནས་པ་རྣམས་འདིར་ཁུག་ཅིག་ཅེས་བྱུང་གིས་ཁྱེད་ཀྱིས་རྔོན་པ་ཐམས་ཅད་འདིར་ཐོང་ཞིག་།དེ་རྣམས་ཀྱིས་ཡུལ་རྣམས་ན་གནས་པའི་རྔོན་པ་ཐམས་ཅད་རྒྱལ་པོའི་དྲུང་དུ་བཏང་ནས། བློན་པོ་རྣམས་ཀྱིས་རྒྱལ་པོ་ལ་ཕུལ་བ་དང ། རྒྱལ་པོས་སྨྲས་པ། ཤེས་ལྡན་དག་ངའི་ཡུལ་ན་རི་དྭགས་ཀྱི་དཔོན་པོ་གཟུགས་ཤིན་ཏུ་རབ་ཏུ་སྡུག་པ་ཞིག་ཡོད་དོ་ཞེས་ངའི་ཐོས་ཀྱིས་ཁྱོད་ཀྱིས་དེ་སྙི་འཇམ་ཞིང་ལྷོད་པས་བཟུང་ལ་མ་སྣད་པ་རང་ལ་ཕུལ་ཅིག་།དེ་རྣམས་ཀྱིས་སྨྲས་པ། ལྷ་བདག་ཅག་ནི་འདི་ཉིད་ཀྱིས་འཚོ་བ་ལགས་པས་བདག་ཅག་གིས་དུས་འདི་ཙམ་གྱི་བར་དུ་ལྷའི་ཡུལ་དུ་བརྒྱུས་པ་ལས་རི་དྭགས་ཀྱི་དཔོན་པོ་མཆོག་འདི་ལྟ་བུ་ནི་སྔོན་ཆད་ལན་འགའ་ཡང་མཐོས་ན་མཐོང་བ་ལྟ་ཅི་སྨོས། ལྷ་གཅིག་ནས་གཅིག་ཏུ་སྨྲས་ཏེ་ཕྱོགས་ག་གེ་མོ་ཞིག་
Nga255b
ན་མཆིས་སོ་ཞེས་གསན་ནས་བདག་ཅག་ལ་བཀའ་སྩལ་པའི་རིགས་སོ། །དེ་ལྟ་ན་བདག་ཅག་གིས་ཀྱང་ལྷའི་བཀའ་སྩལ་པ་ངེས་པར་འགྲུབ་པར་མཆིའོ། །དེ་ནས་རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་ཝཱ་ར་ཎཱ་སིར་དྲིལ་སྒྲོགས་སུ་ཆུག་ལ། ལྷས་བཀའ་སྩལ་པ་ངའི་ཡུལ་ན་རི་དྭགས་ཀྱི་དཔོན་པོ་གཟུགས་ཤིན་ཏུ་རབ་ཏུ་སྡུག་པ་ཞིག་ཡོད་ཀྱིས་སུས་དེའི་གཏམ་ངའི་སྙན་དུ་གསོལ་ན། དེ་ངས་བཀུར་སྟི་ཆེན་པོས་བཀུར་སྟི་བྱས་ལ། དེ་ལ་གྲོང་རྡལ་མཆོག་ལྔ་སྦྱིན་ནོ་ཞེས་བསྒོ་ཞིག་།བློན་པོ་རྣམས་ཀྱིས་རྒྱལ་པོ་ལས་མཉན་ནས་ཝཱ་ར་ཎཱ་སིར་དྲིལ་བསྒྲགས་པ། ཝཱ་ར་ཎཱ་སི་ན་གནས་པའི་གྲོང་མི་དང་ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ཀྱི་ཤེས་ལྡན་དག་ཉོན་ཅིག་།ལྷས་འདི་སྐད་ཅེས་བཀའ་སྩལ་ཏོ། །ངའི་ཡུལ་ན་རི་དྭགས་ཀྱི་དཔོན་པོ་གཟུགས་ཤིན་ཏུ་རབ་ཏུ་སྡུག་པ་ཞིག་ཡོད་ཀྱིས་སུས་དེའི་གཏམ་ངའི་སྙན་དུ་གསོལ་ན། དེ་ངས་བཀུར་སྟི་ཆེན་པོས་བཀུར་སྟི་བྱས་ཏེ། དེ་ལ་གྲོང་རྡལ་མཆོག་ལྔ་སྦྱིན་ནོ་ཞེས་བྱུང་ངོ ། །དེ་ནས་དེ་མཐོང་བའི་མི་ངེས་འདི་སྙམ་དུ་སེམས་ཏེ། ཅི་རེ་ཞིག་འཁོར་རྗེས་སུ་བསྐྱང་བར་བྱའམ། འོན་ཏེ་བྱས་པ་གཟོ་བར་བྱ་སྙམ་པ་ལས། འདོད་པ་ལ་སོ་སོར་བརྟེན་པ་ནི་སྡིག་པའི་ལས་མི་བྱེད་པ་ཅི་ཡང་མེད་པས་དེ་འདོད་པའི་རྒྱུས་བསླང་བའི་ཞེ་སྡང་གི་མེ་དྲག་པོས་སྙིང་གདུངས་ནས་པ་བསམས་པ། བྱས་པ་གཟོ་བ་རེ་ཞིག་ཞོག་།དགྲ་ལ་ཤ་གླན་པའི་དུས་ལ་བབ་པོ། །ཅི་བདག་གིས་ཀྱང་དེ་འདྲ་བའི་གནས་སྐབས་ཐོབ་
Nga256a
༄#། །པར་འགྱུར་རམ། རེ་ཞིག་དེ་ལ་ཤ་གླན་པར་བྱའོ་སྙམ་ནས་དེ་ནམ་ནངས་པ་དང་རྒྱལ་པོའི་དགོས་པ་སྒྲུབ་པའི་འཁོར་གྱི་ནང་དུ་འདུག་ནས་རྒྱལ་པོའི་ཕོ་བྲང་གི་སྒོ་ལྷུག་པར་འདུག་པ་ན། དེ་མེ་ཏོག་ཤིན་ཏུ་དྲི་ཞིམ་པ་སྣ་ཚོགས་དག་ཁྱེར་ཏེ། སྒོ་བ་དང་བློན་པོ་རྣམས་ལས་གཅིག་ནས་གཅིག་ཏུ་ང་རྒྱུད་དེ་རྒྱལ་པོས་ཐོས་པར་བྱས་ནས་འཁོར་གྱི་ནང་དུ་ཞུགས་ཏེ། ཐོག་མར་བཀུར་སྟི་རྣམ་པ་སྣ་ཚོགས་བྱས་ནས། རྒྱལ་པོ་ལ་སྨྲས་པ། ལྷ་ཕྱོགས་གེ་མོ་ཞིག་ན་ཞུགས་ཤིང་སྣ་ཚོགས་ཀྱི་ནགས་བྱ་དང་རི་དྭགས་འདྲིས་པས་མཛེས་པར་བགྱིས་པ་ན། རི་དྭགས་ཀྱི་དཔོན་པོ་གསེར་གྱི་གློ་ཞེས་བགྱི་བ་རི་དྭགས་ཀྱི་ཚོགས་སྟོང་ཕྲག་དུ་མས་ཡོངས་སུ་བསྐོར་ཅིང་མཆིས་ཏེ། བདག་གིས་ལྷ་ལ་རི་དྭགས་དམ་པ་གཟུགས་མཆོག་ཏུ་སྡུག་པ་དེ་བསྟན་པར་བགྱིའོ། །དེ་ནས་རྒྱལ་པོས་དེ་ཐོས་ནས། ཡིད་བདེ་བ་སྐྱེས་ཏེ། བློན་པོ་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་ཡ་མཚན་སྐྱེས་པ་ཡུལ་སྣ་ཚོགས་ནས་ལྷགས་པ་གཞན་རྣམས་དང ། ཝཱ་ར་ཎཱ་སི་ན་གནས་པའི་གྲོང་མི་དང་ཡུལ་མི་རྣམས་ཀྱིས་ཀྱང་མདུན་དུ་བདར་ཏེ། མི་དེས་ལམ་བསྟན་པ་བཞིན་དུ་རིམ་གྱིས་ཕྱོགས་དེར་ཕྱིན་ཏོ། །ཅི་ཙམ་ན་བྱ་རོག་བྱང་ཆུབ་སེམས་དཔའ་དང་དམ་བཅས་པས་ཕྱོགས་སུ་བལྟ་བའི་ཕྱིར་ནགས་ཚང་ཚིང་དེའི་ཤིང་ཁན་འདུག་པས་སྐྱེ་བོའི་ཚོགས་ཆེན་པོ་ནགས་ཚང་ཚིང་དུ་ཕྱོགས་ཏེ་འོངས་པ་མཐོང་ནས། དེ་རིངས་པར་རི་དྭགས་རྣམས་ཀྱི་དཔོན་
Nga256b
པོའི་དྲུང་དུ་སོང་སྟེ་སྨྲས་པ། རི་དྭགས་ཀྱི་རྒྱལ་པོ་ཁྱོད་ལ་བདག་གིས་སྔར་མི་རྣམས་ནི་ཕན་པ་བྱས་པ་མི་སེམས་ཤིང ། བྱས་པ་མི་གཟོ་ལ་བྱས་པ་མི་ཚོར་བ་ཡིན་ནོ་ཞེས་སྨྲས་པ་ཡིན་ཏེ། མི་དེས་སྐྱེས་མང་དུ་ཁྱེར་ཏེ་འོང་ངོ ། །སྒྲ་དེ་རི་དྭགས་རྣམས་ཀྱིས་ཐོས་ནས་སྐྲག་སྟེ་ཀུན་ཏུ་བྲོས་སོ། །རི་དྭགས་ཀྱི་དཔོན་པོ་བྱང་ཆུབ་སེམས་དཔས་བསམས་པ། གལ་ཏེ་བདག་གིས་རི་དྭགས་འདི་དག་མ་བསྲུང་ན་དེ་རིང་ཉིད་དུ་ཁ་བཏག་པར་འགྱུར་གྱིས་སེམས་ཅན་ཡལ་བ་འདོར་བ་བས་ནི་རང་གི་སྲོག་ཆུད་གཟོན་པ་སླའོ་སྙམ་ནས་རྒྱལ་པོ་བསུར་སོང་ངོ ། །དེ་ནས་མི་སྙིང་རྗེ་མེད་ཅིང་འཇིག་རྟེན་ཕ་རོལ་ལ་མི་ལྟ་བ་དེ་རི་དྭགས་ལ་བལྟ་བར་བརྟུན་པའི་བློས་རི་དྭགས་ཀྱི་མཆོག་དེ་ལ་ལག་པ་གཉིས་ཀྱིས་བསྟན་ཏེ་སྨྲས་པ། ལྷ་རི་དྭགས་ཀྱི་དཔོན་པོ་ནི་འདི་ལགས་སོ། །ལས་ཤིན་ཏུ་དྲག་པོ་ཡོངས་སུ་རྫོགས་པ་དག་ནི་རྣམ་པར་སྨིན་པའི་དུས་ལ་མི་ལྟོས་པ་ཡིན་པས་ཚིག་སྨྲས་མ་ཐག་ཁོ་ནར་མི་དེའི་ལག་པ་གཉི་ཀ་ས་ལ་ལྷུང་བར་གྱུར་ཏོ། །དེ་ནས་རྒྱལ་པོ་དེ་སྐྱོ་བ་སྐྱེས་ནས་མི་དེ་ལ་དྲིས་པ་ཀཝའེ་ནང་རྗེ་འདི་ཅི་ལས་གྱུར། དེ་སྡུག་བསྔལ་གྱི་ཚོར་བས་ཉེན་ཅིང་ང་རོ་མི་གསལ་བས་ཚིགས་སུ་བཅད་དེ་སྨྲས་པ། རྒྱལ་ཆེན་གང་ཞིག་བཀུམ་ནས་ནོར། །འཕྲོག་དེ་ཆོམ་རྐུན་མ་ལགས་ཀྱི། །རྒྱལ་ཆེན་བྱས་པ་མི་གཟོ་བ། །གང་ལགས་དེ་ནི་ཆོམ་རྐུན་ལགས། །རྒྱལ་པོས་སྨྲས་པ། ཀཝའེ་ནང་རྗེས་སྨྲས་པ་དེའི་དོན་ཅི་ཡིན། དེས་ཇི་ལྟར་གྱུར་པ་ཐམས་ཅད་རྒྱས་པར་རྒྱལ་པོ་ལ་སྨྲས་སོ། །དེ་ནས་རྒྱལ་
Nga257a
༄#། །པོས་བྱས་པ་ཆུད་གཟོན་པའི་མི་དེ་ལ་ཚིགས་སུ་བཅད་པས་སླར་སྨྲས་པ། ཅི་ཕྱིར་ཐ་ཆད་སར་ནི་བྱིང་མ་གྱུར། །ཅི་ཕྱིར་ལྕེ་ནི་དུམ་བུ་བརྒྱར་མ་གས། །ཇི་ལྟར་ཁྱོད་ཀྱི་ལུས་འདི་གསད་པ་བས། །རྡོ་རྗེ་ཆར་མདུང་མདའ་ཆེན་བརྡེགས་མ་གྱུར། །དེ་ནས་རྒྱལ་པོས་བྱང་ཆུབ་སེམས་དཔའི་མཐུ་ཆེན་པོ་དེ་ཤེས་ནས་བློན་པོ་རྣམས་ལ་སྨྲས་པ། ཤེས་ལྡན་དག་རི་དྭགས་ཀྱི་དཔོན་པོ་བདག་ཉིད་ཆེན་པོ་འདི་ནི་བསྙེན་བཀུར་བྱ་བར་འོས་ཀྱིས། དེང་ལ་གྲོང་ཁྱེར་དང་ལམ་བྱི་དོར་བྱེད་དུ་ཆུག་ཅིག་།དེ་རྣམས་ཀྱིས་གྲོང་ཁྱེར་དེའི་རྡོ་བ་དང་གསེག་མ་དང་གྱོ་མོ་རྣམས་བསལ་ཅིང་ཙན་དན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པའི་ཕོག་ཕོར་དག་བཞག་།རྒྱལ་མཚན་བཙུགས། དར་གྱི་ཆུན་འཕྱང་མང་པོ་དག་དཔྱངས། མེ་ཏོག་སྣ་ཚོགས་ཀྱིས་དགའ་དགའ་ལྟར་བཀྲམ་སྟེ། ལྷ་རྣམས་ཀྱི་དགའ་ཚལ་གྱི་སྐྱེད་མོས་ཚལ་བཞིན་དུ་བྱས་སོ། །དེ་བཞིན་དུ་ལམ་ཡང་མཛེས་པར་བྱེད་དུ་བཅུག་ནས། ཝཱ་ར་ཎཱ་སི་ན་གནས་པའི་སྐྱེ་བོའི་ཚོགས་ཀྱིས་མེ་ཏོག་གི་ཕྲེང་བ་དག་ཐོགས་ཏེ་བསུར་དོང་ངོ ། །དེ་ནས་རྒྱལ་པོས་རི་དྭགས་ཀྱི་དཔོན་པོ་གཟུགས་ཤིན་ཏུ་སྡུག་པ་དེ་འབྱོར་པ་ཆེན་པོས་གྲོང་ཁྱེར་ཝཱ་ར་ཎཱ་སིར་ཞུགས་ནས་སེང་གེའི་ཁྲི་ལ་འདུག་ཏུ་བཅུག་གོ་།དེ་ནས་རྒྱལ་པོས་རྒྱལ་པོའི་འབྱོར་པ་དང་མཐུ་ཆེན་པོས་བཙུན་མོ་དང་གཞོན་ནུ་དང་བློན་པོ་དང་གྲོང་མི་དང་ཡུལ་མི་དང་བཅས་པས་ཡོངས་སུ་བསྐོར་ཅིང་འདུག་གོ་།དེ་ནས་
Nga257b
རི་དྭགས་ཀྱི་དཔོན་པོ་བྱང་ཆུབ་སེམས་དཔས་འཁོར་ལ་བལྟས་ནས་རྒྱལ་པོ་དང་འཁོར་དེ་ལ་དེ་ལྟ་བུའི་ཆོས་བཤད་དེ། དེ་ཐོས་པས་རྒྱལ་པོ་འཁོར་དང་བཅས་པས་བསླབ་པ་ལྔའི་གཞི་བླངས་སོ། །སེམས་ཅན་དུ་མ་དག་གིས་ནི་དགེ་བའི་རྩ་བ་དག་ཐོབ་བོ། །དེ་ནས་རྒྱལ་པོས་ནགས་དེ་རི་དྭགས་རྣམས་ལ་བྱིན་ནོ། །སྲོག་ཆགས་འབྱུང་པོ་ཐམས་ཅད་ལ་ཡང་མི་འཇིགས་པ་བྱིན་ནོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རི་དྭགས་ཀྱི་དཔོན་པོ་གསེར་གྱི་གློ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་མི་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །ད་ལྟ་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་ལྷས་བྱིན་འདི་བྱས་པ་མི་གཟོ་ཞིང་བྱས་པ་མི་ཚོར་བ་འདི་ཉོན་ཅིག་།དགེ་སློང་དག་སྔོན་བྱུང་བ་རི་པོར་ཞིག་ན་མེ་ཏོག་ཕྲེང་རྒྱུད་མཁན་ཞིག་གནས་ཏེ། དེའི་མེ་ཏོག་གི་ར་བ་ཆུའི་ཕ་རོལ་ན་ཡོད་པས་དེ་ཉི་མ་རེ་རེ་ཞིང་ཆུ་རྒལ་ཞིང་མེ་ཏོག་ཐུའོ། །ཇི་ཙམ་དུས་གཞན་ཞིག་ན། ཆུ་རྒལ་བ་ན་དུས་ཚིགས་མ་ཡིན་པའི་ཨ་མྲའི་འབྲས་བུ་ཆུས་ཁྱེར་བ་ཞིག་མཐོང་ནས་དེས་དེ་བླངས་ཏེ་།སྒོ་བ་ལ་བྱིན་ནོ། །སྒོ་བས་གསོལ་ཀ་བ་ལའོ། །གསོལ་ཀ་པས་རྒྱལ་པོ་ལའོ། །རྒྱལ་པོས་བཙུན་མོ་ལའོ། །བཙུན་མོས་དེ་མྱངས་ཏེ་མྱངས་པ་ན་རོལ་ཞེན་ནས། རྒྱལ་པོ་ལ་གསོལ་པ་བཏབ་པ། ལྷ་ཨ་མྲའི་འབྲས་བུ་འདི་འདྲ་བ་གཞན་ཡང་སྩལ་པའི་རིགས་སོ། །རྒྱལ་པོས་གསོལ་ཀ་པ་ལ་སྨྲས་པ། ཁྱོད་ཀྱིས་ཨ་མྲའི་
Nga258a
༄#། །འབྲས་བུ་སུ་ལས་འོངས། དེས་སྨྲས་པ། སྒོ་སྲུང་གིས་སྩལ་ལགས་སོ། །སྒོ་སྲུང་ལ་སྨྲས་པ་དང ། དེས་སྨྲས་པ། མེ་ཏོག་ཕྲེང་རྒྱུད་མཁན་གྱིས་སྩལ་ལགས་སོ། ། རྒྱལ་པོས་སྨྲས་པ། ཤེས་ལྡན་དག་མེ་ཏོག་ཕྲེང་རྒྱུད་མཁན་ཁུག་ཅིག་།རྒྱལ་པོའི་མི་རྣམས་ཀྱིས་བཀུག་ནས་རྒྱལ་པོས་སྨྲས་པ། ཀཝའེ་མེ་ཏོག་ཕྲེང་རྒྱུད་མཁན་ཁྱོད་ཀྱིས་ཨ་མྲའི་འབྲས་བུ་འདི་ག་ལས་རྙེད། དེས་ཇི་ལྟར་གྱུར་པ་སྨྲས་པ་དང ། རྒྱལ་པོས་དེ་ཉིད་ལ་བསྒོ་བ། ཨ་མྲའི་འབྲས་བུ་འདི་འདྲ་བ་གཞན་ཡང་ཁྱེར་ཏེ་ཤོག་ཅིག་།མིའི་དབང་པོ་རྣམས་ཀྱི་ཚིག་ནི་གཅིག་ཏུ་མི་རུང་བས། དེ་བག་ཚ་བས་སྙིང་ལ་ཟུག་ཅིང་ཨ་མྲའི་འབྲས་བུ་བཙལ་བར་བརྩམས་ཏེ། དེས་རྒྱགས་ཁྱེར་ནས་ཐོག་མ་ཨ་མྲ་རྙེད་པ་ལོགས་སུ་སོང་བ་དང་རིའི་ཕྱོགས་གཅིག་ན་ཨ་མྲའི་ཤིང་སྤྲེའུ་རྣམས་ཀྱི་བགྲོད་པར་གྱུར་གྱི་མི་རྣམས་ཀྱི་ནི་མ་ཡིན་པ་དེ་མཐོང་ནས། དེ་ནས་མེ་ཏོག་ཕྲེང་རྒྱུད་མཁན་དེ་ཤིང་དེ་ལ་ཕན་ཚུན་ནས་བརྟགས་ནས་གཡང་ས་ཆེན་པོར་སྐྱེས་པས་མི་རྣམས་ཀྱིས་བགྲོད་པ་མ་ཡིན་ཏེ། གཟེག་པར་མི་ནུས་སོ། །དེ་དེ་ན་ཨ་མྲའི་འབྲས་བུ་འདོད་པའི་ཕྱིར་ཞག་མང་དུ་ལོན་པས་རྒྱགས་ཟད་པར་གྱུར་ཏོ། །དེས་བསམས་པ། བདག་འདི་བཞིན་དུ་འདུག་ན་རྒྱགས་མེད་པས་འཆིར་ཆ་བས་གཅིག་གིས་ཅི་བྱུང་བ་བྱུང་གཟེག་གོ་ཞེས་རྡོ་བ་རྣམས་ལ་འཇུས་ཏེ་གཟེག་པར་བཙམས་པ་ལས་ཨ་མྲའི་འབྲས་བུ་མ་ཐོབ་པར་གཡང་དུ་ལྷུང་ངོ ། །རི་དེ་ལ་བྱང་ཆུབ་སེམས་དཔའ་སྤྲེའུ་རུ་གྱུར་པ་ན། སྤྲེའུ་རྣམས་ཀྱི་
Nga258b
དཔོན་པོར་གྱུར་ཏོ། །སྟེས་དབང་གིས་དེར་རི་དེ་ལ་ཚོགས་བཞག་སྟེ། ཕྱོགས་དེར་ཕྱིན་པ་དང་ཇི་ཙམ་ན་དེས་མེ་ཏོག་ཕྲེང་རྒྱུད་མཁན་དེ་སྡུག་བསྔལ་དོག་ཅིང་ཉམ་ང་བར་གྱུར་པ་མཐོང་ནས། བྱང་ཆུབ་སེམས་དཔའ་ནི་བཟོའི་གནས་དང་ལས་ཀྱི་གནས་དེ་དང་དེ་དག་ལ་མཁས་པ་ཡིན་ཏེ། དེ་དེ་ལ་ཕན་པ་བསྐྱེད་པ་ལྷུར་ལེན་པས་རིམ་གྱིས་མ་སད་ན་དབྱུང་བར་མི་ནུས་སོ་ཞེས་རྡོ་རྣམས་ཀྱིས་གོམས་པར་བྱ་བར་བརྩམས་ཏེ། གང་གི་ཚེ་དེ་བདག་གིས་དབྱུང་བར་ནུས་སོ་སྙམ་དུ་རིག་པ་དེའི་ཚེ་དེས་དེ་གཡང་ས་ནས་རིམ་གྱིས་ཕྱུང་བ་དང ། རྡོ་འདེག་པ་དང་མེ་ཏོག་ཕྲེང་རྒྱུད་མཁན་ཕྱུང་བས་ཤིན་ཏུ་དུབ་པར་གྱུར་ཏོ། །དེའི་ཚེ་དུད་འགྲོ་ཡང་མིའི་སྐད་དུ་སྨྲ་བ་ཡིན་པས་དེས་དེ་ལ་དྲིས་པ། ཁྱོད་ཅིའི་ཕྱིར་ཉམ་ང་བ་འདི་ལྟ་བུ་དང་ལྡན་པར་གྱུར། དེས་ཇི་ལྟར་གྱུར་པ་སྨྲས་པ་དང ། བྱང་ཆུབ་སེམས་དཔས་བསམས་པ། འདི་ཨ་མྲའི་འབྲས་བུ་མེད་པར་སོང་ན་གནོད་པ་འཐོབ་པར་འགྱུར་གྱིས། བདག་གིས་འདི་ལ་ཨ་མྲའི་འབྲས་བུ་སྦྱིན་ནོ་སྙམ་ནས་བདག་ཉིད་ཆེན་པོ་དེ་སྤྲོ་བ་དང་གཞན་ལ་ཕན་པར་བྱ་བ་ལ་བརྩོན་པ་མ་བོར་བས་དུབ་བཞིན་དུ་ཡང་ཤིང་དེ་ལ་འཛེགས་ནས་ཨ་མྲའི་འབྲས་བུ་གླག་པར་བརྩམས་ཏེ། མི་དེ་ཇི་ཙམ་འདོད་ཀྱི་བར་དུ་ཨ་མྲའི་འབྲས་བུ་ཟར་བཅུག་ནས་ཐུ་བ་ཡང་བཀང་ངོ ། །བྱང་ཆུབ་སེམས་དཔའ་རྣམས་ནི་སེམས་ཅན་ཐམས་ཅད་ལ་བག་འབེབས་པ་ཡིན་པས། དེ་ནས་སྤྲེའུ་ཡི་དཔོན་པོ་དེ་བབས་ནས། དེས་མི་དེ་ལ་སྨྲས་པ་ཀཝའེ་ནང་རྗེ་ཁོ་བོ་དུབ་པས་ཡུད་ཙམ་ཞིག་ཉལ་
Nga259a
༄#། །གྱིས་རེ་ཞིག་ཕྱོགས་སུ་བྱར་གྱིས་ཤིག་དེས་སྨྲས་པ། བཀའ་བཞིན་འཚལ་དེ་གཉིད་ལོག་པ་དང་མི་དེས་བསམས་པ། བདག་རྒྱགས་ཆད་པས་གལ་ཏེ་ཨ་མྲ་རྣམས་ཟོས་ན་ནི་བདག་གིས་རྒྱལ་པོ་ལ་ཡང་ཅི་དབུལ། དེ་བས་ན་སྤྲེའུ་འདི་བསད་ལ་ཤ་སྐམ་དུ་བྱས་ཏེ་ལམ་དུ་འཇུག་གོ་སྙམ་ནས། སྙིང་རྗེ་མེད་པ་འཇིག་རྟེན་ཕ་རོལ་ཡལ་བར་བོར་བ་དེས་དེ་རྡོ་བ་ཆེན་པོས་བསད་དོ། །ལྷས་ཚིགས་སུ་བཅད་དེ་སྨྲས་པ། ཕན་འདོགས་པ་ཡི་མཚན་ཉིད་དང ། །དེ་བཞིན་དྲིན་གཟོ་གྲོགས་པོར་བརྗོད། །མི་རྣམས་ལ་ཡང་ཁ་ཅིག་ནི། །ཕན་པར་བྱས་པ་མི་ཤེས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་སྤྲེའུ་ཡི་དཔོན་པོ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་མེ་ཏོག་ཕྲེང་རྒྱུད་མཁན་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་ཞིང་བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང་བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་ན་གྲོང་རྡལ་མེད་པའི་དགོན་པའི་གནས་རི་བོར་དང་རི་ཕུག་ཆུ་དང་མེ་ཏོག་དང་འབྲས་བུས་རྒྱས་པ་ཞིག་ཏུ་བྱ་རྣམས་ཀྱི་ནང་དུ་སྐྱེས་ཏེ། བྱ་ཤིང་སྟ་མོ་ཞེས་བྱ་བར་གྱུར་ཏོ། །རི་དེ་ཉིད་ཀྱི་ཕྱོགས་ཞིག་ན་རི་དྭགས་ཀྱི་རྒྱལ་པོ་སེང་གེ་ཞིག་ཇི་ལྟར་འདོད་པའི་སྤྱོད་པ་
Nga259b
དང་གནས་པས་རི་དྭགས་བསད་ཅིང་བསད་ཅིང་ཟ་བར་བྱེད་དོ། །དེ་དུས་གཞན་ཞིག་ན་ཤ་ཟོས་པ་ལས་སོའི་བར་དུ་རུས་པ་ཆུད་ནས་དེ་འཇིགས་པ་དང ། བག་ཚ་བ་དང་བྲལ་བ་ཡིན་ཡང་སོའི་ནད་ཀྱི་ཚོར་བས་ལུས་ལ་གནོད་པར་གྱུར་ནས་བློང་བར་གྱུར་པས་ཁ་ཟས་ཟ་མ་ནུས་སོ། །སྟེས་དབང་གིས་ཤིང་སྟ་མོ་དེ་ཤིང་ཁ་གཅིག་ནས་གཅིག་ཏུ་རྒྱུ་བ་ལ་གོམས་པས་དེ་ཕྱོགས་དེ་ནས་རི་དྭགས་ཀྱི་དཔོན་པོ་འདུག་པའི་ཕྱོགས་དེར་འོངས་པ་ན་དེས་སེང་གེ་སྡུག་བསྔལ་གྱི་ཚོར་བས་ཉེན་པར་མཐོང་ནས་སྨྲས་པ། ཞང་པོ་ཅིའི་ཕྱིར་བློང་བར་གྱུར། དེས་སྨྲས་པ། ཚ་བོ་བདག་སྡུག་བསྔལ་གྱི་ཚོར་བས་ཉེན་ཏོ། །ཁྱོད་ཀྱི་སྡུག་བསྔལ་ཅི་ལྟ་བུ་ཞིག་གིས། དེས་རྒྱས་པར་སྨྲས་པ་དང ། དེས་སྨྲས་པ། ཞང་པོ་ཁྱོད་ལ་བདག་གིས་དཔྱད་བྱས་ཁྱོད་ནི་སེང་གེ་ཡིན་ཏེ། རྐང་བཞི་པ་ཐམས་ཅད་ཀྱི་དཔོན་པོ་ཡིན་པས་ཕན་གདགས་པར་ནུས་ཀྱིས་ཁྱོད་ཀྱིས་བདག་ལ་དུས་དུས་སུ་ཕན་པ་བྱོས་ཤིག་།དེས་སྨྲས་པ། དེ་བཞིན་དུ་བྱའོ། །ཤིང་སྟ་མོས་བསམས་པ། ཇི་ལྟར་འདིས་བྱེད་པ་ཡང་མ་ཚོར་བ་དེ་ལྟར་འདིའི་དཔྱད་བྱས་ནས་སོས་ནས་ཤེས་པར་འགྱུར་བར་བྱའོ་སྙམ་མོ། །དེ་ཕན་པར་བྱ་བ་ལྷུར་ལེན་པས་དེའི་སྤྱོད་པ་དང་གནས་ལ་རྟོག་ཅིང་འདུག་གོ་།ཇི་ཙམ་ན་རི་དྭགས་ཀྱི་དཔོན་པོ་དེ་རླུང་བདེ་བའི་རེག་པས་ནད་རྩེ་ཞིལ་ནས་རྡོ་བ་ཆ་ཞིང་ཡངས་པ་ཞིག་ལ་ཁ་གདངས་ནས་གཉིད་ལོག་གོ་།དེ་ནས་ཤིང་སྟ་མོ་དེ་རི་དྭགས་ཀྱི་དཔོན་པོ་དེའི་དྲུང་དུ་སོང་ནས། དེ་ལྟར་བསོད་པར་གནས་པར་མཐོང་ནས་དེས་
Nga260a
༄#། །བསམ་པ། འདིའི་དཔྱད་བྱ་བའི་དུས་ལ་བབ་པོ་སྙམ་དུ་རིག་ནས་ལེགས་པར་བརྟགས་ཏེ་སོའི་བར་དུ་ཆུད་པའི་རུས་པ་འདབ་མས་བསྐྱོད་པའི་རིམ་པས་མོད་ལ་ཕྱུང་སྟེ་སྐྱེས་ཤིང་གཉིད་ཀྱི་སྙོམས་པ་གསལ་བའི་མིག་གིས་ལངས་ནས་འདུག་གོ་།དེ་ནས་ཤིང་སྟ་མོ་དེས་རི་དྭགས་ཀྱི་དཔོན་པོ་དེ་སྡུག་བསྔལ་དང་མིད་མི་བདེ་བ་དང་བྲལ་བར་རིག་ནས། རབ་ཏུ་དགའ་བའི་ཡིད་ཀྱིས་དེའི་དྲུང་དུ་སོང་སྟེ་སྨྲས་པ། ཞང་པོ་ཁྱོད་ཀྱི་སྡུག་བསྔལ་གྱི་རྒྱུར་གྱུར་པ་ནི་རུས་པ་འདི་ཡིན་ནོ། །དེ་ནས་རི་དྭགས་ཀྱི་དཔོན་པོ་དེ་མཆོག་ཏུ་ངོ་མཚར་སྐྱེས་ནས་སྨྲས་པ། ཚ་བོ་ལ་ཕན་པ་འདིའི་ལན་ཁྱོད་ལ་བདག་གིས་ངེས་པར་སླར་ཕན་པར་བྱས། དུས་དུས་སུ་ཤོག་ཅིག་།ལེགས་སོ་དེ་བཞིན་དུ་བྱའོ་ཞེས་སྨྲས་ནས་ཤིང་སྟ་མོ་དེ་སོང་ངོ ། །ཇི་ཙམ་དུས་གཞན་ཞིག་ན་རི་དྭགས་ཀྱི་དཔོན་པོ་ཤ་ལ་ཟ་བ་ན་ཤིང་སྟ་མོ་དེ་ཡང་བྱ་ཁྲ་ཞིག་གིས་ཟིན་ཏེ་དེའུ་ཤི་བ་ལས་ཤོར་ཏེ་བཀྲེས་པས་གདུངས་པའི་མིག་གིས་རི་དྭགས་ཀྱི་དཔོན་པོ་དེའི་དྲུང་དུ་སོང་སྟེ། ཉམ་ཐག་པ་དག་རིག་པར་བྱས་ནས་སྨྲས་པ། ཞང་པོ་བདག་བཀྲེས་པས་གཟིར་གྱིས་ཤ་ལ་ཅུང་ཟད་བྱིན་ཅིག་།དེས་ཚིགས་སུ་བཅད་དེ་སྨྲས་པ། ད་ལྟར་ཁོ་བོ་སྲོག་གཅོད་ཅིང ། །གཏུམ་པོ་མི་དགེ་བྱེད་པ་ཡི། ། མཆེ་བའི་བར་དུ་ཁྱོད་འོངས་པ། །གསོན་པའི་དྲིན་ཆེན་མི་སེམས་སམ། །དེས་ཀྱང་ཚིགས་སུ་བཅད་དེ་སྨྲས་པ། རྒྱ་མཚོར་ལྷུང་བ་ཕུང་བ་སྟེ། །རྨི་ལམ་བསམས་པ་དོན་མེད་དོ། །ཕོ་ངན་
Nga260b
བསྟེན་པ་གང་ཡིན་དང ། །བྱས་མིན་གཟོ་ལ་བྱས་དོན་མེད། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཤིང་སྟ་མོ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་རི་དྭགས་ཀྱི་རྒྱལ་པོ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །ད་ལྟར་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང་བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་མི་དབུལ་པོ་ཞིག་གནས་པ་དེ་ཤིང་བཙོངས་ཏེ་བཙོངས་པས་འཚོ་བར་བྱེད་དོ། །དེ་དུས་གཞན་ཞིག་ན་ནང་པར་སྔར་ལངས་ཏེ། སྟ་རེ་དང་ཁུར་ཤིང་དག་ཐོགས་ཏེ་ཤིང་གི་ཕྱིར་ནགས་ཁྲོད་དུ་སོང་བ་དང་དུས་མ་ཡིན་པའི་ཆར་སྤྲིན་ཆེན་པོ་སྣ་ལ་རླུང་ལྡང་བ་ལངས་སོ། །མི་དེ་འདི་རུང་ངམ་མི་རུང་ངམ་ཞེས་གནས་ཀྱི་ཁྱད་པར་ཚོལ་ཞིང་ཤིང་ནས་ཤིང་གཞན་གྱི་དྲུང་དུ་སོང་ན་འོན་ཀྱང་གཤེར་བར་འགྱུར་བ་ཉིད་པས་དེས་ཤིང་དྲུང་བརྒྱུས་ཏེ་རིམ་གྱིས་བྲག་ཕུག་གཅིག་ཏུ་ཞུགས་པ་དང ། དེས་བྲག་ཕུག་དེ་ན་དོམ་ཞིག་གནས་པ་དེ་མཐོང་ནས་སྔངས་ཏེ་འབྲོས་པར་བཙམས་པ་ལས་དོམ་གྱིས་སྨྲས་པ། བུ་ཅིའི་ཕྱིར་སྡངས། བུ་མ་འཇིགས་པར་ཁོ་བོའི་དྲུང་ན་འདུག་ཅིག་།དེ་བག་ཚ་བཞིན་དུ་བྲེད་ནས་འགྲོ་མ་ནུས་སོ། །དེ་ནས་དོམ་དེས་དབུགས་ཕྱུང་སྟེ་ལག་པ་གཉིས་ཀྱིས་པང་དུ་འཁྱུད་ནས་རྩ་བ་དང་འབྲས་བུས་
Nga261a
༄#། །ཚིམ་པར་བྱས་སོ། །ཡུལ་ངན་ཡང་ཞག་བདུན་དུ་བྱུང ། ལྷས་ཀྱང་ཆར་པ་མ་བཅད་དོ། །ཞག་བདུན་འདས་ཏེ། ཞག་བརྒྱད་པའི་ཉིན་པར་ཆར་སྤྲིན་སངས་ནས། དོམ་གྱིས་ཕྱོགས་བཞིར་བལྟས་ཏེ་རྩ་བ་དང ། འབྲས་བུ་རབ་ཏུ་མང་པོ་བྱིན་ནས་མི་དེ་ལ་སྨྲས་པ། བུ་ཆར་སྤྲིན་སངས་ཏེ་ཡུལ་ངན་མེད་ཀྱིས་ཅི་བདེར་སོང་ཞིག་།མི་དེས་རྐང་པ་ལ་གཏུགས་ཏེ་སྨྲས་པ། ཡབ་མཆི་ན་བདག་གིས་ཁྱོད་ལ་ལན་ཅི་ཞིག་གླན། དེས་སྨྲས་པ། བུ་ཅི་ནས་ཀྱང་ཁོ་བོ་སུ་ལ་ཡང་མ་སྨྲས་ན་དེ་ཉིད་ཀྱིས་ལན་གླན་པ་ཡིན་ནོ། །དེས་སྨྲས་པ། ཡབ་དེ་བཞིན་དུ་བགྱིའོ་ཞེས་དེས་དེ་ལ་བསྐོར་བ་བྱས་ནས་རྐང་པ་ལ་ཕྱག་བྱས་ཏེ་ཆས་སོ། །དེ་ཝཱ་ར་ཎཱ་སིར་ཞུགས་པ་དང ། རྔོན་པ་ཞིག་རི་དྭགས་འཆོར་དུ་ཆས་པ་དེས་དེ་མཐོང་ནས་སྨྲས་པ། གྲོགས་པོ་ཁྱོད་དུས་འདི་སྲིད་ཅིག་ལོན་ན་གང་ནས་འདིར་འོངས། ཁྱོད་ཀྱི་བུ་སྨད་ནི་ཁྱོད་དུས་མ་ཡིན་པའི་ཆར་ཞག་བདུན་བབ་པས་སམ། གཅན་ཟན་གྱིས་བསད་པར་མ་གྱུར་གྲང་ཞེས་སྐྲག་པར་གྱུར་ནས་ཤིན་ཏུ་སྨྲེ་སྔགས་འདོན་ཏོ། །དུས་མ་ཡིན་པའི་ཆར་ཞག་བདུན་བབ་པས་བྱ་དང་རི་དྭགས་ཀྱང་དུ་མ་ཤི་ན་ཁྱོད་ཇི་ལྟར་ཤོར། དེས་ཇི་ལྟར་གྱུར་པ་རྒྱས་པར་སྨྲས་པ་དང ། དེས་སྨྲས་པ། གྲོགས་པོ་དོམ་དེ་གང་ན་འདུག་པའི་ཕུག་དེ་སྨྲོས་ཤིག ། དེས་སྨྲས་པ། ནེའུ་ཟླ་ཅིས་འཚོ་ཡང་བླ། སླར་ནགས་ཁྲོད་དུ་ནི་མི་འགྲོའོ། །དེས་དེ་ལ་ཇི་ལྟར་ཁས་ལེན་པར་འགྱུར་བ་དེ་ལྟ་དེ་ལྟར་ཤའི་སྐལ་བ་སུམ་ཉིས་སྦྱིན་པས་བསླུས་པ་དང ། ལམ་མཚོན་པའི་
Nga261b
ཕྱིར་སོང་སྟེ། ཇི་ཙམ་ན་རིམ་གྱིས་བདག་ཉིད་ཆེན་པོའི་དོམ་དེ་གང་ན་གནས་པའི་ཕུག་དེར་ཕྱིན་ཏོ། །དེ་ནས་སྙིང་རྗེ་མེད་པ་ལ་གནས་པ་བྱས་པ་མི་གཟོ་བས་སྨྲས་པ། ཕུག་འདི་ན་དོམ་གནས་སོ། །དེ་ནས་རྔོན་པ་ཕ་རོལ་གྱི་སྲོག་ལ་གནོད་པ་བྱེད་པས་ཕུག་དེར་མེ་བཏང་ངོ ། །དེ་ནས་བདག་ཉིད་ཆེན་པོའི་དོམ་དེ་དུ་བས་སུབས་པའི་ཡིད་དང་མིག་མཆི་མས་གང་བས་ཚིགས་སུ་བཅད་དེ་སྨྲས་པ། བདག་ནི་རིའི་སུལ་གནས་བཅས་ཏེ། །རྩ་བ་འབྲས་བུ་ཆུ་འཐུང་ཞིང ། །སེམས་ཅན་ལ་ནི་ཕན་བློ་ཡིས། །སུ་ལ་གནོད་པ་ཅི་ཞིག་བྱས། །འཆི་བའི་དུས་ལ་བབ་གྱུར་པས། །ད་ནི་ཅི་ཡང་བྱར་མེད་དེ། །ལུས་ཅན་འདོད་དང་མི་འདོད་པའི། ། ལས་ཀྱི་རྗེས་སུ་འབྲང་བར་བྱ། །ཞེས་སྨྲས་ནས་ཤིའོ། །དེ་ནས་དེ་རྣམས་ཀྱིས་བཤས་ཏེ་ཤ་བགོས་ནས། བྱས་པ་ཆུད་གཟོན་པའི་མི་དེ་ལ་སྨྲས་པ། ཤའི་སྐལ་བ་སུམ་ཉིས་ལོང་ཞིག་།དེས་བླང་ངོ་ཞེས་ལག་པ་གཉིས་བརྐྱང་པ་དང་ས་ལ་ལྷུང་ངོ ། །དེ་ནས་རྔོན་པ་དེ་རྣམས་ཀྱིས་དེ་ལྟར་མ་རུང་བ་དེ་མཐོང་ནས་ཀྱི་ཧུད་ཀྱི་ཧུད་ཅེས་སྨྲས་ཏེ། རང་རང་གི་སྐལ་བ་ཡང་བོར་ནས་དོང་ངོ ། །ཤིན་ཏུ་ཡ་མཚན་དུ་གྱུར་པ་དེ་སྐྱེ་བོའི་ཚོགས་ཆེན་པོས་ཐོས་ནས་ཕྱོགས་དེར་འདུས་སོ། །རྒྱལ་པོ་ཚངས་སྦྱིན་ཡང་ཡ་མཚན་སྐྱེས་ནས་དེ་ཉིད་དུ་འོངས་སོ། །རི་དེའི་ཕྱོགས་གཅིག་ཅིག་ན་དགེ་འདུན་གྱི་གཙུག་ལག་ཁང་ཡོད་པས་དེ་ནས་རྒྱལ་པོ་ཚངས་སྦྱིན་གྱིས་དེའི་པགས་པ་བླངས་ཏེ་ཡ་མཚན་གྱི་མིག་ཕྱེ་ནས་དོན་དེ་དགེ་སློང་གི་དགེ་འདུན་ལ་རིག་པར་བྱའོ་ཞེས་དགེ་འདུན་གྱི་གཙུག་ལག་ཁང་དེར་སོང་ནས་པགས་པ་དག་
Nga262a
༄#། །བཏིང་སྟེ། རྒན་པའི་མཐའ་ལོགས་སུ་འདུག་ནས། དགེ་འདུན་ལ་དོན་དེ་རྒྱས་པར་སྨྲས་སོ། །དེ་ན་གནས་བརྟན་དགྲ་བཅོམ་པ་ཞིག་ཡོད་པ་དེས་ཚིགས་སུ་བཅད་དེ་རྒྱལ་པོ་དེ་ལ་སྨྲས་པ། རྒྱལ་ཆེན་འདི་ནི་དོམ་མ་ལགས། །བྱང་ཆུབ་སེམས་དཔའ་གཟི་འཆང་སྟེ། །རྒྱལ་ཆེན་འཇིག་རྟེན་གསུམ་པོ་དང ། །ཁྱོད་ཀྱིས་ཀྱང་ནི་མཆོད་འོས་ལགས། །རྒྱལ་པོས་བསམས་པ། འདི་ལ་མཆོད་པ་བྱའོ་སྙམ་མོ། །དགེ་སློང་རྣམས་ཀྱིས་སྨྲས་པ། ལྷ་འདི་ནི་བསྐལ་པ་བཟང་པོའི་བྱང་ཆུབ་སེམས་དཔའ་ལགས་ཀྱི་འདི་ལ་མཆོད་པ་མཛོད་ཅིག་།དེ་ནས་རྒྱལ་པོ་ཚངས་སྦྱིན་བཙུན་མོ་དང་གཞོན་ནུ་དང་བློན་པོ་དང་ཡུལ་མི་དང ། གྲོང་མི་དང་བཅས་པས་དྲིའི་ཤིང་ཐམས་ཅད་བླངས་ཏེ་ཕྱོགས་དེར་དོང་ནས། དེའི་ཤ་དང་ཀེང་རུས་ཐམས་ཅད་ཕུང་པོ་གཅིག་ཏུ་བྱས་ནས་སྨྲས་པ། ཤེས་ལྡན་དག་དྲིའི་ཤིང་ཐམས་ཅད་སྤུངས་ལ་སྤུངས་ཟིན་ནས་སྲེགས་ཤིག་།དེ་དྲིའི་ཤིང་ཐམས་ཅད་ཀྱིས་སྤུངས་ཏེ་སྤུངས་ནས་བཀུར་སྟི་ཆེན་པོ་བྱས་ཏེ་བསྲེགས་ནས། ཕྱོགས་དེ་ཉིད་དུ་མཆོད་རྟེན་ཆེན་པོ་བྱེད་དུ་བཅུག་སྟེ། གདུགས་དང ། རྒྱལ་མཚན་དང ། བ་དན་བཏགས་ནས་དུས་མཆོད་ཆེན་པོ་བཙུགས་སོ། །དེ་ལ་བྱ་བ་བྱས་པ་གང་ཡིན་པ་དེ་ཐམས་ཅད་ཀྱང་མཐོ་རིས་སུ་གཞོལ་བར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དོམ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་མི་བྱས་པ་ཆུད་གཟོན་པ་གང་ཡིན་པ་དེ་ནི་ལྷས་བྱིན་
Nga262b
འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང་བྱས་པ་མི་ཚེར་བ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་མི་དབུལ་པོ་ཞིག་ཡོད་པ་དེ་ཤིང་བཙོངས་ཤིང་བཙོངས་པས་འཚོ་བར་བྱེད་དོ། །དེ་དུས་གཞན་ཞིག་ན་ནང་པར་སྔར་ལངས་ཏེ་སྟ་རེ་དང་ཁུར་ཤིང་བླངས་ཏེ་ཤིང་གི་ཕྱིར་ནགས་ཁྲོད་དུ་སོང་བ་དང ། རི་དེའི་ཕྱོགས་ཤིང་རྣམ་པ་སྣ་ཚོགས་ཀྱིས་ནགས་སྟུག་པོ་མེ་ཏོག་དང ། འབྲས་བུ་སྣ་ཚོགས་ཀྱིས་རྒྱས་པ་ཞིག་ཡོད་པ་དེ་ན། བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་དོམ་རྣམས་ཀྱི་ནང་དུ་སྐྱེས་པ་ཞིག་ཡོད་དོ། །ཇི་ཙམ་ན་ཤིང་ཐུན་དེ་ཤིང་འཚོལ་བ་ན་ཕྱོགས་གཞན་ཞིག་ནས་སྟག་གིས་གཙེས་ཏེ། འཆི་བའི་འཇིགས་པས་སྐྲག་ནས། སྟེས་དབང་གིས་ཤིང་གང་ལ་བྱང་ཆུབ་སེམས་དཔའ་དོམ་དེ་གནས་པའི་ཤིང་དེ་ལ་འཇེགས་པ་ལས། དེས་དེ་མཐོང་ནས་ལྷག་པར་སྐྲག་པར་གྱུར་པ་དང་བདག་ཉིད་ཆེན་པོ་དེས་དབུགས་ཕྱུང་ནས་བཟུང་སྟེ་པང་དུ་བཞག་གོ་།སྟག་དེ་ཡང་ཁ་ཟས་ལ་ཞེན་པས་ཤིང་དྲུང་དེ་ཉིད་མི་གཏོང་བར་སྨྲས་པ། ཀྱེ་བདག་ཉིད་ཆེན་པོ་མི་མགོ་ནག་འདི་རྣམས་ནི་བྱས་པ་མི་གཟོ་བ་ཡིན་གྱིས་འོར་ཅིག་དང་དེ་ཟོས་ཏེ་འགྲོའོ། །མི་གཞན་ཕལ་ཆེར་སྐྱབས་སུ་འོང་བ་ལ་བྱམས་ན། བྱང་ཆུབ་སེམས་དཔའ་རྣམས་ལྟ་སྨོས་ཀྱང་ཅི་དགོས་པས། དེས་སྨྲས་པ། འདི་བདག་ལ་སྐྱབས་སུ་འོང་བས། བདག་གིས་མི་འདོར་རོ་
Nga263a
༄#། །འོན་ཀྱང་སྟག་དེ་ཤ་དང་ཁྲག་འདོད་པས་དེ་ཉིད་དུ་འདུག་གི་མ་སོང་ངོ ། །དེ་ནས་དོམ་དེས་མི་དེ་ལ་སྨྲས་པ། བུ་ཁོ་བོ་ངལ་གྱིས་རེ་ཞིག་ཁྱོད་འདུག་ཅིག་དང་ཁོ་བོ་ངལ་སོས་པར་བྱའོ། །དེ་དེའི་ཕང་དུ་འདུག་ནས་ངལ་བས་དུབ་པས་གཉིད་ལོག་གོ་།སྟག་གིས་སྨྲས་པ། ཀཝའི་མི་ཁྱོད་དུས་ཇི་སྲིད་དུ་འདིར་འདུག་།འོ་ནི་མར་འོར་ཅིག་དང་ཟོས་ལ་འགྲོའོ། །དེ་ནས་ཁྱོད་ཅི་བདེར་སོང་ཞིག་།སྙིང་རྗེ་མེད་པ་སྡིག་པའི་ལས་ཅན་འཇིག་རྟེན་ཕ་རོལ་ཡལ་བར་བོར་བ་དེས་བསམས་པ། བདག་གིས་དུས་ཇི་སྲིད་ཅིག་ཏུ་གནས་པར་བྱའི། དེས་སྨྲས་པ། ལེགས་ཀྱིས་དོར་སྙམ་ནས་དེས་དེ་བོར་བ་དང ། བདག་ཉིད་ཆེན་པོ་དེ་བོར་བ་ན་སྨྲས་པ། ཀྱེ། མིན། ཚིག་།དེས། ཀྱི། ཅི། སེ། ངན། བསྟེན། གྲོ། ཞེས་སྨྲས་ཏེ་ལྷུང་ནས། སྟག་གིས་ཚུལ་མ་ཡིན་པས་བསད་དོ། །མི་དེས་བསམས་ཏེ་སྨྲས་པ། དེ་ཐོས་ནས་བསམས་པ། འདིས་བདག་ལ་ཇི་ཞིག་བགོ་བཤའ་བྱ་བར་འདོད་དེ། གང་གི་ཕྱིར་འདི་སྐད་ཅེས་སྨྲས་སོ་སྙམ་ནས། དེ་སྲེད་པས་འདོངས་པས། བླ་བར་གྱུར་ཏེ། དེ་སེམས་འཁྲུགས་ཤིད་སྨྱོས་ནས། ཏེ་དང་དེ་དག་ཏུ་འཁྱམ་པ་ན་འདི་སྐད་ཅེས། ཀྱེ། མིན། ཚིག། དེས། ཀྱི། ཅི། སེ། ངན། བསྟེན། གྲོ་ཞེས་སྨྲའོ། །དེ་གཉེན་རྣམས་ཀྱིས་ཁྱིམ་དུ་ཁྲིད་ན་དེ་བཞིན་དུ་བླ་ཞིང་འདུག་གོ་།དེ་རྣམས་ཀྱི་འབྱུང་པོའི་དཔྱད་བྱ་བའི་རིག་སྔགས་དང ། གསང་སྔགས་འཆང་དང ། གཞན་ཡང་དགེ་སྦྱོང་དང ། བྲམ་ཟེ་དང །
Nga263b
སྙིང་དུ་སྡུག་པ་དང ། ཉེ་དུ་དང ། རྩ་ལག་རྣམས་ལ་དྲིས་ན་དེ་རྣམས་རྣམ་པ་ཕལ་པོ་ཆེར་སྨྲ་ཞིང ། དཔྱད་ནི་ཅུང་ཟད་ཀྱང་མི་བྱེད་དོ། །དེའི་ཚེ་ཝཱ་ར་ཎཱ་སི་དང་ཧ་ཅང་ཡང་མི་རིང་བའི་བསྟི་གནས་ཤིང་རྣམ་པ་སྣ་ཚོགས་ཀྱི་ནགས་སྟུག་པོ་འབྲས་བུ་དང ། མེ་ཏོག་དང ། ཆུ་ཕུན་སུམ་ཚོགས་པ། བྱ་དུ་མ་སྐད་འབྱིན་པས་མཛེས་པར་བྱས་པ་ཞིག་ཡོད་པ་ན། དྲང་སྲོང་མངོན་པར་ཤེས་པ་ལྔ་དང་ལྡན་པ་ཞིག་གནས་སོ། །མི་དེའི་གཉེན་རྣམས་ཀྱིས་མི་དེ་ཁྲིད་དེ་དྲང་སྲོང་དེའི་གན་དུ་དོང་ནས་རྐང་པ་གཉིས་ལ་གཏུགས་ཏེ་སྨྲས་པ། དྲང་སྲོང་ཆེན་པོ་བདག་ཅག་གི་གཉེན་འདི་ཡང་དང་ཡང་འདི་སྐད་དུ་བླ་བ་འདི་ལ་ཇི་ལྟར་བགྱི། དེས་སྨྲས་པ། སེམས་ཅན་འདི་ནི་སྡིག་པ་བྱེད་པ་ཡིན་ཏེ། རང་བཞིན་ངན་པ་འདིས་བྱང་ཆུབ་སེམས་དཔའ་ཕན་འདོགས་འདོགས་པ་སྟག་གི་མདུན་དུ་བོར་རོ། །བདག་ཉིད་ཆེན་པོ་དེས་ནི་འདི་ལ་ཆོས་བཤད་པར་བྱའོ་སྙམ་དུ་བསམས་ན་འདིས་དེ་བོར་ཏེ། དེ་བོར་བ་ན་མྱ་མྱོ་ཁྱེར་ཏེ། ཚིགས་སུ་བཅད་པ་བཅུ་ལས་ཡི་གེ་རེ་རེ་ཤིག་དྲན་པ་ནི། ཀྱེ། མིན། ཚིག་།དེས། ཀྱི། ཅི། སེ། ང ། བསྟེན། གྲོ་ཞེས་བྱ་བ་ཡིན་ནོ། །དྲང་སྲོང་དེའི་སློབ་མ་ཞིག་གིས་སྨྲས་པ། མཁན་པོ་རེ་ཞིག་ཚིགས་སུ་བཅད་པ་དེ་རྣམས་ཇི་ལྟ་བུ་ལགས་པ་གསུངས་ཤིག་།དྲང་སྲོང་དེས་རིམ་བཞིན་དུ་ཚིགས་སུ་བཅད་པ་དེ་རྣམས་སྨྲ་བར་བརྩམས་པ། ཀྱེ་མ་ཀྱི་ཧུད་འཇིག་རྟེན་འདིར། །ཆོས་མ་ཡིན་པ་མི་བཟད་དོ། །ཚོགས་པར་མི་འབྱུང་མི་རྣམས་ལ། །གྲོགས་པོ་གསོད་པར་བྱེད་པ་ཡོད། །གྲོགས་བསོད་གནས་སྐབས་གང་དུ་
Nga264a
༄#། །ཡང ། །བདེ་བར་འགྱུར་བ་མ་ཡིན་ཏེ། །སྟན་ལ་མ་ཡིན་ལམ་དུ་མིན། །འདུག་མིན་འཆག་པ་ན་ཡང་མིན། །དེ་ལྷུང་སྙིང་ནི་རྗེ་རྗེ་སྐད། །འདི་ལ་ཚིག་ཏུ་སྨྲས་པ་གང ། ། དེས་ནི་སེམས་ཅན་བློ་ངན་པོ། །ཇི་ལྟར་ཁན་ད་འབར་ཞིང་སྲེག། ཤིན་ཏུ་མི་བཟད་ལས་བྱས་པ། །དེས་ཁྱོད་འཇིག་རྟེན་ཕ་རོལ་ཏུ། །སྡུག་བསྔལ་རེག་པའི་ཚོར་བ་ནི། །སིམ་པ་མ་ཡིན་མྱོང་བར་འགྱུར། ། ཐ་ཤལ་བས་ཐ་ཤལ་ཁྱོད། །དུ་འབོད་ཤིན་ཏུ་མི་བཟད་པར། །ཀྱི་ཧུད་ཀྱི་ཧུད་ཅེས་སྒྲོགས་པའི། །སྡུག་བསྔལ་ངན་པ་ཆེན་པོ་འཐོབ། །མི་དགེའི་ལས་ཅན་གཏུམ་དེ་ལ། །དེ་ཡིས་ཅི་ཞིག་བྱས་གྱུར་ན། །ཚོགས་པར་མི་འབྱུང་མི་རྣམས་ལ། །གྲོགས་པོ་གསོད་པར་བྱེད་པ་ཡོད། །ཆོས་འཇིག་བྱེད་པ་མི་བཟད་པའི། །སེམས་ནི་སྡིག་པ་ཡིན་པར་ཤེས། །ཁྱོད་ཀྱིས་དོམ་ལ་སྡིག་པ་དང ། །སྟག་ལ་གང་བྱས་དྲན་པར་གྱིས། །བློ་ངན་ཁྱོད་ཀྱི་ཇི་ལྟ་བུར། །གྲོགས་ལ་བྱ་བ་མི་ཤེས་ཏེ། །བཟོད་པར་བྱེད་པ་བཟོད་འཐོབ་ལ། །ཤ་ཁོན་ཅན་གྱིས་ཁོན་རྣམས་མཐོང ། །སྟག་གི་འཇིགས་ཆེན་བྱུང་བ་ན། །ཁྱོད་ནི་ཡུན་རིང་བསྟེན་བྱས་ཤིང ། །ཉལ་བ་ན་ཡང་ཁྱོད་བསྲུངས་ན། །ཁྱོད་ཀྱིས་དེ་ནི་མ་བསྲུངས་སོ། །གྲོགས་འཁུ་ཁ་ན་མ་ཐོ་ཆེར། །ཆོས་སྨྲ་བ་རྣམས་རྗོད་བྱེད་དེ། །བློ་ངན་ལུས་ནི་ཞིག་གྱུར་ནས། ། དམྱལ་བ་རྣམས་སུ་སྐྱེ་བར་འགྱུར། །དགེ་སློང་དག་ཇི་སྙམ་དུ་སེམས། །དེའི་ཚེ་དེའི་དུས་ཀྱི་དོམ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བྱས་པ་ཆུད་གཟོན་པའི་མི་གང་ཡིན་པ་དེ་ནི་ལྷས་བྱིན་འདི་
Nga264b
ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ།། །།འདུལ་བ་གཞི། བམ་པོ་གོ་དགུ་པ། གཞན་ཡང་ཇི་ལྟར་འདི་བྱས་པ་མི་གཟོ་བ་དང ། བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་ཡུལ་ཤི་བིའི་དབྱིངས་ཀྱི་རྒྱལ་པོའི་ཕོ་བྲང་ན། རྒྱལ་པོ་ཤི་བི་ཞེས་བྱ་བ་འབྱོར་པ་དང ། རྒྱས་པ་དང ། བདེ་བ་དང་ལོ་ལེགས་པ་སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་།རྒྱལ་པོ་དེ་ཡང་དད་པ་བཟང་བ་དགེ་བའི་རྩ་བ་ཅན་བདག་ལ་ཕན་པ་དང་གཞན་ལ་ཕན་པར་ཞུགས་པ་སྙིང་རྗེ་ཅན་བདག་ཉིད་ཆེན་པོ་ཆོས་འདོད་པ་སྐྱེ་དགུ་རྣམས་བྱམས་པ་ཐམས་ཅད་ལ་རབ་ཏུ་སྦྱིན་པ་ཐམས་ཅད་ཡོངས་སུ་གཏོང་བ་ཆགས་པ་མེད་པར་ཡོངས་སུ་གཏོང་བ་གཏོང་བ་ཆེན་པོ་ལ་གནས་པ་ཞིག་ཡིན་ཏེ། དེ་འདི་ལྟ་སྟེ་དགེ་སྦྱོང་དང་བྲམ་ཟེ་དང ། བཀྲེས་པ་དང ། ཕོངས་པ་དང ། འགྲོ་བར་ཆས་པའི་སློང་བ་པོ་རྣམས་ལ་སྦྱིན་པས་ཡོངས་སུ་མི་གཏོང་བ་ཅི་ཡང་མེད་དེ། ལྷག་པར་ཡང་ནད་པ་རྣམས་ལ་སྦྱིན་ནོ། །རྒྱལ་པོ་དེའི་ཀུན་ཏུ་སྤྱོད་པ་ནི་ནང་པར་སྔར་ལངས་ནས་ཕ་དང་མ་གཉིས་ལ་ཕྱག་བྱས་ཏེ། ནད་པ་ལ་བལྟས་ནས་དགོས་པའི་ཆེད་ཀྱི་ཕྱིར་འདུག་པར་བྱེད་དོ། ཇི་ཙམ་ན་མི་ནད་པ་སྨན་པ་ཐམས་ཅད་ཀྱིས་བོར་བ་འཚོ་བའི་རེ་བ་མེད་ལ་འཆི་བ་ལ་མངོན་དུ་ཕྱོགས་པ་ཞིག་དེ་དང་དེ་དག་ཏུ་འཁྱམ་ཞིང་ཤི་བིའི་དབྱངས་ཀྱི་རྒྱལ་པོའི་ཕོ་བྲང་དུ་ཕྱིན་ཏོ། །དེའི་རྒྱལ་པོ་ཤི་བི་
Nga265a
༄#། །སོས་ཀའི་དུས་ལ་བབ་སྟེ། མེ་ཏོག་གི་ཤིང་རྣམས་ཁ་འབུས་ཤིང་ངང་པ་དང་ཁྲུང་ཁྲུང་དང་རྨ་བྱ་དང་ནེ་ཙོ་དང་རི་སྐེགས་དང་ཁུ་བྱུག་སྒྲ་འབྱིན་པའི་ནགས་ཚལ་སྟུག་པོའི་སྐྱེད་མོས་ཚལ་གྱི་སར་བཙུན་མོས་ཡོངས་སུ་བསྐོར་ཏེ་ཆས་སོ། །ནད་པ་དེ་ཡང་ཚོར་བ་དྲག་པོས་གདུངས་པས་ཡིད་མི་བདེ་བ་སྐྱེས་ཤིང་ལུས་ཀྱི་དབུགས་ནི་བརྫངས། མིག་ནི་མཆི་མས་གང་བཞིན་ལག་པ་འཁར་བ་ལ་བརྟེན་ནས་དལ་བུས་རྒྱལ་པོའི་དྲུང་དུ་སོང་ནས་མགོ་བོས་ཕྱག་བྱས་ཏེ་སྨྲས་པ། ལྷ་བདག་བྲོ་ནད་འདི་ལས་ཡོངས་སུ་བསྐྱབ་ཏུ་གསོལ། སྲོག་སྩལ་དུ་གསོལ། དེ་ནས་ཤི་བིའི་རྒྱལ་པོས་ནད་པ་དེའི་ཚིག་སྙིང་རྗེ་རྗེ་སྐད་དུ་དལ་བུས་ཡི་གེ་རེ་རེ་ནས་སྨྲས་པ་ཐོས་ནས་སྙིང་རྗེས་ཀུན་ནས་བསྐྱོད་པའི་སེམས་ཀྱིས་དེ་ཉིད་ནས་སླར་ལོག་སྟེ་བློན་པོ་རྣམས་ལ་སྨྲས་པ། ཤེས་ལྡན་དག་ངའི་ཡུལ་ན་གནས་པའི་སྨན་པ་རྣམས་ཁུག་ཅིག་།དེ་རྣམས་ཀྱིས་སྨན་པ་ཐམས་ཅད་བཀུག་སྟེ་རྒྱལ་པོ་ལ་ཕུལ་ལོ། །དེ་ནས་རྒྱལ་པོས་མི་དེ་བཀུག་ནས་སྨྲས་པ། ཤེས་ལྡན་དག་མི་འདི་དཔྱད་གྱིས་ཤིག་།སྨན་པ་རྣམས་ཀྱིས་དཔྱད་དེ་བློ་གྲོས་གཅིག་ཏུ་བྱས་ནས་སྨྲས་པ། ལྷ་འདིའི་སྨན་དཀོན་ལགས་སོ། །རྒྱལ་པོས་སྨྲས་པ། ཤེས་ལྡན་དག་དེའི་སྨན་ཅི་འདྲ་བ་ཞིག་ཡིན། སྨན་པ་རྣམས་ཀྱིས་སྨྲས་པ། ལྷ་སྐྱེས་པ་ཐོག་མ་བཙས་པ་ནས་སུ་ལ་ཡང་ཁྲོ་མ་མྱོང་བ་གང་ལགས་པ་དེའི་ཁྲག་གིས་ནས་ཐུག་སྦྱར་ནས་གལ་ཏེ་འཚལ་དུ་སྩལ་ན་འདི་སོས་པར་འགྱུར་ལགས་ཀྱི་གཞན་
Nga265b
དུ་མ་ལགས་སོ། །རྒྱལ་པོས་ཐོས་ནས་བསམས་པ། བདག་གིས་ནི་འདི་འདྲ་བའི་སྡུག་བསྔལ་གྱིས་ཉེན་པ་གཞན་དག་ཞི་བར་བྱེད་མི་ནུས་པའི་རྒྱལ་སྲིད་ཀྱི་དབང་ཕྱུག་གམ། འཚོ་བ་འདི་ལྟ་བུ་བདག་ལ་ཅི་དགོས་ཞེས་དེ་སྙམ་དུ་བསམས་ནས། རྒྱལ་པོ་རང་གི་རྒྱུད་ལ་བརྟག་པར་བརྩམས་ནས་དེས་མ་མ་ལ་སྨྲས་པ། ངས་སྔོན་སུ་ལ་ལན་འགའ་ཁྲོས་པ་ཡོད་དམ། དེས་སྨྲས་པ། ལྷ་གང་གི་ཚེ་ཁྱོད་བདག་གི་པང་དུ་བླངས་པ་དེའི་ཚེ་ནས། བདག་ཀྱང་སུ་ལ་ཡང་ཁྲོ་མ་མྱོང་ན་ཁྱོད་ལྟ་སྨོས་ཀྱང་ཅི་འཚལ། དེ་ནས་མའི་དྲུང་དུ་སོང་སྟེ་སྨྲས་པ། ཡུམ་བདག་སྔོན་སུ་ལ་ཡང་ལན་འགའ་ཁྲོས་པ་མཆིས་སམ། དེས་སྨྲས་པ།་བུ་ཁྱོད་གང་གི་ཚེ་ཁོ་མོའི་རུམ་དུ་ཞུགས་པ་དེའི་ཚེ་ནས། བདག་ཀྱང་སུ་ལ་ཡང་ཁྲོ་མ་མྱོང་ན། ཁྱོད་ལྟ་ཅི་ཞིག་སྨོས། རྒྱལ་པོས་བསམས་པ། ད་ནི་སྨན་རྙེད་དོ་སྙམ་ནས། དེས་སྨན་པ་དེ་རྣམས་ལ་སྨྲས་པ། ངའི་ལུས་ཀྱི་ཡན་ལག་ལྔའི་རྩ་གཏུབས་ཤིག་།དེ་རྣམས་ཀྱིས་སྨྲས་པ། ལྷ་བདག་ཅག་ནི་མི་ཕལ་པའི་ཆེད་དུ་ལྷའི་སྐུ་ལ་མཚོན་གྱིས་མི་འདེབས་སོ། །བྱང་ཆུབ་སེམས་དཔའ་རྣམས་ནི་བཟོའི་གནས་དང་ལས་ཀྱི་གནས་དེ་དང་དེ་དག་ལ་མཁས་པ་ཡིན་པས། དེས་རང་ཉིད་ཀྱིས་ལུས་ཀྱི་ཡན་ལག་ལྔའི་རྩ་གཏར་ཏེ། ཁྲག་གིས་རྫེའུ་བཀང་ནས་དེས་ནས་ཐུག་སྦྱར་ཏེ་བླུད་དོ། །རྒྱལ་པོ་དེ་ལ་རྗེས་སུ་ཆགས་པའི་བཙུན་མོ་དང ། གཞོན་ནུ་དང་བློན་པོ་དང ། གྲོང་མི་དང ། ཡུལ་མི་རྣམས་དུ་བ་ལ་ཞུགས་སོ། །ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ཀྱིས་ཀྱང་འཕྱ་བར་བརྩམས་ཏེ། མི་ཕལ་བ་
Nga266a
༄#། །གཅིག་གི་ཕྱིར་འདི་སྙེད་ཀྱི་སེམས་ཅན་འདོར་བ་ལྟ་ཅི་ཐ་ཚིག་ཅེས་གླེང་ངོ ། །དེ་ནས་རྒྱལ་པོས་སྐྱེ་བོའི་ཚོགས་དེ་དབུགས་ཕྱུང་ནས། ཐབས་དེས་ཟླ་བ་དྲུག་ཏུ་ལུས་ཀྱི་ཡན་ལག་ལྔའི་རྩ་གཏར་ཏེ། གཏར་ནས་ནས་ཐུག་བླུད་དོ། །རྒྱལ་པོ་ཤི་བིའི་ལུས་དེ་ཚགས་འདྲ་བར་གྱུར་ནས། གཟི་བྱིན་ཡོངས་སུ་ཉམས་སོ། །གནས་གཙང་མའི་རིས་ཀྱི་ལྷ་རྣམས་ཀྱིས་བསམས་པ། འདི་ནི་བསྐལ་པ་བཟང་པོའི་བྱང་ཆུབ་སེམས་དཔའ་ཡིན་ཏེ། གལ་ཏེ་ཡོངས་སུ་ཉམས་ན་མ་ལེགས་སོ་སྙམ་ནས། དེ་རྣམས་ལ་དེ་ཉི་མ་རེ་རེ་ཞིང་གཟི་བྱིན་སྒྲུབ་པར་བྱེད་དེ། དེས་དེ་འཚོའོ། །གང་གི་ཚེ་མི་དེའི་ནད་དེ་ཞི་བར་གྱུར་པ་དེའི་ཚེ། རྒྱལ་པོ་ཤི་བིས་གྲོང་རྡལ་མཆོག་ལྔ་བྱིན་ནས། ཝཱ་ར་ཎཱ་སི་ན་གཙོ་བོར་བཀུར་བར་གྱུར་ཏོ། །མཐའ་དག་ཏུ་སྒྲ་གྲགས་པ་རྒྱལ་པོ་ཤི་བིའི་ལུས་ཀྱི་ཡན་ལག་ལྔའི་རྩ་གཏུབས་པའི་ཁྲག་གིས་ནད་པའི་རིམ་གྲོ་དུས་འདི་སྲིད་ཅིག་བྱས་པས་དེ་ཡང་སོས་པར་གྱུར་ཏོ། །གང་ཡང་ཡ་མཚན་སྐྱེས་པའི་སེམས་ཅན་རྣམས་ལྷགས་ནས། མི་དེ་ལ་དྲིས་པ་ཀྱེ་ནང་རྗེ་ཁྱོད་ལ་རྒྱལ་པོ་ཤི་བིས་དུས་འདི་སྲིད་ཅིག་རིམ་གྲོ་བྱས་སོ་ཞེས་གྲགས་ན་བདེན་ནམ། དེས་སྨྲས་པ། བདག་ལ་དེས་ཅི་ཞིག་བྱས། ངན་ཁྲག་ལྟ་ཞིག་ས་ལ་ཕོའམ། གཞན་ལ་བྱིན་ཡང་རུང ། དེ་ལ་ངོ་མཚར་ཅི་ཞིག་ཆེ། དེ་སྐད་ཅེས་སྨྲས་མ་ཐག་ཁོ་ནར་དེའི་ཁྱིམ་དུ་མེ་བྱུང་ནས་དེས་དེའི་ཁྱིམ་དང་ནོར་ཐམས་ཅད་ཚིག་པར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་
Nga266b
པོ་ཤི་བི་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བྱས་པ་ཆུད་གཟོན་པའི་མི་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ།། ད་ལྟར་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང ། བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་རྒྱལ་པོའི་ཕོ་བྲང་ཞིག་ན། རྒྱལ་པོ་ཞིག་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་།དེ་དུས་གཞན་ཞིག་ན་བཙུན་མོ་དང་ལྷན་ཅིག་ཏུ་རྩེ་བར་བྱེད། དགའ་བར་བྱེད་དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན་བཙུན་མོ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་ན། ཁྱེའུ་གཟུགས་བཟང་བ་བལྟ་ན་སྡུག་པ་མཛེས་པ་པགས་པའི་མདོག་གསེར་འདྲ་བ། མགོ་གདུགས་ལྟར་འདུག་པ། ལག་པ་རིང་བ། དཔྲལ་བའི་དབྱེས་ཆེས་པ་སྨིན་མ་འཛར་བ། སྣའི་གཟེངས་མཐོ་བ། ཡན་ལག་དང་ཉིད་ལག་ཐམས་ཅད་དང་ལྡན་པ་ཞིག་བཙས་ཏེ། དེ་བཙས་པ་ན་དགེ་བ་སྟོང་ཕྲག་དུ་མ་བྱུང་བར་གྱུར་ཏོ། །དེ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དེ། བློན་པོ་རྣམས་ཀྱིས་སྨྲས་པ། ལྷ་འདི་བཙས་པ་ན་དགེ་བ་སྟོང་ཕྲག་དུ་མ་བྱུང་བས་ཁྱེའུ་ཡི་མིང་དགེ་བྱེད་དུ་གདགས་སོ་ཞེས་དེའི་མིང་དགེ་བྱེད་དུ་བཏགས་ཏེ། ཁྱེའུ་དགེ་བྱེད་
Nga267a
༄#། །མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་བསྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་བཏད་དེ། དེ་མ་མ་བརྒྱད་པོ་དག་གིས་འོ་མ་དང་ཞོ་དང་མར་དང་ཞུན་མར་དང ། མར་གྱི་སྙིང་པོ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་དག་གིས་སྲིང་བར་བྱེད་སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་མྱུར་དུ་སྐྱེད་པར་བྱེད་དོ། །རྒྱལ་པོ་དེ་ཡང་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན། བཙུན་མོ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་ཞིག་བཙས་ཏེ། དེ་བཙས་པ་ན་མི་དགེ་བ་སྟོང་ཕྲག་དུ་མ་བྱུང་ནས་དེའི་མིང་སྡིག་བྱེད་ཅེས་བྱ་བར་བཏགས་ཏེ། དེ་ཡང་བསྲིངས་བསྐྱེད་ཆེན་པོར་གྱུར་ཏེ། གཞོན་ནུ་དགེ་བྱེད་ནི་བྱམས་པའི་བདག་ཉིད་སྙིང་རྗེ་ཅན་སེམས་ཅན་ཐམས་ཅད་ལ་བརྩེ་བ་ཅན་སྦྱིན་འདོད་པ། སྦྱིན་པ་ལ་དགའ་བ་ཡིན་པས་དེ་དགེ་སྦྱོང་དང ། བྲམ་ཟེ་དང ། བཀྲེས་པ་དང ། ཕོངས་པའི་སློང་བ་རྣམས་ལ་སྦྱིན་པ་གཏོང་བར་བྱེད་དོ། །ཕས་དེ་ལ་སྨྲས་པ། བུ་ཁྱོད་རྟག་ཏུ་སྦྱིན་པ་མ་གཏོང་ཞིག ། དེ་ལྟར་གཏང་ན་རེ་ཞིག་འུ་བུ་ཅག་ལ་ནོར་གྱི་རིགས་དེ་སྙེད་ག་ལ་ཡོད། འདི་ནི་ཆོས་ཉིད་ཡིན་ཏེ་སྦྱིན་པ་པོའམ། སྦྱིན་བདག་ལ་སྐྱེ་བོ་མང་པོ་དགའ་བ་དང ། ཡིད་དུ་འོང་བར་འགྱུར་ཞིང ། ཕྱོགས་
Nga267b
དང་ཕྱོགས་མཚམས་རྣམས་སུ་ཡང་དེའི་གྲགས་པ་དང ། སྒྲ་དང་ཚིགས་སུ་བཅད་པ་བཟང་པོ་འབྱུང་བ་ཡིན་པས་ཡུལ་གཞན་གྱི་རྒྱལ་པོ་ཞིག་གིས་དེའི་ཡོན་ཏན་གྱི་བདག་ཉིད་ཆེན་པོ་ཐོས་ནས་བུ་མོ་བྱིན་ནོ། །རྒྱལ་པོས་དེ་དཔལ་གྱི་འབྱོར་པ་ཆེན་པོས་བསུ་བར་བྱས་པ་དང ། དགེ་བྱེད་ཀྱིས་སྨྲས་པ། རེ་ཞིག་ནོར་མ་བསྒྲུབས་ཀྱི་བར་དུ་བདག་མཆིས་བྲང་མི་འཚལ་གྱིས། ཡབ་རྒྱ་མཚོ་ཆེན་པོར་འཇུག་པར་གནང་བའི་རིགས་སོ། །དེས་སྨྲས་པ། དེ་བཞིན་དུ་གྱིས་ཤིག་།དེ་ཟོང་ཐོགས་ཏེ་རྒྱ་མཚོ་ཆེན་པོར་ཆས་པ་ན། དེའི་ནུ་བོ་སྡིག་བྱེད་གང་ཡིན་པ་དེས་བསམས་པ། འདི་སྐྱེ་བོ་མང་པོ་སྡུག་པ་དང ། ཡིད་དུ་འོང་བ་ཡིན་ཏེ། གལ་ཏེ་ཡང་རྒྱ་མཚོ་ཆེན་པོའི་གྲུ་གྲུབ་སྟེ་སླར་འོངས་ན། ལྷག་པར་ཡང་སྐྱེ་བོ་མང་པོ་སྡུག་པ་དང་ཡིད་དུ་འོང་བར་འགྱུར་ཞིང ། དེས་ན་ཕ་འདུག་བཞིན་དུ་རྒྱལ་སྲིད་ཀྱི་དབང་ཕྱུག་ལ་དབང་བྱེད་དུ་བཅུག་པར་འགྱུར་བའི་གནས་གང་ཡིན་པ་འདི་ཡོད་ཀྱི་འདིར་ཡང་ཅིའི་དུས་ལ་བབ་ཅེ་ན། བདག་ཀྱང་དེ་དང་ལྷན་ཅིག་རྒྱ་མཚོ་ཆེན་པོར་ཞུགས་ལ་དེར་འདི་སྲོག་དང་ཕྲལ་ན། བདག་མི་འདོད་བཞིན་དུ་ཡང་རྒྱལ་ཚབ་ཏུ་དབང་བསྐུར་བར་འགྱུར་རོ་སྙམ་དུ་བསམས་ནས། ཕའི་དྲུང་དུ་སོང་སྟེ། སྨྲས་པ། ལྷ་དགེ་བྱེད་རྒྱ་མཚོ་ཆེན་པོར་མཆི་ན་བདག་ཀྱང་དེ་དང་ལྷན་ཅིག་མཆིའོ། །དེས་སྨྲས་པ། དེ་བཞིན་དུ་གྱིས་ཤིག་།དེ་ནས་དགེ་བྱེད་ཀྱིས་རང་གི་ཡུལ་དུ་དྲིལ་སྒྲོགས་སུ་བཅུག་པ་གྲོང་ཁྱེར་ན་གནས་པའི་ཚོང་པ་ཤེས་ལྡན་དག་ཉོན་ཅིག་།གཞོན་ནུ་དགེ་བྱེད་ཟོང་ཐོགས་ཏེ་
Nga268a
༄#། །རྒྱ་མཚོ་ཆེན་པོར་འཇུག་གིས་དེད་དཔོན་དགེ་བྱེད་དང་ལྷན་ཅིག་རྒྱ་མཚོ་ཆེན་པོར་འཇུག་པར་ཁྱེད་ཅག་ལས་སུ་སྤྲོ་བ་དེ་ཤོ་གམ་དང ། ལ་གཅན་དང་གྲུ་བཙས་མེད་པར་འགྱུར་གྱིས། རྒྱ་མཚོ་ཆེན་པོར་འདོད་པའི་ཟོང་སྟ་གོན་གྱིས་ཤིག་།ཚོང་པ་བརྒྱ་ཕྲག་དུ་མས་རྒྱ་མཚོ་ཆེན་པོར་འགྲོ་བའི་ཟོང་སྟ་གོན་བྱས་སོ། །དེ་ནས་དེད་དཔོན་དགེ་བྱེད་ནུ་བོ་སྡིག་བྱེད་དང་ལྷན་ཅིག་དགེ་མཚན་དང་བདེ་ལེགས་སུ་འགྱུར་བ་དག་བྱས་ནས། ཚོང་པ་བརྒྱ་ཕྲག་དུ་མས་ཡོངས་སུ་བསྐོར་ཏེ་ཤིང་རྟ་དང ། ཁུར་དང་གཟེ་བ་དང ། པང་ཚད་དང་རྔ་མོ་དང་བ་ལང་དང་བོང་བུ་དག་གིས་རྒྱ་མཚོ་ཆེན་པོར་འཇུག་པའི་ཟོང་མང་པོ་ཁྱེར་ནས་ཆས་ཏེ་དེ་རིམ་གྱིས་གྲོང་རྡལ་དང་གྲོང་ཁྱེར་དང་ཡུལ་དང ། རྒྱལ་པོའི་ཕོ་བྲང་དང་ཚོང་རྡལ་རྣམས་ལ་ལྟ་ཞིང ། རྒྱ་མཚོ་ཆེན་པོའི་འབྲམ་དུ་ཕྱིན་ནས། དེས་ནས་ཀར་ཤ་པ་ན་ལྔ་བརྒྱས་གྲུ་ཉོས་ཏེ། ཞོ་ཤས་འཚོ་བ་ལྔ་པོ་སྟོབས་པར་བྱེད་པ་དང ། སེལ་བར་བྱེད་པ་དང ། རྐྱལ་ཆེན་པོ་དང ། གྲུ་པ། རླུང་ཡོར་ཐོགས་པ་ཁྲིད་ནས་ལན་གསུམ་དུ་དྲིལ་བསྒྲགས་ཏེ་རྒྱ་མཚོ་ཆེན་པོར་ཞུགས་ནས་གྲུ་སྤངས་པ་ན། ནུ་བོ་སྡིག་བྱེད་ལ་སྨྲས་པ། གལ་ཏེ་རྒྱ་མཚོ་ཆེན་པོའི་དབུས་སུ་གྲུ་ཆག་པར་གྱུར་ན། མ་རྟབས་པར་ངའི་མགུལ་དུ་འཇུས་ཤིག་།དེས་སྨྲས་པ། ལེགས་ཀྱིས་དེ་བཞིན་དུ་བགྱིའོ། །ཇི་ཙམ་ན་གྲུ་དེ་རྗེས་སུ་མཐུན་པའི་རླུང་གི་རིན་པོ་ཆེའི་གླིང་དུ་ཕྱིན་ནས། རླུང་ཡོར་ཐོགས་པས་
Nga268b
སྨྲས་པ། འཛམ་བུའི་གླིང་གི་ཚོང་པ་ཤེས་ལྡན་དག་ཉོན་ཅིག་།རིན་པོ་ཆེའི་གླིང་ཞེས་བྱ་བ་རྡོ་རྗེ་དང ། བཻ་ཌཱུརྱ་དང ། ན་ད་རྙིལ་དང ། མརྒད་ལ་སོགས་པའི་རིན་པོ་ཆེ་སྣ་ཚོགས་ཀྱི་འབྱུང་གནས་ཤིག་ཡོད་དོ་ཞེས་ཐོས་པ་གང་ཡིན་པ་དེར་ཡུ་བུ་ཕྱིན་གྱིས། རིན་པོ་ཆེ་ཅི་འདོད་པ་ལོང་ཞིག་།དེ་ནས་དེ་རྣམས་དགའ་བ་དང་མགུ་བས་བརྟགས་ཤིང་བརྟགས་ནས། རིན་པོ་ཆེ་རྣམས་ཀྱིས་གྲུ་དེ་དཔེར་ན། ཏིལ་ལམ། འབྲས་སམ། རྒྱ་སྲན་ནམ། སྲན་མ་ལ་སོགས་པ་བཞིན་དུ་བཀང་ངོ ། །བྱང་ཆུབ་སེམས་དཔའ་རྣམས་ནི་ཤིན་ཏུ་བརྟག་པ་དག་མཁས་པ་ཡིན་པས། གཞོན་ནུ་དགེ་བྱེད་ཀྱིས་ཆེན་པོ་ལ་འོས་པའི་ནོར་བུ་ཆེན་པོ་རྣམས་རྐེད་ལ་བཏགས་སོ། །ཇི་ཙམ་ན་གྲུ་དེ་སླར་བསྒྱུར་བ་ལས་འགྲམ་དང་ཧ་ཅང་ཡང་མི་རིང་བ་ཞིག་ཏུ་ཆུ་སྲིན་ཉའི་རིགས་ཀྱིས་ཚུལ་མ་ཡིན་པས་མ་རུང་བར་བྱས་སོ། །དེ་ནས་སྡིག་བྱེད་ཀྱིས་དགེ་བྱེད་ཀྱི་མགུལ་ནས་འཇུས་པ་དང ། དེས་དེ་འབད་པ་ཆེན་པོས་འགྲམ་དུ་ཕྱུང་ངོ ། །དེ་ཁུར་གྱིས་དུབ་ནས་གཉིད་ཀྱིས་ལོག་པ་དང ། དེ་འགྲེས་པའི་རྐེད་པ་ལ་རིན་པོ་ཆེ་བཏགས་པ་དག་སྡིག་བྱེད་ཀྱིས་མཐོང་ནས། དེས་བསམས་པ་འདི་ནི་རིན་པོ་ཆེ་འདི་ལྟ་བུ་དག་ཁྱེར་ཏེ་འགྲོ་བར་འགྱུར་ལ། བདག་ནི་ལག་པ་སྟོང་པར་འགྲོ་བར་འགྱུར་བ་ལྟ་ཞེས་བསམས་ནས། དེས་དེ་གཉིད་སྟུག་པོས་ནོན་པ་ན་རིན་པོ་ཆེ་དེ་རྣམས་ཀྱང་འཕྲོགས། མིག་གཉིས་ཀྱང་ཚེར་མས་ཕྱུང་ནས། དེས་དེ་ལོང་བ་རྒྱ་མཚོ་འགྲམ་དུ་བོར་ཏེ་སོང་ངོ ། །སྟེས་ཏེ་ཕྱུགས་
Nga269a
༄#། །རྫི་དག་ཕྱུགས་སྐྱོང་ཞིང་ཕྱོགས་དེར་ཕྱིན་པ་དང ། དེ་རྣམས་ཀྱིས་དེ་མཐོང་ནས་དྲིས་པ། ཀྱེ་ནང་རྗེ་ཁྱོད་སུ་ཞིག་།དེས་ཇི་ལྟར་གྱུར་པ་རྒྱས་པར་སྨྲས་པ་དེ་རྣམས་ཀྱིས་ཐོས་ནས་སྙིང་རྗེ་སྐྱེས་ཏེ། དེ་རྣམས་ཀྱིས་དེ་ཕྱུགས་རྫི་དཔོན་པོའི་ཁྱིམ་དུ་ཁྲིད་དོ། །དེ་དེ་ན་པི་ཝང་བླང་བར་བརྩམས་པ་དང ། ཕྱུགས་རྫི་དཔོན་པོ་དེའི་ཆུང་མ་གཟུགས་དང་ལང་ཚོའི་དྲེགས་པས་རྒྱགས་པས་པི་ཝང་གི་སྒྲ་ཐོས་ནས་བགུགས་པ་ལས། དེ་བྱས་པ་ཆུད་གཟོན་པའི་སྤྱོད་པ་རྗེས་སུ་དྲན་ནས་རྣ་བ་བཀབ་སྟེ་འདུག་ནས་མ་བཏུབ་བོ། །འདོད་པ་ལ་ཞེན་པ་རྣམས་ནི་མི་བྱ་བ་ཅི་ཡང་མེད་པས། དེས་ཁྱིམ་ཐབ་ལ་སྨྲས་པ། མི་ལོང་བ་འདི་བདག་ལ་སྒུགས་ན་ཁྱོད་འདི་འདྲ་བ་དག་སྡུད་པར་བྱེད་དམ། ཤ་འཁོན་རྣམས་ཀྱི་ནང་ན་འདི་ལྟ་སྟེ་བུད་མེད་ཀྱི་ཤ་འཁོན་ནི་ཐ་ཆད་ཡིན་པས་དེས་བསམས་པ། འདི་ཆད་པས་ནི་བཅད་ཟིན་པས་སྤང་པ་མ་གཏོགས་པར་འདི་ལ་ཅི་བྱར་ཡང་མེད་དོ་སྙམ་ནས་དེས་དེ་ཁྱིམ་ནས་སྤངས་ཏེ་ལམ་པོ་ཆ་དང་སྲང་དང་བཞི་མདོ་དང་སུམ་མདོ་རྣམས་ན་པི་ཝང་གིས་འཚོ་བར་བྱེད་དོ། །དེའི་ཕ་ཤི་ནས་དེའི་ནུ་བོ་སྡིག་བྱེད་རྒྱལ་སྲིད་ལ་བཞག་གོ་།དེ་ཡང་རིམ་གྱིས་མཚམས་གཞན་གྱི་རྒྱལ་པོ་སྔོན་བུ་མོ་བྱིན་པ་གང་ཡིན་པ་དེའི་གྲོང་ཁྱེར་དུ་ཕྱིན་ཏོ། །དེ་ཡང་ཆེན་མོར་གྱུར་ནས། དེ་སློང་བ་ཡུལ་སྣ་ཚོགས་ན་གནས་པ་རྒྱལ་པོའི་བུ་དང་བློན་པོའི་བུ་དང ། མདུན་ན་འདོན་གྱི་བུ་དག་ལྷགས་
Nga269b
ནས། ཕས་སྨྲས་པ། བུ་མོ་ཁྱོད་གང་ལ་བྱིན་པའི་གཞོན་ནུ་དགེ་བྱེད་དེ་ནི་རྒྱ་མཚོ་ཆེན་པོར་སོང་བ་ལས་དེ་ཉིད་དུ་ཚུལ་མ་ཡིན་པས་ཤི་བར་གྱུར་ཏོ། །ད་ནི་ཁྱོད་སློང་བ་དག་ལྷགས་ཏེ། གང་ལ་ཁྱོད་མ་བྱིན་པ་དེ་མི་དགའ་བར་འགྱུར་ན། འདི་ལ་ཇི་ལྟར་བསྒྲུབ་པར་བྱ། དེས་སྨྲས་པ། ཡབ་གལ་ཏེ་དེ་ལྟ་ན་གྲོང་ཁྱེར་བྱི་དོར་བགྱིད་དུ་སྩོལ་ཅིག་དང ། བདག་ཉིད་ཀྱིས་ཁྱིམ་ཐབ་འདམ་མོ། །རྒྱལ་པོས་སྨྲས་པ། བུ་དེ་བཞིན་གྱིས་ཤིག་།དེ་ནས་རྒྱལ་པོས་ཡུལ་སྣ་ཚོགས་དང ། གྲོང་ཁྱེར་སྣ་ཚོགས་རྣམས་སུ་རང་ཉིད་ཁྱིམ་ཐབ་འདམ་པར་བསྒྲགས་ནས་གྲོང་ཁྱེར་དེ་ཡང་གསེག་མ་དང ། རྡོ་བ་དང་གྱོ་མོ་བསལ་ཅིང་ཙན་དན་གྱི་ཆུས་ཆག་ཆག་བཏབ། དྲི་ཞིམ་པའི་པོག་པོར་དག་བཞག་།གདུགས་དང ། རྒྱལ་མཚན་དང་བ་དན་བསྒྲེང ། དར་གྱི་ཆུན་འཕྱང་མང་པོ་དཔྱངས། མེ་ཏོག་རྣམ་པ་སྣ་ཚོགས་ཀྱིས་ལྷ་རྣམས་ཀྱི་དགའ་ཚལ་གྱི་སྐྱེད་མོས་ཚལ་བཞིན་དུ་དགའ་དགའ་ལྟར་བྱས་ནས་དྲིལ་སྒྲོགས་སུ་བཅུག་པ། གྲོང་ཁྱེར་ན་གནས་པ་དང ། གྲོང་མི་དང་ཡུལ་སྣ་ཚོགས་ནས་ལྷགས་པའི་སྐྱེ་བོའི་ཚོགས་ཀྱི་ཤེས་ལྡན་དག་ཉོན་ཅིག་།སངས་རྒྱལ་པོའི་གཞོན་ནུ་མ་རང་ཉིད་ཁྱིམ་ཐབ་འདམ་གྱིས་ཁྱེད་ཅག་འབྱོར་པ་ཇི་ལྟ་བ་བཞིན་འདུ་བར་གྱིས་ཤིག་།ནམ་ནངས་ནས་རྒྱལ་པོའི་གཞོན་ནུ་མ་དེ་རྒྱན་སྣ་ཚོགས་ཀྱིས་ཀླུབས་ཏེ། གཞོན་ནུ་མ་དུ་མས་ཡོངས་སུ་བསྐོར་ནས། ནགས་ཚལ་གྱི་ལྷ་མེ་ཏོག་རྒྱས་པའི་ནགས་ཚལ་གྱི་ནང་ན་ཤིན་ཏུ་མཛེས་པ་དེ་བཞིན་དུ་དཔལ་གྱི་འབྱོར་པ་ཆེན་པོས་གྲོང་ཁྱེར་གྱི་དབུས་ན་སྲེག་ཆགས་བརྒྱ་སྟོང་
Nga270a
༄#། །ཕྲག་མང་པོ་འདུས་པའི་ནང་དུ་རང་ཉིད་ཀྱིས་ཁྱིམ་ཐབ་འདམ་དུ་འོངས་སོ། །དགེ་བྱེད་དེ་ཡང་དེའི་ཕྱོགས་གཞན་ཞིག་ན་པི་ཝང་ལེན་ཅིང་འདུག་གོ་།སེམས་ཅན་རྣམས་ནི་ལས་རྣམས་ཁོ་ནས་ཕན་ཚུན་སྦྱོར་བར་བྱེད་པ་ཡིན་ལ་རྒྱུའི་སྟོབས་ཆེ་ཡང་རྐྱེན་གྱི་སྟོབས་ལ་ལྟོས་པ་ཡིན་པས། དེ་ནས་རྒྱལ་པོའི་གཞོན་ནུ་མ་དེ་པི་ཝང་གི་སྒྲས་སེམས་བསྡུས་པས་དགེ་བྱེད་པི་ཝང་ལེན་པ་ལ་ཆགས་ནས་དེས་དེ་ལ་འདི་བདག་གི་ཁྱིམ་ཐབ་བོ་ཞེས་མེ་ཏོག་གི་ཕྲེང་བ་བོར་རོ། །སྐྱེ་བོའི་ཚོགས་ཡིད་མི་བདེ་བར་གྱུར་ཅིང་ཁ་ཅིག་སྙིང་ན་ནས་མོད་ལ་འཕྱ་བར་བརྩམས་པ། རྒྱལ་པོའི་གཞོན་ནུ་མ་འདི་ལྟར་གཟུགས་བཟང་བ་དར་ལ་བབ་པ་སྒྱུ་རྩལ་ཕུན་སུམ་ཚོགས་པ་དང་ལྡན་པས་ཡུལ་སྣ་ཚོགས་ནས་ལྷག་པའི་རྒྱལ་པོ་དང་བློན་པོ་དང ། མདུན་ན་འདོན་གྱི་བུ་རྣམས་དང ། གཞན་ཡང་གྲོང་ཁྱེར་ན་གནས་པའི་སྐྱེས་པ་གཙོ་བོ་རྣམས་སྤངས་ཏེ་ལོང་བ་ལ་ཁྱིམ་ཐབ་འདམ་པ་ཅི་ཐ་ཚིག་ཞོ་ཤས་འཚོ་བ་རྣམས་ཡིད་མི་བདེ་ཞིང་མི་དགའ་བས་རྒྱལ་པོ་ལ་སྨྲས་པ། ལྷ་གཞོན་ནུ་མ་རང་ཉིད་ཀྱིས་ཁྱིམ་ཐབ་འདམས་ལགས་སོ། །རྒྱལ་པོས་སྨྲས་པ་ཅི་འདྲ་བ་ཞིག་།ལྷ་ལོང་བ་ཞིག་ལགས་སོ། །དེ་ཡང་ཐོས་ནས་ཡིད་མི་བདེ་བར་གྱུར་ཏེ། དེ་ནས་དེ་བཀུག་ནས་སྨྲས་པ། བུ་རྒྱལ་པོ་དང་ནོར་ཅན་དང ། ཚོང་དཔོན་དང་དེད་དཔོན་དང ། བློན་པོའི་བུ་དང་མདུན་ན་འདོན་གྱི་བུ་གཟུགས་བཟང་བ་དར་ལ་བབ་པ་འབྱོར་པ་ཕུན་སུམ་ཚོགས་པ་དག་ཡོད་ན། ཁྱོད་ཀྱིས་ཅིའི་ཕྱིར་འདི་འདྲ་བ་ཞིག་ཁྱིམ་ཐབ་ཏུ་འདམས། དེས་སྨྲས་པ།
Nga270b
ཡབ་འདི་ཁོ་ན་བདག་འཚལ་ལོ། །རྒྱལ་པོས་སྨྲས་པ། བུ་གལ་ཏེ་དེ་ལྟ་ན་དེ་ཉིད་ཀྱི་ཐད་དུ་སོང་ཞིག་།ཅིའི་ཕྱིར་འདུག་།དེ་དེའི་དྲུང་དུ་སོང་ནས་སྨྲས་པ། བདག་གི་ཁྱིམ་ཐབ་ཏུ་ཁྱོད་འདམས་སོ། །དེས་སྨྲས་པ།་ཁྱོད་ཀྱིས་མ་ལེགས་པ་ཞིག་བྱས་ཏེ་དེ་ལྟ་མོད་ཀྱི་འདི་ནི་ལོང་བ་ཡིན་པས། བདག་སྐྱེས་པ་གཞན་དང་ལྷན་ཅིག་དགའ་མགུར་སྤྱད་པར་བྱའོ་སྙམ་དུ་བསམས་པ་ལྟ་ཞིག་།དེས་སྨྲས་པ། བདག་ནི་དེ་ལྟ་བུའི་ལས་བྱེད་པ་མ་ཡིན་ནོ། །དེས་སྨྲས་པ། ཅི་མངོན་དེས་བདེན་པ་གསོལ་བར་བརྩམས་ཏེ། བདེན་པ་དང་བདེན་པའི་ཚིག་གང་གིས་རྒྱལ་བུ་གཞོན་ནུ་དགེ་བྱེད་དེ་དང་ཁྱོད་ལ་འདོད་ཆགས་སྐྱེས་ཀྱི་གཞན་སུ་ལ་ཡང་མ་ཡིན་ཞེ་ན། བདེན་པ་དང་བདེན་པའི་ཚིག་དེས་ཁྱོད་ཀྱི་མིག་གཅིག་སྔོན་གྱི་ཇི་ལྟ་བ་བཞིན་དུ་གྱུར་ཅིག་ཅེས་བདེན་པའི་བྱིན་གྱིས་བརླབས་མ་ཐག་ཁོ་ནར་དེའི་མིག་སྔོན་ཇི་ལྟ་བ་བཞིན་དུ་གྱུར་ཏོ། །དེས་སྨྲས་པ། དགེ་བྱེད་དེ་ཉིད་ང་ཡིན་ཏེ། ནུ་བོ་ཤོས་སྡིག་བྱེད་ཀྱིས་འདི་ལྟ་བུའི་གནས་སྐབས་སུ་བྱས་སོ། །དེས་སྨྲས་པ། གཞོན་ནུ་དགེ་བྱེད་དེ་ཁོ་ན་ཁྱོད་ཡིན་པར་ཅི་མངོན། དེས་ཀྱང་བདེན་པ་གསོལ་བར་བརྩམས་ཏེ། བདེན་པ་དང་བདེན་པའི་ཚིག་གང་གིས་སྡིག་བྱེད་ཀྱིས་བདག་གི་མིག་ཕྱུང་བ་ན། དེ་ལ་ངན་སེམས་ཅུང་ཟད་ཀྱང་མ་བྱུང་ཞེ་ན། བདེན་པ་དང་བདེན་པའི་ཚིག་དེས་བདག་གི་མིག་ཅིག་ཤོས་ཀྱང་སྔོན་བཞིན་གྱུར་ཅིག་ཅེས་བྱས་པ་དང་བདེན་པ་གསོལ་བས་དེའི་མི་གཅིག་ཤོས་ཀྱང་སྔོན་གྱི་ཇི་ལྟ་བ་བཞིན་དུ་གྱུར་ཏོ། །དེ་ནས་རྒྱལ་པོའི་གཞོན་ནུ་མ་དེས་དགེ་བྱེད་དབང་པོ་མ་ཚང་བ་
Nga271a
༄#། །མ་ཡིན་པ་དེ་ཁྲིད་ནས་རྒྱལ་པོའི་དྲུང་དུ་སོང་སྟེ་སྨྲས་པ། ཡབ་དགེ་བྱེད་ནི་འདི་ཉིད་ལགས་སོ། །རྒྱལ་པོ་ཡིད་མ་ཆེས་པ་ལས་ཇི་ལྟར་གྱུར་པ་སྨྲས་པ་དང ། རྒྱལ་པོ་མཆོག་ཏུ་ངོ་མཚར་སྐྱེས་ནས། དེ་ནས་དེས་བུ་མོ་དེ་དཔལ་གྱི་འབྱོར་པ་ཆེན་པོས་བྱིན་ནས་དཔུང་ཆེན་པོ་དང་ཆས་ཏེ། གྲོང་ཁྱེར་དེར་དོང་སྟེ་སྡིག་བྱེད་རྒྱལ་སྲིད་ལས་ཕྱུང་ནས་དགེ་བྱེད་དེ་ཡང་ཕའི་རྒྱལ་སྲིད་ལ་བཞག་གོ་།དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དགེ་བྱེད་གང་ཡིན་པ་དེ་ནི་ང་ཡིན་ནོ། །དེའི་ཚེ་དེའི་དུས་ཀྱི་སྡིག་བྱེད་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ་དེ་ན་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །གཞན་ཡང་འདི་ཇི་ལྟར་བྱས་པ་མི་གཟོ་བ་དང་བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་རྒྱལ་པོའི་ཕོ་བྲང་ཞིག་ན་རྒྱལ་པོ་ཞིག་འབྱོར་པ་དང ། རྒྱས་པ་དང་བདེ་བ་དང་ལོ་ལེགས་པ་སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་།དེ་བཙུན་མོ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། རིམ་གྱིས་བུ་བཞི་བཙས་ཏེ་ཡལ་ག་དང ། ལྕུགས་མ་དང ། རྗེས་སུ་མཐུན་པའི་ལྕུགས་མ་དང ། ས་གའོ། །དེ་རྣམས་བསྲིངས་བསྐྱེད་དེ་ཆེན་པོར་གྱུར་ནས། ཡུལ་གཞན་གྱི་རྒྱལ་པོའི་བུ་མོ་དག་ལས་ཆུང་མ་བླངས་པ་དང ། དེ་རྣམས་རྒྱལ་པོ་ལ་
Nga271b
བརྙས་ཐབས་བྱེད་པར་བརྩམས་པ་དང ། དེ་ནས་རྒྱལ་པོས་སྤྱུགས་ཏེ་རང་རང་གི་ཆུང་མ་ཁྲིད་དེ་དོང་བ་ལས། ཇི་ཙམ་ན་དགོན་པའི་ལམ་ཞིག་ཏུ་ཕྱིན་པ་ན། དེ་རྣམས་ལམ་རྒྱགས་ཆད་ནས་དེ་རྣམས་ཕན་ཚུན་དུ་ནང་ཁྲིམས་བཅས་ཏེ། ཆུང་མ་རེ་རེ་བསད་ལ་དེའི་ཤས་དགོན་པའི་ལམ་རྒལ་བར་བྱའོ་ཞེས་བྱས་སོ། །ས་གས་བསམས་པ། གཞན་གྱི་སྲོག་གཅོད་པ་བས་རང་གི་སྲོག་ཆུད་ཟོས་པ་སླའི་འདིར་ཡོང་ཅིའི་དུས་ལ་བབ་ཅེ་ན་ཆུང་མ་ཁྲིད་དེ་བྲོས་ཏེ་འགྲོའོ་སྙམ་ནས། དེས་ཆུང་མ་ཁྲིད་དེ་བྲོས་པ་ལས་དེའི་ཆུང་མ་བཟའ་བ་དང་བཏུང་བ་དང་བྲལ་བ་དང་ལམ་གྱི་དུབ་པས། བློང་བློང་པོར་གྱུར་ཏེ་སྨྲས་པ། རྗེའི་སྲས་སྲོག་དང་འབྲལ་བར་འགྱུར་རོ། །ས་གས་བསམས་པ། བདག་གིས་འདི་སྲིན་པོ་རྣམས་ཀྱི་ནང་ནས་ཡོངས་སུ་བསྐྱབས་ནས། ད་གལ་ཏེ་ཤི་བར་གྱུར་ན་མ་ལེགས་སོ་སྙམ་ནས། དེས་བརླའི་ཤ་ལས་བཅད་དེ་དེ་ཟར་བཅུག་ཅིང་ལག་པ་གཉིས་ཀྱི་རྩ་བཏུབས་པའི་ཁྲག་བླུད་དེ། དེས་དེ་ཁྲིད་དེ་རིམ་གྱིས་རི་ཞིག་དྲུང་དུ་ཕྱིན་ནས། དེ་ན་རྩ་བ་དང་འབྲས་བུས་འཚོ་བར་བྱེད་དོ། །རི་དེའི་དྲུང་ན་འབབ་ཆུ་ཞིག་འབབ་པ་དེ་ལ། མི་ཞིག་དགྲས་ལག་པ་དང ། རྐང་པ་གཏུབས་ནས་ཆུར་བསྐྱུར་ཏེ། དེ་ཆུས་ཁྱེར་བ་ན་ཉམ་ཐག་པའི་ང་རོའི་སྐད་འབྱིན་ནོ། །ས་ག་ཡང་ཕྱོགས་གཞན་ཞིག་ན་རྩ་བ་དང་འབྲས་བུ་རྐོ་བ་ལས་དེས་མི་དེའི་འོ་དོད་འབོད་པ་ཐོས་ནས། དེ་སེམས་ཀྱི་རྒྱུད་སྙིང་རྗེས་བརླན་པས་རི་དེ་ལ་འཛེགས་ཏེ་ཀུན་ཏུ་བལྟ་བར་བརྩམས་པ་ལས་ཇི་ཙམ་ན་མི་དེ་ཆུས་ཁྱེར་བ་དེ་མཐོང་ནས། དེས་
Nga272a
༄#། །མྱུར་བ་མྱུར་བར་རི་ལས་བབ་སྟེ། འབབ་ཆུའི་ནང་དུ་ཞུགས་ནས་མི་དེ་ཁུར་དུ་བླངས་ནས་འབབ་ཆུའི་འགྲམ་དུ་ཕྱུང་སྟེ་བཞག་ནས། དེའི་སྡུག་བསྔལ་གྱིས་སྙིང་གདུངས་ནས་སྨྲས་པ། བུ་འདི་ཅི་ལས་གྱུར། དེས་ཇི་ལྟར་གྱུར་པ་ཐམས་ཅད་སྨྲས་ནས། དེ་ནས་དེས་དེ་དབུགས་ཕྱུང་སྟེ། རྩ་བ་དང་འབྲས་བུས་ཚིམ་པར་བྱས་ནས། ཆུང་མ་ལ་གཏད་དོ། །དེའི་རིམ་གྲོ་བྱས་ནས་སོས་པར་གྱུར་ཏོ། །དེ་དེའི་རིམ་གྲོ་བྱེད་པ་ན་གཅུགས་པའི་བདེ་བས་ཡང་དང་ཡང་དུ་དྲུང་དུ་སོང་ནས་གཏམ་རྣམ་པ་སྣ་ཚོགས་སྨྲ་ཞིང་འདུག་གོ་།འདི་ནི་ཆོས་ཉིད་ཡིན་ཏེ། བྱང་ཆུབ་སེམས་དཔའ་རྣམས་ནི་རང་བཞིན་གྱིས་འདོད་ཆགས་ཆུང་བ་ཡིན་པས། ས་ག་དེ་དང་ལྷན་ཅིག་རེས་འགའ་དགའ་མགུར་སྤྱོད་ལ། རེས་འགའ་དགའ་མགུར་སྤྱོད་པར་མི་བྱེད་དོ། །བྱང་ཆུབ་སེམས་དཔའི་མཐུས་སྡོང་བུ་དང ། རྩ་བ་དང་འབྲས་བུ་དེ་དག་ལྷག་པར་མཐུ་དང་ལྡན་པ་ཡིན་པས་དེས་དེ་དག་ལོངས་སྤྱད་པས་ཉོན་མོངས་པ་བདོ་ནས་མི་རྐང་ལག་རྡུམ་པོ་དེ་ལ་བསྒུགས་པར་བརྩམས་པ་དང ། དེ་མ་བཏུབ་ནས་སྨྲས་པ། རེ་ཞིག་བདག་ཤི་ཟིན་པ་དང་འདྲ་བ་ལས་ད་ལྟར་སོས་པ་ཡང་སྟེས་ཏེ་གསོན་ན་གལ་ཏེ་ཡང་འདི་འདྲ་བ་བྱས་ན། ཁྱོད་ཀྱི་ཁྱོ་དེས་བདག་ཐམས་ཅད་ཀྱི་ཐམས་ཅད་དུ་སྲོག་དང་ཕྲལ་བར་འགྱུར་བའི་གནས་གང་ཡིན་པ་འདི་ཡོད་དོ། །དེ་ལ་དེས་ཡང་དང་ཡང་དུ་བསྒུགས་པ་དང ། ཉོན་མོངས་པ་རྣམས་ནི་ཐུལ་བར་དཀའ་བ་ཡིན་པས་དེ་དང་ལྷན་ཅིག་ཉལ་ལོ། །དེ་དེ་དང་ལྷན་ཅིག་ཀུན་ཏུ་དགའ་བ་དང་ཡིད་དུ་འོང་བ་
Nga272b
དང་ལྷག་པར་ཆགས་པར་གྱུར་པས་མངགས་ཀྱང་དེའི་དྲུང་དུ་མི་འགྲོའོ། །དེས་བསམས་པ། འདི་ལྟར་འདི་ཆགས་པར་གྱུར་ལ། ཤ་ཁོན་རྣམས་ཀྱི་ནང་ན་ནི་འདི་ལྟ་སྟེ། བུད་མེད་ཀྱི་ཤ་ཁོན་ཐ་ཆད་ཡིན་པས། ད་ནི་བདག་མ་རུང་ངོ་སྙམ་ནས་དེས་དེ་དང་ལྷན་ཅིག་གྲོས་བྱ་བར་བརྩམས་ཏེ། ཁྱོད་ཀྱི་ཁྱོ་འདིས་གལ་ཏེ་བདག་ཅག་ཉལ་བར་ཤེས་པར་གྱུར་ན། གདོན་མི་ཟ་བར་ཁྱོད་ལ་གནོད་པ་བྱེད་ཅིང་བདག་ཀྱང་སྲོག་དང་ཕྲལ་བར་འགྱུར་རོ། །དེས་བསམས་པ། སྨྲས་པ་འདི་ནི་ལེགས་ཀྱིས་ཐབས་ཤིག་བཤམ་པར་བྱའོ་སྙམ་མོ། །བུད་མེད་ནི་མ་བསླབས་པར་མཁས་པས་ངས་མགོ་གོས་ཀྱིས་དཀྲིས་ནས། རིའི་བྲག་ཀ་ཞིག་ན་ཉལ་ཏེ་འདུག་གོ་།ཇི་ཙམ་ན་ས་ག་རྩ་བ་དང་འབྲས་བུ་ཁྱེར་དེ་འོངས་ན་དེ་དེ་ལྟར་ཉལ་བ་མཐོང་ནས། དེ་ནས་དྲིས་པ་བཟང་མོ་འདི་ཅི་ཞིག་།དེས་སྨྲས་པ། རྗེའི་སྲས་བདག་ཀླད་པ་བྲོ་འཚལ་ཏེ། ཏེ་བོར་མི་བདེའོ། །ས་གས་སྨྲས་པ། དེ་ལ་ཇི་ལྟར་བསྒྲུབ་པར་བྱ། དེས་རིའི་བྱ་སྐྱིབས་ན་རྡོ་དྲེག་ཅིག་མཐོང་ནས། དེས་སྨྲས་པ། རྗེའི་སྲས་བདག་སྔོན་ཡང་ཀླད་པའི་བྲོ་ནད་འདི་ལྟ་བུས་ཐེབས་པ་ན། སྨྲས་པས་རྡོ་དྲེག་བསྟན་ཏེ། དེས་སོས་པར་གྱུར་ལགས་སོ། །ས་གས་སྨྲས་པ། རྡོ་དྲེག་བཙལ་ལོ། །དེས་སྨྲས་པ་རྗེའི་སྲས་རིའི་བྱ་སྐྱིབས་འདི་ལ་མཆིས་ཀྱིས་བདག་གིས་དཔྱང་ཐག་གཟུང་གིས་ཁྱོད་ཀྱིས་ཕྱུང་ཞིག་།བདག་ཉིད་ཆེན་པོ་དེ་དྲང་པོ་ཡིན་པས་དེའི་ངན་གཡོ་མ་ཤེས་པས་དེ་བཞིན་དུ་བྱས་ཟུང་ཞིག་དང ། དབྱུང་ངོ་ཞེས་ཁས་བླངས་ནས། དེས་དེ་ཐག་པ་ལས་དཔྱང་ལ་བཏང་བ་དང ། དེས་
Nga273a
༄#། །ལག་པ་གཅིག་གིས་ཐག་པ་བཏང་བ་ན་དེས་ཀྱང་བཏང་ནས་ཆུར་ལྷུང་ངོ ། །སེམས་ཅན་ཚེ་རིང་བ་རྒྱལ་སྲིད་ཀྱི་བདེ་བ་ཉམས་སུ་མྱོང་བར་འགྱུར་བ་ནི་མི་འཆི་བ་ཡིན་པས། ཆུའི་རྒྱུན་ཕྱོགས་སུ་ཁྱེར་ནས་རྒྱལ་པོའི་ཕོ་བྲང་ཞིག་ཏུ་ཕྱིན་ཏོ། །དེའི་རྒྱལ་པོ་ཡང་བུ་མེད་པར་ཤིའོ། །བློན་པོ་རྣམས་དང ། གྲོང་མི་དང ། ཡུལ་མི་དང་བཅས་པ་ཐམས་ཅད་འདུས་ནས། གྲོས་བྱེད་དེ་ཤེས་ལྡན་དག་རྒྱལ་པོ་ནོངས་ན་ང་སུ་ཞིག་རྒྱལ་སྲིད་ལ་གཞག་པར་བྱ། དེ་རྣམས་ཀྱིས་མཚན་མཁན་གྱི་མི་རྣམས་བསྐོས་ཏེ། ཤེས་ལྡན་དག་སེམས་ཅན་བསོད་ནམས་ཀྱི་སྐལ་བ་ཆེན་པོ་དང་ལྡན་པ་ཚོལ་ཅིག་དང ། དེ་རྒྱལ་སྲིད་ལ་གཞག་པར་བྱའོ། །དེ་རྣམས་ཀྱིས་ཕྱོགས་ཀུན་ཏུ་བཙལ་བར་བརྩམས་པ་ན། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །ས་ག་ལ་རྒྱལ་སྲིད་འབྱུང་བར་འགྱུར་བའི་ལས་ཀྱི་རྣམ་པར་སྨིན་པ་ཉིད་ཉེ་བར་གནས་པས། འབབ་ཆུ་ནས་བྱུང་ནས་ཕྱོགས་གཞན་ཞིག་ན་འདུག་པ་ལས། བྱང་ཆུབ་སེམས་དཔའི་མཐུས་ཕྱོགས་དེ་རྒྱན་གྱིས་བརྒྱན་པ་བཞིན་དུ་འདུག་གོ་།ཇི་ཙམ་ན་མཚན་མཁན་གྱི་མི་རྣམས་ཕྱོགས་དེར་ལྷགས་ན། བདག་ཉིད་ཆེན་པོ་དེ་རྒྱལ་སྲིད་ཀྱི་མཚན་དང་ལྡན་པར་མཐོང་ནས། དེ་རྣམས་དགའ་བ་དང་ཡིད་བདེ་བས་བློན་པོ་རྣམས་ཀྱི་དྲུང་དུ་དོང་སྟེ་སྨྲས་པ། བདག་ཅག་གིས་བཙལ་ན། སེམས་ཅན་བསོད་ནམས་ཀྱི་སྐལ་པ་
Nga273b
ཆེན་པོ་དང་ལྡན་པ་ཞིག་ཡོད་དེ། དེ་ལ་རྒྱལ་སྲིད་འོས་སོ། །དེ་ནས་བློན་པོ་རྣམས་ཀྱིས་ལམ་བྱི་དོར་བྱས། གྲོང་ཁྱེར་བྱི་དོར་བྱས་ནས་དཔལ་གྱི་འབྱོར་པ་ཆེན་པོས་གྲོང་ཁྱེར་དུ་ཁྲིད་དེ་ཉི་མ་དང་ཚེས་གྲངས་དང་ཡུད་ཙམ་དང ། རྒྱུ་སྐར་རྣམས་རིམ་བཞིན་དུ་སྦྱར་ཏེ་རྒྱལ་སྲིད་ཀྱི་དབང་བསྐུར་རོ། །དེ་ལ་བཙུན་མོ་མེད་ནས་བློན་པོ་རྣམས་དང་མདུན་ན་འདོན་རྣམས་དང་ཡུལ་གཞན་གྱི་རྒྱལ་པོ་རྣམས་དང་གཞན་ཡང་ནོར་ཅན་དང་ཚོང་དཔོན་དང ། དེད་དཔོན་རྣམས་རང་རང་གི་བུ་མོ་རྒྱན་ཐམས་ཅད་ཀྱིས་ཀླུབས་ནས་ཁྲིད་དེ་རྒྱལ་པོས་ཁབ་ཏུ་བཞེས་པར་བྱ་བའི་ཕྱིར་གྲོང་ཁྱེར་དེར་ལྷགས་ན། རྒྱལ་པོ་དེ་བུད་མེད་ཀྱིས་སུན་ཕྱུང་བ་ཡིན་པས་ཁས་མ་བླངས་སོ། །བློན་པོ་རྣམས་ཀྱིས་སྨྲས་པ། ལྷ་རྒྱལ་པོ་རྣམས་ནི་བཙུན་མོ་དང ། གཞོན་ནུ་དང་བློན་པོ་དང་གྲོང་མི་དང ། ཡུལ་མིར་བཅས་པ་ལགས་ཀྱིས་བཙུན་མོ་གཞག་ཏུ་གསོལ། ཡུལ་སྣ་ཚོགས་ན་གནས་པའི་མིའི་གཙོ་བོ་རྣམས་དང་ཡུལ་གཞན་གྱི་རྒྱལ་པོ་རྣམས་དང ། མི་གཙོ་བོ་དེ་རྣམས་ཀྱི་བུ་མོ་རྣམས་དེའི་མངོན་སུམ་དུ་འགྱུར་བར་བྱ་བའི་ཕྱིར་སྟ་གོན་བྱས་ཏེ་བཞག་ན། འོན་ཀྱང་དེ་ཁས་ལེན་དུ་མ་བཏུབ་སྟེ་བུད་མེད་རྣམས་ཡང་དང་ཡང་དུ་སྨོད་དོ། །སེམས་ཅན་རྣམས་ཀྱི་བསོད་ནམས་ཀྱི་མཐུས་ལོངས་སྤྱོད་རྣམས་མཐུ་དང་ལྡན་ཞིང་ཕུན་སུམ་ཚོགས་པ་ཡིན་པས་གང་གི་ཚེ་བྱང་ཆུབ་སེམས་དཔས་བུད་མེད་བྱས་པ་ཆུད་གཟོན་པས་རི་དེ་ལས་བོར་བ་དེའི་ཚེ། རི་དེའི་རྩ་བ་དང་འབྲས་བུ་རྣམས་སྲབས་པར་གྱུར་ཅིང་མཐུ་མེད་པ་
Nga274a
༄#། །གྱུར་ཏོ། །དེ་ནས་བུད་མེད་དེ་མུ་གེའི་དུས་ཀྱི་འཆི་བའི་འཇིགས་པས་སྐྲག་ནས་རྐང་ལག་མ་ཚང་བ་དེ་ཁུར་དུ་ཐོགས་ཏེ་གྲོང་མཐར་སོང་ནས་ལམ་པོ་ཆེ་དང་སྲང་དང་བཞི་མདོ་དང་སུམ་མདོ་རྣམས་སུ་སྤྲང་ཞིང་རྒྱུའོ། །དྲིས་པ་ན་སྨྲས་པ། བདག་ཁྱིམ་ཐབ་ལས་མི་འཕྱོའོ། །བུད་མེད་གང་ཞིག་ཁྱིམ་ཐབ་ལས་མི་འཕྱོ་བ་དེ་འཇིག་རྟེན་གྱིས་མཆོད་པའི་ཆོས་དེ་ཡོད་པས་དེ་གང་དུ་ཞུགས་པ་དེར་སློང་མོ་འཐོབ་བོ། །ཇི་ཙམ་ན་དེ་རིམ་གྱིས་རྒྱལ་པོའི་ཕོ་བྲང་དུ་ཕྱིན་པ་དང ། འཇིག་རྟེན་གྱིས་ཐོས་ནས་མཆོག་ཏུ་ངོ་མཚར་སྐྱེས་སོ། །ཁ་ཅིག་དག་ནི་ངོ་མཚར་སྐྱེས་ནས་དེ་ལ་བལྟ་བའི་ཕྱིར་བྱུང་བ་དང ། གྲོང་ཁྱེར་ན་གནས་པའི་སྐྱེ་བོའི་ཚོགས་ཀྱིས་གླགས་རྙེད་ནས་དེ་དག་འཕྱ་བར་བྱེད། གཞོག་འཕྱས་བྱེད། ཁ་ཟེར་བར་བྱེད་དེ། རྒྱལ་པོ་འདི་ནི་བུད་མེད་ཐམས་ཅད་ལ་སྨོད་པར་བྱེད་ན་ཁྱིམ་ཐབ་ལས་མི་འཕྱོ་བ་མི་རྐང་ལག་མ་ཚང་བ་ཁུར་དུ་ཁྱེར་ནས་འཁྱམ་པ་དམ་པ་འདི་མ་མཐོང་བ་ལྟ། གཏམ་དེ་མདུན་ན་འདོན་གྱིས་རྒྱལ་པོ་ལ་སྨྲས་པ་དང ། རྒྱལ་པོས་བསམས་ནས་དེས་སྨྲས་པ། བུད་མེད་དེ་ལྟས་ཁུག་ཅིག་།དེ་བཀུག་ནས་རྒྱལ་པོས་མཐོང་བ་དང་འཛུམ་དམུལ་ཏེ་ཚིགས་སུ་བཅད་པས་སྨྲས་པ། ང་ཡི་བརླ་ཡི་ཤ་དག་དང ། །ཁྲག་ཀྱང་ཟོས་ཤིང་འཐུངས་ནས་ནི། །རྡུམ་པོ་ཁུར་དུ་ཐོགས་པ་ཁྱོད། །ཁྱིམ་ཐབ་ལས་དེ་མི་འཕྱོ་འམ། །རྡོ་དྲེག་དག་གི་ཆེད་དུ་ནི། །ང་ནི་གཡང་སར་ཕོར་ནས་སུ། །རྡུམ་པོ་ཁུར་དུ་ཐོགས་པ་ཁྱོད། །ཁྱིམ་ཐབ་ལས་དེ་མི་འཕྱོའམ། །
Nga274b
དེ་ངོ་ཚ་བར་གྱུར་པའི་སྙིང་གིས་གདོང་སྨད་དེ་འདུག་གོ་།བློན་པོ་རྣམས་ཀྱིས་དོན་དེ་རྒྱལ་པོ་ལ་དྲིས་པ་དང ། དེས་ཇི་ལྟར་གྱུར་པ་རྒྱས་པར་སྨྲས་ནས་དེ་ལ་སྨད་པའི་ཚིག་གིས་གྲོང་ཁྱེར་གྱི་ཕྱི་རོལ་དུ་བསྐྲད་དོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་བུ་གཞོན་ནུ་ས་ག་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བུད་མེད་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང ། བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་ཐམས་ཅད་ཀྱི་གྲོང་རྡལ་གྱི་གྲོང་ཁྱེར་ན་རྒྱལ་པོ་ཐམས་ཅད་ཀྱི་བཤེས་གཉེན་ཞེས་བྱ་བ་ཞིག་རྒྱལ་སྲིད་བྱེད་དུ་འཇུག་སྟེ། འབྱོར་པ་དང་རྒྱས་པ་དང་བདེ་བ་དང་ལོ་ལེགས་པ་སྐྱེ་བོ་དང་མི་མང་པོས་རབ་ཏུ་གང་བ་ན། འཐབ་པ་དང་འཐབ་མོ་དང་ཁྲག་ཁྲུག་དང་འགྱེད་པ་དང ། ཆོམ་རྐུན་མེད་ཅིང་ནད་རབ་ཏུ་ཞི་བར་གྱུར་པ། འབྲས་དང་བུ་རམ་ཤིང་དང་བ་གླང་མ་ཧེ་ཕུན་སུམ་ཚོགས་པ་ན། ཆོས་ཀྱི་རྒྱལ་པོ་ཆོས་དང་ལྡན་པ་ཆོས་བཞིན་གྱིས་རྒྱལ་སྲིད་བྱེད་དུ་འཇུག་སྟེ། རྒྱལ་པོ་དེ་ཡང་དད་པ་བཟང་བ། དགེ་བའི་བསམ་པ་ཅན་བདག་དང་གཞན་ལ་ཕན་པར་ཞུགས་པ་སྙིང་རྗེ་ཅན། བདག་ཉིད་ཆེན་པོ་ཆོས་འདོད་པ་སྐྱེ་དགུ་རྣམས་ལ་བྱམས་པ་ཞིག་ཡོད་པ་དེ། དུས་གཞན་ཞིག་ན། བཙུན་མོ་དང་ལྷན་ཅིག་རྩེ་བར་བྱེད། དགའ་བར་
Nga275a
༄#། །བྱེད། དགའ་མགུར་སྤྱོད་པར་བྱེད་དེ། རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན། བཙུན་མོ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་འདས་ནས། ཁྱེའུ་གཟུགས་བཟང་པོ་མཛེས་པ་བལྟ་ན་སྡུག་པ་ཕགས་པའི་མདོག་གསེར་འདྲ་བ། མགོ་གདུགས་ལྟར་འདུག་པ་དང་དཔུང་བ་རིང་བ་དཔྲལ་བའི་དབྱེས་ཆེ་བ་སྨིན་མ་འཛར་བ་སྣའི་གཟངས་མཐོ་བ། ཡན་ལག་དང ། ཉིང་ལག་ཐམས་ཅད་དང་ལྡན་པ་ཞིག་བཙས་སོ། །བཙས་ནས་དེའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །ཉེ་དུ་རྣམས་ཀྱིས་སྨྲས་པ། ཁྱེའུ་འདི་རྒྱལ་པོ་ཐམས་ཅད་ཀྱི་བཤེས་གཉེན་གྱི་སྲས་ཡིན་པས་དེ་བས་ན་ཁྱེའུ་ཡི་མིང་ཐམས་ཅད་སྒྲོལ་ཞེས་བྱ་བར་གདགས་སོ་ཞེས་བཏགས་ནས་ཁྱེའུ་ཐམས་ཅད་སྒྲོལ་མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ཏེ། མ་མ་བརྒྱད་ལ་རྗེས་སུ་གཏད་ནས་དེ་འོ་མ་དང་ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང་གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད། སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་གྲངས་དང ། རྩིས་དང་ལག་རྩིས་ལ་ཉེ་བར་ཞུགས་ཤིང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཡུལ་གྱི་འབྱོར་པ་དང་
Nga275b
མཐུ་དང་བརྩོན་འགྲུས་ཐོབ་པ་ས་ཆེན་པོའི་དཀྱིལ་འཁོར་མངོན་པར་ཟིལ་གྱིས་མནན་ཏེ་གནས་པ་རྣམས་ཀྱི་བཟོའི་གནས་དང ། ལས་ཀྱི་གནས་ཐ་དད་པར་གྱུར་པ་གང་དག་ཡིན་པ། འདི་ལྟ་སྟེ། གླང་པོ་ཆེའི་གཉའ་བར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། གཞུའི་འཛིན་སྟངས་དང་མདུན་དུ་བསྣུར་བ་དང ། ཕྱིར་བསྣུར་བ་དང ། ལྕགས་ཀྱུས་སྒྱུར་ཐབས་དང ། ཞགས་པ་གདབ་པ་དང ། མདའ་བོ་ཆེ་འཕེན་པ་དང ། གཅད་པ་དང ། དྲལ་བ་དང་དབུག་པ་དང ། འཛིན་སྟངས་དང་གོམ་སྟངས་དང ། རྒྱང་ནས་ཕོག་པ་དང ། སྒྲ་གྲགས་པར་ཕོག་པ་དང ། གནད་དུ་ཕོག་པ་དང ། མི་འཚོར་བར་ཕོག་པ་དང ། ཚབས་ཆེ་བ་སྟེ་གནས་ལྔ་ལ་བྱང་བར་གྱུར་ཏོ། །གཞོན་ནུ་ཐམས་ཅད་སྒྲོལ་དད་པ་བཟང་བ་དགེ་བའི་བསམ་ཅན་བདག་དང་གཞན་ལ་ཕན་པར་ཞུགས་པ་སྙིང་རྗེ་ཅན། བདག་ཉིད་ཆེན་པོ་ཆོས་འདོད་པ་སྐྱེ་དགུ་རྣམས་ལ་བྱམས་པ། ཐམས་ཅད་རབ་ཏུ་གཏོང་བ། ཐམས་ཅད་ཡོངས་སུ་གཏོང་བ། ཆགས་པ་མེད་པར་ཡོངས་སུ་གཏོང་བ། གཏོང་བ་ཆེན་པོ་ལ་ཞུགས་པ་ཡིན་ཏེ། དེའི་གཏོང་བ་རྒྱ་ཆེན་པོ་ཐོས་ནས། དཔག་ཚད་བ་རྒྱ་ནས་ཀྱང་དོན་དུ་གཉེར་བའི་སྐྱེ་བོ་འོང་སྟེ་ཐམས་ཅད་ཀྱང་ཡིད་ལ་རེ་བ་ཡོངས་སུ་རྫོགས་པར་བྱས་ནས་གཏོང་ངོ ། །དེ་ནས་རེ་ཞིག་ཅིག་ན་བྱང་ཆུབ་སེམས་དཔའ་ཤིང་རྟ་ནོར་བུ་དང ། གསེར་དང ། དངུལ་དང ། རྡོ་རྗེ་དང ། བྱི་རུ་དང ། བཻ་ཌཱུརྱ་དང ། སྤུག་དང ། པདྨ་རཱ་ག་དང ། ིནྡྲ་ནཱི་ལས་
Nga276a
