འཕགས་པ་དང་། དེས་རྒོལ་བ་ཁ་ཅིག་ནི་ཚར་བཅད་དེ་རྒོལ་བའི་ཤིང་རྟ་ལ་སྦྱོར་བར་བྱེད། ཁ་ཅིག་ནི་མགོར་ཐལ་བའི་བུམ་པ་དག་གིས་བསྣུན། ཁ་ཅིག་ནི་འཕོང་གི་དཔོང་སར་ཁྭ་བཞིན་དུ་ཐག་རིང་པོ་ནས་ཡོངས་སུ་སྤོང་བར་བྱེད། ཁ་ཅིག་ནི་གདུགས་དང་། རྒྱལ་མཚན་
'phags pa dang / des rgol ba kha cig ni tshar bcad de rgol ba'i shing rta la sbyor bar byed/ kha cig ni mgor thal ba'i bum pa dag gis bsnun/ kha cig ni 'phong gi dpong sar khwa bzhin du thag ring po nas yongs su spong bar byed/ kha cig ni gdugs dang / rgyal mtshan

དང་། བ་དན་དག་གིས་བསུ་བར་བྱེད། ཁ་ཅིག་ནི་སློབ་མ་ཉིད་དུ་ཁས་ལེན་པར་བྱེད་ཅིང་དེ་མཐར་གྱིས་གྲོང་དང་། གྲོང་ཁྱེར་དང་། གྲོང་རྡལ་དང་། དབྱེ་ཚོངས་དང་། ཚོང་རྡལ་དག་ཏུ་རྒོལ་བ་འདུལ་ཞིང་རྒྱལ་པོའི་ཁབ་ཏུ་ཕྱིན་ཏོ།། བྲམ་ཟེ་དེས་བསམས་པ། བདག་
dang / ba dan dag gis bsu bar byed/ kha cig ni slob ma nyid du khas len par byed cing de mthar gyis grong dang / grong khyer dang / grong rdal dang / dbye tshongs dang / tshong rdal dag tu rgol ba 'dul zhing rgyal po'i khab tu phyin to// bram ze des bsams pa/ bdag

གིས་ཅིའི་ཕྱིར་རྩ་བ་སྤངས་ཏེ་ཡལ་ག་དང་། འདབ་མ་དང་། ལོ་མ་ལ་ཉུག་པར་བྱ། རྒོལ་བ་གང་དག་དང་། མཁས་པར་བགྲང་བ་གང་ཇི་སྙེད་པ་དེ་དག་ཐམས་ཅད་ཀྱང་རྒྱལ་པོ་དང་ཉེ་བ་ཡིན་གྱིས། བདག་ཀྱང་རྒྱལ་པོའི་གན་དུ་འགྲོའོ་སྙམ་ནས་བྲམ་ཟེ་དེ་རྒྱལ་པོ་གཟུགས་
gis ci'i phyir rtsa ba spangs te yal ga dang / 'dab ma dang / lo ma la nyug par bya/ rgol ba gang dag dang / mkhas par bgrang ba gang ji snyed pa de dag thams cad kyang rgyal po dang nye ba yin gyis/ bdag kyang rgyal po'i gan du 'gro'o snyam nas bram ze de rgyal po gzugs

ཅན་སྙིང་པོ་ག་ལ་བ་དེར་སོང་སྟེ་ཕྱིན་ནས་རྒྱལ་པོ་གཟུགས་ཅན་སྙིང་པོ་ལ་རྒྱལ་བ་དང་ཚེ་སྤེལ་བ་བྱས་ཏེ་ཕྱོགས་གཅིག་ཏུ་འདུག་གོ། ། ཕྱོགས་གཅིག་ཏུ་འདུག་ནས་རྒྱལ་པོ་གཟུགས་ཅན་སྙིང་པོ་ལ་འདི་སྐད་ཅེས་སྨྲས་སོ།། ལྷ་བདག་ལ་བླ་མ་ལས་ཡི་གེ་ཉུང་ཤས་ཤིག
can snying po ga la ba der song ste phyin nas rgyal po gzugs can snying po la rgyal ba dang tshe spel ba byas te phyogs gcig tu 'dug go/ / phyogs gcig tu 'dug nas rgyal po gzugs can snying po la 'di skad ces smras so// lha bdag la bla ma las yi ge nyung shas shig

བླངས་པ་མཆིས་ཏེ། དེའི་སླད་དུ་ལྷའི་སྤྱན་སྔར་རྒོལ་བ་དག་དང་ལྷན་ཅིག་བཀའ་མཆིད་རྣམ་པར་གཏན་ལ་དབབ་པར་འཚལ་ལོ།། རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་ངའི་ཡུལ་ན་བྲམ་ཟེ་འདི་དང་ལྷན་ཅིག་གཏམ་རྣམ་པར་གཏན་ལ་འབེབས་པར་བྱེད་པའི་
blangs pa mchis te/ de'i slad du lha'i spyan sngar rgol ba dag dang lhan cig bka' mchid rnam par gtan la dbab par 'tshal lo// rgyal pos blon po rnams la smras pa/ shes ldan dag nga'i yul na bram ze 'di dang lhan cig gtam rnam par gtan la 'bebs par byed pa'i

རྒོལ་བ་འགའ་ཡོད་དམ། བློན་པོ་རྣམས་ཀྱིས་སྨྲས་པ། ལྷ་གྲོང་ན་ལ་ད་ན་བྲམ་ཟེ་གནས་ལེན་གྱི་བུ་ཞེས་བགྱི་བ་རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་ཏུ་མཆིས་པ་ཞུགས་ལྟ་བུའི་ཤེས་པས་རང་གི་སྨྲ་བ་གསལ་བར་བགྱིད། གཞན་གྱི་སྨྲ་བ་ཚར་གཅོད་པར་རྔོ་ཐོག་པ་
rgol ba 'ga' yod dam/ blon po rnams kyis smras pa/ lha grong na la da na bram ze gnas len gyi bu zhes bgyi ba rig byed dang rig byed kyi yan lag gi pha rol tu mchis pa zhugs lta bu'i shes pas rang gi smra ba gsal bar bgyid/ gzhan gyi smra ba tshar gcod par rngo thog pa

ཞིག་མཆིས་ཏེ། དེས་བསྟན་བཅོས་གནས་ལེན་གྱི་བུ་ཞེས་བགྱི་བ་ཉེ་བར་སྦྱར་ཏོ།། མཁན་པོ་གནས་ལེན་གྱི་བུ་དེ་བོས་ཤིག། ལྷ་བོད་པར་བགྱིའོ་ཞེས་དེ་དག་གིས་དེ་བོས་ནས་དེ་རྒྱལ་པོ་གཟུགས་ཅན་སྙིང་པོ་ག་ལ་བ་དེར་སོང་སྟེ་ཕྱིན་ནས་རྒྱལ་པོ་གཟུགས་ཅན་སྙིང་པོ་ལ་རྒྱལ་བ་དང་
zhig mchis te/ des bstan bcos gnas len gyi bu zhes bgyi ba nye bar sbyar to// mkhan po gnas len gyi bu de bos shig/ lha bod par bgyi'o zhes de dag gis de bos nas de rgyal po gzugs can snying po ga la ba der song ste phyin nas rgyal po gzugs can snying po la rgyal ba dang