| Wylie | e-texts produced with ocr Programm |
ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། ། རྒྱ་གར་སྐད་དུ། ཤྲཱི་ཛྙཱ་ན་གུ་ཧྱ་ཏནྡྷ་རཱ་ཛ། བོད་སྐད་དུ། དཔལ་ཡེ་ཤེས་གསང་བའི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ།། བྱང་ཆུབ་ཆེ་ཕྱོགས་སུམ་ཅུ་རྩ་བདུན་གྱི།། རང་ལུས་རྩ་འཁོར་བཞི་ཡི་གརྩེམ་མོ།། སྙིང་པོ་དེ་ལ་ཡང་དག་ཕྱག་འཚལ་ལོ།། དབང་བཞིའི་དེ་ཉིད་བདག་ལ་གསུངས། ། ཉོན་ཅིག་རྡོ་རྗེ་སྙིང་པོའི་བདག། བསྐྱེད་པའི་རིམ་པའི་ལྷ་རྣམས་ཀྱི།། དེ་ཉིད་དང་པོར་བཤད་བྱ་སྟེ།། དྲུག་ཅུ་རྩ་བནི་དཔེ་བྱད་ཡིན།། སུམ་ཅུ་རྩ་བདུན་བྱང་ཆུབ་ཕྱོགས།། ལྷ་ནི་ཡེ་ཤེས་ལྔ་ཡིན་ཏེ། ། དཔའ་བོ་གཅིག་པ་ཆོས་ཀྱི་དབྱིངས།། ཕྱག་མཚན་སྐུ་མདོག་གཞན་ནས་གསུངས།། གུ་ཧྱའི་རྡོ་རྗེ་དྲིལ་བུའི་ཚད།། ནས་དང་སོར་ཚིགས་ཡིན་པར་འདོད།། དེ་ཉིད་ཐབས་དང་ཤེས་རབ་ཡིན། དོན་དམ་ཉིད་ལ་དབྱེར་མེད་དེ།། བསྒོམ་བྱ་མེད་དེ་སྐོམ་པ་མེད།། བསྒོམས་པས་ཐོབ་པ་ཅི་ཡང་མེད།། རྒྱུ་དང་རྐྱེན་གྱིས་བསྐྱེད་དུ་མེད།། སེམས་ཀྱི་གཞི་ལ་སྐུ་ལྔ་དང་།། སྟོན་པ་མེད་ཅིང་བསྟན་པ་མེད།། འཇིག་དང་རྣམ་རྟོག་ཀུན་དང་བྲལ། ། དེ་ཉིད་བཞི་པའི་དེ་ཉིད་དོ།། དང་པོ་རླུང་གི་དེ་ཉིད་དོ།། སྲོག་རྩོལ་གཉིས་ནི་ཨ་དང་ཧཾ།། ཨ་ནི་ཆོས་རྣམས་ཐོག་མ་ནས།། མ་སྐྱེས་པ་ཡི་དོན་ཡིན་ནོ།། ཧཾ་ནི་གཟུང་འཛིན་གཉིས་ཀྱིས་སྟོང་། ། ལྡང་འཇུག་གསུམ་ནི་སྐུ་གསུང་ཐུགས།། སེམཱ་གྱི་གཞི་དང་སྐུ་ལྔ་དང་།། རྣམ་པར་ཐར་དང་སྟོང་པ་དང་།། དེ་བཞིན་མཚན་དང་དཔེ་བྱད་སོགས།། དེ་དག་རླུང་གི་དེ་ཉིད་དེ།། དེ་ནས་ཐིག་ལེའི་དེ་ཉིད་ཀྱང་། ། ཉི་ཟླ་ཐབས་དང་ཤེས་རབ་སྟེ།། སྔགས་ཀྱི་འཕྲེང་བ་མཚན་དཔེ་ཡིན།། ཐིག་ལེ་ཡེ་ཤེས་ལྔ་རང་བཞིན།། གཉིས་སུ་མེད་པའི་དེ་ཉིད་ཡིན།། ཕྲ་མོ་ལ་སོགས་གཞན་ནས་ཤེས།། དེ་ནས་འོག་། གི་སྒོ་དག་ནི།། དེ་ཉིད་ཡང་དག་བཤད་བྱ་སྟེ།། རྩ་གསུམ་སྐུ་གསུང་ཐུགས་ངོ་བོ།། རྩ་ལྔ་ཡེ་ཤེས་ལྔ་ཡིན་ནོ།། ཙཎྜ་ལཱི་ནི་