| Wylie | e-texts produced with ocr Programm |
རྒྱ་གར་སྐད་དུ། ཨཱརྱ་ཨ་བ་ལོ་ཀོ་ཏེ་ཤྭ་ར་ཨི་ཀ་ད་ཤ་མུ་ཁ་ནཱ་མ་དྷཱ་ར་ཎི། བོད་སྐད་དུ། བཕགས་པ་སྤྱན་རས་གཟིགས་དབང་ཕྱུག་ཞལ་བཅུ་གཅིག་པ་ཞེས་བྱ་བའི་གཟུངས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་རིག་སྔགས་འཆང་དུ་མས་ཡོངས་སུ་བསྐོར་ཏེ། བཅོམ་ལྡན་འདས་ག་ལ་བ་དེར་སོང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འདུག་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་སྙིང་པོ་གདོང་བཅུ་གཅིག་པ་ཞེས་བགྱི་བ་འདི་ནི་སངས་རྒྱས་བྱེ་བ་ཕྲག་བཅུ་གཅིག་གིས་གསུངས་པ་ལགས་ཏེ། དེ་སེམས་ཅན་ཐམས་ཅད་ལ་སྨན་པ་དང་། བྲོ་ནད་། ཐམས་ཅད་རབ་ཏུ་ཞི་བར་བགྱི་བ་དང་། སྡིག་པ་དང་། བཀྲ་མི་ཤིས་པ་དང་། རྨི་ལམ་ངན་པ་ཐམས་ཅད་བཟློག་པར་བགྱི་བ་དང་། དུས་མ་ལགས་པར་འགུམ་པ་ཐམས་ཅད་བཟློག་པར་བགྱི་བ་དང་། མ་ཞུགས་པ་རྣམས་དང་བར་བགྱི་བ་དང་། བགེགས་དང་ལོག་འདྲེན་རྣམས་རབ་ཏུ་ཞི་བར་བགྱི་བའི་སླད་དུ་བཤད་པར་བགྱིའོ།། བཅོམ་ལྡན་འདས་སྙིང་པོ་འདིས་བསྲུང་བར་བགྱི་བ་དང་། ཡོངས་སུ་བསྒྲུབ་པ་དང་། ཡོངས་སུ་བཟུང་བར་བགྱིས་པ་དང་། ཞི་བ་དང་བདེ་ལེགས་སུ་འགྱུར་བར་བགྱིས་པ་དང་། ཆད་པ་སྤངས་པ་དང་། མཚོན་ཆ་སྤངས་པ་དང་། དུག་གཞིལ་བ་བགྱིས་པ་ལ། གང་ལ་ལ་ཞིག་འགལ་པར་བགྱིད་པ་དེ་མ་མཆིས་ཏེ། དེ་ནི་འཇིག་རྟེན་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དག་སྦྱོང་དང་བྲམ་ཟེར་བཅས་པ་ན་བདག་གིས་མ་མཐོང་སྟེ། སྔོན་གྱི་ལས་ཀྱི་རྣམ་པར་སྨིན་པ་ནི་མ་གཏོགས་ལགས་སོ། ། སྙིང་པོ་འདི་ནི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བསྟོད་ཅིང་དགོངས་པ་ལགས་སོ།། བཅོམ་ལྡན་འདས་བདག་གི་སྙིང་པོ་འདི་ནི་དེ་བཞིན་གཤེགས་པ་ཐམས་ཅད་ཀྱིས་རྗེས་སུ་ཐུགས་རངས་པར་མཛད་པ་ལགས་སོ། ། བཅོམ་ལྡན་འདས་བདག་གིས་དྲན་ལགས་ཏེ། བསྐལ་པ་གངྒཱའི་ཀླུང་གི་བྱེ་མ་སྙེད་ཀྱི་སྔ་རོལ་ན། དེ་བཞིན་གཤེགས་པ་པདྨ་བརྒྱའི་སྤྱན་གཙུག་གིས་ཆགས་པའི་དུས་འཇོམས་པའི་འོད་ཟེར་གྱི་རྒྱལ་པོ་ཞེས་བགྱི་བ་བྱུང་སྟེ། བདག་དྲང་སྲོང་དུ་གྱུར་པས་དེ་བཞིན་གཤེགས་པ་དེ་ལས་བདེ་མནོས་ལགས་ཏེ། ཐོས་མ་ཐག་ཏུ་ཕྱོགས་བཅུའི་དེ་བཞིན་གཤེགས་པ་ཐམས་ཅད་མངོན་དུ་གྱུར་ནས། མི་སྐྱེ་བོའི་ཆོས་ལ་བཟོད་པའང་ཐོབ་སྟེ། དེ་ལྟར་བདག་གི་སྙིང་པོ་འདི་ནི་གཅེས་སྤྲས་བགྱིད་པ་ལགས་སོ།། དེ་ལྟ་ལགས་པས་རིགས་ཀྱི་བུ་འམ། རིགས་ཀྱི་བུ་མོ་དང་བ་དང་ལྡན་པས་གུས་པར་བགྱིས་ལ་སྙིང་པོ་འདི་བརྗོད་པར་བྱའོ།། གཞན་ཡིད་ལ་མི་བགྱིད་པར་རྟག་ཏུ་བརྗོད་པར་བགྱིའོ།། ནང་པར་ལངས་ནས་བརྒྱ་རྩ་བརྒྱད་བཏོན་ན། ཚེ་འདི་ལ་ཡོན་ཏན་བཅུ་ཡོངས་སུ་འཛིན་པར་འགྱུར་ཏེ། བཅུ་གང་ཞེ་ན། བྲོན་དམ་མཆིས་པར་འགྱུར་བ་དང་། དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་གཟུང་བར་འགྱུར་བ་དང་། དེས་བསྒྲིམས་མི་འཚལ་བར་ནོར་དང་། འབྲུ་དང་། དབྱིག་རྣམས་རྙེད་པར་འགྱུར་བ་དང་། དགྲ་ཐམས་ཅད་ཁུགས་ཤིང་ཐུལ་བར་འགྱུར་བ་དང་། རྒྱལ་པོའི་ཚོགས་པ་རྣམས་གསོང་པོར་སྨྲ་བར་སེམས་པར་འགྱུར་བ་དང་། ལུས་ལ་དུག་གིས་མི་ཚུགས་པ་དང་། དབྱིག་དུག་གིས་མི་ཚུགས་པ་དང་། རིམས་ཀྱིས་མི་ཚུགས་པར་འགྱུར་བ་དང་། མཚོན་ཆས་མི་ཚུགས་པར་འགྱུར་བ་དང་། ཆབ་ཀྱིས་འགུམ་པའི་དུས་བགྱིད་པར་མི་འགྱུར་བ་དང་། ཞུགས་ཀྱིས་འགུམ་པའི་དུས་བྱེད་པར་མི་འགྱུར་བ་དང་། དུས་མ་ལགས་པར་འགུམ་པས་འགུམ་པའི་དུས་བགྱིད་པར་མི་འགྱུར་བ་ལགས་སོ།། གཞན་ཡང་ཡོན་ཏན་བཞི་ཡོངས་སུ་འཛིན་པར་འགྱུར་ཏེ། འགུམ་པའི་དུས་ཀྱི་ཚེ་དེ་བཞིན་གཤེགས་པ་མཐོང་བར་འགྱུར་བ་དང་། ངན་སོང་རྣམས་སུ་སྐྱེ་བར་མི་འགྱུར་བ་དང་། ཡང་བ་མ་སྤངས་པས་འགུམ་པའི་དུས་བགྱིད་པར་མི་འགྱུར་བ་དང་། འདི་ནས་ཤི་འཕོས་ནས་ཀྱང་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་བ་ལགས་སོ།། བཅོམ་ལྡན་འདས་བདག་གིས་དྲན་ལགས་ཏེ། འདི་ནས་བསྐལ་པ་གངྒཱའི་ཀླུང་བཅུའི་བྱེ་མ་སྙེད་དག་གི་སྔ་རོལ་གྱི་ཡང་ཆེས་སྔ་རོལ་དུ་དེ་བཞིན་གཤེགས་པ་མན་དར་བའི་བསུང་ཞེས་བགྱི་བ་བྱུང་སྟེ། དེ་ན་བདག་ཁྱིམ་པར་གྱུར་པས་འདི་བཟུང་ནས་བསྐལ་པ་བཞི་ཁྲིའི་འཁོར་བ་ཕྱིར་བེསྙིལ་ལགས་སོ། ། བདག་གིས་སྙིང་པོ་འདི་བཏོན་པས་བྱང་ཆུབ་སེམས་དཔའི་རྣམ་པར་ཐར་པ་རྒྱལ་བ་ཐམས་ཅད་ཀྱི་སྙིང་རྗེ་འཇུག་པ་ཡེ་ཤེས་ཀྱི་སྙིང་པོ་ཞེས་བགྱི་བ་ཐོབ་ལགས་སོ།། གང་དག་བཅིང་བས་བཅིངས་པ་རྣམས་དང་། གང་དག་བཅིང་བ་ལ་ཐུག་པ་རྣམས་དང་། ཆབ་དང་། ཞུགས་དང་། སྡུག་བསྔལ་རྣམ་པ་སྣ་ཚོགས་ཀྱིས་ཉེན་པའི་སེམས་ཅན་ཐམས་ཅད་ལ་བདག་གི་སྙིང་པོ་འདིས་གནས་པ་དང་། བསྐྱབ་པ་དང་། སྐྱབས་དང་། དཔུང་གཉེན་བགྱིའོ།། གནོད་སྦྱིན་དང་སྲིན་པོ་སྡང་བ་རྣམས་ཀྱང་སྙིང་པོ་འདིས་བཀུག་ལ་བྱམས་པའི་སེམས་དང་སྙིང་རྗེའི་སེམས་སུ་བགྱི་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་བགྱིའོ། ། བཅོམ་ལྡན་འདས་བདག་གི་སྙིང་པོ་འདི་ནི་ད་ལྟར་རྫུ་འཕྲུལ་ཆེ་བ་ལགས་སོ།། ལན་ཅིག་བརྗོད་པས་རྩ་བའི་ལྟུང་བ་བཞི་པོ་དག་ཀྱང་འབྱུང་བར་འགྱུར། མཚམས་མ་མཆིས་པ་ལྔ་པོ་དག་ཀྱང་མ་ལུས་པར་འབྱང་བར་འགྱུར་ན། ཇི་སྐད་བསྟན་པ་བཞིན་དུ་ནན་ཏན་བགྱིད་པ་ལྟ་སྨོས་ཀྱང་ཅི་འཚལ། དེ་དག་ནི་སངས་རྒྱས་བྱེ་བ་ཁྲག་ཁྲིག་འབུམ་ཕྲག་དུ་མ་ལ་དགེ་བའི་རྩ་བ་བསྐྱེད་པར་འགྱུར་བ་ལགས་ན། བཟླས་བརྗོད་བགྱིད་པ་དང་སྒྲུབ་པ་ལྟ་སྨོས་ཀྱང་ཅི་འཚལ་ཏེ། བསམས་པ་ཐམས་ཅད་ཡིད་བཞིན་དུ་ཡོངས་སུ་རྫོགས་པར་བགྱིའོ།། སུ་ཞིག་བདག་གི་སླད་དུ་ཆོས་བཅུ་བཞི་འམ་བཅོ་ལྔ་ལ་སྨྱུང་བ་བགྱིས་ན། དེ་བསྐལ་པ་བཞི་ཁྲིའི་འཁོར་བ་བསྙིལ་བར་འགྱུར་ལགས་སོ།། བཅོམ་ལྡན་འདས་བདག་གི་མིང་འཛིན་པ་ནི་དོན་མཆིས་ཏེ། སངས་རྒྱས་བྱེ་བ་ཕྲག་འབུམ་གྱི་བས་ལྷག་ལགས་སོ། ། བདག་གི་མིང་འཛིན་པའི་སེམས་ཅན་ཐམས་ཅད་ནི་ཕྱིར་མི་ལྡོག་པ་ཉིད་ལ་གནས་པར་འགྱུར། བྲོ་ནད་ཐམས་ཅད་ལས་ཡོངས་སུ་ཐར་པར་འགྱུར། སྒྲིབ་པ་ཐམས་ཅད་དང་། ལུས་དང་། ངག་དང་། ཡིད་ཀྱི་ཉེས་པར་སྤྱོད་པ་ཐམས་ཅད་ལས་ཡོངས་སུ་ཐར་པར་འགྱུར་ལགས་སོ།། གང་ལ་ལ་ཞིག་ཆོ་ག་བཞིན་དུ་སྦྱོར་བ་བགྱིད་ན་དེ་དག་གི་སུག་པར་སངས་རྒྱས་ཀྱི་བྱང་ཆུབ་ཐོབ་