བོ་ནི་ལྷོ་ཕྱོགས་ནས་སོ། ། ཡང་གཞན་ཞིག་གིས་སྨྲས་པ། ཁོ་བོ་ནི་ནུབ་ཕྱོགས་ནས་སོ།། ཡང་གཞན་ཞིག་གིས་སྨྲས་པ། ཁོ་བོ་ནི་བྱང་ཕྱོགས་ནས་སོ།། བྲམ་ཟེའི་ཁྱེའུ་དེས་སྨྲས་པ། ཁོ་བོ་ནི་ཡུལ་དབུས་ནས་སོ།། དེ་དག་གིས་སྨྲས་པ། ཤེས་ལྡན་དག་བདག
bo ni lho phyogs nas so/ / yang gzhan zhig gis smras pa/ kho bo ni nub phyogs nas so// yang gzhan zhig gis smras pa/ kho bo ni byang phyogs nas so// bram ze'i khye'u des smras pa/ kho bo ni yul dbus nas so// de dag gis smras pa/ shes ldan dag bdag

ཅག་གིས་ཡུལ་ཐམས་ཅད་མཐོང་ཞིང་ཐོས་ན་ཡུལ་དབུས་ནི་མ་མཐོང་མ་ཐོས་སོ། ། ཤར་ན་བློ་ཅན་གནས་པ་སྟེ།། ལྷོ་ཕྱོགས་ན་ནི་གཡོན་བྱེད་འདུག། ནུབ་ཀྱི་ཡུལ་ན་ཕྲ་མ་ཅན།། བྱང་ཕྱོགས་ན་ནི་ཚིག་རྩུབ་བོ།། ཞེས་ཚིགས་སུ་བཅད་པ་ཡང་སྨྲས་སོ།། དེ་ནས
cag gis yul thams cad mthong zhing thos na yul dbus ni ma mthong ma thos so/ / shar na blo can gnas pa ste// lho phyogs na ni g.yon byed 'dug/ nub kyi yul na phra ma can// byang phyogs na ni tshig rtsub bo// zhes tshigs su bcad pa yang smras so// de nas

དྲིས་པ། བྲམ་ཟེའི་ཁྱེའུ་ཡུལ་དབུས་ཅི་འདྲ། ཤེས་ལྡན་དག་ཡུལ་དབུས་ནི་ཡུལ་རྣམས་ཀྱི་མཆོག་ཡིན་ཏེ། སཱ་ལུ་དང་། བུ་རམ་ཤིང་གི་ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ། སློང་མོ་པ་བརྒྱས་ཁྱབ་པ། དབུས་པའི་སྐྱེ་བོས་གང་བ། མཐའ་
dris pa/ bram ze'i khye'u yul dbus ci 'dra/ shes ldan dag yul dbus ni yul rnams kyi mchog yin te/ sA lu dang / bu ram shing gi phreng ba dang / ba lang dang / ma he phun sum tshogs pa/ slong mo pa brgyas khyab pa/ dbus pa'i skye bos gang ba/ mtha'

འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པ། དེ་ན་ཆུ་ཀླུང་གང་གཱ་ཁ་རྗེ་དང་། བསོད་ནམས་དང་། བཀྲ་ཤིས་དང་། གཙང་བ་དང་། གཙང་བ་ཉིད་ཀྱི་གནས་སུ་གྲགས་པ། འགྲམ་གཉིས་ནས་རླན་འཕྱོ་བ། དྲང་སྲོང་རྣམས་ཀྱི་བསྟི་གནས་ཞེས་བྱ་བ་
'khob pa'i skye bos spangs pa/ skye bo mkhas pas bsten pa/ de na chu klung gang gA kha rje dang / bsod nams dang / bkra shis dang / gtsang ba dang / gtsang ba nyid kyi gnas su grags pa/ 'gram gnyis nas rlan 'phyo ba/ drang srong rnams kyi bsti gnas zhes bya ba

ཆུ་དགུར་བརྒྱད་འབབ་པ་ཡོད་དེ། དེར་དྲང་སྲོང་རྣམས་ཀྱིས་དཀའ་ཐུབ་སྤྱད་ན་རང་གི་ལུས་ཉིད་ཀྱིས་མཐོ་རིས་སུ་འདོང་བ་ཡིན་ནོ།། ཀྱེ་བྲམ་ཟེའི་ཁྱེའུ་དེ་ནི་མཇལ་གྱིས་གཞན་འདི་འདྲིའོ།། ཡུལ་དབུས་ན་མཁས་པར་བགྲང་བ་དག་ཡོད་དམ། ཤེས་ལྡན་དག་ཁོ་བོས་དང་
chu dgur brgyad 'bab pa yod de/ der drang srong rnams kyis dka' thub spyad na rang gi lus nyid kyis mtho ris su 'dong ba yin no// kye bram ze'i khye'u de ni mjal gyis gzhan 'di 'dri'o// yul dbus na mkhas par bgrang ba dag yod dam/ shes ldan dag kho bos dang

པོ་ཉིད་ནས་ཤེས་ལྡན་དག་ཡུལ་དབུས་ནི་དབུས་པའི་སྐྱེ་བོས་གང་བ། མཐའ་འཁོབ་པའི་སྐྱེ་བོས་སྤངས་པ། སྐྱེ་བོ་མཁས་པས་བསྟེན་པའོ་ཞེས་མ་སྨྲས་སམ། བྲམ་ཟེའི་ཁྱེའུ་ཁྱོད་ཀྱིས་དེ་སྐད་སྨྲས་སོ།། བྲམ་ཟེའི་ཁྱེའུ་ཡུལ་དབུས་ན་འདི་ལྟ་སྟེ་དཔེར་ན་བདག་ཅག་གི་མཁན་པོ་
po nyid nas shes ldan dag yul dbus ni dbus pa'i skye bos gang ba/ mtha' 'khob pa'i skye bos spangs pa/ skye bo mkhas pas bsten pa'o zhes ma smras sam/ bram ze'i khye'u khyod kyis de skad smras so// bram ze'i khye'u yul dbus na 'di lta ste dper na bdag cag gi mkhan po

དང་འདྲ་བ་སྨྲ་བའི་ཁྱུ་མཆོག་དེ་ལྟ་བུ་དག་ཡོད་དམ། ཤེས་ལྡན་དག་ཡུལ་དབུས་ན་བདག་ཅག་གི་མཁན་པོས་གང་དག་གི་གདོང་དུ་ལྟ་བར་ཡང་མི་ནུས་པ། སྙན་པར་སྨྲ་བ། སྨྲ་བའི་ཁྱུ་མཆོག་དེ་ལྟ་བུ་དག་ཡོད་དོ།། བྲམ་ཟེའི་ཁྱེའུ་དེས་དེ་དག་ལ་དེ་ལྟ་དེ་ལྟར་ཡུལ་དབུས་ཀྱི་
dang 'dra ba smra ba'i khyu mchog de lta bu dag yod dam/ shes ldan dag yul dbus na bdag cag gi mkhan pos gang dag gi gdong du lta bar yang mi nus pa/ snyan par smra ba/ smra ba'i khyu mchog de lta bu dag yod do// bram ze'i khye'u des de dag la de lta de ltar yul dbus kyi