ཉི་ཤུ་བཞི།། དེ་ཉིད་ཡེ་ཤེས་ཉི་ཤུ་བཞི།། ཆོས་སྐུའི་འཕྲིན་ལས་ཉི་ཤུ་བཞི།། ཁ་སྦྱར་ཐབས་དང་ཤེས་རབ་སྟེ། ། འཛག་དང་འབར་བ་གཉིས་མེད་ཡིན།། འཁོར་ལོ་བཞི་ནི་སྐུ་བཞི་སྟེ།། དྲུག་ནི་དེ་ཉིད་དྲུག་ཡིན་ཏེ།། སྒྲོལ་མ་རླུང་གི་དེ་ཉིད་དེ།། མེ་ནི་གོས་དཀར་ངོ་བོ་ཉིད།། བཅུ་དྲུག་སྟོང་པ་བཅུ་དྲུག་ཡིན། ། བཞི་ནི་ཡང་ཤེས་བཞི་ཡིན་ནོ།། རྣམ་པར་ཐར་དང་སྟོང་པ་དང་།། དེ་བཞིན་མཚན་དང་དཔེ་བྱད་དང་།། རིག་སྔགས་སྙོམས་འཇུག་ཕྲ་བ་དགུ།། ཡ་ཤེས་ལྔ་བཅུ་ལ་སོགས་པ།། རྩ་འདབ་དེ་ཉིད་ཡིན་པར་ངེས། ། རྩ་དེ་གནས་པའི་རིམ་པ་ཡང་།། འཁོར་ལོ་བ་ཐག་ཁུག་པ་ལས།། གཡས་གཡོན་སྦྲུལ་ལྟར་འཁྲིལ་བ་སྟེ།། ཕྱི་ཡི་གཡས་གཡོན་གཞུ་ལྟ་བུ།། གསུམ་པའི་དབང་གི་དེ་ཉིད་ཀྱང་།། སིཧླ་ཤེས་རབ་ཆོས་དབྱིངས་ཏེ། ། ག་པུར་ཐབས་ཀྱི་ཡེ་ཤེས་བཞི།། རྩ་ནི་འོག་མིན་གནས་ཡིན་ཏེ།། དགའ་བ་མཆོག་དགའ་བྱང་ཆུབ་ཕྱོགས།། རང་བཞིན་དགའ་བ་ཆོས་སྐུ་སྟེ།། བྲལ་བའི་དགའ་བ་གཟུགས་སྐུ་གཉིས།། བཅུ་དྲུག་སྟོང་པ་བཅུ་དྲུག་གོ། རྒྱུད་ཀྱི་ཚུལ་དུ་སྒྱུ་མ་ཙམ།། གང་ཞིག་རང་རིག་འདོད་པས་ཀྱང་།། དང་པོར་ངོ་བོར་ཤེས་བྱ་སྟེ།། དེ་ནས་དེ་ཉིད་ཤེས་པར་བྱ།། གལ་ཏེ་དེ་ཉིད་མི་ཤེས་པར།། ཟབ་མོའི་ལམ་ཉིད་སྒོམ་བྱེད་ན།། འབྲས་བུ་མེད་ཅིང་རླག་པར་ངེས།། ལྷ་ཡི་དེ་ཉིད་མ་ཤེས་ན།། དུར་ཁྲོད་གནས་པའི་སྲིན་པོ་འདྲ།། དེ་བཞིན་དུར་ཁྲོད་སྲིན་མོ་འདྲ།། སྤྱོད་པའི་དེ་ཉིད་མ་ཤེས་ན།། གྲོང་ཁྱེར་གནས་པའི་སྨྱོན་པ་འདྲ།། ཁྱི་ཕག་སྲིན་པོ་རཀྵ་འདྲ། ། ཕྱག་མཚན་དེ་ཉིད་མ་ཤེས་ན།། བརྒྱ་བྱིན་ལག་ན་མཚོན་ཐོགས་འདྲ།། ཕྱག་རྒྱའི་དེ་ཉིད་མ་ཤེས་ན།། རྒྱལ་པོ་ཕང་གི་བཙུན་མོ་འདྲ།། རླུང་གི་དེ་ཉིད་མ་ཤེས་ན།། བརྒྱ་བྱིན་སྤྱི་བོའི་དུད་པ་འདྲ། ཡི་དེ་ཉིད་མ་ཤེས་ན།། ཙན་དན་ཤིང་གི་སྦྲུལ་སོགས་འདྲ།། ལུས་ཀྱི་གཉེར་མ་དག་དང་འདྲ།། ལུས་ཀྱི་དྲི་མ་ཆུ་དང་འདྲ།། ཐིག་ལེའི་དེ་ཉིད་མ་ཤེས་ན།། ཙན་དན་ཤིང་གི་འཛེར་པ་འདྲ།། འཁོར་ལོའི་དེ་ཉིད་མ་ཤེས་ན། ། བརྒྱ་བྱིན