རྩོད་པ་དང་། ། དགེ་འདུན་དབྱེན་རྣམས་བསྡུས་པ་ཡིན།། རབ་ཏུ་འབྱུང་བའི་གཞིའི་སྤྱི་སྡོམ་ལ། ཤཱ་རིའི་བུ་དང་མུ་སྟེགས་ཅན།། དགེ་ཚུལ་གཉིས་དང་བྱ་རོག་སྐྲོད།། དགྲ་བཅོམ་བསད་དང་ལག་རྡུམ་གྱི།། སྡེ་ཚན
rtsod pa dang / / dge 'dun dbyen rnams bsdus pa yin// rab tu 'byung ba'i gzhi'i spyi sdom la/ shA ri'i bu dang mu stegs can// dge tshul gnyis dang bya rog skrod// dgra bcom bsad dang lag rdum gyi// sde tshan

ཡང་དག་བསྡུས་པ་ཡིན། ། སྡོམ་ལ། ཤཱ་རིའི་བུ་དང་རབ་འབྱུང་དང་།། བསྙེན་པར་རྫོགས་པར་གནང་བ་དང་།། ཉེ་སྡེས་ཚོགས་ནི་བསྡུས་པ་དང་།། ལྔ་པའི་སྡེ་ཚན་བསྡུས་པ་ཡིན།། བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ན།
yang dag bsdus pa yin/ / sdom la/ shA ri'i bu dang rab 'byung dang // bsnyen par rdzogs par gnang ba dang // nye sdes tshogs ni bsdus pa dang // lnga pa'i sde tshan bsdus pa yin// byang chub sems dpa' dga' ldan gyi gnas na bzhugs pa na/

ཡུལ་ཨང་ག་དག་ན་ཨང་གའི་རྒྱལ་པོ་ཞེས་བྱ་བས་རྒྱལ་སྲིད་འབྱོར་པ། རྒྱས་པ་བདེ་བ་ལོ་ལེགས་པ་སྐྱེ་བོ་དང་མི་མང་པོས་གང་བ་བྱེད་དུ་བཅུག་གོ།། ཡུལ་མ་ག་དྷཱ་དག་ན་ཡང་རྒྱལ་པོ་པད་མ་ཆེན་པོ་ཞེས་བྱ་བས། རྒྱལ་སྲིད་འབྱོར་པ་རྒྱས་པ་བདེ་བ་ལོ
yul ang ga dag na ang ga'i rgyal po zhes bya bas rgyal srid 'byor pa/ rgyas pa bde ba lo legs pa skye bo dang mi mang pos gang ba byed du bcug go// yul ma ga d+hA dag na yang rgyal po pad ma chen po zhes bya bas/ rgyal srid 'byor pa rgyas pa bde ba lo

ལེགས་པ་སྐྱེ་བོ་དང་མི་མང་པོས་གང་བ་བྱེད་དུ་བཅུག་གོ། ། རེས་འགའ་ནི་ཨང་གའི་རྒྱལ་པོ་དཔུང་དང་མཐུ་ཆེ་བ་ཡིན་ལ། རེས་འགའ་ནི་རྒྱལ་པོ་པད་མ་ཆེན་པོ་དཔུང་དང་མཐུ་ཆེ་བ་ཡིན་ནོ།། གང་གི་ཚེ་ཨང་གའི་རྒྱལ་པོ་དཔུང་དང་མཐུ་ཆེ་བ་དེའི་ཚེ
legs pa skye bo dang mi mang pos gang ba byed du bcug go/ / res 'ga' ni ang ga'i rgyal po dpung dang mthu che ba yin la/ res 'ga' ni rgyal po pad ma chen po dpung dang mthu che ba yin no// gang gi tshe ang ga'i rgyal po dpung dang mthu che ba de'i tshe

ན། དེས་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ཏེ། ཡུལ་མ་ག་དྷཱ་རྒྱལ་པོའི་ཁབ་མ་གཏོགས་པ་བཅོམ་ནས་ཕྱིར་ལྡོག་པར་
na/ des dpung gi tshogs yan lag bzhi pa/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te/ yul ma ga d+hA rgyal po'i khab ma gtogs pa bcom nas phyir ldog par

བྱེད་དོ། ། གང་གི་ཚེ་རྒྱལ་པོ་པད་མ་ཆེན་པོ་དཔུང་དང་མཐུ་ཆེ་བ་དེའི་ཚེ་ན། དེས་ཀྱང་དཔུང་གི་ཚོགས་ཡན་ལག་བཞི་པ། གླང་པོ་ཆེ་པའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ཏེ།
byed do/ / gang gi tshe rgyal po pad ma chen po dpung dang mthu che ba de'i tshe na/ des kyang dpung gi tshogs yan lag bzhi pa/ glang po che pa'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon te/