བ་དང་། ཕྱི་དགྲ་དང་། ནང་འཁྲུག་རབ་ཏུ་ཞི་བ། ཆོམ་རྐུན་དང་། མུ་གེ་དང་། ནད་དང་བྲལ་བ། སཱ་ལུ་དང་། བུ་རམ་ཤིང་གི་ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ་བྱེད་དུ་བཅུག་སྟེ། ཆོས་དང་ལྡན་པ་ཆོས་ཀྱི་རྒྱལ་པོས་ཆོས་ཀྱི་རྒྱལ་སྲིད་
ba dang / phyi dgra dang / nang 'khrug rab tu zhi ba/ chom rkun dang / mu ge dang / nad dang bral ba/ sA lu dang / bu ram shing gi phreng ba dang / ba lang dang / ma he phun sum tshogs pa byed du bcug ste/ chos dang ldan pa chos kyi rgyal pos chos kyi rgyal srid

བྱེད་དུ་བཅུག་གོ། ། དེ་ནས་བྲམ་ཟེའི་ཁྱེའུ་གསང་ཚིག་འདོད་པ་གསང་ཚིག་ཚོལ་བ་ཞིག་ཡུལ་དབུས་ནས་ལྷོ་ཕྱོགས་སུ་སོང་ངོ་།། དེ་ན་བྲམ་ཟེ་རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་དུ་སོན་པ་ཡུལ་ཐ་དད་པ་ན་གནས་པའི་བྲམ་ཟེ་རྣམས་ཀྱི་སྟོན་པར་གྱུར་པ་ཞིག་འདུག
byed du bcug go/ / de nas bram ze'i khye'u gsang tshig 'dod pa gsang tshig tshol ba zhig yul dbus nas lho phyogs su song ngo // de na bram ze rig byed dang rig byed kyi yan lag gi pha rol du son pa yul tha dad pa na gnas pa'i bram ze rnams kyi ston par gyur pa zhig 'dug

ནས། བྲམ་ཟེའི་ཁྱེའུ་དེ་བྲམ་ཟེ་དེའི་དྲུང་དུ་སོང་སྟེ་ཕྱིན་ནས་ཞི་བ་དང་སྤྱོད་ལམ་ཞི་བས་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ།། དེ་ནས་བྲམ་ཟེ་དེས་བྲམ་ཟེའི་ཁྱེའུ་དེ་ལ་འོངས་པ་ལེགས་སོ་ཞེས་བྱ་བའི་ཚིག་གིས་ཀུན་དུ་སྤྱད་ནས་སྨྲས་པ། ཀྱེ་བྲམ་ཟེའི་ཁྱེའུ་ཁྱོད་
nas/ bram ze'i khye'u de bram ze de'i drung du song ste phyin nas zhi ba dang spyod lam zhi bas mgo bos phyag 'tshal te phyogs gcig tu 'dug go// de nas bram ze des bram ze'i khye'u de la 'ongs pa legs so zhes bya ba'i tshig gis kun du spyad nas smras pa/ kye bram ze'i khye'u khyod

ག་ལས་འོངས་ཅི་ཞིག་འདོད། བྲམ་ཟེའི་ཁྱེའུས་སྨྲས་པ། བདག་ཡུལ་དབུས་ནས་མཆིས་ཏེ། མཁན་པོའི་ཞབས་ལ་སྲི་ཞུ་བགྱིད་པར་འཚལ་ལོ།། ཅི་ཞིག་གི་ཕྱིར། རིག་བྱེད་བཀླག་པའི་སླད་དུའོ།། བུ་ལེགས་ཀྱིས་དེ་བཞིན་དུ་གྱིས་ཤིག། དེ་ནི་བྲམ་ཟེས་བྱ་བ་
ga las 'ongs ci zhig 'dod/ bram ze'i khye'us smras pa/ bdag yul dbus nas mchis te/ mkhan po'i zhabs la sri zhu bgyid par 'tshal lo// ci zhig gi phyir/ rig byed bklag pa'i slad du'o// bu legs kyis de bzhin du gyis shig/ de ni bram zes bya ba

ཡིན་ནོ། ། བྲམ་ཟེའི་ཁྱེའུ་དེས་བྲམ་ཟེ་དེའི་དྲུང་དུ་རིག་བྱེད་བཀླག་པར་བྱ་བར་བརྩམས་སོ།། བྲམ་ཟེའི་ཁྱེའུ་རྣམས་ཀྱི་ཀུན་དུ་སྤྱོད་པ་ནི་འདི་ཡིན་ཏེ། གང་གི་ཚེ་མི་ཀློག་པར་གྱུར་པ་དེའི་ཚེ་ན་ལན་འགའ་ནི་ཆུ་ངོགས་སུ་ཉེ་རེག་བྱེད་དུ་འདོང་ངོ་།། ལན་འགའ་ནི་གྲོང་ཁྱེར་ལྟར
yin no/ / bram ze'i khye'u des bram ze de'i drung du rig byed bklag par bya bar brtsams so// bram ze'i khye'u rnams kyi kun du spyod pa ni 'di yin te/ gang gi tshe mi klog par gyur pa de'i tshe na lan 'ga' ni chu ngogs su nye reg byed du 'dong ngo // lan 'ga' ni grong khyer ltar

འདོང་ངོ་། ། ལན་འགའ་ནི་ཡམ་སྲེག་ཤིང་ཐུར་འདོང་ངོ་།། ཇི་ཙམ་དུས་གཞན་ཞིག་ན་དེ་དག་མི་ཀློག་པར་གྱུར་ནས་དེའི་ཚེ་དེ་དག་ཡམ་སྲེག་ཤིང་ཐུར་དོང་བ་དང་། དེ་དག་ལ་ལམ་གྱི་བར་དུ་བར་སྐབས་ཀྱི་གཏམ་བརྗོད་པ་འདི་ལྟ་བུ་འདི་བྱུང་སྟེ། ཀྱེ་ཀུད་སའི་བུ་དག། བད
'dong ngo / / lan 'ga' ni yam sreg shing thur 'dong ngo // ji tsam dus gzhan zhig na de dag mi klog par gyur nas de'i tshe de dag yam sreg shing thur dong ba dang / de dag la lam gyi bar du bar skabs kyi gtam brjod pa 'di lta bu 'di byung ste/ kye kud sa'i bu dag/ bad

སའི་བུ་དག། ཤན་དི་ལིའི་བུ་དག། བ་ར་དྭ་ཛའི་བུ་དག། ལྔ་པའི་བུ་དག། ཉེ་ལྔའི་བུ་དག། ཇེ་ཁྱེད་ཅག་ལས་གང་ནི་ཡུལ་ག་ལས་འོངས་པ་དྲི་བར་བྱའོ།། དེ་ན་བྲམ་ཟེའི་ཁྱེའུ་གཅིག་གིས་སྨྲས་པ། ཁོ་བོ་ནི་ཡུལ་ཤར་ནས་སོ།། གཞན་ཞིག་གིས་སྨྲས་པ། ཁོ་
sa'i bu dag/ shan di li'i bu dag/ ba ra dwa dza'i bu dag/ lnga pa'i bu dag/ nye lnga'i bu dag/ je khyed cag las gang ni yul ga las 'ongs pa dri bar bya'o// de na bram ze'i khye'u gcig gis smras pa/ kho bo ni yul shar nas so// gzhan zhig gis smras pa/ kho