ཁྱུད་མཐའ་ཡས་ཀྱི་བུ་བཙས་སོ། ། ཀཽ་ཤཱམ་བཱིར་ནི་རྒྱལ་པོ་དམག་བརྒྱ་པའི་བུ་བཙས་སོ།། བཅོམ་ལྡན་འདས་བྱང་ཆུབ་སེམས་དཔའ་བལྟམ་པ་ན་འཇིག་རྟེན་ཐམས་ཅད་སུམ་བཅུ་རྩ་གསུམ་པའི་ལྷ་རྣམས་ཀྱི་ཁ་དོག་གི་མཐུ་བས་ལྷག་པའི་སྣང་བ་རྒྱ་ཆེན་པོས་ཁྱབ་པར་གྱུར
khyud mtha' yas kyi bu btsas so/ / kau shAm bIr ni rgyal po dmag brgya pa'i bu btsas so// bcom ldan 'das byang chub sems dpa' bltam pa na 'jig rten thams cad sum bcu rtsa gsum pa'i lha rnams kyi kha dog gi mthu bas lhag pa'i snang ba rgya chen pos khyab par gyur

ཅིང་འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་གནག་མུན་པར་བྱེད་པས་གནག་པར་གྱུར་པ་གང་དག་ཡིན་པ་དེ་དག་ཀྱང་དེའི་ཚེ་ན་སྣང་བ་རྒྱ་ཆེན་པོས་ཁྱབ་པར་གྱུར་
cing 'jig rten gyi 'jig rten gyi bar gang na nyi ma dang zla ba 'di ltar rdzu 'phrul che ba/ 'di ltar mthu che ba 'di gnyis kyi 'od dag nyams su mi myong ba'i mun pa mun gnag mun par byed pas gnag par gyur pa gang dag yin pa de dag kyang de'i tshe na snang ba rgya chen pos khyab par gyur

ནས། སེམས་ཅན་གང་དག་དེར་སྐྱེས་པ་དག་གིས་རང་གི་ལག་པ་བརྐྱང་བ་ཡང་མི་མཐོང་བ་དེ་དག་གིས་ཀྱང་འོད་དེས་སེམས་ཅན་གཅིག་གིས་གཅིག་མཐོང་ནས་ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ།། ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་
nas/ sems can gang dag der skyes pa dag gis rang gi lag pa brkyang ba yang mi mthong ba de dag gis kyang 'od des sems can gcig gis gcig mthong nas shes ldan dag sems can gzhan yang 'dir skyes so// shes ldan dag sems can gzhan yang 'dir skyes so

ཞེས་ཤེས་པར་གྱུར་ཏོ། ། རྒྱལ་པོ་པད་མ་ཆེན་པོས་བསམས་པ། བདག་གི་བུ་བཙས་པ་ན་འཇིག་རྟེན་ཉི་མའི་གཟུགས་ཤར་བ་ལྟར་སྣང་ཞིང་འདི་བཙུན་མོ་གཟུགས་ཅན་གྱི་བུ་ཡིན་པས་གཞོན་ནུ་འདིའི་མིང་གཟུགས་ཅན་སྙིང་པོར་གདགས་སོ་སྙམ་ནས་བུ་དེའི་མིང་གཟུགས
zhes shes par gyur to/ / rgyal po pad ma chen pos bsams pa/ bdag gi bu btsas pa na 'jig rten nyi ma'i gzugs shar ba ltar snang zhing 'di btsun mo gzugs can gyi bu yin pas gzhon nu 'di'i ming gzugs can snying por gdags so snyam nas bu de'i ming gzugs

ཅན་སྙིང་པོ་ཞེས་བྱ་བར་བཏགས་སོ། ། རྒྱལ་པོ་རྩིབས་ཀྱིས་འཕུར་ཚངས་བྱིན་གྱིས་བསམས་པ། བདག་གི་བུ་བཙས་པ་ན་འཇིག་རྟེན་གསལ་བ་གསལ་བ་ལྟར་སྣང་བས་གཞོན་ནུ་འདིའི་མིང་གསལ་རྒྱལ་དུ་གདགས་སོ་སྙམ་ནས་བུ་དེའི་མིང་གསལ་རྒྱལ་ཞེས་བྱ་བར
can snying po zhes bya bar btags so/ / rgyal po rtsibs kyis 'phur tshangs byin gyis bsams pa/ bdag gi bu btsas pa na 'jig rten gsal ba gsal ba ltar snang bas gzhon nu 'di'i ming gsal rgyal du gdags so snyam nas bu de'i ming gsal rgyal zhes bya bar

བཏགས་སོ། ། རྒྱལ་པོ་དམག་བརྒྱ་པས་བསམས་པ། བདག་གི་བུ་བཙས་པ་ན་འཇིག་རྟེན་ཉི་མ་ཤར་བ་ལྟར་སྣང་བར་གྱུར་པས་གཞོན་ནུ་འདིའི་མིང་ཤར་བར་གདགས་སོ་སྙམ་ནས་བུ་དེའི་མིང་ཤར་བ་ཞེས་བྱ་བར་བཏགས་སོ།། རྒྱལ་པོ་མུ་ཁྱུད་མཐའ་ཡས་ཀྱིས
btags so/ / rgyal po dmag brgya pas bsams pa/ bdag gi bu btsas pa na 'jig rten nyi ma shar ba ltar snang bar gyur pas gzhon nu 'di'i ming shar bar gdags so snyam nas bu de'i ming shar ba zhes bya bar btags so// rgyal po mu khyud mtha' yas kyis

བསམས་པ། བདག་གི་བུ་བཙས་པ་ན་འཇིག་རྟེན་རབ་ཏུ་སྣང་བས་སྣང་བར་གྱུར་པས་གཞོན་ནུ་འདིའི་མིང་རབ་སྣང་ཞེས་བྱ་བར་གདགས་སོ་སྙམ་ནས་བུ་དེའི་མིང་རབ་སྣང་ཞེས་བྱ་བར་བཏགས་སོ།། རྒྱལ་པོ་རེ་རེས་བསམས་པ་ཡང་བདག་གི་བུ་འདིའི་མཐུ་ཡིན་ནོ།། བདག་
bsams pa/ bdag gi bu btsas pa na 'jig rten rab tu snang bas snang bar gyur pas gzhon nu 'di'i ming rab snang zhes bya bar gdags so snyam nas bu de'i ming rab snang zhes bya bar btags so// rgyal po re res bsams pa yang bdag gi bu 'di'i mthu yin no// bdag