| Wylie | e-texts produced with ocr Programm |
། རྒྱུད་འདི་བསམ་པས་གྲུབ་པ་ཡིན། རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ཏནྟྲ། བོད་སྐད་དུ། དཔལ་ནག་པོ་ཆེན་པོའི་རྒྱུད། དབང་གི་རྟ་མཆོག་སྐུ་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། ཤར་ལྷོའི་དུར་ཁྲོད་ཆེན་པོ་ཧ་ཧ་དྲག་ཏུ་དགོད་པའི་གནས་ཤིང་ཙན་དན་གྱི་ནགས་ཀྱི་ཚལ་རབ་ཏུ་དགའ་བའི་མིང་ཞེས་བྱ་བ་མི་མ་ཡིན་ཕོ་མོ་མང་པོ་འདུས་པའི་ཕོ་བྲང་དུ། དཔལ་ནག་པོ་ཆེན་པོ་ཞེས་བྱ་བ་བི་ན་ཡ་ཀ་ལ་སོགས་ཏེ་འཁོར་གདུག་པ་ཅན་རྣམས་ཀྱི་དབུས་ན་སྐྱེ་འགྲོ་སེམས་ཅན་རྣམས་ཀྱི་སྲོག་དབུགས་ལ་དབང་བྱེད་པའི་ནག་པོ་ཆེན་པོ་ཞེས་བྱ་བ་གཅིག་ཡོད་དེ། དེའི་ཚེ་དེའི་དུས་ན་ནུབ་ཕྱོགས་ཀྱི་འཇིག་རྟེན་གྱི་ཁམས་ན་མཐར་བྱེད་རྟའི་རྒྱལ་པོ་ཞེས་བྱ་བ་རྒྱལ་པོ་ཆེན་པོ་བཞི་ལ་སོགས་པའི་འཁོར་གྱིས་བསྐོར་ཏེ། དྲེགས་པ་ཅན་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལྕགས་ཀྱུའི་ཕྱག་རྒྱ་བཅས་ནས། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་ཧུ་ལུ་ཧུ་ལུ་ཧཱུཾ་བཾ། ཞེས་བརྗོད་པས། དུར་ཁྲོད་ཧ་ཧ་དྲག་ཏུ་དགོད་པའི་གནས་ནས་ནག་པོ་ཆེན་པོ་རང་དབང་མེད་པར་མཐར་བྱེད་རྟའི་རྒྱལ་པོའི་མངོན་དུ་བྱུང་སྟེ་ལས་ཅི་བྱ་ཟེར་ཞིང་རང་རྟགས་སྲོག་གི་སྙིང་པོ་འདི་མདོངས་གསོལ་དུ་ཕུལ་ཁ། ཨོཾ་བཛྲ་མ་ཧཱ་ཀཱ་ལ་ཀྵི་ཀྵེ་ཏྲ་བིགྷྣཱཾ་བིནྡྲཱ་ཡ་ཀ་ཧཱུཾ་ཧཱུཾ་ཕཊ། ཅེས་ཕུལ་ལོ།། དཔལ་ནག་པོ་ཆེན་པོའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། ། དེ་ནས་རྒྱལ་པོ་མིག་མི་བཟང་གིས། ། མཐར་བྱེད་རྟའི་རྒྱལ་པོ་ལ་འདི་སྐད་ཅེས་གསིལ་ཏོ།། ཨོཾ་མ་པདྨ་ཁྲོས་པའི་བདག། ནག་པོ་ཆེན་པོ་དྲག་ཤུལ་ཅན།། གསང་བའི་སྒྲུབ་པ་བཤད་དུ་གསོལ།། མགོན་པོ་བསྒྲུབ་པར་བྱ་བ་གང་།། གསད་ཅིང་ལུས་སྲོག་དབྱེ་བ་དང་། ། མ་གྲུབ་ཤིས་བསྟན་པ་དང་།། མགོན་པོའི་རྟགས་དང་སེར་བ་རྣམས།། རྟ་མཆོག་ཆེན་པོས་བདག་ལ་གསོལ།། ཞེས་ཞུས་པས། དེ་ནས་པདྨ་ཁྲོས་པ་ཡིས།། ནག་པོའི་སྒྲུབ་ཐབས་ཆེད་དུ་བརྗོད།། དམ་ཚིག་ལྡན་པའི་སྔགས་པ་ཡིས།། སངས་རྒྱས་བསྟན་པ་བསྲུང་སླད་དུ།། གཟའ་སྐར་ཚེ་ས་གྲངས་ཤིས་པ་ལ།། དུར་ཁྲོད་ལ་སོགས་ཤིང་གཅིག་ཏུ།། བསོད་ནམས་ཚོགས་ནི་བསགས་བྱས་ལ།། ནག་པོ་ཆེན་པོ་བསྒྲུབ་པར་བྱ། ། ཕུང་སའམ་ས་ནག་དག་ལ་ནི།། སྟེགས་བུ་གྲུ་བཞི་བྱས་ནས་ནི།། དྲི་སྤོས་ཁྲག་གིས་ཆག་ཆག་བྱ།། དབུས་སུ་གྲུ་གསུམ་ཟླ་གམ་ལྡན།། ཕྱི་རོལ་པདྨ་འདབ་བརྒྱད་བྲི།། དེ་དབུས་ཐོད་ཆེན་ནང་དུ་ནི།། ཤ་ལྔ་སྙིང་སྣས་བརྒྱན་པ་ཡི། ། གཏོར་མ་བཤོས་བུ་ཁྲུ་གང་ཚད།། དེ་ལ་མདའ་གཟུགས་དམར་ནག་དར།། གྲི་སྙིང་ཙཀ་ལི་ཡང་གཟུགས།། དེ་ཉིད་མགོན་པོའི་རྟེན་དུ་གཞག། ཌ་མ་རུ་ཡི་པགས་པའི་ནང་།། མགོན་པོའི་སྲོག་སྔགས་བྲི་བར་བྱེ། ། སྔོ་ཡི་ནང་དུ་མ་རྡོས་སྲིལ།། སྤོས་དང་རྒྱུན་གཏོར་གཏང་བར་བྱ།། དཀོན་མཆོག་སྐྱིལ་མཆོད་པ་བཤམ།། དེ་ནས་པདྨར་བདག་བསྒོམས་པ། ཁྲུགས་ཀའི་རྣ་ལས་བོད་འབྲོས་པས།། བླ་མ་སངས་རྒྱས་ལ་སོགས་པ། རང་གི་མདུན་དུ་བསམ་བྱས་ལ།། མཆོད་པ་རྣམ་ལྔ་དབུལ་བར་བྱ།། རྣམ་དག་བདུན་གྱི་འོག་ཏུ་ནི།། ཚད་མེད་བཞི་པོ་བསྒོམ་པར་བྱ།། བཏང་སྙོམས་ལ་སོགས་པ་རཾ་ཏྲི།། བད་སྟེངས་ཡི་གེ་ཧཱུཾ་ལས་ནི།། ནག་པོ་ཞལ་གཅིག་ཕྱག་དྲུག་པ། ། གྲི་གུག་འཕྲང་བ་ཌ་མ་རུ།། ཐོད་པ་མདུང་དང་ཞགས་པ་རྣམས།། གཡས་གཡོན་རིམ་པས་བསྣམས་པའོ།། སྦྲུལ་དང་རིན་ཆེན་རྒྱན་གྱིས་བརྒྱན།། སྐུ་སྨད་པ་ཏི་ཁྲ་བོ་གསོལ།། སྟག་ལྤགས་ཞིང་གི་ཤམ་ཐམས་ཅན། ། གཏུམ་པོ་སྤྱན་གསུམ་མཆེ་བ་གཙིགས།། དཔྲལ་བར་དྲི་ཡི་ཐིག་ལེས་བརྒྱན།། སྤྱི་གཙུག་མི་བསྐྱོད་སྤྲུལ་སྐུ་བསྟན།། དེ་ལྟར་བདག་མདུན་གསལ་བསྒོམས་ནས།། སྤྱན་དྲངས་མཆོད་དང་བཟླས་པ་བྱ། ། གཏོར་མ་པཱུ་ཛ་ལ་སོགས་པས།། ནག་པོ་ཆེ་ལ་སྦྱིན་པར་བྱ།། མགོན་པོའི་ཐུགས་ཀའི་ཧཱུཾ་ལས་ནི།། སྲོག་གི་ཡི་གེ་གཡས་ནས་བསྐོར།། ཁོར་ཡུག་དག་གིས་བཟླ་བར་བྱ།། ཨོཾ་བཛྲ་མ་ཧཱ་ཀཱ་ལ་ཀྵི་ཀྵེ་ཏྲ་བིགྷྣཱཾ་བི་ནཱ་ཡ་ཀ་ཧཱུཾ་ཧཱུཾ་ཕཊ། དེ་སྐད་ཅེས་ནི་རབ་བརྗོད་པས།། ནག་པོ་གྲུབ་པའི་རྟགས་རྣམས་འབྱུང་།། དཔལ་ནག་པོ་ཆེན་པོའི་རྒྱུད་ལས། བསྙེན་ཅིང་སྒྲུབ་པའི་ལེའུ་སྟེ་གཉིས་པའོ།། ། དེ་ནས་ཡང་དག་བཤད་བྱ་བ། སངས་རྒྱས་བསྟན་པ་བཤིག་པ་དང་།། རྣལ་འབྱོར་བར་ཆད་བྱེད་པ་རྣམས།། ནག་པོ་ཆེན་པོས་བསྒྲལ་འདོད་ན།། སྟེགས་བུ་གྲུ་བཞི་བྱས་ནས་ཀྱང་།། དྲག་པོ་ཨ་ཡི་ནང་དུ་ནི།། ཕོ་མོ་རབས་ཆད་ཐོད་པའི་ནང་།། གཟུགས་རི་སྤྲ་ཚིལ་དག་ལ་བྱ། ། མིང་རུས་དག་ནི་བཀོད་ནས་ཀྱང་།། གསད་དང་ན་བ་སྐབས་དང་སྦྱར།། མགོན་པོའི་སྐུ་དང་དམ་རྫས་རྣམས།། ཁ་དང་ཁ་ལ་དགོད་པར་བྱ།། ཕག་ཐོད་ནང་དུ་ཐུན་རྫས་བླུགས།། རྟག་གཏོར་རྒྱུན་གཏོར་གཡྲ་དང་། གས་རྟགས་པ་ད་ལསགས་དཔ་ཐཱ། ཨོཾམས་གས་ཀཱི་ཋཱ་རྣས་པ་ས་སཀྵ་ས་གས་ས་ས་པ་ཙྪ་ཀྱིལ་མམས་མ་རྀ་ཎི་པ་དི་པྲ་ཏི་ཛྲྀ་སྥ་ར་སི་ཏདྲ་ཨིད། དྱཥྚ་ཁ་ག་བཱ་ཧི་ཁཱ་ཧི། མཱ་ར་མཱ་ར། གྲྀཧྞ་གྷཧྣ། བནྡྷ་བནྡྷ། ཧན་ཧ་ན། ད་ཧ་དེ་ཧ། བ་ཙ་བ་ཙ། དི་ནི་མེ་ཀེན་དགྲ་བོ་མཱ་ར་ཡ་ཧཱུཾ་ཧཱུ~ཾ་ཕཊ་ཕཊ། ཧཱུཾ་བི་ནཱ་ཡ་ཀཾ་བི་ལ་ས་ཏྲཾ་བི་ཧྲི་དྷཱུ་ཛ་ས་མི་བུ་བིནྡ་ཡ་ཀ་ཨ་མུ་ཀ་བྲི་སྲོག་ཧུར་ཐུམ་ཛ་མཱ་ར་ཡ་རྦེ་ད། དྲག་སྔགས་བཟླས་ཤིང་ཐུན་གྱིས་བྲབ།། ཞག་བདུན་པར་དུ་སྨྲ་མི་བྱ།། དེ་ལ་རྟགས་རྣམས་རྫོགས་པར་འགྱུར།། དཔལ་ནག་པོ་ཆེན་པོའི་རྒྱུད་ལས། ལུས་སྲོག་དབྱེ་བའི་ལེའུ་སྟེ་གསུམ་པའོ། ། ། དེ་ནས་ཡང་དག་པར་བཤད་བྱ།། ལས་མཐའ་སྦྱིན་སྲེག་དག་གིས་བརྟུལ།། གྲུ་གསུམ་དབུས་སུ་གདུག་པའི་ཤིང་།། དབུས་སུ་ནག་པོ་འཁོར་བཅས་བསྐྱེད།། ལིང་ཀ་གཏོར་མ་དམ་རྫས་རྣམས། ། ནག་པོའི་ཞལ་དུ་དབུལ་བར་བྱ།། སྔགས་འདི་བཟླས་ཤིང་བསྲེག་པར་བྱ།། ཨགྣི་ཛྭ་ལ་རཾ་ལས་རྫོགས།། ཐལ་བ་རླུང་དམར་དག་ལ་བསྐུར།། ཨ་མུ་ཀ་ནི་མྱུར་དུ་རླག། དཔལ་ནག་པོ་ཆེན་པོའི་རྒྱུད་ལས།། མཐའ་བརྟུལ་བའི་ལེའུ་སྟེ་བཞི་པའོ།། ། དེ་ནས་ཡང་དག་བཤད་བྱ་བ།། དེ་ལྟར་བསྒྲུབས་ཀྱང་མ་གྲུབ་ན།། གཅིག་དང་གཉིས་ལ་ནན་ཏན་བསྐྱེད།། དེ་ལྟར་བྱས་ཀྱང་མ་གྲུབ་ན།། ས་གསུམ་ཁྲག་གསུམ་དུག་གསུམ་ལ། ། ཁྲུ་གང་བ་ཡི་གཟུགས་ཀྱི་ཚད།། གྲུ་གསུམ་དབུས་སུ་ནག་པོའི་གཟུགས།། སྤྱི་ཚར་དག་ཏུ་ལྡིང་དུ་གཞུག། བྲིས་སྐུད་མ་རྫས་བླ་རྡོ་རྣམས།། རང་གི་གྲུ་གསུམ་མལ་གྱི་འོག། དུག་དང་ཚེར་མས་སྟེང་ནས་དགབ། ། ཐུན་རྫས་བྲབ་ཅིང་སྔགས་འདི་བཟླས།། ཨོཾ་བཛྲ་ཀྲོ་དྷ་ཧ་ལ་གྲི་བ་ཧཱུཾ་ཧུ་ལུ་ཧུ་ལུ་ཧཱུཾ་ཕཊ། ཕཊ་ཧཱུཾ་ཧཱུཾ་ཀ་ཡ་ནཱ་བིགྷྣཱཾ་བི་ཏྲཀྵེ་ཀྵཾ་ལ་ཀཱ་སཱ་མ་བཛྲ་ཨོཾ། དེ་སྐད་བརྗོད་ཅིང་ཐུན་གྱིས་བྲབ།། དེ་ལ་རྟགས་རྣམས་རྫོགས་པ་དང་། ། དེ་ནས་གསོ་བའི་ཆོ་ག་བྱ།། བྲིས་སྐུ་བླ་རྡོ་དམ་རྫས་རྣམས།། སྤོས་ཆུས་བཀྲུ་ཞིང་སྔགས་འོད་བཟླས།། ཨོཾ་བཛྲ་མ་ཧཱ་ཀཱ་ལ་ཀྵི་ཀྵེ་ཏྲ་བིགྷྣཱཾ་བི་ནཱ་ཡ་ཀ་ཧཱུཾ་ཧཱུཾ་ཕཊ་སོས་སོས་སྭཱ་ཧཱ། དེ་སྐད་བྱས་ལ་ཀནྡ་སུ་ནི། མགོན་པོའི་གཟུགས་ཀྱང་སྤོས་ཆུས་བཀྲུ།། གྲུ་གསུམ་དབུས་སུ་བླངས་བྱས་ལ།། དགྲ་བོའི་མིང་རུས་སྙིང་ཁར་གཞུག། ཞག་བདུན་བསྒྲུབས་ལ་དགྲ་ལ་བསྐྱལ།། ཨ་མུ་ཀ་ནི་མྱུར་དུ་རླག། དཔལ་མགོན་པོ་ནག་པོའི་རྒྱུད་ལས། མ་གྲུབ་ན་སྤོགས་པའི་ཆོ་ག་དང་གསོ་བའི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ།། བྱ་ནག་འཕུར་ཞིང་ལྡིང་བ་དང་།། མོན་པ་ཨ་ཙ་ར་དང་ནི།། དགེ་བ་ཤེས་བན་དྷེ་སློབ་དཔོན་དང་། ། འོད་དང་སྒྲ་དང་ཁང་པ་འཚེ།། མགོན་པོའི