༄#། །འབར་བར་བྱས་པ། ཙན་དན་མཆོག་གི་སྙིང་པོ་ལས་བསྒྲུབས་པ། སེང་གེ་དང ། སྟག་དང་གུང་གི་པགས་པས་གཡོགས་པ་རྟ་རླུང་གི་ཤུགས་ལྟར་མགྱོགས་པ། གསེར་དང ། དངུལ་གྱི་དྲིལ་བུ་གཡེར་ཀའི་སྒྲ་འཁྲོལ་བ་བཞི་དང་ལྡན་པ་མཆོག་གི་ནང་དུ་ཞུགས་ནས། གྲོང་ཁྱེར་དམ་པ་ནས་སྐྱེད་མོས་ཚལ་དུ་མངོན་དུ་སོང་ངོ ། །དེ་ནས་བྲམ་ཟེ་རིག་བྱེད་དང ། རིག་བྱེད་ཀྱི་ཡན་ལག་ཤེས་པ་ཁ་ཅིག་གིས་ཐམས་ཅད་སྒྲོལ་བསུ་ནས་སྨྲས་པ། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་ཅིག་།ཡང་སྨྲས་པ། ཁྱོད་ནི་འཇིག་རྟེན་ཐམས་ཅད་དུ། །ཐམས་ཅད་གཏོང་ཞེས་རྣམ་པར་གྲགས། །བྲམ་ཟེ་རྣམས་ལ་ཤིང་རྟ་འདི། །ཁྱོད་ཀྱིས་སྦྱིན་པར་གཏང་བར་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་ཐམས་ཅད་སྒྲོལ་ཤིང་རྟ་དེ་ལས་མྱུར་བ་མྱུར་བར་བབས་ཏེ་སྙིང་དགའ་བ་དང་མགུ་བ་དང་རབ་ཏུ་དགའ་བས་བྲམ་ཟེ་དག་ལ་ཤིང་རྟ་དེ་བྱིན་ནས་སྨྲས་པ། བདག་གིས་ཇི་ལྟར་བྲམ་ཟེ་ལ། །མཆོག་ཏུ་དགའ་བས་ཤིང་རྟ་བཏང ། །དེ་བཞིན་བདག་གིས་སྲིད་པ་གསུམ། །བཏང་ནས་བྱང་ཆུབ་མཆོག་རེག་ཤོག་།དེ་དུས་གཞན་ཞིག་ན། གླང་པོ་ཆེའི་མཆོག་རྒྱལ་སྲིད་འཕེལ་ཞེས་བྱ་བ་མེ་ཏོག་ཀུན་ད་དང ། པུཎྜ་རི་ཀ་དང ། ཁ་བ་དང ། དངུལ་དང ། སྤྲིན་དཀར་པོ་ལྟ་བུའི་མདོག་ཅན་བདུན་ལེགས་པར་གྱུར་པ། རྐང་ལགས་ལེགས་པར་གནས་པ། གླང་པོ་ཆེ་ས་སྲུང་གི་བུ་ལྟར་འགྱིང་ཞིང་འགྲོ་བ། སྐལ་པ་མཆོག་གི་མཚན་ཅན། བསོད་ནམས་
Nga276b
བྱས་པས་མཐོང་བ་ལ་ཞོན་ནས། ཤིན་ཏུ་སྡུག་པའི་བྲན་དང ། མཛའ་བཤེས་དང་གཡོག་འཁོར་རྣམས་ཕྱི་བཞིན་འབྲེང་ཞིང་ཟླ་བ་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ་བཞིན་དུ་སོས་ཀའི་དུས་ལ་བབས་པས་ཤིང་རྣམས་མེ་ཏོག་ཁ་འབུས་ཤིང་ངང་པ་དང་ཁྲུང་ཁྲུང་དང་རྨ་བྱ་དང ། ནེ་ཙོ་དང་རི་སྐེགས་དང ། ཁུ་བྱུག་དང་ཤང་ཤང་ཏེའུ་སྒྲ་འབྱིན་པའི་ནགས་ཚལ་གྱི་སྐྱེད་མོས་ཚལ་གྱི་སར་སོང་བ་དང ། དེ་ནས་ཕྱིར་རྒོལ་བས་སྦད་པའི་བྲམ་ཟེ་ཁ་ཅིག་གཞོན་ནུ་ཐམས་ཅད་སྒྲོལ་གྱི་དྲུང་དུ་རིངས་པར་འོངས་ནས། གཞོན་ནུ་ཐམས་ཅད་སྒྲོལ་ལ་སྨྲས་པ། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་ཅིག་།ཡང་སྨྲས་པ། ལྷ་མིན་ལྷར་བཅས་འཇིག་རྟེན་དུ། །ཁྱོད་ནི་ཐམས་ཅད་གཏོང་ཞེས་གྲགས། །ཁྱོད་ཀྱི་གླང་པོ་མཆོག་འདི་ནི། །བདག་ཅག་རྣམས་ལ་སྩལ་པའི་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་གླང་པོ་ཆེའི་མཆོག་དེ་ལས་མྱུར་བ་མྱུར་བར་བབས་ནས། དགའ་བ་དང ། མགུ་བ་དང ། རབ་ཏུ་དགའ་བའི་ཡིད་ཀྱིས་དེ་དག་ལ་གླང་པོ་ཆེའི་མཆོག་དེ་བྱིན་ནས་སྨྲས་པ། བདག་གིས་ཇི་ལྟར་བྲམ་ཟེ་ལ། །མཆོག་ཏུ་དགའ་བས་གླང་ཆེན་བཏང ། །དེ་བཞིན་བདག་གིས་སྲིད་པ་གསུམ། །བཏང་ནས་བྱང་ཆུབ་མཆོག་རེག་ཤོག་།རྒྱལ་པོ་ཐམས་ཅད་ཀྱི་བཤེས་གཉེན་གྱིས་བུ་ཐམས་ཅད་སྒྲོལ་གྱིས་གླང་པོ་ཆེའི་མཆོག་རྒྱལ་སྲིད་འཕེལ་ཞེས་བྱ་བ་ཕྱིར་རྒོལ་བས་སྦད་པའི་བྲམ་ཟེ་རྣམས་ལ་བྱིན་ཞེས་ཐོས་སོ། །ཐོས་ནས་ཀྱང་རྒྱལ་པོ་ཐམས་ཅད་ཀྱི་བཤེས་གཉེན་ཤིན་ཏུ་ཁྲོས་འཁྲུགས་ནས། གཞོན་ནུ་ཐམས་ཅད་སྒྲོལ་བཀུག་
Nga277a
༄#། །སྟེ་སྨྲས་པ། གཞོན་ནུ་ཁྱོད་ད་ངའི་ཡུལ་ན་མ་འདུག་པར་སོང་ཞིག་།དེ་ནས་གཞོན་ནུ་ཐམས་ཅད་སྒྲོལ་ཕས་སྤངས་པ་དང ། བསམས་པ། བདག་གིས་བྱང་ཆུབ་ཀྱི་ཕྱིར་འབད་པ་བྱས་པ་དང ། འཇིག་རྟེན་ཐམས་ཅད་རྗེས་སུ་གཟུང་བའི་ཕྱིར་བརྩོན་འགྲུས་ཀྱི་གོ་ཆ་བ་གོས་པས་གླང་པོ་ཆེ་དེ་ཡང་བཏང་སྟེ། དེ་བས་ཁྱིམ་ན་གནས་པས་ནི། །ཅི་ནུས་པས་ནི་སྦྱིན་པ་བཏང ། །དཀའ་ཐུབ་ནགས་སུ་བརྟེན་ནས་ནི། །ངེས་པ་མཆོག་དག་བྱ་བ་ཡིན། །བསླངས་ནས་མི་སྦྱིན་ཞེས་བྱ་བའི། །ཚིག་ནི་སྨྲ་བར་མི་ཕོད་ཀྱིས། །དེ་བས་བདག་ནི་ཁྱིམ་སྤངས་ཏེ། །དཀའ་ཐུབ་ནགས་སུ་རབ་ཏུ་འགྲོ། །དེ་ནས་བྱང་ཆུབ་སེམས་དཔས་དེ་ལྟར་སྙིང་ལ་མནའ་མཐོ་བཅད་ནས། ཆུང་མ་རྒྱགས་བྱིན་མའི་དྲུང་དུ་སོང་སྟེ་དེ་དག་རྒྱས་པར་སྨྲས་སོ། །དེ་ནས་རྒྱགས་བྱིན་མས་ཐོས་མ་ཐག་ཏུ་སྡུག་པ་དང་བྲལ་བར་དོགས་པའི་སྙིང་གིས། ཐལ་མོ་སྦྱར་ཏེ་བྱང་ཆུབ་སེམས་དཔའ་ལ་སྨྲས་པ། རྗེའི་སྲས་གལ་ཏེ་དེ་ལྟ་ན་བདག་ཀྱང་དཀའ་ཐུབ་ཀྱི་ནགས་སུ་མཆི་སྟེ། བདག་ནི་རྗེའི་སྲས་དང་བྲལ་ན། སྐད་ཅིག་ཙམ་ཡང་འཚོ་བར་རྔོ་མ་ཐག་ལགས་སོ། །ཅིའི་སླད་དུ་ཞེ་ན། ནམ་མཁའ་ཟླ་བས་སྟོངས་པར་གྱུར་པ་དང ། །ཇི་ལྟར་ས་ནི་ལོ་ཏོག་གིས་སྟོངས་དང ། །པདྨ་ཆུ་ཡིས་སྟོངས་པར་གྱུར་པ་དང ། །བུད་མེད་ཁྱིམ་ཐབ་ཀྱིས་སྟོངས་དེ་བཞིན་ནོ། །བྱང་ཆུབ་སེམས་དཔས་སྨྲས་པ། བདག་ཅག་མཐར་གདོན་མི་ཟ་བར་འབྲལ་བ་འགྱུར་ཏེ། འདི་ནི་འཇིག་རྟེན་གྱི་རང་བཞིན་ཡིན་ནོ། །ཁྱོད་ནི་བཟའ་བ་དང་བཏུང་བ་དང་མལ་ཆ་དང ། བགོ་བ་མཆོག་ལ་
Nga277b
གོམས་པས་ལུས་ཤིན་ཏུ་སྐྱིད་དེ་བ་ཡིན། དཀའ་ཐུབ་ཀྱི་ན་གོས་ནི་རྩཝ་དང་ལོ་མ་བཏིང་བར་ནི་ཉལ། རྩ་བ་དང་མེ་ཏོག་དང་འབྲས་བུ་ནི་ཟ། རྩ་དུར་བ་དང་ཟུག་རྡོ་དང་རྩ་དང ། ཚེར་མས་གང་བའི་ས་ལ་ནི་རྒྱུ། ཡང་དང་ཡང་དུ་ཟ་གཅིག་པ་ལ་ནི་སྟེན། བདག་ཉིད་སྐྱེ་བོ་ཐམས་ཅད་ལ་ནི་བསྟེན་དགོས། གློ་བུར་དུ་འོངས་པ་ཐམས་ཅད་མཆོད་པ་ལ་ནི་འབད་དགོས་ལ། དེ་ན་ཡང་ང་གདོན་མི་ཟ་བར་ཅི་ནུས་ཀྱིས་སྦྱིན་པ་གཏོང་སྟེ་དེ་ལ་ཁྱོད་ཀྱིས་ཅུང་ཟད་ཀྱང་མི་འགྱོད་པར་བྱ་དགོས་སོ། །དེ་བས་ན་རེ་ཞིག་ད་དུང་ཡང་ལེགས་པར་སོམ་ཞིག་།རྒྱགས་བྱིན་མས་སྨྲས་པ། རྗེའི་སྲས་བདག་རྔོ་ཅི་ཐོག་གིས་རྗེའི་སྲས་ཀྱི་རྗེས་སུ་སྒྲུབ་ལགས་སོ། །བྱང་ཆུབ་སེམས་དཔས་སྨྲས་པ། གལ་ཏེ་དེ་ལྟ་ན་དམ་བཅས་པ་དེ་དག་ཁྱོད་ཀྱིས་དྲན་པར་བྱོས་ཤིག་།དེ་ནས་བྱང་ཆུབ་སེམས་དཔའ་ཕའི་དྲུང་དུ་སོང་ནས་མགོ་བོས་ཕྱག་བྱས་ཏེ། ཡབ་ཅིག་བདག་གིས་བྱིན་པར་གླང་ཆེན་སྩལ། །ནོངས་པར་གང་ལགས་ས་བདག་བཟོད་པར་གསོལ། །བདག་ནི་གྲོང་ནས་དགོན་པར་མཆིས་ལགས་ཀྱི། །མི་ཡི་དབང་པོ་ཕྱག་མཛོད་སྟོངས་མ་གྱུར། །དེ་ནས་རྒྱལ་པོ་བུ་དང་བྲལ་བའི་སྡུག་བསྔལ་གྱིས་དབུགས་ཀྱིས་བརྣངས་ཏེ། སྐད་འདར་འདར་པོར་སྨྲས་པ། བུ་སྦྱིན་པའི་བློ་བོར་ལ་འདུག་ཅིག་།བྱང་ཆུབ་སེམས་དཔས་སྨྲས་པ། ས་ནི་རི་དང་བཅས་པར་ཡང ། །གལ་ཏེ་ལྡོག་པར་འགྱུར་གདའ་ཡིས། །ས་བདག་བདག་ནི་སྦྱིན་པ་ལས། །སེམས་ནི་ལྡོག་པར་མི་བགྱིད་དོ། །ཞེས་སྨྲས་ནས་སོང་ངོ ། །དེ་ནས་བུ་དང་བུ་མོ་དང་ཆུང་མ་དང་
Nga278a
༄#། །ལྷན་ཅིག་ཤིང་རྟའི་ནང་དུ་ཞུགས་ཏེ། གྲོང་ཁྱེར་དམ་པ་དེ་ནས་བྱུང་ནས། ཕོ་བྲང་འཁོར་གྱི་མི་དང ། ཡུལ་མི་མྱ་ངན་བྱེད་པ་བརྒྱ་སྟོང་རྗེས་སུ་འབྲང་བཞིན་དུ་སོང་ངོ ། ། དེ་ནས་མི་ཞིག་གིས་ངུ་ཞིང་སྨྲེ་སྔགས་འདོན་པའི་སྒྲ་དེ་ཡང་ཐོས། སྐྱེ་བོའི་ཚོགས་ཆེན་པོ་གྲོང་ཁྱེར་གྱི་སྒོར་བྱུང་བ་ཡང་མཐོང་ནས། མི་ཞིག་ལ་དྲིས་པ། ཀྱེ་ནང་རྗེ་སྐྱེ་བོའི་ཚོགས་ཆེན་པོ་འདི་ཆོ་ངེས་འདེབས་པ་ཅི་ལས་གྱུར། དེས་སྨྲས་པ། ཤེས་ལྡན་ཅི་མི་ཤེས་སམ། འདི་ལྟར་མི་ཡི་དབང་པོ་ཉིད་ཀྱི་སྲས་པོ་མཆེ་བ་བཟང ། །བརྟན་པའི་ངང་ཚུལ་རབ་ཏུ་སྦྱིན་ལ་དགའ་བ་འདི་ནས་སྤྱུགས། །དེ་ནི་བུ་དང་ཆུང་མར་བཅས་ཏེ་ནགས་མཐར་ཆས་པ་ལ། །ཕོ་བྲང་འཁོར་བ་རྣམས་འདུས་ཤིན་ཏུ་སྙིང་རྗེས་ཆོ་ངེས་འདེབས། །དེ་ནས་བྱང་ཆུབ་སེམས་དཔས་གྲོང་ཁྱེར་དམ་པ་དེ་ནས་བྱུང་བའི་ཕོ་བྲང་འཁོར་བ་རྣམས་ལ་ཅི་རིགས་པར་མངོན་དུ་སོང་ནས་སྨྲས་པ། ཤེས་ལྡན་དག་སླར་དེང་ཞིག་།སླར་དེང་ཞིག་འདི་ལྟར་ཤིན་ཏུ་ཡུན་རིང་པོ་ནས་སྡུག་པ་དང ། འགྲོགས་པ་ཡང་མཇུག་ཏུ་གདོན་མི་ཟ་བར་འབྲལ་བའི་མཐའ་ཅན་དུ་འགྱུར་ཏེ། གཉེན་གྱི་སྐྱེ་བོ་དང་འགྲོགས་པ་ནི་ལམ་ཀའི་ངལ་བསོ་བའི་བསྟི་གནས་ཀྱི་ཤིང་དང་འདྲ་བས་གདོན་མི་ཟ་བར་སྡུག་པ་དང་བྲལ་བར་འགྱུར་རོ། །ཅིའི་ཕྱིར་ཞེ་ན། འཇིག་རྟེན་ཀུན་ན་སྐྱེ་བོ་དབང་མེད་དེ། །མཛའ་བ་རྣམས་དང་འབྲལ་བར་འགྱུར་བསམས་ནས། །ཁྱེད་ཀྱིས་ས་སྟེང་འབད་པ་ཐམས་ཅད་ཀྱིས། །ཞི་ཕྱིར་བློ་གྲོས་མི་གཡོ་བརྟན་པར་གྱིས། །དེ་ནས་དཔག་ཚད་
Nga278b
ཉིས་བརྒྱ་འདས་པ་དང ། བྱང་ཆུབ་སེམས་དཔའ་མཐོང་ནས་བྲམ་ཟེ་ཞིག་མངོན་དུ་འོངས་ཏེ་སྨྲས་པ། ཀྱེ་རྒྱལ་རིགས་གཞོན་ནུ་བདག་ནི་ཁྱོད་ཀྱི་ཡོན་ཏན་ཐོས་ནས་འདི་ནས་དཔག་ཚད་སུམ་བརྒྱ་ཙམ་གྱི་ཡུལ་ནས་འདིར་མཆིས་ལགས་ཀྱིས། ཁྱོད་ཀྱི་ཤིང་རྟ་མཆོག་འདིས་བདག་ངལ་བ་འབྲས་བུ་མཆིས་པར་བགྱི་བའི་རིགས་སོ། །དེ་ནས་རྒྱགས་བྱིན་མ་མི་བཟོད་པ་སྐྱེས་ཏེ་ཚིག་བརླང་པོས་བྲམ་ཟེ་དེ་ལ་སྨྲས་པ། ཨེ་མའོ་ནགས་ནའང་མི་དབང་སྲས་ལ་སློང་བ་གང ། །བྲམ་ཟེ་འདི་ནི་ཤིན་ཏུ་བརྩེ་བ་མེད་པའི་བློ། །མི་དབང་སྲས་པོ་མི་དབང་དཔལ་ལས་ཉམས་གྱུར་པ། །འདི་ལ་འདིར་ནི་སྙིང་རྗེ་ཅི་ག་མི་སྐྱེ་འམ། །བྱང་ཆུབ་སེམས་དཔས་སྨྲས་པ། ཁྱོད་ཀྱིས་བྲམ་ཟེ་མ་སྤྱོ་ཞིག་།དེ་ཅིའི་ཕྱིར་ཞེ་ན། རྒྱགས་བྱིན་གལ་ཏེ་ནོར་འདོད་ལེན་པ་འདི་དག་མེད་གྱུར་ན། །ཀུན་སྦྱིན་མེད་པར་མི་གང་ཞིག་གིས་ས་སྟེང་བྱང་ཆུབ་འཐོབ། །སྦྱིན་སོགས་ཕ་རོལ་ཕྱིན་དྲུག་ཚུལ་གྱིས་ཡོན་ཏན་མཆོག་ཅན་གྱི། །བྱང་ཆུབ་སེམས་དཔའ་རྣམས་ཀྱིས་ཀུན་མཁྱེན་ཉིད་མཆོག་རྟག་ཏུ་འཐོབ། །དེ་ནས་བྱང་ཆུབ་སེམས་དཔའ་མཆོག་ཏུ་དཔའ་བས་རྟ་དང་ལྡན་པའི་ཤིང་རྟ་དེ་བྲམ་ཟེ་དེ་ལ་བྱིན་ནས་སྨྲས་པ། བྲམ་ཟེ་སེར་སྣ་དྲི་མ་སེལ་བྱེད་པ། །ཤིང་རྟ་རབ་ཏུ་བྱིན་པ་འདི་ཡིས་འདིར། །བདག་ནི་དྲང་སྲོང་ཆེ་མཆོག་གིས་བསྐོར་བའི། །ཟག་མེད་ཆོས་ཀྱི་ཤིང་རྟ་ཆེ་སྐོར་ཤོག་།དེ་ནས་ཐམས་ཅད་སྒྲོལ་གྱིས་སྙིང་རབ་ཏུ་དགའ་བས་ཤིང་རྟའི་མཆོག་དེ་ཡང་བྲམ་ཟེ་ལ་བྱིན་ནས་གཞོན་ནུ་མདོག་གནག་ཕྲག་
Nga279a
༄#། །པ་ལ་ཁྱེར། རྒྱགས་བྱིན་མས་ནི་གཞོན་ནུ་མ་དྲ་བ་ཅན་ཁྱེར་ནས། དཀའ་ཐུབ་ཀྱི་ནགས་ལོགས་སུ་ཆས་པ་དང ། རིམ་གྱིས་དཀའ་ཐུབ་ཀྱི་ནགས་སུ་ཕྱིན་ཏོ། །དེ་ནས་ཐམས་ཅད་སྒྲོལ་དཀའ་ཐུབ་ཀྱི་ཚལ་དེར་རང་གི་སྙིང་མགུ་བར་བྱེད་པའི་བརྟུལ་ཞུགས་བླངས་ཏེ་གནས་སོ། །ཇི་ཙམ་ན་རྒྱགས་བྱིན་མ་རྩ་བ་དང་འབྲས་བུའི་ཕྱིར་དཀའ་ཐུབ་ཀྱི་ནགས་ནས་སོང་བ་དང ། བྲམ་ཟེ་ཞིག་ཐམས་ཅད་སྒྲོལ་གྱི་དྲུང་དུ་འོངས་ནས་སྨྲས་པ། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་ཅིག་།བདག་ཅག་བཀོལ་བ་མ་མཆིས་པས། །སྤ་ཤུག་ལྷན་ཅིག་འཁྱམ་བགྱིད་ན། །དེ་ཡི་དོན་དུ་བུས་པ་གཉིས། །ཁྱོད་ཀྱིས་བདག་ལ་སྦྱིན་པའི་རིགས། །དེ་སྐད་ཅེས་སྨྲས་པ་དང ། དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ། བུ་སྡུག་པ་གཏོང་བ་ལ་ཅུང་ཞིག་སེམས་ཤིང་འདུག་པ་དང ། དེ་ནས་བྲམ་ཟེ་དེས་བྱང་ཆུབ་སེམས་དཔའ་ཐམས་ཅད་སྒྲོལ་ལ་སྨྲས་པ། ཀྱེ་རྒྱལ་རིགས་གཞོན་ནུ། བདག་གིས་ཁྱོད་ཐམས་ཅད་སྟེར་བའོ་ཞེས་ཐོས་ན། འདི་ལྟར་ཁྱོད་ལ་བདག་གིས་བསླངས་པ་དེ་ལ་ཅི་ཞིག་དཔྱད་དུ་ཡོད། ཁྱོད་ནི་ཀུན་སྟེར་སྙིང་རྗེ་ཡི། །བདག་ཉིད་ཅན་དུས་སྟེང་གྲགས། །ཇི་ལྟར་གྲགས་པ་དེ་བཞིན་དུ། །ཁྱོད་ཀྱིས་རྟག་ཏུ་བྱ་བའི་རིགས། །དེ་སྐད་ཅེས་སྨྲས་པ་དང ། བྱང་ཆུབ་སེམས་དཔའ་ཐམས་ཅད་སྒྲོལ་གྱིས་བྲམ་ཟེ་དེ་ལ་སྨྲས་པ། ཀྱེ་བྲམ་ཟེ་ཆེན་པོ། རང་གི་སྲོག་ནི་གཏོང་བ་ལའང ། །ལན་འགའ་སྤྱོད་པ་མ་མྱོང་ན། །རང་གི་བུ་ནི་གཏོང་བ་ལ། །བདག་བློ་གཞན་དུ་འགྱུར་
Nga279b
ཅི་སྨོས། །བྲམ་ཟེ་ཆེན་པོ་དེ་ལྟ་མོད་ཀྱིས། བདག་གིས་ནགས་སུ་སྐྱེད་བསྐྱེད་པའི། །བུས་པ་འདི་གཉིས་ཡོངས་སྤངས་ན། །མ་དང་བྲལ་བའི་ཉོན་མོངས་པ། །འདི་དག་ཇི་ལྟར་གནས་སྙམ་མོད། །གཞོན་ནུ་ཤིན་ཏུ་བརྩེ་མེད་པས། །བུས་པ་བཏང་ལ་བདག་མིན་ཞེས། །ཁ་ཅིག་བདག་ལ་འཕྱར་འོང་གིས། །བྲམ་ཟེ་བདག་ནི་ཁྲིད་ན་ལེགས། །དེ་ནས་བྲམ་ཟེ་དེས་ཐམས་ཅད་སྒྲོལ་ལ་སྨྲས་པ། ཀྱེ་རྒྱལ་རིགས་གཞོན་ནུ་རྒྱལ་པོ་ཆེན་པོའི་རིགས་སུ་སྐྱེས་པ། ས་འདི་ཐམས་ཅད་དུ་ཡོན་ཏན་གྲགས་པ། སྲོག་ཆགས་ཐམས་ཅད་ལ་སྙིང་བརྩེ་བས་འོ་བྱམས་པར་ཞུགས་པ། སྦྱིན་པ་དང་མཆོད་པ་དང ། བཀུར་སྟིས་སྤོས་ཀྱི་གླང་པོ་ལྟ་བུ། དགེ་སྦྱོང་དང་བྲམ་ཟེ་དང་གློ་བུར་བའི་སྐྱེ་བོ་ལ་མཆོད་པ་བྱེད་པ། སྐྱེ་བོ་བཀྲེན་པ་དང ། ཕོངས་པ་དང ། མགོན་མེད་པ་དང་ལྟོགས་པ་ཡོངས་སུ་སྡུག་པ་ཐམས་ཅད་ཀྱི་ཡིད་ལ་རེ་བ་ཡོངས་སུ་རྫོགས་པར་བྱེད་པ། མཐོང་ན་དོན་ཡོད་པ་ཁྱོད་ཀྱིས་བདག་འོངས་པ་ནོམ་པ་མེད་པའམ། ལམ་གྱིས་དུབ་པ་འབྲས་བུ་མེད་པའམ། མཐོང་ན་དོན་མེད་པའམ། རེ་བ་དང་ཡུན་རིང་པོ་ནས་བརྣག་བརྣག་པའི་འདོད་པ་འབྲས་བུ་མེད་པར་བྱ་བ་གང་ཡིན་པ་དེ་ནི་ཆ་མ་ཡིན་ཏེ། ཁྱོད་ཀྱིས་མེད་དོ་ཞེས་བྱ་བའི་ཚིག་ཁོ་བོའི་ཡིད་ལ་རེ་བ་ཀུན་ཏུ་རྟོག་པའི་རྟ་བསྟབས་ན། མྱུར་དུ་ལྡོག་པར་འགྱུར་རོ། །དེ་བས་ན་ཁྱོད་ཀྱིས་བདག་གི་ཡིད་ལ་རེ་བ་ཡོངས་སུ་རྫོགས་པར་བྱས་ནས་བཏང་བའི་རིགས་སོ། །དེ་ཅིའི་ཕྱིར་ཞེ་ན། ཆུ་གཏེར་གོས་སུ་གྱོན་ཞིང་བཟའ་མིག་མཚུངས་མེད་པ། །རི་བོ་མཆོག་རྒྱས་ནུ་མར་ལྡན་པའི་རོ་སྟོད་ཅན། །གྲོང་ཁྱེར་གྲོང་རྡལ་བཅས་པའི་ས་ལ་བཙལ་བྱས་ཀྱང ། །མཆེ་
Nga280a
༄#། །བཟད་ཁྱོད་དང་མཚུངས་པར་གཏོང་ཕོད་ཡོད་མ་ཡིན། །དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ་གྱིས་བྲམ་ཟེའི་ཚིག་དེ་ཐོས་ནས་བུ་ལ་ཆགས་པའི་སློང་བས་འདི་དག་སེམས་པར་བྱེད་དེ། གལ་ཏེ་རེ་ཞིག་བུ་གཉིས་པོ། །བྲམ་ཟེར་བྱིན་ན་བུ་དང་ནི། །བྲལ་བ་ལས་བྱུང་སྡུག་བསྔལ་དག་།བདག་དང་རྒྱགས་བྱིན་གྱིས་འཐོབ་འགྱུར། །འོན་ཏེ་འདི་ལ་མ་བྱིན་ན།། བརྟུལ་ཞུགས་ལས་ཀྱང་ཉམས་གྱུར་ཅིང ། །བྲམ་ཟེ་འདི་ནི་ཚི་ཆད་དེ། །ཇི་ལྟར་འོངས་པ་བཞིན་དུ་འགྲོ། །ཉིས་ན་བུ་བྲལ་ཉམ་ཐག་པའི། །མྱ་ངན་ས་སྟེང་བདག་གིས་བླང ། །དེ་བཞིན་མ་བྱས་དམ་བཅས་པ།། ཞིག་ཅིང་བརྟུལ་ཞུགས་ཉམས་པར་གྱུར། །དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ་གྱིས་སྡུག་པའི་བུ་གཉིས་ངེས་པར་བཏང་བར་ཆད་ནས་སྨྲས་པ། ཀྱེ་ཁོ་བོས། དཀའ་སྤྱད་བརྒྱ་ཡིས་འཇིག་རྟེན་སྡུག་བསྔལ་གྱི། །རྒྱ་མཚོ་ཆེན་པོ་སོ་སོར་འཇིགས་བྱེད་པ། །གཏིང་མི་དཔོགས་པར་རབ་ཏུ་བྱིང་བ་དག་།ཕ་རོལ་བསྒྲལ་ཕྱིར་ལམ་གྱི་ཟམ་སྟེགས་བཅའ། །ཟླ་བ་དྲི་མེད་ཉ་བའི་བཞིན་རས་ཅན། །མ་ཞུམ་ཁ་ནས་དེ་སྐད་ཚིག་སྨྲས་ནས། །མཆི་མའི་རླན་ཆུས་མིག་ནི་གང་གྱུར་བའི། །བྱིས་པ་གཉིས་པོ་བྲམ་ཟེ་དེ་ལ་བྱིན། །ཡང་སྨྲས་པ། བུ་འདི་བྱིན་པའི་འབྲས་བུ་ནི། །རྒྱ་ཆེན་བདག་གིས་ཐོབ་གྱུར་ནས། །དེས་ནི་འཁོར་བའི་རྒྱ་མཚོ་ལས། །འཇིག་རྟེན་རྣམས་ནི་བསྒྲལ་བར་བྱ། །བྱིས་པ་གཞོན་ནུ་དག་བྱིན་མ་ཐག་ཏུ་ས་འདི་རྣམ་པ་དྲུག་ཏུ་གཡོས་སོ། །དེ་ནས་གཡོས་པ་དེས་ནགས་དེ་
Nga280b
ན་གནས་པའི་དཀའ་ཐུབ་ཅན་རྣམས་སྡངས་ནས། ཕན་ཚུན་སྨྲས་པ། ས་ནི་མི་བཟད་གཡོས་གྱུར་པ། །འདི་ནི་སུ་ཡི་མཐུ་ལྟས་ཡིན། །གང་གི་མཐུ་ནི་འདི་འདྲ་བ། །ཤིན་ཏུ་གསལ་བར་ཤེས་པར་བྱ། །དེ་ན་གནས་འཇོག་དང་རུས་གཅིག་པ་རྒན་པོ་དཀའ་ཐུབ་ཅན་ལྟས་ཤེས་པ་ལ་མཁས་པ་ཞིག་ཡོད་པ་དེས། དྲང་སྲོང་དེ་རྣམས་ལ་དོན་དེ་གོ་བར་བྱས་པ། གདོན་མི་ཟ་བར་དཀའ་ཐུབ་ཀྱི་ནགས་ན་འདུག་པའི་བུ་བྱིས་པ་འབྲས་བུ་དང་ཆུ་འཐུང་བ་ཡིད་དུ་འོང་བ་མིག་ཏུ་སྡུག་པར་བྱེད་པ་གཉིས་ཐམས་ཅད་སྒྲོལ་གྱིས་སྐྱེ་བོ་སྡུག་བསྔལ་གྱིས་ཉམ་ཐག་པ། ཡོངས་སུ་ཐར་བར་བྱ་བའི་ཕྱིར་བཏང་སྟེ། དེས་ན་ས་གཡོས་པར་གྱུར་ཏོ།། །།འདུལ་བ་གཞི། བམ་པོ་བརྒྱ་པ། དེ་ནས་བུས་པ་གཞོན་ནུ་དེ་གཉིས་ཀྱིས་ཕས་སྙིང་ནས་ཡོངས་སུ་བཏང་བའི་བློ་རིགས་ནས། སྙིང་རྗེ་རྗེ་སྐད་དུ་ངུ་ཞིང་ཐལ་མོ་གཉིས་སྦྱར་ནས། ཐམས་ཅད་སྒྲོལ་གྱི་རྐང་པ་གཉིས་ལ་གཏུགས་ཏེ་སྨྲས་པ། ཡབ་ཅིག་ཡུམ་ནི་མ་མཆིས་པར། །ཁྱོད་ནི་བདག་ཅག་སྩོལ་བཞེད་པ། །རེ་ཞིག་དེ་ནི་མཐོང་གྱུར་ནས། །དེ་ནས་བདག་ཅག་སྩལ་དུ་གསོལ།། དེ་ནས་བྱང་ཆུབ་སེམས་དཔའ་ཡིད་ལ་གཅགས་པའི་སྡུག་བསྔལ་གྱིས་ངོམ་ཟུམ་གནག་ཅིང་མཆི་མ་འཛག་བཞིན་དེ་གཉིས་ལ་འཁྱུད་ནས་སྨྲས་པ། བུ་དག་།ང་ཡི་སྙིང་དུ་མི་སྡུག་མིན། །སྙིང་རྩེ་སྙིང་རྗེ་མེད་མིན་ཏེ། །འཇིག་རྟེན་ཀུན་ལ་ཕན་པའི་ཕྱིར། །ཡོན་ཏན་མཐོང་ནས་བཏང་བ་ཡིན། །ཅི་ནས་ང་ཡི་བྱང་ཆུབ་མཆོག་།ཞི་བ་རང་གིས་ཐོབ་ནས་ནི། །སྡུག་བསྔལ་རྒྱ་མཚོ་ལ་གནས་པའི། །རྟེན་མེད་འཇིག་རྟེན་
Nga281a
༄#། །རྣམས་བསྒྲལ་ལོ། །དེ་ནས་བྱིས་པ་གཞོན་ནུ་དེ་དག་གིས་ཕས་སྙིང་ནས་ཡོངས་སུ་བཏང་བའི་བློ་རིག་ནས། ཕའི་རྐང་པ་གཉིས་ལ་ཕྱག་འཚལ་ཏེ་ཐལ་མོ་སྦྱར་ནས། སྙིང་རྗེ་རྗེ་སྐད་དང་སྨ་བབ་པའི་ཚིག་གིས་དལ་གྱིས་སྨྲས་པ། གལ་ཏེ་ཁྱོད་ཀྱིས་ཐག་བཀུམ་ན། །མ་ལ་བདག་ཅག་གཉིས་ཀྱིས་འཕྲིན། །ཁྱོད་ཀྱིས་བཟོད་པ་མཛོད་ཅིག་ཅེས། །ཡབ་ཅིག་ཁྱོད་ཀྱིས་གསུང་དུ་གསོལ། །ཡབ་གཞན་ཡང ། བྱིས་པར་གྱུར་པས་བླ་མ་ཁྱོད་ལ་ནོངས་པར་བགྱིས་པ་གང ། །གལ་ཏེ་ལ་ལར་ཐུགས་ལ་མི་འབབ་ཚིག་འགའ་སྨྲས་པའམ། །གུས་པར་མཉན་པ་ས་ཡོངས་སུ་མཉེས་པ་ཉིད་དུ་མ་བགྱིས་པ། །དེ་ནི་བྱིས་པའི་ནོངས་པ་ལགས་ཞེས་བཟོད་པ་མཛད་དུ་གསོལ། །དེ་སྐད་ཅེས་སྨྲས་ནས་ཕ་ལ་ཕྱག་འཚལ་ཏེ། ལན་གསུམ་དུ་བསྐོར་བ་བྱས་ནས་མིག་མཆི་མས་གང་བཞིན་བླ་མ་ལ་སྨྲ་བར་ཡིད་ལ་གཅགས་པས་ཡང་དང་ཡང་ཕྱིར་ལྟ་ཞིང་བསྟི་གནས་དེ་ནས་བྱུང་སྟེ་སོང་ངོ ། །དེ་ནས་བྱང་ཆུབ་སེམས་དཔའ་བྱིས་པ་གཞོན་ནུའི་ཚིག་ཤིན་ཏུ་སྙིང་རྗེར་རུང་བ་དེ་དག་གིས་སྙིང་བློང་ནས་ཡིད་ཀྱིས་བྱང་ཆུབ་ཏུ་སྨོན་ལམ་བཏབ་སྟེ། དེ་དཀའ་ཐུབ་ཀྱི་ཚལ་གྱི་ལོ་མའི་སྤྱིལ་བུར་ཞུགས་སོ། །བྱིས་པ་གཞོན་ནུ་དག་དོང་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་གཡོས་སོ། །ལྷ་སྟོང་ཕྲག་དུ་མ་ཡང་བར་སྣང་ལ་ཅ་ཅོ་དང ། གཞའི་སྒྲ་འབྱིན་ཅིང ། ེ་མའོ་རབ་སྦྱིན་བདག་ཉིད་ཆེ། །བྱིས་པ་འདི་གཉིས་བཏང་ནས་ཀྱང་།།
Nga281b
གང་གི་ཡིད་ནི་འགྱུར་མེད་པ། །དེ་ནི་ངེས་པ་རྨད་ཅིག་གོ། དེ་ནས་རྒྱགས་བྱིན་མ་རྩ་བ་དང་འབྲས་བུ་རྣམས་ཁྱེར་ཏེ། བསྟི་གནས་ལོགས་སུ་ཆས་ཆས་པ་ལས། ས་ཆེ་ཐང་དུ་གཡོས་པ་དེས། མྱུར་བ་ཁོ་ནར་བསྟི་གནས་དེ་ཉིད་དུ་སོང་བ་དང ། ལྷ་གཞན་ཞིག་གིས་རྒྱགས་བྱིན་མས་བྱང་ཆུབ་སེམས་དཔའ་སེམས་ཅན་ཐམས་ཅད་ཐར་བར་བྱ་བར་བརྩོན་པར་བྱས་པའི་སྦྱིན་པའི་ཕ་རོལ་ཏུ་ཕྱིན་པའི་བར་ཆད་བྱེད་པར་འགྱུར་དུ་འོང་ངོ་སྙམ་ནས་སེང་གེ་མོ་ཞིག་གི་གཟུགས་སུ་བསྒྱུར་ཏེ། ལམ་བཀག་ནས་འདུག་པ་དང ། རྒྱགས་བྱིན་མས་རི་དྭགས་ཀྱི་རྒྱལ་པོའི་ཆུང་མ་དེ་ལ་སྨྲས་པ། རི་དྭགས་རྒྱལ་པོའི་ཆུང་མ་སྒེག་སྒེག་མ། །ཁོ་མོའི་ལམ་འདི་བཀག་ནས་ཅི་སྟེ་འདུག་།ཇི་ལྟར་བདག་ནི་མི་འཕྱོ་ངེས་གྱུར་ན། །ལམ་ལས་གཟུར་ཏེ་མྱུར་དུ་འགྲོ་བར་གྱིས། །གཞན་ཡང ། ཁྱོད་ཀྱང་རི་དྭགས་རྒྱལ་པོའི་ཆུང་མ་ལ། །བདག་ཀྱང་མི་ཡི་དབང་པོ་སེང་གེ་ཡི། །བཙུན་མོ་ཡིན་པས་ཆོས་ཀྱི་སྤུན་གྱུར་གྱིས། །རི་དྭགས་རྒྱལ་མོས་བདག་གི་ལམ་ཕྱེ་ཞིག་།དེ་སྐད་ཅེས་སྨྲས་པ་དང ། ལྷ་སེང་གེ་མོའི་གཟུགས་སུ་བསྒྱུར་བ་དེ་ཡང་ལམ་དེ་ནས་ལོགས་ཤིག་ཏུ་སོང་ངོ། །དེ་ནས་རྒྱགས་བྱིན་མས་བཀྲ་མི་ཤིས་པའི་ལྟས་དག་མཐོང་ནས། ཡུད་ཙམ་ཞིག་བསམས་པ། ཇི་ལྟར་བར་སྣང་ལ་དུད་མོའི་སྒྲ་གྲགས་པ་དང ། ཇི་ལྟར་ཡང་ཚལ་ན་གནས་པའི་འབྱུང་པོ་རྣམས་མྱ་ངན་བྱེད་པའི་སྒྲ་གྲགས་པ་ལས་ན་གདོན་མི་ཟ་བར་བསྟི་གནས་སུ་མ་ལེགས་པ་ཞིག་བྱུང་བར་གྱུར་ཏོ་སྙམ་ནས་སྨྲས་པ། ཇི་ལྟར་བདག་མིག་འགུལ་བ་དང ། །ཇི་ལྟར་བྱ་སྐད་འབྱིན་པ་དང ། །ཇི་ལྟར་བདག་ནི་
Nga282a
༄#། །དོགས་པ་ལས། །བུས་པ་དེ་གཉིས་བཏང་བར་དེས། །ཇི་ལྟར་ས་འདི་གཡོས་པ་དང ། །བདག་གི་སྙིང་ནི་འདར་བ་དང ། །ཇི་ལྟར་ལུས་ཀྱང་རྨྱ་བ་ལས། །བུས་པ་དེ་གཉིས་བཏང་བར་ངེས། །ཞེས་དེ་ལྟ་བུའི་མི་ལེགས་པ་བརྒྱ་སྟོང་དག་སེམས་ཤིང་བསྟི་གནས་སུ་སོང་ནས་བསྟི་གནས་སུ་ཞུགས་ཏེ། མི་དགའ་བཞིན་དུ་བལྟས་ན། བུ་དེ་གཉིས་མ་མཐོང་ནས། དེ་ནས་རྨོངས་ཤིང་སྙིང་འདར་བས། བསྟི་གནས་ཀྱི་གཞི་དེའི་རྗེས་བཞིན་དུ་སེམས་ཏེ། ཕྱོགས་འདི་ན་ནི་གཞོན་ནུ་མདོག་ནག་སྲིང་མོ་དང་ལྷན་ཅིག་རི་དྭགས་ཀྱི་ཕྲུ་གུ་དང་ལྷན་ཅིག་རྟག་ཏུ་རྩེ་རྩེ། འདི་ནི་དེ་གཉིས་ཀྱིས་ས་རྡུལ་ལས་བྱས་པའི་ཁྱིམ་ཡིན། འདི་ནི་དེ་གཉིས་ཀྱི་རྩེད་མོའི་ཆ་བྱད་ཡིན་ན། དེ་གཉིས་ནི་མི་སྣང་ན་གལ་ཏེ་ཞིག་ན་བདག་གིས་མ་མཐོང་གི་ལོ་མའི་སྤྱིལ་བུར་ཞུགས་ནས་ཉལ་ལྟ་སྲིད་དམ་སྙམ་དུ་དེ་ལྟར་སྙིང་ལ་རེ་ཞིང་བུ་མཐོང་བར་འདོད་པས་རྩ་བ་དང་འབྲས་བུ་ཕྱོགས་གཅིག་ཏུ་བཞག་ནས་མིག་མཆི་མས་གང་བཞིན་དུ་ཁྱིམ་ཐབ་ཀྱི་རྐང་པ་གཉིས་ལ་གཏུགས་ཏེ་སྨྲས་པ། རྗེའི་སྲས་ཁྱེའུ་དང་བུ་མོ་གཉིས་གང་དུ་མཆིས། ཐམས་ཅད་སྒྲོལ་གྱིས་སྨྲས་པ། ཁོ་བོའི་དྲུང་དུ་བྲམ་ཟེ་ཞིག་།རེ་བས་ཡང་དག་འོངས་པར་གྱུར། །བུས་པ་དེ་གཉིས་དེ་ལ་བྱིན། །དེ་ལ་རྗེས་སུ་ཡི་རང་གྱིས། །དེ་སྐད་ཅེས་སྨྲས་པ་དང ། རྒྱགས་བྱིན་མ་རི་དྭགས་མོ་མདའ་དུག་ཅན་གྱིས་ཕོག་པ་བཞིན་དུ་ས་ལ་འགྱེལ་ནས། ཉ་ཆུའི་གནས་ནས་ཕྱུང་བ་བཞིན་
Nga282b
དུ་འགྲེ་ལྡོག་པར་བྱེད། ཁྲུང་ཁྲུང་བུ་སྟོར་བ་བཞིན་དུ་ནི་སྙིང་རྗེ་རྗེ་སྐད་དུ་དུ། བ་བེའུ་ཤི་བ་བཞིན་དུ་ནི་འབབ་སྒྲོ་སྣ་ཚོགས་འདོན་ཅིང་སྨྲས་པ། པདྨ་གཞོན་ནུ་ལྟ་བུའི་བྱད་བཞིན་ཅན། །ལག་པ་པདྨའི་འདབ་ལྟར་གཞོན་ཤ་ཅན། །བདག་གི་བུ་གཉིས་སྡུག་བསྔལ་མ་མྱོང་བ། །འགྲོ་བ་གང་དུ་སོང་ནས་སྡུག་བསྔལ་གྱུར། །རི་དྭགས་བུ་ལྟར་དྲང་ཞིང་རི་དྭགས་མིག་།རི་དྭགས་ལྷན་ཅིག་བསྟི་གནས་དགའ་དགའ་ན། །དེ་རིང་བདག་གིས་བུ་གཉིས་ཇི་ལྟ་བུར། །གཞན་གྱི་དབང་གིས་དོང་ཞིང་སྡུག་བསྔལ་གྱུར། །མིག་ནི་མཆིམས་གང་བའི་མིག་གིས་ནི། །སྙིང་རྗེས་དུ་བས་ཤིན་ཏུ་སྡུག་བསྔལ་བ། །དེ་རིང་བདག་གིས་ལེགས་པར་མ་མཐོང་བས། །སྐྱེ་བོ་བཀྲེན་པའི་ནང་ན་སྡུག་པས་འཚོ། །དེ་གཉིས་བདག་གི་པང་ན་བསྐྱེད་བསྐྱེད་པ། །ཟས་སུ་རྩ་བ་མེ་ཏོག་འབྲས་བུ་ཟ། །བཟོད་དང་གནས་པས་བླ་མ་རྟག་དགའ་བ། བདག་གི་བུ་གཉིས་ཤིན་ཏུ་སྡུག་བསྔལ་ལོ། །དེ་གཉིས་མ་དང་ཉེ་དུ་བྲལ་བ་དང ། །རྩ་ལག་རྣམས་ཀྱིས་གཟུ་ལུམས་སྤངས་པ་ལས། །སྐྱེ་བོ་སྡིག་ཅན་ངན་དང་ཕྲད་གྱུར་ནས། །བདག་གི་བུ་གཉིས་ཤིན་ཏུ་སྡུག་བསྔལ་ལོ། །སྐོམ་ཞིང་བཀྲེས་པས་བདག་ཉིད་རྟག་གདུངས་ན། །དེ་གཉིས་སུ་ཡི་དབང་གིས་འགྲོ་བར་འགྱུར། །བྲན་དུ་གྱུར་པས་གདོན་མི་ཟ་བར་ནི། །དེ་གཉིས་ཉམ་ཐག་སྡུག་བསྔལ་ཡོངས་སུ་གཟིར། །བདག་གིས་ངེས་པར་ཚེ་རབས་གཞན་དག་ཏུ། །སྲོག་ཆགས་སྡུག་པ་བརྒྱ་དག་ཕྲལ་བ་ཡི། །སྡིག་ལས་ཤིན་ཏུ་མི་བཟད་འདིར་བྱས་པ། །དེས་ན་བ་བེའུ་མེད་བཞིན་ཆོ་
Nga283a
༄#། །ངེས་འདེབས། །བདེན་ཚིག་གང་གིས་བདག་ནི་རྟག་ཏུ་ཡང ། །སེམས་ཅན་ཀུན་ལ་ཡིད་ནི་མཉམ་གྱུར་པ། །བདེན་ཚིག་དེས་ནི་བདག་གི་བུ་གཉིས་པོ། །བྲན་དུ་གྱུར་པ་ལས་ནི་ཐར་བར་ཤོག་།དེ་ནས་རྒྱགས་སྦྱིན་མས་བུས་པ་གཞོན་ནུ་དེ་དག་གིས་བསྐྱེད་ཅིང་བསྲུངས་བའི་ཤིང་གང་ཡིན་པ་དེ་དག་ལོ་མ་ཐིབ་བེ་འདུག་པར་མཐོང་ནས། སྙིང་དུ་སྡུག་པས་འཁྱུད་དེ་སྨྲས་པ། བུས་པས་རིལ་བ་ཆུང་དུའི་ཆུས་བཅུས་ཏེ། །ལོ་མ་རྣམས་ལས་ཆུ་ཐིགས་འཛག་པ་ཡི། །ལྗོན་ཤིང་རྣམས་ནི་སེམས་དང་བཅས་པ་བཞིན། །བུས་པ་ནུ་ཞོ་མ་བླུད་ལྟ་བུར་ངུ ། །ཡང་བུས་པ་གཞོན་ནུ་དེ་གཉིས་དང་རྩེ་རྩེ་བའི་རི་དྭགས་ཀྱི་ཕྲུ་གུ་བསྟི་གནས་ན་འདུག་པ་རྣམས་མཐོང་ནས་མི་དགའ་སྟེ། སྙིང་རྗེ་རྗེ་སྐད་ཀྱི་ཚིག་གིས་དལ་བུས་སྨྲས་པ། དེ་ཡི་ནེའུ་ཟླ་མཐོང་བར་འདོད་པ་གང ། །གནས་སུ་ས་ཚུགས་མཚོན་ཅིང་ཚོལ་བྱེད་པ། །རི་དྭགས་ཕྲུ་གུ་རྒྱུ་བ་འདི་དག་ཀྱང ། །བདག་གི་སྡུག་བསྔལ་མི་ཆུང་གཞན་ཡིན་ནོ། །དེ་ནས་བུས་པ་གཞོན་ནུ་དེ་དག་ལམ་གང་ནས་དོང་བའི་ལམ་དེར་རྗེས་བཅད་པ་དང ། བུས་པ་གཞོན་ནུ་དེ་གཉིས་རྗེས་དྲང་པོར་མ་བྱུང་གི་གྱ་གྱུས་གང་བར་མཐོང་ནས། ལྷག་པར་ཡང་སྡུག་བསྔལ་གྱིས་གདུངས་ནས་སྨྲས་པ། ཇི་ལྟར་ཐེན་པོའི་རྗེས་བྱུང་དང ། །ལ་ལར་མྱུར་དུ་སོང་བ་ལས། །བརྡེགས་ཏེ་ཁྲིད་པར་གདོན་མི་ཟ། །ཀྱེ་མ་བྲམ་ཟེ་བརྩེ་མེད་མཆོག་།མགུལ་ནི་དབུགས་ཀྱིས་བརྫངས་ཤིང་སྐད་ཀྱང་འཛེར། །མ་མཆུ་མཛེས་པ་འདར་ཞིང་བདག་གི་བུ། །རི་དྭགས་བཞིན་དུ་མིག་ཀྱང་
Nga283b
རིག་རིག་སྟེ། །རྐང་པ་འཇམ་པོས་ཇི་ལྟར་སོང་ཞིག་གུ་།དེ་ནས་བྱང་ཆུབ་སེམས་དཔས་དེ་ལྟར་སྨྲེ་སྔགས་འདོན་པའི་བདག་ཉིད་དེ་མཐོང་ནས། མི་རྟག་པ་ཉིད་དང་ལྡན་པའི་ཚིག་དེ་དང་དེ་དག་གིས་རྣམ་གྲངས་མང་པོར་གོ་བར་བྱས་ནས་སྨྲས་པ། ཁོ་བོས་བུ་གཉིས་གྲགས་པ་ཡིས། །བཏང་བ་མ་ཡིན་སྡང་བ་མིན། །སེམས་ཅན་ཀུན་ལ་ཕན་དོན་དུ། །བཏང་བར་རབ་དཀའ་བུ་དེ་བཏང ། །མཆོག་ཏུ་བཏང་དཀའ་བདག་ཉིད་དང ། །བུ་དང་ཆུང་མ་རྣམས་བཏང་ནས། །སེམས་དཔའ་ཆེན་པོས་ཚུལ་བཞིན་དུ། །བྱང་ཆུབ་མཆོག་ནི་འཐོབ་པར་འགྱུར། །རྒྱགས་སྦྱིན་བདག་གིས་གཏོང་བ་ལ་བརྟེན་བཏང་དཀའ་བའི། །བུས་པ་དེ་གཉིས་འཇིག་རྟེན་ཐར་པའི་དོན་དུ་བཏང ། །བདག་དང་ཆུང་མ་གཞོན་ནུ་ནོར་ཡང་གཏང་བྱ་སྟེ། །ཀུན་ལ་ཐམས་ཅད་གཏོང་བའི་བློ་གྲོས་ང་ལ་ཡོད། །དེ་ནས་རྒྱགས་སྦྱིན་མས་སེམས་བརྟན་ཏེ། བྱང་ཆུབ་སེམས་དཔའ་ལ་སྨྲས་པ། ཁྱོད་ལ་བར་ཆད་མི་བགྱིད་ཀྱིས། །ཁྱོད་བློ་གཞན་དུ་མ་འགྱུར་ཅིག་།གལ་ཏེ་བདག་ཀྱང་སྩོལ་བཞེད་ན། །དོགས་པ་མ་མཛད་བདག་སྩོལ་ཅིག ། གཞན་ཡང ། དཔའ་བོ་གང་ཕྱིར་ཉིད་ཀྱི་མི། །སྡུག་པས་ཆགས་པ་གཏང་བ་ཡི། །དོན་དེ་མྱུར་དུ་ཐོབ་ནས་ནི། །སྲིད་ལས་འགྲོ་བ་བསྒྲལ་བར་མཛོད། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའ་དང ། རྒྱགས་བྱིན་མ་བརྩོན་འགྲུས་ཤིན་ཏུ་རྨད་དུ་བྱུང་བ་དང ། ཤིན་ཏུ་བྱ་དཀའ་བར་རིག་ནས། སུམ་ཅུ་རྩ་གསུམ་པའི་ཚོགས་ཀྱིས་ཡོངས་སུ་བསྐོར་ཏེ། སྟེང་གི་
Nga284a
༄#། །ནམ་མཁའ་ལས་བསྟི་གནས་དེར་ལྷགས་ནས། སྣང་བ་རྒྱ་ཆེན་པོས་ནགས་དེ་གསལ་བར་བྱས་ཏེ། ནམ་མཁའ་ལ་འདུག་བཞིན་དུ་བྱང་ཆུབ་སེམས་དཔའ་ལ་སྨྲས་པ། འདི་ལྟར་འཇིག་རྟེན་རྨོངས་པ་བློ་ངན་གཞུང་གིས་བཅིངས་པའི་བློ་གྲོས་ཅན། །ལོངས་སྤྱོད་ལ་ཆགས་སྙིང་གི་ཞགས་པ་བུ་ཡིས་བཅིངས་པའི་ནང་ན་ཡང ། །ཁྱབ་བདག་ཁྱོད་ཅིག་ཆགས་པ་མེད་པས་དགའ་བ་སྐྱེད་པའི་བུ་གཏོང་བས། །ངེས་པར་གོ་འཕང་བདེ་དང་ཞི་བ་དྲི་མེད་དཀའ་བ་མེད་པ་འཐོབ། །དེ་སྐད་ཅེས་བྱང་ཆུབ་སེམས་དཔའ་སྤྲོ་བ་བསྐྱེད་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསམས་པ། འདི་གཅིག་པུ་གཡོག་དང་བྲལ་ན་ཉོན་མོངས་པར་འགྱུར་གྱིས། མ་ལ་བདག་གི་རྒྱགས་བྱིན་མ་བླང་ངོ་སྙམ་ནས་དེ་ནས་བྲམ་ཟེའི་ཆ་བྱད་དུ་བསྒྱུར་ཏེ། བྱང་ཆུབ་སེམས་དཔའི་དྲུང་དུ་སོང་ནས། ཡང་བྱང་ཆུབ་སེམས་དཔའ་ལ་སྨྲས་པ། ཡན་ལག་ཀུན་བཟང་ཁྱིམ་ཐབ་ལས། །འཕྱོ་བ་མེད་ཅིང་སྙིང་ཉེ་བ། །རིགས་ན་བསྔགས་པའི་སྲིང་མོ་འདི། །བདག་ལ་བྲན་མོའི་དོན་དུ་སྩོལ། །དེ་ནས་རྒྱགས་བྱིན་མ་མི་བཟོད་པ་སྐྱེས་ནས། བྲམ་ཟེ་ལ་སྨྲས་པ། ངོ་ཚ་མེད་ཅིང་བརྐམ་པ་ཁྱོད། །འདི་ནི་བྲམ་ཟེའི་ཐ་ཤལ་ཏེ། །ཁྱོད་ལྟ་འབྱོན་མ་མི་བྱེད་ཅིང ། །དམ་ཆོས་དགའ་བར་འདོད་དམ། །དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ་སྙིང་རྗེ་དང་ལྡན་པའི་སྙིང་གིས། རྒྱགས་བྱིན་མ་ལ་བརྟག་པར་བརྩམས་པ་དང །
Nga284b
དེ་ནས་རྒྱགས་བྱིན་མས་བྱང་ཆུབ་སེམས་དཔའ་ལ་སྨྲས་པ། བདག་ནི་བདག་ལ་གཡར་ངན་མེད། །དེ་བཞིན་བདག་ལ་ལྟ་མ་ལགས། །གཅིག་པུ་ཇི་ལྟར་བཞུགས་འགྱུར་ཞེས། །དེ་ལྟར་ཁྱོད་སླད་གཡར་ངན་བགྱིད། །དེ་ནས་བྱང་ཆུབ་སེམས་དཔས་རྒྱགས་བྱིན་མ་ལ་སྨྲས་པ། གོ་འཕང་མི་བཟད་མྱ་ངན་མེད་པ་ཚོལ་བདག་ལ། །ས་སྟེང་འདིར་ནི་རྒྱགས་བྱིན་མྱ་ངན་བྱ་མི་དགོས། །ཁྱོད་ནི་མྱ་ངན་མེད་པར་བྲམ་ཟེ་འདི་རྗེས་འབྲེངས། །བདག་ནི་རི་དྭགས་མཆི་བ་བཞིན་དུ་བསྟི་གནས་འཐེན། །དེ་སྐད་ཅེས་སྨྲས་ནས་དགའ་བ་དང་མགུ་བ་དང ། ཡིད་རབ་ཏུ་དགའ་བས་བསམས་པ། སྦྱིན་པ་འདི་ནི་ནགས་ཚལ་འདིར། །བདག་གི་སྦྱིན་པ་ཐ་མ་ཡིན། །རྒྱགས་བྱིན་འདི་ཡང་ཡོངས་བཏང་ནས། །ཡོངས་སུ་གཟུང་བ་མེད་པར་འགྱུར། །སྙམ་དུ་རིག་ནས་རྒྱགས་བྱིན་མ་ལག་པ་ནས་བཟུང་སྟེ།་བྲམ་ཟེ་དེ་ལ་སྨྲས་པ། བདག་གིས་མཆིས་བྲང་སྡུག་པ་འདི། །སྙིང་ནས་སྙིང་ཉེ་བསྒོ་བ་ཉན། །ཡ་རབས་ཚུལ་ཅན་སྙན་པར་སྨྲ། །བྲམ་ཟེའི་མཆོག་ཁྱོད་བཞེས་སུ་གསོལ། །དེ་ནས་མཆེ་བ་བཟང་པོ་ཡིས། །ཆུང་མ་བྱང་ཆུབ་འདོད་ཕྱིར་བཏང ། །ཆུ་ལ་གྲུ་ནི་ཇི་ལྟ་བར། །ས་ནི་མཐའ་དག་རྣམ་དྲུག་གཡོས། །དེ་ནས་རྒྱགས་བྱིན་མ་བྲམ་ཟེའི་དབང་དུ་གྱུར་ཏེ། ཁྱོ་དང་བུ་དང་བུ་མོ་དང་བྲལ་བའི་སྡུག་བསྔལ་གྱིས་ཉམ་ཐག་ནས་དབུགས་བརྫངས་པས་མགུལ་སྒྲ་ངར་ངར་པོར་འགག་བཞིན་འདི་སྐད་ཅེས་སྨྲས་སོ། །བདག་གིས་ཚེ་རབས་སྔ་མ་ལ། །ཅི་འདྲ་བ་ཡི་
Nga285a
༄#། །ལས་ངན་བྱས། །དེས་ན་བ་བེའུ་ཤི་བ་བཞིན། །སྐྱེ་བོ་མེད་པའི་ནགས་ན་ངུ ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྲམ་ཟེའི་ཆ་བྱད་མི་སྣང་བར་བྱས་ཏེ།་རང་བཞིན་གྱི་ཆ་བྱད་དུ་གནས་ནས་རྒྱགས་བྱིན་མ་ལ་སྨྲས་པ། བསྐལ་བཟང་བདག་ནི་བྲམ་ཟེ་མ་ཡིན་མི་ཡང་མ་ཡིན་གྱི། །བདག་ནི་ལྷ་ཡི་དབང་པོ་བརྒྱ་བྱིན་ལྷ་མིན་འཇོམས་བྱེད་དེ།། ཁྱོད་ཀྱི་འདུལ་བ་མཆོག་ཏུ་གྱུར་པ་འདི་ཡིས་བདག་མགུ་ཡིས། །བདག་ལས་དམ་པ་གང་ཞིག་འདོད་པ་དེ་འདིར་སྨྲ་བར་གྱིས། །དེ་ནས་དེའི་ཚིག་གིས་རྒྱགས་བྱིན་མ་ཡིད་བདེ་བ་སྐྱེས་ནས། བརྒྱ་བྱིན་ལ་ཕྱག་འཚལ་ནས་སྨྲས་པ། སྤྱན་སྟོང་ལྡན་པ་བདག་གི་བུ། །བྲན་གྱུར་པ་ལས་ཐར་མཛད་ཅིང ། །མེས་པོའི་དྲུང་དུ་ཕྱིན་པར་ཡང ། །སུམ་ཅུ་རྩ་གསུམ་བདག་པོས་མཛོད། །དེ་སྐད་ཅེས་སྨྲས་ནས། ཡང་དབང་པོ་ཆེན་པོ་བསྟི་གནས་སུ་ཞུགས་ནས། བྱང་ཆུབ་སེམས་དཔའི་དྲུང་དུ་སོང་སྟེ། རྒྱགས་བྱིན་མ་ལག་པ་གཡོན་པས་བཟུང་ནས། བྱང་ཆུབ་སེམས་དཔའ་ལ་སྨྲས་པ། བདག་གིས་ཁྱོད་ལ་རྒྱགས་བྱིན་འདི། །གཡོག་གི་ཕྱིར་ནི་སྦྱིན་པར་བྱས། །ཁྱོད་ཀྱིས་སུ་ལའང་མ་སྦྱིན་ཅིག་།བཞག་པ་བྱིན་ན་སྨད་པར་འགྱུར། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྲམ་ཟེ་ཁྱེའུ་དང་བུ་མོ་ཁྱེར་བ་དེ་ཇི་ལྟར་གྲོང་ཁྱེར་གཞན་ཡིན་ནོ་སྙམ་ནས། གྲོང་ཁྱེར་དེ་ཉིད་དུ་སོང་སྟེ། བུས་པ་གཞོན་ནུ་དེ་དག་བཙོང་བར་བརྩམས་པ་དེ་ལྟ་བུ་རྨོངས་པར་བྱས་སོ། །ཇི་ཙམ་ན་བློན་པོ་
Nga285b
རྣམས་ཀྱིས་མཐོང་ནས་རྒྱལ་པོ་ལ་སྨྲས་པ། ལྷ། ཁྱོད་ཀྱི་དཔོན་པོ་མདོག་གནག་དང ། །དྲ་བ་ཅན་དང་དེ་གཉིས་ནི། །བྲམ་ཟེ་ཤིན་ཏུ་མ་རུངས་པ། །གྲོང་ཁྱེར་མཆོག་འདིར་འཚོང་ཞིང་མཆིས། ། དེ་སྐད་ཐོས་ནས་རྒྱལ་པོ་དེ་སེམས་མི་དགའ་ནས་སྨྲས་པ། གཞོན་ནུ་གཉིས་མྱུར་དུ་སྟོན་ཅིག་།བློན་པོ་རྣམས་ཀྱིས་སྐད་ཕྱུང་བ་དང ། གྲོང་ཁྱེར་བ་རྣམས་མྱུར་དུ་རྒྱལ་པོའི་མདུན་དུ་ཉེ་བར་ལྷགས་ནས། །ཇི་ཙམ་ན་བློན་པོ་གཞན་ཞིག་གིས་རྒྱལ་པོའི་དྲུང་དུ་ཁྲིད་པ་དང ། མི་ཡི་དབང་པོ་མངོན་ཕྱོགས་ཁྲིད་པའི་ཚ་བོ་གོས་མེད་ཅིང ། །ལུས་རྦེག་དྲི་མ་ཅན་གྱི་ལུས་དེ་དེ་ཡིས་མཐོང་ནས་ནི། ། མོད་ལ་སེང་གེའི་ཁྲི་ལས་ས་ཡི་སྟེང་དུ་ལྷུང་གྱུར་ཏེ། །ཕོ་བྲང་འཁོར་མི་བློན་ཚོགས་བུད་མེད་དག་ཀྱང་དུ་བར་གྱུར། །དེ་ནས་རྒྱལ་པོས་བློན་པོ་རྣམས་ལ་སྨྲས་པ། །གང་ཞིག་ནགས་ན་གནས་ན་ཡང། །སྦྱིན་པ་མངོན་པར་དགའ་བའི་ཡིད། །མིག་བཟང་དེ་ནི་མྱུར་དུ་འདིར། །ཆུང་མ་དང་བཅས་དགུག་པར་གྱིས། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའ་ལ་ཕྱག་བྱས་ནས་རང་གི་གནས་སུ་སོང་ངོ ། །ཕྱི་ཞིག་ན་རྒྱལ་པོ་ཐམས་ཅད་ཀྱི་བཤེས་གཉེན་འདས་པ་དང ། བྲམ་ཟེ་དེ་དང་བློན་པོ་དང ། གྲོང་མི་རྣམས་དང་ལྷན་ཅིག་ཏུ་བསྟི་གནས་དེར་སོང་ནས། བྱང་ཆུབ་སེམས་དཔའ་ལ་གསོལ་བ་བཏབ་སྟེ། རང་གི་གྲོང་ཁྱེར་དུ་བོས་ནས་རྒྱལ་པོར་བཅུག་གོ་།དེ་ནས་རྒྱལ་པོ་ཐམས་ཅད་སྒྲོལ་ཐམས་ཅད་གཏོང་ཞེས་བྱ་བར་གྱུར་ཏོ། །དེས་དགེ་སློང་དང་བྲམ་ཟེ་
Nga286a
༄#། །དང ། བཀྲེན་པ་དང ། ཕོངས་པ་དང ། མཛའ་བོ་དང ། ཉེ་དུ་དང ། གཉེན་བཤེས་དང ། ཞོ་ཤས་འཚོ་བ་རྣམས་ལ་སྦྱིན་པ་རྣམ་པ་དུ་མ་དག་བྱིན་ནས། ཚིགས་སུ་བཅད་དེ་སྨྲས་པ། བྱང་ཆུབ་དོན་དུ་གཉེར་བ་ཡིས། །རྒྱལ་རིགས་བྲམ་ཟེ་རྗེའུ་རིགས་དང ། །དམངས་རིགས་རྡོལ་པ་གཡུང་པོ་ལའང ། །འཇིགས་པ་མེད་པར་སྦྱིན་པ་བཏང ། །གསེར་དང་དངུལ་དང་བ་ལང་དང ། །རྟ་དང་ནོར་བུའི་རྣ་རྒྱན་དང ། །དེ་བཞིན་ལས་དག་བྱེད་པའི་བྲན། །ཚུལ་ཁྲིམས་ཕུན་སུམ་ཚོགས་ལ་སྦྱིན། །ཆགས་པ་མེད་པའི་སེམས་ཀྱིས་ནི། །བུ་དང་བུ་མོ་ཡོངས་བཏང་བས། །འཇིག་རྟེན་འདི་དང་ཕ་རོལ་ཏུ། །མི་ཡིས་དག་པ་ཐོབ་པར་འགྱུར། །གང་གི་ཚེ་རྒྱལ་པོ་ཐམས་ཅད་ཀྱི་བཤེས་གཉེན་གྱིས། ཐམས་ཅད་སྒྲོལ་གྱི་ཆེད་དུ་བྲམ་ཟེ་ཛུ་ཛུ་ཀ་ལ་ནོར་མང་པོ་བྱིན་པ་དེའི་ཚེ། དེ་འབྱོར་པ་རྒྱ་ཆེན་པོར་གྱུར་པ་དང ། དེ་ལ་སྙིང་དུ་སྡུག་པ་དང ། རྩ་ལག་དང ། གྲོགས་པོ་དག་འོངས་ནས་སྨྲས་པ། ཁྱོད་ཀྱི་འབྱོར་པ་དང་དཔལ་དང་སྐལ་བ་ཕུན་སུམ་ཚོགས་པ་གང་ཡིན་པ་ཅི་ཡང་རུང་དེ་དག་ཐམས་ཅད་ནི་གཞོན་ནུ་ཐམས་ཅད་སྒྲོལ་དེ་ལ་བརྟེན་ཏེ་ཡིན་ནོ། །དེས་སྨྲས་པ། གཞོན་ནུ་ཐམས་ཅད་སྒྲོལ་གྱིས་ཁོ་བོ་ལ་ཅི་ཞིག་བྱས། རིགས་མཆོག་གི་ནང་དུ་སྐྱེས་པས་ཁོ་བོ་འཇིག་རྟེན་གྱི་ཡོན་གནས་སུ་གྱུར་ཏེ། དེས་ན་ཁོ་བོ་སྐལ་པ་དང་ལྡན་པར་གྱུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་
Nga286b
སེམས། དེའི་ཚེ་དེའི་དུས་ཀྱི་གཞོན་ནུ་ཐམས་ཅད་སྒྲོལ་གང་ཡིན་པ་དེ་ནི་ང་ཡིན་ནོ། །དེའི་ཚེ་དེའི་དུས་ཀྱི་ཛུ་ཛུ་ཀ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །དེ་ལྟ་བས་ན་དགེ་སློང་དག་འདི་ལྟར་བསླབ་པར་བྱ་སྟེ། བྱས་པ་གཟོ་བ་དང་བྱས་པ་ཚོར་བར་བྱ་སྟེ། ཅུང་ཟད་བྱས་པ་ཡང་ཆུད་མི་གཟན་པར་བྱ་ན། མང་པོ་ལ་ལྟ་སྨོས་ཀྱང་ཅི་དགོས་ཏེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །དེའི་ཚེ་ཡུལ་ཙམ་པ་ན་ཁྱིམ་བདག་གྲུ་འཛིན་ཞེས་བྱ་བ་ཕྱུག་ཅིང་ནོར་མང་བ་ལོངས་སྤྱོད་ཆེ་བ་ཡོངས་སུ་གཟུང་བ་ཡངས་ཤིང་རྒྱ་ཆེ་བ་རྣམ་ཐོས་ཀྱི་བུའི་ནོར་དང་ལྡན་པ་རྣམ་ཐོས་ཀྱི་བུ་ལ་ནོར་གྱིས་འགྲན་པ་ཞིག་གནས་ཏེ། དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །འདི་ལྟར་དེའི་མངལ་ཡོངས་སུ་སྨིན་པར་བྱ་བའི་ཕྱིར། དེ་ཡིད་དུ་མི་འོང་བའི་སྒྲ་ཅུང་ཟད་ཀྱང་མ་ཐོས་ཤིང ། གྲང་བ་ན་གྲང་བའི་ཡོ་བྱད་དང ། དྲོ་བ་ན་དྲོ་བའི་ཡོ་བྱད་དང ། སྨན་པས་བཅས་པའི་ཁ་ཟས་ཧ་ཅང་ཡང་ཁ་བ་མ་ཡིན་པ་དང ། ཧ་ཅང་
Nga287a
༄#། །སྐྱུར་བ་མ་ཡིན་པ་དང ། ཧ་ཅང་ལན་ཚཝ་ཆེ་བ་མ་ཡིན་པ་དང ། ཧ་ཅང་མངར་བ་མ་ཡིན་པ་དང ། ཧ་ཅང་ཚ་བ་མ་ཡིན་པ་དང ། ཧ་ཅང་བསྐ་བ་མ་ཡིན་པ་སྟེ། དེ་ལྟར་ཁ་བ་དང་སྐྱུར་བ་དང ། ལན་ཚཝ་དང ། མངར་བ་དང ། ཚ་བ་དང ། བསྐ་བ་སྤངས་པའི་ཁ་ཟས་ཀྱི་བསྙེན་བཀུར་བྱེད་ཅིང་དོ་ཤལ་དང ། སེ་མོ་དོས་ལུས་བརྒྱན་ནས། ལྷའི་བུ་མོ་དགའ་ཚལ་ན་རྒྱུ་བ་བཞིན་དུ་ཁྲིའུ་ནས་ཁྲིའུ་དང་ཁྲི་ནས་ཁྲིར་རྒྱུ་སྟེ། འོག་གིས་གཞི་ལ་མི་འབབ་བོ། །དེའི་ཚེ་ཁྱིམ་བདག་གྲུ་འཛིན་དགོས་པ་འགའ་ཞིག་ལ་རྒྱལ་པོའི་ཁབ་ཏུ་སོང་ངོ ། །དེ་ཡང་ཟླ་བ་དགུ་འམ། བཅུ་ལོན་ཏེ། རྒྱུ་སྐར་གྲོ་བཞིན་ལ་བབ་པ་ན། ཁྱེའུ་གཟུགས་བཟང་པོ་བལྟ་ན་སྡུག་པ་མཛེས་པ་དེའི་རྐང་པའི་མཐིལ་གཉིས་ལ་སྤུ་གསེར་གྱི་ཁ་དོག་འདྲ་བ་སོར་བཞི་ཙམ་སྐྱེས་པ་ཞིག་བཙས་སོ། །བཙས་ནས་ཇི་ཙམ་ན་ཁྱིམ་བདག་གྲུ་འཛིན་གྱི་མི་ཞིག་རིངས་པ་རིངས་པར་རྒྱལ་པོའི་ཁབ་ཏུ་སོང་ནས་ཁྱིམ་བདག་གྲུ་འཛིན་ལ་སྨྲས་པ། ཁྱིམ་བདག་དགྱེས་པ་སྐྱེད་ཅིག་།ཁྱོད་ཀྱི་ཁྱེའུ་ཞིག་བཅས་སོ། །དེ་དགའ་བ་དང་ཡིད་བདེ་བ་སྐྱེས་ནས་སྨྲས་པ། ཀྱེ་ནང་རྗེ་ཁྱོད་ཅི་ཞིག་སྨྲ། དེས་སྨྲས་པ། ཁྱིམ་བདག་ཁྱོད་ཀྱི་ཁྱེའུ་ཞིག་བཙས་སོ། །དེ་དགའ་བ་དང ། ཡིད་བདེ་བ་སྐྱེས་ནས་ཡང་དྲིས་པ། ཀྱེ་ནང་རྗེ་ཅི་ཞིག་སྨྲ། དེས་སྨྲས་པ། ཁྱིམ་བདག་ཁྱོད་ཀྱི་ཁྱེའུ་ཞིག་བཙས་སོ། །ཡང་དྲིས་པ། ཀྱེ་ནང་རྗེ་ཅི་ཞིག་སྨྲ། དེ་ནས་མི་དེ་འདི་སྙམ་དུ་སེམས་ཏེ། ཅི་ཁྱིམ་བདག་
Nga287b
འདི་ཡང་ནས་ཡང་དུ་འདྲི་བ་བདག་ལ་ཀྱལ་བ་སྨྲ་བར་མི་འདོད་གྲང་སྙམ་དུ་བསམས་ནས་ཅང་མི་སྨྲ་བར་འདུག་གོ་།ཁྱིམ་བདག་གིས་སྨྲས་པ། ཀྱེ་ནང་རྗེ་ཁྱོད་ཀྱིས་ཉེས་ཏེ་གལ་ཏེ་ཁྱོད་ཀྱིས་ལན་བརྒྱར་སྨྲས་པར་གྱུར་ན་ཡང ། ངས་ཀྱང་ཁྱོད་ཀྱི་ཁ་གསེར་གྱིས་ལན་བརྒྱ་བཀང་བར་འགྱུར་བ་ཞིག་།དེ་ནས་ཁྱིམ་བདག་གྲུ་འཛིན་གྱིས་མི་དེའི་ཁ་གསེར་གྱིས་ལན་གསུམ་བཀང་ནས། དཀོར་བ་ལ་ཁྱེའུ་དཀན་དབབ་པའི་རིན་གསེར་བྱེ་བ་ཉི་ཤུ་བྱིན་ཅིག་ཅེས་སྤྲིང་ངོ ། །ཁྱིམ་བདག་གྲུ་འཛིན་དགའ་བ་དང ། ཡིད་བདེ་བས་རྒྱལ་པོའི་དྲུང་དུ་སོང་ནས་ལྷ་བདག་གི་ཁྱེའུ་ཞིག་བཙས་སོ། །རྒྱལ་པོས་སྨྲས་པ། ལེགས་སོ། །ངས་དེ་ལ་ཙམ་པ་གཞི་དང་བཅས་པ་དང ། གླང་པོ་ཆེ་བདུན་གྱི་ཚོགས་སྦྱིན་ནོ། །ཁྱིམ་བདག་གྲུ་འཛིན་གྱིས་རྒྱལ་པོ་གཟུགས་ཅན་སྙིང་པོ་ལ་བལྟས་ཏེ། ཙམ་བར་འོངས་ནས། དེ་ནས་ཁྱིམ་བདག་གི་གཉེན་རྣམས་ཀྱིས་ཉི་མ་བདུན་གསུམ་ཉི་ཤུ་རྩ་གཅིག་ཏུ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུ་ཡི་མིང་ཅིར་གདགས་ཞེས་མིང་འདོགས་པར་བྱེད་དོ། །གཞན་དག་གིས་སྨྲས་པ། ཁྱེའུ་འདི་རྒྱུ་སྐར་གྲོ་བཞིན་ལ་བཙས་ལ། འདི་བཙས་པ་ན་ཕས་ཀྱང་དཀན་དབབ་པའི་རིན་དུ་གསེར་བྱེ་བ་ཉི་ཤུ་བྱིན་པས་དེ་བས་ན་ཁྱེའུ་ཡི་མིང་གྲོ་བཞིན་སྐྱེས་བྱེ་བ་ཉི་ཤུ་པ་ཞེས་བྱ་བར་གདགས་སོ། །དེའི་མིང་གྲོ་བཞིན་སྐྱེས་བྱེ་བ་ཉི་ཤུ་པ་ཞེས་བྱ་བར་བཏགས་ཏེ། ཁྱེའུ་གྲོ་བཞིན་སྐྱེས་བྱེ་བ་ཉི་ཤུ་པ་མ་མ་བརྒྱད་ལ་རྗེས་སུ་གཏད་དེ། པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་འཕྱི་བའི་
Nga288a
༄#། །མ་མ་གཉིས་དང ། རྩེད་གྲོགས་བྱེད་པའི་མ་མ་གཉིས་ཏེ། དེ་མ་མ་བརྒྱད་པོ་དག་གིས་འོ་མ་དང་ཞོ་དང་མར་དང་ཞུན་མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྐྱེད་པར་བྱེད། སྲིང་པར་བྱེད་ཅིང་རྫིང་ན་གནས་པའི་པདྨ་བཞིན་མྱུར་དུ་སྐྱེད་པར་བྱེད་དེ། དེ་གང་གི་ཚེ་ཆེན་པོར་གྱུར་པ་དེའི་ཚེ། ཡི་གེ་དང་གྲངས་དང ། རྩིས་དང་ལག་རྩིས་དང ། དབྱུང་བ་དང ། གཞུག་པ་དང་གཞག་པ་ལ་ཉེ་བར་ཞུགས་ཤིང ། བརྟག་པ་བརྒྱད་པོ་གཞི་བརྟག་པ་དང ། གོས་བརྟག་པ་དང ། རིན་པོ་ཆེ་བརྟག་པ་དང ། ཤིང་བརྟག་པ་དང ། གླང་པོ་ཆེ་བརྟག་པ་དང ། རྟ་བརྟག་པ་དང ། གཞོན་ནུ་བརྟག་པ་དང ། གཞོན་ནུ་མ་བརྟག་པ་དང ། འབྱེད་པ་དང ། ཀློག་པ་ལ་མཁས་པ་དང ། གཡེར་པོར་གྱུར་ཏོ། །དེ་བསོད་ནམས་ཀྱིས་སྐལ་བ་ཆེན་པོ་དང་ལྡན་པ་ཡིན་ནོ་ཞེས་རིགས་མཉམ་པ་མང་པོས་ཐོས་ནས། བུ་སྲིང་དག་བྱིན་ནོ། །དེའི་ཕས་འདུག་པའི་ཁང་པ་གསུམ་པོ་དགུན་གྱི་དང ། དཔྱིད་ཀྱི་དང ། དབྱར་གྱི་རྩིག་ཏུ་བཅུག་སྟེ། ཆུང་མ་གསུམ་པོ་ཆེན་མ་དང་བར་མ་དང་ཆུན་མ་བཞག་ནས་དེ་སྟེང་གི་ཁང་བཟང་གི་གཞིར་སོང་སྟེ་སྐྱེས་པ་མེད་པ་ན་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་ཉི་མ་རེ་རེ་ཞིང་ལྔ་བརྒྱའི་སྟོན་མོ་སྣོད་ནས་འཚེད་ཅིང་སྦྱོར་རོ། །ལྷས་བྱིན་གྱིས་གཞོན་ནུ་མ་སྐྱེས་དགྲ་ལ་སྦད་པ། གཞོན་ནུ་རྒྱལ་པོ་ཐམས་ཅད་ནི་གང་གི་ཚེ། སྐྲ་སྐྱ་བོ་སྐྱེས་པར་གྱུར་པ་དེའི་ཚེ། གཞོན་ནུའི་ཐུ་བོ་ཤོས་རྒྱལ་
Nga288b
སྲིད་ཀྱི་དབང་ཕྱུག་ལ་བཞག་ནས་རབ་ཏུ་འབྱུང་ན། ཁྱོད་ཀྱི་ཡབ་ནི་སྐྲ་ཁ་དོག་རྣམ་པ་གསུམ་པའི་མཐར་ཕྱིན་ན་འོན་ཀྱང་འདོད་པ་རྣམས་ལ་ཞེན་བཞིན་ཏེ། ཉེ་བར་ཞི་བར་མི་འགྲོའོ། །མ་སྐྱེས་དགྲས་སྨྲས་པ། དེ་ཉིད་ཀྱིས་ཤེས་མོད། དེ་ལ་ཅི་བྱར་ཡོད། ལྷས་བྱིན་གྱིས་སྨྲས་པ། ཕ་རོལ་གནོན་པ་གྱིས་ཤིག་།འདོད་པ་དོན་དུ་གཉེར་བ་རྣམས་ནི་མི་བྱེད་པ་ཅི་ཡང་མེད་པས་ཇི་ཙམ་ན་རྒྱལ་པོ་གཟུགས་ཅན་སྙིང་པོ་བཅོམ་ལྡན་འདས་མར་གསོལ་ནས། འཇམས་གསོལ་བར་བཞེད་པའི་འཇམས་ཀྱི་ཞལ་ཏ་བྱས་ཏེ། འོད་མའི་ཆལ་དུ་སོང་བ་མ་སྐྱེས་དགྲས་མཐོང་ནས། དེས་རྡོ་རྗེ་རྩེ་གཅིག་པ་ཞིག་འཕངས་པ་དང ། རྒྱལ་པོ་སྒྲ་ལ་མཁས་པ་ཡིན་པས། དེས་གཡོན་ཕྱོགས་སུ་ཐུག་པའི་རྫེའུ་ཆགས་པར་གྱུར་ནས། དེ་ཉིད་ནས་སླར་ལོག་གོ་།སངས་རྒྱས་བཅོམ་ལྡན་འདས་རྣམས་ནི་འདི་ལྟ་བུ་མི་མཁྱེན་པའམ། མི་གཟིགས་པའམ། ཐུགས་སུ་མ་ཆུད་པའམ། རྣམ་པར་མི་མཁྱེན་པ་ཅུང་ཟད་ཀྱང་མི་མངའ་བས། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ་མ་སྐྱེས་དགྲ་མི་དགེ་བའི་བཤེས་གཉེན་ལྷས་བྱིན་གྱིས་ཟིན་པས། དེ་བཞིན་གཤེགས་པའི་བསོད་སྙོམས་མ་རུང་བར་བྱས་ཀྱིས། ཙམ་པར་གྲུ་འཛིན་གྱི་བུའི་དྲུང་དུ་སོང་ལ། བསོད་སྙོམས་ཁྱེར་ཏེ་ཤོག་ཅིག་།བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་བཅོམ་ལྡན་འདས་ལས་མཉན་ནས་ཇི་ལྟར་སེམས་མཉམ་པར་བཞག་ན་མི་སྣང་བར་གྱུར་ཏེ། ཙམ་པར་ཕྱིན་པ་དེ་ལྟ་
Nga289a
༄#། །བུའི་ཏིང་ངེ་འཛིན་ལ་སྙོམས་པར་ཞུགས་སོ། །གྲོ་བཞིན་སྐྱེས་བྱེ་བ་ཉི་ཤུ་པ་ཉི་མ་ལ་དད་པས་དེ་ཉི་མ་རེ་རེ་ཞིང་ནང་པར་སྔར་ལངས་ཏེ། ཉི་མ་ལ་ཕྱག་བྱེད་པ་ན། ཚེ་དང་ལྡན་པ་མོའུ་དགལ་གྱི་བུ་ཆེན་པོའི་རྫུ་འཕྲུལ་གྱིས་ཉི་མའི་དཀྱིལ་འཁོར་བརྟོལ་ནས་བབས་པ། ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པས་མཐོང་ངོ ། །མཐོང་ནས་ཀྱང་བདག་གིས་མངོན་སུམ་ཁོ་ནར་ཉི་མ་ཉིད་ཀྱི་གཟུགས་མཐོང་ངོ་སྙམ་ནས། མཆོག་ཏུ་ངོ་མཚར་སྐྱེས་སོ། །མཐོང་ནས་ཀྱང་ཚིགས་སུ་བཅད་པས་སྨྲས་པ། ཉི་མ་བརྟོལ་ནས་ས་སྟེང་མངོན་ཕྱོགས་མྱུར་ཉིད་དུ། །བདག་གིས་གནས་སུ་བྱོན་པ་འདི་ཀོ་སུ་ཞིག་ལགས། །འདི་ཅི་ཉི་མའམ་ནོར་སྦྱིན་ཟླ་བའམ་བརྒྱ་བྱིན་ནམ། །འོན་ཏེ་ལྷ་ཡི་བདག་པོ་མོད་ལ་གཤེགས་ཞིག་གུ་།ཚེ་དང་ལྡན་པ་མོའུ་དགལ་གྱི་བུ་ཆེན་པོའི་སེམས་ཀྱིས་ཀྱང་དེའི་བསམ་པ་ཤེས་ནས་ཀྱང་ཚིགས་སུ་བཅད་དེ་སྨྲས་པ། ཁོ་བོ་འོད་ཟེར་སྟོང་གི་འོད་འབར་ཉི་མ་མ་ཡིན་རྒྱུ་སྐར་བདག་པོ་མིན། །ཁོ་བོ་རྣམ་ཐོས་མ་ཡིན་མཆོག་ལྡན་མ་ཡིན་ལེགས་པའི་བརྟུལ་ཞུགས་དབང་ཕྱུག་མིན། །ཁོ་བོ་ཐུགས་ཞི་གཟི་བརྗིད་ཀྱིས་འབར་སངས་རྒྱས་སྲས་པོ་ཡིན་པར་ཤེས་པར་བྱོས། །ཁོ་བོ་ཐུབ་ལ་བསོད་སྙོམས་དགོས་ནས་བསླང་བའི་ཕྱིར་ནི་ཁྱོད་ཀྱི་དྲུང་དུ་འོངས། །གྲོ་བཞིན་སྐྱེས་ཀྱིས་སྨྲས་པ། ཅི་ཤེས་ལྡན་ཉིད་ཐུབ་པ་ཡིན་ནམ། དེས་ཚིགས་སུ་བཅད་དེ་སྨྲས་པ། ཇི་ལྟར་གསེར་གྱི་རི་བོ་ལྷུན་པོའི་ཟླར་ནི་ཡུངས་ཀར་ཁྱེར་ཏེ་འོང་བ་
Nga289b
དང ། །ཇི་ལྟར་ཉི་མའི་ཟླར་ནི་ས་སྟེང་སྲོག་ཆགས་སྲིན་བུ་མེ་ཁྱེར་འཇལ་བ་དང ། །རིན་ཆེན་གྱིས་ཕྱུག་རྒྱ་མཚོའི་ཟླར་ནི་འདི་ནི་གནག་གི་རྨིག་རྗེས་སྒྲུན་པ་ལྟར། །དེ་བཞིན་མི་མཆོག་བླ་མ་སངས་རྒྱས་ལ་ལྟོས་སྟོན་པའི་སྲས་བདག་རིག་པར་གྱིས། །གྲོ་བཞིན་སྐྱེས་ཀྱིས་སྨྲས་པ། རྗེས་སུ་དཔག་པ་འདི་ཡིས་ན། །བདག་གིས་ཁྱོད་ཀྱི་འདྲེན་པ་ནི། །ཇི་ལྟར་དཀའ་ཐུབ་རབ་ཆེ་བ། །གསལ་བར་རབ་ཏུ་རྟོགས་ལགས་སོ། དགོས་པ་ཅི་ལ་བྱོན་བཀའ་སྩོལ་ཅིག་།བཅོམ་ལྡན་འདས་ཀྱི་བསོད་སྙོམས་ཕུལ་ཅིག་།བཅོམ་ལྡན་འདས་དེ་སུ་ཡིན། ཁྱིམ་བདག་གི་བུ། དགེ་སྦྱོང་གོའུ་ཏ་མ་ཤཱཀྱའི་སྲས་ཤཱཀྱའི་རིགས་ལས་སྐྲ་དང་ཁ་སྦུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞིག་ཡོད་དོ། །ཁྱིམ་བདག་གི་བུ། དེ་ནི་སངས་རྒྱས་ཞེས་བྱའོ། །དེས་སངས་རྒྱས་ཞེས་བྱ་བའི་སྒྲ་སྔོན་མ་ཐོས་པ་ཐོས་ནས་བ་སྤུའི་ཁུང་ཐམས་ཅད་གཡོས་ཤིང་མངོན་པར་དད་པ་དེས་སྣོད་དུ་བཙོས་པ་ལྔ་བརྒྱ་པོ་དེ་ཉིད་ཆེ་དང་ལྡན་པ་མོའུ་དགལ་གྱི་བུ་ཆེན་པོ་ལ་ཕུལ་ལོ། །དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་དེ་ལས་བསོད་སྙོམས་བླངས་ནས། ཇི་ལྟར་སེམས་མཉམ་པར་བཞག་ན་ཙམ་པ་ནས་མི་སྣང་བར་གྱུར་ཏེ། །རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པར་ཕྱིན་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། དེས་
Nga290a
༄#། །བཅོམ་ལྡན་འདས་ལ་བསོད་སྙོམས་ཕུལ་ཏེ་བཅོམ་ལྡན་འདས་ཀྱིས་གསོལ་བར་བརྩམས་པ་ན་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་སྣོད་ནས་བཙོས་པ་ཕྱི་མ་ཤོས་ཁྱེར་ཏེ། བཅོམ་ལྡན་འདས་ཀྱི་སྤྱན་སྔར་སོང་བ་དང ། ཇི་ཙམ་ན་འོད་མའི་ཚལ་ཐམས་ཅད་ཁ་ཟས་ཀྱི་དྲི་ཞིམ་པོ་རྣམ་པ་སྣ་ཚོགས་ཀྱིས་ཁྱབ་པར་མཐོང་ནས། དེས་བསམས་པ། གདོན་མི་ཟ་བར་ལྷ་རྣམས་ཀྱི་དབང་པོ་བརྒྱ་བྱིན་ནམ། ལྷ་གཞན་དག་གིས་བཅོམ་ལྡན་འདས་ལ་བསོད་སྙོམས་ཕུལ་ཏེ། འདི་ལྟར་འོད་མའི་ཚལ་འདི་ཁ་ཟས་ཀྱི་དྲི་ཞིམ་པོ་རྣམ་པ་སྣ་ཚོགས་ཀྱིས་ཁྱབ་པར་གྱུར་ཏོ་སྙམ་དུ་བསམས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ལ་ལྷ་རྣམས་ཀྱི་དབང་པོ་བརྒྱ་བྱིན་ནམ། ལྷ་གཞན་དག་གིས་བསོད་སྙོམས་ཕུལ་བའམ་ཅི་ལགས་ན། འདི་ལྟར་འོད་མའི་ཚལ་འདི་ཞལ་ཟས་ཀྱི་དྲི་བདའ་བ་སྣ་ཚོགས་ཀྱིས་ཁྱབ་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ལྷ་རྣམས་ཀྱི་དབང་པོ་བརྒྱ་བྱིན་གྱིས་ཀྱང་མ་ཡིན་ལ། ལྷ་གཞན་རྣམས་ཀྱིས་ཀྱང་མ་ཕུལ་ཏེ། དེ་ལྟ་མོད་ཀྱི་ཁྱོད་ཉིད་ཀྱི་ཡུལ་ཙམ་པ་ན་གྲུ་འཛིན་གྱི་བུ་ཉི་མ་རེ་རེ་ལྔ་བརྒྱའི་སྟོན་མོ་སྣོད་ནས་འཚོད་ཅིང་སྦྱོར་བ་ཡོད་དེ། དེ་ནས་དགེ་སློང་མོའུ་དགལ་གྱིས་བུས་བླངས་སོ། །བཅོམ་ལྡན་འདས་དེའི་བསྔགས་པ་གསུངས་པར་
Nga290b
བརྩམས་པ་ཐོས་ནས། དེ་ཡང་མཐོང་བར་འདོད་པ་སྐྱེས་པ་དང ། བཅོམ་ལྡན་འདས་ཀྱིས་ཐུགས་ཀྱིས་དེའི་བསམ་པ་མཁྱེན་ནས་བཀའ་སྩལ་པ། རྒྱལ་པོ་ཆེན་པོ་སེམས་ཅན་དེ་ནི་བསོད་ནམས་ཀྱི་སྐལ་པ་ཆེན་པོ་དང་ལྡན་པ་ཡིན་པས། ཁྱོད་བསོད་ནམས་ཡོངས་སུ་ཟད་པར་འགྱུར་དུ་འོང་གིས། དེ་ལ་བཀའ་མ་སྩོལ་ཅིག་།དེ་ལྟ་མོད་ཀྱི་རྒྱལ་པོ་ཆེན་པོ་ལྷུང་བཟེད་ཀྱི་ལྷག་མ་ལ་ལོངས་སྤྱོད་ཅིག། དེས་གསོལ་པ། བཙུན་པ་བདག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལགས་ཏེ། སྔོན་ནི་སུའི་ལྷུང་བཟེད་ཀྱི་ལྷག་མ་ཡང་མ་འཚལ་ལགས་མོད་ཀྱི་བཅོམ་ལྡན་འདས་ནི་ཆོས་ཉིད་ཀྱིས་བདག་གི་ཡབ་ལགས་པས། གལ་ཏེ་བཅོམ་ལྡན་འདས་ཀྱིས་བཀའ་སྩལ་ན། ལོངས་སྤྱད་པར་བགྱིའོ་ཞེས་དེས་ལོངས་སྤྱད་པར་བརྩམས་སོ། །བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ཁྱོད་ཀྱིས་སྔོན་ལན་འགའ་ཡང་བཟའ་བ་དང་བཏུང་བ་འདི་འདྲ་བ་ནི་ལོངས་སྤྱད་པར་ཡོད་དམ། རྒྱལ་པོས་གསོལ་པ། བཙུན་པ་བདག་རྒྱལ་པོའི་རྒྱུད་དུ་བཙས། རྒྱལ་པོའི་རྒྱུད་ལས་ཆེན་པོར་གྱུར་ཅིང་རྒྱལ་པོར་གྱུར་ཀྱང་གཡར་ཟས་དང་བཏུང་བ་འདི་འདྲ་བ་ནི་སྔོན་ལན་འགའ་ཡང་མྱོང་བར་མ་འཚལ་ལགས་སོ། །རྒྱལ་པོ་ཆེན་པོ་སེམས་ཅན་སྐལ་པ་ཆེན་པོ་དེ་ནི་འདི་ལྟར་འདི་འདྲ་བའི་བཟའ་བ་དང ། བཏུང་བ་ལ་ལོངས་སྤྱོད་དོ། །དེ་ནས་མ་ག་དྷའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ཀྱི་
Nga291a
༄#། །སྤྱན་སྔ་ནས་སོང་ནས། དེས་བློན་པོ་རྣམས་ལ་བསྒོ་བ། ཤེས་ལྡན་དག་ཡུལ་ཙམ་པར་འདོང་གིས། དཔུང་གི་ཚོགས་ཡན་ལག་བཞི་པ་གོ་སྐོན་ཅིག་།ཅིའི་སླད་དུ་ལགས། གྲུ་འཛིན་གྱི་བུ་བལྟའོ། །ལྷའི་ཡུལ་ན་དེ་མཆིས་པས་འདི་ཉིད་དུ་དགུག་ཏུ་གསོལ། དེ་ནི་སེམས་ཅན་བསོད་ནམས་ཀྱི་སྐལ་པ་ཆེན་པོ་དང་ལྡན་པ་ཡིན་པས་དེ་ལ་བཀའ་མི་སྩོལ་ཏོ། །ལྷ་ཇི་ལྟར་བཀའ་མ་སྩལ་ཀྱང་བདག་གིས་མཆིས་པར་འགྱུར་བ་དེ་ལྟར་བགྱིའོ། །དེ་བཞིན་དུ་གྱིས་ཤིག་།དེ་རྣམས་ཀྱིས་ཙམ་པར་ཡི་གེ་སྤྲིང་བ། ཤེས་ལྡན་དག་རྒྱལ་པོ་གཤེགས་པར་འགྱུར་གྱིས་གྲོང་ཁྱེར་བྱི་དོར་གྱིས་ཤིག་།རྩཝ་དང་ཆས་དག་སྟ་གོན་གྱིས་ཤིག་ཅེས་སྤྲིང་བ་དེ་རྣམས་ཀྱིས་ཐོས་ནས། ཤིན་ཏུ་དགའ་བར་གྱུར་པ་དང ། ཡང་ཡི་གེ་སྤྲིང་བ། ཤེས་ལྡན་དག་རྒྱལ་པོ་ནི་མི་གཤེགས་མོད་ཀྱི་གཞོན་ནུ་གཤེགས་པར་འགྱུར་རོ་ཞེས་སྤྲིང་བ་དང ། དེ་རྣམས་སྐྲག་སྟེ་གཞོན་ནུ་གཏུམ་པོ་ལན་འགའ་ཞིག་འོངས་ན་ཡང་གནོད་པར་འགྱུར་སྙམ་མོ། །ཡང་སྤྲིང་བ། རྒྱལ་པོ་ཡང་མི་གཤེགས་གཞོན་ནུ་ཡང་མི་གཤེགས་ཏེ། དེ་ལྟ་མོད་ཀྱི་ཁྱེད་ཀྱིས་གངྒཱ་ཇི་ལྟར་རྒྱུན་ལས་བཟློག་ཕྱོགས་སུ་འབབ་པ་དེ་ལྟར་གགས་རྩིགས་ཤིག་ཅེས་སྤྲིང་བ་ཐོས་ནས་ཙམ་པ་ན་གནས་པའི་གྲོང་མི་རྣམས་འདུས་ནས། ཤེས་ལྡན་དག་གདོན་མི་ཟ་བར་རྒྱལ་པོ་ནི་བདག་ཅག་ལ་ཆད་པས་བཅད་པར་བཞེད་པས་
Nga291b
དེ་ན་ཡི་གེ་འདི་སྐད་སྤྲིང་མོད་ཅེས། དེ་རྣམས་ཀྱིས་བློན་པོ་རྣམས་ལ་དོན་དེ་སྤྲིང་བ་དང ། དེ་རྣམས་ཀྱིས་བཀླགས་ཏེ། ཡང་དྲང་པོར་སྤྲིང་བ། ཤེས་ལྡན་དག་འདི་ནི་བདེན་པ་ཡིན་ཏེ། རྒྱལ་པོ་དང་གཞོན་ནུ་ཡང་མི་གཤེགས་ལ་གངྒཱའི་གགས་བརྩིགས་པ་ཡང་དགོས་པ་ཅུང་ཟད་ཀྱང་མེད་དོ། །དེ་ལྟ་མོད་ཀྱི་ལྷ་ནི་གྲུ་འཛིན་གྱི་བུ་བལྟ་བར་བཞེད་དོ་ཞེས་སྤྲིང་པ་དང ། དེ་རྣམས་ཀྱིས་ཉན་རྣ་བའི་མི་ཞིག་མངགས་སོ། །དེས་ཀྱང་དེ་བཞིན་དུ་བསྙད་དོ། །དེ་ནས་དེ་རྣམས་འདུས་ནས་ཁྱིམ་བདག་གྲུ་འཛིན་གྱི་དྲུང་དུ་སོང་ནས་ཁྱིམ་བདག་ལྷ་གྲོ་བཞིན་སྐྱེས་བྱེ་བ་ཉི་ཤུ་པ་བལྟ་བ་བཞེད་ནས་བློན་པོ་རྣམས་ཀྱིས་བདག་ཅག་ལ་དྲང་པོར་སྤྲིང་སྟེ། ཉན་རྣ་བའི་མིས་ཀྱང་དོན་དེ་ཉིད་སྨྲས་ན། འདི་ཐོང་ཞིག་།དེས་སྨྲས་པ། ཤེས་ལྡན་དག་ཁོ་བོའི་གགས་ཀྱི་སྐལ་བ་གང་ཡིན་པ་གསེར་གྱི་གོང་བུས་བརྩིགས་ཀྱང་བླའི་བུ་མི་གཏོང་ངོ ། །དེ་རྣམས་ཀྱིས་སྨྲས་པ། ཁྱིམ་བདག་གལ་ཏེ་དེ་ལྟ་ཡིན་དུ་ཟིན་ཀྱང་མ་འོངས་པའི་སྐྱེ་བོ་རྣམས་ལ་སྙིང་བརྩེ་བར་གྱིས་ཤིག་།དེས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་དམ་ཞིག་བཅའ་སྟེ། གལ་ཏེ་ཁྱེད་ཅག་གི་བུ་རྣམས་ཀྱང་གྲོ་བཞིན་སྐྱེས་དང་ལྷན་ཅིག་གཏོང་བ་བལྟ་ན་གཏང་ངོ ། །དེ་རྣམས་ཀྱིས་སྨྲས་པ། ཁྱིམ་བདག་དེ་བཞིན་དུ་བགྱིའོ། །འོ་ན་ཤེས་ལྡན་དག་དེངས་ཤིག། ཁྱིམ་བདག་གྲུ་འཛིན་གྲོ་བཞིན་སྐྱེས་བྱེ་བ་ཉི་ཤུ་བ་གང་ན་བ་དེར་སོང་སྟེ་ཕྱིན་ནས། གྲོ་བཞིན་སྐྱེས་བྱེ་བ་ཉི་ཤུ་པ་ལ་འདི་སྐད་ཅེས་སྨྲས་སོ། །
Nga292a
༄#། །བུ་གྲོང་མི་འདི་དག་འདི་སྐད་ཅེས་ཟེར་རོ། །དེས་སྨྲས་པ། ཡབ་གལ་ཏེ་དེ་ལྟ་ན་མཆིའོ། །བུ་གདོན་མི་ཟ་བར་རྒྱལ་པོ་དེ་ཁྱོད་ཀྱི་རྐང་པའི་མཐིལ་གྱི་སྤུ་གསེར་གྱི་ཁ་དོག་ཅན་དག་བལྟ་བར་འདོད་ཀྱིས། རྒྱལ་པོ་དེ་དག་ནི་གནས་མ་ཡིན་པར་ཁྲོ་བས་ཁྱོད་ལ་གནོད་པ་བྱེད་པར་འགྱུར་དུ་འོང་གིས། ཁྱོད་ཀྱིས་རྐང་པ་བཏེག་སྟེ་དེ་ལ་བསྟན་པར་མི་བྱའི། འདིར་མུ་ཏིག་ཕྲེང་བ་འདི་རྒྱལ་པོ་དེའི་ཞབས་ཀྱི་དྲུང་དུ་ཞོག་ལ། ཕྱག་བྱས་ནས་དེའི་སྤྱན་སྔར་སྐྱིལ་མོ་ཀྲུང་ཆོས་ཏེ་འདུག་ཅིག་དང ། དེས་ནི་སྤུ་རྣམས་མཐོང་བར་འགྱུར་རོ། །ཁྱིམ་བདག་གྲུ་འཛིན་གྱིས་བསམ་པ། གྲོ་བཞིན་སྐྱེས་བཞོན་པ་གང་གིས་བཏང ། ཅི་གླང་པོ་ཆེའི་བཞོན་པས་སམ། རྟའི་བཞོན་པས་སམ། ཤིང་རྟའི་གཞོན་པས་སམ། འོན་ཏེ་གྲུའི་བཞོན་པས་སྙམ་པ་ལས་དེ་འདི་སྙམ་དུ་སེམས་ཏེ། འདི་དག་གི་ནང་ན་གྲུའི་བཞོན་པ་མཆོག་ཡིན་པས། གྲུའི་བཞོན་པས་བཏང་ངོ་སྙམ་དུ་བསམས་ནས་དེས་ཆུ་བོ་གངྒཱ་ལ་གྲུ་སྦྲེངས་ནས་དེར་སྐྱེད་མོས་ཚལ་རྣམ་པ་སྣ་ཚོགས་བྱེད་དུ་བཅུག་སྟེ། མེ་ཏོག་དང་འབྲས་བུ་རྣམ་པ་སྣ་ཚོགས་དང་ལྡན་ཞིང་ངང་པ་དང་ཁྲུང་ཁྲུང་དང་རྨ་བྱ་དང ། ནེ་ཙོ་དང་རི་སྐེགས་དང ། ཁུ་བྱུག་ལ་སོགས་པ་བྱ་རྣམས་སྐད་འབྱིན་ཅིང་རོལ་མོའི་ཆ་བྱད་སྣ་ཚོགས་དང ། བུད་མེད་རྒྱན་སྣ་ཚོགས་ཀྱིས་ཀླུབས་པ་དག་འདུག་ཏུ་བཅུག་སྟེ། འབྱོར་པ་དེས་ཆུའི་ནང་ནས་བཏང་ངོ ། །དེ་རིམ་གྱིས་རྒྱལ་པོའི་ཁབ་དེར་
Nga292b
ཉེ་བར་ཕྱིན་པ། རྒྱལ་པོ་གཟུགས་ཅན་སྙིང་པོས་གྲུ་འཛིན་གྱི་བུ་འོང་ངོ་ཞེས་ཐོས་ནས། དེ་ནས་རྒྱལ་པོའི་ཁབ་ནས་གངྒཱའི་འབབ་ཆུའི་བར་དེར་འོབས་བརྐོས་ནས་ཆུས་བཀང་སྟེ། དེའི་ནང་ནས་གྲུ་དྲངས་སོ། །རྒྱལ་པོའི་ཁབ་ཀྱི་གྲོང་ཁྱེར་ཡང་རྔོ་བ་དང ། གསེག་མ་དང་གྱོ་མོ་བསལ་ཅིང་ཙན་དན་གྱི་ཆུས་ཆག་ཆག་བཏབ། དྲི་ཞིམ་པོའི་པོག་པོར་བཞག་།དར་གྱི་ཆུན་འཕྱང་མང་པོ་བཏགས། རྒྱལ་མཚན་དང་བ་དན་བཙུགས། མེ་ཏོག་སྣ་ཚོགས་ཀྱིས་ལྷ་རྣམས་ཀྱི་དགའ་ཚལ་གྱི་སྐྱེད་མོས་ཚལ་བཞིན་དུ་དགའ་དགའ་ལྟར་བྱས་ཏེ། དེ་འབྱོར་པ་དེས་རྒྱལ་པོའི་ཁབ་ཀྱི་གྲོང་ཁྱེར་དུ་ཁྲིད་དོ། །དེ་ནས་རྒྱལ་པོ་སེང་གེའི་ཁྲི་ལ་འདུག་པའི་རྐང་པའི་དྲུང་དུ་མུ་ཏིག་གི་ཕྲེང་བ་བཞག་ནས་མགོ་བོས་ཕྱག་བྱས་ཏེ་མདུན་དུ་སྐྱིལ་མོ་ཀྲུང་བཅས་ནས་འདུག་པ་དང ། རྒྱལ་པོས་དེའི་རྐང་པ་གཉིས་ལ་གསེར་གྱི་ཁ་དོག་འདྲ་བའི་སྤུ་ཡོད་པ་མཐོང་ངོ ། །མཐོང་ནས་ཀྱེ་མ་གྲོ་བཞིན་སྐྱེས་བྱེ་བ་ཉི་ཤུ་པ་ནི་བསོད་ནམས་ཀྱི་སྐལ་བ་ཆེན་པོ་དང་ལྡན་པ་ཡིན་ནོ་ཞེས་མཆོག་ཏུ་ངོ་མཚར་སྐྱེས་སོ། །མཐོང་ནས་སྨྲས་པ། གྲོ་བཞིན་སྐྱེས་ཁྱོད་ཀྱིས་བཅོམ་ལྡན་འདས་མཐོང་ངམ། ལྷ་མ་མཐོང་ལགས་སོ། །ཚུར་ཤོག་འདོང་ངོ ། །དེས་དྲིས་པ་ལྷ་ཅི། བཅོམ་ལྡན་འདས་བཞོན་པས་གཤེགས་སམ། འོན་ཏེ་ཞབས་ཀྱིས་ལགས། རྒྱལ་པོས་སྨྲས་པ། དེ་རབ་ཏུ་བྱུང་བ་ཡིན་ན། དེ་ལ་བཞོན་པས་ཅི་བྱ། དེས་སྨྲས་པ། ལྷ་གལ་ཏེ་དེ་ལྟ་ན་བདག་ཀྱང་སུག་པ་ཁོ་ནས་མཆིའོ་
Nga293a
༄#། །ཞེས་དེ་རྐང་པ་ཁོ་ནས་ཆས་པ་ན། དེའི་ཞོ་ཤས་འཚོ་བ་རྣམས་ཀྱིས་ས་ལ་གོས་དག་བཏིང་བ་དང ། དེས་སྨྲས་པ། ཅི་བཅོམ་ལྡན་འདས་གདིང་བ་ལས་བཞུད་དམ། འོན་ཏེ་གདིང་བ་མེད་པར་བཞུད། དེ་རྣམས་ཀྱིས་སྨྲས་པ། གདིང་བ་མེད་པར་བཞུད་དོ། །དེས་སྨྲས་པ། གདིང་བ་སྡུས་ཤིག་བདག་ཀྱང་གདིང་བ་མེད་པར་འགྲོའོ། །ཞེ་ཤས་འཚོ་བ་རྣམས་ཀྱིས་གོས་རྣམས་བསྡུས་པ་དང ། མི་མ་ཡིན་པ་རྣམས་ཀྱིས་བཏིང་ནས། དེས་སྨྲས་པ། ཤེས་ལྡན་དག་ངས་ཁྱེད་ཅག་ལ་མ་བཟློག་གམ། དེ་རྣམས་ཀྱིས་སྨྲས་པ། ལྷ་བཟློག་ལགས་སོ། །འོ་ན་ཡང་སུ་ཞིག་གིས་བཏིང ། ལྷ་ཁྱོད་བསོད་ནམས་ཀྱི་སྐལ་བ་ཆེན་པོ་མངའ་བས། མི་མ་ཡིན་པ་རྣམས་ཀྱིས་བཏིང་ལགས་གྲང ། དེ་སྙིང་ནས་ཚིག་ཏུ་སྨྲས་པ། མི་མ་ཡིན་པ་དག་གོས་རྣམས་སྡུས་ཤིག་།དེ་རྣམས་ཀྱིས་བསྡུས་ནས་རྐང་པ་ས་ལ་བཞག་པ་ན། ས་ཆེན་པོ་རྣམ་པ་དྲུག་ཏུ་གཡོས་པ་གྱུར་ཏེ། ས་ཆེན་པོ་འདི་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། ལྡེག། རབ་ཏུ་ལྡེག། ཀུན་ཏུ་རབ་ཏུ་ལྡེག་པར་གྱུར་ཏེ། ཤར་ཕྱོགས་མཐོ་ན་ནུབ་ཕྱོགས་དམའ། ནུབ་ཕྱོགས་མཐོ་ན་ཤར་ཕྱོགས་དམའ། ལྷོ་ཕྱོགས་མཐོ་ན་བྱང་ཕྱོགས་དམའ། བྱང་ཕྱོགས་མཐོ་ན་ལྷོ་ཕྱོགས་དམའ། མཐའ་མཐོ་ན་དབུས་དམའ། དབུས་མཐོ་ན་མཐའ་
Nga293b
དམའ་བ་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ནས་བཟུང་སྟེ། བསྐལ་པ་དགུ་བཅུ་རྩ་གཅིག་གི་བར་དུ། གྲུ་འཛིན་གྱི་བུས་ལན་འགའ་ཡང་གདིང་བ་མེད་པར་རྐང་པ་ས་ལ་མ་བོར་ཏེ། ད་ལྟར་བོར་བ་ཡང་ཆོས་ལ་གུས་པས་ཡིན་གྱི། བསོད་ནམས་ཡོངས་སུ་ཟད་པས་ནི་མ་ཡིན་ཏེ། དེ་ནས་འདི་རྣམ་པ་དྲུག་ཏུ་གཡོས་པར་གྱུར་ཏོ། །དེ་ནས་གྲོ་བཞིན་སྐྱེས་བྱེ་བ་ཉི་ཤུ་པ། བཅོམ་ལྡན་འདས་ག་ན་བདེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།དེ་ནས་བཅོམ་ལྡན་འདས་ཀྱིས་བསམ་པ་དང ། བག་ལ་ཉལ་དང ། ཁམས་དང་རང་བཞིན་ཐུགས་སུ་ཆུད་ནས་གང་ཐོས་པས། འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པར་མཛད་པས། གྲོ་བཞིན་སྐྱེས་བྱེ་བ་ཉི་ཤུ་པས་འཇིག་ཚོགས་ལ་ལྟ་བའི་རིའི་རྩེ་མོ་མཐོ་པ་ཉི་ཤུ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། དེས་བདེན་པ་མཐོང་བ་དང ། དེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་ཐོབ་པ་ལྟ་ན། བདག་བཅོམ་ལྡན་འདས་ཀྱི་སྤྱན་
Nga294a
༄#། །སྔར་ཚངས་པར་སྤྱོད་པ་སྤྱད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་གི་བུ། དེ་བཞིན་གཤེགས་པ་རྣམས་སམ། དེ་བཞིན་གཤེགས་པའི་ཉན་ཐོས་རྣམས་ནི་ཕ་མས་མ་གནང་བའི་རིགས་ཀྱི་བུ་རབ་ཏུ་འབྱིན་པ་དང་བསྙེན་པར་རྫོགས་པར་མི་བྱེད་ཀྱིས་སོང་ལ། ཕ་དང་མ་ལ་རྟོགས་ཤིག་།རྒྱལ་པོས་གསོལ་པ། བཙུན་པ་བདག་ནི་རྟེན་པ་ཐམས་ཅད་ཀྱི་དཔོན་ལགས་ཏེ། དོན་དུ་འདི་ནི་ཆོས་ཉིད་ཀྱིས་བདག་གི་བུ་ལགས་པས་འདི་བདག་གིས་གནང་ལགས་ཀྱིས། བཅོམ་ལྡན་འདས་ཀྱིས་ཅི་ལེགས་སུ་རབ་ཏུ་དབྱུང་དུ་གསོལ། དེ་ནས་བཅོམ་ལྡན་འདས་ཀྱིས་དགེ་སློང་ཚུར་ཤོག་ཅེས་བྱས་པས། དགེ་སློང་ཚུར་ཤོག་།ཚངས་པར་སྤྱད་པ་སྤྱོད་ཅིག་ཅེས་གསུངས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་མ་ཐག་ཁོ་ནར་སྐྲ་བྱི་བ་དང ། སྣམ་སྦྱར་གྱོན་པར་གྱུར་ཏེ། སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང ། ལག་པ་ལྷུང་བཟེད་དང ། བྱ་མ་བུམ་གྱིས་བྲེལ་བ་དང ། ལོ་བརྒྱ་ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །འདིར་སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང ། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །དྲུག་སྡེ་རྣམས་ཀྱིས་དེ་ལ་ཅོ་དྲི་བར་བརྩམས་པ། རེ་ཞིག་བསྟན་པ་ལན་གཅིག་ཏུ་བརྩོན་
Nga294b
པར་གནས་དགོས་པ་ཡིན་ན། མར་སར་གྱི་གོང་བུ་འདིས། ཁྱད་པར་ཅི་ཞིག་རྟོགས་པར་འགྱུར་ཞེས་དེ་རྣམས་ཀྱིས་ཅོ་དྲིས་པ་དང ། ཚེ་དང་ལྡ་པ་ཀུན་དགའ་བོ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་བཅོམ་ལྡན་འདས་ཀྱིས་དགེ་སློང་གཅིག་ཏུ་བརྩོན་པའི་རྣལ་འབྱོར་དང་མཐུན་པའི་ཏིང་ངེ་འཛིན་དུ་གསུངས་པ་གང་ལགས། ཚེ་དང་ལྡན་པ་གྲོ་བཞིན་སྐྱེས་འཆག་པས་ཐོབ་པའི་ཏིང་ངེ་འཛིན་ནི་ཡུན་རིང་དུ་གནས་པར་འགྱུར་རོ་ཞེས་བཅོམ་ལྡན་འདས་ཀྱིས་བཀའ་སྩལ་ཏོ། །དེས་བསིལ་བའི་ཚལ་གྱི་དུར་ཁྲོད་དུ་སོང་སྟེ་འཆག་ས་བྱས་ནས། དེ་ན་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་རྒྱལ་པོའི་ཁབ་ཀྱི་བསིལ་བའི་ཚལ་གྱི་དུར་ཁྲོད་དུ་གནས་ནས་རྟག་ཏུ་འགྲུས་པ་དང་ལྡན་པར་བྱང་ཆུབ་ཀྱི་ཕྱོགས་དང་མཐུན་པའི་ཆོས་རྣམས་ལ་རྣལ་འབྱོར་གྱི་རྗེས་སུ་བརྩོན་པའི་བསྒོམ་པས་གནས་སོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་གཅིག་པུ་དབེན་པར་སོང་སྟེ་ནང་དུ་ཡང་དག་བཞག་པ་ན། སེམས་ལ་སེམས་ཀྱི་རྣམ་པར་རྟོག་པ་འདི་སྙམ་དུ་སྐྱེས་པར་གྱུར་ཏེ། བཅོམ་ལྡན་འདས་ཀྱི་ཉན་ཐོས་བརྩོན་འགྲུས་བརྩམས་ཏེ་གནས་པ་ཇི་སྙེད་ཅིག་ཡོད་པ་དེ་རྣམས་ཀྱི་ནང་ན་བདག་མཆོག་ཡིན་ན། འོན་ཀྱང་བདག་ལེན་པ་མེད་པར་ཟག་པ་རྣམས་ལས་སེམས་རྣམ་བར་གྲོལ་བར་མ་གྱུར་གྱིས། བདག་གི་ཉེ་དུ་རྣམས་ལ་ལོངས་སྤྱོད་རྒྱ་ཆེན་པོ་ཡོད་པས། མ་ལ་བདག་
Nga295a
༄#། །འདུག་ལ་འདོད་པ་རྣམས་ལ་ལོངས་སྤྱོད་ཅིང་སྦྱིན་པ་དག་སྦྱིན་བསོད་ནམས་དག་བྱའོ་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་བའི་བསམ་པ་མཁྱེན་ནས་དགེ་སློང་ཞིག་ལ་བཀའ་སྩལ་པ། དགེ་སློང་ཚུར་ཤོག་།ཁྱོད་གྲོ་བཞིན་སྐྱེས་བྱེ་བ་ཉི་ཤུ་པ་གང་ན་བ་དེར་སོང་ལ་ཕྱིན་ནས། གྲོ་བཞིན་སྐྱེས་བྱེ་བ་ཉི་ཤུ་པ་ལ་འདི་སྐད་ཅེས་གྲོ་བཞིན་སྐྱེས་བྱེ་བ་ཉི་ཤུ་པ་ཁྱོད་ལ་སྟོན་པ་གསུང་ངོ་ཞེས་བསྒོ་ཞིག་།བཙུན་པ་བཀའ་བཞིན་འཚལ་ཞེས་དགེ་སློང་དེས་བཅོམ་ལྡན་འདས་ལས་མཉན་ནས། ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་གྲོ་བཞིན་སྐྱེས་ཁྱོད་ལ་སྟོན་པ་གསུང་སོ། །ཚེ་དང་ལྡན་པ་བཀའ་བཞིན་འཚལ་ཞེས་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པས་དགེ་སློང་དེ་ལས་མཉན་ནས། བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ཀྱིས་ཚེ་དང་ལྡན་པ་གྲོ་བཞིན་སྐྱེས་བྱེ་པ་ཉི་ཤུ་པ་ལ་འདི་སྐད་ཅེས་བཀའ་སྩལ་ཏོ། །གྲོ་བཞིན་སྐྱེས་ཁྱོད་གཅིག་པུ་དབེན་པར་སོང་སྟེ་ནང་དུ་ཡང་དག་བཞག་པ་ན། སེམས་ལ་སེམས་ཀྱིས་རྣམ་པར་རྟོག་པ་འདི་ལྟ་བུ་བཅོམ་ལྡན་འདས་ཀྱི་ཉན་ཐོས་བརྩོན་འགྲུས་བརྩམས་ཏེ་གནས་པ་ཇི་སྙེད་ཅིག་
Nga295b
ཡོད་པ་དེ་རྣམས་ཀྱི་ནང་ན་བདག་མཆོག་ཡིན་ན། འོན་ཀྱང་བདག་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་བར་མ་གྱུར་གྱིས། བདག་གི་ཉེ་དུ་རྣམས་ལ་ལོངས་སྤྱོད་རྒྱ་ཆེན་པོ་ཡོད་པས། མ་ལ་བདག་འདུག་ལ་འདོད་པ་རྣམས་ལ་ལོངས་སྤྱོད་ཅིང་སྦྱིན་པ་དག་སྦྱིན་བསོད་ནམས་དག་བྱའོ་སྙམ་པ་སྐྱེས་པར་མ་གྱུར་ཏམ། དེ་ནས་ཚེ་དང་ལྡན་པ་གྲོ་བཞིན་སྐྱེས་འདི་སྙམ་དུ་སེམས་ཏེ། བཅོམ་ལྡན་འདས་ཀྱི་ཐུགས་ཀྱིས་བདག་གི་སེམས་མཁྱེན་ཏོ་སྙམ་དུ་བསམས་ནས་འཇིགས་པ་དང་སྐྲག་པ་དང་སྐྱོ་བས་སྤུ་ཟིང་ཞེས་བྱེད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དེ་ལྟ་ལགས་སོ། །དེའི་ཕྱིར་གྲོ་བཞིན་སྐྱེས་ཁྱོད་ཉིད་ལ་དྲི་ཡིས། ཁྱོད་ཀྱིས་ཇི་ལྟར་བཟོད་པ་བཞིན་དུ་དེའི་ལན་ཐོབ་ཅིག་།གྲོ་བཞིན་སྐྱེས་ཇི་སྙམ་དུ་སེམས། ཁྱོད་སྔོན་ཁྱིམ་པར་གྱུར་པ་ན་པི་ཝང་གི་རྒྱུད་ཀྱི་སྒྲ་ལ་མཁས་པ་ཡིན་ནམ། བཙུན་པ་བདག་སྔོན་ཁྱིམ་པར་གྱུར་པ་ན་པི་ཝང་གི་རྒྱུད་ཀྱི་སྒྲ་ལ་མཁས་པ་མད་ལགས་སོ། །གྲོ་བཞིན་སྐྱེས་ཇི་སྙམ་དུ་སེམས། གང་གི་ཚེ་པི་ཝང་གི་རྒྱུད་ཤིན་ཏུ་བསྡམས་བ་གྱུར་པ་དེའི་ཚེ་ཇི་ག་པི་ཝང་གི་སྒྲ་སྙན་པར་འགྱུར་པའམ། སྒྲ་ཡིད་དུ་འོང་བའམ། སྒྲ་དང་ལྡན་པའམ། ལས་སུ་རུང་བར་འགྱུར་རམ། བཙུན་པ་མ་ལགས་སོ། །འོ་ན་གང་གི་ཚེ་པི་ཝང་གི་རྒྱུད་ལྷག་པར་ལྷོད་པར་གྱུར་པ་དེའི་ཚེ་ཇི་ག་པི་ཝང་གི་སྒྲ་སྙན་པར་འགྱུར་པའམ། སྒྲ་ཡིད་དུ་འོང་བའམ། སྒྲ་དང་ལྡན་པའམ། ལས་སུ་རུང་བར་འགྱུར་རམ། བཙུན་པ་མ་ལགས་སོ། །གང་གི་ཚེ་པི་ཝང་གི་རྒྱུད་ཤིན་ཏུ་བསྡམས་
Nga296a
༄#། །པ་མ་ཡིན་ཞིང་ལྷག་པར་ལྷོད་པ་མ་ཡིན་པར་གྱུར་ཏེ། རྒྱུད་རན་པར་འདུག་པ་དེའི་ཚེ་པི་ཝང་གི་སྒྲ་སྙན་པར་འགྱུར་བའམ། སྒྲ་ཡིད་དུ་འོང་བའམ། སྒྲ་དང་ལྡན་པའམ། ལས་སུ་རུང་བར་འགྱུར་བ་ཡིན་ནམ། བཙུན་པ་དེ་ལྟ་ལགས་སོ། །གྲོ་བཞིན་སྐྱེས་དེ་བཞིན་དུ་ཧ་ཅང་བརྩོན་འགྲུས་བརྩམས་པ་ནི་རྒོད་པར་འགྱུར་རོ། །ཧ་ཅང་ཞན་ན་ནི་ཞུམ་པར་འགྱུར་རོ། །གྲོ་བཞིན་སྐྱེས།་དེ་ལྟ་བས་ན་ཁྱོད་ཀྱིས་རན་པ་ཉིད་རྟོགས་པར་བྱ་སྟེ། དེས་ཀྱང་ང་རྒྱལ་དུ་མི་བྱ་ཞིང་དེ་ལའང་བག་ཡོད་པར་བྱ། དེའི་ཚེ་མཚན་མ་ཡང་གཟུང་བར་བྱའོ། །གྲོ་བཞིན་སྐྱེས་ཁྱོད་གནས་པ་འདིས་གནས་ན་རིང་པོ་མི་ཐོགས་པ་ཁོ་ནར་ཟག་པ་རྣམས་ཟད་ནས་ཟག་པ་མེད་པ་རྣམ་པར་གྲོལ་བའི་སེམས་དང ། རྣམ་པར་གྲོལ་བའི་ཤེས་རབ་མཐོང་བའི་ཆོས་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ནས་རྫོགས་པར་བྱས་ཏེ་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་སྒྲོགས་པར་འགྱུར་རོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་བི་ཝང་གི་དཔེ་འདིས། ཚེ་དང་ལྡན་པ་གྲོ་བཞིན་སྐྱེས་ལ་གདམས་ངག་ཕོག་ནས། གཅིག་པུ་དབེན་པ་བག་ཡོད་པ་
Nga296b
རྟུན་པ་དང་ལྡན་པ་བདག་ཉིད་གཏོང་བར་གནས་སོ། །གཅིག་པུ་དབེན་པ་བག་ཡོད་པ་རྟུན་པ་དང་ལྡན་པ་བདག་ཉད་གཏོང་པར་གནས་པ་ན། གང་གི་ཕྱིར་རིགས་ཀྱི་བུ་རྣམས་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱེད་པ། ཚངས་པར་སྤྱོད་པའི་མཐའ་བླ་ན་མེད་པ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས། བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ། །ཞེས་གོ་བར་བྱེད་ཅིང་ཚེ་དང་ལྡན་པ་ཀུན་ཤེས་པར་གྱུར་ཏེ། སེམས་ཤིན་ཏུ་རྣམ་པར་གྲོལ་བའི་དགྲ་བཅོམ་པར་གྱུར་ཏོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་བྱེ་པ་ཉི་ཤུ་པ་དགྲ་བཅོམ་པ་ཐོབ་སྟེ། རྣམ་པར་གྲོལ་བའི་དགའ་བའི་བདེ་བ་ཉམས་སུ་མྱོང་ནས་དེ་འདི་སྙམ་དུ་སེམས་ཏེ། བདག་བཅོམ་ལྡན་འདས་ལྟ་བ་དང ། བསྙེན་བཀུར་བྱ་བའི་ཕྱིར་འགྲོ་བའི་དུས་ནི་འདི་ཡིན་ནོ་སྙམ་ནས། དེ་ནས་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་དགོངས་པ་ནང་དུ་ཡང་དག་འཇོག་ལས་ལངས་ཏེ། བཅོམ་ལྡན་འདས་གང་ན་བ་དེར་སོང་ནས་ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པས་འདི་སྐད་ཅེས་གསོལ་ཏོ། །བཙུན་པ། དགེ་སློང་དགྲ་བཅོམ་པ་ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་
Nga297a
༄#། །གི་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་པ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བར་གྱུར་པ་གང་ལགས་པ་དེ། དེའི་ཚེ་གནས་དྲུག་ལ་མོས་པར་འགྱུར་ཏེ། ངེས་པར་འབྱུང་བ་ལ་མོས་པར་འགྱུར་བ་ལགས། འཚེ་བ་མ་མཆིས་པ་ལ་མོས་པར་འགྱུར་བ་ལགས། རབ་ཏུ་དབེན་པ་ལ་མོས་པར་འགྱུར་བ་ལགས། སྲེད་པ་ཟད་པ་དང ། ལེན་པ་ཟད་པ་དང ། མི་བརྗེད་པའི་སེམས་ལ་མོས་པར་འགྱུར་བ་ལགས་སོ། །བཙུན་པ། འདི་ན་ཁ་ཅིག་འདི་སྙམ་དུ། ཀྱེ་མ་ཚེ་དང་ལྡན་པ་འདི་དད་པ་ཙམ་ཁོ་ན་ལ་གནས་པ་ངེས་པར་འབྱུང་བ་ལ་མོས་སོ་སྙམ་དུ་སེམས་ན། བཙུན་པ། དེ་ལྟར་བལྟ་བར་མི་བགྱི་སྟེ། འདོད་ཆགས་ཟད་པ་དང ། ཞེ་སྡང་ཟད་པ་དང ། གཏི་མུག་ཟད་པས་ངེས་པར་འབྱུང་བ་ལ་མོས་པར་འགྱུར་ལགས་སོ། །བཙུན་པ། འདི་ན་ཁ་ཅིག་འདི་སྙམ་དུ། ཀྱེ་མ་ཚེ་དང་ལྡན་པ་འདི་ཚུལ་ཁྲིམས་ཙམ་ཁོ་ན་ལ་བརྟེན་ནས་མི་འཚེ་བ་ལ་མོས་སོ་སྙམ་དུ་སེམས་ན། བཙུན་པ་དེ་ལྟར་བལྟ་བར་མི་བགྱི་སྟེ། འདོད་ཆགས་ཟད་པ་དང ། ཞེ་སྡང་ཟད་པ་དང ། གཏི་མུག་ཟད་པས་མི་འཚེ་བ་ལ་མོས་པར་འགྱུར་ལགས་སོ། །བཙུན་པ་འདི་ན་ཁ་ཅིག་འདི་སྙམ་དུ། ཀྱེ་མ་ཚེ་དང་ལྡན་པ་འདི་རྙེད་པ་དང ། བཀུར་སྟི་དང ། ཚིགས་སུ་བཅད་པ་ཙམ་ཁོ་ན་ཚོལ་བའི་སླད་དུ་རབ་ཏུ་དབེན་པ་ལ་མོས་སོ་སྙམ་དུ་སེམས་ན། བཙུན་པ། དེ་ལྟར་བལྟ་བར་མི་བགྱི་སྟེ། འདོད་ཆགས་ཟད་པ་དང་