་ལག་ན་འཁོར་ལོ་འདྲ།། དེ་བཞིན་སྲིད་པའི་འཁོར་ལོ་འདྲ།། པདྨའི་དེ་ཉིད་མ་ཤེས་ན།། འདམ་བུ་ཚལ་གྱི་པདྨ་འདྲ།། སྟུག་པོའི་དེ་ཉིད་མ་ཤེས་ན།། མཆོད་རྟེན་གྱི་ནི་འཁོར་ལོ་འདྲ།། ཁ་སྦྱོར་དེ་ཉིད་མ་ཤེས་ན། ། ཐལ་མོ་གཡས་གཡོན་སྦྱར་བ་འདྲ།། གནས་ཀྱི་དེ་ཉིད་མ་ཤེས་ན།། འཁོར་ལོ་སྒྱུར་རྒྱལ་ཕོ་བྲང་འདྲ།། བྱང་སེམས་དེ་ཉིད་མ་ཤེས་ན།། མི་གཙང་སྒོ་ཡི་ལུད་པ་འདྲ།། སིཧླའི་དེ་ཉིད་མ་ཤེས་ན། ། མཚོན་སོགས་ལས་བྱུང་ཁྲག་དང་འདྲ།། དགའ་བའི་དེ་ཉིད་མ་ཤེས་ན།། སྨད་འཚོང་མ་ཡི་འདོད་ཆགས་འདྲ།། སྤང་བྱའི་དེ་ཉིད་མ་ཤེས་ན།། གྲོང་ཁྱེར་མེད་པའི་རྒྱལ་པོ་འདྲ། གཉེན་པོའི་དེ་ཉིད་མ་ཤེས་ན།། རྒྱལ་པོ་མེད་པའི་གྲོང་ཁྱེར་འདྲ།། རང་རིག་དེ་ཉིད་མ་ཤེས་ན།། འདུས་བྱས་ནམ་མཁའ་སྟོང་པ་འདྲ།། གཞན་ཡང་དེ་ཉིད་བཅོ་བརྒྱད་ནི།། བླ་མའི་ཞལ་ནས་ཤེས་པར་བྱ་ཐམས་ཅད་སྒྱུ་མའི་ཚུལ་དང་ནི། ། རྨི་ལམ་གློག་དང་སྤྲིན་ལྟ་བུ།། དེ་ཉིད་ཤེས་ན་གྲོལ་བར་འགྱུར།། ཀྱེ་ཧོ་མགོན་པོ་ཐུགས་རྗེ་ཆེ།། རང་རིག་ཡེ་ཤེས་འཆོལ་བ་ལ།། རང་དང་གཞན་གྱི་སྡེ་པ་ལ།། འདི་ལ་ཁྱད་པར་མེད་དམ་ཅི། ། བཅོམ་ལྡན་འདས་ཀྱིས་བཀའ་སྩལ་པ།། ཁྱད་པར་ཆེན་པོ་དེ་ཉིད་དེ།། གཞན་ནི་ཁྱད་པར་དབང་བཞི་དང་།། དེ་ཡི་ལམ་གྱི་དེ་ཉིད་བརྟགས།། ཆད་པ་བདག་དང་དབང་ཕྱུག་དང་།། ཕྱ་དང་བྱེད་པ་པོ་ཉིད་ལས། ། རྒྱུ་སོགས་རྒྱུད་ལས་ཁྱད་པར་འཕགས།། གང་ཟག་བདག་དང་བྲལ་བའི་ཕྱིར།། ཉན་ཐོས་རང་རྒྱལ་ཐེག་ཆེན་དང་།། རླུང་སོགས་ཆོས་ཀྱི་བདག་གིས་བཅིངས།། དམན་པོ་རྣམས་ཀྱི་སྣང་བས་ཁྱབ་ཏུ་ཐེག་ཆེན་རང་བཞིན་ལྷ་ཡིས་ཁྱབ། ། རྣལ་འབྱོར་རྣལ་འབྱོར་ཆེན་པོ་སོགས།། དེ་ཉིད་ཀྱི་ནི་ཁྱད་པར་ཆེ།། ལེགས་པར་བསྨན་གྱིས་ལེགས་པར་ཟུང་།། དེ་ནས་འཁོར་ཐམས་ཅད་དགའ་ཞིང་ཡི་རངས་པར་གྱུར་ཏོ། ། དཔལ་རྡོ་རྗེ་སེམས་དཔའ་ཡེ་ཤེས་གསང་བའི་དེ་ཁོ་ན་ཉིད་ཀྱི་རྒྱུད་ཀྱི་རྒྱལ་པོ་རྫོགས་སོ།། རྣལ་འབྱོར་མ་ཙནྡྲ་མཱ་ལེ་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
CLOSE WINDOW