| Wylie | e-texts produced with ocr Programm |
རྒྱ་གར་སྐད་དུ། ཀརྨྨ་བི་བྷང་ཀ། བོད་སྐད་དུ། ལས་རྣམ་པར་འབྱེད་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། དབམ་པོ་དང་པོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་པས་སྦྱིན་གྱི་ཀུན་དགའི་ར་བ་ན་བཞུགས་ཏེ། དེ་ནས་བཅོམ་ལྡན་འདས་སྔ་དྲོ་ཆོས་གོས་དང་ཤས་ཐབས་མནབས་ལྷུང་བཟེད་བསྣམས་ཏེ། མཉན་དུ་ཡོད་པར་བསོད་སྙོམས་ཀྱི་ཕྱིར་གཤེས་ནས། མཐར་ཆགས་སུ་མཉན་དུ་ཡོད་པར་བསོད་སྙོམས་བཞེས་ཏེ། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙེའི་ཁྱིམ་ག་ལ་བ་དེར་གཤེགས་སོ།། དེའི་ཚེ་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙེའི་ཁྱིམ་དེ་ན། ཁྲི་རས་ཀཽ་ནི་ཀ་བཏིང་བའི་སྟེང་ན་ཁྱི་དྲུང་ཞེས་བྱ་བ་འདུག་སྟེ། འཁར་གཞོང་རྡོ་བ་ཁར་བླངས་པ་ལ། འབྲས་ཆན་དང་ཤ་བསྲེས་པའི་ཁྲུད་མ་འཐུང་བ་ལས། ཁྱི་དུང་གིས་བཅོམ་ལྡན་འདས་སྒོ་དྲུང་ན་བཞུགས་པ་མཐོང་སྟེ། མཐོང་ནས་ཀྱང་འའུ་ཞེས་གཟུགས་སོ།། དེ་ནས་བཅོམ་ལྡན་འདས་ཀྱིས། ཁྱི་དུང་ལ་འདི་སྐད་ཅེས་བཀའ་སྩལ་ཏེ་ཁྱི་དུང་ཁྱོད་ཀྱི་ཞེས་བྱ་བ་ལས་ཁེའུ་ཞེས་གཟུགས་པར་གྱུར་ན། དེས་ཀྱང་མ་དུལ་ལམ། དེ་སྐད་ཅེས་བཀའ་སྩལ་པ་དང་། ཁྱི་དུང་ཁྲོས་འཁྲུགས་ཚིག་པ་ཟོས་ཏེ་ཡི་མ་རངས་ནས་རས་ཀོ་ནི་ཀ་བཏིང་བའི་ཁྲི་ལས་བབས་ཏེ། ཁྲི་འོག་ན་གཏོར་ཁུང་གི་ཤིང་གི་ཝ་ལ་འདུག་གོ། དེའི་ཚེ་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནི་ཙེ་བྱ་བ་ཞིག་གི་ཕྱིར་ཕྱི་རོལ་ཏུ་བྱུང་བ་ལས། དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་སླར་ལོག་པ་དང་། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོས་ཁྱི་དུང་ཁྲིའི་འོག་ན་གཏོར་ཁུང་གི་ཝ་ལ་འདུག་པ་མཐོང་ངོ་།། མཐོང་ནས་ཀྱང་ནང་མི་ལ་སྨྲས་པ་ཁྱེད་ཀྱིས་ཁྱི་དུང་འདི་ལ་ཅི་ཞིག་སྨྲས་ཇོ་བོ་བདག་ཅག་གང་གིས་ཀྱང་ཁྱི་དུང་ལ་ཅི་ཡང་མ་སྨྲས་སོ། ། དེ་ལྟ་ལགས་མོད་ཀྱི་དགེ་སྦྱོང་གོའུ་ཏ་མ་བྱོན་པར་གྱུར་ཏེ། ཁྱི་དུང་གིས་དགེ་སྐྱོང་གོའུ་ཏ་མ་སྒོ་དྲུང་ན་བཞུགས་པ་མཐོང་ངོ་། ། མཐོང་ནས་ཀྱང་འའུ་ཞེས་གཟུགས་པ་དང་། དགེ་སྦྱོང་གོའུ་ཏ་མས། དེ་ལ་འདི་སྐད་ཅེས་བཀའ་སྩལ་ཏོ།། ཁྱི་དུང་ཁྱོད་ཀྱེ་ཞེས་བྱ་བ་ལས་འའུ་ཞེས་ཟུགས་པར་གྱུར་ན། དེས་ཀྱང་མ་དུལ་ལམ། དེ་སྐད་ཅེས་བཀའ་སྩལ་པ་དང་། ཁྱི་དུང་ཁྲོས་འཁྲུགས་ཚིག་པ་ཟོས་ཏེ་ཡི་མ་རངས་ནས་རས་ཀོ་ནི་ཀ་བཏིང་བའི་ཁྲི་ལས་བབས་ཏེ། ཁྲིའི་འོག་ན་གཏོར་ཁུང་གི་ཤིང་གི་ཝ་ལ་འདུག་གོ། དེ་ནས་བྲམ་ཟེའི་ཁྱེའུ་ནི་ཙེ་ཁྲོས་འཁྲུགས་ཚིག་པ་ཟོས་ཏེ་ཡི་མ་རངས་ནས་མཉན་དུ་ཡོད་པ་ནས་བྱུང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དེར་སོང་ངོ་།། དེའི་ཚེ་བཅོམ་ལྡན་འདས་དགེ་སྦྱོང་བརྒྱ་ཕྲག་དུ་མའི་འཁོར་གྱི་མདུན་ན་ཆོས་སྟོན་ཅིང་བཞུགས་ཏེ། བཅོམ་ལྡན་འདས་ཀྱིས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནི་ཙོ་རྒྱང་རིང་པོ་ནས་འོང་བ་གཟིགས་སོ།། གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་རྒྱང་རིང་པོ་ནས་འོང་བ་མཐོང་ངམ། བཙུན་པ་དེ་ལྟ་ལགས་སོ།། གལ་ཏེ་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་འདིའི་ཚེ་འཆི་བའི་དུས་བྱས་པར་གྱུར་ན་ནི། ལུས་དང་བྲལ་ནས་ཤི་བའི་འོག་ཏུ། དཔེར་ན་མདའ་སྟེའུ་ཀ་འཕངས་པ་དེ་བཞིན་དུ་ངན་སོང་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་ཏེ། འདི་ལྟར་འདིར་ང་ལ་སེམས་རབ་ཏུ་ཁྲོས་པའི་ཕྱིར་རོ། ། སེམས་རབ་ཏུ་ཁྲོས་པའི་རྒྱུས་དེ་ལྟར་འདི་ན་སེམས་ཅན་ཁ་ཅིག་ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོ་རྣམ་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། ། དེ་ནས་དགེ་སློང་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ། འདི་ན་གང་ཟག་ཁ་ཅིག་ནི།། རབ་ཏུ་སེམས་ཁྲོས་གྱུར་གཟིགས་ནས།། སྟོན་པས། དགེ་སློང་ཚོགས་རྣམས་ལ།། དོན་དེ་ཉིད་ནི་ལུང་བསྟན་ཏོ།། ཀྱེ་མ་གསོན་པའི་མི་འདི་ནི།། ད་ནི་འཆི་བའི་དུས་བྱེད་ན།། དེ་ཡི་སེམས་ནི་ཁྲོས་པའི་ཕྱིར།། སེམས་ཅན་དམྱལ་བ་རྣམས། སུ་སྐྱེ། དེ་བཞིན་གཤེགས་ལ་སེམས་ཁྲོས་པ།། དེ་ཡི་རྒྱུས་ནི་སེམས་ཅན་རྣམས།། དཔེར་ན་མདའ་ནི་འཕངས་པ་བཞིན།། དེ་ལྟར་ངན་འགྲོར་འགྲོ་བར་འགྱུར།། དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་དང་ལྷན་ཅིག་ཏུ་མངོན་དུ་ཀུན་དགའ་བར་བྱ་བ་དང་། ཡང་དག་པར་ཆགས་པར་བྱ་བའི་གཏམ་རྣམ་པ་མང་པོ་བྱས་ནས་ཕྱོགས་གཅིག་ཏུ་འདུག་གོ། ། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནི་ཙོ་ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གོའུ་ཏ་མ་ཁྱོད་བདག་གི་ཁྱིམ་དུ་བྱོན་ནམ། བྲམ་ཟེའི་ཁྱེའུ་ཕྱིན་ནོ།། གོའུ་ཏ་མ་ཁྱོད་ཀྱིས་བདག་གི་ཁྱི་དུང་ལ་ཅི་ཞིག་མ་གསུངས་སམ། བྲམ་ཟེའི་ཁྱེའུ་ང་འདིར་སྔ་དྲོ་ཆོས་གོས་དང་ཤམ་ཐབས་བགོས་ལྷུང་བཟེད་ཐོགས་ནས་མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་ཏེ། མཐར་གྱིས་མཉན་དུ་ཡོད་པར་བསོད་སྙོམས་བླངས་ནས། ཁྱོད་ཀྱི་ཁྱིམ་ག་ལ་བ་དེར་སོང་སྟེ་ཕྱིན་ནས་སྒོ་དྲུང་ན་འདུག་པ་དང་དེའི་ཚེ་ཁྱི་དུང་རས་ཀོ་ནཽ་ཀ་བཏིང་བའི་ཁྲིའི་སྟེང་ན་འདུག་ཅིང་། འཁར་གཞོང་རྡོ་བའི་ཁར་བླངས་པ་ལ། འབྲས་ཆན་དང་ཤ་བསྲེས་པའི་ཁྲུད་མ་འཐུང་བ་ལས། ཁྱི་དུང་གིས་བསྒོ་དྲུང་ན་འདུག་པ་མཐོང་སྟེ། མཐོང་ནས་ཀྱང་གཟུགས་པ་དང་། ངས་དེ་ལ་སྨྲས་པ། ཁྱི་དུང་ཁྱོད་ཀྱེ་ཞེས་བྱ་བ་ལས་འ་བུ་ཞེས་ཟུགས་པར་གྱུར་ན། དེས་ཀྱང་མ་དུལ་ལམ་ཞེས་དེ་སྐད་ཅེས་སྨྲས་པ་དང་། ཁྱི་དུང་ཁྲོས་འཁྲུགས་ཚིག་པ་ཟོས་ཏེ་ཡི་མ་རངས་ནས། རས་ཀོ་ནི་ཀ་བཏིང་བའི་ཁྲི་ལས་བབས་ཏེ། ཁྲིའི་འོག་ན་གཏོར་ཁུང་གི་ཤིང་གི་ཝ་ལ་འདུག་གོ།། གོའུ་ཏ་མ་ཁྱོད་ཀྱིས་ཁྱི་དུང་ཚེ་སྔ་མ་ལ་བདག་གི་ཅིར་མཆི་མཁྱེན་ཏམ། བྲམ་ཟེའི་ཁྱེའུ་ཁ་རོག་འདུག་ལ་དོན་འདི་མ་འདྲི་ཞིག། ཁྱོད་ཀུན་ཏུ་གནོད་སེམས་སུ་འགྱུར་བ་དང་། མི་བཟོད་པ་དང་། སེམས་ཡིད་མི་བདེ་བར་འགྱུར་དུ་འོང་ངོ་། ། ལན་གཉིས་ལན་གསུམ་དུ་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གོའུ་ཏ་མ་ཁྱོད་ཀྱིས་ཁྱི་དུང་ཚེ་སྔ་མ་ལ་བདག་གི་ཅིར་མཆི་མཁྱེན་ཏ་མ། བཅོམ་ལྡན་འདས་ཀྱིས་ཀྱང་ལན་གཉིས་ལན་གསུམ་དུ། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་ལ་འདི་སྐད་ཅེས་བཀའ་སྩལ་ཏོ།། བྲམ་ཟེའི་ཁྱེའུ་ཁ་རོག་འདུག་ལ་ང་ལ་དོན་འདི་མ་འདྲི་ཞིག། ཁྱོད་ཀུན་ཏུ་གནོད་སེམས་སུ་འགྱུར་བ་དང་། མི་བཟོད་པ་དང་། སེམས་ཡིད་མི་བདེ་བར་འགྱུར་དུ་འོང་ངོ་།། བྲམ་ཟེའི་ཁྱེའུ་ཁྱོད་ལན་གསུམ་གྱི་བར་དུ་དོན་འདི་ངེས་པར་མ་ཐོབ་པས་འདྲི་ན། དེའི་ཕྱིར་བྲམ་ཟེའི་ཁྱེའུ་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་དོ།། བྲམ་ཟེའི་ཁྱེའུ་ཁྱོད་ཀྱི་ཕ་ཏོའུ་ཏེ་ཡ་གང་ཡིན་པ་དེ་ལུས་དང་བྲལ་ནས་དམན་པ་ཁྱིའི་གནས་སུ་སྐྱེས་སོ། ། ཀྱེ་གོའུ་ཏ་མ་བདག་གི་ཕ་ཏོའུ་ཏེ་ཡ་ནི་མཆོད་སྦྱིན་བགྱིས་པ། སྦྱིན་སྲེག་བགྱིས་པ། མཆོད་སྡོང་བསྒྲེང་བ་ལགས་ན། དེ་ཅིའི་སླད་དུ་འདི་ལྟར་འགྱུར། དེ་ནི་ལུས་དང་བྲལ་ནས་ཚངས་པའི་འཇིག་རྟེན་བཟང་པོར་སྐྱེ་བར་འགྱུར་རོ།། བྲམ་ཟེའི་ཁྱེའུ་ཁྱོད་ཀྱི་ཕ་ཏོའུ་ཏེ་ཡ་ནི་ང་རྒྱལ་ལས་ང་རྒྱལ་ཉིད་ཀྱིས་དམན་པ་ཁྱིའི་གནས་སུ་སྐྱེས་སོ། དབྲམ་ཟེའི་ཁྱེའུ་གལ་ཏེ་ངས་སྨྲས་པ་ལ་ཡིད་མི་ཆེས་ན། བྲམ་ཟེའི་ཁྱེའུ་ཁྱོད་དེའི་ཕྱིར་རང་གི་ཁྱིམ་དུ་སོང་ལ་ཕྱིན་པ་དང་། ཁྱི་དུང་ལ་འདི་སྐད་དུ་གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་ཕ། ཏོའུ་ཏེ་ཡར་གྱུར་པ་ལྟ་ན། རས་ཀོ་ནི་ཀ་བཏིང་བའི་ཁྲི་ལ་འདུག་ཅིག་ཅེས་སྨྲོས་ཤིག། ཁྲི་ལ་འདུག་པ་དང་ཚིག་འདི་སྐད་དུ་གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་ཕ་ཏོའུ་ཏེ་ཡར་གྱུར་པ་ལྟ་ན་འཁར་གཞོང་རྡོ་བའི་ཁར་བླངས་པ་ལ་འབྲས་ཆན་དང་ཤ་བསྲེས་པའི་ཁྲུད་མ་འཐུངས་ཤིག་ཅེས་སྨྲོས་ཤིག། འཐུང་ན་དེ་ལ་ཚིག་འདི་སྐད་དུ་གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་བ་ཏོའུ་ཏེ་ཡར་གྱུར་པ་ན་ཁྱོད་འཆི་བའི་དུས་ཀྱི་ཚེ་བདག་དབང་བ་གང་ཡོད་པ་ང་ལ་མ་བསྟན་པ་དེ་སྟོན་ཅིག་ཅེས་སྨྲོས་ཤིག་དང་། སྟོན་པར་འགྱུར་རོ།། དེ་ནས་ཏོ་བུ་ཏེ་ཡའི་བུ་བྲམ་ཟེའི་ཁྱེ་ནེ་ཙོས་བཅོམ་ལྡན་འདས་ཀྱིས་གསུངས་པ་བཟུང་སྟེ། ཀུན་ཆུབ་པར་བྱས་ནས་རང་གི་ཁྱིམ་ག་ལ་བ་དེར་སོང་སྟེ་ཕྱིན་པ་དང་། ཁྱི་དུང་ལ་འདི་སྐད་ཅེས་སྨྲས་སོ།། གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་པ་ཏོའུ་ཏེ་ཡར་གྱུར་པ་ལྟ་ན། རས་ཀོ་ནེ་ཀེ་བཏིང་བའི་ཁྲི་ལ་འདུག་ཅིག། ཁྲི་ལ་འདུག་ནས་དེ་ལ་འདི་སྐད་ཅེས་སྨྲས་སོ།། གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་ཕ་ཏོའུ་ཏེ་ཡར་གྱུར་པ་ལྷ་ན་འཁར་གཞོང་རྡོའི་ཁར་བླངས་པ་ལ་འབྲས་ཆན་དང་ཤ་བསྲས་པའི་ཁྲུད་མ་འཐུང་ཞིག། འཐུངས་ནས་དེ་ལ་འདི་སྐད་ཅེས་སྨྲས་སོ།། གལ་ཏེ་ཁྱི་དུང་ཁྱོད་ཚེ་སྔ་མ་ལ་ངའི་ཕ་ཏོའུ་ཏེ་ཡར་གྱུར་པ་ལྟ་ན། ཁྱོད་འཆི་བའི་དུས་ཀྱི་ཚེ་བདག་དབང་བ་གང་ཡོད་པ་ང་ལ་མ་བསྟན་པ་དེ་སྟོན་ཅིག། དེ་ནས་ཁྱི་དུང་རས་ཀོ་ནི་ཀ་གཏིང་བའི་ཁྲི་ལས་བབས་ཏེ། གནས་ཁྱིམ་རྙིང་པ་ཞིག་ཡོད་པ། ག་ལ་བ་དེར་སོང་སྟེ་ཕྱིན་པ་དང་། ཁྲིའི་རྐང་པ་བཞིའི་གནས་སུ་རྐང་ལག་གི་སྡེར་མོས་འབྲུའོ།། དབུས་སུ་ནི་སྣས་སྣོམ་མོ།། ཏོ་འུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོས་དེ་ནས་གསེར་དངུལ་བརྡུངས་པ་དང་། སིལ་མ་ལྕགས་ཟངས་བཞི་དང་། དབུས་ནས་གསེར་གྱི་འཁར་བ་དང་རིལ་བ་རྙེད་དོ།། དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོས་གསེར་དེ་སྦས་ནས་དགའ་མགུ་ཞིང་རབ་ཏུ་དགའ་སྟེ་རངས་ནས། དགའ་བ་དང་ཡིད་བདེ་བ་སྐྱེས་ཏེ། མཉན་དུ་ཡོད་པ་ནས་བྱུང་ནས་བཅོམ་ལྡན་འདས་ག་ལ་བ་དེར་སོང་ངོ་།། དེའི་ཚེ་བཅོམ་ལྡན་འདས་དགེ་སློང་གི་འཁོར་བརྒྱ་ཕྲག་དུ་མའི་མདུན་ན་ཆོས་སྟོན་ཅིང་བཞུགས་ཏེ། བཅོམ་ལྡན་འདས་ཀྱིས་ཏེ་རུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་རྒྱང་རིང་པོ་ནས་འོང་བ་གཟིགས་སོ།། གཟིགས་ནས་ཀྱང་དགེ་སློང་རྣམས་ལ་བཀའ་སྩལ་པ། དགེ་སློང་དག་ཁྱེད་ཀྱིས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་རྒྱང་རིང་པོ་ནས་འོང་བ་མཐོང་ངམ། བཙུན་པ་དེ་ལྷ་ལགས་སོ།། གལ་ཏེ་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནི་ཚེ་འདས། འཆི་བའི་དུས་བྱས་པར་གྱུར་ན་ནི། དཔེར་ན་མདའ་སྟེའུ་ཀ་འཕངས་པ་དེ་བཞིན་དུ་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། འདི་ལྟར་ངེས་ང་ལ་སེམས་དང་པར་བྱས་པའི་ཕྱིར་རོ། ། དགེ་སློང་དག་སེམས་དད་པའི་རྒྱུས་དེ་ལྟར་འདི་ན་སེམས་ཅན་ཁ་ཅིག་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་རྣམས་ཀྱི་ནང་དུ་སྐྱེ་བར་འགྱུར་རོ།། ནས་དགེ་སློང་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ། འདི་ན་གང་ཟག་ཁ་ཅིག་ནི།། རབ་ཏུ་སེམས་དང་གྱུར་གཟིགས་ནས།། སྟོན་པས་དགེ་སློང་ཚོགས་རྣམས་ལ།། དོན་དེ་ཉིད་ནི་ལུང་བསྟན་ཏོ། ། ཀྱེ་མ་གསོན་པའི་མི་འཛིན།། ད་ནི་འཆི་བའི་དུས་བྱེད་ན།། དེ་ཡི་སེམས་ནི་དད་པའི་ཕྱིར།། ལྷ་རྣམས་ནང་དུ་སྐྱེ་བར་འགྱུར།། དེ་བཞིན་གཤེགས་ལ་སེམས་དངད་པ། ། དེ་ཡི་རྒྱུས་ན་སེམས་ཅན་རྣམས།། དཔེར་ན་མདའ་ནི་འཕངས་པ་བཞིན།། དེ་ལྟར་བཟང་འགྲོར་འགྲོ་བར་འགྱུར།། དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་དང་ལྷན་ཅིག་ཏུ་མདུན་དུ་ཀུན་དགའ་བར་བྱ་བ་དང་། ཡང་དག་པར་ཆགས་པར་བྱ་བའི་གཏམ་རྣམ་པ་མང་པོ་བྱས་ནས་ཕྱོགས་གཅིག་ཏུ་འདུག་གོ། ། ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ་ཕྱོགས་གཅིག་ཏུ་འདུག་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། བྲམ་ཟེའི་ཁྱེའུ་ཅི་ངས་ཇི་ལྟར་ཁྱི་དུང་ལུང་བསྟན་པ་དེ་དེ་བཞིན་དུ་གྱུར་ཏམ། ཀྱེ་གོའུ་ཏ་མ་མད་དེ། ཇི་ལྟར་གོའུ་ཏ་མ་ཁྱོད་ཀྱིས་ཁྱི་དུང་ལུང་བསྟན་པ་དེ་དེ་བཞིན་ནོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ་སྐབས་དབྱེ་བར་གནང་ན། གོའུ་ཏ་མ་ཁྱོད་ལ་བདག་ཞུ་བ་གཞན་བགའ་ཞིག་ཀྱང་ཞུའོ།། བྲམ་ཟེའི་ཁྱེའུ་ཅི་དང་ཅི་འདོད་པ་དྲིས་ཤིག། ཀྱེ་གོའུ་ཏ་མ་རྒྱུ་གང་དང་རྐྱེན་གང་གིས་འདིར་སེམས་ཅན་ཁ་ཅིག་ཚེ་ཐུང་བ་དང་། ཚེ་རིང་བ་དང་། ནད་མང་བ་དང་། ནད་ཉུང་བ་དང་། མདོག་སྡུག་པ་དང་། མདོག་མི་སྡུག་པ་དང་དབང་ཆུང་བར་གྲགས་པ་དང་། དབང་ཆེ་བར་གྲགས་པ་དང་། རིགས་བཙུན་པ་དང་། རིགས་དམའ་བ་དང་། ཚིག་གཟུང་བར་འོས་པ་དང་། ཚིག་གཟུང་བར་མི་འོས་པ་དང་། ལོངས་སྤྱོད་ཆེ་བ་དང་། ལོངས་སྤྱོད་ཆུང་བ་དང་། ཤེས་རབ་འཆལ་པ་དང་། ཤེས་རབ་ཆེན་པོར་གྱུར་པ། ཀྱེ་གོའུ་ཏ་མ་ལས་གང་གི་རྣམ་པར་སྨིན་པས་སེམས་ཅན་འདི་དག་ལས་སྣ་ཚོགས་སུ་གདའ། བྲམ་ཟེའི་ཁྱེའུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་དོ།། བྲམ་ཟེའི་ཁྱེའུ་སེམས་ཅན་རྣམས་ནི་ལས་བདག་གིར་འགྱུར་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་སྐྱེ་གནས་ཅན་ལས་ལ་སྟེན་པ་སྟེ། བྲམ་ཟེའི་ཁྱེའུ་སེམས་ཅན་རྣམས་ནི་ལས་ཀྱིས་འདི་ལྟ་སྟེ། དམན་པ་དང་།། མཆོག་དང་། འབྲིང་དང་། མཆོག་དང་། མཐོན་པོ་དང་། དམའ་བ་དང་། ངན་པ་དང་། བཟང་པོ་རྣམས་སུ་རྣམ་པར་ཕྱེའོ།། གོའུ་ཏ་མ་ཁྱོད་ཀྱིས་མདོར་བཤད་དེ་རྣམ་པར་མ་ཕྱེད་པ་འདི་བདག་གིས་དོན་རྒྱ་ཆེར་མ་འཚལ་ཏོ། ། བྲམ་ཟེའི་ཁྱེའུ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་དོ།། སེམས་ཅན་རྣམས་ཀྱི་ལས་སྣ་ཚོགས་དང་། ཉོན་མོངས་པ་སྣ་ཚོགས་དང་། ལྷ་བ་སྣ་ཚོགས་དང་། སྤྱོད་པ་སྣ་ཚོགས་རིག་ནས། ལས་ནག་པོ་དང་། དཀར་པོ་རྣམས་ཀྱི་འབྲས་བུ་རྣམ་པར་སྨིན་པ་བརྗོད་པར་བྱ་སྟེ། བྲམ་ཟེའི་ཁྱེའུ་ལས་ནག་པོས་ནི་ངན་སོང་སེམས་ཅན་དམྱལ་བ་དང་། དུད་འགྲོ་དང་། ཡི་དགས་རྣམས་ཀྱི་ནང་དུ་སྐྱེའོ།། ལས་དཀར་པོས་ནི་ལྷ་དང་མི་རྣམས་ཀྱི་ནང་དུ་སྐྱེའོ། ། བྲམ་ཟེའི་ཁྱེའུ་ཚེ་ཐུང་བར་འགྱུར་བའི་ལས་ཀྱང་ཡོད། ཚེ་རིང་བར་འགྱུར་བའི་ལས་ཀྱང་ཡོད། ནད་མང་བར་འགྱུར་བའི་ལས་ཀྱང་ཡོད། ནད་ཉུང་བར་འགྱུར་བའི་ལས་ཀྱང་ཡོད། མདོག་མི་སྡུག་པར་འགྱུར་བའི་ལས་ཀྱང་ཡོད། མཛེས་པར་འགྱུར་བའི་ལས་ཀྱང་ཡོད། དབང་ཆུང་བར་གྲགས་པར་འགྱུར་བའི་ལས་ཀྱང་ཡོད། དབང་ཆེ་བར་གྲགས་པར་འགྱུར་བའི་ལས་ཀྱང་ཡོད། རིགས་བཙུན་པར་འགྱུར་བའི་ལས་ཀྱང་ཡོད། རིགས་དམའ་བར་འགྱུར་བའི་ལས་ཀྱང་ཡོད། ལོངས་སྤྱོད་ཆེན་པོར་འགྱུར་བའི་ལས་ཀྱང་ཡོད། ལོངས་སྤྱོད་ཆུང་བར་འགྱུར་བའི་ལས་ཀྱང་ཡོད། ཤེས་རབ་འཆལ་པར་འགྱུར་བའི་ལས་ཀྱང་ཡོད། ཤེས་རབ་ཆེན་པོར་འགྱུར་བའི་ལས་ཀྱང་ཡོད། སེམས་ཅན་དམྱལ་བར་སྐྱེ་བར་འགྱུར་བའི་ལས་ཀྱང་ཡོད། དུད་འགྲོར་སྐྱེ་བར་འགྱུར་བའི་ལས་ཀྱང་ཡོད། ཡི་དགས་སུ་སྐྱེ་བར་འགྱུར། བའི་ལས་ཀྱང་ཡོད། མིའི་འཇིག་རྟེན་དུ་སྐྱེ་བར་འགྱུར་བའི་ལས་ཀྱང་ཡོད། འདོད་པ་ན་སྤྱོད་པའི་ལྷར་སྐྱེ་བར་འགྱུར་བའི་ལས་ཀྱང་ཡོད། གཟུགས་ན་སྤྱོད་པའི་ལྷར་སྐྱེ་བར་འགྱུར་བའི་ལས་ཀྱང་ཡོད། གཟུགས་མེད་པ་ན་སྤྱོད་པའི་ལྷར་སྐྱེ་བར་འགྱུར་བའི་ལས་ཀྱང་ཡོད། ངེས་པར་སྐྱེ་བར་འགྱུར་བའི་ལས་ཀྱང་ཡོད། སྐྱེ་བར་འགྱུར་བར་མ་ངེས་པའི་ལས་ཀྱང་ཡོད། ཡུལ་གཞན་དུ་རྣམ་པར་སྨིན་པར་འགྱུར་བའི་ལས་ཀྱང་ཡོད། བྱས་ལ་བསགས་པ་མ་ཡིན་པའི་ལས་ཀྱང་ཡོད། བསགས་ལ་མ་བྱས་པའི་ལས་ཀྱང་ཡོད་བྱས་ལ་བསགས་པའི་ལས་ཀྱང་ཡོད། མ་བྱས་ལ་མ་བསགས་པའི་ལས་ཀྱང་ཡོད། ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བ་པའི་ཚེ་ཡོངས་སུ་རྫོགས་པར་ཟད་པར་བྱས་ནས་འཆི་འཕོ་བའི་ལས་ཀྱང་ཡོད། ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བ་པའི་ཚེ་ཕྱེད་ཟད་པར་བྱས་ནས་འཆི་འཕོ་བའི་ལས་ཀྱང་ཡོད། ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེ་མ་ཐག་ཏུ་འཚོ་འཕོ་བའི་ལས་ཀྱང་ཡོད།། ལས་གང་དང་ལྡན་ན། གང་ཟག་སྔར་བདེ་བར་གྱུར་ལ། ཕྱིས་སྡུག་བསྔལ་བར་འགྱུར་བའི་ལས་ཀྱང་ཡོད། ལས་གང་དང་ལྡན་ན། གང་ཟག་སྔར་ཡང་སྡུག་བསྔལ་བར་གྱུར། ལ་ཕྱིས་བདེ་བར་འགྱུར་བའི་ལས་ཀྱང་ཡོད། ལས་གང་དང་ལྡན་ན། གང་ཟག་སྔར་ཡང་བདེ་བར་གྱུར་ལ། ཕྱིས་ཀྱང་བདེ་བར་འགྱུར་བའི་ལས་ཀྱང་ཡོད། ལས་གང་དང་ལྡན་ན་གང་ཟག་སྔར་ཡང་སྡུག་བསྔལ་བར་གྱུར་ལ། ཕྱིས་ཀྱང་སྡུག་བསྔལ་བར་འགྱུར་བའི་ལས་ཀྱང་ཡོད། ལས་གང་དང་ལྡན་ན། གང་ཟག་ཕྱུག་པོར་གྱུར་ལ། གཏོང་བ་དང་ལྡན་པའི་ལས་ཀྱང་ཡོད། ལས་གང་དང་ལྡན་ན། གང་ཟག་ཕྱུག་པོར་གྱུར་ལ། སེར་སྣ་ཅན་དུ་འགྱུར་བའི་ལས་ཀྱང་ཡོད། ལས་གང་དང་ལྡན་ན། གང་ཟག་དབུལ་པོར་གྱུར་ལ། གཏོང་བ་དང་ལྡན་པའི་ལས་ཀྱང་ཡོད། ལས་གང་དང་ལྡན་ན། གང་ཟག་དབུལ་པོར་གྱུར་ལ། སེར་སྣ་ཅན་དུ་འགྱུར་བའི་ལས་ཀྱང་ཡོད། གང་ཟག་གང་གི་ཚེ་ཟད་པར་གྱུར་ལ། ལས་མ་ཟད་པའི་གང་ཟག་ཀྱང་ཡོད། གང་ཟག་གང་གི་ལས་ཟད་པར་གྱུར་ལ། ཚེ་མ་ཟད་པའི་གང་ཟག་ཀྱང་ཡོད། གང་ཟག་གང་གི་ཚེ་ཡང་ཟད་པར་གྱུར་ལ། ལས་ཀྱང་ཟད་པའི་གང་ཟག་ཀྱང་ཡོད། གང་ཟག་གང་གི་ཚེ་ཡང་མ་ཟད་ཅིང་ལས་ཀྱང་མ་ཟད་ལ། དེའི་ཉོན་མོངས་པ་རྣམས་ཟད་པའི་གང་ཟག་ཀྱང་ཡོད། ལུས་བདེ་བར་གྱུར་ལ། སེམས་མི་བདེ་བའི་གང་ཟག་ཀྱང་ཡོད། སེམས་བདེ་བར་གྱུར་ལ། ལུས་མི་བདེ་བའི་གང་ཟག་ཀྱང་ཡོད། ལུས་བདེ་བར་གྱུར་ལ། སེམས་ཀྱང་བདེ་བའི་གང་ཟག་ཀྱང་ཡོད། ལུས་ཀྱང་མི་བདེ་བར་གྱུར་ལ། སེམས་ཀྱང་མི་བདེ་བའི་གང་ཟག་ཀྱང་ཡོད། ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། གཟུགས་བཟང་བ་དང་བལྟ་ན་སྡུག་པ་དང་། མཛེས་པ་དང་། མདོག་སྣུམ་པ་དང་། པགས་པ་སྣུམ་པ་དང་། མིག་ཏུ་སྡུག་པར་འགྱུར་བའི་ལས་ཀྱང་ཡོད། ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། མདོག་མི་སྡུག་པ་དང་། ལུས་རྩུབ་པ་དང་། བལྟ་ན་མི་སྡུག་པ་དང་། ལྟ་བ་དང་མི་མཐུན་པར་འགྱུར་བའི་ལས་ཀྱང་ཡོད། ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། དྲི་མི་ཞིམ་པ་དང་། དབང་པོ་མི་གསལ་བ་དང་། དབང་པོ་མི་རྣོ་བར་འགྱུར་བའི་ལས་ཀྱང་ཡོད། བྲམ་ཟེའི་ཁྱེའུ་མི་དགེ་བའི་ལས་ཀྱི་ལམ་བཅུ་པོ་དག་ཡང་དག་པར་བླངས་པའི་རྒྱུས་ཕྱི་རོལ་གྱི་དངོས་པོ་བཅུ་རྒུད་པར་སྣང་། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་པའི་རྒྱུས་ཕྱི་རོལ་གྱི་དངོས་པོ་བཅུ་ཕུན་སུམ་ཚོགས་པར་སྣང་སྟེ། འདི་ནི་མདོར་བསྟན་པའོ།། དེ་ལ་ཚེ་ཐུང་བར་འགྱུར་བའི་ལས་གང་ཞེ་ན། ཚེ་ཐུང་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། སྲོག་གཅོད་པ་དང་། སྲོག་གཅོད་པ་ཡང་དག་པར་འཛིན་དུ་འཇུག་པ་དང་། སྲོག་གཅོད་པའི་བསྔགས་པ་སྨྲ་བ་དང་། སྲོག་གཅོད་པ་ལ་རྗེས་སུ་ཡི་རང་བ་དང་། མངལ་ནས་ཟགས་པར་བྱེད་པ་དང་། མངལ་ནས་ཟགས་པར་བྱ་བར་ཡང་དག་པར་འཛིན་དུ་འཇུག་པ་དང་། མི་མཛའ་བ་ཤི་ན་ཡིད་དགའ་བ་དང་། མི་མཛའ་བ་ཤི་བར་དགའ་བ་དང་། གང་དུ་སྲོག་ཆགས་མང་པོ་གསོད་པའི་ལྷ་རྟེན་འཛུགས་པ་དང་། གཡུལ་འགྱེད་པ་ལ་ལྟ་བ་ནི་བཅུ་པའོ།། ཆོས་བཅུ་པོ་དེ་དག་ནི་ཚེ་ཐུང་བར་འགྱུར་བ་སྟེ། ལས་འདི་ནི་ཚེ་ཐུང་བར་འགྱུར་བའོ།། དེ་ལ་ཚེ་རིང་བར་འགྱུར་བའི་ལས་གང་ཞེ་ན། ཚེ་རིང་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། སྲོག་གཅོད་པ་སྤང་བ་དང་། སྲོག་གཅོད་པ་སྤོང་བ་ཡང་དག་པར་འཛིན་དུ་འཇུག་པ་དང་། སྲོག་གཅོད་པ་སྤོང་བའི་བསྔགས་པ་སྨྲ་བ་དང་སྲོག་གཅོད་པ་སྤོང་བ་ལ་རྗེས་སུ་ཡི་རང་བ་དང་། གསོད་པར་ཆད་པའི་གང་ཟག་རྣམས་རབ་ཏུ་ཐར་པར་བྱེད་པ་དང་། དུད་འགྲོའི་སྐྱེ་གནས་སུ་འགྱུར་བའི་སྲོག་ཆགས་གསོད་པར་ཆད་པ་རྣམས་རབ་ཏུ་ཐར་པར་བྱེད་པ་དང་འཇིགས་སྐྲག་པ་རྣམས་ལ་མི་འཇིགས་པ་སྦྱིན་པ་དང་། མགོན་མེད་པ་རྣམས་ལ་སྙིང་རྗེ་བའི་སེམས་དང་ལྡན་པ་དང་། ནད་པ་རྣམས་ལ་བྱམས་པ་ཉེ་བར་སྒྲུབ་པ་དང་། ལེན་པ་རྣམས་ལ་ཟས་སྦྱིན་པའོ། ། ཆོས་བཅུ་པོ་དེ་དག་ནི་ཚེ་རིང་བར་འགྱུར་བ་སྟེ། ལས་འདི་ནི་ཚེ་རིང་བར་འགྱུར་བའོ།། དེ་ལ་ནད་མང་བར་འགྱུར་བའི་ལས་གང་ཞེ་ན། ནད་མང་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ཁུ་ཚུར་དང་ཐལ་མོ་ལ་སོགས་པས་བརྡེག་པ་དང་། ཁུ་ཚུར་དང་ཐལ་མོ་ལ་སོགས་པས་བརྡེག་པ་ཡང་དག་པར་འཛིན་དུ་འཇུག་པ་དང་། ཁུ་ཚུར་དང་ཐལ་མོ་ལ་སོགས་པས་བརྡེག་པའི་བསྔགས་པ་སྨྲ་བ་དང་། ཁུ་ཚུར་དང་ཐལ་། མོ་ལ་སོགས་པས་བརྡེག་པ་ལ་རྗེས་སུ་ཡི་རང་བ་དང་། ཕ་མ་ན་པར་སྒྲུབ་པ་དང་། འཕགས་པ་རྣམས་ན་བར་སྒྲུབ་པ་དང་། མི་མཛའ་པ་རྣམས་ནད་ཀྱིས་བཏབ་ན་ཡིད་དགའ་བ་དང་། མི་མཛའ་བ་རྣམས་ནད་སོས་ན་ཡིད་མི་དགའ་བབདང་སྨན་མ་ཡིན་པ་སྦྱིན་པ་དང་། ཟས་མགུ་བར་ཟ་བ་ནི་བཅུ་པའོ།། ཆོས་བཅུ་པོ་དེ་དག་ནི་ནད་མང་བར་འགྱུར་བ་སྟེ། ལས་འདི་ནི་ནད་མང་བར་འགྱུར་བའོ།། དེ་ལ་ནད་ཉུང་བར་འགྱུར་བའི་ལས་གང་ཞེ་ན། ནད་ཉུང་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ཁུ་ཚུར་དང་ཐལ་མོ་ལ་སོགས་པས་བརྡེག་པ་སྤོང་བ་དང་། ཁུ་ཚུར་དང་ཐལ་མོ་ལ་སོགས་པས་བརྡེག་པ་སྤོང་བ་ཡང་དག་པར་འཛིན་དུ་འཇུག་པ་དང་། ཁུ་ཚུར་དང་ཐལ་མོ་ལ་སོགས་པས་བརྡེག་པ་སྤོང་བའི་བསྔགས་པ་སྨྲ་བ་དང་། ཁུ་ཚུར་དང་ཐལ་མོ་ལ་སོགས་པས་བརྡེག་པ་སྤོང་བ་ལ་རྗེས་སུ་ཡི་རང་བ་དང་། ཕ་མ་ནད་ཀྱིས་བཏབ་ན་རིམ་གྲོ་བྱེད་པ་དང་། འཕགས་པ་རྣམས་ནད་ཀྱིས་བཏབ་ན་རིམ་གྲོ་བྱེད་པ་དང་། མི་མཛའ་བ་ནད་ཀྱིས་བཏབ་ན་ཡིད་མི་དགའ་བ་དང་། མི་མཛའ་བ་ནད་སོས་ན་ཡིད་དགའ་བ་དང་། ནད་པ་ལ་སྨན་སྦྱིན་པ་དང་། ཁ་ཟས་ཞུ་བར་གྱུར་ནས་ཟ་བ་ནི་བཅུ་པའོ།། ཆོས་བཅུ་པོ་དེ་དག་ནི་ནད་ཉུང་བར་འགྱུར་བ་སྟེ། ལས་འདི་ནི་ནད་ཉུང་བར་འགྱུར་བའོ།། དེ་ལ་མདོག་མི་སྡུག་པར་འགྱུར་བའི་ལས་གང་ཞེ་ན། མདོག་མི་སྡུག་པར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ཁྲོ་བ་དང་། འཆབ་པ་དང་། ཁོན་དུ་འཛིན་པ་དང་། འཚིག་པ་དང་། ཕ་མའི་བསྔགས་པ་མ་ཡིན་པ་སྨྲ་བ་དང་། འཕགས་པ་རྣམས་ཀྱི་བསྔགས་པ་མ་ཡིན་པ་སྨྲ་བ་དང་། འཕགས་པའི་ཡོངས་སུ་སྤྱད་པ་མ་རུང་བར་བྱེད་པ་དང་། དེ་བཞིན་གཤེགས་པའི་མཆོད་རྟེན་གྱི་མར་མེའི་འོད་ཀྱི་བར་དུ་གཅོད་པ་དང་། གང་ཟག་མདོག་མི་སྡུག་པ་རྣམས་ལ་དབང་ཟ་བ་དང་། གཙང་སྦྲ་མེད་པར་སྤྱོད་པ་ནི་བཅུ་པའོ།། ཆོས་བཅུ་པོ་དེ་དག་ནི་མདོག་མི་སྡུག་པར་འགྱུར་བ་སྟེ། ལས་འདི་ནི་མདོག་མི་སྡུག་པར་འགྱུར་བའོ། ། དེ་ལ་མཛེས་པར་འགྱུར་བའི་ལས་གང་ཞེ་ན། མཛེས་པར་འགྱུར་བའི་ཆོས་བཅུ་སྟེ། བཅུ་གང་ཞེ་ན། མི་ཁྲོ་བ་དང་། གོས་སྦྱིན་པ་དང་། དེ་བཞིན་གཤེགས་པའི་མཆོད་རྟེན་ལ་རྡོ་ཐལ་གྱིས་ཉུག་པ་དང་། གཙུག་ལག་ཁང་ཕྱག་བདར་བྱེད་པ་དང་། དེ་བཞིན་གཤེགས་པའི་མཆོད་རྟེན་གྱི་ཁང་པ་འཕྱག་པ་དང་། དེ་བཞིན་གཤེགས་པའི་སྐུ་གཟུགས་འཕྱིར་དང་ཕ་མའི་བསྔགས་པ་སྨྲ་བ་དང་། འཕགས་པ་རྣམས་ཀྱི་བསྔགས་པ་སྨྲ་བ་དང་། གང་ཟག་མདོག་མི་སྡུག་པ་རྣམས་ལ་མི་བརྙས་པ་དང་། གཙང་སྦྲ་སྤྱོད་པ་ནི་བཅུ་པའོ།། ཆོས་བཅུ་པོ་དེ་དག་ནི་མཛེས་པར་འགྱུར་བའོ། ། དེ་ལ་དབང་ཆུང་བར་གྲགས་པར་འགྱུར་བའི་ལས་གང་ཞེ་ན།། དབང་ཆུང་བར་གྲགས་པར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ཕ་རོལ་གྱི་རྙེད་པ་ལ་ཕྲག་དོག་བྱེད་པ་དང་། ཕ་རོལ་གྱི་རྙེད་པ་ལ་ཡིད་མི་དགའ་བ་དང་། ཕ་རོལ་གྱི་མ་རྙེད་པ་ལ་ཡིད་དགའ་བ་དང་། ཕ་རོལ་གྱི་གྲགས་པ་དང་། བསྔགས་པ་དང་། བརྗོད་པ་དང་། སྒྲ་དང་། ཚིགས་སུ་བཅད་པ་ལ་ཡིད་མི་དགའ་བ་དང་། ཕ་རོལ་གྱི་གྲགས་པ་དང་བསྔགས་པ་དང་། བརྗོད་པ་དང་། སྒྲ་དང་། ཚིགས་སུ་བཅད་པ་མ་ཡིན་པ་ལ་ཡིད་དགའ་བ་དང་། ཕ་མ་ལ་བརྙས་པ་དང་། འཕགས་པ་རྣམས་ལ་བརྙས་པ་དང་། དགེ་བའི་རྩ་བ་ཆུང་ངུ་ཡང་དག་པར་འཛིན།། དུ་འཇུག་པ་དང་། དགེ་བའི་རྩ་བ་ཆེན་པོའི་རྒྱུན་གཅོད་པ་དང་། གང་ཟག་དབང་ཆུང་བར་གྲགས་པ་རྣམས་ལ་དབང་ཟ་བའོ།། ཆོས་བཅུ་པོ་དེ་དག་ནི་དབང་ཆུང་བར་གྲགས་པར་འགྱུར་བ་སྟེ། ལས་འདི་ནི་དབང་ཆུང་བར་གྲགས་པར་འགྱུར་བའོ། ། དེ་ལ་དབང་ཆེ་བར་གྲགས་པར་འགྱུར་བའི་ལས་གང་ཞེ་ན། དབང་ཆེ་བར་གྲགས་པར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ཕ་རོལ་གྱི་རྙེད་པ་ལ་ཕྲག་དོག་མེད་པ་དང་། ཕ་རོལ་གྱི་རྙེད་པ་ལ་ཡིད་དགའ་བ་དང་། ཕ་རོལ་གྱི་མ་རྙེད་པ་ལ་ཡིད་མི་དགའ་བ་དང་། ཕ་རོལ་གྱི་གྲགས་པ་དང་། བསྔགས་པ་དང་། བརྗོད་པ་དང་། སྒྲ་དང་། ཚིགས་སུ་བཅད་པ་མ་ཡིན་པ་ལ་ཡིད་མི་དགའ་བ་དང་། ཕ་རོལ་གྱི་གྲགས་པ་དང་། བསྔགས་པ་དང་། བརྗོད་པ་དང་། སྒྲ་དང་། ཚིགས་སུ་བཅད་པ་ལ་ཡིད་དགའ་བ་དང་། བྱང་ཆུབ་ཏུ་སེམས་བསྐྱེད་པ་དང་། གདུགས་སྦྱིན་པ་དང་། དེ་བཞིན་གཤེགས་པའི་མཆོད་རྟེན་གྱི་ཁང་པ་བྱེད་བ་དང་། དགེ་བའི་རྩ་བ་ཆུང་ངུ་རྒྱུན་མི་གཅོད་པ་དང་། དགེ་བའི་རྩ་བ་ཆེན་པོ་ཡང་དག་པར་འཛིན་དུ་འཇུག་པའོ།། ཆོས་བཅུ་པོ་དེ་དག་ནི་དབང་ཆེ་བར་གྲགས་པར་འགྱུར་བ་སྟེ། ལས་འདི་ནི་དབང་ཆེ་བར་གྲགས་པར་འགྱུར་བའོ། ། དེ་ལ་རིགས་དམའ་བར་འགྱུར་བའི་ལས་གང་ཞེ་ན། རིགས་དམའ་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ཁེངས་པ་དང་། ངའོ་སྙམ་པའི་ང་རྒྱལ་དང་། མར་མི་ཤེས་པ་དང་། ཕར་མི་ཤེས་པ་དང་། དགེ་སྦྱོང་དུ་མི་ཤེས་པ་དང་། བྲམ་ཟེར་མི་ཤེས་པ་དང་། ཁྱིམ་གྱི་གཙོ་བོ་ལ་རིམ་གྲོ་མི་བྱེད་པ་དང་། ཕ་མ་ལ་མི་ལྡང་བ་དང་། འཕགས་པ་རྣམས་ལ་མི་ལྡང་བ་དང་། རིགས་དམའ་བར་སྐྱེས་པའི་གང་ཟག་རྣམས་ལ་དབང་ཟ་བའོ། ། ཆོས་བཅུ་པོ་དེ་དག་ནི་རིགས་དམའ་བར་འགྱུར་བ་སྟེ། ལས་འདི་ནི་རིགས་དམའ་བར་འགྱུར་བའོ།། དེ་ལ་རིགས་བཙུན་པར་འགྱུར་བའི་ལས་གང་ཞེ་ན། རིགས་བཙུན་པར་འགྱུར་བའི་ཆོས་བཅུ་སྟེ། བཅུ་གང་ཞེ་ན། མ་ཁེངས་པ་དང་། ངའོ་སྙམ་པའི་ང་རྒྱལ་མེད་པ་དང་། མར་ཤེས་པ་དང་། ཕར་ཤེས་པ་དང་། དགེ་སྦྱོང་དུ་ཤེས་པ་དང་། བྲམ་ཟེར་ཤེས་པ་དང་། ཁྱིམ་གྱི་གཙོ་བོ་ལ་རིམ་གྲོ་བྱེད་པ་དང་།། ཕ་མ་ལ་ལྡང་བ་དང་། འཕགས་པ་རྣམས་ལ་ལྡང་བ་དང་། རིགས་དམའ་བར་སྐྱེས་པའི་གང་ཟག་རྣམས་ལ་དབང་མི་ཟ་བའོ།། ཆོས་བཅུ་པོ་དེ་དག་ནི་རིགས་བཙུན་པར་འགྱུར་བའོ།། དེ་ལ་ལོངས་སྤྱོད་ཆུང་བར་འགྱུར་བའི་ལས་གང་ཞེ་ན། ལོངས་སྤྱོད་ཆུང་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། མ་བྱིན་པར་ལེན་པ་དང་། མ་བྱིན་པར་ལེན་པ་ཡང་དག་པར་འཛིན་དུ་འཇུག་པ་དང་། མ་བྱིན་པར་ལེན་པའི་བསྔགས་པ་སྨྲ་བ་དང་། མ་བྱིན་པར་ལེན་པ་ལ་རྗེས་སུ་ཡི་རང་བ་དང་། ཕ་མའི་འཚོ་བ་རྒྱུན་གཅོད་པ་དང་། འཕགས་པ་རྣམས་ཀྱི་འཚོ་བ་རྒྱུན་གཅོད་པ་དང་། ཕ་རོལ་གྱི་རྙེད་པ་ལ་ཡིད་མི་དགའ་བ་དང་། ཕ་རོལ་གྱི་མ་རྙེད་པ་ལ་ཡིད་དགའ་བ་དང་། ཕ་རོལ་གྱི་རྙེད་པའི་བར་ཆད་བྱེད་པ་དང་། མུ་གེ་བྱུང་ན་དགའ་བ་ནི་བཅུ་པའོ།། ཆོས་བཅུ་པོ་དེ་དག་ནི་ལོངས་སྤྱོད་ཆུང་བར་འགྱུར་བ་སྟེ། ལས་འདི་ནི་ལོངས་སྤྱོད་ཆུང་བར་འགྱུར་བའོ། ། དེ་ལ་ལོངས་སྤྱོད་ཆེན་པོར་འགྱུར་བའི་ལས་གང་ཞེ་ན། ལོངས་སྤྱོད་ཆེན་པོར་འགྱུར་བའི་ཆོས་བཅུ་སྟེ། བཅུ་གང་ཞེ་ན། མ་བྱིན་པར་ལེན་པ་སྤོང་བ་དང་། མ་བྱིན་པར་ལེན་པ་སྤོང་བ་ཡང་དག་པར་འཛིན་དུ་འཇུག་པ་དང་། མ་བྱིན་པར་ལེན་པ་སྤོང་བའི་བསྔགས་པ་སྨྲ་བ་དང་། མ་བྱིན་པར་ལེན་པ་སྤོང་བ་ལ་རྗེས་སུ་ཡི་རང་བ་དང་། ཕ་མ་ལ་འཚོ་བ་སྦྱིན་པ་དང་། འཕགས་པ་རྣམས་ལ་འཚོ་བ་སྦྱིན་པ་དང་། ཕ་རོལ་གྱི་མ་རྙེད་པ་ལ་ཡིད་མི་དགའ་བ་དང་། ཕ་རོལ་གྱི་རྙེད་པ་ལ་ཡིད་དགའ་བ་དང་། ཕ་རོལ་གྱི་རྙེད་པའི་བར་ཆད་མི་བྱེད་པ་དང་། ལོ་ལེགས་ན་མངོན་པར་དགའ་བ་ནི་བཅུ་པའོ།། ཆོས་བཅུ་པོ་དེ་དག་ནི་ལོངས་སྤྱོད་ཆེན་པོར་འགྱུར་བ་སྟེ། ལས་འདི་ནི་ལོངས་སྤྱོད་ཆེན་པོར་འགྱུར་བའོ། ། དེ་ལ་ཤེས་རབ་འཆལ་པར་འགྱུར་བའི་ལས་གང་ཞེ་ན། ཤེས་རབ་འཆལ་པར་འགྱུར་བའི་ཆོས་བཅུ་སྟེ། བཅུ་གང་ཞེ་ན། འདི་ལ་གང་ཟག་དགེ་སྦྱོང་དང་། བྲམ་ཟེ་མཁས་པ་དང་མཁས་པའི་གྲངས་སུ་གཏོགས་པ་གང་ཡིན་པ་དེ་དག་གི་གན་དུ་འགྲོ་ཡང་ཡོངས་སུ་མི་འདྲི། ཡོངས་སུ་འདྲི་བར་མི་བྱེད། མི་བསྙེན། མི་བསྟེན། བསྙེན་བཀུར་མི་བྱེད་པ་དང་། འཆལ་པའི་ཤེས་རབ་ཅན་ལ་བསྙེན་ཅིང་བསྟེན་ཏེ་བསྙེན་བཀུར་བྱེད་པ་དང་། མཁས་པ་རྣམས་ཀྱི་མི་འཇིགས་པ་གཅོད་པ་དང་། ལེགས་པར་བཤད་པ་རྣམས་ཡོངས་སུ་སྤོང་བ་དང་། ཉེས་པར་བཤད་པ་རྣམས་ཀུན་ཏུ་འཛིན་པ་དང་། དམ་པའི་ཆོས་མ་ཡིན་པ་ཡོངས་སུ་སྟོན་པ་དང་། དམ་པའི་ཆོས་ཡོངས་སུ་སྤོང་བ་དང་། ཆོས་སྨྲ་བ་རྣམས་ལ་ལེགས་སོ་ཞེས་བྱ་བ་མི་སྦྱིན་པ་དང་། ལོག་པར་ལྟ་བ་ལ་བསྔགས་པར་བྱེད་པ་དང་། ཡང་དག་པར་ལྟ་བ་