Nga297b
ཞེ་སྡང་ཟད་པ་དང ། གཏི་མུག་ཟད་པ་དང ། སྲེད་པ་ཟད་པ་དང ། ལེན་པ་ཟད་པ་ལས་མི་བརྗེད་པའི་སེམས་ལ་ཡང་མོས་པར་འགྱུར་ལགས་ཏེ། བཙུན་པ་དགེ་སློང་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། རང་གི་དོན་རྗེས་སུ་ཐོབ་པ། སྲིད་པ་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བར་གྱུར་པ་གང་ལགས་པ་དེ། དེའི་ཚེ་དེ་གནས་དྲུག་པོ་འདི་དག་ལ་མོས་པར་འགྱུར་ལགས་སོ། །བཙུན་པ་དགེ་སློང་སློབ་པ་གང་ཡིན་པ་མ་ཐོབ་པ་དེ། གོང་མའི་གྲུབ་པ་དང ། བདེ་བའི་མྱ་ངན་ལས་འདས་པ་དོན་དུ་གཉེར་བའི་ཚུལ་ལ་ལན་མང་དུ་གནས་པ་སྟེ། དེ་དེའི་ཚེ་སློབ་པའི་ཚུལ་ཁྲིམས་དང ། སློབ་པའི་དབང་པོ་དང་ལྡན་པ་ལགས་སོ། །དེ་དུས་གཞན་ན་ཟག་པ་རྣམས་ཟད་ནས་ཟག་པ་མེད་པའི་རྣམ་པར་གྲོལ་བའི་སེམས་དང་རྣམ་པར་གྲོལ་བའི་ཤེས་རབ་མཐོང་བའི་ཆོས་ཉིད་ལ་རང་གི་མངོན་པར་ཤེས་པས་མངོན་སུམ་དུ་བགྱིས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །སྲིད་པ་འདི་ལས་གཞན་མི་ཤེས་སོ་ཞེས་སྒྲོགས་པ་དེའི་ཚེ་ནི། དེ་མི་སློབ་པའི་ཚུལ་ཁྲིམས་དང ། མི་སློབ་པའི་དབང་པོ་རྣམས་དང་ལྡན་ལགས་སོ།། །།འདུལ་བ་གཞི། བམ་པོ་བརྒྱ་གཅིག་པ། བཙུན་པ་དཔེར་ན་བུས་པ་གཞོན་ནུ་ཆུང་ངུ་ཞན་པ་གན་རྐྱལ་དུ་ཉལ་བ་དེ་ནི། དེའི་ཚེ་བྱིས་པའི་ངང་ཚུལ་དང ། བྱིས་པའི་དབང་པོ་རྣམས་དང་ལྡན་ལགས་ལ། དེ་དུས་གཞན་ན་ཆེན་པོར་གྱུར་པའི་རྒྱུས་
Nga298a
༄#། །དབང་པོ་རྣམས་ཡོངས་སུ་སྨིན་པ་དེའི་ཚེ་ནི་ཆེན་པོའི་ངང་ཚུལ་དང ། ཆེན་པོའི་དབང་པོ་དང་ལྡན་ལགས་སོ། །བཙུན་པ་དེ་བཞིན་དུ་དགེ་སློང་སློབ་པའི་ཡིད་མ་ཐོབ་པ་གང་ལགས་པ་དེ་གོང་མའི་གྲུབ་པ་དང ། བདེ་བའི་མྱ་ངན་ལས་འདས་པ་དོན་དུ་གཉེར་བའི་ཚུལ་ལ་ལན་མང་དུ་གནས་ཏེ། དེ་དེའི་ཚེ་སློབ་པའི་ཚུལ་ཁྲིམས་དང ། སློབ་པའི་དབང་པོ་དང་ལྡན་ལགས་སོ། །དེ་དུས་གཞན་ན་ཟག་པ་རྣམས་ཟད་ནས་ཟག་པ་མེད་པའི་རྣམ་པར་གྲོལ་བའི་སེམས་དང ། རྣམ་པར་གྲོལ་བའི་ཤེས་རབ་མཐོང་བའི་ཆོས་ཉིད་ལ་རང་གི་མངོན་པར་ཤེས་པས་མངོན་སུམ་དུ་བགྱིས་ཏེ། བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་སྒྲོགས་པ་དེའི་ཚེ་ནི། དེ་མི་སློབ་པའི་ཚུལ་ཁྲིམས་དང ། མི་སློབ་པའི་དབང་པོ་དང་ལྡན་ལགས་སོ། །གལ་ཏེ་དེའི་མིག་གིས་རྣམ་པར་ཤེས་པར་བྱ་བའི་གཟུགས་རྣམས་མིག་ལ་ཤིན་ཏུ་སྣང་བར་གྱུར་ཀྱང ། དེའི་རྣམ་པར་གྲོལ་བའི་སེམས་དང ། རྣམ་པར་གྲོལ་བའི་ཤེས་རབ་དེ་གཏུགས་པར་འགྱུར་ཏེ། དེའི་སེམས་ཕྱིན་ཅི་མ་ལོག་པ་ཤིན་ཏུ་རྣམ་པར་གྲོལ་པ། ཤིན་ཏུ་བསྒོམས་པ་དེ་ནང་དུ་གནས་པར་འགྱུར་ཞིང ། དེ་ལ་ཟད་པར་ཡང་རྗེས་སུ་ལྟའོ། །གལ་ཏེ་དེའི་རྣ་བས་རྣམ་པར་ཤེས་པར་བྱ་བའི་སྒྲ་རྣམས་དང ། སྣས་རྣམ་པར་ཤེས་པར་བྱ་བའི་དྲི་རྣམས་དང ། ལྕེས་རྣམ་པར་ཤེས་
Nga298b
པར་བྱ་བའི་རོ་རྣམས་དང ། ལུས་ཀྱིས་རྣམ་པར་ཤེས་པར་བྱ་བའི་རེག་བྱ་རྣམས་དང ། ཡིད་ཀྱིས་རྣམ་པར་ཤེས་པར་བྱ་བའི་ཆོས་རྣམས་ཡིད་ལ་ཤིན་ཏུ་སྣང་བར་གྱུར་ཀྱང ། དེའི་རྣམ་པར་གྲོལ་བའི་སེམས་དང ། རྣམ་པར་གྲོལ་བའི་ཤེས་རབ་དེ་གཏུགས་པར་མི་འགྱུར་ཏེ། དེའི་སེམས་ཕྱིན་ཅི་ལོག་པ་ཤིན་ཏུ་རྣམ་པར་གྲོལ་བ་ཤིན་ཏུ་བསྒོམས་པ་དེ་ནང་དུ་གནས་པར་འགྱུར་ཞིང ། དེ་ལ་ཟད་པར་ཡང་རྗེས་སུ་ལྟའོ། །བཙུན་པ་དཔེར་ན་གྲོང་ཁྱེར་རམ། གྲོང་རྡལ་དང ། ཧ་ཅང་ཡང་ཐག་མི་རིང་བ་ཞིག་ན་རི་བྲག་ཆེན་པོ་སེར་ག་མ་མཆིས་པ། ཤིན་ཏུ་མཁྲེགས་པ། གཅིག་ཏུ་འཐས་པ་ཞིག་མཆིས་ན། དེ་ལ་གལ་ཏེ་ཤར་ཕྱོགས་ནས་རླུང་གི་ཤུགས་དྲག་པོ་ལངས་ཀྱང་དེ་གཡོས་པར་མི་འགྱུར། དེ་འགུལ་བར་མི་འགྱུར་ཞིང་དེ་ནུབ་ཕྱོགས་སུ་བཀུར་བར་མི་ནུས་ལགས་སོ། །གལ་ཏེ་ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་ནས་རླུང་གི་ཤུགས་དྲག་པོ་ལངས་ཀྱང་དེ་གཡོས་པར་མི་འགྱུར། དེ་འགུལ་བར་མི་འགྱུར་ཞིང་དེ་ལྷོ་ཕྱོགས་སུ་བཀུར་བར་མི་ནུས་ལགས་ཏེ། གང་ནས་རླུང་གི་ཤུགས་དྲག་པོ་ལངས་ཀྱང་དེས་དེ་གཡོས་པར་མི་འགྱུར། དེ་འགུལ་བར་མི་འགྱུར་ཞིང་དེ་གང་དུ་ཡང་བཀུར་བར་མི་ནུས་ལགས་སོ། །དེ་བཞིན་དུ་གལ་ཏེ་དེའི་མིག་གིས་རྣམ་པར་ཤེས་པར་བྱ་བའི་གཟུགས་རྣམས་མིག་ལ་ཤིན་ཏུ་སྣང་བར་གྱུར་ཀྱང ། དེའི་རྣམ་པར་གྲོལ་བའི་སེམས་དང ། རྣམ་པར་གྲོལ་བའི་ཤེས་རབ་དེ་གཏུགས་པར་མི་འགྱུར་ཏེ། དེའི་སེམས་ཕྱིན་ཅི་མ་ལོག་པ། ཤིན་ཏུ་རྣམ་
Nga299a
༄#། །པར་གྲོལ་བ་ཤིན་ཏུ་བསྒོམས་པ་དེ་ནང་དུ་གནས་པར་འགྱུར་ཞིང ། དེ་ལ་ཟད་པར་ཡང་རྗེས་སུ་ལྟའོ། །གལ་ཏེ་དེའི་རྣ་བས་རྣམ་པར་ཤེས་པར་བྱ་བའི་སྒྲ་རྣམས་དང ། སྣས་རྣམ་པར་ཤེས་པར་བྱ་བའི་དྲི་རྣམས་དང ། ལྕེས་རྣམ་པར་ཤེས་པར་བྱ་བའི་རོ་རྣམས་དང ། ལུས་ཀྱིས་རྣམ་པར་ཤེས་པར་བྱ་བའི་རེག་བྱ་རྣམས་དང ། ཡིད་ཀྱིས་རྣམ་པར་ཤེས་པར་བྱ་བའི་ཆོས་རྣམས་ཡིད་ལ་ཤིན་ཏུ་སྣང་བར་གྱུར་ཀྱང་དེའི་རྣམ་པར་གྲོལ་བའི་སེམས་དང ། རྣམ་པར་གྲོལ་བའི་ཤེས་རབ་དེ་གཏུགས་པར་མི་འགྱུར་ཏེ། དེའི་སེམས་ཕྱིན་ཅི་མ་ལོག་པ། ཤིན་ཏུ་རྣམ་པར་གྲོལ་བ། ཤིན་ཏུ་བསྒོམས་པ་དེ་ནང་དུ་གནས་པར་འགྱུར་ཞིང ། དེ་ལ་ཟད་པར་ཡང་རྗེས་སུ་ལྟའོ། །ཚེ་དང་ལྡན་པ་གྲོ་བཞིན་སྐྱེས་བྱེ་པ་ཉི་ཤུ་པས་དེ་སྐད་གསོལ་ནས། གནས་བརྟན་དགྲ་བཅོམ་པས་གཞན་ཡང་འདི་སྐད་ཅེས་གསོལ་ཏོ། །ངེས་པར་འབྱུང་ལ་མོས་པ་དང ། །སེམས་ནི་འཚེ་བ་མེད་པ་དང ། །རབ་ཏུ་དབེན་ལ་མོས་པ་དང ། །སྲེད་པ་ཟད་ལ་དགའ་བ་དང ། །ལེན་པ་ཟད་ལ་མོས་པ་དང ། །སེམས་ནི་བརྗེད་པ་མེད་གྱུར་པ། །སྐྱེ་མཆེད་སྐྱེ་བ་ཤེས་ནས་སུ། །སེམས་ནི་རྣམ་པར་གྲོལ་བར་འགྱུར། །དེ་ནས་སེམས་ནི་རྣམ་གྲོལ་ཞིང ། །སེམས་ཞི་བ་ཡི་སྐྱོབ་པ་ཡི། །བྱ་བ་དག་ནི་བྱས་ཟིན་པས། །བྱ་བ་ཡོད་པ་མ་ཡིན་ནོ། །ཇི་ལྟར་བྲག་གི་རི་བོ་ལ། །རླུང་གིས་རབ་ཏུ་མི་གཡོས་པ། །དེ་བཞིན་སྡུག་དང་མི་སྡུག་པའི། །གཟུགས་རྣམས་དང་ནི་སྒྲ་
Nga299b
དག་དང ། །དྲི་དང་རོ་དང་རེག་པ་དང ། །ཆོས་ཀྱིས་སྐྱོབ་པ་མི་གཡོ་སྟེ། །བཀྲིར་མི་བཏུབ་པའི་སེམས་གནས་ཤིང ། །དེ་ལའང་ཟད་པར་རྗེས་སུ་ལྟ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེས་ཤིང ། རྐང་པའི་མཐིལ་གཉིས་སུ་སྤུ་གསེར་གྱི་ཁ་དོག་འདྲ་བ་སྐྱེས་པ་དང ། གདུགས་རེ་རེ་ཞིང་ལྔ་བརྒྱའི་སྟོན་མོ་སྣོད་ནས་སྒྲོལ་ཞིང་སྦྱོར་བ་དང ། འདི་ནས་བཟུང་སྟེ་བསྐལ་པ་དགུ་བཅུ་རྩ་གཅིག་གི་བར་དུ་ལན་འགའ་ཡང་གདིང་བ་མ་མཆིས་པའི་ཕྱོགས་སུ་རྐང་པ་མ་བཞག་པ་དང ། བཙས་མ་ཐག་ཏུ་དཀན་དབབ་པའི་རིན་གསེར་བྱེ་བ་ཕྲག་ཉི་ཤུ་ཐོབ་ཅིང་བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་ནས་ཀྱང་ཉོན་མོངས་པ་ཐམས་ཅད་སྤངས་ཏེ། དགྲ་བཅོམ་པ་མངོན་སུམ་དུ་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གྲོ་བཞིན་སྐྱེས་བྱེ་བ་ཉི་ཤུ་པ་འདི་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས་གྲོ་བཞིན་སྐྱེས་འདི་ཉིད་ཀྱིས། ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་
Nga300a
༄#། །སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི་འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། ། རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་བསྐལ་པ་དགུ་བཅུ་རྩ་གཅིག་ན་འཇིག་རྟེན་དུ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་རྣམ་པར་གཟིགས་ཞེས་བྱ་བ་བྱུང་སྟེ། དེ་དགེ་སློང་དྲུག་ཁྲི་ཉིས་སྟོང་གིས་ཡོངས་སུ་བསྐོར་ནས་ལྗོངས་རྒྱུ་ཞིང་གཤེགས་པ་ན་རྒྱལ་པོའི་ཕོ་བྲང་བཤེས་ལྡན་ཞེས་བྱ་བར་གཤེགས་སོ། །རྒྱལ་པོའི་ཕོ་བྲང་བཤེས་ལྡན་ན་དགའ་སྡེ་རབ་ཏུ་མང་པོ་གནས་ཏེ། དེ་རྣམས་ཀྱིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དགེ་སློང་དྲུག་ཁྲི་ཉིས་སྟོང་གིས་ཡོངས་སུ་བསྐོར་ཏེ། ལྗོངས་རྒྱུ་ཞིང་གཤེགས་པ་ན་འདིར་བྱོན་ཏོ་ཞེས་ཐོས་སོ། །ཐོས་ནས་ཀྱང་ཐམས་ཅད་འདུས་ཏེ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་གང་ན་བ་དེར་དོང་སྟེ་ལྷགས་
Nga300b
ནས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་དགའ་སྡེ་རྣམས་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ་རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ ། །དེ་ནས་དགའ་སྡེ་རབ་ཏུ་མང་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་གང་ན་བ་དེར་ལོགས་སུ་ཐལ་མོ་སྦྱར་བ་བཏུད་དེ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་ཅག་དགུང་ཟླ་གསུམ་དུ་ན་བཟའ་དང་ཆོས་གོས་དང ། བསོད་སྙོམས་དང ། གཟིམས་ཆ་དང ། སྙུན་དཔྱད་ཀྱི་རྐྱེན་སྨན་དང ། ཡོ་བྱད་རྣམས་སྦྱོར་ཞིང་མཆིས་ན། གནང་བར་མཛད་དུ་གསོལ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་དགའ་སྡེ་རབ་ཏུ་མང་པོ་རྣམས་ལ་ཅང་མི་གསུང་བས་གནང་ངོ ། །དེ་ནས་དགའ་སྡེ་རབ་ཏུ་མང་པོས་ཡང་དག་པར་
Nga301a
༄#། །རྫོགས་པའི་སངས་རྒྱས་རྣམ་པར་གཟིགས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་སྟན་ལས་ལངས་ཏེ་དོང་ངོ ། །དེ་རྣམས་འདུན་ཁང་དུ་འདུས་ཏེ། གྲོས་བྱ་བར་བརྩམས་པ། ཤེས་ལྡན་དག་བདག་ཅག་གིས་བཅོམ་ལྡན་འདས་ཇི་ལྟར་གདུགས་ཚོད་གསོལ་བར་བྱ། ཅི་འདུས་ཏེ་བྱའམ། འོན་ཏེ་རེ་རེས་བྱ། དེ་ན་ཁ་ཅིག་གིས་སྨྲས་པ། ཉི་མ་རེ་རེ་ཞིང་འདུས་ཏེ་གདུགས་ཚོད་གསོལ་ན། བདག་ཅག་གི་ཞིང་ལས་ཀྱི་མཐའ་རྣམས་བར་ཆད་དུ་འགྱུར་བས་ཤེས་ལྡན་དག་གལ་ཏེ་འདོད་ན་རེ་མོ་རེ་མོས་གདུགས་ཚོད་གསོལ་བར་བྱའོ་ཞེས་དེ་རྣམས་ཀྱིས་རེ་མོ་རེ་མོས་སྤྱི་བུངས་ལས་སྟོན་མོ་བྱ་བར་བརྩམས་ཏེ། འབྱོར་བ་ཇི་ལྟ་བ་བཞིན་བདག་ཉིད་ཀྱི་ཡང་སྣོན་པར་བྱེད་དོ། །དེ་ནས་དགའ་སྡེ་རྣམས་ཀྱི་ནང་ན་བྲམ་ཟེའི་ཁྱེའུ་བཀྲེན་པ་ཞིག་ཡོད་པ་དེ་མའི་དྲུང་དུ་སོང་སྟེ་སྨྲས་པ། ཡུམ་དགའ་སྡེ་རྣམས་ཀྱིས་ཁྲིམས་སུ་བཅའ་བ་རེ་མོ་རེ་མོས་བཅོམ་ལྡན་འདས་གདུགས་ཚོད་གསོལ་བར་བྱའོ་ཞེས་དམ་བཅས་ནས། དེ་ལ་བདག་གི་འབྱོར་པ་ནི་ཉུང་ན་བདག་གིས་ཇི་ལྟར་གདུགས་ཚོད་གསོལ་བར་བགྱི། དེས་སྨྲས་པ།་བུ་གལ་ཏེ་དེ་ལྟ་ན། ཁྱོད་ཀྱིས་ཉི་མ་ཐ་མ་བཟུང་ལ་དུས་དེའི་བར་དུ་ཅུང་ཟད་སྒྲུབས་ཤིག་།ཚོགས་ཀྱི་རྒྱུ་ལྷག་ཀྱང་ཅུང་ཟད་རྙེད་གྲང ། དེས་ཉི་མ་ཐ་མ་བཟུང་ནས་དེ་ན་ཚོགས་ཀྱི་རྒྱུ་ལྷག་
Nga301b
པ་རབ་ཏུ་མང་པོ་ཡོད་པ་དང ། དེས་ཀྱང་ཅུང་ཟད་བསྒྲུབས་ནས། དེ་ནས་དེས་གནས་ཁང་བརྩིགས་ཏུ་བཅུག་སྟེ་དེར་གོས་རྣམས་བཏིང་ནས་གྲཝ་རྣམས་སུ་ཀར་ཤ་པ་ན་ལྔ་ལྔ་བཞག་།དེ་ལ་དོམ་ལྤགས་ཤིག་བདོག་པ་ཡང་གནས་ཁང་གི་སྒོར་བཏིང་ངོ ། །དེ་ནས་ལྔ་བརྒྱའི་སྟོན་མོ་སྣོད་དུ་བཙོས་ཤིང་སྦྱར་ནས། བཀུར་སྟི་ཆེན་པོས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་གདུགས་ཚོད་གསོལ་ཏེ། །ཞབས་ལ་གཏུགས་ནས་སྨོན་ལམ་བཏབ་པ། དགེ་བའི་རྩ་བ་འདིས་བདག་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེས་ཤིང་ལན་འགའ་ཡང་གདིང་བ་མ་མཆིས་པའི་ས་ཕྱོགས་སུ་རྐང་པ་མི་འཇོག་པ་དང ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཞབས་ཀྱི་མཐིལ་གཉིས་ལ་སྤུ་གསེར་གྱི་ཁ་དོག་འདྲ་བ་སོར་བཞི་ཙམ་འཁྲུངས་པ་ཇི་འདྲ་བ་དེ་ལྟ་བུར་བདག་གི་ཡང་དེ་འདྲ་བ་དང ། ཡོན་ཏན་འདི་ལྟ་བུ་དག་ཀྱང་ཐོབ་ཅིང ། སྟོན་པ་འདི་འདྲ་བ་མཉེས་པར་བགྱིད་ཀྱི་མི་མཉེས་པར་མ་བགྱིད་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས་དེའི་ཚེ་དེའི་དུས་ཀྱི་དགའ་སྡེའི་བྲམ་ཟེའི་ཁྱེའུ་གང་ཡིན་པ་དེ་ནི་གྲོ་བཞིན་སྐྱེས་བྱེ་བ་ཉི་ཤུ་བ་འདི་ཉིད་ཡིན་ཏེ། འདིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་བྱ་བ་བྱས་ཤིང་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པ་གང་ཡིན་པས་ཕྱུག་ཅིང་ནོར་མང་བ་ལོངས་སྤྱོད་ཆེ་བའི་རིགས་སུ་སྐྱེས་པ་དང ། རྐང་པ་གཉིས་ལ་སྤུ་གསེར་གྱི་ཁ་དོག་འདྲ་བ་སོར་བཞི་ཅམ་སྐྱེས་པ་དང ། འདི་
Nga302a
༄#། །ནས་བཟུང་སྟེ་བསྐལ་པ་དགུ་བཅུ་རྩ་གཅིག་གི་བར་དུ་ལན་འགའ་ཡང་གདིང་བ་མེད་པའི་ས་ཕྱོགས་སུ་རྐང་པ་མ་བོར་བ་དང ། བཙས་པ་ན་ཡང་དཀན་དབབ་པའི་རིན་དུ་གསེར་བྱེ་བ་ཕྲག་ཉི་ཤུ་ཐོབ་ཅིང་ངའི་བསྟན་པ་ལ་རབ་ཏུ་བྱུང་ནས་ཀྱང་ཉོན་མོངས་པ་ཐམས་ཅད་སྤངས་ནས། དགྲ་བཅོམ་པ་མངོན་སུམ་དུ་བྱས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་པས། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་ནི་སྤངས་ལ། ལས་གཅིག་ཏུ་དཀར་བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱོད་ཀྱིས་དེ་ལྟར་བསླབ་པར་བྱའོ། །གང་གི་ཚེ། མ་སྐྱེས་དགྲ་མི་དགེ་བའི་བཤེས་གཉེན་ལྷས་བྱིན་གྱིས་ཟིན་པས་རྒྱལ་པོ་གཟུགས་ཅན་སྙིང་པོ་ལ་རྡོ་རྗེ་རྩེ་གཅིག་པ་འཕངས་པ་དེའི་ཚེ། རྒྱལ་པོའི་ཁབ་ན་གནས་པའི་གྲོང་མི་རྣམས་ཀྱིས་འཕྱ་བར་བརྩམས་ཏེ། དེ་ན་ཁ་ཅིག་ནི་རྒྱལ་པོ་ལ་མི་སྙན་པར་སྒྲོགས་པར་བྱེད་དེ། འདི་མ་བཙས་པ་ཉིད་ནས་ཡབ་ལ་དགྲར་འགྱུར་རོ་ཞེས་ལུང་བསྟན་ན། ཅིའི་ཕྱིར་མ་བཙས་པ་ཉིད་དུ་མི་བསད། གཞན་དག་གིས་སྨྲས་པ། ཤེས་ལྡན་དག་རྒྱལ་པོས་མ་ཉེས་ཏེ། ཅི་ཐམས་ཅད་ཀྱི་ལུང་བསྟན་པ་བདེན་པར་འགྱུར་རམ། གཞོན་ནུ་ཉིད་དུལ་བ་ཡིན་མོད་ཀྱི། འོན་ཀྱང་
Nga302b
ལྷས་བྱིན་མི་དགེ་བའི་བཤེས་གཉེན་གྱིས་བསླུས་ནས། དེས་ན་བྱ་བ་ངན་པ་ལ་ཤིན་ཏུ་ཞུགས་པར་གྱུར་ཏོ། །གཞན་དག་གིས་སྨྲས་པ། ཤེས་ལྡན་དག་རྒྱལ་པོ་དང་ལྷས་བྱིན་གྱིས་ཀྱང་མ་ཉེས་ཏེ། འོན་ཀྱང་ལྷས་བྱིན་ཁྲིད་དེ་འཇིག་རྟེན་གྱི་ཁམས་ཀྱི་བར་དུ་མི་གཞག་པར་འདི་ལྟར་རབ་ཏུ་འབྱིན་པར་མཛད་པས་ན། བཅོམ་ལྡན་འདས་ཁོ་ནས་ནོངས་སོ། །ཁ་ཅིག་གིས་སྨྲས་པ། བཅོམ་ལྡན་འདས་ཀྱིས་མ་ནོངས་ཏེ། དེ་གང་གི་ཕྱིར་གནས་ནས་དབྱུང་བའི་ལས་མ་བྱས་པས་དགེ་འདུན་གྱིས་ཉེས་སོ། །དེ་ན་གང་དག་རྒྱལ་པོ་ལ་མི་སྙན་པར་སྒྲོགས་པ་དེས་རྒྱལ་པོ་ངོ་ཚ་བར་མི་བྱེད་ཀྱི། སྔོན་གྱི་ཚེ་རབས་རྣམས་སུ་བདག་གིས་ལས་འདི་དག་བྱས་ཤིང་བསགས་པ་ཡིན་ནོ་སྙམ་མོ། །གང་དག་བཅོམ་ལྡན་འདས་དང་དགེ་འདུན་ལ་མི་སྙན་པ་སྒྲོགས་པ་དེས་ནི། རྒྱལ་པོ་ཤིན་ཏུ་ངོ་ཚ་བར་བྱེད་དེ། བདག་གིས་ལུས་ངན་པ་གང་ཡིན་པ་དེས་འཇིག་རྟེན་ན་བཅོམ་ལྡན་འདས་དང ། དགེ་འདུན་ལ་མི་སྙན་པ་བརྗོད་དོ་སྙམ་མོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ནོངས་པ་གཞན་གྱིས་བགྱིས་ལ་སྐྱོན་གཞན་ལ་བསྒོ་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདིས་འདས་པའི་དུས་ན་ཡང་ཉེས་པ་གཞན་གྱིས་བྱས་ལ་སྐྱོན་གཞན་ལ་བསྒོས་པ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་
Nga303a
༄#། །ཎཱ་སི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་པ་དང་རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོ་དང ། མི་མང་པོས་གང་བ་ན། རྒྱལ་སྲིད་བྱེད་དུ་འཇུག་གོ་།དེ་ལ་ཁྱི་གཉིས་ཤིག་ཡོད་པ། འགྲམ་དང ། ཉེ་འགྲམ་ཞེས་བྱ་སྟེ། དེ་གཉིས་ཀྱིས་རྒྱལ་པོའི་རྟ་ཁྲབ་ཀྱི་ཆ་སྤྱད་འཆོས་སོ། །ཇི་ཙམ་ན་དུས་གཞན་ཞིག་ན་རྒྱལ་པོ་ཚངས་སྦྱིན་དྲ་མ་ལ་ཆ་བ་ན་དེས་བློན་པོ་རྣམས་ལ་བསྒོ་བ། ཤེས་ལྡན་དག་རྟ་ཁྲབ་ཀྱི་ཡོ་བྱད་ལྟོས་ཤིག་།དེ་རྣམས་ཀྱིས་བལྟ་བར་བརྩམས་པ་ན་ཐམས་ཅད་བཅད་ཅིང་རབ་ཏུ་གཏུབས་པར་མཐོང་ནས། དེ་རྣམས་ཀྱིས་རྒྱལ་པོ་ལ་སྨྲས་པ། ལྷ་རྟ་ཁྲབ་ཀྱི་ཆ་བྱད་ཞེས་རྣམས་ཁྱིས་འཚལ་ཏོ། །རྒྱལ་པོས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་ངས་ཁྱི་རྣམས་ཡོངས་སུ་སྤངས་སོ། །དེ་ནས་ཁ་ཅིག་ནི་བསད་དོ། ཁ་ཅིག་ནི་བྲོས་སོ། །ཇི་ཙམ་ན་ཡུལ་གཞན་གྱི་ཁྱི་ཞིག་ཡུལ་ནས་ཝཱ་ར་ཎཱ་སིར་འོང་བ་ན། དེས་དེ་རྣམས་འབྲོས་པ་མཐོང་ནས་དྲིས་པ། ཤེས་ལྡན་དག་ཅིའི་ཕྱིར་ཁྱེད་འདི་ལྟར་སྐྲག་།དེ་རྣམས་ཀྱིས་ཇི་ལྟར་གྱུར་པ་རྒྱས་པར་སྨྲས་པ་དང ། དེས་སྨྲས་པ། ཁྱེད་ཅིའི་ཕྱིར་རྒྱལ་པོ་ལ་གསོལ་བ་མ་བྱས། དེ་རྣམས་ཀྱིས་སྨྲས་པ། གཞན་དག་ནི་ཁ་བཏགས། ཁོ་བོ་ཅག་ནི་བྲོས་ན། རྒྱལ་པོ་ལ་གསོལ་བ་བྱས་པའི་གཏོལ་ག་ལ་ཡོད། དེས་སྨྲས་པ། འདུག་ཅིག་དང་ཁྱེད་ཀྱི་དོན་དུ་ཁོ་བོས་རྒྱལ་པོ་ལ་གསོལ་བ་བྱའོ། །དེས་དེ་རྣམས་དབུགས་ཕྱུང་ནས་སླར་ལོག་པ་དང ། དེ་
Nga303b
ནས་དེས་རྒྱུན་ལུགས་ཆད་ཙམ་ན་ཐོས་པའི་ཉེ་འཁོར་དུ་འདུག་ནས་ཚིགས་སུ་བཅད་པས་གསོལ་པ་བཏབ་པ། རྒྱལ་པོའི་ཁབ་ན་ཞེས་གཉིས་མཆིས་པ་འགྲམ་དང་ནི། །ཉེ་འགྲམ་སྟོབས་དང་ཁ་དོག་ལྡན་པ་གང་ལགས་པ། །དེ་འདིར་དགུམ་རྒྱུ་བདག་ཅག་དགུམ་པའི་རྒྱུ་མ་ལགས། །ལྷན་ཅིག་དགུམ་རྒྱུ་མ་ལགས་དགུམ་པ་རིགས་པ་མིན། །རྒྱལ་པོས་ཐོས་ནས། དེ་ནས་ནམ་ལངས་པ་དང ། བློན་པོ་རྣམས་ལ་བསྒོ་བ། ཤེས་ལྡན་དག་མདང་སུམ་ང་ལ་ཚིགས་སུ་བཅད་པས་གསོལ་བ་བྱེད་པ་གང་ཡིན་པ་དེ་ཚོལ་ཅིག་།དེ་རྣམས་ཀྱིས་སྐུ་སྲུང་རྣམས་ལ་བསྒོ་བ། ཤེས་ལྡན་དག་མདང་སུམ་ལྷ་ལ་ཚིགས་སུ་བཅད་པས་གསོལ་བ་བྱེད་པ་དེ་ཚོལ་ཅིག་།དེ་རྣམས་ཀྱིས་སྨྲས་པ། ཡུལ་གྱི་ཁྱི་ལགས་སོ། །རྒྱལ་པོས་སྨྲས་པ། ཤེས་ལྡན་དག་ཅི་འགྲམ་དང ། ཉེ་འགྲམ་གྱིས་ཟོས་སམ། འོན་ཏེ་ཁྱི་གཞན་རྣམས་ཀྱིས་ཡིན་པ་རྟོགས་ཤིག་།བློན་པོ་རྣམས་འདུས་ནས་གྲོས་བྱ་བར་བརྩམས་པ། ཤེས་ལྡན་དག་ལྷས་འདི་སྐད་ཅེས་ཁྱི་རྣམས་རྟོགས་ཤིག་ཅེས་བཀའ་སྩལ་ན། དེ་རྣམས་ལ་ཇི་ལྟར་བརྟག་པར་བྱ། གཞན་དག་གིས་སྨྲས་པ། དེ་ལ་གཞན་པ་རྟག་ཏུ་ཅི་ཡོད། སྐྲའི་ཐུམ་པོ་བྱིན་ཏེ་སྐྱུག་ཏུ་གཞུག་མོད། དེ་རྣམས་ཀྱིས་སྐྲའི་ཐུམ་པོ་བྱིན་ཏེ། སྐྱུག་ཏུ་བཅུག་པ་ལས། ཇི་ཙམ་ན་འགྲམ་དང ། ཉེ་འགྲམ་གཉིས་ཀོ་བའི་དུམ་བུར་སྐྱུགས་ནས། རྒྱལ་པོ་ལ་རིགས་པར་བྱས་པ་དང ། རྒྱལ་པོས་དེ་གཉིས་སྤངས་ཏེ། ལྷག་མ་རྣམས་ལ་མི་འཇིགས་པར་བྱིན་ནོ། །དགེ་སློང་
Nga304a
༄#། །དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་འགྲམ་དང ། ཉེ་འགྲམ་གང་ཡིན་པ་དེ་གཉིས་ནི། ལྷས་བྱིན་དང་མ་སྐྱེ་དགྲ་འདི་གཉིས་ཡིན་ཏེ། དེ་ན་ཡང་འདི་གཉིས་ཀྱིས་ཉེས་པ་བྱས་ལ་སྐྱོན་གཞན་ལ་བསྒོའོ། །ད་ལྟར་ཡང་འདི་གཉིས་ཀྱིས་ཉེས་པ་བྱས་ལ་སྐྱོན་གཞན་ལ་བསྒོའོ། །གཞན་ཡང་ཇི་ལྟར་ལྷས་བྱིན་བྱས་པ་མི་གཟོ་བ་དང ། བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཚངས་སྦྱིན་ཞེས་བྱ་བ་རྒྱལ་སྲིད་བྱེད་དུ་འཇུག་གོ་ཇི་ཙམ་ན་མི་ཞིག་སྟ་རེ་དང་ཁུར་ཤིང་ཐོགས་ཏེ། ཤིང་གི་ཕྱིར་ནགས་ཁྲོད་དུ་སོང་ནས། དེ་དེ་ན་ཤིང་ཚོལ་བར་བྱེད་པ་ན། སེང་གེས་སྐྲག་ནས་གྲོས་པ་ལས་སུར་ཁུང་ཞིག་ཏུ་ལྷུང་ངོ ། །སེང་གེས་ཀྱང་དེ་བཟའ་བའི་བསམ་པས་དེ་ཉིད་དུ་ལྷུང་ངོ ། །སྦྲུལ་གྱིས་བྱི་བ་ཞིག་སྐྲག་ནས་བྲོས་པ་དང ། ཁྲས་བྱི་བ་བཟའ་བའི་ཕྱིར་སྙེགས་པ་ལས། ཇི་ཙམ་ན་ཐམས་ཅད་སུར་ཁུང་དུ་ལྷུང་སྟེ། དེ་དག་ཐམས་ཅད་གཅིག་ལ་གཅིག་བསད་པར་འདོད་པའི་གནོད་སེམས་དང་ལྡན་པར་གྱུར་པ་དང ། སེང་གེས་སྨྲས་པ། ཤེས་ལྡན་དག་ཁྱེད་ཐམས་ཅད་ཁོ་བོའི་བགྲོད་པ་ཡིན་ཏེ། དེ་ལྟ་མོད་ཀྱི་བདག་ཅག་སྡུག་བསྔལ་མི་བཟད་པ་དོག་པ་ཐོབ་པས་འདི་ན་གནོང་བ་བྱ་བའི་དུས་མ་ཡིན་གྱིས་མ་འགུལ་བར་འཁོད་ཅིག་།སྟེས་དབང་གིས་རྔོན་པ་ཞིག་རི་དྭགས་རྣམས་ཚོལ་ཞིང་ཕྱོགས་དེར་ཕྱིན་པ་ན། དེས་སུར་ཁུང་དེར་བལྟ་བར་བརྩམས་
Nga304b
པ་ལས། དེ་རྣམས་ཀྱིས་རྟབས་པའི་ཚིག་གིས་སྨྲས་པ། ཀྱེ་ནང་རྗེ་སྐྱབས་གྱིས་ཤིག་།དེ་ནས་རྔོན་པ་དེས་ཤེས་ནས་ཐོག་མར་སེང་གེ་ཕྱུང་བ་དང ། དེས་རྐང་པ་ལ་གཏུགས་ཏེ་སྨྲས་པ། ཁྱོད་ཀྱི་དྲིན་གཟོ་བར་བྱ་སྟེ། འོན་ཀྱང་འདི་ན་མགོ་ནག་པོ་གནས་པ་དེ་ནི་བྱས་པ་ཆུད་གཟོན་པ་ཡིན་གྱི། ཁྱོད་ཀྱིས་མ་དབྱུང་ཞིག་ཅེས་སྨྲས་ནས་སོང་ངོ ། །ཅི་ཙམ་ན་རྔོན་པ་དེས་ཐམས་ཅད་མཐར་གྱིས་ཕྱུང་ངོ ། །ཇི་ཙམ་དུས་གཞན་ཞིག་ན་སེང་གེས་རི་དྭགས་ཤིག་བསད་པ་དང ། རྔོན་པ་དེ་ཡང་ཕྱོགས་དེར་ཕྱིན་པ་སེང་གེས་དེ་ངོ་ཤེས་ནས་རྔོན་པའི་རྐང་པ་ལ་གཏུགས་ཏེ་རི་དྭགས་དེ་བྱིན་ནོ། །དུས་གཞན་ཞིག་ན་རྒྱལ་པོ་ཚངས་བྱིན་བཙུན་མོ་དང་ལྷན་ཅིག་སྐྱེད་མོས་ཚལ་གྱི་སར་སོང་ནས། དེས་སྐྱེད་མོས་ཚལ་དེར་བདེ་བ་ཉམས་སུ་མྱོང་བར་བྱས་ནས་གཉིད་ཀྱིས་ལོག་གོ། བཙུན་མོ་བུད་མེད་རྣམས་ཀྱང་བག་ཡངས་སུ་གནས་པས་གོས་དག་ཕུད་དེ་སྐེམ། རྒྱན་དག་བཀྲོལ་ནས་ཕྱོགས་དག་ཏུ་བཞག་སྟེ། སྐྱེད་མོས་ཚལ་ན་འཆག་པར་བྱེད། འདུག་པར་བྱེད། ཉལ་བར་བྱེད། གཉིད་ཀྱིས་ལོག་པར་བྱེད་དོ། །ཇི་ཙམ་ན་བཙུན་མོ་ཞིག་རྒྱན་རྣམས་བཀྲོལ་ཏེ། ཕྱོགས་ཞིག་ཏུ་བཞག་ནས། གཉིད་ལོག་པ་དང ། ཁྲས་དེ་བླངས་ནས་རྔོན་པ་དེ་ལ་བྱས་པ་གཟོ་བར་བྱ་བའི་ཕྱིར་བྱིན་ནོ། །རྒྱལ་པོ་ཚངས་སྦྱིན་གཉིད་ཀྱིས་སྙོམས་པ་བསལ་ནས་མྱུར་བ་མྱུར་བར་ཝཱ་ར་ཎཱ་སིར་ཞུགས་སོ། །བཙུན་མོ་དང ། གཞོན་ནུ་དང ། བློན་པོ་དང ། གྲོང་
Nga305a
༄#། །མི་དང ། ཡུལ་མི་རྣམས་ཀྱང་རིངས་པར་དོང་ངོ ། །ཇི་ཙམ་ན་བཙུན་མོ་དེས་རྒྱན་བཙལ་བ་ལས་མ་རྙེད་ནས། དེས་རྒྱལ་པོ་ལ་སྨྲས་པ། ལྷ་སྐྱེད་མོས་ཚལ་དུ་བདག་གི་རྒྱན་སྟོར་ལགས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་རྒྱན་སྟོར་གྱིས་སུས་ཁྱེར་ཚོལ་ཅིག་།དེ་རྣམས་ཀྱིས་བཙལ་བར་བརྩམས་པ་ན།་མགོ་ནག་པོ་དེ་རྔོན་པའི་དྲུང་དུ་དུས་དུས་སུ་འགྲོ་བས་དེ་དེའི་ཁྱིམ་དུ་སོང་བ་ན། མཚན་མ་ལས་དེ་ལ་རྒྱན་ཡོད་པར་ཤེས་ནས། བྱས་པ་ཆུད་གཟོན་པ་དེས་རྒྱལ་པོའི་དྲུང་དུ་སོང་ནས་གསོལ་པ་དང ། དེ་ནས་རྒྱལ་པོ་མཆོག་ཏུ་ཁྲོས་ཏེ། རྒྱལ་པོའི་མི་རྣམས་ཀྱིས་རྔོན་པ་བཀུག་ནས་སྨྲས་པ། ཀཝའེ་ནང་རྗེ་ཁྱོད་ཀྱིས་སྐྱེད་མོས་ཚལ་ནས་རྒྱན་བརྐུས་སོ། །དེ་ནས་དེ་སྐྲག་ནས་ཇི་ལྟར་གྱུར་པ་སྨྲས་ཏེ། རྒྱན་དེ་རྒྱལ་པོ་ལ་ཕུལ་ན། འོན་ཀྱང་མི་དེ་བཅིངས་ནས་བཙོན་རར་བཞག་གོ་།བྱི་བས་སོང་ནས་སྦྲུལ་ལ་སྨྲས་པ། མགོ་ནག་པོ་སྡིག་པ་བྱེད་པ་དེས་བྱ་བ་བྱས་ནས། བདག་ཅག་གི་དགེ་བའི་བཤེས་གཉེན་རྒྱལ་པོས་བཅིངས་ནས་བཙོན་རར་བཞག་གོ་།སྦྲུལ་གྱིས་སྨྲས་པ། ཀྱེ་རྔོན་པ། དེ་རིང་བདག་གིས་རྒྱལ་པོ་ལ་ཟིན་པར་བྱས། ཁྱོད་ཀྱིས་སྔགས་ཀྱི་ཚིག་འདི་དག་དང ། སྨན་འདི་དག་གིས་གསོས་ཤིག་དང ། དེ་ལྟ་ན་རྒྱལ་པོ་དེ་དགའ་ནས་ཁྱོད་གདོན་མི་ཟ་བར་བཏང་ནས་ལོངས་སྤྱོད་ཀྱང་བགོ་བཤའ་བྱེད་པར་
Nga305b
འགྱུར་རོ། །དེས་སྨྲས་པ། ལེགས་ཀྱིས་དེ་བཞིན་གྱིས་ཤིག་།སྦྲུལ་གྱིས་རྒྱལ་པོ་ཟིན་པ་དང ། རྔོན་པས་སོང་སྟེ། སྔགས་དང་སྨན་དག་གིས་གསོས་སོ། །དེ་ནས་རྒྱལ་པོ་མགུ་ནས་བཙོན་ལས་བཏང་སྟེ་ལོངས་སྤྱོད་དག་གིས་བགོ་བཤའ་ཡང་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྔོན་པ་གང་ཡིན་པ་དེ་ནི་ང་ཡིན་ནོ། ། དེའི་ཚེ་དེའི་དུས་ཀྱི་བྱས་པ་ཆུད་གཟོན་པའི་མི་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང ། བྱས་པ་མ་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང ། བྱས་པ་མི་ཚོར་བ་ཡིན་ནོ། །གཞན་ཡང་ཇི་ལྟར་འདི་བྱས་པ་མི་གཟོ་བ་དང ། བྱས་པ་མི་ཚོར་བ་དེ་ཉོན་ཅིག་།དགེ་སློང་དག་སྔོན་བྱུང་བ། དུས་མ་ཡིན་པར་ཞག་བདུན་དུ་སྤྲིན་ཆགས་ཏེ། ལྷས་ཆར་ཕབ་ནས། ནེའུ་ལེ་ཞིག་བྱི་བའི་ཚང་དུ་ཞུགས་སོ། །སྦྲུལ་ཞིག་ཀྱང་ཆར་པས་སྐྲག་ནས་ཕན་ཚུན་དུ་རྒྱུ་བ་ན་དེ་ཉིད་དུ་ཞུགས་སོ། །ཇི་ཙམ་ན་ནེའུ་ལེ་དེས་བྱི་བ་དེ་བསད་པར་བརྩམས་པ་ན། སྦྲུལ་གྱིས་སྨྲས་པ། ཤེས་ལྡན་དག་བདག་ཅག་སྡུག་བསྔལ་མི་བཟད་པ་དོག་པ་ཐོབ་ཀྱིས་གཅིག་ལ་གཅིག་གནོང་བ་མ་བྱེད་པར་མ་འགུལ་བར་འཁོད་ཅིག་།དེ་ནས་སྦྲུལ་གྱི་མིང་ནི་དགའ་སྡེ་ཞེས་བྱའོ། །ནེའུ་ལེའི་མིང་ནི་དགའ་བོ་ཞེས་བྱའོ། །བྱི་བའི་མིང་ནི་གངྒཱས་བྱིན་ཞེས་བྱའོ། །དགའ་སྡེ་དང ། དགའ་བོས་གངྒཱས་བྱིན་ལ་སྨྲས་པ། ཁྱོད་འཇབ་ཅིང་སོང་ལ་བདག་ཅག་གི་ཁ་ཟས་
Nga306a
༄#། །ཚོལ་ཅིག་།དེ་དྲང་ཞིང་བསམ་པ་བཟང་བ་ཡིན་པས། དེ་གཉིས་ཀྱི་ཆེད་དུ་སྙིང་ནས་ཁ་ཟས་བཙལ་བར་བརྩམས་པ་ན་མ་རྙེད་དོ། །དགའ་བོས་དགའ་སྡེ་ལ་སྨྲས་པ་གལ་ཏེ་གངྒཱས་བྱིན་ཁ་ཟས་མེད་པར་འོངས་ན། དེ་ཉིད་བདག་གིས་བཟའ་བར་བྱའོ། །དགའ་སྡེས་བསམས་པ། སྡུག་བསྔལ་མི་བཟང་པ་དོག་པ་ཐོབ་པ་ན་ཡང་འདི་དེ་ལ་གསོད་པར་རྩོམ་ན།་གལ་ཏེ་དེ་ཟས་མེད་པར་འོངས་ན་ལྟ་སྨོས་ཀྱང་ཅི་དགོས་པས། ཡེ་དེ་ལ་སྤྲིང་བར་བྱའོ་སྙམ་ནས། དེས་དེ་ལ་སྤྲིང་བ། དགའ་བོ་ན་རེ་འདི་སྐད་ཅེས། གལ་ཏེ་གངྒཱས་བྱིན་ཁ་ཟས་མེད་པར་འོངས་ན། དེ་ཉིད་བདག་གིས་བཟའ་བར་བྱའོ་ཞེས་ཟེར་རོ། །གངྒཱས་བྱིན་གྱིས་ཁ་ཟས་བཙལ་བ་ལས་ཅུང་ཟད་ཀྱང་མ་རྙེད་ནས། དེས་བསམས་པ། གདོན་མི་ཟ་བར་དེས་བདག་ཟོས་པར་འགྱུར་རོ་སྙམ་ནས། དེས་དགའ་སྡེ་ལ་སྤྲིང་བ། མི་བཀྲེན་ལྟོགས་པའི་ཤུགས་ཀྱིས་ཡོངས་དུབ་ནས། །ཉམ་ཐག་སྙིང་རྗེ་མེད་པར་འགྱུར་བས་ཁྱོད། །བྱས་པ་ཆུད་གཟོན་སེམས་ཅན་དེ་ལ་ནི།། གངྒཱས་བྱིན་པ་ཕྱིར་མི་འོང་ཞེས་གསུངས། །ཞེས་སྤྲིང་ངོ ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་གངྒཱས་བྱིན་གང་ཡིན་པ་དེ་ནི་ང་ཡིན་ནོ། །དེའི་ཚེ་དེའི་དུས་ཀྱི་ནེའུ་ལེ་དགའ་བོ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །གང་
Nga306b
གི་ཚེ་མ་སྐྱེས་དགྲས་རྒྱལ་པོ་གཟུགས་ཅན་སྙིང་པོ་ལ་རྡོ་རྗེ་རྩེ་གཅིག་པ་འཕངས་པ་དེའི་ཚེ། །རྒྱལ་པོས་དེ་ལ་སྤྱོས་ནས་གཞོན་ནུ། ཅིའི་ཕྱིར་ཁྱོད་ཀྱིས། ང་ལ་རྡོ་རྗེ་རྩེ་གཅིག་པ་འཕངས། དེས་སྨྲས་པ། ལྷ་ཚིག་པ་འཚལ་བའི་སླད་དུ་སྟེ། ལྷ་ལ་ལོངས་སྤྱོད་མངའ་ན། བདག་ལ་མ་མཆིས་སོ། །རྒྱལ་པོས་སྨྲས་པ། བུ་གལ་ཏེ་ད་ལྟ་ན་སོང་ལ་ཙམ་པ་གཞི་དང་བཅས་པ་ཁྱོད་ཀྱི་ཡིན་ནོ། །དེ་དགའ་བ་དང ། མགུ་བ་དང ། རབ་ཏུ་དགའ་བས་ལྷས་བྱིན་གྱི་དྲུང་དུ་སོང་སྟེ་སྨྲས་པ། འཕགས་པ་བདག་གིས་ཙམ་པ་གཞི་དང་བཅས་པ་ཐོབ་བོ། །དེས་སྨྲས་པ། གཞོན་ནུ་ཁྱོད་ཀྱིས། ཕ་རོལ་གནོན་པའི་འབྲས་བུ་མཐོང་ངམ། འཕགས་པ་མཐོང་ངོ ། །ད་དུང་ཡང་ཕ་རོལ་གནོན་པ་གྱིས་ཤིག་དང ། ཁྱོད་ཀྱིས་མངོན་པར་འཕེལ་བར་འགྱུར་རོ། །དེས་ཙམ་པར་དཔྱ་དབབ་པས་གཙེ་བར་བརྩམས་ཏེ།་གཙེས་པ་ན། སྐྱེ་བོའི་ཚོགས་འབྲོས་པ་ལ་ཞུགས་ཏེ། ཁ་ཅིག་ནི་རྒྱལ་པོའི་ཁབ་ཏུ་དོང་ངོ ། ཁ་ཅིག་ནི་ཡུལ་གཞན་དུ་དོང་ནས་བློན་པོ་རྣམས་ཀྱིས། རྒྱལ་པོ་ལ་ཕོ་ཉས་བཟླུབས་པ། ལྷ་གཞོན་ནུས་ཙམ་པའི་སྐྱེ་བོ་གཙེས་ཏེ། གཙེས་པ་ནི་འབྲོས་ལགས་ཀྱིས། ལྷ་གཞོན་ནུ་དེ་ལས་བཟློག་པར་མཛད་པའི་རིགས་སོ། །རྒྱལ་པོས་སྨྲས་པ། གཞོན་ནུ་ཅིའི་ཕྱིར་ཡུལ་མི་ལ་གནོད་པ་བྱེད། དེས་སྨྲས་པ། ལྷ་དཔུང་རྒྱས་པར་མི་འགྱུར་ལགས་སོ། །རྒྱལ་པོས་སྨྲས་པ། གཞོན་ནུ་གལ་ཏེ་དེ་ལྟ་ན། རྒྱལ་པོའི་ཁབ་པ་འབའ་ཞིག་མ་གཏོགས་པར་ཡུལ་མ་ག་དྷ་ཁྱེར་ཅིག །
Nga307a
༄#། །དེས་ཡུལ་མ་ག་དྷ་བླངས་ནས། ལྷས་བྱིན་གྱི་དྲུང་དུ་སོང་སྟེ། སྨྲས་པ། འཕགས་པ་བདག་གིས་རྒྱལ་པོའི་ཁབ་འབའ་ཞིག་མ་གཏོགས་པ་ཡུལ་མ་ག་དྷ་ཐམས་ཅད་ཐོང་བོ། །དེས་སྨྲས་པ། གཞོན་ནུ་ཕ་རོལ་གནོན་པའི་འབྲས་བུ་ནི་དེ་འདྲས། ཡང་ཕ་རོལ་གནོན་པ་གྱིས་ཤིག་།དེས་ཡུལ་མ་ག་དྷ་བརླག་པར་བྱ་བར་བརྩམས་པ་ན། ཡུལ་མ་ག་དྷ་ན་གནས་པའི་སྐྱེ་བོའི་ཚོགས་ཀྱིས་རྒྱལ་པོ་གཟུགས་ཅན་སྙིང་པོ་ལ་གསོལ་པ། ལྷ་གཞོན་ནུས་ཡུལ་མ་ག་དྷ་བརླག་པར་བགྱིས་ཀྱིས་ཟློག་མཛོད་ཅིག་།རྒྱལ་པོས་དེ་བཀུག་སྟེ།་སྨྲས་པ། གཞོན་ནུ་ཅིའི་ཕྱིར། ཡུལ་མ་ག་དྷ་བརླག་པར་བྱ། དེས་སྨྲས་པ། ལྷ་བདག་གི་སྐྱེ་བོའི་ཚོགས་ཕལ་པོ་ཆེ་རྒྱས་པར་མི་འགྱུར་ལགས་སོ། །རྒྱལ་པོས་སྨྲས་པ ། གཞོན་ནུ་གལ་ཏེ་དེ་ལྟ་ན་མཛོད་གཅིག་མ་གཏོགས་པར་ཐམས་ཅད་ཁྱོད་ཁོ་ནའི་ཡིན་ནོ། །དེས་རྒྱལ་པོའི་ཁབ་ཀྱང་བླངས་ནས། ལྷས་བྱིན་གྱི་དྲུང་དུ་སོང་སྟེ། སྨྲས་པ། འཕགས་པ་བདག་གིས་མཛོད་གཅིག་མ་གཏོགས་པར་ལོངས་སྤྱོད་ཐམས་ཅད་ཐོབ་བོ། །དེས་སྨྲས་པ། ཕ་རོལ་གནོན་པའི་འབྲས་བུ་དེ་ཡིན་མོད་ཀྱི། འོན་ཀྱང ། རྒྱལ་པོ་རྣམས་ནི་མཛོད་ཀྱི་མཐུ་ཅན་ཡིན་ཏེ། གང་ལ་མཛོད་ཡོད་པ་དེ་རྒྱལ་པོ་ཡིན་པས། མཛོད་ཀྱི་ཕྱིར་ཕ་རོལ་གནོན་པ་གྱིས་ཤིག་།དེས་རྒྱལ་པོའི་ཁབ་ཀྱང་བརླག་པར་བྱ་བར་བརྩམས་པ་ན། རྒྱལ་པོའི་ཁབ་ན་གནས་པའི་སྐྱེ་
Nga307b
བོའི་ཚོགས་དང ། ཡུལ་མ་ག་དྷ་ན་གནས་པའི་སྐྱེ་བོའི་ཚོགས་དང ། ཙམ་པ་ཐམས་ཅད་སྐྲག་པར་གྱུར་ནས། ཇི་ལྟར་མ་སྐྱེས་དགྲས་མི་མཐོང་བ་དེ་ལྟར་ཕོ་ཉ་བཏང་སྟེ། རྒྱལ་པོ་ལ་གསོལ་པ། ལྷས་བདག་ཅག་བུ་བཞིན་དུ་སོ་སོར་བསྐྱངས་ན། གཞོན་ནུས་མ་འོས་པ་བཞིན་དུ་བཀྲེན་པར་བགྱིས་པས། ལྷའི་ཡུལ་མི་ཕལ་ཆེར་བྲོས་ལགས་ཏེ། བདག་ཅག་ཀྱང་འབྲོས་པར་འཚལ་ལགས་སོ། །རྒྱལ་པོ་སྙིང་རྗེའི་བདག་ཉིད་ཅན། ཆོས་གཙོར་བྱེད་པ་དེ་མི་བདེ་བ་སྐྱེས་ནས་མ་སྐྱེས་དགྲ་བཀུག་སྟེ། དགའ་བ་དང ། སྙན་པ་དང ། རྗེས་སུ་མཐུན་པའི་ཚིག་གིས་མགོ་ལ་བྱུགས་ཏེ་སྨྲས་པ། བུ་ངས་ཁྱོད་ལ་ཡུལ་ཐམས་ཅད་བྱིན་ན་ཅིའི་ཕྱིར་ཡི་ཆད་པར་བྱས། སོ་སོར་སྐྱོངས་ཤིག་།དེས་སྨྲས་པ། ལྷ་རྒྱལ་པོ་རྣམས་ནི་མཛོད་ཀྱི་མཐུ་ཅན་ལགས་ན། བདག་ལ་མཛོད་ཀྱི་མཐུ་མ་མཆིས་ན།་ཇི་ལྟར་བགྱི། དེས་སྨྲས་པ། གལ་ཏེ་དེ་ལྟ་ན་བཙུན་མོའི་འཁོར་མ་གཏོགས་པ་ཐམས་ཅད་ཁྱོད་ཁོ་ནའི་ཡིན་ནོ། །འོན་ཀྱང་རང་བཞིན་ངན་ཅིང ། སྡིག་པའི་གྲོགས་པོ་ཅན་དེ་འདུག་ཏུ་མི་བཏུབ་ཅིང་བརླག་པ་ཁོ་ནར་བྱེད་དོ། །རྒྱལ་པོས་སྤྱོ་བ་དང་བཅས་པས་སྨྲས་པ། བང་མཛོད་དང ། མཛོད་དང ། ཡུལ་ཐམས་ཅད་ཁྱོད་ཁོ་ན་ལ་བྱིན་ན། ཅིའི་ཕྱིར་ད་དུང་བརླག་པར་བྱེད། དེ་སྐད་ཅེས་སྨྲས་པ་དང ། དེ་ཁྲོས་ནས་བློན་པོ་རྣམས་ལ་སྨྲས་པ། ཤེས་ལྡན་དག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལ་སྨོད་པ་གང་ཡིན་པ་དེ་ལ་ཆད་པ་ཅི་བཅད། བློན་པོ་རྣམས་
Nga308a
༄#། །ཀྱིས་སྨྲས་པ། ལྷ་ཆད་པར་དགུམ་ལགས་མོད། དེས་སྨྲས་པ། ངའི་ཡབ་ཡིན་པས་ཇི་ལྟར་བསད་ཀྱི། དེང་ལ་དེ་བཟུང་སྟེ་ཕྱག་སྦལ་དུ་ཆུག་ལ་ཞོག་ཅིག་།དེ་ཕྱག་སྦལ་དུ་བཅུག་པ་དང ། རྒྱལ་པོ་དེ་ལ་གྲོང་མི་རྣམ་དགའ་བས། ཡུལ་དེ་ན་གནས་པའི་སྐྱེ་བོའི་ཚོགས་ཀྱིས་ཐོས་ནས་ཡིད་མི་བདེ་བར་གྱུར་ནས། མ་སྐྱེས་དགྲ་གཏུམ་པ་དང ། བརླང་པ་དང ། གཟུ་ལུམས་ཆེ་བས་དེ་ལ་སུ་ཡང་ཁ་ཟེར་མི་ཕོད་དོ། །རྒྱལ་པོ་གཟུགས་ཅན་སྙིང་པོས་ཕྱག་སྦལ་ན། ལས་ཁོ་ན་ལ་རྟེན་ཅིང་འདུག་པ་དེ་ལ། ལུས་འཕགས་མས་སྣོད་དུ་བཙོས་པ་སྐྱེལ་བར་བྱེད་དོ། །མ་སྐྱེས་དགྲས་བཙོན་སྲུང་རྣམས་ལ་དྲིས་པ། ཤེས་ལྡན་དག་རྒྱལ་པོ་བགྲེས་པོ་ཇི་ལྟར་འཚོ་བར་བྱེད། དེ་རྣམས་ཀྱིས་སྨྲས་པ། ལྷ་ཁྱོད་ཀྱི་ཡུམ་གྱིས་སྣོད་ནས་བཙོས་པ་སྐྱེལ་ལགས་སོ། །མ་སྐྱེས་དགྲས་བསྒོ་བ། ཕྱིན་ཆད་བཟའ་བ་དང་བཏུང་བ་ཇི་ལྟར་ཡང་སྐྱེལ་བར་མི་འགྱུར་བ་ཁོག་ཅིག། བཙུན་མོ་རྣམས་ལ་ཡང་བསྒོ་བ། སུས་ཀྱང་ཕྱག་སྦལ་དུ་བཟའ་བ་དང་བཏུང་བ་བསྐྱལ་བར་མི་བྱའོ། །གང་ཞིག་སྐྱེལ་ན་དེ་ཆད་པས་གསོད་དོ། །དེ་ཞེ་གནག་པའི་ལས་ཅན་ཡིན་པར་ཤེས་པ་སུ་ཡང་ཁ་ཟས་སྦྱོར་བར་ཡང་མི་བྱེད་ན། སྐྱེལ་བ་ལྟ་སྨོས་ཀྱང་ཅི་དགོས། དེ་ནས་ལུས་འཕགས་མ་ཁྱིམ་ཐབ་ལ་སྡུག་པར་འཆུམས་པའི་སྙིང་གིས་ཕྱེའི་འདེག་གུས་ལུས་བྱུགས་ཤིང་རྐང་གདུབ་ཀྱི་
Nga308b
སྦུབས་ཆུས་བཀང་ནས་བསྐྱལ་བར་བརྩམས་ཏེ། དེ་དེས་འཚོ་བར་བྱེད་དོ། །བརྩོན་སྲུང་གི་མི་རྣམས་ཀྱིས་དེའི་ཐབས་ཤེས་མོད་ཀྱི་རྒྱལ་པོ་དེ་ལ་དགའ་བས་མཐོང་ཡང་མ་སྐྱེས་དགྲ་ལ་མ་སྦྲན་ཏོ། ། ཇི་ཙམ་ན་ཡང་མ་སྐྱེས་དགྲས་བཙོན་སྲུང་གི་མི་རྣམས་ལ་སྨྲས་པ། ཤེས་ལྡན་དག་རྒྱལ་པོ་བགྲེས་པོ་ཇི་ལྟར་འཚོ་བར་བྱེད། དེ་རྣམས་ཀྱིས་རྒྱས་པར་སྨྲས་པ་དང ། དེས་སྨྲས་པ། ཤེས་ལྡན་དག་ལུས་འཕགས་མ་ཇི་ལྟར་ཕྱིས་སྐྱེལ་བར་མི་འགྱུར་བར་ཁོག་ཅིག། དེ་ནས་བཅོམ་ལྡན་འདས་ཀྱིས་དེའི་དགེ་བའི་རྩ་བ་བསྐྱེད་པའི་ཕྱིར་སྐར་ཁུང་གི་དྲང་ཐད་ཀྱི་བྱ་རྒོད་ཀྱི་ཕུང་པོའི་རི་ལ་འཆག་པར་བརྩམས་ནས། རྒྱལ་པོ་གཟུགས་ཅན་སྙིང་པོས་སྐར་ཁུང་ནས། དྲང་ཐད་ཀྱི་བྱ་རྒོད་ཀྱི་ཕུང་པོའི་རི་ལ་བཅོམ་ལྡན་འདས་གང་ན་བ་ལ་བལྟས་ནས་དགའ་བ་བསྐྱེད་པས། དེས་ན་སྲོག་དང་བྲལ་བར་མ་གྱུར་ཏོ། །མ་སྐྱེས་དགྲས་ཡང་བཙོན་སྲུང་གི་མི་རྣམས་ལ་སྨྲས་པ། ཤེས་ལྡན་དག་བཟའ་བ་དང ། བཏུང་བ་ནི་བཀག་ན་ད་ལྟར་རྒྱལ་པོ་བགྲེས་པོ་ཇི་ལྟར་འཚོ་བར་བྱེད། དེ་རྣམས་ཀྱིས་སྨྲས་པ། བཅོམ་ལྡན་འདས་ཀྱིས་དེ་རྗེས་སུ་གཟུང་བའི་སླད་དུ་སྐར་ཁུང་གི་དྲང་ཐད་ཀྱི་བྱ་རྒོད་ཀྱི་ཕུང་པོའི་རི་ལ་འཆག་པར་མཛད་པ་དེ་ལ། དེ་གདུགས་རེ་རེ་ཞིང་བཞེངས་ནས་གཟིགས་ལགས་སོ། །དེ་སྨྲས་པ། སྐར་ཁུང་ཁོག་ལ། དེའི་རྐང་པ་གཉིས་ཀྱང་སྤུ་གྲིས་དྲོས་ཤིག། དེ་རྣམས་ཀྱིས་སྐར་ཁུང་དག་བཀག། དེའི་རྐང་པ་གཉིས་ཀྱང་སྤུ་གྲིས་དྲས་པ་དང །
Nga309a
༄#། །དེ་སྡུག་བསྔལ་གྱི་ཚོར་བས་གདུངས་པས། མཆི་མས་བརྣངས་ཤིང་སྐད་འགག་ལ། མིག་མཆི་མས་གང་བས་བསམས་པ། བདག་སྡུག་བསྔལ་མི་བཟད་པ་དོག་པ་ཐོབ་ན། བཅོམ་ལྡན་འདས་ཀྱིས་མ་དགོངས་པ་ལྟ་ཞིག་སྙམ་མོ། །སངས་རྒྱས་བཅོམ་ལྡན་འདས་རྣམས་ནི་དེ་ལྟ་བུ་མི་མཁྱེན་པའམ་མི་གཟིགས་པའམ། ཐུགས་སུ་མི་ཆུད་པའམ། རྣམ་པར་མི་མཁྱེན་པ་ཅི་ཡང་མི་མངའོ། །ཆོས་ཉིད་ཀྱིས་སངས་རྒྱས་བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ། འཇིག་རྟེན་ལ་ཕན་པར་ཞུགས་པ། བསྲུང་བ་གཅིག་པུ་པ། ཉ་གཅིག་དཔའ་བ། ཟླ་མེད་པ། གཉིས་སུ་མི་གསུང་བ། ཞི་གནས་དང་ལྷག་མཐོང་གིས་བཞུགས་པ། དུལ་བའི་གནས་གསུམ་གྱི་གཞི་ལ་མཁས་པ། ཆུ་བོ་བཞི་ལས་རྒལ་བ་རྫུ་འཕྲུལ་གྱི་རྐང་པ་བཞིའི་ཞབས་ཀྱི་མཐིལ་ལེགས་པར་གནས་པ། བསྡུ་བའི་དངོས་པོ་བཞི་ལ་ཡུན་རིང་པོ་ནས་ཡོངས་སུ་སྦྱང་བ་མཛད་པ། ཡན་ལག་ལྔ་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། བྱང་ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ།་ལམ་གྱི་ཡན་ལག་བརྒྱད་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་དང་ལྡན་པ། ཕྱོགས་བཅུར་སྙན་པས་ཡང་དག་པར་
Nga309b
རྒྱས་པ། བརྒྱ་ཕྲག་བཅུར་དབང་བསྒྱུར་བ་ལས་ཁྱད་པར་དུ་འཕགས་པ་རྣམས་ནི་སངས་རྒྱས་ཀྱི་སྤྱན་གྱིས་ཉིན་ལན་གསུམ་མཚན་ལན་གསུམ་དུ་འཇིག་རྟེན་ལ་རྣམ་པར་གཟིགས་ནས་གང་ནི་ཉམས། གང་ནི་འཕེལ། གང་ནི་མི་བཟད་པར་གྱུར། གང་ནི་དོག་པར་གྱུར། གང་ནི་སྡུག་བསྔལ་བར་གྱུར། གང་ནི་མི་བཟད་པ་དང ། དོག་པ་དང ། སྡུག་བསྔལ་བར་གྱུར། གང་ནི་ངན་སོང་ལ་གཞོལ། གང་ནི་ངན་སོང་ལ་འབབ། གང་ནི་ངན་སོང་ལ་བབ། ངས་གང་ནི་ངན་སོང་ལས་དྲངས་ཏེ། མཐོ་རིས་དང་ཐར་པ་དང ། འབྲས་བུ་ལ་གཞག་པར་བྱ། གང་གི་དགེ་བའི་རྩ་བ་དག་མ་སྐྱེས་པ་ནི་བསྐྱེད་པར་བྱ། གང་གི་དགེ་བའི་རྩ་བ་བསྐྱེད་པ་དག་ནི་ཡོངས་སུ་སྨིན་པར་བྱ། གང་གི་ཡོངས་སུ་སྨིན་པ་ནི་རྣམ་པར་གྲོལ་བར་བྱ་ཞེས་ཡེ་ཤེས་གཟིགས་པ་འཇུག་པར་མཛད་དོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་བཀའ་སྩལ་པ། མོའུ་དགལ་གྱི་བུ་སོང་ལ་ངའི་ཚིག་གི་རྒྱལ་པོ་གཟུགས་ཅན་སྙིང་པོ་ལ་ནད་མེད་པར་གྱུར་ཅིག་ཅེས་བྱོས་ལ། འདི་སྐད་ཅེས་བཅོམ་ལྡན་འདས་ཀྱི་ཞལ་ནས་དགེ་བའི་བཤེས་གཉེན་གྱི་བྱ་བ་གང་ཡིན་པ་དེ་ངས་ཁྱོད་ལ་མཛད་ཟིན་ཏེ། ཁྱོད་སེམས་ཅན་དམྱལ་བ་དང ། དུད་འགྲོའི་སྐྱེ་གནས་དང ། ཡི་དྭགས་རྣམས་ནས་ནི་རྐང་པ་དྲངས། ལྷ་དང་མི་རྣམས་སུ་ནི་རབ་ཏུ་བཞག་།འཁོར་བ་ནི་མཐར་བྱས། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་
Nga310a
༄#། །རི་བོ་ལས་ནི་བསྒྲལ། ངན་སོང་རྣམས་ཀྱི་སྒོ་ནི་བཅད། མཐོ་རིས་དང་ཐར་པའི་སྒོ་རྣམས་ནི་ཕྱེ་ན། འོན་ཀྱང་ཁྱོད་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ།་འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་ཁྱོད་ཉིད་ཀྱིས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། རྒྱལ་པོ་ཆེན་པོ་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི་འདི་ལྟར་ལས་དགེ་བ་དང་མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང་ཁམས་དང ། སྐྱེ་མཆེད་རྣམས་ཁོ་ན་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །རྒྱལ་པོ་ཆེན་པོ་དེ་ལྟ་བས་ན། ལས་ཀྱི་སྐྱབས་ཅན་དུ་གྱིས་ཤིག་ཅེས་གསུང་ངོ་ཞེས་བྱོས་ཤིག་།བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་བཅོམ་ལྡན་འདས་ལས་མཉན་ནས། ཇི་ལྟར་སེམས་གཉམ་པར་བཞག་ན་བྱ་རྒོད་ཀྱི་ཕུང་པོའི་རི་ལས་མི་སྣང་བར་གྱུར་ཏེ། ཕྱག་སྦལ་དུ་རྒྱལ་པོ་གཟུགས་ཅན་སྙིང་པོའི་མདུན་དུ་འདུག་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་
Nga310b
ཅེས་སྨྲས་སོ། །རྒྱལ་པོ་ཆེན་པོ་བཅོམ་ལྡན་འདས་ཀྱི་ཞལ་ནས། ཁྱོད་ནད་མེད་པར་གྱུར་ཅིག་ཅེས་གསུང་ངོ ། །བཙུན་པ་མོའུ་དགལ་གྱི་བུ་ཆེན་པོ་བཅོམ་ལྡན་འདས་ལ་ཕྱག་འཚལ་ལོ། །རྒྱལ་པོ་ཆེན་པོ་བཅོམ་ལྡན་འདས་ཀྱི་ཞལ་ནས། འདི་སྐད་ཅེས། དགེ་བའི་བཤེས་གཉེན་གྱིས་བྱ་བ་གང་ཡིན་པ་དེ་ངས་ཁྱོད་ལ་མཛད་དོ། །ཁྱོད་སེམས་ཅན་དམྱལ་བ་དང ། དུད་འགྲོ་དང ། ཡི་དྭགས་རྣམས་ནས་ནི་རྐང་པ་དྲངས། ལྷ་དང ། མི་རྣམས་སུ་ནི་རབ་ཏུ་བཞག་།འཁོར་བའི་ནི་མཐར་བྱས། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་ལས་ནི་བསྒྲལ། ངན་སོང་རྣམས་ཀྱི་སྒོ་ནི་བཅད། མཐོ་རིས་དང་ཐར་པའི་སྒོ་རྣམས་ནི་ཕྱེ་ན། འོན་ཀྱང་ཁྱོད་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བའི་ལས་དག་ཁྱོད་ཀྱིས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། རྒྱལ་པོ་ཆེན་པོ་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་གྱུར་གྱི། འདི་ལྟར་ལས་དགེ་བ་དང ། མི་དགེ་བའི་ལས་བྱས་ཤིང་བསགས་པ་དག་ནི། ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ཁོ་ན་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །
Nga311a
༄#། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །རྒྱལ་པོ་ཆེན་པོ་དེ་ལྟ་བས་ན་ཁྱོད་ཀྱིས་ལས་ཀྱི་སྐྱབས་ཅན་དུ་གྱིས་ཤིག་ཅེས་གསུང་ངོ ། །དེ་ཕྱག་སྦལ་དུ་བཅུག་པ་དང ། སྤུ་གྲིས་རྐང་པ་དྲས་པ་དང ། བཟའ་བ་དང ། བཏུང་བ་དང་བྲལ་བའི་སྡུག་བསྔལ་གྱིས་ཉེན་པས་སྨྲས་པ། བཙུན་པ་མོའུ་དགལ་གྱི་བུ་ཆེན་པོ་གང་ན་ཁ་ཟས་བཟང་པོ་འཚལ་ལགས། དེས་སྨྲས་པ། རྒྱལ་པོ་ཆེན་པོ་རྒྱལ་ཆེན་བཞིའི་རིས་ཀྱི་ལྷ་རྣམས་ནའོ་ཞེས་སྨྲས་ནས། ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཇི་ལྟར་སེམས་མཉམ་པར་བཞག་ན། ཕྱག་སྦལ་དེ་ནས་མི་སྣང་བར་གྱུར་ཏེ། བྱ་རྒོད་ཀྱི་ཕུང་པོ་ལ་ཕྱིན་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །མ་སྐྱེས་དགྲའི་བུ་འཆར་བྱེད་བཟང་པོའི་མཛུབ་མོ་ལ་ཕོལ་མིག་བྱུང་བས་དེ་ངུ་བར་གྱུར་ནས་མ་སྐྱེས་དགྲ་དྲུང་དུ་སོང་སྟེ་དེས་དེ་ཕང་པར་བཞག་ནས་མགུལ་ནས་འཁྱུད། འོ་བྱས་ཀུན་ཏུ་འཁྱུད་ན་འོན་ཀྱང་དེ་ངུ་སྟེ་འདུག་ཏུ་མི་བཏུབ་བོ། །དེ་ནས་མ་སྐྱེས་དགྲས་དེའི་མཛུབ་མོ་ཁར་བཅུག་པ་དང ། ཕོལ་མིག་ཁར་རྡོལ་ནས་མ་སྐྱེས་དགྲས་རྣག་ཁྲག་ས་ལ་ཕོའོ། །གཞོན་ནུ་འཆར་བྱེད་བཟང་པོས་རྣག་ཁྲག་དེ་མཐོང་ནས་ལྷག་པར་ངུ་བར་བརྩམས་པ་དང ། བཙུན་མོ་ལུས་འཕགས་མས་མཛུབ་ཕྱུང་བ་མ་སྐྱེས་དགྲས་མཐོང་ནས་སྨྲས་པ། ཡུམ་འདི་ཇི་ལྟ་བུ་ཞིག་།དེས་སྨྲས་པ། བུ་ནད་འདི་ནི་ཁྱེད་ཀྱི་ཡབ་མེས་བརྒྱུད་དེ་འོངས་པ་ཡིན་ཏེ། ཁྱོད་
Nga311b
ཀྱང་དེ་ལྟར་གྱུར་པ་ན་ཁྱོད་ཀྱི་ཡབ་ཀྱིས་མཛུབ་མོ་ཁར་བཅུག་པ་དང ། ཕོལ་མིག་རྡོལ་ནས་ཁྱོད་མི་དུ་བར་བྱ་བའི་ཕྱིར་རྣག་ཁྲག་ས་ལམ་ཕོ་བར་ཁོང་དུ་མིད་དོ། །དེས་སྨྲས་པ། ཡུམ་བདག་གི་ཡབ་འདི་འདྲ་བར་བྱམས་པར་གྱུར་ཏམ། དེས་སྨྲས་པ། དེ་འདྲའོ། །དེ་ནས་མ་སྐྱེས་དགྲ་ཕ་ལ་ཞེ་སྡང་གི་ཀུན་ནས་དཀྲིས་པ་དང་བྲལ་ཞིང་རྗེས་སུ་ཆགས་པ་སྐྱེས་ཏེ། དེས་བློན་པོ་རྣམས་ལ་སྨྲས་པ། ཤེས་ལྡན་དག་གང་ཞིག་ང་ལ་རྒྱལ་པོ་བགྲེས་པོ་གསོན་ནོ་ཞེས་ཟེར་བ་དེ་ལ་ངས་རྒྱལ་སྲིད་ཕྱེད་སྦྱིན་ནོ། །རྒྱལ་པོ་དེ་ལ་གྲོང་མི་དང ། ཡུལ་མི་རྣམས་དགའ་བ་ཡིན་པས། སྐྱེ་བོའི་ཚོགས་ཆེན་པོས་ཕྱག་སྦལ་ལོགས་སུ་བརྒྱུགས་པའི་སྒྲ། རྒྱལ་པོས་ཐོས་ནས་བསམས་པ། དེ་ནི་གནོད་པ་མི་བཟད་པ་ཅི་ཞིག་བྱེད་པར་འགྱུར་རོ་སྙམ་སྟེ། སྐྲག་ནས་ཤུགས་ནར་ཞེས་ཕྱུང་སྟེ་ཤི་བ་དང ། རྒྱལ་པོ་ཆེན་པོ་རྣམ་ཐོས་ཀྱི་བུའི་བུར་སྐྱེས་ཏེ། པང་དུ་འདུག་ནས་ལྷའི་བདུད་རྩིར་ལོངས་སྤྱོད་པར་བྱེད་དོ། །རྣམ་ཐོས་ཀྱི་བུས་སྨྲས་པ། ཁྱོད་སུ་ཞིག་།དེས་བདག་ནི་རྒྱལ་བ་ཁྱུ་མཆོག་ལགས་སོ་ཞེས་སྨྲས་པས། དེའི་མིང་རྒྱལ་བ་ཁྱུ་མཆོག་རྒྱལ་བ་ཁྱུ་མཆོག་ཅེས་གྲགས་སོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་རྒྱལ་པོ་གཟུགས་ཅན་སྙིང་པོས་ལས་ཅི་ཞིག་བགྱིས་ན་ལས་དེའི་རྣམ་པར་སྨིན་པས་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེས་པར་གྱུར་ཅིང ། བཅོམ་ལྡན་འདས་ཀྱིས་སྤྱན་སྔ་ནས་བདེན་པ་མཐོང་བར་
Nga312a
༄#། །བགྱིས་པ་དང ། སྦུ་\་ཥPཱུ\་གྲིས་སུག་པ་རྐང་པ་དྲས་ཏེ། ཕྱག་སྩལ་དུ་སྩལ་ཅིང་བཀྲེས་པ་དང་སྐོམ་པས་གཟིར་ནས་གུམ་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་རྒྱལ་པོ་གཟུགས་ཅན་སྙིང་པོ་འདི་ཉིད་ཀྱིས་ལས་ཚོགས་རྙེད་པ། རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། གཟུགས་ཅན་སྙིང་པོས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། དགེ་སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་རྣམ་པར་སྨིན་པར་མི་འགྱུར། ཆུའི་ཁམས་ལ་མི་འགྱུར། མེའི་ཁམས་ལ་མི་འགྱུར། རླུང་གི་ཁམས་ལ་མི་འགྱུར་གྱི། འདི་ལྟར་ལས་དགེ་བ་དང ། མི་དགེ་བ་བྱས་ཤིང་བསགས་པ་དག་ནི་ཟིན་པའི་ཕུང་པོ་དང ། ཁམས་དང ། སྐྱེ་མཆེད་རྣམས་ཁོ་ན་ལ་རྣམ་པར་སྨིན་པར་འགྱུར་ཏེ། ལས་རྣམས་བསྐལ་པ་བརྒྱར་ཡང་ནི། ། ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་དག་ཏུ་འགྱུར་བ་ཉིད། །དགེ་སློང་དག་སྔོན་བྱུང་བ་སངས་རྒྱས་རྣམས་འབྱུང་བ་མེད་པ་ན་འཇིག་རྟེན་དུ་རང་སངས་རྒྱས་དམན་པ་དང ། ངན་པ་ལ་སྙིང་བརྩེ་བ་ཅན་པས་མཐའི་གནས་མལ་ལ་དགའ་བ། འཇིག་རྟེན་གྱི་ཡོན་གནས་གཅིག་པུ་དག་འབྱུང་བར་འགྱུར་བ་ཡིན་པས། ཇི་ཙམ་ན་རང་སངས་
Nga312b
རྒྱས་ཞིག་ལྗོངས་རྒྱུ་ཞིང་སྤྱོད་པ་ན། ཝཱ་ར་ཎཱ་སིར་ཕྱིན་ནས་ཝཱ་ར་ཎཱ་སིའི་རྫ་མཁན་ཞིག་གི་ལས་ཁང་དུ་ནུབ་མོ་ཉེ་བར་བརྟེན་ཏེ་གནས་སོ། །མགྲོན་པ་ཞིག་ཀྱང་ལས་ཁང་དེ་ཉིད་དུ་གནས་བཏབ་པ་ལས་དེར་མགྲོན་པ་དེས་བཤང་བ་བྱས་ནས། ནུབ་མོ་ཉིད་ལངས་ཏེ་སོང་ངོ ། །དགྲ་བཅོམ་པ་རྣམས་དང ། རང་སངས་རྒྱས་རྣམས་ནི་མི་བསམས་པར་ཡེ་ཤེས་མཐོང་བ་མི་འཇུག་པ་ཡིན་པས་རང་སངས་རྒྱས་ཀྱིས་འདི་ཉིད་དུ་བསོད་སྙོམས་སྤྱད་པར་བྱའོ་སྙམ་ནས་དེ་ཉིད་དུ་འདུག་གོ་།ཇི་ཙམ་རྫ་མཁན་ནམ་ནངས་ནས་ལས་ཀྱི་ཁང་པར་ཞུགས་ན་མི་གཙང་བས་མ་རུང་བར་བྱས་པ་མཐོང་ངོ་།། མི་ཕལ་པ་རྣམས་ནི་མི་རྟོག་པ་ཡིན་པས་དེ་རང་སངས་རྒྱས་ལ་སེམས་རབ་ཏུ་གདུག་པར་བྱས་ཏེ། དེ་སེམས་རབ་ཏུ་སྔར་བས་སྨྲས་པ། རབ་ཏུ་བྱུང་བ་ཁྱོད་ཀྱི་རྐང་པ་གཉིས་ལ་སྤུ་གྲིས་དྲས་སམ། ཅི་ན་གང་གི་ཕྱིར་ཁྱོད་ཀྱིས་ལས་ཁང་དུ་བཤང་བ་བྱས་ཀྱི་ཕྱི་རོལ་དུ་མ་སོང ། དེས་དེ་སྒོ་བཅད་ནས་འདི་ཉིད་དུ་སྐོམ་པ་དང་བཀྲེས་པས་ཤི་ཞིག་ཅེས་བཞག་གོ་།བདག་ཉིད་ཆེན་པོ་དེས་བསམས་པ། ཉོན་མོངས་འདི་ནི་ཉམས་ཀྱིས། གལ་ཏེ་བདག་གིས་སྒོ་ཕྱེ་སྟེ། སོང་བར་གྱུར་ན་ལྷག་པར་ཡང་ཉམས་པར་འགྱུར་རོ་སྙམ་ནས་དེ་ཅང་མི་སྨྲ་བར་འདུག་གོ་།ཇི་ཙམ་ན་རྫ་མཁན་དྲོའི་དུས་ལ་བབ་ནས། དེའི་ཞེ་སྡང་གི་ཀུན་ནས་དཀྲིས་པ་དང་བྲལ་ནས། དེས་སྨྲས་པ། ཀྱེ་རབ་ཏུ་བྱུང་བ་གདུགས་ཚོད་གསོལ་གྱིས་ཚུར་སྤྱོན། རང་སངས་རྒྱས་ཀྱིས་སྨྲས་པ། བཞིན་བཟང་ཁོ་བོ་དུས་སུ་ལོངས་སྤྱོད་
Nga313a
༄#། །པ་ཡིན་པ་ལས་དུས་ལས་ཡོལ་ཟིན་ཏོ། །དེས་སྨྲས་པ། གལ་ཏེ་དེ་ལྟ་ན་འདི་ཉིད་དུ་བཞུགས་ཏེ། སང་བཤོས་གསོལ་ལ་གཤེགས་ཤིག་།དེས་དེ་ལ་སྙིང་བརྩེ་བའི་ཕྱིར་ཁས་བླངས་སོ། །དེས་དེ་ཕྱི་དེ་ཉིན་པར་ཁ་ཟས་བསོད་པས་ཚིམ་པར་བྱས་སོ། །བདག་ཉིད་ཆེན་པོ་དེ་དག་ནི་ལུས་ཀྱིས་ཆོས་སྟོན་གྱི། ངག་གིས་མ་ཡིན་པས། དེས་སྟེང་གི་ནམ་མཁའ་ལ་མངོན་པར་འཕགས་ཏེ། འབར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས་དེས་ཤིང་རྩ་བ་ནས་བཅད་པ་བཞིན་དུ་རྐང་པ་གཉིས་ལ་གཏུགས་ཏེ་སྨྲས་པ། ཡོན་གནས་ཆེན་པོ་མར་སྤྱོན་མར་སྤྱོན་བདག་འདོད་པའི་འདམ་དུ་བྱིང་བ་ལག་ནས་དྲང་དུ་གསོལ། དེ་བབས་པ་དང་དེས་དེའི་རྐང་པ་གཉིས་ལ་གཏུགས་ཏེ་སྨོན་ལམ་བཏབ་པ། བདག་གི་ས་ཡོན་གནས་དམ་པ་འདི་ལྟ་བུ་ལ་གནོད་པ་བགྱིས་པའི་ལས་གང་ལགས་པ་དེའི་སྐལ་བ་ཅན་དུ་མ་གྱུར་ཅིག་།བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས་བདག་ཕྱུག་ཅིང ། ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེ་ཞིང ། འདི་བས་ཁྱད་པར་དུ་འཕགས་པའི་སྟོན་པ་མཉེས་པར་བགྱིད་ཀྱི། མི་མཉེས་པར་མི་བགྱིད་པར་འགྱུར་ཞིང་འདི་ལྟ་བུའི་ཆོས་རྣམས་ཀྱང་ཐོབ་པར་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་
Nga313b
དེའི་དུས་ཀྱི་རྫ་མཁན་གང་ཡིན་པ་དེ་ནི། གཟུགས་ཅན་སྙིང་པོ་འདི་ཉིད་ཡིན་ཏེ། རང་སངས་རྒྱས་ལ་སེམས་རབ་ཏུ་གདུག་པས་ངག་རྩུབ་པའི་ལས་ཕྱུང་བ་གང་ཡིན་པ་དེའི་ལས་ཀྱི་རྣམ་པར་སྨིན་པས་སྤུ་གྲིས་རྐང་པ་གཉིས་དྲས་པ་དང ། ཕྱག་སྦལ་དུ་བཅུག་པ་དང ། སྐོམ་པ་དང་བཀྲེས་པས་ཤི་བ་ཡིན་ནོ། །དེས་བཟོད་པ་གསོལ་ནས། སྨོན་ལམ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ཕྱུག་བ་དང ། རྒྱལ་པོའི་རིགས་སུ་སྐྱེས་ནས་ཀྱང ། ངའི་སྤྱན་སྔ་ནས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་ཐོབ་པར་བྱས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་པས། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ་ལས་གཅིག་ཏུ་དཀར་བ་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱི་དེ་ལྟ་བུ་ལ་བསླབ་པར་བྱའོ།། །།འདུལ་བ་གཞི། བམ་པོ་བརྒྱ་གཉིས་པ། །བློན་པོ་རྣམས་ཀྱིས་མ་སྐྱེས་དགྲ་ལ་སྨྲས་པ། ལྷ་རྒྱལ་པོ་བགྲེས་པོ་ནི་ནོངས་སོ། །དེས་ཐོས་ནས་བརྒྱལ་ཏེ་ས་ལ་འགྱེལ་བ་དང ། ཆུས་གཏོར་ནས་དབུགས་སླར་ཕྱུང་ནས། མྱ་ངན་གྱི་ཁང་པར་ཞུགས་ཏེ་འདུག་གོ་།དེའི་མྱ་ངན་བསལ་བར་སུས་ཀྱང་མི་
Nga314a
༄#། །ནུས་ནས། བློན་པོ་རྣམས་ཀྱིས་དེའི་མྱ་ངན་བསལ་བར་བཙལ་བར་བརྩམས་པ་ལས་ཇི་ཙམ་ན་ལྷོ་ཕྱོགས་ནས་གར་མཁན་ཞིག་འོངས་ནས། བློན་པོ་རྣམས་ཀྱིས་དེ་དེའི་མདུན་དུ་གར་བྱེད་དུ་བཅུག་ཀྱང་མ་སྐྱེས་དགྲ་ཡིད་མི་བདེ་བ་ཉིད་པས་སུས་ཀྱང་དེ་ལ་ལེགས་སོ་ཞེས་བྱ་བ་མ་བྱིན་ནས། གར་མཁན་ཕྱིར་བྱུང་བ་དང ། བཅོམ་ལྡན་འདས་ཀྱང་ཕྱོགས་དེར་གཤེགས་སོ། །དེས་བཅོམ་ལྡན་འདས་མཐོང་ནས་དེས་བསམས་པ། སྐྱེས་བུ་དམ་པ་འདི་ལྟ་བུ་དག་ལ་བྱས་དང ། དེས་བདག་ལ་ལེགས་སོ་ཞེས་བྱ་བ་བྱིན་པ་ཞིག་སྙམ་སེ། དེ་བཅོམ་ལྡན་འདས་ལ་སེམས་མངོན་པར་དད་པས་རྫ་རྔ་ཆེན་པོ་བརྡུངས་སོ། །དེ་ནས་བཅོམ་ལྡན་འདས་ཀྱིས་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ། ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་ཀ་དག་བྱུང་ནས་ཁ་ཅིག་ནི་འོག་ཏུ་འགྲོ་།ཁ་ཅིག་ནི་སྟེང་དུ་འགྲོ་ལ། གང་དག་འོག་ཏུ་དོང་བ་དེ་དག་ནི་སེམས་ཅན་དམྱལ་བ་ཡང་སོས་དང ། ཐིག་ནག་དང ། བསྡུས་འཇོམས་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་དང ། ཆུ་བུར་ཅན་དང ། ཆུ་བུར་རྡོལ་བ་དང ། སོ་ཐམས་ཐམས་དང ། ཀྱི་ཧུད་ཟེར་དང ། ་ཆུ་ཟེར་དང ། ུཏྤལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་
Nga314b
པོར་སོང་སྟེ། སེམས་ཅན་དམྱལ་བ་ཚ་བ་དག་གང་ཡིན་པ་དེ་དག་ཏུ་ནི་བསིལ་བར་གྱུར་ཏེ། འབབ་པར་བྱེད་ལ། སེམས་ཅན་དམྱལ་བ་གྲང་བ་གང་ཡིན་པ་དེ་དག་ཏུ་ནི་དྲོ་བར་གྱུར་ཏེ་འབབ་པར་བྱེད་དོ། །དེས་སེམས་ཅན་དམྱལ་བ་དེ་དག་གི་གནོད་པའི་བྱེ་བྲག་དེ་དག་རྒྱུན་གཅོད་པར་བྱེད་ཅིང ། དེ་དག་འདི་སྙམ་དུ་ཤེས་ལྡན་དག་བདག་ཅག་འདི་ནས་ཤི་འཕོས་སམ། འོན་ཏེ་གཞན་དུ་སྐྱེས་སྙམ་དུ་སེམས་སོ། །དེ་དག་དད་པ་བསྐྱེད་པར་བྱ་བའི་ཕྱིར། བཅོམ་ལྡན་འདས་ཀྱིས་སྤྲུལ་པ་གཏོང་བར་མཛད་དོ། །དེ་དག་གིས་སྤྲུལ་པ་མཐོང་ནས་འདི་སྙམ་དུ་སེམས་ཏེ། ཤེས་ལྡན་དག་བདག་ཅག་འདི་ནས་ཤི་འཕོས་པ་ཡང་མ་ཡིན་ལ་གཞན་དུ་སྐྱེས་པ་ཡང་མ་ཡིན་ཏེ། འདི་ལྟར་སེམས་ཅན་སྔོན་མ་མཐོང་བ་འདིའི་མཐུས་བདག་གི་གནོད་པའི་བྱེ་བྲག་དག་རྒྱུན་བཅད་པར་གྱུར་ཏོ་སྙམ་མོ། །དེ་དག་སྤྲུལ་པ་ལ་སེམས་མངོན་པར་དད་པར་གྱུར་ནས། སེམས་ཅན་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས། གང་དུ་བདེན་པ་དག་གི་སྣོད་དུ་གྱུར་པར་འགྱུར་བའི་ལྷ་དང ། མི་རྣམས་ཀྱི་ནང་དུ་ཉིང་མཚམས་སྦྱོར་བ་ལེན་པར་བྱེད་དོ། །གང་དག་སྟེང་དུ་འདོང་བ་དེ་དག་ནི་རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་
Nga315a
༄#། །ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་འཕེལ་དང ། འབྲས་བུ་ཆེ་བ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་བ་དང ། ཤིན་ཏུ་མཐོང་བ་དང ། འོག་མིན་གྱི་ལྷ་རྣམས་ཀྱི་ནང་དུ་སོང་ནས། མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་ཞེས་བྱ་བའི་སྒྲ་སྒྲོགས་པར་བྱེད་ཅིང ། ཚིགས་སུ་བཅད་པ་གཉིས་པོ། བརྩམས་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་སྒྲོགས་སོ། །དེ་ནས་འོད་ཟེར་དེ་དག་གི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱུལ་ནས། བཅོམ་ལྡན་འདས་ཉིད་ཀྱི་རྗེས་བཞིན་རྗེས་བཞིན་དུ་འགྲོ་སྟེ། དེ་ལ་གལ་ཏེ་བཅོམ་ལྡན་འདས་འདས་པའི་ལས་ལུང་སྟོན་པར་བཞེད་ན་ནི་བཅོམ་ལྡན་འདས་ཀྱི་སྣམ་ལོགས་སུ་ནུབ་པར་འགྱུར་རོ། །མ་འོངས་པའི་ལས་ལུང་སྟོན་པར་བཞེད་ན་ནི། མདུན་ལོགས་སུ་ནུབ་པར་འགྱུར། སེམས་ཅན་དམྱལ་བར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐིལ་དུ་ནུབ་པར་འགྱུར། དུད་འགྲོར་སྐྱེ་བར་ལུང་སྟོན་པར་བཞེད་ན་ནི། རྟིང་པར་ནུབ་པར་འགྱུར། ཡི་དྭགས་སུ་སྐྱེ་བར་
Nga315b
ལུང་སྟོན་བར་བཞེད་ན་ནི། ཞབས་ཀྱི་མཐེ་བོར་ནུབ་པར་འགྱུར། མིར་སྐྱེ་བར་ལུང་སྟོན་པར་བཞེད་ན་ནི། པུས་མོར་ནུབ་པར་འགྱུར། སྟོབས་ཀྱི་འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་མཐིལ་གཡོན་པར་ནུབ་པར་འགྱུར། འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་མཐིལ་གཡས་པར་ནུབ་པར་འགྱུར། ལྷར་སྐྱེ་བར་ལུང་སྟོན་པར་བཞེད་ན་ནི། ལྟེ་བར་ནུབ་པར་འགྱུར། ཉན་ཐོས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། ཞལ་དུ་ནུབ་པར་འགྱུར། རང་སངས་རྒྱས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། མཛོད་སྤུར་ནུས་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་བཞེད་ན་ནི་གཙུག་ཏོར་དུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ་བཅོམ་ལྡན་འདས་ཀྱི་མཛོད་སྤུར་ནུབ་བོ། །དེ་ནས་བཅོམ་ལྡན་འདས་ལ་ཚེ་དང་ལྡན་ཀུན་དགའ་བོས་ཐལ་མོ་སྦྱར་ཏེ་ཞུས་པ། ཁ་དོག་སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱི་སྒོ་ནས་བྱུང་གྱུར་པ། །ཇི་ལྟར་གདུགས་ནི་ཤར་བར་གྱུར་པ་བཞིན། །དེ་ཡིས་ཕྱོགས་རྣམས་ཀུན་ཏུ་སྣང་བར་བགྱིས། །ཡང་ཚིགས་སུ་བཅད་དེ་གསོལ་པ། རྒོད་བྲལ་ཞུམ་དང་རྒྱགས་པ་སྤངས་པ་ཡི། །སངས་རྒྱས་འགྲོ་ནང་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བརྟན་པ་ཉིད་བློས་དུས་
Nga316a
༄#། །མཁྱེན་ནས། །རྒྱལ་བའི་དབང་པོ་ཐུབ་པ་སྐྱེས་ཀྱི་མཆོག་།ཉན་པར་འཚལ་བ་ཉན་པ་པོ་རྣམས་ཀྱི། །ཐེ་ཚོམ་སྐྱེས་པ་གསུང་ཚིག་བསྟན་པ་དང ། །དམ་པ་བཟང་པོ་དག་གིས་བསལ་དུ་གསོལ། །ཚ་ཆུ་རི་དབང་ལྟ་བུར་བརྟན་པའི་མཆོག་།རྫོགས་སངས་རྒྱས་རྣམས་གློ་བུར་འཛུམ་མི་སྟོན། །བརྟན་པ་ཅི་སླད་འཛུམ་པ་སྟོན་མཛད་པ། །སྐྱེ་བོ་ཕལ་ཆེན་འདི་དག་དེ་ཉན་འཚལ། །ཀུན་དགའ་བོ་ཁྱོད་ཀྱིས་གར་མཁན་ང་ལ་སེམས་མངོན་པར་དད་པར་བྱས་ནས་རྫ་རྔ་ཆེན་པོ་རྡུང་བར་བྱེད་པ་དེ་མཐོང་ངམ། བཙུན་པ་དེ་མཐོང་ལགས་སོ། །ཀུན་དགའ་བོ་གར་མཁན་དེ་སེམས་བསྐྱེད་པ་དེས་རང་སངས་རྒྱས་རྔ་སྒྲ་ཞེས་བྱ་བར་འགྱུར་ཏེ། དེའི་སྦྱིན་པའི་ཆོས་ནི་འདི་ཡིན་ཏེ། ང་ལ་སེམས་དད་པར་བྱས་པ་གང་ཡིན་པའོ། །ལྷས་བྱིན་གྱིས་མ་སྐྱེས་དགྲ་ལ་སྨྲས་པ། ཁོ་བོས་ཁྱོད་རྒྱལ་སྲིད་ལ་བཞག་པ་ཡིན་གྱི་ཁྱོད་ཀྱིས་ཀྱང་ཁོ་བོ་སངས་རྒྱས་ཉིད་དུ་སྐོས་ཤིག་།དེས་སྨྲས་པ། བཅོམ་ལྡན་འདས་ནི་སྐུ་གསེར་གྱི་ཁ་དོག་ཉིད་དུ་འདུག་ན། རེ་ཞིག་དང་པོར་གསེར་གྱི་ཁ་དོག་ཉིད་མེད་དོ། །དེས་སྨྲས་པ། ཁོ་བོ་ཡང་གསེར་གྱི་ཁ་དོག་ཏུ་སྣང་བར་འགྱུར་རོ་ཞེས་དེས་གསེར་མགར་བཀུག་ནས་སྨྲས་པ། ཁོ་བོའི་ལུས་གསེར་གྱིས་གཡོགས་ཤིག་།དེ་སྨྲས་པ། འཕགས་པ་གལ་ཏེ་ཚོར་བ་མནགས་ཕོད་ནའོ། །དེས་སྨྲས་པ། ཁྱོད་ཀྱིས་གཡོགས་ཤིག་དང་ཕོད་པར་བྱའོ། །དེས་ཙན་ཙུ་
Nga316b
ཞེས་བྱ་བའི་འབྲུ་མར་གྱིས་ལུས་བྱུགས་ནས། གསེར་གྱི་གྱིམ་ཕག་གིས་ལུས་གཡོགས་པ་དང ། དེ་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་ངོ ། །དགེ་སློང་རྣམས་ཀྱིས་ཀོ་ཀ་ལི་ཀ་ལ་དྲིས་པ། ལྷས་བྱིན་གང་ན། དེས་སྨྲས་པ། ཕྱོགས་ཆེ་གེ་མོ་ཞིག་ན་གསེར་གྱི་ཁ་དོག་ཏུ་སྣང་བར་བསྒྱུར་རོ། །དགེ་སློང་རྣམས་ཕྱོགས་དེར་སོང་བ་དང ། དེ་རྣམས་ཀྱིས་དེ་སྡུག་བསྔལ་གྱི་ཚོར་བས་ཉེན་ཏེ་ཀུ་ཅོ་འདོན་པ་ཐོས་ནས། དེ་རྣམས་བཅོམ་ལྡན་འདས་ཀྱི་སྤྱན་སྔར་དོང་ངོ ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་གྱིས་གསེར་གྱི་ཁ་དོག་དོན་དུ་གཉེར་བ་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདི་འདས་པའི་དུས་ན་ཡང་གསེར་གྱི་ཞཝ་དོན་དུ་གཉེར་བའི་ཕྱིར་ཚུལ་མ་ཡིན་པས་སྡུག་བསྔལ་བར་གྱུར་པ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན། ཁྱོ་ལམ་རིང་པོར་སོང་བའི་བུད་མེད་ཅིག་ཡོད་པ་དེའི་མདུན་དུ་བྱ་རོག་ཅིག་སྐད་སྙན་པར་འབྱིན་ནས། དེས་སྨྲས་པ། བྱ་རོག་སོང་ཞིག་།བྱ་རོག་སོང་ཞིག་།གལ་ཏེ་བདག་གི་ཁྱིམ་ཐབ་བདེ་བར་འཁོར་ན་གསེར་གྱི་ཞཝ་ཞིག་སྦྱིན་ནོ། །ཇི་ཙམ་ན་དེའི་ཁྱིམ་ཐབ་དེ་ཡང་བདེ་བར་སླར་འོངས་སོ། །བྱ་
Nga317a
༄#། །རོག་དེ་གསེར་གྱི་ཞཝའི་ཆེད་དུ་དེའི་མདུན་དུ་འདུག་ནས་སྐད་སྙན་པར་ཕྱུང་བ་དང་དེ་ནས་དེ་ལ་གསེར་གྱི་ཞཝ་ཞིག་བྱིན་ནོ། །དེས་དེ་གྱོན་ནས་ཕན་ཚུན་དུ་ལྡིང་བ་ན། དེ་གསེར་གྱི་ཞཝའི་ཕྱིར་བྱ་ཁྲས་མགོ་བཅད་དོ། །ལྷས་ཚིགས་སུ་བཅད་དེ་སྨྲས་པ། དོན་མེད་གཞི་དང་ལྡན་པ་ཡི། །ནོར་ནི་ཕུང་བར་འགྱུར་བ་སྟེ། །གང་གི་མགོ་ལ་གསེར་ཡོད་པའི། །བྱ་རོག་གིས་ནི་ཕུང་བྱེད་བཙལ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་བྱ་རོག་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་གསེར་གྱི་རྒྱུས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་འདི་གསེར་གྱི་ཁ་དོག་དོན་དུ་གཉེར་བའི་ཕྱིར་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་བར་གྱུར་ཏོ། །གཞན་ཡང་ལྷས་བྱིན་གྱིས་མ་སྐྱེས་དགྲ་ལ་སྨྲས་པ། ཁོ་བོས་ནི་ཁྱོད་རྒྱལ་སྲིད་ལ་བཞག་གིས། ཁྱོད་ཀྱིས་ཀྱང་ཁོ་བོ་སངས་རྒྱས་ཉིད་དུ་ཆུག་ཅིག་།དེས་སྨྲས་པ། བཅོམ་ལྡན་འདས་ཀྱི་ཞབས་ཀྱི་མཐིལ་ལ་ནི་འཁོར་ལོའི་མཚན་གྱིས་མཚན་པའི་རྟགས་ཡོད་ན། ཁྱོད་ཀྱི་རྐང་པའི་མཐིལ་ལ་ནི་འཁོར་ལོའི་མཚན་གྱིས་མཚན་པའི་རྟགས་མེད་དོ། །དེས་སྨྲས་པ། ཁོ་བོས་ཀྱང་རྐང་པའི་མཐིལ་ལ་འཁོར་ལོའི་རྟགས་བསྒྲུབ་པར་བྱའོ་ཞེས་དེས་ལྕགས་མགར་རྣམས་བཀུག་ནས་སྨྲས་པ། ཁོ་བོའི་རྐང་མཐིལ་ལ་འཁོར་ལོ་འདྲི་ནུས་སམ། དེ་རྣམས་ཀྱིས་སྨྲས་
Nga317b
པ།་འཕགས་པ་གལ་ཏེ་ཚོར་བ་མནགས་ཕོད་ནའོ། །དེས་སྨྲས་པ། ཕོད་ཀྱིས་གྱིས་ཤིག་།དེ་རྣམས་ཀྱིས་བསམས་པ། འདི་མཐུ་དང་ལྡན་པ་ཡིན་པས། གལ་ཏེ་འདི་བཞིན་དུ་བྲིས་ན། རྡོག་པས་བདག་ཅག་སྲོག་དང་བྲལ་བར་འགྱུར་བའི་གནས་གང་ཡིན་པ་དེ་ནི་ཡོད་དོ་སྙམ་ནས། དེ་རྣམས་ཀྱིས་རྩིག་པ་འབིགས་སུ་བཅུག་ནས་སྨྲས་པ། འཕགས་པ་རྩིག་པའི་བུ་གུ་འདིར་རྐང་པ་གཉིས་ཆུག་ཅིག ། དེས་རྩིག་པའི་བུ་གར་རྐང་པ་གཉིས་བཅུག་པ་དང ། ལྕགས་མགར་རྣམས་ཀྱིས་འཁོར་ལོ་མེའི་ཁ་དོག་ཏུ་འདུག་པར་བྱས་ནས་རྐང་པ་བསྲེགས་པ་དང ། དེ་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་འོང་བའི་ཚོར་བ་ཉམས་སུ་མྱོང་བར་འགྱུར་ཏོ། །དགེ་སློང་རྣམས་ཀྱིས་ཀོ་ཀ་ལི་ཀ་ལ་དྲིས་པ་ལྷས་བྱིན་གང་ན། ཕྱོགས་ག་གེ་མོ་ཞིག་ན་རྐང་པའི་མཐིལ་ལ་འཁོར་ལོའི་རྟགས་བསྒྲུབ་བོ། །དགེ་སློང་རྣམས་ཕྱོགས་དེར་སོང་བ་དང ། དེ་རྣམས་ཀྱིས་སྡུག་བསྔལ་གྱི་ཚོར་བས་ཉེན་ཅིང་ཀུ་ཅོ་འདོན་པ་ཐོས་ནས། དེ་རྣམས་བཅོམ་ལྡན་འདས་ཀྱིས་སྤྱན་སྔར་དོང་ངོ ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་རྐང་པའི་མཐིལ་ལ་འཁོར་ལོའི་རྟགས་དོན་དུ་གཉེར་བས་སྡུག་བསྔལ་མི་བཟད་པ་ཚ་བ་རྩུབ་པ་ཡིད་དུ་མི་མཆི་བའི་ཚོར་བ་ཉམས་སུ་མྱོང་བར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་
Nga318a
༄#། །དུས་ན་ཡང་འདི་རྐང་རྗེས་ཀྱི་ཕྱིར་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་གངས་ཅན་ལ་གླང་པོ་ཆེ་ཞིག་ཡོད་པ་ཆུ་འཐུང་དུ་འབབས་པ་དེའི་ཕྱི་བཞིན་ཝ་ཞིག་ཀྱང་བབས་པ་དང ། དེས་གླང་པོ་ཆེའི་རྗེས་མཐོང་ནས་བདག་ཉིད་ཀྱི་གོམ་པས་གཞལ་བར་བརྩམས་ཏེ། དེས་བསམས་པ། རྗེས་འདི་ནི་བདག་གི་ཡིན་ནོ།། ཞེས་དེ་མཆོང་ཞིང་མཆོང་ཞིང་རྗེས་ཀྱི་སྟེང་དུ་རྐང་པ་འཇོག་པ་ན་སྡོང་དུམ་ཁྱེའུ་ཀ་ཞིག་གི་སྟེང་དུ་རྡེག་འཆོས་པར་གྱུར་ཏོ། །ལྷས་ཚིགས་སུ་བཅད་དེ་སྨྲས་པ། མདོར་ན་གླང་ཆེན་རྐང་རྗེས་དང ། །བླུན་པོ་ཁྱོད་རྗེས་མི་འདྲ་ཡིས། །དོན་མེད་བློ་འདི་སྤོང་བྱོས་ཤིག་།ངལ་བ་ཐོབ་པར་གྱུར་ཏ་རེ། །དགེ་སློང་དག་ཇི་སྙམ་དུ་སེམས་དེའི་ཚེ་དེའི་དུས་ཀྱི་ཝ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་རྐང་རྗེས་ཀྱི་ཕྱིར་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་འདི་རྐང་མཐིལ་ལ་འཁོར་ལོའི་རྟགས་དོན་དུ་གཉེར་བའི་ཕྱིར་སྡུག་བསྔལ་མི་བཟད་པ་ཚ་བ་རྩུབ་པ། ཡིད་དུ་མི་འོང་བའི་ཚོར་བ་ཉམས་སུ་མྱོང་བར་གྱུར་ཏོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ་གནོད་སྦྱིན་ཀུམ་བྷི་རིའི་གནས་ན་བཞུགས་སོ། །ལྷས་བྱིན་གྱིས་ཡང་མ་སྐྱེས་དགྲ་ལ་སྨྲས་པ། ཁོ་བོས་ཁྱོད་ནི་རྒྱལ་སྲིད་ལ་བཞག་ན། ཁྱོད་ཀྱིས་ཁོ་བོ་སངས་རྒྱས་སུ་གཞུག་མ་ནུས་ཀྱི་ད་ནི་ཁོ་བོས་དགེ་སྦྱོང་གོའུ་ཏ་མ་སྲོག་དང་བྲལ་གྱིས་ཁྱོད་
Nga318b
ཀྱིས་སུས་བསད་དམ། གང་དུ་བསད་མ་སྨྲ་ཤིག་།དེས་སྨྲས་པ། དེ་བཞིན་དུ་གྱིས་ཤིག་།ཇི་ཙམ་ནས་ལྷོ་ཕྱོགས་ནས་འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་ཞིག་འོངས་ནས་ལྷས་བྱིན་གྱིས་དེ་བཀུག་སྟེ།་སྨྲས་པ། ཀྱེ་སློབ་དཔོན་ཁྱོད་ཀྱིས་མི་ལྔ་བརྒྱས་འཕེན་པ་དེ་ལྟ་བུའི་སྒྱོགས་ནུས་སམ། དེས་སྨྲས་པ། འཕགས་པ་ནུས་སོ། །དེས་དེ་ལ་མུ་ཏིག་གི་དོ་ཤལ་བརྒྱ་སྟོང་རི་བ་བྱིན་ཞིང་མི་སྟོང་གི་གླ་ཡང་བྱིན་ནས་སྨྲས་པ། གནས་གང་ན་བཅོམ་ལྡན་འདས་བཞུགས་པ་དེའི་དྲང་ཐད་ཀྱི་བྱ་རྒོད་ཀྱི་ཕུང་པོའི་རིའི་སྟེང་དེར་སྒྱོགས་ཆོས་ཤིག་།སྒྱོགས་འཕེན་པའི་མི་ལྔ་བརྒྱ་པོ་དེ་དག་ཀྱང་འཁོད་དུ་བཅུག་གོ་།གནས་གཞན་ཞིག་ཏུ་ཉིས་བརྒྱ་ལྔ་བཅུ་འཁོད་དུ་བཅུག་ནས་བསྒོ་བ། ཁྱེད་ཅག་གལ་ཏེ་དགེ་སྦྱོང་གོའུ་ཏ་མ་སྒྱོགས་ཀྱིས་མ་གསོད་ན་ཁྱོད་ཀྱིས་གསོད་ཅིག་།དེའི་དོན་དུ་གནས་གཞན་དང ། གནས་གཞན་དུ་ཡང ། མི་རྣམས་འཁོད་དུ་བཅུག་ནས་ཐམས་ཅད་ལ་བསྒོ་བ། ཁྱེད་ཅག་གང་གི་སྒོར་དགེ་སྦྱོང་གོའུ་ཏ་མ་འོངས་དང ། དེ་དག་གིས་གསོད་ཅིག་།བདག་ཉིད་ཀྱང་ཕྱོགས་གཞན་ཞིག་ཏུ་འདུག་ནས་འདི་རྣམས་ཀྱིས་ཤོར་དང ། བདག་ཉིད་ཀྱིས་གསོད་སྙམ་མོ། །ཇི་ཙམ་ན་མི་ལྔ་བརྒྱས་སྒྱོགས་འཕང་བར་བརྩམས་ཏེ། སྨྲས་པ། སུའི་ཕྱིར་སྒྱོགས་འཕང ། ཅི་ཙམ་ན་སངས་རྒྱས་བཅོམ་ལྡན་འདས་ཤོད་ན་བཞུགས་པ་མཐོང་ནས། དེ་རྣམས་ཀྱིས་སྨྲས་པ། ཤེས་ལྡན་དག་བདག་ཅག་རང་གི་སྲོག་བཏང་བ་ནི་བླའི། ལྷ་དང་མིས་མཆོད་པའི་སངས་
Nga319a
༄#། །རྒྱས་བཅོམ་ལྡན་འདས་བགྲོངས་པ་ནི་དེ་ལྟ་མ་ཡིན་གྱིས་སྒྱོགས་པོར་རོ་ཞེས་དེ་རྣམས་ཀྱིས་སྒྱོགས་པོར་ནས། བྱ་རྒོད་ཀྱི་ཕུང་པོའི་རི་ལ་ཕན་ཚུན་དུ་རྒྱུ་ཞིང་གནས་གང་ཞིག་ནས་བབས་ན། ལྷས་བྱིན་གྱིས་མི་མཐོང་བར་འགྱུར་སྙམ་མོ། །དེ་རྣམས་ཀྱིས་བསམས་པ་བཅོམ་ལྡན་འདས་ཀྱིས་ཐུགས་སུ་ཆུད་ནས། ཐེམ་སྐས་ཤིག་སྤྲུལ་པ་དང ། དེ་རྣམས་ཀྱིས་ཐེམ་སྐས་དེ་མཐོང་ནས། འདི་སྙམ་དུ་སེམས་ཏེ། ཤེས་ལྡན་དག་ཐེམ་སྐས་འདི་སུས་བཙུགས་སྙམ་ན། དེ་ནི་བཅོམ་ལྡན་འདས་ཀྱི་མཐུས་ཡིན་ནོ་སྙམ་ནས་དེ་རྣམས་ལྷག་པར་ཡང་བཅོམ་ལྡན་འདས་ལ་སེམས་མངོན་པར་དད་པར་གྱུར་ཏེ། ཐེམ་སྐས་དེ་ལས་བབས་ནས། བཅོམ་ལྡན་འདས་གང་ན་བ་དེར་དོང་ངོ ། །བཅོམ་ལྡན་འདས་ཀྱང་དེ་དག་གདུལ་བ་ཁོ་ན་ལ་བལྟོས་ནས། བྱ་རྒོད་ཕུང་པོའི་རི་ལ་འཆག་ཅིང་བཞུགས་སོ། །དེ་ནས་དེ་རྣམས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཆོས་མཉན་པའི་ཕྱིར་སྤྱན་སྔ་ན་འདུག་གོ་།བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང་བག་ལ་ཉལ་བ་དང ། ཁམས་དང་རང་བཞིན་མཁྱེན་ནས་གང་ཐོས་པས་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་པས། དེ་རྣམས་ཀྱིས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་
Nga319b
འབྲས་བུ་མངོན་སུམ་དུ་བྱས་ཏེ། བདེན་པ་མཐོང་བ་དང ། ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ་བདག་ཅག་ལ་པས་མ་བགྱིས། མས་མ་ལགས། རྒྱལ་པོས་མ་ལགས་ལྷ་རྣམས་ཀྱིས་མ་ལགས། སྡུག་པས་མ་ལགས། རང་གི་སྐྱེ་བོ་དང ། གཉེན་གྱི་ཚོགས་ཀྱིས་མ་ལགས། སྔོན་གྱི་འདས་པ་རྣམས་ཀྱིས་མ་ལགས། དགེ་སྦྱོང་དང ། བྲམ་ཟེ་རྣམས་ཀྱིས་མ་ལགས་པ་གང་ལགས་པ་དེ་བཅོམ་ལྡན་འདས་ཀྱིས་བདག་ཅག་ལ་མཛད་དེ། དམྱལ་བ་དང ། དུད་འགྲོ་དང ། ཡི་དྭགས་རྣམས་ནས་ནི་རྐང་པ་དྲངས། ལྷ་དང་མི་རྣམས་སུ་ནི་རབ་ཏུ་བཞག། འཁོར་བའི་མཐར་ནི་བགྱིས། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་ལས་ནི་བསྒྲལ། ངན་སོང་གི་སྒོ་རྣམས་ནི་བཀུམ། མཐོ་རིས་དང་ཐར་པའི་སྒོ་རྣམས་ནི་ཕྱེ། ཐོག་མ་མེད་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་སུམ་དུ་བགྱིས་ཏེ། བཙུན་པ་བདག་ཅག་ནི་འཕགས་སོ། །མངོན་པར་འཕགས་སོ། །བདག་ཅག་བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་སྐྱབས་སུ་མཆི་ལགས་ཀྱིས། བཅོམ་ལྡན་འདས་ཀྱིས་བདག་ཅག་དགེ་བསྙེན་དུ་གཟུང་དུ་གསོལ། །དེང་སླན་ཆད་ཇི་སྲིད་འཚོའི་བར་དུ་སྲོག་དང་ཡང་བསྡོས་ཏེ། སྐྱབས་སུ་མཆི་བར་མངོན་པར་དད་ལགས་སོ་ཞེས་གསོལ་ནས། བཅོམ་ལྡན་འདས་ཀྱི་སྤྱན་སྔ་ནས་བསླབ་པའི་གཞི་ལྔ་རྣམས་བླང་
Nga320a
༄#། །བར་བརྩམས་སོ། །འཁྲུལ་འཁོར་གྱི་སྒྱུ་རྩལ་གྱི་སློབ་དཔོན་ཡང་འདི་ནི་སངས་རྒྱས་བཅོམ་ལྡན་འདས་བགྲོངས་པར་བྱེད་པ་ཡིན་ནོ་སྙམ་དུ་བསམས་ནས། དེ་རྣམས་ཀྱི་ཕྱི་བཞིན་ཐེམ་སྐས་ལས་བབས་ནས་མུ་ཏིག་གི་དོ་ཤལ་བརྒྱ་སྟོང་རི་བ་ཁྱེར་ཏེ་བྲོས་སོ། །ལྷས་བྱིན་ནི་རྔོ་བ་འཕེན་པར་དགའ་བས། ཡང་དང་ཡང་དུ་ལྟ་བ་ན་མ་འཕངས་སོ་སྙམ་ནས། རང་ཉིད་ཀྱིས་མི་ལྔ་བརྒྱ་པོ་གཞན་ཁྲིད་དེ། བྱ་རྒོད་ཀྱི་ཕུང་པོའི་རི་ལ་འཛེག་པར་བརྩམས་པ་ན། མི་ལྔ་བརྒྱ་པོ་དེ་དག་བཅོམ་ལྡན་འདས་ཀྱི་སྤྱན་སྔ་ན་ཆོས་ཉན་པར་མཐོང་ངོ ། །མཐོང་ནས་ཀྱང་ལྷག་པར་ཡང་མི་བཟོད་པ་སྐྱེས་ཏེ། ཕྱོགས་གཞན་ཞིག་ནས་བྱ་རྒོད་ཀྱི་ཕུང་པོའི་རི་ལ་འཛེག་པ་དང ། ཇི་ཙམ་ན་འཁྲུལ་འཁོར་གྱི་སློབ་དཔོན་ཡང་བྲོས་པར་མཐོང་ནས་དེ་རང་ཉིད་ཀྱིས་འཁོར་ལྔ་བརྒྱ་དང ། སྒྱོགས་འཕང་བར་བརྩམས་སོ། །བཅོམ་ལྡན་འདས་ཀྱིས་དགོངས་པ། ང་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་སྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས། ང་ཉིད་ཀྱིས་ལས་བྱས་ཤིང་བསགས་པ་དག་།གཞན་སུ་ཞིག་གིས་སོ་སོར་མྱོང་བར་འགྱུར་སྙམ་དུ་དགོངས་ནས། མི་ལྔ་བརྒྱ་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །ཤེས་ལྡན་དག་ལྷས་བྱིན་ཀུན་ནས་དཀྲིས་པ་དྲག་པོ་ལ་གནས་ནས། བྱ་རྒོད་ཀྱི་ཕུང་པོའི་རི་ལ་འཛེག་གིས་དེང་ཞིག་།འདི་དག་ནི་ངའི་ལས་ཡིན་ནོ། །དེ་ནས་མི་ལྔ་
Nga320b
བརྒྱ་པོ་དེ་དག་བྲོས་སོ། །ལྷ་རྣམས་ཀྱི་ཤེས་པ་མཐོང་བ་ནི་འོག་ཏུ་འཇུག་པ་ཡིན་པས། དེ་ནས་གནོད་སྦྱིན་ལག་ན་རྡོ་རྗེ་འདི་སྙམ་དུ་སེམས་ཏེ། ལྷས་བྱིན་ནི་བཅོམ་ལྡན་འདས་བགྲོངས་པའི་ཕྱིར་ཕ་རོལ་ཏུ་གནོད་པ་བྱེད་དོ། །སྙམ་ནས་བསམས་ནས། གནོད་སྦྱིན་ཀུམ་བི་ར་གང་ན་བ་དེར་དོང་སྟེ་ཕྱིན་པ་དང ། གནོད་སྦྱིན་ཀུམ་བི་ར་ལ་འདི་སྐད་ཅེས་སྨྲས་སོ། །ལྷས་བྱིན་ནི་བྱ་རྒོད་ཀྱི་ཕུང་པོའི་རི་ལ་སྒྱོགས་ཀྱིས་བཅོམ་ལྡན་འདས་ལ་རྡོ་འཕེན་པར་རྩོམ་པ། བཅོམ་ལྡན་འདས་ནི་ཁྱོད་ཀྱི་གནས་ན་བཞུགས་པས། དེ་ལ་ཁོ་བོས་འབད་དེ་རྡོ་བ་བར་སྣང་ལ་རྡོ་རྗེས་ཕྱེ་མར་བརླག་ན་གལ་ཏེ་ན་ཕྱེ་མར་བརླགས་པའི་དུམ་བུ་བཅོམ་ལྡན་འདས་ཀྱི་སྟེང་དུ་འབབ་པར་འགྱུར་གྱིས། ཁྱོད་ཀྱིས་གྲོགས་གྱིས་ཤིག་།དེས་སྨྲས་པ། བཀའ་བཞིན་འཚལ། བཅོམ་ལྡན་འདས་ཀྱིས་ནི་བླ་གབ་མེད་པ་ན་བཞུགས་བཞུགས་ནས་རིའི་ཕུག་ཏུ་གཤེགས་སོ། །ལྷས་བྱིན་འཁོར་ལྔ་བརྒྱ་པོས་སྒྱོགས་དྲངས་ཏེ་བཅོམ་ལྡན་འདས་ལ་རྡོ་བ་འཕང་སོ། །གནོད་སྦྱིན་ལག་ན་རྡོ་རྗེའི་རྡོ་རྗེས་ཕྱེ་མར་བྱས་པ་ལས་དེའི་ཕྱེད་བཅོམ་ལྡན་འདས་ཀྱི་གནས་སུ་ལྷུང་དུ་ཆ་བ་གནོད་སྦྱིན་ཀུམ་བི་རས་ལེགས་པར་མ་ཟིན་པས་དེས་བསད་ནས། རྡོ་བའི་དུམ་བུ་ཡར་བ་ཞིག་གིས་བཅོམ་ལྡན་འདས་ཀྱི་ཞབས་ལ་རྨ་བྱུང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པས་བཀའ་སྩལ་པ། གང་དུ་གནས་ན་ལས་ཀྱིས་མི་རྫི་བའི། །ས་ཕྱོགས་དེ་ནི་ཡོད་པ་མ་ཡིན་ཏེ། །བར་སྣང་ཉིད་མིན་རྒྱ་མཚོའི་ནང་མིན་ཞིང ། །རི་
Nga321a
༄#། །པོའི་ཕུག་ཏུ་ཞུགས་པའང་མ་ཡིན་ནོ། །གནོད་སྦྱིན་ཀུམ་བི་ར་ཡང ། དགེ་བའི་སེམས་ཀྱིས་ཤི་སྟེ་ཤི་ནས། སུམ་ཅུ་རྩ་གསུམ་པའི་ལྷ་གྱ་ནོམ་པ་རྣམས་ཀྱི་ནང་དུ་སྐྱེས་སོ། །ཆོས་ཉིད་ཀྱིས་ལྷའི་བུའམ། ལྷའི་བུ་མོ་ནི་སྐྱེས་ནས་རིང་པོ་མ་ལོན་པར་སེམས་གསུམ་སྐྱེ་བར་འགྱུར་ཏེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་ཡིན་པའོ། ། དེས་གནོད་སྦྱིན་ལས་ཤི་འཕོས་པ་དང་སུམ་ཅུ་རྩ་གསུམ་པའི་ལྷ་གྱ་ནོམ་པ་རྣམས་ཀྱི་ནང་དུ་སྐྱེས་པ་དང ། བཅོམ་ལྡན་འདས་ལ་སེམས་མངོན་པར་དད་པར་བྱས་པས་ཡིན་པར་མཐོང་སྟེ། དེ་ནས་སྔོན་གནོད་སྦྱིན་བྱེད་པའི་ལྷའི་བུ་འདི་སྙམ་དུ་སེམས་ཏེ། ཞག་ལོན་ནས་བཅོམ་ལྡན་འདས་ལ་བལྟ་བའི་ཕྱིར་འགྲོ་བ་ནི། བདག་གི་ཆ་མ་ཡིན་གྱིས་མ་ལ་བདག་གིས་ཞག་མ་ལོན་པར་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོའོ་སྙམ་ནས། དེ་ནས་སྔོན་གནོད་སྦྱིན་བྱེད་པའི་ལྷའི་བུ་རྣ་ཆ་གདུབ་ཀོར་དྲི་མ་མེད་ཅིང་གཡོ་བ་ཐོགས་པ། དོ་ཤལ་དང་སེ་མོ་དོས་ལུས་བརྒྱན་ནས། དེ་ཉིད་ཀྱི་མཚན་མོ་ལྷ་རྣམས་ཀྱི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མནད་ར་བ་རྣམས་ཀྱིས་ཐུ་བ་བཀང་སྟེ། བྱ་རྒོད་ཀྱི་ཕུང་པོའི་རི་ཐམས་ཅད་སྣང་བ་རྒྱ་ཆེན་པོས་གསལ་བར་བྱས་ནས། བཅོམ་ལྡན་འདས་ལ་མེ་ཏོག་གིས་གཏོར་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ །
Nga321b
བཅོམ་ལྡན་འདས་ཀྱིས་དེའི་བསམ་པ་དང་བག་ལ་ཉལ་དང ། ཁམས་དང ། རང་བཞིན་ཐུགས་སུ་ཆུད་ནས་གང་ཐོས་པས་འཕགས་པའི་བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་པས་སྔོན་གནོད་སྦྱིན་བྱེད་བྱེད་པའི་ལྷའི་བུ་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ། བདེན་པ་མཐོང་ནས་ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ་བདག་ལ་ཕས་མ་ལགས། མས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། སྡུག་པས་མ་ལགས། རང་གི་སྐྱེ་བོ་དང་གཉེན་གྱི་ཚོགས་ཀྱིས་མ་ལགས། སྔོན་གྱི་འདས་པ་རྣམས་ཀྱིས་མ་ལགས། དགེ་སྦྱོང་དང་བྲམ་ཟེས་མ་ལགས་པ་གང་ལགས་པ་དེ་བཅོམ་ལྡན་འདས་ཀྱིས་བདག་ལ་མཛད་དེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་དག་ལས་ནི་བསྒྲལ། ངན་སོང་རྣམས་ཀྱི་སྒོ་ནི་བཀུམ། མཐོ་རིས་དང་ཐར་པའི་སྒོ་རྣམས་ནི་ཕྱེ། ལྷ་དང་མི་རྣམས་སུ་ནི་བདག་རབ་ཏུ་བཞག་གོ ། ཡང་གསོལ་པ། ཁྱོད་མཐུས་ཉེས་པ་མང་ལྡན་མི་བཟད་པའི། །ངན་སོང་ལམ་བཀག་བསོད་ནམས་བཟང་པོ་ཡི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ལམ་ཡང་ཐོབ་པར་གྱུར། །ཁྱོད་ལ་བརྟེན་ནས་ཤིན་ཏུ་རྣམ་དག་མིག་།ཉེས་བྲལ་དག་པ་དེ་རིང་བདག་གིས་ཐོབ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་རྒལ་ལགས་སོ། །
Nga322a
༄#། །འགྲོ་བ་ལྷ་མིན་ལྷ་དང་མིས་མཆོད་པ། །སྐྱེ་དང་རྒ་དང་ན་འཆི་བྲལ་བའོ། །སྲིད་པ་སྟོང་དུ་མཐོང་བར་རབ་དཀའ་བ། །ཐུབ་པ་དེང་ཁྱོད་མཐོང་བའི་འབྲས་བུ་མཆིས། །དེ་ནས་དོ་ཤལ་རབ་འཕྱང་དགའ་གྱུར་པ། །ཞབས་གཉིས་ལ་ནི་མངོན་པར་ཕྱག་འཚལ་ནས། །དགྲ་ཐུལ་བ་ལ་གཡས་ནས་བསྐོར་བྱས་ནས། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང ། །དེ་ནས་སྔོན་གནོད་སྦྱིན་བྱེད་བྱེད་པའི་ལྷའི་བུ་ཚོང་བ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཏོག་ལེགས་པ་ལྟ་བུ་དང ། དཔའ་བོ་གཡུལ་ལས་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་པ་ལྟ་བུར་འབྱོར་བ་གང་གིས་བཅོམ་ལྡན་འདས་ཀྱི་སྤྱན་སྔར་སོང་བའི་འབྱོར་པ་དེ་ཉིད་ཀྱིས་རང་གི་གནས་སུ་སོང་ངོ ། །དགེ་སློང་རྣམས་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་རྣལ་འབྱོར་ལ་རྗེས་སུ་བརྩོན་པས་གནས་པ་ན། དེ་རྣམས་ཀྱིས་བཅོམ་ལྡན་འདས་ཀྱི་སྤྱན་སྔ་ན་སྣང་བ་རྒྱ་ཆེན་པོ་དེ་མཐོང་ངོ ། །མཐོང་ནས་ཐེ་ཚོམ་ཟོས་ཏེ། བཅོམ་ལྡན་འདས་ལ་ཞུས་པ། བཅོམ་ལྡན་འདས་ཅི་ལགས། མདང་གསུམ་བཅོམ་ལྡན་འདས་ལ་བལྟ་བའི་སླད་དུ་མི་མཇེད་ཀྱི་བདག་པོ་ཚངས་པའམ། ལྷ་རྣམས་ཀྱི་དབང་པོ་བརྒྱ་བྱིན་ནམ། འཇིག་རྟེན་སྐྱོང་བ་བཞི་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ང་བལྟ་བའི་ཕྱིར་འོངས་པ་ནི། མི་མཇེད་ཀྱི་བདག་པོ་ཚངས་པ་ཡང་མ་ཡིན། ལྷ་རྣམས་ཀྱི་དབང་པོ་བརྒྱ་བྱིན་ཡང་མ་ཡིན། འཇིག་
Nga322b
རྟེན་སྐྱོང་བ་བཞི་ཡང་མ་ཡིན་ཏེ། དེ་ལྟ་མོད་ཀྱི་ལྷ་སྦྱིན་ང་བསད་པའི་ཕྱིར་འབད་པས་བྱ་རྒོད་ཀྱི་ཕུང་པོའི་རི་ལས་སྒྱོགས་ཀྱི་རྡོ་འཕངས་པ་གང་ཡིན་པ་དེ་བར་སྣང་ཉིད་ལ་གནོད་སྦྱིན་ལག་ན་རྡོ་རྗེས་ཕྱེ་མར་བྱས་པ་དེའི་ཕྱེད་ངའི་སྟེང་དུ་ལྷུང་བ་གནོད་སྦྱིན་ཀུམ་བི་རས་བཟུང་ཉེས་པས་དེ་དེས་བསད་དོ། །ང་ལ་སེམས་མངོན་པར་དད་ནས་ཤི་བས་སུམ་ཅུ་རྩ་གསུམ་པའི་ལྷ་གྱ་ནོམ་པ་རྣམས་ཀྱི་ནང་དུ་སྐྱེས་པ་ཡིན་ཏེ་དེ་མདང་གསུམ་ངའི་སྤྱན་སྔར་འོངས་ནས། ངས་དེ་ལ་ཆོས་བཤད་དེ། བདེན་པ་མཐོང་བར་བྱས་ནས། རང་གི་གནས་སུ་སོང་བ་ཡིན་ནོ། །དགེ་སློང་དག་དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་པ་རྣམས་ཀྱི་ནི་གཅིག་ཏུ་དཀར་བ་ཡིན་ལ། འདྲེན་མ་རྣམས་ཀྱི་ནི་འདྲེན་མ་ཡིན་པས། དགེ་སློང་དག་དེ་ལྟ་བས་ན་ལས་གཅིག་ཏུ་གནག་རྣམས་དང་འདྲེན་མ་རྣམས་ནི་སྤངས་ལ། ལས་གཅིག་ཏུ་དཀར་བ་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་གནོད་སྦྱིན་ཀུམ་བི་རས་བཅོམ་ལྡན་འདས་ཀྱི་སླད་དུ་བདག་ཉིད་ཡོངས་སུ་བཏང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདིས་ངའི་ཕྱིར་བདག་ཉིད་ཡོངས་སུ་བཏང་བ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་
Nga323a
༄#། །པ་དང ། རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོ་དང ། མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་།དེའི་ཚེ་གྲོང་ཁྱེར་ཝཱ་ར་ཎཱ་སི་དང་ཧ་ཅང་ཡང་མི་རིང་བ་ཞིག་ན་ཡོད་པའི་བསྟི་གནས་རྩ་བ་དང ། མེ་ཏོག་དང་འབྲས་བུ་དང ། ཆུ་ཕུན་སུམ་ཚོགས་པ་དང ། བྱ་སྣ་ཚོགས་སྐད་འབྱིན་པ་ཞིག་ན། དྲང་སྲོང་དཀའ་ཐུབ་དྲག་པོ་སྤྱོད་པ་ཆུ་དང་རྩ་བ་དང ། འབྲས་བུ་ལ་ལོངས་སྤྱོད་པ། པགས་པ་དང་ཤིང་ཤུན་གྱོན་པ་ཞིག་གནས་སོ། །དེའི་བསྟི་གནས་ཀྱི་ཉེ་འཁོར་ན་རྔོན་པ་ཞིག་རི་དྭགས་བསད་ཅིང་འཚོ་བར་བྱེད་དེ། དེ་དུས་སུ་དྲང་སྲོང་དེའི་གན་དུ་འོང་ངོ ། །དྲང་སྲོང་དེས་ཀྱང་རྔོན་པ་འདིས་བདག་གི་ཉེ་འཁོར་ན་གནས་པའི་རི་དྭགས་རྣམས་གསོད་པར་མི་འགྱུར་བར་བྱ་བའི་ཕྱིར་དེ་ངལ་སོས་ནས་རྩ་བ་དང ། འབྲས་བུ་སྟོབས་པར་བྱེད་པས། དེ་གཉིས་གཅིག་ལ་གཅིག་ཕ་དང་བུའི་འདུ་ཤེས་སྐྱེས་པར་གྱུར་ཏེ། རྔོན་པས་ནི་དྲང་སྲོང་ལ་ཕ་ཞེས་ཚིག་ཏུ་འབོད་དོ། །དྲང་སྲོང་གིས་ཀྱང་རྔོན་པ་ལ་བུ་ཞེས་འབོད་དོ། །ཇི་ཙམ་ན་དུས་གཞན་ཞིག་ན་རྒྱལ་པོ་ཚངས་སྦྱིན་ནང་པར་སྔར་ལངས་ཏེ། རི་དྭགས་ཤོར་དུ་ཕྱིར་བྱུང་བ་དེས། རི་དྭགས་ཤིག་ལ་མདས་ཤི་གསོར་དུ་བསྣུན་པ་དང ། དྲང་སྲོང་དེའི་བསྟི་གནས་སུ་ཞུགས་སོ། །དེར་ཡང་རྒྱལ་པོས་ལྕགས་མདས་གནད་དུ་བསྣུན་པས་ཤི་བར་གྱུར་ཏོ། །དེ་ནས་དྲང་སྲོང་དེ་ཁྲོ་བའི་ཀུན་ནས་དཀྲིས་པས་སྨྲས་པ། རྒྱལ་པོ་ཁྱོད་ནི་ཕུང་དཀྲོལ་སྤྱོད་པ་ངན་པ་ཞིག་སྟེ། དེས་ན་རི་དྭགས་ང་ལ་སྐྱབས་སུ་འོངས་པ་
Nga323b
བསད་དོ་ཞེས་དེ་སྐད་ཅེས་སྨྲས་པ་དང ། རྒྱལ་པོ་ཞེ་སྡང་གི་ཀུན་ནས་དཀྲིས་པ་ལ་ཞེན་པའི་བློས་བློན་པོ་རྣམས་ལ་སྨྲས་པ། ཤེས་ལྡན་དག་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ལ་ཁ་ཚས་ཟེར་བ་གང་ཡིན་པ་དེ་ལ་ཆད་པ་ཅིས་བཅད། བློན་པོ་རྣམས་ཀྱིས་སྨྲས་པ། ལྷ་ཆད་པ་དགུམ་ལགས་མོད། རྒྱལ་པོས་སྨྲས་པ། གལ་ཏེ་དེ་ལྟ་ན་དྲང་སྲོང་འདི་ངས་ཡོངས་སུ་སྤངས་སོ། །བློན་པོ་རྣམས་ཀྱིས་དྲང་སྲོང་གསད་པར་བརྩམས་པ་ན་སྟེས་དབང་གིས་རྔོན་པ་དེ་ཡང་དྲང་སྲོང་དེའི་ཉེ་འཁོར་ན་འདུག་ནས། དེས་བསམས་པས། བདག་གསོན་བཞིན་དུ་དྲང་སྲོང་ཅིའི་ཕྱིར་གསོད་དུ་གཞུག་སྙམ་ནས་ངེས་གཡུལ་འགྱེད་པར་བརྩམས་པ་ན་དྲང་སྲོང་དེ་བྲོས་ནས། དཔུང་ཆེན་པོའི་ཚོགས་ཀྱིས་དེ་བསད་དོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་རྔོན་པ་གང་ཡིན་པ་དེ་ནི་གནོད་སྦྱིན་ཀུམ་བི་ར་འདི་ཉིད་ཡིན་ཏེ། དེ་ན་ཡང་འདིས་ངའི་ཕྱིར་བདག་ཉིད་ཡོངས་སུ་བཏང་ངོ ། ། ད་ལྟར་ཡང་འདིས་ངའི་ཕྱིར་བདག་ཉིད་ཡོངས་སུ་བཏང་ངོ ། །བཅོམ་ལྡན་འདས་ཀྱི་ཞབས་ལ་རྡོ་བའི་དུམ་བུས་རྨ་བྱུང་བ་ཁྲག་ཆད་དུ་མ་བཏུབ་ནས་དེ་བཞིན་དུ་འཛག་གོ་།སྨན་པའི་རྒྱལ་པོ་འཚོ་བྱེད་བཅོམ་ལྡན་འདས་གྱི་སྙུན་བརྟག་པའི་ཕྱིར་དུས་གསུམ་དུ་སྤྱན་སྔར་འགྲོའོ། །རྒྱལ་པོའི་ཁབ་ན་གནས་པའི་སྐྱེ་བའི་ཚོགས་དད་པ་ཅན་དང ། ཡུལ་སྣ་ཚོགས་ནས་ལྷགས་པའི་ཡང་དག་པའི་ལྟ་བ་
Nga324a
༄#། །དང་ལྡན་པ་ནོར་ཅན་དང ། ཚོང་དཔོན་དང ། དེད་དཔོན་རྣམས་ཀྱང་འོངས་ཏེ། དེ་ན་ཁ་ཅིག་གིས་སྨྲས་པ། འཚོ་བྱེད་སྨན་འདི་ནི་དེ་ལ་བཟང་ངོ ། །གཞན་དག་གིས་སྨྲས་པ། འདི་ནི་དེ་བས་ཀྱང་བཟང་ངོ ། །སྨན་པའི་རྒྱལ་པོ་འཚོ་བྱེད་ཀྱིས་སྨྲས་པ། འདི་ལ་མོད་ལ་གདངས་པར་འགྱུར་བའི་སྨན་ཡོད་མོད་ཀྱི་དེ་ནི་རྙེད་པར་དཀའོ། །ཚེ་དང་ལྡན་པ་ཀུན་དགའ་བོས་སྨྲས་པ། འཚོ་བྱེད་དེ་ཅི་ཡིན། དེས་སྨྲས་པ། ཙན་དན་ས་མཆོག་ཡིན་ནོ། །དེའི་ཚེ་ཙན་དན་ས་མཆོག་རྙེད་པ་ཉིད་མེད་དོ། །ཇི་ཙམ་ན་ཚོང་དཔོན་ཞིག་ཡོད་པས་འདི་ལྟར་བདག་གིས་ཙན་དན་ས་མཆོག་དུས་དུས་སུ་བཙོངས་པས། རྒྱལ་པོ་མ་སྐྱེས་དགྲ་འདི་ནི་གཏུམ་པ་བརླང་པ་གཟུ་ལུམས་ཅན་ཡིན་པས། གལ་ཏེ་མ་སྟེས་ཏེ་དེ་ལ། ཙན་དན་ས་མཆོག་དགོས་པར་གྱུར་ལ། དེ་མ་རྙེད་ན་གདོན་མི་ཟ་བར་མགོ་གཅོད་པར་ཡང་འགྱུར་རོ་སྙམ་ནས་ཙན་དན་ས་མཆོག་བསྲིས་ཏེ་བཞག་པ་ཞིག་ཡོད་དོ། །དེས་སྨན་པའི་རྒྱལ་པོ་འཚོ་བྱེད་ཀྱིས་ཇི་ལྟར་བཅོམ་ལྡན་འདས་ཀྱི་སྙུན་ལ་ནི་ཙན་དན་ས་མཆོག་གིས་གདངས་པར་འགྱུར་རོ། །ཞེས་བསྟན་པ་ཐོས་ནས་དེས་བསམས་པ། མ་སྐྱེས་དགྲ་འདི་ལྷས་བྱིན་གྱིས་སྦད་པས། བཅོམ་ལྡན་འདས་ལ་ཞེ་འགྲས་པའི་བློ་ཡོད་དོ། །གལ་ཏེ་བདག་གིས་བཅོམ་ལྡན་འདས་ལ་ཙན་དན་ས་མཆོག་ཕུལ་ན། བདག་ལ་གནོད་པ་བྱེད་པའི་གནས་གང་ཡིན་པ་དེ་ཡོད་སྙམ་མོ། །ཡང་བསམས་པ། བཅོམ་
Nga324b
ལྡན་འདས་ནི་ལྷ་དང་མིས་མཆོད་པ་ཡིན་པས་གལ་ཏེ་དེའི་དོན་དུ་སྲོག་དང་ཕྲལ་ན་ཡང་ཕྲལ་དུ་ཟད། མ་ལ་བདག་གིས་བཅོམ་ལྡན་འདས་ལ་ཙན་དན་ས་མཆོག་དབུལ་ལོ་སྙམ་ནས། དེ་ནས་ཙན་དན་ས་མཆོག་ཁྱེར་ཏེ། བཅོམ་ལྡན་འདས་ཀྱི་སྤྱན་སྔར་སོང་ནས་ཞབས་ལ་གཏུགས་ཏེ་གསོལ་པ། བཅོམ་ལྡན་འདས་བདག་གིས་བཅོམ་ལྡན་འདས་ལ་ཙན་དན་ས་མཆོག་གིས་བགྱི་བ་མཆིས་པར་གློ་བར་ཆུད་ན། བཅོམ་ལྡན་འདས་ཀྱིས་ཐུགས་བརྩེ་བར་དགོངས་ཏེ་འདི་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་བདག་ཉིད་ཆེན་པོ་འདི་ཉིད་ལས་ཙན་དན་ས་མཆོག་ལོང་ཞིག་།ཚེ་དང་ལྡན་པ་ཀུན་དགའ་བོས་བླངས་སོ། །དེ་ནས་ཚོང་པ་དེ་དགའ་བ་དང ། མགུ་བ་སྐྱེས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་འཛུམ་པ་མཛད་དོ། །ཆོས་ཉིད་ཀྱིས་གནག་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་ཁ་དག་བྱུང་ནས། ཁ་ཅིག་ནི་འོག་ཏུ་འགྲོ། ཁ་ཅིག་ནི་སྟེང་དུ་འགྲོ། གང་དག་འོག་ཏུ་འགྲོ་བ་དག་ནི་སེམས་ཅན་དམྱལ་བ་ཡང་སོས་དང ། ཐིག་ནག་དང ། བསྡུས་འཇོམས་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཆུ་བུར་རྡོལ་པ་ཅན་
Nga325a
༄#། །དང ། སོ་ཐམས་ཐམས་དང ། ཀྱི་ཧུད་ཟེར་དང ། ་ཆུ་ཟེར་དང ། ུཏྤལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་པོར་སོང་སྟེ། སེམས་ཅན་དམྱལ་བ་ཚ་བ་གང་ཡིན་པ་དེ་དག་ཏུ་ནི་བསིལ་བར་གྱུར་ཏེ། འབབ་པར་བྱེད་ལ། སེམས་ཅན་དམྱལ་བ་གྲང་བ་གང་ཡིན་པ་དེ་དག་ཏུ་ནི་དྲོ་བར་གྱུར་ཏེ། འབབ་པར་བྱེད་དོ། །དེས་སེམས་ཅན་དམྱལ་བ་དེ་དག་གི་གནོད་བའི་བྱེ་བྲག་དག་རྒྱུན་གཅོད་པར་བྱེད་ཅིང་དེ་དག་འདི་སྙམ་དུ། ཤེས་ལྡན་དག་ཅི་བདག་ཅག་འདི་ནས་ཤི་འཕོས་སམ་འོན་ཏེ་གཞན་དུ་སྐྱེས་སྙམ་དུ་སེམས་སོ། །དེ་དག་དད་པ་བསྐྱེད་པར་བྱ་བའི་ཕྱིར་བཅོམ་ལྡན་འདས་ཀྱིས་སྤྲུལ་པ་གཏོང་བར་མཛད་དེ། དེ་དག་གིས་སྤྲུལ་བ་མཐོང་ནས། འདི་སྙམ་དུ་སེམས་ཏེ། ཤེས་ལྡན་དག་བདག་ཅག་འདི་ནས་ཤི་འཕོས་པ་ཡང་མ་ཡིན་ལ་གཞན་དུ་སྐྱེས་པ་ཡང་མ་ཡིན་ཏེ། འདི་ལྟར་སེམས་ཅན་སྔོན་མ་མཐོང་བ་འདིའི་མཐུས་བདག་ཅག་གི་གནོད་པའི་བྱེ་བྲག་དག་རྒྱུན་ཆད་པར་གྱུར་ཏོ་སྙམ་མོ། །དེ་དག་སྤྲུལ་པ་ལ་སེམས་མངོན་པར་དད་པར་གྱུར་ནས། སེམས་ཅན་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས་གང་དུ་བདེན་པ་དག་གི་སྣོད་དུ་གྱུར་པར་འགྱུར་བའི་ལྷ་དང་མི་རྣམས་ཀྱི་ནང་དུ་ཉིད་མཚམས་སྦྱོར་བ་ལེན་པར་བྱེད་དོ། །གང་དག་སྟེང་དུ་འགྲོ་བ་དེ་དག་ནི་རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་
Nga325b
འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་དང ། ཆངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་འཕེལ་དང ། འབྲས་བུ་ཆེ་བ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་བ་དང ། ཤིན་ཏུ་མཐོང་བ་དང ། འོག་མིན་ལྷ་རྣམས་ཀྱི་ནང་དུ་སོང་ནས། མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་ཞེས་བྱ་བའི་སྒྲ་སྒྲོགས་པར་བྱེད་ཅིང་ཚིགས་སུ་བཅད་པ་གཉིས་པོ། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བ་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་སྒྲོགས་སོ། །དེ་ནས་འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱུལ་ནས། བཅོམ་ལྡན་འདས་ཉིད་ཀྱི་རྗེས་བཞིན་རྗེས་བཞིན་དུ་འགྲོ་སྟེ། དེ་ལ་གལ་ཏེ་བཅོམ་ལྡན་འདས་འདས་པའི་ལས་ལུང་སྟོན་པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་སུ་ནུབ་པར་འགྱུར་རོ། །མ་འོངས་པ་ལུང་སྟོན་པར་བཞེད་ན་ནི། མདུན་ལོགས་སུ་ནུབ་པར་འགྱུར། སེམས་ཅན་དམྱལ་བར་སྐྱེ་བ་ལུང་སྟོན་པར་བཞེད་ན་ནི། ཞབས་ཀྱི་མཐིལ་དུ་ནུབ་པར་འགྱུར། དུད་འགྲོར་སྐྱེ་བར་ལུང་སྟོན་པར་བཞེད་ན་ནི།
Nga326a
༄#། །རྟིང་པར་ནུབ་པར་འགྱུར། ཡི་དྭགས་སུ་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐེ་བོར་ནུབ་པར་འགྱུར། མིར་སྐྱེ་བར་ལུང་སྟོན་པར་བཞེད་ན་ནི། པུས་མོར་ནུབ་པར་འགྱུར། སྟོབས་ཀྱིས་འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་གཡོན་པའི་མཐིལ་དུ་ནུབ་པར་འགྱུར། འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་གཡས་པའི་མཐིལ་དུ་ནུབ་པར་འགྱུར། ལྷར་སྐྱེ་བར་ལུང་སྟོན་པར་བཞེད་ན་ནི། ལྟེ་བར་ནུབ་པར་འགྱུར། ཉན་ཐོས་ཀྱིས་བྱང་ཆུབ་ཏུ་ལུང་སྟོན་པར་བཞེད་ན་ནི། ཞལ་དུ་ནུབ་པར་འགྱུར། རང་སངས་རྒྱས་སུ་ལུང་སྟོན་པར་བཞེད་ན་ནི། མཛོད་སྤུར་ནུབ་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་བཞེད་ན་ནི། གཙུག་ཏོར་དུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། མཛོད་སྤུར་ནུབ་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ། བཅོམ་ལྡན་འདས་ལ་ཞུས་པ། ཁ་དོག་སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱིས་སྒོ་ནས་བྱུང་གྱུར་པ། །ཇི་ལྟར་གདུགས་ནི་ཤར་བར་གྱུར་པ་བཞིན།། དེ་ཡིས་ཕྱོགས་རྣམས་ཀུན་ཏུ་སྣང་བར་བགྱིས། །ཡང་ཚིགས་སུ་བཅད་དེ་གསོལ་པ། རྒོད་བྲལ་ཞུམ་དང་རྒྱགས་པ་སྤངས་པ་ཡི། །སངས་རྒྱས་འགྲོ་ནང་མཆོག་གི་རྒྱུར་གྱུར་པ། །
Nga326b
རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བརྟན་པ་ཉིད་བློས་དུས་མཁྱེན་ནས། །རྒྱལ་བའི་དབང་པོ་ཐུབ་པ་སྐྱེས་ཀྱི་མཆོག་།ཉན་པར་འཚལ་བ་ཉན་པ་པོ་རྣམས་ཀྱི། །ཐེ་ཚོམ་སྐྱེས་པ་གསུང་ཚིག་བསྟན་པ་དང ། །དམ་པ་བཟང་པོ་དག་གིས་བསལ་དུ་གསོལ། །ཚ་ཆུ་རི་རྒྱལ་ལྟ་བུར་བརྟན་པའི་མཆོག་།རྫོགས་སངས་རྒྱས་རྣམས་གློ་བུར་འཛུམ་མི་སྟོན། །བསྟན་པ་ཇི་སླད་འཛུམ་པ་སྟོན་མཛད་པ། །སྐྱེ་བོ་ཕལ་ཆེན་འདི་དག་དེ་ཉན་འཚལ། །ཀུན་དགའ་བོ་དེ་དེ་བཞིན་ཏེ། དེ་དེ་བཞིན་ནོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་དེ། ཀུན་དགའ་བོ་ཁྱོད་ཀྱིས་དེ་བཞིན་གཤེགས་པ་ལ་ཚོང་པས་སེམས་མངོན་པར་དད་པར་བྱས་ནས་ཙན་དན་ས་མཆོག་ཕུལ་བ་གང་ཡིན་པ་དེ་མཐོང་ངམ། བཙུན་པ་མཐོང་ལགས་སོ། །ཀུན་དགའ་བོ་ཚོང་པ་དེ་དགེ་བའི་རྩ་བ་དང ། སེམས་བསྐྱེད་པ་དང་སྦྱིན་པའི་ཆོས་ཡོངས་སུ་བཏང་བ་དེས། རང་སངས་རྒྱས་ཙན་དན་ཞེས་བྱ་བར་འགྱུར་རོ། །དེའི་སྦྱིན་པའི་ཆོས་ནི་འདི་ཡིན་ཏེ། ང་ལ་སེམས་དད་པར་བྱས་པ་གང་ཡིན་པའོ། །འོན་ཀྱང་ཁྲག་དེ་ཆད་དུ་མ་བཏུབ་ནས། དེ་བཞིན་དུ་འཛག་གོ་།འཚོ་བྱེད་ཀྱིས་སྨྲས་པ། ད་ནི་བུད་མེད་གཞོན་ནུའི་འོ་མས་གདབ་འཚལ་ལོ། །དགེ་སློང་རྣམས་ཀྱིས་བུད་མེད་གཞོན་ནུ་ཅི་འདྲ་བ་ཞིག་མ་ཤེས་ནས། དེས་སྨྲས་པ། བུ་ཐོན་བུ་བཙས་པ་གང་
Nga327a
༄#། །ཡིན་པ་དེ་ནི་བུད་མེད་གཞོན་ནུར་འདོད་དོ། །དེའི་འོ་མ་གང་ཡིན་པ་དེ་ནི་བུད་མེད་གཞོན་ནུའི་འོ་མ་ཞེས་བགྱིའོ། །ཚེ་དང་ལྡན་པ་ཀུན་དགའ་བོས་ལྷས་བྱིན་དང ། ལྷས་བྱིན་གྱི་ཕྱོགས་མ་གཏོགས་པར་འཁོར་བཞི་པོ། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་དང ། རྒྱལ་པོའི་ཁབ་ན་གནས་པའི་སྐྱེ་བའི་ཚོགས་ཕལ་ཆེར་ལ་ཡང་བསྒོ་ནས་ཐམས་ཅད་ཀྱིས་བུད་མེད་གཞོན་ནུའི་འོ་མ་བཙལ་བར་བརྩམས་སོ། །འཁོར་བཞི་པོ་དང ། སྐྱེ་བོའི་ཚོགས་རྣམས་ཚོལ་བ་ན་དེ་རྣམས་ཀྱིས་ཐབས་ཡོད་ཡོད་ཀྱིས་གེགས་བྱེད་དོ། །ཇི་ཙམ་ན་རྒྱལ་པོའི་ཁབ་ན་བུ་ཐོན་བུ་བཙས་པའི་བུད་མེད་གཞོན་ནུ་འོ་མ་ཉུང་སྟེ་རང་གི་བུ་ཡང་འོ་མས་མི་ངོམས་ན་གཞན་ལ་སྦྱིན་ཏུ་ལྟ་ག་ལ་ཡོད་པ་ཞིག་འདུག་པ་དེས། ཇི་ལྟར་བཅོམ་ལྡན་འདས་ལ་བུད་མེད་གཞོན་ནུའི་འོ་མའི་དགོས་པ་བྱུང་བ་ཐོས་ནས་དེས་བསམས་པ། གལ་ཏེ་ཕུལ་ན་ནི་བདག་གིས་བུ་ཉམ་ཆུང་བས་འོ་མ་མེད་ན་འཆི་བར་འགྱུར་ལ། ཉེས་དམིགས་དེ་འབའ་ཞིག་ཏུ་མ་ཟད་ཀྱི་གཞན་འདི་ཡང་ཡོད་དེ་ལྷས་བྱིན་བཅོམ་ལྡན་འདས་ལ་ཡུན་རིང་པོ་ནས། ཕྱིར་རྒོལ་བ་དགྲར་གྱུར་པ་ཡིན་ཏེ། དེས་སྦད་པ་ནི་རྒྱལ་པོ་མ་སྐྱེས་དགྲ་ཡིན། ལྷས་བྱིན་གྱི་ཕྱོགས་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་ཡིན་པས། འདི་དག་གིས་ཀྱང་གདོན་མི་ཟ་བར་གསད་པར་འགྱུར་རོ་སྙམ་
Nga327b
མོ། །ཡང་བསམས་པ། བདག་བསད་པ་དང ། བུ་དང་བྲལ་བ་ནི་བླའི། །ལྷ་དང་མིས་མཆོད་པའི་སངས་རྒྱས་བཅོམ་ལྡན་འདས་སྙུན་གྱིས་འོ་བརྒྱལ་བའི་ཚོར་བ་སྐུ་ཉམས་སུ་བསྟར་ནས། དེ་ནས་རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་ཐམས་ཅད་འཁྲུགས་པར་གྱུར་པ་ནི་དེ་ལྟ་མ་ཡིན་གྱིས། མ་ལ་བདག་གིས་འོ་མ་ཁྱེར་ལ་འགྲོའོ་སྙམ་སྟེ་དེ་བཅོམ་ལྡན་འདས་ལ་སེམས་ཤིན་ཏུ་དད་པར་བྱས་ནས་སྣོད་སར་པར་འོ་མ་བཞོས་ཏེ། བཅོམ་ལྡན་འདས་གང་ན་བ་དེར་སོང་ནས། ཕྱིན་པ་དང ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འཚོ་བྱེད་ཀྱིས་བུད་མེད་གཞོན་ནུའི་འོ་མ་བསྟེན་པར་བདག་གིས་འཚལ་ན། བདག་རྗེས་སུ་གཟུང་བའི་སླད་དུ་བུད་མེད་གཞོན་ནུའི་འོ་མ་འདི་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་བསམ་པ་བཟང་པོ་ཅན་གྱི་བུ་མོ་འདི་ལས་འོ་མ་ལོང་ཞིག་།དེས་བླངས་པ་དང ། དེས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་འཛུམ་པ་མཛད་དོ། །ཆོས་ཉིད་ཀྱིས་གང་གི་ཚེ་སངས་རྒྱས་བཅོམ་ལྡན་འདས་རྣམས་འཛུམ་པ་མཛད་པ་དེའི་ཚེ་ཞལ་ནས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དག་བྱུང་ནས། ཁ་ཅིག་ནི་འོག་ཏུ་འགྲོ། ཁ་ཅིག་ནི་སྟེང་དུ་འགྲོ་ལ། གང་དག་འོག་ཏུ་འགྲོ་བ་དེ་དག་ནི་སེམས་ཅན་དམྱལ་
Nga328a
༄#། །བ་ཡང་སོས་དང ། ཐིག་ནག་དང ། བསྡུས་གཞོམ་དང ། ངུ་འབོད་དང ། ངུ་འབོད་ཆེན་པོ་དང ། ཚ་བ་དང ། རབ་ཏུ་ཚ་བ་དང ། མནར་མེད་པ་དང ། ཆུ་བུར་ཅན་དང ། ཆུ་བུར་རྡོལ་དང ། སོ་ཐམས་ཐམས་དང ། ཀྱི་ཧུད་ཟེར་བ་དང ། ་ཆུ་ཟེར་བ་དང ། ུཏྤལ་ལྟར་གས་པ་དང ། པདྨ་ལྟར་གས་པ་དང ། པདྨ་ལྟར་གས་པ་ཆེན་པོར་སོང་སྟེ། སེམས་ཅན་དམྱལ་བ་ཚ་བ་གང་ཡིན་པ་དེ་དག་ཏུ་བསིལ་བར་གྱུར་ཏེ། འབབ་པར་བྱེད་ལ། སེམས་ཅན་དམྱལ་བ་གྲང་པ་གང་ཡིན་པ་དེ་དག་ཏུ་ནི་དྲོ་བར་གྱུར་ཏེ་འབབ་པར་བྱེད་དོ། །དེས་སེམས་ཅན་དམྱལ་བ་དེ་དག་གི་གནོད་པའི་བྱེ་བྲག་དག་རྒྱུན་གཅོད་པར་བྱེད་ཅིང ། དེ་དག་འདི་སྙམ་དུ་ཤེས་ལྡན་དག་ཅི་བདག་ཅག་འདི་ནས་ཤི་འཕོས་སམ། འོན་ཏེ་གཞན་དུ་སྐྱེས་སྙམ་དུ་སེམས་སོ། །དེ་དག་དད་པ་བསྐྱེད་པར་བྱ་བའི་ཕྱིར་བཅོམ་ལྡན་འདས་ཀྱིས་སྤྲུལ་པ་གཏོང་བར་མཛད་དེ། དེ་དག་གིས་སྤྲུལ་པ་མཐོང་ནས་འདི་སྙམ་དུ་སེམས་ཏེ། ཤེས་ལྡན་དག་བདག་ཅག་འདི་ནས་ཤི་འཕོས་པ་ཡང་མ་ཡིན་ལ་གཞན་དུ་སྐྱེས་པ་ཡང་མ་ཡིན་ཏེ། འདི་ལྟར་སེམས་ཅན་སྔོན་མ་མཐོང་བ་འདིའི་མཐུས་བདག་ཅག་གིས་གནོད་པའི་བྱེ་བྲག་དག་རྒྱུན་ཆད་པར་གྱུར་ཏོ་སྙམ་མོ། །དེ་དག་སྤྲུལ་པ་ལ་སེམས་མངོན་པར་དད་པར་གྱུར་ནས། སེམས་ཅན་དམྱལ་བ་མྱོང་བར་འགྱུར་བའི་ལས་དེ་ཟད་པར་བྱས་ནས། གང་དུ་བདེན་པ་དག་གི་སྣོད་དུ་འགྱུར་བའི་ལྷ་དང ། མི་རྣམས་ཀྱི་ནང་དུ་ཉིད་མཚམས་
Nga328b
སྦྱོར་བ་ལེན་པར་བྱེད་དོ།། །།འདུལ་བ་གཞི། བམ་པོ་བརྒྱ་གསུམ་པ། གང་དག་སྟེང་དུ་འགྲོ་བ་དེ་དག་ནི་རྒྱལ་ཆེན་བཞིའི་རིས་དང ། སུམ་ཅུ་རྩ་གསུམ་དང ། འཐབ་བྲལ་དང ། དགའ་ལྡན་དང ། འཕྲུལ་དགའ་དང ། གཞན་འཕྲུལ་དབང་བྱེད་དང ། ཚངས་རིས་དང ། ཚངས་པའི་མདུན་ན་འདོན་དང ། ཚངས་ཆེན་དང ། འོད་ཆུང་དང ། ཚད་མེད་འོད་དང ། འོད་གསལ་དང ། དགེ་ཆུང་དང ། ཚད་མེད་དགེ་དང ། དགེ་རྒྱས་དང ། སྤྲིན་མེད་དང ། བསོད་ནམས་འཕེལ་དང ། འབྲས་བུ་ཆེ་བ་དང ། མི་ཆེ་བ་དང ། མི་གདུང་བ་དང ། གྱ་ནོམ་སྣང་དང ། ཤིན་ཏུ་མཐོང་དང ། འོག་མིན་གྱི་ལྷ་རྣམས་ཀྱི་ནང་དུ་སོང་ནས། མི་རྟག་པ་དང ། སྡུག་བསྔལ་བ་དང ། སྟོང་པ་དང ། བདག་མེད་པ་ཞེས་བྱ་བའི་སྒྲ་སྒྲོགས་པར་བྱེད་ཅིང་ཚིགས་སུ་བཅད་པ་གཉིས་པོ། བརྩམ་པར་བྱ་ཞིང་འབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །གང་ཞིག་རབ་ཏུ་བག་ཡོད་པར། །ཆོས་འདུལ་འདི་ལ་སྤྱོད་འགྱུར་བ། །སྐྱེ་བའི་འཁོར་བར་རབ་སྤངས་ནས། །སྡུག་བསྔལ་ཐ་མར་བྱེད་པར་འགྱུར། །ཞེས་བྱ་བ་ཡང་སྒྲོགས་པར་བྱེད་དོ། །དེ་ནས་འོད་ཟེར་དེ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བྱུལ་ནས། བཅོམ་ལྡན་འདས་ཉིད་ཀྱི་རྗེས་བཞིན་རྗེས་བཞིན་དུ་སོང་སྟེ། དེ་ལ་གལ་ཏེ་བཅོམ་ལྡན་འདས་པའི་ལས་ལུང་སྟོན་
Nga329a
༄#། །པར་བཞེད་ན་ནི། བཅོམ་ལྡན་འདས་ཀྱི་སྣམ་ལོགས་སུ་ནུབ་བ་པར་འགྱུར་རོ། །མ་འོངས་པའི་ལས་ལུང་སྟོན་པར་བཞེད་ན་ནི། མདུན་ལོགས་སུ་ནུབ་པར་འགྱུར། སེམས་ཅན་དམྱལ་བར་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐིལ་དུ་ནུབ་པར་འགྱུར། དུད་འགྲོར་སྐྱེ་བར་ལུང་སྟོན་པར་བཞེད་ན་ནི། རྟིང་པར་ནུབ་པར་འགྱུར། ཡི་དྭགས་སུ་སྐྱེ་བར་ལུང་སྟོན་པར་བཞེད་ན་ནི། ཞབས་ཀྱི་མཐེ་བོར་ནུབ་པར་འགྱུར། མིར་སྐྱེ་བར་ལུང་སྟོན་པར་བཞེད་ན་ནི། པུས་མོར་ནུབ་པར་འགྱུར། སྟོབས་ཀྱི་འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་མཐིལ་གཡོན་པར་ནུབ་པར་འགྱུར། འཁོར་ལོས་སྒྱུར་བའི་རྒྱལ་སྲིད་ལུང་སྟོན་པར་བཞེད་ན་ནི། ཕྱག་མཐིལ་གཡས་པར་ནུབ་པར་འགྱུར། ལྷར་སྐྱེ་བར་ལུང་སྟོན་པར་བཞེད་ན་ནི། ལྟེ་བར་ནུབ་པར་འགྱུར། ཉན་ཐོས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། ཞལ་དུ་ནུབ་པར་འགྱུར། རང་སངས་རྒྱས་ཀྱི་བྱང་ཆུབ་ཏུ་ལུང་སྟོན་པར་བཞེད་ན་ནི། མཛོད་སྤུར་ནུབ་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པར་བཞེད་ན་ནི་གཙུག་ཏོར་དུ་ནུབ་པར་འགྱུར་རོ། །དེ་ནས་འོད་ཟེར་དེ་དག་གིས་བཅོམ་ལྡན་འདས་ལ་ལན་གསུམ་དུ་བསྐོར་བ་བྱས་ཏེ། བཅོམ་ལྡན་འདས་ཀྱི་མཛོད་སྤུར་ནུབ་བོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཐལ་མོ་སྦྱར་ཏེ་ཞུས་པ། ཁ་དོག་
Nga329b
སྣ་ཚོགས་སྟོང་གིས་བཀྲ་བ་ཡི། །ཚོགས་རྣམས་ཞལ་གྱི་སྒོ་ནས་བྱུང་གྱུར་པ། །ཇི་ལྟར་གདུགས་ནི་ཤར་བར་གྱུར་པ་བཞིན། །དེ་ཡིས་ཕྱོགས་རྣམས་ཀུན་ཏུ་སྣང་བར་བགྱིས། །ཡང་ཚིགས་སུ་བཅད་དེ་གསོལ་བ། རྒོད་བྲལ་ཞུམ་དང་རྒྱགས་པ་སྤངས་པ་ཡི། །སངས་རྒྱས་འགྲོ་ནང་མཆོག་གི་རྒྱུར་གྱུར་པ། །རྒྱལ་བ་དགྲ་ཐུལ་བྱེད་རྒྱུ་མ་མཆིས་པར། །རྩ་ལག་དུང་ལྟར་དཀར་འཛུམ་སྟོན་མི་མཛད། །དེ་སླད་བརྟན་པ་ཉིད་བློས་དུས་མཁྱེན་ནས། །རྒྱལ་བའི་དབང་པོ་ཐུབ་པ་སྐྱེས་ཀྱི་མཆོག་།ཉན་པར་འཚལ་བ་ཉན་པ་པོ་རྣམས་ཀྱི། །ཐེ་ཚོམ་སྐྱེས་པ་གསུང་ཚིག་བརྟན་པ་དང ། །དམ་པ་བཟང་པོ་དག་གིས་བསལ་དུ་གསོལ། །ཚ་ཆུ་རི་རྒྱལ་ལྟ་བུར་བརྟན་པའི་མཆོག་།རྫོགས་སངས་རྒྱས་རྣམས་གློ་བུར་འཛུམ་མི་སྟོན། །བརྟན་པ་ཇི་སླད་འཛུམ་པ་སྟོན་མཛད་པ། །སྐྱེ་བོ་ཕལ་ཆེན་འདི་དག་དེ་ཉན་འཚལ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཀྱིས་ང་ལ་བུད་མེད་ཀྱིས་སེམས་མངོན་པར་དད་པར་བྱས་ཏེ། བུད་མེད་གཞོན་ནུའི་འོ་མ་ཕུལ་བ་གང་ཡིན་པ་དེ་མཐོང་ངམ། བཙུན་པ་མཐོང་ལགས་སོ། །ཀུན་དགའ་བོ་བུ་མོ་དེ་ནི་དགེ་བའི་རྩ་བ་དང ། སེམས་བསྐྱེད་པ་དང ། སྦྱིན་པའི་ཆོས་ཡོངས་སུ་བཏང་བ་དེས། རང་སངས་རྒྱས་འོ་མ་སྦྱིན་པ་ཞེས་བྱ་བར་འགྱུར་ཏེ། དེའི་སྦྱིན་པའི་ཆོས་ནི་འདི་ཡིན་ཏེ། ང་ལ་སེམས་མངོན་པར་དད་པ་གང་ཡིན་པའོ། །འོན་ཀྱང་ཁྲག་དེ་ཆད་དུ་མ་བཏུབ་ནས། དེ་བཞིན་དུ་འཛག་གོ། ཡུལ་སྣ་ཚོགས་ན་གནས་
Nga330a
༄#། །པའི་དགེ་སློང་རྣམས་དང ། གཞན་ཡང་བྲམ་ཟེ་དང ། ཁྱིམ་བདག་དད་པ་ཅན་མང་པོས། བཅོམ་ལྡན་འདས་དེ་ལྟར་ཐུགས་མི་བདེའོ་ཞེས་ཐོས་ཏེ། ལྷགས་ནས། དེ་ན་ཁ་ཅིག་ནི་སྨན་དག་འདེབས་པར་བྱེད་དོ། །ཁ་ཅིག་ནི་སྔགས་ཀྱི་དཔྱད་བྱེད་དོ། །ཚེ་དང་ལྡན་པ་འོད་སྲུང་སྟོབས་བཅུ་ལྡན་གྱིས་བདེན་པ་གསོལ་བར་བརྩམས་པ། བཅོམ་ལྡན་ཁྱེད་ཀྱི་ཐུགས་ལ་ནི། །སྲས་དང་དགྲ་བོ་མཚུངས་ཤེས་ན། །བདེན་པའི་ཚིག་ནི་འདི་ཡིས་སུ། །རྨ་ཡི་འཛག་པ་འཆད་པར་ཤོག་།བདེན་པ་གསོལ་ཟིན་པའི་མོད་ཁོ་ནར་ཁྲག་དེ་མི་འཛག་པར་གྱུར་པ་དང ། ལྷས་བྱིན་དང ། མ་སྐྱེས་དགྲ་དང ། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་བྱིན་རྣམས་མ་གཏོགས་པར་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་རྣམས་དང ། རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་ཕལ་ཆེར་ཐམས་ཅད་རབ་ཏུ་དགའ་བར་གྱུར་ཏོ། །བཅོམ་ལྡན་འདས་ནི་མཁྱེན་བཞིན་དུ་གང་ཞིག་ཇི་ལྟར་དཔྱད་བྱེད་པ་དེ་ལ་དེ་བཞིན་དུ་རྗེས་སུ་དགྱེས་པར་མཛད་དེ་དེ་རྣམས་ཀྱི་དགེ་བའི་རྩ་བ་བསྐྱེད་པའི་ཕྱིར་རོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་འོད་སྲུང་སྟོབས་བཅུ་ལྡན་གྱིས་བདེན་པ་གསོལ་པས། བཅོམ་ལྡན་འདས་ཀྱི་ཁྲག་འཛག་པ་ཆད་པར་གྱུར་པ་ལ་གཟིགས། བཅོམ་ལྡན་
Nga330b
ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ་ཇི་ལྟར་འདས་པའི་དུས་ན་ཡང་ང་དུག་འབགས་ནས་ཀུན་ཏུ་འཁྲུགས་པར་གྱུར་པ་ན་འདིས་དུག་ཞི་བར་བྱས་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་དང་ཧ་ཅང་ཡང་མི་རིང་བ་ཞིག་ན། སྐྱེད་མོས་ཚལ་རྩ་བ་དང ། སྡོང་བུ་དང ། མེ་ཏོག་དང ། ཆུ་ཕུན་སུམ་ཚོགས་པ་བྱ་སྣ་ཚོགས་སྐད་འབྱིན་པ་ཞིག་ཡོད་དེ། དེ་ན་དྲང་སྲོང་ཆུ་དང ། རྩ་བ་དང་འབྲས་བུ་ལོངས་སྤྱོད་པ་པགས་པ་དང ། ཤིང་ཤུན་གྱོན་པ་རིག་སྔགས་དང ། གསང་སྔགས་འཆང་བ་ཞིག་གནས་སོ། །རི་བོར་དེ་ན་ཁྱིམ་བདག་ཅིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད་དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏོ། །དེ་ཟླ་བ་བརྒྱད་དམ་དགུ་ལོན་པ་དང ། ཁྱེའུ་ཞིག་བཙས་ཏེ། ཉི་མ་བདུན་གསུམ་ཉི་ཤུ་རྩ་གཅིག་ཏུ་དེའི་བཙས་སྟོན་རྒྱ་ཆེར་བྱས་ཏེ་མིང་བཏགས་ནས། དེ་བསྐྱེད་བསྲིངས་ཏེ་ཆེན་པོར་གྱུར་ཏོ། །དེ་འཆག་པའམ། འགྲེང་བའམ། འདུག་པའམ། ཉལ་བ་ན་ཡང་དགེ་བ་སེམས་ཤིང་དགེ་བའི་ལས་བྱེད་པས་དེ་སྐྱེ་བོའི་ཚོགས་ཀྱིས་ཆོས་འདོད་ཅེས་བྱ་བར་མིང་བཏགས་སོ། །དེ་དགེ་བ་ཅི་ཡིན་ཞེས་ཚོལ་བའི་ཕྱིར་ནི་རི་བོར་ནས་དུས་དུས་སུ་དྲང་སྲོང་དེའི་དྲུང་དུ་འགྲོ་ཞིང་དེ་ལ་བསྙེན་བཀུར་
Nga331a
༄#། །བྱེད་དེ། དཀའ་ཐུབ་ཀྱིས་དྲུང་དུ་འགྲོ་བས་དཀའ་ཐུབ་ལྡན་དཀའ་ཐུབ་ལྡན་ཞེས་བྱར་ཡང་གྲགས་སོ། །དེ་དུས་གཞན་ཞིག་ན་དུག་ཅིག་གིས་འབགས་པ་ལངས་ནས། དེ་ལ་དུག་སྨན་དུ་མ་དང་སྔགས་ཀྱི་སྦྱོར་བས་དཔྱད་བྱས་ན་ཡང་དེའི་ནད་དེ་ཞི་བར་མ་གྱུར་ནས། དེའི་ཕ་དང་མ་གཉིས་དྲང་སྲོང་དེའི་དྲུང་དུ་སོང་སྟེ། དྲང་སྲོང་ཆེན་པོ་ཁྱོད་ཀྱི་རིམ་གྲོ་བགྱིད་པ་ནི་དུག་གིས་འབགས་ནས་སྲོག་དང་བྲལ་ལ་ཐུག་གིས། དཔྱད་མཛོད་ཅིག་།དེས་བདེན་པ་གསོལ་བར་བརྩམས་ཏེ། བུ་གཅིག་ཁྱོད་ཀྱི་སེམས་ལ་ནི། །དགྲ་དང་མཛའ་བོ་མཚུངས་ཤེས་ན། བདེན་པའི་ཚིག་ནི་འདི་ཡིས་སུ། །ཁྱེའུ་ཁྱོད་དུག་ནི་མེད་པར་ཤོག་།དེས་བདེན་པ་གསོལ་མ་ཐག་ཁོ་ནར་དུག་ཞི་བར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱེའུ་གང་ཡིན་པ་དེ་ནི་ང་ཉིད་ཡིན་ནོ། །དྲང་སྲོང་གང་ཡིན་པ་དེ་ནི་འོད་སྲུང་སྟོབས་བཅུ་ལྡན་པ་འདི་ཉིད་ཡིན་ཏེ། དེ་ན་ཡང་འདིས་བདེན་པ་གསོལ་བས་ང་སོས་པར་བྱས་སོ། །ད་ལྟར་ཡང་འདིའི་བདེན་པ་གསོལ་བས་ང་སོས་པར་བྱས་སོ། །ལྷས་བྱིན་སྡུག་བསྔལ་ཞིང་ཡིད་མི་བདེ་བ་དང ། འགྱོད་པས་སེམས་པ། བདག་གིས་དགེ་སྦྱོང་གོའུ་ཏ་མ་ལ་རྡོ་འཕངས་པ་ནི་དོན་མེད་པ་ཞིག་བྱས་ཏེ། དགེ་སྦྱོང་གོའུ་ཏ་མ་ཡང་མ་གསོད་ལ། སྐྱེ་བོ་མང་པོས་ཀྱང་རབ་ཏུ་ཤེས་པར་གྱུར་ཏོ་སྙམ་ནས། དེ་ཤིང་དྲུང་ཞིག་ཏུ་སོང་སྟེ་\?\་སེམས་ཁོང་དུ་ཆུད་
Nga331b
ཅིང་སྐྱིལ་མོ་ཀྲུང་བཅས་ཏེ་འདུག་གོ་།དགེ་སློང་རྣམས་གནས་དང་གནས་རྣམས་སུ་བཙུན་པ་དག་གཟིགས་ཤིག་།ལྷས་བྱིན་འདི་འདྲ་བར་ཞེ་གདུག་སྟེ། གང་གི་ཕྱིར། བཅོམ་ལྡན་འདས་རབ་ཏུ་བྱུང་བ་དེ་ལ་ཡང་ཕ་རོལ་གནོན་པས་སྟེང་དུ་རྡོ་བ་འཕེན་ནོ་ཞེས་སྨོད་པར་བྱེད། གཞོག་འཕྱས་བྱེད། ཁ་ཟེ་ར་བར་བྱེད་པ་དང ། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་སྦྱིན་རྣམས་ཀྱིས་སྨྲས་པ། ཤེས་ལྡན་དག་མ་བརྟགས་པར་བྱུང་རྒྱལ་དུ་ཅི་རྡོལ་ལྷས་བྱིན་ཤིང་ཆེ་གེ་མོ་ཞེས་བྱ་བའི་དྲུང་ན་བསམ་གཏན་བཞི་པ་ལ་སྙོམས་པར་ཞུགས་པ་མ་མཐོང་ངམ། བདག་ཉིད་ཆེན་པོ་དེ་དེ་ལྟ་བུ་བྱེད་པར་ག་ལ་འགྱུར། དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོ་ར་ཀ་ཏི་ཤྱ་དང ། རྒྱ་མཚོས་སྦྱིན་རྣམས་བདག་ཉིད་ངོ་ཚ་མ་མཆིས་པས་ལྷས་བྱིན་ངོ་ཚ་མ་མཆིས་པའི་བསྔགས་པ་སྒྲོགས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ་ཇི་ལྟར་འདས་པ་ན་ཡང་ངོ་ཚ་མེད་པ་འདིས་ངོ་ཚ་མེད་པའི་བསྔགས་པ་སྨྲ་བ་དེ་ཉོན་ཅིག་།དགེ་སློང་དག་སྔོན་བྱུང་བ་རྒྱལ་པོའི་ཁབ་ཀྱི་མི་རྣམས་དང་རྒྱལ་པོས་དགོས་པ་འགའ་ཞིག་གི་ཕྱིར་ཁྲིམས་སུ་བཅས་པ། དུར་ཁྲོད་གཉིས་བཤམས་ལ། གཅིག་ཏུ་
Nga332a
༄#། །ནི་སྐྱེས་པ་རྣམས་དོར་བར་བྱའོ། །གཅིག་ཏུ་ནི་བུད་མེད་རྣམས་སོ་ཞེས་བཅས་སོ། །ཇི་ཙམ་དུས་གཞན་ཞིག་ན། མ་ནིང་ཞིག་ཤི་ནས། དེ་དུར་ཁྲོད་གཅིག་ཏུ་ཡང་གནས་སྐབས་མ་རྙེད་ཅིང་གཉིས་པར་ཡང་མ་རྙེད་དོ། །རྒྱལ་པོའི་ཁབ་ཀྱི་ཕྱོགས་ཤིག་ན་སྐྱེད་མོས་ཚལ་རྩ་བ་དང་འབྲས་བུ་དང ། མེ་ཏོག་ཕུན་སུམ་ཚོགས་པ་བྱ་སྣ་ཚོགས་སྐད་འབྱིན་པ་ཞིག་ཡོད་དེ། དེ་ན་དྲང་སྲོང་སྤྱི་ཅེར་ཆུ་དང་རྩ་བ་དང ། འབྲས་བུ་ལ་ལོངས་སྤྱོད་པ། པགས་པ་དང ། ཤིང་ཤུན་གྱོན་པ་ཞིག་གནས་སོ། །ཕྱོགས་དེ་ན་ཡང་ཞིང་གྲུ་གསུམ་ཞིག་ལ་ཤིང་ཨེ་རན་ད་ཞིག་སྐྱེས་ནས་མ་ནིང་གི་རོ་དེ། དེར་བོར་རོ། །རོ་དེའི་དྲི་ཚོར་ནས་ཝ་ཞིག་འོངས་ཏེ། དེས་མ་ནིང་གི་རོ་དེ་བཟའ་བར་བརྩམས་སོ། །བྱ་རོག་ཅིག་ཀྱང་ཨེ་རན་དའི་ཁ་ན་ཚང་བཅས་ཏེ་འདུག་གོ ། དེའི་བློ་སྐྱེས་ནས། ཝ་ལ་བསྔགས་པ་སྨྲས་དང ། གལ་ཏེ་ན་ཟོས་པའི་ལྷག་མ་སྟེར་རོ་སྙམ་ནས། དེས་དེ་ལ་ཚིགས་སུ་བཅད་དེ་བསྔགས་པ་སྨྲ་བར་བརྩམས་པ། ཇི་ལྟར་ཁྱོད་ནི་སེང་གེའི་མགྲིན་པ་དང ། །ཇི་ལྟར་ཁྱུ་མཆོག་གཤུལ་དང་ལྡན་པ་ཡི། །རི་དྭགས་རྒྱལ་པོ་ཁྱོད་ལ་ཕྱག་འཚལ་ན། །གསོལ་བའི་ཕམ་ཕབས་ལས་ནི་ཐུགས་དཔག་མཛོད། །ཝས་བལྟས་ཏེ་སླར་ཚིགས་སུ་བཅད་དེ་སྨྲས་པ། བྱ་ཡི་རབ་མཆོག་མཁའ་འགྲོ་བ། །ཕྱོགས་ཀུན་གསལ་བར་མཛད་ནས་ནི། །རིན་ཆེན་སྦྲམ་ལྟར་མཛེས་གྱུར་པ། །ཤིང་མཆོག་རྩེལ་\་RཊZཱེ་Lཱ\་བཞུགས་འདི་གང ། །
Nga332b
བྱ་རོག་གིས་སྨྲས་པ། སྐལ་ལྡན་ཆེན་པོ་ལྟ་བའི་ཕྱིར། །ཁྱོད་ཀྱི་དྲུང་དུ་བདག་མཆིས་ཏེ། །རི་དྭགས་རྒྱལ་ཁྱོད་ཕྱག་འཚལ་ན། །གསོལ་བའི་ཕམ་ཕབས་ཐུགས་དཔག་མཇོད། །ཝས་སྨྲས་པ། རྨ་བྱའི་མགྲིན་པ་ལྟ་བུ་ཡི། །ཕོ་རོག་ལྟ་ན་སྡུག་པ་ཁྱོད། །ཀུན་དགའ་བྱེད་པ་རྣམས་ཀྱི་གཙོ། །ཅི་བདེར་གསོལ་གྱིས་མར་སྤྱོན་ཅིག་།དེ་བབས་ནས་ཝ་དང་ལྷན་ཅིག་མ་ནིང་གི་རོ་ལ་ཟ་བར་བྱེད་པ། དྲང་སྲོང་གིས་མཐོང་ནས་དེས་ཚིགས་སུ་བཅད་དེ་སྨྲས་པ། ལྗོན་ཤིང་ཐ་ཆད་གྲིབ་མ་ལ། །ངོ་ཚ་མེད་པར་འདུས་ནས་སུ། །ཐ་ཆད་རོལ་ལོངས་སྤྱོད་པ། །ེ་མའོ་རིང་ཞིག་ལོན་ནས་མཐོང ། བྱ་རོག་གིས་ཐོས་ནས། དེ་མ་བཟོད་ནས་ཚིགས་སུ་བཅད་དེ་སྨྲས་པ། འདི་ལྟར་སེང་གེ་རྨ་བྱ་དག་།དམ་པའི་ཤ་ལ་ལོངས་སྤྱོད་ན། །གཞན་གྱིས་བྱིན་པས་འཚོ་བ་ཡི། །སྤྱི་ཅེར་འདིར་ནི་ཅི་ཞིག་གཏོགས། །དྲང་སྲོང་དེ་ཡང་མི་བཟོད་པ་སྐྱེས་ནས་ཚིགས་སུ་བཅད་དེ་སྨྲས་པ། འདབ་ཆགས་ཐ་ཆད་བྱ་རོག་དང ། །རྐང་བཞི་ཐ་ཆད་ཝ་དང་ནི། །ལྗོན་ཤིང་ཐ་ཆད་ཨེ་རན་ད། །མི་ཡི་ཐ་ཆད་མ་ནིང་རོ། །ཞིང་གི་ཐ་ཆད་གྲུ་གསུམ་སྟེ། །ངོ་ཚ་མེད་རྣམས་འདུས་ལ་ལྟོས། །དེ་ནས་བྱ་རོག་ལྷག་པར་ཡང་མི་བཟོད་པ་སྐྱེས་ནས་དྲང་སྲོང་གི་མེ་ཁང་དུ་ཞུགས་ཏེ་བལྟ་བར་བརྩམས་པ་ལས། ཅི་ཡང་མི་སྣང་ནས་རིལ་པ་སྤྱི་བླུགས་བཅག་སྟེ་བྲོས་སོ། །ཇི་ཙམ་ན་དྲང་སྲོང་དེ་མེ་ཁང་དུ་ཞུགས་ན། རིལ་པ་ཆག་པ་མཐོང་ནས། དེ་བསམས་པ། འདི་ནི་བྱ་རོག་གདུག་པ་དེའི་ལས་ཀྱིས་
Nga333a
༄#། །ལགས་ཀྱི་གཞན་ནི་སུ་ཡང་མ་ཡིན་ནོ་སྙམ་དུ་རིག་ནས། ཚིགས་སུ་བཅད་དེ་སྨྲས་པ། སུ་ལ་འདི་འདྲའང་མི་སྨྲ་སྟེ། །ངོ་ཚ་མེད་པའི་གདུག་སེམས་ཀྱིས། མེ་ཁང་མ་རུང་བྱས་ནས་ནི། །རིལ་བ་ཡང་ནི་བཅག་པར་འགྱུར། །བསྔགས་འོས་སྨད་པར་འོས་ཀྱང་རུང ། །ཡོང་ཡེ་ཅུང་ཟད་སྨྲ་མི་བྱ། །བློ་གྲོས་ལྡན་པས་རྟག་ཏུ་ནི། །ཁ་རོག་པས་ནི་བདེ་བ་ཐོབ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཝ་གང་ཡིན་པ་དེ་ནི་ལྷས་བྱིན་ཡིན་ནོ། །དེའི་ཚེ་དེའི་དུས་ཀྱི་བྱ་རོག་ནི་ཀོ་ག་ལི་ཀ་ཡིན་ཏེ། དེ་ན་ཡང་ངོ་ཚ་མེད་པ་དེ་དག་གིས་ངོ་ཚ་མེད་པའི་བསྔགས་པ་བརྗོད་དོ། །ད་ལྟར་ཡང་ངོ་ཚ་མེད་པ་འདི་དག་ངོ་ཚ་མེད་པའི་སྔགས་པ་བརྗོད་དོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་དང ། ལྷས་བྱིན་ཐོག་མར་གང་དུ་མི་མཐུན་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔོན་བྱུང་བ་ཤང་ཤང་ཏེའུ་གཉིས་ལུས་གཅིག་ཏུ་གྱུར་ནས་རྒྱ་མཚོའི་འགྲམ་ན་གནས་ཏེ། ཆོས་ཅན་དང ། ཆོས་མ་ཡིན་པ་ཞེས་བྱའོ། །ཇི་ཙམ་ན་ཆོས་མ་ཡིན་པ་ནི་གཉིད་ལོག། ཆོས་ཅན་མེལ་ཚེ་བྱེད་པ་དང ། དེས་བདུད་རྩིའི་འབྲས་བུ་ཞིག་ཆུས་ཁྱེར་བ་མཐོང་ནས། དེས་དེ་བླངས་ཏེ་བསམས་པ། ཅི་རེ་
Nga333b
ཞིག་འདི་ཡང་བསླང་ངམ། འོན་ཏེ་བཟའ་སྙམ་མོ། །ཡང་བསམས་པ། ཅི་ཟོས་ཀྱང་ལུས་འདི་གཅིག་ཁོ་ནས་གསོ་བར་ཟད་དོ་སྙམ་ནས། དེས་དེ་མ་བསླང་བ་དང ། རང་ཉིད་ཟོས་ཏེ། དེ་སད་པ་ན། ཆོས་ཅན་ལ་བདུད་རྩིའི་འབྲས་བུའི་སྒྲེགས་པ་བྱུང་བ་ཆོས་མ་ཡིན་པས་ཚོར་ནས། དེས་སྨྲས་པ་དེ་གང་གི་སྒྲེགས་པ་ཡིན། དེས་སྨྲས་པ། བདུད་རྩིའི་འབྲས་བུའིའོ། །དེ་གང་ནས་རྙེད། དེས་སྨྲས་པ། ཁྱོད་གཉིད་ལོག་པ་ན་ཁོ་བོས་བདུད་རྩིའི་འབྲས་བུ་རྙེད་ནས་ལུས་གཅིག་ཁོ་ན་གསོ་བར་ཟད་དོ། །སྙམ་ནས་ཁྱོད་མ་བསླང་པར་ཁོ་བོས་ཟོས་སོ། །དེས་སྨྲས་པ། ཁྱོད་ཀྱིས་མ་ལེགས་པ་ཞིག་བྱས་ཏེ། ངས་ཀྱང་དུས་ཤེས་པར་བྱའོ། །ཇི་ཙམ་དུས་གཞན་ཞིག་ན། ཆོས་ཅན་གཉིད་ལོག་ནས་ཆོས་མ་ཡིན་པ་མེལ་ཚེ་བྱེད་པ་ན། དེས་དུག་གི་འབྲས་བུ་ཆུས་ཁྱེར་བ་ཞིག་མཐོང་ནས། དེས་དེ་ཟོས་པ་དང ། དེ་གཉི་ག་བརྒྱལ་བར་གྱུར་ཏོ། །ཆོས་མ་ཡིན་པ་དུག་གི་འབྲས་བུ་ཀུན་ནས་འཁྲུགས་པས་སྨྲས་པ། གང་དང་གང་དུ་སྐྱེས་པའི་ཚེ་རབས་དེ་དང་དེ་དག་ཏུ་ཁྱོད་ལ་གསོད་པ་དང ། ཕྱིར་རྒོལ་བ་དང ། དགྲ་བོར་གྱུར་ཅིག་།ཆོས་ཅན་གྱིས་སྨྲས་པ། བདག་ཀྱང་གང་དང་གང་དུ་སྐྱེས་པའི་ཚེ་རབས་དེ་དང་དེ་དག་ཏུ་ཁྱོད་ལ་བྱམས་པ་བསྒྲུབ་པར་གྱུར་ཅིག་ཅེས་བྱས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཆོས་ཅན་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཆོས་མ་ཡིན་པ་གང་ཡིན་
Nga334a
༄#། །པ་དེ་ནི་ལྷས་བྱིན་ཡིན་ཏེ། དེར་ཐོག་མར་ང་དང་མི་མཐུན་པར་གྱུར་ཏོ། །ངས་ཀྱང་དེ་ལ་བྱམས་པའི་ཐུགས་བཞག་གོ་།གཞན་ཡང་ཇི་ལྟར་འདིས་ང་ལ་མི་མཐུན་པར་བྱས་པ་དང ། ངས་ཀྱང་འདི་ལ་བྱམས་པར་བསམས་པ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་སྲ་རྩི་ལྡན་ཞེས་བྱ་བ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོ་དང ། མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་།དེས་ཡུལ་གཞན་གྱི་རྒྱལ་པོའི་བུ་མོ་ཞིག་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། བུ་མོ་དེ་དུས་གཞན་ཞིག་ན་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པའི་ཉི་མའི་རྩེ་ན། ཁྱེའུ་གཟུགས་བཟང་པོ་མཛེས་པ་བལྟ་ན་སྡུག་པ་ཞིག་བཙས་ཏེ། དེ་བཙས་པའི་བཙས་སྟོན་རྒྱ་ཆེར་བྱས་ནས། ཁྱེའུའི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། ལྷ་ཁྱེའུ་འདི་གདུགས་ཀྱི་རྩེ་ན་བཙས་པས་དེའི་སླད་དུ་ཁྱེའུའི་མིང་ཉི་མའི་མུ་ཁྱུད་ཅེས་བགྱི་བར་གདགས་སོ། །ཞེས་དེའི་མིང་ཉི་མའི་མུ་ཁྱུད་ཅེས་བྱ་བར་བཏགས་ནས་ཁྱེའུ་ཉི་མའི་མུ་ཁྱུད་མ་མ་བརྒྱད་པོ་པང་ན་འཚོ་བའི་མ་མ་གཉིས་དང ། ནུ་མ་སྣུན་པའི་མ་མ་གཉིས་དང ། དྲི་མ་
Nga334b
འཕྱི་བའི་མ་མ་གཉིས་དང ། རྩེད་གྲོགས་ཀྱི་མ་མ་གཉིས་ལ་རྗེས་སུ་གཏད་དེ། དེ་མ་མ་བརྒྱད་པོ་དག་གིས་འོ་མ་དང ། ཞོ་དང ། མར་དང ། ཞུན་མར་དང ། མར་གྱི་སྙིང་ཁུ་དང ། གཞན་ཡང་ཡོ་བྱད་ཀྱི་བྱེ་བྲག་གཙོ་བོ་གཙོ་བོ་དག་གིས་སྲིང་བར་བྱེད་ཅིང་སྐྱེད་པར་བྱེད་ཅིང་རྫིང་ན་གནས་པའི་པདྨ་བཞིན་དུ་མྱུར་དུ་སྐྱེད་པར་བྱེད་དོ། །དེ་གང་གི་ཚེ་ཆེན་པོར་གྱུར་པ་དེའི་ཚེ། ཡི་གེ་དང ། གྲངས་དང ། རྩིས་དང ། ལག་རྩིས་ལ་ཉེ་བར་ཞུགས་ཤིང ། རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་ཡུལ་དང ། དབང་ཕྱུག་དང ། མཐུ་ཐོབ་པ་སའི་དཀྱིལ་འཁོར་ཆེན་པོ་མངོན་པར་ཟིལ་གྱིས་མནན་ནས་གནས་པ་རྣམས་ཀྱིས། བཟོའི་གནས་དང་ལས་ཀྱི་གནས་ཐ་དད་པར་གྱུར་པ་གང་དག་ཡིན་པ་འདི་ལྟ་སྟེ་གླང་པོ་ཆེའི་གཉར་ཞོན་པ་དང ། རྟ་ལ་ཞོན་པ་དང ། ཤིང་རྟའི་ཐབས་དང ། རལ་གྲིའི་ཐབས་དང ། འཕོང་དང ། ཕྱིར་བསྣུར་བ་དང ། མདུན་དུ་བསྣུར་བ་དང ། ལྕགས་ཀྱུས་སྒྱུར་ཐབས་དང ། མདའ་བོ་ཆེ་འཕེན་པ་དང ། ཞགས་པ་གདབ་པ་དང ། གཅད་པ་དང ། དྲལ་བ་དང ། དབུག་པ་དང ། འཛིན་སྟངས་དང ། གོམ་སྟངས་དང ། ཐོར་ཚུགས་དང ། རྒྱང་ནས་ཕོག་པ་དང ། སྒྲ་གྲགས་པར་ཕོགས་པ་དང ། གནད་དུ་ཕོག་པ་དང ། མི་འཆོར་བར་ཕོག་པ་དང ། ཚབས་ཆེར་ཕོག་པ་སྟེ། བཟོའི་གནས་དང ། ལས་ཀྱི་གནས་ལྔ་པོ་དེ་དག་ལ་ཡང་བྱང་བར་གྱུར་ནས། ཕས་དེ་རྒྱལ་ཚབ་ཏུ་བཅུག་གོ་།རྒྱལ་པོ་སྲ་རྩི་ལྡན་གྱི་བཙུན་མོ་དམ་པ་ནི་ཆོས་ལྡན་ཞེས་བྱའོ། །
Nga335a
༄#། །བློན་པོའི་མཆོག་ནི་ཕྱུགས་འདུག་ཅེས་བྱ་སྟེ། དེ་ལ་རྒྱལ་པོ་ལྷག་པར་སྙིང་འཇོག་གོ་།ཇི་ཙམ་ན་དུས་གཞན་ཞིག་ན། རྒྱལ་པོ་སྲ་རྩི་ལྡན། ཆོས་ལྡན་མ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཆོས་ལྡན་མ་སེམས་ཅན་དང་ལྡན་པར་གྱུར་ཏོ། །དེ་མཚན་མཁན་རྣམས་ཀྱིས་ཁྱེའུ་ཞིག་བཙའ་བར་གྱུར་ཏེ། དེས་རྒྱལ་པོ་སྲོག་དང་ཕྲལ་ནས། རང་ཉིད་ཅོད་པན་བཅིངས་ཏེ། རྒྱལ་སྲིད་ཀྱི་དབང་ཕྱུག་ལ་དབང་བྱེད་པར་འགྱུར་རོ། །ཞེས་ལུང་བསྟན་ཏོ། །ཇི་ཙམ་ན་རྒྱལ་པོ་སྲ་རྩི་ལྡན་ནད་ཀྱིས་ཐེབས་པར་གྱུར་ནས། དེ་ལ་རྩ་བ་དང་སྡོང་བུ་དང ། འདབ་མ་དང ། མེ་ཏོག་དང ། འབྲས་བུའི་སྨན་རྣམས་ཀྱིས་བསྙེན་བཀུར་བྱས་ཀྱང་དེའི་ནད་དེ་ཞི་བར་མ་གྱུར་ཏེ། དེས་ལུས་ཀྱི་གནས་སྐབས་རིག་པར་བྱས་ནས། དེས་བསམས་པ། བདག་འདས་ནས། ཉི་མའི་མུ་ཁྱུད་རྒྱལ་པོར་འགྱུར་ཏེ། དེས་གདོན་མི་ཟ་བར་ཆོས་ལྡན་མ་བསད་པར་མི་འགྱུར་བར་འདིར་ཡེ་ཇི་ལྟར་བྱ་བའི་དུས་ལ་བབ། ཡང་བསམས་པ། བློན་པོ་ཕྱུགས་འདུག་འདི་ལ་བདག་གིས་ལོངས་སྤྱོད་བཟང་པོ་དག་བགོ་བཤའ་བྱས་ཤིང་སྤྱན་རས་ཀྱིས་བཙས་པ་ཡིན་གྱི་འདི་ལ་ཆོས་ལྡན་མ་གཏད་དོ་སྙམ་ནས། དེས་ཕྱུགས་འདུག་བཀུག་སྟེ་བསྒོ་བ། ངའི་བཙུན་མོ་དམ་པ་ནི་ཆོས་ལྡན་མ་ཡིན་ལ། བློན་པོ་མཆོག་ནི་
Nga335b
ཁྱོད་ཡིན་ཏེ། ང་ལུས་ཀྱི་གནས་སྐབས་ཤེས་ན། གདོན་མི་ཟ་བར་ང་སྲོག་དང་འབྲལ་བར་འགྱུར་གྱི། ཁྱོད་ཀྱིས་ང་ལ་སྡུག་པར་སེམས་ན། ཉི་མའི་མུ་ཁྱུད་ཀྱིས་ཆོས་ལྡན་མ་ཇི་ལྟར་ཡང་སྲོག་དང་ཕྲལ་བར་མི་འགྱུར་བ། དེ་ལྟར་གྱིས་ཤིག་།དེས་སྨྲས་པ། ལྷ་དེ་ཙམ་ཡང་རྔོ་མི་ཐོག་གམ། ལྷ་ཐུགས་ལས་ཆུང་ངུར་མཛོད་ཅིག་དང ། ཇི་ལྟར་མི་བཀུར་མ་དེ་ལྟར་བགྱིའོ། །བསགས་པ་ཀུན་གྱི་མཐའ་ཟད་ཅིང ། །མཐོན་པོ་རྣམས་ཀྱི་མཐའ་ལྟུང་འགྱུར། །ཕྲད་པའི་མཐའ་ནི་འབྲལ་བ་སྟེ། །གསོན་པའི་མཐའི་ནི་འཆི་བ་ཡིན། །རྒྱལ་པོ་སྲས་རྩི་ལྡན་ཤིང་ནས། དེ་གདུགས་དང ། རྒྱལ་མཚན་དང ། བ་དན་ལ་སོགས་པ་བཟང་པོ་རྣམས་ཀྱིས་བཀུར་སྟི་ཆེར་བྱས་ཏེ་བསྲེགས་སོ། །ཉི་མའི་མུ་ཁྱུད་རྒྱལ་པོའི་རྒྱལ་སྲིད་ཆེན་པོའི་དབང་བསྐུར་བས་དབང་བསྐུར་རོ། །དེས་བློན་པོ་རྣམས་ལ་བསྒོ་བ། ཆོས་ལྡན་མ་གསོད་ཅིག་།ཕྱུགས་འདུག་གིས་སྨྲས་པ། ལྷ་མ་བརྟགས་པར་བསྐུམ་སྟེ་ཅི་རུང ། ཅི་ཁྱེའི་བཙའ་བར་འགྱུར་རམ། འོན་ཏེ་བུ་མོར་འགྱུར། སུས་འཚལ། གལ་ཏེ་ཁྱེའུར་བཙས་པར་གྱུར་ན། དེ་ཉིད་དགུམ་མོད། རྒྱལ་པོ་ཉི་མའི་མུ་ཁྱུད་ཀྱིས་སྨྲས་པ། དེ་བཞིན་དུ་གྱིས་ལ་ཁྱོད་ཁོ་ནས་སྲུངས་ཤིག་།དེས་ཁྱིམ་དུ་བཞག་པ་ན་ཟླ་བ་བརྒྱད་དམ་དགུ་ལོན་པ་དང་ཁྱེའུ་ཞིག་བཙས་སོ། །དེ་ཉིད་ཀྱི་ཉི་མ་ལ་ཉ་པའི་ཆུང་མ་ཞིག་ལ་བུ་མོ་ཞིག་བཙས་སོ། །དེས་དེ་བཙས་མ་ཐག་ཁོ་ནར་ཉ་བའི་ཆུང་མ་
Nga336a
༄#། །ལ། ནོར་གྱིས་བྲིད་དེ་བརྗེས་ནས། ཕྱུགས་འདུག་གི་རྒྱལ་པོ་ལ་སྨྲས་པ། ལྷ་ཆོས་ལྡན་མ་ལ་བུ་མོ་ཞིག་བཙས་ལགས་སོ། །ལེགས་པ་ཞིག་སྨྲས་སོ། ། ཁྱེའུ་དེ་ཉ་པའི་ཆུང་མས་བསྣུན་བསྙོད་བསོས་ཏེ། ཆེན་པོར་གྱུར་ནས་ཡི་གེ་འབྲུ་དང ། བཀླག་པ་བསླབས་ཏེ། སྙན་དངགས་བྱ་བར་བརྩམས་ནས། དེའི་མིང་ཉ་པའི་ཁྱེའུ་སྙན་དངགས་མཁན་ཉ་པའི་ཁྱེའུ་སྙན་དངགས་མཁན་ཞེས་བྱ་བར་གྱུར་ཏོ། །ཕྱུགས་འདུག་གིས་ཆོས་ལྡན་མ་ལ་སྨྲས་པ། ཁྱོད་ལ་ནི་ཁྱེའུ་སྙན་དངགས་མཁན་ཞིག་བཙས་པར་གྱུར་ཏོ། །དེ་ཅི་འདྲ་བ་ཞིག་ཡིན་ཏེ་རེ་ཞིག་བལྟའོ། །དེས་སྨྲས་པ། དེ་བལྟ་ཅི་དགོས་ཞོག་ཅིག་།དེ་བུ་ལ། མངོན་པར་དགའ་ཞིང་བལྟ་འདོད་པས་འདུག་ཏུ་མི་བཏུབ་བོ། །ཕྱུགས་འདུག་གིས་དེ་ངེས་པར་གལ་གྱིས་འཆུ་བར་ཤེས་ནས། ཐབས་ཤིག་བཤམས་ཏེ་ཉ་ཞིག་བསྐུར་ནས་བཏང་ངོ ། །དེ་ནང་དུ་ཞུགས་པ་ཁོ་ན་ན། མཚན་མཁན་རྣམས་ཀྱིས། ཉ་བའི་ཁྱེའུ་སྙན་དངགས་མཁན་འདིས་ནི་རྒྱལ་པོ་སྲོག་དང་ཕྲལ་ཏེ། རང་ཉིད་ཅོད་པན་བཅིངས་ནས་རྒྱལ་སྲིད་བྱེད་པར་འགྱུར་རོ། །ཞེས་ལུང་བསྟན་པ། རྒྱལ་པོས་ཐོས་ནས། དེས་བློན་པོ་རྣམས་ལ་བསྒོ་བ། ཅི་ནས་ཀྱང་མ་ཤོར་བར་ཟུངས་ཤིག་།དེས་གཅིག་ནས་གཅིག་ཏུ་བརྒྱུད་པ་ལས་ཐོས་ནས། དེ་ཕན་ཚུན་བྲོས་པ་ལས། རྒན་མོ་ཞིག་གི་ཁྱིམ་དུ་ཞུགས་པ་དང་དེས་དེ་སྦས་ཏེ།
Nga336b
དེ་ནས་ཡུངས་དང ། འབྲུ་མར་གྱིས་ལུས་བསྐུས་ནས། ཁྱོགས་ཀྱི་སྟེང་དུ་བཞག་སྟེ། རོ་ལྟ་བུར་བཅོས་ནས་ཕྱུང་སྟེ། དུར་ཁྲོད་དུ་བོར་བ་དང ། ལངས་ཏེ་བྲོས་པ་དང ། ཕྱོགས་དེ་ན་མི་ཞིག་མེ་ཏོག་དང་འབྲས་བུ་ཚོལ་བ་དེས། དེ་བྲོས་པ་མཐོང་ངོ ། །དེའི་ཕྱི་བཞིན་བསྙེགས་ཤིང་རྒྱུག་པའི་མི་དེ་རྣམས་ཀྱིས། མི་དེ་ལ་དྲིས་པ་ཀྱེ་ནང་རྗེ་བོང་ཚོད་དང ། ཁ་དོག་འདི་འདྲ་བའི་མི་འགའ་ཞིག་ལམ་འདི་ནས་འགྲོ་བ་ཁྱོད་ཀྱིས་མ་མཐོང་ངམ། དེས་སྨྲས་པ། མཐོང་སྟེ་ལམ་འདི་ཉིད་ནས་སོང་ངོ ། །དེ་རྣམས་དེའི་རྗེས་བཞིན་སོང་ངོ ། །དེ་ཡང་རི་བོར་དེར་བཙོ་བླག་མཁན་ཞིག་གི་ཁྱིམ་དུ་ཞུགས་ནས་དེ་ལ་ཇི་ལྟར་གྱུར་པ་སྨྲས་པ་དང ། སྙེགས་མའི་མི་རྣམས་ཀྱིས་རི་བོར་བཙལ་བར་བརྩམས་པ་ན། གཙོ་བླག་མཁན་གྱི་གོས་ཀྱི་ཐུམ་པོའི་ནང་དུ་བཅུག་ནས། བོང་བུ་ལ་བཀལ་ཏེ་རི་བོར་ནས་ཕྱིར་བྱུང་སྟེ། ཁྲུས་བྱེད་པའི་སར་ཁྱེར་ནས་བཏང་བ་དང ། ལངས་ཏེ་ཕྱོགས་བཞིར་བལྟས་ནས་བྲོས་སོ། །དེར་ཡང་མི་གཞན་ཞིག་གིས་མཐོང་ནས། དེས་སྙེགས་མའི་མི་རྣམས་ལ་སྨྲས་པ། ཤེས་ལྡན་དག་ཁྱེད་གང་གི་དོན་དུ་རི་བོར་ན་ཚོལ་བའི་མི་དེ་ནི་ལམ་འདི་ནས་སོང་གིས་མྱུར་དུ་དེང་ཞིག་།དེ་རྣམས་དོང་བ་ལས་དེ་ཡང་གྲོང་གཞན་ཞིག་ཏུ་ལྷམ་མཁན་གྱི་ཁྱིམ་ཞིག་ཏུ་ཞུགས་ནས། དེས་དེ་ལ་ཇི་ལྟར་གྱུར་པ་བསྙད་ནས་སྨྲས་པ། མཆིལ་ལྷམ་བོལ་རྟིང་པར་བལྟས་པ་ཞིག་གྱིས་ཤིག་།དེས་སྨྲས་པ། བདག་གིས་སྔོན་ལན་འགའ་ཡང་མཆིལ་ལྷམ་
Nga337a
༄#། །དེ་ལྟ་བུ་བྱེད་མ་མྱོང་ངོ ། །དེས་ཚིགས་སུ་བཅད་དེ་སྨྲས་པ། བློ་གྲོས་སྣ་ཚོགས་རང་བཞིན་དུ་མ་སྟེ། །དེ་དག་སྲང་གཅིག་ཏུ་ནི་གཞལ་བ་མེད། །ལྷ་མ་མཁན་ཁྱོད་ཀྱིས་ང་ཡི་ཚིག་བཞིན་འདིར། །རྟིང་པ་གང་དེ་མདུན་དུ་ལྟ་བར་གྱིས། །དེས་ལྷམ་མཁན་དེ་ལ་བསླབས་ནས། ལྷམ་མཁན་གྱིས་དེ་འདྲ་བའི་མཆིལ་ལྷམ་ཞིག་བྱས་སོ། །རི་བོར་དེ་ར་བས་བསྐོར་བ་ཡིན་པས། དེ་མཆིལ་ལམ་དེ་གྱོན་ནས། གཏོར་ཁུང་ནས་འཛུལ་ཏེ་བྲོས་སོ། །སྙིགས་མའི་མི་རྣམས་ཀྱིས་མཆིལ་ལམ་གྱི་རྗེས་བཞིན་རི་བོར་དེ་ཉིད་བསྐོར་ཏེ་དེ་ཡང་བྲོས་ནས་སོ། །ཆུར་ཞུགས་པ་དང ། ཀླུ་རྣམས་ཀྱིས་གནས་སུ་ཁྲིད་དོ། །རྒྱལ་པོས་གཅིག་ནས་གཅིག་ཏུ་བརྒྱུད་པ་ལས་དེ་ཇི་ལྟར་ཀླུ་རྣམས་ཀྱིས་ཀླུའི་གནས་སུ་ཁྲིད་དོ་ཞེས་ཐོས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་ངའི་ཡུལ་ན་སྦྲུལ་ཁས་སྡིགས་ཇི་སྙེད་གནས་པ་དེ་དག་ཐམས་ཅད་ངའི་སྤྱན་སྔར་ཁུག་ཅིག་།དེ་རྣམས་ཀྱིས་ཡུལ་ཐམས་ཅད་ན་གནས་པའི་སྦྲུལ་ཁས་སྡིགས་རྣམས་རྒྱལ་པོ་ལ་ཕུལ་ལོ། །རྒྱལ་པོས་དེ་རྣམས་ལ་བསྒོ་བ། ཤེས་ལྡན་དག་དེང་ལ་ཀླུའི་གནས་ཆེ་གེ་མོ་ཞེས་བྱ་བར་ཀླུ་ཟུང་ཞིག་།ལྷ་བཀའ་བཞིན་འཚལ་ཞེས་སྦྲུལ་ཁས་སྡིགས་ཐམས་ཅད་ཀྱིས་རྒྱལ་པོ་ལས་མཉན་ནས་ཀླུའི་གནས་སུ་དོང་ངོ ། །འབྲོག་གཅིག་ན། གནོད་སྦྱིན་སེར་སྐྱ་ཞེས་བྱ་བ་ཁྲག་དང ། ཤ་ཟ་བ་ཞིག་ཡོད་དེ། དེས་སྐྲག་པས། གཅན་ཟན་རྣམས་ཀྱིས་ཀྱང་འབྲོག་དེ་ཡོངས་སུ་སྤངས་ན་མི་རྣམས་ཀྱིས་ལྟ་སྨོས་ཀྱང་ཅི་དགོས་ཏེ། དེ་སེར་སྐྱའི་འབྲོག་
Nga337b
ཅེས་བྱ་བར་གྲགས་སོ། །སྦྲུལ་ཁས་སྡིགས་རྣམས་ཀྱིས་སྔགས་ཀྱི་མཐུས་ཇི་ལྟར་ཀླུ་དེ་ལ་གནོད་པར་འགྱུར་བ་དེ་ལྟར་བྱས་པས་དེ་སྐྲག་ནས་དེ་སེར་སྐྱའི་འབྲོག་དེ་རྒལ་བར་མི་ནུས་པར་བོར་རོ། །ཀླུ་རྣམས་ཀྱིས་གྲོས་བྱས་པ། བདག་གིས་འདི་ལྟར་དེ་སེར་སྐྱའི་འབྲོག་ལས་མ་བསྒྲལ་བ་ནི་མ་ལེགས་པ་ཞིག་བྱས་ཏེ། དེ་ཡང་གནོད་སྦྱིན་སེར་སྐྱས་བསད་ལ། བདག་ཅག་ཀྱང་དེའི་ཕྱིར་གཙེས་པར་འོངས་ན་དེ་ལ་ཇི་ལྟར་བསྒྲུབ་པར་བྱ། ཀླུའི་རྒྱལ་པོ་དེས་སྨྲས་པ། དོན་དེ་སྦྲུལ་ཁས་སྡིགས་རྣམས་ལ་རིག་པར་བྱའོ་ཞེས་དེ་རྣམས་ཀྱིས་སྦྲུལ་ཁས་སྡིགས་རྣམས་ལ་སྨྲས་པ། ཤེས་ལྡན་དག་གང་གི་ཕྱིར་བདག་ཅག་འཁྲུགས་པར་བྱས་པ་དེ་ནི་བདག་ཅག་གིས་ཐབས་ཀྱིས་བསད་པ་ཉིད་དེ་འདི་ལྟར་སེར་སྐྱའི་འབྲོག་ཏུ་བོར་རོ། །སྦྲུལ་ཁས་སྡིགས་རྣམས་ཀྱིས་དོན་དེ་རྒྱལ་པོ་ལ་སྨྲས་པ་དང ། རྒྱལ་པོས་སྨྲས་པ། གལ་ཏེ་དེ་ལྟ་ན་ཡང་འོན་ཀྱང་ཚོལ་ཅིག་།དེ་སེར་སྐྱའི་འབྲོག་ན་ཕན་ཚུན་འཁྱམ་པར་བརྩམས་པ་ན་གནོད་སྦྱིན་སེར་སྐྱ་ཡང་ཕྱོགས་ཞིག་ན་ཁྱི་རྣམས་ཀྱིས་ཡོངས་སུ་བསྐོར་ཏེ་འདུག་གོ་།དེ་དང་ཁྱི་རྣམས་ཀྱིས་དེ་རྒྱང་རིང་པོ་ཁོ་ན་ནས་མཐོང་ནས་དེས་བསམས་པ། ཅི་འདིས་བདག་ཤི་བར་གྱུར་ཏོ་ཞེས་ཐོས་ནས། དེས་ན་དེ་འདིར་འོངས་སམ་སྙམ་མོ། །དེས་དེ་ལ་ཁྱི་རྣམས་སྤང་བ་ལས། དེ་བྲོས་ཏེ་ཤིང་ལྗོན་པ་ཞིག་ལ་འཛེགས་པ་དང་ཁྱི་རྣམས་དང ། སེར་སྐྱས་ལྗོན་ཤིང་གི་དྲུང་དུ་བསྡད་དེ། སེར་སྐྱས་སྨྲས་པ། ཀཝའི་ནང་རྗེ་ཁྱོད་ཀྱིས་སེར་སྐྱའི་འབྲོག་ན། མི་མ་ཡིན་པ་སེར་སྐྱ་ཞེས་བྱ་བ་གནས་ཏེ། དེར་
Nga338a
༄#། །སོང་བ་གང་ཡིན་པ་དེ་དེས་གསོད་པར་འགྱུར་རོ་ཞེས་མ་ཐོས་སམ། ཁྱོད་དུས་ལ་བབ་ཀྱིས་བོབས་ཤིག་།དེས་སྨྲས་པ། ཇི་སྲིད་ལ་འཚོ་བ་དེ་སྲིད་དུ་འདུག་གོ ། གནོད་སྦྱིན་སེར་སྐྱ་པུས་སྐྱུད་ཀྱིས་བཅིངས་ཏེ། སྒྲིམ་པས་འདུག་ནས། དེ་ཡུར་བ་ན་དེས་དེའི་སྟེང་དུ་གོས་ཤིག་པོར་རོ། །ཁྱི་རྣམས་ཀྱིས་བསམས་པ། འདི་ནི་མི་དེ་ཁོ་ན་ལྷུང་བ་ཡིན་ནོ་སྙམ་ནས།་དེ་རྣམས་ཀྱིས་གནོད་སྦྱིན་སེར་སྐྱ་ཟོས་ནས་དོང་ངོ ། །དེ་ལྗོན་ཤིང་ལས་དལ་གྱིས་དལ་གྱིས་བབས་ཏེ་སོང་ནས། དེ་དང་དེ་ན་འཁོར་ཤིང་བསམས་པ། བདག་གི་ཞང་པོ་དྲང་སྲོང་རྣམས་ཀྱི་ནང་དུ་རབ་ཏུ་བྱུང་བ་ཞིག་ཡོད་ཀྱིས་དེའི་དྲུང་དུ་འགྲོའོ་སྙམ་མོ། །དྲང་སྲོང་དེ་ལ་ཡང་རི་བོར་ཞིག་ན་སྐྱེད་མོས་ཚལ་རྩ་བ་དང ། མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ་ཤིང་རྣམ་པ་སྣ་ཚོགས་ཚང་ཚིང་གིས་མཛེས་པར་བྱས་པ། བྱ་སྣ་ཚོགས་སྐད་འབྱིན་པ་ཞིག་ཡོད་དེ། དེ་རིམ་གྱིས་དེ་ཐོས་པ་གཅིག་ནས་གཅིག་ཏུ་བརྒྱུད་པས། དེའི་དྲུང་དུ་འོངས་ནས། གཉེན་དུ་འབྲེལ་པས་སྨྲས་ཏེ་འདུག་གོ་།དེར་ཡང་རྒྱལ་པོའི་མི་རྣམས་ཀྱིས་བཙལ་ཏེ་དེ་རྣམས་ཀྱིས་དེ་བཟུང་པར་བརྩམས་པ་ལས་དེས་རིའི་གཡང་ས་ནས་བདག་ཉིད་མཆོངས་སོ། །དེས་མཆོངས་པ་ན་མི་ཞིག་གིས་གཙུག་ཕུད་ནས་བཟུང་བ་ལས། གཙུག་ཕུད་བྱུང་ནས་དེ་ལྷུང་ངོ ། །དེ་རྣམས་ཀྱིས་བསམས་པ། འདི་ནི་ཤི་བས་འདོང་ངོ་ཞེས་གཙུག་ཕུད་ཁྱེར་ཏེ་རྒྱལ་པོའི་དྲུང་དུ་སོང་ནས་
Nga338b
དེ་རྣམས་ཀྱིས་སྨྲས་པ། ལྷ་ཉ་པའི་ཁྱེའུ་སྙན་དངགས་མཁན་དེ་བཀུམས་ནས། གཙུག་ཕུད་ཀྱང་འདི་ལགས་སོ། །རྒྱལ་པོ་མགུ་ནས་དེས་དེ་རྣམས་ལ་ལོངས་སྤྱོད་ཀྱི་བགོ་བཤའ་བྱས་སོ། །དེ་ནས་དྲང་སྲོང་གི་སྐྱེད་མོས་ཚལ་ན་གནས་པའི་ལྷ་གང་ཡིན་པ་དེས། དྲང་སྲོང་དེ་ལ་སྨྲས་པ། ཁྱོད་ཀྱི་ཚ་བོ་ནི་སྡུག་བསྔལ་མི་བཟད་པ། དོག་པ་ཉམ་ང་བ་ཐོབ་ན་མ་དགོངས་སམ། དེས་སྨྲས་པ་གལ་ཏེ་བདག་གིས་མ་བསམས་པར་གྱུར་ན། དེ་རིང་ཉིད་དུ་སྲོག་དང་བྲལ་བར་འགྱུར་རོ། །དྲང་སྲོང་དེ་ནི་རིག་སྔགས་དང་གསང་སྔགས་འཆང་བ་ཡིན་ཏེ། གང་གིས་ནི་སྐྱེས་པ་བུད་མེད་དུ་འགྱུར་ཞིང་ཕྱིར་ཡང་སྐྱེས་པར་འགྱུར་བ་དེ་ལྟ་བུའི་རིག་སྔགས་ཤེས་པས། དེས་དེ་ལ་རིག་སྔགས་དེ་བསླབས་ཏེ་སྨྲས་པ། ད་ནི་སོང་ལ་འཇིགས་པ་དང ། བག་ཚ་བ་མེད་པས་འདུག་ཅིག་།དེ་རིག་སྔགས་ཀྱིས་དཔེས་བསྐྲུན་པར་མི་ནུས་པའི་བུད་མེད་ཀྱི་ཆ་བྱད་དུ་མངོན་པར་སྤྲུལ་ནས་ཝཱ་ར་ཎཱ་སིར་སོང་སྟེ་རྒྱལ་པོའི་སྐྱེད་མོས་ཚལ་ན་འདུག་པ་སྐྱེད་མོས་ཚལ་གྱི་སྲུང་མས་མཐོང་ནས། མཆོག་ཏུ་ངོ་མཚར་སྐྱེས་ཏེ། དེས་མྱུར་བ་མྱུར་བར་སོང་ནས་རྒྱལ་པོ་ཉི་མའི་མུ་ཁྱུད་ལ་སྨྲས་པ། ལྷ་སྐྱེད་མོས་ཚལ་ན། བུད་མེད་གཟུགས་ཕུན་སུམ་ཚོགས་པ། དར་ལ་བབ་པ་ཞིག་མཆིས་སོ་དེས་བསྒོ་བ་ཁྲིད་དེ་ཤོག་ཅིག་།དེས་དཔལ་གྱི་འབྱོར་པ་ཆེན་པོས་བླངས་ཏེ། རྒྱལ་པོའི་ཕོ་བྲང་དུ་ཁྲིད་ནས། དེ་ལ་རྒྱལ་པོ་ཉི་མའི་མུ་ཁྱུད་ལྷག་པར་ཆགས་པར་གྱུར་པ་དང ། དེས་སྐབས་རྙེད་ནས། དབེན་པ་ན་འདུག་པ་ལ་བསད་དེ་སླར་ཡང་
Nga339a
༄#། །རིག་སྔགས་བཟླས་ཏེ། སྐྱེས་པར་གྱུར་པ་དང ། དེ་ནས་རང་ཉིད་ཀྱིས་ཅོད་པན་བཅིངས་ཏེ། བློན་པོ་ཕྱུག་འདུག་ལ་གོ་བར་བྱས་ནས། རྒྱལ་སྲིད་ལ་འདུག་གོ་།ལྷས་ཚིགས་སུ་བཅད་དེ་སྨྲས་པ། གང་གི་མགོ་མ་བཅད་པ་དེ་བསད་མིན། །ཕྱིར་ཡང་ལངས་ནས་ལས་ནི་བྱེད་པར་འགྱུར། །ཇི་ལྟར་སྙན་དངགས་མཁན་དེས་གླགས་རྙེད་ནས། །སྲ་རྩི་ཅན་བུ་ལྟ་བུ་དེ་བསད་ཡིན། །དགེ་སློང་དག་ཇི་སྙམ་དུ་སེམས། དེ་ཚེ་དེའི་དུས་ཀྱི་རྒྱལ་པོ་སྲ་རྩི་ལྡན་གྱི་བུ་ཉི་མའི་མུ་ཁྱུད་ཅེས་བྱ་བ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་སྙན་དངགས་མཁན་གང་ཡིན་པ་དེ་ནི་འདི་ཉིད་ཡིན་ཏེ། དེ་ན་ཡང་འདིས་ང་ལ་ཤར་གཉེར་ལ། ད་ལྟར་ཡང་འདིས་ཤར་གཉེར་རོ། །གཞན་ཡང་ཇི་ལྟར་འདིས་ང་ལ་ཤར་གཉེར་བ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་ཞིག་ན། ནོར་བུ་མཁན་གཉིས་ཤིག་གནས་ཏེ། དེ་གཉིས་ཀྱིས་ལམ་པོ་ཆེ་དང་གྲོང་བགོས་སོ། །དེའི་ཚེ་ཚོང་པ་འབྱོར་པ་ཡང་ཡོངས་སུ་ཟད་པ་ཞིག་ཡོད་པ་དེ་ནོར་བུའི་སྣོད་ཁྱེར་ནས་རི་བོར་དེར་ཕྱིན་ཏོ། །དེ་ནས་ལམ་གྱིས་དུབ་པ་ངལ་སོས་ནས། ནོར་བུ་མཁན་ཞིག་གི་དྲུང་དུ་སོང་སྟེ་སྨྲས་པ། ནོར་བུའི་སྣོད་འདི་རིན་ཐང་ཆོད་ཅིག་།དེས་དེའི་རིན་ཐང་ཆུང་ངུ་ཞིག་ཏུ་བཅད་པ་དང ། །དེས་སྨྲས་པ། འདི་ལྟར་ཁོ་བོ་ལོངས་སྤྱོད་ལས་ཉམས་ཀྱང ། ཤེས་རབ་ལས་མ་ཡིན་པས་ཁོ་བོས་འདི་ཅི་རི་བ་ལྟ་ཤེས་ན། དེ་སྐད་དུ་སྨྲ་བ་ཅིའི་ཐ་ཚིག་།དེ་དེའི་དྲུང་ནས་ལོག་སྟེ་ཅིག་
Nga339b
ཤོས་ཀྱི་དྲུང་དུ་སོང་ནས་སྨྲས་པ། ནོར་བུའི་སྣོད་འདི་རིན་ཐང་ཆོད་ཅིག་།དེས་དེའི་རིན་ཐང་ཐོག་ཏུ་བབ་པར་བཅད་ནས་དེས་སྨྲས་པ། འདི་སྙེད་ཀྱི་རིན་ཐང་རེ་ཞིག་བདག་ལ་མི་བདོག་གོ་།དེས་སྨྲས་པ།་ཅི་པ་དོག་པ་དེ་བྱིན་ལ་ཁྱེར་ཅིག་།དེས་བླངས་སོ། །ནོར་བུ་མཁན་ཅིག་ཤོས་པོ་དེས་ཐོས་ནས། དེ་མི་བཟོད་པ་སྐྱེས་ཏེ། དེའི་དྲུང་དུ་སོང་ནས། བདག་གིས་འདི་ཐོག་མར་ཁྱིམ་དུ་ཁྲིད་ཅིང ། བདག་གིས་འདིའི་རིན་ཐང་ཡང་བཅད་ན། ཁྱོད་ཀྱིས་ཅིའི་ཕྱིར་བཀུར། དེ་གཉིས་ཕན་ཚུན་ཁོན་བྱུང་བར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ནོར་བུ་མཁན་ནོར་བུའི་སྣོད་རིན་ཐང་ཆུང་ངུར་གཅོད་པ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་ནོར་བུ་མཁན་ཅིག་ཤོས་རིན་ཐང་ཐོག་ཏུ་བབ་པར་གཅོད་པ་གང་ཡིན་པ་དེ་ནི་ང་ཉིད་ཡིན་ཏེ། དེ་ན་ཡང་དེད་\་ཎGཱེཌ\་ཕན་ཚུན་མི་མཐུན་པར་གྱུར་ཏེ། ད་ལྟར་ཡང་ངེད་ཕན་ཚུན་མི་མཐུན་པར་གྱུར་ཏོ། །གཞན་ཡང་ཇི་ལྟར་ངེད་མི་མཐུན་པར་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་ཞིག་ན། ཁྱིམ་བདག་ཅིག་གནས་པ་དེས། རིག་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ནས་དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་ཞིག་བཙས་སོ། །བཙས་ནས་དེའི་ཆུང་མ་ཤིའོ། །དེས་བསམས་པ། ཁྱེའུ་
Nga340a
༄#། །གསོར་གཞུག་པའི་ཕྱིར་གཞན་ཞིག་བླང་ངོ་སྙམ་ནས། དེས་གཞན་ཞིག་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས། དེ་ལས་ཀྱང་ཁྱེའུ་ཞིག་བཙས་ནས་དེ་ཡང་ཤིའོ། །ཁྱིམ་བདག་དེས་བསམས་པ། གལ་ཏེ་གཞན་བླངས་ན་དེ་ཡང་འཆི་བར་འགྱུར་གྱིས་ཁྱེའུ་ཕུ་བོ་ཤོས་ཀྱི་ཁྱིམ་དབུབ་པར་བྱའོ་སྙམ་ནས། དེས་ཁྱེའུ་ཕུ་བོ་ཤོས་ཀྱི་ཁྱིམ་ཕུབ་པ་ལས། དེ་ལས་ཁྱེའུ་དང་བུ་མོ་མང་དུ་བཙས་སོ། །དེའི་ཆུང་མ་དེས་སྨྲས་པ། རྗེའི་སྲས་ཁྱེའུ་འདི་ཁྱོད་ཀྱི་ཅིར་མཆི། དེས་སྨྲས་པ། སྤུན་དུ་འོང་སྟེ་ནུ་བོ་ཡིན་ནོ། །དེས་སྨྲས་པ། རྗེའི་སྲས་ཁྱེད་ལ་ནི་སྲས་མང་ལ། འདི་ནི་གཅིག་པུ་ལགས་ན། འདི་དག་དང ། འདིའི་ཁྱིམ་དང ། ལོངས་སྤྱོད་མཉམ་པར་སྩལ་ལམ། དེས་སྨྲས་པ། བཟང་མོ་འདི་ནི་འཇིག་རྟེན་གྱི་ཆོས་ཡིན་ནོ། །དེས་སྨྲས་པ། རྗེའི་སྲས་གལ་ཏེ་དེ་ལྟ་ན་འདི་ཁུམ་ཞིག་།འདོད་པ་ལ་སོ་སོར་སྟེན་པ་ནི་སྡིག་པའི་ལས་མི་བྱེད་པ་ཅི་ཡང་མེད་པས། དེས་དེ་མེ་ཏོག་དང ། འབྲས་བུ་ལ་བྲིད་ནས་དགོན་པར་ཁྲིད་དེ་རྡོས་བསྣུན་ཏེ་བསད་དོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱིམ་བདག་གི་བུ་ཕུ་བོ་ཤོས་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ནོ། ། དེའི་ཚེ་དེའི་དུས་ཀྱི་ནུ་བོ་ཤོས་གང་ཡིན་པ་དེ་ནི་ང་ཉིད་དེ། དེ་ན་ཡང་འདིས་ང་ལ་མི་མཐུན་པར་བྱས་སོ། །ད་ལྟར་ཡང་འདིས་ང་ལ་མི་མཐུན་པར་བྱས་སོ། །གཞན་ཡང་ངེད་ཇི་ལྟར་མི་མཐུན་
Nga340b
པར་གྱུར་པ་དེ་ཉོན་ཅིག་།དགེ་སློང་དག་སྔོན་རི་བོར་ཞིག་ན་བྲམ་ཟེ་ཞིག་གནས་པ་དེས། རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན། ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་དང ། བུ་མོ་གཟུགས་བཟང་བ་ལྟ་ན་སྡུག་པ་མཛེས་པ་ཞིག་བཙས་སོ། །བྲམ་ཟེ་དེས་བསམས་པ། དེ་རིང་བདག་གི་ཁྱིམ་དུ། བྲམ་ཟེ་སུ་བསོད་སྙོམས་ཀྱི་ཕྱིར་ཞུགས་པ་དེ་ལ་བུ་མོ་འདི་བསོད་སྙོམས་ཀྱི་གོར་སྦྱིན་ནོ་སྙམ་མོ། །ཇི་ཙམ་ན་བྲམ་ཟེའི་ཁྱེའུ་ཞིག་བསོད་སྙོམས་ཀྱི་ཕྱིར་དེའི་ཁྱིམ་དུ་ཞུགས་ནས། བཀྲ་ཤིས་པར་གྱུར་ཅིག་།བསོད་སྙོམས་བྱིན་ཅིག་།བྲམ་ཟེ་དེས་དེ་ལ་བོས་ཏེ་སྨྲས་པ། བྲམ་ཟེའི་ཁྱེའུ་བུ་མོ་གཞོན་ནུ་འདི་བདག་གིས་ཁྱོད་ལ་བསོད་སྙོམས་ཀྱི་གོར་སྦྱིན་ནོ། །དེས་སྨྲས་པ། དེ་རིང་མི་བླང་གི་།ཉི་མ་དང་ཡུད་ཙམ་དག་བསྟུན་ནས་བླང་ངོ་ཞེས་དེ་སོང་ངོ ། །ཇི་ཙམ་ན་བྲམ་ཟེའི་ཁྱེའུ་གཞན་ཞིག་བསོད་སྙོམས་ཀྱི་ཕྱིར། དེའི་ཁྱིམ་དུ་ཞུགས་ནས་བཀྲ་ཤིས་པར་གྱུར་ཅིག་།བསོད་སྙོམས་བྱིན་ཅིག་།བྲམ་ཟེ་དེས་དེ་ལ་སྨྲས་པ། བྲམ་ཟེའི་ཁྱེའུ་བུ་མོ་གཞོན་ནུ་འདི་བདག་གིས་ཁྱོད་ལ་བསོད་སྙོམས་ཀྱི་གོར་སྦྱིན་ནོ། །དེས་སྨྲས་པ། འདིར་བྲམ་ཟེའི་ཁྱེའུ་གཞན་ཞིག་བསོད་སྙོམས་ལ་ཞུགས་ན། དེ་ལ་ཅིའི་ཕྱིར་མ་བྱིན། དེས་སྨྲས་པ། དེ་ན་རེ་རྒྱུ་སྐར་མི་བཟང་ཞེས་ཟེར་རོ། །དེས་སྨྲས་པ། གལ་ཏེ་དེ་ལྟ་ན་བླང་བར་བགྱིའོ། །
Nga341a
༄#། །བྲམ་ཟེས་སྨྲས་པ། ཁྱོད་རྒྱུ་སྐར་ལ་ཅིའི་ཕྱིར་མི་སྡོད། དེས་ཚིགས་སུ་བཅད་དེ་སྨྲས་པ། དོན་རྣམས་གྲུབ་པར་གྱུར་ན་ནི། །དེ་དག་ཐམས་ཅད་མཐུན་པ་སྟེ། །རྒྱུ་སྐར་ཐམས་ཅད་བཟང་པོ་ཡིན། །ཉི་མ་ཐམས་ཅད་དགེ་བ་ཡིན། །རྒྱུ་སྐར་རྩི་བ་ལྷུར་ལེན་པའི། །མི་རྣམས་དོན་ནི་ཉམས་འགྱུར་ཏེ། །འདི་ཡི་དོན་ནི་རྒྱུ་སྐར་ཡིན། །སྐར་མ་རྣམས་ཀྱིས་ཅི་ཞིག་བྱ། ཞེས་སྨྲས་ནས། དེས་ཁྱེར་ཏེ་སོང་ངོ ། །བྲམ་ཟེ་གཞན་པོ་དེས། བྲམ་ཟེ་དེ་ལས། བྲམ་ཟེ་ཆེ་གེ་མོ་ཞེས་བྱ་བས་བུ་མོ་ཁྱེར་རོ་ཞེས་ཐོས་ནས། དེ་དེའི་དྲུང་དུ་སོང་སྟེ་སྨྲས་པ། བྲམ་ཟེའི་ཁྱེའུ་བདག་གིས་བུ་མོ་དེ་སྔར་ཐོབ་ཟིན་ན། ཁྱོད་ཀྱིས་ཅིའི་ཕྱིར་བརྐུར། དེས་སྨྲས་པ། རྒྱུ་སྐར་རྩི་བ་ལྷུར་ལེན་པ་ཁྱོད། རེ་ཞིག་རྒྱུ་སྐར་ལ་རྟོགས་ཤིག་།ཁོ་བོ་ལ་ནི་རྒྱུ་སྐར་བཟང་ངོ་ཞེས་བྱས་པ་དང ། དེ་ཁྲོས་པར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་སྔ་མ་ཤོས་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་ཕྱི་མ་ཤོས་གང་ཡིན་པ་དེ་ནི་ང་ཉིད་ཡིན་ཏེ། དེ་ན་ཡང་འདི་དང་མི་མཐུན་པར་གྱུར་ཏོ། །ད་ལྟར་ཡང་འདི་ང་དང་མི་མཐུན་པར་གྱུར་ཏོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །དེའི་ཚེ་རྒྱལ་པོ་མ་སྐྱེས་དགྲའི་གླང་པོ་ཆེ་གདུག་པ་ནོར་སྐྱོང་ཞེས་བྱ་བ་ཞིག་ཡོད་པ་དེ་ཉིན་རེ་ཞིང་ཁྱིམ་ནས་ཕྱུང་བ་ན་སྐྱེ་བོ་མང་པོ་ཁ་འདོག་པར་བྱེད་དོ། །རྒྱལ་པོའི་
Nga341b
ཁབ་ན་གནས་པའི་སྐྱེ་བོའི་ཚོགས་ཀྱིས། རྒྱལ་པོ་མ་སྐྱེས་དགྲ་ལ་གསོལ་བ་བཏབ་པ། ལྷ་གླང་པོ་ཆེ་གདུག་པ་ནོར་སྐྱོང་གདུགས་རེ་ཞིང་གནས་ནས་བྱུང་བ་ན་ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་རྣམས་སུ་སྐྱེ་བོ་མང་པོ་ཁ་འདོག་པར་བགྱིད་ཀྱིས། ལྷས་གླང་པོ་ཆེ་འདུལ་མཁན་རྣམས་ལ་བཀའ་སྩལ་ཏེ་ཅི་ནས་གདུགས་རེ་ཞིང་མི་དབྱུང་བར་སང་ལྟ་བུ་འབྱིན་པ་ན་ཡང་དྲིལ་སྒྲོགས་སུ་སྩལ་པའི་རིགས་སོ། །རྒྱལ་པོས་སྨྲས་པ། དེ་བཞིན་དུ་བྱའི་ཁྱེད་དེངས་ཤིག་།རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་གླང་པོ་ཆེ་འདུལ་མཁན་རྣམས་ཁུག་ཅིག་།དེ་རྣམས་ཀྱིས་གླང་པོ་ཆེ་འདུལ་མཁན་རྣམས་བཀུག་པ་དང ། རྒྱལ་པོས་སྨྲས་པ། ཤེས་ལྡན་དག་རྒྱལ་པོའི་ཁབ་ན་གནས་པའི་སྐྱེ་བོའི་ཚོགས་ཀྱིས་ང་ལ་གསོལ་བ། གླང་པོ་ཆེ་གདུག་པ་ནོར་སྐྱོང་གདུགས་རེ་རེ་ཞིང་གནས་ནས་བྱུང་བ་ན། ལམ་པོ་ཆེ་དང ། སྲང་དང ། བཞི་མདོ་དང ། སུམ་མདོ་རྣམས་སུ་སྐྱེ་བོ་དང་མི་མང་པོ་ཁ་འདོག་པར་བགྱིད་ཀྱིས། ལྷས་གླང་པོ་ཆེ་འདུལ་མཁན་རྣམས་ལ་བཀའ་སྩལ་ཏེ་ཅི་ནས་གདུགས་རེ་ཞིང་མི་དབྱུང་བར། སང་ལྟ་བུ་འབྱིན་པ་ན་ཡང་དྲིལ་སྒྲོགས་སུ་སྩལ་པའི་རིགས་སོ་ཞེས་གསོལ་གྱིས། ཁྱོད་ཀྱིས་དེ་ཉིན་རེ་ཞིང་མ་དབྱུང་བར་སང་ལྟ་བུ་འབྱིན་པ་ན་ཡང་དྲིལ་སྒྲོགས་ཤིག་།ལྷ་བཀའ་བཞིན་འཚལ་ཞེས་གླང་པོ་ཆེ་འདུལ་མཁན་རྣམས་ཀྱིས། རྒྱལ་པོ་མ་སྐྱེས་དགྲ་ལ་མཉན་ནས། རྐང་པ་
Nga342a
༄#། །ལ་གཏུགས་ཏེ་དོང་ངོ ། །རྒྱལ་པོའི་ཁབ་ན་ཁྱིམ་བདག་ཕྱུག་པ་ནོར་མང་བ། ལོངས་སྤྱོད་ཆེ་བ་ཞིག་གནས་པ་དེས། སངས་རྒྱས་ལ་སོགས་པ་དགེ་སློང་གི་དགེ་འདུན་སང་ཁྱིམ་དུ་གདུགས་ཚོད་ལ་སྤྱན་དྲངས་སོ། །ལྷས་བྱིན་གྱིས་ཇི་ལྟར་ཁྱིམ་བདག་ཆེ་གེ་མོ་ཞིག་གིས། སངས་རྒྱས་ལ་སོགས་པ་དགེ་སློང་གི་དགེ་འདུན་སང་ཁྱིམ་དུ་གདུགས་ཚོད་ལ་སྤྱན་དྲངས་པ་ཐོས་ནས། དེས་གླང་པོ་ཆེ་འདུལ་མཁན་ལ་མུ་ཏིག་གི་དོ་ཤལ་བརྒྱ་སྟོང་རི་བ་བྱིན་ནས་སྨྲས་པ། ཁྱིམ་བདག་ཆེ་གེ་མོས། དགེ་སྦྱོང་གོའུ་ཏ་མ་ཉན་ཐོས་ཀྱི་དགེ་འདུན་དང་ཐབས་ཅིག་།སང་ཁྱིམ་དུ་གདུགས་ཚོད་ལ་སྤྱན་དྲངས་ཀྱིས། དེ་ལ་ཁྱེད་ཀྱིས་གླང་པོ་ཆེ་ནོར་སྐྱོང་སྦོད་ཅིག་།དེས་སྨྲས་པ། འཕགས་པ་དེ་བཞིན་དུ་བགྱི་ལགས་ཀྱིས། འོན་ཀྱང་འོལ་བྱི་ལྷ་ལ་ཡང་མཁྱེན་པར་མཛོད་ཅིང ། །དེ་ནས་ལྷས་བྱིན་རྒྱལ་པོ་མ་སྐྱེས་དགྲ་གང་ན་བ་དེར་སོང་སྟེ། ཕྱིན་ནས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ཁྱོད་ཀྱིས་ནི་བདག་སངས་རྒྱས་ཉིད་དུ་གཞུག་མ་ནུས་ན། ཁྱོད་ཀྱིས་ཡབ་སྲོག་དང་བྲལ་ནས་རྒྱལ་སྲིད་ལ་འདུག་ན། བདག་གིས་ཀྱང་དགེ་སྦྱོང་གོའུ་ཏ་མ་བསད་ལ་ཐམས་ཅད་མཁྱེན་པ་ཉིད་བྱས། གླང་པོ་ཆེ་དམ་པ་ནོར་སྐྱོང་སྤོད་ཅིག་།མ་སྐྱེས་དགྲས་སྨྲས་པ། ཁྱོད་ཀྱིས་སངས་རྒྱས་བཅོམ་ལྡན་འདས་ནི་མ་དུལ་བ་འདུལ་བར་མཛད་པ་ཡིན་ནོ།
Nga342b
ཞེས་མ་ཐོས་སམ། དེས་སྨྲས་པ། གལ་ཏེ་མ་དུལ་བ་འདུལ་བ་ཡིན་པར་གྱུར་ན། འདིས་རེ་ཞིག་བདག་ཁོ་ན་འདུལ་བར་འགྱུར་གྲང་ཞེས། དེས་དེ་ལ་འོལ་བྱི་སྨྲས་པས། གླང་པོ་ཆེ་འདུལ་མཁན་རྣམས་ཀྱི་དྲུང་དུ་སོང་སྟེ་སྨྲས་པ། ལྷ་ལ་ཡང་བདག་གིས་རིག་པར་བྱས་ཀྱིས། ཁྱེད་ཀྱིས་སང་གླང་པོ་ཆེ་དམ་པ་ནོར་སྐྱོང་སྦོད་ཅིག་།དེ་ནས་གླང་པོ་ཆེ་འདུལ་མཁན་རྣམས་ཀྱིས། རྒྱལ་པོའི་ཁབ་ཀྱི་གྲོང་ཁྱེར་དུ་དྲིལ་བསྒྲགས་ནས། རྒྱལ་པོའི་ཁབ་ན་གནས་པའི་གྲོང་མི་ཤེས་ལྡན་དག་ཉོན་ཅིག་།སང་གླང་པོ་ཆེ་དམ་པ་ནོར་སྐྱོང་གཏོང་གིས། དེ་བས་ན་ཁྱེད་ཅག་ཐམས་ཅད་སང་རང་བསྲུང་བ་ལ་སྒྲིམས་ཤིག་ཅེས་བསྒྲགས་པ། ཁྱིམ་བདག་དེས་ཐོས་ནས། བདག་འདྲ་བར་བྱུར་ངན་པ། བདག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་སང་ཁྱིམ་དུ་གདུགས་ཚོད་ལ་སྤྱན་དྲངས་ན། གླང་པོ་ཆེ་གདུག་པ་ནོར་སྐྱོང་ཡང་སང་གཏོང་ན། བདག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཇི་ལྟར་གདུགས་ཚོད་གསོལ་བར་བྱ་སྙམ་སྟེ་སེམས་ཁོང་དུ་ཆུད་ཅིང་འདུག་གོ་།ཡང་བསམས་པ། གཡས་བྱས་ལ་དེ་ཉིད་དུ་ཁྱེར་ཏེ། བཅོམ་ལྡན་འདས་གདུགས་ཚོད་གསོལ་ལོ་སྙམ་ནས། དེས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས་ནང་པར་སྔར་ལངས་ཏེ། བཅོམ་ལྡན་འདས་ཀྱི་སྤྱན་སྔར་སོང་ནས། བཅོམ་ལྡན་འདས་རྒྱལ་པོའི་ཁབ་ཏུ་དྲིལ་བསྒྲགས་པ།
Nga343a
༄#། །སང་གླང་པོ་ཆེ་དམ་པ་ནོར་སྐྱོང་གཏོང་གིས་ཁྱེད་ཅག་རང་རང་བསྲུང་བ་ལ་སྒྲིམས་ཤིག་ཅེས་མཆི་བས་དེ་བས་ན་བཅོམ་ལྡན་འདས་རྒྱལ་པོའི་ཁབ་ཏུ་མ་གཤེགས་ཤིག། ཞལ་ཟས་དང་བཏུང་བ་འཚལ་ཏེ། བདག་འདི་ཉིད་དུ་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་ཁྱོད་སེམས་ལས་ཆུང་ངུར་གྱིས་ལ། ཞལ་ཟས་དང་བཏུང་བ་སྟ་གོན་བྱོས་ཤིག་དང ། དེ་བཞིན་གཤེགས་པ་ནི་གླང་པོ་ཆེའི་བསྙེངས་པ་དང་བྲལ་བ་ཡིན་པས་ང་ཉན་ཐོས་ཀྱི་དགེ་འདུན་དང་ཐབས་ཅིག་རྒྱལ་པོའི་ཁབ་ཏུ་གཤེགས་སོ། །དེ་ནས་ཁྱིམ་བདག་དེ་ཡིད་དགའ་ནས་རང་གི་ཁྱིམ་དུ་སོང་སྟེ། ཞལ་ཟས་དང་བཏུང་བ་སྟ་གོན་བྱས། གདན་བཤམས་ནས་བཅོམ་ལྡན་འདས་ལ་སྡོད་ཅིང་འདུག་གོ། དེ་ནས་བཅོམ་ལྡན་འདས་སྔ་དྲོ་ན་བཟའ་ཆོས་གོས་མནབས། ལྷུང་བཟེད་བསྣམས་ཏེ། དགེ་སློང་ལྔ་བརྒྱ་དང་ཐབས་ཅིག་རྒྱལ་པོའི་ཁབ་ཏུ་ཞུགས་པ་ན། གླང་པོ་ཆེ་དམ་པ་ནོར་སྐྱོང་ཡང་རྦད་དོ། །གླང་པོ་ཆེའི་དམ་པ་ནོར་སྐྱོང་གིས། བཅོམ་ལྡན་འདས་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་འགྱིང་ཞིང་སྐད་ཕྱུང་ནས་བཅོམ་ལྡན་འདས་གང་ན་བ་དེ་ལོགས་སུ་མོད་ལ་ཤུགས་ཅི་ཡོད་པས་བང་ཐག་པས་བརྒྱུགས་སོ། །དེ་ནས་ལྷས་བྱིན་མ་སྐྱེས་དགྲའི་གྲོགས་ཅན་སྟེང་གི་ཁང་བཟང་གི་གཞིར་འཛེགས་ནས། དགེ་སྦྱོང་གོའུ་ཏ་མ་གསོད་པ་ལ་ལྟ་
Nga343b
ཞིང་འདུག་གོ་།དེ་ནས་ལྷ་སྦྱིན་གྱིས་བཅོམ་ལྡན་འདས་དེ་མཐོང་ནས། དགའ་བ་དང་མགུ་བ་དང ། རབ་ཏུ་དགའ་བས་གསང་བསྟོད་དེ། ཚིགས་སུ་བཅད་པས་སྨྲས་པ། གླང་པོ་ཆེ་ཡི་ལས་བལྟས་ན། །ཁྱོད་ནི་གླང་ཆེན་མཐུས་བརྫིས་པས། །ཤཱཀྱའི་བུ་ཁྱོད་དེ་རིང་དུ། །ཉན་ཐོས་བཅས་ཏེ་རེ་སྙམ་མེད། །བཅོམ་ལྡན་འདས་ཀྱིས་བཀའ་སྩལ་པ། ལྷས་བྱིན་ངན་ཁྱོད་ང་ལ་ནི། །ཁྱད་བསད་ཅོ་འདྲི་སྨྲ་བར་བྱེད། །སྟོབས་བཅུའི་སྟོབས་ལྡན་རྨད་བྱུང་བའི། །སྟོབས་བཅུའི་མཐུ་ལ་ད་ལྟོས་ཤིག་།དེ་ནས་བཅོམ་ལྡན་འདས་ཀྱིས་ཕྱག་གཡས་པའི་མཐིལ་ནས་སེང་གེ་རལ་པ་ཅན་ལྔ་སྤྲུལ་ཏོ། ། དེས་དེ་རྣམས་ཀྱི་དྲི་ཚོར་ནས། གཅིན་དང་རྟུག་པ་ཤོར་ཏེ་འབྲོས་པར་བརྩམས་པ་ན། བཅོམ་ལྡན་འདས་ཀྱིས་ཉིད་ཀྱི་ཞབས་ཀྱི་དྲུང ། གྲང་ཞིང་བསིལ་བར་གྱུར་པ་མ་གཏོགས་པར་ཕྱོགས་ཐམས་ཅད་འབར། རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་པར་བྱིན་གྱིས་བརླབས་སོ། །དེ་ནས་གླང་པོ་ཆེ་དམ་པ་ནོར་སྐྱོང་ཕན་ཚུན་དུ་བརྒྱུག་པར་བརྩམས་པ་ན། བཅོམ་ལྡན་འདས་ཀྱི་ཞབས་ཀྱི་དྲུང་དུ་གྲང་ཞིང་བསིལ་བར་གྱུར་པ་མ་གཏོགས་པར་ཕྱོགས་ཐམས་ཅད་འབར། རབ་ཏུ་འབར། །ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་པར་མཐོང་ངོ ། །ནོར་སྐྱོང་འཁྲུགས་པར་མཐོང་ནས་ཚེ་དང་ལྡན་པ་ཀུན་དགའ་བོ་མ་གཏོགས་པར། དགེ་སློང་ཐམས་ཅད་བྲོས་སོ། །དེ་ནས་ནོར་སྐྱོང་དྲེགས་པའི་ཤུགས་དང་བྲལ་ནས་དལ་གྱིས་འགྲོ་བའི་འགྲོས་
Nga344a
༄#། །ཀྱིས། བཅོམ་ལྡན་འདས་ཀྱིས་སྤྱན་སྔར་སོང་བ་དང ། བཅོམ་ལྡན་འདས་ཀྱི་ཕྱག་འཁོར་ལོ་དང ། བཀྲ་ཤིས་དང ། གཡུང་དྲུང་འཁྱིལ་པས་བརྒྱན་པ་བསོད་ནམས་བརྒྱ་ཕྲག་དུ་མས་བསྐྱེད་པ། སྐྲག་པ་རྣམས་དབུགས་འབྱིན་པར་མཛད་པས་དེའི་མགོ་ལ་བྱུགས་ནས། ཚིགས་སུ་བཅད་དེ་བཀའ་སྩལ་པ། གླང་ཆེན་གཙོ་བོ་ལ་ནི་མཐོ་མ་འཚམ།། གླང་ཆེན་དེ་ལ་མཐོ་འཚམ་སྡུག་བསྔལ་འགྱུར། །གཙོ་ལ་གནོད་པ་བྱས་པ་ཕ་རོལ་ཏུ། །འགྲོ་བ་བཟང་པོར་འགྱུར་བ་མ་ཡིན་ནོ། །བཞིན་བཟང་ཁྱོད་རེ་ཞིག་སྔོན་གྱི་ཉེས་པར་སྤྱད་པས་སྨད་པ་དུད་འགྲོའི་སྐྱེ་གནས་སུ་སྐྱེས་ན་ཁྱོད་ད་དུང་གཞན་གྱི་སྲོག་གཅོད་ཅིང ། གཞན་གྱི་སྲོག་གཅོད་པས་ཡོངས་སུ་དགའ་བར་བྱེད་པ། འདི་ནས་ཤི་འཕོས་ན། ཁྱོད་ཀྱི་འགྲོ་བ་ཅིར་འགྱུར། སྐྱེ་བ་ནི་གང ། ཚེ་ཕྱི་མ་ནི་ཅིར་འགྱུར། བཞིན་བཟང་དེ་ལྟ་བས་ན་འདུ་བྱེད་ཐམས་ཅད་ནི་སྡུག་བསྔལ་བ། ཆོས་ཐམས་ཅད་ནི་བདག་མེད་པ། མྱ་ངན་ལས་འདས་པ་ནི་ཞི་བ་ཡིན་གྱིས། ང་ལ་སེམས་མངོན་པར་དད་པར་གྱིས་ལ། ཅི་ནས་ཀྱང་དུད་འགྲོའི་སྐྱེ་གནས་ལ་འདོད་ཆགས་དང་བྲལ་བར་གྱིས་ཤིག་ཅེས་བཀའ་སྩལ་ནས། ཁྱིམ་བདག་གི་ཁྱིམ་གང་ན་བ་དེར་གཤེགས་ཏེ། བྱོན་ནས་གདན་བཤམས་པ་ཉིད་ལ་བཞུགས་སོ། །ནོར་སྐྱོང་ཡང་བཅོམ་ལྡན་འདས་ཀྱི་རྗེས་བཞིན་རྗེས་བཞིན་སོང་སྟེ། བཅོམ་ལྡན་འདས་ནང་དུ་གཤེགས་པ་ན། དེ་སྒོ་
Nga344b
དྲུང་དུ་སྡོད་པ་ལས། བཅོམ་ལྡན་འདས་མ་མཐོང་ནས། ཁྱིམ་གཞིག་པར་བརྩམས་སོ། །བཅོམ་ལྡན་འདས་ཀྱིས་ཁྱིམ་དེ་ཤེལ་གྱི་རང་བཞིན་དུ་སྤྲུལ་ནས། དེ་ལ་སངས་རྒྱས་ཀྱི་སྐུ་སྒྲིབ་པ་མེད་པར་སྣང་ངོ ། །དེས་བཅོམ་ལྡན་འདས་མཐོང་ནས་མ་བཤིག་གོ་།བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་གདུགས་ཚོད་གསོལ་ནས། ཡོན་བསྔོ་བ་མཛད་དེ་གཤེགས་སོ། །དེ་བཅོམ་ལྡན་འདས་ཀྱི་རྗེས་བཞིན་རྗེས་བཞིན་དུ་སོང་བའི་སྐབས་དེ། བློན་པོ་རྣམས་ཀྱིས་རྒྱལ་པོ་ལ་རིག་པར་བྱས་སོ། །མ་སྐྱེས་དགྲས་ལྷ་བྱིན་ལ་སྨྲས་པ། ཁྱོད་ཀྱིས་བདག་ལ་གནོད་པ་བྱས་ཏེ། གླང་པོ་ཆེ་དམ་པ་འདི་ལ་བརྟེན་ནས་མཚམས་གཞན་གྱི་རྒྱལ་པོ་རྣམས་ཁོ་བོ་ལ་གནོད་པ་བྱེད་པར་མི་འགྱུར་ན། དེ་ཡང་ཁྱོད་ཀྱིས་དུལ་བར་བྱས་སོ། །དེ་ཅང་མི་སྨྲ་བར་འདུག་གོ་།རྒྱལ་པོས་བློན་པོ་རྣམས་ལ་བསྒོ་བ། གང་གི་ཚེ་བཅོམ་ལྡན་འདས་ཕྱིར་བྱུང་བར་གྱུར་པ་དེའི་ཚེ། གླང་པོ་ཆེ་དམ་པ་ནོར་སྐྱོང་ཇི་ལྟར་ཡང་བཅོམ་ལྡན་འདས་ཀྱི་ཕྱི་བཞིན་འབྲང་བར་མི་འགྱུར་བར་སྒོ་ཆོད་ལ་ཞོག་ཅིག་།བློན་པོ་རྣམས་ཀྱིས་གླང་པོ་ཆེ་འདུལ་མཁན་རྣམས་ལ་བསྒོ་བ། གླང་པོ་ཆེ་དམ་པ་ནོར་སྐྱོང་ཇི་ལྟར་ཡང་བཅོམ་ལྡན་འདས་ཀྱི་ཕྱི་བཞིན་འགྲོ་བར་མི་འགྱུར་བར་སྒོ་ཆེད་ལ་ཞོག་ཅིག་།དེས་བཅོམ་ལྡན་འདས་མ་མཐོང་ནས་རྡོག་པས་སྣ་བརྫིས་ནས་ཤི་བ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་སོ།། །།འདུལ་བ་གཞི། བམ་པོ་བརྒྱ་
Nga345a
༄#། །བཞི་པ། ཆོས་ཉིད་ཀྱིས་ལྷའི་བུའམ། ལྷའི་བུ་མོ་ནི་སྐྱེས་ནས་རིང་པོར་མ་ལོན་པར། སེམས་གསུམ་སྐྱེ་བར་འགྱུར་ཏེ། གང་ནས་ཤི་འཕོས་པ་དང ། གང་དུ་སྐྱེས་པ་དང ། ལས་གང་གིས་ཡིན་པའོ། །དེས་གླང་པོ་ཆེ་ལས་ཤི་འཕོས་པ་དང ། རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེས་པ་དང ། བཅོམ་ལྡན་འདས་ལ་སེམས་མངོན་པར་དད་པར་བྱས་པ་ཡིན་པར་མཐོང་ནས། དེ་ནས་སྔོན་གླང་པོ་ཆེ་བྱེད་བྱེད་པའི་ལྷའི་བུ་འདི་སྙམ་དུ་སེམས་ཏེ། བདག་ཞག་ལོན་ནས་བཅོམ་ལྡན་འདས་ལ་བལྟ་བའི་ཕྱིར་འགྲོ་བ་ནི་བདག་གི་ཆ་མ་ཡིན་གྱིས། མ་ལ་བདག་གིས་ཞག་མ་ལོན་པར་བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་འགྲོའོ་སྙམ་མོ། །དེ་ནས་སྔོན་གླང་པོ་ཆེ་བྱེད་བྱེད་པའི་ལྷའི་བུ་རྣ་ཆ་དྲི་མ་མེད་ཅིང་གཡོ་བ་ཐོགས་ལ་དོ་ཤལ་དང་སེ་མོ་དོས་ལུས་བརྒྱན་ནས། དེ་ཉིད་ཀྱི་མཚན་མོ་ལྷ་རྣམས་ཀྱི་མེ་ཏོག་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོ་དང ། མནད་ར་བ་རྣམས་ཀྱིས་ཐུ་བ་བཀང་སྟེ། འོད་མའི་ཚལ་བྱ་ཀ་ལན་དཀའི་གནས་ཐམས་ཅད་སྣང་བ་རྒྱ་ཆེན་པོས་གསལ་བར་བྱས་ནས། བཅོམ་ལྡན་འདས་ལ་མེ་ཏོག་གིས་གཏོར་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་དེ་ནས་བཅོམ་ལྡན་འདས་ཀྱིས་དེའི་བསམ་པ་དང ། བག་ལ་ཉམས་པ་དང ། ཁམས་དང ། རང་བཞིན་མཁྱེན་ནས་གང་ཐོས་པས་འཕགས་པའི་བདེན་པ་བཞི་སོ་སོར་ཡང་དག་པར་རྟོགས་པར་
Nga345b
འགྱུར་བ་དེ་ལྟ་བུའི་ཆོས་བཤད་པ་མཛད་པས། སྔོན་གྱི་གླང་པོ་ཆེ་ལྷའི་བུས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ། ཡེ་ཤེས་ཀྱི་རྡོ་རྗེས་བཅོམ་ནས། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་ཏེ་བདེན་པ་མཐོང་ནས། ལན་གསུམ་དུ་ཆེད་དུ་བརྗོད་པས་ཆེད་དུ་བརྗོད་པ། བཙུན་པ་བདག་ལ་ཕས་མ་བགྱིས་ཏེ། མས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས་སྡུག་པས་མ་ལགས། རང་གི་སྐྱེ་བོ་དང་གཉེན་གྱི་ཚོགས་ཀྱིས་མ་ལགས། སྔོན་གྱི་འདས་པས་མ་ལགས། དགེ་སྦྱོང་དང ། བྲམ་ཟེས་མ་ལགས་པ་གང་ལགས་པ་དེ། བཅོམ་ལྡན་འདས་ཀྱིས། བདག་ལ་མཛད་དེ་ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་བོ་ལས་ནི་བསྒྲལ། ངན་སོང་གི་སྒོ་རྣམས་ནི་བཀུ་མ། མཐོ་རིས་དང་ཐར་པའི་སྒོ་རྣམས་ནི་ཕྱེ། བདག་ལྷ་དང་མི་རྣམས་སུ་ནི་བཞག་།ཡང་གསོལ་པ། ཁྱོད་མཐུས་རབ་དྲག་ཉེས་པ་མང་ལྡན་པའི། །ངན་སོང་ཤུལ་བཀག་བསོད་ནམས་རབ་ལྡན་པའི། །མཐོ་རིས་འགྲོ་བ་ཕྱེ་ཞིང་བདག་གིས་ནི། །མྱ་ངན་འདས་པའི་ཤུལ་ཡང་ཐོབ་པར་གྱུར། །ཤིན་ཏུ་རྣམ་དག་ཁྱོད་བརྟེན་བདག་གིས་ནི། །དེ་རིང་སྐྱོན་བྲལ་དག་པའི་མིག་ཐོབ་ཅིང ། །གོ་འཕང་ཞི་བ་འཕགས་པ་དགྱེས་ཐོབ་སྟེ། །སྡུག་བསྔལ་རྒྱ་མཚོའི་ཕ་རོལ་རྒལ་བར་གྱུར། །འགྲོ་བར་ལྷ་མིན་མི་དང་ལྷས་མཆོད་པ། །སྐྱེ་དང་རྒ་དང་ན་འཆི་བྲལ་བ་པོ། །སྲིད་པ་སྟོང་དུ་མཐོང་བར་རབ་དཀའ་བ། །ཐུབ་པ་དེ་རིང་ཁྱོད་མཐོང་འབྲས་བུ་མཆིས། །དེ་
Nga346a
༄#། །ནས་འདུད་བྱས་དོ་ཤལ་རབ་འཕྱང་བས། །ཞབས་ལ་ཕྱག་འཚལ་རངས་པ་སྐྱེས་གྱུར་ནས། །དགྲ་ཐུལ་གཡས་ནས་ཡོངས་སུ་བསྐོར་བྱས་ཏེ། །ལྷ་ཡི་འཇིག་རྟེན་མངོན་ཕྱོགས་མཁའ་ལ་སོང ། །དེ་ནས་སྔོན་གླང་པོ་ཆེ་བྱེད་བྱེད་པའི་ལྷའི་བུས། ཚོང་པ་ཁེ་སྤོགས་རྙེད་པ་ལྟ་བུ་དང ། ཞིང་པ་ལོ་ཏོག་ལེགས་པ་ལྟ་བུ་དང ། དཔའ་བོ་གཡུལ་ངོར་རྒྱལ་བ་ལྟ་བུ་དང ། ནད་པ་ནད་ཐམས་ཅད་ལས་ཡོངས་སུ་ཐར་བ་ལྟ་བུར་འབྱོར་པ་གང་གིས། བཅོམ་ལྡན་འདས་ཀྱི་སྤྱན་སྔར་འོངས་པའི་འབྱོར་པ་དེ་ཉིད་ཀྱིས་རང་གི་གནས་སུ་སོང་ངོ ། །དགེ་སློང་རྣམས་ནམ་གྱི་ཆ་སྟོད་དང་ཆ་སྨད་ལ་མི་ཉལ་བར་རྣལ་འབྱོར་ལ་རྗེས་སུ་བརྩོན་པས་གནས་པ་ན། དེ་རྣམས་ཀྱིས་བཅོམ་ལྡན་འདས་ཀྱི་སྤྱན་སྔ་ན་སྣང་བ་རྒྱ་ཆེན་པོ་མཐོང་ངོ ། །མཐོང་ནས་ཀྱང་ཡིད་གཉིས་སུ་གྱུར་ཏེ། བཅོམ་ལྡན་འདས་ལ་ཞུས་པ། བཅོམ་ལྡན་འདས་ཅི་ལགས། མདང་སུམ་བཅོམ་ལྡན་འདས་ལ་བལྟ་བའི་སླད་དུ་མི་མཇེད་ཀྱི་བདག་པོ་ཚངས་པའམ། ལྷ་རྣམས་ཀྱི་དབང་པོ་བརྒྱ་བྱིན་ནམ། འཇིག་རྟེན་སྐྱོང་བ་བཞི་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ང་བལྟ་བའི་ཕྱིར་འོངས་པ་ནི་མི་མཇེད་ཀྱི་བདག་པོ་ཚངས་པ་ཡང་མ་ཡིན། ལྷ་རྣམས་ཀྱི་དབང་པོ་བརྒྱ་བྱིན་ཡང་མ་ཡིན། འཇིག་རྟེན་སྐྱོང་བ་བཞི་ཡང་མ་ཡིན་ཏེ། དེ་ལྟ་མོད་ཀྱི་དགེ་སློང་དག་ཁྱོད་ཀྱིས་གླང་པོ་ཆེ་དམ་པ་ནོར་སྐྱོང་ཞེས་བྱ་
Nga346b
པ་འདི་ལྟར་གདུག་པ། འདི་ལྟར་གཏུམ་པ་དེས་དེ་བཞིན་གཤེགས་པ་དཀྲོངས་པའི་ཕྱིར། ཕ་རོལ་གནོན་པ་བྱས་པ་གང་ཡིན་པ་དེ་མཐོང་ངམ། བཙུན་པ་མཐོང་ལགས་སོ། །ངས་དེ་བཏུལ་ནས། ང་ལ་མངོན་པར་དད་པར་བྱས་ཏེ། ཤི་ནས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་པ་ཡིན་ཏེ། དེ་མདང་སུམ་ངའི་སྤྱན་སྔར་འོངས་ནས། ངས་དེ་ལ་ཆོས་བཤད་དེ་བདེན་པ་མཐོང་བར་བྱས་ནས། རང་གི་གནས་སུ་སོང་བ་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ནོར་སྐྱོང་གིས་ལས་ཅི་ཞིག་བགྱིས་ན། ལས་དེའི་རྣམ་པར་སྨིན་པས་དུད་འགྲོར་སྐྱེས་ལགས། ལས་ཅི་ཞིག་བགྱིས་ན་དེས་ན། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་ནས་བདེན་པ་མཐོང་བར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ནོར་སྐྱོང་འདི་ཉིད་ཀྱིས་ལས་ཚོགས་རྙེད་པ་རྐྱེན་ཡོངས་སུ་བསྒྱུར་བ། འོད་པ་བཞིན་དུ་ཉེ་བར་གནས་པ། གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས་ཞེས་བྱ་བ་ནས། ལུས་ཅན་དག་ལས་འབྲས་བུར་འགྱུར། །ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་ལོ་ཉི་ཁྲི་ཐུབ་པ་ན་འཇིག་རྟེན་དུ་སྟོན་པ་སངས་རྒྱས་བཅོམ་ལྡན་འདས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་
Nga347a
༄#། །མི་རྣམས་ཀྱི་སྟོན་པ། འོད་སྲུང་ཞེས་བྱ་བ་བྱུང་སྟེ། དེ་གྲོང་ཁྱེར་ཝཱ་ར་ཎཱ་སིར་ཉེ་བར་བརྟེན་ནས། དྲང་སྲོང་སྨྲ་བའི་རི་དྭགས་ཀྱི་ནགས་ན་བཞུགས་སོ། །དེའི་བསྟན་པ་ལ་འདི་རབ་ཏུ་བྱུང་སྟེ། ཞལ་ཏ་བྱེད་པ་ན་དེ་ན་འདི་བསླབ་པའི་གཞི་ཕྲ་མོ་ཕྲ་མོ་རྣམས་ལ་གུས་པར་མ་བྱས་པས་དེའི་ལས་ཀྱི་རྣམ་པར་སྨིན་པས་དུད་འགྲོར་སྐྱེས་པར་གྱུར་ཏོ། །དེ་ན་འདིས་དགེ་འདུན་ལ་བཀུར་སྟི་བྱས་པའི་ལས་ཀྱི་རྣམ་པར་སྨིན་པ་གང་ཡིན་པ་དེས་བཟའ་བ་དང ། བཏུང་བ་ཐོབ་པར་གྱུར་ཏོ། །ང་ལ་སེམས་མངོན་པར་དད་པར་བྱས་ཏེ། ཤི་བ་གང་ཡིན་པ་དེས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐྱེས་སོ། །ཡང་དག་པར་རྫོགས་པའི་སངས་རྒྱས་འོད་སྲུང་ལ་རབ་ཏུ་བྱུང་ནས། བཀླག་པ་དང་ནོད་པ་བྱས་ཤིང་ཕུང་པོ་ལ་མཁས་པར་བྱས། ཁམས་ལ་མཁས་པར་བྱས། སྐྱེ་མཆེད་ལ་མཁས་པར་བྱས། རྟེན་ཅིང་འབྲེལ་པར་འབྱུང་བ་ལ་མཁས་པར་བྱས་པ་གང་ཡིན་པ་དེས་ལྷར་གྱུར་ནས་ང་ལས་བདེན་པ་མཐོང་བར་བྱས་སོ། །དགེ་སློང་དག་དེ་ལྟ་བས་ན། ལས་གཅིག་ཏུ་གནག་པ་རྣམས་ཀྱི་ཞེས་བྱ་བ་ནས། ལས་གཅིག་ཏུ་དཀར་བ་ལ་བརྩལ་བར་བྱ་སྟེ། དགེ་སློང་དག་ཁྱོད་ཀྱིས་དེ་ལྟར་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །སྡོམ་ནི། ངང་པ་གད་རྒྱངས་དབྱུང་བ་དང ། །རི་དྭགས་རུལ་དང་སྤྲེའུ་དང་ནི། །གླང་པོ་ཆེ་དང་བྱི་ལ་དང ། །བ་ལང་ཟླ་བ་རྡོ་བ་དང ། །གླང་ཆེན་ཝ་དང་བྲམ་ཟེའོ། །དགེ་
Nga347b
སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ། སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་དགེ་སློང་ལྔ་བརྒྱས་ཡོངས་སུ་བཏང་ན། ཚེ་དང་ལྡན་པ་ཀུན་དགའ་བོས་ཡོངས་སུ་མ་བཏང་བ་ལ་གཟིགས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ཀུན་དགའ་བོ་འདིས་ང་ཡོངས་སུ་མ་བཏང་བ་དེ་ཉོན་ཅིག་།དགེ་སློང་དག་སྔོན་བྱུང་བ་མཚོ་ཆེན་པོ་མ་དྲོས་པ་ན་ངང་པའི་དཔོན་པོ་ཡུལ་འཁོར་སྐྱོང་ཞེས་བྱ་བར་གྱུར་ཏེ། དེ་ལ་བུ་གཉིས་ཡོད་པ། གང་བ་དང་བཞིན་རྒྱས་ཞེས་བྱ་བ་སྟེ། གང་བ་ནི་ཕུ་བོ་ཡིན་ནོ། །བཞིན་རྒྱས་ནི་ནུ་བོ་ཡིན་ནོ། །དེ་གཉིས་ལས་གང་བ་ནི་གཏུམ་པ་བརླང་བ། གཟུ་ལུམས་ཅན་ཞིག་སྟེ། རྟག་ཏུ་ངང་པ་རྣམས་ལ་བསྡིགས་པར་བྱེད་དེ། ཁ་ཅིག་ལ་ནི་སྒྲོ་འབྱིན། ཁ་ཅིག་ལ་ནི་རྡེར་\་ཥཌཱེR\་མོས་རྨ་འབྱིན་པར་བྱེད་ཅིང ། དེ་ལྟ་བུ་དང་གཞན་ཡང་གནོད་པ་བརྒྱ་ཕྲག་དག་བྱེད་དེ། ངང་པ་རྣམས་ཉི་མ་རེ་རེ་ཞིང་ངང་པ་རྣམས་ཀྱི་དཔོན་པོ་ཡུལ་འཁོར་སྐྱོང་གི་གན་དུ་སོང་སྟེ། རིག་པར་བྱེད་ནས་དེས་བསམས་པ། གང་བ་གཏུམ་པ་བརླང་བ་གཟུ་ལུམས་ཅན་ཡིན་པས་གལ་ཏེ་བདག་གིས་འདི་རྒྱལ་ཚབ་ལ་བཞག་ན་བདག་ཤི་ནས། འདིས་ངང་པའི་ཚོགས་བཤིག་པར་འགྱུར་གྱིས། དེ་ལ་ཐབས་ཤིག་བཤམ་པར་བྱའོ་སྙམ་མོ། །དེས་གང་བ་དང་བཞིན་རྒྱས་གཉིས་བཀུག་ནས་བསྒོ་བ། འབབ་ཆུའི་དངོ་དང་མཚོ་དང །
Nga348a
༄#། །མཚེའུ་རྣམས་བལྟས་ནས། ངའི་དྲུང་དུ་ཐོག་མར་སུ་འོངས་པ་དེ་ངང་པ་རྣམས་ཀྱི་དཔོན་པོར་གཞུག་གོ་།དེ་གཉིས་ཀྱང་གཅིག་ལ་གཅིག་འགྲན་པའི་ཕྱིར། འཁོར་ལྔ་བརྒྱ་ལྔ་བརྒྱ་དང་དོང་སྟེ་དེ་གཉིས་ཀྱིས་ཕན་ཚུན་གྱི་འབབ་ཆུའི་དོང་དང་མཚོ་དང་མཚེའུ་རྣམས་བལྟས་ནས། མཐར་གྱིས་གྲོང་ཁྱེར་ཝཱ་ར་ཎཱ་སིར་ཕྱིན་ཏོ། །དེའི་ཚེ་གྲོང་ཁྱེར་ཝཱ་ར་ཎཱ་སི་ན། རྒྱལ་པོ་ཚངས་སྦྱིན་ཞེས་བྱ་བ་འབྱོར་བ་དང ། རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོ་དང་མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ་།དེས་ཝཱ་ར་ཎཱ་སིའི་སྐྱེད་མོས་ཚལ་དང་ཧ་ཅང་ཡང་མི་རིང་བ་ཞིག་ཏུ་ཚངས་ལྡན་ཞེས་བྱ་བའི་རྫིང་བུ་མཚེའུ་བས་ཆེས་ཁྱད་པར་དུ་འཕགས་པ་ཞིག་བསྐོར་བཅུག་སྟེ། དེར་ཆུ་ནས་སྐྱེས་པའི་མེ་ཏོག་རྣམ་པ་སྣ་ཚོགས་བསྐྱེད་དོ། །འགྲམ་དང་ཕྱོགས་བཞི་ཀུན་ཏུ་ཡང ། མེ་ཏོག་དང་འབྲས་བུའི་ཤིང་སྟོང་ཕྲག་དུ་མ་བསྐྱེད་དོ། །དེར་ཨུཏྤ་ལ་དང ། པདྨ་དང ། ཀུ་མུ་ད་དང ། པདྨ་དཀར་པོས་ཡོག་པར་བྱས་ཤིང་ཤིང་ཚང་ཚིང་དུ་མས་མཛེས་པ་བྱ་སྣ་ཚོགས་མང་པོ་སྐད་འབྱིན་པའི་འབྱོར་པ་དེ་ལྟ་བུ་དེས་མཐོང་ནས། ངང་པ་གང་བ་འཁོར་ལྔ་བརྒྱས་ཡོངས་སུ་བསྐོར་ཏེ་བབས་ནས། ཅི་དགའ་བའི་སྤྱོད་པས་རྩ་བར་བརྩམས་སོ། །བཞིན་རྒྱས་ལ་ཡང་རང་གི་ཚོགས་ཀྱིས་སྨྲས་པ། ཁྱོད་ཀྱང་བོབས་ལ་རྩེད་མོ་གྱིས་ཤིག་།དེས་སྨྲས་པ། རེ་ཞིག་རྒྱལ་སྲིད་བླངས་ལ་དེ་ནས་
Nga348b
ཕྱིས་ལོག་སྟེ་རྩེ་བར་བྱའོ། །ཞེས་དེ་རིངས་པ་རིངས་པར་སོང་སྟེ། རྒྱལ་སྲིད་བླངས་སོ། །དེ་ནས་ངང་པ་ལྔ་བརྒྱས་ཡོངས་སུ་བསྐོར་ཏེ་ཝཱ་ར་ཎཱ་སིར་འོངས་ནས། ཚངས་ལྡན་གྱི་རྫིང་བུར་བབས་ཏེ།་བག་རྐྱོང་ཞིང་བག་རྐྱོང་ཞིང་གནས་པས་རྩེ་བར་བརྩམས་ཏེ། དེ་དེ་ལྟར་བག་ཡོད་པས་གནས་པ་སྐྱེ་བོའི་ཚོགས་ཀྱིས་མཐོང་ནས་མཆོག་ཏུ་ངོ་མཚར་སྐྱེས་ཏེ། ཀྱེ་མ་ངང་པའི་དཔོན་པོ་མཆོག་ཏུ་གཟུགས་བལྟ་ན་སྡུག་པ། གང་ནས་འདིར་འོངས་ཏེ་གཟུགས་བཟང་པོས་ཆུ་ནས་རྒྱུ་བའི་འདབ་ཆགས་ཐམས་ཅད་ཟིལ་གྱིས་མནན་ནས་ཚངས་ལྡན་གྱི་རྫིང་གི་རྒྱན་བྱེད་ཅིང་ཅི་དགའ་བར་གནས་ཤིང་འཇིག་རྟེན་དགའ་བ་སྐྱེད་པར་བྱེད་དོ། །ཝཱ་ར་ཎཱ་སི་ན་གནས་པའི་སྐྱེ་བོའི་ཚོགས་ཐམས་ཅད་ཀྱིས་ཀྱང་ཐོས་ནས་ཚངས་ལྡན་གྱི་རྫིང་ཀུན་ནས་བསྐོར་ཏེ། དེའི་གཟུགས་བཟང་པོ་དང ། བག་རྐྱོང་ཞིང་གནས་པ་ལ་རྟོག་ཅིང་འཁོད་དོ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་ངང་པ་རྣམས་ཀྱིས་དཔོན་པོ་ཞིག་ག་ཞིག་ནས་འདིར་མཆིས་ཏེ། དེ་ཚངས་ལྡན་གྱི་རྫིང་དུ་བབས་ནས་ངང་པ་བརྒྱ་ཕྲག་དུ་མས་ཡོངས་སུ་བསྐོར་ཅིང་གཟུགས་བཟང་པོས་ཆབ་ན་རྒྱུ་བའི་འདབ་ཆགས་ཐམས་ཅད་ཟིལ་གྱིས་མནན་ནས་འཇིག་རྟེན་དགའ་བ་བསྐྱེད་ཅིང་བག་རྐྱོང་ཞིང་མཆིས་ལགས་སོ། །རྒྱལ་པོས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་བྱ་བ་རྣམས་ཁུག་ཅིག་།དེ་རྣམས་ཀྱིས་བཀུག་པ་དང ། རྒྱལ་པོས་བསྒོ་བ། ཤེས་ལྡན་དག་ཚངས་ལྡན་གྱི་རྫིང་ན། ངང་པའི་དཔོན་པོ་གཟུགས་
Nga349a
༄#། །མཆོག་ཏུ་བལྟ་ན་སྡུག་པ་ཞིག་ག་ཞིག་ནས་འོངས་སོ་ཞེས་ཐོས་ཀྱིས། ཁྱེད་ཀྱིས་དེ་གཅིག་པུ་རྙིས་མ་སྣད་པར་བཟུང་ལ་ང་ལ་ཕུལ་ཅིག་།དེ་རྣམས་ཀྱིས་དེ་མཆོག་ཏུ་རྙི་འཇམ་པོས་མ་སྣད་པར་བཟུང་བ་དང ། དེས་ཚིགས་སུ་བཅད་དེ་སྨྲས་པ། ཁོ་བོ་རྙིས་ནི་དམ་པར་བཟུང་ཟིན་ཏེ། །མི་ཡི་དབང་དུ་སོང་བས་ཁོ་བོ་ལ། །ཅི་བྱར་མེད་ཀྱིས་ངང་པའི་ཚོགས་དེང་སྟེ། །མ་དྲོས་པར་ནི་མྱུར་དུ་འདོད་པར་གྱིས། །ངང་པ་གཅིག་གིས་ལྔ་བརྒྱར་མ་ཚང་བ་ནི་བྲོས་སོ། །གཅིག་པུ་ཞིག་རྙིས་ཟིན་པ་དེ་ཉིད་ལ་མྱ་ངན་བྱེད་ཅིང་འདུག་པ་དེ་བྱ་བ་རྣམས་ཀྱིས་མཐོང་ནས་མཆོག་ཏུ་ངོ་མཚར་སྐྱེས་ཤིང་རྒྱལ་པོས་སྐྲག་ནས་མ་བཟུང་མ་བསད་དེ། དེ་རྣམས་ཀྱིས་ངང་པའི་དཔོན་པོ་དེ་ཁྱེར་ནས་རྒྱལ་པོའི་དྲུང་དུ་སོང་བ་དང ། ཅིག་ཤོས་མ་བཟུང་བ་དེ་ཡང་ཆགས་པའི་རྙིས་བཟུང་བས་རང་ཉིད་འོངས་སོ། །ངང་པའི་དཔོན་པོ་རྒྱལ་པོ་ལ་ཕུལ་བ་དང ། རྒྱལ་པོས་སྨྲས་པ། ཤེས་ལྡན་དག་ཅིག་ཤོས་འདི་ཅིའི་ཕྱིར་ཁྱེར་ཏེ་འོངས། དེ་རྣམས་ཀྱིས་སྨྲས་པ། ལྷ་བདག་ཅག་གིས་འདི་མ་བཟུང་མོད་ཀྱི་རང་ཉིད་མཆིས་ལགས་སོ། །རྒྱལ་པོ་མཆོག་ཏུ་ངོ་མཚར་སྐྱེས་ནས་སྨྲས་པ། གདོན་མི་ཟ་བར་འདི་ནི་དེའི་ཆུང་མ་ཡིན་པས་འོངས་ཀྱིས་ངང་པའི་དཔོན་པོ་འདི་དང ། སྤ་ཤུགས་ལྷན་ཅིག་ཐོང་ལ་ཁྱེད་ཅག་སུ་ཡང་འདི་གཉིས་མ་གསོད་ཅིག་།བྱ་པ་རྣམས་ཀྱིས་སྨྲས་པ། ལྷ་གཞན་གྱིས་བཀུམ་དུ་མཆིས། བཀའ་སྩལ་དུ་གསོལ། །
Nga349b
རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་དེང་ལ་གྲོང་ཁྱེར་ཝཱ་ར་ཎཱ་སིར་དྲིལ་སྒྲོགས་སུ་ཆུག་སྟེ། ལྷ་ཉིད་ཀྱིས་བཀའ་སྩལ་པ། ངའི་ཡུལ་ན་གནས་པ་སུས་ཀྱང་ཆུ་ནས་རྒྱུ་བའི་འདབ་ཆགས་རྣམས་མ་གསད་ཅིག་ཅེས་སྒྲོགས་ཤིག་།དེ་རྣམས་ཀྱིས་དྲིལ་བསྒྲགས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་ངང་པའི་དཔོན་པོ་བཞིན་རྒྱས་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དེའི་ཆུང་མ་གང་ཡིན་པ་དེ་ནི་ཀུན་དགའ་བོ་ཡིན་ནོ། །དང་པོ་གཅིག་གིས་ལྔ་བརྒྱར་མཚང་བ་གང་ཡིན་པ་དེ་ནི། དགེ་སློང་ལྔ་བརྒྱར་གཅིག་གིས་མ་ཚང་བ་འདི་དག་ཉིད་ཡིན་ཏེ། དེ་ན་ཡང་འདི་རྣམས་ངང་པར་གྱུར་པ་ན་ང་ཡོངས་སུ་བཏང་སྟེ། ཀུན་དགའ་བོ་ངང་པར་གྱུར་པས་ནི་ང་ཡོངས་སུ་མ་བཏང་ངོ ། །ད་ལྟར་ཡང་ང་འདི་དག་གིས་ཡོངས་སུ་བཏང་གི་།དགེ་སློང་ཀུན་དགའ་བོས་ནི་ཡོངས་སུ་མ་བཏང་ངོ ། །དགེ་སློང་དག་གཞན་ཡང་ཇི་ལྟར་འདི་དག་གིས་ང་ཡོངས་སུ་བཏང་ན། དགེ་སློང་ཀུན་དགའ་བོས་ཡོངས་སུ་མ་བཏང་བ་དེ་ཉོན་ཅིག་།དགེ་སློང་དག་སྔོན་བྱུང་བ་གྲོང་ཁྱེར་ཝཱ་ར་ཎཱ་སི་ན་རྒྱལ་པོ་གད་རྒྱངས་ཅན་ཞེས་བྱ་བ་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པ་སྐྱེ་བོའི་ཚོགས་དང་མི་མང་པོས་རབ་ཏུ་གང་བ་ན་རྒྱལ་སྲིང་བྱེད་དུ་འཇུག་གོ་།དེ་ལ་བློན་པོ་ལྔ་བརྒྱ་ཡོད་དེ། དེ་རྣམས་ཀྱི་མཐུས་མཚམས་ཀྱི་རྒྱལ་པོ་རྣམས་ཀྱི་ཟིལ་གྱིས་མི་ནོན་ཏོ། །ཇི་ཙམ་ན་ལྷོ་ཕྱོགས་ཀྱི་ལམ་ནས་བྱ་མ་བུམ་གྱི་དབྱུག་
Nga350a
༄#། །གུ་ཅན་ཞེས་བྱ་བ་དམག་སྟོང་ཐུབ་པ་ཞིག་འོངས་ནས། དེ་བློན་པོ་གཞན་ཞིག་གིས་རྒྱལ་པོ་ལ་ཕུལ་ཏེ། ལྷ་བྱ་མ་བུམ་གྱི་དབྱུག་གུ་ཅན་ཞེས་བགྱི་བ་དམག་སྟོང་ཐུབ་པ་འདི་ལྷའི་སླད་དུ་ལྷོ་ཕྱོགས་ཀྱི་ཤུལ་ནས་མཆིས་ཀྱིས་ལྷས་འདི་ཡོངས་སུ་གཟུང་བའི་རིགས་སོ། །རྒྱལ་པོས་དེ་ཡོངས་སུ་བཟུང་ནས་ལོངས་སྤྱོད་ཀྱིས་བགོ་བཤའ་ཡང་བྱས་སོ། །ཅི་ཙམ་དུས་གཞན་ཞིག་ན་རྒྱལ་པོ་གད་རྒྱངས་ཅན་གྱི་ཡུལ་གཞན་གྱི་རྒྱལ་པོ་རྣམས་མཐུ་དང་དཔུང་ཆེན་པོར་གྱུར་ཏེ། དེ་རྣམས་དཔུང་གི་ཚོགས་ཡན་ལག་བཞི་པོ། གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས། རྒྱལ་པོ་གད་རྒྱངས་ཅན་དང་གཡུལ་སྤྲད་པའི་ཕྱིར་འོངས་སོ། །རྒྱལ་པོ་གད་རྒྱངས་ཅན་གྱིས་ཀྱང་དཔུང་གི་ཚོགས་ཡན་ལག་བཞི་པོ་གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས་ས་གཞན་གྱི་རྒྱལ་པོ་རྣམས་དང་གཡུལ་སྤྲད་པའི་ཕྱིར་སྤགས་ཏེ་བསུའོ། །རྒྱལ་པོ་གད་རྒྱངས་ཅན་གྱིས་ས་གཞན་གྱི་རྒྱལ་པོ་རྣམས་བཅོམ། བྲེད་པར་བྱས་ཐག་བཅུག་།ཕམ་པར་བྱས། རྒྱབ་ཀྱིས་བལྟས་པར་བྱས་ཏེ། རང་རང་གི་ཡུལ་དུ་དོང་ངོ ། །དེ་རྣམས་སླར་ཡང་འདུས་ནས། རྒྱལ་པོ་གད་རྒྱངས་ཅན་གྱི་བློན་པོ་ལྔ་བརྒྱ་ལ་ཁྱེད་ཅག་ཚུར་ཤོག་ཅིག་
Nga350b
དང ། ཁྱེད་ཅག་ལ་ལོངས་སྤྱོད་ཆེས་ཁྱད་པར་དུ་འཕགས་པ་དག་གིས་བགོ་བཤའ་བྱའོ་ཞེས་ཡོ་བྱད་ཀྱིས་ཁ་དྲངས་པ་དང ། དེ་རྣམས་ཀྱིས་ཁས་བླངས་སོ། །དེ་ནས་ས་གཞན་གྱི་རྒྱལ་པོ་རྣམས་ཀྱིས་སླར་ཡང་དཔུང་གི་ཚོགས་ཡན་ལག་བཞི་པོ་གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས་རྒྱལ་པོ་གད་རྒྱངས་ཅན་དང་གཡུལ་སྤྲད་པའི་ཕྱིར་འོངས་སོ། །རྒྱལ་པོ་གད་རྒྱངས་ཅན་གྱིས་ཀྱང་དཔུང་གི་ཚོགས་ཡན་ལག་བཞི་པོ་གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས་ས་གཞན་གྱི་རྒྱལ་པོ་རྣམས་དང་གཡུལ་སྤྲད་པའི་ཕྱིར་སྤགས་ཏེ་བསུའོ། །གད་རྒྱངས་ཅན་གྱི་བློན་པོ་ལྔ་བརྒྱ་གཡུལ་སྤྲོད་པ་ན། ཕྱིར་ལོག་ནས་བྱ་མ་བུམ་གྱི་དབྱུག་གུ་ཅན་དམག་སྟོང་ཐུབ་དང་ལྷན་ཅིག་གཡུལ་འགྱེད་པར་བརྩམས་པ། རྒྱལ་པོས་མཐོང་ནས་བག་ཚ་བར་གྱུར་པ་དང ། བྱ་མ་བུམ་གྱི་དབྱུག་གུ་ཅན་དམག་སྟོང་ཐུབ་ཀྱིས་ཚིགས་སུ་བཅད་དེ་སྨྲས་པ། ཁྱོད་ནི་བྱ་མ་བུམ་གྱི་དབྱུག་།གྲོགས་པོ་གཅིག་པུས་མ་བཏང་གི་།ཡུན་རིང་པོ་ནས་གནང་བ་ཡི། །གྲོགས་པོ་ཀུན་གྱིས་ཁྱོད་བཏང་ངོ ། །དེས་དེ་དག་ཐམས་ཅད་ཁ་བཏག་གོ་།དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རྒྱལ་པོ་གད་རྒྱངས་ཅན་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བྱ་མ་བུམ་གྱི་དབྱུག་གུ་ཅན་གང་ཡིན་པ་དེ་ནི་ཀུན་
Nga351a
༄#། །དགའ་བོ་ཡིན་ནོ། །བློན་པོ་ལྔ་བརྒྱ་པོ་གང་ཡིན་པ་དེ་དག་ནི་དགེ་སློང་ལྔ་བརྒྱ་བོ་འདི་དག་ཉིད་ཡིན་ཏེ། དེ་ན་ཡང་འདི་དག་གིས་ང་ཡོངས་སུ་བཏང་ངོ ། །ད་ལྟར་ཡང་འདི་དག་གིས་ང་ཡོངས་སུ་བཏང་ངོ ། །ཀུན་དགའ་བོས་ནི་ཡོངས་སུ་མ་བཏང་ངོ ། །གཞན་ཡང་ཇི་ལྟར་འདི་དག་གིས་ང་ཡོངས་སུ་བཏང་གི་།ཀུན་དགའ་བོས་ཡོངས་སུ་མ་བཏང་བ་དེ་ཉོན་ཅིག་།དགེ་སློང་དག་སྔོན་བྱུང་བ་བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་ན་རིའི་ཕྱོགས་ཤིག་ན། རི་དྭགས་ཀྱི་དཔོན་པོ་སེང་གེར་གྱུར་ཏེ། དེའི་ལྷག་མ་ཟ་བ་ཝ་ལྔ་བརྒྱ་རྗེས་བཞིན་དུ་འབྲང་ཞིང་རི་ལ་ཉེ་བར་བརྟེན་ཏེ་གནས་སོ། །སེང་གེས་སྲོག་ཆགས་རྣམས་བསད་དེ་ཤའི་དམ་པ་དང་ཁྲག་གི་དམ་པ་འཐུངས་ནས་བོར་ཏེ་འགྲོ་བས་དེ་རྣམས་དེ་ལྟ་བུས་དུས་རིང་མོ་ཞིག་འདས་པར་གྱུར་ཏོ། །ཇི་ཙམ་ན་དུས་གཞན་ཞིག་ན་རི་དྭགས་ཀྱི་རྒྱལ་པོ་སེང་གེ་མཚན་མོ་སྲོག་ཆགས་ཚོལ་བ་ན་ཁྲོན་པར་ལྷུང་བ་དང ། ཝ་ལྔ་བརྒྱ་པོ་དེ་རྣམས་ལས་ཝ་ལྔ་བརྒྱར་གཅིག་གིས་མ་ཚང་བ་སོ་སོར་དོང་སྟེ། ཝ་གཅིག་པུ་ཞིག་སེང་གེ་ལ་རྟོག་ཅིང་ཁྲོན་པའི་ཁར་འདུག་སྟེ། གང་གིས་ན་འདི་ཕྱིན་པར་འགྱུར་བའི་ཐབས་དེ་ཅི་ཡོད་སྙམ་སེམས་ཤིང ། དེ་ཁྲོན་པའི་ཉེ་འཁོར་ཕན་ཚུན་སོང་བ་ལས། ཇི་ཙམ་ན་ཁྲོན་པ་དང་ཧ་ཅང་ཡང་མི་རིང་བ་ཞིག་ན་མཚེའུ་ཞིག་མཐོང་ནས་དེས་བརྟགས་
Nga351b
ནས་ཕྱོགས་གཅིག་ནས་འོབ་བྲུས་བཅུག་སྟེ་ཁྲོན་པར་མཚེ་འུ་ཡི་ཆུ་བཀང་བ་དང ། སེང་གེ་རང་ཉིད་བྱུང་བར་གྱུར་ཏོ། །ལྷས་ཚིགས་སུ་བཅད་དེ་སྨྲས་པ། སྟོབས་ཆེ་བའམ་ཞན་ཀྱང་རུང་།། གྲོགས་པོ་དག་ཏུ་བྱ་དགོས་ཏེ། །ཝས་ནི་ཁྲོན་པ་རྙིང་པ་ནས། །སེང་གེ་ཕྱུང་བར་གྱུར་ལ་ལྟོས། །དགེ་སློང་དག་ཇི་སྙམ་དུ་སེམས། །དེའི་ཚེ་དེའི་དུས་ཀྱི་སེང་གེ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཝ་གཅིག་པོ་དེ་ནི་དགེ་སློང་ཀུན་དགའ་བོ་ཡིན་ནོ། །ཝ་གཅིག་གིས་ལྔ་བརྒྱར་མ་ཚང་བ་གང་ཡིན་པ་དེ་ནི། དགེ་སློང་ལྔ་བརྒྱ་པོ་འདི་དག་ཉིད་ཡིན་ཏེ། དེ་ན་ཡང་འདི་དག་གིས་ང་ཡོངས་སུ་བཏང་གི་།ཀུན་དགའ་བོས་ནི་ཡོངས་སུ་མ་བཏང་ངོ ། །ད་ལྟར་ཡང་འདི་དག་གིས་ང་ཡོངས་སུ་བཏང་གི་།ཀུན་དགའ་བོས་ནི་ཡོངས་སུ་མ་བཏང་ངོ ། །གཞན་ཡང་ཇི་ལྟར་འདི་དག་གིས་ང་ཡོངས་སུ་བཏང་ན་ཀུན་དགའ་བོས་ཡོངས་སུ་མ་བཏང་བ་དེ་ཉོན་ཅིག་།དགེ་སློང་དག་སྔོན་བྱུང་བ་བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་ན། ཕྱོགས་ཤིག་ན་རི་དྭགས་ལྔ་བརྒྱའི་རི་དྭགས་ཀྱི་དཔོན་པོར་གྱུར་ཏོ། །ཇི་ཙམ་ན་རྔོན་པ་ཞིག་གིས་རི་དྭགས་རྣམས་བཤོར་བའི་ཕྱིར་འཇོལ་དང ། རྙི་དང ། རྙོང་རབ་ཏུ་མང་པོ་དག་གཙུགས་སོ། །རི་དྭགས་ཀྱི་དཔོན་པོ་དེ་བག་རྐྱོང་ཞིང་གནས་པས་འཁོར་ལྔ་བརྒྱ་དང ། རི་དྭགས་ཀྱི་ནགས་ན་རྒྱུ་ཞིང་དེ་རི་དྭགས་ཀྱི་ཚོགས་རྣམས་ཀྱི་སྣ་ལ་འགྲོ་
Nga352a
༄#། །བ་ན་རྙིས་ཟིན་ཏོ། །རྙིས་ཟིན་པ་དེ་མཐོང་ནས་རི་དྭགས་ཐམས་ཅད་ནི་བྲོས་སོ། །རི་དྭགས་མོ་གཅིག་པུ་ཞིག་ཚོགས་ཀྱི་དཔོན་པོའི་དྲུང་ན་འདུག་གོ་།རི་དྭགས་ཀྱི་དཔོན་པོ་དེ་འབད་ཀྱང་རྙི་གཅད་པར་མ་ནུས་ཤིང་དེ་དེ་ལྟར་འཕྲ་ཤགས་བྱེད་པ། རི་དྭགས་མོ་དེས་མཐོང་ནས། ཚིགས་སུ་བཅད་དེ་སྨྲས་པ། །རྙི་འདི་གང་གིས་བཙུགས་པ་ཡི། །རྔོན་པ་དེ་ནི་མཆིས་ལགས་ཀྱིས། །སྐལ་ཆེན་པོ་ནི་འབད་མཛོད་ཅིག་།རི་དྭགས་དམ་པ་འབད་མཛོད་ཅིག་།དེས་ཀྱང་ཚིགས་སུ་བཅད་དེ་སྨྲས་པ། རྨིག་པ་སར་བཙུགས་འཐེན་ཀྱང་ནི། །འབྲེང་བའི་རྙི་ནི་དམ་པོ་ཡིས། །བདག་གི་རྐང་པ་རབ་སྨས་ཀྱི། །གཅད་མི་ནུས་ན་ཅི་བྱར་ཡོད། །དེ་ནས་རྔོན་པ་དེ་མདའ་དང་གཞུ་ལག་ན་ཐོགས་ཤིང ། གོས་ངུར་སྨྲིག་བགོས་ནས་ཕྱོགས་དེར་ཕྱིན་ཏོ། །རི་དྭགས་མོ་དེས་རྔོན་པ་དེ་རི་དྭགས་ཀྱི་དཔོན་པོ་དེ་གསད་པའི་ཕྱིར་བསྒྲིབས་པས་ཉེ་བར་འོངས་པ་མཐོང་ངོ ། །མཐོང་ནས་ཀྱང་རིངས་པ་རིངས་པར་ཚིགས་སུ་བཅད་དེ་སྨྲས་པ། རྙི་འདི་གང་གིས་བཙུགས་པ་ཡི། །རྔོན་པ་དེ་ནི་མཆིས་ལགས་ཀྱིས། །སྐལ་ཆེན་པོ་ནི་འབད་མཛོད་ཅིག་།རི་དྭགས་དམ་པ་འབད་མཛོད་ཅིག་།དེས་ཀྱང་ཚིགས་སུ་བཅད་དེ་སྨྲས་པ། རྨིག་པ་སར་བཙུགས་འཐེན་ཀྱང་ནི། །འབྲེང་བའི་རྙི་ནི་དམ་པོ་ཡིས། །བདག་གི་རྐང་པ་རབ་སྨས་ཀྱི། །གཅད་མི་ནུས་ན་ཅི་བྱར་ཡོད།།
Nga352b
དེ་ནས་རི་དྭགས་མོ་དེ་སྙིང་སྟོངས་ནས། རྔོན་པོ་དེའི་མདུན་དུ་མངོན་དུ་སོང་སྟེ། དེ་ལ་བསྙེན་ནས་ཚིགས་སུ་བཅད་དེ་སྨྲས་པ། རྔོན་པ་གཞུ་ནི་ཕོབ་མཛོད་ལ། །རྔོན་པ་རལ་གྲི་བླང་མཛོད་དེ།། ཐོག་མར་བདག་ཁུམ་དེ་ནས་ནི། རི་དྭགས་དཔོན་པོ་ལ་མཛོད་ཅིག་།དེ་ནས་སྔོན་པ་དེ་ངོ་མཚར་གྱིས་བསྡུས་པའི་བློས་སྨྲས་པ། འདི་ཁྱོད་ཀྱི་ཅིར་འོང ། དེས་སྨྲས་པ། ཁྱིམ་ཐབ་བོ།། དེས་དེ་ལ་ཚིགས་སུ་བཅད་དེ་སླར་སྨྲས་པ། བདག་གིས་ཁྱོད་ཀྱང་མི་བསད་ལ། །རི་དྭགས་དཔོན་པོའང་མི་བསད་པར། །སྙིང་དུ་སྡུག་པའི་ཁྱིམ་ཐབ་དང ། །ཁྱོད་ནི་ལྷན་ཅིག་འགྲོགས་པར་བྱ། །དེས་ཀྱང་ཚིགས་སུ་བཅད་དེ་སྨྲས་པ། ཇི་ལྟར་རྔོན་པ་བདག་དང་ནི། །སྡུག་པའི་ཁྱིམ་ཐབ་དགའ་བ་ལྟར། །དེ་བཞིན་རྔོན་པ་གཉེན་ཀུན་དང ། །ལྷན་ཅིག་ཏུ་ནི་དགར་གྱུར་ཅིག་།དེ་ནས་རྔོན་པ་དེ་ལྷག་པར་ཡང་ངོ་མཚར་སྐྱེས་ནས། རི་དྭགས་དེ་བཀྲོལ་ནས་ལྷན་ཅིག་དོང་ངོ ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་རི་དྭགས་ཀྱི་དཔོན་པོ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་རི་དྭགས་མོ་གང་ཡིན་པ་དེ་ནི་ཀུན་དགའ་བོ་ཡིན་ནོ། །རི་དྭགས་གཅིག་གིས་ལྔ་བརྒྱར་མ་ཚང་བ་གང་ཡིན་པ་དེ་དག་ནི། དགེ་སློང་གཅིག་གིས་ལྔ་བརྒྱར་མ་ཚང་བ་འདི་དག་ཉིད་ཡིན་ཏེ། དེ་ན་ཡང་ང་འདི་དག་གིས་ཡོངས་སུ་བཏང་གི་།ཀུན་དགའ་བོས་ནི་ཡོངས་སུ་མ་བཏང་ངོ ། །ད་ལྟར་ཡང་ང་འདི་དག་
Nga353a
༄#། །གིས་ཡོངས་སུ་བཏང་གི་།དགེ་སློང་ཀུན་དགའ་བོས་ནི་ཡོངས་སུ་མ་གཏང་ངོ ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་རུལ་བ། རྙེད་པ་དང ། བཀུར་སྟི་རུལ་པས་བཅོམ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་རུལ་པ་འདི། རྙེད་པ་དང་བཀུར་སྟི་རུལ་པས་བཅོམ་པ་དེ་ཉོན་ཅིག་།དགེ་སློང་དག་སྔོན་བྱུང་བ་རིའི་ཕྱོགས་གཅིག་ཅིག་ན། པདྨའི་རྫིང་ཆེན་པོ་ཞིག་ཡོད་དེ། དེ་དང་ཉེ་བ་ན་གླང་པོ་ཆེ་ཞིག་གནས་སོ། །ཕྱོགས་གཞན་ཞིག་ན་ཝ་ཞིག་ཀྱང་གནས་སོ། །ཇི་ཙམ་དུས་གཞན་ཞིག་ན། གླང་པོ་ཆེ་པདྨའི་རྫིང་དེ་ནས་ཆུ་འཐུངས་ནས་འགྲོ་བ་དང ། ཝ་འོང་བ་དེས་གླང་པོ་ཆེ་ལ་སྨྲས་པ། འཐབ་མོ་བྱའམ། ལམ་ལས་འཛུར། གླང་པོ་ཆེས་བསམས་པ། རུལ་པ་ཉོན་མོངས་པ་སྤྱི་རྡོལ་ཅན་འདི་གལ་ཏེ། བདག་གི་རྐང་ལག་གིས་སམ། སྣས་སམ། མཆེ་བས་བསད་ན་མི་གཙང་བས་མ་རུང་བར་གྱུར་པས་མདོར་ན་རུལ་པ་འདི་ནི་རུལ་པ་ཁོ་ནས་བསད་དོ་སྙམ་དུ་བསམས་ནས། ཚིགས་སུ་བཅད་དེ་སྨྲས་པ། ཁྱོད་ནི་རྐང་ལག་གིས་མི་བསད། །མཆེ་བས་མ་ཡིན་སྣས་མིན་ཏེ།།
Nga353b
རུལ་པ་རུལ་པས་བསད་བྱ་བས། །ཁྱོད་ནི་རུལ་པས་བསད་པར་བྱ། །གླང་པོ་ཆེས་བསམས་པ། ལམ་བཟུར་ཏེ་སོང་དང་གདོན་མི་ཟ་བར་འདི་བདག་གི་རྔེས་བཞིན་འོང་ངོ་སྙམ་ནས་དེས་ལམ་བཟུར་ནས་མྱུར་བ་མྱུར་བར་སོང་བ་དང ། ཝས་བསམས་པ། ཚིག་ཙམ་ཁོ་ནས་བདག་གིས་འདི་བཅོམ་པ་ཡིན་ཏེ། དེས་ན་མྱུར་བ་མྱུར་བར་བྲོས་སོ་སྙམ་ནས། དེ་དེའི་རྗེས་བཞིན་འབྲངས་པ་དང ། གླང་པོ་ཆེས་ཉེ་བར་འོངས་པར་ཤེས་ནས་ཤུགས་དྲག་པོས་དེའི་སྟེང་དུ་རྟུག་པ་པོར་བས་ཕོག་ནས་ཤི་བར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཝ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་རུལ་པ་འདི་རུལ་པས་བཅོམ་མོ། །ད་ལྟར་ཡང་རུལ་པ་འདི་རྙེད་པ་དང ། བཀུར་སྟི་རུལ་པས་བཅོམ་མོ། །གཞན་ཡང་དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱི་གཟིགས་པའི་རྗེས་སུ་མཐུན་པར་གྱུར་པ་གང་ལགས་པ་དེ་དག་ནི་འཁོར་བའི་འཇིགས་པ་ཆེན་པོ་ལས་ལེགས་པར་རྒལ་པར་གྱུར་པ་ལ། ལྷས་བྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ལགས་པ་དེ་དག་ནི་ཚུལ་མ་ལགས་པས་མ་རུང་བར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་
Nga354a
༄#། །འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང ། །ངའི་ཚིག་ཉན་པ་གང་ཡིན་པ་དེ་དག་ནི་འཇིགས་པ་ཆེན་པོ་ལས་ཐར་ལ། ལྷ་སྦྱིན་གྱི་ཚིག་ཉན་པ་གང་ཡིན་པ་དེ་དག་ནི་ཚུལ་མ་ཡིན་པས་མ་རུང་བར་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་ཞིག་དང་ཉེ་བ་མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ་ན་སྤྲེའུ་ཡི་ཚོགས་ཀྱི་དཔོན་པོ་གཉིས་ཤིག་གནས་ཏེ། རེ་རེ་ལ་ཡང་འཁོར་ལྔ་བརྒྱ་ལྔ་བརྒྱ་ཡོད་དོ། །དེ་ན་ཚོགས་ཀྱི་དཔོན་པོ་ཅིག་ཤོས་གཉིད་ལོག་པའི་རྨི་ལམ་ན་བདག་གསོན་པ་ཉིད་དུ་འཁོར་ལྔ་བརྒྱ་དང་ཟངས་སུ་བཅུག་པར་མཐོང་ངོ ། །མཐོང་ནས་ཀྱང་སྐྲག་སྡངས་བྲེད་དེ་སྐྱི་བུང་ཞེས་བྱེད་ནས། ནམ་དོ་མནངས་ཏེ་ནངས་པ་དང ། སྤྲེའུ་རྣམས་བསགས་ཏེ་རྨི་ལམ་བཟླས་པར་བརྩམས་པ། ཤེས་ལྡན་དག་།མདང་སུམ་ངས་རྨི་ལམ་ངན་པ་ཞིག་མཐོང་གིས་གནས་འདི་ནས་འདིར་འདོང་ངོ ། །སྤྲེའུ་རྣམས་ཀྱིས་སྨྲས་པ། དེ་བཞིན་དུ་བགྱིས་ཏེ་འབྲོས་པར་བགྱིའོ། །བྱང་ཆུབ་སེམས་དཔའ་རྣམས་ནི་རྨི་ལམ་རྣོ་བ་ཡིན་པས། བདག་ཉིད་ཆེན་པོ་དེས་ཚོགས་ཀྱི་དཔོན་པོ་ཅིག་ཤོས་ལ་སྨྲས་པ། བདག་གིས་རྨི་ལམ་འདི་འདྲ་བ་རྨིས་ནས་འདོང་ན། གཞན་དུ་འདོང་ངམ། དེ་ཡི་དམ་ཆེས་ནས་སྨྲས་པ། ཅི་རྨི་ལམ་དུ་རྨིས་སོ་ཅོག་བདེན་པར་འགྱུར་
Nga354b
རམ།་གལ་ཏེ་ཁྱོད་འགྲོ་ན་སོང་ཞིག་།ཁོ་བོ་ནི་སྤྱོད་ཡུལ་ཆེས་ཡངས་པར་འགྱུར་བས་མི་འགྲོའོ། །དེས་དེ་ཡིད་མ་ཆེས་བར་རིག་ནས་བདག་ཉིད་ཀྱི་ཚོགས་དང་དེ་དོང་ངོ ། །ཇི་ཙམ་ན་དུས་གཞན་ཞིག་ན་རི་བོར་དེ་ན་བྲན་མོ་ཞིག་ཐབ་ན་ཡོས་རྔོ་བ་ན། མ་སྟེས་པས་ལུག་ཅིག་འཁྱམ་ཞིང་ཕྱོགས་དེར་ཕྱིན་ནས། དེ་ནས་དེ་དག་བཟའ་བར་བརྩམས་པ་དང ། དེས་མགལ་དུམ་གྱིས་བསྣུན་པས་མེ་འབར་བཞིན་རྒྱལ་པོའི་གླང་པོ་ཆེའི་བྲེས་སུ་ཞུགས་པ་དང་འབར་བ་དེས་གླང་པོ་ཆེའི་བྲེས་བསྲེགས་ཏེ། གླང་པོ་ཆེ་མང་པོ་ཞིག་ཚིག་གོ་།རྒྱལ་པོས་སྨན་པ་བཀུག་ཏེ་སྨྲས་པ། གླང་པོ་ཆེ་མེས་ཚིག་པ་རྣམས་ལ་དཔྱད་ཅི་ཡོད། སྨན་པ་དེའི་ནས་ཀྱི་ཤིང་སྤྲེའུ་རྣམས་ཀྱིས་མ་རུང་བར་བྱས་པས། དེས་བསམས་པ། སྤྲེའུ་འདི་རྣམས་ལ་ཤ་གཉེར་བའི་དུས་ལ་བབ་བོ་སྙམ་དུ་བསམས་ནས་སྨྲས་པ། ལྷ་སྤྲེའུ་ཡི་ཞག་གིས་གླང་པོ་ཆེ་རྣམས་ལ་བསྐུས་ན་སོས་པར་འགྱུར་རོ། །རྒྱལ་པོས་བློན་པོ་རྣམས་ལ་བསྒོ་བ་ཤེས་ལྡན་དག་སྤྲེའུའི་ཞག་སྟ་གོན་གྱིས་ཤིག་།དེ་རྣམས་ཀྱིས་ཀྱང་རྔོན་པ་རྣམས་ལ་བསྒོ་བ་དང ། རྔོན་པ་རྣམས་ཀྱིས་རི་བོར་གྱི་ཉེ་འཁོར་ན་གནས་པའི་སྤྲེའུ་ཐམས་ཅད་བཟུང་སྟེ་ཕུལ་ལོ། །སྨན་པ་ཡུན་རིང་པོ་ནས་ཤ་ཁོན་རྗེས་སུ་འབྲེལ་བས་གསོན་པོ་ཉིད་དུ་ཟངས་སུ་བཅུག་གོ་།ལྷས་ཚིགས་སུ་བཅད་དེ་སྨྲས་པ། གྲོང་རྡལ་དང་ནི་གྲོང་ཁྱེར་ན། །མི་
Nga355a
༄#། །མཐུན་ཡོད་པར་གནས་མི་བྱ། །ལུག་དང་བྲན་མོ་མི་མཐུན་པས། །སྤྲེའུ་རྣམས་དག་ནི་བརླག་པར་གྱུར། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་སྤྲེའུ་ཚོགས་ཀྱི་དཔོན་པོ་རྨི་ལམ་རྣོ་བ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཚོགས་ཀྱི་དཔོན་པོ་ཅིག་ཤོས་གང་ཡིན་པ་དེ་ནི་ལྷས་བྱིན་འདི་ཉིད་དེ། དེ་ན་ཡང་ངའི་ཚིག་ཉན་པ་གང་ཡིན་པ་དེ་དག་ནི་འཇིགས་པ་ཆེན་པོ་ལས་ཐར་ཏོ། །ལྷས་བྱིན་གྱི་ཚིག་ཉན་པ་གང་ཡིན་པ་དེ་དག་ནི་ཚུལ་མ་ཡིན་པས་མ་རུང་བར་གྱུར་ཏོ། །ད་ལྟར་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི། འཁོར་བའི་འཇིགས་པ་ཆེན་པོ་ལས་རབ་ཏུ་ཐར་ཏོ། །ལྷས་བྱིན་གྱི་ལྟ་བའི་རྗེས་སུ་མཐུན་པར་གྱུར་བ་གང་ཡིན་པ་དེ་དག་ནི་ཚུལ་མ་ཡིན་པས་མ་རུང་བར་གྱུར་ཏོ། །གཞན་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི། བདེ་ལེགས་སུ་དོང་བར་གྱུར་ཅིང ། ལྷས་བྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི། ཚུལ་མ་ཡིན་པས་སྡུག་བསྔལ་དུ་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་ཕྱོགས་ཤིག་ན ། སྤྲེའུའི་ཚོགས་ཀྱི་དཔོན་པོ་འཁོར་ལྔ་བརྒྱ་ལྔ་བརྒྱ་པ་གཉིས་ཤིག་གནས་སོ། །དེ་ན་ཅིག་ཤོས་ཚོགས་དང་ལྷན་ཅིག་ལྗོངས་སུ་དོང་སྟེ། རིམ་གྱིས་རི་པོར་ཞིག་ཏུ་ཕྱིན་པ་དང །
Nga355b
རི་བོར་དེ་ན་ཤིང་ཀིམ་པ་ཀ་ཞེས་བྱ་བ་འབྲས་བུས་ཡལ་ག་གཡུར་ཟ་བར་འདུག་ནས། སྤྲེའུ་རྣམས་ཀྱིས་ཚོགས་ཀྱི་དཔོན་པོ་ལ་སྨྲས་པ། ཚོགས་ཀྱི་དཔོན་པོ་ལྗོན་ཤིང་ལྷག་པར་འབྲས་བུ་ཆགས་པ་འབྲས་བུས་ཡལ་ག་གཡུར་ཟ་བ་ཞིག་མཆིས་ཀྱིའོ་སྐོལ་དུབ་པ་འབྲས་བུ་རྣམས་གསོལ་ལོ། །ཚོགས་ཀྱི་དཔོན་པོས་ཤིང་དེ་ལ་བརྟགས་ནས། ཚིགས་སུ་བཅད་དེ་སྨྲས་ནས། གྲོང་གི་དྲུང་ན་འདུག་ཀྱང་ནི། །བྱིས་པས་འདི་ལ་མ་ཟོས་པས། །རྗེས་སུ་དཔགས་ན་ཤིང་འདི་ཡི། །འབྲས་བུ་བཟར་མི་རུང་བར་ཤེས། །ཞེས་སྨྲས་ནས་དོང་ངོ ། །ཚོགས་ཀྱི་དཔོན་པོ་ཅིག་ཤོས་ཀྱང ། ཚོགས་དེ་ཉིད་ཀྱི་རྗེས་བཞིན་རྗེས་བཞིན་འབྲངས་ནས་རིམ་གྱིས་རི་བོར་དུ་ཕྱིན་པ་དང ། སྤྲེའུ་རྣམས་ཀྱིས་ཀིམ་པ་ཀའི་ལྗོན་ཤིང་དེ་མཐོང་ནས། དེ་རྣམས་ཀྱིས་ཚོགས་ཀྱི་དཔོན་པོ་ལ་སྨྲས་པ། ཚོགས་ཀྱི་དཔོན་པོ་ལྗོན་ཤིང་གི་འབྲས་བུ་མཆིས་ཀྱིས། འོ་སྐོལ་དུབ་པ་འབྲས་བུ་རྣམས་ལ་གསོལ་ལ་བདེ་བར་བཞུད་དོ། །དེས་སྨྲས་པ། ལེགས་ཀྱིས་དེ་བཞིན་དུ་གྱིས་ཤིག་།དེ་རྣམས་ཀྱི་ཟོས་པ་དང ། ཐམས་ཅད་ཚུལ་མ་ཡིན་པས་སྡུག་བསྔལ་བར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཚོགས་ཀྱི་དཔོན་པོ་དང་པོ་པ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཚོགས་ཀྱི་དཔོན་པོ་གཉིས་བ་ཤོས་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ།
Nga356a
༄#། །དེ་ན་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་བདེ་ལེགས་སུ་དོང་ངོ ། །ལྷས་བྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི། །བདེ་ལེགས་སུ་འཁོར་བའི་རྒྱ་མཚོ་ཆེན་པོ་ལས་རྒལ་ལོ། །ལྷས་བྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་མ་རུང་བར་གྱུར་ཏོ། །གང་གི་ཚེ་ལྷས་བྱིན་གྱིས་བཅོམ་ལྡན་འདས་ལ་དགྲོངས་པའི་ཕྱིར་རྡོ་འཕངས་པ་དེའི་ཚེ། བྲམ་ཟེ་དང ། ཁྱིམ་བདག་རྣམས་འཁྲུགས་ནས། ལྷས་བྱིན་བསད་ཀྱིས་འདོང་ངོ་ཞེས་བྱས་པ་དང ། འཇིག་རྟེན་ན་མཛའ་བ་དང ། མི་མཛའ་བ་དང ། བར་མ་དག་ཡོད་པས་གཞན་ཞིག་གིས་ལྷས་བྱིན་ལ་སྦྲན་ནས། དེ་སྐྲག་ནས་ཤིང་དྲུང་ཞིག་ཏུ་བརྟེན་ཏེ་སྤྱོད་ལམ་ཞི་བས་འདུག་གོ་།དེ་རྣམས་ཀྱིས་དེ་ལྟར་སྤྱོད་ལམ་ཞི་བ་མཐོང་ནས། དེ་རྣམས་ཀྱིས་སྨྲས་པ། ཤེས་ལྡན་དག་ལྷས་བྱིན་བདག་ཉིད་ཆེན་པོ་འདི་བཅོམ་ལྡན་འདས་དགྲོངས་པར་ག་ལ་འགྱུར། །ཁ་ཅིག་གིས་བདག་ཅག་བསླུས་ཀྱིས་ཚུར་འདོང་ངོ་ཞེས་དེ་རྣམས་དོང་ངོ ། །དགེ་སློང་རྣམས་ཀྱིས་ལྷས་བྱིན་དེ་ལྟ་བུའི་སྤྱོད་ལམ་གྱིས་གནས་པས་དེས་ན་གྲོང་མི་འཁྲུགས་ཀྱང་མ་བསད་དོ་ཞེས་ཐོས་ནས་དེ་རྣམས་
Nga356b
ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་གྱིས་ཆོས་ལྟ་བུའི་སྒོ་ནས་འཇིག་རྟེན་བསླུས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། །ཇི་ལྟར་འདས་པའི་དུས་ན་ཡང་འདི་ཆོས་ལྟ་བུའི་སྒོ་ནས་བྱི་བ་རྣམས་བྲིད་པ་དེ་ཉོན་ཅིག་དགེ་སློང་དག་སྔོན་བྱུང་བ་ཕྱོགས་ཤིག་ན། བྱི་བ་རྣམས་ཀྱི་ཚོགས་ཀྱི་དཔོན་པོ་འཁོར་ལྔ་བརྒྱ་པ་ཞིག་གནས་སོ། །བྱི་ལ་མེ་སྐྱེས་ཞེས་བྱ་བ་ཞིག་ཡོད་དེ། དེ་གཞོན་པའི་གནས་སྐབས་ན ། ཕྱོགས་གང་དུ་གནས་པའི་ཉེ་འཁོར་དུ་དེས་བྱི་བ་ཐམས་ཅད་བསད་དོ། །དེ་ཡང་དུས་གཞན་ཞིག་ན་རྒས་པར་གྱུར་ཏེ། རྒས་པས་ཕ་རོལ་གནོན་པས་བྱི་བ་བཟུང་མི་ནུས་ནས་དེས་བསམས་པ། སྔོན་བདག་གཞོན་པའི་གནས་སྐབས་ན་ནི། ཕ་རོལ་གནོན་པས་བྱི་བ་འཛིན་ནུས་ན། ད་ནི་མི་ནུས་ཏེ། འོན་ཀྱང་ཐབས་ཤིག་བཤམས་ལ་བཟའོ་སྙམ་ནས། དེ་འཇབ་ཅིང་འཇབ་ཅིང་བྱི་བ་རྣམས་བཙལ་བར་བརྩམས་ཏེ། དེས་བཙལ་བ་ན་བྱི་བ་ལྔ་བརྒྱའི་ཚོགས་ཡོད་པར་ཤེས་ནས། དེ་བྱི་བ་དེ་རྣམས་ཀྱི་ཁུང་བུ་དང་ཧ་ཅང་ཡང་མི་རིང་བ་ཞིག་ཏུ་ངན་གཡོའི་དཀའ་ཐུབ་ཀྱིས་དཀའ་ཐུབ་བྱེད་པ་ན། བྱི་བ་རྣམས་ཕན་ཚུན་འཁྱམ་པས་སྤྱོད་ལམ་ཞི་བས་གནས་པ་དེ་མཐོང་ནས་དེ་རྣམས་ཀྱིས་
Nga357a
༄#། །རྒྱང་རིང་པོར་འདུག་ནས་སྨྲས་པ། ཞང་པོ་ཅི་བྱེད། དེས་སྨྲས་པ། ཁོ་བོ་གཞོན་པའི་གནས་སྐབས་ན་བསོད་ནམས་མ་ཡིན་པ་མང་དུ་བྱས་པས། དེ་ཟད་པར་བྱ་བའི་ཕྱིར་དཀའ་ཐུབ་སྤྱོད་དོ། །དེ་རྣམས་ཀྱིས་འདིས། དམ་པ་མ་ཡིན་པའི་ཆོས་སྡིག་པ་སྤངས་སོ་ཞེས་དེ་ལ་ཆོས་ཀྱི་རྒྱུ་ལས་བྱུང་བའི་དད་པ་སྐྱེས་པར་གྱུར་ཏོ། །དེ་རྣམས་དེ་ལ་ཉི་མ་རེ་རེ་ཞིང་བསྐོར་བ་བྱས་ནས་ཁུང་དུ་འཇུག་པ་ན། དེས་དེ་རྣམས་ཀྱི་ནང་གི་ཐ་མ་བཟུང་ཞིང་བཟུང་ཞིང་ཟའོ། །ཇི་ཙམ་ན་ཚོགས་དེ་འགྲིབས་ནས་ཚོགས་ཀྱི་དཔོན་པོས་བསམས་པ། བདག་གི་བྱི་བ་རྣམས་ནི་ཉུང་བར་གྱུར་ལ། བྱི་ལ་འདི་ནི་ཉམ་སྐྱེས་པར་གྱུར་པས། འདི་ལ་རྒྱུ་ཞིག་ཡོད་པར་འགྱུར་རོ་སྙམ་ནས། དེས་བྱི་ལ་དེ་ལ་བརྟག་པར་བརྩམས་པ་དང ། ཇི་ཙམ་ན་རྟུག་པ་སྤུ་ཅན་དུ་མཐོང་ནས། དེས་བསམས་པ། གདོན་མི་ཟ་བར་འདིས་བྱི་བ་རྣམས་བསད་པར་གྱུར་གྱིས། མ་ལ་བདག་གིས་འདི་མངོན་སུམ་དུ་བབ་པར་བྱའོ་སྙམ་ནས། དེས་དེ་མི་མངོན་པའི་ས་ནས་བརྟག་པ་ལྷུར་ལེན་ཅིང་གནས་པ་ན། ཇི་ཙམ་ན་དེས། དེ་ཐ་མའི་བྱི་བ་ཟ་བ་མཐོང་ནས། དེ་དེ་ལོགས་སུ་སོང་སྟེ་རྒྱང་རིང་པོར་འདུག་ནས་ཚིགས་སུ་བཅད་དེ་སྨྲས་པ། ཞང་པོའི་ཡན་ལག་རྒྱས་གྱུར་ཅིང ། བདག་གི་ཚོགས་ནི་འགྲིབས་གྱུར་ལ། །འབྲས་བུ་རྩ་བ་ཟ་བ་ཡི། །རྟུག་པ་སྤུ་ཅན་མི་འབྱུང་བས། །དཀའ་ཐུབ་འདི་ཆོས་དཀའ་ཐུབ་མིན། །དཀའ་ཐུབ་འདི་ནི་དོན་ཕྱིར་ཏེ། །བྱི་བ་རྣམས་ནི་འགྲིབས་འགྱུར་པས། །མེ་སྐྱེས་ཁྱོད་ནི་བཀྲ་ཤིས་ཤོག་།དགེ་སློང་དག་
Nga357b
ཇི་སྙམ་དུ་སེམས། དེའི་ཚེ་དེའི་དུས་ཀྱི་བྱི་ལ་མེ་སྐྱེས་ཞེས་བྱ་བ་གང་ཡིན་པ་ནི། ལྷ་སྦྱིན་ཡིན་ཏེ། དེ་ན་ཡང་འདིས་ཆོས་ལྟ་བུའི་སྒོ་ནས་བྱི་བ་རྣམས་ཟོས་སོ། ད་ལྟར་ཡང་འདིས་ཆོས་ལྟ་བུའི་སྒོ་ནས་འཇིག་རྟེན་བསླུས་སོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ། །སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱི་གཟིགས་པའི་རྗེས་སུ་མཐུན་པར་གྱུར་པ་གང་ལགས་པ་དེ་དག་བདེ་བ་དང་ལེགས་པར་འཁོར་བའི་འབྲོག་དགོན་པ་ལས་རྒྱལ་ཅིང ། ལྷས་བྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ལགས་པ་དེ་དག་ནི་ཚུལ་མ་ལགས་པས་སྡུག་བསྔལ་བར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི། བདེ་བ་དང་ལེགས་པར་འབྲོག་དགོན་པ་ལས་ཐར་ལ། ལྷས་བྱིན་གྱི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་པ་གང་ཡིན་པ་དེ་ཉོན་ཅིག་།དགེ་སློང་དག་སྔོན་བྱུང་བ། ཚོང་དཔོན་གཉིས་ཤིག་ཤིང་རྟ་ལྔ་བརྒྱ་ལྔ་བརྒྱ་དང་ལྷན་ཅིག་ཚོང་སྒྱུར་ཞིང་དགོན་པའི་ལམ་ཞིག་ཏུ་ཞུགས་ཏེ། དེ་གཉིས་དགོན་པའི་ལམ་ཞིག་ཏུ་ཕྱིན་ནས། གླང་རྣམས་རེས་འགའ་ནི་རྩཝ་ཉུང ། རེས་འགའ་ནི་ཆུ་ཉུང །
Nga358a
༄#། །རེས་འགའ་ནི་མེད་དོ། །དེ་ནས་ཚོང་པ་དེ་གླང་རྣམས་དང་བཅས་ཏེ་ལྷག་པར་དུབ་པས་སྡུག་བསྔལ་གྱིས། དགོན་པའི་ལམ་དུ་ཞུགས་པ་ལས་ཕྱོགས་ཤིག་ན་གསིང་མ་དང ། ཆུ་ཕུན་སུམ་ཚོགས་པ་མཐོང་ནས་ཚོང་པ་རྣམས་ཀྱི་དེར་གླང་རྣམས་བཏང ། རང་རང་ཁྲུས་བྱས་ནས་ཆུ་མང་དུ་འཐུངས་སོ། །དེ་ནས་གླང་ཆུ་ཉུངས་པ་དང་རྩཝ་ཉུངས་པས་ཡོངས་སུ་དུབ་པ་དེ་རྣམས་ཀྱིས་རྩཝ་འགྲངས་བར་ཟོས་ཆུ་འཐུངས་ཏེ་ངལ་སོས་པ་དང ། དེ་རྣམས་ཀྱི་ནང་ན་གླང་གཙོ་བོ་གང་ཡིན་པ་དེས་དེ་རྣམས་ལ་ཤེས་པར་བྱས་པ། ཤེས་ལྡན་དག་བདག་ཅག་རྩཝ་ཉུང་ངུ་དང་ཆུ་ཉུང་ཡོངས་སུ་དུབ་པ་ལས། ཕྱོགས་འདི་ནི་གསིང་མ་དང ། ཆུ་ཕུན་སུམ་ཚོགས་པ་ཡིན་གྱི་གལ་ཏེ་ཁྱེད་ཅག་འདོད་ན།་འདི་ཉིད་དུ་ཐེན་ཏེ་འདུག་པར་བྱའོ། །གླང་གཙོ་བོ་ཅིག་ཤོས་ཀྱིས་རང་གི་ཚོགས་རྣམས་ལ་སྨྲས་པ། ཤེས་ལྡན་དག་མི་རྣམས་ནི་མཐུ་དང་ལྡན་ཞིང་གདུལ་དཀའ་བ་འདུལ་བར་བྱེད་པ་ཡིན་གྱིས་གནོད་པ་འཐོབ་པར་འགྱུར་དུ་འོངས་བས། བདག་ཅག་ཁལ་ཇི་ལྟར་བཀལ་བ་དེ་བཞིན་དུ་ཁྱེར་ཅིག་།དེ་སྐད་ཅེས་སྨྲས་པ་དང ། གླང་གཙོ་བོ་ཅིག་ཤོས་ཁྲོས་ནས། རང་གི་ཚོགས་རྣམས་ལ་སྨྲས་པ། ཤེས་ལྡན་དག་ཟླ་བའི་རྒྱབ་སུས་མཐོང ། འདི་དག་ཁལ་ཁྱེར་ལ་རག་།ཡུ་བུས་ནི་མི་བཀུར་རོ། །
Nga358b
ཇི་ཙམ་ན་ཚོང་པ་རྣམས་ཀྱིས་གླང་རྣམས་གཏང་བར་བརྩམས་པ་ན་གླང་དེ་རྣམས་ཕྱི་ལང་བྱེད་ཅིང་འདུག་པ་དང ། ཚོང་པ་རྣམས་ཀྱིས་མང་དུ་བརྡེགས་ཤིང་ལྕག་གཟེར་བུ་ཅན་གྱིས་གཞུས་པས་ཁྲག་འཛག་ཅིང་ཤིང་རྟ་དང་སྦྱར་ཏོ། །གཞན་ནི་ཅང་མི་བྱེད་པར་ཁལ་མནོས་པས་དེ་དག་ལ་ཅུང་ཟད་ཀྱང་མ་བྱས་སོ། །ལྷས་ཚིགས་སུ་བཅད་དེ་སྨྲས་པ། གླང་གིས་བ་ལང་འདི་དག་ནི། །ལོག་པ་དག་ཏུ་གཏམས་པས་ན། །རྨ་དག་འབྱུང་ཞིང་ཁྲག་འཛག་ལ། །ལྟོགས་ཤིང་སྐོམ་པར་ལྡན་པ་ལྟོས། །གླང་གིས་བ་ལང་འདི་དག་ནི།། ལེགས་པར་དག་ཏུ་གཏམས་པས་ན། །དེ་རྣམས་དགོན་པ་ལས་རྒལ་ནས། །བསིལ་བའི་ཆུ་ལ་འཐུང་བ་ལྟོས། །དགེ་སློང་དག་ཇི་སྙམ་དུ་སེམས། །དེའི་ཚེ་དེའི་དུས་ཀྱི་གླང་གཙོ་བོ་ལེགས་པར་སྟོན་པ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་གླང་གཙོ་བོ་སླུ་བར་བྱེད་པ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་ངའི་ཚིག་ཉན་པ་གང་ཡིན་པ་དེ་དག་ནི་བདེ་བ་དང ། ལེགས་པར་དགོན་པ་ལས་རྒལ་ཏོ། །ལྷ་སྦྱིན་གྱི་ཚིག་ཉན་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་ཏོ། ། ད་ལྟར་ཡང་ངའི་ལྟ་བའི་རྗེས་སུ་མཐུན་པར་གྱུར་པ་གང་ཡིན་པ་དེ་དག་ནི། བདེ་བ་དང་ལེགས་པར་འཁོར་བའི་འབྲོག་དགོན་པ་ནས་རྒལ་ཏོ། །ལྷས་བྱིན་གྱི་ལྟ་བའི་རྗེས་སུ་
Nga359a
༄#། །མཐུན་པར་གྱུར་པ་གང་ཡིན་པ་དེ་དག་ནི་ཚུལ་མ་ཡིན་པས་སྡུག་བསྔལ་བར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་བླུན་ཞིང་འཁོར་བླུན་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང ། ལྷས་བྱིན་བླུན་ཞིང་འཁོར་བླུན་པ་དེ་ཉོན་ཅིག་།དགེ་སློང་དག་སྔོན་བྱུང་བ་དགོན་པའི་གནས་ཞིག་ན། སྤྲེའུའི་ཚོགས་ཤིག་གནས་ཏེ། དེ་འཁྱམས་པ་ན་ཁྲོན་པར་ཟླ་བའི་གཟུགས་བརྙན་ཤར་བ་མཐོང་ནས། ཚོགས་ཀྱི་དཔོན་པོས་སྨྲས་པ། ཤེས་ལྡན་ལྡན་དག་ཟླ་བ་ཁྲོན་པར་ལྷུང་གིས་འཇིག་རྟེན་ཟླ་བ་མེད་པར་བྱའམ་ཅི་དབྱུང་ངོ་།དེ་རྣམས་ཀྱིས་སྨྲས་པ། ལེགས་ཀྱིས་དབྱུང་ངོ ། །དེ་རྣམས་ཀྱིས་གྲོས་བྱ་བར་བརྩམས་པ། དེ་ཇི་ལྟར་དབྱུང་བར་བྱ། །གཞན་དག་གིས་སྨྲ་བ། དེ་ཅི་མི་ཤེས་སམ། སྤྲེའུ་བརྒྱུས་ལ་དབྱུང་མོད་ཅེས་དེ་རྣམས་ཀྱིས་སྤྲེའུ་བརྒྱུས་ཏེ། དང་པོ་པས་ཤིང་གི་ཡལ་ག་ལ་འཇུས་ནས་དེའི་མཇུག་མ་ལ་གཞན་གྱིས་འཇུས་ཤིང ། དེ་ལ་གཞན་གྱིས་འཇུས་ཏེ། དེ་བཞིན་དུ་ཐམས་ཅད་འཇུས་པས་ཡལ་ག་ལྷགས་པར་གཡུར་
Nga359b
ཟོས་སོ། །ཆུ་ཀློངས་པ་དང ། ཟླ་བའི་གཟུགས་བརྙན་ཡང་མི་མངོན་པར་གྱུར། ཡལ་ག་ཡང་ཆག་ནས་ཐམས་ཅད་ཁྲོན་པར་ལྷུང་སྟེ། ཚུལ་མ་ཡིན་པས་སྡུག་བསྔལ་བར་གྱུར་ཏོ། །ལྷས་ཚིགས་སུ་བཅད་དེ་སྨྲས་པ། འདི་ན་བླུན་པོ་གང་དག་ལ། །འདྲེན་པ་བླུན་པོ་ཡོད་གྱུར་པ། །དེ་དག་ཐམས་ཅད་བརླག་འགྱུར་ཏེ། །ཟླ་བ་འབྱིན་པའི་སྤྲེའུ་བཞིན། ། དགེ་སློང་དག་ཇི་སྙམ་དུ་སེམས། །དེའི་ཚེ་དེའི་དུས་ཀྱི་སྤྲེའུའི་ཚོགས་ཀྱི་དཔོན་པོ་གང་ཡིན་པ་དེ་ནི་ལྷས་བྱིན་ཉིད་ཡིན་ཏེ། དེ་ན་ཡང་འདི་བླུན་ཞིང་འཁོར་བླུན་པ་ཡིན་ནོ། །ད་ལྟར་ཡང་འདི་བླུན་ཞིང་འཁོར་ཡང་བླུན་པ་ཡིན་ནོ། །སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། དེ་བཞིན་གཤེགས་པ་ཉིད་ཀྱིས་ལས་བྱས་ཤིང་ཚོགས་རྙེད་པ་རྐྱེན་ཡོངས་སུ་བསྒྱུར་བ། །འོད་པ་བཞིན་དུ་ཉེ་བར་གནས་པ་གདོན་མི་ཟ་བར་འབྱུང་བར་འགྱུར་བའི་ལས་དག་བྱས་ཤིང་བསགས་པས་ང་ཉིད་ཀྱིས་ལས་བྱས་ཤིང་བསགས་པ་དག་གཞན་སུ་ཞིག་གིས་སོ་སོར་མྱོང་བར་འགྱུར། །ལས་བྱས་ཤིང་བསགས་པ་དག་ནི། ཕྱི་རོལ་གྱི་སའི་ཁམས་ལ་རྣམ་པ་སྨིན་པར་མི་འགྱུར་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །གདོན་མི་ཟ་བར་ལྷས་བྱིན་
Nga360a
༄#། །གྱིས་དེ་བཞིན་གཤེགས་པའི་དགེ་འདུན་འབྱེད་པར་འགྱུར་རོ། །རྒྱུ་ལྔས་ན་དགེ་འདུན་བྱེ་བར་མི་འགྱུར་ཏེ། རེ་ཞིག་དང་པོར་སངས་རྒྱས་འཇིག་རྟེན་དུ་འབྱུང་བའི་ཚེ། དགེ་འདུན་བྱེ་བར་མི་འགྱུར་ཏེ། ཀྱེ་མའོ་གྲོགས་པོ་དག་།སངས་རྒྱས་འཇིག་རྟེན་དུ་བྱུང་ཞེས་གྲག་གོ་ཞེས་འཇིག་རྟེན་དེ་ལ་ཕྱོགས་པས་སོ། །སྟོན་པ་ཡོངས་སུ་མྱ་ངན་ལས་འདས་ན། དགེ་འདུན་བྱེ་བར་མི་འགྱུར་ཏེ། གང་ལ་ལ་ཞིག་འདི་སྐད་དུ། ང་ཉིད་སྟོན་པ་ཡིན་ནོ་ཞེས་ཟེར་ན། དེ་ལ་གང་གི་ཚེ་བཅོམ་ལྡན་འདས་ཞལ་བཞུགས་ཤིང་འཚོ་ལ་གཞེས་པ་དེའི་ཚེ་ཁྱོད་གར་སོང་ཞེས་བརྗོད་པར་ཟད་པས་སོ། །ལྟ་བའི་ཉེས་པ་དང ། ཚུལ་ཁྲིམས་ཀྱི་ཉེས་པའི་ཉེས་པ་མ་བྱུང་བའི་ཚེ་དང ། ཉན་ཐོས་ཟུང་མཆོག་ཏུ་མ་བསྟན་པའི་ཚེ་དགེ་འདུན་བྱེ་བར་མི་འགྱུར་ཏེ། ཅིའི་ཕྱིར་ཞེ་ན། དགེ་འདུན་བྱེ་བ་གདོན་མི་ཟ་བར་ཉན་ཐོས་ཟུང་གིས་སྡུམ་པར་བྱེད་པས་སོ། །མཚམས་མ་བཅད་པ་ན་དགེ་འདུན་བྱེ་བར་མི་འགྱུར་ཏེ། དེ་ཅིའི་ཕྱིར་ཞེ་ན། མཚམས་ཀྱི་ནང་དུ་དགེ་འདུན་འབྱེད་པར་འགྱུར་གྱི་མཚམས་ཀྱི་ཕྱི་རོལ་དུ་ནི་མ་ཡིན་ནོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ངའི་དགེ་སློང་གི་དགེ་འདུན་སྐྱོན་མེད་པ་ལས་ཚུལ་ཁྲིམས་ཀྱི་སྐྱོན་དང་ལྟ་བའི་སྐྱོན་གྱི་སྐྱོན་བྱུང་སྟེ། ཚུལ་ཁྲིམས་ཀྱི་སྐྱོན་ནི་ཀ་ལ་ན་ད་ཀའི་བུ་བཟང་སྦྱིན་ལས་བྱུང་
Nga360b
ངོ། །ལྟ་བའི་སྐྱོན་ཡང་དགེ་སློང་འཆི་ལྟས་ཀྱིས་ཕྱུང་བས། གདོན་མི་ཟ་བར་ལྷས་བྱིན་གྱིས་དགེ་འདུན་འབྱེད་པར་འགྱུར་གྱིས་མ་ལ་ང་རྒྱལ་པོའི་ཁབ་ཏུ་དབྱར་བཞུགས་པར་དམ་བཅའོ་སྙམ་མོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། སློབ་པ་དང ། མི་སློབ་པའི་གང་ཟག་རྣམས་དང་ཐབས་ཅིག་རྒྱལ་པོའི་ཁབ་ཏུ་གཤེགས་ན། ལྷས་བྱིན་གྱིས་དགེ་འདུན་གྱི་དབྱེན་བྱ་བར་མི་ནུས་ཀྱིས། མ་ལ་ང་སོ་སོའི་སྐྱེ་བོ་དགེ་བའི་གང་ཟག་རྣམས་དང་ཐབས་ཅིག་འགྲོའོ་སྙམ་སྟེ། མཉན་ཡོད་དུ་ཇི་ཙམ་བཞེད་ཀྱི་བར་དུ་བཞུགས་ནས། རིམ་གྲོ་བྱེད་པ་ཚེ་དང་ལྡན་པ་སྒྲ་གཅན་ཟིན་དང ། དགེ་སློང་ལྔ་བརྒྱ་དང་ཐབས་ཅིག་ཏུ་རྒྱལ་པོའི་ཁབ་གང་ན་བ་དེར་རྒྱུ་ཞིང་གཤེགས་ཏེ། རིམ་གྱིས་རྒྱུ་ཞིང་གཤེགས་པ་ན་རྒྱལ་པོའི་ཁབ་ཏུ་བྱོན་ཏོ།། །།འདུལ་བ་གཞི། བམ་པོ་བརྒྱ་ལྔ་པ། སངས་རྒྱས་བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་བྱ་ཀ་ལན་ད་ཀ་གནས་པར་དབྱར་བཞུགས་པར་ཞལ་གྱིས་བཞེས་སོ། །དེའི་ཚེ་མུ་གེ་ཉམ་ང་བ་དགོན་པ་སློང་མོ་བས་ཟས་རྙེད་པར་དཀའ་བ་བྱུང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ད་ང་དབྱར་གྱི་ཟླ་བ་གསུམ་པོ་འདི་ལན་ནང་དུ་ཡང་དག་པར་འཇོག་པར་བཞེད་ཀྱིས། །བསོད་སྙོམས་སྟོབས་པ་དང ། གསོ་སྦྱོང་དེ་ཉིད་ཀྱི་ཚེ་མ་གཏོགས་པ། དགེ་སློང་དག་སུ་ཡང་ངའི་
Nga361a
༄#། །སྤྱན་སྔར་མ་འོངས་ཤིག་།དགེ་སློང་གི་དགེ་འདུན་གྱིས་ཀྱང་ཁྲིམས་སུ་བཅས་པ། ཚེ་དང་ལྡན་པ་དག་དབྱར་གྱི་ཟླ་བ་གསུམ་པོ་འདི་ལ་བསོད་སྙོམས་སྟོབས་པ་དང ། གསོ་སྦྱོང་དེ་ཉིད་ཀྱི་ཚེ་མ་གཏོགས་པ་བཅོམ་ལྡན་འདས་ལ་བལྟ་བའི་ཕྱིར་བདག་ཅག་སུ་ཡང་འགྲོ་བར་མི་བྱའོ་ཞེས་བཅས་སོ། །དེའི་ཚེ་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གཉིས་ནི་ལྷོ་ཕྱོགས་ཀྱི་རི་ལ་དབྱར་གནས་པར་དམ་བཅས་སོ། །ལྷས་སྦྱིན་གྱིས་ཟླ་བ་གསུམ་དུ་དགེ་སློང་གི་དགེ་འདུན་ལ་ཆོས་གོས་དང་བསོད་སྙོམས་དང ། གནས་མལ་དང ། ནད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བསྟབས་ཏེ། ཟླ་བ་གསུམ་འདས་པ་དང ། དེས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་དགེ་སྦྱོང་གོའུ་ཏ་མ་ནི་ཉན་ཐོས་རྣམས་ལ་འདི་སྐད་ཅེས་དགེ་སློང་དགོན་པ་པ་ཉིད་ཀྱིས་ནི་དག་པ་དང ། གྲོལ་བ་དང ། ངེས་པར་འབྱུང་བ་དང ། བདེ་བ་དང ། སྡུག་བསྔལ་ལས་འདའ་བ་དང ། བདེ་བ་དང ། སྡུག་བསྔལ་ལས་འདས་པ་ཡང་ཐོབ་པར་འགྱུར་རོ། །བསོད་སྙོམས་པ་ཉིད་དང ། ཕྱག་དར་ཁྲོད་པ་ཉིད་དང ། ཆོས་གོས་གསུམ་པ་ཉིད་དང ། བླ་གབ་མེད་པ་ཉིད་ཀྱིས་ནི་དག་པ་དང ། གྲོལ་བ་དང ། ངེས་པར་འབྱུང་བ་དང ། བདེ་བ་དང ། སྡུག་བསྔལ་ལས་འདའ་བ་དང ། བདེ་བ་དང ། སྡུག་བསྔལ་
Nga361b
ལས་འདས་པ་ཐོབ་པར་འགྱུར་རོ་ཞེས་ཆོས་འཆད་ཀྱིས། ཚེ་དང་ལྡན་པ་དག་གང་སུ་དག་བརྟུལ་ཞུགས་ཀྱི་གཞི་ལྔ་པོ་འདི་དག་མི་འདོད་པ་དང ། མི་བཟོད་པ་དང ། ཡིད་ལ་མི་འབབ་བ་དེ་ནི་དགེ་སྦྱོང་གོའུ་ཏ་མ་ལས་རིང་དུ་འགྱུར། ཐག་རིང་དུ་འགྱུར་གྱིས། དེ་ཚུལ་ཤིང་ལོང་ཞིག་ཅེས་བྱས་པ་དང ། དགེ་སློང་ལྔ་བརྒྱས་ཚུལ་ཤིང་བླངས་ཏེ། ལྷས་བྱིན་སྟན་ལས་ལངས་ཏེ་སོང་བའི་རྗེས་བཞིན་རྗེས་བཞིན་དུ་དགེ་སློང་ལྔ་བརྒྱ་འབྲང་ངོ ། །ཚེ་དང་ལྡན་པ་སྒྲ་གཅན་ཟིན་སྒོ་ན་འདུག་པ་དེས་དེ་དག་ལྷ་སྦྱིན་གྱི་རྗེས་བཞིན་རྗེས་བཞིན་དུ་འབྲང་བ་མཐོང་ནས་དེས་སྨྲས་པ།་ཚེ་དང་ལྡན་པ་དག་ཅིའི་ཕྱིར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤངས་ཏེ། སྡིག་པ་འདོད་པ་འདིའི་རྗེས་བཞིན་རྗེས་བཞིན་འབྲང ། དེ་རྣམས་ཀྱིས་སྨྲས་པ། ཚེ་དང་ལྡན་པ་སྒྲ་གཅན་ཟིན་མུ་གེའི་དགོན་པ་ཉམ་ང་བ་འདི་འདྲ་བ་བྱུང་བ་ན་བཅོམ་ལྡན་འདས་ནི་མི་སྣང་བ་ན་བཞུགས་ཏེ། བདག་ཅག་ལྷས་བྱིན་གྱིས་མཐུས་སྲོག་དང་མ་བྲལ་མོད། གལ་ཏེ་ལྷས་བྱིན་གྱིས་ཟླ་བ་གསུམ་དུ་དགེ་སློང་གི་དགེ་འདུན་མ་གསོས་པར་གྱུར་ན། དགེ་སློང་གཅིག་ཀྱང་གསོན་པོར་མི་འགྱུར་རོ། །གང་གི་ཚེ་ལྷས་བྱིན་གྱིས་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་མཐུན་པ་ཕྱེ་བ་དེའི་ཚེ། ས་ཆེན་པོ་འདི་གཡོས་པར་གྱུར། སྐར་མདའ་ལྟུང ། ཕྱོགས་རྣམས་དམར་པོར་གྱུར། བར་སྣང་ལ་ལྷ་རྣམས་
Nga362a
༄#། །རྔའི་སྒྲ་འབྱིན། ངེས་པ་ལ་མ་ཞུགས་པ་རྣམས་ངེས་པ་ལ་མི་འཇུག་།འབྲས་བུ་མི་འཐོབ། འདོད་ཆགས་དང་བྲལ་བར་མི་འགྱུར། ཟག་པ་རྣམས་ཟད་པར་མི་འགྱུར། ལུང་མི་འབོགས་མི་ཀློག་མི་འདོན། མདོ་སྡེ་དང ། འདུལ་བ་དང ། ཆོས་མངོན་པ་འཛིན་པ་དང ། དགོན་པ་པ་རྣམས་མདོ་སྡེ་དང ། འདུལ་བ་དང ། ཆོས་མངོན་པ་དགོན་པར་སེམས་པ་ལ་རབ་ཏུ་སྦྱོར་བར་མི་བྱེད། ཉན་ཐོས་ཀྱི་བྱང་ཆུབ་ཀྱི་ས་བོན་སྐྱེད་པར་མི་བྱེད་ཅིང ། རང་སངས་རྒྱས་ཀྱི་བྱང་ཆུབ་ཀྱི་མ་ཡིན་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་མ་ཡིན་ནོ། །ལྷ་དང་མིར་བཅས་པའི་འགྲོ་བ་ཡང་འཁྲུགས་པར་གྱུར་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཆོས་ཀྱི་འཁོར་ལོ་རྒྱུན་ཆད་དེ། སེམས་ཅན་གྱི་རྒྱུད་ལ་མི་འབྱུང་ངོ ། །ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུས་བསམས་པ། ཅིའི་ཕྱིར་ས་ཆེན་པོ་འདི་གཡོས་པར་གྱུར་སྙམ་མོ། །དགྲ་བཅོམ་པ་རྣམས་ནི་མ་བསམས་པར་ཤེས་པ་མཐོང་བ་མི་འཇུག་པས་དེ་གཉིས་ཀྱིས་བསམས་པ་ལ་ཞུགས་ན། ལྷས་བྱིན་གྱིས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ཕྱེ་བར་མཐོང་ནས། དེ་གཉིས་འདི་སྙམ་དུ་སེམས་ཏེ། སོང་ལ་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་དང་སླར་སྡུམས་བྱའོ་སྙམ་མོ། །དེ་ནས་ཚེ་དང་ལྡན་པ་ཤཱ་རིའི་བུ་
Nga362b
དང ། མོའུ་དགལ་གྱི་བུ་ཆེན་པོ་དབྱར་གྱི་ཟླ་བ་གསུམ་པོ་དག་འདས་ནས་ཆོས་གོས་བྱས་པ་དང་ལྡན། ཆོས་གོས་ཟིན་པ་དང་ལྡན་ནས། ཆོས་གོས་དང་ལྷུང་བཟེད་ཐོགས་ཏེ། རྒྱལ་པོའི་ཁབ་གང་ན་བ་དེར་རྒྱུ་ཞིང་དོང་ནས་རིམ་གྱིས་རྒྱུ་ཞིང་དོང་བ་དང ། རྒྱལ་པོའི་ཁབ་ཏུ་ཕྱིན་ཏོ། །དེ་ནས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུས་ཆོས་གོས་དང ། ལྷུང་བཟེད་མཁོས་སུ་ཕབ་ནས། རྐང་པ་གཉིས་བཀྲུས་ཏེ། བཅོམ་ལྡན་འདས་གང་ན་བ་དེར་དོང་ངོ ། །དེའི་ཚེ་ཚེ་དང་ལྡན་པ་སྒྲ་གཅན་ཟིན་སྒོ་ན་འདུག་གོ། དེ་ནས་ཚེ་དང་ལྡན་པ་སྒྲ་གཅན་ཟིན་གྱིས་ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་སྨྲས་སོ། །མཁན་པོ། ལྷས་བྱིན་གྱིས་བཅོམ་ལྡན་འདས་ཀྱིས་ཉན་ཐོས་ཀྱི་དགེ་འདུན་ཕྱེའོ། །དེས་སྨྲས་པ། ཚེ་དང་ལྡན་པ། བདག་ཅག་དོན་འདི་ཁོ་ནའི་ཕྱིར་འོངས་ཀྱིས་ཁྱོད་སེམས་ལས་ཆུང་ངུར་གྱིས་ཤིག་།སླར་སྡུམས་བྱའོ་ཞེས་སྨྲས་ནས། བཅོམ་ལྡན་འདས་ཀྱི་སྤྱན་སྔར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུས་འདི་སྐད་ཅེས་གསོལ་ཏོ། །བཙུན་པ་བདག་ཅག་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་བ་སླར་སྡུམས་བགྱིད་དུ་མཆིའོ། །བཅོམ་ལྡན་འདས་ཀྱིས་བཀའ་སྩལ་པ།
Nga363a
༄#། །ཤཱ་རིའི་བུ་དང་མོའུ་དགལ་གྱི་བུ་དག་ལེགས་སོ་ཞེས་སོ། །གང་ཞིག་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་བ་སླར་སྡུམས་བྱེད་པ་དེ་ནི་བསོད་ནམས་མང་པོ་ཚད་མེད་ཅིང་གྲངས་མེད་པ་སྐྱེད་པར་འགྱུར་རོ། །དཔེར་ན་འགའ་ཞིག་གིས་སྐྲ་དུམ་བུ་བརྒྱར་གཏུབས་པ་འཕྲོ་དང་འཕྲོར་སྦྱོར་བར་བྱེད་པ་དེ་བཞིན་དུ་གང་ཞིག་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་བ་སླར་སྡུམས་བྱེད་ན་དེ་ནི་བསོད་ནམས་མང་པོ་ཚད་མེད་ཅིང་གྲངས་མེད་པ་སྐྱེད་པར་འགྱུར་རོ། །ཤཱ་རིའི་བུ་དང་མོའུ་དགལ་གྱི་བུ། གང་ཟག་བཞི་པོ་འདི་དག་ནི་ཚངས་པའི་བསོད་ནམས་སྐྱེད་པར་འགྱུར་རོ། །བཞི་གང་ཞེ་ན། གང་ཟག་གང་ཞིག་སྔོན་མི་བཞུགས་པའི་ས་ཕྱོགས་སུ་དེ་བཞིན་གཤེགས་པའི་སྐུ་གདུང་གི་མཆོད་རྟེན་གནས་པར་བྱེད་པ་འདི་ནི་ཚངས་པའི་བསོད་ནམས་སྐྱེད་པའི་གང་ཟག་དང་པོ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར་རོ། །གཞན་ཡང་གང་ཟག་གང་ཞིག་སྔོན་མེད་པའི་ས་ཕྱོགས་སུ་ཕྱོགས་བཞིའི་དགེ་སློང་གི་དགེ་འདུན་གྱི་གཙུག་ལག་ཁང་བྱེད་དུ་འཇུག་པ་འདི་ནི་ཚངས་པའི་བསོད་ནམས་སྐྱེད་པའི་གང་ཟག་གཉིས་པ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར་རོ། །གཞན་ཡང་གང་ཟག་གང་ཞིག་དེ་བཞིན་གཤེགས་པའི་ཉན་ཐོས་ཀྱི་དགེ་འདུན་བྱེ་བ་སླར་སྡུམས་བྱེད་པ་འདི་ནི་ཚངས་པའི་བསོད་
Nga363b
ནམས་སྐྱེད་པའི་གང་ཟག་གསུམ་པ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར། གཞན་ཡང་གང་ཟག་གང་ཞིག་བྱམས་པ་དང་ལྡན་པའི་སེམས་ཁོ་ན་མེད་པ། འགྲན་ཟླ་མེད་པ། གནོད་པ་མེད་པ་ཡངས་པ་རྒྱ་ཆེན་པོར་གྱུར་པ། ཚད་མེད་པ་ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་ཤིང ། དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བཞི་པ་དང ། བླ་དང ། འོག་དང ། ཐད་ཀར་རྣམ་པ་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་འདི་བྱམས་པ་དང་ལྡན་པའི་སེམས་ཁོན་མེད་པ་འགྲན་ཟླ་མེད་པ། གནོད་པ་མེད་པ་ཡངས་པ་རྒྱ་ཆེན་པོར་གྱུར་པ་ཚད་མེད་པ་ཤིན་ཏུ་བསྒོམས་པས་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་པ་དང ། དེ་བཞིན་དུ་སྙིང་རྗེ་དང ། དགའ་བ་དང ། བཏང་སྙོམས་དང་ལྡན་པའི་སེམས་ཁོན་མེད་པ་འགྲན་ཟླ་མེད་པ། གནོད་པ་མེད་པ་ཡངས་པ་རྒྱ་ཆེན་པོར་གྱུར་པ་ཚད་མེད་པ་ཤིན་ཏུ་བསྒོམས་པས་ཕྱོགས་གཅིག་ཏུ་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་ཤིང་དེ་བཞིན་དུ་གཉིས་པ་དང ། དེ་བཞིན་དུ་གསུམ་པ་དང ། དེ་བཞིན་དུ་བཞི་པ་དང ། བླ་དང ། འོག་དང ། ཐད་ཀར་རྣམ་པ་ཐམས་ཅད་དང་ལྡན་པའི་འཇིག་རྟེན་འདི་བཏང་སྙོམས་དང་ལྡན་པའི་སེམས་ཁོན་མེད་པ་འགྲན་ཟླ་མེད་པ། གནོད་པ་མེད་པ། ཡངས་པ་རྒྱ་ཆེན་པོར་གྱུར་
Nga364a
༄#། །གྱུར་པ་ཚད་མེད་པ་ཤིན་ཏུ་བསྒོམས་པས་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ། གནས་པ་འདི་ནི་ཚངས་པའི་བསོད་ནམས་སྐྱེད་པའི་གང་ཟག་བཞི་པ་ཡིན་ཏེ། བསྐལ་པར་མཐོ་རིས་རྣམས་སུ་དགའ་བར་འགྱུར་རོ། །དེ་ནས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རང་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས། བཅོམ་ལྡན་འདས་ཀྱི་སྤྱན་སྔ་ནས་ཆས་ཏེ། ལྷ་སྦྱིན་གང་ན་བ་དེར་དོང་ངོ ། །དེའི་ཚེ་ལྷ་སྦྱིན་ལྷོ་ཕྱོགས་ཀྱི་རི་ལ་ཀོ་ཀ་ལི་ཀ་ནི་དེའི་གཡས་ཕྱོགས་སུ་བཞག་།ཁན་ད་དྲབ་བྱ་ནི་གཡོན་དུ་བཞག་ནས་སངས་རྒྱས་ལྟར་འཆོས་ཤིང ། ཆོས་འཆད་པ་ན། ལྷ་སྦྱིན་གྱིས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་རྒྱང་རིང་པོ་ཁོ་ན་ནས་མཐོང་ངོ ། །མཐོང་ནས་ཀྱང་བསམས་པ། བདག་གིས་ཉན་ཐོས་ཆེན་པོ་དག་ཀྱང་དབང་དུ་བྱས་པས། ད་ནི་བདག་ཐམས་ཅད་མཁྱེན་པ་ཡིན་ནོ་སྙམ་ནས་ཀོ་ཀ་ལི་ཀ་དང ། ཁན་ད་དྲབ་བྱ་ལ་ལོངས་ཤིག་ལོངས་ཤིག་ཅེས་གྲུ་ཕུགས་བྱས་པ་དང ། དེ་གཉིས་ཀྱིས་བསམས་པ། བདག་ཅག་གིས་འདི་ལྟར་འདི་དགེ་འདུན་འབྱེད་པའི་གྲོགས་བྱས་པ་དེ་ཉིད་བདག་ཅག་གིས་ཉེས་ཏེ། འདི་མཐུ་དང་ལྡན་པ་ཡིན་པས་
Nga364b
གལ་ཏེ་བདག་ཅག་བརྡེགས་ན་གདོན་མི་ཟ་བར་འཆི་བར་འགྱུར་གྱིས་ལྡང་ངོ་སྙམ་ནས། དེ་གཉིས་ལངས་པ་དང ། ཚེ་དང་ལྡན་པ་ཤཱ་རིའི་བུ་ནི་གཡས་ཕྱོགས་སུ་འདུག་གོ་།ཚེ་དང་ལྡན་པ་མོའུ་དགལ་གྱི་བུ་ཆེན་པོ་ནི་གཡོན་ཕྱོགས་སུ་འདུག་གོ་།དེ་ནས་ལྷ་སྦྱིན་གྱིས་ཚེ་དང་ལྡན་པ་ཤཱ་རིའི་བུ་ལ་སྨྲས་པ། ཤཱ་རིའི་བུ་ང་རྒྱབ་ན་ཐུགས་མི་བདེ་སྟེ་རེ་ཞིག་དེ་བསལ་གྱིས་ཁྱོད་དགེ་སློང་རྣམས་ལ་ཆོས་ཀྱི་གཏམ་སྤོབས་པར་གྱིས་ཤིག་།ཚེ་དང་ལྡན་པ་ཤཱ་རིའི་བུས་ཅང་མི་སྨྲ་བས་ལྷ་སྦྱིན་ལ་ཁས་བླངས་སོ། །དེ་ནས་ལྷ་སྦྱིན་བླ་གོས་བཞི་བལྟབ་ཏུ་བཏིང ། སྣམ་སྦྱར་བཏབ་སྟེ་སྔས་སུ་བཅུག་ནས་གློ་གཡས་པ་ཕབ་སྟེ་གཉིད་ལོག་པ་ལས། ཚེ་དང་ལྡན་པ་ཤཱ་རིའི་བུས། ཇི་ལྟར་ལུས་གན་རྐྱན་གྱིས་སྔུར་བའི་སྒྲ་འབྱིན་ཅིང་འདུག་པ་དེ་ལྟ་བུར་བྱིན་གྱིས་བརླབས་སོ། །དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་སྟོན་པ་ལུས་གན་རྐྱལ་གྱིས་སྔུར་ཅིང་གཉིད་ལོག་པའི་གནས་སྐབས་ལ་ལྟོས། དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མོའུ་དགལ་གྱི་བུ་ཆེན་པོ་འཁོར་རྣམས་སྐྱོ་བ་སྐྱེད་ཅིག་།དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ཇི་ལྟར་སེམས་མཉམ་པར་བཞག་ན། ཤར་ཕྱོགས་ཀྱི་སྟེང་གི་ནམ་མཁའ་ལ་མངོན་པར་འཕགས་ནས། སྤྱོད་ལམ་རྣམ་པ་བཞི་བྱེད་དེ་འཆག་པ་དང་
Nga365a
༄#། །འགྲེང་བ་དང ། འདུག་པ་དང་ཉལ་བར་བྱེད་དོ། །མེའི་ཏིང་ངེ་འཛིན་ལ་སྙོམས་པར་འཇུག་སྟེ། མེའི་ཏིང་ངེ་འཛིན་ལ་སྙོམས་པར་ཞུགས་པ་ན་ཚེ་དང་ལྡན་པ་མོའུ་དགལ་གྱི་བུ་ཆེན་པོའི་ལུས་ལས་འོད་ཟེར་སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། བཙོད་ཀ་དང ། ཤེལ་གྱི་ཁ་དོག་དག་འབྱིན་པར་བྱེད་དོ། །ཆོ་འཕྲུལ་ཟུང་དུ་ཡང་སྟོན་པར་བྱེད་དེ། ལུས་ཀྱི་སྨད་ནས་མེ་འབར་བར་བྱེད་ཅིང་ལུས་ཀྱི་སྟོད་ནས་ཆུ་གྲང་མོའི་རྒྱུན་འབེབས་པར་བྱེད་དོ། །ལུས་ཀྱི་སྟོད་ནས་མེ་འབར་བར་བྱེད་ཅིང་ལུས་ཀྱི་སྨད་ནས་ཆུ་གྲང་མོའི་རྒྱུན་འབེབས་པར་བྱེད་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །ཤར་ཕྱོགས་ལ་ཇི་ལྟ་བ་བཞིན་དུ་ལྷོ་ཕྱོགས་དང ། ནུབ་ཕྱོགས་དང ། བྱང་ཕྱོགས་ལ་ཡང་དེ་བཞིན་ཏེ། ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་བསྟན་ནས་རྫུ་འཕྲུལ་གྱི་མངོན་པར་འདུ་བྱེད་པ་དེ་དག་བསྡུས་ཏེ། སྟན་བཤམས་པ་ཉིད་ལ་འདུག་པ་དང ། ཚེ་དང་ལྡན་པ་མོའུ་དགལ་གྱི་བུ་ཆེན་པོས་དགེ་སློང་རྣམས་སྐྱོ་བ་བསྐྱེད་དོ། །དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་དེ་རྣམས་ཀྱིས་གང་ཐོས་ན་ལྷ་སྦྱིན་སྤོང་བར་འགྱུར་བ་དེ་ལྟ་བུའི་ཆོས་བཤད་ནས་ཡང་སྨྲས་པ། ཚེ་དང་ལྡན་པ་དག་ཁྱེད་ཅག་ལས་གང་དག་སྟོན་པ་ལ་དགའ་བ་དེ་དག་ནི་ལོངས་ཤིག་།འདོང་ངོ་ཞེས་ཚེ་དང་ལྡན་པ་ཤཱ་རིའི་བུ་
Nga365b
དང་མོའུ་དགལ་གྱི་བུ་གཉིས་ཆས་པ་ན། དགེ་སློང་དེ་རྣམས་ཀྱང་དེའི་རྗེས་བཞིན་རྗེས་བཞིན་འབྲང་ངོ ། །ཀོ་ཀ་ལི་ཀས་ལྷ་སྦྱིན་བསླང་བ་ལོངས་ལོངས། ཉན་ཐོས་ཆེན་པོ་དག་གིས་ཁྱོད་ཀྱི་འཁོར་ཕྲོགས་སོ། །དེ་ནས་ཚེ་དང་ལྡན་པ་ཤཱ་རིའི་བུ་འདི་སྙམ་དུ་སེམས་ཏེ། གལ་ཏེ་ལྷ་སྦྱིན་གྱི་འཁོར་མ་མཐོང་བར་ཁྲིད་ན་ཁྲག་དྲོན་དུ་སྐྱུགས་ནས་འཆི་བར་འགྱུར་བའི་གནས་གང་ཡིན་པ་འདི་ཡོད་ཀྱིས་མདོར་ན་མཐོང་བ་ཁོ་ནར་བྱས་ལ་བཀྲིའོ་སྙམ་ནས། དེ་དག་དལ་གྱིས་འགྲོ་བའི་སྤྱོད་ལམ་གྱིས་དགེ་སློང་གི་དགེ་འདུན་དང་ལྷན་ཅིག་དོང་བ་ན། ལྷ་སྦྱིན་ཀུན་ནས་དཀྲིས་པ་དྲག་པོས་མིག་ལྡོག་ཅིང་བསྙགས་པ་ལས། ཚེ་དང་ལྡན་པ་ཧཱ་རིའི་བུས་འོབས་མཆོག་ཏུ་འཇིགས་སུ་རུང་བ་སའི་གཏིང་སྣང་བ་ཞིག་སྤྲུལ་པ་དང ། ལྷ་སྦྱིན། ཀོ་ཀ་ལི་ཀ་དང ། ཁན་ད་དྲབ་བྱ་དང ། ཀ་ཏ་མོར་ཀ་ཏི་ཤྱ་དང ། རྒྱ་མཚོས་བྱིན་རྣམས་དང་ལྷན་ཅིག་འོབས་དེའི་མཐའ་ཀུན་ཏུ་བསྐོར་བར་བརྩམས་པ་ན། རྒལ་མ་ནུས་ནས་དེས་བསམས་པ། འཁོར་མི་འཐོབ་པར་མ་ཟད་ཚུལ་མ་ཡིན་པར་སྡུག་བསྔལ་བར་འགྱུར་རོ་སྙམ་དུ་བསམས་ནས་སླར་ལོག་གོ་།ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུས་ཀྱང་དགེ་སློང་གི་དགེ་འདུན་ཁྲིད་ནས་བཅོམ་ལྡན་འདས་གང་ན་བ་དེར་དོང་ངོ ། །དེ་ནས་དགེ་སློང་དེ་རྣམས་བདག་ཅག་གིས་བཅོམ་ལྡན་འདས་ཡོན་ཏན་ཚད་མེད་པ་དང་ལྡན་པ་སྤངས་ནས། ལྷ་སྦྱིན་སྡིག་པ་ཅན་ལ་རྟེན་པ་ཅི་
Nga366a
༄#། །ཐ་ཚིག་ཅེས་འགྱོད་པ་སྐྱེས། ཡིད་ལ་གཅགས་པ་སྐྱེས། ཡུལ་ཡུལ་པོར་བྱས། ཕྲག་པ་བཅུམ་མགོ་སྨད་དེ། བཅོམ་ལྡན་འདས་ཀྱི་སྤྱན་སྔར་དོང་ངོ ། །དེ་ནས་བཅོམ་ལྡན་འདས་ཀྱིས་ཐུགས་ཀྱིས་དགེ་སློང་དེ་རྣམས་ཀྱི་སེམས་མཁྱེན་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་འོངས་པ་ལེགས་སོ། །རབ་ཏུ་བྱུང་བ་ལེགས་སོ། །ཁྱེད་ཀྱིས་མིའི་རྙེད་པ་ནི་ལེགས་པར་རྙེད་པ་ཡིན་ཏེ། བརྒྱ་ལམ་ན་ལན་འགའ་འཕགས་པའི་གནས་སུ་སྐྱེ་བ་དང ། དབང་པོ་མ་ཚང་བ་མ་ཡིན་པ་དང ། གླེན་པ་མ་ཡིན་པ་དང ། ལུག་ལྟར་ལྐུགས་པ་མ་ཡིན་པ་དང ། ལག་བརྡ་བྱེད་པ་མ་ཡིན་ཞིང་ལེགས་པར་སྨྲས་པ་དང ། ཉེས་པར་སྨྲས་པ་རྣམས་ཀྱི་ཆོས་ཀྱི་དོན་ཤེས་པར་ནུས། བརྒྱ་ལམ་ན་ལན་འགའ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང ། བརྒྱ་ལམ་ན་ལན་འགའ་དེ་བཞིན་གཤེགས་པས་གསུངས་པའི་ཆོས་འདུལ་བ་འཇིག་རྟེན་ལ་ཆོས་བཤད་པ་སྣང་ངོ ། །དགེ་སློང་དག་དེ་ལྟ་བས་ན་རྙེད་པར་དཀའ་བ་བས་ཀྱང་ཤིན་ཏུ་དཀའ་བ་ནི་འདི་ཡིན་ཏེ། འདི་ལྟ་སྟེ། འཕགས་པའི་གནས་སུ་སྐྱེ་བ་དང ། དབང་པོ་མ་ཚང་བ་མ་ཡིན་པ་དང ། གླེན་པ་མ་ཡིན་པ་དང ། ལུག་ལྟར་ལྐུགས་པ་མ་ཡིན་པ་དང ། ལག་བརྡ་བྱེད་པ་མ་ཡིན་ཞིང་ལེགས་པར་སྨྲས་པ་དང ། ཉེས་པར་སྨྲས་པ་རྣམས་ཀྱི་ཆོས་ཀྱི་དོན་
Nga366b
ཤེས་པར་ནུས་པའོ། །ད་ལྟར་འཇིག་རྟེན་དུ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྗེས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ང་བྱུང་ཞིང་ཆོས་བཤད་པ་དེ་ཉེ་བར་ཞི་བར་འགྱུར་བ་ཡོངས་སུ་མྱ་ངན་ལས་འདའ་བར་འགྱུར་པ་མངོན་པར་བྱང་ཆུབ་པར་འགྱུར་བ་བདེ་བར་གཤེགས་པས་རབ་ཏུ་གསུངས་པ་འདི་ལྟ་སྟེ། འདི་ཡོད་པས་འདི་འབྱུང་ལ། འདི་སྐྱེས་པས་འདི་སྐྱེ་བ། འདི་ལྟ་སྟེ་མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་རྐྱེན་གྱིས་སྐྱེ་མཆེད་དྲུག་།སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང ། མྱ་ངན་དང ། སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འབྱུང་བར་འགྱུར་ཏེ། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ལྟ་སྟེ་འདི་མེད་པས་འདི་མི་འབྱུང་ལ། འདི་འགགས་པས་འདི་འགག་པར་འགྱུར་བ་འདི་ལྟ་སྟེ། མ་རིག་པ་འགགས་པས་འདུ་
Nga367a
༄#། །བྱེད་འགག། འདུ་བྱེད་འགགས་པས་རྣམ་པར་ཤེས་པ་འགག་།རྣམ་པར་ཤེས་པ་འགགས་པས་མིང་དང་གཟུགས་འགག་།མིང་དང་གཟུགས་འགགས་པས་སྐྱེ་མཆེད་དྲུག་འགག་།སྐྱེ་མཆེད་དྲུག་འགགས་པས་རེག་པ་འགག་།རེག་པ་འགགས་པས་ཚོར་བ་འགག་།ཚོར་བ་འགགས་པས་སྲེད་བ་འགག་།སྲེད་པ་འགགས་པས་ལེན་པ་འགག་།ལེན་པ་འགགས་པས་སྲིད་པ་འགག་།སྲིད་པ་འགགས་པས་སྐྱེ་བ་འགག་།སྐྱེ་བ་འགགས་པས་རྒ་ཤི་དང ། མྱ་ངན་དང་སྨྲེ་སྔགས་འདོན་པ་དང ། སྡུག་བསྔལ་བ་དང ། ཡིད་མི་བདེ་བ་དང ། འཁྲུག་པ་རྣམས་འགག་པར་འགྱུར་ཏེ། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འགག་པར་འགྱུར་རོ། །དགེ་སློང་དག་དེ་ལྟ་བས་ན་བདག་གི་དོན་དང ། གཞན་གྱི་དོན་དང ། གཉི་ཀའི་དོན་ལ་རྗེས་སུ་ལྟ་བ་རྣམས་ཀྱིས་ནི་འདི་ལ་རབ་ཏུ་བསླབ་པར་བྱ་སྟེ། ཅི་ནས་ཀྱང་རབ་ཏུ་བྱུང་བ་དོན་ཡོད་པ་དང ། འབྲས་བུ་དང་བཅས་པ་དང ། བདེ་བ་སྐྱེད་པ་དང ། རྣམ་པར་སྨིན་པ་བདེ་བ་དང ། གང་དག་གིས་ཆོས་གོས་དང ། བསོད་སྙོམས་དང ། གནས་མལ་དང ། ནད་ཀྱི་རྐྱེན་སྨན་གྱི་ཡོ་བྱད་རྣམས་ལ་ཡོངས་སུ་ལོངས་སྤྱོད་པ་དེ་དག་ལ་ཅི་ནས་ཀྱང་དེ་དག་གིས་ཕན་བཏགས་པའི་འབྲས་བུ་ཤིན་ཏུ་ཆེ་བ་དང ། ཕན་ཡོན་ཆེ་བ་དང ། གཟི་བྱིན་ཆེ་
Nga367b
བ་དང ། ཡངས་ཤིང་རྒྱ་ཆེ་བར་འགྱུར་བ་དེ་ལྟར་དགེ་སློང་དག་ཁྱེད་ཀྱིས་བསླབ་པར་བྱའོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་དེ་རྣམས་ལ་འོངས་པ་ལེགས་སོ་ཞེས་བྱ་བ་དང ། རབ་ཏུ་བྱུང་བ་ལེགས་སོ། །ཞེས་བྱ་བ་གསུངས་པ་དེའི་ཚེ་དེ་རྣམས་ཀྱི་ཞུམ་པ་དང ། མི་དགའ་བ་དང ། འགྱོད་པ་དང ། རྣམ་པར་འགྱོད་པ་དང ། ཡིད་ལ་གཅགས་པ་གང་ཡིན་པ་དེ་དག་ཐམས་ཅད་ཀྱི་ཐམས་ཅད་དུ་བྲལ་བར་གྱུར་ཏོ། །དེ་ནས་དགེ་སློང་གཞན་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་འཕྲིན་ལས་ཅི་ཞིག་མཛད་ན། འཕྲིན་ལས་དེ་རྣམ་པར་སྨིན་པས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་བྱེ་བར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་བཞིན་གཤེགས་པ་ཉིད་ཀྱི་སྔོན་གྱི་ཚེ་རབས་གཞན་རྣམས་སུ་འཕྲིན་ལས་བྱས་ཤིང་བསགས་པ་དང ། ཚོགས་རྙེད་པ་དག་ནི་ཞེས་བྱ་བ་ནས་ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བའི་བསྟི་གནས་རྩ་བ་དང ། ལོ་མ་དང ། མེ་ཏོག་དང ། འབྲས་བུ་དང ། ཆུ་ཕུན་སུམ་ཚོགས་པ་དང ། ཤིང་སྣ་ཚོགས་ཀྱིས་མཛེས་པར་བྱས་པ། བྱའི་ཚོགས་དུ་མས་བསྟེན་པ་གཞན་ཞིག་ན། དྲང་སྲོང་ལྔ་བརྒྱའི་གཙོ་བོ་དྲང་སྲོང་ཞིག་གནས་སོ། །ཇི་ཙམ་ན་དྲང་སྲོང་གཞན་ཞིག་ལྗོངས་
Nga368a
༄#། །རྒྱུ་ཞིང་སོང་བ་ན་བསྟི་གནས་དེར་ཕྱིན་ན་དྲང་སྲོང་དེས་དེ་ལ་བཀུར་སྟི་ལེགས་པར་མ་བྱས་པས་དེ་མི་བཟོད་པ་སྐྱེས་ནས་དེའི་འཁོར་འབྱེད་པར་བྱེད་དེ། དྲང་སྲོང་སྡིག་པ་འདོད་པ་འདི་ཅུང་ཟད་ཀྱང་མི་ཤེས་ན། ཅི་སྟེ་དེའི་དྲུང་ན་འདུག་།ཚུར་ཁོ་བོ་དང་ལྷན་ཅིག་འདོང་ངོ ། །ཁོ་བོས་ཁྱེད་རྣམས་མངོན་པར་ཤེས་པ་ལྔ་རྣམས་ལ་རབ་ཏུ་དགོད་དོ་ཞེས། དེས་དེ་རྣམས་ཕྱེ་བས་དྲང་སྲོང་དེའི་གདམས་ངག་ཉན་དུ་མི་བཏུབ་བོ། །དྲང་སྲོང་དེ་བསམས་པ། སྡིག་པ་བྱེད་པ་འདིས་བདག་གི་དྲང་སྲོང་འདི་རྣམས་ཕྱེའོ་སྙམ་ནས། །དེས་དེ་ལ་བཞམས་ཏེ་སྨྲ་བར་བརྩམས་པ། ཚེ་དང་ལྡན་པ་འཁོར་འབྱེད་པར་མ་བྱེད་ཅིག་།འདི་ནི་དྲང་སྲོང་གི་ཆོས་མ་ཡིན་ནོ། །འོན་ཀྱང་དེ་འབྱེད་བཞིན་ཏེ། འདུག་ཏུ་མ་བཏུབ་ནས་དྲང་སྲོང་དེ་ཡིད་མི་བདེ་ཞིང་ཐབས་ཤིག་སེམས་ཤིང་གནས་སོ། །སངས་རྒྱས་རྣམས་འབྱུང་བ་མེད་པ་ན། འཇིག་རྟེན་དུ་རང་སངས་རྒྱས་དམན་པ་དང ། ངན་པ་ལ་སྙིང་བརྩེ་བ་ཅན་པས་མཐའི་གནས་མལ་ལ་དགའ་བ་འཇིག་རྟེན་གྱི་ཡོན་གནས་གཅིག་པུ་རྣམས་འབྱུང་བར་འགྱུར་པས། དེ་ནས་རང་སངས་རྒྱས་ཞིག་ལྗོངས་རྒྱུ་ཞིང་སོང་བ་ན། དྲང་སྲོང་དེའི་བསྟི་གནས་སུ་ཕྱིན་པ་དང ། དྲང་སྲོང་དེས་དེའི་ལུས་མཛེས་པ་དང་སྤྱོད་ལམ་ཞི་བ་མཐོང་ངོ ། །མཐོང་ནས་དེས་དེ་ལ་དད་པ་བསྐྱེད་ནས་དེས་དེ་ལ་བྱ་བ་བྱས་ཏེ་།སྨོན་ལམ་ལོག་པར་བཏབ་པ། དྲང་སྲོང་སྡིག་པ་ཅན་གང་ཡིན་པ་འདིས་བདག་གིས་འཁོར་ཕྱེ་བས་བདག་གིས་
Nga368b
འདི་ཤེས་བྱ་ཐམས་ཅད་ལ་དབང་ཐོབ་ན་ཡང་འཁོར་འབྱེད་པ་བྱེད་པར་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ལྗོངས་ཀྱི་དྲང་སྲོང་གང་གིས་དེའི་འཁོར་ཕྱེ་བ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་གཉུག་མར་གནས་པའི་དྲང་སྲོང་གང་ཡིན་པ་དེ་ནི་ལྷས་བྱིན་ཡིན་ཏེ། ངས་དེའི་འཁོར་ཕྱེ་བའི་ལས་ཀྱི་རྣམ་པར་སྨིན་པ་གང་ཡིན་པ་དེས་ན་སྨོན་ལམ་ལོག་པར་བཏབ་ནས་འདིས་ངའི་དགེ་འདུན་ཕྱེ་བ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་པུ་གནག་པ་རྣམས་ཀྱི་ཞེས་བྱ་བ་ནས་དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་གྱིས་ཕྱི་པ་དག་ནི་ནང་པར་བགྱིས། ནང་པ་དག་ནི་ཕྱི་བར་བགྱིས་པས་འཁོར་ཕྲོགས་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདིས་ཕྱི་པ་དག་ནི་ནང་པར་བྱས། ནང་བ་དག་ནི་ཕྱི་པར་བྱས་པས་འཁོར་ཕྲོགས་པ་དེ་ཉོན་ཅིག་།དགེ་སློང་དག་སྔོན་བྱུང་བ་ཕྱོགས་ཤིག་ན་སྲོག་ཆགས་ཝ་ཞིག་གནས་ཏེ། དེ་ཤིན་ཏུ་བརྐམ་ཆགས་ཅན་ཞིག་པས་དགོན་པར་ཡང་རྒྱུ། གྲོང་འདབ་ཏུ་ཡང་རྒྱུའོ། །དེ་མཐར་གྱིས་རྒྱུ་བ་ན། རིམ་གྱིས་བཙོ་བླག་མཁན་ཞིག་གི་ཁྱིམ་དུ་ཞུགས་པ་ལས། རམ་གྱི་རྫ་མར་ལྷུང་ནས་དེ་སྐྱུག་
Nga369a
༄#། །བྲོ་བར་གྱུར་ཏེ། དེ་དང་ཧ་ཅང་ཡང་མི་རིང་བ་ན་ཚར་གོའི་ཕུང་པོ་ཞིག་འདུག་པ་དེ་ལ་ཉལ་ནས་གློས་འགྲེས་པ་ལས། དེ་བས་ཀྱང་ལྷག་པར་ལུས་མ་རུང་བར་གྱུར་ཏེ། ཆུའི་ནང་དུ་ཞུགས་ནས་ལངས་ཏེ་སོང་བ་ན། ཉི་མའི་ཟེར་གྱིས་ཕོག་པས་ནོར་བུ་གཟིའི་ཁ་དོག་ལྟ་བུར་གྱུར་པ་ཅི་ཙམ་ན་ཝ་རྣམས་ཀྱིས་མཐོང་ནས། དེ་རྣམས་ཕྱོགས་ཕྱོགས་སུ་བྲོས་ཏེ་རྒྱང་རིང་པོར་འཁོད་ནས་སྨྲས་པ། ཁྱོད་སུ་ཞིག་།གང་ནས་འདིར་འོངས། དེས་སྨྲས་པ། ཁོ་བོ་ནི་བརྒྱར་འགྲོའོ་ཞེས་བྱ་སྟེ། ལྷ་རྣམས་ཀྱི་དབང་པོ་བརྒྱ་བྱིན་གྱིས་རྐང་བཞི་པ་རྣམས་ཀྱི་རྒྱལ་པོར་དབང་བསྐུར་ཏོ། །ཝ་རྣམས་ཀྱིས་བསམས་པ། འདིའི་ལུས་ཀྱི་ཁ་དོག་སྔོན་མ་མཐོང་བ་ལས་ན། གདོན་མི་ཟ་བར་དེ་ཁོ་ན་ཡིན་ནོ་སྙམ་ནས། ཝ་རྣམས་ཀྱིས་རྐང་བཞི་པ་ཐམས་ཅད་ལ་རིག་པར་བྱས་སོ། །སེང་གེ་རྣམས་ཀྱིས་བསམས་པ། བདག་ཅག་ལས་ཁྱད་པར་དུ་འཕགས་པ་སུ་ཞིག་ཡོད་ན། དེ་རྐང་བཞི་པ་རྣམས་ཀྱི་རྒྱལ་པོར་འགྱུར། རེ་ཞིག་དོང་ལ། རང་གི་ཚོགས་ཀྱི་དཔོན་པོ་ལ་རིག་པར་བྱའོ་སྙམ་ནས། དེ་རྣམས་ཀྱི་ཚོགས་ཀྱི་དཔོན་པོ་རལ་པ་ཅན་ཞིག་རིའི་ཕྱོགས་ཞིག་ན་གནས་པ་དེ་ལ་དེ་རྣམས་ཀྱིས་སྨྲས་པ་དང ། དེས་རྐང་བཞི་པ་གཞན་ཞིག་ལ་བསྒོ་བ། སོང་ལ་རྐང་བཞི་པའི་དཔོན་དེ་རྐང་བཞི་པ་འགའ་ཞིག་གིས་མཐོང་ངམ། མ་མཐོང་རྟོགས་ཤིག་།དེ་དེའི་དྲུང་དུ་སོང་སྟེ་བརྟགས་ན། སྔོན་མ་མཐོང་བ་ཡིན་ཞིང་སེང་གེ་རྣམས་མ་གཏོགས་པར་རྐང་
Nga369b
བཞི་པ་ཐམས་ཅད་ཀྱིས་ཡོངས་སུ་བསྐོར་བར་གྱུར་ནས། དེ་དེའི་དྲུང་དུ་སོང་སྟེ། ཇི་ལྟར་མཐོང་བདག་སྨྲས་པ། དེས་ཐོས་ནས་སེང་གེའི་ཚོགས་ཀྱིས་ཡོངས་སུ་བསྐོར་ཏེ་དེའི་དྲུང་དུ་དོང་ངོ ། །དེ་ནི་རྐང་ཞིང་པ་དུ་མས་ཡོངས་སུ་བསྐོར་ཅིང ། གླང་པོ་ཆེ་ལ་ཞོན་ནས་རྒྱུ་བ་ན་དེ་སེང་གེ་རྣམས་ཀྱིས་ཡོངས་སུ་བསྐོར་ཅིང ། དེ་རྣམས་ཀྱི་ཕྱི་རིམ་།དེ་རྣམས་ཀྱི་ཕྱི་རིམ་རྒྱང་རིང་པོ་ནས་ནི་ཝ་རྣམས་འདོང་ངོ ། །དེའི་མ་རི་སུལ་ཞིག་ན་གནས་པ་དེ་ལ་དེས་ཝ་ཞིག་མངགས་ཏེ། བུས་རྒྱལ་སྲིད་ཉམས་སུ་མྱོང་གིས་ཚུར་སྤྱོན་ཅིག་ཅེས་སྤྲིང་པ་དང ། དེས་སྨྲས་པ། དེའི་འཁོར་ཅི་འདྲ་བ་ཞིག་།དེས་སྨྲས་པ། དེའི་འཁོར་ནང་པ་ནི་སེང་གེ་དང ། སྟག་དང ། གླང་པོ་ཆེ་དག་ཡིན་ནོ། །ཕྱི་པ་ནི་བདག་ཅག་ཉིད་ཡིན་ནོ། །དེས་སྨྲས་པ། མ་རུང་ཟིན་གྱིས་སོང་ཞིག་།དེས་ཚིགས་སུ་བཅད་པས་ཀྱང་སྨྲས་པ། བདག་ནི་རི་འདིའི་སུལ་ན་བདེར་གནས་ཤིང ། །བསིལ་བའི་ཆུ་ལ་བསོད་སྙོམས་འཐུང་བར་བྱེད། །དེ་ནི་ཇི་སྲིད་ཝ་སྒྲ་མི་གྲག་པ། །དེ་སྲིད་གླང་པོ་ཆེ་ཡིས་བདེར་འགྲོ་འགྱུར། །དེ་སོང་སྟེ་དེས་ཝ་རྣམས་ལ་སྨྲས་པ། རྐང་བཞི་པ་རྣམས་ཀྱི་རྒྱལ་པོ་འདི་ནི་ཝ་ཁོ་ན་ཡིན་ཏེ། བདག་གིས་དེའི་མ་རི་སུལ་ག་གེ་མོ་ཞེས་བྱ་བ་ན་འདུག་པ་མཐོང་ངོ ། དེ་རྣམས་ཀྱིས་སྨྲས་པ། གལ་ཏེ་དེ་ལྟ་ན་དེ་ཝ་ཡིན་ནམ། མ་ཡིན་པ་ཝ་བདག་ཅག་གིས་བརྟག་གོ་།ཆོས་ཉིད་ཀྱིས་ཝ་རྣམས་ནི་གང་ཞིག་གིས་ཝ་སྐད་ཐོས་ནས་སྐད་མ་ཕྱུང་ན་དེའི་སྤུ་རྣམས་འབྱི་བར་འགྱུར་
Nga370a
༄#། །བས། ཝ་སྐད་དབྱུང་བར་བརྩམས་ནས་དེས་བསམས་པ། གལ་ཏེ་བདག་གིས་སྐད་མ་བྱུང་ན་ནི་གདོན་མི་ཟ་བར་བདག་གི་སྤུ་རྣམས་འབྱི་བར་འགྱུར་ལ། གལ་ཏེ་གླང་པོ་ཚེ་ལས་བབས་ནས་སྐད་ཕྱུང་ན་ནི་འདིས་བདག་གསོད་དུ་འོང་གི་འདི་ཉིད་དུ་སྐད་དབྱུང་ངོ་སྙམ་ནས། དེས་གླང་པོ་ཆེ་ལ་ཞོན་བཞིན་དུ་སྐད་དབྱུང་བར་བརྩམས་པ་དང ། གླང་པོ་ཆེས་ཤེས་ནས། ཝ་བདག་ལ་ཞོན་ནམ་ཞེས་དེས་དེ་བོར་ཏེ། རྐང་པས་བརྫིས་སོ། །ཝས་ཚིགས་སུ་བཅད་དེ་སྨྲས་པ། གང་དག་ནང་པ་ཕྱི་པ་དང ། །ཕྱི་པ་ནང་པར་བྱེད་དེ་དག་།འདི་འདྲ་བར་ནི་བརླག་འགྱུར་ཏེ། ། གླང་པོ་ཆེ་ཡིས་ཝ་བཞིན་ནོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཝ་གང་ཡིན་པ་དེ་ནི། ལྷས་བྱིན་འདི་ཉིད་ཡིན་ཏེ། དེ་ན་ཡང་འདིས་ནང་པ་དག་ནི་ཕྱི་རོལ་པར་བྱས། ཕྱི་རོལ་པ་དག་ནི་ནང་པར་བྱས་པས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་འདིས་ནང་པ་དག་ནི་ཕྱི་རོལ་པར་བྱས། ཕྱི་རོལ་པ་དག་ནི་ནང་པར་བྱས་པས་འཁོར་རྣམས་ཕྲོགས་པར་གྱུར་ཏོ། །གང་གི་ཚེ་ཚེ་དང་ལྡན་པ་ཤཱ་རིའི་བུ་དང ། མོའུ་དགའ་\་ཌGཱL\་གྱི་བུ་གཉིས་ཀྱིས་ལྷ་སྦྱིན་གྱི་འཁོར་ཕྲོགས་པ་དེའི་ཚེ། ལྷ་སྦྱིན་གྱིས་ཀོ་ཀ་ལི་ཀ་དང ། ཁན་ད་དྲ་བ་བྱ་ལ་ཁྱེད་གཉིས་ཀྱིས་ངའི་འཁོར་འཕྲོག་ཏུ་བཅུག་གོ་ཞེས་བརྡེགས་སོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷ་སྦྱིན་གྱི་
Nga370b
འཁོར་ནི་གཞན་གྱིས་ཕྲོགས་ལ་གཞན་ལ་འདིས་སྡུག་བསྔལ་བསྐྱེད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། དེ་ཇི་ལྟར་འདས་པའི་དུས་ན་ཡང་འདིའི་ཆུང་མ་གཞན་གྱིས་ཕྲོགས་ལ། གཞན་དག་ལ་ཚུལ་མ་ཡིན་པའི་སྡུག་བསྔལ་བསྐྱེད་པ་དེ་ཉོན་ཅིག་།དགེ་སློང་དག་སྔོན་བྱུང་བ་ཕྱོགས་གཞན་ཞིག་ན། གླང་པོ་ཆེའི་ཚོགས་ཤིག་གནས་སོ། །དེ་ན་གླང་པོ་ཆེ་ཞིག་པ་ལང་མོ་ཞིག་ལ་སྡུག་པར་འཛིན་པ་དང ། དེ་ནི་གླང་པོ་ཆེའི་ཕྲུ་གུ་གཞན་ཞིག་ཡོད་པ་ལ་ལྷག་པར་ཆགས་ནས། དེས་གླང་པོ་ཆེའི་ཕྲུ་གུ་དེ་ལ་སྨྲས་པ། ཚོར་དུ་འོང་གིས་བདག་ཅག་འབྲོས་སམ། དེ་ནས་གླང་པོ་ཆེའི་ཕྲུ་གུ་དེས་སྨྲས་པ། གང་གིས་ན་བདག་ཅག་འབྲོས་པའི་ཐབས་ཅི་ཡོད། དེས་སྨྲས་པ། བདག་གིས་ཐབས་ཤེས་སོ་ཞེས་དེས་གླང་པོ་ཆེ་དེ་ལ་སྨྲས་པ། ཁྲུས་བྱ་བའི་ཕྱིར་རྫིང་དུ་འཇུག་པར་བྱའོ། །དེ་ཞུགས་པ་དང ། དེས་སྨྲས་པ། བདག་ཅག་ལས་སུ་ཡུན་རིང་དུ་ནུབ་པར་འདུག་པ་བལྟའོ། །བླུན་པོའི་ཕུང་པོ་ཅན་དེ་དང་ལྷན་ཅིག་ཆུ་ནང་དུ་ནུབ་པར་འདུག་པ་ན་དེ་ལངས་ཏེ། གླང་པོ་ཆེའི་ཕྲུ་གུ་དང་ལྷན་ཅིག་བྲོས་སོ། །གླང་པོ་ཆེ་རིང་ཞིག་འདུག་ནས་ལངས་ན། མི་སྣང་ནས་དེས་བསམས་པ། བདག་ཕམ་པར་འགྱུར་དུ་འོང་གིས་སླར་ཡང་ནུབ་པར་བྱའོ་སྙམ་ནས། དེས་སླར་ཡང་ནུབ་པར་བྱས་ནས་མཆེ་བ་ས་ལ་བཙུགས་ཏེ་འདུག་གོ་།དེ་རིང་ཞིག་ལོན་ནས་དབུགས་དོ་ཆད་དེ་ལངས་ན། གླང་
Nga371a
༄#། །པོ་ཆེ་མོ་དེ་མ་མཐོང་ནས། དེས་རྫིང་བུ་དེ་ཕན་ཚུན་དུ་དཀྲུག་པར་བརྩམས་པ་དང ། དེས་དེར་ཉ་དང་རུ་སྦལ་དང་སྦལ་པ་ལ་སོགས་པ་སྲོག་ཆགས་མང་པོ་ཚུལ་མ་ཡིན་པས་སྡུག་བསྔལ་བར་བྱས་སོ། །ལྷས་ཚིགས་སུ་བཅད་དེ་སྨྲས་པ། ཀྱེ་མའོ་ཤ་ཡི་ཕུང་པོ་ཆེ། །འདི་ལ་ཤེས་རབ་ཡོད་མ་ཡིན། །གཞན་གྱིས་ཆུང་མ་ཕྲོགས་གྱུར་ན། །གཞན་ལ་སྡུག་བསྔལ་སྟེན་པར་བྱེད། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་གླང་པོ་ཆེ་དམ་པ་གང་ཡིན་པ་དེ་ནི་ལྷ་སྦྱིན་ཡིན་ཏེ། དེ་ན་ཡང་ཆུང་མ་གཞན་གྱིས་ཕྲོགས་ལ། གཞན་ལ་ཚུལ་མ་ཡིན་པའི་སྡུག་བསྔལ་བསྐྱེད་དོ། །ད་ལྟར་ཡང་འཁོར་གཞན་གྱིས་ཕྲོགས་ལ་གཞན་ལ་ཚུལ་མ་ཡིན་པའི་སྡུག་བསྔལ་བསྐྱེད་དོ། །སྡོམ་ནི། གླགས་དང་མཐོང་བ་ཉིད་དང་ནི། །ུཏྤལ་མདོག་ནི་བསད་པ་དང ། །རིལ་བ་དང་གསུམ་འོ་མ་དང ། །ས་འཚོ་མ་དང་བཟོད་གསོལ་དང ། །གླང་དང་སེམས་པ་ཉིད་དང་ནི། །བྱ་དང་ཐ་མ་བཞི་ཡིན་ནོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ཀྱིས་ལྷ་སྦྱིན་ལ་གླགས་བཙལ་བ་ལས། གླགས་རྙེད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་
Nga371b
ཤཱ་རིའི་བུ་དང ། མོའུ་དགལ་གྱི་བུ་གཉིས་ཀྱིས་ལྷ་སྦྱིན་ལ་གླགས་བཙལ་བ་ལས་གླགས་རྙེད་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་ཞིག་ན། འཕོང་གི་སློབ་དཔོན་ཞིག་གནས་ཏེ།་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་དགུར་སྤྱོད་པར་བྱེད་པ་ལས། དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ། དགུ་ལོན་པ་ན་བུ་མོ་ཞིག་བཙས་ནས་ཞག་བདུན་གསུམ་ཉི་ཤུ་རྩ་གཅིག་ཏུ་དེ་བཙས་པའི་བཙས་སྟོན་རྒྱ་ཆེར་བྱས་ནས་རིགས་དང་མཐུན་པའི་མིང་བཏགས་ཏེ། དེ་བསྐྱེད་བསྲིངས་ནས་ཆེན་མོར་གྱུར་ཏེ། །འཕོང་གི་སློབ་དཔོན་གྱིས་བསམས་པ། བུ་མོ་འདི་ནི་བདག་གིས་གཟུགས་དང་ལྡན་པའམ། ཚུལ་ཁྲིམས་དང་ལྡན་པའམ། ནོར་ཅན་སུ་ལ་ཡང་སྦྱིན་པར་མི་བྱ་སྟེ། འོན་ཀྱང་བདག་ལས་གནས་ལྔ་བསླབས་ཏེ། བྱང་བར་གྱུར་པ་གང་ཡིན་པ་དེ་ལ་བདག་གིས་འདི་སྦྱིན་ནོ་སྙམ་མོ། །དེ་ལས་བྲམ་ཟེའི་ཁྱེའུ་གཉིས་ཤིག་འཕོང་བསླབས་པ་ལས་དེ་ན་གཅིག་ནི་གནས་ལྔ་ལ་བྱང་བར་གྱུར་ཏོ། །ཅིག་ཤོས་ཀྱིས་ནི་གཅོད་པ་ལ་བྱང་བར་གྱུར་ཏོ། །དེ་གཉིས་ལས་གནས་ལྔ་ལ་བྱང་བར་གྱུར་པ་གང་ཡིན་པ་དེ་ལ་དེས་བུ་མོ་བྱིན་པ་དང ། ཅིག་ཤོས་པོ་དེ་ནི་མི་བཟོད་པ་སྐྱེས་ནས་ཆོམ་རྐུན་པ་རྣམས་ཀྱི་ནང་དུ་ཞུགས་ཏེ། ཆོམ་
Nga372a
༄#། །རྐུན་ལྔ་བརྒྱའི་སྡེ་དཔོན་དུ་གྱུར་ནས། དེ་ཕྱོགས་གཅིག་ཅིག་ན་ལམ་བཅད་ནས་འཁོད་དོ། །སྔ་མ་པོ་དེས། བུ་མོ་དེ་བག་མར་བླངས་ནས། མདའ་ལྔ་བརྒྱ་ཤོང་བའི་དང་པོ་གཉིས་ཐོགས་ཏེ། ཤིང་རྟར་ཞུགས་ནས་རང་གི་ཁྱིམ་དུ་དོང་ངོ ། །ཇི་ཙམ་ན་ཚོང་པ་ཆོམ་རྐུན་གྱིས་འཇིགས་པ་མདུན་དུ་དོང་བ་སྡོད་པ་དང ། དེས་སྨྲས་པ། ཤེས་ལྡན་དག་དེངས་ཤིག་ཅི་སྡོད། དེ་རྣམས་ཀྱིས་སྨྲས་པ། ཆོམ་རྐུན་པ་རྣམས་ཀྱིས་ལམ་བཅད་དོ། །དེས་སྨྲས་པ། ཚུར་ཅི་ཞིག་བྱར་ཡོད་ཅེས་དེ་ཆས་པ་དང ། ཚོང་པ་དེ་རྣམས་ཀྱིས་སྨྲས་པ། ཤེས་ལྡན་དག་རེ་ཞིག་སྡོད་ཅིག་།འདི་ནི་འགྲོ་ལ་རག་སྟེ། འདི་བདག་ཉིད་འཆི་བ་དང ། ཆུང་མ་ཕྲོགས་པར་འགྱུར་བའི་གནས་གང་ཡིན་པ་དེ་ཡོད་དོ། །རྐུན་པོ་རྣམས་ཤིང་ལྗོན་པ་ཞིག་ལ་འཛེགས་ནས། ཕྱོགས་སུ་ལྟ་བར་བྱེད་ཅིང་འདུག་པ་དང ། དེ་རྣམས་ཀྱིས་དེ་ཤིང་རྟར་ཞུགས་པ་མཐོང་ནས། དེ་རྣམས་ཀྱིས་སྨྲས་པ། ཤེས་ལྡན་དག་མི་ཞིག་ཤིང་རྟར་ཞུགས་ནས་འོང་ངོ ། ཆོམ་རྐུན་པའི་སྡེ་དཔོན་གྱིས་དེ་ལ་ཕོ་ཉ་ཞིག་བཏང་སྟེ། ཤིང་རྟ་སླར་བཟློག་པ་དང ། དེས་སྨྲས་པ། ཤེས་ལྡན་དག་དཔའ་བོ་ལ་དཔའ་བོའི་ལན་བྱིན་ཅིག་།དེ་རྣམས་ཀྱིས་སྨྲས་པ། བདག་ཅག་ཀྱང་དཔའ་བོ་ཡིན་ནོ་ཞེས་སྡེ་དཔོན་གྱིས་མི་རྒོད་ལྔ་བརྒྱ་བཏང་བ་དང ། དེས་དེ་རྣམས་བསད་དོ། །དེ་བཞིན་དུ་ཉི་ཤུ་ཞིག་འོངས་པ་དེ་རྣམས་ཀྱང་བསད་དེ། ཇི་
Nga372b
ཙམ་ན་ཐམས་ཅད་བསད་ནས། ཆོམ་རྐུན་པའི་སྡེ་དཔོན་འབའ་ཞིག་ལུས་པ་དང ། དེས་རལ་གྲི་བླངས་ཏེ་མདུན་དུ་བསྡད་དོ། །དེས་མདའ་འཕངས་པར་བརྩམས་པ་ན། དེའི་རལ་གྲིས་གཏུབས་སོ། །ཇི་ཙམ་ན་དེས་མདའ་ལྔ་བརྒྱ་འཕངས་པ་དེ་དག་ཐམས་ཅད་དེས་གཏུབས་ནས། མདའ་གཅིག་ཅིག་ལུས་ཏེ་དེས་དེ་མ་འཕངས་པ་དང ། བུ་མོ་དེས་སྨྲས་པ། མདའ་བཞག་སྟེ་ཅི་བགྱི་ཕོངས་ཤིག་།དེས་སྨྲས་པ། མདའ་འདི་འབའ་ཞིག་ལུས་ཏེ། འདི་འཕངས་ན་ཁོ་བོ་བསད་ནས། ཁྱོད་ཀྱང་ཕྲོགས་པར་འགྱུར་རོ། །དེ་ནས་བུ་མོ་དེས་ལུས་ཀྱི་སྒྱུར་སྟངས་ཀྱིས་ལན་བུ་བཅོས་པར་བརྩམས་པ་ན། དེ་ལ་ཆོམ་རྐུན་པའི་སྡེ་དཔོན་རྟོག་པར་བྱེད་པ་ན། དེས་དེའི་གནད་དུ་མདས་བསྣུན་པ་དང ། དེ་འཆི་ཀ་ན་ཚིགས་སུ་བཅད་དེ་སྨྲས་པ། ཤིང་རྟ་ཅན་གྱིས་བདག་མ་བསད། །འདོད་ཆགས་སྡིག་པའི་སེམས་ཀྱིས་ནི། །བདག་ནི་གཡུལ་གྱི་དབུས་ཞུགས་ནས། །བག་མེད་བཞིན་ལ་བལྟ་བས་བསད། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཤིང་རྟ་ཅན་གང་ཡིན་པ་དེ་ནི་ཤཱ་རིའི་བུ་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བུ་མོ་གང་ཡིན་པ་དེ་ནི། མོའུ་དགལ་གྱི་བུ་ཡིན་ནོ། །དེའི་ཚེ་དེའི་དུས་ཀྱི་ཆོམ་རྐུན་པའི་སྡེ་དཔོན་གང་ཡིན་པ་དེ་ནི་ལྷ་སྦྱིན་ཡིན་ཏེ། དེ་ན་ཡང་འདི་གཉིས་ཀྱིས་དེ་ལ་གླགས་བཙལ་བ་ལས་གླགས་རྙེད་དོ། །ད་ལྟར་ཡང་འདི་གཉིས་ཀྱི་ས་དེ་ལ་གླགས་བཙལ་བ་ལས་གླགས་རྙེད་དོ། །སངས་རྒྱས་
Nga373a
༄#། །བཅོམ་ལྡན་འདས་རྒྱལ་པོའི་ཁབ་འཚོ་བྱེད་གཞོན་ནུས་བསྐྱེད་ཀྱི་ཨ་མྲའི་ཚལ་ན་དབྱར་བཞུགས་པར་ཞལ་གྱིས་བཞེས་སོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་དབྱར་ཉེ་བར་བསྒྲུབ་པ་དབྱར་ཟླ་འབྲིང་པོའི་ཉ་དབུ་མ་དེ་ཉིད་ཀྱི་མཚན་མོ་ཡིན་པར་ཤེས་ཤིང་མངོན་པའི་ཟླ་ཉི་མོ་ལ། བློན་པོའི་ཚོགས་ཀྱིས་ཡོངས་སུ་བསྐོར་ཏེ། སྟེང་གི་ཁང་བཟང་གི་གཞིར་སོང་ནས་བློན་པོ་རྣམས་ལ་སྨྲས་པ། ཀྱེ་གྲོགས་པོ་དག་དབྱར་ཉེ་བར་བསྒྲུབ་པ། དབྱར་ཟླ་འབྲིང་པོའི་ཉ་དབུ་མ་དེ་ཉིད་ཀྱི་མཚན་མོ་ཡིན་པར་ཤེས་ཤིང་མངོན་པའི་ཟླ་ཉི་མོ་འདི་ལྟ་བུ་ལངས་ཅི་ཞིག་བྱ། དེ་ནས་ཕོ་བྲང་སླས་ཀྱི་བུད་མེད་ཅིག་གིས་ལུས་འཕགས་མའི་བུ་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ལྷ་དབྱར་ཉེ་བར་བསྒྲུབ་པར་དབྱར་ཟླ་འབྲིང་པོའི་ཉ་དབུ་མའི་མཚན་མོ་ལགས་པར་མཁྱེན་ཅིང་མངོན་པའི་ཟླ་ཉི་མོ་འདི་ལྟ་བུ་ལ་ལྷ་འདོད་པའི་ཡོན་ཏན་ལྔ་འབྱོར་ཅིང་ལྡན་པས། རོལ་པར་མཛད། དགྱེས་པར་མཛད། དགྱེས་དགུར་སྤྱོད་པར་མཛད་ན། ལྷའི་བགྱི་བ་ནི་དེ་ལགས་པ་སྙམ་བདག་སེམས་ལགས་སོ། །དེ་ནས་ཕོ་བྲང་སླས་གཞན་ཞིག་གིས་ཡང་འདི་སྐད་ཅེས་སྨྲས་སོ། །ལྷ་དབྱར་ཉེ་བར་བསྒྲུབ་པ་དབྱར་ཟླ་འབྲིང་པོའི་ཉ་དབུ་མའི་མཚན་མོ་ལགས་པར་མཁྱེན་ཅིང་མངོན་པའི་ཟླ་ཉི་མོ་འདི་ལྟ་བུ་ལ་ལྷ་འདོད་པའི་ཡོན་ཏན་ལྔ་འབྱོར་ཅིང་ལྡན་པས། རྒྱལ་པོའི་ཁབ་ཀྱི་
Nga373b
གྲོང་ཁྱེར་གྱི་ཉེ་འཁོར་གྱི་ཤུལ་ཕྲ་མོ་རྣམས་བྱུལ་ཞིང་རོལ་པར་མཛད། དགྱེས་པར་མཛད། དགྱེས་དགུར་སྤྱད་པར་མཛད་ན། ལྷའི་བགྱི་བ་ནི་དེ་ལགས་པ་སྙམ། བདག་སེམས་ལགས་སོ། ། གཞོན་ནུ་འཆར་བྱེད་བཟང་པོས་འདི་སྐད་ཅེས་སྨྲས་སོ། །ལྷ་དབྱར་ཉེ་བར་བསྒྲུབ་པ་དབྱར་ཟླ་འབྲིང་པོའི་ཉ་དབུ་མའི་མཚན་མོ་ལགས་པར་མཁྱེན་ཅིང་མངོན་པའི་ཟླ་ཉི་མ་འདི་ལྟ་བུ་ལ་ལྷ་དཔུང་གིས་ཚོགས་ཡན་ལག་བཞི་པ། གླང་པོ་ཆེའི་ཚོགས་དང ། རྟ་པའི་ཚོགས་དང ། ཤིང་རྟ་པའི་ཚོགས་དང ། དཔུང་བུ་ཆུང་གི་ཚོགས་གོ་བསྐོན་ནས་གཞན་གྱི་ཡུལ་འཁོར་དང ། གཞན་གྱི་ཡུལ་གཤེགས་ཏེ་གཡུལ་ཆེན་པོའི་གཡུལ་སྤྲད་ནས། གཡུལ་ལས་རྒྱལ་བར་བགྱིས་ཏེ། རྒྱལ་ནས་གཡུལ་དེ་ཉིད་ལས་པགས་ཏེ་ཞུགས་ན་ལྷའི་བགྱི་བ་ནི་དེ་ལགས་པ་སྙམ་བདག་སེམས་ལགས་སོ། །དེ་ནས་བློན་པོ་རྒན་པོ་གཞན་ཞིག་གིས་འདི་སྐད་ཅེས་སྨྲས་སོ། །ལྷ་དབྱར་ཉེ་བར་བསྒྲུབ་པ་དབྱར་ཟླ་འབྲིང་པོའི་ཉ་དབུ་མའི་མཚན་མོ་ལགས་པར་མཁྱེན་ཅིང་མངོན་པའི་ཟླ་ཉི་མ་འདི་ལྟ་བུ་ལ་ལྷ་འོད་སྲུང་རྫོགས་བྱེད་འདུས་པ་ཅན་ཚོགས་ཅན་ཚོགས་ཀྱི་སློབ་དཔོན་སྐྱེ་བོ་མང་པོས་གཟུགས་བཟང་པོར་བཀུར་བ། སྐྱེ་བོ་མང་པོས་མདུན་གྱིས་བལྟས་པ་ཀུན་ཏུ་འཚོ་ལྔ་བརྒྱའི་གཙོ་བོ་དེ་རྒྱལ་པོའི་ཁབ་ཏུ་དབྱར་གནས་པར་དམ་བཅས་པ་དེ་ལ་ལྷ་བསྙེན་བཀུར་མཛོད་ཅིག་།ལྷའི་བགྱི་བ་ནི་དེ་ལགས་པ་སྙམ་བདག་སེམས་ལགས་སོ། །ཡང་བློན་པོ་རྒན་པོ་གཞན་
Nga374a
༄#། །ཞིག་གིས་འདི་སྐད་ཅེས་སྨྲས་སོ། །ལྷ་དབྱར་ཉེ་བར་བསྒྲུབ་པར་དབྱར་ཟླ་འབྲིང་པོའི་ཉ་དབུ་མའི་མཚན་མོ་ལགས་པར་མཁྱེན་ཅིང ། མངོན་པའི་ཟླ་ཉི་མོ་འདི་ལྟ་བུ་ལ་ཀུན་ཏུ་རྒྱུ་གནག་ལྷས་ཀྱི་བུ་དང ། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང ། མི་ཕམ་སྐྲའི་ལ་བ་ཅན་དང ། ཀ་ཏྱའི་བུ་ནོག་ཅན་དང ། ལྷ་གཅེར་བུ་པ་གཉེན་གྱི་བུ་འདུས་པ་ཅན་ཚོགས་ཅན་ཚོགས་ཀྱི་སློབ་དཔོན་སྐྱེ་བོ་མང་པོས་གཟུགས་བཟང་པོར་བཀུར་བ། ཚོགས་ཆེན་པོས་མདུན་གྱིས་བལྟས་པ་ཞིག་མཆིས་ཏེ། དེ་རྒྱལ་པོའི་ཁབ་འདི་ཉིད་དུ་དབྱར་གནས་པར་དམ་བཅས་པ་དེ་ལ་ལྷ་བསྙེན་བཀུར་མཛོད་ཅིག་།ལྷའི་བགྱི་བ་ནི་དེ་ལགས་པ་སྙམ་བདག་སེམས་ལགས་སོ། །དེའི་ཚེ་འཚོ་བྱེད་གཞོན་ནུས་བསྐྱེད་འཁོར་དེ་ཉིད་ཀྱི་ནང་ན་འདུས་ཤིང་འདུག་པར་གྱུར་ཏོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་འཚོ་བྱེད་གཞོན་ནུས་བསྐྱེད་ལ་སྨྲས་པ། ཀཝའི་ནང་རྗེ་འཚོ་བྱེད་ཅིའི་ཕྱིར་ཅང་མི་སྨྲ། ཅི་ཅུང་ཟད་མི་སྨྲའམ། ལྷ་དབྱར་ཉེ་བར་བསྒྲུབ་པ་དབྱར་ཟླ་འབྲིང་པོའི་ཉའི་མཚན་མོ་ལགས་པར་མཁྱེན་ཅིང་མངོན་པའི་ཟླ་ཉི་མོ་འདི་ལྟ་བུ་ལ། ལྷ་བཅོམ་ལྡན་འདས་འདུས་པ་ཅན་ཚོགས་ཅན་ཚོགས་ཀྱི་སློབ་དཔོན་སྐྱེ་བོ་མང་པོས་གཟུགས་བཟང་པོར་བཀུར་བ། ཚོགས་ཆེན་པོས་མདུན་གྱིས་བལྟས་པ་དེ་རྒྱལ་པོའི་ཁབ་འདི་ཉིད་ཀྱི་བདག་གི་ཨ་མྲའི་ཚལ་ན་དབྱར་བཞུགས་
Nga374b
པར་ཞལ་གྱིས་བཞེས་པ་དེ་ལ་ལྷ་བསྙེན་བཀུར་མཛོད་ཅིག་།ལྷའི་བགྱི་བ་ནི་དེ་ལགས་པ་སྙམ་བདག་སེམས་ལགས་སོ། །དེའི་ཚེ་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་བཅོམ་ལྡན་འདས་ལ་སེམས་གཞོལ་བར་གྱུར། བཅོམ་ལྡན་འདས་ལ་འབབ་པར་གྱུར། བཅོམ་ལྡན་འདས་ལ་བབ་པར་གྱུར་ཏོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་འཚོ་བྱེད་གཞོན་ནུས་བསྐྱེད་ལ་འདི་སྐད་ཅེས་སྨྲས་སོ། །འཚོ་བྱེད་སོང་ལ་གླང་པོ་ཆེའི་དམ་པ་ཆེན་པོ་གཏོད་ཅིག་དང ། དེ་ལ་ཁོ་བོ་ཞོན་ནས་བཅོམ་ལྡན་འདས་བལྟ་བའི་ཕྱིར་འགྲོའོ། ། ལྷ་བཀའ་བཞིན་འཚལ་ཞེས་འཚོ་བྱེད་གཞོན་ནུས་བསྐྱེད་ཀྱིས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་ལས་མཉན་ནས་གླང་པོ་ཆེ་དམ་པ་ཆེན་པོ་དེ་དང་བ་ལང་མོ་ལྔ་བརྒྱ་ཙམ་གཏད་ནས་ཕོ་བྲང་སླས་ལག་ན་སྒྲོན་མ་ཐོགས་པ་ལྔ་བརྒྱ་ཙམ་བ་ལང་མོ་རེ་རེ་ཞོན་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་གང་ན་བ་དེར་སོང་སྟེ་ཕྱིན་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །ལྷ་གླང་པོ་ཆེའི་དམ་པ་ཆེན་པོ་སྦྲོན་ལགས་ཏེ། ལྷ་ད་དེའི་དུས་ལ་བབ་པར་མཁྱེན་པར་མཛད་དུ་གསོལ། དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་གླང་པོ་ཆེ་དམ་པ་ཆེན་པོ་ལ་ཞོན་ནས་ཕོ་བྲང་སླས་ལག་ན་སྒྲོན་མ་ཐོགས་པ་ལྔ་བརྒྱ་ཙམ་བ་ལང་མོ་རེ་རེ་ཞོན་པས་མདུན་དུ་བདར་ནས་རྒྱལ་པོའི་ཁབ་ནས་བྱུང་སྟེ།
Nga375a
༄#། །བཅོམ་ལྡན་འདས་ལ་བལྟ་བ་དང ། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་ངོ ། །དེའི་ཚེ་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་ཡུལ་སྤོང་བྱེད་པ་རྣམས་དང་མི་མཐུན་པར་གྱུར་ཏེ། །དེ་ནས་ལུས་འཕགས་པའི་བུ་མ་ག་དྷའི་རྒྱལ་པོ་མ་སྐྱེས་དགྲ་རྒྱལ་པོའི་ཁབ་ནས་བྱུང་མ་ཐག་ཁོ་ནར་བདག་འཚོ་བྱེད་གཞོན་ནུས་བསྐྱེད་འདིས་གསོད་པར་འདོད་པའམ། བསླུ་བར་འདོད་པའམ། ཁས་ལེན་དུ་གཞུག་པར་འདོད་པའམ། གཤེད་མ་པའམ། ཕྱིར་རྒོལ་བའམ། མི་མཛའ་བ་དག་ལ་གཏད་པར་མི་འདོད་གྲང་སྙམ་དུ་བསམས་ནས་སྐྲག་པར་གྱུར། བག་ཚ་བར་གྱུར། སྤུ་ཟིང་ཞེས་བྱེད་པར་གྱུར་ནས། འཚོ་བྱེད་གཞོན་ནུས་བསྐྱེད་ལ་འདི་སྐད་ཅེས་སྨྲས་སོ། ། འཚོ་བྱེད་ཁོ་བོ་ལ་གསོད་པར་འདོད་པའམ། བསླུ་བར་འདོད་པའམ། ཁས་ལེན་དུ་གཞུག་པར་འདོད་པའམ། གཤེད་མ་པའམ། ཕྱིར་རྒོལ་བའམ། མི་མཛའ་བ་དག་ལ་གཏད་པར་མི་འདོད་གྲང ། དེས་འདི་སྐད་ཅེས་སྨྲས་སོ། །ལྷ་ཁྱོད་ལ་བདག་དགོངས་པར་འཚལ་བའམ། བསླུ་བར་འཚལ་བའམ། སྨྲར་གཞུག་པར་འཚལ་བའམ། གཤེད་མ་པའམ། ཕྱིར་རྒོལ་བའམ། མི་མཛའ་བ་དག་ལ་གཏད་པར་འཚལ་བ་མ་ལགས་སོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས། འཚོ་བྱེད་གཞོན་ནུས་བསྐྱེད་ལ་འདི་སྐད་
Nga375b
ཅེས་སྨྲས་སོ། །འཚོ་བྱེད་བཅོམ་ལྡན་འདས་དེ་ལ་འཁོར་ཇི་སྙེད་ཡོད། དགེ་སློང་སྟོང་ཉིས་བརྒྱ་ལྔ་བཅུ་ལྷག་ཙམ་མོ། །ེ་མའོ་འཚོ་བྱེད་ཁྱོད་ཀྱིས་ང་ཇི་ལྟར་གསོད་པར་མི་འདོད། བསླུ་བར་མི་འདོད། སྨྲར་གཞུག་པར་མི་འདོད། གཤེད་མ་པའམ། ཕྱིར་རྒོལ་བ་དང ། མི་མཛའ་བ་དག་ལ་གཏོད་པར་མི་འདོད། ད་ལྟར་བཅོམ་ལྡན་འདས་དེ་ལ་འཁོར་དེ་སྙེད་ཡོད་ན། ལུ་བའི་སྒྲ་ཡང་མི་གྲག་གོ་།སྦྲིད་པའི་སྒྲ་ཡང་མི་གྲག་གོ་།ལྷ་བཅོམ་ལྡན་འདས་དེ་ནི་སྒྲ་ཆུང་བ་བཞེད། སྒྲ་ཆུང་བ་ལ་དགྱེས། སྒྲ་ཆུང་བས་འདུལ། སྒྲ་ཆུང་བའི་བསྔགས་པ་མཛད་པས་འཁོར་ཡང་སྒྲ་ཆུང་བ་ཉིད་དོ། །ལྷ་དེ་ལྟ་བས་ན་མྱུར་བ་མྱུར་བར་གླང་པོ་ཆེ་དམ་པ་ཆེན་པོ་ཐོབ་ཤིག་།འདི་ལྟར་འཁོར་གྱི་ཁྱིམ་ན་འབྲུ་མར་གྱི་ཞུགས་མར་གྱི་འོད་གདའོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་མྱུར་བ་མྱུར་བར་གླང་པོ་ཆེའི་དམ་པ་ཆེན་པོ་བཏབ་ནས་དེས་ཇི་ཙམ་བཞོན་པས་རུང་བའི་སའི་བར་དུ་བཞོན་པས་སོང་སྟེ། བཞོན་པ་ལས་བབས་ནས་རྐང་པ་ཁོ་ནས་ཀུན་དགའ་ར་བའི་ནང་དུ་ཞུགས་སོ། །དེའི་ཚེ་བཅོམ་ལྡན་འདས་དགེ་སློང་གི་དགེ་འདུན་གྱི་གུང་ལ་མཚོ་ལྟར་དྭངས་ཤིང་གསལ་ལ་རྙོག་པ་མེད་པར་བཞུགས་སོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་འཁོར་གྱི་ཁྱམས་དང་ཉེ་བར་སོང་ནས་འཚོ་བྱེད་གཞོན་ནུ་བསྐྱེད་ལ་སྨྲས་པ། འཚོ་བྱེད་བཅོམ་ལྡན་འདས་དེ་གང་ན་བཞུགས།
Nga376a
༄#། །ལྷ་བཅོམ་ལྡན་འདས་དེ་ནི་དགེ་སློང་གི་དགེ་འདུན་གྱི་གུང་ལ་མཚོ་ལྟར་དྭངས་གསལ་ལ་རྙོག་པ་མེད་པར་བཞུགས་པ་ཕ་བི་ཁོ་ན་ལགས་སོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་བཅོམ་ལྡན་འདས་གང་ན་བ་དེར་སོང་སྟེ། དེས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དགེ་སློང་གི་དགེ་འདུན་དང་ཐུགས་དུལ་བ་ཉེ་བར་ཞི་བ་ཇི་ལྟ་བུ་དང་ལྡན་པ་དེ་བཞིན་དུ་གཞོན་ནུ་འཆར་བྱེད་བཟང་པོ་ཡང་སེམས་དུལ་བ་དང ། ཉེ་བར་ཞི་བ་དེ་འདྲ་བ་དང་ལྡན་པར་གྱུར་ཅིག་།རྒྱལ་པོ་ཆེན་པོ་རང་ཉིད་དགའ་བ་རབ་ཏུ་བསྟན་པ་ལེགས་སོ་ལེགས་སོ། །རྒྱལ་པོ་ཆེན་པོ་རང་གི་སྟན་ལ་འདུག་ཅིག་།དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཀྱིས་གལ་ཏེ་ཞུ་བ་ལུང་བསྟན་པའི་སླད་དུ་སྐབས་ཕྱེ་བ་ལྟ་ན། བདག་ཕྱོགས་འགའ་ཞིག་ཞུ་ལགས་སོ། །རྒྱལ་པོ་ཆེན་པོ་ཅི་དང་ཅི་འདོད་པ་ཞུས་ཤིག་།བཙུན་པ་
Nga376b
ལས་ཀྱི་གནས་དང ། བཟོའི་གནས་ཐ་དད་པ་གང་ལགས་པ་འདི་ལྟ་སྟེ། ཕྲེང་རྒྱུད་པ་དང ། སྨྱུག་མ་མཁན་དང ། གདན་པ་དང ། རྩཝ་ཐུན་དང ། འདུལ་མཁན་དང ། གླང་པོ་ཆེ་ལ་འཚལ་བ་དང ། རྟ་ལ་འཚལ་བ་དང ། ཤིང་རྟ་མཁན་དང ། རལ་གྲིའི་ཐབས་དང ། གཞུའི་འཛིན་སྟངས་པ་དང ། ཞབས་འབྲིང་བགྱིད་པ་དང ། གོ་རེ་ལོང་དང ། བྲོ་གར་ལེན་པ་དང ། རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང ། མཉེས་པར་བགྱིད་པ་དང ། སྐྲ་མཁན་དང ། ཁྲུས་མཁན་དེ་རྣམས་རང་རང་གི་བཟོའི་གནས་དང ། ལས་ཀྱི་གནས་རྣམས་ཀྱིས་བགྱི་བ་བགྱིད་ཅིང་སྦྱིན་པ་དག་སྩོལ། བསོད་ནམས་དག་བགྱིས་ལ་གསོ་བ་རྣམས་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པས་རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་པ་དེ་ལྟ་བུ་རྣམས་ལ་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་ཐོབ་ལགས་སམ།། །།འདུལ་བ་གཞི། བམ་པོ་བརྒྱ་དྲུག་པ། རྒྱལ་པོ་ཆེན་པོ་ཁྱོད་ཀྱིས་འདི་འདྲ་བའི་ཞུ་བ་འདི་ལས་སྔོན་དགེ་སྦྱོང་དང ། བྲམ་ཟེ་གཞན་རྣམས་ལ་དྲིས་པ་དྲན་ནམ། བཙུན་པ་དྲན་ལགས་ཏེ། བཙུན་པ་དུས་གཅིག་ཅིག་ན་བདག་འོད་སྲུང་རྫོགས་བྱེད་གང་ན་བ་དེར་མཆིས་ཏེ། མཆིས་ནས་འོད་སྲུང་རྫོགས་བྱེད་ལ་བདག་གིས་འདི་སྐད་ཅེས་བཙུན་པ་འོད་སྲུང་ལས་ཀྱི་གནས་དང ། བཟོའི་གནས་ཐ་དད་པ་གང་
Nga377a
༄#། །དག་ལགས་པ་འདི་ལྟ་སྟེ། ཕྲེང་རྒྱུད་པ་དང ། སྨྱུག་མ་མཁན་དང ། གདན་པ་དང ། རྩཝ་ཐུན་དང ། འདུལ་མཁན་དང ། གླང་པོ་ཆེ་ལ་ཞོན་པ་དང ། རྟ་ལ་ཞོན་པ་དང ། ཤིང་རྟ་མཁན་དང ། རལ་གྲིའི་ཐབས་དང ། གཞུའི་འཛིན་སྟངས་པ་དང ། ཞབས་འབྲིང་བྱེད་པ་དང ། གོ་རེ་ལོང་དང ། བྲོ་གར་ལེན་པ་དང ། རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང ། མཉེས་པར་བྱེད་པ་དང ། སྐྲ་མཁན་དང ། ཁྲུས་མཁན་དེ་རྣམས་རང་རང་གི་བཟོའི་གནས་དང ། ལས་ཀྱི་གནས་རྣམས་ཀྱི་བྱ་བ་བྱེད་ཅིང ། སྦྱིན་པ་དག་གཏོང་བསོད་ནམས་དག་བྱེད་ལ། གསོ་བ་རྣམས་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ན། དེ་ལྟ་བུ་རྣམས་ལ་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་འཐོབ་བམ་ཞེས་དྲིས་པ་ན། དེ་འདི་སྐད་ཅེས་རྒྱལ་པོ་ཆེན་པོ་བདག་ནི་འདི་ལྟར་ལྟ་ཞིང་འདི་སྐད་སྨྲ་སྟེ། སྦྱིན་པ་མེད་དོ། །མཆོད་སྦྱིན་མེད་དོ། །སྦྱིན་སྲེག་མེད་དོ། །ལེགས་པར་སྤྱད་པ་མེད་དོ། །ཉེས་པར་སྤྱད་པ་མེད་དོ། །ལེགས་པར་སྤྱད་པ་དང ། ཉེས་པར་སྤྱད་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མེད་དོ། འཇིག་རྟེན་འདི་མེད་དོ། །འཇིག་རྟེན་ཕ་རོལ་མེད་དོ། །མ་མེད་དོ། །ཕ་མེད་དོ། །སེམས་ཅན་བརྫུས་ཏེ་སྐྱེ་བ་
Nga377b
མེད་དོ། །འཇིག་རྟེན་ན་དགྲ་བཅོམ་པ་ཡང་དག་པར་སོང་བ་ཡང་དག་པར་ཞུགས་པ་གང་དག་ཚེ་འདི་ཉིད་ལ་རང་གི་མངོན་པར་ཤེས་པས་འཇིག་རྟེན་འདི་དང ། འཇིག་རྟེན་ཕ་རོལ་མངོན་སུམ་དུ་བྱས་ནས་བསྒྲུབས་ཏེ། བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་པ་དག་མེད་དོ། །སྲོག་ནི་འདི་ཉིད་ལ་འཚོ་ཞིང་དེ་ཕྱིས་ཆད་པར་གྱུར། ཞིག་པར་འགྱུར་ཏེ། ཤི་བའི་འོག་ཏུ་མི་འབྱུང་ངོ ། །སྐྱེས་བུའི་ལུས་ནི་འབྱུང་བ་ཆེན་པོ་བཞི་ལས་གྱུར་པ་ཡིན་ཏེ། དེ་ནི་གང་གི་ཚེ་ཤི་བ་ན་དེའི་སའི་ལུས་ནི་སའི་བག་ལ་ཞ། ཆུའི་ལུས་ནི་ཆུའི། མེའི་ལུས་ནི་མེའི། རླུང་གི་ལུས་ནི་རླུང་གི་བག་ལ་ཞ་བར་འགྱུར་རོ། །དབང་པོ་རྣམས་ནི་ནམ་མཁའི་རྗེས་སུ་འགྲོ་བར་འགྱུར་རོ། །སྐྱེས་བུའི་རོ་ནི་ཁྲི་དང ། ལྔའི་མི་དག་གིས་ཁྱེར་ཏེ་དུར་ཁྲོད་དུ་འགྲོ་ཞིང་བསྲེགས་ཕན་ཆད་མི་མངོན་པར་འགྱུར་རོ། །བསྲེག་བྱ་དག་ནི་ཐལ་བར་འགྱུར་རོ། །རུས་པ་དག་ནི་ཐི་བའི་མདོག་འདྲ་བར་གནས་སོ། །འདི་ལྟར་རྨོངས་པས་ཉེ་བར་བསྟན་པ་ནི་སྦྱིན་ལ། མཁས་པས་ཉེ་བར་བསྟན་པ་ནི་ལེན་ཏོ། །དེ་ལ་གང་དག་ཡོད་པར་སྨྲ་བ་དེ་དག་ཐམས་ཅད་ནི་གསོབ་གསོག་བརྫུན་དུ་སྨྲ་བ་རྡོལ་བ་ཡིན་ནོ། །འདི་ལྟར་བྱིས་པ་དང་མཁས་པ་དེ་གཉིས་ནི་ཕྱིས་ཆད་པར་འགྱུར། ཞིག་པར་འགྱུར་ཏེ། ཤི་བའི་འོག་ཏུ་མི་འབྱུང་ཞེས་མཆི་སྟེ། བཙུན་པ་དཔེར་ན་མི་ཞིག་ཨ་མྲའི་འབྲས་བུ་རྣམས་དྲིས་ན་ལ་ཀུ་
Nga378a
༄#། །ཙའི་འབྲས་བུ་རྣམས་ལུང་སྟོན་པར་བགྱིད་ལ། ལ་ཀུ་ཙའི་འབྲས་བུ་རྣམས་དྲིས་ན་ཨ་མྲའི་འབྲས་བུ་རྣམས་ལུང་སྟོན་པར་བགྱིད་པ་དེ་བཞིན་དུ་འོད་སྲུང་རྫོགས་བྱེད་ལ་བདག་གིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་དྲིས་ན། མ་མཆིས་པ་ཉིད་ལུང་སྟོན་པར་བགྱིད་ནས། བཙུན་པ་དེ་ལ་བདག་འདི་སྙམ་དུ་སེམས་ཏེ། བདག་འདྲ་བའི་སྐྱེས་བུ་མཁས་པས་གཟུགས་བཟང་པོར་བཀུར་བ། ཡུལ་ན་གཉུག་མར་གནས་པའི་དགེ་སྦྱོང་ངམ་བྲམ་ཟེ་ལ་མངོན་སུམ་དུ་སྨད་པ་ནི་བདག་གི་ཆ་མ་ལགས་སོ་སྙམ་ནས། བཙུན་པ་བདག་གིས་འོད་སྲུང་རྫོགས་བྱེད་ཀྱིས་སྨྲས་པ་ལ་མངོན་པར་བསྟོད་པ་ཡང་མི་བགྱིད། སྨད་པ་ཡང་མི་བགྱིད་དེ། མངོན་པར་བསྟོད་པ་ཡང་མ་བགྱིས། སྨད་པར་ཡང་མ་བགྱིས་པར་སྟན་ལས་ལངས་ཏེ་མཆིས་ནས། བདག་ཀུན་ཏུ་རྒྱུ་གནག་ལྷས་ཀྱི་བུ་གང་ན་བ་དེར་མཆིས་ཏེ་མཆིས་ནས། ཀུན་ཏུ་རྒྱུ་གནག་ལྷས་ཀྱི་བུ་ལ་འདི་སྐད་ཅེས་བཙུན་པ་ཀུན་ཏུ་རྒྱུ་འཇིག་རྟེན་གྱི་ལས་ཀྱི་གནས་དང ། བཟོའི་གནས་ཐ་དད་པ་གང་དག་ཡིན་པ་འདི་ལྟ་སྟེ། ཕྲེང་རྒྱུད་པ་དང ། སྨྱུག་མ་མཁན་དང ། གདན་པ་དང ། རྩཝ་ཐུན་དང ། འདུལ་མཁན་དང ། གླང་པོ་ཆེ་ལ་ཞོན་པ་དང ། ཤིང་རྟ་མཁན་དང ། རལ་གྲིའི་ཐབས་དང ། གཞུའི་འཛིན་སྟངས་པ་དང ། ཞབས་འབྲིང་བྱེད་པ་དང ། གོ་རེ་ལོང་དང ། བྲོ་གར་ལེན་པ་དང །
Nga378b
རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང ། མཉེས་པར་བྱེད་པ་དང ། སྐྲ་མཁན་དང ། ཁྲུས་མཁན་དེ་རྣམས་རང་རང་གི་བཟོའི་གནས་དང ། ལས་ཀྱི་གནས་རྣམས་ཀྱི་བྱ་བ་བྱེད་ཅིང་སྦྱིན་པ་དག་གཏོང ། བསོད་ནམས་དག་བྱེད་ལ་གསོ་བ་རྣམས་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ན། དེ་ལྟ་བུ་རྣམས་ལ་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་འཐོབ་བམ་ཞེས་དྲིས་ན། དེ་འདི་སྐད་ཅེས་རྒྱལ་པོ་ཆེན་པོ་བདག་ནི་འདི་ལྟར་ལྟ་ཞིང་འདི་སྐད་ཅེས་སྨྲ་སྟེ། སེམས་ཅན་རྣམས་ཀུན་ནས་ཉོན་མོངས་པར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་ཀུན་ནས་ཉོན་མོངས་པར་འགྱུར་རོ། །སེམས་ཅན་རྣམས་རྣམ་པར་དག་པར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་རྣམ་པར་དག་པར་འགྱུར་རོ། །སེམས་ཅན་རྣམས་ཤེས་པ་མེད་པར་འགྱུར་བ་དང་མཐོང་བ་མེད་པར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་ཤེས་པ་མེད་པ་དང་མཐོང་བ་མེད་པར་འགྱུར་རོ། །སེམས་ཅན་རྣམས་ཤེས་པར་འགྱུར་པ་དང་མཐོང་བར་འགྱུར་བ་ལ་རྒྱུ་མེད་རྐྱེན་མེད་དོ། །སེམས་ཅན་རྣམས་རྒྱུ་མེད་རྐྱེན་མེད་པར་ཤེས་པ་དང་མཐོང་བར་འགྱུར་རོ། །སྟོབས་མེད་དོ། །བརྩོན་འགྲུས་མེད་དོ།།
Nga379a
༄#། །སྟོབས་དང་བརྩོན་འགྲུས་མེད་དོ། །སྐྱེས་བུའི་རྩལ་མེད་དོ། །ཕ་རོལ་གནོན་པ་མེད་དོ། །སྐྱེས་བུའི་རྩལ་དང་ཕ་རོལ་གནོན་པ་མེད་དོ། །བདག་གི་རྩལ་མེད་དོ། གཞན་གྱི་རྩལ་མེད་དོ། །བདག་གི་རྩལ་དང་གཞན་གྱི་རྩལ་མེད་དོ། །སེམས་ཅན་ཐམས་ཅད་དང ། སྲོག་ཆགས་ཐམས་ཅད་དང ། འབྱུང་པོ་ཐམས་ཅད་མཐུ་མེད་སྟོབས་མེད་དབང་མེད་བརྩོན་འགྲུས་མེད། ཕ་རོལ་གནོན་པ་མེད་དོ། །འགྲོ་བ་མཚམས་སྦྱོར་བའི་སྲིད་པ་དག་ངེས་པར་གྱུར་ཏོ། །འདི་ལྟར་འགྲོ་བ་དྲུག་པོ་དག་ཏུ་བདེ་བ་དང ། སྡུག་བསྔལ་སོ་སོར་མྱོང་བར་འགྱུར་རོ། །ཞེས་མཆི་སྟེ། བཙུན་པ་དཔེར་ན་མི་ཞིག་ཨ་མྲའི་འབྲས་བུ་རྣམས་དྲིས་ན། ལ་ཀུ་ཙའི་འབྲས་བུ་རྣམས་ལུང་སྟོན་པར་བགྱིད་ལ། ལ་ཀུ་ཙའི་འབྲས་བུ་རྣམས་དྲིས་ན་ཨ་མྲའི་འབྲས་བུ་རྣམས་ལུང་སྟོན་པར་བགྱིད་པ་དེ་བཞིན་དུ་ཀུན་ཏུ་རྒྱུ་གནག་ལྷས་ཀྱི་བུ་ལ་བདག་གིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་དྲིས་ན། རྒྱུ་མ་མཆིས་པ་ཉིད་དུ་ལུང་སྟོན་པར་བགྱིད་ནས། བཙུན་པ་དེ་ལ་བདག་འདི་སྙམ་དུ་སེམས་ཏེ་བདག་འདྲ་བའི་སྐྱེས་བུ་མཁས་པས་གཟུགས་བཟང་པོར་བཀུར་བ། ཡུལ་ན་གཉུག་མར་གནས་པའི་དགེ་སྦྱོང་ངམ། བྲམ་ཟེ་ལ་ང་ཇི་ལྟར་མངོན་སུམ་དུ་སྨད་པར་བྱ་སྙམ་ནས། བདག་གིས་ཀུན་ཏུ་རྒྱུ་གནག་ལྷས་ཀྱི་བུའི་སྨྲས་པ་ལ་མངོན་པར་བསྟོད་པ་ཡང་མི་བགྱིད།
Nga379b
སྨད་པ་ཡང་མི་བགྱིད་དེ། མངོན་པར་བསྟོད་པ་ཡང་མ་བགྱིས་སྨད་པ་ཡང་མ་བགྱིས་པར་སྟན་ལས་ལངས་ཏེ་མཆིས་ནས། བདག་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་གང་ན་བ་དེར་མཆིས་ཏེ། མཆིས་ནས་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ལ་འདི་སྐད་ཅེས་བཙུན་པ་ཡང་དག་རྒྱལ་བ་ཅན་ལས་ཀྱི་གནས་དང ། བཟོའི་གནས་གང་དག་ཡིན་པ་འདི་ལྟ་སྟེ། ཕྲེང་རྒྱུད་པ་དང ། སྨྱུག་མ་མཁན་དང ། གདན་པ་དང ། རྩཝ་ཐུན་དང ། འདུལ་མཁན་དང ། གླང་པོ་ཆེ་ལ་ཞོན་པ་དང ། རྟ་ལ་ཞོན་པ་དང ། ཤིང་རྟ་མཁན་དང ། རལ་གྲིའི་ཐབས་དང ། གཞུའི་འཛིན་སྟངས་པ་དང ། ཞབས་འབྲིང་བྱེད་པ་དང ། གོ་རེ་ལོང་དང ། བྲོ་གར་ལེན་པ་དང ། རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང ། མཉེས་པར་བྱེད་པ་དང ། སྐྲ་མཁན་དང ། ཁྲུས་མཁན་དེ་རྣམས་རང་རང་གི་བཟོའི་གནས་དང ། ལས་ཀྱི་གནས་རྣམས་ཀྱིས་བྱ་བ་བྱེད་ཅིང་སྦྱིན་པ་དག་གཏོང་བསོད་ནམས་དག་བྱེད་ལ། གསོ་བ་རྣམས་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ན། དེ་ལྟ་བུ་རྣམས་ལ་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་འཐོབ་བམ་ཞེས་དྲིས་པ་ན། དེ་འདི་སྐད་ཅེས་རྒྱལ་པོ་ཆེན་པོ་བདག་ནི་འདི་ལྟར་ལྟ་ཞིང་འདི་སྐད་སྨྲ་སྟེ། བྱེད་པ་དང ། བྱེད་དུ་འཇུག་པ་དང ། གཅོད་པ་དང ། གཅོད་དུ་འཇུག་པ་
Nga380a
༄#། །དང།་སྲེག་པ་དང ། སྲེག་ཏུ་འཇུག་པ་དང ། རྡེག་པ་དང ། རྡེག་ཏུ་འཇུག་པ་དང ། སྲོག་ཆགས་ལ་འཚེ་བ་དང ། མ་བྱིན་པར་ལེན་པ་དང ། འདོད་པ་དག་ལ་ལོག་པར་སྤྱོད་པ་དང ། ཤེས་བཞིན་དུ་བརྫུན་དུ་སྨྲ་བ་དང ། མྱོས་པར་འགྱུར་བའི་བཏུང་བ་འཐུང་བ་དང ། ཁྱིམ་འབུགས་པ་དང ། མདུད་པ་འགྲོལ་བ་དང ། རིམ་གྱིས་འཕྲོག་པ་དང ། ལམ་འགོག་ཅིང་འདུག་པ་དང ། གྲོང་འཇོམས་པར་བྱེད་པ་དང ། གྲོང་ཁྱེར་འཇོམས་པར་བྱེད་པ་དང ། ཡུལ་འཇོམས་པར་བྱེད་པ་དང ། ས་གཞི་ཆེན་པོ་འདི་ལ་སེམས་ཅན་གང་དག་ཡོད་པ་དེ་དག་ཐམས་ཅད་འཁོར་ལོའི་མཐའི་སྤུ་གྲི་ལ་བྱས་པས། དེ་དག་ཐམས་ཅད་ཀུན་ཏུ་གཅོད་པར་བྱེད། ཀུན་ཏུ་འཚོག་པར་བྱེད། ཀུན་ཏུ་རྡུང་བར་བྱེད། ཀུན་ཏུ་འདྲལ་བར་བྱེད་ཅིང་དེ་དག་ཐམས་ཅད་ཀུན་ཏུ་བཅད། ཀུན་ཏུ་གཤེགས། ཀུན་ཏུ་བརྡུངས། ཀུན་ཏུ་དྲལ་ནས་ཤའི་ཐང་མ་གཅིག་ཏུ་བྱེད་དེ། ཤའི་ཚོགས་གཅིག་ཏུ་བྱེད། ཤའི་བུངས་གཅིག་ཏུ་བྱེད། ཤའི་ཕུང་པོ་གཅིག་ཏུ་བྱེད་ཅིང ། ཤའི་ཐང་མ་གཅིག་ཏུ་བྱས། ཤའི་ཚོགས་གཅིག་ཏུ་བྱས། ཤའི་བུངས་གཅིག་ཏུ་བྱས། ཤའི་ཕུང་པོ་གཅིག་ཏུ་བྱས་ནས། དེ་ལྟར་ཀུན་ཏུ་སྒྲུབ་པར་བྱེད་པ་ལ། གཞི་དེ་ལས་སྡིག་པ་ཡང་མེད། གཞི་དེ་ལས་སྡིག་པར་འགྱུར་བ་ཡང་མེད་དོ། །ཆུ་ཀླུང་གངྒཱའི་ལྷོ་ཕྱོགས་ནས་ཀུན་ཏུ་གཅོད་པར་བྱེད། ཀུན་ཏུ་འཚོག་པར་བྱེད། ཀུན་ཏུ་རྡུང་བར་བྱེད། ཀུན་ཏུ་
Nga380b
འདྲལ་བར་བྱེད་ཅིང་འགྲོ་ལ། ཆུ་ཀླུང་གངྒཱའི་བྱང་ཕྱོགས་ནས་སྦྱིན་པ་བྱེད། མཆོད་སྦྱིན་བྱེད་ཅིང་འགྲོ་བར་གྱུར་ན། གཞི་དེ་ལས་སྡིག་པ་དང་བསོད་ནམས་ཀྱང་མེད། གཞི་དེ་ལས་སྡིག་པ་དང།་བསོད་ནམས་སུ་འགྱུར་བ་ཡང་མེད་དོ། །འདི་ལྟར་སྦྱིན་པ་དང ། དུལ་བ་དང ། ཡང་དག་པར་སྡོམ་པ་དང ། དོན་དཔྱོད་པ་དང ། དོན་མཐུན་པས་དེ་ལྟར་བྱེད་པ་ཡང་བསོད་ནམས་མི་བྱེད་པ་ཁོ་ན་ཡིན་ནོ་ཞེས་མཆིས་ཏེ། བཙུན་པ་དཔེར་ན་མི་ཞིག་ཨ་མྲའི་འབྲས་བུ་རྣམས་དྲིས་ན། ལ་ཀུ་ཙའི་འབྲས་བུ་རྣམས་ལུང་སྟོན་པར་བགྱིད། ལ་ཀུ་ཙའི་འབྲས་བུ་རྣམས་དྲིས་ན། ཨ་མྲའི་འབྲས་བུ་རྣམས་ལུང་སྟོན་པར་བགྱིད་པ་དེ་བཞིན་དུ་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ལ་བདག་གིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་དྲི་བ་དྲིས་ན། བྱེད་པ་ཉིད་མ་མཆིས་པར་ལུང་སྟོན་པར་བགྱིད་དོ། །བཙུན་པ་དེ་ལ་བདག་འདི་སྙམ་དུ་སེམས་ཏེ། བདག་འདྲ་བའི་སྐྱེས་བུ་མཁས་པས་གཟུགས་བཟང་པོར་བཀུར་བ། ཡུལ་ན་གཉུག་མར་གནས་པའི་དགེ་སྦྱོང་ངམ། བྲམ་ཟེ་ལ་ང་ཇི་ལྟར་མངོན་སུམ་དུ་སྨད་པར་བྱ་སྙམ་ནས། བདག་གིས་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ལ་མངོན་པར་བསྟོད་པ་ཡང་མི་བགྱིད། སྨད་པ་ཡང་མི་བགྱིད་དེ། མངོན་པར་བསྟོད་པ་ཡང་མ་བགྱིས། སྨད་པ་ཡང་མ་བགྱིས་པར་སྟན་ལས་ལངས་ཏེ་མཆིས་ནས། བདག་མི་ཕམ་སྐྲའི་ལ་བ་
Nga381a
༄#། །ཅན་གང་ན་བ་དེར་མཆིས་ཏེ། མཆིས་ནས་མི་ཕམ་སྐྲའི་ལ་བ་ཅན་ལ་འདི་སྐད་ཅེས་བཙུན་པ་མི་ཕམ་འཇིག་རྟེན་གྱི་ལས་ཀྱི་གནས་དང་བཟོའི་གནས་ཐ་དད་པ་གང་དག་འདི་ལྟ་སྟེ། ཕྲེང་རྒྱུད་པ་དང ། སྨྱུག་མ་མཁན་དང ། གདན་པ་དང ། རྩཝ་ཐུན་དང ། འདུལ་མཁན་དང ། གླང་པོ་ཆེ་ལ་ཞོན་པ་དང ། རྟ་ལ་ཞོན་པ་དང ། ཤིང་རྟ་མཁན་དང ། རལ་གྲིའི་ཐབས་དང ། གཞུའི་འཛིན་སྟངས་པ་དང ། ཞབས་འབྲིང་བྱེད་པ་དང ། གོ་རེ་ལོང་དང ། བྲོ་ག་རེ་ལེན་པ་དང ། རྒྱལ་པོའི་བུ་རབ་གནོན་ཚན་པོ་ཆེ་དཔའ་བརྟུལ་ཕོད་པ་རྣམས་དང ། མཉེས་པར་བྱེད་པ་དང ། སྐྲ་མཁན་དང ། ཁྲུས་མཁན་དེ་རྣམས་རང་རང་གི་བཟོའི་གནས་དང ། ལས་ཀྱི་གནས་རྣམས་ཀྱིས་བྱ་བ་བྱེད་ཅིང་སྦྱིན་པ་དག་གཏོང་བསོད་ནམས་དག་བྱེད་ལ། གསོ་བ་རྣམས་གསོ་ཞིང ། འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས། རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ན།་དེ་ལྟ་བུ་རྣམས་ལ་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་འཐོབ་བམ་ཞེས་དྲིས་པ་དང ། དེ་འདི་སྐད་ཅེས་རྒྱལ་པོ་ཆེན་པོ་བདག་ནི་འདི་ལྟར་ལྟ་ཞིང་འདི་སྐད་སྨྲ་སྟེ། ལུས་བདུན་པོ་འདི་དག་ནི་མ་བྱས་པ། བྱས་པས་མ་བྱས་པ། མ་སྤྲུལ་པ། སྤྲུལ་པས་མ་བྱས་པ། གནོད་པར་བྱ་བ་མ་ཡིན་པ། ཐེར་ཟུག་ཏུ་གནས་པ། ཀ་བ་
Nga381b
བཞིན་དུ་གནས་པ་དག་ཡིན་ཏེ། བདུན་གང་ཞེ་ན། འདི་ལྟ་སྟེ། སའི་ལུས་དང ། ཆུའི་ལུས་དང ། མེའི་ལུས་དང ། རླུང་གི་ལུས་དང ། བདེ་བ་དང ། སྡུག་བསྔལ་བ་དང ། སྲོག་གསོན་པ་ཉིད་ནི་བདུན་པ་སྟེ། ལུས་བདུན་པོ་དེ་དག་ནི་མ་བྱས་པ། བྱས་པས་མ་བྱས་པ། མ་སྤྲུལ་པ། སྤྲུལ་པས་མ་བྱས་པ། གནོད་པར་བྱ་བ་མ་ཡིན་པ། ཐེར་ཟུག་ཏུ་གནས་པ། ཀ་བ་བཞིན་དུ་གནས་པ་དག་ཡིན་ནོ། །དེ་དག་འདི་ལྟ་སྟེ། བསོད་ནམས་སུ་འགྱུར་བའི་ཕྱིར་རམ། །སྡིག་པར་འགྱུར་བའི་ཕྱིར་རམ། བསོད་ནམས་དང་སྡིག་པར་འགྱུར་བའི་ཕྱིར་རམ། བདེ་བར་འགྱུར་བའི་ཕྱིར་རམ། སྡུག་བསྔལ་བར་འགྱུར་བའི་ཕྱིར་རམ། བདེ་བ་སྡུག་བསྔལ་བར་འགྱུར་བའི་ཕྱིར་གཡོ་བར་མི་བྱེད། རྣམ་པར་འགྱུར་བར་མི་བྱེད། གཅིག་ལ་གཅིག་གནོད་པར་མི་བྱེད་དོ། །སྐྱེས་བུ་གང་གིས་སྐྱེས་བུའི་མགོ་གཅོད་པར་བྱེད་པ་དེས་ཀྱང་འཇིག་རྟེན་ན་གཡོ་བའམ། གནས་པ་ལ་གནོད་པ་ཅུང་ཟད་མི་བྱེད་དེ། ལུས་བདུན་པོ་དག་ལ་བར་མེད་པར་མཚོན་ཐལ་བྱུང་དུ་འགྲོ་ཞིང་དེར་སྲོག་ལ་གནོད་པ་ཡང་མེད་དོ། །དེ་ལ་གསོད་པ་བྱེད་པའམ། གསོད་དུ་བཅུག་པའམ། དྲན་པར་བྱེད་པའམ། དྲན་པར་བྱེད་དུ་བཅུག་པའམ། སྐུལ་བར་བྱེད་པའམ། སྐུལ་དུ་བཅུག་པའམ། རྣམ་པར་རིག་པར་བྱེད་པའམ། རྣམ་པར་རིག་པར་བྱེད་དུ་བཅུག་པ་འགའ་ཡང་མེད་དོ། །བྱིས་པའམ། མཁས་པ་གང་དག་ཡིན་པ་དག་ནི་
Nga382a
༄#། །སྐྱེ་གནས་གཙོ་བོ་དང་ལྡན་པ་ཁྲི་བཞི་སྟོང་དང ། རྟོག་པ་ཆེན་པོ་དྲུག་ཁྲི་དང ། དྲུག་བརྒྱ་དང ། ལས་ལྔ་དང ། ལས་གསུམ་དང ། ལས་གཉིས་དང ། ལས་དང ། ལས་ཕྱེད་དང ། ལས་དྲུག་ཅུ་རྩ་གཉིས་དང ། རྟོག་པ་བར་མ་དྲུག་ཅུ་རྩ་གཉིས་དང ། འདུ་ཤེས་བདུན་དང ། སེམས་ཅན་དམྱལ་བ་བརྒྱ་ཉི་ཤུ་དང ། དབང་པོ་བརྒྱ་སུམ་ཅུ་དང ། རྡུལ་གྱི་ཁམས་སུམ་ཅུ་རྩ་དྲུག་དང ། ཀླུའི་རིགས་བཞི་ཁྲི་དགུ་སྟོང་དང ། ནམ་མཁའ་ལྡིང་གི་རིགས་བཞི་ཁྲི་དགུ་སྟོང་དང ། ཀུན་ཏུ་རྒྱུའི་རིགས་བཞི་ཁྲི་དགུ་སྟོང་དང ། ཀུན་ཏུ་འཚོ་བའི་རིགས་བཞི་ཁྲི་དགུ་སྟོང་དང ། གཅེར་བུ་པའི་རིགས་བཞི་ཁྲི་དགུ་སྟོང་དང ། འདུ་ཤེས་ཅན་གྱི་གནས་བདུན་དང ། འདུ་ཤེས་མེད་པའི་གནས་བདུན་དང ། ལྷ་མ་ཡིན་བདུན་དང ། ཤ་ཟ་བདུན་དང ། ལྷ་བདུན་དང ། མི་བདུན་དང ། མཚོ་བདུན་དང ། མཚོ་བདུན་བརྒྱ་དང ། འབྲི་བ་བདུན་དང ། འབྲི་བ་བདུན་བརྒྱ་དང ། རྨི་ལམ་བདུན་དང ། རྨི་ལམ་བདུན་བརྒྱ་དང ། སད་པ་བདུན་དང ། སད་པ་བདུན་བརྒྱ་དང ། གཡང་ས་བདུན་དང ། གཡང་ས་བདུན་བརྒྱ་དང ། རིགས་བཙུན་པ་དྲུག་དང ། མངོན་པར་མཐོ་བ་བཅུ་དང ། སྐྱེས་བུ་ཆེན་པོ་བརྒྱད་པོ་དེ་དག་ཏུ་བསྐལ་པ་ཆེན་པོ་བརྒྱད་ཁྲི་བཞི་སྟོང་དུ་མཚམས་སྦྱར་ཅིང་འཁོར་ནས་སྡུག་བསྔལ་མཐར་བྱེད་དོ། །འདི་ལྟ་སྟེ་དཔེར་ན། སྐུད་པའི་དྲུ་གུ་ཡང་སྟེང་གི་
Nga382b
ནམ་མཁའ་ལས་འཕངས་པ་གཟངས་པ་ན་ས་ལ་འབབ་པ་དེ་བཞིན་དུ་བྱིས་པའམ། མཁས་པ་གང་དག་ཡིན་པ་དག་ཀྱང་དེ་དག་ལ་བསྐལ་པ་ཆེན་པོ་བརྒྱད་ཁྲི་བཞི་སྟོང་དུ་མཚམས་སྦྱོར་ཅིང་འཁོར་ན་སྡུག་བསྔལ་མཐར་བྱེད་དོ། །དེ་ལ་དགེ་སྦྱོང་དང ། བྲམ་ཟེ་གང་དག་འདི་སྐད་ཅེས། བདག་ཚུལ་ཁྲིམས་སམ། བརྟུལ་ཞུགས་སམ། དཀའ་ཐུབ་བམ། ཚངས་པར་སྤྱོད་པ་ལ་གནས་པ་འདིས་ལས་ཡོངས་སུ་སྨིན་པར་བྱ་ཞིང ། ཡོངས་སུ་སྨིན་པ་ནི་རེག་པར་བྱས་ནས་བྱང་པར་བྱའོ་ཞེས་ཟེར་བ་འགའ་ཡང་མེད་དོ། །བདེ་བ་དང ། སྡུག་བསྔལ་འདི་ངེས་པ་ཡིན་ནོ། །ཡར་སྐྱེ་བ་དང ། མར་འགྲིབ་པ་ནི་མི་སྲིད་དོ། །འདི་ལྟ་བུ་འདི་ཉིད་དང་གཞན་མ་ཡིན་པས་འཁོར་བ་གཞལ་ལོ་ཞེས་མཆི་སྟེ། བཙུན་པ་དཔེར་ན་མི་ཞིག་ཨ་མྲའི་འབྲས་བུ་རྣམས་དྲིས་ན། ལ་ཀུ་ཙའི་འབྲས་བུ་རྣམས་ལུང་སྟོན་པར་བགྱིད་ལ། ལ་ཀུ་ཙའི་འབྲས་བུ་རྣམས་དྲིས་ན། ཨ་མྲའི་འབྲས་བུ་རྣམས་ལུང་སྟོན་པར་བགྱིད་པ་དེ་བཞིན་དུ་མི་ཕམ་སྐྲའི་ལ་བ་ཅན་ལ་བདག་གིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་དྲིས་ན། འཁོར་བདག་ཉིད་ལུང་སྟོན་པར་བགྱིད་ནས། བཙུན་པ་དེ་ལ་བདག་འདི་སྙམ་དུ་སེམས་ཏེ། བདག་འདྲ་བའི་སྐྱེས་བུ་མཁས་པས་གཟུགས་མཛེས་པར་བཀུར་བ། ཡུལ་ན་གཉུག་མར་གནས་པའི་དགེ་སྦྱོང་ངམ། བྲམ་ཟེ་ལ་ང་ཇི་ལྟར་མངོན་སུམ་དུ་སྨད་པར་བྱ་སྙམ་ནས་མི་ཕམ་སྐྲའི་ལ་བ་ཅན་
Nga383a
༄#། །གྱིས་སྨྲས་པ་ལ་མངོན་པར་བསྟོད་པར་ཡང་མི་བགྱིད། སྨད་པར་ཡང་མི་བགྱིད་དེ། མངོན་པར་བསྟོད་པར་ཡང་མ་བགྱིས། སྨད་པར་ཡང་མ་བགྱིས་པར་སྟན་ལས་ལངས་ཏེ་མཆིས་ནས་བདག་གཅེར་བུ་པ་གཉེན་གྱི་བུ་གང་ན་བ་དེར་མཆིས་ནས། གཅེར་བུ་གཉེན་གྱི་བུ་ལ་འདི་སྐད་ཅེས་བཙུན་པ་གཉེན་གྱི་བུ་འཇིག་རྟེན་གྱི་ལས་ཀྱི་གནས་དང ། བཟོའི་གནས་ཐ་དད་པ་གང་དག་ཡིན་པ་འདི་ལྟ་སྟེ། ཕྲེང་རྒྱུད་པ་དང ། སྨྱུག་མ་མཁན་དང ། གདན་པ་དང ། རྩཝ་ཐུན་དང ། འདུལ་མཁན་དང ། གླང་པོ་ཆེ་ལ་ཞོན་པ་དང ། རྟ་ལ་ཞོན་པ་དང ། ཤིང་རྟ་མཁན་དང ། རལ་གྲིའི་ཐབས་དང ། གཞུའི་འཛིན་སྟངས་པ་དང ། ཞབས་འབྲིང་བྱེད་པ་དང ། གོ་རེ་ལོང་དང ། བྲོ་གར་ལེན་པ་དང།་རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང ། མཉེས་པར་བྱེད་པ་དང ། སྐྲ་མཁན་དང ། ཁྲུས་མཁན་དེ་རྣམས་རང་རང་གི་བཟོའི་གནས་དང ། ལས་ཀྱི་གནས་རྣམས་ཀྱི་བྱ་བ་བྱེད་ཅིང་སྦྱིན་པ་དག་གཏོང ། བསོད་ནམས་དག་བྱེད་ལ་གསོ་བ་རྣམས་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས། རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ན། དེ་ལྟ་བུ་རྣམས་ལ་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་འཐོབ་བམ་ཞེས་དྲིས་པ་ན། དེ་
Nga383b
འདི་སྐད་ཅེས་རྒྱལ་པོ་ཆེན་པོ་བདག་ནི་འདི་ལྟར་ལྟ་ཞིང་འདི་སྐད་སྨྲ་སྟེ། སྐྱེས་བུ་གང་ཟག་འདིས་སོ་སོར་མྱོང་བ་གང་ཡིན་པ་ཅི་ཡང་རུང་སྟེ། དེ་ཐམས་ཅད་སྔོན་བྱས་པའི་རྒྱུ་ལས་བྱུང་བ་ཡིན་ནོ། །ལས་རྙིང་པ་རྣམས་ནི་དཀའ་ཐུབ་ཀྱིས་འབྱང་བར་འགྱུར་ལ། ལས་སར་པ་རྣམས་ནི་མི་བྱ་བའི་ཆུ་ལོན་གྱིས་བཟློག་པར་བྱའོ། །དེ་ལྟར་ན་ཕྱིན་ཆད་ཟག་པ་མེད་དོ། །ཟག་པ་མེད་ན་ལས་ཟད་དོ། །ལས་ཟད་ན་སྡུག་བསྔལ་ཟད་དོ། །སྡུག་བསྔལ་ཟད་ན་སྡུག་བསྔལ་མཐར་བྱེད་དོ་ཞེས་མཆི་སྟེ། བཙུན་པ་དཔེར་ན་མི་ཞིག་ཨ་མྲའི་འབྲས་བུ་རྣམས་དྲིས་ན། ལ་ཀུ་ཙའི་འབྲས་བུ་རྣམས་ལུང་སྟོན་པར་བགྱིད་ལ། ལ་ཀུ་ཙའི་འབྲས་བུ་རྣམས་དྲིས་ན། ཨ་མྲའི་འབྲས་བུ་རྣམས་ལ་ལུང་སྟོན་པར་བགྱིད་པ་དེ་བཞིན་དུ་གཅེར་བུ་པ་གཉེན་གྱི་བུ་ལ་བདག་གིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་དྲིས་ན་སྔོན་བགྱིས་པའི་རྒྱུ་ལས་བྱུང་བ་ཉིད་ལུང་སྟོན་པར་བགྱིད་ནས། བཙུན་པ་དེ་ལ་བདག་འདི་སྙམ་དུ་སེམས་ཏེ། བདག་འདྲ་བའི་སྐྱེས་བུ་མཁས་པས་གཟུགས་བཟང་པོར་བཀུར་བ། ཡུལ་ན་གཉུག་མར་གནས་པའི་དགེ་སྦྱོང་ངམ་བྲམ་ཟེ་ལ་མངོན་སུམ་དུ་སྨད་པ་ནི་བདག་གི་ཆ་མ་ལགས་སོ་སྙམ་ནས་བདག་གིས་གཅེར་བུ་པ་གཉན་གྱི་བུའི་སྨྲས་བ་ལ་མངོན་པར་བསྟོད་པ་ཡང་མི་བགྱིད། སྨད་པར་ཡང་མི་བགྱིད་དེ། མངོན་པར་བསྟོད་པ་ཡང་མ་བགྱིས། །སྨད་པ་ཡང་མ་བགྱིས་པར་སྟན་ལས་ལངས་ཏེ་མཆིས་ནས་
Nga384a
༄#། །བདག་ཀ་ཏྱའི་བུ་ནོག་ཅན་གང་ན་བ་དེར་མཆིས་ཏེ། མཆིས་ནས་ཀ་ཏྱའི་བུ་ནོག་ཅན་ལ་འདི་སྐད་ཅེས། བཙུན་པ་ཀ་ཏྱའི་བུ་འཇིག་རྟེན་གྱི་ལས་ཀྱི་གནས་དང ། བཟོའི་གནས་ཐ་དད་པ་གང་དག་ཡིན་པ་འདི་ལྟ་སྟེ། ཕྲེང་རྒྱུད་པ་དང ། སྨྱུག་མ་མཁན་དང ། གདན་པ་དང ། རྩཝ་ཐུན་དང ། འདུལ་མཁན་དང ། གླང་པོ་ལ་ཞོན་པ་དང ། རྟ་ལ་ཞོན་པ་དང ། ཤིང་རྟ་མཁན་དང ། རལ་གྲིའི་ཐབས་དང ། གཞུའི་འཛིན་སྟངས་པ་དང ། ཞབས་འབྲིང་བྱེད་པ་དང ། གོ་རེ་ལོང་དང ། བྲོ་གར་ལེན་པ་དང ། རྒྱལ་པོའི་བུ་རབ་གནོན་ཚན་པ་ཆེ་དཔའ་བརྟུལ་ཕོད་པ་རྣམས་དང ། མཉེས་པར་བྱེད་པ་དང ། སྐྲ་མཁན་དང ། ཁྲུས་མཁས་དེ་རྣམས་རང་རང་གི་བཟོའི་གནས་དང ། ལས་ཀྱི་གནས་རྣམས་ཀྱི་བྱ་བ་བྱེད་ཅིང་སྦྱིན་པ་དག་གཏོང་བསོད་ནམས་དག་བྱེད་ལ། གསོ་བ་རྣམས་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས། རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ན།་དེ་ལྟ་བུ་རྣམས་ལ་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་འཐོབ་བམ་ཞེས་དེ་སྐད་དྲིས་པ་དང ། ཀ་ཏྱའི་བུ་ནོག་ཅན་བདག་ལ་འདི་སྐད་རྒྱལ་པོ་ཆེན་པོ་བདག་ནི་འདི་ལྟར་ལྟ་ཞིང་འདི་སྐད་སྨྲ་སྟེ། གལ་ཏེ་འགའ་ཞིག་བདག་གི་གན་དུ་མཆིས་ཏེ་འདི་སྐད་ཅེས་འཇིག་རྟེན་ཕ་རོལ་ཡོད་དམ་ཞེས་དྲིས་ན་དེ་ལ་བདག་འཇིག་རྟེན་ཕ་
Nga384b
རོལ་ཡོད་དོ་ཞེས་དྲི་བ་དྲིས་པའི་ལན་འདེབས་སོ། །འཇིག་རྟེན་ཕ་རོལ་མེད་པ་དང ། འཇིག་རྟེན་ཕ་རོལ་ཡོད་པ་དང ། མེད་པ་དང ། ཡོད་པ་ཡང་མ་ཡིན། མེད་པ་ཡང་མ་ཡིན་པ་དང ། དེ་བཞིན་དུ་འཇིག་རྟེན་ཕ་རོལ་འདི་ལྟ་བུ་ཉིད་དང ། འདི་ལྟ་བུ་ཉིད་མ་ཡིན་པ་དང ། གཞན་ཉིད་དང ། གཞན་ཉིད་མ་ཡིན་པ་དང ། འཇིག་རྟེན་ཕ་རོལ་གཞན་མ་ཡིན་པ་ཉིད་དང ། གཞན་མ་ཡིན་པ་ཉིད་མ་ཡིན་པ་ཡིན་ནམ་ཞེས་འདྲི་ན། དེ་ལ་འཇིག་རྟེན་ཕ་རོལ་གཞན་མ་ཡིན་པ་ཉིད་དང ། གཞན་མ་ཡིན་པ་ཉིད་མ་ཡིན་ནོ་ཞེས་དྲིས་པའི་ལན་འདེབས་སོ་ཞེས་མཆིས་ནས་བདག་དེ་ལ་འདི་སྙམ་དུ་སེམས་ཏེ། རྒྱལ་པོའི་ཁབ་འདི་ན་རབ་ཏུ་བྱུང་བར་གྱུར་པ་ཇི་སྙེད་གནས་དེ་རྣམས་ཀྱི་ནང་ནས་ལྷག་པར་བླུན་པ། ལྷག་པར་གླེན་པ། ལྷག་པར་སླུ་བར་བྱེད་པ་ནི་འདི་ལྟ་སྟེ། ཀ་ཏྱའི་ནོག་ཅན་འདི་ཡིན་ནོ་སྙམ་པ་ལས། དེ་ལ་ཡང་བདག་འདི་སྙམ་དུ་སེམས་ཏེ། བདག་འདྲ་བའི་སྐྱེས་བུ། མཁས་པས་གཟུགས་བཟང་པོར་བཀུར་བ། ཡུལ་ན་གཉུག་མར་གནས་པ་དགེ་སྦྱོང་ངམ། བྲམ་ཟེ་མངོན་སུམ་དུ་སྨད་པ་ནི། བདག་གི་ཆ་མ་ལགས་སོ་སྙམ་ནས། བདག་གིས་ཀ་ཏྱའི་བུ་ནོག་ཅན་གྱིས་སྨྲས་པ་ལ་མངོན་པར་བསྟོད་པར་ཡང་མི་བགྱིད། སྨད་པར་ཡང་མི་བགྱིད་དེ་མངོན་པར་བསྟོད་པ་ཡང་མ་བགྱིས། །སྨད་པ་ཡང་མ་བགྱིས་པར་སྟན་ལས་ལངས་ཏེ། མཆིས་ལགས་ཏེ། བཅོམ་ལྡན་འདས་ལ་བདག་དོན་དེ་ཁོ་ན་ཞུ་ལགས་ན། བཙུན་པ་
Nga385a
༄#། །འཇིག་རྟེན་གྱི་ལས་ཀྱི་གནས་དང ། བཟོའི་གནས་ཐ་དད་པ་གང་དག་ལགས་པ་འདི་ལྟ་སྟེ། ཕྲེང་རྒྱུད་པ་དང ། སྨྱུག་མ་མཁན་དང ། གདན་པ་དང ། རྩཝ་ཐུན་དང ། འདུལ་མཁན་དང ། གླང་པོ་ཆེ་ལ་འཚལ་བ་དང ། རྟ་ལ་འཚལ་བ་དང ། ཤིང་རྟ་མཁན་དང ། རལ་གྲིའི་ཐབས་དང ། གཞུའི་འཛིན་སྟངས་པ་དང ། ཞབས་འབྲིང་བགྱིད་བ་དང ། གོ་རེ་ལོང་དང ། བྲོ་གར་ལེན་པ་དང ། རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང ། མཉེས་པར་བགྱིད་པ་དང ། སྐྲ་མཁན་དང ། ཁྲུས་མཁན་དེ་རྣམས་རང་རང་གི་བཟོའི་གནས་དང ། ལས་ཀྱི་གནས་རྣམས་ཀྱིས་བགྱི་བ་བགྱིད་ཅིང ། སྦྱིན་པ་དག་སྩོལ། བསོད་ནམས་དག་བགྱིད་ལ། གསོ་བ་དག་གསོ་ཞིང ། འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས། རྩེ་བར་བགྱིད། དགའ་བར་བགྱིད། དགའ་མགུར་སྤྱོད་པར་བགྱིད་ན་དེ་ལྟ་བུ་རྣམས་ལ་ཡང་དག་པར་མ་ཐོང་བའི་དགེ་སྦྱོང་གི་ཚུལ་གྱི་འབྲས་བུ་གདགས་པ་ཐོབ་ལགས་སམ། རྒྱལ་པོ་ཆེན་པོ་དེའི་ཕྱིར་ཁྱོད་ཉིད་ལ་དྲི་ཡིས། ཁྱོད་ཀྱིས་ཇི་ལྟར་བཟོད་པ་དེ་བཞིན་དུ་དེ་ལུང་སྟོན་ཅིག་།རྒྱལ་པོ་ཆེན་པོ་དཔེར་ན་འདི་ན་ཁྱོད་ཀྱི་བྲན་མངག་གཞུག་པ་གོ་རེ་ལོང་རང་དབང་མེད་པ། དགའ་མགུར་བྱར་མེད་པ་ཞིག་ཡོད་པ་དེས། ཁྱོད་སྟེང་གི་ཁང་བཟང་གི་གཞི་ལ་འདུག་སྟེ། འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས་སྐྱེས་པ་མེད་པར་རོལ་མོས་རྩེ་བར་བྱེད། དགའ་བར་བྱེད།
Nga385b
དགའ་མགུར་སྤྱོད་པར་བྱེད་པ་མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་འདི་ཡང་མི་ཡིན་ལ། བདག་ཀྱང་མི་ཡིན་པ་ལས་གཞན་དུ་ན། ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་སྔོན་བསོད་ནམས་བསོད་ནམས་དག་བྱས་ཤིང་བསགས་པ་དེས་ན། ད་ལྟར་སྟེང་གི་ཁང་བཟང་གི་གཞི་ལ་འདུག་ནས་སྐྱེས་པ་མེད་པའི་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱིས། མ་ལ་བདག་གིས་ཀྱང་དགེ་བའི་ཆོས་ཅུང་ཟད་ཡང་དག་པར་བླངས་ཏེ་གནས་པར་བྱའོ་སྙམ་ཞིང་བདག་གིས་དགེ་བའི་ཆོས་ཅི་ཞིག་ཡང་དག་པར་བླངས་ཏེ་གནས་པར་བྱ་སྙམ་པ་ལས། མ་ལ་བདག་སྐྲ་དང ། ཁས་པུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ན་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་ནས། དེས་དེ་ལྟར་ཐག་བཅད་དེ། སྐྲ་དང ། ཁ་སྤུ་བྲེགས་ནས་གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེས་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་།མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཁྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་སྤངས་ཏེ་ལོག་པར་ལྟ་བ་ལས་སླར་ལོག་པར་གྱུར་བ་དེ། ཁྱོད་ཀྱི་ཞོ་ཤས་འཚོ་བ་རྣམས་ལྗོངས་སུ་འཁྱམ་ཞིང་དོང་བས་མཐོང་ངོ ། །མཐོང་
Nga386a
༄#། །ནས་ཀྱང་དེ་རྣམས་འདི་སྙམ་དུ་སེམས་ཏེ། འདི་ནི་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲའི་འབངས་མངག་གཞུག་པ་གོ་རེ་ལོང་རང་དབང་མེད་པ། དགའ་མགུར་བྱར་མེད་པ་ཡིན་ན། དེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེ་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་།མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཁྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་སྤངས་ཏེ། ལོག་པར་ལྟ་བ་ལས་སླར་ལོག་ནས་ཡང་དག་པའི་ལྟ་བ་དང་ལྡན་གྱིས་མ་ལ་བདག་ཅག་རྒྱལ་པོའི་སྤྱན་སྔར་དོང་ལ་སྙན་དུ་གསོལ་ལོ་ཞེས་དེ་རྣམས་ཁྱོད་ཀྱི་དྲུང་དུ་འོངས་ནས་སྨྲས་པ། ལྷ་མཁྱེན་པར་མཛད་དུ་གསོལ། ལྷའི་འབངས་མངག་གཞུག་པ་གོ་རེ་ལོང་རང་དབང་མ་མཆིས་པ། དགའ་མགུར་བགྱིར་མ་མཆིས་པ་ཞིག་མཆིས་པ་དེ། སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེས་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་།མ་བྱིན་པར་ལེན་པ་དང ། མི་ཚངས་པ་སྤྱོད་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཁྱལ་པ་དང །
Nga386b
བརྣབ་སེམས་དང ། གནོད་སེམས་དང ། ལོག་པར་ལྟ་བ་སྤངས་ཏེ། ལོག་པར་ལྟ་བ་ལས་སླར་ལོག་ནས་ཡང་དག་པའི་ལྟ་བ་དང་ལྡན་ལགས་སོ་ཞེས་སྨྲ་ན། རྒྱལ་པོ་ཆེན་པོ་དེ་ལ་ཇི་སྙམ་དུ་སེམས། ཅི་ག་ཁྱོད་ཀྱིས་དེ་སྐད་སྨྲ་བ་ལ་ཤེས་ལྡན་དག་དེང་ལ་མི་དེ་ཁུག་ཅིག་དང ། སླར་ཡང་ངའི་བྲན་མངག་གཞུག་པ་གོ་རེ་ལོང་རང་དབང་མེད་པར་འགྱུར་རོ་ཞེས་སྨྲ་བར་འགྱུར་རམ། བཙུན་པ་མ་ལགས་སོ། །གཞན་དུ་ན་བདག་དེ་ལ་ལྟ་བའི་སླད་དུ་མཆི་སྟེ། དེས་སྔོན་བདག་ལ་མངོན་དུ་སྨྲ་བ་དང ། ཕྱག་འཚལ་བ་དང ། ལྡང་པ་དང ། ཐལ་མོ་སྦྱར་བ་དང ། འདུད་པའི་ལས་གང་ལགས་པ་བགྱིས་ལགས་པས། དེ་ཉིད་ལ་བདག་གིས་དེ་དག་བགྱི་ཞིང ། ཇི་སྲིད་འཚོའི་བར་དུ་དེ་ལ་འདི་ལྟ་སྟེ། ཆོས་གོས་དང ། བསོད་སྙོམས་དང ། གནས་མལ་དང ། ནད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བསྟབ་པར་བགྱིའོ། །རྒྱལ་པོ་ཆེན་པོ་དེ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ན་བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །རྒྱལ་པོ་ཆེན་པོ་དཔེར་ན། ཁྱོད་ཀྱི་མུལ་འདི་ན་ཁྱིམ་བདག་ཞིང་པ་སྐྲུན་པ་སྐྱེད་པ། རྒྱལ་པོ་པོའི་བང་མཛོད་འཕེལ་བར་བྱེད་པ་ཞིག་ཡོད་པ་དེས། ཁྱོད་སྟེང་གི་ཁང་བཟང་གི་གཞི་ལ་འདུག་ནས་སྐྱེས་པ་མེད་པར་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་
Nga387a
༄#། །མཐོང་ངོ ། །མཐོང་ནས་ཀྱང་འདི་སྙམ་དུ་སེམས་ཏེ། ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་འདི་ཡང་མི་ཡིན་ལ། བདག་ཀྱང་མི་ཡིན་པ་ལས། གཞན་དུ་ན་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་སྔོན་བསོད་ནམས་དག་བྱས་ཤིང་བསགས་པ་དེས་ན། ད་ལྟར་སྟེང་གི་ཁང་བཟང་གི་གཞིར་སོང་ནས། སྐྱེས་པ་མེད་པའི་རོལ་མོས་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་ཀྱིས། མ་ལ་བདག་གིས་ཀྱང་དགེ་བ་ཅུང་ཟད་ཡང་དག་པར་བླངས་ཏེ་གནས་པར་བྱའོ་སྙམ་ཞིང་བདག་གིས་དགེ་བའི་ཆོས་ཅི་ཞིག་ཡང་དག་པར་བླངས་ཏེ། གནས་པར་བྱ་སྙམ་པ་ལས། མ་ལ་བདག་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་ནས། དེས་དེ་ལྟར་ཐག་བཅད་དེ་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་དེས་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་།མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཁྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་སྤངས་ཏེ། ལོག་པར་བལྟ་བ་ལས་སླར་ལོག་པར་གྱུར་བ་དེ་ཁྱོད་ཀྱི་ཞོ་ཤས་འཚོ་བ་རྣམས་ལྗོངས་སུ་འཁྱམ་
Nga387b
