ཀྱིས་ཀུན་ནས་ཡོངས་སུ་བསྲུང་བར་བྱའོ། ། དེ་དག་གིས་སྨྲས་པ། ལྷའི་གནས་སྐབས་གང་ལགས་པ་དེ་བདག་ཅག་གི་ཡང་ལགས་ལ། ལྷའི་ཞབས་གང་ན་བ་དེ་ན་བདག་ཅག་གི་མགོ་མཆིས་སོ།། དེ་ནས་དེས་དཔུང་གི་ཚོགས་ཡན་ལག་བཞི་པ
kyis kun nas yongs su bsrung bar bya'o/ / de dag gis smras pa/ lha'i gnas skabs gang lags pa de bdag cag gi yang lags la/ lha'i zhabs gang na ba de na bdag cag gi mgo mchis so// de nas des dpung gi tshogs yan lag bzhi pa

གོ་བསྐོན་ཏེ། རྒྱལ་པོའི་ཁབ་ནས་བྱུང་ངོ་།། རྒྱལ་པོ་པད་མ་ཆེན་པོ་སྟེང་གི་ཁང་གཞིར་གཏོགས་པ་ན་བློན་པོའི་ཚོགས་ཀྱིས་བསྐོར་ཅིང་འདུག་པ་དེས་དེ་བྱུང་བ་མཐོང་ནས་དེས་བློན་པོ་རྣམས་ལ་སྨྲས་པ། ཤེས་ལྡན་དག་དམག་འདི་སུའི་ཡིན། དེ་དག་གིས་སྨྲས་པ།
go bskon te/ rgyal po'i khab nas byung ngo // rgyal po pad ma chen po steng gi khang gzhir gtogs pa na blon po'i tshogs kyis bskor cing 'dug pa des de byung ba mthong nas des blon po rnams la smras pa/ shes ldan dag dmag 'di su'i yin/ de dag gis smras pa/

ལྷ་གཞོན་ནུ་གཟུགས་ཅན་སྙིང་པོའི་ལགས་སོ།། དེས་སྨྲས་པ། ཤེས་ལྡན་དག་ཨེ་མ་འདི་དམག་མང་པོ་དང་ལྡན་ནོ་ཞེས་སྨྲས་པས། དེའི་མིང་དམག་ལྡན་གཟུགས་ཅན་སྙིང་པོ། དམག་ལྡན་གཟུགས་ཅན་སྙིང་པོ་ཞེས་བྱ་བར་གྱུར་ཏོ།། དེ་ན་ཁ་ཅིག་གིས་ནི་བཟོ
lha gzhon nu gzugs can snying po'i lags so// des smras pa/ shes ldan dag e ma 'di dmag mang po dang ldan no zhes smras pas/ de'i ming dmag ldan gzugs can snying po/ dmag ldan gzugs can snying po zhes bya bar gyur to// de na kha cig gis ni bzo

སྦྱངས་གཟུགས་ཅན་སྙིང་པོ་ཞེས་བྱ་བར་ཤེས་སོ། ། ཁ་ཅིག་གིས་ནི་དམག་ལྡན་གཟུགས་ཅན་སྙིང་པོ་ཞེས་བྱ་བར་ཤེས་སོ།། གཞོན་ནུ་གཟུགས་ཅན་སྙིང་པོས་བློན་པོའི་བུ་ལྔ་བརྒྱ་པོ་དག་ལ་སྨྲས་པ། ཤེས་ལྡན་དག་ཨང་གའི་རྒྱལ་པོ་འདི་ནི་གདུག་པ་ཕ་རོལ་གནོན
sbyangs gzugs can snying po zhes bya bar shes so/ / kha cig gis ni dmag ldan gzugs can snying po zhes bya bar shes so// gzhon nu gzugs can snying pos blon po'i bu lnga brgya po dag la smras pa/ shes ldan dag ang ga'i rgyal po 'di ni gdug pa pha rol gnon

པ་དཔུང་དང་མཐུ་ཆེ་བར་གྱུར་པ་ཡིན་པས་ཡུ་བུ་ཅག་གིས་འདི་དང་ལྷན་ཅིག་གཡུལ་སྤྲད་པར་ནི་མི་ནུས་ཀྱིས། འདི་ལྟར་དེ་བག་ཡངས་སུ་གོ་ཕུད་པའི་ཕྲུ་མ་བརྫི་ཞིང་བཞབས་ཏེ་གསད་པར་བྱའོ།། དེ་དག་གིས་དེ་བག་ཡངས་སུ་གོ་ཕུད་པའི་ཕྲུ་མ་བརྫིས་ནས་དེ་དག་གིས་ཨང་
pa dpung dang mthu che bar gyur pa yin pas yu bu cag gis 'di dang lhan cig g.yul sprad par ni mi nus kyis/ 'di ltar de bag yangs su go phud pa'i phru ma brdzi zhing bzhabs te gsad par bya'o// de dag gis de bag yangs su go phud pa'i phru ma brdzis nas de dag gis ang

གའི་རྒྱལ་པོ་བཞབས་ཏེ་བསད་དོ། ། ཨང་གའི་རྒྱལ་པོའི་དཔུང་གི་ཚོགས་ཡན་ལག་བཞི་པ་ཕྱོགས་བཞིར་བྱེར་བ་དང་། གཞོན་ནུ་གཟུགས་ཅན་སྙིང་པོས་ཕྱོགས་བཞིར་ཕོ་ཉ་རྟ་པ་དག་བཀྱེ་སྟེ། ཤེས་ལྡན་དག་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར
ga'i rgyal po bzhabs te bsad do/ / ang ga'i rgyal po'i dpung gi tshogs yan lag bzhi pa phyogs bzhir byer ba dang / gzhon nu gzugs can snying pos phyogs bzhir pho nya rta pa dag bkye ste/ shes ldan dag de yang rgyal po rgyal rigs spyi bor dbang bskur

བ་ཡིན་ལ། ངེད་ཀྱང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་གྱིས་ཕྱིར་ལོག་ཤིག་དང་། ཤེས་ལྡན་དག་ངས་ཤེས་ལྡན་དག་ལ་འཚོ་བའི་རྒྱུ་སྦྱིན་པར་བྱའོ་ཞེས་སྤྲིང་བ་དང་དེ་དག་ཕྱིར་ལོག་གོ།། དེ་ནས་ཨང་གའི་རྒྱལ་པོས་གྲོང་ཁྱེར་ཙམ་པ་བསྲུང་བ་བཞག་པ་དེས་
ba yin la/ nged kyang rgyal po rgyal rigs spyi bor dbang bskur ba yin gyis phyir log shig dang / shes ldan dag ngas shes ldan dag la 'tsho ba'i rgyu sbyin par bya'o zhes spring ba dang de dag phyir log go// de nas ang ga'i rgyal pos grong khyer tsam pa bsrung ba bzhag pa des