ལ་སྨོད་པའོ།། ཆོས་བཅུ་པོ་དེ་དག་ནི་ཤེས་རབ་འཆལ་པར་འགྱུར་བ་སྟེ། ལས་འདི་ནི་ཤེས་རབ་འཆལ་བར་འགྱུར་བའོ།། དེ་ལ་ཤེས་རབ་ཆེན་པོར་འགྱུར་བའི་ལས་གང་ཞེ་ན། ཤེས་རབ་ཆེན་པོར་འགྱུར་བའི་ཆོས་བཅུ་སྟེ། བཅུ་གང་ཞེ་ན། འདི་ལ་གང་ཟག་དགེ་སྦྱོང་དང་བྲམ་ཟེ་མཁས་པ་མཁས་པའི་གྲངས་སུ་གཏོགས་པ་གང་ཡིན་པ་དེ་དག་གི་གན་དུ་འགྲོ་སྟེ་ཡོངས་སུ་འདྲི་ཞིང་། ཡོངས་སུ་འདྲི་བར་བྱེད་ལ་བསྙེན་ཅིང་བསྟེན་ཏེ་བསྙེན་བཀུར་བྱེད་པ་དང་། ཤེས་རབ་འཆལ་པ་ཅན་རྣམས་ལ་མི་བསྙེན།། མི་བསྟན། བསྙེན་བཀུར་མི་བྱེད་པ་དང་། མཁས་པ་རྣམས་ལ་མི་འཇིགས་པ་ཉེ་བར་བསྒྲུབ་པ་དང་། ལེགས་པར་བཤད་པ་རྣམས་ཡོངས་སུ་མི་སྤོང་བ་དང་། ཉེས་པར་བཤད་པ་རྣམས་ཡོངས་སུ་སྤོང་བ་དང་། དམ་པའི་ཆོས་ཡོངས་སུ་མི་སྤོང་བ་དང་། དམ་པའི་ཆོས་མ་ཡིན་པ་ཡོངས་སུ་སྤོང་བ་དང་། ཆོས་སྨྲ་བའི་གང་ཟག་རྣམས་ལ་ལེགས་སོ་ཞེས་བྱ་བ་སྦྱིན་པ་དང་། ལོག་པར་ལྟ་བ་ལ་སྨོད་པ་དང་། ཡང་དག་པར་ལྟ་བ་ལ་བསྔགས་པར་བྱེད་པའོ།། ཆོས་བཅུ་པོ་དེ་དག་ནི་ཤེས་རབ་ཆེན་པོར་འགྱུར་བ་སྟེ། ལས་འདི་ནི་ཤེས་རབ་ཆེན་པོར་འགྱུར་བའོ།། དེ་ལ་སེམས་ཅན་དམྱལ་བར་སྐྱེ་བར་འགྱུར་བའི་ལས་གང་ཞེ་ན། སེམས་ཅན་དམྱལ་བར་སྐྱེ་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ལུས་ཀྱི་ཉེས་པར་སྤྱོད་པ་ཆེ་བ་དང་། ངག་གི་ཉེས་པར་སྤྱོད་པ་ཆེ་བ་དང་། ཡིད་ཀྱི་ཉེས་པར་སྨོད་པ་ཆེ་བ་དང་། ཆད་པར་ལྟ་བ་དང་། རྟག་པར་ལྟ་བ་དང་། མེད་པར་ལྟ་བ་དང་། བྱེད་པ་མེད་པར་ལྟ་བ་དང་། བྱས་པ་མི་གཟོ་བ་དང་། མཚམས་མེད་པའི་ལས་ལ་སྐུར་པོ་འདེབས་པ་དང་། ལོག་པར་ལྟ་བ་ཡང་དག་པར་འཛིན་དུ་འཇུག་པ་ནི་བཅུ་པའོ།། ཆོས་བཅུ་པོ་དེ་དག་ནི་སེམས་ཅན་དམྱལ་བར་སྐྱེ་བར་འགྱུར་བ་སྟེ། ལས་འདི་ནི་སེམས་ཅན་དམྱལ་བར་སྐྱེ་བར་འགྱུར་བའོ།། དེ་ལ་དུད་འགྲོར་སྐྱེ་བར་འགྱུར་བའི་ལས་གང་ཞེ་ན། དུད་འགྲོར་སྐྱེ་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། ལུས་ཀྱི་ཉེས་པར་སྤྱོད་པ་འབྲིང་དང་། ངག་གི་ཉེས་པར་སྤྱོད་པ་འབྲིང་དང་། ཡིད་ཀྱི་ཉེས་པར་སྤྱོད་པ་འབྲིང་དང་། འདོད་ཆགས་ཀྱིས་ཀུན་ནས་བསླང་བའི་ལས་སྣ་ཚོགས་དང་། ཞེ་སྡང་གིས་ཀུན་ནས་བསློང་བའི་ལས་སྣ་ཚོགས་དང་། གཏི་མུག་གིས་ཀུན་ནས་བསླང་བའི་ལས་སྣ་ཚོགས་དང་། རུང་བ་མ་ཡིན་པའི་སྨིན་པ་དང་། དམན་པའི་མིང་གིས་གཤེ་བ་དང་། སྨོན་ལམ་གྱིས་འགྱུར་བ་འདི་ལྟ་སྟེ། སེང་གེའི་སྐྱེས་པའི་རབས་ལྟ་བུ་དང་། ངག་གི་ཉེས་པར་སྤོང་བས་འགྱུར་བ་བྲམ་ཟེ་དབྱར་བྱེད་སྤྲེའུར་སྐྱེས་པ་ལྟ་བུའོ།། ཆོས་བཅུ་པོ་དེ་དག་ནི་དུད་འགྲོར་སྐྱེ་བར་འགྱུར་བ་སྟེ། ལས་འདི་ནི་དུད་འགྲོར་སྐྱེ་བར་འགྱུར་བའོ།། དེ་ལ་ཡི་དགས་སུ་སྐྱེ་བར་འགྱུར་བ་གང་ཞེ་ན། ཡི་དགས་སུ་སྐྱོ་བར་འགྱུར་བའི་ཆོས་བཅུ་སྟེ། བཅུ་གང་ཞེ་ནོ། ལུས་ཀྱི་ཉེས་པར་སྤྱོད་པ་ཆུང་བ་དང་། ངག་གི་ཉེས་པར་སྤྱོད་པ་ཆུང་བ་དང་། ཡིད་ཀྱི་ཉེས་པར་སྤོང་བ་ཆུང་བ་དང་། ཆགས་པ་དང་། ཡང་བས་ཆགས་པ་དང་། ལོག་པར་འཚོ་བ་དང་། སེར་སྣ་བྱེད་པ་དང་། སྦྱིན་པ་འགོག་པ་དང་། བཀྲེས་ཤིང་སྐོམ་བཞིན་དུ་འཆི་བའི་དུས་བྱེད་པ་དང་། དངོས་པོ་ལ་ཆགས་བཞིན་དུ་འཆི་བའི་དུས་བྱེད་པའོ། ། ཆོས་བཅུ་པོ་དེ་དག་ནི་ཡི་དགས་སུ་སྐྱེ་བར་འགྱུར་བ་སྟེ། ལས་འདི་ནི་ཡི་རིགས་སུ་སྐྱེ་བར་འགྱུར་བའོ།། དེ་ལ་མིར་སྐྱེ་བར་འགྱུར་བའི་ལས་གང་ཞེ་ན། མིར་སྐྱེ་བར་འགྱུར་བའི་ཆོས་བཅུ་སྟེ། བཅུ་གང་ཞེ་ན། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པ་ལ་ལོག་པར་གཡེམ་པ་དང་། བརྫུན་དུ་སྨྲ་བ་དང་། ཕྲམ་དང་། ངག་རྩུབ་པོ་དང་། ཚིག་བཀྱལ་པ་དང་། བརྣ་བ་སེམས་དང་། གནོད་སེམས་དང་། ལོག་པར་ལྟ་བ་མི་དགེ་བའི་ལས་ཀྱི་ལམ་བཅུ་པོ་འདི་དག་སྤོང་བའོ།། ཆོས་བཅུ་པོ་དེ་དག་ནི་མིར་སྐྱེ་བར་འགྱུར་བ་སྟེ། ལས་འདི་ནི་མིར་སྐྱེ་བར་འགྱུར་བའོ།། དེ་ལ་འདོད་པ་ན་སྤོང་བའི་ལྷར་སྐྱེ་བར་འགྱུར་བའི་ལས་གང་ཞེ་ན། དགེ་བ་བཅུའི་ལས་ཀྱི་ལམ་རྣམས་ལེགས་པར་སྦྱངས་པ་ལ་མཉམ་པར་གཞག་པ་སྟེ། ལོས་འདི་ནི་འདོད་པ་ན་སྤྱོད་པའི་ལྷར་སྐྱེ་བར་འགྱུར་བའོ།། དེ་ལ་གཟུགས་ན་སྤྱོད་པའི་ལྷར་སྐྱེ་བར་འགྱུར་བའི་ལས་གང་ཞེ་ན། ཏིང་ངེ་འཛིན་གྱིས་ལེགས་པར་མཉམ་པར་གཞག་པ་ཟག་པ་དང་བཅས་པའི་དགེ་བ་བཅུའི་ལས་ཀྱི་ལམ་རྣམས་ཏེ། ལས་འདི་ནི་གཟུགས་ནི་སྤོང་བའི་ལྷར་སྐྱེ་བར་འགྱུར་བའོ།། གཟུགས་མེད་པ་ན་སྤྱོད་པའི་ལྷར་སྐྱེ་བར་འགྱུར་བའི་ལས་གང་ཞེ་ན། གཟུགས་མེད་པའི་སྙོམས་པར་འཇུག་པ་བཞི་སྟེ། བཞི་གང་ཞེ་ན། གཟུགས་ཀྱི་འདུ་ཤེས་རྣམས་ལས་རྣམ་པ་ཐམས་ཅད་དུ་ཡང་དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་ནས། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས་ནམ་མཁའ་མཐའ་ཡས་སོ་ཞེས། ནམ་མཁའ་མཐའ་ཡས་སྐྱེ་མཆེད་ཉེ་བར་བསྒྲུབས་ཏེ་གནས་པ་དང་། ནམ་མཁའ་མཐའ་ཡས་སྐྱེ་མཆེད་ལས་རྣམ་པ་ཐམས་ཅད་དུ་ཡང་དག་པར་འདས་ནས་རྣམ་པར་ཤེས་པ་མཐའ་ཡས་སོ་ཞེས། རྣམ་ཤེས་མཐའ་ཡས་སྐྱེ་མཆེད་ཉེ་བར་བསྒྲིབས་ཏེ་གནས་པ་དང་། རྣམ་ཤེས་མཐའ་ཡས་སྐྱེ་མཆེད་ལས་རྣམ་པ་ཐམས་ཅད་དུ་ཡང་དག་པར་འདས་ནས་ཅི་ཡང་མེད་དོ་ཞེས། ཅི་ཡང་མེད་པའི་སྐྱེ་མཆེད་ཉེ་བར་བསྒྲུབས་ཏེ་གནས་པ་དང་། ཅི་ཡང་མེད་པའི་སྐྱེ་མཆེད་ལས་རྣམ་པ་ཐམས་ཅད་དུ་ཡང་དག་པར་འདས་ནས། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཉེ་བར་བསྒྲུབས་ནས་གནས་པ་སྟེ། ལས་འདི་ནི་གཟུགས་མེད་པ་ན་སྤོད་པའི་ལྷར་སྐྱེ་བར་འགྱུར་བའོ། ། དེ་ལ་ངེས་པར་སྐྱེ་བར་འགྱུར་བའི་ལས་གང་ཞེ་ན། དགེ་བའི་ལས་གང་བྱས་ནས། འདིས་བདག་འདི་ལྟ་བུ་ཞིག་ཏུ་སྐྱེ་བར་གྱུར་ཅིག་ཅེས་ཡོངས་སུ་བསྔོ་བ་དང་། མཚམས་མེད་པ་ལྔ་རྣམས་ཏེ། འདི་ནི་ངེས་པར་སྐྱེ་བར་འགྱུར་བའོ།། དེ་ལ་སྐྱེ་བར་འགྱུར་བར་མ་ངེས་པའི་ལས་གང་ཞེ་ན། དགེ་བའི་ལས་གང་བྱས་ནས་ཅིར་ཡང་ཡོངས་སུ་མི་བསྔོ་བ་སྟེ། ལས་འདི་ནི་སྐྱེ་བར་འགྱུར་བར་མ་ངེས་པའོ།། དེ་ལ་ཡུལ་གཞན་དུ་རྣམ་པར་སྨིན་པར་འགྱུར་བའི་ལས་གང་ཞེ་ན། འདིར་དགེ་བ་དང་མི་དགེ་བའི་ལས་གང་བྱས་པ་ཡུལ་གཞན་དུ་སོང་ནས་རྣམ་པར་སྨིན་པར་འགྱུར་བ་སྟེ། དཔེར་ན་ཚོང་པ་མཛའ་བོའི་བུ་མོ་ལྟ་བུ་སྟེ། ལས་འདི་ནི་གཞན་དུ་རྣམ་པར་སྨིན་པར་འགྱུར་བའོ།། དེ་ལ་བྱས་ལ་བསགས་པ་མ་ཡིན་པའི་ལས་གང་ཞེ་ན། ལས་གང་བྱས་ནས་ངོ་ཚ་བ་དང་། འཛེམ་པ་དང་། འགྱོད་པ་དང་། སྨོང་བ་དང་། འཆགས་པ་དང་། འཐོལ་བ་དང་། འདོར་བ་དང་། སྤོང་བ་དང་། མ་འོངས་པ་ན་སྡོམ་པར་བྱེད་པ་སྟེ། ལས་འདི་ནི་བྱས་ལ་བསགས་པ་མ་ཡིན་པའོ།། དེ་ལ་བསགས་ལ་མ་བྱས་པའི་ལས་གང་ཞེ་ན། ལས་གང་ལུས་ཀྱིས་ཡོངས་སུ་རྫོགས་པར་བྱ་བ་དེ་སེམས་ཀྱིས་ཡོངས་སུ་རྫོགས་པར་བྱས་ཤིང་། ཚིག་ཏུ་ཡང་ལས་འདི་བྱའོ་ཞེས་སྨྲས་ལ་དེ་མ་བྱས་པ་སྟེ། ལས་འདི་ནི་བསགས་ལ་མ་བྱས་པའོ། ། དེ་ལ་བྱས་ལ་བསགས་པའི་ལས་གང་ཞེ་ན། ལས་གང་བྱས་ནས་ངོ་མི་ཚ་བ་དང་། མི་འཛེམ་པ་དང་། མི་འགྱེད་པ་དང་། མི་སྨོད་པ་དང་། མི་འཆགས་པ་དང་། མི་འཐོལ་བ་དང་། མི་འདོར་བ་དང་། མི་སྤོང་བ་དང་། མ་འོངས་པ་ན་སྡོམ་པར་མི་བྱེད་པ་སྟེ། ལས་འདི་ནི་བྱས་ལ་བསགས་པའོ།། དེ་ལ་མ་བྱས་ལ་མ་བསགས་པའི་ལས་གང་ཞེ། ན་ལས་གང་ཆེད་དུ་མ་བསམས་པར་བྱས་པ་སྟེ། ལས་འདི་ནི་མ་བྱས་ལ་མ་བསགས་པའོ།། དེ་ལ་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ་སེམས་ཅན་དམྱལ་བ་པའི་ཚེ་ཡོངས་སུ་རྫོགས་པས་ཟད་པར་བྱས་ནས་འཆི་འཕོ་བའི་ལས་གང་ཞེ་ན། འདི་ལ་གང་ཟག་འགའ་ཞིག་གིས་སེམས་ཅན་དམྱལ་བར་འགྱུར་བའི་ལས་བྱས་ཤིང་བསགས་པར་གྱུར་ལ། དེ་ལས་དེས་ངོ་མི་ཆེ་བ་དང་། མི་འཛེམ་པ་དང་། མི་འགྱོད་པ་དང་། མི་སྨོད་པ་དང་། མི་འཆགས་པ་དང་། མི་འཐོལ་བ་དང་། མི་འདོར་བ་དང་། མི་སྤོང་བ་དང་། མི་གཤུང་བ་དང་། སྨོང་པར་མི་བྱེད་པ་དང་། ཡང་གནོད་པར་བྱའོ་ཞེས་ཤ་ར་གཉེར་བ་ཚོལ་བ་སྟེ། དཔེར་ན་ལྷ་སྤྲིན་ལྟ་བུའོ།། འདི་ནི་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བ་པའི་ཚེ་ཡོངས་སུ་རྫོགས་པར་ཟད་པར་བྱས་ནས་འཆི་འཕོ་བའི་ལས་སོ།། དེ་ལ་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བའི་ཚེ་ཕྱེད་ཟད་པར་བྱས་ན་འཆི་འཕོ་བའི་ལས་གང་ཞེ་ན། འདི་ལ་གང་ཟག་འགའ་ཞིག་གིས་སེམས་ཅན་དམྱལ་བར་འགྱུར་བའི་ལས་བྱས་ནས་ངོ་ཚ་བ་དང་། འཛེམ་པ་དང་། འགྱོད་པ་དང་། སྨོད་པ་དང་། འཆགས་པ་དང་། འཐོལ་བ་དང་། འདོར་བ་དང་། སྤོང་བ་དང་། མ་འོངས་པ་ན་སྡོམ་པར་བྱེད་པ་སྟེ། འདི་ནི་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་ཏེ། སེམས་ཅན་དམྱལ་བ་པའི་ཚེ་ཕྱེད་ཟད་པར་བྱས་ནས་འཆིའི་ཕོ་བའི་ལས་སོ།། དེ་ལ་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་མོ་ཐག་ཏུ་འཆི་འཕོ་བའི་ལས་གང་ཞེ་ན། འདི་ལ་གང་ཟག་འགའ་ཞིག་གཽས་སེམས་ཅན་དམྱལ་བར་འགྱུར་བའི་ལས་བྱས་ཤིང་བསགས་པར་གྱུར་ལ། དེ་ལས་དེ་བྱས་པས་ངོ་ཚ་བ་དང་། འཛེམ་པ་དང་། འགྱོད་པ་དང་། སྨོད་པ་དང་། འཆགས་པ་དང་། འཐོལ་བ་དང་། འདོར་བ་དང་། སྤོང་བ་དང་།། དེ་ཤིན་ཏུ་ཡིད་ལ་གཅགས་པ་ཡིན་ཡང་ཡིད་ལ་གཅགས་པ་དེས་ལས་དེ་སེལ་བར་མི་ནུས་པ་སྟེ། དཔེར་ན་རྒྱལ་པོ་མ་སྐྱེས་དགྲས་པ་བསད་པ་ལྟ་བུའོ།། དེ་སྐད་དུ། ཤིན་ཏུ་མི་བཟང་ལས་རྣམས་བྱས་པ་ནི། ། བདག་ལ་སྨོད་དང་རབ་ཏུ་བཤགས་པ་དང་།། སྡོམ་པར་བྱེད་པས་དེ་དག་བསྲབས་འགྱུར་གྱི།། ཤིན་ཏུ་རྩ་ནས་ཕྱིན་ཅེས་མི་སྨྲའོ།། ཞེས་གསུངས་སོ།། འདི་ནི་ལས་གང་དང་ལྡན་ན། གང་ཟག་སེམས་ཅན་དམྱལ་བ་རྣམས་སུ་སྐྱེས་མ་ཐག་ཏུ་འཚོ་འཕོ་བའི་ལས་སོ།། དེ་ལ་ལས་གང་དང་ལྡན་ན། གང་ཟག་སྔར་བདེ་བར་གྱུར་ལ། ཕྱིས་སྡུག་བསྔལ་བར་འགྱུར་བའི་ལས་གང་ཞེ་ན། འདི་ལ་གང་ཟག་འགའ་ཞིག་སྦྱིན་པ་སྦྱིན་པ་ན། ཡིད་རབ་ཏུ་དགའ་ཞིང་དགའ་བ་དང་། ཡིད་བདེ་བ་སྐྱེས་ལ་བྱིན་ནས་ནི་འགྱེད་པ་ཡིན་ཏེ། གང་ཟག་དེ་གང་གི་ཚེ། མི་རྣམས་ཀྱི་ནང་དུ་སྐྱེ་བ་ན་ཕྱག་པ་དང་། ནོར་ཆེ་བ་དང་། ལོངས་སྤོད་ཆེ་བ་དང་། ནོར་དང་ཡོ་བྱད་མང་བ་དང་། བདག་དབང་བ་མང་བ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་དང་། མཛོད་དང་བང་བ་ཡོངས་སུ་གང་བའི་ཁྱིམ་རྣམས་སུ་སྐྱེ་བར་འགྱུར་ཏེ། ཁྱིམ་དེ་ལྟ་བུ་དག་ཏུ་སྐྱེས་ནས་ཤིན་ཏུ་སྐྱིད་ལ། བཞོན་པ་ལ་ཞོན་ཞིང་བདེ་བར་སྤྱོད་ལ། དེའི་ལོངས་སྤྱོད་དེ་དག་ཕྱིས་ཡོངས་སུ་ཉམས་ཤིང་ཡོངས་སུ་ཟད་པར་འགྱུར་ཏེ། དེའི་གཞིས་སྡུག་བསྔལ་བར་འགྱུར་བ་སྟེ། འདི་ནི་ལས་གང་དང་ལྡན་ན། གང་ཟག་སྔར་བདེ་བར་འགྱུར་ལ། ཕྱི་སོ་སྡུག་བསྔལ་བར་འགྱུར་བའི་ལས་སོ།། ། ལས་རྣམ་པར་འབྱེད་པ་ཞེས་བྱ་བ་བམ་པོ་གཉིས་པ་སྟེ་ཐ་མའོ།། །། དེ་ལ་ལས་གང་དང་ལྡན་ན། གང་ཟག་སྔར་སྡུག་བསྔལ་བར་གྱུར་ལ། ཕྱིས་བདེ་བར་འགྱུར་བའི་ལས་གང་ཞེ་ན། འདི་ལ་གང་ཟག་འགའ་ཞིག་སྦྱིན་པ་སྦྱིན་པ་ན་སྡུག་བསྔལ་བར་འཇུག་ཅིང་། སྡུག་བསྔལ་བར་སྦྱིན་པ་བྱིན་ནས་ནི་མི་འགྱོད་པར་གྱུར་ཅིང་། དགའ་བ་དང་ཡིད་བདེ་བ་སྐྱེས་པ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱོ་བ་ན། དབུལ་པོ་བཟའ་བ་དང་། བཏུང་བ་དང་། ཁ་ཟས་ཉུང་བ་སྡུག་བསྔལ་བས་འཚོ་བའི་ཁྱིམ་རྣམས་སུ་སྐྱེ་བར་འགྱུར་བ་སྷོ། དེར་སྡུག་བསྔལ་བར་བཟའ་བ་དང་བགོ་བ་རྙེད་ལ། དེས་ཆེ་འགྲས་སུ་གྱུར་པ་དང་། ལོངས་སྤྱོད་དེ་དག་འཕེལ་ཞིང་རྒྱས་པར་འགྱུར་བ་སྟེ། འདི་ནི་ལས་གང་དང་ལྡན་ན། གང་ཟག་སྔར་སྡུག་བསྔལ་བར་གྱུར་ལ། ཕྱིས་བདེ་བར་འགྱུར་བའི་ལས་སོ།། དེ་ལ་ལས་གང་དང་ལྡན་ནོ། གང་ཟག་སྔར་ཡང་བདེ་བར་གྱུར་ལ། ཕྱིས་ཀྱང་བདེ་བར་འགྱུར་བའི་ལས་གང་ཞེ་ན། འདི་ལ་གང་ཟག་འགའ་ཞིག་སྦྱིན་པ་སྦྱིན་པ་ན། མིང་དགའ་བཞིན་དུ་བྱིན་ཏེ་དགའ་བ་དང་ཡིད་བདེ་བ་སྐྱེས་ནས། བྱིན་ནས་ཀྱང་མི་འགྱོད་པ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱེ་བར་ཕྱུག་པ་དང་། ནོར་ཆེ་བ་དང་། ལོངས་སྤོང་ཆེ་བ་དང་། ནོར་དང་ཡོ་བྱད་མང་བ་དང་། བདག་དབང་བ་མང་བ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་དང་། མཛོད་དང་བང་བ་ཡོངས་སུ་གང་བའི་ཁྱིམ་རྣམས་སུ་སྐྱེ་བར་འགྱུར་ཏེ། ཁྱིམ་དེ་ལྟ་བུ་དག་ཏུ་སྐྱེས་ནས་ཤིན་ཏུ་སྐྱིད་ལ། བཞོན་པ་ལ་ཞོན་ཞིང་བདེ་བར་སྤོད་ལ། དེའི་ལོངས་སྤོད་དེ་དག་ཕྱིས་ཀྱང་འཕེལ་བ་སྟེ། འདི་ནི་ལས། གང་དང་ལྡན་ན། གང་ཟག་སྔར་ཡང་བདེ་བར་གྱུར་ལོ། ཕྱིས་ཀྱང་བདེ་བར་འགྱུར་བའི་ལས་སོ།། དེ་ལ་ལ་སོ་གང་དང་ལྡན་ན། གང་ཟག་སྔོར་ཡང་སྡུག་བསྔལ་བར་གྱུར་ལ། ཕྱི་ཀྱང་སྡུག་བསྔལ་བར་འགྱུར་བའི་ལས་གང་ཞེ་ན། འདི་ལ་གང་ཟག་འགའ་ཞིག་དགེ་བའི་བཤེས་གཉེན་དང་བྲལ་བར་གྱུར་ཏེ། དེ་སུས་ཀྱང་སྦྱིན་པ་ཡང་དག་པར་འཛིན་དུ་མ་བཅུག་པ་ཡིན། དེས་ཀྱང་སྦྱིན་པ་ཅི་ཡང་མ་བྱིན་པ་ཡིན། དེས་དགེ་བའི་ལས་ཀྱང་ཅི་ཡང་མ་བྱས་ཤིང་མ་བསགས་པ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱེ་བ་ན་དབུལ་པོ་བཟའ་བ་དང་། བཏུང་བ་དང་། ཁོ་ཟས་ཉུང་བ། སྡུག་བསྔལ་བས་འཚོ་བའི་ཁྱིམ་རྣམས་སུ་སྐྱེ་བར་འགྱུར་ཏེ། དེ་དེར་སྐྱེས་ནས་སྡུག་བསྔལ་བར་བཟའ་བ་དང་བགོ་བ་རྙེད་པར་མི་འགྱུར་ལ། དེའི་ལོངས་སྤྱོད་དེ་དག་ཕྱིས་ཀྱང་མི་འཕེལ་བ་སྟེ། འདི་ནི་ལས་གང་དང་ལྡན་ན། གང་ཟག་སྔར་ཡང་སྡུག་བསྔལ་བར་གྱུར་ལ། ཕྱིས་ཀྱང་སྡུག་བསྔལ་བར་འགྱུར་བའི་ལས་སོ།། དེ་ལ་ལས་གང་དང་ལྡན་ན། གང་ཟག་ཕྱུག་པོར་གྱུར་ལ། གཏོང་བ་དང་ལྡན་པའི་ལས་གང་ཞེ་ན། འདི་ལ་གང་ཟག་འགའ་ཞིག་གིས་སྣོད་བཟང་པོར་གྱུར་པ་རྣམས་ལ་སྦྱིན་པ་དཔག་ཏུ་མེད་པ་བྱིན་པ་ཡིན། དེས་གཏོང་བ་གོམས་པར་བྱས་པ་ཡིན་ཏེ། དེས་བསོད་ནམས་དག་བསྒོམས་པས་ཕྱག་པོར་འགྱུར། གཏོང་བ་བསྒོམས་པས་གཏོང་བ་དང་ལྡན་པར་འགྱུར་ཏེ། འདི་ནི་ལོས་གང་དང་ལྡན་ན། གང་ཟག་ཕྱུག་པོར་གྱུར་ལ། གཏོང་བ་དང་ལྡན་པའི་ལས་སོ།། དེ་ལ་ལས་གང་དང་ལྡན་ན། གང་ཟག་ཕྱུག་པོར་གྱུར་ལ། སེར་སྣ་ཅན་དུ་འགྱུར་བའི་ལས་གང་ཞེ་ན། འདི་ལ་གང་ཟག་འགའ་ཞིག་གིས་སྣོད་དུ་གྱུར་པ་རྣམས་ལ་སྦྱིན་པ་ཅུང་ཟད་ཙམ་བྱིན་པ་ཡིན་གྱི། དེ་གཏོང་བ་ལ་ཆེར་གོམས་པར་མ་བྱས་པ་ཡིན་ཏེ། གང་ཟག་དེ་གང་གི་ཚེ་མིའི་ནང་དུ་སྐྱེ་བ་ན་ཕྱུག་པ་དང་། ནོར་ཆེ་བ་དང་། ལོངས་སྤྱོད་ཆེ་བ་དང་། ནོར་དོང་ཡོ་བྱད་མང་བ་དང་། བདག་དབང་བ་མང་བའི་ཕྱི་རྣམས་སུ་སྐྱེ་བར་འགྱུར་ཏེ། སྣོད་བཟང་པོ་རྣམས་ལ་ཕུལ་བས་ནི་སྐྱེད་པར་འགྱུར། གཏོང་བ་ལ་གོམས་པར་མ་བྱས་པ་སོ་ནི་སེར་སྣ་ཅན་དུ་འགྱུར་ཏོ། འདི་ནི་ལས་གང་དང་ལྡན་ན། གང་ཟག་ཕྱུག་པོར་གྱུར་ལ། སེར་སྣ་ཅན་དུ་འགྱུར་བའི་ལས་སོ།། དེ་ལ་ལས་གང་དང་ལྡན་ན། གང་ཟག་དངུལ་པོར་གྱུར་ལ། གཏོང་བ་དང་ལྡན་པར་འགྱུར་བའི་ལས་གང་ཞེན། འདི་ལ་གང་ཟག་འགའ་ཞིག་གིས་སྣོད་དུ་གྱུར་པ་མ་ཡིན་པ་རྣམས་ལ་སྦྱིན་པ་མང་དུ་བྱིན་པ་ཞིན་དེ་འཁོར་བ་ན་འཁོར་བའི་ཚེ་བསོད་ནམས་དེ་དག་ཡོངས་སུ་ཉམས་ཤིང་ཡོངས་སུ་ཟད་པར་འགྱུར། གཏོང་བའི་རྒྱུ་ཡང་ཕྱི་ཕྱིར་ཞིང་བསྒོམས་པ་ཡིན་ཏེ། དེ་བསོད་ནམས་ཡོངས་སུ་ཟད་པའི་ཕྱིར་དབུལ་པོར་འགྱུར། སྔོན་གོམས་པར་བྱས་པས་གཏོང་བ་དང་ལྡན་པར་འགྱུར་ཏེ། འདི་ནི་ལས་གང་དང་ལྡན་ན། གང་ཟག་དབུལ་པོར་གྱུར་ལ། གཏོང་བ་དང་ལྡན་པའི་ལས་སོ།། དེ་ལ་ལས་གང་དང་ལྡན་ན། གང་ཟག་དབུལ་པོར་གྱུར་ལ། སེར་སྣ་ཅན་དུ་འགྱུར་བའི་ལས་གང་ཞེ་ན། འདི་ལ་གང་ཟག་འགའ་ཞིག་དགེ་བའི་བེ་ཤེས་གཉེན་དང་བྲལ་བར་གྱུར་ཏེ། དེ་སུས་ཀྱང་སྦྱིན་པ་ཡང་དག་པར་འཛིན་དུ་མ་བཅུག་པ་ཡིན། དེས་ཀྱང་སྦྱིན་པ་ཅི་ཡང་མ་བཏང་བ་ཡིན། སྡིག་པའི་ལས་ཀྱང་མ་བྱས་ཤིང་མ་བསགས་པ་ཡིན་ཏེ། གང་ཟག་དེ་གང་གི་ཚེ་མི་རྣམས་ཀྱི་ནང་དུ་སྐྱོ་བ་ན་དབུལ་པོ་བཟའ་བ་དང་། བཏུང་བ་དང་། ཁ་ཟས་ཉུང་བ། སྡུག་བསྔལ་བ་སྡུག་བསྔལ་བས་འཚོ་བའི་ཁྱིམ་རྣམས་སུ་སྐྱེ་བར་འགྱུར་ཏེ། དེ་དེ་ན་སྡུག་བསྔལ་བར་བཟའ་བ་དང་བགོ་བ་རྙེད་པར་འགྱུར་རོ། ། གཏོང་བ་མ་བསྒོམས་པས་དབུལ་ཞིང་སེར་སྣ་ཅན་དུ་འགྱུར་ཏེ། འདི་ནི་ལས་གང་དང་ལྡན་ན། གང་ཟག་དབུལ་པོར་གྱུར་ལ། སེར་སྣ་ཅརན་དུ་འགྱུར་བའི་ལས་སོ།། དེ་ལ་ལས་གང་དང་ལྡན་ན། གང་ཟག་ལུས་བདེ་བར་གྱུར་ལ། སེམས་ཀྱིས་མ་ཡིན་པའི་ལས་གང་ཞེ་ན། བསོད་ནམས་བྱས་པའི་སོ་སོའི་སྐྱེ་བོ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་ལྟ་བུ་སྟེ། གང་ཟག་འདི་ནི་ལུས་བདེ་བར་གྱུར་ལ། སེམས་ཀྱིས་མ་ཡིན་པའོ།། དེ་ལ་ལས་གང་དང་ལྡན་ན། གང་ཟག་སེམས་བདེ་བར་གྱུར་ལ། ལུས་ཀྱིས་མ་ཡིན་པའི་ལས་གང་ཞེ་ན། བསོད་ནམས་མ་བྱས་པའི་དགྲ་བཅོམ་པ་སྟེ། དཔེར་ན་གནས་བརྟན་ལེ་ཀུན་ཙི་ཀ་ལྟ་བུ་སྟེ། གང་ཟག་འདི་ནི་སེམས་བདེ་བར་གྱུར་ལ། ལུས་ཀྱིས་མ་ཡིན་པའོ།། དེ་ལ་ལུས་ཀྱང་བདེ་ལ་སེམས་ཀྱང་བདེ་བའི་གང་ཟག་གང་ཞེ་ན། བསོད་ནམས་བྱས་པའི་དགྲ་བཅོམ་པ་སྟེ། དཔེར་ན་གནས་བརྟན་ཤེ་བ་ལ་ལྟ་བུ་སྟེ། གང་ཟག་འདི་ནི་ལུས་ཀྱང་བདེ་ལ། སེམས་ཀྱང་བདེ་བའོ།། དེ་ལ་ལུས་ཀྱང་མི་བདེ་ལ། སེམས་ཀྱང་མི་བདེ་བའི་གང་ཟག་གང་ཞེ་ན། འདི་ལྟ་སྟེ། བསོད་ནམས་མ་བྱས་པའི་སོ་སོའི་སྐྱེ་བོ་སྟེ། གང་ཟག་འདི་ནི་ལུས་ཀྱང་མི་བདེ་ལ། སེམས་ཀྱང་མི་བདེ་བའོ།། དེ་ལ་གང་ཟག་གང་གི་ཚེ་ཟད་པར་གྱུར་ལ། ལས་མ་ཟད་པ་གང་ཞེ་ན། གང་ཟག་གང་སེམས་ཅན་དམྱལ་བ་ནས་ཤི་འཕོས་ལ་སེམས་ཅན་དམྱལ་བར་སྐྱེ་བ་དང་། དུད་འགྲོ་ནས་ཤི་འཕོས་ལ། དུད་འགྲོར་སྐྱེ་བ་དང་། ཡི་དགས་ལས་ཤི་འཕོས་ལ། ཡི་དགས་སུ་སྐྱེ་བ་དང་། ལྷ་ལས་ཤི་འཕོས་ལ། སྐྱེ་བ་དང་། མི་ལས་ཤི་འཕོས་ལ། མིར་སྐྱེ་བ་སྟེ། གང་ཟག་འདི་ཚེ་ཟད་པར་གྱུར་ལ། ལས་མ་ཟད་པའོ།། དེ་ལ་གང་ཟག་གང་གི་ལས་ཟད་པར་གྱུར་ལ། མ་ཟད་པའི་གང་ཟག་གང་ཞེ་ན། གང་ཟག་གང་སྔར་བདེ་བར་གྱུར་ལ། ཕྱིས་སྡུག་བསྔལ་བར་གྱུར་པ་དང་། སྔར་སྡུག་བསྔལ་བར་གྱུར་ལ། ཕྱིས་བདེ་བར་གྱུར་པ་སྟེ། གང་ཟག་དེ་ནི་ལས་ཟད་པར་གྱུར་ལ། ཚེ་མ་ཟད་པའོ།། དེ་ལ་གང་ཟག་གང་གི་ལས་ཀྱང་ཟད་ལེ། ཚེ་ཡང་ཟད་པའི་གང་ཟག་གང་ཞེ་ན། གང་ཟག་གང་སེམས་ཅན་དམྱལ་བ་ནས་ཤི་འཕོས་ཏེ། དུད་འགྲོར་སྐྱེ་བ་དང་། དུད་འགྲོ་ནས་ཤི་འཕོས་ཏེ། ཡི་དགས་སུ་སྐྱེ་བ་དང་། ཡི་དགས་ལས་ཤི་འཕོས་ཏེ། ལྷ་མ་ཡིན་གྱི་ནང་དུ་སྐྱེ་བ་དང་། ལྷ་མ་ཡིན་ལས་ཤི་འཕོས་ཏེ། མིའི་ནང་དུ་སྐྱེ་བ་དང་། མི་ལས་ཤི་འཕོས་ཏེ། ལྷའི་ནང་དུ་སྐྱེ་བ་སྟེ། གང་ཟག་དེ་ནི་ཚེ་ཡང་ཟད་ལ། ལས་ཀྱང་ཟད་པའོ།། དེ་ལ་གང་ཟག་གང་ཚེ་ཡང་མ་ཟད་ཅིང་། ལས་ཀྱང་མ་ཟད་ལ། དེའི་ཉོན་མོངས་པ་རྣམས་ཟད་པའི་གང་ཟག་གང་ཞེ་ན། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་སྟེ། གང་ཟག་དེ་ནི་ཚེ་ཡང་མ་ཟད་ཅིང་། ལས་ཀྱང་མ་ཟད་ལ། དེའི་ཉོན་མོངས་པ་རྣམས་ཟད་པ་ཡིན་ནོ།། དེ་ལ་ལས་གང་དང་ལྡན་ནོ། གང་ཟག་ངན་སོང་རྣམས་སུ་སྐྱེས་ལ། གཟུགས་བཟང་བ་དང་། མཛེས་པ་དང་། བལྟ་ན་སྡུག་པ་དང་། མདོག་སྣུམ་པ་དང་། པགས་པ་སྣུམ་པ་དང་། མིག་ཏུ་སྡུག་པར་འགྱུར་བའི་ལས་གང་ཞེ་ན། འདོད་ཆགས་ཀྱིས་ཀུན་ནས་བསླང་བའི་ངང་ཚུལ་ངན་པ་སྟེ། འདི་ནི་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ་། གཟུགས་བཟང་བ་དང་། བལྟ་ན་སྡུག་པ་དང་། མཛེས་པ་དང་། མདོག་སྣུམ་པ་དང་། པགས་པ་སྣུམ་པ་དང་། མིག་ཏུ་སྡུག་པར་འགྱུར་བའི་ལས་སོ། ། དེ་ལ་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། མདོག་མི་སྡུག་པ་དང་། ལུས་རྩུབ་པ་དང་། བལྟ་བ་དང་མི་མཐུན་པར་འགྱུར་བའི་ལས་གང་ཞེ་ན། ཞེ་སྡང་གིས་ཀུན་ནས་བསླང་བའི་ངང་ཚུལ་ངན་པ་སྟེ། འདི་ནི་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། མདོག་མི་སྡུག་པ་དང་། ལུས་རྩུབ་པ་དང་། བལྟ་ན་མི་སྡིག་པ་དང་བལྟ་བ་དང་མི་མཐུན་པར་འགྱུར་བའི་ལས་སོ། ། དེ་ལ་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། དྲི་མི་ཞིམ་པ་དང་། དབང་པོ་མི་གསལ་བ་དང་། དབང་པོ་མི་རྣོ་བར་འགྱུར་བའི་ལས་གང་ཞེ་ན། གཏི་མུག་གིས་ཀུན་ནས་བསླང་བའི་ངང་ཚུལ་ངན་པ་སྟེ། འདི་ནི་ལས་གང་དང་ལྡན་ན། གང་ཟག་ངན་སོང་རྣམས་སུ་སྐྱེས་ལ། དྲི་མི་ཞིམ་པ་དང་། དབང་པོ་མི་གསལ་བ་དང་། དབང་པོ་མི་རྣོ་བར་འགྱུར་བའི་ལས་སོ།། དེ་ལ་མི་དགེ་བ་བཅུའི་ལས་ཀྱི་ལམ་འདི་དག་ཡང་དག་པར་བླངས་པའི་རྒྱུས་ཕྱི་རོལ་གྱི་དངོས་པོ་བཅུ་རྒུད་པར་སྣང་བ་གང་ཞེ་ན། སྲོག་གཅོད་པའི་རྣམ་པར་སྨིན་པས་ནི། སའི་མཐུ་ཡོངས་སུ་ཉམས་པར་འགྱུར་རོ།། མ་བྱིན་པར་ལེན་པའི་རྣམ་པར་སྨིན་པས་ནི། སེར་བ་དང་། བྱི་བ་དང་། སྲིན་དང་། མུ་གེ་ལ་སོགས་པ་འབྱུང་བར་འགྱུར་རོ།། འདོད་པ་ལ་ལོག་པར་གཡེམ་པའི་རྣམ་པར་སྨིན་པས་ནི། བཙའ་དང་། ས་འབབ་པ་དང་། རྡུལ་དང་། རླུང་དང་། ཚོར་དྲག་པོ་འབྱུ། བར་འགྱུར་རོ།། བརྫུན་དུ་སླུ་བའི་རྣམ་པར་སྨིན་པས་ནི། དྲི་མི་ཞིམ་པར་འགྱུར་རོ།། ཕྱཝ་མའི་རྣམ་པར་སྨིན་པས་ནི། མཐོ་དམན་དང་། ངམ་གྲོག་དང་། འདམ་རྗེབ་དང་། གཡང་སང་། ལྷག་ལྗིག་དང་། ངན་རྨུགས་ཀྱི་ལྡན་ལྗིན་འབྱུང་བར་འགྱུར་རོ།། ངག་རྩུབ་པའི་རྣམ་པར་སྨིན་པས་ནི། འབྲས་བྱུ་ངན་པ་དང་། རེག་ཏུ་མི་བཟོད་པ་དང་། གསེག་མ་དང་། གྱོ་མོ་དང་། ཆེར་མཆེང་ཚིང་དག་འབྱུང་བར་འགྱུར་རོ།། ཚིག་བཀྱིལ་བའི་རྣམ་པར་སྨིན་པས་ནི། རྩ་ཚོང་ཚིང་དང་། ནགས་ཐིབས་པོ་དང་། འཁྲི་ཤིང་ཚེར་མ་ཚང་ཚིང་ཅན་དག་འབྱུང་བར་འགྱུར་རོ།། བརྣབ་སེམས་ཀྱི་རྣམ་པར་སྨིན་པས་ནི། ལོ་ཏོག་ལ་སོགས་པ་འབྲས་བུ་ཅུང་ངུ་འབྱུང་བར་འགྱུར་རོ།། གནོད་སེམས་ཀྱི་རྣམ་པར་སྨིན་པས་ནི། འབྲས་བུ་དང་། ས་བོན་ཚ་བ་དང་། བ་འབྱུང་བར་འགྱུར་རོ།། ལོག་པར་ལྟ་བ་ཡང་དག་པར་བླངས་པའི་རྒྱུས་ནི། འབྲས་བུ་མེད་པ་དང་བྱུང་བའི་ས་བོརན་འབྱུང་བར་འགྱུར་ཏེ། མི་དགེ་བ་བཅུའི་ལས་ཀྱི་ལམ་འདི་དག་ཡང་དག་པར་བླངས་པའི་རྒྱུས་ཕྱི་རོལ་གྱི་དངོས་པོ་བཅུ་རྒུད་པར་སྣང་ངོ་། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་པའི་རྒྱུས་ཕྱི་རོལ་གྱི་དངོས་པོ་བཅུ་ཕུན་སུམ་ཚོགས་པར་སྣང་ཏེ། གང་ཞེ་ན། སྲེག་གཅོད་པ་སྤངས་པའི་རྣམ་པར་སྨིན་པས་ནི། སའི་མཐུ་མེད་པར་མི་འགྱུར་རོ།། མ་བྱིན་པར་ལེན་པ་སྤངས་པའི་རྣམ་པར་སྨིན་པས་ནི། སེར་བ་དང་། བྱི་བ་དང་སྲིན་དང་། མུ་གེ་ལ་སོགས་པ་འབྱུང་བར་མི་འགྱུར་རོ།། འདོད་པ་ལ་ལོག་པར་གཡེམ་པ་སྤངས་པའི་རྣམ་པར་སྨིན་པས་ནི། བཙའ་དང་། ས་འབབ་པ་དང་། རྡུལ་དང་། རླུང་དང་། ཆར་དྲག་པོ་འབྱུང་བར་མི་འགྱུར་རོ།། བརྫུན་དུ་སྨྲ་བ་རྣམ་པར་སྤངས་པའི་རྣམ་པར་སྨིན་པས་ནི། དྲི་མི་ཞིམ་པ་འབྱུང་བར་མི་འགྱུར་རོ།། ཕྲ་མ་སྤངས་པའི་རྣམ་པར་སྨིན་པས་ནི་གྲོག་དང་། གཡང་ས་དང་། འདམ་རྫབ་དང་། ལྗག་ལྡིག་དང་། ངན་སྐྱུགས་ཀྱི་ལྡན་ལྗིན་དང་། དོང་རྣམས་འབྱུང་བར་མི་འགྱུར་རོ།། ངག་རྩུབ་པོ་སྤངས་པའི་རྣམ་པར་སྨིན་པས་ནི། གསེག་མ་དང་། གྱོ་མོ་དང་། གྱོ་དུམ་གྱིས་རེག་པ་འབྱུང་བར་མི་འགྱུར་རོ།། ཆོག་བཀྱལ་པ་སྤངས་པའི་རྣམ་པར་སྨིན་པས་ནི། རྩཝ་ཚང་ཚིང་དང་། ནགས་ཐིབས་པོ་དང་། ཚེར་མ་ཚང་ཚོང་རྣམས་འབྱུང་བར་མི་འགྱུར་རོ། ། བརྣབ་སེམས་སྤངས་པའི་རྣམ་པར་སྨིན་པས་ནི། ལོ་ཏོག་ལ་སོགས་པ་འབྲས་བུ་དང་བཅས་པ་འབྱུང་བར་འགྱུར་རོ།། གནོད་སེམས་སྤངས་བའི་རྣམ་པར་སྨིན་པས་ནི། ལོ་ལེགས་པ་དང་། འབྲས་བུ་དང་། ས་བོན་མི་ཁ་བ་དང་། མི་ཚ་བ་རྣམས་འབྱུང་བར་འགྱུར་རོ།། ལོག་པར་ལྟ་བ་སྤངས་པའི་རྣམ་པར་སྨིན་པས་ནི། འབྲས་བུ་མེད་པ་དང་ཆུང་བ་མ་ཡིན་པའི་ས་བོན་རྣམས་འབྱུང་བར་འགྱུར་ཏེ། དགེ་བ་བཅུའི་ལས་ཀྱི་ལམ་བཅུ་པོ་འདི་དག་ཡང་དག་པར་བླངས་པའི་རྒྱུས་ཕྱི་རོལ་གྱི་དངོས་པོ་བཅུ་པོ་འདི་དག་ཕུན་སུམ་ཚོགས་པར་སྣང་ངོ་། ། བྲམ་ཟེའི་ཁྱེའུ་སྲོག་གཅོད་པའི་ཉེས་དམིགས་བཅུ་པོ་འདི་དག་རིག་པར་བྱ་སྟེ། བཅུ་གང་ཞེ་ན། ཤེར་གཽཉེར་བ་མང་བ་དང་།། མཐོང་ན་ཡིད་དུ་མི་འོང་བ་དང་། སྡིག་པ་རྣམས་སེམས་པ་དང་། དེ་ལ་སེམས་ཅན་རྣམས་འཇིགས་པར་འགྱུར་བ་དང་། མི་བདེ་བཞིན་ཉལ་ཞིང་མི་བདེ་བཞིན་སད་པ་དང་། སྡིག་པ་ཅན་གྱི་རྨི་ལམ་རྨི་བ་དང་། རྨུགས་ཏེ་འཆི་བའི་དུས་བྱེད་པར་འགྱུར་བ་དང་། འགྱོད་པར་འགྱུར་བ་དང་། ཚེ་ཐུང་བར་འགྱུར་བའི་ལས་བྱེད་ཅིང་སོགས་པ་དང་། ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོརེ་རྣམ་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། ། མ་བྱིན་པར་ལེན་པ་ལ་ཉེས་དམིགས་བཅུར་རིག་པར་བྱ་སྟེ། བཅུ་གང་ཞེ་ན། ཁོ་ན་གཅུགས་སུ་འགྱུར་བ་དང་། དོགས་པར་འགྱུར་བ་དང་། དུས་མ་ཡིན་པར་རྒྱུ་བ་དང་། དགོངས་ཀར་རྒྱུ་བ་དང་། སྡིག་པའི་གྲོགས་པོས་ཡོངས་སུ་ཟིན་པ་དང་། དགེ་བའི་བཤེས་གཉེན་གྱིས་རྣམ་པར་སྤངས་པ་དང་། ངང་ཚུལ་ངན་པ་དང་། རྒྱལ་པོའི་གནོད་པ་དང་། ཆད་པའི་གནོད་པ་འབྱུང་བ་དང་། ལོངས་སྤྱོད་ཀྱིས་འཕོངས་པར་འགྱུར་བའི་ལས་བྱེད་ཅིང་སོགས་པ་དང་། ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྷུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བའོ།། འདོད་པ་ལ་ལོག་པར་གཡེམ་པ་ལ་ཉེས་དམིགས་བཅུར་རིག་པར་བྱ་སྟེ། བཅུ་གང་ཞེ་ན། གང་དག་གི་ཆུང་མ་ལ་ཉལ་པོ་བྱེད་པ་དེ་དག་དེ་ལ་གླགས་འཚོལ་བར་འགྱུར་བ་དང་། དེའི་ཆུང་མད་རྩོད་པར་འགྱུར་བ་དང་། དེའི་མི་དགེ་བའི་ཆོས་འཕེལ་བར་འགྱུར་བ་དང་། དེའི་དགེ་བའི་ཆོས་ཡོངས་སུ་འགྲིབ་ཅིང་ཡོངས་སུ་ཟད་པར་འགྱུར་བ་དང་། བདག་མ་སྤྲས་ཤིང་མ་བསྲུངས་པ་དང་། དེའི་བུ་དང་། ཆུང་མ་དང་། ནོར་རྣམས་མ་སྦས་ཤིང་མ་བསྲུངས་པ་དང་། དོགས་པར་འགྱུར་བ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་རྣམས་ཡིད་མི་རྟོན་པ་དང་། བྱི་བ་བྱེད་པ་དང་བཅས་པར་འགྱུར་བའི་ལས་བྱེད་ཅིང་སོགས་པ་དང་། ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོར་རྣམ་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་བའོ།། བརྫུན་དུ་སྨྲ་བ་ལ་ཉེས་དམིགས་བཅུར་རིག་པར་བྱ་སྟེ། བཅུ་གང་ཞེ་ན། དེ་ཁ་མནམ་པར་འགྱུར་བ་དང་། དེའི་ལུས་ལས་ལྷ་རྣམས་མི་འཕངས་པ་དང་། མི་མ་ཡིན་པ་རྣམས་ཀྱིས་དེ་ལ་གླགས་རྙེད་པར་འགྱུར་བ་དང་། བདེན་པ་སྨྲས་ཀྱང་དེ་ལ་སུ་ཡང་ཡིད་ཆེས་པར་མི་འགྱུར་བ་དང་། བརྫུན་སྨྲ་བར་འགྱུར་བ་དང་། ཡིད་ཆེས་པར་བྱ་བའི་གནས་རྣམས་སུ་མཁས་པ་རྣམས་དེ་ལ་དྲི་བར་བྱ་བར་མི་སེམས་པ་དང་། དེའི་བདེན་པ་མ་ཡིན་པའི་བསྔགས་པ་དང་། བརྗོད་པ་དང་། སྒྲ་དང་། ཚོགས་སུ་བཅད་པ་མ་ཡིན་པ་འབྱུང་བ་དང་། གཟུང་བའི་ཚིག་ཏུ་མི་འགྱུར་བ་དང་། སྐུར་པ་འདེབས་པར་འགྱུར་བའི་ལས་བྱེད་ཅིང་སོགས་པ་དང་། ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བའོ།། འབྲུ་དང་འབྲས་བུའི་ཆང་བག་མེད་པའི་གནས་ལ་ཉོས་དམིགས་སུམ་ཅུ་རྩ་དྲུག་ཏུ་རིག་པར་བྱ་སྟེ། སུམ་ཅུ་རྩ་དྲུག་གང་ཞེ་ན། ཚེ་འདི་ལ་ནོར་ཟད་པ་དང་། ནད་ཀྱི་གཞིར་འགྱུར་བ་དང་། འཐབ་པ་དང་། མཚང་འདྲ་བ་དང་། རྩོད་པ་འཕེལ་བ་དང་། གསང་བའི་གནས་སྟོན་པ་དང་། ཤེས་རབ་ཉམས་པར་བྱེད་པ་དང་། མ་ཐོབ་པའི་ལོངས་སྤོད་རྣམས་མི་ཐོབ་པ་དང་། ལོངས་སྤོང་ཐོབ་པ་རྣམས་ལས་ཡོངས་སུ་ཉམས་པར་འགྱུར་བ་དང་། གསང་རྡོལ་བར་འགྱུར་བ་དང་། ལས་ཀྱི་མཐའ་རྣམས་ཡོངས་སུ་ཉམས་པ་དང་། མྱ་ངན་གྱི་རྩ་བར་འགྱུར་བ་དང་། ཉམ་ཆུང་བར་འགྱུར་བ་དང་། མར་མི་ཤེས་པར་འགྱུར་བ་དང་། ཕར་མི་ཤེས་པར་འགྱུར་བ་དང་། དགེ་སྦྱོང་དུ་མི་ཤེས་པར་འགྱུར་བ་དང་། བྲམ་ཟེར་མི་ཤེས་པར་འགྱུར་བ་དང་། རིགས་ཀྱི་གཙོ་བོ་ལ་རིམ་གྲོ་མེད་པར་འགྱུར་བ་དང་། སངས་རྒྱས་ལ་གུས་པར་མི་འགྱུར་བ་དང་། ཆོས་ལ་གུས་པར་མི་འགྱུར་བ་དང་། དགེ་འདུན་ལ་གུས་པར་མི་འགྱུར་བ་དང་། སྡིག་པའི་གྲོགས་པོས་ཡོངས་སུ་ཟིན་པར་འགྱུར་བ་དང་། དགེ་བའི་བཤེས་གཉེན་གྱིས་རྣམ་པར་སྤངས་པ་དང་། ངོ་ཚ་མེད་པར་འགྱུར་བ་དང་། འཛེམ་པ་མེད་པར་འགྱུར་བ་དང་། དབང་པོའི་སྒོ་མ་བསྡམས་པར་འགྱུར་བ་དང་། བུད་མེད་རྣམས་ལ་ཤིན་ཏུ་བག་མེད་པར་འགྱུར་བ་དང་། སྐྱེ་བོ་མང་པོའི་ཡིད་དུ་མི་འོང་བར་འགྱུར་བ་དང་། སྐྱེ་བོ་མང་པོ་དང་མི་མཐུན་པ་དང་། ཉེ་དུ་དང་སྣག་གི་གཉེན་མཚམས་བཙུན་པ་རྣམས་ཀྱིས་སྨད་པར་འགྱུར་བ་དང་། དམ་པའི་ཆོས་མ་ཡིན་པ་ཡོངས་སུ་འཛིན་པ་དང་། དམ་པའི་ཆོས་ཡོངས་སུ་སྤངས་པ་དང་། ཡིད་ཆེས་པར་བྱ་བའི་གནས་སུ་མཁས་པ་རྣམས་ཀྱིས་དེ་གཞག་པར་མི་བསམ་པ་དང་། བག་མེད་པས་གཡེལ་བ་དང་། དེ་ལ་མྱ་ངན་ལས་འདས་པ་རིང་བར་འགྱུར་བ་དང་། མྱོས་པར་འགྱུར་བ་དང་མྱོས་པར་འགྱུར་བའི་ལས་བྱེད་ཅིང་སོགས་པ་དང་། ལུས་དང་བྲལ་ནས་ཤི་བའི་འོག་ཏུ་ངན་སོང་ངན་འགྲོ་སེམས་ཅན་དམྱལ་བ་རྣམས་སུ་སྐྱེ་བའོ། ། བྲམ་ཟེའི་ཁྱེའུ་དེ་བཞིན་གཤེགས་པའི་མཆོད་རྟེན་ལ་ཐལ་མོ་སྦར་བའི་ཕན་ཡོན་ནི་བཅུ་པོ་འདི་དག་སྟེ། བཅུ་གང་ཞེ་ན། ཆེན་པོའི་ཁྱིམ་དུ་སྐྱེ་བ་འཐོབ་པོ་དང་། རྒྱ་ཆེ་བའི་གཟུགས་དང་། རྒྱ་ཆེ་བའི་གཡོག་འཁོར་དང་། རྒྱ་ཆེ་བའི་མཆོད་པ་དང་བཀུར་སྟི་དང་། རྒྱ་ཆེ་བའི་ནོར་དང་། རྒྱ་ཆེ་བའི་ཐོས་པར་རྒྱ་ཆེ་བའི་དད་པ་དང་། རྒྱ་ཆེ་བའི་དྲན་པ་དང་། རྒྱ་ཆེ་བའི་ཤེས་རབ་དང་། རྒྱ་ཆེ་བའི་རྟོགས་པ་ཐོབ་པ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་ཐལ་མོ་སྦར་བའི་ཕན་ཡོན་ནོ། ། དེ་བཞིན་གཤེགས་པའི་མཆོད་རྟེན་ལ་ཕྱག་འཚལ་བའི་ཕན་ཡོན་བཅུ་སྟེ། བཅུ་གང་ཞེ་ན། གཟུགས་བཟང་སྟེ་མདོག་གསེར་གྱི་ཁ་དོག་ལྟ་བུར་འགྱུར་བ་དང་། མཛེས་ཏེ་མིག་ཏུ་སྡུག་པར་འགྱུར་བ་དང་། སྐད་སྙན་ཅིང་གཟུང་བའི་ཚིག་ཏུ་འགྱུར་བ་དང་། བག་ཚ་བ་མེད་པར་འཁོར་གྱི་ནང་དུ་འགྲོ་བ་དང་། ལྷ་དང་མི་རྣམས་དགའ་བར་འགྱུར་བ་དང་། གཟི་བརྗིད་ཆེན་པོར་འགྱུར་བ་དང་། གཟི་བརྗིད་ཆེན་པོའི་གང་ཟག་འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་དང་། སངས་རྒྱས་ཀྱི་ཉན་ཐོས་རྣམས་དང་འགྲོགས་པར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་འདི་དག་ནི་དེ་བཞིན་གཤེགས་པབའི་མཆོད་རྟེན་ལ་ཕྱག་འཚལ་བའི་ཕན་ཡོན་ནོ། ། དེ་བཞིན་གཤེགས་པའི་མཆོད་རྟེན་ལ་ཕྱགས་པའི་ཕནི་ཡོན་བཅུ་སྟེ། བཅུ་གང་ཞེ་ན། གཟུགས་བཟང་བ་དང་། བལྟ་ན་སྡུག་པར་འགྱུར་བ་དང་། མཛེས་པར་འགྱུར་བ་དང་། སྐད་སྙན་པར་འགྱུར་བ་དང་། དེའི་འདོད་ཆགས་དང་། ཞེ་སྡང་དང་། གཏི་མུག་སྲབ་པར་འགྱུར་བ་དང་། ལམ་དུ་འགྲོ་ན་རྩ་བ་དང་། གསེག་མ་དང་། གྱོ་མོ་རྣམས་མེད་པར་འགྱུར་བ་དང་། བཙུན་པའི་རིགས་སུ་སྐྱེ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་ཕྱགས་པའི་ཕན་ཡོན་ནོ།། དེ་བཞིན་གཤེགས་པའི་མཆོད་རྟེན་ལ་གདུགས་ཕུལ་བའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་ན་གདུགས་ལྟ་བུར་འགྱུར་བ་དང་། ལུས་ལ་གདུང་བ་མེད་པར་འགྱུར་བ་དང་། སེམས་ལ་གདུང་བ་མེད་པར་འགྱུར་བ་དང་། འཇིག་རྟེན་གྱི་རྟེན་དུ་འགྱུར་བ་དང་། བདག་བོར་འགྱུར་བའི་ལས་བྱེད་ཅིང་སོགས་པ་དང་། འཁོར་ལོས་སྒྱུར་བའི་རྐྱེ་ལ་སྲིད་ཡང་དང་ཡང་འཐོབ་པ་དང་། དབང་ཆེ་བར་གྲགས་པར་འགྱུར་བ་དང་། ལོངས་སྤོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་འདི་དག་ནི་དེ་བཞིན་གཤེགས་པའི་མཆོད་རྟེན་ལ་གདུགས་ཕུལ་བའི་ཕན་ཡོན་ནོ།། དེ་བཞིན་གཤེགས་པབའི་མཆོད་རྟེན་ལ་དྲིལ་བུ་ཕུལ་བའི་ཕན་ཡོན་བཅུ་སྟེ། བཅུ་གང་ཞེ་ན། གཟུགས་བཟང་བར་འགྱུར་བ་དང་། སྒྲ་སྙན་པར་འགྱུར་བ་དང་། ཡིད་དུ་འོང་བ་སྨྲ་བ་དང་ལྡན་པར་འགྱུར་བ་དང་། ཀ་ལ་བིང་ཀའི་སྒྲ་ལྟ་བུར་སྨྲ་བ་དང་ལྡན་པར་འགྱུར་བ་དང་། གཟུང་བའི་ཚིག་ཏུ་འགྱུར་བ་དང་། རབ་ཏུ་དགའ་བར་འགྱུར་བ་དང་། ཀུན་ཏུ་དགའ་བའི་རྒྱ་ཆེན་པོའི་སྒྲ་འཐོབ་པ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་དྲིལ་བུ་དབུལ་བའི་ཕན་ཡོན་ནོ། ། དེ་བཞིན་གཤེགས་པའི་མཆོད་རྟེན་ལ་བ་དན་དབུལ་བའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་ན་རྒྱལ་མཚན་ལྟ་བུར་འགྱུར་བ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་རྣམས་ཀྱིས་བསྟི་སྟང་དུ་བྱེད། བླ་མར་བྱེད། རི་མོར་བྱེད། མཆོད་པར་བྱེད་པ་དང་། ཕྱོགས་དང་ཕྱོགས་མཚམས་རྣམས་སུ་དེའི་གྲགས་པ་དང་། བརྗོད་པ་དང་། སྒྲ་དང་། ཚིགས་སུ་བཅད་པ་མངོན་དུ་འབྱུང་བ་དང་། གཟུགས་བཟང་ཞིང་བལྟ་ན་སྡུག་ལ་མཛེས་པར་འགྱུར་བ་དང་། སྐྱེ་བ་གཞན་རྣམས་སུ་ཚེ་རིང་ཞིང་རིག་དུ་གནས་པར་འགྱུར་བ་དང་། དབང་ཆེ་བར་གྲགས་པར་འགྱུར་བ་དང་། རིགས་བཙུན་པར་སྐྱེ་བར་འགྱུར་བ་དང་། ལོངས་སྤྱོད་ཆེན་པོར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་བ་དན་ཕུལ་བའི་ཕན་ཡོན་ནོ།། དེ་བཞིན་གཤེགས་པའི་མཆོད་རྟེན་ལ་གོས་ཕུལ་བའི་ཕན་ཡོན་བཅུ་གཉིས་ཏེ། བཅུ་གཉིས་གང་ཞེ་ན། མཛེས་ཤིང་བལྟ་ན་སྡུག་པར་འགྱུར་བ་དང་། པགས་པ་འཇམ་པ་དང་། པགས་པ་སྣུམ་པ་དང་། པགས་པ་སྲབ་པ་དང་། དེའི་ལུས་ལ་རྡུལ་དང་དྲི་མ་མི་ཆགས་པ་དང་། དེའི་གོས་བཟང་པོར་འགྱུར་བ་དང་། གདིང་བ་དང་བགོ་བ་ཕྲ་མོ་རྙེད་པར་འགྱུར་བ་དང་། ངོ་ཚ་ཤེས་པ་དང་ཁྲེལ་ཡོད་པ་ཕུན་སུམ་ཚོགས་པར་འགྱུར་བ་དང་། མཐོང་ན་དགའ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་གཉིས་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་གོས་ཕུལ་བའི་ཕ་ན་ཡོན་ནོ།། དེ་བཞིན་གཤེགས་པའི་མཆོད་རྟེན་ལ་མེ་ཏོག་ཕུལ་བའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་ན་མེ་ཏོག་ལྟ་བུར་འགྱུར་བ་དང་། དེའི་སྣའི་དབང་པོ་ནམ་ཡང་ཉམས་པར་མི་འགྱུར་བ་དང་། ལུས་ཀྱི་དྲི་ང་བ་རྣམ་པར་དག་པར་འགྱུར་བ་དང་། དྲི་ཞིམ་པོ་འབྱུང་བར་འགྱུར་བ་དང་། ཕྱོགས་དང་ཕྱོགས་མཚམས་རྣམས་སུ་དེའི་ཚུལ་ཁྲིམས་ཀྱི་དྲིའི་ངེད་ལྡང་བར་འགྱུར་བ་དང་། འཇིག་རྟེན་གྱིས་མངོན་དུ་འགྲོ་བར་བྱ་བར་འགྱུར་བ་དང་། སྡུག་པའི་ཆོས་རྣམས་འཐོབ་པར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདོའ་བ་སྟེ། བཅུ་པོ་དེ་དགེ་ནི་དེ་བཞིན་གཤེགས་པའི་མཆོད་རྟེན་ལ་མེ་ཏོག་ཕུལ་བའི་ཕན་ཡོན་ནོ། ། དེ་བཞིན་གཤེགས་པའི་མཆོད་རྟེན་ལ་འཕྲེང་བ་ཕུལ་པོའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་ན་འཕྲེང་བ་ལྟ་བུར་འགྱུར་ཁ་དང་། ལུས་ཀྱི་དྲི་ང་བ་རྣམ་པར་དག་པར་འགྱུར་བ་དང་། ཕྱོགས་དང་ཕྱོགས་རྣམས་སུ་ཚུལ་ཁྲིམས་ཀྱི་དྲི་ཞིམ་པོའི་ངད་ལྡང་བ་དང་། རྟག་ཏུ་དྲི་ཞིམ་པར་འགྱུར་བ་དང་། བརྒྱན་པར་འགྱུར་བ་དང་། གཡོག་འཁོར་མི་ཕྱེད་པར་འགྱུར་བ་དང་། སྐྱེས་པ་དང་བུད་མེད་རྣམས་ཀྱི་ཡིད་དུ་འོང་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་འཕྲེང་བ་ཕུལ་བའི་ཕན་ཡིན་ནོ།། དེ་བཞིན་གཤེགས་པའི་མཆོད་རྟེན་ལ་མར་མེ་ཕུལ་བའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་ན་མར་མེ་ལྟ་བུར་འགྱུར་བ་དང་། ཤའི་མིག་རྣམ་པར་དག་པར་འགྱུར་བ་དང་། ལྷའི་མིག་འཐོབ་པར་འགྱུར་བ་དང་། དགེ་བ་དང་མི་དགེ་བའི་ཆོས་རྣམས་ལ་ཤེས་རབ་འབྱུང་བར་འགྱུར་བ་དང་། མ་རིག་པ་དང་གཏི་མུག་གི་མུན་པ་སེལ་བ་དང་། ཤེས་རབ་ཀྱི་སྣང་བ་འཐོབ་པར་འགྱུར་བ་དང་། དེ་འཁོར་བ་ན་འཁོར་བའི་ཚེ་ནམ་དུ་ཡང་མུན་པ་ན་གནས་པར་མི་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་མར་མེ་ཕུལ་བའི་ཕན་ཡོན་ནོ།། དེ་བཞིན་གཤེགས་པའི་མཆོད་རྟེན་ལ་སྤོས་ཕུལ་བའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་ན་སྤོས་ལྟ་བུར་འགྱུར་བ་དང་། སྣའི་དབང་པོ་རྣམ་པར་དག་པར་འགྱུར་བ་དང་། ལུས་ཀྱི་དྲི་མི་ཞིམ་པ་རྣམ་པར་དག་པར་འགྱུར་བ་དང་། རྟག་ཏུ་དྲི་ཞིམ་པར་འགྱུར་བ་དང་། གཟུགས་བཟང་བར་འགྱུར་བ་དང་། འཇིག་རྟེན་གྱིས་མངོན་དུ་འགྲོ་བར་འགྱུར་བ་དང་། སྡུག་པའི་ཆོས་རྣམས་འཐོབ་པར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་སྤོས་ཕུལ་བའི་ཕན་ཡོན་ནོ།། དེ་བཞིན་གཤེགས་པའི་མཆོད་རྟེན་ལ་རོལ་མོ་སེལ་སྙན་ཕུལ་བའི་ཕན་ཡོན་བཅུ་སྟེ། བཅུ་གང་ཞེ་ན། གཟུགས་བཟང་ཞིང་བལྟ་ན་སྡུག་པར་འགྱུར་བ་དང་། སྐད་སྙན་པར་འགྱུར་བ་དང་། ཡིད་དུ་འོང་བར་སྨྲ་བ་དང་ལྡན་པར་འགྱུར་བ་དང་། གྲགས་པ་དང་ལྡན་པར་འགྱུར་བ་དང་། གཟུང་བའི་ཚིག་ཏུ་འགྱུར་བ་དང་། རྟག་ཏུ་དགའ་བར་འགྱུར་བ་དང་། ཀུན་དགའ་བའི་སྒྲ་རྒྱ་ཆེན་པོ་འཐོབ་པར་འགྱུར་བ་དང་། ལོངས་སྤྱོད་ཆེ། བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་དེ་བཞིན་གཤེགས་པའི་མཆོད་རྟེན་ལ་རོལ་མོ་སིལ་སྙན་ཕུལ་བའི་ཕན་ཡོན་ནོ། ། དེ་བཞིན་གཤེགས་པའི་མཆོད་རྟེན་བྱེད་པའི་ཕན་ཡོན་བཅོ་བརྒྱད་དེ། བཅོ་བརྒྱད་གང་ཞེ་ན། རྒྱ་ཆེན་པོའི་ཁྱིམ་དུ་སྐྱེ་བར་འགྱུར་བ་ཐོབ་པ་དང་། གཟུགས་བཟང་བར་འགྱུར་བ་དང་། མཛེས་ཤིང་མིག་ཏུ་སྡུག་པར་འགྱུར་བ་དང་། དབང་ཆེ་བར་གྲགས་པར་འགྱུར་བ་དང་། གཡོག་འཁོར་ཆེན་པོར་འགྱུར་བ་དང་། གཡོག་འཁོར་མི་ཕྱེད་པར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མངོན་དུ་འགྲོ་བར་བྱ་བར་འགྱུར་བ་དང་། རྟེན་དུ་འགྱུར་བ་དང་། ཕྱོགས་བཅུར་བརྗོད་པ་དང་། སྒྲ་དང་ཚིགས་སུ་བཅད་པ་རྒྱ་ཆེན་པོ་མངོན་དུ་འབྱུང་བར་འགྱུར་བ་དང་། ལྷ་དང་མས་མཆོད་པར་འགྱུར་བ་དང་། ནོར་ཆེན་པོ་མང་པོ་དང་ལྡན་པར་འགྱུར་བ་དང་། འཁོར་ལོས་སྒྱུར་བའི་རྒྱལ་སྲིད་འཐོབ་པར་འགྱུར་བ་དང་། ཚེ་དང་ལྡན་པར་འགྱུར་བ་དང་། ལུས་རྡོ་རྗེའི་ཚོགས་ལྟར་འགྱུར་བ་དང་། ལུས་མཚན་དང་དཔེ་བྱད་ཀྱིས་བརྒྱན་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅོ་བརྒྱད་པོ་དེ་དག་ནི་དེ་བཞིན་གཤེགས་པའི་མཆོད་རྟེན་བྱེད་པའི་ཕན་ཡོན་ནོ།། ཁྲི་སྟན་སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་གྱི་བླ་མའི་གནས་སུ་འགྱུར་བ་དང་། བསྔགས་པར་འགྱུར་བ་དང་། སྐྱེ་བོ་མང་པོ་ལ་གྲགས་པ་དང་། བརྗོད་པ་དང་། སྒྲ་དང་། ཚིགས་སུ་བཅད་པ་མང་པོ་མངོན་དུ་འབྱུང་བར་འགྱུར་བ་དང་། བདེ་བ་དང་ཡིད་བདེ་བ་མང་བར་འགྱུར་བ་དང་། བཞོན་པ་དང་། ཁྲི་སྟན་དང་། རིམ་གྲོ་བྱེད་པ་དང་མི་ལྡན་པར་མི་འགྱུར་བ་དང་། འཇིག་རྟེན་གྱིས་མངོན་དུ་འགྲོ་བར་བྱ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། དབང་ཆེ་བར་གྲགས་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་ཁྲི་སྟེ་ན་སྦྱིན་པའི་ཕོན་ཡོན་ནོ། ། ལྷམ་སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། དེ་བཞོན་པོ་རྣམས་ཀྱིས་བྲེལ་བར་མི་འགྱུར་བ་དང་། རྐང་པ་ལེགས་པར་གནས་པར་འགྱུར་བ་དང་། ལམ་དུ་འགྲོ་ན་སྟོབས་དང་ལྡན་པར་འགྱུར་བ་དང་། དེའི་ལུས་ངལ་བར་མི་འགྱུར་བ་དང་། དེ་འགྲོ་ན་ཚེ་ར་མ་དང་། གསེག་མ་དང་། གྱོ་མོ་རྣམས་ཀྱིས་རྐང་པ་སྣད་པར་མི་འགྱུར་བ་དང་། རྫུ་འཕྲལ་ཐོབ་པར་འགྱུར་བ་དང་། དེ་རིམ་གྲོ་བོད་པ་དང་མི་ལྡན་པར་མི་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་ལྷ་མཽ་སྦྱིན་པའི་ཕན་ཡོན་ནོ།། སྣོད་སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། འཇིག་རྟེན་གྱི་ཡོན་ཏན་གྱི་སྣོད་ལྟ་བུར་འགྱུར་བ་དང་། མདོག་སྣུམ་པར་འགྱུར་བ་དང་། སེམས་ཀྱིས་རྒྱུད་མཉེན་པར་འགྱུར་བ་དང་། སྐོམ་པར་མི་འགྱུར་བ་དང་། སྐོམ་ན་ཡང་ཆུ་འབྱུང་བར་འགྱུར་བ་དང་། ཡི་དགས་སུ་སྐྱེ་བར་མི་འགྱུར་བ་དང་། ལྷ་དང་མི་རྣམས་དགའ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་སྣོད་སྦྱིན་པའི་ཕན་ཡོན་ནོ།། ཁ་ཟས་སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། ཚེ་རིང་བར་འགྱུར་བ་དང་། ཁ་དོག་དང་ལྡན་པར་འགྱུར་བ་དང་། སྟོབས་དང་ལྡན་པར་འགྱུར་བ་དང་། དྲན་པ་དང་ལྡན་ཞིང་སྤོབས་པ་དང་ལྡན་པར་འགྱུར་བ་དང་། བག་ཚ་བ་མེད་པར་འཁོར་གྱི་ནང་དུ་འགྲོ་བ་དང་། འཁོར་འདུན་པར་འགྱུར་བ་དང་། ལྷ་དང་མི་རྣམས་འདུན་ཞིང་དགའ་བར་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་ཁ་ཟས་སྦྱིན་པའི་ཕན་ཡོན་ནོ།། བཞོན་པ་སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། རྐང་པ་ཤིན་ཏུ་གཞོན་པར་འགྱུར་བ་དང་། རྐང་པ་ཤི། ཏུ་གནས་པར་འགྱུར་བ་དང་། རྐང་པས་འགྲོ་ན་ལུས་ངལ་བར་མི་འགྱུར་བ་དང་། བདེ་བར་འགྱུར་བ་དང་། མི་མཛའ་བ་མང་བར་མི་འགྱུར་བ་དང་། རྫུ་འཕྲུལ་གྱི་རྐང་པ་རྒྱ་ཆེན་པོ་འཐོབ་པར་འགྱུར་བ་དང་། བཞོན་པ་རྣམས་ཀྱིས་བྲེལ་བར་མི་འགྱུར་བ་དང་། རིམ་གྲོ་བྱེད་པ་དང་མི་ལྡན་པར་མི་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་བཞོན་པ་སྦྱིན་པའི་ཕན་ཡོན་ནོ།། གནས་སྦྱིན་པའི་ཕན་ཡོན་རབ་ཏུ་མང་སྟེ། མང་པོ་གང་ཞེ་ན། དེ་ལ་འཇིགས་པ་མི་འབྱུང་ངོ་།། གདིང་བ་དང་བགོ་བ་ཤིན་ཏུ་འཇམ་པོ་རྙེད་པར་འགྱུར་རོ། ། ལྷ་དང་མི་རྣམས་ཀྱི་འདོད་པའི་ཕན་ཡོན་ལྔ་རྙེད་པར་འགྱུར་རོ།། གལ་ཏེ་འདོད་དེ་མ་ལ་ཀྱེ་མ་བདག་རྒྱལ་རིགས་ཤིང་སཱ་ལ་ཆེན་པོ་ལྟ་བུའི་ཁྱིམ་དུ་སྐྱེ་བར་གྱུར་ཅིག་ཅེ་འམ། བྲམ་ཟེ་ཤིང་སཱ་ལ་ཆེན་པོ་ལྟ་བུའི་ཁྱིམ་དུ་སྐྱེ་བར་གྱུར་ཅིག་ཅེའམ། ཁྱིམ་བདག་ཤིང་སཱ་ལ་ཆེན་པོ་ལྟ་བུའི་ཁྱིམ་དུ་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ། ། གལ་ཏེ་འདོད་དེ་ཀྱེ་མ་བདག་གྲོང་གི་གཙོ་བོར་གྱུར་ཅིག་ཅེ་འམ། གྲོང་ཁྱེར་གྱི་གཙོ་བོར་གྱུར་ཅིག་ཅེ་འམ། གྲོང་རྡལ་གྱི་གཙོ་བོར་གྱུར་ཅིག་ཅེ་འམ། རི་བྲགས་ཀྱི་རྒྱལ་པོར་གྱུར་ཅིག་ཅེ་འམ། རྒྱལ་ཕྲན་དུ་གྱུར་ཅིག་ཅེའམ། རྒྱལ་པོ་བཙན་པར་གྱུར་ཅིག་ཅེ་འམ། དེའི་སྨོན་པ་དེ་དེ་བཞིན་དུ་འགྲུབ་པར་འགྱུར་རོ།། གལ་ཏེ་འདོད་དེ་གླིང་གཅིག་གི་རྒྱལ་པོར་གྱུར་ཅིག་ཅེ་འམ། གླིང་གཉིས་ཀྱི་རྒྱལ་པོར་གྱུར་ཅིག་ཅེ་འམ། གླིང་གསུམ་གྱི་རྒྱལ་པོ་གྱུར་ཅིག་ཅེ་འམ། འཁོར་ལོས་སྒྱུར་བའི་རྒྱལ་པོར་གྱུར་ཅིག་ཅེ་ན། དེའི་སྨོར་བ་དེ་འགྲུབ་པར་འགྱུར་རོ།། གལ་ཏེ་འདོད་དེ་རྒྱལ་ཆེན་བཞིའི་རིས་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ་མ་ལ་ཀྱེ་མ་བདག་ཚངས་རིས་ཀྱི་ལྷ་རྣམས་དང་སྐལ་བ་མཉམ་པར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། ཚངས་པའི་མདུན་ན་འདོན་པ་དང་། ཚངས་ཆེན་དང་། འོད་ཆུང་དང་། ཚད་མེད་འོད་དང་། འོད་གསལ་དང་། དགེ་ཆུང་དང་། ཚད་མེད་དགེ་དང་། དགེ་རྒྱས་དང་། སྤྲིན་མེད་དང་། བསོད་ནམས་འཕེལ་བ་དང་། འབྲས་བུ་ཆེ་བ་དང་། མི་ཆེ་བ་དང་། མི་གདུང་བ་དང་། གྱ་ནོམ་སྣང་དང་། ལེགས་པར་མཐོང་དང་། འོག་མིན་གྱི་ལྷ་རྣམས་དང་སྐལ་བ་མཉམ་པར་སྐྱེ་བར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ་ནམ་མཁའ་མཐའ་ཡས་སྐྱེ་མཆེད་ཀྱི་འདུ་ཤེས་སུ་ཉེ་བར་འགྲོ་བ་རྣམས་དང་། རྣམ་ཤེས་མཐའ་ཡས་སྐྱེ་མཆོད་ཀྱི་འདུ་ཤེས་སུ་ཉེ་བར་འགྲོ་བ་རྣམས་དང་། ཅི་ཡང་མེད་བའི་སྐྱེ་མཆེད་ཀྱི་འདུ་ཤེས་སུ་ཉེ་བར་འགྲོ་བ་རྣམས་དང་། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་འདུ་ཤེས་སུ་ཉེ་བར་འགྲོ་བའི་ལྷ་རྣམས་དང་སྐལ་བ་མཉམ་པར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ་རྒྱུན་དུ་ཞུགས་པའི་འབྲས་བུ་མངོན་དུ་བྱའོ་ཞེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ་ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་ཀྱི་འབྲས་བུ་དང་། རང་བྱང་ཆུབ་མངོན་དུ་བྱའོ་ཞེ་ན། དེའི་སྨོན་པ་དེ་འགྲུབ་པར་འགྱུར་རོ།། གལ་ཏེ་འདོད་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་བྱང་ཆུབ་པར་གྱུར་ཅིག་ཅེ་ན། དེའི་སྨོན་པ་དེ་འགྲུབ་པར་འགྱུར་ཏེ། མང་པོ་དེ་དག་ནི་གནས་སྦྱིན་པའི་ཕན་ཡོན་ནོ།། སྐོམ་སྦྱིན་པའི་ཕན་ཡོན་བཅུ་སྟེ། བཅུ་གང་ཞེ་ན། དབང་པོ་ཐམས་ཅད་ཡོངས་སུ་ཚང་བར་འགྱུར་བ་དང་། དབྲལ་བ་དག་ཅིང་འཛུམ་པའི་བཞིན་དུ་འགྱུར་བ་དང་། ཡོན་ཏན་དང་ལྡན་པར་འགྱུར་བ་དང་། སེམས་ཀྱི་རྒྱུད་མཉེན་པར་འགྱུར་བ་དང་། སྐོམ་པར་མི་འགྱུར་བ་དང་། སྐོམ་ན་ཡང་ཆུ་འབྱུང་བར་འགྱུར་བ་དང་། ཡི་དགས་སུ་སྐྱེ་བར་མི་འགྱུར་བ་དང་། ལོངས་སྤྱོད་ཆེ་བར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་སྐོམ་སྦྱིན་པའི་ཕན་ཡོན་ནོ།། རབ་ཏུ་འབྱུང་བའི་ཕན་ཡོན་བཅུ་སྟེ། བཅུ་གང་ཞེ་ན། དེ་བུ་དང་། ཆུང་མ་དང་། ནོར་ལ་སྲེད་པར་མི་འགྱུར་བ་དང་། དེ་འདོད་པ་ཡོངས་སུ་འཛིན་པར་མི་འགྱུར་བ་དང་། དགོན་པར་གནས་པ་ལ་དགའ་བ་རྙེད་པ་དང་། སངས་རྒྱས་ལ་གུས་པར་འགྱུར་བ་དང་། བདུད་ཀྱི་སྤྱོད་ཡུལ་རྣམ་པར་སྤོང་བ་དང་། བདེ་འགྲོ་ཐོབ་པར་བྱེད་པའི་ཆོས་རྣམས་ཡོངས་སུ་འཚོལ་བ་དང་། ངན་འགྲོ་ཐོབ་པར་བྱེད་པའི་ཆོས་རྣམས་རྣམ་པར་སྤོང་བ་དང་། ལྷ་དང་མིར་སྨོན་པར་བྱེད་པ་དང་། རྟག་ཏུ་དེ་བཞིན་གཤེགས་པའི་གསུང་རབ་ལ་རབ་ཏུ་འབྱུང་བ་རྙེད་པ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བ་སྟེ། བཅུ་པོ་དེ་དག་ནི་རབ་ཏུ་འབྱུང་བའི་ཕན་ཡོན་ནོ།། དགོན་པ་ལ་གནས་པའི་ཕན་ཡོན་བཅུ་སྟེ། བཅུ་གང་ཞེ་ན། འདུ་འཛི་རྣམ་པར་སྤོང་བ་དང་། རབ་ཏུ་དབེན་པ་ལ་བརྟེན་པ་དང་། དེའི་སེམས་བསམ་གཏན་ལ་དམིགས་པར་འགྱུར་བ་དང་། སངས་རྒྱས་བཅོམ་ལྡན་འདས་རྣམས་ལ་སྨོན་པ་དང་། དགའ་བ་དང་། བདེ་བ་དང་། ཡིད་བདེ་བ་ལུས་ལ་སྐྱེད་པ་དང་། དེ་ལ་བར་དུ་གཅོད་པ་མི་འབྱུང་བ་དང་། ཇི་ལྟར་ཐོས་པའི་ཆོས་རྣམས་ཀྱི་དོན་རྒྱ་ཆེར་ཤེས་པར་འགྱུར་བ་དང་། ཞི་གནས་ཐོབ་པ་དང་། ལྷག་མཐོང་ཐོབ་པ་སྟེ། བཅུ་པོ་དེ་དག་ནི་དགོན་པ་ལ་གནས་པའི་ཕན་ཡོན་ནོ།། བསོད་སྙོམས་པའི་ཕན་ཡོན་བཅུ་སྟེ། བཅུ་གང་ཞེ་ན། དེ་འགྲོ་བ་ལ་གོམས་པར་འགྱུར་བ་དང་། དེ་སྤོད་ཡུལ་ལ་གོམས་པར་འགྱུར་བ་དང་། དེ་ང་རྒྱལ་བཅོམ་པར་འགྱུར་བ་དང་། བདག་རྙེད་པ་ལ་སྦྱོར་བ་དང་། གཞན་དག་ཀྱང་བསོད་ནམས་ལ་རབ་ཏུ་འགོད་པ་དང་། སྟོན་པའི་བསྟན་པ་ཡོངས་སུ་སྟོན་པ་དང་། ཕྱི་མོའི་སྐྱེ་བོ་ལ་སྣང་བར་བྱས་པར་འགྱུར་བ་དང་། ཚངས་པ་མཚུངས་པར་སྤོང་པོ་རྣམས་ལ་ཉམ་ང་བ་མེད་པར་བྱས་པར་འགྱུར་བ་དང་། དམའ་བའི་སེམས་ཉེ་བར་གཞག་པར་འགྱུར་བ་དང་། བསོད་སྙོམས་ཀྱིས་ཡོངས་སུ་དུལ་བའི་དགེ་སློང་ཕྱོགས་ལ་མུན་པ་མེད་པར་སྣང་བའོ།། འཇིགས་པ་མེད་པའི་ཕན་ཡོན་བཅུ་སྟེ། བཅུ་གང་ཞེ་ན། འཇིགས་པ་མེད་པར་གྲོང་དུ་འཇུག་པ་དང་འཇིགས་པ་མེད་པར་གྲོང་ནས་འབྱུང་བ་དང་། འཇིགས་པ་མེད་པར་ཁྱིམ་རྣམས་སུ་འགྲོ་བ་དང་། འཇིགས་པ་མེད་པར་འཁོར་ལ་ཆོས་སྟོན་པ་དང་། འཇིགས་པ་མེད་པར་དགེ་འདུན་གྱི་ནང་དུ་འཇུ། པ་དང་། འཇིགས་པ་མེད་པར་སློབ་དཔོན་དང་མཁན་པོའི་དྲུང་དུ་འགྲོ་བ་དང་། འཇིགས་པ་མེད་པར་བྱམས་པའི་སེམས་ཀྱིས་སློབ་མའི་གན་དུ་འགྲོ་བ་དང་། འཇིགས་པ་མེད་པར་གོས་དང་། ཟས་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་རྣམས་ཡོངས་སུ་སྦྱོར་བ་དང་། འཇིགས་པ་མེད་པར་ཁ་ཏོན་འདོན་པ་དང་། འཇིགས་པ་མེད་པར་འཆི་བའི་དུས་བྱེད་པའོ།། བྲམ་ཟེའི་ཁྱེའུ་དེ་ལྟར་ན་སེམས་ཅན་རྣམས་ནི་ལས་བདག་གིར་འགྱུར་བ། ལས་ཀྱི་སྐྱེ་གནས་ཅན། ལས་ཀྱི་བགོ་སྐལ་ལ་སྤྱོད་པ། ལས་ལ་རྟོན་པ་སྟེ། སེམས་ཅན་རྣམས་ནི་ལས་ཀྱིས་བཙུན་པ་དང་། དམའ་བ་དང་། དམན་པ་དང་། བཟང་པོར་རྣམ་པར་ཕྱེའོ་ཞེས་ངས་གང་སྨྲས་པ་དེ་ནི་ལས་འདི་ལས་བསམས་ཏེ་སྨྲས་སོ།། ཆོས་ཀྱི་རྣམ་གྲངས་འདི་བཤད་པ་ན་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནེ་ཙོ། བཅོམ་ལྡན་འདས་ལ་སེམས་མངོན་པར་དད་དོ།། དེ་ནས་ཏོའུ་ཏེ་ཡའི་བུ་བྲམ་ཟེའི་ཁྱེའུ་ནི་ཙོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། གོའུ་ཏ་མ་ཁྱོད་མཉན་དུ་ཡོད་པར་དགེ་བསྙེན་གྱི་ཁྱིམ་དག་ཏུ་གཤེགས་པར་དགོངས་པ་ལྟ་ན། དེ་ལྟར་ཏོའུ་ཏེ་ལའི་ཁྱིམ་དུ་ཡང་གཤེགས་པར་དགོངས་སུ་གསོལ། དེས་ནི་ཏོ་ཏཱ+ེ་སའི་ཁྱིམ་དུ་སུན་རིང་འདུན་དང་། ཕྱིན་པ་དང་། བདེ་བར་གྱུར་རོ།། བཅོམ་ལྡན་འདས་ཀྱིས་ཅང་མི་གསུང་བབ་ཏོ་ཎྱེསའི་དུ་ཟས་དེའི་ནོཚོལ་གནང་བ་མཛད་དོ། ། དེ་ནས་ཏོ་ཊ་ཏི་མིའི་བུ་བྲམ་ཟེའི་ཁྱེའུ་ན་ཆོས། བཅོམ་ལྡན་འདས་ཀྱིས་ཅང་མི་ག་སྲུང་བས་གནང་བར་རིགནས། བཅོམ་ལྡན་འདས་ཀྱིས་གསུངས་པ་ལས་བས་ལ་རྗེས་སུ་ནས། མ་ལྡན་འས་ཀྱིས་ཀུན་སོ་།། ལུས་རྣམ་པར་བྱེད་པ་རྫོགས་སྷོ། ཁྱག་གྱིས་པ་པོ་ན་པ་དང་། མ་ང་།
CLOSE WINDOW