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སེམས་ཅན་ཐམས་ཅད་ལ་དེ་ལྟར་སྙིང་རྗེ་ཆེ་བ་ལེགས་སོ་ལེགས་སོ།། རིགས་ཀྱི་བུ་ཐབས་འདིས་སེམས་ཅན་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་དགོད་པར་ནུས་ཏེ། ངས་ཀྱང་སྙིང་པོ་འདི་བཟུང་ཞིང་རྗེས་སུ་ཡི་རིང་བ་བྱས་ཀྱིས། རིགས་ཀྱི་བུ་ཁྱོད་ཀྱིས་སྨྲོས་ཤིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་སྙིང་པོ་འདི་སྨྲས་སོ། ། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཛྙཱ་ན་སྭ་གཱ་རཱ་བཾ་རོ་ཙ་ན་བྷཱུ་ཧ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀ་སཾ་བུདྡྷ་ཡ། ན་མཿསརྦ་ཏ་ཐཱ་ག་ཏེ་བྷྱཿརྷ་ཏེ་བྷྱཿས་མྱཀ་སཾ་བུད་དྷེ་བྷྱོཿ། ན་མ་ཨཱརྱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱེ་ཐཱ། ཨོཾ་དྷ་ར་དྷ་ར། དྷི་རི་དྷི་རི། དྷུ་རུ་དྷུ་རུ། ཨཱིད་ཏི་བནྠི། ཙ་ལེ་ཙ་ལེ། པྲ་ཙ་ལེ་པྲ་ཙ་ལ། ཀུ་སུ་མེ་ཀཱ་སུ་མེ་བ་རེ། ཨི་ལི་མི་ལི། ཙི་ཏི་ཛྭ་ལ་མ་བ་ནཱ་ཡ་སྭཱ་ཧཱ། འདིའི་ཆོ་ག་ནི་སྒྲུབ་མི་དགོས་པར་ལས་ཐམས་ཅད་བྱེད་དེ། རིམས་ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། འབྱུང་པོ་དང་། མཁའ་འགྲོ་མ་དང་། འདྲ་དང་། ལུས་སྲུལ་པོ་དང་། བརྗེད་བྱེད་དང་། ལྦ་བ་དང་། འབྲས་ཀྱི་འཕྲེང་བ་དང་། བས་བལྗགས་ལ་སོགས་པ་དང་། དུག་དང་ཕོལ་མིག་དང་། གཡན་པ་ལ་སོགས་པ་ལ་འཇིམ་པ་ལ་བསྔགས་ཏེ་བསྐུའོ།། ལན་བདུན་བཟླས་བརྗོད་བགྱིས་ན་ལས་ཀྱི་སྒྲིབ་པ་སྦྱོང་བར་བགྱིད་དོ།། བྱིས་པ་གདོན་གྱིས་ཟིན་པ་ལ་ནི་འབྲུ་མར་རོ།། རྣ་བ་བྲོ་འཚལ་བ་ལ་ནི་རུ་རྟ་དང་འབྲུ་མར་རོ། ། སྣ་བྲོ་འཚལ་བ་ལ་ནི་གྲོ་བཏགས་ན་དེས་ཞི་བར་འགྱུར་རོ།། བྲོ་ནད་ཐམས་ཅད་ལའང་སྦྱར་བར་བགྱི་སྟེ་བཀླགས་པས་འགྲུབ་བོ།། འཕགས་པ་སྤྱན་རས་གཟིགས་དབང་ཕྱུག་ཞལ་བཅུ་གཅིག་པ་ཞེས་བྱ་བའི་གཟུངས་རྫོགས་སོ། ། །། འཕགས་པ་ཞལ་བཅུ་གཅིག་པའི་རིག་སྔགས་ཀྱི་སྙིང་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།
CLOSE WINDOW