་སྐུ་དག་དངོས་སུ་མཐོང་།། དགྲ་ལ་དམག་དྲངས་སེམས་ཅན་བསད།། མི་ནག་དག་ལ་སྙིང་སྟོབས་དང་།། མཛེ་བོ་དང་ནི་སྤྲང་པོ་དང་།། བྱ་ནག་ཐང་ལ་ལྷུང་བ་འབྱུང་། ། དཔལ་མགོན་པོ་ནག་པོའི་རྒྱུད་ལས། རྟགས་ཀྱི་རིམ་པའི་ལེའུ་སྟེ་དྲུག་པའོ།། ། དེ་ནས་ཡང་དག་བཤད་བྱ་བ།། སེར་བ་དབབ་པའི་ལས་བྱ་ན།། མོན་ནམ་མཛེ་ཅན་ཐོད་པ་རུ། འཁོར་ལོ་རྩིབས་བཞི་བྲིས་ནས་ཀྱང་།། རིགས་ལྔ་ཀླུ་ཡི་ས་བོན་དཔོད།། རྩིབས་མཚན་སེར་སྲུན་མིང་རུས་དང་།། ཡུལ་དུ་ཕོབ་ཅེས་བྱ་བ་བྲི།། དེ་མཐར་འཁོར་ལོ་རྩིབས་དགུ་ལ།། དྲེགས་པའི་སྔགས་ནི་བྲི་བར་བྱ།། @རྒྱབ་ཏུ་གང་ཡིན་ཡུལ་མིང་དང་།། རླུང་གི་སྙིང་པོ་བྲི་བར་བྱ།། བདག་ཉིད་པདྨ་ཁྲོས་པར་བསྒོམ།། གསང་སྔགས་འདི་ཡིས་གནད་ལ་བོར།། ཨོཾ་བཛྲ་མ་ཧཱ་ཀཱ་ལ་ཀྵཾ་ཀཱ་ཏྲ་བིགྷྣཱཾ་བི་ན་ཡ་ཀ་ཧཱུཾ་ཧཱུཾ་ཕཊ། ནཱ་ག་སྙིང་གཟེར། ཕུ་ཧུར་ཐུམ་ཛ་ཁྲོ་ཤར་ཧྲི་ལ་བྷྱོ། དེ་སྐད་ཅེས་ནི་རབ་བརྗོད་ལ།། ཉུངས་ཀར་ཉུངས་ནག་སྐེ་ཚེ་དང་།། ཁྲག་དང་དུག་གིས་ཐོད་པར་བྲབ།། ལོ་འབྲས་རླུང་ཁྱེར་རྟགས་བྱུང་ན།། དགྲ་ཡི་སུ་ལ་དུ་དབབ་པར་བྱ།། གལ་ཏེ་འཇིག་རྟེན་ཕུང་བའོ།། དཔལ་མགོན་པོ་ནག་པོའི་རྒྱུད་ལས། སེར་བ་དབབ་པའི་ལེའུ་སྟེ་བདུན་པའོ།། ། དེ་ནས་ཡང་དག་ངེས་གསུངས་པ།། ཨེ་མ་འཁོར་འདུས་ངོ་མཚར་ཅན།། མ་འོངས་དམ་ཅན་སྒྲུབ་བྱེད་ན། ། དམ་ཚིག་ལ་གནས་སྡོམ་པ་གཟུང་།། གཏོར་མ་དག་ལ་བརྩོན་པར་བྱ།། དམ་རྫས་བླ་རྡོ་ལུས་ལ་བསྲེལ།། ཞེས་གསུངས་པས། རྒྱལ་པོ་མིག་མི་བཟང་ལ་སོགས་པའི་འཁོར་རྣམས་ཡི་རངས་ནས། ནག་པོ་ཆེན་པོས་བསྟན་པ་སྲུང་བར་ཁས་བླངས་ནས་མི་སྣང་བར་གྱུར་ཏོ།། དཔལ་ནག་པོ་ཆེན་པོའི་རྒྱུད་ལས་ལེའུ་བརྒྱད་པ་རྫོགས་སོ།། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། བོད་ཀྱི་ལོ་ཙ་བ་པུར་བུ་འོད་ཀྱིས་བསྒྱུར་བའོ།
CLOSE WINDOW