རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ལགས་ན། ཅིའི་སླད་དུ་སྐོལ་དེ་ལ་ལོ་ཐང་དང་དཔྱ་འབུལ། ལྷས་བདག་ལ་དཔུང་གི་ཚོགས་ཡན་ལག་བཞི་པ་སྩལ་བ་འབའ་ཞིག་མཛོད་ཅིག་དང་། བདག་གིས་ཨང་གའི་རྒྱལ་པོ་དང་ལྷན་ཅིག་གཡུལ་ངོར་གཡུལ་སྤྲད་པར་
rgyal po rgyal rigs spyi bor dbang bskur ba lags na/ ci'i slad du skol de la lo thang dang dpya 'bul/ lhas bdag la dpung gi tshogs yan lag bzhi pa stsal ba 'ba' zhig mdzod cig dang / bdag gis ang ga'i rgyal po dang lhan cig g.yul ngor g.yul sprad par

བགྱིའོ། ། དེ་ནས་རྒྱལ་པོ་པད་མ་ཆེན་པོས་ཨང་གའི་རྒྱལ་པོ་ལ་ཁྱོད་ཀྱི་མཐུ་དང་། དཔུང་དང་། བརྩོན་འགྲུས་དང་། ཕ་རོལ་གནོན་པ་གང་དག་ཡིན་པ་དེ་དག་ཐམས་ཅད་མ་ཉམས་པར་གྱིས་ཤིག་ཅེས་ཕྲིན་ཡིག་སྤྲིང་ངོ་།། ཨང་གའི་རྒྱལ་པོས་ཐོས་ནས་མི་བཟོད
bgyi'o/ / de nas rgyal po pad ma chen pos ang ga'i rgyal po la khyod kyi mthu dang / dpung dang / brtson 'grus dang / pha rol gnon pa gang dag yin pa de dag thams cad ma nyams par gyis shig ces phrin yig spring ngo // ang ga'i rgyal pos thos nas mi bzod

པ་སྐྱེས་ཏེ་བློན་པོ་རྣམས་ལ་སྨྲས་པ། ཤེས་ལྡན་དག་དེའི་ཡུལ་འཁོར་གཞོམ་པར་བྱས། དཔུང་གི་ཚོགས་ཡན་ལག་བཞི་པ་གོ་སྐོན་ཅིག། དེས་དཔུང་གི་ཚོགས་ཡན་ལག་བཞི་པ་གླང་པོ་ཆེ་པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་
pa skyes te blon po rnams la smras pa/ shes ldan dag de'i yul 'khor gzhom par byas/ dpung gi tshogs yan lag bzhi pa go skon cig/ des dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi

ཚོགས་གོ་བསྐོན་ཏེ་ཡུལ་མ་ག་དྷཱ་གཞོམ་པར་བརྩམས་པ་དང་། མ་ག་དྷཱ་ན་གནས་པའི་སྐྱེ་བོའི་ཚོགས་ཀྱིས་རྒྱལ་པོ་པད་མ་ཆེན་པོ་ལ་ལྷ་ཨང་གའི་རྒྱལ་པོ་འདི་དཔུང་གི་ཚོགས་ཡན་ལག་བཞི་པ་གླང་པོ་ཆེ་པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་།
tshogs go bskon te yul ma ga d+hA gzhom par brtsams pa dang / ma ga d+hA na gnas pa'i skye bo'i tshogs kyis rgyal po pad ma chen po la lha ang ga'i rgyal po 'di dpung gi tshogs yan lag bzhi pa glang po che pa'i tshogs dang / rta pa'i tshogs dang / shing rta pa'i tshogs dang /

དཔུང་བུ་ཆུང་གི་ཚོགས་གོ་བསྐོན་ཏེ་ཡུལ་མ་ག་དྷཱ་འཇོམས་པར་བགྱིད་དོ་ཞེས་སྦྲོན་པ་དག་བཏང་ངོ་།། རྒྱལ་པོ་པད་མ་ཆེན་པོས་ཐོས་ནས་དེ་མི་བདེ་བར་གྱུར་ཏེ་ལག་པ་འགྲམ་པ་ལ་གཏད་ནས། སེམས་ཁོང་དུ་ཆུད་ཅིང་འདུག་འདུག་ནས། དེས་གཞོན་ནུ་གཟུགས་ཅན་སྙིང་པོ་བོས
dpung bu chung gi tshogs go bskon te yul ma ga d+hA 'joms par bgyid do zhes sbron pa dag btang ngo // rgyal po pad ma chen pos thos nas de mi bde bar gyur te lag pa 'gram pa la gtad nas/ sems khong du chud cing 'dug 'dug nas/ des gzhon nu gzugs can snying po bos

ཏེ། དེ་ལ་དཔུང་གི་ཚོགས་ཡན་ལག་བཞི་པ་བྱིན་ནོ།། གཞོན་ནུ་གཟུགས་ཅན་སྙིང་པོས་བློན་པོའི་བུ་ལྔ་བརྒྱ་བསྡུས་ཏེ་སྨྲས་པ། ཤེས་ལྡན་དག་ང་ནི་ཨང་གའི་རྒྱལ་པོ་དང་ལྷན་ཅིག་གཡུལ་ངོར་གཡུལ་སྤྲོད་པར་བྱེད་ན་ཤེས་ལྡན་དག་ཅི་བྱེད། དེ་དག་གིས་སྨྲས་པ།
te/ de la dpung gi tshogs yan lag bzhi pa byin no// gzhon nu gzugs can snying pos blon po'i bu lnga brgya bsdus te smras pa/ shes ldan dag nga ni ang ga'i rgyal po dang lhan cig g.yul ngor g.yul sprod par byed na shes ldan dag ci byed/ de dag gis smras pa/

གཞོན་ནུ་ཁྱོད་ཀྱི་གནས་སྐབས་གང་ལགས་པ་དེ་བདག་ཅག་གི་ཡང་ལགས་སོ།། དེས་ཚིགས་སུ་བཅད་པ་སྨྲས་པ། མི་གང་ལ་ནི་ཁྱིམ་དཔལ་གནས།། དེ་ནི་ཀུན་གྱིས་ཡོངས་བསྲུང་བྱ།། དེ་ཉམས་ན་ནི་ཀུན་ཉམས་ཏེ།། ལྟེ་བ་ཆག་པས་རྩིབས་རྣམས་བཞིན།། ད་ཁྱེད
gzhon nu khyod kyi gnas skabs gang lags pa de bdag cag gi yang lags so// des tshigs su bcad pa smras pa/ mi gang la ni khyim dpal gnas// de ni kun gyis yongs bsrung bya// de nyams na ni kun nyams te// lte ba chag pas rtsibs rnams bzhin// da khyed