ཞིང་དོང་བས་མཐོང་ངོ ། །མཐོང་ནས་ཀྱང་དེ་དག་འདི་སྙམ་དུ་སེམས་ཏེ། འདི་ནི་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲའི་ཁྱིམ་བདག་ཞིང་པ་སྐྲུན་པ་སྐྱེད་པ་རྒྱལ་པོའི་བང་མཛོད་འཕེལ་བར་བྱེད་པ་ཡིན་ན། དེ་སྐྲ་དང་ཁ་སྤུ་བྲེགས་ནས། གོས་ངུར་སྨྲིག་བགོས་ཏེ། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས། དེ་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་།མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་ཁྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་སྤངས་ཏེ། ལོག་པར་ལྟ་བ་ལས་སླར་ལོག་ནས་ཡང་དག་པའི་ལྟ་བ་དང་ལྡན་གྱིས་མ་ལ་བདག་ཅག་རྒྱལ་པོའི་སྤྱན་སྔར་དོང་ལ་གསོལ་ལོ། །ཞེས་དེ་རྣམས་ཁྱོད་ཀྱི་དྲུང་དུ་འོངས་ནས་སྨྲས་པ། ལྷ་མཁྱེན་པར་མཛད་དུ་གསོལ། ལྷའི་ཁྱིམ་བདག་ཞིང་པ་སྐྲུན་པ་སྐྱེད་པ། རྒྱལ་པོའི་བང་མཛོད་འཕེལ་བར་བགྱིད་པ་ཞིག་མཆིས་པ་དེ་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་དེ་ཇི་སྲིད་འཚོའི་བར་དུ་སྲོག་གཅོད་པ་སྤངས་ཏེ། སྲོག་གཅོད་པ་ལས་སླར་ལོག་།མ་བྱིན་པར་ལེན་པ་དང ། མི་ཚངས་པར་སྤྱོད་པ་དང ། བརྫུན་དུ་སྨྲ་བ་དང ། ཕྲ་མ་དང ། ཚིག་རྩུབ་པོ་དང ། ཚིག་
Nga388a
༄#། །ཁྱལ་པ་དང ། བརྣབ་སེམས་དང ། གནོད་སེམས་དང ། ལོག་པར་ལྟ་བ་སྤངས་ཏེ། ལོག་པར་ལྟ་བ་ལས་སླར་ལོག་སྟེ། ཡང་དག་པའི་ལྟ་བ་དང་ལྡན་ལགས་སོ་ཞེས་སྨྲ་ན། རྒྱལ་པོ་ཆེན་པོ་དེ་ཇི་སྙམ་དུ་སེམས། ཇི་ག་ཁྱེད་ཀྱིས་དེ་སྐད་སྨྲ་བ་ལ། ཤེས་ལྡན་དག་དེང་ལ་མི་དེ་ཁུག་ཅིག་དང ། སླར་ཡང་ངའི་ཞིང་པ་སྐྲུན་པ་སྐྱེད་པ་རྒྱལ་པོའི་བང་མཛོད་འཕེལ་བར་འགྱུར་ཞེས་སྨྲ་བར་འགྱུར་རམ། བཙུན་པ་མ་ལགས་སོ། །གཞན་དུ་ན་བདག་དེ་ལ་བལྟ་བའི་སླད་དུ་མཆི་སྟེ། དེས་སྔོན་བདག་ལ་མངོན་དུ་སྨྲ་བ་དང་ཕྱག་འཚལ་བ་དང་ལྡང་བ་དང་ཐལ་མོ་སྦྱར་བ་དང་འདུད་པའི་ལས་གང་དག་ལགས་པ་བགྱིད་ལགས་པས་དེ་ཉིད་ལ་བདག་གིས་དེ་དག་བགྱི་ཞིང་ཇི་སྲིད་འཚོའི་བར་དུ་དེ་ལ་འདི་ལྟ་སྟེ་ཆོས་གོས་དང ། བསོད་སྙོམས་དང ། གནས་མལ་དང ། ནད་ཀྱི་རྐྱེན་སྨན་གྱི་ཡོ་བྱད་རྣམས་ཀྱིས་བསྟབ་པར་བགྱིའོ། །རྒྱལ་པོ་ཆེན་པོ་དེ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །རྒྱལ་པོ་ཆེན་པོ་འདི་ལ་སྟོན་པ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ་འཇིག་
Nga388b
རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་སྟེ། དེས་ཆོས་བཤད་པ་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ་ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ་ཡོངས་སུ་དག་པ། རྣམ་པར་བྱང་བ། ཚངས་པར་སྤྱོད་པ་རབ་ཏུ་སྟོན་ཏེ། ཆོས་དེ་ཁྱིམ་བདག་གམ། ཁྱིམ་བདག་གི་བུས་མཉན་ཏེ། དེས་ཆོས་དེ་ཐོས་ནས། གནས་གསུམ་པོ་འདི་ལྟ་སྟེ། ཆགས་པའི་ཆོས་དང ། ཞེ་སྡང་གི་ཆོས་དང ། གཏི་མུག་གི་ཆོས་ལ་སྟོན་པའི་རྣམ་པར་དག་པ་ཚོལ་བར་བྱེད་དེ། ཅི་ཚེ་དང་ལྡན་པ་འདི་ལ་ཆགས་པ་གང་གིས་ཟིལ་གྱིས་ནོན་ཅིང་སེམས་ལ་ཁྱབ་ན་མི་ཤེས་བཞིན་ཁོ་ནར་ཤེས་སོ་ཞེས་སྨྲ། མ་མཐོང་བཞིན་ཁོ་ནར་མཐོང་ངོ་ཞེས་སྨྲ་ཞིང ། གཞན་དག་ལ་ཡང་དག་དེ་དག་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་པ་དེ་ལྟ་དེ་ལྟར་སྟོན་པའི་ཆགས་པ་མ་སྤངས་པ་དང ། ཡོངས་སུ་མ་ཤེས་པ་དང ། མ་བཀག་པ་དང ། མ་བསལ་བའི་ཆགས་པ་དེ་ཡོད་དམ། འོན་ཏེ་ཚེ་དང་ལྡན་པ་འདི་ལ་ཆགས་པ་གང་གིས་ཟིལ་གྱིས་ནོན་ཅིང ། སེམས་ལ་ཁྱབ་ན་མི་ཤེས་བཞིན་ཁོ་ནར་ཤེས་སོ་ཞེས་སྨྲ། མ་མཐོང་བཞིན་ཁོ་ནར་མཐོང་ངོ་སྨྲ་ཞིང ། གཞན་དག་ལ་ཡང་གང་དེ་དག་ལ་ཡུན་རིང་པོར་གནོད་
Nga389a
༄#། །པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་བ་དེ་ལྟ་དེ་ལྟར་སྟོན་པའི་ཆགས་པ་མ་སྤངས་པ་དང ། ཡོངས་སུ་མ་ཤེས་པ་དང ། མ་བཀག་པ་དང ། མ་བསལ་བའི་ཆགས་པ་དེ་མེད་སྙམ་ན། དེ་འདི་སྙམ་དུ་སེམས་ཏེ། ཚེ་དང་ལྡན་པ་འདི་ལ་ཆགས་པ་གང་གི་ཟིལ་གྱིས་ནོན་ཅིང་སེམས་ལ་ཁྱབ་ན། མི་ཤེས་བཞིན་ཁོ་ནར་ཤེས་སོ་ཞེས་སྨྲ། མ་མཐོང་བཞིན་ཁོ་ནར་མཐོང་ངོ་ཞེས་སྨྲ་ཞིང་གཞན་དག་ལ་ཡང་གང་དེ་དག་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་བ་དེ་ལྟ་དེ་ལྟར་སྟོན་པའི་ཆགས་པ་མ་སྤངས་པ་དང ། ཡོངས་སུ་མ་ཤེས་པ་དང ། མ་བཀག་པ་དང ། མ་བསལ་བའི་ཆགས་པ་མེད་དོ། །དེའི་ཅིའི་ཕྱིར་ཞེ་ན། མ་ཆགས་པའི་ལུས་ཀྱི་འདུ་བྱེད་དང ། ངག་གི་འདུ་བྱེད་དང ། ཡིད་ཀྱི་འདུ་བྱེད་གང་དག་ཡིན་པ་དེ་དག་།ཚེ་དང་ལྡན་པ་འདི་ལ་ཡོད་ལ་འདི་ཆོས་གང་མདོར་བསྡུས་པའམ། རྒྱས་པར་འཆད་ཀྱང་རུང ། འདིའི་ཆོས་ནི་ཞི་བ། གྱ་ནོམ་པ། ཟབ་པ་ཟབ་པར་སྣང་བ། མཐོང་བར་དཀའ་བ། རྟོགས་པར་དཀའ་བ། བརྟག་པར་བྱ་བ་མ་ཡིན་པ། རྟོག་གེའི་སྤྱོད་ཡུལ་མ་ཡིན་པ། ཞིབ་མོ་བརྟགས་པའི་མཁས་པ་དང ། མཛངས་པས་རིག་པ་བྱ་བ་ཡིན་ན། དེ་ཡང་འདི་ལྟར་ཚེ་དང་ལྡན་པ་འདི་གཅིག་ཏུ་ཆགས་པས་ནི་ཤེས་པར་སླ་བ་མ་ཡིན་
Nga389b
པས། ཚེ་དང་ལྡན་པ་འདི་མ་ཆགས་པ་ཡིན་ཏེ། ཚེ་དང་ལྡན་པ་འདི་ནི་ཆགས་པ་མ་ཡིན་ནོ་སྙམ་མོ། །གང་གི་ཚེ་འདི་དང་པོ་ཆགས་པའི་ཆོས་ལ་རྣམ་པར་དག་པར་མཐོང་ནས། དེའི་འོག་ཏུ་གཉིས་པ་ཞེ་སྡང་གི་ཆོས་དང ། གསུམ་པ་གཏི་མུག་གི་ཆོས་ཚོལ་བར་བྱེད་དེ། ཅི་ཚེ་དང་ལྡན་པ་འདི་ལ་གཏི་མུག་གང་གིས་ཟིལ་གྱིས་ནོན་ཅིང་སེམས་ལ་ཁྱབ་ན་མི་ཤེས་བཞིན་ཁོ་ནར་ཤེས་སོ་ཞེས་སྨྲ། མ་མཐོང་བཞིན་ཁོ་ནར་མཐོང་ངོ་ཞེས་སྨྲ་ཞིང་གཞན་དག་ལ་ཡང་གང་དེ་དག་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་བ་དེ་ལྟ་དེ་ལྟར་སྟོན་པའི་གཏི་མུག་མ་སྤངས་པ་དང ། ཡོངས་སུ་མ་ཤེས་པ་དང ། མ་བཀག་པ་དང ། མ་བསལ་བའི་གཏི་མུག་དེ་ཡོད་དམ། འོན་ཏེ་ཚེ་དང་ལྡན་པ་འདི་ལ་གཏི་མུག་གང་གིས་ཟིལ་གྱིས་ནོན་ཅིང་སེམས་ལ་ཁྱབ་ནས་མི་ཤེས་བཞིན་ཁོ་ནར་ཤེས་སོ་ཞེས་སྨྲ། མ་མཐོང་བཞིན་ཁོ་ནར་མཐོང་ངོ་ཞེས་སྨྲ་ཞིང་གཞན་དག་ལ་ཡང་གང་དེ་དག་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་བ་དེ་ལྟ་དེ་ལྟར་སྟོན་པའི་གཏི་མུག་མ་སྤངས་པ་དང ། ཡོངས་སུ་མ་ཤེས་པ་དང ། མ་བཀག་པ་དང ། མ་བསལ་བའི་གཏི་མུག་དེ་མེད་སྙམ་ན། དེ་འདི་སྙམ་དུ་སེམས་ཏེ། ཚེ་དང་ལྡན་པ་འདི་ལ་གཏི་མུག་གང་གིས་ཟིལ་གྱིས་ནོན་ཅིང་སེམས་ལ་ཁྱབ་ན། མི་ཤེས་བཞིན་ཁོ་ནར་ཤེས་སོ་ཞེས་
Nga390a
༄#། །སྨྲ། མ་མཐོང་བཞིན་ཁོ་ནར་མཐོང་ངོ་ཞེས་སྨྲ་ཞིང་གཞན་དག་ལ་ཡང་གང་དེ་དག་ལ་ཡུན་རིང་པོར་གནོད་པ་དང ། ཕན་པ་མ་ཡིན་པ་དང ། སྡུག་བསྔལ་བར་འགྱུར་བ་དེ་ལྟ་དེ་ལྟར་སྟོན་པའི། གཏི་མུག་མ་སྤངས་པ་དང ། ཡོངས་སུ་མ་ཤེས་པ་དང ། མ་བཀག་པ་དང ། མ་གསལ་བའི་གཏི་མུག་དེ་མེད་དོ། །དེ་ཅིའི་ཕྱིར་ཞེ་ན། གཏི་མུག་མེད་པའི་ལུས་ཀྱི་འདུ་བྱེད་དང ། ངག་གི་འདུ་བྱེད་དང ། ཡིད་ཀྱི་འདུ་བྱེད་གང་དག་ཡིན་པ་དེ་དག་ཚེ་དང་ལྡན་པ་འདི་ལ་ཡོད་ལ། འདི་ཆོས་གང་མདོར་བསྡུས་པའམ། རྒྱས་པར་འཆད་ཀྱང་རུང ། འདིའི་ཆོས་ནི་ཞི་བ་གྱ་ནོམ་པ། ཟབ་པ་ཟབ་པར་སྣང་བ། མཐོང་བར་དཀའ་བ། རྟོགས་པར་དཀའ་བ། བརྟག་པར་བྱ་བ་མ་ཡིན་པ། རྟོག་གེའི་སྤྱོད་ཡུལ་མ་ཡིན་པ། ཞིབ་མོར་བརྟགས་པའི་མཁས་པ་དང ། མཛངས་པས་རིག་པར་བྱ་བ་ཡིན་ན། དེ་ཡང་འདི་ལྟར་ཚེ་དང་ལྡན་པ་འདི་གཅིག་ཏུ་གཏི་མུག་པས་ནི་ཤེས་པར་སླ་བ་མ་ཡིན་པས་ཚེ་དང་ལྡན་པ་འདི་ནི་གཏི་མུག་པ་མ་ཡིན་ཏེ། ཚེ་དང་ལྡན་པ་འདི་ནི་གཏི་མུག་མེད་པ་ཡིན་ནོ་སྙམ་མོ། །གང་གི་ཚེ་འདི་གསུམ་པ་གཏི་མུག་གི་ཆོས་ལ་རྣམ་པར་དག་པར་མཐོང་ནས། དེའི་འོག་ཏུ་འདི་ལ་རྣམ་པ་དང་ལྡན་པའི་དད་པ་སྐྱེད་པར་བྱེད་དོ། །དད་པ་སྐྱེས་ནས་འདི་ལྟར་སློབ་པར་བྱེད་དེ། ཁྱིམ་ན་གནས་པ་ནི་གནོད་པ་ཅན། རྡུལ་ཁྲོད་ན་གནས་པ་ཡིན་ལ། རབ་
Nga390b
ཏུ་བྱུང་བ་ནི་མངོན་པར་སྐབས་ཡོད་པ་ཡིན་ཏེ། ཁྱིམ་པ་ཁྱིམ་ན་གནས་པས་ནི་ཇི་སྲིད་འཚོའི་བར་དུ་གཅིག་ཏུ་སལ་གྱིས་དག་པར་ཚངས་པར་སྤྱོད་པ་ཡོངས་སུ་རྫོགས་པ། ཡོངས་སུ་དག་པ་རྣམ་པར་བྱང་བ་འབའ་ཤིག་པོ་འདི་ལ་སྤྱད་པར་སླ་བ་མ་ཡིན་པས། མ་ལ་བདག་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་སྟེ། དེས་དེ་ལྟར་ཐག་བཅད་ནས་ནོར་གྱི་ཚོགས་མང་པོའམ། ཉུང་དུ་སྤངས་ཏེ་ཉེ་དུའི་འཁོར་མང་པོའམ་ཉུང་དུ་སྤངས་ནས་སྐྲ་དང ། ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ ། །དེ་དེ་བཞིན་དུ་རབ་ཏུ་བྱུང་ནས་དེ་ཚུལ་ཁྲིམས་དང་ལྡན་པ་ལ་གནས་པ་ཡིན། སོ་སོར་ཐར་པའི་སྡོམ་པས་བསྡམས་པ་ཡིན། སྤྱོད་པ་དང ། སྤྱོད་ཡུལ་ཕུན་སུམ་ཚོགས་པ་ཡིན། ཐ་ན་ཁ་ན་མ་ཐོ་བ་ཕྲ་མོ་ལ་ཡང་འཇིགས་པར་ལྟ་བ་ཡིན། བསླབ་པའི་གཞི་རྣམས་བླངས་ཏེ་སློབ་པ་ཡིན་ནོ། །དེ་སྲོག་གཅོད་པ་སྤངས་ནས། སྲོག་གཅོད་པ་ལས་སླར་ལོག་པ་ཡིན་ཏེ། ཆད་པ་སྤངས་པ་ཡིན། མཚོན་ཆ་སྤངས་པ་ཡིན། འཛེམ་པ་དང ། སྙིང་རྗེར་ལྡན་པ་ཡིན། སེམས་ཅན་སྲོག་ཆགས་སུ་གྱུར་པ་ཐམས་ཅད་ལ་ཆུང་དུ་ན་སྲོག་ཆགས་གྲོག་སྤུར་ཡན་ཆད་སྲོག་གཅོད་པ་ལས་སླར་ལོག་པ་ཡིན་ནོ། །དེ་མ་བྱིན་པར་ལེན་པ་སྤངས་
Nga391a
༄#། །ནས་མ་བྱིན་པར་ལེན་པ་ལས་སླར་ལོག་པ་ཡིན་ཏེ། བྱིན་པ་ལེན་པ་ཡིན། བྱིན་པ་ལ་དགའ་བ་ཡིན། བྱིན་པ་ལྷུག་པར་བཏང་བ་ལ་དགའ་བ་ཡིན་ཏེ། རྐུན་མ་མ་ཡིན། བརྐམ་ཆགས་མ་ཡིན། གཙང་མ་ཡིན། དག་པ་ཡིན། བདག་ཉིད་ཁ་ནས་མ་ཐོབ་པ་མེད་པར་སྲུང་ཞིང་མ་བྱིན་པར་ལེན་པ་ལས་སླར་ལོག་པ་ཡིན་ནོ། །དེ་མི་ཚངས་པར་སྤྱོད་པ་སྤངས་ནས། མི་ཚངས་པར་སྤྱོད་པ་ལས་སླར་ལོག་པ་ཡིན་ཏེ། ཚངས་པར་སྤྱོད་པ་ཡིན། སྤྱོད་པ་ངན་པ་སྤངས་པས་དག་པ་ཡིན། གཙང་བ་ཡིན། དྲི་ང་བ་མེད་པ་ཡིན། འཁྲིག་པ་དང་བྲལ་བ་ཡིན། སྨད་རིམ་གྱི་ཆོས་དང་བྲལ་བ་ཡིན། མི་ཚངས་པར་སྤྱོད་པ་ལས་སླར་ལོག་པ་ཡིན་ནོ། །དེ་བརྫུན་དུ་སྨྲ་བ་སྤངས་ནས། བརྫུན་དུ་སྨྲ་བ་ལས་སླར་ལོག་པ་ཡིན་ཏེ། བདེན་པར་སྨྲ་བ་ཡིན། བདེན་པར་སྨྲ་བ་ལ་དགའ་བ་ཡིན། མཉན་པར་འོས་པ་ཡིན། ཡིད་ཆེས་པ་ཡིན། བརྟན་པ་ཡིན། འཇིག་རྟེན་ལ་མི་སླུ་བ་ཡིན་ཏེ། བརྫུན་དུ་སྨྲ་བ་ལས་སླར་ལོག་པ་ཡིན་ནོ། །དེ་ཕྲ་མའི་ཚིག་སྤངས་ནས་ཕྲ་མ་ལས་སླར་ལོག་པ་ཡིན་ཏེ། དེ་ཚུ་བི་དག་ལས་ཐོས་ཏེ། དེ་དག་དབྱེ་བའི་ཕྱིར་ཕ་བི་དག་ལ་སྨྲ་བ་མ་ཡིན། ཕ་བི་དག་ལས་ཐོས་ཏེ་དེ་དག་དབྱེ་བའི་ཕྱིར་ཚུ་བི་དག་ལ་སྨྲ་བ་མ་ཡིན། བྱེ་བ་རྣམས་སྡུམས་
Nga391b
བྱེད་པ་ཡིན་ནོ། མཐུན་པ་རྣམས་ལ་གཟེངས་བསྟོད་པ་ཡིན། མཐུན་པ་ལ་དགའ་བ་ཡིན། མཐུན་པ་ལ་མགུ་བ་ཡིན། མཐུན་པར་བྱེད་པའི་ཚིག་སྨྲ་བ་ཡིན་ཏེ། ཕྲ་མ་ལས་སླར་ལོག་པ་ཡིན་ནོ། །དེ་ཚིག་རྩུབ་པོ་སྤངས་ནས། ཚིག་རྩུབ་པོ་ལས་སླར་ལོག་པ་ཡིན་ཏེ། དེ་གང་ཡང་ཚིག་གདུག་པ་དང ། རྩུབ་པ་དང ། ཕ་རོལ་ལ་མི་སྙན་པ་དང ། ཕ་རོལ་སྤ་འགོང་བར་བྱེད་པ་དང ། སྐྱེ་བོ་མང་པོའི་ཡིད་ལ་མི་འཐད་པ་དང ། སྐྱེ་བོ་མང་པོའི་སྙིང་དུ་མི་སྡུག་པ་དང ། སྐྱེ་བོ་མང་པོ་མི་དགའ་བ་དང ། སྐྱེ་བོ་མང་པོའི་ཡིད་དུ་མི་འོང་བ་དང ། མཉམ་པར་གཞག་པ་མ་ཡིན་པ་དང ། མཉམ་པར་འཇོག་པར་འགྱུར་བ་མ་ཡིན་པ་དེ་ལྟ་བུའི་ཚིག་སྤངས་ནས་གང་ཡང་མི་ཚུགས་པ་དང ། རྣར་སྙན་པ་དང ། སྙིང་ལ་འབབ་པ་དང ། དགའ་བར་བྱེད་པ་དང ། གྲོང་ཁྱེར་པ་དང ། སྙན་ཅིང་འཇེབས་པ་དང ། རྣམ་པར་གསལ་བ་དང ། རྣམ་པར་རིག་པར་བྱེད་པ་དང ། མཉན་པར་འོས་པ་དང ། མི་རྟེན་པ་དང ། འགལ་བ་མ་ཡིན་པ་དང ། ཐུབ་པ་མེད་པ་དང ། སྐྱེ་བོ་མང་པོ་ལ་སྡུག་པ་དང ། སྐྱེ་བོ་མང་པོ་མགུ་བ་དང ། སྐྱེ་བོ་མང་པོ་དགའ་བ་དང ། སྐྱེ་བོ་མང་པོའི་ཡིད་དུ་འོང་བ་དང ། མཉམ་པར་བཞག་པ་དང ། མཉམ་པར་འཇོག་པར་འགྱུར་བ་དེ་ལྟ་བུའི་ཚིག་སྨྲ་བས། ཚིག་རྩུབ་པོ་ལས་སླར་ལོག་པ་ཡིན་ནོ། །དེ་ཚིག་ཀྱལ་པ་སྤངས་ནས་ཚིག་ཀྱལ་པ་ལས་སླར་
Nga392a
༄#། །ལོག་པ་ཡིན་ཏེ། དེ་དུས་སུ་སྨྲ་བ་ཡིན། ཡང་དག་པར་སྨྲ་བ་ཡིན། དེ་ཁོ་ན་ཉིད་སྨྲ་བ་ཡིན། དོན་སྨྲ་བ་ཡིན། ཆོས་སྨྲ་བ་ཡིན། རྟོགས་པ་སྨྲ་བ་ཡིན། ཁོང་དུ་ཆུད་པར་བྱེད་པའི་ཚིག་སྨྲ་བ་ཡིན་ཏེ། དུས་སུ་དང་འདྲེན་མ་མ་ཡིན་པ་དང ། གླེང་གཞི་དང་བཅས་པ་དང ། དན་རྟགས་དང་བཅས་པ་དང ། ཆོས་དང་དོན་དང་ལྡན་པ་ཡིན་ཏེ། ཚིག་ཀྱལ་པ་ལས་སླར་ལོག་པ་ཡིན་ནོ། །དེ་ཉོ་ཚོང་སྤངས་ནས། ཉོ་ཚོང་ལས་སླར་ལོག་པ་ཡིན་ཏེ། དེ་གཞལ་བླུགས་ལ་གཡོ་བྱེད་པ་དང ། སྲང་ལ་གཡོ་བྱེད་པ་དང ། ཚད་ལ་གཡོ་བྱེད་པ་སྤངས་ནས་གཞལ་བླུགས་ལ་གཡོ་བྱེད་པ་དང ། སྲང་ལ་གཡོ་བྱེད་པ་དང ། ཚད་ལ་གཡོ་བྱེད་པ་ལས་སླར་ལོག་པ་ཡིན་ནོ། །དེ་གསུག་ལེན་པ་དང ། འདྲིད་པ་དང ། བསྡིགས་ནས་རང་གིར་བྱེད་པ་སྤངས་ནས་གསུག་ལེན་པ་དང ། འདྲིད་པ་དང ། བསྡིགས་ནས་རང་གིར་བྱེད་པ་ལས་སླར་ལོག་པ་ཡིན་ནོ། །དེ་བསད་པ་དང ། བཅིང་བ་དང ། བཅད་པ་དང ། དབུགས་པ་དང ། བརྡེག་པའི་བསམ་པ་སྤངས་ནས། གསོན་པ་དང ། འཆིང་བ་དང ། གཅོད་པ་དང ། འབིགས་པ་དང ། བརྡེག་པ་ཉམས་སུ་མྱོང་བར་བྱེད་པ་ལས་སླར་ལོག་པ་ཡིན་ནོ། །དེ་འོད་དང་བུད་མེད་དང་ལྷན་ཅིག་ཉལ་བ་སྤངས་ནས་འོད་དང་བུད་མེད་དང་ལྷན་ཅིག་ཉལ་བ་ལས་སླར་ལོག་པ་ཡིན་ནོ། །དེ་ཞིང་གི་གཞི་
Nga392b
དང ། ཁྱིམ་གྱི་གཞི་དང ། ཚོང་ཁང་གི་གཞི་ལེན་པ་སྤངས་ནས། ཞིང་གི་གཞི་དང ། ཁྱིམ་གྱི་གཞི་དང ། ཚོང་ཁང་གི་གཞི་ལེན་པ་ལས་སླར་ལོག་པ་ཡིན་ནོ། །དེ་གླང་པོ་ཆེ་དང ། རྟ་དང ། བ་ལང་དང ། ལུག་དང ། བྱ་གག་དང ། ཕག་ལེན་པ་སྤངས་ནས། གླང་པོ་ཆེ་དང ། རྟ་དང ། བ་ལང་དང ། ལུག་དང ། བྱ་གག་དང ། ཕག་ལེན་པ་ལས་སླར་ལོག་པ་ཡིན་ནོ། །དེ་བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་ལེན་པ་སྤངས་ནས། བྲན་ཕོ་དང ། བྲན་མོ་དང ། ལས་བྱེད་པ་དང ། ཞོ་ཤས་འཚོ་བ་ལེན་པ་ལས་སླར་ལོག་པ་ཡིན་ནོ། །དེ་བུད་མེད་དང ། སྐྱེས་པ་དང ། ཁྱེའུ་དང ། བུ་མོ་ལེན་པ་སྤངས་ནས། བུད་མེད་དང ། སྐྱེས་པ་དང ། ཁྱེའུ་དང ། བུ་མོ་ལེན་པ་ལས་སླར་ལོག་པ་ཡིན་ནོ། །དེ་གསེར་དང ། དངུལ་ལེན་པ་སྤངས་ནས། གསེར་དང ། དངུལ་ལེན་པ་ལས་སླར་ལོག་པ་ཡིན་ནོ། །དེ་འབྲུ་རྗེན་པ་ལེན་པ་སྤངས་ནས། འབྲུ་རྗེན་པ་ལེན་པ་ལས་སླར་ལོག་པ་ཡིན་ནོ། །དེ་གཅིག་པ་ཡིན་ཏེ། ནུབ་མོའི་སྤངས་ཤིང་དུས་མ་ཡིན་པའི་ཁ་ཟས་སྤངས་པ་ཡིན། དུས་སུ་རྒྱུ་ཞིང་དུས་སུ་སྤྱོད་པས་སྦྱོར་བ་ལ་བརྩོན་པ་ཡིན་ཏེ། དེ་ལུས་འཚོ་བ་ཙམ་གྱི་ཆོས་གོས་ཀྱིས་ཆོག་ཤེས་ཤིང་ཚོད་ཟིན་པ་ཡིན། བསོད་སྙོམས་ལྟོ་འགྲངས་ཀྱིས་ཆོག་ཤེས་ཤིང ། ཚོད་ཟིན་པ་ཡིན་ནོ། །དེ་ལུས་འཚོ་བ་ཙམ་གྱི་ཆོས་གོས་ཀྱིས་ཆོག་ཤེས་ཤིང་ཚོད་ཟིན། བསོད་སྙོམས་ལྟོ་འགྲངས་
Nga393a
༄#། །ཀྱིས་ཆོག་ཤེས་ཤིང་ཚོད་ཟིན་པས་གང་དང་གང་དུ་འགྲོ་བ་ན་ལྷུང་བཟེད་དང་བཅས། ཆོས་གོས་དང་བཅས་པས་འགྲོའོ། །དཔེར་ན་འདབ་ཆགས་བྱ་གང་དང་གང་དུ་ལྡིང་བ་དེར་འདབ་མ་དང་ཆས་གཤོག་པ་དང་ཆས་ཏེ་ལྡིང་བ་དེ་བཞིན་དུ། དེ་ལུས་འཚོ་བ་ཙམ་གྱི་ཆོས་གོས་ཀྱིས་ཆོག་ཤེས་ཤིང་ཚོད་ཟིན། བསོད་སྙོམས་ལྟོ་འགྲངས་ཀྱིས་ཆོག་ཤེས་ཤིང་ཚོད་ཟིན་པས་གང་དང་གང་དུ་འགྲོ་བ་ན། ལྷུང་བཟེད་དང་བཅས་ཆོས་གོས་དང་བཅས་པས་འགྲོའོ།། །།འདུལ་བ་གཞི་།བམ་པོ་བརྒྱ་བདུན་པ། རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ས་བོན་གྱི་ཚོགས་དང ། འབྱུང་པོའི་ཚོགས་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། རྩ་བའི་ས་བོན་དང ། སྡོང་བུའི་ས་བོན་དང ། ཐོར་ཏོའི་ས་བོན་དང ། འགས་པའི་ས་བོན་དང ། ལྔ་པ་ས་བོན་གྱི་ས་བོན་ཉིད་དེ། དགེ་སྦྱོང་གི་ས་བོན་གྱི་ཚོགས་དང ། འབྱུང་པོའི་ཚོགས་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། གསོག་འཇོག་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། ཟས་ཀྱི་གསོག་འཇོག་དང ། སྐོམ་གྱི་གསོག་འཇོག་དང ། གོས་ཀྱི་གསོག་འཇོག་དང ། དྲིའི་གསོག་འཇོག་དང །
Nga393b
མེ་ཏོག་ཕྲེང་གི་གསོག་འཇོག་དང ། ལོ་མའི་གསོག་འཇོག་དང ། མེ་ཏོག་གི་གསོག་འཇོག་དང ། འབྲས་བུའི་གསོག་འཇོག་སྟེ། དགེ་སྦྱོང་གི་གསོག་འཇོག་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་གནས་མལ་མཐོན་པོ་དང ། གནས་མལ་ཆེན་པོ་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པར་བྱེད་པ་འདི་ལྟ་སྟེ། སྟན་དང ། ཁྲི་དང ། ཁྲི་སྣམ་བུ་ཅན་དང ། རས་ཀྱི་སྣམ་བུ་ཅན་དང ། བེའུ་རས་ཀྱིས་གཡོགས་པ་དང ། རས་ཡུག་ཆེན་གྱིས་གཡོགས་པ་དང ། རས་ཁྲ་བོས་གཡོགས་པ་དང ། པ་ལེ་ལའི་རས་ཀྱིས་གཡོགས་པ་དང ། གླང་པོ་ཆེའི་འཐབ་སྟན་དང ། རྟའི་འཐབ་སྟན་དང ། ངོས་གཅིག་བལ་ལས་བྱས་པ་དང ། ངོས་གཉིས་ཀ་བལ་ལས་བྱས་པ་དང ། སྟོད་བལ་ལས་བྱས་པ་དང ། རྒྱབ་བལ་ལས་བྱས་པ་དང ། ཀ་ལིང་ཀའི་གོས་ཀྱིས་སྟེང་གཡོགས་པ་དང ། སྟེང་གཡོགས་དང་བཅས་པའི་གོས་དང ། ཕྱོགས་གཉིས་སུ་སྔས་དམར་པོ་བཅུག་པ་སྟེ། དགེ་སྦྱོང་ནི་གནས་མལ་མཐོན་པོ་དང ། གནས་མལ་ཆེན་པོ་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས་ཆ་བ་དང ། གཞག་པ་སྣ་ཚོགས་རྩོམ་པ་ལ་སྦྱོར་བར་བརྩོན་པར་གནས་པ་འདི་ལྟ་སྟེ། གཉེ་བ་དང ། བཀྲུ་བ་དང ། དྲིལ་ཕྱི་དང ། མེ་ཏོག་
Nga394a
༄#། །གི་ཕྲེང་བ་དང ། དྲི་དང ། བྱུག་པ་དང ། ཁ་དོག་འཆང་བ་དང ། སེན་མོའི་ཁ་དོག་སྒྱུར་བ་དང ། སོ་བྱི་དོར་བྱེད་པ་དང ། ཁར་ཕྱེ་མ་འདེབས་པ་དང ། གདོང་གི་བྱི་དོར་དང ། གདོང་མེ་ལོང་ལ་ལྟ་བ་དང ། གཙུག་ཕུད་འཆིང་བ་དང ། གདུགས་ཀྱི་རྩ་བ་སྤུ་བུ་ཅན་དང ། རལ་གྲི་དང་རྔ་ཡབ་ནོར་བུའི་ཡུ་བ་ཅན་དང ། མཆིལ་ལྷམ་ཁྲ་བོ་དང ། གོས་སར་བ་དང ། རས་སར་པ་ཁ་ཚར་ཅན་འཆང་བའི་རང་བཞིན་དག་སྟེ། དགེ་སྦྱོང་ནི་གཞག་པ་དང ། ཆ་བ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ལྟད་མོ་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། གླང་པོ་ཆེས་འགྱེད་པ་དང ། རྟས་འགྱེད་པ་དང ། ཤིང་རྟས་འགྱེད་པ་དང ། དཔུང་བུ་ཆུང་གིས་འགྱེད་པ་དང ། དབྱུག་པས་འགྱེད་པ་དང ། ཁུ་ཚུར་གྱིས་འགྱེད་པ་དང ། ཁྱུ་མཆོག་གིས་འགྱེད་པ་དང ། མ་ཧེས་འགྱེད་པ་དང ། ར་འགྱེད་པ་དང ། ལུག་འགྱེད་པ་དང ། བྱ་གག་འཐབ་པ་དང ། མཆིལ་པ་འཐབ་པ་དང ། འུར་པ་འཐབ་པ་དང ། བྱ་གག་དང ། མཆིལ་པ་དང ། འུར་བར་འཐབ་པ་དང ། བུད་མེད་འཐབ་པ་དང ། སྐྱེས་པ་འཐབ་པ་དང ། གཞོན་ནུ་འཐབ་པ་དང ། གཞོན་ནུ་མ་འཐབ་པ་དང ། ཤིང་འཛེག་པ་དང ། བྲོ་གར་གྱི་ཚོགས་དང ། ཕྲག་པ་ནས་འགོང་བ་དང ། རྒྱལ་མཚན་གྱི་རྩེ་མོ་
Nga394b
དང ། དཔུང་གི་ཚོགས་དང ། གཡུལ་བཤམས་པ་དང ། དམག་གི་ཚོགས་ལ་ལྟ་བ་དང ། འདུན་ཕལ་ཆེན་པོ་ལ་ལྟ་བར་འདོད་པ་སྟེ། དགེ་སྦྱོང་ནི་ལྟད་མོ་སྣ་ཚོགས་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། སྒྲ་སྣ་ཚོགས་ཉན་པ་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། གླང་པོ་ཆེའི་སྐད་དང ། རྟའི་སྐད་དང ། ཤིང་རྟའི་སྒྲ་དང ། དཔུང་བུ་ཆུང་གི་སྒྲ་དང ། རྔ་པ་ཊ་ཧའི་སྒྲ་དང ། དུང་གི་སྒྲ་དང ། རྔ་བོ་ཆེའི་སྒྲ་དང ། རོལ་མོའི་ཚོགས་པའི་སྒྲ་དང ། གར་མཁན་གྱི་སྒྲ་དང ། གླུའི་སྒྲ་དང ། སྨྲ་བའི་སྒྲ་དང ། སེ་གོལ་གྱི་སྒྲ་དང ། ཐལ་མོའི་སྒྲ་དང ། བུམ་པའི་སྒྲ་དང ། རང་བཟོ་དང ། སྙན་དངགས་དང ། ཚིག་དང་ཡི་གེ་སྣ་ཚོགས་དང ། འཇིག་རྟེན་རྒྱང་པན་དང་ལྡན་པ་དང ། གྲགས་པའི་གཏམ་ཉན་འདོད་པ་དག་སྟེ། དགེ་སྦྱོང་ནི་སྒྲ་སྣ་ཚོགས་ཉན་པར་རྩོམ་པ་ལ་སྦྱོར་བར་བརྩོན་པ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཨུག་ཤུད་དང ། ཁྲས་དང ། རྒྱན་པོ་རྩོམ་པ་ལ་སྦྱོར་བར་བརྩོན་པར་གནས་པ་འདི་ལྟ་སྟེ། མིག་བརྒྱད་པ་དང ། མིག་བཅུ་པ་དང ། ན་ཡའི་མིག་དང ། ཕྱོགས་ཕྱོགས་ནས་འགྱེད་པ་དང ། བུམ་པས་རྩེ་བ་དང ། ཙ་ལེ་དང ། སུ་ཁ་ལེ་དང ། བེག་གིས་
Nga395a
༄#། །རྩེ་བ་དང ། གུལ་ཙ་བ་དང ། ཐུར་མ་དང ། ལག་རྒྱན་དང ། སྐུགས་ཇི་ལྟ་བར་འགྱེད་པ་སྟེ། དགེ་སྦྱོང་ནི་ཨུག་ཤུད་དང ། ཁྲས་དང ། རྒྱན་པོ་རྩོམ་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། གཏམ་སྣ་ཚོགས་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། རྒྱལ་པོའི་གཏམ་དང ། ཆོམ་རྐུན་གྱི་གཏམ་དང ། དམག་གི་གཏམ་དང ། ཟས་ཀྱི་གཏམ་དང ། སྐོམ་གྱི་གཏམ་དང ། གོས་ཀྱི་གཏམ་དང ། ཚོང་དུས་ཀྱི་གཏམ་དང ། སྨད་འཚོང་གི་གཏམ་དང ། ལས་ངན་པ་བརྗོད་པའི་གཏམ་དང ། རྒྱ་མཚོ་ཆེན་པོ་བརྗོད་པའི་གཏམ་དང ། འཇིག་རྟེན་བརྗོད་པའི་གཏམ་དང ། ལྗོངས་དང ། སྣ་ཆེན་པོ་ལ་གཏོགས་པ་བརྗོད་པའི་གཏམ་སྟེ། དགེ་སྦྱོང་ནི་གཏམ་སྣ་ཚོགས་རྩོམ་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། རྩོད་པའི་གཏམ་རྩོམ་པ་ལ་སྦྱོར་བར་བརྩོན་པས་གནས་པ་འདི་ལྟ་སྟེ། ཇི་ལྟར་ཁོ་བོས་ཆོས་འདུལ་བ་འདི་ཀུན་ཤེས་པ་དེ་བཞིན་དུ་ཁྱོད་ཀྱིས་ཀྱང་ཆོས་འདུལ་བ་འདི་ཀུན་ཤེས་མོད་ཀྱི་ངའི་ནི་རིགས་པ་དང་ལྡན་ལ། ཁྱོད་ཀྱི་ནི་རིགས་པ་དང་མི་ལྡན་ནོ། །ངའི་ནི་འབྲེལ་ལ་ཁྱོད་ཀྱི་ནི་མི་འབྲེལ་ཏོ། །སྔར་སྨྲ་བར་བྱ་
Nga395b
བ་ནི་ཕྱིས་སྨྲས། ཕྱིས་སྨྲ་བར་བྱ་བ་ནི་སྔར་སྨྲས་ལ། ཁྱོད་ཀྱིས་ཧ་ཅང་མྱུར་བར་སྨྲས་པས་མི་གསལ་ལོ། །བརྩད་པས་མཇུག་བརྟུལ་གྱིས་ཁྱོད་ཀྱིས་བརྩད་པའི་དོན་དུ་སྨྲས་པའི་ཚིག་དེ་ཐོང་ཞིག་ཚར་བཅད་ཟིན་ཏོ། །གལ་ཏེ་སྤོགས་ནུས་ན་དྲིས་དང ། སྨྲོས་ཤིག་ཅེས་བྱ་བ་སྟེ། དགེ་སྦྱོང་ནི་རྩོད་པ་སྣ་ཚོགས་རྩོམ་པ་ལ་སྦྱོར་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཕོ་ཉར་འགྲོ་བ་དང ། གཏོང་བ་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། དེ་དག་རྒྱལ་པོའི་འམ། བློན་པོ་ཆེན་པོ་རྣམས་ཀྱིའམ། བྲམ་ཟེ་རྣམས་ཀྱིའམ། གྲོང་མི་རྣམས་ཀྱིའམ། ཡུལ་མི་རྣམས་ཀྱིའམ། ནོར་ཅན་རྣམས་ཀྱིའམ། ཚོང་དཔོན་རྣམས་ཀྱིའམ། དེད་དཔོན་རྣམས་ཀྱི་ཕོ་ཉ་ཚུ་བི་ནས་ཁྲིད་དེ་ཕ་བིར་སྣ་འདྲེན་པར་བྱེད་པ་དང ། ཕ་བི་ནས་ཕོ་ཉ་ཁྲིད་དེ་ཚུ་བིར་སྣ་འདྲེན་པར་བྱེད་པ་སྟེ། དགེ་སྦྱོང་ནི་ཕོ་ཉར་འགྲོ་བ་དང ། གཏོང་བ་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཚུལ་འཆོས་པ་དང ། ཁ་གསག་དང ། གཞོག་སློང་དང ། ཐོབ་ཀྱིས་འཇལ་བ་དང ། རྙེད་པས་རྙེད་པ་སྒྲུབ་པར་བྱེད་དེ། དགེ་སྦྱོང་ནི་ཚུལ་འཆོས་པ་དང ། ཁ་གསག་དང ། གཞོག་སློང་དང ། ཐོབ་ཀྱིས་འཇལ་བ་དང ། རྙེད་པས་རྙེད་པ་སྒྲུབ་པ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་
Nga396a
༄#། །དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱིས་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། གནམ་གྲུམ་པ་དང ། རྨ་མཚན་དང ། རྨི་ལམ་གྱི་མཚན་མ་དང ། མེས་ཚིག་པ་དང ། ཆུས་རེག་པ་དང ། བྱི་བས་ཟོས་པ་དང ། འབེབས་པ་དང ། སྐད་འབྱིན་པ་དང ། འབྱུང་པོ་ཐམས་ཅད་ཀྱི་སྐད་དང ། ལུས་ཀྱི་དཔྱད་དང ། ཁྱིམ་སའི་དཔྱད་དང ། ནེ་ཙོའི་དཔྱད་དང ། བྱའི་དཔྱད་དང ། ཁ་ཅིག་མཐེ་བོའི་དཔྱད་ལ་སྦྱོར་བ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ་བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱིས་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། རྒྱུ་སྐར་རྣམས་ལ་རབ་ཏུ་སྦྱོར་བ་དང ། ཡུད་ཙམ་དང་ལྡན་པ་དང ། རོ་བརྟག་པ་དང ། སྔགས་ཀྱི་ལས་དང ། ཞི་བའི་ལས་དང ། འབྱུང་པོའི་ལས་དང ། རྒྱས་པའི་ལས་དང ། དབང་དུ་བྱ་བའི་ལས་དང ། ཡི་གེ་འདྲི་བའི་ལས་དང ། བསང་གཏོར་བའི་ལས་དང ། གྲངས་དང ། ཁ་ཅིག་མེ་ལོང་གི་དཔྱད་ལ་སྦྱོར་བ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱིས་ལོག་པའི་འཚོ་བས་
Nga396b
འཚོ་བར་བྱེད་པ་འདི་ལྟ་སྟེ། ལུས་ཀྱི་དཔྱད་དང ། རྩ་བའི་སྨན་དང ། མིག་སྨན་དང ། མིག་སྨན་སྦྱིན་པ་དང ། སྣུམ་བག་གི་རོ་སྦྱིན་པ་དང ། སྨན་སྦྱིན་པ་དང ། བུད་མེད་ཀྱི་དཔྱད་དང ། སྐྱེས་པའི་དཔྱད་དང ། གཞོན་ནུའི་དཔྱད་དང ། གཞོན་ནུ་མའི་དཔྱད་དང ། སྨན་ལ་སྦྱོར་བར་བྱེད་པ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། ནོར་བུའི་མཚན་ཉིད་དང ། དབྱུག་པའི་མཚན་ཉིད་དང ། རལ་གྲིའི་མཚན་ཉིད་དང ། མདའི་མཚན་ཉིད་དང ། གླང་པོ་ཆེའི་མཚན་ཉིད་དང ། རྟའི་མཚན་ཉིད་དང ། མཚོན་ཆའི་མཚན་ཉིད་དང ། མ་ཧེའི་མཚན་ཉིད་དང ། ཁྱུ་མཆོག་གི་མཚན་ཉིད་དང ། རའི་མཚན་ཉིད་དང ། ལུག་གི་མཚན་ཉིད་དང ། བྱ་གག་གི་མཚན་ཉིད་དང ། མཆིལ་བའི་མཚན་ཉིད་དང ། འུར་བའི་མཚན་ཉིད་དང ། བུད་མེད་ཀྱི་མཚན་ཉིད་དང ། སྐྱེས་པའི་མཚན་ཉིད་དང ། གཞོན་ནུའི་མཚན་ཉིད་དང ། གཞོན་ནུ་མའི་མཚན་ཉིད་དང ། ཚེ་ཐུང་བའི་རྟགས་དང ། ཚེ་རིང་བའི་རྟགས་པ་དང ། སྐལ་པ་ཆུང་བའི་རྟགས་དང ། སྐལ་པ་ཆེ་བའི་རྟགས་དང ། བསོད་ནམས་ཆུང་བའི་རྟགས་དང ། བསོད་ནམས་ཆེ་བའི་རྟགས་དང ། མཐུ་ཆུང་བའི་རྟགས་དང ། མཐུ་ཆེ་བའི་རྟགས་དང ། ཇོ་བོའི་མཚན་ཉིད་དང ། བྲན་གྱི་མཚན་ཉིད་དག་
Nga397a
༄#། །སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། སྨན་མས་ཅིག་ཅར་གཏོང་བ་དང ། སྦྲེངས་ཏེ་གཏོང་བ་དང ། སྐྱུག་པ་དང ། འཁྲུ་བ་དང ། སྣར་བླུགས་པ་དང ། དུ་བ་རྔུབ་པ་དང ། དུགས་ཀྱི་ལས་དང ། བད་ཀན་གྱི་དཔྱད་དང ། ཕོ་བའི་དཔྱད་དང ། སྨེ་བའི་དཔྱད་དང ། ཕོལ་མིག་གི་དཔྱད་དང ། རི་དྭགས་འཁྱིལ་བ་དང ། བྱ་རོག་འཁྱིལ་བ་དང ། མཁུར་བ་འགུལ་བ་དང ། ལྕེ་སོས་ཆོད་པ་དང ། རོ་ལངས་དང ། རོ་ལངས་ཕྱེད་ཀྱི་སྦྱོར་བ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་ལ་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། དགུག་པ་དང ། ཀུན་ཏུ་དགུག་པ་དང ། རྣམ་པར་དགུག་པ་དང ། ཀུན་ཏུ་རྨོངས་པ་དང ། རྣམ་པར་རྨོངས་པ་དང ། རྣམ་པར་འཐོར་བ་དང ། རྣམ་པར་འཇོམས་པའི་ཆོས་དང ། བདེ་བར་བྱེད་པ་དང ། སྡུག་བསྔལ་བར་བྱེད་པ་དང ། བུ་ཆགས་པར་བྱེད་པ་དང ། ཏིལ་གྱི་སྦྱིན་སྲེག་དང ། འབྲས་ཀྱི་སྦྱིན་སྲེག་དང ། ནོར་གྱི་སྦྱིན་སྲེག་དང ། འབྲུའི་སྦྱིན་སྲེག་དང ། མོན་སྲན་སྡེའུ་ཡི་
Nga397b
སྦྱིན་སྲེག་དང ། མོན་སྲན་ན་གུའི་སྦྱིན་སྲེག་དང ། རྫས་ཀྱི་སྦྱིན་སྲེག་དང ། སྲེག་བླུགས་ཀྱི་སྦྱིན་སྲེག་དང ། ཉི་མ་ལ་བཀུར་སྟི་བྱེད་པ་དང ། རྒྱུ་སྐར་ལ་བཀུར་སྟི་བྱེད་པ་དང ། ལྷ་ལ་བཀུར་སྟི་བྱེད་པ་དང ། ཁ་ཅིག་དམག་མང་པོ་འདྲེན་པ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། འཇིག་པར་འགྱུར་བ་དང ། ཞི་བར་འགྱུར་བ་དང ། ལོ་ཉེས་པར་འགྱུར་བ་དང ། ལོ་ལེགས་པར་འགྱུར་བ་དང ། ཆར་མི་འབབ་པར་འགྱུར་བ་དང ། ཆར་ལེགས་པར་འབབ་པར་འགྱུར་བ་དང ། ཡམས་ཀྱི་ནད་འབྱུང་བར་འགྱུར་བ་དང ། ཡམས་ཀྱི་ནད་འབྱུང་བར་མི་འགྱུར་རོ་ཞེས་བྱ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། ཟུན་རྣམས་ཀྱི་རྒྱལ་པོ་རྒྱལ་བར་འགྱུར་ཞིང ། ཕྱི་རོལ་པ་རྣམས་ཀྱི་རྒྱལ་པོ་ཕམ་པར་འགྱུར་བ་དང ། ཕྱི་རོལ་པ་རྣམས་ཀྱི་རྒྱལ་པོ་རྒྱལ་བར་འགྱུར་ཞིང ། ཟུན་རྣམས་ཀྱི་རྒྱལ་པོ་ཕམ་པར་འགྱུར་བ་དང ། ཟུན་རྣམས་ཀྱི་རྒྱལ་པོ་གཡུལ་དུ་འཇུག་པར་འགྱུར་ཞིང ། ཕྱི་རོལ་པ་རྣམས་ཀྱི་རྒྱལ་པོ་འབྱུང་བར་འགྱུར་བ་
Nga398a
༄#། །དང ། ཕྱི་རོལ་པ་རྣམས་ཀྱི་རྒྱལ་པོ་གཡུལ་དུ་འཇུག་པར་འགྱུར་ཞིང ། ཟུན་རྣམས་ཀྱི་རྒྱལ་པོ་འབྱུང་བར་འགྱུར་རོ་ཞེས་བྱ་བ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱི་ལོག་པའི་འཚོ་བས་འཚོ་བར་བྱེད་པ་འདི་ལྟ་སྟེ། ཉི་མ་དང་ཟླ་བ་དག་ལམ་དུ་འགྲོ་ན་འདི་ལྟར་འགྱུར་རོ། །ཉི་མ་དང་ཟླ་བ་དག་ལམ་གོལ་བར་འགྲོ་ན་འདི་ལྟར་འགྱུར་རོ། །ཉི་མ་གཟས་ཟིན་པ་དང ། ཟླ་བ་གཟས་ཟིན་པ་དང ། སྐར་མདའ་ལྟུང་བ་དང ། ཕྱོགས་དམར་པོར་གྱུར་པ་དང ། བར་སྣང་ལས་སྒྲ་འབྱུང་བ་དང ། ལམ་གོལ་བར་ཉི་མ་གཟས་ཟིན་པ་དང ། ཟླ་བ་གཟས་ཟིན་པ་དང ། སྐར་མདའ་ལྟུང་བ་དང ། ཕྱོགས་དམར་པོར་གྱུར་པ་དང ། བར་སྣང་ལས་སྒྲ་འབྱུང་བ་དང ། ཉི་མ་དང་ཟླ་བ་འདི་གཉིས་འདི་ལྟར་རྫུ་འཕྲུལ་ཆེ་ཞིང ། འདི་ལྟར་མཐུ་ཆེ་བ་འཆར་བ་དང ། ནུབ་པ་དང ། བསྒྲིབས་པ་དང ། མ་བསྒྲིབས་པ་དང ། འདི་ལྟ་སྟེ། ལམ་དང་ལམ་གོལ་བའི་གནས་དག་མི་མངོན་ན་འདི་ལྟར་འགྱུར་རོ་ཞེས་བྱ་བ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །རྒྱལ་པོ་ཆེན་པོ་འདི་ལྟར་ཡང་དགེ་སྦྱོང་ངམ། བྲམ་ཟེ་ཁ་ཅིག་དད་པས་བྱིན་པ་དག་སྤྱད་ནས། ཡོན་པོའི་དཔྱད་ཀྱི་ལོག་པའི་
Nga398b
འཚོ་བས་འཚོ་བར་བྱེད་པ་འདི་ལྟ་སྟེ། ཉི་མ་དང ། ཟླ་བ་དག་ལམ་དུ་འགྲོ་ན། འབྲས་བུ་འདི་ལྟ་བུར་འགྱུར་བ་དང ། ཉི་མ་དང་ཟླ་བ་དག་ལམ་གོལ་བར་འགྲོ་ན། འབྲས་བུ་འདི་ལྟ་བུར་འགྱུར་བ་དང ། ལམ་དུ་ཉི་མ་གཟས་ཟིན་པ་དང ། ཟླ་བ་གཟས་ཟིན་པ་དང ། སྐར་མདའ་ལྟུང་བ་དང ། ཕྱོགས་དམར་པོར་གྱུར་བ་དང ། བར་སྣང་ལས་སྒྲ་བྱུང་ན། འབྲས་བུ་འདི་ལྟ་བུར་འགྱུར་བ་དང ། ལམ་གོལ་བར་ཉི་མ་གཟས་ཟིན་པ་དང ། ཟླ་བ་གཟས་ཟིན་པ་དང ། སྐར་མདའ་ལྟུང་བ་དང ། ཕྱོགས་དམར་པོར་གྱུར་པ་དང ། བར་སྣང་ལས་སྒྲ་བྱུང་ན། འབྲས་བུ་འདི་ལྟ་བུར་འགྱུར་བ་དང ། ཉི་མ་དང་ཟླ་བ་འདི་གཉིས་འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བ་འཆར་བ་དང ། ནུབ་པ་དང ། བསྒྲིབས་པ་དང ། མ་བསྒྲིབས་པ་དང ། འདི་ལྟ་སྟེ། ལམ་དང་ལམ་གོལ་བར་མངོན་ན་འབྲས་བུ་འདི་ལྟ་བུར་འགྱུར་བར་སྟོན་པ་སྟེ། དགེ་སྦྱོང་ནི་ཡོན་པོའི་དཔྱད་ཀྱི་ལོག་པའི་འཚོ་བ་དེ་ལྟ་བུ་ལས་སླར་ལོག་པ་ཡིན་ནོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་ལྡན་པས། ནང་གི་བདེ་བ་ཁ་ན་མ་ཐོ་བ་མེད་པ་ཉམས་སུ་མྱོང་བར་བྱེད་ཅིང ། དེ་དབང་པོ་རྣམས་ཀྱི་སྒོ་བསྡམས་པ་དང ། ཀུན་ཏུ་བསྲུངས་པའི་དྲན་པ་དང ། འགྲུས་སྐྱོང་གི་དྲན་པ་དང ། ཡིད་དྲན་པས་བསྲུངས་པས་གནས་སྐབས་མཉམ་པར་སྤྱོད་པ་ཡིན་ཏེ། དེ་མིག་གིས་གཟུགས་རྣམས་མཐོང་ན་ཡིད་བདེ་བར་མི་འགྱུར། ཡིད་མི་བདེ་བར་མི་འགྱུར། མཚན་མར་མི་འཛིན། མངོན་རྟགས་སུ་མི་འཛིན་ནོ། །གཞི་གང་གི་ཕྱིར་ཞེ་ན། མིག་གི་དབང་པོའི་སྡོམ་
Nga399a
༄#། །པས་མ་བསྡམས་པར་གནས་པ་ནི་འཇིག་རྟེན་ན་བརྣབ་སེམས་དང ། ཡིད་མི་བདེ་བ་དག་འབྱུང་བས་སྡིག་པ་མི་དགེ་བའི་ཆོས་རྣམས་སེམས་ཀྱི་རྗེས་སུ་འབྲང་བར་འགྱུར་རོ། །དེ་རྣམས་བསྡམས་པའི་ཕྱིར་བསྒྲུབ་ཅིང་སྲུང་བར་མིག་གི་དབང་པོས་མིག་གི་དབང་པོ་སྡོམ་པར་བྱེད་དོ། །རྣ་བས་སྒྲ་དང ། སྣས་དྲི་དང ། ལྕེས་རོ་དང ། ལུས་ཀྱིས་རེག་བྱ་དང ། ཡིད་ཀྱིས་ཆོས་རྣམས་ཤེས་ནས་ཡིད་བདེ་བར་མི་འགྱུར། ཡིད་མི་བདེ་བར་མི་འགྱུར། མཚན་མར་མི་འཛིན། མངོན་རྟགས་སུ་མི་འཛིན། གཞི་གང་གི་ཕྱིར་ཞེ་ན། ཡིད་ཀྱི་དབང་པོའི་སྡོམ་པས་མ་བསྡམས་པར་གནས་པ་ནི། འཇིག་རྟེན་ལ་བརྣབ་སེམས་དང ། ཡིད་མི་བདེ་བ་དག་འབྱུང་བས། སྡིག་པ་མི་དགེ་བའི་ཆོས་རྣམས་སེམས་ཀྱི་རྗེས་སུ་འབྲང་བར་འགྱུར་རོ། །དེ་རྣམས་བསྡམས་པའི་ཕྱིར་བསྒྲུབ་ཅིང་སྲུང་བར་ཡིད་ཀྱི་དབང་པོས་ཡིད་ཀྱི་དབང་པོ་སྡོམ་པར་བྱེད་དོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་དབང་པོའི་སྒོ་བསྡམས་པ་དེ་དང་ལྡན་པས་ནང་གི་བདེ་བ་གནོད་པ་མེད་པ་ཉམས་སུ་མྱོང་ཞིང ། དེ་འགྲོ་བ་དང་ལྡོག་པ་ལ་ཤེས་བཞིན་དུ་གནས་པ་ཡིན་ནོ། །དེ་ལྟ་བ་དང ། རྣམ་པར་ལྟ་བ་དང ། བསྐུམ་པ་དང ། བརྐྱང་བ་དང ། སྣམ་སྦྱར་དང ། ཆོས་གོས་དང ། ལྷུང་བཟེད་ལེན་པ་དང ། འགྲོ་བ་དང ། འགྲེང་བ་དང ། འདུག་པ་དང ། ཉལ་བ་དང ། མི་ཉལ་བ་དང ། སྨྲ་བ་དང ། མི་སྨྲ་བ་དང ། གཉིད་ཀྱིས་དུབ་པ་སེལ་བ་ལ་ཡང་
Nga399b
ཤེས་བཞིན་དུ་གནས་པ་ཡིན་ནོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་ལྡན་ཞིང་དབང་པོའི་སྒོ་བསྡམས་པ་དང ། དྲན་པ་དང ། ཤེས་བཞིན་མཆོག་དེ་དང་ལྡན་པས་ནང་གི་བདེ་བ་ཁ་ན་མ་ཐོ་བ་མེད་པ་ཉམས་སུ་མྱོང་བ་ཡིན་ནོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་ལྡན་ཞིང་དབང་པོའི་སྒོ་བསྡམས་པ་དེ་དང ། དྲན་པ་དང ། ཤེས་བཞིན་མཆོག་དེ་དང་ལྡན་པས། གནས་མལ་དབེན་པ་དགོན་པ་དང ། ཤིང་དྲུང་དང ། ཁང་སྟོང་དག་ཏུ་གནས་པ་ཡིན་ཏེ། དེ་དགོན་པར་སོན་ཀྱང་རུང ། ཤིང་དྲུང་དུ་སོན་ཀྱང་རུང ། ཁང་སྟོང་དུ་སོན་ཀྱང་རུང ། འདུག་སྟེ་སྐྱིལ་མོ་ཀྲུང་བཅས་ཤིང་ལུས་དྲང་པོ་བསྲང་ནས་དྲན་པ་མངོན་དུ་བཞག་སྟེ། དེ་འཇིག་རྟེན་ལ་བརྣབ་སེམས་སྤངས་ཏེ། བརྣབ་སེམས་དང་བྲལ་བའི་སེམས་ཀྱིས་ལན་མང་དུ་གནས་ཤིང་བརྣབ་སེམས་ཡོངས་སུ་སྦྱོང་བ་ཡིན་ནོ། །འཇིག་རྟེན་ལ་གནོད་སེམས་དང ། རྨུགས་པ་དང ། གཉིད་དང ། རྒོད་པ་དང ། འགྱོད་པ་དང ། ཐེ་ཚོམ་སྤངས་ཏེ་ཡིད་གཉིས་ལས་རྒལ་བ་ཡིན། ཐེ་ཚོམ་དང་སོམ་ཉི་ལས་རྒལ་བ་ཡིན་ཞིང ། དགེ་བའི་ཆོས་རྣམས་ལ་ཐེ་ཚོམ་ཡོངས་སུ་སྦྱོང་བ་ཡིན་ནོ། །རྒྱལ་པོ་ཆེན་པོ་དཔེར་ན་མི་ཞིག་གི་སྐྱིན་པོ་ཞིག་བླངས་ནས། ཞིང་བླས་ཀྱི་མཐའ་རྣམས་ལ་བརྩོན་པར་བྱས་ཏེ། དེའི་ལས་ཀྱི་མཐའ་དེ་རྣམས་ཆུད་མ་ཟོས་ཤིང་གྲུབ་ནས། དེས་དེ་ལས་བུ་ལོན་དེ་ཡང་གཞལ་ལ་དེ་ལ་ཆུང་མ་གསོ་བ་ཆོག་ཙམ་ཞིག་ཀྱང་བདོག་ནས་དེ་འདི་སྙམ་དུ་
Nga400a
༄#། །སེམས་ཏེ། བདག་གིས་སྐྱིན་པོ་བླངས་ནས་ལས་ཀྱི་མཐའ་རྣམས་ལ་བརྩོན་པར་བྱས་ཏེ། བདག་གིས་ལས་ཀྱི་མཐའ་དེ་རྣམས་ཆུད་མ་ཟོས་ཤིང་གྲུབ་ནས། བདག་གིས་དེ་ལ་བུ་ལོན་དེ་ཡང་གཞལ། བདག་ལ་ཆུང་མ་གསོ་བ་ཆོག་ཙམ་ཞིག་ཀྱང་བདོག་གོ་སྙམ་སྟེ། དེ་གཞི་དེས་བདེ་བར་གྱུར་པ་དང ། ཡིད་བདེ་བར་གྱུར་པ་དང ། དཔེར་ན་མི་ན་བ་ནད་ཚབས་ཆེ་བ་སྡུག་བསྔལ་བ་ཞིག་ཡོད་ལ། དེ་ཟས་ཟོས་པ་ནི་ལུས་ལ་འཇུར་མི་བཏུབ། སྐོམ་འཐུངས་པ་ནི་ཁོང་དུ་གནོད་པར་གྱུར་པ་ལས། དེ་དུས་གཞན་ཞིག་ན་ནད་མེད་ཅིང་མཐུ་དང་ལྡན་པར་གྱུར་ནས་དེ་འདི་སྙམ་སེམས་ཏེ། བདག་སྔོན་ན་བ་ནད་ཚབས་ཆེ་བ་སྡུག་བསྔལ་བར་གྱུར་བ་ན། བདག་གིས་ཁ་ཟས་ཟོས་པ་ནི་ལུས་ལ་འཇུར་མི་བཏུབ། སྐོམ་འཐུངས་པ་ནི་ཁོང་དུ་གནོད་པར་གྱུར་པ་ལས། དེ་ནི་བདག་ནད་མེད་ཅིང་མཐུ་དང་ལྡན་པས་བདེ་སྟེ། བདག་གིས་ཟས་ཟོས་པ་ནི་ལུས་ལ་འཇུར་བཏུབ། སྐོམ་འཐུངས་པ་ནི་ཁོང་དུ་གནོད་པར་མ་གྱུར་ཏོ་སྙམ་སྟེ། གཞི་དེས་དགའ་བ་དང ། རབ་ཏུ་དགའ་བར་གྱུར་པ་དང ། དཔེར་ན་མི་ཞིག་བྲན་དུ་གྱུར་ཏེ། མངག་གཞུག་པ་གོ་རེ་ལོང་ལྟོ་ཁོལ་རང་དབང་མེད་པར་གྱུར་པ་ལས། དེ་དུས་གཞན་ཞིག་ན་བྲན་མི་བྱེད་པར་གྱུར་ཏེ། མངག་གཞུག་པ་མི་བྱེད། གོ་རེ་ལོང་མི་བྱེད། ལྟོ་ཁོལ་མི་བྱེད་དེ་རང་དབང་ཡོད་ནས་དེ་འདི་སྙམ་དུ་སེམས་ཏེ། བདག་སྔོན་
Nga400b
བྲན་དུ་གྱུར་པ་ན། མངག་གཞུག་པ་དང ། གོ་རེ་ལོང་དང ། ལྟོ་ཁོལ་དང ། རང་དབང་མེད་པ་ལས། ད་ནི་བདག་བྲན་མི་བྱེད་པས། མངག་གཞུག་མི་བྱེད། གོ་རེ་ལོང་མི་བྱེད། ལྟོ་ཁོལ་མི་བྱེད་དེ་རང་དབང་ཡོད་དོ་སྙམ་ནས། དེ་གཞི་དེས་བདེ་བར་གྱུར། ཡིད་བདེ་བར་གྱུར་པ་དང ། དཔེར་ན་མི་ཞིག་བཙོན་དུ་བཟུང་སྟེ། ཕྱིང་ཀ་ལོག་ཏུ་དམ་དུ་བཅིངས་པ་ལས། དེ་དེ་ལས་ནོར་གཞལ་བ་མེད་པར་བདེ་བར་ལེགས་པར་ཐར་བར་གྱུར་པ་དང ། དེ་འདི་སྙམ་དུ་སེམས་ཏེ། བདག་སྔོན་བཙོན་དུ་བཟུང་ནས་ཕྱིང་ཀ་ལོག་ཏུ་དམ་དུ་བཅིངས་པར་གྱུར་པ་ལས། ད་ནི་དེ་ལས་ནོར་གཞལ་མི་དགོས་པར་བདེ་བར་ལེགས་པར་ཐར་ཏོ་སྙམ་ནས། དེ་གཞི་དེས་བདེ་བར་གྱུར། ཡིད་བདེ་བར་གྱུར་པ་དང ། དཔེར་ན་མི་ཞིག་སྐྲག་པར་གྱུར་པ་ལས་བདེ་བ་དང ། ལོ་ཉེས་པ་ལས་ལོ་ལེགས་པར་གྱུར་ནས། དེ་འདི་སྙམ་དུ་སེམས་ཏེ། བདག་སྐྲག་པ་ལས་བདེ་བར་གྱུར་ཅིང ། ལོ་ཉེས་པ་ལས་ལོ་ལེགས་པར་གྱུར་ཏོ་སྙམ་སྟེ། དེ་གཞི་དེས་བདེ་བར་གྱུར། ཡིད་བདེ་བར་གྱུར་པ་དེ་བཞིན་དུ། རྒྱལ་པོ་ཆེན་པོ་དེས་བདག་ཉིད་ཀྱི་སྒྲིབ་པ་ལྔ་པོ་འདི་དག་སྐྱིན་པོ་ཇི་ལྟ་བ་དང ། ནད་ཇི་ལྟ་བ་དང ། བྲན་ཇི་ལྟ་བ་དང ། བཙོན་ཇི་ལྟ་བ་དང ། འཇིགས་པ་ཇི་ལྟ་བ་བཞིན་དུ་སྤངས་པ་ཡང་དག་པར་རྗེས་སུ་མཐོང་ངོ ། །དེ་སྒྲིབ་པ་ལྔ་པོ་སེམས་ཉེ་བའི་ཉོན་མོངས་པར་བྱེད་པ། ཤེས་རབ་ཉམ་ཆུང་བར་བྱེད་པ། མི་མཐུན་པའི་ཕྱོགས་ད་ད་\?\་མཐུན་པ། མྱ་ངན་
Nga401a
༄#། །ལས་འདའ་བར་མི་འགྱུར་བ་དག་སྤངས་ནས། དེ་འདོད་པ་རྣམས་ལས་དབེན། སྡིག་པ་མི་དགེ་བའི་ཆོས་རྣམས་ལས་དབེན། རྟོག་པ་དང་བཅས་དཔྱོད་པ་དང་བཅས་དབེན་པ་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་དང་པོ་རྫོགས་པར་བྱས་ནས་གནས་སོ། །དེས་ལུས་དེ་ཉིད་དབེན་པ་ལས་སྐྱེས་པའི་དགའ་བ་དང་བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། དབེན་པ་ལས་སྐྱེས་པའི་དགའ་བ་དང ། བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དཔེར་ན་ཁྲུས་མཁན་ནམ། ཁྲུས་མཁན་གྱི་སློབ་མ་མཁས་པ་ཞིག་ཁམ་ཕོར་རམ། གཞོང་བུའམ། ཉ་ཕྱིས་ཀྱི་ནང་དུ་འདག་ཆལ་གྱི་ཕྱེ་མ་ཞིབ་མོ་བླུགས་ཏེ་ཆུས་བཏབ་སྟེ་བངས་ན། འདག་ཆལ་གྱི་གོང་བུ་དེ་གཤེར་དང་ལྡན། གཤེར་གྱིས་ཞེན་ཏེ། གཤེར་གྱིས་ཕྱི་ནང་ཁྱབ་པས་འབོ་བར་མི་འགྱུར། འཛག་པར་མི་འགྱུར་བ་དེ་བཞིན་དུ་དེས་ལུས་དེ་ཉིད་དབེན་པ་ལས་སྐྱེས་པའི་དགའ་བ་དང ། བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། དཔེན་པ་ལས་སྐྱེས་པའི་དགའ་བ་དང ། བདེ་བས་མ་ཁྱབ་པའམ། ཁྱབ་པར་
Nga401b
མ་གྱུར་པ་ཅུང་ཟད་ཀྱང་མེད་དོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་རྟོག་པ་དང་དཔྱོད་པ་དང་བྲལ་ཞིང་ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་པས། རྟོག་པ་མེད་པ་དཔྱོད་པ་མེད་པ། ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བ་ཅན་བསམ་གཏན་གཉིས་པ་རྫོགས་པར་བྱས་ནས་གནས་ཤིང ། དེས་ལུས་དེ་ཉིད་ཏིང་ངེ་འཛིན་ལས་སྐྱེས་པ་དགའ་བ་དང ། བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བས་མ་ཁྱབ་པའམ། ཁྱབ་པར་མ་གྱུར་བ་ཅུང་ཟད་ཀྱང་མེད་དོ། །དཔེར་ན་རིའི་རྩེ་མོའི་ཕྱོགས་ཤིག་ན་བཀོད་མའི་མཚོ་བྲན་ཞིག་ཡོད་པར་གྱུར་ལ། དེར་ནི་ཤར་ཕྱོགས་ནས་ཀྱང་ཆུ་མི་འབབ་པར་གྱུར་ལ། ལྷོ་ཕྱོགས་ནས་མ་ཡིན། ནུབ་ཕྱོགས་ནས་མ་ཡིན་ཞིང ། བྱང་ཕྱོགས་ནས་ཀྱང་ཆུ་མི་འབབ་ལ། དེར་ལྷས་ཀྱང་དུས་དུས་སུ་ཆར་གྱི་རྒྱུན་མི་འབེབས་ཏེ། གཞན་དུ་ན་བཀོད་མའི་མཚོ་བྲན་དེ་ཉིད་ནས་བཀོད་མའི་ཆུའམ། བཀོད་མའི་ཆུ་ཆེན་པོ་ལུད་ནས། བཀོད་མའི་མཚོ་བྲན་དེ་ཐམས་ཅད་ཆུ་བསིལ་བས་གང་བར་བྱེད། ཡོངས་སུ་གང་
Nga402a
༄#། །བར་བྱེད། ཤིན་ཏུ་གང་བར་བྱེད། ཡོངས་སུ་ཁྱབ་པར་བྱེད་དེ། བཀོད་མའི་མཚོ་བྲན་དེ་ཐམས་ཅད་འདི་ལྟ་སྟེ། ཆུ་བསིལ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དེ་བཞིན་དུ་དེས་ལུས་དེ་ཉིད་ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་སུ་རྒྱས་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། ཏིང་ངེ་འཛིན་ལས་སྐྱེས་པའི་དགའ་བ་དང ། བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་དགའ་བའི་འདོད་ཆགས་དང་བྲལ་བས་བཏང་སྙོམས་ལ་གནས་ཤིང་དྲན་པ་དང ། ཤེས་བཞིན་ཅན་ཡིན་ཏེ། བདེ་བ་ལུས་ཀྱིས་མྱོང་ལ། འཕགས་པ་རྣམས་ཀྱིས་གང་དེ་དྲན་པ་དང་ལྡན་པ། བདེ་བ་ལ་གནས་པ། བཏང་སྙོམས་པའོ་ཞེས་བརྗོད་པ་སྟེ། དགའ་བ་མེད་པ་བསམ་གཏན་གསུམ་པ་རྫོགས་པར་བྱས་ནས་གནས་ཏེ། དེས་ལུས་དེ་ཉིད་དགའ་བ་མེད་པའི་བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་
Nga402b
སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། དགའ་བ་མེད་པའི་བདེ་བ་དེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དཔེར་ན་ཨུཏྤ་ལའམ། པདྨའམ། ཀུ་མུ་ཏའམ། པདྨ་དཀར་པོ་ཆུ་ལས་སྐྱེས་ཤིང ། ཆུ་ནས་ཆེན་པོར་གྱུར་པ་རྩེས་བཏགས་ཤིང་འདུག་པ་དེ་དག་གི་རྩ་བ་ནས་རྩེ་མོའི་བར་གྱི་གསབ་གསེབ་འདི་ལྟ་སྟེ། ཆུ་བསིལ་བས་མ་ཁྱབ་པའམ། ཁྱད་པར་མ་གྱུར་པ་ཅུང་ཟད་ཀྱང་མེད་པ་དེ་བཞིན་དུ། དེས་ལུས་དེ་ཉིད་དགའ་བ་མེད་པའི་བདེ་བས་མངོན་དུ་རླན་པར་བྱེད། ཡོངས་སུ་རླན་པར་བྱེད། ཡོངས་སུ་ཚིམ་པར་བྱེད། ཡོངས་སུ་ཁྱབ་པར་བྱེད་དེ། དེའི་ལུས་ཐམས་ཅད་ལ་འདི་ལྟ་སྟེ། དགའ་བ་མེད་པའི་བདེ་བས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མེད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་བདེ་བ་ཡང་སྤངས་ཏེ་སྔ་ནས་སྡུག་བསྔལ་ཡང་སྤངས་ཤིང ། ཡིད་བདེ་བ་དང ། མི་བདེ་བ་ཡང་ནུབ་པས། བདེ་བ་ཡང་མ་ཡིན། སྡུག་བསྔལ་པ་ཡང་མ་ཡིན་པ་བཏང་སྙོམས་དང ། དྲན་པ་ཡོངས་སུ་དག་པ་བསམ་གཏན་བཞི་པ་རྫོགས་པར་བྱས་ནས་གནས་ཏེ། དེས་ལུས་དེ་ཉིད་ཡོངས་སུ་དག་པ་དང ། རྣམ་པར་བྱང་བའི་སེམས་ཀྱིས་ལྷག་
Nga403a
༄#། །པར་མོས་ཏེ། ཁྱབ་པར་བྱས་ནས་རྫོགས་པར་བྱེས་ཏེ་གནས་པས་དེའི་ལུས་ཐམས་ཅད་ལ་འདི་ལྟ་སྟེ། ཡོངས་སུ་དག་པ་དང ། རྣམ་པར་བྱང་བའི་སེམས་ཀྱིས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །དཔེར་ན་ཁྱིམ་བདག་གམ་ཁྱིམ་བདག་གི་བུས་རས་ཁྲུ་བརྒྱད་པའམ། དགུ་པས་དེའི་མགོ་དང ། ལག་པ་དང ། རྐང་པ་གཡོགས་ནས། དེའི་མགོ་དང་ལག་པ་ནས་རྐང་པའི་བར་ལུས་ཐམས་ཅད་འདི་ལྟ་སྟེ། རས་གཙང་མ་ཡོངས་སུ་དག་པས་མ་ཡོག་པའམ། ཡོག་པར་མ་གྱུར་པ་ཅུང་ཟད་ཀྱང་མེད་དོ། ། དེ་བཞིན་དུ་དེས་ལུས་དེ་ཉིད་ཡོངས་སུ་དག་པ་དང ། རྣམ་པར་བྱང་བའི་སེམས་ཀྱིས་ལྷག་པར་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་པས་དེའི་ལུས་ཐམས་ཅད་འདི་ལྟ་སྟེ། ཡོངས་སུ་དག་པ་དང ། རྣམ་པར་བྱང་བའི་སེམས་ཀྱིས་མ་ཁྱབ་པའམ། ཁྱབ་པར་མ་གྱུར་པ་ཅུང་ཟད་ཀྱང་མེད་དོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །རྒྱལ་པོ་ཆེན་པོ་གང་གི་ཚེ་འཕགས་པའི་ཉན་ཐོས་བདེ་བ་ཡང་སྤངས་ཏེ་སྔ་ནས་སྡུག་བསྔལ་ཡང་སྤངས་ཤིང ། ཡིད་བདེ་བ་དང ། ཡིད་
Nga403b
མི་བདེ་བ་ཡང་ནུབ་པས། བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་པ་བཏང་སྙོམས་དང ། དྲན་པ་ཡོངས་སུ་དག་པ། བསམ་གཏན་བཞི་པ་རྫོགས་པར་བྱས་ཏེ་གནས་པ་དེའི་ཚེ། དེའི་སེམས་རྒོད་པ་མ་ཡིན། ཞུམ་པ་མ་ཡིན་ནོ། །རྒོད་པ་མེད་ཅིང་ཞུམ་པ་མེད་པས་མི་གཡོ་བར་གནས་པ་ཐོབ་པོ། །དཔེར་ན་ཁང་པ་བརྩེགས་མའམ། ཁང་པ་བརྩེགས་མའི་ཁྱམས་སུ་འབྲུ་མར་གྱི་མེ་མར་བུས་པ་དེའི་མེ་ལྕེ་རླུང་ནས། བྱ་དང་མི་དང་མི་མ་ཡིན་པའི་བར་གྱིས་མ་བསྐྱོད་པ་མ་བསྒུལ་བ་དེའི་མེ་ལྕེ་དེ་རྒོད་པ་མ་ཡིན། ཞུམ་པ་མ་ཡིན་ནོ། །རྒོད་པ་མེད་ཅིང་ཞུམ་པ་མེད་པར་གནས་པས་མི་གཡོ་བར་འབར་བ་དེ་བཞིན་དུ། གང་གི་ཚེ་འཕགས་པའི་ཉན་ཐོས་བདེ་བ་ཡང་སྤངས་ཏེ། སྔ་ནས་སྡུག་བསྔལ་ཡང་སྤངས་ཤིང ། ཡིད་བདེ་བ་དང ། ཡིད་མི་བདེ་བ་ཡང་ནུབ་པས། བདེ་བ་ཡང་མ་ཡིན། སྡུག་བསྔལ་བ་ཡང་མ་ཡིན་པ། བཏང་སྙོམས་དང་དྲན་པ་ཡོངས་སུ་དག་པ་བསམ་གཏན་བཞི་པ་རྫོགས་པར་བྱས་ཏེ་གནས་པ་དེའི་ཚེ། དེའི་སེམས་རྒོད་པ་མ་ཡིན། ཞུམ་པ་མ་ཡིན་ནོ། ། རྒོད་པ་མེད་ཅིང་ཞུམ་པ་མེད་པས་མི་གཡོ་བར་གནས་པ་ཐོབ་ནས། དེ་འདི་སྙམ་དུ་སེམས་ཏེ། བདག་གིས་ལུས་ཀྱི་གཟུགས་འདི་ནི་རགས་པ་འབྱུང་བ་ཆེན་པོ་བཞིའི་རྒྱུ་ལས་བྱུང་པ་ཡིན་ཏེ། འདི་ལ་བདག་གི་རྣམ་པར་ཤེས་པ་རྟེན་ཅིང་འདི་ལ་གནས་ཏེ། འདི་ལ་ཁྱབ་པར་གནས་ཀྱིས། མ་ལ་བདག་གིས་ལུས་འདི་ལས་ཡིད་བསྐྱོད་དེ། ལུས་གཞན་ཡིད་ལས་བྱུང་བའི་གཟུགས་དབང་པོ་
Nga404a
༄#། །མཚང་བ་མ་ཡིན་ཞིང ། དམན་པ་མ་ཡིན་པ་ཞིག་མངོན་པར་སྤྲུལ་ཏོ་སྙམ་ནས། དེ་ལུས་དེ་ལས་ཡིད་བསྐྱོད་དེ། ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་མ་ཡིན་ཞིང ། དམན་པ་མ་ཡིན་པ་མངོན་པར་སྤྲུལ་པར་བྱེད་དོ། །དཔེར་ན་ནོར་བུ་བཻ་ཌཱུརྱ་བཟང་པོ་རིགས་དང་ལྡན་པ། གསལ་བ། དང་བ། དྲི་མ་མེད་པ། ཚོན་སྐུད་སྣ་ལྔ་པ་འདི་ལྟ་སྟེ། སྔོན་པོ་དང ། སེར་པོ་དང ། དམར་པོ་དང ། དཀར་པོ་དང ། ལེབ་རྒན་ལ་བརྒྱུས་པ་དེ་སྐྱེས་བུ་མིག་དང་ལྡན་པས་མཐོང་ན། འདི་ནི་སྐུད་པ་ཡིན། འདི་ནི་ནོར་བུ་ཡིན་ཏེ། སྐུད་པ་འདི་ལ་ནོར་བུ་བརྒྱུས་སོ་ཞེས་བྱ་བར་ཤེས་པ་དེ་བཞིན་དུ། དེ་ལུས་དེ་ལས་ཡིད་བསྐྱོད་དེ། ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་མ་ཡིན་ཞིང ། དམན་པ་མ་ཡིན་པ་མངོན་པར་སྤྲུལ་པ་བྱེད་དོ། །དཔེར་ན་མི་ཞིག་གིས་རྩཝ་མུན་ཛ་ལས་ཐུར་མ་ཕྱུང་བ་དེ་སྐྱེས་བུ་མིག་དང་ལྡན་པས་མཐོང་ན། འདི་ནི་རྩཝ་མུན་ཛ་ཡིན་ནོ། །འདི་ནི་ཐུར་མ་ཡིན་ཏེ། མུན་ཛ་ལས་ཐུར་མ་ཕྱུང་བ་ཡིན་ནོ་ཞེས་ཤེས་པ་དེ་བཞིན་དུ། དེ་ལུས་དེ་ལས་ཡིད་བསྐྱོད་ནས་ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་མ་ཡིན་ཞིང་དམན་པ་མ་ཡིན་པ་མངོན་པར་སྒྲུབ་པར་བྱེད་དོ། །དཔེར་ན་མི་ཞིག་གིས་ཟ་མ་ཏོག་ནས་སྦྲུལ་ཕྱུང་བ་དེ་སྐྱེས་བུ་མིག་དང་ལྡན་པས་མཐོང་ན་འདི་ནི་ཟ་མ་ཏོག་ཡིན་ནོ། །འདི་ནི་སྦྲུལ་ཡིན་ཏེ། ཟ་མ་ཏོག་ནས་
Nga404b
སྤྲུལ་ཕྱུང་བ་ཡིན་ནོ་ཞེས་ཤེས་པ་བཞིན་དུ། དེ་ལུས་དེ་ལས་ཡིད་བསྐྱོད་ནས་ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་མ་ཡིན་ཞིང ། དམན་པ་མ་ཡིན་པ་མངོན་པར་སྤྲུལ་པར་བྱེད་དོ། །དཔེར་ན་མི་ཞིག་གི་རལ་གྲི་ཤུབས་ནས་ཕྱུང་བ་དེ་སྐྱེས་བུ་མིག་དང་ལྡན་པས་མཐོང་ན། འདི་ནི་ཤུབས་ཡིན་ནོ། །འདི་ནི་རལ་གྲི་ཡིན་ཏེ། རལ་གྲི་ཤུབས་ནས་ཕྱུང་བ་ཡིན་ནོ་ཞེས་ཤེས་པ་དེ་བཞིན་དུ་དེ་ལུས་དེ་ལས་ཡིད་བསྐྱོད་ནས། ལུས་གཞན་ཡིད་ལས་བྱུང་བའི་གཟུགས་དབང་པོ་མ་ཚང་བ་མ་ཡིན་ཞིང ། དམན་པ་མ་ཡིན་པ་མངོན་པར་སྤྲུལ་པར་བྱེད་དོ། ། དེ་དེ་ལྟར་མཉམ་པར་གཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ། མི་གཡོ་བ་ཐོབ་ནས་རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་པར་གཏོད་པར་བྱེད་ཅིང ། དེ་རྫུ་འཕྲུལ་གྱི་ཡུལ་རྣམ་པ་དུ་མ་ཉམས་སུ་མྱོང་བར་བྱེད་དེ། འདི་ལྟ་སྟེ། གཅིག་ཏུ་གྱུར་ནས་མང་པོར་གྱུར་པ་དང ། མང་པོར་གྱུར་ནས་གཅིག་ཏུ་གྱུར་པ་དང ། སྣང་བར་གྱུར་ཅིང་མི་སྣང་བར་གྱུར་པའི་ཤེས་པ་མཐོང་བ་ཉམས་སུ་མྱོང་བར་བྱེད་ཅིང ། རྩིག་པ་ལ་ཡང་ཐད་ཀར་འགྲོ་།རི་ལ་ཡང་ཐད་ཀར་འགྲོ་།ར་བ་ལ་ཡང་ཐད་ཀར་འགྲོ་སྟེ། ལུས་ཀྱི་ཐོགས་པ་མེད་པར་འགྲོ་བ་ནི། དཔེར་ན་ནམ་མཁའ་ལ་བྱ་བ་བཞིན་ནོ། །ས་ལ་ཡང་སྟེང་དུ་
Nga405a
༄#། །འབྱུང་པ་དང ། བྱེའུ་ཟུལ་བྱེད་དེ། དཔེར་ན་ཆུ་ལ་བྱ་བ་བཞིན་ནོ། །ཆུ་ལ་ཡང་རྒྱུན་ཕྱོགས་ལས་བཟློག་པར་འགྲོ་སྟེ། དཔེར་ན་ས་ལ་བྱ་བ་བཞིན་ནོ། །ནམ་མཁའ་ལ་ཡང་སྐྱིལ་མོ་ཀྲུང་བཅས་ཏེ་འགྲོ་བ། དཔེར་ན་འདབ་ཆགས་བྱ་བཞིན་ནོ། །ཟླ་བ་དང་ཉི་མ་འདི་གཉིས་འདི་ལྟར་རྫུ་འཕྲུལ་ཆེ་བ་འདི་ལྟར་མཐུ་ཆེ་བ་ལ་ཡང་ལགས་པས་འཛིན་ཅིང་ཀུན་ཏུ་ཉུག་པར་བྱེད་ལ། ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་སྒྱུར་བར་བྱེད་དོ། །དཔེར་ན་གསེར་མགར་རམ་གསེར་མགར་གྱི་སློབ་མ་མཁས་པ་ཞིག་གིས་གསེར་ཤིན་ཏུ་ལས་སུ་རུང་བར་བྱས་པར་རིག་ནས། རྡུངས་སུ་བྱ་བའི་རྣམ་པ་ཕོར་བུའམ། མགུལ་རྒྱན་ནམ། ལག་རྒྱན་ནམ། རྐང་རྒྱན་ནམ། སོར་གདུབ་རྒྱའམ། གསེར་གྱི་ཕྲེང་བ་གང་དང་གང་བྱེད་འདོད་པ་དེ་དང་དེ་མྱུར་བར་བྱེད་པ་དེ་བཞིན་དུ། དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་ཅིང ། དེ་རྫུ་འཕྲུལ་གྱི་ཡུལ་རྣམ་པ་དུ་མ་ཉམས་སུ་མྱོང་བར་བྱེད་དེ། འདི་ལྟ་སྟེ། གཅིག་ཏུ་གྱུར་ནས་མང་པོར་གྱུར་པ་དང ། མང་པོར་གྱུར་ནས་གཅིག་ཏུ་གྱུར་པ་དང ། སྣང་བར་གྱུར་ཅིང་མི་སྣང་བར་གྱུར་
Nga405b
པའི་ཤེས་པ་མཐོང་བ་ཉམས་སུ་མྱོང་བར་བྱེད་ཅིང ། རྩིག་པ་ལ་ཡང་ཐད་ཀར་འགྲོ་།རི་ལ་ཡང་ཐད་ཀར་འགྲོ་།ར་བ་ལ་ཡང་ཐད་ཀར་འགྲོ་སྟེ། ལུས་ཀྱིས་ཐོགས་པ་མེད་པར་འགྲོ་བ་ནི། དཔེར་ན་ནམ་མཁའ་ལ་བྱ་བ་བཞིན་ནོ། །ས་ལ་ཡང་སྟེང་དུ་འབྱུང་བ་དང ། བྱེའུ་ཟུལ་བྱེད་དེ། དཔེར་ན་ཆུ་ལ་བྱ་བ་བཞིན་ནོ། །ཆུ་ལ་ཡང་རྒྱུན་ཕྱོགས་ལས་བཟློག་པར་འགྲོ་སྟེ། དཔེར་ན་ས་ལ་བྱ་བ་བཞིན་ནོ། །ནམ་མཁའ་ལ་ཡང་སྐྱིལ་མོ་ཀྲུང་གིས་འགྲོ་སྟེ། དཔེར་ན་འདབ་ཆགས་བྱ་བཞིན་ནོ། །ཟླ་བ་དང་ཉི་མ་འདི་གཉིས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ལ་ཡང་ལག་པས་འཛིན་ཅིང ། ཀུན་ཏུ་ཉུག་པར་བྱེད་ལ། ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་སྒྱུར་བར་ཡང་བྱེད་དོ། །དཔེར་ན་རྫ་མཁན་ནམ། རྫ་མཁན་གྱི་སློབ་མ་མཁས་པ་ཞིག་གིས་འཇི་བའི་གོང་བུ་ཤིན་ཏུ་ལས་སུ་རུང་བར་བྱས་པར་རིག་ནས་སྣོད་ཀྱི་རྣམ་པ་གང་དང་གང་བསྒྲུབ་པར་འདོད་པ་དེ་དང་དེ་ཁོ་ན་མྱུར་བ་མྱུར་བར་སྒྲུབ་པར་བྱེད་པ་དེ་བཞིན་དུ་དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ་རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ་ལས་སུ་རུང་བ་ལ་གནས་པ་མི་གཡོ་བ་ཐོབ་ནས། རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་པར་གཏོད་པར་བྱེད་ཅིང ། དེ་རྫུ་འཕྲུལ་གྱི་ཡུལ་རྣམ་པ་དུ་མ་ཉམས་སུ་མྱོང་བར་བྱེད་དོ། །འདི་ལྟ་སྟེ། གཅིག་ཏུ་གྱུར་ནས་མང་པོར་
Nga406a
༄#། །གྱུར་པ་དང ། མང་པོར་གྱུར་ནས་གཅིག་ཏུ་གྱུར་པ་དང ། སྣང་བར་གྱུར་ཅིང་མི་སྣང་བར་གྱུར་པའི་ཤེས་པ་མཐོང་བ་ཉམས་སུ་མྱོང་བར་བྱེད་ཅིང ། རྩིག་པ་ལ་ཡང་ཐད་ཀར་འགྲོ། རི་ལ་ཡང་ཐད་ཀར་འགྲོ། ར་བ་ལ་ཡང་ཐད་ཀར་འགྲོ་སྟེ། ལུས་ཀྱིས་ཐོགས་པ་མེད་པར་འགྲོ་བ་ནི། དཔེར་ན་ནམ་མཁའ་ལ་བྱ་བ་བཞིན་ནོ། །ས་ལ་ཡང་སྟེང་དུ་འབྱུང་བ་དང ། བྱེའུ་ཟུལ་བྱེད་དེ། དཔེར་ན་ཆུ་ལ་བྱ་བ་བཞིན་ནོ། །ཆུ་ལ་ཡང་རྒྱུན་ཕྱོགས་ལས་བཟློག་པར་འགྲོ་སྟེ། དཔེར་ན་ས་ལ་བྱ་བ་བཞིན་ནོ། །ནམ་མཁའ་ལ་ཡང་སྐྱིལ་མོ་ཀྲུང་གིས་འགྲོ་སྟེ། དཔེར་ན་འདབ་ཆགས་བྱ་བཞིན་ནོ། །ཟླ་བ་དང་ཉི་མ་འདི་གཉིས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ལ་ཡང་ལག་པས་འཛིན་ཅིང་ཀུན་ཏུ་ཉུག་པར་བྱེད་ལ། ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་སྒྱུར་བར་ཡང་བྱེད་དོ། །དཔེར་ན་བ་སོ་མཁན་ནམ། བ་སོ་མཁན་གྱི་སློབ་མ་མཁས་པ་ཞིག་གིས་བ་སོ་ཤིན་ཏུ་ལས་སུ་རུང་བར་བྱས་པར་རིག་ནས། གཟུགས་ཀྱི་རྣམ་པ་གང་དང་གང་བསྒྲུབ་པར་འདོད་པའི་གཟུགས་ཀྱི་རྣམ་པ་དེ་དང་དེ་མྱུར་བ་མྱུར་བར་སྒྲུབ་པར་བྱེད་པ་དེ་བཞིན་དུ། དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་ལ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། རྫུ་འཕྲུལ་གྱི་ཡུལ་ཤེས་པ་མངོན་སུམ་དུ་བྱ་བའི་མངོན་པར་
Nga406b
ཤེས་པ་ལ་སེམས་མངོན་པར་གཏོད་པར་བྱེད་ཅིང ། དེ་རྫུ་འཕྲུལ་གྱི་ཡུལ་རྣམ་པ་དུ་མ་ཉམས་སུ་མྱོང་བར་བྱེད་དེ། འདི་ལྟ་སྟེ། གཅིག་ཏུ་གྱུར་ནས་མང་པོར་གྱུར་པ་དང ། མང་པོར་གྱུར་ནས་གཅིག་ཏུ་གྱུར་པ་དང ། སྣང་བར་གྱུར་ཅིང་མི་སྣང་བར་གྱུར་པའི་ཤེས་པ་མཐོང་བ་ཉམས་སུ་མྱོང་བར་བྱེད་ཅིང ། རྩིག་པ་ལ་ཡང་ཐད་ཀར་འགྲོ། རི་ལ་ཡང་ཐད་ཀར་འགྲོ། ར་བ་ལ་ཡང་ཐད་ཀར་འགྲོ་སྟེ། ལུས་ཀྱིས་ཐོགས་པ་མེད་པར་འགྲོ་བ་ནི། དཔེར་ན་ནམ་མཁའ་ལ་བྱ་བ་བཞིན་ནོ། །ས་ལ་ཡང་སྟེང་དུ་འབྱུང་བ་དང ། བྱིའུ་ཟུལ་བྱེད་དེ། དཔེར་ན་ཆུ་ལ་བྱ་བ་བཞིན་ནོ། །ཆུ་ལ་ཡང་རྒྱུན་ཕྱོགས་ལས་བཟློག་པར་འགྲོ་སྟེ། དཔེར་ན་ས་ལ་བྱ་བ་བཞིན་ནོ། །ནམ་མཁའ་ལ་སྐྱིལ་མོ་ཀྲུང་གིས་འགྲོ་སྟེ། དཔེར་ན་འདབ་ཆགས་བྱ་བཞིན་ནོ། །ཟླ་བ་དང་ཉི་མ་འདི་གཉིས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་ལ་ཡང་ལག་པས་འཛིན་ཅིང ། ཀུན་ཏུ་ཉུག་པར་བྱེད་ལ། ཚངས་པའི་འཇིག་རྟེན་གྱི་བར་དུ་ལུས་ཀྱིས་དབང་སྒྱུར་བར་ཡང་བྱེད་དོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ་རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་
Nga407a
༄#། །རུང་བ་ལ་གནས་པ་མི་གཡོ་བ་ཐོབ་ནས། ལྷའི་རྣ་བ་ཤེས་པའི་མངོན་པར་ཤེས་པ་མངོན་སུམ་དུ་བྱ་བ་ལ་སེམས་མངོན་དུ་གཏོད་པར་བྱེད་ཅིང ། དེ་ལྷའི་རྣ་བ་རྣམ་པར་དག་པ་མིའི་ལས་འདས་ནས། མི་རྣམས་ཀྱིའམ། མི་མ་ཡིན་པ་རྣམས་ཀྱིའམ། གང་དག་རིང་པོའམ། གང་དག་ཉེ་བའི་སྒྲ་གཉི་ག་ཐོས་པར་བྱེད་དོ། །དཔེར་ན་མི་དུང་འབུད་པ་ཞིག་རི་བྲག་ཆེན་པོའི་ཁར་འཛེགས་ནས་མཚན་ནམ་ཕྱེད་ཀྱི་དུས་སུ་དུང་བུས་ན། དེའི་སྒྲ་དེས་ཕྱོགས་ཐ་དད་པ་ཐོགས་པ་མེད་པར་ཁྱབ་པར་གྱུར་པ་དེ་བཞིན་དུ། དེ་ལྟར་མཉམ་པར་བཞག་པའི་སེམས་ཡོངས་སུ་དག་པ་རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། ལྷའི་རྣ་བ་ཤེས་པའི་མངོན་པར་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་ཅིང ། དེ་ལྷའི་རྣ་བ་རྣམ་པར་དག་པ་མིའི་ལས་འདས་ནས་མི་རྣམས་ཀྱིའམ། མི་མ་ཡིན་པ་རྣམས་ཀྱིའམ། གང་དག་རིང་པོའམ། གང་དག་ཉེ་བའི་སྒྲ་གཉི་ག་ཐོས་པར་བྱེད་དོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་
Nga407b
ལགས་སོ། །དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། དེ་སེམས་ཀྱི་རྣམ་གྲངས་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་ཅིང ། དེའི་ཡིད་ཀྱིས་སེམས་ཅན་གཞན་རྣམས་ཀྱི་དང ། གང་ཟག་གཞན་རྣམས་ཀྱི་རྣམ་པར་རྟོག་པ་དང ། རྣམ་པར་དཔྱོད་པའི་ཡིད་ཇི་ལྟ་བ་བཞིན་དུ་རབ་ཏུ་ཤེས་ཏེ། འདོད་ཆགས་དང་བཅས་པའི་སེམས་ལ་འདོད་ཆགས་དང་བཅས་པའི་སེམས་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །འདོད་ཆགས་དང་བྲལ་བའི་སེམས་ལ་འདོད་ཆགས་དང་བྲལ་བའི་སེམས་ཡིན་ནོ་ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཞེ་སྡང་དང་བཅས་པ་དང ། ཞེ་སྡང་དང་བྲལ་བ་དང ། གཏི་མུག་དང་བཅས་པ་དང ། གཏི་མུག་དང་བྲལ་བ་དང ། བསྡུས་པ་དང ། རྣམ་པར་གཡེངས་པ་དང ། ཞུམ་པ་དང ། རབ་ཏུ་འཛིན་པ་དང ། རྒོད་པ་དང ། རྒོད་པ་མ་ཡིན་པ་དང ། ཉེ་བར་ཞི་བ་དང ། ཉེ་བར་ཞི་བ་མ་ཡིན་པ་དང ། མཉམ་པར་བཞག་པ་དང ། མཉམ་པར་བཞག་པ་མ་ཡིན་པ་དང ། བསྒོམས་པ་དང ། བསྒོམས་པ་མ་ཡིན་པ་དང་རྣམ་པར་གྲོལ་བ་མ་ཡིན་པའི་སེམས་ལ་རྣམ་པར་གྲོལ་པ་མ་ཡིན་པའི་སེམས་ཡིན་ནོ་ཞེས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །ཤིན་ཏུ་རྣམ་པར་
Nga408a
༄#། །གྲོལ་བའི་སེམས་ལ་ཤིན་ཏུ་རྣམ་པར་གྲོལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། །དཔེར་ན། སྐྱེས་བུ་མིག་དང་ལྡན་པས་མེ་ལོང་གི་དཀྱིལ་འཁོར་ཤིན་ཏུ་ཡོངས་སུ་དག་པར་བླངས་ནས། རང་གི་བཞིན་གྱི་མཚན་མ་ལ་རྟོག་པར་བྱེད་པ་དེ་བཞིན་དུ། དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། སེམས་ཀྱི་རྣམ་གྲངས་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་པར་གཏོད་པར་བྱེད་ཅིང ། དེའི་ཡིད་ཀྱིས་སེམས་ཅན་གཞན་རྣམས་ཀྱི་དང ། གང་ཟག་གཞན་རྣམས་ཀྱི་རྣམ་པར་རྟོག་པ་དང ། རྣམ་པར་དཔྱོད་པའི་ཡིད་ཇི་ལྟ་བ་བཞིན་རབ་ཏུ་ཤེས་ཏེ། འདོད་ཆགས་དང་བཅས་པའི་སེམས་ལ་འདོད་ཆགས་དང་བཅས་པའི་སེམས་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །འདོད་ཆགས་དང་བྲལ་བའི་སེམས་ལ་འདོད་ཆགས་དང་བྲལ་བའི་སེམས་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །ཞེ་སྡང་དང་བཅས་པ་དང ། ཞེ་སྡང་དང་བྲལ་བ་དང ། གཏི་མུག་དང་བཅས་པ་དང ། གཏི་མུག་དང་བྲལ་བ་དང ། བསྡུས་པ་དང ། རྣམ་པར་གཡེངས་པ་དང ། ཞུམ་པ་དང ། རབ་ཏུ་འཛིན་པ་དང ། རྒོད་པ་དང ། རྒོད་པ་མ་ཡིན་པ་དང ། ཉེ་བར་ཞི་
Nga408b
པ་དང ། ཉེ་བར་ཞི་བ་མ་ཡིན་པ་དང ། མཉམ་པར་བཞག་པ་དང ། མཉམ་པར་བཞག་པ་མ་ཡིན་པ་དང ། བསྒོམས་པ་དང ། བསྒོམས་པ་མ་ཡིན་པ་དང ། རྣམ་པར་གྲོལ་བ་མ་ཡིན་པའི་སེམས་ལ་རྣམ་པར་གྲོལ་བ་མ་ཡིན་པའི་སེམས་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །ཤིན་ཏུ་རྣམ་པར་གྲོལ་བའི་སེམས་ལ་ཤིན་ཏུ་རྣམ་པར་གྲོལ་བའི་སེམས་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། སྔོན་གྱི་གནས་རྗེས་སུ་དྲན་པ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་ཅིང ། དེ་སྔོན་གྱི་གནས་རྣམ་པ་དུ་མ་རྗེས་སུ་དྲན་ཏེ། འདི་ལྟ་སྟེ། སྐྱེ་བ་གཅིག་དང ། གཉིས་དང ། གསུམ་དང ། བཞི་དང ། ལྔ་དང ། དྲུག་དང ། བདུན་དང ། བརྒྱད་དང ། དགུ་དང ། བཅུ་དང ། ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུ་དང ། སྐྱེ་བ་བརྒྱ་དང ། སྐྱེ་བ་སྟོང་དང །
Nga409a
༄#། །སྐྱེ་བ་བརྒྱ་སྟོང་དང ། སྐྱེ་བ་བརྒྱ་ཕྲག་དུ་མ་དང ། སྐྱེ་བ་སྟོང་ཕྲག་དུ་མ་དང ། སྐྱེ་བ་བརྒྱ་སྟོང་ཕྲག་དུ་མ་དང ། འཇིག་པའི་བསྐལ་པ་དང ། འཆགས་པའི་བསྐལ་པ་དང ། འཇིག་པ་དང་འཆགས་པའི་བསྐལ་པ་དང ། འཇིག་པའི་བསྐལ་པ་དུ་མ་དང ། འཆགས་པའི་བསྐལ་པ་དུ་མ་དང ། འཇིག་པ་དང ། འཆགས་པའི་བསྐལ་པ་དུ་མ་རྗེས་སུ་དྲན་ཏེ། གང་དུ་བདག་སེམས་ཅན་འདི་དག་གི་ནང་དུ་སྐྱེས་པ་ན་མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ། ཁ་ཟས་ནི་འདི་ལྟ་བུ་ཞིག་ཟ་ཟ། བདེ་བ་དང་སྡུག་བསྔལ་ནི་འདི་ལྟ་བུ་ཞིག་མྱོང ། ཡུན་ནི་འདི་སྲིད་ཅིག་གནས་ནས། ཚེ་ནི་འདི་ཙམ་ཞིག་ཐུབ་བོ། །བདག་གནས་དེ་ནས་ཤི་འཕོས་ན། ཆེ་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ནས་ག་གེ་མོ་ཞིག་ཏུ་སྐྱེས་སོ། །དེ་ནས་ཀྱང་ཤི་འཕོས་ནས་འདིར་སྐྱེས་སོ་ཞེས་རྣམ་པ་དང་བཅས། ཡུལ་ཕྱོགས་དང་བཅས་པར་སྔོན་གྱི་གནས་རྣམ་པ་དུ་མ་རྗེས་སུ་དྲན་ནོ།། །།འདུལ་བ་གཞི། བམ་པོ་བརྒྱ་བརྒྱད་པ། དཔེར་ན་མི་ཞིག་གྲོང་ནས་གྲོང་དུ་སོང་ལ། དེ་ནས་ཀྱང་གྲོང་གཞན་དུ་སོང་སྟེ། དེ་ནས་ཀྱང་འདིར་འོངས་ནས་དེ་འདི་སྙམ་དུ་སེམས་ཏེ། བདག་གིས་གྲོང་ཆེ་གེ་མོ་ནས་གྲོང་ཆེ་གེ་མོར་སོན་ཏོ། །དེ་ནས་ཀྱང་གྲོང་ཆེ་གེ་མོར་རོ། །དེ་ནས་ཀྱང་འདིར་འོངས་སོ་སྙམ་པ་དེ་བཞིན་དུ། །དེ་དེ་ལྟར་མཉམ་པར་
Nga409b
བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། སྔོན་གྱི་གནས་རྗེས་སུ་དྲན་པ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་ཅིང ། དེས་སྔོན་གྱི་གནས་རྣམ་པ་དུ་མ་རྗེས་སུ་དྲན་ཏེ། འདི་ལྟ་སྟེ། སྐྱེ་བ་གཅིག་དང ། གཉིས་དང ། གསུམ་དང ། བཞི་དང ། ལྔ་དང ། དྲུག་དང ། བདུན་དང ། བརྒྱད་དང ། དགུ་དང ། བཅུ་དང ། ཉི་ཤུ་དང ། སུམ་ཅུ་དང ། བཞི་བཅུ་དང ། ལྔ་བཅུ་དང ། སྐྱེ་བ་བརྒྱ་དང ། སྐྱེ་བ་སྟོང་དང ། སྐྱེ་བ་བརྒྱ་སྟོང་དང ། སྐྱེ་བ་བརྒྱ་ཕྲག་དུ་མ་དང ། སྐྱེ་བ་སྟོང་ཕྲག་དུ་མ་དང ། སྐྱེ་བ་བརྒྱ་སྟོང་ཕྲག་དུ་མ་དང ། འཇིག་པའི་བསྐལ་པ་དང ། འཆགས་པའི་བསྐལ་པ་དང ། འཇིགས་པ་དང་འཆགས་པའི་བསྐལ་པ་དང ། འཇིག་པའི་བསྐལ་པ་དུ་མ་དང ། འཆགས་པའི་བསྐལ་པ་དུ་མ་དང ། འཇིག་པ་དང་འཆགས་པའི་བསྐལ་པ་དུ་མ་རྗེས་སུ་དྲན་ཏེ། གང་དུ་བདག་སེམས་ཅན་འདི་དག་གི་ནང་དུ་སྐྱེས་པ་ན། མིང་ནི་འདི་ཞེས་བྱ། རིགས་ནི་འདི་ཞེས་བྱ། རུས་ནི་འདི་ཞེས་བྱ། ཁ་ཟས་ནི་འདི་ལྟ་བུ་ཞིག་ཟ་ཟ། བདེ་བ་དང ། སྡུག་བསྔལ་ནི་འདི་ལྟ་བུ་ཞིག་མྱོང ། ཡུན་ནི་འདི་སྲིད་ཅིག་གནས་ནས་ཚེ་ནི་འདི་ཙམ་ཞིག་ཐུབ་བོ། །བདག་གནས་དེ་ནས་ཤི་འཕོས་ནས་ཆེ་གེ་མོ་ཞིག་ཏུ་སྐྱེས། དེ་ནས་ཀྱང་ཤི་འཕོས་ནས་ག་གེ་མོ་ཞིག་ཏུ་
Nga410a
༄#། །སྐྱེས་སོ། །དེ་ནས་ཀྱང་ཤི་འཕོས་ནས་འདིར་སྐྱེས་སོ་ཞེས་རྣམ་པ་དང་བཅས། ཡུལ་ཕྱོགས་དང་བཅས་པར་སྔོན་གྱི་གནས་རྣམ་པ་དུ་མ་རྗེས་སུ་དྲན་ནོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། འཆི་འཕོ་དང ། སྐྱེ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་ཅིང ། དེ་ལྷའི་མིག་རྣམ་པར་དག་པ་མིའི་ལས་འདས་པས་སེམས་ཅན་རྣམས་ཀྱི་འཆི་འཕོ་རྣམས་དང ། སྐྱེ་བ་རྣམས་དང ། ཁ་དོག་བཟང་པོ་རྣམས་དང ། ཁ་དོག་ངན་པ་རྣམས་དང ། དམན་པ་རྣམས་དང ། གྱ་ནོམ་པ་རྣམས་དང ། བདེ་འགྲོ་དང་ངན་འགྲོར་འགྲོ་བ་རྣམས་ཀྱང་མཐོང་ཞིང་སེམས་ཅན་ལས་ཇི་ལྟ་བ་བཞིན་ཉེ་བར་འགྲོ་བ་དག་།ཡང་དག་པ་ཇི་ལྟ་བ་བཞིན་རབ་ཏུ་ཤེས་ཏེ། སེམས་ཅན་དེ་དག་ནི་ལུས་ཀྱི་ཉེས་པར་སྤྱོད་པ་དང་ལྡན། ངག་དང་ཡིད་ཀྱི་ཉེས་པར་སྤྱོད་པ་དང་ལྡན་ཞིང་འཕགས་པ་རྣམས་ལ་སྐུར་པ་
Nga410b
འདེབས་པ་དང ། ལོག་པར་ལྟ་བ་དང ། ལོག་པར་ལྟ་བའི་ཆོས་ཀྱི་ལས་བླངས་པའི་རྒྱུས། རྒྱུ་དེ་དང་རྐྱེན་དེས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བའི་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །སེམས་ཅན་འདི་དག་ནི་ལུས་ཀྱི་ལེགས་པར་སྤྱོད་པ་དང་ལྡན། ངག་དང་ཡིད་ཀྱི་ལེགས་པར་སྤྱོད་པ་དང་ལྡན་ཞིང ། འཕགས་པ་རྣམས་ལ་སྐུར་པ་མི་འདེབས་པ་དང ། ཡང་དག་པར་ལྟ་བ་དང ། ཡང་དག་པར་ལྟ་བའི་ཆོས་ཀྱི་ལས་བླངས་པའི་རྒྱུས། རྒྱུ་དེ་དང་རྐྱེན་དེས་ལུས་ཞིག་ནས། བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་སུ་སྐྱེ་བར་འགྱུར་རོ་ཞེས་བྱ་བར་ཤེས་སོ། །དཔེར་ན་སྐྱེས་བུ་མིག་དང་ལྡན་པ་ཞིག་ལམ་པོ་ཆེའི་བཞི་མདོར་འདུག་ནས། སྐྱེ་བོའི་ཚོགས་ཆེན་པོ་འོང་བ་དང ། འགྲོ་བ་དང ། འགྲེང་བ་དང ། འདུག་པ་དང ། སྤྱོད་པ་སྣ་ཚོགས་ལ་རྟོག་པར་བྱེད་པ་དེ་བཞིན་དུ། དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། འཆི་འཕོ་བ་དང་སྐྱེ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་ཅིང ། དེ་ལྷའི་མིག་རྣམ་པར་དག་པ་མིའི་ལས་འདས་པས་སེམས་ཅན་རྣམས་ཀྱི་འཆི་འཕོ་རྣམས་དང ། སྐྱེ་བ་རྣམས་དང ། ཁ་དོག་བཟང་པོ་རྣམས་དང ། ཁ་དོག་ངན་པ་རྣམས་དང ། དམན་པ་
Nga411a
༄#། །རྣམས་དང ། གྱ་ནོམ་པ་རྣམས་དང ། བདེ་འགྲོ་དང་ངན་འགྲོར་འགྲོ་བ་རྣམས་ཀྱང་མཐོང་ཞིང་སེམས་ཅན་ལས་ཇི་ལྟ་བ་བཞིན་ཉེ་བར་འགྲོ་བ་དག་ཡང་དག་པར་ཇི་ལྟ་བ་བཞིན་རབ་ཏུ་ཤེས་ཏེ། སེམས་ཅན་འདི་དག་ནི་ལུས་ཀྱི་ཉེས་པར་སྤྱོད་པ་དང་ལྡན། ངག་དང་ཡིད་ཀྱི་ཉེས་པར་སྤྱོད་པ་དང་ལྡན་ཞིང་འཕགས་པ་རྣམས་ལ་སྐུར་པ་འདེབས་པ་དང ། ལོག་པར་ལྟ་བ་དང ། ལོག་པར་ལྟ་བའི་ཆོས་ཀྱི་ལས་བླངས་པའི་རྒྱུས། རྒྱུ་དེ་དང་རྐྱེན་དེས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །སེམས་ཅན་འདི་དག་ནི་ལུས་ཀྱི་ལེགས་པ་སྤྱོད་པ་དང་ལྡན། ངག་དང་ཡིད་ཀྱི་ལེགས་པར་སྤྱོད་པ་དང་ལྡན་ཞིང ། འཕགས་པ་རྣམས་ལ་སྐུར་པ་མི་འདེབས་པ་དང ། ཡང་དག་པར་ལྟ་བ་དང ། ཡང་དག་པར་ལྟ་བའི་ཆོས་ཀྱི་ལས་བླངས་པའི་རྒྱུས། རྒྱུ་དེ་དང་རྐྱེན་དེས་ལུས་ཞིག་ནས་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་སུ་སྐྱེ་བར་འགྱུར་རོ་ཞེས་བྱ་བར་ཤེས་སོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མང་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་
Nga411b
བ། ཉོན་མོངས་པ་མེད་པ། ཉེ་བའི་ཉོན་མོངས་པ་དང་བྲལ་བ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། ཟག་པ་ཟད་པ་མངོན་སུམ་དུ་ཤེས་པར་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་ཅིང ། དེས་འདི་ནི་སྡུག་བསྔལ་འཕགས་པའི་བདེན་པ་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །འདི་ནི་སྡུག་བསྔལ་ཀུན་འབྱུང་བ་དང ། འདི་ནི་སྡུག་བསྔལ་འགོག་པ་དང ། འདི་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །དེས་དེ་ལྟར་ཤེས་ཤིང་དེ་ལྟར་མཐོང་ནས། འདོད་པའི་ཟག་པ་ལས་སེམས་རྣམ་པར་གྲོལ་བར་འགྱུར། སྲིད་པའི་ཟག་པ་དང ། མ་རིག་པའི་ཟག་པ་ལས་སེམས་རྣམ་པར་གྲོལ་བར་འགྱུར་རོ། །རྣམ་པར་གྲོལ་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ། །ཞེས་རྣམ་པར་གྲོལ་བའི་ཡེ་ཤེས་ཉིད་མཐོང་བར་འགྱུར་རོ། །དཔེར་ན་གྲོང་རྡལ་ལམ། གྲོང་ཁྱེར་དང་ཧ་ཅང་ཡང་མི་རིང་བ་ན་མཚོ་བྲན་གཏིང་ཟབ་པ། གསལ་བ་དང་པ། རྣམ་པར་དྭང་བ་ཞིག་ཡོད་པ་དེར། སྐྱེས་བུ་མིག་དང་ལྡན་པ་ཞིག་འགྲམ་དུ་འདུག་ནས། གསེག་མའམ། གྱོ་མོའམ། ཉའམ། རུས་སྦལ་ལམ། ཉ་ཕྱིས་སམ། དུང་རྣམས་མཐོང་བ་དེ་བཞིན་དུ། དེ་དེ་ལྟར་མཉམ་པར་བཞག་པའི་སེམས་ཡོངས་སུ་དག་པ། རྣམ་པར་བྱང་བ། ཉོན་མོངས་པ་མེད་པ། ཉེ་བའི་
Nga412a
