དང་། གཅད་པ་དང་། དྲལ་བ་དང་། དབུག་པ་དང་། གནས་ལྔ་པོ་འདི་ལྟ་སྟེ། རྒྱང་ནས་འཕོག་པ་དང་། སྒྲ་གྲགས་པར་འཕོག་པ་དང་། གནད་དུ་འཕོག་པ་དང་། མི་འཆོར་བར་འཕོག་པ་དང་། ཚབས་ཆེ་བ་དེ་དག་ལ་ཡང་ཞུགས་ཤིང་བྱང་བར་གྱུར་ཏོ།། བློན་
dang / gcad pa dang / dral ba dang / dbug pa dang / gnas lnga po 'di lta ste/ rgyang nas 'phog pa dang / sgra grags par 'phog pa dang / gnad du 'phog pa dang / mi 'chor bar 'phog pa dang / tshabs che ba de dag la yang zhugs shing byang bar gyur to// blon

པོའི་བུ་ལྔ་བརྒྱ་པོ་དེ་དག་ཀྱང་བཟོའི་གནས་དང་། ལས་ཀྱི་གནས་དག་ལ་བྱང་བར་གྱུར་ཏོ།། དེ་ཕས་བཟོ་སྦྱང་བ་བརྒྱད་པོ་དག་ལ་བཅུག་ནས་དེའི་མིང་བཟོ་སྦྱངས་གཟུགས་ཅན་སྙིང་པོ།། བཟོ་སྦྱངས་གཟུགས་ཅན་སྙིང་པོ་ཞེས་བྱ་བར་གྱུར་ཏོ།། དེ་ནས་དུས་གཞན་
po'i bu lnga brgya po de dag kyang bzo'i gnas dang / las kyi gnas dag la byang bar gyur to// de phas bzo sbyang ba brgyad po dag la bcug nas de'i ming bzo sbyangs gzugs can snying po// bzo sbyangs gzugs can snying po zhes bya bar gyur to// de nas dus gzhan

ཞིག་ན་གཞོན་ནུ་གཟུགས་ཅན་སྙིང་པོ་གླང་པོ་ཆེ་ལ་ཞོན་ཏེ་ལྗོངས་སུ་བྱུང་བ་དང་། དེས་ཨང་གའི་རྒྱལ་པོའི་ཞོ་ཤས་འཚོ་བ་དག་ལོ་ཐང་དང་དཔྱ་སྡུད་པ་མཐོང་ནས། དེས་སྨྲས་པ། ཤེས་ལྡན་དག་ལོ་ཐང་དང་དཔྱ་སྡུད་པ་འདི་དག་སུའི་ཡིན། དེ་དག་གིས་སྨྲས་པ། ལྷ་
zhig na gzhon nu gzugs can snying po glang po che la zhon te ljongs su byung ba dang / des ang ga'i rgyal po'i zho shas 'tsho ba dag lo thang dang dpya sdud pa mthong nas/ des smras pa/ shes ldan dag lo thang dang dpya sdud pa 'di dag su'i yin/ de dag gis smras pa/ lha

ཨང་གའི་རྒྱལ་པོའི་ལགས་སོ། ། དེས་སྨྲས་པ། ཅི་ཡུ་བུ་ཅག་དེ་ལ་ལོ་ཐང་འབུལ་བ་ཡིན་ནམ། དེ་དག་གིས་སྨྲས་པ། ལྷ་ལོ་ཐང་འབུལ་བ་ལགས་སོ།། དེས་སྨྲས་པ། ཤེས་ལྡན་དག་ཞོ་ཤས་འཚོ་བ་དེ་དག་བོས་ཤིག། དེ་དག་གིས་བོས་པ་དང་། དེས་སྨྲས
ang ga'i rgyal po'i lags so/ / des smras pa/ ci yu bu cag de la lo thang 'bul ba yin nam/ de dag gis smras pa/ lha lo thang 'bul ba lags so// des smras pa/ shes ldan dag zho shas 'tsho ba de dag bos shig/ de dag gis bos pa dang / des smras

པ། ཤེས་ལྡན་དག་དེ་ཡང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ལ། ངེད་ཀྱང་རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་ཡིན་ན། ཅིའི་ཕྱིར་ཁྱེད་ཅག་ལོ་ཐང་དང་དཔྱ་སྡུད་པར་བྱེད། དེང་ལ་ཕྱིན་ཆད་ལོ་ཐང་དང་དཔྱ་མ་སྡུད་ཅིག། དེ་དག་གིས་བསམས་
pa/ shes ldan dag de yang rgyal po rgyal rigs spyi bor dbang bskur ba yin la/ nged kyang rgyal po rgyal rigs spyi bor dbang bskur ba yin na/ ci'i phyir khyed cag lo thang dang dpya sdud par byed/ deng la phyin chad lo thang dang dpya ma sdud cig/ de dag gis bsams

པ། གཞོན་ནུ་འདི་ནི་རྒྱུས་མི་ཤེས་པ་ཡིན་པས་བདག་ཅག་རྒྱལ་པོ་པད་མ་ཆེན་པོའི་གན་དུ་འདོང་ཞིང་སོང་ནས་བསྙད་པར་བྱའོ་སྙམ་ནས། དེ་དག་རྒྱལ་པོ་པད་མ་ཆེན་པོའི་གན་དུ་སོང་སྟེ་ཕྱིན་ནས་སྨྲས་པ། ལྷ་བདག་ཅག་ཨང་གའི་རྒྱལ་པོའི་ཞོ་ཤས་འཚོ་བ་ལོ་ཐང་དང་དཔྱ་
pa/ gzhon nu 'di ni rgyus mi shes pa yin pas bdag cag rgyal po pad ma chen po'i gan du 'dong zhing song nas bsnyad par bya'o snyam nas/ de dag rgyal po pad ma chen po'i gan du song ste phyin nas smras pa/ lha bdag cag ang ga'i rgyal po'i zho shas 'tsho ba lo thang dang dpya

སྡུད་པ་ན་གཞོན་ནུ་གཟུགས་ཅན་སྙིང་པོས་བཀག་ན། ཅི་བསྡུ་བར་འཚལ་ལམ། འོན་ཏེ་སླར་མཆི་བར་འཚལ། དེས་སྨྲས་པ། ཤེས་ལྡན་དག་གཞོན་ནུ་དེ་ནི་རྒྱུས་མི་ཤེས་པ་ཡིན་པས་ཁྱེད་ཅག་སྔོན་ཇི་ལྟར་ལོ་ཐང་དང་དཔྱ་སྡུད་པ་དེ་བཞིན་དུ་སྡུས་ཤིག། དེ་དག་གིས་
sdud pa na gzhon nu gzugs can snying pos bkag na/ ci bsdu bar 'tshal lam/ 'on te slar mchi bar 'tshal/ des smras pa/ shes ldan dag gzhon nu de ni rgyus mi shes pa yin pas khyed cag sngon ji ltar lo thang dang dpya sdud pa de bzhin du sdus shig/ de dag gis