༄#། །ཉོན་མོངས་པ་དང་བྲལ་པ། དྲང་པོར་གྱུར་པ། ལས་སུ་རུང་བ་ལ་གནས་པ་མི་གཡོ་བ་ཐོབ་ནས། ཟག་པ་ཟད་པ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ལ་སེམས་མངོན་དུ་གཏོད་པར་བྱེད་ཅིང་དེས་འདི་ནི་སྡུག་བསྔལ་འཕགས་པའི་བདེན་པ་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །འདི་ནི་སྡུག་བསྔལ་ཀུན་འབྱུང་བ་དང ། འདི་ནི་སྡུག་བསྔལ་འགོག་པ་དང ། འདི་ནི་སྡུག་བསྔལ་འགོག་པར་འགྲོ་བའི་ལམ་འཕགས་པའི་བདེན་པ་ཡིན་ནོ་ཞེས་ཡང་དག་པ་ཇི་ལྟ་བ་བཞིན་རབ་ཏུ་ཤེས་སོ། །དེས་དེ་ལྟར་ཤེས་ཤིང་དེ་ལྟར་མཐོང་ནས། འདོད་པའི་ཟག་པ་ལས་སེམས་རྣམ་པར་གྲོལ་བར་འགྱུར། སྲིད་པའི་ཟག་པ་དང ། མ་རིག་པའི་ཟག་པ་ལས་སེམས་རྣམ་པར་གྲོལ་བར་འགྱུར་རོ། །རྣམ་པར་གྲོལ་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་རྣམ་པར་གྲོལ་བའི་ཡེ་ཤེས་ཉིད་མཐོང་བར་འགྱུར་རོ། །རྒྱལ་པོ་ཆེན་པོ་ཇི་སྙམ་དུ་སེམས། དེ་ལྟ་ཡིན་ན་ངས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་པ་མ་ཡིན་ནམ། བཙུན་པ་མད་ལགས་ཏེ། དེ་ལྟ་ལགས་ན། བཅོམ་ལྡན་འདས་ཀྱིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་བསྟན་ལགས་སོ། །དེ་སྐད་ཅེས་བཀའ་སྩལ་པ་དང ། ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་མཆི་མ་བླགས་ཏེ་དུས་
Nga412b
སོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་གོས་ཀྱི་མཐའ་མས་མཆི་མ་ཕྱིས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ནོངས་ལགས་སོ། །བདེ་བར་གཤེགས་པ་ནོངས་ལགས་ཏེ། འདི་ལྟར་བདག་སྡིག་པའི་གྲོགས་པོའི་གྲོགས་ཅན། སྡིག་པའི་གྲོགས་པོའི་དབང་དུ་མཆིས་པ། སྡིག་པའི་གྲོགས་པོས་ཟིན་པས་ཕ་ཆོས་དང་ལྡན་པ་ཆོས་ཀྱི་རྒྱལ་པོ་བཀུམས་པས་བྱིས་པ་ཇི་ལྟ་བ་དང ། བླུན་པོ་ཇི་ལྟ་བ་དང ། མི་གསལ་བ་ཇི་ལྟ་བ་དང ། མི་མཁས་པ་ཇི་ལྟ་བ་ལགས་ཏེ། བཙུན་པ་བདག་ནོངས་པར་འཚལ་ཞིང་ནོངས་པར་མཐོང་ན་ཐུགས་བརྩེ་བར་ཉེ་བར་བཟུང་སྟེ། ནོངས་པ་ལ་ནོངས་པར་གཟུང་དུ་གསོལ། རྒྱལ་པོ་ཆེན་པོ་ཉེས་པ་ལ་ཉེས་པར་ཁྱོད་ཀྱིས་ཁོང་དུ་ཆུད་པ་ནི་བདེན་ཏེ། འདི་ལྟར་ཁྱོད་སྡིག་པའི་གྲོགས་པོའི་གྲོགས་ཅན། སྡིག་པའི་གྲོགས་པོའི་དབང་དུ་སོང་བ། སྡིག་པའི་གྲོགས་པོའི་ཟིན་པས་ཕ་ཆོས་དང་ལྡན་པ་ཆོས་ཀྱི་རྒྱལ་པོ་ཆེན་པོ་བསད་པ་ནི་བྱིས་པ་ཇི་ལྟ་བ་དང ། བླུན་པོ་ཇི་ལྟ་བ་དང ། མི་གསལ་བ་ཇི་ལྟ་བ་དང ། མི་མཁས་པ་ཇི་ལྟ་བ་ཡིན་ཏེ། རྒྱལ་པོ་ཆེན་པོ་ཁྱོད་ཀྱིས་འདི་ལྟར་ཉེས་པ་ཤེས་ཤིང་མཐོང་ལ། དེ་མཐོང་ནས་ཀྱང་བཤགས་ནས་ཕྱིས་སྡོམ་པར་བྱེད་ན། དགེ་བའི་ཆོས་རྣམས་མི་ཉམས་ཤིང་འཕེལ་བ་ཉིད་དུ་འདོད་པར་བྱའོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་གང་འགའ་ཞིག་ཉེས་པ་ཤེས་
Nga413a
༄#། །ཤིང་ཉེས་པ་མཐོང་ལ། དེ་མཐོང་ནས་ཀྱང་བཤགས་ནས་ཕྱིས་སྡོམ་པར་བྱེད་ན་དེའི་དགེ་བའི་ཆོས་རྣམས་མི་ཉམས་ཤིང་འཕེལ་བ་ཉིད་དུ་འདོད་དོ། །རྒྱལ་པོ་ཆེན་པོ་དེ་བཞིན་དུ་ཁྱོད་ཀྱིས་འདི་ལྟར་ཉེས་པ་ཤེས་ཤིང་ཉེས་པ་མཐོང་ལ་དེ་མཐོང་ནས་ཀྱང་བཤགས་ནས་ཕྱིས་སྡོམ་པར་བྱེད་ན། ཁྱོད་ཀྱི་དགེ་བའི་ཆོས་རྣམས་མི་ཉམས་ཤིང་འཕེལ་བ་ཉིད་དུ་འདོད་པར་བྱའོ། །དེ་ནས་བཅོམ་ལྡན་འདས་ལ་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་གི་སྡུམ་པར་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ། བཅོམ་ལྡན་འདས་ཀྱིས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་ལ་ཅང་མི་གསུང་བས་གནང་ངོ ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་བཅོམ་ལྡན་འདས་ཅང་མི་གསུང་བས་གནང་བར་རིག་ནས། བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ། རྗེས་སུ་ཡི་རང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ ། །དེ་ནས་བཅོམ་ལྡན་འདས་ཀྱིས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་སོང་ནས་རིང་པོ་མ་ལོན་པར་ཐུགས་སུ་ཆུད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལུས་འཕགས་མའི་བུ་མ་ག་དྷའི་
Nga413b
རྒྱལ་པོ་མ་སྐྱེས་དགྲ་རྨ་བྱུང་ཞིང་ཉམས་ཏེ། སྡིག་པའི་གྲོགས་པོའི་གྲོགས་ཅན། སྡིག་པའི་གྲོགས་པོའི་དབང་དུ་སོང་བ། སྡིག་པའི་གྲོགས་པོས་ཟིན་པ་དེས་ཕ་ཆོས་དང་ལྡན་པ་ཆོས་ཀྱི་རྒྱལ་པོ་ཆོས་ལ་གནས་པ་རྒྱལ་པོ་ཆེན་པོ་བསད་དོ། །དགེ་སློང་དག་གལ་ཏེ་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་ཕ་ཆོས་དང་ལྡན་པ་ཆོས་ཀྱི་རྒྱལ་པོ་ཆོས་ལ་གནས་པ་རྒྱལ་པོ་ཆེན་པོ་བསད་པར་མ་གྱུར་ན། སྟན་འདི་ཉིད་ལ་འདུག་བཞིན་དུ་འཕགས་པའི་བདེན་པ་བཞི་པོ་འདི་ལྟ་སྟེ། སྡུག་བསྔལ་དང ། ཀུན་འབྱུང་དང ། འགོག་པ་དང ། ལམ་མངོན་དུ་བྱས་པར་འགྱུར་བ་གང་ཡིན་པའི་གནས་འདི་ཡོད་དོ། །དགེ་སློང་དག་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་ནི་དེ་ལྟར་རྨ་བྱུང་ཞིང་དེ་ལྟར་ཉམས་པར་གྱུར་ཏོ། །དགེ་སློང་དག་དེ་ལྟ་བས་ན། འདི་ལྟར་བསླབ་པར་བྱ་སྟེ། གང་སྡོང་དུ་མ་ཚིག་པ་ལ་ཡང་ངན་སེམས་མི་བསྐྱེད་ན། རྣམ་པར་ཤེས་པ་དང་བཅས་པའི་ལུས་ལ་ལྟ་སྨོས་ཀྱང་ཅི་དགོས་ཀྱིས་དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་སྟ་གོན་བྱས་ནས་ནང་པར་སྔར་ལངས་ཏེ། གདན་བཤམས། ནོར་བུའི་ཆུ་སྣོད་བཞག་ནས། སྤྱན་འདྲེན་གྱིས། བཅོམ་ལྡན་འདས་ལ་གདུགས་ཚོད་གསོལ་པ། བཙུན་པ་བཅོམ་ལྡན་འདས་གདུགས་ཚོད་ལགས་ན། ད་དེའི་དུས་ལ་བབ་
Nga414a
༄#། །པར་མཁྱེན་པར་མཛད་དུ་གསོལ། དེ་ནས་བཅོམ་ལྡན་འདས་སྔ་དྲོ་ན་བཟའ་ཤམ་ཐབས་མནབས། ཆོས་གོས་དང ། ལྷུང་བཟེད་བསྣམས་ཏེ། དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང ། དགེ་སློང་གི་དགེ་འདུན་གྱིས་མདུན་དུ་བདར་ཏེ། ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲའི་བཀད་ས་གང་ན་བ་དེར་གཤེགས་ཏེ་བྱོན་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲས་སངས་རྒྱས་ལ་སོགས་པ། དགེ་སློང་གི་དགེ་འདུན་བདེ་བར་བཞུགས་པར་རིག་ནས་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་གྲངས་དུ་མར་གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་ཏེ། བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ། ལྷུང་བཟེད་གྱུ་བར་རིག་ནས། སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ་།དེ་ནས་བཅོམ་ལྡན་འདས་ཀྱིས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲའི་སྦྱིན་པ་ལ་རྗེས་སུ་ཡི་རང་བས་རྗེས་སུ་ཡི་རང་བར་མཛད་དེ། སྦྱིན་སྲེག་མཆོད་སྦྱིན་རྣམས་ཀྱི་མཆོག་།སྡེབ་སྦྱོར་མཆོག་ནི་ཉི་མའི་ལྷ། །མི་ཡི་མཆོག་ནི་རྒྱལ་པོ་སྟེ། །རྒྱ་མཚོ་ཆུ་བོ་རྣམས་ཀྱི་
Nga414b
མཆོག་།ཟླ་བ་རྒྱུ་སྐར་རྣམས་ཀྱི་གཙོ། །ཉི་མ་སྣང་བྱེད་རྣམས་ཀྱི་གཙོ། །སྟེང་དང་འོག་དང་ཐད་ཀར་ཡར། །འགྲོ་བའི་འགྲོ་བ་ཇི་སྙེད་པ། །ལྷ་དང་བཅས་པའི་འཇིག་རྟེན་ན། །སྨྲ་བའི་མཆོག་ནི་རྫོགས་སངས་རྒྱས། །དེ་ནས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུག་པར་མཛད། ཡང་དག་པར་གཟེངས་བསྟོད་པར་མཛད། ཡང་དག་པར་རབ་ཏུ་དགའ་བར་མཛད་དེ། རྣམ་གྲངས་དུ་མར་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག་།ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས། གདན་ལས་བཞེངས་ཏེ་གཤེགས་སོ། །གང་གི་ཚེ་བཅོམ་ལྡན་འདས་ཀྱིས་ལུས་འཕགས་མའི་བུ་མ་ག་དྷའི་རྒྱལ་པོ་མ་སྐྱེས་དགྲ་གཞི་མེད་པའི་དད་པ་ལ་བཞག་པ་དེའི་ཚེ་གལ་ཏེ་ཁང་བཟང་གི་སྟེང་ངམ། གླང་པོ་ཆེ་ལ་ཞོན་པ་ལས་བཅོམ་ལྡན་འདས་མཐོང་ན་ཡང་དེའི་ཚེ་བདག་ཉིད་མཆོང་བར་བྱེད་དོ། །ཇི་ཙམ་དུས་གཞན་ཞིག་ན་གླང་པོ་ཆེ་ལ་ཞོན་པས་བཅོམ་ལྡན་འདས་མཐོང་ནས་དེས་བདག་ཉིད་མཆོངས་པ་དང ། བཅོམ་ལྡན་འདས་ཀྱིས་རྫུ་འཕྲུལ་གྱིས་བླངས་སོ། །དེ་ཞོ་ཤས་འཚོ་བ་དང ། ནང་མི་རྣམས་ལ་བསྒོ་བ། ཤེས་ལྡན་དག་ཤེས་པར་གྱིས་ཤིག་།དེང་ཕན་ཆད་ང་བཅོམ་ལྡན་འདས་དང ། བཅོམ་ལྡན་འདས་ཀྱི་ཉན་ཐོས་ལ་སྐྱབས་སུ་སོང་གིས། དེ་ལྟ་བས་ན་དེང་ཕན་ཆད་བཅོམ་ལྡན་འདས་ཀྱི་
Nga415a
༄#། །ཉན་ཐོས་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་རྣམས་ལ་སྒོ་མ་དགག་ཅིག་།ལྷས་བྱིན་དང ། ལྷས་བྱིན་གྱི་ཉན་ཐོས་རྣམས་ལ་སྒོ་ཁོག་ཅིག་།ཇི་ཙམ་དུས་གཞན་ཞིག་ན་ལྷས་བྱིན་རྒྱལ་པོ་མ་སྐྱེས་དགྲའི་ཁྱིམ་དུ་འཇུག་པར་བརྩམས་པ་དང་སྒོ་བས་སྨྲས་པ། ནང་དུ་མ་འཇུག་པར་སྡོད་ཅིག་།ལྷས་བཀའ་སྩལ་པ། དེང་ཕན་ཆད་ང་བཅོམ་ལྡན་འདས་དང ། བཅོམ་ལྡན་འདས་ཀྱི་ཉན་ཐོས་ལ་སྐྱབས་སུ་སོང་གིས། དེ་ལྟ་བས་ན་དེང་ཕན་ཆད་བཅོམ་ལྡན་འདས་ཀྱི་ཉན་ཐོས་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མ་རྣམས་ལ་སྒོ་མ་དགག་ཅིག་།ལྷས་བྱིན་དང ། ལྷས་བྱིན་གྱི་ཉན་ཐོས་རྣམས་ལ་ནི་སྒོ་ཁོག་ཅིག་ཅེས་བྱུང་ངོ ། །དེ་ཡང་སྒོ་ན་སྡོད་ཅིང་འདུག་པ་ལས། དགེ་སློང་མ་ཨུཏྤ་ལའི་མདོག་བསོད་སྙོམས་བླངས་ཏེ། རྒྱལ་པོའི་ཕོ་བྲང་ནས་ཕྱིར་བྱུང་བ་དང ། ལྷས་བྱིན་འདི་སྙམ་དུ་སེམས་ཏེ། འདི་ནི་དགེ་སྦྱོང་མགོ་རེག་མོ་འདིའི་ལས་ཡིན་ཏེ། འདིས་རྒྱལ་པོ་མ་སྐྱེས་དགྲ་ནང་མི་དང ། གཞོན་ནུ་དང་བློན་པོ་དང་བཅས་པ་དང ། བདག་ཏུ་དབྱེན་བྱས་པས་དེ་ན་བདག་འདི་འདྲ་བའི་གནས་སྐབས་སུ་གྱུར་ཏོ་སྙམ་དུ་བསམས་ནས་ཨུཏྤ་ལའི་མདོག་ལ་འདི་སྐད་ཅེས་སྨྲས་སོ། །ཁྱོད་ལ་ཁོ་བོས་ཉེས་པ་ཅི་བྱས་ན། གང་གི་ཕྱིར་ཁྱོད་ཀྱིས་ཁོ་བོ་བསོད་སྙོམས་ཀྱི་ཁྱིམ་ལས་རིང་དུ་བྱས་ཞེས་དེས་དེ་གསོད་
Nga415b
པར་བརྩམས་ཏེ། དེ་ལ་བསྣུན་པ་ན། དེ་སྙིང་རྗེ་རྗེ་སྐད་དུ་ཚིག་རེ་རེ་ནས་དལ་གྱིས་སྨྲས་པ། འཕགས་པ་རྣམས་མི་བཟོད་དེ། ཅི་བདག་རེ་ཞིག་ཁྱོད་བཅོམ་ལྡན་འདས་ཀྱི་མཆེད་ཤཱཀྱའི་རིགས་ལས་རབ་ཏུ་བྱུང་བ་ལ་དེ་ལྟར་བགྱིད་དམ། བདག་གིས་དེ་ལྟར་མ་བགྱིས་ཀྱིས་བཟོད་པ་མཛོད་ཅིག་ཅེས་དེ་སྐད་སྨྲས་ཀྱང ། ལྷས་བྱིན་གྱི་དེའི་མགོ་བོར་ཁུ་ཚུར་གྱིས་བསྣུན་ཏོ། །དེ་གནད་ཀྱི་ཚོར་བས་ཉེན་ཏེ། སྲོག་གི་འདུ་བྱེད་བྱིན་གྱིས་བརླབས་ཏེ། ཚེའི་འདུ་བྱེད་བཏང་ནས་བརྩོན་འགྲུས་ལ་གནས་ཏེ། དགེ་སློང་མའི་དབྱར་ཁང་དུ་སོང་ངོ ། །དགེ་སློང་མ་རྣམས་ཀྱིས་དེ་ལྟ་བུ་དེ་མཐོང་ནས་སྨྲས་པ། འཕགས་མ་ཅི་ནོངས། དེས་སྨྲས་པ། ཕུ་ནུ་མོ་དག་།འདུས་བྱས་ཐམས་ཅད་ནི་མི་རྟག་པའོ། །ཆོས་ཐམས་ཅད་ནི་བདག་མེད་པ། མྱ་ངན་ལས་འདས་པ་ནི་ཞི་བ་ཡིན་པས་ཁྱེད་ཅག་དགེ་བའི་ཆོས་རྣམས་ལ་བག་ཡོད་པར་གྱིས་ཤིག་།ལྷས་བྱིན་གྱིས་མཚམས་མེད་པ་གསུམ་པ་བྱས་ཀྱིས་ཡོངས་སུ་མྱ་ངན་ལས་འདའ་བར་བྱའོ་ཞེས་དེ་ནས་དེས་དགེ་སློང་མའི་དགེ་འདུན་གྱི་མདུན་དུ་ཆོ་འཕྲུལ་རྣམ་པ་སྣ་ཚོགས་བྱས་ཏེ། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་གྱིས་དགེ་སློང་མ་ཨུཏྤ་ལའི་མདོག་སྙིང་རྗེ་རྗེ་སྐད་དུ་སྨྲེས་བཞིན་
Nga416a
༄#། །དུ་ཁུ་ཚུར་གྱིས་བསྣུན་ཏེ། བཀུམ་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདིས་འདི་སྙིང་རྗེ་རྗེ་སྐད་དུ་སྨྲེ་སྔགས་འདོན་བཞིན་དུ་བསད་དེ། ཤ་ཟོས་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་ཞིག་ན་ཁྱིམ་བདག་ཅིག་གནས་ཏེ། དེའི་ལུག་རྫིས་ལུག་གི་ཁྱུ་དེ་བསྐྱང་བའི་ཕྱིར་གྲོང་ཁྱེར་ནས་ཕྱི་རོལ་ཏུ་ཕྱུང་ངོ ། །དེ་ནས་བསྐྱངས་ནས་ཉི་མ་ནུབ་པའི་དུས་ཀྱི་ཚེ། རི་བོར་དུ་བདའ་བར་བརྩམས་པ་དང ། དེ་ན་ལུག་མ་རྒན་ཞིག་ཕྱི་ནས་འབྲང་ཞིང་སོང་བ་དེ་སྤྱང་ཀིས་བཟུང་བ་དང ། སྨྲས་པ། ཞང་ཞང་ཅིག་ཁྱོད་བདེའམ། །ཞང་ཞང་རེ་ལྟ་བདེར་གྱུར་ཏམ། །ཞང་ཞང་ཉག་ཅིག་དགོན་པ་ན། །ཇི་ག་བདེ་བ་ལྟར་ལགས་སམ། །དེས་ཀྱང་སྨྲས་པ། ཁོ་བོའི་མཇུག་མ་བརྫིས་ནས་སུ། །མཇུག་མའི་སྤུ་ཡང་ཕྱིས་ནས་ནི། །ཞང་པོ་ཞེས་པའི་ཚིག་སྨྲས་པས། །ལུག་ཁྱོད་ཐར་བར་རེའམ་ཅི། །ལུག་མ་མོས་ཡང་སྨྲས་པ། ཁྱོད་ཀྱི་མཇུག་མ་ཕོངས་ན་ཡོད། །བདག་ནི་མདུན་ནས་འོངས་གྱུར་ན། །ཇི་ལྟ་བུ་ཡི་ཐབས་ཤིག་གིས། །བདག་གིས་མཇུག་མ་བརྫིས་པར་གྱུར། །སྤྱང་ཀིས་ཡང་སྨྲས་པ། གླིང་བཞི་པ་འདི་རྒྱ་མཚོར་བཅས།། རི་བོར་བཅས་པ་ཐམས་ཅད་ན། །བདག་གི་མཇུག་མ་ཡོད་ཡིན་ན། །ཁྱོད་ནི་གང་ནས་འོངས་པ་ཞིག་།ལུག་མ་མོས་སྨྲས་པ། བཟང་པོ་ཁྱོད་ཀྱིས་མཇུག་མ་ནི། །ཐམས་ཅད་ན་ནི་མཆིས་
Nga416b
སོ་ཞེས། །བདག་གིས་གཉེན་ལས་སྔོན་ཐོས་ནས། །ནམ་མཁའ་ལས་ནི་མཆིས་ལགས་སོ། །སྤྱང་ཀིས་སྨྲས་པ། མ་རྒན་ཁྱོད་ཉིད་དེ་རིང་ནི། །ནམ་མཁའ་ལས་ནི་འོངས་ནས་སུ། །བདག་གི་བཟའ་སྐལ་གང་ཡིན་པའི། །བདག་གི་རི་དྭགས་ཚོགས་དེ་བསྐྲོགས། །དེ་ནི་དེ་སྐད་སྨྲ་བཞིན་དུ། །སྡིག་པའི་ལས་ཅན་གྱིས་མཆོངས་ནས། །ལུག་གི་མགོ་བོ་བཅད་ནས་ནི། །བསད་དེ་ཤ་ཡང་ཟོས་པར་གྱུར། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་སྤྱང་ཀི་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་ལུག་མ་རྒན་གང་ཡིན་པ་དེ་ནི། དགེ་སློང་མ་ཨུཏྤ་ལའི་མདོག་འདི་ཉིད་ཡིན་ཏེ། དེ་ན་ཡང་འདི་སྙིང་རྗེ་རྗེ་སྐད་དུ་སྨྲེ་སྔགས་འདོན་བཞིན་དུ་བསད་དོ། །ད་ལྟར་ཡང་འདི་སྙིང་རྗེ་རྗེ་སྐད་དུ་སྨྲེ་སྔགས་འདོན་བཞིན་དུ་བསད་དོ། ། དེ་ནས་ལྷས་བྱིན་འདི་སྙམ་དུ་སེམས་ཏེ། བདག་གིས་བཅོམ་ལྡན་འདས་ལ་ཕ་རོལ་གནོན་པ་མང་དུ་བྱས་ཤིང་མཚམས་མེད་པ་ཡང་གསུམ་དུ་བྱས་ཏེ། བཅོམ་ལྡན་འདས་ལ་རྡོ་འཕངས་ནས་ཁྲག་ཕྱུང་བ་འདི་ནི་མཚམས་མེད་པ་དང་པོ་ཡིན་ནོ། །དགེ་འདུན་ཕྱེ་བ་ནི་གཉིས་པ་ཡིན་ནོ། །ུཏྤ་ལའི་མདོག་བསད་པ་འདི་ནི་གསུམ་པ་ཡིན་ཏེ། ཐམས་ཅད་མཁྱེན་པ་ཉིད་ཀྱང་མ་ཐོབ་ལ། གཞན་ཡང་དགོས་པ་ཅུང་ཟད་ཀྱང་མ་གྲུབ་སྟེ། ད་ནི་གཞན་བྱར་མེད། སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ་སྙམ་དུ་བསམས་ནས། ལག་པ་ལ་
Nga417a
༄#། །འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་གོ་།ཇི་ཙམ་ན་རྫོགས་བྱེད་དེའི་དྲུང་དུ་ཕྱིན་ནས་སྨྲས་པ། ལྷས་བྱིན་ཅིའི་ཕྱིར་ལག་པ་ལ་འགྲམ་པ་གཏད་དེ་སེམས་ཁོང་དུ་ཆུད་ཅིང་འདུག་།དེས་སྨྲས་པ། གང་གིས་ན་བདག་ཞེ་སྡང་གི་དབང་དུ་སོང་བས། བཅོམ་ལྡན་འདས་ལ་ཕ་རོལ་གནོན་པ་མང་དུ་བྱས་ཤིང་མཚམས་མེད་པའི་ལས་གསུམ་བྱས་པས་མནར་མེད་པའི་སེམས་ཅན་དམྱལ་བ་ཆེན་པོར་ཡུན་རིང་དུ་གནས་པར་འགྱུར་ན། བདག་ཅིའི་ཕྱིར་སེམས་ཁོང་དུ་ཆུད་ཅིང་མི་འདུག་།དེས་སྨྲས་པ། བདག་གིས་ཤཱཀྱ་རྣམས་ཀྱི་ནང་ན་ཁྱོད་འབའ་ཞིག་མཁས་པ་ཡིན་ནོ་སྙམ་དུ་ཤེས་ན། ཁྱོད་ཀྱང་བླུན་པ་ལྟ། གང་གིས་ན་ཁྱོད་འདི་ལྟར་སེམས་ཁོང་དུ་ཆུད་ཅིང་འདུག་པའི་འཇིག་རྟེན་ཕ་རོལ་ག་ལ་ཡོད། གལ་ཏེ་འཇིག་རྟེན་ཕ་རོལ་ཡོད་ན་ཁྱོད་ཀྱིས་ལས་འདི་འདྲ་བ་བྱས་པས། ཁྱོད་ཀྱི་ཕྱིར་ཁོ་བོ་ཡང་སེམས་ཁོང་དུ་ཆུད་ཅིང་འདུག་གོ་།དེ་ཡིད་ཆེས་པར་བྱ་བའི་ཕྱིར་དེས་དེའི་མདུན་དུ་རིལ་བ་བཅག་ནས། རེ་ཞིག་ལྷ་དང་བཅས་པའི་འཇིག་རྟེན་གྱིས་འདིར་སླར་འབྱོར་པར་བྱོས་ཤིག་།ཡེ་བག་མ་ཚ་ཤིག་།འདི་ལ་བྱེད་པ་པོའམ། བྱེད་དུ་འཇུག་པ་པོ་ནི་འགའ་ཡང་མེད་དོ། །དེ་ལྟ་མོད་ཀྱི་སོང་ལ་སེར་སྐྱའི་གཞིར་སོན་ནས་རྒྱལ་སྲིད་བྱོས་ཤིག་དང ། བདག་གིས་ཁྱོད་ཀྱིས་བློན་པོའི་མཆོག་བགྱིའོ། །དེ་ན་ལྷས་བྱིན་འཕགས་པ་ལ་སྐུར་པ་
Nga417b
འདེབས་པའི་ལོག་པའི་ལྟ་བ་ཐོབ་སྟེ། དེས་ན་ཐམས་ཅད་ཀྱི་ཐམས་ཅད་དུ་དགེ་བའི་རྩ་བ་རྣམས་ཆད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷས་བྱིན་གྱིས་དགེ་བའི་རྩ་བ་རྣམས་བཅད་དེ། དགེ་སློང་དག་ངས་ཇི་སྲིད་ལྷས་བྱིན་ལ་དཀར་པོའི་ཆོས་གཟིགས་པ་དེའི་བར་དུ་ངས་འདི་ལྟར་ལྷས་བྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་བའོ་ཞེས་ལྷས་བྱིན་ལུང་མ་བསྟན་ཏོ། །དཔེར་ན་གྲོང་ཁྱེར་རམ། གྲོང་རྡལ་དང་ཧ་ཅང་ཡང་མི་རིང་བ་ཞིག་ན་ཕྱིས་ཁུང་ཟབས་སུ་མི་གང་ལྷག་ཙམ་ཞིག་ཡོད་པ་དེར་མི་འགའ་ཞིག་མགོ་དང་ལག་པ་དང་རྐང་པ་དང་བཅས་པར་ནུབ་པར་གྱུར་པ་དེ་ལ་མི་ཡུན་རིང་པོར་དོན་དུ་འདོད་པ་ཕན་པར་འདོད་པ་བདེ་བར་འདོད་པ་གྲུབ་པ་དང ། བདེ་བ་ལ་རེག་པར་འདོད་པ་འགའ་ཞིག་སོང་སྟེ། དེས་ཕྱིས་ཁུང་དེའི་ཉེ་འཁོར་ཀུན་ཏུ་བསྐོར་ཞིང་སོང་སྟེ། མི་དེའི་ཕྱིར་སས་མ་རེག་པའི་ཕྱོགས་འགའ་ཞིག་རྙེད་ན། འདི་དེ་ནས་བཟུང་སྟེ་དབྱུང་བར་བྱའོ་སྙམ་ནས། དེས་དེའི་ཉེ་འཁོར་ཀུན་ཏུ་བསྐོར་ཏེ་སོང་ན་མི་དེ་ལ་དེས་བཟུང་སྟེ་དབྱུང་བའི་ཕྱོགས་ཆུང་ངུ་ན་ལག་མཐིལ་ཙམ་ཡང་མི་གཙང་བས་མ་རེག་པ་ཅུང་ཟད་ཀྱང་མེད་པ་དེ་བཞིན་དུ། དགེ་སློང་དག་ངས་ཇི་སྲིད་ལྷས་བྱིན་ལ་དཀར་པོའི་ཆོས་གང་སྐྲའི་རྩེ་མོའི་ཆ་ཤས་ཙམ་ཡང་གཟིགས་པ་དེའི་བར་དུ་ནི་ངས་འདི་ལྟར་ལྷས་བྱིན་ངན་སོང་སེམས་ཅན་དམྱལ་བར་བསྐལ་པར་གནས་
Nga418a
༄#། །པས་གསོར་མི་རུང་བའོ་ཞེས་ལྷས་བྱིན་ལུང་མ་བསྟན་གྱི། ངས་གང་ནས་ལྷས་བྱིན་ལ་དཀར་པོའི་ཆོས་ལ་ཆུང་ངུ་ན་སྐྲའི་རྩེ་མོའི་ཤས་ཙམ་ཡང་མ་གཟིགས་པ་དེ་ནས། ངས་འདི་ལྟར་ལྷས་བྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་བའོ་ཞེས་ལྷས་བྱིན་ལུང་བསྟན་ཏོ། །དགེ་སློང་དག་ལྷས་བྱིན་སྡིག་པ་མི་དགེ་བའི་ཆོས་གསུམ་དང་ལྡན་པས་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་ངོ ། །དགེ་སློང་དག་གསུམ་གང་ཞེ་ན། ཐོག་མ་ཉིད་ནས་ལྷས་བྱིན་སྡིག་པ་འདོད་པར་གྱུར་ཅིང ། སྡིག་པ་འདོད་པའི་དབང་དུ་གྱུར་པ་སྟེ། གང་ལྷས་བྱིན་ཐོག་མ་ཉིད་ནས་སྡིག་པ་འདོད་པར་གྱུར་ཅིང་སྡིག་པ་འདོད་པའི་དབང་དུ་གྱུར་པ་དམ་པ་མ་ཡིན་པའི་ཆོས་དང་པོ་འདི་དང་ལྡན་པས། ལྷས་བྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་ངོ ། །དགེ་སློང་དག་གཞན་ཡང་ལྷས་བྱིན་སྡིག་པའི་བཤེས་གཉེན་ཅན་སྡིག་པའི་གྲོགས་ཅན་སྡིག་པ་དང་སྡོང་པ་སྟེ། གང་ལྷས་བྱིན་ཐོག་མ་ཉིད་ནས་སྡིག་པའི་བཤེས་གཉེན་ཅན་སྡིག་པའི་གྲོགས་ཅན་སྡིག་པ་དང་སྡོང་པ་དམ་པ་མ་ཡིན་པའི་ཆོས་གཉིས་པ་འདི་དང་ལྡན་པས་ལྷས་བྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་ངོ ། །གཞན་ཡང་ལྷས་བྱིན་ཁྱད་པར་ངན་ངོན་ཅུང་ཟད་ཙམ་ཞིག་
Nga418b
རྟོགས་ནས་གོང་དུ་བྱ་བ་ཡོད་བཞིན་དུ་བར་དུ་སྒྱིད་ལུག་པར་གྱུར་ཏེ། གང་ལྷས་བྱིན་གྱིས་ཁྱད་པར་ངན་ངོན་ཅུང་ཟད་རྟོགས་ནས། གོང་དུ་བྱ་བ་ཡོད་བཞིན་དུ་བར་དུ་སྒྱིད་ལུག་པ་དམ་པ་མ་ཡིན་པའི་ཆོས་གསུམ་པ་འདི་དང་ལྡན་པས་ལྷས་བྱིན་ངན་སོང་སེམས་ཅན་དམྱལ་བར་བསྐལ་པར་གནས་པས་གསོར་མི་རུང་ངོ ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བདེ་བར་གཤེགས་པས་དེ་སྐད་ཅེས་གསུངས་ཏེ། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །འཇིག་རྟེན་འདི་ན་འགའ་ཡང་ནི། །ནམ་དུའང་སྡིག་འདོད་སྐྱེ་མ་འགྱུར།། དེས་ན་སྡིག་པ་འདོད་རྣམས་ཀྱིས། །འགྲོ་བ་གང་ཡིན་ཤེས་པར་གྱིས། །ལྷས་བྱིན་མཁས་པར་ཀུན་གྲགས་ཤིང ། །བསྒོམས་པ་ཡིད་ནི་བདག་ཉིད་དུ། །བཀུར་ཅིང་དཔལ་གྱིས་ཤིན་ཏུ་ནི། །མཛེས་པར་རྣམ་པར་གྲགས་ཡིན་ན། །དེ་ནི་བག་མེད་དང་ལྡན་འདིར། །དེ་བཞིན་གཤེགས་ལ་ཁྱད་བསད་པས། །རྫོགས་སངས་རྒྱས་ནི་རབ་མཁྱེན་པས། །བསྐལ་པར་གནས་པར་དེ་ལུང་བསྟན། །འཇུངས་ཤིང་སྡིག་པའི་ཀུན་རྟོག་ཅན། །ལོག་པར་ལྟ་བ་མ་གུས་པ། །སྒོ་བཞི་པར་ནི་ཤེས་པ་ནི། །མནར་མེད་དམྱལ་བ་དེ་ཐོབ་བོ། །གནོད་པ་མེད་ཅིང་སྡིག་པའི་ལས། ། མི་མཛད་པ་ལ་གང་འཁུ་བ། །འཇིག་རྟེན་དི་དང་ཕ་རོལ་ཏུ་འང ། །སྡིག་པ་དེ་ཉིད་རེག་པར་འགྱུར། །གང་ཞིག་དུག་གི་བུམ་པ་ཡིས། །རྒྱ་མཚོ་མ་རུང་བྱེད་འདོད་པ། །ཆུ་གཏེར་འཇིགས་རུང་
Nga419a
༄#། །ཆེན་པོ་དེ། །དེ་ཡིས་དེ་སུན་མི་ཕྱིན་ལྟར། །གང་ཞིག་དེ་བཞིན་གཤེགས་པ་ལ། །ཁ་ཟེར་སུན་འབྱིན་དེ་དང་འདྲ། །ཡང་དག་གཟིགས་པ་ཞི་བའི་ཐུགས། །གང་ལ་ཕྱར་ཀས་མི་རྫི་བ། །དེ་འདྲ་བ་ནི་བཤེས་གཉེན་བྱ། །དེ་ནི་མཁས་པས་བསྟེན་བྱ་སྟེ། །དེ་ལྟ་བུ་ལ་བསྟེན་བྱས་ན། །ལེགས་པར་འགྱུར་ཞིང་སྡིག་མི་འགྱུར། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་ནས་ལྷས་བྱིན་འཕགས་པ་ལ་སྐུར་པ་འདེབས་པའི་ལོག་པའི་ལྟ་བ་དང་ལྡན་ཏེ། དགེ་བའི་རྩ་བ་ཆད་པ་འཇིག་རྟེན་ཕ་རོལ་མེད་དོ་སྙམ་པའི་ངེས་པ་ཐོབ་ནས། ཉན་ཐོས་རྣམས་ལ་གཞི་ལྔས་ཆོས་སྟོན་པར་བྱེད་དེ། ཤེས་ལྡན་དག་དགེ་སྦྱོང་གོའུ་ཏ་མ་ནི་ཞོ་དང་འོ་མ་ལ་ལོངས་སྤྱོད་དེ། དེང་ཕྱིན་ཆད་བདག་ཅག་གིས་ལོངས་སྤྱོད་པར་མི་བྱའོ། །དེ་ཅིའི་ཕྱིར་ཞེ་ན། གཞི་དེ་ལས་བེའུ་རྣམས་ལ་གནོད་པར་འགྱུར་བས་སོ། །དགེ་སྦྱོང་གོའུ་ཏ་མ་ནི་ཤ་ལ་ལོངས་སྤྱོད་པར་བྱེད་དེ། བདག་ཅག་གིས་ལོངས་སྤྱོད་པར་མི་བྱའོ། །དེ་ཅིའི་ཕྱིར་ཞེ་ན། གཞི་དེ་ལས་སྲོག་ཆགས་དག་གསོད་པར་འགྱུར་བས་སོ། །དགེ་སྦྱོང་གོའུ་ཏ་མ་ནི་ལན་ཚཝ་ལ་ལོངས་སྤྱོད་དེ། བདག་ཅག་གིས་ལོངས་སྤྱོད་པར་མི་བྱ་སྟེ། རྡུལ་ཁྲོད་ནས་བྱུང་བའི་ཕྱིར་
Nga419b
རོ། །དགེ་སྦྱོང་གོའུ་ཏ་མ་ནི་རས་ཁ་ཚར་བཅད་པ་དག་གྱོན་ཏེ། བདག་ཅག་གིས་རས་ཁར་ཚར་རིང་པོ་དག་བགོའོ། །དེ་ཅིའི་ཕྱིར་ཞེ་ན། གཞི་དེ་ལས་ཐ་ག་པ་རྣམས་ཀྱི་སྐྱེས་བུའི་རྩལ་དོན་མེད་པར་འགྱུར་བས་སོ། །དགེ་སྦྱོང་གོའུ་ཏ་མ་ནི་དགོན་པ་ན་གནས་ཏེ། བདག་ཅག་གྲོང་དུ་གནས་པར་བྱའོ། །དེ་ཅིའི་ཕྱིར་ཞེ་ན། གཞི་དེ་ལས་མི་རྣམས་ཀྱི་སྦྱིན་པའི་ཆོས་ལ་ལོངས་མ་སྤྱད་པར་འགྱུར་བས་སོ་ཞེས་ཆོས་འཆད་པར་བྱེད་དོ། །བར་སྡོམ་ལ། འོ་མ་ཤ་དང་ལན་ཚཝ་དང ། །གོས་དང་དགོན་པར་གནས་པའོ། །ཇི་ཙམ་ན་བཅོམ་ལྡན་འདས་ལྗོངས་རྒྱུ་ཞིང་གཤེགས་པ་ན། མཉན་ཡོད་དུ་བྱོན་པ་དང ། ལྷས་བྱིན་གྱིས་བསམས་པ། བདག་གིས་དགེ་སྦྱོང་གོའུ་ཏ་མ་ལ་གནོད་པ་ནི་མང་པོ་ཞིག་བྱས་ན། དགེ་སྦྱོང་གོའུ་ཏ་མ་བསད་པར་མ་ནུས་ཀྱིས། སོང་ལ་དེའི་ཆུང་མ་དབྲོག་པར་བྱའོ་ཞེས་སྤྲིང་པ། དེ་སེར་སྐྱའི་གཞིར་སོང་སྟེ། དེས་གྲགས་འཛིན་མ་ལ། དགེ་སྦྱོང་གོའུ་ཏ་མ་རབ་ཏུ་བྱུང་ནས་ཁྱོད་ཀྱི་ཕྱིར་བདག་འོངས་ཀྱིས། བདག་དང་ཁྱོད་དུ་ལྷན་ཅིག་དགའ་མགུར་སྤྱད་པར་བྱའོ་ཞེས་སྤྲིང་པ་དེས་ས་འཚོ་མ་ལ་བཟླས་པ་དང ། དེས་སྨྲས་པ། ཁྱོད་ཀྱིས་འདི་སྐད་ཅེས་བྱང་ཆུབ་སེམས་དཔའ་ནི་བདག་ཅག་གིས་ལག་པ་ནས་འཛིན་པར་སྤྲོ་ན་གལ་ཏེ་ཁྱོད་ཀྱང་སྤྲོ་ན་ཚུར་ཤོག་ཅིག་ཅེས་སྤྲིང་ཞིག་།དེས་དེ་ལ་སྤྲིངས་ནས་དེ་ངོ་ཚ་མེད་པས་ཕོ་བྲང་དུ་ཞུགས་སོ། །
Nga420a
༄#། །དེས་ཐེམ་སྐས་ལ་འཛེགས་ནས། ས་འཚོ་མ་མཐོང་བ་དང ། དེས་འཛུམ་པས་ཐལ་མོ་སྦྱར་བ་བརྩམས་ཤིང་དེ་ནི་ཚན་པོ་ཆེའི་སྟོབས་ཅན་ཡིན་པས། དེའི་ལག་པ་གཡོན་པས་དེའི་སོར་མོ་བསྡམས་པས་ཁྲག་འཛག་པར་གྱུར་ཏོ། །དེ་ནས་དེ་བྱང་ཆུབ་སེམས་དཔའི་རོལ་བའི་རྫིང་དུ་བོར་རོ། །དེ་བོར་བ་ན་ཁུས་བཏབ་པ་ཤཱཀྱ་རྣམས་ཀྱིས་ཐོས་ནས་ལྷས་བྱིན་བྱང་ཆུབ་སེམས་དཔའི་ཕོ་བྲང་དུ་ཞུགས་ནས། བཙུན་མོ་རྣམས་འཕྲོག་གོ་ཞེས་རྒྱུག་པ་ན། དེ་རྣམས་ཀྱི་དེ་རོལ་པའི་རྫིང་དུ་བོར་བ་མཐོང་ནས། དེ་རྣམས་ཀྱིས་གྲོས་བྱ་བར་བརྩམས་པ་འདི་བསད་དམ། ཡང་བསམས་པ། ཤི་ཟིན་པ་འདི་བསད་དེ་ཅི་རུང ། བཅོམ་ལྡན་འདས་ཀྱིས་འདི་ལྟར་ལྷས་བྱིན་ངན་སོང་སེམས་ཅན་དམྱལ་བར་བསྐལ་པར་གནས་ཏེ་གསོར་མི་རུང་བའོ་ཞེས་འདི་ལུང་བསྟན་པ་ཉིད་དོ་ཞེས་དེ་རྣམས་ཀྱི་བསྐྲད་པ་དང་སྟོར་ཁུར་ནས་བྱུང་སྟེ། བྲོས་པ་ལས་དེའི་གོས་རལ་ཏེ། དུམ་བུ་གཉིས་སུ་གྱུར་ཏོ། །དེས་བསམས་པ། འདི་ནི་ལེགས་ཀྱིས་བདག་གི་ཉན་ཐོས་རྣམས་ལ་བསྐོན་ནོ་སྙམ་མོ། །དེས་དུས་གཞན་ཞིག་ན་ཤཱཀྱ་རྣམས་བསྡུས་ཏེ་སྨྲས་པ། བདག་རྒྱལ་སྲིད་ལ་ཞོག་ཅིག་།དེ་རྣམས་ཀྱིས་སྨྲས་པ། བྱང་ཆུབ་སེམས་དཔའི་བཙུན་མོ་ཡོད་ཀྱིས་དེ་རེ་ཞིག་བདག་གིར་བྱོས་ལ་དེ་ནས་ཕྱིས་རྒྱལ་སྲིད་ཀྱིས་ཤིག་ཅེས་དེ་སྐད་སྨྲས་པ་དང ། ལྷས་བྱིན་ཤཱཀྱ་རྣམས་ཀྱི་དོགས་པ་དང་བྲལ་ནས་ཁང་
Nga420b
བཟང་གི་སྟེང་དུ་འཛེགས་ཏེ་གྲགས་འཛིན་མའི་དྲུང་དུ་སོང་སྟེ། ཐལ་མོ་སྦྱར་ཏེ་སྨྲས་པ། ཁྱོད་ཀྱིས་བཀའ་སྩལ་པ་ཉན་གྱིས། ཐུགས་དཔག་མཛོད་ཅིག་དང ། བདག་གི་བཙུན་མོའི་དམ་པར་བགྱིས་ལ་སེར་སྐྱའི་གཞི་ལ་རྒྱལ་སྲིད་བགྱིའོ། །གྲགས་འཛིན་མ་ནི་རབ་གནོན་ཆེན་པོའི་སྟོབས་དང་ལྡན་པ་ཡིན་པས། དེ་ཁྲི་བཟང་པོ་ལས་ལངས་ནས་ལག་པ་གཉིས་ནས་བཟུང་སྟེ། བུས་མོས་བརྡབས་ནས། དེའི་ལག་པ་གཉིས་ནས་ཁྲག་འཛག་པར་གྱུར་ཏོ། །དེ་སྡུག་བསྔལ་གྱི་ཚོར་བས་ཉེན་པ་དང ། གྲགས་འཛིན་མས་སྨྲས་པ། ཁྱོད་ནི་ངོ་ཚ་མེད་ཅིང་བླུན་པོ་ཡིན་ཏེ། ཁྱོད་ཁོ་མོས་ལག་པ་ནས་བཟུང་བ་གང་ཡིན་པའང་བཟོད་པར་མི་ནུས་པར་ཁོ་མོ་འདོད་དམ། ཁོ་མོའི་ཁྱིམ་ཐབ་ཏུ་ནི་འཁོར་ལོས་སྒྱུར་བའམ། བྱང་ཆུབ་སེམས་དཔར་འགྱུར་རོ་ཞེས་དེས་སྤྱོས་ནས། དེ་ནས་ཕོ་བྲང་ནང་ནས་བྱུང་བ་དང ། ཤཱཀྱ་རྣམས་ཀྱིས་སྨྲས་པ། སོང་ལ་བཅོམ་ལྡན་འདས་ལ་བཟོད་པར་གསོལ་ཅིག་།གལ་ཏེ་ཁྱོད་ལ་བཅོམ་ལྡན་འདས་ཀྱིས་བཟོད་པ་གནང་ན། དེའི་འོག་ཏུ་རྒྱལ་སྲིད་བྱས་སོ་ཅོག་།དེས་བེའུ་ཡི་ལྟེ་བ་ལྟ་བུ་ཞེས་བྱ་བའི་དུག་མཆོག་ཏུ་རྣོ་བས་སེན་མོའི་གསེབ་བཀང་སྟེ། བཅོམ་ལྡན་འདས་གང་ན་བ་དེར་སོང་ལ་གལ་ཏེ་དགེ་སྦྱོང་གོའུ་ཏ་མས་བཟོད་པར་བྱས་ན་དེ་ལྟ་ན་ལེགས། གལ་ཏེ་བཟོད་པ་མ་བྱས་ན། དེ་ཉིད་དུ་དེའི་རྐང་པ་གཉིས་ལ་གཏུགས་ནས་སེན་མོ་བཀང་པའི་དུག་གིས་རྐང་པ་གཉིས་བསྐུར་བར་བྱའོ་སྙམ་དུ་བསམས་ནས། བཅོམ་ལྡན་འདས་ཀྱི་ཞབས་གཉིས་
Nga421a
༄#། །ལ་གཏུགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཟོད་པར་གསོལ་ལོ། །བཅོམ་ལྡན་འདས་ཀྱིས་དགོངས་པ། འདི་ཅི་འདྲ་བའི་སེམས་ཀྱིས་ངའི་སྤྱན་སྔར་འོངས་སྙམ་ན་དེ་བསད་པའི་སེམས་ཀྱིས་ཡིན་པར་གཟིགས་ནས། དེ་ནས་བཅོམ་ལྡན་འདས་ཀྱིས་ཞབས་ཀྱི་མཐིལ་ནས་ཞབས་ཀྱི་པུས་མོའི་ལྷ་ང་མན་ཆད་ཤེལ་གྱི་རང་བཞིན་དུ་སྤྲུལ་ནས་ཅང་མི་གསུང་བར་བཞུགས་སོ། །དེས་བཅོམ་ལྡན་འདས་ཀྱི་ཞབས་གཉིས་ལ་སེན་མོས་རྨད་བྱུང་བར་བརྩམས་པ་ལས་དེའི་སེན་མོ་ཆག་ནས་དེ་སྐྱེངས་ཏེ། གསོལ་པ། འདི་ལྟར་ཁྱོད་ཀྱིས། གང་དག་སངས་རྒྱས་སྐྱབས་འགྲོ་བ། །དེ་དག་ངན་འགྲོར་འགྲོ་མི་འགྱུར། །ཞེས་གསུངས་པས་ཁྱོད་ལ་སྐྱབས་སུ་མཆིའོ། ། གལ་ཏེ་ངན་འགྲོར་མཆི་བར་གྱུར་ན། ཁྱོད་ཀྱི་དེ་བརྫུན་ལགས་པར་འགྱུར་རོ། །ཤིན་ཏུ་དྲག་པོའི་ལས་ཡོངས་སུ་རྫོགས་པར་བྱས་པ་རྣམས་ལ་ནི་ལུས་ཞིག་པ་ལ་མི་སྡོད་པས། དེ་གསོན་པོ་ཉིད་དུ་མནར་མེད་པའི་མེ་འབར་བས་ཀུན་ནས་ཡོག་ནས་ཀུན་དགའ་བོ་ཚིག་གོ་།ཀུན་དགའ་བོ་བསྲེགས་སོ་ཞེས་དུ་བར་བརྩམས་སོ། །དེ་ནས་ཚེ་དང་ལྡན་པ་ཀུན་དགའ་བོ་རང་གི་སྐྱེ་བོ་ལ་མཉེས་གཤིན་པ། སྙིང་རྗེ་དང་ལྡན་པ། བྱམས་པའི་བདག་ཉིད་ཅན་དེས་སྨྲས་པ། ལྷས་བྱིན་ཚུར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སྐྱབས་སུ་སོང་ཞིག།
Nga421b
དེ་སྡུག་བསྔལ་གྱི་ཚོར་བས་ཉེན་ཅིང ། ལས་ཀྱི་འབྲས་བུ་མངོན་སུམ་དུ་མཐོང་ནས། བསམ་པ་ཐག་པ་ནས་སེམས་བསྐྱེད་ཅིང་ཚིག་ཏུ་ཡང་སྨྲས་པ། བདག་རུས་པའི་ཁོང་ནས་ཀྱང་སངས་རྒྱས་བཅོམ་ལྡན་འདས་ལ་སྐྱབས་སུ་འགྲོའོ། །ཞེས་སྨྲས་ནས། རང་གི་ལས་ཀྱིས་མནར་མེད་པའི་སེམས་ཅན་དམྱལ་བ་ཆེན་པོར་ལྷུང་ངོ ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷས་བྱིན་གྱིས་དགེ་བའི་རྩ་བ་མཚམས་སྦྱར་ཏེ། མནར་མེད་པའི་སེམས་ཅན་དམྱལ་བ་ཆེན་པོར་བསྐལ་པར་གནས་ནས་རང་བྱང་ཆུབ་མངོན་སུམ་དུ་བྱས་པར་གྱུར་ཏེ། རང་སངས་རྒྱས་རུས་པ་ཅན་ཞེས་བྱ་བར་འགྱུར་རོ། །དེ་མངོན་པར་བྱང་ཆུབ་མ་ཐག་ཏུ་བསོད་སྙོམས་ལ་སོང་ནས། དེ་མཐའ་གཅིག་ཏུ་བཞག་སྟེ། ལག་པ་འཁྲུ་ཞིང་སེམས་པ་ལ་ཞུགས་པ། བདག་ཅིའི་ཕྱིར་ཡུན་རིང་པོར་འཁོར་བ་ན་འཁོར་བར་གྱུར་སྙམ་པ་ལས། དེས་བསམས་ན་བདག་གིས་ཚེ་རབས་ཚེ་རབས་སུ་བཅོམ་ལྡན་འདས་ཤཱཀྱ་ཐུབ་པ་བྱང་ཆུབ་སེམས་དཔར་གྱུར་པ་དང ། ཐམས་ཅད་མཁྱེན་པ་ཤེས་བྱ་ལ་མངའ་བརྙེས་པ་ལ་ཡང་ཕ་རོལ་གནོན་པ་བྱས་ལ། དེ་ཡང་རྙེད་པ་དང་བཀུར་སྟིའི་ཕྱིར་ཡིན་པར་ཤེས་ནས། དེས་བསོད་སྙོམས་དེ་ཡང་ལོངས་མ་སྤྱད་པར་སྟེང་གི་ནམ་མཁའ་ལ་མངོན་པར་འཕགས་ཏེ་བར་བ་དང ། གསལ་བ་དང ། ཆར་འབེབས་པ་དང ། གློག་འབྱིན་པའི་ཆོ་འཕྲུལ་དག་བྱས་ནས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པར་འགྱུར་རོ། །ཚེ་
Nga422a
༄#། །དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ཀྱི་ཀུན་ཏུ་སྤྱོད་པ་ནི་དུས་དུས་སུ་སེམས་ཅན་དམྱལ་བར་རྒྱུ་ཞིང་འགྲོ་བ་ཡིན་ནོ། །དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མོའུ་དགལ་གྱི་བུ་ཆེན་པོ། བཅོམ་ལྡན་འདས་ཀྱིས་ལྷས་བྱིན་རང་བྱང་ཆུབ་ཏུ་ལུང་བསྟན་གྱིས་ཚུར་བདག་ཅག་མནར་མེད་པའི་དམྱལ་བ་ཆེན་པོའི་ནང་དུ་དོང་ལ་ལྷས་བྱིན་སྤྲོ་བསྲིང་ངོ་ཞེས་དེ་ནས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་ཆེན་པོ་གཉིས་མནར་མེད་པའི་སེམས་ཅན་དམྱལ་བ་ཆེན་པོའི་ནང་དུ་དོང་ངོ ། །དེ་ནས་ཚེ་དང་ལྡན་པ་ཤཱ་རིའི་བུས་ཚེ་དང་ལྡན་པ་མོའུ་དགལ་གྱི་བུ་ཆེན་པོ་ལ་སྨྲས་པ། ཚེ་དང་ལྡན་པ་མོའུ་དགལ་གྱི་བུ་ཆེན་པོ་སེམས་ཅན་དམྱལ་བ་རྣམས་ལ་སོམ་ཞིག་།དེ་ནས་ཚེ་དང་ལྡན་པ་མོའུ་དགལ་གྱི་བུ་ཆེན་པོས་ཇི་ལྟར་སེམས་མཉམ་པར་བཞག་ན། ཆར་པའི་རྒྱུན་གཏུན་ཤིང་ཙམ་འབབ་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་དང ། ཆུ་དེ་མནར་མེད་པའི་མེ་ལྕེ་རྣམས་ཀྱི་བར་དུ་བསྐམས་སོ། །དེ་བཞིན་དུ་གཉའ་ཤིང་དང་ཤིང་རྟའི་སྲོག་ཤིང་ཙམ་གྱི་ཆར་རྒྱུན་དག་དབབ་པར་བརྩམས་པ་དང ། ཆུ་དེ་འང་བར་དུ་བསྐམས་སོ། །དེ་ནས་ཚེ་དང་ལྡན་པ་ཤཱ་རིའི་བུས། མོས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། དམྱལ་བ་དེ་ཐམས་ཅད་ཆུས་བཀང་ནས། ཚེ་དང་ལྡན་པ་མོའུ་དགལ་གྱི་བུ་ཆེན་
Nga422b
པོས་སྨྲས་པ། ལྷས་བྱིན་གང་ཡིན་པ་དེ་ཚུར་ཤོག་།ལྷས་བྱིན་བརྒྱ་སྟོང་ཕྲག་དུ་མ་འོངས་ནས། ཚེ་དང་ལྡན་པ་མོའུ་དགལ་གྱི་བུ་ཆེན་པོས་སྨྲས་པ། བཅོམ་ལྡན་འདས་ཀྱི་གཅུང་ལྷས་བྱིན་གང་ཡིན་པ་དེ་ཚུར་ཤོག་ཅིག་།དེ་ནས་ལྷས་བྱིན་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གང་ན་བ་དེར་སོང་སྟེ་ཕྱིན་ནས། ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུའི་རྐང་པ་གཉིས་ལ་གཏུགས་པ་དང ། དེ་གཉིས་ཀྱིས་སྨྲས་པ། ཁྱོད་ལ་གནོད་པའི་ཁྱད་པར་ཅུང་ཟད་ཡོད་དམ། དེས་སྨྲས་པ། རེ་ཞིག་མནར་མེད་པའི་སེམས་ཅན་རྣམས་ཀྱི་སྤྱི་མཐུན་གང་ཡིན་པ་དེ་ལྟ་ཞོག་གི་།བདག་ལ་གང་ཟག་པ་ལྷག་པ་མཆིས་པ་གང་ལགས་པ་དེ་གསོན་ཅིག་།ལྕགས་ཀྱི་རི་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པ་དག་མཆིས་ནས་བདག་ལ་ཏིལ་བཞིན་དུ་འཐག་པར་བགྱིད་དོ། །སོག་ལེ་ཕྱོགས་གཉི་ག་ན་སོ་མཆིས་པས་ཡན་ལག་དང་ཉིང་ལག་རྣམས་འཐུབ་པར་བགྱིད་དོ། །ལྕགས་ཀྱི་ཐོ་བ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པ་དག་གིས་མྱུར་བ་མྱུར་བར་མགོ་ཕྱེ་མར་རློག་པར་བགྱིད་དོ། །ཕྱོགས་བཞི་ནས་གླང་པོ་ཆེ་དག་མཆིས་ནས་དེ་རྣམས་ཀྱིས་བདག་འབྲས་ཕྱེ་བཞིན་དུ་ཐག་པར་བགྱིད་དོ། །ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱི་བུ་གཉིས་ཀྱིས་སྨྲས་པ། ལྷས་བྱིན་ཁྱོད་ཀྱིས་ལྕགས་ཀྱི་རི་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པ་དག་འོངས་ཏེ།
Nga423a
༄#། །ཁྱོད་ལ་ཏིལ་བཞིན་འཐག་པར་བྱེད་དོ་ཞེས་སྨྲས་པ་གང་ཡིན་པ་དེ་ནི་འདི་ལྟར་ཁྱོད་ཀྱིས། བཅོམ་ལྡན་འདས་དགྲོངས་པའི་ཕྱིར་རི་བྱ་རྒོད་ཀྱི་ཕུང་པོ་ལས་རྡོ་འཕངས་པ་དེའི་ལས་ཀྱི་འབྲས་བུ་ཡིན་ནོ། །སོག་ལེ་ཕྱོགས་གཉིས་ན་སོ་ཡོད་པ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པ་དག་གིས་ཡན་ལག་དང་ཉིང་ལག་ཐམས་ཅད་འཐུབ་པར་བྱེད་དོ་ཞེས་སྨྲས་པ་གང་ཡིན་པ་དེ་ནི། འདི་ལྟར་ཁྱོད་ཀྱིས་བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་ཕྱེ་བ་དེའི་ལས་ཀྱི་འབྲས་བུ་ཡིན་ནོ། ། ལྕགས་ཀྱི་ཐོ་བ་འབར་རབ་ཏུ་འབར་ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པ་རྣམས་ཀྱིས་མྱུར་བ་མྱུར་བར་ཀླད་པ་ཕྱེ་མར་རློག་གོ་ཞེས་སྨྲས་པ་གང་ཡིན་པ་དེ་ནི། འདི་ལྟར་ཁྱོད་ཀྱིས་དགེ་སློང་མ་དགྲ་བཅོམ་པ་ཨུཏྤ་ལའི་མདོག་ཁུ་ཚུར་གྱིས་བསྣུན་ཏེ། བསད་པ་དེའི་ལས་ཀྱི་འབྲས་བུ་ཡིན་ནོ། །ཕྱོགས་བཞི་ནས་གླང་པོ་ཆེ་རྣམས་ལྷགས་ཏེ་དེ་རྣམས་ཀྱིས་བདག་འབྲས་ཕྱེ་བཞིན་དུ་འཐག་པར་བྱེད་དོ་ཞེས་སྨྲས་པ་གང་ཡིན་པ་དེ་ནི། འདི་ལྟར་ཁྱོད་ཀྱིས་བཅོམ་ལྡན་འདས་དགྲོངས་པའི་ཕྱིར་གླང་པོ་འཆེའི་དམ་པ་ནོར་སྐྱོང་སྦད་པ་དེའི་ལས་ཀྱི་འབྲས་བུ་ཡིན་ནོ། །དེ་ལྟ་མོད་ཀྱི་ཁྱོད་བཅོམ་ལྡན་འདས་ཀྱིས་ལུང་བསྟན་ཏོ། །བཙུན་པ་ཤཱ་རིའི་བུ་ཅི་ཞིག་ཏུ། དགེ་སློང་དག་ལྷས་བྱིན་གྱི་དགེ་བའི་རྩ་བ་
Nga423b
མཚམས་སྦྱར་བས། མནར་མེད་པའི་སེམས་ཅན་དམྱལ་བ་ཆེན་པོར་བསྐལ་པར་གནས་ནས། རང་སངས་རྒྱས་རུས་པ་ཅན་ཞེས་བྱ་བར་འགྱུར་རོ་ཞེས་གསུངས་སོ། །དེས་སྨྲས་པ། བཙུན་པ་ཤཱ་རིའི་བུ་གལ་ཏེ་དེ་ལྟ་ན། བདག་བློ་གཅིག་པུས་མནར་མེད་པའི་སེམས་ཅན་དམྱལ་བ་ཆེན་པོར་གནས་པར་ཡང་བཟོད་དོ། །།འདུལ་བ་གཞི། བམ་པོ་བརྒྱ་དགུ་པ་སྟེ་ཐ་མའོ། །དེ་ནས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ཀོ་ཀ་ལི་ཀ་ལ་སོགས་པ་གང་ན་བ་དེར་དོང་བ་དང ། ཇི་ཙམ་ན་ཀོ་ཀ་ལི་ཀའི་ལྕེ་ཐོང་གཤོལ་བརྒྱས་རྨོད་དོ། །མི་མཇེད་ཀྱི་བདག་པོ་ཚངས་པས་ཀོ་ཀ་ལི་ཀ་ལ་སྨྲས་པ། ཀོ་ཀ་ལི་ཀ་དགེ་སློང་ཤཱ་རིའི་བུ་དང ། མོའུ་དགལ་གྱི་བུ་དེས་པ་ཚངས་པ་མཚུངས་པར་སྤྱོད་པ་ལ། འོ་བྱམས་པ་དག་ལ་སེམས་དད་པ་སྐྱེད་ཅིག་།དེ་སྐད་ཅེས་སྨྲས་པ་དང ། ཀོ་ཀ་ལི་ཀས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་མཐོང་ནས་སྨྲས་པ། སྡིག་པ་ཅན་འདི་གཉིས་འདིར་ཡང་འོངས་པ་ལྟ་ཞེས་ཚིག་ཏུ་སྨྲས་མ་ཐག་ཏུ་ཀོ་ཀ་ལི་ཀའི་ལྕེ་ལ་ཐོང་གཤོལ་སྟོང་གིས་རྨེད་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུ་དང་མོའུ་དགལ་གྱིས་བུ་གཉིས་ཀྱིས་འདི་དག་ལ་ཅི་བྱར་ཡང་མེད་དོ་སྙམ་ནས་སླར་ལོག་སྟེ། འོད་སྲུང་རྫོགས་བྱེད་གང་ན་བ་དེར་སོང་བ་དང ། དེ་ནས་འོད་སྲུང་རྫོགས་བྱེད་ཀྱིས་ཚེ་དང་ལྡན་
Nga424a
༄#། །པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ཀྱི་རྐང་པ་ལ་གཏུགས་ནས་སྨྲས་པ། འཕགས་པ་ཤཱ་རིའི་བུ་བདག་གིས་ཆོས་ལོག་པར་བཤད་པས་སྐྱེ་བའི་ཚོགས་བསླུས་པ་དེའི་ལས་ཀྱི་རྣམ་པར་སྨིན་པས་བདག་གི་ལྕེ་ལ་ཐོང་གཤོལ་ལྔ་བརྒྱས་རྨེད་དོ། །སློབ་མ་རྣམས་ཀྱིས་ཇི་ལྟ་ཇི་ལྟར་བདག་གི་མཆོད་པ་ལ་བགྱི་བ་བགྱིད་པ། དེ་ལྟ་དེ་ལྟར་བདག་གིས་ཆེས་མི་བཟད་པའི་ཚོར་བ་ཉམས་སུ་མྱོང་ལགས་ཀྱིས། བདག་གི་གནས་སྐབས་དེ་དག་ལ་རིག་པར་བགྱིས་ནས། དེའི་མཆོད་པ་ལ་བྱ་བ་མ་བྱེད་ཅིག་།ཅེས་བཟློག་ཏུ་གསོལ། དེ་བཞིན་དུ་བྱའོ་ཞེས་ཁས་བླངས་ནས་ཚེ་དང་ལྡན་པ་ཤཱ་རིའི་བུ་དང ། མོའུ་དགལ་གྱི་བུ་གཉིས་ཀྱིས་དམྱལ་བར་བརྒྱུས་ཏེ། རྫུ་འཕྲུལ་གྱིས་འཛམ་བུའི་གླིང་དུ་ཕྱིན་ནས་དེ་གཉིས་ཀྱིས་བཅོམ་ལྡན་འདས་དང་དགེ་སློང་རྣམས་དང ། སྐྱེ་བོའི་ཚོགས་ལ་ལྷས་བྱིན་དང ། ཀོ་ཀ་ལི་ཀ་དང ། རྫོགས་བྱེད་ལ་སོགས་པ་སེམས་ཅན་དམྱལ་བར་སྐྱེས་པ་རྣམས་ཀྱི་གནས་སྐབས་རྒྱས་པར་བསྙད་དོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་གྱིས་བཅོམ་ལྡན་འདས་ཀྱི་བཀའ། བཀའ་མ་ལགས་པར་བགྱིས་བས་མནར་མ་མཆིས་པའི་སེམས་ཅན་དམྱལ་བ་ཆེན་པོར་ལྷུང་བ་ལ་གཟིགས། བཅོམ་ལྡན་འདས་ཀྱིས་བཀའ་
Nga424b
སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདིས་ངའི་ཚིག་མ་ཡིན་པར་བྱས་པས། ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་བྱང་ཆུབ་སེམས་དཔའ་མ་ངེས་པའི་ཕུང་པོ་ལ་གནས་པ་ན་བ་ལང་རྣམས་ཀྱི་ནང་དུ་སྐྱེས་ནས། ཁྱུ་མཆོག་ཏུ་གྱུར་ཏེ། དེ་ནུབ་མོ་གྲོང་ཁྱེར་ནས་བྱུང་ནས་རྒྱལ་པོའི་མོན་སྲན་གྲེའུའི་ཞིང་ལ་ཟ། ཉིན་པར་གྲོང་ཁྱེར་ན་གནས་སོ། །ཇི་ཙམ་ན་དེའི་དྲུང་དུ་བོང་བུ་ཞིག་འོངས་ནས་སྨྲས་པ། ཞང་པོ་ཁྱོད་ཀྱི་ཁྲག་དང་ཤ་དང་པགས་པ་ནི་རྒྱས་ལ།་ཁྱོད་རྒྱུ་བ་ནི་ལན་འགའ་ཡང་བདག་གིས་མ་མཐོང་ངོ ། །དེས་སྨྲས་པ། ཚ་བོ་བདག་ནི་ནུབ་མོ་རྒྱལ་པོའི་མོན་སྲན་གྲེའུའི་ཞིང་ལ་ཟའོ། །དེས་སྨྲས་པ། ཞང་པོ་བདག་ཀྱང་ཁྱོད་དང་ལྷན་ཅིག་མཆིའོ། །དེས་སྨྲས་པ། ཚ་བོ་ཁྱོད་ནི་སྐད་འབྱིན་འདོད་པས་གནོད་པར་མི་འགྱུར་གྲང ། དེས་སྨྲས་པ། ཞང་པོ་མི་དབྱུང་གིས་འདོང་ངོ ། །དེ་གཉིས་ཀྱིས་རྒྱལ་པོའི་མོན་སྲན་གྲེའུའི་ཞིང་གི་འགྲེང་རིབ་རྣམས་དྲལ་ཏེ་ཞུགས་ནས། བོང་བུས་ཇི་སྲིད་འགྲངས་པ་དེ་སྲིད་སྐད་མ་ཕྱུང་ངོ ། །དེ་ནས་སྨྲས་པ། ཞང་པོ་རེ་ཞིག་གླུ་ཞིག་བླང་ངམ། ཁྱུ་མཆོག་གིས་སྨྲས་པ། ཁོ་བོ་མ་སོང་གི་བར་དུ་ཡུད་ཙམ་ཞིག་སྡོད་ལ། དེའི་འོག་ཏུ་ཅི་དགའ་བ་གྱིས་ཤིག་ཅེས་སྨྲས་ནས་བྲོས་པ་དང ། བོང་བུས་སྐད་ཕྱུང་བ་རྒྱལ་པོའི་མི་རྣམས་ཀྱིས་ཐོས་ནས་བཟུང་སྟེ། ཤེས་ལྡན་དག་བོང་བུ་འདིས་ནི་རྒྱལ་པོའི་
Nga425a
༄#། །མོན་སྲན་གྲེའུའི་ཞིང་ཐམས་ཅད་ཟོས་ཀྱིས་ཆད་པས་གཅད་པར་བྱའོ་ཞེས་དེ་རྣམས་ཀྱིས་རྣ་བ་བཅད་དེ་མགུལ་དུ་གཏུན་གཅིག་གཏགས་ནས་བཏང་ངོ ། ། དེ་ཕན་ཚུན་འཁྱམ་པ་ཁྱུ་མཆོག་གིས་མཐོང་ནས། དེས་དེ་ལ་ཚིགས་སུ་བཅད་དེ་སྨྲས་པ། ལེགས་པར་གླུ་བླངས་གླུ་རབ་བླངས། །ཁྱོད་ཀྱིས་གླུ་ཡི་འབྲས་བུ་ཐོབ། །ཁྱོད་ཀྱི་གླུ་ཡིས་བདག་གི་ཡང ། །རྣ་བ་དེའུ་ནི་ཡལ་བར་གྱུར། །ཚིག་མི་བསྲུང་བ་གང་ཡིན་པ། །དེ་ལ་འདི་འདྲ་འབྱུང་འགྱུར་གྱི། །རྣ་དུམ་གཏུན་གྱིས་རྣམ་བརྒྱན་པ། །ད་ནི་འཁྱམ་པར་བྱེད་ལ་རག་།དེས་ཀྱང་ཚིགས་སུ་བཅད་དེ་སླར་སྨྲས་པ། སོ་ཆག་ཁྱོད་ནི་ཁ་རོག་ཅིག་།གླང་རྒན་ཁྱོད་ནི་ཁ་རོག་ཅིག་།ལག་ན་དབྱུག་ཐོགས་མི་གསུམ་པོ། །ཁྱོད་ཉིད་ཀྱང་ནི་ཚོལ་བར་བྱེད། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱུ་མཆོག་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་བོང་བུ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདིས་ངའི་ཚིག་ཚིག་ཏུ་མ་བྱས་པས། ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་འདིས་ངའི་ཚིག་ཚིག་ཏུ་མ་བྱས་པས་འདི་ཚུལ་མ་ཡིན་པས་སྡུག་བསྔལ་བར་གྱུར་ཏོ། ། གཞན་ཡང་ཇི་ལྟར་འདིས་ངའི་ཚིག་ཚིག་ཏུ་མ་བྱས་པས་འདི་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་རི་བོར་ཞིག་ན། ཁྱིམ་བདག་ཅིག་གནས་པ་དེ་ལ་
Nga425b
གླང་མཚན་དང་ལྡན་པ་ཞིག་ཡོད་ནས། དེས་དེ་དགེ་སྦྱོང་དང ། བྲམ་ཟེ་དང ། རང་གི་སྐྱེ་བོ་དང ། ཕོངས་པ་དང ། མགོན་མེད་པ་དང ། བཀྲེན་པ་དང ། ནད་པ་རྣམས་དང་ཟན་བྱིན་ནས་ཅི་དགར་སྤྱོད་དུ་བཏང་ངོ ། །དེ་དུས་གཞན་ཞིག་ན་ཕན་ཚུན་དུ་རྒྱུ་རྒྱུ་བ་ལས་འདམ་དུ་སོང་ནས་ཁྱིམ་བདག་གིས་ཉི་མ་ནུབ་ཙམ་ན་ཐོས་ཏེ་བཙལ་བ་ལས་དེའི་དྲུང་དུ་ཕྱིན་ནས། དེས་བསམས་པ། ད་ནི་དབྱུང་མི་ནུས་ཀྱིས་སང་ནང་པར་དབྱུང་བར་བྱའོ་སྙམ་མོ། །གླང་གིས་སྨྲས་པ། བདག་གིས་མདུན་དུ་ཞགས་པ་ཞིག་ཞོག་ལ་བཞུད་ཅིག་དང ། གལ་ཏེ་ཝ་འོངས་པར་གྱུར་པ་དང ། བདག་གི་རས་ཞགས་པ་བླངས་ཏེ་དེ་གདབ་པར་བྱའོ། །དེས་དེའི་མདུན་དུ་ཞགས་པ་ཞིག་བཞག་ནས་སོང་བ་དང ། མཚན་མོ་ཇི་ཙམ་ན་ཝ་ཞིག་འོངས་ནས། དེས་སྨྲས་པ། པདྨའི་རྩ་བ་དང ། པདྨ་དཀར་པོ་དག་འབྱིན་པ་ནི་སུ་ཞིག་།གླང་གིས་སྨྲས་པ། ཁོ་བོ་ཡིན་ཏེ། འདམ་གྱི་ནང་དུ་བྱིང་ནས་འདུག་གོ་།ཝས་བསམས་པ། བདག་ཟས་དང་ཕྲད་དོ་སྙམ་ནས། དེས་དེ་ལ་གཙེ་བར་བརྩམས་པ་དང ། གླང་གིས་སྨྲས་པ། ཁྱོད་ཕྱོགས་འདི་ནས་སོང་ཞིག་།ཚུལ་མ་ཡིན་པས་སྡུག་བསྔལ་བར་གྱུར་ཏ་རེ། འོན་ཀྱང་དེ་ལྡོག་ཏུ་མ་བཏུབ་ནས། དེ་ཁོ་ན་བཞིན་དུ་འཚེ་བ་དང ། གླང་གིས་ཚིགས་སུ་བཅད་དེ་སྨྲས་པ། ཁོ་བོ་པདྨའི་རྩ་མི་འཛིན། །ཁོ་བོ་པདྨ་དཀར་པོའང་མིན། །གལ་ཏེ་ཁྱོད་ནི་ཟ་འདོད་ན། །རྒྱབ་ཏུ་སོང་ལ་བཟའ་བར་གྱིས། །ཝས་བཟའོ་སྙམ་ནས་རྒྱབ་ཏུ་ཞོན་པ་དང ། ཁྱུ་མཆོག་གི་རས་ཞགས་པ་བཏབ་པས་ཝའི་སྐེ་ནས་ཐོགས་ནས་ནམ་
Nga426a
༄#། །མཁའ་ལ་འཕྱང་བ་དང ། གླང་གིས་ཚིགས་སུ་བཅད་དེ་སྨྲས་པ། ཁྱོད་ཅི་གར་མཁན་ཛབ་ཀེ་བའམ། །འོན་ཏེ་གར་སློབ་ཁྱེའུ་ཞིག་ཡིན། །དགོན་པར་བྱ་དགའ་སྟེར་བ་མེད། །བཟོ་ནི་གྲོང་ཁྱེར་བསྟན་པར་གྱིས། །ཝས་ཀྱང་ཚིགས་སུ་བཅད་དེ་སྨྲས་པ། བདག་ནི་གར་མཁན་ཛབ་ཀེ་བའམ། །གར་སློབ་ཁྱེའུ་ནི་མ་ཡིན་ཏེ། །བརྒྱ་བྱིན་གྱིས་ནི་སྐས་བཙུགས་པས། །བདག་ནི་ཚངས་པའི་འཇིག་རྟེན་འགྲོ། །གླང་གིས་ཡང་ཚིགས་སུ་བཅད་དེ་སྨྲས་པ། བརྒྱ་བྱིན་གྱིས་ནི་སྐས་མ་བཙུགས། །ཚངས་པའི་འཇིག་རྟེན་སྨོས་ཅི་དགོས། །ཐབས་ཀྱི་ཞགས་པས་ཁྱོད་ཐོགས་པས། །ཁྱོད་ནི་འཚོ་བར་མ་མཐོང་ངོ ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཁྱུ་མཆོག་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཝ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདིས་ངའི་ཚིག་ཚིག་ཏུ་མ་བྱས་པས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་འདིས་ངའི་ཚིག་ཚིག་ཏུ་མ་བྱས་པས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ལྷས་བྱིན་གྱིས་བཅོམ་ལྡན་འདས་ཀྱི་བཀའ་མ་མཉན་པས་མནར་མ་མཆིས་པར་གཞོལ་བར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ་ཇི་ལྟར་འདས་པའི་དུས་ན་ཡང་འདིས། ངས་སྨྲས་
Nga426b
པའི་ཚིག་མ་མཉན་པས་མནར་མེད་པར་གཞོལ་བར་གྱུར་པ་དེ་ཉོན་ཅིག་།དགེ་སློང་དག་སྔོན་བྱུང་བ་རྒྱལ་པོའི་ཕོ་བྲང་འབྱོར་པ་དང ། རྒྱས་པ་དང ། བདེ་བ་དང ། ལོ་ལེགས་པར་སྐྱེ་བོ་དང་མི་མང་པོས་གང་བ་ཞིག་ན་རྒྱལ་པོ་སེམས་དཔའ་ཞེས་བྱ་བ་རྒྱལ་སྲིད་བྱེད་དུ་འཇུག་སྟེ། བསོད་ནམས་ཀྱི་མཐུས་ལྷ་རྣམས་ཀྱི་བར་སྣང་ལ་སྟན་འཛིན་ཏོ། །རྒྱལ་པོ་དེའི་མདུན་ན་འདོན་དེ་ལ་བུ་སྤུན་གཉིས་ཡོད་པ་ལས་དེ་ལ་ཕུ་བོ་ཤོས་ནི་མངོན་པར་འབྱུང་བར་དགའ་ལ། ནུ་བོ་ཤོས་ནི་མདུན་ན་འདོན་ལ་དགའ་བར་གྱུར་ཏོ། །ཕུ་བོ་ཤོས་ཀྱི་ཕ་ཆོས་དང་ཆོས་མ་ཡིན་པས་མདུན་ན་འདོན་བྱེད་པ་མཐོང་ནས། དེས་བསམས་པ། བདག་ཕ་ཤི་ནས་མདུན་ན་འདོན་དུ་གྱུར་ཏེ། བདག་གིས་ཀྱང་ཆོས་དང་ཆོས་མ་ཡིན་པས་མདུན་ན་འདོན་བྱས་ན་སེམས་ཅན་དམྱལ་བ་རྣམས་སུ་གཞོལ་བར་འགྱུར་གྱིས། མ་ལ་བདག་རབ་ཏུ་འབྱུང་བར་བྱའོ་སྙམ་ནས། དེས་ཕ་ལ་གསོལ་ཏེ། བཅོམ་ལྡན་འདས་ཀྱིས་བསྟན་པ་ལ་རབ་ཏུ་བྱུང་ངོ ། །ཇི་ཙམ་དུས་གཞན་ཞིག་ན་མདུན་ན་འདོན་ཤི་ནས་ནུ་བོ་ཤོས་མདུན་ན་འདོན་དུ་བཅུག་སྟེ། དེ་ཆོས་དང་ཆོས་མ་ཡིན་པས་མདུན་ན་འདོན་བྱེད་པར་བརྩམས་ཏེ། སྐྱེ་བོའི་ཚོགས་ལ་འཚེ་བར་བྱེད་དོ། །ཇི་ཙམ་ན་མི་ཞིག་ཕན་ཚུན་འཁྱམ་འཁྱམ་པ་ལས། ཕོ་བོ་ཤོས་རབ་ཏུ་བྱུང་བ་དེའི་དྲུང་དུ་སོང་བ་དང ། དེས་དེ་ལ་དྲིས་པ། ཁྱོད་གང་ནས་འོངས། དེས་སྨྲས་པ། རྒྱལ་པོའི་ཕོ་བྲང་ཆེ་གེ་མོ་ཞེས་བྱ་བ་ནས་སོ། །དེས་གཏམ་དྲི་བར་བརྩམས་
Nga427a
༄#། །པ་དང ། དེས་སྨྲས་པ། རྒྱལ་པོའི་མདུན་ན་འདོན་ཤི་ནས་དེའི་ནུ་བོ་ཤོས་མདུན་ན་འདོན་དུ་བཅུག་སྟེ། དེ་ཆོས་མ་ཡིན་པས་མདུན་ན་འདོན་བྱེད་པས། སྐྱེ་པོའི་ཚོགས་ལ་འཚེ་བར་བྱེད་དོ། །དེས་སྨྲས་པ། དུས་ཅུང་ཟད་ཅིག་མནོགས་ཤིག་དང ། བདག་ཉིད་དེར་སོང་ནས་ཕན་པ་མ་ཡིན་པ་ལས་བཟློག་པར་བྱ་ཞིང ། ཇི་ལྟར་ཡུལ་མི་རྣམས་ལ་མི་གནོད་པར་ཕན་པར་བྱེད་པ་ལ་སྦྱར་བར་བྱའོ། །མི་དེས་གཉེན་རྣམས་ཀྱི་དྲུང་དུ་སོང་སྟེ་སྐབས་དེ་སྨྲས་པ། ཐོས་པ་གཅིག་ནས་གཅིག་ཏུ་བརྒྱུད་པས། ནུ་བོ་ཤོས་དེས་ཐོས་ནས། དེས་རྒྱལ་པོ་ལ་སྨྲས་པ། ལྷ་བདག་གི་ཕུ་བོ་དེ་མཆི་ལགས་སོ། །རྒྱལ་པོས་སྨྲས་པ། ལེགས་ཀྱིས་དེ་ཉིད་མདུན་ན་འདོན་དུ་འགྱུར་རོ། །དེས་སྨྲས་པ། ལྷ་ཁྱོད་ལ་བདག་གིས་དུས་འདི་སྲིད་ཅིག་ཏུ་ཞམ་འབྲིང་བགྱིས་པ་ནི་དོན་མ་མཆིས་སོ། །རྒྱལ་པོས་སྨྲས་པ། འདི་ནི་འཇིག་རྟེན་གྱི་ཆོས་ཡིན་ཏེ། དེ་ཕུ་བོ་ཡིན་པས་སོ། །འོན་ཀྱང་རྣམ་པ་གཅིག་གིས་ཁྱོད་མདུན་ན་འདོན་དུ་འགྱུར་པ་ཡོད་དེ། གལ་ཏེ་དེ་འོངས་པ་དང ། ཁྱོད་ཀྱིས་བདག་ཕུ་བོ་ལགས་སོ་ཞེས་སྨྲོས་ཤིག་།དེས་སྨྲས་པ། བཀའ་བཞིན་འཚལ། དེ་བཞིན་དུ་སྨྲ་བར་བགྱིའོ། །ཇི་ཙམ་ན་དེ་འོངས་པ་དེ་རྒྱལ་པོ་འཁོར་དང་བཅས་པས་མཐོང་ནས་ལངས་པ་དང ། དེ་ནི་མ་ལངས་སོ། །དེས་དེ་ལ་སྨྲས་པ། ཁྱོད་ཁོ་བོའི་ནུ་བོ་ཡིན་ན། ཅིའི་ཕྱིར་མི་ལྡང ། དེས་སྨྲས་པ། ཁྱོད་ཉིད་ནུ་བོ་ཡིན་
Nga427b
གྱིས། ཁོ་བོ་ནི་ཕུ་བོ་ཡིན་ནོ། །གལ་ཏེ་ཁྱོད་ཡིད་མི་ཆེས་ན་བདག་ཅག་ནི་རྒྱལ་པོའི་ཕོ་བྲང་དུ་ཆེན་པོར་གྱུར་པས་ལྷ་ལ་ཞུའོ། །ཕུ་བོས་རྒྱལ་པོ་ལ་དྲིས་པོ། ཀྱེ་རྒྱལ་པོ་བདག་ཅག་གཉིས་ལས་ཕུ་བོ་གང་ལགས་པ་གསུང་ཤིག་།རྒྱལ་པོས་ཤེས་བཞིན་དུ་བརྫུན་གྱི་ཚིག་སྨྲས་པ། འདི་ནི་ཕུ་བོ་ཡིན་ནོ། །ཁྱོད་ནི་ནུ་བོ་ཡིན་ནོ་ཞེས་ཚིག་ཏུ་སྨྲས་མ་ཐག་ཁོ་ནར་ལྷ་རྣམས་ཀྱིས་སྟན་བཏང་བས་ས་ལ་རྡབ་ནུས་ཏེ། དེའི་ཁ་ནས་རུལ་པའི་དྲི་བྱུང་བར་གྱུར་ཏེ། མདུན་ན་འདོན་གྱི་བུ་ཕུའོ་ཤོས་ཀྱིས་ཚིགས་སུ་བཅད་དེ་སྨྲས་པ། བརྫུན་གྱི་ཚིག་ནི་གསུངས་པས་ན། །ལྷ་རྣམས་འདི་ནས་དོང་བ་དང ། །ཞལ་ཡང་མནམ་པར་གྱུར་ནས་སུ། །མཐོ་རིས་ལས་ཀྱང་ཉམས་པར་གྱུར། །རྒྱལ་པོ་བདེན་པར་གསུངས་ཤིག་ཀྱེ། །སྔོན་གྱི་ཇི་ལྟ་བཞིན་དུ་འགྱུར། །གལ་ཏེ་བརྫུན་ནི་གསུང་མཛད་ན། །སེམས་དཔའ་འོག་ཏུ་ངེས་པར་བཞུད། །གང་ཞིག་ཆོས་བཞིན་འདྲི་བ་ལ། །ཆོས་མ་ཡིན་པར་སྟོན་བྱེད་ན། །ཆུ་ན་རྒྱུ་བའི་ཉ་བཞིན་དུ། །དེ་ནི་ལྕེ་མ་མཆིས་པར་འགྱུར། །རྒྱལ་པོ་བདེན་པར་གསུངས་ཤིག་ཀྱེ། །སྔོན་གྱི་ཇི་ལྟ་བཞིན་དུ་འགྱུར། །གལ་ཏེ་བརྫུན་ནི་གསུང་མཛད་ན། །སེམས་དཔའ་འོག་ཏུ་ངེས་པར་བཞུད། །གང་ཞིག་ཆོས་བཞིན་འདྲི་བ་ལ། །ཆོས་མ་ཡིན་པར་སྟོན་བྱེད་ན། ། དེར་ནི་སྐྱེས་པ་མིན་སྐྱེ་ཞིང ། །དེར་ནི་སྐྱེས་པར་སྐྱེ་མི་འགྱུར། །རྒྱལ་པོ་བདེན་པར་གསུངས་ཤིག་ཀྱེ། །སྔོན་གྱི་ཇི་ལྟ་བཞིན་དུ་འགྱུར། །གལ་ཏེ་བརྫུན་ནི་གསུང་མཛད་ན། །སེམས་དཔའ་འོག་ཏུ་ངེས་པར་
Nga428a
༄#། །བཞུད། །གང་ཞིག་ཆོས་བཞིན་འདྲི་བ་ལ། །ཆོས་མ་ཡིན་པར་སྟོན་བྱེད་ན། །ལྷས་ནི་དུས་སུ་ཆར་མི་འབེབས། །དེར་ནི་དུས་མ་ཡིན་པར་འབབ། །རྒྱལ་པོ་བདེན་པར་གསུངས་ཤིག་ཀྱེ། །སྔོན་གྱི་ཇི་ལྟ་བཞིན་དུ་འགྱུར། །གལ་ཏེ་བརྫུན་ནི་གསུང་མཛད་ན། །སེམས་དཔའ་འོག་ཏུ་ངེས་པར་བཞུད། །གང་ཞིག་ཆོས་བཞིན་འདྲི་བ་ལ། །ཆོས་མ་ཡིན་པར་སྟོན་བྱེད་ན།། སྤྲུལ་བཞིན་དུ་ནི་སྐྱེ་བོ་དེའི། །ལྕེ་གཉིས་དག་ནི་འབྱུང་བར་འགྱུར། །རྒྱལ་པོ་བདེན་པར་གསུངས་ཤིག་ཀྱེ། །སྔོན་གྱི་ཇི་ལྟ་བཞིན་དུ་འགྱུར། །གལ་ཏེ་བརྫུན་ནི་གསུང་མཛད་ན། །སེམས་དཔའ་འོག་ཏུ་ངེས་པར་བཞུད་།དེ་ལྟར་རྒྱལ་པོ་སེམས་དཔའ་ཡིས། །ཤིན་ཏུ་མི་བཟད་ལས་བྱས་ནས། །སྡིག་པ་བྱེད་པ་རྣམས་ཀྱི་གནས། །དམྱལ་བ་མནར་མེད་ཐོབ་པར་འགྱུར། །དགེ་སློང་དག་ཇི་སྙམས་སེམས། དེའི་ཚེ་དེའི་དུས་ཀྱི་ཕུ་བོ་ཤོས་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་རྒྱལ་པོ་སེམས་དཔའ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་འདི་ངས་སྨྲས་པའི་ཚིག་མ་མཉན་པས་མནར་མེད་པའི་སེམས་ཅན་དམྱལ་བ་ཐོབ་བོ། །དེ་ལྟར་ཡང་འདི་ངས་སྨྲས་པའི་ཚིག་མ་མཉན་པས་མནར་མེད་པའི་སེམས་ཅན་དམྱལ་བ་ཐོབ་བོ། །དགེ་སློང་རྣམས་ཐེ་ཚོམ་སྐྱེས་ཏེ། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་སྨན་པར་གསུངས་པའི་བཀའ་ལྷས་བྱིན་གྱིས་མ་མཉན་པར་གྱུར་པས་
Nga428b
མནར་མ་མཆིས་པར་གཞོལ་བར་གྱུར་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདི་ལྟར་ངས་ཕན་པར་སྨྲས་པའི་ཚིག་མ་མཉན་པས་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིང ། དགེ་སློང་དག་སྔོན་བྱུང་བ་རི་བོར་ཞིག་ན་འཁྲུལ་འཁོར་གྱི་སློབ་དཔོན་ཞིག་གནས་ཏེ། དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་ཞིག་བཙས་སོ། །བཙས་ནས་ཉི་མ་བདུན་གསུམ་ཉི་ཤུ་རྩ་གཅིག་ཏུ་དེའི་བཙས་པའི་བཙས་སྟོན་རྒྱ་ཆེར་བྱས་ནས་རིགས་མཐུན་པའི་མིང་བཏགས་ཏེ། དེ་བསྐྱེད་བསྲིངས་ནས་ཆེན་པོར་གྱུར་པ་དང་དེའི་ཕ་ཤིའོ། །དེ་རི་བོར་ཞིག་ན། འཁྲུལ་འཁོར་གྱི་སློབ་དཔོན་གཞན་ཞིག་ཡོད་པ་ལ། འཁྲུལ་འཁོར་གྱི་བཟོ་བསླབ་པར་བརྩམས་ནས། དེས་རི་བོར་ཞིག་ན་ཁྱིམ་བདག་ཅིག་ཡོད་པ་ལས་བུ་མོ་བསླངས་པ་དང ། དེས་སྨྲས་པ། གལ་ཏེ་ཉི་མ་ག་གེ་མོ་ཞིག་ལ་འོངས་ན་ནི་སྦྱིན་ནོ། །གཞན་དུ་ན་ནི་མི་སྦྱིན་ནོ། ། དེས་འཁྲུལ་འཁོར་གྱི་སློབ་དཔོན་ལ་སྨྲས་པ། མཁན་པོ་རི་བོར་ཆེ་གེ་མོ་ཞེས་བགྱི་བ་ན་ཁྱིམ་བདག་ཅིག་མཆིས་པ་ལ་བདག་གིས་བུ་མོ་བསླངས་ནས། དེའི་མཆིད་ནས་གལ་ཏེ་ཉི་མ་ག་གེ་མོ་ཞེས་
Nga429a
༄#། །བྱ་བ་ལ་འོངས་ན་ནི་སྦྱིན་གྱི། འོན་ཏེ་མ་འོངས་ན་ནི་མི་སྦྱིན་ནོ་ཞེས་མཆིའོ། །འཁྲུལ་འཁོར་གྱི་སློབ་དཔོན་གྱིས་སྨྲས་པ། བུ་གལ་ཏེ་དེ་ལྟ་ན་འདོང ། ཁོ་བོ་ཉིད་ཀྱིས་བླང་བར་བྱའོ་ཞེས། དེ་དེ་དང་ལྷན་ཅིག་ཤིང་ལས་བྱས་པའི་རྨ་བྱ་ལ་ཞོན་ནས། ཉི་མ་གང་ལ་ངེས་པར་བྱས་པ། དེ་ཉིད་ཀྱི་ཉི་མ་ལ་རི་བོར་དེར་ཕྱིན་པ་འཇིག་རྟེན་གྱིས་མཐོང་ནས་མཆོག་ཏུ་ངོ་མཚར་སྐྱེས་སོ། །དེ་ནས་བུ་མོ་བླངས་ཏེ་སླར་ཡང་འཁྲུལ་འཁོར་ལ་ཞོན་ཏེ། རང་གི་ཁྱིམ་དུ་འོངས་ནས་འཁྲུལ་འཁོར་བསྡུས་ཏེ། དེའི་མ་ལ་གཏད་ནས་སྨྲས་པ། ཁྱོད་ཀྱི་བུ་འདིས་འཁྲུལ་འཁོར་འགྲོ་བའི་སྦྱོར་བ་ཤེས་ཀྱི་སླར་ལོག་པ་མི་ཤེས་ཀྱིས། ཁྱོད་ཀྱིས་འདི་ལ་འཁྲུལ་འཁོར་མི་སྦྱིན་ཅིག་ཅེས་བསྒོའོ། །དེས་ཡང་ནས་ཡང་དུ་མ་ལ་སྨྲས་པ། ཡུམ་འཁྲུལ་འཁོར་བདག་ལ་སྩོལ་ཅིག་དང་སྐྱེ་བོའི་ཚོགས་དབང་དུ་བགྱིའོ། །དེས་སྨྲས་པ། བུ་ཁྱོད་ཀྱི་སློབ་དཔོན་ན་རེ། འདིས་འཁྲུལ་འཁོར་འགྲོ་བའི་སྦྱོར་བ་ཤེས་ཀྱི་སླར་ལོག་པ་མི་ཤེས་ཀྱིས་མ་སྦྱིན་ཅིག་ཟེར་བས་ཚུལ་མ་ཡིན་པས་སྡུག་བསྔལ་བར་འགྱུར་དུ་འོང་ངོ ། །དེ་བས་ན་ཁོ་མོས་མི་སྦྱིན་ནོ། །དེས་སྨྲས་པ། ཡུམ་བདག་གིས་འགྲོ་བ་དང་ལྡོག་པ་འཚལ་མོད་ཀྱི་སློབ་དཔོན་དེ་ཕྲག་དོག་གིས་མི་སྟེར་མོད། བུད་མེད་ནི་སེམས་ཡང་ཞིང་འདོད་ཆེན་ཆེ་བ་ཡིན་པས་དེ་དེ་ལ་བྱིན་ནས་འཁྲུལ་འཁོར་སྦྱར་ཏེ་ཞོན་ནས་སོང་བ་དང ། སྐྱེ་བོའི་ཚོགས་ཆེན་པོ་དགའ་བར་གྱུར་ཏོ། །དེ་ནས་
Nga429b
འཁྲུལ་འཁོར་གྱི་སློབ་དཔོན་གྱིས་མཐོང་ནས་དེས་སྨྲས་པ། ཕ་བི་སླར་མི་འོང་པར་སོང་ངོ ། །དེས་ཇི་ལྟ་ཇི་ལྟར་འཁྲུལ་འཁོར་བཅུས་པ་དེ་ལྟ་དེ་ལྟར་ཤིན་ཏུ་ཐག་རིང་པོར་ལྡིངས་ནས་ཇི་ཙམ་ན་རྒྱ་མཚོ་ཆེན་པོར་ལྡིང་པ་དང ། རྒྱ་མཚོ་ཆེན་པོ་ནི་ལྷས་རྒྱུན་དུ་ཆར་འབབས་པ་ཡིན་པས། དེས་སྦྱོར་ཁ་རྣམས་བངས་ནས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ལྷས་ཚིགས་སུ་བཅད་དེ་སྨྲས་པ། གང་ཞིག་དོན་འདོད་བརྩེ་བས་ཕན་པ་ཡི། །ཇི་སྐད་བསྟན་པའི་ཚིག་ནི་མི་འཛིན་ཅིང ། །འཆོས་པ་མེད་ཅིང་སུའི་ཚིག་མི་ཉན་གང ། །དེ་ནི་ཤིང་ལས་བྱས་པའི་བྱ་ཡིས་ཁྱེར། ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་འཁྲུལ་འཁོར་གྱི་སློབ་དཔོན་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་དེའི་སློབ་མ་གང་ཡིན་པ་དེ་ནི་ལྷས་བྱིན་འདི་ཉིད་ཡིན་ཏེ། དེ་ན་ཡང་ངས་ཕན་པར་སྨྲས་ན། ངའི་ཚིག་འདི་མ་མཉན་པས་ཚུལ་མ་ཡིན་པས་སྡུག་བསྔལ་བར་གྱུར་ཏོ། །ད་ལྟར་ཡང་ངས་ཕན་པར་སྨྲས་ན་ངའི་ཚིག་འདིས་མ་མཉན་པས། མནར་མེད་པའི་སེམས་ཅན་དམྱལ་བར་གཞོལ་བར་གྱུར་ཏོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་དགེ་འདུན་གྱི་དབྱེན་ཞེས་བགྱི། དགེ་འདུན་མཐུན་པ་ཞེས་བགྱི་ན། དེ་ལ་དབྱེན་ནི་གང་ལགས། དགེ་འདུན་མཐུན་པ་ནི་གང་ལགས། ཉེ་བར་འཁོར་འདི་ལྟར་དགེ་སློང་རྣམས་ཆོས་ལ་ཆོས་མ་ཡིན་པའི་འདུ་ཤེས་དང ། ཆོས་
Nga430a
༄#། །མ་ཡིན་པ་ལ་ཆོས་ཀྱི་འདུ་ཤེས་དང ། མི་མཐུན་པ་ལ་མཐུན་པའི་འདུ་ཤེས་ཀྱིས་ལས་རྣམས་བྱེད་ན་འདི་ནི་དགེ་འདུན་གྱི་དབྱེན་ཞེས་བྱའོ། །འདི་ལྟར་ཆོས་ལ་ཆོས་ཀྱི་འདུ་ཤེས་དང ། མཐུན་པ་ལ་མཐུན་པའི་འདུ་ཤེས་ཀྱིས་ལས་རྣམས་བྱེད་ན་འདི་ནི་དགེ་འདུན་མཐུན་པ་ཞེས་བྱའོ། །གང་ན་དགེ་སློང་གཅིག་གནས་པ་དེ་ན་དགེ་འདུན་གྱི་དབྱེན་དུ་མི་འགྱུར་རོ། །གང་ན་གཉིས་དང་གསུམ་ནས་བརྒྱད་ཀྱི་བར་གནས་པ་དེ་ན་ཡང་དགེ་འདུན་གྱི་དབྱེན་དུ་མི་འགྱུར་རོ། །གང་ན་དགེ་སློང་གུའམ། ལྷག་པ་ཡོད་པ་དེ་ན་རྒྱུ་གཉིས་ཀྱིས་དགེ་འདུན་གྱི་དབྱེན་དུ་འགྱུར་ཏེ། གསོལ་བའི་ལས་དང་ཆུལ་ཤིང་ལེན་པས་སོ། །གསོལ་བའི་ལས་ཇི་ལྟ་བུ་ཞེ་ན། འདི་ལྟར་ལྷས་བྱིན་གྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་དེ། ཚེ་དང་ལྡན་པ་དག་དགེ་སྦྱོང་གོའུ་ཏ་མ་ནི་འདི་སྐད་ཅེས་བརྟུལ་ཞུགས་ཀྱི་གཞི་ལྔས་དགེ་སློང་དག་པ་དང ། གྲོལ་བ་དང ། ངེས་པར་འབྱུང་བ་དང ། བདེ་བ་དང ། སྡུག་བསྔལ་ལས་འདའ་བར་འགྱུར། བདེ་བ་དང་སྡུག་བསྔལ་ལས་འདས་པ་ཐོབ་པར་གྱུར་ཏེ། ཚེ་དང་ལྡན་པ་དག་ལྔ་གང་ཞེ་ན། དགེ་སློང་དགོན་པ་ཉིད་ནི་དག་པ་དང ། གྲོལ་བ་དང ། ངེས་པར་འབྱུང་བ་དང ། བདེ་བ་དང་སྡུག་བསྔལ་ལས་འདའ་བར་འགྱུར། བདེ་བ་དང ། སྡུག་བསྔལ་ལས་འདས་པ་ཐོབ་པར་འགྱུར་རོ། །ཚེ་དང་
Nga430b
ལྡན་པ་དག་དགེ་སློང་ཤིང་དྲུང་པ་ཉིད་དང ། བསོད་སྙོམས་པ་ཉིད་དང ། ཆོས་གོས་གསུམ་པ་ཉིད་དང ། ཕྱག་དར་ཁྲོད་པ་ཉིད་ནི་དག་པ་དང ། གྲོལ་བ་དང ། ངེས་པར་འབྱུང་བ་དང ། བདེ་བ་དང ། སྡུག་བསྔལ་ལས་འདའ་བར་འགྱུར། བདེ་བ་དང ། སྡུག་བསྔལ་ལས་འདས་པ་ཐོབ་པར་འགྱུར་རོ་ཞེས་ཟེར་ན། ཚེ་དང་ལྡན་པ་དག་ཁྱེད་ཅག་ལས་གང་བརྟུལ་ཞུགས་ཀྱི་གཞི་ལྔ་པོ་འདི་དག་གིས་དག་པ་དང ། གྲོལ་བ་དང ། ངེས་པར་འབྱུང་བར་མི་བཟོད་པ་དེ་དག་དགེ་སྦྱོང་གོའུ་ཏམ་ལས་རིང་དུ་གྱིས་ཤིག་།ཐ་དད་པར་གྱིས་ཤིག་།རྒྱང་སྲིངས་ཤིག་ཅེས་ཟེར་བ་འདི་ནི་གསོལ་བ་སྟེ། དེ་ལྟ་བུ་ནི་གསོལ་བའི་ལས་ཀྱིས་ཡིན་ནོ། །ཚུལ་ཤིང་ལེན་པ་ཇི་ལྟ་བུ་ཞེ་ན། འདི་ལྟ་ལྷས་བྱིན་གྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་དེ། ཚེ་དང་ལྡན་པ་དག་དགེ་སྦྱོང་གོའུ་ཏ་མ་ནི་འདི་སྐད་ཅེས་བརྟུལ་ཞུགས་ཀྱི་གཞི་ལྔས་དགེ་སློང་དག་པ་དང ། གྲོལ་པ་དང ། ངེས་པར་འབྱུང་བ་དང ། བདེ་བ་དང ། སྡུག་བསྔལ་ལས་འདའ་བར་འགྱུར། བདེ་བ་དང་སྡུག་བསྔལ་ལས་འདས་པ་ཐོབ་པར་འགྱུར་ཏེ། ཚེ་དང་ལྡན་པ་དག་ལྔ་གང་ཞེ་ན། དགེ་སློང་དགོན་པ་པ་ཉིད་ནི་དག་པ་དང ། གྲོལ་བ་དང ། ངེས་པར་འབྱུང་བ་དང ། བདེ་བ་དང ། སྡུག་བསྔལ་ལས་འདའ་བར་འགྱུར། བདེ་བ་དང་སྡུག་བསྔལ་ལས་འདས་པ་ཐོབ་པར་འགྱུར་རོ། །དགེ་སློང་
Nga431a
༄#། །ཤིང་དྲུང་པ་ཉིད་དང ། བསོད་སྙོམས་པ་ཉིད་དང ། ཆོས་གོས་གསུམ་པ་ཉིད་དང ། ཕྱག་དར་ཁྲོད་པ་ཉིད་ནི་དག་པ་དང ། གྲོལ་བ་དང ། ངེས་པར་འབྱུང་བ་དང ། བདེ་བ་དང་སྡུག་བསྔལ་ལས་འདའ་བར་འགྱུར། བདེ་བ་དང་སྡུག་བསྔལ་ལས་འདས་པ་ཐོབ་པར་འགྱུར་རོ་ཞེས་ཟེར་ན། ཚེ་དང་ལྡན་པ་དག་ཁྱེད་ཅག་ལས་གང་བརྟུལ་ཞུགས་ཀྱི་གཞི་ལྔ་པོ་འདི་དག་གིས་དག་པ་དང ། གྲོལ་བ་དང ། ངེས་པར་འབྱུང་བར་མི་བཟོད་པ་དེ་དག་དགེ་སྦྱོང་གོའུ་ཏ་མ་ལས་རིང་དུ་འགྱུར། ཐ་དད་པར་འགྱུར། རྒྱང་སྲིང་བར་འགྱུར་གྱིས་ཚུལ་ཤིང་ལོང་ཞིག་ཅེས་ལྷས་བྱིན་བདག་ཉིད་དང་ལྡས་ཚུལ་ཤིང་ལེན་པ་ཡིན་ཏེ། དེ་ལྟ་བུ་ནི་ཚུལ་ཤིང་ལེན་པ་ཡིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་རེ་ཞིག་གནས་ནས་ཕྱུང་བས། དགེ་འདུན་གྱི་དབྱེན་དུ་འགྱུར་ལ། གནས་ནས་ཕྱུང་བའི་རྗེས་སུ་ཕྱོགས་པས་མ་ལགས། གནས་ནས་ཕྱུང་བའི་རྗེས་སུ་ཕྱོགས་པའི་རྗེས་སུ་ཕྱོགས་པས་མ་ལགས། གནས་ནས་འབྱིན་པས་མ་ལགས། གནས་ནས་འབྱིན་པའི་རྗེས་སུ་ཕྱོགས་པས་མ་ལགས། གནས་ནས་འབྱིན་པའི་རྗེས་སུ་ཕྱོགས་པའི་རྗེས་སུ་ཕྱོགས་པས་མ་ལགས་སམ། བཙུན་པ་རེ་ཞིག་གནས་ནས་ཕྱུང་བའི་རྗེས་སུ་ཕྱོགས་པས་དགེ་འདུན་གྱི་དབྱེན་དུ་འགྱུར་ལ་གནས་ནས་ཕྱུང་བས་མ་
Nga431b
ལགས། གནས་ནས་ཕྱུང་བའི་རྗེས་སུ་ཕྱོགས་པའི་རྗེས་སུ་ཕྱོགས་པས་མ་ལགས། གནས་ནས་འབྱིན་པའི་མ་ལགས། གནས་ནས་འབྱིན་པའི་རྗེས་སུ་ཕྱོགས་བས་མ་ལགས། གནས་ནས་འབྱིན་པའི་རྗེས་སུ་ཕྱོགས་པའི་རྗེས་སུ་ཕྱོགས་པས་མ་ལགས་སམ། བཙུན་པ་རེ་ཞིག་གནས་ནས་ཕྱུང་བའི་རྗེས་སུ་ཕྱོགས་པའི་རྗེས་སུ་ཕྱོགས་པས་དགེ་འདུན་གྱི་དབྱེན་དུ་འགྱུར་ལ། གནས་ནས་ཕྱུང་བས་མ་ལགས། གནས་ནས་ཕྱུང་བའི་རྗེས་སུ་ཕྱོགས་པས་མ་ལགས། གནས་ནས་འབྱིན་པས་མ་ལགས། གནས་ནས་འབྱིན་པའི་རྗེས་སུ་ཕྱོགས་པས་མ་ལགས། གནས་ནས་འབྱིན་པའི་རྗེས་སུ་ཕྱོགས་པའི་རྗེས་སུ་ཕྱོགས་པས་མ་ལགས་སམ། བཙུན་པ་རེ་ཞིག་གནས་ནས་འབྱིན་པས་དགེ་འདུན་གྱི་དབྱེན་དུ་འགྱུར་ལ། གནས་ནས་ཕྱུང་བས་མ་ལགས། གནས་ནས་ཕྱུང་བའི་རྗེས་སུ་ཕྱོགས་པས་མ་ལགས། གནས་ནས་ཕྱུང་བའི་རྗེས་སུ་ཕྱོགས་པའི་རྗེས་སུ་ཕྱོགས་པས་རྗེས་སུ་ཕྱོགས་པས་མ་ལགས། གནས་ནས་འབྱིན་པའི་རྗེས་སུ་ཕྱོགས་པས་མ་ལགས། གནས་ནས་འབྱིན་པའི་རྗེས་སུ་ཕྱོགས་པའི་རྗེས་སུ་ཕྱོགས་པས་མ་ལགས་སམ། བཙུན་པ་རེ་ཞིག་གནས་ནས་འབྱིན་པའི་རྗེས་སུ་ཕྱོགས་པས་དགེ་འདུན་གྱི་དབྱེན་དུ་འགྱུར་ལ། གནས་ནས་ཕྱུང་བས་མ་ལགས་གནས་ནས་ཕྱུང་བའི་རྗེས་སུ་ཕྱོགས་པས་མ་ལགས། གནས་ནས་ཕྱུང་བའི་རྗེས་སུ་ཕྱོགས་པའི་རྗེས་སུ་ཕྱོགས་པས་མ་ལགས། གནས་ནས་འབྱིན་པས་མ་ལགས། གནས་ནས་འབྱིན་
Nga432a
༄#། །པའི་རྗེས་སུ་ཕྱོགས་པའི་རྗེས་སུ་ཕྱོགས་པས་མ་ལགས་སམ། བཙུན་པ་རེ་ཞིག་གནས་ནས་འབྱིན་པའི་རྗེས་སུ་ཕྱོགས་པའི་རྗེས་སུ་ཕྱོགས་པས་དགེ་འདུན་གྱི་དབྱེན་དུ་འགྱུར་ལ། གནས་ནས་ཕྱུང་བས་མ་ལགས། གནས་ནས་ཕྱུང་བའི་རྗེས་སུ་ཕྱོགས་པས་མ་ལགས། གནས་ནས་ཕྱུང་བའི་རྗེས་སུ་ཕྱོགས་པས་རྗེས་སུ་ཕྱོགས་པས་མ་ལགས། གནས་ནས་འབྱིན་པས་མ་ལགས། གནས་ནས་འབྱིན་པའི་རྗེས་སུ་ཕྱོགས་པས་མ་ལགས་སམ། ཉེ་བར་འཁོར་གནས་ནས་ཕྱུང་བ་འབའ་ཞིག་མ་གཏོགས་པར་འདི་དག་ཐམས་ཅད་ཀྱིས་དགེ་འདུན་གྱི་དབྱེན་དུ་འགྱུར་རོ། །བར་སྡོམ་ལ། དགེ་འདུན་དབྱེན་དང་མཐུན་པ་དང ། །གཅིག་པུ་དགེ་འདུན་དབྱེན་མིན་དང ། །ཐ་མ་དགུ་པོ་དབྱེན་དང་ནི། །གནས་དབྱུང་གསུམ་པོ་དྲུག་ཚན་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཉན་ཐོས་ཀྱིས་དགེ་འདུན་མཐུན་པའི་དབྱེན་བགྱིས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ་ཞེས་གང་གསུངས་པ། བཙུན་པ་ཇི་ཙམ་གྱིས་ན། ཉན་ཐོས་ཀྱི་དགེ་འདུན་མཐུན་པའི་དབྱེན་བགྱིས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་ལགས། ཉེ་བར་འཁོར་འདི་ལྟར་དགེ་སློང་ཆོས་མ་ཡིན་པ་ལ་ཆོས་མ་ཡིན་པའི་འདུ་ཤེས་དང ། དབྱེན་ལ་ཆོས་
Nga432b
མ་ཡིན་པའི་འདུ་ཤེས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང་དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པ་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་གི་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས་མནར་མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ།། ཉེ་བར་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཆོས་མ་ཡིན་པའི་འདུ་ཤེས་དང ། དབྱེན་ལ་ཆོས་ཀྱི་འདུ་ཤེས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད།་འཛིན་དུ་འཇུག་པར་བྱེད་ཅིང་དགེ་འདུན་གྱི་དབྱེན་བྱ་བའི་ཕྱིར། ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཆོས་མ་ཡིན་པའི་འདུ་ཤེས་དང ། དབྱེན་ལ་ཡིད་གཉིས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་
Nga433a
༄#། །ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཆོས་ཀྱི་འདུ་ཤེས་དང ། དབྱེན་ལ་ཆོས་མ་ཡིན་པའི་འདུ་ཤེས་ཀྱིས། དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར། ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཆོས་ཀྱི་འདུ་ཤེས་དང ། དབྱེན་ལ་ཆོས་ཀྱི་འདུ་ཤེས་ཀྱིས། དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར། ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཆོས་ཀྱི་འདུ་ཤེས་དང ། དབྱེན་ལ་ཡིད་གཉིས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར། ཕ་རོལ་གནོན་པར་བྱེད་
Nga433b
ན་འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་ལ་ཆོས་མ་ཡིན་པའི་འདུ་ཤེས་དང ། དབྱེན་ལ་ཆོས་མ་ཡིན་པའི་འདུ་ཤེས་ཀྱིས། དགེ་སློང་རྣམས་ལ་གོ་བར་བྱེད། །ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར། ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་ལ་ཆོས་མ་ཡིན་པའི་འདུ་ཤེས་དང ། དབྱེན་ལ་ཆོས་ཀྱི་འདུ་ཤེས་ཀྱིས། དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས་མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གི་།ཆོས་ལ་ཆོས་མ་ཡིན་པའི་འདུ་ཤེས་དང ། དབྱེན་ལ་ཡིད་གཉིས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་
Nga434a
༄#། །བྱེད། སློབ་པར་བྱེད། འཛིན་དུ་འཇུག་པར་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས་མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས། ཆོས་ལ་ཆོས་ཀྱི་འདུ་ཤེས་དང ། དབྱེན་ལ་ཆོས་མ་ཡིན་པའི་འདུ་ཤེས་ཀྱིས། དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་ལ་ཆོས་ཀྱི་འདུ་ཤེས་དང ། དབྱེན་ལ་ཆོས་ཀྱི་འདུ་ཤེས་ཀྱིས། དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་
Nga434b
འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་ལ་ཆོས་ཀྱི་འདུ་ཤེས་དང ། དབྱེན་ལ་ཡིད་གཉིས་ཀྱིས། དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པ་བྱེད་ན། འདི་ཙམ་གྱིས་ན། ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཡིད་གཉིས་དང ། དབྱེན་ལ་ཆོས་མ་ཡིན་པའི་འདུ་ཤེས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པ་བྱེད་ན། འདི་ཙམ་གྱིས་ན། ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཡིད་གཉིས་དང ། དབྱེན་ལ་ཆོས་ཀྱི་འདུ་ཤེས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན། ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་
Nga435a
༄#། །དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་མ་ཡིན་པ་ལ་ཡིད་གཉིས་དང ། དབྱེན་ལ་ཡིད་གཉིས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན། ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང་མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་ལ་ཡིད་གཉིས་དང ། དབྱེན་ལ་ཆོས་མ་ཡིན་པའི་འདུ་ཤེས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་ལ་ཡིད་གཉིས་དང ། དབྱེན་ལ་ཆོས་ཀྱི་འདུ་ཤེས་ཀྱི་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད།
Nga435b
སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་གྱི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །ཉེ་བར་འཁོར་འདི་ལྟར་དགེ་སློང་གིས་ཆོས་ལ་ཡིད་གཉིས་དང ། དབྱེན་ལ་ཡིད་གཉིས་ཀྱིས་དགེ་སློང་རྣམས་ལ་གོ་བར་བྱེད། ཀུན་ཏུ་གོ་བར་བྱེད། སློབ་པར་བྱེད། འཛིན་དུ་འཇུག་པར་བྱེད་ཅིང ། དགེ་འདུན་མཐུན་པའི་དབྱེན་བྱ་བའི་ཕྱིར་ཕ་རོལ་གནོན་པར་བྱེད་ན། འདི་ཙམ་གྱིས་ན་ཉེ་བར་འཁོར་དགེ་སློང་ཉན་ཐོས་ཀྱི་དགེ་འདུན་མཐུན་པའི་དབྱེན་བྱས་ནས། མནར་མེད་པའི་ཁ་ན་མ་ཐོ་བ་སྐྱེ་ཞིང ། མཚམས་མེད་པའི་ཁ་ན་མ་ཐོ་བའི་ལས་ཀྱིས་ནི་རེག་པར་མི་འགྱུར་རོ། །དེ་ལྟར་ན་དེ་དག་ནི་མུ་བཅོ་བརྒྱད་དུ་འགྱུར་ལ། དེ་དག་ལས་དྲུག་ལ་ནི་མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་འགྱུར་ཏེ། དབྱེན་ལ་ཆོས་མ་ཡིན་པར་འདུ་ཤེས་པ་གང་དག་ཡིན་པའོ། །ལྷག་མ་རྣམས་ནི་མཚམས་མེད་པའི་ཁ་ན་མ་ཐོ་བའི་ལས་ཀྱིས་རེག་པར་མི་འགྱུར་རོ། །དགེ་འདུན་གྱི་དབྱེན་གྱི་གཞི་རྫོགས་ཏེ། འདུལ་བའི་གཞི་རྫོགས་སོ།། །།ཁ་ཆེའི་མཁན་པོ་སརྦ་ཛྙཱ་དེ་བ་དང ། རྒྱ་གར་གྱི་མཁན་པོ་བིདྱ་ཀ་ར་ཕྲ་བྷ་དང ། ཁ་ཆེའི་མཁན་པོ་དྷརྨཱ་ག་ར་དང ། ལོ་ཙྪ་བ་བན་དེ་དཔལ་གྱི་ལྷུན་པོས་བསྒྱུར། རྒྱ་གར་
Nga436a
༄#། །གྱི་མཁན་པོ་བིདྱ་ཀ་ར་པྲ་བྷ་དང ། ཞུ་ཆེན་གྱི་ལོ་ཙྪ་བ་བན་དེ་དཔལ་བརྩེགས་ཀྱི་ཞུས་ཏེ་གཏན་ལ་ཕབ་པའོ།། །།ཐུབ་དབང་ཟླ་བའི་ཞལ་ནས་བྱུང་གྱུར་པ། །གསུང་གི་མེ་ཏོག་ཆར་པ་ཡིད་འོང་རྣམས། །ལྟ་བ་ངན་ཟློག་རྙི་བ་མེད་པ་ཡི། །རང་བཞིན་ཡུན་རིང་སྐྱེ་དགུའི་ནང་གནས་ཤོག། བཀྲ་ཤིས་།།